భోపాల్: ఇదొక కల్లోలం.. ముగ్గురి జీవితాలపై విధి ఆడిన వింత నాటకం. సాఫీగా సాగుతున్న జీవితంలో ఒక్క ఉదుటను దూకిన ‘మృత్యుఘోష’. ఈ ఘటనలో ఒకరు హత్యకు గురైతే, మరొకరు ఆత్మహత్య చేసుకున్నారు. ఇంకొకరు ఆత్మాహుతి చేసుకున్నారు. మధ్యప్రదేశ్ లో జరిగిన ఈ విషాద ఘటన తలుచుకుంటేనే ఒళ్లు గగుర్పాటుకు గురౌవుతుంది.రాష్ట్రంలోని బాహ్రి పోలీస్ స్టేషన్ పరిధిలో సిహోలియా గ్రామంలో ఈ దారుణం చోటు చేసుకుంది. ముందుగా భార్యను చంపిన భర్త ఆపై ఆత్మహత్య చేసుకున్నాడు. మెడకు ఉరితాడు బిగించుకుని తాను కూడా ప్రాణాలు విడిచాడు. ఆ తర్వాత మనవడి మరణాన్ని జీర్ణించుకోలేని తాత.. అదే చితిమంటల్లో దూకి ఆత్మార్పణం చేసుకున్నాడు.అభయ్ రాజ్ అనే 34 ఏళ్ల వ్యక్తి.. భార్య సవితా యాదవ్(31)ను హత్య చేశాడు. ఇక తనులేని జీవితం వద్దనుకున్నాడో, లేక జైలు పాలు కావాల్సి వస్తుందని భయపడ్డాడో కానీ ఉరి వేసుకుని అతను కూడా తనువు చాలించాడు. ఇది శుక్రవారం ఉదయం జరగ్గా, అదే రోజు సాయంత్ర వారి అంత్యక్రియలు నిర్వహించారు. అయితే మనవడిఅభయ్ రాజ్) లేని జీవితం వద్దనుకున్న తాత రామావతార్‌.. తాను కూడా ఆ మనవడి అంత్యక్రియలు నిర్వహించిన చితి మంటల్లోనే దూకి ప్రాణం తీసుకున్నాడు. అయితే శనివారం ఉదయమే ఈ వార్త తెలుసుకున్న పోలీసులు.. అక్కడకు చేరుకుని కాలిన మృతదేహాన్ని బయటకు తీశారు. అయితే ఒక హత్య, రెండు ఆత్మహత్యల వెనుక కారణాలు ఏమిటో తెలియలేదని సిధి జిల్లా డీఎస్పీ గాయత్రి తివారీ తెలిపారు. దీనిపై దర్యాప్తు సాగిస్తున్నట్లు ఆమె పేర్కొన్నారు.

శ్రీకాళహస్తి: ‘సమీరా వచ్చేస్తున్నా... మరో 15 నిమిషాల్లో నీ ముందుంటా.. నువ్వేం కంగారుపడకు.. బాబు తిన్నాడా..! నువ్వు భోజనం చేసి పడుకో.. ఐ యామ్‌ ఆన్‌ది వే..’ అన్న భర్త తెల్లారేసరికి విగత జీవిగా కనిపించడం ఆమె గుండెల్ని పిండేసింది. ఈ ఘటన స్థానికంగా పెను విషాదాన్ని నింపింది. పోలీసుల కథనం.. బుచ్చినాయుడుకండ్రిగ మండలం, జోగికండ్రిగకు చెందిన కొప్పల ధర్మయ్య కుమారుడు కొప్పల నారాయణ(25) డిగ్రీ వరకు చదివి రౌతుసూరమాల సమీపంలో ఓ ప్రైవేటు పరిశ్రమలో పనిచేస్తున్నాడు. నారాయణకు పెళ్లకూరు మండలం, నెలబల్లి దళితవాడకు చెందిన సమీరాతో ఏడాదిన్నర క్రితం వివాహమైంది. వీరికి ఏడాది వయసున్న కుమారుడు ఉన్నాడు. ఈ క్రమంలో భార్య సమీరా కొడుకుతో కలిసి పుట్టింటికి వెళ్లింది. ఆమెను చూసేందుకు నారాయణ రెండు రోజుల కిందట నెలబల్లి వెళ్లాడు. ఈ క్రమంలో సోమవారం ఉదయం వ్యక్తిగత పనుల నిమిత్తం ద్విచక్ర వాహనంలో శ్రీకాళహస్తికి వెళ్లాడు. తిరిగి వస్తూ తన మేనత్త ఊరైన తాటిపర్తికి చేరుకున్నాడు. రాత్రి పది అవుతున్నా నారాయణ ఇంటికి రాకపోవడంతో సమీరా భర్తకు ఫోన్‌ చేసింది. తాను తాటిపర్తిలో ఉన్నానని, మరో 15 నిమిషాల్లో నీ ముందుంటానని సమాధానం ఇచ్చాడు. ఈ క్రమంలో నెలబల్లికి మార్గమధ్యంలో నాయుడుపేట–మదనపల్లి జాతీయ రహదారికి అతి సమీపంలో రామానాయుడు ఎస్టీ కాలనీ వద్ద ద్విచక్ర వాహనం అదుపు తప్పి బండరాయిని ఢీకొంది. ఈ ప్రమాదంలో తీవ్రంగా గాయపడ్డ నారాయణ అక్కడికక్కడే మృతి చెందాడు. బండరాయిని ఢీకొన్న సమయంలో నారాయణ బైక్‌తో పాటు ముళ్లపొదల్లో పడిపోవడంతో ఎవ్వరూ గుర్తించలేకపోయారు. ఇప్పుడే వస్తానన్న భర్త తెల్లారైనా ఇంటికి రాకపోవడంతో సమీరా తాటిపర్తిలోని తమ బంధువులకు సమాచారం అందించింది. దీంతో వారు ఆరా తీయగా ముళ్లపొదల్లో విగతజీవిగా పడి ఉండడాన్ని చూసి బోరుమన్నారు. తొట్టంబేడు పోలీసులు ఘటనా స్థలానికి చేరుకుని మృతదేహాన్ని స్వాధీనం చేసు కుని పోస్టుమార్టం నిమిత్తం శ్రీకాళహస్తి ఏరియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు ఎస్‌ఐ ఈశ్వరయ్య తెలిపారు.

సాక్షి, వైఎస్సార్ జిల్లా: అమెరికాలోని సూపర్‌ మార్కెట్లో జరిగిన కాల్పుల ఘటనలో బాపట్ల జిల్లా కర్లపాలెం మండలం మజలి గ్రామానికి చెందిన దాసరి గోపీకృష్ణ మరణించారన్న వార్తపై వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డి తీవ్ర దిగ్భ్రాంతి వ్యక్తం చేశారు. గోపీకృష్ణ కుటుంబానికి ప్రభుత్వం తోడుగా నిలవాలని, వారిని అన్నిరకాలుగా ఆదుకోవాలని రాష్ట్ర ప్రభుత్వానికి వైఎస్‌ జగన్‌ విజ్ఞప్తి చేశారు. గోపికృష్ణ కుటుంబానికి తగిన సహాయ సహకారాలు అందించాల్సిందిగా కేంద్ర విదేశాంగ శాఖను కోరారు. గోపికృష్ణ కుటుంబానికి వైఎస్‌ జగన్‌ తన ప్రగాఢ సంతాపాన్ని తెలియజేశారు.

హైదరాబాద్: ప్రమదవశాత్తు సంపులో పడి సాఫ్ట్‌వేర్‌ ఇంజనీర్‌ మృతి చెందిన సంఘటన రాయదుర్గం పోలీస్‌ స్టేషన్‌ పరిధిలో చోటు చేసుకుంది. ఇన్‌స్పెక్టర్‌ వెంకన్న తెలిపిన వివరాలు ఇలా ఉన్నాయి. భద్రాద్రి కొత్తగూడెం జిల్లాలోని వైరా మండలం గార్లకు చెందిన ఖలీల్‌ పాషా కుమారుడు షేక్‌ అక్మల్‌ సుఫుయాన్‌ (25) సాఫ్ట్‌వేర్‌ ఇంజనీర్‌గా పనిచేస్తున్నాడు. గచ్చిబౌలి అంజయ్యనగర్‌లోని షుణ్ముక్‌ మెన్స్‌ పీజీ హాస్టల్‌లో నివాసముంటున్నాడు.  సోమవారం ఉదయం 10.30 గంటలకు జిమ్‌కు వెళ్లి తిరిగి హాస్టల్‌కు వస్తుండగా దారిలో తెరిచి ఉంచిన నీళ్ల సంపులో ప్రమాదవశాత్తు అక్మల్‌ పడిపోయాడు. తీవ్రగాయాలు కావడం, నీటిలో పడడంతో మృతి చెందాడు. విషయం తెలుసుకున్న రాయదుర్గం పోలీసులు ఘటనా స్థలానికి చేరుకొని మృత దేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. హాస్టల్‌ మేనేజర్‌ కె. మధుసూదన్‌రెడ్డి నిర్లక్ష్యంతో వ్యవహరించినందునే ఘటన చోటుచేసుకుందని, అతనిపై కేసు నమోదు చేసి దర్యాప్తు చేస్తున్నారు.  Continuation of video… pic.twitter.com/w6CNRNIQMx — Sudhakar Udumula (@sudhakarudumula) April 22, 2024

లక్నో: ఇటీవలి కాలంలో గుండెపోటు కారణంగా చూస్తుండగానే అకస్మాత్తుగా ఎంతోమంది చనిపోయారు. ఉన్నట్టుండి కూర్చున్న, నిలుచున్న చోటే కుప్పకూలిన ఘటనలు ఎన్నో ఘటనలు సోషల్‌ మీడియాలో చనిపించాయి. తాజాగా అలాంటి ఘటనే ఉత్తరప్రదేశ్‌లో చోటుచేసుకుంది. సినిమా చూసేందుకు థియేటర్‌కు వెళ్లిన వ్యక్తి ఆకస్మాత్తుగా గుండెపోటు రావడంతో ఉన్నచోటే కుప్పకూలి మృతిచెందాడు.  వివరాల ప్రకారం.. యూపీలోని లఖింపుర్‌ఖేరీలో సినిమా చూసేందుకు వెళ్తున్న ఓ యువకుడు సినిమా హాలులో నడుస్తుండగానే కుప్పకూలిపోయాడు. కాగా, ఇటీవల విడుదలైన గదర్‌ -2 సినిమాను చూసుందుకు థియేటర్‌లోకి వస్తున్న 35 ఏళ్ల వ్యక్తి గుండెపోటుతో మృతిచెందాడు. శనివారం రాత్రి 7.43 గంటల సమయంలో ఒక్కసారిగా ఫ్లోర్‌పై కుప్పకూలి ప్రాణాలు కోల్పోయాడు. దీనికి సంబంధించిన దృశ్యాలు థియేటర్‌లో ఉన్న సీసీ టీవీ కెమెరాలో రికార్డు అయ్యాయి. ఈ ఘటనలో మృతిచెందిన వ్యక్తిని అక్షత్‌ తివారీగా గుర్తించారు.  प्रदेश के लखीमपुर खीरी के एक मॉल में चलते–चलते एक युवक को हर्ट अटैक आ गया, युवक नीचे गिरा और मर गया।#lakhimpurkheri pic.twitter.com/jmQpfWvO9w — Aviral Singh (@aviralsingh15) August 28, 2023 అయితే, తివారీ.. థియేటర్‌ వద్ద ఫోన్‌లో ఎవరితోనో మాట్లాడుతూ సినిమా హాలు మెట్లు ఎక్కి పైకి వచ్చాడు. అనంతరం.. ఓ స్టాల్‌ వద్దకు చేరుకోగానే ఒక్కసారిగా నేలపై కుప్పకూలిపోయాడు. ఆ సమయంలో అతడి ముందు ఇద్దరు యువకులు నడుస్తున్నట్టుగా సీపీ టీవీ వీడియోలో రికార్డు అయ్యింది. అతడు కుర్చీల వద్ద పడిపోవడాన్ని గమనించిన మరికొందరు కూడా అక్కడికి చేరుకున్నారు. ఈ క్రమంలో వెంటనే తివారీని ఆసుపత్రికి తరలించారు. తివారీని పరిశీలించిన వైద్యులు అప్పటికే మృతిచెందినట్టు తెలిపారు. దీనికి సంబంధించిన వీడియో సోషల్‌ మీడియాలో చక్కర్లు కొడుతోంది.  ఇది కూడా చదవండి: విమానంలో అద్భుతం.. పసిబిడ్డ ప్రాణాలు కాపాడిన ఎయిమ్స్ డాక్టర్లు

సోషల్ మీడియా ద్వారా క్రేజ్ తెచ్చుకోవడానికి యువత పోటీపడుతుంటారు. రకరకాల వీడియోలతో ఫాలోవర్స్‌ను ఆకర్షిస్తుంటారు. వివిధ స్టంట్స్‌ చేస్తూ కొన్నిసార్లు ప్రాణాలమీదికి తెచ్చుకుంటారు. అలాంటి ఘటనే చైనాలో జరిగింది. లైవ్‌ స్ట్రీమింగ్‍లో పోటీపడి పరిమితికి మించి మద్యంతాగి ప్రాణాలను కోల్పోయాడో వ్యక్తి. ఇంతకూ ఎంత తాగాడో తెలిస్తే షాకవుతారు! చైనా షార్టు వీడియో ప్లాట్‌ఫామ్‌ 'డౌయిన్'(చైనా టిక్‌టాక్)‍లో ఆన్‌లైన్ స్ట్రీమింగ్ గేమ్స్ నడుస్తుంటాయి. మధ్యరాత్రి ఒంటిగంటకు మొదలై మధ్యాహ్నం ఒంటిగంటకు ముగుస్తాయి. ఇందులో లైవ్‌లో రకరకాల స్టంట్స్ చేస్తూ ప్రేక్షకుల్ని అలరిస్తారు. ఈ క్రమంలో ఇద్దరు కంటెండర్లు 'పీకే'అనే పేరుతో ఓ క్రేజీ గేమ్ ఆడారు. ఆడియన్స్ నుంచి ఎక్కువ గిఫ్ట్స్ సంపాదించాలని గేమ్‌లో పోటీపడ్డారు. ఓడిన వ్యక్తి క్రేజీ శిక్షను అనుభవించాలని నిబంధన విధించుకున్నారు. వీడియోలో పేర్కొన్న ప్రకారం.. ఈ గేమ్‌లో ఓడిన వ్యక్తే జియాంగ్సు ప్రావిన్స్‌కు చెందిన జూవా. గెలిచిన వ్యక్తి సాంక్యూజ్. గేమ్‌లో భాగంగా లైవ్‌లో జువా ముందు ఏడుబాటిళ్ల'బైజు'(చైనా ఓడ్కా)ను పెట్టాడు సాంక్యూజ్. గేమ్‌లో ఓడినందుకు ఆ రోజురాత్రి లైవ్‍లోనే ఏడుబాటిళ్ల 'బైజు'ను తాగాడు జువా. మద్యం మత్తులోనే అస్వస్థతకు గురైన జువా.. నిద్రలోనే ప్రాణాలు విడిచాడు. మరుసటి రోజు మధ్యాహ్నం ఒంటిగంటకు చూస్తే అప్పటికే చనిపోయినట్లు గుర్తించారు. ఈ వీడియో ప్రస్తుతం సోషల్ మీడియాలో చక్కర్లు కొడుతోంది. జువా ఎంత వైన్ తాగాడో సరిగ్గా తెలియదు.. కానీ రాత్రి లైవ్‌లో నాలుగో బాటిల్ తాగడం వరకు తనకు జ్ఞాపకం ఉందని తన స్నేహితుడు వెల్లడించాడు. జువా ఈ మధ్యే లైవ్‌స్ట్రీమింగ్ ప్లాట్‌ఫామ్‌లో చేరాడని తెలిపాడు.  'బైజు' మద్యంలో సాధారణంగా 30 నుంచి 60 శాతం ఆల్కహాల్ ఉంటుంది. ఒకబాటిల్ పూర్తిగా తాగితేనే ప్రాణాలకు ప్రమాదం అని వైద్యులు తెలిపారు. డౌయిన్ ప్లాట్‌ఫామ్‌లో 10లక్షల వ్యూయర్స్ ఉన్నారు. దాదాపు రూ.28బిలియన్ల ఆదాయాన్ని కలిగి ఉంది. ఇదీ చదవండి:మీరు లావుగా ఉన్నారా.. అయితే ఆ రెస్టారెంట్‌లో పుడ్ ఫ్రీ, ఫ్రీ!

వైరల్‌: అంతా చూస్తుండగా కళ్ల ముందు ఘోరం జరిగింది. పొయ్యి మీద వేడి వేడి జావ మరుగుతుండగా.. ఓ వ్యక్తి అందులో పడిపోయాడు. అది చూసి చుట్టుపక్కల వాళ్లు రక్షించే ప్రయత్నం చేశారు. మొత్తానికి ఆ మరిగే జావ నుంచి అతను బయటపడగలిగాడు. కానీ.. కడకు ఈ ఘటన విషాదంగా ముగిసింది.    తమిళనాడు మధురైలో జులై 29న ఈ ఘటన జరిగింది. తీవ్ర గాయాలతో చికిత్స పొందుతూ ఇవాళ(మంగళవారం) బాధితుడు మృతి చెందాడు. సీసీ కెమెరాలో రికార్డు అయిన ఈ ఘటన.. ఇప్పుడు వైరల్‌ అవుతోంది.  తమిళనాడులో ‘ఆడి వెల్లి’ జాతర సందర్భంగా అమ్మవారి గౌరవార్థం జావను వండి.. ప్రజలకు పంచుతారు. గత శుక్రవారం మధురై పలగనాథంలో ముత్తు మారియమ్మ ఆలయం సమీపంలో భక్తులు కొందరు ఇళ్ల ముందరే మీదే పెద్ద పెద్ద వంట పాత్రల్లో జావను మరిగిస్తున్నారు. ఆ సమయంలో ముత్తుకుమార్‌ అనే ఓ వ్యక్తి మైకంతో అక్కడికి వచ్చాడు(తాగి ఉన్నాడని స్థానికులు చెప్తున్నారు). తూలిపోతూనే ఆ గంజులో పడిపోయాడు.  అతను పడిపోయే టైంలోనే చూసి కొందరు అరుస్తూ అతన్ని రక్షించే ప్రయత్నం చేశారు. జావ వేడిగా ఉన్నా.. ముత్తుకుమార్‌ మైకంలో ఉండిపోయిన ముత్తుకుమార్‌ కదలకుండా అలాగే ఉండిపోయాడు. చివరికి తమ వల్ల కాకపోవడంతో స్థానికులు జావ గంజునే బోర్లించారు. కాలిన గాయాలతో పైకి లేచిన ముత్తుకుమార్‌ను స్థానికులు రాజాజీ ప్రభుత్వాసుపత్రికి తరలించారు. 65 శాతం గాయాలతో చికిత్స పొందుతూ మంగళవారం అతను మృతి చెందాడు.  video disclaimer: ఈ వీడియో ఘటనకు సంబంధించింది.. కొందరికి ఇబ్బందికరంగా అనిపించొచ్చు

అనంతపురం సిటీ: ఏ ఊరో.. ఏం పేరో తెలియదు.. పట్టుమని 30 ఏళ్లు కూడా ఉండవు. తనంతట తాను రైలు కిందే పడ్డాడో.. లేక రైలొచ్చి ఢీకొందో ఏమో గానీ శరీర భాగాలన్నీ ఎక్కడికక్కడ వేరయ్యాయి. కాళ్లు, చేతులు, తల మాయం కాగా పట్టాల మధ్యలో మొండెం మాత్రమే పడి ఉంది. మోకాళ్ల నుంచి నడుం భాగం మాత్రమే మిగిలింది. చూడ్డానికే ఒళ్లు గగుర్పొడిచే ఈ భయంకరమైన దృశ్యం అనంతపురంలోని రాంనగర్‌ ఫ్లై ఓవర్‌ నుంచి ప్రసన్నాయపల్లి వైపు నగరానికి సుమారు కిలోమీటరు దూరంలో చోటు చేసుకుంది. ఆదివారం ఉదయం అటుగా వెళ్లిన వారు గుర్తించి, భయంతో పరుగులు తీశారు. చదవండి: బంజారాహిల్స్‌లో కారు బీభత్సం.. సమాచారం అందుకున్న జీఆర్పీ సీఐ నాగరాజు, ఎస్‌ఐ విజయ్‌కుమార్, హెడ్‌ కానిస్టేబుల్‌ రాజశేఖరరెడ్డి, సిబ్బంది అక్కడకు చేరుకుని పరిశీలించారు. శనివారం అర్ధరాత్రి నుంచి ఆదివారం ఉదయం 8 గంటలోపు ప్రమాదం చోటు చేసుకుని ఉంటుందని భావిస్తున్నారు.  మృతదేహం వద్ద లేత నీలం రంగు చెప్పులు పడి ఉన్నాయి. తల, కాళ్లు, చేతులు మాయమై ఉండడాన్ని బట్టి చూస్తే కుక్కలో, పందులో లాక్కెళ్లి ఉంటాయని రైల్వే పోలీసులు అనుమానం వ్యక్తం చేశారు. చుట్టుపక్కల పరిసరాల్లో గాలింపు చేపట్టారు. మృతదేహాన్ని సర్వజనాస్పత్రి మార్చురీకి తరలించి, కేసు దర్యాప్తు చేపట్టినట్లు జీఆర్‌పీ సీఐ నాగరాజు తెలిపారు. కాగా,   మృతుడు ఎవరు, ఏం జరిగిందనే వివరాలు తెలియాల్సి ఉంది. ఘటన జరిగిన ప్రదేశానికి కొంత దూరంలో శనివారం రాత్రి ఓ ఫంక్షన్‌ జరిగిందని, మృతుడికి ఆ ఫంక్షన్‌కు సంబంధాలు ఏవైనా ఉన్నాయా అనే కోణంలో పోలీసులు విచారణ చేస్తున్నారు.  

మనోహరబాద్‌(తూప్రాన్‌): భార్య కాపురానికి రావడంలేదని తీవ్ర మనస్తాపంతో భర్త ఆత్మహత్య చేసుకున్న సంఘటన మండలంలోని చెట్లగౌరారంలో ఆదివారం చోటు చేసుకుంది. ఎస్‌ఐ రాజుగౌడ్‌ తెలిపిన వివరాలు ఇలా ఉన్నాయి. చెట్ల గౌరారం గ్రామానికి చెందిన డ్రైవర్‌ బాబర్‌(30)తో తూప్రాన్‌కు చెందిన నూర్జహాన్‌ బేగంతో ఐదేళ్ల క్రితం వివాహం జరిగింది. ఆరు నెలలుగా భార్యాభర్తలు గొడవ పడుతున్నారు. భర్తతో గొడవపడి నూర్జహాన్‌ బేగం పుట్టింకి వెళ్లిపోయింది. అప్పటి నుంచి బాబర్‌ మూడుసార్లు ఆత్మహత్యాయత్నం చేశాడు.  ఈనెల 2న డ్యూటీకి వెళ్తున్నట్లు ఇంటిలో చెప్పి తిరిగిరాలేదు. మక్సాని కుంటబావిలో ఆదివారం శవమై తేలాడు. స్థానికుల ఇచ్చిన సమాచారంతో పోలీసులు సంఘటనా స్థలానికి చేరుకొని పంచనామ నిర్వహించారు. మృతుడి తండ్రి మౌలానా ఫిర్యాదు మేరకు కేసు నమోదు చేశారు. శవాన్ని పోస్టుమార్టం నిమిత్తం తూప్రాన్‌ ప్రభుత్వ ఆస్పత్రికి తరలించినట్లు ఎస్‌ఐ తెలిపారు.    

సాక్షి, హైదరాబాద్‌: రోజురోజుకి పని వత్తిడి పెరగడం.. మరోవైపు చేసిన అప్పు ఎలా కట్టాలని మనస్థాపంతో ఇంట్లో ఉరివేసుకుని ఓ వ్యక్తి ఆత్మహత్య చేసుకున్నాడు. ఈ సంఘటన జవహర్‌నగర్‌ పోలీస్‌స్టేషన్‌ పరిధిలో చోటు చేసుకుంది. సీఐ భిక్షపతిరావు తెలిపిన వివరాల ప్రకారం... బాలాజీనగర్‌ పాతబస్తీలో నివాసం ఉంటున్న బొల్లి అశ్వినికి బొల్లి వెంకటేష్‌ (31)తో ఐదేళ్ల క్రితం వివాహం జరిగింది. వీరికి ఒక కుమారుడు ఉన్నాడు. వెంకటేష్‌ హిమాయత్‌నగర్‌లో ఉన్న కర్ణాటక బయోటిక్స్‌ అండ్‌ ఫార్మాస్యూటికల్‌ కంపెనీలో పని చేస్తున్నాడు. అశ్విని స్ధానికంగా ఓ టైలరింగ్‌ దుకాణంలో పని చేస్తోంది. గురువారం భర్త వెంకటేష్‌ ఇంట్లో ఉన్న సమయంలోనే అశ్విని పనికి వెళ్లింది. తిరిగి సాయంత్రం 4.30 గంటలకు కుమారుడిని పాఠశాల నుంచి ఇంటికి తీసుకుని వచ్చింది. ఇంటి తలుపులు కొట్టినప్పటికి వెంకటేష్‌ తీయకపోవడంతో కిటికీ నుంచి చూడగా వంటగదిలో ఉన్న ఫ్యాన్‌రాడ్‌కు ఉరివేసుకుని కనిపించాడు. చుట్టు పక్కలవారి సహాయంతో తలుపులు తెరిచి వెంటనే సమీపంలో ఉన్న ఆసుపత్రికి తరలించారు. అప్పటికే వెంకటేష్‌ మృతి చెందినట్లు వైద్యులు తెలిపారు. వెంటనే అశ్విని పోలీసులకు సమాచారం అందించింది. ‘ఆర్థిక ఇబ్బందులతోనే చనిపోతున్నా... నా చావుకు ఎవరూ బాధ్యులు కారు’ అంటూ వెంకటేష్‌ సూసైడ్‌నోట్‌ రాసి ఆత్మహత్యకు పాల్పడ్డాడని పోలీసులు తెలిపారు. ఈ మేరకు కేసు నమోదు చేసుకుని దర్యాప్తు చేస్తున్నారు.

సాక్షి, న్యూఢిల్లీ: కేంద్రం తీసుకొచ్చిన మూడు సాగు చట్టాలకు వ్యతిరేకంగా కొనసాగుతున్న రైతుల ఉద్యమ శిబిరం వద్ద యువకుడి దారుణ హత్య ఉద్రిక్తతకు దారితీసింది. శుక్రవారం రైతు నిరసన శిబిరం వద్ద  అనుమానాస్పద మృతదేహం కలకలం రేపింది. ఈ ఘటనకు సంబంధించిన వీడియోలు సోషల్‌ మీడియాలో హల్‌చల్‌ చేశాయి. నిహాంగ్‌ సిక్కులే ఆ వ్యక్తిని హతమార్చారని రైతు సంఘం నాయకులు ఆరోపించారు. ఈ నేపథ్యంలో సంయుక్త కిసాన్ మోర్చా అత్యవసర సమావేశానికి పిలుపునిచ్చింది. దీనిపై ఒకప్రకటన వచ్చే అవకాశం ఉందని భావిస్తున్నారు. చదవండి :  తగ్గేదే..లే అంటున్న వరుణ్‌: బీజేపీకి షాక్‌, సంచలన వీడియో సోనిపట్‌ జిల్లా కుండ్లిలోని రైతు నిరసన వేదిక వద్ద యువకుడి మృతదేహం పోలీసు బారికేడ్‌కు వేలాడుతూ  కనిపించింది. బాధితుడిని లఖ్‌వీర్ సింగ్‌గా గుర్తించారు. ఎడమ మణికట్టు తెగిపడి రక్తపు మడుగులో ఉన్న వైనం ఆందోళన రేపింది. సిక్కుల పవిత్ర గ్రంథమైన గురు గ్రంథ్ సాహిబ్‌ను అపవిత్రం చేసినందుకు నిహాంగ్‌లు లఖ్‌బీర్ సింగ్‌ను కొట్టి చంపారనే అనుమానాలు వ్యక్తమవుతున్నాయి. మరోవైపు దీనిపై హర్యానా పోలీసులు ఎఫ్ఐఆర్ దాఖలు చేశారు. చేతులు, కాళ్లు నరికివేసి ఉన్న మృతదేహాన్ని గుర్తించినట్టు పోలీసున్నతాధికారి హన్సరాజ్‌ తెలిపారు. మృతదేహాన్ని పోస్ట్‌మార్ట్‌ నిమిత్తం సోనిపట్‌ సివిల్‌ ఆసుపత్రికి తరలించారు. ఈ ఘటనకు బాధ్యులు ఎవరు అనేదానిపై ఆరా తీస్తున్నామన్నారు. సుమారు గత ఏడాది కాలంగా వివాదాస్పద మూడు వ్యవసాయ చట్టాలకు వ్యతిరేకంగా రైతు నిరసన కొనసాగుతోంది. ఈ క్రమంలో ఇటీవల ఉత్తరప్రదేశ్‌లోని లఖీంపూర్‌ ఖేరీ వద్ద  జరిగిన హింసలో రైతులు ప్రాణాలు  కోల్పోవడం  ఉద్రిక్తతను రాజేసింది. రైతుల్ని కారుతో గుద్ది  హత్య చేశారన్న ఆరోపణలపై కేంద్ర హోం శాఖ సహాయమంత్రి అజయ్ మిశ్రా కొడుకు ఆశిష్ మిశ్రా అరెస్ట్ చేసిన సంగతి తెలిసిందే. ఈ నేపథ్యంలో సంఘటనా స్థలంలో గురువారం పోలీసులు సీన్‌ రీక్రియేషన్‌ కార్యక్రమన్ని కూడా చేపట్టారు. At about 5 am today, a body was found hanging with hands, legs chopped at the spot where farmers' protest is underway (Kundli, Sonipat). No info on who's responsible, FIR lodged against an unknown person. Viral video is a matter of probe, rumours will linger: DSP Hansraj pic.twitter.com/IfWhC2wW4l — ANI (@ANI) October 15, 2021

సాక్షి, పరిగి( హైదరాబాద్‌): ఎదురుగా వస్తున్న బైక్‌ను లారీ ఢీకొనడంతో ఇద్దరు మృతి చెందిన సంఘటన మండల పరిధిలోని గడిసింగాపూర్‌ సమీపంలో సోమవారం తెల్లవారుజామున చోటు చేసుకుంది. ఎస్సై రమేశ్‌ తెలిపిన వివరాల ప్రకారం తాండూర్‌ పట్టణ కేంద్రంలోని వినాయకచౌక్‌ పసాలిగల్లికి చెందిన షేక్‌ అబ్రార్‌(23), సయ్యద్‌ ఉమర్‌ రిజ్వాన్‌లు ఆదివారం నగరంలోని ఓ విందుకు హజయ్యారు. సోమవారం తెల్లవారుజామున తాండూర్‌ బయలు దేరారు. ఉదయం 5:30గంటలకు మండల పరిధిలోని గడిసింగాపూర్‌ సమీపంలో కొడంగల్‌ నుంచి పరిగి వైపు అతివేంగా వస్తున్న లారీ బైక్‌ను ఢీకొట్టింది. దీంతో బైక్‌నడుపుతున్న షేక్‌ అబ్రార్‌ అక్కడిక్కడే మృతి చెందాడు. వెనుక కూర్చున్న  సయ్యద్‌ ఉమర్‌ రిజ్వాన్‌కు తీవ్రగాయాలవ్వడంతో ఆయన్ను చికిత్స నిమిత్తం పరిగి ప్రభుత్వం ఆస్పత్రికి తీసుకెళ్లారు. అక్కడి నుంచి మెరుగైన వైద్యం కోసం నగరానికి తరలిస్తుండగా మార్గమధ్యలో మృతి చెందాడు. అక్కడికక్కడే మృతి చెందిన అబ్రార్‌ మృతదేహం రోడ్డుపై పడటంతో వెనుక వస్తున్న వాహనాలు మృతదేహంపై నుంచి వెళ్లడంతో మృతదేహం నుజ్జునుజ్జయింది. మృతుల బంధువు షబ్బీర్‌ అహ్మద్‌ ఫిర్యాదు మేరకు కేసు దర్యాప్తు చేస్తున్నట్టు పోలీసులు తెలిపారు. చదవండి: Drugs Case: రేవ్‌ పార్టీ.. ఎవరికీ అనుమానం రాకుండా అందులో డ్రగ్స్‌..షాకైన పోలీసులు

సాక్షి, జైనథ్‌(ఆదిలాబాద్‌): చేను పనులు ముగించుకుని ఇంటికి తిరిగి వస్తాడనుకుంటే భర్త పిడుగుపాటుకు గురై తిరిగి రాని లోకాలకు వెళ్లడంతో భార్య కన్నీరుమున్నీరుగా విలపించింది. ఈ ఘటన జైనథ్‌ మండలం గూడ గ్రామంలో చోటు చేసుకుంది. గ్రామస్తుల కథనం ప్రకారం.. గ్రామానికి చెందిన కుంట భగవాండ్లు(49), తన భార్య మల్లమ్మ, జీతగాడు(పాలేరు) దాగిరి సంతోశ్, మరో నలుగురు కూలీలతో కలసి శుక్రవారం తన పత్తి చేనులో కలుపు నివారణ, పురుగుల మందు పిచికారీ పనులకు వెళ్లారు. ఆ తర్వాత కూలీలతో కాలినడకన భార్య మల్లమ్మ ఇంటికి చేరుకుంది. సాయంత్రం తిరిగి వస్తున్న క్రమంలో పాలేరు సంతోశ్‌ ఎడ్ల బండి తోలుతుండగా, వెనుకాల నిల్చోని భగవాండ్లు వస్తున్నాడు. ఎడ్లబండిపై ఒకసారిగా పిడుగుపడి భగవాండ్లు అక్కడిక్కడే మృతిచెందాడు. సంతోశ్‌కు కాలి భాగంలో గాయాలయ్యాయి. ఎడ్లకు సైతం స్వల్ప గాయాలు కాగా, ఎటువంటి హాని జరుగలేదు. స్థానికులు సంతోశ్‌ను జిల్లా కేంద్రంలోని రిమ్స్‌కు తరలించారు. మృతుడికి ఇద్దరు కుమార్తెలు  ఉన్నారు. చదవండి: విధుల్లో ఉన్న వలంటీర్‌పై టీడీపీ నేత దాడి

సాక్షి, ఎల్‌బీనగర్‌( హైదరాబాద్): బీఎన్‌రెడ్డి నగర్‌ డివిజన్‌లోని పద్మావతినగర్‌ కాలనీలో ఇటీవల డ్రైనేజీ పూడికతీత పనుల్లో మరణించిన ఇద్దరు కార్మికుల కుటుంబాలకు చెరో డబుల్‌ బెడ్‌రూం ఇళ్లను మంజూరు చేశారు. ఈ మేరకు సోమవారం నగర మేయర్‌ విజయలక్ష్మి, స్థానిక ఎమ్మెల్యే దేవిరెడ్డి సుధీర్‌రెడ్డి మేయర్‌ చాంబర్‌లో జిల్లా కలెక్టర్‌ ఇచ్చిన ప్రొసీడింగ్స్‌ను  శివకుమార్‌ భార్య ధరణి శ్రావణిగౌరి, అంతయ్య భార్య నల్లవెల్లి భాగ్యమ్మకు అందచేశారు. వనస్థలిపురంలోని రైతుబజార్‌ వద్ద నిర్మించిన డబుల్‌ బెడ్‌రూం ప్లాట్లలో 701 నెంబర్‌ను భాగ్యమ్మకు, 702 ప్లాట్లును శ్రావణి గౌరికి కేటాయించారు. ఇప్పటికే వీరికి రూ.17 లక్షల ఆర్థిక సహాయాన్ని అందజేశారు. ఈ కార్యక్రమంలో జోనల్‌ కమిషనర్‌ ఉపేందర్‌రెడ్డి పాల్గొన్నారు.

గజ్వేల్‌రూరల్‌: పరిహారం అందలేదన్న మనస్తాపంతో మల్లన్నసాగర్‌ ప్రాజెక్టు నిర్వాసితుడు గుండెపోటు కారణంగా గురువారం మృతిచెందాడు. గజ్వేల్‌ మున్సిపాలిటీ పరిధిలోని సంగాపూర్‌లో ఈ ఘటన చోటు చేసుకుంది. కొండపాక మండలం ఎర్రవల్లికి చెందిన మల్లన్నసాగర్‌ ప్రాజెక్టు ముంపు బాధితుడు ఆరె నరసింహులుకు భార్య సత్తమ్మ, నలుగురు కూతుళ్లు ఉన్నారు. గ్రామంలో ఆయనకు 13 గుంటల వ్యవసాయ భూమి, ఇల్లు ఉన్నాయి. కాగా, తమ బంధువులకు పరిహారం అందగా, తమకు ఇంతవరకు ప్యాకేజీకానీ, ఇల్లు కానీ రాలేదని ఆరు నెలలుగా ఆయన మనస్తాపంతో ఉన్నాడు. ఇదే బెంగతో నరసింహులు గుండెపోటుతో మృతి చెందాడని ఆయన భార్య సత్తమ్మ గజ్వేల్‌ ఆర్డీఓకు రాసిన లేఖలో పేర్కొంది. భూమి, ఇల్లు కోల్పోయిన  ఈ కుటుంబం ప్రస్తుతం సంగాపూర్‌లో అద్దెకు ఉంటోంది.       

ముంబై: విమానయానం ఇంకా సామాన్యులకు చేరువకాలేదు. ఆశగా ఆకాశంలోకి చూడటమే తప్ప.. ఆ రెక్కల విహంగంలో ఎక్కి ప్రయాణించడం నేటికి కూడా సామాన్యుడికి తలకు మించిన భారమే. ఈ క్రమంలో ఓ వ్యక్తి తానే హెలికాప్టర్‌ను తయారు చేద్దామని భావించాడు. కానీ దురదృష్టం కొద్ది.. దాని బ్లేడ్‌ అతడి మీద పడి మరణించాడు. ఈ విషాదకర సంఘటన మహారాష్ట్ర యావత్‌మాల పరిసర ప్రాంతంలో చోటు చేసుకుంది. ఆ వివరాలు.. మహగావ్‌ తాలుకా ఫుల్సవంగా గ్రామానికి చెందిన షేక్ ఇస్మాయిల్ షేక్ ఇబ్రహీం అనే వ్యక్తి మెకానిక్‌గా పని చేసుకుంటూ ఉండేవాడు. అతడికి చిన్నప్పటి నుంచి విమానాలు, గాల్లో ప్రయాణించడం అంటే చాలా ఇష్టం. కానీ కుటుంబ ఆర్థిక పరిస్థితి అందుకు సహకరించదు. ఈ క్రమంలో ఇబ్రహీం తానే సొంతంగా ఒక హెలికాప్టర్‌ తయారు చేయాలని భావించాడు. ఆ దిశగా ప్రయత్నాలు చేస్తుండేవాడు.  ఈ క్రమంలో రెండు రోజుల క్రితం ఇబ్రహీం హెలికాప్టర్‌ను పరీక్షిస్తుండగా.. దానిలో తలెత్తిన లోపం వల్ల బ్లేడ్‌ అతడి తలపై పడింది. తీవ్రగాయాలు అయ్యాయి. వెంటనే అతడిని స్థానిక ఆస్పత్రికి తరలించారు. చికిత్స కొనసాగుతుండగానే ఇబ్రహీం మృతి చెందాడు. 

లక్నో: వ్యాక్సిన్‌ సెంటర్‌లో వివాదం విషాదాన్ని నింపింది. పోలీసులు తనను అవమానించి, దాడి చేశారనే  క్షణికావేశంలో యువకుడు ఆత్మహత్యకు పాల్పడిన ఘటన కలకలం రేపింది. ఉత్తరప్రదేశ్‌, బాగ్‌పట్ జిల్లాలో ఈ ఉదంతం చోటు చేసుకుంది. ఈ ఘటనలో అయిదుగురు పోలీసులపై  కేసు నమోదైంది. బాధితుల స​మాచారం ప్రకారం పశ్చిమ యూపీ జిల్లాలోని ఒక టీకా కేంద్రంలో పోలీసుల ఓవర్‌ యాక్షన్‌ వివాదానికి తెర తీసింది. ఎలాంటి కారణంగా లేకుండానే టీకా కేంద్రంలోకి వెళ్లనీకుండా బాధిత యువకుడిని పోలీసులు అడ్డుకున్నారు. దీంతో వివాదం మొదలైంది. మెడికల్‌ సిబ్బంది  వ్యాక్సీన్‌ తీసుకునేందుకు అతని పేరు పిలిచినా  లోనికి వెళ్లనీయకుండా  అడ్డుపడి,  అతనిపై  దాడి చేసి కొట్టారు.  సోమవారం మధ్యాహ్నం బాగ్‌పట్‌లోని టీకా కేంద్రంలో  జరిగిన ఈ  ఘటనకు సంబంధించిన వీడియో సోషల్‌ మీడియాలో  వైరల్‌ అయింది. దీనికి తోడు సంఘటన అనంతరం పోలీసులు ఇంటికి వెళ్లి మళ్లీ ఆ యువకుడిపై దాడి చేశారు. అడ్డొచ్చిన బాధితయువకుడి తల్లిపై కూడా దాడి చేశారు. దీంతో ఈ అవమానాన్ని తట్టుకోలేని యువకుడు గ్రామానికి సమీపంలో చెట్టుకు ఉరేసుకుని ఉసురు తీసుకున్నాడు.  పోలీసులు తన కొడుకును టీకా కేంద్రంలోకి అనుమతించకపోవడంతో ఘర్షణ మొదలైందని బాధితుడి తండ్రి ఆరోపించారు. పోలీసులు తన కొడుకును చుట్టుముట్టి, దారుణంగా కొట్టారని, ఆ తరువాత ఇంటికి వచ్చి తనపై భార్యపై కూడా దాడి చేశారని వాపోయాడు. దీంతో భయపడి తన కొడుకు పారిపోయి చెట్టుకు ఉరేసుకుని చనిపోయాడని కన్నీంటి పర్యంతమయ్యాడు. మరోవైపు బాధితుల ఫిర్యాదు మేరకు పదిమంది పోలీసులను విధులనుంచి తొలగించామనీ, బాగ్‌పట్ పోలీసు అధికారి అభిషేక్ సింగ్ తెలిపారు. కేసు దర్యాప్తు జరుగుతోందని, విచారణ అనంతరం  దోషులపై కఠినచర్యలు తీసుకుంటామని, రు. 

సాక్షి, జగిత్యాల: జిల్లా వెల్గటూరు మండలం పాత గూడూరు గ్రామానికి చెందిన మల్లవేని రాజు (35) గ్రామంలో ఓ వ్యక్తి వద్ద ట్రాక్టరు డ్రైవర్‌గా పని చేస్తున్నాడు. ఇతడికి భార్య స్వప్న, కూతురు అవిఘ్నయ(2) ఉన్నారు. ఈ నెల 13న విధుల్లో భాగంగా గ్రామానికి చెందిన ఓ కౌలు రైతు వ్యవసాయ భూమిలో పనికి వెళ్లాడు. అయితే ఆ పొలం వద్ద ట్రాన్స్‌ఫార్మర్‌ నుంచి స్తంభానికి విద్యుత్‌ లైన్‌ ఉంది. ఎన్నో ఏళ్లుగా తీగలు వేలాడుతూ ఉండడంతో అధికారుల దృష్టికి తీసుకెళ్లారు. అయినా వారు పట్టించు కోలేదు. దీంతో భూమి యజమాని తాత్కాలికంగా కర్రను సపోర్టుగా పాతాడు. పొలంలో రాజు ట్రాక్టరుతో పని చేస్తుండగా.. వేగంగా వీచిన గాలులకు కర్ర కింద పడిపోవడంతో ట్రాక్టరుకు తగిలిన తీగలు రాజుకు చుట్టుకుపోయాయి. దీంతో తీవ్ర విద్యుత్‌షాక్‌కు గురైన రాజు అక్కడికక్కడే చనిపోయాడు. విద్యుత్‌ అధికారుల నిర్లక్ష్యంతోనే తన భర్త చనిపోయాడని రాజు భార్య స్వప్న ఆరోపిస్తోంది. 16 ఏళ్ల నుంచి ఆ సమస్య ఉందని రాజు సోదరుడు లక్ష్మణ్‌ చెప్పాడు. ఇదే ప్రాంతంలో 16 ఏళ్ల క్రితం వేలాడుతున్న విద్యుత్‌ తీగలు తగిలి నాలుగు గేదెలు చనిపోయినా విద్యుత్‌ సిబ్బంది అప్పటి నుంచి ఇప్పటి వరకు ఆ సమస్యను పట్టించుకోలేదు.   చదవండి: మూగజీవాలపై యమపాశం

సాక్షి, వరంగల్‌: కాకతీయ యూనివర్సిటీలో ఆత్మహత్యాయత్నం చేసిన నిరుద్యోగి బోడ సునీల్ నాయక్‌‌.. నిమ్స్‌లో చికిత్స పొందుతూ శుక్రవారం తెల్లవారు జామున మృతి చెందాడు. ఏడేళ్లు అవుతున్నా ప్రభుత్వం జాబ్ నోటిఫికేషన్ ప్రకటించడం లేదని ఆవేదన చెంది మార్చి 27న సునీల్ ఆత్మహత్యాయత్నానికి పాల్పడిన సంగతి విదితమే. పురుగుల మందు తాగిన సునీల్‌ను విద్యార్థులు.. ఎంజీఎంకు తరలించారు. పరిస్థితి విషమంగా ఉండడంతో నిమ్స్‌కు తరలించారు. అక్కడ చికిత్స పొందుతూ సునీల్‌ మరణించాడు. సునీల్ స్వస్థలం వరంగల్ జిల్లా గూడూరు మండలం గుండెంగ సోమ్లా తండా. గాంధీ ఆస్పత్రి వద్ద ఉద్రిక్తత సునీల్ మృతదేహాన్ని నిమ్స్ నుండి గాంధీ ఆస్పత్రికి తరలించారు. ఈ నేపథ్యంలో గాంధీ ఆసుపత్రిలో ఉద్రిక్తత నెలకొంది. గాంధీ ఆసుపత్రికి పెద్ద ఎత్తున చేరుకున్న  బీజేపీ నేతలు, విద్యార్థులు, సునీల్‌ బంధువులు మార్చూరి ముందు ఆందోళన చేశారు. సీఎం కేసీఆర్‌ తక్షణమే స్పందించి.. సునీల్ కుటుంబానికి న్యాయం  చేయాలని డిమాండ్‌ చేశారు.  భారీగా మోహరించిన పోలీసులు.. ఆందోళన చేస్తున్న విద్యార్థులను అరెస్ట్‌ చేశారు. కేసీఆర్‌పై కేసు నమోదు చేయాలి: బండి సంజయ్‌ సునీల్ నాయక్ కుటుంబాన్ని గాంధీ ఆసుపత్రి వద్ద రాష్ట్ర బీజేపీ అధ్యక్షుడు బండి సంజయ్, మాజీ ఎంపీ వివేక్ వెంకటస్వామి​ పరామర్శించారు. అనంతరం బండి సంజయ్‌ మీడియాతో మాట్లాడుతూ, సునీల్ నాయక్‌ది ఆత్మహత్య కాదని.. ఇది కేసీఆర్ సర్కార్‌ హత్య అంటూ ధ్వజమెత్తారు. ఆత్మహత్య చేసుకునే ముందు సునీల్.. కేసీఆర్‌ పేరు ప్రస్తావించాడన్నారు. ఉద్యోగ నోటిఫికేషన్లు రావడం లేదు కాబట్టే ఆత్మహత్య చేసుకుంటున్నానని చెప్పి ఆత్మహత్యకు పాల్పడ్డాడన్నారు. కేసీఆర్‌పై కేసు పెట్టాలని ఆయన డిమాండ్‌ చేశారు. ప్రభుత్వం వెంటనే ఖాళీగా ఉన్న ఉద్యోగాలను భర్తీ చేయాలని డిమాండ్‌ చేశారు. నిరుద్యోగులు తొందరపడి ఇలాంటి చర్యలకు పాల్పడవద్దని.. కేసీఆర్ ప్రభుత్వాన్ని పడగొట్టి ఉద్యోగాలు కల్పిస్తామని బండి సంజయ్‌ అన్నారు.

తరిగొప్పుల: పల్లెల్లో పెద్ద మనుషులు ఇచ్చే తీర్పులు మనుషుల ప్రా ణాలు బలికొంటున్నా యి. జనగామ జిల్లా తరిగొప్పుల మండలం  వాల్యా తండాకు చెందిన బానోతు రాజు (22), అదే గ్రామానికి చెందిన ఓ వివాహితతో వివాహేతర సంబంధం కొనసాగిస్తున్నాడు. ఇరవై రోజుల క్రితం ఇద్దరూ ఊరు విడిచి వెళ్లిపోయారు. దీంతో వారి కోసం సదరు వివాహిత భర్త, బంధువులు వెతకగా.. వరంగల్‌ అర్బన్‌ జిల్లా హన్మకొండ బస్టాండ్‌లో దొరికారు.  అనంతరం గ్రామంలో పెద్ద మనషుల సమక్షంలో పంచాయితీ పెట్టగా రూ.20 లక్షలు సదరు వివాహిత భర్తకు రాజు చెల్లించేలా తీర్మానించారు. దీంతో మనస్తాపం చెందిన రాజు.. అదేరోజు రాత్రి పురుగుల మందు తాగి ఆత్మహత్యకు పాల్పడ్డాడు.  

సాక్షి, ముంబై:  ఒకవైపు దేశంలో కరోనా వైరస్‌ అంతానికి వ్యాక్సినేషన్‌ ప్రక్రియ కొనసాగుతోంది. మరోవైపు దేశంలో కరోనా మహమ్మారి మళ్లీ విజృంభిస్తోందన్న ఆందోళన దేశ ప్రజలను మరింత  వణికిస్తోంది. అయినా వ్యాక్సిన్‌ తీసుకునేందుకు చాలామంది ఒకింత భయపడుతున్న తరుణంలో మహారాష్ట్రలో వ్యాక్సిన్‌  రెండవ డోసు తీసుకొన్న కొద్ది సేపటికే ఒక వ్యక్తి మరణించడం కలకలం రేపింది. థానే జిల్లా భివాండిలోని ఆసుపత్రిలో కోవిడ్-19 వ్యాక్సిన్ రెండవ మోతాదును ఇచ్చిన కొద్దిసేపటికే 45 ఏళ్ల వ్యక్తి మరణించినట్లు అధికారులు తెలిపారు. స్థానిక వైద్యుడి డ్రైవర్‌గా పనిచేస్తున్న సుఖ్‌దియో కిర్దిట్ నిన్న (మంగళవారం) ఉదయం 11 గంటల సమయంలో వ్యాక్సిన్‌ డోస్‌ స్వీకరించాడు. కొద్దిసేపటి తర్వాత కళ్లు తిరుగుతున్నట్టు  ఫిర్యాదు చేశాడు. ఆ తర్వాత మూర్ఛపోయాడు. వెంటనే  అధికారులు కిర్దిట్‌ను సమీపంలోని ఐజీఎం ఆసుపత్రికి తరలించారు. కానీ అప్పటికే అతను ప్రాణాలు కోల్పోయినట్టు వైద్యులు  ప్రకటించారన్నారు. అయితే పోస్టుమార్టం నివేదిక వచ్చిన తర్వాత కిర్దిట్ మరణానికి కారణం తెలుస్తుందని భివాండి నిజాంపురా మున్సిపల్ కార్పొరేషన్  ఆరోగ్యం ఆఫీసర్ డాక్టర్ కేఆర్‌ ఖరత్  తెలిపారు. కిర్డిట్ మెడికల్‌ హిస్టరీ, ఇతర రికార్డులను పరిశీలిస్తున్నట్టు చెప్పారు. కాగా వ్యాక్సినేషన్  రెండో దశలో భాగంగా 60 ఏళ్లు పైబడిన వారికి, 45 ఏళ్లు పైబడి ఇతర అనారోగ్యంతో బాధపడుతున్న వారికి కోవిడ్‌-19 వ్యాక్సిన్‌ అందిస్తున్న సంగతి తెలిసిందే.  ఫ్రంట్‌లైన్, ఆరోగ్య కార్యకర్తలకు మొదటి దశలో  వ్యాక్సిన్‌ను అందించారు. ఈ నేపథ్యంలో ఆరోగ్య కార్యకర్తగా జనవరి 28 న కిర్దిట్ వ్యాక్సిన్‌ మొదటి మోతాదు తీసుకున్నారు.  

సాక్షి, శ్రీకాకుళం: జిల్లాలో దారుణం చోటు చేసుకుంది. భామిని మండలం లోహరజోల  గ్రామంలో ఒక వ్యక్తిని దారుణంగా హత్య చేశారు. కుమారస్వామి అనే వ్యక్తి భార్య పిల్లలతో కలిసి బైక్‌పై పర్లాకిమిడి వెళ్తుండగా, బైక్‌ను అడ్డగించిన నిందితుడు.. భార్య, పిల్లులు చూస్తుండగానే కుమారస్వామిని కత్తితో విచక్షణా రహితంగా పొడిచి చంపాడు. పరారైన నిందితుడు కోసం పోలీసులు గాలింపు చర్యలు చేపట్టారు. కేసు నమోదు చేసి విచారణ చేపట్టారు. చదవండి: వేధింపులకు తాళలేక టిక్‌టాక్‌ స్టార్‌ ఆత్మహత్య

సాక్షి, కొత్తగూడెం: భద్రాద్రిజిల్లా కొత్తగూడెంలో విషాదం చోటు చేసుకుంది. సెల్‌ఫోన్‌ సిగ్నల్‌ ఓ యువకుడి ప్రాణాలను బలిగొంది. భద్రాద్రి కొత్తగూడెం జిల్లా గుండాల మండలం శంభునిగూడెం గ్రామానికి చెందిన ఈసం కృష్ణ(22) తన స్మార్ట్ ఫోన్ లో త్రీజీ సిగ్నల్ సరిగా రాక పోవడంతో సిగ్నల్‌ కోసం  పక్కనే ఉన్న గొరకలమడుగు గ్రామానికి వెళ్లాడు. అక్కడ ఓ చింత చెట్టు కింద సిగ్నల్‌ రావడంతో దాని కింద నిల్చుని ఫోన్‌ చూసుకుంటున్నాడు. చదవండి: జూరాలకు పోటెత్తిన వరద ఉ‍ధృతి.. అప్పటికే అక్కడ భారీ వర్షం పడుతుండటంతో అక్కడే ఉండిపోయాడు. ఈ క్రమంలో ఒక్కసారిగా పిడుగుపడడంతో కృష్ణ అక్కడికక్కడే మరణించాడు. శంభునిగూడెం గ్రామంలో త్రీజీ సిగ్నల్ సరిగా రాదు. దీంతో ఆ గ్రామానికి చెందిన వారంతా సిగ్నల్‌ కోసం గొరకలమడుగు గ్రామానికి వెళుతుంటారు. చాలా మంది యువకులు చాటింగ్ కోసం ఎక్కువగా ఆ చెట్టు కిందకే వెళుతుంటారు.  సిగ్నల్స్ కోసం వెళ్లిన కృష్ణ పిడుగుపాటుకు గురై మరణించడం స్థానికంగా విషాదాన్ని నింపింది. చదవండి: శ్రీశైలం చేరిన కృష్ణమ్మ!

సాక్షి,  పట్నా : కరోనా  వైరస్ సోకిన వ్యక్తి (38) ఆత్మహత్యకు పాల్పడిన ఘటన కలకలం రేపింది. ఐసోలేషన్ వార్డులో చికిత్స పొందుతున్న రోగి బీహార్‌లోని ప్రభుత్వ కేంద్రంలో సోమవారం సాయంత్రం ఉరి వేసుకుని చనిపోయాడు.  అయితే  ఆవేశం అనర్ధానికి మూలం అన్నట్టుగా.. చనిపోయిన కొద్ది క్షణాలకే అతనికి నిర్వహించిన తాజా పరీక్షల్లో కరోనా నెగిటివ్ వచ్చింది. దీంతో అతని బంధువుల తీరని విషాదంలో మునిగిపోయారు.   కోవిడ్-19 నోడల్ అధికారి డాక్టర్ సంజీవ్ కుమార్  అందించిన సమాచారం ప్రకారం   బాధిత వ్యక్తి  జూన్ 15 న కరోనా అనుమానిత లక్షణాలతో పట్నాలోని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ (ఎయిమ్స్)లో చేరాడు. అనంతరం కరోనా పాజిటివ్ రావడంతో అతనిని ఐసోలేషన్ లో చికిత్స అందిస్తున్నారు. అయితే తనకు వ్యాధి నయం కాదనుకున్నాడో, ఏమో కానీ క్షణికావేశంలో ప్రాణాలు తీసుకున్నాడు.  పోలీసులు మృతదేహాన్ని స్వాధీనం చేసుకున్నారని డాక్టర్ కుమార్ వెల్లడించారు. బీహార్‌లో  కరోనా బారిన పడ్డ రోగి ఆత్మహత్యకు పాల్పడిన మొదటి ఘటన ఇది అని తెలిపారు.  కాగా సోమవారం మరోసారి  నిర్వహించిన  పరీక్షల్లో వైరస్  నెగెటివ్ వచ్చిందని చెప్పారు.  

లక్నో : రోడ్డుపై విగతజీవిగా పడిఉన్న వ్యక్తిని కరోనా వైరస్‌తో మరణించాడనే భయంతో మున్సిపల్‌ సిబ్బంది చెత్తను తరలించే వాహనంలో విసిరిపడేసిన ఘటన యూపీలోని బలరాంపూర్‌లో వెలుగుచూసింది. మొబైల్‌ ఫోన్‌లో ఈ అనాగరిక చర్యను కొందరు చిత్రీకరించడంతో ఈ ఉదంతం వెలుగుచూసింది. బలరాంపూర్‌కు చెందిన మహ్మద్‌ అన్వర్‌ (42) స్ధానిక ప్రభుత్వ కార్యాలయానికి వెళ్లిన క్రమంలో గేట్‌ వద్దే కుప్పకూలి మరణించారు. వీడియో ఫుటేజ్‌లో దృశ్యాల ఆధారంగా మృతదేహం కిందపడిఉండగా, పక్కనే వాటర్‌ బాటిల్‌ కనిపించింది. మృతదేహం వద్ద పోలీసులు ఉండగా, పక్కనే అంబులెన్స్‌ అందుబాటులో ఉన్నట్టు కనిపించింది. పోలీసుల ఎదుటనే మున్సిపల్‌ కార్పొరేషన్‌ సిబ్బంది ముగ్గురు చెత్తను తరలించే వాహనంలోకి మృతదేహాన్ని విసిరిన ఘటన రికార్డయింది. ఈ ఘటన అమానుషమని బలరాంపూర్‌ పోలీస్‌ చీఫ్‌ దేవరంజన్‌ వర్మ పేర్కొన్నారు. ఈ ఉదంతంపై సమగ్ర విచారణ చేపట్టిన అనంతరం దోషులపై కఠిన చర్యలు చేపడతామని అన్నారు. కరోనా వైరస్‌తో ఆ వ్యక్తి మరణించాడనే భయంతోనే మున్సిపల్‌ సిబ్బంది ఈ చర్యకు పాల్పడిఉంటారని ఆయన వ్యాఖ్యానించారు. పీపీఈ కిట్స్‌ ధరించి మృతదేహాన్ని అంబులెన్స్‌లో తరలించాల్సి ఉందని అన్నారు. పోలీసులు, మున్సిపల్‌ సిబ్బంది తీరు సరైంది కాదని తప్పుపట్టారు. దీనిపై సీనియర్‌ అధికారులతో విచారణ చేపట్టాలని ఆదేశించామని వెల్లడించారు. కాగా అన్వర్‌ మరణానికి కారణమేంటి, ఆయనకు కరోనా వైరస్‌ సోకిందా అనే దానిపై ఇంకా స్పష్టత రాలేదని అధికారులు తెలిపారు. చదవండి : ‘ఇలాగైతే మళ్లీ లాక్‌డౌన్‌’

చెన్నై : కోవిడ్‌-19 వైరస్‌కు వ్యాక్సిన్‌, చికిత్సను కనుగొనే ప్రయత్నాలు జరుగుతున్న క్రమంలో తమిళనాడులోని బయోటెక్‌ కంపెనీలో పనిచేసే ఓ ఉద్యోగి కోవిడ్‌-19 చికిత్స కోసం తాము కనుగొన్న దగ్గు మందు ఫార్ములాను సేవించి మృత్యువాత పడిన ఘటన వెలుగుచూసింది. కరోనా వైరస్‌కు మందును కనుగొనే క్రమంలో బయోటెక్‌ కంపెనీ జీఎంగా పనిచేసే శివనేసన్‌, యజమాని డాక్టర్‌ రాజ్‌కుమార్‌లు కోవిడ్‌-19 చికిత్సకు ఉపయోగించేందుకు తాము కనుగొన్న దగ్గు మందు కాంబినేషన్‌ ఫార్ములాను సేవించారు. ఈ ద్రావకాన్ని తాగిన వెంటనే వారిద్దరూ శ్వాససంబంధిత సమస్యలతో బాధపడగా సమీప ఆస్పత్రికి తరలించారు. శివనేసన్‌ కాంబినేషన్‌ మందును అధిక డోస్‌ తీసుకోవడంతో ప్రాణాలు కోల్పోగా, రాజ్‌కుమార్‌ ఆరోగ్య పరిస్థితి ప్రస్తుతం​ నిలకడగా ఉందని వైద్యులు తెలిపారు. పోలీసులు ఈ ఘటనపై కేసు నమోదు చేసి దర్యాప్తు చేపట్టారు. చదవండి : ఎస్‌బీఐ ఉద్యోగికి కరోనా: ఆఫీసు మూసివేత

స్మార్ట్‌ఫోన్‌ చార్జింగ్‌లో ఉండగా పేలిన మొబైల్‌ ఫోన్‌ ఒకయువకుడి ప్రాణాలుతీసింది.  భవన నిర్మాణ కార్మికుడైన కునా ప్రధాన్‌ (22) తన ఫోన్‌కు చార్జింగ్‌ పెట్టి, మరో ముగ్గురు కార్మికులతో పాటు గదిలో నిద్రిస్తుండగా ఈ ప్రమాదం జరిగింది. ఒడిశాలోని పారాడిప్‌లో ఆదివారం రాత్రి ఈ విషాదం చోటు చేసుకుంది.  పారాడిప్ పోలీస్ స్టేషన్  అధికారిక  ఆర్‌కె సమల్ అందించిన సమాచారం ప్రకాచరం చార్జింగ్‌లో ఉన్న స్మార్ట్‌ఫోన్‌  ఒక్కసారిగా పేలడంతో ప్రధాన్‌ అక్కడిక్కడే చనిపోయాడు. సమాచారం తెలియగానే పోలీసులు సంఘటన స్థలానికి చేరుకుని మృతదేహాన్ని పోస్ట్‌మార్టంకోసం ఆసుపత్రికి  తరలించారు. బాధితుడిని నాయగర్ జిల్లాలోని రాణ్‌పూరి ప్రాంతానికి చెందినవాడిగా గుర్తించారు. ట్రక్ యజమానుల సంఘం చేపట్టిన పారదీప్‌లో ఆలయ నిర్మాణ పనుల్లో కార్మికుడిగా  పనిచేస్తున్నాడు. 

సాక్షి, తుర్కపల్లి: గ్రామ పంచాయతీ ఎన్నికల్లో వార్డు సభ్యుల పోటీ విషయంలో తలెత్తిన ఘర్షణ ఒకరి ప్రాణం తీసింది. ఈ ఘటన యాదాద్రి భువనగిరి జిల్లా తుర్కపల్లి మండలం ధర్మారం గ్రామ పంచాయతీ పరిధి పెద్ద తండాలో సోమవారం రాత్రి చోటుచేసుకుంది. పెద్ద తండా కింద రెండు వార్డులు ఉన్నాయి. తండాకు చెందిన అజ్మీరా రవినాయక్‌ (28) ఈసారి పంచాయతీ ఎన్నికల్లో 8వ వార్డు నుంచి సోదరుడి కుమారుడైన శ్రీకాంత్‌ను రంగంలోకి దించాలని నిర్ణయించుకున్నాడు. ఇదే వార్డుపై రవినాయక్‌ దాయాదులైన శ్రీనివాస్‌ నాయక్, నరేశ్‌లు ఆసక్తి కనబరిచారు. దీంతో నరేశ్‌ తన సోదరుడి కుమారుడు మాల్‌నాయక్‌తో వార్డు సభ్యుడిగా పోటీ చేయించాలని ప్రయత్నం చేస్తున్నారు. రెండు కుటుంబాల ఆసక్తి ఒకే వార్డుపై పడటంతో రాజకీయ కక్షలు భగ్గుమన్నాయి. ఈ క్రమంలో సోమవారం రాత్రి లక్ష్మణ్‌ నాయక్, నరేశ్‌లు వారి కుటుంబ సభ్యులతో కలసి రవినాయక్‌ ఇంటికి వెళ్లి గొడవకు దిగారు. రవినాయక్‌ తన పక్కన ఉన్న కర్రతో నరేశ్‌ తలపై గట్టిగా కొట్టడంతో కింద పడిపోయాడు. కాసేపటికి నరేశ్‌ లేచి తన ఎదురుగా ఉన్న రవినాయక్‌ మర్మాంగంపై గట్టిగా తన్నడంతో అతడు కుప్పకూలిపోయాడు. దీంతో వెంటనే అతడిని కుటుంబ సభ్యులు, బంధువులు కలసి  మాదాపూర్‌లో ఉన్న ఓ ప్రైవేట్‌ ఆస్పత్రికి తరలించారు. అక్కడి నుంచి భువనగిరి ఏరియా ఆస్పత్రికి తీసుకెళ్తుండగా మార్గమధ్యలో మృతిచెందాడు. 

కామారెడ్డి క్రైం: అప్పటిదాకా స్నేహితులతో కలిసి పార్టీ చేసుకున్న ఓ యువకుడిని బావి రూపంలో మృత్యువు కబళించింది. మద్యం మత్తులో కాలు జారి బావిలో పడిన అతడు ప్రాణాలు కోల్పోయాడు. అతడి మృతదేహం 20 గంటలపాటు గా లించాక లభించింది. ఈ సంఘటన కామారెడ్డిలో గురువారం కలకలం సృష్టించింది. వివరాలిలా ఉన్నాయి. జిల్లా కేంద్రంలోని బ్రాహ్మణ్‌గల్లీకి చెం దిన మైసరి పార్వతీ–మురళీకి ఇద్దరు సంతానం. వీరిలో పెద్దవాడు రాజేష్‌(26)కు రెండేళ్ల క్రితం వివాహం జరిగింది. పట్టణంలోని నిజాంసాగర్‌ చౌరస్తాలో రెడిమేడ్‌ దుస్తుల దుకాణం పెట్టుకుని కొంత కాలం నడిపించి లాభాలు సరిగా రాకపోవడంతో ఆ వ్యాపారాన్ని వదులుకున్నాడు. మంగళ వారం రాత్రి రాజేష్, అతడి స్నేహితులు కలిసి మ ద్యం సేవించేందుకు పెద్ద చెరువు సమీపంలోకి వెళ్లారు. చెరువు కట్ట పక్కనే ఉన్న మత్తడి వద్ద వ్య వసాయ బావికి కొద్ది దూరంలో మద్యం తాగారు. సుమారు 11 గంటల ప్రాంతంలో బావి పక్కనే ఉన్న దారి గుండా తిరిగి వస్తుండగా ప్రమాదవశాత్తు కాలు జారి బావిలో పడిపోయాడు. సమాచారం తెలుసుకు న్న రాజేష్‌ బంధువులు, స్నేహితు లు, స్థానికులు పె ద్ద ఎత్తున బావి వద్దకు చేరుకున్నారు. మృ తదేహం కోసం గాలింపు చర్యలు చేపట్టారు. బావిలోతుగా ఉండి మృతదేహం లభించ లేదు. దీంతో పోలీసులు, అగ్నిమాపక సిబ్బంది బుధవారం ఉదయం నుంచి బావిలోని నీటిని మోటార్ల ద్వారా ఖాళీ చేయించారు. సాయంత్రం 7 గంటల ప్రాంతంలో రాజేష్‌ మృతదేహాన్ని వెలికితీశారు. అనంతరం పోస్టుమార్టం నిమిత్తం కామారెడ్డి ఏరియా ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు జరుపుతున్నామని పట్టణ ఎస్‌హెచ్‌వో రామక్రిష్ణ తెలిపారు.

బతుకు దెరువు కోసం సరిహద్దులు దాటివెళ్లాడు. అక్కడే పనిచేస్తూ హఠాత్తుగా గుండెనొప్పికి గురై మృతి చెందాడు. పేదరికం కావడంతో మృతదేహాన్ని అక్కడి నుంచి తెచ్చుకోలేని పరిస్థితి ఆయన కుటుంబానిది. కడచూపైనా దక్కుతుందో లేదో అని భార్య, పిల్లలు తీవ్ర ఆవేదన చెందారు. అయితే అక్కడి యాదవుల చేయూతతో మృతదేహాన్ని స్వగ్రామానికి తరలించారు. బాధిత కుటుంబ సభ్యులకు కడచూపు దక్కేలా చేశారు. కాశినాయన : జీవనోపాధి కోసం కువైట్‌ వెళ్లి మృతి చెందిన చలమల వెంకటేశ్వర్లు(45) కుటుంబీకులకు కడచూపు దక్కింది. కుటుంబ సభ్యులు తెలిపిన వివరాల మేరకు... మండలంలోని నరసన్నపల్లెకు చెందిన వెంకటేశ్వర్లు బతుకుదెరువు కోసం కువైట్‌ వెళ్లాడు. మూన్నెల్ల కిందట తండ్రి మరణిస్తే స్వగ్రామానికి వచ్చి వెళ్లారు. నెల కిందట మళ్లీ వెళ్లాడు. గత మంగళవారం కుమార్తెతో ఫోన్లో మాట్లాడుతుండగా ఒక్కసారిగా గుండెపోటుకు గురయ్యాడు. తల్లికి ఫోన్‌ ఇవ్వాలని కోరుతూ అక్కడే కుప్పకూలి మరణించాడు. దీంతో కుటుంబ సభ్యులు తీవ్ర దుఃఖానికి గురయ్యారు. చేయూతనిచ్చిన యాదవ పెద్దలు విషయాన్ని స్థానిక వైఎస్సార్‌సీపీ నేత కరెంట్‌ రమణారెడ్డి దృష్టికి తీసుకెళ్లారు. ఆయన స్పందించి నియోజకవర్గానికి చెందిన పలువురు యాదవులను ఆ కుటుంబానికి సాయమందిచాలని కోరా రు. పలు ప్రాంతాలకు చెందిన యాదవ ప్రముఖులు దాదాపు చందాల రూపంలో రూ.లక్ష వసూలు చేశారు. పోస్టుమార్టం పూర్తి చేయించి మృతదేహాన్ని ఇండియాకు తరలించేదుకు శరవేగంగా పనులు పూర్తి చేశారు. శుక్రవారం మధ్యాహ్నానికి స్వగ్రామానికి వెంకటేశ్వర్లు మృతదేహం చేరింది. కూలి కోసం వెళ్లి మరణించిన భర్త, తండ్రిని చూసి ఆయన భార్య దుగ్గమ్మ, ఇద్దరు కుమార్తెల రోదనలు పలువురిని కంటతడి పెట్టించాయి.  బాధిత కుటుంబానికి స్వాంతన కుటుంబానికి పెద్ద దిక్కు వెంకటేశ్వర్లు మృతితో ఆయన భార్య, కుమార్తెలు దిక్కులేని వారుగా మారారు. విషయం తెలుసుకున్న కువైట్‌ యాదవ సంఘం రూ.లక్ష, కువైట్‌ ఎన్‌ఆర్‌ఐ సంఘం రూ. 50 వేలను అందించేందుకు ముందుకు వచ్చాయి. త్వరలోనే ఈ మొత్తాన్ని బాధిత కుటుంబానికి అందజేస్తారని వైఎస్సార్‌సీపీ నాయకులు కరెంట్‌ రమణారెడ్డి తెలిపారు. వైఎస్సార్‌సీపీ నాయకులు బద్వేలు కౌన్సిలరు గోపాలస్వామి, గోపవరం సింగిల్‌విండో అధ్యక్షుడు సుందరరామిరెడ్డి, జెడ్పీటీసీ వెంకటసుబ్బయ్య ఆచారి, ఎంపీపీ పెద్ద రామ య్య, నాయకులు జగన్‌ మోహన్‌రెడ్డి, నాగారెడ్డి రామసుబ్బారెడ్డి, రాజుగాళ్ల వెంకటరెడ్డి తదితరులు వెంకటేశ్వర్లు మృతదేహానికి నివాళులర్పించారు.


 బత్తలపల్లి: ముష్టూరు గ్రామానికి చెందిన కుమ్మర కాటమయ్య (68) ఇంట్లోనే చిల్లరకొట్టు పెట్టుకుని జీవనం సాగిస్తున్నాడు. గురువారం రాత్రి కురిసిన వర్షానికి ఇంటి పైకప్పు రంధ్రం పడింది. కాటమయ్య శుక్రవారం మరమ్మతు చేయడానికి ఇంటిపైకెక్కాడు. విద్యుత్‌ ప్రసరిస్తున్న సర్వీస్‌వైరు తగలడంతో షాక్‌కు గురై అక్కడికక్కడే కుప్పకూలిపోయాడు. స్థానికులు వెంటనే ఆయన్ని కిందకు తీసుకొచ్చి సపర్యలు చేసినా ప్రయోజనం లేకుండా పోయింది. అప్పటికే ఆయన మృతి చెందాడు. ఎస్‌ఐ హారున్‌బాషాకు సమాచారం అందించారు. మృతునికి భార్య అంజినమ్మ, నలుగురు కుమార్తెలు, ఒక కుమారుడు ఉన్నారు.


 - వేగంగా దూసుకొచ్చి ఢీకొన్న కారు
 - ఎగిరి అల్లంత దూరంలో పడ్డ స్కూటరిస్టు
 - విధులు ముగించుకొని ఇంటికొస్తూ ప్రాణాలు కోల్పోయిన వైనం
 
 మరో రెండ్రోజుల్లో రంజాన్‌ పండుగ.. పిల్లలకు కొత్త బట్టలు తెద్దామంటే ఇంకా జీతం రాలేదు. కనీసం అమ్మానాన్న వద్దకెళ్లి డబ్బులు తెచ్చుకుందామని వెళ్లిన అతనికి అదే ఆఖరి ప్రయాణమవుతుందని కలలో కూడా ఊహించి ఉండడు. మృత్యువులా దూసుకొచ్చిన కారు ఢీకొనడంతో స్కూటర్‌పై వెళ్తున్న అతను ఎగిరి అల్లంత దూరంలో పడ్డాడు. ప్రాణాలు కోల్పోయాడు. అమ్మానాన్నకు ఒక్కగానొక్క కుమారుడు, ముగ్గురు పసిబిడ్డలకు తండ్రి అయిన అతని అకాల మృతి రెండు కుటుంబాలను శోకసంద్రంలో ముంచింది. కుటుంబ సభ్యులు కన్నీరుమున్నీరుగా విలపించడం చూపరులను కలచివేసింది.
 - గార్లదిన్నె (శింగనమల)
 
 హైదరాబాద్‌-బెంగళూరు 44వ నంబర్‌ జాతీయ రహదారిలోని గార్లదిన్నె మండలం కల్లూరు సమీపంలోని అంబేడ్కర్‌ సర్కిల్‌లో శుక్రవారం జరిగిన రోడ్డు ప్రమాదంలో కల్లూరుకు చెందిన అల్లిపీరా(42) దుర్మరణం చెందారు. ఆయన గుత్తిలోని రైల్వే శాఖలో డిజిల్‌ షెడ్‌లో ఉద్యోగం చేసేవారు. అనంతపురంలో కాపురముంటూ ప్రతి రోజూ గుత్తికి వెళ్లొచ్చేవారు.  
 
 రెండు కుటుంబాలకు పెద్దదిక్కుగా...
 అటు అమ్మానాన్న కల్లూరులో ఉంటుండగా, ఇటు భార్యా, ముగ్గురు పిల్లలతో కలసి అల్లిపీరా అనంతపురంలో నివసిస్తున్నారు. ప్రతి రోజూ డ్యూటీకి వెళ్లొచ్చేవారు. రోజులాగే శుక్రవారం ఉదయం 7 గంటలకే డ్యూటీకి వెళ్లిన ఆయన సాయంత్రం విధులు ముగించుకుని బైక్‌లో అనంతపురం తిరుగుప్రయాణమయ్యారు.
 
 అమ్మానాన్నను చూసొద్దామనుకుని...
 గుత్తి-అనంతపురం మార్గంలోని కల్లూరులో ఉంటున్న అమ్మానాన్న రహమత్‌, మునాఫ్‌ను చూసొద్దామనుకున్న ఆయన ఇంటికెళ్లారు. ఆ సమయంలో తండ్రి మాత్రమే ఇంట్లో ఉండగా, తల్లి పక్కింటికి వెళ్లి ఉన్నారు. ఆమె వచ్చేలోగా బైక్‌కు పెట్రోల్‌ పోయించుకువస్తానంటూ వెళ్లిన ఆయన అంబేడ్కర్‌ సర్కిల్‌లోని కల్లూరు రోడ్డు దాటుతుండగా అనంతపురం నుంచి గుత్తి వైపునకు వేగంగా వచ్చిన కారు ఢీకొనడంతో అల్లిపీరా అక్కడికక్కడే దుర్మరణం చెందారు. విషయం తెలిసిన వెంటనే వృద్ధ తల్లిదండ్రులతో పాటు భార్యా పిల్లలు అక్కడికి చేరుకున్నారు. రక్తపు మడుగులో పడి ఉన్న అల్లిపీరాను చూడగానే గుండెలు పగిలేలా రోదించారు.   సమాచారం తెలిసిన వెంటనే పోలీసులు ఘటనా స్థలికి చేరుకున్నారు. మృతదేహాన్ని పోస్టుమార్టం నిమిత్తం అనంతపురం పెద్దాస్పత్రికి తరలించారు. కేసు దర్యాప్తులో ఉంది.
 
 బైక్‌ అదుపు తప్పి...
 యాడికి (తాడిపత్రి రూరల్‌) : యాడికి మండలం బొగాలకట్ట గ్రామ సమీపంలో శుక్రవారం జరిగిన రోడ్డు పమ్రాదంలో పుప్పాల గ్రామానికి చెందిన నరసింహులు(35) అనే రైతు మృతి చెందినట్లు ఎస్‌ఐ శ్రీనివాసులు తెలిపారు. పుప్పాల నుంచి ఆయన బైక్‌లో రాయలచెరువుకు బయలుదేరగా మార్గమధ్యంలో బైక్‌ అదుపు తప్పి కాలువలో పడిపోవడంతో ఆయన అక్కడిక్కడే మృతి చెందినట్లు వివరించారు. మృతదేహాన్ని పోస్టుమార్టం కోసం తాడిపత్రి ఆస్పత్రికి తరలించారు. మృతునికి భార్య తులసమ్మ, ఇద్దరు పిల్లలు ఉన్నారు. బ్యాంకులో రుణం కోసం వెళ్తుండగా ప్రమాదం జరిగిందని మృతుని కుటుంబ సభ్యులు చెబుతున్నారు.


 బొమ్మనహాళ్‌ (రాయదుర్గం) : బొమ్మనహాళ్‌ మండలం నేమకల్లులో బోయ నరసింహులు(40) అనే ప్రైవేట్‌ విద్యుత్‌ కార్మికుడు బుధవారం విద్యుదాఘాతానికి గురై మృతి చెందినట్లు గ్రామస్తులు తెలిపారు. ఉదయమే బాత్‌రూంలోకి వెళ్లిన ఆయన ఒక్కసారిగా విద్యుత్‌ షాక్‌ గురై కిందపడిపోయాడన్నారు. వెంటనే కుటుంబ సభ్యులు ఆస్పత్రికి తరలిస్తుండగా మార్గమధ్యంలో మృతి చెందినట్లు వివరించారు. మృతునికి ముగ్గురు కుమార్తెలు ఉన్నారు.  
 
 43-ఉడేగోళంలో మేస్త్రీ..
 కణేకల్లు : మండలంలోని 43-ఉడేగోళంలో ఎర్రగుంటలోని కెనిగుంటకు చెందిన వడ్డే హనుమంతరాయుడు(26) అనే మేస్త్రీ బుధవారం విద్యుదాఘాతానికి గురై మరణించినట్లు ఎస్‌ఐ యువరాజు తెలిపారు. ఎర్రిస్వామి అనే వ్యక్తి ఇంటి నిర్మాణ పని చేస్తుండగా ప్రమాదవశాత్తు విద్యుత్‌వైర్లు తగిలి అక్కడికక్కడే మృతి చెందినట్లు వివరించారు. మృతునికి భార్య రోజా, రెండేళ్ల కూతురు ఉన్నారు. 


 కళ్యాణదుర్గం రూరల్ : కళ్యాణదుర్గం రూరల్‌ మండలం తూర్పుకోడిపల్లి సమీపంలో పిడుగుపడి అదే గ్రామానికి చెందిన బలికొండప్ప కుమారుడు ఓబుళపతి(35) అనే గొర్ల కాపరి గురువారం మృతి చెందినట్లు రూరల్‌ ఎస్‌ఐ నబీరసూల్‌ తెలిపారు. ఓబుళపతి మేత కోసం మేకలను పొలాల వద్దకు తోలుకెళ్లాడన్నారు.
 
 సాయంత్రం ఇంటికి తిరిగొస్తుండగా వర్లి వ్యవసాయ పొలాల వద్ద ఒక్కసారిగా పిడుగుపడి అక్కడికక్కడే మృతి చెందినట్లువవివరించారు. పరిసరాల్లో పని చేసే వారు గమనించి హుటాహుటిన ఆస్పత్రికి తరలించగా. అప్పటికే అతను చనిపోయినట్లు పరీక్షించిన వైద్యులు నిర్ధారించారు. మృతుని భార్య లక్ష్మీ ఫిర్యాదు మేరకు కేసు నమోదు చేసుకుని దర్యాప్తు చేస్తున్నామన్నారు. మృతునికి ఒక కుమారుడు, కుమార్తె కూడా ఉన్నారు.


 కణేకల్లు(రాయదుర్గం) : కణేకల్లు మండలం పెనకలపాడులో గురువారం రాత్రి లారీ ఢీకొని అదే గ్రామానికి చెందిన కృష్ణమోహన్‌(30) మృతి చెందినట్లు ఎస్‌ఐ యువరాజు తెలిపారు. కృష్ణమోహన్‌ తన స్నేహితులతో కలసి మల్లికార్జున ఇంటి వద్ద మాట్లాడుకొంటూ నిలబడి ఉండగా లారీ విపరీతమైన వేగంతో అతనిపై దూసుకెళ్లిందన్నారు. దీంతో అతను అక్కడికక్కడే మరణించినట్లు వివరించారు. లారీ డ్రైవర్‌ అజాగ్రత్త వల్లే ఘటన జరిగిందని పేర్కొన్నారు.  మృతుని భార్య లలితమ్మ ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని తెలిపారు. 


 గుంతకల్లు : స్థానిక రైల్వే జంక్షన్‌ సమీపంలోని సౌత్‌ కేబిన్‌ వద్ద డోన్‌కు వెళ్లే రైలు మార్గంలో(442/4 కిలోమీటర్‌ వద్ద) ఓ వ్యక్తి రైలు కింద పడి మృతి చెందాడు. మృతుని చొక్కా జేబులో లభ్యమైన రేషన్‌కార్డు నకలు ఆధారంగా అతడిని పట్టణంలోని బెంచికొట్టాలకు చెందిన రహంతుల్లా(50)గా గుర్తించినట్లు రైల్వే పోలీసులు తెలిపారు. కార్పెంటర్‌ పని చేసే రహంతుల్లాకు తాగుడు అలవాటు తప్ప ఎవరితోనూ గొడవలు లేవని ఆయన భార్య బేగం, కుటుంబ సభ్యులు తెలిపారు. ఈ నేపథ్యంలో ఇది ఆత్మహత్యా, ప్రమాదమా అనే కోణంలో రైల్వే పోలీసులు దర్యాప్తు చేస్తున్నారు.


 చిలమత్తూరు : కర్ణాటకలోని బాగేపల్లి సమీపంలోగల దేవర గుడ్డపల్లి(గడిదం) చెరువులో ట్రాక్టర్‌ బోల్తా పడి అనంతపురం జిల్లా చిలమత్తూరు మండలం కందూరుపర్తికి చెందిన డ్రైవర్‌ గంగాధర్‌(27) మృతి చెందినట్లు స్థానికులు తెలిపారు. కందూరుపర్తికి చెందిన నిడిమామిడమ్మ, ఆదినారాయణప్ప కుమారుడు గంగాధర్‌ జేసీబీ డ్రైవర్‌గా పని చేస్తున్నాడు.
 
 పని నిమిత్తం బాగేపల్లి సమీపంలోని గడిదం వద్దకు వెళ్లాడు. ఈ క్రమంలో సోమవారం సాయంత్రం ట్రాక్టర్‌ను డ్రైవ్‌ చేసుకుంటూ చెరువులో వస్తుండగా అదుపు తప్పి గుంతలో బోల్తా పడటంతో మరణించినట్లు వివరించారు. మృతునికి భార్య, కుమార్తె ఉన్నారు. బాగేపల్లి పోలీసులు కేసు నమోదు చేసి దర్యాప్తు చేస్తున్నారు.


 శింగనమల : మండల పరిధిలోని గార్లదిన్నె సమీపంలో హైదరాబాద్‌-బెంగుళూరు హైవే రోడ్డు దాటుతున్న ఒక వ్యక్తి కారు ఢీకొన్న ప్రమాదంలో మరణించారు. మండలంలోని రఘనాథపురం గ్రామానికి చెందిన సూర్యనారాయణరెడ్డి(45) గార్లదిన్నె సమీపంలోని హైవే రోడ్డు పక్కన హోటల్‌ నిర్వహిస్తున్నారు. శనివారం రాత్రి 8 గంటల సమయంలో హోటల్‌ నుంచి అటువైపు వెళ్లడానికి రోడ్డు దాటుతుండగా అనంతపురం నుంచి హైదరాబాద్‌కు వెళ్లుతున్న కారు ఢీకొంది. ఆయన అక్కడికక్కడే మృతి చెందారు.


 ఎదురుగా దూసుకొచ్చిన రెండు వాహనాలు
 దారిలేక బైక్‌ను రోడ్డు పక్కకు తిప్పిన యువకుడు
 చెట్టు బలంగా తగలడంతో అక్కడికక్కడే మృతి
 భార్య, కుమారుడికీ గాయాలు
 ఆత్మకూరు : ఓవర్‌ టేక్‌ ఒక ప్రాణాన్ని బలిగొంది. మరో ఇద్దరిని గాయాలపాలు చేసింది. ఆత్మకూరు సమీపంలో బుధవారం జరిగిన ఈ సంఘటన వివరాలిలా ఉన్నాయి. రాయదుర్గం మండలం జుంజురాంపల్లికి చెందిన ఏకాంత్‌కుమార్‌ (35) తన భార్య సుశీలమ్మ, రెండేళ్ల కుమారుడితో కలిసి డ్రామా చూసేందుకని మంగళవారం అనంతపురంలోని బంధువుల ఇంటికి ద్విచక్రవాహనంలో వెళ్లాడు. బుధవారం తిరిగి స్వగ్రామానికి బయల్దేరాడు. ఆత్మకూరు మండల కేంద్రం సమీపానికి రాగానే ఎదురుగా రెండు వాహనాలు వచ్చాయి. ముందుకు పోవడానికి అవకాశం లేకపోవడంతో రోడ్డు పక్కకు తిప్పాడు.
 
 అంతే అదుపుతప్పి చెట్ల పొదల్లోకి ద్విచక్రవాహనం వేగంగా దూసుకెళ్లింది. తలకు బలమైన గాయం కావడంతో ఏకాంత్‌కుమార్‌ అక్కడికక్కడే మృతి చెందాడు. వెనుక కూర్చున్న సుశీలమ్మకు తీవ్రగాయాలయ్యాయి. మధ్యలో కూర్చున్న కుమారుడికి స్వల్ప గాయాలయ్యాయి. స్థానికుల సమాచారంతో 108 సిబ్బంది హుటాహుటిన సంఘటన స్థలానికి చేరుకుని క్షతగాత్రులను అనంతపురం ఆస్పత్రికి తరలించారు. ప్రమాదం జరిగిన ప్రదేశం కళ్యాణదూరం రూరల్‌ పరిధి కావడంతో అక్కడి పోలీసులు కేసు నమోదు చేసుకున్నారు. 


 శింగనమల : లోలూరు క్రాస్‌ వద్ద జాతీయ రహదారిపై శుక్రవారం తెల్లవారుజామున మూడు గంటల సమయంలో గుర్తుతెలియని వాహనం ఢీకొనడంతో ఓ యువకుడు దుర్మరణం చెందాడు. మృతుడి వివరాలు తెలియరాలేదు. 35 సంవత్సరాల వయసు కలిగిన ఈ వ్యక్తి నీలం రంగు జీన్స్‌ ప్యాంటు, పసుపుపచ్చగీతలు కలిగిన నీలం రంగు షర్టు ధరించాడు. ఏఎస్‌ఐ వెంకటేశ్వర్లు, కానిస్టేబుల్‌ నబీరసూల్‌లు ఉదయాన్నే సంఘటన స్థలానికి చేరుకున్నారు. జనం కూడా గుమిగూడారు. దీంతో కొంతమేర వాహనాలు నిలిచిపోయాయి.
 
 స్కూటర్‌ను ఢీకొన్న కంటైనర్‌
 ప్రమాద ఘటనలో జనం గుమిగూడి ఉండగా ఉదయం ఏడుగంటల సమయంలో బొలెరో వాహనం ముందు ఉన్న స్కూటర్‌ను మైసూరు నుంచి ఉత్తరప్రదేశ్‌కు వెళుతున్న కంటైనర్‌ వాహనం ఢీకొంది. స్కూటర్‌లోని వ్యక్తికి, బొలెరోలో ఉన్న వ్యక్తికి స్వల్ప గాయాలయ్యాయి. వెంటనే వారు ప్రైవేట్‌ ఆస్పత్రిలో ప్రథమ చికిత్సచేయించుకుని వెళ్లినట్లు ఏఎస్‌ఐ వెంకటేశ్వర్లు తెలిపారు.


 కళ్యాణదుర్గం : కొత్తూరు గ్రామానికి చెందిన గొల్ల హనుమంతరాయుడు (25) శుక్రవారం విద్యుదాఘాతానికి గురై మృతి చెందాడు. కుటుంబ సభ్యుల సమాచారం మేరకు... మేకలను మేత కోసం గ్రామ సమీపంలోని ఓ వ్యవసాయ తోట వద్దకు తీసుకెళ్లాడు. చెట్టు ఎక్కి కొడవలితో లేత ఆకు కొమ్మలను నరికేందుకు ఉపక్రమించాడు. ఆ చెట్టుపై 11 కేవీ విద్యుత్‌ లైన్‌ వెళ్లింది. దీన్ని గమనించకుండా కొడవలిని పైకి ఎత్తిన సమయంలో వైర్లకు తగలడంతో విద్యుదాఘాతానికి గురై అక్కడికక్కడే మృతి చెందాడు.
 
 ఇతడికి తొమ్మిది నెలల కిందటే వివాహమైంది. ప్రస్తుతం భార్య నాలుగు నెలల గర్భిణి. ప్రమాద విషయం తెలియడంతో భార్య, తండ్రి, సోదరుడు, సోదరి కన్నీరుమున్నీరుగా విలపించారు. రూరల్‌ పోలీసులు కేసు నమోదు చేసుకుని, మృతదేహాన్ని పోస్టుమార్టం నిమిత్తం కళ్యాణదుర్గం ప్రభుత్వాసుపత్రికి తరలించారు.


 కుందుర్పి : కుందుర్పి–మాయదార్లపల్లి మార్గంలో ఓ ట్రాక్టర్‌ శనివారం అదుపు తప్పి బోల్తాపడింది. ఘటనలో శెట్టూరు మండల అనుంపల్లికి చెందిన సోమనాథ్‌(32) మృతి చెందగా, అదే మండలం రంగయ్యపాళ్యం చెందిన లక్ష్మణమూర్తి, తిప్పేస్వామి తీవ్రంగా గాయపడ్డారని పోలీసులు తెలిపారు. సోమనాథ్‌ తన ఇంటి వద్ద పశువుల పాక కోసం అవసరమైన కట్టెల కోసం అనుంపల్లి, రంగయ్యపాళెం చెందిన ఆరుగురితో కలసి కర్ణాటకలోని మరదాసనపల్లెకు వెళ్లాడు.
 
 అక్కడ కట్టెలు కొనుగోలు చేసి స్వగ్రామానికి తీసుకువస్తుండగా మార్గమధ్యంలో కుందుర్పి సమీపంలోని కుంట వద్ద ట్రాక్టర్‌ అదుపు తప్పి బోల్తాపడటంతో సోమనాథ్‌ అక్కడికక్కడే మృతి చెందాడన్నారు. ఇంజిన్‌ కింద ఇరుక్కుపోయిన లక్ష్మణమూర్తిని చుట్టుపక్కల వారు గమనించి అతనితో పాటు తిప్పేస్వామిని రక్షించారు. మృతుడికి భార్య, ఒక కూతురు ఉన్నారు. కేసు దర్యాప్తులో ఉంది. 


 కదిరి టౌన్‌ : ఏ కష్టమొచ్చిందో ఏమో తెలియదు కానీ గుర్తు తెలియని వ్యక్తి రైలుకింద పడి ప్రాణం తీసుకున్నాడు. రైల్వే పోలీసులు తెలిపిన మేరకు వివరాలిలా ఉన్నాయి. కదిరి రైల్వేస్టేషన్‌కు ఫర్లాంగు దూరంలోని బ్రిడ్జి సమీపాన ట్రాక్‌పై ఓ వ్యక్తి తలపెట్టి పడుకున్నాడు. ఆ మార్గంలో వచ్చిన గుంతకల్లు- తిరుపతి ప్యాసింజర్‌ రైలు దూసుకెళ్లడంతో ఆ వ్యక్తి తల, మొండెం వేరయ్యాయి. ఈ భయానక దృశ్యాన్ని చూసేందుకు జనం తరలివచ్చారు. అయితే మృతుడి వివరాలు తెలియరాలేదు. రైల్వే పోలీసులు కేసు నమోదు చేసుకుని, మృతదేహాన్ని పోస్టుమార్టం నిమిత్తం ప్రభుత్వ ఏరియా ఆస్పత్రికి తరలించారు.


 భీమవరం(పశ్చిమగోదావరి): ఇరు వర్గాల మధ్య జరిగిన ఘర్షణలో ఓ వ్యక్తి మృతిచెందగా.. పలువురికి గాయాలయ్యాయి. ఈ సంఘటన పశ్చిమగోదావరి జిల్లా భీమవరంలో సోమవారం చోటుచేసుకుంది. స్థానిక గెస్ట్‌హౌస్ రోడ్‌లో ఇరువర్గాల మధ్య ఘర్షణ తలెత్తింది. చినికి చినికి గాలి వానలా మారిన వివాదం ఒకరి పై ఒకరు దాడి చేసుకునే వరకు వెళ్లింది.
 
 ఈ ఘర్షణలో ఓ వ్యక్తి మృతిచెందగా.. మరో ఇద్దరికి తీవ్ర గాయాలయ్యాయి. విషయం తెలుసుకున్న పోలీసులు సంఘటనా స్థలానికి చేరుకొని క్షతగాత్రులను ఆస్పత్రికి తరలించి పరిస్థితిని అదుపులోకి తేవడానికి యత్నిస్తున్నారు.


 సిరిసిల్ల: సిరిసిల్ల మండలం సర్దాపూర్ గ్రామంలో సెల్‌ఫోన్ చార్జింగ్ పెడుతుండగా ఓ వ్యక్తి మృతిచెందాడు. మధ్యప్రదేశ్ రాష్ట్రానికి చెందిన గిరామన్(55) తాపీ మేస్త్రీ. స్థానిక ఐకేపీ గోడౌన్‌లో పనిచేస్తున్నాడు. ఆదివారం ఉదయం సెల్‌ఫోన్‌కు చార్జింగ్ పెడుతుండగా విద్యుదాఘాతంతో మృతిచెందాడు.


 ఆత్మకూరు : ఆత్మకూరు సమీపంలో బుధవారం లారీ ఢీకొన్న ప్రమాదంలో మల్లికార్జున (28) అనే యువకుడు మృతి చెందాడు. పోలీసులు తెలిపిన మేరకు.. కంబదూరు మండలం తిమ్మాపురం గ్రామానికి చెందిన మల్లికార్జున బీటెక్‌ పూర్తి చేసి అనంతపురంలోని ఓ ప్రైవేటు కంపెనీలో పని చేస్తున్నాడు.
 
 అయితే స్వగ్రామమైన తిమ్మాపురంలో ఓ శుభకార్యానికి బుధవారం తన స్నేహితుడితో కలిసి ద్విచక్రవాహనంలో బయలుదేరాడు. ఆత్మకూరు దాటగానే కళ్యాణదుర్గం నుంచి వస్తున్న లారీ వీరిని ఢీ కొంది. క్షతగాత్రులను స్థానికులు ఆటోలో అనంతపురం ఆస్పత్రికి తరలించారు. అయితే అప్పటికే మల్లికార్జున మృతి చెందినట్లు వైద్యులు నిర్ధారించారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.  


 హిందూపురం అర్బన్‌ : పట్టణంలోని కేఎల్‌ రోడ్డులో 35 ఏళ్ల వయస్సు ఉన్న గుర్తు తెలియని వ్యక్తి మృతి చెందినట్లు వన్‌టౌన్‌ ఏఎస్‌ఐ లోకేష్‌ తెలిపారు. ఆదివారం సాయంత్రం రోడ్డుపై అనిశ్చతగా పడి ఉండటంతో స్థానికులు గుర్తించి పోలీసులకు సమాచారం అందించారు.
 
 స్వచ్ఛంద సంస్థ ప్రతినిధులైన ఉదయ్, గంగధరప్ప సాయంతో అతడిని ప్రభుత్వాస్పత్రికి తరలించారు. వైద్యులు పరీక్షించి మృతి చెందినట్లు చెప్పడంతో శవాన్ని మార్చురీలో భద్రపరిచారు. అతడి సమాచారం తెలిస్తే వన్‌టౌన్‌ పోలీసులకు సమాచారం అందించాలని ఏఎస్‌ఐ తెలిపారు.


 హైదరాబాద్: వేగంగా వెళ్తున్న ద్విచక్రవాహనం అదుపుతప్పి డివైడర్‌ను ఢీకొట్టిన ఘటనలో ఓ వ్యక్తి మృతిచెందగా.. మరో వ్యక్తికి తీవ్ర గాయాలయ్యాయి. ఈ సంఘటన నగరంలోని కంచన్‌బాగ్‌లో ఆదివారం చోటుచేసుకుంది. ఇది గుర్తించిన స్థానికులు క్షతగాత్రుడిని ఆస్పత్రికి తరలించి పోలీసులకు సమాచారం అందించారు. పూర్తి వివరాలు తెలియల్సి ఉంది.
  


 అనకాపల్లి(విశాఖపట్నం): ఎదురెదురుగా వస్తున్న రెండు వాహనాలు ఒకదానితో ఒకటి ఢీకొన్న ఘటనలో ఓ వ్యక్తి మృతిచెందగా.. మరో ఆరుగురికి తీవ్ర గాయాలయ్యాయి. ఈ సంఘటన విశాఖపట్నం జిల్లా అనకాపల్లి జాతీయరహదారిపై కొప్పాడ వద్ద శుక్రవారం అర్ధరాత్రి చోటుచేసుకుంది.
 
 వేగంగా వెళ్తున్న లారీ ఎదురుగా వస్తున్న ఆటోను ఢీకొట్టింది. దీంతో ఆటోలో ఉన్న రమణ(45) అక్కడికక్కడే మృతిచెందగా.. మరో ఆరుగురికి తీవ్ర గాయాలయ్యాయి. ఇది గుర్తించిన పోలీసులు క్షతగాత్రులను ఆస్పత్రికి తరలించి కేసు దర్యాప్తు చేస్తున్నారు.


 దుగ్గొండి(వరంగల్): వరికోత మిషన్‌లో పడి ఓ వ్యక్తి మృతిచెందిన సంఘటన వరంగల్ జిల్లా దుంగ్గొండి మండలం లక్ష్మీపురంలో సోమవారం చోటుచేసుకుంది. గ్రామానికి చెందిన ట్రాక్టర్ డ్రైవర్ తాల్లపల్లి సాంబయ్య(38) వరికోత మిషన్ సమీపంలో నిల్చొని ఉన్న సమయంలో అతన్ని గుర్తించని మిషన్ డ్రైవర్ అతని పై నుంచి మిషన్‌ను పోనిచ్చాడు. దీంతో అందులో పడ్డ సాంబయ్య అక్కడికక్కడే మృతిచెందాడు.
  


 అనంతపురం సెంట్రల్‌ : మొహర్రం విషాదం మిగల్చింది. ఊరేగింపుగా వస్తున్న పీర్లను చూస్తుండగా గోడ కూ లి ఓ బాలుడు అక్కడికక్కడే మరణించ డం అందరినీ దిగ్భ్రాంతికి గురి చేసిం ది. అనంతపురంలోని బాబానగర్‌లో సోఫియా, మహమ్మద్‌ రఫీ దంపతుల కుమారుడు షబ్బీర్‌ అలీ(8) పాత గోడ కూలి మరణించడంతో కుటుంబ సభ్యులు, బంధువులు శోకసంద్రంలో మునిగిపోయారు. మొహర్రం పురస్కరించుకుని ఆదివారం రాత్రి పానకాల పూజ నిర్వహించారు. మరోవైపు కాలనీలోకి పీర్లు ఊరేగింపుగా వచ్చాయి. వాటిని అందరూ ఆసక్తిగా తిల కిస్తున్నారు.
 
 పీర్లను చూసేందుకు వీధిలోకి వచ్చిన అలీ ఓ ఇంటిపక్కన గోడ చాటున నిలబడ్డాడు. అంతలోనే గోడ కూలి రాళ్లు, మట్టి దిబ్బల కిం ద కూరుకుపోయాడు. స్థానికులు గుమనించి వెంటనే రాళ్లను తొలగిం చారు. అప్పటికే తీవ్రంగా గాయపడ్డ అలీని స్థానిక సర్వజనాస్పత్రికి తీసుకెళ్తుండగా మార్గమధ్యలోనే మృతి చెందాడు. దీంతో కుటుంబంలో కన్నీరుమున్నీరయ్యారు. మహ్మద్‌ రఫీకి ఇద్దరు కుమారులు. షబ్బీర్‌ అలీ రెండో వాడు. స్థానికంగా ఓ ప్రైవేటు పాఠశాలలో యూకేజీ చదివేవాడు.


 దౌల్తాబాద్(మెదక్ జిల్లా): దౌల్తాబాద్ మండలం రాందాస్ చెరువులో పడి ఓ వ్యక్తి మృతిచెందాడు. మృతుడు దౌల్తాబాద్ గ్రామానికి చెందిన చాకలి నారాయణ(45)గా గుర్తించారు. ఈ విషయాన్ని స్థానికులు పోలీసులకు తెలిపారు. పోలీసులు సంఘటనాస్థలానికి చేరుకుని కేసు నమోదు చేసి దర్యాప్తు చేస్తున్నారు.


 పెనుకొండ రూరల్‌ : పరిగి మండలం కాలువల్లిలో మంగళవారం రాత్రి విద్యుదాఘాతానికి గురై బీరప్ప(22) మృతి చెందినట్లు పోలీసులు తెలిపారు. ఇంటి పైనున్న గవాచి మూయడానికి వెళ్లిన సమయంలో విద్యుత్‌ తీగలు తగిలి అతను అక్కడికక్కడే ప్రాణాలొదిలినట్లు వివరించారు. 


 హిందూపురం అర్బన్‌ : పట్టణంలోని సోమందేపల్లి మండలం మండ్లి గ్రామానికి చెందిన అశ్వర్థప్ప(48) శనివారం గుడ్డం సమీపంలో రైలు కిందపడి మతి చెందాడు. రైల్వే ఎస్‌ఐ ప్రభాకర్‌ తెలిపిన మేరకు .. మతుడి భార్య మూడేళ్ల క్రితం చనిపోయింది. ఇతని కుమారులు కూడా బెంగళూరు ఉంటున్నారు. దీంతో ఒంటరిగా ఉండలేక జీవితంపై విరక్తి చెంది రైలు కింద పడి ఆత్మహత్య చేసుకున్నట్లు ఎస్‌ఐ తెలిపారు. కేసు దర్యాప్తు చేస్తున్నట్లు చెప్పారు. 


 హిందూపురం అర్బన్‌ : స్థానిక గుడ్డం సమీపంలోని 102/00100 కిలోమీటర్ల వద్ద మంగళవారం రైలుకింద పడి గుర్తు తెలియని వ్యక్తి మతి చెందినట్లు రైల్వే ఎస్‌ఐ ప్రభాకర్‌ తెలిపారు. మతుడికి సుమారు 25 ఏళ్ల వయసు ఉంటుంది. చారల టీ షర్టు, లైట్‌ గ్రీన్‌బనియన్, డార్క్‌ బ్రౌన్‌ ప్యాంట్‌ వేసుకుని ఉన్నాడు. రైలు కింద పడి తల, కుడి కాలు తెగి పోయాయి. శవాన్ని స్వాధీనం చేసుకుని పరీక్షల నిమిత్తం ప్రభుత్వాస్పత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నామని ఎస్‌ఐ ప్రభాకర్‌ చెప్పారు.


 ఓడీ చెరువు : ఓడీ చెరువు మండలంలోని పెద్దగుట్లపల్లి గ్రామానికి చెందిన తలారి నరసింహులు(55) విరేచనాలతో బాధపడుతూ మతి చెందాడు.  బంధువుల వివరాల మేరకు.. వారం నుంచి విరేచనాలతో బాధపడుతూ కదిరి, బత్తలపల్లి, అనంతపురం ఆస్పత్రుల్లో చికిత్సలు చేయించారు. పరిస్థితి విషమంగా మారడటంతో బెంగళూరులోని విక్టోరియా ఆస్పత్రికి తీసుకెళ్లారు. అక్కడ చికిత్స పొందుతూ మతి చెందినట్లు వారు తెలిపారు. అతడికి భార్య ఇద్దరు కుమార్తెలు,  కుమారుడు ఉన్నారు.


 =    పనికోసం వెళ్లి కానరాని లోకాలకు..
 =    బస్సులోంచి జారిపడటంతో మృత్యువాత
 =    మర్తాడులో విషాదం.. వీధినపడ్డ కుటుంబం
 
 యా అల్లా.. ఏ క్యా హోగయా అంటూ కుటుంబ సభ్యులు రోదించిన తీరు కలచివేసింది. పని కోసమని వెళ్లిన వాడిని ఇలా కానరాని లోకాలకు తీసుకుపోతివా అంటూ విలపించారు. ఇక మాకు దిక్కెవరంటూ దిక్కులు పిక్కటిల్లేలా రోదించారు. గార్లదిన్నె వద్ద మంగళవారం జరిగిన రోడ్డు ప్రమాదంలో మర్తాడుకు చెందిన కూలీ అల్లాబకాష్‌ దుర్మరణం చెందాడు.           
 
 అతనో దినసరి కూలీ. పనికి వెళితే గానీ పూట గడవని పరిస్థితి. తెల్లవారుజామునే పని కోసం ఆర్టీసీ బస్సులో బయల్దేరిన అతను గమ్యస్థానం చేరుకోవడానికి కొద్ది నిమిషాల ముందే ప్రమాద రూపంలో ప్రాణాలు కోల్పోయాడు. వివరాలిలా ఉన్నాయి. మర్తాడుకు చెందిన అల్లాబకాష్‌(30)కు తొమ్మిదేళ్ల కిందట తాడిపత్రికి చెందిన షబానాతో వివాహమైంది. వీరికి ఇద్దరు కూతుళ్లు ఉన్నారు. అల్లా బకాష్‌ టమాట గ్రేడింగ్, ఇతర కూలి పనులు చేసుకుంటూ కుటుంబాన్ని పోషించుకునేవాడు.
 
 మంగళవారం తెల్లవారుజామున పనికోసం ఆర్టీసీ బస్సులో గార్లదిన్నెకు బయల్దేరాడు. గార్లదిన్నె రైల్వే గేట్‌ సమీపంలోకి రాగానే అక్కడ గేట్‌ వేపడింది. దీంతో డ్రైవర్‌ బస్సు నిలిపేందుకు స్లో చేశాడు. ఈ సమయంలో అల్లాబకాష్‌ కదులుతున్న బస్సు నుంచి కిందకు దిగబోయి అదుపుతప్పి కిందపడ్డాడు. వెంటనే వెనుకచక్రం అతని తలపై వెళ్లడంతో అక్కడికక్కడే మృతి చెందాడు. ఎస్‌ఐ శ్రీనివాసులు, ఆర్టీసీ డీఎం బాల చంద్ర సంఘటనా స్థలాన్ని పరిశీలించారు. ఇంటì  పెద్ద దిక్కు కోల్పోవడంతో మృతుడు భార్య, కుటుంబ సభ్యులు కన్నీరు మున్నీరయ్యారు. మర్తాడు గ్రామంలో విషాదఛాయలు అలుముకున్నాయి. పోస్టుమార్టం నిమిత్తం మృతదేహాన్ని అనంతపురం ప్రభుత్వ ఆస్పత్రికి తరలించారు. పోలీసులు కేసు దర్యాప్తు చేస్తున్నారు.


 చెన్నేకొత్తపల్లి : చెన్నేకొత్తపల్లి మండలం ఎన్‌ఎస్‌ గేట్‌లో గుర్తు తెలియని ఓ వద్ధుడు రైలు కింద పడి మరణించినట్లు స్థానికులు తెలిపారు. ఉదయం 9 గంటలకు వచ్చే రైలు కింద పడి మతి చెందినట్లు వివరించారు. మతుడికి 70 ఏⶠ్ల వయస్సు ఉంటుందని, తెల్లని పంచె, అంగీ ధరించి ఉన్నాడన్నారు. హిందూపురం రైల్వే పోలీసులకు సమాచారం అందించారు.
  


 ఒంగోలు : ప్రకాశం జిల్లా సంతమాగులూరు మండలం కొమ్మలపాడు గ్రామం వద్ద ఆదివారం తెల్లవారుజామున జరిగిన రోడ్డుప్రమాదంలో ఒక వ్యక్తి అక్కడికక్కడే మృతి చెందాడు. మరో వ్యక్తి తీవ్రంగా గాయపడ్డాడు. ఎదురెదురుగా వచ్చిన రెండు లారీలు ఢీకొనడంతో ఈ ప్రమాదం చోటు చేసుకుంది. ఓ లారీలో తరలిస్తున్న పెద్ద గ్రానైట్ రాయి రహదారికి అడ్డంగా పడడంతో ఆ మార్గంలో రాకపోకలకు తీవ్ర అంతరాయం కలిగింది.
 ఈ ప్రమాదంపై సమాచారం అందుకున్న పోలీసులు సంఘటన స్థలానికి చేరుకున్నారు. క్షతగాత్రుడిని ఒంగోలు ప్రభుత్వాసుపత్రికి తరలించారు. క్రేన్ను రప్పించి... బండరాయిని తొలగించే ప్రయత్నం చేస్తున్నారు. అలాగే మృతదేహాన్ని స్వాధీనం చేసుకుని... పోస్టుమార్టం నిమిత్తం ప్రభుత్వాసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.


 కదిరి అర్బన్‌ : మండల పరిధిలోని అలీపూర్‌తండా వద్ద శనివారం రాత్రి గుర్తు తెలియని వాహనం ఢీ కొని గాండ్లపెంట మండలం కటారుపల్లికి  చెందిన రవికుమార్‌(27) అనే యువకుడు దుర్మరణం చెందాడు. మృతుడి బంధువులు తెలిపిన మేరకు వివరాలిలాఉన్నాయి. కటారుపల్లికి చెందిన ఆర్‌ఎంపీ వైద్యుడు వేమయ్య, పద్మావతిల ఏకైక కుమారుడు రవికుమార్‌. రెండేళ్లక్రితం కటారుపల్లిక్రాస్‌కుచెందిన హేమవతితో వివాహం జరిగింది. రవికుమార్‌ బెంగళూరులో డ్రైవర్‌పని, భార్య నర్సు ఉద్యోగం చేసుకుంటూ జీవించేవారు.
 
 హేమవతి శనివారం ఉదయం కదిరిలోని ఓ ప్రైవేటు ఆసుపత్రిలో ఆడబిడ్డకు జన్మనిచ్చింది. భార్య, కూతురును చూసేందుకు ద్విచక్రవాహనంలో బెంగూళూరు నుంచి రవికుమార్‌ వస్తున్నాడు. వాహనం అలీపూర్‌తండావద్దకు రాగానే వెనుక వస్తున్న గుర్తుతెలియని వాహనం ఢీ కొంది. దీంతో రవికుమార్‌ అక్కడికక్కడే మృతి చెందాడు. కుమారుడి మరణవార్త విన్న తండ్రి ఆస్పత్రిలోనే సృహ కోల్పోయాడు. పోలీసులు కేసు నమోదు చేసుకుని దర్యాప్తు చేస్తున్నారు.
 
 తాడిపత్రిలో బాలుడు..
 తాడిపత్రి: తాడిపత్రిలోని కంచాని లాడ్జి వద్ద శనివారం జరిగిన రోడ్డు ప్రమాదంలో పట్టణంలోని ఏటిగడ్డపాలెంకు చెందిన బాషు కుమారుడు మహమ్మద్‌గౌస్‌(16) మరణించినట్లు ఎస్‌ఐ ఆంజనేయులు తెలిపారు. సీబీ రోడ్డులో బైక్‌పై వెళ్తూ కాలినడకన వెళ్తున్న శివారెడ్డి అనే వ్యక్తిని ఢీకొని కిందపడినట్లు చెప్పారు. అదే సమయంలో వచ్చిన ట్రాక్టర్‌ అతని కాళ్లపై వెళ్లడంతో తీవ్రంగా గాయపడ్డాడు.వెంటనే అనంతపురం ఆస్పత్రికి తరలించగా అక్కడ మృతి చెందినట్లు వివరించారు. కేసు దర్యాప్తులో ఉంది.


 లేపాక్షి : వినాయక చవితి నిమజ్జనంలో అపశ్రుతి నెలకొంది. మండల కేంద్రానికి చెందిన చాకలి క్రిష్టప్ప(40) అనే వ్యక్తి వినాయక విగ్రహాల ఊరేగింపులో ఉన్నఫళంగా మృతిచెందాడు. వినాయక విగ్రహాలను తిలకిస్తూనే కింద పడిపోయాడు.
 
 వెంటనే లేపాక్షి ప్రభుత్వ ఆస్పత్రికి తీసికెళ్లగా అప్పటికే చనిపోయినట్టు వైద్యులు ధ్రువీకరించారు. కాగా మృతికి కారణాలు తెలియాల్సి ఉంది. ఈ విషయంపై ఎస్‌ఐ శ్రీధర్‌ను వివరణ కోరగా వినాయక విగ్రహాలను తిలకించిన తర్వాత ఇంటికి వెళ్లి చనిపోయాన్నారు.


 చిలమత్తూరు : ఎలుగుబంటి దాడిలో వ్యక్తి మృతి చెందిన సంఘటన మండలంలోని వీరాపురం పంచాయతీ హుస్సేన్‌ పురం గ్రామం సమీపంలోని కర్ణాటక బందర్లపల్లిలో మంగళవారం చోటు చేసుకుంది. స్థానికులు తెలిపిన వివరాల మేరకు యర్రకొండ అటవీ ప్రాంతంలో కొన్ని రోజులుగా ఎలుగుబంట్లు సంచరిస్తున్నాయి. కుందేళ్లు, జింకలు, అడవి పందులు తదితర జంతువుల వేట కోసం కర్ణాటకకు చెందిన కొందరు వేటగాళ్లు గత ఆదివారం అడవిలోకి వెళ్లారు.
 
 వీరిలో బందర్లపల్లి గ్రామానికి చెందిన హనుమంతప్ప, బాలమ్మ కుమారుడు బాలరాజు కూడా ఉన్నారు. వేట సమయంలో ఎలుగుబంటి దాడి చేయడంతో తీవ్రంగా గాయపడ్డారు. వైద్యం కోసం బెంగళూరుకు తరలించారు. కాగా మంగళవారం మృతి చెందినట్టు స్థానికులు తెలిపారు. 


 ధర్మవరం రూరల్‌ : తోటి రైతుకు సాయం చేయబోయిన యువకుడికి విద్యుత్‌తీగలే యమపాశాలుగా మారాయి. విద్యుత్‌ వైరు లాగుతున్న సమయంలో ఒక్కసారిగా హైటెన్షన్‌ వైరు తగలడంతో అక్కడిక్కడే మృతి చెందాడు. ధర్మవరం  రూరల్‌ పరిధిలోని మల్లేనిపల్లిలో మంగళవారం జరిగిన ఈఘటనకు సంబంధించి వివరాలిలా ఉన్నాయి. మల్లేనిపల్లి గ్రామానికి చెందిన రైతు చంద్ర తన పొలానికి విద్యుత్‌ వైరును లాగడానికి అదేగ్రామానికి చెందిన రమేష్‌ (24), రంగా, నాగేంద్ర, తిరుపాలును సాయంగా పిలుచుకువెళ్లాడు.
 
 
 వైరు లాగుతున్న సమయంలో పైన ఉన్న హైటెన్షన్‌ వైర్లను వీరు లాగుతున్న వైరు తగిలింది. దీంతో విద్యుదాఘాతానికి గురయ్యారు. ఈ ప్రమాదంలో వారందరూ తీవ్రంగా గాయపడ్డారు. స్థానికులు వెంటనే ధర్మవరం ప్రభుత్వాస్పత్రికి తరలిస్తుండగా రమేష్‌ మార్గమధ్యంలోనే మృతి చెందినట్లు తెలిపారు. మిగిలిన నలుగురు క్షతగాత్రులకు ఆస్పత్రిలో చికిత్సలు అందిస్తున్నారు. విషయం తెలుసుకున్న రమేష్‌ తల్లిదండ్రులు కాటమయ్య, రమణమ్మ, బంధువులు ఆస్పత్రికి చేరుకొని బోరున విలపించారు. మృతుడికి ఇంకా పెళ్లి కాలేదు. ధర్మవరం రూరల్‌ పోలీసులు కేసు నమోదు చేసుకుని దర్యాప్తు చేస్తున్నారు.


 బాల్కొండ: ప్రమాదవశాత్తూ కాకతీయ కాలువలో పడి సులేమాన్ ఖాన్(19) అనే యువకుడు మృతి చెందాడు. ఈ సంఘటన నిజామాబాద్ జిల్లా బాల్కొండ మండలం పోచంపాడు వద్ద మంగళవారం సాయంత్రం జరిగింది. బుధవారం ఉదయం మృతదేహాన్ని వెలికితీశారు. పోలీసులు కేసు నమోదు చేసి దర్యాప్తు చేస్తున్నారు.


 వరంగల్ : వరంగల్ జిల్లా మరిపెడ మండలం నీలికుర్తి స్టేజి సమీపంలో ఓ వృద్ధుడిని గుర్తుతెలియని వాహనం ఢీకొట్టింది. ఈ ఘటనలో అతడు అక్కడికక్కడే మృతి చెందాడు. మృతుడు నీలికుర్తి పంచాయతీ భజనతండాకు చెందిన బానోతు హనుమ (70) గా స్థానికులు గుర్తించారు. అనంతరం పోలీసులకు సమాచారం అందించారు. పోలీసులు ఘటన స్థలానికి చేరుకుని...మృతదేహాన్ని స్వాధీనం చేసుకుని... పోస్టుమార్టం నిమిత్తం ప్రభుత్వాసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.


 ధర్మవరం రూరల్‌ : తన కుమారుడి పెళ్లి చూపుల కోసం తన బంధువులతో కలసి రేగాటిపల్లికి వెళ్లి ద్విచక్ర వాహనంపై ఆదివారం తిరిగి వస్తుండగా వేగంగా వస్తున్న కారు డీకొని చాకలి శివరుద్ర(55) దుర్మరణం పాలయ్యాడు. పోలీసులు, బంధువుల వివరాల మేరకు.. కణేకల్లు మండలం కలేకుర్తికి చెందిన శివరుద్ర తన కుమారుడి పెళ్లి చూపుల కోసం బంధువులతో కలసి ధర్మవరం మండలం రేగాటిపల్లికి వచ్చారు. పెళ్లి చూపుల అనంతరం సాయంత్రం రెండు ద్విచక్ర వాహనాల్లో స్వగ్రామానికి బయలు దేరారు.
 
 మార్గ మధ్యలో శీతారాంపల్లి వద్దకు రాగానే ముందుగా  వస్తున్న శివరుద్ర జాతీయ రహదారిపైకి వచ్చి రోడ్డు దాటుతుండగా బెంగళూరు నుంచి వేగంగా వస్తున్న కారు ఢీకొనింది. ద్విచక్ర వాహనాన్ని వేగంగా ఢీకొనడంతో చాలా దూరం ఎగిరిపడ్డాడు.  ప్రమాదానికి కారణమైన కారు ఆగకుండా వెళ్లిపోయింది. స్థానికులు మరూరు వద్ద ఉన్న టోల్‌ప్లాజాకు సమాచారం అందించారు. అక్కడ ఉన్న పోలీసులు వాహనాన్ని స్వాధీనం చేసుకున్నట్లు సమాచారం.
 
 మృతుడికి భార్య లక్ష్మిదేవి, ముగ్గురు కుమారులు, ఇద్దరు కుమార్తెలు ఉన్నట్లు బంధువులు తెలిపారు. ఇన్‌చార్జ్‌ ఎస్‌ఐ సురేష్‌ ఘటనాస్థలికి చేరుకుని ట్రాఫిక్‌కు అంతరాయం కలుగకుండా చర్యలు తీసుకున్నారు. మృతదేహాన్ని పోస్ట్‌ మార్టం నిమిత్తం ధర్మవరం ప్రభుత్వాస్పత్రికి తరలించారు.


 పావగడ: రంగసముద్రానికి చెందిన త్రియంబకేశ్వర గ్రామీ ణ పాఠశాల ఆంగ్ల ఉపాధ్యాయుడు హెచ్‌బీ మురుడప్ప(52) రోడ్డు ప్రమాదంలో సోమవారం మృతి చెందారు.  స్వాతంత్య్ర వేడుకలు ముగించుకుని సరుకులు తీసుకురావడానికి బైకులో పావగడకు వెళ్తుండగా మార్గ మధ్యంలోని శైలాపురం  వద్ద ఎదురుగా వచ్చిన మేకను తప్పించే ప్రయ త్నంలో ఈ సంఘటన జరిగిందని ఎస్‌ఐ నారాయణస్వామి తెలిపారు.  మృతుడికి భార్య మంజువాణి, కుమారుడు చేతన్‌ కుమార్, కుమార్తె అశ్విని ఉన్నారు. హెచ్‌ఎం గంగాధరప్ప, ఉపాధ్యాయులు   సంతాపం వ్యక్తం చేశారు.


 ఎస్కేయూ: అనంతపురం రూరల్‌ మండలం పూలకుంటకు చెందిన వరికూటి సూరి(45) అనే వ్యక్తి విద్యుదాఘాతానికి గురై సోమవారం మరణించినట్లు ఇటుకలపల్లి ఎస్‌ఐ అబ్దుల్‌ కరీం తెలిపారు. ఇటుకలపల్లి సమీపంలోని ద్రాక్ష తోటలో కటింగ్‌ చేస్తుండగా, పందిరికి విద్యుత్‌ సరఫరా కావడంతో అక్కడికక్కడే మృతి చెందినట్లు వివరించారు. ఘటనలో మరో ముగ్గురు షాక్‌కు గురయ్యారన్నారు.
 
 
 మృతదేహాన్ని పోస్టుమార్టం కోసం అనంతపురం పెద్దాస్పత్రికి తరలించారు. విషయం తెలిసిన వెంటనే కుటుంబ సభ్యులు, బంధువులు అక్కడికి చేరుకుని కన్నీరుమున్నీరయ్యారు.  మృతుడికి భార్య సహా ఇద్దరు కుమారులు, ఒక కుమార్తె ఉన్నారని చెప్పారు. ఘటనపై కేసు నమోదు చేసుకుని దర్యాప్తు చేస్తున్నట్లు వివరించారు.  


 అలపూజ: మాజీ ఎంపీ, కేంద్రమంత్రి కారు ఢీకొని ఓ వ్యక్తి ప్రాణాలుకోల్పోయాడు. కేరళలోని అలపూజలో గల థంకీ చౌరస్తాలోని బిషప్ మోర్ స్కూల్ వద్ద ఈ ఘటన చోటుచేసుకుంది. అలపూజలో ఎంపీ కేసీ వేణుగోపాల్ నిర్వహించే ఓ కార్యక్రమానికి హాజరయ్యేందుకు వెళుతున్న మాజీ ఎంపీ జ్యోతిరాధిత్య సింధియా ప్రయాణిస్తున్న కారు శశి(70) అనే వ్యక్తిని ఢీకొట్టింది.
 
 అతడిని వెంటనే చెర్తాలలోని ఓ ప్రైవేట్ ఆస్పత్రికి తరలించినా అప్పటికే ప్రాణాలుకోల్పోయాడు. శశి చెర్తాలలోని ఉన్నికాందాతిల్ నివాసానికి చెందినవాడు. మృతుడి ఇంటికి వెళ్లి మాజీ ఎంపీ కుటుంబ సభ్యులను పరామర్శించారు. దురదృష్టవశాత్తు అనుకోకుండా జరిగిన రోడ్డు ప్రమాదంలో ఓ వ్యక్తి ప్రాణాలు పోయాయని, అందుకు తీవ్ర విచారంగా ఉందని, తీవ్ర దుఃఖంలో ఉన్న ఆ కుటుంబాన్ని కలిసేందుకు వెళుతున్నానంటూ ట్వీట్ చేశారు.
 
 Devastated - sad loss of life - unfortunate accident betw Cochin-Allepy. Arranged for hospital immediately - on way to meet bereaved family!
 — Jyotiraditya Scindia (@JM_Scindia) 10 August 2016


 హిందూపురం అర్బన్‌ : మండలంలోని మణేసముద్రం గ్రామానికి చెందిన నరసింహులు (27) డెంగీ జ్వరంతో గురువారం మృతి చెందినట్లు బంధువులు తెలిపారు. రోజువారీ కూలీ పనులు చేసే నరసింహులు కొన్ని రోజులుగా తీవ్ర జ్వరంతో బాధపడుతున్నారు. దీంతో వైద్యం నిమిత్తం స్థానిక ప్రభుత్వాస్పత్రిలో చేర్చారు.
 
 పరిస్థితి విషమించటంతో డెంగీ జ్వరం వచ్చిందని వెంటనే అనంతపురం తరలించాలని స్థానిక వైద్యులు సూచించారు. ఈ మేరకు అంబులెన్స్‌లో అనంతపురం తరలిస్తుండగా మార్గంమధ్యలోనే చనిపోయాడని కుటుంబసభ్యులు తెలిపారు. మృతుడికి భార్య, ముగ్గురు పిల్లలు ఉన్నారు.


 అమరాపురం: అమరాపురం మండలం హల్కూరు గ్రామ మెయిన్‌ రోడ్డులో ట్రాక్టర్, బైక్‌ ఢీకొనడంతో యువకుడి కాలువిరిగా తీవ్ర గాయాలయ్యాయి. బాధితుడు ఆనంద్, ప్రత్యక్ష సాక్షుల కథనం ప్రకారం..  గుడిబండ మండలం చిగతుర్పికి చెందిన గొల్ల ఆనంద్‌ ఆదివారం ఉదయం బైక్‌లో చిగతుర్పి నుంచి కర్ణాటక రాష్ట్రం ఉవ్వినహళ్లికి బయలు దేరాడు. హల్కూరు మెయిన్‌ రోడ్డులో వస్తుండగా ఎదురుగా వచ్చిన ట్రాక్టర్‌ ఢీకొనడంతో ఆనంద్‌ ఎడమకాలి పాదం ట్రాక్టర్‌ ముందు భాగంలోని కుడి చక్రం కింద పూర్తిగా కట్‌ అయి  చిక్కుకుంది. 
  
 వెంటనే 108కు సమాచారం అందించి, మడకశిర ఆస్పత్రికి తీసుకెళ్లారు. అక్కడ మెరుగైన వైద్య సేవల కోసం బెంగళూరు ఆస్పత్రికి తీసుకెళ్లాలని డాక్టర్‌ సూచించడంతో క్షతగాత్రుడి తండ్రి ఈరప్ప బెంగళూరుకు తీసుకెళ్లారు. సంఘటనతో ట్రాఫిక్‌కు గంటపాటు అంతరాయం ఏర్పడింది. ఎస్‌హెచ్‌ఓ మల్లేశ్వరప్ప, సిబ్బంది సంఘటనా స్థలానికి చేరుకుని ట్రాఫిక్‌ను నియంత్రించారు.  కేసు నమోదు చేసుకుని దర్యాప్తు చేస్తున్నట్లు ఎస్‌హెచ్‌ఓ తెలిపారు.  
  


 గంజాయి మత్తులో కొట్టుకున్న వైనం...!
 చీమకుర్తి(సంతనూతలపాడు):  కొట్లాట విషయంలో ఒక వ్యక్తి మృతి చెందిన సంఘటన బుధవారం రాత్రి 11గంటలకు చోటు చేసుకుంది. స్థానికులు తెలిపిన వివరాల మేరకు చీమకుర్తిలోని మాదిగ పల్లెకు చెందిన బూదాల నాగేశ్వరరావు(32) స్థానిక ప్రభుత్వాసుపత్రి పక్కన చినరాస్తా రోడ్డులో గుడిసెల్లో నివాసం ఉంటున్న కొందరి వ్యక్తులతో గంజాయి తాగుతున్నాడు. ఈ క్రమం లో వారి మధ్యన మాటామాట పెరిగి నాగేశ్వరరావును అవతలి వారు కొట్టి చంపినట్లు మృతుడు భార్య, బంధువులు ఆరోపిస్తున్నారు.
 
 మృతుడు నాగేశ్వరరావును మేము కొట్టలేదని పాము కరిచి చని పోయాడని చినరాస్తా రోడ్డులో గుడిసెల్లో నివాసం ఉండేవారు చెబుతున్నారు. దీనిపై స్థానిక పోలీసులను వివరణ కోరగా మృతదేహాన్ని పోస్టుమార్టం నిమిత్తం రిమ్స్‌కు పంపామన్నారు. నివేదిక ప్రకారం కేసునమోదు చేస్తామని పోలీసులు తెలిపారు. మృతుడికి భార్య ముగ్గురు పిల్లలు ఉన్నారు. అయితే తాగేందుకు గంజాయి వీరికి ఎక్కడ నుంచి సరఫరా అవుతోంది,  గంజాయి విషయంలో పోలీసులు, అధికారులు ఏం చేస్తున్నట్లు అని ప్రజలు ప్రశ్నిస్తున్నారు.


 కర్నూలు : సమయానికి వైద్యం అందక.. ఓ వ్యక్తి మృతి చెందిన సంఘటన కర్నూలు జిల్లా ఆదోనిలోని ప్రభుత్వ ఆస్పత్రిలో గురువారం చోటు చేసుకుంది. దీంతో ఆగ్రహించిన మృతుని బంధువులు ఆస్పత్రిపై దాడి చేసి... ఫర్నీచర్, అద్దాలు ధ్వంసం చేశారు. వివరాలు ఇలా ఉన్నాయి... స్థానికంగా నివాసముంటున్న బీఎస్‌ఎన్‌ఎల్ ఉద్యోగి శివన్న(45) గురువారం ఉదయం వాకింగ్ చేస్తున్నారు.
 ఆ సమయంలో అదుపు తప్పి ఆటో ఆయనను ఢీ కొట్టింది. దీంతో శివన్న తీవ్రంగా గాయపడ్డారు. స్థానికులు వెంటనే స్పందించి ఆయన్ని ఆస్పత్రికి తరలించారు. ఆస్పత్రిలో వైద్య సిబ్బంది లేకపోవడంతో.. సరైన సమయంలో వైద్యం అందక పోవడంతో శివన్న మృతి చెందాడు. వైద్యుల నిర్లక్ష్యం వల్లే నిండు ప్రాణం బలైందని బంధువులు ఆగ్రహం కట్టలు తెంచుకుంది. దీంతో ఆసుపత్రిపై వారు దాడి చేసి ఫర్నీచర్ ధ్వంసం చేశారు.


 ఘట్‌కేసర్(రంగారెడ్డి): వేగంగా వెళ్తున్న ఆయిల్ ట్యాంకర్ ఢీకొనడంతో రోడ్డు దాటుతున్న ఓ వ్యక్తి(30) అక్కడికక్కడే మృతిచెందాడు. ఈ సంఘటన రంగారెడ్డి జిల్లా ఘట్‌కేసర్ మండలం అంకుశాపూర్ వద్ద గురువారం చోటుచేసుకుంది. వరంగల్ వైపు నుంచి నగరానికి వస్తున్న ఆయిల్ ట్యాంకర్ అంకుశాపూర్ వద్ద రోడ్డు దాటుతున్న వ్యక్తిని ఢీకొట్టింది.
 
 వాహనం అతని తల పై నుంచి పోవడంతో.. అక్కడికక్కడే మృతిచెందాడు. సమాచారం అందుకున్న పోలీసులు మృతదేహాన్ని పోస్టుమార్టం నిమిత్తం ఆస్పత్రికి తరలించి దర్యాప్తు చేస్తున్నారు. మృతుని వివరాలు తెలియాల్సి ఉంది.


 హార్రర్ సినిమా చూడాలన్న ఉత్సాహం ఓ వ్యక్తి ప్రాణం తీసింది. ఇటీవల విడుదలైన హాలీవుడ్ హార్రర్ మూవీ ద కంజూరింగ్ 2ను చూస్తూ 68 ఏళ్ల పెద్దమనిషి మరణించాడు. తమిళనాడులోని తిరువణ్ణామలై పట్టణంలో ఈ సంఘటన జరిగింది. తిరువణ్ణామలైలోని శ్రీ బాలసుబ్రమణియర్ సినిమాస్ లో ప్రదర్శింపబడుతున్న ద కంజూరింగ్ 2 సినిమాను చూడటానికి కడప జిల్లాకు చెందిన జి రామ్ మోహన్, ప్రసాద్ అనే వ్యక్తితో కలిసి వెళ్లాడు.
 
 సినిమా అంతా ప్రశాంతంగానే చూసిన రామ్ మోహన్కు క్లైమాక్స్ సమీపించే సరికి గుండెపోటు వచ్చింది. దీంతో ఆయన్న దగ్గరలోని హాస్పిటల్కు తీసుకెళ్లిన ఫలితం లేకపోయింది. రామ్ మోహన్ను పరీక్షించిన వైధ్యులు అప్పటికే చనిపోయినట్టుగా తెలిపారు. గతంలోనే ఆయనకు హార్ట్ ప్రాబ్లం ఉందని అలా, గుండె సంబందిత వ్యాధులు ఉన్న వారు హర్రర్ సినిమాలు చూడటం మంచికాదని డాక్టర్లు తెలిపారు.


 కడప: వైఎస్ఆర్ జిల్లా కమలాపురం శివారులో మల్లికార్జునరెడ్డి (35) అనే రైతు... తన పొలంలో ఎద్దులతో పొలం దున్నుతున్నాడు. ఆ క్రమంలో పిడుగు పడింది. దీంతో మల్లికార్జునరెడ్డి అక్కడికక్కడే మరణించాడు. రెండు ఎద్దులు కూడా మరణించాయి. మృతునికి భార్య, ముగ్గురు పిల్లలు ఉన్నారు. ఈ ఘటన బుధవారం మధ్యాహ్నం 12.30 గంటలకు చోటు చేసుకుంది.


  గుర్రం దాడి చేయడంతో యువకుడి మృతి
 
 హైదరాబాద్: పెళ్లి బారాత్‌లో విషాదం చోటుచేసుకుంది. పెళ్లి కొడుకు గుర్రపు బగ్గీకి ఉన్న ఓ గుర్రం మర్ఫా (డప్పు) కొడుతున్న.. ఓ యువకుడిని తన్నడంతో అతడు  కింద పడి వుృతి చెందాడు. ఈ విషాద సంఘటన శుక్రవారం రాత్రి హైదరాబాద్ గోల్కొండ పోలీస్ స్టేషన్ పరిధిలో జరిగింది. పాతనగరం బోయిగూడ కమాన్ ఘోడెవాడికి చెందిన మదార్ హుస్సేన్ (18) శుభకార్యాలలో మర్ఫా కొడుతూ జీవనం సాగిస్తున్నాడు.
 శుక్రవారం రాత్రి గోల్కొండ ఫ్రన్ కాటేజ్‌కు చెందిన యూనుస్ అనే యువకుడి పెళ్లికి మదార్ హుస్సేన్ తన బృందంతో మర్ఫా కొట్టడానికి వచ్చాడు. రాత్రి 10 గంటలకు పెళ్లి ఊరేగింపు జరుగుతుండగా బగ్గీ లాగుతున్న ఓ ఆడగుర్రం పక్కనే మర్ఫా కొడుతున్న మదార్ హుస్సేన్‌ను వెనుక కాలితో ఛాతీపై తన్నింది. దీంతో అతడు విలవిలలాడుతూ కిందపడిపోయాడు. సమాచారం అందుకున్న పోలీసులు వెంటనే అతనిని సమీపంలోని ప్రైవేటు ఆస్పత్రికి తరలించగా. చికిత్స పొందుతూ కాసేపటికే మృతి చెందాడు.


 గిద్దలూరు: ప్రకాశం జిల్లాలో చింతచిగురు ఒకరి ప్రాణం తీసింది. గిద్దలూరు మండలం నర్వ గ్రామంలో ఆదివారం సాయంత్రం చింతచిగురు కోసం చెట్టెక్కిన ఓ యువకుడు గాయపడి మృతిచెందాడు. గ్రామానికి చెందిన తొండమల్ల వెంకటేశ్వర్లు చింతచిగురు కోసం చింత చెట్టు ఎక్కాడు. చెట్టు మీద నుంచి ఒక్కసారిగా కాలు జారడంతో కింద పడ్డాడు. తీవ్ర గాయాలైన అతడ్ని కుటుంబ సభ్యులు ప్రభుత్వ ఆస్పత్రికి తీసుకెళ్లగా చికిత్స పొందుతూ మృతి చెందాడు.


  రోజూలాగే వారిద్దరు కలిసి మార్నింగ్ వాక్‌కు వెళ్లారు. ప్రశాంతమైన వాతావరణంలో హాయిగా మాట్లాడుకుంటూ ముందుకెళ్తున్న వారు వెనుక నుంచి మృత్యువు తరుముకొస్తుందన్న విషయం గమనించలేదు. నడుచుకుంటూ వెళ్తున్న వారిని వేగంగా దూసుకొచ్చిన ట్రాక్టర్ ఢీకొట్టింది. ఒకరు సమీప పొలాల్లో ఎగిరిపడగా...మరొకరు ట్రాక్టర్ ముందు చక్రాల కింద నలిగిపోయూరు. వాక్‌కు వెళ్లిన వారు ఇంటికి ఇంకా రాలేదమన్న ఆందోళనతో ఎదురు చూస్తున్న కుటుంబ సభ్యులకు పిడుగు లాంటి వార్త చేరింది. కుటుంబ సభ్యులు గొల్లుమన్నారు.
  
  సంతకవిటి: మార్నింగ్ వాక్‌లో వారి వెంట మృత్యువు ట్రాక్టర్ రూపంలో తరుముకొచ్చింది. కళ్లు మూసి తెరిచేలోగా వెనుక నుంచి వచ్చిన ట్రాక్టర్ వారిని ఢీకొంది. ఈ ఘటనలో ఉపాధ్యాయుడొకరు మృత్యువాత పడగా...మరొకరు తీవ్రంగా గాయపడి అపస్మారక స్థితిలోకి వెళ్లారు. మండలంలోని చినమిర్తివలస-మల్లయ్యపేట గ్రామాల మధ్య గురువారం జరిగిన సంఘటనకు సంబంధించి పోలీసులు, బాధిత కుటుంబ సభ్యుల తెలిపిన వివరాలు... మంతిన గ్రామానికి చెందిన కాయల ఉపాధ్యాయుడు వెంకటరమణ(38), నల్లబారికి లక్ష్మణరావు గురువారం ఉదయం రోజూలాగే మార్నింగ్ వాక్‌కు ఇంటి నుంచి బయలుదేరారు.
  
  చిన్నమిర్తివలస ఆర్‌అండ్‌బీ బీటీ రహదారి మీదుగా మల్లయ్యపేట వైపు నడుస్తూ వెళ్తుండగా పొందూరు నుంచి సంతకవిటి వైపు చిప్స్‌తో వస్తున్న ట్రాక్టర్ వెనుక నుంచి అదుపుతప్పి ఢీకొట్టింది. దీంతో లక్ష్మణరావు రోడ్డు పక్కనే ఉన్న పొలంలో పడిపోగా కాలు విరిగి, నడుముకు బలమైన గాయూలయ్యూయి. లక్ష్మణరావు కేకలకు వెనక్కి తిరిగి చూసేలోగా ఉపాధ్యాయుడు వెంకటరమణపైకి కూడా ట్రాక్టర్ దూసుకొచ్చింది. వెంకటరమణ ట్రాక్టర్ ముందు చక్రాల కింద పడి నలిగిపోయూడు. ఆయన ఛాతి మీదుగా చక్రాలు వెళ్లడంతో అక్కడికక్కడే మృతి చెందాడు.
  
  అదే సమయంలో పంట పొలాల్లో పనుల నిమిత్తం వచ్చిన మల్లయ్యపేటకు చెందిన రైతులు సంఘటనా స్థలానికి చేరుకొని 108 వాహనానికి, బాధిత కుటుంబ సభ్యులకు సమాచారం అందజేశారు. ఇంతలోనే వెంకటరమణ మృతి చెందాడు. తీవ్రంగా గాయపడ్డ లక్ష్మణరావును ప్రాథమిక చికిత్స చేసి శ్రీకాకుళం రిమ్స్‌కు తరలించారు. మృతి చెందిన వెంకటరమణ లావేరు మండలం కె.కుంకాం ప్రభుత్వ ప్రాథమిక పాఠశాలలో ఉపాధ్యాయుడుగా పని చేస్తున్నారు. ఈయన భార్య లక్ష్మి కూడా ఇదే మండలంలో సిరిపురం జిల్లా పరిషత్ ఉన్నత పాఠశాలలో వ్యాయూమ ఉపాధ్యారుునిగా పని చేస్తున్నారు.
  
  కుటుంబ సభ్యుల్లో విషాదం
  వెంకటరమణ మృతితో ఆ ఇంట విషాదం అలుముకొంది. తండ్రి దాలయ్య తన కొడుక్కి ఏం జరిగిందో తెలియక భోరున విలపిస్తున్నాడు. వెంకటరమణకు మూడున్నరేళ్ల పురుషోత్తంతో పాటు రెండేళ్ల ప్రసన్న ఉంది. వీరికి తల్లి ఎందుకు ఏడుస్తుందో, నాన్నకు ఏమైందో తెలియక బిత్తర చూపులు చూస్తున్నారు. ఈ సంఘటన చూపరులను కంటతడి పెట్టించింది.
  
  కేసు నమోదు...
  ప్రమాద విషయం తెలిసిన వెంటనే సంఘటనా స్థలానికి చేరుకున్న ఎస్‌ఐ ఎస్.తాతారావు బాధిత కుటుంబీకులు, ప్రత్యక్ష సాక్షులు వద్ద వివరాలు సేకరించారు. కేసు నమోదు చేసి వెంకటరమణ మృతదేహాన్ని పోస్టు మార్టం నిమిత్తం రాజాం సామాజిక ఆసుపత్రికి తరలించారు.  ప్రమాదానికి కారణమైన ట్రాక్టరును సంతకవిటి పోలీస్‌స్టేషన్‌కు తరలించడంతో పాటు డ్రైవర్ కోసం గాలిస్తున్నారు.


 పిల్లలు లేని ఆ దంపతులు ఓ బాబును దత్తత తీసుకుని అల్లారుముద్దుగా పెంచుకున్నారు. పెరిగి పెద్దవాడవడంతో ఆశలన్నీ అతడిపైనే పెట్టుకుని బతుకుతున్నారు. త్వరలో అతడికి పెళ్లి చేద్దామనుకున్నారు. ఇందుకోసం సొంత ఇల్లు కూడా కట్టుకుంటున్నారు. ఇంతలో ఘోరం జరిగిపోయింది. దత్తపుత్రుడి అకాల మరణంతో ఆ తల్లిదండ్రులకు గుండెకోతే మిగిలింది. ఉగాది పండగను ఎంతో సరదాగా చేసుకోవాల్సిన కుటుంబంలో విషాదం అలుముకుంది. లావేరు ఎస్‌ఐ సీహెచ్ రామారావు, కుటుంబ సభ్యుల కథనం ప్రకారం...
  
  లావేరు: లావేరులోని వస్త్రపురి కాలనీకి చెందిన లంకపల్లి వెంకటేష్(24) గురువారం రోడ్డు ప్రమదాంలో మృతి చెందాడు. వెంకటేషన్ రణస్థలం మండలంలోని పైడిభీమవరంలోని ఒక కంపెనీలో పనిచేస్తున్నాడు. గురువారం ఉదయం డ్యూటీ కి వెళ్లి తిరిగి మధ్యాహ్నం ద్విచక్రవాహనంపై ఇంటికి వస్తుండగా మండలంలోని బొడ్డపాడు సమీపంలో లావేరు నుంచి సుభద్రాపురం వైపు వస్తున్న మహేంద్ర లగే జీ వాహనం ఢీకొంది. దీంతో వెంకటేష్ ఎగిరిపడి రోడ్డు పక్కనున్న రాయిపై పడ్డాడు. తీవ్ర గాయాలైన అతడిని శ్రీకాకుళం రిమ్స్‌కు, తర్వాత విశాఖకు తరలిస్తుండగా మార్గంమధ్యలో అంబులెన్సులోనే మృతి చెందాడు.  లావేరు ఎస్‌ఐ రామారావు సంఘటన స్థలాన్ని పరిశీలించారు. మృతదేహాన్నిపోస్టు మార్టం నిమిత్తం రిమ్స్‌కు తరలించారు. కేసు నమోదు చేసినట్లు ఎస్‌ఐ చెప్పారు.
  
  తల్లిదండ్రులకు గుండెకోత
  పెంచుకున్న కొడుకు ప్రమాదంలో మృతి చెందడంతో లంకలపల్లి సత్యన్నారాయణ, నారాయణమ్మ దంపతులు బోరున విలపిస్తున్నారు. వెంకటేష్‌కు త్వరలోనే పెళ్లి చేద్దామని కొత్తగా వస్త్రపురి కాలనీలో ఇళ్లు కూడా కడుతున్నారు. ఇలాంటి తరుణంలో కొడుకు మృతి చెందడంతో ఇక తమకు దిక్కెవరంటూ తల్లితండ్రులు కన్నీరుమున్నీరుగా విలపిస్తున్నారు. కాలనీ వాసులు విచారం వ్యక్తం చేశారు.
  
  రోడ్డు అధ్వానంగా ఉండడం వల్లే...
  లావేరులోని ప్రభుత్వ కార్యాలయాల నుంచి బొడ్డపాడు సమీపం వరకూ సింగిల్ బీటీ రోడ్డు మాత్రమే ఉంది. రోడ్డు పక్క మట్టి బెర్ములు పాడై గోతులమయమయ్యాయి. ఎదురురెదురుగా వాహనాలు వస్తే రోడ్డు దిగడం కుదరదు. ఒక వేళ అలాంటి ప్రయత్నం చేస్తే వాహనాలు బోల్తా పడతాయి. ఇదేవిధంగా వెంకటేష్ రోడ్డు దిగలేకపోవడంతో వాహన ఢీకొని మృతి చెందాడు. మట్టి బెర్ములు పాడై సంవత్సరాలు తరబడినా వాటికి మరమ్మతులు చేయకుండా ఆర్‌అండ్‌బీ అధికారులు నిర్లక్ష్యంగా వదిలేశారు. వారి నిర్లక్ష్యం కారణంగా నిండుప్రాణం బలైపోయిందని స్థానికులు ఆరోపిస్తున్నారు.
  


  నారాయణపురం(ద్వారకాతిరుమల) : రోడ్డు దాటుతున్న ఓ వ్యక్తిని లారీ రూపంలో వేగంగా దూసుకువచ్చిన మృత్యువు బలితీసుకుంది. ఈ ఘటన మండలంలోని నారాయణపురం రహదారిపై గురువారం జరిగింది. పోలీసుల కథనం ప్రకారం.. విశాఖపట్నానికి చెందిన నక్కా చిన్నారావు(60) కూలి పనులు చేసుకుంటూ జీవిస్తున్నాడు. అతని భార్య  20 ఏళ్ల క్రితం మరణించింది. ఆయనకు సంతానం లేకపోవడంతో అన్న కుమారుడిని పెంచుకున్నాడు. చిన్నారావు మండలంలోని పి.కన్నాపురంలో నిర్మిస్తున్న కోకోకోలా ఫ్యాక్టరీలో గతంలో తనకు మేనల్లుడి వరుస అయ్యే గాడి ప్రసాద్‌తో కలసి కొంతకాలం పనిచేశాడు.
  
  ఆ తరువాత తిరిగి విశాఖపట్నానికి వెళ్లిపోయాడు. ప్రస్తుతం పెంచుకున్న కొడుకు పెళ్లి వచ్చేనెల 1న నిశ్చయమవడంతో చిన్నారావు తన బంధువులందరికీ శుభలేఖలు ఇస్తున్నాడు. ఈ నేపథ్యంలోనే నారాయణపురంలో ఉంటున్న గాడి ప్రసాద్ ఇంటికి శుభలేఖ ఇచ్చేందుకు రెండురోజుల క్రితం వచ్చాడు. ఈ క్రమంలో గురువారం ఉదయం టిఫిన్ చేసేందుకని స్థానిక పంచాయతీ కార్యాలయం రోడ్డు అవతల ఉన్న హోటల్‌కు వెళ్లేందుకు యత్నిస్తుండగా, బెంగళూరు నుంచి కోల్‌కతాకు వెళ్తున్న మినీలారీ ఢీకొంది. దీంతో చిన్నారావు అక్కడికక్కడే మరణించాడు. ఘటనా స్థలాన్ని  భీమడోలు సీఐ ఎం.వెంకటేశ్వరరావు పరిశీలించారు. లారీ డ్రైవర్‌ను అదుపులోకి తీసుకుని వివరాలు సేకరించారు.
  


 ఆత్మకూరు: నెల్లూరు జిల్లా ఆత్మకూరు మండలం డప్పేపాడు రోడ్డులో సోమవారం సాయంత్రం జరిగిన రోడ్డు ప్రమాదంలో డప్పేపాడు గ్రామానికి చెందిన కట్టా శేఖర్(24) అనే యువకుడు మృతిచెందాడు. యువకుని మృతికి కారణమైన ట్రాక్టర్ డ్రైవర్, యజమానిపై పోలీస్ స్టేషన్‌లో కేసు నమోదైంది. ఈ కేసు నుంచి వారిని తప్పించడానికి మంత్రి నారాయణ పోలీసు అధికారులపై ఒత్తిడి తెస్తున్నారని ఆరోపిస్తూ మృతుని బంధువులతో పాటు డప్పేపాడు గ్రామస్తులు మంగళవారం ఉదయం పోలీస్ స్టేషన్ ఎదుట ధర్నాకు దిగారు.
 ట్రాక్టర్ డ్రైవర్ నిర్లక్ష్యం వల్ల తమ బిడ్డను కోల్పోయి తాము బాధపడుతుంటే నిందితులను కాపాడేందుకు సాక్షాత్తూ మంత్రి రంగంలోకి దిగడం దారుణమని వారు ఆరోపిస్తున్నారు. నిందితులపై చర్య తీసుకోకపోతే మంత్రికి వ్యతిరేకంగా ఆందోళనను ఉధృతం చేస్తామని వారు హెచ్చరించారు.
  


 ధరూరు: రంగారెడ్డి జిల్లా ధరూరు మండలం గుడిదొట్ల గ్రామంలో మంగళవారం దారుణం చోటు చేసుకుంది. నర్శింహులు(30) అనే వ్యక్తి చింతపండు దొంగతనం చేశాడని కావరి రాము అనే వ్యక్తి గ్రామంలో పంచాయతీ పెట్టాడు. అంతేకాకుండా అతనిని గ్రామస్తులు చితకబాదారు. దాంతో అవమానంగా భావించిన నర్శింహులు ఇంటికెళ్లి ఉరి వేసుకుని ఆత్మహత్య చేసుకున్నాడు. మృతునికి భార్య, ఇద్దరు పిల్లలు ఉన్నారు. గ్రామస్తులు అవమానించడంతోనే నర్శింహులు ఆత్మహత్యకు పాల్పడ్డాడని మృతుని బంధువులు ఆరోపిస్తున్నారు.
  


 మేడిపల్లి (కరీంనగర్) : గుడికి వెళ్లిన ఓ కుటుంబంపై తేనెటీగలు దాడి చేశాయి. ఈ దాడిలో ఐదుగురు కుటుంబ సభ్యులు గాయపడగా వారిలో ఓ వృద్ధుడు మృతి చెందాడు. మరొకరి పరిస్థితి విషమంగా ఉంది. ఈ ఘటన కరీంనగర్ జిల్లా మేడిపల్లి మండలం భీమారం ఎల్లమ్మ గుడి వద్ద మంగళవారం చోటుచేసుకుంది. గుడికి వెళ్లిన కుటుంబసభ్యులు తేనెటీగల దాడిలో గాయపడ్డారు. వారిలో నారాయణ అనే వృద్ధుడు మృతి చెందగా మరొకరి పరిస్థితి విషమంగా ఉందని సమాచారం. గాయపడిన వారంతా ఆస్పత్రిలో చికిత్స పొందుతున్నారు.


 విజయవాడ : కల్తీమద్యం ఘటనలో మరొకరు మృత్యువాతపడ్డారు. కల్తీ రక్కసి బారినపడి గత మూడు నెలలుగా విజయవాడ చిన్నఅవుటుపల్లి ఆస్పత్రిలో చికిత్స పొందుతున్న శంకర్ (50) అనే వ్యక్తి సోమవారం మృతిచెందాడు. శంకర్ మృతితో కల్తీ మద్యం ఘటనలో మృతుల సంఖ్య ఆరుకి చేరింది.


 - ట్రక్కు ఢీకొని ప్రియుడి దుర్మరణం, ప్రియురాలికి తీవ్ర గాయాలు
 - ఫిలిబిత్- పురాన్ పూర్(యూపీ) హైవేపై ఘటన
 
 ఫిలిబిత్: ప్రియురాలిని సొంత ఊరిలో దింపేందుకు కారులో బయలుదేరిన ప్రియుడు.. దారి మధ్యలోనే ప్రాణాలు కోల్పోయాడు. వేగంగా కారు నడుపుతూ ప్రియురాలితో శృంగారంలో పాల్గొనడం తనుచేసిన ఘోరతప్పిదం. ఉత్తరప్రదేశ్ లోని ఫిలిబిత్- పురాన్ పూర్ హైవేపై బుధవారం చోటుచేసుకున్న ఈ సంఘటనలో ప్రియురాలు ప్రాణాలతో బయటపడగలిగింది. గజ్రౌలా పోలీస్ స్టేషన్ హౌస్ ఆఫీసర్ రాజేశ్ యాదవ్ తెలిపిన వివరాలను బట్టి..
 
 పురాన్ పూర్ కు చెందిన 24 ఏళ్ల యువతి.. ఫిలిబిత్ లో నివసిస్తూ ఉద్యోగం చేస్తోంది. అక్కడే పరిచయమైన 31 ఏళ్ల యువకుడితో స్నేహం ప్రేమగా మారింది. అత్యవసర పని నిమిత్తం ఆ యువతి తన సొంతింటికి వెళ్లాల్సి రావడంతో యువకుడు తన కారులో ఆ అమ్మాయిని దిగబెట్టేందుకు పురాన్ పూర్ బయలుదేరాడు. ఉద్రేకం ఆపుకోలేక కారులో ప్రయాణిస్తూనే ఇద్దరూ శృంగార చర్యకు దిగారు. డ్రైవింగ్ పై పట్టుకోల్పోయిన ఆ యువకుడు.. తన కారును ఎదురుగా వచ్చిన ట్రక్కుపైకి పొనిచ్చేశాడు. కఠానా బ్రిడ్జ్ సమీపంలో జరిగిన ఈ ప్రమాదంపై స్థానికుల సమాచారంతో ఘటనాస్థలికి చేరుకున్న పోలీసులు కారులో ఉన్న ఇద్దరినీ చూసి అవాక్కయ్యారు.
 
 ప్రియుడు, ప్రియురాలి ఒంటిపై నూలుపోగు లేకపోవడం, కారులో వారు ఇరుక్కుపోయిన భంగిమ, ట్రక్కు డ్రైవర్ వివరణనుబట్టి.. ఆ ఇద్దరూ కారులో శృంగారానికి పాల్పడటంవల్లే ప్రమాదం సంభవించిందని పోలీసులు నిర్ధారించుకున్నారు. ప్రియుడు అక్కడికక్కడే చనిపోగా, గాయపడ్డ ప్రియురాలికి ఆసుపత్రిలో చికిత్స అందిస్తున్నామని, వివరాలు తెలుసుకుని కుటుంబసభ్యులకు సమాచారం అందిస్తామని పోలీసులు చెప్పారు.


 కుషాయిగూడ (హైదరాబాద్) : నగరంలోని కుషాయిగూడ ఈసీఐఎల్ క్రాస్ రోడ్డు వద్ద లారీ ఢీకొని ఓ వ్యక్తి మృతి చెందాడు. ఈ ఘటన ఆదివారం ఉదయం జరిగింది. నల్లగొండ జిల్లా బొమ్మలరామారం మండలం చీకటిమామిడి గ్రామానికి చెందిన భూపతి మధుసూదన్‌రావు బైక్‌పై వెళుతుండగా లారీ ఢీకొనడంతో అతడు తీవ్రంగా గాయపడి ప్రమాద స్థలంలోనే ప్రాణాలు విడిచాడు.


 మచిలీపట్నం (కృష్ణా జిల్లా) : పోలీసుల బారి నుంచి తప్పించుకునే ప్రయత్నంలో ఓ వ్యక్తి జీపు నుంచి దూకి మరణించాడు. కృష్ణాజిల్లా మచిలీపట్నం ఎస్.ఐ.మూర్తి కథనం మేరకు.. బందరు మండలం గరాలదిబ్బకు చెందిన ఒడుగు ఏసు, అతడి సోదరుడు రాముడు (38) తాగిన మైకంలో తల్లి నాగేశ్వరమ్మను వేధిస్తుండేవారు. వీరి వేధింపులు భరించలేక ఆమె సంక్రాంతి పండుగకు ముందు తాలుకా పోలీస్‌స్టేషన్‌లో ఫిర్యాదు చేసింది. రెండు రోజుల కిందట ఇద్దరు కానిస్టేబుళ్లను పంపి రాముడు, ఏసులను స్టేషన్‌కు తీసుకువచ్చేందుకు పోలీసులు ప్రయత్నించగా వారు పరారయ్యారు.
 
 సోమవారం తాలుకా ఎస్.ఐ.ఉమామహేశ్వరరావు గరాలదిబ్బ గ్రామానికి వెళ్లి రాముడు, ఏసులను తన జీపులో ఎక్కించుకుని స్టేషన్‌కు తీసుకువెళ్తున్నారు. వీరు ప్రయాణిస్తున్న జీపు బందరుకోటలోని మత్స్యశాఖ కార్యాలయం సమీపానికి వచ్చేసరికి పశువులు అడ్డువచ్చాయి. బ్రేక్ వేసి తిరిగి జీపు వేగం పుంజుకునే సమయంలో రాముడు హఠాత్తుగా కిందకు దూకాడు. తీవ్రగాయాలైన అతడిని హుటాహుటిన బందరు ప్రభుత్వాస్పత్రికి తరలించగా అప్పటికే మృతి చెందినట్లు వైద్యులు ధ్రువీకరించారు.


 నారాయణఖేడ్: మెదక్ జిల్లాలో బుధవారం సాయంత్రం విషాదం చోటుచేసుకుంది. నారాయణఖేడ్ మండలం వెంకటాపూర్ క్రాస్‌రోడ్డులో ట్రాక్టర్ ఢీకొనడంతో ఓ వ్యక్తి మృతిచెందాడు.
 
 జూకల్ గిరిజన తండాకు చెందిన బానోత్ కిషన్(52)  సైకిల్‌పై వెళ్తుండగా నిజాంపేట్ వైపు నుండి నారాయణఖేడ్ వైపునకు అతివేగంగా వస్తున్న ట్రాక్టర్ అతనిని ఢీకొట్టింది. దీంతో బానోత్ కిషన్ తీవ్ర గాయాలపాలై మరణించాడు. సమాచారం అందుకున్న పోలీసులు కేసు నమోదు చేసుకుని దర్యాప్తు చేస్తున్నారు. పోలీసులు మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించనున్నారు.


 వరంగల్: బైక్ పై నుంచి పడి ఓ వ్యక్తి మృతిచెందాడు. ఈ సంఘటన వరంగల్ జిల్లా రఘునాథ్ పల్లి మండలం జిలాసాపురం శివారులో చోటుచేసుకుంది. మృతుడి వివరాలు తెలియాల్సిఉంది.


 నల్గొండ: టీవీ ఆన్ చేసే క్రమంలో విద్యుధ్ఘాతానికి గురై ఓ వ్యక్తి ప్రాణాలు కోల్పోయాడు. ఈ సంఘటన నల్గొండ జిల్లా అర్వపల్లి మండలం  సూర్య నాయక్ తండాలో ఆదివారం ఉదయం చోటు చేసుకుంది.
 తండాకు చెందిన లూనావత్ రవీందర్(28) వ్యవసాయం చేసుకుంటూ జీవనం సాగిస్తున్నాడు. ఈరోజు ఉదయం ఇంట్లో టీవీ ఆన్ చేస్తుండగా.. ప్రమాదవశాత్తూ విద్యుధ్ఘాతానికి గురై అక్కడికక్కడే మృతిచెందాడు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.


 పార్వతీపురం(విజయనగరం): పార్వతీపురం రైల్వే స్టేషన్ వద్ద ఆదివారం రైలు ఢీకొని ఓ వ్యక్తి మృతిచెందాడు. రైలు ఢీకొన్న సమయంలో అతను కొన ఊపిరితో కొట్టుమిట్టాడుతుండటంతో స్థానికులు ప్రభుత్వాసుపత్రికి తరలించారు. ఆసుపత్రిలో సదరు వ్యక్తి చికిత్సపొందుతూ మరణించాడు.
 మృతుని వివరాలు తెలియరాలేదు. అతని జేబులో గరుగుబిల్లి నుంచి పార్వతీపురం వచ్చినట్లు రైల్వే టిక్కెట్టు, రూ.100 నోటు ఉంది. పోలీసులు కేసు నమోదు చేసుకుని దర్యాప్తు చేస్తున్నారు.
  


 అద్దంకి (ప్రకాశం): వాహనం అదుపుతప్పి రోడ్డుపక్కన ఉన్న దిమ్మెను ఢీకొని వ్యక్తి మృతి చెందాడు. ఈ సంఘటన ప్రకాశం జిల్లా సంతమాగులూరు మండలం మేదరమెట్ల సమీపంలోని కొప్పారం మేజర్ కాలువ వద్ద ఆదివారం జరిగింది. వివరాలు.. నర్సరావుపేటలోని జ్యోతినికేతన్‌లో నివాసముంటున్న అనిల్ పాస్టర్‌గా పనిచేసుకుంటూ జీవనం సాగిస్తున్నాడు. ఈ క్రమంలో ప్రమాదానికి గురై మృతిచెందాడు. మరిన్ని వివరాలు తెలియాల్సి ఉంది.


 ఆత్మకూరు రూరల్ (కర్నూలు): పిడుగుపాటుకు గురై గిరిజన యువకుడు మృతిచెందిన సంఘటన కర్నూలు జిల్లా కొత్తపల్లి మండలం పాలెం చెరువు వద్ద ఆదివారం జరిగింది. వివరాలు.. మండలంలోని శివపురం చెంచుగూడానికి చెందిన పరుశురాం (18) పాలెం చెరువులో ఉంటున్న తన అక్క ఇంటికి వచ్చాడు.
 
 ఈ క్రమంలో గ్రామ శివారులో ఉన్న బ్రిడ్జి వద్ద ఇద్దరు స్నేహితులతో కలిసి కూర్చొని ఉన్న సమయంలో.. ఉరుములతో కూడిన వర్షం పడింది. ఆ సమయంలో బ్రిడ్జి పక్కన ఉన్న పరుశురాం తలపై పిడుగు పడటంతో.. అక్కడికక్కడే మృతిచెందగా.. మిగిలిన ఇద్దరు తీవ్రంగా గాయపడ్డారు. సమాచారం అందుకున్న స్థానికులు క్షతగాత్రులను ఆస్పత్రికి తరలించారు.


 ఆదిలాబాద్ (కాశిపేట): పాముకాటుతో యువకుడు మృతి చెందాడు. ఈ సంఘటన ఆదిలాబాద్ జిల్లా కాశిపేట మండలంలోని గోండుగూడ గ్రామంలో శుక్రవారం వెలుగులోకి వచ్చింది. వివరాలు.. గురువారం అర్ధరాత్రి దాటిన తర్వాత గ్రామంలోని వినాయక మంటపం వద్ద పడుకున్న సమయంలో పాము చేతి మీద కాటేయడంతో మరపతి రఘపతి(22) అనే యువకుడు మృతి చెందాడు.


 నలందా: పోలీసు వాహనం ఢీకొని సైకిల్ పై ప్రయాణిస్తున్న వ్యక్తి మృతి చెందాడు. ఈ సంఘటన బీహార్లోని నలందాలో బుధవారం రాత్రి చోటు చేసుకుంది.  ఈ సంఘటన పై స్థానికులు బాధితుడి బందువులతో కలిసి ఆందోళనుకుదిగారు. బాధిత కుటుంబానికి న్యాయం చేయాలని రోడ్డుపై బైఠాయించి రాస్తారోకో నిర్వహించారు. పూర్తి వివరాలు తెలియాల్సి ఉంది.
  


 హిందూపురం: గణేశ్ నిమజ్జనం వేడుకల్లో అపశ్రుతి చోటుచేసుకుంది. నిమజ్జన కార్యక్రమంలో పాల్గొన్న ప్రకాశ్ అనే వ్యక్తి గుండెపోటుతో ప్రాణాలొదిలాడు. ఈ ఘటన అనంతపురం జిల్లా హిందూపురంలో బుధవారం సాయంత్రం చోటుచేసుకుంది. వివరాలు.. పట్టణానికి చెందిన ప్రకాశ్ (35) నిమజ్జన వేడుకుల్లో పాల్గొన్నాడు. అయితే ఒక్కసారిగా గుండెపోటు రావడంతో కుప్పకూలాడు. ఆస్పత్రికి తరలించే లోపే ప్రాణాలొదిలాడు. ప్రకాశ్కు భార్య, ఒక కూతురు ఉంది.


 మందమర్రి: ఆదిలాబాద్ జిల్లా మందమర్రి మండలంలోని పాతబస్టాండ్ సమీపంలో బైక్‌పై వెళ్తున్న వ్యక్తిని బెల్లంపల్లి నుంచి వస్తున్న లారీ వెనక నుంచి ఢీకొట్టింది. ఈ ప్రమాదంలో మందమర్రి పట్టణ యాదవ సంఘం అధ్యక్షుడు అల్లంల పౌల్ యాదవ్ (35) అక్కడికక్కడే మరణించాడు. పోలీసులు కేసు నమోదు చేసుకుని దర్యాప్తు చేస్తున్నారు. మరిన్ని వివరాలు తెలియాల్సి ఉంది.


 నల్గొండ(ఆత్మకూరు(ఎస్)): ఆత్మకూరు(ఎస్) మండలం బోరింగ్‌తండా వద్ద ఆదివారం రాత్రి 7 గంటలకు ప్రమాదవశాత్తూ బైక్‌పై నుంచి పడి ఓ వ్యక్తి మరణించాడు. మరణించిన వ్యక్తి సూర్యాపేట మండలం చింతలచెరువు గ్రామానికి చెందిన బొజ్జ రాందాస్(40)గా గుర్తించారు. పోలీసులు కేసు నమోదు చేసుకుని దర్యాప్తు చేస్తున్నారు.
  


 మద్దికేర: వజ్రాలు వెతికేందుకు వెళ్లిన ఓ వ్యక్తి రోడ్డు ప్రమాదంలో దుర్మరణం చెందాడు. ఈ ఘటన కర్నూలు జిల్లా మద్దికేర మండలంలో ఆదివారం చోటుచేసుకుంది. వివరాలు.. మండంలోని పెరవల్లి గ్రామంలో వజ్రాలు వెతికేందుకు గుంటూరు జిల్లా తాడికొండ మండలం కొనికళ్లు గ్రామానికి చెందిన వ్యక్తి వచ్చాడు. అయితే రోడ్డు దాటుతుండగా ట్రాక్టర్ ఢీకొట్టడంతో అక్కడికక్కడే ప్రాణాలు కోల్పోయాడు.


 పిఠాపురం: తూర్పుగోదావరి జిల్లా పిఠాపురం మండలంలోని పాతగయక్షేత్రం వద్ద కరెంటు తీగలు తగిలి సత్తిబాబు (33) అనే వ్యక్తి అక్కడికక్కడే మరణించాడు. చెత్తను అనధికారికంగా డంపింగ్ చేస్తుండగా పైన ఉన్న కరెంటు తీగలు తగలడంతో ఈ ప్రమాదం జరిగింది. సత్తిబాబు స్వగ్రామం మల్లాం. పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం పిఠాపురం ప్రభుత్వాసుపత్రికి తరలించారు.


 కౌతాల: వినోదం కోసం టెలివిజన్ ఆన్ చేస్తుండగా ఓ యువకుడు విద్యుదాఘాతానికి గురై మృతి చెందాడు. ఈ సంఘటన ఆదిలాబాద్ జిల్లా కౌతాల మండలం మొగడదగడ్ గ్రామంలో శుక్రవారం మధ్యాహ్నం జరిగింది. జెల్లపల్లి శంకర్ (26) భోజనం చేసే ముందు టీవీ ఆన్ చేయబోగా విద్యుత్ షాక్ తగిలింది. దీంతో అతడు అక్కడికక్కడే మృతి చెందాడు. ఈ ఘటనకు సంబంధించి మరిన్ని వివరాలు తెలియాల్సి ఉంది.


 శంషాబాద్: రంగారెడ్డి జిల్లా శంషాబాద్ మండలం తొండుపల్లి వద్ద బెంగళూరు జాతీయ రహదారిపై ఆదివారం కంటైనర్ వాహనం ఢీకొని ఓ వ్యక్తి మృతిచెందాడు.
 
 మృతుడు మహబూబ్‌నగర్ జిల్లా జడ్చర్లకు చెందిన లారీ డ్రైవర్ నర్సింహారావు (45) గా గుర్తించారు. పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు.


 బుక్కరాయసముద్రం: రోడ్డు ప్రమాదంలో వ్యక్తి మృతి చెందాడు. ఈ సంఘటన అనంతపురం జిల్లా బుక్కరాయసముద్రంలో  ఆదివారం చోటుచేసుకుంది. వివరాలు.. బుక్కరాయసముద్రానికి చెందిన సిద్ధరామయ్య (50) గాలి మిషన్ నడుపుకుంటూ జీవనం సాగిస్తున్నాడు. ఈ క్రమంలోనే ఆదివారం బైకుపై వెళ్తుండగా ట్రాక్టర్ ఢీకొట్టింది. దీంతో సిద్ధరామయ్య అక్కడికక్కడే మృతి చెందాడు. ఇంకా వివరాలు తెలియరావాల్సి ఉంది.


 కొత్తూరు: మహబూబ్‌నగర్ జిల్లా కొత్తూరు మండల కేంద్రంలోని 'వై' జంక్షన్ వద్ద జరిగిన రోడ్డు ప్రమాదంలో ఓ వ్యక్తి మృతి చెందాడు. శనివారం సాయంత్రం లింగ్యానాయక్ (35) రోడ్డు దాటుతున్న సమయంలో వేగంగా వచ్చిన కారు అతణ్ని ఢీకొట్టింది. దీంతో అతడు అక్కడికక్కడే మృతి చెందాడు. మృతుణ్ని రంగారెడ్డి జిల్లా శంషాబాద్ మండలం పెద్ద తూప్రా తండాకు చెందిన వ్యక్తిగా గుర్తించారు.  మరిన్ని వివరాలు తెలియాల్సి ఉంది.


 చోడవరం: విశాఖపట్టణం జిల్లా చోడవరం మండలం నర్సీపేటలో బుధవారం సాయంత్రం జరిగిన రోడ్డు ప్రమాదంలో ఒకరు మృతిచెందగా.. మరొకరు తీవ్రంగా  గాయపడ్డారు. వివరాలు.. కందెపల్లి గ్రామానికి చెందిన నాగేశ్వరరావు (27) మరో వ్యక్తితో కలిసి బుధవారం సాయంత్రం 6.45 గంటల ప్రాంతంలో బైక్‌పై వెళ్తుండగా నర్సీపేటలోని భీమిలి రోడ్డులో ఎదురుగా మరో బైక్ వచ్చి ఢీకొంది. దీంతో బైక్‌పై ఉన్న నాగేశ్వరరావు కిందపడిపోగా అప్పుడే వచ్చిన బస్సు అతని తలపై నుంచి వెళ్లిపోయింది. దీంతో నాగేశ్వరరావు అక్కడికక్కడే మృతిచెందాడు.


 ఘట్‌కేసర్ (హైదరాబాద్) : రైలు ఢీకొనడంతో గుర్తు తెలియని వ్యక్తి మృతి చెందాడు. ఈ ఘటన రంగారెడ్డి జిల్లా ఘట్‌కేసర్ మండలం పరిధిలోని కొండాపూర్ రైల్వే గేట్ వద్ద ఆదివారం ఉదయం 9.30 గంటలకు జరిగింది. మృతుడి వయసు సుమారు 32 ఏళ్లు ఉంటుంది. పోలీసులు సంఘటనా స్థలానికి చేరుకుని మృతదేహాన్ని శవ పంచనామాకు తరలించారు.
  


 నల్లగొండ టౌన్: బైక్‌పై వెళ్తుండగా అదుపుతప్పి లారీ కిందపడి వ్యక్తి మృతి చెందాడు. ఈ సంఘటన మంగళవారం నల్లగొండ పట్టణంలోని రామగిరిలో జరిగింది. వివరాలు.. రామగిరిలో వ్యాపారం చేసే చంద్రయ్య బైక్‌పై వెళ్తున్నాడు. ఈ క్రమంలోనే ముందుటైర్ స్కిడ్ అవ్వడంతో కిందపడ్డాడు. అయితే, అదే సమయంలో అటు నుంచి వస్తున్న లారీ వెనుక టైర్ల కింద పడటంతో నుజ్జునుజ్జయ్యాడు. విషయం తెలిసిన పోలీసులు సంఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు.
  


 కర్నూలు: ఆర్టీసీ బస్సు ఢీకొని వ్యక్తి మృతిచెందిన సంఘటన కర్నూలు పట్టణంలోని మెడికల్‌ కాలేజి ఎదుట సోమవారం జరిగింది. రోడ్డు దాటుతున్న యువకున్ని ఆర్టీసీ బస్సు ఢీకొనడంతో యువకుడు అక్కడికక్కడే మృతిచెందాడు. మృతుడి ముఖం గుర్తుపట్టడానికి వీళ్లేనంతగా చిద్రమవడంతో.. అతని వివరాలు తెలియరాలేదు. సమాచారం అందుకున్న పోలీసులు సంఘటనా స్థలానికి చేరుకుని కేసు నమోదు చేసుకుని దర్యాప్తు ప్రారంభించారు.


 హైదరాబాద్: సికింద్రాబాద్ గాంధీ ఆస్పత్రిలో విషాదం చోటుచేసుకుంది. సోమవారం ఉదయం ఓ వ్యక్తి ఆస్పత్రి భవనం పై నుంచి  దూకి ఆత్మహత్య చేసుకున్నాడు. ఈ సంఘటనతో ఒక్కసారిగా ఆస్పత్రి ఆవరణలో కలకలం రేగింది. కాగా మృతి చెందిన వ్యక్తి కృష్ణాజిల్లా మచిలీపట్నంకు చెందిన శివప్రసాద్ గా గుర్తించారు. శివప్రసాద్ దగ్గర ఏపీ టీవీ చాంబర్‌కు చెందిన గుర్తింపు కార్డు ఉన్నట్లుగా పోలీసులు తెలిపారు. కాగా అతని ఆత్మహత్యకు గల కారణాలు తెలియరాలేదు. సమాచారం అందుకున్న పోలీసులు ఘటనా స్థలానికి చేరుకుని పరిస్థితిని పర్యవేక్షిస్తున్నారు.
  


 చిత్తూరు: ఆద మరిచి పట్టాలు దాటుతున్న వ్యక్తి ప్రమాదవశాత్తు బ్రిడ్జిపై నుంచి పడి మృతిచెందిన సంఘటన జిల్లాలోని రైల్వే స్టేషన్ సమీపంలోని నివానది వద్ద ఆదివారం మధ్యాహ్నం చోటుచేసుకుంది. ఆవుతో పాటు రైలు పట్టాలు దాటుతున్న వ్యక్తి.. జాగ్రత్త కోసం ఆవు తాడును చేతికి చుట్టుకున్నాడు. అదే సమయంలో అటు వైపు నుంచి రైలు కూత వినబడటంతో.. ఆవు ఒక్కసారిగా అతన్ని బలంగా పక్కకు లాక్కెళ్లింది. రైలు కూతకు బెదిరిన ఆవు బ్రిడ్జిపై నుంచి కిందకు దూకింది.
 
 దీంతో తాడు చేతికి కట్టుకొని ఉన్న ఆ వ్యక్తి కూడా కింద పడ్డాడు. అంత ఎత్తు మీదనుంచి పడటంతో తలకు బలమైన గాయాలై అక్కడికక్కడే మృతిచెందాడు. సమాచారం అందుకున్న రైల్వే పోలీసులు సంఘటనా స్థలానికి చేరుకొని దర్యాప్తు ప్రారంభించారు. మృతుడి జేబులో కాణిపాకం నుంచి వచ్చిన రైలు టికెట్ మాత్రమే లభించింది. ఇంకా వివరాలు తెలియాల్సి ఉంది.


 చింతకొమ్మదిన్నె(వైఎస్సార్ జిల్లా): వైఎస్సార్ జిల్లా చింతకొమ్మదిన్నె మండలం బుగ్గవంక సమీపంలో శివాలయంవద్ద తేనెటీగలు దాడిచేయడంతో ఒకరు మృతి చెందగా, నలుగురు తీవ్రంగా గాయపడ్డారు. ఈ సంఘటన మంగళవారం ఉదయం జరిగింది. చింతకొమ్మదిన్నె మండలం బలిజేపల్లికి చెందిన 18మంది బృందం దైవదర్శనార్థం శివాలయానికి వెళ్లారు. అక్కడ మంగళవారం ఉదయం తేనెటీగలు ఒక్కసారిగా దాడిచేయడంతో గంగిరెడ్డి అనే వ్యక్తి అక్కడికక్కడే మృతిచెందగా నలుగురు తీవ్రంగా గాయపడ్డారు.
 మిగిలిన వారు పరుగుతీసి ప్రాణాలు దక్కించుకున్నారు. సమాచారం తెలుసుకున్న చింతకొమ్మదిన్నె పోలీసులు హుటాహుటిన సంఘటన స్థలాన్ని చేరుకున్నారు. గంగిరెడ్డి మృతదేహాన్ని పోస్టుమార్టం నిమిత్తం రిమ్స్ ఆస్పత్రికి తరలిస్తున్నారు.


 హైదరాబాద్ : ఆదిభట్ల మండలం బెంగుళూరు గేటు రింగు రోడ్డు సమీపంలో బోజ్యానాయక్ (45) అనే వ్యక్తి అనుమానాస్పద స్థితిలో మృతి చెందాడు. మృతుడు మహబూబ్‌నగర్ జిల్లా అచ్చంపేట మండలం మనివారిపల్లికి చెందిన వ్యక్తిగా గుర్తించారు. ప్రస్తుతం నగరంలో చిట్టీల కలెక్షన్ ఏజెంట్‌గా పనిచేస్తున్నాడు. సమాచారం అందుకున్న ఆదిభట్ల పోలీసులు సంఘటనాస్థలానికి చేరుకుని... బోజ్యానాయిక్ మృతదేహన్ని స్వాధీనం చేసుకున్నారు. పోలీసులు కేసు నమోదు చేసుకుని దర్యాప్తు చేస్తున్నారు.


 వైఎస్సార్ జిల్లా(వేంపల్లె): వేంపల్లె పట్టణంలోని దరుగు వీధిలో ప్రమాదవశాత్తూ మిద్దెపై నుంచి కిందపడి బొడ్డు రాజా(45) అనే వ్యక్తి మరణించాడు. కుటుంబసభ్యులతో కలిసి రాజా బుధవారం రాత్రి మేడపై పడుకున్నాడు. గురువారం తెల్లవారు జామున 3 గంటలకు మూత్రవిసర్జనకు లేచి నిద్రమత్తులో మేడపై నుంచి కిందపడి మరణించాడు.
 
 దీంతో కుటుంబసభ్యులు కన్నీరుమున్నీరవుతున్నారు.
  


 ప్రకాశం: ప్రకాశం జిల్లా కారంచేడు పోలీస్ స్టేషన్ సమీపంలో బుధవారం మధ్యాహ్నం ఓ బైక్-కారు ఢీకొన్న ఘటనలో బైక్‌పై ఉన్న వ్యక్తి అక్కడికక్కేడే మృతి చెందాడు. చీరాల నుంచి పర్చూరు వైపు టీవీఎస్ వాహనంపై వెళుతున్న వ్యక్తిని ఎదురుగా వస్తున్న మారుతి వ్యాను ఢీకొట్టింది. దీంతో టీవీఎస్ వాహనంపై ఉన్న గుర్తు తెలియని వ్యక్తి అక్కడికక్కేడే మృతి చెందాడు. పోలీసులు సంఘటనా స్థలానికి చేరుకుని మృతదేహాన్ని చీరాల ప్రభుత్వ ఆస్పత్రికి తరలించారు
 (కారంచేడు)


 హైదరాబాద్: రైలు పట్టాలు దాటుతూ ఓ వ్యక్తి మృతి చెందిన ఘటన సికింద్రాబాద్ రైల్వేపోలీస్ స్టేషన్ పరిధిలో ఆదివారం జరిగింది. రైల్వే పోలీసులు తెలిపిన వివరాల ప్రకారం... బొల్లారం, గుండ్ల పోచంపల్లి రైల్వేస్టేషన్ మధ్యలోని కోంపెల్లి వంతెన సమీపంలో ఓ వ్యక్తి (45) రైలు పట్టాలు దాటేందుకు ప్రయత్నించాడు. అదే సమయంలో వేగంగా వచ్చిన ఓ రైలు ఢీ కొట్టడంతో అతడు తీవ్ర గాయాలపాలై అక్కడికక్కడే మృతి చెందాడు.
 కేసు నమోదు చేసుకున్న రైల్వే పోలీసులు మృతదేహాన్ని గాంధీ మార్చురీకి తరలించారు. కాగా, మృతుడి వివరాలు తెలియాల్సి ఉంది.
  


 విజయనగరం: విజయనగరం జిల్లా పూసపాటిరేగ మండలం కొప్పెర జాతరలో శుక్రవారం విషాదం చోటు చేసుకుంది. జాతరకు వచ్చిన ఓ వ్యక్తిపై పోలీసులు చితకబాదారు. దీంతో అతడి తీవ్రంగా గాయపడ్డారు. స్థానికులు వెంటనే అతడిని ఆసుపత్రికి తరలించగా... చికిత్స పొందుతూ మరణించాడు. దీంతో మృతుడి బంధువులు పోలీసు స్టేషన్కు చేరుకుని మృతదేహంలో ఆందోళనకు దిగారు. దీంతో స్థానికంగా ఉద్రిక్త వాతావరణం నెలకొంది.
  


 కర్నూలు జిల్లా గోనెగండ్ల మండలం హెచ్ కైరావాడి గ్రామంలో మిద్దె కూలి ఓ వ్యక్తి మరణించాడు, మరొకరికి గాయాలయ్యాయి. సోమవారం అర్థరాత్రి ఇంట్లో అంతా నిద్రపోతుండగా మిద్దె ఉన్నట్టుండి ఒక్కసారిగా కుప్పకూలిపోయింది. దాంతో శ్రీనివాసులు అనే వ్యక్తి అక్కడికక్కడే మరణించారు. మరొకరికి కూడా ఈ ప్రమాదంలో గాయాలయ్యాయి.


 హైదరాబాద్: సరిగా పనిచేయని లిఫ్ట్‌ను ఉపయో గించబోయి.. అది తలపై పడడంతో బుధవారం డి.శ్రీనివాస్ అనే వ్యాపారి మృతి చెందాడు. హైదరా బాద్ చింతల బస్తీలోని భవిష్య్ అపార్ట్‌మెంట్‌లో ఈ ఘటన చోటు చేసుకుంది. శ్రీనివాస్‌కు భార్య సునీత, ముగ్గురు పిల్లలు మౌనిక, రితిక, ముకుంద్ ఉన్నారు.  ఉదయం 7.30 గంటల సమయంలో తన కుమారుడు ముకుంద్‌ను స్కూల్‌కు పంపేందుకు శ్రీనివాస్ లిఫ్ట్ వద్దకు వచ్చారు. అక్కడి బటన్‌ను రెండు మూడు సార్లు నొక్కినా లిఫ్ట్ రాకపోవడంతో చెక్క తలుపు మధ్యలో ఉన్న ఖాళీ స్థలంలోంచి లోపలకు తల పెట్టి చూశారు. అదే సమయంలో లిఫ్టు పైనుంచి వేగంగా కిందకు వచ్చి శ్రీనివాస్ తలపై పడడంతో అక్కడికక్కడే కుప్పకూలిపోయాడు.
  
  దీనిని గమనించిన చుట్టుపక్కల ఫ్లాట్ల వారు వెంటనే ఆయనను అంబులెన్స్‌లో బంజారాహిల్స్‌లోని కేర్ ఆస్పత్రికి తరలించారు. కానీ, శ్రీనివాస్ అప్పటికే మృతిచెందినట్లు వైద్యులు తెలిపారు.  కాగా.. ఈ అపార్ట్‌మెంట్‌లో లిఫ్ట్ సరిగ్గా పనిచేయడం లేదని, దానిని ఉపయోగించవద్దని  నిర్వాహకులు సూచించినట్లు తెలిసింది. అయినా కొందరు  ఉపయోగిస్తున్నారు.


 తనను వదిలిపెట్టి వెళ్లిపోయిన భార్యను చంపడానికి జేబులో నాటు బాంబులు పెట్టుకుని బయల్దేరాడో వ్యక్తి. అయితే.. దారిలోనే ఆ బాంబులు కాస్తా పేలిపోవడంతో అతడు అక్కడికక్కడే మరణించాడు. ఈ సంఘటన ఉత్తరప్రదేశ్లోని ఫైజాబాద్ సమీపంలో జరిగింది.
 
 తన భార్య షాలినిని చంపాలని వినయ్ కుమార్ అనే వ్యక్తి దేవ్కలి గ్రామానికి వెళ్లాడు. ఆమె ఇంటి మీద రెండు బాంబులు విసిరాడు. వాటిలో ఒకటి ఇంటి గోడను తాకింది. మరొకటి పేలలేదు. దాంతో షాలిని కుటుంబ సభ్యులు అతడిని వెంటాడారు. పరుగు పెడుతున్న అతడు కింద పడిపోవడంతో జేబులో ఉన్న మరో నాటుబాంబు పేలిపోయింది. దాంతో అతడు అక్కడికక్కడే మరణించాడు.


 హైదరాబాద్: గ్రేటర్ హైదరాబాద్ మున్సిపల్ కార్పొరేషన్ (జిహెచ్ఎంసీ) సిబ్బంది నిర్లక్ష్యంతో మరో నిండు ప్రాణం బలైంది. మ్యాన్హోల్లో పడి సాయి అనే వ్యక్తి మృతి చెందాడు. ఆ ఘటన గత అర్థరాత్రి హిమాయత్నగర్లోని 6వ నెంబర్లో విధిలో చోటు చేసుకుంది. శనివారం ఆ వీధిలోని మ్యాన్హోల్ మూత తీసి సిబ్బంది పని చేపట్టారు.
 అనంతరం ఆ మ్యాన్ హోల్కు మూత అమర్చకుండా వెళ్లిపోయారు. దీంతో గత అర్థరాత్రి ఇంటికి వెళ్తున్న సాయి ఆ మ్యాన్హోల్లో ప్రమాదవశాత్తు పడి మృతి చెందాడు. ఆదివారం ఉదయం స్థానికులు ఆ విషయాన్ని గమనించి పోలీసులకు సమాచారం అందించారు. దీంతో పోలీసులు వీధి నెం 6కు చేరుకుని మ్యాన్ హోల్ నుంచి మృతదేహాన్ని బయటకు తీసేందుకు ప్రయత్నిస్తున్నారు.
  


 చేవెళ్ల రూరల్, న్యూస్‌లైన్: ఆర్టీసీ బస్సు ఓ యువకుడిని బలిగొంది. వేగంగా వస్తూ బైకును ఢీకొనడంతో అక్కడికక్కడే దుర్మరణం చెందాడు. ఈ సంఘటన మండలంలోని కేసారం బస్‌స్టేజీ సమీపంలో సోమవారం చోటుచేసుకుంది. పోలీసులు, స్థానికులు తెలిపిన వివరాల ప్రకారం.. వికారాబాద్ మండలం పీరంపల్లి గ్రామానికి చెందిన అంతయ్య చిన్న కుమారుడు నర్సింలు సెంట్రింగ్ పనులు చేస్తూ చేవెళ్ల మండలం మల్కాపూర్ గ్రామంలోని పెద్దమ్మ వద్ద ఉంటున్నాడు. సోమవారం సాయంత్రం ఆయన పనులు ముగించుకొని మల్కాపూర్‌కు బైకుపై వెళ్తున్నాడు.
  
  మార్గంమధ్యలోని కేసారం బస్‌స్టేజీ సమీపంలో హైదరాబాద్ నుంచి చేవెళ్లకు వస్తున్న వికారాబాద్ డిపోకు చెందిన బస్సు అతివేగంగా ఎదురుగా ఢీకొంది. ఈ ప్రమాదంలో యువకుడు బస్సు చక్రాల కిందపడిపోవడంతో తల నుజ్జునుజ్జయి అక్కడికక్కడే మృత్యువాత పడ్డాడు. బస్సు డ్రైవర్ వాహనాన్ని వదిలేసి పరారయ్యాడు. స్థానికుల సమాచారంతో పోలీసులు సంఘటనా స్థలానికి చేరుకొని వివరాలు సేకరించారు. బస్సును ఠాణాకు తీసుకెళ్లారు. మృతదేహాన్ని పోస్టుమార్టం నిమిత్తం స్థానిక ఆస్పత్రికి తరలించారు. ఈమేరకు మృతుడి కుటుంబీకుల ఫిర్యాదు మేరకు కేసు దర్యాప్తు చేస్తున్నారు.


 జహీరాబాద్/జహీరాబాద్ టౌన్, న్యూస్‌లైన్: ట్రాన్స్‌కో అధికారుల నిర్లక్ష్యం ఒక నిండు ప్రాణాన్ని బలిగొంది. మంగళవారం మధ్యాహ్నం కంది పంటకు పురుగుల మందు పిచికారీ చేసేందుకు కూలి పనులకు వెళ్లిన మావూరి అడివన్న(36) తెగిపడిన విద్యుత్ తీగకు తగులుకుని అక్కడికక్కడే దుర్మరణం చెండాడు. ఈ సంఘటన మండలంలోని రంజోల్ గ్రామ పరిధిలోని బాబానగర్‌లో మంగళవారం మధ్యాహ్నం చోటు చేసుకుంది. జహీరాబాద్ రూరల్ ఎస్‌ఐ నాగయ్య, గ్రామ ప్రజలు, మృతుని కుటుంబీకులు తెలిపిన వివరాల ప్రకారం...మండలంలోని రంజోల్ గ్రామానికి చెందిన అడివన్న వ్యవసాయ కూలి. పంటలకు పురుగుల మందును పిచికారీ చేసే పనులకు ఎక్కువగా వెళ్తుంటాడు. ఈ క్రమంలోనే మంగళవారం గ్రామంలోని విఠల్ అనే కౌలురైతు పొలంలో కందిపంటకు పురుగుల మందు పిచికారీ చేసేందుకు వెళ్లాడు.
  
  పంటకు మందును పిచికారీ చేస్తున్న క్రమంలో అడివన్న నేలపై పడిఉన్న విద్యుత్ తీగలను గమనించక వాటికి తాకాడు. వెంటనే  విద్యుత్ షాక్‌కు గురై అక్కడికక్కడే మరణించాడు. ఇది గమనించిన కౌలురైతు విఠల్ వెంటనే గ్రామస్తులకు సమాచారం అందించాడు. గ్రామస్తులు ట్రాన్స్‌కో అధికారులకు సమాచారం ఇచ్చి విద్యుత్ సరఫరాను నిలిపి వేయించారు. సంఘటనా స్థలాన్ని ట్రాన్స్‌కో డీఈ అబ్దుల్ కరీం, ఏఈ శ్రీనివాస్, రూరల్ ఎస్‌ఐ నాగయ్యలు సందర్శించారు. ప్రమాదానికి గల కారణాలను పరిశీలించారు. ఈ సందర్భంగా మృతుని బంధువులు, రైతు సంఘం నాయకుడు ఎంజి రాములుయాదవ్ ట్రాన్స్‌కో అధికారులను నిలదీశారు. మృతుడి కుటుంబానికి పరిహారం చెల్లించి ఆదుకోవాలని డిమాండ్ చేశారు. విషయాన్ని ఉన్నతాధికారుల దృష్టికి తీసుకెళ్లి బాధిత కుటుంబాన్ని ఆదుకుంటామని అధికారులు హామీ ఇచ్చారు. అనంతరం మృతదేహాన్ని పోస్టుమార్టం నిమిత్తం జహీరాబాద్ ప్రభుత్వాస్పత్రికి తరలించారు. మృతుని భార్య అమృతమ్మ ఫిర్యాదు మేరకు రూరల్ పోలీసులు కేసు నమోదు చేసుకుని దర్యాప్తు జరుపుతున్నారు.
  
  ట్రాన్స్‌కో అధికారులపై కేసు నమోదు
  విధి నిర్వహణలో నిర్లక్ష్యం వహించడం మూలంగానే అడివన్న మరణించాడని మృతుడి కుటుంబ సభ్యులు ఇచ్చిన ఫిర్యాదు మేరకు ట్రాన్స్‌కో అధికారులపై కేసు నమోదు చేసినట్లు ఎస్‌ఐ నాగయ్య పేర్కొన్నారు. డీఈ అబ్దుల్ కరీం, ఏడీఈ తులసీరాం, ఏఈ శ్రీనివాస్, లైన్‌మెన్ మోహన్‌లపై 304ఏ సెక్షన్ కింద కేసు నమోదు చేసినట్లు ఆయన వివరించారు.
  
  తీగలు తెగిపడి రెండేళ్లయినా సరిచేయలేదు
  వ్యవసాయ పొలానికి వెళ్లే విద్యుత్ తీగ రెండు సంవత్సరాల క్రితమే తెగిపోయి నేలపై పడిందని కౌలు రైతు విఠల్ పేర్కొన్నాడు. ఈ విషయాన్ని ట్రాన్స్‌కో అధికారుల దృష్టికి తీసుకెళ్లినా పట్టించుకోలేదని ఆయన వాపోయారు.  మౌలానే అనే రైతుకు చెందిన వ్యవసాయ బావికి కోసం ఈ విద్యుత్ తీగలు అమర్చారని, అయితే ఆ బావి గత రెండు సంవత్సరాల కాలంగా నిరుపయోగంగా మారడంతో విద్యుత్ సరఫరా అవసరం లేకపోయిందన్నారు. అందువల్లే ఇన్నిరోజులైనా కిందపడిపోయిన విద్యుత్ తీగలను సరిచేసేందుకు ఎవరూ ముందుకు రాలేదన్నారు. ట్రాన్స్‌కో సిబ్బంది నిర్లక్ష్యం వల్లే నిండుప్రాణం పోయిందని కౌలు రైతు విఠల్ ఆరోపించారు.
  
  మాకెవరూ చెప్పలేదు
  విద్యుత్ తీగ తెగిపడిన విషయమై ఎవరు తమకు ఫిర్యాదు చేయలేదని ఏడీఈ తులసీరాం పేర్కొన్నారు. ఎక్కడైనా తీగలు తెగిపడినట్లు ఫిర్యాదు వస్తే వెంటనే సరిచేయించడం జరుగుతుందన్నారు. ఫిర్యాదు అంది ఉంటే వెంటనే సరిచేయించే వారమన్నారు. తీగలు తెగిపడిన విషయమై ఫిర్యాదు వస్తే ఏ మాత్రం నిర్లక్ష్యం చేయడం లేదన్నారు.
  
  బాధిత కుటుంబాన్ని ఆదుకుంటాం
  విద్యుత్‌షాక్‌కు గురై మరణించిన అడివన్న కుటుంబాన్ని తమ శాఖ తరఫున ఆదుకుంటామని ట్రాన్స్‌కో డీఈ కరీం పేర్కొన్నారు. మృతుడి కుటుంబ సభ్యులు, బంధువులకు ఈ మేరకు ఆయన హామీ ఇచ్చారు. రూ. లక్ష పరిహారాన్ని అందిస్తామని,   కుటుంబంలో ఒకరికి గ్రామంలోని సబ్‌స్టేషన్‌లో ఆపరేటర్‌గా ఉద్యోగం ఇస్తామని తెలిపారు.
  
  కుటుంబానికి పెద్దదిక్కు కోల్పోయి
  మృతుడు అడివన్నకు భార్య అమృతమ్మ, కుమార్తెలు మమత, విజయలక్ష్మి, కుమారులు శ్రీనివాస్, శ్రీకాంత్‌లు ఉన్నారు. పెద్ద కుమార్తె మమత వివాహం కాగా, మిగతా వారు చదువుకుంటున్నారు. పెద్ద దిక్కును కోల్పోయిన వారు కన్నీరు మున్నీరవుతున్నారు. మృతుడికి భూమి లేక పోవడంతో కూలీ పనులు చేసుకుని కుటుంబాన్ని పోషించుకుంటున్నాడు. తండ్రి కష్టంపైనే ఆధారపడి జీవనం సాగిస్తున్న కుటుంబ సభ్యులకు ఈ సంఘటన తీవ్ర దిగ్భ్రాంతికి గురి చేసింది.


  ఆర్మూర్ అర్బన్, న్యూస్‌లైన్ : ఆర్మూర్ మండలం ఆలూర్ గ్రా మానికి చెందిన రొక్కం విజయ్ రెడ్డి(28) అమెరికాలో మంగళవారం రాత్రి అనుమానాస్పదంగా మృతి చెందాడు. విజయ్ రెడ్డి అమెరికాలోని మిస్సోరిలో సాఫ్ట్‌వేర్ ఇంజినీర్‌గా పని చేసే వారు. ఇటీవల స్వదేశానికి రాగా డిసెంబరు 19న ఆయనకు వివాహం చేయాలని పెద్దలు ముహూర్తం నిశ్చయించారు.  అదే నెల 6న విజయ్ స్వగ్రామానికి రావాల్సి ఉండగా... అంతలోనే మృతి చెందాడు.