పవర్‌ డ్రెస్సింగ్‌ అనేది ఫ్యాషన్‌ ఎంపికలను అధిగమిస్తుంది. ఇది స్వీయ అవగాహన, వృత్తిపరంగా తమను తాము చూపాలనుకునే విధానాన్ని ప్రభావితం చేస్తుంది. సరైన దుస్తులు మానసిక కవచంగా పనిచేస్తాయి. మహిళలు కార్పొరేట్‌ రంగంలోకి ప్రవేశించడం, వృత్తినైపుణ్యాలను ప్రదర్శించడం, గౌరవాన్ని పొందడం లక్ష్యంగా పవర్‌ డ్రెస్సింగ్‌ ఉద్భవించింది.1920లలో జాకెట్, స్కర్ట్‌తో మహిళల పవర్‌ డ్రెస్సింగ్‌ వెలుగులోకి వచ్చింది. ఇది మహిళల దుస్తులు ధరించే విధానంలో విప్లవాత్మక మార్పులు తెచ్చింది. సౌకర్యం విషయంలో రాజీపడకుండా ఆధునికంగా కనిపించడానికి వీలు కల్పించింది. పనిలో లింగసమానత్వాన్ని ప్రోత్సహించడానికి ఇది ఒక ముఖ్యమైన అడుగు. ‘విజయం కోసం డ్రెస్సింగ్‌’ అనడానికి నిదర్శనంగా ఇంటర్నేషనల్‌ ఉమెన్‌ డ్రెస్సింగ్‌ బ్రాండ్‌ ‘క్వా’ ఒక ఆన్‌లైన్‌ పోల్‌ నిర్వహించింది. ఇందులో 100 మంది మహిళల్లో 99 మంది పవర్‌ డ్రెస్సింగ్‌ వల్ల ఆత్మవిశ్వాసం పెరుగుతుందని తెలిపారు.వృత్తికి తగిన డ్రెస్సింగ్‌ఉపాధ్యాయులు, వైద్యులు, రాజకీయ నాయకులు, ఐఎఎస్‌ అధికారులు, ఆర్కిటెక్ట్‌లు, కార్పొరేట్‌ లీడర్లు, వ్యాపార మహిళలు, ఆర్థిక నిపుణులు వంటి విభిన్న స్థాయిలలో పనిచేసే మహిళలకు పనిజీవితంలో సౌకర్యాన్ని, నమ్మకాన్ని ఇచ్చే వర్క్‌వేర్‌ అవసరం. ఒక కార్పొరేట్‌ ఎగ్జిక్యూటివ్‌ శక్తిని వెలికితీసేందుకు ప్యాంటుతో పాటు డిజైనర్‌ బ్లేజర్‌ను ధరిస్తారు. ఒక రాజకీయ వ్యక్తి పరిపూర్ణతకు అనుగుణంగా చీర లేదా కుర్తాను ధరించవచ్చు. టీచర్‌ లేదా డాక్టర్‌ తమ వృత్తినైపుణ్యానికి రాజీ పడకుండా తమ పనిని నిర్వహించడానికి సౌకర్యవంతమైన కుర్తా లేదా ఇండో–వెస్ట్రన్‌ను ఎంచుకోవచ్చు. విధి నిర్వహణలోని మహిళలు భారతీయ ప్రింట్‌లను ఆధునిక కట్‌లతో కలిపే దుస్తులను ధరించడానికి ఇష్టపడతారు. ఈ కాంబినేషన్‌ కూడా ప్రత్యేకంగా ఉంటుంది.పవర్‌ డ్రెస్సింగ్‌కి ప్రేరణ కోసం...→ వృత్తికి అనుగుణమైన దుస్తులు ధరించాలి. అప్పుడు పనితీరులో కూడా మెరుగుదల ఉంటుంది → పర్యావరణ స్పృహతో కూడిన ఫ్యాషన్‌ని అనుసరించడం మేలు. కాలర్‌ బ్లౌజ్‌లు, ఫంక్షనల్‌ పాకెట్స్, తక్కువ జ్యువెలరీ... వీటిలో ప్రధానమైనవి → డ్రెస్‌ నాణ్యత, ఫిటింగ్‌ మీరు హుందాగా, శక్తిమంతంగా ఉన్నారని తెలియజేస్తుంది → ఎవరికి వారు ఓన్‌ స్టైల్‌ను అభివృద్ధి చేసుకోవాలి. తమ డ్రెస్సింగ్‌ ద్వారా తమని తాము వ్యక్తీకరించుకోవడమూ అవసరమే. రంగులతో ప్రయోగాలు, ఫిట్‌గా ఉండే దుస్తుల ద్వారా మీరేమిటనేది చాటవచ్చు → ప్యాంట్‌ సూట్స్, కో–ఆర్డ్‌ సెట్స్, మిడీస్, జాకెట్స్‌.. ఇలా ఏ డ్రెస్‌ ఎంపిక అయినా ఇస్త్రీ చేసిన దుస్తులను ధరించండి. లేత రంగులు, తక్కువ ఆభరణాలతో సింపుల్‌గా ఉండేలా చూసుకోండి.సందర్భానికి తగిన ఎంపికలుభారతీయ వనిత హుందాతనానికి, మనదైన సంస్కృతికి, చక్కదనానికీ బహుముఖాల డ్రెస్సింగ్‌ శైలులను ఎంచుకుంటోంది. సందర్భానికి తగిన ఎంపిక ఇప్పుడు సాధారణంగా ఉంటోంది..డ్రేపింగ్‌ శైలులతో ఎవర్‌గ్రీన్‌గా నిలుస్తూ మహిళను పవర్‌ ఫుల్‌గా చూపుతోంది చీర. మన దేశీయ చేనేతలైన కంచి, బనారసి, చందేరీ, పోచంపల్లి, నారాయణపేట్, ధర్మవరం, ... ఇలా మనదేశంలో ఒక్కో ప్రాంత ప్రత్యేకతను, భారతీయ సంస్కృతిని ప్రపంచానికి ఘనంగా చూపుతున్నాయి. ఈ చేనేతల కట్టుతో మన మహిళలు తమ హుందాతనాన్ని ప్రపంచానికి చాటుతున్నారు.సల్వార్‌ కమీజ్‌భారతీయ మహిళల ఫార్మల్‌ దుస్తులలో మరొక ప్రధానమైనది సల్వార్‌ కమీజ్‌. సౌకర్యం, శైలి రెండింటినీ ఈ డ్రెస్‌ అందిస్తుంది. అధికారిక కార్యక్రమాలు, పార్టీలకు అనుకూలంగా ఉంటుంది. క్లిష్టమైన ఎంబ్రాయిడరీ అలంకరణతో వెలిగే అనార్కలీ సూట్లు గొప్పగా వెలుగుతుంటే, మరోవైపు స్ట్రెయిట్‌కట్‌ సూట్స్‌ ్ర΄÷ఫెషనల్‌ లుక్‌ని అందిస్తున్నాయి. ఆఫీస్‌వేర్‌గానూ, సంప్రదాయం, అధునిక మినిమలిజం మధ్య సమతుల్యతను అందిస్తున్నాయి.ఇండో– వెస్ట్రన్‌ ఫ్యూజన్‌భారతీయ దుస్తులలో అంశాలను పాశ్చాత్య సిల్హౌట్‌లతో మిళితం చేయడం దీని ప్రత్యేకత. ఆధునిక అభిరుచులకు అనుగుణంగా ప్రత్యేకమైన, స్టైలిష్‌ దుస్తులను సృష్టిస్తాయి. కుర్తా, పలాజో సెట్‌ అందుకు ఒక ఉదాహరణ. సాంస్కృతిక కార్యక్రమాలకు ఉల్లాసభరితంగానూ, అనువైనదిగానూ నిలిచింది ధోతీ ప్యాంట్‌ను కుర్తాతో జత చేయడం.వెస్ట్రన్‌ గౌన్లు పాశ్చాత్య శైలి దుస్తులలో ప్రధానంగా చెప్పుకునేవి గౌన్లు. అధికారిక కార్యక్రమాలలో గణనీయమైన ప్రజాదరణ పొందాయి. ఎ–లైన్‌ గౌన్లు, ఫ్యూజన్‌ టచ్‌ కోసం భారతీయ మోటిఫ్స్, ఎంబ్రాయిడరీతో ఇవి పార్టీలు, అధికారక విందులు, సమావేశాలలో ఈవెనింగ్‌ గౌన్లు అద్భుతమైన ఎంపికను అందిస్తున్నాయి. సిల్క్, శాటిన్‌ లేదా వెల్వెట్‌ ఫ్యాబ్రిక్‌తో డిజైన్‌ చేసిన గౌన్లపై బీడ్‌వర్క్, స్వీక్వెన్లు కలిగి మహిళ చక్కదనానికి, ఆధునికతకు అద్దం పడుతూ రిచ్‌ లుక్‌ను ఇస్తున్నాయి. ఫార్మల్‌ వేర్‌మన దేశం ఉష్ణమండలం అవడం వల్ల సౌకర్యం కోసం ఖాదీ, కోటా డోరియా వంటి కాటన్స్‌ను ఎంచుకుంటున్నారు. వీటిమీద ఎంబ్రాయిడరీలు, టై అండ్‌ డైలు, పెయింటింగ్‌లా ఉన్నవాటితో తమని తాము కొత్తగా ఆవిష్కరించుకుంటున్నారు.ఇతర అలంకారాలకూ...మ్యాచింగ్, ఎంబ్రాయిడరీ, సందర్భానికి తగిన విధంగా దుస్తుల ఎంపిక ఎలా ఉంటుందో, అలాగే ఫుట్‌వేర్‌ ఎంపిక కూడా ముఖ్యమైన జాబితాలో ఉంది. బంగారు, వజ్రాలు, కుందన్, పోల్కీ.. ఆభరణాలు సంప్రదాయ దుస్తులకు, ఆక్సిడైజ్డ్‌ ఆధునిక దుస్తులకు ఎంపికగా మారాయి. ఇండో–వెస్ట్రన్‌ శైలులు ఆభరణాల జాబితాలోనూ ప్రథమంగా ఉంటోంది. రీసైక్లింగ్‌ బెస్ట్‌ ఛాయిస్‌టెక్స్‌టైల్‌ ఇండస్ట్రీలో సస్టెయినబుల్, ఇండియన్‌ ఆర్ట్, ఇండియన్‌ టెక్స్‌టైల్, కెమికల్‌ ఫ్రీగా ఉండే హ్యాండ్లూమ్స్‌ని మహిళలు ఇష్టపడుతున్నారు. పవర్‌లూమ్స్, సింథటిక్స్‌ని దూరం పెడుతున్నారు. అంతర్జాతీయంగానూ ఎక్స్‌పరిమెంటల్‌ ప్యాషన్‌లోనూ రీ సైక్లింగ్‌ మీద దృష్టి ఎక్కువ ఉంటుంది. పాత కాలం నాటి బామ్మల పట్టుచీరలను కూడా తిరిగి ఉపయోగిస్తున్నారు. కట్‌ సిల్టౌట్స్, ఎంబ్రాయిడరీలో థ్రెడ్‌ వర్క్‌.. వంటి పాత కాలం స్టైల్స్‌ ఎంచుకుంటున్నారు. ఉదాహరణకు.. పాత బనారసి, పాత కంచి శారీస్‌ను తీసుకొని ప్యాచ్‌వర్క్‌తో మరో కొత్త డిజైనర్‌ శారీని తయారుచేస్తున్నారు. ఇండో–వెస్ట్రన్స్‌ విషయంలో చూస్తే రీ సైక్లింగ్‌కి బాగా డిమాండ్‌ ఉంది. ఉన్న వాటినే రీ క్రియేట్‌ చేస్తున్నారు. అమ్మమ్మ, అమ్మల చీరలను ఇన్నోవేషన్‌గా రీ సైక్లింగ్‌ చేయించుకొని తమ పెళ్లిళ్లకు ధరిస్తున్నారు. ఒక డ్రెస్‌ను పది మోడల్‌ డ్రెస్సులుగా ధరిస్తున్నారు. ప్రకృతి పట్ల బాధ్యతగా ఉండేది మహిళలే కాబట్టి. ఈ అవగాహన మహిళల నుండి వచ్చిందే. నార్త్‌ ఇండియన్స్‌ కూడా పాత చీరలు, వస్త్రాలతో ప్యాచ్‌వర్క్‌ చేసి బ్యాగ్స్, ఫుట్‌వేర్, క్విల్ట్‌లను సృష్టిస్తున్నారు. ఇది ఇంకా విస్తృతం అవుతుంది. మా దగ్గర పాతికమంది మహిళలు మేం ఉపయోగించగా మిగిలిన వేస్ట్‌ ఫ్యాబ్రిక్స్‌తో టాజిల్స్, రిబ్బన్స్, పౌచ్‌లు, జ్యువెలరీ, బ్యాంగిల్స్‌ తయారు చేసి అమ్ముతున్నారు. ఇవి ఇండోవెస్ట్రన్‌ ఔట్‌ఫిట్స్‌కు స్టైలిష్‌ లుక్‌నిస్తాయి. యువతరం, మహిళల ఆలోచనలకు తగినట్టుగా కెమికల్‌ ఫ్రీగా ఫ్యాషన్‌ ఇండస్ట్రీ తయారు కావడం ముదావహం. ‘పవర్‌ డ్రెస్‌’నుచూపినవారిలో...∙భారతదేశపు మొట్టమొదటి మహిళా ఫొటోజర్నలిస్ట్‌ హోమై వ్యారవల్లా. బ్రిటిష్‌ కాలం నుండి కొత్తగా స్వతంత్రదేశంగా మారడాన్ని డాక్యుమెంట్‌ చేయడంలో ప్రసిద్ధి చెందారు. గుజరాత్‌ రాష్ట్రంలో పుట్టిన ఆమె పార్సీ సమాజానికి చెందింది. తన వృత్తికి తగినట్టుగా హై రౌండ్‌ నెక్‌ బ్లౌజ్, లేతరంగు కాటన్‌ చీరలను ధరించేవారు. గౌన్లు, పలాజో ప్యాంట్లు ధరించి ఆమె తనదైన స్టైల్‌ స్టేట్‌మెంట్‌ను సృష్టించారు → నేతలలో తలమానికమైన ఇందిరాగాంధీ నేత చీరల కట్టు ఇప్పటికీ ఆమె ఆహార్యాన్ని కళ్లకు కడుతుంది. పాలిటిక్స్‌లో తన చీరకట్టు, హెయిర్‌ స్టైల్‌తో పవర్‌ఫుల్‌ ఐకాన్‌గా నిలిచారు. ఒక నిర్దిష్ట సందేశాన్ని ఇవ్వడానికి డ్రెస్సింగ్‌ని ఒక శక్తిమంతమైన మాధ్యమంగా ఉపయోగించారు. ఆమె చూపిన మార్గంలో చాలామంది మహిళా రాజకీయ వేత్తలు నేత చీరలను ధరించడం చూస్తున్నాం → సినీతారలు సందడి చేసే ఈవెంట్లను చూస్తే తమదైన స్టైలింగ్‌ డ్రెస్సులతో ఆకట్టుకునే తారలు ఎందరో. వారిలో ఎవర్‌గ్రీన్‌గా నిలిచే బాలీవుడ్‌ నటి రేఖతోపాటు దీపికా పదుకొనే, ప్రియాంకా చోప్రా, కరీనా, సోనమ్‌ .. వంటి తారలు ఏ ఈవెంట్‌లోనైనా తమ స్టైల్‌స్టేట్‌మెంట్‌ను చూపుతుంటారు. ఇటీవల నీతాఅంబానీప్రాచీన కళకు, రిచ్‌లుక్‌కి ఐకాన్‌గా మారడం గమనిస్తున్నాం.

సాక్షి, అమరావతి : దేశంలో కార్పొరేట్‌ రంగంలో విధులు నిర్వర్తిస్తున్న ఉద్యోగుల్లో మానసిక సమస్య­లు రోజురోజుకూ పెరుగుతున్నాయి. 2023తో పోలిస్తే 2024లో 15 శాతం మేర మానసిక సమస్య­లు పెరిగాయి. ఈ విషయం స్టేట్‌ ఆఫ్‌ ఎమోషనల్‌ వెల్‌బీయింగ్‌–2024 నివేదికలో వెల్లడైంది. 2024 జనవరి నుంచి నవంబర్‌ మధ్య ఉద్యోగులకు నిర్వహించిన 83 వేల కౌన్సెలింగ్‌ సెషన్స్, 12 వేల ఎలక్టివ్‌ స్క్రీనింగ్, 42 వేల అసెస్‌మెంట్‌ డేటాబేస్‌ ఆధారంగా పని ప్రదేశాల్లో మానసిక ఆరోగ్య సవాళ్లపై చేపట్టిన అధ్యయనం ఆధారంగా నివేదికను విడుదల చేశారు. కార్పొరేట్‌ రంగంలో పనిచేస్తున్న 25 ఏళ్లలోపు ఉద్యోగుల్లో 90 శాతం మంది ఆందోళన, 92 శాతం మంది నిరాశ సమస్యలతో సతమతమవుతున్నారు. 45 ఏళ్లు పైబడిన వారిలో నిరాశ 69 శాతం, ఆందోళన 67 శాతం మేర ఉంటోంది. 70 శాతం మందికి ఆర్థిక ఇబ్బందులే ప్రధాన కారణం 2023తో పోలిస్తే గతేడాది పురుష ఉద్యోగుల మానసిక సమస్యల్లో 7 శాతం మేర వృద్ధి నమోదైంది. గతేడాది కౌన్సెలింగ్‌ తీసుకున్న వారిలో 52 శాతం మహిళలు, 47 శాతం పురుష ఉద్యోగు­లున్నారు. కాగా, కౌన్సెలింగ్‌ పొందిన వారిలో 70 శాతం మందికి మానసిక సమస్య­లకు ప్రధాన కారణంగా ఆర్థిక ఇబ్బందులే. అదే మహిళల్లో 60 శాతం మందిలో రిలేషన్‌షిప్‌ సంబంధిత సమస్యలు­న్నట్టు వెల్లడైంది. ఒత్తిడి, ఆందోళన, నిరాశ వంటి సమస్యల కారణంగా ఉద్యోగుల్లో ఆత్మహత్యల ఆలోచనలు పెరుగుతు­న్నట్టు గుర్తించారు. 2023తో పోలిస్తే 2024లో ఆత్మహత్యల ప్రమాదం 22 శాతం పెరిగింది.

న్యూఢిల్లీ: కార్పొరేట్‌ రంగంలో నిర్వహణ మూలధనానికి గణనీయంగా డిమాండ్‌ నెలకొందని బ్యాంకింగ్‌ దిగ్గజం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) చైర్మన్‌ దినేశ్‌ కుమార్‌ ఖారా తెలిపారు. దాదాపు రూ. 5 లక్షల కోట్ల మేర రుణాలు విడుదలకు సిద్ధంగా ఉన్నట్లు ఆయన వెల్లడించారు. గతంలో కార్పొరేట్ల దగ్గర మిగులు నిధులు పుష్కలంగా ఉండేవని కానీ ప్రస్తుతం తమ వర్కింగ్‌ క్యాపిటల్‌ అవసరాలు, సామర్థ్యాల విస్తరణకు కావాల్సిన నిధులను రుణంగా తీసుకునేందుకు అవి బ్యాంకులను సంప్రదిస్తున్నాయని ఖారా వివరించారు. మరోవైపు, వడ్డీ రేట్లు అధిక స్థాయిలో ఉన్నప్పటికీ ఈ ఏడాది రిటైల్‌ వ్యవసాయం, చిన్న .. మధ్యతరహా సంస్థలకు (ఆర్‌ఏఎం) రుణాలు 16 శాతం పెరగవచ్చని ఆయన చెప్పారు. గత ఆర్థిక సంవత్సరంలో ఈ విభాగ రుణాలు 16 శాతం వృద్ధి రేటుతో రూ. 21 లక్షల కోట్లకు చేరాయి. ఆర్‌ఏఎం రుణాలిచ్చేటప్పుడు రిసు్కలను మదింపు చేసేందుకు చాలా కఠినతరమైన ప్రక్రియను పాటిస్తామని, వడ్డీ రేట్ల పరిస్థితులు, రుణగ్రహీత సకాలంలో తిరిగి చెల్లించే అవకాశాలు మొదలైనవన్నీ పరిశీలిస్తామని ఖారా చెప్పారు. కఠినతరమైన ప్రమాణాల కారణంగా తమకు ఈ విభాగంలో ఎలాంటి సవాళ్లు లేవని వివరించారు.

ముంబై: కార్పొరేట్‌ రంగం తాజా మూలధన వ్యయాలు తదుపరి దశ వృద్ధికి దోహదపడే అవకాశం ఉందని రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) ‘స్టేట్‌ ఆఫ్‌ ది ఎకానమీ’ శీర్షికన రూపొందించిన  తాజా బులెటిన్‌ పేర్కొంది.  స్థిరంగా, 4 శాతం వద్ద తక్కువ ద్రవ్యోల్బణం జీడీపీ పురోగమనానికి కీలక అంశంగా  ఉంటుందని వివరించింది. 2024లో గ్లోబల్‌ ఎకానమీ ఊహించిన దానికంటే బలమైన వృద్ధిని ప్రదర్శించే అవకాశం ఉందని పేర్కొంది.  సవాళ్లు ఉన్నప్పటికీ, సానుకూలతలో వాటిని సమతౌల్యం చేస్తున్నట్లు వివరించింది.  భారత ఆరి్థక వ్యవస్థ 2023–24 ప్రథమార్థంలో మంచి పురోగతి సాధించిందని, ఇదే ధోరణిని ఇప్పటికీ కొనసాగిస్తోందని పేర్కొంది. మొత్తంమీద, ప్రైవేట్‌ కార్పొరేట్‌ రంగం పెట్టుబడి ధోరణులు ఈ సంవత్సరం ఇప్పటివరకు సానుకూలంగా ఉన్నాయని తెలిపింది. 2023 ఏప్రిల్‌–డిసెంబర్‌ మధ్య కాలంలో ప్రధాన బ్యాంకులు, ఆరి్థక సంస్థలు (ఎఫ్‌ఐ) రుణాలు మంజూరు చేసిన ప్రాజెక్ట్‌ల మొత్తం వ్యయం రూ. 2.4 లక్షల కోట్లని పేర్కొంటూ, ఇది వార్షికంగా 23 శాతంకంటే ఎక్కువని తెలిపింది.  ప్రస్తుత ఆరి్థక సంవత్సరం రెండవ, మూడవ త్రైమాసికాల్లో మూలదన పెట్టుబడులు, పబ్లిక్‌ ఆఫర్‌లు, వాణిజ్య రుణ సేకరణలు.. ఎకానమీ సానుకూలతలను ప్రతిబింబిస్తున్నట్లు పేర్కొంది. 2024–25 ఆర్థిక సంవత్సరంలో 7 శాతం వృద్ధిని అంచనా వేస్తున్నట్లు పేర్కొంది. వినియోగ ధరల సూచీ (సీపీఐ) ఆధారిత రిటైల్‌ ద్రవ్యోల్బణం వార్షిక సగటును 4.5 శాతంగా పేర్కొంది. బులెటిన్‌ కథనంలో వ్యక్తీకరించబడిన అభిప్రాయాలు సంబంధిత రచయితలవితప్ప భారతీయ రిజర్వ్‌ బ్యాంక్‌ అభిప్రాయాలుగా భావించరాదని సంబంధిత వర్గాలు పేర్కొన్నాయి.  ఆర్‌బీఐ డిప్యూటీ గవర్నర్‌ మైఖేల్‌ దేబబ్రత పాత్ర నేతృత్వంలోని బృందం ఈ బులెటిన్‌ను రూపొందించింది.   భారత్‌ రుణ–జీడీపీ నిష్పత్తిపై ఐఎంఎఫ్‌ వాదనలు సరికాదు...  ఇదిలావుండగా,  ఆర్‌బీఐ డిప్యూటీ గవర్నర్‌ మైఖేల్‌ దేబబ్రత పాత్ర నేతృత్వంలోని బృందం రచించిన మరో ఆరి్టకల్‌ భారత్‌ రుణ–జీడీపీ నిష్పత్తిపై అంతర్జాతీయ ద్రవ్యనిధి సంస్థ (ఐఎంఎఫ్‌) అభిప్రాయాలను త్రోసిపుచి్చంది. రుణ–జీడీపీ నిష్పత్తి అంచనా వేసిన దానికంటే గణనీయంగా తక్కువగా ఉండవచ్చని ఉద్ఘాటించింది. ‘‘ఈ సందర్భంలో తీవ్ర పరిస్థితులు ఏదైనా సంభవిస్తే... భారతదేశ సాధారణ ప్రభుత్వ రుణం జీడీపీలో మధ్య కాలికంగా 100 శాతం మించిపోతుందన్న ఐఎంఎఫ్‌ వాదనను మేము తిరస్కరిస్తున్నాము’’ అని ఆర్టికర్‌ పేర్కొంది.  2030–31 నాటికి ప్రభుత్వ సాధారణ రుణ–జీడీపీ నిష్పత్తి 78.2 శాతం ఉంటుందని ఐఎంఎఫ్‌ అంచనావేయగా, ఐదు శాతం తక్కువగా 73.4 శాతానికి పరిమితం అవుతుందని ఆర్టికల్‌ పేర్కొంది. ప్రభుత్వ ఆదాయాలు–వ్యయాలకు సంబంధించి నికర వ్యత్యాసం ద్రవ్యలోటును భారత్‌ పటిష్ట రీతిలో కట్టడి చేయగలుగుతున్నట్లు నివేదిక స్పష్టం చేసింది.  2024–25లో వృద్ధి 7 శాతం: ఆరి్థకశాఖ  కాగా, భారత ఆర్థిక వ్యవస్థ అవుట్‌లుక్‌ ప్రకాశవంతంగా’ కనిపిస్తుందని,  స్థూల దేశీయోత్పత్తి (జీడీపీ) వృద్ధి రేటు  వచ్చే ఆరి్థక సంవత్సరంలో 7 శాతం వృద్ధి రేటును నమోదు చేసే అవకాశం ఉందని ఆరి్థకశాఖ నెలవారీ ఆరి్థక సమీక్షా నివేదిక పేర్కొంది.  భౌగోళిక రాజకీయ ఒత్తిళ్లు– అంతర్జాతీయ ఆరి్థక మార్కెట్లలో అస్థిరత నుండి ప్రతికూలతలపై దేశం నిఘా ఉంచాల్సిన అవసరం ఉందని నివేదిక ఉద్ఘాటించింది. గృహ వినియోగం మెరుగుపడుతుందని నివేదిక అంచనా వేసింది. ప్రైవేటు రంగంలో తిరిగి పెరుగుతున్న పెట్టుబడులు, మెరుగైన వ్యాపార సెంటిమెంట్‌లు, బ్యాంకులు– కార్పొరేట్‌ల ఆరోగ్యకరమైన బ్యాలెన్స్‌ షీట్‌లు, మూలధన వ్యయం పెంపునకు ప్రభుత్వ నిరంతర ప్రయత్నం ఎకానమీని సుస్థిరంగా నడుపుతోందని నివేదిక పేర్కొంది. ప్రపంచ వాణిజ్యం మెరుగుపడ్డం, సరఫరాల చైన్‌ స్థిరీకరణ అంతర్జాతీయ డిమాండ్‌ పురోగమనానికి దారితీసే అంశాలని వివరించింది.

జీవితంలో ఎదురయ్యే అనుభవాలను పాఠాలుగా నేర్చుకుని మరోసారి పొరపాట్లు చేయకుండా సమస్యల సుడిగుండాల్ని అధిగమిస్తుంటారు చాలామంది. శుభాపాండియన్‌ కూడా సమస్యల నుంచి బయట పడేందుకు చాలానే కష్టపడింది. తన జీవితంలో నేర్చుకున్న పాఠాలను మరికొందరి జీవితాలకు అన్వయించి వారి జీవితాలను సుఖమయం చేస్తోంది. తనతోపాటు వేలమంది మహిళలను చేర్చుకుని ఎంతో మందికి చేయూతనిస్తోంది. మధురైలో పుట్టిపెరిగిన శుభా పాండియన్‌ పెళ్లయ్యాక చెన్నై వచ్చింది. బీకామ్‌ చదివిన శుభా చెన్నై నగరంలో ఎన్నో ఆశలు, కలలతో అడుగుపెట్టింది. ఇంగ్లిష్‌ రాదు. ఎటువంటి ఉద్యోగానుభవం లేదు. కానీ ఎలాగైనా ఎదగాలన్న తపన ఉంది. చెన్నై వచ్చిన ఏడాదిలోపే భర్త మరణం శుభాను రోడ్డున పడేసింది. పసిగుడ్డును పోషించుకునే భారం తనమీదే పడడంతో కష్టం మీద చిన్న ఉద్యోగం వెతుక్కుంది. ఒంటరి తల్లిగా అనేక అవమానాలు, కష్టాలు ఎదుర్కొంటోన్న శుభాకు తోటి మహిళా ఉద్యోగులు అండగా నిలబడి మానసిక ధైర్యాన్ని ఇచ్చారు. దీంతో కార్పొరేట్‌ సెక్టార్‌లో తనకంటూ ఒకస్థానాన్ని ఏర్పరచుకుని ఉద్యోగిగా నిలదొక్కుకుంది. ఆగ్వా... అనేక సమస్యలతో జీవితాన్ని నెట్టుకొస్తున్న శుభకు తోటి మహిళలు ఇచ్చిన ప్రోత్సాహం ఎంతో ప్రేరణ  ఇచ్చింది. ఈ ప్రేరణతోనే తనలాగా ఒంటరిగా బాధపడుతోన్న ఎంతోమంది మహిళలకు చేయూతనిచ్చేందుకు కొంతమంది మహిళల సాయంతో 2008లో ‘ఆగ్వా’ పేరిట నెట్‌వర్క్‌ను ఏర్పాటు చేసింది. సాయంకోసం ఎదురు చూస్తున్న వారికి సాయమందిస్తూ, వారిని మానసికంగా దృఢపరిచి, ఆర్థికంగా ఎదిగేందుకు శిక్షణ ఇప్పించి నిస్సహాయ మహిళలకు అండగా నిలబడింది. గృహహింసా బాధితులను ఆదుకోవడం, ‘క్యాంపస్‌ టు కార్పొరేట్‌’ పేరిట ఉద్యోగాల్లో ఉన్నతంగా రాణించేందుకు మెళకువలు నేర్పించడం, అల్పాదాయ మహిళలను ఒకచోటకు చేర్చి వారితో చిన్నచిన్న వ్యాపారాలు చేయించడం, కుట్టుమిషన్లు, వెట్‌గ్రైండర్స్‌ ఇప్పించి ఆర్థికంగా నిలదొక్కుకునేందుకు దోహదపడడం, కంప్యూటర్‌ స్కిల్స్‌ నేర్పించడం, టైలరింగ్, పేపర్‌ బ్యాగ్‌ల తయారీ వంటి వాటిద్వారా ఆగ్వా ప్రారంభించిన ఐదేళ్లల్లో్లనే ఎనిమిదివేలకుపైగా మహిళలు తమ కాళ్ల మీద తాము నిలబడేందుకు చేయూతనిచ్చింది. కేవలం పన్నెండు మందితో ప్రారంభమైన ఆగ్వా క్రమంగా పెరుగుతూ నేడు తొమ్మిదివేల మందికి పైగా మహిళలతో పెద్దనెట్‌వర్క్‌గా విస్తరించింది.   మహిళాసాధికారత.. గిఫ్టింగ్‌ స్మైల్స్‌ ఆగ్వా నెట్‌వర్క్‌ 2016 నుంచి ఇప్పటిదాకా కష్టాలలో ఉన్న మహిళలకు మానసిక బలాన్నిచ్చి వారి కాళ్లపై వారిని నిలబెట్టేందుకు 31 కాన్ఫరెన్స్‌లు, 270 ఉచిత వెబినార్‌లు నిర్వహించి ఇరవై ఏడు వేలమంది మహిళలకు పరోక్షంగా దారి చూపింది. ఇవేగాక ఫుడ్‌ బ్యాంక్‌లకు ఆహారం అందించడం, పర్యావరణ సంరక్షణ కార్యక్రమాలు చేపట్టడం, పిల్లల ఆటవస్తువులు, పుస్తకాలు, స్వీట్లు, కలర్‌ బాక్స్‌లు, షూస్, విరాళాలు సేకరించి చెన్నై వ్యాప్తంగా ఉన్న నిరుపేద పిల్లలకు అందించింది. ప్రారంభంలో మహిళాభ్యున్నతికోసం ఏర్పాటైన ఈ నెట్‌వర్క్‌ నేడు దేశవ్యాప్తంగా ఉన్న వందలమంది వలంటీర్‌లు, సామాజిక వేత్తలతో కలసి వివిధ రకాల సామాజిక సేవా కార్యక్రమాలు నిర్వహిస్తోంది.   కెరీర్‌లో ఎదుగుతూనే... శుభా తన కెరీర్‌లో ఎదుగుతూనే ఆగ్వాను సమర్థంగా నడిపించడం విశేషం. బహుళ జాతి కంపెనీలైన.. కాగ్నిజెంట్, అవీవా, సీఎస్‌ఎస్, డియా సెల్యూలార్‌ వంటి పెద్ద కంపెనీలలో ఉన్నతస్థాయి పదవుల్లో పనిచేసింది. ఈ అనుభవంతో మరింత మందిని కార్పొరేట్‌ కెరీర్‌లో ఎదిగేందుకు ప్రొఫెషనల్‌ లీడర్‌షిప్‌ ప్రోగ్రామ్‌లు నిర్వహించి, ఎంతో మందిని కార్పొరేట్‌ వృత్తినిపుణులుగా తీర్చిదిద్దుతోంది. ఈ ప్రోగ్రామ్‌లో మహిళలేగాక,  దివ్యాంగులు, ఎల్‌జీబీటీక్యూ కమ్యూనిటీకి చెందిన వారు కూడా ఉండడం విశేషం.    ఏదైనా సాధించగలవు ఈ ప్రకృతిలో నీటికి చాలా శక్తి ఉంది. మహిళ కూడా నీరులాంటిది. నీరు ఏ పాత్రలో పోస్తే ఆ పాత్ర ఆకారాన్ని సంతరించుకుని తన శక్తిని పుంజుకుంటుంది. అందుకే స్పానిష్‌ పదం ఆగ్వా అనే పేరును నా నెట్‌వర్క్‌కి పెట్టాను. మా నెట్‌ వర్క్‌లో 25 నుంచి 73 ఏళ్ల వయసు మహిళలంతా కలిసి పనిచేస్తున్నాం. వివిధ వృత్తి వ్యాపారాల్లో రాణిస్తోన్న వీరంతా నెట్‌వర్క్‌లో పనిచేస్తూ ఎంతో మందికి సాయం అదిస్తున్నారు. ఆగ్వా ఉమెన్‌ ఫౌండేషన్, అగ్వా ఉమెన్‌ లీడర్‌ షిప్‌ ప్రైవేట్‌ లిమిటెడ్‌ ద్వారా మా నెట్‌వర్క్‌ను విస్తరించాం. మనకుంది ఒకటే జీవితం. దానిని పూర్తిగా జీవించాలి. నువ్వు ఎక్కడి నుంచి వచ్చావనేది అనవసరం. నీ కథను నువ్వే రాసుకునే శక్తి సామర్థ్యాలు నీలో ఉన్నాయి. నీ జీవితానికి నువ్వే హీరోయి¯Œ  వని ఎప్పుడూ మర్చిపోకూడదు. అప్పుడే ఏదైనా సాధించగలవు. – శుభా పాండియన్‌

సాక్షి, కామారెడ్డి: పౌల్ట్రీ రంగంలో కార్పొరేట్‌ సంస్థలు ఎంత పోటీ పడినా, ధర విషయంలో మాత్రం కలిసే నిర్ణయిస్తాయి. వాళ్లు చెప్పిన ధరే చెల్లుబాటవుతుంది. రోజూ లైవ్‌ బర్డ్, డ్రెస్స్‌డ్‌ చికెన్, స్కిన్‌లెస్‌ చికెన్‌ ధరలను నిర్ణయించి పత్రికల ద్వారా వెల్లడిస్తారు. ఆ రేట్ల ప్రకారమే రాష్ట్రమంతటా విక్రయాలు జరుగుతాయి. కానీ కామారెడ్డి మార్కెట్‌లో ఎక్కడికి వెళ్లినా ‘ఈ రోజు పేపర్‌ రేటుపై కిలోకు రూ. 30 తక్కువ’అన్న ఫ్లెక్సీలు దర్శనమిస్తాయి. ఒక్కోసారి తక్కువ ధరతో పాటు పలు ఆఫర్లు కూడా ప్రకటిస్తుంటారు. కిలో చికెన్‌ కొంటే ఆరు కోడిగుడ్లు ఉచితంగా ఇస్తుంటారు.    రూ. 30 నుంచి రూ. 50 వరకు తగ్గింపు..  కామారెడ్డి పట్టణంలో హోల్‌సెల్‌ చికెన్‌ సెంటర్లు దాదాపు 40 ఉండగా, రిటైల్‌ దుకాణాలు వందకు పైగా ఉన్నాయి. కామారెడ్డి మినహా మిగతా పట్టణాలు, మండల కేంద్రాలు, గ్రామాలకు వెళ్తే పత్రిక ధర ప్రకారమే చికెన్‌ విక్రయాలు సాగుతాయి. కొన్ని చోట్ల పేపర్‌ ధర కన్నా కొంత ఎక్కువకే అమ్ముతారు. కామారెడ్డిలోని చికెన్‌ వ్యాపారులు మాత్రం ధర తగ్గించుకుని విక్రయిస్తున్నారు. పెళ్లిళ్లు, ఫంక్షన్లకు సంబంధించి ఎక్కువ మొత్తంలో కొంటే కిలోకు రూ.30 నుంచి రూ.50 వరకు తగ్గింపు ఇస్తున్నారు. కామారెడ్డికి చెందిన చికెన్‌ వ్యాపారి ఒకరు ఇటీవల సిరిసిల్ల జిల్లా కేంద్రంలో మూడు బ్రాంచ్‌లను తెరిచి, పేపర్‌ ధరపై రూ.30 తగ్గిస్తున్నట్లు ఫ్లెక్సీలు కట్టారు. ఏళ్ల తరబడిగా చికెన్‌ వ్యాపారం చేస్తున్న సిరిసిల్ల వ్యాపారులు ఈ ఫ్లెక్సీలను చూసి ఇబ్బంది పడుతున్నట్లు తెలిసింది.  నాలుగైదేళ్లుగా ఇదే పోటీ..  కామారెడ్డి పట్టణంలో గడచిన నాలుగైదేళ్లుగా ఈ పోటీ నెలకొంది. ఒకరిని చూసి ఒకరు అన్నట్టుగా అందరూ తగ్గింపు ధరలకే ఇస్తున్నారు. ఇటీవల కామారెడ్డిలో కొత్తగా ఓ బ్రాంచ్‌ తెరిచిన చికెన్‌ వ్యాపారి.. తగ్గింపు ధరతో పాటు కిలో చికెన్‌ కొంటే అర డజను కోడిగుడ్లు ఉచితంగా అందించాడు. మరో వ్యాపారి పత్రిక ధరపై కిలోకు రూ.35 తక్కువ అన్న బోర్డు పెట్టాడు. శనివారం రాష్ట్రంలో డ్రెస్స్‌డ్‌ చికెన్‌ ధర కిలోకు రూ.220 ఉండగా, కామారెడ్డిలో రూ.180కి విక్రయించారు. అంటే కిలోకు రూ.40 వరకు తగ్గించారు. కొన్ని చోట్ల కిలో ధర రూ.170కి కూడా అమ్మారు. అయితే కొందరు బడా వ్యాపారుల జిమ్మిక్కులతో చిరు వ్యాపారులు నలిగిపోతున్నారు.  పెద్ద ఎత్తున అమ్మకాలు..  కామారెడ్డి జిల్లా కేంద్రంలో చికెన్‌ వ్యాపారం జోరుగా సాగుతోంది. ఆదివారం రోజైతే టన్నుల కొద్దీ విక్రయాలు సాగుతాయి. రోజూ హోటళ్లు, ఫాస్ట్‌ఫుడ్‌ సెంటర్లకు ఆర్డర్‌పై సరఫరా చేస్తుంటారు. అలాగే ఫంక్షన్లు, పండుగలు, పెళ్లిళ్లకు పెద్ద ఎత్తున చికెన్‌ సరఫరా చేస్తారు. కొందరు వ్యాపారులైతే ఎక్కువ మొత్తంలో చికెన్‌ ఆర్డర్‌ చేస్తే డోర్‌ డెలివరీ కూడా చేస్తారు. కామారెడ్డికి చుట్టుపక్కల గ్రామాలు, ఇతర పట్టణాల నుంచి కూడా చికెన్‌ కోసం వస్తారు. పొరుగునే ఉన్న సిరిసిల్ల, మెదక్, సిద్దిపేట, నిజామాబాద్‌ జిల్లాల్లోని సమీప గ్రామాలతో పాటు కామారెడ్డి జిల్లాలోని ఇతర ప్రాంతాల నుంచి ఎక్కువ మొత్తంలో చికెన్‌ అవసరం ఉంటే కామారెడ్డికి వచ్చి కొనుగోలు చేస్తారు. ప్రస్తుతం శ్రావణమాసం కావడంతో అమ్మకాలు కొంత తగ్గాయి. 

న్యూఢిల్లీ: కోవిడ్‌–19 సెకండ్‌ వేవ్‌ ప్రభావాలు భారత్‌లో ఎలా ఉన్నప్పటికీ కార్పొరేట్‌ రంగంలో డీల్స్‌ జోరు కొనసాగుతోంది. ఈ ఏడాది ప్రథమార్ధంలో దాదాపు 41 బిలియన్‌ డాలర్ల విలువ చేసే ఒప్పందాలు కుదరడం ఇందుకు నిదర్శనం. కన్సల్టెన్సీ సంస్థ పీడబ్ల్యూసీ ఇండియా నివేదికలో ఈ అంశాలు వెల్లడయ్యాయి. దీని ప్రకారం జనవరి 1 నుంచి జూన్‌ 15 మధ్య కాలంలో దేశీ సంస్థలు 710 లావాదేవీలకు సంబంధించి 40.7 బిలియన్‌ డాలర్ల విలువ చేసే ఒప్పందాలు కుదుర్చుకున్నాయి. విలువపరంగా గతేడాది ద్వితీయార్ధంతో పోలిస్తే ఇది రెండు శాతం అధికం. జనవరి–జూన్‌ మధ్య కాలంలో ప్రైవేట్‌ ఈక్విటీ (పీఈ) లావాదేవీలు ఆల్‌టైమ్‌ గరిష్టమైన 26.3 బిలియన్‌ డాలర్లకు చేరాయి. గత ఆర్థిక సంవత్సరం ప్రథమార్ధంతో పోలిస్తే ఇది 25 శాతం ఎక్కువ. బిలియన్‌ డాలర్ల స్థాయి కొనుగోళ్లు, స్టార్టప్‌లు పలు విడతలుగా నిధులు సమీకరించడం తదితర అంశాలు .. డీల్స్‌ జోరుకు దోహదపడ్డాయి. అనిశ్చితి నెలకొన్న ప్రస్తుత తరుణంలో డిజిటల్‌ .. టెక్నాలజీ విభాగంలోనూ, పర్యావరణ..సామాజిక..గవర్నెన్స్‌ (ఈఎస్‌జీ) విభాగంలోనూ పెట్టుబడులు గణనీయంగా వస్తున్నాయని పీడబ్ల్యూసీ ఇండియా పార్ట్‌నర్‌ దినేష్‌ ఆరోరా తెలిపారు.   ఇతర విశేషాలు.. ► ప్రథమార్ధంలో 6.2 బిలియన్‌ డాలర్ల విలువ చేసే విలీన, కొనుగోళ్ల (ఎంఅండ్‌ఏ) ఒప్పందాలు కుదిరాయి. ► అదానీ గ్రీన్‌ ఎనర్జీ సుమారు 3.5 బిలియన్‌ డాలర్లకు ఎస్‌బీ ఎనర్జీ ఇండియాను, ఐటీ దిగ్గజం విప్రో దాదాపు 1.45 బిలియన్‌ డాలర్లు పెట్టి బ్రిటన్‌కు చెందిన క్యాప్‌కోను కొనుగోలు చేశాయి. ► ఇవి కాకుండా విదేశాలకు చెందిన సంస్థల కొనుగోళ్లకు సంబంధించి 26 డీల్స్‌ కుదిరాయి. వీటి విలువ 385 మిలియన్‌ డాలర్లు. ► టెక్నాలజీ రంగంలో పీఈ పెట్టుబడులు అత్యధికంగా వచ్చాయి. ► 2021లో 16 స్టార్టప్‌లు..యూనికార్న్‌ (1 బిలియన్‌ డాలర్ల విలువ చేసే సంస్థలు) క్లబ్‌లో చేరాయి.

న్యూఢిల్లీ : కరోనా కష్ట కాలంలో కార్పొరేట్‌ రుణ గ్రహీతలకు పెద్ద ఉపశమనం కల్పించే విధంగా దివాలా చట్టానికి సవరణలను కేంద్రం తీసుకురానుంది. కంపెనీలు తీసుకున్న రుణాలకు చెల్లింపులు చేయకపోతే దివాలా అండ్‌ బ్యాంక్రప్టసీ కోడ్‌ (ఐబీసీ) చట్టంలోని నిబంధనల ప్రకారం నిర్ణీత కాలం తర్వాత అంటే 90 రోజుల అనంతరం ఎన్‌పీఏగా గుర్తించి దివాలా చర్యలు చేపట్టాల్సి ఉంటుంది. అయితే, లౌక్‌డౌన్‌ నేపథ్యంలో చాలా కంపెనీలు పనిచేసే అవకాశం లేదు. ఈ ప్రభావం చాలా కాలం పాటు కంపెనీలపై ఉంటుందన్న అంచనాల నేపథ్యంలో.. కంపెనీలపై దివాలా చర్యలకు వీలు కల్పించే చట్టంలోని సెక్షన్‌ 7, 9, 10ను కొంతకాలం పాటు సస్పెండ్‌ చేసే విధంగా చట్టంలో కేంద్రం సవరణలు తీసుకురానున్నట్టు అధికార వర్గాల సమాచారం. దీంతో చెల్లింపులు చేయలేని కంపెనీల రుణాలను పునరుద్ధరించే వీలు బ్యాంకులకు ఏర్పడుతుంది. తొలుత ఆరు నెలల కాలానికి ఈ నిబంధనలను సస్పెండ్‌ చేసి, తర్వాత పరిస్థితులకు అనుగుణంగా మరో ఆరు నెలలు పొడిగించే అవకాశం ఉన్నట్టు పేర్కొన్నాయి. ప్రస్తుతానికి కార్పొరేట్‌ రుణాల పునరుద్ధరణకు ఆర్‌బీఐ నిబంధనలు అనుమతించడం లేదు. దీంతో చెల్లింపుల్లో విఫలమైతే ఐబీసీ చట్టం కింద ఆయా రుణ ఖాతాల విషయంలో బ్యాంకులు చర్యలు తీసుకోవాల్సి వస్తోంది. లాక్‌డౌన్‌లో జాప్యాన్ని డిఫాల్ట్‌గా చూడవద్దు: సెబీ మ్యూచువల్‌ ఫండ్స్‌ సంస్థలు కలిగి ఉన్న మనీ మార్కెట్, డెట్‌ సెక్యూరిటీలకు సంబంధించి లాక్‌డౌన్‌ కాలంలో అసలు, వడ్డీ చెల్లింపులు, కాల వ్యవధి పొడిగింపులను డిఫాల్ట్‌గా పరిగణించవద్దని వ్యాల్యుషన్‌ ఏజెన్సీలను సెబీ కోరింది. దేశవ్యాప్తంగా లాక్‌డౌన్‌ అమలవుతున్నందున మ్యూచువల్‌ ఫండ్స్‌ సంస్థలు ఎదుర్కొంటున్న ఇబ్బందులు సెబీ దృష్టికి రావడంతో ఈ పరిణామం జరిగింది. మరోవైపు రుణ చెల్లింపులపై మూడు నెలల మారటోరియంకు ఆర్‌బీఐ అనుమతించడం తెలిసిందే.

సాక్షి, న్యూఢిల్లీ: దేశ ఆర్థిక పరిస్థితి దారుణంగా తయారవడంతో పలు స్టార్టప్‌ కంపెనీలు మూతపడుతుండగా, మరోవైపు కార్పొరేట్, ఐటీ కంపెనీలు మనుగడ కోసం ఉద్యోగుల సంఖ్యను కత్తిరిస్తున్నాయి. వాటిల్లో ‘శ్యామ్‌సంగ్‌ ఇండియా’ లాంటి దిగ్గజ ఎలక్ట్రానిక్‌ కంపెనీల నుంచి ‘పేటీఎం’ లాంటి డిజటల్‌ కంపెనీ, అనతి కాలంలోనే అనూహ్యంగా విస్తరించిన హోటల్‌ నెట్‌వర్కింగ్‌ కంపెనీ ‘ఓయో’ వరకు ఉండడం గమనార్హం.  వాల్‌మార్ట్‌ ఇండియా: రిటేల్‌ దిగ్గజ సంస్థ గురుగావ్‌లోని తన ప్రధాన కార్యాలయంలో 56 మంది టాప్‌ ఎగ్జిక్యూటివ్‌లను వదులుకొంది. వారిలో ఎనిమిది మంది సీనియర్‌ మేనేజ్‌మెంట్‌ స్థాయిలో ఉండగా, మిగతా 48 మంది మధ్య, దిగువ మేనేజ్‌మెంట్‌ క్యాడర్‌కు చెందినవారని మీడియా వార్తలు తెలియజేస్తున్నాయి.  శ్యామ్‌సంగ్‌ ఇండియా: ఇటీవల ఈ  కంపెనీ పలు విభాగాలను కలిపేసి 150 మంది ఉద్యోగులను ఇంటికి పంపించినట్టు వార్తలొచ్చాయి. యాజమాన్యం ఒత్తిడికి తగ్గి కంపెనీ చీఫ్‌ మార్కెటింగ్‌ ఆఫీసర్‌ రంజీవ్‌జిత్‌ సింగ్, బిజినెస్‌ హెడ్‌ సుఖేశ్‌ జైన్‌లు తమ పదవులకు రాజీనామా చేశారు. అందుబాటులో ఉన్న ఆర్థిక వనరులను అనుగుణంగా ఎప్పటికప్పుడు సిబ్బందిని సర్దుబాటు చేసుకుంటూ సుదీర్ఘకాలం పాటు పోటీలో నిలబడాలంటే ఇలాంటి తప్పవని యాజమాన్యం తెలిపింది.  ఓయో: ఈ కంపెనీ దేశవ్యాప్తంగా 2,400 మంది ఉద్యోగులను తొలగిస్తున్నట్లు సీఎన్‌ఎన్‌ వార్తలు తెలియజేస్తున్నాయి. బిజినెస్‌ అంచనాలకు తగ్గట్టుగా ఒకరు చేసిన పనినే మరొకరు చేసే డూప్లికేట్‌ పద్ధతిని తొలగించి, పని సామర్థ్యాన్ని పెంచడం కోసం ఇలాంటి చర్యలు అనివార్యం అవుతున్నట్లు కంపెనీ సీఈవో రితేష్‌ అగర్వాల్, ఉద్యోగులనుద్దేశించి రాసిన ఓ లేఖలో పేర్కొన్నారు.  కాగ్నిజెంట్‌: అమెరికా కేంద్రంగా భారత్‌లో పనిచేస్తున్న ఈ సంస్థ నుంచి 350 మంది ఉద్యోగులను తొలగించాలనుకుంటున్నట్లు ‘ది ఎకనామిక్‌ టైమ్స్‌’ తెలియజేసింది. ఏడాదికి 80 లక్షల నుంచి 1.2 కోట్ల రూపాయల ప్యాకేజీ అందుకునే ఉద్యోగులే ఎక్కువ మంది బాధితులవుతారని తెల్సింది. వాస్తవానికి ఈ కంపెనీ గత నవంబర్‌ నెలలోనే ఖర్చు నియంత్రణలో భాగంగా రానున్న కొన్ని నెలల్లో  ఏడువేల మంది ఉద్యోగులను తొలగిస్తామని ప్రకటించింది.  ఓలా: అద్దెకు క్యాబ్‌లను నడిపే ఓలా సంస్థ గత నెలలోనే 500 మంది ఉద్యోగులపై వేటు వేసినట్లు, అందుకు భారత ఆర్థిక మాంద్యమే కారణమని ‘ఎన్‌ట్రాకర్‌ వెబ్‌సైట్‌’ వెల్లడించింది. నష్టాలను తగ్గించుకోవడంలో భాగంగా రానున్న నెలల్లో మరి కొంత మందిని తీసేయనున్నట్లు కంపెనీ స్పష్టం చేసింది. తమ వద్ద 4,500 మంది ఉద్యోగులు పనిచేస్తున్నారని, వారిలో ఐదు నుంచి ఏడు శాతం మందినే తొలగించనున్నట్టు యాజమాన్యం స్పష్టం చేసింది.  పేటీఎం: డిజిటల్‌ చెల్లింపుల సంస్థ గత నెలలో 500 మంది మధ్య, జూనియర్‌ స్థాయి ఉద్యోగులను వెళ్లిపోవాల్సిందిగా పేటీఎం యాజమాన్యం కోరినట్లు ‘ఎన్‌ట్రాకర్‌’ తెలియజేసింది. ఎప్పటికప్పుడు ఉద్యోగుల పనితీరును మెరగుపర్చడంలో భాగంగా అప్పుడప్పుడు ఇలాంటి నిర్ణయాలు తప్పవని కంపెనీ అధికార ప్రతినిధి ఒకరు వ్యాఖ్యానించారు.  క్వికర్‌: బెంగళూరు కేంద్రంగా పనిచేస్తున్న పలు సేవల సంస్థ గత డిసెంబర్‌ నెలలో రెండు వేల మంది ఉద్యోగులను తొలగించినట్లు ‘ఐఏఎన్‌ఎస్‌’ వార్తా సంస్థ వెల్లడించింది. కార్మిక శక్తి హేతుబద్ధీకరణలో భాగంగా ఈ చర్య తీసుకున్నట్లు కంపెనీ యాజమాన్యం వెల్లడించింది. గత 45 ఏళ్లలో ఎన్నడూ లేనంతగా దేశంలో నిరుద్యోగం పెరిగిన నేపథ్యం ఈ కోతలు కార్మికులకు కడుపుకోత కానున్నాయి. 

ముంబై: దేశీ కార్పొరేట్‌ రంగ చరిత్రలో ఒక మైలురాయిగా నిలిచిపోయే స్థాయి నిర్ణయాలను కేంద్ర ఆర్థిక మంత్రి నిర్మలా సీతారామన్‌ గత వారాంతాన ప్రకటించిన నేపథ్యంలో సెన్సెక్స్‌ 1,921 పాయింట్లు, నిఫ్టీ 569 పాయింట్లు లాభపడ్డాయి. గడిచిన పదేళ్లలో ఎన్నడూ లేని విధంగా ఇంట్రాడేలో సెన్సెక్స్‌ 2,285 పాయింట్లు, నిఫ్టీ 677 పాయింట్లు పెరిగాయి. కార్పొరేట్‌ రంగాన్ని సంభ్రమాశ్చర్యంలో పడేస్తూ శుక్రవారం ఆర్థిక మంత్రి భారీ పన్ను కోతను ప్రకటించారు. దేశీ కంపెనీలపై కార్పొరేట్‌ పన్నును 30 శాతం నుంచి ఒక్కసారిగా 22 శాతానికి తగ్గించారు. సెస్సులతో కలుపుకుని 35 శాతం వరకు ఉన్న పన్ను రేటు ఏకంగా 25.17 శాతానికి దిగొస్తుందన్న వార్తలు వెలువడిన నిమిషాల వ్యవధిలోనే శుక్రవారం దేశీ ప్రధాన స్టాక్‌ సూచీలు తారా జువ్వలా దూసుకుపోయాయి. పన్ను భారం తగ్గినందున లాభాలు పెరుగుతాయని భావించిన ఇన్వెస్టర్లు రెట్టించిన ఉత్సాహంతో కొనుగోళ్లకు దిగారు. దీనికి షార్ట్‌ కవరింగ్‌ జత అయి లాభాలు మరింత పెరిగిపోయాయి. సూచీలు బలమైన ర్యాలీని నమోదుచేసినందున ఇదే ఉత్సాహం ఈ వారంలో కూడా కొనసాగేందుకు అవకాశం ఉందని దలాల్‌ స్ట్రీట్‌ వర్గాలు అంచనా వేస్తున్నాయి. మోదీ ప్రభుత్వం తాజాగా ప్రకటించిన ఉత్సాహభరిత అంశాలు నెమ్మదించిన దేశ ఆర్థిక వ్యవస్థకు నూతన ఉత్సాహాన్ని ఇచ్చాయని జియోజిత్‌ ఫైనాన్షియల్‌ సర్వీసెస్‌ పరిశోధన విభాగం హెడ్‌ వినోద్‌ నాయర్‌ అన్నారు. విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐ) మళ్లీ భారత్‌ వైపు చూసే అవకాశం ఉందని విశ్లేషించారు.   11,500 పాయింట్లకు నిఫ్టీ..! ఆటో, రియల్టీ, ఫైనాన్స్, బ్యాంకింగ్‌ రంగాల షేర్లలో కొనుగోళ్లు ఊపందుకుని ఈ వారంలో నిఫ్టీ 11,500 పాయింట్ల స్థాయికి చేరుకునే అవకాశం ఉందని కాపిటల్‌ఎయిమ్‌ రీసెర్చ్‌ హెడ్‌ రోమేష్‌ తివారీ అంచనావేశారు. సోమవారం నూతన లాంగ్స్‌ పెరిగి, షార్ట్‌ కవరింగ్‌ కొనసాగి నిఫ్టీ ఈ స్థాయికి చేరుకుంటుందని తాను భావిస్తున్నట్లు వెల్లడించారు. పన్ను రేటు తగ్గినందున కంపెనీల జూన్‌–సెప్టెంబర్‌ త్రైమాసిక ఫలితాలు మెరుగ్గా ఉంటాయని సామ్కో సెక్యూరిటీస్‌ సీఈఓ జిమిత్‌ మోదీ విశ్లేషించారు. లాభాల్లో కనీసం 10–15 శాతం పెరుగుదల ఉంటుందన్నారు. శుక్రవారం మార్కెట్‌ భారీ ర్యాలీని నమోదుచేసినందున ఈ స్థాయిల వద్ద నిలబడుతుందా లేదా అనే అంశానికి ఎఫ్‌పీఐ పెట్టుబడులు కీలకంగా మారాయని సామ్కో సెక్యూరిటీస్‌ సీఈఓ జిమిత్‌ మోదీ విశ్లేషించారు. మరోవైపు శుక్రవారం జీఎస్‌టీ కౌన్సిల్‌ హోటల్‌ ట్యారిఫ్‌లపై పన్ను రేట్లను తగ్గించడంతో ఈ రంగ షేర్లలో కొనుగోలుకు అవకాశం ఉందని మార్కెట్‌ వర్గాలు భావిస్తున్నాయి. ఇక సెప్టెంబర్‌ సిరీస్‌ ఫ్యూచర్‌ అండ్‌ ఆప్షన్‌ (ఎఫ్‌అండ్‌ఓ) డెరివేటివ్‌ల ముగింపు ఈ వారంలోనే ఉంది. గురువారం ఎఫ్‌అండ్‌ఓ ముగింపు, అమెరికా క్యూ2 జీడీపీ గణాంకాలు వెల్లడి మార్కెట్‌పై ప్రభావం చూపనున్నాయని అంచనా వేస్తున్నారు. సెప్టెంబర్‌లో రూ.4,193 కోట్లు ఉపసంహరణ... విదేశీ పోర్ట్‌ఫోలియో ఇన్వెస్టర్లు (ఎఫ్‌ఐఐ) సెప్టెంబర్‌ 3–20 కాలానికి ఈక్విటీ మార్కెట్‌ నుంచి రూ.5,578 కోట్లను ఉపసంహరించుకున్నట్లు డిపాజిటరీల డేటా ద్వారా వెల్లడయింది. అయితే, డెట్‌ మార్కెట్‌లో వీరు రూ. 1,384 కోట్లను పెట్టుబడి పెట్టారు. దీంతో క్యాపిటల్‌ మార్కెట్లో వీరి నికర పెట్టుబడి ఉపసంహరణ ఈనెల్లో ఇప్పటివరకు రూ.4,193 కోట్లకు పరిమితమైంది. కార్పొరేట్‌ పన్ను రేట్లు భారీగా తగ్గడంతో వీరి పెట్టుబడులు మళ్లీ పెరిగేందుకు ఆస్కారం ఉందని భావిస్తున్నట్లు ఐసీఐసీఐ సెక్యూరిటీ ఎండీ, సీఈఓ విజయ్‌ చందోక్‌ అన్నారు. తాజా పరిణామాలతో ఎఫ్‌పీఐ పెట్టుబడులు పెరిగేందుకు అవకాశం ఉందని వి.కే విజయ్‌కుమార్‌ విశ్లేషించారు. 

ముంబై: దివాలా ప్రక్రియ నిర్వహించే నిపుణులకు డిమాండ్‌ పెరుగుతున్న నేపథ్యంలో ఇండియన్‌ ఇనిస్టిట్యూట్‌ ఆఫ్‌ కార్పొరేట్‌ అఫైర్స్‌ (ఐఐసీఏ) తాజాగా గ్రాడ్యుయేట్‌ ఇన్‌సాల్వెన్సీ ప్రోగ్రాం (జీఐపీ) పేరిట ప్రత్యేక కోర్సు ప్రారంభించింది. రెండేళ్ల ఈ కోర్సుకు దీనికి భారతీయ ఇన్‌సాల్వెన్సీ బోర్డు (ఐబీబీఐ) కూడా ఆమోదముద్ర వేసింది. కార్పొరేట్‌ రంగ నియంత్రణకు సంబంధించి తగు సలహాలు, సూచనలు ఇచ్చేందుకు కార్పొరేట్‌ వ్యవహారాల శాఖ పలువురు మేధావులతో ఐఐసీఏని ఏర్పాటు చేసింది. ప్రస్తుతం దేశీయంగా 2,500 మంది దివాలా ప్రొఫెషనల్స్‌ ఉన్నారని, దీనికి డిమాండ్‌ గణనీయంగా పెరుగుతోందని ఐబీబీఐ చైర్‌పర్సన్‌ ఎంఎస్‌ సాహూ తెలిపారు.  

సాక్షి, సిటీబ్యూరో : ఒక మారథాన్‌లో పాల్గొనాలంటే కొన్ని రోజుల పాటు శరీరాన్ని దానికి సన్నద్ధం చేయాలి. టెన్నిస్‌/ఫుట్‌బాల్‌ మరేదైనా క్రీడల్లో పాల్గొనాలంటే కూడా ముందస్తు శిక్షణ తప్పదు. అన్ని రోజుల సమయం వెచ్చించాలంటే ఉద్యోగాలు, బాధ్యతలు ఉంటే కష్టం. అయితే ఏకంగా మనం పనిచేసే కంపెనీలే సెలవులతో పాటు కావాల్సిన వసతులన్నీ ఇచ్చి ప్రోత్సహిస్తే... ‘ఆటాడుకుందాం రా.. అంటూ పాడేసుకోమా?’ అందుకే మన నగరం కేవలం బిర్యానీలు, ముత్యాలకు మాత్రమే కాదు... ఇప్పుడు ఐటీ ఉద్యోగుల ఆటలకు, మారథాన్‌లకూ కేరాఫ్‌గా మారుతోంది. అత్యధిక సంఖ్యలో ఐటీ ఉద్యోగులు స్పోర్ట్స్‌ ఈవెంట్లలో పాల్గొంటున్నారు. తద్వారా దేశంలో జరిగే మారథాన్‌లలో హైదరాబాద్‌కు ప్రత్యేకతను తెచ్చిపెడుతున్నారు. కేవలం రెండు మూడు నెలలు తప్ప మిగిలిన ఏడాది మొత్తం చక్కని వాతావరణం, ఆహ్లాదకరమైన పరిసరాలు ఔత్సాహిక క్రీడలకు అనుకూలంగా ఉండడం... నగరంలో కార్పొరేట్‌ స్పోర్ట్స్‌ కల్చర్‌ స్థిరపడేందుకు కారణమవుతున్నాయి.   మారథాన్‌... ధనాధన్‌  రన్నర్స్‌ ఎప్పుడూ పరుగు తీసే సామర్థ్యానికి సానబెట్టుకుంటూనే ఉంటారు. ఈ క్రమంలో కచ్చితమైన సమయపాలన అలవడుతుందని, లాంగ్‌ డిస్టెన్స్‌ రన్నింగ్‌తో ఎనర్జీ మేనేజ్‌మెంట్‌ తెలుస్తుందని క్రీడా నిపుణులు చెబుతున్నారు. జీవితకాలాన్ని పెంచడంలో పరుగుకు ఎనలేని ప్రాధాన్యత ఉందని పరిశోధనలు వెల్లడిస్తున్నాయి. అలాగే చురుకైన జీవనశైలి, పనిలో రాణింపునకు కూడా ఇది దోహదపడుతుందని స్పష్టం చేస్తున్నాయి. అది మారథాన్‌ అయినా లేక ప్రాధాన్యం కలిగిన ప్రాజెక్ట్‌ వర్క్‌ అయినా సరే... అంకితభావం, వేగం, సామర్థ్యం, ఓర్పు... ఈ నాలుగూ లక్ష్యసాధనకు అత్యవసరం. ఈ నేపథ్యంలోనే కంపెనీలు సిటీ మారథాన్‌లలో తమ ఉద్యోగులు పాల్గొనడాన్ని బాగా ప్రోత్సహిస్తున్నాయి. దాదాపు 11ఏళ్లుగా కొనసాగుతున్న హైదరాబాద్‌ మారథాన్‌లో అంతకంతకు పెరుగుతున్న ఐటీ ఉద్యోగుల భాగస్వామ్యానికి కారణమిదే. తొలుత 10కె రన్, 5కె రన్‌లకే పరిమితమైన ఉద్యోగులు ఇప్పుడు హాఫ్, ఫుల్‌ మారథాన్‌లకు సైతం సై అంటుండడం విశేషం. దీని వల్ల టైమ్‌ మేనేజ్‌మెంట్, క్రమశిక్షణ, లక్ష్యాలను సాధించాలనే పట్టుదల, క్రమబద్ధమైన కార్యాచరణ వంటి లక్షణాలు బాగా అలవడతాయనే సైకాలజిస్ట్‌ల సూచనలను కంపెనీలు పరిగణనలోకి తీసుకుంటున్నాయి.   ఇదో ఉదాహరణ..  నగరంలోని పలు కంపెనీలు ఇదే బాట పడుతున్నాయి. ‘లివ్‌ వెల్‌’ పేరుతో ఆప్టమ్‌ కార్పొరేట్‌ కంపెనీ ప్రత్యేక  వెల్‌నెస్‌ ప్రోగ్రామ్‌ని నిర్వహిస్తోంది. ఇందులో భాగంగా తమ ఉద్యోగుల పూర్తిస్థాయి ఆరోగ్యంపై కంపెనీ శ్రద్ధ వహిస్తోంది. వీటిలో యోగా, పొగతాగే అలవాటు నుంచి విముక్తి వరకు ఉన్నాయి. అదే విధంగా క్రీడల్ని కూడా నిర్వహిస్తున్నారు. ఈ కార్యక్రమం ద్వారా ఇప్పటికి తమ ఉద్యోగుల్లో 5,700 మంది ప్రయోజనం పొందారని కంపెనీ ఇటీవల ప్రకటించింది. అంతేకాదు ఆరోగ్యకరమైన జీవనశైలిని అలవరచుకోవడంలో ఉద్యోగులను ప్రోత్సహించే దిశగా హైదరాబాద్‌ మారథాన్‌లో ఈసారి సంస్థ నుంచి 1200 మంది ఉద్యోగులు పాల్గొంటున్నారు. ఇప్పటి వరకు జరిగిన మారథాన్‌లలో అత్యధిక సంఖ్యలో ఉద్యోగులు పాల్గొంటున్న కంపెనీగా వరుసగా 4 ట్రోఫీలు సైతం దక్కించుకుంది.  హెల్తీ లైఫ్‌స్టైల్‌ కోసం...  ఉద్యోగుల ఆరోగ్యానికే మా తొలి ప్రాధాన్యం. సిటీలో జరిగే స్పోర్ట్స్‌ ఈవెంట్లలో వీలున్నంత వరకు వారిని మేం ప్రోత్సహించడం వెనుక కారణం ఇదే. మారథాన్‌లో పాల్గొనే ఉద్యోగుల సంఖ్య పరంగా గత నాలుగేళ్లుగా మేం టాప్‌ ప్లేస్‌లో ఉండడం దీనికో ఉదాహరణ.  – క్షితిజి కశ్యప్, వైస్‌ ప్రెసిడెంట్, హ్యూమన్‌ క్యాపిటల్, ఆప్టమ్‌ గ్లోబల్‌ సొల్యూషన్స్‌    

సాక్షి, హైదరాబాద్‌ : ఒకనాడు కార్పొరేట్‌ సంస్థల్లో ఉద్యోగం సంపాదించాలంటే మంచి స్కిల్స్‌ ఉండాలి. ఇంగ్లీషు అనర్గలంగా మాట్లాడగలగాలి. అవి ఉంటే యువతకు ఉద్యోగం వచ్చినట్లే. ఇప్పుడు ట్రెండ్‌ మారింది. వాటితో ముఖ్యంగా ఉద్యోగం సంపాదించాలంటే ప్రతిభ, బహుభాషా నైపుణ్యంతో పాటు మంచి వ్యక్తిత్వం ఉండాలని సంస్థలు కోరుకుంటున్నాయి. ప్రపంచం కుగ్రామం అయిన తర్వాత ఇంటర్‌నెట్‌ వినియోగం హద్దులు దాటుతోంది.  చేతిలో సెల్‌ఫోన్‌ లేనిదే పక్కమీద నుంచి యువతీ – యువకులు లేవలేని పరిస్థితి. ఈ మధ్య యువత విపరీతంగా నెట్టింట్లో బందీ అవుతున్నారు. దీని ప్రభావం కార్పొరేట్‌ ఉద్యోగ నియామకాలపై పడుతోంది. తమ సంస్థలకు దరఖాస్తు చేసుకున్న అభ్యర్థుల ఫేస్‌బుక్, ట్విట్టర్‌ తదితర ఖాతాలను పరిశీలిస్తున్నారు. ఆయా సంస్థల మానవనరుల విభాగం సిబ్బంది అభ్యర్థుల వ్యక్తిత్వాన్ని అంచనా వేస్తున్నాయి. అంతర్జాలం అందుబాటులోకి వచ్చిన నేపథ్యంలో యువత ఇటీవల ఎక్కువగా సామాజిక మాధ్యమాలను విరివిగా వాడుతున్నారు. దీనిలో ఫేస్‌బుక్‌కు ప్రత్యేక స్థానం ఉంది. ఉదయం లేచింది మొదలు ఏం చేస్తున్నాం, ఎక్కడికి వెళ్తున్నాం, ఎక్కడ ఉన్నాం అంశాలను స్నేహితులతో పంచుకుంటున్నారు. వీటిలో కొన్ని వ్యక్తిగత అంశాలు కూడా ఉంటున్నాయి. కొన్ని కార్పొరేట్‌ సంస్థలు, ప్రైవేటు సంస్థలు రహస్యంగా ఉద్యోగుల మానసిక పరిపక్వతను అంచానా వేస్తున్నాయి. సాంకేతిక పరిజ్ఞానంతో వ్యక్తిత్వాన్ని పసిగడుతూ ఓ అంచనాకు వస్తున్నాయి. తమ సంస్థల్లో కొలువుకోసం పోటీ పడే అభ్యర్థులకు తెలియకుండానే యాజమాన్యాలు ఆ అంశానికి ప్రాధాన్యం ఇస్తున్నాయి. సామాజిక మాధ్యమాల్లో వీరవిహారం చేసే యువత జాగ్రత్తలు పాటించాలని నిపుణులు హెచ్చరిస్తున్నారు. నగరంలో లక్షల మంది యువత నిత్యం అంతర్జాలంలో మునిగి తేలుతున్నట్లు అంచనా.  వ్యక్తిత్వానికి ప్రయారిటి గతంలో ఉద్యోగంలోకి తీసుకునే ముందు ఆ వ్యక్తి గుణగణాలు తెలుసుకోవడానికి ఇద్దరు పెద్ద మనుషులతో సంతకాలు తీసుకునేవారు. కాలం మారుతోంది. అందుకు అనుగుణంగా సంస్థలు గతంలో తమ ఉద్యోగుల నియామకాల్లో అభ్యర్థి ప్రతిభాపాటవాలతో పాటు , ఆంగ్ల పరిజ్ఞానం, సామాజిక అంశాలపై పట్టు చూసేవారు. ఇప్పుడు వీటికితోడు అభ్యర్థి వ్యవహారశైలి, మనస్తత్వం తదితరాలు తెలుసుకునేందుకు సామాజిక మాధ్యమాలపై నిఘా పెడుతున్నారు. సామాజిక మాధ్యమాల్లో ఉంచే ఫొటోలు, వ్యక్తి తాలుకా సెల్ఫీలు వ్యక్తిత్వాన్ని బయటపెడుతున్నాయంటున్నారు. విదేశాల్లో అమలవుతున్న ఈ విధానం మన దేశంలో దాదాపు 50 శాతంపైగా సంస్థలు అమలు చేస్తున్నట్లు నిపుణులు పేర్కొంటున్నారు  అర్హతలు కోల్పోతున్న యువత..  ఇటీవల యూకేలో ఫేస్‌బుక్‌ ఖాతాలపై అధ్యయనం చేసిన ఓ సంస్థ వ్యక్తి తాను ఆ ఖాతాలో పెట్టిన వార్త, ఫొటోలకు లైక్‌లు వస్తున్నాయో చూసుకోవటం పెరిగిందని, ఇది ఓ రకమైన మానసిక వ్యాధిగా ఉందని తెలిపింది. వచ్చే లైక్‌లపై జోరుగా పందేలు కూడా జరుగుతున్నాయి. మా ఖాతాల గురించి ఇతరులకు ఎలా తెలుస్తుంది. అనే అనుమానం రావడం సహజం, ఉద్యోగానికి దరఖాస్తు చేసే సమయంలో పొందుపర్చిన ఈ మెయిల్‌ ఐడీ ఆధారంగా అతని ఫేస్‌బుక్, ట్విట్టర్, ఇన్‌స్ట్రాగామ్, అర్కుట్‌ వంటి సైట్లలోని అభ్యర్థి ఖాతాలను పరిశీలిస్తున్నారు. హైదరాబాద్, బెంగుళూరు, ముంబయి, దిల్లీ, కోల్‌కతా, చెన్నై వంటి మెట్రో నగరాలకు ఉద్యోగాల కోసం దరఖాస్తు చేసుకుంటున్న అభ్యర్థుల్లో చాలా మంది ఆ విధానంలో అర్హతలను కోల్పోతున్నట్లు అనధికారిక సమాచారం.  అతి అనర్థం గతంలో పోల్చితే యువతలో అంతర్జాల వినియోగం బాగా పెరిగింది. చాలా మంది ఫేస్‌బుక్‌లు వినియోగిస్తున్నారు. దానిలో పెట్టే పోస్టింగ్‌లు, షేరింగ్‌లు పంచుకునే అభిప్రాయాలతో వ్యక్తి ఆలోచనలను, విపరీత ధోరణలను అంచనా వేయవచ్చు. తమ ఖాతాల్లో పోస్టింగ్‌లు పెట్టే యువత తమ భవిష్యత్తును దృష్టిలో ఉంచుకోవాలి. ప్రభుత్వ, ప్రైవేటు సంస్థలు ఉద్యోగ నియామకాల్లో వీటిని పరిగణలోకి తీసుకుంటున్నాయని గుర్తించాలి.  – డాక్టర్‌ బివి పట్టాభిరామ్‌. 

న్యూఢిల్లీ: ఐటీ దిగ్గజం టీసీఎస్‌తో జూన్‌ త్రైమాసిక ఫలితాల సీజన్‌ ఆరంభం కానుంది. దేశ కార్పొరేట్‌ రంగం ఈ సారి రెండంకెల స్థాయిలో ఫలితాల వృద్ధిని నమోదు చేస్తుందని విశ్లేషకులు అంచనా వేస్తున్నారు. గతేడాది జూన్‌ త్రైమాసికంలో వృద్ధి తక్కువ స్థాయిలో నమోదు కావడమే మెరుగైన అంచనాలకు బలం. టీసీఎస్‌ ఫలితాలు ఈ నెల 10న వెల్లడవుతాయి. అదే రోజు ప్రైవేటు రంగ ఇండస్‌ఇండ్‌ బ్యాంకు సైతం ఫలితాలు ప్రకటించనుంది. ఆటోమొబైల్స్, క్యాపిటల్‌ గూడ్స్, ఎఫ్‌ఎంసీజీ, ఫార్మా తదితర రంగాల కంపెనీల నుంచి ఆశాజనక ఫలితాలు రావచ్చనే అంచనాలున్నాయి. ఆదాయం, లాభాల్లోనూ రెండంకెల పెరుగుదల ఉంటుందని విశ్లేషకులు పేర్కొంటున్నారు. సగటు వృద్ధి ఆదాయంలో 12.1 శాతం, లాభాల్లో 13.5 శాతం ఉంటుందని అంచనా.   ఆటోమొబైల్స్‌ అన్ని రకాల వాహన విభాగాల్లో స్థిరమైన అమ్మకాల వృద్ధితో ఆటోమొబైల్‌ కంపెనీలు మంచి ఫలితాలను ప్రకటించనున్నాయని అంచనా. కస్టమర్లలో వాహనాలను మార్చే ధోరణి, ధరల పెరుగుదల కూడా వీటికి కలసిరానుంది. ఏప్రిల్‌–జూన్‌ కాలంలో వాహనాల అమ్మకాలు 13–60 శాతం స్థాయిలో పెరిగాయి. బజాజ్‌ ఆటో, మారుతి సుజుకి, టాటా మోటార్స్‌ దేశీయ కార్యకలాపాలపై మంచి ఆదాయాన్ని నమోదు చేసే అవకాశం ఉంది.   బ్యాంకింగ్‌ అండ్‌ ఫైనాన్స్‌ ప్రైవేటు రంగ బ్యాంకులు, ముఖ్యంగా కార్పొరేట్‌ రుణాలపై ఎక్కువగా దృష్టి పెట్టిన యాక్సిస్‌ బ్యాంకు, ఐసీఐసీఐ బ్యాంకు కొత్త ఎన్‌పీఏలను తక్కువగా ప్రకటించొచ్చని భావిస్తున్నారు. గత త్రైమాసికాల్లో అధిక ఎన్‌పీఏలను చూపించడమే కారణం. దీనికితోడు రిటైల్‌ రుణాల్లో వృద్ధితో ఇవి మంచి ఫలితాలను ప్రకటించొచ్చని అంచనా.   క్యాపిటల్‌ గూడ్స్‌ ప్రభుత్వ నిధులతో కొనసాగుతున్న ప్రాజెక్టుల రూపేణా మద్దతుతో క్యాపిటల్‌ గూడ్స్‌ కంపెనీలు మంచి ఫలితాలను నమోదు చేయనున్నాయి. ఎల్‌అండ్‌టీ తన ఆర్డర్లలో వృద్ధి 12–15 శాతం ఉంటుందని గతంలో అంచనాలను ప్రకటించింది. కనుక ఈ స్థాయిలో ఆర్డర్ల రాక ఉందా అన్నది గమనించాలి. పవర్‌గ్రిడ్‌ గత క్వార్టర్ల స్థాయిలోనే వృద్ధిని నమోదు చేయవచ్చని అంచనా. సిమెంట్‌ జూన్‌ త్రైమాసికంలో సిమెంట్‌ ధరలు దాదాపు స్థిరంగా ఉన్నాయి. కనుక కంపెనీలు మరీ ఆశాజనక ఫలితాలను నమోదు చేయకపోవచ్చని భావిస్తున్నారు. పెద్ద కంపెనీల అమ్మకాల వృద్ధి మాత్రం 5 నుంచి 18 శాతం మధ్యలో ఉండనుంది. కంపెనీలు గతేడాది ఇదే కాలంలో పోలిస్తే 4 నుంచి 21 శాతం మధ్యలో ఆదాయాల్లో పెరుగుదల చూపే అవకాశం ఉంది.   ఐటీ... టీసీఎస్, ఇన్ఫోసిస్, హెచ్‌సీఎల్‌ టెక్నాలజీస్‌ వంటి దిగ్గజ కంపెనీలు డాలర్‌ మారకంలో 2–3 శాతం మేర ఆదాయ వృద్ధికే పరిమితం కానున్నాయి. యూరో, పౌండ్, డాలర్‌ మధ్య మారకం రేట్లలో అననుకూల పరిస్థితులతో డాలర్‌తో పోలుస్తూ రూపాయి సగటు ధర సీక్వెన్షియల్‌గా 4 శాతం తక్కువగా ఉంటుందని అంచనా. మెటల్స్‌... నాన్‌ ఫెర్రస్‌ కంపెనీలతో పోలిస్తే ఫెర్రస్‌ మెటల్‌ కంపెనీలు మంచి ఫలితాలను ప్రకటించే అవకాశాలు ఉన్నాయి. నాన్‌ ఫెర్రస్‌ కంపెనీలు వ్యయాల పరంగా సమస్యలను ఎదుర్కొంటున్నాయి. కోల్‌ ఇండియా ఆదాయంలో మాత్రం 15 శాతం వృద్ధి ఉంటుందని అంచనా వేస్తున్నారు.   టెలికం... డేటా వినియోగం పెరిగినప్పటికీ సగటున ఓ వినియోగదారుడి ద్వారా వచ్చే నెలవారీ ఆదాయం కనిష్టానికి పడిపోవడం, తదితర ఒత్తిళ్లతో పెద్దగా వృద్ధికి అవకాశాల్లేవన్నదే అంచనా. ఫార్మా ఫార్మా కంపెనీలు దేశీయ వ్యాపారంపై రెండంకెల వృద్ధిని నమోదు చేయనున్నాయి. కారణం గతేడాది జూన్‌ క్వార్టర్లో వృద్ధి తక్కువ స్థాయిలో ఉండడంతో ఆ క్వార్టర్‌తో పోలిస్తే ఫలితాలు మెరుగ్గా ఉండే అవకాశం ఉంటుంది. అమెరికా వ్యాపారం ఫ్లాట్‌ నుంచి కాస్తంత సానుకూలంగానే ఉండొచ్చని అంచనా. అయితే, రూపాయి విలువ క్షీణతతో రెండంకెల స్థాయిలో వృద్ధిని నమోదు చేయనున్నాయి. ఎఫ్‌ఎంసీజీ   ఎఫ్‌ఎంసీజీ కంపెనీల జూన్‌ త్రైమాసికం ఫలితాలను గతేడాది ఇదే కాలంలో పోల్చే పరిస్థితి లేదు. ఎందుకంటే గతేడాది జూలై నుంచి జీఎస్టీ అమల్లోకి రానుండడంతో జూన్‌ క్వార్టర్లో సరుకుల నిల్వలను తగ్గించుకోవాల్సిన పరిస్థితి నెలకొంది. గత రెండు త్రైమాసికాల్లో ఎఫ్‌ఎంసీజీ కంపెనీల అమ్మకాల్లో ఆశాజనక వృద్ధి నమోదు కాగా, జూన్‌ త్రైమాసికంలోనూ ఇదే కొనసాగుతుందని భావిస్తున్నారు. ప్రధాన సూచీలో భాగమైన హెచ్‌యూఎల్, ఐటీసీ మాత్రం పరిమిత స్థాయిలో వృద్ధిని నమోదు చేయవచ్చని అంచనా.

తణుకు : తెల్లారి లేచింది మొదలు.. రాత్రి పడుకునే వరకు అరచేతిలో సెల్‌ఫోన్‌ ఉండాల్సిందే.. ఇంటర్నెట్‌ దాదాపు అందరికీ అందుబాటులోకి రావడంతో ఇటీవలి కాలంలో ఎక్కువగా ఫేస్‌బుక్‌ను యువత విరివిగా వాడుతున్నారు. ఉదయం నుంచి సాయంత్రం వరకు మనం ఏం చేశాం.. ఎక్కడకు వెళ్లాం.. అనే వివరాలు స్నేహితులతో పంచుకుంటున్నారు. వీటిలో కొన్ని వ్యక్తిగత అంశాలు ఉంటున్నాయి. ప్రేమ వ్యవహారాలు, మందు పార్టీలకు హాజరు తదితర అంశాలను యువత వెబ్‌సైట్లలో ఉంచుతోంది. అయితే మనకు తెలియకుండానే కొన్ని సంస్థలు రహస్యంగా మానసిక పరిపక్వతను అంచనా వేస్తున్నాయి. సాంకేతిక పరిజ్ఞానాన్ని వినియోగించుకుంటూ వ్యక్తిత్వాన్ని పసిగడుతున్నాయి. ఉద్యోగాలు ఇచ్చే కొన్ని ప్రైవేట్‌ సంస్థలు సైతం కొత్త కొత్త విధానాలతో అభ్యర్థులను ఎంపిక చేస్తున్నాయి. ప్రతిభ, బహుభాషా నైపుణ్యాలు ఉంటే చాలు.. ఉద్యోగం ఇట్టే పట్టేయవచ్చనే భావన అభ్యర్థుల్లో ఉండటం సహజం. దీనికితోడు మంచి వ్యక్తిత్వం కూడా ఉండాలని ఆయా సంస్థలు కోరుకుంటున్నాయి. సామాజిక అనుసంధాన వేదికల ద్వారా వారికి కావాల్సిన సమాచారాన్ని తీసుకుంటున్నాయి. కొలువు కోసం పోటీపడే అభ్యర్థులకు తెలియకుండానే అనేక అంశాలను యాజమాన్యాలు పరిశీలిస్తున్నాయి. నిత్యం సామాజిక వెబ్‌సైట్లు, సోషల్‌ నెట్‌వర్క్‌ల్లో వీరవిహారం చేసే యువత ఇక జాగ్రత్తగా ఉండాలని నిపుణులు హెచ్చరిస్తున్నారు. వ్యక్తిత్వానికే పెద్దపీట ఇప్పటివరకు ఉద్యోగానికి వెళ్లే అభ్యర్థికి కావాల్సింది ముందుగా సంబంధిత రంగంలో ప్రతిభాపాటవాలు మెండుగా ఉండటం. మాతృభాషతో పాటు ఇంగ్లిష్‌పై పట్టు, సామాజిక అంశాలపై అవగాహన ఇవే ప్రధానం. ఇవన్నీ ఉన్నా.. కొందరు అభ్యర్థులు ఉద్యోగావకాశాలను కోల్పోతున్నారు. దీనికి కారణంగా ఆయా సంస్థలు అనుసరిస్తున్న సామాజిక నిఘా విధానమే. ముఖ్యంగా సాఫ్ట్‌వేర్, మరికొన్ని రంగాల సంస్థలు అభ్యర్థి మనస్తత్వం, వ్యవహార శైలి, గుణగణాలు తెలుసుకునేందుకు సామాజిక వెబ్‌సైట్లపై నిఘా పెడుతున్నాయి. ప్రైవేట్‌ స్కూల్‌లో టీచర్‌ ఉద్యోగం విషయంలో సైతం ఈ విధానం అనుసరిస్తున్నట్టు తెలుస్తోంది. ఉద్యోగానికి దరఖాస్తు చేసే సమయంలో పొందుపర్చిన ఈ మెయిల్‌ ఐడీ ఆధారంగా అతని ఫేస్‌బుక్, ట్విట్టర్, ఆర్కుట్, ఇన్‌స్ట్రాగామ్‌ వంటి ప్రముఖ సైట్లలో అభ్యర్థికి ఉన్న ఖాతాలపై సంస్థలు నిఘా పెడుతున్నాయి. ఈ మెయిల్‌ ఐడీ లేదా అభ్యర్థి పూర్తిపేరు ఆధారంగా ఖాతాను కనుక్కోవడం ప్రస్తుతం సామాజిక సైట్లలో సులభంగానే మారింది. ఈ విధానం ఉత్తర భారతదేశంలో ఇప్పటికే బాగా విస్తరించింది. తాజాగా దాదాపు యాభై శాతం పైగా సంస్థలు అభ్యర్థుల సామాజిక సైట్ల ఖాతాలను పరిశీలించి, తదనంతరం మాత్రమే ఉద్యోగం విషయంలో నిర్ణయం తీసుకుంటున్నాయి. జిల్లా నుంచి హైదరాబాద్, బెంగళూరు, ముంబై, చెన్నై, న్యూఢిల్లీ వంటి మెట్రో నగరాలకు ఉద్యోగాల కోసం దరఖాస్తు చేసుకుంటున్న అభ్యర్థుల్లో చాలమంది ఈ విధానంలో అర్హత కోల్పోతున్నట్లు తెలుస్తోంది. ఇటీవలి కాలంలో ఇంటర్నెట్‌ వినియోగం బాగా పెరిగింది. చవగ్గా ఇంటర్నెట్‌ అందుబాటులోకి రావడంతో పాటు స్మార్ట్‌ఫోన్‌ చేతిలో ఉండటంతో ఎప్పటికప్పుడు స్టేటస్‌ అప్‌లోడ్‌ చేయడం అలవాటుగా మారింది. జిల్లాలో సుమారు 10 లక్షల మంది నిత్యం ఇంటర్నెట్‌లో మునిగి తేలుతున్నట్లు గణాంకాలు చెబుతున్నాయి. సగం మందికి ‘ఫేస్‌’ ఖాతాలు ఇటీవలి కాలంలో ఇంటర్నెట్‌ వినియోగం గణనీయంగా పెరుగుతోంది. ఇంటర్నెట్‌ వినియోగిస్తున్న వారిలో దాదాపు సగం మందికిపైగా ఫేస్‌బుక్‌ వినియోగిస్తున్నారు. వీరిలోనూ అత్యధికంగా యువతే ఎక్కువగా సామాజిక సైట్లను వినియోగిస్తోంది. ఫేస్‌బుక్‌తో పాటు ట్విట్టర్, ఇన్‌స్ట్రాగామ్, వాట్సప్‌ వంటి సామాజిక మాధ్యమాలను వాడుతున్నారు. అమెరికా వంటి పాశ్చాత్య దేశాల్లోనూ ప్రముఖ సంస్థలన్నీ ఈ మెయిల్‌ ఐడీతో పాటు, ఫేస్‌బుక్‌ పాస్‌వర్డ్‌లు కూడా అడుగుతుండటం గమనార్హం. మనం పెట్టే పోస్టింగ్‌లు, షేరింగ్‌లు, పంచుకునే అభిప్రాయాలనే సంస్థలు ప్రముఖంగా చూస్తున్నాయి. ఈ అంశాలను ఆధారంగా చేసుకుని అభ్యర్థి వ్యక్తిత్వాన్ని అంచనా వేస్తున్నాయి. ప్రధానంగా మహిళలకు ఇబ్బంది కలిగించడం, వారి మనోభావాలను దెబ్బతీసేలా పోస్టింగులు చేయడం, కుల, మత, ప్రాంతీయ అంశాలపై ప్రభావం చూపే వాటిని పరిగణనలోకి తీసుకుంటున్నారు. ఎవరో పెట్టిన పోస్టును మనం కేవలం షేర్‌ చేస్తున్నాం కదా అని అనుకుంటే ప్రమాదమేనని మానసిక నిపుణులు చెబుతున్నారు. ప్రస్తుతం సైట్లలో కొన్ని అసందర్భ, అనుచిత అంశాలపై తయారవుతున్న పోస్టులను లక్షలాది మంది షేర్‌ చేస్తున్నారు. వీటిలో అనేక అనుచిత వ్యాఖ్యానాలు ఉంటున్నాయి. ఏ అంశాన్ని షేర్‌ చేస్తున్నామో ఆచితూచి చేయాలని అంటున్నారు. సైట్లతో మానసిక పరిపక్వత నిత్యం మనం వాడుతున్న సామాజిక సైట్ల ద్వారా మన మానసిక పరిపక్వత ఆధారపడి ఉంటుంది. మనకు తెలియని ఎంతోమంది వ్యక్తులు మనకు స్నేహితులుగా మారుతుంటారు. వారి అభిప్రాయాలను ఒక్కోసారి మనం షేర్‌ చేయడంపై మన వ్యక్తిత్వాన్ని అంచనా వేస్తుంటారు. ముఖ్యంగా వ్యక్తిగత పోస్టుల విషయంలో జాగ్రత్త వహించాలి.– అక్కింశెట్టి రాంబాబు, మానసిక నిపుణుడు, తణుకు

న్యూఢిల్లీ: దేశీయ కార్పొరేట్‌ రంగం ప్రతికూలతల నుంచి బయటపడుతున్న సూచనలు కనిపిస్తున్నాయి. ఇప్పటికే పలు కంపెనీలు తమ మూలధన వ్యయ ప్రణాళికలను అమల్లోకి తేవటం మొదలెట్టాయి. అస్థిర మార్కెట్లు, చమురు ధరలు పెరగడం తదితర అంశాల కారణంగా ఏడాది పాటు స్తబ్ధత నెలకొనగా... ఇపుడిపుడే మళ్లీ పెట్టుబడుల పునరుద్ధరణ దిశగా అడుగులేస్తున్నాయి. టాటా స్టీల్, అంబుజా సిమెంట్స్, ఐషర్‌ మోటార్స్, హీరో మోటో కార్ప్, ఏషియన్‌ పెయింట్స్, సియట్, అపోలో టైర్స్, జుబిలెంట్‌ ఫుడ్‌వర్క్స్‌ తదితర కంపెనీలు వెల్లడించిన పెట్టుబడుల ప్రణాళికల మొత్తం రూ.50,000 కోట్లపైనే ఉంది. జుబిలెంట్‌ ఫుడ్‌ వర్క్స్‌ గత ఆర్థిక సంవత్సరంలో స్టోర్ల విస్తరణ జోలికే వెళ్లలేదు. ఈ ఆర్థిక సంవత్సరంలో మాత్రం 75 స్టోర్లను ప్రారంభించే ప్రణాళికతో ఉంది. ఇందుకోసం రూ.150 కోట్లను ఇన్వెస్ట్‌ చేయనుంది. గత మార్చి త్రైమాసికంలో కంపెనీ ఆదాయ వృద్ధి ఆరేళ్ల గరిష్ట స్థాయికి చేరడం కంపెనీ విస్తరణ ప్రణాళికలకు ప్రోత్సాహాన్నిచ్చింది. మార్చి క్వార్టర్లో కంపెనీ వృద్ధి 26.6%గా ఉంది. అధిక సామర్థ్య వినియోగం, డిమాండ్‌ ఆశాజనకంగా ఉండడం వంటి అంశాలు కంపెనీలను విస్తరణ దిశగా పురికొల్పాయని విశ్లేషకులు చెబుతున్నారు.  భారీ తగ్గుదల బీఎస్‌ఈ 200 కంపెనీల (బ్యాంకింగ్, ఫైనాన్షియల్‌ కంపెనీలు మినహా) మూలధన పెట్టుబడుల్లో వృద్ధి రేటు 2010–11 నుంచి 2016–17 మధ్య 7 శాతం లోపునకు పడిపోయింది. రిలయన్స్‌ ఇండస్ట్రీస్‌ పెట్టుబడులను మినహాయించి చూస్తే వృద్ధి రేటు 2 శాతమే. రిలయన్స్‌ ఇండస్ట్రీస్‌ పెద్ద ఎత్తున చేసిన పెట్టుబడులతో వృద్ధి రేటు ఈ మాత్రమైనా కనిపిస్తోంది. నిజానికి 2003 ఆర్థిక సంవత్సరం నుంచి 2011 ఆర్థిక సంవత్సరం మధ్య మూలధన పెట్టుబడుల వృద్ధి చాలా వేగంగా 35 శాతం చొప్పున పెరుగుతూ వచ్చింది. 2017–18 సెప్టెంబర్‌ త్రైమాసికంలో దేశీయ కంపెనీల స్థూల క్యాపిటల్‌ ఫార్మేషన్‌ (ఆస్తులపై చేసే పెట్టుబడులు) దశాబ్ద కనిష్ట స్థాయి అయిన 27 శాతానికి పడిపోయినట్టు కేంద్ర గణాంకాలు, కార్యక్రమాల అమలు శాఖ వెల్లడించింది. మెరుగైన ఆర్థిక వృద్ధికి క్యాపిటల్‌ ఫార్మేషన్‌ రేటు 40 శాతానికి పైగా ఉండాలి. అయితే, పరిశ్రమ పరిశీలకులు మాత్రం పరిస్థితిలో మార్పు వచ్చిందని, మరింత మూలధ పెట్టుబడుల వృద్ధి ఉండొచ్చని చెబుతున్నారు. కొన్ని రంగాలు పుంజుకోవడం, ప్రభుత్వ మద్దతు కొనసాగడం సానుకూలతలుగా పైన్‌ఓక్‌ క్యాపిటల్‌ పార్ట్‌నర్‌ అమిత్‌ తివారి తెలిపారు. 

ఒక అర్థశతాబ్ది క్రితం అన్ని తరగతుల వారికి ఉన్నవారికి లేనివారికి వైద్య సదుపాయం సర్కారీ దవాఖానాల్లోనే దొరికేది. వైద్యులు రోగుల నుంచీ, వారి బంధువుల నుంచీ కొంత మొత్తాన్ని వసూలు చేసేవారు. నాల్గవ తరగతి ఉద్యోగులూ మామూళ్ల కోసం పీడించేవారు. దీంతో నాలాంటి వాళ్లం ప్రైవేటు రంగంలో వైద్య సదుపాయాలు విస్తరిస్తే మెరుగైన వైద్యం లభించే అవకాశం ఉంటుందని భావించాము. ఆ క్రమంలో దేశంలో ప్రప్రథమంగా అపోలో ఆసుపత్రుల సముదాయం మొదలైంది. ఈ 50 ఏళ్లలో కార్పొరేట్‌ ఆసుపత్రులు సంపన్నులకు, పేదలకు కూడా వైద్య సదుపాయాలు కల్పించే ప్రధాన కేంద్రాలుగా ఏర్పడ్డాయి. అయితే కార్పొరేట్‌ ఆసుపత్రుల దోపిడీ, వాటి అనైతిక కార్యక్రమాలు చూసిన తర్వాత సర్కారీ దవాఖానలే  కార్పొరేట్‌ ఆసుపత్రుల కన్నా వెయ్యిరెట్లు నయం అనే భావన మాలాంటి చాలామందిలో ఈనాడు కలుగుతున్నది. ప్రజలకు వైద్య సదుపాయాలు కల్పించడంలో తమ బాధ్యతను పూర్తిగా వదిలేసిన ప్రభుత్వాలు, ఎటువంటి నియంత్రణ లేక అనైతిక కార్యక్రమాలకు నెలవైన ప్రైవేట్‌ కార్పొరేట్‌ వైద్య రంగం, పూర్తిగా పరిణతి చెందని వైద్య బీమా రంగం కలిసి ఒక అసంపూర్ణ ఆరోగ్య వ్యవస్థ రూపుదిద్దుకోవటానికి దోహదం చేశాయి. దీంతో ప్రజల ఆరోగ్య ఆర్థిక భద్రతకు ముప్పు వాటిల్లే ప్రమాదమున్నది. 2014–15 ఆరోగ్య గణాంక అంచనాల ప్రకారం ఆరోగ్యపరమైన ఖర్చులు 71% ప్రజలే భరిస్తున్నారు. కేంద్రప్రభుత్వం 8%, రాష్ట్ర ప్రభుత్వాలు 13% భరించగా ఆరోగ్య బీమా వ్యవస్థ కేవలం 3.7 శాతం మాత్రమే భరించింది. ఇక ఆరోగ్యం మీద చేసిన ఖర్చులలో 26% ప్రైవేటు ఆసుపత్రులకు 14శాతం ప్రభుత్వ ఆసుపత్రులకు 29 శాతం మందుల మీద ఖర్చయింది. స్థూల జాతీయోత్పత్తిలో 3.89% ఆరోగ్య రంగంపై ఖర్చు కాగా జాతీయోత్పత్తిలో కేవలం 1.3 శాతం మాత్రమే ప్రభుత్వం ఖర్చు పెట్టింది. ఇక ఆరోగ్యబీమా రంగం నుంచి జరిగిన ఖర్చు పైన పేర్కొన్న విధంగా చాలా స్వల్పం మాత్రమే. పై గణాంకాలను పరిశీలిస్తే ప్రభుత్వ ప్రాధాన్యాలలో మార్పులు తప్పనిసరి అనిపిస్తోంది. ముఖ్యంగా మందులపై ప్రజలు చేస్తున్న ఖర్చు చాలా జాస్తిగా ఉన్నది కనుక జనరిక్‌ మందులు ప్రచారంలోకి తీసుకు రాగలిగి దేశమంతటా వాటి సరఫరాను జరిగేటట్లు చూడగలిగితే ప్రజలు మందులపై చేసే ఖర్చులో బాగా ఆదా చేసుకునే అవకాశం కన్పిస్తున్నది. ప్రభుత్వ ఆసుపత్రులను  కార్పొరేట్‌ ఆసుపత్రులకు ప్రత్యామ్నాయంగా బలోపేతం చేయడం తప్పనిసరైంది.  14వ ఆర్థిక సంఘం విభజింప తగిన పన్నులలో రాష్ట్రాల శాతాన్ని 42 శాతానికి పెంచింది. దీనివల్ల ఎటువంటి నిబంధనలకు లోబడని ఆదాయం రాష్ట్రప్రభుత్వాలకు ఉంటుందని దానిని తాము నిర్దేశించుకున్న ప్రాధాన్యతలను అనుసరించి ఖర్చు చేసే అవకాశం ఉంటుందని భావించడమైంది. తదనుగుణంగా విద్య వైద్యరంగాలపై కేటాయింపులు పెరిగే అవకాశం ఉంటుందని భావించారు. కానీ వాస్తవ పరిస్థితులు ఈ భావనకు అనుగుణంగా లేవు. తక్కువ ఆదాయం ఉన్న రాష్ట్రాలు విద్య వైద్యంపై ఎక్కువ ఖర్చు చేయగా ఎక్కువ ఆదాయం ఉన్న రాష్ట్రాలు ఈ రంగాలకు ప్రాధాన్యం ఇవ్వలేదు. ఉదా‘‘కు 2016–17 మధ్య ఆంధ్రప్రదేశ్‌ రాష్ట్రంలో నీటిపారుదల రంగంపై ఖర్చు ముందు ఏడాదితో పోలిస్తే 57 శాతం పెరిగింది. ఆరోగ్య రంగంపై 13 శాతం మాత్రమే పెరి గింది. బీహార్‌ చత్తీస్‌గఢ్‌ రాష్ట్రాలలో ఆరోగ్య రంగంపై ఖర్చు వరుసగా 64%, 51% పెరిగింది. రాష్ట్రాలకు షరతులు లేని నిధులు బదలాయిస్తే సామాజిక ప్రాధాన్య రంగాలపై ఖర్చు చేస్తారని అనుకోవటం సరికాదని రుజువయింది. ప్రధానంగా నీటి పారుదల రంగంలో కేటాయిం పులు పెంచి తద్వారా ఎన్నికలకు కావలసిన నిధులను సేకరించుకోటానికి ఫార్ములాను కనిపెట్టిన  రాష్ట్రాలలో వైద్య ఆరోగ్యరంగాల కేటాయింపులు పెరిగే అవకాశం తక్కువ. వాస్తవానికి తక్కువ ఆదాయం ఉన్న రాష్ట్రాలు విద్యా వైద్య రంగాలపై ఎక్కువ ఖర్చు చేస్తున్నాయి. విద్య వైద్య రంగాలకు కేటాయింపులు పెంచాలనే అంశాన్ని 14వ, 15వ ఆర్థిక సంఘం మార్గదర్శకాలలో పొందుపరచలేదు. ఇప్పటికైనా 15వ ఆర్థిక సంఘం మార్గదర్శకాలను సవరించి ఈ అంశాన్ని పొందుపరిస్తే భవిష్యత్తులోనైనా విద్య వైద్య రంగాలకు కేటాయింపులు పెరిగే అవకాశం ఉంది. ఐవైఆర్‌ కృష్ణారావు, వ్యాసకర్త ఏపీ ప్రభుత్వ మాజీ ప్రధాన కార్యదర్శి   

అమెరికా, తదితర అభివృద్ధి చెందిన దేశాల్లో ‘మీ టూ’ ఉద్యమం రూపంలో కొన్ని నెలల క్రితం ఈ అంశం తీవ్రస్థాయిలో చర్చనీయాంశమైంది. మహిళలపై.. పనిచేసే ప్రదేశాల్లో ఉన్నత స్థానాల్లోని వ్యక్తులు వివిధ రూపాల్లో వేధింపులకు పాల్పడుతున్న విషయం ఈ ఉద్యమం ద్వారా ఒక్కసారిగా పెద్ద ఎత్తున వెలుగులోకి వచ్చింది. అయితే అంతర్జాతీయంగా పేరొందిన స్వచ్ఛంద సేవాసంస్థల ఉన్నత స్థానాల్లోని వ్యక్తులు కూడా ఈ జాడ్యానికి, అనైతిక కార్యకలాపాలకు అతీతులు కాదన్నది తాజాగా బయటపడింది.  ఐరాసకూ తప్పని మరక రాజకీయ, మతపరమైన హింస పెచ్చరిల్లి సంక్షోభాన్ని ఎదుర్కుంటున్న వివిధ దేశాల్లో బాధిత ప్రజలకు సహాయాన్ని అందిస్తున్న ఐరాస సైతం లైంగిక ఆరోపణల పర్వంలో చిక్కుకుంది! అనుచిత వ్యవహారశైలి కారణంగా ఐరాస పిల్లల సంస్థ.. యూనిసెఫ్‌ డిప్యూటీ డైరెక్టర్‌ జస్టిన్‌ ఫోర్సిత్‌ ఇటీవలే రాజీనామా చేశారు. 2011–15 మధ్యకాలంలో చీఫ్‌ ఎగ్జిక్యూటివ్‌గా పనిచేసినపుడు ఫోర్సిత్‌ ప్రవర్తనపై యూకే ‘సేవ్‌ ది చిల్డ్రన్‌’ అభ్యంతరాల నేపథ్యంలో ఇది జరిగింది.  ఐరాస నిర్వహించే విస్తృత కార్యాకలాపాల్లో గతేడాది చివరి మూడు నెలల్లోనే 40 లైంగిక దోపిడి, వేధింపుల ఆరోపణలపై ఫిర్యాదులు నమోదయ్యాయి. ఐరాస శాంతి పరిరక్షక దళాలపై 15, ఏజెన్సీలు, నిధులు, కార్యక్రమాల నిర్వహణకు సంబంధించిన వాటిపై 17, భాగస్వామ్య సంస్థలపై 8 ఆరోపణలు వచ్చాయి. మొత్తం 54 మంది బాధితుల్లో 30 మంది మహిళలు, 16 మంది యువతులు ఉన్నారని, మిగతా 8 మంది వయసెంతో వెల్లడి కాలేదని యూఎన్‌ అధికార ప్రతినిధి స్టీఫెన్‌ డుజారిక్‌ వెల్లడించారు. ఇక బురుండికు చెందిన 25 మంది, గబన్‌కు 16 మంది శాంతి పరిరక్షక సైనికులు లైంగిక వేధింపులకు పాల్పడినట్లు గతంలోనే ఐరాస అంతర్గత విచారణలో బయటపడింది.   ఆక్స్‌ఫామ్‌ ఉక్కిరి బిక్కిరి హైతీలో 2010లో సంభవించిన  భూకంపం కారణంగా  తీవ్ర నష్టం వాటిల్లడంతో అక్కడ బ్రిటన్‌కు చెందిన ఆక్స్‌ఫర్డ్‌ కమిటీ ఫర్‌ ఫెమైన్‌ రిలీఫ్‌ (ఆక్స్‌ఫామ్‌ సంస్థ) పెద్ద ఎత్తున సహాయ కార్యక్రమాలు చేపట్టింది.ఈ సంస్థ సిబ్బంది తమ విధుల నిర్వహణ సందర్భంగా అక్కడి వేశ్యల సేవలను ఉపయోగించుకున్నట్టు గత నెల 9న టైమ్స్‌ పతాక శీర్షిక కథనాన్ని ప్రచురించింది. వీరిలో తక్కువ వయసు ఉన్న అమ్మాయిలు కూడా ఉన్నారని, దీనిని ఈ సంస్ధ సీనియర్‌ అధికారులు కప్పిపుచ్చే ప్రయత్నాలు చేశారంటూ పేర్కొంది. హైతీలో డైరెక్టర్‌ ఆక్స్‌ఫామ్‌ కార్యకలాపాలు  నిర్వహించిన రోలాండ్‌ వాన్‌ హ్యువర్‌మిరిన్‌ కూడా ఈ సిబ్బందిలో ఉన్నట్టు తేలింది. 2011లో దీనిపై ఆరోపణలు రాగానే అంతర్గత విచారణ చేపట్టి రోలాండ్‌ స్వచ్ఛందంగా వైదొలిగే అవకాశంతో పాటు, మరో నలుగురిని తొలగించినట్టు ఆ సంస్థ తెలిపింది. ఈ ఉదంతం తీవ్ర అలజడికి దారితీయడంతో ఆస్ట్రేలియా, తదితర దేశాల నుంచి  కొందరు వ్యక్తులు, సంస్థలు ఆక్స్‌ఫామ్‌కు విరాళాలు నిలిపివేస్తున్నట్టు ప్రకటించాయి. – కె.రాహుల్, సాక్షి నాలెడ్జ్‌ సెంటర్‌

న్యూఢిల్లీ: పంజాబ్‌ నేషనల్‌ బ్యాంకులో రూ.11,400 కోట్ల స్కామ్‌ వెలుగు చూసిన నేపథ్యంలో కార్పొరేట్లకు రుణాల జారీ తగ్గించరాదని దేశ కార్పొరేట్‌ రంగం హెచ్చరించింది. ముఖ్యంగా వృద్ధి రేటు పుంజుకోవాల్సిన తరుణంలో, అధిక వృద్ధి రేటు సాధించాల్సి ఉన్నందున ఈ చర్య అవసరమని సూచించింది. ఆర్థిక మోసాలకు చెక్‌ పెట్టేందుకు మరింత పటిష్టమైన వ్యవస్థలను ప్రవేశపెట్టాలని, ప్రభుత్వరంగ బ్యాంకుల్లో ప్రభుత్వం తన వాటాను క్రమంగా తగ్గించుకోవా లని కోరింది. ‘‘పీఎస్‌బీల్లో ప్రభుత్వం తన వాటాను క్రమంగా 33 శాతానికి తగ్గించుకోవాలి. ఆర్థిక మోసాలను అరికట్టేందుకు, మెరుగైన పర్యవేక్షణ, బ్యాం కుల తనిఖీలను మెరుగుపరిచే రెండంచెల విధానాన్ని అసుసరించాలి. ఉత్తమమైన కార్పొరేట్‌ పరిపాలనా ప్రమాణాలను కొనసాగించాలి’’ అని సీఐఐ సూచించింది.   సవాళ్లకు వెంటనే పరిష్కారం కనుగొనాలి ‘‘ప్రభుత్వం, నియంత్రణ సంస్థలు, పరిశ్రమ వెంటనే ఆర్థిక రంగంలోని వ్యవస్థాపరమైన సవాళ్లను వెంటనే పరిష్కరించాలి. బ్యాంకింగ్‌ రంగానికి మెరుగైన నిర్వహణ, నిర్వహణ సామర్థ్యాలు, బ్లాక్‌చెయిన్, డేటా అనలైటిక్స్‌ వంటి టెక్నాలజీల వినియోగం, పీఎస్‌బీల్లో ప్రభుత్వ వాటాను తగ్గించుకోవడం వంటివి అవసరం’’ అని సీఐఐ ప్రెసిడెంట్‌ శోభనా కామినేని పేర్కొన్నారు. పీఎన్‌బీ స్కామ్‌ నేపథ్యంలో కార్పొరేట్లకు రుణాల వితరణను పూర్తిగా నిలిపివేయడం చేస్తే అది పీఎస్‌బీల్లో ఉన్నత స్థాయిలోని వారిని నిరుత్సాహానికి గురిచేస్తుందని అసోచామ్‌ హెచ్చరించింది. అనైతిక వ్యాపార సంస్థలు, అవినీతి అధికారులు కుమ్మక్కై పాల్పడే ఆర్థిక నేరాల కారణంగా పరిశ్రమకు నిధులు నిలిపివేసే పరిస్థితి రాకూడదని పేర్కొంది. ‘‘పీఎస్‌బీలను స్థిరీకరించడం ద్వారా ఉత్తమ ప్రమాణాలు, జవాబుదారీ, పారదర్శకతతో కూడిన పలు పటిష్ట బ్యాంకులను ఏర్పాటు  చేయాలి. రీక్యాపిటలైజేషన్‌తో ప్రభుత్వం తన వాటాను పెంచుకుంటోంది. కానీ, ప్రభుత్వం నిర్దే శించుకున్న విధంగా తన వాటాను 52 శాతానికి వెంటనే తగ్గించుకోవాలి’’ అని శోభ కామినేని సూచించారు. బ్యాంకుల ప్రైవేటీకరణ వంటి దీర్ఘకాలిక పరిష్కారాలు అవసరమని అసోచామ్‌ జనరల్‌ సెక్రటరీ డీఎస్‌ రావత్‌ అన్నారు. ‘‘ఏవో ఒకటి రెండు నల్ల గొర్రెలు మన ఆర్థిక వ్యవస్థను కూల్చేయలేవు. ఈ తరహా షాక్‌లను తట్టుకోగలదు. అయినప్పటికీ ఆ తరహా కుదుపులను వ్యవస్థాపరమైన సంస్కరణలతో నివారించాలి’’ అని రావత్‌ సూచించారు.  

ముంబై: మొండి పద్దుల వర్గీకరణలో రిజర్వ్‌ బ్యాంక్‌ లెక్కలకు, తమ లెక్కలకు మధ్య ఇకపై వ్యత్యాసాల (డైవర్జెన్స్‌) సమస్య తలెత్తకుండా చర్యలు తీసుకుంటున్నట్లు ప్రభుత్వ రంగ బ్యాంకింగ్‌ దిగ్గజం స్టేట్‌ బ్యాంక్‌ ఆఫ్‌ ఇండియా (ఎస్‌బీఐ) చైర్మన్‌ రజనీష్‌ కుమార్‌ స్పష్టం చేశారు. మార్చితో ముగిసే పూర్తి ఆర్థిక సంవత్సరం లెక్కల్లో ఎటువంటి తేడాలు లేకుండా జాగ్రత్తలు పాటిస్తామని ఆయన చెప్పారు. ఇటీవల డిసెంబర్‌ త్రైమాసిక ఫలితాల వెల్లడి సందర్భంగా.. 2017 మార్చితో ముగిసిన ఆర్థిక సంవత్సరంలో ఎస్‌బీఐ రూ. 23,000 కోట్ల మేర మొండి బకాయిల డైవర్జెన్స్‌ చూపిన నేపథ్యంలో రజనీష్‌ కుమార్‌ వివరణ ప్రాధాన్యం సంతరించుకుంది. వర్గీకరణలో ’కాలవ్యవధిపరమైన’ అంశాల కారణంగానే మొండిబాకీల లెక్కల్లో వ్యత్యాసాలు తలెత్తాయని కుమార్‌ ఒక ఇంటర్వ్యూలో తెలిపారు. వాస్తవానికి 2017 మార్చి నాటికే సదరు రుణాలను మొండిబాకీల కింద గుర్తించినప్పటికీ.. అధికారికంగా వర్గీకరణ జరగకపోయి ఉండొచ్చని ఆయన తెలిపారు. 2016–17 ఆర్థిక సంవత్సరంలో ఎస్‌బీఐ భారీ మొత్తంలో ఎన్‌పీఏలను తక్కువగా చూపించినట్లు ఆర్‌బీఐ తనిఖీల్లో బైటపడిన సంగతి తెలిసిందే. గతేడాది ఆగస్టులో సవరించిన నిబంధనల ప్రకారం ఎన్‌పీఏల విషయంలో ఆర్‌బీఐ లెక్కలకు, బ్యాంకు లెక్కలకు మధ్య 15 శాతం పైగా వ్యత్యాసం ఉన్న పక్షంలో రిజర్వ్‌ బ్యాంక్‌కు కచ్చితంగా తెలియజేయాల్సి ఉంటుంది. దీని ప్రకారం చూస్తే ఎస్‌బీఐ లెక్కల్లో 21 శాతం మేర వ్యత్యాసం ఉన్నట్లు వెల్లడైంది. దీంతో.. వీటన్నింటికి కేటాయింపులు పెంచాల్సి రావడంతో డిసెంబర్‌ త్రైమాసికంలో ఎస్‌బీఐ  రూ. 1,887 కోట్ల నికర నష్టం ప్రకటించాల్సి వచ్చింది. భారీ పద్దులకు పరిష్కారం.. సుదీర్ఘకాలం మొండిబాకీలుగా కొనసాగుతున్న కొన్ని ఖాతాల మూలంగా ప్రొవిజనింగ్‌ సైతం అధిక స్థాయిలోనే ఉంటోందని రజనీష్‌ కుమార్‌ చెప్పారు. అయితే, భారీ మొండి పద్దులను ఈ ఏడాది సెప్టెంబర్‌ నాటికల్లా పరిష్కార చర్యల ద్వారా గానీ లేదా రైట్‌ డౌన్‌ రూపంలో గానీ ఖాతాల నుంచి తొలగించే అవకాశాలు ఉన్నాయని ఆయన వివరించారు. ఆర్‌బీఐ నిబంధనల ప్రకారం సుదీర్ఘకాలంగా ఎన్‌పీఏగా ఉన్న ఖాతాకు మరింత ఎక్కువ కేటాయింపులు చేయాల్సి వస్తుంది. గతేడాది డిసెంబర్‌ ఆఖరు నాటికి ఎస్‌బీఐ స్థూల మొండిబాకీలు (ఎన్‌పీఏ) రూ. 1.86 లక్షల కోట్ల నుంచి రూ. 1.99 లక్షల కోట్లకు, నికర ఎన్‌పీఏ నిష్పత్తి 9.83 శాతం నుంచి 10.35 శాతానికి పెరిగింది. మరోవైపు, రిటైల్‌ విభాగం ఊతంతో వచ్చే ఆర్థిక సంవత్సరం రుణ వృద్ధి 10 శాతం మేర ఉండొచ్చని రజనీష్‌ కుమార్‌ అంచనా వేశారు. అయితే, కార్పొరేట్‌ రుణాల విషయంలో మాత్రం ఇంకా ఆచితూచి వ్యవహరిస్తున్నట్లు  వివరించారు.

న్యూఢిల్లీ: దేశీయ కార్పొరేట్‌ రంగంలో ఈ ఏడాది ఉద్యోగుల నియామకాలు ఆశాజనకంగానే ఉంటాయని, 10–15 శాతం మేర వృద్ధి ఉంటుందని పీపుల్స్‌ స్ట్రాంగ్‌ అనే హెచ్‌ఆర్‌ సంస్థ నిర్వహించిన సర్వేలో వెల్లడైంది. 2017లో ఉద్యోగ నియామకాలు మందగించిన విషయాన్ని గుర్తు చేసింది. ఈ మేరకు ఇండియా స్కిల్స్‌ నివేదిక 2018ని విడుదల చేసింది. దేశవ్యాప్తంగా 120 సంస్థలు, 5,10,000 మంది విద్యార్థుల నుంచి అభిప్రాయాలు సమీకరించింది. గడిచిన ఐదేళ్లలో ఎన్నడూ లేని స్థాయిలో ఉపాధి 45.6 శాతానికి పెరిగిందని పేర్కొంది. ‘‘మనం మార్పు దశలో ఉన్నాం. డిజిటల్‌ ప్రభావాన్ని అలవాటు చేసుకుంటున్నాం. ఈ దశను ఫలవంతంగా పూర్తి చేసేందుకు డిమాండ్, సరఫరా వైపు చర్యలు అవసరం. అయితే, మనం సరైన దిశలోనే వెళుతున్నామని డేటా తెలియజేస్తోంది’’అని పీపుల్‌ స్ట్రాంగ్‌ సీఈవో పంకజ్‌ బన్సాల్‌ అన్నారు.   ఈ రాష్ట్రాల్లో అధిక ఉపాధి ఆంధ్రప్రదేశ్, ఢిల్లీ, గుజరాత్‌ అధిక ఉపాధి అవకాశాలు కలిగిన రాష్ట్రాల్లో ఉన్నాయని ఈ నివేదిక తెలియజేసింది. ఐటీ రాజధానిగా పేరు తెచ్చుకున్న బెంగళూరు ఉపాధిలో ముందుంది. సర్వేలో ఈ నగరమే టాప్‌లో ఉంది. ఆ తర్వాత చెన్నై, ఇండోర్, లక్నో, ముంబై, నాగ్‌పూర్‌ వరుసగా అధిక ఉపాధి అవకాశాలు కలిగిన నగరాలు కావడం గమనార్హం. ఢిల్లీ 7వ స్థానంలో ఉండగా, పుణె, తిరుచిరాపల్లి ఆ తర్వాతి స్థానాల్లో ఉన్నాయి. ఉద్యోగ నైపుణ్యాలు కలిగిన మానవ వనరులు ఎక్కువగా ఉన్నది ఢిల్లీలోనే. ఇక్కడ ప్రతీ ముగ్గురిలో ఇద్దరికి ఆ అర్హతలు ఉన్నట్టు నివేదిక వెల్లడించింది. 18–25 సంవత్సరాల వయసులో ఉన్న ఉద్యోగ అభ్యర్థుల శాతం 46 శాతం కాగా, 26–29 వయసులోని వారు 26 శాతంగా ఉన్నారు. మొత్తం మీద ఉపాధి అవకాశాలు అంతకు ముందు సంవత్సరంలో ఉన్న 40.44 శాతం నుంచి 45.60 శాతానికి పెరిగినట్టు ఈ నివేదిక పేర్కొంది.  

సాక్షి, న్యూఢిల్లీ: ఫోర్టిస్‌ ఆస్పత్రి నిర్వాకం మరువకముందే గుర్‌గ్రామ్‌కు చెందిన మరో కార్పొరేట్‌ ఆస్పత్రి డెంగ్యూతో బాధపడుతున్న ఎనిమిదేళ్ల బాలుడి చికిత్సకు రూ. 16 లక్షలు వసూలు చేసింది. 21 రోజుల పాటు చికిత్స చేసినా చివరికి బాలుడు మరణించడంతో ఫలితం లేకుండా పోయింది. భారీ బిల్లులతో బెంబేలెత్తిన బాలుడి తల్లితండ్రులు మెదాంత ఆస్పత్రి నుంచి వేరే ఆస్పత్రికి తీసుకువెళ్లారు. గుర్‌గ్రాంలోని మెదాంత ఆస్పత్రిలో తమ కుమారుడి చికిత్సకు 21 రోజులకు రూ.16 లక్షలు బిల్లు ఇచ్చారని, చికిత్స పేరుతో ఆస్పత్రి తమను లూటీ చేసిందని బాధిత బాలుడి తండ్రి ఆవేదన వ్యక్తం చేశారు. చికిత్స నిమిత్తం డబ్బు కోసం తాము పలువుని అర్థించామని చెప్పుకొచ్చారు. పరిస్థితి ప్రమాదకరంగా మారిన తర్వాత బాలుడిని ప్రభుత్వ ఆస్పత్రికి తీసుకెళ్లాలని మెదాంత వైద్యులు చెప్పగా తాము అక్కడికి తరలించామని తెలిపారు.మెదంత ఆస్పత్రి నిర్వాకంపై తమకు ఫిర్యాదు అందిందని సదర్‌ పోలీస్‌ స్టేషన్‌ అధికారులు చెప్పారు. ఈ ఏడాది సెప్టెంబర్‌లో మూడేళ్ల ఆద్యా సింగ్‌ డెంగ్యూతో బాధపడుతూ 15 రోజుల చికిత్స అనంతరం మరణించింది. పాపకు చికిత్స కోసం ఫోర్టిస్‌ సూపర్‌ స్పెషాలిటీ ఆస్పత్రి రూ.16 లక్షలు బిల్లు ఛార్జ్‌ చేయడం వివాదాస్పదమైన విషయం తెలిసిందే.

సాక్షి, హైదరాబాద్‌: బిజినెస్‌ అంటే కోట్లలో పెట్టుబడి పెట్టాలి. కస్టమర్లను ఆకర్షించేందుకు కార్పొరేట్‌ ఆఫీసునూ ప్రారంభించాలి. అయితే ఇదంతా పెద్ద కంపెనీలకు, విదేశీ పెట్టుబడులుండే సంస్థలకైతే చెల్లుతుంది. మరి సూక్ష్మ, చిన్న, మధ్య తరహా పరిశ్రమలు (ఎంఎస్‌ఎంఈ), ఔత్సాహిక పారిశ్రామికుల పరిస్థితేంటి? పోనీ బ్యాంకులోన్‌ తోనో లేక అప్పు చేసో ఆఫీసును ప్రారంభించారనుకుందాం! బిజినెస్‌లో సక్సెస్‌ అయితే పర్వాలేదు. దురదృష్టం వెంటాడి విఫలమైతే? ఊహించుకోవడానికే కష్టంగా ఉంది కదూ. అందుకే ఎంఎస్‌ఎంఈలు, ఔత్సాహిక పారిశ్రామిక వేత్తలకు దారి చూపుతోంది ‘వర్చువల్‌ ఆఫీసు’. ఆఫీసు స్థలం, ఫర్నీచర్‌ నుంచి ఉద్యోగుల వరకు అన్నీ అద్దెకుండేవే ఈ వర్చువల్‌ ఆఫీసులు. కార్పొరేట్‌ ప్రాంతాల్లో ఆఫీసు తెరవాలంటే అక్కడి స్థిరాస్తి ధరలు ఔత్సాహిక పారిశ్రామిక వేత్తలు, చిన్న కంపెనీలు భరించలేనంతగా ఉంటాయన్నది నిజం. ఈ ప్రాంతాల్లో వ్యాపారాన్ని ప్రారంభించాలంటే కోట్లలో పెట్టుబడి, ఆఫీసు ఫర్నీచర్, ఉద్యోగులకు వేతనాలు ఇలా అన్నింటి భారాన్ని మోస్తూ బిజినెస్‌ను నడపడమంటే మాములు విషయం కాదు. ఇలాంటి కష్టాలకే చెక్‌ చెబుతాయి వర్చువల్‌ ఆఫీసులు. ఆఫీసు స్థలం నుంచి ఫర్నీచర్, ఉద్యోగుల వరకు అన్నీ అద్దెకు లభించడమే వీటి ప్రత్యేకత. వీటి లాభాలు చూసి చిన్న కంపెనీలే కాదు మల్టినేషనల్‌ కంపెనీలూ ఆసక్తి చూపిస్తున్నాయి. ఈ ఆఫీసు సేవలు రెండు రకాలుగా ఉంటాయి. 1. వర్చువల్‌ ఆఫీసు 2. సర్వీస్‌ ఆఫీసు వర్చువల్‌ ఆఫీసు: ఆఫీసుకు చిరునామా, ఫోన్‌ నెంబర్, ఫ్యాక్స్‌ సేవలుంటాయి. క్లయింట్లు ఫోన్‌ చేస్తే రిసీవ్‌ చేసుకునేందుకు ఓ రిసెప్షనిస్ట్‌ ఉంటుంది. ఆఫీసుకొచ్చే ఫోన్లు స్వీకరించి సంబంధింత యాజమాన్యానికి ట్రాన్స్‌ఫర్‌ చేస్తుంది. ఇక ధరలు విషయానికొస్తే్త.. ఫోన్‌ నంబర్, అడ్రస్, ఫ్యాక్స్‌ సేవలకైతే నెలకు ఒక్కో దానికి రూ.2,500 చొప్పున చెల్లించాలి. ఇంట్లోనే ఉండి ఆఫీసును ప్రారంభించాలనుకునే వారికి ఇవి ఉపయుక్తం. అందరికి తెలిసిన బిజినెస్‌ అడ్రస్‌ ఉంటుంది కాబట్టి కస్టమర్లకూ నమ్మకముంటుంది. సర్వీస్‌ ఆఫీసు: వీటిలో ఆఫీసును పెట్టుకునేందుకు వీలుగా అద్దెకు స్థలం కేటాయిస్తారు. చ.అ.లను బట్టి ధరలుంటాయి. సుమారుగా రూ.40 వేలు నుంచి లక్షకు పైగానే ధరలున్నాయి. అలాగే సమావేశాలు నిర్వహించుకునేందుకు కూడా ప్రత్యేక గది ఉంటుంది. దీనికి 10 నిమిషాలకు రూ.85 చెల్లించాలి. స్థలం నుంచి ఉద్యోగుల వరకు.. వర్చువల్‌ ఆఫీసు అంటే కార్యాలయానికి అవసరమైన స్థలం నుంచి ఫర్నీచర్, ఫోన్, ఫ్యాక్స్‌ నెంబర్లు, బిజినెస్‌ కార్డులు, లెటర్‌ హెడ్స్, సమావేశాల కోసం ప్రత్యేక గదులు, ఆడియో, వీడియో సౌకర్యం, ఇంటర్నెట్‌ సేవలు.. ఇలా ప్రతి ఒక్కటీ అద్దెకిస్తారు. అంతేకాకుండా అద్దెకు తీసుకున్న ఆఫీసులో ఒక రిసెప్షనిస్ట్‌ కూడా ఉంటుంది. ఈ రిసెప్షనిస్ట్‌ సంబంధిత కంపెనీకి వచ్చే ఫోన్‌ కాల్స్‌ను రిసీవ్‌ చేసుకొని యజమానికి ట్రాన్స్‌ఫర్‌ చేస్తుంది. ఆఫీసుకొచ్చే లెటర్లను కంపెనీ యజమానికి కొరియర్‌ చేస్తారు.    ప్రయోజనాలెన్నో.. ⇔ కొత్తగా వ్యాపారంలోకి అడుగు పెట్టే వారు ఆ బిజినెస్‌ను ప్రజలు ఎలా స్వాగతిస్తారు? ఎలాంటి మార్పులవసరం వంటి అనేక అంశాలను తెలుసుకునేందుకు వర్చువల్‌ ఆఫీసులు ఉపయోగడతాయి. ⇔ కంపెనీకి ప్రొఫిషనల్‌ బిజినెస్‌ అడ్రస్‌ వస్తుంది. అంతేకాకుండా అందరూ సులువుగా గుర్తు పట్టే ప్రాంతంలో ఆఫీసు అడ్రస్‌ ఉండటంతో కంపెనీపై నమ్మకం ఏర్పడుతుంది. ⇔ సొంతంగా ఆఫీసును పెట్టుకుంటే ఉద్యోగులు, భద్రతా సిబ్బంది వేతనాలు, విద్యుత్‌ చార్జీలు వంటివెన్నో స్వయంగా భరించాల్సి ఉంటుంది. అదే వర్చువల్‌ ఆఫీసుల్లో అయితే అవేమీ ఉండవు. ఆఫీసు స్థలానికి, రిసెప్షనిస్ట్‌కు డబ్బులు చెల్లిస్తే చాలు. ⇔ సొంతంగా ఆఫీసుంటే యజమాని ప్రతి రోజూ ఆఫీసుకు రావాల్సి ఉంటుంది. ఇందుకోసం కారు, బండి వాటిని వినియోగించాలి. దీంతో పెట్రోల్, డీజిల్‌ వంటి ఇంధన వనరుల ఖర్చులూ భరించాల్సి ఉంటుంది. అదే వర్చువల్‌ ఆఫీసైతే యజమాని రోజూ ఆఫీసుకు రావాల్సిన అవసరం ఉండదు. దీంతో ఇంధనం వినియోగం తగ్గుతుంది. పర్యావరణానికి మేలు చేసినవారమవుతాం.


 ♦ మరికాస్త దూరంలో సెన్సెక్స్‌
 ♦ ఆర్‌బీఐ పాలసీవైపు చూపు
 
 ముంబై: ఒకవైపు కార్పొరేట్‌ ఫలితాలు ప్రోత్సాహాన్ని అందిస్తుండగా, మరోవైపు ఆటోమొబైల్‌ అమ్మకాలు మెరుగ్గావున్నట్లు గణాంకాలు వెలువడటంతో వరుసగా రెండోరోజు మంగళవారం స్టాక్‌ మార్కెట్‌లో కొత్త రికార్డులు నెలకొన్నాయి. ఎన్‌ఎస్‌ఈ నిఫ్టీ జూలై 27 నాటి 10,115 పాయింట్ల గరిష్టస్థాయిని దాటి...10,128.60 పాయింట్ల చరిత్రాత్మక గరిష్టస్థాయిని చేరి రికార్డు సృష్టించింది. చివరకు 37.55 పాయింట్ల లాభంతో 10,114.65 పాయింట్ల వద్ద ముగిసింది. ఇది నిఫ్టీకి రికార్డు ముగింపు. బీఎస్‌ఈ సెన్సెక్స్‌ ఇంట్రాడేలో 32,632 పాయింట్ల గరిష్టస్థాయివరకూ పెరిగిన తర్వాత..చివరకు 60 పాయింట్ల లాభం 32,575 పాయింట్ల వద్ద ముగిసింది.
 
 ఇంట్రాడేలో జూలై 27నాటి 32,672 పాయింట్ల స్థాయిని సెన్సెక్స్‌ ఇంకా అధిగమించనప్పటికీ, ఈ స్థాయి వద్ద సూచీ ముగియడం ఇదే ప్రధమం. రిజర్వుబ్యాంక్‌ పాలసీ నిర్ణయం బుధవారం వెలువడనున్న నేపథ్యంలో ఇన్వెస్టర్లు జాగురూకత వహించడంతో మార్కెట్‌ లాభాలు పరిమితంగా వున్నాయని జియోజిత్‌ ఫైనాన్షియల్‌ సర్వీసెస్‌ రీసెర్చ్‌ హెడ్‌ వినోద్‌ నాయర్‌ చెప్పారు. ఆటోమొబైల్‌ కంపెనీల జూలై నెల అమ్మకాలు మార్కెట్‌ అంచనాల్ని మించడం, కొన్ని బ్లూచిప్‌ ఫలితాలు ప్రోత్సాహకరంగా వుండటంతో సూచీలు పెరిగాయని ఆయన వివరించారు.
 
 ఆటో కంపెనీల జోరు...
 జూలై అమ్మకాల గణాంకాలతో ఆటోమొబైల్‌ షేర్లు జోరుగా పెరిగాయి. 21 శాతం అమ్మకాలు పెంచుకున్న మారుతి సుజుకి 1.35 శాతం పెరిగి రికార్డు గరిష్టస్థాయి రూ. 7,855 వద్ద ముగిసింది. నిఫ్టీలో భాగమైన ఐషర్‌ మోటార్స్‌ 4 శాతంపైగా పెరిగి కొత్త రికార్డుస్థాయి రూ. 31,505 వద్ద క్లోజయ్యింది. మహింద్రా, హీరో మోటో కార్ప్‌లు 1–2 శాతం మధ్య ఎగిసాయి. ఇతర రంగాల షేర్లలో విప్రో, హెచ్‌యూఎల్, డాక్టర్‌ రెడ్డీస్‌ లాబ్, కోల్‌ ఇండియాలు 1–2 శాతం మధ్య ర్యాలీ సాగించాయి. మరోవైపు ఓఎన్‌జీసీ, ఎస్‌బీఐ, కొటక్‌ బ్యాంక్, అంబూజా సిమెంట్‌ షేర్లు 1–2 శాతం మధ్య క్షీణించాయి.


 ముంబై : టెలికాం టవర్ సంస్థల ఉద్యోగాల్లో ప్రతిష్టంభన నెలకొంది. ఇన్ఫ్రాక్ట్ర్చర్ సంస్థల్లో రెవెన్యూల దెబ్బ, టెలికాం సర్వీసు ప్రొవైడర్ల నుంచి అద్దెలు రాకపోవడం టవర్ సంస్థల్లో ఉద్యోగుల భవిష్యత్తును ప్రశ్నార్థకంగా మార్చుతున్నాయి. దాదాపు 6000 ఉద్యోగాలకు గండి కొట్టనున్నాయని రిపోర్టులు చెబుతున్నాయి. వచ్చే ఐదేళ్లలో టెలికాం టవర్ కంపెనీల్లో పనిచేసే 10 శాతం మందికి ఉద్యోగాలు పోతాయని రిక్రూట్మెంట్ హెడ్స్ అండ్ ఇండస్ట్రీ ఎగ్జిక్యూటివ్లు పేర్కొన్నారు. ప్రస్తుతం టెలికాం టవర్ సంస్థలు 60వేల మంది ఉద్యోగవకాశాలు కల్పిస్తున్నాయి.
  
 వీరిలో చాలామంది కాంట్రాక్ట్ ఉద్యోగులే. టెలికాం ఇండస్ట్రీతో సంబంధమున్న సేల్స్, మార్కెటింగ్, కార్పొరేట్ ఆఫీసు ఉద్యోగులపై కూడా ఈ ప్రభావం చాలా దారుణంగా ఉంటుందని ఇండస్ట్రీ ఎగ్జిక్యూటివ్ లు తెలిపారు. కొత్త వ్యక్తుల నియామకాలు కూడా 50 శాతం మేర తగ్గినట్టు తెలిసింది. అయితే స్వల్పకాలంగా టెలికాం టవర్ ఇండస్ట్రి ఒత్తిడిలో కొనసాగినా.. దీర్ఘకాలంలో ఇది మరింత స్ట్రాంగ్ అవుతుందని  ఎగ్జిక్యూటివ్ లు పేర్కొంటున్నారు. కంపెనీల విలీనం ప్రస్తుతం ఇండస్ట్రీ ఉద్యోగులను ఆందోళనలో పడేస్తుందని తెలుపుతున్నారు.   
  
  


 ఖాతాదారులు తమ అకౌంట్లలో మినిమమ్ బ్యాలెన్స్ ఉంచుకోవాలని.. లేకపోతే ఛార్జీల మోత మోగిస్తామని ఎస్బీఐ అంతకమునుపు హెచ్చరించిన సంగతి తెలిసిందే. ఈ ఛార్జీల బాదుడు ప్రక్రియను కూడా ఏప్రిల్ 1 నుంచి అమల్లోకి తెచ్చింది. అయితే  ఏ బ్యాంకు అకౌంట్లకు ఎంత ఛార్జీవేస్తారో? మా అకౌంట్ల పరిస్థితేమిటి? అని ఖాతాదారులు తీవ్ర ఆందోళన చెందుతున్నారు. వారి ఆందోళనలపై ఈ ప్రభుత్వ రంగ దిగ్గజం స్పందించింది. కొన్ని అకౌంట్ల కస్టమర్లకు మినిమమ్ బ్యాలెన్స్ ఛార్జీల నుంచి విముక్తి కలిగిస్తున్నట్టు పేర్కొంది. స్మాల్ సేవింగ్స్ బ్యాంకు ఖాతాలు, బేసిక్ సేవింగ్స్ బ్యాంకు ఖాతాలు, జన్ ధన్ అకౌంట్లు లేదా ప్రభుత్వ ఫైనాన్సియల్ ఇంక్లూజివ్ స్కీమ్ ప్రధానమంత్రి జన్ ధన్ యోజన కింద అకౌంట్లు ప్రారంభించిన వారికి మినిమమ్ బ్యాలెన్స్  ఉంచాల్సిన పరిమితి నుంచి మినహాయింపు ఇస్తున్నట్టు తెలిపింది.
  
 అంతేకాక, కార్పొరేట్ శాలరీ అకౌంట్లకు కూడా మినిమమ్ మంత్లీ బ్యాలెన్స్  నుంచి విముక్తి కలిగిస్తున్నట్టు తెలిపింది.   ఈ విషయాన్ని ఎస్బీఐ ట్వీట్ ద్వారా వెల్లడించింది. ఐదు అనుబంధ బ్యాంకులను, భారతీయ మహిళా బ్యాంకులను ఎస్బీఐ ఇటీవలే తనలో విలీనం చేసుకుంది. బ్యాంకు ఖాతాదారులు తమ అకౌంట్లలో మినిమమ్ బ్యాలెన్స్ ఉంచకపోతే ఛార్జీలు వేస్తామని తెలిపింది. ఈ ప్రభావం పెన్షనర్లు, విద్యార్థులతో కలుపుకుని మొత్తం 31 కోట్ల మంది డిపాజిట్ దారులపై ప్రభావం చూపనుందని తెలిసింది. 
  
 
 
 Account holders of the following types of accounts are exempt from requiring to maintain an average monthly balance: pic.twitter.com/61U8QNu7xR
 — State Bank of India (@TheOfficialSBI) April 11, 2017
  
 
  


 కేంద్ర ప్రభుత్వం యోచన
 న్యూఢిల్లీ: నకిలీ సంస్థల ఏరివేత దిశగా కంపెనీల్లోని కీలక వ్యక్తులు, డైరెక్టర్లు సమర్పించే ఫైలింగ్స్‌కు ఆధార్‌ నంబరును జతపర్చడం తప్పనిసరి చేయాలని కేంద్ర ప్రభుత్వం యోచిస్తోంది. డొల్ల కంపెనీల ద్వారా జరిగే మనీలాండరింగ్‌ కార్యకలాపాలపై ప్రభుత్వం కొరడా ఝుళిపిస్తున్న నేపథ్యంలో తాజా ప్రతిపాదన ప్రాధాన్యం సంతరించుకుంది. ప్రస్తుతం దేశీయంగా తొమ్మిది లక్షల పైచిలుకు కంపెనీలు కార్యకలాపాలు నిర్వహిస్తున్నాయి.
 సాధారణంగా కంపెనీల చట్టం నిబంధనల ప్రకారం రిజిస్టరయిన సంస్థలు.. ఎంసీఏ21 పోర్టల్‌ ద్వారా ఫైలింగ్స్‌ సమర్పించాల్సి ఉంటుంది. ఎంసీఏ21 సంబంధ వివిధ సర్వీసులకు ఆధార్‌ను అనుసంధానం చేసే అంశాన్ని కార్పొరేట్‌ వ్యవహారాల శాఖ పరిశీలిస్తోంది. ఆయా వర్గాలు ఇందుకు అనుగుణంగా ఆధార్‌ నంబరును సాధ్యమైనంత త్వరగా పొందాల్సిందిగా ఒక నోటీసులో సూచించింది. పర్మనెంట్‌ అకౌంటు నంబరు (పాన్‌) సమాచారంతో ఆధార్‌ సమాచారం సరిపోలి ఉండాలని పేర్కొంది. ఇది అమల్లోకి వస్తే ఇకపై ఎంసీఏ21 సర్వీసులన్నీ కూడా ఆధార్‌ ఆధారితమైనవిగానే ఉంటాయని వివరించింది. 
  


 ప్రైవేటు స్కూల్స్‌ అడ్డగోలు అడ్మిషన్లకు తెరలేపాయి. విద్యా సంవత్సరం ముగింపుకాకముందే ముందస్తు› ప్రవేశాల పేరుతో విద్యార్థుల తల్లిదండ్రులను మభ్యపెడుతున్నాయి. ఇస్టానుసారంగా ఫీజులు వసూలు చేస్తూ, నిలువు దోపిడీ చేస్తున్నాయి. టెక్నో, ఈ టెక్నో, ఈ స్మార్ట్‌ అంటూ రకరకాల పేర్లతో వసూళ్ల పర్వానికి తెరలేపాయి. నిబంధనల ఉల్లంఘన యథేచ్ఛగా కొనసాగుతున్నా విద్యాశాఖాధికారులు నిద్రమత్తులో జోగుతుండడం విమర్శలకు తావిస్తోంది.
 
 ► నిబంధనలకు నీళ్లొదులుతున్న కార్పొరేట్, ప్రైవేటు స్కూల్స్‌
 ► అధిక ఫీజులు వసూలు చేస్తున్నా పట్టించుకోని విద్యాశాఖ  
 
 కడప ఎడ్యుకేషన్‌: ప్రస్తుత విద్యా సంవత్సరం ముగియక ముందే కార్పొరేట్,  ప్రైవేటు స్కూళ్ల యాజమాన్యాలు వచ్చే విద్యా సంవత్సరానికి సంబంధించిన అడ్మిషన్లు మొదలు పెట్టాయి. ముందుగా సీట్‌ బుక్‌ చేసుకుంటే రాయితీ ఇస్తామని మభ్యపెడుతుండడంతో విద్యార్థుల తల్లిదండ్రులు ఆశ పడుతున్నారు. నిబంధనల ప్రకారం ప్రతి స్కూల్లో నిర్ణీత ఫీజుల బోర్డులు ఏర్పాటు చేసి విద్యా సంవత్సరం ముగిశాక వచ్చే విద్యా సంవత్సరానికి అడ్మిషన్లు చేసుకోవాలి. కానీ, నగరంలోని కొన్ని స్కూళ్లు  చెట్టుపేరు చెప్పుకుని కాయలు అమ్ముకునే రీతిలో వ్యవహరిస్తున్నాయి. ‘బ్రాండ్‌’ పేరు చెప్పుకుని అడ్డగోలుగా ఫీజులు దండుకుంటున్నాయి.
 
 యాజమాన్యాలపై చర్యలేవీ..?: నిబంధనలు పాటించని యాజమాన్యాలపై విద్యాశాఖాధికారులు చర్యలు తీసుకోకపోవడంతో వారి ఆగడాలకు అడ్డు అదుపూ లేకుండా పోతోంది. నర్సరీ నుంచి పదవ తరగతి వరకూ ముందస్తు అడ్మిషన్లకు తెరలేపి.. అందిరన కాడికి దండుకుంటున్నాయి. నర్సరీకే రూ. 10 వేల నుంచి రూ. 25 వేల వరకూ ఫీజులు వసూలు చేస్తూ తల్లిదండ్రుల నడ్డి విరుస్తున్నారు. దీనికి స్కూల్‌ యూనిఫాం, పుస్తకాలు అదనం. వీటన్నింటిని అంగీకరించి ముందుగానే అడ్మిషన్‌ ఫీజు మొత్తం చెల్లించాలి. లేకపోతే అడ్మిషన్‌ ఇచ్చేదే లేదని తెగేసి చెబుతున్నట్లు సమాచారం.
 
 వసతులు లేకున్నా...: కార్పొరేట్‌ విద్యాసంస్థల్లో కనీస వసతులు లేకున్నా రూ. వేలల్లో ఫీజులు వసూలు చేస్తుండడంతో తల్లిదండ్రులు ఆర్థికంగా చితికిపోతున్నారు. ప్రభుత్వ నిబంధన ప్రకారం పదవ తరగతిలోపు విద్యార్థులకు రూ. 10 వేలలోపే ఫీజులు వసూలు చేయాల్సి ఉంది. కానీ, ఈ నిబంధన ఎక్కడ అమలుకు నోచుకోవడం లేదు.
 
 ఆగడాలకు అడ్డుకట్ట వేసే వారేరీ.?: తల్లిదండ్రులు తమ పిల్లల భవిష్యత్తు బాగుండాలని ప్రైవేటు స్కూల్స్‌ వైపు మొగ్గుచూపుతున్నారు. దీని ఆసరాగా తీసుకున్న కార్పొరేట్, ప్రైవేటు స్కూల్స్‌ యాజమాన్యాలు నిబంధనలకు నీళ్లొది వసూళ్ల పర్వానికి తెరలేపాయనే ఆరోపణలు బలంగా వినిపిస్తున్నాయి. ప్రభుత్వ నిబంధనల ప్రకారం ఏ విద్యా సంస్థ కూడా డొనేషన్లు వసూలు చేయకూడదు. పాఠశాలల్లో తాము వసూలు చేసే ఫీజు వివరాలను తరగతుల వారీగా నోటీసు బోర్డులో ఉం చాలి. కానీ, ఈ నిబంధన ఏ ఒక్క పాఠశాలలో కూడా అమలవుతున్న దాఖలాలు కనిపించడం లేదు.
 
 ప్రైవేటు టీచర్లకు టార్గెట్‌..: జిల్లాలోని కార్పొరేట్,  ప్రైవేటు స్కూళ్లలో అడ్మిషన్లు చేయించుకునేందుకు యజమాన్యాలు ఆయా సూళ్లలో పనిచేస్తున్న టీచర్లకు టార్గెట్‌ పెడుతున్నాయి. ఒక్కొక్కరికి 10 నుంచి 15 అడ్మిషన్లు చేయించాలని ఒత్తిడి తెస్తున్నట్లు సమాచారం. టార్గెట్‌ పూర్తి చేయకుంటే ఉద్యోగానికి ఎసరు పెడుతున్నట్లు తెలుస్తోంది.
 
 అడ్మిషన్లు చేస్తే చర్యలు తీసుకుంటాం: కార్పొరేట్, ప్రైవేటు స్కూల్స్‌లో విద్యా సంవత్సరం ముగియక ముందే అడ్మిషన్లు చేయకూడదు. అలా చేసుకుంటే మాత్రం చట్టరీత్యా చర్యలు తీసుకుంటాం. ఆరోపణలు వస్తున్న స్కూళ్లపై విచారించి తప్పకుండా చర్యలు తీసుకుంటాం.    
 -----పొన్నతోట శైలజ, ఇన్‌చార్జి డీఈఓ


 ► కార్పొరేట్‌ గైడ్‌లైన్స్ మేరకు కేటాయించాలని కార్మికుల ఆందోళన
 ►  కౌన్సెలింగ్‌ వాయిదా వేసిన అధికారులు
 
 కార్పొరేట్‌ గైడ్‌లైన్స్  మేరకు ఆర్జీ–2 ఏరియాలో క్వార్టర్లు కేటాయించాలని కౌన్సెలింగ్‌ను కార్మికులు బహిష్కరించారు. ఆర్జీ–1 ఏరియాలో ఈపీ ఆపరేటర్లకు ఎంసీ క్వార్టర్లు ఇస్తుండగా ఇక్కడ మాత్రం అర్హత లేదని చెబుతుండడంపై ఆందోళనకు దిగారు. మూడునెలల క్రితం నిర్వహించిన కౌన్సెలింగ్‌లో ఈవిధంగానే చేశారని ఇష్టారాజ్యంగా వ్యవహరిస్తున్నారని అధికారులతో కార్మికులు గురువారం వాగ్వాదానికి దిగారు. చేంజ్‌ఆఫ్‌క్వార్టర్ల కౌన్సెలింగ్, నూతన క్వార్టర్ల కౌన్సెలింగ్‌ ఒకేరోజు నిర్వహించడంతో అన్యాయం జరుగుతోందని వాపోయారు. చివరకు క్వార్టర్ల కౌన్సెలింగ్‌ను వాయిదా వేయాలని కార్మిక సంఘాల నాయకులు ఐలి శ్రీనివాస్, నాచగోని దశరథంగౌడ్‌ డిమాండ్‌ చేశారు. దీంతో వాయిదా నిర్ణయం తీసుకున్నారు.
 
 రెండు కౌన్సెలింగ్‌లు ఒకేరోజు చేయడం అన్యాయం
 రెండు కౌన్సెలింగ్‌లు ఒకేరోజు ఇవ్వడంతో జూనియర్లకు అన్యాయం జరుగుతోంది. ఆర్జీ–1 ఏరియాలో ఈపీ ఆపరేటర్లకు ఎంసీ టైపు క్వార్టర్లను కౌన్సెలింగ్‌లో ఇస్తుండగా ఆర్జీ–2 ఏరియాలో మాత్రం అమలులో లేదు. పర్సనల్‌ అధికారులు మా బాధలు పట్టించుకోవాలి.  
 – రవీందర్, ఈపీ ఆపరేటర్‌
 
 ఇష్టారాజ్యంగా అధికారుల తీరు..
 పర్సనల్‌ అధికారులు క్వార్టర్ల కేటాయింపులో ఇష్టారాజ్యంగా వ్యవహరిస్తున్నారు. పారదర్శకత లేదు. ఎంసీ క్వార్టర్ల కేటాయింపులో వివక్ష చూపుతున్నారు. ఉత్పత్తిలో కీలకపాత్ర వహిస్తున్న ఈపీ ఆపరేటర్లకు అన్యాయం జరుగుతోంది. – బేతి చంద్రయ్య, ఈపీ ఆపరేటర్, ఓసీ–3
 
 పనులన్నీ విడిచిపెట్టి క్వార్టర్ల కోసం తిరగాలా..
 పనులన్నీ విడిచిపెట్టి క్వార్టర్ల కోసం తిరిగాల్సి వస్తోంది. పద్ధతి లేకుండా అధికారుల ఇష్టారాజ్యంగా నడుస్తోంది. నూతన కార్మికులకు క్వార్టర్ల కౌన్సెలింగ్, చేంజ్‌ఆఫ్‌ క్వార్టర్ల కౌన్సెలింగ్‌ ఒకే రోజు నిర్వహించడంతో సీనియర్లు, జూనియర్లకు అన్యాయం జరుగుతోంది. దీన్ని వెంటనే మార్చాలి. – ఎం.దేవేందర్, ఈపీ ఆపరేటర్‌


  కార్పొరేటుకే కొమ్ము కాసిన మంత్రి
 కబ్జా చేసిన స్థలానికి అండ
 సిఫార్సు చేస్తే.. స్టీల్‌ప్లాంట్‌ రిజర్వాయర్‌  డిజైన్‌ మార్చేశారు..
 
 రాజు తలుచుకుంటే ఏదైనా సాధ్యమని మరోసారి రాష్ట్ర మంత్రి పి.నారాయణ రుజువు చేశారు. లీజు పేరుతో కబ్జా చేసిన స్థలాన్ని కూడా వెనక్కితీసుకోకుండా అడ్డుపుల్ల వేయగలిగారు. కబ్జా చేసిన స్థలానికి కాపలాగా నిలబడ్డారు. ఓ కార్పొరేటు విద్యాసంస్థకు మేలు చేకూర్చారు. స్టీల్‌ప్లాంట్‌ భవిష్యత్‌ అవసరాలకై నిర్మిస్తున్న కణితి బ్యాలెన్సింగ్‌ రిజర్వాయర్‌–2 (కేబీఆర్‌–2) డిజైన్‌నే కాదు.. ఏకంగా దిశనే మార్చేశారు.
 
 విశాఖపట్నం : స్టీల్‌ప్లాంట్‌కు ప్రస్తుతం 0.5 టీఎంసీల సామర్థ్యంతో కణితి బ్యాలెన్సింగ్‌ రిజర్వాయర్‌ ఉంది. ఈ రిజర్వాయర్‌ 5 మీటర్ల లోతున 300 హెక్టార్ల విస్తీర్ణంలో నిర్మించారు. ప్లాంట్‌ను విస్తరించిన నేపథ్యంలో ఈ రిజర్వాయర్‌ సామర్థ్యం సరిపోవడం లేదు. 2009లో మహానేత వైఎస్‌ హయాంలోనే ప్లాంట్‌ రిజర్వాయర్‌ను విస్తరించాలని ప్రతిపాదించారు. ప్రస్తుతం ఉన్న రిజర్వాయర్‌ను కనీసం ఒక టీఎంసీ సామరŠాథ్యనికి పెంచాలని నిర్ణయించారు. ఇందుకోసం 275 హెక్టార్లలో నిర్మించాలని ప్రతిపాదించారు. అప్పట్లో రూ.250 కోట్లతో అంచనాలు వేశారు. ఆ తర్వాత ఈ ప్రతిపాదన చాన్నాళ్లు కార్యరూపం దాల్చలేదు.
 
 చివరకు అంచనాలు పెరుగుతూ చివరకు రూ.450 కోట్ల రివైజ్డ్‌ ఎస్టిమేట్స్‌ను 2014లో రూపొందించారు. 2015లో తలెత్తిన నీటి సంక్షోభంతో ఈ ప్రతిపాదనకు కదలిక వచ్చింది. 2016లో టెండర్లు పిలిచింది. సివిల్‌ పనులకు రూ.350 కోట్లు, మెకానికల్‌ పనులకు రూ.80 కోట్లతో కోడ్‌ చేసిన ఎల్‌అండ్‌ టీ సంస్థ ఈ టెండర్‌ను కైవసం చేసుకుంది. తొలుత రిజర్వాయర్‌ నిర్మాణం కోసం లక్షలు ఖర్చు చేసి డిటైల్డ్‌ ప్రాజెక్టు రిపోర్టు(డీపీఆర్‌)ను కూడా రూపొందించారు. ఈ డీపీఆర్‌ ప్రకారం 275 హెక్టార్లలో రిజర్వాయర్‌  నిర్మించాలని ప్రతిపాదించారు.  
  
 సంక్షోభం నాడు పట్టించుకోకుండా..
 చరిత్రలో ముందెన్నడు లేని రీతిలో స్టీల్‌ప్లాంట్‌ గతేడాది తీవ్ర నీటి ఎద్దడిని ఎదుర్కొంది. 2015 డిసెంబర్‌లోనే ఏలేరులో నీటినిల్వలు అడుగంటిపోవడంతో కణితి బ్యాలెన్సింగ్‌ రిజర్వాయర్‌లో చుక్కనీరులేక ప్లాంట్‌లో సమస్య ఏర్పడింది. ఆ సమయంలో ప్లాంట్‌కు చెందిన స్థలాన్ని క్రీడా మైదానం కోసం ఇవ్వలేదనే సాకుతో సర్కార్‌ ప్లాంట్‌ వైపు కన్నెత్తి చూడలేదు. మంత్రి నారాయణ సమక్షంలోనే సీఎం చంద్రబాబు ఏకంగా ప్లాంట్‌ యాజమాన్యంపై నిప్పులు చెరిగారు. ఆనాడు ప్లాంట్‌కు అనుకూలంగా ఒక్క మాట మాట్లాడని మంత్రి నేడు ఓ కార్పొరేటు విద్యాసంస్థకు చెందిన స్థలం రిజర్వాయర్‌ విస్తరణలో పోతుంటే ముందుండి అడ్డుకున్నారు.
  
 క్రీడాస్థలం పేరిట కలిపేసుకున్నారు..
 గతంలో ఇదే ప్రాంతంలో ప్లాంట్‌కు చెందిన స్థలంలో ఆల్ఫా విద్యాసంస్థలకు 20 సెంట్లు కేటాయించారు. దానిని కొన్నాళ్లు నిర్వహించిన ఆ యాజమాన్యం వేరొకరికి అప్పగించింది. అక్కడకు నెమ్మదిగా ప్రవేశించిన కార్పొరేటు విద్యాసంస్థ పాగా వేయడానికి చేయాల్సిన ప్రయత్నాలన్నీ చేసింది. దీంతో ఉక్కు యాజమాన్యం  ఆ విద్యాసంస్థకు 1.5 ఎకరాల భూమిని కేటాయించారు. తొలుత 33 ఏళ్లకు లీజుకివ్వగా..ఆ తర్వాత ఆ గడువును రాజకీయ పలుకుబడి ద్వారా 99 ఏళ్లకు పొడిగించుకున్నారు. చుట్టూ వేలాది ఎకరాలు ఖాళీగా ఉండడంతో ఎలాంటి పక్కా నిర్మాణాలు చేయబోమని స్పష్టమైన హామీనిచ్చి కొంత భూభాగాన్ని తమ లీజు స్థలంలో కలిపేసుకున్నారు. ఇది సుమారు 3 ఎకరాలకు పైగా ఉంటుందని అంచనా. తాజాగా రిజర్వాయర్‌ కోసం ప్రతిపాదించిన ప్రాంతంలో కార్పొరేటు విద్యాసంస్థ తమ లీజు స్థలంతో కలిపేసుకున్న క్రీడాస్థలం కూడా ఉంది. ఈ స్థలాన్ని రిజర్వాయర్‌లో కలపాల్సి ఉంది. అయితే కళాశాలకు కేటాయించిన స్థలాన్ని ఖాళీ చేయాలని స్టీల్‌ప్లాంట్‌ యాజమాన్యం ఆ విద్యాసంస్థకు నోటీసులు కూడా జారీ చేసింది
  
 రిజర్వాయర్‌ పక్కన కళాశాల క్షేమమా?
 మంత్రి నారాయణ పలుకుబడితో రిజర్వాయర్‌ డిజైన్‌ మార్చినప్పటికి అక్కడ కళాశాల నిర్వహణ ఎంత వరకు భద్రత అనే అంశంపై చర్చ సాగుతుంది సుమారు 20 మీటర్లు లోతు, 0.5 టీఎంసీ సామర్ధ్యం కలిగిన రిజర్వాయర్‌ పక్కన ఉన్న భవనం ఎంత సురక్షితం అన్న సందేహాలు వ్యక్తమవుతున్నాయి, అందులో కళాశాల నిర్వహిస్తే జరగబోయే పరిణామాలకు స్టీల్‌ప్లాంట్‌ యాజమాన్యం బాధ్యత వహించాల్సి ఉంటుందన్న అభిప్రాయాలు వ్యక్తమవుతున్నాయి.
  
 ఫలించిన నారాయణ మంత్రాంగం
 ఏదో విధంగా ఈ స్థలం చేజారకుండా ఉండేందుకు మంత్రి నారాయణ దృష్టికి తీసుకొచ్చారు. ఆ కార్పొరేటు విద్యాసంస్థకు మేలు చేకూర్చాలన్న తలంపుతో మంత్రి వెంటనే రంగంలోకి దిగారు. కష్టాల్లో ఉన్నాం ఆదుకోండి అంటూ గతేడాది ప్లాంట్‌ యాజమాన్యం పలుమార్లు మొత్తుకున్నా పట్టించుకోని ఆయన అదే ప్లాంట్‌ ఉన్నతాధికారులపై ఒత్తిడి తీసుకొచ్చారు. అయినా వింటారో లేదోననే అనుమానంతో ప్రభుత్వంలో తనకున్న పలుకుబడిని ఉపయోగించి జాతీయ స్థాయిలో కూడా ఒత్తిడి తెచ్చారు. చేసేది లేక యాజమాన్యం కూడా తలూపింది. ఆగమేఘాల మీద డిజైన్‌ను మార్చేసింది. దీంతో రిజర్వాయర్‌ దిశను మార్చాల్సి వచ్చింది. విద్యాసంస్థ అధీనంలో ఉన్న స్థలం జోలికి పోకుండా నారాయణ మంత్రాంగం ఫలించింది.
  


 మౌలిక సదుపాయాలకు సీఎస్‌ఆర్‌ నిధులు కేటాయించాలి
 విశాఖ నగరఅభివృద్ధే ఇక్కడి పరిశ్రమలలక్ష్యం కావాలి
 ముగిసిన పార్లమెంటరీ కమిటీ పర్యటన
 
 విశాఖపట్నం: జిల్లాలో పెద్ద సంఖ్యలో పరిశ్రమలున్నాయి. కానీ వాటి స్థాయికి తగ్గట్టుగా కార్పొరేట్‌ సోషల్‌ రెస్పాన్సిబులిటీ(సామాజిక బాద్యత) కింద ఖర్చు చేయడం లేదు. ప్రతి పరిశ్రమ ఉదారంగా ముందుకు రావాలి. నిరుపేదలను ఆదుకోవాలి అని రాజ్యసభ సభ్యుడు, వైఎస్సార్‌సీపీ ప్రధాన కార్యదర్శి వి.విజయసాయిరెడ్డి పారిశ్రామిక వర్గాలను కోరారు. కేంద్ర పెట్రోలియం, సహజ వాయువుల మంత్రిత్వ శాఖకు అనుబంధంగా ఉన్న పార్లమెంటరీ స్టాండింగ్‌ కమిటీ మూడురోజుల పర్యటనలో భాగంగా చివరి రోజైన గురువారం చమురు సంస్థలు, ఆయిల్‌ కంపెనీల ప్రతినిధులు, ఉన్నతాధికారులతో ఎంపీ ప్రహ్లాద్‌ జోషి నేతృత్వంలోని కమిటీ నగరంలోని ఓ హోటల్‌లో బేటీ అయ్యింది. అంతర్గతంగా జరిగిన ఈ సమావేశంలో హెచ్‌పీసీఎల్, ఐఓసీఎల్, ఓఎన్‌జీసీ తదితర సంస్థల ఉన్నతాధికారులు పాల్గొన్నారు. ఈ సందర్భంగా ఎంపీ విజయసాయిరెడ్డి వారికి పలు సూచనలు చేశారు. పేదరిక నిర్మూలన, గ్రామీణ ప్రాంతాల అభివృద్ధిలో కార్పొరేట్‌ సంస్థలు సామాజిక బాధ్యతగా ముందుకు రావాల్సిన ఆవసరం ఉందన్నారు. విశాఖ నగరాన్ని అభివృద్ధి చేయడమే ఇక్కడున్న ప్రతి పరిశ్రమ లక్ష్యం కావాలన్నారు. రాష్ట్ర విభజన నేపథ్యంలో ఆంధ్రప్రదేశ్‌కు ప్రత్యేకహోదా లేకపోవడంతో రాష్ట్రానికి, ముఖ్యంగా విశాఖకు కొత్తగా పరిశ్రమలు వచ్చే పరిస్థితులు అంతంతమాత్రంగానే ఉన్నాయన్నారు. అందువల్ల ఉన్న పరిశ్రమలైనా ఉదారంగా ఆదుకోవాలని సూచించారు. సిటీకి పరిమితం కాకుండా గ్రామీ ణ, ఏజెన్సీ ప్రాంతాల నిరుపేదలను దృష్టిలో పెట్టుకుని నిధులు ఖర్చు చేయాలన్నారు. అవసరమైతే సీఎస్‌ఆర్‌ నిధుల కేటాయింపులను పెంచాలని సూచించారు. గ్రామాల్లో పాఠశాలలు, అంగన్‌వాడీలతోపాటు రహదారులు వంటి మౌలిక సదుపాయాల కల్పనకు పెద్దఎత్తున ఖర్చు చేయాలని ఆయన కోరారు. సమీక్ష అనంతరం మధ్యాహ్నం కమిటీ సభ్యులు ప్రత్యేక విమానంలో ముంబై బయల్దేరి వెళ్లారు. ఎయిర్‌పోర్టులో హెచ్‌పీసీఎల్, ఐవోసీఎల్, ఓఎన్జీసీ ఉన్నతాధికారులు కమిటీ సభ్యులకు ఘనంగా వీడ్కోలు పలికారు.
 
 రత్నాకర్‌కు పరామర్శ: మాజీ మంత్రి దాడి వీరభద్రరావు తనయుడు దాడి రత్నాకరరావును ఎంపీ వి.విజయసాయిరెడ్డి పరామర్శించారు. ఇంట్లో ప్రమాదవశాత్తు జారిపడిన ఘటనలో గాయపడిన రత్నాకర్‌ను సీతమ్మధారలోని ఆయన స్వగృహానికి వెళ్లి పరామర్శించారు. త్వరగా కోలుకోవాలని ఆకాంక్షించారు. ఎంపీతోపాటు రత్నాకర్‌ను పరామర్శించిన వారిలో పార్టీ జిల్లా అధ్యక్షుడు గుడివాడ అమర్‌నాధ్, మాజీ ఎమ్మెల్యే గొల్ల బాబూరావు, రాష్ట్ర కార్యదర్శి జాన్‌ వెస్లీ, రాష్ట్ర ప్రచార కమిటీ కార్యదర్శి రవిరెడ్డి, బీసీడీఎఫ్‌ రాష్ట్రాధ్యక్షుడు ఫక్కి దివాకర్, గిడ్డంగుల సంస్థ మాజీ చైర్మన్‌ సత్తి రామకృష్ణారెడ్డి, దక్షిణ కో ఆర్డినేటర్‌ కోలా గురువులు, విద్యార్థి విభాగం రాష్ట్ర కార్యదర్శి కాంతారావులు ఉన్నారు.
  


 ఇండియన్‌ ఇన్‌స్టిట్యూట్స్‌ ఆఫ్‌ మేనేజ్‌మెంట్‌ (ఐఐఎంలు).. దేశంలో మేనేజ్‌మెంట్‌ విద్యలో అత్యున్నత సంస్థలు. ఎందరో కార్పొరేట్‌ లీడర్లను తీర్చిదిద్దిన ఘనత వీటికే దక్కుతుంది. కానీ, కొన్ని పరిమితుల
 కారణంగా ఐఐఎంలు పూర్తిస్థాయి సామర్థ్యాలను ప్రదర్శించలేక పోతున్నాయనే అభిప్రాయం ఉంది. ఐఐఎంలకు స్వతంత్ర ప్రతిపత్తి కల్పించే దిశగా ఐఐఎంల బిల్లు–2015ను పార్లమెంట్‌ వేసవి సమావేశాల్లో ప్రవేశపెట్టే సూచనలు కనిపిస్తున్నాయి. ఈ క్రమంలో బిల్లు ముఖ్యాంశాలు, దాని అమలుతో కలిగే ప్రయోజనాలపై విశ్లేషణ..
 
 బోధన, నిర్వహణ, ఇతర అంశాల్లో ఐఐఎంలను మరింత ఉన్నతంగా తీర్చిదిద్దాలన్న ఉద్దేశంతో కొత్త కార్యాచరణకు సంబంధించిన బిల్లు 2015లో కేంద్ర మానవ వనరుల అభివృద్ధి (హెచ్‌ఆర్‌డీ) మంత్రిత్వ శాఖకు చేరింది. అందులోని కొన్ని అంశాలపై హెచ్‌ఆర్‌డీ వర్గాలు ప్రతికూల వైఖరిని అవలంబించాయి. దీంతో ఏడాదిన్నరగా బిల్లులో మార్పులు జరిగాయి. చివరకు తాజాగా హెచ్‌ఆర్‌డీ శాఖ మంత్రి ప్రకాశ్‌ జవదేకర్‌.. ఐఐఎం వర్గాలు పేర్కొన్న స్వతంత్ర ప్రతిపత్తిపై సూచన ప్రాయంగా అంగీకారం తెలిపినట్లు సమాచారం. ఈ బిల్లును పార్లమెంటు వేసవి సమావేశాల్లో ప్రవేశపెట్టి, కార్యరూపం ఇవ్వనున్నట్లు తెలుస్తోంది.
 ‘విజిటర్‌’ హోదాకు స్వస్తి: బిల్లులో అత్యంత ప్రధాన అంశం..‘విజిటర్‌ హోదా’ అనే పదానికి స్వస్తి పలకాలని ఐఐఎంలు కోరడం, దానికి హెచ్‌ఆర్‌డీ అంగీకరించడం. ప్రస్తుతం ఐఐఎంల్లో అమలవుతున్న విధానం ప్రకారం రాష్ట్రపతికి విజిటర్‌ హోదా ఉంటోంది. ఈ హోదాలో ఒక ఇన్‌స్టిట్యూట్‌ కార్యకలాపాలను పర్యవేక్షించడానికి ఐఐఎం వర్గాలను సంప్రదించకుండా నేరుగా ఎవరినైనా నియమించొచ్చు. దీనిపై ఐఐఎంలు అభ్యంతరం వ్యక్తం చేశాయి. దీంతో ఇప్పుడు ‘విజిటర్‌ హోదా’కు స్వస్తి పలకనున్నట్లు సమాచారం.
 
 ఐఐఎం ఫోరం: తాజాగా వినిపిస్తున్న సమాచారం ప్రకారం ఇకపై అన్ని ఐఐఎంలు కలిసి ఒక ఫోరంగా ఏర్పడనున్నాయి. దీనికి కేంద్ర మానవ వనరుల శాఖ మంత్రి ఎక్స్‌ అఫీషియో చైర్‌పర్సన్‌గా వ్యవహరించనున్నారు. ఫోరం ఏర్పాటు వల్ల ఐఐఎంల మధ్య నిరంతరం సంప్రదింపులు, ఎక్సే్ఛంజ్‌ కార్యకలాపాలకు వీలవుతుంది. తద్వారా అకడమిక్‌గా, అడ్మినిస్ట్రేషన్‌ పరంగా సమర్థ నిర్వహణకు అవకాశం ఉంటుంది. అయితే దీనిపై భిన్నాభిప్రాయాలు వ్యక్తమవుతున్నాయి. ప్రతి ఐఐఎం ప్రత్యేకంగా ఉండాలని, ఇతర ఐఐఎంలతో పోటీపడుతున్న నేపథ్యంలో ఉమ్మడి ఫోరం వల్ల ఆశించిన ఉద్దేశం నెరవేరదనే అభిప్రాయాలు వ్యక్తమవుతున్నాయి.
 నియామకాల్లో స్వేచ్ఛ: ఫ్యాకల్టీ నియామకానికి సంబంధించి కూడా కొత్త బిల్లు ద్వారా ఐఐఎంలకు స్వతంత్రత లభించనుంది. నిర్దిష్టంగా ఒక ఐఐఎంకు గవర్నింగ్‌ బోర్డ్‌ డైరెక్టర్‌ నేతృత్వంలో ఫ్యాకల్టీని నియమించే అవకాశం ఉంది. అయితే వీరికి వేతనాలు, ఇతర ఆర్థిక ప్రోత్సాహకాలకు సంబంధించి కేంద్ర ప్రభుత్వ అనుమతి తీసుకోవాల్సి ఉంటుంది.
 
 విదేశాల్లో సెంటర్లు: కొత్త బిల్లు ప్రకారం నిబంధనల మేరకు ఐఐఎంలు విదేశాల్లో తమ సెంటర్ల ఏర్పాటుకు అవకాశముంది. అయితే దీనికి కేంద్ర ప్రభుత్వ అనుమతి తీసుకోవాలి. ఈ సెంటర్ల వల్ల కొలాబరేటివ్‌ పరిశోధన కార్యకలాపాలు నిర్వహించుకునేందుకు వీలుంటుంది. స్వదేశంలోనూ వివిధ ప్రాంతాల్లో కేంద్ర ప్రభుత్వ అనుమతితో సెంటర్లు ఏర్పాటు చేయొచ్చు.
 
 ఎంబీఏ పట్టాలు: ఐఐఎంలు ప్రస్తుతం రెండేళ్ల వ్యవధిలో పీజీ డిప్లొమా పేరుతో అందిస్తున్న కోర్సులకు బిల్లు ఆమోదం పొందిన తర్వాత ఎంబీఏ పేరుతో పట్టాలు ఇవ్వనున్నాయి. రెండేళ్లపాటు చదివినా పీజీ డిప్లొమా టైటిల్‌ వల్ల అంతర్జాతీయంగా సరైన గుర్తింపు రావడం లేదని, అందువల్ల ఎంబీఏ పేరుతో సర్టిఫికెట్లు జారీ చేయాలని పలువురు పూర్వ విద్యార్థులు కోరిన నేపథ్యంలో ఈ నిర్ణయం తీసుకున్నట్లు సమాచారం.
 రీసెర్చ్‌ కార్యకలాపాలకు ప్రాధాన్యం: బిల్లులో మరో ప్రధానాంశం ఒక ఐఐఎం స్వయంగా రీసెర్చ్‌ యాక్టివిటీస్‌ దిశగా స్వతంత్రంగా వ్యవహరించడం. ఈ క్రమంలో రీసెర్చ్‌కు అవసరమైన నిధుల సమీకరణ, ఎక్సే్ఛంజ్‌ ఒప్పందాలు, స్పాన్సర్డ్‌ రీసెర్చ్‌ కార్యకలాపాలు వంటి విషయంలో సదరు ఐఐఎం గవర్నింగ్‌ కౌన్సిల్‌కే పూర్తి నిర్ణయాధికారాలు లభిస్తాయి.
 
 డైవర్సిటీకి ప్రాధాన్యం: ఐఐఎంల్లో సిబ్బంది నియామకాలు, కోర్సుల ప్రవేశాల విషయంలో డైవర్సిటీకి ప్రాధాన్యం ఇవ్వాలని.. మహిళలు, దివ్యాంగులతోపాటు అన్ని సామాజిక వర్గాలు, నేపథ్యాలకు చెందిన వారికి అవకాశం లభించేలా చూడాలని బిల్లులో పేర్కొన్నారు.
 
 త్వరితగతిన డైరెక్టర్ల నియామకం: సాధారణంగా ఒక డైరెక్టర్‌ పదవీ కాలం ముగియడానికి తొమ్మిది నెలల ముందుగానే కొత్త డైరెక్టర్‌ నియామక ప్రక్రియ ప్రారంభించాలి. పదవీ కాలంలో డైరెక్టర్‌ వైదొలగితే నెల వ్యవధిలో కొత్త డైరెక్టర్‌ నియామకానికి గవర్నింగ్‌ బోర్డ్‌ చర్యలు తీసుకోవాలి. అయితే ప్రస్తుతం వివిధ ఐఐఎంల్లో డైరెక్టర్‌ పోస్ట్‌ ఖాళీ అయితే ఏళ్ల తరబడి భర్తీ కాని పరిస్థితి ఉంది. ఈ సమస్య పరిష్కారానికి తాజా బిల్లులో సిఫార్సులు చేశారు. త్వరితగతిన డైరెక్టర్ల నియామకాలు చేపట్టాలని బిల్లులో స్పష్టం చేశారు. దీనివల్ల సంస్థ కార్యకలాపాలు సజావుగా సాగుతాయి.
 
 బిల్లు ముఖ్యాంశాలు
 విజిటర్‌ హోదాకు స్వస్తి
 డైరెక్టర్ల నియామకానికి గవర్నింగ్‌ కౌన్సిల్‌కు అధికారం
 రీసెర్చ్‌ యాక్టివిటీస్‌ పరంగా స్వయంప్రతిపత్తి
 పీజీ డిప్లొమా స్థానంలో ఎంబీఏ పేరుతో సర్టిఫికెట్ల ప్రదానం
 దేశ, విదేశాల్లో సెంటర్ల ఏర్పాటుకు అవకాశం
 ఐఐఎం కామన్‌ ఫోరం ఏర్పాటు
 డైవర్సిటీకి తప్పనిసరిగా ప్రాధాన్యం


 • వచ్చే రెండేళ్లలో మరింత పైకి...
 • డెలాయిట్‌ సర్వే నివేదిక...  
 
 ముంబై: దేశీయంగా కార్పొరేట్‌ మోసాలు వచ్చే రెండేళ్లలో మరింత పెరగనున్నాయని గ్లోబల్‌ అకౌంటింగ్‌ దిగ్గజం డెలాయిట్‌ పేర్కొంది. నైతిక విలువలు అంతకంతకూ దిగజారుతుండమే దీనికి  ప్రధాన కారణంగా కార్పొరేట్‌ కంపెనీలు భావిస్తున్నట్లు సర్వే నివేదికలో వెల్లడించింది. డెలాయిట్‌ నిర్వహించిన ‘ఇండియా ఫ్రాడ్‌ సర్వే’లో 309 కార్పొరేట్‌ కంపెనీలకు చెందిన టాప్‌ ఎగ్జిక్యూటివ్‌లు, వృత్తి నిపుణులు పాల్గొన్నారు.
 
 ముఖ్యాంశాలివీ...
 ⇔ నైతిక విలువలు దిగజారడమే మోసాలు పెరిగేందుకు దారితీస్తోందని సర్వేలో పాల్గొన్న బడా కంపెనీల టాప్‌ ఎగ్జిక్యూటివ్‌లలో 38 శాతం మంది అభిప్రాయపడ్డారు. ఇక చిన్న, మధ్య స్థాయి కంపెనీ(ఎస్‌ఎంఈ)లకు చెందిన 68 శాతం మంది ఎగ్జిక్యూటివ్‌లు, వృత్తి నిపుణుల్లో 42 శాతం మంది ఇదే కారణాన్ని పేర్కొన్నారు.
 ⇔ అవినీతి, లంచాలు, వెండార్లకు అనుకూలంగా వ్యవహరిం చడం, స్వప్రయోజనాలు వంటివి గడిచిన రెండేళ్లలో జరిగిన కార్పొరేట్‌ మోసాల్లో ఎక్కువగా చోటుచేసుకున్నాయి.
 ⇔ ఒకేవిధమైన మోసాలను ఎదుర్కోవడంలో కంపెనీలు అనుసరిస్తున్న విధానాల్లో తీవ్ర వ్యత్యాసాలు నెలకొన్నాయి. దీనిప్రకారం చూస్తే.. మోసాలు చాలా సంక్లిష్టంగా ఉన్నాయని.. వీటికి అడ్డుకట్టవేయడంలోకంపెనీలు తీవ్రంగా ప్రయత్నించాల్సిన అవసరం ఉన్నట్లు అవగతమవుతోంది.
 ⇔ పెద్ద కంపెనీల్లో చాలావరకూ అందరికీ తెలిసిన మోసాలను అరికట్టడంపైనే దృష్టిపెడుతున్నాయి. సోషల్‌ మీడియా, పోటీ కంపెనీలు అనురిస్తున్న కొత్తరకం మోసాలను ఎదుర్కోవడానికి సమాయత్తంగా లేవు.
 ⇔ మోసం తీవ్రత ఆధారంగానే దర్యాప్తులను మొదలుపెడుతున్నట్లు 43 శాతం మంది పేర్కొన్నారు. ఇక మోసం చేసిన సిబ్బంది రాజీనామాకు అనుమతిస్తున్నట్లు 36 శాతం మంది వెల్లడించారు. ఇతరఉద్యోగులు, కంపెనీ బోర్డు, నియంత్రణ సంస్థలకు సబంధిత మోసం గురించిన సమాచారాన్ని అందిస్తున్నట్లు 33 శాతం మంది సర్వేలో పాల్గొన్న వారు వివరించారు.
 ⇔ ఎస్‌ఎంఈలకు సంబంధించి మోసాలను ఎదుర్కొనే సమాయత్తత, సంకల్పం లేదని 48 శాతం మంది అభిప్రాయపడ్డారు. ఇక ఇటువంటి కార్యకలాపాలను నివారించేందుకు తగిన బడ్జెట్, వనరుల కేటాయింపులేదని 42 శాతం మంది చెప్పారు.


 బీబీనగర్‌ : పోలీసులకు ఆధునాతన సౌకర్యాలు కల్పిస్తూ కార్పొరేట్‌ స్థాయిలో రాష్ట్రంలోని పోలీస్‌ స్టేషన్లను ఏర్పాటు చేస్తామని రాష్ట్ర హోంశాఖ మంత్రి నాయిని నర్సింహారెడ్డి అన్నారు.    బీబీనగర్‌లో  మోడల్‌ పోలీస్‌ స్టేషన్‌ భవనాన్ని, భువనగిరి పట్టణ పోలీస్‌ స్టేషన్‌లో మహిళా పోలీస్‌ విశ్రాంతి భవనాన్ని మంగళవారం ఆయన ప్రారంభించారు. అనంతరం నిర్వహించిన సమావేశంలో మాట్లాడారు. ఇతర రాష్ట్రాలు ఆదర్శంగా తీసుకునే విధంగా రాష్ట్రంలోని పోలీస్‌ వ్యవస్థను పటిష్ట పరుస్తున్నామని, రాష్ట్ర వ్యాప్తంగా రూ. 42కోట్లతో 24 మోడల్‌ పోలీస్‌ స్టేషన్‌ భవనాలను నిర్మిస్తున్నట్లు తెలిపారు. నిధులకు ఏమాత్రం వెనుకాడకుండా ప్రతి పోలీస్‌ స్టేషన్‌ భవనానికి రూ. 10లక్షలకు మించకుండా వెచ్చించి పాత భవనాలకు బదులుగా నూతన భవనాలను నిర్మిస్తున్నట్లు పేర్కొన్నారు. రాచకొండ కమిషనరేట్‌ అయిన చౌటుప్పల్‌లో మోడల్‌ పోలీస్‌ స్టేషన్‌ నిర్మాణానికి ప్రయత్నం చేస్తానన్నారు. రాష్ట్రం ఏర్పడ్డాక ముఖ్యమంత్రి కేసీఆర్‌ మత సామరస్యం, లా అండ్‌ ఆర్డర్‌ బాగుండాలని కోరుకోవడంతోనే గత ప్రభుత్వాలు చేయలేని విధంగా పోలీస్‌ శాఖకు 350కోట్ల రుపాయల నిధులు మంజూరు చేసి పోలీస్‌ వ్యవస్థలో మార్పు తెచ్చారని అన్నారు.
 
 పోలీస్‌ స్టేషన్లలో ఇప్పుడు పాత విధానాలు పోయి కొత్త విధానాలు వచ్చాయని ఫిర్యాదుదారులు ఇచ్చే దరఖాస్తులు అన్ని ఆన్‌లైన్‌లో పెడుతారని అవి వెంటనే డీజీపీ వరకు వెళ్తాయన్నారు. దొంగతనాలను అరికట్టడానికి, నేరస్తులను పట్టుకోవడానికి సీసీ కెమెరాలు ఎంతగానో ఉపయోగపడుతున్నాయని, ప్రతి ఏరియాలో సీసీ కెమెరాలు పెట్టేలా చర్యలు తీసుకుంటామన్నారు. ఈ సందర్భంగా ప్రభుత్వ విఫ్‌ గొంగిడి సునిత మాట్లాడుతూ గత ప్రభుత్వాలు స్వలాభాల కోసం పోలీస్‌లను వాడుకొని ప్రజలకు నమ్మకం లేకుండా చేశాయని ఆరోపించారు.  ఎంపీ బూర నర్సయ్యగౌడ్‌ మాట్లాడుతూ శాంతి భద్రతలు ఉన్నచోటే అభివృద్ధి సాధ్యమవుతుందన్నారు. భువనగిరి ఎమ్మెల్యే పైళ్ల శేఖర్‌రెడ్డి మాట్లాడుతూ తెలంగాణ రాష్ట్రం ఏర్పడ్డాక ఫ్రెండ్లీ పోలీస్‌ విధానంతో శాంతి భద్రతలు అద్భుతంగా మారాయని అన్నారు. ఎమ్మెల్సీ కర్నె ప్రభాకర్‌ పోలీస్‌ స్టేషన్‌ అంటే ఖైదీల భవనం అనే భావన ప్రజల్లో కలగకుండా బీబీనగర్‌లో నిర్మించిన మోడల్‌ పోలీస్‌ స్టేషన్‌ భవనం కౌన్సిలింగ్‌ భవనంలా ఉందన్నారు. ఎమ్మెల్యే ప్రభాకర్‌రెడ్డి మాట్లాడుతూ తెలంగాణ ప్రభుత్వం ఏర్పాడ్డాక 24గంటల్లో నేరస్తులను పట్టుకునేలా పోలీస్‌ వ్యవస్థ మారిందని పేర్కొన్నారు.
 
 సీఎం డైరెక్షన్‌తోనే:  అంజన్‌కుమార్, అడిషనల్‌ డీజీ
 ముఖ్యమంత్రి కేసీఆర్‌ విజన్, డైరెక్షన్‌తోనే రెండేళ్లలో రాష్ట్రంలోని పోలీస్‌ వ్యవస్థలో మార్పు వచ్చిం దని అడిషనల్‌ డీజీ అంజన్‌కుమార్‌ అన్నారు. అటు ప్రజలకు ఇటు ప్రభుత్వానికి వారధులుగా ఉంటూ శాంతి భద్రతల కోసం కృషి చేస్తామని అన్నారు.
 
 ప్రజాప్రతినిధులు సహకరించాలి: సీపీ మహేష్‌ భగవత్‌
 యాదాద్రిభువనగిరి జిల్లా రాచకొండ కమిషనరేట్‌ పరిధిలోకి రావడంతో పోలీస్‌ విధి విధానాల్లో మార్పులు వచ్చాయని దీంతో ప్రజా ప్రతినిధులు సహకరించాలని సీపీ భగవత్‌ అన్నారు. కేసీఆర్‌ ముఖ్యమంత్రి అయిన తరువాత రాష్ట్రంలో లా అండ్‌ ఆర్డర్, మహిళలకు భద్రత కల్పించాలని స్వయంగా చెప్పారని పేర్కొన్నారు. కార్యక్రమంలో కలెక్టర్‌ అనితా రామచంద్రన్, పోలీస్‌ హౌసింగ్‌శాఖ ఎండీ మల్లారెడ్డి, జాయింట్‌ సీపీ శశిధర్‌రెడ్డి, డీసీపీ యాదగిరి, ఎంపీపీ గోళి ప్రణీతాపింగళ్‌రెడ్డి, సర్పంచ్‌ స్వరుపారాణి, జెడ్పీటీసీ బస్వయ్య, ఆర్డీఓ భూపాల్‌రెడ్డి, ఏసీపీ మోహన్‌రెడ్డి, వివిధ స్టేషన్ల సీఐలు, ఎస్‌ఐలు, స్థానిక నాయకులు తదితరులు పాల్గొన్నారు. 


 ముందస్తుగా వేతనాలు చెల్లిస్తున్న పెద్ద సంస్థలు 
 పలువురు ఉద్యోగుల ఖాతాల్లో జీతాల జమ 
  
  
 నర్సంపేట: పండ్ల వ్యాపారి.. కూరగాయల విక్రేత.. వ్యవసాయ కూలీ,  ఆటో వాలా.. ఇలా రోజు వారీ వ్యాపారాలు, పనులతో జీవనం సాగించే వారిపై పెద్ద నోట్ల రద్దు ఫెను ప్రభావం చూపుతోంది. రూ. 500, 1000నోట్ల రద్దుతో మార్కెట్లకు వచ్చే వారి సంఖ్య గణనీయంగా పడిపోయింది. కాగా గిరాకీ లేక చిరు వ్యాపారులు ఇలా విలవిలలాడుతుంటే భారీగా నల్లధనం ఉన్న బడా వ్యాపారులు, కొందరు విద్యాసంస్థలు, కొన్ని ఆస్పత్రుల యాజమాన్యాలు తమ వద్ద ఉన్న నల్లధనం వదిలించుకునేందుకు రకరకాల ఎత్తులు వేస్తున్నారు. వరంగల్‌ రూరల్‌ జిల్లాలోని పలు విద్యాసంస్థలు, ఆస్పత్రులు, వస్త్ర, ఇతర దుకాణ యాజమానులు తమ వద్ద పనిచేసే ఉద్యోగులకు రెండేళ్ల వేతనాలు ముందుగానే వారికి ఇచ్చేస్తున్నారని సమాచారం.
  
 రూరల్‌ జిల్లాలో ప్రముఖ ఇంజనీరింగ్‌ కళాశాలలు, డిగ్రీ కళాశాలలు, ఇతర పాఠశాలల యజమాన్యాలు తమ సంస్థల్లో పని చేసే నమ్మకస్తులు ఉండటంతో వారి వారి ఖాతాల్లో నల్ల ధనాన్ని జమ చేస్తున్నట్లు తెలిసింది. ఈ క్రమంలోనే ఓ ఇంజినీరింగ్‌ కళాశాల గతంలో చెక్‌ల రూపంలో జీతాలు చెల్లించగా పెద్ద నోట్ల రద్దుతో నగదు రూపంలో జీతాలు ఇవ్వడంతో చర్చనీయంగా మారింది. రూ. 2.50లక్షల లోపు ఖాతాలో పడినా ఆదాయపు పన్ను సమస్య ఉండకపోవడంతో ఖాతాల్లో డిపాజిట్‌ చేసుకోవాలని సూచిస్తూ గడువు డిసెంబర్‌ చివరి వరకు ఉండటంతో మిగతా సంస్థల యాజమాన్యాలు వారి వారి సంస్థల్లో పని చేసే నమ్మకస్తుల ఖాతాల్లో నల్లధనాన్ని జమ చేసేందుకు బుజ్జగింపులు ప్రారంభించి నట్లు సమాచారం.
  
 ఆస్పత్రుల్లో పనిచేసే వైద్యులు, ప్రైవేట్‌ విద్యాసంస్థల్లోని ఉపాధ్యాయులకు ఇంతకన్నా ఎక్కువ మొత్తం వారి దగ్గర ఉండటంతో ఏదో రకంగా మీరే సర్దుకోవాలని వారిని బుజ్జగిస్తూ పెద్ద నోట్లు ఇస్తున్నారు. భారీ మొత్తం ఒకేసారి వస్తుండటం. తమ తమ కుటుంబ సభ్యులు, బంధువుల పేర్ల మీద ఖాతాల్లో జమ చేసుకునే అవకాశం ఉండటంతో వారు వీటిని స్వీకరిస్తున్నారు. ఆయా యాజమాన్యాలకు అందులో పనిచేసే వీరికి ఎలాగూ అవగాహన ఉంటుంది. కనుక ఎలాంటి సమస్య రాదనే ఉద్దేశం వారిది. కొంతలో కొంతైనా తమ నల్లధనం తెల్లధనంగా మారుతుంది కదా అ ని యాజమాన్యాలు భావిస్తున్నాయి. వరంగల్‌ రూరల్‌ జిల్లాలో ఈ విషయం ఇప్పటికే చర్చనీయంశంగా మారింది. ఎవరి ఎత్తు గడల్లో వారున్నారు.
  
 చిన్నోళ్లకు పెద్ద కష్టాలు...
 పెద్ద నోట్ల రద్దుతో భవన నిర్మాణం, ఇతర పనులకు వెళ్లే వ్యవసాయ కూలీల పరిస్థితి దారుణంగా ఉంది. గతంలో భార్యాభర్తలు కలిసి ఒకే పనికి వెళ్తే రూ.700 వరకు వచ్చేవి.రూ.500, వందనోట్లు రెండు ఇచ్చే వారు. పెద్ద నోట్ల రద్దుతో ఈ పనులకు పిలిచే వారే కరువయ్యారు. దీంతో మహిళలు పనులకు వెళ్లలేక ఇంటి వద్దనే ఉండడంతో మగవారు ఏదో ఒక పని చూసుకొని వెళ్తున్నారు. పనులకు వెళ్లినప్పటికీ కూలీ డబ్బులు కొద్ది రోజుల తర్వాత ఇస్తామని యాజమానులు చెప్పడంతో కూలీల పరిస్థితి దయనీయంగా మారింది.  


 కార్పొరేట్ సంస్థల సరికొత్త వ్యూహం
 ఏడాది జీతం ఒకేసారి  పెద్ద నోట్ల మార్పు బాధ్యత
 ఉద్యోగులదే అదే బాటలో  టీటీడీ కాంట్రాక్ట్ సంస్థలు
 తిరుపతి (అలిపిరి): నల్లకుబేరులు బ్లాక్ మనీని వదిలించుకోవడానికి దారులు వెతుకుతున్నారు. కార్పొరేట్ సెక్టార్‌లో కోట్లకు పడగతెత్తిన అపర కుబేరులు బీరువాల్లో దాచిన నల్లధనాన్ని క్షణాల్లో వైట్‌గా మారుస్తున్నారు. తమ సంస్థల్లో పనిచేస్తున్న ఉద్యోగులకు ఏడాది జీతం ఒకేసారి చెల్లిస్తున్నారు. కార్పొరేట్ సంస్థలకు ఏమాత్రం తీసిపోమంటూ టీటీడీ కాంట్రాక్ట్ సంస్థలు కూడా అదేబాట ఎంచుకున్నారుు. వారి వద్దనున్న బ్లాక్ మనీని తాత్కాలిక ఉద్యోగులకు వేతనాల రూపంలో పెద్ద నోట్లు ఇచ్చి వదిలించుకుంటున్నారు. జిల్లాలోని ఆస్పత్రులు, విద్యా సంస్థల్లో ఈ తంతు ఎక్కవగా జరుగుతున్నట్లు తెలుస్తోంది. ఒక్క తిరుపతి నగరంలోనే గుర్తింపు పొందిన 100 ఆస్పత్రులు ఉన్నారుు. ఖరీదైన ఆస్పత్రులు 25కుపైగా ఉన్నారుు. జిల్లా వ్యాప్తం గా తీసుకుంటే వీటి సంఖ్య 200 దాటుతుంది. జిల్లాలో కార్పొరేట్ విద్యాసంస్థలు లెక్కలేనన్ని ఉన్నారుు. వీరి వద్దనున్న బ్లాక్ మనీని వదిలించుకునే క్రమంలో తమ సంస్థలోని సిబ్బందికే జీతాల రూపంలో అంటగడుతున్నారు.
 టీటీడీలోనూ..
 టీటీడీ కాంట్రాక్టర్లు కూడా కార్పొరేట్ సంస్థలకు తీసిపోని విధంగా వారి వద్ద పనిచేస్తున్న తాత్కాలిక ఉద్యోగులకు నెలజీతాల కింద పెద్ద నోట్లను పంపిణీ చేసినట్లు తెలుస్తోంది. కాంట్రాక్ట్ ఉద్యోగులకు నెల జీతం వారి బ్యాంకు ఖాతాల్లోకి వచ్చి చేరుతుంది. కాంట్రాక్టర్లు వారి వద్దనున్న నల్లధనాన్ని వదిలించుకునేందుకు నేరుగా నగదును పంపిణీ చేసి చేతులు దులుపుకుంటున్నారు.
 ఉద్యోగుల అవస్థలు..
 ఏడాది జీతం ఒకేసారి అందుకున్న కా ర్పొరేట్ ఉద్యోగులకు ఏమిచేయాలో పాలుపోవడం లేదు. బ్యాంకుల్లో డిపాజిట్, విత్‌డ్రా సేవల్లో ఆర్బీఐ పరిమితిని విధించింది. దీంతో ఉద్యోగులు అధిక మొత్తంలో డిపాజిట్లు చేస్తే లేనిపోని తలనొప్పొలు తెచ్చుకున్నట్లు అవుతుంది. నెల జీతం కోసం ఎదురు చూసే ఉద్యోగులకు ఏడాది జీతం ఒకేసారి వచ్చినందుకు ఆనందపడాలో.. బాధపడాలో అర్థంగాక తలలు పట్టుకుంటున్నారు.
 నిద్రావస్థలో నిఘా..
 నల్లకుబేరుల వ్యూహాలను చిత్తు చేయాల్సిన నిఘా విభాగం నిద్దరోతోంది. ఇప్పటికే బడాబాబులు సామాన్య ప్రజలు, బంగారు దుకాణాలను వదల్లేదు. ఇక వారి సొంత సంస్థల్లో పనిచేసే వారికి కూడా జీతాల రూపంలో బ్లాక్ మనినీ అంటగడుతున్నారు. ఈ తంతు జిల్లాలో గుట్టుగా నడుస్తోంది. అధికారులు నిఘా వేస్తే ఆ మొత్తాలు ప్రభుత్వానికి చేరుతుంది.
 బ్యాంక్ మేనేజర్‌కు తీవ్ర అస్వస్థత 
  మదనపల్లె టౌన్: పని ఒత్తిడితో బ్యాంకు మేనేజర్ తీవ్ర అస్వస్థతకు గురైన ఘటన మదనపల్లెలో శనివారం చోటు చేసుకుంది. పట్టణంలోని సీటీఎం ఐసీఐసీఐ బ్యాంకు క్లస్టర్ మేనేజర్‌గా జనార్దన్ (50) పనిచేస్తున్నారు. పెద్ద నోట్లు రద్దు చేసిన నాటి నుంచి విధి నిర్వహణలో జనార్దన్‌పై పని ఒత్తిడి పెరిగింది. ఈ క్రమంలో శనివారం సాయంత్రం ఆయన తీవ్ర అస్వస్థతకు గురయ్యారు. సహచర సిబ్బంది ఆయన్ను స్థానికంగా ఉన్న ఓ ప్రైవేటు ఆస్పత్రికి తరలించారు. పరిస్థితి విషమంగా ఉందని వైద్యులు చెప్పడంతో బెంగళూరు తీసుకెళ్లారు.


 • రతన్ టాటాపై మిస్త్రీ మళ్లీ విమర్శలు
 • ఆయన హయాంలోనే భారీగా దుబారా..
 • కార్పొరేట్ జెట్స్ కోసం ఎడాపెడా ఖర్చు...
 • పీఆర్ ఏజెన్సీ మార్పుతో వ్యయాలు పెరిగాయ్
  ముంబై: టాటా-మిస్త్రీల మధ్య కార్పొరేట్ యుద్ధం అంతకంతకూ తీవ్రతరమవుతోంది. టాటా గ్రూప్ చైర్మన్‌గా తన నాలుగేళ్ల హయాంలో అనవసర వ్యయాలు భారీగా పెరిగిపోయాయంటూ టాటా సన్‌‌స చేసిన ఆరోపణలపై మిస్త్రీ మరోసారి ఎదురుదాడి చేశారు. రతన్ టాటాపైనే ఈసారి గురిపెట్టి ప్రత్యారోపణలు చేశారు. వాటాదారులను తప్పు దోవపట్టించేందుకే తనపై నిరాధారమైన ఆరోపణలు,  విమర్శలు చేస్తున్నారని పేర్కొన్నారు.
 అసలు రతన్ టాటా హయాంలోనే కార్పొరేట్ జెట్‌ల వినియోగం కోసం భారీగా ఖర్చు చేశారని చెప్పారు. టాటా గ్రూప్ చైర్మన్ పదవి నుంచి మిస్త్రీని అర్దంతరంగా తొలగించడం.. దీంతో రతన్ టాటా, టాటా సన్‌‌స బోర్డు సభ్యులపై ఆయన తీవ్రమైన ఆరోపణలు గుప్పించడం తెలిసిందే. దీనికి ప్రతిగా టాటా సన్‌‌స మిస్త్రీ చర్యలను ఎండగడుతూ 9 పేజీల లేఖను విడుదల చేసింది కూడా. లేఖలో తనపై చేసిన విమర్శలపై ఇప్పటికే ఒకసారి వివరణ ఇచ్చిన మిస్త్రీ కార్యాలయం మంగళవారం మరోసారి కొన్ని అంశాలపై ప్రకటన విడుదల చేసింది.
  దివాలా కంపెనీలో పెట్టుబడులు పెట్టించారు...
 ‘రతన్ టాటా హయాంలో ఆఫీసు ఖర్చంతా టాటా సన్స్ భరించింది. ఇందులో కార్పొరేట్ జెట్‌ల వాడకానికే భారీగా వ్యయం అరుుంది. అంతేకాదు.. వివాదాస్పద లాబీరుుస్ట్ నీరా రాడియాకు చెందిన వైష్ణవి కమ్యూనికేషన్‌‌స నుంచి టాటా గ్రూప్ పీఆర్ వ్యవహారాలను అరుణ్ నందాకు చెందిన ‘రిడిఫ్యూజన్ ఎడెల్‌మన్’కు అప్పగించింది కూడా రతన్ టాటానే. దీనివల్ల ఏడాది వ్యయం రూ.40 కోట్ల నుంచి రూ.60 కోట్లకు ఎగబాకింది. మరోపక్క, ఈ పీఆర్ సేవలను రతన్ నేతృత్వం వహిస్తున్న టాటా ట్రస్టులకు కూడా వాడుకుంటున్నారు’ అని మిస్త్రీ పేర్కొన్నారు.
 మిస్త్రీ సారథ్యంలో టాటా సన్‌‌స సిబ్బంది వ్యయాలు రూ.84 కోట్ల నుంచి రూ.180 కోట్లకు ఎగబాకాయని.. ఇతర ఖర్చులు కూడా రూ.220 కోట్ల నుంచి రూ.290 కోట్లకు పెరగిపోరుునట్లు టాటా సన్‌‌స ఆరోపించడం తెలిసిందే. అదేవిధంగా టాటా సన్‌‌సకు సంబంధించి 2015-16 ఏడాదిలో పెట్టుబడి నష్టాలు(రైట్ డౌన్‌‌స, ఇంపెరుుర్‌మెంట్స్) రూ.2,400 కోట్లకు ఎగబాకాయని, దీనికి బాధ్యత వహించాల్సింది గత సారథ్యమేనని మిస్త్రీ ఆరోపించడాన్ని టాటా సన్‌‌స తప్పుపట్టింది. అరుుతే, దీనికి ముమ్మాటికీ రతన్ టాటా హయాంలో తీసుకున్న నిర్ణయాలే కారణమని మిస్త్రీ మరోసారి తేల్చిచెప్పారు. రతన్ టాటా స్నేహితులు ప్రమోట్ చేసిన ‘పియాజియో ఏరో’ అనే కంపెనీలో పెట్టుబడులపై రూ.1,150 కోట్ల నష్టం వాటిల్లిందని.. ఈ కంపెనీ ఇప్పుడు దాదాపు దివాలా తీసేస్థారుుకి దిగజారిందని కూడా మిస్త్రీ ఆరోపించారు.


 ► ఉద్యోగులు, జర్నలిస్టుల వైద్యసేవలపై ప్రభుత్వం కొత్త ప్రతిపాదన
 ► అంగీకరించిన కార్పొరేట్ ఆసుపత్రులు!
 ► వచ్చే నెలలో జర్నలిస్టులందరికీ ఆరోగ్య కార్డులు: మంత్రి లక్ష్మారెడ్డి 
 ► హైదరాబాద్‌లో 6 చోట్ల, పాత జిల్లా కేంద్రాల్లో రిఫరల్ ఆసుపత్రులు  
 సాక్షి, హైదరాబాద్: ఉద్యోగులు, జర్నలిస్టులకు కార్పొరేట్ వైద్యంపై నెలకొన్న సందిగ్ధతకు తెరపడనుంది. రాష్ట్రంలోని కార్పొరేట్, సూపర్ స్పెషాలిటీ ఆసుపత్రులన్నింట్లోనూ ఉద్యోగులు, జర్నలిస్టులకు సగం ధరకే వైద్య చికిత్సలు అందుబాటులోకి తీసుకురావాలని వైద్య ఆరోగ్యశాఖ నిర్ణయించింది. సాధారణంగా వివిధ వైద్య చికిత్సలకు ఆయా ఆసుపత్రులు వసూలు చేసే సొమ్ములో సగం చెల్లించేలా అవగాహన ఒప్పందం కుదుర్చుకోవాలని నిర్ణయించింది. ఇప్పటివరకు ప్రస్తుత ప్యాకేజీ సరిపోవడం లేదని, దాన్ని 60 శాతం వరకు పెంచాలని కార్పొరేట్ ఆసుపత్రులు ప్రభుత్వాన్ని కోరాయి. ప్యాకేజీ పెంపు, ఉచిత ఓపీ సేవల విషయంలోనే ఏడాదిన్నరగా సందిగ్ధత నెలకొంది. ఈ నేపథ్యంలో ఆయా ఆసుపత్రులు వివిధ వైద్య సేవలకు వసూలు చేసే సొమ్ములో సగమే చెల్లిస్తామని ప్రభుత్వం ప్రతిపాదించింది.
 
 ఇలా చేసినా ప్రస్తుత ప్యాకేజీని 30 నుంచి 40 శాతం వరకు పెంచినట్లే అవుతుందని అంచనా. సరికొత్త ప్రతిపాదనను కార్పొరేట్ యాజమాన్యాలు కూడా అంగీకరించాయని అధికారులు చెబుతున్నారు. ఈ అంశంపై వైద్య, ఆరోగ్య శాఖ మంత్రి డాక్టర్ లక్ష్మారెడ్డి శనివారం సాయంత్రం ఆ శాఖ ముఖ్య కార్యదర్శి రాజేశ్వర్ తివారీ, ఆరోగ్య కుటుంబ సంక్షేమ కమిషనర్ వాకాటి కరుణ, నిమ్స్ డెరైక్టర్ డాక్టర్ మనోహర్, ఉద్యోగులు, జర్నలిస్టుల ఆరోగ్య పథకం(ఈజేహెచ్‌ఎస్) సీఈవో డాక్టర్ పద్మ తదితర ఉన్నతాధికారులతో సమావేశమై ఈ కీలక నిర్ణయం తీసుకున్నారు. వచ్చే నెల రెండో తేదీన ప్రభుత్వ ప్రధాన కార్యదర్శి రాజీవ్‌శర్మతో ప్రత్యేకంగా సమావేశమై తుది నిర్ణయం తీసుకుంటారు. అనంతరం ఐదారు తేదీల నుంచి ఈ పథకాన్ని సమగ్రంగా అమలు చేస్తామని మంత్రి లక్ష్మారెడ్డి ‘సాక్షి’కి తెలిపారు. ఉద్యోగుల మాదిరిగానే జర్నలిస్టులకు కూడా అన్ని వైద్య సేవలు అందుబాటులోకి వస్తాయన్నారు. వచ్చే నెలాఖరులోగా అందరికీ నగదు రహిత ఆరోగ్య కార్డులు అందజేస్తామన్నారు.
 
 హైదరాబాద్‌లో ఆరు చోట్ల, పాత జిల్లా కేంద్రాలన్నింటా రిఫరల్ ఆసుపత్రులు
 ఇక నుంచి ఉద్యోగులు, జర్నలిస్టులు నేరుగా కార్పొరేట్ ఆసుపత్రులకు వెళ్లే అవకాశం లేదు. ప్రభుత్వం ఏర్పాటు చేసే రిఫరల్ ఆసుపత్రుల్లో పరీక్షలు చేయించుకున్నాక అవసరమని  డాక్టర్లు రిఫర్ చేస్తేనే కార్పొరేట్ ఆసుపత్రుల్లో వైద్య సేవలు అందుతాయి. హైదరాబాద్‌లో ఖైరతాబాద్, కూకట్‌పల్లి, వనస్థలిపురం ప్రాంతాల్లో... గాంధీ, ఉస్మానియా, నిమ్స్ ఆసుపత్రుల్లో ఉద్యోగుల రిఫరల్ కేంద్రాలు నెలకొల్పుతారు. పాత జిల్లా కేంద్రాలన్నింటిలోనూ ఈ ఆసుపత్రులను ఏర్పాటు చేస్తారు. వీటిలో అత్యాధునిక డయాగ్నస్టిక్ పరికరాలను అందుబాటులో ఉంచుతామని మంత్రి తెలిపారు.
 
 రాత్రి 8 గంటల నుంచి ఉదయం 8 గంటల మధ్య అత్యవసర వైద్యం చేయించుకోవాల్సి వస్తే నేరుగా కార్పొరేట్ ఆసుపత్రులకు వెళ్లడానికి అవకాశమిస్తారు. ఏ సమయంలోనైనా గుండెపోటు వంటివి వస్తే కూడా కార్పొరేట్ లేదా ఇతర నెట్‌వర్క్ ప్రైవేటు ఆసుపత్రులకు నేరుగా వెళ్లవచ్చు. రిఫరల్ ఆసుపత్రుల్లో బ్రాండెడ్ మందులనే సరఫరా చేస్తారు. ప్రభుత్వ ఉద్యోగులు, జర్నలిస్టులు, వారి కుటుంబీకులకు ఏడాదికోసారి కార్పొరేట్ ఆసుపత్రుల్లో ఎగ్జిక్యూటివ్ ఉచిత వైద్య పరీక్షలు నిర్వహించాలన్న నిర్ణయాన్ని విడతల వారీగా అమలు చేస్తామని ైవె ద్య, ఆరోగ్యశాఖ వర్గాలు తెలిపాయి.


 కాకినాడ : ఆంధ్రప్రదేశ్ రాజధాని అమరావతిని ఫ్రీజోన్గా ప్రకటించాలని సీపీఐ రాష్ట్ర కార్యదర్శి రామకృష్ణ ప్రభుత్వాన్ని డిమాండ్ చేశారు. కాకినాడలో గురువారం ఆయన మీడియాతో మాట్లాడుతూ...చంద్రబాబు సర్కార్పై తీవ్రస్థాయిలో ధ్వజమెత్తారు.
 
 దళిత, గిరిజన, బలహీన వర్గాలకు ప్రభుత్వం ద్రోహం చేస్తోందని రామకృష్ణ ఆరోపించారు. చంద్రబాబు పాలనలో అగ్రకులాలకు రిజర్వేషన్లు అమలు చేస్తున్నారన్నారు. బడుగు, బలహీన వర్గాలకు అన్యాయం జరుగుతుంటే మంత్రులు యనమల రామకృష్ణుడు, కేఈ కృష్ణమూర్తి, రావెల కిషోర్బాబు ఎందుకు మాట్లాడటం లేదని..? ఆయన ప్రశ్నించారు. దీనిపై సీఎంకు లేఖ రాస్తే ఇప్పటికీ సమాధానం రాలేదన్నారు. కార్పొరేట్ రంగాలకు చంద్రబాబు సర్కార్ దాసోహమైందని రామకృష్ణ విమర్శించారు. 
  


 
 కార్పొరేట్‌కు దీటుగా సిద్దిపేట ప్రభుత్వ ఆస్పత్రులు
 
 అత్యాధునిక యంత్రాల ఏర్పాటు
 
 అందుబాటులో అత్యవసర సేవలు
 
 వైద్యుల పనితీరులో మార్పు
 
 వైద్య సేవలపై ప్రజల సంతృప్తి
 
 గవర్నర్‌తోపాటు యూనిసెఫ్‌ ప్రతినిధుల ప్రశంసలు
 
 సిద్దిపేట జోన్‌: నేను రాను బిడ్డో ఈ సర్కార్‌ దవాఖానకు.. ఇది ఒకప్పటి మాట. నేనొస్త బిడ్డో ఈ సర్కార్‌ దవాఖానకు ఇది ఇప్పటి మాట. సిద్దిపేటలోని ఆసుపత్రుల్లో గణనీయమైన మార్పు రావడంతో జనం మనసు కూడా మారింది. కార్పొరేట్‌కు దీటుగా ఇక్కడి ప్రభుత్వ ఆసుపత్రులను తీర్చిదిద్దారు. అత్యాధునిక యంత్రాలు, వైద్యుల మెరుగైన పనితీరు, సిబ్బందిలో మార్పుతో ఇది సాధ్యపడింది. ఇక్కడి ఆసుపత్రుల ఖ్యాతి జాతీయ స్థాయికి చేరింది. మంత్రి హరీశ్‌రావు చొరవతో కార్పొరేట్‌ స్థాయి వైద్యాన్ని ఈ ప్రాంత పేదలు అందుకుంటున్నారు.
 సిద్దిపేట ఏరియా ఆస్పత్రి, మాతాశిశు సంక్షేమ ఆసుపత్రి జిల్లాలోనే పెద్ద ఆస్పత్రులుగా పేరుగాంచాయి. మాతాశిశు సంక్షేమ ఆసుపత్రి 300 పడకలతో సేవలందిస్తోంది. సిద్దిపేట, దుబ్బాక నియోజకవర్గాలతోపాటు సమీపంలోని కరీంనగర్‌, నిజామాబాద్‌, వరంగల్‌, నల్లగొండ జిల్లాల సరిహద్దు గ్రామాల వారు ఇక్కడ వైద్య సేవలు అందుకుంటున్నారు. ఈ లెక్కన ఈ రెండు ఆస్పత్రుల్లో రికార్డుల ప్రకారం నిత్యం దాదాపు 500 ఓపీ కేసులు నమోదవుతున్నాయి.
 కంగారు యూనిట్‌, హైరిస్క్‌ కేంద్రాలు
 దేశానికే ఆదర్శంగా నిలిచే కంగారు యూనిట్‌తోపాటు జిల్లాలో తొలి ప్రయోగంగా హైరిస్క్‌ కేంద్రాన్ని సిద్దిపేటలోనే ఏర్పాటు చేశారు. శిశు మరణాల సంఖ్యను తగ్గించే లక్ష్యంతో కేంద్ర ప్రభుత్వ సహాయంతో ఏర్పాటు చేసిన నవజాత శిశు సంరక్షణ కేంద్రం, కంగారు మెథడ్‌ యూనిట్‌తోపాటు గర్భిణులకు హైరిస్క్‌ కేంద్రంలో అత్యవసర వైద్య సేవలందుతున్నాయి.
 ఆధునిక యంత్రాలు ఇలా...
 ఏరియా ఆస్పత్రిలో ఇటీవలే కోటి రూపాయలతో అత్యాధునిక పరికరాలు ఏర్పాటు చేశారు. ఇక్కడ ప్రధానంగా వెంటిలేటర్‌, ఈసీజీ, డిజిటల్‌ ఎక్స్‌రే, సెంట్రల్‌ ఆక్సిజన్‌తోపాటు అత్యాధునిక రక్త నిల్వల పరికరాలు, డెంగీ నిర్ధారణకు ప్లేట్‌లెట్‌ కౌంటింగ్‌ మిషన్‌ వంటివి ఏర్పాటయ్యాయి.
 ఐసీయూ యూనిట్‌ను ప్రత్యేకంగా తీర్చిదిద్దారు. పాము, తేలు కాటు బాధితులకు, పురుగుల మందు తాగిన వారికి, రోడ్డు ప్రమాదంలో పరిస్థితి విషమంగా ఉన్నవారికి రిఫరెన్స్‌ లేకుండానే సేవలందిస్తున్నారు. ఫలితంగా అత్యవసర వైద్య పరీక్షల కోసం ప్రైవేట్‌ సంస్థలు లేక హైదరాబాద్‌, కరీంనగర్‌ వంటి పెద్ద పట్టణాలకు వెళ్లాల్సిన అవసరం లేకుండానే బాధితులు, రోగులు ఇక్కడే వైద్య సేవలందుకుంటున్నారు.
 మూడు జిల్లాల వాసులకు సేవలు
 మూడు జిల్లాల సరిహద్దు గ్రామాల ప్రజలకు నిత్యం వైద్యసేవలను అందించే సిద్దిపేట ప్రభుత్వ ఆసుపత్రులకు కార్పొరేట్‌ స్థాయి వసతులను కల్పించడంలో రాష్ట్ర భారీనీటి పారుదల శాఖ మంత్రి హరీశ్‌రావు విజయం సాధించారు. ఈ క్రమంలోనే ఏరియా ఆస్పత్రి, మాతాశిశు సంక్షేమ కేంద్రాల్లో అత్యాధునిక పరికరాలు అందుబాటులోకి వస్తున్నాయి.
 సిద్దిపేట ఏరియా ఆస్పత్రిలో​ఏర్పాటుచేసిన ఐసీయూ యూనిట్‌, ప్లేట్‌లెట్‌ సపరేటర్‌, సీటీ స్కాన్‌, ఎంసీహెచ్‌లో ఏర్పాటుచేసిన కంగారు మెథడ్‌ యూనిట్‌, నవజాత శిశు సంరక్షణ కేంద్రం, హైరిస్క్‌ సెంటర్లు పేదలకు సముచిత సేవలందిస్తున్నాయి.
 పలువురి మన్ననలు
 సిద్దిపేట ఎంసీహెచ్‌ను ఇటీవల గవర్నర్‌ నరసింహన్‌ సందర్శించారు. నవజాత శిశు సంరక్షణ కేంద్రం పనితీరుపై ఆయన సంతృప్తి వ్యక్తం చేశారు. ఢిల్లీకి చెందిన ప్రతినిధులు, యూనిసెఫ్‌ సభ్యులు పలు దఫాలుగా సిద్దిపేట ఆస్పత్రిలో వైద్యసేవలు, సదుపాయాలను కొనియాడారు. అయితే సిబ్బంది మరింత మెరుగ్గా సేవలందించాలని ఇక్కడి ప్రజలు అభిప్రాయపడుతున్నారు.
 పారదర్శకతకు పెద్దపీట
 జవాబుదారితనంతో పాటు సేవల్లో పారదర్శకత, ఎప్పటికప్పుడు పరిస్థితులను అధ్యయనం చేసేందుకు సిద్దిపేట ఆస్పత్రుల్లో ఫిర్యాదుల బాక్స్‌లు ఏర్పాటు చేశారు. వైద్య సిబ్బంది సేవలపై అభ్యంతరాలు, ఫిర్యాదులు తమ పేరు లేకుండానే బాధితులు ఆ బాక్స్‌లో వేయవచ్చు. సిద్దిపేట ఆర్డీఓ పర్యవేక్షణలో 15 రోజులకోసారి ఈ బాక్సులను తెరుస్తారు. వచ్చిన ఫిర్యాదులను మంత్రి హరీశ్‌రావుకు అందజేస్తారు.
 మరోవైపు ఎంసీహెచ్‌లోని కంగారు మెథడ్‌, నవజాత శిశుసంరక్షణ, హైరిస్క్‌ కేంద్రాల్లో సీసీ కెమెరాల ఏర్పాటు చేసి వాటిని మంత్రి హరీశ్‌రావు తన సెల్‌ఫోన్‌కు అనుసంధానం చేసుకున్నారు. తద్వారా అక్కడి పరిస్థితులను ఎప్పటికప్పుడు పర్యవేక్షిస్తున్నారు. అంతేగాక ప్రతినెలా ఆకస్మిక తనిఖీల ద్వారా ఆస్పత్రుల్లో అవినీతి, సిబ్బంది నిర్లక్ష్యం, మౌలిక వసతులపై మంత్రి నేరుగా రోగులతో మాట్లాడుతున్నారు.


 • కోట్లకు కోట్ల బడ్జెట్‌తో వివాహాలు...
 • విదేశీ బీచ్‌లకు జెట్‌లలో అతిథులు   
 • కార్డులతో పాటు ఖరీదైన బహుమతులు
 • 10 నిమిషాల మూడీకి రూ.12 లక్షలు   
 • ఏటా రూ.2.4 లక్షల కోట్లకు వెడ్డింగ్ మార్కెట్
 హైదరాబాద్, బిజినెస్ బ్యూరో : పెళ్లంటే ...!! పెళ్లికార్డులు, షాపింగ్, బాజా భజంత్రీలు, మండపం, బంధుమిత్రుల హడావుడి... ఇవన్నీ కలుస్తాయి. ఇంకో రకంగా చెప్పాలంటే..!! పెళ్లంటే దాదాపు 2.4 లక్షల కోట్ల మార్కెట్. ‘బాహుబలి’ బడ్జెట్‌నూ మించిపోతున్న ఈ పెళ్లి వేడుకలకిపుడు కార్పొరేట్ లుక్ వచ్చేసింది. కార్యక్రమ ఏర్పాట్లను దగ్గరుండి చూసుకునే వెడ్డింగ్ ప్లానర్లు మొదలు కెమెరాలను చేతపట్టుకుని వేడుకను క్లిక్‌మనిపించే ఫోటోగ్రాఫర్ల వరకు అంతా కార్పొరేట్ మయమైంది. ఫలితం... స్టార్ హోటళ్లే కాక విదేశాల్లోనూ బాజాభజంత్రీలు మోగుతున్నాయి. విలువైన బహుమతులతో కూడిన ఖరీదైన వెడ్డింగ్ కార్డ్స్, ప్రముఖ డిజైనర్లు డిజైన్ చేసిన దుస్తులు, వేడుకకు హాజరయ్యేందుకు ప్రత్యేక జెట్ విమానాలు, సెలబ్రిటీల ఆటా పాటా, విదేశీ వంటకాలు, వెడ్డింగ్ మూవీస్..  ఇలా బడ్జెట్‌ను బట్టి సౌకర్యాలందించడానికి వేల కంపెనీలు పుట్టుకొచ్చాయి. వాటి విశేషాలే ఈ కథనం..
  రూ.2,40,000 కోట్ల వెడ్డింగ్ మార్కెట్
 దేశంలో ఏటా దాదాపు కోటి పెళ్లిళ్లు జరుగుతున్నాయని అంచనా. ఈ వివాహాలకు అవుతున్న ఖర్చు ఎంతకాదన్నా రూ.2.4 లక్షల కోట్ల పైమాటేనట. అందుకే ఇపుడు లక్షల మంది ఈ రంగంలోకి ప్రవేశిస్తున్నారు. ఈ వేడుకలు అతిథులకు మర్చిపోలేని అనుభవాన్ని కలిగిస్తున్నట్లు ‘వెడ్డింగ్ వోస్’ మ్యాగజైన్ ఎండీ దక్షిణామూర్తి ‘సాక్షి’ బిజినెస్ బ్యూరో ప్రతినిధితో చెప్పారు. వెడ్డింగ్ ఇండస్ట్రీ భారత్‌లో ఏటా 25-30 శాతం చొప్పున వృద్ధి చెందుతున్నారు.
  అలల సాక్షిగా బీచ్‌లూ వేదికలే..
 రిచ్ లుక్ కోరుకునే యువ జంటల తొలి ప్రాధాన్యం స్టార్ హోటళ్లే. బంధువులకు, స్నేహితులకు మర్చిపోలేని జ్ఞాపకాలను ఇవ్వాలనుకునే వారికి  బీచ్‌లు కొత్త వేదికలవుతున్నాయి. గోవా వంటి నగరాలే కాక బాలి, థాయ్‌లాండ్, సింగపూర్, మెక్సికో, హవాయ్, కోస్టారికా, కరీబియన్ దీవులు సైతం పాపులర్ డెస్టినేషన్స్ జాబితాలో చేరిపోయాయి. ప్రత్యేక విమానాల్లో అతిథులను తీసుకెళ్లి అలల సాక్షిగా ఒక్కటవ్వాలని యువ జంటలు కలలుగంటున్నాయి. క్యాబ్‌ల మాదిరిగా విమాన సర్వీసుల అగ్రిగేటర్ అయిన ‘జెట్‌సెట్‌గో’ దీనికోసం ప్రత్యేక ప్యాకేజీలను ఆఫర్ చేస్తోంది. ఇక సెలబ్రిటీలతో ఆటాపాటా కూడా ఈ వేడుకల్లో భాగమవుతున్నాయి. ఇలాంటి పార్టీలకు సెలబ్రిటీలను అందించడానికి టాలీవుడ్ వేదికగా ‘జిల్‌మోర్.కామ్’ వంటి అగ్రిగేటర్లూ మొదలయ్యాయి.
  కళ్లారా చూసే అవకాశం..
 భారతీయ పెళ్లి వేడుకల్ని చూడాలని తహతహలాడే విదేశీయుల కోసం ‘జాయిన్‌మైవెడ్డింగ్.కామ్’ పుట్టుకొచ్చింది. నిర్దేశిత చార్జీ చెల్లించి పేరు నమోదు చేసుకుంటే... మర్చిపోలేని పెళ్లి చూసేయొచ్చు. వచ్చిన మొత్తంలో కొంత వధూవరులకు చెల్లిస్తోంది ఈ కంపెనీ. ఇక జోటికస్ ప్రొడక్షన్స్ అయితే పెళ్లి తంతును ఏకంగా ఓ సినిమాగా తీసి పెడుతోంది. 10 నిమిషాల లోపు నిడివితో ఒక్కో థీమ్‌తో సినిమాలు చిత్రీకరిస్తోంది. దీనికి థీమ్‌నుబట్టి రూ.3.5 లక్షల నుంచి రూ.12 లక్షల దాకా చార్జీ చేస్తోంది. ఇప్పటి వరకు 100 దాకా సినిమాలు చేసినట్టు జోటికస్ ఎండీ శ్రీ కౌండిన్య చెప్పారు. పెళ్లి సంబంధాలను కుదిర్చేందుకు షగున్ టీవీ హిందీలో 24 గంటల పాటూ కార్యక్రమాలు ప్రసారం చేస్తోంది.
 
 భాగ్యనగరిదీ ప్రత్యేక స్థానం..
 ⇔ పెళ్లికి భారీగా ఖర్చు చేసే నగరాల్లో ఢిల్లీ, చండీగఢ్, ముంబై తర్వాతి స్థానం హైదరాబాద్‌ది.
 ⇔ ఆడంబరం విషయంలో పంజాబీ కుటుంబాలు ముందుంటున్నాయి.
 ⇔ హైదరాబాద్‌లో రూ.5 కోట్లు ఆపైన వెచ్చించే పెళ్లిళ్లు ఏటా 2,500 దాకా జరుగుతున్నాయి.
 ⇔ సల్మాన్ తన సోదరి పెళ్లిని హైదరాబాద్‌లోని తాజ్ ఫలక్‌నుమా ప్యాలెస్‌లో వైభవంగా జరిపించారు.
 ⇔ భాగ్యనగరిలో 200 మంది వెడ్డింగ్ డెకార్స్, 30 మంది ప్లానర్లు ఉన్నట్లు సమాచారం.
 ఆభరణాలకే అధికం..
 వివాహ సమయంలో బంగారం, వజ్రాలతో చేసిన నగల అమ్మకాలు రూ.70,000 కోట్లు జరుగుతున్నాయట. దుస్తులు రూ.12,000 కోట్లు, మండపాల అలంకరణ రూ.50,000 కోట్లు, పెళ్లి పత్రికలు రూ.12,000 కోట్లు, మెహందీకి రూ.3,000 కోట్లు ఖర్చు చేస్తున్నారట. బాజా భజంత్రీలకు రూ.5,000 కోట్లు, పూలకు రూ.10,000 కోట్లు ఖర్చుపెడుతున్నారు. ఖరీదైన వెడ్డింగ్ కార్డుల తో పాటు విలువైన బహుమతినీ ముఖ్యులకిచ్చే ధోరణి పెరి గిందని ఫ్రెండ్స్ ఇన్విటేషన్స్ దక్షిణాది సేల్స్ హెడ్ నవీన్ రెడ్డి చెప్పారు. వ్యాపార బంధాల బలోపేతానికి ఈ వేడుక ఒక వేదికగా నిలుస్తోందన్నారు. గతేడాది కేరళకు చెందిన ఆర్‌పీ గ్రూప్ అధినేత రవి పిళ్లై తన కుమార్తె వివాహానికి రూ.50 కోట్లు ఖర్చు చేసి వార్తల్లోకెక్కారు. ఫిల్మ్ ఆర్ట్ డెరైక్టర్ సాబు సిరిల్ 75 రోజులు శ్రమించి 40,000 చదరపు అడుగుల్లో పెళ్లి వేదిక రూపొందించారు. 42 దేశాలకు చెందిన వివిధ కంపెనీల సీఈవోలు అతిథులుగా విచ్చేశారు.


 –  రాష్ట్ర పురావస్తు శాఖ డైరెక్టర్‌ డాక్టర్‌ రామకృష్ణారావు
 ఒంగోలు: సమాజంలోని అట్టడుగు వర్గాలవారు సైతం విద్యావంతులైతేనే సామాజిక న్యాయం సాధ్యమని రాష్ట్ర పురావస్తు శాఖ డైరెక్టర్‌ జీవీ రామకృష్ణారావు అన్నారు. శనివారం స్థానిక శర్మా కాలేజీలో చరిత్ర విభాగం ఆధ్వర్యంలో జరిగిన ‘దక్షిణ భారతదేశంలో అట్టడుగు వర్గాలకు సామాజిక న్యాయం– అనుభవాలు, సవాళ్లు ’ అంశంపై జరిగిన జాతీయ స్థాయి సెమినార్‌కు ఆయన ముఖ్యఅతిథిగా పాల్గొన్నారు. ఈ సందర్భంగా ఆయన మాట్లాడుతూ విద్యావంతులైన సమాజం విజ్ఞానం వైపు తొంగిచూస్తుందన్నారు. బౌద్ధుని కాలంలో సైతం ఇందుకు తగ్గ ఆధారాలు ఉన్నాయని పేర్కొన్నారు. చెన్నైకి చెందిన సెంట్రల్‌ ఎకై్సజ్‌ అసిస్టెంట్‌ కమిషనర్‌  కె.షణ్ముగం మాట్లాడుతూ స్వాతంత్య్రానికి పూర్వం వివక్ష ఎలా కొనసాగేది, స్వాతంత్య్రం తరువాత ఎంతవరకు అణగారిన వర్గాలు అభివృద్ధి ఫలాలను అందుకోగలిగాయనే దానిపై మాట్లాడారు. డాక్టర్‌ బీఆర్‌ అంబేడ్కర్‌ పేర్కొన్నట్లు సమాజంలో ఉన్న ప్రతి ఒక్కరికీ సామాజిక, ఆర్థిక స్వాతంత్య్రం ఉండాలన్నారు.   అయితే కార్పొరేట్‌ సోషల్‌ రెస్పాన్సిబిలిటీ కింద ప్రతి సంస్థ పేదవాడికి సైతం అత్యున్నత విద్య అందుకునే అవకాశాలు కల్పిస్తే మరో రెండు దశాబ్దాల్లో దేశం మొత్తంమీద సామాజిక న్యాయం సిద్దించడం ఖాయం అన్నారు.  న్యూడిల్లీకి చెందిన జవహర్‌లాల్‌ నెహ్రూయూనివర్శిటీ ప్రొఫెసర్‌ యాగాటి చిన్నారావు మాట్లాడుతూ సామాజిక న్యాయం పొందడానికి శతాబ్ధాలుగా అనేక సవాళ్లను ఎదుర్కొంటూనే ఉన్నారన్నారు. అట్టడుగు వర్గాలకు సామాజిక న్యాయం లభించాలనే ఉద్దేశ్యంతోనే సామ్యవాదం ఉద్భవించిందనేది అక్షర సత్యం అన్నారు. ప్రజల హక్కులకు భంగం వాటిల్లకుండా వివక్షలేని సమాజం సృష్టించడం ద్వారా సమానత్వం వైపు అడుగులు వేయడం సా««దl్యపడుతుందంటూ పలు ఉదాహరణల ద్వారా శర్మా కాలేజీ ప్రిన్సిపాల్‌ ఎం.శ్రీనివాసులు వివరించారు. ఈ కార్యక్రమంలో భాగంగా శర్మా కాలేజీ అధ్యాపకులుగా పనిచేసి శనివారం రిటరైన చరిత్ర అధ్యాపకులు డాక్టర్‌ కె.శ్రీనివాసులును పురావస్తు శాఖ రాష్ట్ర డైరెక్టర్‌ డాక్టర్‌ రామకృష్ణారావు దుశ్శాలువా కప్పి ఘనంగా సత్కరించారు.


 అహ్మదాబాద్: రూ.70 వేల కోట్ల మేర బ్యాంకులకు ఎగనామం పెట్టిన 7 వేల కార్పొరేట్ సంస్థల పేర్లను త్వరలో బయట పెడతామని అఖిల భారత బ్యాంకు ఉద్యోగుల సంఘం(ఏఐబీఈఏ) ప్రకటించింది. ఎగవేతదారులపై క్రిమినల్ కేసులు పెట్టాలని  సంఘం నేత సీహెచ్ వెంకటాచలం డిమాండ్ చేశారు.


 ఉద్యోగం ఉంటే జీతం ఉంటుంది. ఇది ఎంప్లాయీకి. భీతి ఉంటే అమితం ఉంటుంది. ఇది ఎంప్లాయర్‌కి. అదేనండీ... ఉద్యోగం ఇచ్చాక వెళ్లిపోతారేమోనన్న భయం ఉంటే అమితంగా ప్రేమిస్తారు. ఇది కార్పోరేట్ ప్రేమ కథ.  టెన్షన్‌లెస్ ‘రిటెన్షన్’ కథ.
  
 డిగ్రీ రెడీ. ఉద్యోగం వెతుక్కునే హడావిడి. ఐదారు కంపెనీలకు అప్లై చేశారు. టెస్ట్ రాశారు. సెలక్ట్ అయ్యారు. ఓ మూడింట్లో ఓకే అయ్యారు. మూడూ పెద్ద కంపెనీలే. (అసలు చెయ్యడమే మనం పెద్ద కంపెనీలకు అప్లై చేసి ఉంటాం కదా). ఇప్పుడు ఈ మూడింట్లో దేన్ని సెలక్ట్ చేసుకుంటారు? ఏ కంపెనీకి వెళ్తారు? జనరల్‌గా జీతం ఎక్కడ ఎక్కువైతే అక్కడికి వెళ్తారు. బెనిఫిట్స్ ఎందులో ఎక్కువుంటే అందులోకి వెళతారు. ముందు జీతభత్యాలు, తర్వాత కంపెనీ పేరు ప్రతిష్ఠలు. ఇవి చూసుకుని జాయిన్ అవుతారు. అంతేకదా. అభ్యర్థులు ఇలా టాప్ కంపెనీలను ఎంపిక చేసుకున్నట్లే... కంపెనీలు కూడా మెరికల్ని నిలుపుకోవడం వడం పోటీపడి మరీ జీతభత్యాలతో పాటు ‘ఎక్స్‌ట్రా’ సదుపాయాలను, సౌకర్యాలను అందిస్తున్నాయి. ఇక్కడ కొన్ని జయెంట్ కంపెనీలు ఉన్నాయి. అవి తమ ఉద్యోగులకు ఎలాంటి ‘ఎక్స్‌ట్రా’క్షన్స్ ఇస్తున్నాయో చూడండి!
  
  
 1 గూగుల్  (సాఫ్ట్‌వేర్ కంపెనీ)
 ఉద్యోగులను సంతోషంగా ఉంచడానికి గూగుల్ ఎప్పుడూ కొత్త కొత్త ఆలోచనలు చేస్తుంటుంది. గూగుల్ క్యాంటీన్‌లలో హై క్వాలీటీ ఫుడ్ ఉంటుంది. మసాజ్ రూములు ఉంటాయి. వర్క్ మధ్యలో అలిసిపోతే కునుకు తియ్యడానికి చక్కటి చోటు ఉంటుంది. హెయిర్ కటింగ్ సెలూన్ ఉంటుంది. డాక్టర్లు అందుబాటులో ఉంటారు. ఇవన్నీ ఉచితంగానే. ఇక ఎంప్లాయీ ఏ కారణం చేతనైనా చనిపోతే.. వారి జీవిత భాగస్వామికి కంపెనీ పదేళ్ల పాటు 50 శాతం జీతం ఇస్తుంది. ఇంతకు మించిన లైఫ్ టైమ్ బోనస్ ఉంటుందా!
  
  2  ట్విట్టర్ (ఆన్‌లైన్ సోషల్ నెట్‌వర్కింగ్ సర్వీస్)
 ఇక్కడి ఉద్యోగులకు రుచికరమైన త్రీ కోర్స్ మీల్ (స్టార్టర్స్ + మెయిన్ మీల్స్ + డెజర్ట్) అన్ని షిఫ్టుల్లో అందుబాటులో ఉండి ఆవురావురుమనిపిస్తుంది. ‘కండకలవాడే మనిషోయ్’ అన్నట్లు ఇక్కడి రుచికరమైన బ్రేక్‌ఫాస్ట్, లంచ్, డిన్నర్ ఎంప్లాయీస్‌ని మనుషులుగా మార్చేస్తాయి. ఆహారం వల్ల ఆరోగ్యం, ఆరోగ్యం వల్ల పని. అందుకే ఇక్కడి ఉద్యోగులు అనారోగ్యంతో పెట్టే సెలవులు దాదాపుగా ఉండవు. సెలవులు పెట్టరని చెప్పి సెలవులు లేకుండా ఏమీ లేవు. ట్విట్టర్‌లో ఎన్ని సెలవులైనా పెట్టుకోవచ్చు. అవి అపరిమితం.
  
  3 ఫేస్‌బుక్  (ఆన్‌లైన్ సోషల్ నెట్‌వర్కింగ్ సర్వీస్)
 ఏడాదికి నాలుగు వారాలు వేతనంతో కూడిన సెలవు ఉంటుంది. హెల్త్ ఇన్సూరెన్స్, ఫ్రీ మొబైల్ సర్వీసు, ఫ్రీ బైక్ సర్వీసు సరేసరి. ఇక విందులు విహారాలకైతే లోటే లేదు. ముఖ్యంగా... డెలివరీ అయిన ఎంప్లాయీకి  4 వేల డాలర్ల ‘బేబీ క్యాష్’ను ఇస్తుంది. అంటే.. 2,71,860 రూపాయలు. ఇంకా జిమ్ము, హెల్త్ సెంటర్, బైక్ షాప్; తల్లికైనా, తండ్రికైనా 4 నెలల పేరెంటల్ లీవు వంటి సదుపాయాలు ఉన్నాయి. విస్త్రృతమైన సిబ్బంది వినోద కార్యక్రమాలకు కూడా ఫేస్‌బుక్ ఫేమస్.  
  
  4 సేల్స్‌ఫోర్స్ (క్లౌడ్ కంప్యూటింగ్ కంపెనీ)
 ఇక్కడి ఉద్యోగికి ఏడాదికి  6 రోజుల పెయిడ్ హాలిడే ఉంటుంది. అలాగే ఏడాదికొకసారి ఛారిటీ మనీ పేరిట ప్రతి ఎంప్లాయీకి 1000 డాలర్లు ఇస్తారు. (సుమారు 68 వేల రూపాయలు). దానిని దాన ధర్మాలకు ఉపయోగించాలని కంపెనీ ఆకాంక్ష. ఇక చాలా కంపెనీల కంటే ఇక్కడ హెల్త్ ప్రీమియం తక్కువ, హెల్త్ బెనిఫిట్‌లు ఎక్కువ. ఆఫీస్ ఫన్‌కైతే కొదవే లేదు. సిబ్బంది స్ట్రెస్ ఫీల్ అవకుండా గంగ్నమ్ స్టెయిల్ సింగర్స్ వచ్చి, ఉల్లాసపరిచి వెళుతుంటారు. యోగా క్లాసులూ ఉంటాయి.
  
  5 అడోబ్ (సాఫ్ట్‌వేర్ కంపెనీ)
 అడోబ్ కంపెనీని ప్రతి డిసెంబరులో ఒక వారం పాటు మూసేస్తారు! అలాగే సమ్మర్‌లో ఒక వీక్ మొత్తం ఆఫీస్ ఉండదు. మిగతా సెలవులకు, వీక్‌ఆఫ్‌లకు ఇది అదనం. ‘ఎంప్లాయీ స్టాక్ పర్చేజ్ ప్రోగ్రామ్’ ద్వారా షేర్స్‌ను తక్కువ ధరకు పొందవచ్చు. అదనపు పనిగంటలకు అదనపు జీతం వస్తుంది.  ఏవైనా వ్యక్తిగత సమస్యలు ఉంటే లీగల్ అసిస్టెంట్ లభిస్తుంది.  పెట్ ఫ్రెండ్లీ వర్క్ ప్లేస్ కూడా. ఇంట్లో చూసేవాళ్లు ఎవరూ లేకపోతే పెట్స్‌ని ఇంటి నుంచి తెచ్చుకోవచ్చు.
  
  6 స్పోటిఫై మ్యూజిక్ సర్వీస్
 ఈ కంపెనీ 6 నెలల పేరెంటింగ్ లీవ్ ఇస్తోంది! ప్లస్ ఉద్యోగి వర్క్‌కి తిరిగి వచ్చాక ఒక నెల పాటు పనివేళల్లో వెసులుబాటు ఉంటుంది. ఇదికాక ఆఫీస్ పరిసరాలు, అమరికలు అదిరిపోతాయి. కళాత్మకంగా తీర్చిదిద్దన ఈ వర్క్‌ప్లేస్‌లో భౌతికవాదులకు సైతం సృజనాత్మకత వెల్లివిరుస్తుందని అంటారు. ఇంకా ఇక్కడ ఏడాదికోసారి ఇచ్చే బోనస్‌కి అదనంగా పెర్మార్మెన్స్ బోనస్ ఉంటుంది. ఫ్యామిలీ కోసం మెడికల్ లీవు కూడా తీసుకోవచ్చు.
  
  7  ఎయిర్ బి.ఎన్.బి (ఆన్‌లైన్ అకామడేషన్స్)
 ఈ కంపెనీ ఉద్యోగులకు ఏడాదికొక 2000 డాలర్ల స్టయిఫండ్ వస్తుంది. ఎయిర్ బి.ఎన్.బి. జాబితాలో ఉన్న ప్రదేశాలకు ప్రపంచమంతా పర్యటించడానికి కంపెనీ కల్పించిన సదుపాయం ఇది. రెండు వేల డాలర్లంటే సుమారు 1,36,000 రూపాయలు. అలాగే సంతానం కోసం దీర్ఘకాలంగా ఎదురుచూస్తున్న వారికి ఫెర్టిలిటీ అసిస్టెన్స్ ఇప్పిస్తారు. పిల్లల్ని దత్తత తీసుకున్నవారికి కూడా పేరెంటింగ్‌కి ఇచ్చే సదుపాయాలనే వర్తింపజేస్తారు. రీచార్జ్ కావడానికి స్పెషల్ లీవ్ ఇస్తారు.
  
  8 యాక్సెంచ్యూర్ (మేనేజ్‌మెంట్ కన్సల్టింగ్ సర్వీసెస్)
 ఉద్యోగులకు ‘టోటల్ రివార్డ్స్’ ప్యాకేజీ ఉంటుంది. వ్యక్తిగత ప్రతిభ ఆధారంగా సౌకర్యాలను, సదుపాయాలను పెంచుకుంటూ పోతారు. అలాగే ఇక్కడ ‘గే’ ఎంప్లాయీలకు, ఇంకా, ఆ కేటగిరీలో ఉన్నవారికి ప్రత్యేక వసతులు, వెసులుబాట్లు ఉంటాయి. అవసరమైతే కొన్నాళ్లపాటు ఇంటి నుంచే పనిచేయవచ్చు. సోషల్ ఈవెంట్‌లకు వెళ్లిరావచ్చు. ఉద్యోగిగా అప్‌డేట్ అవడానికి ఇలాంటి ఈవెంట్స్ తోడ్పడతాయని కంపెనీ భావిస్తుంది.


 శిక్షణతోనే ట్రాఫిక్ ప్రమాదాలకు చెక్ ఏడాదిలో నగర వ్యాప్తంగా 12 టీటీపీలు బేగంపేట టీటీపీ ప్రారంభంలో కొత్వాల్ వెల్లడి ‘స్టాక్ హోమ్’ స్ఫూర్తితో ముందుకు: ట్రాఫిక్ చీఫ్
  
 సిటీబ్యూరో:  భాగ్యనగరం విశ్వనగరి దిశగా అడుగులు వేస్తోంది. నిత్యం ప్రజా జీవనం వేగంగా పరుగులు తీస్తోంది. దేశ విదేశాల నుంచి ఎంతోమంది వస్తూపోతుంటారు. అందమైన ఈ సిటీలో అందరినీ వేధించే సమస్య.. ‘ట్రాఫిక్’. గజిబిజి రోడ్లపై ఇష్టానుసారం దౌడుతీసే వాహనాలు ప్రమాదాలకు కారణమవుతున్నాయి. మానసికంగాను, శారీరకంగాను ఇబ్బందులు తెచ్చిపెడుతున్నాయి. ట్రాఫిక్ నిబంధనలు పాటిస్తేనే ప్రగతి సాధ్యమని, అందుకు శిక్షణ అవసరమని నగర పోలీసు కమిషనర్ ఎం.మహేందర్‌రెడ్డి పేర్కొన్నారు. కార్పొరేట్ సోషల్ రెస్పాన్స్‌బులిటీ (సీఎస్సార్) కింద హీరో మోటోకార్ప్ బేగంపేటలో ఉన్న టీటీపీను అభివృద్ధి చేసింది. అత్యాధునిక సౌకర్యాలతో అందుబాటులోకి వచ్చిన దీన్ని మంగళవారం కొత్వాల్ ప్రారంభించారు. ఆయన మాట్లాడుతూ.. ‘ఏడాది కాలంలో నగర వ్యాప్తంగా మరో 12 ట్రాఫిక్ ట్రైనింగ్ పార్కులు (టీటీపీ) అందుబాటులోకి తెస్తాం. రెండేళ్లల్లో నగర వ్యాప్తంగా కాప్ లెస్ జంక్షన్లను అమలు చేయనున్నాం. దీనికోసం సిటీలోని వాహనచోదకుల్లో క్రమశిక్షణను పెంచాలి. అందుకు టీటీపీలు ఉపయుక్తంగా ఉంటాయి. వాహనచోదకులు బయలుదేరే ముందే ప్రయాణించే మార్గంలో ట్రాఫిక్ స్థితిగతులను తెలుసుకుని, అనువైన మార్గం ఎంచుకోవడం కోసం మొబైల్ యాప్స్ అందుబాటులోకి తెచ్చాం. ఇంటెలిజెంట్ ట్రాఫిక్ మేనేజ్‌మెంట్ సిస్టం (ఐటీఎంఎస్) అమలును ప్రారంభించాం. రహదారుల్లో వాహనచోదకుల ప్రరివర్తనే ఆ దేశ క్రమశిక్షణకు నిదర్శనం’ అన్నారు. వాహనచోదకుల్లో క్రమశిక్షణ పెంపొందించడానికి కాప్‌లెస్ జంక్షన్లు తీసుకువస్తున్నామన్నారు. ఇవి విజయవంతం కావాలంటే యువత, విద్యార్థుల్లో క్రమ శిక్షణను పెంచాల్సిన అవసరం ఉందని అన్నారు.
  
 స్టాక్‌హోమ్ తరహాలో..
 కార్యక్రమంలో పాల్గొన్న ట్రాఫిక్ చీఫ్ జితేందర్ మాట్లాడుతూ.. ‘ప్రస్తుతం నగరంలో ఏటా ప్రతి లక్ష మందికి ఐదుగురు చొప్పున రోడ్డు ప్రమాదాల్లో మరణిస్తున్నారు. ఈ సంఖ్య బెంగళూరులో 8.2, చెన్నైలో 29గా ఉంది. స్టాక్ హోమ్ నగరంలో 0.7గా నమోదైంది. దాన్నే స్ఫూర్తిగా తీసుకుని, నగరంలోనూ రోడ్డు ప్రమాదాలు, మరణాలు నిరోధించాలని లక్ష్యంగా పెట్టుకున్నామన్నారు. హీరో మోటోకార్ప్‌కు చెందిన మహేష్, విజయ్ సేఠి మాట్లాడుతూ.. 1989లో పబ్లిక్ గార్డెన్స్‌లో చిల్డ్రన్స్ ట్రాఫిక్ పార్క్‌ను తమ సంస్థ ఏర్పాటు చేసిందన్నారు. అదే తరహాలో ఆయా పోలీసు విభాగాలతో కలిసి రూర్కెలా, ఢిల్లీ, లక్నో, గుర్గావ్‌లోనూ టీటీపీలు అభివృద్ధి చేసిందని చెప్పారు. ఈ కార్యక్రమంలో ట్రాఫిక్ డీసీపీ-1 ఎల్‌ఎస్ చౌహాన్, అదనపు డీసీపీ సుంకర సత్యనారాయణ సహా పలువురు ఏసీపీలు, ఇన్‌స్పెక్టర్లు పాల్గొన్నారు. బేగంపేట టీటీపీ అభివృద్ధిలో కీలకపాత్ర పోషించిన గోషామహల్ ట్రాఫిక్ ట్రైనింగ్ ఇన్‌స్టిట్యూట్ (టీటీఐ) ఇన్‌స్పెక్టర్ ఎం.శ్రీనివాసులును కొత్వాల్ మహేందర్‌రెడ్డి ప్రత్యేకంగా అభినందించారు.
  
 ట్రాక్‌పై శిక్షణ  ప్రత్యేకం
 ద్విచక్ర వాహనాలు నడపటం, అందులో మెలకువలు నేర్చుకోవడానికి ఉపయుక్తంగా హీరో మోటోకార్ప్ టీటీపీని అభివృద్ధి చేసింది. దీని సేవల్ని ఎవరైనా ఉచితంగా వినియోగించుకోవచ్చు. రసూల్‌పురా చౌరస్తాలోని బేగంపేట ట్రాఫిక్ పోలీసుస్టేషన్ పక్కన నిరుపయోగంగా ఉన్న స్థలంలో ఒక్క చెట్టూ తొలగించకుండా ఈ ట్రాక్స్‌ను డిజైన్ చేశారు. భూగర్భ జలాలను పెంచేందుకు ఇంకుడు గుంతలూ (వాటర్ హార్వెస్టింగ్ పిట్స్) తవ్వారు. సదరు సంస్థ కేవలం టీటీపీని అభివృద్ధి చేయడమే కాకుండా అక్కడకు వచ్చే వారికి శిక్షణ ఇచ్చేందుకు నిపుణుల్నీ నియమించింది. ఈ టీటీపీలో ఉన్న ప్రత్యేకతలు ఇలా...
  
  బైక్ సిమ్యులేటర్
 డ్రైవింగ్‌తో ఏమాత్రం పరిచయం లేనివారికి తొలుత ఈ సిమ్యులేటర్‌పై శిక్షణ ఇస్తారు. ద్విచక్ర వాహనం మాదిరిగా ఉంటుంది. ముందు మూడు కంప్యూటర్ తెరలతో ఉండే ఈ పరికరం వినియోగిస్తున్నప్పుడు రహదారిపై వెళుతున్న భావనే కలుగుతుంది. చుట్టుపక్కల వాహనాలు వెళ్తున్నట్టు, ట్రాఫిక్ సిగ్నల్స్, స్టాప్‌లైన్స్ అన్నీ కంప్యూటర్ తెరపై కనిపిస్తాయి. ఈ సిమ్యులేటర్‌ను వినియోగిస్తూ వాహనచోదకుడు యాక్సిడెంట్ చేస్తే.. ఆ దృశ్యాలన్నీ రికార్డు అవుతాయి. తద్వారా తాను చేసిన పొరపాటు ఏంటి? ఏ విధంగా ప్రమాదానికి కారణమైంది? తదితర అంశాలు మళ్లీ చూడవచ్చు. ఈ సిమ్యులేటర్ ద్వారా ఓ వ్యక్తికి 10 శాతం డ్రైవింగ్ వస్తుందని నిర్వాహకులు చెబుతున్నారు.
  
 అనుభవం ద్వారా మరో 10 శాతం
 డ్రైవింగ్ నేర్చుకోవాలని భావించి టీటీపీకి వచ్చేవారికి థియరీని సైతం బోధించడానికి ప్రత్యేక ట్రైనింగ్ రూమ్ ఏర్పాటు చేశారు. ఇందులో తెరపై వివిధ ట్రాఫిక్ అంశాలపై అవగాహన కల్పిస్తూ షార్ట్ ఫిల్మ్ ప్రదర్శిస్తారు. దీంతోపాటు రోడ్ సైన్స్, రహదారి నిబంధనలు, డ్రైవింగ్‌లో కచ్చితంగా పాటించాల్సిన అంశాలను బోధిస్తారు. సిమ్యులేటర్ మాదిరిగానే ఈ థియరీ సైతం మరో 10 శాతం డ్రైవింగ్‌ను నేర్పుతుంది.
  
 సిమ్యులేటెడ్ నారో ట్రాక్..
 సన్నగా, అవసరమైన మేర వెడల్పు లేని రహదారుల్లోనే వాహనచోదకులు ఎక్కువగా ప్రమాదాల బారిన పడుతుంటారు. డ్రైవింగ్ నేర్పే సందర్భంలోనే వాహనచోదకులకు ఇరుకైన రోడ్లలోనూ వాహనాలు నడపటం ఎలా? అనేది నేర్పడానికి అనువుగా ఇక్కడ ‘నారో ట్రాక్’ ఏర్పాటు చేశారు. దీన్ని సిమ్యులేటెడ్ నారో ట్రాక్‌గా పిలుస్తారు. ఇనుముతో చేసిన 15 మీటర్ల పొడవుతో ఉండే ఈ సన్నటి ట్రాక్‌పై వాహనం నడిపించి.. ఆ సమయంలో ఎలా వ్యవహరించాలో నేర్పుతారు.
  
 లోపాలు చెప్పే ‘డబుల్ ఎయిట్’
 ఆర్టీఏ ద్వారా లెర్నింగ్ లెసైన్స్ (ఎల్‌ఎల్‌ఆర్) తీసుకున్న తర్వాత ట్రాక్‌లో నిర్వహించే డ్రైవింగ్ పరీక్షలకు వెళ్లినప్పుడు అక్కడ వాహనచోదకుడు ‘ఎనిమిది ఆకారం’లో ఉండే స్థలంలో బండిని నడపాల్సి ఉంటుంది. సదరు డ్రైవర్‌కు వాహనం నడపడంపై ఉన్న పట్టును తెలుసుకోవడానికి ఇది ఉపయోగపడుతుంది. బేగంపేట టీటీపీలో దేశంలో తొలిసారిగా ‘డబుల్ ఎయిట్’ ట్రాక్ ఏర్పాటు చేశారు. ఇందులో ‘ఎనిమిదికి’ అదనంగా మరో ‘సున్నా’ ఆకారం చేరుతుంది. ఫలితంగా డ్రైవింగ్‌పై డ్రైవర్‌కు ఉన్న పట్టును మరింత పక్కాగా గణించి, లోపాలు సరిచేసే అవకాశం ఉంటుంది. అంతర్జాతీయ ప్రమాణాల ప్రకారం 11 మీటర్ల పరిధితో దీన్ని ఏర్పాటు చేశారు.


 ►ఆరుగురి వద్ద తలా రూ.10వేలు
 ►డిమాండ్ చేసిన ఓ నాయకుడు
 ►లేఖ అందజేసిన క్లర్క్ సస్పెన్షన్
  
  యైటింక్లయిన్‌కాలనీ(కరీంనగర్) : యువ ఉద్యోగుల బదిలీ లేఖను అడ్డుపెట్టుకుని డబ్బులు డిమాండ్ చేసిన ఓ నాయకుడి వవ్యవహారం ఆర్జీ-2లో చర్చనీయాంశంగా మారింది. భూపాలపల్లికి చెందిన ఆరుగురు యువ కార్మికులు ఆర్జీ-2 వీటీసీలో శిక్షణ పొందారు. జీడీకే-7ఎల్‌ఈపీ గనిలో ప్రాక్టికల్ ట్రైనింగ్ పూర్తి చేసిన తర్వాత వకీల్‌పల్లిగనికి పోస్టింగ్ ఇచ్చా రు. శిక్షణ పూర్తయ్యాక భూపాలపల్లికి బదిలీ కావాల్సి ఉన్నప్పటికీ ఈపీఆర్ ఆప్‌డేట్ కోసం ఇక్కడే పనిచేయాలని ఆదేశాలివ్వగా 15 రోజులుగా ఇక్కడే పనిచేస్తున్నారు. వారు తమ ఏరియాకు బదిలీ చేయాలని దరఖాస్తు చేసుకోవడంతో కొత్తగూడెం కార్పొరేట్ కార్యాలయం నుంచి ఉత్తర్వులు జారీ అయ్యూరుు. ఆ కాపీపై ఏరియూ జీఎం విజయపాల్‌రెడ్డి సంతకం చేసి గనికి పంపించాలని పర్సనల్ విభాగానికి సూచించారు. అయితే కాపీ ఈనెల 16న సాయంత్రం వకీల్‌పల్లిగనికి చెందిన ఓ యూనియన్ నాయకుడి చేతికి వెళ్లడం తో గురువారం తన వద్దే ఉంచుకున్నాడు.
 
 తమ వల్లే బదిలీ అరుుందని, తలా రూ.10వేలు తీసుకురావాలని సదరు యువ కార్మికులతో బేరానికి దిగినట్లు ప్రచారం జరిగింది. ఈ క్రమంలో బాధిత కార్మికులు విషయాన్ని హెచ్‌ఎంఎస్ నాయకుల దృష్టికి తీసుకెళ్లగా వారు గని మేనేజర్, సంక్షేమ అధికారి వద్దకు వెళ్లి నిలదీశారు. వ్యవహారం బయటపడడంతో ఆ నాయకుడు బదిలీ కాపీని శుక్రవారం సంక్షేమ అధికారికి అందజేశాడు. దీంతో విషయూన్ని జీఎం సీరియస్‌గా తీసుకున్నారు. గనిపైకి వెళ్లాల్సిన ట్రాన్స్‌ఫర్ లేఖను నిబంధనల కు విరుద్ధంగా నాయకుడి చేతికి ఇచ్చిన పర్సనల్ విభాగం క్లర్క్‌ను 10 రోజులపాటు సస్పెండ్ చేస్తూ ఉత్తర్వులు జారీ చేశారు. సంక్షేమ అధికారి, సంబంధిత అధికారులతో లిఖిత పూర్వకంగా వివరణ తీసుకున్నారు.


 ఆకివీడు : బంగారానికి మెరుగులు దిద్ది ఆభరణాలు తయారు చేసే స్వర్ణకారుల జీవితాలు ప్రస్తుతం కళావిహీనంగా మారాయి. కార్పొరేట్ జ్యూయెలర్స్ షాపుల రాకతో రెడీమేడ్ నగలకు గిరాకీ పెరిగింది. ఫలితంగా బంగారుషాపుల్లో ఆర్డర్లపై నగలు చేయించేవారు తగ్గిపోయారు. ఒకప్పుడు ఆభరణాలు కావాలంటే ముందుగా ఆర్డర్లు ఇచ్చి ప్రత్యేకంగా చేయించుకునేవారు. ఫలితంగా స్వర్ణకారుల చేతినిండా పని ఉండేది. ఆదాయమూ బాగుండేది.  ప్రస్తుత ఉరుకులు, పరుగుల కాలంలో నగలు రెడీమేడ్‌గా దొరుకుతున్నాయి. యంత్ర పరిజ్ఞానాన్ని ఉపయోగించి వివిధ మోడళ్లలో చేసిన ఆభరణాలకు డిమాండ్ పెరిగింది. ఫలితంగా స్వర్ణకారులు చేతితో చేసే నగలకు గిరాకీ తగ్గింది. ఆర్డర్లు లేకపోవడంతో స్వర్ణకారులు పనిలేక అవస్థలు పడుతున్నారు. రోజుకు రూ.200  రావడం లేదని, ఇవి కూడా ఎక్కువగా పాత నగల మరమ్మతుల చేయడం వల్లే వస్తున్నాయని కార్మికులు చెబుతున్నారు.  
  
  పొరుగు రాష్ట్రాల కార్మికులతో పోటీ
  రెడీమేడ్ నగలతోపాటు పొరుగు రాష్ట్రాల నుంచి వలస వచ్చిన కూలీలు స్వర్ణకారులకు పోటీగా మారారు. పచ్చిమబెంగాల్, బంగ్లాదేశ్ తదితర ప్రాంతాల నుంచి యంత్రాలపై ఆభరణాల తయారీలో నైపుణ్యంకల కార్మికులను జ్యూయెలర్‌‌స యాజమాన్యాలు, కార్పొరేట్ సంస్థలు తీసుకొస్తున్నాయి.
  దీంతో ఎన్నోఏళ్ల నుంచి ఈ వృత్తినే నమ్ముకున్న స్వర్ణకారులకు పనిలేకుండా పోతోంది.  
  
  రాష్ట్రంలో 70 లక్షల మంది.. జిల్లాలో 46వేల మంది
  రాష్ట్రంలో 70 లక్షల మంది, జిల్లాలో 46వేల మంది స్వర్ణకారులు  ఉన్నారు. వీరంతా వెనుకబడిన తరగతుల వారే. అధిక శాతం ఇంకా పొయ్యి, కిరోసిన్ డబ్బాలు ఉపయోగించే నగలు తయారు చేస్తున్నారు. ఆధునిక యంత్ర సామగ్రి లేకపోవడంతో వృత్తిలో నైపుణ్యం సాధించలేకపోతున్నారు. నగల తయారీలో వాడే రసాయనాలు వీరి ఆరోగ్యాన్ని పాడుచేస్తున్నాయి. ఫలితంగా వారు 50ఏళ్లకే తీవ్ర వృద్ధాప్యంలోకి వెళ్లిపోతున్నారు.
  
  స్వర్ణకార ఫైనాన్స్ కార్పొరేషన్ ఏర్పాటు చేయాలి
  ఈ నేపథ్యంలో స్వర్ణకారులు తమను ఆర్థికంగా ఆదుకోవాలని ప్రభుత్వాన్ని కోరుతున్నారు. వ్యాపారం, వృత్తిలో నైపుణ్యం పెంచుకునేందుకు ప్రత్యేక కార్పొరేషన్ ఏర్పాటు చేయాలని డిమాండ్ చేస్తున్నారు. అసంఘటిత కార్మికులుగా గుర్తించి హెల్త్‌కార్డులు మంజూరు చేయాలని, గత ప్రభుత్వం ఏర్పాటు చేసిన ఐదుగురు సభ్యుల కమిటీ నివేదిక అమలుకు  చిత్తశుద్ధితో కృషి చేయాలని, ఐటీఐ తరహాలో శిక్షణ కేంద్రాలు ఏర్పాటు చేసి ఆధునిక పోకడలపై శిక్షణ ఇవ్వాలని, ప్రమాదవశాత్తూ మరణించిన కార్మికులకు రూ.పదిలక్షల ఎక్స్‌గ్రేషియా ఇవ్వాలని కోరుతున్నారు.
  
  బంద్ ప్రభావంతో విలవిల
  ప్రసుతతం గోరుచుట్టుపై రోకటిపోటులా మారింది స్వర్ణకారుల పరిస్థితి. అసలే పనుల్లేక అలమటిస్తున్న వారి జీవనంపై బంగారు దుకాణాల బంద్ తీవ్ర ప్రభావం చూపిస్తోంది. కేంద్రం విధించిన ఎక్సైజ్ డ్యూటీని నిరసిస్తూ బంగారు దుకాణాలు చేస్తున్న బంద్‌తో కొద్దిరోజులుగా ఎక్కడి పనులు అక్కడే నిలిచిపోయాయి. ఫలితంగా వచ్చే రూ.200 కూడా రాక కార్మికులు పస్తులతో కాలం గడుపుతున్నారు. ఆర్థిక ఇబ్బందులతో సతమతమవుతున్నారు.


 సిద్దిపేటలో రూ. 1.25 కోట్లతో ఐసీయూ యూనిట్
 నేడు మంత్రులు లక్ష్మారెడ్డి, హరీశ్‌రావు చేతుల మీదుగా ప్రారంభం
  సిద్దిపేట జోన్ : సిద్దిపేటలోని ప్రభుత్వ ఆస్పత్రులు కార్పొరేట్ స్థాయి సొబగులను సంతరించుకోనున్నాయి. ఇప్పటికే కంగారు మెథడ్ యూనిట్ ద్వారా గుర్తింపు పొందిన సిద్దిపేట పట్టణం వైద్యసేవల్లో మరో అడుగు వేస్తోంది. జిల్లాలో ఇప్పటి వరకు ప్రభుత్వ ఆస్పత్రులకు నోచుకొని అత్యాధునికి ఇంటెన్సివ్ కేర్ యూనిట్‌ను సిద్దిపేటలో ఏర్పాటు చేశారు. రూ.  1.25 కోట్లతో ఏర్పాటు చేసిన ఈ యూనిట్‌ను రాష్ట్రవైద్య, ఆరోగ్య శాఖమంత్రి లకా్ష్మరెడ్డి, నీటి పారుదల శాఖమంత్రి హరీశ్‌రావుతో కలిసి గురువారం లాంఛనంగా ప్రారంభించనున్నారు. స్థానిక ఏరియా ఆస్పత్రిలో ఏర్పాటు చేసిన ఐసీయూ యూనిట్ ద్వారా సిద్దిపేట  ప్రజలకు అత్యవసర వైద్య సేవలు అందుబాటులోకి రానున్నాయి.
 24 గంటల పాటు అత్యవసర వైద్యసేవలను అందించడానికి రాష్ర్ట ప్రభుత్వం 10 మందితో కూడిన వైద్య బృందం ఏర్పాటు చేసింది. వీటికి అనుసంధానంగా త్వరలో కిడ్నీ రోగుల కోసం డయాలసిస్ యూనిట్, ఎయిడ్స్ బాధితుల కోసం ఏఆర్‌టీ సెంటర్, డెంగీ ప్రాంణాంతక వ్యాధుల కోసం ప్లేట్‌లెట్స్ సెఫారేటర్ కేంద్రాన్ని ఏర్పాటు చేయనున్నారు. మరోవైపు సిద్దిపేటలోని ప్రభుత్వ ఆసుపత్రులకు వైద్య సేవల కోసం వచ్చే రోగుల బంధువులకు ఆశ్రయం, ఉచిత భోజన వసతి కోసం రూ. 1.31 కోట్లతో నైట్ షెల్టర్‌కు మంత్రులు గురువారం శంకుస్థాపన చేయనున్నారు. 
 మరోవైపు వివిధ వైద్య సేవల కోసం వచ్చే రోగుల బంధువులు అశ్రయం పొందేందుకు స్థానిక ఏరియా ఆస్పత్రిలో నేషనల్ అర్బన్ లవ్లీ ఉడ్ మెప్మా మిషన్ ద్వారా రూ. 1.31 కోట్లతో నైట్ షెల్టర్‌ను ఏర్పాటు చేయనున్నారు. మూడంతస్తుల భవనంలో రోగుల బంధువులకు బసచేసే విధంగా మౌలిక వసతులు కల్పించనున్నారు. ఇప్పటికే హరే రామ్ సంస్థ ద్వారా ప్రభుత్వ ఆసుపత్రుల్లో రోగులకు, రోగుల బంధువులకు మంత్రి చొరవతో ఉచితంగా భోజనం అందుతోంది. నైట్ షెల్టర్ ఏర్పాటుతో బాధితులు ఆసుపత్రుల్లో మంచాల వద్ద, ఆరుబయట పడిగాపులు కాయాల్సిన పరిస్థితి ఉండదు.


  మంత్రి లక్ష్మారెడ్డి, ఉన్నతాధికారుల ఎదుట జిల్లా వైద్యుల సూచన
 
  వనపర్తిటౌన్ : ప్రభుత్వ ఆస్పత్రులకు అన్ని వసతులు కల్పిం చినప్పుడే కార్పొరేట్ వైద్యం కల సాకారం అవుతోందని జిల్లా వైద్యాధికారులు మంత్రి లక్ష్మారెడ్డి, రాష్ట్ర ఉన్నతాధికారులకు సూచించారు. సోమవారం ప్రభుత్వ ఆస్పత్రుల్లో కార్పొరేట్ వైద్య సేవలు అందించేందుకు హైదరాబాద్ వెంగళ్‌రావునగర్ కాలనీ మర్రి చిన్నారెడ్డి రిసోర్స్ కాంప్లెక్స్‌లో వైద్య ఆరోగ్య శాఖ మంత్రి లక్ష్మారెడ్డి, ప్రిన్సిపల్ సెక్రెట్రరీ బుద్దప్రకాశ్, వైద్య విధాన పరిషత్ కమిషనర్ వీణాకుమారి రాష్ట్ర వ్యాప్తంగా వైద్యాధికారుల సలహాలు, సూచనలు స్వీకరించారు. జిల్లా నుంచి డీసీహెచ్‌ఓ మీనాక్షి, డీఎంఅండ్‌హెచ్‌ఓ పార్వతి, వనపర్తి, గద్వాల, నాగర్‌కర్నూల్, నారాయణపేట్ ఏరియా ఆస్పత్రి సూ పరింటెండెంట్‌లు, బాదేపల్లి సివిల్ ఆస్పత్రి సూపరింటెండెంట్ నాగరాజుతో పాటుగా వనపర్తి, ఆమనగల్లు ఎస్పీహెచ్‌ఓలు హాజరయ్యారు. ఆస్పత్రుల్లో కిందిస్థాయి నుంచి రెగ్యులర్ వై ద్యులు, సిబ్బందిని నియమించాలని, గైనకాలజిస్ట్, మత్తు మం దు వైద్యుడు, చిన్న పిల్లల, జనరల్ మెడిసిన్ వైద్యుల పోస్టులను భర్తీ చేయాలని, అధికభారం పడే గైనకాలజిస్ట్‌లకు ఇన్‌సెంటీవ్ ఇవ్వాలని కోరారు. బెడ్లు, బెడ్‌షీట్స్, కొత్త మంచాలు పది పది చొప్పున ఇవ్వాలని అదేవిధంగా అంబులెన్స్‌తో పా టు అన్ని పరీక్షలు చేసేందుకు అధునాతమైన ల్యాబ్‌లు కావాలని సూచించారు. 24 గంటల పీహెచ్‌సీల్లో కచ్చితంగా నలుగు రు వైద్యులు, నలుగురు స్టాఫ్ నర్సులు, అంబులెన్స్ సౌకర్యం కల్పిస్తే కుటుంబ నియంత్రన ఆపరేషన్లు, శస్త్రచికిత్సలకు అనువుగా ఉంటుందని తెలిపారు. ఏరియా, పీహెచ్‌సీలకు ప్రస్తు తం ఇస్తున్న మందులు సరిపోవడం లేదని, మందులు అధికంగా ఇచ్చేలా బడ్జెట్‌లో నిధులు కేటాయించాలని కోరారు.


 కేంద్రమంత్రి బండారు దత్తాత్రేయ
  
  హైదరాబాద్: ఎన్డీయే ప్రభుత్వం కార్మికుల సంక్షేమానికి అహర్నిశలు కృషి చేస్తుందని.. ఇందులో భాగంగానే అసంఘటిత రంగ కార్మికులను ఈఎస్‌ఐసీ పరిధిలోకి తీసుకురానున్నామని కేంద్ర కార్మికశాఖ మంత్రి బండారు దత్తాత్రేయ అన్నారు. శనివారం గోషామహల్ నియోజకవర్గ పరిధిలోని సీతారాంబాగ్‌లో ఈఎస్‌ఐసీ డిస్పెన్సరీ, 100 పడకల సూపర్ స్పెషాలిటీ ఆస్పత్రికి ఆయన శంకుస్థాపన చేశారు. ఈ సందర్భంగా మాట్లాడుతూ.. కార్మికులకు మెరుగైన సేవలు అందించేందుకు తెలంగాణలోనే అతిపెద్ద మొట్టమొదటి సూపర్ స్పెషాలిటీ ఈఎస్‌ఐసీ ఆస్పత్రికి కేంద్ర ప్రభుత్వం రూ. 100 కోట్లు కేటాయించిందన్నారు. హైదరాబాద్ పాతనగరంలోని సుమా రు 5 లక్షల మందికి ఈ ఆస్పత్రిలో కార్పొరేట్ వైద్యసేవలు అందించనున్నామన్నారు.
 
 కేంద్ర కార్మికశాఖ ఆధ్వర్యంలో రెండు కొత్త చట్టాలను కూడా అమలులోకి తేనున్నట్లు ఆయన వెల్లడించారు. రాష్ట్ర ఉప ముఖ్యమంత్రి మహమూద్ అలీ మాట్లాడుతూ...  కేంద్ర ప్రభుత్వం రూ.100 కోట్లతో ఆస్పత్రిని ఏర్పా టు చేయడం హర్షణీయమన్నారు.  రాష్ట్ర హోంమంత్రి నాయిని నర్సింహారెడ్డి మాట్లాడుతూ జిల్లాల్లో అధ్వానంగా ఉన్న ఈఎస్‌ఐసీ ఆస్పత్రులను పునరుద్ధరించాలన్నారు. రాష్ట్రంలో అన్ని ఈఎస్‌ఐసీ డిస్పెన్సరీలను పది పడకల ఆస్పత్రులుగా మారుస్తున్నామని కేంద్రమంత్రి ప్రకటించడం హర్షణీయమన్నారు. ఈ కార్యక్రమంలో గోషామహల్ ఎమ్మెల్యే టి. రాజాసింగ్‌లోథ, ఎమ్మెల్సీలు కె. జనార్దన్‌రెడ్డి, సయ్యద్ అమీన్ ఉల్ హసన్ జాఫ్రీ, ఎస్. ప్రభాకర్‌రావు, ఈఎస్‌ఐసీ మెడికల్ కమిషనర్ ఆర్.కె. కటారియా, డెరైక్టర్ డాక్టర్ సి.హెచ్. దేవికారాణి, రీజనల్ డెరైక్టర్‌లు ఆర్.ఎస్. రావు, పి.కె. జైన్, మాజీ ఎమ్మెల్యేలు ప్రేమ్‌సింగ్‌రాథోడ్, రామస్వామి తదితరులు పాల్గొన్నారు.


 సాక్షి, హైదరాబాద్: కార్పొరేట్, సూపర్ స్పెషాలిటీ ఆసుపత్రుల్లో ప్రభుత్వ ఉద్యోగులు, పింఛన్‌దారుల ఆరోగ్య కార్డుల అమలుపై సర్కారు కసరత్తు ప్రారంభించింది. ఈ నెల 21న సీఎం కేసీఆర్ అధ్యక్షతన జరిగే ఆరోగ్యశ్రీ ట్రస్టు బోర్డు సమావేశంలో దీనిపై కీలక నిర్ణయం తీసుకునే అవకాశం ఉంది. సూపర్ స్పెషాలిటీ ఆసుపత్రుల్లో ఉద్యోగుల ఆరోగ్య కార్డుల అమలు, ప్యాకేజీ పెంపు, ఉచిత ఓపీ వంటి వాటిపై ఏదో ఒక నిర్దిష్ట నిర్ణయం వెలువడే అవకాశాలున్నాయి. మరోవైపు ఆరోగ్యశ్రీ నెట్‌వర్క్ ఆసుపత్రులకు చెల్లించాల్సిన బకాయిలు రూ. 200 కోట్లకు పైనే ఉన్నాయి. దీంతో ఆయా ఆసుపత్రులు ఆరోగ్యశ్రీ రోగుల రిజిస్ట్రేషన్లను తాత్కాలికంగా నిలిపేశాయి. ఈ నెల 23 వరకు బకాయిల చెల్లింపునకు గడువిస్తూ కార్పొరేట్ ఆసుపత్రులు సర్కారుకు అల్టిమేటం ఇచ్చాయి.ఈ నేపథ్యంలో ఆరోగ్యశ్రీకి నేరుగా నిధులు కేటాయించే విషయంపైనా దృష్టి సారించనున్నారు.
 
  మెలికల మీద మెలికలు
  ఆరోగ్యకార్డుల అమలుపై సూపర్ స్పెషాలిటీ ఆసుపత్రులు అనేక మెలికలు పెడుతున్నాయి. ఇంతకుముందు ఆయా ఆసుపత్రులు చేసిన డిమాండ్‌కు సర్కారు సిద్ధమయ్యే సరికి... తర్వాత అదే డిమాండ్‌ను మార్పు చేసి కొత్త అడ్డంకులు సృష్టిస్తున్నాయని వైద్య ఆరోగ్యశాఖ అధికారులు అంటున్నారు. గతంలో ఆరోగ్యకార్డుల శస్త్రచికిత్స ప్యాకేజీని 25 శాతం పెంచాలని కార్పొరే ట్లు ప్రభుత్వాన్ని కోరాయి. దానికి మొదట్లో ప్రభుత్వం ససేమిరా అంది. 10 లేదా 15 శాతానికి మించి పెంచబోమని స్పష్టంచేసింది. చివరకు 25 శాతం పెంపునకు సర్కారు సిద్ధమైంది. కానీ ఆ తర్వాత కార్పొరేట్ ఆసుపత్రులు 40 శాతం పెంచాలని చెప్పాయి. దీంతోఆ ఆసుపత్రుల్లో ఉద్యోగుల ఆరోగ్యకార్డుల అమలు ఏడాదిగా పెండింగ్‌లో ఉండిపోయింది.
 
  ఓపీపై ప్రతిష్టంభన
  ఉద్యోగులకు ఓపీ సేవలు ఉచితంగా ఇవ్వాలని ప్రభుత్వం ప్రతిపాదించగా ఎంతోకొంత ఫీజు వసూలు చేయాల్సిందేనని కార్పొరేట్ యాజమాన్యాలు చెప్పా యి. దీనిపై ఇప్పటికీ ప్రతిష్టంభన కొనసాగుతోంది. వైద్య పరీక్షలకు ఉద్యోగులు నెలనెలా ప్రీమియం చెల్లించడానికి సిద్ధంగా ఉన్నారు. కానీ ఈ అం శాన్ని పరిష్కరించడంలో సర్కారు విఫలమైంది. అలాగే మెడికల్ ప్యాకేజీని నిమ్స్, సీజీహెచ్‌ఎస్ ధరలకు అనుగుణంగా పెంచాలని యాజమాన్యాల ప్రతి నిధు లు కోరుతున్నారు. మందులకు సంబంధించి సేకరణ ధర కాకుండా ఎంఆర్‌పీని కొనసాగించాలని కోరుతున్నారు.సూపర్ స్పెషాలిటీలు కోరుతున్నటు ్లగా నిమ్స్ మాదిరి మెడికల్ ప్యాకేజీ, ఓపీకి చెల్లిస్తే రూ. 500 కోట్ల మేర ప్రభుత్వంపై అదనపు భారం పడుతుం దని వైద్యఆరోగ్యశాఖ అధికారులు అంచనా వేశారు.


 విజయా బ్యాంక్ ఎగ్జిక్యూటివ్ డెరైక్టర్ బి.ఎస్ రామారావు
 * బిజినెస్ కరస్పాండెంట్లకు అధిక ఆదాయ కల్పనపై దృష్టి
 * వడ్డీరేట్లు తగ్గినా కార్పొరేట్ రుణాల్లో డిమాండ్ కనబడటం లేదు...
 * ఆర్థిక వ్యవస్థ పుంజుకోవడానికి మరో ఏడాది సమయం పట్టొచ్చు...
 హైదరాబాద్, బిజినెస్ బ్యూరో: వడ్డీరేట్లు తగ్గుతున్నా కార్పొరేట్ రుణాల్లో డిమాండ్ కనిపించడం లేదని, ఆర్థిక వ్యవస్థ కోలుకోవడానికి మరో ఏడాది పడుతుందని అంచనా వేస్తున్నట్లు ప్రభుత్వరంగ విజయా బ్యాంక్ ఎగ్జిక్యూటివ్ డెరైక్టర్ బి.ఎస్.రామారావు పేర్కొన్నారు.
 
 హైదరాబాద్‌లో బ్యాంకు మేనేజర్ల సమీక్షా సమావేశానికి వచ్చిన ఆయన ‘సాక్షి’తో మాట్లాడుతూ మరో ఆరు నెలలు వడ్డీరేట్లు తగ్గే అవకాశాలు లేవంటున్నారు. ఆ ఇంటర్వ్యూ విశేషాలు...
  
 డిమాండ్ లేదు
 ఆర్‌బీఐ వడ్డీరేట్లు తగ్గించినా కార్పొరేట్ రుణాలకు డిమాండ్ అంతంత మాత్రంగానే ఉంది. అలాగే రిటైల్ రుణాల్లో గృహరుణాలు ఇంకా ఊపందుకోవాల్సి ఉంది. ప్రస్తుతం ఆటో రుణాలకు మాత్రమే గిరాకీ ఉంది. మొత్తం మీద చూస్తే రుణాలకు డిమాండ్ అంతంత మాత్రంగానే ఉంది. ఇదే విధమైన పరిస్థితి మరో ఏడాది పాటు కొనసాగుతుందని అంచనా వేస్తున్నాం. ఏడాది తర్వాత ఆర్థిక వృద్ధి వేగం పుంజుకుంటుందని భావిస్తున్నాం.
  
 తగ్గే అవకాశాలు తక్కువ
 తగ్గుతున్న పారిశ్రామికోత్పత్తి, రుణాలకు డిమాండ్ లేకపోవడం వంటి అంశాలున్నప్పుడు సాధారణంగా వడ్డీరేట్లు తగ్గాలి. కానీ అటువంటి అవకాశాలు కనిపించడం లేదు. దీనికి కారణం పెరుగుతున్న ద్రవ్యోల్బణానికి తోడు అమెరికా ఫెడరల్ బ్యాంక్ వడ్డీరేట్ల పెంపు వంటి భయాలే. అలాగే డిపాజిట్ల రేట్లు తగ్గించకుండా రుణాల రేట్లను మరింత తగ్గించే అవకాశం లేదు. డిపాజిట్ల రేట్లు తగ్గిస్తే పెన్షనర్లపై ఒత్తిడి పెరుగుతుంది. ఇదే సమయంలో పోస్టాఫీసు చిన్న మొత్తాల పథకాల నుంచి డిపాజిట్ల సేకరణకు బ్యాంకులు పోటీని ఎదుర్కోవాల్సి ఉంటుంది. ఇవన్నీ చూస్తే మరో ఆరు నెలల పాటు వడ్డీరేట్లు ఇలాగే స్థిరంగా ఉంటాయని అంచనా వేస్తున్నాం.
  
 ఎన్‌పీఏలు తగ్గుతున్నాయ్..
 రుణాలకు డిమాండ్ లేకపోయినా.. ఎన్‌పీఏలు తగ్గుముఖం పట్టడం ఒక సానుకూల వాతావరణం. ప్రభుత్వరంగ బ్యాంకుల్లో విజయా బ్యాంక్ అతి తక్కువ ఎన్‌పీఏలను కలిగి ఉన్నది. సెప్టెంబర్ నాటికి మా స్థూల ఎన్‌పీఏలు 3.98 శాతం మాత్రమే. నికర ఎన్‌పీఏలు 2.84 శాతం. రానున్న  కాలంలో ఈ శాతాన్ని మరింత తగ్గించడానికి కృషి చేస్తున్నాం.
  
 ఉదయ్‌తో తగ్గనున్న లాభాలు
 కేంద్ర ప్రభుత్వం విద్యుత్ పంపిణీ సంస్థల రుణాల పునర్‌వ్యవస్థీకరణకు ప్రకటించిన ‘ఉదయ్’ పథకం వల్ల రెండు శాతం వడ్డీని నష్టపోవాల్సి వస్తుందని అంచనా వేస్తున్నాం. దీనివల్ల తాత్కాలికంగా లాభాలపై ప్రతికూల ప్రభావం చూపినా, ఈ నిర్ణయం దీర్ఘకాలంలో మంచి ఫలితాలు ఇస్తుందని ఆశిస్తున్నాం. మా బ్యాంకు డిస్క్‌ంలకు ఇచ్చిన రుణాల విలువ  రూ. 7,800 కోట్లు.
  
 12 శాతం వృద్ధి..: ఈ ఏడాది వ్యాపారంలో 12 శాతం వృద్ధి నమోదవుతుందని అంచనా వేస్తున్నాం. గతేడాది రూ. 2.10 లక్షల కోట్లుగా ఉన్న వ్యాపారం వచ్చే మార్చినాటికి రూ. 2.35 లక్షల కోట్లు దాటొచ్చు. వచ్చే నాలుగు  నెలల్లో మరో 150 శాఖలను ప్రారంభించాలని లక్ష్యంగా పెట్టుకున్నాం. ప్రస్తుతం దేశవ్యాప్తంగా 1,755 శాఖలను కలిగి ఉంది.
  
 గ్రామీణ మార్కెట్‌పై దృష్టి
 పేమెంట్ బ్యాంకులు, చిన్న బ్యాంకుల నుంచి వచ్చే పోటీని తట్టుకోవడమే ఇప్పుడు మా ముందున్న ప్రధాన లక్ష్యం. ఇందుకోసం గ్రామీణ ప్రాంతాల మార్కెట్‌పై ప్రధానంగా దృష్టిసారిస్తున్నాం. ముఖ్యంగా బిజినెస్ కరస్పాండెంట్ల (బీసీ) వ్యవస్థను మరింత పటిష్టం చేసి వారికి మరింత ఆదాయం ఆర్జించే విధంగా కొత్త పథకాలను ప్రవేశపెట్టనున్నాం. పెన్షన్ పంపిణీ, రుణాల రికవరీ వంటి బాధ్యతలను బీసీలకు అప్పజెప్పాలనుకుంటున్నాం. ప్రస్తుతం ఒకొక్క బీసీ సగటున నెలకు రూ. 5,000 ఆర్జిస్తున్నారు. వచ్చే రెండేళ్లలో ఈ సంపాదనను రూ. 10,000కు పెంచాలన్నదే మా లక్ష్యం.


 పండుగలల్లో బంధువులకు, స్నేహితులకు  గిఫ్ట్స్ ఇచ్చే విధానం మారుతోంది. ఒకప్పుడు  ఇలాంటి ప్రత్యేక రోజుల్లో  స్వీట్లు,డ్రైఫ్రూట్లను గిఫ్ట్‌గా ఇచ్చేవారు. కానీ ఇప్పుడు వాటి స్థానాన్ని డిజిటల్ గిఫ్టింగ్ సొల్యూషన్స్ ఆక్రమిస్తున్నాయి. ఇటీవల కాలంలో ఆన్‌లైన్ వోచర్లు, గిఫ్ట్ కార్డ్స్‌కు గిరాకీ పెరుగుతోంది, స్టార్టప్స్, ఇతర సంస్థలు మాత్రమే కాకుండా పెద్ద పెద్ద కంపెనీలు కూడా వాటి కార్పొరేట్ గిఫ్ట్స్ కోసం డిజిటల్ గిఫ్టింగ్‌కు అధిక ప్రాధాన్యతను ఇస్తున్నాయి.
  
 డిజిటల్ గిఫ్టింగ్ అంటే..
 డిజిటల్ గిఫ్టింగ్ విధానంలో ఆన్‌లైన్ వోచర్లు, గిఫ్ట్ కార్డులు, ఈ-గిఫ్టింగ్ అనే అంశాలుంటాయి. గిఫ్ట్ కార్డ్స్ చూడటానికి మన క్రెడిట్, డెబిట్ కార్డులాగే ఉంటాయి. ఈ-గిఫ్టింగ్‌లో గిఫ్ట్స్ డెరైక్ట్‌గా మెయిల్‌కే వస్తాయి. వోచర్ల విషయానికి వస్తే.. ఎంపిక చేసిన రిటైల్ షాప్‌ల్లో ఇచ్చిన నిర్ణీత ధరల్లో నచ్చిన వస్తువులను కొనుగోలు చేయొచ్చు. అలాగే వీటికి కాల పరిమితి కూడా ఉంటుంది.
  
 సొల్యూషన్స్‌ను అందిస్తున్న పలు సంస్థలు
 డిజిటల్  గిఫ్టింగ్ సొల్యూషన్స్‌ను పలు సంస్థలు అం దిస్తున్నాయి. పేమెంట్ సొల్యూషన్స్ ప్రొవైడర్ పైన్ ల్యాబ్స్, ఈ-గిఫ్టింగ్ ప్లాట్‌ఫామ్ క్విక్‌కిల్వర్, ఆన్‌లైన్ గిఫ్టింగ్ ప్లాట్‌ఫామ్ గిఫ్ట్‌జోజో, ఆఫీస్ సప్లై ఈ-కామర్స్ పోర్టల్ జోఫియో వంటి సంస్థలు డిజిటల్ గిఫ్టింగ్ విభాగంలో కార్యకలాపాలను నిర్వహిస్తున్నాయి.
 
 పైన్ ల్యాబ్స్‌లో క్రోమా, బిగ్ బజార్, సినీపోలిస్, స్పైస్ హాట్‌స్పాట్, గోద్రేజ్ నేచర్స్ బాస్కెట్, మెయిన్‌ల్యాండ్ చైనా, పిజా హాట్ వంటి 100పైగా బ్రాండ్స్ సంబంధిత గిఫ్ట్ వోచర్లను పొందొచ్చు.
  
 డిజిటల్ గిఫ్టింగ్ ప్రయోజనాలు
 సంప్రదాయ పద్ధతుల్లోని గిఫ్టింగ్ విధానంతో పోలిస్తే డిజిటల్ గిఫ్టింగ్‌లో పలు ప్రయోజనాలు ఉన్నాయి. డిజిటల్ గిఫ్టింగ్ విధానంలో ఎలాంటి లాజిస్టిక్ చార్జీలు లేకుండా వెంటనే గిఫ్ట్‌ను డెలివరీ చేయొచ్చు. కార్పొరేట్ సంస్థలు వారి ఉద్యోగులందరి అభిరుచులకు తగ్గట్టుగా గిఫ్ట్స్‌ను అందించడానికి డిజిటల్ గిఫ్టింగ్ సొల్యూషన్స్ ఒక సులువైన మార్గమని పైన్ ల్యాబ్స్ సీఈవో లొక్వీర్ కపూర్ తెలిపారు.
 
 శామ్‌సంగ్, మ్యాక్స్ బుపా, మాస్టర్ కార్డు, బ్రిటిష్ ఏయిర్‌వేస్, ఏయిర్‌టెల్ వంటి తదితర పెద్ద పెద్ద కంపెనీలు కూడా డిజిటల్ గిఫ్ట్ ప్రాధాన్యాన్ని గుర్తించాయని పేర్కొన్నారు. డిజిటల్ గిఫ్ట్ కార్డ్స్ విధానంలో గిఫ్ట్ గ్రహీతలు వారికి కావాల్సిన, నచ్చిన బహుమతులను ఎంచుకోవడానికి అవకాశం ఉంటుందని క్విక్‌కిల్వర్ సీఈవో కుమార్ సుదర్శన్ తెలిపారు.
 
 డిజిటల్ గిఫ్టింగ్ విధానంలో నిర్వహణ వ్యయాలు తగ్గుతాయని చెప్పారు. ‘ఉద్యోగి తన కంపెనీ నుంచి ఒక గిఫ్ట్‌ను పొందడానికి కన్నా ఆన్‌లైన్ గిఫ్ట్ వోచర్‌ను తీసుకోవడానికే ఎక్కువ ప్రాధాన్యం ఇస్తాడు. ఆన్‌లైన్ గిఫ్ట్ వోచర్‌లో అతనికి కావాల్సిన గిఫ్ట్‌ను ఎంచుకోవడంలో స్వేచ్ఛ ఉంటుంది’ అని వివరించారు.
 
 సంప్రదాయ గిఫ్టిం గ్‌లో ఉన్న ఎంపిక, డెలివరీ ఖర్చులు వంటి సమస్యలు డిజిటల్ గిఫ్టింగ్‌లో ఉండవని జోఫియో సీఈవో అభిషేక్ కుమాని తెలిపారు. ఉద్యోగులు అధికంగా ఉండే సంప్రదాయ తయారీ కంపెనీలు ఇంకా డిజిటల్ గిఫ్టింగ్ సొల్యూషన్స్ విషయంలో వెనుకంజలో ఉన్నాయని గిఫ్ట్‌జోజో సహ వ్యవస్థాపకులు మనోజ్ తెలిపారు. గత మూడేళ్లలో తాము 200 క్లయింట్స్‌కు డిజిటల్ గిఫ్టింగ్ సొల్యూషన్స్ సేవలను అందించామన్నారు.
  
 కొత్త దారిలో వెళ్తున్న స్టార్టప్స్
 స్టార్టప్స్ వినూత్నంగా ఆలోచిస్తున్నాయి. తన కస్టమర్లు, ఉద్యోగులకు పండుగ సందర్భంగా పలు ఆఫర్లను అందిస్తున్నాయి. అర్బన్‌క్లాప్, ఈజీఫిక్స్ వంటి స్టార్టప్స్ దీపావళి సందర్బంగా వాటి కస్టమర్లు, ఉద్యోగులకు బోనస్‌తోపాటు ఇంటీరియర్ డెకరేషన్ నుంచి పుట్టిన రోజు సెలబ్రేషన్స్ వరకు ఇన్‌స్టాంట్ ప్రొఫెషనల్ సొల్యూషన్స్‌ను ఆఫర్ చేస్తున్నాయి. ఇక ఈజీరివార్డ్జ్ అయితే తన ఉద్యోగులకు డిస్కౌంట్ కూపన్లను అందిస్తోంది.


 దేడ్ కహానీ  - కార్పొరేట్ 
 * మంచి సినిమాకు ఉదాహరణ.
 * నిజాలను కళ్లకు కట్టింది.
   *   పాఠ్యాంశంగా పుస్తకాలకెక్కింది.
 రెండు కార్పొరేటు సంస్థల అధిపతుల మధ్య ఫైటు, అది ముగిసిపోవడానికి వాళ్లు మాట్లాడుకున్న రేటు, ఆ రేటుకి వాళ్లు వెతికిన ఉద్యోగిని నిషీ అనే గోటు (మేక), ఆ గోటును వేసిన వేటు... మంచి సినిమా గురించి రాయరా అంటే మటన్ బిర్యానీ రెసిపీ మొదలు పెట్టాడేంటి అనుకుంటున్నారా! అదేం కాదు.
 
 ఓ మంచి సినిమా సారాంశాన్నే ఇలా క్లుప్తంగా చెప్పాను. 2006లో విడుదలైన ఆ మంచి సినిమా... మధుర్ భండార్కర్ తీసిన ‘కార్పొరేట్’. థియేటర్లలో సినిమాలు ఎప్పుడూ ఉంటాయి. వాటిలో కొన్ని అభిరుచి గల ప్రేక్షకుల మనసుల్లో ఉండిపోతాయి. మరికొన్ని విమర్శకులు, సమీక్షకుల ఆర్టికల్స్‌లో, వాళ్ల మేధస్సుల్లో మమేకమై ఉంటాయి. కానీ ఇవన్నీ దాటి ‘కార్పొరేట్’ అనే సినిమా మాత్రం అహ్మదాబాద్ ఇండియన్ స్కూల్ ఆఫ్ బిజినెస్ మేనేజ్‌మెంట్‌లో పాఠ్యాంశంగా మారింది.
 
 సినిమాలు చూసి చదువులు పాడు చేసుకోకండ్రా అని పెద్దవాళ్లతో తిట్లు తిన్న ప్రతి సినీ అభిమానీ... ఓ సినిమా కూడా చదువైంది అని గర్వంగా చెప్పుకోవడానికి అవకాశాన్నిచ్చిన సినిమా ‘కార్పొరేట్’. అది తీసిన మధుర్ భండార్కర్‌కి హ్యాట్సాఫ్ చెప్పకుండా ఈ వ్యాసం మొదలు పెట్టలేను.
  భారతదేశంలోని కొన్ని పుణ్య నదులు భౌతిక కాలుష్యానికి పరాకాష్టగా నిలుస్తున్నాయి. అయినా వాటిలో స్నాన మాచరించి, వాటిలోని నీళ్లు తాగుతున్న తరతరాల భారతీయుల రోగ నిరోధక శక్తిని నమ్మి... ఏ బ్యాక్టీరియా కలిసిన డ్రింకైనా భారతీయులు తాగేయగలరు, తాగి అరాయించుకోనూగలరు అనుకుంది ఓ విదేశీ కూల్‌డ్రింక్ కంపెనీ.
 
 అందుకే ప్రపంచ ఆరోగ్య సంస్థ ప్రమా ణాలను అనుసరించకుండా, పెస్టిసైడ్స్‌ని ముప్ఫై శాతం ఎక్కువ మోతాదులో కలిపి భారతీయ మార్కెట్లో అమ్మేసింది. 2003లో బయట పడేవరకూ ఆ నిజం మనకు తెలీదు. మనకు తెలీని మరో విషయం ఏమిటంటే... మన భారతీయులం అవినీతిని, అన్యాయాన్ని, పాపాన్ని, లోపాన్ని, పాలకుల నిర్లక్ష్యాన్ని, నిరుద్యోగాన్ని, ప్రాణాలకి విలువ లేకుండా తీసేయడాన్ని... ఇంకా ఇలాంటి ఎన్నో అవలక్షణాలని నరనరానా జీర్ణించేసుకుని పెరుగుతున్నాం కాబట్టి, ఈ సాంఘిక రోగాలేవీ మనల్ని ఏమీ చేయ లేవు.
 
 మనకి వీటి నిరోధక శక్తి కూడా ఎక్కువే. అందుకే వీటిని సహిస్తాం తప్ప నిరోధించం. అందుకే కూల్‌డ్రింక్‌లో పెస్టిసైడ్ కలిపారన్న వార్త కేసుగా మారిన ప్పుడు నాలుగు రోజులు మాట్లాడుకుని ఊరుకున్నాం. నెల తర్వాత మళ్లీ అవే కూల్‌డ్రింకులు మామూలుగా తాగేయడం మొదలుపెట్టాం. ఇప్పుడు వాటి ప్రమాణా లేంటో మనకి తెలీదు. సడెన్‌గా వాట్సాప్‌లో ఓ మెసేజ్ వస్తుంది... కుర్ కురేలో ప్లాస్టిక్ ఉందని, మాజా ఫ్యాక్టరీలో ఎయిడ్స్ వ్యాధిగ్రస్తుడైన ఓ వర్కర్ తన రక్తాన్ని డ్రింకులో కలిపేశాడని! ఆ కాసేపు గుర్తుంచుకుంటాం.
 
 ఇంకో మెసేజ్ రాగానే మర్చిపోతాం. మనకి వ్యవస్థ మీద కన్నా మన నిరోధక శక్తి మీద నమ్మకం ఎక్కువ. ఈ సామాజిక బలహీనతల్ని బలంగా మార్చుకుని, వేల కోట్ల వ్యాపార సామ్రాజ్యాల్ని విస్తరించుకున్న ఇద్దరు బడా వ్యాపారవేత్తల క థే... ‘కార్పొరేట్’.
  
 ఇద్దరు బడా వ్యాపారవేత్తలు ఒకరి మీద ఒకరు సాగించుకునే ప్రచ్ఛన్న యుద్ధంలో వారి వెంట ఉన్న పనివాళ్లు నీతిగా, నిజాయతీగా, కంపెనీ బాగుంటేనే మనం బాగుంటాం అని నమ్మి పని చేస్తుం టారు. ఎదుటి కంపెనీతో వారికి వైరం ఉన్నట్టు ద్వేషిస్తారు. చివరికి ఆ వ్యాపారా ధిపతులిద్దరూ రాజకీయ నాయకుల చొరవతో దేశ సంక్షేమం కోసం గొడవలు ఆపేసి ఒకటైపోతే... పనివాళ్లు బలైపో తారు. చదరంగంలో తెల్లరాజు, నల్లరాజు ఒకటైపోతే... వారి కోసం అప్పటివరకూ పోరాటం చేసిన మంత్రులు, సేనానులు, గుర్రాలు, ఏనుగులు, భటుల పరిస్థితిని కళ్లకు కట్టినట్టు రచించారు, చిత్రీకరించారు మధుర్ ‘కార్పొరేట్’ చిత్రంలో.
  
 అజిత్ మోంగా, మనోజ్ త్యాగి అనే ఇద్దరు యువ రచయితలతో, కొత్తగా పరిశ్రమలోకి వస్తోన్న వాళ్లతో కూర్చుని మధుర్ ఈ చిత్ర స్క్రిప్టును తయారు చేయడం విశేషం. రామ్‌గోపాల్ వర్మ దర్శకుడు కాకముందు కొన్నాళ్లు ఓ వీడియో షాప్ నడిపారు. అలాగే మధుర్ ఓ వీడియో షాపులో డెలివరీ బాయ్‌గా పని చేశారు. తర్వాత కొన్నాళ్లకి సినిమా పరిశ్రమలో ప్రవేశించి, చిన్నా చితకా సినిమాలకి అసిస్టెంట్ డెరైక్టర్‌గా పని చేశారు.
 
 అక్కడ వచ్చే వెయ్యి రూపాయల జీతం సరిపోక, మస్కట్‌లో ఉంటోన్న వాళ్ల అక్క దగ్గరకెళ్లి ఉద్యోగ ప్రయత్నాలు చేశారు. అదీ వర్కవుటవ్వక మళ్లీ ముంబై వచ్చి వర్మ దగ్గర అసిస్టెంట్‌గా చేరారు. ‘రంగీలా’కి సహాయ దర్శకుడిగా పని చేసి, మెల్లగా దర్శకుడిగా మారారు.     
  మోడ్రన్ మిలీనియమ్‌లో ఉమెన్ ఎంపవర్‌మెంట్ గురించి కాని, సమాజంలో స్త్రీ పాత్ర ఎలా ఉందో కరెక్ట్‌గా, కనెక్టింగ్‌గా గాని చెప్పాలంటే... అది మధుర్‌కే సాధ్యం. ఫ్యాషన్, పేజ్ 3, కార్పొరేట్, చాందినీ బార్... ఇలా ఆయన తీసిన చిత్రాలన్నీ ఆ కోవకే చెందుతాయి.
 
 వర్మ దగ్గర పని చేసిన వందల మంది అసిస్టెంట్ డెరైక్టర్స్ ఆయన టేకింగ్ స్టయిల్‌ని అనుకరిస్తారు. కృష్ణవంశీ, మధుర్ భండార్కర్, అనురాగ్ కశ్యప్... ఇలా కొద్దిమంది మాత్రమే సమస్యని రాము ఎంత ఇన్టెన్సిటీతో చూపిస్తారో, భావోద్వేగాల్ని పాత్రల్లోనూ ప్రేక్షకుల్లోనూ ఒకే మోతాదులో ఎలా పండించాలో అవగతం చేసుకున్నారు. దానికి వాళ్లు తమ క్రియేటివిటీని, సొంత బాణీని జోడిస్తారు. అందుకే మంచి దర్శకులుగా పేరు తెచ్చుకున్నారు.
  
 ‘కార్పొరేట్’కి పాటలు అనవసరం. పాటలకు పెద్దగా అవకాశం లేని కథ, కథనం అవ్వడం వల్ల ఆడియో అంత అప్పీలింగ్‌గా ఉండదు. అయితే పాత్రల తీరుతెన్నులు మాత్రం అద్భుతంగా ఉంటాయి. ఎస్.ఐ..ఇ. కార్పొరేట్ కంపెనీ వైస్ ప్రెసిడెంట్ నిషిగంధా దాస్ గుప్తాగా బిపాసా నటన అమోఘం. కార్పొరేట్ రాజకీయాలకు బలైపోయే నిజాయతీ పరురాలైన ఉద్యోగినిగా గుండెల్ని పిండుతుందామె. ఇతర పాత్రల్లో రాజ్‌బబ్బర్, రజత్ కపూర్, కేకే మీనన్‌ల నటన కూడా శిఖరాగ్ర స్థాయిలో ఉంటుంది.
 
 కార్పొరేట్ అట్మాస్పియర్‌ని, స్థాయికి తగినట్టు పాత్రల ప్రవర్తనని, బాడీ లాంగ్వేజీని చూపించాడు దర్శకుడు. మాటలు ఎక్కడ రాయకూడదో అక్కడ రాయలేదు. అది బెస్ట్ పార్ట్ ఈ చిత్రంలో.
  మనకి అర్థం కాని కార్పొరేట్ కుట్రల్ని, జీవనశైలిని అతి సామాన్యులైన పాత్రల ద్వారా బ్రహ్మాండంగా చెప్పిం చారు మధుర్. బిపాసా ఆఫీసులో ఇద్దరు ప్యూన్లు, గులాబ్‌రావ్ అనే మంత్రి దగ్గర ఉండే గన్‌మెన్ ద్వారా వాళ్ల మాటల్లోనే కార్పొరేట్ సినిమా కథ, ఆత్మ, అర్థం... అన్నీ అందేస్తాయి ఆర్డినరీ ప్రేక్షకుడికి.
  
 ఓ సీన్లో ఒక ప్యూను... ‘ప్యూన్ అండ్ బాస్ మధ్య చాలా తేడా ఉంటుంది’ అంటాడు. రెండో ప్యూను ‘ఏంటా తేడా’ అని అడుగుతాడు. అప్పుడతను... ‘నైన్ టు సిక్స్ ఆఫీస్ టైమ్ అయితే, నైన్ టు ఫోర్ పని చేసి వెళ్లిపోయేవాడు ప్యూన్. ఫోర్ నుంచి పని మొదలుపెట్టేవాడు బాస్’ అంటాడు. అలాగే మరో సందర్భంలో... ‘కంపెనీ డబ్బు మీద సింగపూర్లు, మలేసియాలు తిరగడమే కార్పొరేట్ల జీవితం’ అని ఒక ప్యూన్ కామెంట్ చేస్తాడు. అలాగే... ‘కార్పొరేట్ కంపెనీ అంటే ఒక్క ముక్కలో చెప్తాను. ఎక్కడైతే ఒక్కడు చేయగలిగిన పనికి ఒక టేబుల్ మీద పదిమంది కూర్చుని డిస్కస్ చేసి, చివరికి ఆ పనిని చెడగొడతారో అదే కార్పొరేట్ ఆఫీస్’ అంటూ తేల్చేస్తాడు.
 
 ఇంకోసారి... ‘ఈ బాసుగారు ఆఫీసులో ఆర్నెల్లకోసారి సెక్రెటరీని మారుస్తారు’ అంటాడో ప్యూన్. ఎందుకని అడుగుతాడు రెండో ప్యూన్. ‘ఇండియాలో ఆర్నెల్లకోసారి భార్యని మార్చే అవకాశం లేదుగా, అందుకు’ అంటాడా మొదటి ప్యూన్. మంత్రిగారి గన్‌మెన్ కూడా ఇలాంటి నిజాల్ని అలవోకగా చెబుతుంటారు. ఒక గన్‌మేన్... ‘మంత్రిగారు ఆ గదిలోకి వెళ్లారు. ప్రముఖ నటి ఈ గదిలోకి వెళ్లారు. మరి నువ్వేంటి వాళ్లిద్దరి మధ్య సెట్టింగ్ అన్నావ్’ అని అడుగుతాడు. అప్పుడు రెండో గన్‌మేన్... ‘ఒరేయ్ బుద్ధూ... ఇలాంటి సెట్టింగుల కోసం స్టార్ హోటల్స్‌లో గదికి గదికి మధ్య తలుపులు ఉంటాయ్, పబ్లిక్‌కి తెలియకుండా’ అంటూ రహస్యాన్ని బైట పెడతాడు.
  
 ఇవి కొన్నే. ఇలాంటి డైలాగులు అడుగడుగునా ఉంటాయీ సినిమాలో. ఉమనైజింగ్, మూఢ భక్తి, స్వామీజీలను గుడ్డిగా నమ్మడం, రాజకీయ నాయకుల జోక్యం, లంచాలు, టై అప్స్, షేర్స్, నైతికతకి అనైతికతకి మధ్య సంఘర్షణ, వ్యక్తిగత జీవితాల్లో ఒంటరితనం, ప్రేమానురాగాలు, నిత్యం గెలుపు ఓటముల మధ్య ఊగిసలాట... ఇలా డబ్బు, అధికారం చుట్టూ ఉండే అన్ని ఎలిమెంట్స్‌నీ కళ్లకి కట్టినట్టు చూపించేలా కథ రాసుకున్నారు మధుర్.
  
 ఈ ఆర్టికల్ కోసం సూపర్ హిట్ సినిమాలను చూస్తుంటే నాకో సూత్రం అర్థమైంది. కొత్తగా కథలు రాసుకునేవాళ్లకి పనికొస్తుందది. ముఖ్యంగా ‘కార్పొరేట్’ హిట్ కావడానికి ఆ సూత్రం ఒక ముఖ్య కారణం కాబట్టి చెప్పే తీరాలి. ఉత్థానంలో మొదలైన కథ పతనంతో ముగుస్తుంది. పతనంతో మొదలైన కథ ఉత్థానంతో సుఖాంతమవుతుంది. ఉత్థానం నుంచి ఉత్థానం, పతనం నుంచి పతనం డ్రామాని క్రియేట్ చెయ్యవు. ఫ్లాట్‌గా ఉండి సినిమాలు ఫెయిలవుతాయి. కావాలంటే ఏ సూపర్‌హిట్ సినిమా అయినా చూడండి... ఇదెంత నిజమో మీకే అర్థమవుతుంది.     
 - వి.ఎన్.ఆదిత్య, సినీ దర్శకుడు


 ఐఐపీ, ద్రవ్యోల్బణం గణాంకాలు కూడా..
 * ఈ వారం మార్కెట్ గమనంపై నిపుణులు
 * నేడు ఇన్ఫీతో కార్పొరేట్ ఫలితాల సీజన్ షురూ
 * 13న టీసీఎస్, 14న హెచ్‌యూఎల్, 16న రిలయన్స్ ఆర్థిక ఫలితాలు...
 న్యూఢిల్లీ: ప్రధానమైన బ్లూచిప్ కంపెనీల ఆర్థిక ఫలితాలు, స్థూల ఆర్థిక గణాంకాలు ఈ వారం మార్కెట్ గమనాన్ని నిర్ధేశించనున్నాయని విశ్లేషకులు పేర్కొన్నారు. సమీప కాలానికి జూలై-సెప్టెంబర్(క్యూ2) ఫలితాలే ప్రధాన ట్రిగ్గర్‌గా నిలుస్తాయని చెబుతున్నారు.
 
 అంతేకాకుండా ఈ ఆర్థిక సంవత్సరం ద్వితీయార్ధానికి కార్పొరేట్ కంపెనీలు ఇచ్చే గెడైన్స్(పనితీరు అంచనాలు)పై కూడా ఇన్వెస్టర్లు దృష్టిసారించనున్నట్లు నిపుణులు తెలిపారు. నేడు(సోమవారం) ఐటీ దిగ్గజం ఇన్ఫోసిస్‌తో క్యూ2 ఫలితాల సీజన్ ఆరంభమవుతోంది. 13న టీసీఎస్, 14న హిందుస్థాన్ యూనిలీవర్(హెచ్‌యూఎల్) కూడా ఫలితాలను ప్రకటించనున్నాయి. ఆ తర్వాత వారాంతంలో(16న) దేశీ కార్పొరేట్ అగ్రగామి రిలయన్స్ ఇండస్ట్రీస్(ఆర్‌ఐఎల్) ఫలితాలు వెలువడనున్నాయి.
 
 ‘కీలక కార్పొరేట్ల ఆర్థిక ఫలితాలతోపాటు పారిశ్రామికోత్పత్తి(ఐఐపీ), ద్రవ్యోల్బణం గణాంకాలు, ప్రపంచ మార్కెట్ల ట్రెండ్ ఈ వారం మన స్టాక్ మార్కెట్ల ట్రెండ్‌కు దిక్సూచిగా నిలవనున్నాయి. అదేవిధంగా డాలరుతో రూపాయి మారక విలువ, ముడిచమురు ధరల కదలికలు సైతం కీలక పాత్ర పోషిస్తాయి’ అని ట్రేడ్ స్మార్ట్ ఆన్‌లైన్ వ్యవస్థాపక డెరైక్టర్ విజయ్ సింఘానియా వ్యాఖ్యానించారు.
  
 కీలక గణాంకాలు...
 మార్కెట్ సెంటిమెంట్‌ను బ్లూచిప్స్ ఫలితాలు ప్రభావితం చేయనున్నాయని, తీవ్ర ఒడిదుడుకులకు కూడా ఆస్కారం ఉండొచ్చని రిలయన్స్ సెక్యూరిటీస్ రీసెర్చ్ హెడ్ హితేష్ అగర్వాల్ పేర్కొన్నారు. మరోపక్క, నేడు కీలకమైన ఐఐపీ డేటాతో పాటు రిటైల్ ద్రవ్యోల్బణం గాణాంకాలు కూడా విడుదల కానున్నాయి. ఇన్వెస్టర్లు ఈ రెండింటిపైనా నిశితంగా దృష్టిపెడతారని ఆయన చెప్పారు. 14న టోకు ధరల ఆధారిత ద్రవ్యోల్బణం డేటా వెల్లడికానుంది. కాగా, విదేశీ ఇన్వెస్టర్ల(ఎఫ్‌పీఐ) ధోరణి, డాలరుతో రూపాయి మారకం విలువ కదలికలు దేశీ సూచీల ట్రెండ్‌కు దిశానిర్దేశం చేయనున్నాయని క్యాపిటల్ వయా గ్లోబల్ రీసెర్చ్ డెరైక్టర్(రీసెర్చ్) వివేక్ గుప్తా అభిప్రాయం వ్యక్తం చేశారు.
  
 గత వారం మార్కెట్...
 అమెరికాలో సెప్టెంబర్ నెలకు ఉద్యోగ గణాంకాలు అంచనాల కంటే దిగువన నమోదు కావడంతో అక్కడి ఫెడరల్ రిజర్వ్ వడ్డీరేట్ల పెంపును వాయిదా వేస్తుందన్న అంచనాలతో భారత్ సహా పలు విదేశీ స్టాక్ మార్కెట్లు రివ్వున ఎగబాకాయి. సెప్టెంబర్ 29న ఆర్‌బీఐ అనూహ్యంగా అర శాతం పాలసీ రేటు తగ్గింపు చర్య కూడా దేశీ మార్కెట్‌కు సంజీవనిలా పనిచేసింది. దీంతో గత వారంలోనూ దేశీ సూచీలు లాభాల జోరును కొనసాగించాయి. బీఎస్‌ఈ సెన్సెక్స్ 859 పాయింట్లు లాభపడి 27,080 వద్ద ముగిసింది. గడిచిన రెండు వారాల్లో సూచీ 1,216 పాయింట్లు(4.7%) ఎగబాకింది. ఇక ఎన్‌ఎస్‌ఈ నిఫ్టీ గత వారం 239 పాయింట్ల లాభంతో 8,190 వద్ద స్థిరపడింది.
  
 మళ్లీ కొనుగోళ్ల బాటలో విదేశీ ఇన్వెస్టర్లు...
 గత రెండు నెలలుగా భారీ మొత్తంలో పెట్టుబడులను వెనక్కి తీసుకున్న విదేశీ ఇన్వెస్టర్లు(ఎఫ్‌పీఐ) మళ్లీ కొనుగోళ్ల బాటలోకి వచ్చారు. ప్రస్తుత అక్టోబర్ నెలలో ఇప్పటివరకూ(10వ తేదీ) దేశీ మార్కెట్లలోకి నికరంగా రూ.2,013 కోట్ల నిధులను వెచ్చించారు. ఇందులో స్టాక్స్‌లో రూ.1,607 కోట్లు, బాండ్‌లలోకి(డెట్ మార్కెట్) రూ.406 కోట్ల చొప్పున పెట్టుబడిగా పెట్టినట్లు సెబీ తాజా గణాంకాలు వెల్లడించాయి.
 
 ఆర్‌బీఐ అర శాతం రెపో రేటు కోతకు తోడు అమెరికా ఫెడ్ వడ్డీరేట్ల పెంపు వాయిదా అంచనాలు ఎఫ్‌పీఐలతో తిరిగి ఉత్సాహం నెలకొనేలా చేసిందని మార్కెట్ విశ్లేషకులు పేర్కొన్నారు. ఆగస్ట్, సెప్టెంబర్ నెలల్లో రూ.23,000 కోట్లకు పైనే(ఈక్విటీ, డెట్ మార్కెట్) భారత్ నుంచి ఎఫ్‌పీఐలు నికరంగా ఉపసంహరించుకున్న సంగతి తెలిసిందే. చైనాలో ఆర్థిక మందగమనం భయాల నేపథ్యంలో గ్లోబల్ మార్కెట్లు కుప్పకూలడం, ఫెడ్ వడ్డీరేట్లు పెంచుతుందన్న ఆందోళనలు దీనికి ప్రధాన కారణం. కాగా, ఈ ఏడాది ఇప్పటిదాకా ఎఫ్‌పీఐలు దేశీ స్టాక్స్‌లో రూ.22,654 కోట్లు, డెట్ మార్కెట్లో రూ.39,802 కోట్లను నికరంగా ఇన్వెస్ట్ చేశారు.


 లండన్: బహుళజాతి సంస్థలకు వర్తించే అంతర్జాతీయ పన్ను విధానాల్లో సంస్కరణలకు సంబంధించి తుది కార్యాచరణ ప్రణాళికను ఆర్గనైజేషన్ ఫర్ ఎకనామిక్ కోఆపరేషన్ అండ్ డెవలప్‌మెంట్ (ఓఈసీడీ) ఆవిష్కరించింది. కంపెనీల లాభాల మళ్లింపు (బీఈపీఎస్) తదితర అంశాల కారణంగా  ఏటా ప్రపంచ దేశాల ఖజానాలకు 100-240 బిలియన్ డాలర్ల మేర పన్నుల ఆదాయపర ంగా నష్టం వాటిల్లుతోందని అంచనా వేసింది.
 
 అంతర్జాతీయంగా కార్పొరేట్ ఆదాయ పన్నుల (సీఐటీ) ద్వారా వసూలయ్యే మొత్తంలో ఇది 4-10 శాతం మేర ఉంటుందని పేర్కొంది.  పన్ను ఎగవేతలు, అక్రమ మార్గాల్లో నిధుల ప్రవాహాన్ని అరికట్టేందుకు భారత్ సహా ప్రపంచ దేశాలు మల్లగుల్లాలు పడుతున్న నేపథ్యంలో ఓఈసీడీ పన్నులపరమైన ప్రమాణాలను ఆవిష్కరించడం ప్రాధాన్యం సంతరించుకుంది. ఈ నెల 8న పెరూలో జరగబోయే జీ20 దేశాల ఆర్థిక మంత్రులు, సెంట్రల్ బ్యాంకు గవర్నర్ల సమావేశంలో కొత్త ప్రమాణాలను చర్చించనున్నారు.
  
  


 - విధులు పెరిగినా పెరగని వేతనాలు
 గుంటూరు మెడికల్: డాక్టర్ వై.ఎస్.రాజశేఖరరెడ్డి ముఖ్యమంత్రిగా ఉన్న సమయంలో పేదల ప్రాణాలను కాపాడి వారికి ఉచితంగా కార్పొరేట్ వైద్య సేవలు అందించేందుకు 2007లో రాజీవ్ ఆరోగ్యశ్రీ పథకాన్ని ప్రారంభించారు. జిల్లాలో ఈ పథకం 2008 నుంచి అమలులో ఉంది. పథకాన్ని సమర్ధంగా అమలు చేసేందుకు జిల్లాలో 114 మంది నెట్‌వర్క్ మిత్రాలు, 87 మంది ప్రాథమిక ఆరోగ్య కేంద్రాల మిత్రాలు, పదిమంది నెట్‌వర్క్ టీమ్‌లీడర్స్, ఇద్దరు ఆఫీస్ అసోసియేట్స్, ఒక జిల్లా మేనేజరు, ఒక జిల్లా కో ఆర్డినేటర్ పనిచేస్తున్నారు. రోగి ఆసుపత్రికి వచ్చినప్పటి నుంచి తిరిగి అతను కోలుకుని క్షేమంగా ఇంటికి వెళ్లేవరకు కావాల్సిన అన్ని సౌకర్యాలను ఆసుపత్రి నుంచి రోగికి అందేలా చేయడంలో ఈ సిబ్బంది పాత్ర ఎంతో కీలకం. అయితే వీరు ప్రారంభంలో ఎంత వేతనంతో ఉన్నారో ఏడేళ్లు గడిచినా నేటికీ అదే వేతనాలతో పనిచేస్తున్నారు. పెరిగిన ధరల దృష్ట్యా  జీతాలు చాలక ఆరోగ్యశ్రీ సిబ్బంది ఆర్థిక ఇబ్బందులు పడుతున్నారు.
 
 నెట్‌వర్క్ మిత్రాలకు నెలకు వేతనంగా రూ.7,200, పీహెచ్‌సీ మిత్రాకు రూ.5,900, టీమ్‌లీడర్స్‌కు, ఆఫీస్ అసోసియేట్స్‌కు రూ.9,940లు వేతనం చెల్లిస్తున్నారు. 2009లో ప్రభుత్వం ఇచ్చిన కనీస వేతనాల జీవో  ప్రకారం ఇప్పుడు ఇస్తున్న వేతనాలు రెండింతలు అయ్యే అవకాశం ఉంది. టీడీపీ అధికారంలోకి వచ్చాక ఈ పథకాన్ని ఎన్టీఆర్ వైద్య సేవ పేరుతో అమలు చేస్తున్నారు. ఆరోగ్యశ్రీ సిబ్బంది ఈ పథకం అమలుతోపాటుగా, ఎంప్లాయిస్ హెల్త్ స్కీమ్, జర్నలిస్టు హెల్త్ స్కీమ్ విధులను కూడా నిర్వహిస్తున్నారు. గతంలో కంటే నేడు అదనంగా పనిభారం పెరిగినా ప్రభుత్వం వీరికి వేతనాలు పెంచే విషయం పట్టించుకోవడం లేదు. ఇప్పటికైనా స్పందించి కనీస వేతనాలు అమలయ్యేలా చూడడంతో పాటు, ఈ పథకం సిబ్బందికి కూడా ఆరోగ్యశ్రీ కార్డులు అందజేయాలని కోరుతున్నారు.


 * ‘సాక్షి’ కథనాలు వాస్తవమే  
 * వైద్య, ఆరోగ్య శాఖ మంత్రి సి.లక్ష్మారెడ్డి
 నల్లగొండ రూరల్: తెలంగాణ రాష్ట్రంలో కార్పొరేట్ వైద్య దోపిడీని అరికట్టేందుకు అన్ని చర్యలూ తీసుకుంటామని వైద్య ఆరోగ్యశాఖ మంత్రి సి.లక్ష్మారెడ్డి ప్రకటించారు. నల్లగొండలో శనివారం జరిగిన ఈఎన్‌టీ డాక్టర్ల రాష్ట్రస్థాయి సదస్పుకు ఆయన ముఖ్య అతిథిగా హాజరయ్యారు. అనంతరం టీఆర్‌ఎస్ నియోజకవర్గ ఇన్‌చార్జ్ దుబ్బాక నర్సింహారెడ్డి నివాసంలో విలేకరులతో మాట్లాడారు. కార్పొరేట్ వైద్య దోపిడీపై ‘సాక్షి’లో వస్తున్న వరుస కథనాల గురించి ఈ సందర్భంగా స్పందించారు.
 
 ప్రైవేటు, కార్పొరేట్ ఆస్పత్రుల్లో దోపిడీ జరుగుతున్న మాట వాస్తవమేనన్నారు. కార్పొరేట్ దోపిడీకి చెక్ పెట్టేందుకు త్వరలోనే ఒక విధానాన్ని ప్రకటిస్తామని ఆయన చెప్పారు. ప్రైవేటు వైద్యం కూడా ప్రభుత్వంలో భాగస్వామేనని, ఎక్కడో ఒకచోట కార్పొరేట్ ఆస్పత్రి వారు చేసే తప్పుతో మొత్తం వైద్యరంగానికే మచ్చ వస్తోందన్నారు. ప్రైవేటు, కార్పొరేట్ ఆస్పత్రులు పేదలకు సాయం చేయాలని, పొరపాట్లు జరగకుండా వైద్య సేవలందించాలని కోరారు.
  
 ఆశ వర్కర్లు సమ్మె విరమిస్తేనే..
 అనంతరం తమ సమస్యలను పరిష్కరించాలని ఆశ వర్కర్లు మంత్రి లక్ష్మారెడ్డికి వినపతిపత్రం అందజేశారు. దీనిపై మంత్రి స్పందిస్తూ ఆశవ ర్కర్లు సమ్మె విరమిస్తేనే చర్చలకు పిలుస్తామని స్పష్టం చేశారు. ఆశ వర్కర్ల సమస్యలను పరిష్కరించేందుకు సీఎం కేసీఆర్ సిద్ధమవుతున్న సమయంలోనే సమ్మెకు దిగారన్నారు. సమస్యల్ని  ప్రభుత్వం దృష్టికి తీసుకురాకుండా నేరుగా సమ్మెకు ఎలా వెళతారని మంత్రి ప్రశ్నించారు.
 
 రైతులెవరూ ఆత్మహత్యలు చేసుకోవద్దని, ప్రభుత్వం వారికి అండగా ఉంటుందన్నారు. ఆ తర్వాత నల్లగొండ ఆస్పత్రిని ఆకస్మికంగా తనిఖీ చేశారు. ఎమర్జెన్సీ వార్డును పరిశీలించి రోగిని స్వయంగా పరీక్షించారు. మెడికల్, సర్జికల్, మెటర్నిటీ వార్డులను సందర్శించారు.
  


 * కార్పొరేటు వైద్యంపై జనాగ్రహం
 * ‘సాక్షి’ వరుస కథనాలకు విశేష స్పందన
 * కార్పొరేట్ ధనదాహానికి అంతులేదని ఆవేదన
 * అవసరం లేకున్నా ఆపరేషన్లు, టెస్టుల పేరుతో జేబులు ఖాళీ చేస్తున్నారని ధ్వజం
 * వైద్యుల అనైతిక పోకడలపై మండిపాటు
  
 సాక్షి ప్రత్యేక బృందం: అప్పుడే పుట్టి... మూడు ఆసుపత్రులు మారిన పసిపాప.. ధనదాహానికి బలై వెంటిలేటర్‌పై పడి ఉంది..! పరీక్షలంటూ 9 నెలల పాటు ఓ ఆసుపత్రి చేసిన నిర్లక్ష్యంతో ఓ నిండు ప్రాణమే పోయింది! గుండె ఎన్‌లార్జ్ అయిందని అనవసర పరీక్షలు, చికిత్సతో ఆరు నెలలు లాగించేసింది మరో ఆసుపత్రి. యాక్సిడెంటయి ఆసుపత్రిలో చేరితే పరీక్షలకే రూ.40 వేలు గుమ్మరించిన ఓ పేద కుటుంబం.. ఆ కార్పొరేట్ ఆసుపత్రి డిమాండ్ చేసిన రూ.5 లక్షలు ఇవ్వలేక నిస్సహాయంగా వెనుదిరిగింది.
  
  ఇలా చెప్పుకుంటూ పోతే.. వీటికి అంతుండదు. ‘వైద్య విధ్వంసం’ శీర్షికతో కొన్ని కార్పొరేట్, ప్రైవేటు ఆసుపత్రుల అనైతిక విధానాలపై ‘సాక్షి’ ప్రచురిస్తున్న కథనాలకు పాఠకుల నుంచి వచ్చిన స్పందన చూస్తే... బాధితుల వేదన ఏ స్థాయిలో ఉందో అర్థమవుతుంది. వీటన్నిటినీ చూస్తే.. కోట్ల రూపాయలు కేవలం డొనేషన్ల రూపంలోనే గుంజే ప్రైవేటు మెడికల్ కాలేజీల దగ్గర మొదలయ్యే ఈ ధనదాహం.. అక్కడ్నుంచి కార్పొరేట్, ప్రైవేటు ఆసుపత్రులు, ఫార్మా కంపెనీలు, డయాగ్నస్టిక్ సెంటర్లు, బీమా సంస్థలు... ఇలా వైద్యం రంగంలో భాగమయ్యే ఏ ఒక్కదాన్నీ వదిలిపెట్టలేదన్నది స్పష్టంగా తెలుస్తుంది. ఇంజెక్షన్లు తప్ప మరో చికిత్స లేని ఒక రకమైన కేన్సర్‌కు... రూ.2,65,000 ఖరీదు చేసే ఇంజెక్షను నెలకోసారి ఇవ్వాలని ఓ ఆసుపత్రి చెబితే... మరో మంచి వైద్యుడు దాన్ని నేరుగా రూ.1,95,000కు డీలర్ నుంచి తెప్పించి ఇచ్చాడంటే ఏమనుకోవాలి? ఒక్కో ఇంజెక్షన్‌పై ఏకంగా రూ.75 వేలు లాభమంటే అది ఎవరి జేబుల్లోకి వెళ్తోంది?  కొన్ని మందుల షాపులు వెయ్యి రూపాయల మందులపై 30 శాతం డిస్కౌంట్ ఇస్తున్నాయంటే అసలు మందులపై ఎంత లాభం ఉందనుకోవాలి? ఇవన్నీ ఇలాగే కొనసాగితే ఇక సామాన్యుడికి వైద్యమెక్కడ అందుతుంది?
  
  పెద్దఎత్తున స్పందన..
  ‘కాసు’పత్రులపై అర్థవంతమైన చర్చ జరిగేలా కలసి రండంటూ ‘సాక్షి’ ఇచ్చిన పిలుపునకు స్పందనగా ప్రజల నుంచి పెద్దఎత్తున ఈ-మెయిళ్లు, లేఖలు వెల్లువెత్తాయి. పలువురు ప్రైవేటు, కార్పొరేట్ ఆసుపత్రులపై ఆగ్రహం వ్యక్తం చేయగా... ప్రభుత్వ ఆసుపత్రుల్లోని సమస్యల్ని కొందరు ప్రస్తావించారు. దాదాపు అందరూ ఏ ఆసుపత్రిలో ఎలా మోసపోయారో వివరించారు. అయితే తమ వైద్యంతో మన్ననలు అందుకుని, ‘వైద్యోనారాయణో హరి’ నానుడిని నిజం చేసిన మంచి డాక్టర్ల గురించి కూడా కొందరు ప్రస్తావించారు. నిజానికి చికిత్సలో అనైతిక కార్యకలాపాలనేవి చాలా ఆసుపత్రుల్లో కొనసాగుతున్నాయి. లేఖ లు రాసినవారు తమకు సంబంధించిన కొన్ని ఆసుపత్రుల్నే ప్రస్తావించారు. దానర్థం మిగతావన్నీ సచ్ఛీలమైనవని కాదు. అలాగే కొందరు మంచి వైద్యుల గురించి ప్రస్తావించారు. వాటి అర్థం మిగతావారంతా మంచివారు కాదని కూడా కాదు. అందుకే ఆసుపత్రులు, వైద్యుల పేర్లను ప్రస్తావించకుండా... బాధితుల ఆవేదనను మాత్రం అందజేస్తున్నాం.
  
  మా పాప పరిస్థితికి కారణం ఎవరు?
  నా భార్యకు గతనెల 15న విజయవాడలోని ఓ ప్రైవేటు ఆసుపత్రిలో పాప పుట్టింది. తల్లీబిడ్డా క్షేమం. కాకపోతే మూ డో రోజున పాపకు జ్వరం. మర్నాటికి అది యూరిన్ ఇన్ఫెక్షన్‌కు దారితీసింది. అక్కడి వైద్యుల సూచన మేరకు... బాగా పేరున్న ఓ పిల్లల వైద్యుడి దగ్గరికి తీసుకెళ్లాం. ఆయన కార్పొరేట్ ఆసుపత్రికి రిఫర్ చే శాడు. స్థానికంగా ఉండే బడా కార్పొరేట్ ఆసుపత్రిలో చేర్చాం. పాపకున్నది యూరినేషన్ సమస్య. రెండ్రోజులకు అది సర్దుకుంది. హమ్మయ్య! డిశ్చార్జి చేసేస్తారనుకున్నాం. కానీ కాసుల దాహంతో వారు డిశ్చార్జి చేయకుండా అలా ఐసీయూలోనే ఉంచారు. పాప బ్లడ్‌కు బ్యాక్టీరియా ఇన్ఫెక్షన్. తరవాత మరో ఇన్ఫెక్షన్. అవి రెండూ ఐసీయూలో ఎక్కువ కాలం ఉంచటం వల్ల సోకే ఇన్ఫెక్షన్లి తరవాత తేలింది. ఇప్పుడు మా పాప వెంటిలేటర్‌పై ఉంది. ఇప్పటికే 3 లక్షలు బిల్లయింది. ఇంకా రూ.60 వేలు ఆసుపత్రికి బాకీ కూడా ఉన్నాం. పాప పరిస్థితి చూస్తే బతుకుతుందన్న గ్యారంటీ ఎంతమాత్రం లేదు. కానీ ఆశ చావకుండా చికిత్స కొనసాగిస్తున్నాం. ఇప్పుడు చెప్పండి!! తప్పెవరిది? నా పాపకు ఏమైనా అయితే బాధ్యత వాళ్లది కాదా?
      - ప్రవీణ్, విజయవాడ
  
  తప్పుడు సమాచారం ఇచ్చారు..
 మా బంధువు ఒకరు తరచూ తలనొప్పి, ఛాతీ నొప్పి వస్తే గైనకాలజిస్ట్‌ను సంప్రదించారు. ఆ డాక్టర్ గుంటూరులోని ఓ సూపర్ స్పెషాలిటీ ఆసుపత్రిలో న్యూరో ఫిజిషియన్‌ను కలవాలని సూచించారు. అక్కడికి వెళ్తే.. సీటీ స్కాన్‌తోపాటు రకరకాల పరీక్షలు చేసి, కార్డియాలజిస్ట్ వద్దకు వెళ్లాలని చెప్పారు. ఆయన దగ్గరికి వెళ్తే రక్తపరీక్షలు, 2డీ ఎకో పరీక్షలు చేసి, ‘మీ గుండె ఎన్‌లార్జ్ అయింది. దీర్ఘకాలంపాటు మందులు వాడాలి’ అని చెప్పారు. ఆమె చాలా ఆందోళనకు గురైంది. నేను ఆమెను హైదరాబాద్ పిలిపించుకొని నా డాక్టర్ మిత్రుడికి చూపించాను. ఆయన 2డీ ఎకో పరీక్ష మా ముందే చేసి ఏమీ లేదని, అంతా సరిగ్గానే ఉందని చెప్పారు. దీంతో ఆమె ఊపిరి పీల్చుకుంది. ఛాతీ నొప్పి అని వెళ్తే.. కేవలం డబ్బులు కోసం ఆమెతో రకరకాల పరీక్షలు చేయించి, తప్పుడు సమాచారం ఇచ్చారు.    
  - వెంకట్, గుంటూరు  
  
  ఒక్క ఇంజెక్షన్‌కు రూ.2.65 లక్షలు చెప్పారు
  మాది ఖమ్మం. మా నాన్నకు లివర్‌లో గడ్డ ఉన్నట్టు తేలితే 2010లో హైదరాబాద్ పంజగుట్టలోని ఓ ప్రముఖ ఆసుపత్రికి తీసుకువెళ్లాం. వాళ్లు అక్కడ అన్ని పరీక్షలు చేసి నెల రోజులకు కేన్సర్ అని తేల్చారు. అంకాలజీ విభాగానికి రిఫర్ చేశారు. అక్కడ అది ఏ టైప్ కేన్సరో తేల్చడానికి 10 నెలల సమయం తీసుకున్నారు. చివరికి ఆ కేన్సర్‌కు ట్రీట్‌మెంట్ లేదని చెప్పారు. నాన్న బతకాలంటే రూ.2.65 లక్షల విలువజేసే ఇంజెక్షన్ ప్రతినెలా ఇవ్వాలని చెప్పారు. తర్వాత మరికొన్ని ఆసుపత్రులకు తిరిగాం. చివరికి ఆ ఇంజెక్షన్‌ను ఓ డాక్టర్ రికమెండేషన్‌తో రూ.1.95 లక్షలకు కొన్నా. పంజగుట్టలోని అదే  ఆసుపత్రికి తీసుకువెళ్లి ఇస్తే కీమోథెరపీ ట్రీట్‌మెంట్ మొదలుపెట్టారు. కానీ నాన్న చనిపోయాడు. ఈ ఆసుపత్రిలో కేవలం టెస్టుల పేరుతోనే దాదాపు 10 నెలల కాలాన్ని వృథా చేశారు. ఇంత దారుణమా? ట్రీట్‌మెంట్ తొందరగా మొదలుపెట్టి ఉంటే మా నాన్న బతికేవారేమో!    
      - మహమ్మద్ జానిమియా, సాఫ్ట్‌వేర్ ఇంజనీర్, జోహన్నెస్‌బర్గ్, దక్షిణాఫ్రికా
  
  ఎమ్మారైలో ఇంత మోసమా?
  నాకు భుజం నొప్పి రావడంతో హైదరాబాద్ ఎర్రమంజిల్‌లో ఓ ప్రైవేటు ఆసుపత్రికి వెళ్లాను. డాక్టర్ పరీక్షించి ఆపరేషన్ చేయాలని, అందుకు రూ.50 వేలు ఖర్చవుతుందని చెప్పారు. అలాగే ఎమ్మారై చేయాలని, ఓ డయగ్నస్టిక్ సెంటర్ అడ్రస్ ఇచ్చారు. మా స్నేహితుడి వద్ద చేయించుకుంటా అని చెప్పినా వినలేదు. తీరా ఆ డాక్టర్ చెప్పిన చోటుకే వెళ్లా. రూ.12 వేలు అవుతాయన్నారు. కాస్త తగ్గించాలని నేను అక్కడి వ్యక్తిని కోరా. మాటల్లో మాటగా ఆయన మా ఊరి వాడేనని తెలిసింది. ఎమ్మారైకి ఇచ్చే రూ.12 వేలల్లో 40 శాతం దాకా ఇక్కడికి పంపిన డాక్టర్‌కే వెళ్తాయని, అందుకే అంత ఎక్కువగా తీసుకుంటారని ఆయన చెప్పారు. డాక్టర్లు ఇలా చేయడం అన్యాయం కాదా?   
   - నాయుడు, హైదరాబాద్
  
  ఆ డాక్టర్ మాట విని ఉంటే..
  కొందరు కేవలం డబ్బు కోసమే డాక్టర్ కోర్సు చదువుతున్నారు. సేవా దృక్పథం పూర్తిగా కనుమరుగైంది. నేను ఫుట్‌బాల్ ఆడుతుండగా కాలికి గాయమైంది. ఓ ఆర్థోపెడిక్ డాక్టర్ వద్దకు వెళ్లగా.. మోకాలు కీలుకు స్క్రూ వేయాలని చెప్పారు. తర్వాత మా అమ్మ మరో డాక్టర్ వద్దకు తీసుకెళ్లింది. ఆయన 15 రోజులు విశ్రాంతి తీసుకోమన్నారు. నాకు మూడ్రోజుల్లోనే తగ్గిపోయింది. ఆ డాక్టర్ మాట విని ఉంటే అనవసరంగా ఆపరేషన్ చేయించుకోవాల్సి వచ్చేది!
  - ఓ బాధితుడు (పేరు వెల్లడించలేదు)
  
  అనవసరంగా కోసేస్తున్నారు..
  చాలామంది గర్భిణులకు అవసరం లేకున్నా ఆపరేషన్లు చేస్తున్నారు. దాదాపు 95 శాతం మందికి సహజంగానే ప్రసవం జరుగుతుంది. కానీ నొప్పులతో ఒక మహిళను ఆసుపత్రికి తీసుకురాగానే ఆమెకు ఆ నొప్పులు తెలియకుండా ఉండేందుకు సెలైన్లు ఎక్కిస్తారు. అందులో నొప్పి తెలియని మందు కలుపుతారు. కాసేపటికి ‘నొప్పులు రావడం లేదు.. ఆపరేషన్ చేయాల్సిందే’ అని చెప్పి అవసరం లేకున్నా సిజేరియన్లు చేస్తున్నారు.  బిడ్డ పుట్టాక ఆరోగ్యం బాగోలేదంటూ అలా కూడా వేల రూపాయలు దండుకుంటున్నారు. కార్పొరేట్ ఆసుపత్రుల వ్యాపార ధోరణి పేదలు, మధ్యతరగతి వారికి శాపంలా మారింది.
  - సయీద్ మాజ్, ఖతార్(నిజామాబాద్ వాసి)
  
  కాళ్లపై పడ్డా వినలేదు..
  మా బాబాయ్‌కి, స్నేహితుడికి మెదక్‌లో యాక్సిడెంట్ అయితే వెంటనే వారిని హైదరాబాద్‌లోని ఓ ప్రముఖ ఆసుపత్రికి తీసుకెళ్లాం. నాలుగు గంటల్లోనే రకరకాల టెస్టులు చేసి రూ.40 వేలు తీసుకున్నారు. రాత్రి 11 గంటలకు వచ్చి రూ.5 లక్షలు కడితేనే ట్రీట్‌మెంట్ మొదలుపెడతామని, ప్రాణాలకు గ్యారెంటీ ఇవ్వలేమని చెప్పారు. ఇప్పుడు రూ.2 లక్షలు క ట్టి, మిగతావి పొద్దున్నే ఇస్తామని చెప్పి, కాళ్ల మీద పడినా కరుణించలేదు. దేవుడి మీద భారం వేసి వారిని గాంధీ ఆసుపత్రికి తీసుకెళ్లాం. అక్కడ ట్రీట్‌మెంట్‌తో ఇద్దరు బతికారు.
      - దత్తు, మెదక్
  
  ఇదీ.. డాక్టర్ల మాట
 ‘సాక్షి’ వరుస కథనాలపై బాధితులతో పాటు కొందరు వైద్యులూ స్పందించారు. వైద్య వృత్తిలో తామెదుర్కొంటున్న సవాళ్లను ప్రస్తావిస్తూ... నాణేనికి రెండోవైపు కూడా చూడాలని సూచించారు. నిజానికి ‘సాక్షి’ కథనాల్లో ఎక్కడా వైద్యుల పనితీరును తప్పుబట్టలేదు. అనైతిక వ్యాపారం తప్ప మరొకటి తెలియని కొన్ని శక్తుల ప్రవేశంతో వైద్య వ్యవస్థ భ్రష్టుపట్టిన తీరును మాత్రమే ప్రశ్నించింది. జనం లేఖల్లోనూ తాము దోపిడీకి గురవుతున్నామనే వేదన కనిపించింది తప్ప... వైద్యులపై వ్యక్తిగతంగా ఆగ్రహించిన వారెవ్వరూ లేరు. కొందరు వైద్యులు తమ మెయిల్స్‌లో ఏమన్నారో కూడా సంక్షిప్తంగా ఇస్తున్నాం...
 
  వారేమన్నారంటే..
  అవినీతి, నైతికత లోపించటం అనేది అన్ని రంగాల్లోనూ ఉంది. మతంతో పాటు చట్టం, న్యాయం, ప్రభుత్వం, రాజకీయాలు, మీడియా, మిలిటరీ... ఇలా ఏ ఒక్కటీ మినహాయింపు కాదు. అలాంటిదే వైద్య వ్యవస్థ కూడా. కాకుంటే ఏ వ్యవస్థలోనైనా ఉండే కొద్దిమంది ఇలాంటివారి గురించి మొత్తం వ్యవస్థనే తప్పుబట్టడం సరికాదు. కష్టపడి చదివి, మెరిట్‌లో సీట్ సంపాదించి, సేవ చేయాలనే తలంపుతోనే ఎవరైనా ఈ వృత్తిలోకి వస్తారు. ఏ సమయంలోనైనా చికిత్స చేయడానికి రెడీగా ఉంటారు. మిగతా ఉద్యోగాల్లాగే ఈ వృత్తిలోనూ డబ్బు సంపాదించాలని భావిస్తారు. అదేమీ తప్పు కాదుగా? ఇక ట్రీట్‌మెంట్ కొస్తే ఎవరైనా మంచి చికిత్స చేయాలనే అనుకుంటారు. కావాలని నిర్లక్ష్యం చేయరు. కానీ వందల మందికి చక్కని చికిత్స చేసినా పొరపాటున ఒక రోగికేదైనా జరిగితే కోట్ల కొద్దీ జరిమానా వేస్తున్నారు.
  
  ఇది సమంజసమా? కొన్ని సందర్భాల్లో రోగుల బంధువులు వైద్యులపై దాడులు కూడా చేస్తున్నారు. వారికి రక్షణ ఎక్కడుంది? ఈ వ్యవస్థలో కొన్ని లోపాలున్న మాట నిజం. కానీ అవి ఏ ఒక్కరివల్లో, కొందరివల్లో రాలేదు. ఒకవేళ ఏ ఒక్కరైనా మార్చడానికి ప్రయత్నించినా సాధ్యం కాదు. అలాంటివారిని సదరు ఆసుపత్రుల యాజమాన్యాలే బాయ్‌కాట్ చేస్తున్నాయి. దీనికి బదులు ప్రతి డాక్టరూ సొంత ఆసుపత్రి పెట్టుకోవాలనుకున్నా సాధ్యం కాదు. ఇక నియంత్రణ సంస్థల సంగతికొస్తే అవి తమకు అనుకూలమైన రీతిలోనే నడుస్తాయి. కావాల్సిన వారిని వదిలిపెట్టి.. ఎవరిని టార్గెట్ చేయాలో ఎంచుకుని మరీ చేస్తాయి. ఇన్ని లోపాలున్నప్పుడు డాక్టర్లను టార్గెట్ చేయటం కరెక్టు కాదు.
  
  కదులుదాం.. కదిలిద్దాం
  సర్కారీ, కార్పొరేట్ వైద్యంలో మీకెదురైన చేదు అనుభవాలను.. మీరు చూసిన మంచి డాక్టర్ల గురించి ‘సాక్షి’తో పంచుకోండి. వైద్య దుస్థితిని మార్చడానికి సూచనలు కూడా తెలియజేయండి. వీటిని ప్రచురించటం ద్వారా నిర్మాణాత్మకమైన చర్చకు అవకాశమిద్దాం. మీ అనుభవాలు, ఆలోచనలను ఈమెయిల్స్, లేఖల ద్వారా ‘సాక్షి’కి పంపేటపుడు... మీ పేరు, మీకు చికిత్స చేసిన ఆసుపత్రి లేదా డాక్టరు పూర్తి పేరును, మొబైల్ నంబర్లను తప్పనిసరిగా తెలియజేయండి. మీ పేరు రహస్యంగా ఉంచాలని భావిస్తే అది కూడా రాయండి.
  
  లేఖలు, మెయిల్
  పంపాల్సిన చిరునామా: ఎడిటర్, సాక్షి, రోడ్ నం.1, బంజారాహిల్స్, హైదరాబాద్-34
  sakshihealth15@gmail.com


 దశలవారీగా తొలగింపు; త్వరలో జాబితా విడుదల చేస్తాం
 - నల్లధనంపై వెనక్కితగ్గం...
 - వచ్చే ఏప్రిల్ నుంచి జీఎస్‌టీ అమలు లక్ష్యం
 - ఇండియా సమిట్-2015లో ఆర్థిక మంత్రి అరుణ్ జైట్లీ వ్యాఖ్యలు
 న్యూఢిల్లీ: కార్పొరేట్ రంగానికి ఇస్తున్న పన్ను మినహాయింపులను దశలవారీగా తొలగించనున్నామని.. వీటికి సంబంధించి కొద్ది రోజుల్లోనే ఒక జాబితాను విడుదల చేయనున్నట్లు ఆర్థిక మంత్రి అరుణ్ జైట్లీ చెప్పారు. కార్పొరేట్ పన్నును నాలుగేళ్లలో ఇప్పుడున్న 30 శాతం నుంచి 25 శాతానికి తగ్గించనున్నట్లు ఈ ఏడాది బడ్జెట్‌లో ప్రకటించిన నేపథ్యంలో దీనికి అనుగుణంగానే పన్ను రాయితీలను వెనక్కితీసుకోనున్నామని ఆయన పేర్కొన్నారు. బుధవారమిక్కడ ‘ఇండియా సమిట్-2015’ కార్యక్రమంలో మాట్లాడుతూ ఆయన పలు అంశాలను ప్రస్తావించారు. బ్రిటన్‌కు చెందిన ఎకనమిస్ట్ మ్యాగజీన్ ఈ సదస్సును నిర్వహించింది. ‘వచ్చే నాలుగేళ్లలో కార్పొరేట్ పన్నును 5 శాతం తగ్గిస్తున్నాం. దీంతో ఇప్పటివరకూ ఇస్తున్న పన్ను మినహాయింపులు క్రమంగా తొలగిపోనున్నాయి. ఇందులో తొలి దశ జాబితాను త్వరలోనే ప్రకటించనున్నాం. అంతర్జాతీయ ప్రమాణాలకు అనుగుణంగా పన్నుల మదింపు, రిటర్నుల వ్యవస్థను సరళీకృతం చేయడమే ఈ చర్యల ముఖ్యోద్దేశం’ అని జైట్లీ వివరించారు.
  
 నల్లధనంపై పట్టు సడలించం...
 విదేశాల్లో మూలుగుతున్న నల్లధనాన్ని భారత్‌కు రప్పించడంలో ప్రభుత్వం వెనకడుగువేసే ప్రసక్తే లేదని కూడా ఈ సందర్భంగా ఆర్థిక మంత్రి స్పష్టం చేశారు. ఈ విషయంలో తాము పట్టు సడలించలేదని కూడా తేల్చిచెప్పారు. నల్లధనం సమస్య కొంతమంది వ్యక్తులకు సంబంధించిందని.. అందుకే దీన్ని వ్యవస్థలోకి తెచ్చేవరకూ సర్కారు చాలా కఠినంగా వ్యవహరిస్తుందన్నారు. ‘నల్లధనానికి చెక్ చెప్పేందుకు ఇప్పటికే మేం చట్టాన్ని తీసుకొచ్చాం. దీని ప్రకారం ఎవరైనా సరే 90 రోజుల్లో విదేశాల్లోని తమ అక్రమ ఆస్తులను వెల్లడించడం ద్వారా... 60 శాతం వరకూ పన్ను, జరిమానాలను చెల్లించి, బయటపడేందుకు ప్రత్యేకమైన సదుపాయాన్ని(విండో) కూడా కల్పించాం. ఈ నెలాఖరుతో అవకాశానికి తెరపడుతుంది. ఆతర్వాత 120 శాతం జరిమానా, పన్నులతో పాటు 10 ఏళ్ల వరకూ జైలు శిక్ష కూడా తప్పదు’ అని జైట్లీ పేర్కొన్నారు.
  
 ఇంకా పలు అంశాలపై ఆయనేమన్నారంటే...
 - పేమెంట్ బ్యాంకులు, జనధన యోజన వంటి పలు స్కీమ్‌ల లక్ష్యం... బ్యాంకింగ్ వ్యవస్థను మరింత విస్తృతం చేసి, అందరికీ ఈ సేవలను అందుబాటులోకి తీసుకురావడమే.
 - వచ్చే ఏడాది ఏప్రిల్ నుంచి వస్తు-సేవల పన్ను(జీఎస్‌టీ)ని అమలు చేయాలన్న కృతనిశ్చయంతో ప్రభుత్వం ఉంది. అయితే, ప్రధాన ప్రతిపక్షం కాంగ్రెస్ పార్లమెంట్‌ను స్తంభింపజేస్తుండటంతో దీనికి సమస్యలు తలెత్తుతున్నాయి. పార్లమెంటు సజావుగా సాగకుండా ప్రతిపక్షాలు అడ్డుకుంటున్నాయి. అయితే, త్వరలోనే ఈ ప్రతిష్టంభనకు తెరపడి, బిల్లు పాస్ అవుతుందని భావిస్తున్నా.
 - ప్రభుత్వం జారీ చేసే ప్రతి పన్ను డిమాండ్‌నూ పన్ను ఉగ్రవాదం(ట్యాక్స్ టైజం)గా చిత్రీకరించడం తగదు. చాలావరకూ వాటికి చట్టబద్ధత ఉందన్న విషయాన్ని గుర్తుంచుకోవాలి.
 - విదేశాల నుంచి చౌక దిగుమతుల వెల్లువ నుంచి దేశీ ఉక్కు రంగాన్ని కాపాడేందుకు త్వరలో మరిన్ని చర్యలు ఉంటాయి. చైనా, కొరియా, జపాన్, రష్యాల నుంచి వచ్చిపడుతున్న స్టీల్ దిగుమతులపై డెరైక్టరేట్ జనరల్ ఆఫ్ సేఫ్‌గార్డ్స్(డీజీఎస్) ఇప్పటికే దృష్టిపెట్టింది.
  
 బలహీన బ్యాంకుల విలీనమే!
 ప్రభుత్వ రంగ బ్యాంకుల విలీనంపై జైట్లీ పెదవి విప్పారు. ‘ప్రభుత్వం తగినవిధంగా చేయూతనందిస్తున్నప్పటికీ.. ఇంకా బలహీన స్థితిలోనే(తీవ్ర మొండిబకాయిలు-ఎన్‌పీఏ) ఉండే కొన్ని బ్యాంకులను పటిష్టమైన ఇతర పీఎస్‌యూ బ్యాంకుల్లో విలీనం చేసేవిధంగా తదుపరి చర్యలు ఉంటాయి’ అని ఆయన పేర్కొన్నారు. బ్యాంకింగ్ రంగంలో ఎన్‌పీఏల సమస్య ఆందోళనకరమైన విషయమే అయినప్పటికీ.. మరీ అంత భయపడాల్సిన పనేమీలేదని జైట్లీ చెప్పారు.
 
 ‘పీఎస్‌యూల బ్యాంకుల బలోపేతానికి మూలధనం పెంపు సహా అనేక చర్యలు చేపడుతున్నాం. ప్రభుత్వ వాటాను 52 శాతానికి తగ్గించుకోవడం ద్వారా మరిన్ని నిధులు బ్యాంకులకు లభిస్తాయి. అప్పటికీ ఇంకా బలహీనంగానే ఉండే బ్యాంకులను పటిష్టమైన బ్యాంకుల్లో విలీనం చేయక తప్పదు’ అని జైట్లీ వివరించారు. ఈ ఏడాది మార్చి నాటికి పీఎస్‌యూ బ్యాంకుల స్థూల ఎన్‌పీఏలు మొత్తం రుణాల్లో 5.2 శాతంగా నమోదయ్యాయి.


 - కొత్త ఆలోచనలకు కార్యరూపం మివ్వడంలో అండగా ఉంటాం
 - డాక్టర్ రెడ్డీస్ ల్యాబొరేటరీస్ కో-చైర్మన్, సీఈఓ జీవీ ప్రసాద్
 హైదరాబాద్, బిజినెస్ బ్యూరో: డాక్టర్ రెడ్డీస్ ఇనిస్టిట్యూట్ ఆఫ్ లైఫ్ సెన్సైస్ (డీఆర్‌ఐఎల్‌ఎస్- డ్రిల్స్) కార్పొరేట్ పరిశోధనలతో పాటుగా స్టార్టప్ కంపెనీలకూ చేయూతనందించనుంది. ఔషధ, వైద్య రంగంలో వినూత్న ఆలోచనలు, ఉత్పత్తులతో ముందుకొచ్చే స్టార్టప్స్‌కు కార్పొరేట్ స్థాయిలో ప్రోత్సాహం అందించడంతో పాటుగా వారి ఆలోచనలు కార్యరూపం దాల్చడానికి సరైన దిశానిర్దేశం చేస్తామని డాక్టర్ రెడ్డీస్ ల్యాబొరేటరీస్ లిమిటెడ్ కో-చైర్మన్, సీఈఓ జీవీ ప్రసాద్ చెప్పారు. వైద్యం- విద్యా, పర్యావరణ పరిశ్రమ వృద్ధి అనే అంశంపై శనివారమిక్కడ ‘డ్రిల్స్ సినర్జీ 2015’ కార్యక్రమం జరిగింది.
 
 ఆయన మాట్లాడుతూ... స్టార్టప్స్ కంపెనీల ఆర్థిక చేయూత నిమిత్తం రెడ్డీస్‌తో పాటు ఇతర కంపెనీల నుంచి నిధులను సమీకరించడంపై దృష్టిపెట్టామన్నారు. ప్రభుత్వ-ప్రైవేటు భాగస్వామ్యంతో 2004లో ప్రారంభమైన డ్రిల్స్‌కు మౌలిక వసతుల అభివృద్ధి నిమిత్తంరెడ్డీస్ తొలుత రూ.28 కోట్లు.. ఆ తర్వాత 7 ఏళ్లలో మరో రూ.30 కోట్లు అందించిందని, ఆంధ్రప్రదేశ్ ప్రభుత్వం నుంచి రూ.10 కోట్లు గ్రాంటు రూపంలో లభించాయని ప్రసాద్ తెలియజేశారు. ఈ కార్యక్రమంలో డాక్టర్ రెడ్డీస్ ల్యాబొరేటరీస్ చైర్మన్ సతీష్ రెడ్డి పాల్గొన్నారు.
  
 జనరిక్ మందులను కాపీ చేయొద్దు: సన్ ఫార్మా
 ఇతర దేశాల్లోని జనరిక్ మందులను ఇక్కడ కాపీ చేయడం కాకుండా.. కొత్త ఔషదాలను తయారు చేయడంపై దేశీ ఔషద కంపెనీలు పరిశోధనలు చేయాలని సన్ ఫార్మా వ్యవస్థాపకుడు, ఎండీ దిలీప్ సంఘ్వీ సూచించారు. ఇందుకోసం విద్యా స్థాయిలోనే పరిశోధనల నాణ్యత, నైపుణ్యాన్ని పెంచాల్సిన అవసరం ఉందన్నారు.
  
 ‘కేసీఆర్ ప్లాటినం స్పూన్‌తో పుట్టాడు’
 ఎవరైనా అష్టైశ్వర్యాలతో పుడితే.. ‘వాడికేంటిరా.. గోల్డెన్ స్పూన్‌తో పుట్టాడు’ అంటారు. ఈ నానుడిని తెలంగాణ రాష్ట్ర ముఖ్యమంత్రి కేసీఆర్‌కు అన్వయిస్తే... ‘‘కేసీఆర్ ప్లాటినం స్పూన్‌తో పుట్టాడని’’ అనుకోవాల్సి ఉంటుందని కేంద్ర మంత్రి  సుజనా చౌదరి అన్నారు. విద్యా, వైద్యం, సాంకేతిక.. ఇలా ప్రతి రంగంలోనూ ప్రపంచ దేశాల దృష్టిని ఆకర్షించిన హైదరాబాద్.. తెలంగాణలో ఉండటమే ఇందుకు కారణమని చెప్పారు. డాక్టర్ రెడ్డీస్ సినర్జీ కార్యక్రమంలో ముఖ్య అతిథిగా పాల్గొన్న సందర్భంగా ఆయన ఈ వ్యాఖ్యలు చేశారు.


 అన్నదాతల కోసం కార్పొరేట్ సంస్థల సహకారంతో ముందుకు సెప్టెంబర్ 1న ప్రారంభం
 పెలైట్ ప్రాజెక్ట్‌గా తుమకూరు జిల్లాలో తొలి దశలో 40 వేల రైతు కుటుంబాలకు లబ్ధి
  
 బెంగళూరు :రాష్ట్రంలో కష్టాల్లో ఉన్న రైతులను ఆదుకునేందుకు కార్పొరేట్ సంస్థల సహకారాన్ని రాష్ట్ర ప్రభుత్వం తీసుకుంటోంది. సీఎస్‌ఆర్(కార్పొరేట్ సోషల్ రెస్పాన్సిబులిటీ) నిధులను అన్నదాతలను ఆదుకునేందుకు వినియోగించుకోవాలని ప్రణాళికలు రచిస్తోంది. ఇందుకోసం పెలైట్ ప్రాతిపదికన తుమకూరు జిల్లాలో వచ్చేనెల 1 నుంచి  ‘రైతు రక్ష’ పేరుతో వినూత్న కార్యక్రమాన్ని అమలు చేయడానికి  అన్ని ఏర్పాట్లు పూర్తి చేసింది. రాష్ట్రంలో వివిధ కారణాల వల్ల ఇటీవల  రైతుల బలవన్మరణాలు ఎక్కువగా చోటు చేసుకుంటున్న విషయం తెలిసిందే. వీటికి అడ్డుకట్ట వేయడంతో పాటు రైతులను ఆర్థికంగా ఆదుకునేందుకు  వీలుగా రాష్ట్ర ప్రభుత్వం ప్రణాళికలు రచిస్తోంది. అందులో భాగంగా తుమకూరు, శిరా, పావగడ తాలూకాల్లో దాదాపు 40 వేల రైతు కుటుంబాలను ఎంపిక చేయనుంది. ఒక్కొక్క కుటుంబానికి వేర్వేరు నేపథ్యం ఉంటుంది. అందువల్ల తీవ్ర ఇబ్బందుల్లో ఉన్న ఒక్కొక్క రైతు కుటుంబానికి కార్పొరేట్ సంస్థల సీఎస్‌ఆర్ నిధుల నుంచి రూ.10 వేల నుంచి గరిష్టంగా రూ.20 వేల వరకు సహాయధనాన్ని అందజేస్తారు.
 
 అటుపై రాష్ట్ర పశు సంవర్ధకశాఖ, మత్స్యశాఖ, ఉద్యానశాఖల సంయుక్త సహకారంతో వర్మీకంపోస్ట్ ఎరువు, పుట్టుగొడుగుల పెంపంకం, మేకలు, గొర్రెల పెంపకం  వంటి వ్యవసాయ ఆధారిత పనులను చేపట్టడానికి వీలుగా రుణాలను అందజేస్తారు.  ఆయా కుటుంబ నేపథ్యం సభ్యుల ఆసక్తిని అనుసరించి పనులను కేటాయిస్తారు. మొత్తంగా సీఎస్‌ఆర్ నిధులను ప్రభుత్వ పథకాలకు తోడుగా రైతు రక్ష పథకం కింద దయనీయ స్థితిలో ఉన్న అన్నదాతలకు అందించి మూడేళ్లలోపు వారిని ఆర్థికంగా గట్టెంక్కించాలని ప్రభుత్వం భావిస్తోంది. ఏడాది పాటు ఈ జిల్లాలో రైతు రక్షను అమలు చేసి అటు పై రాష్ట్రంలోని మిగిలిన ప్రాంతాలకూ ఈ పథకాన్ని విస్తరించే ఆలోచన ఉన్నట్లు తుమకూరు జిల్లా ఇన్‌ఛార్జ్ కార్యదర్శి, సీనియర్ ఐఏఎస్ షాలినీ రజినీష్ తెలిపారు.
  
  


 ♦ అర్హతలేని ఉపాధ్యాయులతో బోధన
 ♦ తల్లిదండ్రులపై తీవ్రభారం
 ♦ ఇదీ ప్రైవేటు స్కూళ్ల పరిస్థితి
 ♦ చోద్యం చూస్తున్న అధికారులు
 
  నెల్లూరు (టౌన్) : గ్లోబల్, టెక్నో, ఒలంపియాడ్, కాన్సెప్ట్, ఈ-టెక్నో, ఐఐటీ పేర్లతో కార్పొరేట్ సంస్థలు తల్లిదండ్రుల జేబులకు చిల్లుపెడుతున్నాయి. ప్రచార ఆర్భాటం తప్ప విద్యాబోధనలో పస ఉండటం లేదు. వేలాది రూపాయలు వసూలు చేస్తున్నా అర్హత లేని ఉపాధ్యాయులతో విద్యార్థులకు పాఠాలు చెప్పిస్తున్నాయి. అర్హత కలిగిన టీచర్లను నియమించుకోవాలన్న నిబంధనను యాజమాన్యాలు పట్టించుకోవడం లేదు. కార్పొరేట్ విద్యాసంస్థలు యథేచ్చగా నిబంధనలను ఉల్లంఘిస్తున్నా విద్యాశాఖ అధికారులు తమకేం పట్టనట్లు వ్యవహరిస్తున్నారు. దీనికి కారణంగా ముడుపులేననే ఆరోపణలున్నాయి.
 
  గుర్తింపు లేదు : జిల్లావ్యాప్తంగా 450కు పైగా కార్పొరేట్ విద్యాసంస్థలు ఉన్నట్లు అధికారుల అంచనా. ఒక్క నెల్లూరులోనే సుమారు 250కు పైగా కార్పొరేట్ పాఠశాలలున్నాయి. వీటిలో 150 కి మాత్రమే విద్యాశాఖ గుర్తింపు ఉంది. విద్యా సంవత్సరం ప్రారంభమయ్యే సమయంలో విద్యాశాఖ అధికారులు గుర్తింపు లేని పాఠశాలలపై చర్యలు తీసుకుంటామని ఘనంగా ప్రకటనలు ఇస్తున్నారే తప్ప చర్యలు తీసుకున్న దాఖలాలు లేవు. కార్పొరేట్‌లో బోధించేందుకు అర్హత కలిగిన టీచర్లు 25 శాతానికి మించిలేరని తెలుస్తోంది.
 
 పది, ఇంటర్ చదివిన వారిని ఉపాధ్యాయులుగా నియమించి బోధన చేయిస్తున్నారు. అనర్హులైన టీచర్ల విషయం బయటపడకుండా ఉండేందుకు రెండు రిజిస్టర్లు వాడుతున్నట్లు ఆరోపణలున్నాయి. విద్యాశాఖాధికారులకు మాత్రం అర్హత కలిగిన ఉపాధ్యాయులు ఉన్న రిజిష్టర్‌ను చూపుతున్నారని, పాఠశాలలో ఒరిజినల్ రిజిష్టర్ పెట్టుకుంటున్నట్లు తెలుస్తోంది.
 
  అధిక మొత్తంలో ఫీజులు : సాధారణ ప్రైవేటు పాఠశాలలు గ్లోబల్, టెక్నో తదితర పేర్లు పెట్టి రూ.20వేల నుంచి రూ.లక్ష వరకు వసూలు చేస్తున్నాయి. అడ్మిషన్ ఫీజు పేరుతో స్కూల్‌ను బట్టి రూ.5 వేలు నుంచి రూ.25 వేల వరకు తీసుకుంటున్నారు. అప్లికేషన్ ఫీజు రూ.300ల నుంచి రూ.1000 లాగుతున్నాయి. కొన్ని స్కూళ్లు ట్యూషన్ ఫీజు, బుక్స్‌కు వసూలు చేస్తోంటే, మరికొన్ని బుక్స్ కోసం ప్రత్యేకంగా రూ.5 నుంచి 10వేల వరకు లాగుతున్నాయి. ఇంకా స్పోర్ట్స్ ఫీజుని రూ.1,500లు, ఇతర కార్యక్రమాల కోసం రూ.1,000లు, స్కూలు యానివర్సిడే పేరుతో రూ.1,500 లు దండుకుంటున్నారు. ఇలా రకరకాల ఫీజులతో త ల్లిదండ్రులకు తడి సి మోపెడవుతుంది.
 
  సంఖ్యకు మించి బోధన
  పాఠశాలలో 40 మంది విద్యార్థులకు ఒక టీచర్‌ను నియమించాలన్న నిబంధనను యాజమాన్యాలు తుంగలో తొక్కుతున్నా యి. ఒక్కో క్లాసులో 60 మందికి పైగా విద్యార్థులను కూర్చోబెట్టి బోధన చేయిస్తున్నారు.
 
  తనిఖీచేయాలని ఆదేశించాం: -ఆంజనేయులు, డీఈఓ
  జిల్లాలోని కార్పొరేట్ విద్యాసంస్థలను తనిఖీ చేయాలని ఆదేశాలు ఇచ్చాం. అర్హతలేని ఉపాధ్యాయుల ఉన్న పాఠశాలలపై చర్యలు తీసుకుంటాం. ఈవిషయంపై తల్లిదండ్రులు ఫిర్యాదు చేయలేదు.


 కార్పొరేట్ సంస్థలకు గవర్నర్ ప్రశ్న
 * ప్రజల జీవితాలను మెరుగుపరిచే కార్యక్రమాలు చేపట్టాలని సూచన
 సాక్షి, హైదరాబాద్: ‘ఏదో ఒకపూట భోజనం పెటి.. రోడ్డు మీద నాలుగు మొక్కలు నాటి.. తమ సామాజిక బాధ్యత తీరిపోయిందని కొన్ని సంస్థలు అనుకుంటున్నాయి. ఇది సరికాదు. సమాజంలో ప్రజల జీవితాలను మెరుగుపరిచి, వారిని ఉత్తమ పౌరులుగా తీర్చిదిద్దేలా కార్యక్రమాలు చేపట్టాలి.’ అని గవర్నర్ నరసింహన్.. కార్పొరేట్ సంస్థలకు పిలుపునిచ్చారు.
 
 హైదరాబాద్ కొండాపూర్‌లోని స్పెషల్ పోలీస్ బెటాలియన్ ప్రాంగణంలో ప్రముఖ సాఫ్ట్‌వే ర్ సంస్థ ‘సైయంట్’ ఏర్పాటు చేసిన డిజిటల్ లైబ్రరీ, నేషనల్ డిజిటల్ లిటడ రసీ మిషన్ సెంటర్‌ను గవర్నర్ బుధవారం ప్రారంభించారు. ఈ సందర్భంగా ఆయన మాట్లాడుతూ.. సైయంట్ సంస్థ చైర్మన్ బీవీఆర్ మోహన్‌రెడ్డి సామాజిక బాధ్యతగా పోలీస్ బెటాలియన్‌లో డిజిటల్ లైబ్రరీ, డిజి టల్ లిటరసీ సెంటర్‌ను ఏర్పాటు చేయడం అభినందనీయమన్నారు.
 
 సైయంట్ ఫౌండేషన్ కల్పించిన ఈ సదుపాయాలు కేవలం ప్రారంభోత్సవానికే పరిమితం కాకూడదని,  వచ్చే ఏడాది వీటి ఫలితాలను తనకు తెలపాలని కోరారు. కంప్యూటర్‌ను జ్ఞానాన్ని అందించే ఉత్తమ సేవకుడిగా చూడాలన్నారు. ప్రస్తుతం డిజిటల్ లైబ్రరీ ద్వారా ప్రపంచంలోని అన్ని అంశాలను తెలుసుకునే అవకాశం విద్యార్థులకు కలిగిందన్నారు.
 
 తేలికగా జవాబులు లభిస్తాయని కంప్యూటర్‌పై ఆధారపడితే మెదడు పనిచేయడం తగ్గి, బలహీనంగా తయారవుతుందని విద్యార్థులకు సూచించారు. కార్పొరేట్ సామాజిక బాధ్యత కింద ప్రభుత్వ పాఠశాలలను దత్తత తీసుకున్న సైయంట్ సంస్థ.. ప్రతిభగల విద్యార్థులకు ఉచితంగా ఉన్నత విద్యను అందించే బాధ్యతను కూడా తీసుకోవాలని సూచించారు.
  
 డిజిటల్ ఇండియా స్ఫూర్తితో..
 ప్రధానమంత్రి నరేంద్ర మోదీ ఇచ్చిన డిజిటల్ ఇండియా స్ఫూర్తితో తెలంగాణలో మొట్టమొదటిసారిగా కొండాపూర్ పోలీస్ బెటాలియన్ పాఠశాలలో డిజిటల్ లైబ్రరీ, డిజిటల్ లిటరసీ మిషన్ సెంటర్‌ను ప్రారంభించామని సైయం ట్ ఫౌండేషన్ చైర్మన్ బీవీఆర్ మోహన్‌రెడ్డి తెలిపారు.
 
 స్వచ్ఛ తెలంగాణ-స్వచ్ఛ పాఠశాల కార్యక్రమం కింద 54 పాఠశాలల్లో మరుగుదొడ్ల నిర్మాణం తోపాటు వాటి నిర్వహణ  బాధ్యతలను కూడా తీసుకున్నామన్నారు. విద్యార్థుల తల్లిదండ్రులు కూడా కంప్యూటర్ అక్షరాస్యత ను కలిగి ఉండేలా డిజిటల్ లిటరసీ మిషన్ సెంటర్‌లో కోర్సులను అందిస్తున్నామని చెప్పారు. కార్యక్రమంలో అదనపు డీజీపీ శ్రీనివాసరావు, బెటాలియన్ కమాం డెంట్ రవిశంకర్, డీసీపీ కార్తికేయ పాల్గొన్నారు.


 కొలిక్కిరాని ఆసుపత్రులు, సర్కార్ చర్చలు
 సాక్షి, హైదరాబాద్: ఉద్యోగులకు కార్పొరేట్ వైద్యంపై ప్రతిష్టంభన కొనసాగుతోంది. ఖజనాపై పడే అదనపుభారం గురించి ప్రభుత్వం తర్జనభర్జన పడుతోంది. ఐదున్నర లక్షలున్న రాష్ట్ర ప్రభుత్వ ఉద్యోగులు, పింఛన్‌దారులకు సూపర్ స్పెషాలిటీ, కార్పొరేట్ ఆసుపత్రుల్లో నగదు రహిత వైద్యసేవలు అందడంలేదు. సమస్యను కొలిక్కి తీసుకురాకపోవడంపై ఉద్యోగులు మండిపడుతున్నారు.
 
 వైద్య మంత్రి కార్పొరేట్ ఆసుపత్రులతో సమావేశాలు నిర్వహించినా, సీఎస్ ఆసుపత్రుల ప్రతినిధులతో చర్చించినా పురోగతి లేదు. ఉద్యోగులకు ఉచితంగా ఓపీ సేవలందిం చాలని ప్రభుత్వం ప్రతిపాదించగా, ఎంతోకొం త ఫీజు ఇవ్వాల్సిందేనని కార్పొరేట్ యాజమాన్యాలు మొండికేస్తుడటంతో ప్రతిష్టంభన నెల కొంది. ఓపీ సేవలు ఉచితమైతే ఉద్యోగులు అవసరం ఉన్నా, లేకున్నా ఓపీ, వైద్య పరీక్షలు చేయించుకుంటారన్నది కార్పొరేట్ ఆసుపత్రుల ప్రధాన ఆరోపణ. ఓపీ సేవలు, వైద్య పరీక్షలకు ఉద్యోగులు ఎంతోకొంత ప్రీమియం చెల్లించడానికి సిద్ధంగా ఉన్నా అడుగు ముందుకు పడలేదు.
 
 శస్త్రచికిత్సల ప్యాకేజీని 25 శాతం పెంచాలన్న యాజమాన్యాల డిమాండ్‌కు ప్రభుత్వం సుముఖంగా ఉంది. అయితే, మెడికల్ ప్యాకేజీ నిమ్స్ తరహాలో ఇవ్వాలని సూపర్ స్పెషాలిటీ ఆసుపత్రుల సంఘం(టీషా) కోరుతోంది. దీనిపై టీషా ప్రతినిధులను ఒప్పించడంలో ప్రభుత్వం విఫలమైంది. నిమ్స్ తరహా ప్యాకేజీకి అంగీకరిస్తే మెడికల్ ప్యాకేజీ, ఓపీలకు రూ.450 కోట్ల మేర ఖజానాపై అదనపు భారం పడుతుందని సర్కార్ అంచనా వేసింది. శస్త్రచికిత్సల ప్యాకేజీ 25 శాతం పెంచినా పెద్దగా భారం ఉండదని, మహా అయితే రూ. 170 కోట్లకు మించి ఖర్చుకాదని భావిస్తోంది.


  సొమ్ముల్లేక..
  పై ఫొటోలో వ్యక్తి పేరు శెట్టి శ్రీరామ్మూర్తి. ఊరు కోటనందూరు మండలం టీజే నగరం. సన్నకారు రైతు. ముగ్గురు కుమార్తెలు, ఒక కుమారుడు ఉన్నారు. రెండు నెలలుగా యూరిన్ సమస్యతో బాధపడుతున్నారు. ప్రైవేటు వైద్యం చేయించుకునే స్తోమత లేక ఎన్‌టీఆర్ వైద్యసేవలో నెల రోజుల క్రితం విశాఖపట్నం కేజీహెచ్‌కు రెండుసార్లు వెళ్లారు. శస్త్రచికిత్స చేయాలని చెప్పిన వైద్యులు అన్ని పరీక్షలూ చేశారు. చివరికి శస్త్రచికిత్స చేయకుండానే నామమాత్రంగా మందులిచ్చి పంపేశారు. దీంతో, సొంత సొమ్ములు వెచ్చించి, రెండు రోజుల క్రితం కాకినాడలోని ఓ ప్రైవేటు ఆస్పత్రికి వెళ్లారు. పరీక్షించిన వైద్యులు పది రోజుల తరువాత రావాలని చెప్పారు. చికిత్సకు అవసరమైన డబ్బులు లేకపోవడంతో ఆయన ఇంటికి వచ్చారు. ప్రస్తుతం యూరిన్ బ్యాగ్ వాడుతూ అనారోగ్యంతో బాధపడుతూ మంచం పట్టారు. రాజీవ్ ఆరోగ్యశ్రీ పథకానికి భిన్నంగా ఎన్‌టీఆర్ ఆరోగ్య సేవ పథకం అమలవుతోందని, ప్రభుత్వాస్పత్రులను ఆశ్రయించినా తక్షణం స్పందించే పరిస్థితి ఇప్పుడు లేదని ఆయన చెబుతున్నారు.
  
  సాక్షి ప్రతినిధి, కాకినాడ :కటిక నిరుపేదకూ ఖరీదైన కార్పొరేట్ వైద్యం ఉచితంగా అందించాలనే లక్ష్యంతో 2007లో నాటి ముఖ్యమంత్రి వైఎస్ రాజశేఖర్‌రెడ్డి రాజీవ్ ఆరోగ్యశ్రీ పథకం ప్రారంభించారు. దీనిద్వారా ఎంతోమంది రోగులకు చక్కని వైద్యం అందింది. అయితే అదంతా గతం! టీడీపీ ప్రభుత్వం వచ్చాక ఆ పథకం పేరుతోపాటు అమలు విధానం కూడా మారిపోయింది. నాడు రోగమేదైనా సరే.. తెల్లకార్డుతో ధైర్యంగా ఆస్పత్రికి వెళ్లి వెనువెంటనే చికిత్స పొందేవారు. కానీ ఇప్పుడు ఎన్టీఆర్ వైద్యసేవ పథకంలో ‘ప్రియాత్’ పేరుతో జరుగుతున్న తతంగం రోజుల తరబడి సాగుతోంది. దీంతో అత్యవసర వైద్యం సకాలంలో అందక.. అందుతుందో లేదో తెలియక.. రోగులు ప్రాణాలను గుప్పిట్లో పెట్టుకొని బిక్కుబిక్కుమని గడుపుతున్నారు. మరోవైపు వ్యాప్, ట్యాప్ అంటూ తెల్లరేషన్ కార్డులను విభజించడంతో ఎంతోమంది రోగులకు ఉచిత వైద్యం అందని ద్రాక్షగానే మిగులుతోంది.
  
  ఆస్పత్రి మెట్లు ఎక్కగానే ఇక్కట్లు మొదలు..
  ప్రియాత్.. రోగికి శస్త్రచికిత్స చేసేందుకు అవసరమైన అనుమతి కోసం సాగే ప్రక్రియ ఇది. రోగి      ఆస్పత్రికి రాగానే ప్రాథమిక పరీక్ష నిర్వహించి, శస్త్రచికిత్స అవసరమని వైద్యులు గుర్తిస్తే.. ఆ రోగికి సంబంధించిన తెల్లరేషన్ కార్డు, ఆధార్ కార్డు, వ్యాధి వివరాలు ఆన్‌లైన్‌లో హెల్త్‌కేర్ ట్రస్టు వెబ్‌సైట్‌లో అప్‌లోడ్ చేయాలి. ఇది పూర్తయిన 24 గంటల్లోగా ట్రస్టులోని వైద్యులు ఆ వివరాలు పరిశీలించి శస్త్రచికిత్స చేసేందుకు అనుమతి ఇవ్వాలి.
  ఈ ప్రియాత్ ప్రక్రియకు ఇప్పుడు 100 నుంచి 120 గంటల సమయం పడుతున్న సందర్భాలు అనేకం. దీంతో రోగికి శస్త్రచికిత్స ఆలస్యమైపోతోంది. ఫలితంగా రోగితోపాటు రోగి సహాయకులు వారం పది రోజులపాటు ప్రభుత్వాస్పత్రిలోనే ఉండాల్సిన పరిస్థితి.
  
  అదే ప్రైవేటు ఆస్పత్రిలో అయితే వెంటనే అయిపోతుందని అక్కడికి వెళ్లినవారికి మరోవిధమైన సమస్య ఎదురవుతోంది. ప్రియాత్ ఆలస్యమైనా లేదా ఆ రోగం వైద్యసేవ పరిధిలోకి రాదని నిర్ధారణ అయినా రోగి నుంచి అన్ని రోజులకూ భారీ మొత్తంలో ముక్కుపిండి మరీ వసూలు చేస్తున్నారు.అంతకుముందే రకరకాల వైద్యపరీక్షల పేరుతో రోజుకు కొంత మొత్తం చొప్పున రోగి బంధువుల నుంచి లాగేస్తున్నారు. ఆ మొత్తం ప్రియాత్ అప్రూవల్ వస్తే వెనక్కి తీసుకోవచ్చని చెబుతూ ఆస్పత్రి వర్గాలు రోగి బంధువులను బోల్తా కొట్టిస్తున్నాయి.
  
  సౌకర్యాలు అంతంతమాత్రమే..
  నిబంధనల ప్రకారం ఆరోగ్యశ్రీ పథకం అమలయ్యే నెట్‌వర్క్ ఆస్పత్రిలో కనీసం 10 పడకలతో ప్రత్యేక వార్డు ఉండాలి. కానీ ఏ ఒక్క ప్రైవేటు ఆస్పత్రిలోనూ ఈ తరహా ఏర్పాట్లు కనిపించడంలేదు. అలాగే రోగికి అన్ని వైద్య పరీక్షలు నెట్‌వర్క్ ఆస్పత్రిలోనే నిర్వహించాలి. కానీ వైద్యులు బయటి ల్యాబ్‌లకు సిఫారసు చేస్తున్నారు. దీనివల్ల వైద్యులకు కమీషన్ ప్రయోజనం మాటెలా ఉన్నా.. ల్యాబ్‌కు వెళ్లివచ్చేసరికి రోగి వ్యయప్రయాసలకు గురవుతున్నాడు. ప్రభుత్వాస్పత్రుల్లో ఎన్‌టీఆర్ ఆరోగ్య సేవ పథకం నిరుపేదలకు ఇప్పుడొక పరీక్షలా మారింది. సాధారణంగా అక్కడ అందరికీ ఉచిత వైద్యమే అందించాలి. కానీ ఆరోగ్య సేవ కార్డు తీసుకెళ్లిన రోగిని మాత్రం రోజుల తరబడి పక్కన పెడుతున్నారు. మహిళల గైనిక్ సమస్యలకు చేసే శస్త్రచికిత్సలకైతే రెండు మూడు నెలలు ఆస్పత్రి చుట్టూ తిిప్పిన సందర్భాలూ ఉన్నాయి.
  
  రోగాల సంఖ్య పెరిగినా..
  ఆరోగ్యశ్రీ పథకం కింద జిల్లాలో 37 నెట్‌వర్క్ (ప్రైవేటు) ఆస్పత్రులు, ఆరు ప్రభుత్వాస్పత్రులు ఉన్నాయి. వీటిల్లో 2007 నుంచి ఇప్పటివరకూ నెట్‌వర్‌‌క (ప్రైవేటు) ఆస్పత్రుల్లో 1,66,042 మందికి రూ.469.06 కోట్ల వ్యయంతో శస్త్రచికిత్సలు నిర్వహించారు. ప్రభుత్వాస్పత్రుల్లో 70,219 మందికి రూ.151.91 కోట్ల వ్యయంతో ఆపరేషన్లు చేశారు. గతంలో రాజీవ్ ఆరోగ్యశ్రీ ద్వారా 938 వ్యాధులకు కార్పొరేట్ ఆస్పత్రుల్లోనే వైద్యసేవలు అందించేవారు. ప్రస్తుతం వ్యాధుల సంఖ్యను 1098కి పెంచి ప్రభుత్వాసుపత్రుల్లోనే సగానికి పైగా వైద్యసేవలు అందేలా చేశారు. అయితే వ్యాధుల సంఖ్య పెంచినా పరిమితులు అనేకం పెట్టడంతో అనేక రకాల జబ్బులకు వైద్యం దొరకడంలేదు. తెల్లరేషన్ కార్డు ఉంటే ఈ పథకం వర్తిస్తుందనుకున్నవారికి నిరాశే ఎదురవుతోంది. శాశ్వత తెల్లరేషన్ కార్డుల(వ్యాప్)కు ఈ పథకం వర్తిస్తున్నా.. జన్మభూమి సమావేశాల్లో జారీ చేసిన తాత్కాలిక తెల్ల రేషన్ కార్డుల(ట్యాప్)కు వర్తించడంలేదు. ఎందుకంటే ఒకే నంబరుతో వేర్వేరు జిల్లాల్లో రెండు మూడు కార్డులు ఉండటంతో ఈ సమస్య తలెత్తుతోంది. ఫలితంగా జిల్లాలోని నాలుగో వంతు తెల్లకార్డుదారులకు ఎన్టీఆర్ వైద్యసేవ అందని ద్రాక్షే అవుతోంది.
  


 దివంగత ముఖ్యమంత్రి డాక్టర్ వై.ఎస్.రాజశేఖరరెడ్డి పేదల కోసం ప్రవేశపెట్టిన ఆరోగ్యశ్రీ పథకం ద్వారా ఎందరో బతికి బట్టకట్టారు.
  కార్పొరేట్ వైద్యం అందని ద్రాక్షగా ఉండే నిరుపేదలకు పైసా ఖర్చు లేకుండా వైద్యం చేయించారు. ప్రాణాంతక జబ్బులతో మరణమే శరణ్యమనేబెంగ నుంచి ఆరోగ్యశ్రీ ఉందన్న భరోసా కల్పించారు. తెలుగుదేశం పాలన వచ్చాక ఆరోగ్యశ్రీ పేరును ఎన్టీఆర్ వైద్యసేవగా మార్చారు.అయితే కొన్ని కార్పొరేట్ కళాశాలలు ప్రాణాంతక క్యాన్సర్ వంటి జబ్బులకు వైద్యమందించడానికి ముందుకు రావడం లేదు.
  ఆరోగ్యశ్రీ పథకం ప్రారంభమైన ఎనిమిదేళ్ల క్రితం నాటి సొమ్మునే ప్రభుత్వం ఇప్పటికీ చెల్లిస్తుండడం వల్ల కార్పొరేట్ ఆస్పత్రులు
  ఏదో వంకతో ససేమిరా అంటున్నాయి. దీంతో బాధిత రోగులు అన్యాయమైపోతున్నారు. విధిలేని పరిస్థితుల్లో అంతగా సౌకర్యాలు లేని ప్రభుత్వాస్పత్రుల్లోనే రోగులు వైద్యం చేయించుకుంటున్నారు. ఎన్టీఆర్ ఆరోగ్య సేవలో పెద్ద ఎముకలు విరిగితేనే తప్ప చిన్న ఎముకలకు శస్త్రచికిత్సకు అర్హత లేదని చెప్పి తిప్పి పంపుతున్నారు. మోకాలి చిప్ప మార్పిడికిఇందులో చేర్చకపోవడం వల్ల చాలామంది నడి వయస్కులు, వయసు మళ్లిన వారు లబ్ది పొందలేకపోతున్నారు. జిల్లాలో ఎన్టీఆర్ వైద్య సేవ తీరుతెన్నులపై ఈ ప్రత్యేక కథనం..!          - సాక్షి, విశాఖపట్నం
  
 నాటి కుయ్‌కుయ్ సేవలేవీ!
 తొలుత ఆరోగ్యశ్రీలో 938 జబ్బులను చేర్చారు. వీటిలో 133 జబ్బులు ప్రభుత్వాస్పత్రుల్లోనే విధిగా చేయించుకోవాలని కిరణ్‌కుమార్‌రెడ్డి హయాంలో నిర్ణయం తీసుకున్నారు. చంద్రబాబునాయుడు అధికారంలోకి వచ్చాక రాజీవ్ ఆరోగ్యశ్రీని ఎన్టీఆర్ వైద్యసేవగా మార్చాక వ్యాధుల అర్హత సంఖ్య 1040కు పెంచారు. 2008లో ఇచ్చిన వైద్య చార్జీలనే నేటికీ కొనసాగిస్తున్నందున పెంచాలని కార్పొరేట్ ఆస్పత్రులు డిమాండ్ చేస్తున్నాయి. ఇటీవల విశాఖలో జరిగిన సమావేశంలో మంత్రి కామినేని పెంపుదలకు హామీ ఇచ్చారు. ప్రతినెలా ఒకటి నుంచి ఐదో తేదీ వరకు ఒక్కో నెట్‌వర్క్ ఆస్పత్రికి ఇద్దరు చొప్పున ఐదు కార్పొరేట్ ఆస్పత్రుల నుంచి పదిమంది వైద్యులు రెవెన్యూ డివిజన్‌కు ఒకటి చొప్పున వైద్య శిబిరాలు నిర్వహిస్తున్నారు. ఇందులో ఓపీ, రక్త పరీక్షలు, ఈసీజీలు చూస్తారు. ఐదు రోజులకు సరిపడిన మందులిస్తారు. వైద్యం అవసరమైన వారికి ఆయా ఆస్పత్రులకు రిఫర్ చేసి చికిత్స చేస్తారు. ఏజెన్సీలో ఐటీడీఏ సూచించిన ప్రాంతాల్లో ప్రతి నెలా ఐదు క్యాంపులు పెడతారు.
 
 గిరిజన ప్రాంతంలో సీజనల్ వ్యాధులతోపాటు దీర్ఘకాలిక వ్యాధిగ్రస్తులకు సకాలంలో మందులందకపోవడంతో ఆరోగ్యపరంగా, ఆర్థికంగా ఇబ్బందులు పడుతున్నారు. దివంగత ముఖ్యమంత్రి వై.ఎస్.రాజశేఖర్‌రెడ్డి హయాంలో గిరి గ్రామాలకు 104 వెళ్లి దీర్ఘకాలిక వ్యాధిగ్రస్తులకు పరీక్షలు నిర్వహించి, మందులు పంపిణీ జరిగేది. ప్రస్తుత ప్రభుత్వ పాలనలో గిరిజనులు వైద్యం కోసం ఎదురు చూడాల్సిన పరిస్థితి నెలకొంది. 104 సిబ్బందికి జీతాలందక, వాహనాలు కండీషన్‌లో లేకపోవడం, మందులు పూర్తి స్థాయిలో లేకపోవడంతో వైద్య సేవలు అంతంత మాత్రంగా ఉన్నాయి. దీర్ఘకాలిక రోగులు ప్రయివేటు మెడికల్ స్టోర్‌లను ఆశ్రయించాల్సిన పరిస్థితి. కొంత మంది గిరిజనులు మందులు కొనుక్కోలేక వ్యాధి తీవ్రత పెరిగి మృత్యువాత పడుతున్నారు.
  
  సకాలంలో సేవలందడం లేదు
  ఆరోగ్యశ్రీ ఉన్నప్పుడు సకాలంలో వైద్య పరీక్షలు జరిగేది. ఎన్‌టీఆర్ ఆరోగ్య పథకంలో సకాలంలో వైద్య పరీక్షలు జరగడం లేదు.  పది రోజుల క్రితం నా భార్య పాంగి సరస్వతికి తలకు దెబ్బ తగలడంతో స్కేనింగ్ నిమిత్తం విశాఖ కేజీహెచ్‌కు ఎన్‌టీఆర్ ఆరోగ్య పథకం ద్వారా చికిత్సకు తరలించాను. అయితే సకాలంలో స్కేనింగ్ కాక పోవడంతో ప్రైవేటు ఆసుపత్రికి రూ.2600 ఇచ్చి స్కేనింగ్ చేయించడంతో పాటు మందులు కొనుక్కోవాల్సి వచ్చింది. ఆస్పత్రికి వెళ్తే రోజు మొత్తం నిరీక్షించాల్సివస్తోంది. దూర ప్రాంతల నుంచి వచ్చే రోగులకు త్వరితగతిన తనిఖీలు నిర్వహిస్తే బాగుంటుంది.
  - పాంగి భాగ్య, ముంచంగిపుట్టు
  
 వసతుల్లేని ప్రభుత్వాస్పత్రులే దిక్కు
 వైఎస్ హయాంలో రోగులకు జనరల్ సర్జరీ కేసులు నచ్చిన కార్పొరేట్ ఆస్పత్రిలో నిర్భయంగా ఆపరేషన్లు చేయించుకునేవారు. నేడు ప్రభుత్వ ఆస్పత్రులకు ఎన్టీఆర్ వైద్యసేవ ద్వారా ఆపరేషన్లు నిర్వహిస్తున్నారు. కార్పొరేట్ ఆస్పత్రిలో అరుదుగా వచ్చే జబ్బులకు మాత్రమే ఆపరేషన్లు నిర్వహించే విధంగా కట్టడి చేస్తున్నారు. ఫలితంగా పేద ప్రజలు తప్పనిసరిగా సదుపాయాల్లేని ప్రభుత్వ ఆస్పత్రిలో ఆపరేషన్లు చేయించుకోవలసిన దుస్థితి ఏర్పడింది. ఉదాహరణకు ఎన్టీఆర్ ఆస్పత్రిలో ఒక ఒక్క ఆపరేషన్ థియేటర్ ఉంది. ఒక్కొక్క విభాగానికి చెందిన డాక్టర్లకు ఒక్కొక్క రోజు ఆపరేషన్ థియేటర్ అందుబాటులో ఉంటుంది. దీంతో ఆపరేషన్ కోసం వచ్చే రోగులు ఆయా డాక్టర్లకు అవకాశం వచ్చే వరకు వేచి ఉండాల్సిన పరిస్థితి నెలకొంది. ఇక్కడ కనీసం నాలుగు ఆపరేషన్ థియేటర్లు అవసరం ఉన్నప్పటికీ కేవలం ఒక్క ఆపరేషన థియేటర్‌తోనే కాలం వెల్లబుచ్చుతున్నారు. దీంతో రోగులు ప్రాధాన్యం ప్రకారం వారాల కొద్దీ ఆపరేషన్ కోసం వేచి ఉండాల్సిన పరిస్థితి నెలకొంది.
 
 ఆరోగ్యశ్రీ పథకం ద్వారా ఆపరేషన్ చేయించుకునే గ్రామీణ నిరుపేదల కోసం ఆయా గ్రామాలలో ఆరోగ్యశ్రీ ఉచిత వైద్య శిబిరాలు రెండు నెలలకోసారి నిర్వహించి ఆపరేషన్ అవసరమైన వారికి వ్యాదిని బట్టి ఆస్పత్రులను ఎంపిక చేసి ఆయా ఆస్పత్రులకు ఎటువంటి పత్రాలు లేకుండా పంపించేవారు. నేడు కనీసం తూతూ మంత్రంగానైనా ఆరోగ్యశ్రీ ఉచిత వైద్య శిబిరాలు నిర్వహించకపోవడం కొసమెరుపు.
  
 సేవలు అంతంతమాత్రమే
  ఎన్టీఆర్ వైద్యసేవ వార్డులో 20 రోజుల క్రితం కుడి కాలుకు ఆపరేషన్ చేయించుకున్నాను. డ్యూటీ డాక్టర్ రోజుకోసారి వస్తారు. సంబంధిత డాక్టర్ రెండుమూడు రోజులకోసారి వస్తారు. భోజనాలు, ఇతర సదుపాయాలు అంతంత మాత్రమే. సిబ్బంది పర్యవేక్షణ అంతంతమాత్రమే.
  - దొమ్మేసి ఈశ్వరరావు (45),
 
  
 ప్రతి నెలా మందులకు రూ.వెయ్యి ఖర్చు
 2007లో నాకు ఆరోగ్యశ్రీలో గుండె ఆపరేషన్ జరిగింది. నిరుపేద కుటుంబం కావడంతో ఉచితంగా ఆపరేషన్ చేసినా రోజూ మందులు వాడాలి. ప్రస్తుతం మందులు కొనుగోలు చేసుకొనే స్థోమత లేకపోవడంతో ఇబ్బందులు పడుతున్నాను. ప్రతి నెలా రూ. 700 నుంచి 1000 వరకు ఖర్చవుతుందని తల్లిదండ్రులు చెపుతున్నారు.
  - అయ్యంకుల లోవ
 
  
 ఆరోగ్యశ్రీతోనే లబ్ధి
 దివంగత నేత డాక్టర్ వై.ఎస్.రాజశేఖర్‌రెడ్డి పాలనలో ఆరోగ్య శ్రీ ద్వారా ప్రజలు లబ్ది పొందారు. తెలుగుదేశం ప్రభుత్వం అధికారంలోకి వచ్చాక ప్రవేశపెట్టిన ఎన్‌టీఆర్ వైద్య సేవలు మచ్చుకైనా కానరావడం లేదు.        - మన్యాల మాధవి
  
 కార్పొరేట్ హాస్పటల్ వైద్యం కలే
 రాష్ట్ర మాజీ ముఖ్యమంత్రి రాజశేఖరరెడ్డి హయాంలో పేదలకు కార్పొరేట్ వైద్యం ఉచితంగా అందేది. ఆరోగ్యశ్రీతో పేదలకు చక్కటి వైద్యం అందేది. ఇప్పుడు కేవలం ప్రభుత్వ ఆసుపత్రుల్లోనే ఎన్‌టీఆర్ వైద్య సేవలు అందుబాటులో ఉన్నాయి.
  -వియ్యపు దేవకి, కుమ్మరవీధి
  
 కొన్ని సేవలను తొలగించారు
 ఆరోగ్య శ్రీ పథకంలో చాలా సేవలు అందుబాటులో ఉండేవి. ఎన్‌టీఆర్ వైద్య సేవలో చాలా సేవలు తొలగించారు. దీంతో పేదలకు వైద్య సేవలు అందుబాటులో లేక పోవడంతో పేదలు అవస్థలు పడుతున్నారు. ఎన్‌టీఆర్ వైద్య సేవతో పేదలకు ఒరిగిందేమీ లేదు.
  - తిరపతి తాయార మ్మ, అమ్మవారివీధి
  
 ఖర్చెక్కువైతే సేవలు కష్టమే
 నర్సీపట్నం :  రాజీవ్ ఆరోగ్యశ్రీ పథకాన్ని ఎన్టీఆర్ వైద్యసేవగా మార్పు చేసిన ప్రభుత్వం సేవలను కుదించింది. ఆరోగ్యశ్రీ ద్వారా 932 వ్యాధులకు కార్పొరేట్ ఆసుపత్రుల్లో వైద్యం ఆందించేవారు. ఎన్టీఆర్ వైద్య సేవ ద్వారా 1040 వ్యాధులకు వైద్య సేవలు అందిస్తున్నామని ప్రభుత్వం చెబుతున్నా...వీటిలో 133 వ్యాధులకు ప్రభుత్వాస్పత్రుల్లోనే వైద్యం చేయించుకోవాలని ప్రభుత్వం సూచిస్తోంది. వైద్యుల కొరత, అపరేషన్‌కు అవసరమయ్యే పరికరాలు లేక 133 రకాల వ్యాధులకు ప్రభుత్వాస్పత్రుల్లో వైద్య సేవలు సక్రమంగా అంద డం లేదు. రూ.50 వేల లోపు ఖర్చయ్యే వ్యాధులను ప్రభుత్వ ఆసుపత్రుల్లోనూ, రూ, లక్ష నుంచి రూ.2 లక్షలు ఖర్చయ్యే వ్యాధులకు మాత్రమే కార్పొరేట్ ఆసుపత్రుల్లో వైద్యాన్ని అందిస్తున్నారు. 125 రకాల వ్యాధులకు మాత్రమే ఫాలోఅప్ ఉంటోంది. ప్రజలను నిత్యం వేధించే వ్యాధులను ప్రత్యేకం చేయడం వల్ల ఇబ్బందులు పడుతున్నారు. ఎన్టీఆర్ వైద్య సేవలో వైద్యం చేయించుకున్నాక వారి గురించి ప్రభుత్వం పట్టించుకోవడం లేదన్న విమర్శలున్నాయి.
  
  


 సాక్షి, హైదరాబాద్ : హరిత భవన విధానం అన్నది ఏ ఒక్క రంగానికో, ఏ ఒక్క ప్రాంతానికో పరిమితమైంది కాదు. ప్రపంచవ్యాప్తంగా ఆదరణ పొందుతోంది. ఇల్లు, అపార్ట్‌మెంట్, వాణిజ్య సముదాయం, ఆసుపత్రి, కార్పొరేట్ కార్యాలయం, విద్యాసంస్థ, పారిశ్రామిక భవనం, విమానాశ్రయం.. నిర్మాణం ఏదైనా గాలి, వెలుతురు ధారాళంగా ప్రసరిస్తే ఆహ్లాదంగా ఉంటుంది. లైట్లు, ఫ్యాన్లు, ఏసీలపై ఆధారపడటం తగ్గుతుంది. అంటే కరెంటు బిల్లులో పొదుపు సాధ్యమవుతుంది. ఇందుకు వీలు కల్పించేవే హరిత భవనాలు.
 
   పర్యావరణ నిర్మాణాలకు అంకురార్పణ జరిగింది భాగ్యనగరంలోనే. 2000లో హైదరాబాద్‌లో భారత పరిశ్రమల సమాఖ్య(సీఐఐ) ముఖ్య కార్యాలయాన్ని పూర్తిస్థాయి హరిత భవనంగా నిర్మించారు. సొరాబ్జీ గోద్రేజ్ గ్రీన్ బిజినెస్ సెంటర్‌గా పేరొందిన దీనికి హరిత భవనాల రేటింగ్ ప్రకారం అత్యుత్తమమైన ప్లాటినం రేటింగ్ లభించింది.
 
   నిర్మాణాల నుంచి అధిక విషవాయువులు విడుదలవ్వడం.. సంప్రదాయ నిర్మాణాలు ఇరవై శాతం విద్యుత్తును వినియోగించడం తదితర అంశాలు భూతాపాన్ని పెంచుతున్నాయి. ఈ సమస్య తీవ్రతను అర్ధం చేసుకున్న పలు నగర నిర్మాణ సంస్థలు ఇప్పుడు హరిత భవనాల నిర్మాణంపై దృష్టి సారిస్తున్నాయి.
 
   హరిత భవనాలు అంటేనే చాలామందిలో ఖర్చు అధికమవుతుందనే భయాలు ఉన్నాయి. స్థలం, పెట్టుబడి పెట్టే స్థోమత ఉన్నా అత్యధికులు హరిత భవనాలపై దృష్టి సారించకపోవడానికి అవగాహన లేమే ప్రధాన కారణం. సౌర విద్యుదుత్పత్తి, నీటి పునర్వినియోగ నిర్మాణాల వల్ల కాస్త ఖర్చు ఎక్కువైనా, పర్యావరణానికి జరిగే మేలు.. నెలవారీ విద్యుత్ బిల్లులో ఆదాను దృష్టిలో ఉంచుకుంటే ఇది పెద్ద భారమేమీ కాదు. వీటిని నిర్మించే డెవలపర్లకు తగిన ప్రోత్సాహకాలను అందించడానికి ప్రభుత్వాలు ముందుకు రావాలి.


 విద్యా పరిరక్షణ కమిటీ
 హైదరాబాద్: కార్పొరేట్ ఉన్నత విద్య సమాజానికి పనికి వచ్చేది కాదని, అది పెట్టుబడిదారులకు సేవ చేసేదిగానే ఉంటుందని పలువురు విద్యావేత్తలు పేర్కొన్నారు. ఉన్నత విద్యకు సంబంధించి డబ్ల్యూటీఓ- గ్యాట్స్ (జనరల్ అగ్రిమెంట్ ఆన్ ట్రేడ్ ఇన్ సర్వీసెస్ ) ఒప్పందానికి ఇచ్చిన సంసిద్ధతను భారత్ ప్రభుత్వం ఉపసంహరించుకోవాలని, నైరోబీలో డిసెంబర్‌లో జరిగే డబ్ల్యూటీఓ ఒప్పందంలో భారత్ భాగస్వామి కావొద్దని కోరుతూ ఇందిరాపార్కు వద్ద ఆదివారం విద్యా పరిరక్షణ కమిటీ ఆధ్వర్యంలో ధర్నా జరిగింది.
 
 అంతకు ముందు సుందరయ్య విజ్ఞాన కేంద్రం నుంచి ఇందిరాపార్కు వరకు ర్యాలీ నిర్వహించారు. ధర్నాలో విద్యా పరిరక్షణ కమిటీ అధ్యక్షుడు ప్రొఫెసర్ చక్రధర్‌రావు, ప్రధానకార్యదర్శి ప్రొఫెసర్ హరగోపాల్, కార్యనిర్వాహక కార్యదర్శి డాక్టర్ లక్ష్మీనారాయణ, ఉపాధ్యక్షుడు నర్సింహారెడ్డి, డాక్టర్ ఎం.గంగాధర్ తదితరులు పాల్గొని ప్రసంగించారు. ‘గ్యాట్స్’ ఒప్పందంలో భారత్ చేరితే ఉన్నత విద్యలో ప్రస్తుతం జరుగుతున్న వ్యాపారం మరింత విచ్చలవిడిగా పెరుగుతుందని వక్తలు ఆందోళన వ్యక్తం చేశారు. ఈ ఒప్పందంలో చేరితే దేశంలో ఉన్నత విద్య సామాన్యులకు అందకుండా పోతుందన్నారు.


 ఈ వారం గణాంకాలు
 - 12న రిటైల్ ద్రవ్యోల్బణం, పారిశ్రామికోత్పత్తి డేటా
 - 14న టోకు ద్రవ్యోల్బణం
 ఈ వారం ఫలితాలు
 - ఎస్‌బీఐ, ఓఎన్‌జీసీ, కోల్ ఇండియా, టాటా స్టీల్, సన్‌ఫార్మా
 న్యూఢిల్లీ: దేశ ఆర్థిక వ్యవస్థకు సంబంధించిన గణాంకాలు, చివరిదశ కార్పొరేట్ ఫలితాలు ఈ వారం స్టాక్ మార్కెట్ ట్రెండ్‌ను నిర్దేశిస్తాయని విశ్లేషకులు అంచనావేశారు. జూలై నెల రిటైల్ ద్రవ్యోల్బణం, జూన్ నెల పారిశ్రామికోత్పత్తి గణాంకాలు వచ్చే బుధవారం వెలువడనున్నాయి. టోకు ద్రవ్యోల్బణం డేటా శుక్రవారం వెల్లడవుతుంది. మార్కెట్లో పెట్టుబడుల కోసం ఈ గణాంకాల తీరును ఇన్వెస్టర్లు పరిశీలిస్తారని క్యాపిటల్ వయా రీసెర్చ్ డెరైక్టర్ వివేక్ గుప్తా చెప్పారు.
   .
 కార్పొరేట్ ఫలితాల సీజన్ చివరిదశకు వచ్చింది. ఈ దశలో ఎస్‌బీఐ, ఓఎన్‌జీసీ, కోల్ ఇండియా, టాటా స్టీల్, సన్‌ఫార్మా తదితర బ్లూచిప్ కంపెనీలు క్యూ1 ఫలితాల్ని ఈ వారం ప్రకటించనున్నాయి. ఇప్పటివరకూ వెల్లడైన ఫలితాల్లో అనూహ్యమైనవి ఏవీ లేవని, దాంతో ఇన్వెస్టర్లు నిమ్మకు నీరెత్తినట్లు ఉన్నారని నిపుణులు చెప్పారు. ఈ వారం వెల్లడయ్యే బ్లూచిప్ ఫలితాలు ఆశ్చర్యకరంగా వుంటే మార్కెట్ ట్రెండ్ మారుతుందని వివేక్ గుప్తా వివరించారు.
  
 పార్లమెంటు వైపు చూపు
 పార్లమెంటులో భూసేకరణ బిల్లు, జీఎస్‌టీ బిల్లుల ప్రగతిపై కూడా ఇన్వెస్టర్లు దృష్టి కేంద్రీకరిస్తారని రిలయన్స్ సెక్యూరిటీస్ రీసెర్చ్ హెడ్ హితేశ్ అగర్వాల్ అన్నారు. ఇప్పటివరకూ వివాదాల కారణంగా పార్లమెంటు సమావేశాల్లో బిల్లులకు సంబంధించి ముందడుగు ఏదీ పడలేదని, ఈ వారమైనా ప్రగతి వుండవచ్చన్న ఆశలు ఇన్వెస్టర్లలో ఉన్నాయని ఆయన అన్నారు. ఆగస్టు 13తో పార్లమెంటు వర్షాకాల సమావేశాలు ముగుస్తాయి.
  
 అమెరికా జాబ్స్ డేటాకు స్పందన..
 గత శుక్రవారం వెలువడిన అమెరికా జాబ్స్ డేటాకు స్పందనతో ఈ సోమవారం మార్కెట్ మొదలవుతుందని విశ్లేషకులు తెలిపారు. జూలై నెలలో అమెరికాలో కొత్త ఉద్యోగ కల్పన అంచనాలకంటే మెరుగ్గా జరిగినట్లు డేటా వెలువడటంతో సెప్టెంబర్ నెలలో అమెరికా కేంద్ర బ్యాంక్ ఫెడరల్ రిజర్వ్ వడ్డీ రేట్లు పెంచవచ్చన్న అంచనాలు బలపడ్డాయి. దాంతో శుక్రవారం అమెరికా స్టాక్ సూచీలు క్షీణించాయి. మన దేశంలో ద్రవ్యోల్బణం, పారిశ్రామికోత్పత్తి గణాంకాలను బట్టి ఇక్కడ రిజర్వుబ్యాంక్ వడ్డీ రేట్లు తగ్గించవచ్చన్న అంచనాలు నెలకొంటే మార్కెట్ పెరుగుతుందని జియోజిత్ బీఎన్‌పీ పారిబాస్ టెక్నికల్ హెడ్ ఆనంద్ జేమ్స్ చెప్పారు. అయితే అమెరికా ఫెడ్ వడ్డీ రేట్లు పెంచవచ్చని ఆర్‌బీఐ భావిస్తే , ఇక్కడి వడ్డీ రేట్ల తగ్గుదలకు బ్రేక్‌పడుతుందని, ఈ దిశగా అంచనాలు మార్కెట్‌ను క్షీణింపచేస్తుందని, వెరసి మార్కెట్ హెచ్చుతగ్గులకు లోనుకావొచ్చని జేమ్స్ విశ్లేషించారు.
  
 గతవారం మార్కెట్...
 గతవారం బీఎస్‌ఈ సెన్సెక్స్ 122 పాయింట్ల పెరుగుదలతో 28,236 పాయింట్ల వద్ద ముగిసింది. కాగ్నిజెంట్ మంచి గెడైన్స్‌ను ప్రకటించడంతో క్రితం వారం ఐటీ షేర్లు ర్యాలీ జరిపాయి.
  
 ఐదు రోజుల్లో 2,200 కోట్ల పెట్టుబడులు
 విదేశీ ఇన్వెస్టర్లు భారత్ క్యాపిటల్ మార్కెట్లో ఆగస్టు నెల తొలి ఐదు ట్రేడింగ్ రోజుల్లో రూ. 2,200 కోట్లు పెట్టుబడి చేశారు. ఆగస్టు 3-7 తేదీల మధ్య విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐలు) ఈక్విటీల్లో రూ. 1,552 కోట్లు, రుణపత్రాల్లో రూ. 631 కోట్లు పెట్టుబడి చేసినట్లు సెంట్రల్ డిపాజిటరీల డేటా వెల్లడిస్తున్నది.


 శంషాబాద్‌లో ఏర్పాటు; వచ్చే ఏడాది పనులు షురూ...
 - రెండేళ్లలో దేశంలో మరో 4 ప్రాజెక్ట్‌లు
 - ఓక్‌వుడ్  డెరైక్టర్ మిచెల్ ప్రైజ్
 - లగ్జరీ సర్వీస్ అపార్ట్‌మెంట్ ప్రారంభం
 హైదరాబాద్, బిజినెస్ బ్యూరో: సర్వీస్ అపార్ట్‌మెంట్లు, కార్పొరేట్ హౌసింగ్ రంగంలో అంతర్జాతీయ స్థాయి గుర్తింపు పొందిన ఓక్‌వుడ్.. హైదరాబాద్‌లో తన తొలి ప్రాజెక్ట్‌ను ప్రారంభించింది. లాస్ ఏంజిల్స్ ప్రధాన కేంద్రంగా పనిచేస్తున్న ఓక్‌వుడ్... రాష్ట్రానికి చెందిన కపిల్ గ్రూప్‌తో కలిసి ఐటీ హబ్‌గా పేరొందిన ఫైనాన్షియల్ డిస్ట్రిక్ట్‌లో ‘ఓక్‌వుడ్ రెసిడెన్సీ కపిల్ హైదరాబాద్’ పేరిట సర్వీస్ అపార్ట్‌మెంట్‌ను మంగళవారం ప్రారంభించింది. ఈ సందర్భంగా ఓక్‌వుడ్ దక్షిణ, ఆగ్నేయాసియా డెరైక్టర్ మిచెల్ ప్రైజ్ విలేకరులతో మాట్లాడారు. ఆయనేమన్నారంటే...
 
 - హైదరాబాద్‌కొచ్చే అంతర్జాతీయ విమానాలు చాలా వరకు రాత్రిళ్లే ఇక్కడికి చేరుకుంటాయి. ఆ సమయంలో లగ్జరీ సదుపాయాలతో పాటు భద్రత కలిగిన అపార్ట్‌మెంట్ దొరకడం కష్టం. ఒకవేళ ఉన్నా బంజారాహిల్స్, జూబ్లిహిల్స్, హిమాయత్‌నగర్ వంటి ప్రాంతాల్లోకి వెళ్లాలి. అంటే సిటీలోకి వెళ్లాలి. మళ్లీ ఉదయం మీటింగ్‌లకు వెళ్లాలంటే ట్రాఫిక్ సమస్య. ఇలాంటి సమస్యలకు పరిష్కారం చూపించేదే ‘ఓక్‌వుడ్ రెసిడెన్సీ కపిల్ హైదరాబాద్’. వెస్ట్రన్ స్టయిల్ కిచెన్స్, టీవీ, ఏసీ, స్విమ్మింగ్ పూల్, జిమ్, లాంజ్, బార్ అండ్ రెస్టారెంట్ వంటి 7 స్టార్ హోటల్స్‌లో ఉండే ప్రతి ఒక్క ఆధునిక వసతులూ ఇందులో పొందవచ్చు.
 
 - ఇందులో మొత్తం 158 లగ్జరీ రెసిడెన్సీ యూనిట్లుంటాయి.  యూనిట్ల విస్తీర్ణాలు 380 చదరపు అడుగుల నుంచి 1,069 చదరపు అడుగుల వరకూ ఉన్నాయి. ఇక ఒక రాత్రి బస చేయడానికి రూ.5వేల నుంచి 18 వేల వరకూ చెల్లించాల్సి ఉంటుంది. గ్రేడ్-ఏ కస్టమర్లకు ప్రత్యేకంగా రూపొందించిన ప్రాజెక్ట్ ఇది. ఇప్పటివరకు ఓక్‌వుడ్ సంస్థ దేశంలో బెంగళూరు, ముంబై, పుణె నగరాల్లో 5 ప్రాజెక్ట్‌లను నిర్మించింది. హైదరాబాద్‌లోని ప్రాజెక్ట్ 6వది. ఆసియాలో 28వ ప్రాజెక్ట్.
 
 - రూ.200 కోట్లతో అంతర్జాతీయ విమానాశ్రయానికి చేరువలో శంషాబాద్‌లో ఓక్‌వుడ్ కపిల్ అంతర్జాతీయ హోటల్‌ను నిర్మించనున్నాం. ఇప్పటికే స్థల సేకరణ పూర్తయింది. వచ్చే ఏడాది నిర్మాణ పనులు ప్రారంభిస్తాం. రెండేళ్లలో దేశంలో మరో 4 ప్రాజెక్ట్‌లు నిర్మిస్తాం. అయితే వీటిని ఇప్పటికే ఉన్న నగరాల్లో కాకుండా.. ఢిల్లీ, గుర్గావ్, చెన్నై నగరాల్లో నిర్మిస్తాం. 2017లో ముంబైలో మరో ప్రాజెక్ట్‌ను నిర్మిస్తాం.
 
 - ఇప్పటివరకు ప్రీమియర్, రెసిడెన్సీ, అపార్ట్‌మెంట్ అనే మూడు రకాల బ్రాండ్ ప్రాజెక్ట్‌లను నిర్మిస్తున్నాం. కానీ, 2016లో కొత్తగా మరో బ్రాండ్‌తో కొనుగోలుదారుల ముందుకురానున్నాం. ఈ తొలి ప్రాజెక్ట్‌ను సింగపూర్‌లో నిర్మించనున్నాం. త్వరలో ఇండియాలో కూడా కొత్త బ్రాండ్‌తో ప్రాజెక్ట్‌లను నిర్మిస్తాం.
  


 విభజించు... పాలించు... నాడు భారతదేశాన్ని ఆక్రమించడానికి బ్రిటిష్ పాలకులు అనుసరించిన కుయుక్తి ఇది. నేడు కార్పొరేట్ పెద్దలకు భూముల పందేరానికి టీడీపీ అనుసరిస్తున్న పన్నాగం కూడా ఇదే. జిల్లాలో పీసీపీఐఆర్ ప్రాజెక్టుక భారీ భూసేకరణను రైతులు, ప్రజాసంఘాలు తీవ్ర స్థాయిలో వ్యతిరేకించిన రైతులు న్యాయస్థానాన్ని ఆశ్రయించారు. భూసేకరణ చేయొద్దని న్యాయస్థానం స్టే ఇచ్చింది. కానీ కార్పోరేట్ సంస్థల ప్రయోజనాలకే కట్టుబడ్డ ప్రభుత్వం వ్యూహం మార్చింది. సామదానోపాయాలు ఫలించకపోవడంతో బేధ,దండోపాయాలకు తెరతీసింది. అధికారులను గ్రామాల్లోకి పంపించి ఆమోదించాల్సిందిగా ఒత్తిడి తీసుకొస్తోంది.  ఏపీఐఐసీ చైర్మన్ కృష్ణయ్యే స్వయంగా రంగంలోకి దిగి మరీ భూసేకరణకు రైతులపై ఒత్తిడి తీసుకురావడం ప్రభుత్వ ఉద్దేశాన్ని స్పష్టం చేస్తోంది.
 - రైతులపై ప్రభుత్వం ఒత్తిడి
 - న్యాయస్థానం ఆదేశాలను బేఖాతరు చేస్తూ మరీ
 - పీసీపీఐఆర్ ప్రాజెక్టుకు భూసేకరణకు వ్యూహం
 కార్పొరేట్‌సంస్థలకు అనుకూలంగా భూసేకరణకు ప్రభుత్వం దశలవారీగా చక్కబెట్టుకురావాలని ప్రభుత్వం పన్నాగం పన్నింది. నక్కపల్లి మండలంలోని చందనాడ, వేంపాడు, రాజ య్యపేట, డీఎల్‌పురం, అమలాపురం, నేలపూ డి, ఎన్.నరసాపురం, గునుపూడి, బంగారయ్యపేట గ్రామాల పరిధిలో దాదాపు 7వేల ఎకరాలను సేకరించాలని ప్రభుత్వం నిర్ణయించింది. భూసేకరణను వ్యతిరేకించిన రైతులు న్యాయస్థానాన్ని ఆశ్రయించి స్టే ఉత్తర్వులు తెచ్చుకున్నారు. దాంతో రైతులను విభజించి వారిని భూసేకరణకు ఒప్పించేందుకు ప్రభుత్వం వ్యూహం పన్నింది.  
 
 ఇందుకోసం ఏపీఐఐసీ చైర్మన్ కృష్ణయ్యే రంగంలోకి దిగడం గమనార్హం. మొదటి విడతగా చందనవాడ, వేంపాడు, రాజయ్యపేట, డీఎల్‌పురం గ్రామాలపై గురిపెట్టింది. ఆ గ్రామాల పరిధిలోని 4,500 సేకరణకు రైతులను ఒప్పించేందుకు అధికారులు కొన్ని రోజులుగా ప్రయత్నాలు ముమ్మరం చేశారు. ఏపీఐఐసీ చైర్మన్ కృష్ణయ్య కూడా ఆ గ్రామాల్లో పర్యటించారు.  గ్రామాలవారీగా సమావేశాలు పెట్టి భూసేకరణకు అంగీకరించాల్సిందిగా ఒత్తిడి తెస్తున్నారు. కార్పోరేట్‌సంస్థల నుంచే నేరుగా పరిహారం అందిస్తామని కూడా చెబుతున్నారు. భూములు ఇచ్చేది లేదని రైతులు తేల్చిచెబుతున్నారు. ఇటీవల వేంపాడులో నిర్వహించిన సమావేశంలో రైతులు తీవ్రస్థాయిలో వ్యతిరేకించారు. చందనాడ, డీఎల్‌పురం రైతులు కూడా  ఇచ్చేదిలేదని స్పష్టం చేశారు.
  
 న్యాయస్థానం ఉత్తర్వులకు విరుద్ధంగా...
 స్టే ఉత్తర్వులు అమలులో ఉండటం అధికారులు భూసేకరణకు అనుకూలంగా గ్రామాల్లో పర్యటిస్తుండటం గమనార్హం. ఈ అంశాని న్యాయస్థానంలో పరిష్కరించుకోవాల్సిన ప్రభుత్వం మాత్రం అందుకు విరుద్ధంగా వ్యవహరిస్తోంది. అధికారులను గ్రామాల్లోకి పంపించి భూసేకరణకు అనుకూలంగా పనులు చక్కబెడుతోంది. న్యాయస్థానంలో వేసిన కేసును ఉపసంహరించుకోవాల్సిందిగా అధికారులు రైతులపై ఒత్తిడి తీసుకువస్తున్నారు. అందుకోసం రైతుల మధ్య విభేదాలు సృష్టించేందుకు యత్నిస్తున్నారు.
 
 ప్రభుత్వ యత్నాలపై రైతులు, ప్రజాసంఘాలు ఆగ్రహం వ్యక్తం చేస్తున్నాయి. న్యాయస్థానం ఉత్తర్వులు అమలులో ఉండగా గ్రామాల్లోకి ఎందుకు వస్తున్నారు?... సమావేశాలు ఎలా నిర్వహిస్తున్నారు అని ఏపీఐఐసీ చైర్మన్ కృష్ణయ్నే నిలదీశారు కూడా. ఈ విషయాన్ని న్యాయస్థానం దృష్టికి తీసుకువెళ్తామని కూడా చెబుతున్నారు. ప్రభుత్వం మాత్రం వెనక్కి తగ్గడం లేదు. అధికారులను గ్రామాల్లోకి వెళ్లి ఎలాగైనా రైతులను ఒప్పించాలని ఒత్తిడి తెస్తోంది. అధికారులు గ్రామాల్లోకి వస్తుండటం... రైతులు తీవ్రంగా వ్యతిరేకిస్తుండటంతో నక్కపల్లి మండలంలో ఉద్రిక్తతలకు దారితీస్తోంది.


 ♦  నేనో కార్పొరేట్ కంపెనీలో పని చేస్తున్నాను. టీమ్ లీడర్‌ని కావడంతో చాలా ప్రెజర్ ఉంటుంది. టార్గెట్ రీచ్ కావాలన్న తపనతో ఒక్కోసారి నా కింద పని చేసేవాళ్ల మీద ఒత్తిడి తేవాల్సిన పరిస్థితి ఏర్పడుతూంటుంది. కానీ దాన్ని మా టీమ్ అపార్థం చేసుకుంటు న్నారు. నేను వాళ్లని హింసిస్తున్నానని అనుకుంటున్నారు.
 వాళ్లలా అనుకోవడం నాకు ఇష్టం లేదు. ఈ పరిస్థితిని ఎలా డీల్ చేయాలో తెలియజేయండి?
 - మానస, హైదరాబాద్
  
 కార్పొరేట్ రంగంలోని ఒత్తిడి వల్ల చాలామంది ఇలాంటి సమస్యను ఎదుర్కొంటున్నారు. సెల్ఫ్ కంట్రోల్, మనుషుల్ని డీల్ చేయడం, టైమ్ మేనేజ్‌మెంట్ తెలిస్తే ఈ సమస్యను తేలికగా పరిష్కరించుకోవచ్చు. మీ కొలీగ్స్ మీలో ఏయే లక్షణాలు ఇష్టపడటం లేదు, ఏ కారణాల వల్ల మిమ్మల్ని అపార్థం చేసుకుంటున్నారన్నది తెలుసుకోవడానికి ప్రయత్నించండి. తర్వాత ఆ లక్షణాల్లో మార్పు చేసుకుంటే సరిపోతుంది. అలాగే కొలీగ్స్‌తో మాట్లాడేటప్పుడు వాయిస్ పెంచకుండా నెమ్మదిగా మాట్లాడండి.  
 
 ఇది అందరి లక్ష్యం, అందరం కలిసి నెరవేర్చుకుందాం అంటూ వారిని మీతో కలుపుకుని మాట్లాడండి. ఎప్పుడూ పని గురించే కాకుండా అప్పుడప్పుడూ కాస్త సరదాగా కబుర్లు కూడా చెబుతుండాలి. వారి వ్యక్తిగత జీవితం గురించి కూడా మంచి చెడులు మాట్లాడుతూ, మీరు సంతోషంగా ఉండటం నాకు అవసరం అన్నట్లు మీరు ప్రవర్తిస్తే వారు తప్పక మీకు దగ్గరవుతారు.
  
 ♦  నేను ఎంటెక్ పూర్తి చేసి ఉద్యోగ ప్రయత్నాలు చేస్తున్నాను. ప్రతి రిటెన్ టెస్ట్‌లో మంచి మార్కులు సంపాదిస్తాను. కానీ ఇంటర్వ్యూ దగ్గరకు వచ్చేసరికే వస్తుంది సమస్య. వాళ్లు అడిగే ప్రతి ప్రశ్నకూ సమాధానం నాకు తెలిసే ఉంటుంది. కానీ ఎంత ప్రయత్నించినా దాన్ని వెలిబుచ్చలేను. తడబడుతుంటాను. తప్పులు మాట్లాడతాను. దాంతో ప్రతిసారీ అవకాశాన్ని కోల్పోతున్నాను. ఎంతగా ప్రిపేర్ అయి వెళ్లినా ఫలితం ఉండటం లేదు. ఈ సమస్యను ఎలా అధిగమించాలి?
 - మనోహర్, విశాఖపట్నం
  
 మనోహర్‌గారూ... ఈ సమస్య చాలామందిలో సహజంగానే ఉంటుంది. దీనికే పర్‌ఫార్మెన్స్ యాంగ్జయిటీ అంటారు. ఇది సోషల్ ఫోబియాలో ఒక భాగం. ఒక పని చేస్తున్నప్పుడు దాని ఫలితం ఎలా ఉంటుందా అని ఆలోచించి భయపడటం వల్ల ఫలితం ఎప్పుడూ నెగిటివ్‌గానే ఉంటుంది. మీరు ఇంటర్వ్యూల్లో ఫెయిల్ కావడానికి కూడా కారణం అదే. నా సమాధానాలు అవతలివారికి నచ్చుతాయో లేదో, ఇంటర్వ్యూ ఫలితం ఎలా ఉంటుందో ఏమో అని ఆలోచించి టెన్షన్ పడటం వల్ల సరిగ్గా పర్‌ఫార్మ్ చేయలేకపోతున్నారు. దీనిని నెగిటివ్ ఇమాజినేషన్ అంటారు.
 
 దీనివల్ల మనిషి ఆలోచనల మీద నియంత్రణ కోల్పోతాడు. మనసులో ఉన్నదాన్ని బయటకు వెలి బుచ్చలేకపోతాడు. నోరు ఎండిపోవడం, చేతులకు చెమటలు పట్టడం, గుండె వేగం హెచ్చడం వంటి లక్షణాలతో ఉక్కిరిబిక్కిర వుతాడు. కాబట్టి ముందు మీరు మీ ఆలోచనా పద్ధతిని మార్చుకోవాలి. జీవితంలో అవకాశాలనేవి వస్తూనే ఉంటాయి, ఈ ఇంటర్వ్యూయే జీవితం కాదు అన్నట్టుగా ఆలోచించాలి. దానివల్ల మీ మైండ్ రిలాక్స్‌డ్‌గా ఉంటుంది. ఇంటర్వ్యూ బాగా చేయగలుగుతారు.
  
 ♦  నేనో గృహిణిని. నాకు నా కుటుంబ మంటే ప్రాణం. కానీ ఒక్కోసారి చిన్న చిన్న విషయాలకే చిరాకు పడిపోతుంటాను. పిల్లల మీద కూడా బాగా అరిచేస్తాను. దాంతో నాకు కోపం ఎక్కువన్న ముద్ర పడిపోయింది. ముక్కు మీదే ఉంటుంది కోపం అని అందరూ అంటుంటే మనసు చివుక్కు మంటుంది. నిజానికి నేను అంతగా కోప్పడుతున్నానన్న విషయం నాక్కూడా తెలియదు. నామీద పడిన కోపిష్టి అన్న ముద్రనెలా పోగొట్టుకోవాలి?
 - విజయ, కరీంనగర్
  
 కోపం అనేది విపరీతమైన ఒత్తిడి వల్లో, మానసికంగా బలహీనపడటం వల్లో కూడా వస్తుంది. మీరు గృహిణిగా ఎన్నో బాధ్యతలు నిర్వర్తిస్తున్నారు. ఈ క్రమంలో ఒత్తిడికి లోనవడం వల్ల ఈ సమస్య వచ్చింది. మీరు కుటుంబానికే కాదు, మీకోసం కూడా కొంత సమయం కేటాయించండి. రిలాక్స్ అవ్వండి. అలాగే మీకు ఏయే విషయాల్లో కోపం వస్తోందో లిస్ట్ రాసుకోవడం వల్ల మీ బలహీనతలు, విసుగులు మీకు అర్థమవుతాయి.
 
 తద్వారా కోపం తగ్గించుకోవ డానికి ప్రయత్నం చేయవచ్చు. కోపం వచ్చినప్పుడు మనసును వేరేవైపు మళ్లించి, మీకిష్టమైన ఏదో ఒక పని చేయండి. పుస్తకాలు చదవడమో, సంగీతం వినడమో చేయండి. ఒత్తిడి అదే తగ్గిపోతుంది. మెల్లగా మీవాళ్ల మనసుల్లో మీ మీద పడిన ముద్ర కూడా తొలగి పోతుంది. ఇది చిన్న సమస్య. మీరు  తేలిగ్గా అధిగమిస్తారు. దిగులుపడకండి.


 ఈ వారం మార్కెట్‌పై నిపుణుల అంచనా
 న్యూఢిల్లీ: ఈ వారం స్టాక్ మార్కెట్ ట్రెండ్‌ను గ్రీస్ పరిణామాలు, ద్రవ్యోల్బణం డేటా, కార్పొరేట్ ఫలితాలు నిర్దేశిస్తాయని విశ్లేషకులు అంచనావేస్తున్నారు. అలాగే రుతుపవనాల గమనం, విదేశీ ఇన్వెస్టర్ల పెట్టుబడులు, డాలరుతో రూపాయి మారకపు విలువ కదలికలు కూడా ట్రెండ్‌కు కీలకమేనని వారన్నారు.
 
 బెయిలవుట్ ప్యాకేజీ కోసం గ్రీస్ సమర్పించిన కొత్త ప్రతిపాదనలపై యూరోదేశాలు తీసుకోబోయే నిర్ణయం ఈ వారం మార్కెట్‌కు తొలుత కీలకాంశమని విశ్లేషకులు చెప్పారు. గ్రీస్, యూరోజోన్ మధ్య ఒక ఒప్పందం కుదురుతుందన్న ఆశాభావం మార్కెట్లో వుందని, ఈ ఒప్పందం కుదరకపోతే స్వల్పకాలికంగా మార్కెట్లు క్షీణించవచ్చని వారు అంచనాల్లో పేర్కొన్నారు.
  
 అటుతర్వాత ద్రవ్యోల్బణం డేటావైపు మార్కెట్ దృష్టిసారిస్తుందని వారన్నారు. రిటైల్ ద్రవ్యోల్బణం గణాంకాలు జూలై 13న, టోకు ద్రవ్యోల్బణం గణాంకాలు జూలై 14న వెలువడతాయని, ఈ డేటా మార్కెట్ కదులుతుందని  క్యాపిటల్‌వయా గ్లోబల్ రీసెర్చ్ డెరైక్టర్ వివేక్ గుప్తా చెప్పారు. ఈ వారం సిమెంటు కంపెనీ ఏసీసీ, టెక్ కంపెనీ మైండ్‌ట్రీలు ఫలితాల్ని వెల్లడించనున్నాయి. ఫలితాల సీజన్ అయినందున, ఆయా కంపెనీలు వెల్లడించే ఫలితాల ఆధారంగా ఆయా షేర్ల కదలికలు వుంటాయని సామ్‌కో సెక్యూరిటీస్ సీఈఓ జిమిత్ మోది అన్నారు. నిఫ్టీ 8,200-8,500 పాయింట్ల మధ్య హెచ్చుతగ్గులకు లోనుకావొచ్చని హెమ్ సెక్యూరిటీస్ డెరైక్టర్ గౌరవ్ జైన్ అంచనా వే శారు.
  
 గతవారం మార్కెట్
 వరుసగా మూడువారాలపాటు లాభాలు తెచ్చుకున్న స్టాక్ మార్కెట్ గతవారం క్షీణించింది. గ్రీస్, చైనా పరిణామాల నేపథ్యంలో బీఎస్‌ఈ సెన్సెక్స్ 431 పాయింట్లు నష్టపోయి 27,661 పాయింట్ల వద్ద ముగిసింది.


 - మొన్న విజయ డెయిరీ మూత
 - నిన్న చిత్తూరు షుగర్స్‌కు తాళం
 - నేడు ధర్మాస్పత్రి అపోలోకు అప్పగింత
 - ప్రభుత్వరంగ సంస్థలను మూయిస్తున్న సీఎం
 - కార్పొరేట్ సంస్థలకు అండదండలు
 సాక్షి, చిత్తూరు: ప్రభుత్వరంగ సంస్థలపై ముఖ్యమంత్రి చంద్రబాబునాయుడు శీతకన్ను వేశారు. కార్పొరేట్ సంస్థల అడుగులకు మడుగులొత్తే ఆయన ప్రభుత్వం నిర్వహించే సంస్థలను ఒక్కొక్కటిగా అథఃపాతాళానికి తొక్కేస్తున్నారు. అదే సమయంలో కార్పొరేట్ శక్తులకు అందినకాడికి దోచుకునే అవకాశాన్ని కల్పిస్తున్నారు. కొత్త పరిశ్రమల పేరుతో విదేశాలకు వెళ్లి పారిశ్రామికవేత్తల వద్ద మోకరిల్లుతున్న చంద్రబాబునాయుడు సొంత జిల్లాలో ఉన్న పరిశ్రమలు మూతపడుతుండడం విమర్శలకు తావిస్తోంది.
 
 గతంలో సీఎంగా పనిచేసిన సమయంలో చిత్తూరులోని విజయ డెయిరీ మూతపడింది. మళ్లీ అధికారంలోకి వచ్చిన కొన్ని రోజులకే చిత్తూరు షుగర్స్‌ను మూసేశారు. తాజాగా చిత్తూరు ధర్మాస్పత్రిని అపోలో ఆస్పత్రికి అప్పగించడం జిల్లా ప్రజలను ఆగ్రహానికి గురిచేస్తోంది. 166 సంవత్సరాల చరిత్ర కలిగిన ఈ ఆస్పత్రి రోజూ వెయ్యిమందికి పైగా పేదలకు వైద్య సేవలు అందిస్తోంది. అలాంటి ఆస్పత్రిని మరింత అభివృద్ధి చేసి, ప్రభుత్వ మెడికల్ కళాశాలను మంజూరు చేయించి వైద్య విద్యార్థులకు మరిన్ని అవకాశాలు కల్పించవచ్చు. అందుకు భిన్నంగా అపోలో ఆస్పత్రికి లీజు పేరుతో అప్పగించారు.
  
 విజయ డెయిరీని మూయించిన ఘనత బాబుదే
 జిల్లా కేంద్రంలోని విజయ డెయిరీని మూయించిన ఘనత బాబుకే దక్కింది. 1945లో చిత్తూరు పాలసహకార సంఘం ఆధ్వర్యంలో చిన్నపాటి చిల్లింగ్ సెంటర్‌గా ఈ డెయిరీ ప్రారంభమైంది. 1970 జనవరి ఒకటో తేదీన విజయ డెయిరీగా రూపాంతరం చెందింది. 1989లో డెయిరీని ప్రభుత్వం జిల్లా పాడిరైతులకు అప్పగించింది. 1.35 లక్షల లీటర్ల పాల సేకరణ సామర్థ్యం, 495 పాలసేకరణ కేంద్రాలు, 200 వైద్య చికిత్సా కేంద్రాలతో విజయ డెయిరీ వర్ధిల్లింది. 10 ట న్నుల సామర్థ్యం కలిగిన పాల పౌడర్, 4 టన్నుల నెయ్యి, టన్ను వెన్న తయారీ కేంద్రాలు సైతం ఉన్నాయి. 34 ఎకరా ల విస్తీర్ణంలో * 300 కోట్ల ఆస్తులున్న విజయ డెయిరీని 2002 ఆగస్టు 31న నష్టాల పేరుతో చంద్రబాబు మూ యించారు. సొంత డెయిరీ హెరిటేజ్‌ను అభివృద్ధి చేసుకునేందుకే ఈ పనిచేశారని అప్పట్లో విమర్శలు వెల్లువెత్తాయి.
  
 చక్కెర ఫ్యాక్టరీని మూయించారు..
 మరోమారు సీఎం పీఠం అధిష్టించి ఏడాది తిరగకుండానే చిత్తూరు షుగర్స్‌ను మూయించిన ఘనత బాబుకే దక్కింది. గతంలో సీఎంగా ఉన్నపుడే చక్కెర ఫ్యాక్టరీని మూ యించేందుకు ప్రయత్నించగా రైతులు కోర్టుకెళ్లి అడ్డుకున్నా రు.  ఈ ఏడాది క్రషింగ్‌ను ప్రభుత్వం నిలిపివేసింది. 400 మంది కార్మికులు వీధినపడ్డారు. 84 ఎకరాల విస్తీర్ణంలో రూ.600 కోట్ల ఆస్తులున్న ఈ ఫ్యాక్టరీని అమ్మకానికి పెట్టేందుకు ప్రభుత్వం సిద్ధమైందన్న ప్రచారం ఉంది.


 కెరీర్‌కు తగ్గట్టు కేశాలంకరణ, స్పా సేవలు కూడా..
 - ఇంటికొచ్చి మరీ సేవలందిస్తున్న నొమాడిక్ స్పాలూన్
  
 హైదరాబాద్, బిజినెస్ బ్యూరో
 ‘భుజాల వరకూ వేలాడే జులపాల జుట్టు మెయిన్‌టెయిన్ చేయడమంటే నాకెంతో ఇష్టం’ అంటూ ఓ కుర్రాడు ఇషాంత్ శర్మలా ఫీలవ్వొచ్చు!
 ‘పోనీటెయిల్ వేసుకుంటే నేను రాణిలా ఉంటానంటూ’ ఓ చిన్నది చిరునవ్వులు చిందించొచ్చు!!
 
 ..అయితే ఇవన్నీ కాలేజీ రోజుల వరకే సుమా. ఇప్పుడు కార్పొరేట్ సంస్థలు ఉద్యోగుల కేశాలంకరణ, ముఖారవిందాన్ని నియంత్రిస్తున్నాయి. చేసే జాబ్‌కి.. డ్యూటీకి తగ్గట్టుగా హెయిర్ స్టయిల్ లేకపోతే ఒప్పుకోవట్లేదు. కాకపోతే ఇక్కడొచ్చిన సమస్యేంటంటే... ఉద్యోగం, ఇతరత్రా బాధ్యతల రీత్యా అందానికి మెరుగులుదిద్దేందుకు తగినంత సమయం లేకపోవటమే. దీన్ని గుర్తించే హైదరాబాద్ అమ్మాయి సీమానంద నొమాడిక్ స్పాలూన్ ప్రారంభించింది. గల్లీకో స్పా ఉన్న నేటి రోజుల్లో నొమాడిక్ ప్రత్యేకత ఏంటంటే ఇంటికొచ్చి మరీ స్పా సేవలందించటమే. అది కూడా ఆర్గానిక్ ఉత్పత్తులతో. క్యాండిల్ థెరపీ వంటి వాటితో!! మరిన్ని విశేషాలు సీమానంద మాటల్లోనే..
  
 మాది హైదరాబాద్‌లో స్థిరపడిన పంజాబీ కుటుంబం. అప్పట్లో మా అమ్మ నగరంలో సెలూన్ నిర్వహించేది. ఓవైపు కాలేజీలో చదువుకుంటూనే మరోవైపు సెలూన్ నిర్వహణలో సహాయపడేదాన్ని. చదువు పూర్తయ్యాక ఢిల్లీలో ఓ వ్యాపారితో వివాహమైంది. కొన్నేళ్లకు అమ్మ కూడా చనిపోయింది. దీంతో హైదరాబాద్‌లోని సెలూన్ మూసేశాం. తర్వాత కొన్నాళ్లకు ముంబైలో స్పా మేనేజ్‌మెంట్‌లో శిక్షణ తీసుకొని రూ.8 లక్షల పెట్టుబడితో 2014 ఏప్రిల్‌లో ఢిల్లీలో నొమాడిక్ స్పాలూన్ పేరుతో సేవలను ప్రారంభించా. అయితే ఒకప్పుడు పెళ్లిళ్లు, పార్టీల వంటి ప్రత్యేక సందర్భాల్లోనే అందంగా తయారయ్యేవారు. కానీ, ఇప్పుడు
 
 ఇంట్లో ఉన్నా.. బయటికెళ్లినా.. ఉద్యోగం చేస్తున్నా ప్రతి ఒక్కరూ అందంగా కనిపించాలని తాపత్రయపడుతున్నారు. చదువనో, ఉద్యోగమనో చాలా మందికి  సెలూన్‌కు, స్పాలకు వెళ్లేందుకు సమయం దొరకట్లేదు. కార్పొరేట్ సంస్థల్లో పనిచేసే మహిళా ఉద్యోగులకైతే మరీను. మహిళలకే కాదు పురుషులు, పిల్లలకు కూడా ఇంటి వరకూ వెళ్లి స్పా సేవలందిస్తున్నాం.
  
 నెలకు వంద మంది కస్టమర్లు: ఇప్పటివరకు నొమాడిక్ స్పాలూన్‌కు 2 వేల మంది కస్టమర్లున్నారు. వీరిలో ఢిల్లీలోని బడా పారిశ్రామికవేత్తలు, పలువురు రాజకీయ, సినీతారాలున్నారు. నెలకు వందకు పైగా కొత్త కస్టమర్లకు సేవలందిస్తున్నాం. హెయిర్, బాడీ మసాజ్, వ్యాక్సిన్, పెడిక్యూర్, మెనిక్యూర్, మేకప్, హెయిర్ స్టయిల్స్ వంటి అన్ని రకాల స్పా సేవలున్నాయి. ధర ఎంచుకున్న సేవలను బట్టి రూ.40 నుంచి 10 వేల వరకూ ఉంటాయి.
  
 వృద్ధులు, గర్భిణులకు కూడా: నొమాడిక్ స్పాలూన్ సేవలను అందంగా కనిపించాలనుకునే వారికే కాదు వృద్ధులకు, మంచానికే పరిమితమైన వారికి, గర్భిణిలకు కూడా అందిస్తున్నాం. తలనొప్పి, వెన్నునొప్పి వంటి చిన్న చిన్న మసాజ్‌లు కూడా చేస్తాం.
  
 నిధుల సమీకరణ బాటలో..
 మెట్టినిల్లు ఢిల్లీలో ఉండటంతో మొదట ఢిల్లీలో సేవలను ప్రారంభించాం. ఆ తర్వాత నోయిడా, గ్రేటర్ నోయిడా, ఉత్తర, దక్షిణ ఢిల్లీ వంటి చోట్లకూ విస్తరించాం. ఈ ఏడాది చివరికల్లా పుుట్టినిల్లయిన హైదరాబాద్‌లో ఆ తర్వాత చెన్నై, కోయంబత్తూర్, బెంగళూరు, ముంబైలకు విస్తరిస్తాం. రూ.2-5 కోట్ల నిధుల సమీకరణపై దృష్టి పెట్టాం. ఇప్పటికే పలువురు పారిశ్రామికవేత్తలతో సంప్రదింపులు జరుపుతున్నాం. త్వరలోనే పూర్తి వివరాలను వెల్లడిస్తాం.
  
 భద్రత కూడా ముఖ్యమే..
 స్పా నిర్వహణలో భద్రతకు సంబంధించిన సమస్యలెక్కువ. దీనికి తోడు నిపుణులైన సిబ్బందిని నియమించుకోవటమూ సవాలే. మా సిబ్బందితో పాటు కారు డ్రైవర్ ఎలాగూ ఉంటాడు. వీరికి రక్షణగా మరొకరిని పంపిస్తాం. మా సిబ్బంది బయల్దేరేముందు ఆ విషయాన్ని కస్టమర్లకు ఫోన్ చేసి చెబుతాం. తిరిగొచ్చాక మళ్లీ ఫోన్ చేస్తాం. ఇక సేవల విషయంలో... ఓసారి వాడి పారేసే  వస్తువులనే వినియోగిస్తాం. ఇంట్లో స్పాలూన్ సేవలను ప్రారంభించే ముందు కొవ్వొత్తులు వెలిగించి, ఆహ్లాదకరమైన సంగీతంలో, వెల్‌కం డ్రింక్స్ ఇచ్చి ప్రారంభిస్తాం. ఈ విశేషాలే మాకెంతో గుర్తింపును తెచ్చి పెట్టాయి.
  
 అద్భుతమైన స్టార్టప్‌ల గురించి అందరికీ తెలియజేయాలనుకుంటే startups@sakshi.com కు మెయిల్ చేయండి...


 సాక్షి, హైదరాబాద్: ఉద్యోగుల కార్పొరేట్ వైద్యంపై పీటముడి వీడడంలేదు. రాష్ట్ర ప్రభుత్వ ఉద్యోగులు, పింఛన్‌దారులకు సూపర్ స్పెషాలిటీ కార్పొరేట్ ఆసుపత్రుల్లో నగదురహిత వైద్యం అమలుకాకపోవడం... సమస్య పరిష్కారానికి వైద్య ఆరోగ్యశాఖ మంత్రి లక్ష్మారెడ్డి పలుమార్లు చర్చలు జరి పినా కొలిక్కిరాకపోవడంతో ఉద్యోగులు ఆందోళన చెందుతున్నారు. ప్రభుత్వం నగదు రహిత ఆరోగ్య కార్డులు ఇచ్చినప్పటికీ సూపర్ స్పెషాలిటీ ఆసుపత్రులు లెక్కచేయడం లేదని వారంటున్నారు.
 
 ఆసుపత్రులను ఒప్పించడంలో సర్కారు విఫలమైందన్న భావన ఏర్పడింది. ఉద్యోగులకు  ఔట్ పేషెంట్ (ఓపీ) సేవలు ఉచి తంగా ఇవ్వాలని ప్రభుత్వం ప్రతిపాదిం చగా... సూపర్ స్పెషాలిటీ ఆసుపత్రి యాజ మాన్యాలు ససేమిరా అంటున్నాయి. ఎంతోకొంత ఫీజు వసూలు చేయాల్సిందేనని తేల్చిచెబుతున్నాయి. దీనిపైనే ప్రధానంగా ప్రతిష్టంభన కొనసాగుతోంది. తాజాగా సోమవారం వైద్య ఆరోగ్యశాఖ ముఖ్య కార్యదర్శి సురేష్‌చందా సూపర్ స్పెషాలిటీ ఆసుపత్రుల సంఘం (టీషా) ప్రతినిధులతో మరోమారు సమావేశం నిర్వహించారు.
 
 ఆ భేటీలోనూ ఎటువంటి ముఖ్యనిర్ణయం తీసుకోలేదు. దీంతో ఈ వ్యవహారాన్ని ప్రభుత్వ ప్రధాన కార్యదర్శి (సీఎస్) రాజీవ్‌శర్మ వద్దకు తీసుకెళ్లాలని నిర్ణయించారు. వచ్చే నెల 3న టీషా ప్రతినిధులతో నేరుగా సీఎస్ చర్చలు జరుపుతారు. సీఎం ఆదేశాల మేరకే ఈ సమావేశం నిర్వహించనున్నట్లు సమాచారం. ఇందులో కీలకమైన నిర్ణయం తీసుకోవచ్చని భావిస్తున్నారు.
 
 అప్పటికీ చిన్నచిన్న సమస్యలు పరిష్కారం కాకుంటే నేరుగా ముఖ్యమంత్రి రంగంలోకి దిగుతారని అంటున్నారు. ఓపీ సేవలు, వైద్య పరీక్షలకు సంబంధించి ఎంతోకొంత ప్రీమియం చెల్లించడానికి ఉద్యోగులు సిద్ధంగా ఉన్నప్పటికీ.. వైద్య ఆరోగ్య శాఖ యంత్రాంగం దీనిపై పెద్దగా శ్రద్ధ చూపించడంలేదన్న విమర్శలున్నాయి.
  
 రెండింటినీ కొనసాగిస్తే...?
 కార్పొరేట్ ఆసుపత్రుల గగ్గోలు, ఉద్యోగుల ఆందోళన నేపథ్యంలో వైద్యాధికారులు అయోమయంలో పడిపోయారు. సీఎస్ సమావేశం నాటికి ఈ సమస్య ఒక కొలిక్కి రాకపోతే నగదు రహిత కార్డులు, రీయిం బర్స్‌మెంట్ ఈ రెండు పద్దతులనూ కొనసాగిస్తే ఎలా ఉంటుందన్న చర్చ ఉన్నతాధికారుల్లో నెలకొంది. ఏదేమైనా త్వరగా ఈ సమస్యను పరిష్కరించి ఉద్యోగులకు న్యాయం చేయాలని సంఘాలు కోరుతున్నాయి.


 కోల్‌కతా: కార్పొరేట్ కొలువు అంటే.. లక్షల్లో వేతనాలు, విలాసవంతమైన జీవితం. ఇవన్నీ వద్దానుకున్నాడో ఐఐటీ టాప్ ర్యాంకర్. ఇష్టమైన రంగంలో పరిశోధనలు కొనసాగించాలని నిర్ణయించుకున్నాడు. శిఖర్ పట్రానబిస్ ఇండియన్ ఇన్‌స్టిట్యూట్ ఆఫ్ టెక్నాలజీ(ఐఐటీ)-ఖరగ్‌పూర్‌లో బీటెక్(కంప్యూటర్ సైన్స్ అండ్ ఇంజనీరింగ్) విద్యార్థి. ఈ ఏడాది 9.87 స్కోర్‌తో అన్ని డిపార్టుమెంట్లలో అత్యుత్తమ ర్యాంకు సాధించాడు. హయ్యెస్ట్ ర్యాంక్డ్ గ్రాడ్యుయేట్‌గా ప్రెసిడెంట్ ఆఫ్ ఇండియా గోల్డ్ మెడల్‌కు కూడా ఎంపికయ్యాడు. శిఖర్ ప్రతిభను గుర్తించిన ప్రఖ్యాత కార్పొరేట్ సంస్థ ‘మైక్రోసాఫ్ట్’ అతడికి ఉద్యోగాన్ని ఆఫర్ చేసింది.
 భారీ మొత్తంలో వేతనం చెల్లిస్తామని పేర్కొంది. ఈ ఆఫర్‌ను శిఖర్ తిరస్కరించాడు. ఐఐటీ క్యాంపస్‌లోనే ఉంటూ ‘హార్డ్‌వేర్ సెక్యూరిటీ ఫర్ ఎంబెడెడ్ సిస్టమ్స్’పై పీహెచ్‌డీ చేస్తానని చెప్పాడు. బీటెక్ తర్వాత కార్పొరేట్ జాబ్ చేయాలనే ఉద్దేశం తనకు లేదని, పరిశోధనలపైనే ఆసక్తి ఉందని తెలిపాడు.


 నివాసాలకూ చేరిన కిటికీ బ్లైండ్స్ కల్చర్
 సాక్షి, హైదరాబాద్: ఇంటికి తలుపులు ఎంత అవసరమో.. కిటికీలూ అంతే. అయితే చెక్కతోనో.. స్టీల్‌తోనో తయారైన కిటికీలు కాకుండా విండో బ్లైండ్స్ ఏర్పాటు ఈమధ్య కాలంలో బాగా పెరిగింది. కార్పొరేట్ ఆఫీసులకు మాత్రమే పరిమితమైన విండో బ్లైండ్స్ కల్చర్ ఇప్పుడు నివాసాలకూ పాకింది.
  
 • విండో బ్లైండ్స్ ఏర్పాటుతో గదికి అందం రావటమే కాదు సూర్యకాంతి, అతినీలలోహిత కిరణాలూ ఇంట్లోకి రాకుండా ఉంటాయి. విండో బ్లైండ్స్ ఏర్పాటు ద్వారా కిటికీలకు పరదా అవసరం ఉండదు. ఇందులో వర్టికల్, రోలర్, చిక్ బ్లైండ్స్, ఉడెన్, ఫొటో, జీబ్రా బ్లైండ్స్ వంటి ఎన్నో రకాలుంటాయి. డిజైన్లు, వెరైటీలను బట్టి ఫీటుకు ధర రూ.80 నుంచి ప్రారంభమవుతాయి.
 
 • వర్టికల్..
 వర్టికల్ బ్లైండ్స్ అన్ని సైజుల కిటికీలకు అనువుగా ఉంటుంది. ఓ పక్క ఉండే తాడు లాగితే రెండు పక్కలా డబుల్ డోర్ మాదిరిగా తెరుచుకుంటుంది. దీని ధర ఫీటుకు రూ.90-150 వరకు ఉంటుంది.
  
 ఫొటో బ్లైండ్స్..
 బ్లైండ్స్ అన్నింటిలోనూ ఫొటో బ్లైండ్స్‌కు గిరాకీ ఎక్కువగా ఉంటుంది. బ్లైండ్స్ మీద ఫొటోలు ముద్రించుకునే సౌకర్యం ఉండటం దీని ప్రత్యేకత. చాలా మంది వివాహాలు, పుట్టిన రోజు వంటి శుభకార్యాలకు బహుమతులుగా ఫొటో బ్లైండ్స్‌ను ఇస్తున్నారు కూడా. వీటి ధర ఫీట్‌కు రూ.300 నుంచి ప్రారంభమవుతుంది.


 - మార్కెట్‌పై నిపుణుల అంచనా
 - మే నెల డెరివేటివ్స్ కాంట్రాక్టులకు ముగింపు
 - కార్పొరేట్ల ఫలితాల తుదిదశ
 న్యూఢిల్లీ: చివరిదశ కార్పొరేట్ ఫలితాలు, మే నెల డెరివేటివ్స్ ముగింపు వంటి అంశాలతో ఈ వారం స్టాక్ మార్కెట్ ఒడిదుడుకులకు లోనుకావొచ్చని విశ్లేషకులు అంచనావేశారు. ఈ వారం బ్లూచిప్ కంపెనీలైన బీహెచ్‌ఈఎల్, టాటా మోటార్స్, టెక్ మహీంద్రా, గెయిల్, కోల్ ఇండియా, హిందాల్కో, ఓఎన్‌జీసీ, ఐఓసీ, బీపీసీఎల్, హెచ్‌పీసీఎల్, ఎన్‌టీపీసీ, సన్‌ఫార్మా, మహీంద్రా అండ్ మహీంద్రా, సిప్లాలు క్యూ4 ఆర్థిక ఫలితాల్ని వెల్లడించనున్నాయి. ఇక మే నెల ఫ్యూచర్స్ అండ్ ఆప్షన్స్ కాంట్రాక్టులు వచ్చే గురువారం ముగియనున్నాయి. వీటి ముగింపు, జూన్ నెలకు జరిగే రోలోవర్స్ కారణంగా మార్కెట్ అటూ, ఇటూ ఊగిసలాడవచ్చన్న అంచనాల్ని నిపుణులు వ్యక్తంచేశారు. కార్పొరేట్ ఫలితాల సీజన్ చివరిదశకు వచ్చిందని, ఆయా ఫలితాలకు అనుగుణంగా షేర్లు హెచ్చుతగ్గులకు లోనుకావొచ్చని రెలిగేర్ సెక్యూరిటీస్ ప్రెసిడెంట్ జయంత్ మాంగ్లిక్ అన్నారు. ఆర్థిక వృద్ధికి కీలకమైన రుతుపవనాల కదలికల్ని మార్కెట్ జాగ్రత్తగా గమనిస్తుందని ఆయన చెప్పారు.
 
 ఆర్‌బీఐ వైపు చూపు....: రేట్ల కోతపై రిజర్వుబ్యాంక్ తీసుకోబోయే నిర్ణయంపై అంచనాలు కూడా మార్కెట్‌పై ప్రభావం చూపిస్తాయని రిలయన్స్ సెక్యూరిటీస్ హెడ్ హితేశ్ అగర్వాల్ అన్నారు. జూన్ 2న ఆర్‌బీఐ పరపతి విధాన సమీక్ష వుంటుంది. ద్రవ్యోల్బణం తగ్గడం, పారిశ్రామికోత్పత్తి క్షీణించడం వంటి కారణాలతో ఆర్‌బీఐ ఈ దఫా సమీక్షలో రేట్లు తగ్గించవచ్చన్న అంచనాలు మార్కెట్లో వున్నాయని ఆయన చెప్పారు.
 
 గతవారం మార్కెట్...: అంతర్జాతీయ మార్కెట్ల సానుకూలత ఫలితంగా గతవారం బీఎస్‌ఈ సెన్సెక్స్ 634 పాయింట్లు లాభపడి 27,957 పాయింట్ల వద్ద ముగిసింది. వరుసగా మూడువారాల్లో సెన్సెక్స్ 946 పాయింట్లు వృద్ధిచెందింది. అదేతీరులో ఎన్‌ఎస్‌ఈ నిఫ్టీ 197 పాయింట్ల లబ్దితో 8,459 పాయింట్ల వద్ద క్లోజయ్యింది. ఐటీ, ఫార్మా, బ్యాంకింగ్ షేర్లు క్రితం వారం ర్యాలీ జరిపాయి.
  
 ఎఫ్‌పీఐల విక్రయాలు 14,000 కోట్లు
 విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐలు) మే నెలలో ఇప్పటివరకూ స్టాక్, డెట్ మార్కెట్లలో రూ. 14,000 కోట్ల నికర విక్రయాలు జరిపారు. రూ. 5,867 కోట్ల విలువైన షేర్లను, రూ. 8,807 కోట్ల విలువైన రుణపత్రాల్ని విక్రయించడంతో ఎఫ్‌పీఐల అమ్మకాలు రూ. 14,674 కోట్లకు చేరినట్లు డేటా వెల్లడిస్తున్నది. పన్నుల సమస్య, అంతర్జాతీయంగా క్రూడ్ ధర పెరగడం, ఆర్‌బీఐ రేట్ల తగ్గింపుపై అనిశ్చితి అమ్మకాలకు కారణమని విశ్లేషకులంటున్నారు.


 చెన్నై: ఐటీ దిగ్గజం ఇన్ఫోసిస్ సహవ్యవస్థాపకుడు నారాయణ మూర్తి పేరుతో మద్రాస్‌లోని ఇండియన్ ఇనిస్టిట్యూట్ ఆఫ్ టెక్నాలజీలో ప్రత్యేక విభాగం (చెయిర్) ఏర్పాటైంది. ఇన్ఫీ సహ వ్యవస్థాపకుల్లో ఒకరైన క్రిస్ గోపాలకృష్ణన్ దీన్ని నెలకొల్పారు. రూ. 10 కోట్ల నిధితో ఏర్పాటైన ఈ విభాగంలో ఐఐటీలోని ప్రముఖ ప్రొఫెసర్లు కంప్యుటేషన్ బ్రెయిన్ అంశంపై అధ్యయనం చేస్తారు. మెదడుపై పరిశోధనలకు సంబంధించి ఇది భారత్‌కి ప్రపంచంలో ప్రత్యేక గుర్తింపు తేగలదని నారాయణ మూర్తి ఆశాభావం వ్యక్తం చేశారు.
 
 న్యూయార్క్‌కు చెందిన పార్థ మిత్రా సారథ్యంలోని ఈ విభాగంలో ముగ్గురు సభ్యులు ఉంటారు. కార్పొరేట్ జీవన విధానం గురించి మూర్తి నుంచి తానెన్నో విషయాలు నేర్చుకున్నానని క్రిస్ తెలిపారు. వివిధ అంశాలపై పరిశోధనలను ప్రోత్సహించేందుకు క్రిస్ తలో రూ. 10 కోట్లతో మొత్తం మూడు విభాగాలు ఏర్పాటు చేస్తున్నారు. తన గురువు, ఐఐటీ మాజీ ప్రొఫెసర్ మహాబల పేరిట ఇప్పటికే ఒక విభాగం నెలకొల్పారు.


 గెస్ట్ కాలమ్
 
 ‘కార్పొరేట్ రంగం కొత్త పుంతలు
 తొక్కుతోంది. నేటి ప్రపంచీకరణ
 కాలంలో.. విద్యార్థులు విస్తృతస్థాయి
 నైపుణ్యాలు సొంతం చేసుకోవడం చాలా అవసరం. అకడెమిక్ కోర్సుల్లో నూతనత్వం ఉండాలి. అలాగే ఇన్‌స్టిట్యూట్‌లు మూస
 ధోరణికి స్వస్తి పలికి.. కొత్త కోర్సులు, సరికొత్త బోధన విధానాలు అనుసరించాలి. భారతీయ విద్యార్థులు విశ్వవ్యాప్త అవకాశాలు
 అందుకోవాలంటే.. మన విద్యావ్యవస్థలో సమూల మార్పులు అవసరం’ అంటున్నారు ఇండియన్ ఇన్‌స్టిట్యూట్ ఆఫ్ టెక్నాలజీ- కాన్పూర్, డెరైక్టర్ ప్రొఫెసర్ ఇంద్రనీల్ మన్నా. ఇటీవల హైదరాబాద్‌లో.. ఐఐటీ-హైదరాబాద్, జపాన్ ఇంటర్నేషనల్ కో-ఆపరేషన్ ఏజెన్సీ సంయుక్తంగా నిర్వహించిన 3డీ డిజిటల్ ఫ్యాబ్రికేషన్ సదస్సుకు హాజరైన ప్రొఫెసర్ ఇంద్రనీల్ మన్నాతో ఈ వారం గెస్ట్ కాలం..
  
 జనాభాపరంగా రెండో పెద్ద దేశంగా ఉన్న భారత్‌లో ప్రస్తుత పరిస్థితులు చూస్తే సామాజికంగా, సాంకేతికంగా అన్ని రంగాల్లో లక్షిత వర్గాల అవసరాలు రోజురోజుకీ మారుతున్నాయి. ప్రజలు నూతన సేవలు, ఉత్పత్తులవైపు మొగ్గు చూపుతున్నారు. అదేవిధంగా పరిశ్రమలు పోటీదారులకంటే ముందంజలో నిలవాలనే ఆలోచనతో కొత్త ఉత్పత్తుల ఆవిష్కరణల దిశగా కృషిచేస్తున్నాయి. అంటే.. మార్పు అత్యంత అవసరంగా, అదో నిరంతర ప్రక్రియగా మారింది. ఈ మార్పులు ఆశాజనకంగా ఉండాలంటే యువశక్తి, వారి అకడమిక్ నైపుణ్యాలు ఎంతో కీలకం.
  
 సరికొత్త నైపుణ్యాలు అందించే కోర్సులు
 
 రోజురోజుకీ మారుతున్న సామాజిక, పారిశ్రామిక అవసరాలు వాటికి సంబంధించిన సేవలు, ఉత్పత్తుల ఆవిష్కరణలకు అకడమిక్ స్థాయి నుంచే పునాదులు పడాలి. భవిష్యత్తులో ఒక సంస్థలో చేరే వ్యక్తి అక్కడ విధుల్లో భాగంగా వివిధ ఉత్పత్తి విభాగాల్లో పనిచేయాల్సి ఉంటుంది. ఈ క్రమంలో కొత్త ఉత్పత్తుల రూపకల్పనలోనూ భాగస్వాములు కావలసి ఉంటుంది. ఇలాంటి వారికి అకడమిక్‌గా సంబంధిత నైపుణ్యాలు లేకపోతే రాణించలేరు. అదేవిధంగా ఇన్‌స్టిట్యూట్‌లు కూడా మారుతున్న అవసరాలకు అనుగుణంగా కొత్త నైపుణ్యాలు అందించే కోర్సుల రూపకల్పనకు శ్రీకారం చుట్టాలి. దీనికి ప్రత్యక్ష ఉదాహరణ 3-డీ ఫ్యాబ్రికేషన్. డిజైనింగ్, రూపకల్పన విషయంలో ఇప్పటికే అందుబాటులో ఉన్న క్యాడ్, క్యామ్ పద్ధతులకు అడ్వాన్స్‌డ్ దశ 3-డీ ఫ్యాబ్రికేషన్. దీనివల్ల వస్తువుల రూపకల్పన, నిర్మాణం వంటివి మరింత సులభతరం అవుతాయి. సంబంధిత సేవలు అందించే సంస్థలకు, లక్షిత వర్గాలకు కూడా త్వరగా అవి అందుబాటులోకి వస్తాయి. ఇలాంటి అధునాతన నైపుణ్యాలను అకడమిక్ స్థాయిలోనే అందించే విధంగా కోర్సుల రూపకల్పన చేయడం నేటి పరిస్థితుల్లో ఎంతో అవసరం. కేవలం కోర్ కోర్సుల బోధనకే పరిమితం కాకుండా వాటికి అనుసంధానంగా ఉండే కొత్త కోర్సులు అందించాలి. ఈ క్రమంలో ఇండస్ట్రీ వర్గాలు, అంతర్జాతీయ, జాతీయ స్థాయిలోని ఇతర ఇన్‌స్టిట్యూట్‌లతో ఒప్పందాలు చేసుకోవడం ఉపయుక్తం.
  
 అకడమిక్ ఎక్స్ఛేంజ్.. ఎంఎన్‌సీలే కానక్కర్లేదు
 
 ముఖ్యంగా ఇంజనీరింగ్, సైన్స్ విభాగాల విద్యార్థులకు జాబ్ రెడీ స్కిల్స్, క్షేత్ర నైపుణ్యాలు అందించేందుకు మార్గం ఇండస్ట్రీ వర్గాలతో ఒప్పందాల ద్వారా ఎక్స్ఛేంజ్ ప్రోగ్రామ్స్ నిర్వహించడం. ఈ విషయంలో ఐఐటీలు, ఐఐఎంలు, ఇతర జాతీయ ఇన్‌స్టిట్యూట్‌లకే ప్రోత్సాహం ఉంటోందని, రాష్ట్ర స్థాయి విద్యాసంస్థలకు ఒడిదుడుకులు ఎదురవుతున్నాయని అంటున్నారు. ఇది కొంతవరకు వాస్తవమే. అయితే రాష్ట్రాల స్థాయిలోనూ అకడమిక్ పనితీరు బాగున్న ఇన్‌స్టిట్యూట్‌లు తమ పరిసర ప్రాంతాల్లోని ఎంఎస్‌ఎంఈలతోనూ సంప్రదింపుల ద్వారా ఎక్స్ఛేంజ్ ఒప్పందాలు, స్పాన్సర్డ్ రీసెర్చ్ ప్రోగ్రామ్స్ నిర్వహించేందుకు ప్రయత్నించాలి. ఇలా ఒక ప్రాజెక్ట్ విజయవంతమైతే ఇతర కంపెనీల దృష్టిని ఆకర్షించడం సులువవుతుంది.
  
 సీబీసీఎస్ సాధ్యమే
 
 ఛాయిస్ బేస్డ్ క్రెడిట్ సిస్టమ్.. ఇటీవల కేంద్ర ప్రభుత్వం రూపకల్పన చేసి, వచ్చే ఏడాది నుంచి అమలు చేయనున్న సరికొత్త బోధన-అధ్యయన విధానం. ఇది ఆహ్వానించదగిన పరిణామం. విద్యార్థులకు భిన్న నైపుణ్యాలు అందించే మార్గం. దీని అమలు సాధ్యాసాధ్యాలు, ఫలితాల విషయంలో ఆందోళన చెందక్కర్లేదు. దేశంలోని యూనివర్సిటీలకు వేర్వేరు సిలబస్ విధానాలు, మూల్యాంకన విధానాల కారణంగా ప్రారంభంలో కొద్దిపాటి ఇబ్బందులు సహజమే. ఐఐటీలు, సెంట్రల్ యూనివర్సిటీలు కూడా మొదట్లో ఈ సమస్యను ఎదుర్కొన్నాయి. కానీ ఇప్పుడు అక్కడ సజావుగా సీబీసీఎస్ విధానం అమలవుతోంది. సీబీసీఎస్ పూర్తిస్థాయిలో విజయవంతం కావాలంటే.. అన్ని యూనివర్సిటీల్లోని కోర్సుల సిలబస్ అంశాల మధ్య వైవిధ్యం తగ్గేలా చూడాలి. ఈ దిశగా సంబంధిత నియంత్రణ సంస్థలు దృష్టిసారించాలి.
  
 ఐఐటీల్లో అడుగు పెట్టాలనుకుంటే
 
 ఐఐటీల్లో చదవాలనుకునే విద్యార్థులకు నా సలహా ఒకటే.. ఎంట్రెన్స్‌లో ర్యాంకు ఆధారంగా సీటు సాధించగలిగినా.. ఆ తర్వాత కోర్సు పూర్తిచేసే క్రమంలో నిరంతరం అన్వేషణ దృక్పథాన్ని అలవర్చుకోవాలి. అక్కడ నిర్వహించే ప్రాజెక్ట్ యాక్టివిటీస్‌లో చురుగ్గా పాల్పంచుకోవాలి. మొదట్లో కొంత ఒత్తిడికి గురయ్యే ఆస్కారముంది. కాబట్టి వీటిపై ముందుగానే అవగాహన పెంచుకొని మానసికంగా సిద్ధమవడం మంచిది.
  
 ‘స్ఫూర్తి’తోనే సక్సెస్
 
 ఇంజనీరింగ్ అనే కాకుండా ఏ కోర్సులో చేరే విద్యార్థులైనా ఉన్నత శిఖరాలను అధిరోహించే అవకాశాలు ఇప్పుడు కోకొల్లలు. చాలా మంది విద్యార్థులు తమకు నచ్చిన కోర్సులో సీటు రాలేదని నిరాశ చెందుతుంటారు. కానీ ఆ రంగంలో విజయ శిఖరాలు అధిరోహించిన వ్యక్తులను స్ఫూర్తిగా తీసుకుంటే తాము కూడా సక్సెస్ దిశగా సాగొచ్చు.
  ఆల్ ది బెస్ట్!!
  
 ప్రొఫెసర్ ఇంద్రనీల్ మన్నా  డెరైక్టర్,
 ఇండియన్ ఇన్‌స్టిట్యూట్
 ఆఫ్ టెక్నాలజీ - కాన్పూర్
  


 సందర్భం
  
 సంపన్నులు మరింత సంపన్నులైతేనే కష్టపడి పని చేస్తారనీ, పేదలు మరింత పేదలైతేనే ఒళ్లొంచుతారనే తప్పుడు ఊహే కీలకంగా ఉన్న మోదీ-జైట్లీల ఆర్థికనీతి ఈ బడ్జెట్‌ను అక్షరాలా తిరోగమనం పట్టిస్తోంది.
  
 కేంద్రం ప్రవేశపెట్టిన 2015 బడ్జెట్‌పై ఒక మాదిరి ప్రశంస నుంచి కరతాళధ్వనుల వరకు అన్ని రకాల స్పందనలూ వ్యక్త మవుతున్నాయి. సంపన్న వర్గా లకు మాత్రం బడ్జెట్ ఎంతగా నో నచ్చేసింది. కార్పొరేట్ ఆదాయం పన్ను తగ్గింపు, సం పద పన్ను రద్దు, కస్టమ్స్, ఎక్సై జ్ సుంకాల మాఫీ మొదలైన వరాలు సంపన్న వర్గాలను మరింత సంపన్నుల్ని చేయబోతున్నాయి. పేద వర్గాలకు మాత్రం అలాంటి ఉపశమన చర్యలు లోపించడమే కొట్టొచ్చినట్లు కనిపించింది. ఈ పథకాలలో అనేకం యూపీఏ ప్రభుత్వం రూపొందించినవే కాక, సత్ఫలితా లను సాధించినవి.
 
 కీలక సామాజిక పథకాలకు, వాటిని అమలు చేసే మంత్రిత్వశాఖలకు కేటాయింపులలో హఠాత్తుగా భారీ ఎత్తున కోత పెట్టడమే ఈ బడ్జెట్‌లో ప్రముఖంగా కని పించే అంశం. ఉదాహరణకు, మహిళా - శిశు అభివృద్ధి మంత్రిత్వ శాఖకు 51 శాతం, గ్రామీణాభివృద్ధి శాఖకు 13 శాతం, ఆరోగ్యం-కుటుంబ సంక్షేమ శాఖకు 15 శాతం చొప్పున కోత పెట్టారు. దీనికితోడు స్థానిక స్వపరి పాలనా సంస్థలకు సాధికారికత కల్పించవలసిన అవస రాన్ని బొత్తిగా పట్టించుకోకుండా పంచాయతీరాజ్ మం త్రిత్వశాఖ నిధులకు ఏకంగా 99 శాతం మేరకు కోత పెట్టడం ప్రత్యేకించి దిగ్భ్రాంతిని కలిగించే విషయం. ఇలాగే యూపీఏ పతాక పథకాలకు కత్తెర వేసేశారు. ఆరోగ్య సేవలు అందుబాటులో లేని గ్రామీణ ప్రాంతాల కోసం రూపకల్పన చేసిన జాతీయ గ్రామీణ ఆరోగ్య పథకం (ఎన్‌ఆర్‌హెచ్‌ఎం) నిధులను 18 శాతం మేరకు, గ్రామీణ పేదల కోసం గృహనిర్మాణానికి ఉద్దేశించిన ఇందిరా ఆవాస్ యోజన నిధులను దాదాపు 40 శాతం మేరకు తగ్గించివేశారు. ఇవి పేదల జీవనంలోనే మార్పు తెచ్చి అత్యుత్తమ ఫలితాలను అందించగలిగాయి. ఎన్‌ఆర్‌హెచ్‌ఎంనే తీసుకుంటే, ప్రసూతి మరణాలను తగ్గించడం, మారుమూల ప్రాంతాలకు కూడా మందు లను అందుబాటులోకి తెచ్చే వ్యవస్థలను అభివృద్ధి చేయడం వగైరాల రూపంలో ఈ పథకం వివిధ ఆరోగ్య సూచికలను గణనీయంగా మెరుగుపరచింది. ఇందిరా ఆవాస్ యోజన కింద అందించిన ఆర్థిక సాయంతో 1985 నుంచి మొదలు పెట్టి 2 కోట్ల 50 లక్షలకు పైగా గృహ నిర్మాణం జరిగింది. ఈ పథకాలకు మరిన్ని నిధు లు సమకూర్చవలసింది పోయి, వీటిని కుంటుపడేలా చేశారు.
 
 ప్రత్యేకించి రెండు ఉదాహరణలు పేదల పట్ల బీజేపీ అలక్ష్యాన్ని మరింత దిగ్భ్రాంతికరంగా చాటిచెబు తున్నాయి. అవి, విద్య, ఉపాధికల్పన రంగాలు.  ప్రాథ మిక విద్యను సార్వత్రికం చేయడమే లక్ష్యంగా భారత ప్రభుత్వం చేపట్టిన సర్వశిక్షా అభియాన్ (ఎస్‌ఎస్‌ఏ)కు కేటాయింపును గత సంవత్సరంతో పోల్చితే 22 శాతం తగ్గించివేశారు. అంతర్జాతీయ ప్రశంసలను అందుకున్న మధ్యాహ్న భోజన పథకాన్ని కూడా వదలక రూ.4,315 కోట్ల మేరకు దాని నిధుల్ని తగ్గించి వేశారు.
 
 గ్రామీణ పేద కుటుంబాలకు ఉపాధి కల్పన కోసం చేపట్టిన మరో పథకం మహాత్మాగాంధీ జాతీయ గ్రామీ ణ ఉపాధి పథకం (ఎంజీఎన్‌ఆర్, ఈజీఏ). ఈ పథకా నికి బీజేపీ ప్రభుత్వం రూ.34,699 కోట్లు మాత్రమే కేటా యించి చేతులు దులుపుకోవడం నిర్ఘాంతపరచే విష యం. పైగా, గత సంవత్సరంతో పోల్చితే ఈసారి ఈ పథకానికి రూ. 699 కోట్లు ఎక్కువ కేటాయించామని ప్రభుత్వం చెప్పుకుంటోంది. కానీ వాస్తవం ఏమిటంటే, 2009-10 ఆర్థిక సంవత్సరంలో ఈ పథకానికి కేటాయిం పు స్థూల జాతీయోత్పత్తి (జీడీపీ)లో 0.8 శాతం ఉంటే, 2015-16 ఆర్థిక సంవత్సరంలో అది 0.3 శాతానికి తగ్గి పోయింది.  ఈ పథకం పట్ల ప్రభుత్వం నిర్లక్ష్యానికి ఇం కో నిదర్శనం చూడండి- ప్రధానంగా సంపన్న వర్గాల దగ్గరే ఉండే బంగారు, వజ్రాలు, నగలపై కస్టమ్స్ సుం కాన్ని ఏకంగా రూ.75,592 కోట్ల మేరకు మాఫీ చేసే సింది. జాతీయ గ్రామీణ ఉపాధి పథకానికి చేసిన కేటా యింపు కన్నా ఇది రెట్టింపుకు పైగా ఎక్కువ. దేశంలోని ప్రతి నాలుగు కుటుంబాలలోనూ ఒకరికి ఉపాధి కల్పిం చడం, 10.75 కోట్ల మంది క్రియాశీల లబ్ధిదారులను కలిగి ఉండటం, ఒక్క 2013-14 సంవత్సరంలోనే 46.6 లక్షల కుటుంబాలకు ఉపాధి కల్పించడం వగైరాల రూపంలో ప్రత్యక్ష ఫలితాలను సాధించిన ఈ పథకం పట్ల ఇదీ ప్రభుత్వ నిర్వాకం.
 
 సంపన్నులు మరింత సంపన్నులైతేనే కష్టపడి పని చేస్తారనీ, పేదలు మరింత పేదలైతేనే ఒళ్లొంచుతారనే తప్పుడు ఊహే కీలకంగా ఉన్న మోదీ-జైట్లీ ఆర్థికనీతి ఈ బడ్జెట్‌ను అక్షరాలా తిరోగమనం పట్టిస్తోంది.  1980 దశకంలో ఈ విధానాన్ని అమలు చేసిన ఫలితంగా అమెరికాలో 3.3 శాతం, బ్రిటన్‌లో 9 శాతం మేరకు పేద రికం పెరిగింది. దీనికి భిన్నంగా సామాజిక వ్యయాన్ని గణనీయంగా పెంచడం వల్ల పేదరికం బాగా తగ్గిందని ప్రపంచవ్యాప్తంగా అనేక ఆధారాలు సూచిస్తున్నాయి. మన దేశాన్నే తీసుకుంటే, యూపీఏ ప్రభుత్వం చేసిన సామాజిక వ్యయం కారణంగా, 2004లో 37.2 శాతం ఉన్న పేదరికం 2012 నాటికి 22 శాతానికి తగ్గింది.
 
 ఏ ప్రభుత్వ పథకమూ పరిపూర్ణం కాదన్న సంగ తినీ ఒప్పుకోవలసిందే. ఎప్పటికప్పుడు మెరుగుపరచే అవకాశాలు ఉంటూనే ఉంటాయి. అలాగే ఖర్చు తగ్గించి విలువను పెంపొందించే మార్గాలు కూడా ఉంటాయి.  ఈ పథకాల రూపకల్పన వెనుక అసలు లక్ష్యం ఏమిట న్నది గుర్తు పెట్టుకోవడమూ అంతే ముఖ్యం. వాటిని కల్పించినది పేద వర్గాల మెరుగైన జీవనానికి తోడ్పడే కీలక సాయం అందించడానికే కానీ లాభాలు తెచ్చి పెట్ట డానికి కాదు. లక్షలాది మంది ఆధారపడే ప్రభుత్వ పథ కాలను పవిత్ర వృథా వ్యయంగా భావించడం ద్వారా పేదలకు సహాయ సంపత్తులు అందించడం పట్ల బీజేపీ ప్రభుత్వానికి ఆసక్తి లేదన్న సంకేతాన్ని బడ్జెట్ ఇస్తోంది.
  (వ్యాసకర్త ఏఐసీసీ, ఎస్‌సీ విభాగం అధిపతి)
  email: krajuindia1981@gmail.com
  
  కొప్పుల రాజు
  


 ఒకప్పుడు చారిటీ యాక్టివిటీ అంటేనే గొప్ప అనుకునే పరిస్థితి. మరిప్పుడో.. ఎంతో కొంత వినూత్నంగా ఉంటే తప్ప సేవ.. ఆసక్తిని పెంచడం లేదు. దీంతో సిటీలోని కార్పొరేట్ సంస్థలు చారిటీలోనూ వెరైటీ మార్గాలు అన్వేషిస్తున్నాయి. కార్పొరేట్ సోషల్ రెస్పాన్సిబులిటీని ప్రదర్శిస్తున్నాయి.
  ..:: ఎస్.సత్యబాబు
 వైవిధ్యం సేవకు సైతం సారథ్యం వహిస్తోంది.
 
 కేవలం పైసలు ఇచ్చేసి హెల్ప్ చేసేశాం అనుకునే స్థాయిని సిటీ చారిటీ దాటేసింది. అవసరాలను గుర్తించడంలోనే కాదు వాటిని తీర్చడంలోనూ వినూత్న విధానాలను ఫాలో అవుతోంది.
  
 విష్ మీ గుడ్‌లక్..
 ‘పరీక్ష రాయబోతున్నాను. మార్కులు బాగా వచ్చేలా బ్లెస్ మీ’ అంటూ శాంతాక్లాజ్‌ను వేడుకుందో అమ్మాయి. ‘ఖరీదైన సైకిల్ కొనుక్కోవాలనుంది. తీరుస్తావా?’ ఇది మరో బుడతడి కోరిక. నగరానికి చెందిన ‘ఓయే హ్యాపీ’ అనే సంస్థ బస్తీ చిన్నారుల అవసరాలు తెలుసుకుని, తీర్చడం కోసం.. ఓ వినూత్న ప్రయత్నం చేసింది. చిన్నారులకు ఎంతో ప్రియమైన క్రిస్మస్ తాత, శాంతాక్లాజ్‌కి తమ కోరికలు చెప్పుకోమంటూ చిన్నారుల క్లాస్‌రూమ్‌లోనే ఒక పోస్ట్‌డబ్బా ఏర్పాటు చేసింది.
 
 కార్డ్స్ ఇచ్చింది. వాళ్లు స్వయంగా రాసిన కోరికల ఉత్తరాలను పోస్ట్‌డబ్బా ద్వారా శాంతాక్లాజ్‌కు చేరవేస్తున్నామని చెప్పి ఆ ఉత్తరాలను దేశవ్యాప్తంగా ఉన్న తమ క్లయింట్లకు, స్టాఫ్‌కు పంపింది. వాళ్ల చేయూతతో పిల్లల విష్ లిస్ట్‌లో వీలున్నన్ని కోరికలను తీర్చగలిగింది. ‘చాక్లెట్ల నుంచి సైకిల్స్ దాకా 45 మంది బస్తీ పిల్లల కోరికలను నెరవేరేలా చేయగలిగామ’ని ఓయె హ్యాపీ ప్రతినిధి వర్ష ఆనందంగా చెప్పారు.
  
 ఉద్యోగులే ఊతం...
 ‘రెండు నెలల పాటు మా ఉద్యోగం ఇదే’ అంటూ చెప్పారు సీతారామయ్య. మాసబ్‌ట్యాంక్ దగ్గరల్లోని ఐటీ టవర్స్ సమీపంలో ఉన్న వాయిస్ ఫర్ గాళ్స్ అనే ఎన్‌జీఓ ఆవరణలో ఉద్యోగం.. అదీ 2 నెలలు మాత్రమేనా..? ‘మా కంపెనీ సోషల్ రెస్పాన్సిబులిటీ యాక్టివిటీస్‌లో భాగంగా ఇక్కడ మమ్మల్ని నియమించింది’ అని వివరించారాయన. వొడాఫోన్ ఫౌండేషన్ తర ఫున సీతారామయ్య, ఏసుదాస్ ఆంటోనీలు అక్కడ సేవోద్యోగం చేస్తుంటే మరో ఇద్దరు సిటీలోని మరో రెండు ఎన్‌జీఓలకు పనిచేస్తున్నారు.
 
 కమ్యూనికేషన్ స్కిల్స్, టెక్నాలజీ డెవలప్‌మెంట్.. వంటి అంశాల్లో, ఫైనాన్షియల్ మేనేజ్‌మెంట్, ఫండ్‌రైజింగ్ మార్గాలు.. వృద్ధి చేయడంలో వాయిస్ ఫర్ గాళ్స్‌కు వీరిద్దరూ తోడ్పడుతారు. ‘ఈ తరహా చేయూత మేం ఎక్స్‌పెక్ట్ చేయలేదు. నిర్వహణాపరమైన అంశాల్లో నిపుణులైన ఉద్యోగుల స్వచ్ఛంద విధులు మాకు ఎంతో మేలు చేస్తాయి’ అని వాయిస్ ఫర్ గాళ్స్ ప్రతినిధి శరణ్య చెప్పారు.
  
 ఖాన్ పాన్ దుకాన్..
 ఈ పేరు వింటే ఏదో పాన్‌షాపో, మరొకటో అన్నట్టు ధ్వనిస్తుంది కదూ. అయితే ఇదొక చారిటీ ఈవెంట్. సద్గురు మేనేజ్‌మెంట్ కన్సల్టెంట్స్ ఆధ్వర్యంలో నిర్వహించిన కార్యక్రమం ఇది. ఈ సంస్థ  ‘ఖాన్ పాన్ దుకాన్’ పేరుతో ఈవెంట్ ప్లాన్ చేసి తమ క్లయింట్లను, మిత్రులను, సిబ్బందిని ఆహ్వానించింది. వారికి విభిన్న రకాల ఫుడ్ వెరైటీలను వండి వడ్డించింది. ఈ ‘దుకాన్’లో వంటకాలు రుచి చూసిన వారి దగ్గర రుసుము వసూలూ చేసింది. ఆడపిల్లల విద్యకు అవసరమైన ఆర్ధిక సాయం అందించేందుకు ఈ కార్యక్రమం ద్వారా సేకరించిన నిధులను వినియోగిస్తున్నామని.. సంస్థ ఆధ్వర్యంలోని ‘సంకల్ప్’ విభాగం కింద ఈ చారిటీ యాక్టివిటీ ఏర్పాటు చేశామని ‘సంకల్ప్’ ప్రెసిడెంట్ హేమలత తెలిపారు.
  
 యాక్టివిటీ సెంటర్...
 పాఠశాలలో చారిటీ అంటే కాసిన్ని పుస్తకాలు పెన్నులు ఇచ్చేసి వచ్చేయడం కాదు. చిన్నారుల కోసం పూర్తిస్థాయి యాక్టివిటీ సెంటర్‌ను, ఇద్దరు టీచర్లను రెండేళ్లపాటు సేవలందించేలా ఏర్పాటు చేయడం ద్వారా వినూత్న ట్రెడిషన్‌కు నాంది పలికాయి టీచ్ ఫర్ ఇండియా, క్లౌడ్ కంప్యూటింగ్ కంపెనీ అయిన సేల్స్ ఫోర్స్ ఇండియా డాట్‌కామ్‌లు. నారాయణగూడలోని గవర్నమెంట్  స్కూల్‌లో వీరు ఏర్పాటు చేసిన ఆసక్తికరమైన యాక్టివిటీ సెంటర్.. చిన్నారులకు ఒక లైబ్రరీలా, ఒక గేమ్స్ రూమ్‌లా.. ఇలా విభిన్న రకాలుగా ఉపకరిస్తుంది. ‘పిల్లలకు యాక్టివిటీ ద్వారా లెర్నింగ్ అనేది ఇప్పటి ట్రెండ్. ఇలాంటి సెంటర్‌లు గవర్నమెంట్ స్కూల్ పిల్లలకు చాలా ఉపయోగపడతాయి’ అని టీచ్ ఫర్ ఇండియా ప్రతినిధి సిరిచందన చెప్పారు.
  
 జాబ్ శాటిస్‌ఫాక్షన్..
 మాలాంటి ఉద్యోగులకు చారిటీ యాక్టివిటీ చేయాలంటే.. వారాంతాలు.. లేకపోతే సెలవుదినాలే మార్గం. అయితే మా కంపెనీ తీసుకున్న ఈ నిర్ణయం వల్ల అటు ఉద్యోగంతో పాటు ఇటు అవసరార్థులకు తోడ్పడుతున్నామనే సంతృప్తి కూడా లభిస్తోంది
 -సీతారామయ్య, ఆంటోని
  
 మార్గాలు ఏవైనా గమ్యం చేరడం ముఖ్యం. సేవ ఎలాంటిదైనా అవసరార్థులకు ఆసరా అందడం ముఖ్యం.ఈ విషయాన్ని గుర్తించిన సిటీ చారిటీ కొత్త పుంతలు తొక్కడాన్ని స్వాగతిద్దాం. ఆధునిక ‘సేవ’కులను అభినందిద్దాం.


 ఒకప్పుడు చారిటీ యాక్టివిటీ అంటేనే గొప్ప అనుకునే పరిస్థితి. మరిప్పుడో.. ఎంతో కొంత వినూత్నంగా
 ఉంటే తప్ప సేవ.. ఆసక్తిని పెంచడం లేదు. దీంతో సిటీలోని కార్పొరేట్ సంస్థలు చారిటీలోనూ
 వెరైటీ మార్గాలు అన్వేషిస్తున్నాయి. కార్పొరేట్ సోషల్ రెస్పాన్సిబులిటీని ప్రదర్శిస్తున్నాయి.
 వైవిధ్యం సేవకు సైతం 
 సారథ్యం వహిస్తోంది. కేవలం పైసలు ఇచ్చేసి హెల్ప్ చేసేశాం అనుకునే స్థాయిని సిటీ చారిటీ దాటేసింది. అవసరాలను గుర్తించడంలోనే కాదు వాటిని తీర్చడంలోనూ వినూత్న 
 విధానాలను ఫాలో అవుతోంది. 
 ఉద్యోగులే ఊతం...
 ‘రెండు నెలల పాటు మా ఉద్యోగం ఇదే’ అంటూ చెప్పారు సీతారామయ్య. మాసబ్‌ట్యాంక్ దగ్గరల్లోని ఐటీ టవర్స్ సమీపంలో ఉన్న వాయిస్ ఫర్ గాళ్స్ అనే ఎన్‌జీఓ ఆవరణలో ఉద్యోగం.. అదీ 2 నెలలు మాత్రమేనా..? ‘మా కంపెనీ సోషల్ రెస్పాన్సిబులిటీ యాక్టివిటీస్‌లో భాగంగా ఇక్కడ మమ్మల్ని నియమించింది’ అని వివరించారాయన. వొడాఫోన్ ఫౌండేషన్ తర ఫున సీతారామయ్య, ఏసుదాస్ ఆంటోనీలు అక్కడ సేవోద్యోగం చేస్తుంటే మరో ఇద్దరు సిటీలోని మరో రెండు ఎన్‌జీఓలకు పనిచేస్తున్నారు. కమ్యూనికేషన్ స్కిల్స్, టెక్నాలజీ డెవలప్‌మెంట్.. వంటి అంశాల్లో, ఫైనాన్షియల్ మేనేజ్‌మెంట్, ఫండ్‌రైజింగ్ మార్గాలు.. వృద్ధి చేయడంలో వాయిస్ ఫర్ గాళ్స్‌కు వీరిద్దరూ తోడ్పడుతారు. ‘ఈ తరహా చేయూత మేం ఎక్స్‌పెక్ట్ చేయలేదు. నిర్వహణాపరమైన అంశాల్లో నిపుణులైన ఉద్యోగుల స్వచ్ఛంద విధులు మాకు ఎంతో మేలు చేస్తాయి’ అని వాయిస్ ఫర్ గాళ్స్ ప్రతినిధి శరణ్య చెప్పారు. 
 విష్ మీ గుడ్‌లక్..
 ‘పరీక్ష రాయబోతున్నాను. మార్కులు బాగా వచ్చేలా బ్లెస్ మీ’ అంటూ శాంతాక్లాజ్‌ను వేడుకుందో అమ్మాయి. ‘ఖరీదైన సైకిల్ కొనుక్కోవాలనుంది. తీరుస్తావా?’ ఇది మరో బుడతడి కోరిక. నగరానికి చెందిన ‘ఓయే హ్యాపీ’ అనే సంస్థ బస్తీ చిన్నారుల అవసరాలు తెలుసుకుని, తీర్చడం కోసం.. ఓ వినూత్న ప్రయత్నం చేసింది. చిన్నారులకు ఎంతో ప్రియమైన క్రిస్మస్ తాత, శాంతాక్లాజ్‌కి తమ కోరికలు చెప్పుకోమంటూ చిన్నారుల క్లాస్‌రూమ్‌లోనే ఒక పోస్ట్‌డబ్బా ఏర్పాటు చేసింది. కార్డ్స్ ఇచ్చింది. వాళ్లు స్వయంగా రాసిన కోరికల ఉత్తరాలను పోస్ట్‌డబ్బా ద్వారా శాంతాక్లాజ్‌కు చేరవేస్తున్నామని చెప్పి ఆ ఉత్తరాలను దేశవ్యాప్తంగా ఉన్న తమ క్లయింట్లకు, స్టాఫ్‌కు పంపింది. వాళ్ల చేయూతతో పిల్లల విష్ లిస్ట్‌లో వీలున్నన్ని కోరికలను తీర్చగలిగింది. ‘చాక్లెట్ల నుంచి సైకిల్స్ దాకా 45 మంది బస్తీ పిల్లల కోరికలను నెరవేరేలా చేయగలిగామ’ని ఓయె హ్యాపీ ప్రతినిధి వర్ష ఆనందంగా చెప్పారు. 
 ఖాన్ పాన్ దుకాన్..
 ఈ పేరు వింటే ఏదో పాన్‌షాపో, మరొకటో అన్నట్టు ధ్వనిస్తుంది కదూ. అయితే ఇదొక చారిటీ ఈవెంట్. సద్గురు మేనేజ్‌మెంట్ కన్సల్టెంట్స్ ఆధ్వర్యంలో నిర్వహించిన కార్యక్రమం ఇది. ఈ సంస్థ ‘ఖాన్ పాన్ దుకాన్’ పేరుతో ఈవెంట్ ప్లాన్ చేసి తమ క్లయింట్లను, మిత్రులను, సిబ్బందిని ఆహ్వానించింది. వారికి విభిన్న రకాల ఫుడ్ వెరైటీలను వండి వడ్డించింది. ఈ ‘దుకాన్’లో వంటకాలు రుచి చూసిన వారి దగ్గర రుసుము వసూలూ చేసింది. ఆడపిల్లల విద్యకు అవసరమైన ఆర్ధిక సాయం అందించేందుకు ఈ కార్యక్రమం ద్వారా సేకరించిన నిధులను వినియోగిస్తున్నామని.. సంస్థ ఆధ్వర్యంలోని ‘సంకల్ప్’ విభాగం కింద ఈ చారిటీ యాక్టివిటీ ఏర్పాటు చేశామని ‘సంకల్ప్’ ప్రెసిడెంట్ హేమలత తెలిపారు. 
 జాబ్ శాటిస్‌ఫాక్షన్..
 మాలాంటి ఉద్యోగులకు చారిటీ యాక్టివిటీ చేయాలంటే.. వారాంతాలు.. లేకపోతే సెలవుదినాలే మార్గం. అయితే మా కంపెనీ తీసుకున్న ఈ నిర్ణయం వల్ల అటు ఉద్యోగంతో పాటు ఇటు అవసరార్థులకు తోడ్పడుతున్నామనే సంతృప్తి కూడా లభిస్తోంది
 -సీతారామయ్య, ఆంటోని
 యాక్టివిటీ సెంటర్...
 పాఠశాలలో చారిటీ అంటే కాసిన్ని పుస్తకాలు పెన్నులు ఇచ్చేసి వచ్చేయడం కాదు. చిన్నారుల కోసం పూర్తిస్థాయి యాక్టివిటీ సెంటర్‌ను, ఇద్దరు టీచర్లను రెండేళ్లపాటు సేవలందించేలా ఏర్పాటు చేయడం ద్వారా వినూత్న ట్రెడిషన్‌కు నాంది పలికాయి టీచ్ ఫర్ ఇండియా, క్లౌడ్ కంప్యూటింగ్ కంపెనీ అయిన సేల్స్ ఫోర్స్ ఇండియా డాట్‌కామ్‌లు. నారాయణగూడలోని గవర్నమెంట్ స్కూల్‌లో వీరు ఏర్పాటు చేసిన ఆసక్తికరమైన యాక్టివిటీ సెంటర్.. చిన్నారులకు ఒక లైబ్రరీలా, ఒక గేమ్స్ రూమ్‌లా.. ఇలా విభిన్న రకాలుగా ఉపకరిస్తుంది. ‘పిల్లలకు యాక్టివిటీ ద్వారా లెర్నింగ్ అనేది ఇప్పటి ట్రెండ్. ఇలాంటి సెంటర్‌లు గవర్నమెంట్ స్కూల్ పిల్లలకు చాలా ఉపయోగపడతాయి’ అని టీచ్ ఫర్ ఇండియా ప్రతినిధి సిరిచందన చెప్పారు.


 సాక్షి ప్రతినిధి, గుంటూరు : జిల్లాలోనూ నకిలీ మానవహక్కుల సంఘాలు వేళ్లూనుకుని ఉన్నాయి. గుంటూరులో ప్రత్యేక కార్యాలయాలు ఏర్పాటు చేసుకుని సెటిల్‌మెంట్లు, దందాలకు పాల్పడుతున్నా యి. ఆస్తి వివాదాలు, కుటుంబ వివాదాలు, భార్యాభర్తల తగవులలో జోక్యం చేసుకుంటూ సొమ్ము దండుకుంటున్నాయి. కార్పొరేట్ స్థాయిలో కార్యాలయం, నంబర్ ప్లేట్‌పై రంగుల్లో హ్యూమన్‌రైట్స్ అనే పేరు, హోదా కనపడే విధంగా ఖరీదైన కార్లు, కొనిపెట్టుకున్న దర్జాదర్పంతో సామాన్యులను ఇట్టే బోల్తా కొట్టిస్తుంటారు. ఇవన్నీ చూసిన బాధితులు ఇదేదో చట్టపరమైన సంస్థలా భావించి తమ సమస్యలు పరిష్కరించాలని నేరుగా వారి కార్యాలయాలకు వెళ్లి చేతులు జోడిస్తుంటారు. ఇదంతా ఓ ఎత్తయితే, మరి కొన్ని వివాదాలను పోలీస్ స్టేషన్ల నుంచి తమదైన మార్గంలో తెలుసుకుని పరిష్కారాలు, తీర్పులు చెపుతుంటారు. సహజంగానే పోలీస్ స్టేషన్‌కు వెళ్లిన కేసు విచారణలో జరిగే ఆలస్యాన్ని నకిలీ సంఘాలు తమకు అవకాశంగా మలచుకొంటాయి.
  
  ఇరువర్గాల వివరాలు తెలుసుకుని, అధికంగా సొమ్ము ఇచ్చే వర్గానికి మద్దతుగా నిలిచి సమస్యలు పరిష్కరిస్తుంటాయి. తూర్పుగోదావరి జిల్లాలో హ్యూమన్ రైట్స్ సంస్థ పేరుతో హోంమంత్రి చినరాజప్ప బంధువునంటూ అవినాష్ అనే వ్యక్తి చేసిన అరాచకాలు వెలుగులోకి రావడంతో గుంటూరులోని ఈ తరహా సంస్థల కార్యకలాపాలపై చర్చ నడుస్తోంది. కేసులు పరిష్కారం పేరుతో వేధింపులకు పాల్పడిన నకిలీ సంస్థలపై పోలీసులు చర్యలు తీసుకోవాలని బాధితులు ఇప్పుడు కోరుతున్నారు.
  
  సొంత వివాదాల్లో ఉన్న తాము, మరో తలనొప్పిని తెచ్చుకునే ఉద్దేశం లేక అప్పట్లో వాటి గురించి ఫిర్యాదు చేయలేదని, అవినాష్ సందర్భం వచ్చిన నేపథ్యంలో పోలీసు ఉన్నతాధికారులు ఇలాంటి నకిలీ సంస్థలపై దృష్టి పెట్టాలని కోరుతున్నారు. ఈ సందర్భంగా ఓ ఎన్‌ఆర్‌ఐ వివాహ వివాదానికి సంబంధించి యువకుడి కుటుంబాన్ని ఓ సంస్థ బ్లాక్‌మెయిల్‌కు యత్నించిన విధానాన్ని కొందరు వివరించారు.
  
   ప్రకాశం జిల్లాకు చెందిన ఓ ఎన్‌ఆర్‌ఐకు గుంటూరు రూరల్‌కు చెందిన ఒక యువతితో ఆరేళ్ల కిందట వివాహం జరిగింది. రెండేళ్లకే వీరిద్దరి మధ్య వివాదం చోటుచేసుకొంది.దాంతో ఆ వివాహిత తన తల్లిదండ్రుల వద్దకు వచ్చి ఉంటోంది. ఎన్‌ఆర్‌ఐ మాత్రం యుఎస్‌ఏలో ఉద్యోగం చేసుకుంటున్నారు. వివాహిత తన భర్తపై ఏ పోలీస్‌స్టేషన్‌లోనూ ఫిర్యాదు చేయలేదు. ఇలా నాలుగేళ్లుగా విడివిడిగానే ఉంటున్నారు.అప్పట్లోఈ వివాదం గురించి తెలుసుకున్న గుంటూరులోని ఒక హ్యూమన్ రైట్స్ సంస్థ రంగంలోకి దిగింది.
  
   వివాహిత తరఫున వకాల్తా పుచ్చుకుని, యుఎస్‌ఏలో ఉద్యోగం చేసు కుంటున్న యువకుడి తల్లితండ్రులకు ఫోన్ చేశారు. ‘ మీ కోడలు మా సంస్థకు ఫిర్యాదు చేశారు. మా కార్యాలయానికి వచ్చి కలవండి’ అని చెప్పారు. దీంతో హడావుడిగా యువకుని తల్లితండ్రులు, సన్నిహితులు గుంటూరులోని ఈ సంస్థ ప్రతినిధులను కలిశారు. వివాహితకు జరిగిన అన్యాయానికి, యువకుడి తరఫు ఆస్తిలో సగం ఆమెకు చెల్లే విధంగా కేసు సెటిల్ చేసుకోవాలని, లేకపోతే అంతర్జాతీయ న్యాయస్థానాల్లో వివాహిత తరఫున వకాల్తా పుచ్చుకుంటామని బెదిరించారు. వారం రోజుల సమయం కావాలని కోరిన యువకుని తల్లితండ్రులు అప్పటికి అక్కడి నుంచి బయటపడ్డారు.
  
  ఆ తరువాత ఆ సంస్థ చట్టబద్ధత, ఇతర వివరాలను సేకరించిన యువకుడి తల్లిదండ్రులు ఆ సంస్థ నుంచి వచ్చే కాల్స్‌కు సమాధానం ఇవ్వకుండా సన్నిహితుల మధ్య భార్యాభర్తల వివాదాన్ని పరిష్కరించుకున్నారు. విద్యావంతులైన ఎన్‌ఆర్‌ఐ కుటుంబాన్నే బ్లాక్ మెయిల్ చేయడానికి ఈ సంస్థ ప్రయత్నించిందంటే, దీని బారినపడి ఎంత మంది సామాన్యులు మోసపోయి ఉంటారో అంచనా వేయవచ్చు.
  


 అసోచామ్ సర్వేలో కార్పొరేట్ల అభిప్రాయం
 న్యూఢిల్లీ: ఈ ఆర్థిక సంవత్సరంలో స్థూల దేశీయోత్పత్తి(జీడీపీ) వృద్ధి రేటు 7 శాతం పైనే ఉండొచ్చన్న ప్రభుత్వ అంచనాలు అతిశయోక్తిగా ఉన్నాయని.. వాస్తవ పరిస్థితులకు అద్దంపట్టడం లేదని మెజారిటీ కార్పొరేట్లు అభిప్రాయపడుతున్నారు. పారిశ్రామిక మండలి అసోచామ్ నిర్వహించిన సర్వేలో 76 శాతం మంది ఇదే విషయాన్ని పేర్కొన్నారు. ‘కొత్త డేటా ప్రకారం 7 శాతంపైగా వృద్ధి రేటు మరీ ఆశాజనకంగా ఉంది.
 
 వాస్తవానికి ఆర్థిక వ్యవస్థలో ఇంత సానుకూల పరిస్థితులేమీ కనబడటం లేదు’ అని కార్పొరేట్ సారథులు వ్యాఖ్యానించారు. బడ్జెట్ తర్వాత జరిపిన ఈ సర్వేలో వివిధ కంపెనీలకు చెందిన 189 మంది సీఈఓలు, సీఎఫ్‌ఓలు పాల్గొన్నారు. బేస్ సంవత్సరాన్ని మార్చడం(2004-05 నుంచి 2001-12కు)తో ఈ ఏడాది(2014-15) జీడీపీ వృద్ధి రేటు 7.4 శాతంగా నమోదుకానుందని కేంద్ర ప్రభుత్వం వెల్లడించిన సంగతి తెలిసిందే. 2013-14 వృద్ధి గణాంకాలను సవరించారు. 4.7 శాతం నుంచి 6.9 శాతానికి పెంచారు. కాగా, పాత బేస్ ఇయర్ ప్రకారం ఈ ఏడాది వృద్ధి రేటు 5.5 శాతంగా గతంలో కేంద్రం అంచనా వేసింది. కాగా, వచ్చే ఆర్థిక సంవత్సరం(2015-16)లో వృద్ధి రేటు 8.1-8.5% స్థాయిలో ఉండొచ్చని బడ్జెట్‌లో జైట్లీ ప్రకటించడం విదితమే. సర్వేలో ఇతర ముఖ్యాంశాలివీ..
      
 ⇒ కొత్త డేటా ప్రకారం ప్రభుత్వ ఆశావహ అంచనాలు సరైనవేనన్న అభిప్రాయానికి రావాలంటే మరికొన్నాళ్లు వేచిచూడాల్సి ఉంటుందని సర్వేలో పాల్గొన్న 71 శాతం సీఈఓలు పేర్కొన్నారు.
 ⇒ అమ్మకాలు భారీగా పుంజుకోవడం, ఉత్పాదకత మరింత మెరుగుపడాల్సి ఉందని 68 శాతం సీఎఫ్‌ఓలు అభిప్రాయపడ్డారు.
 ⇒ బడ్జెట్‌లో ఆర్థిక మంత్రి అరుణ్ జైట్లీ ప్రకటించిన పలు కీలక ప్రతిపాదనలు, చర్యలు కార్యరూపందాల్చి ఫలితాలు వచ్చేందుకు కొన్ని అడ్డంకులను అధిగమించాల్సి ఉంటుందని అసోచామ్ సెక్రటరీ జనరల్ డీఎస్ రావత్ పేర్కొన్నారు.
 ⇒ చిన్న, మధ్యతరహా(ఎంఎస్‌ఎంఈ)ల కోసం ముద్రా బ్యాంక్ ఏర్పాటు, ప్రభుత్వ రంగ సంస్థల్లో పెట్టుబడుల పెంపు, ఇన్‌ఫ్రా రంగానికి బూస్ట్ ఇచ్చేలా తీసుకున్న చర్యలు, కార్పొరేట్ పన్నును 25 శాతానికి తగ్గించే ప్రతిపాదనలను ఆయన ఉదహరించారు.
 ⇒ ఈ ఏడాదికి 7 శాతంపైనే వృద్ధి అంచనాలను చూస్తే.. భారత్ ఎన్నడూ మందగమనాన్ని చవిచూడనట్లు లెక్క అని కూడా అసోచామ్ వ్యాఖ్యానించింది.
 ⇒ గతేడాది ఆర్థిక వ్యవస్థ ఎంత గడ్డుకాలాన్ని ఎదుర్కొందో పరిశ్రమవర్గాలు అందరికీ తెలిసిందే. అయినా, వృద్ధి రేటును 4.7 శాతం నుంచి 6.9 శాతానికి పెంచడాన్ని(కొత్త బేస్ ఇయర్ ప్రకారం) కార్పొరేట్లు గుర్తు చేస్తున్నారు.


 రైల్వే బడ్జెట్‌ను స్వాగతించిన కార్పొరేట్లు
 ముంబై: ఆధునీకరణకు పెద్ద పీట వేస్తూ, రైల్వే బడ్జెట్ ఆచరణాత్మకంగా ఉందని కార్పొరేట్ దిగ్గజాలు అభిప్రాయపడ్డారు. రైల్వే ముఖచిత్రాన్ని సమూలంగా మార్చే దిశగా స్పష్టమైన ప్రతిపాదనలు బడ్జెట్‌లో ప్రస్తావించారని పేర్కొన్నారు. ఆదాయాన్ని పెంచుకునే దిశగా రైల్వే మంత్రి సురేష్ ప్రభు పలు వినూత్న ప్రతిపాదనలు చేశారని గోద్రెజ్ గ్రూప్ చైర్మన్ ఆది గోద్రెజ్ చెప్పారు. బీమా, పెన్షన్ ఫండ్స్ తదితర మార్గాల ద్వారా రైల్వేలో దీర్ఘకాలికంగా పెట్టుబడులను ఆకర్షించేందుకు ప్రతిపాదించిన చర్యలు దీర్ఘకాలికంగా రైల్వేకు మేలు చేయగలవని ఆయన తెలిపారు. కీలకమైన పలు రైల్ ప్రాజెక్టులను పూర్తి చేసేందుకు ఇవి తోడ్పడగలవన్నారు.
  
 మరోవైపు రైల్వేను లాభసాటి రవాణా సాధనంగా మార్చేందుకు మార్గనిర్దేశం చేసేలా బడ్జెట్ ఉందని ఎల్‌అండ్‌టీ ఫైనాన్స్ హోల్డింగ్ చైర్మన్ వైఎం దేవస్థలి చెప్పారు. మౌలిక సదుపాయాలను మెరుగుపర్చేందుకు మార్కెట్  నుంచి నిధులు సమీకరించేలా చేపట్టిన సంస్కరణలను స్వాగతిస్తున్నట్లు ఆయన పేర్కొన్నారు. స్థిరంగా ఆదాయాన్ని సమకూర్చుకునేలా ప్రభుత్వ, ప్రైవేట్ భాగస్వామ్య ప్రాజెక్టులపై దృష్టి పెట్టడమూ హర్షణీయమన్నారు.
 
 ప్రభుత్వ ప్రైవేట్ భాగస్వామ్యం ప్రాతిపదికన చేపట్టబోయే ప్రాజెక్టులు.. రైల్వేను అత్యాధునికంగా తీర్చిదిద్దేందుకు తోడ్పడగలవన్నారు. రైల్వేలను ఆధునీకరించడానికి మంత్రి సురేశ్ ప్రభు రూపొందించిన సమగ్ర ప్రణాళికగా బడ్జెట్‌ను సీఐఐ ప్రెసిడెంట్ అజయ్ శ్రీరామ్ అభివర్ణించారు. రాబోయే అయిదేళ్లలో రూ. 8.5 లక్షల కోట్ల పెట్టుబడుల ప్రతిపాదనలతో రైల్వేస్ అత్యాధునికంగా మారగలదని, ఆర్థిక వృద్ధికి గణనీయంగా తోడ్పడగలదని ఆయన పేర్కొన్నారు.
  
 ప్రొక్యూర్‌మెంట్ విధానాన్ని సరళతరం చేశారని, దీర్ఘకాలిక దృష్టితో బడ్జెట్‌ను రూపొందించారని త్వరలో సీఐఐకి కొత్త ప్రెసిడెంట్‌గా పగ్గాలు చేపట్టబోయే సుమీత్ మజుందార్ వ్యాఖ్యానించారు. ఒకవైపు ప్రయాణికుల అవసరాలకు పెద్ద పీట వేస్తూ, మరోవైపు రవాణా సేవలను మెరుగుపర్చే విధంగా రైల్వే బడ్జెట్ ఉందని జీఈ దక్షిణాసియా విభాగం ప్రెసిడెంట్ బన్‌మాలి ఆగ్రావాలా చెప్పారు.
  
 కేవలం హామీలే..: జిందాల్ స్టీల్ అండ్ పవర్ సీఈవో రవి ఉప్పల్ మాత్రం రైల్వే బడ్జెట్‌పై పెదవి విరిచారు. సమగ్రంగా లేదని, కేవలం హామీలే గుప్పించారని వ్యాఖ్యానించారు. బొగ్గు రవాణా చార్జీలను పెంచడమనేది.. పరిశ్రమలను, మేక్ ఇన్ ఇండియా నినాదం స్ఫూర్తిని దెబ్బతీసే విధంగా ఉందన్నారు. ఇక, ఉక్కు రవాణా చార్జీలను కూడా పెంచకుండా ఉండాల్సిందని ఉప్పల్ అభిప్రాయపడ్డారు.


 సాక్షి, హైదరాబాద్: ఔత్సాహిక పారిశ్రామిక వేత్తల కోసం ప్రోగ్రెసివ్ సాఫ్ట్‌వేర్ సంస్థ మాదాపూర్‌లో కార్పొరేట్ పసిఫిక్ ఇన్‌క్యుబేటర్‌ను ప్రారంభించింది. సైయింట్  చైర్మన్ బీవీఆర్ మోహన్ రెడ్డి చేతుల మీదుగా మంగళవారం దీన్ని ప్రారంభించారు. స్టార్టప్ కంపెనీలకు సలహాలు, సాంకేతిక పరిజ్ఞానంపై అవగాహన కల్పించటం తమ ఇన్‌క్యుబేటర్ లక్ష్యమని, ఇది దేశంలోనే మొదటి కార్పోరేట్ ఇన్‌క్యుబేటర్ అని నిర్వాహకులు తెలిపారు. ఈ కార్యక్రమంలో ట్రిపుల్‌ఐటీ డెరైక్టర్ పి.జె.నారాయణ, ప్రోగ్రెసివ్ సాఫ్ట్‌వేర్ సంస్థ ఎండీ రమేష్ లోగనాథన్, డేవ్ బెన్‌సన్ తదితరులు పాల్గొన్నారు.


 ఏబీకే ప్రసాద్, సీనియర్ సంపాదకులు
  
  కేంద్ర మంత్రిత్వ శాఖలలో దేశీయ కార్పొరేట్ దిగ్గజాలు తిష్ట వేయడం ఈరోజు ముచ్చట  కాదు. కూపీలతో, లంచాలతో, ప్రలోభాలతో అవి పాలనా వ్యవస్థలో చొరబడుతూనే ఉన్నాయి. పెట్టుబడిదారీ దోపిడీ వ్యవస్థ కొనసాగినంతకాలమూ ఇదే కొనసాగిస్తాయి కూడా. పెట్టుబడి దారీ వ్యవస్థకు సంరక్షకునిగా అధికారంలోకి వచ్చే ఏ ప్రభుత్వమైనా చేయగలిగిందేమిటి! వారి రాజకీయ మనుగడ కొనసాగడానికి డబ్బు సహా, అన్ని‘రకాల’ తోడ్పాటును అందించేందుకు సదా సిద్ధంగా ఉండే బడా పెట్టుబడిదారీ వర్గాల ప్రయోజనాలను కాపాడటమే!
  
  
  ‘పరాయి పాలన తొలగి, దాని స్థానంలో స్వదేశీ ప్రభుత్వం ఏర్పడినప్పటికీ తమ ప్రత్యేక హక్కులను కోరుకునే సంపన్నవర్గాలూ, గ్రూపులూ తమ హక్కులను స్వచ్ఛందంగా వదులుకున్నట్టు చరిత్రలో ఎక్కడా దాఖలా లేదు. ఈ కొలదిమంది స్వార్థ ప్రయోజనాలను ముట్టకుండా అలాగే కొనసాగిస్తే ఇక అది దేశానికి నామమాత్రపు స్వాతంత్య్రం కూడా కాజాలదు.’
  - జవహర్‌లాల్ నెహ్రూ
  
  ‘దేశ స్వాతంత్య్రానంతర దశలో పాత సామ్రాజ్యవాద, విదేశీ పెట్టుబడి దారులతో పాటు దేశీయ పెట్టుబడిదారులు కూడా చేతులు కలిపి ఉభయ వర్గాలు ప్రజలను దోచుకుతింటాయి.’    
  - భగత్‌సింగ్
  
  ఇంతకూ ‘లోకువ ఎవ్వడురా అంటే, దారినపోయే సుంకర కొండయ్య’ అన్నాడని పెద్దలు అంటూ ఉంటారు. బొగ్గు, గని ఖనిజాలు, 2-జీ వంటి కుంభకోణాల గొడవ పాతది. వీటి గురించి సుప్రీంకోర్టు వెల్లడించి, గద్దించే వరకు వాటిపైన విచారణ జరిపి నేరగాళ్లను శిక్షించిన పాపాన పోలేదు. ఈ నిర్లిప్తత, దాటవేత ఒక్క కాంగ్రెస్-యూపీఏ గుత్త సొమ్ము కాదనీ, అది బీజేపీ-ఎన్డీఏ గుత్తసొమ్ము కూడాననీ తాజాగా నిగ్గు తేలింది. ఆ ఇద్దరిలో ఎవరికి ఎవరూ తీసిపోరని ఇంధన, పెట్రోలియం, విద్యుత్‌శాఖలలో తాజాగా జరిగిన కీలకపత్రాల తస్కరణ బాగోతం చెబుతోంది. ఆ పత్రాలను తస్క రించి లబ్ధి పొందడానికి దేశ విదేశాలకు చెందిన ఐదు బడా ప్రైవేట్ కార్పొరేట్ సంస్థలు ఎంతకు తెగించాయో ఈ ఉదంతం వెల్లడిస్తున్నది. దేశీయ ఆర్థిక వ్యవస్థను కూల్చడానికీ, మళ్లీ పాలక వ్యవస్థ అండతోనే మనుగడ సాగించడా నికీ ఆ సంస్థలు - రిలయన్స్ ఇండస్ట్రీస్, ఎస్సార్, కెయిరాన్ ఇండియా, జూబి లెంట్ ఎనర్జీ, అనిల్ ధీరూబాయ్ అంబానీ గ్రూపులు - ఎప్పుడో సిద్ధమై నాయి. కానీ ఇంత బాహాటంగా ఈ సంస్థల పేర్లు బయటపడుతున్నా, ప్రస్తు తం పాలిస్తున్న బీజేపీ-ఎన్టీఏ గానీ, ఇంతకు ముందు పాలన వెలగబెట్టిన  కాంగ్రెస్-యూపీఏ గానీ చేసినదేమిటి? ఆరోపణలు ఎదుర్కొంటున్న కార్పొ రేట్ దిగ్గజాలను అరెస్టు చేయడం కాదు, వారి కార్యాలయాలలో డాక్యుమెం ట్లను చూసే అధికారులను తీసుకొచ్చి విచారిస్తున్నారు. ఈ ‘సుంకర కొండ య్య’లను పట్టుకుని, లక్షల కోట్లకు ఏతాములెత్తిన దిగ్గజాల జోలికి వెళ్లడం లేదు. భారత రాజ్యాంగం పాలకవర్గాలకు అలాంటి ‘స్వేచ్ఛ’ను ఇవ్వలేదు.
  
  ప్రభుత్వ శాఖలలో చెదలు
  
  కేంద్ర మంత్రిత్వ శాఖలలో దేశీయ కార్పొరేట్ దిగ్గజాలు తిష్టవేయడం ఈ రోజు ముచ్చట కాదు. కుహనా పద్ధతులతో, కూపీలతో, లంచాలతో, ప్రలో భాలతో అవి పాలనావ్యవస్థలో చొరబడుతూనే ఉన్నాయి. పెట్టుబడిదారీ దోపిడీ వ్యవస్థ కొనసాగినంతకాలం రేపు కూడా ఇదే కొనసాగిస్తాయి కూడా. నిన్న, నేడు అంబానీలు, రేపు ఆదానీలు. అంతే. పెట్టుబడి దారీ వ్యవస్థకు సం రక్షకునిగా అధికారంలోకి వచ్చే ఏ ప్రభుత్వమైనా చేయగలిగిందేమిటి! వారి రాజకీయ మనుగడ కొనసాగడానికి డబ్బు సహా, అన్ని‘రకాల’ తోడ్పాటును అందించేందుకు సదా సిద్ధంగా ఉండే బడా పెట్టుబడిదారీ వర్గాల ప్రయోజనా లను కాపాడడమే. నిన్న యూపీఏకు  మద్దతుగా టాటా, బిర్లా, అంబానీలు నిలిచినట్టే; నేడు అధికారం చేపట్టిన, రేపు చేపట్టబోయే పాలక వర్గాలకి సైతం అలాంటి వర్గాలే మద్దతుగా నిలబడతాయి. తమ ప్రతినిధులకే వత్తాసు పలు కుతాయి. ఇందుకు ప్రతిగా తమ వంతు సహకారాన్ని వారికి అందించడానికి పాలకవర్గాలూ సిగ్గుపడవు. రాజీవ్‌గాంధీ హయాంలో  కేబినెట్ నిర్ణయాలు, వాటి పత్రాలు, ప్రధాని కార్యాలయం నుంచి కుమార్ నారాయణ్ అనే వేగుల వాడు దొంగిలించి విదేశాలకు అమ్మేశాడు (ఇతడు జైల్లోనే చనిపోయాడు). పటిష్ట భద్రత నడుమ ఉండే ప్రధాని, సంబంధిత కార్యాలయాల నుంచే రహ స్య పత్రాలు బహిర్గతం కావడం అంటే, కార్పొరేట్ సంస్థలు ఎంతకు తెగిస్తు న్నాయో అర్థమౌతుంది. ఇంత జరుగుతున్నా, ఈ వివాదంలో అధికారులపైన విచారణ జరిపి చర్యలు తీసుకుంటామంటే దాని అర్థం - తాము కార్పొరేట్ సంస్థలపైన వేధింపు చర్యలకు దిగుతున్నామని భావించరాదని ప్రస్తుత చమురు, సహజ వాయువు ఇంధన శాఖ మంత్రి ధర్మేంద్ర ప్రధాన్ హామీ ఇస్తున్నారు! ఒకటికి పదిసార్లు మంత్రి ‘భరోసా’ ఇస్తూ ఎవరి ప్రయోజనాలు ఎక్కడ కేంద్రీకరించి ఉన్నాయో చెప్పకనే చెబుతున్నారు!
  
  ఎదురు చెబితే అంతే సంగతులు?
  
  ఈ ఎత్తుగడలు, కుట్రలతోనే గతంలో కృష్ణ-గోదావరీ బేసిన్‌లో రిలయన్స్ అంబానీలు తలపెట్టిన తవ్వకాల ద్వారా లభించిన అపార చమురు, సహజ వాయువు నిధులను గుజరాత్‌కు తరలిస్తున్నందుకు, అదికూడా ఉమ్మడి రాష్ట్ర ప్రయోజనాలకు తొలి ప్రాధాన్యమివ్వకుండా తరలిస్తున్నందుకు దివంగత ముఖ్యమంత్రి వైఎస్ పదే పదే అభ్యంతరం తెలపాల్సివచ్చింది. ధరలను అదుపు తప్పి పెంచడాన్నీ ఆయన నిరసించి, యూపీఏ పాలకులకు ఆరు లేఖలు రాసినా ఫలితం లేకపోయింది. కారణం? అంబానీలకు నాటి పెట్రోలి యం గ్యాస్ శాఖల డెరైక్టర్ జనరల్ వి.కె. సిబాల్ నుంచి ‘వల్లమాలిన’ ప్రేమా నురాగాలు లభించాయి! కంప్ట్రోలర్ అండ్ ఆడిటర్ జనరల్ నివేదిక కూడా రిలయన్స్ చర్యలను ఖండించినా సిబాల్ అండదండలతో, సంబంధిత మం త్రి దేవ్‌రా సహకారంతో ఆంధ్రప్రదేశ్ ఆయిల్ నిక్షేపాలను రిలయన్స్ యథే చ్ఛగా దోచి, గుజరాత్‌కు తరలిస్తూ వచ్చింది. అంబానీల అశీస్సులతో సిబా ల్‌కు ముంబైలో ఖరీదైన మేడ అమరింది! సీబీఐ దర్యాప్తులో ఇదీ వెల్లడైంది! అప్పటికి అయిదేళ్లుగా ప్రభుత్వం అండతోనే కేజీ బేసిన్‌లో రిలయన్స్ దోపిడీ  ఎలా సాగుతూవస్తోందో మొదటిసారిగా రాజ్యసభ సుప్రసిద్ధ సభ్యుడు తపన్ సేన్ వెల్లడించారు. ఈ క్రమంలోనే హెలికాప్టర్ అనుమానిత ప్రమాదంలో వైఎస్ చనిపోయారు! అలాగే కేజీ బేసిన్‌లో రిలయన్స్, కెయిరాన్ సాగిస్తున్న ఆయిల్, గ్యాస్ దోపిడీని, దేశ సహజవనరుల దోపిడీని అరికట్టేందుకు విశాఖ పట్నానికి చెందిన ‘విశాఖ (వార్) వెటరన్స్’ కన్వీనర్, ఇండో-పాక్ యుద్ధ వీరుడు కెప్టెన్ రాయ్ లారెన్ డేవిడ్ నాథనీల్ 2012లో ఆంధ్రప్రదేశ్ హైకోర్టు లో ప్రజాప్రయోజన వ్యాజ్యం (పిల్) నడపాల్సి వచ్చిందని మరవరాదు.
  
  దోపిడీకి పోటీ పడుతున్న దిగ్గజాలు
  
  ప్రస్తుతం ఈ దేశీ, విదేశీ కంపెనీలు ఆయిల్, గ్యాస్ వనరుల వెలికితీత చాటు న విదేశీ ప్రత్యక్ష గుత్త పెట్టుబడులను ఆయిల్ రంగంలో 100 శాతం గుప్పిం చబోవడంతో, రక్షణ రంగంలో సహితం విదేశీ గుత్త సంస్థల పెట్టుబడులను భారీగా మోదీ ప్రభుత్వం అనుమతించబోవడంతో - ఒక కొత్త పోటీ ఈసారి అంబానీలకూ, గౌతమ్ ఆదానీ గ్రూపునకూ మధ్య పెరగనుంది. ఈ పోటీలో మోదీకి సన్నిహితులు, పెట్టుబడికి, కట్టుకథలకు మోసులెత్తిన అంబానీ, ఆదానీల మధ్య వ్యాపార వైరుధ్యం పెరగనుంది. ఆ క్రమంలోనే టాటా గ్రూపు, అంబానీలతో పాటు సన్నిహితుడైన గౌతమ్ ఆదానీ మరింతగా స్వైర విహారం చేసే అవకాశం ఉంది. ఎందుకంటే ఇప్పటి కార్పొరేట్ సంస్థలు గతంలో లాగా ‘మందకొడి’గా లేవు! వాటి చైతన్యం వ్యాపార సరిహద్దులు దాటి ప్రసార, ప్రచార మాధ్యమాల (మీడియా)కు పాకింది. సాధారణ మీడియాలో కార్పొరేట్ సంస్థల ప్రజావ్యతిరేక, రాజ్యాంగ వ్యతిరేక చర్యలు బహిర్గతం అవుతూండటంతో అవి భారీ ఎత్తున సొంత మీడియా విస్తరణకు దిగాయి.
  
  ఇప్పటికీ ఆదానీ, మోదీలు అనుమానాస్పద ఒప్పందాలలో ఉన్నా రని కాంగ్రెస్ ఉపాధ్యక్షుడు రాహుల్ గాంధీ పదే పదే ఆరోపిస్తున్నాడు. ఈ విషయాన్ని వినోద్ మెహతా తన తాజా గ్రంథం ‘‘ఎడిటర్ అన్‌ప్లగ్డ్’’ (పేజీ:59)లో నమోదు చేశాడు! ఇప్పుడు అంబానీ, ఆదానీలు ఇద్దరూ మీడియా ‘భల్లూకాలు’గా మారారు.  ఎన్‌డీ టీవీకి యజమానులుగా ఉన్న ప్రణయ్ రాయ్, రాధికా రాయ్‌లను తప్పించి ఆదానీ అధినేత అయ్యాడు. ఇక మన రాష్ట్రంలో ఒక గ్రూపు కంపెనీలలో తన వాటాలను ముఖేష్ అంబానీ రిలయన్స్ (రిల్)  సీఎన్‌ఎన్ చానల్‌కు చెందిన రాఘవ బాహాల్ గ్రూపునకు అమ్మేసి, వారి ఆధ్వర్యంలోని ‘టీవీ-18’ను స్వాధీనం చేసుకున్నాడు! మరో పారిశ్రామికవేత్త, బ్యాంకర్ ఉదయ్ కోటక్ ‘బిజినెస్ స్టాండర్డ్’ యజమాన య్యాడు! విద్యుత్, బొగ్గు వనరుల రంగంపై కన్నువేసిన విజయ దార్దా ‘లోక్ మత్ టీవీ’కీ, పత్రికలకూ అధిపతి! సిమెంటు, కారు బ్యాటరీల వ్యాపారి రం జిత్ రహేజా ‘అవుట్‌లుక్’ గ్రూపు సారథి! మీడియా నిర్వహణలో భావ ప్రక టనా స్వేచ్ఛను గ్యారంటీ చేసిన అమెరికన్ రాజ్యాంగం తొలి సవరణ (ఫస్ట్ ఎమెండ్‌మెంట్) చాటున దాగి ఆరు బడా బడా కార్పొరేట్ సంస్థలు- జనరల్ ఎలెక్ట్రిక్, డిస్నీ, మైహోమ్ టైమ్ వార్నర్, న్యూస్ కార్పొరేషన్, సీబీఎస్ నేడు అమెరికా మీడియాలో 90 శాతానికి రాక్షసాధిపతులు! ఆ పడమటి గాలులు తూర్పుగాలులను వేగాతివేగంగా ప్రభావితం చేస్తున్నాయి! ఇంత బరితెగిం చిన సందడిలో కూడా ప్రధాని మోదీ మాత్రం ‘నాకు పిల్లా జెల్లా ఎలాగూ లేరు, నాకెందుకు సంపాదన’ అంటూనే 120 కోట్ల మంది భారతీయుల మూ ల్గులను తినేస్తున్న మహా కోటీశ్వరులను ఆశీర్వదించడం కళాత్మక విశేషం!
  (వ్యాసకర్త మొబైల్: 9848318414)
  
 
  


 న్యూఢిల్లీ: బ్యాంకులకు కేంద్రం తాజా మూలధనాన్ని సమకూర్చే విషయంలో వాటి ‘పనితీరు’ను ప్రామాణికంగా తీసుకోవాలన్న కేంద్రం యోచన సరైందేనని రిజర్వ్ బ్యాంక్ ఆఫ్ ఇండియా (ఆర్‌బీఐ) డిప్యూటీ గవర్నర్ ఆర్ గాంధీ  సోమవారం అభిప్రాయపడ్డారు. బ్యాంకుల సామర్థ్యం మెరుగుదలకు ఇది తగిన సంకేతమని పేర్కొన్నారు. ఇక్కడ జరిగిన ఒక కార్యక్రమంలో పాల్గొన్న ఆయన ఈ సందర్భంగా విలేకరులతో మాట్లాడారు. ఐసీఐసీఐ బ్యాంక్, ఐఎన్‌జీ వైశ్యా వంటి ప్రైవేటు రంగంలోని బ్యాంకుల్లో సైతం మొండిబకాయిల సమస్య ప్రారంభమైందన్నారు.
 
 డిసెంబర్ త్రైమాసికంలో కార్పొరేట్ రుణాలు మొండిబకాయిలుగా మారడం దీనికి కారణమని అన్నారు.  గత వారాంతంలో రూ.6,990 కోట్ల తాజా కేపిటల్ ప్రకటన విషయాన్ని గాంధీ ప్రస్తావిస్తూ, ఎస్‌బీఐ, బ్యాంక్ ఆఫ్ బరోడా, కెనరా బ్యాంక్, పంజాబ్ నేషనల్ బ్యాంక్ వంటి సంస్థలకు తాజా నిధులు అందే అవకాశం ఉందన్నారు.


 ఢిల్లీ: భూసేకరణ చట్టంలో కేంద్ర  ప్రభుత్వం మార్పులు చేయడాన్ని సామాజిక ఉద్యమకర్త మేథా పాట్కర్ వ్యతిరేకించారు. కేంద్రం ఆర్డినెన్స్ మార్గాన్ని ఎందుకు ఎంచుకుంటుందో చెప్పాలని డిమాండ్ చేశారు. మోదీ సర్కారు ఆరు నెలల కాలంలో మూడు ఆర్డినెన్సులు తీసుకొచ్చిందని గుర్తు చేశారు. మనమేమైనా ఎమర్జెన్సీలో ఉన్నామా అని ట్విటర్ లో ప్రశ్నించారు.
 
 కార్పొరేట్ వర్గాలకు మేలు చేసేందుకు మాత్రమే కేంద్ర ప్రభుత్వం భూసేకరణ చట్టంలో మార్పులు చేస్తోందని ఆమె ఆరోపించారు. కేవలం భూసేకరణ చట్టం వల్లే 20 లక్షల రూపాయల పెట్టుబడులు ఆగిపోయాయనడం సరికాదని మేథాపాట్కర్ పేర్కొన్నారు. భూసేకరణ చట్టంలో మార్పులు చేస్తూ కేంద్ర ప్రభుత్వం తెచ్చిన ఆర్డినెన్స్ రైతుల ప్రయోజనాలకు వ్యతిరేకంగా ఉందన్నారు.


 పేదల జీవితాలు బాగుచేయండి
 సీపీఎం నేత బీవీ రాఘవులు
 విజయవాడ సబ్‌కలెక్టరేట్ వద్ద ధర్నా
  
 విజయవాడ : పాలకులు కార్పొరేట్ శక్తులకు తొత్తులుగా మారారని సీపీఎం పొలిట్ బ్యూరో సభ్యుడు బి.వి.రాఘవులు ధ్వజమెత్తారు. జాతీయ ఉపాధి హామీ పథకాన్ని కుదిస్తూ కేంద్ర ప్రభుత్వం తీసుకుంటున్న నిర్ణయానికి వ్యతిరేకంగా సీపీఎం దేశవ్యాప్తంగా ఆందోళన కార్యక్రమాలు చేపట్టింది. ఇందులో భాగంగా ఆ పార్టీ కృష్ణాజిల్లా విభాగం శ్రేణులు బుధవారం నగరంలోని సబ్-కలెక్టరేట్ వద్ద చేపట్టిన ధర్నా కార్యక్రమంలో ఆయన పాల్గొన్నారు. ఈ సందర్భంగా రాఘవులు మాట్లాడుతూ కేంద్ర, రాష్ట్ర  ప్రభుత్వాలు ప్రజావ్యతిరేక విధానాలను అనుసరిస్తున్నాయని విమర్శించారు. పేదలు, కార్మికులకు వ్యతిరేకంగా చట్టాలు చేస్తున్న కేంద్ర ప్రభుత్వం.. విదేశీ కార్పొరేట్ శక్తులకు కొమ్ముకాస్తోందన్నా రు. ్రపధాని మోదీ ఆహ్వానిస్తున్న విదేశీ కంపెనీలు భవిష్యత్‌లో దేశాన్ని కొల్లగొట్టే ప్రమాదం ముంచుకొస్తోందన్నారు. విదే శీ  యంత్రాలు, యంత్ర యజమానులకు వేలకోట్లు ధారాదత్తం చేసేందుకు కేంద్ర ప్రభుత్వం ఎన్‌ఆర్‌ఈజీఎస్ పథకాన్ని నీరుగార్చేందుకు యత్నిస్తోందన్నా రు. రాష్ట్రంలో అధికారంలో ఉన్న టీడీపీ అధినేత చంద్రబాబు విజయవాడలో రాజధాని ఏర్పాటు చేస్తామని చెబుతున్నారన్నారు.  
 
 చంద్రబాబు ఆర్నెల్ల పాలనలో ప్రజల జీవన ప్రమాణాలు పూర్తిగా దెబ్బతిన్నాయని రాఘవులు విమర్శించారు. చంద్రబాబుకు చిత్తశుద్ధి ఉంటే  ఎన్‌ఆర్‌ఈజీ ఎస్ పథకాన్ని కుదించవద్దని,  ప్రభుత్వరంగం సంస్థలను ప్రైవేటు పరం చేయవద్దని మంత్రిమండలిలో తీర్మానం చేసి పార్లమెంటు సమావేశాలకు పంపాలని రాఘవులు సూచించారు. సీపీఎం రాష్ట్ర కార్యదర్శివర్గ సభ్యుడు పిన్నమనేని మురళీ కృష్ణ మాట్లాడుతూ ఎన్‌ఆర్‌ఈజీఎస్ పథకాన్ని నిర్వీర్యం చేసేందుకు కేంద్ర రాష్ట్ర ప్రభుత్వాలు యత్నిస్తున్నాయని ధ్వజమెత్తారు.  పేదల పక్షాన సీపీఎం పోరాటం చేస్తుందని ఆయన అన్నారు.  ఆందోళన కార్యక్రమంలో పార్టీ రాష్ట్ర కార్యదర్శివర్గ సభ్యుడు యు.ఉమామహేశ్వరరావు, పార్టీ జిల్లా కార్యదర్శి ఆర్.రఘు, నగర కార్యదర్శి సిహెచ్ బాబూరావు, రైతు సంఘం కార్యదర్శి వై.కేశవరావు తదితరులు పాల్గొన్నారు.
  
  
  


 రెండు తెలుగు రాష్ట్రాల్లోనూ సాగు భూములను వ్యవసాయేతర అవసరాలకు మరల్చే ధోరణి వేగంగా పెరుగుతోంది. ఇలా ఉపాధి కోల్పోతున్న రైతాంగం గ్రామాలకు గ్రామాలే ఖాళీ చేసి, పొట్ట చేతపట్టుకొని వలసపోవడం ఆగడం లేదు. 1960-70లలో జరిగిన వలసలకు భిన్నంగా నేటి వలసలు వ్యవసాయరంగం క్షీణత వల్ల జరుగుతున్నవి. ఈ వలసలు కుటుంబాలను ఛిన్నాభిన్నం చేస్తున్నాయి. ఉపాధి, జీవన భద్రతలు కాదుగదా తలదాచుకునే నీడ దొరకడం సైతం వారికి గగనమవుతోంది. గ్రామాల్లో బతకలేక నగరాల్లో ఇమడనూ లేక సతమతమవుతూ నానా యాతనలు పడాల్సి వస్తోంది.
  
 గాంధీజీ నిర్వచించిన గ్రామ స్వరాజ్యం ఇప్పుడొక నినాదం మాత్రమే. ఆచరణలో గ్రామాన్ని, స్వరాజ్యాన్ని కూడా కార్పొరేట్ యంత్రం మింగేసింది. దేశానికి పట్టుగొమ్మలైన పల్లెసీమలు పొట్టచేత పట్టి, తట్టనెత్తినబెట్టి కూటి కోసం, కూలికోసం పట్టణాలకు తరలి వెళుతున్నాయి. అటు దేశ ఆర్థిక వ్యవస్థకు, ఇటురాష్ట్రాల ఆర్థిక వ్యవస్థలకు ఆలంబన, జవం, జీవమూ అయిన వ్యవసాయం రోజు రోజుకీ కుంచించుకు పోతున్నది. జాతీయాదాయంలో వ్యవసాయ రంగం వాటా నానాటికీ దిగజారుతోంది. స్థూల జాతీయాదా యంలో (జీడీపీ) వ్యవసాయం, దాని ఆధారిత రంగాల వాటా 1960-1961లో 47.6 శాతంగా ఉండేది. క్రమంగా అది 1970-71లో 41.7 శాతం, 1980-81లో 35.7 శాతం, 1990-1991లో 29.5 శాతం, 2000-2001లో 22.3 శాతం, 2010-11లో 14.4 శాతానికి పడిపోయింది.
  
 సాగు భూములకు ‘వృద్ధి’ గండం
 
 ఆధునికత పేరిట, అభివృద్ధి పేరిట సాగు భూములను వ్యవసాయేతర అవసరాలకు వాడటం పెచ్చు పెరిగిపోతోంది. దీంతో సాగు భూమి విస్తీర్ణం రోజు రోజుకూ తగ్గిపోతున్నది. ఈ విషయంలో రెండు తెలుగు రాష్ట్రాల్లోనూ పరిస్థితి దాదాపు ఒకేలా కనబడుతున్నది. ఆశ్చర్యకరంగా శ్రీకాకుళం జిల్లాలో సైతం వ్యవసాయేతర అవసరాలకు ఎక్కువగా వాడటం వల్ల సాగు విస్తీర్ణం పెద్ద ఎత్తున పడిపోయింది. కర్నూలు జిల్లాలోనూ అదే పరిస్థితి. అందుబాటులో ఉన్న జిల్లాలవారీ లెక్కల ప్రకారం శ్రీకాకుళంలో 33 శాతం, కర్నూలులో 37 శాతం, తూర్పు గోదావరిలో 25 శాతం, విశాఖలో 20 శాతం, నెల్లూరులో 25 శాతం, కరీంనగర్‌లో 27 శాతం, రంగారెడ్డిలో 29 శాతం, మెదక్‌లో 15 శాతం సాగు భూమి వ్యవసాయేతర అవసరాలకు బదలాయించినట్టు ప్రభుత్వ గణాంకాలే స్పష్టం చేస్తున్నాయి.
 
 ఇతర జిల్లాల్లోనూ ఇంచు మించు ఇదే పరిస్థితి. రెండు రాష్ట్రాల్లో కలిపి కనీసం 30 లక్షల ఎకరాల భూమిని వ్యవసాయం నుంచి వేరే అవసరాలకు మరల్చారు. 30 సంవత్సరాల క్రితం 80-85 శాతంగా ఉన్న గ్రామీణ జనాభా 60 శాతానికి పడిపోయింది. అంటే గత 30 ఏళ్లలో 20 శాతం జనాభా పల్లెలను వదిలిపెట్టి వెళ్లిపోయారు. ఇంకా చాలా మంది వ్యవసాయాన్ని వదిలి గ్రామాల్లోనే రకరకాల ఇతర పనులకు మారిపోయారు.
  
 రెండు తెలుగు రాష్ట్రాల్లో 30 లక్షల ఎకరాల భూమి వ్యవసాయానికి దూరమైందంటే కొన్ని లక్షల మంది శ్రామికులు వ్యవసాయ రంగాన్ని వీడినట్టేనని అర్థం. సాగులో ఉన్న ఒక ఎకరం భూమి ఎనిమిది మందికి ఉపాధిని కల్పిస్తుందని నిపుణుల అంచనా. అంటే రెండు రాష్ట్రాల్లో కలిపి వ్యవసాయంపై ఆధారపడ్డవారిలో  దాదాపు 2 కోట్ల 40 లక్షల మంది ఉపాధిని కోల్పోయారు. ఇంత భారీ ఎత్తున ఉపాధిని కోల్పోయిన రైతాంగ ప్రజానీకం కోసం మనం ఏ ప్రత్యామ్నాయ ఏర్పాట్లను చేస్తున్నామనేదే ప్రశ్న.
 
 పదేళ్ల క్రితం యూపీఏ ప్రభుత్వం ప్రవేశపెట్టిన మహాత్మాగాంధీ గ్రామీణ ఉపాధి హామీ పథకం వల్ల కొంత తాత్కాలిక ఊరట కలిగిన మాట నిజమే. నేటి ఎన్డీయే ప్రభుత్వం దానిని సైతం మార్చడానికి ప్రయత్నిస్తోంది. గ్రామీణ ఉపాధి కల్పన సమస్యను యూపీఏ గానీ, ఎన్డీయే గానీ రాజకీయ దృష్టితో చూస్తున్నాయే తప్ప ప్రజా ప్రయోజనాలను దృష్టిలో పెట్టుకొని కాదు.
 
 గ్రామీణాభివృద్ధిలో వ్యవసాయాభివృద్ధి విడదీయరాని భాగమనే సమగ్ర దృష్టితో పాలకులు ఈ సమస్యను చూడటం లేదు. కాబట్టే గ్రామాలకు గ్రామాలే ఖాళీ చేసి ప్రజలు పొట్ట చేతపట్టుకొని వలస వెళ్లిపోవడం ఆగడం లేదు. దీంతో నగరాల మీద ఒత్తిడి పెరిగి నిరుద్యోగ సమస్య తీవ్రమౌతోంది. పట్టణాలకు తరలివస్తున్న వారికి కనీస సదుపాయాల్లేవు సరికదా తలదాచుకునే స్థలం కూడా లేని దుస్థితి ఏర్పడింది.
  
 భరోసాలేని వలస బతుకులు
 
 1960-70లలో గ్రామాల నుంచి పట్టణాలకు జరిగిన వలసలకూ, 1990 తరువాత జరిగిన వలసలకు చాలా తేడా ఉన్నది. 1960-70లలో గ్రామాల నుంచి పట్టణాలు చేరిన వారికి సుస్థిరమైన ఉపాధికి లేదా ఉద్యోగానికి హామీ ఉండేది. ఆ దృష్టితో చూస్తే వారికి జీవన భద్రత ఉండేది. అందుకే ఆ రోజుల్లో పదో పరకో సంపాదించుకోవచ్చనే ఆశతో ఎంతో ఇష్టంగా గ్రామాల నుంచి వలస వెళ్లిపోయారు. ముఖ్యంగా గనులు, రైల్వేలు తదితర ప్రభుత్వ రంగ సంస్థల్లో గౌరవప్రదమైన ఉపాధిని పొందారు. ఆ కుటుంబాల స్థితిగతుల్లోనూ గణనీయమైన మార్పు వచ్చింది. మా అనుభవంలో సింగరేణి బొగ్గు గనుల్లో కార్మికులుగా చేరినవారి కుటుంబాల్లో ఈ రోజు ఉన్నత చదువులు చదివి అత్యున్నతమైన ఉద్యోగాలు పొందిన వాళ్లున్నారు. సింగరేణి కార్మికుడి కొడుకే ఈ రోజు సింగరేణి డెరైక్టర్ స్థాయికి ఎదగగలిగారు. పలువురు ఐఏఎస్, ఐపీఎస్‌లు కూడా కాగలిగారు.
  
 వ్యవసాయం క్షీణించడం వల్ల జరుగుతున్న నేటి వలసలు కుటుంబాలను ఛిన్నాభిన్నం చేస్తున్నాయి. పూట గడవక పట్టెడన్నం కోసం సుదూర తీరాలకు వెళ్లి శవాలుగా తిరిగి వస్తున్న దయనీయ స్థితికి ఉదాహరణలు రెండు రాష్ట్రాల్లోనూ కోకొల్లలు. కారణం వలస వచ్చిన వాళ్లకు నగరాల్లో స్థిరమైన వృత్తి, ఉద్యోగం దొరకక పోవడం, జీవన భద్రతకు భరోసా లేకపోవడమే. పైగా ఉపాధి, కులంతో ముడిపడి ఉంటోంది. ఆధిపత్య కులాలకున్న ఉద్యోగ భద్రత మిగిలిన కులాలకు ఉండటం లేదు. ప్రభుత్వ, ప్రైవేట్ రంగ ఉద్యోగాలు, వ్యాపారాలలో సైతం ఆధిపత్య కులాలకు ఉన్న భరోసా వెనుకబడిన కులాలకు ఉండటం లేదు. వెనుకబడిన కులాల వారు చిన్నాచితకా ఉద్యోగాలతో సరిపెట్టుకోవాల్సిందే.
  
 ఇక దళితులు, గిరిజనులైతే మట్టి పని, చెత్తపని వంటి కఠినమైన, హేయమైన పనులతో సంతృప్తి చెందాల్సిందే.  రైల్వే లైన్ల పక్కన, మురికి కాల్వల పక్కన, ప్లాస్టిక్ కాగితాల గుడిసెల్లో జీవించే దయనీయమైన స్థితి వలస కార్మికులకు సర్వసాధారణంగా మారిపోయింది. వారి జీవితాలకు భరోసా లేదు, వారి ఆడపిల్లలకు భద్రత లేదు. విద్య సంగతి ఇక చెప్పనవసరం లేదు. ఆరోగ్యం గగన కుసుమమే. గ్రామాల్లో బతకలేక నగరాల్లో ఇమడనూ లేక సతమతమవుతూ నానా యాతనలు పడాల్సి వస్తోంది.
  
 రోజు కూలీలు వృద్ధి రథ చక్రాలు
 
 ఎటువంటి భరోసా, భద్రతలేని కూలీల సంఖ్య రోజు రోజుకూ పెరిగి పోతున్నది. ఈ పరిస్థితిని ఉద్దేశపూర్వకంగానే పెంచుతున్నారనే అభిప్రాయం కూడా ఉంది. పరిశ్రమాధిపతులకు, వ్యాపారులకు కావాల్సింది భద్రత, భరోసా లేని కూలీలే. పనికి ఎలాంటి హామీ లేని కూలీ సైన్యాన్ని పెంచితేనే అతి తక్కువ కూలి రేట్లకు శ్రామికులు లభిస్తారనే అభిప్రాయం బలంగా ఉంది. ఇలాంటి కూలీ సైన్యాన్ని అంతర్జాతీయంగా ‘‘పుట్ లూజ్ లేబర్’’ అని అంటున్నారు.
 
 ఈ దుస్థితి వల్ల కూలీలు, కార్మికులు, ఉద్యోగులు వేతనాలు, సౌకర్యాల కోసం పోరాడే శక్తిని కోల్పోతారు. ఇప్పుడు జరుగుతున్నది ఇదే. ఉద్యోగాల్లో ఎవరిని చేర్చుకున్నా, ఎవరిని తీసేసినా అడిగే నాథుడు లేడు. ఇప్పుడున్న కార్మిక చట్టాలను సైతం మార్చి యజమానులకు, పరిశ్రమాధిపతులకు మరింత ప్రయోజనం చేకూర్చడం కోసం కేంద్ర ప్రభుత్వం ఈ పార్లమెంటు సమావేశా ల్లోనే బిల్లును ప్రవేశపెట్టనుంది. పర్యవసానాలు కార్మికులపైన ముఖ్యంగా అసంఘటిత రంగంలో పనిచేస్తున్న వారిపై  చాలా తీవ్రంగా ఉంటాయనేది వాస్తవం.
  
 ముంచుకొస్తున్న ‘కార్పొరేట్’ ముప్పు
 
 దేశ ఆర్థిక వ్యవస్థలో వస్తున్న మార్పులలో భాగంగానే భూ వినియోగం, వ్యవసాయం, గ్రామీణాభివృద్ధి కార్యక్రమాల ఫలితాలను కూడా చూడాలి. వ్యవసాయం పనికిరాదని, అందులోనూ చిన్న కమతాల సాగు లాభదాయకం కాదని ఇటీవల విస్తృతంగా ప్రచారం సాగుతోంది. ఆ వాదనతో చిన్న, సన్నకారు రైతాంగంపై భూములను వదులుకోవాలని ఒత్తిడి పెంచుతున్నారు. ప్రభుత్వాలు  వ్యవసాయాభివృద్ధి కన్నా ఇతర రంగాలపైనే ఎక్కువగా దృష్టిని కేంద్రీకర్తిస్తున్నాయి.
 
 వ్యవసాయాభివృద్ధి గురించి మాటలే తప్ప, ఆచరణలో దానిని పరిరక్షించడానికి, అభివృద్ధి చేయడానికి జరుగుతున్న కృషి స్వల్పమే. ఒకవేళ కొన్ని పథకాలను  రూపొందించినా వాటికి అరకొరగానే నిధులను కేటాయిస్తున్నారు. ఫలితాలు కూడా అలాగే అంతంత మాత్రంగానే ఉంటు న్నాయి. ఈ పరిస్థితిలో వ్యవసాయాభివృద్ధి ముసుగులోనే మరో ధోరణి ముందుకొస్తోంది. ఇప్పటికే రైతుల నుంచి కారుచౌకకు కొట్టేసి, కంచెలేసిన వందలాది ఎకరాల భూముల్లో కూలీలు లేని, ఆధునిక  కార్పొరేట్ వ్యవసాయం దిశగా భూయజమానులు పావులు కదుపుతున్నారు.
 
 నయా జమీందారీ వ్యవస్థకు మరో రూపమైన మనుషులు లేని కార్పొరేట్ వ్యవసాయం మన రెండు రాష్ట్రాల్లోనూ త్వరత్వరగా ముందుకు వస్తోంది. ఈ ప్రమాదాన్ని మనం గుర్తించాలి. మానవ వనరులు పుష్కలంగా ఉన్న మన దేశంలో ఇటువంటి వ్యవసాయ యాంత్రీకరణ మానవ హననంగా భావించక తప్పదు. అందుకే వ్యవసాయ రంగం నుంచి దూరం అవుతున్న దాదాపు 40 శాతం పైగా జనాభాకి బతుకుపై భరోసా కల్పించాలంటే వ్యవసాయ రంగాన్ని సంక్షోభం నుంచి కాపాడుకోవటం తప్ప మరో మార్గం లేదు.
  
 (వ్యాసకర్త సామాజిక విశ్లేషకులు, మొబైల్ నం: 9705566213)
  


 సర్వేపల్లి ఎమ్మెల్యే కాకాణి గోవర్ధన్‌రెడ్డి
  
 విరువూరు(పొదలకూరు): దివంగత ముఖ్యమంత్రి వైస్ రాజశేఖరరెడ్డి హయాంలో కార్పొరేట్ వైద్యాన్ని పేదలకు అందుబాటులోకి తీసుకొచ్చారని సర్వేపల్లి ఎమ్మెల్యే కాకాణి గోవర్ధన్‌రెడ్డి అన్నారు. మండలంలోని విరువూరులో లయన్స్‌క్లబ్ ఆఫ్ నెల్లూరు-ప్రగతి ఆధ్వర్యంలో సర్పంచ్ బచ్చల సురేష్‌కుమార్ నిర్వహించిన ఉచిత కంటి వైద్యశిబిరాన్ని ఆదివారం ఎమ్మెల్యే ప్రారంభించారు. ఈ సందర్భంగా ఆయన మాట్లాడుతూ ప్రస్తుతం ప్రభుత్వ వైద్యం పేదలకు సక్రమంగా అందడం లేదన్నారు.
 
 వైఎస్సార్ పాలనలో ఆరోగ్యశ్రీ పథకం ద్వారా ప్రతి పేదవాడు ఉచితంగా కార్పొరేట్ వైద్యాన్ని పొందగలిగినట్టు తెలిపారు. ప్రస్తుతం పథకం పేరు మార్చినా వైఎస్సార్ ప్రవేశపెట్టిన పథకాన్ని అమలు చేస్తున్నట్టు చెప్పారు. గ్రామాలకు ఉచిత వైద్య శిబిరాలు రావడం మంచి పరిణామమన్నారు. స్వాతంత్య్రం వచ్చి ఇంతకాలం అవుతున్నా ఎవరూ గ్రామాల్లోని పేదలకు వైద్యసేవలు అందివ్వాలని ఆలోచించలేదన్నారు. ఒక్క వైఎస్సార్ మాత్రమే ఆ దశగా ఆలోచించి ఆరోగ్యశ్రీని అమలు చేసినట్టు తెలిపారు.
 
 గ్రామీణ ప్రాంతాల్లో నివశించే వారు చిన్నపాటి రుగ్మతలను నిర్లక్ష్యం చేయవద్దన్నారు. వైఎస్సార్‌సీపీ ప్రభుత్వం వచ్చి ఉంటే విరువూరు గ్రామం ఊహించని విధంగా అభివృద్ధి జరిగి ఉండేదన్నారు. తనకు అత్యంత మెజారిటీ సాధించి పెట్టిన గ్రామాల్లో విరువూరు ఒకటిగా ఎమ్మెల్యే పేర్కొన్నారు. ఈ కార్యక్రమంలో లయన్స్ క్లబ్ ప్రెసిడెంట్ రసూల్, సెక్రటరీ సురేష్, ట్రెజరర్ జమీర్ , జగదీష్, గ్రామసర్పంచ్ బచ్చల సురేష్‌కుమార్‌రెడ్డి, ఎంపీటీసీ సభ్యుడు కొల్లి రాజగోపాల్‌రెడ్డి, వైఎస్సార్‌సీపీ స్టీరింగ్ కమిటీ సభ్యుడు గోగిరెడ్డి గోపాల్‌రెడ్డి పాల్గొన్నారు.
  


 కార్పొరేట్ ఫలితాల సీజన్ దాదాపు ముగిసింది. ఒక్క ఇన్ఫోసిస్ టెక్నాలజీస్ మినహా మార్కెట్ అంచనాలకు మించిన ఫలితాలు వెల్లడించిన కంపెనీ ఏదీ లేదు. అలాగే మార్కెట్‌ను తీవ్ర నిరుత్సాహానికి లోనుచేసిన కంపెనీ కూడా లేదు. అందుకే ఆర్థిక ఫలితాల ప్రభావం గత ఆరువారాల నుంచి సూచీలపై పెద్దగా పడలేదు.  
 
 అంతర్జాతీయంగా కొనసాగుతున్న పాజిటివ్ ట్రెండ్, క్రూడ్ ధరల తగ్గుదల వంటి అంశాలు భారత్ సూచీలను ముందుకు నడిపిస్తున్నాయి. కానీ గత శుక్రవారం నాటకీయంగా ముడిచమురు, బంగారం హఠాత్తుగా కనిష్టస్థాయి నుంచి పెద్ద ర్యాలీ జరిపాయి. ఇదేరోజున డాలరుతో రూపాయి మారకపు విలువ నెలరోజుల కనిష్టస్థాయికి పడిపోయింది. ఒకవైపు కమోడిటీ ధరలు పెరగడం, మరోవైపు రూపాయి క్షీణించడం భారత్ స్టాక్ మార్కెట్‌ను ఆందోళనపర్చే అంశం. ఇక సూచీల సాంకేతికాంశాలకొస్తే...
  
 సెన్సెక్స్ సాంకేతికాంశాలు...
 నవంబర్14తో ముగిసిన వారంలో బీఎస్‌ఈ సెన్సెక్స్ స్వల్పశ్రేణిలో హెచ్చుతగ్గుల కు లోనై చివరకు 28,000 పాయింట్ల శిఖరంపైన స్థిరపడగలిగింది. 28,126 పాయింట్ల గరిష్టస్థాయివరకూ పెరిగిన సెన్సెక్స్ చివరకు అంతక్రితం వారంతో పోలిస్తే 178  పాయింట్ల లాభంతో 28,047 పాయింట్ల వద్ద ముగిసింది. ఈ వారం 28,000 స్థాయిపైన నిలదొక్కుకుంటే, క్రమేపీ కొద్దివారాల్లో 28,500-28,600 స్థాయిని అందుకోవొచ్చు.
 
 ఈ శ్రేణిని అందుకునే ముందు, 28,150-28,250 పాయింట్ల శ్రేణి అవరోధాన్ని కల్పించవచ్చు. వచ్చే కొద్దిరోజుల్లో సెన్సెక్స్‌కు 27,700-27,800 మద్దతుశ్రేణి కీలకం. గత రెండు వారాల నుంచి ఈ మద్దతు సహకరాంతో పలుదఫాలు సూచీ బౌన్స్ అయినందున, ఈ శ్రేణిని కోల్పోతే  అక్టోబర్ 31నాటి గ్యాప్‌అప్‌స్థాయి 27,440-27,390 శ్రేణి వద్దకు క్షీణించవచ్చు.  ఈ మద్దతు శ్రేణి దిగువన ముగిస్తే 27,100-26,900 శ్రేణి వద్దకు తగ్గవచ్చు.
 
 నిఫ్టీ మద్దతు శ్రేణి 8,290-8,320
 ఎన్‌ఎస్‌ఈ నిఫ్టీ  8,360 పాయింట్ల అవరోధస్థాయిపైన ముగిసిన వెంటనే 8,415 పాయింట్ల గరిష్టస్థాయివరకూ ర్యాలీ జరిపింది.  చివరకు అంతక్రితంవారంతో పోలిస్తే 53 పాయింట్ల లాభంతో 8,390 పాయింట్ల వద్ద ముగిసింది. ఈ వారం నిఫ్టీ 8,360 స్థాయిని పరిరక్షించుకోగలిగితే, 8,440-8,470 శ్రేణి వద్దకు ర్యాలీ జరపవచ్చు. అటుతర్వాత రానున్న వారాల్లో 8,500-8,550 శ్రేణిని చేరవచ్చు. 8,360 స్థాయి దిగువన రెండు వారాల నుంచి మద్దతు కల్పిస్తున్న 8,290-8,320 పాయింట్ల శ్రేణి నిఫ్టీకి కీలకం. ఈ మద్దతు శ్రేణిని నష్టపోతే మార్కెట్ కరెక్షన్ బాటలోకి మళ్లవొచ్చు. ఆ లోపున క్రమేపీ  8,200-8,180 పాయింట్ల శ్రేణి వద్దకు క్షీణించవచ్చు.
  
  - పి. సత్యప్రసాద్


 హైదరాబాద్, బిజినెస్ బ్యూరో: ఆర్థిక వ్యవస్థ పుంజుకుంటున్న సంకేతాలు ఇంకా బ్యాంకింగ్ ఫలితాల్లో ప్రతిబింబించడం లేదు. ఇప్పటికీ కార్పొరేట్ రుణాలకు డిమాండ్ పుంజుకోకపోవడంతో బ్యాంకులు చిన్న రుణాలపై దృష్టిసారిస్తున్నాయి. ఇదే సమయంలో మొండి బకాయిలు కొండలాగా పెరిగిపోతున్నాయి.
 
   కార్పొరేట్ రుణాలకు డిమాండ్ లేదని, బ్యాంకింగ్ వ్యాపారంలో వృద్ధి అంతంతమాత్రంగానే ఉందని ఇప్పటివరకూ ప్రకటించిన బ్యాంకుల ఫలితాల విశ్లేషణలో వెల్లడవుతున్నది. చాలా బ్యాంకుల వృద్ధి 15 శాతం లోపునకే పరిమితమయ్యింది.  రుణ వితరణ పెరగకపోవడంతో ఎన్‌పీఏలు ఎగబాకాయి. బ్యాంకింగ్ వ్యాపారానికి ప్రధానమైన వడ్డీ ఆదాయం వృద్ధి అంతంతమాత్రమే వుండగా, వివిధ ఫీజుల ద్వారా ఆర్జించే ఇతర ఆదాయాలు బాగా పెరగడంతో బ్యాంకులు లాభాల్ని ప్రదర్శించగలిగినట్లు ఫలితాలు చెపుతున్నాయి.
 
  ఆదుకున్న ఇతరాదాయాలు
  ఒకట్రెండు బ్యాంకులను మినహాయిస్తే చాలా బ్యాంకులను ఇతరాదాయాలే ఆదుకున్నాయి. ముఖ్యంగా పీఎస్‌యూ బ్యాంకుల్లో ఇది చాలా స్పష్టంగా కనిపించింది. ఈ సమీక్షా కాలంలో పీఎన్‌బీ నికర వడ్డీ ఆదాయంలో కేవలం 3% వృద్ధి నమోదైతే ఇతర ఆదాయంలో మాత్రం ఏకంగా 73% పెరిగింది. అలాగే కెనరా బ్యాంక్ నికర వడ్డీ ఆదాయం 8% పెరిగితే, ఇతర ఆదాయంలో 32% వృద్ధి నమోదయ్యింది.
 
  హెచ్‌డీఎఫ్‌సీ, యాక్సిస్ బ్యాంకుల్లో మాత్రం పరిస్థితి ఇందుకు భిన్నంగా ఉంది. హెచ్‌డీఎఫ్‌సీ బ్యాంక్ నికర వడ్డీ ఆదాయంలో 23% వృద్ధి నమోదైతే, ఇతర ఆదాయంలో 11% పెరుగుదలే కనిపించింది. యాక్సిస్ బ్యాంక్ వడ్డీ ఆదాయంలో 20%, ఇతర ఆదాయంలో 10% వృద్ధి నమోదయ్యింది. ఇక మిగిలిన బ్యాంకులను పరిశీలిస్తే మాత్రం లాభాల్లో ఇతర ఆదాయాలే కీలకపాత్ర పోషించాయి.
 
  కార్పొరేట్స్‌కు దూరం..
  ఆర్థిక వృద్ధిరేటు పెరుగుతున్నా... రుణాలు తీసుకోవడానికి కార్పొరేట్ సంస్థలు ముందుకు రావడం లేదు.  కానీ కార్పొరేట్ రుణాల విషయంలో ప్రభుత్వరంగ బ్యాంకులతో పోలిస్తే ప్రైవేటు బ్యాంకుల్లో పరిస్థితి కొంత మెరుగ్గా ఉంది. ప్రైవేటు బ్యాంకుల్లో హెచ్‌డీఎఫ్‌సీ, యాక్సిస్ బ్యాంక్ కార్పొరేట్ రుణాల్లో రెండంకెలపైన వృద్ధి నమోదైతే, ఐసీఐసీఐ బ్యాంక్‌లో మాత్రం  ఈ వృద్ధి 4.5 శాతంగా ఉంది. హెచ్‌డీఎఫ్‌సీ నాన్ రిటైల్ రుణాల్లో  36 శాతం వృద్ధి నమోదైతే, యాక్సిస్ బ్యాంక్‌లో 13% వృద్ధి నమోదయ్యింది.
 
 ప్రభుత్వరంగ బ్యాంకులైతే కార్పొరేట్ రుణాల జోలికి వెళ్లకుండా ఆటోమొబైల్, పర్సనల్ లోన్స్, వ్యవసాయం, హోమ్‌లోన్స్, ఎంఎస్‌ఎంఈ రుణాల కేసి చూస్తున్నాయి. దేశంలో రెండో అతిపెద్ద పీఎస్‌యూ బ్యాంక్ పీఎన్‌బీ కార్పొరేట్ రుణాల్లో 3.1% వృద్ధి మాత్రమే సాధించింది.
 
  పెరుగుతున్న ఎన్‌పీఏలు...: బ్యాంకింగ్ రంగాన్ని ఎన్‌పీఏలు ఇంకా వెన్నాడుతూనే ఉన్నాయి. ప్రభుత్వ, ప్రైవేటు రంగ బ్యాంకుల్లో పరిస్థితి ఒకే విధంగా ఉంది. వీటిని తగ్గించుకోవడానికి బ్యాంకులు చేస్తున్న ప్రయత్నాలు అంతగా ఫలితమివ్వడం లేదు. వచ్చే ఐదు నెలల్లో మరో రూ. 60 వేల కోట్ల నుంచి లక్ష కోట్లు రుణాలు పునర్ వ్యవస్థీకరించాల్సి రావచ్చని ఇండియా రేటింగ్స్ అంచనా వేస్తోంది.
 
 ప్రస్తుతం అన్ని బ్యాంకులు కలిసి 3.45 లక్షల కోట్ల రుణాలను పునర్ వ్యవస్థీకరించగా, మరో 2.55 లక్షల కోట్ల రుణాలు ఎన్‌పీఏలుగా మారాయి. ప్రస్తుత ఫలితాలను పరిశీలిస్తే గతేడాదితో పోలిస్తే ఎన్‌పీఏలు భారీగా పెరిగినట్లు కనిపిస్తున్నా... తొలి త్రైమాసికంతో పోలిస్తే వీటి పెరుగుదల ఉధృతి తగ్గడం కొద్దిగా ఊరటనిచ్చే అంశం. ఎన్‌పీఏల బెడద ఇంకా ఉన్నప్పటికీ గత మూడేళ్లతో పోలిస్తే కొత్తగా ఏర్పడుతున్న ఎన్‌పీఏల్లో తగ్గుదల కనిపిస్తోందని మరో రేటింగ్ సంస్థ మూడీస్ పేర్కొంది. హెచ్‌డీఎఫ్‌సీ బ్యాంక్ ఎన్‌పీఏలు విలువ పరంగా పెరిగినట్లు కనిపించినప్పటికీ శాతాల్లో చూస్తే ఏడు బేసిస్ పాయింట్లు తగ్గడం విశేషం.
 
 అలాగే యాక్సిస్ బ్యాంక్‌లో గతేడాదితో పోలిస్తే ఎన్‌పీఏల్లో 32 శాతం వృద్ధి నమోదైనట్లు కనిపించినా, తొలి త్రైమాసికంతో పోలిస్తే ఈ వృద్ధి కేవలం 4 శాతం మాత్రమే. రానున్న కాలంలో వడ్డీరేట్లు తగ్గే అవకాశం ఉండటంతో ఇక ఎన్‌పీఏలు తగ్గడమే కాని పెరగడం ఉండదని బ్యాంకింగ్ వర్గాలు పేర్కొంటున్నాయి.
 
  బ్యాలెన్స్‌షీట్‌పై దృష్టి...
  గత కొన్నేళ్లుగా దెబ్బతిన్న బ్యాలెన్స్ షీట్‌ను చక్కదిద్దడంపై బ్యాంకులు ప్రధానంగా దృష్టిసారిస్తున్నాయి. రుణాలకు డిమాండ్ లేకపోవడంతో డిపాజిట్ల సేకరణను తగ్గించుకుంటున్నాయి. ప్రధానంగా అధిక వడ్డీరేటుకు వసూలు చేసే బల్క్ డిపాజిట్లను వదలించుకోవడంతో పాటు, దీర్ఘకాలిక డిపాజిట్లపై వడ్డీరేట్లను తగ్గించేస్తున్నాయి.
 
 రుణాలకు డిమాండ్ పెరిగే వరకు డిపాజిట్ల సేకరణ వ్యయాన్ని తగ్గించడంపై దృష్టిసారిస్తున్నట్లు ఆంధ్రాబ్యాంక్ సీఎండీ రాజేంద్రన్ తెలిపారు. అధిక వడ్డీరేటు ఉన్న బల్క్ డిపాజిట్లను వదిలించుకోవడంతో పాటు, అధిక వడ్డీరేటు ఉన్న రుణాలపైనే ఎక్కువ దృష్టిసారిస్తున్నట్లు ఎస్‌బీహెచ్ ఎండీ శంతను ముఖర్జీ వెల్లడించారు. అలాగే కొన్ని బ్యాంకులు ఎన్‌పీఏలను అసెట్ రీ కన్‌స్ట్రక్షన్ కంపెనీలకు విక్రయించడం ద్వారా బ్యాలెన్స్ షీట్‌ను మెరుగుపర్చుకుంటున్నాయి. ఈ మూడు నెలల కాలంలో ఐసీఐసీఐ బ్యాంక్ రూ. 290 కోట్లు, బీవోఐ రూ. 106 కోట్లు, ఎస్‌బీహెచ్ రూ. 200 కోట్ల ఎన్‌పీఏలను విక్రయించాయి.
 
  పరుగులు తీస్తున్న బ్యాంక్ షేర్లు
  రెండో త్రైమాసిక ఫలితాలు మొదలైనప్పటి నుంచి బ్యాంక్ షేర్లు పరుగులు తీస్తున్నాయి. గత నెల రోజుల్లో నిఫ్టీ 5% పెరిగితే బ్యాంక్ నిఫ్టీ మాత్రం 13%పైగా ఎగసింది. రానున్న కాలంలో వడ్డీరేట్లు తగ్గుముఖం పట్టనున్న సంకేతాలకు తోడు, ఎన్‌పీఏల వృద్ధిరేటు  తగ్గడం బ్యాంక్ షేర్లు పెరగడానికి ప్రధాన కారణంగా మార్కెట్ వర్గాలు పేర్కొంటున్నాయి.
 
 ప్రస్తుతం ప్రైవేటు రంగ బ్యాంక్ షేర్లు పెరుగుతున్నా, రానున్న కాలంలో పీఎస్‌యూ బ్యాంక్ షేర్లూ పరుగులు తీయొచ్చని జెన్‌మనీ జాయింట్ ఎండీ సతీష్ కంతేటి చెప్పారు. చాలా పీఎస్‌యూ బ్యాంకులు బాండ్స్‌లో ఎక్కువగా పెట్టుబడులు పెట్టాయని, ఒక్కసారి వడ్డీరేట్లు తగ్గితే ఈ బాండ్ ఈల్డ్స్ పెరుగుతాయని, ఆ మేరకు బ్యాంకుల ఇతరాదాయాలు భారీగా పెరిగే అవకాశం ఉందన్నారు. మొత్తం మీద  బాంకింగ్ రంగంలో ఎన్‌పీఏలు గరిష్ట స్థాయికి చేరుకున్నాయని, ఒక్కసారి వడ్డీరేట్లు తగ్గితే ఎన్‌పీఏలు తగ్గుముఖం పడతాయంటున్నారు.
 
  మొండి బకాయిల తీరు ఇదీ...
  బ్యాంకు పేరు              జీఎన్‌పీఏ(క్యూ2-15)                    జీఎన్‌పీఏ(క్యూ2-14)
  ఐసీఐసీఐ               11,547 కోట్లు (3.12%)                        10,028 కోట్లు (3.08%)
  హెచ్‌డీఎఫ్‌సీ              3,362 కోట్లు (1.02%)                       2,942 కోట్లు (1.1%)
  యాక్సిస్                  3,613 కోట్లు (1.3%)                          2,734 కోట్లు (1.2%)
  పీఎన్‌బీ                  20,752 కోట్లు(5.65%)                         16,526 కోట్లు (5.1%)
  బీవోఐ                   14,127 కోట్లు ( 3.54%)                         9,880 కోట్లు (2.93%)
  ఆంధ్రా బ్యాంక్            6,884 కోట్లు (5.99%)                          5,187 కోట్లు (5.15%)
  కెనరా బ్యాంక్           9,164 కోట్లు (2.92%)                                7,475 కోట్లు (2.64%)
  ఇండియన్ బ్యాంక్     5,003 కోట్లు (4.21%)                         4,179 కోట్లు (3.76%)
  స్థూల నిరర్థక ఆస్తులు (జీఎన్‌పీఏ) రూ. కోట్లలో, బ్రాకెట్లో స్థూల నిరర్థక ఆస్తులు శాతాల్లో ఇవ్వడం జరిగింది


 నేటి కార్పొరేట్ యుగంలో బర్త్ డే పార్టీ నుంచి మ్యారేజ్ ఫంక్షన్ వరకు అదిరిపోయే విధంగా నిర్వహించాలనుకునే వారికి ఠక్కున గుర్తొచ్చే పదం.. ఈవెంట్ మేనేజ్‌మెంట్! ఎడ్యుకేషన్ ఈవెంట్స్ నుంచి ఎంటర్‌టైన్‌మెంట్ ఈవెంట్స్ వరకు.. కార్పొరేట్ నుంచి ప్రొడక్ట్ మార్కెటింగ్-ప్రమోషనింగ్, సెమినార్లు, వర్క్‌షాప్స్, సినిమా అవార్డుల ప్రదానం.. ఇలా అనేక కార్యక్రమాలను నేటి కార్పొరేట్ యుగానికనుగుణంగా నిర్వహించడానికి ఈవెంట్ మేనేజ్‌మెంట్ సంస్థలను ఆశ్రయిస్తున్నారు. దాంతో సంబంధిత రంగంలో కోర్సు పూర్తి చేసిన వారికి.. నేటి కార్పొరేట్ ప్రపంచం రెడ్ కార్పెట్ స్వాగతం పలుకుతోంది.  
  
  ప్రవేశం: డిప్లొమాకు 10+2 లేదా ఇంటర్మీడియెట్‌పూర్తి చేసిన అభ్యర్థులు అర్హులు. పీజీ డిప్లొమా/ఎంబీఏ కోర్సుకు మాత్రం గుర్తింపు పొందిన యూనివర్సిటీ నుంచి గ్రాడ్యుయేషన్ తప్పనిసరి.
  
  కోర్సు స్వరూపం: ఈవెంట్ మేనేజ్‌మెంట్ ఎడ్యుకేషన్‌లో.. సంబంధిత పరిశ్రమ ఆశిస్తున్న  నైపుణ్యాల్లో అభ్యర్థి పరిపూర్ణత సాధించేలా కోర్సు స్వరూపం ఉంటుంది. ఇందుకోసం నాలుగు రకాల లెర్నింగ్ మెథడ్స్‌ను ఉపయోగించి బోధిస్తారు. అవి.. క్లాస్ రూం సెషన్, గెస్ట్ లెక్చరర్స్-కేస్ స్టడీ, ప్రాక్టికల్ ట్రైనింగ్, ఇన్నోవేటివ్-ఇంటరాక్టివ్ లెర్నింగ్ టెక్నాలజీ. క్లాస్ రూం సెషన్‌లో.. రెగ్యులర్ లెక్చరర్స్‌తోపాటు ఒక ఈవెంట్‌కు సంబంధించి ప్రాజెక్ట్ రిపోర్ట్‌ను కూడా అభ్యర్థులు రూపొందించాలి. సదరు రంగంలో ప్రస్తుతం చోటు చేసుకుంటున్న మార్పులపై అవగాహన కల్పించడానికి వర్క్‌షాప్స్ నిర్వహిస్తారు. క్లాస్ రూంలో చర్చించిన అంశాలను మరింత విశ్లేషణతో కూడిన కేస్ స్టడీ రిపోర్ట్‌ను తయారు చేయాలి. ప్రాక్టికల్ ట్రైనింగ్‌లో.. లైవ్ ఈవెంట్స్ నిర్వహణలో పాల్గొనే అవకాశాన్ని కల్పిస్తారు.
  
  ఈవెంట్స్-స్పెషలైజేషన్స్: ఈవెంట్ మేనేజ్‌మెంట్ అంటే.. స్థూలంగా పబ్లిసిటీ లేదా ఒక సంస్థ /ప్రొడక్ట్/సంబంధిత విభాగానికి బ్రాండింగ్ ఇమేజ్ ఇవ్వడం. కానీ గత కొంత కాలంగా ప్రమెషన్ ఈవెంట్సే కాకుండా మ్యారేజ్ వంటి సోషల్ ఈవెంట్స్ కూడా ఇందులో చోటు సంపాదించుకున్నాయి. దీంతో ఔత్సాహికులకు ఉపాధి అవకాశాలు విస్తృతమయ్యాయి.
  
  అవకాశాలు: ప్రస్తుతం ప్రపంచవ్యాప్తంగా హాస్పిటాలిటీ, ఈవెంట్ మేనేజ్‌మెంట్ రంగం హవా నడుస్తోంది. మన దేశంలో పరిస్థితులు కూడా దీనికి భిన్నంగా లేవు. దేశంలో హాస్పిటాలిటీ, ఈవెంట్ మేనేజ్‌మెంట్ పరిశ్రమ మల్టీ మిలియన్ డాలర్ల స్థాయికి చేరుకుంది. ఈ రంగంలో ప్రొఫెషనల్ డిగ్రీ ఉన్న అభ్యర్థులకు ఈవెంట్ మేనేజ్‌మెంట్ కంపెనీలు, కార్పొరేట్ హౌసెస్, స్టార్ హోటల్స్, రేడియో స్టేషన్స్, రిసార్ట్స్, క్లబ్స్, అడ్వర్‌టైజింగ్ ఏజెన్సీలు, షాపింగ్ మాల్స్, పబ్లిక్ రిలేషన్ ఏజెన్సీలు, మీడియా హౌసెస్, మూవీ/టీవీ ప్రొడక్షన్ హౌసెస్, ఎడ్యుకేషన్ ఇన్‌స్టిట్యూషన్స్, ట్రావెల్ అండ్ టూరిజం కంపెనీలు, మ్యూజిక్ పరిశ్రమ, స్పోర్ట్స్ మేనేజ్‌మెంట్ కంపెనీలు, ఫ్యాషన్ హౌసెస్‌లలో వివిధ హోదాల్లో అవకాశాలు ఉంటాయి. అనుభవం ఆధారంగా సొంతంగా ఈవెంట్ మేనేజ్‌మెంట్ కంపెనీని కూడా స్థాపించుకోవచ్చు.
  
  ఎంట్రీ లెవల్: ఈ రంగంలో కెరీర్ ప్రారంభంలో.. జూనియర్ ఈవెంట్ ఎగ్జిక్యూటివ్‌గా పని చేయాలి. తర్వాత స్కిల్స్, అనుభవం ఆధారంగా సీనియర్ ఈవెంట్ ఎగ్జిక్యూటివ్, ఈవెంట్ కో-ఆర్డినేటర్, ఈవెంట్ అసిస్టెంట్ వంటి వివిధ హోదాల్లో స్థిర పడొచ్చు. ఈ హోదాల్లో చూపిన ప్రతిభ ఆధారంగా ఈ రంగంలో ఉన్నత స్థానమైన.. ఈవెంట్ మేనేజర్, ఈవెంట్ డెరైక్టర్ స్థాయికి కూడా చేరుకొవచ్చు.
  
  వేతనాలు:  మేనేజ్‌మెంట్ గ్రాడ్యుయేట్లతో పోల్చితే.. ఈవెంట్ మేనేజ్‌మెంట్ అభ్యర్థులకు వేతనాలు ఎక్కువ అని చెప్పొచ్చు. ప్రారంభంలో జూనియర్ ఈవెంట్ ఎగ్జిక్యూటివ్‌కు నెలకు *15-20 వేల వరకు వేతనం లభిస్తుంది. తర్వాత ప్రతిభ, అనుభవం, హోదాను బట్టి నెలకు దాదాపు *30-50 వేల వరకు సంపాదించవచ్చు. ఈవెంట్ మేనేజర్/ఈవెంట్ డెరైక్టర్ స్థాయికి చేరుకుంటే నెలకు దాదాపు రూ.2 లక్షల నుంచి రూ.4 లక్షల వరకు అందుకోవచ్చు.
  
  కావల్సిన స్కిల్స్: ఈవెంట్ మేనేజ్‌మెంట్ రంగంలో రాణించాలంటే..  సృజనాత్మకత, విభిన్నంగా ఆలోచించడం, సమయస్ఫూర్తి అవసరం. ఇంగ్లిష్ భాషపై మంచి పట్టు, కమ్యూనికేషన్ స్కిల్స్, నాయకత్వ లక్షణాలు తప్పనిసరిగా ఉండాలి.  
  
  కోర్సులను ఆఫర్ చేస్తోన్న సంస్థలు
   ది ఇన్‌స్టిట్యూట్ నేషనల్ అకాడెమీ ఆఫ్ ఈవెంట్ మేనేజ్‌మెంట్ అండ్ డెవలప్‌మెంట్. వెబ్‌సైట్: www.naemd.com
   ఏపీజే ఇన్‌స్టిట్యూట్ ఆఫ్ మాస్ కమ్యూనికేషన్ - న్యూఢిల్లీ.
      వెబ్‌సైట్: www.apeejay.edu  
   ఇండియన్ ఇన్‌స్టిట్యూట్ ఆఫ్ లెర్నింగ్ అండ్ అడ్వాన్స్‌డ్ డెవలప్‌మెంట్
      వెబ్‌సైట్: www.inlead.in
   మాస్‌కో మీడియా-నోయిడా, వెబ్‌సైట్: ఠీఠీఠీ.ఝ్చటటఛిౌఝ్ఛఛీజ్చీ.ఛిౌఝ
   నేషనల్ ఇన్‌స్టిట్యూట్ ఆఫ్ ఈవెంట్ మేనేజ్‌మెంట్-ముంబై
      వెబ్‌సైట్: www.niemindia.com
   ఇన్‌స్టిట్యూట్ ఆఫ్ టూరిజం అండ్ ఫ్యూచర్ మేనేజ్‌మెంట్-చండీగఢ్
      వెబ్‌సైట్: www.itftindia.com
   అమిటీ ఇన్‌స్టిట్యూట్ ఆఫ్ ఈవెంట్ మేనేజ్‌మెంట్ -న్యూఢిల్లీ
      వెబ్‌సైట్: www.amity.edu/aiem


 కార్పొరేట్ సంస్థల్లో ఉద్యోగ నియామక ప్రక్రియలో కీలక మార్పులు జరుగుతున్నాయి. రిక్రూటింగ్ ట్రెండ్స్ పూర్తిస్థాయిలో ఆధునిక రూపాన్ని సంతరించుకుంటున్నాయి. ఈ విషయంలో నూతన సమాచార సాంకేతిక పరిజ్ఞానం కీలక పాత్ర పోషిస్తోంది. పత్రికలో కొలువుల ప్రకటన చూసి, కాగితంపై దరఖాస్తు రాసి, సంస్థకు పంపించి, మౌఖిక పరీక్ష కోసం ఎదురు చూసే పాతతరం ధోరణి క్రమంగా కనుమరుగవుతోంది. ప్రపంచమంతటా ఇదే పరిస్థితి కనిపిస్తోంది. అవకాశాలను అందిపుచ్చుకోవాలంటే అభ్యర్థులు కూడా ట్రెండ్‌కు తగ్గట్టుగా మారాల్సిందే. కార్పొరేట్ రిక్రూటింగ్ మార్కెట్‌లో సరికొత్త ధోరణుల గురించి తెలుసుకుంటే తదనుగుణంగా సన్నద్ధం కావొచ్చు.
  
 టాలెంట్ నెట్‌వర్క్
 
 ప్రతిభ ఎక్కడ ఉన్నా వెతికి పట్టుకోవడమే కంపెనీలు చేసే పని. రిక్రూట్‌మెంట్ల కోసం సంస్థలు టాలెంట్ నెట్‌వర్క్ పేరిట ఆన్‌లైన్ వేదికలను ప్రారంభిస్తున్నాయి. కంపెనీలు వివరాలను, ఉద్యోగాల సమాచారాన్ని ఇందులో పొందుపరుస్తున్నాయి. అభ్యర్థులను, ఉద్యోగులను, తమ భాగస్వాములను, కస్టమర్లను ఈ వేదికపైకి తీసుకొస్తున్నాయి. ప్రతిభావంతులను గుర్తించేందుకు ఈ నెట్‌వర్క్‌ను ఉపయోగించుకుంటున్నాయి.
  
  సోషల్ నెట్‌వర్క్
 
 ఫేస్‌బుక్, ట్విట్టర్, లింక్డ్‌ఇన్ వంటి సామాజిక అనుసంధాన వేదికలు.. కంపెనీల్లో ఖాళీల భర్తీకి ఒక వాహకంగా మారాయి. వీటిలో మీ జాబ్ ప్రొఫైల్‌ను, రెజ్యూమెను రిక్రూటర్లు నిశితంగా పరిశీలిస్తున్నారు. నచ్చితే ఇంటర్వ్యూకు ఆహ్వానిస్తున్నారు. సోషల్ నెట్‌వర్కింగ్ సైట్లలో మీ రాతలు, వ్యాఖ్యలు, పోస్టు చేసిన వీడియోలపై కూడా దృష్టి పెడుతున్నారు. అవి అభ్యంతరకరంగా ఉంటే మీరు కొలువు ఆశలు వదులుకోవాల్సిందే. కంపెనీలు మిగిలిన సైట్ల కంటే లింక్డ్‌ఇన్‌పై ఎక్కువ ఆధారపడుతున్నాయి.
  
  రిక్రూటర్లకు శిక్షణ
 
  ప్రపంచీకరణతో వ్యాపార, వాణిజ్యాలు ఖండాంతరాలను దాటుతున్నాయి. ఈ నేపథ్యంలో ప్రత్యేకమైన అర్హతలు, నైపుణ్యాలున్న అత్యుత్తమ అభ్యర్థులు కావాలని కార్పొరేట్ సంస్థలు ఆశిస్తున్నాయి. ఇందుకు రిక్రూటర్లు, హైరింగ్ మేనేజర్లపై అదనపు బాధ్యతలను మోపుతున్నాయి. ఎలా ఇంటర్వ్యూ చేయాలి? అభ్యర్థుల్లోని అసలైన ప్రతిభను ఎలా గుర్తించాలి? తదితర అంశాలను వారికి నేర్పిస్తున్నాయి. అభ్యర్థులను సరిగ్గా అంచనా వేసే సామర్థ్యాలను వారిలో పెంపొందిస్తున్నాయి. ఇందుకోసం హ్యూమన్ అసెస్‌మెంట్ టూల్స్‌ను ఉపయోగించుకుంటున్నాయి.
  
 దరఖాస్తులు సరళతరం
 
 దరఖాస్తు పత్రంలో 20కిపైగా ఖాళీలుంటాయి. వాటన్నింటినీ పూరించాలంటే అభ్యర్థులు కొంత శ్రమించాల్సిందే. దరఖాస్తు ప్రక్రియను మరింత సరళతరం చేసేందుకు కంపెనీలు బిలియన్ల డాలర్ల సొమ్మును ఖర్చు పెడుతున్నాయి. సాఫ్ట్‌వేర్‌లో మార్పులు చేర్పులు చేస్తున్నాయి. అప్లికెంట్ ట్రాకింగ్ సిస్టమ్స్‌ను అభివృద్ధి పరుస్తున్నాయి. ఇవి అభ్యర్థుల డేటా ప్లాట్ ఫామ్‌గా మారనున్నాయని నిపుణులు అంచనా వేస్తున్నారు. రిక్రూట్‌మెంట్ ప్రక్రియను అభ్యర్థులకు అనుకూలంగా, సౌకర్యవంతంగా మార్చేందుకు సంస్థలు కృషి చేస్తున్నాయి.
  
  
  


 
 కార్మిక చట్టాలను మార్చడంపై మల్లికార్జున ఖర్గే ఆగ్రహం
 
  కార్పొరేట్ వర్గాలు, వ్యాపారవేత్తలకే లబ్ధి అని ఆరోపణ
 
  కేంద్ర ప్రభుత్వ చర్యలపై మండిపాటు
 
  కార్మికుల సంక్షేమంపై తమకూ ప్రత్యేక శ్రద్ధ ఉందన్న కేంద్ర మంత్రి అనంతకుమార్
 
 సాక్షి, బెంగళూరు : అనేక సంవత్సరాలుగా ఉన్న కార్మిక చట్టాల్లో మార్పులు చేసేందుకు కేంద్ర ప్రభుత్వం సన్నాహాలు ప్రారంభించడంపై కేంద్ర మాజీ మంత్రి, పార్లమెంటు సభ్యుడు మల్లికార్జున ఖర్గే మండిపడ్డారు. కార్మిక చట్టాల్లో కేంద్ర ప్రభుత్వం తీసుకురాదలచిన మార్పుల వల్ల కార్మికులకు తీవ్రంగా అన్యాయం జరుగుతుందని విమర్శించారు. కార్పొరేట్ వర్గాలు, వ్యాపారవేత్తలకు ప్రయోజనం చేకూర్చేలా కార్మిక చట్టాల్లో మార్పులు తీసుకొచ్చేందుకు ప్రయత్నిస్తున్నారని ధ్వజమెత్తారు.
 
 కార్మిక చట్టాల్లో మార్పులకు సంబంధించి ప్రధాన మంత్రి నరేంద్ర మోదీ చేసిన వ్యాఖ్యలపై మల్లికార్జున ఖర్గే పై విధంగా స్పందించారు. శుక్రవారమిక్కడి వసంతనగర్‌లో నవీకరించిన డాక్టర్ బీఆర్ అంబేద్కర్ భవనం ప్రారంభోత్సవ కార్యక్రమంలో పాల్గొన్న మల్లికార్జున ఖర్గే మాట్లాడారు. ప్రస్తుతం ఉన్న కార్మిక చట్టాలను డాక్టర్ బీఆర్ అంబేద్కర్, మాజీ ఉప ప్రధాని జగ్జీవన్ రామ్‌ల కాలంలో రూపొందించినవని చెప్పారు. ఈ చట్టాల్లో ఏవైనా చిన్నపాటి సవరణలు చేయవచ్చు కానీ పూర్తిగా చట్టాలనే మార్చడం ఎంతవరకు సమంజసమని ప్రశ్నించారు.
 
 ఇక ఇప్పుడున్న కార్మిక చట్టాలతోనే జీడీపీ 10 శాతం నుంచి 12 శాతానికి పెరిగిందని, జీడీపీ నెపాన్ని చూపుతూ కార్మిక చట్టాల్లో మార్పులకు సన్నద్దం కావడం సరికాదని అన్నారు. కార్మిక చట్టాల్లో మార్పుపై మరోసారి ఆలోచించాల్సిందిగా ప్రధానికి సూచించాలని అదే వేదికపై ఉన్న కేంద్ర మంత్రి అనంతకుమార్‌ను ఖర్గే కోరారు.  అనంతరం కేంద్ర ఎరువులు రసాయనాల శాఖ మంత్రి అనంతకుమార్ మాట్లాడుతూ...నరేంద్ర మోదీ నేతృత్వంలోని కేంద్ర ప్రభుత్వం కార్మికుల ప్రయోజనాలను దృష్టిలో ఉంచుకొని పనిచేస్తోందని అన్నారు.
 
 ప్రధాని నరేంద్రమోదీ టీ  అమ్ముకుంటూ ప్రధాని స్థానానికి చేరుకున్నారని, అందువల్ల కేంద్ర ప్రభుత్వానికి కార్మికుల సంక్షేమంపై ప్రత్యేక శ్రద్ధ ఉందని తెలిపారు. రాష్ట్రంలో ప్రారంభోత్సవం కోసం ఎదురుచూస్తున్న ఈఎస్‌ఐ ఆస్పత్రుల గురించి త్వరలోనే కేంద్ర కార్మికశాఖ మంత్రితో చర్చిస్తానని అనంతకుమార్ వెల్లడించారు. కార్యక్రమంలో ముఖ్యమంత్రి సిద్ధరామయ్య, రాష్ట్ర మంత్రి ఆంజనేయ తదితరులు పాల్గొన్నారు.
  


 కార్పొరేట్ సంస్థల్లో ఉద్యోగులు బృందాలుగా ఏర్పడి, తమకు అప్పగించిన అసైన్‌మెంట్లను పూర్తిచేస్తుంటారు. ఈ బృందాలకు అనుభవజ్ఞుడైన టీమ్ లీడర్ ఉంటాడు. ఒక టీమ్‌లో రకరకాల నేపథ్యాల నుంచి వచ్చిన వ్యక్తులు ఉండడం సహజమే. వారి సంస్కృతులు, సంప్రదాయాలు, ప్రాంతాలు, ఆచార వ్యవహారాలు, మాతృభాష వేర్వేరుగా ఉండొచ్చు. బృందంలో ఎవరికి వారే అన్నట్లుగా ఉంటే ఆశించిన ఫలితం ఎండమావే అవుతుంది. టీమ్ విజయవంతం కావాలంటే.. సభ్యులందరి మధ్య సమన్వయం తప్పనిసరిగా ఉండాలి. ఈ సమన్వయం సాధించాల్సిన బాధ్యత టీమ్ లీడర్‌దే. ప్రాంతమేదైనా, ఆచారమేదైనా.. అందరూ కలిసికట్టుగా పనిచే సి, బృందస్ఫూర్తిని ప్రదర్శిస్తే మంచి గుర్తింపు, పదోన్నతులు కచ్చితంగా వస్తాయి. భిన్న సంస్కృతులకు చెందిన సభ్యులు టీమ్‌లో ఉన్నప్పుడు కలహాలు, అభిప్రాయ భేదాలకు తావులేకుండా ఒకరికొకరు సంపూర్ణంగా సహకరించుకుంటూ ముందుకు సాగాలి.
  
 సహచరులను గౌరవించాలి: మల్టీ కల్చర్ టీమ్‌లో పనిచేస్తున్నప్పుడు సహచర సభ్యులను గౌరవించడం నేర్చుకోవాలి. వారి అభిప్రాయాలను, ఆలోచనలను స్వాగతించాలి. మా వర్గం, మా ప్రాంతం, మాదే గొప్ప సంస్కృతి, ఎదుటివారు అనాగరికులు, అజ్ఞానులు అనే భేదభావం, వివక్ష ఎట్టిపరిస్థితుల్లోనూ చూపకూడదు. అందరినీ సమానంగా చూడాలి. సంకుచిత భావాలు మనసులో చేరితే ఎదుటివారిపై ద్వేషం పెరుగుతుంది. బృంద స్ఫూర్తిని అది దెబ్బతీస్తుంది. ఒకచోట కలిసి పనిచేస్తున్నప్పుడు తామంతా ఒక్కటేనన్న భావన టీమ్ సభ్యులందరిలోనూ ఉండాలి.
  
 నమ్మకం పెంచుకోవాలి: ఒకే సమస్యను వ్యక్తులు వారి       ఆలోచనా విధానాన్ని, పెరిగిన వాతావరణాన్ని బట్టి వేర్వేరుగా చూస్తారు. వేర్వేరు పరిష్కార మార్గాలను సూచిస్తారు. టీమ్‌లో భిన్నమైన నేపథ్యాలున్న సభ్యుల ఆలోచనా ధోరణి భిన్నంగా ఉంటుంది. సమస్యల పరిష్కారానికి సహచర సభ్యుల సాయం తీసుకోవాలి. ఎదుటివారిని మనస్ఫూర్తిగా నమ్మినప్పుడే వారి  సహకారం పొందగలం. అపనమ్మకం ఉన్నచోట పరస్పర సహకారానికి చోటుండదు. కాబట్టి బృంద సభ్యులందరిపై నమ్మకం పెంచుకోవాలి.
  
 కమ్యూనికేషన్ ప్రధానం: బృందం సక్సెస్ కావాలంటే కమ్యూనికేషన్ చాలా ముఖ్యం. ఒకరి భావాలు మరొకరికి స్పష్టంగా తెలియాలి. కొన్నిసార్లు అతి చొరవ పనికిరాదు. తోటి సభ్యుల సంస్కృతులు, సంప్రదాయాలు తెలుసుకొని తదనుగుణంగా వారితో మసలుకోవాలి. ఇతరుల ఆచారాలు, భాష, యాసలను తక్కువ చేసి మాట్లాడకూడదు. వాటిని గౌరవించాలి. బృందంలో ఎప్పుడైనా అభిప్రాయ భేదాలు తలెత్తితే వెంటనే వాటిని పరిష్కరించుకోవాలి. ఎక్కువ కాలం కొనసాగిస్తే టీమ్ నష్టపోవడం ఖాయం.
  


 కార్పొరేట్ ఉద్యోగంలో ఉన్నత హోదాలు, బరువైన వేతన ప్యాకేజీ అందుకోవాలంటే ఎంతో శ్రమించాలి. కెరీర్‌లో ఎదగడానికి ఎన్నో సవాళ్లను, ఒత్తిళ్లను అధిగమించి పనిచేయాలి. విధుల్లో భాగంగా తరచుగా దూర ప్రాంతాలకు, ఒక్కోసారి ఇతర దేశాలకు కూడా ప్రయాణాలు చేయాల్సి ఉంటుంది. ట్రావెలింగ్‌లో బడలిక ఎక్కువగా ఉంటుంది. ఉద్యోగులు త్వరగా అలసిపోతుంటారు. ప్రయాణాలు అధికంగా చేసేవారిలో మానసిక సమస్యలు తలెత్తుతుంటాయి. అనారోగ్యం పాలవుతుంటారు. కార్పొరేట్ ఉద్యోగులు స్ట్రెస్ లెవల్స్‌ను అదుపులో ఉంచుకోవడం తప్పనిసరి.
  
 తాజా ఆహారం: ఇతర నగరాలకు వెళ్లేవారు హోటళ్లలో బస చేస్తుంటారు. అక్కడ రకరకాల ఆహార పదార్థాలు కళ్లముందు కనిపిస్తుంటాయి. నోరూరించే వంటకాలు మనసును సులువుగా ఆకర్షిస్తాయి. వాటిని చూస్తూ నోరు కట్టేసుకోవడం కష్టమే. ఇలాంటి సందర్భాల్లోనే సంయమనం పాటించాలి. మీరేం తింటున్నారో ఎప్పటికప్పుడు గమనించండి. మసాలాలు, రంగులతో కూడిన తిండికి దూరంగా ఉండండి. మసాలా ఫుడ్‌తో ఆరోగ్యం పాడవుతుంది. ఒత్తిడి ఎక్కువవుతుంది. కాబట్టి తాజా ఆహారం, పండ్లు ఎక్కువగా తీసుకోండి.  
  
 అమితంగా మంచినీరు : మంచినీరు తగినంత తీసుకోకపోతే శరీరంలో శక్తి హరించుకుపోతుంది. ఎండలో డీహైడ్రేషన్‌కు గురయ్యే అవకాశం ఉంటుంది. కాబట్టి తాగునీటి విషయంలో నియంత్రణ పనికిరాదు. వీలైనంత ఎక్కువగా మంచినీరు తాగండి. ఆ నీరు శుద్ధమైనదై ఉండాలి. అదేసమయంలో ఆలోచనా శక్తిని, ఆరోగ్యాన్ని దెబ్బతీసే ఆల్కహాల్‌ను పూర్తిగా తిరస్కరించండి. ప్రయాణాల్లో ఉన్నప్పుడు ఆల్కహాల్ జోలికి వెళ్లకపోవడమే అన్నివిధాలా మంచిది.  
  
 నిత్యం వ్యాయామం : ఆధునిక యుగంలో ఉద్యోగులు తమ ఫిట్‌నెస్‌ను కాపాడుకోవడం నిజంగా ఒక సవాలే. ట్రావెలింగ్‌లో వ్యాయామం మర్చిపోవద్దు. హోటల్ జిమ్‌ను ఉపయోగించుకోవాలి. రకరకాల వ్యాయామాలు చేయాలి. జిమ్ సౌకర్యం అందుబాటులో లేకపోతే రోజూ కనీసం అరగంట సేపు బయట వాకింగ్ చేయాలి. ఫిట్‌నెస్ ఉన్న ఉద్యోగులే మెరుగైన పనితీరును కనబరుస్తున్నట్లు పరిశోధనల్లో తేలింది.  
  కొత్త టైమ్‌జోన్ : విదేశాలకు వెళ్లి వచ్చే ఉద్యోగులు కొత్త టైమ్‌జోన్‌కు త్వరగా అలవాటుపడడం తప్పనిసరి. మీరు వెళ్లిన  ప్రాంతంలోని టైమ్‌జోన్‌కు తగ్గట్టుగా మిమ్మల్ని మీరు శీఘ్రంగా మార్చుకోవాలి. క్రమశిక్షణతో ప్రయత్నిస్తే ఇది సులువేనని నిపుణులు చెబుతున్నారు. స్థానిక టైమ్‌జోన్‌కు అలవాటుపడలేకపోతే ఎన్నో ఇబ్బందులు ఎదుర్కోవాల్సి వస్తుంది. అలాగే కొత్త ప్రాంతంలో కంటినిండా నిద్ర ఉండేలా జాగ్రత్తపడాలి. తగినంత నిద్ర లేకపోతే అలసట, చికాకు అధికమవుతాయి. ఇవి మీ పనితీరును దెబ్బతీస్తాయి.
  


 రుణం కోసం బ్యాంకును ఆశ్రయిస్తే... మీ ఆర్థిక పరిస్థితిని పరిశీలించి, మీకు రుణం మంజూరు చేయాలా? చేయొద్దా? ఒకవేళ చేస్తే ఎంతమేరకు ఇవ్వొచ్చు అనేది తేల్చిచెప్పే నిపుణులు అక్కడ ఉంటారు. వారే.. క్రెడిట్ అనలిస్ట్‌లు. వీరు రుణ దాతలు, గ్రహీతలకు మధ్య వారధిగా పనిచేస్తుంటారు. కార్పొరేట్ యుగంలో రుణాలు ఇవ్వడం, తీసుకోవడం అనేవి సర్వసాధారణంగా మారాయి. అందుకే క్రెడిట్ అనలిస్ట్‌లకు గిరాకీ పెరిగింది. ఆర్థికాంశాలపై ఆసక్తి ఉన్నవారు దీన్ని తమ కెరీర్‌గా మార్చుకుంటే బ్రహ్మాండమైన అవకాశాలు, భారీ ఆదాయం సొంతం చేసుకోవచ్చు.
  
  సొంత ఏజెన్సీతో ఆదాయం పుష్కలం
  క్రెడిట్ విశ్లేషకులకు ప్రస్తుతం ఎన్నో ఉద్యోగావకాశాలు లభిస్తున్నాయి. బ్యాంకులు, ఇన్వెస్ట్‌మెంట్ బ్యాంకులు, క్రెడిట్ రేటింగ్ ఏజెన్సీలు, ఫైనాన్షియల్ ఇన్‌స్టిట్యూట్స్, మ్యూచువల్ ఫండ్ హౌస్‌లు, ప్రైవేట్ ఈక్విటీ సంస్థలు, నాలెడ్జ్ ప్రాసెస్ ఔట్‌సోర్సింగ్(కేపీఓ) రంగాల్లో కొలువులు దక్కుతున్నాయి. ఆసక్తి, అనుభవం ఉంటే సొంతంగా ఏజెన్సీని ఏర్పాటు చేసుకొనే అవకాశం కూడా ఉంది. దీంతో పనితీరును బట్టి అధిక ఆదాయం పొందొచ్చు. కార్పొరేట్ సంస్థలు తమకు కావాల్సిన రుణం కోసం బ్యాంకుల తలుపు తడుతుంటాయి.
  
   తమకు ఏ మేరకు రుణం అందుతుందో ముందే తెలుసుకోవడానికి క్రెడిట్ అనలిస్ట్‌లను నియమించుకుంటున్నాయి. కంపెనీ బ్యాలన్స్ షీట్లు, ఫైనాన్షియల్ డేటా, న్యూస్ రిపోర్టులను పరిశీలించి తగిన సూచనలు ఇవ్వాల్సి ఉంటుంది. అవసరమైతే కంపెనీ కార్యకలాపాలను క్షేత్రస్థాయిలో స్వయంగా పరిశీలించాలి. వ్యక్తులు కూడా రుణానికి సంబంధించిన సలహాల కోసం క్రెడిట్ రేటింగ్ ఏజెన్సీలను ఆశ్రయిస్తున్నారు. ఆర్థిక లావాదేవీలు నిర్వహించే ప్రతి రంగంలో క్రెడిట్ అనలిస్ట్‌ల అవసరం ఉంటోంది.
  
  కావాల్సిన నైపుణ్యాలు: క్రెడిట్ అనలిస్ట్‌లకు మెరుగైన క్వాంటిటేటివ్, అనలిటికల్, ఆర్గనైజేషనల్, కమ్యూనికేషన్ స్కిల్స్ తప్పనిసరిగా ఉండాలి. ఆంగ్ల పరిజ్ఞానం అవసరం. ఇంగ్లిష్‌లో రిపోర్ట్ రైటింగ్, ప్రజంటేషన్లను రూపొందించగలగాలి. ఈ వృత్తిలో డెడ్‌లైన్లు, ఒత్తిళ్లు ఉంటాయి. వాటిని ఎదుర్కొనే నేర్పు ఉండాలి. వృత్తిపరమైన పరిజ్ఞానం పెంచుకోవాలి.
  అర్హతలు: ఎంబీఏ పూర్తిచేస్తే క్రెడిట్ అనలిస్ట్‌గా మారొచ్చు. ఇంటర్మీడియెట్, గ్రాడ్యుయేషన్ స్థాయిలో ఏ సబ్జెక్టులు చదివినా ఎంబీఏ చేయొచ్చు.
  
  అయితే, క్వాంటిటేటివ్, అనలిటికల్ స్కిల్స్ పెంచే సబ్జెక్టులు చదివితే ఈ రంగంలో సులువుగా రాణించడానికి వీలుంటుంది. ప్రస్తుతం చాలా కంపెనీలు బీటెక్, బీకామ్ లేదా చార్టర్డ్ అకౌంటెన్సీ విద్యార్హతలను కూడా కోరుకుంటున్నాయి. క్రెడిట్ రేటింగ్ ఏజెన్సీలు ఎంబీఏ(ఫైనాన్స్) కోర్సు చదివినవారికి ప్రాధాన్యత ఇస్తున్నాయి. కెరీర్‌లో ఉన్నతస్థాయికి చేరుకోవాలంటే సర్టిఫైడ్ ఫైనాన్షియల్ అనలిస్ట్, ఫైనాన్షియల్ రిస్క్ మేనేజర్ లాంటి సర్టిఫికేషన్లను అభ్యసించి అర్హతలు, నైపుణ్యాలను పెంచుకోవాలి.
  
  వేతనాలు: క్రెడిల్ అనలిస్ట్‌లకు వేతనాలు అధికంగా ఉంటాయి. పేరొందిన కంపెనీలో చేరితే ఏడాదికి రూ.5 లక్షల నుంచి రూ.6 లక్షల వేతన ప్యాకేజీ అందుకోవచ్చు. అనుభవం పెరిగేకొద్దీ ఈ ప్యాకేజీ బరువు కూడా పెరుగుతుంది. సంతృప్తికరమైన పనితీరు, ప్రతిభాపాటవాలతో సంస్థ ముఖ్య కార్యనిర్వహణాధికారి(సీఈఓ) లేదా మేనేజింగ్ డెరైక్టర్(ఎండీ) స్థాయికి చేరుకోవచ్చు. పీజీ డిగ్రీ ఉండి, వృత్తిలో 20 ఏళ్ల అనుభవం కలిగిన సీఈఓకు ఏడాదికి రూ.40 లక్షలకు పైగా వేతన ప్యాకేజీ ఉంటుంది.
  
  కోర్సులను ఆఫర్ చేస్తున్న సంస్థలు:
  - ఇండియన్ ఇన్‌స్టిట్యూట్ ఆఫ్ మేనేజ్‌మెంట్(ఐఐఎం)- అహ్మదాబాద్.
  వెబ్‌సైట్: www.iimahd.ernet.in
  - ఇండియన్ ఇన్‌స్టిట్యూట్ ఆఫ్ మేనేజ్‌మెంట్- బెంగళూరు. వెబ్‌సైట్: www.iimb.ernet.in
  - యూనివర్సిటీ ఆఫ్ ఢిల్లీ
  వెబ్‌సైట్: www.du.ac.in/du
  - డిపార్ట్‌మెంట్ ఆఫ్ మేనేజ్‌మెంట్ స్టడీస్, ఇండియన్ ఇన్‌స్టిట్యూట్ ఆఫ్ టెక్నాలజీ-ఢిల్లీ
  వెబ్‌సైట్: www.iitd.ac.in
  - ఇన్‌స్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా
  వెబ్‌సైట్: www.icai.org
  - జేవియర్ స్కూల్ ఆఫ్ మేనేజ్‌మెంట్
  వెబ్‌సైట్: www.xlri.ac.in


 కార్పొరేట్ సంస్థలో మేనేజర్ సందీప్. అతడి తల్లిదండ్రులది కడప జిల్లా. ఇద్దరూ ప్రేమించి పెళ్లి చేసుకున్నారు. సందీప్ పుట్టిన తర్వాత కొన్నాళ్లకే వారు విడిపోయారు. ఆర్థిక బాధల్లో అతడి తల్లి సందీప్‌ను అతడి పెద్దమ్మ దగ్గరకు పంపించింది. ఆ రోజులను గుర్తు చేసుకుంటూ ‘‘పెద్దమ్మ టీ దుకాణంలో నన్ను పనికి పెట్టింది. బాధలు పడలేక ఓ రోజు సాయంత్రం రెలైక్కి నిద్రపోయాను. నిద్రలేచే సరికి విజయవాడ చేరాను. అక్కడ నాకెవరూ తెలియదు. తిరిగి తిరిగి ఒక హోటల్‌కెళ్లి పనిలో చేరాను. రోజులు గడిచాయి. ఒక రోజు బాలకార్మికులను గుర్తించడానికి ప్రభుత్వ సిబ్బంది హోటళ్లు, రెస్టారెంట్లలో తనిఖీ చేసినప్పుడు నేను దొరికాను. అది నా జీవితంలో గొప్ప మలుపు.
  
 వారు నన్ను నవజీవన్ బాల భవన్‌లో చేర్చారు. అక్కడి ఫాదర్ నా ఇష్టాన్ని గుర్తించి స్కూల్లో చేర్పించారు. తర్వాత కాలేజ్‌లో చేరి బిబిఎం చదివాను. ‘ఓ లిమిటెడ్ కంపెనీ’లో మేనేజర్‌గా ఉద్యోగం వచ్చింది. అందులో స్థిరపడ్డాక ఫాదర్‌తో మాట్లాడి నా క్లాస్‌మేట్ ‘రాజీ’ని పెళ్లి చేసుకున్నాను. నా పెళ్లి నవజీవన్ వాళ్లే దగ్గరుండి చేశారు. ఇప్పుడు మాకో పాప. తన పేరు సహస్ర’’ అని పాపను, భార్యను చూపిస్తూ ‘నవజీవన్ లేకపోతే ఈ సందీప్ లేడు’ అన్నారాయన ఆర్ద్రంగా.
  
 ఒకప్పటి స్ట్రీట్‌బాయ్...
 యూనివర్శిటీ గోల్డ్ మెడలిస్ట్ సంతోష్‌కుమార్ ఒకప్పుడు వీథుల్లో తిరిగిన కుర్రాడు. ఇతడి అమ్మానాన్నలు గొడవలు పడేవారు. దాంతో ఇంటి నుంచి పారిపోయి వరంగల్ చేరాడు. మూడేళ్లపాటు హోటళ్లలో పనులు చేస్తూ వీధుల్లో తిరుగుతూ గడిపేశాడు. ఒకరోజు రెలైక్కబోయి జారి పడడంతో గాయాల పాలయ్యాడు. ప్రభుత్వాసుపత్రిలో చికిత్స పొందాడు. డిశ్చార్జ్ అయిన తర్వాత ఎక్కడికెళ్లాలో తెలియక విజయవాడ చేరాడు. నవజీవన్ సిబ్బంది గుర్తించి బాలభవన్‌కు తీసుకొచ్చారు. సంతోష్ జీవితానికి అది మలుపు. ‘‘స్కూలుకెళ్తున్న విద్యార్థుల యూనిఫాం చూసి నాకూ అలాంటి దుస్తులు కావాలని అడిగాను.
  
 వాటిని చదువుకునే వాళ్లకు మాత్రమే ఇస్తారని చెప్పడంతో స్కూలుకెళ్లి చదువుకుంటానని చెప్పి యూనిఫామ్ తీసుకున్నాను. దాంతో అనివార్యంగా చదవాల్సి వచ్చింది. అలా చదువుకొంటూ బి.ఎస్‌సి కంప్యూటర్ సైన్స్ పూర్తి చేసి నాగార్జున యూనివర్శిటీలో ఎం.ఎ (సోషల్ వర్క్)లో గోల్డ్‌మెడల్ సాధించాను. నెట్ క్వాలిఫై అయి అసిస్టెంట్ ప్రొఫెసర్‌గా ఎంపికయ్యాను’’ అని వివరించారు సంతోష్. స్వతహాగా సోషల్ వర్క్ మీద ఉన్న ఇష్టంతో రెడ్డీస్ ల్యాబొరేటరీస్, ఇండియన్ సోషల్ ఫోరంలలో పనిచేశాడు. వీటన్నింటికంటే అనాథలకు, వీధిబాలలకు, బాలకార్మికుల కోసం ఏదైనా చేయాలనే తపనతో తిరిగి వరంగల్ చేరుకున్నాడు. అతడు ఇప్పుడక్కడ నవజీవన్ బాలభవన్ డెరైక్టర్. భార్య సునీత, పిల్లలు నిథిలన్, హర్షిల్‌తో హాయిగా జీవిస్తున్నాడు సంతోష్.
  
 తప్పిపోయి ఈ చెట్టు చేరాను!
 మహారాష్ట్రకు చెందిన రాధ తప్పిపోయి హైదరాబాద్‌కు చేరింది. ఒక పెద్దావిడ చొరవ తీసుకుని రాధను వీధిబాలలకు ఆశ్రయమిచ్చే ప్రభుత్వ హాస్టల్‌లో చేర్చింది. అక్కడే ఏడవ తరగతి వరకు చదువుకున్న రాధను, మిగతా పిల్లలతోపాటు వృత్తి విద్యాకోర్సులలో శిక్షణ కోసం తిరుపతికి పంపించారు. చదువుకుంటానని చెప్పడంతో ఆ అమ్మాయిని విజయవాడ నవజీవన్‌కు పంపించారు సంబంధిత అధికారులు. ఇంటర్ వరకు చదివిన తర్వాత బ్యూటీషియన్ కోర్సు చేసిందామె. ‘‘నాకు పెళ్లి కూడా నవజీవన్ వాళ్లే చేశారు. మా వారు శ్రీనుది కడప. సవతి తల్లి పెట్టే బాధలు పడలేక ఇంటి నుంచి పారిపోయి వచ్చి వాసవ్యహోమ్‌లో కొన్నాళ్లు ఉండి తర్వాత నవజీవన్‌కి చేరారు. అక్కడే నన్ను చూసి ఇష్టపడి, ఫాదర్‌తో చెప్పడంతో ఫాదర్ మా పెళ్లి చేశారు’’ అని చెప్పింది రాధ.
  
 పేరు పెట్టింది కూడా ఫాదరే!
 రాజేశ్ నెలల బిడ్డగా రైల్వేస్టేషన్‌లో దొరికాడు. నవజీవన్ షెల్టర్‌హోమ్‌లో చేర్చిన తర్వాత అక్కడి ఫాదర్ బాలశౌరి అతడికి పేరు పెట్టారు. ‘‘హోమ్‌లోనే ఉంటూ పదో తరగతి వరకు చదివాను. నవజీవన్‌లోనే కార్పెంటర్ వర్క్ నేర్పించారు. ప్రస్తుతం విజయవాడ టౌన్‌లో కాంట్రాక్టులు చేస్తున్నాను. హోమ్‌కి వచ్చే నాలాంటి వారికి పనులు నేర్పిస్తూ నలుగురికి ఉపాధి చూపిస్తున్నాను. నాకు అమ్మా నాన్న..అన్నీ నవజీవనే’’ అంటాడు రాజేశ్.
 ఇప్పల కోటిరెడ్డి, విజయవాడ
 ఫొటోలు: రాజేంద్రమోహన్
  
 ఎక్కడో పుట్టి... ఇక్కడ పెరుగుతున్నారు!
 విజయవాడలో పాతికేళ్ల కిందట నవజీవన్ బాలభవన్‌ను స్థాపించారు. ఇంటినుంచి పారిపోయి వచ్చిన పిల్లలు, తప్పిపోయిన పిల్లలు, బాలకార్మికులు తారసపడితే మా సిబ్బంది వారిని హోమ్‌కు తీసుకువస్తారు. అలా ఈ పాతికేళ్ల ప్రస్థానంలో 24 వేల మందిని గుర్తించి వారి తల్లిదండ్రుల దగ్గరకు చేర్చాం. 43వేల మందికి పునరావాసం కల్పించాం. నవజీవన్‌లో ఆశ్రయం పొందిన వారిలో ఎంతోమంది చదువుకుని ఉద్యోగాల్లో స్థిరపడ్డారు. ప్రస్తుతం బాలకార్మిక వ్యవస్థ, బాల్యవివాహాల నిర్మూలనపై కార్యక్రమాలు చేపడుతున్నాం.
 
 - ఫాదర్ బాలశౌరి, ఎగ్జిక్యూటివ్ డెరైక్టర్, నవజీవన్ బాలభవన్, విజయవాడ


 సిద్దిపేట టౌన్: ప్రధాని నరేంద్రమోడీ కార్పొరేట్ శక్తుల చేతుల్లో కీలు బొమ్మగా మారారని సీపీఐ రాష్ట్ర కార్యదర్శి చాడా వెంకట్‌రెడ్డి ధ్వజమెత్తారు. సిద్దిపేటలో ఆదివారం జరిగిన సీపీఐ జిల్లా స్థాయి రాజకీయ శిక్షణ శిబిరంలో ఆయన మాట్లాడుతూ బడుగు, బలహీన వర్గాల ప్రజలను అణచివేతకు గురి చేసే పాలకుల విధానాలను తిప్పి కొట్టాలన్నారు. పార్టీ శ్రేణులు ఉద్యమాలకు సిద్ధం కావాలని పిలుపునిచ్చారు.
  
 గ్రామీణ స్థాయి నుంచి పార్టీని బలోపేతం చేయాలన్నారు. ఎన్నికల ముందు చేసిన వాగ్ధానాలతో గద్దెనెక్కిన పాలకులు హామీలను విస్మరించడం దుర్మార్గమన్నారు. బడా పార్రిశామిక వేత్తలకు, కార్పొరేట్ శక్తులకు రెడ్ కార్పెట్ పరుస్తున్న కేంద్ర ప్రభుత్వం పేద, మధ్య తరగతి ప్రయోజనాలను పట్టించుకోవడం లేదన్నారు. తెలంగాణ సాయుధ రైతాంగ పోరాట స్ఫూర్తితో భావితరాలను సంక్షోభాల నుంచి రక్షించడానికి పోరాటాలను రూపొందించాలన్నారు.
 రాష్ట్ర ఉన్నత మండలి సభ్యులు డాక్టర్ పాపయ్య, తెలంగాణ ప్రెస్ అకాడమీ సభ్యుడు కె. అంజయ్యను ఈ సందర్భంగా ఘనంగా సన్మానించారు. కార్యక్రమంలో సీపీఐ నేతలు సిరాజుద్దీన్, మంద పవన్, వెంకట్‌రాంరెడ్డి, చింతల మల్లేశం, గంగాధర్‌రావు తదితరులు ప్రసంగించారు. సమావేశంలో పార్టీ ప్రతినిధులు రాజయ్య, బాలేష్, షఫీ, శోభన్, లక్ష్మణ్, కనకవ్వ, మంజుల, జలాలొద్దీన్, అడవయ్య, శ్రీనివాస్, దర్గయ్య, కుమార్ తదితరులు పాల్గొన్నారు.
  
 కార్మిక హక్కులను హరించేందుకు సవరణలు : డీవీ కృష్ణ
 కార్మిక హక్కులను హరించడానికి మోడీ సర్కార్ చట్ట సవరణలను తీసుకవస్తోందని భారత కార్మిక సంఘాల సమాఖ్య (ఐఎఫ్‌టీయూ) జాతీయ అధ్యక్షుడు డీవీ కృష్ణ అన్నారు. సిద్దిపేట ప్రెస్‌క్లబ్‌లో ఆదివారం జరిగిన సిద్దిపేట, జనగాం డివిజన్ కార్యవర్గ శిక్షణ తరగతుల్లో ఆయన మాట్లాడుతూ సంఘటిత శక్తితో కార్మిక హక్కులను ఉరితీసే పాలకుల చర్యలను తిప్పి కొట్టాలని పిలుపునిచ్చారు. ప్రజలు కష్టాలను భరించాల్సిందేనని ప్రధాన మంత్రి చెప్పడం శోచనీయమన్నారు. సంక్షేమ పథకాలకు కోతలు విధించడం ఎలా అభివృద్ధి అవుతుందని ప్రశ్నించారు.
  
 ఫ్యాక్టరీల చట్టం, పారిశ్రామిక వివాదాల చట్టం, కాంట్రాక్టు లేబర్ చట్టాలను సవరించడానికి కేంద్ర ప్రభుత్వం పూనుకోవడం సరికాదన్నారు. ఎవరినైనా చేర్చుకోవచ్చు, తొలగించవచ్చు (హైర్ అండ్ ఫైర్) హక్కును యజమానులకు కల్పించడం శోచనీయమన్నారు. జాతీయ ఉపాధి హామీ పథకాన్ని ప్రభుత్వం రద్దు చేయడానికి ప్రయత్నిస్తుందని ఆరోపించారు. విదేశీ పెట్టుబడులను ఆహ్వానించడం సరికాదన్నారు.  కార్మిక వ్యతిరేక చట్టాలను ఇలాగే కొనసాగిస్తే ఉద్యమం చేపట్టాలన్నారు. సమావేశంలో సమాఖ్య జిల్లా బాధ్యులు కట్ట భూమన్న, జిల్లా నేతలు యాదగిరి, లక్ష్మయ్య, శ్రీశైలం, కొమురయ్య, లక్ష్మయ్య, జనగాం డివిజన్ నేతలు బీరన్న, ఉప్పలన్న, బాలయ్య, రాజు తదితరులు పాల్గొన్నారు.


 న్యూఢిల్లీ: చివరి దశకు చేరిన కార్పొరేట్ ఫలితాలు, ఆర్థిక గణాంకాలు, విదేశీ సంకేతాలే ఈ వారం మార్కెట్లకు దిక్సూచిగా నిలవనున్నాయని విశ్లేషకులు పేర్కొన్నారు. మంగళవారం(12న) జూన్ నెలకు పారిశ్రామికోత్పత్తి సూచీ(ఐఐపీ)తోపాటు, జూలై నెలకు రిటైల్ ధరల ద్రవ్యోల్బణం(సీపీఐ) గణాంకాలు వెలువడనున్నాయి. ఇక గురువారం(14న) జూలై టోకు ధరల ఆధారిత ధరల(డబ్ల్యూపీఐ) వివరాలు వెల్లడికానున్నాయి. స్వాతంత్య్ర దినోత్సవం కారణంగా శుక్రవారం(15న) స్టాక్ మార్కెట్లకు సెలవు ప్రకటించారు. దీంతో ట్రేడింగ్ 4 రోజులకే పరిమితంకానుంది.
 
  అమ్మకాలు కొనసాగుతాయ్...
  గత వారం మార్కెట్లలో కనిపించిన ప్రతికూల పరిస్థితులు కొనసాగుతాయని భావిస్తున్నట్లు రెలిగేర్ సెక్యూరిటీస్ రిటైల్ పంపిణీ ప్రెసిడెంట్ జయంత్ మాంగ్‌లిక్ చెప్పారు. అయితే ఎన్‌ఎస్‌ఈ ప్రధాన సూచీ నిఫ్టీకి 7,450 వద్ద మద్దతు లభిస్తుందని అంచనా వేశారు. క్యూ1 ఫలితాలు చివరి దశకు చేరిన ప్రస్తుత పరిస్థితుల్లో విదేశీ సంకేతాలు కీలకంగా నిలవనున్నాయని వివరించారు. ప్రపంచవ్యాప్తంగా ఇన్వెస్టర్లు ఇరాక్ సంక్షోభంపై దృష్టిపెడతారని పేర్కొన్నారు.
 
  రిజల్ట్స్‌కు దిగ్గజాలు రెడీ
  ఈ వారం పలు దిగ్గజ కంపెనీలు క్యూ1(ఏప్రిల్-జూన్) ఫలితాలను ప్రకటించనున్నాయి. జాబితాలో సన్ ఫార్మా, టాటా మోటార్స్, టాటా స్టీల్, ఓఎన్‌జీసీ, కోల్ ఇండియా, ఐవోసీ, ఆయిల్ ఇండియా, హిందాల్కో, ఎన్‌ఎండీసీ, టాటా పవర్, సిప్లా, జేపీ అసోసియేట్స్, రిలయన్స్ కమ్యూనికేషన్స్ ఉన్నాయి. కాగా, విదేశీ ఇన్వెస్టర్ల పెట్టుబడులు, ముడిచమురు ధరలు, డాలరుతో మారకంలో రూపాయి కదలికలు వంటి అంశాలు కూడా సెంటిమెంట్‌ను ప్రభావితం చేస్తాయని విశ్లేషకులు పేర్కొన్నారు. గడచిన శుక్రవారం(8న) డాలరుతో మారకంలో రూపాయి ఐదు నెలల కనిష్టమైన 61.74కు చేరగా, మార్కెట్ల ప్రామాణిక సూచీ సెన్సెక్స్ నాలుగు వారాల కనిష్టం 25,329 వద్ద ముగిసిన సంగతి తెలిసిందే.
 
  ద్రవ్యోల్బణం ఎఫెక్ట్
  స్వల్ప కాలంలో మార్కెట్ల నడకను టోకుధరలు, రిటైల్ ధరల ద్రవ్యోల్బణ గణాంకాలు నిర్దేశిస్తాయని క్యాపిటల్‌వయా గ్లోబల్ రీసెర్చ్ డెరైక్టర్ వివేక్ గుప్తా అభిప్రాయపడ్డారు. అమెరికా అధ్యక్షుడు ఒబామా ఇరాక్ మిల టెంట్ స్థావరాలపై వైమానిక దాడులకు ఆదేశించిన నేపథ్యంలో అంతర్జాతీయ పరిణామాలను ఇన్వెస్టర్లు నిశితంగా పరిశీలిస్తారని అత్యధిక శాతంమంది నిపుణులు వ్యాఖ్యానించారు. మరోవైపు ఉక్రెయిన్, గాజా ఆందోళనలు కొనసాగుతుండటం కూడా సెంటిమెంట్ బలహీనపడటానికి కారణమైనట్లు తెలిపారు. ఈ పరిస్థితులు అంతర్జాతీయ మార్కెట్లలో ముడిచమురు ధరల పెరుగుదలకు దారితీస్తున్నాయన్నారు.


 ప్రపంచంలో మనిషి మనుగడకు ఆక్సిజన్ తర్వాత అవసరమైన ప్రాణ వాయువు.. డబ్బు. భూగోళం సూర్యుడితోపాటు ధనం చుట్టూ తిరుగుతోందనే నానుడి ఉంది. అలాంటి ధనాన్ని, దాని కార్యకలాపాలను అధ్యయనం చేసే శాస్త్రమే.. అర్థ శాస్త్రం (ఎకనామిక్స్). భూమిపై డబ్బు చెలామణిలో ఉన్నంతకాలం ఆర్థికవేత్తలు కూడా ఉండాల్సిందే. అందుకే ఎప్పటికీ వన్నె తగ్గని కెరీర్‌గా ఎకనామిక్స్ ఆదరణ పొందుతోంది. ఆర్థిక రంగంపై ఆసక్తి ఉన్న యువతను ఆకర్షిస్తున్న సబ్జెక్ట్.. అర్థ శాస్త్రం. డబ్బు, స్థిర చరాస్తులు వంటి విలువైన వనరులను ప్రజలు సక్రమంగా ఎలా ఉపయోగించుకోవాలో చెప్పేదే ఎకనామిక్స్.
  
  కార్పొరేట్ రంగం, విద్యా సంస్థల్లో అవకాశాలు
  ఎకానమిస్ట్‌లకు దేశ విదేశాల్లో ఉద్యోగ, ఉపాధి అవకాశాలకు కొదవే లేదు. సబ్జెక్టుపై పట్టు, తగిన అనుభవం ఉన్నవారికి కార్పొరేట్ సంస్థలు ఎర్ర తివాచీ పరుస్తున్నాయి. ప్రపంచీకరణ వల్ల దేశాల మధ్య వ్యాపార వాణిజ్యాలు ఊపందుకుంటున్నాయి. ఆర్థిక సంబంధాలు బలపడుతున్నాయి. ఈ నేపథ్యంలో ఆర్థికవేత్తలకు డిమాండ్ పెరుగుతోంది. స్టాక్ ఎక్స్ఛేంజ్‌లు, బ్యాంకులు ఎకనామిస్ట్‌లను సలహాదారులుగా నియమించుకుం టున్నాయి. ప్రభుత్వ రంగంలోనూ ఎన్నో అవకాశాలున్నాయి. బడ్జెట్ల రూపకల్పనలో ఆర్థికవేత్తలదే ప్రధాన పాత్ర. ఆసక్తి ఉంటే బోధనా రంగంలోనూ స్థిరపడొచ్చు. విశ్వవిద్యాలయాల్లో ఎకనామిక్స్ ప్రొఫెసర్లకు లక్షల్లో వేతనాలు అందుతున్నాయి.
  
  కావాల్సిన స్కిల్స్: ఎకానమిస్ట్‌లుగా వృత్తిలో గుర్తింపు తెచ్చుకోవాలంటే.. దూరదృష్టి ఉండాలి. అంటే.. భవిష్యత్ ఆర్థిక పరిస్థితులను అంచనా వేసే నేర్పు అవసరం. ఆర్థిక లావాదేవీలు, సంబంధిత చట్టాలపై పూర్తి అవగాహన పెంచుకోవాలి. తార్కిక ఆలోచనా శక్తి, సమస్యలను పరిష్కరించే నైపుణ్యాలు తప్పనిసరిగా ఉండాలి. పరిస్థితులను విశ్లేషించేందుకు క్వాంటిటేటివ్, రీజనింగ్ స్కిల్స్ అలవర్చుకోవాలి. వృత్తిలో సవాళ్లను తట్టుకొని నిలిచేందుకు కష్టపడే తత్వం, ఓర్పు అవసరం.  
  
  అర్హతలు: ఎకనామిక్స్‌పై మనదేశంలో ఎన్నో కోర్సులు ఉన్నాయి. ఇంటర్మీడియెట్ పూర్తిచేసిన తర్వాతఎకనామిక్స్‌లో బీఏ, ఎంఏ చదవొచ్చు. ఎంఫిల్, పీహెచ్‌డీ కూడా చేస్తే అవకాశాలు మెరుగవు తాయి. జాబ్ మార్కెట్‌లో విలువ పెరుగుతుంది. ఇంటర్మీడియెట్‌లో ఎకనామిక్స్, మ్యాథమెటిక్స్, కామర్‌‌సపై మంచి పట్టు సాధించి బీఏలో చేరడం ఉత్తమం.
  
  వేతనాలు: ఎకనామిక్స్‌లో ప్రావీణ్యం సంపాదించినవారికి భారీ వేతనాలుంటాయి. అసిస్టెంట్ ప్రొఫెసర్‌కు ఏడాదికి దాదాపు రూ.6 లక్షలు, అసోసియేట్ ప్రొఫెసర్‌కు రూ.10 లక్షలు, ప్రొఫెసర్‌కు రూ.15 లక్షల వేతనం లభిస్తుంది. ఇక కార్పొరేట్ సంస్థల్లో ఎకనామిస్ట్‌కు ప్రారంభంలో ఏడాదికి దాదాపు రూ.7 లక్షల వేతనం ఉంటుంది. మిడిల్ మేనేజ్‌మెంట్ స్థాయికి చేరుకుంటే ఏడాదికి రూ.12 లక్షలు అందుకోవచ్చు. సీనియర్ లెవల్‌లో ఉన్నవారి వేతనాలకు ఆకాశమే హద్దు అని చెప్పుకోవచ్చు.
  
  ఎకనామిక్స్ కోర్సులను ఆఫర్ చేస్తున్న విద్యా సంస్థలు:
  ఏ ఉస్మానియా యూనివర్సిటీ
  వెబ్‌సైట్: www.osmania.ac.in
  ఏ యూనివర్సిటీ ఆఫ్ హెదరాబాద్
  వెబ్‌సైట్: www.uohyd.ac.in
  ఏ ఆంధ్రా యూనివర్సిటీ
  వెబ్‌సైట్: www.andhrauniversity.edu.in
  ఏ ఆచార్య నాగార్జునా విశ్వవిద్యాలయం
  వెబ్‌సైట్: www.nagarjunauniversity.ac.in
  ఏ డాక్టర్ బీఆర్ అంబేద్కర్ ఓపెన్ యూనివర్సిటీ
  వెబ్‌సైట్: www.braou.ac.in
  ఏ సెంటర్ ఫర్ ఎకనామిక్స్ అండ్ సోషల్ స్టడీస్(సీఈఎస్‌ఎస్)
  వెబ్‌సైట్: www.cess.ac.in
  ఏ ఢిల్లీ స్కూల్ ఆఫ్ ఎకనామిక్స్
  వెబ్‌సైట్: www.econdse.org
  
  అన్నింటా అర్థ శాస్త్రమే
  సామాజిక శాస్త్రాల్లో ఎవర్‌గ్రీన్ సబ్జెక్టు అర్థ శాస్త్రం. ప్రభుత్వ,  ప్రైవేట్ రంగాల్లో ఆర్థిక నిపుణులు లేనిదే అభివృద్ధి సాధ్యం కాదనేది వాస్తవం. బిజినెస్ స్కూళ్లలో బోధించే ప్రధాన సబ్జెక్టుల్లో ఎకనామిక్స్‌దే అగ్రభాగం. ఇంత క్రేజ్ ఉన్న సబ్జెక్టులో పరిశోధన చేసినవారికి దేశ, విదేశాల్లో మంచి అవకాశాలున్నాయి. బీఏ, బీకాం, బీబీఏ వంటి కోర్సుల్లో స్పెషలైజేషన్లను ప్రవేశపెట్టారు. బ్యాంకింగ్, స్టాటిస్టికల్ ఉద్యోగాల ఎంపికలో ఎకానమిస్ట్‌లకు ప్రాధాన్యతనిస్తు న్నారు. బోధన రంగంలోనూ పుష్కలమైన ఉద్యోగ, ఉపాధి అవకాశాలున్నాయి. ఎకనామిక్స్‌లో పీహెచ్‌డీ చేసి, నైపుణ్యాలను పెంచుకోగలిగితే ఎవరికీ తీసిపోని విధంగా కెరీర్‌లో ఉన్నతంగా స్థిరపడతారు.
  -డాక్టర్ సునంద, హెడ్ ఆఫ్ ఎకనామిక్స్ డిపార్ట్‌మెంట్,
  ఆంధ్రమహిళాసభ ఆర్ట్స్ అండ్ సైన్స్ కళాశాల


 పిల్లల చదువుల కోసం కొందరు..బిడ్డల పెళ్లిళ్లు చేయాలని మరికొందరు..బంగారు నగలు చేయించుకోవాలని ఇంకొందరు.. ఇలా ఎవరికి వారే పొదుపు చేసుకుంటున్న సొమ్మంతా చీటీల నిర్వాహకుల చేతుల్లో పెట్టి మోసపోతున్నారు. నమ్మకమే పెట్టుబడిగా అక్రమ వ్యాపారం చేపట్టిన చీటీల నిర్వాహకులు లక్షల రూపాయలు వసూలు చేసి నమ్మినోళ్లకు శఠగోపం పెడుతున్నారు. ఈ మోసగాళ్లకు ఐపీ చట్టం వరంగా మారింది. జిల్లాలో ఇటీవల కాలంలో చోటు చేసుకుంటున్న వరుస ఘటనల నేపథ్యంలో బాధితుల జాబితా చేంతాడులా పెరుగుతోంది.
  
  నెల్లూరు(క్రైమ్): చీటీల పేరుతో జిల్లాలో ఆర్థిక నేరాలు ఎక్కువైపోతున్నాయి. నిరుపేదల కష్టార్జితాన్ని సులభంగా కాజేసేందుకు కొందరు ఈ వ్యాపారాన్ని ఎంచుకుంటున్నారు. పగలనకా, రేయనక కష్టపడి సంపాదించి కూడబెట్టుకున్న డబ్బును చీటీల పేరుతో పోగేసుకుని దోచుకుంటున్నారు. భారీ ఎత్తున నగదు సేకరించాక ఐపీ ఆయుధం ఉపయోగించి దర్జాగా తప్పించుకుంటున్నారు. వివిధ అవసరాల నేపథ్యంలో జిల్లాలో ఎక్కువ శాతం మంది ప్రజలు చీటీల ద్వారా సంపాదనను పొదుపు చేసుకుంటారు. ప్రధానంగా పిల్లల పెళ్లిళ్లు, చదువులు, గృహ నిర్మాణం తదితర అవసరాలకు చీటీలు వేసుకుంటారు. సంపాదనలో కొంత మొత్తాన్ని వారం, నెలవారీ చీటీల ద్వారా పొదుపు చేసుకుంటారు.
  
  చీటీ పాడగా వచ్చిన మొత్తాన్ని ఏదో ఒక అవసరానికి ఉపయోగించుకుంటారు. కార్పొరేట్ సంస్థల్లో చీటీలు కట్టి పాడుకోవడానికి సవాలక్ష నిబంధనలు అడ్డుగా ఉండడంతో ఎక్కువ శాతం మంది స్థానికంగా చీటీ పాటలు నిర్వహించే వారిని ఆశ్రయిస్తున్నారు. ఒక్కో వ్యాపారి తన స్థాయిని బట్టి రూ. 10 వేల నుంచి రూ.10 లక్షల వరకు చీటీ నిర్వహిస్తున్నారు. ఇలాంటి వ్యాపారులు జిల్లాలో వేలాది మంది ఉన్నారు. కొందరు వ్యాపారులైతే చీటీ పాడిన వారికి డబ్బు ఇవ్వకుండా అధిక వడ్డీ ఆశచూపి తమ వద్దే ఉంచేసుకుంటున్నారు. ఇలా భారీ మొత్తంలో నగదు కూడబెట్టుకున్నాక ఐపీ (ఇన్‌సాల్వెన్సీ పిటీషన్) పెట్టి తప్పించుకుంటున్నారు.
  
  నిబంధనలు గాలికి: చీటీల నిర్వాహకులు నిబంధనలను యథేచ్ఛగా ఉల్లంఘిస్తున్నారు. ఎవరైనా సరే చీటీలు నిర్వహించాలంటే తప్పనిసరిగా సంబంధిత పత్రాలను సబ్‌రిజిస్ట్రార్ కార్యాలయంలో రిజిస్ట్రేషన్ చేయించాలి. ఈ నిబంధనను పాటిస్తున్న వారి సంఖ్య వేళ్ల మీదే లెక్కించుకోవచ్చు.
  
  ఎక్కువ శాతం మంది అనధికారికంగానే వ్యాపారం నిర్వహిస్తుండడంతో మోసపోయిన బాధితులు పోలీసులకు ఫిర్యాదు చేసే సమయంలో ఎలాంటి ఆధారాలు చూపలేకపోతున్నారు. సంపాదనంతా పోగొట్టుకున్న వారిలో కొందరు ఆత్మహత్యకు కూడా తెగబడుతున్నారు. చీటీల నిర్వాహకులపై ప్రభుత్వ పర్యవేక్షణ, నిఘా కొరవడడంతోనే వేలాది మంది మోసపోతున్నారనే విమర్శలు వెల్లువెత్తుతున్నాయి. ఇప్పటికే అధికారులు స్పందించి కఠిన చర్యలు తీసుకోవాల్సిన అవసరం ఉంది. అదే క్రమంలో ప్రజలు కూడా తమ నగదును బ్యాంకులు, పోస్టాఫీసుల్లో పొదుపు చేసుకోవడం ఉత్తమం.
  
  ఇటీవల చోటుచేసుకున్న కొన్ని ఘటనలు
  నెల్లూరులోని డైకస్‌రోడ్డు సెంటర్‌లో ఓ వ్యక్తి చీటీల పేరుతో ప్రజల నుంచి సుమారు రూ. కోటి వసూలు చేసి ఉడాయించాడు.
  
   సంజయ్‌గాంధీనగర్‌లో చీటీల కారణంగా నష్టపోయిన ఓ మహిళ ఆత్మహత్యకు పాల్పడింది.
  ఎన్టీఆర్ నగర్‌లో ఓ మహిళ చీటీల వ్యాపారంతో   లక్షలు కాజేసింది. బాధితులు ఎస్పీకి ఫిర్యాదు చేయడంతో దిగొచ్చిన ఆ మహిళ కుటుంబసభ్యులు సొత్తును తిరిగి చెల్లించారు.
  
  గాయత్రినగర్‌కు చెందిన భవాని చుట్టుపక్కల వారితో నమ్మకంగా మెలుగుతూ చీటీల పేరుతో   కోటి రూపాయలు వసూలు చేసింది. తర్వాత కుటుంబంతో సహా రాత్రికి రాత్రే ఉడాయించింది.
  నిప్పో సెంటర్‌లో ఓ కార్ల కంపెనీ నిర్వాహకుడు ఐపీ పెట్టేందుకు యత్నించగా స్థానికులు  ఐదోనగర పోలీసులకు ఫిర్యాదు చేశారు.
  
  ఏకెనగర్ ఇండస్ట్రియల్ ఎస్టేట్‌లో సుధా పరమిళ ఆటోగ్యారేజ్ నిర్వాహకుడు చీట్లు, అప్పులు చేసి   రూ. 80లక్షలతో ఉడాయించారు. ఈ మేరకు బాధితులు ఐదోనగర పోలీసులకు ఫిర్యాదుచేశారు.
  
  శివాజినగర్‌కు చెందిన  విజయమ్మ చీటీల పేరుతో రూ. 60 లక్షలు వరకు వసూలు చేసింది. రాత్రికి రాత్రే కుటుంబసభ్యులతో  ఉడాయించే ప్రయత్నం చేయగా బాధితులు ఆమెను  పోలీసులకు అప్పగించారు.
  


 మంగళగిరి: చేనేత కేంద్రంగా.. నృసింహుని సన్నిధిగా ప్రసిద్ధి చెందిన మంగళాద్రి ఇప్పుడు దేశ వ్యాప్తంగా అందరి దృష్టిని ఆకర్షిస్తోంది. రాష్ర్టంలో ఏనోట విన్నా ఇప్పుడు దీని గురించే చర్చ నడుస్తోంది. నవ్యాంధ్ర రాజధాని విజయవాడ-గుంటూరు మధ్య ఏర్పాటు కాబోతోందనే ప్రచారం ముమ్మరంగా సాగుతోంది. ఈ నేపథ్యంలో పట్టణ పరిసరాల్లో పలు ప్రతిష్టాత్మక సంస్థలు, ప్రాజెక్టుల స్థాపనకు రంగం సిద్ధమవుతోంది. కోట్లాది రూపాయల పెట్టుబడితో ప్రభుత్వ, కార్పొరేట్ సంస్థలు తమ కార్యాలయాల ఏర్పాటుకు ప్రయత్నాలు ఆరంభించాయి.
  
  అందుబాటులో ప్రభుత్వ, అటవీ భూములు, రవాణా సౌకర్యం, నీటి వనరులు పుష్కలంగా ఉన్న ఈ ప్రాంతానికి మహర్దశ పట్టబోతోందని విశ్లేషకుల అంచనా. రాష్ట్ర విభజన నాటి నుంచి అవశేష ఆంధ్రప్రదేశ్‌కు రాజధానిగా ఏ ప్రాంతాన్ని ప్రకటిస్తారు. కొత్త రాజధాని ఎక్కడ ఏర్పాటు కాబోతోంది అనే చర్చ సర్వత్రా ఆసక్తికరంగా సాగుతోంది.
  
  ఏ ప్రాంతం అనుకూలం అనే విషయంపై ప్రభుత్వం ఓ కమిటీని కూడా ఏర్పాటు చేసింది. విజయవాడ-గుంటూరు నగరాల మధ్యే ఉంటుందన్న ప్రచారం మాత్రం మొదటి నుంచీ జోరుగా సాగుతోంది. నాయకులు, అధికారుల ప్రకటనలు, ఈ ప్రాంతంలో హడావుడిగా జరుగుతున్న పరిణామాలు ఇందుకు ఊతమిస్తున్నాయి. మంగళగిరి రాజధా ని కాబోతోందనే చర్చ నేపథ్యంలో దేశవ్యాప్తంగా పలు బహుళార్ధక ప్రాజెక్టుల ఏర్పాటుకు ఆసక్తిని కనపరుస్తున్నాయి.
  
  ప్రముఖ వైద్య సంస్థల ఏర్పాటుకు ప్రయత్నాలు.: ప్రభుత్వ సంస్థలతోపాటు ప్రైవేటు, కార్పొరేట్ సంస్థలు సైతం మంగళగిరి చుట్టూ భూముల కొనుగోలు చేస్తూ తమ కార్యాలయాల నిర్మాణానికి ప్రయత్నాలు ముమ్మరం చేశాయి. ఎయిమ్స్ లాంటి ప్రతిష్టాత్మక సంస్థతోపాటు సుమారు రూ.2,500 కోట్ల పెట్టుబడులతో పలు సంస్థల ఏర్పాటు కానున్నాయి.
  
  మంగళగిరి టీబీ శానిటోరియంలో అఖిల భారత వైద్య విజ్ఞాన సంస్థ(ఎయిమ్స్), చినకాకానిలో రూ.125 కోట్లతో క్యాన్సర్ అపెక్స్ సెంటరుతోపాటు విజయవాడలోని ఎన్టీఆర్ వైద్య విజ్ఞాన ఆరోగ్య విశ్వవిద్యాలయం ఇక్కడే ఏర్పాటవుతుంద నే వార్తలు వినిపిస్తున్నాయి. క్యాన్సర్ సెంటర్ వలన పలు జాతీయ అంతర్జాతీయ పరిశోధన కేంద్రాలు ఇక్కడ ఏర్పాటయ్యే అవకాశముందని అధికారులు చెబుతున్నారు. ఇవన్నీ ఏర్పాటయితే మంగళగిరి మెడికల్ హబ్‌గా అవతరించే అవకాశాలు పుష్కలంగా ఉన్నాయి.
  
  వనరులు ఇవీ..
  సుమారు రూ.1500 కోట్లతో ఏర్పాటు చేయనున్న ఎయిమ్స్‌కు శానిటోరియం స్థలం 200 ఎకరాలతో పాటు అటవీభూములు సైతం అనుకూలంగా వుండడం, రెండు కొండల మధ్య ప్రశాంత వాతావరణం ఎయిమ్స్ ఏర్పాటుకు కలిసి వచ్చే అంశాలు.
  
  ఎయిమ్స్ ఏర్పాటుతో వంద సీట్లతో మెడికల్ కాలేజి, 500 పడకల ఆసుపత్రి, నర్సింగ్ కళాశాల, పలు పరిశోధన కేంద్రాలు ఏర్పాటుకు అవకాశం ఉంది.
  ప్రభుత్వభూములు, అటవీభూములు వుండడంతో రవాణాకు ఎలాంటి ఇబ్బందులు లేకుండా రెండు జాతీయ రహదారుల మధ్య పట్టణం వుండడం, గుంటూరు ఛానల్ ద్వారా కృష్ణా నీరు అందుబాటులో వుండడంతో గతంలోనే ప్రభుత్వం 6వ బెటాలియన్ ఇక్కడ ఏర్పాటు చేసింది.
  
  బెటాలియన్‌లో ఆబ్కారి అకాడమీ, పోలీస్ అకాడమీ ఏర్పాటు చేసేం దుకు అధికారులు ప్రతిపాదనలు సిద్ధం చేశారు.
  
  డీజీపీ కార్యాలయం ఏర్పాటుకు ప్రయత్నాలు జరుగుతున్నాయని, రాష్ట్ర వ్యాప్తంగా పోలీసు పరిపాలనా కార్యకలాపాలు ఇక్కడి నుంచే జరుగుతాయని ఆశాఖ అధికారులు చెబుతున్నారు.
  
  ఇప్పటికే హైదరాబాద్‌లో పేర్గాంచిన కార్పొరేట్ ఆస్పత్రులు తమ శాఖల ను ఇక్కడ ఏర్పాటు చేసేందుకు భూములు కొనుగోలు చేస్తున్నాయి.
  
  ప్రభుత్వం ప్రకటించిన సంస్థలతో పాటు ప్రవేటు సంస్థల ఏర్పాటుతో ఉపాధి అవకాశాలతోపాటు దేశంలో ప్రముఖ పట్టణంగా మంగళగిరి అవతరించబోతుందని స్థానికులు ఆనందం వ్యక్తం చేస్తున్నారు.
  


 ఆస్తులు అమ్ముకుంటున్న పేదలు
 డిప్యూటీ సీఎం మహమూద్ అలీ ఆవేదన
  
 హైదరాబాద్: ‘కార్పొరేట్ ఆస్పత్రుల ఫీజులను తలచుకునే పరిస్థితి లేదు. ఇటీవల ఓ మహిళ నా దగ్గరకు వచ్చింది. అతని కొడుక్కి జబ్బు చేస్తే కార్పొరేట్ ఆస్పత్రిలో వైద్యం చేయిస్తోంది. తన దగ్గర ఉన్న డబ్బంతా కట్టింది. ఇంకా మిగిలిపోయిన రూ. 4 లక్షలూ కట్టాలని ఆమెపై ఒత్తిడి తీసుకొచ్చారు. ఇల్లు అమ్మకానికి పెట్టానని, ఆస్పత్రి యాజమాన్యంతో మాట్లాడి వారంరోజులు గడువు ఇప్పించాలని వేడుకుంది. కార్పొరేట్ ఆస్పత్రుల వైద్య బిల్లులు చెల్లించడానికి చాలామంది ప్రజలు నగలు, ఇళ్లు, ఆస్తులు అమ్ముకున్నారు. ఇప్పుడు పూట గడపుకోడానికి సైతం వాళ్లు అష్టకష్టాలు పడుతున్నారు..’ అని రాష్ట్ర ఉప ముఖ్యమంత్రి మహమూద్ అలీ పేర్కొన్నారు. భగవాన్ మహవీర్ మెమోరియల్ ట్రస్టు, పరిశోధన సంస్థ ఆధ్వర్యంలో శుక్రవారం మహవీర్ ఆస్పత్రిలో ‘పర్సనలైజ్డ్ మెడిసిన్’పై జాతీయస్థాయి సదస్సు ప్రారంభమైంది. ఈ కార్యక్రమంలో ముఖ్య అతిథిగా పాల్గొన్న ఉప ముఖ్యమంత్రి మహమూద్ అలీ,  కార్పొరేట్ ఆస్పత్రుల ఫీజులను ఉద్దేశించి పై వ్యాఖ్యలు చేశారు. ఇటీవల తనకు తెలిసిన ఓ వ్యక్తి మూత్రపిండాల సమస్యతో నగరంలోని ఓ కార్పొరేట్ ఆస్పత్రికి వెళ్లగా, అక్కడి వైద్యులు రూ.2 లక్షలు డిపాజిట్ చేయమన్నారు. అ వ్యక్తిని నిమ్స్‌కు పంపితే రూ.20 వేలకే వైద్యం అందిందన్నారు. సరైన విద్యా, వైద్య సేవలందక ప్రజలు తీవ్ర కష్టాలు పడుతున్నారని ఆవేదన వ్యక్తం చేశారు. ఔషధాల పనితీరుపై లోతైన పరిశోధనలు జరగాల్సిన అవసరముందన్నారు. అలర్జీ నివారణకు ఓసారి తాను తీసుకున్న ఔషధం వికటించడంతో.. అస్వస్థతకు గురై ప్రాణపాయాన్ని ఎదుర్కొన్నానని గుర్తు చేసుకున్నారు.
 
 సీఎం రిలీఫ్ ఫండ్‌కే దిక్కు లేదన్నారు..    
  
 ఈ మధ్య ఓ పదేళ్ల బాలికను నా దగ్గరికి తీసుకొచ్చారు. కంటికి తీవ్ర గాయం కావడంతో కట్టు కట్టి ఉంది. స్కూల్లో తోటి విద్యార్థి పెన్సిల్‌తో ఆ బాలిక కంటిలో గుచ్చితే గాయమైందని ఆ బాలిక తల్లి తెలిపింది.  24 గంటల్లోపు ఆపరేషన్ చేస్తేనే ఆ కన్ను పనిచేస్తుందని ఎల్‌వీ ప్రసాద్ కంటి ఆస్పత్రి వైద్యులు పేర్కొనడంతో దిక్కుతోచక సహాయం కోసం నా దగ్గర వచ్చారు. వారి దయనీయ స్థితిని చూడలేక వెంటనే కేసీఆర్‌ను కలిసి సీఎం రిలీఫ్ ఫండ్ కింద డబ్బులు మంజూరు చేయిం చాను. గత ప్రభుత్వం చెల్లించాల్సిన బకాయిలు చాలా ఉన్నందున శస్త్ర చికిత్స చేయబోమన్నారు. మళ్లీ నేను స్వయంగా వైద్యులను ఒప్పించి ఆ పాపకు శస్త్ర చికిత్స చేయించాల్సి వచ్చింది..అని డిప్యూటీ సీఎం పేర్కొన్నారు. ఈ కార్యక్రమంలో వైద్యులు కేఎస్.రత్నాకర్, ట్రస్టు చైర్మన్ సురేంద్ర లూనియా పాల్గొన్నారు.
  
  


 అప్‌కమింగ్ కెరీర్: ఒక సంస్థ మార్కెట్‌లో నిలదొక్కుకొని, నాలుగు కాలాలపాటు తన స్థానాన్ని కాపాడుకోవాలంటే ప్రజల్లో దానికి ఒక గుర్తింపు రావాలి. ఆ గుర్తింపును తెచ్చిపెట్టే ఉద్యోగి ప్రజా సంబంధాల అధికారి(పీఆర్‌ఓ). అంటే సంస్థ -ప్రజలకు నడుమ వారధి లాంటి వ్యక్తి.. పీఆర్‌ఓ. సంస్థ కార్యకలాపాలను, పనితీరును, ఉత్పత్తులను, వాటి నాణ్యతను ఎప్పటికప్పుడు వివిధ మార్గాల్లో ప్రజలకు చేరవేసి, సంస్థ మనుగడను కాపాడే నిపుణుడు.. పీఆర్‌ఓ. ఆధునిక కార్పొరేట్ యుగంలో డిమాండ్ పెరుగుతున్న కెరీర్.. పబ్లిక్ రిలేషన్స్.
  పీఆర్‌ఓలకు ప్రభుత్వ, ప్రైవేట్ రంగాల్లో ప్రస్తుతం ఎన్నో అవకాశాలు ఉన్నాయి. అన్ని కార్పొరేట్ సంస్థలు, ఆసుపత్రులు, హోటళ్లు, ప్రముఖ కంపెనీలు, యాడ్ ఏజెన్సీలు ప్రజా సంబంధాల అధికారులను తప్పనిసరిగా నియమించు కుంటున్నాయి. ప్రభుత్వ సమాచార, పౌర సంబంధాల శాఖలో ఉద్యోగావకాశాలు లభిస్తున్నాయి. పీఆర్‌ఓ.. తాను పనిచేస్తున్న సంస్థ గురించి వార్తాపత్రికలు, టీవీ ఛానళ్లు, సామాజిక మాధ్యమాల ద్వారా ప్రచారం నిర్వహించాల్సి ఉంటుంది. సంస్థలో జరిగే కార్యక్రమాలు, సదస్సులపై సమాచారాన్ని ప్రెస్‌నోట్ల రూపంలో ప్రసార మాధ్యమాలకు అందజేయాలి. అవి ప్రజలకు చేరేలా చూడాలి. ప్రెస్‌మీట్లు కూడా ఏర్పాటు చేయాల్సి ఉంటుంది. పీఆర్‌ఓలకు మీడియాతో మంచి సంబంధాలు ఉండాలి.
  పీఆర్‌ఓలో కెరీర్‌లో రాణించాలంటే మెరుగైన కమ్యూనికేషన్ స్కిల్స్ ఉండాలి. కనీసం మూడు భాషల్లో మంచి పట్టు ఉండాలి. సృజనాత్మకత, సహనం, పట్టుదల అవసరం. ప్రాపంచిక పరిజ్ఞానం పెంపొందించుకోవాలి. ఈ రంగంలో ఒత్తిళ్లు అధికంగా ఉంటాయి. కొన్నిసార్లు సమయంతో నిమిత్తం లేకుండా పగలూరాత్రి పనిచేయాల్సి వస్తుంది. కాబట్టి ఏ సమయంలోనైనా విధులు నిర్వర్తించేందుకు సిద్ధంగా ఉండాలి.
  
  అర్హతలు
  మనదేశంలో పబ్లిక్ రిలేషన్స్‌లో డిప్లొమా, బ్యాచిలర్స్ డిగ్రీ కోర్సులు అందుబాటులో ఉన్నాయి. ఇంటర్మీడియెట్ పూర్తయిన తర్వాత ఈ కోర్సుల్లో ప్రవేశం పొందొచ్చు. కొన్ని సంస్థలు  జర్నలిజం కోర్సులో ఒక సబ్జెక్టుగా పబ్లిక్ రిలేషన్స్‌ను బోధిస్తున్నాయి. ప్రభుత్వ సమాచార, పౌర సంబంధాల శాఖలో చేరాలంటే డిగ్రీ ఉండడం అవసరం.
  
  వేతనాలు
  కమ్యూనికేషన్స్ ఇండస్ట్రీలో పీఆర్‌ఓలకు మంచి వేతనాలు అందుతున్నాయి. యాడ్ ఏజెన్సీలో చేరితే ప్రారంభంలో నెలకు రూ.8 వేలు అందుకోవచ్చు. పబ్లిక్ రిలేషన్స్ ఏజెన్సీలో అయితే ప్రారంభంలో రూ.15 వేల వరకు వేతనం లభిస్తుంది. తర్వాత సీనియారిటీని బట్టి వేతనాల్లో పెరుగుదల ఉంటుంది. సొంతంగా పీఆర్ ఏజెన్సీని ఏర్పాటు చేసుకుంటే రూ.లక్షల్లో ఆదాయం సంపాదించుకోవచ్చు.
  
  పబ్లిక్ రిలేషన్స్ కోర్సులను ఆఫర్ చేస్తున్న సంస్థలు
  
      డాక్టర్ బి.ఆర్.అంబేద్కర్ ఓపెన్ యూనివర్సిటీ-హైదరాబాద్
  వెబ్‌సైట్: http://www.braou.ac.in/
      ఢిల్లీ కాలేజీ ఆఫ్ ఆర్ట్స్ అండ్ కామర్స్
  వెబ్‌సైట్: http://dcac.du.ac.in/
      కమలా నెహ్రూ కాలేజీ
  వెబ్‌సైట్: http://www.knc.edu.in/
      ఇండియన్ ఇన్‌స్టిట్యూట్ ఆఫ్ మాస్ కమ్యూనికేషన్-ఢిల్లీ
  వెబ్‌సైట్: http://www.iimc.nic.in/
      భారతీయ విద్యా భవన్-ఢిల్లీ
  వెబ్‌సైట్: http://www.bvbdelhi.org/
      వైఎంసీఏ-న్యూఢిల్లీ
  వెబ్‌సైట్: http://www.newdelhiymca.in/
  
  కమ్యూనికేషన్ స్కిల్స్ పెట్టుబడి
  ‘‘కమ్యూనికేషన్ స్కిల్స్‌తో పీఆర్‌ఓగా మంచి కెరీర్‌ను సొంతం చేసుకోవచ్చు. అప్పగించిన బాధ్యతలను విజయవంతంగా పూర్తిచేయగలిగే ఓర్పు పీఆర్‌ఓలకు ఉండాలి. ప్రస్తుతం విద్యాసంస్థలు, మల్టీనేషనల్ కంపెనీలు కస్టమర్ల అభిరుచులను తెలుసుకునేందుకు సర్వేలను నిర్వహించేందుకు పీఆర్ సంస్థలపైనే ఆధారపడ్డాయి. గ్లోబలైజేషన్ నేపథ్యంతో ఉద్యోగ అవకాశాలకు కొదవలేదు. దీనికి జర్నలిజం కోర్సు కూడా పూర్తిచేస్తే అదనపు అర్హత చేకూరినట్లే’’
  - ప్రొఫెసర్ బి.బాలస్వామి, జర్నలిజం విభాగ అధిపతి, ఉస్మానియా విశ్వవిద్యాలయం


 సీపీఎం నేత, ఎంపీ తపన్ సేన్
 బళ్లారి టౌన్ : ప్రధాని నరేంద్ర మోడీ కూడా గత యూపీఏ ప్రభుత్వ విధానాలనే అనుసరిస్తున్నాడని సీపీఎం ఎంపీ తపన్‌సేన్ ఆరోపించారు. ఆదివారం నగరంలోని గురు ఫంక్షన్ హాల్‌లో విలేకర్ల సమావేశంలో మాట్లాడుతూ గతంలో యూపీఏ ప్రభుత్వ విధానాలను ప్రజలు తిరస్కరించి బీజేపీని గెలిపిస్తే ఆ పార్టీ కూడా అదే సిద్ధాంతాలను అనుసరిస్తోందన్నారు. ఈసారి బడ్జెట్ చూస్తుంటే సామాన్య ప్రజలకు అనుకూలంగా లేదన్నారు.
 
 ఎన్నికల్లో సామాన్య వర్గాలకు, కార్మికులకు మంచి రోజులు తీసుకొస్తామని హామీ ఇచ్చిన మోడీ పెట్టుబడిదారులు, విదేశీ సంపన్మూలాలకు, కార్పొరేట్ సంస్థలకు అనుకూలంగా పాలన సాగిస్తున్నారన్నారు. ఎస్‌సీ, ఎస్‌టీలకు ప్రత్యేకించి ఏ విధమైన బడ్జెట్ ప్రవేశ పెట్టలేదన్నారు. బెంగాల్‌లో తృణమాల్ కాంగ్రెస్ ప్రభుత్వం 450 మంది  సీఐటీయూకి కార్యకర్తలపై పోలీసులతో అరాచకాలు సృష్టిస్తోందన్నారు. కార్మిక సంఘాలు, అస్సాం, బెంగాల్ రాష్ట్రాల పోరాటాల రూపురేఖలపై ఈ సమావేశంలో చర్చించినట్లు ఆయన వెల్లడించారు. కార్యక్రమంలో సీఐటీయూ నేత ప్రసన్న కుమార్, ఆర్‌ఎస్.బసవరాజ్, టీజీ. విఠల్, సత్యబాబు తదితరులు పాల్గొన్నారు.


 
 ఒక్కో ఎలుకను పట్టుకోడానికి రూ. 10 వేల ఖర్చు చూపిన బీబీఎంపీ
 
 లెక్కలు తోడేశారు
 
 ఖర్చు మొత్తం రూ. 1.98 లక్షలట !
 
 పాలికె సమావేశంలో నీళ్లు నమిలిన అధికారులు
 
 బెంగళూరు :  కాకి లెక్కలు విన్నాము కానీ ఈ ఎలుక లెక్కలు ఏమిటీ అని తెలుసుకోవాలనుందా..! అయితే బెంగళూరు బీబీఎంపీ కార్యాలయానికి వెళ్లాల్సిందే. ఒక్కొ ఎలుకను పట్టుకోడానికి రూ. 10 వేలు ఖర్చు చేసినట్లు చూపించి లెక్కలు తోడేశారు.  పాలికె సిబ్బంది. 20 ఎలుకలు పట్టడానికి రూ. 1.98 లక్షలు ఖర్చు చూపి ఘనమైన రికార్డు మూటగట్టుకున్నారు.
 
 వివరాలు... పాలికె కార్యాలయంలో పలు విభాగాలకు చెందిన రికార్డులను భద్రపరచడానికి ఒక ప్రత్యేక గదిని ఏర్పాటు చేశారు. ఆ గదిలో ఎలుకలు దూరి రికార్డులను తినేస్తుండటంతో సిబ్బంది ఆరు నెలలుగా 20 ఎలుకలను పట్టుకుని ఖర్చు రూ. 1.98 లక్షలు అయ్యిందని లెక్కలు తవ్వుకున్నారు.
  
 మండిపడిన అధికార పార్టీ నాయకుడు ..  నీళ్లు నమిలిన అధికారులు
 
 బుధవారం బీబీఎంపీ సర్వసభ్య సమావేశం జరిగింది. ఈ సందర్భంగా అధికార పార్టీ కార్పొరేటర్ (బీజేపీ) ఎన్.ఆర్. రమేష్ మాట్లాడుతూ... పాలికె అధికారులు ఏమి తలచుకుంటే అది చేసేస్తారు. తిమ్మినిబొమ్మిని కూడా చేస్తారు. ఒక్క ఎలుకను చంపడానికి రూ. 10 వేలు ఖర్చు పెట్టిన ఘన చరిత్ర, ప్రపంచలో ఎవ్వరికి దక్కని అరుదైన రికార్డు సొంత చేసుకున్నారు అంటూ మండిపడ్డారు.
 
 వీరిని గిన్నిస్ రికార్డులో ఎక్కించాలని వ్యంగ్యంగా అన్నారు. రూ. 12 ఇస్తే ఎలుకల మందు ప్యాకెట్ ఇస్తారు. అయితే సిబ్బంది మాత్రం 20 ఎలుకలు పట్టడానికి రూ. 1.98 లక్షలు ఖర్చు చేశామని నిస్సిగ్గుగా లెక్కలు రాయడం బాధ్యతలేనితనానికి నిదర్శనమని ఆయన అసహనం వ్యక్తం చేశారు. అయితే అధికారులు మాత్రం ఏమీ చెప్పలేకుండా మిన్నకుండిపోయారు. ప్రతిపక్షాలు సైతం అధికారుల వైఖరిని నిలదీశాయి. ఏదీ ఏమైనా ప్రజాధనం ఎలా దుర్వినియోగం అవుతోందో ఈ సంఘటనే ఒక ఉదాహరణ.
  


 ప్రతి ఒక్కరికీ మెరుగైన వైద్యం  ‘సాక్షి’ ఇంటర్వ్యూలో ఉప ముఖ్యమంత్రి టి. రాజయ్య
 
 గ్రామీణ, ఏజెన్సీ ప్రాంతాలే మా లక్ష్యం
 హెలికాప్టర్ ద్వారా అత్యవసర చికిత్సలు
 సర్కారీ ఆస్పత్రులకు వచ్చే రోగులు మందులు బయట కొనాల్సిన పని ఉండదు
 నష్టపోయిన మెడిసిన్ సీట్లను మళ్లీ సాధిస్తా..
  
 హైదరాబాద్: ‘వైద్యునిగా 30 ఏళ్ల అనుభవముంది. ముఖ్యమంత్రి కేసీఆర్ నాకు వజ్రకవచంలా ఉపముఖ్యమంత్రి పదవిచ్చారు. వీటిని ఉపయోగించి సర్కార్ వైద్యాన్ని కార్పొరేట్ స్థాయికి తీసుకెళతా.సర్కారీ దవాఖానాల్లో సకల సదుపాయాలను సమకూర్చుతాం. తెలంగాణలోని గడపగడపకూ వైద్యాన్ని అందిస్తా. సర్కార్ ఆస్పత్రులకు వచ్చే రోగు లు ఇకపై మందులు బయట కొనుగోలు చేయాల్సిన అవసరం ఉండదు. పరీక్షల కోసం ప్రైవేటు లాబ్‌లకు వెళ్లకుండా ప్రక్షాళన చేస్తా. మారుమూల గ్రామాలు, ఏజెన్సీ ప్రాంతాలే ప్రధాన లక్ష్యంగా పనిచేస్తా. అవసరమైతే ఆ ప్రాంతాలకు హెలికాప్టర్ ద్వారా వైద్యాన్ని అందించేందుకు కృషి చేస్తా.’ అని వైద్యశాఖను నిర్వహిస్తున్న ఉపముఖ్యమంత్రి టి.రాజయ్య చెప్పారు. వైద్య రంగాభివృద్ధి, ప్రభుత్వాస్పత్రుల బలోపేతం, ఏజెన్సీ ప్రాంతాల్లో రోగాల నివారణ, పేదలకు కార్పొరేట్ వైద్యం వంటి అంశాల్లో రాజయ్య తన విజన్‌ను, ప్రభుత్వ లక్ష్యాలను ‘సాక్షి’కిచ్చిన ప్రత్యేక ఇంటర్వ్యూలో వివరించారు. ముఖ్యాంశాలు ఆయన మాటల్లోనే...
 
 వైద్యానికి వజ్రకవచం డీసీఎం
 
 రోగులందరికీ చక్కని వైద్యాన్ని అందించేందుకు ఈ పదవిని ఉపయోగిస్తా. సచివాలయంలో సమీక్షలకే పరిమితమవడానికి నేను వ్యతిరేకం. క్షేత్రస్థాయి పరిస్థితులను సమీక్షిస్తూ వ్యా ధుల నివారణకు, మెరుగైన వైద్యానికి చర్యలు తీసుకుంటా.
 
 గ్రామాలు, తండాల్లో మార్పు
 
 ఇప్పుడున్న రోగాల్లో 70 శాతం దోమలు, ఈగలవల్లే సంభవి స్తున్నాయి. గ్రామాల, ఏజెన్సీ ప్రాంతాల ప్రజలకు వీటిపై అవగాహన లేదు. పైగా మూఢ నమ్మకాలు ఎక్కువ. జ్వరం ఎక్కువై అది మెదడుకు సోకి పిచ్చిపిచ్చిగా మాట్లాడితే దెయ్యం పూనిందని యంత్రాలు కట్టించుకుంటారే తప్ప చికిత్స చేయించుకోవాలనుకోరు. అందుకే ఆ ప్రాంతాలపైనే నేను దృష్టి సారించా. వైద్యశాఖతోపాటు ఐటీడీఏ, ఆర్‌డబ్ల్యూఎస్, పంచాయతీరాజ్, అంగన్‌వాడీ ఉద్యోగులనూ, స్థానిక సంస్థల ప్రజాప్రతినిధులనూ భాగస్వామిని చేస్తా. కళాజాతాల ద్వారా రోగాల నివారణపై అవగాహన కల్పిస్తా.
 
 హెలికాప్టర్ అంబులెన్సుల ఏర్పాటు
 
 అత్యవసర పరిస్థితిలో కేసీఆర్ చెప్పినట్టు హెలికాప్టర్ అంబులెన్సులను ఏర్పాటు చేసి మెరుగైన వైద్యాన్ని అందించేందుకు కృషి చేస్తాం. ఇందుకోసం దీర్ఘకాలిక ప్రణాళికను రూపొం దిస్తున్నాం.  మారుమూల ప్రాంతాల్లో బోర్లలో పిల్లలు పడితే ప్రభుత్వం ఎంత ఖర్చైనా వెచ్చించి వాళ్ల ప్రాణాలను కాపాడడాన్ని మనం చూస్తూనే ఉన్నాం. ఏజెన్సీ ప్రజలు రోగాలబారినపడినప్పుడు హెలికాప్టర్ అంబులెన్సులను వినియోగిస్తే తప్పేముంది?
 
 సర్కార్ దవాఖానాల ప్రక్షాళన
 
 ప్రభుత్వాస్పత్రుల్లో మందులు, కనీస సౌకర్యాలు, డాక్టర్లు, సిబ్బంది కొరత ఉన్నమాట వాస్తవమే. ఇకపై అలాంటివి ఉండకుండా చూస్తాం. సర్కార్ దవాఖానాలకు వచ్చేవారు ఇకపై బయట మందులు కొనడం, ప్రైవేటు డయాగ్నొస్టిక్ కేంద్రాల్లో పరీక్షలు చేయించుకునే పరిస్థితి రానీయను. మందులను ఆస్పత్రుల్లో అందజేయిస్తా. పరీక్షలను సైతం అక్కడే జరిపిస్తా.
 
 సమయపాలన పాటించాల్సిందే..
 
 డాక్టర్లు, సిబ్బంది సరిగా విధులకు హాజరు కావడం లేదని, సమయపాలన పాటించడం లేదని ఫిర్యాదులు వస్తున్నాయి. ఇకపై సమయాలను కచ్చితంగా పాటించాల్సిందే. డాక్టర్ల గౌరవాన్ని పెంపొందించే బాధ్యతను నేను తీసుకుంటా. విధులను నిర్లక్ష్యం చేస్తే కఠినంగా వ్యవహరిస్తాం. ఉన్నతాధికారులు జవాబుదారీగా ఉండాలి.
 
 అవినీతిని నిర్మూలిస్తా..
 
 ప్రభుత్వాస్పత్రుల్లో రెండు రకాల అవినీతి జరుగుతోంది. రోగుల వద్ద అటెండర్, సెక్యూరిటీ గార్డ్ వంటి కింది స్థాయి ఉద్యోగులు తీసుకునే పది, పరకా వంటివి ఒకటైతే... మందులు, ఇతరత్రా వాటిల్లో జరిగే అవినీతి మరొకటి. రెండో రకం అవినీతిని నిర్మూలిస్తే... మొదటిది ఆటోమేటిక్‌గా తగ్గిపోతుంది. అందుకోసం కృషి చేస్తా.
 
 హెల్త్‌హబ్‌గా తెలంగాణ
 
 తెలంగాణ రాష్ట్రాన్ని హెల్త్‌టూరిజంగా మార్చేందుకు ప్రయత్నిస్తా. ప్రభుత్వ దవాఖానాలను కార్పొరేట్ స్థాయికి తీర్చిదిద్దుతా. బీబీనగర్ నిమ్స్ పనులను పూర్తిచేసి రెండు నెలల్లో ఓపీ బ్లాకును ప్రారంభిస్తా. గాంధీ, కాకతీయ మెడికల్ కళాశాలల్లో ఎంసీఐ నిబంధనలు పాటించలేదనే కారణంతో వంద సీట్లకు కోత విధించారు. వాటిని తిరిగి సాధించుకుంటాం. మరోసారి ఎంఐసీ ఆయా కళాశాలలను సందర్శించాలని, కేంద్ర నిబంధనలను పూర్తిగా పాటించేలా రాష్ట్ర ప్రభుత్వం తరపున హామీ ఇస్తా.
  
  


 మదనపల్లె: ప్రస్తుత ప్రధాని నరేంద్రమోడీని దేశమంతా సమర్థుడని కితాబునిస్తున్నారని, అయితే ఇదంతా కార్పొరేట్ మీడియా సృష్టించిన ప్రచారమని సీపీఐ జాతీయ కార్యవర్గ సభ్యులు కె. నారాయణ విమర్శించారు. కాంగ్రెస్ వైఫల్యాలే మోడీకి ఎంతో దోహదపడ్డాయని చెప్పారు.  మదనపల్లెకు వచ్చిన ఆయన విలేకరులతో మాట్లాడారు.
 
 రాష్ట్ర విభజన అనంతరం రెండు రాష్ట్రాల ముఖ్యమంత్రులు  కూర్చొని చర్చించుకోవాల్సిన విషయాలు ఎన్నో ఉండగా రాజకీయాలు చేస్తూ ఇరు ప్రాంతాల్లో ప్రాంతీయ తత్వాలను రెచ్చగొడుతున్నారని ఆరోపించారు. వీరిద్దరూ ఉద్దేశపూర్వకంగానే సమస్యలను జఠిలం చేస్తూ ఉనికి కాపాడుకునేందుకే ఒకరిపై మరొకరు విమర్శలు చేసుకుంటున్నారని పేర్కొన్నారు. దివంగత సీపీఐ  నేత చండ్రరాజేశ్వరరావు శత జయంతి ఉత్సవాలను వచ్చేనెల 11వ తేదీ హైదరాబాదులో జరపనున్నట్టు నారాయణ తెలిపారు.


 ఒంగోలు వన్‌టౌన్ : కార్పొరేట్ విద్యాసంస్థల అధిపతులు రాష్ట్ర ప్రభుత్వ పాలనలో భాగస్వాములైన నేపథ్యంలో ప్రభుత్వ పాఠశాలలను కాపాడుకోవాల్సిన అవసరం ఎంతైనా ఉందని శాసన మండలి సభ్యుడు విఠపు బాలసుబ్రహ్మణ్యం పిలుపునిచ్చారు. సోమవారం యూటీఎఫ్ కార్యాలయంలో నిర్వహించిన యూటీఎఫ్ జిల్లా కార్యవర్గ సమావేశంలో ఆయన ముఖ్యఅతిథిగా ప్రసంగించారు. సమావేశానికి యూటీఎఫ్ జిల్లా అధ్యక్షుడు పి.రమణారెడ్డి అధ్యక్షత వహించారు.
  
 విద్యార్థులకు నాణ్యమైన విద్యను అందించేందుకు మేధావుల్లో చర్చ జరగాలని విఠపు బాలసుబ్రహ్మణ్యం సూచించారు. కస్తూరిబా గాంధీ బాలికా విద్యాలయంలో పని చేస్తున్న బోధకులకు వేతనాలు పెంచాలని, మోడల్ స్కూళ్లలో రెగ్యులర్ నియామకాలు జరపాలని డిమాండ్ చేశారు. మాజీ ఎమ్మెల్సీ డి.రామిరెడ్డి మాట్లాడుతూ ప్రకాశం జిల్లా పారిశ్రామికవాడగా, విద్యావనరుల కేంద్రంగా అభివృద్ధి చెందాలని ఆకాంక్షించారు.
  
 ఉద్యోగుల ఉద్యోగ విరమణ వయసు 60 సంవత్సరాలకు పెంచటం హర్షణీయమైనప్పటికీ నిరుద్యోగులకు ఉపాధి అవకాశాలు కల్పించాలని డిమాండ్ చేశారు. పాఠశాల విద్యను అభివృద్ధి చేసేందుకు ప్రభుత్వం, ఉపాధ్యాయులు, తల్లిదండ్రులు సమన్వయంతో కృషి చేయాలని కోరారు. యూటీఎఫ్ రాష్ట్ర కార్యదర్శి మీగడ వెంకటేశ్వరరెడ్డి మాట్లాడుతూ విద్యారంగాన్ని అభివృద్ధి చేస్తూ ఉపాధ్యాయుల సమస్యల పరిష్కారంలో యూటీఎఫ్ చురుకైన పాత్రను పోషించాలని సూచించారు.
  
 తీర్మానాలు
 సమావేశంలో పలు తీర్మానాలను ఏకగ్రీవంగా ఆమోదించారు. విద్యాశాఖాధికారి కార్యాలయంలో పెండింగ్‌లో ఉన్న ఎల్‌ఎఫ్‌ఎల్ హెచ్‌ఎం సీనియారిటీ జాబితాను ప్రకటించాలని, ఉపాధ్యాయుల రెగ్యులరైజేషన్, ప్రొబేషన్ డిక్లరేషన్ ప్రక్రియ అమలు చేయాలని తీర్మానించారు. పీఆర్‌సీ నివేదికపై చర్చించి వెంటనే అమలు చేయాలని కోరారు. గత ఏడాది జూన్, జులైలో బదిలీ అయిన ఉపాధ్యాయులను రిలీవ్ చేయాలన్నారు.   ఎయిడెడ్ ఉపాధ్యాయుల బకాయిల చెల్లింపునకు నిధులు మంజూరు చేయాలని, మున్సిపల్ ఉపాధ్యాయులకు సర్వీస్ రూల్స్ ప్రకటించాలని కోరారు. ఎవరెస్ట్ శిఖరాన్ని అధిరోహించిన ఆనంద్, పూర్ణను అభినందించారు. సమావేశంలో యూటీఎఫ్ జిల్లా ప్రధాన కార్యదర్శి కె.శ్రీనివాసరావు, జిల్లా కోశాధికారి జి.హరిబాబు, సహాధ్యక్షుడు పి.వీరాంజనేయులు, కె.కృష్ణమూర్తి, పి.జాన్‌విలియమ్ తదితరులు పాల్గొన్నారు.


 కర్నూలు(విద్య), న్యూస్‌లైన్: జూన్ మాసం వచ్చిందంటే తల్లిదండ్రుల గుండెల్లో రైళ్లు పరిగెడుతాయి. ఈ ఒక్క నెలలోనే విద్యా వ్యాపారం ‘కట్ట’లు తెంచుకుంటుంది. ఫీజులు.. పుస్తకాలు.. యూనిఫాంల పేరిట కోట్లాది రూపాయల లావాదేవీలు జరుగుతుండటం గమనార్హం. పిల్లల భవిష్యత్ దృష్ట్యా తల్లిదండ్రులు అప్పులు చేసి మరీ చదివించేందుకు సిద్ధమవుతుండటం సర్వసాధారణం. ఇదే అదనుగా పలు పాఠశాలలు, కార్పొరేట్ సంస్థలు భారీగా ఫీజులు దండుకుంటున్నాయి.
 
 ఒకే ఇంట్లో ఇద్దరు, ముగ్గురు పిల్లలుంటే మాత్రం రూ.50 వేల నుంచి రూ.70 వేల వరకు పాఠశాల విద్యకే వెచ్చించాల్సి వస్తోంది. ఒకప్పుడు ప్రైవేట్ పాఠశాలల్లో ఉద్యోగులు, వ్యాపారుల పిల్లలు మాత్రమే అభ్యసించేవారు. ఇప్పుడు ప్రతి ఒక్కరూ తమ పిల్లలకు అదే స్థాయిలో విద్యను అందించేందుకు ముందుకొస్తున్నారు. తల్లిదండ్రుల ఆశయాన్ని ఆసరాగా చేసుకుని పలు విద్యా సంస్థలు దోపిడీకి తెరతీస్తున్నాయి. ఇష్టానుసారంగా ఫీజులు వసూలు చేస్తుండటంతో నిరుపేద, మధ్య తరగతి తల్లిదండ్రుల జేబు గుల్లవుతోంది. ఇదంతా కళ్లెదుటే సాగుతున్నా విద్యా శాఖ అధికారులు చర్యలు తీసుకోకపోవడం విమర్శలకు తావిస్తోంది. కేంద్ర, రాష్ట్ర ప్రభుత్వాలు విద్యకు కోట్లాది రూపాయలు ఖర్చు చేస్తున్నామని గొప్పలు చెప్పుకుంటున్నా.. క్షేత్రస్థాయిలో పరిస్థితి భిన్నంగా ఉంటోంది.
 
 ప్రభుత్వ పాఠశాలల్లో మౌలిక సదుపాయాల లేమి కొట్టొచ్చినట్లు కనిపిస్తోంది. తాగునీరు, మరుగుదొడ్లు, బెంచీలు లేక విద్యార్థుల అవస్థలు వర్ణనాతీతం. ఇవేవీ పట్టించుకోకుండా భవనాలు, అదనపు తరగతి గదుల కోసమే నిధులు ఖర్చు చేస్తున్నారు. దీనికి తోడు ప్రాథమిక పాఠశాలల స్థాయిలో ఉపాధ్యాయుల పనితీరు సరిగ్గా లేదనే విమర్శలు వినిపిస్తున్నాయి. ఫలితంగా ఆ పాఠశాలలు మొక్కుబడిగా సాగుతున్నాయి. ఈ నేపథ్యంలో కూలీ పనిచేసుకునే వారు సైతం తమ పిల్లలను ప్రైవేట్ పాఠశాలల్లో చేర్పించేందుకే మొగ్గు చూపుతున్నారు. వీరి ఆదాయంలో 25 శాతం పిల్లల చదువుకే వెచ్చించాల్సి వస్తోంది.
 
  చిట్టీలు ఎత్తి ఫీజులు కట్టాల్సిందే...
  పిల్లల చదువు కోసమే తల్లిదండ్రులు చిట్టీలు వేస్తున్నారంటే అతిశయోక్తి కాదు. జూన్ నెలలో కేవలం పాఠశాల చదువు కోసం తల్లిదండ్రులు చిట్టీలు ఎత్తి, వచ్చిన సొమ్ముతో ఫీజులు చెల్లిస్తున్నారు. మరికొందరు ఇంట్లోని బంగారు నగలు తాకట్టు పెడుతున్నారు. జూన్ 12వ తేదీ నుంచి పాఠశాలలు పునఃప్రారంభం కావాల్సి ఉండగా.. కార్పొరేట్, ప్రైవేటు పాఠశాలల్లో ఇప్పటికే సందడి మొదలైంది. కర్నూలు నగరంలోని కొన్ని పేరెన్నికగన్న పాఠశాలల్లో ఇప్పటికే అడ్మిషన్లు లేవని బోర్డులు పెట్టేయడం గమనార్హం. కార్పొరేట్, ప్రముఖ పాఠశాలల్లో పిల్లలు, వారి తల్లిదండ్రులతో కిటకిటలాడుతున్నాయి.
 
 పాఠశాలలు ఏర్పాటు చేసుకున్న పేరెంట్స్ కమిటీలు ఆమోదించిన ఫీజు వివరాలతో కొన్ని పాఠశాలలు బోర్డులు పెట్టేశాయి. పాఠశాలపై ఉన్న నమ్మకంతో తప్పనిసరై ఫీజులు చెల్లిస్తూ పిల్లలను చేర్పిస్తున్నారు. రెసిడెన్సియల్ పాఠశాలల్లో తరగతిని బట్టి ఫీజుకు అదనంగా రూ.30 వేల నుంచి రూ.40 వేల వరకు వసూలు చేస్తున్నారు. దీనికి తోడు పుస్తకాలు, స్టేషనరీ, యూనిఫాం ఖర్చులు అదనం కావడంతో తల్లిదండ్రులు ఉక్కిరిబిక్కిరి అవుతున్నారు.


 ముంబై: దేశీ స్టాక్ మార్కెట్ల జోరును అద్దంపడుతూ ఓవైపు సెన్సెక్స్ 23,000 పాయింట్లకు చేరువవుతుంటే...  మరోపక్క 17 దేశీ కార్పొరేట్ గ్రూపులు అంతకుమించిన జోష్‌తో రూ. లక్ష కోట్ల మార్కెట్ విలువ(క్యాపిటలైజేషన్)ను అందుకోవడం విశేషం. టాటా గ్రూప్ రూ. 7 లక్షల కోట్ల మార్కెట్ క్యాప్‌తో అగ్రస్థానంలో నిలిచింది. వెరసి ఈ జాబితాలోని 17 బిజినెస్ గ్రూపుల  మొత్తం విలువ రూ. 35 లక్షల కోట్లకు చేరడం మరో విశేషం! అంటే ఇది దేశీ స్టాక్ మార్కెట్ల విలువ రూ. 75 లక్షల కోట్లలో దాదాపు సగం!
 
  రెండు గ్రూపులు కలిపినా తక్కువే
  జాబితాలో 2,3 స్థానాల్లో నిలిచిన హెచ్‌డీఎఫ్‌సీ గ్రూప్, ముకేశ్ అంబానీ ఆర్‌ఐఎల్ గ్రూప్‌ల సంయుక్త విలువ కంటే టాటా గ్రూప్ మార్కెట్ క్యాప్ అధికం కావడం చెప్పుకోదగ్గ అంశం. 30కుపైగా లిస్టెడ్ కంపెనీలున్న టాటా గ్రూప్‌నకు ప్రధానంగా టీసీఎస్ నుంచి రూ. 4.3 లక్షల కోట్లు సమకూరాయి. కాగా, రూ. 3.2 లక్షల కోట్ల మార్కెట్ క్యాప్‌తో హెచ్‌డీఎఫ్‌సీ గ్రూప్ రెండో స్థానంలో నిలవగా, రూ. 3.07 లక్షల కోట్ల విలువతో ఆర్‌ఐఎల్ 3వ స్థానాన్ని పొందింది. ఈ బాటలో ఐటీసీ(రూ. 2.7 లక్షల కోట్లు), ఇన్ఫోసిస్(రూ. 1.8 లక్షల కోట్లు)తోపాటు, వేదాంతా, భారతీ, ఆదిత్య బిర్లా, సన్ ఫార్మా, ఐసీఐసీఐ, ఎల్‌అండ్‌టీ, మహీంద్రా, విప్రో, హెచ్‌యూఎల్, అదానీ, హెచ్‌సీఎల్, బజాజ్ గ్రూప్ సైతం లక్ష కోట్ల మార్కెట్ క్యాప్ జాబితాలో నిలిచాయి.


 ప్రేరణ
  
 ఆయన వయస్సు ఇప్పుడు 61 ఏళ్లు. జుట్టు నెరిసిపోయింది. చూపు మందగించింది. ఆ వ్యక్తి  దేశంలోని ప్రముఖ కార్పొరేట్ సంస్థలో 25 ఏళ్లపాటు పనిచేశారు. ఆయన నుంచి నేను ఎన్నో మంచి విషయాలు నేర్చుకున్నాను. అలాగనీ ఆయన భారీ వేతనం వచ్చే చాలా గొప్ప ఉద్యోగం చేసినవారు కాదు. పేరు కూడా మీరు ఇప్పటిదాకా విని ఉండరు. ఆయన నా కారు డ్రైవర్. పేరు కరుణన్..  జీవితంలో కొన్నిసార్లు విలువైన పాఠాలను సాధారణ వ్యక్తుల నుంచి కూడా నేర్చుకుంటాం. ఓ రోజు ఉదయం కరుణన్ నాతో చాలాసేపు మాట్లాడారు. తన జీవితం గురించి ఎన్నో విషయాలు చెప్పారు. కరుణన్‌గొప్ప కాలేజీల్లో ప్రముఖుల సమక్షంలో అతిథి ప్రసంగాలు చేయకపోయినా ఆయన నాతో  చెప్పినవి నేటి యువతరానికి తప్పకుండా ఉపయోగడతాయి. ఏం చెప్పారో ఆయన మాటల్లోనే తెలుసుకుందాం..
  
 లెసైన్స్ వస్తే డ్రైవింగ్ వచ్చినట్టేనా?
  
 డ్రైవింగ్ లెసైన్స్ వచ్చినప్పుడు నా వయస్సు 18 ఏళ్లు. అంతకు కొన్ని నెలల ముందుగానే కారు నడపడం నేర్చుకున్నా. లెసైన్స్ వచ్చేయగానే డ్రైవర్ అయినట్లు కాదు. అది వాహనం నడపడానికి ఒక అనుమతి పత్రం మాత్రమే. అథారిటీ స్టాంప్ లాంటిది కాదు. కారును పూర్తిగా నడపడం వచ్చినవారే డ్రైవర్ తప్ప లెసైన్స్ సంపాదించుకున్నవారు డ్రైవర్ కాలేరు. ఎంబీఏ డిగ్రీ ఒక వ్యక్తిని మేనేజర్‌గా మార్చలేదు. కొన్నేళ్లు పని నేర్చుకొని, తగిన అనుభవం సంపాదిస్తేనే మేనేజర్ అనే హోదాను పొందుతారు. నేటితరం విద్యార్థులు డిగ్రీ చేతికి రాగానే అన్ని నేర్చుకున్నట్లేనని భ్రమపడుతున్నారు. కానీ, అది ముగింపు కాదు, ప్రారంభం మాత్రమే. ఒక డిగ్రీ, డిప్లొమా, లెసైన్స్... వాస్తవ జీవిత అనుభవాల నుంచి నేర్చుకొనేందుకు ఒక వ్యక్తికి తగిన అర్హత కల్పిస్తాయి. అంతేతప్ప పరిపూర్ణుడిగా మార్చలేవు.
  
 బాహ్య ప్రపంచం ఎంతో భిన్నం:
  
 నేను కారు నడపడం నేర్చుకున్నా. కానీ, నా తొలి ఉద్యోగం చిన్న టెంపో వాహనం నడపడం. కారుతో పోలిస్తే దీని స్టీరింగ్ చక్రం, గేర్లు చాలా భిన్నంగా ఉన్నాయి. నేను దీన్ని తేలికగా డ్రైవ్ చేస్తానని అనుకున్నా.. కానీ, కనీసం స్టార్ట్ కూడా చేయలేకపోయా. తరగతి గది బయట ఉండే ప్రపంచం చాలా భిన్నంగా ఉంటుంది. ఇంజనీర్లు, ఎంబీఏ గ్రాడ్యుయేట్లు, అకౌంటెంట్లు, ఇతరులు ఈ విషయం గుర్తుంచుకోవాలి. బయటి ప్రపంచాన్ని యథాతథంగా స్వీకరించడానికి సంసిద్ధులు కావాలి.
  
  కొన్ని మెట్లు కిందికి దిగండి:
 
  నేను రాత్రిపూట క్లీనర్‌గా కూడా పనిచేశా. వాహనాల లోపల ఉండే విడిభాగాలను పరిశీలించి, వాటి పనితీరును అర్థం చేసుకొనేందుకు ఇది ఎంతగానో ఉపయోగపడింది. దానివల్ల నేను ఒక మంచి డ్రైవర్‌గా మారగలిగాను. దేశంలో నేడు పేరుప్రఖ్యాతులు సంపాదించిన మార్కెటింగ్ నిపుణులంతా ఒకప్పుడు చిన్నచిన్న పట్టణాల్లో సబ్బులు, కోలాలు, ఇతర వస్తువులు అమ్మినవారే. ఆ అనుభవం నుంచే వారు పాఠాలు నేర్చుకొని ఉన్నతస్థానాలకు ఎదిగారు. మీరు జీవితంలో విజయం సాధించాలని నిజంగా కోరుకుంటే.. మీ స్థాయి నుంచి కొన్నిమెట్లు కిందికి దిగండి. చేతులకు మరకలు అంటినా ఫర్వాలేదు బాగా కష్టపడండి.
  
  మంచి యజమాని.. విలువైన జీతం:
 
  నా మొదటి ఉద్యోగంలో వేతనం చాలాచాలా తక్కువ. కానీ, యజమాని చాలా మంచివాడు. పనిలో తప్పులు చేసినా సరిదిద్దుకోవడానికి ఆయన నాకు అవకాశాలిచ్చారు. యజమాని నుంచి నేర్చుకున్న మంచి విషయాలు మనసులో ముద్రించుకుపోయాయి. మీ తొలి ఉద్యోగంలో.. జీతభత్యాల గురించి, సంస్థ పరిమాణం గురించి ఎక్కువగా ఆలోచించకండి. మంచి యజమాని దొరికితే.. అంతకంటే విలువైన వేతనం ఉండదు.
  
  చేస్తున్న పనే ముఖ్యం:
 
  బాగా ఖరీదైన, విలాసవంతమైన కార్లనే నడపాలనే కోరిక నాలో ఉండేది. ప్రారంభంలో టెంపో, స్కూల్ వ్యాన్, సిటీ బస్సు నడపాల్సి వచ్చింది. వాహనం ఏదైనప్పటికీ డ్రైవింగ్‌పైనే దృష్టి పెట్టాను. తర్వాత గొప్ప కార్లను నడిపే అవకాశాలు వచ్చాయి. కంపెనీ ముఖ్యం కాదు, చేస్తున్న పనే ముఖ్యం. తర్వాత రాబోయే ఉద్యోగం, పదోన్నతులు, వేతనాల గురించి ఆలోచించకుండా ఎప్పుడైనా, ఎక్కడైనా.. అప్పగించిన పనిని విజయవంతంగా పూర్తిచేసేందుకు చిత్తశుద్ధితో కృషిచేస్తే విజయం, ఆనందం వాటంతట అవే అనివార్యంగా వస్తాయి.
    -‘కెరీర్స్ 360’ సౌజన్యంతో
  


  ‘రానున్న ఎన్నికల్లో ఓడిపోతే కోల్పోయేది అధికారమే కాదు.. ఏకంగా పార్టీయే పూర్తిగా తుడిచిపెట్టుకుపోతుంది.. అందుకే ఏం చేస్తారో తెలీదు. ఎంతకైనా తెగించండి.. డబ్బు వెదజల్లండి. మద్యం ఏరులై పారించండి.. ప్రతి ఒక్కరినీ మేనేజ్ చేయండి. ఎలాగైనా గెలుపు కావాలి. అంతే..’ ఇదీ టీడీపీ అధినేత చంద్రబాబు, కార్పొరేట్ లాబీకి చేసిన ఎన్నికల మంత్రోపదేశం.
 దీంతో రంగంలోకి దిగిన కార్పొరేట్ మాయగాళ్లు జిల్లా టీడీపీని పూర్తిగా తమ ఆధిపత్యంలోకి తీసుకున్నారు. డబ్బు మూటలు దించుతున్నారు. మద్యం బాటిళ్లను కుమ్మరిస్తున్నారు. సామాజిక వర్గాల ప్రతినిధులు, ద్వితీయశ్రేణి నేతలకు నోట్ల ఎర వేస్తున్నారు. ఇంత జరుగుతున్నా అధికార యంత్రాంగం పట్టించుకోకపోవటం విస్మయం కలిగిస్తోంది.
  
  సాక్షి ప్రతినిధి, శ్రీకాకుళం : సార్వత్రిక ఎన్నికల్లో ఓటమి ఖాయమని దాదాపు తేలిపోవడంతో టీడీపీ పూర్తిగా బరి తెగిస్తోంది. ఎన్నికలకు మరెన్నో రోజులు లేని సమయంలో తన అసలు రూపాన్ని బయటపెడుతోంది. డివిజన్ల వారీ గా నియోజకవర్గాలను తనకు సన్నిహితులైన కార్పొరేట్ లాబీకి చంద్రబాబు దత్తత ఇచ్చేశారు. పార్టీ ఎంపీలు సుజనా చౌదరి, సీఎం రమేష్, నామా నాగేశ్వరరావుల ఆధీనంలోని కార్పొరేట్ లాబీ జిల్లా పార్టీని తన గుప్పిట్లోకి తీసుకుంది. క్షేత్ర స్థాయిలోకి దూసుకుపోతోంది. ‘మీరు ప్రచారం చేసుకోండి.
 
  అసలు విషయమంతా మేం చూసుకుంటాం’అని అభ్యర్థులకు తేల్చి చెప్పేసింది. ఇందులోభాగంగా ఇప్పటికే డివిజన్లవారీగా బాధ్యులను ఎంపిక చేసినట్లు తెలుస్తోంది. టెక్కలి డివిజన్ బాధ్యతలను నామా నాగేశ్వరరావుకు చెందిన గ్రానైట్ సంస్థకు అప్పగించారు. ఈ సంస్థ కాకరాపల్లి థర్మల్ ప్లాంట్ యాజమాన్యంతో కలసి టీడీపీ ఆర్థిక వ్యవహారాల బాధ్యత చేపట్టింది.
 
 జిల్లా లో గ్రానైట్ వ్యాపారం చేస్తున్న ఆ సంస్థ తమ వ్యాపార కార్యకలాపాల పేరిట  డబ్బు మూటలు దించుతోంది. ఒడిశాలో ఎన్నికలు ముగియడంతో అక్కడ నుంచి ఆర్థిక వ్యవహారాలను ఆపరేట్ చేస్తోంది. టెక్కలి నియోజకవర్గంలోని ఓ ప్రధాన సామాజిక వర్గానికి చెందిన ఎంపిక చేసిన ద్వితీయ శ్రేణి నేతలతో చర్చలు చేపట్టింది. టీడీపీకి మద్దతిస్తే భారీ నజరానాలు ఇస్తామని ప్రకటించింది.
 
  కింజరాపు అచ్చెన్నాయుడు సమక్షంలోనే ఈ చర్చలు సాగాయి. ఎందుకంటే ఆ సామాజిక వర్గం అచ్చెన్నను తీవ్రంగా వ్యతిరేకిస్తోంది. కాబట్టి ఆ సామాజిక వర్గానికి చెందిన ఎంపిక చేసుకున్న నేతలను డబ్బుతో కొనేయాలన్నది టీడీపీ కార్పొరేట్ లాబీ పన్నాగం. అదేవిధంగా పలాస నియోజకవర్గంలో టీడీపీని వ్యతిరేకిస్తున్న ఓ ప్రధాన సామాజికవర్గంతోపాటు మత్స్యకార గ్రామాలపై నోట్ల వల విసిరింది.
 
 ఈ మేరకు ఇప్పటికే డబ్బు మూటలతో టీడీపీ ప్రతినిధులు మత్స్యకార గ్రామపెద్దలను కలుస్తూ హడావుడి చేస్తున్నారు. మత్స్యకార గ్రామాలపై మద్యం వల కూడా విసిరారు. భారీ ఎత్తున మద్యం సీసాలను గ్రామాల్లోకి పంపి హల్ చల్ చేస్తున్నారు. కానీ రెండు నియోజకవర్గాల్లోనూ టీడీపీ ప్రలోభాలకు ఆయా వర్గాల నుంచి తీవ్ర వ్యతిరేకత వ్యక్తమైంది.
 
 తమ గ్రామాల్లోకి వస్తే అంతు చూస్తామని మత్స్యకార పెద్దలు హెచ్చరించడంతో టీడీపీ ప్రతినిధులు తోకముడిచి జారుకున్నారు.శ్రీకాకుళం డివిజన్‌లో టీడీపీ అభ్యర్థుల తరపున డబ్బు పంపిణీ బాధ్యతను ఎంపీ సీఎం రమేష్‌కు చెందిన సంస్థకు అప్పగించినట్లు సమాచారం. శ్రీకాకుళం పట్టణం, గార మండలాల్లో ఆ సంస్థ ప్రతినిధులు ఇప్పటికే రాత్రివేళల్లో ప్రధాన సామాజిక వర్గాల పెద్దలను కలుస్తూ మంతనాలు సాగిస్తున్నారు.
 
 100, 150 ఓట్లు ఉన్న చోటామోటా నేతలకు కూడా భారీగా ఎర వేస్తున్నారు. శ్రీకాకుళం గుజరాతీపేటలోని నాలుగు వార్డుల్లో కాస్తో కూస్తో పట్టున్న ఓ నేతకు భారీ మొత్తాన్నే ఆఫర్ చేసినట్లు తెలుస్తోంది. ఆయన టీడీపీ ఎంపీ అభ్యర్థికి సహకరించనని ఇటీవల తేల్చిచెప్పారు. దాంతో ఆయన్ని ప్రసన్నం చేసుకునేందుకు కార్పొరేట్ లాబీ పెద్ద మొత్తాన్నే ఎరవేసింది.
 
 గార మండలంలోని తీరప్రాంత గ్రామాల్లో కూడా టీడీపీ నోట్ల కట్టలు దించుతోందని సమాచారం. ఆమదాలవలస నియోజకవర్గంలో గ్రామాలవారీగా టార్గెట్లు నిర్ణయించి నోట్ల కట్టలు దించుతున్నారు. ఇక నరసన్నపేట నియోజకవర్గం కోసం ఎంతైనా ఖర్చు చేయాలని టీడీపీ ఎంపీ అభ్యర్థి కింజరాపు రామ్మోహన్‌నాయుడు పట్టుదలగా ఉన్నారు. కాంగ్రెస్ ద్వితీయశ్రేణి నేతలను మేనేజ్ చేసేందుకు ఆయన భారీ ఆఫర్లే ఇస్తున్నారని తెలిసింది. తాను నేరుగా రంగంలోకి దిగకుండా కార్పొరేట్ లాబీ ప్రతినిధులను ఆ నేతల వద్దకు పంపుతున్నారు.
 అధికారుల తీరుపై అనుమానాలు
  టీడీపీ కార్పొరేట్ లాబీ యథేచ్ఛగా నోట్ల పందేరానికి బరితెగించినా అధికార యంత్రాంగం కనీస స్థాయిలో స్పందించడం లేదు. టెక్కలిలో డబ్బు మూటలు దించారన్న విషయం బహిరంగ రహస్యమే. అయినప్పటికీ ఆ పార్టీ నేతల వాహనాలనుగానీ, ఇళ్లనుగానీ పోలీసులు ఇంతవరకు తనిఖీ చేయనే లేదు. మత్స్యకార గ్రామాల్లో టీడీపీ ప్రతినిధులు డబ్బు మూటలతో తిరుగుతున్నా స్పందనే లేదు. అధికార యంత్రాంగం టీడీపీ పట్ల ఇంత ఉదాసీనంగా ఎందుకు వ్యవహరిస్తోందన్నది సందేహాస్పదంగా మారింది.


 ఒంగోలు అర్బన్, న్యూస్‌లైన్: రాష్ట్రంలోని పేద ప్రజలకు ఉచితంగా కార్పొరేట్ వైద్యసేవలు అందుబాటులోకి రావాలంటే జగన్ నాయకత్వంలో వైఎస్సార్ సీపీతోనే సాధ్యమని ఆ పార్టీ విప్ బాలినేని శ్రీనివాసరెడ్డి అన్నారు. ఆయన నివాసంలో మంగళవారం వైఎస్సార్ సీపీ జిల్లా వైద్య విభాగం కన్వీనర్ డాక్టర్ యాదాల అశోక్ ఆధ్వర్యంలో వివిధ మండలాల సభ్యులతో జిల్లా వైద్య విభాగం కమిటీని ఎంపిక చేశారు. బాలినేని చేతుల మీదుగా ఎంపికైన వారికి నియామకపత్రాలు అందజేశారు. ఈ సందర్భంగా బాలినేని మాట్లాడుతూ దివంగత వైఎస్ రాజశేఖరరెడ్డి పేదల ఆరోగ్య రక్షణ కోసం ఆరోగ్యశ్రీ పథకాన్ని ప్రవేశపెట్టి లక్షలాది మందికి శస్త్ర చికిత్సలు ఉచితంగా చేయించి వారి ప్రాణాలు కాపాడితే తర్వాత పాలకులు ఆ పథకాన్ని పేదలకు దూరం చేశారని అన్నారు.
 
  మారుమూల ప్రాంతాల్లో వైద్యసేవలందించేలా..అత్యవసర సమయాల్లో ఉపయోగపడేలా రూపొందించిన 108, 104ని కూడా నడపలేని దుస్థితి తీసుకొచ్చారని విమర్శించారు. కుర్చీలు కాపాడుకోవాలనే తపన తప్ప ప్రజా సంక్షేమం పట్టని వాళ్లకు ఈ ఎన్నికల్లో ప్రజలు బుద్ధి చెబుతారన్నారు. డాక్టర్ యాదాల అశోక్ మాట్లాడుతూ వైద్యవిభాగం వైఎస్సార్ సీపీ గెలుపు కోసం అహర్నిశలు శ్రమిస్తుందన్నారు. జిల్లా వైద్య విభాగ కమిటీకి నూతనంగా ఎంపికైన వారిలో ప్రధాన కార్యదర్శిగా డాక్టర్ శంకర్‌రెడ్డి (చీరాల), కార్యదర్శులుగా డాక్టర్ ఎస్‌ఎమ్. బాషా (దర్శి), డాక్టర్ రమ (ఒంగోలు), సంయుక్త కార్యదర్శులుగా డాక్టర్ రత్నభారతి (సంతనూతలపాడు), డాక్టర్ రంగారెడ్డి (గిద్దలూరు), డాక్టర్ రఘునాథరెడ్డి (మార్కాపురం), కార్యవర్గ సభ్యులుగా డాక్టర్ ధనుంజయ్ (కనిగిరి), డాక్టర్ కిషోర్ (కందుకూరు), డాక్టర్ ఆశోక్‌రెడ్డి (శింగరాయకొండ), డాక్టర్ జేసుదాసు (ఒంగోలు), డాక్టర్ వెంకట్రావు (చీరాలు), డాక్టర్ చక్రవర్తి (ఒంగోలు), డాక్టర్ చెంచయ్య (మార్కాపురం) ఉన్నారు. వీరంతా రానున్న సార్వత్రిక ఎన్నికల్లో వైఎస్సార్ సీపీ విజయానికి కృషి చేస్తారని తెలిపారు.


 * మన గ్యాస్‌ను గుజరాత్‌కు తరలిస్తుంటే మోడీకి మద్దతు ఇవ్వడమేంటి?
 * చేగువేరాను వల్లించే పవన్‌కు రిలయన్స్ దోపిడీ అన్యాయమనిపించలేదా?
 * ఉద్యమం జరుగుతున్నప్పుడు విభజనపై ఎందుకు మాట్లాడలేదు?
 * పవన్ కళ్యాణ్‌కు ప్రశ్నల పరంపర
  
 ఇంటర్వ్యూ: ఆర్.నారాయణమూర్తి: బొల్లోజు రవి, ఎలక్షన్ సెల్
 ఆర్.నారాయణమూర్తి... విప్లవ సినిమాలకు కేరాఫ్ అడ్రస్. సినిమాలు తీయడంలోనే కాదు ప్రజల పక్షాన క్షేత్రస్థాయికి వెళ్లి పోరాడే వ్యక్తి. కేజీ బేసిన్‌లో రిలయన్స్ దోపిడీకి వ్యతిరేకంగా పోరాడారు. కోస్తాంధ్రలో పుట్టినా, తెలంగాణ ఉద్యమంపై సినిమా తీయడమే కాదు, స్వయంగా అందులో పాల్గొన్నారు. సోంపేట, కాకరాపల్లి ఉద్యమాల్లోనూ పాల్గొన్నారు. అలాంటి నారాయణమూర్తి పవన్‌కల్యాణ్ పార్టీ జనసేన కార్పొరేట్ సేనగా మిగిలిపోతుందని అభిప్రాయపడ్డారు. ఆయనతో సాక్షి ప్రతినిధి ప్రత్యేక ఇంటర్వ్యూ ఆయన మాటల్లోనే...
  
  
 పవన్ కళ్యాణ్ స్పం దిస్తాడు. ఆవేశపరుడు. ‘ఇజం’ రాశాడు. పార్టీ పెట్టాడు. మంచిదే. కానీ గుజరాత్ వెళ్లి నరేంద్రమోడీని కలిసి మద్దతు ఇస్తామనడమే నాకు నచ్చలేదు. పవన్ కళ్యాణ్ ఒకటి గుర్తించాలి. కృష్ణా, గోదావరి (కేజీ) బేసిన్ నుంచి ఉత్పత్తి అవుతున్న చమురు నిక్షేపాల ఫలాలు మొత్తం స్థానికంగా ఉన్న వారికి చెందాలి. కానీ దాన్నంతా పైపుల ద్వారా గుజరాత్‌కు తరలించుకుపోతున్నారు. ముఖేష్ అంబానీ ఈ సంపదను దోపిడీ చేస్తున్నారు. కేంద్ర, రాష్ట్ర ప్రభుత్వాలు ఆ సంపదను అంబానీకి కట్టబెట్టడం దుర్మార్గం. గుజరాత్‌లో గ్యాస్ సిలెండర్ 250 రూపాయలు అమ్ముకుంటూ, ఇక్కడ మాత్రం 800 రూపాయలకు అమ్ముతున్నారు. స్థానికంగా గ్యాస్ దొరకుతున్నప్పుడు ఇక్కడ వంద రూపాయలకే అమ్మాలి. గుజరాత్‌లో వెయ్యి రూపాయలకు అమ్మాలి. కానీ ఇక్కడి ప్రజల సంపదను అక్కడకు దోచుకెళ్లేట్లు చేస్తున్నాడు మోడీ. ఆయన తన సొంత రాష్ట్రాన్ని అభివృద్ధి చేసుకుంటున్నాడు. ఇక్కడి వారికి అన్యాయం చేస్తున్నాడు. కేజీ బేసిన్ చమురు నిక్షేపాల సంపద మాదంటే మాదని అనిల్ అంబానీ, ముఖేష్ అంబానీ కొట్టుకుంటున్నారు.
  
   కోర్టులకూ ఎక్కారు. ఇది ఎవడబ్బ సొమ్ము? జాతి సంపద కాదా? ప్రజలకు ఈ రకంగా అన్యాయం జరుగుతుంటే... అందుకు కారణమైన మోడీకి పవన్ కళ్యాణ్ ఎలా మద్దతు పలుకుతాడు? అక్కడ అభివృద్ధి జరుగుతోందని చెప్పాడు. ఈ దోపిడీ ఎలా అభివృద్ధి అవుతుంది? పవన్‌కు ఒకటే విన్నవిస్తున్నా... ఎక్కడ అన్యాయం జరిగితే అక్కడ ఉంటానంటున్నారు. కేజీ బేసిన్ ఆయిల్‌ను ఓఎన్‌జీసీ కనుగొన్నది. కేంద్రాన్ని మేనేజ్ చేసి దాన్ని రిలయన్స్ దక్కించుకుంది. ముఖేష్ అంబానీ అక్కడి చమురును బ్లాక్ చేస్తూ ఇష్టానుసారంగా రేట్లు పెంచుతున్నాడు. ఈ అన్యాయానికి వ్యతిరేకంగా పవన్ ఉద్యమం చేయాల్సింది పోయి మోడీకి మద్దతు పలుకుతాడా? మేం రిలయన్స్ దోపిడీకి వ్యతిరేకంగా ఉద్యమాలు చేశాం. పవన్‌ని కూడా కోరుతున్నా దానికి వ్యతిరేకంగా పోరాటం చేయాలని. ఆయన పోరాటం చేయగలరా? ప్రజల పక్షాన నిలిస్తేనే
  అది జనసేన అవుతుంది.
  
  లేకుంటే కార్పొరేట్ సేన అనిపించుకుంటుంది. పవన్ కళ్యాణ్ పదేపదే చేగువేరా, భగత్‌సింగ్‌ల గురించి చెబుతుంటారు. చేగువేరా అంతర్జాతీయ విప్లవవాది. ఆయన సామ్రాజ్యవాదానికి, పెట్టుబడిదారీ విధానానికి వ్యతిరేకంగా పోరాడాడు. భగత్‌సింగ్ దేశ స్వాతంత్రం కోసం, సామ్రాజ్యవాదానికి, పెట్టుబడిదారీ విధానానికి వ్యతిరేకంగా పోరాడాడు. అలాంటి చేగువేరా, భగత్‌సింగ్‌ల గురించి ప్రస్తావించే పవన్‌కళ్యాణ్ రిలయన్స్‌కు వ్యతిరేకంగా పనిచేయాలి. రాష్ట్ర విభజన సరిగా జరగలేదని పవన్ చెప్తున్నారు. ఎలా విభజన చేయాలో ఆయన ముందెందుకు చెప్పలేదు? తెలంగాణ ఉద్యమం జరుగుతున్నప్పుడు విభజన ఎలా చేయాలో చెప్పి ఉండాలి కదా! తెలంగాణ కోసం అనేకమంది అమరులైనప్పుడు, ఉద్యమం తీవ్రంగా ఉన్నప్పుడు ఎందుకు నోరు విప్పలేదు? అప్పుడేమీ మాట్లాడని పవన్ కళ్యాణ్ ఇప్పుడు మాట్లాడటంలో ఆంతర్యం ఏమిటి? ఇప్పుడు రెండు రాష్ట్రాలు ఎలా అభివృద్ధి పథంలోకి వెళ్లాలో మాట్లాడాలి. ఎలా పునర్నిర్మాణం జరగాలో చెబితే ప్రయోజనం ఉంటుంది.
  
  సాయుధ పోరాటం...
  తెలంగాణ అణచివేతకు గురైంది. దోపిడీకి గురైంది. ఆనాటి తెలంగాణ సాయుధ పోరాటంలో 10 లక్షల మంది పాల్గొన్నారు. భవిత కోసం, భుక్తి కోసం జరిగిన పోరాటం అది. పదివేల మంది అమరులయ్యారు. ఫ్రెంచి విప్లవం, రష్యా బోల్షివిక్ విప్లవం, చైనా విప్లవం విన్నాం. వాటికి ఏమాత్రం తగ్గని మహోన్నత పోరాటం అది. దురదృష్టవశాత్తు ఈ చరిత్రను పాఠ్య పుస్తకాల్లో చేర్చలేదు. స్వాతంత్ర పోరాటానికి ఎంత చరిత్ర ఉందో తెలంగాణ సాయుధ పోరాటానికి అంతే చరిత్ర ఉంది. అలాంటి దాన్ని పాఠ్యపుస్తకాల్లో చేర్చకపోవడం కుట్రలో భాగమే. ఇప్పటికైనా తెలంగాణ వచ్చింది కాబట్టి తెలంగాణ సాయుధ పోరాట చరిత్రను పాఠ్యపుస్తకాల్లో చేర్చాలి.
  
  ఒకప్పుడు తమిళనాడు, ఆంధ్రప్రదేశ్, కర్ణాటక, కేరళ సినిమా రంగం చెన్నై కేంద్రంగా ఉండేది. మద్రాసు నుంచి మనం విడిపోయినా సినిమా పరిశ్రమ చాన్నాళ్లు అక్కడే ఉండిపోయింది. తర్వాత హైదరాబాద్ తరలి వచ్చింది. ఇక్కడ బ్రహ్మాండంగా అభివద్ధి చెందింది. హిందీ మాట్లాడే రాష్ట్రాలు తొమ్మిది ఉన్నాయి. ముంబై కేంద్రంగా హిందీ పరిశ్రమ నడుస్తున్నప్పుడు... రెండు తెలుగు రాష్ట్రాలకు హైదరాబాద్ కేంద్రంగా ఉంటే తప్పేంటి? కళకు హద్దులు లేవు. అయితే సీమాంధ్రలోనూ అంటే విశాఖ లేదా విజయవాడ లేదా తిరుపతిల్లో సినీ స్టుడియోలు నిర్మించాలి. ఆ చిత్రాలను ఇక్కడ ఆదరించాలి. ఇక్కడి సినిమాలను అక్కడ ఆదరించాలి. హైదరాబాద్ నుంచి సిని పరిశ్రమ కొనసాగుతూనే సీమాంధ్రలోనూ సినీరంగం అభివద్ధి చెందాలి. అన్నదమ్ముల్లా అందరూ కలిసి ఉండాలి. తెలంగాణలో వచ్చే ప్రభుత్వం ఫిల్మ్ ఇన్‌స్టిట్యూట్ పెట్టాలి. దానికో శాఖను ఏర్పాటు చేయాలి. స్టుడియోలు నిర్మించాలి.
  
  ఆంధ్ర వికాసం...
  ఎక్కడ చిన్న రాష్ట్రాలు ఉంటాయో అక్కడ స్వేచ్ఛ స్వావలంబన ఉంటుంది. రెండు మూడు కోట్ల జనాభా దాటిన ప్రాంతాన్ని విడదీయాలని అంబేద్కర్ చెప్పారు. అనంతపురం, శ్రీకాకుళం వంటి వారు రాజధాని హైదరాబాద్ రావాలంటే దూరాభారం అవుతుంది. కాబట్టి పరిపాలన కేంద్రీకరణ వల్ల ఇబ్బందులు వస్తాయి. చిన్న రాష్ట్రాల వల్ల సంపద వికేంద్రీకరణ జరుగుతుంది. సీమాంధ్రతో కూడిన ఆంధ్రప్రదేశ్ రాష్ట్రంలో అభివృద్ధి పెరుగుతుంది.  వెయ్యి కిలోమీటర్ల మేర తీర ప్రాంతం ఉంది. తెలంగాణకు సింగరేణి ఎలాగో సీమాంధ్రకు తీర ప్రాంతం అలాంటిది. ఉమ్మడి రాష్ట్రాలుగా ఉన్నప్పుడు ఉత్తరాంధ్ర, రాయలసీమ జిల్లాలు తీవ్రంగా వెనుకబడ్డాయి. హైదరాబాద్, దుబాయ్, గల్ఫ్ ప్రాంతాలకు వలస పోయారు. వాటిని రానున్న ప్రభుత్వం నివారించాలి.


  ఒక్కో చిన్నారికి కాక్లియర్ ఇంప్లాంట్స్ వేస్తే రూ.6.50 లక్షలు ఖర్చవుతాయి.
 వైఎస్ పాలనలో ఏటా 300కు పైగా ఇంప్లాంట్స్ వేసేవారు.
  
  
  చిన్నారి గుండె కు రంధ్రం పడ్డా.. పెద్దాయనకు కేన్సర్ వచ్చినా.. అవ్వకు కిడ్నీ జబ్బు చేసినా.. నేనున్నానంటూ భరోసా ఇచ్చిన పథకం  ఆరోగ్యశ్రీ. శ్రీమంతులకే పరిమితమైన ఖరీదైన కార్పొరేట్ వైద్యాన్ని పేదల ముంగిట నిలిపింది. 2007లో వైఎస్ ప్రారంభించిన ఈ పథకం ద్వారా లక్షలాది మంది పునర్జన్మ పొందారు. కానీ ఇప్పుడు ఈ అపర సంజీవనిని పట్టించుకునే నాథుడే లేడు.
  
  వైఎస్ రాజశేఖర రెడ్డి 2007లో ఆరోగ్యశ్రీ పథకాన్ని ప్రారంభించారు.  పేదల వైద్య ఖర్చులను ప్రభుత్వమే భరించి, ప్రభుత్వ, ప్రైవేటు ఆసుపత్రుల్లో చికిత్స అందించేలా ప్రణాళిక రూపొందించారు. ఖరీదైన చికిత్స అవసరమైన జబ్బులను ఆరోగ్యశ్రీ పరిధిలో చేర్చారు.
      
 తొలి దశగా 2007 ఏప్రిల్1న మహబూబ్‌నగర్, అనంతపురం, శ్రీకాకుళం జిల్లాల్లో 163 జబ్బులతో ఆరోగ్యశ్రీ పథకాన్ని వైఎస్ రాజశేఖర్‌రెడ్డి ప్రారంభించారు.
     
   రెండవ దశలో భాగంగా 2007 డిసెంబర్ నాటికి ఈ పథకం కింద మరో ఐదు జిల్ల్లాలను (చిత్తూరు, తూర్పుగోదావరి, పశ్చిమగోదావరి, రంగారెడ్డి, నల్లగొండ) చేర్చారు. రెండో దశలో 163 జబ్బుల నుంచి 272 జబ్బులకు పెంచారు.
      
 మూడవ దశలో భాగంగా 2008 ఏప్రిల్‌లో ఆరోగ్యశ్రీ  పథకంలోకి  కడప, కరీంనగర్, మెదక్, ప్రకాశం, నెల్లూరు జిల్లాలను చేర్చి, చికిత్సల సంఖ్య 332కు పెంచారు.
      
 2008 జూలై నాటికి మిగిలిన పది జిల్లాలను కూడా ఆరోగ్యశ్రీలో చేర్చి, పథకం పరిధిలోకి ఏకంగా 942 జబ్బులను చేర్చారు. అంటే సరిగ్గా ఏడాదిన్నరలో పథకాన్ని రాష్ట్రవ్యాప్తంగా అమలు చేసిన ఘనత దక్కించుకున్నారు.
      
 ఆరోగ్యశ్రీ ప్రారంభమైన నాటినుంచి ఇప్పటి వరకూ లబ్ధి పొందిన వారు 23 లక్షల మంది పైనే. ఇందులో ఆరు లక్షల మంది ప్రభుత్వాసుపత్రుల్లోనూ, 16 లక్షల మంది ప్రైవేటు ఆస్పత్రుల్లో చికిత్స చేయించుకున్నారు.
      
 గుండెజబ్బులు, కిడ్నీ (డయాలసిస్ రోగులు), నరాల జబ్బులు, కేన్సర్, కాక్లియర్ ఇంప్లాంట్ లాంటి ఖరీదైన జబ్బులతో బాధపడే వారు ఎక్కువ శాతం మంది ఆరోగ్యశ్రీ కింద లబ్ధి పొందారు.
      
 పుట్టుకతోనే గుండె జబ్బులొచ్చిన నిరుపేద చిన్నారులెందరో ఆరోగ్యశ్రీతో పునర్జన్మ పొందారు.
 రోజూ రెండు వేల వరకూ శస్త్రచికిత్సలు జరిగేవి. రోజూ రూ.2 కోట్లు పైనే వాటికి వెచ్చించేవారు.
 నిత్యం ఆరోగ్యశ్రీ హెల్త్ క్యాంపులు జరిగేవి. రోజూ పాతికవేల మంది ఔట్‌పేషెంట్లు సేవలు పొందేవారు.
 ఆరోగ్యశ్రీ పథకానికి ఏటా రూ.925 కోట్లు కేటాయించేవారు. ముఖ్యమంత్రి సహాయ నిధి కింద రూ.350 కోట్లు ఇచ్చేవారు.
 ఆరోగ్యశ్రీ పథకంలో అత్యంత ఖరీదైన చికిత్స  కాక్లియర్ ఇంప్లాంట్. పుట్టుకతోనే చెవిటి, మూగతో పుట్టే వారిని శాశ్వత వైకల్యం నుంచి బయటపడేసేదే ఈ చికిత్స.
 
 
  బాబోయ్...
 
 
 చంద్రబాబు తన హయాంలో వైద్య, ఆరోగ్యరంగాన్ని పూర్తిగా నిర్లక్ష్యం చేశారు. ప్రజలు సరైన వైద్య సదుపాయాలు లేక తీవ్ర ఇబ్బందులు పడేవారు.
  ప్రభుత్వాసుపత్రుల్లో తగినంత మంది వైద్యులుండేవారు కాదు. ఇతర సిబ్బందీ అరకొరగానే ఉండేవారు. వైద్య పరికరాలు ఎప్పుడూ మరమ్మత్తులోనే ఉండేవి.
  
 
  2002లో ప్రభుత్వాసుపత్రులకు వచ్చే పేద రోగులతోనూ యూజర్ చార్జీలు వసూలు చేశారు.
  మందులు బయటినుంచి తెచ్చుకోవాల్సిందే. ఏవైనా సేవలు కావాలంటే డబ్బులు ఇవ్వాల్సిందే. పేద రోగుల పరిస్థితి దారుణంగా ఉండేది. చికిత్స సరిగా జరగదేమోనన్న భయంతో ప్రభుత్వాసుపత్రులకు వెళ్లలేక, ప్రై వేటు, కార్పొరేటు ఆసుపత్రుల్లో చికిత్సకయ్యే ఖర్చు భరించలేక కొట్టుమిట్టాడేవారు.
  
  రోగశయ్యపై...
 
 శస్త్ర చికిత్సల సంఖ్య 2 వేల నుంచి 700 లకు పడిపోయింది.
 గతంలో శస్త్రచికిత్సలపై రోజూ అయ్యే వ్యయం రూ. 2 కోట్ల నుంచి రూ. 30 లక్షలకు తగ్గింది.
 మొత్తం 938 జబ్బుల్లోంచి 133 జబ్బులకు కేవలం ప్రభుత్వాసుపత్రుల్లోనే చికిత్స చేయాలని 2010 నవంబర్‌లో నిర్ణయించారు.
 2012-13 బడ్జెట్‌లో రూ.925 కోట్లు  కేటాయించినా అందులో రూ.470 కోట్లు ఇవ్వలేదు.
  
  వైఎస్ హయాంలో సజావుగా అమలైన ఆరోగ్యశ్రీ.. ఆ తరువాత రోశయ్య, కిరణ్ పాలనలో పూర్తిగా కుంటుపడింది. నిధుల విడుదలలో జాప్యం, పథకం అమలుపై పర్యవేక్షణ లేకపోవడంతో దాదాపు ఆగిపోయే పరిస్థితి నెలకొంది.
      
 2013-14 బడ్జెట్‌లో 8 నెలలకు గానూ రూ.450 కోట్లు మాత్రమే ఇచ్చారు.
 2009లో ఆరోగ్యశ్రీ ఆస్పత్రుల అభివృద్ధి కోసం రూ.55 కోట్లు కేటాయిస్తే 2013 నాటికి కూడా వినియోగించుకోలేని పరిస్థితి.
   కాక్లియర్ ఇంప్లాంట్స్‌కు ఉన్న గరిష్ట వయో పరిమితిని రెండేళ్లకు కుదించారు. ఇప్పుడు ఏటా 50 ఇంప్లాంట్స్ కూడా జరగడం లేదు.
 ఆరోగ్యశ్రీ సేవలందించేందుకు ప్రైవేటు ఆసుపత్రులు ఆసక్తి చూపడం లేదు. నిధులు ఇవ్వడం లేదని, కొన్ని జబ్బులకు కనీస ప్యాకేజీలు కూడా ఇవ్వట్లేదని అవి విమర్శిస్తున్నాయి.
 తమ ఆస్పత్రిని ఆరోగ్యశ్రీ ఆస్పత్రుల జాబితా నుంచి తొలగించాలని  నిమ్స్ లాంటివే ఆరోగ్యశ్రీ ట్రస్ట్‌కు లేఖ రాశాయి
 {పభుత్వాసుపత్రులను కనీస వసతుల లేమి వేధిస్తోంది.
      
 
 వెంటిలేటర్లు, రేడియంట్ వార్మర్స్ (శిశువులకు కామెర్ల చికిత్సకు ఉపయోగించే బాక్సులు), ఐసీయూలు, సీటీ స్కానర్లు, ఎక్స్‌రే యంత్రాలు లేవు. వైద్య విధానపరిషత్ పరిధిలోని ఏరియా, జిల్లా ఆస్పత్రుల్లో పరిస్థితి మరీ దారుణంగా ఉన్నట్టు వైద్యాధికారులే తేల్చారు.
     
  
 ఆరోగ్యశ్రీ నెట్‌వర్క్ పరిధిలోని 131 ప్రభుత్వ ఆస్పత్రుల్లో  125 ఆస్పత్రులు మౌలిక వసతుల లేమితో కొట్టుమిట్టాడుతున్నాయి.
 హెల్త్‌కేర్ ట్రస్ట్ అధికారులు నిఘా వేయగా పలు ప్రభుత్వాసుపత్రుల్లో రోగుల నుంచి భారీగా డబ్బులు వసూలు చేస్తున్నట్టు వెల్లడైంది.{పభుత్వాసుపత్రుల్లో ఔట్‌పేషెంట్లుగా వచ్చే వారిలో 60 శాతం మంది ఇన్‌పేషెంట్లుగా చేర్చాల్సిన పరిస్థితి ఉంటుంది. కానీ 10 శాతం మందిని కూడా చేర్చుకోవడం లేదు.
      
 ఆరోగ్యశ్రీని సరిగా అమలు చేయడానికి వేల కోట్లు అక్కర్లేదు. ఏటా ఇస్తున్న రూ.925 కోట్లు, సీఎం సహాయ నిధి కింద ఇస్తున్న రూ.350 కోట్లు సకాలంలో ఇచ్చి, ఆస్పత్రి అభివృద్ధి సొసైటీల నిధులపై పర్యవేక్షణ చేస్తే చాలు.
  
  మళ్లీ సంక్షేమం...
  
  ఆరోగ్యశ్రీ అమలులో వైఫల్యంపై ఇప్పటి వరకూ స్పందించింది వైఎస్సార్ కాంగ్రెస్ పార్టీ అధ్యక్షుడు జగన్‌మోహన్‌రెడ్డి ఒక్కరే. అధికా రంలోకి రాగానే ఆరోగ్యశ్రీని కట్టుదిట్టంగా అమలు చేస్తామని, పథకం నిర్దిష్ట అమలు, నిధుల కేటాయింపు, ప్రభుత్వ పర్యవేక్షణ మొదలైన వాటిపై దృష్టి పెడతామని ఆయన హామీ ఇస్తున్నారు.
  


 
 
 2004కు ముందు.. చంద్రబాబు ఈ రాష్ట్రానికి ముఖ్యమంత్రి కాదు.. సీఈవో(చీఫ్ ఎగ్జిక్యూటివ్ ఆఫీసర్) అన్న పేరుండేది. కొందరు ముద్దుగా.. ఇంకెందరో వ్యంగ్యంగా ఆయన్ను అలా వ్యవహరించేవారు.. రాష్ట్రాన్ని ఒక కార్పొరేట్ సంస్థగా మార్చేశారని దీనర్థం అన్నమాట. ప్రజలకు సంక్షేమ పాలన అందించాల్సిన నేత.. ఇలా పేదల కష్టాలు పట్టించుకోకుండా రాష్ట్రాన్ని కార్పొరేట్ సంస్థగా మార్చేయడమే అప్పటి ఎన్నికల్లో ఆయన పార్టీ కొంప ముంచింది. ఆలస్యంగా కళ్లు తెరిచిన ఆయన ‘నేను మారిన మనిషిని.. ఇప్పుడు ప్రజల సంక్షేమమే నా లక్ష్యం’ అని ఆ మధ్య చెప్పుకొచ్చారు. అయితే బాబు మారలేదని.. పార్టీని ప్రస్తుతం ఆయన నడుపుతున్న తీరే స్పష్టం చేస్తోంది. టీడీపీ నిర్వహణ నుంచి.. అభ్యర్థుల ఎంపిక వరకు.. అన్నీ కార్పొరేట్ లాబీదే హవా. అధినేత తీరుతో పార్టీవర్గాలే అసంతృప్తికి గురవుతున్నాయి.
 
  
 
 సాక్షి ప్రతినిధి, శ్రీకాకుళం: కింజరాపు కుటుంబ అభిప్రాయంతో పని లేదు.. ‘కళా’నూ సంప్రదించడం లేదు.. జిల్లా పార్టీ అధ్యక్షుడిని అసలే గుర్తించడం లేదు.. అంతా ఇద్దరి అభీష్టం మేరకే సాగుతోంది. ఇదీ జిల్లా టీడీపీ ప్రస్తుత పరిస్థితి. అధినేత చంద్రబాబుకు సన్నిహితమైన కార్పొరేట్ లాబీ జిల్లా టీడీపీని కబళిస్తోంది.. శాసిస్తోంది. నేతల చేరికలు... అభ్యర్థుల ఖరారు నుంచి అతి చిన్న వ్యవహారం వరకు.. ఆ లాబీ మాటే చెల్లుబాటవుతోంది. పార్టీలో వేళ్లూనుకుంటున్న ఈ కార్పొరేట్ సంసృ్కతిపై టీడీపీ తమ్ముళ్లలో 
 
  
 
  అంతా ఆ ఇద్దరే!
 
  సుజనా చౌదరి, సీఎం రమేష్.. వీరిద్దరి కనుసన్నల్లోనే ప్రస్తుతం జిల్లా టీడీపీ వ్యవహారాలన్నీ సాగుతున్నాయి. కింజరాపు, కళా వర్గాల ఆధిపత్య పోరును సాకుగా తీసుకొని అధినేత చంద్రబాబు వీరిద్దరికీ పెత్తనం అప్పగించారు. జిల్లా టీడీపీ నేతలపై ఆయనకు నమ్మకం సడలిపోయింది. దాంతో మూడు నెలల క్రితమే జిల్లా పార్టీపై కార్పొరేట్ పెద్దరికాన్ని రుద్దారు. తనకు సన్నిహితులైన సీఎం రమేష్, సుజనా చౌదరీలకు పూర్తి అధికారాలు, బాధ్యతలు అప్పగించారు. జిల్లా పార్టీ నేతల అభిప్రాయంతో నిమిత్తం లేకుండా నేరుగా వ్యవహారాలు చక్కబెట్టమని చంద్రబాబునాయుడు ఆదేశించారు. అప్పటి నుంచి వారిద్దరు జిల్లా వ్యవహారాలను నిర్దేశించసాగారు. సీఎం రమేష్ హైదారాబాద్ నుంచే వ్యవహారాలు చక్కెబెడుతుండగా, సుజనా చౌదరి పలుసార్లు విశాఖపట్నానికి వచ్చి జిల్లా పార్టీని శాసించసాగారు.  శత్రుచర్లకు కార్పొరేట్ కార్పెట్ జిల్లా టీడీపీపై కార్పొరేట్ పెద్దరికానికి తాజా నిదర్శనం మాజీ మంత్రి శత్రుచర్ల చేరిక. ఆయన్ను టీడీపీలో చేర్చుకోవాలన్న ప్రతిపాదనను కింజరాపు అచ్చెన్నాయుడు, రామ్మోహన్‌లు తీవ్రంగా వ్యతిరేకించారు.
 
  
 
  ఆయన వస్తే పాతపట్నం నియోజకవర్గంలో అత్యధికంగా ఉన్న కాపు సామాజికవర్గం ఆగ్రహిస్తుందని ఎంతగానో చెప్పారు. పాతపట్నం అసెంబ్లీతోపాటు శ్రీకాకుళం లోక్‌సభ స్థానం పరిధిలోనూ కాపు ఓటర్లు పార్టీకి దూరమవుతారని హెచ్చరించారు.  వారు ఎంత మొత్తుకున్నా చంద్రబాబు సానుకూలంగా స్పందించ లేదు. అప్పటికే శత్రుచర్ల చేరికకు సీఎం రమేష్, సుజనా చౌదరీలు పచ్చజెండా ఊపేయడమే దానికి కారణం. శత్రుచర్ల జిల్లా టీడీపీ నేతలతో కాకుండా నేరుగా వారిద్దరితోనే వ్యవహారం సాగించారు. ‘రామ్మోహన్, అచ్చెన్నాయుడులు ఎంత ప్రయత్నించినా నన్ను అడ్డుకోలేరు. నేను సీఎం రమేష్, సుజనా చౌదరీలతో మాట్లాడుకున్నా. టీడీపీలో చేరడం ఖాయం.. టిక్కెట్టు రావడం తథ్యం’అని శత్రుచర్ల కొద్దిరోజుల క్రితమే తన సన్నిహితులకు స్పష్టంగా చెప్పారు. ఇప్పుడు అదే జరిగింది. కింజరాపు కుటుంబానికిగానీ, పార్టీ జిల్లా అధ్యక్షుడు చౌదరి బాబ్జీకిగానీ మాటమాత్రంగానైనా చెప్పకుండానే శత్రుచర్లను పార్టీలో చేర్చుకున్నారు. ఈ పరిణామంతో పార్టీపై కార్పొరేట్ లాబీ ఆధిపత్యమేమిటో జిల్లా నేతలకు తెలిసివచ్చింది. 
 
  
 
  బ్రాంచి ఆఫీస్..వైజాగ్
 
  తాజా పరిణామాలతో జిల్లా టీడీపీలో మూడోవర్గం రూపొందుతోంది. కింజరాపు కుటుంబం, కళా వెంకట్రావులతో నిమిత్తం లేకుండా టీడీపీ నేతలు విశాఖపట్నానికి క్యూ కడుతున్నారు. దీనికి కారణం.. సీఎం రమేష్, సుజనా చౌదరీలు విశాఖపట్నం కేంద్రంగా వ్యవహారాలు సాగిస్తుండటమే. విశాఖపట్నం వచ్చే ముందే ఎంపిక చేసిన జిల్లా నేతలను పిలిపించుకుని మంతనాలు సాగిస్తున్నారు. అలాంటి నేతల జాబితాలో గౌతు శివాజీ కుటుంబం కూడా ఉండటం ప్రాధాన్యం సంతరించుకుంది. కింజరాపు కుటుంబంపై ఆగ్రహంతో ఉన్న శివాజీ అధినేతకు సన్నిహితులైన సీఎం రమేష్, సుజనా చౌదరిలతో టచ్‌లో ఉన్నారు. వారి సూచనల మేరకే తన కుమార్తె శిరీషను ఎన్నికల బరిలోకి దించాలని నిర్ణయించారు. గుండ అప్పలసూర్యనారాయణ కుటుంబం కూడా వారిద్దరితో సన్నిహితంగా ఉంటోంది. తమకు వ్యతిరేకంగా కొర్ను ప్రతాప్‌ను రామ్మోహన్, అచ్చెన్నలు ప్రోత్సహిస్తున్న తీరుపై సీఎం రమేష్, సుజనా చౌదరీలకు ఫిర్యాదు చేసింది. 
 
  
 
  తత్ఫలితంగానే కొర్ను ప్రతాప్ విషయంలో వెనక్కుతగ్గాలని కింజరాపు కుటుంబానికి చంద్రబాబు స్పష్టం చేశారు. కూన రవికుమార్ కూడా  అచ్చెన్నాయుడుకు దూరం జరుగుతూ కార్పొరేట్ లాబీకి దగ్గరవుతున్నారు. టీడీపీ తరపున జెడ్పీ చైర్‌పర్సన్ స్థానాన్ని ఆశిస్తున్న నేతలు కూడా రమేష్, సుజనాలను ప్రసన్నం చేసుకునే పనిలో పడ్డారు. కళా వెంకట్రావు తన మరదలు మృణాళినిని, కింజరాపు కుటుంబం చౌదరి బాబ్జీ కుటుంబ సభ్యుల పేర్లను జెడ్పీ చైర్‌పర్సన్ పదవి కోసం ప్రతిపాదిస్తున్నారు. దాంతో జెడ్పీ పీఠంపై ఆశలు పెట్టుకున్న ఇతర ముఖ్యనేతలకు ఈ కార్పొరేట్ లాబీ ఆశాకిరణంగా మారింది. అందుకే కొల్లా అప్పలనాయుడు, దక్కత ఏకాంబరిలతోపాటు మరికొందరు వారితో సంప్రదింపులు జరుపుతున్నారు. ఈ పరిణామాలు సహజంగానే కింజరాపు, కళా వర్గాలకు ఆగ్రహం తెప్పిస్తున్నాయి. అయితే సీఎం రమేష్, సుజనా చౌదరీల మాటకే అధినేత  ప్రాధాన్యమిస్తుండటంతో ఏమీ చేయలేకపోతున్నారు. ప్రత్యక్ష రాజకీయాలపై అవగాహనలేని కార్పొరేట్ లాబీకి పెద్దరికం అప్పగిస్తుండటంతో ఎన్నికల్లో చావుదెబ్బ తినకతప్పదని టీడీపీ సీనియర్ కార్యకర్తలే వ్యాఖ్యానిస్తున్నారు. 
 
  
 
 
  


 వైవీయూ, న్యూస్‌లైన్: యువతలో చైతన్యం వస్తేనే సమాజం లో మార్పు సాధ్యమని రాష్ట్ర సమాచార హక్కు చట్టం కమిషనర్ లామ్ తాంతియాకుమారి అన్నారు. మంగళవారం యోగివేమన విశ్వవిద్యాలయంలోని సర్ సి.వి.రామన్ సైన్స్ బ్లాక్‌లో వైవీయూ జర్నలిజం అండ్ కమ్యూనికేషన్ శాఖ ఆధ్వర్యంలో  సమాచారహక్కు చట్టంపై నిర్వహించిన జాతీయ సదస్సులో ఆమె ముఖ్య అతిథిగా హాజరై ప్రసంగించారు. పేదల జీవితాల్లో వెలుగులు నింపడం కోసమే సమాచార హక్కు చట్టం వచ్చిందన్నారు.  
  
  ఈ చట్టం ద్వారా ప్రతి ఒక్కరికీ న్యాయం జరుగుతుందని తెలిపారు. పేదల కోసం ప్రభుత్వాలు ఎన్నో పథకాలు అమలు చేస్తున్నా అవి పేదలతో పాటు ధనికులు కూడా వినియోగించుకుంటుండడంతో అసలైన లబ్ధిదారులకు పథకాల ఫలాలు చేరడం లేదన్నారు. ప్రభుత్వ కార్యాలయాల్లో, విశ్వవిద్యాలయల్లో జరిగే అవినీతిని ప్రశ్నిస్తే వ్యతిరేకులుగా ముద్రవేస్తారన్న భయంవీడి ప్రశ్నించడం అలవర్చుకోవాలని విద్యార్థులకు సూచించారు. విశ్వవిద్యాలయాల్లో విద్యార్థులకు అన్ని వసతులు కల్పించాల్సి ఉన్నా, అవిలేక జీవశ్చవ విద్యాలయాలుగా తయారవుతున్నాయని ఆవేదన వ్యక్తం చేశారు.  దేవాలయాలు, కార్పొరేట్ సంస్థలు, ప్రైవేట్ పాఠశాలలు సైతం సమాచార హక్కుచట్టం కిందికి తీసుకురావాల్సిన అవసరం ఉందన్నారు. మన కష్టసుఖాలను తెలుసుకుని పరిపాలించే సమర్థులైన నాయకులను ఎన్నుకోవాల్సిన అవసరం ఉందని వివరించారు.  
  
  పారదర్శకమైన సమాజం కోసం కృషి..
  పారదర్శకమైన సమాజం కోసం ప్రతిఒక్కరూ కృషి చేయాలని వైస్ చాన్స్‌లర్ ఆచార్య బేతనభట్ల శ్యాంసుందర్  అన్నారు. సమాచార హక్కు చట్టం, దాని అమలు లక్ష్యాలను ప్రతి విద్యార్థి తెలుసుకోవడం అవసరమన్నారు. ప్రిన్సిపాల్ ఆచార్య ఎం. ధనుంజయనాయు డు మాట్లాడుతూ సమాచారహక్కు చట్టం ద్వారా తెలుసుకోగోరే దరఖాస్తు దారులకు న్యాయం జరగాలే తప్ప అన్యాయం జరగకూడదన్నారు. అనంతరం రిజిస్ట్రార్ ఆచార్య టి. వాసంతి, పద్మావతి విశ్వవిద్యాలయం జర్నలిజం ప్రొఫెసర్ త్రిపురసుందరి, షాలిమ్‌ఫిరియర్ విశ్వవిద్యాలయం ప్రొఫెసర్ నటరాజన్ ప్రసంగించారు. అనంతరం సావనీర్‌ను అతిథులు ఆవిష్కరించారు.  సదస్సు కన్వీనర్ టి. శ్యాంస్వరూప్, నిర్వాహక కార్యదర్శి తుమ్మలూరు సురేష్‌బాబు,అధ్యాపకులు స్వప్న, రామసుధ, సునీత,అధ్యాపకులు, విద్యార్థులు పాల్గొన్నారు.
  వైఎస్‌ఆర్‌కు నివాళి..
  వైవీయూకు విచ్చేసిన సమాచార హక్కు చట్టం కమిషనర్ విశ్వవిద్యాలయంలోని సీవీ రామన్‌సైన్స్ బ్లాక్ వద్ద ఉన్న దివంగత ముఖ్యమంత్రి వైఎస్‌ఆర్ విగ్రహానికి పూలమాల వేసి నివాళులర్పించారు.


 ఉద్యోగుల ఆరోగ్య పథకానికి కార్పొరేట్ వెనకడుగు
  ప్రధాన ఆస్పత్రులు ఇప్పటికీ ఎన్‌రోల్ చేసుకోలేదు
  ఓపీ సేవలకు ప్రత్యేక చెల్లింపులు చేయాలని డిమాండ్
  కార్డులున్నా ఉద్యోగులకు వైద్య సేవలు అందని పరిస్థితి
  
  
  సాక్షి, హైదరాబాద్: ఉద్యోగులకు అందాల్సిన నగదు రహిత వైద్య సేవలకు ఆదిలోనే హంసపాదు పడినట్లైంది. దీనిపై ప్రభుత్వం నిర్ణయాత్మకంగా వ్యవహరించకపోవడం, ప్రభుత్వ నిర్ణయాలను ప్రైవేటు ఆస్పత్రులు వ్యతిరేకించడం వెరసి తాత్కాలిక హెల్త్ కార్డులు తీసుకున్న ఉద్యోగులకు కూడా వైద్య సేవలు అందని పరిస్థితి. దీంతో లక్షలాది మంది రాష్ట్ర ప్రభుత్వ ఉద్యోగులతో పాటు వారి కుటుంబ సభ్యులు, పెన్షనర్లు వైద్య పథకానికి దూరంగా ఉన్నారు. దీనికి కారణం ప్రభుత్వం ఇచ్చే ప్యాకేజీ రేట్లకు, కార్పొరేట్ ఆస్పత్రులు అడుగుతున్న దానికీ తీవ్రంగా వ్యత్యాసముండటమే.
  
      రాష్ట్రవ్యాప్తంగా 450 ఆస్పత్రులు ఆరోగ్యశ్రీ ట్రస్ట్ నెట్‌వర్క్ ఆస్పత్రుల పరిధిలో ఉంటే అందులో 300 ఆస్పత్రులు ప్రైవేటువే. ఇందులో హైదరాబాద్, విశాఖపట్నం, తిరుపతి, గుంటూరు, విజయవాడ తదితర నగరాల్లో ఉన్న కార్పొరేట్ ఆస్పత్రులు ఇప్పటికీ నెట్‌వర్క్ ఆస్పత్రుల జాబితాలో పేరు నమోదు చేసుకోలేదు.
  
      మల్టీ స్పెషాలిటీ ఆస్పత్రులుగా ఉన్న చాలా ఆస్పత్రులు ఉద్యోగుల ఆరోగ్యశ్రీ పరిధిలోకి రాకపోవడంతో రోగులు తీవ్రంగా ఇబ్బంది పడుతున్నారు. తాము నష్టానికి పనిచేయలేమని, ప్యాకేజీ రేట్లు సవరిస్తేనే పథకంలోకి వస్తామని ఆ ఆస్పత్రుల వారు చెబుతున్నారు. పైగా ఓపీ సేవలకు ప్రత్యేకంగా చెల్లించాలని పట్టుబడుతున్నారు. ఇన్‌పేషెంట్‌కు మాత్రమే తాము అంగీకరిస్తామని అంటున్నారు.
  
      ఆరోగ్యశ్రీ పరిధిలోని రోగులకు గానీ, ఉద్యోగుల పథకంలో ఉన్న వారికి గానీ క్లిష్టమైన శస్త్రచికిత్సలు చేసేది కార్పొరేట్ ఆస్పత్రుల్లోనే. అలాంటి ఆస్పత్రులే పథకంలో లేకపోవడం ఉద్యోగులను వేధిస్తోంది. విధిలేని పరిస్థితుల్లో డబ్బు కట్టి వైద్యం చేయించుకుంటున్నారు.
  
  కార్డులు జారీ చేసినా ఫలితం లేదు..
      ఉద్యోగుల వైద్యసేవలకు గానూ ఇప్పటి వరకూ సుమారు 12 లక్షల తాత్కాలిక హెల్త్‌కార్డులు జారీ చేసినట్లు ఆరోగ్యశ్రీ హెల్త్‌కేర్ ట్రస్ట్ చెబుతోంది. కానీ ఈ కార్డులను ఉద్యోగ శ్రీ పరిధిలో ఉన్న ఆస్పత్రులే అంగీకరించడం లేదు. కొన్ని ఆస్పత్రులు డబ్బు కట్టించుకుని, పూర్వ పద్ధతిలోనే రీయింబర్స్ చేసుకోండని చెబుతున్నాయి. మరికొన్ని ఆస్పత్రులు ఈ కార్డులు చెల్లవని చెబుతున్నాయి.
  
      {పభుత్వం నుంచి స్పష్టమైన ఆదేశాలు లేవని, అలాంటి ఆదేశాలు వచ్చినప్పుడు వైద్యం చేస్తామని చెబుతున్నాయి. కార్డు పనికిరాదని ఆస్పత్రులు చెబుతున్నాయి, రీయింబర్స్ ఇవ్వలేమని ప్రభుత్వం చెబుతోంది. దీంతో ఉద్యోగులు, పెన్షనర్లు వైద్య సేవలు అందక సతమతమవుతున్నారు.
  
      ఇక నిర్దేశించిన 347 జబ్బులకు ప్రభుత్వాసుపత్రులకు వెళితే.. అక్కడి వసతులు చూసి బెంబేలెత్తుతున్నారు. జీవో జారీ చేసి ప్రభుత్వం చేతులు దులుపుకుందని ఉద్యోగులు మండిపడుతున్నారు.
  


 ఏటూరునాగారం, న్యూస్‌లైన్ :
  మేడారం జాతరకు తరలివచ్చే భక్తులకు కార్పొరేట్‌స్థాయి వైద్య సేవలు అందించేందుకు ఏర్పాట్లు చేస్తున్నట్టు జిల్లావైద్య ఆరోగ్యశాఖాధికారి డాక్టర్ పిల్లి సాంబశివరావు అన్నారు. మండలంలోని రామన్నగూడెం, రాంనగర్ గోదావరి పరివాహక ప్రాంతాల్లో నివాసముంటున్న గొత్తికోయ చిన్నారులకు సోమవారం పల్స్‌పోలియో చుక్కలు వేసి వైద్యసేవలపై ఆరాతీశారు. అనంతరం విలేకరులతో మాట్లాడారు.  దేశం నలుమూలల నుంచి జాతరకు వచ్చే భక్తులకు వైద్యసేవలు అందించేందుకు మేడారంలోని కల్యాణ మండపంలో 60 పడకల ఆస్పత్రి ఏర్పాటు చేసినట్టు తెలిపారు. అంతేకాక జాతర పరిసర ప్రాంతాల్లో మరో 12 ఆస్పత్రులు ఏర్పాటు చేస్తామన్నారు.
  
   మొబైల్ అంబులెన్స్, పారామెడికల్ సిబ్బంది ఎప్పటికప్పుడు జాతర చుట్టుపక్కల ప్రాంతాలను సందర్శిస్తూ ఉంటారని వెల్లడించారు. ఏదైనా ప్రమాదం జరిగితే వెంటనే చికిత్స అందించేందుకు అంబులెన్సులు, ప్రైవేటు వాహనాలను అందుబాటులో ఉంచుతామన్నారు. 24గంటల పాటు వైద్యసేవలు అందించేందుకు వైద్యాధికారులు, సిబ్బంది వంతుల వారీగా విధులు నిర్వర్తిస్తారని వివరించారు. పల్స్‌పోలియో చుక్కలు పిల్లలకు వేయించలేకపోయిన వారు వెంటనే సమీపంలోని సబ్‌సెంటర్లు, ఏఎన్‌ఎంలు, ఆశల వద్దకు వెళ్లి వేయించాలని సూచించారు. కార్యక్రమంలో ఆయన వెంట ఐటీడీఏ డిప్యూటీ డీహెచ్‌ఎంఓ కూన దయానందస్వామి, ఎస్‌పీహెచ్‌ఓ ప్రదీప్, రొయ్యూరు వైద్యాధికారి రాజు, హెల్త్ సూపర్ వైజర్ సమ్మయ్య, ఏఎన్‌ఎంలు ఉన్నారు.
  
  సమాచారం ఇచ్చిన ఐదు నిమిషాలకే అంబులెన్స్
  తాడ్వాయి : జాతరలో సమాచారం ఇచ్చిన ఐదు నిమిషాలకే అం బులెన్సు ప్రమాద స్థలానికి చేరుకునేలా ప్రణాళిక సిద్ధం చేస్తున్నట్టు డీఎంహెచ్‌ఓ సాంబశివరావు తెలిపారు. మేడారం లో ఆయన మాట్లాడుతూ గత జాతరలో ఆరు మినీ అంబులెన్స్‌లు ఏర్పాటు చేయగా ఈసారి 14 ఏర్పాటు చేస్తున్నామన్నారు. అంతకు ముందు ఆయన ప్రథమ చికిత్స శిబిరాలను ఏర్పాటు చేసే ప్రాంతాలను పరిశీలించారు. అలాగే సమ్మక్క ప్రధాన ఆ ర్చిగేట్ వద్ద ఏర్పాటు చేసిన పోలియో చుక్కల కేంద్రాన్ని సం దర్శించి ఓ పాపకు పోలియో చుక్కలు వేశా రు. ఆయనతో డాక్టర్ క్రాం తికుమార్, హెచ్‌వీ యా కలక్ష్మి, హెల్త్ అసిస్టెంట్ తిరుపతి ఉన్నారు.
  
  
  


 సాక్షి, హైదరాబాద్: రాష్ట్రంలో ఆదాయం పన్ను(ఐటీ) వసూళ్లు ఏటా పెరుగుతున్నాయి. కార్పొరేట్ రంగంతో పాటు, అన్ని వర్గాల్లోనూ ఇదే పురోగతి కొనసాగుతోంది. 2005-06 ఆర్థిక సంవత్సరంలో రాష్ట్రంలో రూ. 6,683 కోట్ల ఆదాయం పన్ను వసూలైతే.. 2013-14 నాటికి ఇది రూ. 30 వేల కోట్లు దాటింది. 2005 నుంచి 2010 నాటికి దాదాపు 210 శాతం పన్ను వసూళ్లు పెరిగినట్టు అధికారిక లెక్కలు పేర్కొంటున్నాయి. ఆ తర్వాత కాలంలో ప్రత్యేక, సమైక్య ఉద్యమాల ఊపు కారణంగా పారిశ్రామిక ప్రగతి తిరోగమనంలోకి వెళ్లింది. దీంతో కార్పొరేట్ రంగం కుదేలై, పన్ను చెల్లింపులు గణనీయంగా తగ్గాయి.
  
  గడచిన ఐదేళ్లుగా సామాన్య, మధ్య తరగతి నుంచి పన్ను చెల్లింపుల శాతం పెరిగింది. రూ. 5 లక్షల లోపు ఆదాయం ఉన్న వర్గం ఐటీ రిటర్న్‌లు మూడింతలయ్యాయి. ప్రస్తుత ఆర్థిక సంవత్సరంలో ఆన్‌లైన్ రిటర్న్‌ల సంఖ్య 20 లక్షలకు చేరింది. బ్యాంకుల రుణాల మంజూరుకు ఐటీ రిటర్న్‌లే ప్రామాణికం కావడంతో ప్రతి ఒక్కరూ దాఖలు చేస్తున్నారు. రూ. 10 లక్షల లోపు ఐటీ చెల్లింపులు మూడేళ్లుగా 125 శాతం పెరిగినట్టు అధికార వర్గాలు చెబుతున్నాయి. రూ. 5 లక్షల లోపు ఆదాయం ఉన్న వారు రిటర్న్‌లు దాఖలు చేయాల్సిన అవసరం లేదని తొలుత చెప్పినప్పటికీ, చివరలో తప్పనిసరి చేశారు. దాంతో ఈ ఏడాది ఆన్‌లైన్ రిటర్న్‌ల సంఖ్య 3.5 లక్షలు పెరిగింది. అయితే, ప్రధానంగా కార్పొరేట్ రంగం నుంచి వసూళ్లు తగ్గడంతో ఈ ఏడాది పన్ను టార్గెట్లు పూర్తికాలేదు. కొత్త పరిశ్రమల ఏర్పాటులో మందకొడితనం వల్ల ప్రతికూల ఫలితాలొచ్చాయి. 2012-13 సంవత్సరంలో పన్ను వసూళ్ళు రూ. 29 వేల కోట్లు. 2013-14లో రూ. 36 వేల కోట్లు లక్ష్యంగా పెట్టుకున్నారు.


 న్యూఢిల్లీ: వచ్చే ఏడాది ఆరంభంలో జరగనున్న లోక్‌సభ ఎన్నికల పోరుకు రాజకీయ పార్టీలన్నీ అస్త్రాలను సిద్ధం చేసుకుంటుండగా... కార్పొరేట్ కంపెనీలు కూడా తమ ప్రణాళికలకు పదునుపెడుతున్నాయి. ఎన్నికలు సమీపిస్తుండటం... ఖర్చులు కూడా భారీగా ఎగబాకడంతో పార్టీలకు నిధుల అవసరం అంతకంతకూ పెరుగుతోంది. అంతేకాదు దేశ చరిత్రలోనే ఈసారి ఎన్నికల యుద్ధం హోరాహోరీగా జరగనుంది. ప్రపంచమంతా చాలా ఉత్కంఠతో గమనించనుంది కూడా. దీంతో పార్టీల నిధుల అవసరాలను తీర్చేందుకు కార్పొరేట్ సంస్థలు సన్నాహాలు మొదలుపెట్టాయి. ఇందులో భాగంగా ‘ఎలక్టోరల్ ట్రస్టు’లను ఏర్పాటు చేస్తున్నాయి. దేశంలో అయిదు అగ్రగామి కార్పొరేట్ గ్రూప్‌లు ఇప్పటికే ఈ ట్రస్టులను ఏర్పాటు చేయగా.. మరో రెండు డజన్ల వరకూ వ్యాపార సంస్థలు, గ్రూప్‌లు కూడా ఇదే బాటలో ఉన్నాయి.
  
  కొత్త నిబంధనల అమలు...
  వ్యాపార సంస్థలు వివిధ రాజకీయ పార్టీలకు విరాళాలు ఇవ్వడం మామూలే. అయితే, అవి ఇచ్చే నిధులకు పన్ను ప్రయోజనాలు లభించాలంటే మాత్రం ఏర్పాటు చేసే కొత్త ట్రస్టుల రిజిస్ట్రేషన్‌లో ‘ఎలక్టోరల్ ట్రస్టు’ అనే పేరును కచ్చితంగా జోడించాలనేది కొత్త నిబంధనల్లో పేర్కొన్నారు. ఇటీవలే ఆమోదముద్ర పడిన కొత్త కంపెనీల చట్టంలోని సెక్షన్ 8 కింద, అదేవిధంగా పాత చట్టంలోని సెక్షన్ 25ను అనుసరించి ఈ ట్రస్ట్‌లు ఏర్పాటవుతున్నాయి. గడిచిన అయిదు నెలల్లో ఈ నిబంధనల ప్రకారమే పలు కంపెనీలు ఈ ఎలక్టోరల్ ట్రస్ట్‌లను నాన్-ప్రాఫిట్ కంపెనీలుగా ఏర్పాటు చేసినట్లు కార్పొరేట్ వ్యవహారాల శాఖ వర్గాలు చెబుతున్నాయి.
  
  కొత్త నిబంధనల కింద ‘ఎలక్టొరల్ ట్రస్టు’లను నెలకొల్పిన వాటిలో ఇలాంటి వాటిలో జనహిత్ ఎలక్టోరల్ ట్రస్ట్( అనిల్ అగర్వాల్-వేదాంత గ్రూప్), సత్య ఎలక్టొరల్ ట్రస్ట్(సునీల్ మిట్టల్-భారతీ గ్రూప్), పీపుల్స్ ఎలక్టొరల్ ట్రస్ట్(అనిల్ అంబానీ-రిలయన్స్ గ్రూప్), సమాజ్ ఎలక్టొరల్ ట్రస్ట్ అసోసియేషన్(కేకే బిర్లా గ్రూప్) ఉన్నాయి.  మరో 25 వరకూ బడా వ్యాపార సంస్థలు తమ సొంత ఎలక్టోరల్ ట్రస్టులను ఏర్పాటు చేసుకొనే ప్రక్రియలో నిమగ్నమైనట్లు ప్రభుత్వ, కన్సల్టెన్సీ వర్గాల సమాచారం. కాగా, ఇలా కొత్తగా పుట్టుకొస్తున్న ట్రస్టుల్లో ఎక్కువగా తమ అనుబంధ వ్యాపార గ్రూపులకు సంబంధించి ఎలాంటి రిఫరెన్స్‌లూ ఇవ్వకపోవడం గమనార్హం.   
  
  వివాదాలకు అడ్డుకట్ట...
  గతంలో కూడా అనేక బడా కార్పొరేట్లు తమ ట్రస్టుల ద్వారా పార్టీలకు విరాళాలు ఇచ్చాయి. టాటా గ్రూప్, ఆదిత్య బిర్లా గ్రూప్, భారతీ గ్రూప్‌లతోపాటు అనేక కంపెనీలు తాము ఇచ్చిన నిధుల వివరాలను వెల్లడించాయి కూడా. అయితే, ఈ నిధుల ప్రవాహాన్ని క్రమబద్ధీకరించేందుకు, పారదర్శకతకు వీలుగా ‘ఎలక్టోరల్ ట్రస్టుల స్కీమ్’ను ప్రభుత్వం ప్రవేశపెట్టింది. ముఖ్యంగా ఆదిత్య బిర్లా గ్రూప్ ఇటీవల ఇచ్చిన విరాళం వివాదాస్పదం కావడంతో తాజా నిబంధనలపై దృష్టిసారించారు. దీని ప్రకారం ఏదైనా ట్రస్టు తాము అందుకున్న నిధుల్లో 95 శాతం మొత్తాన్ని సంబంధిత ఆర్థిక సంవత్సరంలో గుర్తింపు పొందిన రాజకీయ పార్టీలకు ఇస్తేనే వాటికి పన్ను ప్రయోజనాలు లభిస్తాయి. అంతేకాదు.. ట్రస్టులకు సొమ్ములు ఇచ్చేవారు నగదురూపంలో ఇవ్వడానికి వీల్లేదు. భారతీయుల నుంచైతే పాన్ నంబర్‌ను, ప్రవాసీయులైతే పాస్‌పోర్ట్ నంబర్‌ను ట్రస్టులు కచ్చితంగా తీసుకోవాల్సి ఉంటుంది. విదేశీయులు లేదా విదేశీ కంపెనీల నుంచి ఎలాంటి నిధులనూ సమీకరించకూడదనేది కూడా కీలక నిబంధనల్లో ఒకటి. కాగా, ఇలాంటి ఎలక్టొరల్ ట్రస్టులను ఏర్పాటు చేయకుండా కూడా కంపెనీలు పార్టీలకు నేరుగా విరాళాలు ఇవ్వొచ్చు. కానీ... ఆ నిధుల ప్రవాహం ఇతరత్రా పక్కా వివరాలన్నీ వెల్లడించాల్సి ఉంటుంది.
  


 సాక్షి, హైదరాబాద్: కార్పొరేట్ ఒలింపిక్స్‌లో డెలాయిట్ ఉద్యోగులు సత్తాచాటారు. దీంతో డెలాయిట్ ఓవరాల్ చాంపియన్‌షిప్‌ను నిలబెట్టుకుంది. మొత్తం 17 క్రీడాంశాల్లో నిర్వహించిన ఈ పోటీల్లో డెలాయిట్ క్రీడాకారులు 26 స్వర్ణాలు, 17 రజతాలు, 25 కాంస్య పతకాలతో కలిపి 68 పతకాలు సాధించారు.  ఈ పోటీల్లో హెచ్‌ఎస్‌బీసీ-ఈడీపీ ఓవరాల్ రన్నరప్‌గా నిలిచింది. వికలాంగ అథ్లెట్ కిరణ్ కానోజియా బ్లేడ్ సాయంతో పరుగెత్తి అందరినీ ఆకట్టుకుంది. 800 మీటర్ల పరుగులో ఆమె కనబరిచిన ప్రతిభకు గుర్తింపుగా నిర్వాహకులు ప్రత్యేక బహుమతిని అందజేశారు.
 
 పురుషుల 100 మీ. పరుగులో సమిరన్ భరద్వాజ్ (డెలాయిట్)  12.66 సెకన్లలో పోటీని పూర్తిచేసి స్వర్ణం సాధించాడు. చార్లెస్ బిన్నీ, రాజ్ కుమార్‌లకు వరుసగా రజత, కాంస్య పతకాలు దక్కాయి. 200 మీటర్ల పరుగు పందెంలో అర్జున్ మారి (డెలాయిట్) పోటీని 25.12 సెకన్లలో పూర్తి చేసి విజేతగా నిలిచాడు. రాజ్ కుమార్ (డెలాయిట్), కశ్యప్ (హెచ్‌ఎస్‌బీసీ-ఈడీపీ) వరుసగా రెండు, మూడు స్థానాలు పొందారు. రవీందర్ (డెలాయింట్) ఉత్తమ పురుష అథ్లెట్‌గా, జయంతి పాఠక్ (వెరిజాన్) ఉత్తమ మహిళా అథ్లెట్‌గా అవార్డులు గెలుపొందారు. ఏడీపీ బృందం స్ఫూర్తిదాయక జట్టుగా, టీసీఎస్ క్రమశిక్షణ జట్టుగా, వెరిజాన్ ప్రేరణ ఇచ్చిన జట్టుగా అవార్డులు దక్కించుకున్నాయి.


 సాక్షి, విశాఖపట్నం: ‘విధ్వంసకర అభివృద్ధి వద్దు. ప్రజలే కేంద్రంగా జరిగే అభివృద్ధి కావాలి. కార్పొరేట్ సంస్థల కోసం ప్రజల్ని బలిపెట్టొద్దు. ప్రభుత్వ భూములంటే.. అవి ప్రజలవే. అలాంటి ప్రజల్నే నిర్వాసితుల్ని చేసి సాధించే అభివృద్ధి ఎవరి కోసమో అందరికీ తెలిసిందే’నంటూ ప్రముఖ సామాజిక ఉద్యమకారిణి, ప్రజా ఉద్యమాల జాతీయ వేదిక (ఎన్‌ఏపీఎం) జాతీయ కన్వీనర్ మేధా పాట్కర్ అన్నారు. ‘మురికివాడ నివాసుల సంక్షేమ సంఘం-ప్రజల కేంద్రంగా అభివృద్ధి సాధనా ఉద్యమం’ ఆధ్వర్యంలో జీవీఎంసీ గాంధీ విగ్రహం వద్ద సోమవారం జరిగిన బహిరంగ సభలో ఆమె ప్రధాన వక్తగా మాట్లాడారు. ‘నగరం/పట్టణం అభివృద్ధిలో స్థానికుల పాత్ర మరువలేనిది. ఎవరి కారణంగా ప్రస్తుతం నగరాలు ఇంతలా అభివృద్ధి చెందాయో అలాంటి వారినే నగరానికి దూరంగా తరలిస్తున్నారు.
  
   పేదరికాన్ని దూరం చేయాలన్న ఆలోచన చేయకపోగా.. పేదల్ని దూరం చేస్తున్నారు. ఆంధ్రప్రదేశ్‌లో 1956 చట్టం, మహారాష్ట్రంలో 1971 చట్టం మురికివాడల్ని స్థానికంగానే అభివృద్ధి పరిచి, వారికి ఆ స్థలంపై హక్కు కల్పించాలని చెప్తోంది. ఈ చట్టలను ప్రభుత్వమే నీరుగారుస్తోంది. గాంధీ, నెహ్రూ, అంబేద్కర్ పేరిట పథకాల్ని ప్రవేశపెట్టి, పేదల్ని ఇబ్బందులపాల్జేస్తున్నారు. ఉన్నతాధికారులు, బడా నేతలు, షాపింగ్ మాల్స్ ఊరుకు దూరంగా ఉన్నా.. ఫర్వాలేదు. పేదలు మాత్రం స్థానికంగానే ఉండాలి. లేకుంటే ఉపాధి, మౌలిక వసతులకు దూరమయ్యే ప్రమాదం ఉంది. పేదలకు వారున్న చోట, వారే ఇళ్లుకట్టుకునే అవకాశాలు కల్పించాలి’ అని మేధాపాట్కర్ అన్నారు.


  =సకాలంలో సెంటర్లకు చేరుకోలేక అవస్థలు
  =ఏపీసెట్‌కు గ్రేటర్‌లోనే సుమారు
  =10వేలమంది దూరం
  =శివార్లలో పరీక్ష కేంద్రాలు ఏర్పాటు చేయడమే కారణం
  
 ఉస్మానియాయూనివర్సిటీ,న్యూస్‌లైన్: ఆంధ్రప్రదేశ్ స్టేట్ ఎలిజిబులిటీ టెస్ట్ (ఏపీసెట్-2013) పరీక్ష నగర అభ్యర్థులకు తీరని నిరాశను మిగిల్చింది. నగరంలోని కాలేజీలను వదిలేసి శివారు ప్రాంతాల్లో దూరంగా కాలేజీల్లో సెంటర్లు కేటాయించడమే ఇందుకు కారణం. ఈ ప్రాంతాల్లోని వృత్తివిద్యా కాలేజీల్లో పరీక్ష నిర్వహించడం వల్ల రూట్‌మ్యాప్ తెలియక చాలామంది సకాలంలో పరీక్ష కేంద్రాలకు చేరుకోలేకపోయారు. ట్రాఫిక్ వలయాన్ని ఛేదించుకొని సిటీకి ఎటూ 25 కిలోమీటర్ల దూరంలో ఉన్న ఈ కేంద్రాలకు చేరుకునే సమయానికి తీరా సమయం ముగియడంతో నిరాశతో వెనుతిరుగాల్సి వచ్చింది.
 
 ఒక్క నగరం నుంచే ఏపీసెట్‌కు మొత్తం 35,289 అభ్యర్థుల పరీక్షకు దరఖాస్తు చేసుకోగా,వీరిలో 25,827 మంది మాత్రమే హాజరయ్యారు. పరీక్ష కేంద్రాల ఎంపికపై అధికారులకు ముందుచూపు లేకపోవడంతో గర్భిణులు, బాలిం తలు, అంధులు, వికలాంగులు నానాఇబ్బం దులు పడ్డారు. కార్పొరేట్‌స్థాయి హంగులతో కూడిన పా ఠశాలలు, ప్రభుత్వ, ప్రైవేటు కాలేజీలు ఉన్నా.. వాటిని కాదని దూరంగా ఉన్న గండిపేట, ఇబ్రహీంపట్నం, ఇబ్రహీంబాగ్, ఆర్సీఐ, తదితర ప్రాంతాల్లో పరీక్ష కేంద్రాలను ఎంపిక చేయడంపై సర్వత్రా విమర్శలు వెల్లువెత్తుతున్నాయి. ఎంతో కష్టపడి చదివిన అభ్యర్థులు పరీక్ష రాయక కన్నీళ్లు పెట్టుకొని వెనుదిరిగారు.  
  
 రైల్వే పరీక్ష వల్లే : ఏపీసెట్ నోటిఫికేషన్‌కు ముందే నగరంలోని పలు కళాశాలలు,పాఠశాలలను రైల్వే రిక్రూట్‌మెంట్ బోర్డు (ఆర్‌ఆర్‌బీ) ముందుగా రిజర్వు చేసుకుందని, దీంతో శివా రు ప్రాంతాల్లోని కాలేజీలను ఎంపిక చేయాల్సి వచ్చిందని ఏపీసెట్ 2013 సభ్యకార్యదర్శి రాజేశ్వర్‌రెడ్డి పేర్కొన్నారు. 15 రోజుల ముందే హాల్‌టికెట్లను పంపిణీ చేశామని చెప్పారు.
  


 తణుకు టౌన్, న్యూస్‌లైన్ : ఇంగ్లిష్ కార్పొరేట్ భాషగా మారిపోయిందని, ఇందుకు తగ్గట్టుగా విద్యాబోధన ఉండాలని ఆదికవి నన్నయ యూనివర్సిటీ అకడమిక్ డీన్ కె.శ్రీరమేష్ అన్నారు. తణుకు ఎస్సీఐఎం డిగ్రీ కళాశాలలో మూడు రోజుల పాటు నిర్వహించే ‘స్కిల్ అప్‌డేట్ అండ్ రీట్రైనింగ్ ఆఫ్ స్పీకింగ్ అండ్ రైటింగ్ ఇంగ్లిష్’ అంశంపై డిగ్రీ కళాశాలల అధ్యాపకుల సెమినార్ శుక్రవారం ప్రారంభమైంది. ముఖ్య అతిథిగా శ్రీరమేష్ మాట్లాడుతూ స్థానిక భాషల ప్రభావాన్ని తగ్గించుకోవడం ద్వారా ఇంగ్లిష్‌లో రాణించవచ్చన్నారు.
  
   జాతీయ స్థాయిలో ఉత్తర,ప్రత్యుత్తరాలు జరపడంలో రాష్ట్ర అధ్యాపకులు వెనుకబడి ఉన్నారనే ఉద్దేశంతో ఈ సెమినార్ ఏర్పాటుచేశామని చెప్పారు. ఇది విజయవంతమైతే జాతీయస్థాయిలో శిక్షణ తరగతులు నిర్వహిస్తామన్నారు. ఉన్నత విద్యాసంస్థలలో ఇంగ్లిష్ విద్యాబోదనపై కాకినాడ పీఆర్ డిగ్రీ కళాశాల పూర్వ ప్రిన్సిపాల్ ఎంవీ భరతలక్ష్మి, ఇంగ్లిష్ వ్యాకరణం, నియమాలపై ఎ.రజనీకాంత్, ఇంగ్లిష్ మాట్లాడటంలో సమస్యలపై కాకినాడ పీఆర్ కళాశాల అధ్యాపకుడు ఏవీ నరసింహారావు ప్రసంగించారు. ఏలూరు ప్రభుత్వ డిగ్రీ కళాశాల ప్రిన్సిపాల్ కేవీ రమణమూర్తి, సెమినార్ ఆర్గనైజింగ్ కార్యదర్శి ఎం.శ్యాంబాబు, వర్క్‌షాపు డెరైక్టర్ ఏ రజనీకాంత్‌తో పాటు రాష్ట్రంలోని పలు ప్రభుత్వ, ఎయిడెట్ డిగ్రీ కళాశాలలకు చెందిన అధ్యాపకులు పాల్గొన్నారు. పలు అంశాలను శ్రీరమేష్ పవర్‌పాయింట్ ప్రజంటేషన్ ద్వారా వివరించారు.
  
  
  


 సాక్షి, హైదరాబాద్: దేశానికి తిండిపెట్టే రైతన్నలకు భూమాతతో అనుబంధం తెగిపోతోంది. రాష్ట్రంలో సాగు క్షీణించి, వ్యవసాయ ఆధారిత పల్లెల సంఖ్య తగ్గుతోంది. సాగుభూములు కార్పొరేట్ల చేతుల్లోకి వెళ్తున్నాయి. పెరుగుతున్న అప్పులు, ఎరువుల ధరలు, పంటలకు గిట్టుబాటు ధర లేకపోవ డం.. వెరసి రైతు బతుకు ఛిద్రమవుతోంది. ఆదాయ పన్ను శాఖ(ఐటీ)కు ఈ ఏడాది అందిన రిటర్నులు ఈ విషయాన్ని తేటతెల్లం చేస్తున్నాయి. వాటిలోని వివరాల ప్రకారం.. సాగు భూముల ఆదాయంపై పన్ను రాయితీ ఉన్న నేపథ్యంలో ఎన్నారైలతోపాటు, బడా వ్యాపార సంస్థలు ఈ భూములను భారీస్థాయిలో కొంటున్నాయి.  ఈ ఏడాది కొనుగోళ్లు జరిగిన భూముల్లో 30% మేర కార్పొరేట్ సంస్థలు కొన్నాయి.   
  
  రుణ బాధలే దూరం చేస్తున్నాయా?: కేంద్ర, రాష్ట్ర ప్రభుత్వాలు ఎరువులు, డీజిల్ ధరలను భారీగా పెంచడంతో రైతులకు సాగు గిట్టుబాటు కావడం లేదు. దీంతో ప్రత్యామ్నాయ ఉపాధి కోసం పట్టణాలకు వలస వెళ్తున్నారు. గత పదేళ్లలో 45% మంది రైతులు వ్యవసాయానికి దూరమయ్యారని కేంద్ర గణాంకాలు వెల్లడిస్తున్నాయి. తాజా లెక్కల ప్రకారం రాష్ట్రంలో 1.42 కోట్ల కుటుం బాలున్నాయి. వీటిలోని 60 లక్షల మందికి వ్యవసాయమే ప్రధాన జీవనాధారం. గత నాలుగేళ్లుగా పెట్టుబడులు పెరగడం, అధిక వడ్డీలకు రుణాలతో 49.49 లక్షల మంది రైతులు అప్పుల ఊబిలో కూరుకుపోయారు. వీరిలో చాలామంది  తమ చిన్న కమతాలు అమ్ముకుని పట్టణాలకు వలసపోయారు. గతంలో భూమి అమ్మితే స్థానిక గ్రామస్తులే కొనేవారు. మూడేళ్ల భూలావాదేవీల ప్రకారం 520 మంది స్థానికేతరులు వివిధ ప్రాంతాల్లో పొలాలు కొన్నారు. వీరు ఏకంగా 50 నుంచి 100 ఎకరాలు కొనడం విశేషం.  
  
  పల్లెకు గ్రహణం
  ైరె తులు వ్యవసాయాధారిత రంగాలనూ విడిచిపెడుతున్నారు. పశుపోషణ, కోళ్ల పెంపకం వంటివి మానేసిన రైతులు రాష్ట్రంలో గత రెండేళ్లలో 12 లక్షల మంది ఉన్నారు. వలసల వల్ల పల్లెల్లో జనాభా పెరుగుదల భారీగా పడిపోతోంది. 2001లో రాష్ట్ర పట్టణాల్లో 27.30 శాతం మంది నివసిస్తుంటే, 2011 నాటికి ఆ సంఖ్య  33.49 శాతానికి పెరిగింది. గ్రామీణ ప్రాంతాల్లో పదేళ్లుగా జనాభా పెరుగుదల 1.64 శాతంగానే నమోదైంది.
  
   హైదరాబాద్‌లో అంతర్భాగంగా ఉన్న రంగారెడ్డి(92.19 శాతం), మెదక్(89.19 శాతం) జిల్లాలతోపాటు వైఎస్‌ఆర్ జిల్లాలో(67.37 శాతం) పట్టణ జనాభా పెరుగుదల శాతం ఎక్కువగా ఉంది. పల్లె  జనాభా బాగా తగ్గుతున్న జిల్లాల్లో కృష్ణా(6.07 శాతం) తొలి స్థానంలో ఉంది. తర్వాతి స్థానాల్లో కడప(8.62 శాతం) రంగారెడ్డి(3.98 శాతం) ఉన్నాయి. మొత్తమ్మీద రాష్ట్రంలో గత పదేళ్లలో వ్యవసాయ గ్రామాల సంఖ్య బాగా తగ్గింది. 2001లో ఇవి 28,123 ఉండగా, 2011లో  27,800కి పడిపోయాయి. ఇదే పరిస్థితి కొనసాగితే మున్ముందు వ్యవసాయ ఉత్పత్తులు భారీగా పడిపోతాయని నిపుణులు అంటున్నారు.
  
  సెన్సస్ టౌన్ల పెరుగుదల         
  రాష్ట్రంలో ‘జనాభా లెక్కల పట్టణాలు’(సెన్సస్ టౌన్లు) మూడు రెట్లు పెరిగాయి. 5 వేల కన్నా ఎక్కువ జనాభా ఉన్న పంచాయతీలను సెన్సస్ టౌన్లుగా కేంద్రం వర్గీకరించింది. వీటిలో చదరపు కిలోమీటరుకు 400 మంది ఉండాలి. వీరిలో 75 శాతం మంది వ్యవసాయేతర వృత్తుల్లో జీవనోపాధి పొందుతుండాలి. మన రాష్ట్రంలో ఇలాంటి పంచాయతీలు 2001లో 90 ఉంటే, 2011 నాటికి వాటి సంఖ్య 228కి పెరిగింది. మరోపక్క.. రాష్ట్ర ప్రభుత్వం అధికారికంగా నోటిఫై చేసిన నగర పంచాయతీలు, మునిసిపాలిటీలు, నగరపాలక సంస్థలు 2001లో 117 ఉంటే, 2011 నాటికి 125కు పెరిగాయి. అంటే ఈ ప్రాంతాల శివారు పల్లెలోనూ వ్యవసాయం 75 శాతం పడిపోయినట్టే. పట్టణాల్లో రియల్ ఎస్టేట్ వ్యాపారం పెరిగి, పట్టణాలకు దూరంగా ఉన్న సాగుభూములు కార్పొరేట్ల చేతుల్లోకి వెళ్ళినట్లు గణాంకాలు చెబుతున్నాయి. గత ఐదేళ్లలో పట్టణ శివార్లలోని 60 శాతం భూములు కార్పొరేట్ సంస్థల నిర్వాహకులు, వారి బంధువులు కొన్నారు.


 మార్కెట్ పంచాంగం
 దేశ ఆర్థిక వ్యవస్థ, కార్పొరేట్ ఫండమెంటల్స్ బలహీనంగా వున్నాయి. దేశంలో ఎన్నికల వాతావరణం అలుముకుంది. అయినా వారం రోజుల క్రితం స్టాక్ సూచీలు ఆల్‌టైమ్ గరిష్టస్థాయిని సవాలు చేయడానికి సిద్ధపడ్డాయి. అంటే స్టాక్ మార్కెట్‌కు ఆర్థిక వ్యవస్థతో లింకు తెగిపోయిందని, విదేశీ ఇన్వెస్టర్ల వ్యవహారశైలే సూచీల గమనాన్ని నిర్దేశిస్తున్నదని పరిగణించాలి. రిజర్వుబ్యాంకు వడ్డీ రేట్ల అనూహ్య పెంపుతో క్రితం వారం ర్యాలీకి బ్రేక్‌పడినా, ఈ క్షీణతకు ఎఫ్‌ఐఐల అమ్మకాలు కారణం కాదు. దేశీయ సంస్థలే వరుస విక్రయాలు జరుపుతున్నాయి. సెప్టెంబర్ నెలలో ఇప్పటికే రెండు బిలియన్ డాలర్ల నిధుల్ని ఎఫ్‌ఐఐలు కుమ్మరించారు. కానీ గతవారం వీరి కొనుగోళ్లు నెమ్మదించాయి. ఫలితంగా మార్కెట్లో ట్రేడింగ్ టర్నోవర్ పడిపోయింది. మార్కెట్ తగ్గిన రోజుల్లో టర్నోవర్ పెరిగే వరకూ ప్రస్తుత క్షీణత, ఆగస్టు చివరివారం నుంచి జరిగిన భారీ ర్యాలీకి ప్రతిగా జరుగుతున్న సర్దుబాటుగానే పరిగణించాలి.
  
  సెన్సెక్స్‌పై సాంకేతిక అంచనాలు
  సెప్టెంబర్ 27తో ముగిసిన వారంలో తొలిరోజున 20,200 గరిష్టస్థాయి వద్ద నిరోధాన్ని చవిచూసిన బీఎస్‌ఈ సెన్సెక్స్ క్రమేపీ క్షీణిస్తూ చివరకు క్రితం వారంతో పోలిస్తే 537 పాయింట్ల భారీ నష్టంతో 19,727 పాయింట్ల వద్ద ముగిసింది. గతవారం మార్కెట్ పంచాంగంలో ప్రస్తావించిన 19,600 పాయింట్లస్థాయి సమీపంలో 19,658 పాయింట్ల వద్ద క్రితం వారం మరోదఫా మద్దతును పొందగలిగింది. గత రెండు వారాల్లో ఐదు దఫాలు మద్దతును అందించిన 19,600 స్థాయిని ఈ వారం కోల్పోతే 19,483 స్థాయికి (ఆగస్టు 28 నాటి 17,748 పాయింట్ల కనిష్టస్థాయి నుంచి సెప్టెంబర్ 19 నాటి 20,740 పాయింట్ల గరిష్టస్థాయివరకూ జరిగిన 3,292 పాయింట్ల ర్యాలీలో ఇది 38.2 శాతం రిట్రేస్‌మెంట్ స్థాయి) తగ్గవచ్చు.
  
  ఈ దిగువన సెప్టెంబర్ 10 నాటి కనిష్టస్థాయి 19,444 పాయింట్ల వద్ద మరో మద్దతు, సెన్సెక్స్‌కు 200 రోజుల చలన సగటు (200 డీఎంఏ) రేఖ సంచరిస్తున్న 19,395 పాయింట్ల స్థాయి వద్ద ఇంకో మద్దతు-ఇలా వరుసగా 19,395-19,483  మధ్య పలు మద్దతులు అందుబాటులో వున్నాయి. వీటినన్నింటినీ అధిక ట్రేడింగ్ పరిమాణంతో కోల్పోతోనే ప్రస్తుత కరెక్షన్, డౌన్‌ట్రెండ్‌గా రూపాంతరంచెందే ప్రమాదం వుంటుంది. గత వారం క్షీణత సందర్భంగా ట్రేడింగ్ పరిమాణం తక్కువగా వున్నందున, కార్పొరేట్ ఫలితాల సీజన్ ముగిసే వరకూ ఈ మద్దతుల్ని సెన్సెక్స్ పరిరక్షించుకునే అవకాశాలు ఎక్కువగా వున్నాయి. ైఈ వారం 19,600 మద్దతును సెన్సెక్స్ పరిరక్షించుకోగలిగితే మరోదఫా 20,200 స్థాయికి పెరగవచ్చు. ఈ లోపున 19,990 పాయింట్ల వద్ద చిన్నపాటి అవరోధం ఏర్పడవచ్చు. అధిక ట్రేడింగ్ టర్నోవర్‌తో 20,200 స్థాయిని దాటితే 20,740 పాయింట్ల వరకూ ర్యాలీ జరిగే ఛాన్స్ వుంటుంది.  
  
  నిఫ్టీ మద్దతులు 5,798-5,751
  సెప్టెంబర్ 27తో ముగిసిన వారంలో 6,012 పాయింట్ల గరిష్టస్థాయి నుంచి 5,811 పాయింట్ల వరకూ తగ్గిన ఎన్‌ఎస్‌ఈ నిఫ్టీ  చివరకు అంతక్రితం వారంతో పోలిస్తే 179 పాయింట్ల నష్టంతో 5,833 పాయింట్ల వద్ద ముగిసింది. ఈ క్రమంలో కొన్ని షేర్ల వెయిటేజీల్లో వచ్చిన మార్పుల ఫలితంగా సెన్సెక్స్‌తో పోలిస్తే నిఫ్టీ వెనుకబడి వున్నందున, ఇప్పటికే ఈ సూచీ 200 డీఎంఏ రేఖను (5,841) కోల్పోయింది. అప్‌ట్రెండ్‌కు కీలకంగా భావించే ఈ స్థాయిని నష్టపోయిన శుక్రవారంనాడు ట్రేడింగ్ టర్నోవర్ చాలా తక్కువగా వుంది. రానున్న కొద్దిరోజుల్లో ఈ స్థాయి దిగువన వ్యాపార పరిమాణం పెరిగితేనే మార్కెట్లో డౌన్‌ట్రెండ్ వచ్చే అవకాశాలుంటాయి.
  
  గత శుక్రవారం అమెరికా మార్కెట్ల బలహీనత ఫలితంగా ఈ సోమవారం నిఫ్టీ గ్యాప్‌డౌన్‌తో మొదలైతే 5,798 పాయింట్ల వద్ద తక్షణ మద్దతు లభిస్తున్నది. ఈ మద్దతును కోల్పోతే 5,751 స్థాయివరకూ (ఆగస్టు 28 నాటి 5,119 పాయింట్ల కనిష్టస్థాయి నుంచి సెప్టెంబర్ 19 నాటి 6,242 పాయింట్ల గరిష్టస్థాయివరకూ జరిగిన 1.023 పాయింట్ల ర్యాలీలో ఇది 38.2 శాతం రిట్రేస్‌మెంట్ స్థాయి)  తగ్గవచ్చు. ఈ లోపున 5,738 పాయింట్లు, 5,688 పాయింట్ల వద్ద వరుసగా మద్దతులు లభిస్తున్నాయి.  ఈ వారం నిఫ్టీ రెండో మద్దతును పరిరక్షించుకోగలిగితే, వేగంగా 5,920-5,940 శ్రేణి వద్దకు పెరగవచ్చు. ఈ నిరోధ శ్రేణిని దాటితే 5,990 పాయింట్ల స్థాయికి చేరవచ్చు. ఈ స్థాయిని అధిగమించి, ముగిస్తే  6,150 పాయింట్ల వద్దకు పెరగవచ్చు.
  - పి. సత్యప్రసాద్


 కాళ్లకు గజ్జెలు, చేతిలో చిడతలు, ఇద్దరు తోడు వాయిద్యాలు... ‘వినరా వినరా... విష్ణువు కథా వివరము చెబుతాను’ అంటూ హరికథా కాలక్షేపం ప్రారంభం. అదీ ఎక్కడ... ఇన్ఫోసిస్ లాంటి కార్పొరేట్ హౌజ్‌లోనో, డివిఎస్ లాంటి ఇంటర్నేషనల్ స్కూల్లోనో... ఇంటి గుమ్మం దాటని గృహిణులుండే గేటెడ్ కమ్యూనిటీలోనో, ఇంటర్నెట్ తప్ప ఇంకేమీ పట్టని అల్ట్రా మోడ్రన్ యూత్ మధ్యలోనో. పిల్లలకు నాలుగు మంచి విషయాలు చెప్పే ఓర్పు లేకపోగా, హరికథలూ, బుర్రకథలూ వినేకాలమా ఇది? అని ప్రశ్నించేవాళ్లకు పాఠంలా... నిన్నటి మన బంగారు బాల్యాన్ని ‘కథ’ సాక్షిగా మనకోసం తిరిగి వెలిగిస్తున్న దీపాకిరణ్ హైటెక్‌నగరిలో స్టోరీటెల్లింగ్‌కి ఓ ఆశాకిరణం.
  
 ‘రంపాపమ్ రంపాపమ్’ అంటూ  దీప జానపద కథలకు రిథమ్‌ను జోడించగానే హాజరైన వారుసైతం జత కలుస్తారు. జన్మతః తమిళనాడుకు చెందిన దీప ఎడ్యుకేషన్ కన్సల్టెంట్‌గా, టీచర్‌గా, ఫ్రీలాన్స్‌రైటర్‌గా, ఆల్ ఇండియా రేడియోలోనూ పనిచేశారు. ఆమె ఒకప్పుడు క్లాసికల్ డ్యాన్సర్ కూడా. ‘టీచర్‌గా పిల్లలకి కథలు చెప్తూ వారెంత ఆనందిస్తున్నారో అంతే ఆనందాన్ని నేనూ పొందేదాన్ని’ అని వివరించారామె. కథలు చెప్పడం ద్వారా కలుగుతున్న ఆనందం, ప్రపంచవ్యాప్తంగా ఉన్న ప్రసిద్ధ కథల కోసం చేసిన అన్వేషణ ఆమె మరింతగా స్టోరీటెల్లింగ్‌పై ఆసక్తి పెంచుకునేలా చేశాయి. కిడ్నీ వ్యాధి, అధిక బరువు సమస్యలను అధిగమించడానికి కూడా తనకు స్టోరీటెల్లింగ్ చక్కని మార్గంగా ఉపకరించింది అంటారామె. ‘ఇది కేవలం నోటికి మాత్రమే పని చెప్పేది కాదు ఇందులో హావభావాలుంటాయి, పాటలుంటాయి, నృత్యాలుంటాయి. అద్భుతమైన శారీరక, మానసిక ఉల్లాసాల్ని అందిస్తుంది’ అని చెప్పే దీప ఐదేళ్ల క్రితం పూర్తిస్థాయి స్టోరీటెల్లర్ అవతారమెత్తారు.
  
  కార్పొరేట్ కంపెనీల్లో కథా ప్రవాహం...    
  
  ‘ఏ అంశంపైనయినా కథలు సృష్టించవచ్చు. మనం చెప్పాలనుకున్నదాన్ని మరింత బలంగా, ఆసక్తికరంగా చెప్పడానికి స్టోరీటెల్లింగ్ ఉపకరిస్తుంది’ అంటున్న దీప కార్పొరేట్ కంపెనీలనూ ఆకట్టుకుంటున్నారు. గత కొంతకాలంగా డీపీఎస్, భారతీయవిద్యాభవన్స్ వంటి పేరున్న స్కూళ్లలో, లైబ్రరీల్లో, కల్చరల్ సెంటర్లలో, పబ్లిషింగ్ హౌస్‌లలో, మైక్రోసాఫ్ట్, జెన్‌ప్యాక్ వంటి కార్పొరేట్ సంస్థల్లో సైతం ఆమె స్టోరీటెల్లింగ్ కార్యక్రమాలు నిర్వహిస్తున్నారు. ‘దీనిని కేవలం ‘పిల్ల’కథలుగా మాత్రమే చూడకూడదు.
 
 కార్పొరేట్ కంపెనీ ప్రజెంటేషన్స్‌కూ, టీమ్‌బిల్డింగ్ వర్క్‌షాప్‌లకూ... ఏ రంగంలోని వారికైనా స్టోరీటెల్లింగ్ స్కిల్స్ ఉపయుక్తమే’అంటారామె. కథను మరింత జనరంజకంగా మలచడానికి ఆమె సంగీతాన్ని, నృత్యాన్ని దీనికి జతచేస్తున్నారు. గజ్జెలు ధరించి చిడతలు పట్టుకుని ఆమె హరికథాకాలక్షేపం సమర్పిస్తుంటే తోడు వాయిద్యాలు... ఆమె ఇద్దరు కొడుకులే. ‘మేమూ కథలు చెప్పే పనిలో పాలుపంచుకుంటాం అంటూ వారూ నాతో జతకలిశారు. నేను చెప్పింది కాదు’ అంటూ తన కుమారులు తనకు తోడైన నేపథ్యాన్ని వివరించారామె. టెలివిజన్‌లూ, ట్యాబ్లెట్ పీసీల కాలంలో తాతలు, బామ్మల ఒడినే  బడిచేసి చెప్పిన కమ్మని కథల్ని తిరిగి మనకు చేరువ చేయాలని, మన విజయాలకు కథలను తోడుచేయాలని దీపాకిరణ్ ఆశిస్తున్నారు. ఏదేమైనా... అంతరించిపోతున్న కళకు ఆమె దీపంలా మారుతున్నారు. ఆ వెలుగులు మరింత మందికి ప్రేరణ కావాలని ఆశిద్దాం.
  
   స్టోరీటెల్లింగ్‌తో లాభాలెన్నో...
  మన ముందున్న వాళ్లని మన మాటలతో కళ్లతో, ఇంటరాక్షన్‌తో... వాళ్ల స్పందనకి  మనం స్పందిస్తూ చేసే పూర్తిస్థాయి కమ్యూనికేషన్ మార్గమిది.
  
  ‘మీ పిల్లలు తెలివిగలవాళ్లు కావాలంటే వారికి కథలు చెప్పాలి. ఇంకా తెలివిగలవాళ్లు కావాలంటే మరిన్ని కథలు చెప్పాలి’ అని ఆల్బర్ట్ ఐన్‌స్టీన్ అంటారు. కథ వింటున్నపుడు పిల్లల ఊహాశక్తి మెరుగవుతుంది.
    
  జ్ఞాపకశక్తికి మేలు. వాస్తవానికి స్కూల్లో చెప్పే పాఠాలు పిల్లలకు సగం కూడా గుర్తుండవు. కానీ కథలో అన్నీ గుర్తుంచుకుంటారు. కథలో విన్న డైలాగ్‌లు నిజజీవితంలోనూ వినియోగిస్తారు.
  
  ఆంగ్లంలో కథలు వినడం వల్ల భాషా పరిజ్ఞానం పెరుగుతుంది.
  
   ఓ బిజినెస్ ఈవెంట్‌లో అందించాలనుకున్న సందేశాన్ని సింపుల్‌గా, సరళంగా మార్చేస్తుంది.
  
  వ్యక్తుల హృదయాల్లోకి చొచ్చుకువెళ్లి వారి సబ్‌కాన్షియస్ మైండ్‌ను ప్రేరేపించి నిర్ణయాలను సైతం ప్రభావితం చేసే శక్తి దీనికి ఉంది.
  
  కథలు చెప్పేటప్పుడు...
  కదిలించేలా, శ్రోతలకు ఓ ఊహాజనిత ప్రపంచాన్ని చేరువ చేసేలా కథలు చెప్పాలి. దీనికి పెయింటింగ్, పేపర్ కట్టింగ్, ఆర్ట్, పాటలు... ఇంకేదైనా సరే మాధ్యమంగా ఎంచుకోవడం అవసరం.
  
  పిల్లల ఏకాగ్రతను మనవైపు నిలిచేలా చేసుకోవడం ఒక పట్టాన సాధ్యం కాదు కాబట్టి చిన్నారులకు చెప్పేటప్పుడు  సమయోచిత వైఖరి అవసరం. కథ ఆధారంగా తమ ఊహల్ని నిర్మించుకోవడానికి వారికి తగిన సమయం ఇవ్వాలి.
  
   ప్రతి సందర్భానికీ అనుగుణమైన కథలున్నాయి. సబ్జెక్ట్‌కి, అంశానికి సంబంధించి కూడా ఉన్నాయి. థీమ్‌పై ఆధారపడి, ప్రజెంటేషన్‌లోని ముఖ్యాంశాలపైనా.. కథలు అల్లుకోవచ్చు.
  
  ఎత్తుగడ, ప్రధానాంశం, ముగింపు... ఈ మూడు దశలే ఏ కథకైనా ప్రాణం.  ప్రారంభాన్ని, ముగింపును బట్టే  స్టోరీటెల్లర్ నైపుణ్యం తెలుస్తుంది.
  
  అన్ని కళల్లానే స్టోరీటెల్లింగ్ కూడా కొందరికి జన్మతః వస్తే... మరికొందరు ప్రయత్నంతో నేర్చుకోవచ్చు. ప్రతి వ్యక్తికీ కథలు చెప్పే సామర్థ్యం ఉంటుంది. అవసరమైన, తోచిన మార్గంలో కొందరు అది ఇప్పటికే నిరూపిస్తున్నారు కూడా. ఈ సామర్థ్యాన్నే మరింత మెరుగుపరచుకుంటే ప్రొఫెషనల్‌గా మారవచ్చు. శ్రోతలు ఎవరు? ఎంత వయసు వారు అనేదాన్ని బట్టి మనం చెప్పే శైలిలో మార్పు చేర్పులు అవసరం.
  
  కథాకాలక్షేపాలు షురూ...
   తాతల కాలం నాటి కథాకాలక్షేపాలు తిరిగి రానున్నాయా? నగరంలో స్టోరీటెల్లింగ్‌కు పెరుగుతున్న ఆదరణ గమనిస్తే అవుననే అనిపిస్తుంది. ప్రసిద్ధ సాంస్కృతిక కేంద్రాలైన గోతెజంత్రం, లామకాన్, సప్తపర్ణి... వంటి చోట్ల వారాంతాల్లో ఏర్పాటవుతున్న ఈ కథా కార్యక్రమాలకు పెద్ద యెత్తున నగరవాసులు హాజరవుతున్నారు. ప్రొఫెషనల్ స్టోరీ టెల్లర్స్‌కు అమాంతం డిమాండ్ ఊపందుకుంది.   
  
  ప్రపంచవ్యాప్త క్రేజ్...
  స్టోరీటెల్లింగ్‌కు నగరంలో ఇప్పుడిప్పుడే ఆదరణ లభిస్తుంటే... విదేశాల్లో మాత్రం విపరీతమైన డిమాండ్ ఉంది. ఇంటర్నెట్ వేదికగా ప్రపంచవ్యాప్త స్టోరీటెల్లర్స్ నెట్‌వర్క్ కూడా పనిచేస్తోంది. ఏటేటా సింగపూర్‌లో ఇంటర్నేషనల్ స్టోరీ టెల్లర్స్ ఫెస్టివల్ నిర్వహిస్తారు. ఇందులో దీపాకిరణ్ కూడా పాల్గొన్నారు. ఈ స్టోరీటెల్లింగ్‌కి దుబాయ్‌లో మంచి మార్కెట్ ఉంది. అమెరికా, మలేషియా,హాంగ్‌కాంగ్‌లలో సైతం స్టోరీటెల్లింగ్ అంటే  చెవి కోసుకుంటారు. మన నగరంలోనూ రెండేళ్ల నుంచీ స్టోరీటెల్లింగ్ కాంపిటీషన్స్ నిర్వహిస్తున్నారు.    
  
  సృజనాత్మకతకు మేలు...
   పుస్తకాలు, విజువల్ మీడియా కన్నా నోటి ద్వారా కథ చెప్పడం మరింత ప్రభావం చూపుతుంది. కార్పొరేట్ సంస్థల ప్రతినిధులు తమ ప్రెజంటేషన్స్, స్పీచ్‌లలో స్టోరీటెల్లింగ్‌ను చేర్చడం ద్వారా తమ ప్రజెంటేషన్‌ను ప్రభావవంతంగా చేస్తున్నారు. ఈ ఒరవడి ఈ కళకు మరింత మంచి భవిష్యత్తు ఉందని సూచిస్తోంది. జీవితాంతం కథావ్యాసంగంలోనే ఉండాలని, కథాశక్తిని ప్రపంచానికి చాటాలని ఆశిస్తున్నాను.         
 - దీపాకిరణ్
  


 సాక్షి, తిరుపతి: రాష్ట్రాన్ని సమైక్యంగానే ఉంచాలని డిమాండ్ చేస్తూ సీమాంధ్రలో విద్యుత్ ఉద్యోగుల 72 గంటల సమ్మె జిల్లా వ్యాప్తంగా ఉద్ధృతంగా సాగుతోంది. తిరుపతిలో డిస్కం కార్యాలయం ఉద్యోగుల నినాదాలతో దద్దరిల్లింది. మదనపల్లె, చిత్తూరు, పుత్తూరు, శ్రీకాళహస్తి సబ్ డివిజన్లలో విద్యుత్ ఉద్యోగులు పూర్తి గా సమ్మెలో పాల్గొన్నారు. గురువారం ఉదయం నుంచే జిల్లాలోని వందలాది మంది విద్యుత్ ఉద్యోగులు కార్యాలయాలకు తాళాలు వేసి పెన్‌డౌన్, టూల్ డౌన్ చేసి రోడ్లపైకి వచ్చారు. సబ్ స్టేషన్లలో కేవలం కాంట్రాక్టు సిబ్బంది మాత్రమే విధుల్లో ఉన్నారు. తిరుపతి సర్కిల్‌లోని డీఈలు, ఏడీఈలు, అకౌంటెంట్లు, ఏఈలు, లై న్‌మన్లు సమ్మెలో పాల్గొంటున్నారు.
 
 సీయూజీ కార్డులను  వెనక్కి ఇచ్చేశారు. అత్యవసర విద్యుత్ సేవలకు కాంట్రాక్టు ఉద్యోగులే హాజరుకావాల్సిన పరిస్థితి ఏర్పడింది. జిల్లా వ్యాప్తంగా 2,500 మంది ఉద్యోగులు సమ్మెకు దిగారు. కార్పొరేట్ కార్యాలయంలోని 400 మంది ఉద్యోగులు కూడా ధర్నా చేశారు. డిస్కం కార్యాలయ ప్రధాన గేటుకు తాళాలు వేశారు. ఉదయం 10 నుంచి మధ్యాహ్నం 2 గంటల వరకు కార్పొరేట్ కార్యాలయం ఎదుట నిరసన కొనసాగింది. దీనికి విద్యుత్ ఉద్యోగుల జేఏసీ చైర్మన్ అశోక్‌కుమార్, కన్వీనర్ డీఈ మునిశంకరయ్య, కో-కన్వీనర్ చలపతి, ఏడీఈలు, అకౌంట్స్, కాస్టింగ్ అధికారులు, ఎస్టాబ్లిష్‌మెంట్ అధికారులు పాల్గొన్నారు.
 
  సమ్మెతో ఇక్కట్లు
 
  విద్యుత్ ఉద్యోగుల సమ్మెతో ప్రత్యామ్నాయ ఏర్పా ట్లు చేసేందుకు తంటాలు పడుతున్నారు. జిల్లాకు ఒక టోల్ నెంబరు ఇచ్చినా గ్రామీణ ప్రాంతాల్లో ట్రాన్స్‌ఫార్మర్లు బ్రేక్ డౌన్ అయిన చోట్ల సమస్య పరిష్కరించలేని పరిస్థితులు ఏర్పడుతున్నాయి. కేవలం కాంట్రాక్టు ఉద్యోగులను ఉపయోగించి అన్ని పనులు చేయాల్సిన పరిస్థితి నెలకొంది. కార్పొరేట్ కార్యాలయం నుంచి ఉన్నతాధికారులు ఆరు జిల్లాల్లో ఎక్కడెక్కడ విద్యుత్ సరఫరా బ్రేక్ డౌన్ అయింది, ప్రత్యామ్నాయ ఏర్పాట్లు ఏం చేయాలనేది నిరంతరం సమీక్షిస్తున్నారు. డీఈలు, ఏఈలను, లైన్‌మెన్లను సంప్రదించాలంటే సీయూజీ ఫోన్లు లేవు. కొత్తవారికి ధైర్యంగా పనులు అప్పగించలేకునాన్నారు.
 
  అత్యవసర సేవలకు మినహాయింపు
 
  జిల్లాలో రెగ్యులర్ విద్యుత్ ఉద్యోగులు టూల్‌డౌన్ చేసినా అత్యవసర సేవలకు ఇబ్బంది లేకుండా చూస్తున్నామని జేఏసీ కన్వీనర్ మునిశంకరయ్య తెలిపారు. సమస్యలను కాంట్రాక్ట్ ఉద్యోగుల ద్వారా పరిష్కరిస్తున్నామన్నారు. ప్రస్తుతం ప్రకటించిన మేర కు 72 గంటల సమ్మె జరుగుతుందని, సమైక్య ప్రకటన రానిపక్షంలో దాన్ని నిరవధిక సమ్మెగా మార్చేం దుకు కూడా వెనుకాడబోమని హెచ్చరించారు.
  


 సాక్షి, ముంబై: ఉద్యోగుల సౌకర్యార్థం బోరివలి-బాంద్రా కుర్లా కాంప్లెక్స్ (బీకేసీ) మధ్య ప్రవేశపెట్టిన శివనేరి ఎమ్మెస్సార్టీసీ బస్సుకు ఆదరణ కరువైంది. ప్రయాణికులు కార్పొరేట్ శివనేరి బస్సులో ప్రయాణించేందుకు ఆసక్తి కనబర్చడం లేదు. దీంతో ఆదాయం రావడం లేదు. పరిస్థితి ఇలాగే కొనసాగితే త్వరలో బస్సులు రద్దుచేయాల్సిన పరిస్థితి ఆర్టీసీకి ఎదురుకానుంది. ప్రస్తుతం బీకేసీ కార్పొరేట్, వాణిజ్య, ప్రైవేటు, ప్రభుత్వం కార్యాలయాలకు నిలయంగా మారింది. ముఖ్యంగా బోరివలి, ఠాకూర్ కాంప్లెక్స్ నుంచి బీకేసీ వచ్చే ఉద్యోగుల సంఖ్య అధికంగా ఉంది. దీన్ని దృష్టిలో ఉంచుకుని బోరివలి-బీకేసీ, బోరివలిలోని ఠాకూర్ కాంప్లెక్స్-బీకేసీ ఇలా రెండు ప్రాంతాల నుంచి ఉదయం, సాయంత్రం రెండు ట్రిప్పుల చొప్పున బస్సులు నడుపుతోంది. కాని ప్రారంభం నుంచి ఈ బస్సులకు ఉద్యోగుల నుంచి ఆదరణ కరువైంది.
  
 కాగా ఈ బస్సులు ఉదయం కొందరు ఉద్యోగుల ఆఫీస్ వేళలకు అనుకూలంగా లేకపోవడం ఒక కారణమైతే, సాయంత్రం ఉద్యోగులందరూ ఒకేసారి ఆఫీస్ నుంచి బయటపడరు. దీంతో కొద్దిమంది ప్రయాణికులు ఉన్నప్పటికీ నిర్దేశించిన సమయం ప్రకారం ఈ బస్సులు బయలుదేరక తప్పడం లేదు. ఎక్కువ ఆలస్యం చేస్తే అందులో ఉన్న ఆ కొద్దిపాటి ప్రయాణికులు కూడా బస్సు దిగి వెళ్లిపోయే ప్రమాదం ఉంది. దీంతో గత్యంతరం లేక 45 మంది సామర్థ్యం ఉన్న బస్సులో 10-15 మంది ప్రయాణికులున్నప్పటికీ తీసుకెళ్లక తప్పడం లేదు.
  
 దీంతో అధికారులు ప్రయాణికుల సంఖ్య పెంచేందుకు వేళల్లో మార్పులు చేసి చూశారు. తర్వాత ప్రారంభంలో రూ. 130 కేటాయించిన చార్జీలను రూ. 100కు తగ్గించారు. అయినప్పటికీ కలెక్షన్లు రావడం లేదు. దాదాపు రూ.70 లక్షలు ఖరీదుచేసే ఒక్కో బస్సుకు ఉదయం, సాయంత్రం ట్రిప్పుల్లో కేవలం రూ.ఏడు వేలు మాత్రమే ఆదాయం రావడం సంస్థను ఆవేదనకు గురిచేస్తోంది. అదే దాదర్-పుణే, ఠాణే-పుణే రూట్లలో తిరిగే బస్సుల్లో ఏకంగా రూ. 50-70 లక్షలకుపైగా ఆదాయం వస్తోందని ఆర్టీసీ సీనియర్ అధికారి ఒకరు చెప్పారు. 
  


 సాక్షి,బెంగళూరు: విద్యార్థులకు నాణ్యమైన విద్య అందించడానికి కార్పోరేట్ కంపెనీలు ముందుకు వస్తుండటం మంచి పరిణామమని సమాచార శాఖ మంత్రి సంతోష్‌లాడ్ అభిప్రాయపడ్డారు. కార్పోరేట్ సోషియల్ రెస్పాన్సిబులిటీ (సీఎస్‌ఆర్) చర్యల్లో భాగంగా డ్రీమ్‌జీకే, టీజీఎస్-ఈ కామ్ కంపెనీలు గురువారం ‘ప్రభుత్వ పాఠశాల-డిజిటల్ పాఠాలు’ కార్యక్రమాన్ని ప్రారంభించాయి. ధార్వాడలోని ప్రభుత్వ పాఠశాలలో జరిగిన ఈ కార్యక్రమంలో మంత్రి సంతోష్‌లాడ్ పాల్గొని మాట్లాడారు.
 
 విద్యార్థులందరికి నాణ్యమైన విద్య అందించడం ప్రభుత్వం వల్లే మాత్రమే సాధ్యం కాదన్నారు. కార్పోరేట్ సంస్థలు కూడా ముందుకు రావాల్సి ఉందన్నారు. అయితే రాష్ట్రంలో చాలా కంపెనీలు తమ వంతు సాయంగా నాణ్యమైన విద్య అభివృద్ధి కోసం సహకారం అందిస్తుండటం ఆహ్వానించదగిన పరిమాణమన్నారు. గత రెండుమూడేళ్ల నుంచి ఈ సంప్రదాయం పెరగడం ఆనందంగా ఉందన్నారు. ఇలాంటి సంస్థల సహకారంతో ప్రభుత్వ పాఠశాలల్లో మౌలికసదుపాయలు పెంచడమే కాకుండా అత్యాధునిక సాంకేతిక పరిజ్ఞానం సహాయంతో విద్యార్థులు బోధనా తరగతులు నిర్వహించడానికి వీలవుతుందన్నారు. అన ంతరం సంస్థ ప్రతినిధులు మన్‌దీప్ కౌర్, సచిన్‌నాయక్ మాట్లాడుతూ...
 
 ఈఏడాది ధార్వాడలోని 50 పాఠశాలలకు 50 ప్రొజెక్టర్లు,  స్క్రీన్‌లతో పాటు ఎంపిక చేసిన విద్యార్థులకు 500 ల్యాప్‌టాప్‌లు, 500 టాబ్లెట్‌లను అందజేయనున్నామన్నారు. తద్వారా ప్రభుత్వ పాఠశాల విద్యార్థులు కూడా కార్పోరేట్ పాఠశాల స్థాయి విద్యాబోధనను అందుకోవడానికి వీలవుతుందని వారు అభిప్రాయపడ్డారు. కార్యక్రమంలో స్థానిక ఎమ్మెల్యే విన్‌కులకర్ణి తదితరులు పాల్గొన్నారు.
  


  న్యూఢిల్లీ: కార్పొరేషన్ పాఠశాలల్లో విద్యా నాణ్యతను పెంచాలనే ఉద్దేశంతో దక్షిణ ఢిల్లీ మున్సిపల్ కార్పొరేషన్(ఎస్‌డీఎంసీ) ఓ బృహత్తర పథకానికి రూపకల్పన చేస్తోంది. కార్పొరేషన్ పాఠశాలలను వివిధ స్వచ్ఛంద సంస్థలకు, కార్పొరేట్ సంస్థలకు, ప్రైవేటు పాఠశాలలకు దత్తత ఇవ్వాలని యోచిస్తోంది. ప్రతిపాదన దశలో ఉన్న పథకానికి ఇప్పటికే మంచి స్పందన కనిపిస్తోందని సంబంధిత అధికారి ఒకరు తెలిపారు. కొన్ని సంస్థలు ఈ విషయమై తమను సంప్రదించాయని, కార్పొరేషన్ పాఠశాలలను దత్తత తీసుకునేందుకు ఆసక్తి కనబర్చాయన్నారు.
  
  ‘ఈ పథకం ద్వారా కార్పొరేషన్ పాఠశాలల్లో విద్యానాణ్యత పెరుగుతుంది. ప్రైవేటు పాఠశాలలకు ధీటుగా ప్రభుత్వ పాఠశాలలను కూడా నిర్వహించడం వీలుపడుతుంది. దత్తత తీసుకున్న సంస్థలు పాఠశాల పూర్తి నిర్వహణ బాధ్యతను తీసుకుంటాయి. కార్పొరేషన్ తరఫు నుంచి  పుస్తకాలు, భోజనం వంటి కనీస వసతులు సమకూరుస్తాం. అయితే ఈ పథకానికి సంబంధించి విధివిధానాలు ఇంకా రూపొందించలేద’ని ఎస్‌డీఎంసీలో బీజేపీ కౌన్సిలర్, ఎడ్యుకేషన్ కమిటీ చైర్మన్ సతీశ్ ఉపాధ్యాయ్ తెలిపారు. నగరంలోని స్వచ్ఛంద సంస్థలు, కార్పొరేట్ సంస్థలు ఈ విషయంలో తమవంతు సహకారాన్ని అందించేందుకు సిద్ధంగా ఉన్నట్లు సమాచారం పంపాయని సతీశ్ తెలిపారు. ముంబైలోని పలు సంస్థలు ఇప్పటికే ఇటువంటి పద్ధతిలో ప్రభుత్వ పాఠశాలలను దత్తతకు తీసుకొని, నిర్వహిస్తున్నాయని చెప్పారు. అయితే ఢిల్లీలో మాత్రం తొలిసారిగా ఈ పథకాన్ని ఎస్‌డీఎంసీ ప్రవేశపెట్టాలని యోచిస్తోంది.
  
  ఇదిలా ఉండగా దక్షిణ ఢిల్లీ మున్సిపల్ కార్పొరేషన్ పరిధిలో మొత్తం 588 పాఠశాలలు ఉండగా అందులో యాభై శాతం పాఠశాలలకు ఈ పథకాన్ని వర్తింపజేయాలని యోచిస్తున్నట్లు సమాచారం. మెరుగైన మౌలిక సదుపాయాలు ఉండి, విద్యానాణ్యత తక్కువగా ఉన్న పాఠశాలలను ఈ పథకం కింద ఎంపిక చేయాలని భావిస్తున్నట్లు సంబంధిత అధికారి ఒకరు తెలిపారు. కొన్ని పాఠశాలల్లో వెయ్యిమంది విద్యార్థులకు సరిపడా మౌలిక సదుపాయాలు ఉండగా అందులో కేవలం 100-150 మంది విద్యార్థులే ఉంటున్నారని, దీంతో వెచ్చించిన సొమ్ము వృథా అవుతోందని, వందశాతం వినియోగించుకోవాలనే ఉద్దేశంతోనే ఈ దత్తత పథకానికి రూపకల్పన చేశామన్నారు. కార్పొరేషన్‌కు చెందిన పాఠశాలల్లో ఒకరిద్దరు టీచర్లు మాత్రమే ఉన్న పాఠశాలలు ఎన్నో ఉన్నాయని,  అటువంటి పాఠశాలలు దత్తత పథకానికి ఎంపికైతే ఆ టీచర్లను ఇతర పాఠశాలలకు బదిలీ చేస్తామని, తద్వారా మిగతా పాఠశాలల్లో కూడా విద్యానాణ్యత పెరిగే అవకాశముంటుందనే అభిప్రాయాన్ని వ్యక్తం చేశారు.