డెహ్రాడూన్‌: నలుగురూ బాగుండాలి, అందులో నేనుండాలి... అనుకున్నాడు డెహ్రాడూన్‌కు చెందిన ఓ వ్యక్తి. అందుకే పగిలిన హృదయాలను అతికించలేకపోయినా కనీసం వారి మనసుకు స్వాంతన చేకూర్చాలనుకున్నాడు. అర్థం కాలేదా? అయితే ఈ స్టోరీ చదివేయండి.. ఉత్తరాఖండ్‌లోని డెహ్రాడూన్‌కు చెందిన దివ్యాన్షు బాత్రాకు 21 ఏళ్లుంటాయి. అతడు ఓ అమ్మాయితో పీకల్లోతు ప్రేమలో మునిగాడు. కానీ లాక్‌డౌన్‌లో అమ్మాయి తల్లిదండ్రులకు విషయం తెలిసి ఈ ప్రేమజంటను విడదీశారు. నెచ్చెలి దూరం కావడంతో కుంగిపోయాడు. హైస్కూల్‌ నుంచి ప్రేమిస్తున్న అమ్మాయిని హఠాత్తుగా మర్చిపోలేక నరకం అనుభవించాడు. ఆరు నెలలు డిప్రెషన్‌లోకి వెళ్లిపోయాడు. పబ్జీకి బానిసగా మారాడు. ఈ మనోవేదనలోనే కొట్టుమిట్టాడుతున్న అతడికి హఠాత్తుగా ఓ రోజు ఇలా ఎంకెంతకాలం ఆమెను గుర్తు చేసుకుంటూ పిచ్చివాన్నైపోవాలి అన్న ఆలోచన వచ్చింది. అంతే, ఆమె జ్ఞాపకాలకు తాళం వేసి ఓ కెఫేను ప్రారంభించాడు. దానికి దిల్‌ తుట ఆషికి-చాయ్‌వాలా అన్న పేరును ఖరారు చేశాడు. ఇక్కడ లవ్‌లో ఫెయిలయిన వాళ్లు వారి బాధను మనసారా చెప్పుకోవచ్చు. దీంతో ఇప్పుడిది బ్రేకప్‌ అయిన ఎంతోమందికి ఆశాదీపంగా కనిపిస్తోంది. (చదవండి: ఈ అగ్నిప్రమాదం గచ్చిబౌలిలో జరిగిందా?) ఈ కెఫే గురించి దివ్యాన్షు మాట్లాడుతూ.. "నాలానే చాలామంది ఇలాంటి పరిస్థితులను ఎదుర్కొని ఉంటారు. వాళ్ల మనసులోని బాధనంతా కక్కేస్తే మనసు కాస్త ప్రశాంతంగా ఉంటుంది. అందుకే బ్రేకప్‌ అయినవాళ్లను నా కెఫెకు వచ్చి వాళ్ల కథలను చెప్పమంటాను. అలా వారి భారాన్ని ఇక్కడే దించేసుకుని జీవితంలో ముందుకెళ్లేందుకు సహాయం చేస్తున్నాను" అని చెప్పుకొచ్చాడు. అయితే ఈ కెఫే ఐడియా విని దివ్యాన్షు తండ్రి కోప్పడ్డాడట. దీని గురించి అతడు మాట్లాడుతూ... "ఒక అమ్మాయి కోసం నేను పిచ్చోడిలా అయిపోయాను. అలాంటి స్థితి నుంచి బయటకు వచ్చి నా కాళ్ల మీద నేను నిలబడతాను అన్నప్పుడు అమ్మ నాకు సపోర్ట్‌ చేసింది. కానీ కెఫే పేరు చెప్పగానే నాన్న ఒప్పుకోలేదు. కానీ ఓ రోజు నాన్న స్నేహితుడు ఆయన దగ్గరకు వచ్చి కెఫె గురించి, దాని ప్రాముఖ్యతను గూర్చి మెచ్చుకున్నాడు. అప్పుడు కానీ మా నాన్న నేనో మంచి పని చేస్తున్నానని అంగీకరించలేకపోయాడు" అని చెప్పుకొచ్చాడు. ప్రస్తుతం తన తమ్ముడు రాహుల్‌ బాత్రాతో కలిసి కెఫెను నడిపిస్తున్న దివ్యాన్షు త్వరలోనే హరిద్వార్‌లో కూడా ఈ కెఫెను ప్రారంభించాలనుకుంటున్నాడు. (చదవండి: బైక్‌, వ్యాన్‌ కాదు గుర్రంపై డెలివరీ.. కారణం ఇదేనట!)

‘ప్రేమ ఎంత మధురం ప్రియురాలు అంత కఠినం’  ఆడవాళ్లను ఉద్ధేశించి ఓ సినీకవి రాసిన పాట ఇది. ఈ పాట విన్నప్పుడల్లా నా మనసులో మరో పాట మెదిలేది! ‘ ప్రేమ ఎంత మధురం చెలికాడు అంత కఠినం’ అని. ఓ మగాడి బాధకు ఆడది ఎంత కారణమవుతుందో.. ఓ ఆడదాని బాధకు మగాడు కూడా అంతే కారణం అవుతాడు. నా కష్టాలకు నిలువెత్తు రూపం భార్గవ్‌! ఎంబీఏ చదువుతున్నపుడు పరిచయమయ్యాడు. తనది ఎంఎస్‌సీ! ఇద్దరం ఒకే క్యాంపస్‌లో చదువుకునేవాళ్లం. మా కాలేజ్‌లో జరిగే ఈవెంట్స్‌లో చురుగ్గా పార్టిసిపేట్‌ చేసేవాడు. డ్యాన్స్‌ చేసేవాడు, డ్రామాలువేసేవాడు. అతడంటే ఇష్టం పెరగటానికి అవికూడా ఓ కారణం అని చెప్పొచ్చు. ఓ సాంఘీక నాటకం వేయటానికి నన్ను అప్రోచ్‌ అయ్యారు. నాకు యాక్టింగ్‌ రాదన్నా వినలేదు! పట్టుబట్టి మరీ లాక్కెళ్లారు. క్లాసులు జరుగుతున్నా ఓ గంట పాటు రిహార్సల్స్‌  చేసేవాళ్లం. అప్పుడే మా ఇద్దరి మధ్యా స్నేహం బలపడింది. నాటకం వేయటం అయిపోయినా మా స్నేహం కొనసాగింది. తరచు ఫోన్‌లలో మాట్లాడుకునే వాళ్లం. ఓ రోజు ఫోన్‌లో మాట్లాడుకుంటున్నపుడు ‘ఐ లవ్‌ యూ’ చెప్పాడు. అతనంటే నాకూ ఇష్టం కాబట్టి సరే అన్నాను. ఓ 6నెలలు ఫోన్‌లలోనే గడిపాం. తర్వాత అప్పుడప్పుడు సరదాగా బయటకు వెళ్లే వాళ్లం. ఇద్దరి చదువులు పూర్తయి కాలేజీనుంచి బయటపడ్డాం.. ఆ  తర్వాతి నుంచి నా కష్టాలు మొదలయ్యాయి. తనకు బుద్ధిపుట్టినప్పుడల్లా నాకు ఫోన్‌చేసేవాడు. ఇంట్లో ఉండటం వల్ల అతడి ఫోన్‌ను తీయటం సరిగా కుదిరేది కాదు. బాగా తిట్టేవాడు! ఎంత చెప్పినా నా పరిస్థితి అర్థం చేసుకునేవాడు కాదు. ఓ రోజు ఫోన్‌ చేసి ‘బయటకు వెళదాం రా!’ అన్నాడు. ఇంట్లో పరిస్థితి చెప్పి రావటం కుదరదన్నా. తిట్టాడు, తర్వాత ‘ నా మీద నీకు ప్రేమ తగ్గిపోయింది’ అంటూ ఏడ్చినంత పనిచేశాడు. నాకు బాధేసింది.. తర్వాత భయమేసింది. ఫోన్‌ పెట్టేసి ఆలోచనల్లో పడ్డా. ఓ రోజు ఫోన్‌ చేశాడు.. నేను వెంటనే ఫోన్‌ తీశా ‘నీకూ నాకు సెట్‌ అవ్వదు. విడిపోదాం’ అని ఫోన్‌ పెట్టేశాడు. నేను ఫోన్‌ చేసినా తీయలేదు. ఇలా నెల రోజులు.. చాలా బాధపడ్డా. ఓ రోజు రాత్రి 11 గంటలకు బాగా తాగి నాకు ఫోన్‌ చేశాడు. ‘ సారీ! ఆ రోజు నేను జోక్‌ చేశా. నువ్వంటే నాకు ప్రాణం, నిన్నెలా వదులుకుంటా’ అన్నాడు. నా మతి పోయింది! ఏం మాట్లాడుతున్నాడో అతడికైనా అర్థం అయ్యుండదు.. దాదాపు ఒంటి గంట వరకు నాన్‌స్టాప్‌గా మాట్లాడాడు. ఫోన్‌ పెట్టేద్దామంటే ఏమనుకుంటాడో అన్న భయం. చెవులు చిల్లులు పడ్డాయి.. కళ్లు మంటలు పుట్టాయి. అతన్ని ప్రేమించినందుకు నా మీద నాకే జాలేసింది. నేను ఎంత బిజీగా ఉన్నా అతడి ఫోన్‌ వస్తే మాత్రం తీసేదాన్ని. కొద్దిసేపు నవ్వుతూ మాట్లాడేవాడు.. తర్వాత కోపం.. ఏడుపు.. ఫోన్‌లోనే నవరసాలు పండించేవాడు. అతనితో ఫోన్‌ మాట్లాడటం కమల్‌ హాసన్‌ సినిమా చూసినట్లు ఉండేది. ఓ సైకోలాగా నన్ను ప్రతీరోజు టార్చర్‌ చేసేవాడు. మొన్న డిసెంబర్‌ 31నుంచి నాతో కాంటాక్ట్‌లో లేడు. విచారిస్తే బాగా తప్పతాగి ఎవరితోనో గొడవపడితే బాగా కొట్టారంట, ఆసుపత్రిలో ఉన్నాడు. ఆ విషయం తెలియగానే నా ముఖంలో ఓ క్వచ్ఛన్‌ మార్క్‌! పీడాపోయిందని సంతోషించాలా? బాధపడాలా?  - నవ్య లేదా worldoflove@sakshi.comకు మెయిల్‌ చేయండి

సరిగ్గా ఆరు సంవత్సరాల క్రితం మొదలైంది నా తొలిప్రేమ. తన పేరు లక్ష్మీ ప్రియ, మా దగ్గరి బంధువు! మరదలవుతుంది వరుసకు. మా ఇంట్లో ఫంక్షన్‌ జరుగుతుంటే మొదటిసారి చూశాను ప్రియని. చూడగానే నచ్చేసింది. తనతో మాట్లాడాలని, పరిచయం పెంచుకోవాలని ఉండేది. పెళ్లికాని అమ్మాయితో చనువుగా మాట్లాడితే బంధువులు ఏమనుకుంటారోనని ఆగిపోయేవాడిని. కానీ, వీలైనన్ని ఎక్కువసార్లు ఆమెను చూడటానికి ప్రయత్నించేవాడిని. ఎవరికీ అనుమానం రాకుండా ఫాలో అయ్యేవాడిని. నేను ఫాలో అవుతున్నట్లు ప్రియకు తెలిసిపోయింది. తనకూడా నన్ను చూసేది. ‘‘ఫంక్షన్లకు ఎంతో మంది బంధువులు వస్తుంటారు.. పోతుంటారు.. సన్నీగాడు లోకల్‌’ అనుకున్నా మనసులో. ధైర్యం చేసి మొదటిమాట మాట్లాడా‘ మీ అమ్మ పిలుస్తోంది’ అని. ఆ తర్వాత మరింత ధైర్యం తెచ్చుకుని మరో మూడు ముక్కలు మాట్లాడా. మొదటిది తను టీ నా చేతికిచ్చినపుడు‘‘ థాంక్స్‌’’ అని.. రెండోది భోజనాల సమయంలో అన్నం ఎక్కువగా వడ్డిస్తోంటే.. ‘చాలు’ అని.. చివరగా ఫంక్షన్‌ అయిపోయి ఇంటికి వెళుతూ.. ‘వెళ్లోస్తాను’ అంటే సరేనని. ప్రియ వెళ్లిపోయిన తర్వాత నా మనసు మనసులో లేదు. ప్రతీరోజు తనగురించే ఆలోచించేవాడిని. అలాంటి సమయంలో ఓ రోజు తననుంచి ఫోన్‌ వచ్చింది. నేను మొదట గుర్తు పట్టలేదు. తర్వాత ప్రియ అని తెలిసి, ఊపిరి ఆడనంత పనైంది. ఎలాగోలా మాట్లాడటం మొదలుపెట్టాను. ఆ తర్వాతి నుంచి ప్రతిరోజూ నేను ఫోన్‌ చేసేవాడిని. కొద్దిరోజులకే మా మధ్య స్నేహం బలపడింది. మా రెండు కుటుంబాల ఫంక్షన్లనో తరచూ కలుసుకునేవాళ్లం. నా ప్రేమను ఎలా చెప్పాలా అనుకుంటున్న సమయంలో తనే నాకు ‘ఐ లవ్‌ యూ’ చెప్పింది. ఇక నా ఆనందానికి అవధులు లేకుండా పోయాయి. ప్రేమలో నాలుగు సంవత్సరాలు ఇట్టే గడిచిపోయాయి. ఈ నాలుగు సంవత్సరాలలో ఆర్థికంగా మా కుటుంబం బాగా వెనకబడిపోయింది. అక్కపెళ్లి చేయటంతో అప్పుల్లో కూరుకుపోయాం. వడ్డీలు కట్టడానికి ఉన్న పొలంలో చాలా భాగం అమ్మాల్సి వచ్చింది. బంధువులందరికీ ఈ విషయం తెలిసిపోయింది. తలో రకంగా అనుకోవటం మొదలుపెట్టారు. నేను ఎంబీఏ పూర్తిచేసి ఉద్యోగ ప్రయత్నాల్లో పడ్డాను. ప్రియతో మాట్లాడటం తగ్గించేశాను. తను కూడా పెద్దగా నా గురించి పట్టించుకునేది కాదు! నేను ఫోన్‌ చేయకపోతే’ ఎందుకు ఫోన్‌ చేయలేదు’ అని అడిగేది కూడా కాదు. ఫోన్‌ చేసినపుడు మాత్రం బాగానే మాట్లాడేది. ఓ రోజు దూరపు చుట్టం ఒకరు మా ఇంటి కొచ్చాడు. మాటల సందర్భంలో ప్రియను తన కొడుక్కిచ్చి పెళ్లి చేయాలనుకుంటున్నట్లు చెప్పాడు. తను నన్ను కాదని వేరే వాడ్ని చేసుకోదనుకుని పెద్దగా పట్టించుకోలేదు. మేము మాట్లాడుకుంటున్నపుడు ఈ విషయాన్ని ప్రస్తావించలేదు. కొన్ని రోజుల తర్వాత తనకు పెళ్లి నిశ్చయమైనట్లు తెలిసింది. తనను అడిగితే అలాంటిదేమీ లేదంది. ఆ కొద్దిరోజులకే ప్రియ నిశ్చితార్థానికి మా కుటుంబానికి పిలుపొచ్చింది. నా దిమ్మతిరిగిపోయింది. షాక్‌నుంచి తేరుకోవటానికి చాలా సమయం పట్టింది. వెంటనే తనకు ఫోన్‌ చేశాను. స్విచ్ఛాఫ్‌ వచ్చింది. నిశ్ఛితార్థం అయిపోయిన తర్వాత ఫోన్‌ కలిసింది. నిశ్చితార్థం గురించి అడిగా..సరిగా స్పందించలేదు. క్యాన్సిల్‌ చేసుకోమన్నాను. ‘‘ నీతో కలిసి రోడ్డుమీద అడుక్కుతినమంటావా’’ అంది. నాకేం అర్థం కాలేదు. ఏంటని అడిగా.. ‘‘ ఉన్న ఆస్తి పోయింది. నువ్వే ఇప్పుడు ఉద్యోగం కోసం రోడ్లు పట్టుకు తిరుగుతున్నావు. నేను మీ ఇంట్లో అడుగుపెట్టి సంతోషంగా ఎలా ఉండగలను. నన్ను అర్థం చేసుకో! ఇకపై ఫోన్లు చేయటం మానేయ్‌’’ అని ఫోన్‌ కట్‌ చేసింది. నా మనసు ముక్కలైంది. - సన్నీ, హైదరాబాద్‌

నేను మా ఊర్లో స్కూలింగ్‌ కంప్లీట్‌ చేసి, ఉన్నత చదువుల కోసం వేరే ప్రాంతానికి వెళ్లాను. ఒక రెండు సంవత్సరాల తర్వాత మా ఫ్రెండ్స్‌ ద్వారా నాతో స్కూల్లో చదువుకున్న అమ్మాయి ఫోన్‌ నెంబర్‌ తీసుకుని మాట్లాడటం మొదలుపెట్టాను. అలా చాలా రోజులు మాట్లాడుకున్నాం. తను నాకు మంచి ఫ్రెండ్‌ అయింది. నాకు చాలా హ్యాపీగా అనిపించింది. కోపంగా ఉన్నా.. బాధ అనిపించినా తనతోనే పంచుకునేవాడిని. తనతో మాట్లాడకుండా ఒక రోజైనా ఉండేవాడిని కాదు. నాలైఫ్‌లో జరిగిన ప్రతీచిన్న విషయాన్ని తనతో పంచుకునే వాడిని. తను నాతో మాట్లాడకపోతే మరుసటి రోజు నేను తనని తిట్టేవాడిని. తనునాకు చాలా సపోర్టివ్‌గా ఉండేది. చాలా కేరింగ్‌గా ఉండేది. నేనంటే తనకు ఇష్టం.. తనంటే కూడా నాకు చాలా ఇష్టం. నాకు నా మరదలితో ఎంగేజ్‌మెంట్‌ అయింది. అప్పటికి కూడా తనతో చాలా క్లోస్‌గా ఉండేవాడిని. మా ఇద్దరి ఆలోచనలు ఒకేలా ఉండేవి. నేను తనని ముద్దగా సెల్ఫీ అని పిలిచేవాడిని. నా ఎంగేజ్‌మెంట్‌కి, పెళ్లికి మధ్యకాలంలో మరింత క్లోజ్‌ అయ్యాం. మ్యారేజ్‌ తర్వాత మాట్లాడుకోవటం మంచిది కాదని చెప్పేవాడిని. తను మాత్రం ఎంగేజ్‌మెంట్‌కు ముందు ఎలా ఉండేవాళ్లమో అలానే ఉండాలి అనేది. తనతో మాట్లాడటం మా భార్యకు నచ్చనం లేదు. తనకు తెలియకుండా మాట్లాడుతూ ఉండేవాడ్ని. కానీ, తను మాత్రం ప్రతీదానికి అలగటం నువ్వు మారిపోయావ్‌ అని గొడవ పెట్టడం చేసేది. ఏం జరిగినా తను ఓ స్క్రిప్ట్‌ రెడీ చేసుకుని పెట్టుకుని అలగటం మొదలుపెట్టేది. తను చేసేది నాకు కోపం వచ్చి గట్టిగా అరిచేవాడిని. మూడు నెలలక్రితం కూడా అదే జరిగింది. తను ఏమనుకుందో ఏమో నాతో మాట్లాడటం మానేసింది. నేను తనను చాలా మిస్‌ అవుతున్నా. ఎక్కడ ఉన్నా తను సంతోషంగా ఉండాలని కోరుకుంటున్నా.. .. నీ చిన్నా

తన పేరు లక్ష్మి! ప్రైవేట్‌ జాబ్‌ చేసేది. మా ఇద్దరి ఇళ్లు పక్కపక్కనే. దీంతో మేము బాగా మాట్లాడుకునేవాళ్లం. కానీ, ఎప్పుడు కూడా లవ్‌ చేస్తున్నానని తనకు చెప్పలేదు. అప్పుడప్పుడు ‘ఐ లవ్‌ యూ’ అని లిప్‌ మూవ్‌మెంట్‌ ఇచ్చేవాడిని. అది చూసి ఏమీ అనేది కాదు. తర్వాత తను జాబ్‌ మానేసింది. అలా కొన్ని నెలల తర్వాత ఓ రోజు ‘నీ తో ఓ విషయం చెప్పాలి’ అన్నాను తనతో. ఆ  వెంటనే ‘నేను నిన్ను ప్రేమిస్తున్నాను’ అని చెప్పేశాను. ‘ఏంటి వినబడలేదు! ఏమంటున్నారు’ అని నాతో మూడు సార్లు ఐ లవ్‌ యూ చెప్పించుకుంది. తర్వాత తను అన్న మాటకు నీరసం వచ్చింది. ‘ ఇది చెప్పటానికి ఇంత టైం పట్టిందా. ఎంత ఎదురుచూస్తున్నానో’ అంది. తను ప్రతి రోజూ చాల చక్కగా తయారయ్యేది. నాకు బొట్టుబిళ్లలంటే చాలా ఇష్టం. చాలా ప్యాకేట్లు ఇచ్చేవాడిని. తనతో ఏ రోజూ కూడా తప్పుగా ప్రవర్తించలేదు. బయట ఎక్కడికీ వెళ్లలేదు. ఒకరోజు మా ఫ్యామిలీల మధ్య గొడవైంది. దాంతో తను నాతో మాట్లాడటం మానేసింది. ‘నీకు నాకు మధ్య గొడవలేమీ లేవు కదా!’ అన్నా నేను. ‘వద్దు! ఇంట్లో తెలిస్తే ప్రాబ్లం అవుతుంది’ అని మాట్లాడేది కాదు. అలా నన్ను చూస్తూ ఉండేది అంతే. మా ఇంటి పనిమనిషికి మా ప్రేమ విషయం తెలుసు. గొడవలు అయినపుడు మా విషయం మా వాళ్లకు చెప్పేసిందనుకుంటా! నా మీద నిఘా పెట్టారు. ఈ లోపు వాళ్ల ఫాదర్ రిటైర్ అయ్యాక సడన్‌గా వేరే ఏరియాకు  షిఫ్ట్ అయ్యారు. నేను ఫాలో అవుదాం అని బయటకు వెళ్తుంటే అమ్మ చూసి ‘ఎక్కడికి.. తర్వాత వెళ్లొచ్చు! వచ్చి కూర్చో’ అంది. అలా వాళ్లు ఎక్కడికి వెళ్లారో తెలియలేదు. తనని మిస్ అయ్యా. చాలా వెతికాను! కొన్ని నెలలకి వాళ్లు ఉండే హౌస్ దొరికింది. నన్ను చూసి ఎంతో సంతోషించి నవ్వింది. ఎలా ఉన్నారని అడిగింది. ఈ లోపు వాళ్ల చెల్లి వచ్చేసింది. వాళ్ల వాళ్లని పిలిచింది. తను ‘శేషు ప్లీజ్ వెళ్లిపో!’ అంది. నేను ఇంటికి వచ్చేశా. తరువాత ఎన్నో సార్లు వాళ్ల వీధిలోకి వెళ్లా. ఎప్పుడూ బయట ఉండేది కాదు. అలా ఒకరికి ఒకరం ఇష్టపడ్డా ఫ్యామిలీల వల్ల వేరయ్యాం. తను ఎక్కడవుందో తెలియదు. మ్యారేజై ఉంటుంది. ‘శేషు! నీ నవ్వు, నువ్వు ఏమిటో.. ఎందుకో..’ అని తను దీర్ఘం తీస్తూ అనే మాటలు ఇప్పటికి మర్చిపోలేదు. ఎక్కడ ఉన్నా నువ్వు సంతోషంగా ఉన్నావని అనుకుంటున్నా. .. నీ శేఖర్‌ చదవండి : ప్రేమ ప్రయోగం నా కొంపముంచింది!

నేను డిగ్రీ చదువుతున్న రోజులు. ఇంటర్‌ తర్వాత డిగ్రీకి మా ఊరు నుంచి టౌన్‌కు డైలీ అప్‌ అండ్‌ డౌన్‌ చేయాల్సి వచ్చింది. కొత్తలో బస్‌స్టాండ్‌లోకి.. ముఖ్యంగా నలుగురు ముందుకు రావాలంటే చాలా ఇబ్బంది పడేవాన్ని. అలా రోజులు గడిచిపోతున్నాయి. నాకు చిన్నప్పటినుంచి హీరో సూర్య అంటే చాలా ఇష్టం. అతడి సినిమాలు బాగా చూసేవాడ్ని. సూర్య సన్‌ఆఫ్‌ కృష్ణన్‌ సినిమాను డీవీడీలో ఎన్ని సార్లు చూశానో లెక్కేలేదు. ముఖ్యంగా అందులోని ట్రైన్‌ సీన్‌ నన్ను బాగా ఆకట్టుకుంది. నాకప్పుడు అనిపించింది.. ఓ అమ్మాయి వైపు చూడగానే ప్రేమలో పడతామా అని! ఆలోచించాను.. మరీ ఎక్కువగా ఆలోచించి జుట్టుపీక్కోవటం ఇష్టంలేక ఓ నిర్ణయానికి వచ్చాను. ఎవరైనా ఓ అందమైన అమ్మాయి మీద ప్రయోగం చేద్దామనుకున్నాను. అప్పుడప్పుడు మా బస్సులో కనిపించేది ఓ అమ్మాయి.. మా కంటే సీనియర్‌! అప్పుడు తను ఎంబీఏ ఫైనల్‌ ఇయర్‌ చదువుతోంది. ఆమె అయితే బాగుంటుంది అనుకున్నాను. అవకాశం కోసం ఎదురు చూస్తున్న సమయంలో ఓ రోజు బస్సులు ఆలస్యంగా వచ్చాయి. వెంటవెంటనే రెండు బస్సులు రావటంతో అందరూ ముందుగా కదిలే బస్సు ఎక్కి వెళ్లిపోయారు. వేళ్ల మీద లెక్కపెట్టే మందిమి మాత్రమే రెండో బస్సులో ఉన్నాము. అందులో ఆమె కూడా ఉంది. వెన్నెల రాత్రిలో.. బస్సులోకి చల్లగా వీస్తోంది గాలి. అంతా ఓ కళలా ఉంది! తను ఎడమ వైపు ఉండే సీట్లో నా ముందుగా కూర్చుంది. ఆమె వైపే చూస్తూ ఉండిపోయాను. ఎంత సేపు చూస్తూ ఉన్నానో నాకు తెలియదు.. గంట ఇట్టే గడిచిపోయింది. అంతలోనే నేను దిగాల్సిన స్టాప్‌ వచ్చింది. అయిష్టంగానే దిగివెళ్లిపోయాను కానీ, తనంటే అప్పటినుంచి ఇష్టం ఏర్పడింది. ఇక ప్రతి రోజూ తన కోసం బస్సు వెతికే వాడ్ని. తను రోజూ వచ్చే బస్సుకే నేను కూడా ఎక్కేవాడ్ని. ఒక వేళ తను ఆ బస్సుకు రాకపోతే! మధ్యలో బస్సు దిగి ఆమె వస్తుందనే నమ్మకం ఉన్న వేరే బస్సు ఎక్కేవాడ్ని. తను కనిపించపోతే ఏదోలా ఉండేది. కొన్ని నెలల తర్వాత నేను తనని చూస్తూన్నానని తనుకు కూడా తెలిసిపోయింది. ఎవరా! అని నన్ను చూడటం మొదలుపెట్టింది. నేను కొద్దిగా ధైర్యం చేసి తన సీటు పక్కగా నిలబడటం, లేదా ఆమె దగ్గరిగా ఉండే సీట్లో కూర్చోవటం చేసేవాడ్ని. కొన్ని రోజుల తర్వాత తను కనిపించలేదు. ఎందుకని ఆరా తీస్తే! ఫైనల్‌ సెమిస్టర్‌ ఎక్షామ్‌ అని.. ఆ తర్వాతినుంచి తను రాదని తెలిసింది. అంతే! నా మనసు మనసులో లేదు. రాత్రిళ్లు నిద్ర కూడా సరిగా పట్టేది కాదు. నాకు మొదటిసారి మా హీరో మీద కోపం వచ్చింది.. ప్రేమ ప్రయోగం నా కొంపముంచిందనిపించింది. ఓ వారంరోజుల తర్వాత తను కనిపించింది. అదే తనని చివరి సారి చూడటం. తను కనిపించని రోజులు నేను పడ్డ బాధ ఆ దేవుడికే తెలుసు ఆ బాధనుంచి కోలుకోవటానికి చాలా రోజులు పట్టింది. ఇంకెప్పుడూ ప్రేమ ప్రయోగాల జోలికి పోకూడదనిపించింది. - శేషు, చెన్నై

2017లో డిగ్రీ కంప్లీట్‌ చేసి గవర్నమెంట్‌ జాబ్‌కి ప్రిపేర్‌ అవుతున్నా. అప్పుడే ఆర్‌ఆర్‌బీ పోస్టులు పడితే అప్లై చేసి కోచింగ్‌ తీసుకుంటున్నాను. కోచింగ్‌ సెంటర్‌లో చేరినపుడు స్టడీ.. హోమ్‌ తప్ప ఇంకేమీ ఉండేది కాదు. ఆ ఇన్‌స్టిట్యూట్‌లో చాలా మంది నాకు ప్రపోజ్‌ చేశారు. బట్‌ పెద్దగా పట్టించుకునేదాన్ని కాను. ఓ రోజు మధ్యాహ్నం ఒక అబ్బాయి నాతో మాట్లాడటానికి ట్రై చేశాడు. సైన్స్‌ బుక్‌ గురించి అడుగుతున్నాడు.. మా ఫ్రెండ్‌ రెస్పాండ్‌ అవుతోంది‘ మేము తీసుకోలేదు.. వేరే వాళ్ల దగ్గర జిరాక్స్‌ ఉంది తీసుకోండి’ అంది. తర్వాత తను నాకు సైట్‌ కొడుతున్నాడని తెలిసింది. ఓ రోజు ఎఫ్‌బీ, ఇన్‌స్టాగ్రామ్‌ ఐడీలు అడిగాడు. ఇవ్వాలా? వద్దా? అనుకున్నా.. తను ఫ్రెండ్లీగా అడుగుతున్నాడేమో అనుకుని చెప్పేశా. తర్వాతి రోజు ఇన్‌స్టాగ్రామ్‌లో నాకు మెసేజ్‌ చేశాడు. ‘హాయ్‌’  అని. అలా పరిచయం మొదలైంది. ఎంతో రెస్పెక్ట్‌ఫుల్‌గా మాట్లాడేవాడు. కొన్ని రోజుల తర్వాత ప్రపోజ్‌ చేశాడు. నేనపుడు ఒప్పుకోలేదు. తను ఏప్రిల్‌లో ప్రపోజ్‌ చేస్తే నేను డిసెంబర్‌లో ఓకే చెప్పాను. ప్రేమించుకున్నప్పటికి ఎప్పుడు కూడా మేము బయట తిరగలేదు! కాల్స్‌, చాటింగ్స్‌ అంతే.. తనకు డిసెంబర్‌లో జాబ్‌ వచ్చి వెళ్లిపోయాడు. మా మధ్యలో అంత స్ట్రాంగ్‌ బాండింగ్‌ ఉండేది కాదు. ఏదో మాట్లాడుకున్నామా అంతే! అలా మా రిలేషన్‌లో గొడవలు కూడా అయ్యేవి. ఒకసారి ఓ నెల రోజులు ఏమీ మాట్లాడుకోలేదు. తర్వాత మాట్లాడుకున్నాం. ఇంట్లో వాళ్లు నాకు సంబంధాలు చూడటం మొదలుపెట్టారు. తనకు చెప్పా! పెద్దగా రియాక్ట్‌ కాలేదు. ‘ అనవసరమైన విషయాలు నాకెందుకు చెబుతున్నావ్‌!’ అన్నాడు ఒకసారి. ఆ రోజునుంచి నేను తనతో మ్యాచెస్‌ గురించి చెప్పటం మానేశాను. కొన్ని రోజులకు నాకు పెళ్లి ఫిక్స్‌ అయింది. పెళ్లి కుదిరిన రెండురోజులకు తనకి మెసేజ్‌ చేశా. శుభాకాంక్షలు చెప్పాడు. ఏమీ అనలేకపోయా! తర్వాతి రోజు నాతో‘ మ్యారేజ్‌ క్యాన్సిల్‌ చేస్కో! నువ్వు నాకు కావాలి.’ అనటం మొదలుపెట్టాడు. ఇన్ని రోజులు ఏమైంది అనుకున్నా మనసులో. నిజానికి తనంటే నాకు కూడా ఇష్టమే.. తనే చాలా నార్మల్‌గా ఉండేవాడు మా రిలేషన్‌లో. నేను కూడా అలాగే ఉండేదాన్ని. ‘నేనిపుడు ఏమీ చేయలేను! ఇప్పుడంతా అయిపోయింది. మా వాళ్లు అబ్బాయి వాళ్లకు డౌరీ కూడా ఇచ్చేశారు. అందరికీ చెప్పేసుకున్నారు. నాకసలు ఈ పెళ్లి ఇష్టంలేదు. కానీ, మా వాళ్లు బలవంతపెట్టేసరికి ఒప్పుకోవల్సి వచ్చింది’  తనకు అంతా క్లియర్‌గా చెప్పేశాను. అతను చాలా ఏడ్చాడు! సూసైడ్‌ అటెంప్ట్‌ కూడా చేశాడు. కానీ, నా పెళ్లి అయిపోయింది. నేనిప్పుడు ఢిల్లీలో ఉంటున్నా. ఓ రోజు ఓ ఈవెంట్‌ ఉంటే ఊరికి వచ్చాను. ఆ విషయం తెలుసుకుని ఆ ఈవెంట్‌కు వచ్చేశాడు. నేను ఆటో దిగేసరికి అక్కడ ఉన్నాడు. ‘అతనేంటి ఇక్కడ’ అని షాక్‌ అయ్యాను. ‘నీతో కొంచెం మాట్లాడాలి! బైక్‌ ఎక్కు బయటకు వెళదాం’ అన్నాడు. నేను వినిపించుకోలేదు. అతన్ని వెళ్లిపోమని చెప్పి లోపలికి నడిచా. సాయంత్రం వరకు అక్కడే ఉన్నాడు. మా స్నేహితులు వార్నింగ్‌ ఇద్దామనుకున్నారు. మేము బయటకు వచ్చేలోపు వెళ్లిపోయాడు. చాలాసార్లు కాల్‌ చేశాడు. ఏంటో అని నేను లిఫ్ట్‌ చేశా. ‘నాకు నువ్వు కావాలి. నువ్వులేకుండా ఉండలేను’ అని చెప్పుకుంటుపోయాడు. నేను నచ్చచెప్పటానికి ఎంతో ట్రై చేశా. వాడికి తెలుసు.. వాడంటే నాకు చాకు చాలా ఇష్టం అని. ఆ రోజు మాకు గొడవ కాకుండా ఉండిఉంటే ఈ రోజు ఇలా ఉండేది కాదేమో.. వాడు ఇప్పుడు ఇస్తున్న ప్రాధాన్యత, చూపిస్తున్న ప్రేమ అప్పుడు చూపించి ఉంటే అసలు ఈ పెళ్లి జరగకపోయేది. మ్యారేజ్‌ గురించి చెప్పినా ఎందుకు రెస్పాండ్‌ అవ్వలేదని అడిగా. ‘నాకు నీపై నమ్మకంరా నువ్వు వేరే మ్యారేజ్‌ చేసుకోవని, అందుకే రియాక్ట్‌ కాలేదు. సరే నా తప్పు ఒప్పుకుంటున్నా. ఇప్పుడు పెళ్లి చేసుకుందాంరా! మీ ఆయనకు విడాకులు ఇచ్చేయ్‌’ అన్నాడు. వాడిని చూస్తుంటే ఏం చేసుకుంటాడో అని భయం వేస్తోంది. ‘ సరే చేసుకుందాం. నువ్వేమీ చేసుకోకు’ అన్నా. అప్పటినుంచి పిచ్చిపిచ్చిగా చేయటం మానేశాడు. నేను ఇప్పటికీ చెబుతూనే ఉన్నా మన మ్యారేజ్‌ జరగదురా అని కానీ తను అస్సలు అర్థం చేసుకోవటం లేదు. డైలీ ఏదో ఒకటి చేసుకుంటున్నాడు.. ఏడుస్తున్నాడు. ఎప్పుడైనా వీడియో కాల్‌ చేస్తే! చాలా ఎమోషనల్‌ అయిపోతాడు. వాడికి ఎలా నచ్చచెప్పాలో అర్థంకావటం లేదు. పోనీ మొత్తానికే వదిలేద్దామనుకుంటే ఏమన్నా చేసుకుంటాడేమోనని భయం. ఏమైనా అంటే ‘నువ్వు నా దానివి అంతే’ అంటాడు. తను కోరుకున్న చిరునామా తనది కాదని చెప్పినా అర్థంకాదు. నేను మా భర్తతో దిగిన ఫొటోలు ఎఫ్‌బీలో చూసినపుడు కోపం కట్టలు తెంచుకుంటుంది. ఆ ఫొటోలు తీసేదాకా ఊరుకోడు. వాడికి కోపం ఎక్కువే.. ప్రేమ ఎక్కువే. చాలా సార్లు చెప్పా‘ నీకు మంచి జాబ్‌ ఉంది. పెళ్లైన అమ్మాయిని చేసుకోవల్సిన అవసరం ఏముంది. చక్కగా వేరే అమ్మాయిని చేసుకో.. నువ్వు అనుకుంటున్నవి ఏవీ జరగవు’అని. నాకు పెళ్లైందన్న మాట వింటేనే అతడికి చాలా కోపం వస్తుంది. ‘ నా దృష్టిలో నీకు ఇంకా పెళ్లి కాలేదు. నువ్వు ఆ టాపిక్‌ తీయకు’ అంటాడు. ‘ ఈ ప్రేమ మనం ప్రేమించుకునే సమయంలో చూపించాల్సింది. ఇప్పుడుకాదు’ అంటే. ‘ అపు​డు నువ్వు నాతోనే ఉంటావనుకున్నా’ అని అంటాడు. ఏది ఏమైనా వాడికి ఇంకా అర్థం కావటం లేదు. రీసెంట్‌గా మిర్రర్‌ పగులగొట్టి చెయ్యి మొత్తం కోసుకున్నాడు. అర్థం చేసుకోవట్లేదు. నా మాట అస్సలు వినటం లేదు. ఈ విలువలు కట్టుబాట్లు తెంచుకుని నీ కోసం రాలేనురా! నన్ను క్షమించు.. దయచేసి నాపై కాకుండా నీ కెరీర్‌పై దృష్టి పెట్టు. నీకు మంచి వైఫ్‌ వస్తుంది. ఇదంతా నీకు అర్థం కావాలని కోరుకుంటున్నా.  .. నీ లవ్‌లీ స్వీటీ

నేను హైదరాబాద్‌లో ఓ ఇంట్లో అద్దెకి ఉండేవాన్ని. ఆ ఇంట్లో నేను పై పోర్షన్‌లో ఉండేవాన్ని.. క్రింద ఉన్న ఓ పోర్షన్‌లో ఓ అమ్మాయి ఉండేది. తను అప్పుడే ఎంబీఏ జాయిన్‌ అయ్యింది. నేను కాంట్రాక్టు వర్క్ మీద బాన్సువాడకి పోయాను. అప్పడు తను చేసిన కాల్‌తో మా మధ్య పరిచయం ఏర్పడింది. చిన్న పరిచయం కాస్తా స్నేహంగా మారింది. మొదట్లో నేను వద్దనుకున్నా కానీ, ఆమె చూపించే ప్రేమకి నేను కూడా పడిపోయాను. ఈ లోపు ఎలా మారిందో తెలియదు కానీ స్నేహం కాస్తా నా వైపు నుంచి ప్రేమగా మారింది. అలా 3 సంవత్సరాలు గడిచిపోయాయి. ఎంతగా అంటే తెలియకుండానే రోజులు గడిచిపోయాయి. మా కబుర్లకు గంటలు కూడా సెకన్లలా గడిచిపోయేవి. తనకి దేవాలయాలు అంటే చాలా ఇష్టం! నన్ను అన్ని టెంపుల్స్‌కి తిప్పేది. నాతో చేయించని పూజలు లేవు. ఒకరిని విడిచి ఒకరం ఉండలేని అనుబంధం మా మధ్య ఏర్పడింది. తెలియకుండానే ఒకరంటే ఒకరికి ప్రాణమైపోయాం. ఏ దేవుడు మమ్మల్ని విడదీయలేడు అనుకున్నా. నా రోజు తన మాటతోనే మొదలవుతుంది.. ముగుస్తుంది. ఎంత బిజీగా ఉన్నా.. నాకు ఐ లవ్‌ యూ, గుడ్ నైట్ చెప్పనిదే పడుకునేది కాదు. మేమిద్దరం రహస్యంగా పెళ్లి చేసుకుందామని చాలా సార్లు అనుకున్నాం. ఒకసారి టెంపుల్‌కి వెళ్లాం. కానీ, వేరే కారణం వల్ల తిరిగి వచ్చేశాము. నా ఫోన్ కలువకుంటే తను మా ఫ్రెండ్స్‌కి చేసేది. అంతగా ఇష్టపడేది. తను మా ఇంట్లో వాళ్లతో.. మా బంధువులందరితో మాట్లాడేది. నన్నే పెళ్లి చేసుకుంటానని అందరికీ చెప్పేది. ఎంగేజ్మెంట్ రింగ్ కూడా అలానే దాచుకున్నాను. ఎంగేజ్మెంట్ అయ్యాక వేరే అబ్బాయిని ఎలా పెళ్లి చేసుకుంటానని తనే అన్నది. అవన్నీ మరచిపోని అనుభూతులు. తన ఎంబీఏ కంప్లీట్ అయ్యాక కొన్ని రోజులకి తనకు జాబ్ వచ్చింది. జాబ్‌లో జాయిన్ అయిన తర్వాత జాబ్‌ చేయటం ఇష్టం లేదంది. ‘మొదట్లో ఎక్కడైనా అలానే ఉంటది’ అని చెప్పి నేనే పంపించాను. అదే నేను చేసిన మిస్టేక్.. తన మీద నమ్మకం చాలా ఉండేది. ఆఫీస్‌కు పోయినప్పటి నుండి ఇంటికి వెళ్ళేదాక ఎప్పుడు టైం దొరికినా కాల్ చేసేది. ప్రశాంతంగా సాగిపోతున్న నా ప్రేమ కథలోకి వచ్చిందో ప్రమాదం. ఆఫీస్‌లో పని చేస్తున్న ఓ పెళ్లైన వ్యక్తితో తనకు పరిచయం ఏర్పడింది.  ఆ అమ్మాయి అంత వయస్సు ఉన్న కూతురు.. ఒక అబ్బాయి ఉన్నాడు. కానీ, అతడి ఫ్యామిలీ హైదరాబాద్‌లో ఉండదు. అదే తనకి కలిసి వచ్చింది. వాళ్ల మధ్య ఏ బంధం లేదని తను చెబితే నమ్మాను. నేను కూడా అసలు అలా అనుకోలేదు కొన్ని రోజులు. కానీ తను ఫస్ట్‌లో తండ్రి లాంటి వ్యక్తి అంది. పోను పోనూ వాళ్ల మధ్య బంధం దగ్గర అవుతూ.. మా మధ్య బంధం దూరం అవుతూ వచ్చింది. నేను ఫోన్ చేసిన ప్రతీసారి కాల్ వెయిటింగ్ అని వచ్చేది. అడిగితే అమ్మ అనేది. నా కాల్ కట్ చేసి ఆఫీస్‌లో బిజీగా ఉన్నా అని మెసేజ్ పెట్టడం.. ఆఫీస్ అయ్యాక అతడి కార్‌లో పోతూ మెట్రోలో పోతున్నా అని చెప్పేది. ఆ వ్యక్తి ఇల్లు ఆఫీస్ దగ్గరే.. అయినా ఆమె కోసం ఎక్కడో దూరంగా వున్న తన ఇంటి దగ్గర డ్రాప్ చెయ్యటం చేసేవాడు. నేను అడిగితే మెట్రోలో పోతున్నా అనటం నాకు అనుమానాన్ని తెచ్చాయి. కొన్ని పరిణామాలతో నాలో అనుమానాలు బలపడ్డాయి. తను నాతో ఉన్నా కూడా ఆ వ్యక్తితో ఫోన్ మాట్లాడేది. నెంబర్‌ చూపించమంటే తీసేసేది. ఎందుకంటే వేరే ఫ్రెండ్ అని చెప్పేది. నన్ను కాదని ఆ వ్యక్తితో సినిమాలకి షాపింగ్‌లకి పోవడం నాలో భరించలేని బాధని తెచ్చాయి. ఓసారి ఇద్దరూ నా కంట పడ్డారు. సరే అని వదిలేసాను. తర్వాత అడిగాను ‘మీరిద్దరూ ఆఫీస్‌లో ఉండేటోళ్లు కదా మళ్లీ ఎందుకు అక్కడ ఆగటం?’ అని. తనకు చాలా సార్లు చెప్పి చూశాను. కానీ, తను వినలేదు. ‘అలా ఎందుకు చేస్తున్నావ్?’ అని అడగటమే నేను చేసిన తప్పు. ఆ వెంటనే నన్ను దూరం పెట్టడం స్టార్ట్‌ చేసింది. నా నెంబర్‌ కూడా బ్లాక్ చేసింది. అసలు నేనేమి తప్పు చేశానో నాకే అర్థమవ్వట్లే.. అసలు తను ఎందుకు అలా చేస్తుందో, తను చేసేది తప్పని తనకి ఎందుకు అర్దమవ్వట్లే. ఆ వ్యక్తికి అయినా అది తప్పని అనిపించట్లేదా? తను ఆ వ్యక్తి మాయలో పడటం నాకు ఇంకా బాధగా ఉంది. భరించరాని నరకంలా ఉంది. ప్రేమంటే స్థాయి, అంతస్తులు చూసి లెక్కలేసుకోవడం కాదు. ఏమీ లేకున్నా, ఏమీ ఆశించకుండా నేనున్నాను అనే భరోసా ఇవ్వడం. కానీ, నీకోసం పడే ఈ బాధ కూడా నాకు మధురంగానే ఉంది. తనని వదిలి వస్తాను అని హామీ ఇస్తానంటే జీవితాంతం నీ కోసం ఎదురు చూస్తూనే ఉంటాను. లేదంటే ఇక నువ్విచ్చిన ఈ మధురస్మృతులతోనే జీవితం గడిపేస్తాను.. - నీ నాని

9వ తరగతి చదువుతున్నపుడు మా క్లాసులోకి కొత్తగా ఓ తమిళమ్మాయి వచ్చింది. తను ఏమంత అందంగా లేదు, నాకు అప్పట్లో ప్రేమ అంటే ఏంటో తెలియదు. ఓసారి బయట గొడవలలో ఆ అమ్మాయి అన్నతో గొడవ పడ్డాము. వాళ్ల అన్నతో గొడవపడినందుకు తను నాతో గొడవపెట్టుకుంది. అలా అలా ఎప్పుడూ క్లాస్లో గొడవపడే వాళ్లము. నేను లెక్కలు బాగా చేసేవాడిని. అందువల్ల నేను గ్రూప్ లీడర్‌గా ఉండే వాడిని. ఆ అమ్మాయి నా గ్రూప్లో మెంబర్. అలా మా మధ్య ఫ్రెండ్షిప్ మొదలయింది. 10వ తరగతిలో వేరే అమ్మాయి నాతో క్లోజ్‌గా ఉంటే తను నన్ను తిట్టేది. రోజు నా కోసమే త్వరగా స్కూల్కు వచ్చేది. అలా స్కూల్ లైఫ్ అయిపోయింది. అప్పట్లో ఫోన్స్ వాడకం లేకపోవడం వలన మా మధ్య ఎలాంటి పరిచయం లేకుండా పోయింది. ఇంటర్లో తను ఏదో సిటీలో.. నేను మా ఊరిలో చదువుకున్నాము. ఆ తర్వాత నేను బీటెక్ సిటీలోని మంచి కాలేజ్‌లో జాయిన్ అయ్యాను. క్లాస్‌లో మొదటి రోజు మొదటి బెంచ్లో ఒక అమ్మాయి కూర్చుని ఉంది. వెనుక నుండి చూడడానికి తను ఆచ్చం నా స్కూల్ ఫ్రెండ్లానే ఉంది. పలకరించడానికి వెళ్లాను కానీ తను వేరు. అలా నా బీటెక్ లైఫ్‌లో మొదటిగా ఒక అమ్మాయితో పరిచయం.. అదీ నా స్కూల్ ఫ్రెండ్ ఆలోచనలతో మొదలయింది. 7 సంవత్సరాల తరువాత టెన్త్‌ క్లాస్ వాళ్లము గెట్‌టుగెదర్‌ అయ్యాం. కానీ తను రాలేదు. ఇంకొక అమ్మాయి ద్వారా ఆ అమ్మాయి నెంబర్ దొరికింది. పలకరించడానికి కాల్ చేశా! తను నా కాల్ ఆన్సర్ చేసి ‘నేను బిజీగా ఉన్నా’ అని రిజెక్ట్ చేసింది. తరువాత రోజు తనే కాల్ చేసి సారీ అంది. బాగోగులు తెలుసుకున్నాం. అప్పటి నుండి నాలుగు నెలలు బాగా చాట్, కాల్స్ చేసుకునేవాళ్లము. ఒక రోజు తను పంపిన ప్రశ్న" వచ్చే జన్మలో నాతో నీకు ఎటువంటి రిలేషన్ కావాలి " దానికి నేను ‘ఫ్రెండ్’ అని సమాధానం ఇచ్చాను. అదే ప్రశ్న తనకు పంపి తన సమాధానం అడిగితే " భర్త " అని సమాధానం పంపింది. తన మీదున్న ఆసక్తి లేదా ఇష్టమో తెలియదు వెంటనే నా సమాధానం " దానికి వచ్చే జన్మ వరకు ఎదురుచూడాలా? " అని అడిగాను. తను " ఐ లవ్ యూ " అని మెసేజ్ పంపింది. నేను ‘లవ్ యు టూ’ అని రిప్లై పెట్టాను. అలా మొదలైన మా రిలేషన్ చిన్న గొడవలు పెద్ద పెద్ద గొడవలుగా మారి ఇద్దరం విడిపోయే వరకు వచ్చి.. మళ్లీ ఒకరికొకరు ఎదురు పడితే అన్ని విషయాలు మరచిపోయి జీవితంలో ముందుకు వెళ్లే వాళ్లము. అలా ఇద్దరం 11  సంవత్సరాలు ప్రేమలో గడిపాము. తను నా కోసం చాలా మారింది. నన్ను మా అమ్మలా చూసుకునేది. నా కోపాన్ని ముందే పసిగట్టేది. నాకు ఇష్టం లేని పని తనకు ఎంత ఇష్టమైనదైనా చేసేది కాదు. ఎప్పుడు నా ఆలోచనలతో నాతో మాత్రమే ఫోన్లో మాట్లాడేది. రోజులో చివరి మాటా నాతోనే మొదటి మాటా నాతోనే. ఇద్దరం మంచి పోజిషన్‌లో సెటిల్ అయ్యాము. నేను బిజినెస్‌లో.. తను జాబ్లో. హ్యాపీగా లైఫ్ వెళ్తున్న సమయంలో మా ఇంట్లో పెళ్లి చూపులు అరెంజ్ చేశారు. వెంటనే మా అమ్మకు మా విషయం మొత్తం చెప్పాను . తను వేరే కులం అని, వేరే ప్రాంతం అని ఒప్పుకోలేదు. చాలా సార్లు చెప్పిచూశా.. గొడవ పడినా మా ఇంట్లో వాళ్లు మారలేదు. అప్పుడు కూడా తనకు విషయాలు చెప్తూ ఫోన్లో మాట్లాడేవాడిని. నా బిజినెస్‌లో కష్టం వచ్చిన ప్రతిసారి తను నా పక్కన నిలబడి నాకు ఒక సపోర్ట్ ఇచ్చేది. ఇంటిలో గొడవలు, బిజినెస్ టెన్సన్స్.. తనకు జాబ్ టెన్సన్స్. ఇద్దరి వయసులు పెళ్లికి దగ్గరగా వస్తున్నాయి. ఇంట్లో వాళ్లు ఫోర్స్ చేస్తున్నారు. ఎంత చెప్పినా ఇంట్లో ఒప్పుకోలేదు. ఒకసారి ఆమెను కలిసి విషయం చెప్పి పట్టుకుని ఏడ్చేశా.  నా లైఫ్‌లో 22  సంవత్సరాల తరువాత నేను ఏడవడం చూసి తను ఏమనుకుందో తెలియదు . తరువాత తను, నన్ను నా ఫ్యామిలీ కోసం త్యాగం చేసింది. నా నెంబర్ బ్లాక్ చేసింది, ఎంత ప్రయత్నించినా తను నాతో మాట్లాడలేదు. కానీ ఫ్రెండ్స్ ద్వారా తెలుసుకుంటే తను 23  రోజులు రూమ్ నుండి బయటకు రాకుండా ఏడుస్తూ గడిపిందని. మూడు నెలలు తను నా ఆలోచనలతో రోజులు గడిపిందని తెలిసింది. నా ఫ్యామిలీ ఆనందం కోసం నన్నే త్యాగం చేసిన అమ్మాయిని కోల్పోయి నేను జీవితంలో ఓడిపోయాను. ప్రతి రోజు తన ఆలోచనలు, తన జ్ఞాపకాలే. బహుశా ప్రేమలో ఆనందం కన్నా బాధ ఎక్కువ ఉంటుందనడానికి మా జీవితాలు ఒక ఉదాహరణ. నా ప్రాణం ఉన్నంత వరకు తను ఎప్పటికి నా ప్రియురాలే తనే నా మొదటి ప్రేమ.. చివరి ప్రేమ. ఇట్లు నా" సిరి "ని అందుకోలేని దురదృష్టవంతుడు.. రాజు లేదా worldoflove@sakshi.comకు మెయిల్‌ చేయండి

నేను 2010లో 10వ తరగతి మా మావయ్య వాళ్ల ఇంట్లో ఉండి చదువుకున్నా. మావయ్యకి ఒక అమ్మాయి ఉంది. తన పేరు రేణుక తను నా కన్నా 2 ఏళ్లు చిన్నది. తనంటే నాకు చాలా ఇష్టం! నేనంటే కూడా తనకి చాలా ఇష్టం. మేము ఎప్పుడూ గొడవ పడుతూనే ఉండేవాళ్లం. నా 10వ తరగతి అయిపోయాక నేను మా ఊరికి వెళ్లిపోయా. వాళ్ల ఇంటి నుంచి వచ్చినప్పటి నుంచి నాకు నా మరదలే గుర్తొచ్చేది. తనకి ఎలాగైనా నా ప్రేమ గురించి చెప్పాలనుకున్నా. ఒక రోజు వాళ్ల ఇంటికి వెళ్లా. ’నీతో మాట్లాడాలి’ అని అన్నా. తను ‘ఏంటి చెప్పు!’ అంది. నాకు ధైర్యం చాలలేదు.. చాలా భయం వేసింది. మేము భోజనం చేసే టైమ్‌లో నా దగ్గర ఉన్న కీ పాడ్‌ సెల్‌ ఫోన్‌లో ఐ లవ్‌ యూ సింబల్స్‌ చూపించా. అది చూసి నా మరదలు ‘ఏంటి’ అని నవ్వింది. నేను కొంచెం ధైర్యం చేసి ‘నేను నిన్ను ప్రేమస్తున్నాను’ అని చెప్పేశా. తను ఏం మాట్లాడలేదు. ఆ రోజు నేను మా ఇంటికి వెళ్లిపోయాను. రెండురోజుల తర్వాత తను నాకు ఫోన్ చేసింది! వాళ్ల నాన్న ఫోన్ నుండి. ఆ రోజు నాకు ఇప్పటికీ గుర్తుంది 2010 నవంబర్‌ 15. ఆ రోజు తను ఫోన్ చేసి ‘నువ్వంటే నాకు చిన్నప్పటి నుంచి చాలా ఇష్టం’ అని చెప్పింది. ఇక చూడు నా ఆనందానికి హద్దే లేకుండా పోయింది. ఆ రోజు అంతా నిద్ర కూడా పట్టలేదు. తన గురించే ఆలోచిస్తూ ఉండిపోయా. అలా రెండు సంవత్సరాలు గడిచిపోయింది. 2012లో నేను పాలిటెక్నిక్‌ మూడో సంవత్సరం. తనేమో పదో తరగతి చదువుతోంది. అప్పుడే మా విషయం ఇంట్లో తెలిసిపోయింది. ఆ రోజు చాలా పెద్ద గొడవ అయ్యింది. మా మావయ్య నా మరదలని కొట్టాడు కూడా. ఇంట్లో ఎంత తిట్టినా, కొట్టినా నేనే కావాలని చెప్పేసింది. ‘పెళ్లంటూ చేసుకుంటే బావనే చేసుకుంటా’ అని చెప్పింది. ఆ రోజు నుంచి వాళ్ల ఇంటికి వెళ్లడం మానేశా. ఓ సంవత్సరంనర్ర పాటు మేము ఒకరినొకరం కలవలేదు, మాట్లాడుకోలేదు. మా ప్రేమ గురించి మా ఇంట్లో.. వాళ్ల ఇంట్లో మా బంధువులందరికీ తెలిసిపోయింది. 2013లో పాలిటెక్నిక్‌ కంప్లీట్‌ అయ్యాక నాకు జాబ్ వచ్చింది. జాబ్ చేస్తూ ఆ అమ్మాయిని తలుచుకుంటూ అలా రోజులు గడిచిపోయాయి. తను ఇంటర్ కాలేజ్‌లో జాయినయ్యింది. ఒకరోజు తను నాకు ఫోన్ చేసింది. వాళ్ల ఫ్రెండ్ మొబైల్ నుంచి. ఆ రోజు మేము చాలా మాట్లాడుకున్నాం. వాళ్ల ఇంట్లో ఏమంటున్నారో చెప్పింది. ‘తనకి ఇష్టమైన వాళ్లనే ఇచ్చి పెళ్లి చేస్తా’ అని వాళ్ల నాన్న అన్నాడని చెప్పింది. నాకు చాలా ఆనందం వేసింది. అప్పటినుంచి మేము మళ్లీ డైలీ ఫోన్ కాల్స్, మెసేజ్‌లు చేసుకునే వాళ్లం. నేను డైలీ వాళ్ల కాలేజీ దగ్గరకు వెళ్లి కలిసేవాడిని. అలా ఓ సంవత్సరం గడిచిపోయింది. 2015లో నేను ఇంటిదగ్గరలో జాబ్ చేస్తే వాళ్ల నాన్నకి ఎక్కువుగా కనిపిస్తూ ఉంటానని హైదరాబాద్‌లో జాబ్ చూసుకుని వెళ్లిపోయా. అలా మూడు సంవత్సరాలు గడిచిపోయింది. 2018 నా మరదలు డిగ్రీ అయిపోయింది. తనకు క్యాంపస్ ఇంటర్వ్యూలో జాబ్ వచ్చింది. విప్రో కంపెనీ హైదరాబాద్‌లో. నేను చాలా హ్యాపీగా ఫీల్ అయ్యాను. తను హైదరాబాద్ వచ్చేసింది. మేము డైలీ మీట్ అయ్యేవాళ్లం. ఫోన్ కాల్స్, మెసేజెస్ ఇలా మేము చాలా దగ్గరైపోయాం.  - రాజు, కాకినాడ లేదా worldoflove@sakshi.comకు మెయిల్‌ చేయండి

నేను బీటెక్‌ పూర్తి చేసిన తర్వాత ఇంటి దగ్గర ఉన్నాను. అప్పుడు మా నాన్న గారికి యాక్సిడెంట్ అయితే హాస్పిటల్ ఉన్నాను. ఒక వారం రోజులు అక్కడే ఉన్నాను. నేను మా అమ్మ, నాన్నమ్మ అక్కడే ఉన్నాం. అప్పుడే ఫేసుబుక్‌లో ఒక మెసేజ్ వచ్చింది ‘హాయ్’ అని, నేను కూడా ‘హాయ్’ అని రిప్లై ఇచ్చాను. తనకి నేను తెలిసిన వారిలా చాట్ చేశాడు. నేను మా బాబాయిని అడిగాను.. ఇలా ఎవరో చాట్ చేస్తున్నారని. తను నీకు వరసకి బావ అవుతాడని చెప్పాడు. మన వాళ్లే కదా అని చాట్ చేశాను. చాటింగ్ తరవాత కాల్స్.. అలా అలా చాలా మాట్లాడుకున్నాము. తను నాకు ప్రపోస్‌ చేశాడు. నాకు అలాంటి ఆలోచన లేదన్నాను. నాకు చదువు, మా ఫ్యామిలీతో హ్యాపీగా ఉండటం అదే తెలుసు. తను నన్ను పెళ్లి చేసుకుంటానన్నాడు. నాకు కొంత టైం కావాలి అన్నాను. ఒక రోజు నాన్న గారిని హాస్పిటల్ తీసుకుని వెళ్లాం. తను ఆ రోజు మా దగ్గరకు వచ్చాడు. అదే ఫస్ట్ టైం తనని చూడటం! చూడగానే తను నాకు నచ్చారనిపించింది. మా ఇంట్లో చెప్పాను. కులాలు కూడా ఒక్కటే అవ్వటం వల్ల మా ఇంట్లో ఒపుకున్నారు. ‘మా ఇంట్లో ఒప్పుకోవాలంటే మంచి జాబ్ తెచ్చుకోవాలి. అప్పుడే మా ఇంట్లో చెప్తాను’ అన్నాడు. అవును కదా మంచి పొజిషన్‌లో ఉంటే అందరికీ మంచిది కదా అని అనుకున్నాను. తను జాబ్ కోసం హైదరాబాద్ వెళ్లాడు. కానీ తనకి జాబ్ రాలేదు. నాకు హైదరాబాద్‌లో జాబ్ వచ్చింది. నేను హైదరాబాద్ వెళ్లాను. రోజులు గడుస్తున్నా తనకి జాబ్ రాలేదు. మా ఇంట్లో నాకు మంచి సంబంధాలు వస్తున్నాయి. ‘తనకి జాబ్ లేదు కదా! ఈ సంబంధం చేసుకో’ అని మా నాన్నమ్మ ఫోర్స్ చేసింది. అప్పుడే తనకి నాకు తెలిసిన ఆఫీసులోనే జాబ్ ఇప్పించాను. మా ఇంట్లో ‘పెళ్లి చూపులకు వచ్చి వెళ్లు’ అని ఫోర్స్ చేశారు. నేను ఆ విషయం తనకి చెప్పాను. ఒకసారి వెళ్లిరా .. అని చెప్పాడు. కానీ తనకు జాబ్ చేసే దగ్గర ఒక అమ్మాయి పరిచయం అయింది. తను నన్ను అవాయిడ్ చేయడం మొదలు పెట్టాడు. కానీ నాకు నాకు తెలియదు వాళ్లు లవ్ చేసుకుంటున్నారని. నేను అడిగాను ‘ఎందుకు బావ నన్ను అవాయిడ్ చేస్తున్నావ్! అని అప్పుడు నన్ను చాలా తిట్టాడు. పెళ్లి చూపులకి ఎందుకు వెళ్లావ్ అని. కానీ, నిజం ఏమిటంటే తను వెళ్లమంటేనే నేను వెళ్లాను. మా ఇంట్లో టైం అడిగి వచ్చాను. అది తను నమ్మలేదు. నన్ను వదిలించుకోవడానికే ఇదంతా చేశారని నాకు తెలిసింది.  నాకు తనంటే చాలా ఇష్టం తన కోసం ఏమైనా చేస్తా అని తెలుసు. అందుకేనేమో తను త్వరగా ఆ అమ్మాయిని వాళ్ల ఇంట్లో చెప్పి 15రోజులకే పెళ్లి చేసుకున్నారు. నాకు చచ్చిపోవాలనిపించింది. చాలా ఏడ్చాను, కానీ తను చాలా హ్యాపీగా ఉన్నాడు. అబ్బాయిని ప్రాణం కన్నా ఎక్కువగా ప్రేమించాను. అదే నా ఫస్ట్ లవ్ కూడా. కానీ ఎప్పుడు తను హ్యాపీగా ఉండాలని ఆ దేవుడిని కోరుకుంటున్నాను. - బుజ్జి, గుంటూరు లేదా worldoflove@sakshi.comకు మెయిల్‌ చేయండి

ఉన్నత చదువుల కోసం స్వగ్రామాన్ని వదిలి విశాఖపట్నంలో చదువుకుంటున్న రోజులవి. 2010 అక్టోబర్ 10న అమ్మ డబ్బులు పంపితే తీసుకోవడానికి ఆర్టీసీ బస్టాండుకు వెళ్లా. అక్కడే తనని మొదటిసారి చూశా. తనకి, నాకు సుమారు 50 అడుగులకుపైగా దూరం. తన కళ్లు నన్ను ప్రత్యేకంగా ఆకర్షించాయి. నేను కూడా తననే చూస్తూ ఉండిపోయా. కాసేపటికి తను వెళ్లిపోయింది. తన వెంటే వెళ్దాం అనుకున్నా. కానీ కుదరలేదు. అలా అప్పటికి తనని మిస్ అయ్యా. కానీ తన ఊహల నుండి దూరం కాలేకపోయా. దాదాపు పది రోజులు గడిచింది. మళ్లీ నేను బస్సులో ఉండగా.. తను ఎదురుగా బస్సు కోసం చూస్తోంది. అప్పుడూ తను నన్ను చూసింది. తన కళ్లు నన్ను వెంటాడుతూనే ఉన్నాయి. మరో నాలుగు రోజులకి అంటే అక్టోబర్ 24న మేం ఉంటున్న వీధిలో కనిపించింది. నాకోసమే వచ్చిందేమో అనుకున్నా. కానీ తను ఉండేది మా వెనుక వీధిలోనేనని తెలిసింది. ఆలస్యం చేయడం ఇష్టం లేక వెంటనే పేరు అడిగి తెలుసుకున్నా. పేరు కాస్త పాతగానే ఉండడంతో ఓ... అన్నా. అంతే నా వైపు సీరియస్‌గా చూసింది. నేను సర్ది చెప్పేలోగా వెళ్లిపోయింది. తన వెంటే వెళ్లా. తను రోజూ ఆ దారిలోనే కాలేజీకి వెళ్తోందని తెలిసి.. నా మొదటి క్లాస్ ఎగ్గొట్టి మరీ తనకోసం ఎదురు చూసేవాణ్ని. తర్వాత కొద్ది రోజులకు ఫోన్ నెంబర్లు మారాయి, మాటలు పెరిగాయి. నిజానికి తనంటే నాకు ఎంత ఇష్టమో తనకి నేనంటే అంతకంటే ఇష్టమని చెప్పింది. తనే ప్రపోజ్ చేసింది. ఆ క్షణం కోసమే ఎదురు చూస్తున్న నేను ఏమాత్రం ఆలస్యం చేయకుండా ఓకే చెప్పా. అలా ఏడాది గడిచింది. నేను పైచదువుల కోసం హైదరాబాద్ వచ్చా. అప్పటి నుండి తన ప్రవర్తనలో చాలా మార్పు వచ్చింది. కాల్ చేస్తే లిఫ్ట్ చేసేది కాదు. ఎప్పుడూ కాల్ వెయిటింగ్. కొత్త కొత్త సిమ్ కార్డులు తీసుకునేది. కలిసినప్పుడు ఆ సిమ్ కార్డులు తీసి తన పర్సులో పెట్టేది. ఒక సారి ఏదో నెంబర్‌ నుండి మెసేజ్ వస్తే ‘ఎవరు’ అని అడిగా ‘అన్నయ్య’ అని చెప్పింది. ఆ నెంబర్‌కు కాల్ చేశా. నన్ను తన అన్నయ్యగా ఆ వ్యక్తికి చెప్పిందన్నాడు. మనసు విరిగిపోయింది. తర్వాత మరో వ్యక్తి అర్ధరాత్రిపూట కాల్ చేసి బయటకు వెళ్దాం అన్నాడు. ఎవరు అని ప్రశ్నిస్తే సమాధానం లేదు. ఎదురింటి వ్యక్తి అని తర్వాత తెలిసింది. చివరికి నేను హైదరాబాద్లో ఉంటే నాకోసం హైదరాబాద్ వెళ్తున్నా అని తన ఎదురింటి వ్యక్తికి చెప్పింది. కానీ నన్ను అన్నయ్యగా పరిచయం చేసిన వ్యక్తితో కలిసి హైదరాబాద్ మొత్తం తిరిగి వారం రోజులు వాళ్లింట్లోనే ఉందని తర్వాత తెలిసింది. అయినా తనే కావాలనుకున్నా. చివరికి నువ్వు నాకొద్దు అంటూ వేరొకరిని పెళ్లి చేసుకుని వెళ్లిపోయింది. నాకు కన్నీరు మిగిల్చింది. తను చేసిన మోసాన్ని భరించలేకపోయా. ఉన్న ఉద్యోగం వదిలేశా. పిచ్చోడిలా చీకటి గదిలో రోజుల తరబడి కూర్చుని ఏడ్చా. ఇప్పుడు నన్ను ఇష్టపడ్డ మనిషిని పెళ్లి చేసుకున్నా. తన పేరు వినిపించిన ప్రతిసారి పాత గాయం నొప్పెడుతూనే ఉంది.. గొంతు మెలిపెడుతూనే ఉంది. - సంతోష్‌, విజయవాడ లేదా worldoflove@sakshi.comకు మెయిల్‌ చేయండి

నేను ఆరవ తరగతి కంప్లీట్‌ చేసుకుని ఏడవ తరగతికి స్కూల్‌ మారాను. 2008లో మొదటిసారి స్కూల్లోకి అడుగుపెట్టాను. అలా స్కూల్లోకి అడుగుపెట్టిన మొదటిసారి నేను చూసిన అమ్మాయి తను. 2012లో నా టెన్త్‌ క్లాస్ కంప్లీట్‌ అయ్యేవరకు నేను మాట్లాడలేదు. చివరి రోజు తనతో మాట్లాడిన మాటలు ‘ఎగ్జామ్‌ ఎలా రాశావ్‌?’ అని. తను బాగా రాశానని చెప్పింది. తనను ఆ రెండు మాటలు అడగటానికి చాలా ధైర్యం తెచ్చుకుని వెళ్లాను. నాలో ఉన్న ప్రేమను మాత్రం చెప్పలేకపోయాను. తర్వాత నా పదో తరగతి క్లాస్‌మేట్స్‌తో ఎవరితోనూ నేను టచ్‌లో లేను. నాలుగేళ్ల తర్వాత మా స్కూల్‌ ఫ్రెండ్‌ ‘ఫేస్‌బుక్‌లో తన ఐడీ చూసి రిక్వెస్ట్‌ పంపించు’ అని ఐడియా ఇచ్చాడు. 2011- 2012లో మా స్కూల్‌ రీయూనియన్‌ అయ్యాము. అలా మళ్లీ తనని కలుసుకున్నా. అప్పుడు కూడా మాట్లాడలేదు.  తన మొబైల్‌ నెంబర్‌ తీసుకుని మా ఫ్రెండ్‌ దగ్గర నుంచి హాయ్‌ అని మెసేజ్‌ చేస్తే తను ఇచ్చిన రిప్లై ఇప్పటికీ మర్చిపోలేను. ‘హాయ్‌ పవర్‌ స్టార్‌’ అని తను రిప్లై ఇచ్చింది. తర్వాత ఓ రెండు నెలలు బాగా మాట్లాడుకున్నాం. నా ప్రేమను ఎలాగైనా తనకు చెప్పాలని మెసేజ్‌ చేశా. తను నా ప్రేమను ఒప్పుకోలేదు. అలా అని ఎవర్నీ ప్రేమించలేదు. అమ్మానాన్న చూసిన అతన్ని చేసుకుంటా అంది. నేను తనకు ఇష్టం లేకపోయినా ప్రేమించు అని బ్యాడ్‌గా బిహేవ్‌ చేశా. తను నాకు దూరమై 3 సంవత్సరాలు గడిచింది. తను దూరమైన తర్వాత నాకు అర్థమైంది. నేను ప్రేమించటం.. తను నన్ను ప్రేమించాలని అనుకోవటం నా తప్పు. ఇద్దరూ ప్రేమించుకునే అవకాశం దేవుడు కొందరికి మాత్రమే ఇస్తాడు. అలాంటి వాళ్లు చాలా లక్కీ.. తను చెన్నైలో ఉంటుంది. 2017లో వరదలు వచ్చినపుడు తనకోసం వెళ్లాను. ఓ రెండు రోజులు తిరిగాను. తను కనిపించలేదు. తెచ్చుకున్న డబ్బు అయిపోయింది. ఆమె కోసం తీసుకెళ్లిన ఫుడ్‌ అక్కడున్న వాళ్లకు ఇచ్చేశాను. వాళ్లతో కలిసి అక్కడే నేనూ తిన్నాను. తర్వాత తనని నేను కలవలేదు. తను లేదని నేను ఎప్పుడూ బాధపడలేదు! తనెప్పుడూ నాతోనే ఉంది. - జగదీశ్వర్‌రెడ్డి లేదా worldoflove@sakshi.comకు మెయిల్‌ చేయండి

నా మరదలు అంటే నాకు చిన్నప్పటి నుంచి మహా ఇష్టం. ఆమె గుణం మంచిది! అందుకే ఇష్టపడేవాడ్ని. మేము పెద్దగా మాట్లాడుకోలేదు కానీ ఫంక్షన్స్‌కు వెళ్లినపుడు ఆమెని చూసేవాడిని. కాలం గడిచింది. ఆమె డిగ్రీ చేసే టైంలో ఫోన్లో మాట్లాడేవాడిని. సంతోషంగా అనిపించేది. ఆమె గురించి ఇంకా ఎక్కువ తెల్సింది. ఇంకా ఇష్టపడ్డాను. నాకు పెళ్లి సంబంధాలు చూసే సమయం అది. నా మరదలిని చేసుకోవటం నాకు ఇష్టం. కానీ, ఆమెకి నేను అంటే ఇష్టమో కాదో తెలీదు. మా మధ్య వయస్సు కూడా పది సంవత్సరాలు వ్యత్యాసం ఉంది. ఇంకోటి ఆమె ఇంకా చదువుతూనే ఉంది. వాళ్లకి మాకు కూడా అప్పట్లో అంత మంచి సంబంధాలు లేవు. అందుకే ఆ అమ్మాయి నా జీవితంలోనుంచి మిస్ అయిపోయింది.   కొంత కాలానికి గాని నాకు అర్ధం కాలేదు! జీవితంలో ఒక విలువైన ముత్యాన్ని కోల్పోయా అని. ఇప్పటికి ఆమెతో మాట్లాడే అవకాశం ఉంది. కానీ నా ప్రేమను మాత్రం ఆమెకి వ్యక్తపర్చలేను. అమ్ములు నిన్ను నా మనసులో నుంచి.. హృదయంలో నుంచి ఎప్పటికీ తీసివేయలేను. అది నా వల్ల కాదు. అతి ప్రేమ వల్ల నిన్ను ఇబ్బంది పెట్టి బాధ పెట్టాను. నన్ను క్షమించి అర్ధం చేసుకో. నాకు ఇక ఎవరూ లేరు. నీ స్థానం భర్తీ చేసేవాళ్లు కూడా లేరు.  - ప్రేమ్‌ సాగర్‌, ఖమ్మం చదవండి : నా మీద కేసు పెట్టింది.. భయంగా ఉంది షాకింగ్‌ న్యూస్! చాలా కూల్‌గా చెప్పింది! లేదా worldoflove@sakshi.comకు మెయిల్‌ చేయండి

మేమిద్దరం దాదాపు 14ఏళ్లనుంచి ప్రేమించుకుంటున్నాము. తను నన్ను చాలా ఇష్టపడింది. నన్ను చాలా బాగా చూసుకునేది. మేమిద్దరం కలిసి తిరగని ప్రదేశమంటూ ఏదీ లేదు. షాపింగ్‌లు, సినిమాలు, బీచ్‌లు ఎక్కడికిపడితే అక్కడికి వెళ్లేవాళ్లము. అమ్మ చనిపోయినపుడు నాకు ఫోన్‌ చేసి ‘నేనే మీ అమ్మను’ అని చెప్పింది. అప్పటినుంచి తనంటే నాకు ప్రాణం. తను లేకుండా నేను అసలు ఉండలేకపోయేవాడిని. నా కోసం చాలా రిస్క్‌లు చేసింది. ఇద్దరం ఇష్టపడి పెళ్లి కూడా చేసుకున్నాం. సడెన్‌గా ఓ రోజు మా ఇద్దరి సంగతి మా వాళ్లకు తెలిసిపోయింది. ఆ అమ్మాయికి ఏం చెప్పారో తెలియదు కానీ, పదిరోజుల్లో నన్ను వదిలేసింది. నా ఫోన్‌ నెంబర్‌ బ్లాక్‌ చేసింది. నాతో మాట్లాడటం మానేసింది. నన్ను మానసికంగా కృంగదీసింది. నిద్ర మాత్రలు వేసుకుంటేనే కానీ, నిద్రరాని పరిస్థితి ఏర్పడింది. ఏం జరిగిందో నాకేమీ అర్థంకావటం లేదు. దానికి తోడు నామీద కేసుకూడా పెట్టింది. ఎఫ్‌ఐఆర్‌ నమోదు చేశారు. కేసు నడుస్తోంది. నేనేమి తప్పు చేశానో నాకు తెలియటం లేదు. నా బాధ ఏమిటంటే రేపు వేరే వ్యక్తిని పెళ్లి చేసుకుంటే. ఆ వ్యక్తికి మా పెళ్లి విషయం తెలిస్తే తనను ఏం చేస్తాడోనని భయంగా ఉంది. ఏం చేయాలో దిక్కుతోచని స్థితిలో ఉన్నా. వాళ్ల పేరెంట్స్‌ ఆడిన గేమ్‌లో బలిపశువునయ్యాను.  - రాజు, రాజమండ్రి. చదవండి : షాకింగ్‌ న్యూస్! చాలా కూల్‌గా చెప్పింది! ప్రేమ ఓకే! పెళ్లికి ఇంట్లో ఒప్పుకోరు.. లేదా worldoflove@sakshi.comకు మెయిల్‌ చేయండి

2016 అక్టోబర్‌ 12న ఓ వాట్సాప్‌ మెసేజ్‌ ద్వారా తనతో పరిచయం ఏర్పడింది. తను నా ఫ్రెండ్‌ వాళ్ల కజిన్‌ సిస్టర్‌. ఉద్యోగం కోసం నా ఫ్రెండ్‌ తనకు నా ఫోన్‌ నెంబర్‌ ఇచ్చి కాంటాక్ట్‌ అవ్వమంది. అందుకే తను నాకు మెసేజ్‌ చేసింది. వాట్సాప్‌లో తన డీపీ చూడగానే తనతో ప్రేమలో పడిపోయా. బహుశా అది లవ్‌ ఆట్‌ ఫస్ట్‌ సైట్‌ అనుకుంటా. ఇలా డైలీ మెసేజ్‌లు, ఫోన్‌కాల్స్‌తో మా పరిచయం ప్రేమగా మారింది. ఓ రోజు నేను తనకు ప్రపోజ్‌ చేశా. తను నా ప్రేమను అంగీకరించింది. ఓ సంవత్సరం పాటు డీప్‌ లవ్‌లో ఉన్నాము. లేట్‌ నైట్‌ చాటింగ్స్‌, ఫోన్లు మాట్లాడుకునేవాళ్లం. ఓ రోజు నేను మా పేరెంట్స్‌కు మా ప్రేమ విషయం చెప్పేశాను. మా వాళ్లు ఒప్పుకున్నారు. మా పేరెంట్స్‌ వెళ్లి తన పేరెంట్స్‌తో మాట్లాడారు. అయితే వాళ్లు ఒప్పుకోలేదు. మేము మా పేరెంట్స్‌కు తెలియకుండా మ్యారేజ్‌ చేసుకోవాలని డిసైడ్‌ అయ్యాము. తను ఎప్పుడైనా నన్ను పెళ్లి చేసుకోవటానికి రెడీగా ఉండేది. కానీ, నేను కొద్దిగా టైం తీసుకుని పెళ్లి చేసుకుందాం అని కన్విన్స్‌ చేస్తూ వచ్చాను. అలా 2019 ఆగస్టు వరకు టైం వేస్ట్‌ చేశాను. తను సడెన్‌గా నా మెసేజ్‌లకు, కాల్స్‌కు రిప్లై ఇవ్వటం మానేసింది. నేను తన రిప్లై కోసం ఓ రెండు, మూడు రోజులు ఎదురుచూశాను. కానీ, లాభం లేకపోయింది. నేను వేరే రాష్ట్రంలో ఉద్యోగం చేస్తున్న కారణంగా తనని నేరుగా కలవటం వీలుకాలేదు. ఓ వారం తర్వాత తనని కలిశాను. ‘ఏంటి ప్రాబ్లమ్‌’ అని తనని అడిగా.’ అప్పుడు తను ‘నాకు ఎంగేజ్‌మెంట్‌ ఫిక్స్‌ అయింది.’ అని షాకింగ్‌ న్యూస్‌ను కూడా చాలా కూల్‌గా చెప్పింది. ఆ నిమిషం నేనేం చేయాలో అర్థం కాలేదు. తనను కన్విన్స్‌ చేయటానికి చాలా ట్రై చేశాను. తను ఒప్పుకునే పరిస్థితిలో లేదు. ఫోన్‌ నెంబర్‌ మార్చేసింది. నేరుగా వాళ్ల ఇంటికి వెళితే.. తన పేరెంట్స్‌​ నన్ను తనతో మాట్లాడనివ్వటం లేదు. గత డిసెంబర్‌ 12న తన ఎంగేజ్‌మెంట్‌ అయింది. ఇప్పటికీ నేను తనని ప్రేమిస్తున్నాను. ఈ బాధనుంచి నేనెలా బయటపడాలో అర్థం కావటం లేదు. అమ్మాయిలు మారిపోవటానికి ఒక్కక్షణం కూడా పట్టదు. తను మాత్రం చాలా హ్యాపీగా ఎంగేజ్‌మెంట్‌ చేసుకుంది. నా గురించి ఒక్క నిమిషంకూడా ఆలోచించలేదు. నేను మాత్రం తన ప్రేమలోనుంచి బయటకు రాలేకపోతున్నా. ఇప్పటికైనా తను నాకోసం వస్తుందనే నమ్మకంతో.. - శ్రీకాంత్‌రెడ్డి, కడప లేదా worldoflove@sakshi.comకు మెయిల్‌ చేయండి

నేను 2011నుంచి 2017వరకు హైదరాబాద్‌లో జాబ్‌ చేసేవాడిని. అలా చేస్తున్న టైంలో ఫేస్‌బుక్‌ రవి, లాస్య గ్రూపులో ఒక పోస్ట్‌పై ఓ అమ్మాయి కామెంట్‌ చేసింది. ఆ ఫ్రోఫైల్‌ చూసి నేను ‘హాయ్‌’ అని మెసేజ్‌ పెట్టా. కొద్దిసేపటికే తను కూడా ‘హాయ్‌’ అని రిప్లై ఇచ్చింది. అలా మా మధ్య పరిచయం ఏర్పడింది. అప్పటినుంచి బాగా మెసేజ్‌లు చేసుకునేవాళ్లం. తర్వాత తను ఫోన్‌ నెంబర్‌ ఇచ్చింది. తర్వాతినుంచి మెసేజ్‌లు, కాల్స్‌ చేసుకునేవాళ్లం. ఒకరి ఫోటోస్‌ ఒకరం పంపుకున్నాం. ఒకరోజు కలుద్దామని అనుకున్నాం. తను పురానాపూల్‌ దగ్గర ఉంటుంది, నేను కేపీహెచ్‌పీలో ఉంటాను. ఇద్దరం జూపార్క్‌లో కలుసుకున్నాం. తర్వాతినుంచి ఇద్దరి మధ్యా ప్రేమ మొదలైంది. నేను నా లవ్‌ని చెప్పాను. మొదట్లో తను నో చెప్పినా.. తర్వాత ‘‘ఓన్లీ ప్రేమ మాత్రమే.. పెళ్లికి ఇంట్లోవాళ్లు ఒప్పుకోరు! ప్లీజ్‌’’ అంది. నేను సరే అన్నాను. అలా మేము చాలా హ్యాపీగా ఓ సంవత్సరం ప్రేమించుకున్నాం. తనప్పుడు డిగ్రీ సెకండ్‌ ఇయర్‌ చదివేది. తన చదువు పూర్తయిన తర్వాత ఇంట్లో వాళ్లు పెళ్లి చేస్తామని అన్నారంట. పెళ్లి చేసుకుందామని బ్రతిమలాడినా కూడా వినలేదు! ఏడ్చాను కూడా. ‘ మన కులాలు వేరు మా ఇంట్లో తెలిస్తే గొడవలు అయిపోతాయి.’ అని చెప్పింది. 2017లో తను మ్యారేజ్‌ చేసుకుంది. సంవత్సరానికి ఒకసారి ఫోన్‌ చేస్తుంది. ఎలా ఉన్నావ్‌ అని అడుగుతుంది. పెళ్లికి ముందు తను చూపిన ప్రేమ జన్మలో మర్చిపోలేను. తను చాలా చాలా మంచిది. ఇప్పుడు హ్యాపీగా ఉంది అదిచాలు నాకు. నేను నా జాబ్‌లో బిజీ అయిపోయాను.‘‘ నాకు ఫోన్‌ కానీ, వాట్సాప్‌ కానీ చేయోద్దు. మా హబ్బీ చూస్తే నాకు డేంజర్‌’ అంది. సో నేను తనను ఇబ్బంది పెట్టదలుచుకోలేదు. ఎందుకంటే తనంటే నాకు చాలా ఇష్టం. ఆమె హ్యాపీగా ఉంది అది చాలు.  - రామ్‌, పుట్టపర్తి లేదా worldoflove@sakshi.comకు మెయిల్‌ చేయండి

నేను, తను చిన్నప్పుడు 5వ తరగతి వరకు కలిసి చదువుకున్నాము. నేను తనతో తప్ప అందరితో మాట్లాడేవాడిని. తను కూడా నాతో అంతగా మాట్లాడేది కాదు.. ఏదో ఒక సందర్భంలో మాట్లాడేవాళ్లం. అలా ఉండగా తరువాతి సంవత్సరం తను వేరే స్కూల్‌కు వెళ్లిపోయింది. నాతో మాట్లాడే నలుగురు నా పక్కనే ఉన్నా ఏదో తెలియని వెలితి ఉండేది. సరిగ్గా తొమ్మిది సంవత్సరాల తరువాత నేను బీటెక్ రెండవ సంవత్సరంలో ఉన్నపుడు తన కోసం ఫేస్‌బుక్‌లో వెతికి చూశాను. తన ఐడీ దొరికింది కానీ, రిక్వెస్ట్‌ పంపడానికి రెండు నెలలు పట్టింది. రిక్వెస్ట్ పంపిన చాలా రోజుల తర్వాత ఒక రోజు తను ఆక్సెప్ట్‌ చేసినట్లు నోటిఫికేషన్‌ వచ్చింది. రెండు వారాల తర్వాత మెసేజ్ చేయడానికి ధైర్యం వచ్చింది. తన దగ్గరినుంచి కూడా రిప్లై వచ్చింది. అలా వారానికి ఒకసారి మెసేజ్ చేసేవాడిని. ఓ రోజు తన నెంబర్ అడిగితే ‘ఎందుకు? ఫేస్‌బుక్‌ ఉందిగా’ అని తను నెంబర్‌ ఇవ్వలేదు. కొన్ని రోజుల తరువాత ఎగ్జామ్స్‌ ఉండడం వలన వేరే కారణం చెప్పి! ‘నేను ఫేస్‌బుక్‌లోకి రాను’ అని నా సెల్ నెంబర్ తనకిచ్చి ‘మెసేజ్ చేయాలనిపిస్తే చేయ్‌!’ అని చెప్పా. పది రోజుల తరువాత వాట్సాప్‌లో మెసేజ్ చేసింది. అలా రెండు సంవత్సరాలు ప్రతిరోజూ వాట్సాప్‌ ద్వారా మాట్లాడుకునేవాళ్లం. అనుకోకుండా కొన్ని రోజులు తను మెసేజ్ చేయడం మానేసింది. రెండు సార్లు అడిగాను ‘ఊరికే చేయలేదు. ఇంకో వాట్సాప్‌ వాడుతున్నా’ అని ఆన్‌లైన్‌ నుంచి వెళ్లిపోయేది. ‘సరే! ఇక నిన్ను డిస్ట్రబ్‌ చేయను’ అని చెప్పాను. ఈ జనవరి 2వ తేదికి మేము మాట్లాడక రెండు సంవత్సరాలు గడిచిపోయింది. తను నన్ను వదిలి వెళ్లిపోయినప్పుడు మొదలైన వెలితి చదువు అయిపోయి ఉద్యోగం వచ్చినా అలానే ఉంది. ఈ రెండు సంవత్సరాలలో నేను నిన్ను డైరెక్ట్‌గా చూడకపోయినా భవిష్యత్‌లో ఎప్పుడన్నా చూస్తే నీ ముఖంలో చిరునవ్వుతో ఉంటావని కోరుకుంటున్నాను. ఇట్లు విజయ్ లేదా worldoflove@sakshi.comకు మెయిల్‌ చేయండి

అది 2016 సంవత్సరం! నేను హైదరాబాద్‌లో అప్పుడే ఓ కొత్త కంపెనీలో జాబ్‌లో జాయిన్‌ అయ్యాను. చాలా ఏళ్లనుంచి నేను హైదరాబాద్లో ఉ‍న్నా! అప్పడే ఓ కంపెనీ నుంచి వేరే కంపెనీకి మారిపోయాను. మా కంపెనీలో కొత్తగా ఫ్రెషర్స్‌ జాయిన్‌ అయ్యారు. నా ఎదురుగా ఓ అమ్మాయి కూర్చునేది. తన పేరు అనూష క్రిష్ణ, తన పేరు తెలుసుకోవటానికి నాకు వారం రోజులు పట్టింది. నిజంగా చెప్పాలంటే తొలిచూపులోనే తనను చూసి ప్రేమలో పడిపోయా! అంతలా నచ్చేసింది. ఆ అమ్మాయిని చూడటానికి కావాలనే సీటులోనుంచి పైకి లేచేవాడిని. అలా రోజులు గడుస్తూనే ఉన్నాయి. ఒక రోజు వేరే వాళ్ల ద్వారా తన నెంబర్‌ సంపాదించా. నెంబర్‌ అయితే దొరికింది కానీ, ఫోన్‌ చేయాలంటే భయం. ధైర్యం తెచ్చుకుని రాత్రి 11:30కి తనకు మెసేజ్‌ చేశా ‘హాయ్‌’ అని.. రిప్లై లేదు. తను పడుకుందనుకుంటా. తను మరుసటి రోజు ఆఫీసుకు రాగానే స్కైప్‌లో మెసేజ్‌ చేశా. నైట్‌ డిస్ట్రబ్‌ చేసుంటే సారీ అని. అంతే తను తిట్టేసింది.. ‘ ఎవడు నిన్ను ఆ టైంలో మెసేజ్‌ చేయమన్నాడు.’ అంది. నా ముఖం మాడిపోయింది. ఆరోజు ఆఫీసు అయిపోగానే నేను రూంకు వెళదామని బస్‌లో ఉండగా తన నుండి మెసేజ్‌ వచ్చింది.‘ సారీ! అలా అన్నందకు. అయినా ఆ టైంలో మెసేజ్‌ చేయోచ్చా.’ అని. ఇక నా ఆనందానికి అవధులు లేకుండా పోయాయి. ఇక అప్పటినుంచి మా ఇద్దరి మధ్యా రోజులు క్షణాల్లా గడిచిపోయాయి. నాకైతే ఆ ధ్యాసలో పడి ఓ సంవత్సరం ఇంటి ముఖమే చూడలేదు. తనకి అంతలా అడిక్ట్‌ అయిపోయా. పరిచయం అయినా ఓ వారానికి తనకు ప్రపోజ్‌ చేశా. తను సీరియస్‌గా తీసుకోలేదు. రోజులు గడుస్తున్న తన పైన ప్రేమ పెరుగుతోందే తప్ప తగ్గలేదు. ఏమైందో ఏమో సడెన్‌గా అవాయిడ్‌ చేయటం మొదలుపెట్టింది. అది నేను తట్టుకోలేకపోయా. ఆఫీసులోనే సూసైడ్‌ అటెంప్ట్‌ చేసుకున్నా. ఆఫీసులో అందరూ వచ్చారు నన్ను చూడటానికి. అనూష మాత్రం రాలేదు. ఇంత చేసినా నాపైన తనకు ప్రేమ కలగలేదు. ఎందుకంటే నాకు ఇదివరకే మా ఇంట్లో వాళ్లు ఇష్టం లేని పెళ్లి చేశారు. అది తనకు చెప్పి కన్‌విన్స్‌ చేద్దామనేలోపే జరగాల్సిన నష్టం జరిగిపోయింది. తన వల్ల జాబ్‌ వదులుకున్నా. నా జీవితం నాశనం అయింది. అయినా తననే కావాలనుకుంటున్నా. కానీ, తన మనసు కరగలేదు. అమ్మలా చూసుకుందామనుకున్నా. తన వల్ల జీవితమే లేకుండా పోయింది. అన్నీ పోయాక నాకు అర్థమైంది. ఆ అమ్మాయి మాత్రం ఏదీ పట్టనట్లు జీవితాన్ని హ్యాపీగా గడిపేస్తోంది. ఇంత జరిగాక ఒకటే అనిపించింది. అమ్మానాన్న కోసం ఇష్టంలేని అమ్మాయి మెడలో తాళి కట్టానని. ప్రాణం కంటే ఎక్కువగా ప్రేమించిన అమ్మాయి వల్ల జీవితం నాశనం చేసుకున్నా. నిజమైన ప్రేమకు ఎప్పటికైనా ఓటమి తప్పదు. - బాలు, చిత్తూరు లేదా worldoflove@sakshi.comకు మెయిల్‌ చేయండి

2014లో ఓ పెళ్లికి వెళ్లా! అక్కడ ఓ అమ్మాయి చాలా చలాకీగా తిరుగుతూ కనపడింది. ఎవరు అని అడిగితే.. వరుసకు నాకు మరదలు అవుతుందని చెప్పారు. ఆ తర్వాత తనను ఆటపట్టించటం మొదలుపెట్టా. అలా పెళ్లి అయిపోయే వరకు తన వెంట తిరగటం, తనని ఆటపట్టించటం చేసేవాడిని. ఫంక్షన్‌ అయిపోయింది. నేను తన నెంబర్‌ అడుగుదామనుకున్నాను. కానీ, తను ఏమనుకుంటుందోనని అడగటం మానేశాను. ఆ తర్వాత ఇంటికి వచ్చేశా. ఇంటికి వచ్చిన తర్వాత కూడా ఆమెకు చెప్పలేదు. రెండు రోజుల తర్వాత ఒక కాల్‌ వచ్చింది. ‘హాయ్‌ బావా!’ అని వినపడింది. ‘ఎవరు’ అని అడిగా. నేను షాక్‌ అయ్యాను! తనే. ‘ ఈ నెంబర్‌ నీకు ఎలా తెలిసింది. ఎవరిచ్చారు.’ అని అడిగా. మా బంధువులు తనకు బంధువులు అట, వరుసకు అక్క అవుతదంట. తన దగ్గర ఈ నెంబర్‌ తీసుకుంది. అప్పటినుంచి ప్రతి రోజూ ఫోన్‌లో మాట్లాడుకునే వాళ్లం, మెసేజ్‌లు చేసుకునే వాళ్లం. ఓ రోజు ‘ఐ లవ్‌ యూ’ అని మెసేజ్‌ పెట్టా. తను ‘ ఏప్రిల్‌ కాదు కదా బావ!’ అని రిప్లై ఇచ్చింది. ఆ తర్వాత‘ ఏప్రిల్‌ ఫూల్‌ అవటానికి ప్రేమ ఏంటి బావ. మన మధ్య ఉన్నది జస్ట్‌ ఫ్రెండ్షిప్‌ మాత్రమే’ అంది. ఏం మాట్లాడాలో నాకు అర్థం కాలేదు. తర్వాతనుంచి మెసేజ్‌లు చేయటం మానేశా. ఆ తర్వాత తనతో ఏమీ చెప్పలేకపోయా. తనకు మ్యారేజ్‌ అయింది. ఇది ఈ రవి గాడి ప్రేమ కథ! - రవి, వైజాగ్‌ చదవండి : అది తెలిసినా ఆమెతో ప్రేమలో పడ్డా! ఆమె ఎప్పటికీ నాకు ప్రాణం! అందుకోసమే.. లేదా worldoflove@sakshi.comకు మెయిల్‌ చేయండి

తను నా మరదలు అనడం కన్నా.. నా ఆరాధ్య దేవత.. నా ప్రాణం అనొచ్చు. చిన్ననాటి నుండి తనంటే నాకు అమితమైన ఇష్టం! కానీ, అది ప్రేమ అని 8వ తరగతిలో కానీ తెలియలేదు. అది 2005వ సంవత్సరం ఏప్రిల్ నెల.. ఎర్రటి ఎండా కాలంలో తనపై నా ప్రేమ గాలులు చల్లగా వీస్తున్న రోజులు. తనకి నా ప్రేమ విషయాన్ని ఎలా చెప్పాలా అని సతమతమవుతున్నా. ఆలోచనలతోటే రోజులు గడిచిపోతున్నాయి. కానీ, నా గుండెల్లో తన గుడిని నిర్మించానన్న విషయం తనకు ఎలా చెప్పాలి అన్న ఆలోచనలతోనే సమయం గడిచిపోతోంది. 2008లో మా పదో తరగతి పూర్తి చేసుకుని ఇంటర్ మీడియట్లోకి ప్రవేశించాము. తను చదువుతున్న కాలేజీలోనే చదవాలని అనుకున్నాను. కానీ కుదరలేదు. పక్క కాలేజీలో జాయిన్ అయ్యాను. ఎలాగైనా నా ప్రేమ విషయం తనకు చెప్పాలని డిసైడ్ అయి 2009 జనవరిలో తనకు చెప్పాను. తనకు కూడా నాపై అంతే  ప్రేమ ఉందని తెలుసుకుని చాలా సంతోషించాను. అలా 2012 వరకు మా ప్రేమ ప్రయాణం కొనసాగింది. కానీ, విధి మరోలా ఆలోచించింది. మేమిద్దరం కలిసి బ్రతకటం ఆ దేవుడికి ఇష్టం లేదేమో మమ్మల్ని విడదీశాడు.  తనకు వేరే వ్యక్తితో పెళ్లి అయిపోయింది. కారణాలు ఏమైనా కానీ తనంటే ఇప్పటికీ.. ఎప్పటికీ నాకు ప్రాణం! అందుకోసమే ఈ మధ్య తన కోసం ఒక కవిత రాశాను.           నీ ఇష్టానికి వ్యతిరేకంగా వేసిన ఆ మూడు ముళ్లను తెంపుకుని.. అతి కష్టం మీద వేసిన ఆ ఏడు అడుగులు దాటుకుని..  నీవు మెచ్చిన నీ బావతో నూరేళ్ల బతకడానికి ఎప్పుడు వస్తావు.. మోడు వారిన నా జీవితంలోకి ఓ ఉషోదయాన వెలుగులు నింపడానికి తప్పకుండా వస్తావు కదూ..  ప్రేమతో నీ ప్రేమకై ఎదురు చూసే నీ బావ - శివ శంకర్ లేదా worldoflove@sakshi.comకు మెయిల్‌ చేయండి

మాది మధ్య తరగతి కుటుంబం! నేనప్పుడు పదో తరగతి చదువుతున్నా. నేను స్కూల్‌కు వెళ్లే దారిలోనే వాళ్ల ఇళ్లు కూడా ఉండేది. తను కూడా మా ఊరే! నేను పదిలో ఉన్నపుడు తన ఇంటర్‌ అయిపోయింది. నేను స్కూల్‌కి వెళ్లే టైంకు నా బస్‌ కోసం ఎదురు చూసేవాడు. అలా ఓ సంవత్సరం ఒకరినొకరు చూసుకుంటూనే ఉన్నాం. అలా ఓ సంవత్సరం అయిపోయింది. ఈ సంవత్సరంలో ఒకసారి కూడా మేము మాట్లాడుకోలేదు. కానీ, మా కళ్లు చాలా మాట్లాడుకునేవి. తనకి డిఫెన్స్‌లో జాబ్‌ వచ్చింది. నేను అప్పుడు ఇంటర్‌ సెకండ్‌ ఇయర్‌లో ఉన్నా. తను జాబ్‌ వచ్చి మధ్యప్రదేశ్‌కు వెళ్లిపోతున్నాడు. అపుడు తను నాకు డేర్‌ చేసి నెంబర్‌ ఇచ్చాడు. అప్పటినుంచి మేము ఫోన్‌లో ఎక్కువగా మాట్లాడుకునేవాళ్లం. అలా మా మధ్య తెలియకుండానే ఐదేళ్లు గడిచిపోయాయి. తను ఎప్పుడు ఇంటికి వస్తాడా.. ఎప్పుడు తనని చూస్తానా అని చాలా వేయిట్‌ చేసేదాన్ని. అప్పటివరకు సాఫీగా సాగిపోతున్న మా జీవితం ఒక్కసారిగా తల్లక్రిందులైంది. వాళ్ల ఇంట్లో మా లవ్‌ మ్యాటర్‌ తెలిసిపోయింది. వాళ్ల పేరెంట్స్‌ మా పెళ్లికి ఒప్పుకోలేదు. ఎంత చెప్పి చూసినా వాళ్లు వినలేదు. అయినా మేము మాట్లాడుకోవటం మానుకోలేదు. ఎప్పటికైనా ఒప్పుకుంటారని చిన్న ఆశ. మా ఇంట్లో మా అమ్మకు మాత్రమే ఈ విషయం తెలుసు. తర్వాత తను కూడా నా నెంబర్‌ బ్లాక్‌ చేశాడు. నేను వేరే నెంబర్‌ నుంచి కాల్ చేసినా లిఫ్ట్‌ చేసేవాడు కాదు. ఒక రోజు మా ఫ్రెండ్‌ నెంబర్‌ నుండి కాల్‌ చేశాను. అప్పుడు లిఫ్ట్‌ చేశాడు. ‘‘ నన్ను వదిలేయ్‌! నీకే మంచిది. లేకపోతే నువ్వే చాలా బాధపడతావు. నేను మా ఇంట్లో వాళ్లని కాకుండా నిన్ను పెళ్లి చేసుకోలేను.’’ అని చెప్పి ఫోన్‌ కట్‌ చేశాడు. నేను మళ్లీ చాలా సార్లు కాల్‌ చేశాను. కానీ, నో రిప్లై. నేను బీటెక్‌ ఫైనల్‌ ఇయర్‌లో ఉన్నపుడు అతనికి వేరే అమ్మాయితో పెళ్లైంది. ఆ విషయం తెలిసాక నేను చాలా బాధపడ్డాను. మా అమ్మతో చెప్పి ఏడ్చేదాన్ని. అలా ఏడుస్తూనే నా బీటెక్‌ కంప్లీట్‌ చేశాను. నన్ను చేసుకోకపోయినా పర్లేదు తను హ్యాపీగా ఉంటే చాలు అనుకునేదాన్ని. కానీ, లోపల చాలా బాధపడ్డాను. నా ఫ్యామిలీ గురించి ఆలోచించి ఇంకా బ్రతికేఉన్నా. వాళ్ల ఆశలన్నీ నా మీదే పెట్టుకుని ఉన్నారు. మా లవ్‌ విషయం ఇంత వరకు మా నాన్నకు తెలియదు. తనది కూడా మా ఊరే కాబట్టి ఎప్పడైనా భార్యతో చూసినపుడు నాకు చాలా బాధవేసేది. నేను ఉండాల్సిన స్థానంలో వేరే అమ్మాయి ఉందేఅని. బీటెక్‌ అయిపోయిన వెంటనే క్యాంపస్‌ సెలక్షన్‌లో నాకు మంచి జాబ్‌ వచ్చింది. జాబ్‌, నా ఫ్యామిలీ ఇదే నా లైఫ్‌ అయిపోయింది. నాకు సడెన్‌గా ఒక రోజు తన నుండి ఫోన్‌ వచ్చింది. నేను లిఫ్ట్‌ చేసి మాట్లాడాను. ‘ నేను నీకు చాలా మోసం చేశాన్‌రా! నువ్వు నాకు కావాలి. నిన్ను పెళ్లి చేసుకోనందకు దేవుడు నాకు తగిన శాస్తి చేశాడు.’ అని ఏడ్చాడు. నేను ఏమైందని అడిగా.  ‘ నా వైఫ్‌ నన్ను వదిలి పుట్టింటికి వెళ్లిపోయింది. తన క్యారెక్టర్ అసలు మంచిది కాదు. మా పేరేంట్స్‌ చెప్పారని పెళ్లి చేసుకున్నా. సరేరా నాక నువ్వు కావాలి. మనం పెళ్లి చేసుకుందాం.’ అని అన్నాడు. నాకు ఏం చెప్పాలో అర్థం కాక కాల్‌ కట్‌ చేశా. తను నాకు మళ్లీ కాల్‌ చేశాడని మా అమ్మకు చెప్పలేదు.  ఎందుకంటే అతను వేరే అమ్మాయిని చేసుకున్నపుడు నా కంటే తనే ఎక్కువగా బాధపడింది. ఒక పక్క తనకు అలా అయ్యిందనే బాధ, ఇంకో పక్క తనని పెళ్లి చేసుకుంటే మా పేరేంట్స్‌కు చెడ్డపేరు వస్తుంది. ఏం చేయాలో అర్థం కావటం లేదు. లాస్ట్‌కు నా లవ్‌ స్టోరీ ఎలా ఎండ్‌ అవుతుందో నాకే అర్థం కావటం లేదు. కానీ, నేను మాత్రం ఈ సారి మా అమ్మని బాధపెట్టాలని అనుకోవటం లేదు. ఈ విషయం మా అమ్మకు చెప్పి మా అమ్మ ఏం చెయ్యాలని చెప్తే అదే చెయ్యాలని డిసైడ్‌ అయ్యా. నేను చేస్తోంది కరెక్టో రాంగో నాకు తెలియడంలేదు. మా పేరేంట్స్‌ను ఇబ్బంది పెట్టకూడదని డిసైడ్‌ అయ్యా. నా జీవితం మా పేరేంట్స్‌ మీద ఆధారపడి ఉంది.  - అనిత, కడప లేదా worldoflove@sakshi.comకు మెయిల్‌ చేయండి

ఇంటర్‌లో జాయినైన కొత్తలో ఒకరోజు నేను, నా  ఫ్రెండ్  బస్‌ స్టాప్‌లో ఉన్నాం. అప్పుడు నా ఫ్రెండ్ చెప్పింది ‘ఎవరో ఒకతను ఇటే చూస్తున్నాడు. మనల్ని ఫాలో కూడా అవుతున్నట్లు అనిపిస్తోంది’ అని. ‘అవును! నేను గమనించనే లేదు. ఈసారి చూపించు’  అన్నాను. తర్వాత తను మరచిపోయింది. నేను అడగలేదు! ఒకరోజు నా ఫ్రెండ్ రాలేదు. నేను ఒక్కదాన్నే బస్‌ స్టాప్‌లో ఉన్నా. బస్సు ఎప్పుడు వస్తుందా అని ఎదురు చూస్తున్నా.. ఇంతలోనే ఎవరో వెనుకనుండి ‘ఏమండీ!’ అనే పిలుపు వినిపించింది. వెనుకకు తిరిగి చూశా. ‘మీ పేరు ఏంటండీ! ఏ ఊరు’ అని అడిగాడు. నేను ఏమీ మాట్లాడలేదు. బస్‌ వచ్చేసింది. ఒకరోజు నా ఫ్రెండ్ కాలేజీకి వచ్చింది. అప్పుడు చూపించింది.‘ అతను మన ఎదురుగా ఉన్నాడు చూడు! అతనే నిన్ను రోజు ఫాలో అయ్యేవాడు’  అని చెప్పింది. నన్ను ఊరు పేరు అడిగిన అతను ఇతను ఒక్కటే అని నేను గుర్తుపట్టలేదు.. ఒకరోజు మళ్లీ నా ఫ్రెండ్ రాలేదు. ఆ రోజు నా ఫ్రెండ్ ఇంటి పేరు నా పేరు కలిపి నన్ను పిలిచాడు. ఎవరా!  అని చూసేసరికి నా ఫ్రెండ్ చూపించిన అతను. నా పేరు ఎలా తెలిసింది అని ఒకటే భయం. నా గుండెల్లో వేగం పెరిగింది. అక్కడినుంచి కొంచెం ముందుకు వచ్చి నిలబడ్డాను. నా ఫ్రెండ్‌ని కదా చూసేవారు.. ఇదేంటి! తను రాకపోయినా నన్ను చూస్తున్నాడు. ఎందుకిలా అని డౌట్ వచ్చి నా కజిన్‌కి చెప్పాను. అప్పుడు నా  కజిన్ అతనికి వార్నిగ్ ఇచ్చింది. అయినా తను రోజు నన్ను ఫాలో అయ్యేవాడు. నేను ఎక్కడికి వెళ్తే అక్కడే కనిపించేవాడు. ఆ రోజు మొదలు రోజూ నేను గమనించడం మొదలు పెట్టాను. ఎవరు ఇతను నా ఫ్రెండ్ కోసం కాదా! నాకోసమా అని ఒకటే సందేహం. నేను బస్‌ స్టాప్‌కి రాగానే నా ఎదురుగా ఉండే షాప్‌లోకి వెళ్లి ఇటే చూసేవాడు. నా బస్‌ వెనుకాల ఫాలో అయ్యేవాడు. రాను రాను తను కనిపించకపోతే ఎదురుచూసే పరిస్థితి. ఏదో వెలితి.. ఎక్కడ ఉన్నారా అని చూసేదాన్ని. కనిపించగానే అస్సలు చూసేదాన్ని కాను.  ఫస్ట్‌లో భయం వేసేది. తరువాత మంచి ఫీల్ కలిగేది. ఎందుకంటే తను నన్ను ఎప్పుడూ ఇబ్బంది పెట్టలేదు. వెనకే ఫాలో అవుతూ నేను ఇంటికి చేరుకునే వరకు వచ్చేవారు. నేను ఎవరితో ఐతే వార్నింగ్ ఇప్పించానో వాళ్లనే పరిచయం చేసుకుని నా డీటెయిల్స్ మొత్తం తెలుసుకున్నాడు. నా కజిన్‌కి బాగా ఫ్రెండ్ అయిపోయాడు. నా కజిన్ అతడి గురించి చెప్తుంటే నాకు తెలీకుండానే నేను ప్రేమ పెంచుకున్నాను. ఒకరోజు మా ఇంట్లో నాకు సంబంధం ఒకటి  తీసుకువచ్చారు. రెండు రోజులలో పెళ్లి చూపులు అన్నారు. వెంటనే నిశ్చితార్ధం అన్నీ మూడు రోజులలో జరిగిపోయాయి. ఈ విషయం నా కజిన్ ద్వారా తెలుసుకుని నాకు ఫోన్‌ చేశాడు. హలో అన్నా.. అతడి నోట మాట రాలేదు. అదే మొదటిసారి అతనితో మాట్లాడటం. ‘నీకు మ్యారేజ్ సెటిల్ అయిందని విన్నాను’ అని అడిగారు. నేను ఏమీ చెప్పలేదు. ‘పోనీ నేనంటే ఇష్టమా’ అని అడిగాడు. అయినా నా సమాధానం ఏమీ లేదు. ‘సరే ఐతే! నువ్వు ఎక్కడ ఉన్నా సంతోషంగా ఉండాలి’ అని ఫోన్ పెట్టేశాడు. నా మనసులో ఏదో బాధ! ఏమీ చేయలేని పరిస్థితి. ఎంగేజ్‌మెంట్‌ అయిన తర్వాతి రోజు  కాలేజ్‌కు వెళ్లాను. ఆ రోజు కూడా కాలేజీకి వచ్చాడు. ఎప్పుడు లేనిది..  కాలేజీ క్లాస్ దగ్గరికి వచ్చి నా పేరు చెప్పి బయటకి పంపించమన్నాడు. నాకోసం ఎవరూ రారు.. ఎవరా ??? అని వెళ్లి చూసేసరికి అతను. అతని ఫ్రెండ్ అప్పుడు చూశాను దగ్గరినుండి. ఏదో తెలియని బాధ నాలో. ‘ఏమీ నిర్ణయంచుకున్నావు’ అని తను చెప్పకనే చెప్పారు కళ్లతో. ఫస్ట్ టైం తనతో మాట్లాడాను ఎదురుగా.. ‘మా ఇంట్లో అడగండి’ అని చెప్పాను. ఏమీ మాట్లాడకుండా వెంటనే అక్కడి నుండి వెళ్లిపోయారు. అదే రోజు సాయంత్రం కాలేజీ నుండి ఇంటికి వెళ్లే సమయంలో వాళ్ల వదిన నన్ను వాళ్ళ ఇంటికి తీసుకెళ్లి ‘మాది చాలా పెద్ద కుటుంబం! నువ్వు ఈ క్షణం వచ్చేయ్‌! పెళ్లి చేసేస్తాం. తరువాత మీ ఇంట్లో తెలిసినా మా కుటుంబం గురించి తెలిసి వాళ్లు ఏమీ అనరు. కట్టు బట్టలతో వచ్చేయ్‌’ అన్నారు. అప్పుడు కూడా మా ఇంట్లో చెప్పి ఒప్పిస్తాను అన్నాను కానీ వచ్చేస్తాను అనలేదు. కానీ ఇంట్లో చెప్తే ఒప్పుకుంటారా అనే సందేహం! ఎలా చెప్పేది. అక్కడి నుండి బయలుదేరి ఇంటికి వెళ్లేలోపు ఎన్నో ఆలోచనలు. ఏడుపు వచ్చేస్తుంది. ఇంటికి చేరుకున్నా. ఒక్కసారిగా ఏడుపు తన్నుకొచ్చింది ఏడ్చేశాను. అందరూ ఏంటి అని  కంగారు పడ్డారు. విషయం చెప్పాను. ఇంట్లో అందరూ షాక్! నాన్నగారు ‘వాళ్లది చాలా మంచి కుటుంబం! కానీ, నిచ్చితార్ధం అయ్యాక ఎలా’  అన్నారు. కానీ, నాకు ఏడుపు ఆగటం లేదు. అంతే అందరూ ఆలోచించుకుని ఒక నిర్ణయానికి వచ్చారు. ఒక్కసారిగా నిశ్చితార్ధం క్యాన్సిల్ చేశారు. మా ఇంట్లో అందరికి ఇష్టం లేకున్నా వాళ్లకి నో చెప్పేశారు. ఒక నెల గ్యాప్‌లో ఈ  సంబంధం ఖాయం చేశారు. మా పెద్దవాళ్ల అంగీకారంతో మా మ్యారేజ్  జరిగింది. రోజూ నన్ను ఫాలో అయ్యే అతనే నా భర్త! ఒకప్పుడు తనను చూస్తే భయపడేదాన్ని! ఇప్పుడు తనే నా సర్వస్వం తనే నాకు తోడు, నీడ తనే నాకు అన్నీ. ఒక్కసారిగా ఎంత ఛేంజ్‌. నా భర్త సంతోషానికి అవధులు లేవు లైఫ్‌లో అన్నీ సాధించినంత సంతోషం ఒక సంవత్సరానికే ఒక బాబు! నా కొడుకుని, నన్నూ ఒకేలా చూసుకునే వారు నన్ను కూడా ఒక కిడ్‌లా చూసుకునేవారు. తొమ్మిది సంవత్సరాలు గడిచాయి ఎంతో సంతోషంగా. కానీ, ఆ  సంతోషం క్షణంలో ఆవిరై పోయింది. నా భర్త తిరిగిరాని లోకానికి వెళ్లి పోయాడు. నన్ను, నా కొడుకుని ఒంటరి వాళ్లని చేసి వెళ్లిపోయాడు. - తరుణి, కాకినాడ లేదా worldoflove@sakshi.comకు మెయిల్‌ చేయండి

నేను చిన్నప్పటినుంచి హాస్టల్‌లో ఉండేవాడిని. అయితే అక్కడ ఉండలేక ఎనిమిదవ తరగతి చదువుతున్నపుడు హాస్టల్‌నుంచి వచ్చేశా. కొత్తగా ఒక జిల్లా పరిషత్‌ హైస్కూల్‌లో చేరా. రోజూ ఇంటికి వెళ్లి వచ్చేవాడిని. అక్కడ అంతా కొత్తపరిచయాలు. అప్పుడే నాకో అమ్మాయి బాగా నచ్చింది. పేరు శ్రవంతి! ఆ అమ్మాయి చాలా అందంగా ఉంటుంది. అసలు ఆ అమ్మాయికి సైట్‌ కొట్టని వారు లేరు. నేను కొద్దిగా బాగా చదువుతాను. అందువల్ల నాతో అందరికీ అవసరం ఉంటది. అలా అమ్మాయి ఫ్రెండ్‌ ఒక రోజు నన్ను మ్యాథ్స్‌ హోమ్‌ వర్క్‌ బుక్‌ అడిగింది. నేను శ్రవంతి మీద ప్రేమతో ఆ అమ్మాయికి ఇచ్చాను. ఇలా రోజురోజుకు మా పరిచయం పెరుగుతూ పోయింది. ఒక రోజు ధైర్యం చేసి నేను తనకిచ్చే పుస్తకంలో ఇద్దరి పేర్లు రాసి లవ్‌ సింబల్‌ వేసి ఇచ్చాను. అది తను చూసి మరుసటి రోజు సార్‌ దగ్గరకు వెళుతున్నానని భయపెట్టింది.  అప్పుడు నేను రివర్స్‌ గేమ్‌ ఆడాను. తనే ఆ పేరు రాసిందని. అప్పుడు తను ఒక్కసారిగా షాక్‌ అయ్యింది. నేను ధైర్యం చేసి తను ఇంటికి వెళ్లే దారిలో ఐ లవ్‌ యూ చెప్పా. తను మాత్రం ‘నేను నీకు బుక్‌ రాసి చెప్తా’ అంది. నేను ఒప్పుకోలేదు.  పట్టుదలగా అప్పుడే తనతో ఐ లవ్‌ యూ టూ చెప్పించుకున్నా. ఇక నాకైతే అప్పుడు గాల్లో తేలిపోయినట్లు అనిపించింది. ఇద్దరం పదవ తరగతికి వచ్చాం. ఇద్దరి మధ్యా ఎన్నో గుర్తులు.. ఎన్నెన్నో మాటలు. క్లాస్‌లో తను చూసే చూపులు. ఎనిమిది సంవత్సరాలు గడిచిపోయింది. ఇప్పటికీ మర్చిపోలేను. తర్వాత ఇద్దరం ఒకే కాలేజ్‌లో జాయిన్‌ అవుదామనకున్నాం. కానీ, నా తప్పు వల్ల తను చెప్పిన కాలేజ్‌లో చేరలేకపోయా. టెన్త్‌లో నాకు ఒక విషయం మాత్రం బాగా అర్థం అయింది. అమ్మాయి ప్రేమిస్తే ప్రాణం ఇస్తుందని. ఒక రోజు నేను మాట్లాడకపోతే తను క్లాస్‌లోనే ఏడ్చేసింది. ఆ రోజు నుండి ఆ అమ్మాయి అంటే నాకు బాగా నచ్చింది. మేము అనుకున్న కాలేజ్‌లో నేను చేరకపోయేసరికి తను మధ్యలోనే వచ్చేసింది. ఇక అమ్మాయికి మ్యారేజ్‌ చేశారు. నేనిప్పటికీ ఆ అమ్మాయిని మర్చిపోలేకపోతున్నా.  -రఫి,కువైట్‌ లేదా worldoflove@sakshi.comకు మెయిల్‌ చేయండి

మాది విశాఖ జిల్లా నర్సీపట్నం పక్కన ఒక విలేజ్. నేను డిగ్రీ చదువుతున్నప్పుడు డైలీ కాలేజ్‌కి బస్‌లో వెళ్లేవాడిని. రోజూ లాగానే ఆ రోజు కూడా కాలేజ్ అయిపోయాక బస్‌లో ఇంటికి వెళ్తున్నా. నా పక్కన సీట్‌లో ఇద్దరు అమ్మాయిలు కూర్చుని ఉన్నారు. అందులో ఒక అమ్మాయి వాళ్ల ఊరు వచ్చిందని దిగిపోయింది. దిగుతున్నపుడు తన ఫొటోస్ బ్యాగ్ నుండి కింద పడిపోయాయి. నేను అవి చూసి తన ఫ్రెండ్‌కు ఇవ్వటానికి ఆమెను పిలిచాను. నేను నిజంగా సర్‌ప్రైజ్‌ అయ్యాను. తను చాలా అందంగా ఉంది. కొంత సేపు తనని అలానే చూస్తూ వుండిపోయాను. తనే గట్టిగా పిలిచి ‘ఏమైంది’ అని అడిగి నవ్వుకుంది. నేను తన ఫ్రెండ్ ఫొటోస్ చూపించి ‘నీ పక్కన కూర్చున్న అమ్మాయి ఫొటోస్’ అని అన్నాను. తను అవి తీసుకుని థాంక్స్ చెప్పి వెళ్లిపోయింది. ఆ రోజంతా తనే గుర్తుకు వచ్చింది. ఆ తర్వాత రోజు సండే కాలేజెస్ సెలవు! సోమవారం తనకోసం చాలా వెతికాను కానీ, కనిపించలేదు. ఒక వారం రోజుల తర్వాత మళ్లీ బస్‌లో కనిపించింది. తనతో మాట్లాడాలని అనిపించేది. కానీ, ఎందుకో భయం వేసి మాట్లాడలేకపోయాను. ఆ తర్వాత తను నాకు కనిపించలేదు. ఒకరోజు నా ఫ్రెండ్ తన లవర్ కోసం బస్ స్టాప్‌లో ఎదురుచూస్తుంటే నేను వాడికి తోడుగా ఉన్నాను. వాడు తన లవర్‌తో మాట్లాడుతుంటే నేను కొంచెం దూరంగా వెళ్లి నుంచున్నాను. నా ఫ్రెండ్ లవర్‌తో పాటు నేను బస్‌లో చూసిన అమ్మాయి కూడా వచ్చింది. ఇద్దరిదీ ఒకే ఉరంట. వరసకి అక్కాచెల్లెళ్లు అవుతారంట. కానీ నా ఫ్రెండ్ నాకు విలేజ్‌లో బావ అవుతాడు. నేను వాడిని కావాలనే తన ముందు అన్నయ్యా అని పిలిచే వాడిని. అప్పటి నుండి నేను కూడా నా ఫ్రెండ్‌తో పాటు వాళ్ల కోసం వెయిట్ చేసేవాడిని. నా ఫ్రెండ్ వాడి లవర్ ఒకే సీట్‌లో కూర్చునేవారు. తప్పక తను నా పక్కన కూర్చునేది. కానీ ఏమీ మాట్లాడేది కాదు. వాళ్ల ఊరికి బస్‌లు ఉండవు. ఊరికి ఐదు కిమీ దూరంలో బస్ దిగేసి ఆటోకి వెళ్లాలి. ఉదయం టైమ్‌లో నేను నా ఫ్రెండ్ త్వరగా వాళ్లు బస్ ఎక్కే ఊరు వెళ్లి వాళ్ల కోసం వెయిట్ చేసేవాళ్లం. అలా తనతో పాటు బస్‌లో వెళ్లి రావటం నాకు అలవాటైంది. తను ఒక్క రోజు కనిపించకపోయినా వాళ్ల సిస్టర్‌ని ఏదో ఒక విధంగా తన గురించి అడిగే వాడిని. వాళ్ల సిస్టర్(నా ఫ్రెండ్ లవర్)కి నాపైన డౌట్ వచ్చి వాడిని అడిగితే నేను తనని లవ్ చేస్తున్నట్టు చెప్పేశాడు. కానీ తను వాళ్ల సిస్టర్‌కి చెప్పలేదు. ఆ రోజు జనవరి ఒకటవ తేది! నా చెల్లి అపుడు పదవ తరగతి చదువుతోంది. వాళ్ల ఫ్రెండ్ పుట్టినరోజంటే నేను మా చెల్లిని తీసుకుని వాళ్ల ఊరు వెళ్లాను. లక్కీగా చెల్లి వాళ్ల ఫ్రెండ్ ఊరు నేను లవ్ చేస్తున్న అమ్మాయి ఊరు ఒకటే. తను కనిపిస్తుందేమోనని చాలా సంతోషంతో వెళ్లాను. చెల్లిని వాళ్ల ఫ్రెండ్ ఇంట్లో దింపేసి తను కనిపించేంత వరకు ఆ ఊరంతా ఒక రౌండ్ వెయ్యాలని అనుకున్నాను. చెల్లి వాళ్ల ఫ్రెండ్ ఇంటికి వెళ్లాము. అక్కడ నేను షాక్ అయ్యాను. చెల్లి ఫ్రెండ్ వాళ్ల సిస్టర్ నా లవర్ ఒక్క అమ్మాయే. నేను చాలా ఆనందపడ్డా. చెల్లికి థాంక్స్ చెప్పుకున్నా. అక్కడ చాలా సేపు ఉన్నాము. తను నాకు డ్రింక్ తెచ్చి ఇస్తూ ‘తీసుకో అన్నయ్యా’ అంది. నాకు కళ్లల్లో నీళ్లు తిరిగాయి. 5 నిమిషాల తర్వాత అక్కడ నుండి చెల్లిని తీసుకుని వచ్చేశాను. ఆ తర్వాత తనకి కనిపించలేదు. ఒకవేళ కనిపించినా తప్పించుకుని తిరిగేవాడిని. తను నా ఫ్రెండ్‌ని అడిగిందంట నేను ఎందుకు కనిపించటం లేదని. ‘నువ్వు అన్నయ్య అన్నావు కదా! అందుకే వాడు చాలా బాధ పడుతున్నాడు’ అన్నాడంట తనతో. ఆ తర్వాత మేము ఒకరికి ఒకరం ఎదురుపడలేదు. ఒక నెల రోజుల తర్వాత నేను కాలేజ్ అయ్యాక ఫ్రెండ్స్‌తో కలిసి ఫస్ట్ షో సినిమాకి వెళ్లాను. సినిమా అయిపోయాక బస్ కోసం వెయిట్ చేస్తున్నాను. తనకి ఆ రోజు ప్రాక్టికల్స్ అంట చాలా లేట్ అయిపోయారు. తను వాళ్ల ఫ్రెండ్ వచ్చారు. బస్‌లు చాలా  సేపు రాలేదు. వాళ్లు చాలా కంగారు పడుతున్నారు. బస్‌లు వస్తున్నాయి కానీ, అస్సలు కాలు పెట్టడానికి కూడా ఖాళీ ఉండేది కాదు. మా ఫ్రెండ్స్ అందరూ వెళ్లిపోయారు. కానీ నేను తనకి బాగా లేట్ అయ్యింది కదా తను వెళ్లిన తరువాత వెళ్దాం అని ఉండిపోయాను. బస్ వచ్చింది! నేను ముందుగా ఎక్కి సీట్‌లో కూర్చున్నాను. తన ఫ్రెండ్‌ని పిలిచి నేను కూర్చున్న సీట్లో కూర్చోమని చెప్పి నేను ఇంకొక దగ్గర నుంచున్నాను. వాళ్ల పక్కన ఇంకొకరు కూర్చోవటానికి ప్లేస్ ఉంది. కానీ, నేను కూర్చోలేదు నుంచున్నా. బస్ స్టార్ట్ అయిన తరువాత కొందరు అబ్బాయిలు వచ్చి వాళ్ల సీట్లో కూర్చోవటానికి చూస్తున్నారు. అప్పుడు తను వాళ్ల ఫ్రెండ్‌తో చెప్పి, నన్ను సీట్లో కూర్చోవటం కోసం పిలిపించింది. నాకు పరిస్థితి అర్థమై కూర్చున్నాను. కానీ ఎవరితోనూ మాట్లాడలేదు. మొబైల్‌లో సాంగ్స్ వింటున్నా. అపుడు వాళ్ల ఫ్రెండ్ ‘అన్నయ్యా! సాంగ్స్ మేము కూడా వింటాము.’ అని చెప్పింది. అపుడు నేను నా మొబైల్ వాళ్లకి ఇచ్చేసి సైలెంట్‌గా కూర్చున్నా. టైమ్ 9:30 అయ్యింది. వాళ్ల ఊరికి ఆటోలు వుంటాయో ఉండవో అని నేను కూడా తనతో పాటు తను దిగే స్టాప్‌లో దిగిపొయాను. ఎందుకైనా మంచిదని నా ఫ్రెండ్‌కి కాల్ చేసి బైక్ తెప్పించాను. తను ఆటో కోసం వెయిట్ చేస్తోంది. నేను వేరే చోట నుంచొని ఉన్నాను. కాసేపటికి నా ఫ్రెండ్ వచ్చాడు. చాలా టైమ్ తర్వాత ఆటో వస్తే తను ఎక్కింది. నేను నా ఫ్రెండ్ ఆటోని ఫాలో అవుతూ వెళ్లాము. ఊరిలో తను దిగేవరకు ఉన్నాము. తరువాత ఒకరోజు నాకో నెంబర్‌నుంచి కాల్ వచ్చింది. తీరా చూస్తే అది తనే. చాలా రోజుల నుండి నా కోసం చూస్తుంది కానీ నేను కనిపించలేదు అని చెప్పింది. నేను చాలా సంతోష పడ్డాను. ఆఖరికి వాళ్ల చెల్లికి జరిగిందంతా చెప్పి నా నెంబర్ మా చెల్లి దగ్గర తీసుకుని కాల్ చేసిందంట. ఆ రోజు చాలా మాట్లాడుకున్నాము. అప్పటినుండి అప్పుడప్పుడు కాల్స్. డైలీ బస్‌లో మీట్ అవ్వటం చేసేవాళ్లం. తన ఇంటర్ ఎక్షామ్స్‌ అయిపోయాయి. సమ్మర్‌లో తననుండి ఒక్క కాల్ కూడా రాలేదు. నాకు పిచ్చెక్కేది. సమ్మర్ నాకు చాలా కష్టంగా గడిచింది. తర్వాత మళ్లీ కాలేజీలు స్టార్ట్ అయ్యాయి. తనని కలిసి అడిగాను ‘ఇన్ని రోజులు ఎందుకు ఫోన్ చేయలేదు’ అని. అప్పుడు తను చెప్పింది ‘మా ఫోన్ పాడైంది. నెంబర్స్ పోయాయ్! అందుకే కాల్ చేయడానికి అవ్వలేదు’ అని. అప్పుడు తను తన కొత్త నెంబర్ నాకిచ్చింది. అప్పటి నుండి మేము డైలీ ఫోన్‌లో మాట్లాడుకునేవాళ్లం. ఒకరోజు ధైర్యం చేసి తనను ప్రేమిస్తున్న విషయం చెప్పేశాను. తను లవ్‌పైన ఇంట్రెస్ట్ లేదని చెప్పింది. అయినా కానీ నేను తనతో మాట్లాడేవాడిని చాలా రోజుల తర్వాత తను నా ప్రేమను ఒప్పుకుంది. అప్పటినుండి మా ప్రేమ, నా లైఫ్ చాలా సంతోషంగా ఉండేది. అలా మా ప్రేమ నాలుగు సంవత్సరాలు కొనసాగింది. మా ప్రేమ విషయం తను వాళ్ల అమ్మకు కూడా చెప్పింది. వాళ్ల అమ్మ కూడా మా ప్రేమను ఒప్పుకుంది. డిగ్రీ అయిపోయిన తర్వాత నేను పీజీ చేయడం కోసం వైజాగ్ వెళ్ళిపోయాను. ఆ తర్వాత ఒకరోజు తను  కాల్ చేసి ‘నాకు ఇంట్లో పెళ్లి సంబంధాలు చూస్తున్నారు. ఏం చేయమంటావు’ అని అడిగింది. ‘ఓ రెండు సంవత్సరాలు వేయిట్‌ చెయ్! ఈ లోపు నా చదువు పూర్తవుతుంది. జాబ్ రాగానే పెళ్లి చేసుకుంటాను’ అని చెప్పాను. కానీ తను ‘ఇంట్లో ఒత్తిడి చేస్తున్నారు. ఈ సంవత్సరమే చేసుకోవాలి’ అని చెప్పింది. కానీ ఇంట్లో బాధ్యతల వల్ల చేసుకోలేనని చెప్పాను. ఎందుకంటే నేను నా చెల్లి పెళ్లి చేయాలి. ఆ తర్వాత నేను చేసుకోవాలి. అలా కాదని నేనే ముందు పెళ్లి చేసుకుంటే మా ఫ్యామిలీ ఇబ్బందులు పడాల్సి వస్తుందని తనతో చెప్పాను. కానీ తను ఆ టైంలో నన్ను అర్థం చేసుకోలేదు. నాకు ఏం చేయాలో అర్థం అయ్యేది కాదు. అప్పుడు నేను ఏమీ చేయలేని పరిస్థితిలో ఉండిపోయాను. వారం రోజుల తర్వాత కాల్ చేసి ‘నాకు మ్యారేజ్ ఫిక్స్ అయిపోయింది. రెండు నెలల్లో మ్యారేజ్’ అని చెప్పింది. నేను ఏమీ చేయలేక అలా ఉండి పోయాను. తన పెళ్లి అయిపోయింది. ఇప్పుడు నాకు మంచి జాబ్ వచ్చింది. జీతం వచ్చే జాబ్‌ ఉంది కానీ, జీవితం ఇచ్చే ప్రేమ లేదు. నేను తనను చాలా మిస్ అవుతున్నాను. తను ఎక్కడున్నా హ్యాపీగా ఉండాలి. అదే నేను కోరుకునేది మిస్ యు బుజ్జి ఐ మిస్ యు సో మచ్! ఐ లవ్ యు... నిన్ను ఎంతగానో ప్రేమించే - సతీష్ లేదా worldoflove@sakshi.comకు మెయిల్‌ చేయండి

చాలా కాలం క్రితం మా కుటుంబం ఓ మూడేళ్లు అనంతపురంలో ఉండింది. అప్పుడు నేను 8నుంచి 10వ తరగతి వరకు శారదా మున్సిపల్ గర్ల్స్‌ హైస్కూల్‌లో చదివాను. చాలా కష్టపడి చదివేదాన్ని. చదువే నాలోకం. 8వ తరగతిలో రంగప్ప సార్‌ ట్యూషన్‌లో చేరాను. చాలా బిడియం, అమాయకత్వం, మగ పురుగును చూడటం కూడా తప్పు అనుకునేదాన్ని. నన్నో అబ్బాయి నాకు తెలియకుండా డైలీ చూసేవాడు. తొమ్మిదిలో ట్యూషన్‌ మానేసినా పదిలో మళ్లీ నా కోసమే చేరాడు. నేను చాలా యాక్టివ్‌గా ఉండేదాన్ని. మా స్కూల్‌ తరపున డ్రాయింగ్‌, సింగింగ్‌, అన్ని కాంపిటీషన్స్‌కు వెళ్లేదాన్ని.  అతను కూడా నేను వెళ్లే ప్రతీ కాంపిటీషన్‌కు వచ్చేవాడు. వాళ్లది బాయ్స్‌ స్కూల్‌. అతను నన్ను డీప్‌గా ప్రేమిస్తున్నాడని నా ఫ్రెండ్స్‌ చెప్పేవరకు నాకు తెలియదు. ట్యూషన్‌ సోఫా మీద నా పేరు వందలసార్లు దిద్దేవాడు. ఎప్పుడైనా అతను నా దగ్గరగా నిలబడినప్పుడు నేను చూస్తే చాలు అమ్మాయిలందరూ నన్ను ‘ చూసింది, చూసింది’ అని కామెంట్లు చేసేవారు. ఆ వెంటనే నేను తప్పు చేసినట్లు తలదించుకుని స్టడీస్‌పై శ్రద్ధ పెట్టేదాన్ని. సెలవులొస్తే మా వీధి చివర నిలబడి నేను కనపడేవరకు ఎదురు చూసేవాడు. నాకప్పుడు తెలియదు అతను నా కోసమే నిలబడ్డాడని. టెన్త్‌ ఫైనల్‌ ఎక్షమ్స్‌​ అప్పుడు మా ఇద్దరి సెంటర్లు వేరు వేరు. పరీక్షల్లో ఏం రాసేవాడో కానీ, సైకిల్‌ మీద వచ్చేటప్పుడు , వెళ్లేటప్పుడు ఫాలో అయ్యేవాడు. లాస్ట్‌ డే రోజు నేను మిస్‌ అయ్యానని రొప్పుకుంటూ వచ్చాడు. నాకు ఎన్నో లెటర్స్‌ రాశాడంట నాకు వినిపించాలని. హాలిడేస్‌లో మేము హైదరాబాద్‌ షిప్ట్‌ అయ్యాము. అతన్ని ఒక్కసారి కూడా చూడలేదు, మాట్లాడలేదు. కానీ, రీసెంట్‌గా స్వప్న మూవీలో లవ్‌ లెటర్స్‌ సాంగ్‌ చూశాక చాలా బాధపడ్డా. నేనెంత నిజమైన ప్రేమను మిస్‌ అయ్యానోనని. నేను దూరం అయ్యాక ఎలా తట్టుకున్నాడో, అసలు ఉన్నాడా అని అనుమానం. ఇది జరిగి 30 ఏళ్లు గడుస్తున్నా నా హార్ట్‌లో నిలిచిపోయే రిలేషన్‌. ఎక్కడున్నా నీకు సారీ చెప్పాలని, ఆ లెటర్స్‌ చదవాలని, నిన్ను చూడాలని ఉంది. - శ్రీ గౌరీ, అనంతపురం లేదా worldoflove@sakshi.comకు మెయిల్‌ చేయండి

నేను నా స్కూల్‌ డేస్‌నుంచి ఎవరితోనూ ఎక్కువగా మాట్లాడేదాన్ని కాదు. చాలా సైలెంట్‌. ఇంటర్‌ కాలేజ్‌ అంతా వైజాగ్‌ గర్ల్స్‌ హాస్టల్‌లోనే. ఆ తర్వాత డిగ్రీలోకి వచ్చిన తర్వాత మధ్యలో తను పరిచయం అయ్యాడు. తనొక షార్ట్‌ ఫిల్మ్‌ డైరెక్టర్‌! నిజానికి నేనే తనకి మెసేజ్‌ చేశా. అలా మేము బాగా మాట్లాడుకునేవాళ్లం. తను నాతో రిలేషన్‌ కావాలని అడిగాడు. నేను సరే అన్నాను. అలా నాకు తెలియకుండానే నేను తనని చాలా ప్రేమించా. చాలా సార్లు తనకు చెప్పాలనుకున్నా. కానీ, భయం వేసింది. ఏమైనా అనుకుంటాడేమో అని అప్పుడు చెప్పలేదు. కానీ, తనకు నేను ప్రేమిస్తున్నానని తెలుసు! కావాలని నన్ను దూరం పెట్టాడు. తను గతంలో ఓ అమ్మాయిని ప్రేమించాడు. ఇప్పటికీ ఆ అమ్మాయిని మర్చిపోలేకపోతున్నాడు. ఈ విషయాలు అన్నీ తెలిసికూడా నేను తనని ప్రేమించా. తను ఎప్పుడూ హ్యాపీగా ఉండాలని అనుకునేదాన్ని. తను నన్ను ప్రేమించకపోయినా పర్లేదు గానీ, నాతో మాట్లాడితే చాలని అనుకునేదాన్ని. కానీ, తను నాతో మాట్లాడటం మానేశాడు. తనకోసం ఏడవని రోజు లేదు. తన ఫొటో చూసుకుని, పాత మెసేజ్‌లు చదువుతూ అలా బ్రతికేస్తున్నా. తనంటే అంత పిచ్చి నాకు. ఈ జన్మలో కాకపోయినా వచ్చే జన్మంటూ ఉంటే తను ప్రేమించే అమ్మాయి నేనే కావాలని కోరుకుంటున్నాను. నేను నిన్ను ఈ జన్మలో మర్చిపోను. - గీత, విశాఖపట్నం చదవండి : అమ్మ కోసం ఆమెను వదులుకున్నా! కానీ.. అతడికి ఫోన్‌ చేస్తే మేము చస్తాం! లేదా worldoflove@sakshi.comకు మెయిల్‌ చేయండి

2014 నుంచి తనను ఇష్టపడ్డా. ఈ స్మార్ట్ యుగంలో కూడా లవ్ లెటర్ ఇచ్చా. ఎందుకంటే మన మనసులో ఉన్న భావాలు తేలికగా, అందంగా చెప్పడానికి ప్రేమ లేఖ ఉత్తమమైనది. 2015లో లెటర్ ద్వారా నా ప్రేమను తెలియ జేస్తే! ఆ లెటర్ కాస్తా ఆ అమ్మాయితో సహా వాళ్ల అక్కలు కూడా చూశారు. ఈ కాలంలో కూడా ఈ లెటర్ ఏంది అని కామెడీ చేశారు. తర్వాత నేను ఏంటీ? ఏం చేస్తాను? అని ఎంక్వైరీ చేశారు. ఓ వైపు  చదువుతూ ఇంటి ఆర్థిక పరిస్థితులకు తగ్గట్టు తాపీ మేస్త్రీ పని చేస్తున్న నన్ను హేళన చేస్తూ ‘ఛీ తాపీ పని చేస్తాడా’ అన్నట్టు చూశారు! కొందరితో అన్నారు కూడా. అలా అన్న మరు క్షణమే నాకు అర్థమైంది. తనకు దగ్గర కావాలంటే నేను చేసే పని మారాలి అని. నాకు తెలిసిన అన్నయ్య వాళ్లతో చెన్నై షిప్ యార్డులో సూపర్‌ వైజర్‌గా చేరా. కానీ, తనను విడిచి దూరంగా ఉండలేక నెల రోజులకే తిరిగి వచ్చేశా. ఈ మధ్యలో సరిగ్గా జూలై 26న తన పుట్టినరోజున ప్రపోస్ చేశా.. ఒప్పుకుంది. 2016లో నా డిగ్రీ పూర్తయింది. ఆ వెంటనే ఎన్ఎసీ(నాక్‌) హైదరాబాద్‌లో మూడు నెలలు ట్రైనింగ్‌ తీసుకుని అపర్ణ కన్స్ట్రక్షన్లో జాబ్ సెలెక్ట్ అయ్యా. కొద్ది రోజుల తర్వాత తనే ఫోన్ చేసి ఎలా ఉన్నావ్? ఏంటి? అని అడిగింది. తను నాకు ఫోన్ చేయడాలు, మళ్లీ నేను తనకు చేయడాలు. వాళ్ల అక్కలు గమనించి ఇంట్లో చెప్పారు. ‘అతడికి నువ్వు ఫోన్‌ చేస్తే మేము చస్తాం!’ అని బెదిరించారు. అప్పటి నుండి మా ప్రేమ ముగిసింది. ఆ క్షణం నుండి నేను నాలో లేను. ఓ ఆరు నెలలు తను కూడా బాగా డిస్ట్రబ్‌ అయిందట.. తిండి తినలేదట. నాకు తెలిసిన కొందరు చెప్పారు. కొన్నాళ్లకు నన్ను మరచిపోయింది. ఒక రోజు నా దగ్గరకు వచ్చి ‘నన్ను మరచిపో’ అని చెప్పి వెళ్లిపోయింది. నేను మాత్రం తన జ్ఞాపకాలను నెమరేసుకుంటూ జీవితాన్ని గడుపుతున్నా. చావడానికి కూడా సిద్ధ పడ్డా కానీ, నా ఫ్యామిలీ గురించి ఆలోచించినపుడు చావాలనుకున్న కారణం చాలా చిన్నగా అనిపించింది. - శ్రీనివాస్‌, తాండూరు లేదా worldoflove@sakshi.comకు మెయిల్‌ చేయండి

నేను బొబ్బిలిలో డిప్లొమా చదువుతున్న రోజుల్లో మా ఫ్రెండ్‌ వాళ్ల  ఫ్రెండ్ ఒక అమ్మాయి ఫేస్‌బుక్‌లో నాకు పరిచయం అయ్యింది. స్నేహం బలపడి, క్రమేపి తను నా బెస్ట్ ఫ్రెండ్‌ అయ్యింది. ఆ అమ్మాయి వాళ్ల నాన్న వాళ్లింట్లో వాళ్లని అస్సలు పట్టించుకునేవారు కాదు. తను ఎప్పుడూ ఆ బాధలు నాతో చెప్తూ బాధ పడుతూ ఉండేది. ఒకరోజు ఆ బాధల్ని పోగొట్టి తన జీవితంలో సంతోషం చూడాలని తనకి ప్రపోజ్ చేశా. వెంటనే తను ఒప్పుకుంది. తను ఒప్పుకున్న మూడు నెలలకే నాకు గవర్నమెంట్‌ జాబ్‌ వచ్చింది. అలా మా  ప్రేమ కొనసాగుతున్న తరుణంలో  మాకు సంబంధించిన కొన్ని విషయాలు తెలుసుకుంటే ఆశ్చర్యానికి లోనయ్యాము. తన క్యాస్ట్, తన బ్లడ్ గ్రూప్, తన చేతివాటం(లెఫ్ట్ హ్యాండ్), తన జన్మ నక్షత్రం, రాశి, ఒకే ఊరు అన్నీ ఒకేలా నాలానే ఉన్నాయి. మేము 6 సంవత్సరాలు కలిసి ఉన్నా ఎప్పుడూ ఎటువంటి సినిమాలకి, పార్క్‌లకు వెళ్లలేదు. అలా అని ఇప్పుడు ఉన్నట్టు అడ్వాంటేజ్ కూడా తీసుకోలేదు. దానికి కారణం నిజమైన ప్రేమ ఎప్పటికైనా గెలుస్తాదని ఇద్దరం గట్టిగా నమ్మాం. అలా అనే ఇద్దరి ఇంట్లో నాలుగు నెలల క్రితం చెప్పాం. మా ఇంట్లో ఒప్పుకోగానే వాళ్ల ఇంటికి మా అమ్మానాన్నలని తీసుకుని వెళ్లా. ఇద్దరికీ ఏప్రిల్లో పెళ్లి చేసేస్తాం అని అన్నారు వాళ్ల నాన్న. ఇక మా ఆనందానికి అవధులు లేవు. కానీ రెండు నెలల తర్వాత ‘ ఇద్దరి జాతకాలు సెట్ అవ్వలేదంట.. మేము మా అమ్మాయికి వేరే సంబంధం చూసేస్తాం’. అని చెప్పి వెళ్లిపోయారు. ఆ అమ్మాయిని అడిగితే ‘మా అమ్మ నేను ఎంత అడిగినా వినట్లేదు వేరే సంబంధం తెచ్చేశారు. ఏం చేస్తాం చెప్పు!’ అని చెప్పి నా నెంబర్‌ బ్లాక్ చేసేసింది. వాళ్ల నాన్నకి నాకంటే ఇంకా బెస్ట్ ఎక్కడ దొరికాడో?.. గవర్నమెంట్‌ ఉద్యోగిని, స్మోకింగ్, డ్రింకింగ్ అలవాటు లేదు. ఒకే ఊరు! తన కూతురు ఇంటి పక్కనే ఉంటాది. మొన్న సచివాలయం పరీక్షల్లో ఆ అమ్మాయికి జాబ్ వచ్చింది. పోస్టింగ్ నేను జాబ్ చేస్తున్న పక్క ఊరే. నన్ను దాటుకుని రోజు వెళుతుంది. తనను చూస్తుంటే కంట్లో నీళ్లు వస్తున్నాయి. - రాజు, విజయనగరం లేదా worldoflove@sakshi.comకు మెయిల్‌ చేయండి

మాది వైజాగ్‌! చిన్నప్పటినుంచి సినిమాలంటే ఇష్టం ఉండటంతో చదువు మధ్యలోనే ఆపేసి హైదరాబాద్‌ వచ్చేశా. రావటం అయితే వచ్చా కానీ, ఇక్కడ నాకు ఎవరూ తెలియదు. ఎలాగైనా హైదరాబాద్‌లోనే ఉంటూ ఏదైనా పని చేసుకుంటూ సినిమాలకు ట్రై చేద్దామనుకున్నా. జాబ్‌లో జాయిన్‌ అయి దగ్గరలోనే రూం తీసుకున్నా. అలా మూడు నెలలు గడిచిపోయింది. అప్పటివరకు రూం, ఆఫీసు తప్ప వేరే ప్రపంచం నాకు తెలియదు. ఒకరోజు డ్యూటీనుంచి వచ్చిన తర్వాత అమ్మ ఫోన్‌ చేస్తే రూం బయట నిలబడి మాట్లాడుతున్నా. నా ముందునుండి ఓ అమ్మాయి వెళుతోంది. అచ్చం దివినుంచి దిగివచ్చిన దేవకన్యలా ఉంది. ఆమెనే చూస్తూ ఉండిపోయాను. అలా చూస్తుండగానే తను మా గల్లీ దాటిపోయింది. ఊహల్లోంచి తేరుకున్న నేను తనెవరో, ఎక్కడ ఉంటుందో తెలుసుకోవాలని వెంటనే తనకోసం పరుగుతీశా. తను, తన ఫ్రెండ్‌తో కలిసి మార్కెట్‌లోకి వెళ్లింది. నేను తన వెంటే వెళ్లా. ఎలాగైనా తను ఎక్కడ ఉంటుందో తెలుసుకోవాలని నా ఆత్రుత. మార్కెట్‌లోంచి బయటకు వెళుతుంటే నేను వెనకాలే ఫాలో అయ్యాను. తన ఫ్రెండ్‌ మధ్యలో బై చెప్పి వెళ్లిపోయింది.  తను మాత్రమే నడుస్తోంది. వెనకాలే నేను. ఒకసారి వెనక్కు తిరిగి చూస్తే బాగుండు అనుకుని వేయిట్‌ చేస్తున్నా. తను మాత్రం ఏమీ పట్టించుకోకుండా వెళ్లిపోయింది. ఇంతలో నా మొబైల్‌ రింగ్‌ అయింది. ఆ సౌండ్‌కు తను వెనక్కు తిరిగి చూసింది. నా చేతిలో ఉన్న ఫోన్‌ జారిపోయి కింద పడింది. తను నవ్వుకుంటూ వెళ్లిపోయింది. అప్పుడు జారింది నా ఫోన్‌ ఒక్కటే కాదు.. నా మనసు కూడా. మళ్లీ తన వెనకాలే ఫాలో అయ్యాను. మొత్తానికి తన అడ్రెస్‌ కనుక్కున్నా. హఠాత్తుగా రూంకు తలుపువేయలేదన్న సంగతి గుర్తుకువచ్చింది. వెంటనే పరిగెత్తబోయాను. కానీ, తీరా చూస్తే ఆ అమ్మాయి ఇళ్లు మా ఇంటి పక్కనే ఉంది. ఒక్క క్షణం నాకేమీ అర్థం కాలేదు. తనను ఎలా పరిచయం చేసుకోవాలో అర్థం కాక నైట్‌ అంతా నిద్రపట్టలేదు. డైరెక్ట్‌గా మాట్లాడటం అంటే నాకు చాలా భయం. వాళ్ల ఫ్రెండ్స్‌ని ఎవరైనా ఆమె నెంబర్‌ అడుగుదామంటే నాకు ఎవరూ తెలియదు. ఉదయం ఆఫీసుకు కాల్‌ చేసి ఫీవర్‌ ఉందని లీవ్‌ పెట్టా. మార్నింగ్‌ తను కాలేజ్‌కు వెళ్లే సమయంలో ఇంటి బయట నిలబడి వేయిట్‌ చేస్తున్నా. ఇంతలో తను బయటకు వచ్చింది. నా గుండె వేగం పెరిగింది. భయం మొదలైంది. వెయ్యికోట్లు దొంగతనం చేసి దొరికిపోయినా సరే ఇలాంటి టెన్షన్‌ వద్దు. ఇదేం ఫీలింగ్‌రా బాబు అనుకున్నా. ఇంతలో తన ఫ్రెండ్‌ వచ్చింది. తనతో నీ ఎఫ్‌బీ ఐడీ ‘పల్లవి, పల్లవి కదా?’ అంది. తను అవునంది. ‘మరి డీపీ ఏంటి ప్రభాస్‌ది పెట్టావు’  అని అడిగింది. దాహంగా ఉన్నోడికి ఒక్కసారిగా బీర్‌ కేస్‌ దొరికినట్లు అయ్యింది. ఇక వెంటనే రూంలోకి వెళ్లి, మొబైల్‌లో ఎఫ్‌బీ ఓపెన్‌ చేశా. బాగా వెతికి, వెతికి తన ఐడీ కనుక్కున్నా. ఆనందం తట్టుకోలేకపోయా. వెంటనే రిక్వెస్ట్‌ పెట్టా. ఎప్పుడు ఆక్సెప్ట్‌ చేస్తదా అని చూడటం మొదలుపెట్టా. మధ్యాహ్నం ఒకటి అయింది కానీ తను ఆక్సెప్ట్‌ చేయలేదు. అసలు ఆక్సెప్ట్‌ చేస్తదా చేయదా అని టెన్షన్‌. ఇంతలో ఎఫ్‌బీ నోటిఫికేషన్‌ వచ్చింది. అది తన ఆక్సెప్ట్‌ అయ్యుండాలని దేవుడ్ని ప్రార్థించటం మొదలుపెట్టా. ఆ దేవుడు కనికరించాడో ఏమో  నా నోటిఫికేషన్‌ ఆ అమ్మాయి ఆక్సెప్ట్‌ చేసింది. వెంటనే లేట్‌ చేయకుండా హాయ్‌ అనిపెట్టా. చూసింది కానీ, తను రిప్లై ఇవ్వలేదు. మళ్లీ హాయ్‌ అని పెట్టా. మళ్లీ చూసింది కానీ, రిప్లై ఇవ్వలేదు. ఏదో ఒకటి అవుతదని మళ్లీ హాయ్‌ అని పెట్టా. మళ్లీ రిప్లై ఇవ్వకపోవటంతో డల్‌గా ఉన్నా. ఇంతలో మెసేజ్‌ వచ్చింది. అది తనే.   నేను రిప్లై ఇచ్చా. అలా కొంతసేపు నార్మల్‌గా మాట్లాడి ‘నేను మా పక్కింట్లో ఉంటా’ అని చెప్పా. ‘హా! తెలుసు’ అంది. ఇక నా మైండ్‌ బ్లాక్‌ ‘ నిన్న నా వెనకాల మార్కెట్‌ మొత్తం తిరిగావుగా’ అంది. నాకేం అర్థం కాలేదు. ‘నువ్వు ఎఫ్‌బీలో మెసేజ్‌ పెట్టాలనే మా ఫ్రెండ్‌తో నా ఎఫ్‌బీ ఐడీ చెప్పించా.’  షాక్‌ మీద షాక్‌! ఏమీ అర్థం కాలేదు. ‘నువ్వు నిన్నటి నుంచే చూస్తున్నావు. నేను నిన్ను మూడు నెలల నుంచి చూస్తున్నాను. ఐ లవ్‌ యూ’ అంది. తన నెంబర్‌ పెట్టి సాయంత్రం ఆరు గంటలకు ఫోన్‌ చేయమంది. అప్పుడు అర్థమైంది! అమ్మాయిలు ఎంత ప్రేమ ఉన్నా అబ్బాయిలు చనువు తీసుకునే వరకు బయటపడరని. ఈవినింగ్‌ కాల్‌ చేసి మాట్లాడా. తన మాట తీరు, తను ఉండే పద్దతి అన్నీ నాకు బాగా నచ్చాయ్‌. చాలా దగ్గర అయ్యాం. హైదరాబాద్‌లో ఉన్న అన్ని ప్రదేశాలు తిరిగాం. ఒకరిని విడిచి ఒకరం ఉండలేకపోయేంతగా అయ్యాం. అలా ఓ సంవత్సరంనర తర్వాత ఓ రోజు మా విషయం వాళ్ల ఇంట్లో చెబుదాం అంది. నేను ధైర్యం చేసి వాళ్ల అమ్మతో చెప్పేశా. తను ఒకే అంది. అంతా హ్యాపీ ఇక నేను మా ఇంట్లో ఒప్పించటమే ఉంది. సరే నేను మా ఇంట్లో మాట్లాడతా అని ఇంటికి వెళ్లా. వాళ్లకు చెప్పా! ఒక్కడినే కొడుకును కాబట్టి వాళ్లు ఒప్పుకున్నారు. ఈ హ్యాపీ న్యూస్‌ తనకు చెప్పటానికి ఫోన్‌ చేశా. తను లిఫ్ట్‌ చేయగానే ఒక మాట అంది. ఆ మాట ఇప్పటికీ ఎప్పటికీ మర్చిపోలేనిది. మీ కులం ఏంటని తను అడిగింది. నేను చెప్పా!. సరే తర్వాత చేస్తా అని తను ఫోన్‌ కట్టేసింది. ఐదు రోజులు గడిచించి తను ఫోన్‌ చేయటం లేదు. నేను ఫోన్‌ చేస్తే లిఫ్ట్‌ చేయలేదు. మెసేజ్‌లు చేస్తే రిప్లై కూడా ఇవ్వటం లేదు. ఏం చేయాలో అర్థం కాలేదు. ఓ వైపు నాన్నకు బాగోలేక 20 రోజులు అక్కడే ఉండాల్సి వచ్చింది. ఈ ఇరవై రోజులు తనతో మాట్లాడకుండా, చూడకుండా నలిగిపోయా. బాధని ఎవరితో చెప్పుకోవాలో కూడా తెలియలేదు. నాన్నకు తగ్గిన తర్వాత వెంటనే హైదరాబాద్‌ బయలు దేరాను. ఓ వైపు భయం తనకు ఏమైనా అయ్యిందేమోనని, వాళ్ల నాన్న ఏమన్నా అన్నాడా అని. ఇంటి దగ్గరకు వెళితే ఎవరూ లేరు. ఫోన్‌ చేస్తే లిఫ్ట్‌ చేయటం లేదు. ఇంతలో తను వేరే అబ్బాయితో చేతిలో చేయి వేసుకుని నడుచుకుంటూ వస్తుంటే అది చూసి ఒక్కసారిగా నా ప్రాణం పోయినట్లు అయ్యింది! అవ్వటం ఏంటి నిజంగానే పోయింది. ఏం మాట్లాడకుండా రూంలోకి వెళ్లా. ఏం చేయాలో తెలియక అలా ఉండిపోయా. ఇంతలో ఒక మెసేజ్‌​ వచ్చింది. అందులో నన్ను రాత్రికి కలవమని ఉంది. నేను రాత్రి వెళ్లి కలిశాను. ఎందుకు అలా చేశావ్‌ అని అడిగేలోపేత ను ఇలా అంది. ‘‘ మా నాన్నకు క్యాస్ట్‌ ఫీలింగ్‌ ఎక్కువ. నీకు, నాకు సెట్‌ అవ్వదు. నిన్ను లవ్‌ చేశానని తెలిస్తే నన్ను చంపేస్తాడు. ఉదయం నువ్వు చాశావుగా! తను మా బావ. మా ఇద్దరికీ పెళ్లి చేయాలనుకుంటున్నారు. నేనంటే తనకు చాలా ఇష్టం. తను నన్ను బాగా చూసుకుంటాడనే నమ్మకం నాకుంది. ప్లీజ్‌ నన్ను వదిలేయ్‌!’ అని వెళ్లిపోయింది. ఎందుకు నన్ను మోసం చేశావని అడిగే సమయం కూడా ఇవ్వలేదు. నువ్వే నా ప్రాణం, నీతోనే నా లైఫ్‌ అన్న మాటలు ఏమయ్యాయో నాకు అర్థం కాలేదు. అమ్మాయిలు ఎంత తొందరగా లవ్‌ చేస్తారో అంతే తొందరగా మర్చిపోతారని అర్థం అయ్యింది. తను దూరమైన తన పేరు నా గుండెలమీద పచ్చబొట్టులా మిగిలిపోయింది.  - అజయ్‌, హైదరాబాద్‌ లేదా worldoflove@sakshi.comకు మెయిల్‌ చేయండి

2006లో అనుకోకుండా ఓ పని మీద నెల రోజులు వేరే ఊరుకి వెళ్లవలసి వచ్చింది. అక్కడ అంతా బాగానే ఉంది. 15రోజులు ఎలాగో గడిచి పోయాయి. నేను పని చేసే యింటి పక్కన ఒక అమ్మాయికి నాకు అసలు పడకపోయేది. ప్రతీ విషయంలో నాతో గొడవ పడేది. నేను స్వతహాగా డ్యాన్సర్‌ని కూడా. పని అయిపోయాక డ్యాన్స్ చేయడం అలవాటు. ఓ రోజు ఆ ఊర్లో ఉత్సవం జరిగింది. తన ఇల్లంతా బంధువులతో నిండి పోయింది. రోజూలాగే ఆ రోజు కూడా నేను డ్యాన్స్ చేస్తున్నా. నేను డ్యాన్స్ చేస్తుంటే అనుకోకుండా తన బంధువులు చూడటానికి వచ్చారు. వాళ్లతో పాటు తను కూడా వచ్చింది. వాళ్లంతా నన్ను మళ్లీ డ్యాన్స్ చేయమని అడిగారు. సరే అని నేను చేశాను. ఎప్పుడూ నాతో గొడవ పడే ఆ అమ్మాయి నా డ్యాన్స్ చూసి చాలా హ్యాపీగా ఫీల్ అయ్యింది. తన బంధువులు కూడా నాతో ‘చాలా బాగా చేశావు’ అన్నారు. ఏమైందో తెలియదు కానీ మరుసటి రోజునుంచి తను నన్ను చూసి నవ్వేది. నేను కూడా నవ్వేవాడిని. అది లవ్ అని తెలియడానికి ఎక్కువ సమయం పట్టలేదు. అలా అనుకోకుండా మా ప్రేమ కథ స్టార్ట్‌ అయ్యింది. డైలీ తను నాకు ఒక చిన్న పిల్లాడికి అమ్మ అన్నం కలిపి పెట్టినట్లు ముద్దలు కలిపి పెట్టేది. అలా మిగితా 15రోజులు గడిచిపోయాయి. నేను మళ్లీ హైదరాబాద్ తిరిగి వచ్చేశాను. అప్పుడు తను ఎంత ఏడిచిందో నేను కూడా అంతలా ఏడ్చాను. మా ఇద్దరి కులాలు వేరు, వేరు. ఒకసారి వాళ్ల అమ్మని వేరే విధంగా అడిగాను ‘మీ అమ్మాయికి పెళ్లి చేయటానికి ఎలాంటి వాడు కావాలి?’ అని. తను వాళ్ల కులం తప్ప వేరే వాళ్లకు ఇచ్చి పెళ్లి చేయనని చెప్పింది. ఆ అమ్మాయి మాత్రం నేను లేకుండా ఉండలేను అని చెప్పింది. హైదరాబాద్‌కు తిరిగొచ్చాక మా ఇంట్లో విషయం చెప్పాను! ఓకే అన్నారు. ఒక మా అన్నయ్య తప్ప. అప్పుడు నా ఫ్రెండ్స్ నాకు తనకు శంషాబాద్ సిద్దుల గుట్ట శివాలయంలో పెళ్లి చేయటానికి అంతా రెడీ చేశారు. తను బస్ ఎక్కే టైంకి తన బ్రదర్ పట్టుకున్నాడు. తను రాలేదు. కానీ, నా ఫ్రెండ్స్ మళ్లీ తనని తన ఊరికి వెళ్లి తీసుకుని వద్దాం అని వెళ్లాం. అప్పుడు వాళ్ల బ్రదర్ నా లవ్‌ మ్యాటర్‌ వాళ్ల ఇంట్లో చెప్పాడు. పెద్ద గొడవ మొదలైంది. నేను అక్కడినుంచి హైదరాబాద్‌ తిరిగొచ్చేశాను. తర్వాత మా అన్న నాకు వేరే సంబంధం చూశాడు. వద్దని చెప్పినా వినలేదు. ఎంగేజ్‌మెంట్ అయిపోయింది. తను నాకు ఫోన్‌ చేసి చాలా ఏడ్చింది! నేను కూడా ఏడ్చాను. ఫైనల్లీ నాకు మ్యారేజ్‌ అయిపోయింది. కానీ, నాకు మాత్రం తను ప్రతీ నిమిషం గుర్తుకు వచ్చేది. తనకోసం మళ్లీ వాళ్ల యింటికి వెళ్లాను. కానీ, తనతో మాట్లాడలేదు. మళ్లీ ఇంకోసారి తన కాలేజ్‌ దగ్గరకు వెళ్లాను! ప్రయోజనం లేకపోయింది. 2009లో తనకి మ్యారేజ్‌ అయ్యింది. ఇక తనని చూడలేదు. మళ్లీ అనుకోకుండా ఒక రోజు తన ఫోన్‌ నెంబర్‌ దొరికింది. ఫోన్‌ చేసినా రిప్లై ఇవ్వలేదు. వెంటనే నా నెంబర్‌ బ్లాక్‌ చేసింది. తను సంతోషంగా ఉందని తెలిసింది. నేను కూడా హ్యాపీగా ఫీలయ్యా. అనుకోకుండా మళ్లీ తను నాకు మెసేజ్‌ చేసింది. తను కూడా నేను ఎలా ఉన్నానో తెలుసుకోవడానికి ఫోన్‌ చేసింది. అప్పుడప్పుడు ఫోన్‌ చేసి ‘ఎందుకు వదిలేసి పోయావురా?’ అన్నప్పుడు నాకు చచ్చిపోవాలనిపించేది. నేను కోరుకునేది ఒక్కటే! నా వల్ల తనకు ఎలాంటి సమస్య రావద్దని. అందుకే నేను తనకు ఎలాంటి మెసేజ్‌ కానీ కాల్‌ కానీ చేయటం లేదు. తను చేస్తే తప్పకుండా రిప్లై ఇస్తాను. లైఫ్‌లాంగ్‌ నీకు ఎలాంటి ప్రాబ్లెమ్ వచ్చినా నేను నీతో ఉంటాను. త్వరలో నీ పేరుతో ఒక అనాధాశ్రమం పెట్టాలనే కోరిక ఉంది. తప్పకుండా పెడతాను. నువ్వు హ్యాపీగా ఉంటే అదే చాలు అమ్మ.  - ఇట్లు... నీ రాజు లేదా worldoflove@sakshi.comకు మెయిల్‌ చేయండి

నేను ఎప్పుడూ ఎవరితోనూ ఎక్కువగా మాట్లాడే వాడిని కాదు. అందరు అబ్బాయిల్లాగా అమ్మాయిల వెంట పడే వాడ్ని కాదు. ఎప్పుడు చదువు మీద ధ్యాస ఉండేది. అలా డిగ్రీ డిస్టింక్షన్లో పాస్ అయ్యాను. తరువాత ఐసెట్ ద్వారా ఎంసీఏ హైదరాబాద్‌లో పూర్తి చేశాను. నేను నా సెమిస్టర్ ఎక్షామ్స్‌ అప్పుడు మాత్రమే కాలేజీకి వెళ్లేవాడిని. అప్పుడు కూడా నేను కాలేజీకి వెళ్లకున్నా ఎంసీఏ ఫస్ట్ క్లాస్‌లో పూర్తి చేశాను. ఎంసీఎ పూర్తి చేసిన తర్వాత అందరి లాగా ఏదో ఒక​ సాఫ్ట్‌వేర్‌ కంపెనీలో జాబ్ చేయాలనుకోలేదు. సొంతంగా బిజినెస్ స్టార్ట్ చేద్దామని సోషల్ మీడియాను ఎంచుకున్నాను. అలా నేను సోషల్ మీడియాలో లీనం అయ్యాను. నాలాంటి ఆలోచనలు ఉన్న అమ్మాయి ఫేస్‌బుక్‌ ద్వారా నాకు పరిచయం అయింది. నేను ఎప్పుడూ మెసేజెస్ పెట్టేవాడిని కాదు. ఆ అమ్మాయి కూడా నా లాగే ఫేస్‌బుక్‌లో ఓ సొసైటీకి సంబంధించిన పేజీని రన్‌ చేస్తుండేది. ఆమె ఎప్పుడూ సొసైటీ మీద ఎక్కువ దృష్టి పెట్టేది. అలా నేను ఆమె ప్రతి పోస్ట్‌కు లైక్స్‌, కామెంట్స్ పెట్టేవాడిని. ఎవరైనా నెగటివ్‌గా కామెంట్స్ పెడితే నేను హీరోలాగ వాళ్లకు రిప్లై ఇచ్చేవాడిని. ఆమె నన్ను ఇష్టపడుతుందనే భ్రమలో నేను నా బిజినెస్, జాబ్ మీద దృష్టి పెట్టలేదు. ఒక రోజు నా మనస్సులోని మాట ఆమెకు చెప్పాను. అప్పుడు ‘ నువ్వు జస్ట్ ఫేస్‌బుక్‌ ఫ్రెండ్‌వు మాత్రమే’ అని రిప్లై ఇచ్చింది. ఆమె నన్ను కాదనేసరికి నేను పూర్తిగా డిప్రెషన్‌లోకి వెళ్లాను. నాకు అందరిలాగా ఫ్రెండ్స్ ఎక్కువగా లేకపోవడం వల్ల డిప్రెషన్‌లోంచి బయటపడలేకపోయాను. ఇప్పుడు నేను సోషల్ మీడియాను పక్కన పెట్టి జాబ్ కోసం ట్రై చేస్తున్నా. ఇప్పుడు ప్రేమ అంటేనే చాలా భయం వేస్తోంది. - వెంకట హరి చరణ్‌ చదవండి : ప్రేమ కోసమై పనిలో పడనే పాపం పసివాడు!! పిచ్చి పిల్ల.. చెడా మడా తిట్టేశా! లేదా worldoflove@sakshi.comకు మెయిల్‌ చేయండి

పీజీ చదివే మొదటి సంవత్సరం! అన్నయ్యా అని ఆప్యాయంగా పలకరించింది. నేను కూడా ఏ కల్మషం లేకుండా తనతో మాట్లాడా. పరిచయం బాగా పెరిగింది. తనతో కలిసి గుడికి వెళ్లటం, అలా వెళ్లిన ప్రతీసారి ఎవడో ఒకడు నా చెప్పులు కొట్టేయటం జరిగేది. అలా గడిచిపోతోంది కాలం. క్రమక్రమంగా నాకు తెలియకుండా తనతో! ప్రేమ అని చెప్పలేను కానీ, ఏదో ఒక ధృడమైన, ప్రవిత్రమైన అనుబంధం ఏర్పడుతోందని అనిపించింది. మొదటి సంవత్సరం సంక్రాంతి సెలవులకు తనని ట్రైన్‌ దాకా వదలమని అడిగింది. నేను వెల్లడానికి ప్రయత్నించా, ట్రైన్‌ వెళ్లాక స్టేషన్‌లోకి చేరుకున్నా. తను వెళ్లిపోయింది. నా కళ్లలో నాకు తెలియకుండానే కన్నీళ్లు వచ్చేశాయి. ఎందుకో అర్థం కాలేదు. ఆ విషయం తన ఫ్రెండ్‌ చూసి తనతో చెప్పింది. నాకోసం ఏడ్చావా అని అడిగితే అలా ఏం లేదని అబద్ధం చెప్పా. అప్పటినుంచి తను నన్ను రిసీవ్‌ చేసుకునే విధానం మారింది. నా కోసం తన హాస్టల్‌నుంచి భోజనం తేవటం, నాతోపాటు బస్‌లో రావటానికి ప్రయత్నించటం, నాతో ఎక్కువ సేపు మాట్లాడటానికి ప్రయత్నించటం లాంటివి చేసేది. ఇవన్నీ చూశాక తను నన్ను ప్రేమిస్తోందని అర్థం అయింది. ఆ విషయం తనను అడిగితే మా స్నేహం దెబ్బతింటుందని అడగలేదు. సెకండ్‌ ఇయర్‌లో డిసెంబర్‌ 31 రోజు రాత్రంతా మేల్కొని నాకు లెటర్స్‌ రాసింది. తన ఫ్రెండ్‌తో ఇచ్చి పంపింది. నాకు అర్థమై దూరం వెళుతున్నా అర్థం చేసుకోదు, వినదు, మొండితనం, అమాయకత్వం, ప్రేమ, కోపం, బాధ, అన్నీ చూపించేది. నేను పీజీకి ముందే ఓ అమ్మాయిని ప్రేమించాను. తను వేరే కాలేజీ. ఆమె కూడా నన్ను ప్రేమిస్తున్నా కుటుంబ కారణాల వల్ల చెప్పుకోలేక పోయాం. కానీ, అర్థం చేసుకుని అలాగే ఉన్నా. కాలేజీలో నన్ను ప్రేమిస్తున్న అమ్మాయికి లావణ్యతో మా ప్రేమ విషయం చెప్పించాను. అది కూడా తనను నానుంచి దూరం చేయటానికి! అపద్ధం చెబుతున్నా అనుకుంది. నాలో కోపం కట్టలు తెచ్చుకుంది. ఈ పిచ్చి పిల్ల ఇంకా ప్రేమ పెంచుకుంటుందని చెడామడా తిట్టేశా!అయినా వినలేదు. నా ఫ్రెండ్స్‌తో నాపై బ్యాడ్‌ ఇంప్రెషన్‌ వచ్చేలాగా చేశా! అయినా వినలేదు. నా కోసం ఐదు సంవత్సరాలు వేయిట్‌ చేస్తానంది. పిచ్చింది! ఎంత పిచ్చిదో కదా! ఈ కాలంలో నేను దేవుళ్లని చూడలేదు కానీ, తను మాత్రం నా జీవితంలోకి వచ్చిన దేవత, పవిత్ర జ్వాల తనని మోసం చేయాలనిపించలేదు. తనకు నేను సరికానివాడను. తనకు మంచి భర్త, భవిష్యత్‌ కావాలని దూరం అయ్యాను. అంతే తప్ప ఎలాంటి దురుద్దేశ్యం లేదు. తొమ్మిది సంవత్సరాలు అవుతున్నా. ఇప్పటికీ, ఎప్పటికీ నా దేవతను ఆరాధిస్తూ ఉన్నాను! ఉంటాను. నిన్ను దూరం చేసుకున్నందుకు, ఇబ్బంది పెట్టినందుకు నీ పాదాల ‘‘సాక్షి’’గా నన్ను క్షమించు అచ్చులు. - శ్రీనివాస్‌  లేదా worldoflove@sakshi.comకు మెయిల్‌ చేయండి

అవి నేను డిగ్రీ చదివే రోజులు. తను నాకంటే వన్‌ ఇయర్‌ జూనియర్! పేరు దియా. మా ఇద్దరికీ ఒకరంటే ఒకరికి ఇష్టం. నా ఎక్షామ్స్‌ అయిపోవడం వల్ల నేను కాలేజీ నుండి వచ్చేశాను. తను ఫైనల్ ఇయర్ అవడం వల్ల అక్కడే ఉంది. ఆ టైంలో మొబైల్‌లు లేవు. నేను హైదరాబాద్‌ వచ్చాను. తను కోదాడలో ఉంది. రోజూ తన జ్ఞాపకాలే.. తనతో ఉన్న ఫీలింగ్స్‌తో గడిపేవాడిని. ఒక రోజు తనని కలుద్దామని వెళ్లాను. తను ఉండే చోటుకి వెళితే రూమ్ ఛేంజ్‌ అయిందని తెలిసింది. బాగా తిరిగి, తిరిగి అడ్రస్ కనుక్కున్నాను. తలుపు తట్టగానే తను డోర్‌ ఓపెన్ చేసింది. అక్కడ నన్ను చూసి షాక్ అయింది. ‘మార్నింగ్ నుండి అనుకుంటున్నాను. నువ్వు వస్తావని’ అన్నది. అపుడు అనిపించింది! లవ్ అంటే ఇదే కదా అని. తన డిగ్రీ కంప్లీట్ అయింది. వాళ్ల ఇంట్లో తనకి మ్యారేజ్‌ చేద్దామని డిసైడ్ అయ్యారు. తను నాకు కాల్ చేసింది. నాకు మ్యారేజ్‌ సెట్ అయింది ఏం చేయమంటావ్ అని. ‘నాకు జాబ్ లేదు, అందుకే నేను నిన్ను పెళ్లి చేసుకోలేను’ అని అన్నాను. కాల్ కట్ చేసి మూడు నెలల తరవాత కాల్ చేసింది. ‘నాకు ఇంకో గంటలో పెళ్లి నన్ను తీసుకెళ్లు’ అని చెప్పింది. నేను అప్పుడు బెంగళూరులో ఉన్నాను. తనకి మ్యారేజ్‌ అయిపోయింది. నా ఫోన్ పోయిందని, వేరే నెంబర్‌ తీసుకున్నాను. తను సింగపూర్‌ వెళ్లిపోయింది. నా ఓల్డ్ నెంబర్ ఒక అమ్మాయి ఆక్టివేట్‌ చేసుకుంది. ఆ అమ్మాయికి నేను కాల్ చేసి చెప్పాను. ఏదో ఒక రోజు తను నాకు కాల్ చేస్తుంది. నా న్యూ నెంబర్‌ తనకు ఇవ్వమని. తను సరేనని ఒప్పుకుంది. తన కాల్ కోసం ఎనిమిది సంవత్సరాల నుండి వేయిట్‌ చేస్తున్నాను. ఎక్కడ ఉన్నా తను హ్యాపీగా ఉండాలి.  ప్రేమతో...              అంజి చదవండి : మిస్సింగ్‌ యూ నాగ్‌, వచ్చే జన్మకైనా.. పేరేంటి! ఫోన్‌ నెంబర్‌ కూడా చెబుతా.. లేదా worldoflove@sakshi.comకు మెయిల్‌ చేయండి

నేను డిగ్రీలో జాయిన్‌ అయిన కొత్తలో జీవితంలో ఏదో సాధించాలని బాగా ప్లాన్‌లు వేసుకున్నా. ప్రతిరోజూ కాలేజీకి వెళ్లేదాన్ని. అప్పుడే మా క్లాస్‌లో ఓ అబ్బాయిని చూశా. తన చిరునవ్వు నన్ను కట్టిపడేసింది. కళ్లు తిప్పుకోలేకపోయా. లవ్‌ యాట్‌ ఫస్ట్‌ సైట్‌ అంటే అదేనేమో. నాకు తెలియకుండా తన చిరునవ్వుకు అడిక్ట్‌ అయ్యా. ఇక తనని చూడకుండా ఒక్కరోజు కూడా ఉండేదాన్ని కాదు. తన కోసమే కాలేజ్‌కు వెళ్లేదాన్ని. తనకు ఎంత అడిక్ట్‌ అయ్యానంటే! తనను చూడకుండా ఉన్న రోజు మొత్తం చాలా డల్‌గా అనిపించేది. నేనెప్పుడూ అతడితో మాట్లాడింది లేదు. నేను అతన్ని చూస్తున్నట్లు అతడికి అర్థం అయినట్లుంది. తను కూడా నన్ను చూసేవాడు. తను నన్ను ఎప్పుడైనా చూస్తే చాలా సంతోషించేదాన్ని. ఆ రోజంతా పండగలా ఉండేది. ఏదైనా బాధవస్తే తనను గుర్తు చేసుకునేదాన్ని. ఒక రోజు తను కాలేజ్‌కు లేట్‌గా రావటం వల్ల క్లాస్‌లో ఉన్న సారు! తన గురించి అడిగాడు. అప్పుడు తెలిసింది అతడి పేరు. పేరు పాతగా ఉన్నా నాకు ప్రాణం అయిపోయాడు. ఫస్ట్‌ ఇయర్‌ గడిచిపోయింది. ఎలాగైనా నా ప్రేమను చెప్పాలని అనుకున్నా.  సెకండ్‌ ఇయర్‌ స్టార్ట్‌ అవ్వగానే ఓ హ్యాండ్‌ కర్ఛీఫ్‌లో ‘ఐ లవ్‌ యూ బంగారం’ అని పేయింట్‌ చేసి, అందరూ ల్యాబ్‌కు పోయిన తర్వాత నేను నా ఫ్రెండ్‌ ఆ కర్చీఫ్‌ను అతని బ్యాగ్‌లో పెట్టాం. తను దసరా తర్వాత చూశాడు. తను చూసినట్లుగా హ్యాండ్‌లో పెట్టుకుని తిరిగాడు. నా ఆనందానికి అవధులు లేకుండా పోయాయి. మళ్లీ ఒకసారి లవ్‌ సింబల్‌ ఉన్న కీ చైన్‌ పెట్టాను. అది కూడా చూశాడు. ఇలా కుదరదని ఎఫ్‌బీలో రిక్వెస్ట్‌ పెట్టా. ఆక్సెప్ట్‌ చేసి మాట్లాడాడు. తనతో నా ప్రేమ విషయం చెప్పా. నేను ఎంత లవ్‌చేస్తున్నానో కూడా చెప్పా. అతనప్పుడు  ‘ అరే! నేను నిన్ను మోసం చేయటం ఇష్టం లేదురా. ఎందుకంటే నువ్వు చాలా మంచి అమ్మాయివి. నేను ఐదేళ్లనుంచి ఓ అమ్మాయిని ప్రేమిస్తున్నాను. తనకోసమే ఎదురు చూస్తున్నా’ అని అన్నాడు. నేను తట్టుకోలేకపోయా. గుండె పగిలిపోయినంత పనైంది. చచ్చిపోదామనుకున్నా కానీ, అమ్మకి ఒక్కదాన్నే కదా అని డేర్‌ చేయలేకపోయా. చాలా ఏడ్చా. ఆ తర్వాత అతన్ని ఇబ్బంది పెట్టలేదు. అలా మూడేళ్లు గడిచిపోయింది. మళ్లీ నేనే ఎఫ్‌బీలో మెసేజ్‌ చేశా ‘మనం మంచి స్నేహితులుగానైనా ఉందాం’ అని. ఎందుకంటే తనతో ఆ స్నేహం చాలు అనిపించింది. ఆ తర్వాతినుంచి నేనెప్పుడూ నా ప్రేమ విషయం ఎత్తలేదు. తనకు తెలుసు నేను తనని ఎంతలా ప్రేమిస్తున్నానో. చాలా సార్లు నా ప్రేమ విషయంలో బాధపడ్డాడు. నాతో అన్ని విషయాలు షేర్‌ చేసుకునేవాడు. ఫ్యామిలీ, లవ్‌ ప్రాబ్లమ్స్‌ అన్ని. మేమిప్పుడు మంచి మిత్రుల్లా ఉంటున్నాం. నాకిప్పుడు పెళ్లైంది. నేనిప్పుడు కోరుకునేది ఒక్కటే! తను ఎక్కడ ఉన్నా సంతోషంగా ఉండాలని. మిస్సింగ్‌ యూ నాగ్‌, వచ్చే జన్మకైనా నీ ప్రేమను పొందాలని కోరుకుంటూ.. యువర్స్‌ గుడ్‌ ఫ్రెండ్‌ - మౌనీ లేదా worldoflove@sakshi.comకు మెయిల్‌ చేయండి

మాది నెల్లూరు జిల్లా! నేను వృత్తిరీత్యా సివిల్ కాంట్రాక్టర్.  ఓసారి పని మీద వేరే ఊరికి వెళ్లాను. అక్కడ ఒక అమ్మాయిని చూశాను. తను చాలా అందంగా ఉంది. అంతేకాకుండా ఎదుటివారి పట్ల తను చూపించే గౌరవం నాకు చాలా నచ్చింది. అలా ఆ అమ్మాయిని చూస్తూ చూస్తూ ప్రేమలో పడ్డాను. వాళ్ల ఇంటి దగ్గర్లోనే మేము కూడా ఇల్లుని అద్దెకు తీసుకున్నాము. ఇక అప్పటి నుంచి వాళ్లతో పరిచయం పెరిగింది. అప్పుడప్పుడు వాళ్లింటికి వెళ్లడం వాళ్లతో మాట్లాడడం జరిగేది. ఒక రోజు నేను దైర్యం చేసి తన ఫోన్ నెంబర్ అడిగాను. కానీ, తను ఇవ్వలేదు. ఎలా గోలా నెంబర్ తెలుసుకున్నాను. ఇక అప్పటినుంచి తనతో ప్రతి రోజూ మాట్లాడే వాడిని. కొద్దిరోజులకు తను కూడా నన్ను ఇష్టపడటం మొదలుపెట్టింది.  ఆ తర్వాత మా ప్రేమ విషయం వాళ్ల ఇంట్లో తెలిసిపోయింది. అయినా తను నాతో మాట్లాడకుండా ఉండేది కాదు. అలా మా ప్రేమ ఆరు నెలల పాటు సంతోషంగా సాగింది. ఆ ఊరిలో వాళ్ల బంధువు అమ్మాయి ఒకరు మా ఇద్దరి గురించి చెడ్డగా ప్రచారం చేసింది. అయినా కూడా తను నాతో మాట్లాడకుండా ఉండేది కాదు. అలా ఒక రెండు నెలల పాటు నాతో చాలా సంతోషంగా ఉండేది. తర్వాత ఏం జరిగిందో తెలియదు గానీ తను నాకు ఫోన్ చేయడం మానేసింది. నేను తనకు ఫోన్ చేస్తే ‘నాకు పెళ్లి కుదిరింది. ఇక ఇప్పటినుంచి ఫోన్ చేయవద్దు’ అని చెప్పింది. తను ఎక్కడున్నా సంతోషంగా ఉండాలని మనస్ఫూర్తిగా కోరుకుంటున్నాను. నిన్ను ఎప్పుడన్నా,ఎక్కడన్నా చూసినా నీ ముఖంలో చిరునవ్వు ఉండాలని కోరుకుంటున్నాను. అలాగే తన పుట్టినరోజు జనవరి 28. కనీసం ఆ రోజైనా తనని చూడాలని అనుకుంటున్నాను. నిరంతరం నీ కోసం నేను ఎదురు చూస్తూనే ఉంటాను.  ప్రేమతో... నీ శ్రీనివాస్ చదవండి : ఓ వైపు అమ్మ.. మరో వైపు ప్రేమ! ఆస్తి లేదు, అమ్మ లేదు! పిల్లనియ్యం.. లేదా worldoflove@sakshi.comకు మెయిల్‌ చేయండి

అనుకోని అతిధిలా ఒక రాంగ్ నెంబర్ ద్వారా దీప్తి నాకు పరిచయం అయింది. చిన్నతనంలోనే బాధ్యతలు మీదపడి హైదరాబాద్ వచ్చి ఉద్యోగం చేసుకుంటున్న నా ఒంటరి జీవితంలోకి సునామిలా దూసుకువచ్చింది. మా మధ్య ఎప్పుడైతే ప్రేమ చిగురించిందో ఆ క్షణంనుండి నా జీవితం అంతా సంతోషంతో నిండిపోయింది. అప్పటివరకు నన్ను పట్టించుకునేవాళ్లు లేరు. తను వచ్చాక నన్ను ఒక చిన్నపిల్లాడిలా చూసుకుంది.  తనకి నామీద ఉన్న ప్రేమ చూసి ఎన్నిజన్మలైనా నా జీవితంలో తను మాత్రమే ఉండాలనుకున్నాను. తను ఎటైనా వెళ్తుంటే బాధగా అనిపించేది. ఇంటికి వెళ్లడానికి తనని బస్ ఎక్కించడానికి వెళ్లినపుడు కిటికీలోనుంచి తను నాకు వెళ్లొస్తా అని కళ్లతో చెప్తుంటే వెనక్కి వచ్చి ఏడ్చేవాన్ని.  అంత ప్రేమ ఉండేది మా మధ్యలో. అంత ఆనందంగా సాగుతున్న నా జీవితంలో ఒక రోజు అమ్మ ఫోన్ చేసి పెళ్లిసంబంధం వచ్చింది ఇంటికి రమ్మంది. ఇంతకుముందు చాలాసార్లు పిల్ల నచ్చలేదని చెప్పేవాన్ని. కానీ ఈసారి అమ్మ ‘నేను చెప్పిన అమ్మాయిని చేసుకోకపోతే చనిపోతా’ అంది. ఇది దీప్తికి తెలిస్తే తను తట్టుకోలేదు. కానీ, తనకి అర్థం అయ్యేలా చెప్పాను! తను అర్థం చేసుకుంది. క్రమంగా మాట్లాడటం తగ్గించేసింది. తను నాకు చాలా సార్లు చెప్పేది ‘మా ఫ్యామిలీ కూడా మన పెళ్లికి అస్సలు ఒప్పుకోదు. పరువే ముఖ్యం వాళ్లకి’ అని. అమ్మని కాదని తనని చేసుకుని అమ్మ ప్రాణం తీయలేను. అమ్మ చెప్పిన అమ్మాయిని చేసుకుని దీప్తి ప్రాణం తీయలేను. కానీ, తను అర్థం చేసుకుని ఒప్పుకుంది. వేరే అమ్మాయిని పెళ్లి చేసుకున్నాను. 25 సంవత్సరాలు కనిపెంచిన అమ్మే నన్ను అర్థంచేసుకోలేదు. 3 సంవత్సరాలు ప్రేమించిన అమ్మాయి నన్ను అర్థంచేసుకుంది. నాకోసం పల్లెటూరు నుండి హైదరాబాద్ వచ్చిన అమ్మాయి ఈరోజు ఒక కార్పోరేట్ సంస్థలో ఉద్యోగం చేస్తోంది. నాకు చాలా గర్వంగా ఉంది. తను నాకు వేసిన శిక్ష తను ఎప్పటికి నాకు కనపడకూడదని. అటు పెళ్లి చేసుకున్న అమ్మాయి చదువు కోసం దూరంగా ఉంది. అయినా నాకు బాధలేదు ఎందుకంటే తన జ్ఞాపకాలన్నీ నాతో ఉన్నాయి. చచ్చేదాక తనే నా ప్రపంచం. తనకోసం చస్తూ బ్రతుకుతున్నాను. మరుజన్మ అంటూ ఉంటే నీ రుణం తీర్చుకుంటా. ఒక్కసారి కనిపించవా నీకు క్షమాపణలు చెప్పాలి. - సాయి కిరణ్‌ లేదా worldoflove@sakshi.comకు మెయిల్‌ చేయండి

ఐటీఐ చదువుతున్న సమయంలో ఓ అమ్మాయి ప్రవర్తన, ముక్కుసూటి తనం నన్ను ఆకర్షించడంతో లవ్‌లో పడ్డాను. మా కులాలు వేరుకావటంతో నేను తనకు నా లవ్‌ గురించి చెప్పలేదు. నా ఫ్యామిలీ ఆర్థిక పరిస్థితి గురించి అలోచించి కూడా వెనకడుగు వేశాను. అలా రెండు సంవత్సరాలు గడిచిపోయాయి. నా చదువు అయిపోయింది. తనను చూసిన ప్రతి సారి నా మనస్సులో తెలియని అలజడి. తనకు మ్యారేజ్‌ అయిన తర్వాత ఇక ఎవరినీ ప్రేమించకూడదని డిసైడ్ అయ్యా. కానీ, నన్ను ఓ అమ్మాయి ప్రేమించటం మొదలుపెట్టింది. ఈసారి మా కులాలు కలిశాయి. 2015లో తను నాకు ప్రపోజ్ చేసింది. తను వరసకు నాకు మేనకోడలు అవుతుంది. వాళ్ల అమ్మ అక్క అవుతుంది. పుట్టినప్పటినుంచి తనను శివగాని పెళ్లాం అనేది వాళ్ల అమ్మ. ‘నా బిడ్డను నీకే ఇస్తా’ అని అందరికీ చెప్పేది. కానీ ఒకే ఊరు కావటం వల్ల, ఆ అమ్మాయిని పుట్టినప్పటి నుంచి చూశాను. కాబట్టి నాకు తను నచ్చేది కాదు. 2015లో తను నాకు ‘మామ ఐ లవ్ యూ’ అని ప్రపోజ్ చేయడంతో నా ఆలోచనలు రివర్స్ అయ్యాయి. నా పరిస్థితిని బట్టి ప్రేమిచడం కన్నా, ప్రేమించబడటం గొప్ప అనుకుని ఓకే అనేశా. తను నేను ఒక్క రోజు కనిపించకపోయినా ఏడ్చేది. ఇలా 3 సంవత్సరాలు మా ప్రేమ ప్రయాణం సాగింది. వాళ్ల అమ్మ కూడా మాకే సపోర్ట్ కదా అని మేమిద్దరం ప్రేమించుకున్నాం. కానీ, వాళ్ల అమ్మ మనసు మారింది. మా వాళ్లు నన్ను మ్యారేజ్ చేసుకోమని బలవంతం చేశారు. నేను నా మనసులో ఉన్న మాట చెప్పాను. మొదట ఒప్పుకోలేదు! తర్వాత నా పరిస్థితి దృష్ట్యా ఒప్పుకున్నారు. నా కోసం వాళ్ల అమ్మను అడిగారు. వాళ్ల అమ్మ ‘మా ఆయనను అడిగి చెబుతాను’ అన్నది. మేమిద్దరం ప్రేమించుకుంటున్న సంగతి వాళ్ల ఇంట్లో తెల్వదు. తనే చెప్పొద్దంది. నేను తనని ఇబ్బంది పెట్టడం ఇష్టం లేక చెప్పలేదు. అప్పుడు వాళ్ల అమ్మ‘ ఆస్తి లేదు, అమ్మ లేదు. మేము మీకు పిల్లను ఇయ్యం’ అని చెప్పింది. ఈ విషయం మా వాళ్లు నాకు చెబితే నేను తనని అడిగాను. దానికి తన సమాధానం విని నేను షాక్‌ అయ్యాను. ‘మా వాళ్లకు ఇష్టం లేకపోతే నేను ఏమీ చేయలేను. నువ్వు వేరే అమ్మాయిని పెళ్లి చేసుకో’ అన్నది. ఏం చేయాలో నాకు అర్థం కాలేదు. నా ధైర్యం మా పెద్ద అక్క! నాకు అన్నీ తనే. మా పెద్దక్క తర్వాతే ఎవరైనా అనే నమ్మకం. అందుకే ఆ బాధ కూడా నన్ను పెద్దగా ఇబ్బంది పెట్టలేదు. జస్ట్ మూడు నెలల క్రితం తనకు మ్యారేజ్ అయింది. నేను తప్ప మా వాళ్లందరూ తన పెళ్లికి వెళ్లారు. నా ధైర్యం, నిజాయితీ వల్ల లవ్‌లో ఉన్నపుడు ఎటువంటి తప్పూ చేయలేదు. నా ఫ్యామిలీని బాధ పెట్టకూడదని ధైర్యంగా ఉన్నా. ప్రస్తుత సమాజంలో ప్రేమ అనేది ఆస్తులపై ఆధారపడి ఉందని అర్థమైంది????. కొద్ది రోజుల తర్వాత ఓ రోజు ఐటీఐ ఫ్రెండ్ ఒకడు 8 సంవత్సరాల తర్వాత నాకు ఫోన్ చేశాడు. మాటల సందర్భంలో అతడి ప్రేమ గురించి అడిగా. పెళ్లి చేసుకున్నామని చెప్పాడు. ఇద్దరి కులాలు వేరు, వేరు. నేను ఆశ్చర్య పోయా. ఎలా చేసుకున్నారని అడిగా. ‘లవ్ అండ్ అరెంజ్‌డ్‌ మ్యారేజ్’ అన్నాడు. ‘అమ్మాయి వాళ్లు ఎలా ఒప్పుకున్నారు’ అన్నా. ఆ అమ్మాయి 7 సంవత్సరాలు కష్ట పడి పెళ్లికి ఒప్పించిందని చెప్పాడు. నా కళ్లు చెమ్మగిల్లాయి. ఆ అమ్మాయి ఎన్ని కష్టాలు పడి తన ప్రేమని దక్కించుకుందో అని ఆలోచించాను. నా ఫ్రెండ్‌తో మాట్లాడుతూనే ఆలోచించటం మొదలుపెట్టా. రెండు ఫ్యామిలీల సమక్షంలో గుడిలో పెళ్లి జరిగిందని చెప్పాడు. నేను కంగ్రాట్స్ చెబుతూ వారి ఫొటో వాట్సాప్ చేయమన్నా. నా ఫ్రెండ్‌ ఫొటో వాట్సాప్ చేశాడు. నా లవ్ గుర్తుకొచ్చిన ప్రతిసారి మా ఫ్రెండ్ వాళ్ల ఫొటో చూసి అందరు అమ్మాయిలు ఒకేలా ఉండరు. నిజాయితీ పరులు కూడా ఉన్నారు అనుకున్నా.  ఇప్పుడు హ్యాపీగా మ్యారేజ్ సెర్చ్‌లో ఉన్నా. ఇక నా ప్రయత్నం ఆ దేవునికే వదిలేశా. - శివ, మహబూబ్‌నగర్‌ లేదా worldoflove@sakshi.comకు మెయిల్‌ చేయండి

బీటెక్‌ నా కెరీర్‌ను, లైఫ్‌ను మార్చేసింది. ఇంటర్‌ వరకు నేను ఊర్లో ఉండి చదువుకున్నాను. నాకు చదువు కాకుండా ఇంకేమీ తెలియదు. ఇంటర్‌నెట్‌, ఎఫ్‌బీ కూడా తెలియదు. చదువే నా ప్రపంచం. నా బీటెక్‌ ఫస్ట్‌​ ఇయర్‌లో హాస్టల్‌లో జాయిన్‌ అయ్యాను. మొదటిసారి హాస్టల్‌ నాకు చాలా బాగా అనిపించింది. నేను వేరే వాళ్లతో అంత తొందరగా మాట్లాడలేకపోయేదాన్ని. అదే సమయంలో నా మొబైల్‌లోకి ఫన్‌చాట్‌ మెసేజ్‌ ఒకటి వచ్చింది.  అప్పటినుంచి నేను ఫన్‌చాట్‌ను ఉపయోగించేదాన్ని. దాంట్లో ఎఫ్‌బీలాగా మెసేజ్‌లు వచ్చేవి. అప్పుడే పరిచయం అయ్యాడతను. నాకు తనొక మంచి పర్సన్‌ అనిపించి నా మొబైల్‌ నెంబర్‌ ఇచ్చాను. తర్వాత తనే కాల్స్‌, మెసేజ్‌లు చేసేవాడు. అలా నాలుగు సంవత్సరాలు నాకు డైలీ ఫోన్లు, మెసేజ్‌లు చేసేవాడు. ఏదైనా ప్రాబ్లమ్‌ అనిపిస్తే తనే ధైర్యం చెప్పేవాడు. నేను నాలుగు సంవత్సరాలు అతనితో మాట్లాడాను కానీ, తను ఎలా ఉంటాడని నాకు తెలియదు. నేను అతన్ని ఫొటోలో కూడా చూడలేదు! చూడకుండానే లవ్‌ చేశాను. ఎంతలా అంటే తనతో మాట్లాడకుండా ఒక్కరోజు కూడా ఉండలేకపోయేదాన్ని. ఇది నేనతనికి చెబితే‘ నేను నిన్ను సిస్టర్‌లానే అనుకున్నా’ అని చెప్పి అవాయిడ్‌ చేయటం మొదలుపెట్టాడు. నెంబర్లన్నీ మార్చేశాడు. బీటెక్‌ అయిపోయిన తర్వాత అతడికి బెంగళూర్‌లో జాబ్‌ వచ్చింది. ఇక అన్నిట్లలో నన్ను బ్లాక్‌ చేశాడు. తన కోసం నేను పిచ్చిదానిలా రోడ్లమీద తిరిగాను. నా లవ్‌ ఆక్సెప్ట్‌ చేయకపోయినా పర్లేదు. తనను ఒకసారి చూద్దామని అనుకున్నా ఆ ఛాన్స్‌ కూడా రాలేదు. తన కోసం తిరిగితిరిగి నా స్టడీస్‌, కెరీర్‌ అన్నీ వదిలేశా. తను ఇప్పుడు హ్యాపీగానే ఉన్నాడు. నేను మా పేరెంట్స్‌ కోసం వేరే అబ్బాయిని పెళ్లి చేసుకున్నా. ఇప్పటికీ అతన్ని మర్చిపోలేక, బ్రతికున్నా చచ్చిన శవంలా జీవిస్తున్నా. ఏడేళ్లు కావస్తోంది. ఒక్కసారి కూడా అతడ్ని చూడలేకపోయాననే బాధతో ప్రాణంపోతోంది. నేను అతడ్ని చూడకపోయినా ప్రాణం పోయేవరకు మర్చిపోలేను. -సౌమ్య  లేదా worldoflove@sakshi.comకు మెయిల్‌ చేయండి

నేనప్పుడు 8వ తరగతి చదువుతున్నా! తను 6వ తరగతి. నాకు తనమీద అప్పుడే ప్రేమ కలిగింది. తనకు నా ప్రేమ విషయాన్ని చెప్పటానికి 5 సంవత్సరాలు పట్టింది. కానీ, ఆ అమ్మాయి ఒప్పుకోలేదు. చాలా తిట్టింది. కాలేజీలో ఉన్నపుడు ఒక అమ్మాయి నన్ను ప్రేమిస్తున్నానంది. నేను కాదని నా ప్రేమ విషయం తనతో చెప్పాను. నా మనసులో ఆ అమ్మాయిని తప్ప వేరే ఎవరినీ ఉహించుకోలేనని అన్నాను. తన పైన ఉన్న ధ్యాసతో సరిగా చదువుకోలేదు. ఆ అమ్మాయిని ఎలాగైనా ఒప్పించాలని నా స్నేహితుడు చాలా ప్రయత్నించాడు. ఇదిలా ఉండగా ఒక రోజు తనకు పెళ్లి సంబంధం కుదిరిందని తెలియగానే చాలా ఏడ్చాను. అప్పటికి ఆ అమ్మాయికి 18 సంవత్సరాలు కూడా నిండలేదు. తన పెళ్లికి ఇంకా 3 నెలలు సమయం ఉందనగా వెళ్లి తనని అడిగాను ‘నేనంటే ఇష్టమా.. లేదా’ అని. అప్పుడు తను ఇష్టమే అని చెప్పింది. ఆ మాట వినగానే ఎక్కడలేని సంతోషం! మాటల్లో చెప్పలేని అనుభూతి. ఇష్టం అయితే ఇన్నిరోజులు ఎందుకు చెప్పలేదని అడిగాను. అప్పుడు ఆ అమ్మాయి చెప్పింది ‘నువ్వంటే ఇష్టమే కానీ, ఈ విషయం ఇంట్లో తెలిస్తే పరువు పోతుంది’ అని ఆగాను. అలాగే వాళ్ల ఫ్యామిలీకి కూడా ఊర్లో రాజకీయంగా చాలా పేరుంది. తర్వాత తనకి పెళ్లయింది. తనని మర్చిపోలేక నేను చాలా బాధపడ్డాను. మందు, సిగరెట్ తాగటం బాగా అలవాటైంది. ఇది గమనించిన మా ఇంట్లో వాళ్లు నన్ను హైదరాబాద్‌లో ఉన్న మా బావ (చెల్లి వాళ్ల భర్త ) ఇంటికి పంపించారు. అక్కడ ఒక ప్రైవేట్‌ కంపెనీలో జాబ్ చేస్తూ తనని మర్చిపోలేక చాలా బాధపడ్డాను. అలా 3 సంవత్సరాలు గడిచిపోయాయి. ఇంట్లో వాళ్లు నాకు పెళ్లి సంబంధాలు చూడటం మొదలుపెట్టారు. నాకు పెళ్లి సంబంధం చూసింది కూడా మా ఊర్లోనే. మా ప్రేమ విషయం ఆ అమ్మాయికి తెలుసు. అయినా కూడా నాతో పెళ్లికి ఒప్పుకుంది. నా గురించి తెలిసి కూడా నాతో పెళ్లికి ఒప్పుకున్న ఆ అమ్మాయి కోసం పెళ్లికి ముందే నాకున్న చెడు వ్యసనాలు అన్నీ మానేశాను. ఇప్పుడు మాకు పెళ్లి జరిగి 3 సంవత్సరాలు అయిపోయింది. మాకు ఒక బాబు. మా బాబు పేరు కూడా నేను ప్రేమించిన అమ్మాయి పేరు కలిసి వచ్చేలా పెట్టాను. అయినా కూడా నా భార్య ఏమీ అనలేదు. అప్పుడు తెలిసింది. నా భార్య నన్ను ఎంతగా ప్రేమిస్తుందో అని. నేను కోల్పోయిన ప్రేమను నా భార్య నాకు అందిస్తోంది. ఇలాంటి భార్య నాకు దొరకడం నిజంగా నా అదృష్టం. మా ఊరు వెళ్లిన ప్రతీసారి నేను ప్రేమించిన అమ్మాయి వాళ్ల ఇంటివైపు వెళ్తుంటే ఏదో తెలియని అనుభూతి కలుగుతోంది. ఇన్ని తెలిసినా నా భార్య నన్ను అర్థం చేసుకుంది. నిజంగా నా భార్య(భార్గవి) చాలా గ్రేట్! ఐ లవ్‌ యూ భార్గవి. - గోపాల్‌  లేదా worldoflove@sakshi.comకు మెయిల్‌ చేయండి

మాది చాలా మిడిల్‌ క్లాస్‌ ఫ్యామిలీ. నాన్నది చిన్న ఉద్యోగం. అమ్మ బట్టలు కుట్టేది. నేను డిప్లమా జాయిన్‌ అయ్యాను. అప్పుడే మా ఇంటి ఎదురింట్లో బసంతిని చూశాను. కొత్తగా వచ్చారు వాళ్లు. తను స్కూల్‌ చదువుతోంది. రాజకీయంగా పలుకుబడి ఉన్న కుటుంబం. వాళ్ల అమ్మ వార్డు మెంబర్‌. ఒకటే కాలనీ అవ్వటంతో పరిచయం ఏర్పడింది. తన మాటలు నన్ను బాగా ఇంప్రెస్‌ చేశాయి. ఆ వయసుకు అంత మెచ్యూరిటీ ఉండటం అసాధ్యం. అంత తెలివి గలది. నాలో ప్రేమ చిగురించింది. నా చదువు పాడుచేసుకోవటం నాకు ఇష్టంలేదు. అందుకే ఏమీ అనలేదు. కానీ, నా నెంబర్‌ తను సంపాదించింది. నాకు కాల్స్‌ చేసి ఏడిపించేది. కొంతకాలానికి నాకు దొరకిపోయింది. ఇదిలా ఉండగా అప్పుడే మా ఇంట్లో ఒక కష్టం వచ్చింది. కుటుంబం అంతా కృంగిపోయాం. అప్పుడు తన ఫోన్‌ వచ్చింది. నేను మూడిగా మాట్లాడేసరికి ‘ఏమైంది బంగారం’ అని అడిగింది. ఒక్కసారిగా కంగు తిన్నాను. ఎందుకలా అన్నావని అడిగితే అనకూడదా అని అంది.  నేను ఫిక్స్‌ అయ్యా! తర్వాత కొద్దిరోజులకు ప్రపోజ్‌ చేశా. అప్పుడు తను టెన్త్‌ క్లాస్‌. తనను డిస్ట్రబ్‌ చేయటం ఇష్టంలేక క్యాజువల్‌గా ఉన్నా. కానీ, తనే నాకు ఫోన్‌ చేసి సడెన్‌గా ఓకే చెప్పింది. అలా మొదలైంది మా ప్రేమ. డాక్టర్‌ అవ్వాలని వాళ్ల నాన్న కోరిక. చాలా కష్టపడి చదివింది. ఆరు నెలల తర్వాత మా మధ్య పెద్ద గొడవ జరిగింది! తప్పు నాదే. ఆరునెలలు సారీ చెబుతూనే ఉన్నా తను పట్టించుకోలేదు. తనకు ఎక్షామ్స్‌ దగ్గర పడేసరికి నేను డిస్ట్రబ్‌ చేయలేదు. డెంటల్‌ డాక్టర్‌గా సీట్‌ వచ్చింది. అప్పటినుంచి తను నాతో మాట్లాడటం మొదలుపెట్టింది.  అప్పుడే నేను డిప్లమా కంప్లీట్‌ చేశా. చిన్న ఉద్యోగం. తను ఇది సరిపోదు అంది. కష్టపడ్డాను. కొంచెం మంచి ఉద్యోగం సంపాదించా. కానీ, ఇంకా ఏదో కావాలి. కలవారి కుటుంబం వాళ్లది. బ్యాక్‌గ్రౌండ్‌ లేకపోయినా మంచి ఉద్యోగం ఉంటే ఒప్పించగలను అంది. విదేశాలకు వెళ్లే ప్రయత్నం చేశా. తన బీడీఎస్‌ కూడా అయిపోవచ్చింది. నాకు ఉద్యోగం రాలేదు. ఇంతలో తను మాట్లాడటం మానేసింది. ఏంటి అని అడిగితే ఇంట్లో సంబంధాలు చూస్తున్నారని చెప్పింది. ‘అదేంటి సడెన్‌గా’ అని అడిగాను. ‘నీ గురించి ఇంట్లో చెప్పాను ఒప్పుకోలేదు’ అంది. నా కోసం పోరాడుతుంది అనుకున్నా. కానీ, ఇంట్లో వాళ్లను కష్టపెట్టి పెళ్లిచేసుకోవటం ఇద్దరికీ ఇష్టంలేదు. నేను నీ పెళ్లి వరకుపోరాడుతా అన్నా. తను బదులు చెప్పలేదు. నా ప్రయత్నం నేను మానలేదు. ఇంతలో తన ఫ్రెండ్‌ ఫోన్‌ చేసింది. ‘అన్నా! నువ్వు మోస పోయావ్‌ అన్నా’ అంది. ‘ఏమైంది’ అని అడిగా. ‘తను మా క్లాస్‌లో ఇంకో అబ్బాయిని ప్రేమిస్తోంది. అందుకే నిన్ను వదిలేసింది’ అని చెప్పింది. నేను నమ్మలేదు. అబద్దం చెబుతుందేమోనని అనుకున్నా. కానీ, నిజం తెలియాలంటే సాయంత్రం కాలేజ్‌ దగ్గరకు రమ్మంది. సరే అని వెళ్లాను. తను చెప్పింది. నిజమే తను ఇంకో అబ్బాయితో మాట్లాడుతోంది. నేనేమీ అనలేదు. ‘రా! బైక్‌ ఎక్కు, వెళదాం’ అన్నాను. ఎప్పుడూ నా బైక్‌ ఎక్కే అమ్మాయి వాళ్ల నాన్న వస్తున్నారని చెప్పింది. సరే అని నేను ఎదురుచూశా. ఆ అబ్బాయి బస్‌ ఎక్కిన తర్వాత తను కూడా వేరే బస్‌ ఎక్కి వెళ్లిపోయింది. ఏమిటిది అంటూ ఫోన్‌ చేశా. ‘నాన్న ఇంకో బస్‌ స్టాప్‌లో దిగమన్నారు’  అని పెట్టేసింది. బస్‌ను ఫాలో అయ్యాను. నా మీద నాకే అసహ్యం వేసింది. నేనేం చేస్తున్నానా అని. వెంటనే ఫాలో అవ్వటం మానేసి ఇంటికి వెళ్లిపోయా. తను నిజమే చెబుతుందని నాకు నమ్మకం. ఇంటి దగ్గర వేయిట్‌ చేశా. తను ఆటోలో దిగింది. ఫోన్‌ చేశా! డాడీ వేరే చోట దించి వెళ్లిపోయారని చెప్పింది. అప్పుడర్థమైంది నేనెంత మోసపోయానో. ప్రేమ చంపుకోలేక బ్రతిమాలాను. విషయం నాకు తెలుసని మాత్రం చెప్పలేదు. రెండు నెలల తర్వాత కోపం వచ్చి అడిగేశాను. తను వేరే వ్యక్తిని ప్రేమించటం నిజమేనని ఒప్పుకుంది. తప్పుచేయోద్దని బ్రతిమాలాను. ఈ విషయం గురించి దెప్పిపొడవనని ఒట్టుకూడా వేశాను. అయినా కూడా తను మారలేదు. తను నాకిచ్చిన బహుమతులన్ని తిరిగిచ్చేశాను. కానీ, తనను మాత్రం ఇచ్చేయలేకపోయాను. తను అంతలా మోసం చేసినా నేను వదులుకోలేకపోయా. నా ప్రేమ అలాంటిది. చంపేద్దామన్నంత కోపం. తనకేమైనా అయితే తట్టుకోలేను. అందుకే డాక్టర్స్‌ బ్లేడ్‌ తీసుకుని తన క్లీనిక్‌కు వెళ్లి నా చెయ్యి కోసుకున్నా. తను భయపడి నన్నే పెళ్లి చేసుకుంటానంది. తను ఆ మాట చెబితే అందులో భయం మాత్రమే కనిపించింది, ప్రేమలేదు. అయినా తన మనసు మారుతుందని ఎదురు చూశాను. మళ్లీ రొటీన్‌. ఆమెను ప్రేమించిన అబ్బాయి నా విషయం తెలిసి, నాకు క్షమాపణ చెప్పి తప్పుకున్నాడు. అయినా తను మారలేదు. నాకు ప్రతిక్షణం నరకంలా ఉంది. నా సమయమంతా తనను బ్రతిమాలుకుంటూ నా ప్రేమ నిరూపించుకోవటానికే సరిపోయింది. ఈ విషయాలన్నీ చెప్పి తన పరువు తీయలేక ఎవ్వరికీ చెప్పలేదు. ఎవర్నీ బాధపెట్టడం ఇష్టంలేక. ఫోన్‌ చేయటం మానేశాను. విదేశంలో జాబ్‌ వచ్చింది. ఇప్పుడైనా నా గురించి ఆలోచిస్తుందేమోనని ఫోన్‌ చేశాను. వాళ్ల నాన్నను ఇంటికి పంపి వార్నింగ్‌ ఇచ్చింది. పొలిటికల్‌ బ్యాక్‌గ్రౌండ​ వల్ల మా ఇంట్లో వాళ్లు భయపడ్డారు. తను తిరిగి రాదని నాకు అర్థం అయ్యింది. ఇప్పుడు తన పెళ్లి అయిపోయింది. ఎంత మర్చిపోవాలని ప్రయత్నించినా ఏదో ఒక జ్ఞాపకం నన్ను తొలిచివేస్తోంది. ఎవరికీ చెప్పుకోలేను. చెప్పి బాధపెట్టలేను. ప్రతి క్షణం తనతో నా బంధం ముడిపడి ఉంది. ప్రతిక్షణం ఈ టైంలో తను ఏం చేసేది, ఏం చెప్పేది, ఎలా మాట్లాడేది అని గుర్తుకువచ్చేవి. పది సంవత్సరాలు ప్రేమించుకున్నాం కదా!.. కాదు, కాదు ప్రేమించాను కదా. తను నన్ను ఎందుకు వదలి వెళ్లిందో అర్థం కావటం లేదు. ఈ బాధనుంచి ఆ దేవుడు నన్ను త్వరగా బయటకు తేవాలని ప్రార్థిస్తున్నాను. సహనం అవధి దాటితే ప్రాణానికి ముప్పు అని తెలుసు. మా ఇంటి పరిస్థితులు నా చెల్లి పెళ్లి నాకు అడ్డుకాకపోతే ఇప్పుడు నా ఈ కథ తను పంపి ఉండేది. ఆ పోస్ట్‌ని నా ఆత్మ చదివి ఉండేది.  - బాషా, విజయవాడ లేదా worldoflove@sakshi.comకు మెయిల్‌ చేయండి

మాది కడప జిల్లాలోని ఒక మారుమూల గ్రామం. నా డిగ్రీ అయిపోయిన తరువాత నేను మా ఫ్రెండ్స్ గుంటూరుకి కోచింగ్ కోసం వెళ్లాము. అక్కడికి అమ్మాయిలు కూడా కోచింగ్‌కు వచ్చారు. నాకెందుకో చిన్నప్పటి నుంచి అమ్మాయిలు అంటే కొంచెం భయం ఉండేది. అందుకే నేను అమ్మాయిలతో ఎక్కువగా మాట్లాడే వాడిని కాదు. అలా కోచింగ్ తీసుకుంటున్న సమయంలో నన్ను ఒక అమ్మాయి చూసి ఇష్టపడింది. నా దగ్గరకి వచ్చి నన్ను లవ్ చేస్తున్నా అని చెప్పింది ఆ అమ్మాయి చాలా బాగుంది. నేను నమ్మలేదు! జోక్ చేస్తోందేమో అనుకున్నా. కానీ, ఆ అమ్మాయి నన్ను సిన్సియర్‌గా లవ్ చేస్తోందని ఆ అమ్మాయి ఫ్రెండ్స్ నాకు చెప్పారు. తర్వాత నేను ఆ అమ్మాయిని లవ్ చేయడం స్టార్ట్ చేశాను. అలా 3నెలలు హ్యాపీగా ప్రేమించుకున్నాం. నాకు హైదరాబాద్లో జాబ్ వచ్చి వెళ్లి పోయాను అక్కడికి వెళ్ళిన తర్వాత నాకు ఆ అమ్మాయి అనుక్షణం గుర్తుకు వచ్చేది. నాకు ఏం చేయాలో అర్థం అయ్యేది కాదు. ఆ అమ్మాయికి కూడా నెల్లూరులో జాబ్ వచ్చి అక్కడికి వెళ్లిపోయింది. ఫోన్లోనే మాట్లాడుకునే వాళ్లం. 2 నెలల తరువాత దసరా పండగ వచ్చింది. నేను మా ఇంటికి వెళ్లాను మా ఇంట్లో నా ప్రేమ విషయం చెప్పాను. వాళ్లు కూడా ఒప్పుకున్నారు. అప్పుడు ఆ అమ్మాయి ఫోన్ చేసి ‘పవన్ నేను దసరాకి మీ ఇంటికి వస్తాను. మీ అమ్మానాన్నని చూడాలి’ అని చెప్పింది. నాకు చాలా సంతోషంగా అనిపించింది. మా ఇంట్లో వాళ్లకి చెప్పిన తరువాత ఆ అమ్మాయి మా ఇంటికి వచ్చింది. మా ఇంట్లో 10రోజులు ఉంది. ఉన్నన్నాళ్లు అందరితో కలిసిపోయింది. తరువాత ఎవరి జాబ్ వాళ్లు చేసుకోవడం స్టార్ట్ చేశాం. నాకు ఆ అమ్మాయిని ఎప్పుడెప్పుడు పెళ్లి చేసుకోవాలా.. ఎప్పుడెప్పుడు తనతో లైఫ్ స్టార్ట్ చేయాలా అని చాలా కోరికలు ఉండేవి ఈ విషయం తనతో చెప్పాను. తను కూడా ఒప్పుకుంది. తరువాత తను ‘మా ఇంట్లో చెబుతాను. మనం పెళ్లి చేసుకుందాం’ అని చెప్పింది. తను వాళ్ల ఇంటికి వెళ్లిన తర్వాత. ఏమైందో ఏమో ‘నాకు ఇప్పుడే పెళ్లి చేసుకోవడం ఇష్టం లేదు. ఇంకా టైమ్ కావాలి’ అని అంది. నేను కూడా ఓకే చెప్పాను. కొన్ని రోజుల తరువాత ఏమైందో ఏమో నాకు ఫోన్ చేయడం తగ్గించింది. నేను ఫోన్ చేసినా కట్ చేసేది. నాకు చచ్చి పోవాలని అనిపించింది. సూసైడ్ అటెంప్ట్ చేశాను. మా ఫ్రెండ్స్ నన్ను బ్రతికించారు. ఏం పని చేయలేక అలాగే బాధ పడుతూ ఉండే వాడిని. 3నెలల తరువాత ఆ అమ్మాయి దగ్గరినుంచి ఫోన్ వచ్చింది. హ్యాపీగా ఫీల్ అయ్యి ఫోన్ లిఫ్ట్ చేసి మాట్లాడాను. తను ఏడుస్తుంటే ఎందుకని అడిగాను. ‘నేను నిన్ను మిస్ అవుతున్నాను. నిన్ను చూడాలి’ అని చెప్పింది. అలా మళ్లీ మా ఇద్దరి మధ్యా ప్రేమ కథ మొదలైంది. మళ్లీ కొన్ని రోజుల తరువాత ‘నువ్వంటే నాకు ఇష్టం లేదు’ అని చెప్పింది. అప్పుడు నా గుండె పగిలింది. ‘ఆ మాట వినడానికా నేను ఇంకా బ్రతికి ఉన్నది’ అనిపించింది. ‘ఎందుకు’ అని అడిగాను. ‘మా ఇంట్లో వాళ్లకి మనం​ పెళ్లి చేసుకోవటం ఇష్టం లేదు’ అని చెప్పింది. ఒకటి మాత్రం చెబుతాను! ప్రేమించేటప్పుడు గుర్తుకు రాని పేరెంట్స్ పెళ్లి విషయంలో ఎందుకు గుర్తుకు వస్తారో నాకు అర్థం కావడం లేదు. లైఫ్‌లో తనని వద్దు అనుకున్నా. తను ఎక్కడ ఉన్నా, ఎవరితో ఉన్నా హ్యాపీగా ఉండాలి. ఏ అమ్మాయి అయినా ప్రేమిస్తే కష్టం అయిన సుఖం అయిన పెళ్లి చేసుకోవడానికి ప్రయత్నం చేయండి. ప్రేమించి పెళ్లి చేసుకుందాం అని చెప్పి, తరువాత వద్దు అని అనకండి. ఎందుకంటే ప్రతి అబ్బాయి పెళ్లి చేసుకుందాం అని ప్రేమిస్తాడు. కానీ, ప్రేమించి మోసం చేస్తే ఆ బాధని తట్టుకోవడం చాలా కష్టం. - పవన్‌,కడప లేదా worldoflove@sakshi.comకు మెయిల్‌ చేయండి

2014లో నేనొక అమ్మాయిని చూశాను. అప్పుడు నేను బీఎస్‌సీ ఫైనల్‌ ఇయర్‌. తను ఓ ట్రైనింగ్‌ కోసం వచ్చింది. అప్పుడు తనతో నాకు పరిచయం ఏర్పడింది. తర్వాత కొన్ని రోజులకు నేను తనకు ప్రపోజ్‌ చేశా. ఓకే అంది. మా ఇద్దరి మధ్యా ఎన్నో గొడవలు అంతకుమించి ఎంతో ప్రేమ.. అలా 5ఏళ్లు గడిచిపోయాయి. ఈ ఐదేళ్లలో తను లేకపోతే నేను లేను అనేంతలా ప్రేమ చూపించింది. తనకు కూడా నేనంటే చాలా ఇష్టం. మా ఇద్దరి కులాలు ఒక్కటికాదు. అయినా నేను ఓ సంవత్సరం వేయిట్‌ చేసి తనను పెళ్లి చేసుకుంటానని అడిగా. తను సరే అంది. ఒకరోజు ఫోన్‌ చేస్తే ‘ నాకు మ్యారేజ్ ఫిక్స్‌ అయ్యింది. ఎంగేజ్‌మెంట్‌ కూడా అయ్యింది.’ అని చెప్పింది. అప్పటినుంచి నా గుండెలో బాధ మొదలైంది. ఆమెకు ఇష్టం లేకపోయినా తన ఫ్యామిలీ కోసం ఓకే చెప్పిందని తెలిసింది. అప్పుడు నేను ‘వచ్చేయ్‌ నాతో! పెళ్లి చేసుకుందాం.’ అని అన్నాను. తనేమో రానని చెప్పేసింది. ఇప్పటికీ తన గురించే ఆలోచన నా ప్లేస్‌లో వేరే వాడిని ఊహించుకోలేకపోతున్నా. నా ఊపిరి ఉ‍న్నంత వరకు నేను తనని మర్చిపోలేను. నువ్వు లేని నా జీవితం శూన్యం. నువ్వే నా ప్రపంచం.. నా ఆలోచన నువ్వు.. నువ్వు గుర్తురాని సెకండ్‌ లేదు. జాగ్రత్త బంగారం. ఐ మిస్‌ యూ.. నేను నిన్ను మర్చిపోవటమంటే చచ్చిపోవటమే. - క్రిష్ణ చదవండి : ఇలాంటోళ్లు రొమాన్సులో పిచ్చోళ్లు!  ఆమెకు అనుమానం..అందుకే వీలుచిక్కినప్పుడల్లా.. లేదా worldoflove@sakshi.comకు మెయిల్‌ చేయండి

నేను నా మరదల్ని ప్రేమించాను. అప్పుడు తను పదవతరగతి చదువుతోంది. అప్పుడే తనకు ప్రపోజ్‌ చేశా. సైలెంట్‌గా వెళ్లిపోయింది! ఇష్టం లేదేమో అనుకున్నా. తనను డిస్ట్రబ్‌ చేయటం ఇష్టంలేక  7 సంవత్సరాలు వన్‌ సైడ్‌లవ్‌ చేశా. నాన్న గారు చనిపోవటంతో కుటుంబ బాధ్యతలు నా మీద పడ్డాయి. అందుకే తనకు ఇన్ని రోజులు దూరంగా ఉన్నాను. 2018 డిసెంబర్‌లో వాళ్ల అమ్మతో తనంటే నాకిష్టమని, పెళ్లి చేసుకుంటానని మాట్లాడాను. వాళ్లు ఒప్పుకున్నారు. కానీ, నెల రోజులు గడిచినా ఏం సంగతి చెప్పలేదు. ఆ తర్వాత ఆ విషయం వాళ్ల తమ్ముడికి చెప్పా. వాడు హ్యాపీగా ఫీలై వాళ్ల అక్క నెంబర్‌ ఇచ్చాడు. ‘లవ్‌ యూ! మనం పెళ్లి చేసుకుందాం’ అని మెసేజ్‌ చేశా. తను నా నెంబర్‌ బ్లాక్‌ చేసింది. నాకు ఏడుపొచ్చింది. తర్వాత కొన్ని రోజులు వేయిట్‌ చేశా. ఫిబ్రవరి 14న కొత్త నెంబర్‌ నుంచి మళ్లీ ప్రపోజ్‌ చేశా. తను రిప్లై ఇవ్వలేదు. కానీ, ఇప్పుడు నా నెంబర్‌ బ్లాక్‌ చేయలేదు. అలా మూడు నెలలు తనకు మెసేజ్‌లు చేశా. మెసేజ్‌లు చూస్తుంది కానీ, రిప్లై ఇవ్వటం లేదు. సడెన్‌గా మే 27 రాత్రి 12గంటలకు ‘ఐ లవ్‌ యూ టూ’ అని మెసేజ్‌ చేసింది. మార్నింగ్‌ మెసేజ్‌ చూసి నేను చాలా హ్యాపీగా ఫీలయ్యా. అలా ఆరు నెలలు హ్యాపీగా ఉన్నాం. ఏమైందో ఏమో ఓ రోజు ఫోన్‌ చేసి‘ నువ్వు నాకు వద్దు. లెట్స్‌ బ్రేకప్‌’ అంది. నా ప్రాణం పోయినంత పనైంది. తేరుకుని‘ ఏమైంది చెప్పు!’ అని అడిగాను. సమాధానం లేదు. తను పని చేసే కంపెనీలో మా ఫ్రెండ్స్‌ ఉన్నారు. వాళ్లని తన గురించి అడిగాను. వాళ్లు తన గురించి కొంచెం బ్యాడ్‌గా చెప్పారు. అక్కడ ఆఫీస్‌లో తనకు ఆల్‌రెడీ ఓ లవర్‌ ఉన్నాడు. అతడినే పెళ్లి చేసుకుంటుందంట. ఆ విషయం తననే అడిగా. అప్పుడు తను‘ అది నా ఇష్టం.. నువ్వు ఎవడ్రా అడగటానికి’ అంది. నా జీవితం అనుకున్న అమ్మాయి ఇలా మాట్లాడుతుందని అనుకోలేదు. ఆమెను మర్చిపోలేక రెండు సార్లు సూసైడ్‌ అటెంప్ట్‌ చేశా. ఫ్రెండ్స్‌ నన్ను బ్రతికించారు. అమ్మ కోసం బ్రతికున్నా. ఆమె సంతోషంగా ఉండాలని, తన లవర్‌తోనైనా పర్మినెంట్‌గా ఉండాలని కోరుకుంటున్నా. మిస్‌ యూ బంగారం.. నీ బావ.. - వెంకీ  లేదా worldoflove@sakshi.comకు మెయిల్‌ చేయండి

నేను ఒక రోజు పని మీద భీమవరం నుండి పాలకొల్లు వెళ్లాను. వచ్చేటప్పుడు ట్రైన్ ఎక్కడానికి పాలకొల్లు రైల్వేస్టేషన్‌కి వెళ్లాను. అక్కడ ఒక అమ్మాయి బెంచి మీద కూర్చుని ఉంది. చూడగానే ‘ఈ అమ్మాయిని ఎక్కడో చూసినట్లుందే’ అనిపించింది. ట్రైన్ ఎక్కాక ధైర్యం చేసి మాట్లాడాను. మాటల్లో తన పేరు అడిగాను! తులసి అని చెప్పింది. తనది కూడా భీమవరం. తనకి నా ఫోన్ నెంబర్ ఇచ్చాను. ఒక నెల రోజుల తరువాత ఫోన్ వచ్చింది. నేను ఫోన్ లిప్ట్ చెయ్యగానే ‘నేను తులసి’ అని అంది. నేను చాలా హ్యాపీగా ఫీల్ అయ్యాను. నేను అప్పుడు హైదరాబాద్లో జాబ్ చేస్తున్నాను. రోజూ ఫోన్లో మాట్లాడుకునేవాళ్లం. తను అప్పుడు డిగ్రీ చదువుతోంది. నేను ఒకరోజు తనని కలిసి పెళ్లి చేసుకుందామని అడిగాను. డిగ్రీ అయ్యాక చేసుకుందాం అంది. అలా 2 సంవత్సరాలు గడిచాయి. తర్వాతి నుంచి తను నాతో మాట్లాడటం తగ్గించేసింది. ఫోన్ చేస్తే లిప్ట్ చేయట్లేదు. తను వేరే అబ్బాయితో లవ్లో ఉన్నదని తెలిసింది. ఈ విషయం తనను అడిగితే అవునని చాలా సీరియస్‌గా చెప్పి ‘ఇంకెప్పుడూ నాకు ఫోన్ చెయ్యొద్దు’ అని అంది. నేను చాలా బాధపడ్డాను. ఏడ్చాను,మనసులో చెప్పలేనంత బాధ! ఏం చెయ్యాలో అర్థం కాలేదు. కొన్ని రోజులు తర్వాత ఒక కొత్త నెంబర్ నుంచి ఫోన్ వచ్చింది. ఫోన్ లిప్ట్ చేయగానే తన గొంతు విని మనసంతా బాధ. కానీ పైకి మాత్రం చాలా సీరియస్‌గా ‘చెప్పు’ అన్నాను. ముందు సారీ చెప్పింది. వాడెవడో గోల్డ్ డబ్బులు వాడుకుని తనను మోసం చేసాడంట, నాకు జాలేసింది. నేను ధైర్యం చెప్పి పెళ్లి చేసుకుందామని అడిగాను. సరే అంది. సడెన్‌గా ఒక రోజు ఫోన్ చేసి ‘నాకు పెళ్లి ఫిక్స్ అయ్యింది. అతడు చాలా బాగుంటాడు, కారు కూడా ఉంది! చేసుకోనా?’ అని అడిగింది. నా గొంతు మూగబోయింది. రెండు నిముషాలు నేను ఏమీ మాట్లాడలేదు. ఫోన్ కట్ అయ్యింది. 2016లో మళ్లీ కొత్త నెంబర్ నుంచి ఫోన్‌.. అదే గొంతు మళ్లీ సారీ చెప్పింది. మళ్లీ మోసపోయింది. ఆమె భర్తకి చాలా అప్పులు ఉన్నాయంట. చెప్పకుండా అబద్ధాలు ఆడి పెళ్లి చేసుకున్నాడంట. నేను తనకి ధైర్యం చెప్పి ఫోన్ కట్ చేశాను. తనకి ఇప్పుడు ఒక బాబు. తను ఎప్పుడూ సంతోషంగా ఉండాలని కోరుకుంటున్నాను. - నాని, భీమవరం లేదా worldoflove@sakshi.comకు మెయిల్‌ చేయండి

నా లవ్‌స్టోరీ నా పదహారవ ఏట మొదలైంది. ఆ అమ్మాయికి అప్పుడు 14 ఏళ్లు. మేము ఫ్రెండ్స్‌గా ఉన్నాము. నాకు క్రికేట్‌ అంటే పిచ్చి! పెద్ద క్రికేటర్‌ అవ్వాలని ఆశ. మా పేరెంట్స్‌ నన్ను బాగా చూసుకునేవాళ్లు. కానీ, నా దురదృష్టం కొద్ది నాన్న చనిపోయారు. దీంతో మాకు కష్టాలు మొదలయ్యాయి. కానీ, నా కష్టాలు చూసిన దేవుడు ఆర్మీలో జాబ్‌ వచ్చేలా చేశాడు. అప్పుడు నా వయసు 17. అది 2005.. అప్పుడు ట్రైనింగ్‌ కోసం వెళ్లాను. ఆ అమ్మాయి నన్ను మర్చిపోయింది. నా దగ్గర తన అడ్రెస్‌ ఉండటంతో ఆర్మీ ట్రైనింగ్‌లో ఉన్నానని ఓ లెటర్‌ రాశాను. నాకు రిప్లై వచ్చింది. చాలా సంతోషంగా ఫీల్‌ అయ్యాను. అలా మా లెటర్స్‌ వల్ల ప్రేమ చిగురించింది. నేను సెలవుల మీద ఊరికి వచ్చాను. ఆ అమ్మాయి చాలా దూరంగా ఉందని తెలిసింది. అయినా తనను వెతుక్కుంటూ వెళ్లి ప్రపోజ్‌ చేశాను. చాలా హ్యాపీగా ఫీల్‌ అయింది. లైఫ్‌లాంగ్‌ కలిసి ఉండాలని అనుకున్నాం. ఆర్మీజాబ్‌లో ఎన్నో కష్టాలు పడ్డాను. ఎన్ని ఇబ్బందులు ఉన్నా ఆ అమ్మాయిని మాత్రం వదల్లేదు. మా లెటర్స్‌ కాస్తా ఫోన్‌ అయ్యంది. డ్యూటీ చేసి నిద్రలేకుండా మాట్లాడాను. అలా పదకొండేళ్లు ప్రేమించుకున్నాం. 2015లో నేను స్పెషల్‌ ట్రైనింగ్‌లో ఉన్నాను. ఈ సారి కచ్చితంగా పెళ్లి చేసుకుందాం అని అంతకు ముందే తనకు చెప్పాను. ట్రైనింగ్‌లో ఉండి 30 రోజులు ఫోన్‌ చేయలేదు. ఆ తర్వాత కాల్‌ చేస్తే స్విచ్ఛాఫ్‌ అని వచ్చింది. మా ఫ్రెండ్‌ కాల్‌ చేశాడు ‘ఆ అమ్మాయికి పెళ్లైంది’ అని. చెప్పుకోలేని బాధ! ఏడ్చాను. ఒక నెల తర్వాత లీవ్‌ మీద వచ్చాను. కాల్‌ చేసి అడిగాను. కలవాలని అంది. ఒకే చెప్పాను. ఇద్దరం కలిసినపుడు పెళ్లి గురించి అడిగితే ‘అమెరికా సంబంధం అందుకే చేసుకున్నా. నువ్వు ఆర్మీ. అందుకే నీకంటే మంచి జాబ్‌లో ఉన్న వాడిని చేసుకున్నా.’ అంది. - కే ఆర్‌ రెడ్డి చదవండి : నన్ను ఎందుకిలా చంపుతున్నావ్‌! నాన్న మాట కాదనను.. నిన్ను వదులుకోను లేదా worldoflove@sakshi.comకు మెయిల్‌ చేయండి

నేను ఇంటర్‌ మీడియట్‌ చదివేటప్పుడు ఒక అమ్మాయిని ఇష్టపడ్డాను. కానీ, పిరికితనం కారణంగా డైరెక్ట్‌గా తనకు చెప్పలేకపోయాను. ఓ రోజు తనకు ఇన్‌ డైరెక్ట్‌గా నా ప్రేమ విషయం తెలిసేలా చేశాను. అయితే ఆ అమ్మాయికి ఆ విషయం అర్థం అయ్యిందో లేదో తెలియదు. ప్రతి రోజూ కాలేజీకి ఆ అమ్మాయి కోసమే వెళ్లే వాడిని. ఆ అమ్మాయి ఒక్కరోజు రాకపోయినా కాలేజ్‌లో ఉండలేకపోయేవాడిని. ఇంటర్‌ సెకండ్‌ ఇయర్‌ ఫైనల్‌ ఎక్షామ్‌ టైంలో ప్రపోజ్‌ చేద్దామని అనుకున్నాను. ప్రతి రోజూ ఎక్షామ్‌ సెంటర్‌కు వెళ్లేవాడిని కానీ, చెప్పలేకపోయేవాడిని. తను ఎదురుగా వచ్చేదలా.. చెప్పాలనుకుని చెప్పలేకపోయేవాడిని. ఒకరోజు తను నన్ను చూసింది. నేను తనను దాటి వెళ్లాక! ‘ ఆమె నన్ను చూసింది. అది చాలు’ అనుకున్నాను. ఎక్షామ్స్‌ అయిపోయాయి. నా ప్రేమ కథ ముగిసిపోయిందనుకున్నా. మూడు సంవత్సరాల తర్వాత తనే నాకు ఎఫ్‌బీలో మెసేజ్‌ చేసింది. చాలా హ్యాపీగా ఫీల్‌ అయ్యాను. అప్పుడు తనకు నా ప్రేమ సంగతి చెప్పేశాను. నేను తనను ప్రేమిస్తున్న సంగతి తనకు ఇంటర్‌లోనే తెలుసునని చెప్పింది. కొన్నాళ్లు మాట్లాడుకున్నాం.  అంతలో ఏమైందో ఏమో తెలియదు. నన్ను బ్లాక్‌ చేసేసి నాతో మాట్లాడటం ఆపేసింది. కొన్నాళ్ల తర్వాత తనే నన్ను అన్‌ బ్లాక్‌ చేసి మాట్లాడింది, మళ్లీ తనే బ్లాక్‌ చేసింది. తన కోసం సూసైడ్‌ అటెంప్ట్‌ చేశా. చివరినిమిషంలో బ్రతికా. మళ్లీ తనే మెసేజ్‌ చేసింది. నాకు పిచ్చెక్కిపోయింది.  ఎందుకు నన్ను ఇలా చంపుతున్నావ్‌! నువ్వు తప్ప నా లైఫ్‌లో ఇంకొకరిని ఊహించుకోలేను. ఎందుకు నన్ను దూరం పెడుతున్నావు. చచ్చేవరకు నీకోసమే ఎదురుచూస్తాను.  - ప్రసాద్‌, గుంటూరు చదవండి : నాన్న మాట కాదనను.. నిన్ను వదులుకోను అలా చేస్తే సమాజంలో తల ఎత్తుకు తిరగలేం! లేదా worldoflove@sakshi.comకు మెయిల్‌ చేయండి

మాది కరీంనగర్ జిల్లా. మా అక్క కూతరు ఫ్రెండ్‌తో నాకు పరిచయం ఏర్పడింది. ప్రతి రోజూ చిట్ చాట్ చేసుకునేవాళ్లం. అలా కొద్దిరోజులకే మా పరిచయం ప్రేమగా మారింది. ఒకరోజు మా ఫ్రెండ్ ‘ఇలా రోజూ చాట్ చేసుకోవడం బదులు. నువ్వు ఆమెను ప్రేమిస్తున్న సంగతి ధైర్యంగా చెప్పొచ్చుగా’  అని అన్నాడు. దానికి నేను ‘ ఆమెకు ప్రపోజ్‌ చేసి ఉన్న ఫ్రెండ్షిప్ లాస్ చేసుకోవడం ఎందుకు’ అని అన్నాను. దానికి నా ఫ్రెండ్ ‘నువ్వు చెప్పినా చెప్పకున్నా తను ఎలాగూ దూరం అవుతుంది కదా!’ అని అన్నారు. బాగా ఆలోచించి ఓ రోజు అర్థరాత్రి తనకు నా మనసులోని ప్రేమను సందేశం ద్వారా చెప్పాను. రెండు రోజుల వరకు ఎలాంటి రిప్లై లేదు. నేను కూడా రెండు రోజుల వరకు మళ్లీ మెసేజ్ చేయలేదు. మూడు రోజుల తర్వాత మెసేజ్ వచ్చింది. అప్పుడు నా ఆనందానికి అవధులు లేవు. అలా మూడు సంవత్సరాలు చాటింగ్ చేస్తూ గడిపాం. వాళ్ల చెళ్లి సహాయంతో.. మా బంధువుల ద్వారా పెళ్లి చూపులు అయిపోయాయి! అన్నీ ఓకే అనుకున్నాము. తర్వాత మాగురించి ఎవరో ఏమో చెప్పారని వాళ్ల నాన్న ఈ పెళ్లి వద్దు అన్నారు. ఆయనను ఒప్పించటానికి మేమిద్దరం చాలా  ప్రయత్నించాం. కానీ, మా ప్రయత్నాలు సఫలం కాలేదు. తను ‘మా నాన్న మాట నేను కాదనలేను! అలాగని నిన్ను వదులుకోను’ అని అంది. పరిస్థితుల కారణంగా ఆమె  పెళ్లి చేసుకుని వెళ్లిపోయింది. అప్పటి నుండి ఇప్పటి వరకూ ఎలాంటి విషయం తన గురించి తెలియదు. కానీ, తను బాగుందని తెలిసింది. తన పెళ్లి అయిన తర్వాత నేను కూడా చేసుకున్నాను. ఇద్దరం ఎవరికి వారు చాలా సంతోషంగా ఉన్నాం. ఒక్క సారైనా తనను చూడాలని కోరిక. మా ప్రేమ కథలో మరో ఆసక్తికరమైన విషయం ఏంటంటే! తను నేను మూడు సంవత్సరాల పాటు చాట్ చేసుకున్నామే తప్ప ఏ రోజూ ఫోన్‌లో మాట్లాడుకోలేదు. - సంపత్‌ లేదా worldoflove@sakshi.comకు మెయిల్‌ చేయండి

నేను పది పాసై డిప్లమా జాయిన్‌ అవుతున్న రోజులు. సీట్‌ కోసం చాలా ట్రై చేశా. సమైకాంద్ర గొడవల కారణంగా సీట్‌ రావటం చాలా ఆలస్యం అయ్యింది. చివరికి శ్రీకాకుళం కాలేజీలో జాయిన్‌ అయ్యాను. ఫస్ట్‌ ఇయర్‌ హాస్టల్‌. కాలేజ్లో చేరిన ఓ మూడు నెలలకు ఒక మెసేజ్‌ వచ్చింది. అది మా అత్తయ్య కూతరు. నేను హాస్టల్‌లో ఉంటున్నానని తెలిసి తను నాకు మెసేజ్‌ చేసింది. తను తొమ్మిదవ తరగతి సరిగా చాటింగ్‌కూడా చేయటం రాదు. పది అయిపోయేలోగా చాటింగ్‌ చేయటం నేర్పించాను. పదవ తరగతి పాసవ్వగానే తనకు నేను ప్రపోజ్‌ చేశాను. నేను తనని పెళ్లి చేసుకుంటానని మా నాన్నకు కూడా చెప్పాను. మా నాన్న చాలా సంతోషంగా ఒప్పుకున్నారు. అలా నాలుగేళ్లు ఇద్దరం ప్రేమించుకున్నాం. డిగ్రీ ఫైనల్‌ ఇయర్‌ అవ్వగానే మా నాన్నగారు మరణించారు. అప్పటినుంచి నాకు కష్టాలు మొదలయ్యాయి. ఆ తర్వాత ఆమె ఇంట్లో వాళ్లు కూడా రివర్స్‌ అయిపోయారు. తనను నాకిచ్చి పెళ్లి చేయమని చెప్పారు. నేను ఎలాగైనా డబ్బు సంపాదించి తనను పెళ్లి చేసుకోవాలనే తపనతో ఉండేవాడిని. అలా ఉంటున్న సమయంలో నాకు బాధ్యత ఎక్కువ అయింది. టెన్షన్స్‌ మొదలయినా ఓర్చుకున్నాను. చివరికి పెళ్లి చేసుకుందాం అని వాళ్ల అమ్మకి కాల్‌ చేశాను. ‘నువ్వు ఎంత సంపాదించినా నీకు మాత్రం మా అమ్మాయిని ఇవ్వము’ అని చెప్పేసింది. చాలా ప్రయత్నాలు చేశాను ఒప్పించడానికి. చాలా కష్టపడ్డాను కానీ ఆఖరికి విడిపోవాల్సి వచ్చింది. ఏదేమైనా ఎప్పటికి మా అమ్మని తనలోనే చూసుకుంటాను. తను కూడా నన్ను డాడీ అని పిలుస్తుంది. ప్రేమ కోసం ఓడిపోయాం, విడిపోయాం కానీ మేమిద్దరం ఎప్పటికీ కలిసే ఉండాలని ఫిక్స్‌ అయ్యాం. మంచి స్నేహితుల్లాగా ఫ్రెండ్షిప్‌ అని మేము అనుకోవడం లేదు. మా ఫ్యామిలీస్‌ వల్ల మేము పడే బాధ మాకు తప్ప ఎవరికీ ఎప్పటికీ అర్థం కాదు. - కిరణ్‌ రూపక్‌, వైజాగ్‌ లేదా worldoflove@sakshi.comకు మెయిల్‌ చేయండి

మేమిద్దరం చిన్నప్పటినుంచి ఒకే స్కూల్‌లో చదివాము. ఎనిమిదవ తరగతి చదివేటప్పుడు మాట్లాడుకోవటం మానేశాము. తనంటే నాకు చాలా ఇష్టం. తను నాతో మాట్లాడకపోయినా దూరం నుంచి చూస్తూ నవ్వుకునేదాన్ని. దేవుడు మళ్లీ మమ్మల్ని ఎందుకు కలిపాడో తెలియదు కానీ, ఇంటర్‌ నుంచి మాట్లాడుకోవటమ మొదలుపెట్టాము. తనను నేను ఓ బెస్ట్‌ఫ్రెండ్‌లా చూసేదాన్ని. సంతోషం వేసినా.. దుఃఖం వచ్చినా మొదట అతడికే చెప్పేదాన్ని. తన మెసేజ్‌కోసం ప్రతి క్షణం వెయ్యి కళ్లతో ఎదురు చూసేదాన్ని. కాకపోతే తను ఎప్పుడు నాకు కాల్‌ కానీ, మెసేజ్‌​ కానీ, చేసేవాడు కాదు. తనకు ఏదైనా బాధకలిగితే చేసేవాడు. నేను ఉన్నానని ధైర్యం చెప్పేదాన్ని. తను చాలా మంచివాడు. అందరికి సహాయం చేసేవాడు. రోజులు ఎలా గడిచిపోయాయో.. తనతో ప్రతిక్షణం సంతోషంగా ఉండేది. మిగితా వాళ్లు మా గురించి తప్పుగా మాట్లాడుకునేవాళ్లు. కానీ, మేము పట్టించుకునేవాళ్లం కాదు. ఎందుకంటే తను నా బెస్ట్‌ ఫ్రెండ్‌. తర్వాత డిగ్రీ సెకండ్‌ ఇయర్‌లో నన్ను ప్రేమిస్తున్నానని చెప్పాడు. నేను నమ్మలేదు.. నిజంగా చెప్పుమని అడిగా. నువ్వులేకపోతే ఉండలేను అన్నాడు. అది అబద్దం అన్నాను. తర్వాత వాళ్ల ఫ్రెండ్‌ ఫోన్‌ చేసి ‘ నీ వల్ల వాడు పిచ్చివాడు అయిపోతున్నాడు’ అని అన్నాడు. మంచి మనిషి నా జీవితభాగస్వామి అవుతున్నందుకు నేను చాలా సంతోషపడ్డాను. కానీ, ఆ ఆనందం మూడు రోజుల ముచ్చటే అని అర్థం అయ్యింది. నేను అతన్ని‘మనం పెళ్లి చేసుకుందాం’ అని అడిగాను. తను ‘లవ్‌​ యూ టూ’ అని నాచేతికి రింగ్‌పెట్టాడు. నా ఆనందానికి హద్దులు లేవు. చాలా అదృష్టవంతురాలిని అనుకునేదాన్ని. తర్వాత చెప్పాడు అదంతా డేర్‌ అని. తను నన్ను ఓ ఫ్రెండ్‌లాగా చూశాడని. నా మనసు ముక్కలైపోయింది. మాట్లాడకూడదు అనుకునేదాన్ని. కానీ, నేను మాట్లాడకపోతే పిచ్చివాన్ని అయిపోతాను అన్నాడు. తర్వాత నా మనసు చంపుకుని మాట్లాడేదాన్ని. తనేమో ఒక లవర్‌లా మాట్లాడేవాడు. అడిగితే ఫ్రెండ్‌ అనేవాడు. తనవల్ల నా మనసులో ఇంకెవరికీ చోటివ్వలేకపోయాను. ప్రేమించిన మనిషి కాదంటుంటే తట్టుకోలేకపోయాను. సూసైడ్‌ చేసుకుందాం అనుకున్నా. మా అమ్మ గుర్తొచ్చి ఆగిపోయా. ప్రతిక్షణం చస్తూ బ్రతికేదాన్ని. తను ఒకసారి నన్ను హగ్‌చేసుకుని ఏడ్చాడు. తనకు అవసరం ఉన్నపుడు నేను కావాలి. నేను ఇప్పటికీ అతన్నే లవ్‌ చేస్తున్నా. తను సిల్లీగా పెట్టిన రింగ్‌ను ఇప్పటికీ తీయలేదు. చావైనా బ్రతుకైనా అతడితోనే. తన దృష్టిలో లవ్‌ అంటే ఓ తప్పు.. నా దృష్టిలో అదో నమ్మకం. మేము భవిష్యత్తులో కలిసుంటామో లేదో తెలియదు. నా చివరి శ్వాస వరకు తనకోసం ఎదురుచూస్తా.  - అలేఖ్య, తిరుపతి  లేదా worldoflove@sakshi.comకు మెయిల్‌ చేయండి

అప్పుడు నేను తొమ్మిదవ తరగతి చదువుతున్నాను. అతను డిగ్రీ ఫైనల్‌ ఇయర్‌. మా ఇళ్లు రెండూ ఎదురెదురుగా ఉండేవి. నేను వాళ్ల ఇంటికి డైలీ క్యారంబోర్డు ఆడటానికి వెళ్లేదాన్ని. ఒకరోజు అతడు నాకు ప్రపోజ్‌ చేశాడు. నాకిష్టం లేదని చెప్పా. ఓకే చెప్పమంటూ నాకోసం ప్రాణంమీదకు తెచ్చుకున్నాడు. పిచ్చిగా చేస్తే మీ వాళ్లకు చెప్తా’  అని వార్నింగ్‌ ఇచ్చా. కొన్ని రోజుల తర్వాత నాకు తెలియకుండానే నేనతన్ని ఇష్టపడటం మొదలుపెట్టాను. అతను ఎక్కడికి వెళ్లినా నాకు చెప్పకుండా వెళ్లేవాడు కాదు. అలా రెండేళ్లు గడిచిపోయాయి. నేను నా ఫ్రెండ్‌ అతనితో సినిమాకు వెళ్లాము. తర్వాత కొన్ని రోజులకు అనుమానం స్టార్ట్‌ అయ్యింది. వాళ్లతో మాట్లాడకు.. వీళ్లింటికి వెళ్లకు అని ఇబ్బంది పెట్టేవాడు. ‘నాపైన నమ్మకం లేదా’ అని అడిగాను. అలా ఓ సంవత్సరం పాటు మాట్లాడుకోలేదు. తర్వాత అతనే సారీ చెప్పాడు. మళ్లీ మా ప్రేమ కంటిన్యూ అయ్యింది. నిన్నే పెళ్లి చేసుకుంటా లేకుంటే లేదు. జీవితాంతం ఇలానే ఉంటా అని చెప్పాడు. చాలా నమ్మాను. మా ప్రేమ గురించి వాళ్ల చెల్లెలితో కూడా చెప్పాడు. మా కులాలు వేరువేరు. వాళ్ల ఇంట్లో వాళ్లకు తెలిసింది. నాతో మాట్లాడటం మానేశాడు. కొన్ని నెలల తర్వాత మళ్లీ మాట్లాడటం మొదలుపెట్టాడు. మా వాళ్లు నన్ను పెళ్లి చేసుకోమని బలవంతం చేయటం మొదలుపెట్టారు. ఏం చేయాలి’ అని అడిగాను. కులాలు వేరు కదా ఒప్పుకోరని అన్నాడు. ‘మరి ఏం చేస్తావ్‌?’ అని అడిగా. తర్వాత చెప్తానన్నాడు. కొన్ని రోజుల తర్వాత ఫోన్‌ చేసి ‘నేను రెండు పెళ్లిళ్లు చేసుకుంటా. ముందు మా వాళ్లు చూసిన అమ్మాయిని చేసుకుంటా. తర్వాత నిన్ను పెళ్లి చేసుకుంటా’ అని చెప్పాడు. నో చెప్పా. ఇలాంటి వాడినా నేను ఇంతకాలం ప్రేమించింది అని చాలా బాధపడ్డాను. తన ఎంగేజ్‌మెంట్‌ అయిన తర్వాత నాకు చెప్పాడు. డిసెంబర్‌ 31న పెళ్లికి నన్ను తప్పకుండా రమ్మన్నాడు. నేను మ్యారేజ్‌కు వెళ్లా. అతడి కళ్లలో నా మీద ఇసుమంత కూడా ప్రేమ కనిపించలేదు. ఇష్టం వేరు ప్రేమ వేరు అని తెలుసుకున్నా. ప్రేమ, నమ్మకం లేకుంటే ఎన్ని సంవత్సరాలైనా జీవితం వృధా. ఇప్పుడు జాబ్‌ చేస్తున్నా. అతడికి పెళ్లై ఒక సంవత్సరం అవుతోంది. మళ్లీ ఫోన్‌ చేస్తున్నాడు ‘నువ్వు నా ప్రాణం రా! నాతో ఉన్న రోజులు గుర్తుకు వస్తున్నాయి. నేను నీతో ఉంటేనే హ్యాపీగా ఉంటాను’ అని చెబుతున్నాడు. నేనతనితో కలిసి ఉండాలనుకోవటం లేదు. ప్రేమను ఈ సృష్టిలోని ఏ వస్తువుతోనూ సరిపోల్చలేము. -  మౌనిక, హైదరాబాద్‌ లేదా worldoflove@sakshi.comకు మెయిల్‌ చేయండి

నేను పీజీలో ఉన్నపుడు ఒక అమ్మాయిని లవ్‌ చేశా. ఆరు నెలలు తనకోసం ఎదురు చూశా. నా గురించి తనకెవరో చెప్పారంటా. అప్పటినుంచి నన్ను దూరం పెట్టడం ప్రారంభించింది. తర్వాత అడిగా ‘ఎందుకు నన్ను దూరం పెడుతున్నావ్‌’ అని. అప్పుడు తను‘ నాకు ఇవన్నీ ఇష్టం ఉండవు.’ అని చెప్పింది. నాతో మాట్లాడటం మానేసింది. నాకు చాలా బాధేసింది. కానీ, మా ఫ్రెండ్స్‌తో బాగా మాట్లాడేది. సరే ఇంక ఆమెను ఇబ్బంది పెట్టడం ఎందుకని పరీక్షలకు ప్రిపేర్‌ అవ్వటం మొదలుపెట్టా. ఎక్షామ్స్‌ తర్వాత సమ్మర్‌లో బెంగళూరు వెళ్లాను. అక్కడ ఓ చిన్న కంపెనీలో జాబ్‌ చేసుకుంటున్నా. 9-8-2019 రోజు అన్‌నౌన్‌ నెంబర్‌నుంచి ఫోన్‌ వచ్చింది. ఎవరో అని మాట్లాడా! అది తను. ఎందుకు ఫోన్‌ చేశావు అని అడిగాను. ‘నువ్వు నాకు ప్రపోజ్‌ చేయగానే నాకు భయం వేసింది. అందుకే నేను కుదరదన్నాను’ అని చెప్పింది. ‘మరి ఇప్పుడు భయం లేదా’ అని అడిగాను. ఏంలేదని చెప్పింది. ఆరు నెలలుగా టైం దొరికినప్పుడల్లా కాల్‌ చేసేది. సడెన్‌గా ఓ పదిరోజులనుంచి ఫోన్‌ చేయటం లేదు. సరే అని నేనే తనకు ఫోన్‌ చేశా. అప్పుడు అంది ‘ ఇక మీదట నాకు ఫోన్‌ చేయకు. నేను నీతో మాట్లాడను’ అని చెప్పింది. తను ఎందుకలా చెప్పిందో నాకు ఇంతవరకు అర్థం కావటం లేదు.  -నాగేష్‌, పలమనేర్‌ చదవండి : వైకల్యం వారి ప్రేమకు అడ్డుకాలేదు పెళ్లి చేసుకోకపోతే బ్లాక్‌ మెయిల్‌ చేస్తావా?.. లేదా worldoflove@sakshi.comకు మెయిల్‌ చేయండి

2012 చివరి నెల అది. డిప్లమా ట్రైనింగ్‌లో జాయిన్‌ అయ్యాం. అదేరోజు అతడిని చూశాను. రోజూ బాగానే మాట్లాడేవాడు. సడెన్‌గా ఓ నెల తర్వాత లవ్‌ అన్నాడు. ఒప్పుకోకపోతే తట్టుకోలేను అన్నాడు. కుదరదు అని చెప్పడానికి కారణం లేక సరే అన్నాను. చాలా ప్రేమ చూపించేవాడు. నేను చాలా అదృష్టవంతురాలినని అనుకునే దానిని. చిన్నచిన్న అలకలు బుజ్జగింపులతో జీవితం హ్యాపీగా సాగిపోయేది. నా లైఫ్‌లో తను ఉంటే చాలు అనిపించేది. సడెన్‌గా ఏమైందో ఏమో తెలియదు, 2019 మేలో కాల్‌ చేసి ‘ నేను నిన్ను పెళ్లి చేసుకోకపోతే నన్ను బ్లాక్‌ మెయిల్‌ చేస్తావా? మా ఇంటికి వచ్చి గొడవ చేస్తావా?’ అని అడిగాడు. చాలా బాధగా అనిపించింది. ‘ఇన్ని రోజుల పరిచయంలో నన్ను అర్థం చేసుకుంది ఇంతేనా’ అనిపించింది. తర్వాత మాట్లాడటం తగ్గించేశాడు. తనకి వాళ్ల చుట్టాల అమ్మాయితో ఎంగేజ్‌మెంట్‌ అయిన సంగతి కూడా నాకు తెలియదు. చచ్చిపోవాలనిపించింది. ఎలా తట్టుకోవాలో అర్థం కాలేదు. 2019 నవంబర్‌ 21న తనకు మ్యారేజ్‌ అయిందని నాకు తెలిసింది. ఇంకా మర్చిపోవటానికి ట్రై చేస్తున్నా. ఇప్పుడు నాకు అన్నీ నా ఫ్యామిలీనే.. ఫ్యామిలీ బాధ్యతలను తీసుకున్నా. వాళ్లతో హ్యాపీగా ఉంటున్నా ఎక్కడో తెలియని బాధ. చివరిగా తనకో మాట చెప్పాలని ఉంది. ‘నువ్వు ఎక్కడ ఉన్నా.. ఎలా ఉన్నా హ్యాపీగా ఉండు బుజ్జి. నువ్వు ఎందుకిలా చేశావో నాకు ఇప్పటికీ అర్థం కావటం లేదు.’ - భవాని, తెనాలి చదవండి : ఎక్కడ ఉన్నా ఫోన్‌ చేయ్‌! లేకపోతే.. అతడో రౌడీ.. ఆమె ఓ సాఫ్ట్‌వేర్‌ ఇంజనీర్‌ లేదా worldoflove@sakshi.comకు మెయిల్‌ చేయండి

ఆన్‌లైన్‌లో ఒక అమ్మాయి పరిచయం అయింది. ఆ అమ్మాయి అంటే మొదట్లో అంతగా రియాక్ట్‌ అవ్వని నాకు.. తర్వాత తనంటే ఇష్టం మొదలైంది. ప్రతిరోజూ చాటింగ్‌ చేసుకునేవాళ్లం. అలా రోజు రోజుకు ఆ అమ్మాయి మీద ఇష్టం పెరిగింది. అలా కొన్ని రోజులకి ‘నువ్వంటే నాకు ఇష్టం’ అని చెప్పేశా. ఆ అమ్మాయి కూడా నన్ను ఇష్టపడింది. అలా కొన్ని రోజులు చాటింగ్‌, ఫోన్లలో మాట్లాడుకున్నాం. ఓ రోజు కలుద్దామని చెప్పాను. వస్తానని చెప్పి కొన్ని ప్రాబ్లమ్స్‌ వల్ల రాలేకపోయింది. అలా ఆ అమ్మాయితో చాలా కనెక్ట్‌ అయ్యాను. ఎంతలా అంటే తనని విడిచి ఉండలేను అనేంతగా. సడెన్‌గా ఓ పది రోజులు మెసేజ్‌లు, ఫోన్‌లు చేయలేదు. ఏమైందోనని భయపడ్డాను. 11వ రోజు మెసేజ్‌ చేసింది. తనకు యాక్సిడెంట్‌ అయ్యిందని చెప్పింది. నేను చాలా బాధపడ్డాను. లైఫ్‌లో ఎవరీకోసం అంత బాధపడలేదు. మళ్లీ కొన్ని రోజుల తర్వాత కొత్త నెంబర్‌ ఇచ్చింది. అలా చాలా మాట్లాడుకునే వాళ్లం. నాకు ఆ అమ్మాయి ప్రవర్తన నచ్చి పెళ్లిచేసుకుంటానని చెప్పాను. ఓకే చెప్పి, వాళ్ల ఇంట్లో వాళ్లతో కూడా మాట్లాడతానని అన్నది. కొన్ని రోజుల తర్వాత హైదరాబాద్‌లో కలుద్దామని అనుకున్నాం. సడెన్‌గా ఏమైందో ఏమో కొన్ని నెలలనుంచి మెసేజ్‌లు, కాల్స్‌ రావటం లేదు. వాట్సాప్‌ కూడా తీసేసింది. ఏమైందో ఏమో తెలియదు. ఆమె చెప్పిన అడ్రస్‌కు వెళ్లాను. అక్కడ కూడా లేదు. ఆమెకోసం పిచ్చోడిలా తిరుగుతున్నాను. తనంటే నాకు చాలా ఇష్టం. తను లేకుండా నేను బ్రతకలేను. నా మనసులో కట్టుకున్న మైనపు బొమ్మ తను. తనని కలవటానికి చాలా విధాల ట్రై చేస్తున్నాను. ఎన్ని రోజులైనా ఆమె కోసం ఎదురు చూస్తా. నా శరీరం కట్టెలో కాలేంతవరకు. ఎదురుచూస్తాను. నా బాధ ఎవరికీ చెప్పుకోలేక నాలో నేను ఎంత బాధపడుతున్నానో నాకు తెలుసు. నువ్వు ముద్దుగా పిలుచుకునే బావ కోసం ఒకసారి ఎక్కడ ఉన్నా ఫోన్‌ చేయ్‌! లేకపోతే ఎక్కడ ఉన్నావో చెప్పు నేను వస్తాను. అది ఎంత కష్టమైనా.. నీ బావ - అమన్‌ కుమార్‌, విజయవాడ లేదా worldoflove@sakshi.comకు మెయిల్‌ చేయండి

తను నా మరదలు! చాలా బ్యూటిఫుల్‌, తెలివైనది. అప్పుడు తను పదవ తరగతి చదువుతోంది, నేను డిగ్రీ. కొంచెం పెద్దవాడిని కానీ, పెద్ద ఏజ్‌ గ్యాప్‌ ఏమీ కాదు! దాదాపు 6 ఏళ్లు. బయటి వాళ్లను కాకుండా సొంత వాళ్లను చేసుకోవాలని నాకు చిన్నప్పటినుంచి ఉండేది. ఓ రోజు ఓ అందమైన అమ్మాయి మా ఇంటికి వచ్చింది. ఎవరో తెలియదు. బాగుంది అనుకున్నా! కానీ, లైట్‌ తీసుకున్నా. కొద్దిరోజుల తర్వాత తను నా మరదలని తెలిసింది. ఆ తర్వాత తన మీద పిచ్చి ప్రేమ పుట్టింది. నాకు తెలియకుండానే తన మీద గౌరవం పెరిగింది. ప్రేమ, ఆరాధన పెరిగాయి. తనను నాకివ్వమని దేవుడ్ని అడిగా. కొద్దిరోజుల తర్వాత ప్రపోజ్‌ చేశా. రిజెక్ట్‌ చేసింది. ఇలాంటివి తనకు ఇష్టం ఉండవని తెలిసికూడా మళ్లీ ప్రపోజ్‌ చేశా! తిట్టింది. సర్లే అని సైలెంట్‌ అయిపోయా.    ఆ తర్వాత కొన్ని రోజులకు తను ఫోన్‌ చేసింది. ‘ఏంటి? ఎందుకు నన్ను ఇలా ఇబ్బంది పెడుతున్నావ్‌’ అని. ఏం లేదని చెప్పా. అప్పుడు తను ‘నాకు ఏదో అయ్యింది. నువ్వు లేకుండా నేను బ్రతకలేను. ఐ లవ్‌ యూ’ అని. నేను గాల్లో తేలిపోయాను. డ్యాన్స్‌ చేశా. అలా మా ప్రేమ మొదలైంది. కొద్దిరోజుల తర్వాత చెప్పుడు మాటలను విని నన్ను వదిలి వెళ్లిపోయింది. నేను ఎంత బ్రతిమాలినా వినలేదు. నేను బాధతో వేరే దేశానికి వెళ్లిపోయా. తను నా మీద కోపంతో వేరే వాడు ప్రపోజ్‌ చేస్తే ఒప్పేసుకుంది. కేవలం నామీదున్న కోపంతో. అలా ఐదేళ్లు గడిచిపోయాయి. ఏదో బ్రతకాలని బ్రతుకుతున్నా. ఇంతలో వేరే దేశంలో ఉన్న నాకు ఓ ఫోన్‌ వచ్చింది. ‘హలో’ అన్నా. ‘నేను నీ మరదల్ని’ అంది తను. ఎందుకు ఫోన్‌ చేశావని తనను అడిగా. నిన్ను మర్చిపోలేకపోతున్నా. వేరే వాళ్లతో ఉన్నా. నువ్వు గుర్తుకు వస్తున్నావు. నిన్ను మర్చిపోలేక బ్రతుకుతున్నా’ అంది.    నాదీ అదే పరిస్థితి. కానీ, అప్పటికే తనకు ప్రపోజ్‌ చేసిన వ్యక్తితో పెళ్లి కుదిరింది. మేము విడిపోయి బ్రతకలేమని తెలిసినా పెద్దల గౌరవం కోసం తను ఆ పెళ్లి చేసుకుంది. మేము ఏడ్చాం. చచ్చిపోదామని అనుకున్నాం. కానీ, అలా చేసినా తను దూరం అవుతుందని, చావలేక, మందుకు బానిసై రోజూ చస్తూ బ్రతుకుతున్నా. ఇక్కడ నేను అక్కడ తను ఇద్దరం చస్తూ బ్రతుకుతున్నాం.. బ్రతుకుతాం.. అలా చచ్చేదాకా! - విజయ్‌, విజయవాడ లేదా worldoflove@sakshi.comకు మెయిల్‌ చేయండి

ప్రేమంటే అందరికి మర్చిపోలేని అనుభూతి. కానీ, నా జీవితంలో అదే ప్రేమ చేదును మిగిల్చింది. నేను ఎనిమిదవ తరగతి చదువుతున్నపుడు నేను ఒక అబ్బాయి నవ్వంటే ఇష్టపడేదాన్ని. తను నన్ను ప్రేమిస్తున్నాడని చెప్పాడు. కానీ, అది ప్రేమించే వయసుకాదు, అందుకే అతడి ప్రేమను  అంగీకరించలేదు. ఇక అప్పటినుంచి అతడు నాతో మాట్లాడటం మానేశాడు. నేను కూడా అతడితో మాట్లాడలేదు. తర్వాత మా స్కూల్‌ లైఫ్‌ కంప్లీట్‌ అయ్యింది. ఎనిమిదేళ్ల తర్వాత మళ్లీ ఒకసారి కలిశాం. టెన్త్‌ ఫ్రెండ్స్‌ గెట్‌టుగెదర్‌లో. మళ్లీ తను నాతో ‘నువ్వుంటే నాకు చాలా ఇష్టం. ఇప్పటివరకు నేను నిన్ను తప్ప వేరే అమ్మాయిని లవ్‌ చేయలేదు’ అని చెప్పాడు. అప్పుడు తను ఆర్మీలో జాబ్‌ చేస్తున్నాడు. నేను ఎంసీఏ చేస్తున్నాను. అతని లవ్‌ నిజం అనిపించింది. నేను తన లవ్‌ని అంగీకరించా. మా పేరేంట్స్‌ని కూడా ఒప్పించాం. మ్యారేజ్‌ కూడా చేసుకున్నాం. నేను తనతో ఉన్నది కొద్దినెలలే అయినా ఒక జీవితానికి సరిపడేంత నమ్మకాన్ని అనుభవించా. తర్వాత తెలిసింది తను కావాలనే నా మీద ప్రతీకారం తీర్చుకోవటానికి నన్ను పెళ్లి చేసుకున్నాడని. అప్పటినుంచి ప్రతిరోజూ గొడవలు జరిగేవి! బాగా కొట్టేవాడు. మా పేరెంట్స్‌తో మాట్లాడించేవాడు కాదు. ఓ సంవత్సరం పాటు అతడి వేధింపులు తట్టుకోలేక విడాకులు తీసుకున్నా. ఇప్పుడు జీవితంలో ఏమీ లేదు! అంతా జీరో. నమ్మించి ఎందుకలా మోసం చేయాలి. ప్రేమించి పెళ్లి చేసుకుని అతను నా జీవితంతో ఆడుకున్నాడు. ఎన్ని రోజులు ఏడిచానో నాకు మాత్రమే తెలుసు. నా బాధను ఎవరికీ చెప్పుకోలేని పరిస్థితి. ఎందుకంటే మాది కులాంతర వివాహం. ఇప్పుడు తను ఇంకో అమ్మాయిని పెళ్లి చేసుకుని హ్యాపీగా ఉన్నాడు. కానీ, నేను అలా చేయలేకపోతున్నాను. లవ్‌ చేసే అబ్బాయి మనకు కరెక్టా..  కాదా.. అని తెలుసుకుని లవ్‌ చేయండి! పెళ్లి చేసుకుని నాలా బాధపడకండి. - రాధ, ఖమ్మం లేదా worldoflove@sakshi.comకు మెయిల్‌ చేయండి

నేను ఓ అమ్మాయిని మనస్ఫూర్తిగా ప్రేమించాను. తను నా టెన్త్‌ క్లాస్‌మేట్‌. ఇద్దరం ఒకే ట్యూషన్‌కు వెళ్లేవాళ్లం. అప్పుడు నాకు ఏమీ అనిపించేది కాదు. ప్రతిరోజూ ఇద్దరం సరదాగా గొడవపడేవాళ్లం. అప్పుడు కూడా తెలియదు ఆ అమ్మాయి అంటే నాకు అంతఇష్టం అని. నా టెన్త్‌ క్లాస్‌ ముగిసింది. నేను ఓ ప్రైవేట్‌ కాలేజ్లో జాయిన్‌ అయ్యాను. తను వేరే కాలేజ్‌. అప్పుడు నాకు తెలియకుండానే తన మీద ప్రేమ మొదలైంది. ప్రతిసారీ ఏదో తెలియని హ్యాపీనెస్‌! వాళ్ల ఇళ్లు మా ఇంటి వెనుక. తనతో ఎన్నిసార్లు మాట్లాడినా ప్రేమ విషయం చెప్పటానికి ధైర్యం ఉండేది కాదు. అలా ఆరేళ్లు గడిచాయి. తనను ఇష్టపడుతూనే ఉన్నా. మొత్తానికి బీటెక్‌ కంప్లీట్‌ అయ్యింది. నేను ఒక చిన్న ప్రైవేట్‌ కాలేజీలో లెక్చరర్‌గా జాయిన్‌ అయ్యా. మొత్తానికి తన ఫోన్‌ నెంబర్‌ సంపాదించా. మెసేజ్‌లు చేస్తుండేవాడ్ని. మొదట్లో రిప్లై ఇచ్చేది కాదు. తర్వాత మెసేజ్‌లు చేయటం మొదలు పెట్టింది. కొన్ని నెలల తర్వాత ఆమెకు నేను ప్రపోజ్‌ చేశా. ఒకే చెప్పింది. లైఫ్‌లో ఏదో సాధించాననే ఫీలింగ్‌. చాలా హ్యాపీగా ఉండేవాళ్లం. అప్పటినుంచి ఒక నెల తర్వాత వాళ్లింట్లో సంబంధాలు చూడటం మొదలుపెట్టారు. కామన్‌ ప్రాబ్లమ్‌! కులం అడ్డొచ్చింది. మా కన్నా వాళ్లది కొద్దిగా తక్కువ కులం. వాళ్ల అమ్మ గారితో మాట్లాడి ఎలాగైతేనేం ఒప్పించగలిగా. తర్వాత ఈ విషయం మా ఇంట్లో తెలిసింది. పెద్ద గొడవ చేశారు. నువ్వు తనని చేసుకుంటే మేము చనిపోతాం అని. అయినా నేను భయపడలేదు. ఎందుకంటే అప్పటికి ఇద్దరం మేజర్స్‌. నేను ఏదో చిన్న జాబ్‌ చేసుకుంటున్నా. తను డిగ్రీ కంప్లీట్‌ చేసింది. తనని లైఫ్‌లాంగ్‌ హ్యాపీగా చూసుకోగలనన్న నమ్మకం వచ్చింది. తనకు ఈ విషయం చెప్పా. ఎక్కడికైనా పోయి పెళ్లి చేసుకుందాం అన్నా. తర్వాత మా ఇంట్లో వాళ్లు ఒప్పుకుంటారని చెప్పా. కానీ, తను దానికి ఒప్పుకోలేదు. నన్ను మర్చిపో అని ఈజీగా అనేసింది. తనకు వేరే అబ్బాయితో పెళ్లి అయిపోయింది. కానీ, తర్వాత ఒక మూడు నెలలు పిచ్చివాడిని అయిపోయా. తనను మర్చిపోలేకపోతున్నా. పగలు రాత్రి తేడా లేకుండా తన గురించే ఆలోచిస్తున్నా. తర్వాత హైదరాబాద్‌లో జాబ్‌ వచ్చి వెళ్లిపోయా. చాలా మ్యాచెస్‌ రిజెక్ట్‌ చేశా. ఈ మధ్యలో మళ్లీ తనకి మెసేజ్‌ చేశా. తను మెసేజ్‌ చేస్తుంది. కానీ, అది తప్పు అని నాకు తెలుసు! అందుకే తన నెంబర్‌ డిలేట్‌ చేశా! నా ఫోన్‌ నుంచి.. నా లైఫ్‌నుంచి!!! - బాబు, రాజమండ్రి  లేదా worldoflove@sakshi.comకు మెయిల్‌ చేయండి

ఒక లవ్‌ ఫేయిల్యూర్‌ తర్వాత హైదరాబాద్‌లో జాబ్‌లో జాయిన్‌ అయ్యాను. తర్వాత మా ఫ్రెండ్‌ ద్వారా నాకు ఒక అమ్మాయితో పరిచయం అయ్యింది. అలా మా పరిచయం కాస్తా ప్రేమగా మారింది. బాగా డీప్‌ లవ్‌లో ఉన్నాం. చెప్పిన పని చేయకపోతే నాకు కొద్దిగా కోపం వస్తుంది. నాకు అమ్మాయి జాబ్‌ చేయాలని కోరుకునేవాడిని! ఫైనాన్షియల్‌ సపోర్ట్‌ కోసం. జాబ్‌ ట్రై చెయ్యమని చాలా సార్లు చెప్పాను. ప్రతి మూడు నెలలకు , నాలుగు నెలలకు జాబ్‌ మానేస్తుండేది. ఒక జాబ్‌లో స్టాండర్డ్‌గా ఉండమని చాలాసార్లు ఆమెకు చెప్పాను. కానీ, ఆ అమ్మాయి ఉండలేదు. నాకు కోపం వచ్చింది. మనం పెళ్లి చేసుకుంటే ఒక శాలరీతో ఎలా బ్రతకాలి అని ఎన్నో సార్లు చెప్పాను. కానీ, తను మారలేదు. నాకు కోపం వచ్చి లవ్‌ బ్రేకప్‌ చేద్దాం అని చెప్పాను. ఆ అమ్మాయి ప్రేమ ముందు నేను ఓడిపోయాను. నేను అడ్జస్ట్‌ చేసుకుని పెళ్లి చేసుకున్నా. మొదటి సంవత్సరంలో ఫైనాన్షియల్‌గా ఎన్నో ప్రాబ్లమ్స్‌. తనకు జాబ్‌ చేయటం ఇష్టంలేదని చెప్పేసింది. చాలా గొడవలు అయ్యాయి. చాలా బాధపడ్డా. జాబ్‌ చేయకపోవటం తప్ప తనలో ఏ తప్పు కనబడలేదు. ఓ ఇంటి ఇల్లాలుకు ఉండాల్సిన అన్ని లక్షణాలు ఆమెలో ఉన్నాయి. నేను అర్థం చేసుకున్నా! డబ్బు ఒక్కటే కాదు, లైఫ్‌లో అన్నీ ఉండాలని. సో నేను మంచి జాబ్‌ ట్రై చేసి, ఓ మంచి కంపెనీలో మంచి పొజిషన్‌లో ఉన్నా. ఇప్పుడు ఫైనాన్షియల్‌గా అన్నీ క్లియర్‌ అయ్యాయి. మనం మనకోసం కాకుండా ఎదుటి వ్యక్తికోసం కూడా ఆలోచించడమే జీవితం. థాంక్స్‌ లడ్డు.. హనీ! - రవికిషోర్‌, హైదరాబాద్‌ చదవండి : ఆ కుటుంబం నన్ను నాశనం చేసింది అది ఈ జనరేషన్‌కు బాగా అలవాటు! లేదా worldoflove@sakshi.comకు మెయిల్‌ చేయండి

నేను ఓ పల్లెటూరి అబ్బాయిని! 2016లో కడప జిల్లాలో డాక్టర్స్ కాలేజీలో టెక్నికల్ అసిస్టెంట్‌గా జాయిన్ అయ్యాను. డాక్టర్ కోర్స్ చదువుతున్న ఓ అమ్మాయి తరచూ నా వద్దకు వస్తూ మాట్లాడేది. నాకు అది ప్రేమ అని తెలియదు. ఫ్రెండ్ అనే ఉద్ధేశంతో మాట్లాడేవాడిని. ఒక రోజు ఇంటికి వెళ్తున్నా అని చెప్పి నా నెంబర్ తీసుకుని వెళ్లింది. అప్పటి నుంచి వాట్సాప్ చాట్ చేయటం మొదలుపెట్టింది. ఒక నెల తర్వాత ‘ నేను మళ్లీ కాలేజీకి వస్తున్నా. పికప్ చేసుకోవటానికి రా’ అని పిలిచింది. నేను వెళ్లాను. బైక్‌లో వస్తున్నపుడు నన్ను కౌగిలించుకుని ‘నేను నిన్ను ప్రేమిస్తున్నాను’ అని చెప్పింది. నాకు అది కొత్త ఫీలింగ్ కాబట్టి సరే అని ఒప్పుకున్నాను. తనకి మనీ ప్రాబ్లెమ్ ఉందని 2 రోజుల తర్వాత చెప్పింది. ‘నువ్వు నన్ను మా నాన్నలా చూస్కో రా! నువ్వంటే నాకు ప్రాణం’ అని అంది. ‘ సరే నేను నిన్ను చదివిస్తాను’ అని మాటిచ్చాను. 3 సంవత్సరాలు గడిచింది. మా ఇంట్లో అందరికి తనే ఫోన్ చేసి ‘నేను మీ అబ్బాయిని పెళ్లి చేసుకుంటాను’ అని చెప్పింది. వాళ్ల ఇంట్లో వాళ్లకి కూడా మనీ అవసరం అయినప్పుడు ఇచ్చే వాడిని. ఇలా ఉన్న నా జీవితంలో ఊహించని సంఘటనలు చూడాల్సి వచ్చింది. అది ఏమిటంటే ఒక రోజు తను రాత్రి ఫోన్ చేసి ‘నాకు నువ్వు వద్దు! ఇకమీదట ఫోన్ చేయకు’ అని చెప్పి కాల్ కట్ చేసింది. మేము అప్పటికే చాలా దగ్గరయ్యాం. ఎవరికీ తెలియకుండా పెళ్లి కూడా చేసుకున్నాం. ఇదంతా తను కావాలనే చేసింది. నన్ను తన గ్రిప్‌లో పెట్టుకుని, సడన్‌గా ఎందుకు విడిపోవాలి అనుకుంటోంది అని నాకు అనుమానం వచ్చింది. ‘నేనే ఫోన్ తీసి ఇచ్చానుగా నా ఫోన్ ఇచ్చేయ్‌!’ అని లాక్కొని వాట్సాప్ ఓపెన్‌ చేసి చెక్ చేశాను. తను డార్లింగ్ అని ఒక నెంబర్ సేవ్ చేసుకుని ఉంది. చాట్ మొత్తం చదివాను. అందులో ఈ అమ్మాయి ఒక అబ్బాయిని ప్రేమించమని బ్రతిమలాడుతూ మెసేజ్‌లు ఉన్నాయ్. ఎవరో అని ఆ నెంబర్‌కి కాల్ చేశాను. తీరా చూస్తే ఆయన వాళ్ల ప్రొఫెసర్! అతనికి పెళ్లి అయి ఒక బాబు కూడా ఉన్నారు. అతనికి కాల్ చేసి అడిగాను ఆయన ‘ తప్పు చేస్తున్నావని నేను ఆ అమ్మాయికి చాలా సార్లు చెప్పాను. ఇలాంటివి చేయకు బుద్దిగా చదువుకో అని వార్నింగ్‌ కూడా ఇచ్చాను.’ అని చెప్పారు. సార్ తప్పు లేదని తెలిసి. తనను అడిగాను ‘నాకు తను కావలి! అతనికి నీ కంటే ఎక్కువ డబ్బులు ఉన్నాయి’  అని అంది. వాళ్ల అమ్మకి కాల్ చేసి చెప్పాను. ‘మీ అమ్మాయి చాలా తప్పు చేస్తోంది’ అని అప్పుడు వాళ్ల అమ్మ ‘నా కూతురు ఎవరితో ఉంటే నీకెందుకు?’ అని చెప్పి ఫోన్‌ కట్ చేసింది. మొత్తం కుటుంబం అంతా నన్ను డబ్బుల కోసం ప్రేమ అనే ఎమోషన్‌తో నా జీవితం అంతా నాశనం చేశారు. నేను గడ్డం పెంచుకుని దేవదాస్‌లాగా తిరుగుతున్నాను. నా జీవితంలాగా మీ జీవితాలు అవ్వకూడదు. మీరు ప్రేమించే వారిని అంతా స్టడీ చేసిన తర్వాత ప్రేమని కన్ఫర్మ్ చేసుకుని మీ జీవితానికి కొత్త అడుగులు వేయాలని ఆశిస్తున్నాను. - చందు, తాడిపత్రి లేదా worldoflove@sakshi.comకు మెయిల్‌ చేయండి

నేను తనని ఒక ఫంక్షన్‌లో చూశా! చూడగానే నచ్చేసింది. అప్పుడు తను ఎవరో నాకు తెలియదు. తర్వాత మా పిన్ని వాళ్లు తనని చూపిస్తూ నా మరదలని చెప్పారు. మా మమ్మీ వాళ్ల అన్న కూతురు అని అ‍ప్పటి వరకు నాకు తెలియదు. మా ఫ్యామిలీ ఫ్రాబ్లమ్స్‌ వల్ల మా మామయ్య వాళ్లతో మాటలు ఉండేవి కావు. చిన్నప్పటినుంచి మా మామయ్యను చూడటం అదే మొదటిసారి. తను నా మరదలని తెలియగానే ఎగిరిగంతేయాలనిపించింది. నాకు అప్పటివరకు ఆమె పేరు కూడా తెలియదు. పేరేంటని డైరెక్ట్‌గా అడిగాను. అప్పుడు తను నన్ను చూస్తూ వింధ్య అని చెప్పింది. ‘నేను ఎవరో నీకు తెలుసా?’  అని అడిగాను. తెలుసంది. అలా మా మొదటి పరిచయం జరిగింది. ఫంక్షన్‌ అయిపోయింది. మేము ఎవరి ఇళ్లకు వాళ్లము వెళ్లిపోయాము. కానీ, నేను తనని మర్చిపోలేకపోయాను. అలానే ఒక సంవత్సరం గడిచిపోయింది. సడెన్‌గా ఒక రోజు  అన్‌నౌన్‌ నెంబర్‌నుంచి ఫోన్‌ వచ్చింది. ‘బావ నువ్వంటే నాకు చాలా ఇష్టం’ అంది. నాకు కూడా నువ్వంటే చాలా ఇష్టం అని చెప్పాను. అలా ఐదేళ్లు మా ప్రేమ హ్యాపీగా సాగిపోయింది. ఫోన్‌లో మాట్లాడుకునేవాళ్లం, కలిసే వాళ్లం. సడెన్‌గా తను నన్ను అవాయిడ్‌ చేయటం మొదలుపెట్టింది. ఫోన్‌ చేస్తే కట్‌ చేసింది. నా నెంబర్‌ బ్లాక్‌ చేసింది. అలా ఎందుకు చేస్తుందో తెలుసుకోవటానికి మా ఫ్రెండ్‌ను పంపించాను. ‘నాకు మ్యారేజ్‌ ఫిక్స్‌ అయ్యింది. తనను కాల్‌ చెయోద్దని చెప్పు’ అని అంది. అప్పుడు నా మనసు పగిలిపోయినంత పనైంది. వాళ్ల ఇంటికి వెళ్లి తనను నాకిచ్చి పెళ్లిచేయమని అడిగాను. దానికి వాళ్లు‘నీకేముందని నా కూతుర్ని నీకివ్వాలి. వాడికి కానిస్టేబుల్‌ జాబ్‌ ఉంది. మరి నీకేముందని ఇవ్వాలి’  అని అడిగారు. ఆ తర్వాత తనను కలిసి పారిపోయి పెళ్లి చేసుకుందాం అని అడిగాను. అందుకు తను ‘నేను రాను! అతడికి గవర్నమెంట్‌ జాబ్‌ ఉంది. నీకు జాబ్‌ లేదు ఏమీ లేదు.’ అంది. ఆ తర్వాత ఆమె పెళ్లి జరిగిపోయింది. 2015-2016లో సివిల్‌ ఎస్‌ఐ జాబ్‌ వచ్చింది. జాబ్‌ లేనప్పుడు తను నాతో ఉంది! జాబ్‌ వచ్చిన తర్వాత లేదు. కో ఇన్సిడెంట్‌ ఏంటంటే! వాళ్ల భర్త పనిచేసే పోలీస్‌ స్టేషన్‌కు నేను ఎస్‌ఐగా వెళ్లాను. ఒక రోజు వాళ్లు ఉండే ఏరియాకు పాట్రోలింగ్‌కు వెళితే ‘ సార్‌! మా ఇళ్లు పక్కనే. అక్కడ కాఫీ తాగి వెళదాం రండి’ అన్నాడు. నేను వెళ్లాను. ఇంటికి వెళ్లాక తెలిసింది తను నా మరదల్ని చేసుకున్న వాడని. మా సార్‌ అంటూ నన్ను తనకు పరిచయం చేయగానే ముఖం ఎత్తుకుని చూడలేకపోయింది. ఎంతైనా గాడ్‌ ఈజ్‌ గ్రేట్‌.. ఇప్పుడు గ్రూప్‌ 2 వచ్చింది. - అనిల్‌ కుమార్‌, జహీరాబాద్‌ లేదా worldoflove@sakshi.comకు మెయిల్‌ చేయండి

అవి నేను డిగ్రీ చదివే రోజులు. ఒకసారి మా మేనమామ పెద్ద కూతురు ఎంగేజ్‌మెంట్‌కు వెళ్లాం. అక్కడ మా చిన్న మరదల్ని చూశాను. ఆమె మాతో పాటు మా ఇంటికి రావటానికి ఇష్టపడింది. మేము ఆమెని కనీసం ఇంటికి రమ్మని కూడా పిలవలేదు. ‘మీ ఇంటికి వస్తాను’ అని అడిగినా మేము తనను పట్టించుకోలేదు. నాకు మాట్లాడాలని ఉన్నా మా పేరెంట్స్‌కు ఇష్టం లేదని మౌనంగా ఉండిపోయాను. నన్ను అప్పట్లో తను ఇష్టపడిందని అనిపించింది. కాలం గడిచింది. నేను డిగ్రీ తర్వాత పోస్ట్ గ్రాడ్యుయేషన్ పూర్తి చేశా. ఆమె కూడా డిగ్రీ చదివింది. ఆ తర్వాత నా పెళ్లి పెద్దలు చూసిన అమ్మాయితో జరిగింది. ఆమె కూడా పెళ్లి చేసుకుని విదేశంలో స్థిరపడింది. ఈ మధ్యలోనే ఒక పెళ్లికి ఆమె కూడా వస్తోందని తెలిసి చూడటానికి వెళ్లాను. మాములుగానే పలకరించింది. కొన్ని మాటలే  మాట్లాడుకున్నాం. కానీ నేను ఆమెని మర్చిపోలేకపోయా. ఏదో ప్రేమ ఆమె గురించి నన్ను ఆలోచించేలా చేస్తోంది. ఆమెతో ఉన్న కొన్ని నిముషాలు చాలా సంతోషంగా గడిచిపోయాయి. తర్వాత రోజు మళ్లీ తనను చూడాలనిపించి వాళ్ల ఇంటికి వెళ్లాను. ఒక పది సంవత్సరాల ముందు ఎలా మర్యాదగా, ప్రేమగా ఉందో ఇప్పుడు కూడా అలానే ఉంది. ఆమెతో ఉన్న కాసేపు చాలా సంతోషంగా అనిపించింది. నిజమైన ప్రేమలో ఎంత సంతోషం ఉందనేది అప్పుడే అర్థం అయింది.  ఇంక నా మనసు అక్కడే ఉండిపోయింది. ఎన్ని రోజులు అయినా బయటకి రాలేకపోతున్నా. మనల్ని నిజంగా ప్రేమించే వాళ్లని మనం ఇష్టపడేవా‍ళ్లని జీవితంలో ఎప్పుడూ వదులుకోకూడదు. అలా వదులుకుంటే మన జీవితంలో సంతోషమే ఉండదు. తను మళ్లీ నాతో మాట్లాడుతుందో లేదో తెలీదు. మళ్లీ నాకు కనపడుతుందో లేదో తెలీదు. కానీ...  ఐ  లవ్ యూ … మిస్సింగ్ యూ ఏ లాట్ …. అల్ ది బెస్ట్.  - పార్థు, కర్నూలు లేదా worldoflove@sakshi.comకు మెయిల్‌ చేయండి

నా ప్రేమ కథ ఇంజనీరింగ్‌ సెకండ్‌ ఇయర్‌లో మొదలైంది. తను డిప్లమా చదివి మా కాలేజ్‌కు వచ్చాడు. మా ఇద్దరికీ ఒక కామన్‌ ఫ్రెండ్‌ ఉండేవాడు. తను ఎప్పుడూ వాళ్ల ఫ్రెండ్‌ గురించి, వాళ్ల ఫ్రెండ్‌షిప్‌ గురించి గొప్పగా చెప్పేవాడు. అలా తనను చూడకుండానే నాకు ఒక పాజిటివ్‌ ఫీలింగ్‌ కలిగింది. ఆ తర్వాత అతడు మా కాలేజ్‌లోనే జాయిన్‌ అవ్వటం, నాకు పరిచయం అవ్వటం చకచకా జరిగిపోయాయి. అతడ్ని చూడగానే నాకు ఒక అందమైన ఫీలింగ్‌ కలిగేది. అతను నాకు జీవితాంతం తోడుగా ఉండాలని దేవుడ్ని ప్రార్థించేదాన్ని. నేను అనుకున్నట్లుగానే అతడు ఫోర్త్‌ సెమిస్టర్‌లో నాకు బాగా దగ్గరయ్యాడు. కాలేజ్‌ అయిపోయే సమయానికి ఇంకా బాగా క్లోజ్‌ అయ్యాం. కాలేజీ చివరి రోజు అతడికి ప్రపోజ్‌ చేయాలనిపించింది. కేరీర్‌లో ఎదగాలని, తనకు చాలా డ్రీమ్స్‌ ఉన్నాయని ఎప్పుడూ చెబుతుండేవాడు. అలా తను సెటిల్‌ అయ్యాక చెబుదామనుకున్నా. తను జాబ్‌ కోసం బెంగళూరు వెళ్లిపోయాడు. జాబ్‌ కోసం బెంగళూరు వెళ్లిపోతున్నానని చెప్పిన నిమిషం చాలా బాధగా అనిపించింది. కానీ, తను సెటిల్‌ అయితే అంతకంటే ఇంకేమ్‌ కావాలి అన్న ఆశతో ఆల్‌ ది బెస్ట్‌ చెప్పి, దగ్గరుండి సెండ్‌ ఆఫ్‌ చెప్పాను. ఆ తర్వాత జాబ్‌ కోసం హైదరాబాద్‌ వచ్చేశాను. తనకు బెంగళూరు వాతావరణం పడటం లేదని, ఉండలేనని చెప్పేవాడు. హైదరాబాద్‌కు షిఫ్ట్‌ అవ్వమని సలహా ఇచ్చాను. తను హైదరాబాద్‌కు రావటానికి ఒప్పుకున్నాడు. అంతా హ్యాపీగా జరిగిపోతోంది. దేవుడు నా వైపు ఉన్నాడు అనిపించింది. రెండేళ్ల తర్వాత అతడికి ఓ పెద్ద ఎమ్‌ఎన్‌సీలో జాబ్‌ వచ్చింది. ఇంటర్వ్యూకు వెళ్లే ముందు ఆల్‌ ది బెస్ట్‌ చెప్పటం నుంచి ఉద్యోగం వచ్చాక ఆ గుడ్‌ న్యూస్‌ నాకు చెప్పేదాక అన్నీ నేనే అయిపోయా. రోజూ ఆఫీసుకు వేళ్లేటప్పుడు, వచ్చేటప్పుడు, బ్రేక్‌ టైంలో కాల్‌ చేసి మాట్లాడేవాడు. చాలా కేర్‌ఫుల్‌గా చూసుకునేవాడు. నా గురించి అంత కేరింగ్‌గా ఉంటుంటే చాలా హ్యాపీగా ఉండేది. ఇంటికి వచ్చేవాడు. మా పేరెం‍ట్స్‌​తో బాగా మాట్లాడేవాడు. అంతా ఆనందంగా రోజులు గడుస్తున్నాయి. మా ఇంట్లో అడిగారు ‘ తనంటే ఇష్టం ఉంటే చెప్పు! వెళ్లి మాట్లాడదాం’ అని. ఇక నేను తనకు ప్రపోజ్‌ చేద్దాం అనుకున్నా. ఐ లవ్‌ యూ చెప్పకుండా ‘మన ఫ్రెండ్‌ లైఫ్‌ పార్ట్‌నర్‌ అయితే ఎంత బాగుంటుందో కదా?’ అని అడిగాను ఇన్‌ డైరెక్ట్‌గా. నాపైన చాలా కోపం వచ్చింది. ‘ఫ్రెండ్‌షిప్‌కు లవ్‌కు చాలా తేడా ఉంది. అది తెలియకుండా ఫ్రెండ్‌ని లవర్‌ అని ఎలా అంటార’ని నా మీద సీరియస్‌ అయ్యాడు. తన మనసులో నాకున్న విలువేంటని అడిగాను. ‘నీ మీద నాకు చాలా రెస్పెక్ట్‌ ఉంది. అన్నీ నీతో షేర్‌ చేసుకునేంతగా బెస్ట్‌ ఫ్రెండ్‌వి. నిన్ను పెళ్లి చేసుకుని లైఫ్‌ పార్ట్‌నర్‌ను చేసుకోలేను. భార్య వేరు బెస్ట్‌ ఫ్రెండ్‌ వేరు. ఆ తేడా తెలియకుండా ఏంటి ఇలా? ’ అని అడిగాడు. నా మనసు ముక్కలైంది. ఎన్నో ఆశలతో కట్టుకున్న నా కోట కూలిపోయింది. అతని గురించి ఆలోచిస్తూ పిచ్చిదాన్ని అయిపోయా. తనతో మాట్లాడితే నాకు మళ్లీ ఫీలింగ్స్‌ కలుగుతాయని మెల్లగా తనతో మాట్లాడటం మానేశా. ఎప్పుడు కాల్‌ చేసినా బిజీ అని చెప్పేదాన్ని. నాకు నేనే శిక్ష వేసుకున్నా. ఇప్పటికీ కలుస్తూనే ఉన్నాము కానీ, అతడితో మాట్లాడలేక మౌనంగా ఉండిపోతున్నాను. నేను ఎటూ తేల్చడం లేదని ఇంట్లో వాళ్లు సంబంధాలు చూడటం మొదలుపెట్టారు. ఇప్పటికైనా నా మనసు అర్థం చేసుకో కన్నా. ఐ లవ్‌యూ.. ఐ మిస్‌ యూ సో మచ్‌..!! - లీలావతి, హైదరాబాద్‌  లేదా worldoflove@sakshi.comకు మెయిల్‌ చేయండి

మాది పులివెందుల దగ్గర పల్లె. నాకు నా మరదలంటే చిన్నప్పటి నుండి ఇష్టం. ఎంతలా అంటే ఆ అమ్మాయి స్కూల్‌కు వెళ్లే సమయానికి నేను కావాలనే పేపర్ చదవడానికి రోడ్ దగ్గరికి వెళ్లేవాడిని. మళ్లీ  ఇంటికి వచ్చేటప్పుడు నా సైకిల్ వేసుకుని వెళ్లేవాడిని. ఇంటి దగ్గర డ్రాప్ చెయ్యడానికి కాదండోయ్! కేవలం చూడడానికి మాత్రమే. అలా ఆ అమ్మాయి 10వ తరగతి అయిపోయే వరకు జరిగింది. టెన్త్‌ పరీక్షలు అయిపోయాయి. ఇంటర్‌ కడపకు వెళ్తోందనగా ఒకరోజు ఓ లెటర్ ఇచ్చింది. అందులో "నువ్వంటే నాకు ఇష్టం! హాలిడేస్ వచ్చాక హాస్టల్‌లో ఉన్న కాయిన్ ఫోన్ నెంబర్ ఇస్తాను" అని ఉంది. నేను కూడా సరే అన్నాను. ఆ క్షణంలో నాకు అందరిలాగా బయట తిరగాలని అనిపించలేదు. అప్పుడు నేను డిగ్రీ ఫస్ట్ ఇయర్. ఎలాగైనా చదివి, మంచి ఉద్యోగం సంపాదించి వాళ్ల నాన్నని అడుగుదాం అనిపించింది. తను కాలేజీకి వెళ్లిపోయింది. నేను హాలిడేస్ కోసం చూస్తూ ఉన్నా. వినాయకచవితికి వచ్చింది తను. నేనైతే ఆ అమ్మాయి కోసం ఉదయం టిఫిన్‌ తిని అక్కడికి దగ్గరలోని అరుగు మీద కూర్చునేవాడిని. అప్పుడప్పుడు అలా బయటికి వచ్చి వెళ్లేది. చూపులతోనే మాట్లాడుకునేవాళ్లం. అలా తినడం అక్కడే కూర్చుని వెయిట్ చెయ్యడం.. అలా 5 రోజులు గడిచిపోయాయి. నాతో మాట్లాడితే ఎంతో పొంగిపోయేవాడిని. ఎప్పుడు సెలవులు వచ్చినా అక్కడే కూర్చొని బయటికి ఎప్పుడు వస్తుందా అని ఎదురుచూస్తూ ఉండేవాడిని. ఏమైనా చెప్పాలనుకుంటే పేపర్‌లో రాసి ఇచ్చేది. మళ్లీ అది చదివాక చింపేసేయ్ అనేది. నేను అలాగే చింపేసే వాడిని. ఎందుకంటే తన మీద ఉన్న నమ్మకం. ఈ విషయం వాళ్ల నాన్నకు తెలిసింది. ఆయన నాకు వార్నింగ్ కూడా ఇచ్చాడు. అందుకే ఆ అమ్మాయిని ఏమైనా అంటాడేమో అని మాట్లాడటం తగ్గించా. నేను మాట్లాడటం లేదు కాబట్టి తను ఏమైందని అడిగేది. ఏం జరిగిందో వివరిస్తూ ఓ పేపర్లో రాసి తనకు ఇచ్చా. అప్పటినుంచి వాళ్ల నాన్న ముందే మాట్లాడేది. నేను ఎప్పుడూ 30 నిమిషాలు కంటిన్యూగా తనతో మాట్లాడలేదు. కానీ తనంటే చాలా ప్రేమ. కానీ నా డిగ్రీ సెకండ్‌ ఇయర్‌లో సరిగ్గా వినాయక చవితి నాడు ‘నువ్వంటే నాకు ఇష్టం లేదు’ అనేసింది. ఆ రోజు ఎంతగా ఏడ్చానంటే.. నా ముందు వెనక ఎవరు ఉన్నారన్న సంగతి పట్టించుకోకుండా అందరి ముందే ఏడ్చేశా. ఆ తర్వాత తన మీద కోపంతో ఎంబీఏ చేసి మంచి జాబ్ తెచ్చుకున్నా. ఒకవిధంగా చెప్పాలంటే ఆ అమ్మాయి అలా చేయడం వల్ల నేను ఇలా సెటిల్ అయ్యాను. ఆరోజు తనని కారణం కూడా అడగలేదు ‘నేనంటే ఎందుకు ఇష్టం లేదు’ అని. - గురునాథ్‌ లేదా worldoflove@sakshi.comకు మెయిల్‌ చేయండి

బహుశా అది ఆగస్టు 15 అనుకుంటా! మా స్కూల్లో జెండా వందన కార్యక్రమం అవ్వగానే మా ఫ్రెండ్ నాతో ‘మా ఊరికి వెళ్దాము. మా స్కూల్లో ఇంకా బాగా చేస్తారు’ అని చెప్పి తీసుకెళ్ళాడు. మేము అక్కడికి వెళ్లాము. బస్‌స్టాప్ పక్కనే వాళ్ల స్కూలు ఉంది. బస్సు దిగగానే ఎదురుగుండా ఉన్న స్టేజి పైన డాన్స్ చేస్తూ ఓ అమ్మాయి కనిపించింది. డాన్స్‌ అయిపోయిన తర్వాత పాట పాడడానికి వచ్చింది. ఆమె పాడిన పాట అక్కడే నిలబడి శ్రద్ధగా విన్నాను. అయితే నేను వెళ్లక ముందు చాలా కార్యక్రమాల్లో పాల్గొన్నదంట. నాలుగు నుంచి అయిదు వరకు బహుమతులు ఆమెకే వచ్చాయి. చాలా బాగా డాన్స్ చేసింది, చాలా బాగా పాడింది! ఇవన్నీ చూసి ఈ అమ్మాయి నా కోసమే పుట్టిందని అనుకున్నాను. అయితే నన్ను తీసుకెళ్లిన మా స్నేహితుడిని ఆమె గురించి అడిగాను. ‘ఆమె పేరు రాధ, తను ఇప్పుడు ఏడవ తరగతి’ అని చెప్పాడు. అయితే నేను అడిగాను ‘ఇక్కడ ఏడవ తరగతి వరకే ఉంది కదా! మరి 8వ తరగతి, 9వ తరగతి, పదవ తరగతి ఎక్కడ చదువుకుంటుంది’ అని. అతను తెలీదని సమాధానం ఇచ్చాడు. నేను సరే అని ఊరుకున్నాను. అలా తన ఏడవ తరగతి అయిపోయింది. మళ్లీ పాఠశాలలు తెరుచుకున్నాయి. నా అదృష్టానికి తను నేను చదువుకున్న స్కూల్‌కే వచ్చింది. అప్పుడు మా ఫ్రెండ్ చెప్పాడు ‘నువ్వు అడిగావే ఆ అమ్మాయి రాధ! తను ఇప్పుడు ఈ స్కూల్‌కి వచ్చింది. ఇక్కడే పదవ తరగతి వరకు చదువుకుంటుందంట’ అన్నాడు. నాకు చెప్పలేనంత సంతోషం. ఇంకొక విషయం ఏమిటంటే రాధ, విమల మంచి స్నేహితులు. నాకు రాధ పరిచయం అయితే నా స్నేహితునికి విమల పరిచయమయ్యింది. నా స్నేహితుడికి విమలకి మధ్య కూడా ప్రేమ చిగురించింది. మొత్తానికి కొద్ది రోజులు గడిచేసరికి మా రెండు జంటలు ప్రేమలో ఉన్నాయి. అలా అలా నా పదవ తరగతి అయిపోయింది. ఒక సంవత్సరం పాటు ఇంటి దగ్గరే ఉండాల్సి వచ్చింది. ఈ సంవత్సరంలో తన పదవ తరగతి కూడా అయిపోయింది. నేను ఒక కాలేజీలో తను ఒక కాలేజీలో చేరిపోయాము. ఇలా మా ప్రేమ కాస్తా ఏడు సంవత్సరాల వరకు సాగింది. తరువాత విడిపోవడం కూడా జరిగింది. ఎలా అంటే వాళ్ల తమ్ముడు ఒకరోజు మమ్మల్ని చూసి వాళ్ల అమ్మకి చెప్పేశాడు. వాళ్ల అమ్మ తనకు సంబంధాలు చూడడం మొదలు పెట్టింది. ఇదిలా ఉండగా మా ఇంట్లో నుంచి కూడా నాకు ఎక్కడైనా పనికి వెళ్లమని ఒత్తిడి తెచ్చారు. అలా నేను ఒక కంపెనీలో పనికి చేరాను. కొద్ది రోజులకే తనకు పెళ్లి కూడా అయిపోయింది. పెళ్లి అయిన తర్వాత కూడా నాకు తన భర్త ఫోన్‌తో ఫోన్ చేసి మాట్లాడేది. కొద్ది రోజుల తర్వాత తన భర్త ఫోన్ నెంబర్ ఛేంజ్‌ చేసి కొత్త నెంబర్‌ తీసుకున్నాడు. ఆ నెంబర్ నాకు తెలియదు! ఎప్పటికైనా తను నాకు తప్పకుండా ఫోన్ చేస్తుందని నా నెంబర్‌ మార్చలేదు. 2007నుంచి ఇప్పటివరకు కూడా నేను నా నెంబర్‌ను మార్చలేదు. గత సంవత్సరం ఆగస్టు 15, 2018న నా ఫ్రెండ్‌ ప్రియురాలు విమల ఫేస్‌బుక్‌లో నాకు పరిచయం అయ్యింది. తను నన్ను అడిగింది ‘రాధతో మాట్లాడతావా?’ అని. నేను సరే అన్నాను. ఆమె రాధ ఫోన్‌ నెంబర్‌ మెసేజ్‌ చేసింది. మరుసటి రోజు ఆగస్టు 16, 2018 రాధ నాకు ఫోన్ చేసి స్వాతంత్రం వచ్చినంత పని చేసింది. నా ఆనందానికి అవధులు లేవు. తను కూడా చెప్పింది ‘ఎట్టి పరిస్థితిలోనూ నేను నిన్ను మళ్లీ కలుస్తాననుకున్నా. ఆ కోరిక నెరవేరింది’ అని. ‘అవును నిజమే కానీ, మనకు విమల దేవత! మనం తను చేసిన సహాయానికి ఎలా రుణం తీర్చుకోవాలో అర్థం కావట్లేదు’ అని అన్నాను. ఇప్పుడైతే వాళ్ల భర్త, వాళ్ల ఫ్యామిలీ అందరూ మాట్లాడుతున్నారు.  - మురళీ ​​​​​​ లేదా worldoflove@sakshi.comకు మెయిల్‌ చేయండి

నా పాఠశాల చివరి రోజులవి.. పాఠశాలతో బంధం తెగిపోతుందనుకున్నా. కానీ, నా జీవితంలో కొత్త బంధం మొదలైంది. మంచి నీళ్ల బావి దగ్గర అతడితో పరిచయం ఏర్పడింది. అతడికి నేనంటే చాలా ఇష్టం! నాకోసం బావి దగ్గర ఎప్పుడూ ఎదురు చూసేవాడు. ఇద్దరం కబుర్లు చెప్పుకుంటూ ఉండేవాళ్లం. అలా సెలవులు పూర్తయి కాలేజీ రోజులు మొదలయ్యాయి. నేను తను వేరువేరు కాలేజీలు. హాస్టల్‌లో ఉండేదాన్ని. నేను కాలేజీలో ఉన్నప్పటికి నా మనసంతా అతని దగ్గరే ఉండేది. ఎప్పుడు సెలవులు వస్తాయా! అతన్ని ఎప్పుడు కలవాలా అని వెయ్యికళ్లతో ఎదురు చూసేదాన్ని. తను కూడా నాలాగే ఎదురు చూసేవాడు. మా కాలేజీ వాళ్లను ‘మీకు సెలవులు ఎప్పుడు ఇస్తారు’ అంటూ అడిగేవాడు. ఇలా ఒకరి గురించి ఒకరం ఆలోచించుకుంటూ రోజులు గడిపేస్తున్నాం. తను తన ప్రేమ సంగతి చెప్పి 10 నెలలు గడుస్తోంది. తను చెప్పిన రోజే నా ప్రేమ విషయం అతనికి చెప్పాలని ఎంతో ఆనందంగా సంక్రాంతి సెలవులకు ఇంటికి వెళ్లాను. నా కళ్లు అతడికోసం వెతకసాగాయి! అతను కనిపించలేదు. నా స్నేహితురాలు కనిపిస్తే అతని గురించి అడిగాను. అతను నన్ను లవ్‌ చేస‍్తలేడు. నా బెస్ట్‌ఫ్రెండ్‌ని లవ్‌ చేస్తున్నాడని చెప్పింది. నా గుండె మీద బండరాయి వేసినంత పనైంది. ఆ బాధ భరించలేకచాలా ఏడ్చాను. ఇక నా జీవితంలో ప్రేమ అనేది ఉండకూడదని నిర్ణయించుకున్నా. అతన్ని చూస్తే శత్రువుని చూసిన ఫీలింగ్‌ కలిగేది. ఎంతంటే మేము కలిసే బోరు బావిని కూడా చూడటానికి ఇష్టపడకపోయేంతలా. అలా కొన్ని రోజులు గడిపిన తర్వాత నాకు తెలిసిన నిజం! అతను తన మీద నాకున్న ప్రేమను నా నోటినుంచి చెప్పించడానికి అలా అబద్ధం చెప్పించాడని. అతను చెప్పిన చిన్న అబద్ధం నా ప్రేమ ముగింపుకు కారణం..?? - గీత లేదా worldoflove@sakshi.comకు మెయిల్‌ చేయండి

మాది విజయనగరం జిల్లాలో ఒక చిన్న గ్రామం. నా చిన్నప్పటినుంచి మా ఇంటి దగ్గరలో ఉండే అమ్మాయంటే తెలియని ఇష్టం. కానీ, చిన్న వయసులోనే వాళ్లు మా ఊరు వదిలివెళ్లిపోయారు. 8 సంవత్సరాల తర్వాత ఊహించని విధంగా వాళ్లు మా మళ్లీ మా ఊరికి వచ్చారు. నేను అప్పుడు 10వ తరగతి చదువుతున్నాను. ఆ వయసులో తన మీద ఉన్న ఫీలింగ్స్‌ను ప్రేమ అని అనుకోలేకపోయా. నేను డిగ్రీ మొదటి సంవత్సరంలో చేరినపుడు తను పదవ తరగతి. తనను చూడాలనిపించి వాళ్ల ఇంటికి వెళ్లాను. తెలిసిన వాళ్లే కనుక ఇబ్బందిపడలేదు. నాకు చదువు మీద ఆసక్తి చాలా తక్కువ. కానీ, ఆ అమ్మాయి చాలా బాగా చదువుతుంది. తను ఇంటర్‌కు రాగానే ఓ రోజు ఫోన్‌ చేసి ‘నేనంటే నీకు ఇష్టమా’ అని భయపడుతూ అడిగాను. అప్పుడు తను ఏమీ చెప్పలేదు. కొద్దిరోజుల తర్వాత వాళ్ల ఇంటికి వెళ్లాను. అప్పుడు తను డైరెక్ట్‌గా అడిగింది ‘నేనంటే నీకు ఇష్టమా!’ అని. నేను అవునని చెప్పాను. తనకు కూడా నేనంటే ఇష్టం అని చెప్పింది. తనను పెళ్లి చేసుకోవటానికి కష్టపడి గల్ఫ్‌లో జాబ్‌ సంపాదించా. జాబ్‌లో జాయిన్‌ అయిన తర్వాత తనతో ఒకసారి మాట్లాడాను. తను చాలా హ్యాపీగా ఫీలయింది. నన్ను చూడాలనిపిస్తోందని అనే సరికి ఆరునెలల్లో ఇండియా వచ్చాను. వాళ్ల ఇంట్లో, మా ఇంట్లో మా ప్రేమ గురించి చెప్పాం. వాళ్లు కూడా ఒప్పుకున్నారు. ఇంకో మూడు, నాలుగు సంవత్సరాల్లో పెళ్లి కూడా చేస్తామన్నారు. చాలా ప్రేమగా ఉండేవాళ్లం. రోజూ ఫోన్‌లో చాలా సేపు మాట్లాడుకునే వాళ్లం. సంవత్సరం అయ్యేసరికి తను నాతో మాట్లాడటం తగ్గించేసింది. ఒక రోజు నువ్వంటే నాకు ఇష్టం లేదు’ అని చెప్పింది. ప్రాణం పోయినట్లు అనిపించింది. నేను మళ్లీ జాబ్‌కు వెళ్లిపోయాను. తన జ్ఞాపకాలతో గడిపేవాన్ని. ఆరునెలల తర్వాత మళ్లీ కాల్‌ చేశాను. తన మాటలను బట్టి తను వేరేవాళ్లను లవ్‌ చేస్తోందని అర్థం అయ్యింది. కానీ, తన మీద ఉన్న ప్రేమని చంపుకోలేకపోయాను. మా బ్రేకప్‌ అయి మూడు సంవత్సరాలు అవుతోంది. తనను తలుచుకోని రోజు లేదు. తన కోసం బాధపడని నిమిషం లేదు. ఒకరోజు వాళ్ల తమ్ముడికి కాల్‌ చేసి మాట్లాడుతున్నపుడు తను సడెన్‌గా ఫోన్‌ తీసుకుని మాట్లాడింది. ఆ రోజు నా సంతోషానికి అంతులేదు. ఆ రోజు మా కొలీగ్స్‌ అందరికీ చాలా పెద్ద పార్టీ ఇచ్చాను. అలా కొద్దిరోజులు తనకు కాల్‌ చేస్తూ ఉండేవాడ్ని. ఒకరోజు తను నాతో ఉండాలనిపిస్తోందని చెప్పింది. నేను మళ్లీ ఆక్సెప్ట్‌ చేశాను. ఎందుకంటే తనే నా ప్రాణం. ఇన్ని సంవత్సరాలు ఎదురుచూసింది తనకోసమే కాబట్టి.  మా బ్రేకప్‌ తర్వాత మా రెండు ఫ్యామిలీస్‌ మాట్లాడుకోలేదు. మాకు ఒకరంటే ఒకరికి ఇష్టం అని తెలిసి మళ్లీ మా ప్రేమను అంగీకరించారు. వాళ్ల నాన్న మా పెళ్లి గురించి మాట్లాడినపుడు కట్నం అడిగారని నాకు ఫోన్‌ చేసి చాలా బాధపడింది.  ‘నాకు ఎలాంటి కట్నం అవసరం లేదు! నాకు అలాంటివన్నీ ఇష్టం ఉండవు’ అని చెప్పా. వాళ్లు చాలా హ్యాపీగా ఫీల్‌ అయ్యారు. ఒకరులేకుండా మరొకరం బ్రతకలేము అనుకునే వాళ్లం. 18 నెలలు అలానే ఉన్నాం. కానీ, మధ్యలో ఒకరోజు తను గతంలో లవ్‌ చేసిన అబ్బాయితో ఇంకా టచ్‌లో ఉందని తెలిసింది. చాలా బాధపడ్డాను. తనని అడిగితే ‘ కాంటాక్ట్‌లో ఉండకతప్పలేదు. నా ఇంజనీరింగ్‌ కంప్లీట్‌ అయ్యేవరకు అవసరం ఉంటుంది. ఆ వెంటనే అతడి కాంటాక్ట్‌ డిలేట్‌ చేస్తాను. లేకపోతే కాలేజ్‌లో ఇబ్బంది పెడతాడు’ అని చెప్పింది. సరే అన్నాను. తను నాతో ఉంటే చాలు అని చెప్పాను. తన ఇంజనీరింగ్‌ అయిపోయాక అడిగాను తన కాంటాక్ట్‌ డిలేట్‌ చేయమని. తను నా మాట వినలేదు. రోజుకు ఒకరకంగా టార్చర్‌ చేసింది. నా ఫ్రెండ్స్‌ అందరూ తను నీకు కరెక్ట్‌ కాదు, వదిలేసెయ్‌ అని చెప్పారు. అయినా తన మీద ఉన్న ప్రేమ తగ్గేది కాదు. ఒక సైకోలాగా టార్చర్‌ చేసేది. అన్నిటిని తట్టుకున్నా. తనకు నేనంటే ఇష్టం లేదని చెప్పేటప్పుడు చాలా బాధపడేవాడ్ని. ఆ తర్వాత తను నన్ను పూర్తిగా అవాయిడ్‌ చేసింది. కొన్ని రోజుల తర్వాత తన కోసం మా అమ్మానాన్నలను ఎంత బాధపెడుతున్నానో అర్థం చేసుకున్నా. వాళ్లు చూసిన అమ్మాయిని పెళ్లి చేసుకున్నా. నా పెళ్లికి నెల రోజుల ముందు తను ఆ అబ్బాయిని పెళ్లి చేసుకుంది. అలా తను నన్ను లైఫ్‌లో రెండుసార్లు మోసం చేసింది. తను నన్ను మోసం చేసినందుకు ఎప్పుడో చనిపోవాలనుకున్నా. మనల్ని వద్దు అనుకునే వాళ్లకోసం చనిపోవటం కంటే, మనల్ని నమ్ముకున్న వాళ్లకోసం బ్రతకాలి అని తెలుసుకున్నాను. నేను పెళ్లి చేసుకున్న అమ్మాయి నేను ప్రేమించిన అమ్మాయికంటే ఎక్కువ ప్రేమగాఉంది.  - బాలు లేదా worldoflove@sakshi.comకు మెయిల్‌ చేయండి

నేను ఇంటర్‌ చదివేటప్పుడు ఒక అమ్మాయి నన్ను ఫిజిక్స్‌లో డౌట్‌ అడిగింది. నేను ప్రాబ్లమ్‌ సాల్వ్‌ చేశాను. అప్పుడు ప్రేమ అంటే ఏమిటో కూడా నాకు తెలియదు. మా మధ్య స్నేహం మొదలైంది. సినిమాలకు కూడా వెళ్లే వాళ్లం. ఆ సమయంలోనే ఆమెపై నాకు ప్రేమ మొదలైంది. ఓ సారి థియేటర్‌లో ఉండగా లవ్‌ చేస్తున్నానని ఆమెకు చెప్పాను. అప్పుడే తెలిసింది! తను కూడా నన్ను లవ్‌ చేస్తోందని. తను అప్పటివరకు చెప్పలేదు. ప్రేమలో రోజులు వేగంగా గడిచిపోసాగాయి. చూస్తుండగానే ఇంటర్‌ పూర్తయింది. తను వేసవి సెలవులకు వాళ్ల ఊరికి వెళ్లిపోయింది. ఆ టైంలో ఫోన్లు కూడా చాలా తక్కువ. అప్పుడప్పుడు మాట్లాడుకునేవాళ్లం. డిగ్రీకి ఇద్దరం వేరు వేరు కాలేజీల్లో చేరాం. తర్వాత ఇద్దరి మధ్యా సంబంధాలు తెగిపోయాయి. నేను పిచ్చివాడిలా ఆమెకోసం వేయిట్‌ చేశాను. నా లైఫ్‌ మొత్తం తనే అని ఎన్నో కలలు కన్నా. వాళ్ల గ్రామానికి కూడా వెళ్లాను. అప్పుడర్థం అయ్యింది తను మ్యారేజ్‌ చేసుకుని వెళ్లిపోయిందని. ప్రేమిస్తే మూవీ హీరోలో నన్ను నేను చూసుకున్నా. తను ఎలా ఉందో తెలుసుకుందామని వెళ్లాను. తను నన్నే కాదు లోకాన్నే విడిచిపోయిందని తెలిసింది. వాళ్ల ఇంట్లో వాళ్లకు పెళ్లి ఇష్టం లేదని చెప్పిందంటా. వాళ్లు బలవంతంగా పెళ్లి చేశారంట. తను నాకు చెప్పలేదు. తన ఇంటికి వెళ్లి అడిగాను. అక్కడ వాళ్ల నాన్నను చూసిన తర్వాత నా ప్రేమ కంటే ఆయన ప్రేమ ఎంతో ఎక్కువని అర్థం అయింది. నేను ఎలా ఉన్నానో వాళ్ల నాన్న కూడా అలాగే ఉన్నారు. ఆమెను తలుచుకుంటూనే బ్రతికాను. నాకు కూడా చచ్చిపోవాలనిపించేది. కానీ, తన జ్ఞాపకాలు నాతో ఉన్నాయి. అవి చాలు ఈ జీవితం మొత్తం గడపటానికి. అప్పుడు మా ఇంట్లో వాళ్లు నాకో సంబంధం చూశారు. నాకోసం కాకపోయినా నా ఫ్యామిలీ కోసం పెళ్లి చేసుకున్నా. పెళ్లికి ముందే నా ప్రేమ గురించి నా భార్యకు వాళ్ల ఇంట్లో వాళ్లకు చెప్పాను. ఫస్ట్‌ లవ్‌లో ఉన్న ఫీలింగ్‌ ఎప్పుడూ రాదు! ఒకసారి వస్తే అది చచ్చేదాక గుర్తుండిపోతుంది.  - వెంకటేశం‌, హైదరాబాద్‌ లేదా worldoflove@sakshi.comకు మెయిల్‌ చేయండి

మాది మిడిల్ క్లాస్ ఫ్యామిలీ. నాన్నగారు చిన్నప్పుడే చనిపోయారు. అన్నయ్య చదివించే వారు. నేను డిగ్రీ థర్డ్‌ ఇయర్ చదివే రోజుల్లో.. కాలేజ్ స్టార్ట్ అయి ఒక నెల రోజులు కావస్తోంది. నేను కాలేజ్‌కు వెళ్లా. ఆ రోజు కాలేజ్‌ అంతా రంగుల ప్రపంచంలా ఉంది. ఫ్రెషర్స్‌ జాయిన్‌ అవ్వటంతో కాలేజ్ కళకళలాడుతూంది. కొద్దిసేపటి తర్వాత క్లాస్‌ స్టార్ట్ అయ్యింది. సార్! చిన్న డౌట్ అన్న వాయిస్.. ఎవరో జూనియర్‌. కెమిస్ట్రీ  సార్ సమాధానం చెప్పారు. తను వెళ్లిపొయింది. అమ్మాయ్ మాత్రం సూపర్‌గా ఉంది. వెంటనే మా సార్ ‘ఈ క్లాస్‌లో ఒక్కరికీ డౌట్ రాదు! మహానుభావులు.. మళ్లీ సీనియర్లు’. అన్నారు. నేను క్లాస్‌లో చాలా సరదాగా ఉంటా. అప్పుడు నేను ‘సార్‌! మా బావకి అలా డౌట్ వచ్చే సబ్జెక్టులు పది ఉన్నాయ్ ’ అన్నా మా ఫ్రెండ్‌ని చూపిస్తూ. అందరు పగలబడి నవ్వారు. సార్‌ నన్ను మర్యాదగా బయటకు వెళ్లమన్నారు. ఎలాగో వెళ్లమన్నారు కదా అని బయట అటు ఇటు తిరగటం ప్రారంభించాను. ఎందుకో ఒక సారి ఆ అమ్మాయిని చూడాలనిపించింది. ప్రతి క్లాసు తిరిగా బైపీసీ ఫస్ట్‌ ఇయర్‌లో ఉంది. ఎందుకో ఆమెను చూడంగానే నాకు నచ్చింది. ప్రతి రోజు తను ఇంటి నుంచి బయలుదేరి కాలేజ్‌కి వచ్చే వరకు తనను ఫాలో అయ్యేవాడిని. చాలా థ్రిల్లింగా ఉండేది. తరువాత ఆరు నెలలు తన వెంటపడి ఓసారి ప్రపోజ్ చేశా! రిజెక్ట్‌ చేసింది. రోజూ ఆమె నామస్మరనే. మళ్లీ ఒక నెల తర్వాత లెటర్ రాసి ఇంకెప్పుడూ డిస్టర్బ్‌ చేయనని చెప్పా. అప్పటి వరకు ఫాలో చేసినందుకు స్వారీ చెప్పా. 2 డేస్ తరువాత నైట్ తనే కాల్ చేసింది. నువ్వంటే ఇష్టం అంది. కానీ, చిన్న కండీషన్ పెట్టింది. ‘మన లవ్‌ని మా అమ్మానాన్న ఒప్పుకోవాలి’ అంది. సరే అన్నా. ఆనందానికి అవధుల్లేవ్. కలిసి తిరిగాం. ఈ లోపు నా డిగ్రీ అయ్యింది. రోజూ కాల్‌ చేసుకునే వాళ్లం. ఈ లోపు మా ఫ్యామిలీలో గొడవలు, ఆర్థికంగా ఇబ్బందుల పాలయ్యాము. జాబ్ చేయాలి, తనని పెళ్లి చేసుకోవాలి. తన చదువు ఇంకా పూర్తి కాలేదు. నేను ఇంక సెటిల్‌ అవ్వలేదు. కానీ, తను చాలా మంచిది. తనకి కోపం తక్కువ. తను స్నేహ ఉల్లాల్‌లా ఉంటుంది. కొన్నాళ్లకి తనకి పెళ్లి సెట్ అయ్యింది. మా కులాలు వేరు, నేను ఆర్థికంగా వీక్. తనింట్లో ఒప్పుకోలా.. మా ఇంట్లో నేను చెప్పలా. మా ఊరిలో ఉంటే తనని చూడాలని ఉంటుందని హైదరాబాద్ వెళ్లి 3 నెలలు ఉండి వచ్చా. నాకు దగ్గర సంబంధం వచ్చింది. పెళ్లై 3 సంవత్సరాలు! ఒక బాబు. నా లవ్ ఓ ఙ్ఞాపకంగా ఇం​కా మిగిలే ఉంది. తను ఎక్కడ ఉన్నాహ్యాపీగా ఉండాలని కోరుకునే మొదటి వ్యక్తిని నేనే. తల్లి తండ్రులను గౌరవించే తన నిర్ణయానికి హాట్సాప్. - సాయి లేదా worldoflove@sakshi.comకు మెయిల్‌ చేయండి

ఎడారిలాంటి నా జీవితంలోకి ఓ అలలా చొచ్చుకు వచ్చిన నా దేవత విశిత. మా పరిచయం చాలా విచిత్రంగా జరిగింది! కేవలం 3 రోజుల మా పరిచయం మా రెండు మనసులను ఏకం చేసేసింది. దగ్గర అయ్యామనే మాటే కానీ, ఒకరి మనసులో మాట ఇంకొకరికి చెప్పుకోకుండానే మా బంధాన్ని కొనసాగించాం. మేము ఇద్దరం లైఫ్ లాంగ్ ఇలాగే ఉండాలని ఇంకా ఏవేవో కలలు కన్నాను. రోజూ గంటలు గంటలు ఫోన్లో మాట్లాడుకునే వాళ్లం. తను నాతో ఒక్క క్షణం మాట్లాడకపోయినా మనసంతా గందరగోళం అయ్యేది. కాలం గడిచే కొద్దీ రోజురోజుకు మా మధ్య దూరం పెరగసాగింది. ప్రతి రోజూ కాల్ చేసే నా దేవత నాతో మాట్లాడ్డం తగ్గించేసింది. ఇక ఆగలేక ఒకరోజు కాల్ చేసి గట్టిగా అడిగా తనని. అప్పుడు తను చెప్పిన సమాధానం ‘ఇంకెప్పుడూ నాకు కాల్ చేయకు. నువ్వంటే నాకు ఇష్టం లేదు.’ అని కాల్ కట్ చేసింది. ఆ క్షణం నా గుండె చప్పుడు ఆగిపోయినట్టు అనిపించింది. ఆ తర్వాత నేను ఎన్ని సార్లు ఫోన్ చేసినా మెసేజ్ చేసినా తన నుంచి మాత్రం ఏ సమాధానం వచ్చేది కాదు. రోజు రోజుకు నాలో ఏదో తెలియని గుబులు. ఒక్కొక్కసారి చనిపోవాలనిపించేది. ఒకటి రెండు సార్లు సూసైడ్ అటెంప్ట్‌ చేశా. కానీ, ఆ దేవుడికి నామీద దయలేదనుకుంటా! నేను చనిపోవాలనుకున్న ప్రతీసారి నా చావుని ఆ దేవుడు ఏదో ఒక విధంగా అడ్డుకుంటూనే ఉన్నాడు. నా దేవత ఎక్కడ ఉన్నా ఏం చేస్తున్నా తనే నా మదిలో మెదిలేదీ. ఒకప్పుడు తను నా పక్కన ఉంటే ఏదైనా సాధించవచ్చు అనుకున్నా. కానీ,  ఈ రోజు ప్రతీ క్షణం, ప్రతీ నిమిషం చస్తూ బ్రతికేస్తున్నా. ఒక విధంగా చెప్పాలంటే నేను బ్రతికి ఉన్నా చనిపోయినట్లే. నా కలలు అన్నీ కల్లలు చేసి, నా హృదయాన్ని సైతం ముక్కలు చేసేసి వెళ్లిపోయిన నా దేవత మీద నాకు కొంచెం కూడా కోపం లేదు. ఎందుకంటే తను నా ప్రాణం! తను నాతో లేకపోయినా తను ఎక్కడ ఉన్నా హ్యాపీగా ఉంటే చాలు. - పరుశురాం, హైదరాబాద్‌ లేదా worldoflove@sakshi.comకు మెయిల్‌ చేయండి

నేను ఒక రాజకుమారిని మా ఇంట్లో.. ఏ అమ్మాయికైనా పుట్టిల్లంటే అంతేగా. నేను మా బావను ఇష్టపడ్డా. బావ బాగా చదువుతాడు, తెలివైనోడు అని మా ఇంట్లో వాళ్లు పెళ్లికి ఒప్పుకున్నారు. ప్రతి అమ్మాయిలానే ఎన్నో కలలతో జీవితాన్ని మొదలుపెట్టా. అందులో నాకు ఇష్టమైన బావతో. పెళ్లైన తర్వాత ఏదో వెలితి, సంతోషం లేదు. రెండు నెలలకు సూసైడ్‌ చేసుకోబోయాడు. ఆన్‌లైన్‌లో రమ్మీ గేమ్‌ ఆడి లక్షల్లో డబ్బుపోగొట్టుకున్నాడు. అప్పటివరకు నాకు తెలీదు తనకు ఇలాంటి అలవాట్లు ఉన్నాయని. మా అమ్మావాళ్లు, మా అత్తయ్యవాళ్లు కలిసి అప్పులు తీర్చారు. తను మారిపోతే చాలు హ్యాపీగా  ఉందాం అనుకున్నా. రెండోసారి, మూడో సారి అలా ఆడేశాడు. రెండుసార్లు అప్పులు తీర్చారు. అమ్మావాళ్లు ఇంక మారడు వచ్చేయ్‌ అన్నారు. మూడో సారి ఉరివేసుకున్నాడు. నేను ఊపిరి ఇస్తేగాని బ్రతకలేదు. తను మారితే మా జీవితం మారుతుందనుకున్నా కానీ, క్రిమినల్‌ మైండ్‌సెట్‌ ఎప్పటికీ మారదని తెలీలేదు. ఏళ్లు గడిచిపోతున్నాయి. బాబుకూడా పుట్టాడు. బాబును చూసైనా మారుతాడని బంధువులంతా చెప్పారు. ఎన్ని చేసినా, ఎన్ని కష్టాలు పెట్టినా బావ మీద ప్రేమతో నేను ఏమీ అనలేదు. చాలా భరించా మా లైఫ్‌కోసం. ఒకరోజు చెప్పాపెట్టకుండా నన్ను, బాబును వదిలిపెట్టి వెళ్లిపోయాడు. మూడేళ్లు గడిచిపోయింది. ప్రేమ అనేది భార్యకే కాదు భర్తకు కూడా ఉంటే ఆ బంధం హ్యాపీగా ఉంటుంది. మా బాబుకు ఐదేళ్లు మా అమ్మావాళ్లు నన్ను చదివించబట్టి నాలుగు రాళ్లు సంపాదిస్తున్నా. ఇప్పటికీ నేను రాకుమారినే మా అమ్మావాళ్లకు. మధ్యలో వచ్చినోడు మధ్యలోనే పోయాడు. ప్రేమను చూపించినా అర్థం చేసుకోలేని వాడికోసం నా జీవితం నాశనం అయ్యింది. నేనూ నా ఫ్యామిలీ హ్యాపీ. ప్రేమగా చూసుకునేవాళ్లకు దగ్గరకండి. నటించేవాళ్లకు కాదు. - స్వర్ణలేఖ లేదా worldoflove@sakshi.comకు మెయిల్‌ చేయండి

నేను నా చిన్నప్పటినుంచి అబ్బాయిలతో ఎక్కువగా మాట్లాడేదాన్ని కాదు. కానీ, ఒక రోజు నాకు తెలియకుండా మా అమ్మానాన్న నా పెళ్లి గురించి మాట్లాడుకుంటుండగా విన్నాను. మా పిన్ని తమ్ముడికిచ్చి చెయ్యాలని. కానీ, నేను అతన్ని ఒకటి, రెండు సార్లు చూశానంతే. ఫేస్ కూడా సరిగా గుర్తులేదు. కానీ, నాలో ఏదో తెలియని భావం మొదలైంది. మెల్లగా నాకే తెలియకుండా ఇష్టపడటం మొదలుపెట్టాను. ఆ తర్వాత అతను మా ఇంటికి వస్తాడని చాలా రోజులు ఎదురు చూశాను కానీ, రాలేదు. అప్పటికి తనకు ఉద్యోగం రాలేదు. ఆ తర్వాత ఒక సంవత్సరానికి ఉద్యోగం వచ్చింది. మా ఇంటికి వస్తాడని నేను అతని కోసం ఎదురుచూశాను. కొన్ని రోజులకు నా నిరీక్షణ ఫలించింది. అతను మా ఇంటికి ఓ రోజు సాయంత్రం వస్తాడని తెలిసింది. అతను వస్తున్నాడని తెలిశాక నా మనస్సు ఆనందంతో పొంగిపోయింది, ఉబ్బితబ్బుబ్బయ్యాను. అతను వచ్చాడు! కానీ, నేను ఏమీ మాట్లాడలేకపోయాను. కనీసం అతని ముఖంలోకి కూడా చూడలేకపొయాను. అతను వెళ్లిపోయాడు. చాలా ఏడ్చాను, మళ్లీ ఎప్పుడు చూస్తానో అని. ఆ తర్వాత కొన్ని రోజులకు వాళ్ల పేరెంట్స్ మా సంబంధం క్యాన్సిల్ చేసుకున్నారని తెలిసింది. తనకి నేను నచ్చలేదేమో అనుకున్నా. ఎంతలా ఏడ్చానో మాటల్లో చెప్పలేను. ఆ తర్వాత కొన్ని రోజులకు తేరుకుని నా దృష్టంతా స్టడీస్ మీద పెట్టాను. గతాన్ని మర్చిపోవాలని ఏకాగ్రతగా చదివాను. అయినప్పటికి కొన్ని సందర్బాలలో ఆ గతం నన్ను చాలా బాధపెట్టింది. అలా ఒక సంవత్సరం గడిచింది. పరీక్షలు పూర్తయ్యాక ఇంటికి వెళ్లాను. నాకు ఒక విషయం తెలిసింది. నేను ఇష్టపడ్డ వ్యక్తే నన్ను పెళ్లిచూపులు చూసుకోవడానికి వస్తున్నారని. నా ఆనందానికి అవధులు లేవు. అంతలోనే నిరాశ అలుముకుంది. అతనికి నేను నచ్చుతానో లేదోనని. ఆ తర్వాత అతని ఫోన్ నెంబర్ దొరికింది. నేను ఆ సస్పెన్స్ తట్టుకోలేక అతని నెంబరుకి కావాలనే నా ఫ్రెండ్‌కు మెసేజ్ చేస్తున్నట్లుగా మెసేజ్ చేశాను. తర్వాత నన్ను నేను పరిచయం చేసుకున్నా. కొన్నిరోజులకు ఇద్దరం బాగా దగ్గరయ్యాము. అతను నన్ను ఇష్టపడ్డాడు. మా ఫ్యామిలీస్ కూడా మా పెళ్లికి గ్రీన్ సిగ్నల్ ఇచ్చాయి. ఆ తర్వాత చకచకా మా పెళ్లి జరిగిపోయింది. మా పెళ్లి జరగడానికి ముఖ్యకారణం మా బాబాయ్. మా వెనుకే ఉండి పెళ్లి జరిపించాడు. అతని పేరెంట్స్‌ని కూడా ఒప్పించాడు. సో.. నా కథకి మా బాబాయే హీరో. - ధనలక్ష్మి, బెంగళూరు లేదా worldoflove@sakshi.comకు మెయిల్‌ చేయండి

అమ్మాయిలతో డైరెక్ట్‌గా మాట్లాడే ధైర్యం లేక ఫేస్‌బుక్‌లో పరిచయం చేసుకోవాలనే చిన్న ఆశతో ఎఫ్‌బీకి దగ్గరయ్యాను. అలా ప్రేయసి కోసం చూస్తున్న సమయంలో ఓ అమ్మాయితో పరిచయం అయ్యింది. ఆ పరిచయం కాస్తా నా వైపునుంచి ప్రేమగా మారింది. ఎంతగా అంటే తను మెసేజ్‌ చేయకపోతే ఉండలేనంతగా. అలా ఆ అమ్మాయికి ఒక రోజు నా ప్రేమ విషయం చెప్పాను. నా మీద ప్రేమ ఉన్నా కూడా వాళ్ల ఇంట్లో వాళ్లు ఒప్పుకోరని కుదరదని చెప్పింది. కానీ, కొన్ని రోజులకు ఓకే చెప్పింది. వాళ్ల పేరెంట్స్‌ను ఒప్పిస్తాననే నమ్మకం ఉండేది. ఇలా ఒక సంవత్సరం గడిచింది. నాతో పెళ్లి అవ్వదేమోనన్న భయం, వాళ్ల నాన్న ఇంట్లో పెట్టే టార్చర్‌ నానుంచి తనను దూరం చేస్తూ వచ్చాయి. అప్పుడు నా బీటెక్‌ ఎక్షామ్స్‌. తను నన్ను అవాయిడ్‌ చేయటం స్టార్ట్‌ చేసింది. పిచ్చిపట్టినట్లు ఉండేది. తన ఆలోచనలతో సెమ్‌ ఎక్షామ్స్‌ మొత్తం ఫేయిల్‌ అయ్యాను. అలా ఆ గొడవలతో ఫైనల్‌ ఇయర్‌ గడిచింది. ఏడు సబ్జెక్టులు మిగిలినపుడు కూడా నేను పెద్దగా బాధపడలేదు. ఆ అమ్మాయికి పెళ్లి సంబంధాలు చూస్తున్నారని తెలిసి మానసికంగా చనిపోయా. తాగుడుకు బానిసయ్యా. తనను ఎలాగైనా పొందాలనే ఆశమాత్రం చావలేదు. ఎన్నో విధాలుగా ప్రయత్నించాను. కానీ, తను నన్ను దూరం పెట్టింది. ఆ సమయంలో మా నాన్న దగ్గరినుంచి ఫోన్‌ వచ్చింది. వాళ్లను మోసం చేస్తున్నానని చాలా బాధపడ్డాను. ఎలాగైనా బీటెక్‌ పాసవ్వాలని నిశ్చయించుకున్నాను. సిటీలో బ్రతకాలంటే చిన్న జాబ్‌ అయినా ఉండాలి. నా క్వాలిఫికేషన్‌కు తగ్గ జాబ్‌ కోసం తిరిగినా లాభం లేకపోయింది. ఒక్కపూట తిని పడుకున్న రోజులు కూడా ఉన్నాయి. చివరిగా ఒక మార్కెటింగ్‌ కంపెనీలో సేల్స్‌ ఎగ్జిక్యూటివ్‌గా జాయిన్‌ అయ్యాను. జాబ్‌ చేస్తూనే చదివి బీటెక్‌ సబ్జెక్టులు పాసయ్యా. ఆ తర్వాత కాగ్నిజెంట్‌లో జాబ్‌ సంపాదించా. ఆ అమ్మాయి నన్ను వదిలేసిన బాధ నా లైఫ్‌లో తీరదు. అలాగని నా పేరెంట్స్‌ను బాధపెట్టలేను. ఇప్పుడు నేను బ్రతికున్నానంటే మా పేరెంట్స్‌ కోసమే. లవ్‌ యూ బంగారం. మిస్‌ యూ రా!... - భార్గవ్‌, హైదరాబాద్‌ లేదా worldoflove@sakshi.comకు మెయిల్‌ చేయండి

జూలై 6 రాత్రి 11 అవుతోంది. నేను ఆఫీస్ వర్క్ కొంచెం ఎక్కువగా వుందని ఇంట్లోనుంచి పని చేస్తున్నాను. పని అవగానే నిద్ర రాకపోవడంతో ఫేస్‌బుక్‌ ఓపెన్ చేసి చూస్తున్నా. ఇలా ఓపెన్ చేశానో లేదో వెంటనే మెసెంజర్‌లో మెసేజ్‌ వచ్చింది. ఎవరో ఒక అమ్మాయి పేరుతో ఉంది. హాయ్‌! అని మెసేజ్‌ వచ్చింది. రిప్లై ఇచ్చా! అప్పటినుంచి మెసేజ్‌లు చేయటం స్టార్ట్ చేసింది. నా గురించి అంతా చెప్పేస్తోంది. ఎవరు నువ్వు? అని అడిగా. తను చెప్పలేదు సరే నువ్వు ఎక్కడ ఉంటావు? నేను ఎలా తెలుసు? అని అడిగా. అప్పుడు తను చెప్పింది ‘నేను నువ్వు ఉండే ఏరియాలోనే ఉంటాను. నేను నిన్ను రోజూ చూస్తున్నాను. నీ పేరు తెలుసుకోవడానికి నాకు సంవత్సరం పట్టింది. రీసెంట్‌గా మీ బైక్‌పై ఫైన్ పడింది.’ అని చెప్పింది. ఆ విషయం తను చెప్పే వరకు నాకు కూడా తెలియదు నేను అప్పుడే చూశా. తను చలాన్‌ సైట్‌లో దాన్ని నాకు  స్క్రీన్ షార్ట్ తీసి పంపింది. ‘అలా నీ బైక్ నెంబర్ ఆర్టీఏ చలాన్‌ సైట్‌లో చూసి, నీ బైక్ రిజిస్ట్రర్ నేమ్‌తో ఎఫ్‌బీ, లింక్డ్‌ఇన్‌, ఇన్‌స్టాగ్రామ్‌ అన్నిటిలో చూసి కన్‌ఫర్మ్‌ చేసుకున్నాక ఎఫ్‌బీలో నీతో చాట్‌ చేస్తున్నా.’ అని చెప్పింది. నా గురించి, నా డైలీ ఆక్టివిటీస్‌, సమయాల గురించి చెబుతుంటే నేను షాక్‌ అయ్యాను. ‘నా వెనుక ఇంత జరుగుతోందా’ అని. నేను షాక్‌ అయ్యాను. అప్పుడు అనుకున్నా తను కూడా నేను ఉండే దగ్గరే ఉంటూ నన్ను గమనిస్తోందని. తను వెంటనే ‘నువ్వంటే నాకు చాలా ఇష్టం! ఐ లవ్‌ యూ.. లవ్ ఆట్‌ ఫస్ట్‌ సైట్‌.. నువ్వు నాకు కావాలి. నీ నుంచి నాకు ఏమీ వద్దు! నీ ప్రేమ ఒక్కటే చాలు నాకు, నీ ఎదపై పడుకుని నీతో మాట్లాడుతూ ఉంటే చాలు’ అని అంది. అంతా ఒక మాయగా ఉంది. నాకు ఏం చెప్పాలో అర్థం కాలేదు, కొంచెం ఆలోచించి చెప్పాను ‘మొదట నువ్వు ఎవరో చెప్పు. తర్వాత నేను ఆలోచించి చెప్తాను. నా నిర్ణయం ఏదైనా సరే లైఫ్ టైం నీకు ఒక ఫ్రెండ్‌లా మాత్రం వుండగలను’ అని చెప్పగానే తను చాలా థాంక్స్ అని చెప్పింది. ‘నువ్వు ఎవరు? ఎక్కడ ఉంటావు?’ అని మళ్లీ తనను అడిగాను. మళ్లీ మా వీధిలోనే ఉంటానంది. నాకు నమ్మకం లేక ఉండవు అని అన్నాను. అప్పుడు తను ‘మీరు బయటికి వస్తే మీరు ఏ డ్రెస్ వేసుకున్నారో, ఎక్కడ నిలుచున్నారో చెప్తాను’ అని అంది. అప్పుడు సమయం రాత్రి రెండు గంటలు అవుతోంది. నేను బయటికి వచ్చా. తను కరెక్ట్‌గా చెప్పింది. నాకు ఇంకా ఒక డౌట్ వచ్చి అడిగాను ‘అమ్మాయివి కాదు’ అని. వెంటనే నాకు వాయిస్ మెసేజ్‌ చేసింది. అపుడు కన్‌ఫర్మ్‌ అయ్యాను. తను అమ్మాయి! మా గల్లీలోనే ఉంటుంది అని. తనని ఎన్ని సార్లు అడిగినా తను చెప్పలేదు. ఎవరు చెప్పమంటే ఒకవారం టైం అడిగింది. సరే అన్నాను అలా చాట్‌ చేస్తూ, ఉదయం 5 అయింది. ’ నా కోసం గల్లీలో ఎవర్నీ అడగకండి! మా అక్కకి తెలిస్తే కోప్పడుతుంది. మా పరువు పోతుంది. నేనే మీకు ఒకవారంలో కన్‌ఫర్మ్‌గా చెప్తాను’ అని అంది. కానీ, నా మనసు ఆగక మరుసటిరోజు మార్నింగ్‌ నుంచే తన కోసం వెతకడం స్టార్ట్ చేశా. నా ఆఫీస్ టైమింగ్స్‌, తన ఆఫీస్ టైమింగ్స్‌ వేరు వేరు కావడం వల్ల నేను తనని చూడలేకపోయాను. బట్ తను మాత్రం నన్ను చూసేది వెంటనే నాకు మెసేజ్‌ చేసేది. మూడు రోజుల తర్వాత ఒక వాయిస్‌ మెసేజ్‌ వచ్చింది. ‘నాకు మీపై ఉన్న ప్రేమను ఆపుకోలేక ఒక సంవత్సరంనుండి వేయిట్‌ చేసి మీకు చెప్పాను. స్వారీ మిమ్మల్ని చాలా ఇబ్బంది పెడుతున్నాను. నన్ను క్షమించండి’ అని. నేను వెంటనే రిప్లై ఇచ్చా‘మీకు నచ్చినప్పుడే కలవండి. ఒక ఫ్రెండ్‌లా మీకు లైఫ్ టైం తోడుగా ఉంటాను’ అని చెప్పాను. అలా ఒక మూడు రోజులు మళ్లీ మామూలుగానే చాట్ చేసింది. అప్పుడు చెప్పింది తన గురించి. అలా అలా మాట్లాడుతూ తన ఫ్రెండ్‌ అంకిత గురించి కూడా చెప్పింది. ఇవన్నీ చెప్పినా తను తన గురించి మాత్రం చెప్పలేదు. నాకు కోపం వచ్చి గట్టిగా అడిగాను. తనకి తెలుసు నాకు కోపం చాలా ఎక్కువ అని. అందులోనూ నాకు చాలా ఇన్‌ఫ్లుయెన్స్‌ ఉంది. ఏదైనా చేస్తాడేమో అనే భయంతో ఇల్లు ఖాళీ చేసాము అని మెసేజ్‌ పెట్టింది. తన ఎఫ్‌బీ కూడా డిసబుల్‌ చేసింది. మళ్లీ తను నాకు మెసేజ్‌ చెయ్యలేదు. కానీ, నేను తన కోసం వెతకడం మాత్రం ఆపలేదు. తను చెప్పిన  పేరును ఎఫ్‌బీలో వెతికా కానీ ఎక్కడా దొరకలేదు. ఇలా అన్ని సోషల్‌ మీడియాలో వెతుకుతున్న ఎక్కడా దొరకలేదు. మళ్లీ ఒక నెల తర్వాత మెసేజ్‌ వచ్చింది. ‘హాయ్‌! హౌ ఆర్‌ యూ’ అని నేను రిప్లై ఇచ్చా! తనని అడిగా ‘ఎందుకు పోయావ్.. మళ్లీ ఎందుకు వచ్చావ్’ అని. అపుడు తను చెప్పింది ‘నీ లైఫ్‌ని డిస్ట్రబ్‌ చేస్తున్నా అనిపించింది. అందుకే దూరంగా వున్నాను. కానీ రోజూ కలలోకి వస్తున్నావ్. అందుకే ఉండలేకపోయాను. అందుకే మళ్లీ మెసేజ్‌ చేస్తున్నా అని. ఎలా ఉన్నావ్? ఎక్కడ వుంటున్నావ్? అని అడిగితే కూకట్‌పల్లి సెవెన్త్‌ ఫేస్‌. మీరు వెతకడం చూసి నాకు భయం వేసింది. అందుకే అక్కడ నుండి ఖాళీ చేసి వచ్చేశాం’ అని చెప్పింది. ‘ఇప్పుడైనా నీ గురించి చెప్తావా లేద మళ్లీ వెళ్లి పోతావా’ అని అడిగా. ‘ఇక ఎప్పుడూ నిన్ను విడిచి వెళ్లను.’ అని అంది. వాళ్ల అక్కతో కలిసి ఊరికి వెళుతున్నానని చెప్పింది. తను ఇంటికి వెళ్లాక కూడా డైలీ బాగానే చాట్‌ చేసింది. అప్పుడు చెప్పింది తన పేరు స్వాతి అని, వాళ్లది వైజాగ్ అని. ఇక తను డైలీ ఏం చేస్తుంది. ఎక్కడికి వెళ్లేది అన్నీ చెప్పేది. తన మాటల్లో తన ప్రేమ, సంతోషము అన్ని తన మెసేజ్‌లో తన వాయిస్ మెసేజ్‌లో తెలిసేవి. ఒక రోజు వాళ్ల బాబాయ్ ఇంటికి వెళ్లాం. అక్కడ మా అక్కను చూడటానికి మా నాన్న వాళ్ల అక్క కొడుకు వచ్చాడు! మా అక్కను చూడడానికి. కానీ, ఇలా అని మాకు ఎవరూ చెప్పలేదు. మా నాన్న ఇంటికి వెళ్ళాక మాకు చెప్పాడు. మా అక్కకు ఆ పెళ్లి చేసుకోడం ఇష్టం లేదు. ఎందుకంటే తనకి రెండో పెళ్లి. కానీ, మా నాన్న వినట్లేదు మా అక్కను ఆ అబ్బాయితో మాట్లాడు ఒకసారి అన్నారు. రేపు ఉదయం అన్నవరం గుడికి వెళ్లి మాట్లాడమన్నారు. అక్క, నేను మార్నింగ్‌ వెళ్తున్నాము. అక్క రాగానే స్టార్ట్‌ అవుతాం’ అని చెప్పింది. మరుసటి రోజు ఉదయం ‘అక్క వాళ్లు గుడికి వెళ్లారు. ఇప్పుడే దర్శనం అయింది.’ అని చెప్పింది. మధ్యాహ్నం రెండుకి మళ్లీ మెసేజ్‌ చేసింది. ‘అక్క చెప్పకుండా వెళ్లి పోయిందంట. మా బావ నాన్నకి కాల్ చేశాడు. నాన్న వాళ్లు వెతకటానికి వెళ్లారు. నన్ను హైదరాబాద్ వెళ్లమన్నారు. టిక్కెట్‌ కూడా వేశారు. నేను పది గంటలకి బస్‌ ఎ‍క్కుతాను. మార్నింగ్‌ పికప్‌ చేసుకో’ అని అంది. నేను సరే అన్నాను. తర్వాత ఇంక మెసేజ్‌ రాలేదు. మరుసటి రోజు ఈవెనింగ్ మెసేజ్‌ వచ్చింది. ‘అక్క మోసం చేసింది. సూసైడ్‌ చేసుకుంది. ఇప్పుడే క్రిమేషన్‌ అయింది.’ అని. నాకు చాలా బాధ వేసింది. బాధపడకని అన్నాను. తను ‘నాన్న హాస్పిటల్లో ఉన్నారు. తనకి గుండెపోటు వచ్చింది’ అని చెప్పింది. ఏమైనా సహాయం కావాలంటే కాల్‌ చెయ్యమని చెప్పాను. తను సరే అంది. డైలీ చాట్‌లో  అన్నీ చెప్పేది. మళ్లీ రెండు రోజుల తర్వాత మెసేజ్‌ చేసింది. వాళ్ల నాన్నను హాస్పిటల్‌నుంచి డిచార్జ్‌ చేస్తున్నారని చెప్పింది. తన ఆఫీస్‌లో సెలవులు ఇవ్వట్లేదని, వర్క ఫ్రంమ్‌ హోమ్‌ చెయ్యమంటున్నారని చెప్పింది. లాప్‌టాప్‌ కొనడానికి మార్నింగ్‌ వచ్చి పికప్‌ చేసుకుని ఈవినింగ్‌ బస్‌ ఎక్కించమని అడిగింది. ఫోన్‌ నెంబర్‌ అడిగితే ఇచ్చాను. మరుసటి రోజు ఉదయం. తన కాల్‌ కోసం ఎదురుచూశా రాలేదు. ఏమైందో ఏమో అనే టెన్సన్‌, బాధ అన్నీ నన్ను చాలా బాధించాయ్. ఇంక నాకు ఏం చెయ్యాలో అర్థం కాక తన కోసం వెతుకుతున్నా. కానీ, తను నాకు ఒక ‍ప్రామిస్‌ చేసింది. నిన్ను ఎప్పుడూ వదిలి వెళ్లను అని. ఒకవేళ నేను ఆన్‌లైన్‌లోకి రాకపోతే నీ మంచికోసమే అనుకో కానీ, నా ఈ జీవితం నీ కోసమే అని. ఏదో ఒక రోజు అన్నీ వదిలేసి నీ కోసమే వస్తాను అని. తను ఎందుకో మళ్లీ మళ్లీ ఇవ్వలేదు. ఏమైందో అని ప్రతీ క్షణం ఆలోచిస్తున్నాను. తను ఎక్కడ ఉన్నా. సరే సంతోషంగా ఉంటే చాలు అని కోరుకుంటూ తనకై ఎదురు చూస్తూ... మనసు గాయానికి తియ్యని తలుకువైనావు.. పెదవి పలికే ప్రతీ మాటలో నువ్వే నిలిచావు.. ఊహవైనావు, ఊపిరైనావు.  నీతో జీవితం పంచుకునే ఆవకాశం ఇవ్వకపోయినా జీవితాంతం గుర్తుంచుకునే జ్ఞాపకాలను ఇచ్చావు. ఈ జ్ఞాపకాలు ఉన్నంత వరకు మన ప్రేమ బ్రతికే ఉంటుంది... అదే నమ్మకంతో తన కోసం నా ఈ నీరీక్షణ... చివరి క్షణం వరకు ఎదురు చూస్తా.. నీకై పరితపించే నా జీవితంలోకి చిరుదీపమై వస్తావని.. - నీ అనిల్‌ లేదా worldoflove@sakshi.comకు మెయిల్‌ చేయండి

నేను ఇంటర్మీడియట్ చదివేటప్పుడు నాకు ఒక ఫ్యామిలీ పరిచయం అయ్యింది. నేను డిగ్రీ పూర్తి అయ్యేసరికి నాకు ఆ ఫ్యామిలీకి, బాగా పరిచయం ఏర్పడింది. ఆ ఇంట్లో ముగ్గురు అమ్మాయిలు ఉన్నారు. మొదటి అమ్మాయి నా క్లాస్‌మేట్ అందరూ మా ఇద్దరి మధ్య స్నేహం చూసి మమ్మల్ని ప్రేమికులనుకునేవారు. ఆ అమ్మాయి ఒకసారి తన మనసులో ప్రేమను నాతో చెప్పింది. నేను ‘మన ఇద్దరి మధ్య స్నేహం ఉంది. ప్రేమ లేదు! నిన్ను ఎప్పుడూ ఆ దృష్టితో చూడలేదు’ అని చెప్పా. ఆ అమ్మాయి నా స్నేహితుడిని ప్రేమించి పెళ్లి చేసుకుంది. అయితే హఠాత్తుగా మూడు సంవత్సరాల తర్వాత ఆ అమ్మాయి చెల్లెలు నాకు ఫోన్ చేసి ‘నువ్వంటే నాకు ఇష్టం! నీకు చెప్పాలని చాలా రోజులుగా అనుకుంటున్నా. కానీ, చెప్పలేకపోయాను.’ అని చెప్పి కాల్ కట్ చేసింది. ఆ తర్వాత రెగ్యులర్‌గా నాకు కాల్ చేసేది. నువ్వు లేకపోతే నేను బ్రతకలేను’ అంటూ మాట్లాడటం మొదలు పెట్టింది. అయినా నేను బయట పడలేదు. ఈ గోల ఎందుకని నేను హైదరాబాద్ వచ్చాను. ఆ అమ్మాయి నీతోనే ఉంట అని హైదరాబాద్ వచ్చి ఒక పత్రిక కార్యాలయంలో చేరింది. నాతోనే జీవితం పంచుకుంటా అని మాటలు చెప్పి.. గత ఫిబ్రవరిలో ‘నేను వేరే అబ్బాయిని పెళ్లి చేసుకోవాలనుకుంటున్నా’ అని నాకు ఒక మెసేజ్ పెట్టింది. నేను ఆమె కోసం ఎన్నో కలలు కన్నా. అవన్నీ ఆ క్షణం కళ్ల ముందు కనపడి కళ్ల వెంట నీళ్లు వచ్చాయి. ఇలాగ కూడా జరుగుతుందా అనిపించింది నాకు. రోజు 5 గంటలు చాటింగ్ చేసే ఈ అమ్మాయి ఇలా ఎలా చేసిందనుకున్నా. ఇంతలో వాళ్ల అమ్మ నుంచి ఫోన్ వచ్చింది. ‘నువ్వు మా అమ్మాయిని బ్లాక్ మెయిల్ చేశావంట’ అని అడిగింది. వాళ్ల అమ్మకు అన్ని విషయాలు చెప్పే ప్రయత్నం చేశాను. ఆమె కొంత వరకు అర్థం చేసుకుని ‘మా అమ్మాయిని వదిలేయ్! నువ్వంటే మా అమ్మాయికి ఇష్టం లేదు’ అని చెప్పింది. నేను ఆ షాక్ నుండి కోలుకోలేకపోయా. వాళ్ల అమ్మ నా మీద చీటింగ్ కేస్ పెట్టమని ఒత్తిడి తీసుకుని వచ్చింది. కానీ వాళ్ల కుటుంబం ముందు జరిగిన విషయాలు మొత్తం బయటపెట్టా. నేను తప్పు చేస్తే కేస్ పెట్టమని చెప్పాను. వాళ్లు వాళ్ల అమ్మాయితో మాట్లాడి ఒప్పించే ప్రయత్నం చేశారు. అమ్మాయి వినలేదు. వాళ్లు ఆ అమ్మాయితో మాట్లాడటం మానేశారు. వాళ్ల ఇంటికి రావద్దని చెప్పారు. నీకు మాకు సంబంధం లేదు అని చెప్పారు. ఇవన్నీ జరిగి నెలలు అవుతున్నా నేను ఆమె ప్రేమ నుంచి బయపడలేక మందుకు బానిసయ్యా. తాగి తనను మరిచిపోదామనుకున్నా. నా స్నేహితుడు నన్ను వారించి అలా చెయ్యకు ఆరోగ్యం పాడైపోతుందని చెప్పాడు. ఆమె చూపించిన ప్రేమానుబంధాలనుంచి బయట పడలేకపోతున్నా. ఏ రోజు అయినా నా గురించి ఆలోచన చెయ్యక పోతుందా? మా ఇద్దరి మధ్య జరిగిన సంభాషణలు, మా అనుభవాలు గుర్తుకు రాకపోతాయా? అని ఎదురు చూస్తూ బ్రతుకుతున్నా. ఆ అమ్మాయి అలా 10 సంవత్సరాల అనుబంధాన్ని చాలా ఈజీగా దూరం చేసుకోగలిగింది. అలా ఎలా చేయగలిగిందో నాకు ఇప్పటికీ అర్థం కాని ప్రశ్నగా మిగిలింది.  - శ్రీనివాస్‌ లేదా worldoflove@sakshi.comకు మెయిల్‌ చేయండి

నేను ఉన్నత చదువుల కోసం తమిళనాడులోని ఓ కాలేజీలో చేరాను. ప్రేమ అంటే ఏదో ఒక ఆకర్షణ అనుకున్నా నేను. కానీ, నా ఫైనల్‌ ఇయర్‌లో ఓ అమ్మాయిని చూసిన వెంటనే మనసుకు నచ్చేసింది. తను మా ఫ్రెండ్స్‌తో వెళ్లినపుడు చూశా. మొదటిసారి తనతో మాట్లాడాను. అప్పుడే తను, తను మాట్లాడే తీరు నాకు బాగా నచ్చింది. అలా నా మనసులో ఉన్న ఫీలింగ్స్‌ని మా ఫ్రెండ్‌ సహాయంతో తెలియజేశా. అందరు అమ్మాయిల్లా తను కూడా మొదట్లో నన్ను ఇగ్నోర్‌ చేసింది. కానీ, నేను ప్రపోజ్‌ చేసినపుడు కొన్ని కండీషన్స్‌తో నా లవ్‌ని ఆరు నెలల తర్వాత అంగీకరించింది. అప్పటినుంచి నేను ఏమి చేసినా తన కోసమే చేశాను. నా స్టడీస్‌ అయిపోయిన వెంటనే జాబ్‌లో జాయిన్‌ అయ్యా. తను కూడా నేను కావాలని, నాతోనే ఉండాలని కోరుకుంది. కానీ, అన్ని ప్రేమ కథలకు ఎక్కడ స్టాప్‌ పడుతుందో నాకూ అక్కడే పడింది. తనకు తన పేరెంట్స్‌ కావాలి, తన పేరెంట్స్‌కు నేను వద్దు. నేను వెళ్లి వాళ్ల డాడీతో మాట్లాడితే ఆయన ఒప్పుకోలేదు. వాళ్లు తమిళ్‌, నేను తెలుగు. ఆ అమ్మాయి కోసం నేను ఇండియా విడిచి వెళ్లా ! త్వరగా సెటిల్‌ అవ్వాలని. తను మాత్రం తన పేరెంట్స్‌కు నన్ను లవ్‌ చేశానని మాత్రం చెప్పలేదు. ఇద్దరి సపోర్ట్‌ ఉంటేనే ఆ లవ్‌ సక్సెస్‌ అవుతుంది. వాళ్లను ఒప్పించటం నా ఒక్కడి వల్ల అవ్వలేదు. 2016లో తను నన్ను వదలి వెళ్లిపోయింది. తన మెమోరీస్‌ మాత్రం నాతోనే ఉన్నాయి. ఎక్కడ ఉందో తెలియదు కానీ, సంతోషంగా ఉండాలని కోరుకుంటున్నా. ఎప్పుడూ నవ్వుతూ ఉండు రీతు. ఐ మిస్‌ యూ.. - వీర్రాజు, పిఠాపురం చదవండి : ఓ రోజు సడెన్‌గా ఫోన్‌ చేసి నేను కావాలంది ఫ్రెండ్‌గా ఉండలేను.. ఎన్ని రోజులైనా ఇలానే.. లేదా worldoflove@sakshi.comకు మెయిల్‌ చేయండి

నేను మా అత్త కూతుర్ని పెళ్లిచేసుకోవాలని మా మామ, నాన్నల కోరిక. కానీ, ఇప్పుడు వాళ్లు మా మధ్య లేరు. అందుకని నేను మా అత్త కూతురిని పెళ్లి చేసుకోవాలనుకున్నాను. ఆ అమ్మాయి కూడా నన్ను ఇష్టపడింది. ఇదిలా ఉండగా కొన్ని రోజుల తర్వాత వేరే అబ్బాయి తనకు పరిచయమైతే అతడ్ని కూడా లవ్‌ చేసింది. ఆ విషయం నాకు తెలిసి వాళ్లకు పెళ్లి చేస్తానని మాట ఇచ్చాను. వాళ్ల అమ్మతో నేను మాట్లాడతానని ఆ అమ్మాయికి చెప్పాను. పక్కపక్క ఇళ్లు అయినా కూడా రెండేళ్ల వరకు తనని చూడలేదు. కానీ, సడెన్‌గా ఒకరోజు నేను కావాలని ఫోన్‌ చేసింది. ఇంతలో నాకు మా ఇంట్లో వాళ్లు పెళ్లి చేయటానికి సంబంధాలు చూడటం మొదలు పెట్టారు. ఆ అమ్మాయి ఇప్పుడు రోజూ కాల్‌ చేస్తోంది. నేను లేకుండా లేనంటోది. అప్పుడు నాకు మా చెల్లి మాటలు గుర్తుకు వచ్చాయి. ‘ అన్నా! నువ్వు ఇష్టపడిన వాళ్లను చేసుకుంటే కొందరు మాత్రమే నీతో ఉంటారు. అందరికి నచ్చిన అమ్మాయిని పెళ్లి చేసుకుంటే అందరూ నీతో ఉంటారు’ అని. అప్పుడు ఆ అమ్మాయి నాకు వద్దని డిసైడ్‌ అయ్యా. ఆ అమ్మాయి కాల్‌ చేస్తే మా అత్త కోసం ఆమెతో మాట్లాడుతున్నాను. నేను హ్యాపీగా ఉన్నాను. ఆ అమ్మాయికి నా మీద ఆశ పోయేలా చేస్తున్నాను. నా చెల్లి మాటలు నన్ను మార్చాయి. ప్రేమ అంటే అందరూ కలిసి ఉండటం! ఇద్దరు వ్యక్తులు కాదు. - రాజేష్‌ చదవండి : ఫ్రెండ్‌గా ఉండలేను.. ఎన్ని రోజులైనా ఇలానే.. ఫ్రెండ్‌గా ఉండలేను.. ఎన్ని రోజులైనా ఇలానే.. లేదా worldoflove@sakshi.comకు మెయిల్‌ చేయండి

నేను బీటెక్‌లో జాయిన్‌ అయిన కొద్దిరోజులకు క్లాస్‌లో ఓ అమ్మాయిని చూశా. అప్పటివరకు ఏ అమ్మాయిని కూడా చూసేవాడిని కాదు. సడెన్‌గా ఆమె ఎదురు రావటంతో చూడాల్సి వచ్చింది. దాంతో ప్రతిరోజూ ఆమె కోసం క్లాస్‌ మొత్తం కలియ చూసేవాడిని. అలా కొద్ది రోజులు గడిచిపోయాయి. ఆమెతో మాట్లాడదామని చాలా ట్రై చేసినా మాట్లాడేవాడినికాదు. అసలు నేను క్లాస్‌లో ఎవరితోనూ మాట్లాడేవాడిని కాదు. అలా కొద్దిరోజులు గడిచిపోయాయి. మా ఫ్రెండ్‌ ఒకడు షార్ట్‌ ఫిల్మ్‌లో నటించమని అడిగాడు. నేనూ ఆశక్తి కొద్ది సరే అన్నాను. అప్పుడు నాలో నాకు కాన్ఫిడెన్స్‌ పెరిగింది. నేను కూడా సొంతంగా ఫార్ట్‌ ఫిల్మ్‌ చేద్దామనుకున్నా. కొద్దిరోజుల తర్వాత స్టోరీ రాసి మెయిన్‌ రోల్‌ లీడ్‌ నేనే చేశా. క్లాస్‌లో కొంతమందికి పరిచయం అయ్యా. అలా కొద్ది రోజుల తర్వాత మా క్లాస్‌ సీఆర్‌తో ఆ అమ్మాయి కొంచెం క్లోజ్‌గా ఉండేది. అదే టైంలో నాకు సీఆర్‌ క్లోజ్‌ అయ్యాడు. ఒకరోజు నా బర్త్‌డేకి పెట్టే ఖర్చుతో ఓల్డేజ్‌ హోమ్‌లో భోజనాలు పెట్టించాలని ఫిక్స్‌ అయ్యా. అదే విషయం సీఆర్‌కు చెప్పా. తను కూడా అనుకోకుండా అక్కడకు వచ్చింది. ఆమె నా ఫోన్‌ నెంబర్‌ తీసుకుని నాతో ఆడుకుంది. తర్వాత నాకు నిజం చెప్పింది. నేను నా స్టేటస్‌ ద్వారా నా ఇష్టాన్ని ఆమెకు చెప్పే వాడిని. ఓ రోజు అడిగింది ‘ అవి నా కోసమేగా’ అని. అవునన్నా. ‘నాకు ఇవన్నీ ఇష్టం ఉండవు. మనం ఫ్రెండ్స్‌ మాత్రమే’ అంది. ‘ఫ్రెండ్‌గా నేను ఉండలేను. ఎన్నిరోజులైనా ఇలానే ఉంటా’ అని చెప్పా. తర్వాత నన్ను అవాయిడ్‌ చేసింది. నా మీద కోపం ఎక్కువైంది. నేను క్లాస్‌కి కూడా సరిగా వెళ్లేవాడిని కాదు. వేరే కాలేజీలో కాంపిటీషన్స్‌​ ఉంటే అ‍క్కడికి వెళ్లాలని అనుకున్నా. ఒక్కడినే ఎందుకని తోడు కోసం మా క్లాస్‌లో ఒకడికి చెప్పా. వాడు అమ్మాయిలతో చర్చించాడు. ఆమె కూడా క్విజ్‌కు రావాలనుకుని వచ్చింది. ఆ రోజు మొత్తం కలిసి ఉన్నాం. అక్కడినుంచి కొంచెం క్లోజ్‌ అయ్యాం. థర్డ్‌ ఇయర్‌కు వచ్చేసరికి మరింత క్లోజ్‌ అయ్యాం. అప్పుడు మళ్లీ నా ప్రేమ ప్రస్తావన తెచ్చా. తను కొద్దిసేపు ఆలోచించి‘ నువ్వంటే నాకు ఇష్టమే కానీ, ఇంట్లో సమస్యల వల్ల చెప్పలేకపోయా. నేను దూరంగా ఉంటే నువ్వు మర్చిపోతావనుకున్నా. నా కోసం వెయిట్‌ చేస్తావనుకోలేదు.’ అంది. అప్పటినుంచి ఒకరిని విడిచి ఒకరం ఉండలేదు. - లోకేష్‌ లేదా worldoflove@sakshi.comకు మెయిల్‌ చేయండి

నేను ఇంటర్మీడియట్ చదువుతున్న రోజులవి. కో ఎడ్యుకేషన్ కాలేజి. తడబడుతున్న అడుగులతో క్లాస్ రూమ్‌లోకి అడుగు పెట్టగానే ఒక్కసారిగా శరీరమంతా కంపించింది. అప్పటివరకు కేవలం ఆడపిల్లలతో కలసి చదువుకున్న నేను! అబ్బాయిల మధ్య నుండి నడుస్తూ బెంచ్ దగ్గరకు వెళ్తుంటే ఎన్నో కిలోమీటర్లు నడుస్తున్నట్లుగా అనిపించింది. క్లాస్లో ప్రక్క బెంచ్లో ఒక పొడుగాటి అబ్బాయి. మొహం సరిగ్గా చూడలేదు. క్లాస్ అయిపోయాక బాయ్స్‌ అందరూ బయటకు వెళ్తుంటే వెనుకనుండి చూశాను. అందంగా ఉన్నాడనిపించింది. తిరిగి అతను లోపలికి వస్తుంటే అనుకోకుండా చూపు కలిసింది. ‘ఛ.. ఛ.. ఏమనుకుంటాడో’ అని చూపు తిప్పుకున్నాను. గమనించినట్టున్నాడు.. పలకరింపుగా నవ్వాడు. భయం వేసింది. ఇప్పట్లా హలో, హాయ్‌, ఒరేయ్, ఒసేయ్ తెలియని రోజులవి. ఇంటర్ సగం రోజులు అయితేనే గానీ కనీసం పలకరించుకోవడం కూడా జరగలేదు. ప్రతి రోజు క్లాస్‌లోకి రాగానే అతను వచ్చాడా? లేదా? అని చూడడం నాకు తెలియకుండానే అలవాటైపోయింది. అతను కూడా నాకు లానే నన్ను గమనించేవాడనుకుంటా. వెంటనే పలకరింపుగా అతని పెదవులు విచ్చుకునేవి. ఒక రోజు అతను కాలేజ్‌కి రాలేదు. ఏదో వెలితిగా అనిపించింది. మర్నాడు వచ్చాడు. కొద్దిసేపయ్యాక, ముందు రోజు క్లాస్‌లో చెప్పిన ఇంగ్లీష్ నోట్స్ ఇవ్వగలరా అని నెమ్మదిగా అడిగాడు. ఇచ్చాను. కానీ మనసులో భయం. నా బుక్ అతని దగ్గర ఉన్నట్టు ఎవరైనా చూస్తే బాగుండదేమో అని. మర్నాడు జాగ్రత్తగా తెచ్చి ఇచ్చేశాడు. తర్వాతనుంచి ఎక్కడైనా కన్పిస్తే పలకరింపుగా నవ్వేవాడు. తిరిగి నవ్వడానికి కూడా భయమే. అప్పుడప్పుడు మాట్లాడ్డానికి ట్రై చేసేవాడు. అంతకు మించి మా పరిచయం ముందుకు సాగలేదు.  సాగలేదు అనడం కరెక్ట్ కాదేమో.. నేనే కొనసాగించలేదేమో అని ఇప్పుడు అన్పిస్తుంది. అప్పటి సామాజిక పరిస్థితులు, నేను పెరిగిన వాతావరణం నన్ను అలా భయ పెట్టేవి. ఇంటర్మీడియట్ అయిపోతుండగా ఏదో బాధ. ఇక ఎవరి దారి వారిదే కదా అని. ఫైనల్‌ ఎక్షామ్స్‌ దగ్గర పడుతుండగా ఒకరోజు సడెన్‌గా, ‘మీరు ఏమీ అనుకోకపోతే మీ ఫొటో ఒకటి ఇస్తారా’ అని అడిగాడు. గుండె చాలా స్పీడ్‌గా కొట్టుకుంది. అంత ధైర్యంగా ఎలా అడిగాడబ్బా అనుకున్నా. మనసులో ఇవ్వాలనుంది. కానీ పిరికితనం. మా ఇద్దరి గురించి ఎవరైనా రూమర్స్ స్ప్రెడ్ చేస్తారేమో అని. కానీ అప్పటికే మా క్లాస్లో కొంతమంది కేవలం మా చూపుల పరిచయానికే ఒక కథ అల్లేశారని నాకు తర్వాత తెలిసింది. అయినా నాకు అంత ధైర్యం ఎలా వచ్చిందో ఒక ఫోటో ఇచ్చాను. స్పామ్‌ బుక్‌లో కూడా అతను 'మీ గురించి ఆలోచించే వారి గురించి మీరు మర్చిపోరని ఆశిస్తూ ' అని వ్రాశాడు. ఇన్ని సంవత్సరాలైనా ఇంకా ఆ కొటేషన్ నాకు గుర్తుండిపోయింది. నేను కూడా కొంచెం చొరవ చూపిస్తే మా పరిచయం కొంచెం ముందుకు సాగి వేరే విధంగా ఉండేదేమో కానీ, నా వల్లే కేవలం నా వల్లే మాది చెరో దారి అయిపోయిందని ఇప్పటికీ నాకు అన్పిస్తూ ఉంటుంది. సోషల్ మీడియా, సెల్ కెమెరాలు, ఫోన్ చేసుకోవడం తెలియని జనరేషన్ మాది. మొదటి పరిచయంలోనే క్లోజ్‌గా మూవ్‌ అవడం, మోకాళ్ల మీద కూర్చుని రోజా పువ్వులు ఇచ్చుకోడం అంటారా.. ఆ సమస్యే లేదు. కానీ, ఆ తెలిసీ తెలియని అమాయకత్వపు చూపులలో ఎన్నో అర్థాలు, ఎంతో ప్రేమ, ఎంతో బాధ, ఎంతో స్నేహపూరితమైన వాత్సల్యం అన్నీ కలగాపులగంగా గుర్తొచ్చినప్పుడు మనసులో తీయటి బాధ. - కుమారి లేదా worldoflove@sakshi.comకు మెయిల్‌ చేయండి

నేను తొమ్మిదవ తరగతిలో ఉండగా ఇంటి ముందు ఉండే అబ్బాయి ప్రపోజ్‌ చేశాడు. ఏమీ తెలియని వయసు.. ఆకర్షణ కారణంగా అతడికి ఓకే చెప్పేశా. అలా స్టడీస్‌ కొనసాగిస్తూ వచ్చాం. అదేంటో తెలియదు కానీ, నేను అతడ్ని ఓకే చేసినా అతడి మీద ఎలాంటి ఫీలింగ్స్‌ కలగలేదు. ఒకరోజు ఇద్దరికీ పెద్ద గొడవ జరిగింది. ఎంతలా అంటే లైఫ్‌లో మళ్లీ మేము కలువకూడదు అనుకునేంతలా. ఆ తర్వాత ఇద్దరం విడిపోయాం. చాలా హ్యాపీగా వెళ్లిపోతోంది లైఫ్‌. బీటెక్‌ జాయిన్‌ అయ్యాను. అప్పడు వేరే ఫ్రెండ్‌ ద్వారా ఒకతను పరిచయం అయ్యాడు. ఇద్దరం సేమ్‌ కాలేజ్‌. తను డిగ్రీ, నేనేమో బీటెక్‌. ఊహించని విధంగా ఇద్దరి ఇళ్లూ దగ్గరే.. పైగా ఇద్దరి పుట్టిన రోజులు ఒకే నెలలో. సడెన్‌గా ఒకరోజు ప్రపోజ్‌ చేశాడు. నేను రెండు రోజుల టైం అడిగాను. ఆ తర్వాత ఒప్పుకున్నా. తనని చూస్తే ఎంతో సంతోషంగా ఉండేది. మేమిద్దరం కలుసుకున్నది, మాట్లాడుకున్నది చాలా తక్కువసార్లు. అసలు ఏమీ చెప్పకుండా డిగ్రీ అయిపోగానే వెళ్లిపోయాడు. నాకు ఎప్పుడూ తన జ్ఞాపకమే. నా మనసు డిగ్రీ అబ్బాయి మీద ఉంటే నన్ను వదలి ఉండలేనని మొదట నాకు ప్రపోజ్‌ చేసిన అబ్బాయి నా దగ్గరకు వచ్చాడు. రెండేళ్ల తర్వాత ఇంట్లో వాళ్లకు చెప్పి.. నన్ను మొదట ప్రేమించిన అబ్బాయినే పెళ్లి చేసుకున్నా. తను బాగానే చూసుకుంటున్నాడు. నాకు తన మీద ఎలాంటి ఫీలింగ్స్‌ లేవు. ప్రతి రోజూ చస్తూ బ్రతుకుతున్నా. తను గుర్తుకు వస్తూనే ఉన్నాడు. అతడ్ని మర్చిపోవటానికి కెరీర్‌ను మంచిగా బిల్డప్‌ చేసుకోవటానికి ట్రై చేస్తున్నా. నేను పడుతున్న నరకం ఎవరూ పడకూడదు. మనల్ని ప్రేమించే వాళ్లకంటే మనం ప్రేమించే వాళ్ల దగ్గర ఉంటే హ్యాపీగా ఉంటాం. అది ఎంత కష్టమైనా. ఎందుకంటే మన మనసు వాళ్ల దగ్గర ఉంది కదా! - శ్రావణి చదవండి : విడిపోయి బ్రతకలేం! అర్థం చేసుకోండి అతడి కోసం లైఫ్‌లాంగ్‌ ఎదురుచూస్తా! లేదా worldoflove@sakshi.comకు మెయిల్‌ చేయండి

నేను పది నెలల క్రితం మా ఫ్రెండ్‌తో కలిసి మా రిలేటివ్‌ ఎంగేజ్‌మెంట్‌కి వెళ్లాను. అక్కడ మొదటిసారి సాయి పవన్‌ను చూశాను. అతడ్ని చూడగానే నాకు నా మిగితా 60 ఏళ్ల జీవితం మొత్తం ఒకసారి కళ్లముందు కనపడింది. లవ్‌ యాట్‌ ఫస్ట్‌ సైట్‌ అంటే ఏమిటో అప్పుడే తెలిసింది. ప్రశాంతంగా ఉన్న నీళ్లలోకి ఒక రాయి వేసి డిస్ట్రబ్‌ చేసినట్లు.. చదువు, ఫ్రెండ్స్‌, ఫ్యామిలీ తప్ప ఇంకేమీ తెలియని నన్ను తన నవ్వు బాగా డిస్ట్రబ్‌ చేసింది. మొదట తను మేకప్‌ బాయ్‌​ అనుకున్నా. తర్వాత తెలిసింది తను పెళ్లి కొడుకు ఫ్రెండ్‌ అని. ఎంగేజ్‌మెంట్‌ అయిన తర్వాత తను నాకు కనిపించలేదు. పెళ్లికి ఇంకా ఓ నెల సమయం ఉంది. ఆ నెల రోజులు తనను చూడటం కోసం చాలా ఎదురు చూశాను. పెళ్లి రోజునే కరెక్ట్‌గా నాకు ఫైనల్‌ ఎక్షామ్‌ పడింది. అయినా సరే అతడికోసం ఎక్షామ్‌ అవ్వగానే ఫంక్షన్‌ హాల్‌కి వెళ్లాను. తను కనిపించాడు. చూస్తూనే నిలబడిపోయా. తన ఫ్రెండ్‌ తనతో నేను చూస్తున్నా అని చెప్పాడు. తను నెమ్మదిగా నన్ను చూడటం ఇప్పటికీ గుర్తుకు ఉంది. రెండు సార్లు చూశాడు. పెళ్లి రాత్రి అవ్వటం వల్ల నేను ఆ రాత్రి మొత్తం అక్కడే ఉన్నాను. తర్వాత తన వెనకే వెళుతున్నా నన్ను చూడలేదు. అవాయిడ్‌ చేయటం స్టార్ట్‌ చేశాడు. ఆ క్షణం నా మీద నాకు దిగజారిపోతున్నానేమోనన్న ఫీలింగ్‌ కలిగింది. మ్యారేజ్‌ అవ్వగానే తనతో మాట్లాడటానికి చాలా ట్రై చేశా! కుదర్లేదు. తర్వాత తను నాకు కనిపించలేదు. ఒక అమ్మాయిని అయ్యుండి నేను నీకోసం ఇంతలా ఎదురు చూస్తున్నా. నువ్వు మాత్రం నన్ను అవాయిడ్‌ చేస్తున్నావ్‌. నేను నీ కోసం నా లైఫ్‌ లాంగ్‌ ఎదురు చూస్తా.  ఐ మిస్‌ యూ సాయి!  - మధు, హైదరాబాద్‌ చదవండి : పెళ్లి చేసుకుందాం.. నువ్వు రాగలవా? ఆమె మీద అసహ్యం లేదు.. లేదా worldoflove@sakshi.comకు మెయిల్‌ చేయండి

నేను ఐదవ తరగతి చదువుతున్నపుడు మొదటిసారి తనని చూశాను. ఆ రోజు తను వేసుకున్న డ్రెస్‌ నాకిప్పటికీ గుర్తుంది. ఆమెను చూడగానే మనసు పారేసుకున్నా. తను తమిళనాడుకు చెందిన అమ్మాయి. ఆంధ్రలో ఉంటున్న వాళ్ల బంధువుల ఇంట్లో ఉండేది. తను మాతో కలిసి కూర్చునేది. తమిళనాడులోని వాళ్ల కుటుంబాన్ని ఎంత మిస్సవుతుందో చెప్పుకునేది. తను చాలా సున్నిత మనస్కురాలు. నాతో ఏడవ తరగతి వరకు చదువుకుంది. ఆ ఏజ్‌లో అది ప్రేమ అని చెప్పటానికి లేదు కానీ, తన మీద ఏదో మాటల్లో చెప్పలేని ఆరాధనా భావం. ఏడు తర్వాత మేము వేరుపడ్డాం. మా సెక్షన్లు వేరువేరు. పదవ తరగతి తర్వాత తనను చూడలేదు. చాలా రోజుల తర్వాత డిగ్రీలో తనను కలిశాను. ఏది ఏమైనా వేరే అమ్మాయి వంక నేను కన్నెత్తికూడా చూడలేదు. నాకంత ఆసక్తి కూడా ఉండేది కాదు. తన రూపం నా గుండెల్లో ముద్రపడిపోయింది. నా ప్రేమను ఆఖరికి నా క్లోజ్‌ ఫ్రెండ్స్‌కు కూడా చెప్పుకోలేదు. వయస్సు పెరుగుతున్న కొద్ది తన మీద నాకున్న భావాలు ఇంకా గట్టిపడసాగాయి.  తర్వాత ఆర్థిక పరిస్థితులు బాగోలేక జాబ్‌లో జాయిన్‌ అయ్యాను. తను కనిపించదని తెలిసినా నేను వాళ్ల ఇంటి వైపు నుంచి నడుచుకుంటూ వెళ్లే వాడిని. ఓ రోజు నాకు ఓ తెలియని నెంబర్‌ నుంచి ఫోన్‌ వచ్చింది. ఫోన్‌ ఎత్తి మాట్లాడాను. తనే ఫోన్‌ చేసింది. షాక్‌ అయ్యాను. కళో! నిజమో! అర్థం కాలేదు. సంతోషంతో ఉక్కిరిబిక్కిరి అయ్యాను. తను నా నెంబర్‌ ఎలా కనుక్కుందో నాకు తెలియదు. నాకు నమ్మకం ఉండింది. నిజమైన ప్రేమకు భగవంతుడు తప్పక దారి చూపిస్తాడని. డబ్బు సంపాదన కోసం నేను మలేషియా వెళ్లినప్పటికి ఫోన్‌లో టచ్‌లో ఉండేవాళ్లం. ఎన్నో ప్లాన్‌ వేసుకుని వెళ్లాను. కానీ, ఓ సంవత్సరం తర్వాత వెనక్కు వచ్చేశాను. దూరంగా ఉండేసరికి మా బంధం మరింత బలపడింది. నాకు మా ఇంట్లో, బంధువుల్లో, చుట్టుప్రక్కల అమాయకుడినని పేరుంది. అయితే తన ఇంట్లో సంబంధాలు చూస్తున్నారని తెలిసి పారిపోదామని అంది. మేము పారిపోయి పెళ్లి చేసుకున్నాం. దీంతో మా బంధువులు, ఫ్రెండ్స్‌ షాక్‌ అయ్యారు. కొద్దిరోజులకు వాళ్ల కుటుంబం మా పెళ్లిని అంగీకరించక తప్పలేదు. నేను చాలా సంతోషపడ్డాను.  పెళ్లి తర్వాత తన ఇష్టాలకు ఎప్పుడూ అభ్యంతరం చెప్పలేదు. కొన్నిసార్లు మా తల్లిదండ్రుల ఇష్టాలకు వ్యతిరేకంగా వెళ్లాను. కొన్ని రోజులు మా ఇంట్లో ఉండి తర్వాత వాళ్ల ఇంటికి వెళతానంది. నేను ఒప్పుకున్నాను. మూడు నెలలు గడిచిన తర్వాత ఓ రోజు వాళ్ల ఇంటికి వెళ్లాను. వాళ్లు ఇంట్లోకి రానివ్వలేదు. మరుసటిరోజు విడాకులు పంపింది. నాకు ఆస్తి, అంతస్తులు లేని కారణంగా తను నన్ను వదిలిపెట్టి వెళ్లిపోయింది. దీంతో నేను మళ్లీ దేశం విడిచిపెట్టివెళ్లిపోయాను. ఆ బాధనుంచి బయటపడలేకపోతున్నాను. కాలం మనసుకైన గాయాలను మాన్పుతుందని నా స్నేహితులు అన్నారు. కానీ, అలా జరగలేదు. నేనో పిచ్చోడిలా బ్రతుకుతున్నా. ప్రపంచం నానుంచి దూరం అయ్యింది. ఒంటరిగా కాలం వెల్లదీస్తున్నా. నాకు ఆమె మీద అసహ్యం లేదు. ఇప్పటికీ ప్రేమిస్తూనే ఉన్నా.  - ఇర్ఫాన్‌ రషీద్‌ ​​​​​​ లేదా worldoflove@sakshi.comకు మెయిల్‌ చేయండి

అది 2003! అప్పుడప్పుడే ఇండియా క్రికెట్ వరల్డ్ కప్ ఓటమి బాధలోనుంచి బయటకొస్తున్న రోజులు. నేను ఆరవ తరగతి వరకు ఒక స్కూల్లో చదువుకుని ఏడవ తరగతికి వేరే స్కూల్లో చేరుదామని వెళ్లాను. అప్పుడు లంచ్ టైం! స్కూల్లో అందరు స్టూడెంట్స్ హడావుడిగా పరిగెత్తుతున్నారు. అందులో ఓ అమ్మాయి మీదకు నా చూపు వెళ్లింది. అప్పుడే నాకు జీవితంలో తొలిసారి ప్రేమంటే ఏంటో తెలిసింది(ఆ ఏజ్‌లో దాని ప్రేమ అంటారు అని కూడా సరిగ్గా తెలియదు). ఆ క్షణానే నా గుండెల్లో తన గుర్తు పడిపోయింది. తరువాతి రోజు నుంచి కొత్త స్కూల్కి వెళ్తుంటే చాలా సంతోషించా. ఎందుకంటే మళ్లీ ఆ అమ్మాయిని చూడొచ్చు కదా అని. కానీ, నాకు ఆ అమ్మాయి క్లాస్ ఏంటి, పేరేంటి అని ఎలాంటి వివరాలు తెలియవు. మొత్తానికి తరువాతి రోజు కొత్త స్కూలుకి వెళ్లాను. నన్ను మా మేడం క్లాస్‌కు పరిచయం చేసి, వెళ్లి అక్కడ కూర్చో అని ప్లేస్ చూపించింది. వెళ్లి కూర్చున్నాను. పక్కన చూస్తే అదే అమ్మాయి. వావ్ అనుకున్నా. దేవుడా! నువ్వు ఉన్నావు అనుకుని చాలా ఆనందపడ్డ మనసులో. ఆ రోజు మొత్తం అలా ఆ అమ్మాయినే చూస్తుండిపోయా. అలా అలా టెన్త్‌ క్లాస్ కూడా అయిపొయింది, ఈ నాలుగేళ్లు అమ్మాయితో బాగానే మాట్లాడేవాడిని కానీ, ఎప్పుడూ దైర్యం చేసి ‘నువ్వంటే ఇష్టం, పేమిస్తున్నాను’ అని చెప్పలేకపోయాను. అప్పట్లో నేను చాలా భయస్తుడిని అందుకే చెప్పలేకపోయా. ఇంటర్‌కు వచ్చాము! తాను వేరే కాలేజీ, నేను వేరే కాలేజీ. రెండేళ్లు మళ్లీ మాట్లాడటానికి కుదరలేదు. సరిగ్గా ఇంటర్ అయిపోయాక ఎంసెట్ ఎగ్జామ్ రాయడానికి హైదరాబాద్ బయలుదేరాను. బస్సులో వెళ్లడానికి బస్టాపుకి వెళ్లాను. అక్కడ తను కనిపించింది. తను కూడా ఎంసెట్ ఎగ్జామ్ రాయడానికి హైదరాబాద్ వెళుతోంది. ఇద్దరం ఒకే బస్సులో వెళ్లాము. రెండేళ్ల తరువాత మాట్లాడాను. మళ్లీ కాంటాక్ట్ నెంబర్‌ తీసుకోకుండానే మిస్ అయిపోయాను. తను గ్రాడ్యుయేషన్‌కు వేరే కాలేజీ, నేను వేరే కాలేజీ. ఆర్కుట్ రోజులు అవి. ఆర్కుట్లో తన కాంటాక్ట్ దొరికింది. ఇంకా అప్పుడప్పుడే ఎఫ్‌బీ వాడుతున్న రోజులు అవి. ఆర్కుట్లో, ఎఫ్‌బీలో చాట్ బాగానే చేసేవాడిని. కానీ, అప్పుడు కూడా దైర్యం చేసి చెప్పలేకపోయా. మొత్తానికి గ్రాడ్యుయేట్ అయిపోయింది. తను మాస్టర్స్ చదవడానికి ఫారిన్ వెళ్లింది. తన చదువు అయిపోయింది, పెళ్ళి కూడా అయిపోయింది. నేను కూడా ఇప్పుడు ఫారిన్లో జాబ్ చేస్తున్నా. ఇంకా పెళ్లి చేసుకోలేదు. ఇప్పటికీ ప్రతిరోజూ బాధపడుతుంటా ఈ పదహారేళ్లలో ఒకసారైనా దైర్యం చేసి చెప్పి ఉండాల్సింది ‘నువ్వంటే నాకిష్టం’ అని. - టింకు, భువనగిరి లేదా worldoflove@sakshi.comకు మెయిల్‌ చేయండి

ఎలా వచ్చిందో తెలియదు కానీ, నా జీవితంలోకి వెలుగులా వచ్చింది తను. అప్పటికే లవ్‌ ఫేయిల్యూర్‌ అయి అంధకారంలో ఉన్న నన్ను తను వెలుగులోకి తీసుకొచ్చింది. నేను డిగ్రీ ఫైనల్‌ ఇయర్‌ అయిపోగానే ఫ్రెండ్స్‌తో కలిసి బీచ్‌కి వెళ్లి వచ్చా.  అయితే అక్కడ మొదలైంది నా లవ్‌ స్టోరీ. అప్పటి వరకు ఫ్రెండ్‌ అనుకున్నా తనని కానీ, ఆ చివరి నిమిషంలో నన్ను వదలి వెళ్లిపోయింది. తను వదలి వెళ్లిపోయిన తర్వాత నాకు అర్థం అయ్యింది. తనను నేను ప్రేమిస్తున్నానని. తను వెళ్లిపోయిన తర్వాత నాకు ఫోన్‌ కూడా చేయలేదు. కానీ, నేను తన లోకంలో తప్ప ఇక ఏ లోకంలో లేను. సడెన్‌గా అప్పుడు మెసేజ్‌ చేసింది. ఇక నా ఆనందానికి అవధులు లేవు. కానీ, ఆ ఆనందం ఎక్కువ రోజులు నిలువలేదు. తర్వాత తనతో రోజూ మాట్లాడేవాడిని. తన ఫోన్‌ మాట్లాడకుండా నాకు రోజు ముగిసేది కాదు. అది అలా వుండగా ఇక తనకి నేను ఫిబ్రవరి 14న ప్రపోజ్‌ చేద్దామనుకున్నా. తనకు కాల్‌ చేశాను. నా ప్రపోజల్‌తో తనకు షాక్‌ ఇద్దాం అనుకుంటే తనే నాకు పెద్ద షాక్‌ ఇచ్చింది. వేరే ఎవరో తనని లవ్‌ చేస్తున్నాడంట. అతడికి ఒకే చెప్తున్నానని అంది. ఇక ఆ క్షణం నాకు ఏడుపు ఆగలేదు. చచ్చిపోదాం అనుకున్నా. కానీ, మా అమ్మకు నేను ఒక్కడినే.. తను నా మీద పంచ ప్రాణాలు పెట్టుకుంది. అంతే చావును క్యాన్సిల్‌ చేశా. కానీ, తనతో మాట్లాడకుండా ఉండలేకపోయా. ఏం చెయ్యాలో అర్థం కాని పరిస్థితి. ఇక అక్కడ ఉండలేక జాబ్‌ చేసుకుందామని హైదరాబాద్‌ వచ్చేశా. కానీ, తనంటే ఇష్టాన్ని మాత్రం తగ్గించుకోలేకపోయా. సరే ఎప్పటికయినా అర్థం చేసుకుంటుందిలే అని ఒక చిన్న ఆశతో ఎదురు చూశాను. ఇక ఆ పరిస్థితిలో నేను కోలుకోలేని స్థితికి చేరిపోయా. అయినా ఎలా చెప్పను తనకు‘నువ్వంటే నాకిష్టం’అని. పగిలిన నా హృదయాన్ని అతికించి మరీ పగుల గొట్టిన తన గురించి ఏమని చెప్పాలి. అప్పటినుంచి తను నాకు పరిచయం చేసిన నవ్వులను ఎవరో నానుంచి లాక్కొని వెళ్లిపోయినట్లు అనిపించింది. తరువాత తను వాళ్ల లవర్‌ చెప్పినట్లు వింటూ నా నెంబర్‌ను బ్లాక్‌ చేసింది. నన్ను ఒక క్యారెక్టర్‌ లేని వాడ్ని చేసింది. ఇక ఆ క్షణం మొదలైన నా కన్నీటి ధార ఇంత వరకు ఆగలేదు. నన్ను అవాయిడ్‌ చేస్తోంది. నా కాల్స్‌ లిఫ్ట్‌ చెయ్యడం లేదు. ఒక రోజు తనను మర్చిపోవటానికి డ్రింక్‌ చేశాను. ఇక నా రాత అంతే! నేను ఎవరిని ఇష్టపడినా నాకు దూరమవుతుంటారని ఫిక్స్‌ అయ్యా. ఇక అందరితో కలవడం మర్చిపోయా. నా పనిలో నేను ఉన్నా కానీ, తనని మర్చిపోలేకపోయే వాడిని. తనని లవ్‌ చేసుంటే మర్చిపోయేవాడిని. కానీ, తనను మా అమ్మ అనుకున్నాను. కొంత కాలానికి తను మళ్లీ కాల్‌ చేసింది. చాలా హ్యాపీగా చాలా అంటే చాలా. అంతలోనే అనుమానం. మళ్లీ తను నానుంచి దూరంగా వెళ్లిపోతుందేమో అని భయం. అది గుర్తుకు రాగానే భయం వేసింది. అయిష్టంగానే మాట్లాడా కానీ, ఉన్న ప్రేమ దాచుకోలేకపోయా. నా ప్రేమను తనకు ఎలా చూపించాలో నాకు తెలియదు. అప్పుడు తను నన్ను ఓ మాట అడిగింది. ‘నేను లవ్‌ చేస్తున్న అబ్బాయి అంటే నీకు ఎందుకు కోపం’ అని..  నేను మౌనంగా ఉండిపోయా...  - దేవీ ప్రసాద్‌ లేదా worldoflove@sakshi.comకు మెయిల్‌ చేయండి

నేను పదవ తరగతి చదివేటప్పుడు ఒక అమ్మాయిని లవ్‌ చేశా. ఆమె అంటే నాకు ప్రేమ.. ఆకర్షణ ఏదో తెలియదు. ఆమెకు కూడా నేనంటే పిచ్చి ప్రేమ. మా ఫ్రెండ్స్‌ చాలా హెల్ప్‌ చేసే వాళ్లు మాకు. చాలా రోజులు ఒకరితో ఒకరం బాగా మాట్లాడుకునే వాళ్లం. కానీ, ఆమెది మా కంటే కొంచెం తక్కువ కులం! అందుకే ఆమెను అవాయిడ్‌ చేయటం​ మొదలుపెట్టాను. ఆమె చాలా బాధపడేది. మా ఫ్రెండ్స్‌తో కాల్‌ చేయించేది. అలా వాళ్ల అక్కకు కూడా చెప్పింది. తను కాల్‌ చేసి ‘మా అక్కకు నువ్వంటే చాలా ఇష్టం. పెళ్లి చేసుకో’ అంది. అప్పుడు నేను‘‘కుదరదు! ఏదో ఆకర్షణతో అలా అనిపించింది. మాది లవ్‌ కాదు’’ అన్నాను. కానీ, నేను ఆమెను నేను నిజంగా ప్రేమించాను. కులం కారణంగా నేను ఆమెను వదులుకున్నాను. నేను ఎప్పటికీ బాధపడుతూనే ఉంటా. నా లైఫ్‌లో ఆమె ఒక స్వీట్‌ మెమొరీ. ఎందుకు మిస్‌ అయ్యానా అని ఫీల్‌ అవుతూ ఉంటాను. నన్ను ఎప్పుడు చూసినా ఆమె కళ్లల్లో ప్రేమ కనిపిస్తుంది. నాకు ఇప్పుడు పెళ్లైంది. తను ఇంకా చేసుకోలేదు.  - భగవాన్‌ చదవండి : నాతో వస్తే తను కూడా అనాథలాగా బ్రతకాలి మగవారిని ఇబ్బంది పెట్టే అంశాలివే లేదా worldoflove@sakshi.comకు మెయిల్‌ చేయండి

నేనో మిడిల్‌ క్లాస్‌ అబ్బాయిని. చిన్నప్పటినుంచి అమ్మానాన్న లేకపోవటం వల్ల చుట్టాల ఇంట్లో ఉండాల్సి వచ్చింది. వారి అరకొర ప్రేమతో విసిగిపోయాను. అక్క పెళ్లి చేయాలని బ్యాంక్‌ ఉద్యోగం సెలెక్ట్‌ చేసుకున్నా. ఆ జర్నీలో స్నేహ నాకు పరిచయం అయ్యింది. ఒక సంవత్సరం తనకు బాగా దగ్గరైన తర్వాత ‘పెళ్లి చేసుకుందామా’ అని అడిగా. ప్రపోజ్‌ ఇలా చేయోచ్చో లేదో నాకు తెలియదు కానీ, తనను చూస్తే అదే అనిపించింది. అమ్మలేని లోటు తన వల్ల తీరుతుందని అనిపించింది. బాధ్యతలు పక్కకు పెట్టకుండా అప్పులు చేసి అక్క పెళ్లి చేశా. ఈ జర్నీలో తను, నా ఫ్రెండ్స్‌ నాకు చాలా సపోర్ట్‌గా నిలిచారు. అక్క పెళ్లి తర్వాత ఆర్థిక ఇబ్బందులు బాగా పెరిగాయి. వాళ్ల ఇంట్లో కూడా టెన్షన్‌ పెరిగింది.  ఆ టెన్షన్‌​ తగ్గించటానికి వాళ్ల ఇంటికి వెళ్లి మాట్లాడాను. అంతా ఒకే అయ్యాక వాళ్లింట్లో ఒప్పుకున్నారు. కానీ, కులాలు వేరు. నా ఫ్యామిలీ గురించి అడిగారు! చెప్పలేకపోయాను. బంధులను చాలా మందిని కలిశాను. ‘పెళ్లి చేసుకుంటున్నాను సపోర్ట్‌గా ఉండండి’ అని. ఎవరూ సపోర్ట్‌ రాలేదు. అప్పుడర్థమైంది.. ప్రేమకు ఇద్దరు వ్యక్తులు అవసరం కానీ, పెళ్లికి మాత్రం రెండు కుటుంబాలు కావాలి అని. అలా రెండేళ్లు గడిచాయి. ఆర్థిక ఇబ్బందులు బాగా పెరిగాయి. హ్యాండిల్‌ చేయలేకపోయా. సింగిల్‌గా వెళ్లిపోయి పెళ్లి చేసుకునే ఆలోచన మంచిది కాదు అనిపించింది. కానీ, నాకు ఎలాగూ పేరెంట్స్‌ లేరు. నాతో వస్తే తను కూడా అనాథలాగా బ్రతకాలి. అయినా రెండు ఫ్యామిలీస్‌ను ఒప్పించి పెళ్లి చేసుకోవటం చాలా కష్టంగా మారింది. రెండు ఫ్యామిలీస్‌ని బాధపెట్టలేను. అక్క, వాళ్ల పిల్లల బాధ్యత నా మీద ఉంది. దీంతో తనతో పెళ్లికి ఆగిపోయాను. తను ఇప్పుడు వేరే అబ్బాయిని పెళ్లి చేసుకుని హ్యాపీగా ఉంది. నేను ఇంకా ముందుకు సాగాలి. ఈ మధ్యలో నా ఫ్రెండ్స్‌ నా కుటుంబంలా తోడుగా ఉన్నారు. - సత్యసాయి లేదా worldoflove@sakshi.comకు మెయిల్‌ చేయండి

మొదటిసారి ఫంక్షన్‌లో కలిశాను తనను. బావ అవుతాడు నాకు. చాలా సరదాగా మాట్లాడేవాడు. అతనంటే చాలా ఇష్టం నాకు. అతనికి కూడా నేనంటే చాలా ఇష్టం. ఆ సమయంలో అతడు డిగ్రీ చదువుతున్నాడు. నేను మాత్రం స్కూల్‌ చదువుతున్నాను. బావ, నేను ఫోన్‌లో మాట్లాడుకునే వాళ్లం. అంతా బాగానే ఉంది అనుకునే సమయానికి బావ వాళ్ల డాడీ అప్పులు చేయటం వల్ల ఊరు వదిలి వెళ్లిపోయారు. తర్వాత కొన్ని రోజులు మాట్లాడుకోలేదు. కొన్ని రోజుల తర్వాత మళ్లీ ఫోన్‌లో మాట్లాడుకోవటం మొదలుపెట్టాం. కానీ, అదే సమయంలో నాకు పెళ్లి చూపులు చూడటం మొదలుపెట్టారు. మా నాన్నతో మా ప్రేమ విషయం చెప్పేంత ధైర్యం నాకు లేదు. చెప్పినా కూడా నాన్న వాళ్లు పెళ్లికి ఒప్పుకోరు. అందుకే బావతో ‘నన్ను మర్చిపో బావ’ అని చెప్పాను. కానీ, బావ నన్ను అర్థం చేసుకున్నాడు. ‘నా దగ్గర డబ్బులేనందకు నన్ను మర్చిపో అంటున్నావ్‌ కదా?’ అని అడిగాడు. నేను ఎప్పటికీ నిన్ను మర్చిపోను బావ. - ఈశా, సికింద్రాబాద్‌ చదవండి : ఆయన చాలా నీచంగా మాట్లాడాడు అందుకే వాళ్లు నన్ను రిజెక్ట్‌ చేశారు లేదా worldoflove@sakshi.comకు మెయిల్‌ చేయండి

నాది పశ్చిమ గోదావరి జిల్లా. నేను వైజాగ్‌లో జాబ్‌ చేస్తున్నపుడు ఓ అమ్మాయి వాట్సాప్‌ ద్వారా పరిచయం అయ్యింది. ఆ పరిచయం ద్వారా కొన్ని నెలల తర్వాత నేను తనకు ప్రపోజ్‌ చేశా. కొద్ది రోజుల తర్వాత తను నా ప్రపోజల్‌ను అంగీకరించింది. అప్పుడు నాకర్థమైంది తను నాకంటే ఏజ్‌లో చాలా చిన్నదని. నేనో రోజు ‘నీకు నాకు మధ్య చాలా ఏజ్‌ గ్యాప్‌ ఉంది. ప్రేమ గీమా వద్దు’ అన్నాను. అప్పుడు తను ‘నువ్వు లేకపోతే నేను చచ్చిపోతా’ అని అంది. అలా కొద్దిరోజులు గడిచిన తర్వాత నేను పూణెకు ట్రాన్స్‌ఫర్‌ అయ్యా. అప్పుడు ఈ విషయం గురించి తను వాళ్ల అమ్మకు చెప్పింది. వాళ్ల అమ్మ మాకు బాగా సపోర్ట్‌ చేసింది. ‘నా భర్తకు చెప్పి మీ పెళ్లి చేయిస్తాను’ అని మాట ఇచ్చింది. పూణెలో జాబ్‌ చేస్తున్న నేను జాబ్‌ వదిలేసి వాళ్ల డాడ్‌ దగ్గరకు వచ్చా. ఆయన వెంట ఉంటే తన కూతురికి నాకు పెళ్లి చేస్తామని అన్నారు. రెండు నెలల తర్వాత మా ఫ్యామిలీని తీసుకురమ్మన్నారు. మా పెళ్లికి వాళ్ల నాన్న మొదట సరే అన్నారు. ఏం అయ్యిందో ఏమో తెలియదు కానీ, కొద్దిరోజుల తర్వాత ఆయన చాలా నీచంగా మాట్లాడాడు. ఇవన్నీ తెలిసినా వాళ్ల అమ్మ చాలా కామ్‌గా ఉండిపోయింది.   నేనంటే నీకు ఇష్టమా లేదా అని తనను అడిగా ఫైనల్‌గా! అప్పుడు కూడా నేనంటే ఇష్టమే అని చెప్పింది. మరి మీ నాన్నకు చెప్పు అంటే చెప్పను అంది. అప్పుడర్థమైంది వాళ్లు నాతో గేమ్స్‌ ఆడుతున్నారని. రెండేళ్ల నుంచి నన్ను లవ్‌ చేస్తున్నా అని నమ్మించి పెళ్లి చేసుకున్న తర్వాత వదిలిపెట్టిపోయింది. అయినా నాకు తన మీద ప్రేమ తగ్గలేదు. నేను తనతో మాట్లాడిన మాటలు, తిరిగిన ప్రదేశాలు అన్నీ ఇప్పటికీ గుర్తుకు వస్తాయి. నాకు పిచ్చి ఎక్కినట్లు ఉంది. - జాన్‌ హైడ్‌ చదవండి : అందుకే వాళ్లు నన్ను రిజెక్ట్‌ చేశారు అలా చేస్తే మొదటికే మోసం లేదా worldoflove@sakshi.comకు మెయిల్‌ చేయండి

నేను దాదాపు 10 పెళ్లి చూపులకు వెళ్లాను! అమ్మాయిల్ని చూశాను. కొంతమంది అమ్మాయిలు నన్ను రిజెక్ట్‌ చేశారు. మరికొంతమందిని నేను రిజెక్ట్‌ చేశాను. ఆ తర్వాత ఓ అమ్మాయిని చూడటానికి వెళ్లా. చూడగానే నచ్చేసింది. వాళ్లు కూడా నన్ను నచ్చారు. ఐదు రోజుల తర్వాత వాళ్ల నాన్న, పెదనాన్న మార్నింగ్‌ మా ఇంటికి వచ్చారు. మాకు జాతకాలు కలిశాయని చెప్పారు. నేను చాలా సంతోషపడ్డాను. అదే రోజు సాయంత్రం వాళ్ల కుటుంబం అంతా కలిసి మా ఇంటికి వచ్చారు. మళ్లీ కట్న కానుకలు మాట్లాడుకుని వెళ్లిపోయారు. అదే రోజు రాత్రి 8:15కు ఆ అమ్మాయి నాకు వాట్సప్‌లో హాయ్‌ అని మెసేజ్‌ పెట్టింది. అలా చాట్‌ చేసుకున్నాం.. గంటలు గంటలు మాట్లాడుకున్నాం. 20రోజుల తర్వాత వాళ్ల నాన్న​ మాకు ఫోన్‌ చేశాడు. ‘సారీ ఏమీ అనుకోకండి! మాకు పెళ్లి చేయడానికి డబ్బు కుదరలేదు’ అన్నాడు. మా అమ్మ ఆ విషయం నాకు చెప్పింది. నాకు చాలా బాధ అనిపించింది. దాదాపు 23రోజులు నాలో నేను ఏడ్చుకున్నా. ఆ అమ్మాయికి ఎన్ని సార్లు కాల్‌ చేసినా లిఫ్ట్‌ చేయట్లేదు. మెసేజ్‌లు పెడుతుంటే వాట్సాప్‌ బ్లాక్‌ చేసింది. ‘నేను కావాలని చేయలేదు.. ఇలా అవుతుందని అనుకోలేదు’ అంది. తర్వాత తెలిసింది. మేమంటే పడనోళ్లు వాళ్లకు మా గురించి తప్పుగా చెప్పారంట. అందుకే వాళ్లు నన్ను రిజెక్ట్‌ చేశారు. ఆమెకు వేరే అబ్బాయితో పెళ్లి కూడా చేశారు. వంద అబద్దాలు ఆడి ఒ​క పెళ్లి చేయటం తప్పు. నేను ఆ అమ్మాయిని మర్చిపోలేకపోతున్నాను. ఐ మిస్‌ యూ ఐష్‌!  - మహేందర్‌, హైదరాబాద్‌ చదవండి : అలా చేస్తే మొదటికే మోసం ప్రేమే ఆమెను చంపేసింది! http://special.sakshi.com/webseries/index.php/memories 

ప్రేమ.. అజరామరం.. అనంతం.. అమృతం.. కానీ, ఆ ప్రేమ దక్కకపోతే..చాలామంది కాల గర్భంలో కలిసిపోతూ.. కన్న వారికి కన్నీలను మిగుల్చుతూ.. తిరిగి రాని లోకాలకు ప్రయాణం అవుతున్నారు. ఇది ఓ తల్లికి ప్రేమ మిగిల్చిన శోకం!  తండ్రికి మిగిల్చిన  దుఃఖం. ఇది నా స్నేహితురాలి ప్రేమకథ.. ప్రేమ కథ అనటం కన్నా కన్నీటి కథ అనాలేమో.. వర్షపు చినుకులు.. మది కోరే వెచ్చని ఊహలు.. ప్రాయం రాని వయసు.. పరువం తెచ్చిన సొగసు కలగలిపితే షాహీన్‌. మేము పదవ తరగతి చదువుతున్న రోజులవి.  ఇద్దరం స్కూలుకి నడుచుకుని వెళ్లి వస్తూ ఉండేవాళ్లం. ఉదయాన్నే ట్యూషన్‌కు వెళ్లి వస్తున్న సమయంలో ఓ చోట తన కళ్లు.. కాళ్లు కాసేపు ఆగిపోయేవి. వేణు కోసం అని మాకు తెలియలేదు చాలా రోజుల వరకు. వేణు ఒక కరెంట్ పని చేసే కుర్రాడు. ఎందుకు ఇష్టపడిందో తెలీదు కానీ చాలా ఇష్టం చూపేది. ప్రతి నోట్‌ బుక్‌ మీద వీళ్ల పేర్లే! ఒక రోజు మాకు పరీక్షలకు హాల్ టికెట్స్ ఇచ్చారు. ఆ రోజు ఇంటికి తిరిగి వస్తూ దారిలో ఓ షాప్ దగ్గర ఆగింది. అది వేణు పనిచేసే షాపు. తను అతడి దగ్గరికి వెళ్లింది. నేను సైకిల్ పట్టుకుని రోడ్ మీదే నిల్చున్నా. ఓ 10 నిమిషాల మాటలు తర్వాత తను ఏడ్చుకుంటూ వెనక్కు వచ్చింది. నాకర్థం కాలేదు. ‘ఏమైంది’ అని అడిగితే సమాధానం లేదు. మౌనమే తన భాష. నేను ఎంత అడిగినా సమాధానం రాలేదు. 10 నిమిషాల మా నడకలో నోరు మెదపలేదు. తన ఇల్లు వచ్చింది.. వెళ్ళిపోయింది. నేను తను ఇంట్లోకి వెళ్లేవరకు చూస్తూనే వున్నా. ఇంటికి వచ్చినా కానీ మనసు ఎందుకో బాలేదు. నాకు తన బాధకి బాధ అనిపించింది. కానీ, తన మనసులో బాధ తెలియలేదు. పరీక్షల కోసం చదువుకుంటుంటే ఓ రోజు మధ్యాహ్నం మా నాన్న వచ్చి ‘ఆ నవాజ్‌ గారి అమ్మాయి ఉరి వేసుకుని చనిపోయింది’ అన్నారు అమ్మతో. నా కాళ్లలో ఒణుకు! అది షాహీన్‌ కాదు కదా? వెంటనే నాన్నని మళ్ళీ అడిగా. ‘హా’అన్నారు. నన్ను వాళ్ల ఇంటికి వెళ్లనీయలేదు. కొన్ని రోజులకు వాళ్ల ఇంటికి వెళ్లా. వాళ్ల అమ్మగారు ఇంకా ఏడుస్తూనే ఉన్నారు. వాళ్ల నాన్న గారు సూన్యంలోకి చూస్తూనే ఉన్నారు. ఇది జరిగి 20 సంవత్సరాలు అవుతోంది. మొన్న మళ్ళీ వాళ్ల ఇంటికి వెళ్లా. వాళ్ల నాన్న గారికి పక్షవాతం వచ్చి మంచం మీద  ఉన్నారు. అలా సూన్యంలోకి చూస్తూనే. - నాగభూషణ్‌ లేదా worldoflove@sakshi.comకు మెయిల్‌ చేయండి

ఓ అబ్బాయి నన్ను ప్రేమించానన్నాడు. ఎంత ప్రేమించావ్‌ అని అడిగితే.. నీ తర్వాతే ఎవరైనా అని బిస్కట్‌ వేశాడు. ప్రతిరోజూ నా వెంటపడ్డాడు. నేను కొన్ని రోజుల తర్వాత ఒప్పుకున్నాను. తనకు డైరీ రాయటం అలవాటు ఉంది. తన డైరీ తీసుకుని రమ్మని అడిగి డైరీ చదివా. అందులో మొత్తం మేము మాట్లాడుకున్నదే ఉంది. తను నన్ను మీట్‌ అయినప్పటినుంచి తన ఫీలింగ్స్‌ గురించి మొత్తం రాశాడు. ఎప్పటికీ అలాంటి ఫీలింగ్స్‌ ఉంటాయని భావించి తప్పచేశా. అయితే కొంత కాలం వరకు బాగానే సాగింది. నేను మార్నింగ్‌ కచ్చితంగా మెసేజ్‌ చేయాలి అనేవాడు. నేను కుదరదు చదువుకోవాలి అని చెప్పినా.. నేను మెసేజ్‌ చేయందే రోజు గడవదు అనేవాడు. రోజూ ఫోన్‌లు, మెసేజ్‌లు తప్పనిసరి. నైట్‌ కనీసం కాల్ అన్నా చేయాలి. ఒక గంట మాట్లాడకుంటే ఫీల్‌ అయ్యేవాడు. అలాంటిది ఇప్పుడు ఏవో కారణాలు చెప్పి నాకు మెసేజ్‌, ఫోన్‌ చేయటం లేదు. ఒకప్పుడు నాతో మాట్లాడకుండా ఉండలేను అన్నాడు. మనుషులు ఎలా ఇలా మారిపోతారో అర్థం కావటం లేదు. నేను నీకు ఎప్పుడైనా గుర్తుకువస్తానా అని అడిగితే.. గుర్తుకు వస్తావు కానీ, ఇప్పుడు నేను చాలా బిజీ అంటాడు. నన్ను తనకు అడిక్ట్‌ అయ్యేలా చేసి సడెన్‌గా నన్ను అవాయిడ్‌ చేస్తున్నాడు. ఒకవేళ నేను కాల్ చేస్తే చాలా బిజీ అని, ఎక్కడికో వెళ్లానని కథలు చెబుతున్నాడు. అలాంటి వాడికి ఫోన్‌ చేయటం ఏంటని నా మీద నాకే కోపం వస్తోంది. నాకు ఆ అబ్బాయి రోజూ గుర్తుకు వస్తాడు. మర్చిపోలేక రోజూ ఏడుస్తున్నా. నేను తనకు కాల్‌ చేయటం మానేశా, తను కాల్‌ చేస్తే మాట్లాడే ఇష్టం పోయింది. రెండు వారాలకోసారి ఫోన్‌ చేసి నేను తనుకు గుర్తుకు ఉన్నానని కథలు చెబుతాడు. రెండు వారాలు మాట్లాడేది పది నిమిషాల్లో మాట్లాడతాడు. అతడితో మాట్లాడకూడదని నిర్ణయించుకున్నా. నెంబర్‌ బ్లాక్‌ లిస్టులో పెట్టా. ఓ మనిషి ఊసరవెల్లిలా ఎలా రంగులు మార్చగలడో నేను చూస్తున్నా. ఓ అబ్బాయిని నమ్మి తప్పు చేశానన్న ఫీలింగ్‌తో ఉన్నా.  - రితిక  చదవండి : ప్రేమ కోసం పశువుల కాపరిగా.. నేను కాదంటే చనిపోతానంది.. చివరకు.. లేదా worldoflove@sakshi.comకు మెయిల్‌ చేయండి

నేను చాలా పేద కుటుంబంలో పుట్టాను. డ్రైవింగ్‌ చేసుకుంటా ఫ్యామిలీకి సపోర్టుగా ఉండేవాడ్ని. పని చేసుకుంటూనే డిగ్రీ చదువు పూర్తి చేసుకున్నా. ఆ తర్వాత ఎంబీఏ కోసం తిరువూరులో ఫ్రీ అడ్మిషన్‌ సీటు వచ్చింది. అక్కడ 20 బస్సులు ఉన్నాయి. కరెస్పాండెంట్‌ సార్‌తో నాకు డ్రైవింగ్‌ వచ్చని, హెవీ లైసెన్సు కూడా ఉందని, జాబ్‌ ఇవ్వండని అడిగా. వాళ్లు డ్రైవింగ్‌ టెస్ట్‌ చేసి 6వేల శాలరీతో పాటు ఎంబీఏ అడ్మిషన్‌ ఇచ్చారు. ఎంబీఏ కంప్లీట్‌ అయ్యే సమయంలో నా బస్‌లో జర్నీ చేసే ఒక అమ్మాయి నన్ను ఇష్టపడుతున్నట్లు చెప్పింది. నేను ఆలోచించుకుని చెప్తానన్నాను. ఓ వారం ఆగి, ‘ఏముంది నా దగ్గర.. పేద కుటుంబం. మీరు డబ్బున్నవారు. నా దగ్గరకు వస్తే సరిగా ఉండలేవు’ అని చెప్పాను. అయినా తను వినలేదు. పెళ్లంటూ చేసుకుంటే నన్నే చేసుకుంటానని లేకుంటే చస్తానని బెదిరించింది. చేసేది ఏమీ లేక అమ్మానాన్నలకు చెప్పి, పోలీస్‌ స్టేషన్‌లో ఆ అమ్మాయిని పెళ్లి చేసుకున్నాను. ఆ అమ్మాయి పేరెంట్స్‌కు ఈ మ్యారేజ్‌ ఇష్టం లేదు. పెళ్లైన తర్వాత ఆమెను హ్యాపీగా ఉంచటం కోసం కూలీ పనులకు వెళ్లాను, జాబ్‌లు ట్రై చేశాను. ఆరు నెలల తర్వాత వాళ్ల అమ్మానాన్నలు వచ్చి ‘అందరం కలిసి ఉందాం. అమ్మాయి గర్బవతి కదా! ఆసుపత్రిలో చూపించి పంపుతాం’ అన్నారు. నేను వాళ్ల మాటలు నమ్మి వాళ్లతో పంపించాను. రెండు రోజుల తర్వాత ఆమె నెంబర్‌ కలువలేదు. వాళ్ల ఊరికి వెళితే ఊరు విడిచి వెళ్లిపోయారని తెలిసింది. ఆ సమయంలో నా పరిస్థితి వర్ణనాతీతం. ఆమెకోసం చాలా ట్రై చేశాను, ఆమె కోసమే బ్రతికాను. అలాంటిది ఒక సంవత్సరం తర్వాత నా మీద పోలీస్‌ స్టేషన్‌లో కంప్లైంట్‌ చేసింది. ‘వాడికి నాకు సంబంధం లేదు. నాకు డైవర్స్‌ కావాలి’ అని అంది. ఆ టైంలో నాకు చావాలనిపించింది. ఆత్మహత్య చేసుకోవాలనుకున్నపుడు మా అమ్మానాన్నలు గుర్తుకు వచ్చారు. నేను చనిపోతే వాళ్లకు ఎవరూ ఉండరని ఆలోచించి. ఆమెను మర్చిపోవటం స్టార్ట్‌ చేశాను. ఆ తర్వాత అమ్మానాన్నలకు ఇష్టమైన అమ్మాయిని పెళ్లి చేసుకున్నా. ఒక ఫార్మసీ కంపెనీలో జాబ్‌ కూడా వచ్చింది.  ఇప్పుడు నేను, నా భార్య, నా కొడుకు, అమ్మానాన్న అందరం సంతోషంగా ఉన్నాము. - నాగూల్‌ మీరా షేక్‌ లేదా worldoflove@sakshi.comకు మెయిల్‌ చేయండి

ఓ అమ్మాయి నాకు లోకం అనిపించింది. ఆమెను చూస్తూ చుట్టుప్రక్కల అన్నీ మర్చిపోయేవాడిని. నిద్రరాదు, ఆకలివేయదు! ఒకరకమైన పిచ్చి. ఎలాగైనా ఆమెను పెళ్లి చేసుకోవాలనుకున్నాను. కానీ, మా ఇద్దరిదీ పెళ్లి చేసుకునే వయస్సు కాదు. ఓ రోజు లెటర్‌తో ఆ అమ్మాయి ముందు నిల్చున్నాను. గుండెలనిండా భయం. ఐ లవ్‌ యూ చెప్పి లెటర్‌ ఇచ్చాను. అదే మొదటిసారి ఆ అమ్మాయితో మాట్లాడటం. ఒక వారం కనిపించలేదు. నేను బాగా మనస్తాపం చెందాను. ఓ రోజు వాళ్ల అక్క భర్త నా దగ్గరకు వచ్చాడు. లెటర్‌ చూపించి‘ ఏంటిది?’ అన్నాడు. నేను సైలెంట్‌గా వెళ్లిపోయాను. నాకు చాలా కోపం వచ్చింది. ఆ అమ్మాయి ఇంటి దగ్గరకు వెళ్లాను మాట్లాడటానికి. రాత్రి ఎనిమిది అయ్యింది. చాలా కోపంగా‘ ఏంటిది? నీకు ఇష్టం లేకపోతే నీ నోటితోటే చెప్పొచ్చుగా’ అన్నాను. మేము కలిసి బ్రతకటం కుదరదని చెప్పింది. ఆ తర్వాత నేను మా అక్క కూతుర్ని పెళ్లి చేసుకున్నాను. చాలా రోజుల తర్వాత ఓ రోజు వేరే పని మీద తను మా ఊరొచ్చింది. నాకు ఎదురై హాయ్‌ చెప్పి వెళ్లిపోయింది. అప్పుడు నాకు మేము విడిపోయిన రోజు తను చెప్పిన మాటలు గుర్తొచ్చాయి. ‘‘ మన జీవితం మనం నిర్ణయం తీసుకునేది కాదు. దేవుడు నిర్ణయించాలి, మన తల్లిదండ్రులు నిర్ణయించాలి. నేను ఈ రెండు విషయాలను బాగా నమ్ముతాను. ప్రేమించటం తప్పుకాదు. మన ప్రేమ మనల్ని ప్రేమించే తల్లిదండ్రులకు నచ్చాలి. అప్పుడే మన పెళ్లికి వాళ్లు సమ్మతిస్తారు. నువ్వంటే నాకు ఇష్టమే.’’  ఆరోజు అలా చెప్పి వెళ్లిపోయింది. ఆమె చాలా తెలివైనదే. తనకు పెళ్లై పిల్లలు కూడా ఉన్నారు. ఆ రోజు తను చెప్పింది అక్షరసత్యం. ప్రేమంటే ఇద్దరు వ్యక్తులకు సంబంధించింది కాదు.. రెండు కుటుంబాలకు సంబంధించింది. - కళ్యాణ్ లేదా worldoflove@sakshi.comకు మెయిల్‌ చేయండి

నేను తనని చివరి సారిగా చూసి 26 సంవత్సరాల, 6నెలల, 4 రోజులు అవుతోంది. అవి నేను స్కూల్లో చదువుతున్న రోజులు. అప్పుడు నేను ఆరవ తరగతి చదువుతున్నా. తను ఐదవ తరగతిలో చేరింది. నేను తనను మొదటిసారి చూసినపుడు నా కోసమే పుట్టిందనిపించింది. తను ఎప్పుడూ నాకు దూరంగా ఉండటానికి ప్రయత్నించేది. ఎందుకో నాకు అర్థం అయ్యేది కాదు. నేను తనకంటే సీనియర్‌ అవ్వటం వల్ల నా పాత పుస్తకాలను తనకు ఇస్తుండేవాడిని. పదవ తరగతి చివరి ఎగ్జామ్‌ రోజు తనకు నేను ప్రపోజ్‌ చేశాను. తను నా ప్రేమను తిరస్కరించింది. స్లీపింగ్‌ ట్యాబ్లెట్లు మింగి ఆత్మహత్య చేసుకోవాలనుకున్నాను. నా పేరెంట్స్‌ నన్ను వెంటనే ఆసుపత్రిలో జాయిన్‌ చేశారు. నేను బ్రతికి బట్టకట్టినా నాకు బ్రతకాలనిపించలేదు. ఎందుకంటే ఆమె లేకుండా నేను బ్రతకలేను. ఒక సంవత్సరం తర్వాత ఏదో వీధిలో నడుచుకుంటూ వెళుతున్నాను. అప్పుడు ఓ టైప్‌ ఇన్‌స్టిట్యూట్‌లో తనను చూశాను. నేను తన దగ్గరకు వెళ్లి పలకరించాను. నేను బ్రతికుండటం చూసి తను షాక్‌ అయ్యింది. తను అప్పుడు నా ప్రేమను ఒప్పుకుంది. అయితే ఓ కండీషన్‌ పెట్టింది. తన తల్లిదండ్రుల దగ్గరకు వచ్చి అడగమంది. అది జరిగే పనికాదు. తను నన్ను 1993 మే 6న వదిలి వెళ్లిపోయింది. పెళ్లి చేసుకుని పిల్లా పాపలతో సంతోషంగా ఉంది.  - శ్రీధర్‌ రెడ్డి చదవండి : ప్రేయసి కోసం ప్రాణాలు వదిలాడు తను మాట్లాడింది.. షాక్ కొట్టినంత పనైంది లేదా worldoflove@sakshi.comకు మెయిల్‌ చేయండి

నా జీవితంలోకి ప్రేమ ఒక అందమైన కలలా వచ్చి వెళ్ళింది. ఆ కలలోని ఆ అందమైన అమ్మాయి పేరు ఉమాదేవి. చాలా అందంగా ఉంటుంది! అంతకంటే అందంగా నవ్వుతుంది. బహుశా ఆ నవ్వే నన్ను ఆమెని ప్రేమించేలా చేశాయేమో. నేను మొదటిసారిగా ఆమెను నా టెన్త్ ఎక్షామ్ హాలులో చూశా. నా ముందే కూర్చుంది. ఆమెను చూడగానే ఎదో తెలియని ఫీలింగ్! అప్పటివరకు తెలియంది. ఎలాగైనా మాట్లాడాలనుకున్నా కానీ, భయం వేసింది. బహుశా దేవుడు నాపైన జాలి చూపించాడేమో తనే ఎక్షామ్ సెకండ్ రోజు మాట్లాడింది. తను రెసిడెన్సియల్‌ స్కూల్‌లో చదివానని, తనది బోనకల్ దగ్గర ఒక విలేజ్‌ అని చెప్పింది. చాలా హ్యాపీగా అనిపించింది. అలా ప్రతి రోజూ ఆమెను చూడటం, మాట్లాడటం జరిగేది. ఎప్పుడు డే స్టార్ట్ అవుతుందా.. ఆమెను ఎప్పుడు చూస్తానా అనిపించేది. నా జీవితంలో ఇలాంటి రోజులు వస్తాయని అనుకోలేదు. చాలా చాలా హ్యాపీగా ఉండేది. తనతో మాట్లాడుతుంటే నన్ను నేనే మర్చి పోయేవాడిని. నా ప్రేమని ఎలాగైనా చెప్పాలనుకున్నా కానీ చెప్పలేకపోయా. బహుశా ఆలస్యం అమృతం విషం అంటే ఇదేనేమో. అంతలోనే ఎక్షామ్స్ అయిపోయాయి. ఎంతో బాధ తనని విడిచి వెళ్తున్నా అని. తనని కలవడం అదే చివరిది అనుకున్నా. కానీ దేవుడు మళ్లీ నాకు ఒక ఛాన్స్ ఇచ్చాడు. 2010లో నేను మా బాబాయ్ వాళ్ల ఇంటికి విజయవాడ వెళ్ళినపుడు తను కలిసింది. ఆమెది మా బాబాయ్ ఇంటి పక్కనే. నన్ను చూడగానే దగ్గరకు వచ్చి మాట్లాడింది. నాకు షాక్ కొట్టినంత పనైంది. నిజంగా ఉమాదేవేనా అనుకున్నా. నన్ను నేను నమ్మలేకపోయా. కాసేపు మాట్లాడిన తర్వాత వేరే పని ఉండటం వలన అక్కడి నుంచి వచ్చేశా. ఆ తర్వాత ఆమెను చూడలేకపోయా. తనని కలవాలని, మాట్లాడాలని ఎంతగానో ఉంది. మళ్లీ ఎప్పుడు ఆ అవకాశం వస్తుందో అని ఎదురు చూస్తున్నా. ఎక్షామ్ చివరి రోజున తను నాకు ఒక కీ చైన్‌ ఇచ్చింది. ఇప్పటికీ తన గుర్తుగా అది నా దగ్గర ఉంచుకున్నా. నేను చేసిన తప్పు ఎవరు చేయకండి! మంచో చెడో ప్రేమిస్తే చెప్పండి. - మహేశ్‌, ఖమ్మం లేదా worldoflove@sakshi.comకు మెయిల్‌ చేయండి

నేను 8వ తరగతి చదువుతన్నపుడు మా క్లాస్‌మేట్‌ అమ్మాయిని ఇష్టపడ్డాను. తన పేరు లేఖ! అందరితో చాలా ఫ్రెండ్లీగా ఉండేది. ఆమెతో కొద్దిసేపైనా గడపాలన్న ఉద్దేశ్యంతో స్కూల్‌ అయిపోయినా కూడా అక్కడే ఉండేవాడ్ని. నేను తనని ప్రేమిస్తున్న సంగతిని ఓ రోజు ధైర్యం చేసి చేప్పేశాను. తనకు అంతకుమందే చాలా మంది ప్రపోజ్‌ చేశారని అందామె. నాకు ప్రేమంటే ఏంటో ఆ వయసులో తెలియకపోయినా.. ఆమెతో మాట్లాడటానికి ఎంతో ఆసక్తి చూపించేవాడిని. బహుశా అది ఆమె పట్ల ఉ‍న్న ఆకర్షణ అనుకుంటా. 8వ తరగతి అయిపోయిన తర్వాత మా కుటుంబం వేరే ఊరికి మారాల్సి వచ్చింది. ఎందుకంటే మా నాన్న ఉద్యోగం కారణంగా తరుచూ ఊర్లు మారాల్సి ఉండేది. ఊరు మారినా నేను తనను మర్చిపోలేదు. ఎనిమిదేళ్ల తర్వాత తనను నేను ఫేస్‌బుక్‌లో కలిశాను. అప్పుడు తను చాలా పెద్ద పొజిషన్‌లో ఉంది. కానీ, నేను ఏదో చిన్న జాబ్‌ చేసుకునే వాడిని. ఇన్నేళ్లలో ఆమెలో చాలా మార్పు వచ్చింది. మా పాత జ్ఞాపకాల గురించి తనను ప్రశ్నించాను. తనకేమీ గుర్తులేనట్లు మాట్లాడింది! తను ఇప్పుడు పెద్ద పొజిషన్‌లో ఉందన్న ఒకే ఒక్క కారణంతో. అయినా నేను తనను ఎప్పటికీ మర్చిపోలేను. ఆమె ఎక్కడున్నా సంతోషంగా ఉండాలని కోరుకుంటున్నా. చాలా పుస్తకాలు, కథలు చదివి ప్రేమ గురించి నేనేమి తెలుసుకున్నానంటే.. ప్రేమ దైవ సమానమైనదని. లవ్‌ యూ ఫరెవర్‌ లేఖ! - పవన్‌ చదవండి : చెస్‌ ఛాంపియన్‌కు ప్రేమ పరీక్ష టీచర్‌ కారణంగా మేము విడిపోయాం లేదా worldoflove@sakshi.comకు మెయిల్‌ చేయండి

తను మా చుట్టాల అమ్మాయే.. ఓ పెళ్లిలో చూశా. చూడగానే నచ్చేసింది! లవ్‌ ఆట్‌ ఫస్ట్‌ సైట్‌. పదవ తరగతిలో ఆమె నా క్లాస్‌మేట్‌ అయ్యింది. తన వెనుక బెంచ్‌లో కూర్చునేవాణ్ని. వెనుకనుంచి ఆమెను చూస్తూ ఉండిపోయేవాణ్ని. ఒక ఫ్యామిలీనే అని తెలిసిన తర్వాత మాటలు కలిశాయి. తర్వాత నేను ఆమెను ప్రేమించటం మొదలుపెట్టాను. అలా ఆరునెలలు ఆమెను చూస్తూ గడిపేశాను. క్లాస్‌లో ఎవరూ లేనపుడు వెళ్లి తనతో మాట్లాడేవాణ్ని. అప్పుడు మాటలు తక్కువ.. ఒకర్ని ఒకరు చూసుకోవటమే జరిగేది. తనకు నేనన్నా.. నా అల్లరి అన్నా ఇష్టం. కొద్దిరోజులకు మా ప్రేమ విషయం అందరికీ తెలిసిపోయింది. తర్వాత టీచర్లు తనని నన్ను టార్గెట్‌ చేయటం మొదలుపెట్టారు. ఏదో ఒక కారణం చెప్పి నన్ను కొట్టడం మొదలుపెట్టారు. అలా చేసే సరికి ఆమె నన్ను చూసేది కాదు. ఈ ఆరునెలల్లో మా క్లాస్‌ టీచర్‌ కారణంగా మేము పూర్తిగా దూరమయ్యాము. నాకు టీచర్ల మీద ఉన్న గౌరవమే పోయింది. తనంటే నాకు ఇప్పటికీ ఇష్టమే. నేను తనని తలుచుకోని రోజు లేదు. నాకు 28 తనకు 27. తనకు పెళ్లైంది! ఇద్దరు పిల్లలు. హ్యాపీగా ఉంది కావచ్చు. నాలుగేళ్ల క్రితం తన ఫొటో ఒకటి దొరికింది. తన స్నేహితులతో దిగింది. అప్పటినుంచి ఫొటోను వాలెట్‌లో పెట్టుకుని తిరుగుతున్నాను. తొలిప్రేమ ఎప్పటికీ చావదు అంటే ఏమో అనుకున్నా. ఇప్పటికీ తను గుర్తుకు వస్తే చాలా హ్యాపీగా ఉంటుంది. ఆ రోజు స్కూల్లో అలా జరిగుండకుంటే మేము సంతోషంగా ఉండేవాళ్లం కావచ్చు. ఒకే మతం, ఒకే కులం పెళ్లికి అడ్డంకులు ఉండేవి కావు. ఆమె గురించి మా ఫ్యామిలీలో అందరికి తెలుసు. తన పేరు లాగానే తను కూడా స్వచ్ఛమైనది. మా స్నేహం, ప్రేమ అలా మధ్యలో ఆగిపోతుందని నేను ఎప్పుడూ అనుకోలేదు. జనవరి 30న తన పుట్టిన రోజు. నా పుట్టిన రోజు అయినా మర్చిపోతాను కానీ, తన పుట్టిన రోజును మాత్రం కచ్చితంగా జరుపుకుంటాను.    - కన్నా, ముంబై లేదా worldoflove@sakshi.comకు మెయిల్‌ చేయండి

నేను డిగ్రీ చదువుతుండగా రాంగ్ కాల్ ద్వారా ఒక అమ్మాయి పరిచయమైంది. మొదట తన పేరు హరిని అని చెప్పింది. నేను కూడా వంశీ అని చెప్పాను. కానీ, అప్పటినుంచి ఫోన్లో వీలు దొరికినప్పుడల్లా మాట్లాడుకోవడం వలన మా మధ్య చనువు పెరిగింది. నాపై నమ్మకం కలిగినందువలన తన అసలు పేరు చెప్పింది. కానీ, నేను తనని ఆ పేరుతో ఎప్పుడూ పిలవలేదు. తనని ముద్దుగా అమ్ము అని పిలిచేవాడిని. తనకి కూడా ఆ పేరు నచ్చింది. నా పేరు నాని అని తనకు చెప్పాను. అలా ఒకరిపై ఒకరికి నమ్మకం కలిగాక ఫోటోలు పంపించుకున్నాము కొరియర్లో. అలా కొన్నిరోజులకి నేను అమ్ముకి ప్రపోజ్ చేశాను. మొదట్లో అమ్ము కంగారుపడినా చివరకు నా ప్రేమని అంగీకరించింది. అప్పుడు మొదటిసారి తనని కలవడానికి తన ఊరికి వెళ్లాను. ఆ ఊరు పేరు వింటేనే భయం వేసింది కానీ, ప్రేమిస్తే రిస్క్ ఉంటుంది! రిస్క్ ఫేస్ చేస్తేనే ప్రేమించాలి. భయపడేవాడికి ప్రేమ అక్కర్లేదని అన్నింటికీ తెగించి అమ్ము ఉండే ఊరు కర్నూలులో అడుగుపెట్టాను. అక్కడ బస్టాండ్లో నేను మొదటిసారి అమ్ముని చూశాను ఆ ఒక్క క్షణం నాకు అంత పెద్ద బస్టాండ్‌, అంతమంది జనాభా, భారీ శబ్దాలు ఇవేవీ కనిపించలేదు.. వినిపించలేదు. తను వైట్ డ్రెస్ వేసుకుని వచ్చింది తనని చూస్తే చాలా ప్రశాంతంగా అనిపించింది. అమ్ము కోసం ఎంత రిస్క్ అయినా చేసి తనని పెళ్లి చేసుకోవాలని ఆ క్షణమే నా మనసులో ధృడంగా నిశ్చయించుకున్నాను. అప్పట్నుంచి ఇద్దరం కలిసి సినిమాలు, షికార్లు, టెంపుల్స్, ఐస్‌ క్రీమ్‌ పార్లర్స్, మంచి ప్రదేశాలు అన్ని చూశాము. తన కోసమే నేను నా ఎంబీఏ అక్కడే చేశాను. అలా 7 సంవత్సరాలు ప్రేమించుకున్నాము. చివరికి నా స్టడీ పూర్తి చేసి తనని పెళ్లి చేసుకుని సంతోషంగా జీవించాలనుకున్నా. మా ఇద్దరి మధ్యా ఒక విషయంలో ఎప్పుడూ గొడవ జరిగేది. అది డబ్బుల విషయంలో.. ఎందుకంటే నేను మందుకు బాగా బానిసయ్యాను. దాని కోసమే అమ్ముని మనీ అడిగి తీసుకునేవాడిని. అమ్ములో నాకు నచ్చేది ఏమిటంటే నన్ను డ్రింక్ చేయకు అని ఎప్పుడూ ఫోర్స్‌ చేయలేదు. కానీ, ఎప్పటికన్నా నేను తనకోసం మానేస్తాను అని నమ్మకం. కానీ, నేను మద్యానికి బానిసనై తనని కూడా డబ్బులు ఇమ్మని వేధించేవాడిని. తను చాలా సార్లు నాకు ఇచ్చింది. కానీ ఒక్కటి ఏ అమ్మాయి అయిన ఎంతకాలం ఓపికతో భరిస్తుంది. తనకు నాపై విరక్తి వచ్చే అంతగా నేను మద్యానికి బానిసనై అందుకోసమే ఆమెని మనీ అడిగి అడిగి లేదంటే గొడవపడి తనకి నాపై ఉన్న ప్రేమ కాస్త ద్వేషంగా మారిపోయేలా చేసుకున్నాను. చివరికి ఆ కారణం వల్లనే మేము విడిపోయాము. నేను అమ్ముని విడిచిపెట్టినంత సులభంగా మందుని విడిచిపెట్టుంటే నా జీవితం ఇలా ఒంటరిగా ఉండేది కాదు. అమ్ముకి వాళ్ల ఇంట్లో వాళ్లు పెళ్లి చేసేశారు. నేను ఒంటరి వాడినై పోయాను. అప్పుడు ఆలోచించాను! కేవలం ఆల్కహాల్ కారణంగా నేను నా ప్రాణం కన్నా ఎక్కువగా ప్రేమించిన అమ్మాయిని దూరం చేసుకున్నానా?.. అని అప్పుడు నిర్ణయం తీసుకున్నాను. ఇంకెప్పటికీ డ్రింక్ చేయకూడదని. అప్పటినుంచి ఇప్పటివరకు నేను పూర్తిగా మందు విడిచిపెట్టేశాను. కానీ, ఇదేదో ముందే చేసుంటే అమ్ము ఇవాళ నాతో ఉండేది. అప్పటికే నాకు జరగాల్సిన నష్టం నా జీవితంలో జరిగిపోయింది. ఇప్పుడు నేను తనని తిరిగి తీసుకుని రాలేను. కాలాన్ని వెనక్కి మార్చనూలేను. ఇది నాకు ఒక గుణపాఠం అని గ్రహించి ముందుకువెళ్తున్నా. ఇప్పుడు నేను సంతోషంగా ఉన్నప్పటికీ ఒక్కటే లోటు! అమ్ము నాతో లేదు. నా జీవితంలా మీ జీవితం కాకూడదని ఆశిస్తూ మీ శ్రేయోభిలాషి..  - నాని, నెల్లూరు లేదా worldoflove@sakshi.comకు మెయిల్‌ చేయండి

నేను డిప్లమా సెకండ్‌ ఇయర్‌లో ఉన్న రోజులు అవి. ఒకరోజు మామూలుగా కాలేజ్‌కి వెళ్లే దారిలో కాకుండా వేరే దారిలో వెళుతున్నా. ఆ దారిలో ఒక అమ్మాయి నా కాలేజ్‌ యూనిఫాంలోనే కనిపించింది. తను కూడా మా కాలేజ్‌కే వెళుతోందనుకున్నాను. తనను చూసిన మొదటి చూపులోనే ప్రేమించటం మొదలుపెట్టాను. ఆమెకూడా నా వంక చూసింది. ఆమెతో మాట్లాడటానికి నాకు ధైర్యం సరిపోలేదు. అలా చూస్తూనే సమ్మర్‌ సెమిస్టర్‌ వచ్చేసింది. ఎఫ్‌బీలో అయినా చాట్‌ చేద్దామంటే తన పేరు ఏంటో కూడా తెలీదు నాకు. అసలు తనకు ఎఫ్‌బీ ఉందో లేదో తెలీదు. అలానే నాకు సమ్మర్‌ హాలిడేస్‌ కూడా అయిపోయాయి. రిజల్ట్స్‌ వచ్చాయి. నావి కొన్ని సబ్జెక్టులు బ్యాక్‌ అయ్యి ఆ ఇయర్‌ డ్రాప్‌ అయ్యాను. దాని వల్ల తనను నేను కలవ లేకపోయాను. తన చూపు నాకు బాగా గుర్తు ఉండిపోయింది. అలా మళ్లీ నా సబ్జెక్టులని క్లియర్‌ చేసి ఫైనల్‌ ఇయర్లో జాయిన్‌ అయ్యాను. తను నాకు కనిపించలేదు. తన కోర్సు కంప్లీట్‌ అయి కాలేజ్‌లోనుంచి వెళ్లిపోయింది. తను కంప్యూటర్‌ ఇంజనీరింగ్‌లో టాప్‌! ఆమె ఫొటోను కాలేజ్‌ బ్యానర్‌లో వేశారు. అప్పుడు తన పేరు తెలిసింది. అలా నేను ఎఫ్‌బీలో తన పేరు సెర్చ్‌ చేశాను. ఒక ఐడీ వచ్చింది. ఆ ఐడీ తనదే అని ఫ్రెండ్‌ రిక్వెస్ట్‌, ఓ మెసేజ్‌ పంపా. సాయంత్రం రిప్లై వచ్చింది. ఆ రోజు రాత్రి 12వరకు చాట్‌ చేసింది. తర్వాతి రోజు మళ్లీ మెసేజ్‌ పంపితే అసలు సెండ్‌ కాలేదు. ఎందుకని చూస్తే చాలా రిక్వెస్ట్‌లు పంపటం వలన ఎఫ్‌బీ వాళ్లు నా రిక్వెస్ట్‌ అండ్‌ మెసేజ్‌ ఆప్చన్‌ను ఓ వారం బ్లాక్‌ చేశారు. తను నా రిక్వెస్ట్‌ అంగీకరించకుండా మెసేజ్‌లు చేసేది. ఆ వారం మొత్తం నాకు ఓ యుగంలా గడిచింది. వారం తర్వాత మెసేజ్‌ పెట్టా తర్వాత వెంటనే సమాధానం వచ్చింది. ‘ ఇన్ని రోజులు ఎందుకు మెసేజ్‌ చేయలేదు’ అని. తను కూడా నాకు మెసేజ్‌ పెట్టినా సెండ్‌ కాలేదు. నేను తనని బ్లాక్‌ చేశానని అనుకుందంట. తనకు జరిగింది మొత్తం చెప్పాను. వెంటనే తను నా నెంబర్‌ అడిగింది. ఆలస్యం చేయకుండా ఇచ్చేశాను. తనుకూడా తన ఫోన్‌ నెంబర్‌ ఇచ్చింది. చాటింగ్‌ చేసుకుంటూ బయట కలుసుకునేవాళ్లం. తనది జాయింట్‌ ఫ్యామిలీ అవ్వటం వల్ల తను నాతో ఫోన్‌లో మాట్లాడేది కాదు. తన గురించి అన్ని విషయాలు నాకు చెప్పేది. అలా కొన్ని రోజులకి తనకు పూణెలో బీటెక్‌ సీట్‌ వచ్చింది. తను చాలా హ్యాపీ!కానీ, నాకు చాలా బాధగా అనిపించింది. తను నాకు ధైర్యం చెప్పింది. నా కోర్సు అయిపోయాక పూణె రమ్మంది. తనను దూరం చేసుకోలేక ఫైనల్‌ ఇయర్‌ మీద శ్రధ్ధపెట్టాను. తనను కొన్ని రోజులు దూరం పెట్టా. అలా నా డిప్లమాలో మంచి పర్సెంటేజ్‌తో పాస్‌ అయ్యాను. తనకు మెసేజ్‌ చేశా. రిప్లయ్‌ రాలేదు. కాల్‌ చేస్తే కట్‌ చేసింది. అలా తను ఎందుకు చేస్తోందో అర్థం కాలేదు. రెండు రోజుల తర్వాత మెసేజ్‌ వచ్చింది ‘నీతో మాట్లాడటం ఇష్టం లేదు’ అని. అలా తను ఎందుకు అందో నాకు ఇప్పటికీ అర్థం కాలేదు. తనకు ఎన్ని సార్లు కాల్‌ చేసినా, మెసేజ్‌ పెట్టినా రిప్లయ్‌ రాలేదు. నేను తనను మర్చిపోవాలని జిమ్‌లో జాయిన్‌ అయ్యాను. కెరీర్‌మీద దృష్టి సారించాను. డిప్లమాలో మంచి పర్సెంటేజ్‌​ వచ్చింది. దీంతో నేను ఉండే ఊరిలోనే మంచి కాలేజ్‌లో బీటెక్‌ సీట్‌ వచ్చింది. బీటెక్‌ కూడా మంచి పర్సెంటేజ్‌తో పాస్‌ అయ్యా. అలానే ఇప్పుడు సెంట్రల్‌ గవర్నమెంట్‌లో మంచి జాబ్‌కూడా చేస్తున్నాను. కానీ, తనను ఇంకా మర్చిపోలేదు. ఈ మధ్య మా స్టాఫ్‌ మెంబర్స్‌తో ఒక పార్టీకి వెళ్తే అక్కడ కనిపించింది తను. మొదట్లో కంటే ఇప్పుడు చాలా అందంగా కనిపించింది. తనను అలా చూసే సరికి తట్టుకోలేకపోయా. మాట్లాడదామని అనుకున్నా. కానీ, ఆత్మగౌరవం అడ్డుపడింది. అలా పార్టీ మొత్తం తనను ఇగ్నోర్‌ చేశా. బయటకు వెళుతుండగా తను నా చెయ్యి పట్టుకుని ఐ లవ్‌ యూ చెప్పింది. కానీ, నాకు తన మీద నమ్మకం లేదు. ఇప్పుడు జాబ్‌ చూసి నన్ను లవ్‌ చేస్తోందని అనుకుంటున్నా. కానీ, తనపై నా ప్రేమ ఎన్నటికీ అలానే ఉంటుంది. తనను నమ్మాలో వద్దో అర్థం కావటం లేదు. - మణికంఠ లేదా worldoflove@sakshi.comకు మెయిల్‌ చేయండి

లవ్‌ ఆట్‌ ఫస్ట్‌ సైట్‌ అంటే అది ఏదైనా సరే! అందరికీ ఒకేలా వర్తిస్తుందనుకుంటా. నేను 5వ తరగతి చదువుతున్నపుడు కిషోర్‌ మా స్కూల్‌లో కొత్తగా జాయిన్‌ అయ్యాడు. నా ఫ్రెండ్‌ తనని పరిచయం చేసింది. అతన్ని చూసిన మొదటి చూపులోనే నాకు చాలా హ్యాపీగా అనిపించింది. అతడి ప్రవర్తన, వ్యక్తిత్వం.. అంటే మా స్కూల్‌ మగపిల్లలు చాలా అల్లరి చేసేవాళ్లు కానీ, అతడు చాలా డిఫరెంట్‌. నేను అతనికి ఇంకా అట్రాక్ట్‌ అయ్యాను. 8వ తరగతి వరకు అతడు నాతో బాగానే మాట్లాడేవాడు. అప్పట్లో నేను క్లాస్‌ ఫస్ట్‌ అతడు బిలో యావరేజ్‌. తను తెల్లగా ఉంటాడు! నేనేమో నల్లగా ఉంటాను. రోజులు గడిచేకొద్ది అతడి మీద ఇష్టం పెరుగుతూ వచ్చింది. అదేపనిగా తనని చూడటం.. అతడి డ్రెస్‌ కలర్‌, నా డ్రెస్‌ కలర్‌ మ్యాచ్‌ అయ్యేలా చూసుకోవటం. సేమ్‌ కలర్‌ నోట్‌ బుక్స్‌, పెన్స్‌ వాడటం ఇలా ఎన్నో చేశాను. మా క్లాస్‌లో కేవలం 12మంది మాత్రమే ఉండేవాళ్లం. తనకు నా విషయం అర్థం అయ్యింది. అందుకే నాతో కొంచెం దురుసుగా ప్రవర్తించటం మొదలుపెట్టాడు. నాకు నచ్చని పనులు అదేపనిగా చేసేవాడు. అది కాస్తా 10వ తరగతికి వచ్చేసరికి తన ప్రవర్తన అసలు ఎప్పుడూ చూడని విధంగా మారిపోయింది. కిశోర్‌పై ఇష్టం కారణంగా 9వ తరగతి నుంచి నా చదువులు అటకెక్కాయి. మా తల్లిదండ్రులు, టీచర్లు నేను టెన్త్‌ ఫస్ట్‌ వస్తానని అనుకున్నారు. వారి ఆశలు నాశనమైపోయాయి. టెన్త్‌ ఎక్షామ్స్‌ అయిన వెంటనే డిసైడ్‌ అయ్యా! తనని మర్చిపోవాలని. కానీ, 10 ఏళ్లు అవుతోంది తనని చూడక. ఇప్పటికీ తను గుర్తుకువస్తాడు. ప్రతి రోజూ స్కూల్‌ డేస్‌ మెమొరీస్‌ గుర్తుకు వస్తాయి. నా జ్ఞాపకాలు, కలలు అన్నీ అతడే.. - లక్ష్మీ   చదవండి : ప్రేమించిన తన కోసం తననే వదిలేశాను ప్రతీ అమ్మాయి వెంట పడేవాడిని.. కానీ.. లేదా worldoflove@sakshi.comకు మెయిల్‌ చేయండి

ఒంటరిగా జాబ్ చేసుకుంటూ ఉన్న నా జీవితంలోకి  ఒక నవ్వుల హరివిల్లులాగా ప్రవేశించింది. ప్రతి రోజూ నవ్వుతూ నవ్విస్తూ స్నేహం చేసింది. నాకు తెలీకుండానే నన్ను, నా గురించి పూర్తి వివరాలు సేకరించింది. ఈ లోపే తనంటే ఎక్కువ ఇష్టం పెరిగిపోయింది. తన మీద ప్రేమని నాతోనే చెప్పేలా చేసుకుంది. నాతో రెండు సంవత్సరాలు స్నేహం చేస్తూ ప్రేమించింది. నాతో చెప్పలేక తనకు నా మీద ఉన్న ఇష్టాన్ని ఇంకోలా చూపించింది. కొద్ది రోజులకు నేను తనకంటే రెండు సంవత్సరాలు చిన్న అని తెలిసింది. అయినప్పటికీ నేను ప్రేమించే తనకు నా ప్రేమని చెప్పాను. ‘మొదట మా నాన్నని అడిగి ఒప్పించు చేసుకుంటా’ అని అన్నది. అలా ఆరు నెలలు నన్ను నా ప్రేమని అర్ధం చేసుకుని నేను అంటే ఇష్టం అని నాతో అన్నింటిని చెప్పేసింది. నాకు చాలా దగ్గరయ్యింది. ఇంకో రెండు రోజుల్లో తన పుట్టినరోజు వస్తుంది. ఆ రోజు ఇంటికి వచ్చి వాళ్ల నాన్నని అడగాలని చెప్పింది. ఇంటికి పిలిచింది! ఎదురుగా వాళ్ల నాన్న కూర్చున్నాడు. అప్పుడే నేను నా మనసులో ఉన్నది చెప్పేశా. వాళ్ల నాన్న కోపంతో ‘ఇలా చెప్పడం తప్పు ఇక్కడి నుంచి వెళ్లు’ అని అన్నాడు. ఆ క్షణం తను ఒక్కసారి కూడా నోరు విప్పి ‘నాకు కూడా ఇష్టమే’ అని చెప్పలేకపోయింది. మరుసటిరోజు తను ఆఫీసుకు వచ్చింది. అసలు ఏమీ మాట్లాడలేదు. తను ‘నన్ను కలువకు, మాట్లాడకు’ అని చెప్పి వెళ్లిపోయింది. ఒక రోజు ఫోన్ చేసి ‘మా నాన్నకు ఇష్టం లేదు! అందుకే ఇప్పుడు నన్ను మర్చిపో.. నాకోసం ఈ ఒక్కటి చేస్తావా?’ అని అడిగింది. తన మీద ఉన్న ఇష్టంతో సరే అని చెప్పేశా. అలా అప్పటినుంచి ఆమె కోసమే ఇప్పటికీ ఎదురుచూస్తున్న. వస్తుందో.. రాదో.. తన నవ్వులు మళ్లీ చూడాలని ఉంది. నా మిగిలిన జీవితం ఆమె కోసమే అని ఆరాట పడుతోంది. - చిన్నయ్య చదవండి : ప్రతీ అమ్మాయి వెంట పడేవాడిని.. కానీ.. ఆమె కళ్లలో కొన్ని వేల సూటి ప్రశ్నలు లేదా worldoflove@sakshi.comకు మెయిల్‌ చేయండి

వయస్సులో ఉన్న అబ్బాయిలకి అమ్మాయిల వెంట పడడం అంటే ఈ రోజుల్లో ఒక అలవాటుగా మారింది. నాకూ అలాంటి అలవాటు ఉండేది. కాకపోతే ఆ అలవాటు నాకు కాస్త ఎక్కువగానే ఉండేది. కానీ, అలవాటుని మార్చిందో అమ్మాయి. ఆ అమ్మాయి పేరు ప్రియ. మన జీవితాల్లోకి కొందరు వ్యక్తులు అనుకోకుండా పరిచయం అవుతారు. వారి వల్ల మన జీవితంలో ఎన్నో మార్పులు జరుగుతాయి. వాటిని మనం ఊహించలేం కూడా. అలా నా జీవితంలో నాకు పరిచయం అయిన వ్యక్తి ప్రియ! తన రాకతో నా తలరాతలో ఎన్నో మార్పులు వచ్చాయి. నేను కళాశాలలో చదువుతున్న రోజుల్లో నాకు అమ్మాయిల వెంట పడడం అనేది ఒక అలవాటుగా ఉండేది. నాకు కనిపించిన ప్రతి అమ్మాయి వెంట నేను పడేవాడిని. అమ్మాయి నాకు నచ్చితే చాలు ఇక ఆ అమ్మాయి వెంట తిరిగే వాడిని. ఆ అమ్మాయి నాతో మాట్లాడేంత వరకు ఆ తర్వాత ఆ అమ్మాయితో కలిసి సినిమాలకు, బేకరీలకు, పార్కులకి తిరిగే వాడిని. అలా తిరగడంతో నన్ను చూసి తిట్టుకోని అమ్మాయి లేదు. అలా ఉన్న నా జీవితం ప్రియ రాకతో ఒక్కసారిగా మలుపు తిరిగింది. అమ్మాయిల వెంట తిరిగే నేను ఆ తర్వాత తిరగడం కాదు కదా! వాళ్లని చూడటం కూడా మానేశాను. అందరు అబ్బాయిలు వాళ్లకి నచ్చిన అమ్మాయిలని కళాశాలలోనో.. బస్‌స్టాప్‌లోనో చూసి ఉంటారు. కానీ, నా జీవితంలో విచిత్రం ఏమిటంటే నేను ప్రియని మొదటి సారిగా చూసింది మా ఇంట్లోనే. ఆ రోజు ఆదివారం సెలవు కావటంతో నేను ఇంట్లోనే ఉన్నా. ఆ రోజు ఉదయం నేను టీవీ చూసుకుంటూ కూర్చునా​. మా అమ్మ కూరగాయలు తెస్తా అని మార్కెట్‌కి వెళ్లింది. వచ్చే దారిలో అమ్మకి కళ్లు తిరిగి కింద పడిపోతుంటే ఒక అమ్మాయి వచ్చి పట్టుకుని అమ్మని జాగ్రత్తగా మా ఇంటికి తీసుకొచ్చింది. ఆ అమ్మాయి మరెవరో కాదు ప్రియ. నేను ప్రియని మొదటిసారిగా చూసింది కూడా అప్పుడే. అమ్మని ఇంటికి తీసుకొచ్చి జరిగింది అంతా నాకు చెప్పి అమ్మని జాగ్రత్తగా చూసుకోమని చెప్పి వెళ్లిపోయింది. నాకు తనలో ఇతరులకి సహాయం చేసే మంచి వ్యక్తిత్వం, స్వభావం నన్ను చాలా ఆకట్టుకున్నాయి. ఏ అమ్మాయిని చూసినా ఈ అమ్మాయి వెంట పడాలి అని అనిపించే నాకు మొదటి సారిగా ఆ అమ్మాయిని చూడగానే నాకోసమే పుట్టిందేమో అన్న భావన!! బ్రతికితే ఈ అమ్మాయి కోసమే, ఈ అమ్మాయితోనే అన్న ఆలోచన నాలో కలిగింది. ఇక వెంటనే అమ్మని జాగ్రత్తగా పడుకోపెట్టి ఆ అమ్మాయిని తన ఇంటి దగ్గర దింపి వద్దాం అనే వంకతో తనతో మాట్లాడొచ్చు అని తన దగ్గరికి వెళ్లి ‘అమ్మని తీసుకొచ్చినందుకు మీకు చాలా చాలా కృతజ్ఞతలు. మీ ఇల్లు ఎక్కడో చెప్తే నేను మిమ్మల్ని అక్కడ దిగబెట్టి వస్తా’ అని చెప్పాను. దానికి తను ‘వద్దు! పర్లేదు.. నేను వెళ్లగలను. మీ అమ్మని జాగ్రత్తగా చూసుకోండి’ అని చెప్పి వెళ్లబోయింది. అంతలోనే అమ్మ పిలిచి తనతో కాసేపు మాట్లాడి ‘నువ్వు ఒక్క దానివే ఏం వెళ్తావు, మా కొడుకు నిన్ను మీ ఇంటి దగ్గర దింపి వస్తాడు’ అని ప్రియను ఒప్పించింది. అందుకు అమ్మ మాట కాదనలేక ప్రియ ఒప్పుకుంది. తనతో మాట్లాడొచ్చని నాకు చాలా సంతోషం కలిగింది. తను మొదటి సారి అప్పుడే నా బైక్ ఎక్కింది. తనని నా బైక్‌పై ఎక్కించుకుని వెళ్లాను. దారి మధ్యలోనే మెల్లగా తన పేరు అడిగాను. అప్పుడే నాకు తన పేరు ప్రియ అని తెలిసింది. ఇక అదే సమయం అనుకుని మెల్లగా తను ఏం చేస్తుంది, ఎక్కడ ఉంటుంది అని  తెలుసుకున్నా. ఇక అంతలోనే తన ఇల్లు వచ్చింది. ఇక తను వెళ్లిపోయింది. అప్పటి నుండి నేను ప్రతి రోజూ తన కళాశాల దగ్గరికి వెళ్లేవాడిని తనని కలవడానికి. తను మొదట్లో నాతో సరిగ్గా మాట్లాడలేదు కానీ , ఒక రోజు తను ఇంటికి వెళ్లాల్సిన బస్సు రాలేదు చీకటి పడిపోతోందని తను కంగారుపడుతూ ఉంది. అప్పుడే నేను వెళ్లి తనని కలిశాను. తను ఆ సమయంలో ఎంతో సంతోషపడి తనని తన ఇంటి దగ్గర దింపమని అడిగింది. తను అలా అడగడంతో నా ప్రాణాలు గాలిలో లేచాయి. ఇక తనని జాగ్రత్తగా తన ఇంటి వద్ద దిగపెట్టి వెళ్లాను. ఆ సంఘటన తర్వాత తను నాతో మెల్లమెల్లగా మాట్లాడడం మొదలు పెట్టింది. అలా అలా మా పరిచయం కాస్తా స్నేహంగా మారింది. నేను ప్రతి రోజు తను చదువుకునే కళాశాలకు వెళ్లేవాడిని. ప్రతి రోజు కళాశాల అయిపోగానే తనని తన ఇంటి వద్ద దింపి వెళ్లేవాడిని. ఆ సమయంలోనే తను నాకు ఇంకా దగ్గర అయింది. తన ఫోన్ నెంబర్ కూడా ఇవ్వడంతో తనకి నాకు మధ్య దూరం కాస్తా దగ్గర అయింది. అలా తనతో ప్రతి రోజూ మాట్లాడేవాడిని, కలిసేవాడిని. నాకు సంబంధించిన ప్రతి విషయం నేను తనతో పంచుకున్నాను. కానీ తను నాతో అన్నీ చెప్పుకునేది కాదు, నేను తనని ఇబ్బంది పెట్టలేక అడిగేవాడిని కాదు. అలా అలా తనపై నాకు ఉన్న ఇష్టం కాస్తా ప్రేమగా మారింది. ఇక ఎలాగైనా నా ప్రేమ విషయం తనతో చెప్పాలి అనుకున్నాను. ఎప్పటిలాగే తనని కలవడానికి అని కళాశాలకి వెళ్లాను. తనని కళాశాల నుండి వేరోచోటుకి తీసుకుని వెళ్లి తనతో "నువ్వు అంటే నాకు ఇష్టం. పెళ్లి అంటూ చేసుకుంటే అది నిన్నే" అని చెప్పాను. తను నా మాటలు విని నిర్ఘాంత పోయింది. ‘నువ్వు ఏం మాట్లాడుతున్నావో నాకు ఏం అర్థం కావటంలేదు. నువ్వు నన్ను ప్రేమించడం ఏంటి? నేను ఎప్పుడు నిన్ను ఒక మంచి స్నేహితుడిగా భావించాను. నువ్వు ఇలా మాట్లాడుతూ మన మధ్య ఉన్న మంచి స్నేహాన్ని కాస్తా దూరం చెయ్యకు’ అని చెప్పింది. అయినా నేను వినకుండా తను అంటే ఇష్టం అని, నాలోని ఆ మార్పుకి కారణం కూడా తనే అని తననే నా జీవిత బాగస్వామిగా ఊహించుకున్నానని చెప్పాను. వెంటనే తను నన్ను లాగిపెట్టి ఒక్కటి కొట్టి ‘నువ్వంటే నాకు ఇష్టం లేదు! నేను వేరే వ్యక్తిని ప్రేమిస్తున్నాను’ అని చెప్పింది. అది విని నేను ఒక్కసారిగా ఆశ్యర్యపోయాను. ఇక అప్పుడు తను ఆ అబ్బాయి గురించి చెప్పింది. ఆ అబ్బాయి పేరు వినయ్ వాళ్లిద్దరూ గత 3 సంవత్సరాలుగా ప్రేమించుకుంటున్నారు. ఉద్యోగంలేని కారణంగా ప్రియ వాళ్ల ఇంట్లో ఒప్పుకోవడం లేదని వినయ్ ప్రస్తుతం ఉద్యోగం వెతికే పనిలో ఉన్నాడు. ఆ సమయంలోనే ఒక మంచి స్నేహితుడిలా నువ్వు నాకు దగ్గర అయ్యావు అని చెప్పింది. ఇక నాకు ఏం అర్థం కాలేదు. తనే నా ప్రాణం అని అనుకున్నాను. కానీ, తన ప్రాణం ఇంకొకరు అని తెలిశాక తన ప్రాణాన్ని తనకి ఇవ్వాలి అనిపించింది. మనం ప్రేమించిన వారు సంతోషంగా ఉండడమే కదా మన సంతోషం అని అనుకుని. నాకు తెలిసిన నా స్నేహితుడి సంస్థలో వినయ్‌కి ఉద్యోగం వచ్చేలా చేశాను. ఆ తర్వాత వాళ్లిద్దరిని ప్రియ వాళ్ల ఇంటికి తీసుకెళ్లి వాళ్ళ నాన్నతో మాట్లాడి వాళ్లిద్దరి పెళ్లికి ఒప్పించాను. దానితో ప్రియ ఎంతో సంతోషించింది. ఇక వాళ్లిద్దరూ పెళ్లి చేసుకుని సంతోషంగా ఉంటారు. ప్రియని ప్రేమించిన వ్యక్తిగా తన సంతోషాన్ని తనకి ఇచ్చి ఒక మంచి ప్రేమికుడిలా కాకపోయినా ఒక మంచి స్నేహితుడిలా తన దృష్టిలో మిగిలిపోయాను. మనం ప్రేమించిన వాళ్లకి మన ప్రేమను పంచడంలో ఎంత ఆనందం ఉంటుందో. వారి కోసం మనం పడే బాధలో కూడా అంతే ఆనందం ఉంటుంది. ప్రియ నాకు దక్కలేదన్న బాధ ఏమాత్రం లేదు. తను ఇష్టపడ్డ వాడిని పెళ్లి చేసుకుని సంతోషంగా ఉంది. అది కూడా నా వల్లనే జరిగినందుకు నాకు చాలా సంతషంగా ఉంది. - రవి లేదా worldoflove@sakshi.comకు మెయిల్‌ చేయండి

ఆ మధ్య శతమానం భవతి సినిమా టి.విలో చూస్తుంటే చిన్ననాటి ప్రియురాలిని కలిసే సీన్ ఒకటి నా మనసును తాకింది. కాకతాళీయంగా నా చిన్నప్పటి జ్ఞాపకాలలోకి తొంగి చూశాను. ఒక అమాయకమైన ముగ్ధమనోహర మొహం, అల్లరితో చిలిపితనాన్ని కలగలిపి కళ్లలో పలికించే భావాలు.. నా కోసం వేచి చూచి పరితపించే తన అడుగులు.. నేను ఎప్పుడెప్పుడు కనిపిస్తానని ఆత్రుతగా ఎదురుచూసే తన మనస్సు.. చకోర పక్షిలా ఎప్పుడు నా కోసం ఎదురుచూసే రెండు కళ్లు వెరసి ‘’తను’’. ఒక రోజు నేను కనిపిస్తే చాలు తన రోజు గడిచి పోతుంది. నేను ఎక్కడికి వెళ్లినా ఏమి చేసినా ఓ రెండు కళ్లు మనసుతో వెంటాడేవి. ఆ కళ్లలో ఎన్నో ఊసులు. మరెన్నో మౌన ప్రేమ లేఖలు. కానీ, ఆలాంటి స్వచ్ఛమైన ప్రేమ నాకు ఎందుకో రుచించలేదు. ప్రేమ, కెరీర్‌ అని ఆలోచించినపుడు కెరీర్‌కే నా ఓటు వేసి తన అమూల్యమైన ప్రేమను చేజేతులా కాదనుకున్నాను. కాల గర్భంలో ఒక పది సంవత్సరాలు గడిచిపోయాయి. ఒక నెల క్రితం అకస్మాత్తుగా తను కనపడింది. ఎన్నో యుగాల నుండి ఒక అమూల్యమైన వస్తువు కోసం వెతికి వెతికి విసిగి వేసారిపోయి ఆశలు వదులుకునే సమయానికి దొరికితే ఎలా ఉంటుందో అలా తన కళ్లలో ఒక మెరుపు కనిపించింది. ఇద్దరం కలిసి ఒక హోటల్లో కూర్చొని కాఫీ తాగుతుంటే నా కళ్లలోకి సూటిగా చూస్తూ కళ్లను చెమర్చింది. ఆ కళ్లలో కొన్ని వేల సూటి ప్రశ్నలు.‘‘ నేను ఎందుకు నచ్చలేదు? నా ప్రేమని అపహాస్యం ఎందుకు చేసావు? ప్రేమించావనో లేక ప్రేమించలేదనో ఎదో ఒకటి చెప్పి ఉండాల్సింది. నన్ను ఎందుకు దారి మధ్యలోనే వదిలేశావు. పవన్ కళ్యాణ్ అభిమాని అని చెప్పుకుంటావు. సుస్వాగతం సినిమాలో హీరోయిన్ వెంట నాలుగు సంవత్సరాలు స్వచ్ఛమైన ప్రేమ కోసం వెంట పడతాడు. కానీ నువ్వు ఏండ్ల తరబడి ఆరాధిస్తే నన్ను పట్టించుకోకుండా వెళ్లిపోయావు. నీ ప్రేమ పొందటానికి నీ గురించే కాదు, నీ వాళ్ల గురించి, నీ స్నేహితుల గురించి అందరి గురించి చదివి.. నిన్ను అనునిత్యం వెతికే వెతుకులాటలో నన్ను నేను దూరం చేసుకుని ఒంటరి దాన్ని అయ్యాను. ఎవరో చెప్పినట్లు స్వచ్ఛమైన ప్రేమ ఎప్పటికి దొరకదంట. నిజం కాబోలు...! ఇంకా నా పిచ్చి కాకపోతే నిన్ను ప్రేమించాను. ఇన్నేళ్ల మన ఎడబాటులో ఒక్క క్షణమైనా నిన్ను తలుచుకోని క్షణం ఒక్కటి కూడా లేదంటే ఎవరిని నిందించను. నిన్నా.. లేక నిన్ను గుడ్డిగా ప్రేమించిన నా మనసునా.. తప్పు దానిది కాదులే ఎందుకంటే అది చేయాలిసిన పని అది చేసింది! నువ్వు చేయాల్సిన పని నువ్వు చేసావు. దానికి సర్ది చెప్పలేక, నిన్ను అందుకోలేక నిత్యం నరకయాతన అనుభవించాను. నా చెక్కిళ్లను ఎరుగని అశ్రువులు. నా హృదయ వేదనను ఎగబాకిన ఆక్రందనలు.. నీ తలంపుల ప్రవాహంలో పడి ఆవిరైన ఆశలెన్నో’’ నేను ఏమి చెప్పాలో.. ఎలా చెప్పాలో అర్థం కాలేదు.. ఏమి చెప్పగలను.. ప్రేమ అనే అపురూపమైన పదానికి నా జీవితంలో చోటు కల్పించలేకపోయానని చెప్పనా.. మానసిక పరిపక్వత లేని వయసులో ప్రేమ వద్దనుకున్నాను అని చెప్పనా! కానీ, అదే స్వచ్ఛమైనదని తెలిసే లోపు జరగాల్సిన నష్టం అంతా జరిగిపోయింది. కెరీర్‌లో ఏదో సాధిద్దామని జబ్బలు చరుచుకుంటూ నిన్ను వదిలేసి వెళ్లాను. కానీ ప్రేమను పొందలేని వాడు జీవితంలో ఏది సాధించినా ప్రేమ ముందు దిగదుడుపే. మనం కలవని క్షణాలు ఇక లేవని.. మనం గడిపిన క్షణాలను ఒక జీవితకాలానికి సరిపోయే జ్ఞాపకాలుగా మార్చుకుందామని.. ఇంక ఏమి చెప్పగలను ఒక్క మాట తప్ప... క్షమించు ప్రియా.. !!!!  ఇట్లు..  నీ రుక్మిణి కాంత్ లేదా worldoflove@sakshi.comకు మెయిల్‌ చేయండి

మాది నెల్లూరు జిల్లాలో సూర్యపాలెం గ్రామం. మా ఊరు అన్నా అక్కడి మనుషులు అన్నా నాకు చాలా ఇష్టం. అంతమంచి వాళ్లు. నేను లవ్‌ చేసిన అమ్మాయి ముస్లిం. మా ఊరులో ముస్లింలు చాలా మంచివారు. నాకు వాళ్లంటే చాలా ఇష్టం. మా ఊరిలో ఓ ముస్లిం అమ్మాయిని లవ్‌ చేశాను. పిచ్చిగా లవ్‌ చేశాను. ఆ అమ్మాయి కూడా నన్ను పిచ్చిగా లవ్‌ చేసింది. ఎంతంటే.. నేను కనిపించకపోయినా, ఓ నిమిషం మాట్లాడకపోయినా ఒప్పుకునేది కాదు. అంతలా ప్రేమించింది నన్ను. నన్ను పెళ్లి చేసుకోమంటూ డైలీ అడిగేది. చేసుకుంటానని చెప్పినా వినేది కాదు. అప్పటికి తను మైనర్‌. మైనారిటీ తీరటానికి ఇంకా నాలుగు నెలలు ఉంది. మైనారిటీ తీరితే చేసుకుంటాను అన్నా వినలేదు. నా కోసం తనను తాను బాధించుకునేది. ఏమ్‌ చేయాలో అర్థం కాలేదు. తనకు ఆవేశం ఎక్కువ. ఒకరోజు ఇద్దరం ఇంట్లోంచి వెళ్లిపోయాం. ఎలాగోలా బ్రతుకుదామని విజయవాడకు వెళ్లాం. కానీ, అక్కడ మా మామవాళ్లకు ఫోన్‌ చేస్తే బాగా తిట్టారు. మైనర్‌ బాలికను ఎలా తీసుకొచ్చావ్‌ అని. మరో వైపు ఆ అమ్మాయి వాళ్లు మా ఇంటి మీదకు పోయి గొడవచేస్తూ గందరగోళం చేశారు. ఏమి చేయాలో అర్థం కాలేదు. ఇంటికి ఫోన్‌ చేశాము ఇద్దరం. ఇంటికి రాకపోతే మా వాళ్లను చంపేస్తాం అని చెప్పేసరికి ఆ అమ్మాయికి ఏదో సర్ధి చెప్పి ఇంటికి తీసుకెళ్లాను. ఆ అమ్మాయి బాధతో కోపంగానే ఇంటికి వెళ్లింది. నా లైఫ్‌ రోడ్డుమీద పడిపోయింది. ఇంటికి పోలేక చాలా బాధపడ్డాను. అమ్మాయి లైఫ్‌ బాగానే ఉంటది. అబ్బాయిలే ఇబ్బందిపడేది. అంతలా ప్రేమించిన అమ్మాయి నువ్వునాకు వద్దు అంటూ ఫోన్‌ చేసింది. బాధతో చెప్పలేనంత టార్చర్‌ అనుభవించాను. నీ కోసం లైఫ్‌ అంతా ఎదురు చూస్తుంటాను. ఐ లవ్‌ యూ బంగారం.  - మాల కొండయ్య, నెల్లూరు చదవండి : ప్రేమ కావాలి.. పెళ్లి వద్దు! అన్నీ భరించాం.. అప్పులు కూడా తీర్చాం లేదా worldoflove@sakshi.comకు మెయిల్‌ చేయండి

నేను చిన్నప్పటినుంచి ఆంధ్రాలోని నాన్నమ్మ వాళ్ల దగ్గర పెరిగాను. మేలో సెలవులు రాగానే ముంబైలోని అమ్మానాన్నల దగ్గరకి వెళ్లేవాడిని. ఏడవతరగతి వరకు ఆంధ్రాలోనే చదివాను. సెవెన్త్‌ ఎక్షామ్స్‌ రాసి ముంబై వెళ్లిపోయాను. అప్పుడు నాన్న వేరే స్కూల్లో చేర్పించాడు. అదే స్కూల్లో మా మామయ్య కూతరు కూడా చదివేది. తను 9వ తరగతి నేను 8వ తరగతి. నిజానికి తను నాకంటే 1 సంవత్సరం చిన్నది. నేను మాత్రం చదువుమీద శ్రద్ధ లేక 1 సంవత్సరం వేస్ట్‌ చేసుకున్నా. బ్రేక్‌ టైంలో తను నాకోసం క్లాస్‌ దగ్గరకు వచ్చేది. టిఫిన్‌ తిన్నావా అని అడిగేది. అలా ఒక సంవత్సరం గడిచిపోయింది. తను టెన్త్‌ నేను నైన్త్‌కు వచ్చాము. అప్పుడే తనంటే నాకు ఇష్టం మొదలైంది. డైలీ తనకోసం బస్‌ దగ్గర వేయిట్‌ చేసే వాడిని పక్కన కూర్చోవటానికి చాలా సార్లు ట్రై చేశా. ఎప్పుడో ఒకసారి కుదిరేది. ఆమెకు మామిడిపండ్లంటే చాలా ఇష్టం చాలా సార్లు పండ్లు కోసిచ్చాను. తనకు తెలసు తనంటే నాకిష్టమని. అయితే ఏమీ మాట్లాడేది కాదు. తను టెన్త్‌ కంప్లీట్‌ చేసి ఇంటర్‌ జాయిన్‌అయ్యింది. మా బ్రదర్‌ తనకు చాలా క్లోజ్‌! అక్కా అని పిలుస్తాడు. ఒక రోజు తనకు నేను ప్రేమిస్తున్న సంగతి చెప్పేశాడు. తను కూల్‌గా రియాక్షన్‌ ఇచ్చి, ‘ వాడ్నే వచ్చిచెప్పమను’ అంది. నేను వెళ్లి ప్రపోజ్‌ చేస్తే నో చెప్పింది. అయినా కూడా ట్రై చేస్తూనే వచ్చా. 2014 టెన్త్‌ ఫేయిల్‌ అయ్యా. తన మైండ్‌లో నా ఇమేజ్‌ ఇంకా డౌన్‌ అయ్యింది. డైలీ వాట్సాప్‌లో విసిగించేవాడిని తనను. అలా నాలుగేళ్ల తర్వాత నాతో ఫ్రెండ్లీగా మాట్లాడటం మొదలుపెట్టింది. కొన్ని రోజులు వాట్సాప్‌లో చాటింగ్‌ చేసుకున్న తర్వాత వాయిస్‌ మెసేజ్‌లు పెట్టేవాడిని. కొన్ని కొన్ని సార్లు వాళ్ల ఇంట్లో ఎవరూ లేనప్పుడు గంటలు గంటలు మాట్లాడుకునే వాళ్లం. కొద్దిరోజులకు తను నా లవ్‌ను అంగీకరించింది. తను కాలేజ్‌కు వెళ్లే సమయానికి కలిసేవాడిని. ఓ సంవత్సరం గడిచిపోయింది. ఒకర్ని విడిచి ఒకరం ఉండలేక పోయేవాళ్లం. 2019లో మా మధ్య దూరం పెరిగింది. నేను టెన్త్‌ ఫేయిల్‌ తను గ్రాడ్యుయేషన్‌ పూర్తి చేసింది. నన్ను బాగా చదువుకోమని బ్రతిమాలింది. ఇంట్లో ఆర్థిక ఇబ్బందుల వల్ల నేను చదవలేకపోయా. అక్టోబర్‌లో వాళ్ల మామ మ్యారేజ్‌ కోసం విలేజ్‌కు వెళ్లింది. నేను కూడా వెళ్లా తనకోసం. తను నావైపు చూడను కూడా చూడలేదు. మాట్లాడటం మానేసింది, కాల్స్‌ కూడా చేయటం లేదు. వాళ్ల మామ వాళ్లది నాకంటే బెటర్‌ పొజిషన్‌, మంచి ఇళ్లు ఉన్నాయి. తను నన్ను దూరం పెట్టడం మొదలుపెట్టింది. తనతో మాట్లాడాలని చాలా ట్రై చేశా కానీ, కుదరలేదు. పెళ్లి తర్వాత ముంబై వచ్చేశాం. తర్వాత తను మెసేజ్‌ చేసింది. మా మధ్య అప్పటినుంచి నో ఫోన్‌ కాల్స్‌... మెసేజ్‌లు మాత్రమే ఉండేవి. ‘ఐదేళ్లలో నువ్వు ఏదైనా చేస్తే నీకు నన్ను ఇస్తారు. ఇప్పుడు నీ దగ్గర ప్రేమ తప్ప ఏమీ లేదు’ అనింది. నా కోసం, వాళ్ల ఫ్యామిలీ కోసం చాలా థింక్‌ చేసింది.  దూరంగా ఉండు నాకు. ప్రేమను చూపించకు’ అని అంది. ‘ దూరంగా అయితే ఉంటా. కానీ, నీ మీద ప్రేమ మాత్రం తగ్గదు’ అని రిప్లై ఇచ్చా. తను దూరంపెట్టడం స్టార్ట్‌ చేసింది. నేను తన సంతోషంలోనే నా సంతోషం చూసుకుంటూ మాట్లాడటం మానేశా. ఐ రియల్లీ లవ్‌ ఏ లాట్‌ మా... - రవి కుమార్‌, ముంబై లేదా worldoflove@sakshi.comకు మెయిల్‌ చేయండి

నేను ఇంటర్‌ చదువుత్ను రోజుల్లో కొద్దిగా డెవోషనల్‌గా ఉండేవాడిని. ఆ క్రమంలో ఓ అమ్మాయి మీద ఇష్టం ఏర్పడింది. తను కూడా డెవోషనల్‌ కార్యక్రమాల్లో పాల్గొనేది. అయితే ఓ రోజు తనను చూస్తూ అలా ఉండిపోయాను! ఎందుకో తెలీదు. తనకు ప్రేమ గురించి తెలిసే వయసుకూడా కాదు. కానీ, తన అల్లరి, చిలిపిగా ఉండే పద్ధతి నన్ను ఆకట్టుకుంది. కొంతకాలానికి చాలా సార్లు తనకు ఐ లవ్‌ యూ అని చెప్పినా సరిగ్గా పట్టించుకునేది కాదు. కానీ మళ్లీ మాతో సరదాగానే ఆడుకుంటుండేది. అయితే ఓ సారి మా ఇంట్లో ఓ కార్యక్రమం జరిగింది. దీంతో తను ఆ రోజు రాత్రి మా ఇంట్లో ఉండిపోయింది. ఎందుకంటే తను నా చెల్లెలి ఫ్రెండ్‌. అయితే ఆరోజు నేను ఎంతగా తనను ప్రేమిస్తున్నానో తెలియజేశాను. అప్పటినుంచి తను కూడా నన్ను ప్రేమించటం మొదలుపెట్టింది. కొద్దికాలానికి వాళ్ల ఇంట్లో మా ప్రేమ విషయం తెలిసిపోయింది. చాలా రహస్యంగా మాట్లాడుకునే వాళ్లం. ఈ విషయం తెలిసి ఆమెను కొట్టి వేరే ఊరికి పంపించేశారు. ఇద్దరి వైపు పెద్దవాళ్లను ఒప్పించి ఓ నిర్ణయానికి వచ్చాము. లైఫ్‌లో సెటిల్‌ అయిన తర్వాత పెళ్లి చేస్తామని అన్నారు. ఓ రోజు హఠాత్తుగా తను నా దగ్గరకు వచ్చింది. లేచిపోయి వెళ్లిపోదామని అంది. కానీ నేను తనను వెనక్కు పంపించేశాను. తనను తీసుకుని వెళ్లి పెళ్లి చేసుకోవటానికి నాకు ఉద్యోగం లేదు. దానికి తోడు వాళ్ల నాన్న రాజకీయంగా మంచి పలుకుబడి ఉన్న వ్యక్తి.  అందుకే కొద్దిగా వెనకడుగు వేశాను. నాకు వాళ్ల కుంటుంబం పరువు తీయటం ఇష్టం లేదు. ఒక్కర్తే కూతురు. అందుకే తనను ఒప్పించాను. వెనక్కు పంపించేశాను. తర్వాత నేను ఫారెన్‌ వెళ్లాను. తను కూడా చదువుకోవటానికి వేరే ఊరు వెళ్లింది. ఒక నెల తర్వాత తన ఫోన్‌ స్విచ్ఛాఫ్‌ వచ్చింది. చాలా టెన్షన్‌ పడ్డాను. పిచ్చిపట్టినట్లు అయ్యాను. కొంత కాలానికి తను ఉంటున్న బంధువుల ఫోన్‌ నెంబర్‌ సంపాదించి ఫోన్‌ చేశాను.  తను మాట్లాడలేదు. తర్వాత తను హాస్టల్‌లో ఉంటుందని తెలిసి హాస్టల్‌కు ఫోన్‌ చేశాను. అయితే తను ఫోన్‌ లిఫ్ట్‌ చేసి ‘నీకు అంతా తర్వాత చెప్తాను. ప్లీజ్‌ హాస్టల్‌కు కాల్‌ చేయకు.’ అని ఫోన్‌ పెట్టేసింది. ఎదురు చూసినా ప్రయోజనం లేకపోయింది. ఆ తర్వాత ఆమె ప్రవర్తన నన్ను చాలా బాధించింది. సూసైడ్‌ చేసుకోవాలనుకున్నాను. మానసిక క్షోభ అనుభవించాను. తర్వాత దేవుడికి దగ్గరయ్యాను. ఆ బాధనుంచి బయటపడగలిగాను. 2010లో మా ఇంట్లో వాళ్లు నన్ను పెళ్లి చేసుకోమని బలవంతపెట్టారు. కానీ, నేను సింగిల్‌గానే ఉంటానని చెప్పాను. మా ఫాదర్‌ ఆరోగ్యం బాగాలేకపోవటం వల్ల పెళ్లికి ఒప్పుకోక తప్పలేదు. ఈ జీవితంలో నేను సుఖంగా లేకపోయినా ఈ జీవితం నా తల్లిదండ్రులకు సంతోషాన్ని ఇవ్వాలని నిర్ణయించాను. పెళ్లికి ఒప్పుకున్నాను. అది కూడా ఒక పేదింటి అమ్మాయిని చేసుకుని మంచి లైఫ్‌ ఇవ్వాలనుకున్నాను. అనుకున్నట్లుగానే పెళ్లి కుదిరింది. అయితే రేపు పెళ్లి అనగా పెళ్లికి ముందు రోజు మా చెల్లిలికి ఫోన్‌ వచ్చింది. పెద్దషాక్‌! తను ఫోన్‌ చేసింది. తర్వాత నాతో ఒక మాట చెప్పాలంది. తను ఎందువల్ల అలా చేసిందో.. తనను వాళ్ల పేరెంట్స్‌ సౌకర్యవంతమైన జీవితానికి అలవాటు చేసి ఎలా మనసు మార్చారో వివరించింది. నా పరిస్థితి ఎండిపోయి పొట్టుగా తేలిపోయే విత్తనానికి తడి తగిలి మళ్లీ మొలకెత్తడానికి సిద్దమైనట్లు అయ్యింది. కానీ, ఒక్క రోజులో పెళ్లి.. హఠాత్తుగా పెళ్లి ఆగిపోతే నావల్ల చాలామంది ఇబ్బందులు ఎదుర్కోవలసి వస్తుంది. మేమిద్దరం పెళ్లిచేసుకుంటే మా రెండు ఫ్యామిలీస్‌ ఇబ్బందిపడతాయి. అందుకే పెద్దలు కుదిర్చిన పెళ్లి చేసుకున్నాను. కానీ, ఓకటే ఆలోచన.. నేను ప్రేమించిన అమ్మాయి పరిస్థితి ఏంటి అని. ఆ తర్వాత నాకు నా భార్యకు మధ్య గొడవలు వచ్చాయి. నేను మళ్లీ ఫారెన్‌కు వెళ్లిపోయాను. నా భార్య ఇండియాలోనే ఉండిపోయింది. అయితే ఒక రోజు సడెన్‌గా ఒక న్యూస్‌ తెలిసింది. నేను ప్రేమించిన అమ్మాయి కూడా పెళ్లి చేసుకుందని తెలుసుకున్నాను. ఇప్పుడు తనకు ఇద్దరు పిల్లలు. హ్యాపీగా ఉంది. నాకు కూడా ఇద్దరు పిల్లలు పడవ ప్రయాణంలా జీవితం కొనసాగుతోంది.   - చిన్నూ లేదా worldoflove@sakshi.comకు మెయిల్‌ చేయండి

పక్క పక్క ఇళ్లు మావి. 9వ తరగతి వరకు కలిసి చదువుకున్నాం. నేను స్కూల్‌కు ఎక్కువగా వెళ్లింది లేదు. కానీ, ప్రతి సారి క్లాస్ ఫస్ట్ వచ్చే వాడ్ని. ఆ అభిమానంతో కావచ్చు ఆ అమ్మాయి ఎప్పుడు నాతో మాట్లాడాలని ట్రై చేసేది. టెన్త్, ఇంటర్ వేరే దగ్గర చదివాం. తను బీటెక్‌ వాళ్ల బంధువు ఊరిలో జాయిన్ అయింది. నేను డిగ్రీలో జాయిన్‌ అయి ఇంటి దగ్గరే వుండే వాడ్ని. తను సెలవుల్లో ఇంటికి వచ్చినప్పుడు నన్ను చూసేది. అప్పటికే తనకి వాళ్ల బావతో లవ్ అని, వాళ్ల ఇంట్లో ఇష్టం లేక వేరే ఊరిలో ఉంచి చదివిస్తున్నారని తెల్సు. ఒకసారి వాళ్ల అన్న ఫోన్‌లో నెంబర్ చూసి మెసేజ్ చేశా. తను ఆశ్చర్యపోయింది. కొద్దిరోజుల తర్వాత నిజాయితీగా తన బ్రేకప్ గురించి చెప్పింది. అప్పటి నుంచి రోజూ కాల్స్, మెసేజ్‌లు మా లోకం అయ్యాయి. చదువు అటకెక్కిoది. ప్రేమ పెళ్లి చేసుకుందాం అని ఎన్నో మాటలు చెప్పింది. అప్పటికే మా అన్నయ్యకి గవర్నమెంట్ జాబ్ వచ్చింది. నేను ఏదైనా వర్క్ చేయాలని ప్లాన్ చేసుకుంటున్నా. ఈలోపు తనకు ఎవరితోనో పెళ్లి కుదిరింది. ఇక ఆ తర్వాతి నుంచి నాకు రోజూ ఫోన్ చేసి ‘నన్ను పెళ్లి చేసుకో లేకపోతే చనిపోతా’ అనేది. ఈ విషయం మా ఇంట్లో తెలిసింది. అన్నయ్య ఫ్రెండ్స్ ఫోన్ చేసి ‘ఆ అమ్మాయి ఫ్యామిలీ మంచి వాళ్లలా లేరు! ఊరుకో లేదంటే ఆ అమ్మాయి వస్తే తీసుకెళ్లి పెళ్లి చేసుకోండి’ అన్నారు. ఈ విషయం పెళ్లి కుదిరిన అబ్బాయికి తెలియడంతో వాడు తేడాగా మాట్లాడటం బెదిరించడం చేశాడు. తను సూసైడ్‌ అటెంప్ట్ చేసుకుంది. దీంతో వాడితో పెళ్లి రద్దు చేశారు. వాళ్ల నాన్న తనను బాగా కొట్టి చనిపోతా అని బెదిరించి.. నేను తనను ప్రేమ పేరుతో తనని వేధిస్తున్నానని పోలీసులకు ఫిర్యాదు చేశారు. 2 నెలలు స్టేషన్, కోర్టు చుట్టూ తిరిగిన. పేరెంట్స్, ఫ్రెండ్స్, బంధువులు, ఊరిలో వాళ్లంతా అవమానంగా చూశారు, దూరం పెట్టారు. చనిపోవాలని చేయని ప్రయత్నం లేదు. అయినా ధైర్యం చాలక చావు అంచు వరకు వెళ్లి వచ్చా. నా పరిస్థితి చూసిన అన్నయ్య, తన ఫ్రెండ్ నన్ను హైదరాబాద్ తీసుకెళ్లారు. ఉస్మానియా హాస్టల్లో ఉంచారు. మెల్లిగా మామూలు స్థితికి వచ్చిన. చదువుతున్న విద్యార్థుల మధ్య ఉండటంతో నా మీద నాకు నమ్మకం వచ్చింది. 2 సంవత్సరాల డిగ్రీ బ్యాక్‌లాగ్స్‌ మొత్తం ఒకేసారి పాస్ అయ్యాను. ఈలోగా ఎస్‌ఐ , కానిస్టేబుల్‌ నోటిఫికేషన్ వచ్చింది. ఎస్‌ఐ జాబ్‌ కొద్దిలో మిస్ అయ్యింది. అన్నయ్యకి ఎస్‌ఐ జాబ్, నాకు కానిస్టేబుల్ జాబ్ వచ్చింది. ఈలోగా వాళ్లే కోర్టు చుట్టూ తిరగం అని నామీద పెట్టిన కేసు వాపస్ చేశారు. 19 నెలల తరువాత ఇంటికి వెళ్లిన. నన్ను కొట్టిన ఎస్‌ఐ, మా తహశీల్దార్ ఊరిలో సన్మానం చేశారు. ఇప్పుడు జాబ్ చేస్తూ వున్నా. కారణాలు ఏవైనా గానీ అమ్మాయిని గుడ్డిగా నమ్మి, నన్ను నా ఫ్యామిలీని ఎంతో బాధ పెట్టిన. నాకు నేనంటే ఎప్పటికీ అసహ్యo. అమ్మాయి తల్లిదండ్రులు ఏం ఆలోచించి నన్ను వేధించారో గానీ, ఇప్పుడు నేను ఊరికి వెళ్లినప్పుడు నా ముందు తల దించుకుని వెళ్తున్నారు. - శ్రీనాథ్‌, వరంగల్‌ లేదా worldoflove@sakshi.comకు మెయిల్‌ చేయండి

చిన్నప్పటినుంచి నాకు నా క్లాస్‌మేట్‌ వినూష అంటే చాలా ఇష్టం. తాను నేను కలిసి మా ఊరులో 1 నుండి 10th వరకు చదువుకున్నాం. మంచి ఫ్రెండ్స్ అయ్యాం. నాకు అసలు లెక్కల సబ్జెక్ట్ వచ్చేదేకాదు. తనే దగ్గరుండి నాకు చిన్న చిన్న ప్రాబ్లమ్స్ నేర్పించేది. నాతో చాలా బాగుండేది. అలా ఒక రోజు 9th క్లాస్‌లో ఉన్నపుడు తనకి ప్రపోజ్ చేశాను. తను రెస్పాండ్‌ కాలేదు. రెండు రోజుల తర్వాతి దాకా నాతో మాట్లాడలేదు. ‘నేనేమైనా ఆ అమ్మాయిని తప్పుగా అన్నాన’ అని అనిపించేది. ఒక రోజు తనే వచ్చి ఇలా అంది.. ‘సుబ్బు నాకు మా అమ్మ అంటే చాలా ఇష్టం అమ్మ ఎవరిని పెళ్లి చేసుకోమంటే వలనే చేసుకుంటాను. నీ మీద ఎటువంటి ఫీలింగ్స్ లేవు. నిన్ను ఒక ఫ్రెండుగానే చూశాను. ఇలానే ఎప్పటికీ మంచి ఫ్రెండ్స్‌గా ఉందాం’ అంది. నేను సరే అన్నాను. అలానే 10th క్లాస్ పూర్తయింది. నేను డిప్లమా జాయిన్ అయ్యాను. తను చీరాలలో ఇంటర్ జాయిన్ అయ్యింది. మా మధ్య దూరం ఉన్నా డైలీ ఫోన్లో మాట్లాడుకునే వాళ్లం. ఒక రోజు తను కాల్ చేసి ‘సుబ్బు మా అమ్మని ఒప్పించు ఇద్దరం పెళ్లి చేసుకుందాం’ అంది అప్పుడు చాలా సంతోషం వేసింది. తను అలా అనగానే ఇక ఆలస్యం చేయకుండా మా అమ్మ నాన్నని తీసుకుని వాళ్ల ఇంటికి వెళ్లాం. ఎంత సంతోషంగా వెళ్లానో తిరిగి అంత బాధతో వచ్చాను. ఎంత చెప్పినా వాళ్ల అమ్మ ఒప్పుకోలేదు. అమ్మ ఒప్పుకోనిదే తను నన్ను పెళ్లి చేసుకోదు అని అర్థమైంది. ఆ రోజు నుంచి తనతో నేను మాట్లాడలేదు. అలా ఒక సంవత్సరం గడిచిపోయింది. తనకి పెళ్లయిందని తెలిసింది. తట్టుకోలేకపోయాను! ఒక మంచి అమ్మాయిని మిస్ అయ్యాననిపించింది. తాను ఎక్కడ ఉన్నా హ్యాపీగా ఉండాలని కోరుకుంటున్నాను. మిస్ యూ వినూష ఎప్పటికీ నువ్వే నా బెస్ట్ ఫ్రెండ్. - వి. సుబ్బు లేదా worldoflove@sakshi.comకు మెయిల్‌ చేయండి

దగ్గరగా ఉన్నప్పుడు మనిషి విలువ తెలియదంటారు.. ఒకసారి బంధం నుంచి బయటకు వచ్చాక ఎదుటి వాళ్లను ఎంత మిస్‌ అవుతున్నామో అప్పుడు అర్థం అవుతుంది. అప్పటి వరకు అన్ని ఉన్న నా లైఫ్‌లోకి లైఫ్‌లైన్‌లా వచ్చాడు. మరో కొత్త ప్రపంచాన్ని చూపించాడు. నాకు ప్రాణంలాగా మారాడు. ఎంత త్వరగా దగ్గరయ్యాడో.. అంతే త్వరగా నానుంచి దూరమయ్యాడు. కానీ తనతో ఉన్న ప్రతిక్షణం నాకు మధురమే! అది ప్రేమైనా.. బాధ అయినా. ప్రతి ఒక్కరి లైఫ్‌లో కొన్ని గోల్డెన్‌ మూవ్‌మెంట్స్‌ ఉంటాయి. బట్‌ నా లైఫ్‌లో వాడే ఒక గోల్డ్‌. నా దురదృష్టం కొద్దీ నాకు తను పరిచయం ​అయ్యేలోపే నా లైఫ్‌లో వేరే వ్యక్తి ఉన్నాడు. నా స్టడీస్‌ అయిపోయాక ప్రాజెక్ట్‌ వర్క్‌ మీద ఒక ఇన్‌స్టిట్యూట్‌లో జాయిన్‌ అయ్యాను. అక్కడ జాయిన్‌ అయిన ఒక నెలకి సూర్య పరిచయం అయ్యాడు. నేను ఇన్‌స్టిట్యూట్‌లో జాయిన్‌ అయిన మొదటి రోజే చూశాడట కానీ నాకు తెలియదు. పేరు సూర్య. ముద్దుగా నానా అని పిలిచే దాన్ని. అందరిలాగే ఫ్రెండ్‌లా మాట్లాడేవాడు. కానీ తను మాట్లాడుతుంటే నాలో ఏదో కొత్త ఫీలింగ్‌. తనకు నేనంటే చాలా ఇష్టం. మేం మాట్లాడటం మొదలెట్టిన ఒక వారం తర్వాత నేనంటే నీకు ఇష్టమేనా అని అడిగాడు. అప్పటికే నాకు లవర్‌ ఉన్నాడని చెప్పేశాను. అయినా పెద్దగా రియాక్ట్‌ అవ్వలేదు. ‘నేనంటే ఇష్టం ఉంటే మాట్లాడు’ అని సైలెంట్‌ అయిపోయాడు. సరే అని ఓ ఫ్రెండ్‌లా మాట్లాడేదాన్ని. బట్‌ తనతో మాట్లాడుతుంటే ఏదో ఫీలింగ్‌. నావాడు అన్న ఫీలింగ్‌ రోజురోజుకీ తన మీద ఇష్టం పెరిగిపోయింది. ఒక రోజు ప్రపోజ్‌ చేశాడు. నేను యస్‌ అని చెప్పలేదు కానీ తనతో క్లోజ్‌గానే మూవ్‌ అయ్యాను. అలా మా ప్రేమకు తొలి అడుగులు పడ్డాయి. రోజూ చాటింగ్‌, కాల్స్‌ చేసుకునేవాళ్లం. తనతో మాట్లాడుతున్నంత సేపు ఏదో తెలియని సంతోషం. తను ముందే ఎందుకు పరిచయం కాకూడదు.. అనుకోని రోజు లేదు. అలా ఒక ఆరు నెలలు గడిచిపోయాయి. చెప్పాను కదా ఇది వరకే నా లైఫ్‌లో ఒక వ్యక్తి ఉన్నాడని. అతని విషయంలో గొడవలు మొదలయ్యాయి. నిజానికి తన గురించి సూర్య దగ్గర కొన్ని నిజాలు దాచాను. అవి తెలిసిన రోజున సూర్య చాలా ఫీల్‌ అయ్యాడు. అలా మా మధ్య దూరం పెరుగుతూ వచ్చింది. అయినా మా మధ్య ఉన్న ప్రేమ వల్ల మళ్లీ కలిసే వాళ్లం. మళ్లీ గొడవ.. మళ్లీ మాట్లాడటం.. ఇలా సంవత్సరం గడిచిపోయింది. తను నన్ను పెళ్లి చేసుకుంటా అని అడిగాడు. ఆ రోజు లైఫ్‌లో ఎంతో సంతోషంగా ఫీల్‌ అయ్యా అయితే రిటర్న్‌లో సమాధానం చెప్పలేకపోయా. అలా అని వాడంటే ఇష్టం లేక కాదు.. వాడంటే నాకు ప్రాణం. కానీ.. నా లైఫ్‌లో ఉన్న వ్యక్తి గుర్తొచ్చి ఆగిపోయా. ఆ వ్యక్తిని చేసుకుంటే నా జీవితంలో సంతోషంగా ఉండలేను అన్న విషయం తెలిసినా నేను చేస్తున్నది తప్పు అని తెలిసినా తప్పని పరిస్థితి నాది. నన్ను నేను మరిచే అంతగా నచ్చాడు సూర్య. కానీ కాలం మమ్మల్ని ఎక్కువ రోజులు కలిసి ఉండనివ్వలేదు. తుంపరిలా వచ్చిన వాన ఎడతెరిపి లేని వర్షంలా మారింది. తనకు నా మీద నమ్మకం పోయింది. నేనేం చేసినా మళ్లీ ఆ నమ్మకాన్ని దక్కించుకోలేకపోయాను. ఎంతో సంతోషంగా ఉన్న రోజులని మరిచిపోయి గొడవలే మా మధ్య గుర్తుకు వచ్చే పరిస్థితికి పోయాం. అందులో తప్పులేదు. అలా అవ్వడానికి కారణం నేను. ఎన్ని గొడవలు అయినా తన మీద నాకు తొందరగా కోపం పోయి మాట్లాడేదాన్ని. తను మాట్లాడేవాడు. కానీ అంతంతమాత్రమే. రోజులు గడిచాయి. ఇప్పుడు ఆ మాటలు కూడా కరువయ్యాయి.. పూర్తిగా మాట్లాడటం మానేశాడు. అలా కాలం గడిచిపోయింది. తనకు ఇంట్లో వాళ్లు పెళ్లి సంబంధాలు చూడటం మొదలెట్టారు. కొద్ది రోజులకు తనకు ఒకమ్మాయితో పెళ్లి ఫిక్స్‌ అయింది. కానీ నేను రోజు తన గురించి ఆలోచిస్తూ.. తనతో మాట్లాడకుండా ఉండలేకున్నా. రోజూ తననే తల్చుకుంటూ రోజులు గడుపుతున్నా.. బట్‌ తన లైఫ్‌లోకి మళ్లీ వెళ్లి డిస్టర్బ్‌ చేయాలని లేదు. జీవితాంతం తనను ప్రేమిస్తుంటాను అన్న ఒక్క మాట తనకి గుర్తుంటే చాలు. తను హ్యాపీగా ఉంటే చాలనిపిస్తోంది. హ్యాపీ మ్యారీడ్‌ లైఫ్‌ సూర్య... - ఆధ్య, కదిరి లేదా worldoflove@sakshi.comకు మెయిల్‌ చేయండి

అప్పుడే స్కూల్‌ లైఫ్‌ ముగిసి కాలేజ్‌ లైఫ్‌ మొదలైంది. మదిలో ఏదో ఆనందం. కాలేజ్‌లోకి అడుగుపెట్టగానే ఏదో మెరుపు వచ్చి తగిలినట్లు నాకు అనిపించింది. చూస్తే అది ఒక అమ్మాయి చిరునవ్వు. అలా ప్రతి రోజు ఆ చిరునవ్వు చూడటానికి కాలేజ్‌కు వెళ్లేవాడిని. ఆమె చిరునవ్వు చూస్తూ ఓ సంవత్సరం వేస్ట్‌ అయ్యింది. ఏదో తెలియని ఫీలింగ్‌.. ఆ అమ్మాయితోచెప్పలేకపోతున్నాననే బాధ. ఆ అమ్మాయి ఎందుకు బయటపడట్లేదు అనే ఆలోచన. అలా ఒకరిని ఒకరం చూసుకుంటూ ఆరు నెలలు గడిపాము. ఎందుకో నాలో తెలియని అహంకారం మొదలైంది. నా మీద నాకే కోపం వచ్చింది. నా ప్రేమను చెప్పలేకపోతున్నాననే బాధతో ఓ రోజు ధైర్యం చేసి ఆ అమ్మాయికి నా మనసులో మాట చెప్పకనే చెప్పా. అప్పుడు ఆ అమ్మాయి నాతో అన్న మాట ఇప్పటికీ గుర్తుకు వస్తూనే ఉంటుంది. ‘16 నెలలు పట్టిందా ఈ విషయం చెప్పటానికి’ అని అడిగింది. నవ్వుతూనే.. ‘నిజంగా నేను కూడా నీతో ఈ మాట చెప్పించటానికి ఇంత టైం తీసుకుంటున్నందకు సారీ’ అని చెప్పి, నేను చెప్పిన మాటే మళ్లీ నాకు చెప్పి వెళ్లిపోయింది. తర్వాత నా సంతోషానికి హద్దులు లేవు. అంత ఎంజాయ్‌ చేశా. అలా లవ్‌ చేసుకుంటూ ఓ సంవత్సరం చాలా వేగంగా గడిచిపోయింది. తర్వాత డిగ్రీ జాయిన్‌​ అయ్యాం. అదే కాలేజీలో రెండు నెలలు కలిసి చదివాం. సడెన్‌గా షాక్‌! ‘సారీ మా ఇంట్లో మన ప్రేమ విషయం తెలిసిపోయింది’ అని చెప్పింది. తర్వాత ఆ అమ్మాయిని వైజాగ్‌లోని కాలేజ్‌లో జాయిన్‌ చేశారు. అప్పుడు దూరమైన అమ్మాయిని ఇప్పటివరకు ఒక్కసారి కూడా నేను చూడలేదు. చాలా సార్లు ట్రై చేశా కానీ, ఆ అమ్మాయిని చూడలేకపోయా. ఐ మిస్‌ యూ బంగారం. - ఈశ్వర్‌, లక్ష్మీపురం చదవండి : అతడిది బట్టతల.. అందమైన అమ్మాయి కావాలి ప్రైవేట్‌ జాబ్‌ అయితే నాన్న ఒప్పుకోరు అంది లేదా worldoflove@sakshi.comకు మెయిల్‌ చేయండి

మేమిద్దరం చిన్నప్పటినుంచి కలిసే పెరిగాం. వాళ్లు మా ఇంట్లోనే అద్దెకు ఉండేవాళ్లు. అప్పటినుంచే ఒకరంటేఒకరికి ఇష్టం. తను ఎంఎస్‌సీ చదవటానికి హైదరాబాద్‌ వచ్చేసింది. అప్పుడు తనకు నేను ప్రపోజ్‌ చేశా. ఆ మరుక్షణమే తను నా ప్రేమను అంగీకరించింది. మా ఇద్దరి మధ్యా ప్రేమ వ్యవహారం సాఫీగా సాగిపోయేది. మొదట్లో నేను ఓ ఎంఎన్‌సీ కంపెనీలో పనిచేసేవాడిని. ‘ప్రైవేట్‌ జాబ్స్‌ అయితే మా నాన్న పెళ్లికి ఒప్పుకోరు. గవర్నమెంట్‌ జాబ్‌కోసం ట్రై చెయ్‌’  అంది. నేను వెంటనే ఆ ఉద్యోగం మానేసి గవర్నమెంట్‌ జాబ్‌కోసం ప్రిపేర్‌ అవ్వటం మొదలుపెట్టాను. ప్రస్తుతం నా చేతిలో మూడు గవర్నమెంట్‌ జాబ్‌లు ఉన్నాయి. మా అక్కకు మూడేళ్ల మా ప్రేమ విషయం తెలిసింది. దీంతో తను వాళ్ల ఇంటికి వెళ్లి నా గర్ల్‌ఫ్రెండ్‌కు అంతా వివరించి చెప్పింది. కొద్దిరోజుల తర్వాత ఆమె ఇంట్లో వాళ్లు తనకు సంబంధాలు చూడటం మొదలుపెట్టారు. ఓ అబ్బాయితో సంబంధం ఖాయం అయ్యింది. తను ఆ అబ్బాయి వివరాలు నాకు చెప్పింది. ‘నా చేతుల్లో ఏమీ లేదు. నేనేమీ చేయలేను. నన్ను వదిలేయ్‌’ అంది. నేను ధైర్యం చేసి మా అమ్మానాన్నలతో మాట్లాడాను. వాళ్లు ఆమె ఇంటికి వెళ్లి అంతా వివరించారు. వాళ్లు ఒప్పుకోలేదు. చాలా సినిమాల్లో విన్న డైలాగే.. ‘ నువ్వు వాడ్ని పెళ్లి చేసుకుంటే మేము ఆత్మహత్య చేసుకుంటాం’ అని తనను బెదిరించారు. తను ఏమీ అనలేకపోయింది. మౌనంగా ఏడ్చింది. ఇదేమీ వర్క్‌అవుట్‌ కాదని అర్థమైంది. అందుకని, ఆమెను చేసుకోవటానికి ఒప్పుకున్న అబ్బాయివాళ్ల సైడ్‌నుంచి ప్రయత్నాలు మొదలుపెట్టాను. నేను ఆ అబ్బాయికి జరిగిందంతా చెప్పాను. అతడు కూడా నేనేమీ చేయలేను అని చేతులెత్తేశాడు. మేమిద్దరం ఒకే ఊళ్లో ఉంటున్నాం. మా మధ్య 100 మీటర్ల దూరం ఉంది. నేనేమి చేయాలో అర్థం కావటంలేదు. రోజురోజుకు పిచ్చి వాన్నవుతున్నా. - వాసు చదవండి : అతడ్ని మర్చిపోవడానికి పూజలు చేయించారు ఆ బాధ వర్ణనాతీతం లేదా worldoflove@sakshi.comకు మెయిల్‌ చేయండి

నేను నా పనేదో చేసుకుంటూ.. అప్పుడప్పుడు ఫేస్‌బుక్‌ గ్రూప్‌లో పోస్టులు పెడుతూ ఉండేవాడిని. ఓ సారి ఎవరో ఒక అమ్మాయి ‘హాయ్‌’ అని మెసేజ్ పెట్టింది. నేను పట్టించుకోలేదు. రెండోసారి కూడా ‘హాయ్‌’ అని మెసేజ్‌ పెట్టింది. సర్లే ఎవరో తెలుసుకుందాం అని నేను కూడా రిప్లై పెట్టా. ఇక అంతే అక్కడి నుండి స్టోరీ ఎక్కడికో వెళ్లిపోయింది. మొదట్లో బాగానే మాట్లాడుకునే వాళ్లం. మా పరిచయం కూడా ఎక్కడికో వెళ్లింది. తను ఫ్రోఫైల్ పిక్ పెట్టలేదు కానీ, నా ఫ్రొఫైల్ మొత్తం చూసింది. నా ఫొటోస్ కూడా కలెక్ట్ చేసి పెట్టుకుంది. ఎందుకో తెలియలేదు. ఆమె వాయిస్ సూపర్‌గా ఉంటుంది. అచ్చం జెస్సి వాయిస్ లాగా. ఆటిట్యూడ్ కూడా సూపర్. మాటలతో మనిషిని మార్చేసే టెక్నిక్ ఆమె సొంతం. మొత్తానికి ఆమె క్యారెక్టర్ నాకు బాగా నచ్చింది. కొన్ని రోజులు బాగానే మాట్లాడింది. ఇక నేను ఆగలేక ప్రపోస్‌ చేశా. ప్రపోజ్‌ చేసిన తర్వాత చాలా సార్లు గొడవలు అయ్యాయి. విడిపోదాం అని నేనే అన్నాను కానీ, ఆమె అసలు అనలేదు. ఎందుకో అర్ధం కాలేదు. ‘నేను రిలేషన్‌ని వదులుకోను.. నువ్వు వదులుకుంటావేమో’ అని అంది. ఆ పరిస్థితుల్లో కూడా బాగా నచ్చింది. ‘నువ్వు ఎలా ఉన్నా నాకు పర్వాలేదు! మనం పెళ్లి చేసుకుందాం’ అని అడిగా. అప్పుడప్పుడు గొడవ పడుతున్నా తర్వాత నేను కూల్‌ అయ్యి సారీ చెప్పేవాడిని. అపుడు తను అసలు మెసేజ్ చేసేది కాదు. ‘ఎందుకు?’ అని అడిగితే.. ‘నేను గొడవ పెంచాలనుకోవడం లేదు’ అని అంటుంది. ఇలా కొన్ని రోజులు అయిపోయాయి. ఓసారి కలుద్దాం అని అనుకున్నాం. తనే డేట్‌ ఫిక్స్ చేసింది. ఎందుకు ఆ రోజు అంటే, ఆ రోజు మంచి రోజు అని అంది. సరే ఆ రోజే కలుద్దాం అనుకున్నాం. ‘నీకు కోపం ఎక్కువ అప్పటి లోపు కోపం తగ్గించుకో’ అంది. అస్సలు కోపం తెచ్చుకోను అని చెప్పి చాలా సార్లు కోపడ్డా ఆమె మీద. అయినా సరే ఎప్పుడు కూడా మాట్లాడం మానేయలేదు. చాలా మంది నాతో చెప్పారు ‘ఫేస్‌బుక్‌ అమ్మాయిల్ని నమ్మవద్దు’ అని. నేను కూడా అదే కరెక్ట్ అని అనుకున్నా. ఎందుకంటే ఆమె వివరాల గురించి అడిగినపుడు ఏమీ చెప్పలేదు. ‘ఇంకా టైం ఉంది తర్వాత చెప్తా’ అని అంది. అప్పుడు ఒకసారి అనుమానం వచ్చింది. నేను ఏదైనా ముఖం మీదే అడిగేస్తా. అలానే ఆమెని కూడా అడిగేశా. ఆమె చాలా హర్ట్ అయింది! బాధ పడుతూ చెప్పింది. ‘ఒక రోజు ఫిక్స్ చేసుకున్నాం కదా! ఆ రోజు అన్ని వివరాలు చెప్తా’ అని అంది. సరే ఇక నేను కూడా అలాగే అని చెప్పి ఊరుకున్నా. నేను చాలా సార్లు ఆమెని ‘నువ్వు నన్ను మోసం చేసావ్' అని అన్నాను. అందుకు ఆమె చాలా బాధ పడింది. కానీ నన్ను వదిలేద్దాం అని ఎప్పుడూ అనుకోలేదు. తనను అర్థం చేసుకున్నా. కానీ, తన కోసం ఎన్ని రోజులు ఆగాలో మాత్రం అర్ధం కాలేదు. నువ్వు మా అమ్మ కన్నా ఎక్కువ అని చెప్పా. అర్థం చేసుకుంటాది అని అనుకున్నా. నేను చెప్పేది నిజం కాదు అనుకుంది. సడెన్‌గా ఒకరోజు ‘మా అమ్మకి బాగోలేదు. సీరియస్‌గా ఉంది. చెన్నై తీసుకువెళ్లాలి’ అని అంది. ‘చెన్నై వెళ్తే నన్ను మరచిపోతావా?’ అని అడిగింది. ‘నేను నిన్నెపుడూ మర్చిపోను.. ముందు ఆంటీకి బాగుండాలి. దైర్యంగా వెళ్లు’ అని చెప్పాను. ఆమె చెన్నై వెళ్లింది. కానీ ఇప్పటివరకు మెసేజ్ కానీ, ఫోన్ కాల్ గానీ లేదు. అక్కడ పరిస్థితి ఏంటో నాకు తెలీదు. ఏం చేయాలో నాకు అర్థం కాలేదు. ఫేస్‌బుక్‌లో రోజూ ఆన్‌లైన్‌లోనే ఉంటుంది కానీ, నాకు రిప్లై ఇవ్వడం లేదు. నా ప్రేమ తనకి అర్ధం కాలేదని తెలుసుకున్నా. ఇచ్చిన మాట ప్రకారం నేను గుడికి వెళ్లా. ఆ గుడిలో పూజారిని అడిగా! నా కథ మొత్తం చెప్పా. అమ్మవారి మీద ప్రామిస్ చేసింది. తప్పకుండా వస్తా అంది. కానీ, రాలేదు. అపుడు పంతులు గారు ‘అమ్మ వారితో ఆటలాడితే ఫలితం విపరీతంగా ఉంటుంది. నువ్వు అమ్మ వారిని నమ్ముకున్నావ్ కదా! అమ్మ వారు నీకు మంచి చేస్తుంది’ అని అన్నారు. ‘విజయవాడ నుండి ఒంగోలు వచ్చి వేస్ట్ అయింది’ అని గుడి మెట్లు దిగుతుంటే నాకు ఒక కాల్ వచ్చింది. నా ఫ్రెండ్ చనిపోయాడని. వాడు కూడా అమ్మ వారి మీద ప్రామిస్ చేసి తన లవర్‌ని వదలను అని చెప్పాడు. కానీ మోసం చేశాడు. అమ్మ వారు వెంటనే ఫలితం చూపించింది. ఇక మనసులో నేను ' నువ్వు ఉన్నావు తల్లి' అని అనుకుంటూ తిరిగి మా ఇంటికి వచ్చేశా. - శ్రీనాథ్‌ లేదా worldoflove@sakshi.comకు మెయిల్‌ చేయండి

నేను హై స్కూల్లో చదువుతున్న రోజుల్లో ఓ అమ్మాయిని ప్రేమించాను. కానీ, ఆ అమ్మాయికి నా ప్రేమ విషయం చెప్పటానికి భయం వేసి చెప్పలేక పోయా. ఒక వేళ చెప్పేసి ఉంటే అమ్మాయి కచ్చితంగా ఓకే చేసి ఉండేది. కానీ, నా బ్యాడ్‌లక్‌ నేను చెప్పలేకపోయా. పదవ తరగతి అయిపోయిన తర్వాత తను మా ఊరికి వచ్చేసింది. ఎందుకంటే వాళ్ల అమ్మమ్మ వాళ్లు మా ఊర్లోనే ఉంటారు. అప్పుడు తనతో మామూలుగా మాట్లాడేవాడ్ని. అయినా కూడా నా ప్రేమ విషయం తనకు చెప్పలేకపోయా. ఆ తర్వాత కొన్ని రోజులలో ఇంటర్‌ అయిపోయింది. అమ్మాయి వాళ్ల మొబైల్‌ నెంబర్‌ దొరికింది. తెలిసీతెలియని వయసులో వాళ్ల పేరెంట్స్‌ నెంబర్‌ అని తెలియక మెసేజ్‌లు చేశా. అవి వాళ్లు చూసి నాకు వార్నింగ్‌ ఇచ్చారు. తర్వాత నేను చేసిన తప్పుకు ఆమె ఫేస్‌బుక్‌కి మెసేజ్‌ చేసి స్వారీ చెప్పుకున్నా. ఆ సంఘటన వల్ల నా మీద ఉన్న మంచి అభిప్రాయం మొత్తం పాడైపోయింది. ఏం చేస్తాం, అది నా బ్యాడ్‌ లక్‌! తెలిసీ తెలియని వయసులో అలా చేశా. బట్‌ ఇప్పుడు నా లైఫ్‌లోకి అంతకంటే మంచి అమ్మాయి వచ్చింది. ఫైనల్‌గా హ్యాపీగా ఉన్నా. జాబ్‌ రాగానే పెళ్లి చేసుకోవటానికి రెడీగా ఉన్నా. - శ్రీకాంత్‌, విశాఖపట్నం చదవండి : ఆమె లేని లోటును పూడ్చలేకున్నా చచ్చేదాకా అతడితోనే లైఫ్‌ అన్నాను లేదా worldoflove@sakshi.comకు మెయిల్‌ చేయండి

ఓడిపోవటమే తెలిసిన నాకు తనను చూడగానే ఫస్ట్‌ టైమ్‌ గెలవాలనిపించింది. తనతో ఫ్రెండ్‌షిప్‌ చేయడానికి చాలా ట్రై చేసి చివరకు గెలిచాను. కానీ, మా మధ్య ఉన్నది స్నేహం మాత్రమే కాదు, అని చెప్పాలనుకున్నాను. తన కళ్లలోకి చూసి మాట్లాడలేని నేను ఎలా చెప్పాలో తెలీక ‘నేను ఓ అమ్మాయిని ప్రేమిస్తున్నాను. తనుకు ఎలా చెప్పాలో తెలియటం లేదు’ అని తనను లవ్‌ చేస్తున్న స్టోరీని తనతోనే షేర్‌ చేసుకునేవాడిని. తను ‘మీ లవ్‌ నిజమైంది. తప్పకుండా మీ ప్రేమ సక్సెస్‌ అవుతుంది’ అని అంటే నాలో నేను ఎంతో సంతోషపడిపోయేవాడిని. ఒక రోజు ఓ మెసేజ్‌ వల్ల నేను లవ్‌ చేస్తోంది తననే అని తెలిసి నాతో గొడవపడింది. తను కోపంగా మాట్లాడే ప్రతి సారి నన్ని నేను తిట్టుకునే వాడిని. చివరికి నీతో ఓ ఫ్రెండ్‌లా.. నీ పెళ్లి అయ్యే వరకు ఉంటాను. అనే ఒప్పందం మీద మా స్నేహం మళ్లీ చిగురించింది. తను నాతో లేని మూడు సంవత్సరాలు మత్తుకు బానిసై గడిపేశా. అనుకోకుండా ఓ రోజు మెసేజ్‌ చేస్తే కలిసింది. ఒకగంట మా మధ్య మాటల్లేవు. తను మాట్లాడాలని చూసిన నా మౌనమే సమాధానంగా నిలిచింది. మరో సారి మీటింగ్‌లో ‘నాకు ఓ లవర్‌ ఉన్నాడు ’అని చెప్పింది. ఎవరు? అని అడగకుండా ఆల్‌ ది బెస్ట్‌ అని చెప్పి వచ్చేశా. తన మెమొరీస్‌ నన్ను ఇంకా వెంటాడుతూనే ఉన్నాయి. మర్చిపోవాలనుకున్నా మర్చిపోలేక సమయాన్ని మద్యం మత్తులో గడిపేస్తూ కాలం వెలిబుచ్చుతున్నాను. కానీ, తనకు ఎప్పటికీ నేను బాధపడే విషయం తెలీదు. ఆమెకు నేను ఉన్నాననే భరోసా కూడా ఇవ్వలేకపోయాను. మళ్లీ ఓటమి చవి చూశాను. తర్వాత లైఫ్‌లో సెటిల్‌ అయినా... అవకాశాలు అంది పుచ్చుకున్నా... తను నాతో లేని లోటును మాత్రం పూడ్చలేకున్నా. నేనో పెద్ద ఫేయిల్యూర్‌ని - పవన్‌ రాజ్‌ లేదా worldoflove@sakshi.comకు మెయిల్‌ చేయండి

చిన్నప్పటినుంచి నాకు నా మరదలంటే చాలా ఇష్టం. తను విజయవాడలోని భిషిప్ అజారయ్య హాస్టల్లో 1 నుండి 10వ తరగతి వరకు చదివింది. తన ప్రతి పుట్టిన రోజుని నేను గ్రాండ్‌గా చేస్తాను. తనంటే నాకు చెప్పలేని ప్రేమ. తనకు కూడా నేనంటే ఇష్టమే. ఫోన్ చేసినప్పుడు భార్యాభర్తలుగా పిలుచుకుంటూ మాట్లాడుకునేవాళ్లం. ఆ తర్వాత తన టెన్త్‌ పూర్తయింది. పాలిటెక్నిక్‌ రాసి నరసరావుపేటలోని సాయి తిరుమల కాలేజ్‌లో జాయిన్ అయ్యింది. అలా మా జీవితం సాఫీగా సాగిపోయేది. హఠాత్తుగా ఓ రోజు నాకు కాల్ చేసి ‘నేను మా కాలేజ్‌లో ఓ అబ్బాయిని ప్రేమించాను. తనేనే పెళ్లి చేసుకుంటాను’ అంది. ఆ మాటతో నేను స్టన్‌ అయిపోయాను. ఆ అమ్మాయి అలా అనగానే నాకు చాలా బాధేసింది. తనని తన ఫ్రెండ్ చెడగొట్టింది అని తెలుసుకున్నా. తనని చాలా బతిమలాడాను. తను వినలేదు నేను డిప్రెషనన్‌లోకి వెళ్లాను. తన మోసాన్ని భరించలేకపోయాను! ఫోన్ చేసి తిట్టాను. అయినా నాకు వాడే కావాలని పట్టుదలతో ఉంది. మా ఇంట్లో ఈ విషయం తెలిసి నన్ను తిట్టారు. డాక్టర్ దగ్గరకు తీసుకెళ్లి కౌన్సిలింగ్‌ ఇప్పించారు. ఇప్పుడిప్పుడే కోలుకుంటున్నాను. తను చేసిన మోసాన్ని లైఫ్‌లాంగ్‌ గుర్తుంచుకుంటాను. - సుబ్బు  లేదా worldoflove@sakshi.comకు మెయిల్‌ చేయండి

నాది చెప్పుకోదగ్గ ప్రేమ కాదు కానీ చెప్పకుండా ఉండలేను. నేను కోదాడలో డిగ్రీ ఫస్ట్ ఇయర్ చదువుతున్నాను. అప్పుడు నేను ఒక అమ్మాయిని చూశాను. ఆమెను చూడగానే నాలో ఏదో తెలియని ఫీలింగ్ కలిగింది. కానీ, అది ఆమెకు చెప్పాలంటే చాలా భయమేసింది. ఎలాగోలా భయం వదిలేసి చెప్పాను. అప్పుడు తను నాకంటే సీనియర్ అని చెప్పింది. అయినా నేను తనని ప్రేమిస్తున్నానని చెప్పాను. తను నా ప్రేమను ఒప్పుకోలేదు. నేను ప్రేమించడం ఆపలేదు. తన చుట్టూ తిరుగుతూనే ఉన్నాను. కాలేజీకి వెళ్లడం కూడా మర్చిపోయాను. ఎగ్జామ్ రాసి వెళ్లేటప్పుడు చివరిసారిగా చూస్తుందని ఎంతో ఆశగా ఎదురు చూశాను. కానీ, చూడకుండానే వెళ్లిపోయింది. మళ్లీ డిగ్రీ ఫైనలియర్ కాలేజ్ డేస్ వచ్చాయ్. తను నాకంటే సీనియర్ కాబట్టి ప్రేమించలేదని ఎంతో బాధపడ్డాను. తన ఫ్రెండ్స్‌ని ఆ విషయం అడిగాను. వాళ్లు చెప్పారు. తను నా మీద ఇష్టం లేక ప్రేమించడం లేదని చెప్పలేదట. నలుగురూ చూసి ఏమనుకుంటారో అని ఇష్టం లేదని చెప్పిందట. అయినా నేను పట్టించుకోలేదు తన చుట్టే తిరుగుతున్నాను. కాలేజీకి వెళ్లడం మర్చిపోయాను తర్వాత నన్ను ప్రేమిస్తున్నాను అని చెప్పింది. మళ్లీ తర్వాత ఏమైందో ‘నువ్వు నా జీవితంలోకి ఎందుకు వచ్చావ్’ అని అడిగింది. ‘నేను నిన్ను పెళ్లి చేసుకుంటాను. నువ్వు లేకుండా ఉండలేను’ అని చెప్పాను. ‘నాకు మ్యారేజ్ ఫిక్స్ అయింది. నేను నిన్ను ప్రేమించడం కుదరదు’ అని చెప్పింది. ‘మీ ఇంట్లో నేను ఒప్పిస్తాను! నువ్వు ఒప్పుకుంటే చాలు’ అని బ్రతిమాలాను. అయినా తను ‘నువ్వు నాకు సెట్ కావు’ అని చెప్పి వెళ్లిపోయింది. తర్వాత తను హైదరాబాద్ ఆర్ సి రెడ్డి కోచింగ్ సెంటర్లో సివిల్స్ ప్రిపేర్ అవటానికి వెళ్లింది. నేను తనను మర్చిపోలేక పోయా కాలేజీ వదిలేసి తన దగ్గరకు వెళ్లిపోయాను. ఆర్టీసీ క్రాస్ రోడ్‌లో రూమ్ తీసుకుని తను ఉంటున్న హాస్టల్ కోసం వెతకడం మొదలు పెట్టా. అనుకోకుండా ఒకసారి దిల్‌సుఖ్‌నగర్‌లో కలిసింది. తన కోసం వచ్చానని చెప్పాను! తను ఎక్కడ ఉంటుందో చెప్పలేదు. ఆరు నెలలు గడిచింది. ఆ తరువాత తెలిసింది తను పెళ్లి చేసుకోబోయే అబ్బాయితో కలిసి రూమ్‌లో ఉంటోందని. బాధపడాలో లేక కోప్పడాలో తెలియని పరిస్థితి నాది. ఏం చేయలేక పోయాను. తనకు ఒక మాట చెప్పాను ‘ఇప్పుడు అవసరం లేని నా ప్రేమ జీవితంలో ఇంకెప్పుడైనా నీకు ఉపయోగపడుతుంది. నువ్వు ఆపదలో ఉన్నప్పుడు అయినా నేను ఉన్నానని గుర్తుంచుకో. ఒకసారి  నాకు ఫోన్ చెయ్’ అని నెంబర్ ఇచ్చి వచ్చేశాను. - కృష్ణ లేదా worldoflove@sakshi.comకు మెయిల్‌ చేయండి

నా పేరు వెంకటేష్‌! మాది వైజాగ్‌. నాకు బీటెక్‌ సీట్‌ శ్రీకాకుళంలో వచ్చింది. నేను బీటెక్‌ జాయిన్‌ అవుతున్నపుడే నాతో పాటు ఓ అమ్మాయి కూడా జాయిన్‌ అయ్యింది. మొదట్లో మేమిద్దరం క్లాస్‌మేట్స్‌ లానే ఉండేవాళ్లం. ఒక సంవత్సరం తర్వాత మా మధ్య స్నేహం ఏర్పడింది. మూడేళ్లు ఎంతో స్నేహంగా ఉన్నాం. కానీ, అప్పుడు తెలియదు అది స్నేహం కాదు ప్రేమ అని. బీటెక్‌ అయిపోయే లాస్ట్‌ రోజు తను నన్ను వదిలి వెళుతుంటే తట్టుకోలేకపోయాను. తర్వాత రోజు నేను వైజాగ్‌ వెళ్లిపోతున్నానని చెప్పటానికి తన హాస్టల్‌కు వెళ్లాను. అప్పుడు తను నన్ను చూసి హగ్‌ చేసుకుంది. ఆ క్షణం తెలిసింది తను నన్ను ప్రేమిస్తోందని. తర్వాత నేను వైజాగ్‌ వచ్చి మా పేరెంట్స్‌తో పెళ్లికి ఒప్పించాను. మా పేరెంట్స్‌ ‘ముందు నువ్వు జాబ్‌లో జాయిన్‌ అవ్వు. తర్వాత మేము వెళ్లి వాళ్ల వాళ్లతో మాట్లాడతాం’ అన్నారు. నేను జాబ్‌ గురించి బెంగళూరు వెళ్లాను. నేను జాబ్‌లో జాయిన్‌ అయిన ఒక నెల తర్వాత నాకో కాల్‌ వచ్చింది. అది తననుంచి.. వాళ్ల ఫాదర్‌ చనిపోయాడని. రెండు వారాల తర్వాత నేను వాళ్ల ఊరు వెళ్లాను. అప్పుడు వాళ్ల మదర్‌ ఒకమాట చెప్పింది. తనకు వాళ్ల బావతో పెళ్లిచేయటం తన తండ్రి చివరి కోరికని. ఆ మ్యారేజ్‌కు తనుకూడా ఒప్పుకుంది. నేను వెంటనే అక్కడినుంచి వచ్చేశాను. తనను మరిచిపోలేక మందుకు బానిసయ్యాను, జాబ్‌ పోగొట్టుకున్నాను. ఐదు నెలల తర్వాత తనకు వాళ్ల బావతో మ్యారేజ్‌ అయిపోయిందని తెలిసి నేను చనిపోవాలనుకున్నాను. అప్పుడే మా ఫాదర్‌కు హెల్త్‌ బాగోలేక ఇంట్లో పరిస్థితులు బాగోలేక మా ఫ్యామిలీ ఇబ్బందులు పడాల్సి వచ్చింది. అప్పుడు నేను మళ్లీ జాబ్‌లో జాయిన్‌ అయ్యాను. తనను మర్చిపోయి ఫ్యామిలీని చూసుకుంటున్నాను. - వెంకటేష్‌, వైజాగ్‌ లేదా worldoflove@sakshi.comకు మెయిల్‌ చేయండి

నేను పదవ తరగతి చదివేటప్పుడు ఒక అబ్బాయి మా బడిలో చేరాడు. మూడు నెలల తర్వాత నా పుట్టిన రోజున బడినుంచి ఇంటికి వెళ్లడానికి బస్టాప్‌లో ఉంటే సైకిల్‌ మీద వచ్చి చాక్లెట్‌ గిఫ్టుగా ఇచ్చి వెళ్లిపోయాడు. అది జరిగిన సరిగ్గా వారం రోజుల తర్వాత నేను అంటే ఇష్టమని చెప్పాడు. తను మంచివాడు. అందువల్ల నేను తన ప్రేమను అంగీకరించాను. మేము రోజూ ట్యూషన్‌లో, స్కూల్‌లో స్నేహితులలాగా చక్కగా ఉండేవాళ్లం. మా తరగతిలో అందరికి తెలుసు మా ప్రేమ విషయం. మేము ఏ రోజూ స్నేహాన్ని అతిక్రమించలేదు. రెండు నెలల తర్వాత ఒక స్నేహితురాలు చేసిన తప్పు కారణంగా బడిలో ప్రిన్సిపాల్‌కి, టీచర్లకి మా ప్రేమ విషయం తెలిసింది. ఆ రోజునుంచి మేము మాట్లాడుకోవడం మానేశాం. నేను ఏ తప్పు చేయలేదు, నేను ఏ తప్పు చేయలేదన్న విషయం అతడికి తెలుసో.. లేదో. ఇది జరిగి 28 ఏళ్లు గడిచిపోయింది. నాకు పెళ్లయింది.తనకు కూడా పెళ్లి అయింది. నా మనసులో ఇప్పటికీ తన రూపం, తన ప్రేమ శాశ్వతంగా ఉంది.  మొదటి ప్రేమను ఎప్పటికీ మరిచిపోలేము. ఇంకొక జన్మ అంటూ ఉంటే నీ స్నేహాన్ని, ప్రేమను, జీవితాన్ని పంచుకోవాలని ఉంది. - శ్రావణి లేదా worldoflove@sakshi.comకు మెయిల్‌ చేయండి

ఇంటర్ ద్వితీయ సంవత్సరం చదువుతున్న రోజుల్లో నా క్లాసుమేట్ అమ్మాయిని ఇష్టపడ్డాను. ఓ రోజున భువనగిరి ఆర్‌టీసీ బస్‌స్టాండ్‌లో నా ప్రేమ విషయాన్ని ఆమెకు తెలియపరిచాను. ఆమె సున్నితంగా ‘మా నాన్నకు మంచి పేరుంది. అది చెడగొట్టడం నాకు ఇష్టం లేదు’ అని అంది. అప్పుడు నేను కొన్ని రోజులు ఆమెను ఫాలో అయ్యాను. కానీ నేను ఇలా వెంబడించి ఆమెను బాధపెట్టడం సరికాదనుకున్నాను. నాలో తీవ్ర ఘర్షణ మొదలైంది. అనవసరంగా నా ప్రేమను తెలియపరిచాను, వెంబడించానని లోలోన మదనపడ్డాను. ఈ లోపు పుణ్యకాలం గడిచిపోయి పరీక్షలు వచ్చాయి. అప్పుడు మేల్కొని ఆమెతో తిరిగి మాట్లాడాను. ‘ఇంతకు ముందు నేను చేసిన పనులు మరిచిపోండి. జరిగిన విషయాన్నీ నేను కూడా మరిచిపోయాను. ఇక ముందు మనం గతంలో మాదిరిగానే ఉందామ’ని చెప్పాను. ఆ తర్వాత ఆమె నాతో మాట్లాడటం మొదలుపెట్టింది. పరీక్షల్లో ఆమె పాస్ అయింది! నేను ఫేయిల్ అయ్యాను. అనంతరం సప్లిమెంటరీ రాసి పాస్ అయ్యాను. ఆమె చేరిన డిగ్రీ కాలేజీలోనే నేనూ చేరాను. కానీ కొద్దిరోజుల తర్వాత ఆమె కాలేజీకి రావటం మానేసింది. నేను రావడంతోనే ఆమె కాలేజీ మానేసిందని అనుకుని ఆమె లేని కాలేజీకి నేను కూడా వెళ్లకూడదని మానేశాను. అనంతరం నేను ల్యాబ్ టెక్నీషియన్ కోర్స్‌లో చేరాను. అప్పుడు తెలిసింది.. ఆమె కాలేజీ మారింది మరో కారణం వల్ల అని. అది తెలిసి నేను అనవసరంగా చదువు మానేశాను అని బాధపడ్డాను. ఆమె సిటీలో డిగ్రీ పూర్తీ చేసింది. అనంతరం ఒకసారి ఇద్దరం కలిసి మాట్లాడుకున్నాం కానీ పాత విషయాలేవీ తీయలేదు. ముందుగా నేను వేరే అమ్మాయిని లవ్ మ్యారేజి చేసుకున్నాను. అనంతరం ఆమె పెద్దలు కుదిర్చిన వివాహం చేసుకుంది. ప్రస్తుతం ఆమె అమెరికాలో, నేను హైదరాబాద్‌లో స్థిరపడ్డాము. ఇటీవల మా క్లాస్‌మేట్స్ గెట్ టుగెథెర్ జరిగింది. ఆమెకు ఆహ్వానం పంపించాను. అది తీసుకున్న ఆమె మా స్నేహితులకు నా గురించి చాలా మంచిగా చెప్పింది. నేను కూడా మా గెట్ టుగెథెర్ కార్యక్రమంలో ఆమెకు సమున్నత స్థానం​ కల్పించాను. మేము ఇప్పటికీ సహ విద్యార్థులుగా, పరిచయస్థులుగా ఉన్నాం. కానీ ఆమెను నేను గానీ నన్ను ఆమె గానీ ఎప్పుడు నిందించుకోలేదు. తక్కువచేసి చూడలేదు. ఆమె ఆనందాన్నే నేను ఎప్పటికైనా కోరుకుంటాను. ఆమె దూరమైనందుకు నన్ను ప్రాణానికి ప్రాణంగా ప్రేమించే, మంచిగా చూసుకునే ప్రేమికురాలు నాకు భార్యగా దొరికింది. నేను నా భార్యనే నా దేవతగా చూసుకుంటున్నాను. నా ప్రేమ ఫేయిల్ అయ్యిందని పిచ్చి వేషాలు వేయలేదు. అందుకు నేను ఆమెకు కృతఙ్ఞతలు చెప్పాలి. ఇప్పుడు నా క్లాసుమేట్, నేను మళ్లీ మాట్లాడుకుని కుశల ప్రశ్నలు వేసుకునే వాతావరణం నెలకొన్నది. నేను ఆనందంగా ఉన్నాను. అటు ఆమె కూడా ఆనందంగా ఉన్నారు. ఆ దేవుడికి కృతజ్ఞలు. ప్రేమ ఫేయిల్ అయితే పిచ్చివేషాలు వేయకూడదని విఫల ప్రేమికులకు నా ఉచిత సలహా మిత్రుల్లారా .. - సంపత్‌, హైదరాబాద్‌ లేదా worldoflove@sakshi.comకు మెయిల్‌ చేయండి

నాకు చిన్నప్పటినుంచి లవ్‌ అంటే ఇష్టం లేదు! ప్రేమ పెళ్లిళ్లపైనా నమ్మకం లేదు. ఎందుకంటే లవ్‌ చేస్తే ఇలా ఉండాలి, అలా ఉండాలి అన్న నిబంధనలు ఎక్కువవుతాయి. పెద్దలు కుదిర్చిన పెళ్లి చేసుకోవాలని ఎప్పుడూ అలోచించేదాన్ని. అలాంటి టైమ్‌లో నా లైఫ్‌లోకి ఒక అబ్బాయి వచ్చాడు. నాకు చాలా క్లోజ్‌ అయ్యాడు. నేను అతన్ని బెస్ట్‌ ఫ్రెండ్‌లాగా ట్రీట్‌ చేశా. నాకు యాక్సిడెంట్‌ అయినపుడు ఆ అబ్బాయి నా మీద ఎక్కువ కేర్‌ తీసుకునేవాడు. నా గురించి ఎందుకు అంత బాధో అర్థం అయ్యేది కాదు. ఆ తర్వాత మేమిద్దరం చాలా క్లోజ్‌ అయ్యాం. అతనితో మాట్లాడకుండా ఒకరోజు కూడా ఉండలేనంతగా. అయితే నేను భయపడుతున్న రోజు రానే వచ్చింది. తను నాకు ప్రపోజ్‌ చేశాడు. నేను ఒప్పుకోలేదు. అతడ్ని కట్‌ చేయలేకపోయా. మంచి ఫ్రెండ్‌ని వదులుకోలేకపోయా. తనకు జాబ్‌ వచ్చి ఢిల్లీకి వెళ్లిపోయాడు. అయినా నాతో రోజూ టచ్‌లో ఉండేవాడు. అతడు ఇంటికి వచ్చిన ప్రతిసారి తప్పకుండా నన్ను మీట్ అయ్యే వెళతాడు. అలా ఒక 3 ఏళ్లకు ఆ అబ్బాయి అంటే ఇష్టపడ్డాను. నేను తనని ఇష్టపడుతున్నానని చెప్పలేదు. ఎందుకంటే నాకు ఇంట్లో చెప్పేంత ధైర్యం లేదు. అతను నాతో మాట్లాడుతుండటం వల్ల మిస్‌ అవుతున్నాననే భావన కలగలేదు. ఆ అబ్బాయికి పెళ్లి సంబంధాలు చూస్తున్నారని తెలిసింది. పెళ్లి అంతలోనే సెట్‌ అవ్వదుగా మా ఇంట్లో ఒప్పించొచ్చు అనుకున్నా. అతనికి వేరే అమ్మాయితో పెళ్లి కుదిరిపోయింది. ఆ విషయం చాలా లేట్‌గా తెలిసింది! అంతలోపే అతడి ఎంగేజ్‌మెంట్‌ కూడా అయిపోయింది. నేననుకున్నది అతనికి చెప్పలేదు. తన పెళ్లి అయ్యాక నన్ను ఆమెకు పరిచయం చేశాడు. నేను తన పక్కన లేను అని బాధపడ్డా ఆ క్షణం. అతనికి పెళ్లి అయిపోయిన ఒక సంవత్సరానికే అమ్మాయి పుట్టింది. తను నన్ను పూర్తిగా మర్చిపోలేదు. నేను తనని ఎప్పటికీ తలుచుకుంటూనే ఉంటా. నేను ఎవరిని పెళ్లి చేసుకోను.. నా జీవితంలో అతడికి తప్ప ఎవరికీ చోటు లేదు. - ప్రీతి లేదా worldoflove@sakshi.comకు మెయిల్‌ చేయండి

మాది ఉమ్మడి కుటుంబం. తను మా మేనమామ కూతురు. మాకు ఒకరంటే ఒకరికి చాలా ఇష్టం. ఒకర్ని విడిచి ఒకరం ఉండలేము. నేను హైదరబాద్‌లో జాబ్‌ చేస్తున్నపుడు తను వరంగల్‌లోనే ఉండేది. ప్రతి ఆదివారం మా అమ్మమ్మ వాళ్ల ఇంటికి వెళ్లే వాడిని. మా ఫ్యామిలీలో అందరికి తెలుసు మాకు ఒకరంటే ఒకరికి ఇష్టం అని. అయినా కూడా మళ్లీ ఒకసారి మా అమ్మ నాన్నతో ఒక మాట చెప్పా! తను వాళ్ల అమ్మా నాన్నకు ఓ మాట చెప్పింది. నేను కూడా వాళ్లకు చెప్పాను, మా అమ్మానాన్నలతో చెప్పించాను. అందరం మాట్లాడుకున్నాం. కానీ, తనను నాకు ఇచ్చి పెళ్లి చేయటం ఒక్కరికి కూడా ఇష్టం లేదు. అది నా మరదలికి కూడా తెలుసు. అందరి ముందు మాకు మాట ఇచ్చారు.. 2 సంవత్సరాల తర్వాత పెళ్లి చేస్తాం అన్నారు. ఆ రోజునుంచి మమ్మల్ని ఎప్పుడూ కలవనివ్వలేదు. అయినా ఎదురుచూశాను. అందర్ని మళ్లీ ఒకసారి అడిగాను. తను కూడా నన్ను చూడకుండా ఉండలేకపోయింది. తన స్నేహితురాలితో కాల్‌ చేయించింది. తన పరిస్థితి వివరించి చెప్పారు. ఓ రోజు సడెన్‌గా తనతో ఫోన్‌ చేయించి నాకు పెళ్లి వద్దు అని చెప్పించారు వాళ్ల తల్లిదండ్రులు. చాలా బాధపడ్డాం. చాలా సార్లు మా ఫ్యామిలీ మెంబర్స్‌తో అడిగించాను. తనని కూడా ఒకసారి కలిసి మాట్లాడాలని కోరాను కానీ ఒప్పుకోలేదు. పారిపోదాం అనుకున్నాం. ‘ ఇప్పుడు మనల్ని మనవాళ్లు అర్థం చేసుకోలేదు. కానీ, మళ్లీ ఏదో రోజు వాళ్లు అర్థం చేసుకుంటారు. వాళ్లు ఎప్పటికీ అలాగే ఉండరు’ అని తను చెప్పింది. అలా పారిపోయే ధైర్యం చేయకపోవటమే నేను చేసిన తప్పు. అప్పటినుంచి మా మధ్య మాటలు లేవు. పెద్దవాళ్లు కూడా మాట్లాడుకోవటం మానేశారు. అందరమూ బంధువులమే మాలో మేము చాలా బాధపడ్డాం. తనను చాలా ఇబ్బంది పెట్టారు. నా వల్ల తనను తిట్టడం, కొట్టడం, అన్నం పెట్టకపోవటం చేసేవాళ్లు. నేను కూడా చాలా నరకం అనుభవించాను. నాతో మాట్లాడ్డం వల్ల వాళ్లు ఇంత ఘోరంగా బిహేవ్‌ చేశారు. మా ఇంట్లో వాళ్లు నాకు పెళ్లి చేస్తే వాళ్లే వచ్చి అడుగుతారు అన్నారు. ఎందుకంటే వాళ్ల నాన్న మా అమ్మకు తమ్ముడు కదా! వాడే వచ్చి అడిగి పిల్లను ఇస్తాడులే అన్నారు. కానీ, పెద్దవాళ్ల పట్టింపులతో మా జీవితాలను మేము కోల్పోయాం. ఇప్పటికి అది జరిగి 10 సంవత్సరాలు అయింది. తనకు కొన్ని విషయాలు తెలుసు, కొన్ని తర్వాత తెలుసుకుంది. కానీ, మాకు వేరే వాళ్లతో పెళ్లిళ్లు అయిపోయాయి. అప్పుడప్పుడు మా ఫ్యామిలీ ఫంక్షన్లలో ఇద్దరం కలుస్తుంటాము. కానీ, కంటి చూపులే మా మాటలు. సొంతవాళ్ల కోసం విడిపోయాం. మళ్లీ జన్మంటూ ఉంటే నీ కోసమే జన్మించి నిన్నే పెళ్లి చేసుకోవాలని కోరుకుంటున్నాను. ఇట్లు మీ బావ.  నీ స్వీట్‌ మెమోరీస్‌ ఇంకా అలాగే గుర్తున్నాయి... నా ప్రాణమా!  - సుధాకర్‌ రెడ్డి, వరంగల్‌ లేదా worldoflove@sakshi.comకు మెయిల్‌ చేయండి

నా స్కూల్‌ క్లాస్‌మేట్‌ తను. పేరు అనూష! ఇద్దరం ఎల్‌కేజీనుంచి 9 వరకు కలిసే చదువుకున్నాం. ప్రతిరోజూ ఒకే బస్‌లో కలిసి వెళ్లటం వల్ల బెస్ట్‌ ఫ్రెండ్స్‌ అయ్యాం. చాలా చనువుగా ఉంటాం. బాగా మాట్లాడుకునేవాళ్లం కూడా. సడెన్‌గా ఓ రోజునుంచి మా ఇద్దరి మధ్యా ఉన్న స్నేహానికి ప్రేమ అని పేరు పెట్టి మా క్లాస్‌మేట్స్‌​ టీజ్‌ చేయటం మొదలుపెట్టారు. స్కూల్లో ఎక్కడ చూసినా నన్ను ప్రత్యూష అని పిలవటం మొదలుపెట్టారు. కొన్ని రోజులు సరదాగా ఉన్నా. తర్వాత ఒకసారి సడెన్‌గా మా ఫ్రెండ్స్‌ మీద సీరియస్‌ అయ్యాను. ఆ వార్నింగ్‌ తర్వాత అందరూ టీజ్‌ చేయటం ఆపేస్తారని అనుకున్నా.. వాళ్లు ఇంకా ఎక్కువ చేశారు. నాకు ఎక్కడో ప్రత్యూష మీద ఇష్టం అందుకే ఎక్కువగా రియాక్ట్‌ అవ్వలేదు. ప్రత్యూషకు అది నచ్చలేదో ఏమో మరి నాతో మాట్లాడటం మానేసింది. అలా 8, 9 చదువులు పూర్తయ్యాయి. ఓ రోజు ప్రత్యూషనుంచి నాకో మెసేజ్‌ వచ్చింది తన నుంచి ‘స్కూల్‌ మారుతున్నా’ అని నాకు చాలా గిల్టీగా అనిపించింది. నాకు కూడా ప్రత్యూష ఇబ్బంది పడటం ఇష్టంలేదు. నేను ఏమీ మాట్లాడలేదు. 10, ఇంటర్‌ అయిపోయింది కానీ, ఫ్రెండ్స్‌ ఆమె పేరు మర్చిపోలేదు. ఓ రోజు ఎమ్‌సెట్‌ ఎక్షామ్‌ హాల్‌లో తనను చూశా. కానీ, తను నన్ను చూడలేదు. హాల్లో తను నా వెనుక సీట్లో కూర్చుంది. నాకు మైండ్‌ పనిచేయలేదు చాలా సేపు. అక్కడే సారీ చెప్పాలని ఉంది కానీ ప్రత్యూష నన్ను చూడలేదు. తర్వాత ఇంజనీరింగ్‌ జాయిన్‌ అయ్యాను. ఓ రోజు హాలిడేస్‌కు ఇంటికి వెళుతూ బస్టాప్‌లో నిల్చున్నా! ప్రత్యూష గురించే ఆలోచిస్తూ ఉండగా ఆమె కూడా బస్‌ కోసం వచ్చింది. ఆ తర్వాత చాలా రోజులు ఆలోచించా.. ప్రత్యూష అంటే లవ్‌ అని అర్థమైంది. ఎందుకో తన గురించి ఆలోచిస్తుంటే చాలా పవిత్రంగా ఉంటుంది. ఇంజనీరింగ్‌ అయిపోయిన తర్వాత నాకో జాబ్‌ వచ్చింది. ఆ విషయం తనకు చెప్పటానికి ఎంతో ట్రై చేశా. తనకు ప్రపోజ్‌ చేయాలనిపించింది. ఒకరోజు బెంగళూరులో ఉండగా మా ఫ్రెండ్‌తో కలిసి రెస్టారెంట్లో లంచ్‌ చేస్తున్నా. సడెన్‌గా అనూష వచ్చింది. ఈ సారి జంటగా బాయ్‌ ఫ్రెండ్‌తో వచ్చింది. తను చాలా హ్యాపీగా ఉంది! అది చాలు నాకు. నా లేట్‌ కారణంగా ఓ మంచి అమ్మాయిని మిస్‌ అయ్యా. - క్రిష్ణ వంశీ   లేదా worldoflove@sakshi.comకు మెయిల్‌ చేయండి

వైజాగ్‌లోని ఓ కాలేజ్‌లో నేను జాబ్‌చేసే వాడిని. అప్పుడు తను బ్యాంక్‌ ఎక్షామ్‌ రాయటానికి వచ్చింది. నేను ఆ ఎక్షామ్‌కి ఇన్విజిలేటర్‌ను. తను చూడటానికి చాలా సంప్రదాయంగా ఉంటుంది. తన క్యూట్‌ లుక్స్‌ నన్ను కట్టిపడేశాయి. వెంటనే అడ్మిట్‌ కార్డ్‌ మీద ఉన్న తన ఫోన్‌ నెంబర్‌కి కాల్‌ చేశాను. పరిచయం చేసుకున్నాను. తను కూడా పాజిటివ్‌ వేలో రెస్పాండ్‌ కావటం వల్ల నెమ్మదిగా మాటలు కలిశాయి. అప్పటినుంచి ఫోన్‌ కాల్స్‌, మెసేజ్‌లు. తన ప్రేమలో పడి నాకు పెళ్లై ఇద్దరు పిల్లలు ఉన్నారన్న సంగతి కూడా మర్చిపోయాను. మొదట్లో తనకు ఆ నిజం చెప్పకపోయినా నెమ్మదిగా చెప్పేశాను. ఆ విషయం తెలియగానే ‘ మరి ఎందుకు నన్ను ప్రేమించావ్‌?’ అని అడిగింది. ‘ప్రేమ ఎప్పుడు, ఎ‍క్కడ, ఎలా, ఎవరి మీద పుడుతుందో తెలియదు.చిన్నతనంలోనే పెళ్లై కుటుంబ బరువు బాధ్యతలు ఎత్తుకున్న నేను నిన్ను చూడగానే పులకించి పోయాను. ప్రేమకు చిరునామా పెళ్లి కాదు. నువ్వు ఎక్కడ ఉన్నా సంతోషంగా ఉండాలి. ఆ సంతోషాన్ని నేను చూస్తూ ఉండాలి’ అని చెప్పటంతో నన్ను కూడా తను నెమ్మదిగా ఇష్టపడింది. ఈ క్రమంలో తను నన్ను బావా అని పిలిచేది. మెంటల్‌గా నేను తనకు బాగా దగ్గరయ్యాను. ఓ రోజు కాల్‌ చేసి సడెన్‌గా నీతో కలిసి మాట్లాడాలి అంది. ‘మనం తప్పు చేస్తున్నాం. నీ వైఫ్‌కి నేను ద్రోహం చేస్తున్నాను. నామీద మా అక్క కూతురు బాధ్యత ఉంది. నీతో రిలేషన్‌ షిప్‌లోఉండగలను కానీ, దాన్ని కంట్రోల్‌ చేసుకుని ఫ్రెండ్‌షిప్‌గా మాత్రం ఉండలేను’ అంటూ బ్రేకప్‌ చెప్పింది. తనను కలవటానికి చాలా సార్లు ట్రై చేశా! కానీ, మళ్లీ తను తన జీవితంలోకి నన్ను వెల్‌కమ్‌ చెప్పలేదు. కొన్నాళ్లకు తనకు పెళ్లైంది. ఆమెను చూడాలనిపించి తను జాబ్‌ చేసే చోటుకు వెళ్లాను. నేను ఎవరో తెలియనట్లు వెళ్లిపోయింది. తట్టుకోలేక ‘చూసి నవ్వొచ్చు కదా!’ అని మెసేజ్‌ చేశా. అప్పుడు ఆమె ఫోన్‌ వాళ్ల భర్త దగ్గర ఉండటం వల్ల గట్టిగా అడిగాడంటా. ఆ తర్వాత తను వెంటనే కాల్‌ చేసి నువ్వు నాకు ఇంకెప్పుడూ కాల్‌ చేయకు అని సీరియస్‌గా చెప్పటంతో నా మనసు చాలా బాధపడింది. ఇక తనను ఇబ్బంది పెట్టడం ఇష్టంలేక నేను కోరుకున్న ఆమె సంతోషాన్ని ఇప్పుడు తన కూతురు వాట్సాప్‌ డీపీలో చూసుకుంటున్నా.  - విఘ్నేశ్‌(బావ) లేదా worldoflove@sakshi.comకు మెయిల్‌ చేయండి

ప్రియా ! నువ్వంటే నాకు చాలా ఇష్టం. ఈ విషయం నీకు చాలా సంవత్సరాల ముందే తెలుసు. నీకూ నాకు పరిచయం ఈ నాటిది కాదు, మన చిన్నప్పటి నుంచి ఉంది. రాష్ట్రాలు వేరైనా భాష ఒక్కటే మన మధ్య దూరం ఒక్కటే.. అది వయసు! కానీ, అది కూడా మనుషులకు మాత్రమే.. సమాజానికి మాత్రమే మనకు మన మనసుకు కాదు. నీ మనసులో నేను నా మనసులో నీవున్నావని మన ఇద్దరికీ తెలుసు. కానీ మనం ఎప్పుడూ ఆ విషయం ఒకరికొకరం చెప్పుకోలేకపోయాం. ఎందుకంటే నువ్వు నాతో మాట్లాడుతున్నప్పుడు నేను ఇది తగని పని వద్దు అనుకున్నాను. నువ్వు దూరం అయిన తర్వాత నేను బాధపడుతున్నా. ఈ మధ్య విషయం చెప్పాలని ఎంత ప్రయత్నించినా నన్ను దూరం పెడుతున్నావ్. ఎందుకని అడిగినా చెప్పనంటావు, మాట్లాడవు. నేను ఏది చేసినా తప్పు పడుతున్నావు నువ్వు. నేను చేసిన తప్పేంటి? ఎందుకు నాపై ఇంత కోపమో ఇప్పటికీ అర్థం కాదు! చెప్పనంటావు. నేను కోరేది ఒక్కటే. నేనంటే నీకు ఇష్టం లేకున్నా పర్వాలేదు. ఎప్పట్లా నాతో మాట్లాడు. నువ్వు మాట్లాడకపోవడమే నాకు చాలా బాధగా ఉంది. ఇప్పటికైనా అర్థం చేసుకో. ఇది ఒకవేళ నువ్వు చదివినా కోపం తెచ్చుకోకు! నీకు నా మనసు అర్థం కావాలని, నా బాధ తెలపాలని ఎన్నో ప్రయత్నాలు చేస్తున్నా.. విఫలమవుతున్నా. అందుకే ఈ దారి. ఇది మన మధ్య మరింత అగాథం పెంచుతుందని తెలుసు కానీ, ఏదో ఒక రకంగా నీ మనసులో ఉండాలని ఈ ప్రయత్నం ఎంచుకున్నా. ఇది చాలా విపత్కర పరిస్థితులు తెస్తుందని తెలుసు. కానీ నీ కోసం, నీ ప్రేమ కోసం ఎంతకైనా నిలబడడానికి నేను సిద్ధం. అర్థం చేసుకో దేనికీ భయపడకు. ప్రేమకు ఏది అడ్డంకి కాదు. నీకు నేను నాకు నీవు. మనిద్దరికీ కనిపించని ఆ దేవుడు. మన ఇద్దరిదీ జన్మ జన్మల అనుబంధం. ఇది మనిద్దరి మధ్య ఆ దేవుడు వేసిన ముడి.. ఎవరూ విడదీయలేనిది, చివరికి ఆ దేవుడు కూడా. చాలా కష్టంగా బాధగా ఉంది. అర్థం చేసుకో బంగారం. - బాబు లేదా worldoflove@sakshi.comకు మెయిల్‌ చేయండి

బీటెక్‌ చదవటానికి తొమ్మిదేళ్ల క్రితం నేను హైదరాబాద్‌కు వచ్చాను. గట్కేసర్‌ దగ్గరలోని బోగారం దగ్గర ఉన్న ఓ కాలేజీలో జాయిన్‌ అయ్యాను. నాకు ఆ ప్రదేశాలు కొత్త! నేను మొదటిసారి మా పెదనాన్న ఇంటికి హైదరబాద్‌ వచ్చాను. అప్పుడు ఆయనతో కలిసి బిర్లామందిర్‌, ట్యాంక్‌ బండ్‌, సాలర్జంగ్‌ మ్యూజియం వంటివి చూశాను. అలా చాలా రోజుల తర్వాత మళ్లీ చదువు కోసం హైదరాబాద్‌ రావాల్సి వచ్చింది. దీంతో అన్ని ప్రదేశాలు కొత్తగా అన్పిస్తున్నాయి. ఓ రోజు కాలేజ్‌ అయిపోయిన తర్వాత షేర్‌ ఆటో పట్టుకుని రూముకు బయలుదేరాను. గట్కేసర్‌ రైల్వేగేట్‌ దగ్గర కొత్తగా పరిచయమైన ఓ స్నేహితుడ్ని కలిశాను. అతడి ఫోన్‌ను తీసుకుని నా ఫోన్‌కు మిస్డ్‌కాల్‌ ఇచ్చాను. తర్వాత అతడి నెంబర్‌ సేవ్‌ చేసుకుని, అందులో ఫీడ్‌ అయిన నా ఫోన్‌ నెంబర్‌ను డిలేట్‌ చేశాను. ఈ విషయాలేవీ ఆ స్నేహితుడికి తెలియదు. నేను నారాయణగూడలోని నా రూమ్‌కు రాగానే ఆ నెంబర్‌కు ఫోన్‌ చేశాను. ఓ యువతి ఫోన్‌ తీసింది! మాట్లాడేది ఎవరని అడిగింది. బిట్టుగా నన్ను నేను పరిచయం చేసుకున్నాను. నేను ఆమెతో స్నేహం చేయాలని ఎంత ప్రయత్నించినా తను సరిగా రెస్పాండ్‌ అయ్యేది కాదు. రెండు రోజుల తర్వాత తను నా గురించి వివరాలు అడిగింది. నిజాయితీగా నా వివరాలన్నీ చెప్పాను. ఆ తర్వాత తను నా వయస్సు గురించి అడగటం మొదలుపెట్టింది. మొదట చెప్పలేదు! ఫోన్‌ చేసిన ప్రతిసారి అడుగుతుంటే వయస్సు చెప్పాను. తను నాకంటే వయస్సులో పెద్దది అందుకే సచిన్‌ దంపతుల కథ చెప్పేసరికి స్నేహం చేయటానికి ఒప్పుకుంది. దాదాపు రెండేళ్లు మేము స్నేహంగా ఉన్నాం. 2012లో బీటెక్‌ సెకండ్‌ ఇయర్‌ ఫస్ట్‌ సెమిస్టర్‌ చదువుతున్నపుడు తను నాతో కాంటాక్ట్‌లో లేదు. రెండు నెలల తర్వాత నాకు చాలా కోపం వచ్చింది. అప్పటినుంచి తన గురించి ఆలోచించటం మానేశాను. అప్పుడు నేను కూకట్‌పల్లిలోని మా అక్కవాళ్ల  ఇంట్లో ఉండటం ప్రారంభించాను. మా అక్క కొత్తగా పెళ్లి చేసుకుని హైదరాబాద్‌ వచ్చేసింది. దీంతో తనే నా అవసరాలు చూసుకునేది. అందుకే నేను 80 కిలోమీటర్లు అప్‌ అండ్‌ డౌన్‌ చేసేవాడిని. ఓ రోజు ఓ అన్‌నౌన్‌ నెంబర్‌ నుంచి ఫోన్‌ వచ్చింది. ఫోన్‌ చేశాను. ‘‘బిట్టు ఎలా ఉన్నావు?’’ అని వినిపించింది ఆవతలి వైపునుంచి. నేను ఇదివరకు విన్న గొంతులా అనిపించింది. తనే మళ్లీ ఫోన్‌ చేసిందని అర్థమైంది. నేనో ఫ్రెండ్‌లాగే ఆమెతో మాట్లాడటం మొదలుపెట్టాను. ‘నువ్వు నన్ను మర్చిపోయావా?’ అని అడిగింది తను. నేను లేదని చెప్పాను. అలా మళ్లీ మా మధ్య ఫోన్‌ కాల్స్‌ పెరిగాయి. కొద్దిరోజులకు నేను తనకు ప్రపోజ్‌ చేశాను. తను నా ప్రేమను అంగీకరించింది. ఒకరినొకరం భార్యాభర్తలుగా పిలుచుకునేవాళ్లం. మేము మొదటిసారి కలుసుకున్న రోజు నాకు గుర్తుంది. ఆ రోజు మేమిద్దం ట్యాంక్‌ బండ్‌ దగ్గర కలుసుకున్నాం. ఆ రోజు రాఖీ పౌర్ణమని మా అక్కకు స్వీట్లు కొనివ్వమని 110 రూపాయలు ఇచ్చింది. మేమిద్దరం తరచుగా కలుసుకోకపోయినా మా మధ్య బంధం చాలా గట్టిగా ఉండేది. బీటెక్‌ థర్డ్‌ ఇయర్‌లో ఉన్నపుడు ఓ రోజు తను నాకు మెసేజ్‌ చేసింది ‘‘ ప్లీజ్‌ బిట్టూ నన్ను వదిలేయ్‌, మర్చిపో! ’’ అని. నా కలలన్నీ కల్లలయ్యాయి. దీంతో నేను డిప్రెషన్‌కు గురయ్యాను. అక్కడ ఉండలేక మా ఊరు వెళ్లిపోయాను. తను నాతో మాట్లాడటం  పూర్తిగా మానేసింది. నేను తనను కలవటానికి మళ్లీ సిటీకి వచ్చేశాను. తను నన్ను కలవటానికి ఇష్టపడలేదు. నన్ను దూరం పెట్టొద్దని ప్రాథేయపడ్డాను. సరిగా తిండి, నీళ్లు, నిద్రలేక నేను రెండు నెలలు కోమాలోకి వెళ్లిపోయాను. తర్వాత కోలుకున్నాను. మెల్లగా బ్యాక్‌ లాగ్స్‌ పూర్తిచేశాను. రెండేళ్ల క్రితమే తను పెళ్లి చేసుకుంది. అది తెలిసి నేను సంతోషపడ్డాను. ప్రేమ పేరుతో ఆమె నా మనసును గాయపరిచింది, విలువైన నా సమయాన్ని వృథా చేసింది. నేనిప్పుడు సింగిల్‌గా ఉన్నాను. నో లవర్‌! నో పేయిన్‌! - బిట్టు లేదా worldoflove@sakshi.comకు మెయిల్‌ చేయండి

అవి నేను బీటెక్‌ చదివే రోజులు.. సమయం చాలా హ్యాపీగా గడిచిపోతోంది. అప్పుడు అనుకోకుండా నేనొక అబ్బాయిని కలిశాను. ప్రేమ అంటేనే నచ్చని నాకు తొలిచూపులోనే అతడు నచ్చాడు. ఎందుకో తనను చూసిన ప్రతిసారి మనసులో ఏదో ఫీలింగ్‌. తను, నేను కొన్ని రోజులు మా కాలేజీ బస్సులో కాలేజ్‌కు వెళ్లేవాళ్లం. కొన్ని రోజుల తర్వాత కాలేజ్‌ బస్సులో కాకుండా ప్రైవేట్‌ బస్సులో వెళ్లేవాళ్లం. అలా బస్సు జర్నీలో మా పరిచయం మొదలైంది. తను నన్ను ఇష్టపడుతున్నాడని తర్వాత తెలిసింది. నేను బీటెక్‌ సెకండ్‌ ఇయర్‌లో ఉన్నప్పటినుంచి అతను నన్ను ప్రేమిస్తున్నాడని తెలుసుకున్నాను. ఎంతో మంది నాకు ప్రపోజ్‌ చేశారు. ఎందుకో ఎవరి ప్రేమా ఒప్పుకోని నేను అతడు ప్రపోజ్‌ చేయగానే మా ఫ్యామిలీ గురించి ఆలోచించకుండా ఓకే చెప్పేశాను. అలా నాలుగేళ్లు హ్యాపీగా గడిపాము. నేను బెంగళూరులో జాబ్‌ తెచ్చుకున్నాను. తను జాబ్‌ సంపాదించి వాళ్ల అమ్మానాన్నలను ఒప్పిస్తాడని రెండేళ్లు ఒక కుక్కలా ఎదురు చూశాను. నా గురించి వాళ్ల పేరెంట్స్‌కు చెప్పమని ప్రతిరోజు అడుక్కునే దాన్ని. చాలా క్యాజువల్‌గా కామెడీగా తీసుకునేవాడు. ఇంట్లో వాళ్ల ఒత్తిడి పెరిగింది! సంబంధాలు చూడటం మొదలుపెట్టేశారు. ఇక నాకు అర్థమైంది. నేను మోసపోయానని. చివరకు మా పేరెంట్స్‌ చూసిన సంబంధం ఓకే చేశాను. నాకు ఎంగేజ్‌మెంట్‌ అయ్యాక తను వచ్చాడు మా పేరెంట్స్‌తో మాట్లాడటానికి. మా పేరెంట్స్‌! పరువుకు విలువ ఇచ్చి అతనికి నో చెప్పారు. నేను అమ్మానాన్నల పరువుకు విలువ ఇచ్చి మనసు చంపుకుని వేరే పెళ్లి చేసుకున్నాను. కానీ, తన మీద ఉన్న ప్రేమ ఇప్పటికీ అలానే ఉంది. డైలీ తను గుర్తుకు వస్తాడు. ఈ ప్రపంచంలో ఎవరు ఎవరికోసం ఏడవనంతగా నేను తన కోసం ఏడ్చాను! ఏడుస్తూనే ఉన్నా.. ఏడుస్తూనే ఉంటా. ప్రేమించేటప్పడు ఎంత బాగుంటుందో.. ఆ ప్రేమ దూరం అయ్యాక అంత బాధగా ఉంటుంది. నిజంగా ప్రేమ అంటే ఏంటో నా ప్రేమను పోగొట్టుకున్నపుడు తెలిసింది. నేను చచ్చే దాకా అతడు నా గుండెల్లో ఉంటాడు. దేవుడితో యుద్ధం చేసి వచ్చే జన్మలోనన్న నా ప్రేమను గెలిపించుకుంటాను. - జయ గౌడ, తమిళనాడు  లేదా worldoflove@sakshi.comకు మెయిల్‌ చేయండి

నేను ఖమ్మంలో మొదటి సంవత్సరం డిగ్రీ చదువుతున్నాను. అక్కడ మా అక్క వాళ్లు ఉండటం వల్ల కళాశాల ముగిసిన వెంటనే అక్కవాళ్ల ఇంటికి వెళ్లేవాడిని. ఆ సమయంలో అక్కడ ఒక అమ్మాయితో పరిచయం ఏర్పడింది. మా పరిచయం స్నేహంగా మారడానికి కొన్ని నెలలు పట్టింది. స్నేహం కాస్తా ప్రేమగా మారిపోయింది. తనతో జీవితం పంచుకోవాలని అనుకున్నాను. ప్రతిరోజూ ఫోన్‌లో మాట్లాడుకునేవాళ్లం. మా ప్రేమ ప్రయాణంలో రెండు సంవత్సరాలు గడిచిపోయాయి. ఒకసారి నా ఫోన్‌ అందుబాటులో లేకపోవటం వల్ల తనతో మాట్లాడలేకపోయాను. మరుసటి రోజు తను నేరుగా మా ఊరికి వచ్చింది. అలా మా తల్లి దండ్రులకు మా విషయం తెలిసింది. తప్పనిసరి పరిస్థితుల్లో మా తల్లిదండ్రులకు విషయం అంతా వివరించి ఆఖరికి పెళ్లికి ఒప్పించాను. కొన్ని నెలల తర్వాత తనతో మాట్లాడటానికి కాల్‌ చేసినా తను పట్టించుకోలేదు. తిరిగి కాల్‌ చేయలేదు. తన మీద ప్రేమ చంపుకోలేక, వేరే అమ్మాయి మీద ప్రేమను చూపలేక పిచ్చిప్రేమతో కొన్ని నెలలు నరకంలా గడిచాయి. ఇంతలో డిగ్రీ మూడవ సంవత్సరం పరీక్షలు వచ్చాయి. బాగా రాశాను. ఆ తర్వాత ఆమె గురించి ఎంత వెతికినా, ఎన్ని విధాలుగా ప్రయత్నించినా తన ఆచూకీ గానీ, మరే ఇతర విషయాలు తెలియలేదు. ఒకరోజు తన స్నేహితురాలు కలిసింది. ఆమె గురించి అడిగి తెలుసుకున్నాను. ఆఖరికి తెలిసిందేంటంటే తను నన్ను వదిలేసి వేరే అబ్బాయిని ప్రేమిస్తుందని. ఆ విషయం తెలిసిన నిమిషం నుంచి అంతగా ప్రేమించిన తను నన్ను ఇంతగా మోసం చేసిందా అని భరించలేకపోయాను. అలా తన మీద ప్రేమను మరిచిపోలేక మద్యానికి బానిసనయ్యా. కానీ ఆమె మాత్రం నన్ను పూర్తిగా మరిచిపోయి తనకు నచ్చిన వాడితో పెళ్లిచేసుకుని సంతోషంగా ఉంది. నేను ఏం తప్పు చేశాను. తనను నా ప్రాణం కంటే ఎక్కువగా ప్రేమించా. నా కుటుంబంలో తనకు స్థానం కల్పించాను. అయినా ఆఖరికి నన్ను ఒంటరివాడిని చేసి వెళ్లిపోయింది. - దుర్గయ్య, ఖమ్మం లేదా worldoflove@sakshi.comకు మెయిల్‌ చేయండి

నేను పనిచేస్తున్న ఆఫీసులో మొదటిసారి చూశాను తనని. ఆమెను చూడగానే చాలా నచ్చేసింది. నాతో తను మాట్లాడితే బాగుండు అని ప్రతిరోజూ అనిపించేది. నేను తనతో మాట్లాడాలంటే భయమేసేది. అనుకోకుండా ఓ రోజురాత్రి 8గంటలకు తననుంచి నాకు ఫోన్‌ వచ్చింది. అప్పుడు నా సంతోషం ఆకాశానికి ఎగిరింది. అప్పుడు జోరుగా వర్షం కురుస్తోంది! ఆ వర్షంలో తడుచుకుంటూ ఆమెతో మాట్లాడినది మొదటిరోజు. తర్వాత మా మధ్య బంధం పెరిగింది. ఆమెకు ఐ లవ్‌ యూ చెప్పాలని నా మనసు తహతహలాడిపోయేది. అయితే నా ప్రేమ సంగతి చెబితే తను ఎక్కడ దూరం అవుతుందో అని భయం. మొత్తానికి ఓ రోజు రాత్రి 9 : 40  గంటలకు ఆమెకు నా ప్రేమను తెలియజేశాను. ఆమె ఏం అనలేదు! కొంచెం నవ్వింది. అప్పుడు నాకు చాలా సంతోషం వేసింది. కొన్ని రోజుల తర్వాత తాను కొన్ని లెక్కలు చెప్పింది! మిత్రులుగా ఉందాం అంది. నేను ఆ రోజు చాలా ఏడ్చాను. తర్వాత మా మధ్య ప్రేమ స్నేహం కొనసాగింది. తన మాటలు అంటే నాకు చాలా ఇష్టం. తను నవ్వితే నేను నా బాధలు మర్చిపోతా.  ఆ తర్వాత కొద్దిరోజులకు ఆమెకు పెళ్లి కుదిరింది. ఒకవైపు బాధ మరోవైపు సంతోషం. ఆమె పెళ్లికి నేను వెళ్లాను. ఆమెకు తన భర్త తాళి కడుతుంటే నా వైపు చూసింది! అప్పుడు నా గుండె పగిలిపోయేంత బాధగా అనిపించింది. నేను వెనక్కి వచ్చినపుడు తాను నా దగ్గరకి వచ్చిన మూమెంట్‌ నేనెప్పటికీ మర్చిపోలేను. తన ఇంట్లో అందరు మంచిగా చూసుకున్నారు. ఆమెను నా జీవితంలో ఎప్పటికీ మర్చిపోలేను. తను ఎప్పుడన్నా ఫోన్‌ చేస్తే చాలా హ్యాపీగా ఫీల్‌ అవుతా.  -  ప్రవీణ్‌ లేదా worldoflove@sakshi.comకు మెయిల్‌ చేయండి

ప్రేమ అంటే ఏదో తెలియని ఫీలింగ్‌! అది పొందాలంటే అదృష్టం ఉండి తీరాలి. నేను ఇంటర్‌లో జాయిన్‌ అయిన మొదట్లో బస్‌లో ఒక అబ్బాయిని చూశాను. కాలేజ్‌కు వెళుతున్నపుడు బస్‌లో చాలాసార్లు చూశాను . కానీ, నాకు అప్పుడు అర్థం కాలేదు! నేను ప్రేమిస్తున్నానని. తర్వాత నేనే తనకు మెసేజ్‌ చేశాను. అలా చాలా రోజులు మాట్లాడుకున్నాం, కలుసుకున్నాం. తనకు నేనంటే ఇష్టం ఉందో లేదో తెలియదు కానీ, నాకు అతడంటే చాలా ఇష్ట. ప్రాణం కన్నా ఎక్కువగా ప్రేమిస్తున్నాను. కొన్ని మిస్టేక్స్‌ వల్ల ఇప్పుడు విడిపోయాం. తను మాట్లాడటం లేదు. చాలా బాధగా ఉంది. ‘అమ్మాయిలు లవ్‌ చేస్తే బ్రేకప్‌ అయిన తర్వాత మర్చిపోతారు’ అంటారు కానీ, వాళ్లు నిజంగా ప్రేమిస్తే వాళ్ల ప్రేమ అమ్మ ప్రేమతో సమానం అవుతుంది. ఐ లవ్‌ యూ అండి, ఐ మిస్‌ యూ.. మీ.. - మధు లేదా worldoflove@sakshi.comకు మెయిల్‌ చేయండి

తను నాకు తెలిసిన అమ్మాయే. 2 సంవత్సరాలనుంచి చూస్తున్నా! మంచి అమ్మాయి. 6 నెలల క్రితం వరకు మేము పెద్దగా మాట్లాడుకోలేదు. ఆ తరువాత వాట్సాప్‌లో తను పెట్టే స్టేటస్‌లకు నా అభిప్రాయాలను చెప్పడం.. నా స్టేటస్‌లపై తను స్పందించడం జరిగేది. ఇలా మాట్లాడుకునే క్రమంలో ఇద్దరి అభిప్రాయాలు కలిసేవి. తను నాకు అర్థం అయ్యే కొద్దీ తనంటే ఇష్టం పెరుగుతూ వెళ్లింది. ఈ రోజుల్లో చదువు, వ్యక్తిత్వం, అందం అనుకువ, ఎదుటివారిని అర్థం చేసుకునే మనసు ఉన్న అమ్మాయిలు నాకు తెలిసి ఎవరూ లేరు అనుకున్నా! కానీ, నా అభిప్రాయం తప్పని తేలుస్తూ తను కనపడింది. నా ప్రేమ విషయం ఎలా చెప్పాలి తనతో? ఏడడుగులు నడవాలంటే వచ్చే ఇబ్బందులేంటి? నా ప్రేమ విషయం చెప్తే తను ఏం అంటుంది? ఇవే ఆలోచనలు. తను నా జీవితంలోకి వస్తే గతంలో నేను కోల్పోయిన వన్నీ తిరిగి వస్తాయని సంతోషించా. నేను ఒక అమ్మాయిని ప్రేమిస్తున్నా అని తనకు ఇన్ డైరెక్ట్‌గా చెప్తూనే వున్నా. తన ఇంట్లో వాళ్లు ఎంతవరకు నన్ను ఒప్పుకుంటారో తెలుసుకోమని అడిగేవాన్ని. నేను ఎలా ముందుకు వెళ్లాలో ఆలోచిస్తున్నపుడే తను ఒక విషయం చెప్పింది. తన ఇంట్లో వాళ్లు గతంలో ఓ సంబంధం చూశారని, వాళ్లు ఎంగేజ్‌మెంట్‌ పెట్టుకోవాలని చూస్తున్నారని, ఆ విషయంపై ఇంట్లోవాళ్లు ఆలోచిస్తున్నారని చెప్పింది. మరో వారంలో ఎంగేజ్‌మెంట్‌ జరిగే అవకాశం వుందని అంది. వచ్చిన సంబంధం గురించి నేను ఎంక్వైరీ చేస్తే పాజిటివ్‌గానే తెలిసింది. నాకన్నా అబ్బాయ్ బెటర్ పొజిషన్‌లో ఉన్నాడు. నాకేం చెయ్యాలో అర్థం కాలేదు. ప్రాణంగా ప్రేమించిన అమ్మాయి దూరం అవుతోందని తెలిసి ఏడుపు ఆగలేదు. తనకు ఎంగేజ్‌మెంట్‌ జరిగింది. ప్రేమలో నేను మోసపోలేదు.. తను నన్ను మోసం చెయ్యలేదు. ఒక మంచి అమ్మాయిని ప్రేమించా కానీ, నాకు సమయం లేక తనను దక్కించుకోలేకపోయా. జీవితాంతం నీకు తోడుగా ఉండి నిన్ను సంతోషంగా చూసుకోవాలి అనుకున్నా. కానీ, అనుకోకుండా దూరం అయ్యా. జీవితాంతం నువ్వు సంతోషంగా వుండాలని కోరుకుంటూ.. - నవీన్‌, మిర్యాలగూడ

7 నెలల క్రితం ఓ సాయంత్రం మా అమ్మ చెప్పడంతో కూరగాయల కోసం మార్కెట్‌కి వెళ్లాను. అప్పుడు సాయంత్రం 5.30 అవుతోంది. కూరగాయలు తీసుకుని ఇంటికి వస్తుండగా దారిలో ఓ అమ్మాయి ఏదో వెహికిల్‌ కోసం ఎదురుచూస్తూ కనిపించింది. నేను ఆ వైపు రావడంతో ఆమె నన్ను హైవే వరకు లిఫ్ట్‌ అడిగింది. ఎందుకంటే మా ఊరి నుండి వాళ్ల ఊరికి 25కి.మీ దూరం! హైవేనుండి బస్‌లు వుంటాయి. మొదట నేను కుదరదని చెప్పాను. కానీ అమె కొంచెం రిక్వెస్ట్‌ చేసింది. నేను సరే అని లిఫ్ట్‌ ఇచ్చాను. అలా మా ఇద్దరికి పరిచయం అయింది.  తను నా నెంబర్ అడిగితే ఇచ్చాను. ఆ తరువాత మూడు రోజులకు నాకు తను కాల్‌ చేసింది. ఏదో అలా మాట్లాడుకున్నాం. ఆ తర్వాత రెండు నెలల వరకు నో కాల్స్‌. నేను ఆమెని మరచిపోయాను. కానీ, 2 నెలల తరువాత ఓ రోజు సడెన్‌గా తను కాల్‌ చేసింది.  నేను చాలా సంతోషపడ్డాను. అలా రెండు వారాలు మాట్లాడుకున్నాం. ఒకరి గురించి ఒకరం తెలుసుకున్నాం. కొద్దిరోజుల తర్వాత ఇద్దరం కలుసుకున్నాం. ఆ రోజు ఇంటికి తిరిగి వస్తున్న సమయంలో తన కళ్లలో ఓ ఎమోషన్‌ని చూశాను. నాకు ఏదో తెలియని ఫీలింగ్‌ కలిగింది. ఆ రోజు నుంచి ఇంకొంచెం దగ్గర అయ్యాం. అలా రెండు రోజులకు ఓ సారి కలిసే వాళ్లం. పార్కులకు, లాంగ్‌ డ్రైవ్‌లకు వెళ్లేవాళ్లం. లేట్‌నైట్‌ కాల్స్‌ అలా చాలా అనందంగా గడిచిపొతున్నాయి రోజులు. ఆ తర్వాత ఓ రోజు ఆమె పుట్టిన రోజు వచ్చింది! ఆ రోజు తన దగ్గరికి వెళ్లాను. ఇద్దరం బయటకు వెళ్లాం. అప్పుడే మెదటిసారి తనకు ‘మనం  పెళ్లి చేసుకుందామ ?’ అని అడిగాను. కానీ, ఆమె ‘కొంచెం సమయం కావాలి ఆలోచించడానికి’ అంది. నేను సరే అన్నాను. అలా మరో నెల గడిచింది. ఆ తర్వాత ఒక రోజు మళ్లీ ఆ విషయం గుర్తు చేశాను. అప్పుడే మొదటిసారి నాకు ఓ విషయం చెప్పింది. తను వేరే అతన్ని ప్రేమిస్తున్నానని, ఒకరిని ఒకరం ఇష్టపడుతున్నామని చెప్పింది. నేను కొంచెం షాక్ అయ్యాను! కానీ, సరే అన్నాను. అప్పటినుంచి ఆమెకు కొంచెం దూరంగా ఉండడం మొదలుపెట్టా. కానీ, తను నాకు ఫోన్‌ చేస్తూనే వుంది. నేను ఆమెతో గొడవ పడేవాన్ని. తను ఏడుస్తూనే నాతో మాట్లాడేది. ‘నువ్వంటే ఇష్టమే కానీ పెళ్లి చేసుకోలేను’ అనేది. ఆ సమయంలో నేను చాలా మానసిక సంఘర్షణకు లోనయ్యాను. ఓ రోజు తను ప్రేమిస్తున్న అతని ఫోన్‌ నెంబర్‌ నాకు దొరికింది. కాల్‌ చేశాను! అప్పుడే వాడి గురించి తెలుసుకున్నా. వాడికి చెడ్డ అలవాట్లు వున్నాయి. గంజాయి, డ్రగ్స్‌లాంటివి కూడా అలవాటు వున్నాయి. నాకా విషయం తెలిసి షాక్ అయ్యాను. వాడిని ఎలా ప్రేమించింది అని అనుకున్నాను. అలా వాడిని ఓసారి  కలిశాను. తన గురించి అడిగాను కానీ, వాడు ఆమెని వాడుకుని వదిలేసే ఆలోచనలతో వున్నాడు. అంతే కాదు వాడి దగ్గర ఆ అమ్మాయి పర్సనల్‌ ఫొటోలు, వీడియోలు వున్నాయి. చాలా బాధ కలిగింది. ఇక ఇదంతా వదిలేద్దాం అని నిర్ణయించుకున్నాను. కానీ వాడు వదలలేదు! కారణం వాడికి అనుమానం. రోజూ కాల్‌ చేసి ‘‘తనని కలిశావా? ఫోన్‌ మాట్లాడుతోందా?’’ అని అడిగేవాడు. ఇక నా వల్ల కాలేదు. ఇద్దరినీ పిలిచి మాట్లాడాను. ‘ఇక మీతో నాకు  ఏ సంబంధం లేదు. నన్ను ఇబ్బంది పెట్టకండి’ అని చెప్పి అక్కడి నుంచి వచ్చేశాను. ఆ తరువాత 2 గంటలకు తను నాకు కాల్‌ చేసింది. ఇక ఎప్పటికీ మనం కలుసుకోలేము అని చెప్పింది. వాడు తనని కొట్టాడని, రోడ్డు మీద వదిలేశాడని.. నేను కూడా ఆమెను వాడితో అక్కడే వదిలేసి వెళ్లానని చెప్పి కాల్‌ కట్‌ చేసింది. అంతే అప్పటినుంచి ఇద్దరం కలుసుకోలేదు. - రమేష్‌ లేదా worldoflove@sakshi.comకు మెయిల్‌ చేయండి

ఎలా మొదలుపెట్టాలో అర్థం కావటం లేదు. నేను చదివింది గవర్నమెంట్‌ కో ఎడ్‌ స్కూల్‌, కాలేజీలో. అయినప్పటికి నాకు మా క్లాస్‌ అమ్మాయిలతో అస్సలు పరిచయాలు ఉండేవి కావు. అలా టెన్త్‌, ఇంటర్‌ కంప్లీట్‌ అయ్యాయి. లాంగ్‌టర్మ్‌ కోసం ఓ సంవత్సరం బ్రేక్‌ వచ్చింది. దాని తర్వాత నాకు ప్రొఫెషనల్‌ డిగ్రీలో సీట్‌ వచ్చింది. నాకు బయటి ప్రపంచం గురించి సరిగా తెలీదు! ఫ్యాషన్స్‌, స్టైల్స్‌ లాంటివి పెద్దగా అలవాటు లేదు. చాలా అమాయకంగా ఉండేవాన్ని. కాలేజీలో చేరిన కొత్తలో మా సీనియర్స్‌ ఫ్రెషర్స్‌ పార్టీ ఇచ్చారు. మా జూనియర్స్‌ అందరం కలిసి స్టేజిమీద డాన్స్‌ చేస్తున్నాము. అప్పుడు చూశాను తనని చాలా దగ్గరగా. చూడగానే నచ్చింది! తను మంచి డ్యాన్సర్‌ కూడా. ఆ రోజు తనతో మాట్లాడటానికి కుదరలేదు. ఆ తర్వాత తనకు ఎఫ్‌బీలో రిక్వెస్ట్‌ పెట్టా. ఎందుకంటే తనతో డైరెక్ట్‌గా మాట్లాడాలంటే భయం. ఎఫ్‌బీ అయితే కొంచెం బెటర్‌ కదా! అలా మా మధ్య స్నేహం కుదిరింది. తనతో చాలా ఎక్కువ టైం స్పెండ్‌ చేసేవాన్ని. ఎక్షామ్స్‌లకు కూడా చదవకుండా చాటింగ్‌లు చేయటం వ్యసనంలా మారింది. తరచు చిన్నచిన్న గొడవలు వచ్చేవి. అయినా మళ్లీ కలిసిపోయేవాళ్లం. నేను చాలా కోపిష్టిని, ఒకసారి ఇద్దరం గొడవపడి 6 నెలల వరకు మాట్లాడుకోలేదు. అప్పుడే ఫైనల్‌ ఇయర్‌ వచ్చేసింది. ట్రైనింగ్‌ కోసం మా క్లాస్‌ మొత్తం 2 గ్రూపులుగా విడిపోయాం. ఇక అప్పటినుంచి ఫైనల్‌ ఇయర్‌ మొత్తం తనను కలవలేదు. కానీ, ఇయర్‌ ఎండింగ్‌లో టూర్‌ ఉండింది. అప్పుడు తనను కలిశాను. ఆమె చాలా సంతోష పడింది. నాకు తనంటే ఎంతో ఇష్టం తనకు కూడా నేనంటే చాలా ఇష్టం. ఇద్దరిదీ ఒకే మతం కానీ వేరు వేరు రాష్ట్రాలు. ఆమె చాలా రిచ్‌ పర్సన్‌! నేను లోయర్‌ మిడిల్‌ క్లాస్ ఫ్యామిలీ. తను అప్పుడప్పుడు అనేది ‘మా ఇంట్లో వాళ్లకు ఇవన్నీ నచ్చవు’ అని. అందుకే నేనెప్పుడూ ధైర్యం చేయలేదు. మా బీఎస్‌ఈ కూడా అయిపోయింది. సంవత్సరం అవుతోంది తనతో మాట్లాడి. తను అప్పుడప్పుడు చెప్పి బాధపడేది ‘నేను ఇంటికి వెళ్లిపోతే ఇంత క్లోస్‌గా కాంటాక్ట్‌లో ఉండలేము’ అని. ఇప్పుడు నాకు మంచి గవర్నమెంట్‌ జాబ్‌ వచ్చింది. అయినా తనని ఇబ్బంది పెట్టదలుచుకోలేదు. కానీ, నేను తనని ఎప్పటికీ మర్చిపోలేను. - శ్రీనివాస్‌, కర్నూల్‌ లేదా worldoflove@sakshi.comకు మెయిల్‌ చేయండి

మొదటిసారి నేను లిఖితను స్కూల్‌ సైకిల్‌ పార్కింగ్‌ వద్ద చూశా. చూడగానే బాగా నచ్చింది! పెళ్లిచేసుకుంటే తనను తప్ప వేరే వాళ్లను చేసుకోకూడదు అనుకున్నా. డైలీ తన ఇంటివరకు ఫాలో అయ్యేవాడిని. తను చూసేది కానీ, మా మధ్య మాటలు మాత్రం లేవు. అలా చాలా కాలం గడిచిపోయింది. నాకు తనతో మాట్లాడాలంటే భయంగా అనిపించేది. సెప్టెంబర్‌ 21న లిఖిత పుట్టిన రోజు. ఆ రోజు తను స్కూల్‌కు వైట్‌ కలర్‌ చుడిదార్‌ వేసుకుని వచ్చింది. ఫ్రెండ్స్‌ అందరూ ‘నీ బర్త్‌డే రా’ అని అనే వారు. రాత్రి 8 గంటలకు ఆమెను విష్‌ చేద్దామని చాక్లెట్‌ తీసుకుని వెళ్లాము. తనకు అర్థమైంది! నేను తనను విష్‌ చేయటానికి వచ్చానని. కానీ, నేను విష్‌ చేయలేకపోయా. ఎక్కడో తను నన్ను కూడా ఇష్టపడుతోంది అని అర్థమైంది. కానీ, మాట్లాడాలంటే భయం. మా నాన్నమ్మ చెప్పింది‘ మనం పడుకునేటప్పుడు ఏది గుర్తుకు తెచ్చుకుంటామో కల్లోకి అదే వస్తుంది’ అని. నేను డైలీ లిఖితను గుర్తు చేసుకుంటూ ఉండేవాడిని. ఆ కాలాలు ఎంత మధురంగా ఉండేవో.. మా స్వచ్ఛమైన ప్రేమకు తీపి గుర్తులు. చూస్తుండగానే మా పదవ తరగతి పరీక్షలు వచ్చేశాయి. నేను ఎలాగైనా ఫేర్‌వెల్‌ రోజు ప్రపోజ్‌ చేద్దామని అనుకున్నా. కానీ, నా బ్యాడ్‌లక్‌ ఫేర్‌వెల్‌ క్యాన్సిల్‌ అయ్యింది. మనసు చెరిగిపోని జ్ఞాపకాలతో భారంగా అనిపించింది. పదవ తరగతి పరీక్ష ఫలితాలు వచ్చాయి. ఇద్దరికీ మంచి మార్కులు  వచ్చాయి. తను ఏ కాలేజ్‌లో జాయిన్‌ అవుతుందో అదే కాలేజ్‌లో జాయిన్‌ అవుదామని అనుకున్నా కానీ, తన గురించి ఎలా తెలుస్తుంది??. ఓ రోజు సాయంత్రం స్నేహితులతో కలిసి నెట్‌ షాప్‌కు వెళ్లా పాలిటెక్నిక్‌ ఎక్షామ్‌కు అప్లై చేద్దామని. అనుకోకుండా లిఖిత వాళ్ల అన్నయ్య, తను ఇద్దరూ అక్కడికి స్కూటీ మీద వచ్చారు. నేను వాళ్లను చూడలేదు. అపుడు వెనకనుంచి హరీష్‌ అని పిలిచారు! నేను ఎవరో అనుకుని వెనక్కు చూశా.. లిఖిత మళ్లీ పిలిచింది. నాకు మాటలు రావట్లేదు. తను కంగ్రాట్స్‌లేషన్‌ చెప్పి వెళ్లిపోయింది. అది ఎప్పటికీ నా కళ్లల్లో ఉంటూనే ఉంది. ఇది జరిగి ఇప్పటికి 6 సంవత్సరాలు అవుతోంది. తను ఇప్పుడు ఏం చేస్తుందో.. ఎక్కడ ఉందో ఏమో తెలియదు. ఐ లవ్‌ యూ లిఖిత ... ఎప్పటికీ నిన్ను ప్రేమిస్తునే ఉంటా. నువ్వు ఎక్కడున్నా సంతోషంగా ఉండాలి అని కోరకుంటున్నా. - హరీష్‌ (పేర్లు మార్చాం) లేదా worldoflove@sakshi.comకు మెయిల్‌ చేయండి

ప్రేమ గుడ్డిది అంటారు అందరూ. అది నిజమో కాదో నాకు తెలీదు. కానీ ఒక్కటి మాత్రం తెలుసు. ప్రేమ గెలిపించగలదు. ఓడించగలదు. వెనక్కి లాగగలదు. ముందుకు నడిపించనూ గలదు.మా నాన్న ఒకప్పుడు పెద్ద కాంట్రాక్టరు. బోలెడంత సంపాదన. కానీ కాసింతయినా తీరిక ఉండేది కాదు. దానివల్ల ఆయనకు మనుషులను, వారి మనస్తత్వాలను అంచనా వేసే అవకాశం చిక్కేది కాదు. ఉరుకులు పరుగుల్లో పడి క్షణాల్లో నిర్ణయాలు తీసేసుకునేవారు. అందరినీ నమ్మేస్తుండేవారు. దాంతో నమ్మకస్తులు అనుకున్న దగ్గరవాళ్లే దారుణంగా మోసం చేశారు. సర్వ సంపదలూ పోగొట్టుకుని మా కుటుంబం వీధిన పడేలా చేశారు.నమ్మకద్రోహం కలిగించినంత వేదన మరేదీ కలిగించదు. జరిగిన మోసాన్ని, తన వల్ల తన కుటుంబానికి పట్టిన దుస్థితిని తలచు కుని నాన్న కుమిలి పోయారు. దాంతో ఆయన ఆరోగ్యం దెబ్బతిన్నది. మనోవ్యాధి ఆయన్ని మంచం పట్టించింది. చివరికి ఆ వేదన ఆయన్ని ఈ లోకం నుంచే తీసుకెళ్లిపోయింది. ఒక్కసారిగా ఇన్ని కుదుపుల్ని మేం భరించలేకపోయాం. ఉన్నదంతా పోయింది. కొండంత అండ నాన్న కూడా కనుమరుగైపోయారు. ఇక మా పరిస్థితి ఏమిటి? నలుగురం ఆడపిల్లలం. నేనే పెద్దదాన్ని. అందరికీ ధైర్యం చెప్పాల్సిన బాధ్యత నామీదే ఉంది. కానీ నేనా పని చేయలేకపోయాను. ఎందుకంటే నన్ను మరో దెబ్బ బలంగా తాకింది. నాన్న ఆర్థికంగా బాగున్నప్పుడు ఆయనకు అత్యంత సన్నిహితుడైన ఒక స్నేహితుడు మా ఇంటికొచ్చారు. ‘నీ కూతురును నా కొడుక్కిచ్చి పెళ్లి చేస్తావా’ అని అడిగారు. నన్ను పువ్వుల్లో పెట్టి చూసుకుంటానని నమ్మబలికారు. నేనే తన ఇంటి కోడలిని అని నాన్న దగ్గర మాట తీసుకుని మరీ వెళ్లారు. ఆయన కొడుకు కూడా నన్ను చాలా ఇష్టపడ్డాడు. తరచుగా నాతో మాట్లాడేవాడు. మెల్లగా ఇద్దరి మనసులూ కలిశాయి. మనువుకు సిద్ధమయ్యాయి. కానీ అనుకున్నట్టుగా మా పెళ్లి జరగలేదు. మా పరిస్థితి తారుమారవ్వగానే చాలామంది మాకు దూరమైపోయారు. సంపద ఉన్నప్పుడు చుట్టూ చేరినవాళ్లు, సంపద పోయాక చుట్టుపక్కల కనిపించడమే మానేశారు. వాళ్లలో నాన్న స్నేహితుడూ ఉన్నాడు. దురదృష్టం ఏమిటంటే... ఆయన కొడుకు కూడా ఉన్నాడు. ‘నువ్వు లేకపోతే నేను లేను, నీతోనే నా జీవితం’ అంటూ అంతవరకూ మాటల మత్తు చల్లినవాడు... తన తండ్రి బోధకు తలొగ్గి మాట మార్చేశాడు. ‘నీ కోసం ఏమైనా చేస్తాను’ అన్నవాడు... ‘మా నాన్న ఒప్పు కోవడం లేదు, ఏం చేయమంటావ్’ అంటూ అమాయకంగా ముఖం పెట్టాడు. మెల్లగా మాటలు తగ్గించాడు. చివరికి తండ్రి చూపించిన లక్షాధికారి కూతురి మెడలో సంతోషంగా తాళి కట్టేశాడు. అతడు చేసిన మోసం నన్ను నిలువునా కుదిపేసింది. తను ఎవరికో తాళికట్టాడన్న బాధతో నా మెడలో ఉరి తాడు వేసుకోవాలనుకున్నాను. కానీ చివరి క్షణంలో అమ్మ వచ్చి నన్ను ఆపింది. అలా చేసినందుకు తను నన్ను కోప్పడలేదు. నా ఆవేదన చూసి కంటతడి పెట్టలేదు. ఒక్కటే మాట అంది. ‘‘అతను కాదన్నాడని చచ్చిపోవాలనుకున్నావా? నువ్వు ఆత్మహత్య చేసుకునేంత గొప్ప ప్రేమికుడా తను?’’ చెంప మీద కొట్టినట్లయ్యింది. దెబ్బకు దెయ్యం దిగినట్టనిపించింది. నిజమే. అతనో స్వార్థపరుడు. వాడి కోసం నా నిండు జీవితాన్ని బలి చేసుకోవాలా? నన్ను కాదని వెళ్లిపోయినవాడి కోసం... నేను కావాలనుకునే నా కుటుంబాన్ని వదిలేసి పోవాలా? చాలా ఆలోచించాను. కళ్లు తెరిచాను. జీవితంలో ప్రేమ, పెళ్లి ఒక భాగం తప్ప అవే జీవితం కాదన్న వాస్త వాన్ని గ్రహించాను. జీవితంలో స్థిర పడ్డాను. మా అమ్మను కంటికి రెప్పలా చూసుకుంటున్నాను. చెల్లెళ్లను చదివిస్తున్నాను. ప్రేమలో ఓడిపోయినా... జీవితంలో గెలిచాను. నాలా తొందరపడి ప్రాణాలు తీసుకోవాలనుకునేవారి కోసం ఈ రోజు నా జీవితాన్నిలా పరిచాను. - ప్రియ   లేదా worldoflove@sakshi.comకు మెయిల్‌ చేయండి

అది నేను 10వ తరగతి చదివే రోజులు. అప్పట్లో నేను క్లాస్‌లో చాలా ఆక్టివ్‌గా ఉండేవాన్ని. స్కూల్‌లో కండెక్ట్‌ చేసే ప్రతి ఈవెంట్‌లో నేను పార్టిసిపేట్‌ చేసేవాడిని. స్కిట్స్‌,డాన్స్‌ అన్నిట్లో ఉండేవాడిని. దీంతో నేను స్కూల్లో చాలా ఫేమస్‌. బేసిగ్గా నేను అందరితో బాగా మాట్లాడతాను. గర్ల్స్‌తో కూడా. వాళ్లు కూడా నాతో బాగా మాట్లాడేవారు. అలా మా క్లాస్‌లోని శిరీష అనే అమ్మాయి బాగా పరిచయం అయ్యింది. మొదట స్నేహితుల్లాగా చాలా బాగా మాట్లాడుకునేవాళ్లం. నేనేమో తన మీద బాగా జోక్స్‌ వేసేవాడిని. తను కూడా నా మీద జోక్స్‌ వేసేది. అలా తన మీద నాకున్న ఫ్రెండ్‌ ఫీలింగ్‌ ఒకలాంటి ఫీలింగ్‌గా మారింది! అప్పుడు ఆలోచిస్తే తెలిసింది అది లవ్‌ ఫీలింగ్‌ అని. అలా కొన్ని రోజులు నేను తనని లవ్‌ చేశాను. ఓ రోజు నేను స్కూల్‌కు చాలా తొందరగా వచ్చాను. నాతో పాటు నా సిస్టర్‌(నా క్లాస్‌మేట్‌) కూడా చాలా తొందరగా వచ్చింది. అప్పుడు తను నన్ను అడిగింది ‘‘ నువ్వు శిరీని లవ్‌ చేస్తున్నావా అన్నయ్యా?’’ అని. నేను మొదట లేదని చెప్పాను. కానీ, తర్వాత చెప్పా! ‘అది జస్ట్‌ ఫీలింగ్‌’ అని. తను నమ్మింది. తర్వాత తను చాలా బాధపడింది. ‘ఎందుకు బాధపడుతున్నావ్‌’ అని అడిగాను. అప్పుడు చెప్పింది. శిరీకి 6వ తరగతిలోనే ఎంగేజ్‌మెంట్‌ అయిపోయిందని. ఆ విషయం తెలిసి నేను షాక్‌ అయ్యాను. తర్వాత రియలైజ్‌ అయ్యి ఆమెను అవాయిడ్‌ చెయ్యటం మొదలుపెట్టాను. ఎందుకంటే ఒక ఎంగేజ్‌మెంట్‌ అయిన అమ్మాయిని ప్రేమించటం తప్పుకదా అని. కానీ, నేను సడెన్‌గా మాట్లాడటం మానేసేసరికి శిరీ చాలా బాధపడింది. ఎందుకంటే! తను కూడా నన్ను ప్రేమిస్తోంది. అది నాకు అప్పుడు తెలియదు. నేను లవ్‌ చేస్తున్న విషయం తనకు తెలియదు. మా ఇద్దరిదీ మూగమనసులు స్టోరీ టైప్‌ అన్న మాట. తను చాలా రోజులు బాధపడింది.. నేనూ బాధపడ్డాను. మా ఇద్దరికీ తెలియదు. ఒకరిగురించి ఒకరం బాధపడుతున్నాం అని. అలా కొన్ని రోజులకు 10వ తరగతి పరీక్షలు దగ్గర పడ్డాయి. అలా ఒకరికొకరం దూరమయ్యాము. - సుమంత్‌, కాకినాడ ( పేర్లుమార్చాం) సాక్షి వరల్డ్ ఆఫ్ లవ్: మీ లవ్ స్టోరీని మాతో పంచుకోండి లేదా worldoflove@sakshi.comకు మెయిల్‌ చేయండి


 హిందీ చిత్ర పరిశ్రమలో ఇప్పుడు వెండితెర మీద కన్నా, నిజజీవితంలోనే చాలా బ్రేకప్ లవ్‌స్టోరీలు కనిపిస్తున్నట్లున్నాయి. పెళ్లైనవారూ, పెళ్లి కానివారూ ఈ బ్రేకప్ స్టోరీస్‌తో మీడియాలో పతాక శీర్షికలెక్కుతున్నారు. ఇక.. రీసెంట్‌గా బ్రేకప్ అయినవాళ్ల గురించి తెలుసుకుందాం..
  
  కంచికి చేరిన... కోహ్లీ, అనూష్కా శర్మ లవ్!
  క్రికెటర్ విరాట్ కోహ్లీ, నటి అనూష్కా శర్మల ప్రేమ విఫలమైనట్లేనా? అవును. ఈ విఫల ప్రేమ గాథ దాదాపు అధికారికమేనని తాజా వార్తలు సూచిస్తున్నాయి. దాదాపు రెండేళ్ళుగా ఈ జంట గాఢమైన ప్రేమలో ఉన్న సంగతి తెలిసిందే. అయితే, పెళ్ళి విషయంలో విభేదాలు రావడంతో వీరిద్దరూ తమ ప్రేమ కథకు ‘ది ఎండ్’ కార్డు వేసేశారని లేటెస్ట్ సమాచారం.
 
  ఫొటోలు పంచుకొనే సోషల్ మీడియా వేదిక ‘ఇన్‌స్టాగ్రామ్’లో అనూష్కను విరాట్ ఫాలో కావడం ఆ మధ్య మానేశారు. అప్పటి నుంచి వీళ్ళ ప్రేమకథ కంచికి చేరినట్లేనని మీడియాలో పుకార్లు షికార్లు చేస్తూ వచ్చాయి. అయితే, ఇలా సోషల్ మీడియాలో ‘అన్ ఫాలో’ కావడం మామూలు ‘ప్రణయ కలహ’మేనని ట్యాబ్లాయిడ్స్ చెబుతూ వచ్చాయి. తీరా ఇప్పుడు వివాహ ప్రతిపాదనపై ఈ జంట మధ్య అభిప్రాయభేదాలు వచ్చాయనీ, దాంతో విడిపోయారనీ అభిజ్ఞ వర్గాల భోగట్టా. అయితే, దీనికి సంబంధించి వీరిద్దరి నుంచి అధికారిక ప్రకటన ఏదీ రాలేదు. ఆంతరంగిక వర్గాల సమాచారం ప్రకారం - ఈ ఏడాదిలోనే పెళ్ళి చేసుకుందామంటూ కోహ్లీ ప్రతిపాదించారట! కానీ, అనూష్కా శర్మ ఆ ప్రతిపాదనను తోసిపుచ్చారట. విరాట్‌తో పెళ్ళి కన్నా కెరీర్ మీద ఎక్కువ దృష్టి పెట్టాలని ఆమె భావించినట్లు సమాచారం. పెళ్ళి విషయమై ఈ ఇద్దరి మధ్య కొద్ది కాలంగా చర్చ జరుగుతోందనీ, అదే వారి మధ్య అభిప్రాయ భేదాలకు కారణమనీ సన్నిహితులు కూడా ధ్రువీకరించారు.
  
  లగేజ్ సర్దుకున్న కత్రినా!
  మొత్తం మీద, విరాట్ - అనూష్క శర్మల బ్రేకప్ కథ ఇప్పుడు సంచలనమై కూర్చుంది. విచిత్రం ఏమిటంటే - హిందీ చిత్ర పరిశ్రమకు ఈ ఏడాది ‘విఫల ప్రేమకథల సంవత్సరం’గా పరిణమిస్తున్నట్లు కనిపిస్తోంది. అనుష్క-విరాట్‌ల బాటలో ప్రముఖ హీరో రణ్‌బీర్ కపూర్, కత్రినా కైఫ్‌లు కూడా తమ ప్రేమకు ఫుల్‌స్టాప్ పెట్టేశారు. వీరి మధ్య ప్రేమ మొన్న జనవరిలో బ్రేకప్ అయింది. కొన్ని నెలలుగా రణ్‌బీర్ ఇంట్లోనే అతనితో సహజీవనం చేశారు కత్రినా. బ్రేకప్ తర్వాత తన లగేజ్ సర్దుకుని వేరే ఇంటికి వెళ్లిపోయారు. విశేషం ఏంటంటే.. రణ్‌బీర్, కత్రినాలకు సర్ది చెప్పడానికి వాళ్ల పేరెంట్స్ సన్నాహాలు చేస్తున్నారట. విరిగిన గాజు ముక్క అతకదనే చందంగా ఈ ఇద్దరూ మళ్లీ కలవడానికి ససేమిరా అంటున్నారట.
  
  పదహారేళ్ల బంధానికి ఫుల్ స్టాప్
  మంచి నటునిగా, దర్శకునిగా ఫర్హాన్ అఖ్తర్‌కి బాలీవుడ్‌లో మంచి పేరుంది. 19 ఏళ్ల క్రితం అధునా భద్నానీతో ప్రేమలో పడ్డారాయన. మూడేళ్ల పాటు ప్రేమించుకుని 2000వ సంవత్సరంలో పెళ్లి చేసుకున్నారు. ఈ దంపతులకు ఇద్దరు పిల్లలు ఉన్నారు. పదహారేళ్ల వైవాహిక జీవితంలో ఫర్హాన్, అధునాకి మధ్య మనస్పర్థలు వచ్చిన దాఖలాలేవీ కనిపించలేదు. ఇప్పుడు ఈ ఇద్దరూ విడిపోవాలనుకోవడానికి హీరోయిన్ అదితీ రావ్ హైదరి కారణం అని తెలుస్తోంది. ఆమెతో ఫర్హాన్ ఎఫైర్ సాగిస్తున్నారనే టాక్ ఉంది. బహుశా భార్య నుంచి విడిపోవడానికి  అదో కారణమై ఉంటుందని బాలీవుడ్‌లో ఓ టాక్ ఉంది.