సాక్షి, హైద‌రాబాద్‌: ఎలాంటి ముందస్తు ప్రణాళికలు లేకుండా, సమగ్రమైన మాస్టర్‌ ప్లాన్‌ను రూపొందించకుండానే ఆగమేఘాల మీద హైదరాబాద్‌ మహానగరాభివృద్ధి సంస్థ (హెచ్‌ఎండీఏ)ను ట్రిపుల్‌ ఆర్‌ వరకు విస్తరిస్తూ తెచ్చిన జీఓ.. రియల్‌ ఎస్టేట్‌ (Real Estate) రంగాన్ని కుదేలు చేసేలా మారింది. నిర్మాణ రంగం కూడా మరింత బలహీన పడే పరిస్థితి నెలకొంది. ఇంచుమించు ఏడాదిన్నరగా చతికిల పడ్డ ‘రియల్‌ భూమ్‌’ను ఇది మరింత భూస్థాపితం చేసేలా మారిందని నిర్మాణరంగ నిపుణులు భావిస్తున్నారు.తెలంగాణ రాష్ట్రం (Telangana State) ఆవిర్భవించినప్పటి నుంచి రియల్‌ ఎస్టేట్, నిర్మాణ రంగాల నుంచే ప్రభుత్వ ఖజానాకు అత్యధిక ఆదాయం లభించింది. నగరం చుట్టుపక్కల ఉన్న భూములు బంగారం కంటే ప్రియంగా మారాయి. అపార్ట్‌మెంట్‌లు, బహుళ అంతస్తుల భవనాలు పెద్ద ఎత్తున ఏర్పాటయ్యాయి. హెచ్‌ఎండీఏ (HMDA) భూములకు సైతం భారీ డిమాండ్‌ వచ్చింది. ఔటర్‌ రింగ్‌ రోడ్డు (Outer ring road) పరిధిలో ఎక్కడ హెచ్‌ఎండీఏ భూములను అమ్మకానికి పెట్టినా రూ.వందల కోట్ల ఆదాయం లభించింది. కానీ.. కాంగ్రెస్‌ అధికారంలోకి వచ్చిన తర్వాత చోటుచేసుకుంటున్న పరిణామాలతో రియల్‌ రంగం వెనుకంజ వేసింది. ఈ క్రమంలో హెచ్‌ఎండీఏ విస్తరణతో తిరిగి కొంత రియల్‌ భూమ్‌ రావచ్చని మొదట్లో భావించారు. కానీ.. ఏ విధమైన ప్రణాళికలు, విధి విధానాలు లేకుండానే ఆకస్మికంగా జీఓ తేవడంతో అనుమతులు ఎక్కడివక్కడే నిలిచిపోయాయి. ముఖ్యంగా ఇప్పటి వరకు డైరెక్టరేట్‌ ఆఫ్‌ టౌన్‌ప్లానింగ్‌ అండ్‌ కంట్రీ ప్లానింగ్‌ (డీటీసీపీ) నుంచి లభించే అనుమతులకు తాజాగా బ్రేక్‌ పడింది. దీంతో తీవ్ర గందరగోళం నెలకొంది.అనుమతులు ఇచ్చేదెవరు? ఇప్పటికే డీటీసీపీ పరిధిలో భూములు కొనుగోలు చేసి లేఅవుట్‌ అనుమతుల కోసం ఎదురుచూస్తున్న రియల్టర్లకు ఎలాంటి సమాధానం లభించడం లేదు. ప్రస్తుతం లే అవుట్‌ అనుమతుల అంశం తమ పరిధిలో లేదంటూ డీటీసీపీ (DTCP) అధికారులు చేతులెత్తేస్తున్నారు. దీంతో వివిధ ప్రాంతాలకు చెందిన నిర్మాణదారులు రెండు, మూడు రోజులుగా హెచ్‌ఎండీఏకు తరలివస్తున్నారు. కానీ.. హెచ్‌ఎండీఏలో సైతం చుక్కెదురే కావడం గమనార్హం. ట్రిపుల్‌ ఆర్‌ వరకు తమ పరిధి పెరిగినప్పటికీ ఇంకా ఎలాంటి విధివిధానాలు రాలేదని చెబుతున్నారు.మరోవైపు కొత్త మాస్టర్‌ప్లాన్‌ వస్తే తాము అనుమతులు ఇవ్వలేమంటున్నారు. దీంతో రియల్టర్లు, వ్యాపార వర్గాలు, ఆర్కిటెక్టర్లు తదితర వర్గాలు ఆందోళనకు గురవుతున్నాయి. ‘అనుమతుల కోసం కొంత కాలం ఆగాల్సిందేనంటున్నారు. కానీ.. ఎంతకాలం అనే దానిపై స్పష్టత లేకుండాపోయింది. పైగా మాస్టర్‌ ప్లాన్‌ లేకుండా అనుమతులను ఇవ్వడం కూడా సాధ్యం కాదు. రియల్‌ ఎస్టేట్‌ వ్యాపారానికి ఇది నష్టదాయకంగా మారింది’ అని కందుకూరు ప్రాంతానికి చెందిన రియల్టర్‌ ఒకరు విస్మయం వ్యక్తం చేశారు. మరోవైపు బ్యాంకుల నుంచి, ఇతరత్రా రుణాలు తీసుకుని భూములు కొనుగోలు చేసిన వ్యాపారుల భవితవ్యం ప్రశ్నార్థకంగా మారింది.మాస్టర్‌ప్లాన్‌కు మరో ఏడాది.. మొత్తం తెలంగాణ ప్రాంతాన్ని మూడు భాగాలుగా చేసి సమగ్రమైన మాస్టర్‌ ప్లాన్‌ను రూపొందించేందుకు ప్రభుత్వం ఏడాది క్రితం ప్రణాళికలు సిద్ధం చేసింది. ఔటర్‌రింగ్‌ రోడ్డు వరకు కోర్‌ అర్బన్‌గా, ఔటర్‌రింగ్‌ రోడ్డు నుంచి రీజనల్‌ రింగ్‌ రోడ్డు వరకు సెమీ అర్బన్‌గా, రీజినల్‌ రింగ్‌ రోడ్డు నుంచి మిగతా తెలంగాణ అంతా రూరల్‌గా పరిగణిస్తూ రీజినల్‌ రింగ్‌ రోడ్డు వరకు ప్రణాళికాబద్ధమైన అభివృద్ధి కోసం అంతర్జాతీయ ప్రమాణాలకు అనుగుణంగా సమగ్రమైన మాస్టర్‌ప్లాన్‌– 2050ని రూపొందించాల్సి ఉంది. కానీ.. ఈ దిశగా ఇప్పటి వరకు ఎలాంటి చర్యలూ చేపట్టలేదు.చ‌ద‌వండి: ఎల్‌ఆర్‌ఎస్‌తో తిప్పలు.. దరఖాస్తుదారులకు చుక్కలు మాస్టర్‌ప్లాన్‌ (Mastar Plan) రూపకల్పన కోసం ఆసక్తి గల అంతర్జాతీయ సంస్థల నుంచి రిక్వెస్ట్‌ ప్రపోజల్స్‌ను ఆహ్వానించేందుకు త్వరలో నోటిఫికేషన్‌ ఇవ్వనున్నట్లు హెచ్‌ఎండీఏ అధికారులు చెప్పారు. ఎంపిక చేసిన సంస్థ పూర్తిగా అధ్యయనం చేసి సమగ్రమైన మాస్టర్‌ప్లాన్‌ను సిద్ధం చేసేందుకు కనీసం ఏడాది సమయం పట్టవచ్చని అంచనా. మాస్టర్‌ ప్లాన్‌ సిద్ధమైతే తప్ప హెచ్‌ఎండీఏ నుంచి అనుమతులు లభించవు. అంటే అప్పటి వరకు ట్రిపుల్‌ ఆర్‌ వరకు అన్ని రకాల నిర్మాణాలు, లే అవుట్‌లు, వెంచర్‌లు నిలిచిపోవాల్సిందేనా అనే సందేహం నెలకొంది. ఈ పరిణామం రియల్‌ ఎస్టేట్‌ భవిష్యత్‌ను మరోసారి ప్రశ్నార్థకంగా మార్చిందని ఆ రంగానికి చెందిన నిపుణులు అభిప్రాయపడుతున్నారు.పరిస్థితి అగమ్యగోచరం.. హైదరాబాద్‌ విస్తరణ పట్ల ఎలాంటి అభ్యంతరం లేదు. కానీ.. అసలు మాస్టర్‌ప్లాన్‌ లేకుండానే విస్తరణ జీఓ ఇవ్వడం వల్ల స్పష్టత లేకుండా పోయింది. రియల్‌ ఎస్టేట్‌ రంగం పరిస్థితి అగమ్యగోచరంగా మారింది. ఈ రంగానికే కాదు హైదరాబాద్‌ అభివృద్ధికి కూడా ఇది నష్టమే. – సత్యనారాయణ చిట్టి, రియల్‌ ఎస్టేట్‌ నిపుణులు

సాక్షి, హైదరాబాద్‌: రాష్ట్ర బడ్జెట్‌ను వచ్చేనెల ప్రవేశపెట్టనున్న నేపథ్యంలో డిప్యూటీ సీఎం భట్టి విక్రమార్క ప్రీ బడ్జెట్‌ సమావేశాలను చేపట్టారు. గురువారం సచివాలయంలో ఆయా శాఖలకు కేటాయింపులకు సంబంధించి రహదారు లు – భవనాలు, బీసీ సంక్షేమ శాఖల మంత్రులు, అధికారు లతో సమావేశమయ్యారు, ఆర్‌అండ్‌బీకి సంబంధించి ఆర్‌ఆర్‌ఆర్‌ నిర్మాణ పనులను వేగవంతం చేయాలని భట్టి, ఆర్‌అండ్‌బీ శాఖ మంత్రి కోమటిరెడ్డి వెంకట్‌రెడ్డి అధికా రులను ఆదేశించారు. రీజినల్‌ రింగ్‌ రోడ్డు సవివర ప్రాజెక్టు నివేదిక (డీపీఆర్‌) 3డి డిజైన్లు వంటి పనులను సత్వరం పూర్తిచేయాలని, ఎలాంటి నిధుల కొరత లేదని స్పష్టం చేశా రు.ఎంత వేగంగా పనులు చేపడితే అంత వేగంగా నిధులు మంజూరు చేస్తామని భట్టి అధికారులకు భరోసా ఇచ్చారు. రాష్ట్రవ్యాప్తంగా ఆర్‌అండ్‌బీ శాఖకు ఉన్న ఆస్తులపై నివేదిక రూపొందించాలని, విలువైన ఆస్తులు అన్యాక్రాంతం కాకుండా చర్యలు చేపట్టాలని సూచించారు. జిల్లా కేంద్రాల నుంచి రాష్ట్ర రాజధానికి వచ్చే రహదారులు పూర్తిస్థాయిలో అభివృద్ధి చేయాలని కోరారు. ఎస్సీ, ఎస్టీ సబ్‌ ప్లాన్‌ చట్టం మేరకు రోడ్లు, భవనాల శాఖ అధికారులు పనులు చేపట్టి నిధులు సద్వినియోగం చేయాలని ఆదేశించారు.కొత్త ఎయిర్‌ పోర్టుల నిర్మాణానికి ఆర్‌అండ్‌బీ శాఖ విస్తృతంగా ఏర్పాట్లు చేస్తున్న క్రమంలో ఏవియేషన్‌ రంగానికి తగిన ప్రోత్సాహం అందిస్తామని మంత్రులు తెలిపారు. సమావేశంలో స్పెషల్‌ చీఫ్‌ సెక్రటరీలు రామకృష్ణారావు, వికాస్‌రాజ్, డిప్యూటీ సీ ఎం స్పెషల్‌ సెక్రటరీ కృష్ణ భాస్కర్, సెక్రటరీ దాసరి హరిచందన, ఆర్థిక శాఖ సెక్రటరీ హరిత తదితరులు పాల్గొన్నారు.హాస్టళ్ల, గురుకులాల బకాయిలు చెల్లిస్తాం..అద్దె భవనాల్లో కొనసాగుతున్న సంక్షేమ హాస్టళ్ల, గురుకులాల అద్దె బకాయిలు వెంటనే చెల్లిస్తామని అందుకు, ప్రతిపాదనలు తీసుకురావాలని అధికారులకు డిప్యూటీ సీఎం సూచించారు. సచివాలయంలో మంత్రి పొన్నం ప్రభాకర్‌తో కలిసి ప్రీబడ్జెట్‌ సమావేశం నిర్వహించారు. బీసీ స్టడీ సెంటర్లు ఉద్యోగ కల్పన కేంద్రాలుగా ఉండాలని భట్టి అధికారులను ఆదేశించారు. తెలంగాణ పబ్లిక్‌ సర్వీస్‌ కమిషన్‌ జాబ్‌ క్యాలెండర్‌ను అనుసరించి స్టడీ సెంటర్లలో కోచింగ్‌ నిర్వహించాలని కోరారు.డీఎస్సీ, బ్యాంకింగ్‌ వంటి పరీక్షలపైన దృష్టి సారించాలని ఆదేశించారు. ఆర్టీసీలో ఎలక్ట్రికల్‌ బస్సుల కొనుగోలు.. వాటి నిర్వహణకు అవసరమైన చార్జింగ్‌ స్టేషన్ల ఏర్పాటుపై కూడా సమావేశంలో చర్చించారు. ఆర్టీసీ ఆస్తులు, నిర్వహణ, ఆదాయ వనరులపై మంత్రులు అధికారులను అడిగారు. సమావేశంలో బీసీ సంక్షేమ శాఖ ప్రిన్సిపల్‌ సెక్రటరీ శ్రీధర్, ఆర్టీసీ ఎండీ సజ్జనార్, రవాణా శాఖ కమిషనర్‌ సురేంద్ర మోహన్‌ తదితరులు పాల్గొన్నారు.

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో ఆర్‌ఆర్‌ఆర్‌ – బిహైండ్‌ అండ్‌ బియాండ్‌ ఒకటి. ఈ డాక్యుమెంటరీ గురించి తెలుసుకుందాం.తన ఉనికిని తెలిపేందుకు ఓ గదిలో నలుగురు ముందు చప్పట్లు కొడితే ఆ నలుగురికి తన విషయం తెలియవచ్చు. కానీ అదే ఉనికి ప్రపంచానికి తెలియాలంటే సరిగ్గా రాజమౌళిలా ఆలోచించాలి. భారతదేశానికి ఒకప్పుడు సినిమా ప్రమోషన్‌ను ఓ వినూత్న పంథాలో పరిచయం చేసిన బాలీవుడ్‌ దిగ్గజం అమిర్‌ ఖాన్‌ కూడా తాను ఈ విషయంలో రాజమౌళినే ఫాలో అవుతాననడం దీనికి ఓ నిదర్శనం. చరిత్ర అనేది రాజమౌళి ముందు ఉన్నది తరువాత ఉంటుంది, కానీ ఆ చరిత్రలో రాజమౌళికి ఓ చెరగని పేజీ ఉంటుందనేది మాత్రం నిర్వివాదాంశం.తెలుగు సినిమా వైభవాన్ని ఎన్నో అంతర్జాతీయ వేదికలపైన నిలిపిన శిల్పి రాజమౌళి. మరీ ముఖ్యంగా తెలుగు సినిమాకి ఆస్కారమే లేదన్న ఆస్కార్‌ పురస్కారాన్ని అద్భుతంగా అందించిన అత్యున్నత దర్శకులు రాజమౌళి. తన సినిమా అంటేనే ఓ సంచలనం. మరి... ఆ సంచలనం వెనకున్న సీక్రెట్‌ తెలుసుకోవాలని ప్రతి దర్శకుడితో పాటు సామాన్య ప్రేక్షకుడికి కూడా ఆసక్తి ఉంటుంది. ఆ కోవలోనే రాజమౌళి తీసిన ‘ఆర్‌ఆర్‌ఆర్‌’ సినిమాకి సంబంధించిన తన కష్టాన్ని ఓ చక్కటి డాక్యుమెంటరీ రూపంలో ‘ఆర్‌ఆర్‌ఆర్‌ – బిహైండ్‌ అండ్‌ బియాండ్‌’ పేరిట నెట్‌ఫ్లిక్స్‌లో అందుబాటులో ఉంచారు.దాదాపు రెండున్నర గంటల పై నిడివి ఉన్న ‘ఆర్‌ఆర్‌ఆర్‌’ సినిమాను నాలుగేళ్ల పాటు తీశారు. ఈ డాక్యుమెంటరీలో ఆ సినిమా మొత్తాన్ని ఎలా తీశారో రాజమౌళి వ్యాఖ్యానంతో పాటు సినిమాలోని నటీనటులు టెక్నీషియన్్స కూడా వివరిస్తూ చూపించడం ఎంతో బాగుంది. తన ఈ ‘ఆర్‌ఆర్‌ఆర్‌’ ప్రయాణానికి సంబంధించి ఎన్నో తెలియని, చూడని అద్భుత విషయాలను ప్రేక్షకులకు అందంగా అందించారు. ఇక్కడ ఇంకో విషయం చెప్పుకోవాలి... ఈ డాక్యుమెంటరీకి సంబంధించిన ఫుటేజ్‌ కొన్ని గంటల రూపంలో ఉంటే దానిని ఎడిట్‌ చేసి, గంటన్నర నిడివితో అందించారట. ఈ సమాజమనేది ఓ సృష్టి.ప్రతిరోజూ మన మనుగడ ఈ సృష్టికి అనుగుణంగానే ఉంటుంది. ఓ రకంగా సినిమా అన్నది కూడా ఓ సృష్టే. ఓ దర్శకుడి ఆలోచనకు ప్రతిరూపమే సినిమా అన్న ఓ అద్భుత సృష్టి, కానీ ఈ సినిమా సృష్టిలో ఎంతోమంది కష్టం ఉంటుంది. మరి... అటువంటి సినిమాను ఏ విధంగా రూపొందించారో ఆ రహస్యాలు మీరు కూడా తెలుసుకోవాలంటే నెట్‌ఫ్లిక్స్‌లో స్ట్రీమ్‌ అవుతున్న ‘ఆర్‌ఆర్‌ఆర్‌ – బిహైండ్‌ అండ్‌ బియాండ్‌’ని చూసేయండి. వర్త్‌ టు వాచ్‌ అండ్‌ ప్రిజర్వ్‌ ద డాక్యుమెంటరీ ఫర్‌ ది ఫ్యూచర్‌ కిడ్స్‌. – ఇంటూరు హరికృష్ణ

బాక్సాఫీస్ వద్ద పుష్పరాజ్ హవా కొనసాగుతోంది. ఈనెల 5న థియేటర్లలోకి పుష్ప-2 సరికొత్త రికార్డులు సృష్టిస్తూ దూసుకెళ్తోంది. కేవలం ఆరు రోజుల్లోనే వెయ్యి కోట్ల మార్కు దాటేసిన పుష్ప-2 తాజాగా మరో రికార్డ్ క్రియేట్ చేసింది. విడుదలైన 11 రోజుల్లోనే రూ.1400 కోట్ల మార్క్‌ను అధిగమించింది.సుకుమార్‌- బన్నీ కాంబోలో వచ్చిన ఈ సినిమా నార్త్‌లోనూ తగ్గేదేలే అంటోంది. రిలీజైన మొదటి రోజు నుంచే రికార్డులు తిరగరాస్తోంది. ఇప్పటివరకు హిందీలో ఎప్పుడు లేని విధంగా రూ.561 కోట్లకు పైగా నెట్ వసూళ్లు రాబట్టింది. దీంతో హిందీలో అత్యధిక వసూళ్లు రాబట్టిన తొలి డబ్బింగ్‌ మూవీగా నిలిచింది. అంతే కాకుండా రెండోవారం వీకెండ్‌లో రూ.100 కోట్ల సాధించిన తొలి హిందీ చిత్రంగా ఘనతను సొంతం చేసుకుంది. ‍(ఇది చదవండి: పుష్ప2 'పీలింగ్స్‌' సాంగ్‌ వీడియో విడుదల)కేజీఎఫ్-2, ఆర్ఆర్ఆర్ రికార్డ్స్‌ బ్రేక్..ప్రపంచవ్యాప్తంగా కేజీఎఫ్-2 సాధించిన రికార్డ్‌ను పుష్ప-2 దాటేసింది. కేజీఎఫ్-2 లైఫ్ టైమ్ కలెక్షన్స్‌ను కేవలం పదిరోజుల్లోనే అధిగమించింది. అంతేకాకుండా రాజమౌళి బ్లాక్‌బస్టర్ మూవీ ఆర్ఆర్ఆర్ (రూ.1309) కోట్ల రికార్డ్‌ను సైతం తుడిచిపెట్టేసింది. అయితే అల్లు అర్జున్‌ అరెస్ట్ తర్వాత మూవీ వసూళ్లు మరింత పెరిగినట్లు తెలుస్తోంది. The BIGGEST INDIAN FILM is on a rampage at the box office ❤‍🔥#Pushpa2TheRule grosses 1409 CRORES GROSS WORLDWIDE in 11 days 💥💥💥Book your tickets now!🎟️ https://t.co/eJusnmNS6Y#Pushpa2#WildFirePushpaIcon Star @alluarjun @iamRashmika @aryasukku #FahadhFaasil… pic.twitter.com/bWbwb50sj4— Pushpa (@PushpaMovie) December 16, 2024

సాక్షి, హైదరాబాద్‌: రీజినల్‌ రింగు రోడ్డు (ట్రిపుల్‌ ఆర్‌) ఉత్తర భాగంలో భూములు కోల్పోతున్నవారికి న్యాయం చేస్తామని సీఎం రేవంత్‌ రెడ్డి, కాంగ్రెస్‌ ఎంపీ ప్రియాంకగాంధీ ఇచ్చిన హామీని నిలబెట్టుకోవాలని మాజీ మంత్రి హరీశ్‌రావు డిమాండ్‌ చేశారు. రింగ్‌రోడ్డు కోసం చౌటుప్పల్‌ జంక్షన్‌ వద్ద 184 ఎకరాల భూమిని సేకరిస్తున్నారని.. ఆ భూములు, ఇళ్ల స్థలాలకు ప్రభుత్వం ఇస్తున్న పరిహారం ఏ మాత్రం సరిపోదని తెలిపారు. ట్రిపుల్‌ ఆర్‌ బాధిత రైతులు శనివారం హరీశ్‌ రావును ఆయన నివాసంలో కలిసి తమ సమస్యలను వివరించారు.ఈ సందర్భంగా హరీశ్‌రావు మాట్లాడుతూ.. రైతులకు న్యాయమైన పరిహారం చెల్లించిన తర్వాత వారి అంగీకారంతోనే భూ సేకరణ జరపాలని ప్రభుత్వాన్ని డిమాండ్‌ చేశారు. ఈ నెల 26న దివ్యాంగుల హక్కుల పోరాట సమితి నిర్వహించే మహాధర్నాకు రావాల్సిందిగా ఆ సంస్థ ప్రతినిధులు శనివారం హరీశ్‌రావును కలిసి ఆహ్వానించారు. వారి సమస్యలపై కూడా పోరాడుతామని ఆయన హామీ ఇచ్చారు. అడ్డగోలు హామీలిచ్చి అధికారంలోకి వచ్చిన కాంగ్రెస్, దివ్యాంగులను నమ్మించి మోసం చేసిందని విమర్శించారు. అధికారంలోకి వచ్చిన వెంటనే పెన్షన్‌ను రూ.4 వేల నుంచి రూ.6 వేలకు పెంచుతామని ప్రకటించి.. ఏడాది అవుతున్నా పట్టించుకోవటం లేదని మండిపడ్డారు. కాంగ్రెస్‌ ఎన్నికల హామీలు అమలు చేసేంత వరకు బీఆర్‌ఎస్‌ పోరాడుతుందని ప్రకటించారు.

మూసీ సుందరీకరణ, మెట్రో విస్తరణ, రీజినల్‌ రింగ్‌ రోడ్డు, ఫ్యూచర్‌ సిటీ.. హైదరాబాద్‌ స్థిరాస్తి రంగాన్ని నెక్ట్స్‌ లెవల్‌కు తీసుకెళ్లడం ఖాయం. ఈ బృహత్తర ప్రాజెక్ట్‌లు వచ్చే ఏడాదిలో ప్రారంభమవుతాయి. దీంతో రియల్‌ ఎస్టేట్‌ మార్కెట్‌ మళ్లీ పూర్వవైభవాన్ని సంతరించుకుంటుందని భారత స్థిరాస్తి డెవలపర్ల సమాఖ్య(క్రెడాయ్‌) జాతీయ కార్యదర్శి గుమ్మి రాంరెడ్డి అన్నారు. ‘సాక్షి రియల్టీ’తో ఆయన ఇంటర్వ్యూ విశేషాలివీ.. –సాక్షి, సిటీబ్యూరోప్రభుత్వ ఆస్తులు, జలాశయాల రక్షణ కోసం ఏర్పాటైన హైడ్రా అవసరమే. కానీ, దాన్ని కార్యరూపంలోకి తీసుకొచ్చిన తీరే గందరగోళాన్ని సృష్టించింది. హైడ్రా ప్రభావం ప్రాజెక్ట్‌లపై కంటే కస్టమర్ల సెంటిమెంట్‌పై ఎక్కువ ప్రభావం చూపించింది. రియల్టీ మార్కెట్‌ సైకిల్‌ వ్యవస్థ. వరుస ఎన్నికలు, కొత్త ప్రభుత్వ విధానాల అమలులో జాప్యం, అధిక సరఫరా కారణంగా 2024లో రియల్టీ మార్కెట్‌ స్తబ్దుగానే ఉంది. కానీ, ఇప్పుడు ప్రభుత్వం శరవేగంగా అడుగులు వేస్తోంది.ఇప్పటికే మూసీలోని అక్రమ నిర్మాణాలు, నిర్వాసితులకు పరిహారం తదితర అంశాలపై హైకోర్టు నుంచి అడ్డంకులు కూడా తొలగాయి. దీంతో మూసీ పునరుజ్జీవానికి ప్రభుత్వం ముందడుగులు వేస్తోంది. రెండోదశ మెట్రో విస్తరణ పనులను జనవరి నుంచి ప్రారంభించాలని నిర్ణయించారు. ట్రిపుల్‌ ఆర్‌ నిర్మాణం, 14 వేల ఎకరాల్లోని ఫ్యూచర్‌ సిటీలను ప్రభుత్వం ప్రతిపాదించింది. ఆయా ప్రాజెక్ట్‌లతో నగరం మరింత అభివృద్ధి చెందడంతోపాటు కొత్త మార్గాలు, ప్రాంతాల్లో రియల్‌ అవకాశాలు మెరుగవుతాయి. పెద్ద ఎత్తున పెట్టుబడులు వస్తాయి.లుక్‌ ఆల్‌ డైరెక్షన్స్‌.. ఏ నగరమైనా సమాంతరంగా అభివృద్ధి చెందాలి. కానీ, మౌలిక వసతుల కల్పనలో హెచ్చుతగ్గుల కారణంగా అభివృద్ధి కొన్ని ప్రాంతాలకే పరిమితమైంది. దీంతో హైదరాబాద్‌లో వెస్ట్, సౌత్‌ జోన్‌లో భూముల ధరలు బాగా పెరిగాయి. అందుబాటు ధర లేదు. సామాన్యుడు ఇల్లు కొనే పరిస్థితి లేదు. అందుకే పాలసీల్లో కొన్ని మార్పులు తేవాలి. ఔటర్‌ గ్రోత్‌ కారిడార్‌ను అభివృద్ధి చేస్తే ప్రతి ఒక్కరికీ సొంతింటి కల సాకారమవుతుంది. అక్కడ భూముల ధరలు తక్కువగా ఉన్నాయి. గత ప్రభుత్వం లుక్‌ ఈస్ట్‌ పాలసీని తీసుకొచ్చింది. కానీ, కార్యరూపం దాల్చలేదు. ఈ ప్రభుత్వం లుక్‌ ఆల్‌ డైరెక్షన్‌ అమలు చేయాలి. రింగ్‌రోడ్డు చుట్టూ మొత్తం గ్రిడ్‌ రోడ్లు వేస్తే అక్కడ బ్రహ్మాండమైన అభివృద్ధి జరిగి సామాన్యుడికి సొంతింటి కలను సాకారం చేసుకునే అవకాశాలు మెరుగవుతాయి.పెట్టుబడులకు సౌత్‌ బెటర్‌.. కోకాపేట, ఫైనాన్షియల్‌ డిస్ట్రిక్ట్, రాయదుర్గం వంటి పశ్చిమ ప్రాంతాల్లో స్థలాల ధరలు ఆకాశంలో ఉన్నాయి. ఇక్కడ సామాన్యులు కొనే పరిస్థితి లేదు. రేవంత్‌ ప్రభుత్వం కొత్త విధానాలు, అభివృద్ధి పనులతో వచ్చే ఏడాది కొత్తూరు, షాద్‌నగర్, ఆదిభట్ల, ముచ్చర్ల వంటి దక్షిణ ప్రాంతాలు బాగా అభివృద్ధి అవుతాయి. ఇప్పుడు ఆయా ప్రాంతాల్లో ధరలు తక్కువగా ఉన్నందున సామాన్య, మధ్యతరగతి వారు స్థలాలు కొనుగోలు చేయడం ఉత్తమం. వెస్ట్‌ జోన్‌లో అపార్ట్‌మెంట్‌ కొనే ధరకే చ.అ.కు రూ.7–9 వేలకే సౌత్‌లో విల్లా వస్తుంది. అంతేకాకుండా ఓఆర్‌ఆర్‌తో ప్రధాన నగరం నుంచి 30–40 నిమిషాల ప్రయాణ వ్యవధిలోనే సౌత్‌కు చేరుకోవచ్చు.

‘ఆర్‌ఆర్‌ఆర్‌’ సినిమాకు అరుదైన గౌరవం లభించింది. దాదాపు 150 సంవత్సరాల చరిత్ర కలిగిన లండన్‌లోని ఐకానిక్‌ రాయల్‌ ఆల్బర్ట్‌ సినిమా హాల్‌లో ‘ఆర్‌ఆర్‌ఆర్‌’ చిత్రం ప్రదర్శితం కానుంది. వచ్చే ఏడాది మే 11న ఈ మూవీ స్క్రీనింగ్‌ ఉంటుందని ‘ఆర్‌ఆర్‌ఆర్‌’ యూనిట్‌ ప్రకటించింది. అలాగే ఈ కార్యక్రమంలో రాయల్‌ ఫిల్‌ హార్మోనిక్‌ ఆర్కెస్ట్రాతో ‘ఆర్‌ఆర్‌ఆర్‌’ చిత్ర సంగీత దర్శకుడు ఎమ్‌ఎమ్‌ కీరవాణి లైవ్‌ కన్సర్ట్‌ ఇవ్వనున్నారు.కాగా ఎన్టీఆర్, రామ్‌చరణ్‌ హీరోలుగా రాజమౌళి దర్శకత్వంలో రూపొందిన ‘ఆర్‌ఆర్‌ఆర్‌’ సినిమా 2022 మార్చి 25న విడుదలై బ్లాక్‌బస్టర్‌గా నిలిచింది. 95వ ఆస్కార్‌ అవార్డ్స్‌లో ‘బెస్ట్‌ ఒరిజినల్‌ సాంగ్‌’ విభాగంలో (నాటు నాటు పాటకు గాను) ఎమ్‌ఎమ్‌ కీరవాణి, లిరిక్‌ రైటర్‌ చంద్రబోస్‌ ఆస్కార్‌ అవార్డులు అందుకున్న సంగతి తెలిసిందే. పలు అంతర్జాతీయ, జాతీయ అవార్డులు కూడా లభించాయి. కాగా ప్రభాస్‌ హీరోగా రాజమౌళి దర్శకత్వం వహించిన ‘బాహుబలి: ది కన్‌క్లూజన్‌’ సినిమా ఐకానిక్‌ రాయల్‌ ఆల్బర్ట్‌ హాల్‌లో 2019లో ప్రదర్శితమైన విషయం తెలిసిందే.

యంగ్ టైగర్ జూనియర్ ఎన్టీఆర్ ఫ్యాన్స్ ఎంతో ఆసక్తిగా ఎదురుచూస్తోన్న చిత్రం దేవర పార్ట్-1. ఈ చిత్రానికి కొరటాల శివ దర్శకత్వం వహించారు. ఈ సినిమాతో బాలీవుడ్ భామ జాన్వీ కపూర్‌ టాలీవుడ్ ఎంట్రీ ఇస్తోంది. ఇప్పటికే షూటింగ్ పూర్తి చేసుకున్న ఈ చిత్రం సెప్టెంబర్‌ 27న థియేటర్లలో విడుదలవుతోంది.దీంతో దేవర టీమ్ మూవీ ప్రమోషన్స్ ప్రారంభించింది. ఇందులో భాగంగానే బాలీవుడ్‌ నిర్మాత కరణ్‌ జోహార్‌తో ఎన్టీఆర్‌ ఇంటర్వ్యూలో పాల్గొన్నారు. ఈ భేటీకి బాలీవుడ్ భామ ఆలియా భట్‌ కూడా హాజరైంది. దేవర కా జిగ్రా అంటూ జూనియర్‌తో ముచ్చటించారు ఆలియా, కరణ్ జోహార్‌. దీనికి సంబంధించిన ఫోటోను దేవర టీమ్ ట్విటర్‌లో పోస్ట్ చేసింది. జిగ్రా పేరుతో తెరకెక్కించిన చిత్రంలో ఆలియా భట్‌ కీలక పాత్ర పోషించారు. దీంతో ఓకేసారి రెండు చిత్రాలకు ప్రమోషన్స్‌ నిర్వంచినట్లైంది. దేవర కోసమే జిగ్రా రిలీజ్ తేదీని వాయిదా వేశారు మేకర్స్.కాగా.. దేవర ట్రైలర్‌ ఈ రోజు సాయంత్రమే విడుదల కానుంది. ట్రైలర్‌ కోసం ప్రపంచవ్యాప్తంగా ఎన్టీఆర్ ఫ్యాన్స్ ఎంతో ఆసక్తిగా ఎదురుచూస్తున్నారు. దేవర టీమ్ ఎప్పటికప్పుడు అప్డేట్స్‌ ఇస్తూనే వస్తోంది. మరికొద్దిసేపట్లోనే దేవర ట్రైలర్‌ అభిమానులను అలరించనుంది. ఈ చిత్రంలో సైఫ్ అలీ ఖాన్, ప్రకాశ్ రాజ్, శ్రీకాంత్, షైన్‌ టామ్‌చాకో కీలక పాత్రలు పోషిస్తున్నారు. #Devara ka #Jigra pic.twitter.com/zxtNLluw9u— Devara (@DevaraMovie) September 10, 2024

సాక్షి, హైదరాబాద్‌: హైదరాబాద్‌ ప్రగతిపై ఎంతో ప్రభావం చూపించే రీజినల్‌ రింగ్‌ రోడ్డు అలైన్‌మెంట్‌ మారుతోంది. జాతీయ రహదారుల ప్రాధికార సంస్థ (ఎన్‌హెచ్‌ఏఐ) ప్రణాళిక ప్రకారం దక్షిణ భాగం రింగ్‌రోడ్డు విస్తీర్ణం 189.25 కిలోమీటర్లు కాగా.. రాష్ట్ర ప్రభుత్వం తాజాగా ప్రాథమికంగా రూపొందించిన ప్రతిపాదన ప్రకారం దాని విస్తీర్ణం 194 కిలోమీటర్లకు పెరిగింది. ఆర్‌ఆర్‌ఆర్‌ ఉత్తర భాగం (సంగారెడ్డి–తూప్రాన్‌–చౌటుప్పల్‌) 158 కిలోమీటర్లు కాగా.. రాష్ట్ర ప్రభుత్వం తాజాగా రూపొందించిన అలైన్‌మెంట్‌ ప్రకారం 194 కిలోమీటర్ల వరకు పెరిగింది. ముఖ్యమంత్రి రేవంత్‌రెడ్డి ప్రాతినిధ్యం వహిస్తున్న వికారాబాద్‌ జిల్లాను కూడా కలుపుతూ దక్షిణ భాగం అలైన్‌మెంట్‌ రూపొందించినట్లు స్పష్టమవుతోంది. కొత్తగా కొన్ని గ్రామాలను కలపడం వల్ల విస్తీర్ణం పెరిగినట్లు అధికారవర్గాలు చెబుతున్నాయి. ఉత్తర భాగానికి సంబంధించిన భూ సేకరణ కార్యక్రమం కూడా దాదాపు పూర్తయింది. త్వరలోనే టెండర్లు పిలిచే అవకాశం ఉంది. కాగా దక్షిణ భాగం వైపు ఎన్‌హెచ్‌ఏఐ క్షేత్రస్థాయిలో సర్వే నిర్వహించి 189.25 కిలోమీటర్ల విస్తీర్ణంలో రహదారికి సంబంధించిన మ్యాప్‌లను సిద్ధం చేసింది. వాటిని ప్రభుత్వ ఆమోదానికి పంపించాల్సిన సమయంలోనే లోక్‌సభ ఎన్నికలు రావడంతో ఆగిపోయింది. ఈలోపు రాష్ట్ర ప్రభుత్వం దక్షిణ భాగం ఆర్‌ఆర్‌ఆర్‌ను తామే నిర్మించుకుంటామంటూ కేంద్ర ప్రభుత్వానికి లేఖ రాసినట్లు సమాచారం. అంతేకాక దక్షిణ భాగం ఆర్‌ఆర్‌ఆర్‌ నిర్మాణంపై ముఖ్యమంత్రి రేవంత్‌రెడ్డి ప్రాజెక్టు మానిటరింగ్‌ యూనిట్‌ పేరిట ఉన్నతాధికారులతో పలుమార్లు సమావేశాలు నిర్వహించారు. ఎన్‌హెచ్‌ఏఐ రూపొందించిన అలైన్‌మెంట్‌లో పేర్కొన్న పలు గ్రామాలు తాజాగా రాష్ట్ర ప్రభుత్వం రూపొందించిన మ్యాప్‌ ప్రకారం రహదారి బయటకు వెళ్లగా, కొన్ని గ్రామాలు లోపలికి వచ్చాయి. క్షేత్రస్థాయిలో సర్వే నిర్వహిస్తే ఇందులో కొన్ని మార్పులు జరిగే అవకాశం ఉందన్న అభిప్రాయం వ్యక్తం అవుతోంది.

సాక్షి, సంగారెడ్డి: సంగారెడ్డి జిల్లా పెద్దాపూర్‌లో టెన్షన్ వాతావరణం చోటుచేసుకుంది. రీజనల్ రింగ్ రోడ్డు కోసం అధికారులు భూ సేకరణ సర్వే చేస్తున్నారు. రైతులు సర్వేను ఆడుకున్నారు. సర్వేను అడ్డు కోవడంతో అక్కడి ఉది​‍క్తత వాతావరణ నెలకొంది. దీంతో పోలీసులు భారీగా మోహరించారు. భూ సర్వే ఆడుకున్న రైతులను పోలీసులు అరెస్ట్ చేసి. డీసీఎంలో తరలించారు. రెండ్రోజుల క్రితం రీజినల్‌ రింగ్‌ రోడ్డు(ఆర్‌ఆర్‌ఆర్‌) కోసం ప్రజాభిప్రాయ సేకరణలోను భూములు ఇవ్వబోమని రైతుల ఆందోళన చేశారు.

రామ్‌చరణ్‌కి అరుదైన గౌరవం దక్కింది. ‘ఇండియన్‌ ఫిల్మ్‌ ఫెస్టివల్‌ ఆఫ్‌ మెల్‌బోర్న్‌’ (ఐఎఫ్‌ఎఫ్‌ఎమ్‌) 15వ ఎడిషన్‌లో ఈ హీరో గౌరవ అతిథిగా పాల్గొననున్నారు. ‘‘రామ్‌చరణ్‌ వస్తున్నారు. ‘నాటు నాటు..’ పాటకు డ్యాన్స్‌ చేయడానికి సిద్ధంగా ఉండండి’ అంటూ ఎక్స్‌ వేదికగా ‘ఐఎఫ్‌ఎఫ్‌ఎమ్‌’ తెలియజేసింది. ఈ ఏడాది ఆగస్టు 15 నుంచి 25 వరకు మెల్‌బోర్న్‌లో ఈ చిత్రోత్సవం జరగనుంది.ఈ వేడుకలో రామ్‌చరణ్‌ అతిథిగా పాల్గొనడంతో పాటు భారతీయ చలన చిత్ర పరిశ్రమకు చేసిన సేవలకుగాను ‘ఇండియన్‌ ఆర్ట్‌ అండ్‌ కల్చర్‌ అంబాసిడర్‌’ అవార్డును కూడా అందుకోనున్నారు. ఈ సందర్భంగా రామ్‌చరణ్‌ స్పందిస్తూ– ‘‘భారతీయ సినిమా గొప్పతనాన్ని, వైవిధ్యాన్ని అంతర్జాతీయ వేదికపై సెలబ్రేట్‌ చేసుకునే ‘ఐఎఫ్‌ఎఫ్‌ఎమ్‌–2024’లో భాగం అవుతున్నందుకు గౌరవంగా భావిస్తున్నాను. మన చిత్ర పరిశ్రమకుప్రాతినిధ్యం వహించనుండటం నా అదృష్టం. ‘ఆర్‌ఆర్‌ఆర్‌’ విజయం విశ్వవ్యాప్తం. మెల్‌బోర్న్‌లో ప్రేక్షకులను కలుసుకునేందుకు ఎంతో థ్రిల్లింగ్‌గా ఎదురు చూస్తున్నాను’’ అన్నారు.

దర్శకధీరుడు రాజమౌళి తెరకెక్కించిన బ్లాక్‌బస్టర్ చిత్రం ఆర్ఆర్ఆర్. ఈ సినిమా ఏకంగా ఆస్కార్‌ అవార్డును దక్కించుకున్న సంగతి తెలిసిందే. బెస్ట్‌ ఒరిజినల్ సాంగ్ విభాగంలో నాటునాటు పాటకు ఆస్కార్‌ను సొంతం చేసుకుంది. తాజాగా ఈ మూవీ మరో ఘనతను దక్కించుకుంది. ఫిల్మ్‌ఫేర్‌ అవార్డ్స్‌ సౌత్‌- 2023లో ఉత్తమ చిత్రంగా నిలిచింది. ఇవాళ ప్రకటించిన 68వ ఫిల్మ్‌ఫేర్‌ అవార్డ్స్‌లో ఉత్తమ దర్శకుడిగా రాజమౌళి, ఉత్తమ యాక్టర్స్‌గా ఎన్టీఆర్‌, రామ్‌చరణ్‌ సంయుక్తంగా ఆవార్డ్‌ అందుకోనున్నారు. తెలుగుతో పాటు తమిళ, కన్నడ, మలయాళ చిత్రాల విజేతలను కూడా ప్రకటించారు. ఏయే సినిమాకు అవార్డులు దక్కాయో ఫుల్ లిస్ట్ చూసేయండి.68వ ఫిల్మ్‌ఫేర్‌ అవార్డ్స్‌ సౌత్-2023 విజేతలు వీళ్లే..తెలుగు..ఉత్తమ చిత్రం- ​‍ఆర్ఆర్ఆర్ఉత్తమ దర్శకుడు- ఎస్ఎస్ రాజమౌళిఉత్తమ నటుడు- రామ్ చరణ్, జూనియర్ ఎన్టీఆర్(ఆర్ఆర్ఆర్)ఉత్తమ చిత్రం (క్రిటిక్స్‌) - సీతారామం (హను రాఘవపూడి)ఉత్తమ నటుడు (క్రిటిక్స్‌) - దుల్కర్‌ సల్మాన్‌ఉత్తమ నటి - మృణాళ్‌ ఠాకూర్‌ (సీతారామం)ఉత్తమ నటి (క్రిటిక్స్‌) -సాయి పల్లవి( విరాట్‌ పర్వం)ఉత్తమ సహాయ నటుడు - రానా దగ్గుబాటి (భీమ్లా నాయక్‌)ఉత్తమ సహాయ నటి - నందితాదాస్‌ (విరాట్‌ పర్వం)ఉత్తమ మ్యూజిక్‌ ఆల్బమ్‌ - ఎం.ఎం.కీరవాణి (ఆర్‌ఆర్‌ఆర్‌)ఉత్తమ సాహిత్యం - సిరివెన్నెల సీతారామశాస్త్రి (సీతారామం)ఉత్తమ నేపథ్య గాయకుడు - కాలభైరవ (కొమురం భీముడో.. ఆర్‌ఆర్ఆర్‌)ఉత్తమ నేపథ్య గాయని - చిన్మయి శ్రీపాద (ఓ ప్రేమ -సీతారామం)ఉత్తమ కొరియోగ్రఫీ -ప్రేమ్‌ రక్షిత్‌ (నాటు నాటు.. ఆర్‌ఆర్ఆర్‌)బెస్ట్‌ ప్రొడక్షన్‌ డిజైన్‌ - సాబు శిరిల్‌ (ఆర్ఆర్‌ఆర్‌)త‌మిళంఉత్త‌మ చిత్రం - పొన్నియిన్ సెల్వ‌న్- 1ఉత్త‌మ న‌టుడు- క‌మ‌ల్‌ హ‌స‌న్ (విక్ర‌మ్‌)ఉత్త‌మ న‌టి- సాయి ప‌ల్ల‌వి (గార్గి)ఉత్త‌మ ద‌ర్శ‌కుడు- మ‌ణి ర‌త్నం (పొన్నియిన్ సెల్వ‌న్ -1)ఉత్త‌మ సంగీత ద‌ర్శ‌కుడు- ఏఆర్ రెహ‌మాన్ (పొన్నియ‌న్ సెల్వ‌న్- 1)ఉత్త‌మ స‌హాయ‌ న‌టుడు -(మేల్‌) కాళి వెంక‌ట్ఉత్త‌మ స‌హాయ న‌టి - ఊర్వ‌శిఉత్త‌మ చిత్రం క్రిటిక్స్- క‌దైసి వ్య‌వ‌సాయిఉత్త‌మ యాక్ట‌ర్ క్రిటిక్స్ - ధ‌నుష్ (తిరు), మాధ‌వ‌న్‌(రాకెట్రీ)ఉత్త‌మ న‌టి క్రిటిక్స్- నిత్యా మీన‌న్ (తిరు)ఉత్త‌మ గేయ ర‌చ‌యిత‌- త‌మిరైఉత్త‌మ గాయ‌కుడు- సంతోష్ నారాయ‌ణ్ (తిరు)ఉత్త‌మ గాయ‌ని - అంత‌నా నందిఉత్త‌మ తొలి చిత్ర న‌టుడు- ప్ర‌దీప్ రంగ‌నాథ్‌ఉత్త‌మ తొలి చిత్ర న‌టి - అదితి శంక‌ర్ (విరుమ‌న్‌)ఉత్త‌మ సినిమాటోగ్ర‌ఫీ- సెంథిల్‌, ర‌వి వర్మ‌న్‌ కన్నడఉత్త‌మ చిత్రం -కాంతార‌ఉత్త‌మ న‌టుడు- రిష‌బ్ షెట్టి (కాంతార‌)ఉత్త‌మ న‌టి - చైత్ర జే అచార్‌ఉత్త‌మ ద‌ర్శ‌కుడు - కిర‌ణ్ రాజ్ (777 ఛార్లీ)ఉత్త‌మ స‌హాయ‌ న‌టుడు- అచ్యుత్‌ కుమార్‌ఉత్త‌మ స‌హాయ న‌టి - మంగ‌ళ‌ఉత్త‌మ సంగీత ద‌ర్శకుడు - అజ‌నీష్‌ఉత్త‌మ గేయ ర‌చ‌యిత‌ - నాగేంద్ర ప్ర‌సాద్‌ఉత్త‌మ గాయ‌కుడు - సాయి విగ్నేశ్‌ఉత్త‌మ గాయ‌ని- సునిధి చౌహాన్‌ఉత్త‌మ చిత్రం (క్రిటిక్స్‌)- ధ‌ర‌ణి మండ‌ల‌ఉత్త‌మ న‌టుడు క్రిటిక్స్- న‌వీన్ శంక‌ర్‌ఉత్త‌మ న‌టి క్రిటిక్స్- స‌ప్త‌మి గౌడ‌మ‌ల‌యాళంఉత్త‌మ చిత్రం- నా తన్ కేస్ కోడుఉత్త‌మ న‌టుడు- కుంచ‌కో బోబ‌న్ ( నా థ‌న్ కేస్ కోడు)ఉత్త‌మ న‌టి - ద‌ర్ష‌న‌ రాజేంద్ర‌న్ (జ‌య‌జ‌య‌జ‌య‌జ‌య‌హే)ఉత్త‌మ ద‌ర్శ‌కుడు- ర‌తీస్ బాల‌కృష్ణ‌న్ (నా థ‌న్ కేస్ కోడు)ఉత్త‌మ స‌హాయ న‌టుడు- ఇంద్రాన్స్ (ఉడ‌ల్‌)ఉత్త‌మ స‌హాయ న‌టి -పార్వ‌తి తిరువోతు (ఫుజు)ఉత్త‌మ సంగీత ద‌ర్శ‌కుడు- కైలాష్ మీన‌న్ (వాషి)ఉత్త‌మ గేయ ర‌చ‌యిత‌- అరుణ్ అల‌త్ (హృద‌యం)ఉత్త‌మ ప్లేబాక్ సింగ‌ర్ - ఉన్ని మీన‌న్ (భీష్మ ప‌ర్వం)ఉత్త‌మ ప్లేబాక్ సింగ‌ర్ - మృదుల వారియ‌ర్ (పాథోన్పథం నోట్టండు)ఉత్త‌మ ఫిలిం (క్రిటిక్స్‌)- అరిఇప్పుఉత్త‌మ న‌టుడు (క్రిటిక్స్‌)- అలెన్సియర్ లే లోపెజ్ (అప్ప‌న్‌)ఉత్త‌మ న‌టి (క్రిటిక్స్‌) -రేవ‌తి (భూత‌కాలం)

సాక్షి, న్యూఢిల్లీ: రీజనల్‌ రింగు రోడ్డు (ఆర్‌ఆర్‌ఆర్‌) దక్షిణ భాగాన్ని జాతీయ రహదారిగా ప్రకటించాలని, హైదరాబాద్‌–విజయవాడ జాతీయ రహదారి(ఎన్‌హెచ్‌)ని ఆరు వరుసలుగా విస్తరించాలని కేంద్ర జాతీయ రహదారుల శాఖ మంత్రి నితిన్‌ గడ్కరీకి ముఖ్యమంత్రి రేవంత్‌రెడ్డి విజ్ఞప్తి చేశారు. ఈ ఏడాది భారత జాతీయ రహదారుల సంస్థ (ఎన్‌హెచ్‌ఏఐ) వార్షిక ప్రణాళికలో ట్రిపుల్‌ ఆర్‌కు నిధులు మంజూరు చేయాలని కోరారు. బుధవారం ఢిల్లీలో గడ్కరీతో రేవంత్‌రెడ్డి భేటీ అయ్యి పలు అంశాలపై చర్చించారు. రాష్ట్రంలో జాతీయ రహదారుల విస్తరణ, నూతన జాతీయ రహదారుల ప్రకటన, పలు ఎన్‌హెచ్‌ల పనుల ప్రారంభం తదితర అంశాలను గడ్కరీ దృష్టికి తీసుకెళ్లారు. సంగారెడ్డి నుంచి నర్సాపూర్‌ – తూప్రాన్‌ – గజ్వేల్‌ – జగదేవ్‌పూర్‌ – భువనగిరి – చౌటుప్పల్‌ (158.645 కి.మీ.) రహదారిని జాతీయ రహదారిగా ప్రకటించారని, దాని భూ సేకరణకయ్యే వ్యయంలో సగ భాగాన్ని రాష్ట్ర ప్రభుత్వమే భరిస్తోందని రేవంత్‌ చెప్పారు. ఈ భాగంలో తమ వంతు పనులు వేగవంతం చేశామన్నారు. చౌటుప్పల్‌ నుంచి అమన్‌గల్‌ – షాద్‌నగర్‌ – సంగారెడ్డి వరకు (181.87 కి.మీ.) రహదారిని జాతీయ రహదారిగా ప్రకటించాలని రేవంత్‌ కోరారు. హైదరాబాద్‌ (ఓఆర్‌ఆర్‌ గౌరెల్లి జంక్షన్‌) నుంచి వలిగొండ – తొర్రూర్‌ – నెల్లికుదురు – మహబూబాబాద్‌ – ఇల్లెందు – కొత్తగూడెం వరకు రహదారిని (ఎన్‌హెచ్‌–930పీ) జాతీయ రహదారిగా ప్రకటించారని, ఇందులో కేవలం ఒక ప్యాకేజీ కింద 69 కి.మీ.కు టెండర్లు పిలిచి పనులు ప్రారంభించారని గడ్కరీకి వివరించారు.హైదరాబాద్‌ వాసులు భద్రాచలం వెళ్లేందుకు 40 కి.మీ. దూరం తగ్గించే ఈ రహదారిని జైశ్రీరామ్‌ రోడ్‌గా వరంగల్‌ సభలో గడ్కరీ చెప్పిన విషయాన్ని ముఖ్యమంత్రి గుర్తుచేశారు. ఈ మార్గంలో మిగిలిన మూడు ప్యాకేజీలకు (165 కి.మీ) టెండర్లు పిలిచినందున వెంటనే పనులు ప్రారంభించాలని కోరారు. గంటన్నరకుపైగా జరిగిన ఈ సమావేశంలో రేవంత్‌రెడ్డి వెంట ఉప ముఖ్యమంత్రి భట్టి విక్రమార్క, రోడ్లు, భవనాల శాఖ మంత్రి కోమటిరెడ్డి వెంకట్‌ రెడ్డి, ఐటీ శాఖ మంత్రి దుద్దిళ్ల శ్రీధర్‌బాబు, పెద్దపల్లి ఎంపీ వంశీ, చెన్నూర్‌ ఎమ్మెల్యే వివేక్‌ ఉన్నారు.రెండు రాష్ట్రాల రాజధానుల మధ్య..హైదరాబాద్‌–విజయవాడ (ఎన్‌హెచ్‌ 65) జాతీయ రహదారిని గత ఏప్రిల్‌లోగా ఆరు లేన్లుగా విస్తరించాల్సి ఉందని గడ్కరీ దృష్టికి ముఖ్యమంత్రి రేవంత్‌ రెడ్డి తీసుకెళ్లారు. రెండు రాష్ట్రాల రాజధానుల మధ్య కీలకమైన ఈ రహదారిలో వాహనాల రద్దీతో ప్రమాదాలు చోటు చేసుకొని పలువురు ప్రాణాలు కోల్పోతున్నారని ముఖ్యమంత్రి ఆవేదన వ్యక్తం చేశారు.విపరీతమైన రద్దీ ఉన్నప్పటికీ రాష్ట్ర విభజనతో వాహన రద్దీ తగ్గిందని, తమకు సరైన ఆదాయం రావడం లేదంటూ కాంట్రాక్ట్‌ సంస్థ ఆరు వరుసల పనులు చేపట్టడం లేదన్నారు. ఎన్‌హెచ్‌ఏఐ, కాంట్రాక్ట్‌ సంస్థ మధ్య వివాదాన్ని పరిష్కరించి త్వరగా ఆరు లేన్లుగా విస్తరించాలని కోరారు.ఐకానిక్‌ బ్రిడ్జి.. ఎలివేటెడ్‌ కారిడార్‌ కల్వకుర్తి నుంచి కొల్లాపూర్‌ – సోమశిల – కరివెన – నంద్యాల (ఎన్‌హెచ్‌–167కే) మార్గాన్ని జాతీయ రహదారిగా ప్రకటించి 142 కి.మీ. పనులకు టెండర్లు పిలిచి పనులు ప్రారంభించారని గడ్కరీకి రేవంత్‌రెడ్డి తెలిపారు. మిగిలిన 32 కి.మీ.పనులకు, ఐకానిక్‌ బ్రిడ్జికి టెండర్లు పిలిచారని, ఆ పనులు వెంటనే ప్రారంభించాలని కోరారు. ఈ రహదారి పూర్తయితే హైదరాబాద్‌ నుంచి తిరుపతికి 70 కి.మీ. దూరం తగ్గుతుందని వివరించారు. కల్వకుర్తి–నంద్యాల రహదారి (ఎన్‌హెచ్‌–167కే) హైదరాబాద్‌–శ్రీశైలం మార్గంలో ఉన్న రహదారిలో (ఎన్‌హెచ్‌ 765కే) 67 కిలోమీటర్‌ వద్ద (కల్వకుర్తి) ప్రారంభమవుతుందని, ఎన్‌హెచ్‌ 167కే జాతీయ రహదారి పనులు చేపట్టినందున, హైదరాబాద్‌ – కల్వకుర్తి వరకు ఉన్న (ఎన్‌హెచ్‌ 765కే) రహదారిని నాలుగు వరుసలుగా విస్తరించాలని విజ్ఞప్తి చేశారు. కల్వకుర్తి–కరివెన వరకు జాతీయ రహదారి పూర్తయ్యేలోపు హైదరాబాద్‌ – కల్వకుర్తి రహదారిని నాలుగు వరుసలుగా విస్తరించేందుకు అనుమతులు ఇవ్వాలని కోరారు. హైదరాబాద్‌ – శ్రీశైలం (ఎన్‌హెచ్‌ 765) మార్గంలో 62 కిలోమీటర్లు ఆమ్రాబాద్‌ టైగర్‌ రిజర్వు ఫారెస్టు పరిధిలో ఉందని, అటవీ అనుమతులు లేక అక్కడ పనులు చేపట్టలేదని కేంద్ర మంత్రికి వివరించారు. ఈ మార్గంలో నిత్యం ఏడువేలకుపైగా వాహనాలు రాకపోకలు సాగిస్తాయని, ఈ నేపథ్యంలో ఆమ్రాబాద్‌ ప్రాంతంలో 4 లేన్ల ఎలివేటెడ్‌ కారిడార్‌కు అనుమతులు మంజూరు చేయాలని రేవంత్‌ కోరారు. మంథనికి చోటివ్వండిమంథని నుంచి సీనియర్‌ మంత్రి శ్రీధర్‌బాబు ప్రాతినిధ్యం వహిస్తున్నారని, మాజీ ప్రధానమంత్రి పి.వి.నరసింహారావు, మాజీ సభాపతి శ్రీపాదరావు గతంలో ప్రాతినిధ్యం వహించారని గడ్కరీకి రేవంత్‌ రెడ్డి తెలియజేశారు. ఇప్పటివరకు జాతీయ రహదారుల చిత్రంలో మంథనికి చోటు దక్కలేదన్నారు. జగిత్యాల–పెద్దపల్లి–మంథని–కాటారం రాష్ట్ర రహదారిని జాతీయ రహదారిగా ప్రకటించాలని, తగిన నిధులు మంజూరు చేయాలని కోరారు. ఈ రహదారి పూర్తయితే ఎన్‌హెచ్‌–565, ఎన్‌హెచ్‌–353సీ అనుసంధానమ వుతాయని, తెలంగాణ, మహారాష్ట్ర, ఛత్తీస్‌గఢ్‌ ప్రజలకు అనువుగా ఉంటుందని, దక్షిణ కాశీగా గుర్తింపుపొందిన కాళేశ్వరం క్షేత్రానికి అనుసంధానత పెరుగుతుందని సీఎం వివరించారు.గడ్కరీ దృష్టికి తీసుకెళ్లిన ఇతర అంశాలుతెలంగాణను కర్ణాటక, మహారాష్ట్రను అనుసంధానించే హైదరాబాద్‌–మన్నెగూడ నాలుగు వరుసల జాతీయ రహదారిగా (ఎన్‌హెచ్‌–163) ప్రకటించడంతో భూ సేకరణ పూర్తి చేశాం. టెండర్లు పిలవడం పూర్తయిన ఎన్జీటీలో కేసు వలన పనులు ప్రారంభం కాలేదు. సంబంధిత శాఖలకు తగిన ఆదేశాలు జారీ చేసి ఈ మార్గం పనులు వెంటనే ప్రారంభించాలి. సేతు బంధన్‌ స్కీం కింద 2023–24లో రాష్ట్ర ప్రభుత్వం సమర్పించిన 12 ఆర్వోబీలు/ఆర్‌యూబీలను వెంటనే మంజూరు చేయాలి. జగిత్యాల–కాటారం (130 కి.మీ.), దిండి – నల్లగొండ (100 కి.మీ.), భువనగిరి – చిట్యాల (44 కి.మీ), చౌటుప్పల్‌ – సంగారెడ్డి (182 కి.మీ), మరికల్‌–రామసముద్రం (63 కి.మీ.), వనపర్తి – మంత్రాలయం (110 కి.మీ.), మన్నెగూడ – బీదర్‌ (134 కి.మీ.), కరీంనగర్‌–పిట్లం (165 కి.మీ.), ఎర్రవెల్లి క్రాస్‌ రోడ్‌ – రాయచూర్‌ (67 కి.మీ.), కొత్తపల్లి–దుద్దెడ (75 కి.మీ.), సారపాక – ఏటూరు నాగారం (93 కి.మీ.), దుద్దెడ – రాయగిరి క్రాస్‌ రోడ్‌ (63 కి.మీ.), జగ్గయ్యపేట – కొత్తగూడెం (100 కి.మీ.), సిరిసిల్ల – కోరట్ల (65 కి.మీ.), భూత్పూర్‌ – సిరిగిరిపాడు (166 కి.మీ.), కరీంనగర్‌ – రాయపట్నం (60 కి.మీ.) మొత్తం 1617 కి.మీ. జాతీయ రహదారులను అప్‌గ్రేడ్‌ చేయాలి. రూ. 4 వేల కోట్లతో ఆరు లేన్ల పనులు: కోమటిరెడ్డితెలుగు రాష్ట్రాల రాజధానులు హైదరాబాద్‌–అమరావతి మధ్య ఆరు లేన్ల పనులను ఒకట్రెండు నెలల్లో ప్రారంభిస్తామని, అలాగే ఎక్స్‌ప్రెస్‌ వే కూడా నిర్మిస్తామని రాష్ట్ర రోడ్డు, భవనాల శాఖ మంత్రి కోమటిరెడ్డి వెంకట్‌రెడ్డి తెలిపారు. కేంద్ర మంత్రి గడ్కరీతో సమావేశం అనంతరం ఆయన మీడియాతో మాట్లాడారు. ఆరు లేన్ల మార్గాన్ని రూ.4వేల కోట్ల బడ్జెట్‌తో పూర్తిచేయనున్నట్లు తెలిపారు. శ్రీశైలం ఎలివేటెడ్‌ కారిడార్‌ కూడా నిర్మిస్తామని వెల్లడించారు. తాము చేసిన విజ్ఞప్తులపై కేంద్ర మంత్రి సానుకూలంగా స్పందించారన్నారు. 2016లో ప్రకటించిన రీజనల్‌ రింగ్‌ రోడ్డును నాటి బీఆర్‌ఎస్‌ ప్రభుత్వం మరిచిపోయిందని, తమ ప్రభుత్వం వచ్చిన తర్వాత ఈ విషయంలో కదలిక వచ్చిందని తెలిపారు. యుటిలిటీ చార్జీలు రాష్ట్ర ప్రభుత్వమే భరిస్తుందని కేంద్రమంత్రికి వివరించగా.. అందుకు కేంద్ర మంత్రి స్పందిస్తూ.. తామే భరిస్తామని హామీ ఇచ్చారని తెలిపారు. కేంద్రం నుంచి రాష్ట్రానికి రావాల్సిన నిధులు సాధించడమే తమ లక్ష్యమని, జవాబుదారీతనంగా పనిచేయడం తెలుసు కాబట్టే ఇంతమంది మంత్రులం ఢిల్లీకి వచ్చామని కోమటిరెడ్డి చెప్పారు.వారంలోపు అన్ని శాఖలతో సమావేశం: భట్టిరాష్ట్ర రహదారులకు సంబంధించి కేంద్రం, రాష్ట్ర ప్రభుత్వ అధికారులతో వారం రోజుల్లో సమావేశం ఏర్పాటు చేస్తామని, అన్ని శాఖల నుంచి ఒకే సారి క్లియరెన్స్‌ వచ్చేలా చర్యలు తీసుకుంటామని ఉప ముఖ్యమంత్రి భట్టి విక్రమార్క తెలిపారు. గడ్కరీతో రాష్ట్రానికి సబంధించిన రోడ్ల విస్తరణ గురించి మాట్లా డామన్నారు. ట్రిపుల్‌ఆర్, హైదరాబాద్‌ – అమరావతి ఆరు లేన్లుగా మార్చడం, హైదరాబాద్‌–కల్వకుర్తి రోడ్డు తదితర అంశాలపై గడ్కరీతో సుదీర్ఘంగా చర్చించామని భట్టి చెప్పారు.

ప్రతి హీరో దగ్గర తమ కెరీర్‌లో తిరస్కరించిన ప్రాజెక్ట్‌ల జాబితా ఉంటుంది. అదే క్రమంలో గ్లోబల్‌ స్టార్‌ రామ్ చరణ్ లిస్ట్‌లో కూడా కొన్ని రిజక్ట్‌ చేసిన సినిమాలు ఉన్నాయి. తెలుగు చలనచిత్ర పరిశ్రమలో 'చిరంజీవి కుమారుడి'గా అరంగేట్రం చేయడం నుంచి మెగా పవర్‌స్టార్‌గా భారీ అభిమానులను సంపాదించుకోవడం.. ఆపై ఇప్పుడు RRR తో గ్లోబల్ స్టార్‌గా తనను తాను స్థాపించుకోవడం వరకు, రామ్ చరణ్ నిజంగా తన సినిమా ప్రయాణంలో చాలా దూరం చేరుకున్నారు. అయితే రామ్ చరణ్ తన సినీ కెరీర్‌లో తిరస్కరించిన ఐదు సినిమాల గురించి తెలుసుకుందాం. గౌతమ్ తిన్ననూరి సినిమాను రిజక్ట్‌ చేసిన చరణ్‌ RRR సినిమాతో భారీ విజయం అందుకున్న రామ్ చరణ్ తదుపరి ప్రాజెక్ట్ జెర్సీ ఫేమ్ దర్శకుడు గౌతమ్ తిన్ననూరితో చేయవలసి ఉంది. ఆర్‌ఆర్‌ఆర్‌ వంటి విజయం తర్వాత మాస్‌ అప్పీల్‌ ఉన్న కథ కోసం చరణ్‌ కోరుకున్నారట. దీంతో గౌతమ్‌ తిన్ననూరి ప్రాజెక్ట్‌కు ఓకే చేయలేదని వార్తలు వచ్చాయి. తరువాత అదే కథను విజయ్ దేవరకొండకు ఆయన వివరించాడట. అది ఇప్పుడు VD12గా రూపొందనుందని  నివేదికలు చెబుతున్నాయి. రామ్ చరణ్‌కి వివరించిన స్క్రిప్ట్ స్పోర్ట్స్ డ్రామా అని సమాచారం. సూర్య సన్ ఆఫ్ క్రిష్ణన్  కోలీవుడ్‌లో 'వారణం ఆయిరం' చిత్రంలో సూర్య నటించారు. తెలుగులో 'సూర్య సన్ ఆఫ్ క్రిష్ణన్' పేరుతో 2008లో విడుదలైంది. గౌతమ్ వాసుదేవ్ మీనన్ ఈ చిత్రాన్ని డైరెక్ట్‌ చేశారు. తమిళ్‌ వర్షన్‌ కంటే టాలీవుడ్‌లోనే ఈ సినిమాకు కల్ట్‌ ఫ్యాన్స్‌ ఉన్నారు. ఈ సినిమా విడుదలై దాదాపు 16 సంవత్సరాలు అయింది. రీసెంట్‌గా తెలుగులో రీ-రిలీజ్‌ చేసినా థియేటర్లు హౌస్‌ఫుల్‌ అయ్యాయి. ఈ సినిమాను చూస్తున్నంత సేపు సూర్య తప్ప మరే ఇతర నటుడు గుర్తుకు రారని చెప్పవచ్చు. ఈ సినిమా ఆఫర్‌ మొదట చరణ్‌కు వచ్చింది. ఆ సమయంలో  SS రాజమౌళితో మగధీర షూటింగ్‌ షెడ్యూల్‌ బిజీలో చరణ్‌ ఉన్నారు. అప్పటికే ఎక్కువ డేట్లు మగధీరకు కేటాయించడంతో 'సూర్య సన్ ఆఫ్ క్రిష్ణన్' సినిమాకు చరణ్‌ నో చెప్పారట. ఓకే బంగారం  మలయాళం సినిమా ఓకే కన్మణి గుర్తుందా..?   2014లో విడుదలైన ఈ సినిమా భారీ హిట్‌ కొట్టింది. హిందీలో  'ఓకే జాను'గా రీమేక్ అయింది. టాలీవుడ్‌లో 'ఓకే బంగారం' పేరుతో విడుదలైంది. ఈ కథలో హీరో పాత్రకు రామ్‌ చరణ్‌ కరెక్ట్‌గా సెట్‌ అవుతాడని దర్శకుడు మణిరత్నం భావించారట. మొదట ఈ కథను చరణ్‌కే ఆయన చెప్పారట. ఆ సమయంలో తన బిజీ షెడ్యూల్ కారణంగా ఆయన నో చెప్పడంతో అది కాస్త దుల్కర్‌ సల్మాన్‌ బోర్డులోకి వచ్చి చేరిందట. ఇందులో నిత్యా మీనన్‌తో ఆయన జతకట్టిన విషయం తెలిసిందే. అఖిల్‌ 'ఏజెంట్‌' రామ్ చరణ్ ఇటీవల తిరస్కరించిన చిత్రాలలో ఒకటి ఏజెంట్‌. అఖిల్‌కు ఈ సినిమా భారీ డిజాస్టర్‌ను మిగిల్చింది. ఈ చిత్రం మొదట రామ్‌ చరణ్‌ వద్దకు చేరిందట. ఏజెంట్‌ సినిమా డైరెక్టర్‌ సురేందర్‌ రెడ్డి అప్పటికే చరణ్‌తో ధృవ సినిమా తీసి ఉన్నాడు. దీంతో రెండో సినిమా ప్లాన్‌ చేయాలని ఈ కథతో చరణ్‌ను సురేందర్‌ రెడ్డి కలిశారట. కానీ పలు కారణాల వల్ల చరణ్‌ నో చెప్పారట. దీంతో ఫైనల్‌గా అఖిల్‌ వద్దకు ఆ ప్రాజెక్ట్‌ వెళ్లడం.. భారీ అంచనాలతో తెరకెక్కిన ఏజెంట్‌ సినిమా ఇండస్ట్రీలోనే భారీ డిజాస్టర్‌గా మిగిలిన విషయం తెలిసిందే. ఎటో వెళ్లిపోయింది మనసు  2008లో  'సూర్య సన్ ఆఫ్ క్రిష్ణన్' తిరష్కరించిన చరణ్‌తో ఎలాగైన ఒక సినిమా తీయాలని డైరెక్టర్‌  గౌతమ్ వాసుదేవ్ మీనన్ అనుకున్నారట. సుమారు నాలుగేళ్లు నిరీక్షించి 2012లో చరణ్‌ను ఆయన కలిశారట. ఆ సమయంలో 'ఏటో వెళ్లిపోయింది మనసు' కథను వినిపించారట.. రొమాంటిక్ కామెడీగా ఉన్న కథ కావడంతో చరణ్‌ నో చెప్పారట. అప్పటికే ఇలాంటి కాన్సెప్ట్‌తో 'ఆరెంజ్‌'ను తీసిన చరణ్‌ ఈ స్టోరీకి గ్రీన్‌ సిగ్నల్‌ ఇవ్వలేదట..  ఆ తర్వాత అది కాస్త నాని వద్దకు ఆ ప్రాజెక్ట్‌ చేరిపోయింది. ఇందులో సమంత హీరోయిన్‌గా కనిపించింది. ఈ చిత్రం విమర్శకుల చేత ప్రశంసలు అందుకున్నప్పటికీ, అది వాణిజ్య పరంగా రాణించలేదు.

సాక్షి, న్యూఢిల్లీ/సాక్షి, హైదరాబాద్‌: రీజనల్‌ రింగ్‌ రోడ్డు భూసేకరణ విషయంలో తెలంగాణ ప్రభుత్వం ఇచ్చిన హామీని నిలబెట్టుకోవాలని.. భూసేకరణకు సంబంధించి రాష్ట్ర వాటా నిధులు వెంటనే విడుదల చేయాలని కేంద్ర పర్యాటక శాఖ మంత్రి జి.కిషన్‌రెడ్డి కోరారు. వెంటనే భారత జాతీయ రహదారుల ప్రాధికార సంస్థ (ఎన్‌హెచ్‌ఏఐ)కు రూ.2,585 కోట్లను జమ చేయాలని.. హైవే నిర్మాణం వేగంగా సాగేందుకు సహకరించాలని ముఖ్యమంత్రి ఎనుముల రేవంత్‌రెడ్డికి విజ్ఞప్తి చేశారు. దీనితోపాటు తెలంగాణలో మరో 11 జాతీయ రహదారి ప్రాజెక్టుల నిర్మాణానికి సంబంధించి 4,048 హెక్టార్ల భూమిని వెంటనే సేకరించి ఇవ్వాలన్నారు. ఈ మేరకు సీఎం రేవంత్‌రెడ్డికి కిషన్‌రెడ్డి బుధవారం రెండు లేఖలు రాశారు.  ప్రాజెక్టు ఆలస్యమైతే సమస్యలు  కేంద్రం భారత్‌మాల పరియోజనలో భాగంగా రూ.26 వేల కోట్లకుపైగా అంచనా వ్యయంతో హైదరాబాద్‌ నగరం చుట్టూ 350 కిలోమీటర్లకుపైగా రీజనల్‌ రింగ్‌ రోడ్డు (ఆర్‌ఆర్‌ఆర్‌)ను నిర్మి స్తోందని కిషన్‌రెడ్డి పేర్కొన్నారు. నిర్మాణ వ్యయా న్ని పూర్తిగా కేంద్రమే భరిస్తుండగా, భూసేకరణకు అయ్యే వ్యయాన్ని కేంద్రం, రాష్ట్రం చెరో సగం భరించేలా ఒప్పందం జరిగిందని గుర్తుచేశారు. ప్రస్తుతం ఆర్‌ఆర్‌ఆర్‌ ఉత్తర భాగం భూసేకరణకు సంబంధించి రాష్ట్ర ప్రభుత్వ వాటా రూ.2,585 కోట్లను వెంటనే ఎన్‌హెచ్‌ఏఐకి జమ చేసి నిర్మాణ పనుల ప్రారంభానికి సహకరించాలని పేర్కొన్నారు. దీనికి సంబంధించి గతేడాది ఫిబ్రవరి 3న తాను స్వయంగా రాష్ట్ర సర్కారుకు లేఖ రాశానని, ఎన్‌హెచ్‌ఏఐ ప్రాంతీయ, కేంద్ర కార్యాలయాల అధికారులు కూడా పలుమార్లు లేఖలు రాశారని.. అయినా ఆశించిన స్పందన రాలేదని వివరించారు. రాష్ట్రవాటా నిధుల జమలో ఆలస్యం కారణంగా ప్రాజెక్టు జాప్యమై ట్రాఫిక్‌ సమస్యలు పెరుగుతాయన్నారు.   భూసేకరణ త్వరగా చేయండి  66 ఏళ్లలో తెలంగాణలో 2,500 కిలోమీటర్ల పొడవున జాతీయ రహదారుల నిర్మాణం జరిగితే.. తెలంగాణ ఏర్పాటయ్యాక గత తొమ్మిదిన్నర ఏళ్ల  కాలంలోనే ఎన్డీయే సర్కారు మరో 2,500 కి.మీ జాతీయ రహదారులను నిర్మించిందని కిషన్‌రెడ్డి తెలిపారు. తెలంగాణ అభివృద్ధి పట్ల ప్రధాని మోదీ ప్రభుత్వానికి ఉన్న నిబద్ధతను ఇది తెలియజేస్తోందన్నారు. రాష్ట్రంలో రూ.32,383 కోట్ల అంచనా వ్యయంతో 751 కిలోమీటర్ల పొడవున 11 జాతీ య రహదారుల ప్రాజెక్టులు వివిధ దశల్లో ఉన్నాయని కిషన్‌రెడ్డి తెలిపారు. 

గతేడాదిలో తెలుగు సినిమాను ప్రపంచానికి పరిచయం చేశారు మన దర్శకధీరుడు రాజమౌళి. ఆయన దర్శకత్వంలో తెరకెక్కించిన ఆర్ఆర్ఆర్ చిత్రంలో నాటు నాటు సాంగ్‌కు ది బెస్ట్ ఒరిజినల్ సాంగ్ విభాగంలో ఆస్కార్ అవార్డ్ దక్కింది. అలాగే ది ఎలిఫెంట్‌ విష్పర్స్‌ అనే డాక్యుమెంటరీ సిరీస్‌ సైతం ప్రతిష్ఠాత్మక అవార్డ్‌ను కైవసం చేసుకున్న సంగతి తెలిసిందే.  తాజాగా ఈ ఏడాదికి సంబంధించి ఆస్కార్ అవార్డుల వేడుకకు సమయం ఆసన్నమైంది.  96వ ఆస్కార్‌ అవార్డుల వేడుక లాగే లాస్‌ ఏంజిల్స్‌లోని డాల్బీ థియేటర్‌లో జరగనుంది. మార్చి 10, 2024న ఈ ఏడాది ఆస్కార్ వేడుకలు జరగనున్నాయి. ఇప్పటికే నామినేట్‌ అయిన చిత్రాలకు ఓటింగ్ ప్రక్రియ ప్రారంభించిన ఆస్కార్ అకాడమీ.. బరిలో నిలిచిన చిత్రాల జాబితాను వెల్లడించింది. 2024 ఆస్కార్‌ అవార్డుల కోసం వివిధ కేటగిరీల్లో పోటీ పడే చిత్రాల జాబితాను అకాడమీ ప్రకటించింది. ఈ ఏడాది కూడా వరుసగా నాలుగోసారి జిమ్మీ కిమ్మెల్‌ కామెంటేటర్‌గా వ్యవహరించనున్నారు. ఇండియా నుంచి ఆస్కార్ పోటీలో ‘టు కిల్ ఏ టైగర్’ ఉత్తమ డాక్యుమెంటరీ విభాగంలో ఆస్కార్‌కు ‘టు కిల్ ఏ టైగర్’ చిత్రం నామినేట్ అయింది. భారత్‌లోని ఓ గ్రామంలో చిత్రీకరణ జరుపుకున్న ‘టు కిల్ ఏ టైగర్’  ఆస్కార్ బరిలో నిలిచింది. నిషా పహుజ దర్శకత్వంలో ఈ చిత్రాన్ని తెరకెక్కించారు. కాగా.. గతేడాది ఇండియాకు రెండు ఆస్కార్ అవార్డులు దక్కిన సంగతి తెలిసిందే.  2024లో వివిధ కేటగిరీల్లో పోటీపడుతున్న చిత్రాలివే!     ►ఉత్తమ చిత్రం విభాగం     అమెరికన్‌ ఫిక్షన్‌     అటానమీ ఆఫ్‌ ఎ ఫాల్‌     బార్బీ     ది హోల్డోవర్స్‌     కిల్లర్స్‌ ఆఫ్‌ ది ఫ్లవర్‌ మూన్‌     మేస్ట్రో     ఒప్పైన్‌ హైమర్‌     పాస్ట్‌ లైవ్స్‌     పూర్‌ థింగ్స్‌     ది జోన్‌ ఆఫ్‌ ఇంట్రెస్ట్‌     ►ఉత్తమ దర్శకుడి విభాగం     అటానమీ ఆఫ్‌ ఎ ఫాల్‌: జస్టిన్‌ ట్రిఎట్‌     కిల్లర్స్‌ ఆఫ్‌ ది ఫ్లవర్‌ మూన్‌: మార్టిన్‌ స్కోర్స్     ఒప్పైన్‌ హైమర్‌: క్రిస్టోఫర్‌ నోలన్‌     పూర్‌ థింగ్స్‌: యోర్గోస్‌     ది జోన్‌ ఆఫ్‌ ఇంట్రెస్ట్‌: జొనాథన్‌ గ్లేజర్‌    ►ఉత్తమ నటుడు విభాగం     బ్రాడ్లీ కూపర్‌: మేస్ట్రో     కోల్మన్‌ డొమింగో: రస్టిన్‌     పాల్‌ జియామటి: ది హోల్డోవర్స్‌     కిలియన్‌ మర్ఫీ: ఒప్పైన్‌ హైమర్‌     జెఫ్రీ రైట్‌: అమెరికన్‌ ఫిక్షన్‌     ►ఉత్తమ నటి విభాగం     అన్నెతే బెనింగ్‌: నయాడ్‌     లిల్లీ గ్లాడ్‌స్టోన్‌: కిల్లర్స్‌ ఆఫ్‌ ది ఫ్లవర్‌ మూన్‌     సాండ్రా హూల్లర్‌: అటానమీ ఆఫ్‌ ఎ ఫాల్‌     కెర్రీ ములిగన్‌: మేస్ట్రో     ఎమ్మాస్టోన్‌: పూర్‌ థింగ్స్‌     ►ఉత్తమ సహాయ నటుడు     స్టెర్లింగ్‌ కె. బ్రౌన్‌ : అమెరికన్‌ ఫిక్షన్‌     రాబర్ట్‌ డినోరో: కిల్లర్స్‌ ఆఫ్ ది ఫ్లవర్‌ మూన్‌     రాబర్ట్‌ డౌనీ జూనియర్‌: ఒప్పైన్‌ హైమర్‌     రేయాన్‌ గాస్లింగ్‌: బార్బీ     మార్క్‌ రఫెలో: పూర్‌ థింగ్స్‌ ► ఉత్తమ సహాయ నటి     ఎమిలీ బ్లంట్‌: ఒప్పైన్‌ హైమర్‌     డానియల్‌ బ్రూక్స్‌: ది కలర్‌ పర్పుల్‌     అమెరికా ఫెర్రారా: బార్బీ     జోడీ ఫాస్టర్‌: నయాడ్‌     డేవైన్‌ జో రాండాల్ఫ్‌: ది హోల్డోవర్స్‌ ►బెస్ట్‌ ఒరిజినల్‌ స్క్రీన్‌ ప్లే     అటానమీ ఆఫ్‌ ఎ ఫాల్‌: జస్టిన్‌ ట్రిఎట్‌, ఆర్థర్‌ హరారీ     ది హోల్డోవర్స్‌: డేవిడ్‌ హేమింగ్సన్‌     మేస్ట్రో: బ్రాడ్లీ కూపర్‌, జోష్‌ సింగర్‌     మే డిసెంబర్‌: సామీ బరుచ్‌, అలెక్స్‌ మెకానిక్‌     పాస్ట్‌ లివ్స్‌: సీలింగ్‌ సాంగ్‌ ►బెస్ట్‌ ఒరిజినల్‌ సాంగ్‌     ది ఫైర్‌ ఇన్‌సైడ్‌: ఫ్లామిన్‌ హాట్‌     ఐయామ్‌ జస్ట్‌ కెన్‌: బార్బీ     ఇట్‌నెవ్వర్‌ వెంట్‌ అవే: అమెరికన్‌ సింఫనీ     వజాజీ (ఏ సాంగ్‌ ఫర్‌ మై పీపుల్‌): కిల్లర్స్‌ ఆఫ్‌ ది ఫ్లవర్‌ మూన్‌     వాట్‌ వాజ్‌ ఐ మేడ్‌ ఫర్‌: బార్బీ ►బెస్ట్‌ ఒరిజినల్‌ స్కోర్‌     అమెరికన్‌ ఫిక్షన్‌     ఇండియా జోన్స్‌ అండ్‌ ది డయల్‌ ఆఫ్ డెస్టినీ     కిల్లర్స్‌ ఆఫ్‌ది ఫ్లవర్‌ మూన్‌     ఒప్పైన్‌ హైమర్‌     పూర్‌ థింగ్స్‌     బెస్ట్‌ డాక్యుమెంటరీ ఫీచర్‌ ఫిల్మ్‌     బాబీ వైన్‌: ది పీపుల్స్‌ ప్రెసిడెంట్‌     ది ఇటర్నల్‌మెమెరీ     ఫోర్‌ డాటర్స్‌     టు కిల్‌ ఏ టైగర్‌     20 డేస్‌ ఇన్‌ మరియా పోల్‌ ►బెస్ట్‌ డాక్యుమెంటరీ షార్ట్‌ఫిల్మ్‌     ది ఏబీసీస్‌ఆఫ్‌ బుక్ బ్యానింగ్‌     ది బార్బర్‌ ఆఫ్‌ లిటిల్‌ రాక్‌     ఐలాండ్‌ ఇన్‌ బిట్విన్‌     ది లాస్ట్‌ రిపేష్‌ షాప్‌     నైనాయ్‌ అండ్‌ వైపో ►బెస్ట్‌ ఇంటర్నేషనల్‌  ఫీచర్‌ ఫిల్మ్‌     ఇయల్‌కాపిటానో (ఇటలీ     పర్‌ఫెక్ట్‌ డేస్‌ (జపాన్‌)     సొసైట్‌ ఆఫ్‌ ది స్నో (స్పెయిన్‌)     ది టీచర్స్‌ లాంజ్‌ (జర్మనీ)     ది జోన్‌ ఆఫ్‌ ఇంటరెస్ట్‌ ( యూకే) ►  బెస్ట్ అడాప్టెడ్‌ స్క్రీన్‌ప్లే     అమెరికన్‌ ఫిక్షన్‌: కార్డ్‌ జెఫర్‌సన్‌     బార్బీ: గ్రెటా గెర్విక్‌, నొవా బాంబాక్‌     ఒప్పైన్‌ హైమర్‌: క్రిస్టోఫర్‌ నోలన్‌     పూర్‌ థింగ్స్‌: టోనీ మెక్‌     ది జోన్‌ ఆఫ్‌ ఇంట్రెస్ట్: జొనాథన్‌ గ్లాజర్‌  ►బెస్ట్ ఫిల్మ్ ఎడిటింగ్     అటానమీ ఇఫ్‌ ఎ ఫాల్‌: లారెంట్‌     ది హోల్డోవర్స్‌: కెవిన్‌ టెంట్‌     కిల్లర్స్‌ ఆఫ్‌ ది ఫ్లవర్‌ మూన్‌: తెల్మా స్కూన్‌మేకర్‌     ఒప్పైన్‌ హైమర్‌: జెన్నిఫర్‌ లేమ్‌     పూర్‌ థింగ్స్‌: యోర్గోస్‌ ►బెస్ట్ ప్రొడక్షన్‌ డిజైన్‌      బార్బీ      కిల్లర్స్ ఆఫ్ ది ఫ్లవర్ మూన్      నెపోలియన్      ఓపెన్‌హైమర్      పూర్ థింగ్స్ ►బెస్ట్ సౌండ్‌     ది క్రియేటర్‌     మ్యాస్ట్రో     మిషన్‌ ఇంపాజిబుల్‌: డెడ్‌ రెకనింగ్‌: పార్ట్‌-1     ఒప్పైన్‌ హైమర్‌     ది జోన్‌ ఆఫ్ ఇంట్రెస్ట్‌ ► ఉత్తమ విజువల్‌ ఎఫెక్ట్స్‌     ది క్రియేటర్‌     గాడ్జిల్లా మైనస్‌ వన్‌     గార్డియన్‌ ఆఫ్‌ గెలాక్సీ వాల్యూమ్‌3     మిషన్‌ ఇంపాజిబుల్‌: డెడ్‌ రెకనింగ్‌: పార్ట్‌-1     నెపోలియన్‌ ►బెస్ట్ సినిమాటోగ్రఫీ     ఎల్‌కాండే : ఎడ్వర్డ్‌ లచ్‌మెన్‌     కిల్లర్స్‌ ఆఫ్‌ ది ఫ్లవర్‌ మూన్‌: రోడ్రిగో ప్రిటో     మ్యాస్ట్రో: మాథ్యూ లిబ్టాక్యూ     ఒప్పైన్‌ హైమర్‌: హైతీ వాన్‌ హోతిమా     పూర్‌ థింగ్స్‌: రాబిన్‌ రియాన్‌ ► బెస్ట్ కాస్ట్యూమ్‌ డిజైన్‌     జాక్వెలిన్‌ దురన్‌: బార్బీ     జాక్వెలిన్‌ వెస్ట్‌: కిల్లర్స్‌ ఆఫ్‌ ది ఫ్లవర్‌ మూన్‌     జాంటీ ఏట్స్‌, డేవ్‌ క్రాస్‌మన్‌: నెపోలియన్‌     ఎలెన్‌ మిరాజ్‌నిక్‌: ఒప్పెన్‌ హైమర్‌     హాలీ వాడింగ్‌టన్‌: పూర్‌ థింగ్స్‌ ► బెస్ట్ మేకప్‌ అండ్‌ హెయిర్‌స్టైలింగ్‌     గోల్డా      మాస్ట్రో      ఓపెన్‌హైమర్      పూర్ థింగ్స్      సొసైటీ ఆఫ్ ది స్నో  ► బెస్ట్  లైవ్‌ యాక్షన్‌ షార్ట్‌ ఫిల్మ్‌     ది ఆఫ్టర్‌     ఇన్విన్సిబుల్‌     నైట్‌ ఆఫ్‌ ఫార్చ్యూన్‌     రెడ్‌, వైట్‌ అండ్‌ బ్లూ     ది వండర్‌ఫుల్‌ స్టోరీ ఆఫ్‌ హెన్రీ సుగర్‌ ► బెస్ట్ యానిమేటెడ్‌ షార్ట్‌ఫిల్మ్‌     లెటర్‌ టు ఎ పిగ్‌     నైంటీ- ఫైవ్‌ సెన్సెస్‌     అవర్‌ యూనిఫామ్‌     ప్యాచిడమ్‌     వార్‌ ఈజ్‌ ఓవర్‌!  

దర్శకధీరుడు రాజమౌళి పేరు వినగానే మనకు ఠక్కున ఆ రెండు సినిమాల పేర్లే అందరికీ గుర్తుకొస్తాయి. ఒకటి బాహుబలి.. మరొకటి ఆర్ఆర్ఆర్. ప్రభాస్ నటించిన బాహుబలి, బాహుబలి-2 చిత్రాలతో రికార్డ్‌ క్రియేట్ చేసిన మన జక్కన్న.. ఆర్ఆర్ఆర్ సినిమాతో ఏకంగా ప్రపంచవ్యాప్తంగా తెలుగు సినిమాను పేరును మార్మోగించారు. అంతకుముందు తీసిన సినిమాలు కూడా బ్లాక్‌బస్టర్‌గా నిలిచాయి. టాలీవుడ్‌ ఇండస్ట్రీలో మోస్ట్ సక్సెస్‌ఫుల్‌ డైరెక్టర్‌ ఎవరంటే రాజమౌళి పేరే గుర్తుకొస్తుంది. అయితే ఆయన అందరూ కేవలం దర్శకుడిగానే చూస్తారు. కానీ రాజమౌళి కేవలం డైరెక్టర్‌ మాత్రమే కాదు.. మంచి నటుడు కూడా. ఆయన తీసిన సినిమాల్లో నటుడిగా కనిపించిన సందర్భాలు చాలానే ఉన్నాయి. మరీ ఆ సినిమాలేవి? ఏయే పాత్రలు చేశారో ఓ లుక్కేద్దాం పదండి.  టాలీవుడ్‌ దర్శకధీరుడు రాజమౌళి క్యామియో పాత్రల్లో 8 సినిమాల్లో నటించారు. మొదిటసారి 'సై' సినిమాలో వేణుమాధవ్ అనుచరుడిగా కనిపించారు. ఆ తర్వాత రెయిన్ బో చిత్రంలోను నటించారు. అంతే కాకుండా ఆయన డైరెక్షన్‌లోనే రామ్‌ చరణ్ మగధీర అనగనగనగా పాటలో క్యామియో ఇచ్చారు. ఇక నేచురల్ స్టార్‌ నానితో తీసిన చిత్రం ఈగ  ప్రారంభంలోనే స్టోరీ చెప్పారు. ప్రభాస్‌తో తీసిన బహుబలి మూవీలో సారా అమ్మే వ్యక్తిగా కనిపించారు. మజ్ను మూవీలో దర్శకుడిగా క్యామియోలో దర్శనమిచ్చారు. అంతే కాదు.. ప్రభాస్ నటించిన రాధే శ్యామ్‌లో కూడా కథను స్టార్ట్ చేసేది జక్కన్ననే. ఇక ఆర్ఆర్ఆర్ సినిమాలో 'నెత్తురు మరిగితే ఎత్తర జెండా' అనే సాంగ్‌లో కనిపించి సందడి చేశారు. మొత్తానికి మన జక్కన్న సక్సెస్‌ఫుల్‌ డైరెక్టర్ మాత్రమే కాదు.. మంచి నటుడిగా కూడా తన టాలెంట్‌ను నిరూపించుకున్నారు. 

సాక్షి, హైదరాబాద్‌: హైదరాబాద్‌ రీజినల్‌ రింగురోడ్డు (ఆర్‌ఆర్‌ఆర్‌)లో నిరంతరాయ భూ పరిహారం పంపిణీకి మార్గం సుగమమైంది. ఇందుకు వీలుగా ఆ మార్గంలో అడ్డుగా ఉన్న విద్యుత్‌ టవర్లు, స్తంభాల తరలింపు, నీటి కాలువల మళ్లింపు, అందుకు తగ్గ నిర్మాణాల (యుటిలిటీ షిఫ్టింగ్‌) కోసం రూ.364 కోట్ల మొత్తాన్ని డిపాజిట్‌ చేసేందుకు వీలుగా రాష్ట్ర ప్రభుత్వం జాతీయ రహదారుల ప్రాధికార సంస్థ (ఎన్‌హెచ్‌ఏఐ)కి లేఖ ఇచ్చింది. దీంతో కేంద్ర, రాష్ట్ర ప్రభుత్వాల మధ్య త్రైపాక్షిక ఆర్థిక ఒప్పందం కుదరనుంది. రాష్ట్ర ప్రభుత్వం, కేంద్ర రోడ్డు రవాణా, జాతీయ రహదారుల మంత్రిత్వ శాఖ, ఎన్‌హెచ్‌ఏఐతో త్రైపాక్షిక ఒప్పందం త్వరలో జరగనుంది. ఇక రీజినల్‌ రింగురోడ్డు నిర్మాణంలో భూపరిహారంలో రాష్ట్ర ప్రభుత్వం తన వంతు వాటాతోపాటు యుటిలిటీ షిఫ్టింగ్‌కు అవసరమయ్యే మొత్తాన్ని చెల్లించేందుకు అంగీకరిస్తున్నట్టుగా ఇందులో సంతకాలు చేస్తారు. దీంతో ఈ ప్రాజెక్టు తదుపరి ప్రక్రియ నిరంతరాయంగా కొనసాగేందుకు మార్గం సుగమమవుతుంది.   ఇక అవార్డ్‌ జారీకి శ్రీకారం: ఆర్‌ఆర్‌ఆర్‌ ఉత్తర భాగానికి సంబంధించి 158.645 కి.మీ. నిడివిలో భూసేకరణను మూడు నెలల్లో పూర్తి చేయాలంటూ ముఖ్యమంత్రి రేవంత్‌రెడ్డి మంగళవారం అధికారులను ఆదేశించిన విషయం తెలిసిందే. బుధవారం యుటిలిటీ షిఫ్టింగ్‌ కోసం రూ.364 కోట్లను చెల్లించేందుకు రాష్ట్ర ప్రభుత్వం సమ్మతించడంతో భూపరిహారం పంపిణీకి సంబంధించిన అవార్డ్‌ జారీచేసే కసరత్తుకు ఎన్‌హెచ్‌ఏఐ అధికారులు శ్రీకారం చుట్టనున్నారు. అందుకు సంబంధించి, సేకరిస్తున్న భూముల్లోని నిర్మాణాలు, తోటలకు విలువ కట్టే ప్రక్రియ కొనసాగిస్తున్నారు. ఇది పూర్తి కాగానే గ్రామాల వారీగా అవార్డు పాస్‌ చేస్తారు. ఆయా గ్రామాలకు సంబంధించిన భూ పరిహారంలో 50 శాతం వాటాను రాష్ట్ర ప్రభుత్వం డిపాజిట్‌ చేస్తుంది. ఇలా రూ.2,600 కోట్ల వరకు రాష్ట్ర ప్రభుత్వం పరిహారంలో తన వంతు వాటాగా భరించాల్సి ఉంది. ఆ వెంటనే రోడ్డు నిర్మాణానికి టెండర్ల ప్రక్రియ ప్రారంభం అవుతుంది. గతంలో రాష్ట్ర ప్రభుత్వం–ఎన్‌హెచ్‌ఏఐ మధ్య ఏర్పడ్డ పేచీ కారణంగా దాదాపు 10 నెలలుగా రీజినల్‌ రింగ్‌రోడ్డు ప్రక్రియ నిలిచిపోయింది. ఇప్పుడు మళ్లీ ప్రారంభం కావటంతో రోడ్డు నిర్మాణ పనులు కూడా త్వరలోనే మొదలయ్యే సూచనలు కనపిస్తున్నాయి. దీంతోపాటు దక్షిణభాగానికి సంబంధించిన ప్రక్రియను కూడా ప్రారంభించాలని ప్రభుత్వం నిర్ణయించింది. భారత్‌మాల పరియోజన–1లో ఉత్తర భాగం ఉన్న విషయం తెలిసిందే. దక్షిణ భాగాన్ని జాతీయ రహదారిగా గుర్తిస్తూ కేంద్రం ఉత్తర్వు జారీ చేయాల్సి ఉంది. దాన్ని భారత్‌మాల పరియోజన తదుపరి ఫేజ్‌లో చేర్చాల్సి ఉంది. ఈమేరకు రాష్ట్ర ప్రభుత్వం కేంద్రానికి లేఖ రాయాలని నిర్ణయించింది. పార్లమెంటు ఎన్నికల తర్వాత ఈ ప్రక్రియ జరుగుతుందని భావిస్తున్నారు.   ఇప్పటి వరకు రూ.100 కోట్ల జమ..  భూసేకరణకు రాష్ట్ర ప్రభుత్వ వాటా డబ్బును డిపాజిట్‌ చే సిన తర్వాత భూపరిహారం ప్రక్రియ ప్రారంభిస్తామని గ తంలో ఎన్‌హెచ్‌ఏఐ పేర్కొంది. కానీ దీనికి రాష్ట్ర ప్ర భుత్వం సమ్మతించలేదు. మొత్తం డబ్బులు ఒకేసారి డిపాజిట్‌ చేయటం సరికాదని స్పష్టం చేసింది. దీంతో ఆ ప్రక్రియ నిలిచిపోయింది. ఎన్‌హెచ్‌ఐఏ ఐదు సార్లు లేఖ లు రాసినా ఫలితం లేకపోయింది. మరోవైపు గెజిట్‌ నో టిఫికేషన్‌ గడువు ముగియబోతుండటంతో ప్రాజెక్టు పెండింగులో పడిపోతుందని ఎన్‌హెచ్‌ఏఐ పేర్కొనటంతో ప్ర భుత్వం ఎట్టకేలకు రూ.100 కోట్లు జమ చేసింది. దీంతో గెజిట్‌లు ‘సజీవంగా’ఉండి ప్రాజెక్టు మనుగడలో ఉన్నట్టు గా పరిగణించారు.

ఆర్ఆర్ఆర్ సినిమా సృష్టించిన ప్రభంజనం అంతా ఇంతా కాదు. ఈ చిత్రంతో టాలీవుడ్‌ స్థాయి ఏకంగా గ్లోబల్‌వైడ్‌గా మార్మోగిపోయింది. హాలీవుడ్‌ దర్శక దిగ్గజం కామెరూన్ సైతం ప్రశంసల వర్షం కురిపించారు. దర్శకధీరుడు రాజమౌళి తెరకెక్కించిన ఈ చిత్రం ప్రపంచవ్యాప్తంగా బాక్సాఫీస్‌ వద్ద రికార్డ్‌ స్థాయిలో కలెక్షన్లు రాబట్టింది. అయితే తాజాగా ఈ  చిత్రంపై బ్రెజిల్ అధ్యక్షుడు లూయిజ్ ఇనాసియో లులా ప్రశంసలతో ముంచెత్తారు. ఢిల్లీలో జరుగుతున్న జీ20 సమావేశానికి హాజరైన ఆయన.. రాజమౌళిని సైతం కొనియాడారు.   లులా మాట్లాడుతూ..'ఆర్‌ఆర్‌ఆర్‌ సినిమా బాగా నచ్చంది. ఈ చిత్రంలోని అద్భుతమైన సన్నివేశాలు, అందమైన డ్యాన్సులు ఆకట్టుకున్నాయి. భారత్‌పై బ్రిటిష్‌ పాలనను చూపించినప్పటికీ.. చాలా అర్థవంతంగా ఉంది. ఆ సినిమా చూసి తెలిసిన వాళ్లందరిని ఆర్‌ఆర్‌ఆర్‌ అని మొదట అడిగేవాన్ని. దర్శకుడు రాజమౌళి, నటీనటులకు నా అభినందనలు' అని అన్నారు. దీనికి సంబంధించిన ఓ వీడియోను ‘ఆర్‌ఆర్‌ఆర్‌’ టీమ్‌ తాజాగా ట్విటర్‌లో పోస్ట్ చేసింది. ప్రస్తుతం ఈ వీడియో సోషల్ మీడియాలో తెగ వైరలవుతోంది. రాజమౌళి ట్వీట్ అయితే లులా ప్రశంసలపై రాజమౌళి స్పందించారు. ఈ మేరకు ఆయనకు థ్యాంక్స్ చెబుతూ ట్వీట్‌ చేశారు. ట్వీట్‌లో రాస్తూ.. 'ఆర్ఆర్ఆర్ పట్ల మీ మాటలకు చాలా ధన్యవాదాలు. మీరు భారతీయ సినిమా గురించి ప్రస్తావించడం చాలా ఆనందంగా ఉంది. ఆర్ఆర్ఆర్‌ను ఆస్వాదించారని  చెప్పడం చాలా గర్వకారణం. మీ ప్రశంసలతో మాచిత్రబృందం సంతోషంగా ఉంది. మీరు మా దేశంలో విలువైన సమయాన్ని ఆనందంగా గడుపుతున్నారని ఆశిస్తున్నా అంటూ పోస్ట్ చేశారు.  కాగా.. రాజమౌళి తెరకెక్కించిన ఈ చిత్రంలో రామ్ చరణ్, జూనియర్ ఎన్టీఆర్, ఆలియా భట్ ప్రధాన పాత్రల్లో నటించారు. ఈ సినిమాలోని నాటునాటు సాంగ్‌ను ది బెస్ట్ ఒరిజినల్ సాంగ్ విభాగంలో ఆస్కార్‌ అవార్డ్ దక్కించుకున్న  సంగతి తెలిసిందే.  Sir… @LulaOficial 🙏🏻🙏🏻🙏🏻 Thank you so much for your kind words. It’s heartwarming to learn that you mentioned Indian Cinema and enjoyed RRR!! Our team is ecstatic. Hope you are having a great time in our country. https://t.co/ihvMjiMpXo — rajamouli ss (@ssrajamouli) September 10, 2023

కథను కీలక మలుపు తిప్పే ‘కీ’ రోల్స్‌ దాదాపు ప్రతి సినిమాలోనూ ఉంటాయి. ఈ కీ రోల్స్‌కి ఏజ్‌తో సంబంధం ఉండదు. చిన్నారులు కూడా కథలో పెద్ద మార్పుకు కారణం అవుతుంటారు. ‘ఆర్‌ఆర్‌ఆర్‌’, ‘బింబిసార’ వంటి సినిమాల్లో చిన్ని పాపలు కథకు ప్రాణంగా నిలిచారు. ఇలా ‘పాపే ప్రాణం’ అంటూ సాగే కథలతో రానున్న చిత్రాల గురించి తెలుసుకుందాం.   సంరక్షకుడు? ‘పసివాడి ప్రాణం, జగదేకవీరుడు అతిలోక సుందరి, అంజి’... వంటి సినిమాల్లో చిన్నారులతో చిరంజీవి చేసిన అల్లరి సన్నివేశాలు, అదే సమయంలో వారి ప్రాణ రక్షకుడుగా చేసిన సాహసాలు ప్రేక్షకులను అలరించాయి. మళ్లీ వెండితెరపై ఓ పాపకు సంరక్షకుడిగా ఉండే పాత్రలో చిరంజీవి నటించనున్నారనే టాక్‌ ఫిల్మ్‌నగర్‌ సర్కిల్స్‌లో వినిపిస్తోంది. చిరంజీవి హీరోగా ‘బింబిసార’ ఫేమ్‌ వశిష్ట దర్శకత్వంలో ఓ చిత్రం తెరకెక్కనున్న సంగతి తెలిసిందే. ఇటీవల విడుదలైన కాన్సెప్ట్‌ పోస్టర్‌ను బట్టి ఇది సోషియో ఫ్యాంటసీ ఫిల్మ్‌ అనే ఊహాగానాలు మొదలయ్యాయి. ఈ చిత్రంలో ఓ పాప కీలక పాత్రలో నటించనుందని, ఈ పాప సంరక్షకుడిగా చిరంజీవి చేసే సాహసాలు అబ్బురపరచేలా ఉంటాయని టాక్‌. ఈ ఏడాది చివర్లో రెగ్యులర్‌ షూటింగ్‌ ఆరంభించి, వచ్చే ఏడాది ఈ సినిమాను విడుదల చేసే ఆలోచనలో యూనిట్‌ ఉందని తెలిసింది. ఈ సంగతి ఇలా ఉంచితే... వశిష్ట దర్శకుడిగా పరిచయం అయిన ‘బింబిసార’ చిత్రంలో ఓ పాప సెంట్రల్‌ క్యారెక్టర్‌గా ఉన్న సంగతి తెలిసిందే. హార్ట్‌ ఆఫ్‌ సైంధవ్‌ శ్రద్ధా శ్రీనాథ్, రుహానీ శర్మ, ఆండ్రియా జెర్మియా.. ఇలా ముచ్చటగా ముగ్గురు హీరోయిన్లు ఉన్నా కూడా హీరో ‘సైంధవ్‌’ మనసులో తొలి స్థానం చిన్నారి సారాదే. సారా అంటే ‘హార్ట్‌ ఆఫ్‌ సైంధవ్‌’ అన్నమాట. వెంకటేశ్‌ టైటిల్‌ రోల్‌లో నటిస్తున్న ఈ సైంధవ్‌ సినిమాకు ‘హిట్‌’ ఫ్రాంచైజీ ఫేమ్‌ శైలేష్‌ కొలను దర్శకత్వం వహిస్తున్నారు. చిత్రీకరణ తుది దశకు చేరుకుంది. సైంధవ్‌ హార్ట్‌ సారా అని చిత్ర యూనిట్‌ అంటోందంటే కథలో చిన్నారి సారా పాత్రకు చాలా ప్రాధాన్యం  ఉంటుందని ఊహించవచ్చు. తమిళ నటుడు ఆర్య, హిందీ నటుడు నవాజుద్దీన్‌ సిద్ధిఖీ కీలక పాత్రలు చేస్తున్న ‘సైంధవ్‌’ చిత్రం డిసెంబరు 22న విడుదల కానుంది. హాయ్‌ నాన్న తండ్రీకూతుళ్ల అనుబంధం నేపథ్యంలో తెలుగులో రూపొందుతున్న మరో చిత్రం ‘హాయ్‌ నాన్న’. ఈ ఎమోషనల్‌ మూవీలో నాని హీరోగా నటిస్తున్నారు. ‘సీతారామం’ ఫేమ్‌ మృణాల్‌ ఠాకూర్‌ హీరోయిన్‌గా నటిస్తున్న ఈ చిత్రంలో శ్రుతీహాసన్‌ ఓ కీలక పాత్ర చేస్తున్నారు. శౌర్యువ్‌ దర్శకుడిగా పరిచయం అవుతున్నారు. ఈ చిత్ర కథ ఓ పాప పాత్ర చుట్టూ తిరుగుతుందని, ఈ క్రమంలో వచ్చే భావోద్వేగ సన్నివేశాలు ప్రేక్షకులను కంటతడి పెట్టిస్తాయని తెలుస్తోంది. ‘హాయ్‌ నాన్న’ డిసెంబరు 21న రిలీజ్‌ కానుంది. గరుడ సాహసాలు ‘గరుడ’ సినిమా పోస్టర్‌ చూశారుగా.. సత్యదేవ్‌ వీపుపై కూర్చున్న ఓ చిన్నారి ఎంత భయంగా చూస్తుందో కదా! పైగా అది అడవి ప్రాంతం. ఆ చిన్నారి భయాన్ని పోగొట్టి, తనను సురక్షితంగా గరుడ ఎలా రక్షించాడనేది వెండితెర పైనే చూడాలంటోంది యూనిట్‌. సత్యదేవ్‌ హీరోగా క్రాంతి బాల దర్శకత్వం వహిస్తున్న చిత్రం ‘గరుడ’. సోషియో ఫ్యాంటసీ నేపథ్యంలో సాగే అడ్వంచరస్‌ మూవీగా ఈ చిత్రం ఉంటుందట. ఈ చిత్రం తొలి భాగం ‘గరుడ: చాప్టర్‌ 1’ త్వరలోనే రిలీజ్‌ కానుంది. ఇలా చిన్నారులు కీలకంగా నిలిచే చిత్రాలు మరికొన్ని ఉన్నాయి.

ఆర్‌ఆర్‌ఆర్‌ టీంతో కేంద్ర హోంశాఖ మంత్రి అమిత్‌ షా సమావేశం చివరి క్షణంలో రద్దయింది. ఈ నెల 23న అమిత్‌ షా తెలంగాణ పర్యటనకు రానున్నట్లు ఇటీవల వెల్లడైన సంగతి తెలిసిందే. ఈ సందర్భంగా నోవాటెల్‌ హోటల్‌లో ఆర్‌ఆర్‌ఆర్‌ టీంతో అమిత్‌ షా సమావేశం కానున్నట్లు కూడా సమాచారం వెల్లడైంది. కానీ ఇప్పుడు ఈ సమావేశం రద్దయినట్లు తెలిసింది. చివరి క్షణంలో అమిత్ షా టూర్ షెడ్యూల్లో మార్పులు జరగటం వల్ల ఆయన ఎయిర్ పోర్ట్ నుంచి నేరుగా చేవెళ్ల సభకు వెళ్లనున్నట్లు, ఆ సభ తర్వాత కోర్ కమిటీతో భేటీ అయ్యే అవకాశం ఉన్నట్లు తెలుస్తోంది. ఈ కారణంగానే ఆర్‌ఆర్‌ఆర్‌ టీంతో సమావేశం తాత్కాలికంగా రద్దయిందని తెలుస్తోంది. ఆ తరువాత ఈ సమావేశం ఎప్పుడుంటుందనే తెలియాల్సి ఉంది.

‘‘ఆస్కార్‌’ అవార్డు సాధించి ఎంతో మంది తెలుగు ప్రజల ఆకాంక్షలు నెరవేర్చారు డైరెక్టర్‌ రాజమౌళి. ఆయన రాజమౌళి కాదు.. రాజముని. ఆయన చేసిన గొప్ప ప్రయోగం (ఆర్‌ఆర్‌ఆర్‌) తెలుగు వారి కీర్తిని ప్రపంచవ్యాప్తంగా చాటింది’’ అని ఆంధ్రప్రదేశ్‌ రాష్ట్ర సినిమాటోగ్రఫీ శాఖ మంత్రి చెల్లుబోయిన శ్రీనివాస వేణుగోపాల కృష్ణ అన్నారు. 95వ ఆస్కార్‌ వేడుకల్లో ‘ఆర్‌ఆర్‌ఆర్‌’ సినిమాలోని ‘నాటు నాటు..’ పాట బెస్ట్‌ ఒరిజినల్‌ సాంగ్‌ విభాగంలో ఆస్కార్‌ సాధించిన విషయం తెలిసిందే. ఈ సందర్భంగా తెలుగు చలనచిత్ర పరిశ్రమ ఆధ్వర్యంలో ఆస్కార్‌ అవార్డు గ్రహీతలు కీరవాణి, చంద్రబోస్‌లను హైదరాబాద్‌లో ఘనంగా సత్కరించారు. ఈ కార్యక్రమానికి విచ్చేసిన శ్రీనివాస వేణుగోపాల కృష్ణ మాట్లాడుతూ–‘‘ఆస్కార్‌ అంటే ఆకాశంలో తారలాంటిది. ఆ తారని నేలకు తెచ్చిన రాజమౌళి, కీరవాణి, చంద్రబోస్‌లకు  అభినందనలు. తెలుగువారు గర్వపడేలా తెలుగు ఇండస్ట్రీని ఉన్నత స్థానంలో నిలిపిన వారికి ఏపీ ప్రభుత్వం, మా ముఖ్యమంత్రి వైఎస్‌ జగన్‌ మోహన్‌ రెడ్డిగారి తరఫున అభినందనలు’’ అన్నారు. తెలంగాణ రాష్ట్ర సినిమాటోగ్రఫీ శాఖ మంత్రి తలసాని శ్రీనివాస్‌ యాదవ్‌ మాట్లాడుతూ– ‘‘నాటు నాటు..’ పాటకి ‘ఆస్కార్‌’ రావాలని లక్షల మంది ఎదురు చూశారు.. ఆ అవార్డు రానే వచ్చింది. ఈ విజయాన్ని సాధించిన రాజమౌళి, కీరవాణి, చంద్రబోస్‌గార్లకు అభినందనలు’’అన్నారు. తెలంగాణ రాష్ట్ర క్రీడలశాఖ మంత్రి శ్రీనివాస్‌ గౌడ్‌ మాట్లాడుతూ–‘‘ఒక సినిమాకి నంది అవార్డు వచ్చిందంటే చాలా గొప్పగా అనుకుంటున్నాం. అలాంటిది తొలిసారి ఒక తెలుగు పాటకి ప్రపంచంలో అత్యున్నతమైన ‘ఆస్కార్‌’ అవార్డు రావడం తెలుగు ఇండస్ట్రీ గర్వపడే సమయం. ‘ఆర్‌ఆర్‌ఆర్‌’ యూనిట్‌కి అభినందనలు’’ అన్నారు. ఎంఎం కీరవాణి మాట్లాడుతూ– ‘‘నాటు నాటు..’ పాటకి ‘ఆస్కార్‌’ అవార్డు రావడం వెనుక రాజమౌళి, ప్రేమ్‌ రక్షిత్‌ మాస్టర్, అద్భుతంగా డ్యాన్స్‌ చేసిన రామ్‌చరణ్, ఎన్టీఆర్, ఉక్రెయిన్‌ డ్యాన్సర్స్‌ కృషి ఉంది. ‘ఆర్‌ఆర్‌ఆర్‌’ సినిమా నచ్చింది కాబట్టే ‘నాటు నాటు..’ పాట నచ్చింది, అవార్డు వచ్చింది. ఇది ‘ఆర్‌ఆర్‌ఆర్‌’ యూనిట్‌ సమిష్టి కృషికి లభించిన విజయం’’ అన్నారు. పాటల రచయిత చంద్రబోస్‌ మాట్లాడుతూ–‘‘తమ్ముడూ.. నువ్వు పాడటంపై దృష్టి పెట్టొద్దు.. రాయడంపై దృష్టి పెట్టు’ అని చెప్పిన గుర్రా శ్రీనాథ్‌ అన్న, ‘పెళ్లిసందడి’ సమయంలో ‘బోస్‌ని మనతోపాటు చెన్నై తీసుకెళదాం’ అంటూ రాఘవేంద్రరావుగారితో చెప్పిన కీరవాణిగార్ల మాటలు నా జీవిత గమనాన్ని మార్చి ఈ స్థాయిలో నిలబెట్టాయి. ఆస్కార్‌ని చేతిలో పట్టుకున్నప్పుడు భారత సాహిత్య పతాకాన్ని పట్టుకున్నంత ఆనందం కలిగింది’’ అన్నారు. ఈ వేడుకలో నిర్మాతలు, దర్శకులు, హీరోలు, చిత్ర పరిశ్రమలోని 24 విభాగాల ప్రతినిధులు పాల్గొన్నారు. 

దర్శకధీరుడు తెరకెక్కించిన రాజమౌళి ఆర్ఆర్ఆర్‌ ప్రపంచవ్యాప్తంగా ప్రభంజనం సృష్టించిన సంగతి తెలిసిందే. ఈ చిత్రంలోని నాటునాటు సాంగ్‌కు సైతం ఆస్కార్ అవార్డ్ కూడా దక్కింది. అయితే తాజాగా ఈ మూవీ రికార్డ్‌ బద్దలైంది. ప్రస్తుతం ఈ మూవీ నెట్‌ఫ్లిక్స్‌లో స్ట్రీమింగ్ అవుతున్న సంగతి తెలిసిందే. అయితే ఆర్ఆర్ఆర్ ఇప్పటి వరకు 2 5మిలియన్ ‍అవర్స్‌తో తొలిస్థానంలో ఉండగా ఆ రికార్డ్ తుడిచిపెట్టుకుపోయింది. ఇటీవల రిలీజైన హైజాకింగ్‌ థ్రిలింగ్‌ డ్రామా ‘చోర్‌ నికల్‌ కే భాగా’ ఆర్ఆర్ఆర్‌ను అధిగమించింది. యామీ గౌతమ్‌, సన్నీ కౌశల్‌, శరద్‌ ఖేల్కర్‌ ప్రధాన పాత్రల్లో తెరకెక్కిన ఈ మూవీ 29 మిలియన్ల అవర్స్ వీక్షించనట్లు నెట్‌ఫ్లిక్స్ వెల్లడించింది. విడుదలైన రెండు వారాల్లోనే అత్యధికమంది వీక్షించిన తొలి భారతీయ చిత్రంగా రికార్డు సృష్టించింది. కాగా..  మూడో స్థానంలో 22 మిలియన్‌ అవర్స్‌తో అలియాభట్‌ ప్రధానపాత్రలో నటించిన  గంగూబాయి కతియావాడి నిలిచింది.

తెలుగోడి సత్తాను ప్రపంచానికి పరిచయం చేసిన చిత్రం ఆర్ఆర్ఆర్. దర్శకధీరుడు రాజమౌళి తెరకెక్కించిన ఈ చిత్రం వరల్డ్ బాక్సాఫీస్‌ను షేక్ చేసింది. విదేశాల్లోనూ రికార్డ్‌ స్థాయిలో వసూళ్లు రాబట్టింది. ముఖ్యంగా జపాన్‌లో ఆర్ఆర్ఆర్ క్రేజ్‌ మామూలుగా లేదు.  దేశవ్యాప్తంగా రికార్డ్ విజయాన్ని అందుకున్న ఈ చిత్రం జపాన్‌లోనూ అదరగొట్టిన సంగతి తెలిసిందే. అక్కడి అభిమానులను ఆర్ఆర్ఆర్ విపరీతంగా ఆకట్టుకుంది. అక్టోబర్ 21న జపాన్‌లో విడుదలై 'ఆర్ఆర్ఆర్' రికార్డులు సృష్టించింది. 24ఏళ్ల క్రితం జపాన్‌లో రిలీజ్‌ అయిన రజనీకాంత్‌ ‘ముత్తు’ సినిమా రికార్డ్ వసూళ్లను బద్దలు కొట్టింది. ఇటీవలే  అమెరికాలోని లాస్‌ ఎంజిల్స్‌లో జరిగిన 95వ ఆస్కార్ వేడుకల్లో నాటు నాటు పాటకు అవార్డ్ దక్కింది. అయితే తాజాగా జపాన్‌లో ఈ చిత్రానికి ఉన్న క్రేజ్ ఏ మాత్రం తగ్గడం లేదు. జపాన్‌కు ఓ అభిమాని తన కుమారుని కోసం అదిరిపోయే గిఫ్ట్ ఇచ్చింది. ఆర్ఆర్ఆర్ చిత్రాన్ని అర్థమయ్యేలా ఓ తల్లి ఏకంగా ఈ సినిమా బొమ్మలతో కూడిన స్టోరీ బుక్‌ను రూపొందించింది. కామిక్ బొమ్మల రూపంలో తయారు చేసిన ఆ బుక్ సోషల్ మీడియాలో వైరలవుతోంది. ఈ బుక్ చూస్తుంటే ఇండియాలోనే కాదు.. విదేశాల్లోనూ ఆర్ఆర్ఆర్‌కు ఎంత క్రేజ్ ఉందో అర్థమవుతోంది. View this post on Instagram A post shared by ROAR OF RRR (@ssrrrmovie)

దర్శకధీరుడు రాజమౌళి గ్లోబల్ బ్లాక్ బస్టర్ మూవీ 'ఆర్ఆర్ఆర్'. ప్రపంచవ్యాప్తంగా బాక్సాఫీస్ వద్ద సంచలనం సృష్టించింది ఈ చిత్రం. బాక్సాఫీస్‌ను షేక్‌ చేసి పలు రికార్డులు కొల్లగొట్టింది. ఆర్ఆర్ఆర్ దెబ్బకు రికార్డులు క్యూ కట్టాయి. తాజాగా ఈ చిత్రం విడుదలై ఏడాది పూర్తయింది. ఈ సందర్భంగా చిత్రబృందం సోషల్ మీడియాలో సినీ ప్రియులకు కృతజ్ఞతలు తెలిపింది. ఇటివలే ఆస్కార్ అవార్డ్ కూడా దక్కించుకున్న ఈ చిత్రం ప్రపంచవ్యాప్తంగా గుర్తింపు సాధించింది. ట్విటర్‌లో ఎన్టీఆర్‌, రామ్‌ చరమ్ పోస్టర్‌ను షేర్ చేసింది.  తన అధికారిక ట్విటర్‌లో రాస్తూ.. 'ఆర్ఆర్ఆర్ మూవీ విడుదలై ఇప్పటికీ ఏడాది కావస్తోంది. ఇంకా ప్రపంచంలో ఎక్కడో థియేటర్లలో హౌస్‌ఫుల్‌గా సినిమా రన్ అవుతోంది. ఈ అనుభూతి అన్ని అవార్డుల కంటే పెద్దది. ఆర్ఆర్ఆర్ చిత్రంపై మీరు కురిపించిన ప్రేమకు  మీకు కృతజ్ఞతలు చెప్పిన సరిపోదు.' అంటూ పోస్ట్ చేసింది. పోస్టర్‌లో ఈ చిత్రానికి దక్కిన అవార్డులను ప్రదర్శించారు. కాగా.. ఈ సినిమాలో రామ్ చరణ్, జూనియర్ ఎన్టీఆర్, అలియా భట్, అజయ్ దేవగన్, శ్రియా శరణ్ ప్రధాన పాత్రల్లో నటించారు.  ఆర్ఆర్ఆర్ చిత్రం పొందిన అవార్డులివే ఆస్కార్‌ బెస్ట్‌ ఒరిజినల్‌ సాంగ్‌  గోల్డెన్‌ గ్లోబ్‌ బెస్ట్‌ ఒరిజినల్‌ సాంగ్‌   న్యూయార్క్‌ ఫిల్మ్‌ క్రిటిక్స్‌ సర్కిల్‌ బెస్ట్‌ డైరెక్టర్‌   డొరియన్‌ అవార్డ్స్‌ నాన్‌ ఇంగ్లిష్‌ లాంగ్వేజ్‌ ఫిల్మ్‌ ఆఫ్‌ ది ఇయర్‌   క్రిటిక్స్‌ ఛాయిస్‌ మూవీ అవార్డ్స్‌ బెస్ట్‌ ఫారిన్‌ లాంగ్వేజ్‌ ఫిల్మ్‌  బెస్ట్‌ సాంగ్‌ సెలబ్రిటీ ఫిల్మ్‌ అవార్డ్స్‌ బెస్ట్‌ ఫారిన్‌ లాంగ్వేజ్‌ ఫిల్మ్‌ బోస్టన్‌ సొసైటీ ఆఫ్‌ ఫిల్మ్‌ క్రిటిక్స్‌ బెస్ట్‌ ఒరిజినల్‌ సాంగ్‌ పండోరా ఇంటర్నేషనల్‌ ఫిల్మ్‌ క్రిటిక్స్‌ అవార్డ్స్‌ సాంగ్‌ కంపోజింగ్‌ ఆస్టిన్‌ ఫిల్మ్‌ క్రిటిక్స్‌ అసోసియేషన్‌ బెస్ట్‌ స్టంట్‌ కో-ఆర్డినేటర్‌ అట్లాంటా ఫిల్మ్‌ క్రిటిక్స్‌ సర్కిల్‌ బెస్ట్‌ ఇంటర్నేషనల్‌ ఫీచర్‌ జార్జియా ఫిల్మ్‌ క్రిటిక్స్‌ అసోసియేషన్‌ బెస్ట్‌ ఇంటర్నేషనల్‌ ఫిల్మ్‌ హాలీవుడ్‌ క్రిటిక్స్‌ అసోసియేషన్‌ బెస్ట్ యాక్షన్‌ ఫిల్మ్‌ బెస్ట్‌ ఇంటర్నేషనల్‌ ఫిల్మ్‌ బెస్ట్‌ ఒరిజినల్‌ సాంగ్‌ బెస్ట్‌ స్టంట్స్‌ స్పాట్‌ లైట్‌ అవార్డు సియాటెల్‌ ఫిల్మ్‌ క్రిటిక్స్‌ సొసైటీ బెస్ట్‌ యాక్షన్‌ కొరియోగ్రఫీ ఆన్‌లైన్‌ ఫిల్మ్‌ క్రిటిక్స్‌ సొసైటి బెస్ట్‌ స్టంట్‌ కో-ఆర్డినేషన్‌ బెస్ట్‌ ఒరిజినల్‌ సాంగ్‌ హ్యుస్టన్‌ ఫిల్మ్‌ క్రిటిక్స్‌ సొసైటీ బెస్ట్‌ ఫారిన్‌ లాంగ్వేజ్‌ ఫీచర్‌ బెస్ట్‌ ఒరిజినల్‌ సాంగ్‌ బెస్ట్‌ స్టంట్‌ కో-ఆర్డినేషన్‌ టీమ్‌ ఉటా ఫిల్మ్‌ క్రిటిక్స్‌ అసోసియేషన్‌ బెస్ట్‌ నాన్‌ ఇంగ్లీష్‌ లాంగ్వేజ్‌ ఫీచర్‌ సౌత్‌ ఈస్టర్న్‌ ఫిల్మ్‌ క్రిటిక్స్‌ అసోసియేషన్‌ బెస్ట్‌ ఫారిన్‌ లాంగ్వేజ్‌ ఫిల్మ్‌ టాప్‌ టెన్‌ ఫిల్మ్స్‌ న్యూయార్క్‌ ఫిల్మ్‌ క్రిటిక్స్‌ ఆన్‌లైన్‌ టాప్‌ ఫిల్మ్స్‌ ఆఫ్‌ ది ఇయర్‌ నేషనల్‌ బోర్డ్‌ ఆఫ్ రివ్యూ టాప్‌ టెన్‌ ఫిల్మ్స్‌ లాస్‌ ఏంజిల్స్‌ ఫిల్మ్‌ క్రిటిక్స్‌ అసోసియేషన్‌ బెస్ట్‌ మ్యూజిక్‌ శాటర్న్‌ అవార్డ్స్‌ బెస్ట్‌ ఇంటర్నేషనల్‌ ఫిల్మ్‌ It’s been a year since #RRRMovie was released and it is still running in theatres somewhere in the world, getting housefuls. This feeling is bigger than any award, and we cannot thank you all enough for all the love you have showered throughout. ❤️ #1YearOfHistoricalRRR pic.twitter.com/hLglDr774F — RRR Movie (@RRRMovie) March 25, 2023

తెలుగు చిత్ర సీమను ప్రపంచానికి ఎలుగెత్తి చూపి ఆస్కార్ సొంతం చేసుకున్న 'ఆర్ఆర్ఆర్' గురించి, అందులో నటించిన నటీ, నటులను గురించి ప్రత్యేకంగా చెప్పవలసిన అవసరం లేదు. రామ్ చరణ్, ఎన్టీఆర్ తమ నటనతో అందరిని ఆకట్టుకున్నారు. అయితే చరణ్ సినిమాల గురించి తెలిసిన చాలామందికి అతడు ఎలాంటి కార్లను ఉపయోగిస్తాడు, అతని ఆస్తుల విలువ ఎంత అనేది తెలుసుకోవాలనే కుతూహలం ఉంటుంది. అలాంటి వారికోసం ప్రత్యేక కథనం..  చిరుత సినిమాతో తెలుగు సినీ రంగప్రవేశం చేసిన చరణ్.. మగధీరతో బాక్సాఫీస్ బద్దలు కొట్టి ఆర్ఆర్ఆర్ సినిమాతో పాన్ ఇండియా స్టార్ అయ్యాడు. ఖైదీ నంబర్ 150 నిర్మాతగా కూడా సక్సెస్ అయ్యాడు. అంతే కాకుండా పెప్సీ, టాటా డొకోమో, వోలానో, అపోలో జియా, హీరో మోటోక్రాప్, ఫ్రూటీ వంటి దాదాపు 34 బ్రాండ్‌లను అంబాసిడర్‌గా వ్యవహరిస్తూ బాగా సంపాదిస్తున్నాడు. కొణిదెల రామ్ చరణ్ మొత్తం ఆస్తుల విలువ దాదాపు 1370 కోట్లు ఉంటుందని అంచనా. ఈయన నెల సంపాదన రూ. 3 కోట్లకంటే ఎక్కువ అని నివేదికలు చెబుతున్నాయి. RRR సినిమాలో తన పాత్ర కోసం రూ. 45 కోట్లు తీసుకున్నట్లు సమాచారం. మొత్తం మీద మన దేశంలో ఎక్కువ ట్యాక్స్ చెల్లిస్తున్నవారిలో రామ్ చరణ్ ఒకరు కావడం గమనార్హం. (ఇదీ చదవండి: సిట్రోయెన్ సి3 కొత్త ధరలు.. వాహన ప్రియులకు షాక్) రామ్ చరణ్ హైదరాబాద్‌లోని జూబ్లీహిల్స్‌లో దాదాపు 25,000 చదరపు అడుగుల విస్తీర్ణంలో బంగ్లా కలిగి ఉన్నారు. ఇందులో స్విమ్మింగ్ పూల్, టెన్నిస్ కోర్ట్, టెంపుల్, జిమ్, ఫిష్ పాండ్ వంటి అధునాతన సదుపాయాలు ఉన్నాయని తెలుస్తోంది. దీని విలువ రూ. 38 కోట్లు ఉంటుందని అంచనా. దీనితో పాటు ముంబైలో పెంట్ హౌస్ కూడా ఉందని చెబుతున్నారు. ఇక చివరగా రామ్ చరణ్ ఎలాంటి వాహనాలు ఉపయోగిస్తారు అనే విషయానికి వస్తే, ఈయన వద్ద దాదాపు రూ.4 కోట్ల విలువైన కస్టమైజ్డ్ మెర్సిడెస్ మేబ్యాక్ GLS 600 తో పాటు, ఆడి మార్టిన్ V8 వాంటేజ్, రోల్స్ రాయిస్ ఫాంటమ్, రేంజ్ రోవర్ ఆటోబయోగ్రఫీ, ఆస్టన్ మార్టిన్ మరియు ఫెరారీ పోర్టోఫినో ఉన్నాయి. అంతే కాకుండా చరణ్ ఒక సొంత ప్రైవేట్ జెట్ కూడా కలిగి ఉన్నారు.

‘నే పాడితే లోకమే పాడదా.. నే ఆడితే లోకమే ఆడదా...’ పాటలో దమ్ముంటే లోకం పాడుతుంది.. ఆడుతుంది.. ఆ పాట విశ్వ విజేత అవుతుంది. ‘నాటు నాటు...’ అందుకో ఉదాహరణ.  క్లాస్, మాస్‌ తేడా లేకుండా నాటు బీటు అందరి మనసుల్లోకి చొచ్చుకుపోయింది. తెలుగు పరిశ్రమ తొలి ఆస్కార్‌ ఆనందాన్ని చవి చూసేలా చేసింది. ‘ఆర్‌ఆర్‌ఆర్‌’ హీరోలు ఎన్టీఆర్, రామ్‌చరణ్, దర్శకుడు రాజమౌళి, డాల్బీ థియేటర్‌లో ఇతరుల కరతాళ ధ్వనుల మధ్య చిత్రసంగీతదర్శకుడు కీరవాణి, రచయిత చంద్రబోస్‌ ఆస్కార్‌ని అందుకున్నారు. దేశం మురిసిన వేళ.. తెలుగు స్క్రీన్‌ ఆనందించిన వేళ 95వ ఆస్కార్‌ అవార్డు విశేషాలు తెలుసుకుందాం... అంతర్జాతీయ వేదికపై తెలుగోడి ‘నాటు నాటు’ మారుమోగిపోయింది. ఆస్కార్‌ వేదికపై నాటు నాటు స్టెప్పులు అదిరిపోయాయి. ‘బెస్ట్‌ ఒరిజినల్‌ సాంగ్‌’ విభాగంలో ‘ఆర్‌ఆర్‌ఆర్‌’ చిత్రంలోని ‘నాటు నాటు’ పాటకు ఆస్కార్‌ అవార్డు దక్కింది. దాదాపు 80 పాటలను పరిశీలించి 15 పాటలను బెస్ట్‌ ఒరిజినల్‌ స్కోర్‌ విభాగంలో అవార్డు కోసం షార్ట్‌లిస్ట్‌ చేసింది ఆస్కార్‌ కమిటీ. ఈలోపు ‘ఆర్‌ఆర్‌ఆర్‌’ టీమ్‌ ప్రమోషన్స్‌తో ‘నాటు నాటు..’ విదేశీయులకు కూడా మరింత చేరువైంది. ఈ క్రమంలోనే జనవరి 24న వెల్లడైన ఆస్కార్‌ నామినేషన్స్‌లో ‘బెస్ట్‌ ఒరిజినల్‌ సాంగ్‌’ విభాగంలో ‘నాటు నాటు..’కు చోటు దక్కింది. ‘ నాటు నాటు’ పాటతో పాటు ‘టెల్‌ ఇట్‌ లైక్‌ ఏ ఉమెన్‌’ చిత్రంలోని ‘అప్లాజ్‌’, ‘బ్లాక్‌పాంథర్‌: వకాండ ఫరెవర్‌’లోని ‘లిఫ్ట్‌ మీ అప్‌’, ‘ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌’ చిత్రంలోని ‘దిస్‌ ఈజ్‌ ఏ లైఫ్‌’, ‘టాప్‌గన్‌: మ్యావరిక్‌’లోని ‘హోల్డ్‌ మై హ్యాండ్‌’ పాటలు బరిలో నిలిచాయి. అయితే వీటన్నింటినీ దాటుకుని తెలుగు ‘నాటు నాటు’ ఆస్కార్‌ అవార్డును తెచ్చింది. ప్రపంచ సినిమా చరిత్రలో సరికొత్త చరిత్రకు పునాది వేసింది. ఇలా దేశానికి ఆస్కార్‌ తెచ్చిన తొలి చిత్రంగా, తొలి తెలుగు చిత్రంగా ‘ఆర్‌ఆర్‌ఆర్‌’ నిలిచింది (గతంలో కొందరు భారతీయులు, ఇండో–అమెరికన్స్‌ ఆస్కార్‌ అవార్డులు సాధించినప్పటికీ అవి భారతీయ చిత్రాలు కావు). ఒక ఏషియన్‌ చిత్రం (ఆర్‌ఆర్‌ఆర్‌) నుంచి ఓ పాటకు (నాటు నాటు) అవార్డు రావడం ఇదే తొలిసారి. అలాగే నాన్‌–ఇంగ్లిష్‌ పాటల్లో ఆస్కార్‌ అవార్డు సాధించిన నాలుగో పాటగా ‘నాటు నాటు’ నిలిచింది. ఇక ఆస్కార్‌ అవార్డు సాధించిన తొలి తెలుగు వ్యక్తులుగా కీరవాణి, చంద్రబోస్‌ రికార్డు సృష్టించారు. అలాగే బెస్ట్‌ ఒరిజినల్‌ సాంగ్‌ విభాగంలో ఆస్కార్‌ అవార్డు సాధించిన రెండో భారతీయుడుగా కీరవాణి, రెండో గీత రచయితగా చంద్రబోస్‌ నిలిచారు. 2009లో జరిగిన 81వ ఆస్కార్‌ అవార్డ్స్‌లో ఇంగ్లిష్‌ చిత్రం ‘స్లమ్‌డాగ్‌ మిలియనీర్‌’కి గాను ‘బెస్ట్‌ ఒరిజినల్‌ సాంగ్‌’ విభాగంలో ఏఆర్‌ రెహమాన్, రచయిత గుల్జార్‌ ఆస్కార్‌ అవార్డులను అందుకున్నారు.  ఇక 95వ ఆస్కార్‌ అవార్డ్స్‌లో ప్రకటించిన మొత్తం 23 విభాగాల జాబితాల్లోకి వస్తే...  ఉత్తమ చిత్రం: ఎవ్రీవేర్‌ ఎవ్రీథింగ్‌ ఆల్‌ ఎట్‌ వన్స్‌ ఉత్తమ దర్శకుడు: డానియల్‌ క్వాన్, డానియల్‌ స్కీనెర్ట్‌ (ఎవ్రీవేర్‌ ఎవ్రీథింగ్‌ ఆల్‌ ఎట్‌ వన్స్‌) ఉత్తమ నటుడు: బ్రెండెన్‌ ఫ్రాసెర్‌ (ది వేల్‌) ఉత్తమ నటి: మిషెల్‌ యో (ఎవ్రీవేర్‌ ఎవ్రీథింగ్‌ ఆల్‌ ఎట్‌ వన్స్‌) ఉత్తమ ఒరిజినల్‌సాంగ్‌: ‘ఆర్‌ఆర్‌ఆర్‌’ చిత్రంలోని ‘నాటు నాటు’(మ్యూజిక్‌ డైరెక్టర్‌ కీరవాణి, లిరిక్‌ రైటర్‌ చంద్రబోస్‌) ఉత్తమ సహాయ నటుడు:  కి హుయ్‌ క్వాన్‌ (ఎవ్రీవేర్‌ ఎవ్రీథింగ్‌ ఆల్‌ ఎట్‌ వన్స్‌) ఉత్తమ సహాయ నటి: జామి లీ కర్టిస్‌ (ఎవ్రీవేర్‌ ఎవ్రీథింగ్‌ ఆల్‌ ఎట్‌ వన్స్‌) ఉత్తమ క్యాస్ట్యూమ్‌ డిజైన్‌: రూథ్‌ కార్టర్‌(బ్లాక్‌ పాంథర్‌: వకండా ఫరెవర్‌) ఉత్తమ స్క్రీన్‌ ప్లే: డానియల్‌ క్వాన్, డానియల్‌ స్కీనెర్ట్‌ (ఎవ్రీవేర్‌ ఎవ్రీథింగ్‌ ఆల్‌ ఎట్‌ వన్స్‌) ఉత్తమ సినిమాట్రోగ్రఫీ: జేమ్స్‌ఫ్రెండ్‌ (ఆల్‌ క్వైట్‌ ఆన్‌ ది వెస్ట్రన్‌ ఫ్రంట్‌) ఉత్తమ ఎడిటర్‌: పాల్‌ రోజర్స్‌ (ఎవ్రీవేర్‌ ఎవ్రీథింగ్‌ ఆల్‌ ఎట్‌ వన్స్‌) ఇంటర్‌నేషనల్‌ ఫీచర్‌ ఫిల్మ్‌: ఆల్‌ క్వైట్‌ ఆన్‌ ది వెస్ట్రంట్‌ ఫ్రంట్‌ (జర్మనీ) బెస్ట్‌ డాక్యుమెంటరీ ఫీచర్‌ ఫిల్మ్‌: నవాల్నీ బెస్ట్‌ డాక్యుమెంటరీ షార్ట్‌ సబ్జెక్ట్‌: ది ఎలిఫెంట్‌ విస్పరర్స్‌ బెస్ట్‌ ప్రొడక్షన్‌ డిజైన్‌: క్రిస్టియన్‌ ఎం గోల్డ్‌ బెక్‌ (ఆల్‌ క్వైట్‌ ఆన్‌ ది వెస్ట్రంట్‌ ఫ్రంట్‌) బెస్ట్‌ విజువల్‌ ఎఫెక్ట్స్‌: అవతార్‌: ది వే ఆఫ్‌ వాటర్‌ (అవతార్‌ 2) బెస్ట్‌ సౌండ్‌: టాప్‌గన్‌: మ్యావరిక్‌ బెస్ట్‌ మేకప్‌ అండ్‌ హెయిర్‌ స్టయిల్‌: ది వేల్‌ బెస్ట్‌ యానిమేటెడ్‌ ఫీచర్‌ ఫిల్మ్‌: పినాషియో లైవ్‌ యాక్షన్‌ షార్ట్‌ ఫిల్మ్‌: ఏన్‌ ఐరిస్‌ గుడ్‌ బై యానిమేటెడ్‌ షార్ట్‌ ఫిల్మ్‌: ద బాయ్, ద మోల్, ద ఫాక్స్‌ అండ్‌ ది హార్స్‌ బెస్ట్‌ అడాప్టెడ్‌ స్క్రీన్‌ ప్లే: షెరా పాల్లే (ఉమెన్‌ టాకింగ్‌) బెస్ట్‌ ఒరిజినల్‌ స్కోర్‌: బ్రెటెల్‌మాన్‌ (ఆల్‌ క్వైట్‌ ఆన్‌ ది వెస్ట్రంట్‌ ఫ్రంట్‌) హోస్ట్‌ జిమ్మిపై నెటిజన్ల ఆగ్రహం ఆస్కార్‌ వేడుక ప్రారంభంలో ‘ఆర్‌ఆర్‌ఆర్‌’ ప్రస్తావన వచ్చినప్పుడు హోస్ట్‌ జిమ్మి ‘ఆర్‌ఆర్‌ఆర్‌’ బాలీవుడ్‌ మూవీ అన్నట్లుగా చెప్పారు. దీంతో నెటిజన్లు జిమ్మి కిమ్మెల్‌ను తప్పుపడుతూ  కామెంట్ల వర్షం కురిపించారు. ప్రపంచవ్యాప్తంగా ‘ఆర్‌ఆర్‌ఆర్‌’ తెలుగు సినిమా అని గుర్తింపు పొందిన నేపథ్యంలో ఆస్కార్‌లాంటి ప్రతిష్ఠాత్మక అవార్డుకు  హోస్ట్‌ అయిన జిమ్మీ బాలీవుడ్‌ మూవీ అనడం సరికాదని çపలువురు నెటిజన్లు సోషల్‌ మీడియాలో విమర్శించారు. డు యూ నో నాటు? ‘నాటు నాటు’ పాట ఎంత పాపులరో ప్రత్యేకించి చెప్కక్కర్లేదు. కానీ ఆస్కార్‌ వేదికపై ‘డు యూ నో నాటు?.. ఒకవేళ తెలియకపోతే ఇప్పుడు తెలుసుకుంటారు’.. అంటూ దేశం నుంచి ఆస్కార్‌ అవార్డ్స్‌కి ఓ ప్రెజెంటర్‌గా వెళ్లిన దీపికా పదుకోన్‌ ‘నాటు నాటు’ పాటను పరిచయం చేశారు. వేదికపై రాహుల్‌ సిప్లిగంజ్, కాలభైరవ ‘నాటు నాటు’ పాటను పాడగా, వెస్ట్రన్‌ డ్యాన్సర్స్‌ కాలు కదిపారు. ఈ వేడుకలో వీక్షకుల్లో ‘నాటు నాటు..’ పాట ఎంత జోష్‌ నింపిందంటే.. పాట పూర్తయ్యాక అందరూ స్టాండింగ్‌ ఓవేషన్‌ ఇచ్చారు. చదవండి: ఆస్కార్ వేదికపై నల్ల గౌనులో మెరిసిన దీపిక.. ట్విస్ట్ ఏంటంటే..?

సాక్షి, హైదరాబాద్‌: దర్శకధీరుడు రాజమౌళి తెరకెక్కించిన ఆర్ఆర్ఆర్ సినిమాలోని ‘నాటు నాటు’ పాట‌కు బెస్ట్‌ ఒరిజిన‌ల్ సాంగ్ కేటగిరీలో ఆస్కార్ అవార్డు ద‌క్కిన విష‌యం తెలిసిందే. రామ్‌ చరణ్‌, ఎన్టీఆర్‌ కలిసి స్టెప్పులేసిన ఈ సాంగ్‌ను రాహుల్‌ సిప్లిగంజ్‌, కాలభైరవ అద్భుతంగా పాడారు. ఆర్‌ఆర్‌ఆర్‌కు ఆస్కార్‌ అందడంతో తెలుగు రాష్ట్రాల నుంచే కాకుండా యావత్‌ దేశం నుంచి అభినందనలు వెల్లువెత్తుతున్నాయి. ఈ సంద‌ర్భంగా ఆర్ఆర్ఆర్ సినిమా బృందానికి తెలంగాణ డిజిట‌ల్ మీడియాడైరెక్ట‌ర్ కొణ‌తం దిలీప్‌ శుభాకాంక్ష‌లు తెలిపారు. ఈ పాటను రాసిన చంద్ర‌బోస్‌కు కంగ్రాట్స్‌ చెప్పారు. అయితే ఆర్ఆర్ఆర్ విడుద‌ల సమయంలో తెలంగాణ బీజేపీ అధ్య‌క్షుడు బండి సంజ‌య్‌ చేసిన వ్యాఖ్య‌ల‌ వీడియోను ఆయన షేర్‌ చేశారు. సినిమా విడుదల చేసేందుకు ప్రయత్నిస్తే కొడతామని, థియేటర్లకు ఎవరూ వెళ్లకొడదని వార్నింగ్‌ ఇచ్చారు.  థియేటర్లు కాల్చేస్తాం అంటూ ఆర్ఆర్ఆర్ చిత్రంపై బండి సంజయ్‌ అనుచిత వ్యాఖ్య‌లు చేసినట్లు వీడియోలో కనిపిస్తుంది. అయితే సంజయ్‌ లాంటి మతోన్మాదులు సినిమాపై ఎలాంటి విషయం చిమ్మారో గుర్తుంచుకోవడానికి ఇదే సరైన సమయమని కొణ‌తం దిలీప్‌ పేర్కొన్నారు. ఇలాంటి ధ్వేషపూరిత వ్యక్తులను దూరంగా ఉంచుదామని అన్నారు. ఈ ట్వీట్‌పై బీఆర్‌ఎస్‌ వర్కింగ్‌ ప్రెసిడెంట్‌, మంత్రి కేటీఆర్‌ స్పందించారు. ‘ఇంకేముంది నాటు నాటు పాట‌కు కూడా మోదీ వ‌ల్లే అవార్డు వ‌చ్చిందని ఇలాంటి మ‌తోన్మాద వ్య‌క్తులు  చెప్పుకుంటారేమో’ అంటూ కేటీఆర్ ట్వీట్‌ చేశారు. Not before long, the SAME Bigot will tell you the Award was given only because of Modi 😂 https://t.co/8Z0hp6FETl — KTR (@KTRBRS) March 13, 2023

వాషింగ్టన్‌: అమెరికాలోని లాస్ ఏంజెల్స్ వేదికగా జరుగుతున్న 95వ ఆస్కార్ ప్రదానోత్సవ వేడుకల్లో ఆర్‌ఆర్‌ఆర్‌- నాటు నాటు పాట సందడి చేసింది. అవార్డుల ప్రకటనకు ముందే స్టేజీపై ఈ పాటకు స్టెప్పులేసి అదరగొట్టారు హాలీవుడ్ డాన్సర్లు. ఈ బీట్‌కు హాలీవుడ్ నటీ నటులు ఊర్రూతలూగారు. ఆస్కార్‌ అవార్డుకు బెస్ట్ ఒరిజినల్ సాంగ్ విభాగంలో ఆర్‌ఆర్‌ఆర్ చిత్రం నుంచి నాటు నాటు పాట నామినేట్ అయిన విషయం తెలిసిందే. మన పాటకు లిస్ట్ మీ అప్ (బ్లాక్ పాంథర్), టెల్ ఇట్ లైక్ ఎ ఉమెన్ (అప్లాజ్), హోల్డ్ మై హాండ్( టాప్ గన్ మావరిక్), ఠిస్ ఇస్ ఏ లైఫ్ ( ఎవరీ థింగ్ ఏవిరివేర్ ఆల్ ఇట్ వన్స్) పాటలు గట్టి పోటీ ఇస్తున్నాయి. కాగా.. టాలీవుడ్ దర్శకధీరుడు ఎస్‌ఎస్‌ రాజమౌళి దర్శకత్వంలో రామ్‌చరణ్, ఎన్టీఆర్‌ హీరోలుగా ఆర్‌ఆర్‌ఆర్ చిత్రం రూపొందింది. గతేడాది మార్చి 25న విడుదలైన ఈ చిత్రం అద్భుత విజయం సాధించింది. పాన్ ఇండియానే గాక, పాన్ వరల్డ్ స్థాయిలో సినీ అభిమానులను అలరించింది. ముఖ్యంగా నాటు నాటు పాటుకు ప్రపంచ నలుమూలల నుంచి విశేష స్పందన లభించింది. ఈ క్రమంలోనే ఆస్కార్ అవార్డుకు నామినేట్ అయింది. ఈ పాటకు మ్యూజిక్ మాంత్రికుడు ఎంఎం కీరవాణి స్వరాలు సమకూర్చారు. రాహుల్ సిప్లిగంజ్, కాళభైరవ ఈ పాటను ఆలకించారు. ఆస్కార్ స్టేజీపైనా వీరు లైవ్‌లో ఈ పాట పాడి అభిమానులను అలరించారు.

లాస్ ఏంజెల్స్: ఆస్కార్ 2023 వేడుక అమెరికా లాస్‌ ఏంజెల్స్‌లోని డాల్బీ థియేటర్‌లో అట్టహాసంగా ప్రారంభమైంది. సంబరంగా జరిగే ఈ కార్యక్రమానికి ప్రపంచవ్యాప్తంగా ఉన్న  సినీ ప్రముఖులతో పాటు ఈ ఏడాది నామినేషన్లలో ఉన్న సినిమాల నటీనటులు, సాంకేతిక సిబ్బంది హాజరయ్యారు.  విభాగాల వారీగా అవార్డ్‌ల​కు ప్రధానోత్సవం జరుగుతోంది. ఇక భారత్‌ నుంచి ‘ఆర్.ఆర్.ఆర్’ మూవీ ‘నాటునాటు’ పాట బెస్ట్‌ ఒరిజినల్‌ సాంగ్‌ కేటగిరిలో పోటీ పడుతున్న సంగతి తెలిసిందే.  సినీ ప్రపంచంలో ప్రతిష్టాత్మకంగా ఆస్కార్‌ (అకాడమీ అవార్డ్స్‌) భావిస్తారు. అందుకే తారలు తమ జీవితంలో ఒక్క సారైన ఈ అవార్డ్‌ను ముద్దాడాలని కోరుతుంటారు. 2023 గాను మొదటి ఆస్కార్‌ ఉత్తమ యానిమేటెడ్‌ సినిమా కేటగిరి దక్కించుకుంది. ఉత్తమ యానిమేటెడ్ సినిమాగా గిల్లెర్మో డెల్ టోరో నిర్మించిన 'పినోచియో' చిత్రం నిలిచింది. ఈ ఏడాది మొదటి ఆస్కార్‌ను కైవసం చేసుకున్న రికార్డు సొంతం చేసుకుంది. ఇందులో మరో విషయం ఏంటంటే.. ఉత్తమ చిత్రం, ఉత్తమ దర్శకుడు, ఉత్తమ యానిమేటెడ్ ఫీచర్‌ను గెలుచుకుని గిల్లెర్మో డెల్ టోరో ఆస్కార్ చరిత్రలో మొదటి వ్యక్తిగా నిలిచారు. చదవండి: Natu Natu Song: ‘నాటు నాటు’కు ఆస్కార్‌ వస్తుందా? రాదా? కోట్లలో బెట్టింగ్‌

ఆస్కార్‌ వేదికపై తెలుగు ‘నాటు నాటు’ మారుమోగనుంది. ఎన్టీఆర్, రామ్‌చరణ్‌ హీరోలుగా రాజమౌళి దర్శకత్వంలో డీవీవీ దానయ్య నిర్మించిన చిత్రం ‘ఆర్‌ఆర్‌ఆర్‌’. 95వ ఆస్కార్‌ అవార్డ్స్‌లో ‘బెస్ట్‌ ఒరిజినల్‌ సాంగ్‌’ విభాగంలో ఈ చిత్రంలోని ‘నాటు నాటు’ పాట నామినేట్‌ అయిన సంగతి తెలిసిందే. మార్చి 12న (భారతీయ కాలమానం ప్రకారం మార్చి 13) జరగనున్న ఆస్కార్‌ అవార్డుల ప్రదానోత్సవంలో ‘నాటు నాటు..’ పాటను పాడిన గాయకులు కాలభైరవ, రాహుల్‌ సిప్లిగంజ్‌ లైవ్‌లో పాడనున్నట్లు ఆస్కార్‌ కమిటీ అధికారికంగా ప్రకటించింది. యం.యం. కీరవాణి స్వరపరచిన ఈ పాటకు చంద్రబోస్‌ సాహిత్యం అందించగా ప్రేమ్‌ రక్షిత్‌ కొరియోగ్రఫీ చేసిన విషయం తెలిసిందే. అమెరికాలోనే ‘ఆర్‌ఆర్‌ఆర్‌’ టీమ్‌ ఆస్కార్‌ అవార్డుల వేడుక దగ్గర పడటంతో ‘ఆర్‌ఆర్‌ఆర్‌’ టీమ్‌ ప్రమోషనల్‌ యాక్టివిటీస్‌ను వేగవంతం చేసినట్లు తెలుస్తోంది. ఇందుకోసం రాజమౌళి, ఆయన సతీమణి రమ, కీరవాణి తదితరులు అమెరికాలో ఉన్నారని తెలిసిది. ఆస్కార్‌కి సంబంధించిన వరుస ఈవెంట్స్‌లో పాల్గొనేందుకు రామ్‌చరణ్‌ కూడా ఈ నెల 12కు వరకు యూస్‌లోనే ఉంటారట. మరో హీరో ఎన్టీఆర్‌ వీరిని త్వరలో జాయిన్‌ కానున్నారు. అలాగే ఇటీవల ఆస్కార్‌ నిర్వాహకులు అవార్డుల నామినీల కోసం ఏర్పాటు చేసిన లంచ్‌కు కీరవాణి, చంద్రబోస్‌ హాజరైన విషయం తెలిసిందే. ఈ నెల 9న అమెరికాలో నామినీల కోసం డిన్నర్‌ మీట్‌ ఏర్పాటు చేశారు. ఈ విందులో కీరవాణి, చంద్రబోస్‌ పాల్గొననున్నారు. ఎన్టీఆర్‌... చరణ్‌... హుక్‌ స్టెప్‌? ఆస్కార్‌ వేదికపై ‘నాటు నాటు’ పాటను లైవ్‌లో సింగర్స్‌ రాహుల్‌ సిప్లిగంజ్, కాలభైరవ పాడతారు కాబట్టి డ్యాన్స్‌ పెర్ఫార్మెన్స్‌ కూడా ఉంటే బాగుంటుందని పలువురు నెటిజన్లు పో స్ట్‌ చేస్తున్నారు. వీటికి తోడు ఇటీవల ఓ అమెరికా మీడియాకు రామ్‌చరణ్‌ ఇంటర్వ్యూ ఇస్తూ...‘‘ఇప్పటివరకు ప్రేక్షకులు మాకు చాలానే ఇచ్చారు. నా ప్రేమను ప్రేక్షకులకు చూపించడానికి ‘నాటు నాటు’ పాటను ఆస్కార్‌ లైవ్‌లో ప్రదర్శించడం ఓ మార్గంలా భావిస్తున్నాను. ఇది నేను వారికి ఇచ్చే రిటర్న్‌ గిఫ్ట్‌లా అనుకుంటున్నాను’’ అని పేర్కొన్నారు. దీంతో ఆస్కార్‌ వేదికపై ‘నాటు నాటు’ పాటకు ఎన్టీఆర్, చరణ్‌ డ్యాన్స్‌ చేస్తారనే ఊహాగానాలు ఊపందుకున్నాయి. అయితే మరో ఇంటర్వ్యూలో రామ్‌చరణ్‌ ‘నాటు నాటు’ పాట గురించి మాట్లాడుతూ– ‘‘ఈ  పాట చిత్రీకరణ సమయంలో దాదాపు 300మందిప్రొ ఫెషనల్‌ డ్యాన్సర్లు సెట్స్‌లో ఉన్నారు. 7 రోజుల రిహార్సల్స్‌ తర్వాత 17 రోజుల పాటు ఈ పాటను షూట్‌ చేశాం.. ‘నాటు నాటు’ పాటను మేం ప్రదర్శించిన ప్రతిచోటా మంచి స్పందన లభిస్తోంది. అలా అని అన్ని చోట్లా చేయలేం. ఇక ఆస్కార్‌ నిర్వాహకులు రిక్వెస్ట్‌ చేస్తే, టైమ్‌ కలిసొస్తే ‘నాటు నాటు’ పాట పెర్ఫార్మ్‌ చేస్తాం. అయితే పాట మొత్తం ప్రదర్శించడం అనేది కష్టం. ఎందుకంటే ఈ పాటకు స్టెప్స్‌ వేసే టైమ్‌లో చాలా బ్రీత్‌ కావాలి, ఎనర్జీ  ఉండాలి. కానీ చాన్స్‌ ఉంటే ‘నాటు నాటు’లోని ‘హుక్‌ స్టెప్‌’ను ఎందుకు ప్రయత్నించకూడదు? అను కుంటున్నాను’’ అని పేర్కొన్నారు. మరి.. ఎన్టీఆర్, చరణ్‌ల లైవ్‌ పెర్ఫార్మెన్స్‌  ఉంటుందా? లేదా అనేది 13న తెలిసి పో తుంది.                                    

హాలీవుడ్ నటుడు జోనాథన్ మేజర్స్ రాజమౌళి బ్లాక్ బస్టర్ మూవీ ఆర్ఆర్ఆర్ మూవీపై ప్రశంసల వర్షం కురిపించారు. ఆర్ఆర్ఆర్ సినిమాను చాలా సార్లు చూశానని తెలిపారు.  చూడటంతో  తన  అనుభవాన్ని తెలిపారు. ఈ వారంలో జోనాథన్ నటించిన యాంట్-మ్యాన్ అండ్‌ ది వాస్ప్: క్వాన్టుమేనియా ప్రపంచవ్యాప్తంగా విడుదల కానుంది. యాంట్-మ్యాన్ అండ్ ది వాస్ప్: క్వాంటుమానియా మూవీ అడ్వాన్స్ బుకింగ్‌ ఇవాళ భారత్‌లో ప్రారంభమైంది. ఈ సందర్భంగా ఆయన టాలీవుడ్ సినిమా ఆర్ఆర్ఆర్‌ను ఆయన కొనియాడారు. జోనాథన్ మేజర్స్ భారతీయ చిత్రాల గురించి ఆసక్తికర వ్యాఖ్యలు చేశారు. ఇటీవల ఓ ఇంటర్వ్యూలో మాట్లాడిన జోనాథన్.. తాను భారతీయ సినిమాలకు అభిమానినని.. అలాగే బ్లాక్ బస్టర్ చిత్రం ఆర్ఆర్ఆర్ చాలాసార్లు చూశానని వెల్లడించారు.  జోనాథన్ జేమ్స్ మాట్లాడుతూ..  'నేను భారతీయ సినిమాలు ఎక్కువగా చూస్తాను. ఎస్ఎస్ రాజమౌళి చిత్రం కాంగ్ ది కాంకరర్ దృష్టిని 'జయించిందని' చెప్పడం విశేషం. నేను ఆర్ఆర్ఆర్ చాలాసార్లు చూశాను. ఈ చిత్రాన్ని బాగా ఆస్వాదించా. ఇద్దరు  హీరోలు జూనియర్ ఎన్టీఆర్,  రామ్ చరణ్ తెరపై చూడటం నాకు చాలా నచ్చింది.' అని అన్నారు.  భారతీయ చిత్రాలను చూడటానికి నేను ఎల్లప్పుడు సిద్ధంగా ఉంటానని చెప్పుకొచ్చారు.  జోనాథన్ మేజర్స్  ప్రకటనతో ప్రపంచ స్థాయిలో భారతీయ సినిమాకు పెరుగుతున్న ప్రజాదరణ, అంతర్జాతీయ ప్రేక్షకులపై చూపుతున్న ప్రభావానికి నిదర్శనంగా చెప్పవచ్చు. కాగా.. మార్వెల్ స్టూడియోస్ ఇండియా నిర్మించిన యాంట్-మ్యాన్ అండ్ ది వాస్ప్: క్వాంటుమేనియా సినిమా  ఫిబ్రవరి 17 ఆంగ్లం, హిందీ, తమిళం, తెలుగు భాషలలో విడుదల కానుంది. 

ఐపీఎల్‌ జట్టు రాజస్థాన్‌ రాయల్స్‌ నిన్న (ఫిబ్రవరి 11) చేసిన ఓ ట్వీట్‌ ప్రస్తుతం సోషల్‌మీడియాలో వైరలవుతోంది. ఆర్‌ఆర్‌ స్టార్‌ బౌలర్‌, టీమిం‍డియా పరిమిత ఓవర్ల స్పెషలిస్ట్‌ యుజ్వేంద్ర చహల్‌, అతని భార్య ధనశ్రీ వర్మ నిన్న హైదరాబాద్‌లో జరిగిన ఫార్ములా ఈ-కార్‌ రేసింగ్‌ సందర్భంగా ప్రముఖ దర్శకుడు, RRR ఫేమ్‌ రాజమౌళిని కలిశాడు. When RR met RRR. 🔥 pic.twitter.com/y8fjeNwibX — Rajasthan Royals (@rajasthanroyals) February 11, 2023 ఈ సందర్భంగా చహల్‌ దంపతులు రాజమౌళితో కలిసి ఫోటో దిగారు. ఈ ఫోటోను ఆర్‌ఆర్‌ యాజమాన్యం తమ అధికారిక ట్విటర్‌ ఖాతాలో పోస్ట్‌ చేయగా నెట్టింట వైరలవుతోంది. ఈ పోస్ట్‌కు ఆర్‌ఆర్‌ యాజమాన్యం.. RR.. RRRని కలిపినప్పుడు అన్న ఆసక్తికర క్యాప్షన్‌ను పెట్టింది. కాగా, చహల్‌ కొద్దిరోజుల కిందట RRR మరో ఫేమ్‌ తారక్‌ను కలిశాడు. న్యూజిలాండ్‌తో వన్డే సిరీస్‌కు ముందు చహల్‌తో పాటు టీమిండియా సభ్యులు సూర్యకుమార్‌ యాదవ్‌, శుభ్‌మన్‌ గిల్‌, ఇషాన్‌ కిషన్‌, శార్దూల్‌ ఠాకూర్‌లు కూడా తారక్‌తో కలిసి ఫోటోలకు పోజులిచ్చారు. సూర్యకుమార్‌ యాదవ్‌ అయితే అతని భార్య కలిసి తారక్‌తో  ఫోటో దిగాడు. అప్పుడు ఈ ఫోటోలు కూడా నెట్టింట హల్‌చల్‌ చేశాయి. ఇదిలా ఉంటే, టీమిండియా ప్రస్తుతం స్వదేశంలో ఆసీస్‌తో బోర్డర్‌ గవాస్కర్‌ ట్రోఫీ ఆడుతుండగా.. టెస్ట్‌ జట్టులో స్థానం దక్కని చహల్‌ ఖాళీగా ఉన్నాడు.    కాగా, 32 ఏళ్ల చహల్ భారత్ తరఫున 72 వన్డేలు, 75 టీ20 మ్యాచ్‌లు ఆడాడు. వన్డేల్లో 27.13 సగటుతో 121 వికెట్లు పడగొట్టిన చహల్‌.. టీ20ల్లో 24.68 సగటున 91 వికెట్లు సాధించి, భారత్ తరఫున లీడింగ్‌ టీ20 వికెట్‌ టేకర్‌గా కొనసాగుతున్నాడు.    

టాలీవుడ్ సంచలనం ఆర్ఆర్ఆర్ మూవీ ఆస్కార్‌కు నామినేట్ కావడంతో పలువురు సినీ ప్రముఖులు హర్షం వ్యక్తం చేస్తున్నారు.  సోషల్ మీడియా వేదికగా అభినందనలు వెల్లువెత్తుతున్నాయి. ఈ సందర్భంగా మెగాస్టార్ చిరంజీవి చిత్రబృందానికి అభినందనలు తెలిపారు. టాలీవుడ్ సినిమా వైభవాన్ని చాటేందుకు ఇక ఒక అడుగు దూరమే ఉన్నామని అన్నారు. కోట్లాది మంది ప్రేక్షకుల ఆకాంక్ష, ప్రార్థనలు మార్చి 12న ఫలించాలని మెగాస్టా చిరంజీవి ఆకాంక్షించారు.  ONE STEP AWAY FROM THE PINNACLE OF CINEMATIC GLORY !!! 🎉🔥🎉👏👏 Heartiest Congrats on THE Oscar Nomination for Best Original Song @mmkeeravaani garu & the visionary @ssrajamouli and the Entire Team behind #NaatuNaatu & @RRRMovie — Chiranjeevi Konidela (@KChiruTweets) January 24, 2023 గర్వంగా ఉంది: ఎన్టీఆర్ అంతే కాకుండా చిత్రబృంద సభ్యులు సంతోషం ‍ వ్యక్తం చేస్తున్నారు. నాటు నాటు సాంగ్ ఎంపిక కావడం పట్ల యంగ్ టైగర్ ఎన్టీఆర్ ఆనందం వ్యక్తం చేశారు. నాటు నాటు పాట మరో ఘనత సాధించినందుకు గర్వంగా ఉందన్నారు. ఈ సందర్భంగా సంగీత దర్శకులు కీరవాణి, రచయిత చంద్రబోస్ లకు నా అభినందనలు తెలిపారు. Congratulations @MMKeeravaani Garu and @boselyricist Garu on achieving another well-deserved and monumental feat... This song will forever hold a special place in my heart.@ssrajamouli @alwaysramcharan #RRRMovie #NaatuNaatu #Oscars95 pic.twitter.com/YYmtD0kVou — Jr NTR (@tarak9999) January 24, 2023 గౌరవంగా భావిస్తున్నా: రామ్‌ చరణ్ నాటు నాటు సాంగ్ ఆస్కార్‌కు నామినేట్ కావడం పట్ల నిజంగా గౌరవంగా భావిస్తున్నానని మెగా హీరో రామ్‌ చరణ్‌ అన్నారు. మన దేశానికి ఇది గర్వకారణమని సంతోషం వ్యక్తం చేశారు.  ఈ సందర్భంగా కీరవాణి, ఎన్టీఆర్, ఆర్ఆర్ఆర్ చిత్రబృందానికి అభినందనలు తెలిపారు.     What brilliant news! Truly an honour to see “Naatu Naatu” nominated for the Oscars. Another very proud moment for us & India. Well deserved @MMKeeravaani Garu, @SSRajamouli Garu, my brother @tarak9999 and the entire team of #RRR🙏 All love ❤️ — Ram Charan (@AlwaysRamCharan) January 24, 2023 చిత్ర బృందానికి అభినందనలు: కీరవాణి నాటునాటు పాట ఆస్కార్ అవార్డుకు నామినేట్ కావడంపై సంగీత దర్శకుడు కీరవాణి సంతోషం వ్యక్తం చేశారు. ఈ సందర్భంగా చిత్ర బృందానికి మనస్ఫూర్తిగా అభినందనలు తెలిపారు.  Congratulations to my team !! Big hugs to all 🤗 pic.twitter.com/S8g6v1Ubyv — mmkeeravaani (@mmkeeravaani) January 24, 2023 ఆనందంగా ఉంది: ప్రేమ్ రక్షిత్ మాస్టర్ నాటు నాటు పాట ఆస్కార అర్హత సాధించడం ఆనందంగా ఉందని ప్రేమ్ రక్షిత్ మాస్టర్ అన్నారు. ఆర్ఆర్ఆర్ సినిమా వల్లే నా పాట ఆస్కార్ వరకు చేరిందని సంతోషం వ్యక్తం చేశారు. దర్శకులు రాజమౌళి, కీరవాణి, చంద్రబోస్, రాహుల్, కాలబైరవకు కృతజ్ఞతలు తెలిపారు.  నాటు నాటును ఆదరించిన ప్రతి ఒక్కరికి ధన్యవాదాలు.. ఆస్కార్ వేదికపై ఎన్టీఆర్, రామ్ చరణ్ నాటునాటు పాటకు డ్యాన్స్ చేయాలని ఆకాంక్షించారు.   ఇదొక అద్భుతం: వెంకటేశ్ నాటునాటు ఆస్కార్‌కు నామినేట్ కావడం అద్భుతమని హీరో వెంకటేశ్ సంతోషం వ్యక్తం చేశారు.  సినిమా సిగలో మరో కలికితురాయి చేరిందన్నారు. ఈ సందర్భంగా ఆర్ఆర్ఆర్ చిత్ర బృందానికి నా అభినందనలు తెలిపారు.  చిత్రబృందానికి అభినందనలు: బాలకృష్ణ నాటు నాటు ఆస్కార్‌కు నామినేట్ కావడం గొప్ప ఆనందాన్ని ఇచ్చిందని బాలకృష్ణ ఆనందం వ్యక్తం చేశారు.  ఆస్కార్‌కు ఎంపిక కావడం పట్ల ఆర్ఆర్ఆర్, ఆల్ దట్ బ్రీత్స్, ది ఎలిఫెంట్ విష్పరర్స్ చిత్ర బృందాలకు కూడా అభినందనలు తెలిపారు. భారతీయ సినిమా ప్రకాశిస్తోంది: రక్షిత్ శెట్టి భారతీయ సినిమా గర్వించదగిన క్షణామని బాలీవుడ్ నటుడు రక్షిత్ శెట్టి అన్నారు. అంతర్జాతీయ వేదికపై భారతీయ సినిమా ప్రకాశిస్తోందని సంతోషం వ్యక్తం చేశారు. ఈ సందర్భంగా ఆర్ఆర్ఆర్ బృందానికి అభినందనలు తెలిపారు.  నాటు దెబ్బ డైరెక్ట్‌గా ఆస్కార్‌కేః రవితేజ కీరవాణి గారు స్క్రీన్ మీద తారక్, చరణ్‌తోపాటు ప్రపంచం మొత్తాన్ని నాటునాటు డ్యాన్స్ వేసేలా చేశారని రవితేజ  వేపించారు. నాటునాటు పాటలో భాగస్వాములైన ప్రతి ఒక్కరికి అభినందనలు తెలిపారు. 

సినీరంగంలో అందించే అత్యంత ప్రతిష్ఠాత్మకమైన ఆస్కార్ అవార్డ్ నామినేషన్స్‌ విడుదలయ్యాయి. దర్శకధీరుడు రాజమౌళి తెరకెక్కించిన టాలీవుడ్ సంచలన మూవీ ఆర్ఆర్ఆర్ చిత్రం నుంచి 'నాటు నాటు సాంగ్' ఎంపికైంది. దాదాపు 22 ఏళ్ల తర్వాత భారతీయ చిత్రానికి నామినేషన్ దక్కింది. ఈ విషయాన్ని ఆర్ఆర్ఆర్ చిత్రబృందం ట్వీట్ చేసింది.  'సరికొత్త చరిత్ర సృష్టించాం' అంటూ పోస్ట్ చేసింది. ఇప్పటికే ఈ పాటకు గోల్డెన్ గ్లోబ్ అవార్డు దక్కిన సంగతి తెలిసిందే. ఒరిజనల్ సాంగ్ విభాగంలో ఆర్ఆర్ఆర్ సాంగ్ నామినేట్ అయింది.  తాజాగా ఈ జాబితాను ఆస్కార్ నామినేషన్స్ కమిటీ వెల్లడించింది. ఈ ఏడాది 95వ ఆస్కార్ నామినేషన్స్‌ను ప్రకటించారు. ఈ ఏడాది మార్చి 13న అవార్డుల ప్రదానం జరగనుంది. ఇండియా నుంచి మరో రెండు డాక్యుమెంటరీలు స్థానం దక్కించుకున్నాయి.  షార్ట్ ఫిల్మ్ విభాగంలో డాక్యుమెంటరీ ది ఎలిఫెంట్ విష్పరర్స్, ఆల్ దట్ బ్రీత్స్ ఎంపికయ్యాయి.  మొత్తానికి నామినేషన్స్‌లో ఇండియా మూడు చిత్రాలు ఎంపికయ్యాయి. ఒరిజినల్ సాంగ్ ఆస్కార్ నామినేషన్స్ జాబితా నాటు నాటు (ఆర్‌ఆర్‌ఆర్‌) అప్లాజ్‌ (టెల్‌ ఇట్‌ లైక్‌ ఎ ఉమెన్‌) హోల్డ్‌ మై హ్యాండ్‌ ( టాప్‌గన్‌: మార్వెరిక్‌) లిఫ్ట్‌ మీ అప్‌ (బ్లాక్‌ పాంథర్‌) ది ఈజ్‌ ఏ లైఫ్‌ (ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌) WE CREATED HISTORY!! 🇮🇳 Proud and privileged to share that #NaatuNaatu has been nominated for Best Original Song at the 95th Academy Awards. #Oscars #RRRMovie pic.twitter.com/qzWBiotjSe — RRR Movie (@RRRMovie) January 24, 2023

బాలీవుడ్ బాద్‌షా షారూక్ ఖాన్ ఓ ఆసక్తికర ట్వీట్ చేశారు. ఎస్ఎస్ రాజమౌళి తెరకెక్కించిన బ్లాక్‌బస్టర్ 'ఆర్ఆర్ఆర్' మూవీ ఆస్కార్ అవార్డ్‌కు నామినేట్ కావడాన్ని కొనియాడారు. దీనిపై స్పందిస్తూ మెగాస్టార్ తనయుడు రామ్‌చరణ్‌కు ధన్యవాదాలు తెలిపారు. ఆర్ఆర్ఆర్ బృందం ఆస్కార్ ఇండియాకు తీసుకొస్తే తాకేందుకు తనకు అవకాశమివ్వాలని షారూక్ విజ్ఞప్తి చేశారు.  షారూక్ తన ట్వీట్‌లో రాస్తూ..' మెగా పవర్ స్టార్ రామ్‌చరణ్‌కు ధన్యావాదాలు. మీ ఆర్ఆర్ఆర్ బృందం ఆస్కార్ ఇండియాకు తీసుకొస్తే.. ఆ అవార్డును తాకేందుకు నాకు అవకాశమివ్వండి' అంటూ ట్వీట్ చేశారు. ఆర్ఆర్ఆర్‌తో పాటు కాంతార, ది కశ్మీర్ ఫైల్స్, గంగుభాయ్ కతియావాడి ఆస్కార్ బరిలో నిలిచాయి. ఈ ఏడాది మార్చి 12న ఆస్కార్ అవార్డుల ప్రదానోత్సవం జరగనుంది.  కాగా.. బాలీవుడ్‌ ‘బాద్‌షా’ షారుక్ ఖాన్‌, బ్యూటీ క్వీన్‌ దీపికా పదుకొణె జంటగా నటించిన లేటెస్ట్‌ మూవీ పఠాన్‌. ఎన్నో వివాదాల అనంతరం ఈ మూవీ విడుదలకు సిద్ధమైంది. సెన్సార్‌తో సహా అన్ని కార్యక్రమాలను పూర్తి చేసుకున్న ఈ హై వోల్టేజ్‌ యాక్షన్‌ మూవీ ఈ నెల(జనవరి) 25న ప్రపంచవ్యాప్తంగా విడుదల కాబోతోంది.  సిద్ధార్థ్‌ ఆనంద్‌ దర్శకత్వంలో తెరకెక్కిన ఈ యాక్షన్‌ థ్రిల్లర్‌ను యశ్ రాజ్ ఫిల్మ్స్ పతాకంపై ఆదిత్య చోప్రా నిర్మించాడు. తాజాగా ఈ చిత్రానికి సంబంధించిన ట్రైలర్‌ కూడా విడుదల చేశారు. Thank u so much my Mega Power Star @alwaysramcharan. When ur RRR team brings Oscar to India, please let me touch it!! (Mee RRR team Oscar ni intiki tecchinappudu okkasaari nannu daanini touch cheyyanivvandi! ) Love you. — Shah Rukh Khan (@iamsrk) January 10, 2023  

ఈ ఏడాది చిత్ర పరిశ్రమ కలిసొచ్చిందనే చెప్పాలి. 2022లో విడుదలైన పెద్ద చిత్రాలతో పాటు చిన్న సినిమాలు సైతం బాక్సాఫీస్‌ను బద్దలుకొట్టాయి. చిన్న సినిమా అయినా సరే కంటెంట్ ఉంటే ప్రేక్షకులు బ్రహ్మరథం పట్టారు. ఈ జాబితాలో ది కశ్మీర్ ఫైల్స్, కాంతార ముందు వరుసలో ఉంటాయి. ఇక టాలీవుడ్ సంచలనం ఆర్ఆర్ఆర్ ఏకంగా వెయ్యి కోట్లకు పైగా వసూళ్లను సాధించింది. ఈ ఏడాది ప్రేక్షకుల ఆదరణ పొందిన చాలా చిత్రాలు వంద కోట్ల క్లబ్‌లో చేరి రికార్డ్ సృష్టించాయి. అలాగే వీటితో పాటు బాలీవుడ్‌ చిత్రాలు సైతం ఈ మార్క్‌ను చేరుకున్నాయి. ఈ ఏడాది వంద కోట్ల వసూళ్లు దాటిన సినిమాలేవో ఓసారి రివైండ్ చేసుకుందాం. ఈ ఏడాది వంద కోట్ల క్లబ్‌లో చేరిన చిత్రాలివే.. టాలీవుడ్ చిత్రాలు: ఆర్ఆర్ఆర్, సర్కారువారిపాట, భీమ్లా నాయక్, రాధేశ్యామ్, కార్తికేయ, గాడ్‌ఫాదర్ బాలీవుడ్ చిత్రాలు: ది కశ్మీర్ ఫైల్స్, బ్రహ్మస్త్ర, దృశ్యం-2, భూల్ భూలయ్యా-2, గంగూభాయ్ కతియావాడి, విక్రమ్ వేద, లాల్‌సింగ్ చద్దా, జగ్‌జగ్‌ జీయో తమిళ చిత్రాలు: పొన్నియిన్ సెల్వన్, విక్రమ్, బీస్ట్, డాన్, తిరుచిత్రాంబలం, సర్దార్, వలిమై కన్నడ చిత్రాలు: కేజీఎఫ్-2, కాంతార, విక్రాంత్‌ రోణ, 777 ఛార్లీ, జేమ్స్    

యంగ్ టైగర్ జూనియర్ ఎన్టీఆర్ ప్రస్తుతం అమెరికాలో బిజీగా ఉన్నారు.  తాజాగా న్యూయార్క్‌లోని ఓ ఇండియన్ రెస్టారెంట్‌లో ఆయన సందడి చేశారు. రెస్టారెంట్‌లో ఇండియన్ వంటకాలను ఎన్టీఆర్ ఆస్వాదించారు. అక్కడ సిబ్బందితో కలిసి ఫోటోలకు ఫోజులిచ్చారు యంగ్ టైగర్. దీనికి సంబంధించిన  ఫోటో సోషల్ మీడియాలో వైరల్‌గా మారింది.  జూనియర్ ఎన్టీఆర్ రెస్టారెంట్ చెఫ్, సిబ్బందితో పోజులిచ్చిన ఫోటోను ఎన్టీఆర్ తన ఇన్‌స్టా స్టోరీలో పంచుకున్నారు.  ఈ విషయాన్ని ఎన్టీఆర్‌ తన ఇన్‌స్టాగ్రామ్ స్టోరీలో వెల్లడిస్తూ..  "అంతర్జాతీయ పర్యటనలో అత్యుత్తమ భారతీయ ఆహారాన్ని రుచి చూశా.  అమెరికాలో భారతీయ రెస్టారెంట్ వంటకాలు సూపర్. " అని క్యాప్షన్ ఇచ్చాడు. ఈ ఏడాది ఎన్టీఆర్, రామ్‌చరణ్‌ నటించిన ఆర్ఆర్ఆర్ చిత్రం పలు రికార్డులు బద్దలు కొట్టింది. ఆ చిత్రంలోని నాటు నాటు సాంగ్- 2023 ఆస్కార్ అవార్డుల కోసం ఉత్తమ ఒరిజినల్ సాంగ్ విభాగంలో నామినేట్ అయింది. అంతకుముందు ఆర్ఆర్ఆర్ గోల్డెన్ గ్లోబ్ అవార్డ్స్ 2023--ఉత్తమ చిత్రం - నాన్-ఇంగ్లీష్ లాంగ్వేజ్, ఒరిజినల్ సాంగ్ - మోషన్ పిక్చర్ నామినేషన్ జాబితాలో రెండు స్థానాలు దక్కించుకుంది. ప్రపంచంలోని టాప్ 50 ఆసియా సెలబ్రిటీల వార్షిక జాబితా- యూకేలో జూనియర్ ఎన్టీఆర్, రామ్ చరణ్ సంయుక్తంగా అగ్రస్థానంలో నిలిచారు.   

దర్శకధీరుడు రాజమౌళి తెరకెక్కించిన ఆర్ఆర్ఆర్. బాక్సాఫీస్ వద్ద  ఆ మూవీ సృష్టించిన ప్రభంజనం అంతా ఇంతా కాదు. దేశవ్యాప్తంగా రికార్డ్ విజయాన్ని అందుకున్న ఈ చిత్రం జపాన్‌లోనూ దూసుకెళ్తోంది. అక్కడి అభిమానులను విపరీతంగా ఆకట్టుకుంది. అక్టోబర్ 21న జపాన్‌లో విడుదలైన 'ఆర్ఆర్ఆర్' రికార్డులు సృష్టిస్తోంది. తాజాగా ఈ సినిమా రజినికాంత్ చిత్రం ముత్తు రికార్డును అధిగమించింది. (ఇది చదవండి: జపాన్‌లోనూ 'ఆర్ఆర్ఆర్' జోరు.. త్రీ ఇడియట్స్ రికార్డు బ్రేక్) 24ఏళ్ల క్రితం జపాన్‌లో రిలీజ్‌ అయిన రజనీకాంత్‌ ‘ముత్తు’ సినిమా 400 మిలియన్‌ జపనీస్‌ యెన్‌లు వసూలు చేసింది. ఇప్పటివరకు జపాన్‌లో అత్యధిక వసూళ్లు సాధించిన ఇండియన్‌ సినిమాగా ముత్తు నిలిచింది. తాజాగా ఆర్‌ఆర్‌ఆర్‌ ఆ రికార్డును బద్దలు కొట్టింది. దాదాపు రెండు దశాబ్దాల నుంచి చెక్కు చెదరకుండా ఉన్న రికార్డును చెరిపేసింది. జపాన్‌లోని 44 నగరాల్లో 209 థియేటర్లలో విడుదలైన ఆర్‌ఆర్‌ఆర్‌ 400 మిలియన్‌ జపనీస్‌ యెన్‌ల‌(దాదాపు రూ.24కోట్లు) కంటే ఎక్కువ కలెక్షన్లు రాబట్టింది. దీంతో రజనీకాంత్‌ ముత్తు సినిమా రెండో స్థానంలోకి వెళ్లిపోయింది.   

దర్శకధీరుడు రాజమౌళి తెరకెక్కించిన ఆర్ఆర్ఆర్. బాక్సాఫీస్ వద్ద  ఆ మూవీ  ప్రభంజనం సృష్టించిన సంగతి తెలిసిందే. అంతర్జాతీయ అవార్డుల పరంపర ఇంకా కొనసాగిస్తోంది. తాజాగా ఆర్ఆర్ఆర్ మరో మైలురాయిని అందుకుంది. గోల్డెన్ గ్లోబ్స్- 2023 అవార్డ్స్‌లో ఆర్ఆర్ఆర్ ఉత్తమ నాన్ ఇంగ్లీష్ చిత్రం, ఉత్తమ పాటల కేటగిరీలో నామినేట్ అయింది.  గోల్డెన్ గ్లోబ్ అవార్డ్స్‌లో రెండు విభాగాల్లో నామినేట్ చేయబడింది. నాటు నాటు సాంగ్ ఉత్తమ ఒరిజినల్ సాంగ్ విభాగంలో నామినేట్ కాగా.. ఉత్తమ నాన్-ఇంగ్లీష్ లాంగ్వేజ్ చిత్రం విభాగంలోనూ నామినేట్ అయింది. ఈ విషయాన్ని గోల్డెన్ గ్లోబ్ తన అధికారిక ట్విటర్ ఖాతాలో వెల్లడించింది. ఈ సినిమాలో రామ్ చరణ్, జూనియర్ ఎన్టీఆర్, అలియా భట్, అజయ్ దేవగన్, శ్రియా శరణ్ ప్రధాన పాత్రల్లో నటించారు. ఉత్తమ చిత్రం - నాన్-ఇంగ్లీష్ లాంగ్వేజ్  1.ఆల్ క్వైట్ ఆన్ ది వెస్ట్రన్ ఫ్రంట్ 2.అర్జెంటీనా, 1985 3. క్లోజ్ 4.డెసిషన్ టు లీవ్  5. ఆర్ఆర్ఆర్ ఉత్తమ ఒరిజినల్ సాంగ్ – మోషన్ పిక్చర్ 1.కరోలినా, టేలర్ స్విఫ్ట్- (వేర్ ది క్రాడాడ్స్ సింగ్) 2.సియావో పాపా,  (గిల్లెర్మో డెల్ టోరోస్ పినోచియో) 3.హోల్డ్ మై హ్యాండ్( టాప్‌ గన్: మావెరిక్) 4.లిఫ్ట్ మీ అప్, (బ్లాక్ పాంథర్: వాకండ ఫరెవర్)  5.నాటు నాటు (ఆర్ఆర్ఆర్) Congratulations to the nominees for Best Picture - Non-English Language ✨ All Quiet on the Western Front ✨ Argentina, 1985 ✨ Close ✨ Decision to Leave ✨ RRR#GoldenGlobes pic.twitter.com/DfNs0VQbIs — Golden Globe Awards (@goldenglobes) December 12, 2022 Congratulations to the nominees for Best Song - Motion Picture ✨ "Carolina" - Where The Crawdads Sing ✨ "Ciao Papa" - Guillermo del Toro's Pinocchio ✨ "Hold My Hand" - Top Gun: Maverick ✨ "Lift Me Up" - Black Panther: Wakanda Forever ✨ "Naatu Naatu" - RRR#GoldenGlobes pic.twitter.com/gqG3aWwUjP — Golden Globe Awards (@goldenglobes) December 12, 2022

దర్శకధీరుడు రాజమౌళి తెరకెక్కించిన ఆర్ఆర్ఆర్ బాక్సాఫీస్ వద్ద ప్రభంజనం సృష్టించిన సంగతి తెలిసిందే. అంతర్జాతీయ అవార్డుల పరంపర ఇంకా కొనసాగిస్తోంది. తాజాగా మరో రెండు అంతర్జాతీయ అవార్డులు గెలుచుకుంది. తాజాగా లాస్‌ఏంజెల్స్‌ ఫిల్మ్‌ క్రిటిక్స్‌ అసోసియేషన్ బెస్ట్‌ మ్యూజిక్‌ కేటగిరిలో ఉత్తమ సంగీత దర్శకుడిగా కీరవాణి ఎంపికయ్యారు. మరోవైపు బోస్టన్ సొసైటీ ఆఫ్ ఫిల్మ్ క్రిటిక్స్‌లో కూడా కీరవాణి బెస్ట్‌ ఒరిజినల్‌ స్కోర్‌ విన్నర్‌గా అవార్డు గెలుచుకున్నారు. నిర్మాణ సంస్థలు, టాలీవుడ్ ప్రముఖులు సోషల్‌మీడియా వేదికగా కీరవాణికి శుభాకాంక్షలు తెలిపారు.  (ఇది చదవండి: ఆర్ఆర్ఆర్ చిత్రం మరో ఘనత.. ప్రతిష్ఠాత్మక అవార్డులు కైవసం) ఇటీవలే హాలీవుడ్ క్రిటిక్స్ అసోసియేషన్‌లో స్పాట్‌లైట్ అవార్డును కైవసం చేసుకుంది ఆర్ఆర్ఆర్. అట్లాంటా ఫిల్మ్‌ క్రిటిక్స్‌ సర్కిల్‌ అవార్డ్స్‌’ ఉత్తమ అంతర్జాతీయ చిత్రంగానూ ‘ఆర్‌ఆర్‌ఆర్‌’ ఎంపికైంది. ఉత్తమ అంతర్జాతీయ చిత్రంగా ‘సన్‌సెట్‌ సర్కిల్‌’, ‘శాటర్న్‌’ అవార్డులూ గెలుచుకుంది. జపాన్‌, అమెరికాలోనూ విడుదలైన ఈ చిత్రం పలు రికార్డులు తన ఖాతాలో వేసుకుంది. న్యూయార్క్‌ ఫిల్మ్‌ క్రిటిక్స్‌ సర్కిల్‌ పురస్కారాల్లో ఉత్తమ దర్శకుడిగా రాజమౌళి ఎంపికైన సంగతి తెలిసిందే. కొమురం భీమ్‌, అల్లూరి సీతారామరాజు జీవితాల్ని స్ఫూర్తిగా తీసుకుని ఓ కల్పిత కథతో రూపొందించిన ఈ సినిమాలో ఎన్టీఆర్‌, రామ్‌చరణ్‌ అద్భుతంగా నటించారు. Our very own @MMKeeravaani Garu won the prestigious @LAFilmCritics award for the Best Music Director🥳 Our utmost gratitude to the jury for recognising #RRRMovie’s chartbuster album & background score. 🎶🎼 pic.twitter.com/a9KGTsb73j — RRR Movie (@RRRMovie) December 12, 2022

బాలీవుడ్ జంట అలియా భట్, రణ్‌బీర్ కపూర్ జంటగా తెరకెక్కిన చిత్రం 'బ్రహ్మస్త్ర-పార్ట్ 1'. ఈ చిత్రంలో టాలీవుడ్ కింగ్ నాగార్జున, బాలీవుడ్ సీనియర్ నటుడు అమితాబ్ బచ్చన్, మౌని రాయ్ ప్రత్యేక పాత్రల్లో నటించారు. అయాన్ ముఖర్జీ దర్శకత్వం వహించిన ఈ మూవీ బాక్సాఫీస్ వద్ద హిట్‌ టాక్‌ సొంతం చేసుకుంది. విజువల్ వండర్‌గా ఈ సినిమా పలు రికార్డులు సాధించింది. అయితే ఈ ఏడాది అత్యధికంగా గూగుల్‌లో వెతికిన చిత్రంగా నిలిచింది. కేజీఎఫ్- 2, ది కాశ్మీర్ ఫైల్స్, కాంతారను వెనక్కినెట్టి 2022లో అత్యధికంగా గూగుల్ సెర్చ్‌ చేసిన భారతీయ చిత్రంగా రికార్డు సాధించింది. గూగుల్ సెర్చ్ ఇంజిన్  'ఇయర్ ఇన్ సెర్చ్ 2022'ని ఆవిష్కరించింది. ఈ ఏడాది 11 నెలల్లో ఎక్కువగా ట్రెండింగ్‌లో ఉన్న జాబితాను ప్రకటించింది. అధిక బడ్జెట్‌తో తెరకెక్కిన ఫాంటసీ అడ్వెంచర్ మూవీ రూ.400 కోట్లకు పైగా వసూళ్లు రాబట్టింది. ఈ జాబితాలో రెండోస్థానంలో కేజీఎఫ్-2, మూడో స్థానంలో ది కశ్మీర్ ఫైల్స్, నాలుగో స్థానంలో ఆర్ఆర్ఆర్, ఐదో స్థానంలో కాంతార నిలిచాయి.  ఆ తరువాత వరుసగా పుష్ప-ది రైజ్, విక్రమ్, లాల్ సింగ్ చద్ధా, దృశ్యం-2, థోర్-లవ్ అండ్ థండర్‌ సినిమాలు ఉన్నాయి. అల్లు అర్జున్ హిట్ మూవీ పుష్ప: ది రైజ్ గతేడాది విడుదలైనప్పటికీ 2022లోనూ ఆధిపత్యం చెలాయించింది. మొదటి పది స్థానాల్లో దక్షిణాదికి చెందిన ఐదు చిత్రాలు ఉండగా.. కేవలం నాలుగు హిందీ చిత్రాలు మాత్రమే చోటు ఈ జాబితాలో చోటు దక్కించుకున్నాయి. 

సాక్షి, హైదరాబాద్‌: రీజినల్‌ రింగు రోడ్డు(ఆర్‌ఆర్‌ఆర్‌) దక్షిణ భాగం 189.23 కి.మీ. నిడివితో నిర్మాణం కానుంది. ఈ మేరకు నేషనల్‌ హైవేస్‌ అథారిటీ ఆఫ్‌ ఇండియా(ఎన్‌హెచ్‌ఏఐ) అలైన్‌మెంట్‌ను ఖరారు చేసింది. ఆర్‌ఆర్‌ఆర్‌ దక్షిణ భాగానికి కన్సల్టెంట్‌గా వ్యవహరిస్తున్న ఢిల్లీకి చెందిన ఇంటర్‌ కాంటినెంటల్‌ టెక్నోక్రాట్స్‌ ప్రైవేట్‌ లిమిటెడ్‌ సంస్థ రూపొందించిన మూడు అలైన్‌మెంట్లలో 189.23 కి.మీ. నిడివి ఉన్న అలైన్‌మెంట్‌ను ఎంపిక చేసింది. దీనికి ఈ వారంలో అధికారిక ఆమోదం లభించనుంది. అనంతరం అధికారులు డిటెయిల్డ్‌ ప్రాజెక్ట్‌ రిపోర్టు(డీపీఆర్‌) రూపొందించనున్నారు.   జలాశయాలు.. చెరువులు.. గుట్టలను తప్పిస్తూ..  రీజినల్‌ రింగురోడ్డును ప్రతిపాదించిన సమయంలో రాష్ట్ర ప్రభుత్వ అధీనంలోని జాతీయ రహదారుల విభాగం ఓ కన్సల్టెన్సీని నియమించిన విషయం తెలిసిందే. ఆ సంస్థ ప్రాథమికంగా 182 కి.మీ. నిడివితో ఓ అలైన్‌మెంట్‌ను రూపొందించింది. ఆ తర్వాత ప్రాజెక్టు కొంత డోలాయమానంలో పడింది. అంతగా వాహనాల రాకపోకలు లేని మార్గం కావటంతో దక్షిణ భాగానికి నాలుగు వరసల ఎక్స్‌ప్రెస్‌ వే అవసరం లేదన్న అభిప్రాయం వ్యక్తమైంది. కానీ, ఆ తర్వాత కేంద్రప్రభుత్వం దక్షిణ భాగానికి ఆమోదిస్తూ గత ఆగస్టులో ఢిల్లీకి చెందిన కన్సల్టెన్సీని నియమించింది. ప్రాథమిక అలైన్‌మెంట్‌ ఆధారంగానే ఈ సంస్థ క్షేత్రస్థాయిలో పర్యటించి దానికి మార్పుచేర్పులతో మూడు వేరు వేరు అలైన్‌మెంట్లను రూపొందించింది.  ప్రస్తుతం ఉన్న షాద్‌నగర్, కంది, ఆమన్‌గల్‌.. తదితర రోడ్లలో కొంత భాగాన్ని ఆర్‌ఆర్‌ఆర్‌లోకి చేరుస్తూ రెండు అలైన్మెంట్లను రూపొందించింది. పాత ఎన్సల్టెన్సీ సంస్థ ప్రాథమికంగా రూపొందించిన పూర్తి గ్రీన్‌ఫీల్డ్‌ అలైన్‌మెంట్‌ను సరిదిద్దుతూ మూడో అలైన్మెంటును సిద్ధం చేసింది. ప్రాథమిక అలైన్‌మెంట్‌ నిడివిని పెంచనప్పటికీ, దానికి అడ్డుగా ఉన్న చెరువులు, గుట్టలను తప్పిస్తూ మార్పులు చేశారు. భవిష్యత్తులో నిర్మించే పాలమూరు ప్రాజెక్టు కాలువలను దృష్టిలో పెట్టుకుని చిన్న, చిన్న మార్పులు చేశారు. దీంతో పాత అలైన్‌మెంట్‌ కంటే దాదాపు ఏడు కి.మీ. అదనపు నిడివితో కొత్త అలైన్‌మెంట్‌ ఏర్పడింది. పాత రోడ్లను జత చేస్తూ రూపొందించిన రెండు అలైన్‌మెంట్లు ఆచరణ సాధ్యం కాదని ఎన్‌హెచ్‌ఏఐ తిరస్కరించింది. పూర్తి గ్రీన్‌ఫీల్డ్‌ మార్గంగా ఏర్పడ్డ మూడో అలైన్‌మెంట్‌ను ఎంపిక చేసింది.   రూ.15 వేల కోట్ల వ్యయం?  ఉత్తర భాగం నిర్మాణానికి దాదాపు రూ.9,500 కోట్లు ఖర్చవుతాయన్న ప్రాథమిక అంచనా ఉండగా, ఇటీవల కేంద్రం రూ.13 వేల కోట్లతో దానికి బడ్జెట్‌ రూపొందించింది. రోడ్డు నిర్మాణానికి రూ.8 వేల కోట్లు, భూసేకరణకు రూ.5,200 కోట్లు అవసరమవుతాయని పేర్కొంది. ఈ లెక్కన దక్షిణ భాగానికి రూ.15 వేల కోట్ల వ్యయం అవుతుందని అధికారిక వర్గాల అంచనా. పూర్తిస్థాయి డీపీఆర్‌ రూపొందించాక స్పష్టత వచ్చే అవకాశముంది. సంగారెడ్డి నుంచి కంది, నవాబ్‌పేట, చేవెళ్ల, షాబాద్, షాద్‌నగర్, ఆమన్‌గల్, మర్రిగూడ, శివన్నగూడ, సంస్థాన్‌ నారాయణపూర్‌ మీదుగా చౌటుప్పల్‌ వరకు నిర్మించే దక్షిణ భాగాన్ని కేంద్రప్రభుత్వం భారత్‌మాల పరియోజన పథకం–2 కింద ఎంపిక చేసింది.    

దర్శకధీరుడు రాజమౌళి తెరకెక్కించిన ఆర్ఆర్ఆర్. బాక్సాఫీస్ వద్ద  ఆ మూవీ  ప్రభంజనం సృష్టించిన సంగతి తెలిసిందే. ఈ చిత్రం జపాన్‌లోనూ కలెక్షన్లతో దూసుకెళ్తోంది. అక్టోబర్ 21న జపాన్‌లో విడుదలైన 'ఆర్ఆర్ఆర్' పలు రికార్డులు సృష్టించింది. ఈ చిత్రం అంతర్జాతీయ అవార్డుల పరంపరను కొనసాగిస్తోంది. తాజాగా మరో రెండు అంతర్జాతీయ అవార్డులు గెలుచుకుంది.  ఎస్ఎస్ రాజమౌళి రూపొందించిన ఆర్ఆర్ఆర్ హాలీవుడ్ క్రిటిక్స్ అసోసియేషన్ (HCA)లో స్పాట్‌లైట్ అవార్డును కైవసం చేసుకుంది. ఈ విషయాన్ని ఆర్ఆర్ఆర్ టీం ట్విటర్ ద్వారా వెల్లడించింది. వచ్చే ఏడాది ఫిబ్రవరి 24న లాస్ ఏంజెల్స్‌లో జరగనున్న 6వ హెచ్‌సీఏ  ఫిల్మ్ అవార్డ్స్‌లో ఈ అవార్డును అందజేయనున్నారు. మరోవైపు అట్లాంటా ఫిల్మ్‌ క్రిటిక్స్‌ సర్కిల్‌ అవార్డ్స్‌’ ఉత్తమ అంతర్జాతీయ చిత్రంగానూ ‘ఆర్‌ఆర్‌ఆర్‌’ ఎంపికైంది. ఉత్తమ అంతర్జాతీయ చిత్రంగా ‘సన్‌సెట్‌ సర్కిల్‌’, ‘శాటర్న్‌’ అవార్డులూ గెలుచుకుంది. ఇటీవల.. న్యూయార్క్‌ ఫిల్మ్‌ క్రిటిక్స్‌ సర్కిల్‌ (ఎన్‌.వై.ఎఫ్‌.సి.సి) పురస్కారాల్లో ఉత్తమ దర్శకుడిగా రాజమౌళి ఎంపికయ్యారు. ఇండియాలో సంచలనం సృష్టించిన ఈ సినిమా విదేశాల్లోనూ విడుదలై సత్తా చాటింది. కొమురం భీమ్‌, అల్లూరి సీతారామరాజు జీవితాల్ని స్ఫూర్తిగా తీసుకుని ఓ కల్పిత కథతో రూపొందించిన ఈ సినిమాలో ఎన్టీఆర్‌, రామ్‌చరణ్‌ అద్భుతంగా నటించారు. Thank you so much @ATLFilmCritics 🙏🏻🙏🏻 #RRRMovie https://t.co/gczgxrsmWY — DVV Entertainment (@DVVMovies) December 5, 2022 We RRR elated... 🤩 The cast and crew of #RRRMovie bags the prestigious HCA Spotlight Winner Award! We'd like to thank the @HCAcritics jury for recognising #RRRMovie ! pic.twitter.com/j5S8B2Rgvq — RRR Movie (@RRRMovie) December 6, 2022

దర్శకధీరుడు రాజమౌళి తెరకెక్కించిన ఆర్ఆర్ఆర్. బాక్సాఫీస్ వద్ద  ఆ మూవీ  ప్రభంజనం సృష్టించింది. ఈ చిత్రం జపాన్‌లోనూ కలెక్షన్లతో దూసుకెళ్తోంది. అక్టోబర్ 21న జపాన్‌లో విడుదలైన 'ఆర్ఆర్ఆర్' రికార్డులు సృష్టిస్తోంది. తాజాగా ఈ సినిమా బాహుబలి రికార్డును అధిగమించింది. జపాన్‌లో అత్యధిక వసూళ్లు సాధించిన రెండో భారతీయ చిత్రంగా అవతరించింది. అత్యంత వేగంగా 300 మిలియన్ల క్లబ్‌లో చేరిన తొలి భారతీయ చిత్రంగా నిలిచింది. ప్ర‍స్తుతం రెండో స్థానంలో ఉన్న బాహుబలి-2 ను వెనక్కినెట్టింది.  (చదవండి: RRR Collections in Japan: జపాన్‌లోనూ తగ్గేదేలే అంటున్న ఆర్ఆర్ఆర్.. కేజీఎఫ్-2ను దాటే ఛాన్స్?) జపాన్‌ విడుదలైన 34 రోజుల్లోనే ఆ దేశ కరెన్సీలో 305 మిలియన్ల యెన్లు.. అంటే దాదాపు  రూ.17.9 కోట్లు వసూలు చేసింది.  24 ఏళ్ల క్రితం విడుదలైన రజనీకాంత్ చిత్రం ముత్తు మాత్రమే రూ.23.5 కోట్లతో అత్యధిక వసూళ్లు సాధించిన భారతీయ చిత్రంగా మొదటిస్థానంలో ఉంది. ప్రస్తుతం ఆర్ఆర్ఆర్ రెండో స్థానంలో కొనసాగుతోంది. ఎస్ఎస్‌ రాజమౌళి తెరకెక్కించిన ఈ చిత్రంలో రామ్ చరణ్, జూనియర్ ఎన్టీఆర్, ఆలియా భట్ నటించారు.

యంగ్‌ టైగర్‌ జూనియర్‌ ఎన్టీఆర్, మెగా పవర్‌ స్టార్‌ రామ్ చరణ్‌ మల్టీస్టారర్లుగా తెరకెక్కిన చిత్రం ఆర్ఆర్ఆర్ (రౌద్రం.. రణం.. రుధిరం). దర్శక ధీరుడు రాజమౌళి తెరకెక్కించిన ఈ చిత్రం మార్చి 24న విడుదలై బాక్సాఫీస్‌ వద్ద రికార్డులను బద్దలు కొట్టింది. రూ.1200 కోట్లకుపైగా వసూళ్లు సాధించిన తెలుగు సినిమాగా సత్తా చాటింది. ప్రపంచవ్యాప్తంగా సంచలనం సృష్టించిన ఈ చిత్రం ఇటీవలే జపాన్‌లోనూ విడుదలైంది. జపాన్‌లోనూ  కలెక్షన్ల వర్షం కురిపిస్తోంది. (చదవండి: ఆర్ఆర్ఆర్ మరో రికార్డ్.. హాలీవుడ్ చిత్రాలను సైతం వెనక్కి నెట్టి..!) అయితే ప్రస్తుతం టాలీవుడ్ ఫ్యాన్స్‌ ఆర్ఆర్ఆర్ సీక్వెల్‌పై అంతా చర్చించుకుంటున్నారు. ఈ విషయంపై తాజాగా దర్శకుడు రాజమౌళి స్పందించారు. ఆర్ఆర్ఆర్ సీక్వెల్ ఉంటుందని ప్రకటించారు.  ఇటీవల చికాగోలో జరిగిన ఓ కార్యక్రమంలో ఆయన మాట్లాడారు. రాజమౌళి మాట్లాడుతూ.. 'నా చిత్రాలకు మా నాన్నే రచయిత. మేమిద్దరం ఆర్ఆర్ఆర్-2 పై చర్చించాం. కథ రూపొందించే పనిలో మా నాన్న నిమగ్నమై ఉన్నారు.' అని అన్నారు. ఈ ప్రకటనతో అభిమానులు హర్షం వ్యక్తం చేస్తున్నారు. రాజమౌళి ఎట్టకేలకు ఆర్ఆర్ఆర్ సీక్వెల్ ఉంటుందని ప్రకటించడంతో ఎన్టీఆర్, రామ్‌ చరణ్‌ ఫ్యాన్స్ ఖుషీ అవుతున్నారు.   

దర్శకధీరుడు రాజమౌళి తెరకెక్కించిన ఆర్ఆర్ఆర్. బాక్సాఫీస్ వద్ద  ఆ మూవీ సృష్టించిన ప్రభంజనం అంతా ఇంతా కాదు. దేశవ్యాప్తంగా రికార్డ్ విజయాన్ని అందుకున్న ఈ చిత్రం జపాన్‌లోనూ దూసుకెళ్తోంది. అక్కడి అభిమానులను విపరీతంగా ఆకట్టుకుంటోంది. అక్టోబర్ 21న జపాన్‌లో విడుదలైన 'ఆర్ఆర్ఆర్' రికార్డులు సృష్టిస్తోంది. తాజాగా ఈ సినిమా అమిర్ ఖాన్ బాలీవుడ్ చిత్రం త్రీ ఇడియట్స్ రికార్డును అధిగమించింది. జపాన్‌లో విడుదలైన 17 రోజుల్లోనే 185 మిలియన్ల జపాన్ యెన్‌ల వసూళ్లతో రికార్డులు సృష్టిస్తోంది. దీంతో జపాన్‌లో అత్యధిక వసూళ్లు సాధించిన మూడో భారతీయ చిత్రంగా 'ఆర్ఆర్ఆర్' నిలిచింది. గతంలో రజినీకాంత్ నటించిన ముత్తు చిత్రం జపాన్‌లో 400 మిలియన్ల జపాన్ యెన్లు సాధించి అగ్రస్థానంలో కొనసాగుతోంది. ఆ తర్వాత బాహుబలి- 2 300 మిలియన్లతో రెండో స్థానంలో ఉండగా.. తాజాగా 185 మిలియన్లతో ఆర్ఆర్ఆర్ మూడో స్థానానికి చేరింది. ఈ జాబితాలో రెండు సినిమాలు రాజమౌళి తెరకెక్కించినవే. (చదవండి: ఆర్ఆర్ఆర్ మరో రికార్డ్.. హాలీవుడ్ చిత్రాలను సైతం వెనక్కి నెట్టి..!) అయితే ఆర్ఆర్ఆర్ మూవీ  త్వరలోనే కేజీఎఫ్‌-2 అధిగమించి అత్యధిక వసూళ్లు సాధించిన భారతీయ చిత్రంగా నిలవనుందా? అనే నెట్టింట్లో పెద్ద చర్చ నడుస్తోంది. ప్రపంచవ్యాప్తంగా బాక్సాఫీస్ వద్ద సుమారు రూ.1150 కోట్లు వసూళ్లు రాబట్టింది ఆర్ఆర్ఆర్. యష్ నటించిన కేజీఎఫ్-2 రూ.1200 కోట్లకు పైగా కలెక్షన్లతో ఆ రికార్డును బద్దలు కొట్టింది. ప్రస్తుతం జపాన్‌లో అక్టోబర్ 21న విడుదలైన ఈ చిత్రం మూడు వారాల్లోనే జపాన్ కరెన్సీలో 185 మిలియన్ల(రూ.10 కోట్లు) వసూళ్ల రాబట్టిందని ఫిల్మ్ ట్రేడ్ అనలిస్ట్ రమేష్ బాలా తెలిపారు. ఇకముందు ఇదే జోరు కొనసాగిస్తే 2022లో కేజీఎఫ్ కలెక్షన్లను దాటి అత్యధిక వసూళ్లు సాధించిన భారతీయ చిత్రంగా అవతరించే అవకాశముంది. #RRRMovie is having a remarkable run at Japan Box Office, collecting 185M ¥ by 3rd weekend (17 days) with 122K+ footfalls Fastest Indian Film to achieve this & becoming the 3rd highest grossing film after Muthu & Baahubali2@ssrajamouli @tarak9999 @AlwaysRamCharan @onlynikil pic.twitter.com/X8noPqROfb — Ramesh Bala (@rameshlaus) November 7, 2022

దర్శకధీరుడు రాజమౌళి గ్లోబల్ బ్లాక్ బస్టర్ మూవీ 'ఆర్ఆర్ఆర్'. ప్రపంచవ్యాప్తంగా సంచలనం సృష్టించిన ఈ చిత్రం జపాన్‌లోనూ విడుదలైంది. అక్టోబర్‌లో జపనీస్ భాషలోనూ రిలీజ్ చేసింది చిత్రబృందం. సినిమా ప్రమోషన్లు కూడా భారీస్థాయిలో నిర్వహించారు. తాజాగా ఈ చిత్ర జపాన్‌లోనూ కలెక్షన్ల వర్షం కురిపిస్తోంది. విడుదలైన మొదటివారంలోనే అత్యధిక వసూళ్లు సాధించిన భారతీయ చిత్రంగా నిలిచింది. ఈ మూవీ ప్రమోషన్లలో రామ్ చరణ్, జూనియర్ ఎన్టీఆర్,  ఎస్ఎస్ రాజమౌళి కుటుంబాలతో కలిసి సందడి చేశారు.  (చదవండి: ఎయిర్‌పోర్ట్‌లో ఆర్ఆర్ఆర్ టీమ్.. ఎన్టీఆర్, రామ్‌ చరణ్ ఫోటోలు వైరల్) అక్టోబర్ 21న జపాన్‌లో విడుదలైన 'ఆర్ఆర్ఆర్' మొదటి వారంలో జపాన్ కరెన్సీలో 73 మిలియన్ల వసూళ్లు సాధించింది. ఈ చిత్రం జపాన్‌లోని 44 నగరాల్లోని  209 స్క్రీన్‌లతో పాటు 31 ఐమ్యాక్స్ థియేటర్లలో విడుదల చేశారు. ఇది జపాన్‌లో భారతీయ చిత్ర పరిశ్రమలోనే అత్యధిక థియేటర్లలో ప్రదర్శించిన సినిమాగా నిలిచింది. ఓ నివేదిక ప్రకారం విదేశీ చిత్రాల్లో జపనీస్ బాక్సాఫీస్ వద్ద ది బాడ్ గైస్, స్పెన్సర్, జురాసిక్ వరల్డ్, డొమినియన్ వంటి చిత్రాల కంటే ఆర్ఆర్ఆర్ ముందు వరుసలో నిలిచింది. జపాన్‌లో అత్యధిక వసూళ్లు నమోదు చేసిన భారతీయ చిత్రంగా నిలిచిందని ఆ నివేదిక పేర్కొంది.  24 ఏళ్ల క్రితం విడుదలైన రజనీకాంత్ ముత్తు.. జపాన్‌ బాక్సాఫీస్ వద్ద 400 మిలియన్లతో అత్యధిక వసూళ్లు చేసిన భారతీయ చిత్రంగా మొదటిస్థానంలో నిలిచింది. 300 మిలియన్ల  కలెక్షన్లతో రాజమౌళి చిత్రం బాహుబలి- 2 రెండో స్థానంలో ఉంది. బాలీవుడ్‌ హీరో అమిర్ ఖాన్ మూవీ 3 ఇడియట్స్ 170 మిలియన్ల వసూళ్లతో మూడవ స్థానంలో సాధించింది.  

ఆర్ఆర్ఆర్ ప్రమోషన్ల కోసం జపాన్ వెళ్లిన చిత్రబృందానికి అక్కడ అభిమానులు ఘనస్వాగతం పలికారు. జూనియర్ ఎన్టీఆర్, రామ్ చరణ్ ఎక్కడికెళ్లినా ఫోటోల కోసం ఫ్యాన్స్ ఎగబడ్డారు. జపాన్ లో కూడా ఈ హీరోల క్రేజ్ ఏ మాత్రం తగ్గలేదు. విదేశియులు సైతం మన ఆర్ఆర్ఆర్ హీరోల నటనకు ఫిదా అయిపోయారు. ఈ క్రమంలోనే రామ్ చరణ్ ఓ డై హర్డ్ ఫ్యాన్‌ను కలుసుకున్నారు. (చదవండి: రామ్‌ చరణ్‌ మాటలకు ఏడ్చేసిన జపాన్‌ ఫ్యాన్స్‌) చరణ్‌కు వీరాభిమాని అయిన ఆ మహిళ వయసు దాదాపు 70 ఏళ్లకు పైగానే ఉంటుంది. రామ్ చరణ్ సినిమాలు గతంలో జపాన్‌లో విడుదల కావడంతో ఫ్యాన్స్ ఫాలోయింగ్ పెరిగింది. తాజాగా ఆర్ఆర్ఆర్ ప్రమోషన్ల కోసం వెళ్లిన స్టార్ హీరో ఆమెను కలుసుకుని ఓ జ్ఞాపికను అందజేశారు. దీంతో సంతోషం వ్యక్తం చేశారు. ఆమె వేసిన పెయింటింగ్స్ అద్భుతంగా ఉన్నాయని రామ్ చరణ్ ప్రశంసించారు.  ఇంతకీ ఆమె ఎవరంటే.. జపాన్‌కు చెందిన నోరికో కాసై అనే మహిళ ఓ ఆర్టిస్ట్. రామ్ చరణ్ చిత్రాలను గీసి తన అభిమానాన్ని చాటుకుంటోంది. ఆమెతో సరదాగా మాట్లాడిన చెర్రీ ఫోటోలు దిగి ఆశ్చర్యానికి గురిచేశారు. ఆ ఫోటోలు కాస్తా సోషల్ మీడియాలో వైరల్ కావడంతో అభిమానులు క్రేజీ కామెంట్స్ చేస్తున్నారు.   రామ్‌చరణ్‌, జూనియర్‌ ఎన్టీఆర్‌ మల్టీస్టారర్లుగా నటించిన చిత్రం 'ఆర్‌ఆర్‌ఆర్‌'. దర్శకధీరుడు రాజమౌళి తెరకెక్కించిన ఈ సినిమా బాక్సాఫీస్‌ వద్ద సంచలన విజయం సాధించింది. విడుదలైన అన్ని భాషల్లో ఈ మూవీ కాసుల వర్షం కురిపించింది. ప్రపంచవ్యాప్తంగా రూ. 1200కోట్లకు పైగా వసూళ్లను రాబట్టింది. రీసెంట్‌ ఈ సినిమాను జపాన్‌లో విడుదల చేసిన సంగతి తెలిసిందే. అక్టోబర్‌ 21న జపాన్‌ వ్యాప్తంగా ఆర్‌ఆర్‌ఆర్‌ మూవీ రిలీజ్‌ అయ్యింది.

ఆర్ఆర్ఆర్ ప్రమోషన్లలో భాగంగా జూనియర్ ఎన్టీఆర్ జపాన్‌లో బిజీగా ఉన్నారు. కుటుంబ సమేతంగా జపాన్ వెళ్లిన యంగ్ టైగర్ ఫ‍్యాన్స్‌తో సరదాగా ఎంజాయ్ చేస్తున్నారు.  జపాన్‌లోని పలు ప్రాంతాల్లో పర్యటిస్తూ ఎన్టీఆర్ సందడి చేస్తున్నారు. ఈ సందర్భంగా జపనీస్ యువతులతో ఆయన సరదాగా ముచ్చటించారు.  జపనీస్ భాష నేర్చుకుంటూ ఉత్సాహంగా కనిపించారు.  వారితో కలిసి జపానీస్ భాష నేర్చుకుంటున్న వీడియో ప్రస్తుతం సోషల్ మీడియాలో వైరలవుతోంది. జపాన్‌లో రెండు పదాలు నేర్చుకున్నానంటూ వారితో సరదాగా మాట్లాడారు.  (చదవండి: ఎయిర్‌పోర్ట్‌లో ఆర్ఆర్ఆర్ టీమ్.. ఎన్టీఆర్, రామ్‌ చరణ్ ఫోటోలు వైరల్) ప్రపంచవ్యాప్తంగా రికార్డు సృష్టించిన ఆర్ఆర్ఆర్ మూవీ జపాన్‌లోనూ ఈనెల 21న విడుదలైంది. ఇందు కోసం చిత్రబృందం జపాన్‌లో పర్యటించింది. ఇటీవలే ఓ హోటల్‌ జూనియర్ వెళ్లగా ఫ్యాన్స్‌ సందడి చేశారు. ఎన్టీఆర్‌తో ఫోటోలు దిగేందుకు జపనీయులు ఎగబడ్డారు. జపాన్‌లోనూ ఎన్టీఆర్‌కు ఫ్యాన్స్ ఫాలోయింద్ తగ్గలేదు.  వరల్డ్‌ వైడ్‌గా ఈ మూవీ రూ. రూ.1200 కోట్లు వసూలు చేసి రికార్డు సృష్టించింది. ఇంతటి ప్రజాధారణ పొందిన ఈ చిత్రం భారతదేశం నుంచి ఆస్కార్‌కు ఎంపికవుతుందని అందరూ భావించారు. హాలీవుడ్‌ ప్రేక్షకులు సైతం ఈ మూవీ ఆస్కార్‌ బరిలో నిలవాలని కోరుకు​న్నారు. కానీ అందరి అంచనాలను తారుమారు చేస్తూ ఫిలిం ఫెడరేషన్‌ ఆఫ్‌ ఇండియా గుజరాతీ మూవీ ఛైల్లో షోను ఆస్కార్స్‌కు నామినేట్ చేసింది.

జూనియర్ ఎన్టీఆర్‌కు ఉన్న క్రేజే వేరు. టాలీవుడ్‌, బాలీవుడ్‌లోనూ ఆయనకు విపరీతమైన క్రేజ్‌ ఉంది. ప్రస్తుతం జపాన్‌లో ఆర్ఆర్ఆర్ ప్రమోషన్లలో ఎన్టీఆర్‌ బిజీగా ఉన్నారు.  మూవీ ప్రమోషన్లలో పాల్గొంటున్న ఎన్టీఆర్‌కు అక్కడ ఘనస్వాగతం లభించింది. ఓ హోటల్‌లో బస చేసేందుకు వెళ్లగా జపానీయులు ఎన్టీఆర్‌తో సెల్ఫీలు దిగేందుకు ఎగబడ్డారు. విదేశాల్లో కూడా ఎన్టీఆర్‌ ఫ్యాన్స్‌ ఫాలోయింగ్ ఉందంటే ఆయనకున్న క్రేజ్ అలాంటిది. ఈ క్రమంలోనే ఎన్టీఆర్‌ ఆటోగ్రాఫ్‌ అడగ్గా.. వారితో సరదాగా కాసేపు ముచ్చటించారు. అది కాస్తా సోషల్ మీడియాలో వైరల్ కావడంతో ఫ్యాన్స్‌ కామెంట్స్ చేస్తున్నారు. ఎన్టీఆర్‌ను చూసిన ఓ మహిళ అభిమాని భావోద్వేగానికి గురైంది. జూనియర్‌ను చూసిన ఆనందంలో చిన్న పిల్లలా బోరున ఏడ్చేసింది. ఆ వీడియో కాస్తా సామాజిక మాధ్యమాల్లో తెగ వైరలవుతోంది. (చదవండి:జపాన్‌లో తారక్‌కు అరుదైన స్వాగతం, వీడియో వైరల్‌) దర్శక ధీరుడు ఎస్ఎస్ రాజమౌళి సంచలన మూవీ 'ఆర్ఆర్ఆర్'. ప్రపంచవ్యాప్తంగా విడుదలైన ఈ చిత్రం భారీస్థాయిలో వసూళ్లు రాబట్టింది. ప్రస్తుతం ఈ సినిమాను జపాన్‌లో విడుదల చేసేందుకు సిద్ధమైంది చిత్రబృందం. అందుకోసం ఆర్ఆర్ఆర్ టీమ్ ప్రమోషన్లు సైతం ప్రారంభించింది. ఇందుకోసం కుటుంబ సమేతంగా జపాన్‌కు చేరుకున్నారు జూనియర్ ఎన్టీఆర్, రామ్‌చరణ్, రాజమౌళి. ఇవాళ జపాన్ రాజధాని టోక్యోలో 'ఆర్ఆర్ఆర్' ప్రీమియం షో ప్రదర్శించనున్నారు.

దర్శకధీరుడు రాజమౌళి ప్రతిష్ఠాత్మక చిత్రం 'ఆర్ఆర్ఆర్'. ప్రపంచవ్యాప్తంగా సంచలనం సృష్టించిన ఈ చిత్రం జపాన్‌లోనూ విడుదలకు సిద్ధమవుతోంది. దీనికి సంబంధించి చిత్ర యూనిట్ ప్రమోషన్లు కూడా ప్రారంభించింది. అందులో భాగంగా జూనియర్ ఎన్టీఆర్, రామ్ చరణ్, రాజమౌళి జపాన్ పయనమయ్యారు. వీరంతా హైదరాబాద్‌ ఎయిర్‌పోర్ట్‌కు రావడంతో అభిమానులు తమ సెల్‌ఫోన్లతో క్లిక్ మనిపించారు. జూనియర్ ఎన్టీఆర్ తన ఫ్యామిలీతో సహా జపాన్ ఫ్లైట్ ఎక్కేశారు. రామ్ చరణ్ తన భార్య ఉపాసనతో కలిసి జపాన్ బయలుదేరారు. ఈనెల 21 జపాన్‌లో ఆర్ఆర్ఆర్ విడుదల కానుంది.  (చదవండి: లాస్‌ఎంజిల్స్‌లో ఆర్ఆర్ఆర్ షో.. రాజమౌళిపై జూనియర్ ఎన్టీఆర్ ట్వీట్ వైరల్) ఆర్ఆర్ఆర్ మూవీ ప్రమోషన్స్‌లో రాజమౌళితో పాటు ఎన్టీఆర్, రామ్ చరణ్ కూడా పాల్గొననున్నారు. జపాన్‌లో ఈ సినిమాకు విపరీతమైన క్రేజ్ ఉండడంతో చిత్ర యూనిట్ భారీస్థాయిలో ప్రమోషన్లు నిర్వహించేందుకు సిద్ధమైంది. ప్రపంచ వ్యాప్తంగా విడుదలైన ఆర్‌ఆర్‌ఆర్‌  సంచలనం సృష్టించింది. ఇద్దరు స్వాతంత్య్ర సమరయోధులు కలిస్తే ఎలా ఉంటుందనే థీమ్‌తో జక్కన్న రూపొందించిన ఈ సినిమాకు ప్రేక్షకులు బ్రహ్మారథం పట్టారు. వరల్డ్‌ వైడ్‌గా ఈ మూవీ రూ. రూ.1200 కోట్లు వసూలు చేసి రికార్డు సృష్టించింది. ఇంతటి ప్రజాధారణ పొందిన ఈ చిత్రం భారతదేశం నుంచి ఆస్కార్‌కు ఎంపికవుతుందని అందరూ భావించారు. హాలీవుడ్‌ ప్రేక్షకులు సైతం ఈ మూవీ ఆస్కార్‌ బరిలో నిలవాలని కోరుకు​న్నారు. కానీ అందరి అంచనాలను తారుమారు చేస్తూ ఫిలిం ఫెడరేషన్‌ ఆఫ్‌ ఇండియా గుజరాతీ మూవీ ఛైల్లో షోను ఆస్కార్స్‌కు నామినేట్ చేసింది.

దర్శకధీరుడు రాజమౌళి సినిమా 'ఆర్ఆర్ఆర్' ఆస్కార్‌కు నామినేట్ కాకపోవడంతో అభిమానులు, సినీనటులు సైతం ఆశ్చర్యానికి గురయ్యారు. ది కశ్మీర్ పైల్స్, ఆర్ఆర్‌ఆర్‌ను వెనక్కి నెట్టి గుజరాతీ ఫిల్మ్ 'ఛెల్లో షో' ఎంపికైంది . అయితే ఈ విషయంలో ఆర్ఆర్ఆర్‌కు మద్దతు కోసం చిత్రబృందం క్యాంపెయిన్ మొదలుపెట్టింది. మొత్తం 15 విభాగాల్లో ఆస్కార్‌ నామినేషన్స్ కోసం చిత్ర బృందం క్యాంపెయిన్‌ నిర్వహిస్తోంది. తాజాగా ఈ అంశంపై టాలీవుడ్ హీరో, మా అధ్యక్షుడు మంచు విష్ణు స్పందించారు. ఓ నెటిజన్ అడిగిన ప్రశ్నకు ఆయన ఘాటుగా బదులిచ్చారు.  ఆస్కార్‌లో బెస్ట్ క్రింజ్‌ మూవీ అనే కేటగిరీ ఏదైనా ఉందా? అలాగైతే ఆర్ఆర్ఆర్ కచ్చితంగా ఆ విభాగంలో ఆస్కార్ గెలుస్తుందని ఓ నెటిజన్ వ్యంగ్యంగా ట్వీట్ చేశారు. దీనికి మంచు విష్ణు బదులిస్తూ.. 'భారతీయ సినిమాగా మనం ఎందుకు జరుపుకోకూడదు సోదరా? ఇది కేవలం ప్రాంతీయ చిత్రానికి దక్కే గౌరవం కాదు.. జాతీయంగా దేశం మొత్తం గర్వించదగ్గ విషయం' అంటూ పోస్ట్ చేశారు.   ఆర్‌ఆర్‌ఆర్‌ చిత్రం ప్రపంచ వ్యాప్తంగా సంచలనం సృష్టించింది. ఇద్దరు స్వాతంత్ర్య సమరయోధులు కలిస్తే ఎలా ఉంటుందనే థీమ్‌తో జక్కన్న రూపొందించిన ఈ సినిమాకు ప్రేక్షకులు బ్రహ్మారథం పట్టారు. వరల్డ్‌ వైడ్‌గా ఈ మూవీ రూ. రూ. 1200 కోట్లు వసూలు చేసి రికార్డు సృష్టించింది. ఇంతటి ప్రజాధారణ పొందిన ఈ చిత్రం భారతదేశం నుంచి ఆస్కార్ అవార్డులకు ఎంపిక అవుతుంది అని అందరూ భావించారు. హాలీవుడ్‌ ప్రేక్షకులు సైతం ఈ మూవీ ఆస్కార్‌ బరిలో నిలవాలని కోరుకు​న్నారు. కానీ అందరి అంచనాలను తారుమారు చేస్తూ ఫిలిం ఫెడరేషన్‌ ఆఫ్‌ ఇండియా గుజరాతీ మూవీ ఛైల్లో షోను ఆస్కార్స్‌కు నామినేట్ చేసింది. Why don’t we celebrate Indian cinema my brother? Now it ain’t about regional pride but national pride. https://t.co/81kNIXgRMQ — Vishnu Manchu (@iVishnuManchu) October 9, 2022

దర్శకధీరుడు రాజమౌళి సినిమా 'ఆర్ఆర్ఆర్' క్రేజ్ అంతా ఇంతా కాదు. ఇంకా ఆ చిత్రంలోని 'నాటు నాటు సాంగ్‌' అయితే ప్రపంచవ్యాప్తంగా అభిమానులను ఓ రేంజ్‌లో ఊపేసింది. విదేశీయులు సైతం ఆ పాటకు డ్యాన్స్ చేయకుండా ఉండలేకపోయారు. ఈ పాటకు జూనియర్ ఎన్టీఆర్, రామ్‌చరణ్‌ డ్యాన్స్‌తో అదరగొట్టారు. అయితే అచ్చం అలాగే స్టెప్పులు వేస్తున్న ఓ వీడియో సోషల్ మీడియాలో హల్‌చల్ చేస్తోంది. ఆనాటి బ్లాక్ అండ్‌ వైట్‌ కాలంలోని ఓ వీడియో నెటిజన్లు షేర్‌ చేయగా అది కాస్తా వైరలవుతోంది. ఆ వీడియోలోని స్టెప్పులు చూస్తే అచ్చం నాటు నాటు సాంగ్‌ను తలపిస్తున్నాయి. మీరు కూడా ఆ వీడియోను చూసి ఎంజాయ్ చేయండి.   

సాక్షి, హైదరాబాద్‌: రీజనల్‌ రింగు రోడ్డు ఉత్తర భా­గా­నికి సంబంధించి భూసేకరణ సర్వే ప్రక్రియ పూ­ర్తయింది. భూములిచ్చేది లేదంటూ రైతులు భీష్మించటంతో సంగారెడ్డి, రాయగిరి ప్రాంతాల్లో మినహా మిగతా చోట్ల అధికారులు సర్వే పూర్తి చేశారు. రో­డ్డు నిర్మాణం జరిగే 100 మీటర్ల వెడ­ల్పు­తో అలైన్‌­మెంట్‌ ప్రకారం హద్దులు నిర్ధారించారు. అలైన్‌­మెం­ట్‌ ప్రకారం జెండాలు కట్టిన కర్రలు పాతారు. సర్వే నంబర్ల వారీగా రైతుల సమక్షంలో వారి వివ­రా­లను రికార్డు చేశారు.  ఆ రెండు చోట్ల తీవ్ర నిరసనలు.. రీజనల్‌ రింగురోడ్డు ఉత్తర భాగానికి సంబంధించి భూసేకరణ ప్రక్రియకు కోసం ఎనిమిది ‘కాలా’ (కాంపిటెంట్‌ అథారి టీస్‌ ఫర్‌ లాండ్‌ అక్విజిషన్‌) లను ఏర్పాటు చేసిన విషయం తెలిసిందే. అధికారులు అన్ని విభాగాల్లో సర్వే ప్రక్రియ పూర్తి చేశారు. అయితే భువనగిరి కాలాకు సంబంధించి సర్వే అసలు జరగలేదు. ఇక్కడ రైతులు భూసేకరణ ప్రక్రియను తీవ్రంగా వ్యతిరేకిస్తున్నారు. గతంలో పలు ప్రాజెక్టులకు భూమి ఇచ్చినందున మరోసారి భూమిని కోల్పేయే ప్రసక్తే లేదంటూ ఆందోళనలకు దిగిన విషయం తెలిసిందే. ఈ నేపథ్యంలో భూసేకరణ సర్వేకు వచ్చిన అధికారులను అడ్డుకున్నారు. అలాగే సంగారెడ్డి పట్టణం సమీపంలోని గ్రామాల రైతులు కూడా అధికారులను సర్వే చేయనివ్వలేదు. సంగారెడ్డిని దాదాపు ఆనుకుని ఉన్నందున తమ భూములకు ఎక్కువ ధర ఉందని, అయితే పరిహారం చాలా తక్కువగా వచ్చే అవకాశం ఉన్నందున భూములు ఇవ్వబోమంటూ సర్వేను అడ్డుకున్నారు. భువనగిరి కాలా పరిధిలో 22 కి.మీ. నిడివి గల రోడ్డుకు సంబంధించి సర్వే జరగలేదు. సంగారెడ్డి కాలా పరిధిలో 8 కి.మీ. నిడివి గల రోడ్డుకు సంబంధించి సర్వే నిలిచిపోయింది. ఈ నేపథ్యంలో మరోసారి రైతులతో చర్చించి, సర్వే జరపాలని అధికారులు భావిస్తున్నారు. కుదరని పక్షంలో పోలీసు బందోబస్తు మధ్య నిర్వహించే యోచనలో ఉన్నారు. ఈ విషయంలో ఉన్నతాధికారుల నుంచి స్పష్టత కోసం ఎదురు చూస్తున్నారని తెలుస్తోంది.

టాలీవుడ్‌లో సంచలనం ఆర్ఆర్ఆర్ మూవీ. తాజాగా ఈ చిత్రాన్ని అమెరికాలోని లాస్‌ఎంజిల్స్‌లోని ఓ థియేటర్‌లో ప్రత్యేక షో వేశారు. ఈ షోకు చిత్ర దర్శకుడు రాజమౌళి కూడా హాజరయ్యారు. తాజాగా ఈ షో విజయవంతం కావడం పట్ల రాజమౌళి ట్వీటర్ వేదికగా పంచుకున్నారు. తాజాగా యంగ్‌ టైగర్ జూనియర్ ఎన్టీఆర్ దీనిపై స్పందించారు. ఈ ఘనతలన్నింటికీ మీరే అర్హులు జక్కన్న అంటూ పోస్ట్ చేశారు. నిన్న దర్శకధీరునిపై రామ్‌ చరణ్‌ ట్వీట్ చేయగా.. ఇవాళ యంగ్ టైగర్ రాజమౌళిని సోషల్ మీడియా వేదికగా ప్రశంసించారు. You deserve all the applause you’re getting and much more Jakkanna @ssrajamouli https://t.co/jMbSlGuobS — Jr NTR (@tarak9999) October 3, 2022 థియేటర్‌లో ఫ్యాన్స్‌ సందడి: నాటు నాటు సాంగ్‌కు ఫారిన్ ఫ్యాన్స్‌ సైతం డ్యాన్స్‌ చేస్తూ థియేటర్లలో సందడి చేశారు. ఈ విషయాన్ని ట్విటర్‌లో పంచుకున్న రాజమౌళి ప్రేక్షకులను ధన్యవాదాలు తెలిపారు. ఆయన ట్వీట్ చేస్తూ 'నా హీరోలు, నా సినిమా, నా పట్ల మీ అభిమానం, ప్రశంసలు చాలా అపారమైనవి. థ్యాంక్స్‌ యూఎస్ఎ' అంటూ పోస్ట్ చేశారు. ఈ సినిమాలో యంగ్‌ టైగర్ ఎన్టీఆర్, రామ్‌ చరణ్ తేజ్ తమ పాత్రలతో అదరగొట్టారు. ప్రపంచవ్యాప్తంగా విడుదలైన ఆర్ఆర్ఆర్ రూ.1000 కోట్లకు పైగా వసూళ్లు సాధించింది. Your adoration and applause towards my heroes, my film and me were enormous. THANK YOU USA 🙏🏻🙏🏻🙏🏻🙏🏻 pic.twitter.com/YH0hPL1q3H — rajamouli ss (@ssrajamouli) October 1, 2022 ఒక్క షో.. రూ.17 లక్షలు:  దాదాపు 932 సీట్లు కెపాసిటీ గల థియేటర్‌లో ఆర్ఆర్ఆర్ షో వేయడంతో సుమారు రూ.17 లక్షలకు పైగా వసూళ్లు వచ్చినట్లు తెలుస్తోంది. యూఎస్‌లో జరిగే బియాండ్ ఫెస్ట్‌లో భాగంగా ఈ చిత్రాన్ని రీ-రిలీజ్ చేశారు. ఈ ప్రత్యేక షో టికెట్లు కేవలం 20 నిమిషాల్లోనే అమ్ముడయ్యాయి. 

'ఆర్ఆర్ఆర్' అంటే తెలుగు ప్రేక్షకులతో పాటు ప్రపంచవ్యాప్తంగా క్రేజ్ సాధించిన మూవీ. ఈ సినిమా దర్శకధీరుడు రాజమౌళిని మరోస్థాయికి తీసుకెళ్లింది. తాజాగా ఈ మూవీని అమెరికాలోని లాస్‌ఎంజిల్స్‌లో బిగ్‌ స‍్క‍్రీన్‌పై ఎంజాయ్ చేశారు రాజమౌళి. ఫారిన్ ఆడియన్స్‌తో కలిసి వీక్షించిన ఆయన థియేటర్లో సందడి చేశారు. తాజాగా ఆ వీడియోను మెగాపవర్ స్టార్ రామ్ చరణ్ 'వన్‌ అండ్ ఓన్లీ.. ఎస్ఎస్ రాజమౌళి' అంటూ పోస్ట్ చేశారు. అది కాస్తా సోషల్ మీడియాలో వైరలవుతోంది.  దీంతో జక్కన్న పేరు మరోసారి ప్రపంచవ‍్యాప్తంగా మార‍్మోగిపోయింది.  లాస్ ఎంజిల్స్‌లోని థియేటర్‌లో సినిమాను వీక్షిస్తున్న ఫారిన్ ఆడియన్స్‌ డ్యాన్స్‌తో హోరెత‍్తించారు. నాటు నాటు పాటకు స్టెప్పులతో అదరగొట్టారు. అభిమానుల కోలాహలంతో థియేటర్ మార్మోగిపోయింది.  ఫ్యాన్స్ డ్యాన్స్  చేస్తున్న వీడియోను లాస్ ఏంజిల్స్ టైమ్స్ అధికారిక ట్విటర్ ఖాతాలో పోస్ట్ చేసింది. ఆర్ఆర్ఆర్ సాంగ్‌కు విదేశీయులు డ్యాన్స్ చేయడాన్ని చూసిన టాలీవుడ్ ఫ్యాన్స్ ఖుషీ అవుతున్నారు.  One and Only @ssrajamouli Garu ❤️🙏 pic.twitter.com/FHOXTfyDQK — Ram Charan (@AlwaysRamCharan) October 2, 2022 Foreigners dancing.. Feel the Highhh💥💥💥 Thank you SSR 🧎 #RRR #RamCharan 🦁 🔥 https://t.co/LCbFJa1wPe pic.twitter.com/wJQ6wIxFlf — Ujjwal Reddy (@HumanTsunaME) October 1, 2022

దర్శకధీరుడు రాజమౌళి తెరకెక్కించిన అత్యంత ప్రతిష్ఠాత్మక చిత్రం 'ఆర్ఆర్ఆర్'. ప్రపంచవ్యాప్తంగా విడుదలైన ఈ సినిమా గ్లోబల్ స్థాయిలో మంచి క్రేజ్ సంపాందించింది. తాజాగా ఈ చిత్రాన్ని అక్టోబర్ 21 న జపాన్‌లో విడుదల చేసేందుకు సిద్ధమైంది చిత్రబృందం.  ఈ విషయాన్ని సోషల్ మీడియా ద్వారా రాజమౌళి వెల్లడించారు. మూవీ ప‍్రమోషన్స్‌లో భాగంగా ఆయనతో పాటు యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ సైతం జపాన్ వెళ్తున్నట్లు తెలుస్తోంది.    (చదవండి: RRR Box Office Collections: ఆగని 'ఆర్ఆర్ఆర్‌' కలెక్షన్లు.. ఎంత వసూలు చేసిందంటే ?) గ్లోబల్ బ్లాక్ బస్టర్ ఆర్ఆర్ఆర్ చిత్రానికి రోజురోజుకు క్రేజ్ పెరిగిపోతోంది. ప్రపంచవ్యాప్తంగా కోట్లమంది అభిమానుల హృదయాలను గెలుచుకుంది. తాజాగా జపనీస్ ప్రజలను ఆర్ఆర్ఆర్ అలరించబోతోంది. మార్చి 24న ప్రపంచవ్యాప్తంగా విడుదలైన ఈ చిత్రం బాక్సాఫీస్‌ వద్ద రికార్డులను బద్దలు కొట్టింది. వెయ్యి కోట్లకుపైగా వసూళ్లు సాధించిన తెలుగు సినిమాగా సత్తా చాటింది. ఈ చిత్రం ఓవర్సీస్‌లోనే రూ. 300 కోట్లకుపైగా కలెక్షన్లను రాబట్టగా.. బాలీవుడ్‌లో కూడా రూ. 300 కోట్లను వసూలు చేసింది. ఆర్ఆర్ఆర్‌ మూవీ వరల్డ్‌ వైడ్‌గా రూ. 1100 కోట్ల కలెక్షన్లను రాబట్టినట్లు తెలిపింది.  ㊗️みなさま、お待たせしましたーーっ‼️‼️ ━━✨映画『ＲＲＲ』来日決定✨━━ 　　　　ラージャマウリ監督 　　 NTR Jr. ＆ラーム・チャラン 🌊🌊━━━━━━━━━━━━🔥🔥 ラージャマウリ監督は４年ぶり、 主演2人にとっては初の来日が決定致しました🎉 監督からのメッセージも到着🙌 pic.twitter.com/J2MaKXVh45 — 映画『ＲＲＲ』公式 (@RRR_twinmovie) September 28, 2022

దర్శక ధీరుడు ఎస్ఎస్‌ రాజమౌళి కీలక నిర్ణయం తీసుకున్నారు. అమెరికాకు చెందిన క్రియేటివ్ ఆర్టిస్ట్స్‌ ఏజెన్సీతో(సీఏఏ)తో ఒప్పందం చేసుకున్నారు. ఇటీవల ఆర్ఆర్ఆర్ ఆస్కార్‌ ఎంట్రీకి నోచుకోకపోవడంతో ఈ నిర్ణయం తీసుకున్నట్లు తెలుస్తోంది. ఫిల్మ్ ఫెడరేషన్ ఆఫ్ ఇండియా గుజరాతీ సినిమా ఛెల్లో షోను ఎంపిక చేసిన కొద్ది రోజులకే రాజమౌళి ఈ ఒప్పందం కుదుర్చుకున్నారు. ప్రపంచవ్యాప్తంగా భారీస్థాయిలో వసూళ్లు సాధించిన ఆర్ఆర్ఆర్‌కు ఆస్కార్ ఎంట్రీలో చుక్కెదురైంది. ఓటీటీ ప్లాట్‌ఫామ్ నెట్‌ఫ్లిక్స్‌లో విడుదలై  ప్రపంచవ్యాప్తంగా పదివారాలు ట్రెండ్‌ అయిన నాన్ హాలీవుడ్‌ చిత్రంగా నిలిచిన ఆర్ఆర్ఆర్ ఆస్కార్‌ బరిలో నిలవలేకపోయింది. అమెరికా కాలిఫోర్నియా హెడ్‌క్వార్టర్స్‌గా ఉన్న సీఏఏ ఏజెన్సీ ఎంటర్‌టైన్‌మెంట్‌, స్పోర్ట్స్‌ రంగాల‍్లో పలు రకాల సేవలందిస్తోంది.  (చదవండి: ఆస్కార్ బరిలో గుజరాతీ ఫిల్మ్ ఛెల్లో షో) గుజరాతీ చిత్రం ఛెల్లో షోను ఫిల్మ్ ఫెడరేషన్ ఆఫ్ ఇండియా ఆస్కార్‌ ఎంట్రీకి నామినేట్ చేయడంతో దేశవ్యాప్తంగా అభిమానులు నిరాశకు గురయ్యారు. కొంతమంది సోషల్ మీడియాలో ఆర్ఆర్ఆర్‌కు మద్దతుగా పోస్టులు కూడా చేశారు. ఈ నిర్ణయంపై కొందరు టాలీవుడ్ నటులు సైతం ఆశ్చర్యానికి గురయ్యారు. ఆర్ఆర్ఆర్‌ యూఎస్ డిస్ట్రిబ్యూటర్ వేరియెన్స్ ఫిల్మ్స్ సంస్థ సైతం మద్దతు తెలిపింది. అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్‌ కేటగిరీలో ఈ చిత్రాన్ని పరిగణించాలని అభ్యర్థించింది. ఆస్కార్ ఎంట్రీకి ఆర్ఆర్ఆర్ ఎంపిక కాకపోవడంపై హాలీవుడ్‌ డైరెక్టర్ ఆడమ్ మెక్‌కే కూడా స్పందించారు. ఆర్‌ఆర్‌ఆర్‌ ఉత్తమ చిత్రాల విభాగంలో నామినేట్ చేయాల్సిందిగా మద్దతు ప్రకటిస్తూ ట్వీట్ చేశారు. 

అందరి అంచనాలు తలకిందులు చేస్తూ ప్రతిష్ఠాత్మక ఆస్కార్ నామినేషన్స్‌కు ఎంపికైన గుజరాతీ ఫిల్మ్ 'ఛెల్లో షో'. వచ్చే ఏడాది మార్చిలో జరగనున్న ఆస్కార్ వేడుకల్లో 'బెస్ట్‌ ఇంటర్నేషనల్ ఫీచర్‌ ఫిల్మ్'( ఉత్తమ అంతర్జాతీయ చిత్రం) విభాగంలో పోటీకి ఎంపికైంది ఈ చిత్రం. ఆర్ఆర్ఆర్, ది కశ్మీర్ ఫైల్స్‌తో పోటీపడి మరీ రేసులో నిలిచింది. ఈ నిర్ణయంతో దేశవ్యాప్తంగా ఒక్కసారిగా అందరిచూపు ఈ సినిమావైపు మళ్లింది. ఆస్కార్‌కు భారత అధికారిక ఎంట్రీగా 'ఛెల్లో షో'ను పంపాలని ఫిల్మ్ ఫెడరేషన్ ఆఫ్ ఇండియా నిర్ణయించింది. అయితే ఈ నిర్ణయంపై ఫెడరేషన్ ఆఫ్ వెస్ట్రన్ ఇండియా సినీ ఎంప్లాయీస్ తీవ్ర అభ్యంతరం వ్యక్తం చేసింది. అసలు ఈ చిత్రం భారతీయ చిత్రమే కాదని ఆరోపించింది. ఫిల్మ్ ఫెడరేషన్ ఆఫ్ ఇండియా (FFI) తన నిర్ణయాన్ని పునరాలోచించాలని సూచించింది. ఛెల్లో షో హాలీవుడ్‌లో 'లాస్ట్ ఫిల్మ్ షో'గా విడుదలైందని తెలిపింది. విదేశీ చిత్రం కావడం వల్ల ఇండియా నుంచి ఆస్కార్‌ ఎంట్రీకి ఎలా అర్హత సాధిస్తుందని ప్రశ్నించింది.    ఈ అంశంపై ఎఫ్‌డబ్ల్యూఐసీఈ ప్రెసిడెంట్ బీఎన్ తివారీ మాట్లాడుతూ.. 'ఛెల్లో షో భారతీయ సినిమానే కాదు.. ఈ ఎంపిక సరైంది కాదు. పోటీలో ఇంకా ఆర్ఆర్ఆర్, కశ్మీర్ ఫైల్స్ లాంటి భారతీయ చిత్రాలు ఉన్నాయి. సిద్ధార్థ్ రాయ్ కపూర్ కొనుగోలు చేసిన విదేశీ చిత్రం కావడం వల్లే జ్యూరీ ఎంపిక చేసింది. మేము ప్రస్తుత జ్యూరీని రద్దు చేయాలని కోరుతున్నాం. జ్యూరీ సభ్యుల్లో సగం మంది ఎన్నో ఏళ్లుగా ఉన్నారు. వారిలో చాలా వరకు సినిమా చూడకుండానే ఓటేశారు.'లాస్ట్ ఫిల్మ్ షో'ఆస్కార్‌కు పంపితే, భారతీయ చిత్ర పరిశ్రమకే చెడ్డపేరు. దీనిపై కేంద్ర సమాచార శాఖ మంత్రి అనురాగ్ ఠాకూర్‌కు లేఖ రాస్తాం' అని తెలిపారు.  ఆస్కార్‌ల ఎంపిక కమిటీకి  గతంలో అధ్యక్షునిగా పనిచేసిన దర్శకుడు టీఎస్ నాగభరణ ఈ అంశంపై మాట్లాడారు. 'మార్కెటింగ్, వినోదం విలువ, మాస్, కలెక్షన్స్  మాత్రమే ప్రమాణాలు కాదు ఆస్కార్‌లో గుర్తింపు తెచ్చేది. నేను కూడా భారతీయుడ్నే. సినిమా కేవలం అనేది ప్రజాదరణ మాత్రమే కాదు. మీ హృదయాన్ని హత్తుకుంటే చాలు' అన్నారు. ఛెల్లో షో గుజరాత్‌లోని సౌరాష్ట్రలో ఉన్న గలాలా గ్రామానికి చెందిన  తొమ్మిదేళ్ల బాలుడు కథతో తెరకెక్కించారు.  పాన్ నలిన్ దర్శకత్వ వహించిన ఈ చిత్రంలో  భవిన్ రాబరి, భవేశ్ శ్రీమాలి, రిచా మీనా, డిపెన్ రావెల్ ప్రధానపాత్రల్లో నటించారు. 

సాక్షి, హైదరాబాద్‌: రీజినల్‌ రింగ్‌రోడ్డు (ఆర్‌ఆర్‌ఆర్‌) ఉత్తర భాగానికి సంబంధించి రెండో గెజిట్‌ విడుదలైంది. భూసేకరణకు సంబంధించి ప్రభుత్వం ఏర్పాటు చేసిన కంపీటెంట్‌ అథారిటీలోని 8 మంది అధికారులకుగాను ముగ్గురు అధికారుల పరిధిలోని గ్రామాలకు సంబంధించిన సర్వే నంబర్లను పేర్కొంటూ 3 (క్యాపిటల్‌ ఏ)గా పిలిచే ఈ గెజిట్‌ను గురువారం కేంద్ర జాతీయ రహదారుల మంత్రిత్వ శాఖ విడుదల చేసింది. యాదాద్రి–భువనగిరి జిల్లా అదనపు కలెక్టర్, అదే జిల్లా పరిధిలోని చౌటుప్పల్‌ ఆర్‌డీవో, సంగారెడ్డి జిల్లా అందోల్‌–జోగిపేట ఆర్డీఓల పరిధిలోని 31 గ్రామాలకు సంబంధించిన సర్వే నంబర్లు, దాని పరిధిలో సేకరించాల్సిన భూముల విస్తీర్ణాన్ని ఇందులో పేర్కొన్నారు. సేకరించే భూమిలో 617 హెక్టార్లకు సంబంధించిన సర్వే నంబర్ల వివరాలను ఈ గెజిట్‌లో పొందుపరిచారు. కంపీటెంట్‌ అథారిటీలో భాగంగా ఉన్న యాదాద్రి–భువనగిరి అదనపు కలెక్టర్‌ పరిధిలోని గంధమల్ల, వీరారెడ్డిపల్లె, కోనాపూర్, ఇబ్రహీంపూర్, దత్తాయపల్లె, వెలుపుపల్లె, మల్లాపూర్, దత్తార్‌పల్లె గ్రామాలకు సంబంధించి 208.6090 హెక్టార్ల భూమిని సమీకరించనున్నట్లు గెజిట్‌లో వివరించారు. చదవండి👉🏼 మెట్రో ప్రయాణికులకు శుభవార్త.. ఇంటి నుంచి మెట్రో స్టేషన్‌కు.. అలాగే సంగారెడ్డి జిల్లా అందోల్‌–జోగిపేట ఆర్డీఓ పరిధిలోని శివ్వంపేట, వెండికోల్, వెంకటకిష్టాపూర్‌ (అంగడి), లింగంపల్లి, కోర్పోల్‌ గ్రామాలకు సంబంధించి 108.9491 హెక్టార్ల భూమిని సమీకరించనున్నారు. ఇక చౌటుప్పల్‌ ఆర్డీఓ పరిధిలోని చిన్నకొండూరు, వెర్కట్‌పల్లె, గోకారం, పొద్దటూరు, వలిగొండ, సంగం, చౌటుప్పల్, లింగోజీగూడెం, పంతంగి, పహిల్వాన్‌పూర్, కంచెన్‌పల్లె, టేకులసోమారం, రెడ్లరాపాక, నేలపట్ల, తల్లసింగారం, స్వాములవారి లింగోటం, తంగేడుపల్లె గ్రామాలకు సంబంధించి 300.3820 హెక్టార్ల భూమిని సమీకరించనున్నారు.   అభ్యంతరాలకు 21 రోజుల గడువు..  విడుదలైన ముగ్గురు కంపీటెంట్‌ అధికారుల అధీనంలోని ప్రాంతాల ప్రజలు పత్రికాముఖంగా గెజిట్‌ ప్రచురితమైన రోజు నుంచి 21 రోజుల్లోపు అభ్యంతరాలు తెలియజేసేందుకు అవకాశం కల్పించారు. అభ్యంతరాలపై సమాధానాలు వెలువడ్డ తర్వాత రింగ్‌రోడ్డు అలైన్‌మెంట్‌కు సంబంధించి రోడ్డు నిర్మాణం జరిగే 100 మీటర్ల నిడివి ఎక్కడ ఉండనుందో రెవెన్యూ అధికారులు హద్దులు గుర్తించి రాళ్లు పాతనున్నారు. దీన్ని డిఫరెన్షియల్‌ గ్లోబల్‌ పొజిషనింగ్‌ సిస్టం పరికరాల శాటిలైట్‌ శాస్త్రీయ సర్వేతో వీటిని ఏర్పాటు చేయనున్నారు.  నెల తర్వాత 3డీ గెజిట్‌..  గ్రామాలవారీగా భూసమీకరణ జరిగే సర్వే నంబర్లను రెండో గెజిట్‌లో పొందుపరచగా ఈ సర్వే నంబర్‌లో ఎంత భూమి సేకరించనున్నారో, దాని యజమాని ఎవరో స్పష్టం చేసే 3డీ గెజిట్‌ మరో నెల రోజుల తర్వాత విడుదల కానుంది. చదవండి👉🏼 సికింద్రాబాద్‌–తిరుపతి మధ్య ప్రత్యేక రైళ్లు

భారతీయ సంస్కృతిని కాపాడుతూ....ఇతర దేశాల్లో కూడా మన సంస్కృతి గొప్పదనాన్ని చాటిచెప్పున్న ప్రవాస భారతీయులు ఎంతోమంది. ఉరుకులు, పరుగుల జీవితంలో తనకెంతో ఇష్టమైన చిత్ర లేఖనాన్ని వదులుకోకుండా ఆదర్శవంతంగా నిలుస్తున్నారు ఐశ్వర్య భాగ్యనగర్‌. అమెరికాలోని టెక్సాస్‌ నగరం నివసిస్తున్న ఐశ్వర్య చిత్రలేఖనంతో అందరినీ ఔరా అనిపిస్తున్నారు.    ఇటీవల విడుదలైన ఆర్‌ఆర్‌ఆర్‌ పోస్టర్‌, భీమ్‌, రామరాజు ఫోటోలను ఎంతో అద్బుతంగా పెయింట్‌ చేశారు. వీటితో పాటుగా ఆమె గీసిన దళపతి విజయ్‌, మహానటి కీర్తి సురేష్‌ సహా మరెన్నో చిత్రాలు అలరిస్తున్నాయి. భారతీయ కళలపై ఉన్న ఆసక్తితో  ఆమె 2016లో భరత నాట్యంలో కూడా అరంగేట్రం చేశారు. ఐశ్వర్య కుంచె నుంచి జాలువారిన పలు  చిత్రాలు ఇవే..! ఐశ్వర్య భాగ్యనగర్‌ చదవండి: డాలస్‌లో తానా పుస్తక మహోద్యమం

సాక్షి, హైదరాబాద్‌: రాష్ట్రంలో ఆర్‌ఆర్‌ఆర్‌ సినిమా టికెట్ల ధరలు పెంచుకొనేందుకు అనుమతిస్తూ హోంశాఖ శనివారం ఉత్తర్వులు జారీ చేసింది. ఆర్‌ఆర్‌ఆర్‌ సినీ నిర్మాణ సంస్థ డీవీవీ ఎంటర్‌టైన్‌మెంట్స్‌ ఈ నెల 18న ప్రభుత్వానికి టికెట్ల ధరల పెంపుతోపాటు ఐదో షో నిర్వహణకు అనుమతివ్వాలని దరఖాస్తు చేసుకుంది. దీనిపై సానుకూలంగా స్పందించిన హోంశాఖ... ఏసీ థియేటర్లలో ఈ నెల 25 నుంచి 27 వరకు అంటే 3 రోజులపాటు టికెట్‌పై రూ. 50 పెంచుకొనేందుకు అవకాశం కల్పించింది. అలాగే 28వ తేదీ నుంచి వచ్చే నెల 3వరకు రూ.30 పెంచుకొనేలా వెసులుబాటు కల్పించింది. రిక్లైనర్, మల్టీఫ్లెక్స్, లార్జ్‌ స్క్రీన్‌ థియేటర్లలో ఈ నెల 25 నుంచి 27 వరకు టికెట్‌పై రూ. 100 పెంచుకొనేందుకు అంగీకరించింది. ఆ తర్వాత 28 నుంచి వచ్చే నెల 3 వరకు టికెట్‌పై రూ. 50 పెంచుకునేలా అవకాశం కల్పించినట్టు హోంశాఖ ఇన్‌చార్జి, ప్రభుత్వ ప్రత్యేక ప్రధాన కార్యదర్శి సునీల్‌శర్మ ఉత్తర్వుల్లో పేర్కొన్నారు. ఈ నెల 25 నుంచి వచ్చే నెల 3వ తేదీ వరకు రోజుకు ఐదు షోలు ప్రదర్శించేందుకు సైతం అనుమతిచ్చినట్లు ఆయన ఆదేశాల్లో పేర్కొన్నారు. ఈ మేరకు జిల్లా కలెక్టర్లు, సంబంధిత అధికారులు చర్యలు తీసుకోవాలని సూచించారు.

దర్శక ధీరుడు జక్కన్న ప్రతిష్టాత్మకంగా చెక్కిన చిత్రం రౌద్రం రణం రుధిరం (ఆర్‌ఆర్ఆర్‌). వాస్తవానికి ఈ మూవీ ఈపాటికి విడుదలై అత్యధిక కలెక్షన్లతో దూసుకుపోవాల్సింది. కానీ అలా జరగలేదు. అందుకు దేశవ్యాప్తంగా కరోనా, ఒమిక్రాన్‌ కేసులు పెరగడం, థియేటర్‌ ఆక్యుపెన్సీ, పలు రాష్ట్రాల్లో స్వల్ప లాక్‌డౌన్‌ వంటి అనేక కారణాలు ఉన్నాయి. ఈ క్రమంలోనే సినిమాను పోస్ట్‌పోన్ చేసేందుకు ఆర్‌ఆర్‌ఆర్‌ చిత్రబృందం నిర్ణయం తీసుకున్న సంగతి తెలిసిందే. అయితే సినిమా విడుదల తేది ఏమై ఉంటుందన్న ఆసక్తి ప్రేక్షకులను ఇంకా వీడలేదు. ఎప్పుడూ రిలీజ్‌ చేస్తారా అని వెయ్యి కళ్లతో ఎదురు చూస్తున్నారు.  (చదవండి: 'ఆర్‌ఆర్‌ఆర్‌'కు అమెజాన్‌ భారీ ఆఫర్‌.. కానీ) ఈ క్రమంలో ఆర్‌ఆర్‌ఆర్‌ టీమ్‌ ప్రేక్షకులకు, అభిమానులకు గుడ్‌ న్యూస్‌ చెప్పింది. కరోనా కలకలం తొలగిపోయి అన్ని పరిస్థితులు అనుకూలించి పూర్తి ఆక్యుపెన్సీతో థియేటర్లు ప్రారంభమైతే మార్చ్‌ 18న విడుదల చేసేందుకు సిద్దంగా ఉన్నామని మేకర్స్‌ తెలిపారు. ఒకవేళ అలా జరగకుంటే ఎలాంటి పరిస్థితులున్నా ఏప్రిల్ 28న ప్రపంచవ్యాప్తంగా రిలీజ్ చేస్తామని చిత్ర యూనిట్‌ ప్రకటించింది. దీంతో ఇన్నేళ్ల ప్రేక్షకుల నిరీక్షణకు తెరపడినట్లు ఉంది. ఈ ప‍్రకటనతో ఆర్‌ఆర్‌ఆర్‌ సుమారు 14 భాషల్లో విడుదలకానుంది. ఈ ఒక్క న్యూస్‌తో అభిమానులు పండుగ చేసుకోనున్నారు.  (చదవండి: 'ఆర్‌ఆర్‌ఆర్‌' ట్రైలర్ స్పూఫ్‌.. అదరగొట్టేశారుగా..!)   Breaking : #RRRMovie on March 18th 2022 or April 28th 2022. @tarak9999 @AlwaysRamCharan @ssrajamoulipic.twitter.com/clTcqxAVfD — Suresh Kondi (@SureshKondi_) January 21, 2022

సాక్షి, హైదరాబాద్‌: రీజినల్‌ రింగు రోడ్డు (ఆర్‌ఆర్‌ఆర్‌)కు ఖరారు చేసిన అలైన్‌మెంట్‌ ఆధారంగా నిర్మించాల్సిన రోడ్డుకు సంబంధించి క్షేత్ర స్థాయిలో భూమి హద్దులను గుర్తించే సర్వే వేగంగా జరుగుతోంది. విదేశాల నుంచి సమకూర్చుకున్న పరికరాలు సహా దేశీయంగా తయారైన ఆధునిక డిఫరెన్షియల్‌ గ్లోబల్‌ పొజిషనింగ్‌ సిస్టం (డీజీపీఎస్‌) పరికరాలతో సర్వే నిర్వహిస్తున్నారు. మొత్తం 12 బృందాలు క్షేత్రస్థాయిలో ఈ పనిచేస్తున్నాయి. సంగారెడ్డి పట్టణం వద్ద మొదలైన సర్వే ప్రస్తుతం జగదేవ్‌పూర్‌ సమీపంలోని తుర్కపల్లి వరకు పూర్తయింది. అంగుళం కూడా తేడా రాకుండా, గూగుల్‌ మ్యాపు ఆధారంగా రూపొందించిన అలైన్‌మెంట్‌ ప్లాన్‌కు తగ్గట్టుగా అక్షాంశ రేఖాంశాల ఆధారంగా భూమిని గుర్తిస్తున్నారు.   ప్రతి 5 కి.మీ.కు రెండు గుర్తింపు రాళ్లు  ప్రస్తుత అలైన్‌మెంటు ప్రకారం రోడ్డు ఏయే సర్వే నంబర్ల మీదుగా నిర్మించాలో కచ్చితంగా గుర్తించే పని చేస్తున్నా.. క్షేత్రస్థాయిలో మాత్రం దానికి సంబంధించిన గుర్తులేవీ పెట్టడం లేదు. రోడ్డును నిర్మించే గ్రామాలు, సర్వే నంబర్లకు సంబంధించి గెజిట్‌ విడుదలయ్యాకే ఆ పని జరగనుంది. ప్రస్తుతం రోడ్డు మార్గం అక్షాంశ రేఖాంశాలను నిర్ణయిస్తున్నారు. ఇందుకు ప్రతి 5 కిలోమీటర్లకు రెండు గుర్తు రాళ్లను పాతి వాటి మీద డీజీపీఎస్‌ పరికరాలు ఉంచడం ద్వారా సూక్ష్మస్థాయి తేడా కూడా లేకుండా ఫీల్డ్‌ అలైన్‌మెంటును నిర్ధారిస్తున్నారు. అయితే ఈ గుర్తింపు రాళ్లను చూసి, అవే రోడ్డు హద్దు రాళ్లుగా భావిస్తున్న రైతులు, స్థానికులు సిబ్బందిని ప్రశ్నిస్తున్నారు. దీంతో ఆ రాళ్లకు, ప్రతిపాదిత రోడ్డు హద్దులకు సంబంధం లేదని, అలైన్‌మెంటు ప్రకారం అస లైన హద్దులను గెజిట్‌ విడుదలయ్యాకే ఏర్పాటు చేస్తామని సిబ్బంది చెబుతున్నారు. పూర్తిగా శాటిలైట్‌ సిగ్నల్స్‌ ఆధారంగా.. ఆర్‌ఆర్‌ఆర్‌ నిర్మించే సంగారెడ్డి, చౌటకూరు, హత్నూరు, నర్సాపూర్, శివంపేట, తూప్రాన్, గజ్వేల్, వర్గల్, మర్కూక్, జగదేవ్‌పూర్, తుర్కపల్లి, యాదాద్రి, భువనగిరి, వలిగొండ, చౌటుప్పల్‌ మండలాల పరిధిలోని 120 గ్రామాల మీదుగా ఈ సర్వే జరుగులోంది. ప్రస్తుతానికి 90 కి.మీ. మేర సర్వే పూర్తయింది.   బహిరంగ విచారణ తర్వాతే..  ఆర్‌ఆర్‌ఆర్‌ నిర్మించే గ్రామాలు, సర్వే నంబర్లతో కూడిన గెజిట్‌ విడుదల చేసిన తర్వాత అభ్యంతరాల స్వీకరణకు 21 రోజుల గడువు ఇవ్వనున్నారు. దీనికి సంబంధించి బహిరంగ విచారణ నిర్వహించనున్నారు. ఇది పూర్తయిన తర్వాతనే ఆర్‌ఆర్‌ఆర్‌కు కావాల్సిన 100 మీటర్ల వెడల్పు భూమిపై హద్దులు ఏర్పాటు చేయనున్నారు. ఈ ప్రక్రియ నెలన్నర నుంచి రెండు నెలల తర్వాతే మొదలు కానుంది.  

ఇదేంటండీ బాబూ... వేరియంట్‌ వెరీ గుడ్డా? వేరియంట్‌ ఎలా అవుతుంది గుడ్డు.. వెరీ బ్యాడు అనే కదా మీ సందేహం. కరోనా వేరియేషన్స్‌లో డెల్టా వేరియంట్, ఒమిక్రాన్‌ వేరియంట్‌... ఈ వేరియంట్లు బ్యాడే. కానీ... హీరోలు రకరకాల వేరియేషన్లలో కనిపిస్తే ఆ వేరియంట్‌ గుడ్డే కదా. అభిమానులకు పండగే కదా. ఇక ఒకే సినిమాలో పలు వేరియేషన్లలో కనిపించనున్న హీరోలెవరో చూసేద్దాం... కెరీర్‌లో ఎన్నోసార్లు డిఫరెంట్‌ గెటప్స్‌ ఉన్న పాత్రలు చేశారు చిరంజీవి. ఇప్పుడు ఒకటి కాదు రెండు మూడు సినిమాల్లో రెండు షేడ్స్‌ ఉన్న క్యారెక్టర్‌లో కనిపించనున్నారు. విడుదలకు రెడీ అయిన ‘ఆచార్య’లో కామన్‌ మేన్‌గా, నక్సలైట్‌గా రెండు వేరియేషన్స్‌లో కనిపిస్తారు చిరంజీవి. ‘ఆచార్య’ ట్రైలర్‌లో దీన్ని మనం గమనించవచ్చు. అలాగే ‘గాడ్‌ ఫాదర్‌’, ‘వాల్తేరు వీరయ్య’ (ప్రచారంలో ఉన్న టైటిల్‌) లోనూ చిరంజీవి డిఫరెంట్‌ గెటప్స్‌లో కనిపించనున్నారని తెలిసింది. ఇక ‘ఆచార్య’లో కీలక పాత్ర చేసిన రామ్‌చరణ్‌ ఈ చిత్రంలో తండ్రిలా రెండు వేరియేషన్స్‌లో కనిపిస్తారు. రామ్‌చరణ్‌ చేసిన మరో చిత్రం ‘రౌద్రం..రణం..రుధిరం’. రాజమౌళి దర్శకత్వంలో రూపొందిన ఈ చిత్రంలో ఎన్టీఆర్‌ ఓ హీరోగా నటించారు. 1920 బ్యాక్‌డ్రాప్‌లో ప్రధానంగా ఢిల్లీ నేపథ్యంలో ఈ సినిమా కథ సాగుతుంది. ఈ చిత్రంలో స్వాతంత్య్ర సమరయోధులు కొమురం భీమ్‌ పాత్రలోఎన్టీఆర్, అల్లూరి సీతారామరాజు పాత్రలో రామ్‌చరణ్‌ కనిపిస్తారు. ఈ చిత్రంలో తాను మూడు గెటప్స్‌లో కనిపించనున్నట్లు ఇటీవల ఓ సందర్భంలో రామ్‌చరణే స్వయంగా చెప్పారు. పోలీసాఫీసర్, అల్లూరి సీతారామరాజు గెటప్స్‌తో పాటు మరో లుక్‌లో చరణ్‌ కనిపించనున్నారు. ఇదే చిత్రంలో ఎన్టీఆర్‌ కూడా డిఫరెంట్‌ గెటప్స్‌లో కనిపించనున్నట్లు తెలిసింది. అందులో ఒకటి యంగ్‌ భీమ్‌ కాగా, అదే పాత్ర ఓల్డ్‌ వేరియేషన్‌ ఒకటి అని సమాచారం. కీలక సన్నివేశాల్లో టోపీ ధరించిన వేరియేషన్‌ ఒకటి. ‘ఆచార్య’, ‘ఆర్‌ఆర్‌ఆర్‌’ చిత్రాల్లో మాత్రమే కాదు... శంకర్‌ దర్శకత్వంలో తెరకెక్కుతోన్న చిత్రంలో కూడా చరణ్‌ రెండు గెటప్స్‌లో కనిపిస్తారు. ఐఏఎస్‌ ఆఫీసర్‌ నుంచి రాజకీయ నాయకుడిగా మారే పాత్రలో చరణ్‌ కనిపిస్తారని తెలిసింది. ఇక ప్యాన్‌ ఇండియన్‌ స్టార్‌ ప్రభాస్‌ చేతిలో ఉన్న సినిమాల్లో ‘సలార్‌’ ఒకటి. ఈ చిత్రంలో ప్రభాస్‌ రెండు గెటప్స్‌లో కనిపిస్తారు. ప్రశాంత్‌ నీల్‌ దర్శకత్వంలో రూపొందుతోన్న ఈ సినిమా ఈ ఏడాదిలోనే ప్రేక్షకుల ముందుకు వచ్చే అవకాశాలు ఉన్నాయి. మరోవైపు అరడజను సినిమాలతో ఫుల్‌ బిజీగా ఉన్నారు రవితేజ. అయితే సుధీర్‌ వర్మ దర్శకత్వంలో రూపొందుతోన్న ‘రావణాసుర’లో పది గెటప్స్‌లో కనిపిస్తారు. అలాగే ‘ఖిలాడి’ చిత్రంలో రవితేజ డ్యూయల్‌ రోల్‌ చేసిన సంగతి తెలిసిందే. ఈ ఏడాది ఫిబ్రవరి 11న ‘ఖిలాడి’, సెప్టెంబరు 30న ‘రావణాసుర’ చిత్రాలు థియేటర్స్‌కు రానున్నాయి. ప్రస్తుతం ‘రావణాసుర’కి సంబంధించిన నైట్‌ సీన్స్‌ చిత్రీకరణ జరుగుతోంది. యంగ్‌ హీరో నాగచైతన్య లేటెస్ట్‌ ఫిల్మ్‌ ‘థాంక్యూ’. ‘మనం’ తర్వాత దర్శకుడు విక్రమ్‌ కుమార్‌తో నాగచైతన్య చేస్తున్న చిత్రం ఇది. ఇందులో తాను మూడు గెటప్స్‌లో కనిపించనున్నట్లు నాగచైతన్య ఇటీవల ఓ సందర్భంలో పేర్కొన్నారు. ఓ వ్యక్తి జర్నీ నేపథ్యంలో ఈ సినిమా సాగుతుంది. అటు అమిర్‌ ఖాన్‌ హీరోగా చేసిన ‘లాల్‌సింగ్‌ చద్దా’లో కీ రోల్‌ చేసిన నాగచైతన్యను ఆ సినిమాలో రెండు గెటప్స్‌లో చూడొచ్చు. ఒకటి ఆర్మీ ఆఫీసర్‌ కాగా, మరొకటి జనరల్‌ గెటప్‌. ఇక కొన్ని నెలల క్రితం నితిన్‌ హీరోగా ‘పవర్‌ పేట’ అనే సినిమా ప్రకటన వచ్చిన విషయం గుర్తుండే ఉంటుంది. పీరియాడికల్‌ బ్యాక్‌డ్రాప్‌లో సాగే ఈ చిత్రంలో రెండు డిఫరెంట్‌ గెటప్స్‌లో కనిపిస్తానని నితిన్‌ ఓ సందర్భంలో తెలిపారు. ఇంకోవైపు డిఫరెంట్‌ సినిమాలతో దూసుకెళ్తోన్న సత్యదేవ్‌ చేసిన తాజా చిత్రం ‘గుర్తుందా... శీతాకాలం’. ఇందులో స్టూడెంట్‌గా, ఉద్యోగిగా, ఇంకో వేరియేషన్‌... ఇలా మూడు డిఫరెంట్‌ గెటప్స్‌లో సత్యదేవ్‌ కనిపిస్తారు. నాగశేఖర్‌ దర్శకత్వంలో రూపొందిన ఈ చిత్రం ఈ ఏడాదే విడుదల కానుంది. ఇక ‘దసరా’ చిత్రంలో నాని, ‘ది వారియర్‌’లో రామ్‌ డిఫరెంట్‌ గెటప్స్‌లో కనిపిస్తారనే టాక్‌ వినిపిస్తోంది. వీరితో పాటు కొందరు సీనియర్‌ అండ్‌ యంగ్‌ హీరోలు డిఫరెంట్‌ గెటప్స్‌లో కనిపించి ఆడియన్స్‌ను ఎంటర్‌టైన్‌ చేయడానికి మేకోవర్‌ అవుతున్నారు. ఇలా పలు వేరియంట్స్‌ (రూపాంతరాలు) ఉన్న పాత్రల్లో హీరోలు కనబడితే... ఆడియన్స్‌ ‘వేరియంట్‌ వెరీ గుడ్డు’ అనకుండా ఉండగలరా!  

2021.. టాలీవుడ్ ఎన్నో వండర్స్ క్రియేట్ చేసింది. కరోనా కాలంలోనూ వసూళ్లను అందుకోవడం మిగితా ఇండస్ట్రీస్ పోలిస్తే విజయాల శాతం ఎక్కువగా ఉండటం మాత్రమే కాదు ఆడియెన్స్ లో కూడా జోష్ తీసుకొచ్చింది. సిగ్నేచర్ స్టెప్స్ తో దుమ్మురేపాయి. 2021 టాలీవుడ్ బిగ్గెస్ట్ బ్లాక్ బస్టర్స్  కేవలం కలెక్షన్స్ తో సరిపెట్టుకోలేదు. థియేటర్స్ కు పూర్వ వైభవం మాత్రమే తీసుకురాలేదు. ఆడియెన్స్ కు కూడా కిక్ తీసుకోచ్చాయి. వాళ్లతో స్టెప్పులేయించాయి. ముఖ్యంగా హీరోల సిగ్నచర్ స్టెప్స్ సెన్సేషన్ క్రియేట్ చేసాయి. అఖండలో బాలయ్య వేసిన షర్ట్ స్టెప్ ఈ ఏడాది ఒక హైలైట్. ఇటీవల అన్ స్టాపబుల్ టాక్ షోకి విచ్చేసిన రవితేజ కూడా ఇదే స్టెప్ వేసి అందర్నీ ఆశ్చర్యపరిచాడు. మాస్ రాజా మాత్రమే కాదు..మరో కథానాయిక నివేదా ధామస్ కూడా బాలయ్య స్టెప్ ను రిపీట్ చేసేందుకు బాగానే ట్రై చేసింది. ఇక అటు రీల్స్ లో, ఇటు షార్ట్స్ లోనూ ఈ జై బాలయ్య హుక్ స్టెప్ దే హవా View this post on Instagram A post shared by Nivetha Thomas (@i_nivethathomas) జనవరి 7న రిలీజ్ అవుతున్న ప్యాన్ ఇండియా మూవీ ఆర్‌ఆర్‌ఆర్‌ నుంచి చాలా ట్రైలర్స్, టీజర్స్, వచ్చాయి. కాని నాటు నాటు సాంగ్ మాత్రం ఒక్కసారిగా వైరల్ అయింది. జై బాలయ్య స్టెప్ తో పాటు నాటు నాటు కూడా పాన్‌ ఇండియా రేంజ్ లో దుమ్మురేపుతోంది. ఆర్‌ఆర్‌ఆర్‌ నార్త్ ఇండియా ప్రమోషన్ లో ఈ స్టెప్ రిపీటెడ్ గా కనిపించింది. బిగ్ బాస్ సెట్ లో తారక్, చరణ్ తో కలసి సాక్షాత్తు సల్మాన్ ఖాన్, ఈ హుక్ స్టెప్ వేసాడు. నాటు నాటు పై  లెక్కనేనన్ని కవర్ సాంగ్స్ వచ్చాయి..స్టిల్ వస్తూనే ఉన్నాయి. పాన్ ఇండియా లెవల్లో ఈ ట్రెండ్ కనిపిస్తోంది. పుష్ప లో సాంగ్స్ అన్ని సూపర్ హిట్.ప్రస్తుతం ఇండియా వైడ్ గా ఈ పాటలు దుమ్మురేపుతున్నాయి. ఈ మూవీలో సామి సామి సాంగ్ కోసం రష్మిక వేసిన హుక్ స్టెప్ కూడా చాలా పాపులర్ అయింది. సినిమా ప్రమోషన్  ఎక్కడ జరిగినా, అక్కడ రష్మిక ఈ హుక్ స్టెప్ వేయాల్సిందే. View this post on Instagram A post shared by Rashmika Mandanna (@rashmika_mandanna)

RRR Kerala Pre Release Event: తెలుగు ప్రేక్షకుడు మాత్రమే కాదు.. యావత్‌ దేశం ఆర్‌ఆర్‌ఆర్‌ కోసం ఆసక్తిగా ఎదురు చూస్తోంది. సినిమా రిలీజ్‌ డేట్‌ దగ్గరపడుతుండడంతో ప్రమోషన్స్‌ వేగం పెంచేసింది జక్కన్న టీం. ఈ క్రమంలో ఏ రాష్ట్రంలో ప్రమోషన్‌కి వెళ్లినా.. అక్కడి భాషలో, తమ యాక్టివ్‌నెస్‌తో అక్కడి సినీ అభిమానుల్ని, మీడియాను ఎట్రాక్ట్‌ చేస్తున్నారు జూ. ఎన్టీఆర్‌, రామ్‌చరణ్‌లు.  #RoarOfRRRinKerala  తాజాగా కేరళలోనూ ఆర్‌ఆర్‌ఆర్‌ టీం సందడి చేసింది. బుధవారం సాయంత్రం తిరువనంతపురంలో ఆర్‌ఆర్‌ఆర్‌ ప్రీ రిలీజ్‌ ఈవెంట్‌ నిర్వహించింది చిత్ర యూనిట్‌. ఈ కార్యక్రమానికి దర్శకుడు రాజమౌళి టీంతో పాటు మాలీవుడ్‌ యంగ్‌ హీరో టొవినో థామస్‌ గెస్ట్‌గా హాజరయ్యాడు. దాదాపు ఏడు నెలలపాటు షూటింగ్‌లో పక్కపక్కనే ఉండడంతో తమ బంధం బలపడలేదని.. ఈ అనుబంధం అంతకు ముందు నుంచే ఉందని గుర్తుచేసుకుంటూ ఎమోషనల్‌ అయ్యారు రామ్‌చరణ్‌, తారక్‌లు. ‘‘నాలో ఇంకో భాగం నా బ్రదర్‌. నా సోదరుడు లేకుండా ఈ సినిమా సాధ్యమయ్యేది కాదు. భవిష్యత్తులో.. బ్రదర్‌ తారక్‌తో గడిపిన క్షణాల్ని జీవితాంతం గుర్తు పెట్టుకుంటానని కామెంట్‌ చేశాడు రామ్‌ చరణ్‌. దానికి ప్రతిగా మైకు అందుకున్న జూనియర్‌ ఎన్టీఆర్‌.. ‘చరణ్‌ కూడా నాలో సగమే! ఏ సగం అని మీరు అడొగచ్చు.. దానికి నా ఎడమ వైపు అని చెప్తా. ఎందుకంటే గుండె ఉంది అక్కడే కాబట్టి. The bonding of RAMARAO 🤝RAMCHARAN ♥️#RoarOfRRRInKerala @tarak9999 @AlwaysRamCharan @ssrajamouli @RRRMovie #RRRMovie #RRRonJan7th #RRR #RRRPromotions pic.twitter.com/dYR3ay7QUK — poorna_choudary (@poorna_choudary) December 29, 2021 ఇదేం పబ్లిసిటీ స్టంట్‌ కాదు. మా బంధం ఆర్‌ఆర్‌ఆర్‌ కంటే ముందే పుట్టింది. ఆర్‌ఆర్‌ఆర్‌ కోసం మేం కలవలేదు. మేం స్నేహితులం అయినందునే ఆర్‌ఆర్‌ఆర్‌ సాధ్యమైంది. ఇంతకంటే మా బంధం గురించి ఎక్కువ చెప్పలేను. (తెలుగులో..) దేవుడికి ధన్యవాదాలు చెప్తున్నా.. రెండు వందల రోజులు నా బ్రదర్‌తో గడిపే క్షణాలు నాకిచ్చినందుకు. ఈ బంధం కేవలం ట్రిపుల్‌ ఆర్‌తో ముగిసిపోదంటూ రామ్‌-చరణ్‌ అభిమానులు అంటూ ఆసక్తికర  కామెంట్లు చేశాడు జూనియర్‌ ఎన్టీఆర్‌.  సాధారణంగా ఇద్దరు అగ్రహీరోల సినిమా అంటే.. సోషల్‌మీడియాలో వార్‌కి రెడీగా ఉంటారు ఫ్యాన్స్‌. కానీ, ఈ ఇద్దరు యంగ్‌స్టార్‌ హీరోలు ఇగోలకు పోకుండా ఒకరినొకరు పొగడ్తలతో ముంచెత్తుకోవడం, ఒకరిపై మరొకరు అభిమానాన్ని చాటుతుండడం.. అన్నింటికి మించి ‘బ్రదర్స్‌’ బాండింగ్‌తో ఆకట్టుకోవడం మెచ్చుకోదగ్గ పరిణామం!. ఇండియన్‌ సినిమాలో ఈమధ్యకాలంలో కనిపించని ఈ పరిణామాన్ని.. బాలీవుడ్‌ సైతం ఆసక్తిగా గమనిస్తుండడం మరో విశేషం. ఆల్‌ దిస్‌ క్రెడిట్‌ గోస్‌ టు జక్కన్న ఓన్లీ. #Xclusiv... BREAKING NEWS... 'RRR' VERY MUCH ON 7 JAN 2022... SS RAJAMOULI OFFICIAL STATEMENT TO ME... No postponement. #SSRajamouli #JrNTR #RamCharan #RRR #RRRMovie #RRRPreReleaseEvent #RoarOfRRRInKerala pic.twitter.com/DmHdvp986U — taran adarsh (@taran_adarsh) December 29, 2021 చదవండి: చనిపోయేవరకు ఆ బ్రదర్‌ హుడ్‌ని మనసులో పెట్టుకుంటా: చెర్రీ

Salman Khan Praises Director Rajamouli: అభిమానులు ఎంతో ఆసక్తిగా ఎదురుచూస్తున్న పీరియాడిక్ యాక్షన్‌ డ్రామా చిత్రం ఆర్‌ఆర్‌ఆర్‌ (రౌద్రం.. రణం.. రుధిరం). దర్శక ధీరుడు రాజమౌళి, యంగ్‌ టైగర్‌ ఎన్టీఆర్‌, మెగా పవర్ స్టార్‌ రామ్‌ చరణ్‌ కాంబోలో వస్తున్న ఈ ఐకానిక్‌ సినిమాపై అంచనాలు భారీగానే ఉన్నాయి. ముఖ్యంగా ఈ అంచనాలు పెరగడానికి ప్రధాన కారణం జక్కన్న. తాను తీసే ప్రతీ సినిమాను పకడ్బందీగా, అనుకున్నది అనుకున్నట్టుగా తెరకెక్కించి సక్సెస్‌ సాధిస్తాడు రాజమౌళి. అందుకే అంతలా హైప్‌ పెరిగిపోయింది ఈ సినిమాకు. అదేకాకుండా దీనికి సంబంధించిన ప్రమోషన్స్‌ను కూడా భారీగా ప్లాన్‌ చేశారు. ఈ క్రమంలో ముంబైలో జరిగిన ఈవెంట్‌కు సుమారు రూ. 9 కోట్లు ఖర్చు చేశారని సమాచారం.  ఈ కార్యక‍్రమానికి బాలీవుడ్‌ భాయిజాన్‌ సల్మాన్ ఖాన్‌ ముఖ్య అతిథిగా హాజరయ్యారు. ఈవెంట్‌లో డైరెక్టర్‌ రాజమౌళిపై సల్మాన్‌ ఖాన్‌ పొగడ్తల వర్షం కురిపించాడు. 'మన దేశంలో మనకున్న అత్యుత్తమ దర్శకుడు ఎస్‌ఎస్‌ రాజమౌళి. మహారాష్ట్రలో 50% శాతం ఆక్యుపెన్సీ ఉంది. కానీ ఆర్‌ఆర్‌ఆర్‌ మాత్రం విడుదలకు 100% ఆక్యుపెన్సీ పొందుతుందని నేను ఆశిస్తున్నాను.' అని సల్లూ భాయ్‌ తెలిపాడు. అలాగే ఆర్‌ఆర్‌ఆర్‌ సినిమాతో ఏ చిత్రాన్ని పోల్చవద్దని కరణ్‌తో సల్మాన్‌ అన్నాడు. తర్వాత ఎన్టీఆర్‌, రామ్‌ చరణ్‌ల గురించి మాట్లాడుతూ 'చరణ్‌, ఎన్టీఆర్‌ సినిమా స్టార్స్‌ కాకముందు నుంచే నాకు తెలుసు. వారు ఆర్‌ఆర్‌ఆర్‌ కోసం చాలా కష్టపడ్డారు. అది వారి శరీరాకృతిని చూస్తేనే తెలుస్తుంది.' అని ప్రశంసించాడు భాయిజాన్‌.  అలాగే అలియా భట్‌.. ఎన్టీఆర్‌, రామ్‌ చరణ్‌, రాజమౌళితో కలిసి సినిమా చేయడం చాలా సంతోషంగా ఉందన‍్నాడు సల్మాన్‌. తన అభిమానులందరూ ఆర్‌ఆర్‌ఆర్‌ చిత్రాన్ని బిగ్‌ స్క్రీన్‌పై చూడాలని సల్మాన్‌ కోరాడు. ఈ సందర్భంగా 'భజరంగీ భాయిజాన్‌' సీక్వెల్‌  వస్తున్న 'భజరంగీ భాయిజాన్‌ 2' సినిమాను ప్రకటించాడు. ఈ ఈవెంట్‌కు సంబంధించిన వీడియోలు, ఫొటోలు సోషల్‌ మీడియాలో వైరల్‌ అవుతున్నాయి.   

‘ఆర్‌ఆర్‌ఆర్‌’ సినిమా ఎలా ఆరంభం అయింది? ఆర్టిస్ట్‌లను రాజమౌళి ఎందుకు టార్చర్‌ పెడతారు? ఈ సినిమాలో కొమురం భీమ్‌గా ఎన్టీఆర్, అల్లూరి సీతారామరాజుగా రామ్‌చరణ్, సీత పాత్ర చేసిన ఆలియా భట్‌ షూటింగ్‌ ఎక్స్‌పీరియన్స్‌ గురించి ఏమన్నారు? ఆలియా తెలుగులో ఏం మాట్లాడారు? అసలు ‘ఆర్‌ఆర్‌ఆర్‌’ విశేషాలేంటి? వచ్చే జనవరి 7న ఈ చిత్రం రిలీజ్‌ కానున్న సందర్భంగా శనివారం హీరోలు ఎన్టీఆర్, రామ్‌చరణ్, హీరోయిన్‌ ఆలియా భట్, దర్శకుడు రాజమౌళి, నిర్మాత డీవీవీ దానయ్య మీడియా ముందుకొచ్చారు. ఎన్టీఆర్‌ని చరణ్‌ గిచ్చడం, చరణ్‌కన్నా తారక్‌ ఒక ఏడాది పెద్ద అని రాజమౌళి అంటే, ఇప్పుడు నా వయసు సంగతి ఎందుకు? అని ఎన్టీఆర్‌ చిరుకోపం ప్రదర్శించడం... ఇలా సరదాగా సాగిన ఈ సమావేశంలో ఎవరేమన్నారో తెలుసుకుందాం. ఇద్దరికీ ఒకేసారి కథ చెప్పా   – రాజమౌళి ►ఒక రోజు తారక్, చరణ్‌లను మా ఇంటికి పిలిచాను. ‘మీ ఇద్దరితో సినిమా చేయాలనుకుంటున్నా’నని ‘ఆర్‌ఆర్‌ఆర్‌’ స్టోరీ అవుట్‌లైన్‌ చెప్పాను. విన్నాక చరణ్, తారక్‌ల ఎక్స్‌ప్రెషన్స్‌ మామూలుగా లేవు. సినిమా చేద్దామనుకున్నాక మేం ముగ్గురం ఉన్న ఫోటోను షేర్‌ చేశాను. ►నేను స్టార్‌ వేల్యూ తెలిసిన డైరెక్టర్‌ని. స్టార్లను అభిమానులకు, ప్రేక్షకులకు నచ్చినట్లు చూపిస్తూ ఇంత పెద్ద డైరెక్టర్‌ అయ్యాను. ప్రేక్షకులను స్టార్స్‌ థియేటర్లకి రప్పించగలరు. కానీ ఒక్కసారి థియేటర్స్‌లో సినిమా మొదలయ్యాక స్టార్స్‌ మాయమైపోతారు. కథే ఆ సినిమాను నడిపించాలని నమ్ముతాను. ‘ఆర్‌ఆర్‌ఆర్‌’కు ప్రేక్షకులను రప్పించడానికి స్టార్స్‌గా ఎన్టీఆర్, రామ్‌చరణ్‌ ఉపయోగపడతారు. కానీ సినిమాలోని కథను, అందులోని పాత్రలను చూపించడానికి ఎన్టీఆర్, రామ్‌చరణ్‌లోని యాక్టర్స్‌ కావాలి నాకు. అలా ఎన్టీఆర్, చరణ్‌లోని యాక్టర్స్‌ను తీసుకుని ‘ఆర్‌ఆర్‌ఆర్‌’లో స్నేహాన్ని చూపించగలిగితే  సినిమాను చూసేవారు కూడా వారి స్నేహానికి మాత్రమే స్పందిస్తారని, ఎన్టీఆర్, తారక్‌లను కాదని నమ్మి ఈ చిత్రం చేశాను. నా మనసులో అనుకున్నదాన్ని స్క్రీన్‌ పై తీసుకువచ్చేందుకు చాలా భయపడతాను... మదనపడతాను. విజువల్‌గా నేను ఊహించుకున్న అవుట్‌పుట్‌ కోసం నా సాంకేతిక నిపుణులను భయపెడతాను.. ఆర్టిస్టులను టార్చర్‌ పెడతాను. అదృష్టవశాత్తు నేనెంత టార్చర్‌ పెట్టినా, భయపెట్టినా.. వారు మనసులో నన్ను తిట్టుకున్నా నేననుకున్నది చేసి పెడుతున్నారు. ►‘ఆర్‌ఆర్‌ఆర్‌’ దేశభక్తికి సంబంధించిన సినిమా కాదు. దేశభక్తి అంతర్లీనంగా కనిపిస్తూ, స్నేçహాన్ని చూపించే కథ. బయోపిక్స్‌ తీస్తే వారికి సంబంధించిన కుటుంబసభ్యులను కలవాలి. కానీ ‘ఆర్‌ఆర్‌ఆర్‌’ కథ 95 శాతం ఢిల్లీలో జరుగుతుంది. స్వాతంత్య్ర సమరయోధులు కొమురం భీమ్, అల్లూరి సీతారామరాజు ఒకవేళ కలిస్తే ఎలా ఉంటుంది? అనే కల్పిత కథతో తీసిన సినిమా ఇది. అయితే కొమురం భీమ్‌ పాత్ర కోసం 1920లో ఆదిలాబాద్‌లో నివసించిన గోండు జాతివారి మానసిక స్థితి ఎలా ఉండేది? ఒకవేళ వారికి ఒక కాపరి ఉంటే అతను ఎలా ఉంటాడు? అతను సిటీకి వస్తే ఎలాంటి నడవడికతో ఉంటాడు? అని కసరత్తులు చేశాం. చరణ్‌ చేసిన అల్లూరి సీతారామరాజు పాత్ర గురించి కూడా పరిశోధన చేశాం. భీమ్‌ పాత్రలో ఎన్టీఆర్‌ ముస్లిం యువకుడిగా ఎందుకు క్యాప్‌ పెట్టుకున్నాడనే విషయాన్ని సినిమాలో చూపిస్తాం.  ►ఈ సినిమాలో రామ్, భీమ్‌ అనే రెండు పాత్రలు ఉన్నాయి. ఆ పాత్రలకు నా కథ వర్కౌట్‌ అవ్వాలంటే హీరోలిద్దరి క్యారెక్టర్స్‌ పట్ల సమాన దృక్పథంతో ఉండాలి. ఈ ఇద్దరూ నవ్వితే ప్రేక్షకులూ నవ్వాలి.. ఏడిస్తే ఏడవాలి. అంతేకానీ తారక్‌కు ఎక్కువ ఫైట్స్‌ ఉన్నాయా? ఎన్టీఆర్‌కు ఎక్కువ ఫైట్స్‌ ఉన్నాయా? అని కాదు. అయితే వీటి గురించి అభిమానుల్లో, ప్రేక్షకుల్లో అంచనాలు ఉంటాయి. కానీ ప్రేక్షకులు థియేటర్స్‌లో వీటి గురించి మర్చిపోతారనే అనుకుంటున్నాను. ‘ఆర్‌ఆర్‌ఆర్‌’లో రొమాన్స్‌ కన్నా.. బ్రోమాన్స్‌ ఎక్కువగా ఉంటుంది. ఇద్దరి స్నేహితుల అనుబంధాన్ని ఇలా కూడా తీయవచ్చా? అనేలా బ్రోమాన్స్‌ ఉంటుంది. ►స్వాతంత్య్ర సమరయోధులతో ‘నాటు నాటు’ పాటలో డ్యాన్స్‌  చేయించారనే విమర్శలు వస్తాయని ఊహించాను. కానీ ఇంతటి నాటు పాటలో కూడా ఎమోషన్‌ ఉంటుంది. ఈ పాటను థియే టర్స్‌లో చూసినప్పుడు స్వాతంత్య్ర సమరయోధుల పేర్లు పెట్టుకున్న ఇద్దరు డ్యాన్స్‌ చేస్తున్నారన్న ఆలోచన ప్రేక్షకులకు రాదు. ►‘సిరివెన్నెల’ సీతారామశాస్త్రిగారు ‘దోస్తీ’ పాట రాశారు. కథ, అందులోని పాత్రలు, పాట వచ్చే సందర్భాలను వివరించినప్పుడే సిరివెన్నెల సీతారామశాస్త్రిగారితో పాట రాయించుకోగలం. ►తెలుగు, తమిళ, హిందీ, కన్నడ భాషల్లో మాత్రమే ఎన్టీఆర్, చరణ్‌ డబ్బింగ్‌ చెప్పారు. మిగతా భాషలు, విదేశీ భాషల్లో ఆ భాషల ఆర్టిస్టులు డబ్బింగ్‌ చెప్పారు. రాజమౌళిగారు కనిపించని టైగర్‌  – ఎన్టీఆర్‌ గోండ్లలో జన్మించిన వ్యక్తి జీవనశైలి, ప్రవర్తన, నడవడిక ఎలా ఉంటుంది? ఇవన్నీ రాజమౌళిగారు చెప్పారు. కొమురం భీమ్‌ పాత్రను అర్థం చేసుకోవడానికి ఆయన బాగా హెల్ప్‌ చేశారు. నేను కూడా మెంటల్‌గా, ఫిజికల్‌గా ట్రాన్స్‌ఫార్మ్‌ అయ్యాను. అన్ని సినిమాలకు కష్టపడతాను. కాకపోతే ఈ సినిమాకు కాస్త ఎక్కువగా కష్టపడ్డాను. ‘ఆర్‌ఆర్‌ఆర్‌’ సెట్స్‌లో కనిపించని టైగర్‌ రాజమౌళిగారే. రాజమౌళి వంటి గొప్ప దర్శకుడు యాక్టర్స్‌గా మాకు గొప్ప హైప్‌ ఇస్తాడని కథను ఒప్పుకుంటాం. అంతేకానీ ఈ సినిమాతో ఇతర భాషల్లోకి కూడా వెళ్లొచ్చని ఆలోచించం. ఇప్పుడు ‘ఆర్‌ఆర్‌ఆర్‌’ ప్యాన్‌ ఇండియా స్థాయిలో విడుదల అవుతుందంటే అది బోనస్‌ మాత్రమే. ఈ సినిమా చేస్తున్న టైమ్‌లో మేం (రామ్‌చరణ్‌ని ఉద్దేశించి) ఫ్రెండ్స్‌ అవ్వలేదు... అంతకుముందే ఫ్రెండ్స్‌. అలా చేస్తే వంద మార్కులు పడ్డట్లే!– రామ్‌చరణ్‌ ఈ సినిమాలో నా క్యారెక్టర్‌లో మూడు షేడ్స్‌ ఉన్నాయి. ప్రతి షేడ్‌కి కావాల్సిన భావోద్వేగాన్ని రాజమౌళిగారు స్క్రిప్ట్‌లో డిజైన్‌ చేశారు. సినిమా అంతా ఒకే ఫిజిక్‌  మెయిన్‌టైన్‌ చేయడానికి చాలా కష్టపడ్డాను. రాజమౌళిగారితో వర్క్‌ చేయడం ప్రత్యేకంగా ఉంటుంది. ఆయన చెప్పింది యాక్టర్స్‌గా మేం చేస్తే అదే మాకు వంద మార్కులు. చిన్న చిన్న విభేదాలు వచ్చిన తర్వాత కూడా స్నేహం బలంగా ఉన్నప్పుడే అది నిజమైన స్నేహం అవుతుంది. ‘ఆర్‌ఆర్‌ఆర్‌’ చేస్తున్నాం కాబట్టి మేం (ఎన్టీఆర్‌ని ఉద్దేశించి) స్నేహితు లయ్యాం అని కాదు. ముందే ఫ్రెండ్స్‌. రాజమౌళిగారికి మేం చేసింది ఒక్కటే... స్క్రిప్ట్‌లో మా స్నేహాన్ని వెండితెరపై బాగా తీసుకురావడమే మేం చేసింది. మాకు పిచ్చెక్కిపోయింది – ఆలియా  సౌత్‌ సినిమాల్లో నటించకూడదని ఏ బాలీవుడ్‌ హీరోయిన్‌ అనుకోదు. కథ నచ్చితే చేస్తారు. అలాగే నేను కూడా ‘ఆర్‌ఆర్‌ఆర్‌’లో భాగమయ్యాను. దక్షిణాది ప్రేక్షకులను ఇంప్రెస్‌ చేయాలని నన్ను నేను చాలెంజ్‌ చేసుకున్నాను. ఎన్టీఆర్, చరణ్‌ లవ్లీ కో స్టార్స్‌. చాలా హెల్ప్‌ చేశారు. రాజమౌళిగారితో వర్క్‌ చేయడంతో నా కల నిజమైనట్లుంది. ఆయనతో మరో సినిమా చేయాలని ఉంది. అలాగే ఐ లవ్‌ ‘ఆర్‌ఆర్‌ఆర్‌’ (లవర్‌ రణ్‌బీర్‌ కపూర్‌ని ఉద్దేశించే ఆలియా ఇలా అన్నారని ఓ ఊహ). స్క్రిప్ట్‌ విన్నప్పుడు అందులోని కొన్ని భావాలను ఓ యాక్టర్‌గా కెమెరా ముందు చూపించడం అన్ని వేళలా కుదరదు. కానీ ‘ఆర్‌ఆర్‌ఆర్‌’ వల్ల ఈ విషయంలో నేను మెరుగయ్యాను. రాజమౌళిగారి సినిమాల్లో ఎమోషన్‌ స్ట్రాంగ్‌గా ఉంటుందని తెలుసుకున్నాను. కరోనా టైమ్‌లో తెలుగు భాష నేర్చుకోవడానికి  జూమ్‌లో క్లాసులకు హాజరయ్యాను’’ అంటూ ‘‘ఆర్‌ఆర్‌ఆర్‌’ ట్రైలర్‌ పగిలిపోయింది. ముంబైలో మాకు పిచ్చెక్కిపోయింది’’ అని తెలుగులో మాట్లాడి అలరించారు ఆలియా.  

‘‘కర్ణాటక చిత్రసీమలో పునీత్‌ రాజ్‌కుమార్‌ లేని లోటు స్పష్టంగా కనిపిస్తోంది. ఆయన లేకపోవడం శూన్యంగా అనిపిస్తోంది’’ అన్నారు ఎన్టీఆర్‌. శుక్రవారం బెంగళూరులో జరిగిన ‘ఆర్‌ఆర్‌ఆర్‌’ చిత్రం కన్నడ ట్రైలర్‌ విడుదల కార్యక్రమంలో దర్శకుడు రాజమౌళి, హీరోలు ఎన్టీఆర్, రామ్‌చరణ్, హీరోయిన్‌ ఆలియా భట్‌ పాల్గొన్నారు.  ఈ వేడుకలో ఎన్టీఆర్‌ కన్నడంలో మాట్లాడుతూ– ‘‘ఇల్లి జనగలను నోడదరె తుంబ ఖుషీ ఆక్తాయిదె.. ఎల్లారు జత కన్నడ మాత్తాడన్‌ అవకాశ బందిదె. థ్యాంక్స్‌ టూ కర్ణాటక, నమ్మ తాయి కర్ణాటక మూలద. ఈగ నాను నటిసిన ‘ఆర్‌ఆర్‌ఆర్‌’ చిత్ర.. ఇల్లి కన్నడదల్లి డబ్‌ ఆగిదె. బహుళ సంతోష. కన్నడదల్లి నన్న వాయిస్‌ ఇరుత్తె (కన్నడ ప్రజలను చూస్తే ఆనందం వేస్తోంది. అందరి మధ్యలో కన్నడ భాష మాట్లాడటం ఆనందంగా ఉంది. మా అమ్మ కర్ణాటకకు చెందిన వారే. ప్రస్తుతం ‘ఆర్‌ఆర్‌ఆర్‌’ చిత్రం కన్నడ డబ్‌లో కావడం చాలా సంతోషంగా ఉంది. నా సొంత వాయిస్‌ వినిపిస్తాను)’’ అన్నారు.  అంతేకాదు...  కర్ణాటకకు వచ్చిన ప్రతిసారీ పునీత్‌ను కలిసి వెళ్లేవాడినని చెప్పారు. ఇదిలా ఉంటే పునీత్‌ రాజ్‌కుమార్‌ నటించిన కన్నడ చిత్రం ‘చక్రవ్యూహ’ (2016)లోని ‘గెలయా.. గెలయా’ పాటను ఎన్టీఆర్‌ పాడారు. ‘ఆర్‌ఆర్‌ఆర్‌’ వేదికపై ఈ పాట పాడి, భావోద్వేగానికి గురయ్యారు ఎన్టీఆర్‌. ‘‘ఎల్లరిగూ నమస్కార’ (అందరికీ నమస్కారం). ‘ముఠా మేస్త్రి’ సినిమా నుంచి చిరంజీవి కుటుంబ సభ్యులకు కర్ణాటకలో ఆదరణ లభిస్తోంది. కన్నడ సినిమాలో నటించేందుకు వెయిట్‌ చేస్తున్నాను’’ అన్నారు రామ్‌చరణ్‌. ‘‘ఆర్‌ఆర్‌ఆర్‌’ తర్వాత కన్నడ నటులతో పూర్తి స్థాయిలో సినిమా చేసే ప్లాన్‌  ఉంది’’ అన్నారు రాజమౌళి. 

Alia Bhatt To Seetha Making Video From RRR Movie: ధర్శక ధీరుడు రాజమౌళి, మెగా పవర్‌ స్టార్‌ రామ్‌ చరణ్‌, యంగ్‌ టైగర్‌ జూ. ఎన్టీఆర్ కాంబినేషనల్‌లో తెరకెక్కిన బిగ్గెస్ట్ మల్టీసారర్‌ చిత్రం 'ఆర్‌ఆర్‌ఆర్‌'. వీరి ముగ్గురి కాంబినేషన్‌లో వస్తున్న 'ఆర్‌ఆర్‌ఆర్‌'పై సినిమాకు బడ్జెట్‌కు (సుమారు రూ. 450 కోట్లు) మించిన ఎక్స్‌పెక్టేషన్స్‌ ఉన్నాయి. జనవరి 7, 2022న వస్తున్న ఈ సినిమా సంక్రాంతి సీజన్‌కు అదిరిపోయే ఆరంభాన్ని ఇవ్వబోతోందని టాలీవుడ్‌ గట్టిగా నమ్ముతోంది. రేపు (డిసెంబర్ 9) ట్రైలర్‌ రాబోతుంది. ఈ ట్రైలర్‌ను తెలుగు రాష్ట్రాల్లోని ప్రధానమైన థియేటర్లలో ప్రదర్శించబోతోంది చిత్రబృందం.  ఈ చిత్రం​ నుంచి ఇప్పటికే  ఎన్టీఆర్, రామ్ చరణ్‌ పోస్టర్లు, వీడియోలు, పాటలు విడుదల చేశారు. వాటికి అనూహ్య స్పందన వస్తోంది. తాజాగా అలియా భట్‌ పాత్రకు సంబంధించిన ఒక వీడియోను రీలీజ్‌ చేసింది చిత్రబృందం. ఈ తాజా వీడియోలో అలియా నుంచి సీతగా మారే క్రమాన్ని చూపించారు. బాలీవుడ్ బ్యూటీ అలియా.. ఆర్ఆర్ఆర్ కోసం రాజమౌళితో చర్చలు జరపడం దగ్గర నుంచి సీత పాత్రలో ఒదిగిపోయే వరకు చూపించారు. అందులో అలియా పోషిస్తున్న సీత పాత‍్రను తయారు చేసే విధానం, యాక్టింగ్ సీన్స్‌ను చూపించారు. వీడియోలోని బిహైండ్‌ సీన్స్‌లో అలియా భట్‌  క్యూట్‌ క్యూట్‌గా ఎక్స్‌ప్రెషన్స్ ఇస్తూ ముచ్చటగా కనిపించింది. ఇందులో పదహారణాల తెలుగమ్మాయిగా అలియా ఆకట్టుకుంటుంది. బాలీవుడ్ బ్యూటీ అలియా భట్.. ఇందులో రామ్ చరణ్ సరసన సీత పాత్రలో నటిస్తున్న సంగతి తెలిసిందే.  ఆర్ఆర్ఆర్ సినిమాలో అలియా పాత్ర కేవలం 15 నిమిషాలు మాత్రమే ఉంటుందని సమాచారం. అలియాది.. ఇద్దరు మహావీరుల మధ్య ఆమె రిలీఫ్ అని సీత పాత్ర ప్రేక్షకుల మనసులు దోచుకుంటుందని.. రామారాజు, భీమ్ ల మధ్య ఆమె ఒక కనెక్టింగ్ అంశమని ఇప్పటికే విజయేంద్ర ప్రసాద్ తెలిపారు. ఇక ఇప్పటికే షూటింగ్ పూర్తిచేసుకున్న ఈ సినిమా జనవరి 7న ప్రేక్షకుల ముందుకు రానుంది. View this post on Instagram A post shared by RRR Movie (@rrrmovie)

RRR Movie Trailer Postponed And Here Is The Reasons: ధర్శక ధీరుడు రాజమౌళి, మెగా పవర్‌ స్టార్‌ రామ్‌ చరణ్‌, యంగ్‌ టైగర్‌ జూ. ఎన్టీఆర్ కాంబినేషనల్‌లో తెరకెక్కిన బిగ్గెస్ట్ మల్టీసారర్‌ చిత్రం 'ఆర్‌ఆర్‌ఆర్‌'. ఈ సినిమా థియేటరికల్‌ ట్రైలర్‌ను వాయిదా వేస్తున్నట్లు మేకర్స్‌ ఇవాళ (డిసెంబర్‌ 1) ప్రకటించారు. అయితే డిసెంబర్‌ 3న ట్రైలర్ విడుదల చేయనున్నట్లు ఇప్పటికే ప్రకటించినా ప్రముఖ సినీ రచయిత సిరివెన్నెల సీతారామ శాస్త్రి అకాల మరణంతోపాటు పలు అనివార్య కారణాలతో వాయిదా వేస్తున్నట్లు బుధవారం ఉదయం చిత్రబృందం తెలిపింది. త్వరలో ట్రైలర్‌ రిలీజ్‌ డేట్‌ను ప్రకటిస్తామని వెల్లడించింది.  అల్లూరి సీతారామరాజుగా రామ్‌ చరణ్‌, కొమురం భీమ్‌గా తారక్‌ కనిపించనున్న ఈ సినిమాను సుమారు రూ. 450 కోట్ల భారీ బడ్జెట్‌తో నిర్మించారు. ఈ చిత్రంతో బాలీవుడ్ బ్యూటీ ఆలియా భట్‌ టాలీవుడ్‌లోకి అరంగ్రేటం చేయనుంది. ఇందులో ఆమెకు రామ్‌ చరణ్‌ జోడిగా నటించనున్నారు. ఎన్టీఆర్‌కు జంటగా హాలీవుడ్‌ నటి ఒలీవియా మోరీస్ అలరించనుంది. కీరవాణి స్వరాలు అందిస్తున్న ఈ సినిమా భారీ అంచనాలతో జనవరి 7న ప్రేక్షకుల ముందుకు రానుంది.  ఇది చదవండి:  ఐటెం సాంగ్‌ అడిగిన నెటిజన్‌కు 'ఆర్‌ఆర్‌ఆర్‌' టీం రిప్లై..

సాక్షి, హైదరాబాద్‌: హుజూరాబాద్‌ ఉపఎన్నికలో ఈటల గెలుపుతో శాసనసభలో బీజేపీ బలం మూడుకు పెరిగింది. రాజేందర్‌ గెలిస్తే ట్రిపుల్‌ ఆర్‌ (ఆర్‌ఆర్‌ఆర్‌) అసెంబ్లీలో ఉంటారని ఆ పార్టీ అధ్య క్షుడు బండి సంజయ్‌ చేసిన వ్యాఖ్యలు నిజమయ్యా యి.  2014 అసెంబ్లీ ఎన్నికల్లో 5 సీట్లలో గెలిచిన ఆపార్టీ 2018 శాసనసభ సాధారణ ఎన్నికల్లో ఘోర ఓటమి చవి చూసింది. గోషామహల్‌ నుంచి రాజా సింగ్‌ ఎమ్మెల్యేగా గెలవడంతో ఒక్క సీట్‌కే పరిమిత మైంది. తరువాత దుబ్బాక ఎమ్మెల్యే సోలిపేట రామలింగారెడ్డి మరణంతో జరిగిన ఉప ఎన్నికలో బీజేపీ అభ్యర్థి రఘునందన్‌రావు టీఆర్‌ఎస్‌పై విజ యం సాధించి అసెంబ్లీలోకి ప్రవేశించారు. బీజేపీ లో చేరిన ఈటల శాసనసభ్యత్వానికి కూడా రాజీ నామా చేయడంతో హుజూరాబాద్‌లో ఉప ఎన్నిక వచ్చింది. హోరా హోరీగా సాగిన తాజా ఎన్నికలో బీజేపీ అభ్యర్థిగా ఈటల రాజేందర్‌ సుమారు 24 వేల ఓట్ల తేడాతో ఘన విజయం సాధించారు. కమ లాపూర్‌/ హుజూరాబాద్‌ ఎమ్మెల్యేగా ఆయన గెలవ డం ఇది ఏడోసారి. దీంతో శాసనసభలో బీజేపీ బలం మూడుకు పెరిగింది. బీజేపీ నుంచి గెలిచిన ముగ్గురు నేతల పేర్లు ఆంగ్ల అక్షరం ‘ఆర్‌’తోనే మొదలవుతుంది. సినీ దర్శకుడు రాజమౌళి తీస్తున్న సినిమా కూడా ‘ఆర్‌ఆర్‌ఆర్‌’. దీంతో ఆ టైటిల్‌ను ఈ ముగ్గురికి అన్వయిస్తున్నారు.  

మన వెంచర్‌ పక్క నుంచే ఆర్‌ఆర్‌ఆర్‌ వెళుతుంది సార్‌. అటు పక్కన మనది వంద ఎకరాల్లో టౌన్‌షిప్‌ ప్రాజెక్ట్‌ వస్తుంది! ఆర్‌ఆర్‌ఆర్‌ పనులు మొదలైతే రేట్లు డబుల్‌ అవుతాయి మేడం. ఇప్పుడు కొంటేనే మంచి లాభం పొందొచ్చు!! రీజినల్‌ రింగ్‌ రోడ్‌ (ఆర్‌ఆర్‌ఆర్‌) ఏజెంట్లు, డెవలపర్లకు విక్రయాల మంత్రదండంలా మారింది. ఆర్‌ఆర్‌ఆర్‌కు కేంద్రం గ్రీన్‌ సిగ్నల్‌ ఇవ్వటంతో రాత్రికి రాత్రే ధరలను రెండింతలు చేసేశారు. లేఅవుట్‌ ప్లాన్, అనుమతులు, అభివృద్ధి పనులు ఇవేవీ ఉండవు.. జస్ట్‌ ఆర్‌ఆర్‌ఆర్‌ పేరిట మధ్యతరగతి ప్రజలను మభ్యపెడుతూ ప్లాట్లను విక్రయించేసి చేతులు దులుపుకుంటున్నారు డెవలపర్లు. సాక్షి, హైదరాబాద్‌: ఆర్‌ఆర్‌ఆర్‌ ప్రాజెక్ట్‌ తెలంగాణ రాష్ట్రానికే తలమానికంగా నిలుస్తుందనటంలో ఎలాంటి సందేహం అక్కర్లేదు. ఆర్‌ఆర్‌ఆర్‌ నిర్మాణానికి కేంద్రం గ్రీన్‌ సిగ్నల్‌ ఇవ్వటంతో శివార్లలో రియల్‌ ఎస్టేట్‌ రంగం కొత్తపుంతలు తొక్కుతుంది. సంగారెడ్డి, మెదక్, సిద్దిపేట, భువనగిరి, నల్లగొండ, రంగారెడ్డి, వికారాబాద్, నాగర్‌కర్నూల్‌ జిల్లాల మీదుగా ఈ రింగ్‌ రోడ్డు వెళుతుండటంతో ఆయా ప్రాంతాలలో భూముల ధరలు 35–40 శాతం వరకు పెరిగాయి. శ్రీశైలం హైవేలో కొన్ని ప్రాంతాల్లో 50 శాతం కంటే ఎక్కువే ధరలు పెరిగాయని స్పేస్‌ విజన్‌ గ్రూప్‌ సీఎండీ నర్సింహా రెడ్డి తెలిపారు. హైవే ఫేసింగ్‌ ఉన్న భూముల ధర ఎకరానికి రూ.2 కోట్లు, కాస్త లోపలికి ఉంటే రూ.1–1.5 కోట్ల వరకున్నాయి. ఆర్‌ఆర్‌ఆర్‌ వెళ్తుందని భావిస్తున్న భూముల్లో వ్యవసాయం దాదాపు నిలిచిపోయింది. ఏ జిల్లాల మీదుగా ఆర్‌ఆర్‌ఆర్‌ వెళుతుందో క్షేత్ర స్థాయిలో పక్కాగా సర్వే జరిగి తుది అలైన్‌మెంటు సిద్దమయ్యాకనే అధికారికంగా ప్రకటిస్తామని ఓ ఉన్నతాధికారి తెలిపారు. ప్రభుత్వ ప్రకటనలతో రేట్లు జూమ్‌.. ప్రభుత్వం ప్రకటించినట్లుగా ఆర్‌ఆర్‌ఆర్‌ చుట్టూ శా>టిలైట్‌ టౌన్‌షిప్పులు, లాజిస్టిక్‌ పార్క్‌లు ఏర్పాటవుతాయంటే కాసింత అనుమానమే. ఎందుకంటే ఔటర్‌ రింగ్‌ రోడ్‌ ఆరంభంలో ఇలాగే ఆనాటి ప్రభుత్వం శాటిలైట్‌ టౌన్‌షిప్పులు ఏర్పాటు చేస్తామని ప్రకటించింది. ఇప్పటికీ దాదాపు పదహారేళ్లు దాటినా వాటి ఊసేలేదు. మధ్యలో ప్రభుత్వాలు మారి టౌన్‌షిప్పుల జీవోలను మార్చుతూ వచ్చాయే తప్ప.. ఇవి ఏర్పాటయ్యేందుకు ఎదురయ్యే వాస్తవిక సమస్యల్ని పరిష్కరించేందుకు ముందుకు రాలేదు. ఓఆర్‌ఆర్‌ శాటిలైట్‌ టౌన్‌షిప్పుల పరిస్థితి ఇలాగుంటే ఆర్‌ఆర్‌ఆర్‌ చుట్టూ డెవలప్‌ అయ్యేందుకు ఇంకెంత సమయం పడుతుందో ఆలోచించుకోవాలి. ఆర్‌ఆర్‌ఆర్‌ చుట్టూ పారిశ్రామిక వాడలు, ఐటీ సెంటర్లు, లాజిస్టిక్‌ పార్క్‌లు, ఫార్మా పరిశ్రమలు, రిక్రియేషన్‌ సదుపాయాలు, వాణిజ్య కట్టడాలు, షాపింగ్‌ మాల్స్, మల్టిప్లెక్స్‌లు వంటివి వాస్తవం కావటానికి ఇంకెంత కాలం అవుతుందో ఒక్కసారి ఆలోచించాలి. ప్రభుత్వ ప్రకటనల పుణ్యమా అంటూ రియల్‌ ఎస్టేట్‌ ఏజెంట్లు ఇష్టం వచ్చినట్లు ధరల్ని కృత్రిమంగా పెంచేస్తున్నారు. దీంతో భూసేకరణ జరపడం కష్టంగా మారుతుంది.   ఓఆర్‌ఆర్‌ను చూసే నిర్ణయం..   ఒకసారి ఔటర్‌ రింగ్‌ రోడ్డునే క్షుణ్నంగా పరిశీలిస్తే.. గచ్చిబౌలి నుంచి నార్సింగి వరకు సర్వీస్‌ రోడ్‌కి ఇరువైపులా కొన్ని హైరైజ్‌ గేటెడ్‌ కమ్యూనిటీలు, విల్లా ప్రాజెక్ట్‌లు వచ్చాయి. మరోవైపు కొల్లూరు దాకా కొత్త నిర్మాణాలు ప్రారంభమయ్యాయి. ఇక కొల్లూరులో సర్వీస్‌ రోడ్డు లేనే లేదు. అక్కడ ఓఆర్‌ఆర్‌ నుంచి సర్వీస్‌ రోడ్‌కు వెళ్లాలంటే మట్టి రోడ్డు మీద ప్రయాణించాల్సిన దుస్థితి. 156 కి.మీ. ఔటర్‌ రింగ్‌ రోడ్‌ (ఓఆర్‌ఆర్‌)కు ఇరువైపులా కి.మీ చొప్పు న గ్రోత్‌ కారిడార్‌గా ప్రభుత్వం ప్రకటించింది. అంటే 316 కి.మీ. మేర అభివృద్ధి పనులు, ప్రాజెక్ట్‌లు రావాలంటే ఎంత సమయం పడుతుందో అర్థం చేసుకోవచ్చు. ఒక్క పశ్చిమ హైదరాబాద్‌ తప్ప మిగిలిన ప్రాంతాలు అంత ఆశాజనకంగా కనిపించడం లేదు. ఆదిభట్ల వద్ద టీసీఎస్, కాగ్నిజెంట్‌ వల్ల కొంత కదలికలు వచ్చినప్పటికీ.. మళ్లీ సాధారణ పరిస్థితులు నెలకొన్నాయి. పోచారం వద్ద ఇన్ఫోసిస్‌ వంటి సంస్థలు ఏర్పడడంతో ఇక్కడ కొంత ఊపొచ్చింది.  పటాన్‌చెరు వద్ద ప్లాస్టిక్‌ పరిశ్రమలు, బాటసింగారం వద్ద లాజిస్టిక్‌ పార్క్‌లు, బుద్వేల్‌లో ఐటీ పార్క్‌ వస్తుందని ప్రభుత్వం ప్రకటించింది. తీరా చూస్తే రాత్రికి రాత్రే ఆయా ప్రాం తాలలో భూముల ధరలు పెరిగాయే తప్ప ప్రకటించిన అభివృద్ధి పనులు కార్యరూపం దాల్చలేదు. మౌలిక సదుపాయాలు కల్పిస్తేనే.. గతంలో ప్రయాణ దూరాన్ని కి.మీ. చొప్పున చెప్పేవాళ్లం. కానీ, ఇప్పుడు సమయంలో చెబుతున్నాం. ఎందుకంటే ఓఆర్‌ఆర్, మెట్రోలతో ప్రయాణం సులువైంది కాబట్టి.. ప్రధాన నగరం నుంచి ఎన్ని కి.మీ. దూరంలో ఆర్‌ఆర్‌ఆర్‌ ఉంటుందనేది మ్యాటర్‌ కాదు. పట్టణీకరణ, వ్యాపార, ఉద్యోగ అవకాశాలతో నగరం శరవేగంగా అభివద్ధి చెందుతుంది. భవిష్యత్తు తరాల అవసరాలకు తగ్గట్టుగా సిటీ విస్తరణ జరగాల్సిందే. కాకపోతే ఆయా ప్రాంతాలలో ముందుగా రోడ్లు, డ్రైనేజీ, విద్యుత్‌ వంటి మౌలిక సదుపాయాలను ఏర్పాటు చేయాలి. అప్పుడే గ్రోత్‌ కారిడార్లలో కంపెనీలు, ఇన్వెస్టర్లు ముందుకొస్తారు. ఫలానా ప్రాంతం మీదుగా ఆర్‌ఆర్‌ఆర్‌ రహదారి వెళుతుందంటూ ఏజెంట్లు చెప్పే మాయమాటలు నమ్మొద్దు. విచక్షణతో కొనుగోలు నిర్ణయం తీసుకోవాలి.       – జే వెంకట్‌ రెడ్డి, మేయర్, పీర్జాదిగూడ.     (ఏవీ కన్‌స్ట్రక్షన్స్‌ ఎండీ) 

రాజమౌళి దర్శకత్వంలో ఎన్టీఆర్‌, రామ్‌ చరణ్ హీరోలుగా తెరకెక్కుతున్న భారీ బడ్జెట్‌ చిత్రం ఆర్‌ఆర్‌ఆర్‌. కరోనా మహమ్మారి కారణంగా వాయిదా పడిన ఈ సినిమా షూటింగ్ ఇటీవలే తిరిగి ప్రారంభం అయ్యింది. తాజాగా 50 రోజుల భారీ యాక్షన్ షెడ్యూల్‌ని పూర్తి చేసుకుంది. ఇందుకు సంబంధించిన షూటింగ్‌ అంతా రాత్రి వేళలోనే జరిగింది. త్వరలోనే మరో షెడ్యూల్‌ని ప్రారంభించడానికి సన్నాహాలు చేస్తున్నారు చిత్రయూనిట్. ఇందుకు సంబంధించి ఓ వీడియోను ట్వీట్‌ చేసింది. ‘గుడ్‌బై వింటర్‌ నైట్స్‌.. ప్రధాన యాక్షన్‌ సీక్వెన్స్‌ షెడ్యూల్‌ కోసం దాదాపు 50 రోజులు నైట్‌ షూట్‌ చేశాం. ఇప్పుడు కొత్తది మొదలవబోతోంది. ఈ కొత్త షెడ్యూల్‌ అద్భుతమైన ప్రదేశాల్లో తెరకెక్కనుంది’ అంటూ సెట్స్‌ని కూల్చివేస్తున్న వ్యక్తులకు సంబంధించిన వీడియోను షేర్‌ చేసింది ఆర్‌ఆర్‌ఆర్‌ టీమ్‌. జూనియర్ ఎన్టీఆర్, రామ్ చరణ్ కాకుండా, రే స్టీవెన్సన్, అల్లిసన్ డూడీ కూడా ఈ షెడ్యూల్ లో పాల్గొన్నట్లు సమాచారం. ఈ చిత్రంలో వారు మిస్టర్ అండ్ మిసెస్ స్కాట్ పాత్రలో నటిస్తున్నట్లు తెలిసింది. (చదవండి: చలి చంపుతుంటే...!) Goodbye winter nights!!!🥶 Wrapped up a major action sequence schedule after almost 50 days of night shoot...🔥🌊 Andddd nowww... Gearing up for a new schedule in some exotic locations :) #RRRMovie pic.twitter.com/MZnoQ0PcgN — RRR Movie (@RRRMovie) November 30, 2020 డీవీవీ ఎంటర్‌టైన్‌మెంట్స్‌ పతాకంపై డీవీవీ దానయ్య నిర్మిస్తున్న ఈ సినిమాలో ఒలీవియా మోరిస్, ఆలియా భట్‌ కథానాయికలుగా నటిస్తున్నారు. శ్రియ, అజయ్‌ దేవగన్, సముద్రఖని ముఖ్య పాత్రల్లో కనిపిస్తారు. ఎం కీరవాణి సంగీతం అందిస్తున్న ఈ సినిమాకు సెంథిల్‌ కెమెరామేన్‌. ప్యాన్‌ ఇండియా స్థాయిలో తెరకెక్కుతున్న ఈ సినిమా వచ్చే ఏడాదిలో విడుదలకానుంది.

ఎన్టీఆర్, రామ్‌చరణ్‌ ఇద్దరూ పుణె ప్రయాణం అయ్యారు. ‘ఆర్‌ఆర్‌ఆర్‌’ కోసమే ఈ ప్రయాణం అని అర్థం చేసుకోవచ్చు. రాజమౌళి దర్శకత్వంలో ఎన్టీఆర్, రామ్‌చరణ్‌ హీరోలుగా తెరకెక్కుతున్న భారీ మల్టీస్టారర్‌ చిత్రం ‘ఆర్‌ఆర్‌ఆర్‌’. ఇందులో కొమరం భీమ్‌ పాత్రలో ఎన్టీఆర్, అల్లూరి సీతారామరాజుగా రామ్‌చరణ్‌ నటిస్తున్నారు. డీవీవీ ఎంటర్‌టైన్‌మెంట్స్‌ పతాకంపై డీవీవీ దానయ్య నిర్మిస్తున్న ఈ సినిమాలో ఒలీవియా మోరిస్, ఆలియా భట్‌ కథానాయికలుగా నటిస్తున్నారు. శ్రియ, అజయ్‌ దేవగన్, సముద్రఖని ముఖ్య పాత్రల్లో కనిపిస్తారు. ఈ సినిమా తాజా షెడ్యూల్‌ పుణెలో జరగనుందని సమాచారం. సుమారు వారం పాటు ఈ షెడ్యూల్‌ సాగనుంది. ఇందులో ఎన్టీఆర్, రామ్‌చరణ్‌ పాల్గొంటారని తెలిసింది. ఎంఎం కీరవాణి సంగీతం అందిస్తున్న ఈ సినిమాకు సెంథిల్‌ కెమెరామేన్‌. ప్యాన్‌ ఇండియా స్థాయిలో తెరకెక్కుతున్న ఈ సినిమా వచ్చే ఏడాదిలో విడుదలకానుంది.

రాజమౌళి దర్శకత్వంలో ఎన్టీఆర్‌, రామ్‌ చరణ్ హీరోలుగా తెరకెక్కుతున్న భారీ బడ్జెట్‌ చిత్రం ఆర్‌ఆర్‌ఆర్‌. దాదాపు ఆరు నెలల విరామం తర్వతా తాజాగా ఈ చిత్రం షూటింగ్‌ ప్రారంభమైన సంగతి తెలిసిందే. ఈ క్రమంలో ఆదివారం ఎన్టీఆర్‌ షేర్‌ చేసిన ఓ ఫోటో ప్రస్తుతం తెగ వైరలవుతోంది. మూవీ కోసం ఆయన పడుతున్న కష్టం ఈ ఒక్క ఫోటోతో అర్థమవుతోంది. ఫోటోగ్రాఫర్‌ డాబూ రత్నానితో కలిసి ఎన్టీఆర్‌ దిగిన ఈ ఫోటో ప్రస్తుతం అభిమానులతో పాటు నెటిజనులను తెగ ఆకర్షిస్తుంది. ‘భీమ్‌ పాత్ర కోసం ఎన్టీఆర్‌ ఎంతలా కష్ట పడ్డాడో ఈ షర్ట్‌లెస్‌ ఫోటో తెలియజేస్తుంది. కొమరం భీమ్‌ పాత్రపై అంచనాలను మరింత పెంచుతోంది’ అంటూ కామెంట్‌ చేస్తున్నారు నెటిజనులు. ఇక ఎన్టీఆర్‌ పుట్టినరోజు సందర్భంగా ఆయన పాత్రకు సంబంధించిన టీజర్‌ను విడుదల చేయాలని చిత్ర బృందం భావించింది. కానీ కరోనా కారణంగా షూటింగ్‌లు నిలిచిపోవడంతో అది కుదరలేదు. (చదవండి: ‘ఆర్‌ఆర్‌ఆర్‌’ మరో పోస్టర్‌.. దేశభక్తి మూవీ కాదు) అయితే ఆరు నెలల విరామం తర్వాత మళ్లీ ఆర్‌ఆర్‌ఆర్‌ షూటింగ్‌ ప్రారంభమైన సంగతి తెలిసిందే. ఈ క్రమంలో ఈ నెల 22న ఎన్టీఆర్‌ పాత్రకు సంబంధించిన టీజర్‌ని విడుదల చేయనున్నట్లు చిత్ర బృందం తెలిపింది. దీనికి రామ్‌ చరణ్‌ వాయిస్‌ ఓవర్‌ ఇవ్వనున్నారు. ఎన్టీఆర్‌కి జోడీగా హాలీవుడ్‌ నటి ఒలీవియా మోరిస్, రామ్‌ చరణ్‌కి జోడీగా హిందీ నటి ఆలియా భట్‌ కనిపించనున్నారు. శ్రియ, అజయ్‌ దేవగన్, సముద్రఖని ముఖ్య పాత్రల్లో నటిస్తున్నారు. కీరవాణి సంగీతం అందిస్తున్న ఈ సినిమా కోసం ప్రేక్షకులు ఆతృతగా ఎదురు చూస్తున్నారు.

శనివారం రాజమౌళి పుట్టినరోజు. ఈ సందర్భంగా ఆయనకు శుభాకాంక్షలు తెలియజేస్తూ... ‘ఆర్‌ఆర్‌ఆర్‌’ చిత్రబృందం ఓ వీడియో విడుదల చేసింది. రాజమౌళి మీద వాళ్లకు ఎలాంటి ఫిర్యాదులు ఉన్నాయో ఈ వీడియోలో సరదాగా పంచుకున్నారు. కీరవాణి మాట్లాడుతూ– ‘‘జనవరిలో పల్లవి చేస్తాం. జూన్‌లో చరణం. డిసెంబర్‌లో లిరిక్స్‌ రాస్తాం. వచ్చే ఏడాది మార్చిలో రికార్డింగ్‌ అంటాడు. అప్పటికి అసలు ఏ సినిమాకు పని చేస్తున్నామో? ఆ పాట ఎందుకు వస్తుందో? అనేది కూడా మర్చిపోతాం. అసలు ఆసక్తే పోతుంది’’ అన్నారు. ఎన్టీఆర్‌ మాట్లాడుతూ – ‘‘మనం రిలాక్స్‌ అయిపోదాం అనుకున్నప్పుడే కష్టమైన షాట్స్‌ అన్నీ షూట్‌ చేస్తుంటాడు రాజమౌళి. అది అనుకుని చేస్తాడో లేక అప్పుడే అలాంటి ఐడియాలు వస్తాయో తెలియదు. పన్నెండున్నరకి మొదలుపెడితే రెండున్నరకు అవుతుంది. అప్పటికి ఆకలిపోతుంది. ఆ మధ్య నైట్‌ షూట్‌ చేశాం. రాత్రి 2 గంటలకు ప్యాకప్‌ చెప్పాలి. మా రాక్షసుడికి ఒకటిన్నరకి కొత్త ఆలోచన వస్తుంది. ఒక్క షాట్‌ కోసం 4 వరకూ ప్రయత్నిస్తాడు. పర్ఫెక్షన్‌ కోసం మా అందర్నీ చావకొడుతుంటాడు’’ అన్నారు. రామ్‌చరణ్‌ మాట్లాడుతూ – ‘‘రేపు యాక్షన్‌ సీన్‌ ఉందని జిమ్‌ బాగా చేసి చాలా ఉత్సాహంతో సెట్‌కి వెళ్తాను. 40 అడుగుల నుంచి ఇలా దూకాలి, చేయాలి అని అద్భుతంగా వివరిస్తారు. సూపర్‌ అనుకుంటాను. కాస్త రిస్కీగా ఉంది.. ఎవరు సార్‌ ఇది చేసేది? అని అడుగుతా అమాయకంగా. నువ్వే అంటారాయన. వెంటనే లాప్‌ట్యాప్‌ తెప్పించి మూడు రోజుల ముందే ఆ యాక్షన్‌ సీన్‌ ఆయన చేసింది చూపిస్తారు. ఆయన చేశాక మనం చేయకపోతే ఏం బావుంటుంది? ఎలాగోలా చేస్తాం’’ అన్నారు. మా అందరి సామర్థ్యాన్ని మరింత పెంచుకునేలా మమ్మల్ని అందర్నీ పని చేసేలా చేసే రాజమౌళిగారికి జన్మదిన శుభాకాంక్షలు అని చిత్రబృందం తెలిపింది. ఈ వీడియోలో దర్శకత్వ శాఖ, కెమెరామేన్‌ సెంథిల్, ఆర్ట్‌ డైరెక్టర్‌ సాబు సిరిల్, నిర్మాత దానయ్య కూడా మాట్లాడారు.

ద‌ర్శ‌క‌ధీరుడు రాజమౌళి త‌న 47వ పుట్టిన‌రోజు వేడుక‌ల‌ను ఆర్ఆర్ఆర్ సెట్లోనే సెల‌బ్రేట్ చేసుకున్నారు. దేశంలోనే అత్యంత సుప్ర‌సిద్ద ద‌ర్శ‌కుల్లో రాజ‌మౌళి కూడా ఒక‌రు. ఆయ‌న పుట్టినరోజు సంద‌ర్భంగా చిత్ర ప‌రిశ్ర‌మ‌కు చెందిన చాలామంది న‌టీన‌టులు, అభిమానులు రాజ‌మౌళికి బ‌ర్త్‌డే విషెస్ తెలియ‌జేశారు. జ‌క్క‌నికి పుట్టిన‌రోజు శుభాకాంక్ష‌లు అంటూ ఎన్టీఆర్ పోస్ట్ చేయ‌గా, హ్యాపీ బ‌ర్త్‌డే బాస్ అంటూ రానా ద‌గ్గుబాటి బాహుబ‌లి సినిమాలోని ఓ ఫోటోను జ‌త చేశారు. ఇక సూప‌ర్ స్టార్ మ‌హేష్ బాబు, రామ్ పోతినేని, అడ‌విశేష్, డైరెక్ట‌ర్లు అనిల్ రావిపూడి, సురేంద‌ర్ రెడ్డి స‌హా పలువురు ఇండస్ర్టీ ప్ర‌ముఖులు రాజ‌మౌళికి 47వ పుట్టిన‌రోజు శుభాకాంక్ష‌లు తెలిపారు.  (నేను అందుకే ప్లాస్మా ఇవ్వలేదు: రాజమౌళి) ప్ర‌స్తుతం ఎన్టీఆర్, రామ్‌చరణ్‌ హీరోలుగా రాజమౌళి దర్శకత్వంలో ‘ఆర్‌ఆర్‌ఆర్‌’ (రౌద్రం రణం రుధిరం) అనే భారీ చిత్రాన్ని తెర‌కెక్కిస్తున్నారు. ఇందులో కొమురమ్‌ భీమ్‌గా ఎన్టీఆర్, అల్లూరి సీతారామరాజుగా రామ్‌చరణ్‌ నటిస్తున్నారు. ఎన్టీఆర్‌కి జోడీగా హాలీవుడ్‌ నటి ఒలీవియా మోరిస్, రామ్‌చరణ్‌కి జోడీగా హిందీ నటి ఆలియా భట్‌ కనిపించనున్నారు. శ్రియ, అజయ్‌ దేవగన్, సముద్రఖని ముఖ్య పాత్రల్లో నటిస్తున్నారు. సుమారు 400 కోట్ల బడ్జెట్‌తో డీవీవీ దానయ్య నిర్మిస్తున్న ఈ సినిమాఅన్నీ కుదిరి ఉంటే  వచ్చే ఏడాది సంక్రాంతి కానుకగా ప్రేక్షకుల ముందుకు వచ్చేది.  కానీ, కరోనా మహమ్మారి కారణంగా లాక్‌డౌన్‌ విధించడంతో  షూటింగ్‌కు బ్రేక్ పడింది. అయితే రెండు రోజుల క్రిత‌మే షూటింగ్ తిరిగి ప్రారంభ‌మ‌య్యింది. ఈ నేప‌థ్యంలో ఆర్ఆర్ఆర్‌కి సంబంధించి త్వ‌ర‌లోనే మ‌రిన్ని అడ్‌బేట్స్ వ‌చ్చే అవ‌కాశం ఉంది.  (ఆర్‌ఆర్‌ఆర్: అన్నీ సవ్యంగా సాగి ఉంటేనా!) Wishing @ssrajamouli garu a very happy birthday. May you continue to set the bar higher with your films!! Great health and happiness always! 😊🤗 — Mahesh Babu (@urstrulyMahesh) October 10, 2020 Wishing you a very Happy Birthday Jakkana @ssrajamouli !! Love you pic.twitter.com/gcCdSveiGZ — Jr NTR (@tarak9999) October 10, 202

‘నా అల్లుడు’ చిత్రంలో ఎన్టీఆర్‌కి జోడీగా నటించారు శ్రియ. రాజమౌళి దర్శకత్వంలో ప్రభాస్‌ హీరోగా రూపొందిన ‘ఛత్రపతి’ సినిమాలోనూ హీరోయిన్‌గా నటించారు. ఆ సినిమాలు విడుదలై దాదాపు 15 ఏళ్లు అవుతోంది. ప్రస్తుతం ఎన్టీఆర్, రామ్‌చరణ్‌లతో రాజమౌళి తెరకెక్కిస్తోన్న చిత్రం ‘ఆర్‌ఆర్‌ఆర్‌’ (రౌద్రం రణం రుధిరం). ఈ సినిమాలో ఓ ప్రధాన పాత్రలో నటించనున్నట్లు శ్రియ స్వయంగా తెలిపారు. 15 ఏళ్ల తర్వాత మళ్లీ ఎన్టీఆర్, రాజమౌళి కాంబినేషన్‌లో ఆమె చేయబోతున్న సినిమా ఇదే. లాక్‌డౌన్‌ కారణంగా భర్త ఆండ్రీతో కలసి స్పెయిన్‌లో ఉంటున్న శ్రియ అభిమానులతో చిట్‌చాట్‌ చేస్తూ తన తర్వాతి ప్రాజెక్ట్‌ల వివరాలు చెప్పుకొచ్చారు. తెలుగులో రెండు చిత్రాలకు పచ్చజెండా ఊపానని, వాటిలో ‘ఆర్‌ఆర్‌ఆర్‌’ ఒకటనీ అన్నారు. ఈ సినిమాలో ఫ్లాష్‌బ్యాక్‌ ఎపిసోడ్‌లలో అజయ్‌ దేవగన్‌తో కలసి నటించబోతున్నట్లు పేర్కొన్నారీ బ్యూటీ. అంటే... ఈ సినిమాలో అజయ్‌ దేవగన్‌కి జోడీగా ఆమె కనిపిస్తారని ఊహించవచ్చు. అలాగే సృజన దర్శకత్వం వహిస్తున్న ‘లిటిల్‌ బర్డ్‌’ అనే తెలుగు సినిమాలోనూ నటించనున్నారు శ్రియ. మహిళా దర్శకురాలితో పని చేయలేదనే లోటు ఈ సినిమాతో తీరనుంది అన్నారామె. అంతేకాదు.. తమిళంలో రెండు సినిమాలు, హిందీలో ఓ సినిమా అంగీకరించాననీ, లాక్‌డౌన్‌ ముగిసిన తర్వాత ఇండియాకి వచ్చాక ఆయా చిత్రాల షూటింగ్‌లో పాల్గొంటానని శ్రియ అన్నారు.

యంగ్‌టైగర్‌​ ఎన్టీఆర్, మెగాపవర్‌స్టార్‌ రామ్‌ చరణ్‌లతో దర్శకధీరుడు రాజమౌళి తెరకెక్కిస్తున్న పీరియాడిక్‌ చిత్రం ‘ఆర్‌ఆర్‌ఆర్‌’ (రణం రుధిరం రౌద్రం). ఈ భారీ బడ్జెట్‌ చిత్రాన్ని డీవీవీ దానయ్య నిర్మిస్తున్నారు. సగానికిపైగా షూటింగ్‌ జరుపుకున్న ఈ చిత్రాన్ని 2021 సంక్రాతికి విడుదల చేయాలని చిత్రబృందం ప్లాన్‌ చేసింది. అయితే లాక్‌డౌన్‌ కారణంగా సినిమా విడుదల షెడ్యూల్లో మార్పులు చోటుచేసుకునే అవకాశాలు కనిపిస్తున్నాయి. సాధారణంగా రాజమౌళి సినిమా షూటింగ్‌ కంటే పోస్ట్‌ ప్రొడక్షన్‌ పనులకు ఎక్కువ సమయం తీసుకుంటారు. అయితే మరో 30 శాతం షూటింగ్‌ మిగిలి ఉండటం, గ్రాఫిక్స్‌ పనులు‌ ఎక్కువగా ఉండటంతో ఈ సినిమా ముందుగా అనుకున్న సమయానికి విడుదలవడం కష్టంగా మారింది. దీంతో 2021 సంక్రాంతికి రావాల్సిన `ఆర్‌ఆర్ఆర్‌` ఇప్పుడు వేస‌వికి వెళ్లిపోయిన‌ట్టు స‌మాచారం. ‘సంక్రాంతి కానుకగా జనవరి 8న ఈ సినిమాను విడుదల చేయాలని అనుకున్నాం. అధికారికంగా ప్రకటించాము. అయితే లాక్ డౌన్ కారణంగా మా ప్రణాళికలు దెబ్బతిన్నాయి. ఇంకా చిత్రీకరించవలసిన సన్నివేశాలు వున్నాయి. పోస్ట్ ప్రొడక్షన్ పనులు మిగిలే ఉన్నాయి. దీంతో సినిమా విడుదల తేదీలో మార్పులు జరగే అవకాశం ఉంది' అని ఓ జాతీయ మీడియాకు ఇచ్చిన ఇంటర్వ్యూలో డీవీవీ దానయ్య పేర్కొన్నారు. అయితే ఈ చిత్ర విడుదల వాయిదా పడే అవకాశాలు ఉన్నాయని ఆ మధ్యన రాజమౌళి కూడా తెలిపారు. షూటింగ్‌ మళ్లీ ప్రారంభం అయితే గానీ.. ఈ సినిమాకు రిలీజ్‌ డేట్‌ను అనౌన్స్‌ చేయలేమంటూ జక్కన్న పేర్కొన్నారు. కాగా ఈ చిత్రంలో అల్లూరి సీతారామరాజుగా చరణ్, కొమురం భీమ్‌గా ఎన్టీఆర్‌ కనిపించనున్నారు. ఆలియా భట్, ఒలీవియా, అజయ్‌ దేవగన్, సముద్రఖని కీలక పాత్రలు చేస్తున్నారు.   చదవండి: దసరాకు ‘అఖిల్’‌.. రిస్క్‌ వద్దంటున్న ఫ్యాన్స్‌ యువ దర్శకుడు మృతి.. విషాదంలో శంకర్‌

లాక్‌డౌన్‌ వల్ల షూటింగ్‌కు బ్రేక్‌ పడటంతో ఈ ఖాళీ సమయాన్ని పోస్ట్‌ ప్రొడక్షన్‌ కార్యక్రమాల కోసం ఉపయోగించుకుంటోంది ‘ఆర్‌ఆర్‌ఆర్‌’ టీమ్‌. రాజమౌళి దర్శకత్వంలో ఎన్టీఆర్, రామ్‌చరణ్‌ హీరోలుగా డీవీవీ దానయ్య నిర్మిస్తున్న చిత్రం ‘రౌద్రం రణం రుధిరం’ (ఆర్‌ఆర్‌ఆర్‌). ఈ చిత్రంలో స్వాతంత్య్ర సమరయోధులు కొమురం భీం పాత్రలో ఎన్టీఆర్, అల్లూరి సీతారామరాజు పాత్రలో రామ్‌చరణ్‌ నటిస్తున్న సంగతి తెలిసిందే. లాక్‌డౌన్‌ కారణంగా ఈ సినిమా చిత్రీకరణను తాత్కాలికంగా నిలిపివేశారు. కానీ అనుకున్న సమయానికి సినిమాను విడుదల చేయాలని పోస్ట్‌ ప్రొడక్షన్‌ కార్యక్రమాలను ప్రారంభించారట. ఎన్టీఆర్, రామ్‌చరణ్‌ తమ ఇళ్లలోని మినీ హోమ్‌ థియేటర్స్‌ను డబ్బింగ్‌ స్టూడియోలుగా మార్చుకుని ‘ఆర్‌ఆర్‌ఆర్‌’ డబ్బింగ్‌ వర్క్‌ స్టార్ట్‌ చేశారని లేటెస్ట్‌ టాక్‌. ఈ పోస్ట్‌ ప్రొడక్షన్‌ కార్యక్రమాలన్నింటినీ వీడియో కాల్‌ ద్వారా పర్యవేక్షిస్తున్నారట రాజమౌళి. ఈ సినిమాను వచ్చే ఏడాది జనవరి 8న విడుదల చేయాలనుకుంటున్నారు.

ఇంతకుముందు ప్రాంతీయ భాషల సినిమాలకు పరిమితులుండేవి. కేవలం రీజినల్‌ మార్కెట్టే ఆ సినిమాల మెయిన్‌ టార్గెట్‌. సినిమా కథలు కూడా కేవలం వాళ్లకే అన్నట్టుగా తయారయ్యేవి. కానీ గడిచిన నాలుగైదేళ్ల నుంచి ప్రాంతీయ భాషల సినిమాలకు పరిమితులు తొలగిపోయాయి. హద్దులు చెరిగిపోయాయి. ఈ మార్పులో ‘బాహుబలి’ కీలక పాత్ర పోషించిందని సందేహం లేకుండా చెప్పొచ్చు. ఆ సినిమా తర్వాత దేశవ్యాప్తంగా తెలుగు సినిమాకి అభిమానులు ఎక్కువయ్యారు. మన సినిమాకి ఎక్కువమంది ఫ్యాన్స్‌ ఉన్నారు కాబట్టే మనవాళ్లు ప్యాన్‌ ఇండియా (దేశంలో ఎక్కువ భాషల్లో సినిమాని విడుదల చేయడం) సినిమాగా తీయడానికి సంకోచించడం లేదు. ఐదారు భాషల్లో ఏకకాలంలో సినిమాని విడుదల చేసి మార్కెట్‌ను విస్తృతం చేసుకుంటున్నారు. ప్రస్తుతం తెలుగులో సుమారు పది సినిమాలు ‘ప్యాన్‌ ఇండియా’ మార్కెట్‌ను టార్గెట్‌ చేస్తూ రెడీ అవుతున్నాయి. వాటి వివరాలు.   త్రిబుల్‌ ఆర్‌.. టార్గెట్‌ 10 ‘బాహుబలి’తో మార్కెట్‌ లెక్కలకి కొత్త రెక్కలిచ్చారు దర్శకుడు రాజమౌళి. కథ బావుంటే సినిమా ఏ ప్రాంతంలో తయారైనా ఆదరణ అంతటా లభిస్తుందని నిరూపించారు. ‘బహుబలి’ ఇచ్చిన నమ్మకంతోనే ప్రస్తుతం మరో ప్యాన్‌ ఇండియా సినిమాను తెరకెక్కిస్తున్నారు. ఎన్టీఆర్‌ – రామ్‌చరణ్‌లు హీరోలుగా రాజమౌళి దర్శకత్వంలో ‘ఆర్‌ఆర్‌ఆర్‌’ అనే సినిమా తెరకెక్కుతోంది. సుమారు 400 కోట్ల వ్యయంతో ఈ సినిమా తెరకెక్కుతోంది. 1920ల బ్యాక్‌డ్రాప్‌లో ఈ సినిమా ఉంటుంది. వచ్చే ఏడాది సంక్రాంతికి విడుదల కానుంది. దాదాపు పది భాషల్లో ఈ చిత్రాన్ని విడుదల చేయాలనుకుంటున్నారు. డార్లింగ్‌.. టార్గెటింగ్‌ వరల్డ్‌ ‘బాహుబలి’తో నార్త్‌ ఆడియన్స్‌కి కూడా ప్రభాస్‌ డార్లింగ్‌ అయిపోయారు. ‘సాహో’ సౌత్‌లో అంచనాలను అందుకోలేకపోయినా నార్త్‌లో బాక్సాఫీస్‌ని షేక్‌ చేసింది. ప్రస్తుతం రాధాకృష్ణతో ప్రభాస్‌ చేస్తున్న ‘ఓ డియర్‌’ ప్యాన్‌ ఇండియా మూవీ అయితే ఆ తర్వాత నాగ్‌ అశ్విన్‌తో దర్శకత్వంలో చేయనున్న సినిమా ప్యాన్‌ వరల్డ్‌. ‘ఓ డియర్‌’ సినిమా పీరియాడిక్‌ లవ్‌స్టోరీగా తెరకెక్కుతోంది. పూజా హెగ్డే కథానాయిక. ఈ చిత్రం ఐదు భాషల్లో విడుదల కానుంది. ఇక నాగ్‌ అశ్విన్‌తో చేయబోయేది సైన్స్‌ ఫిక్షన్‌ జానర్‌ సినిమా. ‘‘ఇది ప్యాన్‌ వరల్డ్‌ మూవీ’’ అంటున్నారు నాగ్‌ అశ్విన్‌.   నిశ్శబ్దంగా... ‘బాహుబలి’ తర్వాత అనుష్క తాజా చిత్రం ‘నిశ్శబ్దం’ కూడా పలు భాషల్లో రిలీజ్‌ కానుంది. పూర్తి స్థాయిలో అమెరికా బ్యాక్‌డ్రాప్‌లో జరిగే థ్రిల్లర్‌ చిత్రమిది. ఏప్రిల్‌ 2న విడుదల కానుంది. ఇందులో అనుష్క మూగ, చెవిటి అమ్మాయిగా నటించారు. సినిమాలో ఆమె చిత్రకారిణి. ఇది ‘క్రాస్‌ ఓవర్‌’ మూవీ. అంటే.. పలు భాషలకు చెందినవాళ్లు కలిసి ఒకే సినిమాలో నటించడం. ఈ సినిమాలో ఎక్కువమంది హాలీవుడ్‌ తారలు ఉండటం విశేషం. ఐదు భాషల్లో ఈ సినిమా విడుదల కానుంది. ఇస్మార్ట్‌ మూవ్‌ ‘ఇస్మార్ట్‌ శంకర్‌’ ఘనవిజయంతో దర్శకుడు పూరి జగన్నాథ్‌ డబుల్‌ ఎనర్జీతో ఉన్నారు. ఇస్మార్ట్‌ ప్లాన్‌ చేశారు. ఇప్పుడు యూత్‌ సెన్సేషన్‌ విజయ్‌ దేవరకొండతో కలసి బాక్సింగ్‌ బ్యాక్‌డ్రాప్‌లో ఓ  యాక్షన్‌ ఎంటర్‌టైనర్‌ చేస్తున్నారు. దీని కోసం బాలీవుడ్‌ ప్రొడ్యూసర్‌ కరణ్‌ జోహార్‌ కూడా వీళ్లకు తోడయ్యారు. అనన్యా పాండే కథానాయిక. హిందీ– తెలుగు భాషల్లో తెరకెక్కుతున్న ఈ సినిమాను ఐదు భాషల్లో విడుదల చేయాలనుకుంటున్నారు.   గ్రాండ్‌ కమ్‌బ్యాక్‌ మూడేళ్ల నుంచి మంచు మనోజ్‌ ఎనర్జీ స్క్రీన్‌ మీద కనిపించడం లేదు. అయితే కమ్‌బ్యాక్‌ను చాలా గ్రాండ్‌గా ప్లాన్‌ చేశారు మనోజ్‌. ‘అహం బ్రహ్మాస్మి’ అనే టైటిల్‌తో ఓ ప్యాన్‌ ఇండియా సినిమా చేస్తున్నారు. ఈ చిత్రం ద్వారా శ్రీకాంత్‌ రెడ్డి దర్శకుడిగా పరిచయం అవుతున్నారు. ఇటీవలే ముహూర్తం జరుపుకుంది ఈ సినిమా. ఐదు భాషల్లో ఈ సినిమా విడుదల కానుంది.     ప్యాన్‌ కన్నప్ప ‘భక్త కన్నప్ప’ పై సినిమా చేయాలని కొంతకాలంగా వర్క్‌ చేస్తున్నారు మంచు విష్ణు.  కన్నప్ప పాత్రలో నటించి ఈ సినిమాను నిర్మించనున్నారు. సుమారు 95 కోట్ల వ్యయంతో ఈ ప్రాజెక్ట్‌ తీయనున్నారు. భారీ స్థాయిలో ఉండేలా ప్రీ– ప్రొడక్షన్‌ పనులు చేస్తున్నారు. హాలీవుడ్‌ దర్శకుడు ఈ సినిమాను డైరెక్ట్‌ చేయనున్నారు.   డబుల్‌ ప్యాన్‌ హిందీ–తెలుగు–తమిళం ఇలా ఏ భాషలో అయినా కనిపిస్తూనే ఉంటారు రానా. కథ నచ్చితే పాత్ర ఏదైనా డబుల్‌ ఓకే అంటారాయన.  ప్రస్తుతం రానా ‘అరణ్య’ అనే భారీ ప్రాజెక్ట్‌ను సిద్ధం చేశారు. అడవులను రక్షించాలనే కాన్సెప్ట్‌తో ఈ సినిమా తెరకెక్కింది. ఈ సినిమాలోని పాత్ర కోసం 30 కిలోలు తగ్గారు రానా. హిందీ, తెలుగు, తమిళంలో ఈ సినిమా రిలీజ్‌ కాబోతోంది. అలాగే  ‘హిరణ్య కశ్యప’ అనే పౌరాణిక చిత్రంలో కనిపించనున్నారు. గుణశేఖర్‌ దర్శకత్వం వహించనున్న ఈ సినిమా 180 కోట్ల బడ్జెట్‌తో తెరకెక్కనుందట. ఇది కూడా ప్యాన్‌ ఇండియా సినిమానే. మేజర్‌ ప్లాన్‌ పరిమిత బడ్జెట్, పరిమిత వనరులతో సినిమాలు చేసి ప్రేక్షకులను ఆశ్చర్యపరుస్తుంటారు ‘అడవి’ శేష్‌. ‘క్షణం, గూఢచారి, ఎవరు’ సినిమాలు ఈ విషయాన్ని నిరూపించాయి. ఈసారి కేవలం తెలుగు ప్రేక్షకులనే కాదు, దేశవ్యాప్తంగా ఇండియన్‌ ఆడియన్స్‌ను తన మ్యాజిక్‌లో పడేయడానికి సిద్ధమయ్యారు శేష్‌. ముంబై తాజ్‌ హోటల్‌లో జరిగిన టెర్రరిస్ట్‌ అటాక్‌లో ప్రాణాలు కోల్పోయిన మేజర్‌ ఉన్ని కృష్ణన్‌ జీవితం ఆధారంగా శేష్‌ టైటిల్‌ రోల్‌లో ‘మేజర్‌’ చిత్రం రూపొందుతోంది. ఈ చిత్రానికి శశికిరణ్‌ తిక్క దర్శకుడు. కరణం.. ఆదర్శం ఒలింపిక్స్‌లో మన దేశానికి వెయిట్‌ లిఫ్టింగ్‌ ఛాంపియన్‌షిప్‌లో పతాకాన్ని తీసుకొచ్చారు కరణం మల్లీశ్వరి. ఎందరో క్రీడాకారులకు ఆదర్శంగా నిలిచారామె. ఆమె జీవితాన్ని స్క్రీన్‌ మీద చూపించాలనుకుంటున్నారు దర్శకురాలు సంజనా రెడ్డి. సుమారు 50 కోట్ల వ్యయంతో ప్యాన్‌ ఇండియా ప్రాజెక్ట్‌గా రూపొందనుంది. నటీనటుల వివరాలు ఇంకా ప్రకటించలేదు.  ఇవి కాకుండా మరికొన్ని ప్యాన్‌ ఇండియా స్థాయిలో చెప్పాల్సిన కథలు రచయితల డ్రాయింగ్‌ రూమ్‌లో రెడీ అవుతూనే ఉండొచ్చు. ఇవన్నీ బాగా ఆడాలని, మన కథలు ప్రపంచస్థాయికి వెళ్లాలని, తెలుగు సినిమా పరిధి, స్థాయి, మార్కెట్, గౌరవం మరింత పెరగాలని ఆశిద్దాం. తెలుగు సినిమా జయహో! – గౌతమ్‌ మల్లాది

ఎన్టీఆర్, రామ్‌చరణ్‌ మంచి డ్యాన్సర్లు. కష్టమైన స్టెప్పులను కూడా సునాయాసంగా వేసి, అభిమానులతో విజిల్స్‌ కొట్టించగలరు. ఇదే హైలెట్‌ పాయింట్‌ను ఇప్పుడు ‘ఆర్‌ఆర్‌ఆర్‌’లో ఉపయోగించనున్నారట దర్శకుడు రాజమౌళి. ఎన్టీఆర్, రామ్‌చరణ్‌ హీరోలుగా రాజమౌళి తెరకెక్కిస్తున్న పీరియాడికల్‌ చిత్రం ‘ఆర్‌ఆర్‌ఆర్‌’. డీవీవీ దానయ్య నిర్మిస్తున్నారు. ఈ సినిమాలో ఎన్టీఆర్‌ కొమరమ్‌ భీమ్‌గా, చరణ్‌ అల్లూరి సీతారామరాజుగా నటిస్తున్నారు. ఈ చిత్రంలో ఎన్టీఆర్, రామ్‌చరణ్‌లమీద ఓ జానపద పాట ఉండబోతోందని, ఇందులో ఇద్దరూ కలసి కాలు కదపనున్నారని తెలిసింది. ఇదే నిజమైతే ఈ హీరోల అభిమానులకు స్టెప్పుల విందే అని ఊహించొచ్చు. ఈ సినిమా చిత్రీకరణ హైదరాబాద్‌లో జరుగుతోంది. చరణ్‌కి జోడీగా ఆలియా భట్‌ నటించనున్నారు. కీరవాణి సంగీతం అందిస్తున్న ఈ సినిమా వచ్చే ఏడాది జూలైలో విడుదల కానుంది.

రాజమౌళి సినిమాల్లో హీరో పరిచయ సన్నివేశాలు ఎక్స్‌ట్రా స్పెషల్‌గా ఉంటాయి. ‘యమదొంగ’ సినిమా అందుకు ఓ ఉదాహరణ. సర్కస్‌లో ‘పులిని మనిషిగా మార్చు.. చూద్దాం’ అని ఓ ప్రేక్షకుడు అడగడంతో మెజీషియన్‌ అలీ నిజమైన పులిని ఎన్టీఆర్‌గా మార్చుతాడు. అది ఎన్టీఆర్‌ ఇంట్రడక్షన్‌ సీన్‌. ఈ సీన్‌కి విపరీతమైన విజిల్సూ, క్లాప్స్‌ పడ్డాయి. ఇప్పుడు మరోసారి రియల్‌ టైగర్‌ని, యంగ్‌ టైగర్‌ని ఒకే ఫ్రేమ్‌లోకి తీసుకురావాలనుకుంటున్నారట దర్శకుడు రాజమౌళి. ఎన్టీఆర్, రామ్‌చరణ్‌లు హీరోలుగా రాజమౌళి తెరకెక్కిస్తున్న చిత్రం ‘ఆర్‌ఆర్‌ఆర్‌’. డీవీవీ దానయ్య నిర్మాత. ప్రస్తుతం ఎన్టీఆర్‌కు సంబంధించిన పరిచయ సన్నివేశాలను బల్గేరియాలో తెరకెక్కిస్తున్నారని సమాచారం. ఈ సన్నివేశాల్లో యంగ్‌ టైగర్‌ ఎన్టీఆర్‌ రియల్‌ టైగర్‌తో నటిస్తున్నారని తెలిసింది. ఈ సన్నివేశాల్లో వీఎఫ్‌ఎక్స్‌ హైలెట్‌గా నిలుస్తుందట. ‘ఆర్‌ఆర్‌ఆర్‌’ చిత్రం వచ్చే ఏడాది జూలైలో రిలీజ్‌ కానుంది.

ఓ వైపు ‘ఆర్‌ఆర్‌ఆర్‌’ సినిమా షూటింగ్‌ శరవేగంగా జరుగుతోంది. రామ్‌చరణ్‌ విలన్లను చితకబాదేస్తున్నారు. ఎన్టీఆర్‌కు ఈ షెడ్యూల్‌లో బ్రేక్‌ ఇచ్చారు దర్శకుడు రాజమౌళి. దాంతో ఎన్టీఆర్‌ దుబాయ్‌కు చిన్న ట్రిప్‌ ప్లాన్‌ చేశారు. షూటింగ్‌ గ్యాప్‌ కదా ఫ్యామిలీ ట్రిప్‌ అనుకుంటే మీరు పొరబడినట్లే. రాజమౌళి దర్శకత్వంలో ఎన్టీఆర్, రామ్‌చరణ్‌ హీరోలుగా రూపొందుతున్న మల్టీస్టారర్‌ చిత్రం ‘ఆర్‌ఆర్‌ఆర్‌’. డీవీవీ దానయ్య నిర్మాత. ఎన్టీఆర్‌ దుబాయ్‌కు వెళ్లింది హాలిడే కోసం కాదు ‘ఆర్‌ఆర్‌ఆర్‌’ కోసమే అని సమాచార. ‘ఈ ట్రిప్‌ వెనక కారణం మాత్రం స్పస్పెన్స్‌. సినిమాలో ప్రేక్షకులకు కచ్చితంగా థ్రిల్‌ ఇవ్వడానికే ఈ ట్రిప్‌’ అని పేర్కొన్నాయి విశ్వసనీయ వర్గాలు. సో.. ఎన్టీఆర్‌ ఫిజిక్‌ మేకోవర్‌ కోసమో లేక కొత్త విద్య నేర్చుకోవడం కోసమో ఈ ట్రిప్‌ అయ్యుంటుందని ఊహించవచ్చు. ఈ నెలాఖరు నుంచి మళ్లీ ‘ఆర్‌ఆర్‌ఆర్‌’లో ఎన్టీఆర్‌ జాయిన్‌ అవుతారు. ఈ సినిమాలో హీరోయిన్లుగా బాలీవుడ్‌ భామలు పరణీతి చోప్రా, ఆలియా భట్‌ పేర్లను పరిశీలిస్తున్నట్టున్నారు. ఈ చిత్రానికి కీరవాణి సంగీత దర్శకుడు.  అజయ్‌ ఆగయా? ఈ చిత్రంలో ఓ కీలక పాత్రకు బాలీవుడ్‌ నటుడిని ఎంపిక చేసుకోవాలని ‘ఆర్‌ఆర్‌ఆర్‌’ చిత్రబృందం యోచిస్తున్న సంగతి తెలిసిందే. నిన్న మొన్నటి వరకూ అక్షయ్‌ కుమార్‌ పేరు వినిపించినా ఫైన ల్‌గా అజయ్‌ దేవగణ్‌కు ఫిక్స్‌ అయ్యారని టాక్‌. మరి కీలక పాత్రంటే విలన్‌ అనుకోవచ్చా? ఎన్టీఆర్, చరణ్‌లు ఫైట్‌ చేసేది అజయ్‌ మీదేనా? 2020 వరకూ వేచి చూడాల్సిందే. 

సినిమా: ఒక భారీ చిత్రమే, క్రేజీ కాంబినేషన్‌లో చిత్రమో నిర్మాణంలో ఉంటే ఆ చిత్రం గురించి తెలిసినవి, తెలియనవి, వెల్లడించనవి, వెల్లడించినవి ఇలా ఎన్నో కథనాలు ప్రచారం అవుతుంటాయి. వాటిలో అవాస్తవాలైతే సంబంధిత వ్యక్తులు కొందరు ఖండిస్తుంటారు. మరి కొందరు అదీ ఒక రకమైన ప్రచారమే కథా మౌనంగా ఎంజాయ్‌ చేస్తుంటారు. దర్శకుడు రాజమౌళిని రెండవ కోవలోకి చేర్చవచ్చు. నిర్మాణంలో ఉన్న తన చిత్రాల గురించి రకరకాల ప్రచారాలు జరుగుతుంటాయి. కారణం ఆయన చిత్రాలకుండే క్రేజ్‌ అంత. అయితే జరుగుతున్న ప్రచారం గురించి తానుగా స్పందించరు. ఎవరైనా అడిగితే ఆ ప్రచారంలో నిజం లేకపోతే లేదని అంటారు గానీ వాస్తవం ఏమిటన్నది చిత్రం పూర్తి అయ్యేవరకూ నోరు మెదపరు. ఆయన తాజా చిత్రం ఇటీవలే ప్రారంభమైంది. అయితే అంతకు ముందు నుంచే ఈ చిత్రం గురించి ఎన్నెన్నో కథనాలు వెలువడ్డాయి. వాటిని ఆయన అవుననలేదు, కాదనలేదు. సైలెంట్‌గా తన పని తాను చేసుకుపోతున్నారు. ప్రస్తుతం ఆయన జూనియర్‌ ఎన్‌టీఆర్, రామ్‌చరణ్‌లతో భారీ మల్టీస్టారర్‌ చిత్రాన్ని తెరకెక్కిస్తున్నారు. ఇందులో ఈ ఇద్దరి పేరు మినహా ఇతర ఏ విషయాల గురించి రాజమౌళి పెదవి విప్పలేదు. అయితే ఇప్పుడు ఈ క్రేజీ చిత్రం గురించి రోజుకో కథనం ప్రసారం అవుతుందంటే అతి శయోక్తి కాదు. చిత్రానికి రామ రావణ రాజ్యం అని పేరు నిర్ణయించినట్లు, ఇది పురాణ ఇతిహాసం రామాయణం ఇతివృత్తంగా తీసుకుని తెరకెక్కిస్తునట్లు కథనాలు హోరెత్తుతున్నాయి. అంతే కాదు ఇందులో రామ్‌చరణ్‌ రాముడిగానూ, జూనియర్‌ ఎన్‌టీఆర్‌ రావణుడిగానూ నటిస్తున్నట్లు ప్రచారం జరుగుతోంది. ఇందులో నటి ప్రియమణిని ఒక ముఖ్య పాత్రకు ఎంపిక చేసినట్లు టాక్‌ స్ప్రెడ్‌ అయ్యింది. ఇక రామాయణం కథ అంటే సీత పాత్ర ఉంటుందిగా అదిగో ఆ పాత్రను నటి కీర్తీసురేశ్‌ పోషించనుందనే ప్రచారం సామాజిక మాధ్యమాల్లో వైరల్‌ అవుతోంది. ఈ ప్రచారంలో నిజం ఎంత అన్నది దర్శకుడు రాజమౌళి గానీ, చిత్ర నిర్మాతల వర్గాలు గానీ అధికారికపూర్వకంగా వెల్లడించేవరకూ ఇలాంటి కథనాలకు అడ్డకట్ట పడదు.

బాక్సాఫీస్‌ రికార్డులను తిరగ రాసిన ‘బాహుబలి’ చిత్రం తర్వాత రాజమౌళి దర్శకత్వంలో రూపొందనున్న మల్టీస్టారర్‌ మూవీ ‘ఆర్‌.ఆర్‌.ఆర్‌’ (వర్కింగ్‌ టైటిల్‌) ఆదివారం ఆరంభమైంది. ఎన్టీఆర్, రామ్‌చరణ్‌ క్రేజీ కాంబినేషన్‌ ఈ సినిమాపై అంచనాలను పెంచింది. డి. పార్వతి సమర్పణలో డీవీవీ ఎంటర్‌టైన్‌మెంట్స్‌ పతాకంపై డీవీవీ దానయ్య నిర్మిస్తున్నారు. ముహూర్తపు సన్నివేశానికి దర్శకుడు వీవీ వినాయక్‌ కెమెరా స్విచ్చాన్‌ చేయగా, నటుడు చిరంజీవి క్లాప్‌ కొట్టారు.   దర్శకులు కె. రాఘవేంద్రరావు గౌరవ దర్శకత్వం వహించడంతో పాటు స్క్రిప్ట్‌ను చిత్రబృందానికి అందించి, శుభాకాంక్షలు తెలిపారు. నటులు ప్రభాస్, రానా, కల్యాణ్‌ రామ్, దర్శకులు బోయపాటి శ్రీను, కొరటాల శివ, వంశీ పైడిపల్లి, మెహర్‌ రమేష్, వెంకీ అట్లూరి, నిర్మాతలు బి.వి.ఎస్‌.యన్‌. ప్రసాద్, డి.సురేశ్‌బాబు, అల్లు అరవింద్,  ‘దిల్‌’ రాజు,  శ్యామ్‌ప్రసాద్‌ రెడ్డి, కె.ఎల్‌. నారాయణ, ఎన్‌.వి. ప్రసాద్,  సాయి కొర్రపాటి, పీవీపీ, శోభు యార్లగడ్డ,  నవీన్‌ ఎర్నేని, చెరుకూరి మోహన్, యలమంచలి రవిశంకర్, వంశీ, విక్రమ్, పరుచూరి ప్రసాద్, రచయిత గుణ్ణం గంగరాజు తదితరులు ముఖ్య అతిథులుగా పాల్గొన్నారు. ఈ సందర్భంగా నిర్మాత దానయ్య మాట్లాడుతూ– ‘‘తెలుగు సినిమా సత్తాను ‘బాహుబలి’తో ప్రపంచానికి చాటి చెప్పిన ఎస్‌.ఎస్‌. రాజమౌళి దర్శకత్వంలో ఎన్టీఆర్, రామ్‌చరణ్‌ హీరోలుగా మా బ్యానర్‌లో సినిమా చేస్తున్నందుకు ఆనందంగా ఉంది. ఓ కలలా అనిపిస్తోంది. ప్రేక్షకులతో పాటు, హీరోల అభిమానుల అంచాలను మించేలా సినిమా ఉంటుంది. తెలుగు సినిమా స్థాయిని మరోసారి ప్రపంచానికి చాటేంత గొప్ప సాంకేతిక విలువలతో కాంప్రమైజ్‌ కాకుండా ఈ సినిమాను భారీగా రూపొందిస్తాం. రెగ్యులర్‌ షూటింగ్‌ ఈ నెల 19న ప్రారంభిస్తాం. రెండు వారాలపాటు ఎన్టీఆర్, రామ్‌చరణ్‌లపై యాక్షన్‌ సన్నివేశాలను చిత్రీకరించబోతున్నాం. సినిమాలో భాగమైన ఇతర నటీనటుల వివరాలను త్వరలో ప్రకటిస్తాం’’ అని అన్నారు. ఈ సంగతి ఇలా ఉంచితే...ఈ సినిమాకు ‘రామరావణ రాజ్యం’ అనే టైటిల్‌ని చిత్రబృందం పరిశీలిస్తోందన్న ప్రచారం ఫిల్మ్‌ నగర్‌లో సాగుతోంది. ఈ సినిమాకు  కథ: విజయేంద్ర ప్రసాద్, సంగీతం: ఎం.ఎం. కీరవాణి, మాటలు: సాయిమాధవ్‌ బుర్రా, ఛాయాగ్రాహకుడు: కె.కె. సెంథిల్‌ కుమార్‌.

సినిమా: ఆ బ్రహ్మాండ చిత్రం కోసం వెయిటింగ్‌ అంటోంది నటి కీర్తీసురేశ్‌. ఈ బ్యూటీ తొలిరోజుల్లోనే మహానటి సావిత్రి పాత్రకు జీవం పోసి శభాష్‌ అనిపించుకుంది. ఇకపై సామిత్రి పాత్రలో నటించాలంటే కీర్తీసురేశ్‌ మినహా మరో నటిని ఊహించుకోవడానికి కూడా సాహసించలేని విధంగా ఆమె పాత్రలో ఒదిగిపోయింది. ఇటీవల విక్రమ్‌కు జంటగా నటించిన సామి సేŠవ్క్‌ర్‌ చిత్రం కాస్త నిరాశ పరిచినా, విశాల్‌కు జంటగా నటించిన సండైకోళీ–2, విజయ్‌ సరసన నటించిన సర్కార్‌ చిత్రాలు కమర్షియల్‌గా కీర్తీసురేశ్‌ కేరీర్‌కు ఉపయోగపడతాయనే ఆశాభావంతో ఉంది. సండైకోళీ–2 చిత్రం ఈ నెల 18న తెరపైకి రావడానికి ముస్తాబుతోంది. ఇక సర్కార్‌ చిత్రం దీపావళికి సందడి చేయనుంది. తాజాగా కీర్తీసురేశ్‌ ఆంధ్రప్రదేశ్‌ మాజీ ముఖ్యమంత్రి ఎన్‌టీఆర్‌ బయోపిక్‌లో నటిస్తున్న విషయం తెలిసిందే. ఎన్‌టీఆర్‌ జీవిత చరిత్ర అంటే నటి సావిత్రి పాత్ర కీలకంగా ఉంటుంది. ఆ పాత్ర నటి కీర్తీసురేశ్‌నే వరించింది. కాగా తమిళంలో నటుడు శశికుమార్‌కు జంటగా నటించనున్నట్లు ప్రచారం జరుగుతోంది గానీ, దీనికి సంబంధించి ఎలాంటి అధికారిక ప్రకటన వెలువడలేదు. ఇకపోతే చాలా గ్యాప్‌ తరువాత ఈ బ్యూటీ మాతృభాషలో నటించడానికి రెడీ అవుతోంది. మోహన్‌లాల్‌ హీరోగా దర్శకుడు ప్రియదర్శిన్‌ మరక్కార్‌ పేరుతో ఒక చారిత్రక కథా చిత్రాన్ని తెరకెక్కిస్తున్నారు. ఇది 16వ శతాబ్దానికి చెందిన కురంజిలి మరక్కార్‌ అనే చరిత్రకారుడి ఇతి వృత్తంగా రూపొందుతున్న చిత్రం. ఇందులో కీర్తీసురేశ్‌ ఒక ముఖ్య పాత్రలో నటించనుందని తెలిసింది. ఇందులో తను చైనాకు చెందిన నటుడికి జంటగా నటించనున్నట్లు సమాచారం. ఇదిలాఉండగా ఈ ముద్దుగుమ్మ మరో భారీ చిత్రంలో నటించే అవకాశాన్ని దక్కించుకున్నట్లు ప్రచారం జరుగుతోంది. బాహుబలి సిరీస్‌ చిత్రాల ఫేమ్‌ రాజమౌళి తాజాగా జూనియర్‌ ఎన్‌టీఆర్, రామ్‌చరణ్‌ హీరోలుగా మల్టీస్టారర్‌ చిత్రాన్ని తెరకెక్కించడడానికి సన్నాహాలు చేస్తున్న విషయం తెలిసిందే. ఇందులో ఒక హీరోయిన్‌గా నటించే అవకాశం నటి కీర్తీసురేశ్‌ను వరించినట్లు సమాచారం. ఇప్పుడీ చిత్రంలో నటించడానికి ఈ భామ ఎదురు చూస్తోదంట.

తమిళసినిమా: ఆ భారీ మల్టీస్టారర్‌ చిత్రంలో కీర్తీసురేశ్‌ సెట్‌ అయినట్లేనా? అంటే అవుననే అంటున్నారు మీడియా వర్గాలు. కీర్తీసురేశ్‌ వరసు విజయాలతో దూసుకుపోతున్న నాయకి ఈమె. కీర్తీ ఉందంటే ఆ చిత్రం హిట్టే అన్నంత నమ్మకంగా మారింది. కోలీవుడ్‌లో తొలి చిత్రమే కాస్త నిరాశ పరిచింది. ఆ తరువాత అపజయం ఆమె దరిదాపులకు కూడా రావడానికి సాహసం చేయలేదు. తమిళంలోనే కాదు తెలుగులోనూ కీర్తీసురేశ్‌ విజయ పయనం అప్రతిహతంగా కొనసాగుతోంది. మహానటి (నడిగైయార్‌ తిలగం) కీర్తీలోని అభినయానికి నిలువుటద్దంగా నిలిచిందని నిస్సందేహంగా చెప్పవచ్చు. ప్రస్తుతం తమిళంలో విజయ్‌కు జంటగా సర్కార్, విశాల్‌ సరసన సండైకోళి–2, విక్రమ్‌తో సామి స్క్వేర్‌ చిత్రాలలో నటిస్తూ బిజీగా ఉంది. ఈ మూడు చిత్రాల్లోనూ ఈ బ్యూటీ స్టార్‌ హీరోలతోనే రొమాన్స్‌ చేస్తుందన్నది గమనార్హం. మహానటి చిత్రం తరువాత టాలీవుడ్‌లో పలు అవకాశాలు వచ్చినా అంగీకరించడం లేదనే ప్రచారం సోషల్‌ మీడియాల్లో వైరల్‌ అవుతోంది. అయితే అది నిజమేనని, అందుకు కారణం కోలీవుడ్‌లో ఒప్పుకున్న చిత్రాలను పూర్తి చేయాల్సిన బాధ్యత తనపై ఉందని కీర్తీసురేశ్‌ స్పష్టం చేసింది. తాజాగా మరో విషయం వెలుగులో కొచ్చింది. ఈ ముద్దుగుమ్మకు ప్రముఖ దర్శకుడు రాజమౌళి తెరకెక్కించడానికి సన్నాహాలు చేస్తున్న భారీ మల్టీస్టారర్‌ చిత్రంలో నటించే అవకాశం వచ్చిందని, జూనియర్‌ ఎన్టీఆర్, రామ్‌చరణ్‌ కలిసి నటించనున్న ఈ చిత్రంలో కీర్తీ ఒక భాగం కానుందని ప్రచారం జరగుతోంది. అందుకే ఈ అమ్మడు ఇప్పటి వరకూ తెలుగులో కొత్త చిత్రాలను అంగీకరించలేదని టాక్‌ వైరల్‌ అవుతోంది. నిజానికి ఇంతకు ముందే ఇలాంటి ప్రచారం జరిగింది. అయితే ఆ ప్రచారాన్ని కీర్తీ కొట్టిపారేసింది. ఆ చిత్రంలో నటించమని ఇప్పటి వరకూ తననెవరూ సంప్రదించలేదని వివరణ ఇచ్చింది. అయితే అప్పుడే ఈ విషయం గురించి బయట పెట్టడం ఎందుకనో, లేక చిత్ర వర్గాల నుంచి ముందుగా ప్రకటన రావాలనో కీర్తీ అలా చెప్పి ఉండవచ్చునని, రాజమౌళీ చిత్రంలో కీర్తీసురేశ్‌ నటించడానికి ఫిట్‌ అన్నది దాదాపు ఖారారయ్యిందని, త్వరలోనే దీనికి సంబంధించిన అధికారిక ప్రకటన వెలువడే అవకాశం ఉందని మీడియా వర్గాల టాక్‌. మరికొద్ది రోజులు ఆగితే నిజానిజాలు తెలుస్తాయి.

ఎస్‌ఎస్‌ రాజమౌళి, జూనియర్‌ ఎన్టీఆర్‌, రాంచరణ్‌.. ఈ ముగ్గురు ఎవరికి వారు సూపర్‌స్టార్లు. వీరి సినిమాలు సోలోగానే బాక్సాఫీస్‌ను షేక్‌ చేశాయి. కలెక్షన్ల కుంభవృష్టిని కురిపించాయి. మరి ఈ ముగ్గురు ఒకే గొడుగు కిందకు వచ్చి.. ఒకే సినిమాతో ప్రేక్షకులను పలుకరించేందుకు సిద్ధమైతే.. అదే ద మాసివ్‌ మల్టీస్టారర్‌.. ట్రిపుల్‌ ఆర్‌.. టాలీవుడ్‌ టైటన్స్‌ కాంబినేషన్‌లో రాబోతున్న సినిమా గురించి అఫీషియల్‌గా ప్రకటిస్తూ.. ఆర్‌ త్రయం హ్యాష్‌ట్యాగ్‌ను విడుదల చేసింది రాజమౌళి టీం. ప్రస్తుత తరానికి టాలీవుడ్‌లోనే కాదు.. బాలీవుడ్‌లోనూ.. యావత్‌ భారతదేశంలోనూ అతిపెద్ద మల్టీస్టారర్‌ సినిమా ఇదేనేమో అంటూ.. ఈ చిత్రం గురించి ఇలా అధికారిక ప్రకటన వెలువడగానే.. అలా సోషల్‌ మీడియా పోటెత్తింది. ట్విట్టర్‌ ఊగిపోతోంది. ట్రిపుల్‌ ఆర్‌ యాష్‌ట్యాగ్‌ ప్రస్తుతం ట్విట్టర్‌లో, సోషల్‌ మీడియాలో ట్రెండ్‌ అవుతోంది. భారతదేశమే కాదు యావత్‌ ప్రపంచం టాలీవుడ్‌ వైపు తలతిప్పి చూసేలా చేసిన దర్శకధీరుడు రాజమౌళి. ఆయన తెరకెక్కించిన దృశ్యకావ్యం ‘బాహుబలి’... భారతీయ చిత్రసీమ గర్వపడేలా చేసింది. యావత్‌ ప్రపంచం అబ్బురపడింది. సినీ జనాలు కొన్నాళ్లపాటు ‘బాహుబలి’ మానియాతో ఊగిపోయారు. ప్రపంచానికి పెద్దగా పరిచయం లేని టాలీవుడ్‌ నుంచి వచ్చిన ‘బాహుబలి’ సినిమా ప్రపంచవ్యాప్తంగా వేలకోట్ల రూపాయలు కొల్లగొట్టింది. దేశంలోనే అతిపెద్ద బ్లాక్‌బస్టర్‌ హిట్‌ సినిమాల జాబితాలో ముందువరుసలో నిలిచింది. ఒక అద్భుతమైన సినిమాగా, ఒక దృశ్యకావ్యంగా నిలిచిపోయిన ‘బాహుబలి’ తర్వాత.. దర్శకుడు రాజమౌళి ఏ సినిమా తీస్తాడన్నది సర్వత్రా ఆసక్తి రేపింది. అటు జూనియర్‌ ఎన్టీఆర్‌ వరుస విజయాలతో మంచి ఊపు మీదు ఉన్నాడు. టెంపర్‌ సినిమా నుంచి విభిన్నమైన కథలను ఎంచుకుంటూ వరుస విజయపరంపరను కొనసాగిస్తున్నాడు. నాన్నకు ప్రేమతో, జనతాగ్యారేజ్‌, జైలవకుశ.. అన్ని విభిన్నమైన సినిమాలే. జైలవకుశలో త్రిపాత్రాభినయంతో తారక్‌ అదరగొట్టాడు. ప్రస్తుతం త్రివిక్రమ్‌ శ్రీనివాస్‌ దర్శకత్వంలో ఓ సినిమా చేసేందుకు సిద్ధమవుతున్నాడు. ఇటు మెగాపవర్‌స్టార్‌ రాంచరణ్‌ కూడా మంచి ఊపుమీద ఉన్నాడు. చరణ్‌ నటించిన ‘ధ్రువ’ సినిమా సూపర్‌హిట్‌ అయింది. ఈ సినిమాలో చరణ్‌ తన యాక్టింగ్‌తో మెప్పించాడు. ప్రస్తుతం సుకుమార్‌ దర్శకత్వంలో చరణ్‌ నటించిన ‘రంగస్థలం’ సినిమాపైనా భారీ అంచనాలు ఉన్నాయి. ఈ నెల 30న సినిమా ప్రేక్షకుల ముందుకు రాబోతోంది. ఈ సినిమా ట్రైలర్‌, పాటలు విశేష ఆదరణను పొందాయి. ఇలా ముగ్గురికి ముగ్గురు హై సక్సెస్‌ఫుల్‌ ట్రాక్‌లో ఉన్న సమయంలో రాజమౌళి.. తారక్‌, చరణ్‌తో భారీ మల్టీస్టారర్‌ సినిమా చేయబోతున్నాడన్న వార్త బయటకు వచ్చింది. దీని గురించి అధికారిక ప్రకటనలేవీ లేకపోయినా.. టాలీవుడ్‌లో క్రమంగా చోటుచేసుకుంటున్న పరిణామాలు.. ఈ సినిమా కోసం తారక్‌, చరణ్‌ అమెరికా వెళ్లి ఫొటోషూట్‌లో పాల్గొనడం.. అంచనాలను పెంచేసింది. ఈ క్రమంలో ఈ కథనాలు నిజం చేస్తూ.. ఆర్‌ త్రయం కాంబినేషన్‌లో మాసివ్‌ మల్టీస్టారర్‌ మూవీ రానుందని,  డీవీవీ దానయ్య ఈ సినిమాను నిర్మించబోతున్నట్టు అధికారికంగా ప్రకటించడంతో అభిమానులు ఆనంద డోలికల్లో తేలియాడుతున్నారు. అటు నందమూరి, మెగా అభిమానులు.. ఇటు రాజమౌళి ఫ్యాన్స్‌లో ఈ అనౌన్స్‌మెంట్‌తో ఉత్సాహం పెల్లుబుక్కుతోంది. సినిమా ఎలా ఉండబోతోంది? రాజమౌళి ఏ మాయాజాలాన్ని తెరపై ఆవిష్కరించబోతున్నాడు? ఈ మల్టీ స్టారర్‌లో మా హీరోకు తగినంత ప్రాధాన్యం ఉంటుందా? తరహాలో మెగా, నందమూరి అభిమానుల పోస్టులు వెల్లువెత్తుతున్నాయి. దీంతో ట్రిపుల్‌ ఆర్‌ యాష్‌ట్యాగ్ ప్రస్తుతం వైరల్‌ అవుతోంది. The mother of all announcements is here .. Young Tiger @tarak9999, Mega Powerstar Ram Charan and the one and only S S R A J A M O U L I @ssrajamouli come together for @RRRMovie .. officially announced #RRR https://t.co/CBREhs2qJj — Mahesh S Koneru (@smkoneru) March 22, 2018 Can't wait 😍😍😍 arey oo box office get ready to get blast🤩🤩🤩💪💪💪 @ssrajamouli @tarak9999 #ramcharan 🔥🔥🔥💃💃💃💃💃💃💃💃💃 #RRR https://t.co/valPAr5o4p — #NoLeapInKKB 🙏 (@pavani171) March 22, 2018 Records badhalu avvalsinde 💪 #RRR pic.twitter.com/sGNRpb88mA — SamosaTimes (@samosa_times) March 22, 2018 #RRR 1st multistarer in current top heroes#RamaRao #RamCharan Curious to see how it gonna be.. After #Baahubali from #Rajamouli N another kickass role for @tarak9999 😘😍 — BhaviK GouD G (@bhavikgoud28) March 22, 2018 Well, I thought my story would have become the first one which will have these stars.. but here we are, @ssrajamouli making it possible way ahead of me... All the best @ssrajamouli , @tarak9999 and Ramcharan..#ramarao #RRR — Fairoz (@Fairoz2573) March 22, 2018 #RRR mass feast😍 pic.twitter.com/HuIrvf74HV — Dis Page Vll Entertain U (@dpveuu) March 22, 2018 #RRR #RamCharan @tarak9999 @ssrajamouli pic.twitter.com/sXM9jPeDtF — So Called Cinema (@vrsocc) March 22, 2018


 వరంగల్ : చిన్న నీటి పారుదలకు సంబంధించి కేంద్ర ప్రభుత్వం అమలు చేస్తున్న ట్రిబుల్ ఆర్(ఆధునీకరణ, పునరుద్ధరణ, మరమ్మతులు) పథకం కింద వరంగల్, ఖమ్మం, కరీంనగర్, మెదక్ జిల్లాల్లో 133 చెరువులకు గాను రూ.109.70 కోట్లు మంజూరయ్యాయి. వీటి కింద ప్రస్తుతం 6,692 హెక్టార్ల ఆయకట్టు ఉంది. తాజాగా కేటాయించిన నిధులతో ఈ ఆయకట్టును 14,118 హెక్టార్లకు పెంచాలని లక్ష్యంగా పెట్టుకున్నారు. జిల్లాకు సంబంధించి 46 చెరువు లకు రూ.41.18 కోట్లు మంజూరయ్యాయి. వీటి ప్రస్తుత ఆయకట్టు 1,091 కాగా, నిర్దేశిత ఆయకట్టు నిధుల వరద 5,211గా ఉంది.  చెరువుల ఆయకట్టును పెంచడం ట్రిపుల్ ఆర్ పతకం ప్రధాన ఉద్దేశం.
 
 గిరిజన ప్రాంతాల్లో ఉన్న చెరువులకు ఈ నిధులు కేటాయించడంలో ప్రాధాన్యత ఇస్తారు. చెరువులకు సంబంధించి నిర్మాణ సమయంలో నిర్ధేశించిన ఆయకట్టుకు ప్రస్తుతం సాగు నీరు అందించలేక  పోతున్నాయి. స్థిరీకరించిన ఆయకట్టుకు 50 శాతం కంటే తక్కువ నీరు అందించే చెరువులను ఈ పథకంలో తీసుకునేందుకు ప్రాధాన్యత ఇచ్చారు. ఈ పథకంలో చెరువు కట్టలను పట్టిష్టం చేయడం, మత్తడిని పునర్మించడం, మరమ్మతులతోపాటు పొలాలకు నీరు అందించేందుకు పంట కాల్వలు, చెరువుకు వరద వచ్చే ఫీడర్ చానళ్లను నిర్మిస్తారు. చెరువును పూర్తి స్థాయిలో ఆధునీకరించడం వల్ల నీటి నిల్వ సామర్థ్యం పెరుగుతుంది. దీంతో ఆయకట్టు పెరుగుతుంది.
  కేంద్ర, రాష్ట్ర ప్రభుత్వాల ఆధ్వర్యంలో..
 
 
 నీటి వినియోగదారుల సంఘాల పర్యవేక్షణలో ఉన్న చెరువులను ట్రిపుల్ ఆర్ పథకం కింద అభివృద్ధి చేసేందుకు ఎంపిక చేస్తారు. 100 ఎకరాలకు పైబడి సాగునీరు అందిస్తున్న చెరువులకు ఈ పథకం వర్తిస్తుంది. ఆయకట్టు ఎక్కువగా ఉండే చెరువులను మరమ్మతులు, ఆధునీకరణ, స్థిరీకరణకు ఒకేసారి భారీగా నిధులను ఖర్చు చేయాల్సి ఉంటుంది. దీని కోసం ఒకేసారి పెద్ద మొత్తంలో చెరువులకు నిధులు కేటాయించడంలో రాష్ట్ర ప్రభుత్వాలకు ఆర్థికపరమైన ఇబ్బందులు ఉంటాయి. చెరువులకు అభివృద్ధికి  కేంద్ర ప్రభుత్వం, రాష్ట్ర సర్కారుతో కలిసి ట్రిపుల్ ఆర్ పథకం చేపట్టింది. ఈ పథకం కింద 75 శాతం నిధులను కేంద్ర ప్రభుత్వం, 25 శాతం రాష్ట్ర ప్రభుత్వం భరిస్తాయి.
 
 
 ఈ పథకం కింద చేపట్టే చెరువులను జిల్లా స్థాయి కమిటీలు ఎంపిక చేసి రాష్ట్ర స్థాయి కమిటీకి ప్రతిసాదిస్తాయి. ప్రతి ఏడాది రాష్ట్ర స్థాయి కమిటీ చెరువులను ఎంపిక చేస్తుంది. జాతీయ వ్యవసాయ గ్రామీణాభివృద్ధి బ్యాంకు(నాబార్డు), కేంద్ర జలవనరుల శాఖ అధికారులు హాజరవుతారు. గతంలో చేపట్టిన చెరువు పనుల ప్రగతి, చేసిన ఖర్చు అంశాలను పరిగణలోకి తీసుకొని కొత్తగా చేపట్టే చెరువులకు నిధులు మంజూరు చేసేందుకు అంగీకారం తెలుపుతారు. రాష్ట్రంలో మిషన్ కాకతీయలో చెరువుల ఎంపిక కార్యక్రమం కొనసాగుతున్నందున  కొన్ని జిల్లాల నుంచి త్రిబుల్ ఆర్‌లో ప్రతిపాదనలు విషయంలో ఆలస్యం జరిగింది. త్రిబుల్ ఆర్ పథకంపై ఇటీవల జరిగిన రాష్ట్ర స్థాయి కమిటీ సమావేశంలో నాలుగు జిల్లాల్లోని చెరువులకు నిధులు మంజూరు చేసేందుకు కేంద్ర ప్రభుత్వ అధికారులు అంగీకారం తెలిపారు. ఈ చెరువులను మిషన్ కాకతీయలో చేపడుతున్నప్పటికి నిధులు త్రిబుల్ ఆర్ లో కేటాయిస్తారు.


 సాక్షి, కాకినాడ :తరతరాలుగా.. సన్నని దారాల నుంచి వన్నెల వస్త్రాల్ని సృష్టిస్తూ అన్నవస్త్రాలను సముపార్జించుకుంటున్న నేత కుటుంబాలను ఆదుకోవాలన్న సంకల్పంతో కేంద్రం ప్రవేశపెట్టిన చేనేత రుణపరపతి పథకం జిల్లాలో వారికి అక్కరకు రావడం లేదు. కుటుంబం మొత్తం రేయింబగళ్లు రెక్కలు ముక్కలు చేసుకున్నా రోజు గడవని దుస్థితి తప్పడం లేదు. జిల్లాలో రెండులక్షల మందికి పైగా నేత కార్మికులుండగా వారిలో లక్ష మందికి పైగా మగ్గాలపైనే ఆధారపడ్డారు. ఉప్పాడ, బండార్లంక, గొల్లప్రోలు, పుల్లేటికుర్రు, మోరి, కె.జగన్నాథపురం, ద్వారపూడి, విలసవిల్లి తదితర గ్రామాల్లో దాదాపు 18,000 గోతి మగ్గాలు ఉండగా, ఒక్కోదానిపై నలుగురు చొప్పున ఆధారపడ్డారు. చేనేత కార్మికుల ఇబ్బందులను దృష్టిలో ఉంచుకొని అర్హులకు వ్యక్తిగత రుణాలందించే లక్ష్యంతో కేంద్రప్రభుత్వం 2012లో రివైవల్ రిఫార్మ్స్ రీస్ట్రక్చర్ (ఆర్‌ఆర్‌ఆర్) స్కీమ్‌ను ప్రవేశపెట్టింది.
  
  అర్హులైన చేనేత కార్మికులకు రుణపరపతి కార్డులు జారీచేసి, బ్యాంకులనుంచి ఎలాంటి పూచీకత్తు లేకుండా రూ.లక్ష వరకు రుణం ఇప్పించాలని నిర్ణయించింది. తొలిఏడాది తీసుకున్న రుణంలో రూ.4,200 వరకు సబ్సిడీగా ఇచ్చారు. అదే ఈ ఏడాది సబ్సిడీ మొత్తం 20 శాతం లేదా గరిష్టంగా రూ.10 వేలకు  మించకుండా ఇస్తున్నారు. బ్యాంకులు వసూలు చేసే 12 శాతం వడ్డీలో రుణం సక్రమంగా చెల్లించే వారికి అందులో సగాన్ని నాబార్డు తిరిగి చెల్లించనుంది. నూలు, రసాయనాల వంటి ముడిసరుకులు, నేతకు ఉపయోగించే యంత్ర పరికరాల కొనుగోలుకు మాత్రమే ఈ రుణాలు మంజూరు చేస్తారు. వాటిని సంబంధిత కంపెనీల పేరిటే మంజూరు చేస్తారు. ఆశయం మంచిదైనా అధికారుల ఉదాసీనత, బ్యాంకర్ల నిర్లక్ష్యం వల్ల ఆచరణలో నీరుగారిపోతోంది.
  
  మార్గదర్శకాల బేఖాతరు..
  రుణాలు పొందేందుకు మగ్గాలపై నేసే వారు లేదా చేనేత అనుబంధ రంగాలపై ఆధారపడిన వారై ఉండాలి. చేనేత గుర్తింపు కార్డు కలిగి బ్యాంకుల్లో వారి పేరిట గతంలో ఎలాంటి రుణబ కాయిలు ఉండకూడదు. అలాంటి వారు ఎలాంటి హామీలు, పూచీకత్తులు సమర్పించనక్కర లేదు. మార్గదర్శకాలు ఇంత స్పష్టంగా ఉన్నా  రుణాల మంజూరులో బ్యాంకులు తీవ్ర నిర్లక్ష్యాన్ని ప్రదర్శిస్తున్నాయి. దరఖాస్తు చేసుకున్న వారిలో అతికొద్ది మందికి, అరకొర రుణం మంజూరు చేసి చేతులు దులుపుకొంటున్నాయి. పథకం ప్రారంభమైన నాటి నుంచి నేటి వరకు ఏ ఒక్కరికీ రూ.30 వేలకు మించి రుణం ఇవ్వలేదు. జిల్లాలో గత రెండేళ్లలో రుణాలు పొందేందుకు ఏడు వేలమందికి పైగా దరఖాస్తు చేసుకుంటే వారిలో అర్హులైన 5,250 మంది దరఖాస్తులను జిల్లా చేనేత జౌళిశాఖ అధికారులు బ్యాంకులకు సిఫార్సు చేశారు. వారిలో కేవలం 2,800 మందికి మాత్రమే బ్యాంకులు రుణాలిచ్చాయి. 2012-13లో 3,200 మంది దరఖాస్తులను సిఫార్సు చేస్తే కేవలం 1,500 మందికి రూ.3 కోట్ల రుణపరపతి కల్పించారు.
  
  2013-14లో 2,050 మంది దరఖాస్తులను పంపితే కేవలం 1,300 మందికి రూ.రెండున్నర కోట్లు మాత్రమే రుణాలిచ్చారు. ఇక 2014-15 ఆర్థిక సంవత్సరంలో ఇప్పటివరకూ ఒక్కరికి ఒక్క రూపాయి రుణం మంజూరు చేసిన దాఖలాలు లేవు. ఇటీవల  ఈ పథకంపై జరిపిన సమీక్షలో.. 2012-14 మధ్య బ్యాంకర్ల వద్ద పెండింగ్‌లో ఉన్న దరఖాస్తులతో పాటు ఈ ఏడాది కొత్తగా దరఖాస్తు చేసుకున్న వారందరికీ రుణ పరపతి కల్పించాలని కలెక్టర్ నీతూప్రసాద్ బ్యాంకర్లను ఆదేశించారు. కనీసం ఈ ఏడాది 3,300 మందికి రుణాలివ్వాలని లక్ష్యంగా నిర్ణయించారు. ఈ ఏడాది ఏ ఒక్కరికీ రూ.50 వేలకు తక్కువ కాకుండా రుణం మంజూరు చేయాలని భావిస్తున్నారు. బ్యాంకర్ల నుంచి సహకారం లభించకపోవడం వల్లే వేలాది దరఖాస్తులు పెండింగ్‌లో ఉండిపోతున్నాయని చేనేత జౌళి శాఖ ఏడీ లక్ష్మణరావు పేర్కొన్నారు. కనీసం ఈ ఏడాదైనా బ్యాంకర్లు ఆశించిన స్థాయిలో సహకరించగలరని భావిస్తున్నామన్నారు.