రాజంపేట: అన్నమయ్య జిల్లా రాజంపేటలో ఫిబ్రవరిలో జరిగిన ఇంజినీరింగ్‌ విద్యార్థిని అఖిల (23) ఆత్మహత్య కేసులో మిస్టరీ వీడింది. ప్రేమజంటలు, మద్యం తాగేవారిని బ్లాక్‌మెయిల్‌ చేసి డబ్బు వసూలుచేసే పల్లపోతుల అనిల్‌కు­మార్‌రెడ్డి అరాచకాలకు అఖిల బలైందని తాజాగా వెల్లడైంది. ఇప్పటికే పలు కేసుల్లో నిందితుడైన అనిల్‌కుమార్‌రెడ్డిని శనివారం రాత్రి పోలీసులు అరెస్టు చేశారు. ఈ వివరాలను మన్నూరు పోలీసుస్టేషన్‌లో ఆదివారం రాజంపేట ఏఎస్పీ మనోజ్‌ రామ్‌నాథ్‌హెగ్డే తెలిపారు. ఆయన తెలిపిన మేరకు.. వైఎస్సార్‌ కడప జిల్లా ప్రొద్దుటూరు మండలం చౌడూరుకు చెందిన అనిల్‌కుమార్‌రెడ్డి కడప టౌన్, పాలకొండలు, ఔటర్‌రింగ్‌రోడ్డు, పులివెందుల టౌన్‌ ఔటర్‌ రింగ్‌ రోడ్, కదిరిరోడ్డులోని బట్రపల్లె మార్గాలలో ప్రేమ జంటలను, మద్యం తాగేవారిని టార్గెట్‌ చేసుకునేవాడు. పోలీసుశాఖకు చెందిన వాడినని చెప్పి.. వారి పేర్లు, ఫోన్‌ నంబర్లు తీసుకునేవాడు. కేసు నమోదుకాకుండా చూడాలంటే డబ్బులివ్వాలని బెదిరించి వసూలు చేసేవాడు. కొందరివద్ద లాక్కునేవాడు. ఈ నేపథ్యంలో రిమ్స్‌ హాస్పి­టల్‌ సమీపంలోని వాటర్‌ఫాల్‌ చూడటానికి వెళ్లిన అఖిల, ఆమె స్నేహితుల నుంచి వారి వివరాలను, డబ్బును తీసు­కున్నాడు. అనంతరం అఖిల, ఆమె స్నేహితులకు ఫోన్‌చేసి బ్లాక్‌మెయిల్‌ చేయసాగాడు. దీంతో భయపడిన అఖిల రాజంపేటలోని ఒక హాస్టల్‌లో ఫిబ్రవరి 3న ఉరివేసుకుని ఆత్మహత్య చేసుకుంది. విచారణలో అనిల్‌కుమార్‌రెడ్డి బ్లాక్‌మెయిలే దీనికి కారణమని పోలీసులు తేల్చారు. నిందితుడిపై ఇప్పటికే గుత్తి పోలీసుస్టేషన్‌లో పొక్సో, అనంతపురం త్రీటౌన్‌ పీఎస్‌లో దొంగతనం, ప్రొద్దుటూరు రూరల్‌ పోలీసుస్టేషన్‌లో రేప్‌ అటెంప్ట్‌ కేసులున్నాయి. దొంగతనం కేసులో నాన్‌ బెయిలబుల్‌ వారెంట్‌ కూడా ఉంది.

జడ్చర్ల: బెట్టింగ్‌ యాప్‌లో పందాలు కాసిన ఓ విద్యార్థి చివరకు రూ. 1.05 కోట్ల అప్పులపాలైన ఘటన మ‌హ‌బూబ్‌న‌గ‌ర్ జిల్లా (Mahabubnagar District) జడ్చర్లలో వెలుగుచూసింది. వివరాల్లోకి వెళ్తే.. పట్టణానికి చెందిన ఓ ప్రభుత్వ ఉద్యోగి కుమారుడు (ఇంజినీరింగ్ విద్యార్థి) ఓ యాప్‌లో క్రికెట్‌కు సంబంధించి బెట్టింగ్‌ కాశాడు.అయితే బెట్టింగ్‌ యాప్‌ (Betting App)లో వచ్చిన లోన్‌ అప్లికేషన్‌ను పూర్తిచేసి.. ఆధార్, పాన్‌కార్డు, బ్యాంకు ఖాతా (Bank Account) తదితర వివరాలను పొందుపరిచి, వారిచ్చిన నిబంధనలకు అంగీకారం తెలిపారు. దీంతో విద్యార్థి అనుకున్నంత లోన్‌ మంజూరు కావడం.. మంజూరైన డబ్బులతో బెట్టింగ్‌ కాయడం జరిగింది. తీరా బెట్టింగ్‌ పూర్తయ్యే సరికి సదరు విద్యార్థికి రూ. 1.05 కోట్ల అప్పులు మిగిలాయి. ఈ అప్పునకు రూ.30 నుంచి రూ.40 వరకు వడ్డీగా ఉంది. తీసుకున్న అప్పు తీర్చకపోవడంతో ఇటీవల వారు విద్యార్థి ఇంటికి వచ్చి నానాయాగి చేశారు. అయితే పరువు కలిగిన ఆ కుటుంబ సభ్యులు తమ కుల సంఘం నాయకుడి ద్వారా మధ్యవర్తిత్వం (Mediation) నెరిపి చివరకు సెటిల్‌మెంట్‌ చేసుకున్నారు.అప్పులవాళ్లు ఇచ్చిన రూ. 1.05 కోట్లను వడ్డీ లేకుండా చెల్లించే విధంగా ఒప్పందం కుదర్చుకున్నట్లు తెలిసింది. ఇలా.. పట్టణంలో బెట్టింగ్‌ యాప్‌ల వలలో పడి పలువురు యువకులు రూ. కోట్ల అప్పుల్లో కూరుకుపోయినట్లు సమాచారం. ఇప్పటికైనా పోలీసులు స్పందించి సైబర్‌ నేరాలతో పాటు బెట్టింగ్‌ యాప్‌లపై అవగాహన కల్పించాల్సిన అవసరం ఉందని ప్రజలు అభిప్రాయపడుతున్నారు. చ‌ద‌వండి: ఫోన్‌ చేస్తే స్విచ్ఛాఫ్‌.. నాగలక్ష్మీ, సరళ ఎక్కడికి వెళ్లినట్లు..!

సాక్షి, గుంటూరు: గుంటూరులో మత్తుమందు సేవిస్తున్న ముఠాను పోలీసులు అరెస్ట్‌ చేశారు. ఈ క్రమంలో 10 గ్రాముల ఎండీఎంఏ మత్తుమందును పోలీసులు స్వాధీనం చేసుకున్నారు. ఈ డ్రగ్స్‌ను బెంగళూరు నుంచి గుంటూరుకు తీసుకు వచ్చినట్టు పోలీసులు గుర్తించారు.గుంటూరులో సాయిక్రిష్టనగర్‌లోని ఒక అపార్ట్‌మెంట్‌లో మత్తుమందు సేవిస్తున్నారనే సమాచారంతో పోలీసులు ఆకస్మిక దాడులు చేశారు. ఈ క్రమంలో ఎండీఎంఏ మత్తు మందును సేవిస్తూ, విక్రయిస్తున్న ఇంజనీరింగ్‌ విద్యార్థులతో సహా డ్రగ్స్‌ ముఠాను అరెస్ట్‌ చేశారు. తొమ్మిది మందిని అరెస్ట్‌ చేసి 10.67 గ్రాముల ఎండీఎంను స్వాధీనం చేసుకున్నారు. ఈ క్రమంలో బెంగుళూరు నుంచి గుంటూరుకు ఇంజనీరింగ్‌ విద్యార్థి సాయిక్రిష్ణ డ్రగ్స్‌ తరలిస్తున్నట్టు పోలీసులు గుర్తించారు.దాడుల సందర్భంగా కీలక విషయాలు వెలుగులోకి వచ్చాయి. ఎండీఎం మత్తుమందును ఒక గ్రామును 1400 రూపాయలకు కొనుగోలు చేసి సాయిక్రిష్ట్ర దాన్ని ఐదు వేలకు అమ్ముతున్నట్టు పోలీసులు గుర్తించారు. ఈ ముఠాలో మొత్తం 11 మంది నిందితులు ఉండగా.. వారిలో ఇద్దరు తప్పించుకున్నారు. వారి కోసం గాలిస్తున్నట్టు పోలీసులు తెలిపారు.

మర్రిపాలెం: రాజమహేంద్రవరం శివారు గామన్‌ వంతెనపై బుధవారం అర్ధరాత్రి కావేరి ట్రావెల్స్‌కు చెందిన బస్సు బోల్తాపడిన ఘటనలో నగరంలోని 53వ వార్డు మర్రిపాలెం పార్వతీనగర్‌కు చెందిన హోమిని కల్యాణి (21) మృతి చెందింది. దువ్వాడలోని ఓ ప్రైవేట్‌ ఇంజినీరింగ్‌ కళాశాలలో ఫైనల్‌ ఇయర్‌ చదువుతున్న కల్యాణి కాంపిటేటివ్‌ పరీక్ష రాయడానికి హైదరాబాద్‌ బయలుదేరింది. బుధవారం రాత్రి ఎన్‌ఏడీ కొత్తరోడ్డులో బస్సు ఎక్కగా..అర్ధరాత్రి రాజమండ్రి గామన్‌ వంతెన వద్ద బస్సు అదుపుతప్పి పల్టీలు కొట్టింది. ప్రమాదంలో కల్యాణి అక్కడికక్కడే మృతి చెందగా, మరో పది మందికి తీవ్రగాయాలయ్యాయి. మృతురాలు శరీరం నుజ్జునుజ్జవ్వడం అందర్నీ కలచి వేసింది. గురువారం సాయంత్రం కల్యాణి మృతదేహాన్ని కుటుంబ సభ్యులకు అప్పగించారు. అందివచ్చిన కుమార్తె ఇలా విగతజీవిగా ఉండడాన్ని తల్లిదండ్రులు, బంధువులు జీర్ణించుకోలేకపోతున్నారు. కల్యాణి తండ్రి రాఘవదాస్‌ రైల్వే ఉద్యోగి కాగా.. తల్లి లక్ష్మి(లత) గృహిణి. వీరికి ఇద్దరు కుమార్తెలు, కాగా పెద్ద కుమార్తె మేఘన ఇంజినీరింగ్‌ పూర్తి చేసి ఉన్నత చదువులకు సిద్ధమవుతోంది. కల్యాణి ఇంజినీరింగ్‌ ఫైనల్‌ ఇయర్‌ చదువుతూ పోటీ పరీక్షలకు ప్రిపేర్‌ అవుతోంది. ఈ క్రమంలో కాంపిటేటివ్‌ పరీక్ష రాసేందుకు వెళుతూ మృతిచెందడంతో పార్వతినగర్‌లో విషాదఛాయలు అలుముకున్నాయి.

తాళ్లరేవు: ఇంజినీరింగ్‌ విద్యార్థుల విహారయాత్ర విషాదాంతమైంది. యానాం సందర్శనకు వచ్చిన విద్యార్థుల్లో ఒక యువకుడు గోదావరిలో గల్లంతయ్యాడు. కోరంగి ఎస్సై పి.సత్యనారాయణ తెలిపిన వివరాల మేరకు.. శశి వేలివెన్ను ఇంజినీరింగ్‌ కళాశాలలో చదువుతున్న ఎల్లిన శివరామ్‌, మల్లిపూడి నిఖిల్‌ లక్ష్మణ్‌, మండా వంశీ, వెంపటి సంతోష్‌, కుతాని సాయిచంద్ర, కార్తిక్‌, మిజోన్స్‌ అనే యువకులు కారులో బుధవారం విహారయాత్రకు బయలుదేరారు. ఉదయమే రాజమహేంద్రవరం వచ్చి అక్కడ అన్నీ ప్రదేశాలను చూశారు. మధ్యాహ్నం కేంద్రపాలిత ప్రాంతమైన యానానికి వచ్చారు. యానాంలోని పలు ప్రదేశాలు సందర్శించిన అనంతరం తిరిగి వెళుతూ గౌతమి గోదావరి చెంతన గల గోపులంక పుష్కరఘాట్‌ వద్ద ఫొటోలు తీసుకునేందుకు ఆగారు. వీరిలో కుతాని సాయిచంద్ర ఫొటోలు తీసుకుంటూ అదుపు తప్పి గోదావరిలో పడిపోయాడు. అతడిని రక్షించేందుకు ప్రయత్నించిన శివరామ్‌ కూడా గోదావరిలో కొట్టుకుపోసాగాడు. మిగిలిన విద్యార్థులు వెంటనే స్పందించి వారిని రక్షించడానికి ప్రయత్నించారు. శివరామ్‌ను కాపాడారు గానీ గోదావరి ప్రవాహానికి సాయిచంద్ర (21) కొట్టుకుపోయాడు. విషయం తెలుసుకున్న కోరంగి పోలీసులు, రెవెన్యూ సిబ్బంది అక్కడకు చేరుకుని స్థానిక మత్స్యకారులతో గాలింపు చర్యలు చేపట్టారు. అయితే చీకటి కారణంగా గాలింపు చర్యలకు అంతరాయం ఏర్పడింది. రాజమహేంద్రవరానికి చెందిన సాయిచంద్ర శశి వేలివెన్ను కళాశాలలో ఇంజనీరింగ్‌ ఫైనలియర్‌ చదువుతున్నాడు. శివరామ్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై సత్యనారాయణ తెలిపారు.గతేడాది ఇదే నెలలో..ఇదే ప్రదేశంలో గతేడాది అక్టోబరు 21న ఇలాంటి ఘటనే జరిగింది. తణుకు పట్టణంలోని సజ్జాపురానికి చెందిన ఏడుగురు యువకులు పుట్టినరోజు వేడుకల కోసం యానాం వచ్చి తిరిగి వెళుతూ గోపులంక వద్ద స్నానానికి దిగారు. వారిలో నలుగురు యువకులు గల్లంతై మృతి చెందారు.

జీవితంలో ఏదైనా గొప్ప లక్ష్యాన్ని పెట్టుకుని, దానివైపే అడుగులు వేస్తే తప్పకుండా అనుకున్న గమ్యం చేరుతారని ఎంతోమంది నిరూపించారు. ఈ కోవకు చెందిన వారిలో ఒకరు బీహార్‌లోని భాగల్‌పూర్‌కు చెందిన 'ఇషికా ఝా'. ఇంతకీ ఈమె ఎవరు? ఈమె సాధించిన సక్సెస్ ఏంటనే వివరాలు ఈ కథనంలో చూసేద్దాం. భాగల్‌పూర్‌లోని ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ (IIIT)లో బీటెక్ మూడవ సంవత్సరం చదివే విద్యార్థిని 'ఇషికా ఝా' క్యాంపస్ ప్లేస్‌మెంట్ నుంచి ఏకంగా 83 లక్షల వేతనంతో జాబ్ ఆఫర్ పొందింది. చిన్నప్పటి నుంచి కంప్యూటర్లు, కోడింగ్ పట్ల మక్కువతోనే.. కోడింగ్ రాయడం ప్రారంభించింది. ఆ తరువాత కూడా ఎప్పటికప్పుడు టెక్నాలజీకి సంబంధించిన విషయాల్లో మెలుకువలు నేర్చుకుంటూ అనుకున్న విధంగానే జాబ్ కొట్టేసింది. 2020-24 సెషన్‌లోని బీటెక్ బ్యాచ్ చివరి సంవత్సరం కంటే.. కూడా ఈమె ఎక్కువ ప్యాకేజ్ పొంది రికార్డ్ బద్దలుకొట్టింది. గూగుల్ హ్యాకథాన్ చివరి రౌండ్‌లో.. ప్రాజెక్ట్ చేయడానికి 'ఎన్విరాన్‌మెంట్' టాపిక్‌ వచ్చిందని, ఆ సమయంలో ఇషికా ఝా ఆర్టిఫిషియల్ ఇంటెలిజెన్స్ అండ్ మెషీన్ లెర్నింగ్ అల్గారిథమ్‌లను ఉపయోగించి ఫారెస్ట్ ఫైర్ ప్రిడిక్షన్‌పై చేసిన ప్రాజెక్ట్ విజయ శిఖరాలను తాకేలా చేసింది. బీటెక్ ఫస్ట్ ఇయర్ నుంచే ఫైనల్ ఇయర్ క్యాంపస్ సెలక్షన్‌కి ప్రిపేర్ కావడం ప్రారంభించినట్లు ఇషికా ఝా వెల్లడించింది. గూగుల్ హ్యాకథాన్‌లో విజయం సాధించినందుకు తన సీనియర్‌లకు క్రెడిట్ ఇస్తూ, మాక్ ఇంటర్వ్యూలు నిర్వహించడం ద్వారా కూడా తాను ఎక్కువ నేర్చుకున్నట్లు పేర్కొంది. ఇదీ చదవండి: అనంత్ అంబానీ మనసు బంగారమే.. వీడియో చూస్తే మీరూ ఇదే అంటారు ప్రస్తుతం ఈమె టెక్నికల్ డొమైన్ నేయిపుణ్యాలను మెరుగుపరచుకోవడంలో, వెబ్ డెవలప్‌మెంట్ వంటి వాటిని నేర్చుకుంటున్నట్లు తెలుస్తోంది. వాస్తవ ప్రపంచ సమస్యలను పరిష్కరించడానికి సాంకేతికతను ఉపయోగించాలనే తన అభిరుచి తనను ఇతరులకు భిన్నంగా చేస్తుందని ఝా చెబుతోంది.

సాక్షి, హైదరాబాద్: మాదాపూర్, సెంట్రల్ జోన్ డీసీపీ వెంకటేశ్వర్లు కుమారుడు చంద్రతేజ్‌ (20) మృతి చెందాడు. సోమవారం రాత్రి గుండెపోటు రావడంతో కుటుంబసభ్యులు ఆస్పత్రికి తరలించారు. అక్కడ చికిత్స పొందుతూ మంగళవారం ప్రాణాలు విడిచాడు. మృతదేహాన్ని వారి స్వగ్రామం నల్లగొండ జిల్లాకు తరలించారు. కాగా చంద్రతేజ్‌ ఓ ప్రైవేటు కళాశాలలో మెకానికల్‌ ఇంజినీరింగ్ పూర్తిచేశాడు. స్వతహాగా వ్యాపరంలో రానిస్తున్నాడు. ఇటీవల సంక్రాంతికి తండ్రి వెంకటేశ్వర్లుకు కారును కూడా గిఫ్ట్‌గా ఇచ్చారు. ఈ లోపే చిన్న కుమారుడు మృతితో చంద్రతేజ్‌ కుటుంబ సభ్యులు కన్నీరుమున్నీరుగా విలపిస్తున్నారు.

పార్వతీపురం మన్యం: ఉన్నత విద్యాభ్యాసం కోసం అమెరికా వెళ్లిన పాలకొండకు చెందిన ఓ విద్యార్థి విగతజీవిగా సొంతూరుకు శనివారం చేరాడు. దీంతో తల్లిదండ్రులు, బంధువుల రోదనలతో పాలకొండ శోకసంద్రమైంది. చదువే లోకంగా జీవించిన ఆ విద్యార్థి కలలు కల్లలయ్యాయి. తమ బిడ్డపై ఆ తల్లిదండ్రులు పెట్టుకున్న ఆశలు అడియాశలయ్యాయి. వివరాల్లోకి వెళ్తే... పాలకొండలోని బట్టి మఠం కాలనీలో రాకోటి వెంకటరమణ, ఆదిలక్ష్మి దంపతులు నివసిస్తున్నారు. వీరికి కుమారుడు రాకోటి సాయినికేష్‌(21), కుమార్తె లేఖ ఉన్నారు. సాయినికేష్‌ ఇటీవల ఇంజినీరింగ్‌ పూర్తి చేసి ఎంఎస్‌ కోసం గత నెల డిసెంబర్‌ ఆఖరులో అమెరికా వెళ్లాడు. హర్ట్‌పోర్టు సిటీలో సీక్రెడ్‌ యూనివర్సిటీలో సీటు రావడంతో అక్కడ ఎంఎస్‌లో చేరాడు. అమెరికా వెళ్లిన 15 రోజుల్లోనే ఈ నెల 12న శుక్రవారం తాను ఉంటున్న గదిలో అనుమానాస్పదంగా మృతి చెందాడు. సాయినికేష్‌తో పాటు అదే గదిలో ఉంటున్న తెలంగాణ రాష్ట్రం వనపర్తికి చెందిన మరో తెలుగు విద్యార్థి కూడా మృతి చెందాడు. విష వాయువు పీల్చడంతోనే వీరిద్దరు మృతి చెందినట్టు వారి కుటుంబ సభ్యులకు సమాచారం అందింది. శనివారం సాయినికేష్‌ మృతదేహం ఇక్కడకు రాగా అంత్యక్రియలు నిర్వహించారు. ఇదిలా ఉండగా తమ బిడ్డ మృతికి పూర్తి కారణాలు తెలియడం లేదని తల్లిదండ్రులు ఆవేదన వ్యక్తం చేస్తున్నారు. సాయినికేష్‌ మృతదేహాన్ని చూసేందుకు వచ్చిన సహచర విద్యార్థులు, స్నేహితులు కన్నీరుమున్నీరయ్యారు. ఈ సంఘటనతో పాలకొండ పట్టణంలో విషాదం అలముకుంది.

కర్ణాటక: ప్రియుడి చేతిలో ఇంజినీరింగ్‌ విద్యార్థిని హతమైంది. ఈఘటన హాసన తాలూకా కుంతిగుడ్డ గ్రామంలో జరిగింది. ఆలూరు తాలూకా కవళగెరె గ్రామానికి చెందిన సుచిత్ర(20), హాసన తాలూకా శంకరనహళ్లి గ్రామానికి చెందిన తేజస్‌లు హాసన మొసళెహోసళ్లి ప్రభుత్వ ఇంజినీరింగ్‌ కాలేజీలో బీఈ మెకానికల్‌ కోర్సు చదువుతున్నారు.  ఇద్దరూ కొంతకాలంగా పరస్పరం ప్రేమించుకున్నారు. ఇటీవల సుచిత్ర తేజస్‌ను దూరం పెట్టింది. తనవైపు నుంచి ఏవైనా తప్పులు ఉంటే చెప్పాలని, ఇద్దరూ కూర్చొని మాట్లాడుకుందామని నమ్మించి సుచిత్రను కుంతిగుడ్డ వద్దకు తీసుకెళ్లాడు. అక్కడ గొంతు నులిమి సుచిత్రను హత్య చేశాడు. పోలీసులు నిందితుడిని అదుపులోకి తీసుకొని కేసు దర్యాప్తు చేపట్టారు.

బళ్లారి అర్బన్‌: గుండెపోటుతో ఇంజినీరింగ్‌ విద్యార్థి మృతి చెందిన ఘటన చోటు చేసుకుంది. వివరాలు...బళ్లారి తాలూకా మోకా సమీపంలో గల బైరదేవనహళ్లి గ్రామానికి చెందిన రుక్మణ్‌రెడ్డి రెండో కుమారుడు ప్రతాప్‌ రెడ్డి (20) మైసూరులోని ఎన్‌ఐఈ కళాశాలలో ఇంజినీరింగ్‌ చదువుతున్నాడు. ఆదివారం ఉదయం ప్రతాప్‌ రెడ్డి ఆకస్మాత్తుగా గుండెపోటుతో మరణించాడు. కళాశాల యాజమాన్యం తల్లిదండ్రులకు తెలియజేయడంతో వారు కన్నీరు మున్నీరయ్యారు.

తాడిపత్రి అర్బన్‌: ఒకరికి బదులుగా మరొకరిని పరీక్ష హాలులోకి పంపించారు. ఇందుకోసం విద్యార్థుల హాల్‌టికెట్లు, ఐడీ కార్డులను మార్ఫింగ్‌ చేశా­రు. ఇలా ఒకరు కాదు... ఇద్దరు కాదు.. ఏకంగా 16 మంది నకిలీ విద్యార్థులను పరీక్షకు పంపించారు. అయితే ఇన్విజిలేటర్‌ క్షుణంగా తనిఖీ చే­యడంతో ఈ నకిలీ విద్యార్థుల వ్యవహారం వెలు­గులోకి వచ్చింది. జేఎన్‌టీయూ(ఏ) పరిధిలోని ఇం­జినీరింగ్‌ కళాశాలల్లో గత నెల 25 నుంచి బీ­టెక్‌ మొదటి సెమిస్టర్‌ పరీక్షలు నిర్వహిస్తున్నారు. తాడిపత్రిలోని సీవీ రామన్‌ ఇంజినీరింగ్‌ కళాశాల (సీవీఆర్టీ)కు చెందిన 16 మంది విద్యార్థులకు తాడిపత్రి ఇంజినీరింగ్‌ కళాశాల(టెక్‌)లో పరీక్ష కేంద్రం కేటాయించారు.  గురువారం ఉదయం పది గంటలకు డ్రాయింగ్, బీఈ­ఈఈ పరీక్ష ప్రారంభం కాగా, ఇన్విజిలేటర్‌ విద్యార్థుల హాల్‌టికెట్లను పరిశీలించా­రు. ఒకరికి బదులు మరొకరు పరీక్ష రాస్తున్నట్లుగా గుర్తించారు. మరింత క్షుణంగా తనిఖీ చేయగా, ఒకే కాలేజీకి చెందిన 16 మంది స్థానంలో వేరేవారు పరీక్ష రా­స్తున్నట్లు గుర్తించి కళాశాల ప్రిన్సిపాల్‌ ఈవీ సుబ్బారెడ్డి, జేఎన్‌టీయూ(ఏ) అబ్జర్వర్‌కు సమాచారమిచ్చారు. వారు వెంటనే అక్కడికి చేరుకుని ఆయా విద్యార్థుల ఐడీ కార్డులు పరిశీలించగా, అవి కూడా నకిలీవని తేలింది. తమ విద్యార్థులు పరీ­క్షల్లో ఉత్తీర్ణులు కాలేరని భావింన సీవీఆర్టీ కళాశాల యాజమాన్యం... అసలు విద్యార్థుల ఫొటోలతోపాటు ఐడీ కార్డులను మార్ఫింగ్‌ చేసి పరీక్షలు రాసేందుకు వేరేవారిని పంపినట్లు గుర్తించారు.  అనంతరం నకిలీ విద్యార్థుల నుంచి స్టేట్‌మెంట్లను రికార్డు చేసిన జేఎన్‌టీయూ(ఏ) అధికారులు రూల్‌–3 కింద చర్యలు కేసు నవెదు చేశారు. కాగా, గతంలోనూ సర్‌ సీవీ రామన్‌ ఇంజినీరింగ్‌ కళాశాల యాజమాన్యం అనేక మోసాలకు పాల్పడినట్లు ఆరోపణలు ఉన్నాయి. ఇంజినీరింగ్‌ విద్యార్థులను డిగ్రీ చదువుతున్నట్లు చూపి ఫీజు రీయింబర్స్‌మెంట్‌ దందాకు పాల్పడింది. దీంతోపాటు నిబంధనల మేరకు ఇంటర్‌ కళాశాల ఏర్పాటు చేసేటప్పుడు ఇంటర్‌ బోర్డుకు సీవీ రామన్‌ యాజమాన్యం అందజేసిన పత్రాలు నకిలీవని బయటపడింది. కళాశాల యాజమాన్యం ఏకంగా ఫిక్స్‌డ్‌ డిపాజిట్‌ బాండ్ల కోసం ఓ బ్యాంకు మేనేజర్‌ సంతకం కూడా ఫోర్జరీ చేసినట్లు సమాచారం. చదవండి    కానిస్టేబుల్‌ భార్య పైశాచికం.. ప్రియుడి మోజులో పడి, ఇంటికి పిలిచి..

ఎమ్మిగనూరు రూరల్‌ (కర్నూలు): రోడ్డు ప్రమాదంలో గాయపడిన లింగారెడ్డి (21) అనే ఇంజినీరింగ్‌ విద్యార్థి కర్నూలు ప్రభుత్వాస్పత్రిలో చికిత్స పొందుతూ పరిస్థితి విషమించి శనివారం అర్ధరాత్రి మృతి చెందాడు. ప్రకాశం జిల్లా రాచర్ల మండలం ఆకవీడు గ్రామానికి చెందిన భాస్కర్‌రెడ్డి, శ్రీదేవి దంపతుల ఒక్కగానొక్క కుమారుడు లింగారెడ్డి (21).. ఎమ్మిగనూరు మండలం ఎర్రకోట సెయింట్‌ జాన్స్‌ కాలేజీలో బీటెక్‌ రెండో సంవత్సరం చదువుతున్నాడు. భాస్కర్‌రెడ్డి సోదరుడు వినోద్‌ ఆదోనిలో ఉండటంతో లింగారెడ్డి అక్కడే ఉంచాడు. రోజూ బస్సులో కాలేజీకి వెళ్లివస్తున్నాడు. శుక్రవారం ఆదోని నుంచి తన స్నేహితుడి బైక్‌ తీసుకుని కాలేజీకి వెళ్లాడు. ఎమ్మిగనూరు సమీపంలోని షాదీఖానా దగ్గర ఎదురుగా వచ్చి ఆర్టీసీ బస్సు ఢీకొనటంతో బైక్‌పై ఉన్న లింగారెడ్డితో పాటు మరో విద్యార్థికి గాయాలయ్యాయి. లింగారెడ్డి పరిస్థితి విషమంగా ఉండటంతో రెండు రోజులు ప్రైవేటు హాస్పిటల్‌లో చికిత్స అందించారు. బతకడం కష్టమని వైద్యులు తెలపడంతో అక్కడి నుంచి కర్నూలు ప్రభుత్వాస్పత్రికి తరలించారు. అక్కడ చికిత్స పొందుతూ లింగారెడ్డి మృతిచెందాదు. ఒక్కగానొక్క కుమారుడు మృతి చెందడంతో తల్లిదండ్రులు దుఃఖ సాగరంలో మునిగిపోయారు. ఆదివారం మృతదేహానికి పోస్టుమార్టం నిర్వహించి ఆకవీడు తరలించినట్లు ట్రాఫిక్‌ ఏఎస్‌ఐ నటరాజ్‌ తెలిపారు.

ప్రకాశం: రోడ్డు ప్రమాదంలో ఇంజినీరింగ్‌ విద్యార్థి మృతి చెందిన సంఘటన ఒంగోలు – కర్నూలు రోడ్డుపై సంతనూతలపాడు – పేర్నమిట్ట మధ్య శుక్రవారం చోటుచేసుకుంది. ఈ ప్రమాదంలో ఒంగోలు క్విస్‌ కాలేజీలో చదువుతున్న ఇంజినీరింగ్‌ విద్యార్థి గొట్టిముక్కల నితిన్‌ శ్రీవర్మ (21) అక్కడికక్కడే మృతి చెందాడు. మరో విద్యార్థి కళ్లగుంట సుధీర్‌కు తీవ్ర గాయాలయ్యాయి. స్నేహితులైన నితిన్‌ శ్రీవర్మ, సుధీర్‌ ఇద్దరూ క్విస్‌ కాలేజీలో ఫైనలియర్‌ బీటెక్‌ చదువుతున్నారు. స్వగ్రామం సంతనూతలపాడు మండలం మన్నంవారిపాలెం నుంచి బైకుపై కాలేజీకి వచ్చి వెళ్తుంటారు. రోజూలాగే శుక్రవారం కూడా ఇద్దరూ సుధీర్‌ బైకుపై కాలేజీకి వెళ్తున్నారు. నితిన్‌ వెనుక కూర్చుని ఉండగా, పేర్నమిట్ట ఈనాడు ఆఫీస్‌ వద్దకు వచ్చేసరికి ఎదురుగా రోడ్డు పక్కన గ్రానైట్‌ రాళ్లను ఒంగోలు వైపు తీసుకెళ్తున్న టిప్పర్‌ నిలిపి ఉంది. టిప్పర్‌ వెనుక టైర్లకు సుధీర్‌ కాళ్లు తగిలి రోడ్డుకు కుడివైపు పడ్డారు. అదే సమయంలో పొద్దుటూరు నుంచి హద్దురాళ్లను ఒంగోలు వైపు తీసుకెళ్తున్న ట్రాక్టర్‌ రోడ్డుపై పడిన నితిన్‌ శ్రీవర్మ తలపైకి ఎక్కడంతో తల నుజ్జునుజ్జయి అక్కడికక్కడే మృతి చెందాడు. సుధీర్‌కు కూడా తీవ్ర గాయాలవడంతో ఒంగోలు రిమ్స్‌కు తరలించారు. నితిన్‌ శ్రీ వర్మ తండ్రి క్విస్‌ కాలేజీ బస్‌ డ్రైవర్‌గా పనిచేస్తున్నాడు. కొడుకు మృతి చెందాడనే సమాచారం తెలియగానే నితిన్‌ తాత కోటమురాజు, తండ్రి సీతారామరాజు, తల్లి లక్ష్మి, కుటుంబ సభ్యులు సంఘటన స్థలానికి చేరుకుని మృతదేహంపై పడి రోదించిన తీరు అక్కడివాళ్లను సైతం తీవ్ర ఆవేదనకు గురి చేసింది. క్విస్‌ కాలేజీ కరస్పాండెంట్‌ నిడమానూరి నాగేశ్వరరావు సంఘటన స్థలానికి చేరుకుని పరిశీలించారు. ఒంగోలు తాలూకా ఏఎస్సైలు షేక్‌ జిలాని, దయానందరావు సంఘటన స్థలాన్ని పరిశీలించి వివరాలు సేకరించారు. ట్రాక్టర్‌ డ్రైవర్‌ను అదుపులోకి తీసుకున్నారు. గాయపడిన సుధీర్‌ ఫిర్యాదు మేరకు ఏఎస్సై జిలాని కేసు నమోదు చేశారు. ప్రమాదాన్ని చూసి చలించిపోయిన మంత్రి సురేష్‌... ఒంగోలు టౌన్‌: జిల్లా పోలీసు కార్యాలయ ఆవరణలో పోలీసు గెస్ట్‌హౌస్‌ ప్రారంభోత్సవానికి ఒంగోలు వెళ్తున్న పురపాలక శాఖామంత్రి డాక్టర్‌ ఆదిమూలపు సురేష్‌ పేర్నమిట్ట వద్ద జరిగిన రోడ్డు ప్రమాదాన్ని చూసి కాన్వాయ్‌ ఆపి పరిశీలించారు. నడిరోడ్డుపై నెత్తుటి మడుగులో నిర్జీవంగా పడి ఉన్న యువకుడి మృతదేహాన్ని చూసి చలించిపోయారు. వెంటనే సంబంధిత అధికారులకు ఫోన్‌ చేసి మాట్లాడారు. పోలీసు అధికారులతో మాట్లాడి త్వరితగతిన మృతదేహాన్ని తరలించి పోస్టుమార్టం పూర్తి చేసి కుటుంబ సభ్యులకు అందజేయాలని ఆదేశించారు. ఎంతో ఉజ్వల భవిష్యత్తు ఉన్న యువకుడు రోడ్డు ప్రమాదంలో అర్ధంతరంగా తనువు చాలించడం బాధాకరమని ఆవేదన వ్యక్తం చేశారు. మృతుడి కుటుంబ సభ్యులకు ప్రగాఢ సంతాపం తెలిపారు.

యశవంతపుర: తమ అమ్మాయిని ప్రేమిస్తున్నాడనే కోపంతో ఆమె తరఫు వ్యక్తులు ఇంజనీరింగ్‌ విద్యార్థిని కిడ్నాప్‌ చేసి నిప్పుపెట్టారు. ఈ సంఘటన సిలికాన్‌ సిటీలోనే చోటుచేసుకుంది. వివరాలు.. బెంగళూరు ఆర్‌ఆర్‌ నగరకు చెందిన రంగనాథ, సత్యప్రేమ దంపతుల కుమారుడు శశాంక్‌ (18) బాధితుడు. అతడు నగరంలోని ఒక కాలేజీలో ఫస్ట్‌ ఇయర్‌ కంప్యూటర్‌ సైన్స్‌ ఇంజినీరింగ్‌ చదువుతున్నాడు. సమీప బంధువు కూతురిని ప్రేమిస్తున్నాడు. యువతి తల్లిదండ్రులు ఈ ప్రేమను వ్యతిరేకిస్తున్నారు.   ఇన్నోవాలో వచ్చి, కాళ్లు చేతులు కట్టేసి   శనివారం ఉదయం ఏసీఎస్‌ కాలేజీకి వచ్చాడు, తరగతులు లేవని చెప్పడంతో బయట నడిచి వెళుతుండగా శశాంక్‌ను ఇన్నోవా కారులో వచ్చిన దుండగులు కిడ్నాప్‌ చేశారు. ఆరుమంది దుండగులు అతనిని నోరు, కాళ్లు చేతులను బట్టతో కట్టేశారు. బెంగళూరు– మైసూరు రహదారిలో కణమిణికె టోల్‌ గేట్‌ సమీపంలో నిర్మానుష్య ప్రదేశంలోకి తీసుకెళ్లి పెట్రోల్‌ పోసి నిప్పుపెట్టారు. అతికష్టంపై అగ్గిని ఆర్పుకొని శశాంక్‌ స్నేహితులకు ఫోన్‌ చేసి చెప్పడంతో వారు వచ్చి అతన్ని ఆస్పత్రికి తరలించారు. ఆస్పత్రిలో చికిత్స జరుగుతోంది.   ఇటీవలే గొడవ  యువతిది చామరాజనగర జిల్లా హరదనహళ్లి. యువతి బెంగళూరుకు రాగా శశాంక్‌ ఇంటికి తీసుకెళ్లి మర్యాదలు చేశాడు. ఇది తెలిసి యువతి తల్లిదండ్రులు శశాంక్‌ ఇంటికి వచ్చి గలాటా చేయగా, మీ అమ్మాయికి దూరంగా ఉంటానని శశాంక్‌ హామీనిచ్చాడు. ఇంతలోనే కిడ్నాప్‌ చేసి హత్యాయత్నం జరిగింది. కుంబళగోడు పోలీసులు కేసు నమోదు చేసుకొని దర్యాప్తు చేస్తున్నారు. హరదనహళ్లిలో యువతి కుటుంబం తాళం వేసుకొని పరారైనట్లు పోలీసులు తెలిపారు. కారకులపై కఠిన చర్యలు తీసుకోవాలని హోంమంత్రి పరమేశ్వర్‌ ఆదేశించారు. 

క్రైమ్‌: స్నేహితుని కోసం ఆన్‌లైన్‌లో రుణం తీసుకుంటే..  వాడు నట్టేట ముంచాడు. రికవరీ యాప్స్‌ ఏజెంట్లు రాబంధువుల్లా అతనిపై పడి పీక్కుతినే యత్నం చేశారు. ఎటూ పాలుపోని స్థితిలో ఆ స్టూడెంట్‌ తీవ్ర నిర్ణయం తీసుకున్నాడు. భయంతో తల్లిదండ్రుల్ని క్షమాపణ కోరుతూ లేఖ రాసి అఘాయిత్యానికి పాల్పడ్డాడు. కర్ణాటక జాలహళ్లి పోలీస్‌స్టేషన్‌ పరిధిలో హెచ్‌ఎంటీ కాలనీలో మంగళవారం జరిగింది.  యెలహంకలోని ఒక ప్రైవేటు కాలేజీలో మెకానికల్‌ ఇంజనీరింగ్‌ ఆరో సెమిస్టర్‌ చదువుతున్న తేజస్‌ (22) కాలేజీ టాపర్‌.  మహేష్‌ అనే స్నేహితుడికి డబ్బు అత్యవరం పడడం.. అతని బలవంతం మేరకు మూడు లోన్‌ యాప్స్‌ ద్వారా మనీ తీసుకున్నాడు. అయితే.. మహేష్‌ హ్యాండిచ్చాడు. ఏడాది నుంచి స్నేహితుడు EMI వాయిదాలు కట్టడం లేదు. రుణం తేజస్‌ పేరుమీద ఉండటంతో అప్పు ఇచ్చిన కంపెనీల రికవరీ ఏజెంట్లు తేజస్‌ను వేధించసాగారు. చివరకు.. జీవితం మీద విరక్తి చెందిన తేజస్‌ మంగళవారం సాయంత్రం 6 గంటలకు డెత్‌నోట్‌ రాసి ఇంట్లో తల్లి చున్నీతో ఉరివేసుకుని ఆత్మహత్య చేసుకున్నాడు. అమ్మనాన్న నేను చేస్తున్న దానికి నన్ను క్షమించండి, నాకు మరో దారి కనిపించడం లేదు.  నా పేరు మీద ఉన్న అప్పు తీర్చడం నా వల్ల కాదు, అందుకే ఈ నిర్ణయం తీసుకున్నా, థాంక్యూ, గుడ్‌ బై ‘‘మా కుటుంబ సభ్యుల నగ్నఫోటోల్ని వైరల్‌ చేస్తామంటూ వాళ్లు బెదిరించారు. కొందరు స్నేహితులకు మా  ఎడిటింగ్‌ ఫొటోల్ని షేర్‌ చేశారు. మా ఇంటి ద్గగర ఓ కెమెరాను ఉంచారు. ఆ విషయం మా దృష్టికి రావడంతో.. వేధింపుల గురించి తెలిసింది. 4,00,000 లోన్‌ నేను చెల్లిస్తానని.. చక్కగా చదువుకోమని నా కొడుక్కి ధైర్యం చెప్పా. అయితే చెల్లిస్తామని చెప్పినా.. రికవరీ ఏజెంట్ల వేధింపులు ఆగలేదు. ఇవాళ ఉదయం నా కొడుకు శవం ఇంటి దగ్గర ఉన్నప్పుడూ కూడా ఓ ఏజెంట్‌ వచ్చాడు. జరిగింది తెలుసుకుని ఇక్కడి నుంచి గప్‌చుప్‌గా వెళ్లిపోయాడు. ఇది లోన్‌ యాప్స్‌ చేసిన హత్యే. సమస్యలేమైనా ఉంటే తల్లిదండ్రులకు చెప్పండి. మీలో మీరే మదనపడి తీవ్ర నిర్ణయాలు తీసుకోకండి అంటూ యువతకు కన్నీళ్లతో రిక్వెస్ట్‌ చేస్తున్నాడు తేజస్‌ తండ్రి గోపీనాథ్‌. ఘటనకు సంబంధించి సదరు లోన్‌ యాప్స్‌ మీద ఆయన పోలీసులకు ఫిర్యాదు చేసినట్లు తెలుస్తోంది. మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి.  ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com 

ఘట్‌కేసర్‌: బైక్‌ అదుపు తప్పి రోడ్డుపై పడిన సంఘటనలో ఇంజినీరింగ్‌ విద్యార్థిఽ మతి చెందిన సంఘటన ఘట్‌కేసర్‌ పీఎస్‌ పరిధిలో చోటుచేసుకుంది. సీఐ మహేందర్‌రెడ్డి తెలిపిన వివరాల ప్రకారం...ఆర్‌కే పురం, కొత్తపేట్‌కు చెందిన సి.హెచ్‌ విగ్నేశ్‌ (22) అవుషాపూర్‌ వీబీఐటీలో ఇంజినీరింగ్‌ చదువుతున్నాడు. శనివారం ఎదులాబాద్‌ శ్రీ లక్ష్మీనారాయణ చెరువు వద్ద స్నేహితులు హరీశ్‌, శశాంక్‌, సాయిరాంతో కలిసి విందు చేసుకున్నారు. విందు అనంతరం సింగపూర్‌ టౌన్‌షిప్‌లోని ఇంటికి వెళుతుండగా హెచ్‌ఎండీఏ నర్సరీ సమీపంలో ఓఆర్‌ఆర్‌ వద్ద విగ్నేశ్‌ ప్రయాణిస్తున్న కేటీఎం బైక్‌ అదుపు తప్పి రోడ్డుపై పడిపోయాడు. తీవ్ర గాయాలైన అతడిని స్థానిక ప్రైవేట్‌ ఆస్పత్రికి, తర్వాత ఉప్పల్‌ ఆదిత్య ఆస్పత్రికి తరలించారు. అనంతరం మెరుగైన వైద్యం కోసం గాంధీ ఆస్పత్రికి తరలించగా పరీక్షించిన అక్కడి వైద్యులు మృతి చెందినట్లు ప్రకటించారు. తండ్రి ఫిర్యాదు మేరకు కేసు నమోదు చేసుకొని దర్యాప్తు చేస్తున్నారు.

సాక్షి, అనకాపల్లి జిల్లా: విధి వక్రించినా పట్టుదలతో నిలబడ్డాడు. ధైర్యం కూడదీసుకుని ముందడుగు వేశాడు. మధ్యలో ఆగిపోయిన ఇంజనీరింగ్‌తోపాటు న్యాయవిద్యను సైతం పూర్తి చేసి అమెజాన్‌ సంస్థలో డేటా ఆపరేషన్‌ అసోసియేట్‌ ఉద్యోగం సంపాదించాడు. ఇప్పుడు ఏకంగా క్యాట్‌లో ఉత్తీర్ణుడై ఐఐఎం సీటు సాధించాడు. ఈ నెల 21న అహ్మదాబాద్‌ ఐఐఎంలో చేరనున్నాడు. అనకాపల్లి జిల్లా రావికమతం మండలం కొత్తకోట గ్రామానికి చెందిన ఈ విజేత పేరు ద్వారపురెడ్డి చంద్రమౌళి. తండ్రి వెంకటరమణ చిరు వ్యాపారి. తల్లి సత్యవతి ప్రైవేట్‌ స్కూల్‌ టీచర్‌. చంద్రమౌళి కాకినాడ కైట్‌లో బీటెక్‌ చేస్తూ సెలవులకు ఇంటికి వచ్చినప్పుడు విద్యుదాఘాతానికి గురయ్యాడు. 2018 మే 26న మేడపై ఉండగా ప్రమాదవశాత్తూ జారిపోయిన ఉంగరాన్ని తీసేందుకు యత్నించగా.. విద్యుత్‌ తీగలు తగిలి షాక్‌కు గురై కాళ్లు, చేతులు కోల్పోవడంతో డీలా పడిపోయాడు. కొత్త శక్తిని కూడదీసుకుని.. కొన్ని నెలలు గడిచాక చంద్రమౌళి నిరాశను వదిలిపెట్టాడు. శక్తిని కూడదీసుకుని కొత్త జీవితం ప్రారంభించాడు. కుటుంబ సభ్యుల ప్రోత్సాహం­తో మధ్యలో ఆగిపోయిన ఇంజనీరింగ్‌ పూర్తి చేశాడు. అంతలోనే కరోనా చంద్రమౌళికి మరో పరీక్ష పెట్టింది. తండ్రి వెంకటరమణ కుమారుడి పక్కనే రక్షణ సూట్‌ ధరించి నెల రోజుల పాటు సేవలందించారు. వారి మొండి ధైర్యానికి విధి తలవంచింది. నెల తర్వాత ఇంటికి వచ్చిన చంద్రమౌళి తేరుకుని తన గమ్యం వైపు అడుగులు వేశాడు. ఆప్తుడైన న్యాయవాది ప్రభాకర్, స్నేహితుడు ప్రసాద్‌ అండగా నిలిచి మానసిక స్థైర్యం అందించారు. దీంతో చంద్రమౌళి మొండి చేతులతోనే పనులు చేయడం ప్రారంభించాడు. ల్యాప్‌టాప్‌ను ఆపరేట్‌ చేయడం సాధన చేశాడు. విశాఖలో కృత్రిమ కాళ్లు తీసుకుని నడవడం కూడా కొద్దికొద్దిగా అలవాటు చేసుకున్నాడు. మూడు నెలల్లో అన్ని పనులూ చేయడం ప్రారంభించాడు. కరోనా తర్వాత ఇంజనీరింగ్‌లో ఉద్యోగాలు కష్టతరమవుతున్నాయని భావించి అనకాపల్లిలో బీఎల్‌  పూర్తి చేశాడు. జీవనోపాధికి అమెజాన్‌లో డేటా ఆపరేషన్‌ అసోసియేట్‌ ఉద్యోగం సంపాదించాడు. కొన్నాళ్ల నుంచి ఇంటినుంచే ఆ ఉద్యోగం చేస్తున్నాడు. పట్టుదలతో చదివి కామన్‌ అడ్మిషన్‌ టెస్ట్‌ (క్యాట్‌) స్క్రైబ్‌ సహాయంతో రాసి ఉత్తీర్ణుడయ్యాడు. దేశంలోనే అత్యున్నత బిజినెస్‌ స్కూల్‌గా ప్రసిద్ధి చెందిన అహ్మదాబాద్‌ ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌ (ఐఐఎం)లో సీటు సాధించాడు. ఈ నెల 21న జాయిన్‌ అయ్యేందుకు సిద్ధపడుతు­న్నాడు. ఎంత కష్టం ఎదురైనా కలత చెందవద్దని, ధైర్యంగా ఎదుర్కోవాలని చంద్రమౌళి సూచిస్తున్నాడు. చదవండి: అనుమానాస్పద స్థితిలో ఇంజినీరింగ్ విద్యార్థి మృతి..

ఏలూరు టౌన్‌:ఏలూరు జిల్లా పెదవేగి మండలం దుగ్గిరాల గ్రామంలో ఇంజనీరింగ్‌ విద్యార్థినిని నిర్బంధించి.. ఆమె వంటిపై వేడి నూనె పోసి గాయపర్చి.. ఆపై లైంగిక దాడికి పాల్పడిన కేసులో పోలీసులు పురోగతి సాధించారు.  ఎస్పీ డీ.మేరీప్రశాంతి ఆదేశాలతో 24 గంటల్లోనే నిందితుణ్ణి అరెస్ట్‌ చేసి జైలుకు పంపారు. బాధితురాలికి సత్వర న్యాయం అందించే దిశగా ప్రత్యేక చర్యలు చేపడుతున్నారు. సోమవారం సాయంత్రం స్థానిక త్రీటౌన్‌ స్టేషన్‌లో ఏలూరు దిశ డీఎస్పీ కేవీ సత్యనారాయణ మీడియాతో ఈ కేసుకు సంబంధించిన వివరాలు వెల్లడించారు. 12 రోజులు నిర్బంధించి లైంగిక దాడి దుగ్గిరాల గ్రామానికి చెందిన బాధితురాలు కాకినాడ జేఎన్‌టీయూలో బీటెక్‌ తృతీయ సంవత్సరం చదువుతోంది. నిందితుడు సదర్ల అనుదీప్‌ అదే గ్రా మానికి చెందిన వ్యక్తి. ఇద్దరూ నాలుగేళ్లుగా ప్రేమించుకుంటున్నారు. ఈ నెల 5న అనుదీప్‌ కాకినాడ వెళ్లి బాధితురాలిని కలుసుకున్నాడు. ఇద్దరూ చెన్నై వెళ్లి వేలంగిణి మాత చర్చికి వెళ్లారు. నిందితుడు అనుదీప్‌ తాను వేసుకున్న క్రీస్తు మాలను ఈస్టర్‌ రోజున తీశాడు. కాగా, బాధితురాలిని 10వ తేదీ రాత్రి ఏలూరులోని దుగ్గిరాల జోసఫ్‌ నగర్‌లో గల నాన్నమ్మ ఇంటికి తీసుకువెళ్లాడు. అదేరోజు రాత్రి తన కోరిక తీర్చాలని బాధితురాలిపై ఒత్తిడి చేయగా ఆమె ఒప్పుకోలేదు. మరుసటి రోజు మరోసారి కోరిక తీర్చాలంటూ బలవంతం చేసేందుకు ప్రయత్నించగా ఆమె నిరాకరించింది. దీంతో ఆగ్రహానికి గురైన అనుదీప్‌ వేడిగా మరిగించిన నూనెను ఆమె వంటిపై పోయటంతో తీవ్ర గాయాలయ్యాయి. ఆ తర్వాత 12 రోజుల పాటు ఆమెను ఇంట్లోనే బంధించి పలుమార్లు లైంగిక దాడికి పాల్పడ్డాడు. చివరకు చంపేందుకు ప్రయత్నించటంతో బాధితురాలు అతని నుంచి తప్పించుకుని అతని ఫోన్‌ లాక్కొని తండ్రికి ఫోన్‌ చేయగా.. వారు వచ్చి ఆమెను ఏలూరు ప్రభుత్వ బోధనాస్పత్రిలో చేర్పించారు.  నిందితుడిపై హిస్టరీ షీట్‌ బాధితురాలి వాంగ్మూలం ఆధారంగా అనుదీప్‌పై వివిధ సెక్షన్ల కింద కేసు నమోదు చేశామని దిశ డీఎస్పీ సత్యనారాయణ తెలిపారు. సోమవారం నిందితుడు అనుదీప్‌ను ఏలూరు కొత్త బస్టాండ్‌  సమీ పంలో అరెస్ట్‌ చేశామని చెప్పారు. నేరం జరిగిన ప్రాంతంలో దర్యాప్తు చేయటంతో పాటు, ఆధారాలను సేకరించి ల్యాబ్‌కు పంపామని తెలిపారు. బాధితురాలికి సత్వర న్యాయం చేసే దిశగా త్వరలోనే చార్జిషీట్‌ దాఖలు చేస్తామని చెప్పారు. ఎస్పీ మేరీప్రశాంతి ఆదేశాల మేరకు నిందితుడు అనుదీప్‌ పై హిస్టరీ షీట్‌ తెరుస్తున్నట్టు చెప్పారు. మహిళలపై నేరాలకు పాల్పడితే చర్యలు తప్పవని, మైనర్ల పట్ల అసభ్యంగా ప్రవర్తించినా, లైంగిక దాడులకు పాల్ప డినా కఠిన చర్యలు తీసుకుంటామని హెచ్చరించారు.

తిరువొత్తియూరు: స్నేహితురాలి సహోదరి వివాహ రిసెప్షన్‌లో డ్యాన్స్‌ చేస్తూ ఇంజినీరింగ్‌ విద్యార్థి మృతి చెందాడు. ఆంధ్రప్రదేశ్‌కు చెందిన సత్యసాయిరెడ్డి (21) చైన్నె తురైపాక్కంలో ఉన్న హాస్టల్లో ఉంటూ శ్రీపెరంబుదూరులోని ఒక ప్రైవేటు ఇంజినీరింగ్‌ కళాశాలలో బీటెక్‌ చదువుతున్నాడు. ఆదివారం రాత్రి కోయంబేడు నూరడుగుల రోడ్డులో ఉన్న వివాహ మండపంలో జరిగిన స్నేహితురాలి సహోదరి వివాహ రిసెప్షన్‌లో స్నేహితులతో కలిసి సత్యసాయి రెడ్డి పాల్గొన్నాడు. లైట్‌ మ్యూజిక్‌కు డ్యాన్స్‌ వేస్తున్న సమయంలో చెవి నుంచి రక్తం వచ్చింది. కొద్ది సేపటికే స్ఫృహ తప్పి కింద పడిపోయాడు. స్నేహితులు అతన్ని హుటాహుటిన అన్నానగర్‌లోని ప్రైవేటు ఆసుపత్రికి తీసుకెళ్లారు. పరీక్షించిన డాక్టర్లు అప్పటికే మృతి చెందినట్లు తెలిపారు. స్నేహితుడి మృతదేహాన్ని చూసి స్నేహితులు బోరున విలపించారు. కోయంబేడు పోలీసులు సంఘటనా స్థలానికి చేరుకుని మృతదేహాన్ని పోస్టుమార్టం కోసం కీల్పాక్కం ప్రభుత్వాసుపత్రికి తరలించారు. కేసు నమోదు చేశారు. విచారనలో సాయికి ఫిట్స్‌ వ్యాధి ఉన్నట్లు తెలిసింది. సీసీ కెమెరాల ద్వారా వివరాలు సేకరిస్తున్నారు.

రాజమహేంద్రవరం రూరల్‌: బైక్‌ను లారీ ఢీకొన్న సంఘటనలో ఇంజినీరింగ్‌ విద్యార్థి తీవ్రంగా గాయపడి, చికిత్స పొందుతూ శుక్రవారం ఉదయం మృతి చెందాడు. పోలీసుల కథనం ప్రకారం.. ఏలూరు జిల్లా పైడిచింతపాడు గ్రామానికి చెందిన ముంగర జాన్‌బాబు (21) గైట్‌ ఇంజినీరింగ్‌ కళాశాలలో తృతీయ సంవత్సరం చదువుతున్నాడు. దివాన్‌ చెరువులోని ఒక ఇంటిలో అద్దెకు ఉంటున్నాడు. గురువారం రాత్రి సమయంలో స్నేహితుని బైక్‌ తీసుకుని, మరో స్నేహితుడితో కలిసి రాజమహేంద్రవరం వచ్చాడు. తిరిగి వెళ్తుండగా దివాన్‌చెరువు జీరోపాయింట్‌ వద్ద బైక్‌ను లారీ ఢీకొంది. ఈ ప్రమాదంలో తీవ్ర గాయాలైన జాన్‌బాబును రాజమహేంద్రవరం ప్రభుత్వాసుపత్రికి తరలించారు. బైక్‌ వెనుక స్నేహితుడికి స్వల్ప గాయాలయ్యాయి. చికిత్స పొందుతూ జాన్‌బాబు శుక్రవారం ఉదయం మృతి చెందాడు. అతడి చిన్నాన్న నాగరాజు ఫిర్యాదు మేరకు బొమ్మూరు ఎస్సై జగన్‌మోహనరావు కేసు నమోదు చేసి దర్యాప్తు చేస్తున్నారు.

సాక్షి, హైదరాబాద్: నగరంలో మరో యువకుడు గుండెపోటుకు బలయ్యాడు. మేడ్చల్ సీఎంఆర్ కాలేజీలో ఈ విషాద ఘటన జరిగింది. ఇంజనీరింగ్ మొదటి సంవత్సరం చదువుతున్న విశాల్‌ అనే విద్యార్థి గుండెపోటుతో కాలేజీ ఆవరణలోనే కుప్పకూలాడు. కారిడార్‌లో నడుస్తూ ఛాతీలో నొప్పితో సడన్‌గా కిందపడిపోయాడు. తోటి విద్యార్థులు అతడ్ని సీఎంఆర్ ఆస్పత్రికి తరలించగా అప్పటికే ప్రాణాలు కోల్పోయినట్లు వైద్యులు ప్రకటించారు.  పోలీసులు ఈ ఘటనపై కేసు నమోదు చేసుకుని దర్యాప్తు చేపట్టారు. విశాల్‌ది రాజస్థాన్ అని తెలుస్తోంది. కాగా.. ఇటీవల యువకుల్లో గుండెపోటు ఘటనలు బాగా పెరిగిపోయాయి. కొద్దిరోజుల క్రితమే యువ కానిస్టేబుల్ జిమ్‌లో కసరత్తులు చేస్తూ గుండెపోటుతో  ప్రాణాలు విడిచాడు. మరో ఘటనలో స్నేహితుడి పెళ్లి వేడుకలో డ్యాన్స్ చేస్తూ  యువకుడు సడన్‌గా కుప్పకూలి ప్రాణాలు విడిచిన సంగతి తెలిసిందే.. గుండె.. ఉండేది మనిషి గుప్పెడంత. కానీ, నిలువెత్తు మనిషి ప్రాణం దాని మీదే ఆధారపడి ఉంటుంది. అయితే మారుతున్న లైఫ్‌స్టైల్‌.. ఆహారపు అలవాట్లు మనిషిని నిలబెట్టే ఆ బలాన్ని.. బలహీనపరుస్తోంది. అందుకే గుండె సమస్యలతోపాటు కార్డియాక్‌ అరెస్ట్‌ సమస్యలతో.. వయసుతో సంబంధం లేకుండా ఉన్నచోటే కుప్పకూలిపోతున్నారు. అప్పటికప్పుడే ప్రాణం విడుస్తున్నారు. చదవండి: దోస్తు పెళ్లి బరాత్‌లో డ్యాన్స్ చేస్తూ కుప్పకూలిన యువకుడు.. 19 ఏళ్లకే గుండెపోటుతో..

ముంబై: ఐఐటీ బాంబేలో బీటెక్ విద్యార్థి ఆత్మహత్యకు పాల్పడ్డాడు. కెమికల్ ఇంజినీరింగ్ చదువుతున్న ఇతడు హాస్టల్ ఏడో అంతస్తు నుంచి దూకి ప్రాణాలు కోల్పోయాడు. ఆదివారం మధ్యాహ్నం 1:30 గంటలకు ఈ ఘటన జరిగింది. గుజరాత్‌ అహ్మదాబాద్‌కు చెందిన ఈ విద్యార్థి వయసు 18 ఏళ్లు. కాలేజీలో జాయిన్ అయి మూడు నెలలే అయింది. ఫస్ట్ ఎండ్ సెమిస్టర్ పరీక్షలు కూడా శనివారమే ముగిశాయి. ఆ మరునాడే ఇతడు ఆత్మహత్య చేసుకున్నాడు. అయితే ఈ విద్యార్థి ఎప్పుడూ ఒంటిరిగా ఉంటాడని, హాస్టల్ రూమ్‌మేట్‌తో కూడా సరిగా మాట్లాడట్లేదని పోలీసులు తెలిపారు. ఒంటరితనం వల్లే అతనికి ఆత్మహత్య చేసుకోవాలనే ఆలోచన వచ్చి ఉంటుందని అనుమానం వ్యక్తం చేశారు. అలాగే పరీక్షల ఒత్తిడి కూడా ఓ కారణం అయి ఉండవచ్చని భావిస్తున్నారు. కేసు నమోదు చేసుకుని దర్యాప్తు చేపట్టినట్లు తెలిపారు. మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com చదవండి: భారత్‌లో భూకంప భయాలు.. మూడు రోజుల్లో మూడు రాష్ట్రాల్లో ప్రకంపనలు..

తరచూ ఎక్కడో ఒక చోట ప్రేమోన్మాదుల దాష్టీకానికి అమ్మాయిలు బలవుతున్నారు. చదువుకుని ఉన్నతస్థాయికి ఎదగాల్సినవారు ప్రేమపాశానికి బలవుతూ కన్నవారికి శోకాన్ని మిగులుస్తున్నారు. మరోవైపు దాడులకు పాల్పడినవారు కటకటాల పాలై బతుకును బుగ్గి చేసుకుంటున్నారు. యశవంతపుర: ప్రేమించలేదనే కోపంతో   విద్యారి్థనిని మరో విద్యార్థి చాకుతో పొడిచి హత్య చేసిన ఘటన బెంగళూరులో జరిగింది. యలహంక రాజనకుంట పోలీసుస్టేషన్‌ పరిధిలో దిబ్బూరులోని ప్రెసిడెన్సీ ఇంజనీరింగ్‌ కాలేజీ ఈ దారుణానికి వేదికైంది. కోలారుకు చెందిన లయస్మిత (19) హతురాలు. వివరాలు.. లయస్మిత ఈ కాలేజీలో ఇంజనీరింగ్‌ రెండో ఏడాది విద్యారి్థని కాగా, ఆమె స్నేహితుడు పవన్‌ నృపతుంగ రోడ్డులో విశ్వేశ్వరయ్య ఇంజనీరింగ్‌ కాలేజీలో ద్వితీయ సంవత్సరం చదువుతున్నాడు. లయస్మితను ప్రేమిస్తున్నానని వెంటపడేవాడు. ఆమె ఇష్టం లేదని చెప్పినా పవన్‌ తీరు మారలేదు. 10 సార్లు కత్తితో పొడిచి హత్య   కాలేజీకీ వచ్చి ముఖ్యమైన విషయం మాట్లాడాలని చెప్పి లయస్మితను క్లాసు నుంచి పిలిపించాడు. నన్ను ప్రేమిస్తావా, లేదా అని పవన్‌ డిమాండ్‌ చేయగా లయస్మిత నిరాకరించింది. దీంతో ఉన్మాదిగా మారిన పవన్‌ కత్తి తీసుకుని 10 సార్లు ఆమెను పొడిచాడు. లయస్మిత రక్తపు మడుగులో కుప్పకూలి ప్రాణాలు వదిలింది. ఈ ఘోరాన్ని చూసిన విద్యార్థులు భయంతో పరుగులు తీశారు. తరువాత ప్రేమోన్మాది చాకుతో పొడుచుకొని ఆత్మహత్యకు యత్నించాడు. గాయపడిన పవన్‌ను విద్యార్థులు ఆస్పత్రికి తరలించారు. పవన్‌ తరచూ కాలేజీకి వచ్చి ప్రేమ పేరుతో లయస్మితను వేధించినట్లు తెలిసింది. రాజనుకుంట పోలీసులు ఘటనాస్థలాన్ని పరిశీలించి కేసు నమోదు చేసుకున్నారు. ప్రేమోన్మాది మారణకాండ తీవ్ర సంచలనం సృష్టించింది. చదవండి: బెంగళూరులో వ్యాపారి ఆత్మహత్య.. సుసైడ్‌ నోట్‌లో బీజేపీ ఎమ్మెల్యే పేరు

సాక్షి, జగద్గిరిగుట్ట: ఓ ఇంజనీరింగ్‌ విద్యార్థిని పెట్రోల్‌ పోసుకుని నిప్పంటించుకుని ఆత్మహత్య చేసుకుంది. ఈ «ఘటన జగద్గిరిగుట్ట పోలీస్‌స్టేషన్‌ పరిధిలో జరిగింది. గుంటూరు జిల్లా గురజాలకు చెందిన శిరీష (22) గుంటూరులో బీటెక్‌ పూర్తి చేసింది. ఇటీవల కూకట్‌పల్లి జేఎన్‌టీయూలో జావా లాంగ్వేజ్‌ నేర్చుకుంటూ ఆల్వీన్‌ కాలనీలోని తన బంధువుల (పెద్దమ్మ కూతురు) ఇంట్లో ఉంటోంది. నాలుగు అంతస్తుల భవనంలో మొదటి అంతస్తులో శిరీష బంధువులు ఉంటుండగా మిగతా ఫ్లోర్లు అద్దెకు ఇచ్చారు. పెంట్‌హౌజ్‌ ఖాళీగా ఉంది. గురువారం ఉదయం 10 గంటల సమయంలో ఇంటి నుంచి బయటకు వెళ్లిన శిరీష తను తెచ్చుకున్న పెట్రోల్‌ బాటిల్‌తో నేరుగా భవనం టాప్‌ ఫ్లోర్‌కు వెళ్లింది. అక్కడ బాటిల్‌లోని పెట్రోల్‌ను  పోసుకుని నిప్పంటించుకుంది. మంటల వేడిమి భరించలేక అరవడంతో యువతి బంధువులు, స్థానికులు టెర్రస్‌పైకి వెళ్లి మంటలు ఆరి్పవేశారు. ఆమె శరీరం పూర్తిగా కాలిపోవడంతో ఆస్పత్రికి తరలించేలోపే మృతి చెందింది.   అనుమానాస్పద మృతిగా కేసు నమోదు..  శిరీష మృతికి కారణాలు తెలియరాలేదు. తల్లిదండ్రుల ఆర్థికక పరిస్థితి బాగానే ఉందని, కుటుంబ సభ్యులు, బంధువులతో ఎంతో ఆప్యాయంగా ఉంటుందని తెలిసింది. దీంతో జగద్గిరిగుట్ట పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేస్తున్నారు.   

తాటిచెట్లపాలెం/కూర్మన్నపాలెం(విశాఖపట్నం): నగరంలోని ఓ ప్రైవేట్‌ కళాశాలలో ఇంజినీరింగ్‌ 3వ సంవత్సరం చదువుతున్న చట్టి పవన్‌కుమార్‌(20) అనుమానాస్పదంగా మృతి చెందాడు. మర్రిపాలెం రైల్వేస్టేషన్‌కు సమీపంలో పట్టాల పక్కన అతని మృతదేహం లభ్యమైంది. గవర్నమెంట్‌ రైల్వే పోలీసులు తెలిపిన వివరాలివీ.. వడ్లపూడి నిర్వాసితకాలనీ అప్పికొండ ప్రాంతానికి చెందిన చట్టి రామునాయుడు స్టీల్‌ప్లాంట్‌లో కాంట్రాక్ట్‌ కార్మికుడిగా పనిచేస్తూ కుటుంబాన్ని పోషిస్తున్నారు. అతని చిన్న కుమారుడు పవన్‌ను కళాశాలకు పంపించేందుకు మంగళవారం ఉదయం 8 గంటల సమయంలో కూర్మన్నపాలెం బస్టాండ్‌లో దించాడు. మధ్యాహ్నం సమయంలో కుమారుడికి తండ్రి ఫోన్‌ చేయగా స్విచ్‌ఆఫ్‌ వచ్చింది. కాగా.. మంగళవారం మధ్యాహ్నం బెంగళూరు నుంచి భువనేశ్వర్‌ వెళ్తున్న ప్రశాంతి ఎక్స్‌ప్రెస్‌ డ్రైవర్‌ మర్రిపాలెం సమీపంలో రైల్వే ట్రాక్‌ పక్కన వ్యక్తి మృతదేహం ఉన్నట్లు గుర్తించి.. విశాఖపట్నం రైల్వే స్టేషన్‌ సూపరింటెండెంట్‌ దృష్టికి తీసుకెళ్లారు. ఆయన జీఆర్పీ సీఐ కోటేశ్వరరావుకు సమాచారం ఇచ్చారు. ఈ క్రమంలో ఎస్‌ఐ కామేష్‌ సిబ్బందితో సంఘటన స్థలానికి చేరుకుని పవన్‌ మృతదేహాంగా గుర్తించారు. కుటుంబ సభ్యులకు సమాచారం అందించారు. ఉన్నత చదువులు చదివి.. గొప్పస్థాయికి ఎదుగుతాడన్న కుమారుడు ఇక రాడనే వార్త ఆ తల్లిదండ్రులను కలచి వేసింది. పోస్టుమార్టం అనంతరం మృతదేహాన్ని కుటుంబ సభ్యులకు అప్పగించినట్లు జీఆర్పీ సిబ్బంది తెలిపారు. కాగా.. ఆర్థిక ఇబ్బందులతో చనిపోతున్నట్లు తల్లిదండ్రులకు పవన్‌ మేసేజ్‌ పంపించినట్లు పోలీసులు గుర్తించారు. ‘అమ్మానాన్న సారీ.. నా వల్ల మీకెప్పుడైనా బాధలు తప్పవు.. అందుకే వెళ్లిపోతున్నా..’అంటూ అందులో పేర్కొన్నాడు. అనుమానాస్పదంగా మృతిగా కేసు నమోదు చేసి దర్యాప్తు చేస్తున్నట్లు జీఆర్పీ ఎస్‌ఐ కామేష్‌ తెలిపారు. చదవండి: క్లాస్‌మేట్‌ అని జాబ్‌ ఇప్పించి.. లవ్‌యూ అంటూ సహజీవనం.. తర్వాత..

సాక్షి, విశాఖపట్నం: రైలు ఎక్కుతున్నప్పుడు లేదా దిగి క్రమంలో జాగ్రత్తలు వహించాలని రైల్వే అధికారులు హెచ్చరిస్తూనే ఉంటారు. కానీ, వారి హెచ్చరికలు పట్టించుకోకుండా కొందరు అజాగ్రత్తతో ప్రమాదాల్లో చిక్కుకుంటారు. ఇలాంటి వీడియోలు ఇప్పటికి చాలానే చూశాము.  తాజాగా ఇలాంటి ఘటనే గాజువాకలోని దువ్వాడ రైల్వే స్టేషన్‌లో చోటుచేసుకుంది. గుంటూరు-రాయగఢ్‌ ఎక్స్‌ప్రెస్‌ రైలు దువ్వాడకు వచ్చింది. ఈ సందర్భంగా ప్లాట్‌ఫామ్‌ మీద నుంచి రైలు ఎక్కుతున్న క్రమంలో ఇంజనీరింగ్‌ విద్యార్థిని శశికళ కిందపడిపోయింది. ఈ క్రమంలో ఫుట్‌పాత్‌, రైలులో మధ్యలో ఇరుక్కుపోయింది. దీంతో, బయటకు వచ్చేందుకు తీవ్ర అవస్థలు ఎదుర్కొంది.  కాగా, విద్యార్ధిని రైలు మధ్యలో పడిపోవడంతో ఆమెను బయటకు తీసెందుకు రైల్వే అధికారులు సహాయక చర్యలు చేపట్టి సురక్షితంగా బయటకు తీశారు. అనంతరం, హుటాహుటిన ఆమెను అంబులెన్స్‌లో ఆసుపత్రికి తరలించారు. 

న్యూఢిల్లీ: ప్రస్తుత ఆర్థిక సంవత్సరంలో 3,000 మంది పైచిలుకు ఇంజినీరింగ్‌ ట్రెయినీలను తీసుకున్నట్లు ఇంజినీరింగ్, నిర్మాణ రంగ దిగ్గజం లార్సన్‌ అండ్‌ టూబ్రో (ఎల్‌అండ్‌టీ) వెల్లడించింది. వీరిలో తాజా గ్రాడ్యుయేట్, పోస్ట్‌గ్రాడ్యుయేట్లు ఉన్నట్లు తెలిపింది. గత ఆర్థిక సంవత్సరంలో రిక్రూట్‌ చేసుకున్న 1,067 మందితో పోలిస్తే ఈసారి ట్రెయినీల సంఖ్య మూడు రెట్లు పెరిగినట్లు వివరించింది. మహిళా ఇంజినీర్ల సంఖ్య నాలుగు రెట్లు పెరిగి 248 నుండి 1,009కి చేరినట్లు ఎల్‌అండ్‌టీ తెలిపింది. మొ­త్తం సిబ్బందిలో ప్రస్తుతం మహిళా ఉద్యోగుల వాటా 7.6 శాతంగా ఉన్నట్లు పేర్కొంది.  చదవండి: ఊహించని షాక్‌.. ఒకప్పుడు ఈ కారుకి ఫుల్‌ డిమాండ్‌, ఇప్పుడేమో ఒక్కరూ కొనట్లేదు!

తొండంగి(కాకినాడ జిల్లా): హాస్టల్‌లో చదువుతున్న ఆ ఇంజినీరింగ్‌ విద్యార్థిని తల్లిదండ్రులను పలకరించేందుకు స్వగ్రామానికి వచ్చి తిరిగి వెళ్తుండగా రోడ్డు ప్రమాదానికి గురై మృతిచెందిన ఘటన ఆదివారం బెండపూడి జతీయ రహదారిపై చోటు చేసుకుంది. ఒక్కగానొక్క కుమార్తె రోడ్డు ప్రమాదంలో మృత్యువాత పడటంతో తల్లిదండ్రులు కన్నీరుమున్నీరుగా విలపిస్తున్నారు. చదవండి: ఏడు పేజీల సూసైడ్ నోట్‌.. కుమార్తెలతో సహా తండ్రి ఆత్మహత్య మృతురాలి బంధువులు, పోలీసుల తెలిపిన వివరాల ప్రకారం కోటనందూరు మండలం కాకరాపల్లి గ్రామానికి చెందిన కట్టా కాశీవిశ్వనాథం కుమార్తె కట్టా నందిని(21) కాకినాడ సూరంపాలెం ప్రగతి ఇంజినీరింగ్‌ కళాశాలలో బీటెక్‌ నాలుగో సంవత్సరం చదువుతోంది. తన స్నేహితురాలు వసంతతో కలిసి ఆదివారం మధ్యాహ్నం హాస్టల్‌ నుంచి స్కూటీపై బయలుదేరి కోటనందూరు మండలం కాకరాపల్లి వెళ్లింది. తల్లిదండ్రులను పలకరించిన అనంతరం భోజనం చేసి స్కూటీపై మళ్లీ సూరంపాలెం హాస్టల్‌కు బయలుదేరారు. అన్నవరం బైపాస్‌ నమూనా టెంపుల్‌  సమీపంలో బెండపూడి శివారు జాతీయ రహదారిపై వీరి స్కూటీ అదుపు తప్పి ఆగి ఉన్న లారీని ఢీకొట్టింది. దీంతో నందిని అక్కడికక్కడే మృతిచెందగా వసంతకు స్వల్పగాయాలయ్యాయి. దీనిపై తొండంగి ఎస్‌ఐ రవికుమార్‌ కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టమ్‌ నిమిత్తం తుని ఏరియా ఆస్పత్రికి తరలించారు.    

సాక్షి, హైదరాబాద్‌: కంప్యూటర్‌ సైన్స్‌ కోర్సులో పెరగబోయే సీట్లు తొలివిడత ఇంజనీరింగ్‌ కౌన్సెలింగ్‌పై ప్రభావం చూపాయి. చాలా మంది విద్యార్థులు తొలివిడత కౌన్సెలింగ్‌లో ఆయా కోర్సుల్లో సీటు వదిలేస్తే, మలివిడతలో నచ్చిన సీటు వస్తుందనే నమ్మకంతో ఉన్నారు. కాలేజీల విషయంలోనూ ఇదే అభిప్రాయంతో ఉన్నట్టు కన్పిస్తోంది. సీట్లు పెరగడంతో మరో కాలేజీలో ఈసారి సీటు వస్తుందనే ఆశ వారిలో కన్పిస్తోంది. అదీకాక ఐఐటీ, ఎన్‌ఐటీ, ట్రిపుల్‌ ఐటీల్లో సీట్లు పొందినవారు ఎంసెట్‌ కౌన్సెలింగ్‌ నుంచి తప్పుకునే వీలుంది. ఈ రకంగానూ కొంత సానుకూల వాతావరణం ఉంటుందని విద్యార్థులు ఆలోచిస్తున్నారు. ఈసారి అదృష్టం పరీక్షిద్దాం రాష్ట్రంలో తొలివిడత ఇంజనీరింగ్‌ కౌన్సెలింగ్‌కు అన్ని రకాల కోర్సులకు కలిపి మొత్తం 71,286 సీట్లు కన్వీనర్‌ కోటా కింద సిద్ధంగా ఉన్నాయి. వీటిల్లో 60,208 సీట్లు కేటాయించారు. ఈ నెల 13 నాటికి కేవలం 43 వేలమంది సెల్ఫ్‌ రిపోర్టింగ్‌ చేశారు. 17 వేల మందికి సీట్లు వచ్చినా అది తమకు నచ్చలేదని భావించి రిపోర్టింగ్‌కు దూరంగా ఉన్నారు. ఇలాంటివారిలో ఎక్కువ మంది కంప్యూటర్‌ సైన్స్‌ లేదా ఐటీ, ఆఖరుకు ఎలక్ట్రానిక్స్, కమ్యూనికేషన్‌ ఇంజనీరింగ్‌ కోర్సుల్లో సీట్లు ఆశపడుతున్నవారే. తొలి దశలో పెంచిన కంప్యూటర్‌ సైన్స్‌ కోర్సు సీట్లు 9,240 అందుబాటులోకి రాలేదు. 25 వేల లోపు ర్యాంకు వచ్చిన విద్యార్థులు కూడా మెరుగైన కాలేజీ, సీటు కోసం తొలి దశలో వచ్చిన అవకాశాన్ని విడిచిపెట్టారు. కొంతమంది కంప్యూటర్‌ సైన్స్‌(సీఎస్‌సీ)లో సీటు వచ్చినా ఆర్టిఫిషియల్‌ ఇంటెలిజెన్స్, డేటా సైన్స్‌ వంటి కోర్సుల కోసం ఎదురుచూస్తూ మొదటి విడతలో చేరలేదు. ఆప్షన్ల ఎంపికలో సానుకూలత  రెండో విడత కౌన్సెలింగ్‌ ఈ నెల 28న మొదలవుతుంది. కొత్తగా 12 వేలకుపైగా సీట్లు పెర గడం, జేఈఈ ర్యాంకర్లు ఈసారి ఎంసెట్‌ కౌన్సెలింగ్‌లో పెద్దగా పోటీ పడకపోవడం వల్ల రా ష్ట్రస్థాయి విద్యార్థులకు అవకాశాలు కలిసి వస్తాయని నిపుణులు చెబుతున్నారు. 40 వేలలోపు ర్యాంకు విద్యార్థులు ఆచితూచి ఆప్షన్లు ఇచ్చుకోవడం మంచిదని అంటున్నారు. 5 వేలలోపు ర్యాంకుల్లో ఉన్న విద్యార్థులు ఎక్కువమంది ఈసారి పోటీలో ఉండరని, 10 వేల లోపు ర్యాంకు విద్యార్థుల్లో 50 శాతం మాత్రమే పోటీ ఉండవచ్చని అంచనా వేస్తున్నారు. కాబట్టి 40 వేల లోపు ర్యాంకు విద్యార్థులు కోరిన కాలేజీ, సీటు కోసం పోటీపడేందుకు ప్రయత్నించాలని సూచిస్తున్నారు. ఆ పై ర్యాంకు విద్యార్థులు కాలేజీ విషయం పక్కన పెట్టినా, కోరుకున్న సీటును ఎక్కడైనా పొందేందుకు ప్రయత్నించి సఫలం కావచ్చని చెబుతున్నారు.   

సాంకేతిక అంశాలు నేర్చుకోవడం అంటే ఆ యువకుడికి మహా ఇష్టం. ఆసక్తికి ఆలోచనలు తోడయ్యాయి. ఆవిష్కరణలు ఆరంభమయ్యాయి. డ్రైవర్‌లేని కార్లు, డబుల్‌ మైలేజీ ఇచ్చే బైక్‌లు, ఇ–బైక్‌లను తక్కువ ఖర్చుతో తయారుచేస్తూ అందరినీ ఔరా అనిపిస్తున్నాడు. యువతకు మార్గదర్శకంగా నిలుస్తున్నాడు. విశాఖపట్నం గీతం యూనివర్సిటీలో డేటా సైన్స్‌ విద్యను పూర్తిచేసిన గెంబలి గౌతమ్‌కు చిన్నప్పటి నుంచి సాంకేతిక అంశాలు నేర్చుకోవడం అంటే ఇష్టం. కొత్తకొత్త ఆవిష్కరణలు చేయడం మహా సరదా. ఆదే అలవాటుగా మారింది. మైక్రో ఆర్ట్‌ నుంచి వినూత్న వాహనాల తయారీ వరకు వినూత్నంగా సాగిపోతున్నాడు. రోజురోజుకు పెట్రోల్‌ ధరలు పెరుగుతున్న వేళ.. పెట్రోల్‌ లేకుండా బ్యాటరీతో నడిచే వాహనాలను సొంతంగా తయారు చేసి అందరితో శభాష్‌ అనిపించుకుంటున్నాడు. ఆయన ఆలోచన నుంచి రూపుదిద్దుకున్న ఏ ఆవిష్కరణ అయినా ఔరా అనాల్సిందే. అతి తక్కువ ఖర్చుతో నడిచే స్కూటర్‌ను చూస్తే వావ్‌ అంటాం. తనకు నచ్చిన రంగులతో విభిన్నమైన ఆలోచనలతో దూసుకెళ్తూ.. యువతకు ఆదర్శంగా నిలుస్తున్నాడు.   డబుల్‌ మైలేజ్‌.. డబుల్‌ ధమాకా.. ► పెట్రోల్‌ భారం తగ్గేలా గౌతమ్‌ సరికొత్త డివైజ్‌ను రూపొందించాడు. చైనాకు చెందిన హజ్‌ మోటారు వినియోగించి, బైక్‌లో కొన్ని మార్పులు చేశాడు. ఇప్పుడు లీటరు పెట్రోల్‌తో గతంలో నడిచిన దానికంటే డబుల్‌ మైలేజ్‌ వస్తోంది.   ► ఇంట్లో ఉండే పాత ఇనుప సామగ్రిని వినియోగించి కేవలం రూ.13వేల ఖర్చుతో రెయిన్‌ బో స్కూటర్‌ను రూపొందించాడు. లిథియం బ్యాటరీ, మూలకు చేరిన కొన్ని వాహనాల పరికరాలను వినియోగించి దీనిని తయారు చేశాడు. తన మామయ్య కోరిక మేరకు దీనిని తీర్చిదిద్దానని, ఎంతోమందికి నచ్చడంతో ఈ తరహా బైక్స్‌ తయారు చేయాలంటూ ఆర్డర్లు వస్తున్నాయని గౌతమ్‌ చెబుతున్నాడు.   ►  దివ్యాంగుల కోసం దేశంలోనే మొట్టమొదటి స్టీరింగ్‌ లెస్‌ కారును తయారుచేసి దాన్ని రోడ్లపై నడుపుతూ గౌతమ్‌ అబ్బుర పరిచాడు. ఆయన  రూపొందించిన కారుకు స్టీరింగ్‌ ఉండదు. కేవలం రూ.32 వేల ఖర్చుతో డిజైన్‌ చేసిన కారులో 350 వోల్టుల సామర్థ్యం కలిగిన 2 మోటార్లు, లిథియం బ్యాటరీ, కొంత ఐరన్‌ వినియోగించాడు. సోలార్‌తో పాటు బ్యాటరీతో నడిచేలా కారును తయారు చేశాడు. కాళ్ల వద్ద ఏర్పాటు చేసిన సెన్సార్ల ద్వారా ఆపరేట్‌ అవుతుంటుంది. చేతులు లేని విభిన్న ప్రతిభావంతులను దృష్టిలో పెట్టుకొని ఈ డిజైన్‌ రూపొందించినట్టు గౌతమ్‌ చెబుతున్నాడు. జీపీఆర్‌ఎస్‌ సిస్టమ్, బ్లూ టూత్‌ వంటి సదుపాయాలు ఈ కారు సొంతం. దీనికి లైసెన్స్‌తో పనిలేదు. గతంలో అంతర్జాతీయ సైన్స్‌దినోత్సవం సందర్భంగా ఈ కారుని చూసిన జపాన్‌ బృందం యువకుడి ప్రతిభను మెచ్చుకుంది. ప్రశంసల వర్షం కురిపించింది. విశాఖపట్నంలోని ఇద్దరు దివ్యాంగులకు రెండు కార్లు ప్రత్యేకంగా తయారు చేసి అందజేశాడు. పంటలకు పురుగుమందులు పిచికారీ చేసే స్ప్రేలను వినూత్నంగా తయారుచేసి రైతులకు అందజేస్తున్నాడు.    15 గంటల్లోనే ఈ బైక్‌ తయారీ తన స్నేహితుడైన వెల్డర్‌ జానకి సహాయంతో కేవలం 15 గంటల్లో ఈ–బైక్‌ రూపొందించాడు. దానిని రెండు గంటల పాటు చార్జింగ్‌ చేస్తే 50 నుంచి 60 కిలోమీటర్ల స్పీడ్‌తో 50 కిలోమీటర్ల దూరం ప్రయాణించవచ్చని రుజువు చేశాడు. వాహనం తయారీకి పాత ఇనుప సామగ్రి, ఎలక్ట్రికల్‌ వస్తువులు, స్కూటీ టైర్లు, బీఎల్‌డీసీ మోటార్, లిథియం బ్యాటరీని వినియోగించాడు. యాక్సిలేటర్, ఆటో గేర్‌ సిస్టం, హ్యాండ్‌బ్రేక్‌ ఉపయోగించాడు. రాత్రి కూడా సునాయసంగా ప్రయాణించేందుకు వీలుగా బైక్‌కు ఫ్లడ్‌ లైట్‌ అమర్చాడు. పట్టణానికి చెందిన ప్రముఖ వ్యాపారి జల్దు వినయ్‌ ఎలక్ట్రికల్‌ పరికరాలు ఉచితంగా ఇవ్వడంతో తన ప్రయోగం వేగంగా పూర్తిచేసినట్టు యువకుడు తెలిపాడు.   ఏ ఆలోచన వచ్చినా ..  ఏ ఆలోచన వచ్చినా వెంటనే అమలు చేసేందుకు ప్రయత్నిస్తుంటాను. ఇప్పటి వరకూ స్టీరింగ్‌ లెస్‌ కారుతోపాటు రెయిన్‌ బో స్కూటర్, రెండింతలు మైలేజీ వచ్చేలా బైక్‌ డిజైన్లో మార్పులు చేశాను. సరికొత్త బైక్‌ తయారీకి ప్రయత్నిస్తున్నాను. రెయిన్‌ బో స్కూటర్‌ చాలా మందికి నచ్చడంతో ఇప్పటికే కొంత మంది డిజైన్‌ చేసి ఇచ్చారు. చిన్నప్పటి నుంచి సరికొత్తగా ఆలోచించడం, ఏదో ఒకటి చేయాలన్న తపనతో అనేక విషయాలను నేర్చుకోవడం మొదలు పెట్టాను. చిన్నప్పుడు పిల్లలకు కరెంట్‌ వైర్లతో వెరైటీ ఐటెమ్స్‌ చేసి ఇవ్వడం, సైన్స్‌ ఫెయిర్‌ ప్రాజెక్టులకు సహకారాన్ని అందించడం వంటివి చేశాను. అప్పుడే కొత్త ఆవిష్కరణల దిశగా నా అడుగులు పడ్డాయి.   – జి.గౌతమ్, పార్వతీపురం చదవండి: ఉదయాన్నే జాగింగ్, రన్నింగ్‌ ప్రాక్టీస్‌ చేస్తున్నారా.. ఈ గ్యాడ్జెట్‌ మీకోసమే! 

కోటబొమ్మళి(శ్రీకాకుళం): ఆన్‌లైన్‌లో పుస్తకం బుక్‌ చేసి డబ్బులు చెల్లించిన తర్వాత నిమిషాల వ్యవధిలో అకౌంట్లోని డబ్బులు మాయం కావడంతో బాధితుడు సైబర్‌క్రైమ్‌ పోలీసులను ఆశ్రయించాడు. గత నెలలో జరిగిన ఈ ఘటన గురువారం వెలుగులోకి వచ్చింది. కోటబొమ్మాళి ఎస్‌ఐ షేక్‌ ఖాదర్‌ బాషా తెలిపిన వివరాల ప్రకారం.. మండలంలోని చిన్నబమ్మిడి పంచాయతీ సుబ్బారావుపేటకు చెందిన ఆరవెల్లి ప్రదీప్‌ ఆగస్టు 7న ఓ ఆన్‌లైన్‌ వెబ్‌సైట్‌లో రూ.200 చెల్లించి ఇంజినీరింగ్‌కు సంబంధించిన మైక్రో కంట్రోలర్‌ కోర్సు పుస్తకాన్ని బుక్‌ చేశాడు. అనంతరం 30 నిమిషాల వ్యవధిలో దఫదఫాలుగా తన బ్యాంకు ఖాతా నుంచి రూ.1,04,320 సైబర్‌ నేరగాళ్లు దోచేశారు. నగదు డెబిట్‌ అయిన విషయం సెల్‌ఫోన్‌కు మెసేజ్‌ రావడంతో బాధితుడు సైబర్‌ క్రైం(విజయవాడ) పోలీసులకు 1930 నంబర్‌ ద్వారా ఫిర్యాదు చేశాడు. వారు వెంటనే స్పందించి బ్యాంకు ఖాతాను బ్లాక్‌ చేయించారు. ఈ ఫిర్యాదుపై ఎఫ్‌ఐఆర్‌ నమోదు చేసి పంపాలని కోట»ొమ్మాళి పోలీసులకు గురువారం సమాచారం అందించారు. ఈ సందర్భంగా ఎస్‌ఐ మాట్లాడుతూ బాధితుడికి న్యాయం జరుగుతుందని, ఆన్‌లైన్‌లో వస్తువులు బుక్‌ చేసేముందు అప్రమత్తంగా ఉండాలని సూచించారు. చదవండి: ఎస్సై వివాహేతర సంబంధం.. ప్రియురాలి కుమార్తెపై కన్నుపడటంతో..         

సాక్షి, చెన్నై: ఇంజినీరింగ్‌ చదువుతూ హిజ్రాగా మారిన ఓ యువకుడిని చదువు కొనసాగించేందుకు కళాశాల యాజమాన్యం నిరాకరించింది. దీంతో బాధితుడు కలెక్టర్‌ను ఆశ్రయించాడు. వివరాలు.. తిరువళ్లూరు జిల్లా పొన్నేరికి చెందిన కూలీ తెన్నరసు, శశికళ కుమారుడు లోకేష్‌. రెడ్‌హిల్స్‌ సమీపంలోని ఆర్‌వీఎస్‌ పద్మావతి ఇంజినీరింగ్‌ కళాశాలలో 2018లో ఎలక్ట్రానిక్స్‌ అండ్‌ కమ్యూనికేషన్‌ కోర్సులో చేరాడు. రెండో సెమిస్టర్‌ పూర్తయిన తరువాత లోకేష్‌ హిజ్రాగా మారి గెజిట్‌లో ఓవియాగా పేరును మార్చుకున్నాడు. అంత వరకు సాఫిగా సాగిన లోకష్‌ కళాశాల జీవితం పూర్తిగా మారిపోయింది. హిజ్రాగా మారిన లోకేష్‌ అలియాస్‌ ఓవియాకు కళాశాల అనుమతి నిరాకరించింది. దీంతో మద్యలోనే ఇంజినీరింగ్‌ విద్యకు దూరం కావాల్సిన పరిస్థితి ఏర్పడింది. ఈ నేపథ్యంలో చదువుపై మక్కువతో 2022–23వ సంవత్సరంగానూ డిగ్రీ చేయాలని పచ్చప్ప కళాశాలలో హిజ్రా కోటాలో సీటు ఆశించింది. అయితే హిజ్రా కోటాకు సంబందించి ప్రభుత్వం ఉత్తర్వులు లేకపోవడం, వయస్సు దాటడంతో సీటును నిరాకరించారు. దీంతో ఓవియా గత 18న కలెక్టర్‌ ఆల్బీజాన్‌వర్గీష్‌ను కలిసి పరిస్థితిని వివరించి కళాశాలలో సీటు ఇప్పించాలని కోరింది. ఈ సంఘటనపై స్పందించిన కలెక్టర్‌ పొన్నేరిలో ప్రభుత్వ కళాశాలలలో బీఎస్సీ మ్యాథమెటిక్స్‌ సీటు కేటాయిస్తూ ఇందుకు సంబంధించిన ఉత్తర్వులను మంగళవారం సాయంత్రం ఓవియాకు అందజేశారు. ఈ సందర్భంగా ఓవియా మాట్లాడుతూ.. బాగా చదువుకుని టీచర్‌గా రాణిస్తానని మీడియాకు వివరించింది.   చదవండి: (సీఎం స్టాలిన్‌ గొప్ప మనసు.. అంతు చిక్కని వ్యాధి సోకిన డానియాకు..)

శిరివెళ్ల(నంద్యాల జిల్లా): మండల పరిధిలోని గోవిందపల్లె గ్రామానికి చెందిన ఇంజినీరింగ్‌ విద్యార్థి ఎం.ఫణేశ్వరరెడ్డి(23) రైలు కింద పడి బలవన్మరణానికి పాల్పడ్డాడు. నంద్యాల రైల్వే ఎస్‌ఐ జలీల్‌ తెలిపిన వివరాలు.. గ్రామానికి చెందిన వెంకటేశ్వరరెడ్డి కుమారుడు ఫణేశ్వరరెడ్డి నంద్యాల ఆర్‌జీఎం కాలేజీలో తృతీయ సంవత్సరం ఇంజినీరింగ్‌ చదువుతున్నాడు. రెండు ఏడాదిలో కొన్ని సబెక్టులు ఫెయిల్‌ అయ్యాడు. చదవండి: కొడుకును చూసి షాక్‌ తిన్న తండ్రి.. సినిమా స్టోరీని తలపించింది.. కొంతకాలంగా మానసిక వ్యాధితో బాధ పడుతున్నాడు. ఈక్రమంలో సోమవారం కాలేజీకి వెళ్తున్నానని చెప్పి బైక్‌పై నంద్యాలకు బయల్దేరాడు. సాయంత్రం ప్రకాశం జిల్లా రాచర్ల మండలం రైల్వే ట్రాక్‌పై శవమై కనిపించాడు. బైక్‌ నంబర్‌ ఆధారంగా అక్కడి రైల్వే పోలీసులు తల్లిదండ్రులకు సమాచారం అందించి మృతదేహాన్ని నంద్యాలకు తరలించారు. మంగళవారం పోస్టుమార్టం నిర్వహించి కుటుంబ సభ్యులకు అప్పగించారు. మృతుని తండ్రి ఫిర్యాదు మేరకు కేసు నమోదు చేసి, దర్యాప్తు చేస్తున్నట్లు ఎస్‌ఐ తెలిపారు. ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి.  ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com  

బెంగళూరు: వివాహమై ఇద్దరు పిల్లలున్న తల్లి... ఇంజనీరింగ్‌ చదివిన యువకుడు. ఇద్దరికి బాల్యం నుంచి పరిచయం, ఈ నేపథ్యంలో ఇద్దరు పారిపోయి కారవార్‌ వచ్చారు. భార్య అదృశ్యంపై భర్త పోలీసులకు ఫిర్యాదు చేయటంతో కథ అంతా బయట పడింది. దీంతో పోలీసులు యువకుడితో పాటు మహిళను అదుపులోకి తీసుకున్నారు. వివరాలు... బీర్‌ మోహిద్దీన్‌ చెన్నైకి చెందినవాడు. ఇటీవల ఇంజినీరింగ్‌ను పూర్తి చేశారు. దూరపు బంధువైన అబ్దుల్‌ ఖాదర్‌ యువకుడికి పెళ్లి సంబంధాలను చూడటాన్ని ప్రారంభించారు. దీంతో బీర్‌ మోహద్దీన్‌ అప్పుడప్పుడు ఖాదర్‌ ఇంటికి వచ్చి వెళ్లేవాడు. అయన కోడలు అయిషాతో బాల్యం నుండి పరిచయం. దీంతో అయిషాను తీసుకుని బీర్‌ మోహద్దీన్‌లు కారవారకు పారిపోయాడు. ఎవరికి తెలియకుండా ఆరు నెలల నుండి అక్కడే కలిసి నివాసం ఉంటున్నారు. దీంతో తమిళనాడు పోలీసులు అదృశ్యమైన అయిషాను కోసం వెతుకుతూ కారవారకు రావటంతో స్థానిక పోలీసుల సాయంతో ఇద్దరిని అదుపులోకి తీసుకున్నారు. గత ఫిబ్రవరి నుండి ఇద్దరు అద్దె ఇంటిలో కారవారలో ఉంటున్నట్లు పోలీసుల విచారణలో తేలింది. చదవండి: (గుజరాత్‌పై కుట్రలు)   

ప్రస్తుత రోజుల్లో నాలుగంకెల ఉద్యోగం వస్తే చాలు ఈ పోటీ ప్రపంచంలో అలాంటి జాబ్‌ దొరకడం కూడా కష్టం అని కొందరు అనుకుంటారు. జీతం ఎంతైనా ఐ డోంట్‌ కేర్‌ మనల్ని కంపెనీలు సెలక్ట్‌ చేసుకోవడం కాదు మనమే కంపెనీలని ఎంచుకోవాలని కొందరు అనుకుంటారు .ఇలానే అనుకున్నాడు ఓ బీటెక్ విద్యార్థి. కాగ్నిజెంట్, అమెజాన్‌ లాంటి ప్రముఖ కంపెనీల్లో వచ్చిన ఉద్యోగాలను సైతం పక్కన పెట్టాడు. కొడితే కుంభస్థలాన్ని కొట్దాలిరా అనుకున్నాడో ఏమో మైక్రోసాఫ్ట్ లో 50 లక్షల ప్యాకేజీతో జాబ్ ఆఫర్ కొట్టి అందరి చేత ఆహా అనిపించాడు. అతడే మధుర్ రఖేజా. దుకాణదారుడి కొడుకు నుంచి మైక్రోసాఫ్ట్‌ ఉద్యోగిగా ఎదిగాడు ఓ దుకాణదారుడి కొడుకు తన జీవితంలో ఉన్నత శిఖరాలకు చేరుకోవాలని కలల కన్నాడు. వాటి కోసం అంతే శ్రమించాడు. పట్టు వదలక క్యాంపస్‌ ఇంటర్వ్యూలో మైక్రోసాఫ్ట్‌ లాంటి ప్రఖ్యాత కంపెనీలో రూ.50 లక్షల జాబ్‌ కొట్టి అనుకున్నది సాధించడమే గాక తన తల్లిదండ్రులను గర్వించేలా చేశాడు మధుర్ రఖేజా. అతను యూపీఈఎస్‌ (UPES) స్కూల్ ఆఫ్ కంప్యూటర్ సైన్స్ నుంచి ఆయిల్ అండ్ గ్యాస్ ఇన్ఫర్మేటిక్స్‌లో స్పెషలైజేషన్‌తో కంప్యూటర్ సైన్స్ ఇంజినీరింగ్‌లో (బీటెక్‌) పూర్తి చేశాడు. యూనివర్శిటీ ఆఫ్ పెట్రోలియం అండ్ ఎనర్జీ స్టడీస్ (UPES) డెహ్రాడూన్‌లోని ఓ మల్టీడిసిప్లినరీ విశ్వవిద్యాలయం. టెక్నాలజీ అంటే ఎంతో ఇష్టం తన పయనం గురించి మధుర్‌ మాట్లాడుతూ.. టెక్నాలజీ అంటే నాకు ఎంతో ఆసక్తి. ఎందుకంటే ప్రజల జీవితాలను మార్చగల సామర్థ్యం దానికి ఉంది. అంతటి ప్రాముఖ్యత, ప్రత్యేకత ఉంది కనుకే అలాంటి ప్రత్యేకమైన కోర్సును ఎంచుకున్నాను. అప్ స్ట్రీమ్ పెట్రోలియానికి సంబంధించి నాకు ఒకతను చెప్పాడు. కంప్యూటర్ సైన్స్‌లో ఆయిల్ అండ్ గ్యాస్ ఇన్ఫర్మేటిక్స్‌లో స్పెషలైజేషన్ ఉందని నాకు అప్పుడే తెలిసింది. అందుకే.. దాన్ని ఎంచుకున్నానని చెప్పాడు.  వచ్చింది కాదు నచ్చింది చేయాలి మొదట తాను కొన్ని కంపెనీల జాబితాను తయారు చేసుకున్నాడు. అందులో మైక్రోసాఫ్ట్ కూడా ఉంది. మొదటగా ఇతరుల ఇంటర్వ్యూ అనుభవాలను చదవడంతో పాటు ఇంటర్య్వూకు అవసరమైన నైపుణ్యాలను నేర్చుకోవడం ద్వారా ఎంపిక ప్రక్రియకు సిద్ధమైనట్లు వివరించాడు. మైక్రోసాఫ్ట్‌తో పాటు, అమెజాన్, ఆప్టమ్, కాగ్నిజెంట్, ఇన్ఫోసిస్‌తో పాటు మరిన్ని వాటికి దరఖాస్తు చేసుకుని తాను తలపెట్టిన మహాయజం చివరికి మైక్రోసాఫ్ట్‌ ద్గగర ఆగిందని చెప్పుకొచ్చాడు. మధుర్ అనేక కంపెనీలకు దరఖాస్తు చేసుకున్నారు.

సాక్షి, హైదరాబాద్‌: కండ్లకోయ సీఎంఆర్‌ కళాశాలలో బీటెక్‌  చదవుతున్న విద్యార్థి అదృశ్యం ఘటన సుఖాంతంగా ముగిసింది. మేడ్చల్‌లో నివసమున్న సకిరెడ్డి వర్షిణి కండ్లకోయలోని సీఎంఆర్‌ టెక్నికల్‌ క్యాంపస్‌లో  బీటెక్‌ మొదటి సంవత్సరం చదువుతోంది. ఈనెల 7న కళాశాలకు తమ బంధువు వంశీమోహన్‌రెడ్డి వెంట ద్విచక్రవాహనంపై వెళ్లింది. అయితే వర్షిణి ఇంట్లోనే ఐడి కార్డు, ఫోన్‌ మరిచిపోవడంతో వాటిని తీసుకోవడానికి ఉదయం  10 గంటల ప్రాంతంలో ఇంటికి రావడానికి కళాశాల బయటకు వచ్చింది. ఆ తరువాత ఆమె ఆచూకీ లభించలేదు. ఆమె కళాశాల నుంచి బయటకు వచ్చిన దృశ్యాలు  కండ్లకోయలో రోడ్డుపై ఉన్న బేకరి సీసీ కెమెరాలలో రికార్డ్‌ అయ్యాయి. కుమార్తె కోసం ఆమె తండ్రి శివాజీ వెతికినా లభ్యం కాకపోవడంతో మేడ్చల్‌ పోలీసులకు ఫిర్యాదు చేశాడు. పోలీసులు కేసు నమోదు చేసుకుని దర్యాప్తు చేపట్టారు. ఇదిలా ఉండగా ఆదివారం ఉదయం వర్షిణి ముంబయ్‌లోని కళ్యాణ దుర్గ రైల్వెస్టేషన్లో ఉందని మేడ్చల్‌ పోలీసులకు సమాచారం వచ్చింది. ఆమెను మేడ్చల్‌ కు రప్పించడానికి ప్రత్యేక బృందం ముంబయ్‌కు వెళ్ళింది.  ఇన్‌స్టా గ్రామ్‌ అధారంగా...  వర్షిణి ఇన్‌స్ట్రాగాం ఆధారంగా  ఆమె ఆచూకీని పోలీసులు కనుగొన్నట్లు సమాచారం. వర్షిణి వద్ద సెల్‌ ఫోన్‌ లేకపోయినప్పటికీ ముంబయ్‌లో తన ఇన్‌స్ట్రాగాంను  ఓపెన్‌ చేసినట్లు పోలీసులు గుర్తించి అక్కడి పోలీసుల సహయంతో అమెను గుర్తించారని సమాచారం.  చదవండి: తెలంగాణలో మరో మూడురోజులు భారీ వర్షాలు.. ఈ జిల్లాలకు రెడ్‌ అలర్ట్‌

సాక్షి, తాడేపల్లిగూడెం: మెకానికల్‌ ఇంజినీరింగ్‌ విద్యార్థి ఆత్మహత్య పశ్చిమగోదావరి జిల్లాలో చర్చనీయాంశంగా మారింది. జిల్లాలోని తాడేపల్లిగూడెం మండలం పెదతాడేపల్లిలో గల ప్రైవేటు ఇంజినీరింగ్‌ కళాశాలలో గత నెల 18న అల్లంశెట్టి రవితేజ (19) మెకానికల్‌ ఇంజినీరింగ్‌ ద్వితీయ సంవత్సరంలో చేరాడు. శ్రీకాకుళం జిల్లా లావేరు మండలం కేశవరాయునిపాలేనికి చెందిన రవితేజ టెక్కలిలో డిప్లొమా పూర్తి చేశాడు. ఇటీవల సంక్రాంతి పండుగ సెలవులకు ఇంటికి వెళ్లిన రవితేజ వారం రోజుల క్రితం కళాశాలకు వచ్చాడు. అప్పటి నుంచి ఎలాంటి బాధా లేకుండా చనిపోవడం ఎలా అంటూ సహచర విద్యార్థులతో చర్చించాడు. సోమవారం ఉదయం నలతగా ఉండటంతో తల్లి అనుమతి మేరకు కళాశాల హాస్టల్‌లోనే ఉండిపోయాడు. అదే రూమ్‌లో ఉంటున్న నితిన్, వీరాస్వామి తమ రోజువారీ తరగతులకు హాజరయ్యారు. మధ్యాహ్నం 11.50 గంటల ప్రాంతంలో సహచర మిత్రుడు వీరాస్వామితో పాటు మరో నలుగురి సెల్‌ఫోన్‌లకు ‘మీకు సర్‌ప్రైజ్‌ ఇస్తున్నా.. నేను చనిపోవాలనుకుంటున్నా..’ అంటూ టెక్ట్స్‌ మెసేజ్‌ను రవితేజ పోస్టు చేశాడు. దీంతో వీరాస్వామి అతని తల్లికి ఫోన్‌చేసి మాట్లాడగా, సెలవు పెట్టి రూమ్‌లోనే ఉన్నాడని చెప్పారు. అనంతరం సహచర విద్యార్థులు, సీనియర్లతో కలిసి రవితేజ ఉన్న రూమ్‌ వద్దకు వెళ్లి చూశారు. చదవండి: (‘నాన్న, చెల్లి శ్రావణి నన్ను క్షమించండి.. భరించడం నా వల్ల అవ్వట్లేదు’) రెండు వైపులా తలుపులు వేసి ఉండటంతో విద్యార్థులు రూమ్‌ బద్దలుకొట్టి లోనికి ప్రవేశించారు. అప్పటికే ఫ్యాన్‌కు నైలాన్‌ తాడుతో ఉరివేసుకుని వేలాడుతున్న రవితేజను సహచర విద్యార్థులు, సిబ్బంది సహకారంతో తాడేపల్లిగూడెంలోని ఒక ప్రైవేట్‌ ఆస్పత్రికి తరలించారు. అక్కడి వైద్యులు పరీక్షించి అప్పటికే మృతి చెందినట్టు ధ్రువీకరించారు. సమాచారం అందుకున్న తాడేపల్లిగూడెం రూరల్‌ సీఐ వి.రవికుమార్, ఎస్సై ఎన్‌.శ్రీనివాసరావు సంఘటనా స్థలానికి చేరుకుని వివరాలు సేకరించారు. ఆత్మహత్యకు కారణాలు తెలియాల్సి ఉంది. ఈ ఘటనపై సహచర విద్యార్థులు స్పందిస్తూ బాధ లేకుండా చనిపోవడం ఎలా అనే విషయమై చర్చిస్తే తాము సాధారణంగా తీసుకున్నామని, ఇలా ప్రాణాలు తీసుకుంటాడనుకోలేదని ఆవేదన వ్యక్తం చేస్తున్నారు.   కేశవరాయునిపాలెంలో విషాదం  ►గుండెలవిసేలా రోదించిన తల్లిదండ్రులు  లావేరు: కేశవరాయునిపాలెం గ్రామంలో విషాద ఛాయలు అలముకున్నాయి. గ్రామానికి చెందిన ఇంజినీరింగ్‌ విద్యార్థి అల్లంశెట్టి రవితేజ (19) పశ్చిమగోదావరి జిల్లా తాడేపల్లిగూడేంలోని ఓ ప్రైవేటు ఇంజినీరింగ్‌ కాలేజీలో సోమవారం ఉరివేసుకొని ఆత్మహత్యకు పాల్పడినట్టు అక్కడ నుంచి సమాచారం రావడంతో స్వగ్రామంలో విషాదం నెలకొంది.   చదవండి: (ఒకరు బీటెక్‌, మరొకరు బీఎస్సీ.. చిన్నప్పటి నుంచి ఫ్రెండ్స్‌.. ఏ కష్టమొచ్చిందో.!) కుటుంబ నేపథ్యం..  రేషన్‌ డిపో డీలరైన అల్లంశెట్టి సూరిబాబు, రాణిప్రమీల దంపతులకు ఇద్దరు కుమారులు. పెద్ద కుమారుడు సాయితేజ రాజాంలోని జీఎంఆర్‌ కళాశాలలో బీటెక్‌ ఫైనలియర్‌ చదువుతుండగా.. చిన్న కుమారుడైన రవితేజ తాడేపల్లిగూడేంలోని  ఇంజినీరింగ్‌ కాలేజీలో మెకానికల్‌ ద్వితీయ సంవత్సరం చదువుతూ అక్కడే వసతి గృహంలో ఉంటున్నాడు. సంక్రాంతి పండగకు స్వగ్రామానికి వచ్చిన రవితేజ తల్లిదండ్రులు, కుటుంబ సభ్యులుతో సరదాగా గడిపి.. తిరిగి జనవరి 18వ తేదీన తాడేపల్లిగూడేం వెళ్లిపోయాడు. రోజూ రెండుసార్లు తమకు ఫోన్‌ చేసి  సరదాగా మాట్లాడేవాడని తల్లిదండ్రులు చెబుతున్నారు. సోమవారం ఉదయం తల్లి రాణిప్రమీలకు ఫోన్‌ చేసి ఒంట్లో నీరసంగా ఉందని కాలేజీకి వెళ్లకుండా హాస్టల్‌లోనే ఉండిపోతున్నానని రవితేజ చెప్పాడు. మధ్యాహ్నం ఒంటి గంట సమయంలో కాలేజీ యాజమాన్యం నుంచి రవితేజ ఫ్యాన్‌కు ఉరేసుకొని ఆత్మహత్య చేసుకున్నాడని తల్లి రాణిప్రమీలాకు ఫోన్‌ వచ్చింది. దీంతో తల్లిదండ్రులు ఒక్కసారిగా స్పృహ కోల్పోయారు. కొద్దిసేపటి తరువాత కోలుకున్న తల్లిదండ్రులు సూరిబాబు, రాణీప్రమీల, కుటుంబ సభ్యులు, కొందరు గ్రామస్తులు బయలుదేరి తాడేపల్లిగూడేం వెళ్లారు. చిన్నతనం నుంచి రవితేజ బాగా చదివేవాడని స్థానికులు చెబుతున్నారు. అందరితో ఎంతో సన్నిహితంగా ఉండేవాడంటున్నారు. లావేరు మండల వైస్‌ ఎంపీపీ అలుపున రమణమ్మ, వైఎస్సార్‌సీపీ నాయకులు నాయని మోహనరెడ్డి, శ్రీనివాసరెడ్డి, అలుపున గోవిందరెడ్డి, సర్పంచ్‌ యాగాటి ఆదినారాయణ, మాజీ సర్పంచ్‌ నాయని వెంకటేష్‌ తదితరులు మృతుని కుటుంబ సభ్యులను పరామర్శించారు.     

తాళ్లరేవు (తూర్పుగోదావరి):  చదువు తనకు భారంగా మారిందని, ఇక తాను చదవలేనని, చచ్చిపోతానంటూ ఒక విద్యార్థి తల్లిదండ్రులకు పంపిన వాట్సాప్‌ ఆడియో మెసేజ్‌ తోటి విద్యార్థులను తీవ్ర కలవరానికి గురిచేసింది. కోరంగి పోలీసులు, తోటి విద్యార్థులు తెలిపిన వివరాలు ఇలా ఉన్నాయి. శ్రీకాకుళం జిల్లా కావటి మండలం, గొనపకుత్తిక గ్రామానికి చెందిన లొల్ల సాయిచరణ్‌ కోరంగి కైట్‌ ఇంజినీరింగ్‌ కళాశాలలో మూడో సంవత్సరం చదువుతున్నాడు. కళాశాల హాస్టల్‌లో ఉంటున్న సాయిచరణ్‌ ఆదివారం ఉదయం ఎన్‌సీసీ కటింగ్‌ చేయించుకునేందుకు బార్బర్‌ షాపునకు వెళ్లి వస్తానని చెప్పి అనుమతి తీసుకుని బయటకు వెళ్లి తిరిగిరాలేదు. కొద్దిసేపటి అనంతరం సాయిచరణ్‌ తల్లిదండ్రులు కళాశాల ప్రతినిధులకు ఫోన్‌ చేశారు. పరీక్షలు దగ్గరకు వస్తున్నాయని, ఇప్పటివరకు ఎలాగో చదివానని ఇకపై తాను చదవలేకపోతున్నానని, తమ్ముడ్ని జాగ్రత్తగా చూసుకో అమ్మా, నన్ను క్షమించమ్మా అంటూ విలపిస్తూ వాట్సాప్‌లో ఆడియో మెసేజ్‌ చేశాడని చాలా ఆందోళనగా ఉందని తెలిపారు. తక్షణమే స్పందించిన కళాశాల ప్రతినిధులు స్థానిక పోలీస్‌స్టేషన్‌కు సమాచారం ఇచ్చారు. చదవండి: ('ఎంత రాత్రయినా వస్తానని చెప్పి అటే వెళ్లిపోయారు') పలువురు విద్యార్థులు కోరంగి, తాళ్లరేవు, యానాం పరిసర ప్రాంతాల్లో సాయిచరణ్‌ ఆచూకీ కోసం గాలించారు. ఫలితం లేదు. కళాశాల హాస్టల్‌ వార్డెన్‌ కృష్ణ, సాయిచరణ్‌ తండ్రి షణ్ముఖరావు కోరంగి పోలీస్‌స్టేషన్‌లో ఫిర్యాదు చేశారు. ఈ మేరకు కోరంగి హెడ్‌కానిస్టేబుల్‌ గంగాధర్‌రావు కేసు నమోదు చేసి దర్యాప్తు చేపట్టారు. సాయిచరణ్‌కు బ్యాక్‌ల్యాగ్స్‌ కేవలం రెండే ఉన్నాయని, క్రీడలతోపాటు ఎన్‌సీసీ వంటి వాటిలో చాలా చురుకుగా ఉండేవాడని కళాశాల ప్రతినిధులు, తోటి విద్యార్థులు తెలిపారు.  

సాక్షి, హైదరాబాద్‌: నేషనల్‌ కౌన్సిల్‌ ఫర్‌ టీచర్స్‌ ఎడ్యుకేషన్‌ (ఎన్‌సీటీఈ) మార్గదర్శకాల మేరకు బీటెక్, బీఈడీ విద్యార్హత కలిగిన అభ్యర్థులూ పీజీటీ/టీజీటీ పోస్టులకు అర్హులేనని హైకోర్టు స్పష్టంచేసింది. ఈమేరకు బీటెక్‌ అభ్యర్థులనూ ఈ పోస్టులకు అనుమతించాలంటూ 2019లో సింగిల్‌ జడ్జి ఇచ్చిన తీర్పులో జోక్యం చేసుకోబోమని తేల్చిచెప్పింది. సింగిల్‌ జడ్జి తీర్పును సవాల్‌ చేస్తూ తెలంగాణ రెసిడెన్షియల్‌ ఎడ్యుకేషనల్‌ ఇన్‌స్టిట్యూషన్‌ రిక్రూట్‌మెంట్‌ బోర్డు దాఖలు చేసిన అప్పీళ్లను కొట్టివేసింది. ఈమేరకు ప్రధాన న్యాయమూర్తి జస్టిస్‌ సతీశ్‌చంద్ర శర్మ, జస్టిస్‌ టి.తుకారాంజీలతో కూడిన ధర్మాసనం ఇటీవల తీర్పునిచ్చింది. ‘ఎన్‌సీటీఈ 2010, 2014 మార్గదర్శకాల ప్రకారం బీటెక్, బీఈడీ చదివిన అభ్యర్థులూ పీజీటీ, టీజీటీ పోస్టులకు అర్హులు. అయితే రాష్ట్ర ప్రభుత్వం ఈ పోస్టులకు ఇచ్చిన నోటిఫికేషన్‌లో బీఏ, బీఎస్సీ, బీకాంతోపాటు బీఈడీ చదివిన అభ్యర్థులు మాత్రమే అర్హులని పేర్కొంది. ఎన్‌సీటీఈ మార్గదర్శకాల మేరకు బీటెక్‌ పూర్తి చేసిన వారు కూడా అర్హులే. ఈ నేపథ్యంలో సింగిల్‌ జడ్జి తీర్పు సరైనదే’అని ధర్మాసనం తీర్పులో పేర్కొంది.

సాక్షి ప్రతినిధి, అనంతపురం: ‘భారతీయులు ఎప్పుడూ యుద్ధాన్ని కోరుకోరు. యుద్ధాలు జరగకుండా చూడటానికే ప్రయత్నిస్తాం. అదే సమయంలో మన రక్షణ రంగ సామర్థ్యాన్ని కూడా ఎప్పటికప్పుడు బలోపేతం చేస్తూనే ఉంటాం. శత్రు దుర్బేధ్య దేశంగా నిర్మించుకోవడం కోసం ఆధునిక సాంకేతికతతో నిఘా వ్యవస్థను ఏర్పాటు చేసుకుంటున్నాం. ప్రస్తుతం శాస్త్రసాంకేతిక, రక్షణ, అంతరిక్ష పరిశోధనల్లో భారత్‌ అగ్రగామిగా వెలుగొందుతోంది’ అని భారత రక్షణ పరిశోధన అభివృద్ధి సంస్థ(డీఆర్‌డీవో) చైర్మన్‌ డాక్టర్‌ జి.సతీష్‌రెడ్డి చెప్పారు. జేఎన్‌టీయూ–అనంతపురం ఇంజినీరింగ్‌ కళాశాల వజ్రోత్సవ కార్యక్రమానికి ఆయన ముఖ్య అతిథిగా విచ్చేశారు. సతీష్‌రెడ్డి ఇదే కళాశాలలో విద్యనభ్యసించారు. ఈ సందర్భంగా ఆయన ‘సాక్షి’తో మాట్లాడిన వివరాలివీ.. అన్నింటా స్వదేశీ పరిజ్ఞానమే.. అంతరిక్ష, రక్షణ రంగ పరిశోధనల్లో టాప్‌–5 దేశాల్లో భారత్‌కు స్థానం దక్కింది. ఇస్రో ప్రయోగాలకు సొంత సాంకేతిక పరిజ్ఞానాన్నే ఉపయోగిస్తున్నాం. అటామిక్‌ ఎనర్జీ, రక్షణ రంగంలోనూ ఆధునిక దేశీయ పరిజ్ఞానాన్ని వినియోగిస్తున్నాం. ఇప్పుడు మన దేశం ‘మేకిన్‌ ఇండియా నుంచి మేడ్‌ ఫర్‌ ద వరల్డ్‌’ స్థాయికి ఎదుగుతోంది. ఉపగ్రహాల కాల వ్యవధి ముగిసిన వెంటనే.. వాటిని కూల్చివేయడానికి వీలుగా ఏ–శాట్‌ను అభివృద్ధి చేశాం. తద్వారా భారత్‌ టాప్‌–4(అమెరికా, రష్యా, చైనా సరసన)లో నిలిచింది. ప్రపంచంలోనే అత్యంత సుదూర ప్రాంతాల్లో ఉండే లక్ష్యాన్ని చేరుకునే గన్‌ 155 ఎం.ఎం ఆవిష్కరణ ద్వారా అంతర్జాతీయ స్థాయిలో భారత్‌ అగ్రస్థానాన్ని దక్కించుకుంది. భారత్‌కు చైనా, పాకిస్తాన్‌ వంటి దేశాలతో తరచూ సరిహద్దుల్లో సమస్యలు వస్తున్నాయి. మనం ఎప్పటికప్పుడు అత్యాధునిక సర్వైలెన్సు వ్యవస్థ ఏర్పాటు చేసి, దీనిని సరిహద్దు భద్రతకు ఉపయోగిస్తున్నాం. పరిశోధన రంగాల వైపు వచ్చే ఇంజనీరింగ్‌ విద్యార్థుల సంఖ్య క్రమంగా పెరుగుతోంది. ఇది శుభపరిణామం. విద్యార్థులు గొప్ప ఆవిష్కరణలతో వస్తే.. ఆ ప్రాజెక్టుకు రూ.10 కోట్లు ఖర్చు పెట్టడానికైనా సిద్ధంగా ఉన్నాం. ‘అనంత’లో ఉండగానే.. అగ్ని ప్రైమ్‌ శుభవార్త  అగ్ని ప్రైమ్‌ మిస్సైల్‌ ప్రయోగం శనివారం విజయవంతమైంది. కళాశాలలో పైలాన్‌ ఆవిష్కరించిన వెంటనే ఈ శుభవార్త నాకు తెలిసింది. ఆ వెంటనే రక్షణ శాఖ మంత్రి రాజ్‌నాథ్‌సింగ్, జాతీయ భద్రతా సలహాదారు అజిత్‌ దోవల్‌ తదితరులు అభినందనలు తెలిపారు. నేను విద్యనభ్యసించిన కళాశాలలో ఉండగా ఇలాంటి ఘనత దక్కడం సంతోషంగా ఉంది. ఇక్కడి ప్రజల ఆప్యాయత చాలా గొప్పది. యువ ఇంజనీర్లకు డీఆర్‌డీవో చేయూత అనంతపురం విద్య: యువ ఇంజనీర్లకు డీఆర్‌డీవో తగిన చేయూతనిస్తోందని ఆ సంస్థ చైర్మన్‌ డాక్టర్‌ జి.సతీష్‌రెడ్డి తెలిపారు. శనివారం అనంతపురంలో జరిగిన జేఎన్‌టీయూ(ఏ) ఇంజనీరింగ్‌ కళాశాల వజ్రోత్సవంలో ఆయన పాల్గొన్నారు. ఈ సందర్భంగా వజ్రోత్సవాల పైలాన్‌ను ఆవిష్కరించారు. అనంతరం జరిగిన సభలో ఆయన మాట్లాడుతూ.. జేఎన్‌టీయూ(ఏ)విద్యార్థులు ఎంటెక్‌ (డిఫెన్స్‌ టెక్నాలజీ) కోర్సు చదవడానికయ్యే మొత్తం ఖర్చును భరిస్తామని హామీ ఇచ్చారు. ఎంటెక్‌(డిఫెన్స్‌ టెక్నాలజీ) రెండో సంవత్సరం విద్యార్థులకు ఇంటర్న్‌షిప్‌ అవకాశం కల్పిస్తామన్నారు. జేఎన్‌టీయూ(ఏ)లో డీఆర్‌డీవో ఎక్స్‌లెన్స్‌ సెంటర్‌ కూడా ఏర్పాటు చేస్తామన్నారు. కార్యక్రమంలో ఉన్నత విద్యామండలి చైర్మన్‌ ప్రొఫెసర్‌ కె.హేమచంద్రారెడ్డి, వీసీ జింకా రంగ జనార్దన, రెక్టార్‌ ఎం.విజయకుమార్, రిజిస్ట్రార్‌ సి.శశిధర్, ప్రిన్సిపాల్‌ పి.సుజాత పాల్గొన్నారు. 

సాక్షి, సంతబొమ్మాళి(శ్రీకాకుళం): మండలంలోని భావనపాడు సముద్ర తీరంలో ఆదివారం స్నానానికి దిగి ఇద్దరు విద్యార్థులు గల్లంతయ్యారు. అందులో శేఖర్‌ కుమార్‌ బెహరా (21) మృతి చెందగా.. మరొకరు సురక్షితంగా ఒడ్డుకు చేరుకున్నారు. ఒడిశాలోని సెంచూరియన్‌ యూనివర్సిటీలో అగ్రికల్చరల్‌ బీఎస్సీ చదువుతున్న 50 మంది విద్యార్థులు బస్సులో ఆదివారం బీచ్‌కు వచ్చారు. భోజనాల అనంతరం విద్యార్థులు సముద్రంలో స్నానాలకు దిగారు. ఇంతలో ఓ రాకాసి అల తాకిడికి శేఖర్‌కుమార్, ముక్తా ప్రధాన్‌తో పాటు మరికొందరు విద్యార్థులు చెల్లాచెదురైపోయారు. కాసేపటికే అంతా ఒడ్డుకు చేరుకున్నారు. అయితే శేఖర్‌ మునిగిపోతున్నాడని గ్రహించిన ముక్తా ప్రధాన్‌ అతడిని కాపాడే ప్రయత్నంలో తాను కూడా అలల మధ్య చిక్కుకున్నాడు. దీంతో అక్కడే ఉన్న స్నేహితులు ఎలాగోలా కష్టపడి ముక్తాను రక్షించగలిగారు. కానీ శేఖర్‌ను మాత్రం ఒడ్డుకు తీసుకురాలేకపోయారు. సాయంత్రం సమయంలో మృతదేహం ఒడ్డుకు చేరడంతో అంతా బోరుమన్నారు. శేఖర్‌కుమార్‌ స్వస్థలం బరంపురం. ఘటనపై సమాచారం అందుకున్న పోలీసులు మృతదేహాన్ని టెక్కలి జిల్లా ఆస్పత్రికి తరలించారు. దీనిపై కేసు నమోదు చేశామని, మృతుడి తల్లిదండ్రులకు సమాచారం అందించామని నౌపడ ఎస్‌ఐ సాయికుమార్‌ తెలిపారు.    చదవండి: ప్రేమవివాహం సాఫీగా సాగిన జీవనం.. ఇటీవల కష్టంగా ఉందని లెటర్‌ రాసి..

న్యూఢిల్లీ: తులసీదాస్‌ రచించన రామాయణాన్ని గ్రాడ్యుయేషన్‌ విద్యార్థుల పాఠ్యాంశాల్లో చేర్చడం వల్ల ముఖ్యంగా ఇంజనీరింగ్‌ విద్యార్థులకు ఎంతగానో ఉపకరిస్తుందని మధ్య ప్రదేశ్‌ వైద్య విద్యాశాఖ మంత్రి విశ్వాశ్‌ సారంగ్‌ వ్యాఖ్యానించారు. ఈ క్రమంలో భవిష్యత్తరాలలో వైద్య విద్యను హిందీ మాధ్యమంలో  చదువుకునే అవకాశం అందుబాటులోకి రానున్నట్లు వెల్లడించారు. దీని కోసం ఒక కమిటీని కూడా త్వరలో ఏర్పాటు చేస్తామని తెలిపారు.  సిలబస్‌ కమిటీ ఉన్నత విద్యా విధానంలో భాగంగా  2021-22 విద్యా సంవత్సారానికి గానూ రామచరిత మానస్‌ కీ వ్యవహార దర్శన్‌ (అప్లైడ్‌ ఫిలాసఫీ ఆఫ్‌ రామచరిత మానస్‌)ని ప్రవేశ పెట్టేలా చేశానని చెప్పారు.  (చదవండి: మహిళల రక్షణకై నిర్భయ స్క్వాడ్‌: ముంబై ) ఇంగ్లీష్‌ ఫౌండేషన్‌ కోర్సులో మహాభారతం లాంటి పురాణాలను ప్రవేశపెడితే.. విద్యార్థులకు వ్యక్తిత్వ వికాశానికి, నాయకత్వ లక్షణాల అభివృద్ధి తోపాటు మానవతా దృక్పథాన్ని పెంపొందించేలా దోహదపడుతుందన్నారు. ఈ మేరకు భారతదేశ సంస్కృతి ఆధ్యాత్మికతకు సంబంధించి 100 మార్కుల ప్రశ్నా పత్రం ఒకటి ఉంటుందని చెప్పారు. ఆర్‌ఎస్‌ఎస్‌ నాయకుల బయోగ్రఫి కూడా పాఠ్యాంశాల్లో చేర్చాలనే ప్రతిపాదన ఉందన్నారు. దీంతో విద్యార్థులు సామాజికంగా, వైద్య పరంగానూ నైతిక విలువలతో కూడిన విద్యను అభ్యసించగలిగే అవ​కాశం ఉంటుందంటూ ధీమా వ్యక్తం చేశారు.  ఈ సందర్భంగా మధ్య ప్రదేశ్‌ విద్యాశాఖ మంత్రి మోహన్‌ యాదవ్‌ మాట్లాడుతూ...." విద్యా వ్యవస్థను కాషాయికరణం చేస్తున్నాంటు వస్తోన్న ప్రతి పక్షాల విమర్శలను ఖండించారు. ఈ క్రమంలో నాసా సైతం 'రామసేతు' నిర్మాణాన్ని ప్రాచీన మానవ నిర్మిత నిర్మాణంగా అభివర్ణించిన విషయాన్ని గుర్తు చేశారు. విద్యావ్యవస్థలో కాలనుగుణంగా మార్పులు చోటు చేసుకుంటాయి." అని అన్నారు.  దీంతో ప్రతిపక్షాలు గురుగ్రంథ సాహెబ్‌, ఖురాన్‌, బైబిల్‌ కూడా చేరిస్తే విద్యార్థులు మరిన్ని నేర్చుకునే అవకాశంతో పాటు రాజ్యంగ స్ఫూర్తి కూడా నెరవేరుతుందంటూ వ్యంగ్యాస్తాలు కురిపించారు. (చదవండి: పర్యాటకుల పట్ల అమానుషంగా ప్రవర్తిస్తే ఇక అంతే !: రాజస్తాన్‌)

సాక్షి, అమరావతి: గుంటూరు నగరానికి చెందిన ఇంజనీరింగ్‌ విద్యార్థిని రమ్య దారుణ హత్యకు గురైన సంగతి తెలిసిందే. ఈ నేపథ్యంలో రమ్య తల్లిదండ్రులు గురువారం ముఖ్యమంత్రి వైఎస్‌ జగన్‌మోహన్‌రెడ్డిని కలిశారు. ఏపీ హోం మంత్రి సుచరిత రమ్య తల్లిదండ్రులను సీఎం వద్దకు తీసుకువచ్చారు. ఈ క్రమంలో రమ్య సంఘటనను ఆమె తల్లిదండ్రులు సీఎం జగన్‌కి వివరించారు. ఇప్పటికే ప్రభుత్వం తమకు 10 లక్షల పరిహారం అందించిందని తెలిపారు. రమ్య కుటుంబానికి పూర్తిగా న్యాయం చేస్తామని ఈ సందర్భంగా సీఎం జగన్ హామీ ఇచ్చారు. (చదవండి: గుంటూరులో పట్టపగలు దారుణం.. ఇంజనీరింగ్‌ విద్యార్థిని హత్య) అనంతరం హోం మంత్రి మేకతోటి సుచరిత మాట్లాడుతూ.. ‘‘గుంటూరులో హత్యకు గురైన రమ్య కుటుంబాన్ని సీఎం జగన్‌ నేడు పరామర్శించారు. దారుణం జరిగిన 24 గంటల్లోనే నిందితుడిని అరెస్ట్ చేసి.. 7 రోజుల్లో ఛార్జ్ షీట్ వేశాం. రమ్య కుటుంబానికి 10 లక్షల రూపాయలు ఎక్స్ గ్రేషియా ఇచ్చాం. అంతేకాక రమ్య సోదరికి జూనియర్ అసిస్టెంట్ పోస్ట్ ఇవ్వాలని సీఎం జగన్‌ నేడు ఆదేశించారు. దానితో పాటు వారి కుటుంబానికి 5 సెంట్ల ఇంటి స్థలం, 5 ఎకరాల పంట భూమి అందించాలని తెలిపారు. మరో 10 రోజుల్లో పోస్టింగ్ ఆర్డర్‌తో వాళ్ళు తనతో టీ తాగాలని సీఎం జగన్ అన్నారు’ అని  సుచరిత తెలిపారు. ‘‘అనేక మందికి దిశా యాప్ ద్వారా భద్రత కలుగుతోంది. ఇంకా ప్రతి ఒక్కరికి యాప్, చట్టాలపై అవగాహన కల్పించాల్సి ఉంది. గ్రామంలో ఒకరిద్దరు దీన్ని వినియోగించుకున్నా సఫలం అయినట్లే’’ అన్నారు సుచరిత. చదవండి: హాస్టల్‌ పైనుంచి దూకి బీటెక్‌ స్టూడెంట్‌ మృతి, వీడియో వైరల్‌

సాక్షి, అమరావతి బ్యూరో/గుంటూరు ఈస్ట్‌: గుంటూరు నగరంలో ఓ ఇంజనీరింగ్‌ విద్యార్థిని దారుణ హత్యకు గురైంది. పట్టపగలు అందరూ చూస్తుండగానే యువకుడు కత్తితో పొడిచి యువతి ప్రాణాలు బలితీసుకున్నాడు. ఆపై అక్కడి నుంచి బైక్‌పై పరారయ్యాడు. స్థానికుల సమాచారం మేరకు వివరాలు.. గుంటూరు నగరం కాకాని రోడ్డు పరమాయకుంటకు చెందిన నల్లపు వెంకట్రావు, జ్యోతి దంపతులకు మౌనిక, రమ్య(20) ఇద్దరు కుమార్తెలు. చేబ్రోలు సమీపంలోని సెయింట్‌ మేరీ‹స్‌ గ్రూప్‌ విద్యా సంస్థల్లో మౌనిక బీ ఫార్మసీ మూడో సంవత్సరం చదువుతుండగా, రమ్య కూడా అదే విద్యా సంస్థలో ఇంజనీరింగ్‌(బీటెక్‌) మూడో సంవత్సరం చదువుతోంది. వెంకట్రావు, జ్యోతి దంపతులు ఏడాది కిందట కొల్లూరు మండలం చిలుమూరులో ఉంటూ వ్యవసాయం చేసుకుంటున్నారు. మౌనిక, రమ్య ఇద్దరూ పరమాయకుంటలోని తమ నివాసంలో నాయనమ్మ పుష్పలీలతో కలిసి ఉంటున్నారు.    వాగ్వాదం.. ఆ తర్వాత హత్య  లాక్‌డౌన్‌ కారణంగా కళాశాలలు లేకపోవడంతో రమ్య గత కొన్ని నెలలుగా తల్లిదండ్రుల వద్దనే ఉంటోంది. అయితే పది రోజుల కిందట నాయనమ్మ వద్దకొచ్చింది. ఆదివారం చర్చికి వెళ్లే క్రమంలో బయటకు వెళ్లి టిఫిన్‌ తెచ్చుకుంది. ఆ తర్వాత ఫోన్‌ రావడంతో నాయనమ్మతో.. ఇప్పుడే వస్తానంటూ సుమారు ఉదయం 10.20 గంటల సమయంలో రోడ్డు పైకొచ్చింది. మెయిన్‌ రోడ్‌పై బైక్‌పై ఉన్న కుంచాల శశికృష్ణతో కొంతసేపు మాట్లాడి అతడి బైక్‌ ఎక్కింది. ఇద్దరూ రోడ్డు అవతలి వైపునకు వెళ్లారు. ఆ తర్వాత ఏం జరిగిందో ఏమోగానీ రమ్య బలవంతంగా బైక్‌ దిగి రోడ్డుకు ఇవతలి వైపునకు వచ్చేసింది. ఆ యువకుడు కూడా బైక్‌పై రమ్య వద్దకు చేరుకున్నాడు. రమ్యతో వాదులాడుతూ కొట్టడంతో ఆమె కిందపడిపోయింది. ఆ తర్వాత కత్తితో రమ్య మెడపై, పొత్తి కడుపులో ఆరు సార్లు పొడిచాడు. సమీపంలోని వ్యక్తి కేకలు వేయడంతో శశికృష్ణ బైక్‌పై ఆర్టీసీ బస్టాండ్‌ వైపు పరారయ్యాడు. స్థానికులు ఇచ్చిన సమాచారంతో మౌనిక ఘటనా స్థలానికి చేరుకుని రమ్యను జీజీహెచ్‌కు తరలించింది. వైద్యులు రమ్యను పరీక్షించి అప్పటికే మృతి చెందినట్లు నిర్ధారించారు. విషయం తెలుసుకున్న అర్బన్‌ ఎస్పీ ఆరీఫ్‌ హఫీజ్‌ జీజీహెచ్‌కు వచ్చి రమ్య మృతదేహాన్ని పరిశీలించారు. నిందితుడిని పట్టుకునేందుకు ప్రత్యేక పోలీస్‌ బృందాలను రంగంలోకి దించారు.     ఎవరూ అడ్డుకోలేదు..   రమ్య తల్లిదండ్రులు, బంధువులు పెద్ద ఎత్తున జీజీహెచ్‌కు తరలివచ్చారు. బిడ్డ భవిష్యత్తుపై ఎన్నో ఆశలు పెట్టుకున్న తల్లిదండ్రులు.. విగత జీవిగా ఉన్న రమ్యను చూసి తల్లడిల్లిపోయారు. వారిని ఓదార్చడం ఎవరితరం కాలేదు. తన చెల్లిపై దాడి చేసే సమయంలో చుట్టుపక్కల వారంతా కేకలు వేయడంతో సరిపెట్టుకున్నారని, అడ్డుపడి ఉంటే తన చెల్లి బతికేదని మౌనిక కన్నీళ్లపర్యంతమైంది.   శశికృష్ణ    పోలీసుల అదుపులో శశికృష్ణ  రమ్య హత్య కేసులో నిందితుడు శశికృష్ణను ఆదివారం రాత్రి 7 గంటల ప్రాంతంలో పోలీసులు అదుపులోకి తీసుకున్నారు. మృతురాలి సెల్‌ఫోన్‌ ఆధారంగా నిందితుడు వట్టిచెరుకూరు మండలం ముట్లూరు గ్రామానికి చెందిన వ్యక్తిగా గుర్తించారు. శశికృష్ణ తండ్రి గురవయ్య గుంటూరులో చేపల వ్యాపారం చేస్తుంటాడు. తండ్రిని బైక్‌పై దించేందుకే ఆదివారం శశికృష్ణ గుంటూరు వచ్చాడు. ఆ తర్వాత తల్లి భూలక్ష్మి వద్దకు వెళతానని తండ్రితో చెప్పాడు. శశికృష్ణ తల్లిదండ్రులు విడిపోయారు. తల్లి ముప్పాళ్ల మండలంలోని గోళ్లపాడులో ఉంటోంది. నిందితుడు తల్లి దగ్గరకు వెళ్లి ఉంటాడన్న అనుమానంతో పోలీసులు వెతుకులాట ప్రారంభించారు. ముప్పాళ్లలోని ఓ హెడ్‌ కానిస్టేబుల్‌ సాయంతో నిందితుడి కదలికలను తెలుసుకున్నారు. గోళ్లపాడుకు సమీపంలో.. నరసరావుపేట మండలం పమిడిపాడు పొలాల్లో తిరుగుతుండగా పోలీసులు పట్టుకునేందుకు ప్రయత్నించారు. అయితే పక్కనే ఉన్న కాల్వలోకి దూకి పారిపోయేందుకు ప్రయత్నించాడు. స్థానికులతో కలిసి పోలీసులు నిందితుడిని అదుపులోకి తీసుకున్నారు. అయితే నిందితుడు శశికృష్ణ తన దగ్గర ఉన్న చిన్నపాటి కత్తితో గొంతుకు ఓ వైపు కోసుకుని పోలీసులను బెదిరించే ప్రయత్నం చేశాడు. పోలీసులు వెంటనే నరసరావుపేటలోని ప్రభుత్వాస్పత్రికి తరలించి.. చికిత్స అందించి, తర్వాత గుంటూరు జీజీహెచ్‌కు తీసుకొచ్చారు. అక్కడ వైద్య పరీక్షలు నిర్వహించిన అనంతరం పోలీసులు తమ కస్టడీకి తీసుకున్నారు.     ఇన్‌స్ట్రాగామ్‌లో పరిచయం  శశికృష్ణకు రమ్య ఇన్‌స్ట్రాగామ్‌లో పరిచయమైనట్టు తెలుస్తోంది. అయితే వీరి మధ్య మనస్పర్థలు రావడంతో మూడు నెలలుగా గొడవపడుతున్నారు. అర్బన్‌ పోలీస్‌ ఉన్నతాధికారులు నిందితుడి నుంచి వివరాలు సేకరిస్తున్నట్టు తెలిసింది.   హత్య ఘటనపై సీఎం జగన్‌ ఆరా బాధిత కుటుంబానికి రూ.10 లక్షలు ప్రకటన సాక్షి, అమరావతి: గుంటూరులో యువతి రమ్య హత్య ఘటనపై ముఖ్యమంత్రి వైఎస్‌ జగన్‌మోహన్‌రెడ్డి అధికారులను అడిగి వివరాలు తెలుసుకున్నారు. ఈ కేసుకు సంబంధించి దర్యాప్తును వేగవంతం చేయాలని ఆయన అధికారులను ఆదేశించారు. ‘దిశ’ కింద వేగంగా చర్యలు తీసుకుని దోషికి కఠిన శిక్ష పడేలా చేయాలన్నారు. ఘటన వివరాలు తెలియగానే హోం మంత్రి ఆస్పత్రికి వెళ్లి బాధిత కుటుంబాన్ని పరామర్శించారని, అండగా నిలబడతామంటూ భరోసా ఇచ్చిన విషయాన్ని అధికారులు ముఖ్యమంత్రికి వివరించారు. బాధిత కుటుంబాన్ని ఆదుకునేలా తగిన చర్యలు తీసుకోవాలని.. పరిహారంగా రూ.10 లక్షలు ఆ కుటుంబానికి ఇవ్వాలని సీఎం జగన్‌ ఆదేశించారు.  ఈ ఘటన దురదృష్టకరం  గుంటూరు జిల్లాలో ఆదివారం జరిగిన ఘటన దురదృష్టకరమని సీఎం వైఎస్‌ జగన్‌మోహన్‌రెడ్డి పేర్కొన్నారు. బాధిత కుటుంబానికి ప్రభుత్వం అండగా ఉంటుందని ట్విట్టర్‌ ద్వారా తెలిపారు. ‘గుంటూరు జిల్లా కాకానిలో జరిగిన దుర్ఘటన ఎంతో దురదృష్టకరం. విద్యార్థిని కుటుంబానికి నా ప్రగాఢ సానుభూతిని తెలియచేస్తున్నాను. ఈ ఘటనపై దర్యాప్తును వేగవంతం చేసి, బాధ్యులను చట్టం ముందు నిలబెట్టాలని ఆదేశిస్తున్నాను. ఆ కుటుంబానికి ప్రభుత్వం అండగా నిలుస్తుంది.’ అని ముఖ్యమంత్రి జగన్‌ ట్వీట్‌ చేశారు.    హత్య చేసిన వాడికి ఉరే సరైన శిక్ష  హోం శాఖ మంత్రి సుచరిత  గుంటూరు ఈస్ట్‌ : బీటెక్‌ విద్యార్థిని రమ్యను హత్య చేసిన వ్యక్తికి ఉరే సరైన శిక్షని రాష్ట్ర హోం శాఖ మంత్రి మేకతోటి సుచరిత చెప్పారు. ఆమె ఆదివారం జీజీహెచ్‌కు వచ్చి రమ్య మృతదేహాన్ని పరిశీలించారు. మృతురాలి తల్లిదండ్రులు వెంకట్రావు, జ్యోతిలను పరామర్శించి ఓదార్చారు. వారికి ధైర్యం చెప్పారు. ప్రభుత్వం పరంగా అండగా ఉంటామని హామీ ఇచ్చారు. అనంతరం ఆమె మీడియాతో మాట్లాడుతూ సీఎం వైఎస్‌ జగన్‌మోహన్‌రెడ్డి ఈ ఘటన పట్ల తన ప్రగాఢ సానుభూతిని తెలియజేసినట్టు చెప్పారు. హత్యకు ముందు యువతి నిందితుడితో ఘర్షణ పడినట్టు తెలుస్తోందన్నారు. ఏదైనా సమస్యలుంటే తల్లిదండ్రులతో మాట్లాడి పరిష్కరించుకోవాలేగానీ హత్య చేయడమేంటని ఆగ్రహం వ్యక్తం చేశారు. ఒక మహిళను చంపే హక్కు ఎవరిచ్చారని ప్రశ్నించారు.   రమ్య కుటుంబ సభ్యులను పరామర్శిస్తున్న హోం మంత్రి సుచరిత, మేయర్‌ మనోహరనాయుడు, ఎస్పీ ఆరీఫ్‌ హఫీజ్‌  ఎన్ని చట్టాలొచ్చినా, వాటిని కఠినంగా మార్చినా ఉన్మాదులు దారుణాలకు తెగబడుతూనే ఉన్నారని, ఇలాంటి వారిని ఏ విధంగా శిక్షించాలో.. అంటూ ఆవేదన వ్యక్తం చేశారు. పోలీసులు వేగంగా దర్యాప్తు చేస్తున్నారని, ఇప్పటికే ఆధారాలు సేకరించినట్టు హోం మంత్రి స్పష్టం చేశారు. రమ్య సెల్‌ఫోన్‌ను అన్‌లాక్‌ చేస్తే మరింత సమాచారం తెలుస్తుందన్నారు. ఈ దారుణానికి పాల్పడిన వ్యక్తిని కఠినంగా శిక్షిస్తామని స్పష్టం చేశారు. ఇదిలా ఉండగా రమ్య మృతదేహాన్ని జీజీహెచ్‌లో రాష్ట్ర మహిళ కమిషన్‌ చైర్‌పర్సన్‌ వాసిరెడ్డి పద్మ సందర్శించారు. రమ్య తల్లిదండ్రులను ఓదార్చారు. గుంటూరు తూర్పు ఎమ్మెల్యే ముస్తఫా, నగర మేయర్‌ కావటి మనోహర్‌నాయుడు,  వేమూరు ఎమ్మెల్యే డాక్టర్‌ మేరుగు నాగార్జున, ఎమ్మెల్సీ డొక్కా మాణిక్యవరప్రసాద్‌ తదితరులు యువతి కుటుంబానికి న్యాయం జరిగే వరకూ అండగా ఉంటామన్నారు.  దోషికి కఠిన శిక్ష పడేలా చేస్తాం : డీజీపీ  రమ్య హత్య కేసులో నిందితుడిని ఇప్పటికే అరెస్టు చేశామని, అతని నేరాన్ని నిరూపించి కఠిన శిక్ష పడేలా చేస్తామని డీజీపీ గౌతం సవాంగ్‌ చెప్పారు. ఈ హత్య అత్యంత దురదృష్టకరమని అన్నారు. స్థానికులు ఈ కేసుకు సంబంధించి కీలక సమాచారాన్ని అందించారని ఓ ప్రకటనలో తెలిపారు.    

సాక్షి, విజయవాడ: నగరంలో ఇంజినీరింగ్‌ విద్యార్థిని అనుమానాస్పద స్థితిలో మృతి చెందింది. తరుణ్‌ అనే యువకుడు కొట్టడం వల్లే చనిపోయిందని బంధువులు అంటున్నారు. ప్రేమ పేరుతో తరుణ్‌ మోసం చేశాడని యువతి తల్లిదండ్రులు ఆరోపించారు. యువతిని కొన్ని రోజులుగా తరుణ్ తన గదిలోనే ఉంచాడని తల్లిదండ్రులు చెబుతున్నారు. ఈనెల 23న యువతిని ఆస్పత్రిలో చేర్చి తరుణ్ పోలీసులకు లొంగిపోయిన సంగతి తెలిసిందే. విజయవాడలోని ఓ ఫైనాన్స్ కంపెనీలో తరుణ్ పనిచేస్తున్నాడు. విద్యార్థిని స్వస్థలం పశ్చిమ గోదావరిజిల్లా టి.నరసాపురం మండలం తెడ్లం గ్రామం.

సాక్షి, హైదరాబాద్‌: దేశంలో ఇంజనీరింగ్‌ చేసిన వారికి క్యాంపస్‌ ఇంటర్వ్యూల్లో ఉద్యోగాలు పెద్దసంఖ్యలో లభించాయి. ముఖ్యంగా ప్రముఖ విద్యా సంస్థల్లో చదివినవారికి అవకాశాలు గణనీయంగా పెరిగాయి. దేశంలో ఏఐసీటీఈ అనుబంధ ప్రభుత్వ ఇంజనీరింగ్‌ కాలేజీల్లో 2018–19 సంవత్సరంలో 1.03 లక్షల మంది చదవగా, అందులో 46.09 శాతం మంది క్యాంపస్‌ ఇంటర్వ్యూలలో ఉద్యోగాలు పొందినట్లు కేంద్రం తెలిపింది. అలాగే ప్రైవేట్‌ ఇంజనీరింగ్‌ కాలేజీల్లో అదే ఏడాది 7.01 లక్షల మంది చదవగా, 53.52 శాతం మంది ఉద్యోగాలు పొంది నట్లు పేర్కొంది. క్యాంపస్‌ ఇంటర్వ్యూలు కాకుండా ఇతర పద్ధతుల్లోనూ ఉద్యోగావకాశాలు వస్తున్నాయని వివరించింది. అంతకుముందు రెండేళ్లతో పోలిస్తే ఉద్యోగాలు పొందినవారి శాతం గణనీయంగా పెరగడం గమనార్హం. ఈ మేరకు కేంద్ర ప్రభుత్వం తాజాగా ఒక నివేదిక విడుదల చేసింది. వడబోత తర్వాతే నియామకాలు స్వదేశీ, విదేశీ కంపెనీలు నైపుణ్యం కలిగిన ఇంజనీరింగ్‌ గ్రాడ్యుయేట్లను వెతికి పట్టుకొని ఉద్యోగాలు ఇచ్చాయి. కేంద్ర ప్రభుత్వం ఇంజనీరింగ్‌ కాలేజీలకు ఇచ్చే ర్యాంకుల ఆధారంగా కంపెనీలు కాలేజీలను ఎంపిక చేసుకుని క్యాంపస్‌ ఇంటర్వ్యూలు నిర్వహించినట్లు నిపుణులు చెబుతున్నారు. ఇలా ఇంటర్వ్యూలు నిర్వహించేప్పుడు కంపెనీలు వివిధ దశలుగా వడబోత కార్యక్రమాన్ని చేపడుతున్నాయి. ఆ తర్వాతే ఉద్యోగాలకు ఎంపిక చేస్తున్నాయి. ఈ క్రమంలో ప్రతిభ కనబర్చే వారికే అవకాశాలు దక్కుతున్నాయని తెలంగాణ ఉన్నత విద్యా మండలి చైర్మన్‌ పాపిరెడ్డి చెప్పారు. ఏ దశలో వెనుకబడినా అభ్యర్థులకు అవకాశాలు కల్పించడం లేదని ఆయన తెలిపారు. క్యాంపస్‌ ఇంటర్వ్యూలతోపాటు తమ కంపెనీల వద్దకే కాలేజీ విద్యార్థులను పిలిపించుకొని, ఉద్యోగాల కోసం వారిని వివిధ పద్ధతుల్లో పరీక్షిస్తున్నాయని ఆయన వివరించారు. ఈ నేపథ్యంలో చదువులపై శ్రద్ధ పెట్టకుండా కేవలం ఫీజులు, రీయింబర్స్‌మెంట్‌ సొమ్ము కోసమే పనిచేసే కొన్ని కాలేజీల్లో చదివిన విద్యార్థుల పరిస్థితి మాత్రం నిరాశాజనకంగా ఉంటోందని నిపుణులు చెబుతున్నారు. మరోవైపు కరోనా కాలంలో ఉద్యోగావకాశాలు తగ్గినట్లు వారు తెలిపారు. కరోనా సమయంలో చివరి రెండేళ్లు చదివిన విద్యార్థులు క్లాసులు లేక నైపుణ్యాలను అభివృద్ధి చేసుకోలేకపోయారని అంటున్నారు. ఈ పరిస్థితి వారి ఉద్యోగ ఉపాధి అవకాశాలను దెబ్బ తీసిందని వివరిస్తున్నారు.

హైదరాబాద్: మియాపూర్‌లో ఓ ఇంజినీరింగ్ విద్యార్థి బైక్‌తో బీభత్సం సృష్టించాడు. అతి వేగంతో 8 నెలల గర్భిణి అయిన భానోత్ అచ్చిబాయిని బైక్‌తో డీకొట్టాడు. తీవ్ర గాయాలపాలైన బాధితురాలిని స్థానిక ఆసుపత్రికి తరలించారు. అయితే, అచ్చిబాయికి ప్రమాదం తప్పినా.. గర్భం శోకం తప్పలేదు. ఆమెకు అబార్షణ​ అయినట్టు వైద్యులు తెలిపారు. ఈ ఘటన మూడు రోజుల క్రితం జరగ్గా తాజాగా వెలుగులోకి వచ్చింది. స్థానికుల సమాచారం మేరకు పోలీసులు నిందితుడిని అరెస్ట్ చేశారు. నిందితునిపై కేసు నమోదు చేసి విచారణ చేపట్టినట్టు మియాపూర్‌ పోలీసులు తెలిపారు. డ్రైవింగ్ లైసెన్స్ లేకుండానే విద్యార్థి బైక్ నడిపినట్టు పోలీసులు గుర్తించారు. చదవండి:అమెరికాలో మియాపూర్‌ వాసి మృతి 

అనంతపురం విద్య: ఒక్కగానొక్క కొడుకు.. తల్లిదండ్రులు ఎంతో అల్లారుముద్దుగా పెంచుకున్నారు. కూలి పనులతో పొట్ట పోసుకుంటున్నా.. ఏనాడూ తమ బిడ్డకు తక్కువ చేయలేదు. తమ కష్టం బిడ్డకు రాకూడదనుకున్నారు. ఈ క్రమంలోనే తమ స్థాయికి మించి ఉన్నత విద్యాబద్ధులు చెప్పించసాగారు. మరో ఏడాదిలో ఇంజినీరింగ్‌ పూర్తి చేసుకుని జీవితంలో స్థిరపడతాడనుకుంటున్న తరుణంలో విధి వక్రీకరించింది. తల్లిదండ్రుల ఆశలు అడియాసలయ్యాయి. రెండు రోజుల క్రితం తమతో కలిసి ఎంతో ఉత్సాహంగా గడిపిన బిడ్డ కంటికి కానరాని లోకాలకు వెళ్లిపోయాడనే విషయం తెలియగానే ఈ నిరుపేద దంపతుల గుండె చెరువైంది. ‘అమ్మా.. ఇంకొక్క సంవత్సరం.. ఇంజినీరింగ్‌ పూర్తవుతుంది. తర్వాత ఉద్యోగం చేసి మీ ఇబ్బందులన్నీ తీరుస్తా..’ అన్న కుమారుడి చివరి మాటలు చెవుల్లో మారుమోగుతుండగా.. ‘బిడ్డా... లే నాన్న... నీవు తప్ప మాకు దిక్కెవరే.. ఉద్యోగం చేస్తానంటివి కదయ్యా... లే అయ్యా.. మా కంటి ముందు నీవుంటే చాలయ్యా’ అన్న తల్లిదండ్రులు రోదనలు విన్న విద్యార్థి లోకం కన్నీటి పర్యంతమైంది.   ఏం జరిగిందంటే..   అనంతపురం రూరల్‌ మండలం నరసనాయకుంట గ్రామానికి చెందిన మల్లికార్జున, సత్యమ్మ దంపతులు. వీరి ఒక్కగానొక్క కుమారుడు బి.అబ్రçహాం. కూలి పనులతో కుటుంబాన్ని పోషించుకుంటూ వస్తున్న మల్లికార్జున దంపతులు... ఈ కష్టాలు తమ బిడ్డకు రాకూడదని భావించారు. ఈ క్రమంలోనే తమ శక్తికి మించి విద్యాబుద్ధులు చెప్పిస్తూ వచ్చారు. ప్రస్తుతం అబ్రçహాం... ఎస్కేయూ క్యాంపస్‌ ఇంజినీరింగ్‌ కళాశాలలో బీటెక్‌ (ఈసీఈ) మూడో సంవత్సరం చదువుతున్నాడు. ఉగాది పండుగకు ఊరికి వెళ్లి తల్లిదండ్రులతో సంతోషంగా గడిపి బుధవారం రాత్రి తిరిగి వర్సిటీకి అబ్రహాం చేరుకున్నాడు. శ్రీకృష్ణదేవరాయ విశ్వవిద్యాలయం క్యాంపస్‌ ఇంజినీరింగ్‌ కళాశాలలో బీటెక్‌ ఈసీఈ మూడో సంవత్సరం చదువుతున్న బి. అబ్రహాం (20)  గురువారం ఉదయం జిమ్‌లో వర్క్‌అవుట్‌ ముగించుకుని హాస్టల్‌కు చేరుకున్నాడు. టిఫెన్‌ చేసిన తర్వాత ఛాతిలో నొప్పిగా ఉందంటూ ఎస్కేయూ హెల్త్‌ సెంటర్‌కు వెళ్లాడు. అక్కడ ఈసీజీ తీస్తుండగానే భరించలేని నొప్పితో విలవిల్లాడుతూ కన్నుమూశాడు. తీవ్రమైన గుండెపోటుతో అతను మరణించినట్లు హెల్త్‌ సెంటర్‌ వైద్యులు ప్రాథమికంగా ధ్రువీకరించారు. విషయం తెలుసుకున్న నిరుపేద తల్లిదండ్రులు ఆగమేఘాలపై హెల్త్‌ సెంటర్‌ వద్దకు చేరుకుని బోరున విలపించారు. తమ బిడ్డ జ్ఞాపకాలను, అతని చివరి మాటలను గుర్తు చేసుకుంటూ వారు రోదించిన తీరు పలువురిని కన్నీరు పెట్టించింది.   చదవండి: చిన్నారి వైద్యం కోసం వెళ్తూ..

సాక్షి, మేడ్చల్‌ : మేడ్చల్‌ జిల్లాలో విషాదం చోటుచేసుకుంది. పేట్‌ బషీరాబాద్‌లోచంద్రిక అనే ఇంజనీరింగ్‌ విద్యార్ధి అనుమానాస్పదంగా మృతి చెందింది. మల్లారెడ్డి ఇంజనీరింగ్‌ కాలేజీలో యువతి నాలుగో సంవత్సరం చదువుతోంది. చంద్రిక స్వస్థలం మిర్యాలగూడ. కాగా ప్రస్తుతం మైసమ్మగూడలోని కృప వసతి గృహంలో ఉంటోంది. హాస్టల్‌ భవనం పైనుంచి దూకి చంద్రిక ఆత్మహత్య చేసుకున్నట్లు పోలీసులు భావిస్తున్నారు. ఘటనా స్థలానికి చేరుకున్న పోలీసులు కేసు నమోదు చేసుకున్నారు. కాగా యువతి చంద్రిక ఘటనకు సంబంధించి వీడియోలు ప్రస్తుతం సోషల్‌ మీడియాలో వైరల్‌గా మారాయి. ఈ ఘటనపై డీసీపీ పద్మజ మాట్లాడుతూ..'కృప హాస్టల్‌ పక్కన యువతి మృతదేహాం ఉందని మంగళవారం ఉదయం 8.15 కి స్థానిక కౌన్సిలర్ పోలీస్ స్టేషన్‌కు సమాచారం ఇచ్చారు. యువతిని మిర్యాలగూడకు చెందని చం‍ద్రికగా గుర్తించాం. ఆమెకు బాక్‌ల్యాగ్స్‌ ఉన్నట్లు తెలుస్తోంది. కరోనా తర్వాత ఇటీవల సీటీకి వచ్చిన చంద్రిక ఎగ్జామ్స్‌కు ప్రిపేర్ అవుతుంది. చదువులో వెనకబడి ఉన్నానన్న మసస్తాపంతో యువతి బలవన్మరణానికి పాల్పడినట్టు ప్రాథమికంగా అంచనాకు వచ్చాం. అనుమానస్పద మృతి కేసు నమోదు చేసుకున్నాం. సీసీ కెమెరాలు, చంద్రిక ఫోన్ డేటా పరిశీలిస్తున్నాం'అని ఆమె పేర్కొన్నారు. చదవండి : పెద్దలకు ఇష్టం లేకపోయినా ప్రేమ పెళ్లి.. నాలుగు నెలల్లోనే... వయసు 26.. కేసులు 20 

హుజూరాబాద్‌: పుట్టిన రోజే ఆ యువకుడికి ఆఖరి రోజైంది. బర్త్‌ డే సందర్భంగా స్నేహితులతో కలిసి డిన్నర్‌ చేసి వస్తానని చెప్పి, ఇంటి నుంచి వెళ్లిన కొద్దిసేపటికే రోడ్డు ప్రమాదంలో మృత్యు ఒడికి చేరిన విషాద ఘటన హుజూరాబాద్‌లో  చోటుచేసుకుంది.  పోలీసులు తెలిపిన వివరాల ప్రకారం... హుజూరాబాద్‌ పట్టణంలోని ఆరెవాడకు చెందిన రాజూరి రాజు–అనిత దంపతుల కుమారుడు మణిదీప్‌ (22) మండలంలోని సింగాపూర్‌ కిట్స్‌ ఇంజినీరింగ్‌ కళాశాలలో ఈసీఈ రెండో సంవత్సరం చదువుతున్నాడు. ఆదివారం తన పుట్టినరోజు కావడంతో మణిదీప్‌తోపాటు పట్టణానికి చెందిన అతని స్నేహితులు శివనాథుని సంకీర్త్, కటకం గోపీచంద్, గర్రెపల్లి సాయిచరణ్, మేరుగు రోహిత్‌లు కారులో ఎల్కతుర్తి మండలంలోని పెంచికల్‌పేట సమీపంలో గల ఓ దాబాకు బయలుదేరారు. పర్కాల్‌ క్రాస్‌ రోడ్‌ సమీపంలో హుజూరాబాద్‌ నుంచి వరంగల్‌ వైపు వెళ్తున్న లారీని ఓవర్‌ టేక్‌ చేశారు. ఈ క్రమంలో ఎదురుగా వేగంగా వస్తున్న మరో లారీని ఢీకొట్టడంతో కారు ముందు సీట్లో కూర్చున్న మణిదీప్‌ అక్కడికక్కడే మృతి చెందాడు. సంకీర్త్, గోపిచంద్, సాయిచరణ్‌లకు తీవ్ర, రోహిత్‌కు స్వల్ప గాయాలయ్యాయి. స్థానికులు 108 వాహనంలో క్షతగాత్రులను హుజూరాబాద్‌ ఏరియా ఆసుపత్రికి తరలించారు. ప్రథమ చికిత్స అనంతరం తీవ్రంగా గాయపడిన ముగ్గురిని వారి కుటుంబీకులు వరంగల్‌ తీసుకెళ్లారు. అయితే ఒక్కగానొక్క కుమారుడు రోడ్డు ప్రమాదంలో మృతి చెందడంతో మణిదీప్‌ తల్లిదండ్రులు, బంధువుల రోదనలు మిన్నంటాయి. మృతుడి తండ్రి ఫిర్యాదు మేరకు కేసు నమోదు చేసుకొని, దర్యాప్తు చేస్తున్నట్లు టౌన్‌ సీఐ మాధవి తెలిపారు.  చదవండి : (పాకిస్తాన్‌లో హిందూ కుటుంబం దారుణ హత్య!) (నగ్న వీడియోలు: వ్యాపారవేత్తను ఇంటికి పిలిచి..)

సాక్షి, చిత్తూరు‌: కాలుష్య నివారణకు ఉపయోగపడే ఈ (ఎలక్ట్రిక్‌ ) బైసైకిల్‌ను సొంతంగా రూపొందించారు చిత్తూరు జిల్లాకు చెందిన ఇంజనీరింగ్‌ విద్యార్థి అమర్‌నాథ్‌. దామలచెరువు మండలానికి చెందిన కృష్ణమూర్తి, షకీల దంపతుల కుమారుడు అమర్‌నాథ్‌ సిక్కిం నీట్‌ కళాశాలలో మెకానికల్‌ ఇంజనీరింగ్‌ మూడో సంవత్సరం చదువుతున్నారు. సెలవుల్లో ఇంటికి వచ్చిన తను ఖాళీ సమయాన్ని సద్వినియోగం చేసుకునేందుకు వినూత్నంగా ఆలోచించారు. రూ.80 వేలు వెచ్చించి పర్యావరణహిత ఈ–బైసైకిల్‌ను తయారు చేశారు. దీని వివరాలను అమర్‌నాథ్‌ సోమవారం మీడియాకు వెల్లడించారు. మొదట గేర్‌ సైకిల్‌ను కొనుగోలు చేసి, గేర్లు తొలగించానన్నారు. ఆన్‌లైన్‌లో పలు వెబ్‌సైట్లు, కంపెనీల నుంచి విడిభాగాలు, బ్యాటరీ కోనుగోలు చేశానన్నారు. మొదటిసారి ప్రయోగం కాబట్టి ఖర్చు ఎక్కువ అయిందని, కంపెనీలు సహకారం అందిస్తే మరింత తక్కువ ధరకే వినియోగదారులకు వీటిని అందుబాటులోకి తీసుకురావచ్చని చెప్పారు.  ఈ బైసైకిల్‌ ప్రత్యేకతలు..  ►మోటార్‌కు 72 వాట్స్‌ డీసీ పవర్‌ చార్జింగ్‌ కనెక్షన్‌  ►గంటకు 80 కిలోమీటర్ల వేగం  ►రెండు గంటలు చార్జింగ్‌ చేస్తే 90 కిలోమీటర్లు నడుస్తుంది  ►బ్యాటరీ చార్జింగ్‌ అయిపోతే ఫెడల్‌ సాయంతో తొక్కే సౌలభ్యం  

సాక్షి, హైదరాబాద్‌ : నగరంలోని ఘట్కేసర్‌ పోలీస్‌ స్టేషన్‌ పరిధిలో దారుణం చోటుచేసుకుంది. ఇంజనీరింగ్‌ విద్యార్ధినిని పొదల్లోకి లాక్కెళ్లి అత్యాచారం చేశాడో ఆటో డ్రైవర్. ఈ సంఘటన బుధవారం సాయంత్రం చోటుచేసుకుంది. పోలీసుల ప్రాథమిక దర్యాప్తు మేరకు.. సీఎమ్ఆర్‌ కాలేజీకి చెందిన ఓ ఇంజనీరింగ్‌ విద్యార్ధిని సాయంత్రం కాలేజీనుంచి ఇంటికి తిరిగొస్తోంది. జీడిమెట్ల వద్దకు రాగానే కాపు కాసిన ఓ ఆటోడ్రైవర్‌ ఆమెను పొదల్లోకి లాక్కెళ్లి అత్యాచారం చేశాడు. అనంతరం బట్టలు లేకుండా ఉన్న ఆమెను రోడ్డుపైన వదిలేసి వెళ్లాడు. నగ్నంగా ఉన్న ఆమెను గమనించిన స్థానికులు పోలీసులకు సమాచారం అందించారు. బాధితురాలిని మేడపల్లిలోని క్యూర్‌ హాస్పిటల్‌కు తరలించి చికిత్స అందిస్తున్నారు. పోలీసులు కేసు నమోదు చేసుకుని బాధితురాలి స్టేట్‌మెంట్‌ రికార్డు చేస్తున్నారు. చదవండి : అప్పు.. అక్రమ సంబంధం.. ఓ హత్య

సాక్షి, హైదరాబాద్ ‌: వ్యవసాయంతో పాటు అనుబంధ రంగాల్లోనూ శ్రమ, ఖర్చును తగ్గిస్తూ అనేక ఆవిష్కరణలు పురుడు పోసుకుంటున్నాయి. ఈ నేపథ్యంలో పాడి రైతులు, డెయిరీ ఫారాల నిర్వాహకులు ఎదుర్కొంటున్న సమస్యకు పరిష్కారంగా ‘ఆటోమేటెడ్‌ డంగ్‌ క్లీనర్‌’రూపుదిద్దుకుంటోంది. టైమ్‌ సెట్‌ చేసి వదిలేస్తే... నిర్ధారిత సమయానికి పేడను ఎత్తివేసి పశువుల షెడ్డును శుభ్రం చేసేస్తుంది. ప్రయోగస్థాయిలోనే పలువురి ప్రశంసలు పొందిన ఈ నూతన ఆవిష్కరణ త్వరలో పూర్తిస్థాయిలో పాడి రైతులు, డెయిరీ ఫారాల నిర్వాహకులకు అందుబాటులోకి రానున్నది. కొందరు ఇంజనీరింగ్‌ విద్యార్థుల ప్రతిభ, కృషికి ఫలితమిది. పాడి పరిశ్రమను చేపట్టిన రైతులు, వ్యాపారవేత్తలు డెయిరీ రంగంలో కూలీల కొరతను ఎదుర్కొంటున్నారు. ప్రధానంగా బిహార్, ఇతర రాష్ట్రాల నుంచి కూలీలను తెచ్చుకోవాల్సి వస్తోంది. షెడ్‌ల నుంచి పేడను ఎత్తి శుభ్రం చేయడం ఖర్చుతో కూడుకున్న పని కూడా. ఈ సమస్యకు పరిష్కారం చూపుతూ మెదక్‌ జిల్లా నర్సాపూర్‌లోని ఓ ప్రైవేటు ఇంజనీరింగ్‌ కాలేజీ విద్యార్థులు ‘డంగ్‌ క్లీనర్‌’యంత్రాన్ని రూపొందించారు. డంగ్‌ క్లీనర్‌ ప్రోటోటైప్‌ యంత్రానికి ఇప్పటికే తెలంగాణ స్టేట్‌ ఇన్నోవేషన్‌ సెల్, స్థానిక జిల్లా అధికారుల ప్రశంసలు దక్కాయి.  పని చేస్తుందిలా...  ►ఇది చక్రాలతో పశువుల కొట్టం అంతటా తిరుగుతూ రోబోటిక్‌ చేతుల సాయంతో పేడను ఎత్తుతుంది.   ►ఎత్తిన పేడను ఓ కంటెయినర్‌లో నింపుకుని నిర్ణీత పరిమాణంకు చేరుకున్న తర్వాత సమీపంలోని కంపోస్ట్‌ పిట్‌కు చేరవేస్తుంది.  ►మీథేన్‌ గ్యాస్‌ ఆధారంగా పేడను గుర్తించేలా ఇందులో సెన్సర్లను అమర్చారు.   ►యంత్రంలోని రియల్‌ టైమ్‌ క్లాక్‌ ఆధారంగా ఏ సమయంలో షెడ్‌ను క్లీన్‌ చేయాలో ముందుగానే టైమ్‌ను సెట్‌ చేయొచ్చు.   ►విద్యుత్‌ చార్జింగ్‌తో పనిచేస్తుంది.రూ.100 నుంచి 150 పశువులున్న డెయిరీని దాదాపు నాలుగు గంటల్లో శుభ్రం చేయగలదు.  

 సాక్షి, ముంబై: ప్రముఖ ఐటీ సేవల సంస్థ విప్రో  2021లో ఇంజనీరింగ్ పూర్తి చేయనున్న ఇంజనీరింగ్‌ విద్యార్థులకు శుభవార్త అందించింది. ఎలైట్ నేషనల్ టాలెంట్ హంట్ 2021 ని ప్రకటించింది.  దేశవ్యాప్తంగా మంచి టాలెంట్ ఉన్న ఇంజనీర్ గ్రాడ్యుయేట్స్‌కు ఉద్యోగాలు ప్రాజెక్ట్ ఇంజనీర్ ఇవ్వబోతోంది. కంప్యూటర్ సైన్స్, ఇన్ఫర్మేషన్ టెక్నాలజీ లాంటి స్ట్రీమ్స్‌లో ఇంజనీరింగ్ గ్రాడ్యుయేషన్ విద్యార్థులు దరఖాస్తు చేసుకునేందుకు అర్హులు. ఆన్‌లైన్‌ పరీక్ష, హెచ్ఆర్ ఇంటర్వ్యూ  ద్వారా అభ్యర్థుల ఎంపిక ఉంటుంది. వార్షిక వేతనం రూ.3.50 లక్షలుగా ఉంటుందని విప్రో తెలిపింది.  ఈ మేరకు విప్రో ట్విటర్‌ ద్వారా వివరాలను షేర్‌ చేసింది. ఈ నియామక ప్రక్రియకు సంబంధించిన వివరాలు manager.campus@wipro.com  లో లభ్యం. .@Wipro's Elite National Talent Hunt 2021 #NTH is a #FresherHiring program to attract the best #engineering talent in India. If you are a student graduating in 2021, this is an opportunity for you to kickstart your #career: https://t.co/Gw1oljWlaS#IndiaJobs #WiproJobs pic.twitter.com/RlCtOxmtth — Wipro Limited (@Wipro) December 10, 2020

సాక్షి, హైదరాబాద్‌ : క్యాంపస్‌ ప్లేస్‌మెంట్ల ద్వారా కొలువులకు ఎంపిౖకైన 14 వేల మంది ఇంజనీరింగ్‌ కాలేజీల ఫైనలియర్‌ విద్యార్థులు యూనివర్సిటీ గ్రాంట్స్‌ కమిషన్‌ (యూజీసీ) తీరుతో ఉసూరు మంటున్నారు. కరోనా మహ మ్మారి విజృంభణతో ఓవైపు లక్ష లాది మంది ఉపాధి కోల్పోతున్న వేళ అందివచ్చిన ఉద్యోగాల్లో చేరేందుకు డిగ్రీ పట్టా లేకపోవ డం అడ్డంకిగా మారడంతో ఆవే దన చెందుతున్నారు. ఐఐటీ, ఎన్‌ఐటీ, బిట్స్‌ పిలానీ, డీమ్డ్‌ వర్సిటీల్లో చదివి క్యాంపస్‌ కొలువులకు ఎంపికైన బీటెక్‌ ఫైనలియర్‌ విద్యార్థులు ఇప్పటికే ఉద్యోగాల్లో చేరి పోగా యూజీసీ పరిధిలోని ఇంజ నీరింగ్‌ కాలేజీలకు చెందిన వేలాది మంది విద్యార్థులు మాత్రం క్యాంపస్‌ ప్లేస్‌మెంట్లు పొందినా ప్రస్తుతం ఖాళీగా ఉంటున్నారు. డిగ్రీ సర్టిఫికెట్లు సమర్పించా లంటూ ఉద్యోగాలిచ్చిన కంపెనీలు పంపుతున్న లేఖలకు బదులివ్వలేక తలపట్టుకుంటున్నారు. యూజీసీకి ఎందుకీ మొండిపట్టు.. కరోనా విజృంభిస్తున్న తరుణంలో కేంద్ర మానవ వనరుల అభివృద్ధి మంత్రిత్వ శాఖ పరిధిలోని ఐఐటీలు, ఎన్‌ఐటీలు, డీమ్డ్‌ వర్సిటీలు ఆన్‌లైన్‌ పరీక్షలు నిర్వహించి ఇంజనీరింగ్‌ ఫైనలియర్‌ విద్యార్థులకు సర్టిఫి కెట్లు ఇచ్చేశాయి. కొన్ని కాలేజీలు అయితే ఇంటర్నల్‌ మార్కుల ఆధారంగా గ్రేడ్‌లు ఇచ్చి విద్యా ర్థులను ప్రమోట్‌ చేసి పాస్‌ సర్టిఫికెట్లు ఇచ్చేశాయి. మరోవైపు కరోనా తీవ్రంగా ఉన్నప్పటికీ విశ్వవిద్యాలయాలు, వాటి పరిధి లోని ఇంజనీరింగ్‌ కాలేజీల ఫైనలియర్‌ విద్యార్థులకు పరీక్షలు నిర్వహించాల్సిందేనని యూజీసీ అన్ని రాష్ట్రాలను ఆదేశించింది. అయితే యూజీసీ వైఖరిని తప్పుపడుతూ పశ్చిమ బెంగాల్, ఢిల్లీ రాష్ట్ర ప్రభుత్వాలు కేంద్ర ప్రభు త్వానికి లేఖలు రాశాయి. యూజీసీ నిర్ణయం అసం బద్ధమంటూ మహారాష్ట్ర ప్రభుత్వం సుప్రీంకోర్టును ఆశ్రయించింది. అయితే ఏపీ, తెలంగాణ ప్రభు త్వాలు మాత్రం వీలైనంత త్వరగా పరీక్షలు నిర్వ హిస్తామని ప్రకటిం చాయి. కానీ కరోనా ఉధృతమైతే పరీక్షల నిర్వహణ సాధ్యం కాదని, తమకు వచ్చిన ఉద్యోగాలు పోతాయని విద్యార్థులు ఆందోళన చెందుతున్నారు.  స్పష్టత కరువు... రాష్ట్ర ప్రభుత్వ ఆధ్వర్యంలోని ఇంజనీరింగ్‌ కాలేజీలు ఇంటర్నల్‌ మార్కులు లేదా ఆన్‌లైన్‌ ద్వారా పరీక్షలు నిర్వహించి సర్టిఫికెట్లు జారీ చేస్తే వారు ఇప్పటికే ఉద్యోగాల్లో చేరిపోయేవారని, యూజీసీ మొండి పట్టుదల కారణంగా విద్యార్థులు నష్టపోయే ప్రమాదం ఏర్పడిందని ఓ ఇంజనీరింగ్‌ కాలేజీ ప్రిన్సిపల్‌ వ్యాఖ్యానించారు. ‘ఎన్‌ఐటీలు నామమాత్రంగా ఆన్‌లైన్‌ పరీక్షలు నిర్వహించాయి. డీమ్డ్‌ వర్సిటీలు ఇంటర్నల్‌ మార్కుల ఆధారంగా విద్యార్థులను ప్రమోట్‌ చేశాయి. వాళ్లకు లేని నిబంధన ఇంజనీరింగ్‌ కాలేజీలకు ఎందుకు? ఒకవేళ పరీక్షలు నిర్వహించాల్సి వస్తే ఎప్పుడు నిర్వహించాలన్న దానిపై స్పష్టత లేదు. కరోనా తగ్గుముఖం పడితే గానీ సాధ్యం కాదు. పరీక్షలు నిర్వహించాక వ్యాల్యుయేషన్, ట్యాబులేషన్‌ వంటి వాటికి చాలా సమయం పడుతుంది. అప్పటిదాకా విద్యార్థుల ఉద్యోగాలకు యూజీసీ గ్యారంటీ ఇస్తుందా? అని ఆ ప్రిన్సిపల్‌ ప్రశ్నించారు. పరీక్షల నిర్వహణ, విద్యా సంవత్సరం కేలండర్‌ విషయంలో యూజీసీ విధానాలు అస్తవ్యస్తంగా ఉన్నాయని విద్యావేత్తలు మండిపడుతున్నారు. ‘ఫైనలియర్‌ విద్యార్థులకు మూడు సబ్జెక్టులే ఉంటాయి. అప్పటికే వారు ఏడు సెమిస్టర్‌లలో 35–40 సబ్జెకుŠట్‌లు చదివి పాసైన వారే. నా ఉద్దేశంలో ఇంటర్నల్‌ మార్కుల ఆధారంగా వారిని పాస్‌ చేయవచ్చు’ అని మాజీ వైస్‌ చాన్స్‌లర్‌ అభిప్రాయపడ్డారు. నా పరిస్థితి ఏమిటి? ‘నన్ను ఓ కార్పొరేట్‌ కంపెనీ రూ. 28 లక్షల వార్షిక వేతనానికి నియమించుకుంది. డిగ్రీ సర్టిఫికెట్‌ కాపీలు పంపాలని ఇప్పటికే పలుమార్లు మెయిల్‌ పంపింది. తాజాగా అక్టోబర్‌ 31 వరకు డెడ్‌లైన్‌ పెట్టింది. అప్పటికీ నా చేతికి సర్టిఫికెట్‌ రాకపోతే నేను మళ్లీ ఆ ఉద్యోగం సాధిస్తానా? కరోనా నేపథ్యంలో ఉద్యోగుల సంఖ్యను తగ్గించుకోవాలని కంపెనీలు భావిస్తున్నట్లు వార్తలు వస్తున్నాయి. ఇవన్నీ చూస్తుంటే నాకు నిద్రపట్టట్లేదు’ అని ఓ ప్రతిష్టాత్మక ప్రైవేట్‌ ఇంజనీరింగ్‌ కాలేజీకి చెందిన ఫైనలియర్‌ ఇంజనీరింగ్‌ విద్యార్థి ఆవేదన వ్యక్తం చేశాడు. యీజీసీ ఇప్పటికైనా పరీక్షల విషయాన్ని రాష్ట్ర ప్రభుత్వాల నిర్ణయానికి వదిలివేయాలని లేకుంటే పరీక్షల నిర్వహణ మరింత ఆలస్యమై విద్యార్థులు నస్టపోతారని ఓ ప్రైవేట్‌ కాలేజీ ప్లేస్‌మెంట్‌ డైరెక్టర్‌ పేర్కొన్నారు.  

సాక్షి, గుంటూరు : ముఖ్యమంత్రి వైఎస్‌ జగన్‌మోహన్‌రెడ్డి తీసుకు వచ్చిన దిశ పోలీస్‌ స్టేషన్ల వల్ల మెరుగైన ఫలితాలు కన్పిస్తున్నాయని మహిళా కమిషన్‌ చైర్‌ పర్సన్‌ వాసిరెడ్డి పద్మ అన్నారు. దిశ పీఎస్‌లో ఎలాంటి ఒత్తిళ్లు లేదని పేర్కొన్నారు. బాధితురాలికి న్యాయం చేయడం, దోషులకు శిక్ష వేయించటమే పని అని తెలిపారు. గుంటూరు ఇంజనీరింగ్‌ విద్యార్థి కేసులో పోలీసులు వెనువెంటనే స్పందిచారని ఆమె తెలిపారు. కానీ స్టూడెంట్స్ స్థాయిలో ఇలా జరగటం దారుణమన్నారు. కాగా ఇంజనీరింగ్ విద్యార్థుల కీచక పర్వం గుంటూరు పట్టణంలో శనివారం వెలుగు చూసిన విషయం తెలిసిందే. తోటి విద్యార్థినితో సన్నిహితంగా ఉంటూ వీడియోలు చిత్రీకరించిన ఇద్దరు యువకులు.. వాటిని అడ్డుపెట్టుకుని కోరిక తీర్చాలని వేధింపులకు గురి చేశారు. తాము చెప్పినట్టు వినకుంటే ఆ వీడియోలను వెబ్‌సైట్‌లో పెడతామంటూ బెదిరింపులకు దిగారు. ఈక్రమంలో బాధితురాలు దిశ పోలీసులకు ఫిర్యాదు చేసింది. (మరో ఇద్దరు యువతుల ప్రమేయం!) ఈ సందర్భంగా వాసిరెడ్డి పద్మ మాట్లాడుతూ.. ఈ ఘటనపై పోక్సో చట్టంతో పాటుగా ఇతర కేసులు కూడా పెట్టినట్లు వెల్లడించారు. ఇలాంటి కేసుల్లో కఠిన శిక్షలు ఉంటాయన్నారు ఏఐపీ అడ్రస్‌ ద్వారా ఇన్‌స్ట్రాగ్రామ్‌లో అప్‌లోడ్‌ చేసిన వ్యక్తి కోసం గాలిస్తున్నామని తెలిపారు. ఈ కేసులో ఏ1 నిందితుని తల్లిదండ్రులు పోలీసుశాఖకు చెందిన వారే అయినప్పటికీ నిందితుడిని అరెస్టు చేశామని గుంటూరు అర్బన్‌ ఎస్పీ అమ్మిరెడ్డి తెలిపారు. ఎవరి ఒత్తిళ్లు తమపై లేవని స్పష్టం చేశారు, త్వరలో మరికొందరిని అరెస్టు చేస్తామని వెల్లడించారు.

లక్నో: గోమతి నగర్‌లో బీటెక్‌ విద్యార్థిని దారుణంగా హతమార్చిన ఘటనలో బీఎస్పీ మాజీ ఎమ్మెల్యే షంషేర్‌ బహదూర్‌ కుమారుడి ప్రమేయం ఉన్నట్టు తెలిసింది. గురువారం సాయంత్రం ఈ ఘటన చోటుచేసుకోగా.. సీసీటీవీ ఫుటేజీ ఆధారంగా పోలీసులు కేసును ఛేదించారు. మాజీ ఎమ్మెల్యే కుమారుడు అమన్‌ బహదూర్‌ సహా మిగతా నిందితుల్ని అరెస్టు చేశారు. వివరాలు.. స్నేహితుడిని కలవడానికి ప్రశాంత్‌ సింగ్‌ (23) అనే ఇంజనీరింగ్‌ విద్యార్థి కారులో గురువారం సాయంత్రం గోమతి నగర్‌కు వెళ్లాడు. అక్కడ అలకనంద అపార్ట్‌మెంట్‌ వద్దకు చేరుకోగానే మాటు వేసిన 20- 25 మంది దుండగులు తొలుత కారు అద్దాలను ధ్వసం చేశారు. అనంతరం ప్రశాంత్‌ ఛాతీలో పలుమార్లు కత్తితో పొడిచి పరార్‌ అయ్యారు. (చదవండి : బీటెక్‌ విద్యార్థి దారుణ హత్య) ఈ క్రమంలో కారు దిగిన బాధితుడు అక్కడినుంచి స్నేహితుడి అపార్టుమెంటులోకి పరుగెత్తుకు వెళ్లాడు. సమాచారం అందుకున్న పోలీసులు సదరు అపార్టుమెంటు వద్దకు వెళ్లి పరిశీలించగా... ప్రశాంత్‌ సింగ్‌ రక్తపు మడుగులో కనిపించాడు. హుటాహుటిన అతన్ని ఆస్పత్రికి తరలించగా చికిత్స పొందుతూ మరణించాడు. హత్యోందంతం దృశ్యాలు అపార్ట్‌మెంట్‌ సీసీ కెమెరాలో నమోదవడంతో వాటి ఆధారంగా పోలీసులు దర్యాప్తు చేశారు. శుక్రవారం ఉదయం నిందితుల్ని అరెస్టు చేశారు. ఇక బుధవారం రాత్రి జరిగిన గొడవ కారణంగానే ఈ హత్య చోటుచేసుకున్నట్టుగా తెలుస్తోంది. ఓ బర్త్‌డే పార్టీకి హాజరైన ప్రశాంత్‌.. అక్కడ తన జూనియర్‌తో గొడవ పడినట్లు ప్రాథమిక విచారణలో తేలింది.

సాక్షి, సోమాజిగూడ: సమాచార రంగంలో విప్లవాత్మకమైన మార్పులు ఎన్నివచ్చినా..హ్యామ్‌ రేడియోకి ఆదరణ తగ్గలేదని చెప్పొచ్చు. ఇప్పటి తరం వారిలో చాలా మందికి హ్యామ్‌ రేడియో గురించి అంతగా తెలియక పోయినా..తుపాను..వరదల సమయంలో హ్యామ్‌ రేడియో పాత్రను మనం మరవలేము. సెల్‌ఫోన్‌ సిగ్నల్‌ లేని చోట సైతం హ్యామ్‌ రేడియో ప్రతినిధులు సమాచారాన్ని చేరవేస్తారు. విద్యార్హతతో సంబంధం లేకుండా 12 ఏళ్లు పైబడిన వారు ఈ కోర్సు నేర్చుకోవచ్చు. బేసిక్‌ ఎలక్ట్రానిక్స్‌ అండ్‌ కమ్యూనికేషన్‌ ప్రొసీజర్‌పై వారం పాటు నిర్వహించే కోర్సుకు పరీక్ష అనంతరం ఉత్తీర్ణత సాధించిన వారికి భారత్‌ ప్రభుత్వం(డీఓటీ) లైసెన్స్‌ మంజూరు చేస్తుంది. నామమాత్రపు ఫీజు.. ఈ కోర్సు చేయాలను కున్న వారికి వయస్సుతో సంబంధం లేదు. 12 ఏళ్లు పైబడిన వారు కోర్సును పూర్తి చేసి అమెచ్యూర్‌ రేడియో ఆపరేటర్‌ కావచ్చు. ఒకప్పుడు వీఐపీలు మాత్రమే అమెచ్యూర్‌ రేడియోను వినియోగించేవారు. సెల్‌పోన్లు, కంప్యూటర్లు, ఇంటర్నెట్‌లు లేని కాలంలో అత్యాధునిక వైర్‌లెస్‌ కమ్యూనికేషన్‌ వ్యవస్థగా ఓ వెలుగు వెలిగింది. ప్రస్తుతమున్న కమ్యూనికేషన్‌ రంగానికి హ్యామ్‌ రేడియో మూలమని చెప్పవచ్చు. పుస్తకం విడుదల.. నేషనల్‌ ఇనిస్టిట్యూట్‌ ఆప్‌ అమెచ్యూర్‌ రేడియో వ్యవస్థాపకుడు ఎస్‌.సూరి దీనిపై ఆల్‌ ఎబౌట్‌ అమెచ్యూర్‌ రేడియో అనే పుస్తకాన్ని రచించారు. అమెచ్యూర్‌ రేడియో కోర్సు పట్ల ఉన్న ఉపయోగాన్ని ఆయన తన రచన ద్వారా వివరించారు. ఇటీవల జరిగిన కార్యక్రమంలో భారత్‌ ఉప రాష్ట్ర పతి దానిని ఆవిష్కరించినట్లు సంస్థ నిర్వాహకులు చెప్పారు.   విద్యార్థులకు ఇంటర్న్‌షిప్‌గా... ♦ ఇంజినీరింగ్‌ ఈసీఈ విద్యార్థులు హ్యామ్‌ రేడియో కోర్సును ప్రాజెక్టు వర్కుగా చేస్తున్నారు. ఆయా కళాశాలలు ఇంటర్నషిప్‌ కోసం నగరంలోని నేషనల్‌ ఇనిస్టిట్యూట్‌ ఆఫ్‌ అమెచ్చూర్‌ రేడియో కార్యాలయంలో శిక్షణ ఇపిస్తున్నారు. రాజ్‌భవన్‌ రోడ్డులోని ఈ కార్యాలయంలో ఎంతో మంది శిక్షణ పొంది లైసెన్సులు పొందినట్లు సంస్థ వ్యవస్థాపకుడు ఎస్‌.సూరి తెలిపారు. ♦ కూర్చున్న చోటనుంచే ఏదేశంవారితోనైనా మాట్లాడొచ్చు ♦ అమెచ్యూర్‌ ఆపరేటర్‌ ఏదేశంలోనున్నా కూర్చున్న చోటనుంచే వారితో మాట్లాడొచ్చు. ఎటువంటి విద్యుత్, కమ్యూనికేషన్‌ నెట్‌వర్క్‌ లేని ప్రాంతం నుంచి కూడా సమాచారం పంపొచ్చు.   ♦ వరదలు, తుపాన్, భూకంపం వంటివి వచ్చినప్పుడు హ్యామ్‌ రేడియో ఎంతో ఉపయోగ పడుతోంది. ♦ అమెచ్యూర్‌ రేడియో అడ్వాన్స్‌ డిజిటల్‌ కమ్యూనికేషన్‌ నెట్‌ వర్క్‌ ద్వారా ఇంటర్నెట్‌ వినియోగించవచ్చు. ప్రపంచ వ్యాప్తంగా 3.5 మిలియన్‌లకు పైగా ఉన్న హ్యామర్స్‌తో మాట్లాడుతోవచ్చు. ♦ కోర్సుపై ఆసక్తి చూపుతున్న యువత ♦ అమెచ్యూర్‌ (హ్యామ్‌) రేడియో కోర్సు పట్ల యువత ఆసక్తి చూపుతోంది. కోర్సుతో వారికి అంతగా పనిలేకున్నా. హాబీగా చేసుకుంటున్నారు. వైర్‌లెస్‌ హ్యాండ్‌ సెట్లు చేతపట్టి అటుఇటుగా తిరగడం అదోఫ్యాషన్‌గా మారింది.పోలీసు స్టేషన్లో ఉండే వైర్‌లెస్‌ సెట్ల కంటే దీని ఫ్రీక్వెన్సీ అధికమని చెప్పవచ్చు. ఉత్తి రోజుల్లో అమెచ్యూర్‌ ఆమరేటర్లతో మాటాత్రమే మాట్లాడుకునే వారు.. ప్రకృతి విలయ తాండవం చేసినపుడు..సమాచార వ్యవస్థ చిన్నా భిన్నమైన సమయంలో తామున్నామంటూ అమెచ్యూర్‌ ఆపరేటర్లు ముందుకు వచ్చి దేశ సేవలో నిమగ్నమవుతున్నారు.

చెన్నై, సేలం: ఓమలూరులో ఇంజినీరింగ్‌ విద్యార్థిని హాస్టల్లో ఆత్మహత్యకు పాల్పడింది. సేలం జిల్లా ఓమలూరు సమీపంలో పెరియార్‌ యూనివర్సిటీ ఉంది. ఓమలూరులో ఉన్న ఇంజినీరింగ్‌ కళాశాల హాస్టల్లో ఓ విద్యార్థిని ఫ్యాన్‌కు ఉరి వేసుకుని ఆత్మహత్య చేసుకుంది. ఆదివారం ఉదయం విషయం తెలిసి కళాశాల నిర్వాహకులు కరుప్పూర్‌ పోలీసులకు తెలిపారు. సమాచారం అందుకున్న సూర మంగళం ఇన్‌స్పెక్టర్, సేలం డిప్యూటీ కమిషనర్‌ తంగదురై, అసిస్టెంట్‌ కమిషనర్‌ సెల్వరాజ్‌ హుటాహుటిన సంఘటనా స్థలానికి చేరుకుని విచారణ జరిపారు. విచారణలో విద్యార్థిని ధర్మపురి జిల్లా పాపిరెడ్డిపట్టికి చెందిన తిరుమలై కుమార్తె నివేద అని, ఆమె ఆ కళాశాలలో పీహెచ్‌డీ రెండో సంవత్సరం చదువుతున్నట్టు తెలిసింది. ఆమె మృత దేహం వద్ద మూడు పేజీల సూసైడ్‌ నోట్‌ చిక్కినట్లు సమాచారం. అనంతరం పోలీసులు నివేద మృతదేహాన్ని శవపంచనామా నిమిత్తం సేలం జీహెచ్‌కు తరలించి దర్యాప్తు చేపట్టారు.  కాగా, ఈ విభాగం హెచ్‌ఓడీ ఒక విద్యార్థినితో రాసలీలలు సాగించినట్లు ఒక వీడియో సామాజిక మాధ్యమాల్లో హల్‌ చల్‌ చేసినట్టు తెలిసింది. దీంతో సూరమంగళం పోలీసులు కేసు నమోదు చేసుకుని ఆ దిశగా విచారణ జరుపుతున్నారు. 

కేపీహెచ్‌బీకాలనీ: కూకట్‌పల్లి జేఎన్‌టీయూహెచ్‌ ఇంజనీరింగ్‌ కళాశాలలో ఓ విద్యార్థి ఒంటిపై పెట్రోల్‌ పోసుకుని ఆత్మహత్యాయత్నానికి పాల్పడ్డాడు. జవహార్‌లాల్‌ నెహ్రూ సాంకేతిక విశ్వవిద్యాలయం హైదరాబాద్‌ ఇంజనీరింగ్‌ కళాశాలలో మెటలర్జికల్‌ ఇంజనీరింగ్‌ (బీటెక్‌)లో పి.సందీప్‌ నాల్గవ సంవత్సరం చదువుతున్నాడు. ప్రతీయేడు సెమిస్టర్‌ పరీక్షల నేపథ్యంలో 75శాతం అటెండెన్స్ ఉన్న విద్యార్థులను మాత్రమే పరీక్ష రాసేందుకు అనుమతిస్తారు. ఇందులో భాగంగా అటెండెన్స్ తక్కువగా ఉన్న విద్యార్థులను డిటెండ్‌ లిస్టులో చేర్చారు.  సందీప్‌ 55శాతం అటెండెన్స్ తో డిటెండ్‌ అయ్యాడు. తన అటెండెన్స్ ను పెంచాలని ప్రిన్సిపాల్, అధ్యాపకులపై అతను ఒత్తిడి తీసుకువచ్చాడు. అందుకు వారు అంగీకరించకపోవడంతో బుధవారం మరికొందరు విద్యార్థులు, విద్యార్థి సంఘ నాయకులతో కలసి ప్రిన్సిపల్‌ సాయిబాబారెడ్డి చాంబర్‌కు వెళ్లి అటెండెన్స్్స పెంచి పరీక్షలు రాసేందుకు అనుమతించాలని కోరాడు. అందుకు ప్రిన్సిపాల్‌ నిరాకరించడంతో విద్యార్థులతో ఆందోళనకు దిగాడు.  ఆందోళనకు దిగిన సందీప్‌ తనతో పాటు తెచ్చుకున్న పెట్రోల్‌ను ఒంటిపై పోసుకోవడంతో తోటి విద్యార్థులు అడ్డుకున్నారు. అప్పటికే అక్కడికి చేరుకున్న పోలీసులు సందీప్‌ను అదుపులోకి తీసుకొని క్యాంపస్‌ హెల్త్‌ సెంటర్‌కు తీసుకువెళ్లి పరీక్షల అనంతరం పోలీస్‌స్టేష కు తరలించారు. సెమిస్టర్‌ పరీక్షలకు ముందు డిటెండైన విద్యార్థుల జాబితాను ప్రకటిస్తామని, వెబ్‌సైట్‌లోనూ పెడతామని దీంట్లో మార్పుచేర్పులకు తావులేదని ప్రిన్సిపాల్‌ సాయిబాబారెడ్డి తెలిపారు. గత నెలలో కొందరు సీనియర్‌ విద్యార్థులు జూనియర్‌లను ర్యాగింగ్‌ చేయడంతో ప్రిన్సిపల్‌కు ఫిర్యాదు చేశానని, ఆ సంఘటనను మనసులో పెట్టుకొని తనపై కావాలనే కుట్రచేసి డిటెండ్‌ చేశారని సందీప్‌ ఆరోపించాడు.

సాక్షి, రాజాం : నగర పంచాయతీ పరిధి డోలపేటలో ఓ ఇంజినీరింగ్‌ విద్యార్థి ఉంటున్న గదిలో బుధవారం గంజాయి లభ్యమైంది. విద్యార్థుల ప్రవర్తనలో వస్తున్న మార్పులను స్థానికులు గమనించి పోలీసులకు సమాచారం అందజేశారు. దీంతో పట్టణ సీఐ జి.సోమశేఖర్‌ తన సిబ్బందితో దాడి చేశారు. విద్యార్థి తన బ్యాగ్‌లో దాచుకున్న కిలో 25 గ్రాముల గంజాయిని గుర్తించి స్వాధీనం చేసుకున్నారు. సీఐ తెలిపిన వివరాల ప్రకారం.. డోలపేటలో నివాసం ఉంటున్న ఇంజినీరింగ్‌ విద్యార్థి మత్తుకు బానిసై డోలపేటలో ఉంటున్న మరో వ్యక్తి మండల శ్రీనుని ఆశ్రయించాడు. దీంతో వారిరువురు కిలో 25 గ్రాముల గంజాయిని తెచ్చుకుని వారు సేవించడంతోపాటు మరికొంత విక్రయించేందుకు ప్రయత్నిస్తున్నారు. ఈ సమయంలో స్థానికులు అందించిన సమాచారం మేరకు వారి రూమ్‌ను సోదా చేశామని సీఐ తెలిపారు. గంజాయితోపాటు వారిరువురిని అదుపులోకి తీసుకుని తహశీల్దార్‌ ఎదుట ప్రవేశపెట్టామని చెప్పారు. తహశీల్దార్‌ ఆదేశాల మేరకు రిమాం డ్‌ పంపిస్తున్నట్లు తెలిపారు. అన్ని తరగతుల్లో మెరిట్‌ స్టూడెంట్‌గా ఉన్న విద్యార్థి ఇలా గంజా యి వ్యవహారంలో పట్టుబడడంతో తోటి విద్యార్థులు విస్మయం వ్యక్తం చేస్తున్నారు.  రాజాంకు పాకిన గంజాయి వ్యాపారం  నిన్న మొన్నటి వరకు పీడించిన క్రికెట్‌ బెట్టింగ్‌లు, కబడ్డీ బెట్టింగ్‌లతోపాటు ప్రస్తుతం గంజాయి మత్తు కూడా యువతను ఆవరించింది. మత్తుకు అలవాటు పడిన విద్యార్థులు ఎలాగైనా గంజాయిని తెప్పించుకుని వాడుతున్నారు. గతంలో గంజాయి విక్రేతలను పోలీసులు అదుపులోకి తీసుకొని వారిని మందలించారు. అయినప్పటికీ వారిలో ఎటువంటి మార్పు రాకపోగా విద్యార్థులపై వారి కన్నుపడింది.దీంతో విద్యార్థులే టార్గెట్‌గా చేసుకొని గంజాయి విక్రయాలు జరుపుతున్నారనే విమర్శలు వెల్లువెత్తుతున్నా యి. దీనిపై పోలీసులు నిఘా పెంచాల్సిన అవసరం ఎంతైనా ఉందని పలువురు అంటున్నారు.   నిఘా పెంచాం: సీఐ సోమశేఖర్‌  డోలపేటలోనే ఎక్కువగా గంజాయి విక్రయాలు జరుగుతున్నట్లు ఎప్పుటికప్పుడు సమాచారం అందుతుండడంతో నిఘా మరింత పెంచామని పట్టణ సీఐ సోమశేఖర్‌ తెలిపారు. మండల శ్రీను గతంలో కూడా పట్టుబడడంతో మందలించామని, అయినా ఆయన ప్రవర్తనలో మార్పు రాలేదని, బుధవారం జరిపిన దాడిలో విద్యార్థితో కలసి మరోసారి పట్టుబడ్డాడని చెప్పారు.    

సాక్షి, తాళ్లరేవు (ముమ్మిడివరం): పేద విద్యార్థులకు పూర్తి ఫీజు రీయింబర్స్‌మెంట్‌ ఇస్తామని ప్రకటించిన ముఖ్యమంత్రి వైఎస్‌ జగన్‌మోహన్‌రెడ్డికి ధన్యవాదాలు తెలియజేస్తూ కైట్‌ గ్రూప్‌ ఆఫ్‌ ఇంజనీరింగ్‌ కళాశాలల విద్యార్థినులు శుక్రవారం అభినందన ర్యాలీ నిర్వహించారు. తూర్పుగోదావరి జిల్లా తాళ్లరేవు మండలం కోరంగి గ్రామంలోగల కైట్‌ ఇంజనీరింగ్‌ కళాశాలలో విద్యనభ్యసిస్తున్న సుమారు 1,500 మందికిపైగా విద్యార్థినులు ‘థాంక్యూ సీఎం, థాంక్యూ జగన్‌’ అంటూ పెద్ద ఎత్తున నినాదాలు చేస్తూ ర్యాలీ నిర్వహించారు. ఈ సందర్భంగా కళాశాల చైర్మన్‌ పోతుల వెంకట విశ్వం మాట్లాడుతూ గతంలో దివంగత ముఖ్యమంత్రి వైఎస్‌ రాజశేఖరరెడ్డి ఫీజు రీయింబర్స్‌మెంట్‌ పథకాన్ని ప్రారంభించి నిరుపేద విద్యార్థులు ఉన్నత చదువులు చదివేందుకు అవకాశం కల్పించారన్నారు. ప్రస్తుతం ఆయన తనయుడు, ఏపీ ముఖ్యమంత్రి వైఎస్‌ జగన్‌మోహన్‌రెడ్డి పేద విద్యార్థుల చదువుకయ్యే ఖర్చును పూర్తిగా భరించడంతోపాటు వసతి, భోజనం కోసం అదనంగా ఇరవై వేలు ప్రకటించడం అభినందనీయమన్నారు. 

రాయదుర్గం: ‘ఇంజినీరింగ్‌ చేసిన అమ్మాయిల్లో గ్లోబల్‌ టెక్‌ కెరీర్‌పై ఆకాంక్ష’ అనే అంశంపై ఓ నివేదికను గచ్చిబౌలిలోని టాలెంట్‌ స్ప్రింట్‌ బుధవారం విడుదల చేసింది. టాలెంట్‌ స్ప్రింట్‌ కంపెనీ చేపట్టిన విమెన్‌ ఇంజినీర్‌ (డబ్ల్యూఈ) ప్రోగ్రామ్‌కు దేశంలోని 29 రాష్ట్రాలు, కేంద్రపాలిత ప్రాంతాల్లోని 83 విశ్వవిద్యాలయాలకు చెందిన 7,276 మంది నుంచి దరఖాస్తులు వచ్చాయి. వాటి నుంచి తీసుకున్న గణాంకాలు, విశ్లేషణల ఆధారంగా సమాచారాన్ని క్రోడీకరించారు. పెద్ద సంఖ్యలో వచ్చిన దరఖాస్తులను వడపోయడానికి డబ్ల్యూఈ ప్రోగ్రామ్‌లోకి 100 మందిని ఆహ్వానించడానికి బహుళ దశల్లో విస్తృతంగా చేపట్టిన ఎంపిక ప్రక్రియ ఉపయోగపడింది. దేశం నలుమూలల నుంచి దరఖాస్తులు వచ్చాయి. ఇందులో పట్టణాలతో పాటు గ్రామీణ ప్రాంతాల నుంచి సమానమైన స్పందన రావడం విశేషం. అమ్మాయిల్లో గ్లోబల్‌ టెక్‌ కెరీర్‌పై ఉన్న ఆకాంక్షకు వారి తల్లిదండ్రుల విద్యా నేపథ్యానికి ఎటువంటి సంబంధం లేదని తేలింది. దరఖాస్తుదారుల్లో అధిక శాతం మంది స్వల్ప ఆదాయ కుటుంబాల నేపథ్యం నుంచి వచ్చినవారు ఉండటం గమనార్హం. తెలంగాణ, ఆంధ్రప్రదేశ్, పశ్చిమబెంగాల్‌ ఢిల్లీ, మహారాష్ట్ర, తమిళనాడు, ఉత్తరప్రదేశ్‌ల నుంచి అధికంగా దరఖాస్తులు వచ్చాయి. నివేదిక వివరాలివీ.. ♦ దరఖాస్తుదారుల్లో 50 శాతం మంది నగరాలు, 28 శాతం పట్టణాలు, 22 శాతం మంది గ్రామీణ ప్రాంతాలకు చెందినవారు ఉన్నారు ♦ 33 శాతం మంది తమ కుటుంబాల నుంచి పట్టభద్రులు మొదటి తరంగా నిలిచారు ♦ దరఖాస్తుదారుల్లో 83 శాతం మంది సంవత్సర ఆదాయం రూ.6 లక్షల కంటే తక్కువ ఆదాయం కలిగిన కుటుంబాలకు చెందినవారు ♦ 47 శాతం మంది సొంతంగా> నేర్చుకుంటున్నా వారికి ప్రపంచ సాంకేతిక పోకడలపై అవగాహన లేదు ♦ టెస్ట్‌ రాసిన దరఖాస్తుదారుల్లో 50 శాతం మంది క్వాంటిటేటివ్, లాజికల్‌ రీజనింగ్‌ పాసైనవారు ♦ టెస్ట్‌ రాసిన దరఖాస్తుదారుల్లో 34 శాతం మంది రైటింగ్‌ స్కిల్స్‌ అసెస్‌మెంట్‌లో పాసైనవారు ♦ టెస్ట్‌ రాసిన దరఖాస్తుదారుల్లో 40 శాతం మంది చాలెంజింగ్‌ కోడ్‌ రీడింగ్‌ అసెస్‌మెంట్‌ పాసైనవారు   ♦ 31 శాతం మంది అడ్వాన్స్‌డ్‌ క్వాలిటీవ్‌ స్కిల్స్‌ అసెస్‌మెంట్‌ పాసైనవారు   ♦ 20 శాతం మంది అన్ని అసెస్‌మెంట్లలో పాసైనవారు    ♦ టెస్ట్‌ రాసిన ప్రతి అయిదుగురిలో ఒకరు అగ్రశ్రేణి గ్లోబల్‌ కెరీర్‌ను చేరుకోగలిగే శక్తిసామర్థ్యాలను కలిగి ఉన్నవారు   ఈ సందర్భంగా టాలెంట్‌ స్ప్రింట్‌ సంస్థ సీఈఓ సహ వ్యవస్థాపకుడు డాక్టర్‌ శంతన్‌పాల్‌ మాట్లాడుతూ.. టాలెంట్‌ స్ప్రింట్‌ అందిస్తున్న డబ్ల్యూఈ ప్రోగ్రామ్‌ ద్వారా రాబోయే మూడేళ్లలో గ్లోబల్‌ హైటెక్‌ కెరీర్‌ 600 మంది పట్టభద్రులైన ఇంజినీరింగ్‌ అమ్మాయిలను సిద్ధం చేయడమే లక్ష్యంగా పనిచేస్తున్నామని పేర్కొన్నారు.

సాక్షి, యాదాద్రి : బొమ్మలరామారం మండలం మైసిరెడ్డి గ్రామ శివారులో గత రాత్రి జరిగిన ఘోర ప్రమాదానికి అతి వేగమే కారణమని స్పష్టమవుతోంది. దానికి తోడు మూల మలుపు. దాదాపు 130 కిలోమీటర్ల వేగంతో దూసుకొచ్చిన మలుపు వద్ద బోల్తా పడినట్టు ఘటనా స్థలంలో దృశ్యాలు స్పష్టం చేస్తున్నాయి. ప్రమాదంలో కారు తుక్కుతుక్కయింది. ఈ ఘోర ప్రమాదంలో నలుగురు ఇంజనీరింగ్‌ విద్యార్థులు చనిపోయారు. తీవ్రంగా గాయపడిన మరో విద్యార్థి పరిస్థితి విషమంగా వుంది. వారంతా ఇబ్రహీంపట్నం శ్రీ ఇందు ఇంజనీరింగ్‌ కాలేజీ విద్యార్థులుగా భావిస్తున్నారు. చదవండి...(రోడ్డు ప్రమాదంలో నలుగురు విద్యార్థుల దుర్మరణం) బొమ్మలరామారంలోని ఓ పెట్రోల్‌ బంక్‌ ఆవరణలో వున్న ఓ ప్రైవేటు గెస్ట్‌హౌజ్‌లో అందరూ కలిసి పార్టీ చేసుకున్నారని తెలుస్తోంది. అనంతరం అందరూ కలిసి హోండా కారులో హైదరాబాద్‌కు తిరిగి వస్తుండగా రాత్రి 10.30-10.45 గంటల మధ్య నాగినేనిపల్లి వెళ్లే మార్గంలో మూల మలుపు వద్ద ఘోరం చోటు చేసుకుంది. వేగంగా వచ్చిన కారు అదుపుతప్పి బోల్తా పడింది. ఈ ఘటనలో నల్లగొండకు చెందిన స్ఫూర్తి, చాదర్‌ఘాట్‌కు చెందిన ప్రణీత, చంపాపేట ప్రగతినగర్‌కు చెందిన చైతన్యలు అక్కడికక్కడే చనిపోయారు. ఇదే ఘటనలో కుంట్లూరుకు చెందిన మనీష్‌ రెడ్డి, చంపాపేట్‌కు చెందిన వినీత్‌ రెడ్డి తీవ్రంగా గాయపడ్డారు. అయితే ఆస్పత్రికి తరలిస్తుండగా వినీత్‌ రెడ్డి తుది శ్వాస విడవగా మనీష్‌ రెడ్డి పరిస్థితి విషమంగా వున్నట్లు తెలుస్తోంది.  ఇక మృతి చెందినవారిలో ప్రణీత వాళ్ళ అమ్మ, నాన్న అమెరికాలో ఉంటున్నట్లు తెలిసింది. చాదర్‌ఘాట్‌లోని అమ్మమ్మ వాళ్ళ ఇంట్లో ఉంటూ  చదువుకుంటుంది. స్ఫూర్తిరెడ్డి స్వస్థలం నల్గొండ. చైతన్య స్వస్థలం అవంగపట్నం, నారాయణ పేట్ మండలం, మహబూబ్ నగర్,  ప్రస్తుతం వీరు హైదరాబాద్‌ జిల్లలగూడా గాయత్రి నగర్‌లో ఉంటున్నారు.  వినీత్ రెడ్డి స్వస్థలం కోహెడ, అబ్దుల్లా పూర్ మెట్. ఈ ఘటనలో గాయాలపాలై ఆస్పత్రిలో చికిత్స పొందుతున్న మనీష్ రెడ్డి స్వస్థలం హయత్ నగర్, కుంట్లూరు. మృతి చెందిన చైతన్య, స్ఫూర్తి, వినీత్, ప్రణీత మృతదేహాలకు పోస్టుమార్టం పూర్తి అయింది. మృతదేహాలను వారి కుటుంబ సభ్యులకు అందించనున్నారు. మరోవైపు మునుగోడు ఎమ్మెల్యే కోమటిరెడ్డి రాజగోపాల్‌ రెడ్డి బుధవారం ఉదయం భువనగిరి ఏరియా ఆస్పత్రికిని విద్యార్థుల మృతదేహాలను సందర్శించి, సంతాపం తెలిపారు. మృతుల కుటుంబాలను ఆయన పరామర్శించారు.

బొమ్మలరామారం(ఆలేరు): కారు అదుపుతప్పి బోల్తాకొట్టడంతో నలుగురు ఇంజనీరింగ్‌ విద్యా ర్థులు దుర్మరణం పాలయ్యారు. మరొకరు తీవ్రంగా గాయపడగా వారి పరిస్థితి విషమంగా ఉంది. ఈ ఘటన బొమ్మలరామారం మండలం నాగినేనిపల్లి శివారులో మంగళవారం రాత్రి చోటు చేసుకుంది. పోలీసులు తెలిపిన వివరాల ప్రకారం.. మేడ్చల్‌ జిల్లా ఇబ్రహీంపట్నంలోని శ్రీ హిం దూ ఇంజనీరింగ్‌ కళాశాలకు చెందిన 16మంది విద్యార్థులు మండల కేంద్రంలోని ఓ గెస్ట్‌హౌస్‌లో రాత్రి పొద్దుపోయే వరకు వేడుక నిర్వహించుకున్నాడు. అక్కడే మద్యం కూడా సేవించారు. అనంతరం వారిలో ఐదుగురు విద్యార్థులు (సుమారు 22, 23 సంవత్సరాల వయసు కలిగిన) హైదరాబాద్‌లోని చాదర్‌ఘాట్‌కు చెందిన ప్రణీత, కొత్తపేటకు చెందిన స్ఫూర్తి, మీర్‌పేటకు చెందిన చైతన్య, కుంట్లూరుకు చెందిన మనీష్‌రెడ్డి, వినీత్‌రెడ్డిలు కలిసి కారులో మండలంలోని నాగినేనిపల్లి వైపు వస్తున్నారు. ఈ క్రమంలో మితిమీరిన వేగం, ఆపై మద్యం సేవించి ఉండడం, మూలమలుపు ఉండడంతో కారు ఒక్కసారిగా అదుపుతప్పి పల్టీలు కొట్టింది. ఈ ప్రమాదంలో ప్రణీత, స్ఫూర్తి, చైతన్య అక్కడికక్కడే దుర్మరణం చెందగా, ఆస్పత్రికి తరలిస్తుండగా వినీత్‌ రెడ్డి మరణించాడు. తీవ్రంగా గాయపడ్డ మరొకరి పరిస్థితి విషమంగా ఉంది. స్థానికుల సమాచారం మేరకు ఘటన స్థలాన్ని భువనగిరి సీఐ సురేందర్‌రెడ్డి సందర్శించారు. కేసు నమోదు చేసి దర్యాప్తు చేపట్టారు. ఇక క్షతగాత్రుడిని హైదరాబాద్‌లోని ఓ ప్రయివేట్‌ ఆస్పత్రికి తరలించారు.

రాయచూరు రూరల్‌: ఇంజనీరింగ్‌ విద్యార్థిని మధు పత్తార్‌ (23) అనుమానస్పద మృతి కేసు దర్యాప్తునకు సీఐడీ అధికారుల బృందంతో పాటు  ఫోరెన్సిక్‌ బృందం రాయచూరులో పర్యటించింది. సోమవారం సాయంత్రం సీఐడీ ఎస్పీ శరణప్ప, డీఎస్పీ రవి శంకర్, సీఐ దిలీప్‌ కుమార్, నలుగురు అధికారులతో కూడిన బృందం రాయచూరుకు వచ్చింది. మంగళవారం ఎఫ్‌ఎస్‌ఎల్‌ బృందం విచ్చేసింది. నగరంలో మాణిక్‌ ప్రభు దేవాలయం వెనుక ఉన్న సంఘటనా స్థలాన్ని పరిశీలించింది. మధును హత్య చేశారా? లేక ఆత్మహత్య చేసుకుందా? అనే కోణంలో పూర్తి విచారణ చేస్తున్నారు. ఆమె సూసైడ్‌ నోట్‌గా చెబుతున్న లేఖను పోలీసుల నుంచి తీసుకున్నారు. తమ కూతురిని హత్యేనని తల్లిదండ్రులు రేçణుక, నాగరాజ్‌లు అధికారులకు తెలిపారు. తమ కూతురు ఆత్మహత్య చేసుకొనే వ్యక్తి కాదని అన్నారు.    అంతటా సంతాపాలు    మధు మృతి పట్ల రాష్ట్రంలోనే కాకుండా విదేశాల్లో కూడా మధుకు న్యాయం చేయాలని కోరుతూ సంతాప సూచనలు, ప్లకార్డుల ద్వారా ప్రదర్శనలు నిర్వహిస్తున్నారు. హత్య కేసు దర్యాప్తును వేగవంతం చేయాలని ప్రజా సంఘాలు డిమాండ్‌ చేస్తున్నాయి. బాగల్‌కోట, మస్కి, బెంగళూరు, మలేషియాలో ఉంటున్న పలువురు మధు మద్దతుదారులు కొవ్వొత్తులు వెలిగించి సంతాపం ప్రకటించారు. 

సాక్షి, రాయచూరు:  ఉన్నత చదువులు చదివి ఉజ్వల భవితను అందుకుంటుందని ఆశించిన ముద్దుల కూతురు అనాథ శవమవుతుందని ఆ తల్లిదండ్రులు ఊహించలేకపోయారు. ప్రేమపేరుతో వెంటాడి వేధించిన ఓ యువకుడే ఆమెను హత్య చేసి ఆత్మహత్యగా చిత్రీకరించాడని తల్లిదండ్రులు, ప్రజా సంఘాలు ఆరోపిస్తున్నాయి. మధుకు సంఘీభావంగా రాష్ట్రవ్యాప్తంగా ప్రదర్శనలు జరుగుతున్నాయి.  నగరంలోని ఇంజనీరింగ్‌ కళాశాలలో సివిల్‌ ఇంజనీరింగ్‌ రెండో ఏడాది విద్యార్థిని మధు పత్తార్‌ (23) అనుమానాస్పద మృతి కేసు తీవ్ర సంచలనం సృష్టిస్తోంది. మరో నిర్భయ ఘోరాన్ని తలపించే ఈ విషాదంపై  సినీ, ఇతర ప్రముఖులు సోషల్‌ మీడియా ద్వారా ఆవేదన వ్యక్తం చేస్తుండడం, తల్లిదండ్రులు తమ బిడ్డది ముమ్మాటికి హత్యేనని చెబుతుండడంతో చర్చనీయాంశమైంది.  ఏం జరిగింది   వివరాలు.. మధు పత్తార్‌ రాయచూరు నగరంలో ఐడీఎస్‌ఎంపీ లేఔట్‌లో తల్లిదండ్రులతో కలిసి ఉంటోంది. ఆమె తండ్రి  నాగరాజు పత్తార్ స్వర్ణకారుడు, తల్లి రేణుక గృహిణి. నగరంలోని నవోదయ ఇంజనీరింగ్, మెడికల్‌ కాలేజీలో సివిల్‌ ఇంజనీరింగ్‌ చదువుతోంది. నిత్యం కాలేజీకి వచ్చి వెళ్లేది. ఈ నెల 13న ఇంటర్నల్‌ పరీక్షలకు వెళ్లిన అమ్మాయి సాయంత్రమైనా ఇంటికి రాలేదు. మొబైల్‌కు ఫోన్‌ చేస్తే స్పందన రాలేదు. దీంతో ఆందోళనకు గురైన తల్లిదండ్రులు అదేరోజు సాయంత్రం మహిళా పోలీసు స్టేషన్‌కు వెళ్లి బిడ్డ కనిపించడం లేదని ఫిర్యాదు చేశారు. ఎక్కడికీ పోదు, వస్తుందిలే అని పోలీసులు నిర్లక్ష్యంగా సమాధానమిచ్చారు తప్ప కేసు నమోదు చేసుకుని గాలించలేదు. మూడురోజులు గడిచిపోయాయి. 16వ తేదీన నగరంలోని మాణిక్‌ ప్రభు దేవాలయం వెనుకభాగంలో నిర్మానుష్యంగా వున్న గుట్టలపై యువతి శవం కనిపించింది. పోలీసులు ఆరా తీయగా అది మధు పత్తార్‌దేనని తల్లిదండ్రులు, స్నేహితులు గుర్తించారు.   పలు అనుమానాలు   ‘నేను ఇంజనీరింగ్‌ కోర్సులో పలు సబ్జెక్టులు ఫెయిల్‌ అయ్యాను. నా మరణానికి నేనే బాధ్యురాలిని’ అని ఉత్తరం మృతదేహం దగ్గర దొరికిందని పోలీసులు తెలిపారు. మరోవైపు ఎండిపోయిన చెట్టుకు ఉరి వేసుకోవడానికి ఆస్కారం లేదు. ఆమె కూర్చున్న స్థితిలో ఉరివేసుకుని ఉంది. ఇది ఎలా సాధ్యమని తల్లిదండ్రులు ప్రశ్నిస్తున్నారు. సూసైడ్‌ నోట్‌ కన్నడలో రాసి ఉంది. తమ కూతురికి కన్నడ రాయడం అంతగా రాదని, హంతకుడే ఆ లేఖను రాసి ఆమెతో సంతకం చేయించి ఉంటాడని తల్లిదండ్రులు చెబుతున్నారు.   ఆత్మహత్య కాదు హత్యే.. న్యాయం చేయాలి: మధు తల్లి మొర   అనుమానాస్పద రీతిలో మరణించిన తమ కూతురు, విద్యార్థిని మధు పత్తార్‌ విషయంలో ప్రభుత్వం న్యాయం చేయాలని తల్లి రేణుక కోరారు. శనివారం ఇక్కడ పాత్రికేయల భవనంలో ఏర్పాటు చేసిన విలేకరుల సమావేశంలో ఆమె మాట్లాడారు. తన కూతురుని చిత్రహింసలకు గురిచేసి, హత్య చేసి, ఆత్మహత్యగా చిత్రీకరించిన హంతకులకు కఠిన శిక్ష విధించాలని ఆమె డిమాండ్‌ చేశారు.ఈ నెల 25వ తేదీన నగరంలో విద్యార్థులు, ప్రజలు, సంఘ సంస్థల సహకారంతో భారీ ఆందోళన నిర్వహిస్తామని ఆమె తెలిపారు. భవిష్యత్తులో ఇలాంటి ఘోరాలు జరగకుండా పోలీసులు చర్యలు చేపట్టాలని కోరారు. మధు తండ్రి నాగరాజు, విశ్వకర్మ సంఘాల నాయకులు పాల్గొన్నారు.    అతనిపైనే సందేహాలు   సుదర్శన్‌ యాదవ్‌ అనే యువకుడు ఐదు నెలల నుంచి ప్రేమపేరుతో మధు పత్తార్‌ను వెంబడిస్తున్నారని, మానసికంగా వేధిస్తున్నాడని ఆమె తల్లిదండ్రులు ఆరోపించారు. ప్రేమించాలని ఒత్తిడి చేసేవాడని ఒత్తిడి చేసేవాడు. మధు అంగీకరించకపోవడంతో తనకు దక్కని ఆమె ఇంకొకరికి దక్కరాదని కక్ష పెంచుకున్నాడు. అర్జంటుగా మాట్లాడాలనే నెపంతో గుట్టలపైకి పిలుచుకెళ్లి చంపి చెట్టుకు వేలాడ దీసి ఆత్మహత్యగా చిత్రీకరించాడని తల్లిదండ్రలు, సంఘ సంస్థల నాయకులు ఆరోపించారు.   పోస్టుమార్టం నివేదిక రావాలి   13వ తేదీనే మధు విగతజీవిగా మారింది. 16న మృతదేహం బయటపడింది. ఎండలకు మృతదేహం కమిలిపోయి గుర్తుపట్టలేనంతగా మాడిపోయింది. నేతాజి నగర్‌ పోలీసులు కేసు నమెదు చేసుకున్నారు. ఇది హత్యేనని, హంతకులను పట్టుకుని కఠినంగా శిక్షించాలని ప్రజలు డిమాండ్‌ చేస్తున్నారు. కాగా, నిందితుడు సుదర్శన్‌ యాదవ్‌ ఇప్పటికే పోలీసులకు లొంగిపోయాడని, అతన్ని విచారిస్తున్నారని తెలిసింది. పోస్టుమార్టం నివేదిక వచ్చిన తరువాతే హత్య, ఆత్మహత్యనా? అనేది చెప్పగలమని, కేసు విచారణలో ఉందని పోలీసు అధికారులు తెలిపారు.  

దూద్‌బౌలి: ఓ ఇంజనీరింగ్‌ విద్యార్థిని అదృశ్యమైన సంఘటన హుస్సేనీఆలం పోలీస్‌స్టేషన్‌ పరిధిలో గురువారం చోటు చేసుకుంది. ఎస్సై రాము నాయుడు కథనం మేరకు వివరాలిలా ఉన్నాయి. పురానాపూల్‌ మూసా ఖాద్రీ దర్గా ప్రాంతానికి చెందిన లింగం గౌడ్‌ కుమార్తె సాయి మేఘన (19) నగరంలోని కళాశాలలో ఇంజినీరింగ్‌ రెండో సంవత్సరం చదువుతోంది. ఈ నెల 16న లింగంగౌడ్‌ కుమార్తెను బైక్‌పై అఫ్జల్‌గంజ్‌ బస్టాండ్‌ వదిలి వచ్చాడు. అయితే సాయంత్రం ఆమె తిరిగి రాకపోవడంతో కుటుంబసభ్యులు గాలింపు చేపట్టినా ప్రయోజనం లేకుండా పోయింది.దీంతో తన కూతురు కనిపించడం లేదని హుస్సేనీఆలం పోలీసులకు ఫిర్యాదు చేశారు.కేసునమోదు చేసుకున్న పోలీసులు దర్యాప్తు చేపట్టారు.

ముంబై: ఐఐటీ(ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ)ల్లో చదివి ప్రఖ్యాత సంస్థల్లో రూ.కోట్ల వేతనాల కొలువులు పొందడం చూశాం. కానీ, అబ్దుల్లా ఖాన్‌(21) విషయం వేరు. ముంబైకి చెందిన ఈ ఇంజినీరింగ్‌ విద్యార్థి ఏడాదికి రూ.1.2 కోట్ల వేతనంతో గూగుల్‌ సంస్థలో ఉద్యోగంలో చేరబోతున్నాడు..! ఆ ఉద్యోగానికి దరఖాస్తు చేయకుండానే ఈ ఘనత సాధించాడు. అదెలా? సౌదీ అరేబియాలో పాఠశాల విద్య పూర్తి చేసుకున్న అబ్దుల్లా ఖాన్‌ ముంబైకి వచ్చి ఐఐటీలో చేరేందుకు తీవ్రంగా ప్రయత్నించి విఫలమయ్యాడు. దీంతో ముంబై మీరా రోడ్డులో ఉన్న శ్రీ ఎల్‌ఆర్‌ తివారీ ఇంజినీరింగ్‌ కాలేజీలో డిగ్రీ పూర్తి చేశాడు. కంప్యూటర్‌ కోడింగ్‌ అంటే ఇష్టపడే అబ్దుల్లా.. ఉద్యోగం కోసమని కాకుండా, యథాలాపంగా గూగుల్‌ కంప్యూటర్‌ ప్రోగ్రామింగ్‌ పోటీల్లో పాల్గొనేందుకు తన ప్రొఫైల్‌ ఉంచాడు. దీనిని చూసి ఇంప్రెస్‌ అయిన గూగుల్‌ అధికారులు ఇంటర్వ్యూకు రమ్మంటూ మెయిల్‌ పంపారు. మొదట్లో దీనిని అబ్దుల్లా నమ్మలేదు. ఇలాంటి మెయిల్‌ తన స్నేహితుడి పరిచయస్తునికి కూడా రావడంతో వివరాలు తెలుసుకున్నాడు. అనంతరం పలు విడతలుగా జరిగిన ఇంటర్వ్యూల్లో అబ్దుల్లా విజేతగా నిలిచాడు. దీంతోపాటు మార్చి మొదటి వారంలో లండన్‌లో జరిగిన ఫైనల్‌ స్క్రీనింగ్‌ టెస్ట్‌లోనూ పాసయ్యాడు. దీంతో, సెప్టెంబర్‌లో లండన్‌లోని గూగుల్‌ కార్యాలయంలో ‘రిలయబిలిటీ ఇంజినీరింగ్‌ టీం’ సభ్యునిగా ఉద్యోగంలో జాయిన్‌ కావాలంటూ గూగుల్‌ నుంచి అబ్దుల్లాకు పిలుపొచ్చింది. ఏడాది వేతనం రూ.54.5 లక్షలు కాగా కంపెనీ బోనస్‌లో 15 శాతం, నాలుగేళ్లకు కలిపి రూ.58.9 లక్షల విలువైన కంపెనీ షేర్లు అతడికి అందుతాయి. ఇవన్నీ కలిపితే ఏడాదికి అతడికి అందే మొత్తం సుమారు రూ.1.2 కోట్లు అవుతుంది. రూ.2 కోట్ల స్కాలర్‌షిప్‌ అమెరికాలోని ప్రఖ్యాత బోస్టన్‌ యూనివర్సిటీలో చదివేందుకు నోయిడాకు చెందిన ఆర్నవ్‌ మిశ్రా అనే విద్యార్థి ఎంపికయ్యాడు. బోస్టన్‌ వర్సిటీ ట్రస్టీ స్కాలర్‌షిప్‌పై చదివేందుకు ప్రపంచవ్యాప్తంగా ఎంపికైన 20 మందిలో భారత్‌కు చెందిన ఏకైక విద్యార్థి మిశ్రా కావడం గమనార్హం. ట్రస్టీ స్కాలర్‌ షిప్‌ ఎంపిక పరీక్షలో 1,600 మార్కులకు గాను 1,500 మార్కులు, యూనివర్సిటీ స్కాలర్‌ షిప్‌ ఎంపిక పరీక్షలో 99 శాతం మార్కులు మిశ్రా సాధించాడు. దీంతో అతడు నాలుగేళ్లకు కలిపి దాదాపు రూ.2 కోట్ల మేర ఉపకార వేతనానికి ఎంపికయ్యాడు.

వారు ఇంజినీరింగ్‌విద్యార్థులు. భవిష్యత్తుపై ఎన్నో కలలు కన్నారు. వాటిని సాకారం చేసుకునే పనిలో పడ్డారు.  కాకినాడలో జరుగుతున్న ఇంటర్వ్యూలకు హాజరయ్యేందుకు పయనమయ్యారు. అయితే గమ్యం చేరకుండానే మృత్యువు వారి ఆశలను చిదిమేసింది. లారీ రూపంలో వారిని కబళించింది. తూర్పుగోదావరి, సామర్లకోట (పెద్దాపురం): సామర్లకోట కెనాల్‌ రోడ్డులో గురువారం ఉదయం జరిగిన రోడ్డు ప్రమాదంలో ఇద్దరు విద్యార్థులు అక్కడికక్కడే మృతి చెందారు. పోలీసుల కథనం ప్రకారం.. పశ్చిమగోదావరి జిల్లా ఏలూరు సత్రంపాడు ఆదిత్య డిగ్రీ కళాశాలలో బీబీఏ చదువుతున్న విద్యార్థులు కాకినాడ వెళుతుండగా.. స్థానిక సుగర్‌ ఫ్యాక్టరీ క్వార్టర్స్‌ సమీపంలో సామర్లకోట నుంచి బిక్కవోలు వైపు వెళుతున్న ఎరువుల లోడ్‌ లారీ ఎదురుగా వీరి మోటారు సైకిల్‌ను ఢీకొట్టింది. దీంతో బీబీఏ చదువుతున్న ఎస్‌కే రభానీ(22) షేక్‌ అనీఫ్‌(22) అక్కడికక్కడే మృతి చెందారు. మోటారు సైకిల్‌ను ఢీ కొన్న లారీ అదుపు తప్పి గోదావరి కాలువలో బోల్తా పడింది. లారీలో ఉన్న డ్రైవరు, క్లీనర్లు పరారయ్యారు. కాకినాడలో ఇంటర్వ్యూకు హాజరు కావడానికి వెళుతూ ఈ ప్రమాదానికి గురైనట్టు పోలీసులు తెలిపారు. మృతి చెందిన విద్యార్థుల వద్ద ఉన్న బ్యాగులలోని ఐడీ కార్డుల ద్వారా వారు ఏలేరు ఆదిత్య కళాశాలలో చదువుతున్నట్టు గుర్తించారు. కెనాల్‌ రోడ్డు ఇరుకుగా ఉండడంతో పాటు చెరకు క్రషింగ్‌ కోసం వస్తున్న వాహనాలతో ట్రాఫిక్‌ సమస్య ఏర్పడింది. పోలీసు సిబ్బంది సంఘటన స్థలానికి చేరుకొని ట్రాఫిక్‌ను క్రమబద్ధీకరించారు. ఎస్సై ఎల్‌. శ్రీనివాసు నాయక్‌ సంఘటన ప్రదేశానికి చేరుకొని వివరాలు సేకరించి, కళాశాల యాజమాన్యం, మృతుల కుటుంబ సభ్యులకు సమాచారం ఇచ్చారు. విద్యార్థులకు హెల్మెట్‌ లేకపోవడం వల్లే తలకు బలమైన గాయం తగిలి అక్కడికక్కడే మృతి చెందారని పోలీసులు తెలిపారు. కేసు నమోదు చేసి ఎస్సై దర్యాప్తు చేస్తున్నారు. మృతుల తల్లిదండ్రులు, బందువులు, స్థానిక పోలీసు స్టేషన్‌కు చేరుకొని పోలీసుల నుంచి వివరాలు తెలుసుకొని వారివారి కుమారుల మృతదేహాలను చూసి బోరున విలపించారు. మృత దేహాలకు పోస్టుమార్టం నిర్వహించి కుటుంబ సభ్యులకు అప్పగించారు.

ఇబ్రహీంపట్నం: ఓ ప్రైవేట్‌ ఇంజినీరింగ్‌ కళాశాలలో బీటెక్‌ చదువుతున్న విద్యార్థినిపై నేపాల్‌ దేశానికి చెందిన సహచర విద్యార్థి అత్యాచారం చేశాడు. అనంతరం అసభ్యకరమైన ఫొటోలను సోషల్‌ మీడియాలో పెడతానంటూ బెదిరింపులకు పాల్పడ్డాడు. ఈమేరకు పోలీసులు నిందితుడిని అరెస్టు చేసి రిమాండుకు తరలించారు. ఆలస్యంగా వెలుగుచూసిన ఈ ఘటన ఇబ్రహీంపట్నం ఠాణా పరిధిలో జరిగింది. గురువారం సీఐ గురుశారెడ్డి కేసు వివరాలు వెల్లడించారు. నిజమాబాద్‌ జిల్లాకు చెందిన 20 ఏళ్ల విద్యార్థిని ఇబ్రహీంపట్నంలోని ఎస్టీ హాస్టల్‌లో ఉంటూ స్థానిక గురునానక్‌ ఇంజినీరింగ్‌ కళాశాలలో బీటెక్‌ మూడో సంవత్సరం చదువుతోంది. సహచ విద్యార్థి అయిన నేపాల్‌ దేశానికి చెందిన ఆరిఫ్‌అన్సారీ(22) ఆమెతో స్నేహిం చేశాడు. విద్యార్థినిని నమ్మించి ఇబ్రహీంపట్నంలోని తన గదికి తీసుకెళ్లి అత్యాచారం చేశాడు. అనంతరం విద్యార్థికి సంబంధించిన అసభ్యకరమైన ఫొటోలను సోషల్‌ మీడియాలో పెడతానని బెదిరింపులకు పాల్పడుతున్నాడు. దీంతో బాధితురాలు ఈనెల 10 ఇబ్రహీంపట్నం పోలీసులకు ఫిర్యాదు చేసింది. ఈమేరకు పోలీసులు నిందితుడిపై ఎస్సీఎస్టీ అట్రాసిటి, ఆత్యాచారం కేసులను  నమోదు చేసి బుధవారం రిమాండుకు తరలించారు.

సాక్షి, చెన్నై : ఎస్‌ఆర్‌ఎం యూనివర్సిటీ క్యాంపస్‌ హాస్టల్‌లో దారుణం చోటుచేసుకుంది. ఇంజనీరింగ్‌ విద్యార్ధినిపై జరిగిన లైంగిక వేధింపుల పట్ల వర్సిటీ అధికారులు ఎలాంటి చర్యలూ చేపట్టలేదని పేర్కొంటూ గురువారం రాత్రి విద్యార్ధులు పెద్ద ఎత్తున నిరసనలకు దిగారు. బాధిత విద్యార్ధిని ఫిర్యాదుపై అధికారులు చర్యలు చేపట్టకపోవడంపై విద్యార్ధులు భగ్గుమన్నారు. వర్సిటీలో ఇంజనీరింగ్‌ రెండో సంవత్సరం చదువుతున్న విద్యార్ధిని గురువారం మధ్యాహ్నం హాస్టల్‌ లిఫ్ట్‌లో వెళుతుండగా, లిఫ్ట్‌లోనే ఉన్న పారిశుద్ధ్య కార్మికుడు జననాంగం చూపుతూ ఆమె పట్ల అసభ్యంగా వ్యవహరించాడు. దీంతో ఆమె అధికారులకు  ఫిర్యాదు చేశారు. బాధితురాలు ఫిర్యాదు చేసినా హాస్టల్‌ వార్డెన్‌ సీసీటీవీ ఫుటేజ్‌ను పరిశీలించేందుకు మూడు గంటలు జాప్యం చేశారన్నారు. నిందితుడిని గుర్తించినా పోలీసులకు ఫిర్యాదు చేయడంలో తాత్సారం చేశారని మండిపడ్డారు. బాధిత విద్యార్థిని జరిగన ఘటనపై మౌనంగా ఉండాలని వర్సిటీ అధికారులు ఒత్తిడి తెచ్చారని విద్యార్ధులు చెబుతున్నారు. విద్యార్థిని ఫిర్యాదుపై వర్సిటీ యంత్రాంగం చర్యలు చేపడుతుందని ఎస్‌ఆర్‌ఎం యూనివర్సిటీ వీసీ సందీప్‌ సంచేటి తెలిపారు. మరోవైపు వర్సిటీ క్యాంపస్‌లో జరిగిన ఘటనపై తమకు ఎలాంటి ఫిర్యాదు రాలేదని పోలీసులు పేర్కొనడం గమనార్హం.

కలలు కనండి..వాటిని సాకారం చేసుకోండి అన్న ప్రముఖ శాస్త్రవేత్త, మాజీ రాష్ట్రపతి అబ్దుల్‌ కలాం సూక్తిని అందిపుచ్చుకున్నాడు ఓ ఇంజినీరింగ్‌ విద్యార్థి. సామాన్యుల కోసం ఏదైనా చేయాలనే అతడి ఆలోచన విద్యుత్, పెట్రోల్, డీజిల్‌  అవసరం లేకుండా నడిచే ఆటోమేటిక్‌ చార్జి సైకిల్‌ రూపకల్పనకు దోహదం చేసింది. గంటకు 25 కిలోమీటర్ల వేగంతో నడిచే  సైకిల్‌ తయారు చేసి అందరినీ అబ్బురపరిచాడు. బోస్టన్‌ యూనివర్శిటీ ఆహ్వానం మేరకు తన ప్రతిభను ప్రదర్శించేందుకు అమెరికా పయనమయ్యాడు. అతడే తోట్లవల్లూరు గ్రామానికి చెందిన కంభంపాటి నాగశ్రీపవన్‌. కృష్ణా జిల్లా/ తోట్లవల్లూరు: తోట్లవల్లూరు గ్రామానికి చెందిన కంభంపాటి రమేష్‌బాబు, నాగవెంకట హనుమలత దంపతుల కుమారుడు కంభంపాటి నాగశ్రీపవన్‌. కంచికచర్ల సమీపంలోని దేవినేని వెంకటరమణ, హిమశేఖర్‌ మిక్‌ కాలేజ్‌ ఆఫ్‌ ఇంజినీరింగ్‌లో మెకానికల్‌ తృతీయ సంవత్సరం చదువుతున్నాడు. ఏపీ స్కిల్‌ డవలప్‌మెంట్‌ కార్పొరేషన్‌ ఆధ్వర్యంలో ఎంటర్‌ప్రెన్యూర్‌షిప్‌ చేస్తున్నాడు. తనకు వచ్చిన వినూత్న ఆలోచనతో పేదలు, సామాన్యుల కోసం ఖర్చు లేకుండా ప్రయాణించే ఆటోమేటిక్‌  చార్జి సైకిల్‌ను రూపొందించాడు. కళాశాల మెకానికల్‌ యాజమాన్యం, అధ్యాపక బృందం, ఏపీ స్కిల్‌ డవలప్‌మెంట్‌ సహకారంతో సైకిల్‌ను రూపొందించినట్లు నాగశ్రీపవన్‌ తెలియజేశాడు. అమెరికా పయనం.. ఏపీ స్కిల్‌ డవలప్‌మెంట్‌ ద్వారా నాగశ్రీపవన్‌కు అమెరికాలోని బోస్టన్‌ యూనివర్సిటీ నుంచి ఆహ్వానం అందింది. అతను రూపొందించిన ఆటోమేటిక్‌ చార్జి సైకిల్‌ గురించి వివరించటానికి ఈ నెల 4 నుంచి 16వ తేదీ మధ్యలో సైకిల్‌తో సహా రావాలని యూనివర్సిటీ కోరింది. దీంతో పవన్‌ శనివారం సాయంత్రం కుటుంబసభ్యులు, బంధువుల వీడ్కోలు నడుమ అమెరికా పయనమయ్యాడు. తమ గ్రామానికి చెందిన యువకుడు ఓ ప్రత్యేక పరికరం తయారు చేయటం, దానిని ప్రదర్శించేందుకు అమెరికా వెళుతుండటంపై గ్రామస్తులు హర్షాతిరేకాలు వ్యక్తం చేస్తున్నారు.  సామాన్యుల సైకిల్‌ రైతులు, పేదల కోసం ఏదో ఒకటి రూపొందించాలనే ఆలోచన నుంచి  పుట్టిందే ఆటోమేటిక్‌ చార్జి సైకిల్‌. దీని తయారీకి రూ.20 వేల వరకు వ్యయమవుతుంది. గంటకు 25 కిలో మీటర్ల వేగంతో ప్రయాణిస్తుంది. పెట్రోల్, డీజిల్, విద్యుత్‌ అవసరం లేదు. సైకిల్‌ నడుస్తుండగానే చార్జి అవుతూ ప్రయాణిస్తుంది. 150 కేజీల వరకు బరువు మోయగలిగే సామర్థ్యంతో దీనిని మరింత అధునాతంగా రూపకల్పన చేసేందుకు కృషి చేస్తున్నాను. సైకిల్‌ రూపకల్పనకు సహకరించిన మిక్‌ కళాశాల ప్రిన్సిపాల్‌ సుధీర్‌బాబు, మెకానికల్‌ హెచ్‌వోడీ, అధ్యాపక బృందానికి కృతజ్ఞతలు. –కంభంపాటి నాగశ్రీపవన్,  ఇంజినీరింగ్‌ విద్యార్థి, తోట్లవల్లూరు 

నిరుపేద రైతు కుటుంబం.. రెక్కాడితే కానీ డొక్కనిండని దుస్థితి.. తమ సుపుత్రుడు బాగా చదువుకుని పైకి వస్తే తమ కష్టాలు తీరుతాయని ఆ కుటుంబం కలలు కనింది. అయితే ఆ ఆశలు అడియాసలయ్యాయి. దురదృష్టం లారీ రూపంలో వెంబడించింది. ఫలితంగా ఆ ఇంటి వారసుడు అచేతన స్థితిలో కొట్టుమిట్టాడుతున్నాడు. తమ బిడ్డను బతికించమని ఆ రైతు కుటుంబం వేడుకొంటోంది. మదనపల్లె టౌన్‌: దాతలు, తమకు ఆపన్న హస్తం అందించి తమ బిడ్డకు ప్రాణభిక్ష పెట్టాలని చిత్తూ రు జిల్లా పెద్దమండ్యం మండలం పాపేపల్లె పం చాయతీ గురివిరెడ్డిగారిపల్లెకు చెందిన రైతు జీవీ కృష్ణారెడ్డి, శివకుమారి దంపతులు అభ్యర్థిస్తున్నా రు. రోడ్డు ప్రమాదంలో గాయపడి, అచేతన స్థితిలో ఉన్న తమ బిడ్డకు ఆపరేషన్‌ కోసం దయగల వారు సాయం అందించాలని వేడుకుంటున్నారు. వివరాల్లోకి వెళితే.. గురివిరెడ్డిగారిపల్లెకు చెందిన కృష్ణారెడ్డికి ఇద్దరు సంతానం. కుమారుడు భరత్‌ సింహారెడ్డి(21) చిన్నప్పటి నుంచి చదువులో రాణిస్తుండేవాడు. ఈ నేపథ్యంలో వారు తమ కుమారుడిని రెండేళ్ల క్రితం నెల్లూరులోని ఓ ఇంజి నీరింగ్‌ కళాశాలలో చేర్పించారు. తమ కుమారుడు ఇంజినీరింగ్‌ పూర్తి చేస్తే తమ కష్టాలు తీరుతాయని భావించారు. వారి ఆశయానికి తగ్గట్టు భరత్‌సింహారెడ్డి ఇంజినీరింగ్‌ ఫస్టు ఇయర్‌లో మంచి మార్కులు సాధించాడు. అయితే దేవుడు చిన్నచూపు చూశాడు.  దురదృష్టం లారీ రూపంలో వెంటాడింది. రెండేళ్ల క్రితం లారీ ఢీ కొన్న సంఘటనలో భరత్‌ సింహారెడ్డి కాళ్లు, చేతులు పోగొట్టుకుని, తలకు బలమైన గాయాలు కావడంతో మతి స్థిమితం కోల్పోయాడు. అచేతన స్థితిలో ఉన్న తన ఒక్కగానొక్క బిడ్డను బతికించుకోవడానికి ఆ తల్లిదండ్రులు గ్రామంలో ఉన్న నాలుగు ఎకరాల వ్యవసాయ భూమిని తెగమ్మి ఎట్టకేలకు కొడుకును బతికించుకున్నారు. రూ. 2.5 లక్షలు ఎన్టీఆర్‌ వైద్య సేవలతో ఆపరేషన్‌ కూడా చేయించారు. అప్పటికే చేతిలో ఉన్న డబ్బంతా ఖాళీ అయింది.  అయినా ఆ యువకుడు లేచి నడవలేకున్నాడు. భరత్‌ సింహారెడ్డి లేచి నడవాలంటే మరో మూడు ఆపరేషన్లు చేయాలని వైద్యులు చెబుతున్నారు. ఇందుకు రూ.5 లక్షలు అవసరమని వైద్యులు చెబుతున్నారు. ఎన్టీఆర్‌ ఆరోగ్యశ్రీ పథకం కోసం దరఖాస్తు చేసుకుంటే ఇప్పటికే రూ.2.5 లక్షల విలువైన వైద్యం చేశామని, ఇక ఎన్టీఆర్‌ ఆరోగ్యశ్రీ వర్తించదని వైద్యులు చెబుతున్నారని ఆ తల్లిదండ్రులు ఆవేదన వ్యక్తం చేస్తున్నారు. ఏ ఆస్పత్రికి వెళ్లినా ఇదే పరిస్థితి ఎదురవుతోందని వారు విలపిస్తున్నారు. ఉన్న పొలం అమ్మివేయడంతో కూలికెళితేగాని కుండకాలని పరిస్థితిలో ఉన్నామని, అంత మొత్తం నగదు తమ వద్ద లేక, అప్పులు చేస్తే తీర్చేదారిలేక ఆ తల్లిదండ్రులు అయోమయంలో పడ్డారు.  మంచానికే పరిమితమైన తమ బిడ్డను వైద్యపరీక్షలు, మందులుకు ప్రతిసారి మదనపల్లెకు తీసుకువచ్చి, తిరిగి వెళ్లడానికి కష్టంగా మారడంతో పల్లె నుంచి మదనపల్లెలోని అమ్మినేనివీధికి కాపురం మార్చుకున్నారు. నడవలేనిస్థితిలో ఉన్న బిడ్డకు తల్లిదండ్రులు సపర్యలు చేస్తున్నారు. దాతలు వారికి ఆపన్నహస్తం అందించదలిస్తే  9493871077, 9676520586 నంబర్లలో సంప్రదించాలని వారు కోరుతున్నారు. ఎస్‌బీఐ ఎన్టీటీఆర్‌ సర్కిల్‌ అకౌంట్‌ నంబర్‌ 30757452216. ఐఎఫ్‌ఎస్‌సీ కోడ్‌ ఎస్‌బీఐఎన్‌ 0012727కు సహాయం అందించాలని ప్రాథేయపడుతున్నారు.

భువనేశ్వర్‌ : పశ్చిమ ఒడిశాలో బరాగర్‌ జిల్లాలో ఓ విద్యార్థి అదుపుతప్పి జలపాతంలో పడిపోయాడు. 200 మీటర్ల ఎత్తు నుంచి జలపాతంలో యువకుడు పడిపోయిన వీడియో సామాజికమాధ్యమాల్లో వైరల్‌అవుతోంది. అతన్ని డిప్లొమా ఇంజినీర్‌ విద్యార్థి రాహుల్‌ దాస్‌(18)గా గుర్తించారు. డీయోదరా హిల్‌లోని నలీచుహాన్‌ జలపాతం వద్ద బుధవారం ఈ సంఘటన చోటుచేసుకుంది. రాహుల్‌ దాస్‌ తన ముగ్గురు క్లాస్‌మెట్స్‌తో కలిసి నలీచుహాన్‌ జలపాతం దగ్గరికి వెళ్లారు.  జలపాతం దగ్గర అందరూ సరదాగా గడుపుతుండగా రాహుల్‌ తన ఫోన్‌తో ఫోటోలు తీశాడు. అనంతరం ఆఫోన్‌ను పక్కన పెట్టి, తిరిగి మిత్రుల దగ్గరకి వెళ్దామనుకున్నాడు. అయితే నీళ్లలో అడుగుపెట్టగానే షూ జారడంతో అదుపుతప్పి లోయలో పడిపోయాడు. ఈ ప్రమాదంలో రాహుల్‌ ప్రాణాలతో బయటపడ్డా, వెన్నుముకకు తీవ్ర గాయం కావడంతో గురువారం రాత్రి డాక్టర్లు సర్జరీ చేశారు. సంఘటన జరిగిన సమయంలో బాధితుడి స్నేహితుడు ఈ తతంగాన్నంతా వీడియో తీసి సోషల్‌మీడియాలో పెట్టడంతో వైరల్‌ అయ్యింది. 

చిత్తూరు, కురబలకోట: విద్యార్థినుల బలవన్మరణాలు కలవరం కలిగిస్తున్నాయి. ఎంబీబీఎస్‌ విద్యార్థిని గీతిక తనువు చాలించి రెండు రోజులు గడవకమునుపే మరో విద్యాసుమం రాలిపోయింది. అంగళ్లులో ఇంజినీరింగ్‌ రెండో సంవత్సరం విద్యార్థిని ప్రియాంక ఆత్మహత్య చేసుకుంది. కారణాలు తెలియనప్పటికీ విద్యార్థుల వరుస మరణాలు ఆందోళన కలిగిస్తున్నాయి. సమస్య ఎదురైతే ధైర్యంగా ఎదుర్కొనాల్సిన విద్యావంతులు ప్రాణాలు తీసుకోవడం చర్చనీయాంశమైంది. విద్యాసంస్థల్లో తక్షణ కౌన్సెలింగ్‌ అవసరాన్ని తెలియజేస్తున్నాయి. అంగళ్లు సమీపాన ఇంజినీరింగ్‌ కశాశాలలో రెండో సంవత్సరం చదువుతున్న ప్రియాంక తన స్వస్థలం అనంతపురం జిల్లా కదిరి ప్రాంతం పట్నంలో సోమవారం రాత్రి ఆత్మహత్యకు  పాల్పడింది. ఈ సంఘటన ఇక్కడి విద్యార్థులను విషాదంలో ముంచింది. ర్యాగింగ్, ఈ వ్‌టీజింగ్‌తో ఆత్మహత్య చేసుకున్నట్లు ప్రి యాంక తండ్రి నగేష్‌ అనంతపురం పోలీసులకు ఫిర్యాదు చేశారు. మంగళవారం రూరల్‌ సీఐ రమేష్, ముదివేడు ఎస్‌ఐ నెట్టి కంఠయ్య విచారణ జరిపారు. ఆమె చదువుతున్న మండలంలోని ఇంజినీరింగ్‌ కళాశాలలో వి ద్యార్థులను, యాజమాన్యాన్ని విచారించా రు. హాస్టల్‌ను సందర్శించారు. ఆత్మహత్యకు దారితీసిన కారణాలపై అడిగి తెలుసుకున్నారు. ప్రియాంక కలివిడిగా మసలుకునేదని సహ విద్యార్థులు చెబుతున్నారు. ఈమె తండ్రి ఆటోడ్రైవర్‌. కళాశాల ఉచితంగా హాస్టల్‌ వసతి కల్పించినట్లు యాజమాన్యం చెబు తోంది. ర్యాగింగ్‌ జరగలేదని పోలీసులకు యాజమాన్యం వివరించింది. రెండో సంవత్సరం చదువుతున్న విద్యార్థులకు ర్యాగింగ్‌ ఎదురుకాదని పేర్కొనట్లు భోగట్టా. వ్యక్తిగత అంశాలపై పోలీసులు ఆరా తీశారు. తాతకు బాగలేదని మంగళవారం ప్రియాంక కళాశాలకు సెలవు పెట్టింది. కళాశాల హాస్టల్‌నుంచి సోమవారం సాయంత్రం కళాశాల బస్సులోనే కదిరి వెళ్లింది. అదే రోజు రాత్రి ఇంటిలో చనిపోయింది. విచారణ జరపాలని ఏఐఎస్‌ఎఫ్‌ నాయకులు మంగళవారం కళాశాల వద్ద రాస్తారోకో నిర్వహించారు.

కడప కల్చరల్‌ : ప్రపంచ ప్రఖ్యాత ఐటీ సంస్థ గూగుల్‌లో ఓ లోపాన్ని కనుగొన్న వైఎస్సార్‌ జిల్లా కడపకు చెందిన ఇంజినీరింగ్‌ విద్యార్థి గోపాల్‌సింగ్, ఆ సమాచారాన్ని గూగుల్‌ సంస్థకు తెలియజేశాడు. తప్పును తమకు వెంటనే తెలియజేసినందుకు గూగుల్‌ యాజమాన్యం ప్రత్యేక సమావేశం నిర్వహించి గోపాల్‌సింగ్‌ను అభినందించింది. స్థానిక కేఎస్‌ఆర్‌ఎం కళాశాలలో నాలుగో సంవత్సరం కంప్యూటర్‌ సైన్స్‌ చదువుతున్న గోపాల్‌సింగ్‌ గుగూల్‌లోని ఓ ప్రత్యేకమైన లోపాన్ని కనుగొన్నారు. ఇందుకు గూగుల్‌ ప్రతినిధులు ఆయనకు 3133.70 డాలర్లు (రూ. 2.10 లక్షలు) నగదును బహుమతిగా ప్రకటించారు. ఈ లోపం ద్వారా గూగుల్‌తో పాటు ఆ సంస్థతో టైఅప్‌ అయిన కంపెనీల రహస్యాలను ఇతరులు చౌర్యం చేసే ప్రమాదం ఉందని, దాన్ని తాను గుర్తించి గూగుల్‌కు తెలియజేసినట్లు గోపాల్‌సింగ్‌ తెలిపారు.

తిరువొత్తియూరు: కాంచీపురం జిల్లా పడాలం సమీపంలోని ఓ ప్రైవేట్‌ ఇంజినీరింగ్‌ కళాశాల విద్యార్థిని ఆ కళాశాల హాస్టల్‌ మూడో అంతస్తు నుంచి కిందపడి మృతిచెందింది. ఈ సంఘటన ఆదివారం చోటు చేసుకుంది. వివరాలు.. పుదుకోట్టై జిల్లాకు చెందిన మురుగన్‌ కుమార్తె గాయత్రి (20). ఈమె కాంచీపురం జిల్లా పడాలం సమీపంలో ఉన్న చిన్న కొలపాక్కం ప్రాంతంలోని ఓ ప్రైవేట్‌ ఇంజినీరింగ్‌ కళాశాల (కర్పక వినాయకం) హాస్టల్‌లో ఉంటూ ఇంజినీరింగ్‌ తృతీయ సంవత్సరం చదువుతోంది. ఈ క్రమంలో గాయత్రి ఆదివారం హాస్టల్‌ మూడో అంతçస్తు  నుంచి కింద పడి మృతిచెందింది. కళాశాల నిర్వాహకులు పడాలం పోలీసులకు సమాచారం అందజేశారు. అక్కడికి చేరుకున్న పోలీసులు విద్యార్థిని మృతదేహాన్ని పోస్టుమర్టం కోసం చెంగల్పట్టు ప్రభుత్వ ఆస్పత్రికి తరలించారు. పోలీసులు కేసు విచారణ చేస్తున్నారు.

నెల్లూరు(క్రైమ్‌): ఇంటి నుంచి కళాశాలకు వెళ్లిన ఓ ఇంజినీరింగ్‌ విద్యార్థి అదృశ్యమైన ఘటనపై నాల్గో నగర పోలీసులు కేసు నమోదు చేశారు. పోలీసుల సమాచారం మేరకు.. దర్గామిట్ట ఎంజీమాల్‌ వెనుక వైపునున్న ఓ అపార్ట్‌మెంట్‌లో పి.మధుసూదనరావు కుటుంబం నివాసం ఉంటోంది. ఆయన కుమారుడు ఆదిత్య చెన్నైలోని ఏవీఐటీ  ఇంజినీరింగ్‌ కళాశాలలో చదువుతున్నాడు. ఈ ఏడాది మార్చి 15న సెలవుపై చెన్నై నుంచి నెల్లూరుకు వచ్చాడు. పది రోజులు ఇంట్లో గడిపాడు. అదే నెల 25న చెన్నై వెళ్లేందుకు మధుసూదన్‌రావు కుమారుడిని ఆర్టీసీ బస్సు ఎక్కించి ఇంటికి వచ్చాడు. అప్పటి నుంచి ఆదిత్య ఆచూకీ తెలియరాలేదు. దీంతో బాధిత కుటుంబ సభ్యులు అతని కోసం గాలింపు చర్యలు చేపట్టారు. ఫలితం లేకపోవడంతో నాల్గో నగర పోలీసులకు ఫిర్యాదు చేశారు. పోలీసులు కేసు దర్యాప్తు చేస్తున్నారు. 

అన్నానగర్‌: ఇంజినీరింగ్‌ విద్యార్థి ఆత్మహత్యకు కారణమైన వారిపై చర్యలు తీసుకోవాలని శుక్రవారం పాళయంకోట కలెక్టరేట్‌ ముందు విద్యార్థి బంధువులు రాస్తారోకో చేశారు. వివరాలు.. శివగంగై జిల్లా కరియూర్‌కి చెందిన బాలమురుగన్‌ కుమారుడు మనోజ్‌ (18). ఇతను నెల్‌లై సమీపంలోని ఓ ప్రైవేట్‌ ఇంజినీర్‌ కళాశాలలో బీఈ సివిల్‌ తృతీయ సంవత్సరం చదువుతున్నాడు. కళాశాల హాస్టల్‌లో ఉంటూ చదువుతున్నాడు. ఈ క్రమంలో గురువారం మనోజ్‌ హాస్టల్‌లో ఎవరూ లేని సమయంలో ఉరేసుకుని ఆత్మహత్య చేసుకున్నాడు. సమాచారం అందుకున్న మున్నీర్‌పల్లం పోలీసులు అక్కడికి వచ్చి పరిశీలించారు.  అనంతరం మనోజ్‌ మృతదేహాన్ని పోస్టుమార్టం కోసం పాళయంకోట ఐకిరవుండు ప్రభుత్వ ఆస్పత్రికి తరలించారు. పోలీసులు కేసు విచారణ చేస్తున్నారు. కాగా శుక్రవారం మధ్యాహ్నం మనోజ్‌ బంధువులు, విద్యార్థులు పాళయంకోట ఐకిరవుండులో ఉన్న కలెక్టరేట్‌ ముందు రాస్తారోకో చేశారు. విద్యార్థి ఆత్మహత్యకు కారణమైన వారిపై చర్యలు తీసుకోవాలి డిమాండ్‌ చేశారు. ఈ సమాచారం అందుకున్న పాళయంకోట జాయింట్‌ పోలీసు కమిషనర్‌ విజయకుమార్, పోలీసులు అక్కడికి వచ్చారు. చర్యలు తీసుకుంటామని వారికి హామీ ఇవ్వడంతో రాస్తారోకో విరమించారు.   

సాక్షి, ప్రకాశం : చీరాల రైల్వే స్టేషన్‌లో శుక్రవారం అర్ధరాత్రి దారుణం చోటు చేసుకుంది. అతి వేగంతో ఉన్న రైలు ను ఎక్కేందుకు యత్నించిన ఓ ఇంజినీరింగ్‌ విద్యార్థి  దుర్మరణం చెందాడు. మృతుడిని దర్శి మండలం సామంతపూడికి చెందిన కడకలుపు వెంకట శివ (18)గా గుర్తించారు. ఆ వీడియోను పోలీసులు మీడియాకు విడుదల చేశారు. శివ బాపట్ల ఇంజినీరింగ్‌ కళాశాలలో మొదటి సంవత్సరం సివిల్‌ విభాగంలో చదువుతున్నాడు. స్నేహితులతో కలిసి అక్కడ హాస్టల్‌లోనే ఉంటున్నాడు. శుక్రవారం రాత్రి తన ముగ్గురు స్నేహితులతో కలిసి చెన్త్నెలో జరిగే ఎడ్యుకేషన్‌ సెమినార్‌లో పాల్గొనేందుకు బాపట్ల నుంచి హైదరాబాద్‌ ఎక్స్‌ప్రెస్‌లో బయల్దేరాడు. అయితే మంచినీటి కోసం దిగిన అతను.. రైలు కదులుతుండటం గమనించిన రైలు ఎక్కే ప్రయత్నం చేశాడు. రైలు వేగం ఎక్కువగా ఉండటంతో అతడి కాలు జారడంతో బోగి.. ప్లాట్‌ఫాంకు మధ్యలో ఇరుక్కుపోయాడు.  ప్రమాదంలో శివ కాళ్లు నుజ్జునుజ్జయ్యాయి. వెంటనే స్పందించిన స్నేహితులు క్షతగాత్రుడిని చికిత్సకు తరలించేందుకు చీరాల 108 సిబ్బందికి ఫోన్‌ చేశారు. అప్పటికే వాహనం మరో ప్రాంతానికి వెళ్లి ఉండటంతో చేసేది లేక ఆటోలో చీరాల ప్రభుత్వాస్పత్రికి తరలించారు. డ్యూటీలో ఉన్న డాక్టర్‌.. క్షతగాత్రుడు వెంకట శివను పరిశీలించి మృతి చెందినట్లు ధ్రువీకరించారు. మృతదేహాన్ని పోస్టుమార్టం కోసం జీఆర్పీ ఎస్‌ఐ రామిరెడ్డి మార్చురీకి తరలించారు. కేసు నమోదు చేసి దర్యాప్తు చేస్తున్నట్లు ఆయన పేర్కొన్నారు. సమాచారం అందుకున్న మృతుడి తల్లిదండ్రులు వెంకటాద్రి, సత్యవతితో పాటు తోటి విద్యార్థులు ఆస్పత్రికి చేరుకుని కన్నీరుమున్నీరుగా విలపించారు.  శోకంలో సన్నిహితులు... ప్రైవేట్‌ స్కూలు టీచర్‌గా పనిచేసే వెంకటాద్రికి నలుగురు సంతానం. వారిలో ముగ్గురు అమ్మాయిలు. వెంకట శివ చివరివాడు. కుటుంబ సభ్యులంతా గారాబంగా చూసుకునేవారు. అతడు ఏది అడిగినా కాదనకుండా ఇచ్చేవారు. చదువులో కూడా వెంకట శివ అందరికంటే ముందుండేవాడు. చలాకీగా అందరితో కలసిమెలసి తిరిగేవాడు. ఇంజినీరింగ్‌ పూర్తి చేసుకుని కుటుంబానికి అండగా ఉంటాడని భావించిన ఆ కుటుంబానికి కుమారుడి మరణం తీరని లోటు మిగిల్చింది. 

విజయపురి సౌత్‌: కుటుంబ ఆర్థిక భారంతో ఆటో నడుపుకుంటూ ఇంజినీరింగ్‌ చదువుతున్న ఓ యువకుడిని మృత్యువు కాటు వేసింది. విధి ఆడిన వింత నాటకంలో విగత జీవిగా మారాదు. చదువు కోసం నాలుగు రాళ్లు సంపాదించుకోవాలనే అనే ఆశలు అడియాస అయ్యాయి. కర్నూల్‌ జిల్లా డోన్‌ మండలం, కొండాపేట గ్రామానికి చెందిన ఈడిగ మహేష్‌ మాచర్ల పట్టణంలో రూమ్‌ అద్దెకు తీసుకొని అలుగురాజుపల్లిలోని న్యూటన్స్‌ ఇంజినీరింగ్‌ కళాశాలలో మూడో సంవత్సరం చదువుతున్నాడు. రోజూ కళాశాలకు వెళ్లి వచ్చిన తరువాత రాత్రి గుంటూరు నుంచి మాచర్ల వచ్చే రైలు ప్రయాణికుల కోసం తన ఆటోను తీసుకొని స్టేషన్‌కు చేరుకుంటాడు. మంగళవారం రాత్రి కూడా 10గంటలకు స్నేహితుడు రాజేష్‌తో కలసి ప్రయాణికులను తీసుకొని విజయపురిసౌత్‌లో దింపి విడిచిపెట్టి మాచర్లకు తిరుగు ప్రయాణమయ్యాడు. సరిగ్గా చింతలతండా మూలమలుపు వద్ద రాగానే ఒక్కసారిగా పల్టీ కొట్టింది. ఆటో నడుపుతున్న మహేష్‌ తలకు, పక్కటెములకు తీవ్ర గాయాలయ్యాయి. వెనుక కూర్చున్న రాజేష్‌కు స్వల్ప గాయాలయ్యాయి. హుటాహుటిన అదే ఆటోలో మహేష్‌ను స్నేహితుడు రాజేష్‌ మాచర్ల ప్రభుత్వాసుపత్రికి తరలించాడు. ప్రథమ చికిత్స అనంతరం మెరుగైన చికిత్స కోసం గుంటూరు తరలిస్తుండగా మార్గంమధ్యలోనే మృతి చెందాడు. మృతుని తండ్రి కృష్ణాగౌడ్, తల్లి రామలక్ష్మిలకు ముగ్గురు సంతానం కాగా వీరిలో మహేష్‌ పెద్దవాడు.  చేతికి అందివచ్చిన కొడుకు మృతి చెందాడని తండ్రి కృష్ణా గౌడ్‌ విలపిస్తున్న తీరు పలువురిని కలచి వేసింది.

ఏలూరు టౌన్‌ (పశ్చిమగోదావరి) : ఏలూరులో ఇంజినీరింగ్‌ విద్యార్థి ఉరిపోసుకుని ఆత్మహత్యకు పాల్పడిన సంఘటన కలకలం రేపింది. సర్‌ సీఆర్‌ఆర్‌ ఇంజినీరింగ్‌ కళాశాలలో కంప్యూటర్‌ సైన్స్‌ ఇంజినీరింగ్‌ మూడో సంవత్సరం చదువుతున్న మోతుకూరి సాయి వెంకట వంశీకృష్ణ (20) స్థానిక టూటౌన్‌ పోలీస్‌స్టేషన్‌ సమీపంలోని గ్రాండ్‌ ఆర్యా హోటల్‌లో ఆత్మహత్యకు పాల్పడ్డాడు. ఉదయం నుంచి గది తలుపులు తెరవకపోవటంతో హోటల్‌ నిర్వాహకులు పోలీ సులకు సమాచారం ఇచ్చారు. త్రీటౌన్‌ పోలీసులు ఆదివారం సాయంత్రం 6.30 గంటల ప్రాంతంలో గది తలుపులు తెరిచి చూడగా.. నైలాన్‌ వైరుతో ఉరిపోసుకుని ఆత్మహత్య చేసుకున్నాడు. ఈ విషయం తెలియటంతో సీఆర్‌ఆర్‌ ఇంజినీరింగ్‌ కాలేజీ యాజమాన్యం, విద్యార్థులు భారీసంఖ్యలో హోటల్‌ వద్దకు చేరుకున్నారు. ఏలూరు త్రీటౌన్‌ సీఐ పి.శ్రీనివాసరావు, ఎస్‌ఐ ఏ.పైడిబాబు సంఘటన స్థలానికి చేరుకుని పరిస్థితిని పరిశీలించారు.  వంశీకృష్ణ సూసైడ్‌ నోట్‌ రాసిపెట్టి మరీ ఆత్మహత్యకు పాల్పడినట్టు గుర్తించారు. అతడి స్వస్థలం కడప జిల్లా ఒంటిమిట్ట కాగా ప్రస్తుతం గుంటూరు జిల్లా నరసారావుపేటలో ఉంటున్నారు. తండ్రి పార్థసారథి ప్రభుత్వ శాఖలో ఇంజినీర్‌గా పనిచేశారు. తల్లి కొంతకాలం క్రితమే మరణించగా, తండ్రి రోడ్డు ప్రమాదం కారణంగా ఇంటి వద్దనే ఉంటున్నట్టు తెలుస్తోంది. చదువులోనూ వెనుకబడి ఉంటా డని, కొందరి వద్ద అప్పులు సైతం చేసినట్లు, జల్సాలకు అలవాటు పడినట్లు తెలుస్తోంది. అయితే, ఇవే కారణాలా... ఇంకా ఏమైనా ఉన్నాయా అనేది పోలీసులు దర్యాప్తు చేస్తున్నారు. రెండు రోజుల కిందట హోటల్‌లో చేరిక కళాశాలకు సంక్రాంతి సెలవులు ఇవ్వగా ఈనెల 18 నుంచి తిరిగి తరగతులు ప్రారంభం అయ్యాయి. వంశీకృష్ణ వట్లూరు కేవీఆర్‌ భవన్‌లో గది అద్దెకు తీసుకుని కళాశాలకు వెళుతున్నాడు. ఈనెల 17న సెలవులు ముగించుకుని ఏలూరు తిరిగివచ్చాడు. అతని గది పక్కనే మరో గదిలో ఉంటున్న జాన్‌హెన్రీ అనే విద్యార్థితో సన్నిహితంగా ఉండేవాడు. 19న రాత్రి ఆకస్మికంగా గదిలో నుంచి బయటకు వచ్చి జాన్‌హెన్రీకి చెందిన ఐఫోన్‌ తీసుకుని, తన ఫోన్‌ను అతడికి ఇచ్చి వెళ్లిపోయాడు. 20న స్థానిక టూటౌన్‌ పోలీస్‌స్టేషన్‌ సమీపంలోని గ్రాండ్‌ ఆర్యా హోటల్‌లో దిగాడు. ఈ నేపథ్యంలో ఆదివారం ఉదయం నుంచి గది తెరవకపోవటంతో హోటల్‌ సిబ్బంది తమ రికార్డులో పేర్కొన్న హెన్రీ ఫోన్‌కు సాయంత్రం సమాచారం ఇచ్చారు. అతను హోటల్‌ వద్దకు వచ్చి చూడగా, గది తలుపులు వేసి ఉన్నాయి. హెన్రీ, హోటల్‌ సిబ్బంది త్రీటౌన్‌ పోలీసులకు సమాచారం ఇచ్చారు. ఐ హేట్‌ మై లైఫ్‌ ‘నాన్నా.. నా చావుకు ఎవరూ కారణం కాదు. ఐ హేట్‌ మై లైఫ్‌.. ఐ హేట్‌ మనీ.. జీవితం మీద విరక్తి కలిగి నేను ఆత్మహత్య చేసుకుంటున్నా. నేను కొందరి వద్ద నుంచి డబ్బులు అప్పు తీసుకున్నాను. వాళ్లని ఏమీ తిట్టవద్దు.. వాళ్ల డబ్బులు వాళ్లకు ఇచ్చేయండి. నాకు బతకాలనే ఆశ లేదు.’ అని వంశీకృష్ణ సూసైడ్‌నోట్‌ రాసి కన్నుమూశాడు.

సాక్షి, తిరువనంతపురం : కన్నతల్లిని గొంతు నులిమి హత్యచేసి, ఆపై మృతదేహాన్ని కిరోసిన్‌ పోసి తగలబెట్టిన ఘటనలో తిరువనంతపురం పోలీసులు 22 ఏళ్ల ఇంజనీరింగ్‌ విద్యార్థిని అరెస్ట్‌ చేశారు. క్రిస్మస్‌ పండగ రోజే కన్నతల్లిని అక్షయ్‌ దారుణంగా హత్య చేశాడని పోలీసులు వెల్లడించారు. సగం కాలిన మృతదేహాన్ని ఇంటి ఆవరణలోనే పాతిపెట్టడం పోలీసులను నెవ్వరపరిచింది. కన్నతల్లిని హత్య చేసిన కేసులో ఇంజనీరింగ్‌ విద్యార్థి అక్షయ్‌ని గురువారం అదుపులోకి తీసుకున్నట్లు జిల్లా పోలీస్‌ అధికారి ఎస్‌ ప్రకాష్‌ తెలిపారు. పోలీసుల కథనం ప్రకారం.. దీపా అశోకన్‌ కుమారుడు అక్షయ్ ఇంజనీరింగ్ చదువుతున్నాడు. గత కొంతకాలం నుంచి తల్లి మరో వ్యక్తితో వివాహేతర సంబంధం కొనసాగిస్తున్నట్లు అక్షయ్ గుర్తించాడు. పద్ధతి మార్చుకోవాలని పలుమార్లు తల్లికి దీపను హెచ్చరించాడు అక్షయ్. కానీ, తల్లి తన వైఖరి మార్చుకోవపోవడంతో పాటుగా, కాలేజీ ఫీజులు, ఇతర అవసరాల కోసం డబ్బులు ఇవ్వక పోవడంతో పగ పెంచుకున్నాడు. తన అవసరాలకు డబ్బులు ఇవ్వని తల్లి వివాహేతర సంబంధాలు కొనసాగిస్తోన్న వ్యక్తికి ఇస్తుండటం ఆగ్రహం తెప్పించిందని, దీంతో తల్లి దీపను గొంతు నులిమి బీటెక్ విద్యార్థి అక్షయ్ హత్య చేశాడు. ఆపై మృతదేహాన్ని కిరోసిన్ పోసి తగలబెట్టి.. ఇంటి ఆవరణలోనే పూడ్చిపెట్టాడు. డీఎన్‌ఏ పరీక్షలో సగం కాలిన ఆ మృతదేహం దీపా అశోకన్‌దేనని నిర్ధారించినట్లు పోలీసులు తెలిపారు. ఇదిలావుండగా.. 50 ఏళ్ల దీపా అశోకన్‌ తిరువనంతపురంలో ఎల్‌ఐసీ ఏజెంట్‌గా పనిచేస్తున్నారు. ఆమె భర్త మస్కట్‌లో ఉద్యోగం చేస్తుండగా.. కుమార్తె విదేశాల్లో ఉద్యోగం చేస్తోంది.

సాక్షి, విజయవాడ : ఇంజినీరింగ్‌ విద్యార్థి వంశీతేజ మృతి కేసు విచారణ ముందుకు సాగక పోలీసులు తలలు పట్టుకుంటున్నారు. ఈ నెల రెండో తేదీన కళాశాలలో పరీక్ష రాసి కనిపించకుండా వెళ్లిన సత్యనారాయణపురం శ్రీనగర్‌ కాలనికి చెందిన ఇంజినీరింగ్‌ విద్యార్థి గుర్రం వంశీతేజ శవమై కనిపించడంతో వారి కుటుంబ సభ్యులు కన్నీరు మున్నీరుగా విలపిస్తున్నారు. చేతికందిన తమ ఒక్కగానొక్క కుమారుడు ఈ రోజు కాకపోయినా రేపయినా తమ వద్దకు వస్తాడని కోటిఆశలతో ఎదురుచూస్తున్న ఆ తల్లిదండ్రులకు వంశీతేజ మృత్యువాత తీరని శోకం మిగిల్చింది. అయితే అసలు వంశీతేజ మరణానికి కారణాలేంటి? కళాశాలకు వెళ్లి పరీక్ష కూడా రాసిన అతను ఆ తరువాత ఎక్కడికి వెళ్లాడు? వైజాగ్‌ వెళ్లే బస్సు ఎక్కుతున్నట్లు సీసీ కెమెరాల్లో కనిపించిన వంశీ తేజ తిరిగి చీరాల సముద్రం ఒడ్డున ఎలా మృతిచెందాడు? అన్న ప్రశ్నలను ఛేదిం చేందుకు ప్రయత్నిస్తున్నారు. కాల్‌ రికార్డ్స్‌ ఆధారంగా.. పోలీసులకు దొరికిన వంశీతేజ సిమ్‌కార్డు ద్వారా పోలీసులు విచారణ చేపట్టారు. ఈ నెల 2వ తేదీ నుంచి కనిపించకుండా వెళ్లిన అతను ఎవరెవరికి ఫోన్లు చేశాడు? ఎవరెవరిని కలిశాడు? అనే వివరాలను రాబడుతున్నారు. ప్రధానంగా క్రికెట్‌ బెట్టింగ్‌లో చేసిన అప్పుల వల్లే వంశీతేజ మృతిచెంది ఉంటాడని ముందుగా అందరూ భావించారు. కాల్‌ రికార్డులను పరిశీలిస్తున్న పోలీసులకు అతని మరణానికి ఇతర కారణాలు కూడా ఉండవచ్చనే అనుమానాలు వ్యక్తం చేస్తున్నారు. క్రికెట్‌ బుకీకి రూ.20 వేల వరకూ ఇవ్వాల్సి ఉందని వార్తలు వినిపిస్తున్నా అంత చిన్న అప్పుకే వంశీతేజ ప్రాణాలు తీసుకోవాల్సిన అవసరం ఉండదని అతని స్నేహితులు, బంధువులు చెబుతున్నారు. ఈ రూ.20 వేలతో పాటు ఇంకా వేరే అప్పులేమైనా ఉన్నా యా? లేక కళాశాలలో చదవలేక ఈ నిర్ణయం తీసుకున్నాడా? మరేమైన ఇతర కారణాలు ఉన్నాయా అనే కోణంలో పోలీసులు దర్యాప్తు చేస్తున్నారు. ఈ కేసులో భాగంగా ఇప్పటికే నగరంలోని పలువురు క్రికెట్‌ బెట్టింగ్‌ నిర్వాహకులను కూడా పిలిపించి పోలీసులు విచారణ చేస్తున్నారని సమాచారం. అన్ని కోణాల్లో విచారణ చేస్తున్నాం వంశీ తేజ కేసులో అన్ని కోణాలలో విచారణ చేపట్టాం. అతని కాల్‌ రికార్డ్స్‌ ఆధారంగా కొంతమందిని అదుపులోకి తీసుకొని విచారణ చేస్తున్నాం. అతని మరణానికి అసలు కారణాలు ఏమిటనేవి ఇంకా తెలియడం లేదు. పూర్తి విచారణ తరువాత త్వరలోనే వివరాలను వెల్లడిస్తాం. – సత్యనారాయణ, సీఐ   

గంగవరం: మండలంలోని మదర్‌థెరిసా ఇంజినీరింగ్‌ విద్యార్థిని రోహిత బంగారు పతకం సాధించినట్లు కళాశాల కరస్పాండెంట్‌ రవీంద్రబాబు తెలిపారు. ఐదు జిల్లాల్లోని ఇంజినీరింగ్‌ కళాశాలల్లో తమ కళాశాలకు ఈ పతకం రావడం హర్షదాయకమన్నారు. కళాశాలలో 2013– 17 బ్యాచ్‌లో సివిల్‌ ఇంజినీరింగ్‌ చదివిన రోహిత 86.01శాతం మార్కులతో జేఎన్‌టీయూ పరిధిలో మొదటి స్థానంలో నిలిచిందన్నారు.  విద్యార్థినిని కళాశాల యాజమాన్యం రాజేంద్రరెడ్డి, లక్ష్మీకాంతరెడ్డి అభినందించారు.

సాక్షి, హైదరాబాద్‌: నగరంలోని ఎల్బీనగర్‌ పోలీస్‌ స్టేషన్‌​పరిధిలో ఓ ఇంజనీరింగ్‌ విద్యార్థి అదృశ్యమయ్యాడు. సహారా ఎస్టేట్‌ కాలనీకి చెందిన సాత్విక్‌ రెడ్డి ఘట్‌కేసర్‌లోని శ్రీనిధి ఇంజనీరింగ్‌ కళాశాలలో బీటెక్‌ చదువుతున్నాడు. ఈ క్రమంలో బుధవారం ఉదయం 8 గంటలకు కాలేజీకి వెళ్తున్నానని చెప్పి వెళ్లి తిరిగి ఇంటికి రాలేదు. దీంతో సాత్విక్‌ తల్లిదండ్రులు ఎల్బీనగర్‌ పోలీసులకు ఫిర్యాదు చేశారు. అదృశ్యం కేసు నమోదు చేసుకున్న పోలీసులు దర్యాప్తు చేపట్టారు. నల్గొండ జిల్లా మిర్యాలగూడకు చెందిన విద్యాసాగర్‌ రెడ్డి తమ పిల్లల చదువుల కోసం హైదరాబాద్‌లో స్థిరపడ్డాడు. తమ కుమారుడి ఆచూకీ తెలియకపోవడంతో కుటుంబ సభ్యులు కన్నీరు మున్నీరవుతున్నారు.


 ► పెద్దల ఇష్టానికి వ్యతిరేకంగా కులాంతర వివాహం
 ► పెళ్లైన 24 గంటల్లోపే రైలు కిందపడిన వైనం
 ► అవయవాలు దానం ఇవ్వాలని ఫోన్‌లో విజ్ఞప్తి
 ► ఇరు కుటుంబాల్లో నెలకొన్న విషాదం
 
 చీరాల : వారిద్దరూ ఇంజినీరింగ్‌ చదువుతున్నారు. కలిసి బతకాలన్న ఆ జంట ఆకాంక్షకు కులాలు అడ్డు వచ్చాయి. పెద్దలను ఎదిరించలేక ఆ జంట కలిసికట్టుగా రైలు కిందపడి ఆత్మహత్య చేసుకుంది. దీనికి సరిగ్గా 24 గంటల ముందు ఓ గుడిలో వివాహం చేసుకుని దంపతులయ్యారు. హృదయ విదారకమైన ఈ సంఘటన మంగళవారం రాత్రి ప్రకాశం జిల్లాలోని వేటపాలెం రైల్వేస్టేషన్‌లో జరిగింది. చీరాలలోని ఓ ప్రైవేటు ఇంజినీరింగ్‌ కాలేజీలో నాగులుప్పలపాడు మండలం తిమ్మసముద్రం గ్రామానికి చెందిన బత్తుల సందీప్‌ బీటెక్‌ మూడో సంవత్సరం చదువుతున్నాడు.
 
 అదే కాలేజీలో గుంటూరు జిల్లా మోదుకూరుకు చెందిన మౌనిక రెండో సంవత్సరం చదువుతోంది. ఇద్దరి మధ్య పెరిగిన స్నేహం  ప్రేమగా మారింది. ఇద్దరూ అగ్రకులాల వారే. అయినా కులాలు వేరు కావడంతో ఇరువర్గాల పెద్దలు పెళ్లికి అంగీకరించలేదు. ప్రేమను వదులుకోకుంటే చనిపోతామని పెద్దలు బెదిరించారు. దీంతో కన్నవారిని ఎదిరించలేక ఇద్దరూ కుమిలిపోయారు. తాము ప్రాణాలు వదిలినా తల్లిదండ్రులు క్షేమంగా ఉండాలని భావించారు. ఒకరిని విడిచి మరొకరు ఉండలేమని తలచారు. ఆత్మహత్యకు ముందు ఒక్క క్షణమైనా దంపతులుగా జీవించాలని భావించారు. విజయవాడ వెళ్లి అక్కడ ఓ దేవాలయంలో పెళ్లి చేసుకున్నారు. మంగళవారం రాత్రి వేటపాలెం రైల్వేస్టేషన్‌ చేరుకున్నారు.
 
 స్నేహితుడికి ఫోన్‌ చేసి..
 పెళ్లి  విషయాన్ని సందీప్‌ తన స్నేహితుడికి ఫోన్‌లో తెలియజేశాడు. పెద్దలను ఎదిరించలేక ఆత్మహత్య చేసుకుంటున్నామని, ఈ విషయాన్ని ఇరువర్గాల పెద్దలకు చెప్పాలని కోరాడు. తమ అవయవాలు ఇతరులకు దానం ఇవ్వాలని కోరాడు. సంఘటన జరిగిన వెంటనే 108 సిబ్బందికి సమాచారం ఇవ్వాలని ప్రాథేయపడ్డాడు.
 
 తలలు మాత్రమే పట్టాలపై ఉంచి..
 సందీప్, మౌనిక తలలు మాత్రమే పట్టాలపై ఉంచి పడుకున్నారు. వేగంగా వచ్చిన రైలు ఢీకొనడంతో తీవ్రంగా గాయపడి అక్కడికక్కడే మరణించారు. స్నేహితులు వెంటనే చీరాల జీఆర్పీ ఎస్‌ఐ జి.రామిరెడ్డికి చెప్పడంతో ఆయన తన సిబ్బందితో ఘటన స్థలానికి చేరుకున్నారు. సందీప్‌ మొబైల్‌ ఆధారంగా వారి వివరాలు తెలుసుకుని కుటుంబసభ్యులకు సమాచారం అందించారు. మృతదేహాలను పోస్టుమార్టం కోసం చీరాల ఏరియా వైద్యశాలకు తరలించారు.  
 
 మిన్నంటిన రోదనలు
 ప్రేమికుల మృతదేహాలను చీరాల ఏరియా వైద్యశాల మార్చురీకి తరలించారు. ఇద్దరి తల్లిదండ్రులు, బంధువులు బుధవారం ఉదయం ఏరియా వైద్యశాలకు చేరుకున్నారు. ఉన్నత చదువులతో తమ కలలను నిజం చేస్తారన్న వారు ప్రేమ కోసం ప్రాణాలు తీసుకున్నారంటూ తల్లిదండ్రులు కన్నీరుమున్నీరుగా విలపించారు. పోస్టుమార్టం అనంతరం మృతదేహాలను తల్లిదండ్రులు తమ తమ స్వగ్రామాలకు తీసుకెళ్లారు.
 
 తల్లడిల్లిన మౌనిక తల్లిదండ్రులు...
 అమృతలూరు(వేమూరు) : వేమూరు నియోజకవర్గంలోని చుండూరు మండల గ్రామం మోదుకూరు గ్రామానికి చెందిన గోగిరెడ్డి పెద్దిరెడ్డి, విజయలక్ష్మి దంపతులకు ఇద్దరు కుమార్తెలు. వారిది వ్యవసాయ కుటుంబం.  పెద్ద కుమార్తెకు వివాహమైంది. చిన్న కుమార్తె మౌనిక  తమ కళాశాలలో చదువుతున్న సందీప్‌ను మంగళవారం ఉదయం విజయవాడలో వివాహం చేసుకుంది. ఆ వెంటనే ఆ నవజంట సందీప్‌ ఇంటికి వెళ్లారు. వారిని చూసి తల్లిదండ్రులు క్రోపోద్రిక్తులయ్యారు. ఇంటి నుంచి గెంటేశారు. దీంతో  వివాహమై పట్టుమని 10 గంటలు కూడా కాకముందే వారు లోకాన్ని శాశ్వతంగా విడిచి వెళ్లిపోవాలని నిశ్చయించుకున్నారు.  వేటపాలెం సమీపంలో రైలు పట్టాలపై ఆత్మహత్యకు పాల్పడ్డారు. కుమార్తె అర్ధంతరంగా మృతిచెందడంతో ఆ తల్లిదండ్రులు గుండెలవిసేలా రోదిస్తున్నారు. వారిని ఓదార్చడం ఎవరి తరమూ కావడం లేదు.   


 
 
 సాక్షి, కరీంనగర్‌ : ఉమ్మడి కరీంనగర్‌ జిల్లాలో జరిగిన రెండు వేరు వేరు రోడ్డు ప్రమాదాల్లో ముగ్గురు మృతిచెందగా.. మరో నలుగురికి తీవ్ర గాయాలయ్యాయి. రాజన్న సిరిసిల్లా జిల్లా వేములవాడ మండలం మర్రిపల్లి శివారులో శుక్రవారం తెల్లవారుజామున జరిగిన రోడ్డు ప్రమాదంలో ఓ ఇంజనీరింగ్‌ విద్యార్థి మృతిచెందగా.. మరో నలుగురు గాయపడ్డారు. వేగంగా వెళ్తున్న కారు అదుపుతప్పి రోడ్డు పక్కన ఉన్న చెట్టును ఢీకొట్టడంతో కారు నడుపుతున్న బీటెక్ విద్యార్థి రాజేష్‌ అక్కడికక్కడే చనిపోగా, మరో నలుగురు విద్యార్థులకు తీవ్ర గాయాలయ్యాయి.
 
 
 
 ఇదిలా ఉండగా.. పెద్దపల్లి జిల్లా రామగుండం జీరో పాయింట్‌ వద్ద ఓ ద్విచక్రవాహనం అదుపుతప్పి రోడ్డు పక్కన ఉన్న పైప్‌లైన్‌ను ఢీకొట్టింది. దీంతో బైక్‌ పై ఉన్న వంగ అజయ్‌, మరో వ్యక్తి అక్కడికక్కడే మృతిచెందగా, ఇంకొకరికి తీవ్రగాయాలయ్యాయి. విషయం తెలుసుకున్న పోలీసులు అతడిని చికిత్స నిమిత్తం ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు.
 
 
 


 ♦ సత్తెనపల్లిలో పురుగుల మందు తాగి ఇంజినీరింగ్‌ విద్యార్థి ఆత్మహత్య
 ♦ ఘటనా స్థలంలో పురుగుల మందుల డబ్బాలు లభ్యం
 ♦ డిప్రెషన్, స్ట్రెస్‌తో బాధపడుతున్నానంటూ రెండు పేజీల లేఖ
 ♦ ఇష్టం లేకపోయినా చదువుతున్నానంటూ వివరణ
 
 మనసు పొరల్లో వణుకు.. అంతుపట్టని భయం.. మరపురాని ఆందోళన.. ఏదో తెలియని దిగులు.. వేధించే కలత.. అంతా ఒక మహా ఉత్పాతమై ఓ ఉసురు తీసింది. నవయౌవనంలో ఉరకలు వేయాల్సిన ఓ యువకుడు మృత్యువు ఒడికి చేరాడు. బతుకు పోరాటంలో ముందుకు సాగాల్సిన యువకుడు ఓటమిని అంగీకరించి తిరిగిరాని లోకాలకు వెళ్లాడు.
 
 సత్తెనపల్లి : పురుగుల మందు తాగి ఓ ఇంజినీరింగ్‌ విద్యార్థి ఆత్మహత్యకు పాల్పడిన  ఘటన సత్తెనపల్లి పట్టణంలోని నాగార్జునగర్‌లో మంగళవారం జరిగింది. వివరాలు ఇలా ఉన్నాయి.. గురజాల మండలం గంగవరం గ్రామానికి చెందిన చలువాది వెంకటేశ్వర్లు, భద్రమ్మ దంపతులకు ఇద్దరు కుమారులు. పెద్ద కుమారుడు నాగేంద్రబాబుకు వివాహం అయ్యింది. రెండో కుమారుడైన చలువాది దుర్గా సతీష్‌నాయుడు(21) సత్తెనపల్లి మండలంలోని ఓ ప్రైవేట్‌ ఇంజినీరింగ్‌ కళాశాలలో సివిల్‌ ఇంజినీరింగ్‌ ఫైనల్‌ ఇయర్‌ చదువుతున్నాడు. పట్టణంలోని నాగార్జుననగర్‌లోని ఓ బాలుర వసతిగృహంలో ఉంటూ రోజూ కళాశాలకు వెళుతున్నాడు. గత శనివారం జ్వరం కారణంగా ఇంటికి వెళ్లిన యువకుడు మంగళవారం ఉదయం సత్తెనపల్లి చేరుకున్నాడు.
 
 కళాశాలకు వెళ్లకుండా వసతి గృహంలోనే ఉండిపోయాడు. తన గదిలోకి వెళ్లి పురుగుల మందు తాగాడు. సాయంత్రం తోటి విద్యార్థులు వచ్చి తలుపులు తీయడంతో విగతజీవిగా కనిపించాడు. హుటాహుటిన 108కు సమాచారం అందించగా వారు పరీక్షించి అప్పటికే మృతి చెందినట్లు నిర్ధారించారు. ఘటనా స్థలంలో పురుగుల మందు డబ్బాలు, రెండు పేజీల లేఖ ఉంది. పట్టణ పోలీసులు సమాచారం అందుకుని లేఖలోని ఫోన్‌నెంబర్ల ఆధారంగా మృతుడి తల్లిదండ్రులకు సమాచారం అందించారు. ఘటనా స్థలాన్ని తహసీల్దార్‌ శంకర బాబు, ఆర్‌.ఐ పొత్తూరి నాగేశ్వరరావు, గ్రామ రెవెన్యూ అధికారి నరసింహస్వామి సందర్శించారు. పోలీసులు కేసు నమోదు చేసి దర్యాప్తు చేస్తున్నారు. చేతికి అందివచ్చిన కుమారుడు ఆత్మహత్య చేసుకోవడంతో మృతుడి కుటుంబ సభ్యులు, తల్లిదండ్రులు కన్నీరు మున్నీరుగా విలపించారు.
 
 ఘటనా స్థలంలో పురుగుల మందు, శీతలపానియం దుర్గా సతీష్‌నాయుడి మృతదేహం
 
 సతీష్‌నాయుడి లేఖలో విషయాలు..
 గౌరవనీయులైన తల్లిదండ్రులకు, నేను మూడు సంవత్సరాల నుంచి బాగా డిప్రెషన్, టెన్షన్, స్ట్రెస్‌తో బాధపడుతున్నా. అందుకే చనిపోవాలని నిర్ణయించుకున్నా.
 
 నా చావుకు నేనే కారణం.
 అమ్మా, నాన్న, అన్న దయచేసి నన్ను క్షమించండి. మీ రుణం తీర్చుకోకుండా మధ్యలో వెళ్లి పోతున్నందుకు బాధ పడుతున్నా. రోజూ అందరితో సరదాగా, హ్యపీగా నవ్వుతూనే ఉండేవాడిని. కానీ  లోపల మాత్రం ఎందుకో నరకం అనుభవించా. నాకు తెలియకుండానే నిద్రలో ఉలికిపడేవాడిని. మీరు నా భవిష్యత్తు బాగుండాలని చదివిస్తున్నారు. కానీ నాకు ఇష్టం లేక పోయినా చదువుతున్నా. ప్రతి రోజు కాలేజీకి వెళుతున్నా. ప్రెజర్‌ మాత్రం నన్ను వదలలేదు.
 
 అన్నా..! అమ్మానాన్న, నాయనమ్మ, వదినను బాగా చూసుకో. ఇక నా గురించి మర్చిపోండి. దయచేసి నేను మళ్లీ పుట్టాలని కోరుకోవద్దు సైదులన్నా! నువ్వు కూడా పిల్లలను, వదిన భారతిని, అమ్మను బాగా చూసుకో. అమ్మానాన్న! మీకు కోడలైనా, కూతురైనా వదినే. ఇప్పటి వరకు ఎలా చూసుకున్నారో ఇక మీదట కూడా అలానే చూసుకోండి. వదినా! నువ్వు కూడా అమ్మానాన్నలను కంటికి రెప్పలా చూసుకో. అసలు నా గురించి ఇక మరిచిపోండి. దేవుడు నాకు మీతో కలిసి ఉండాలని రాసిపెట్టలేదు అనుకుంటా. నాన్న నువ్వు ఇక తాగమాకు. అమ్మను జాగ్రత్తగా చూసుకో. ఉంటా.
 
 నాకు పోస్టుమార్టం చేయించవద్దు. అనారోగ్యంతో చనిపోయాడని చెప్పి వెంటనే మా ఊరికి తీసుకెళ్లండి. ఎందుకంటే మా అమ్మ పోస్టుమార్టం చేస్తే తట్టుకోలేదు. ఇంత చిన్న విషయానికే చనిపోవాలా? అని ఎగతాళి చేసి మాట్లాడే వారికి నేను సమాధానం చెప్పలేను. ఒత్తిడి అనేది భయంకరమైంది. తట్టుకోవడం నా వల్ల కాలేదు. అందుకే ఈ నిర్ణయం తీసుకున్నా. నా ఊరి స్నేహితులకి, ఇక సెలవు. హాస్టల్‌ అంకుల్‌– ఆంటీ ఇక్కడ చనిపోతున్నందుకు క్షమించండి. తప్పడం లేదు. మా ఇంట్లో అయితే నాకు ధైర్యం చాలదు.
 – ప్రేమతో మీ సతీష్‌


 ♦ అంతుపట్టని వ్యాధితో ఇబ్బంది పడుతున్న 
 ♦ ఇంజినీరింగ్‌ విద్యార్థి
 ♦ వెంటాడుతున్న పేదరికం
 ♦ సాయం చేయాలని తల్లిదండ్రుల వేడుకోలు   
 
 పాలకొండ రూరల్‌ : చక్కగా చదువుకుంటున్న ఆ కుర్రాడి జీవితం ఇప్పుడు దుర్భరంగా మారింది. అంతుచిక్కని వ్యాధి ప్రాణాలు హరించేలా వేదనకు గురిచేస్తోంది.  బిడ్డ చదువు కోసమే రెక్కలు ముక్కలు చేసుకుని కష్టపడుతున్న ఆ తల్లిదండ్రులకు ఇప్పుడు చికిత్స ఖర్చు తలకు మించిన భారమవుతోంది. బిడ్డ ప్రాణాలు కాపాడుకునేందుకు ఆ అమ్మానా న్నలు సాయం కోరుతున్నారు.
 
 పాలకొండ మండలం చిన్న మంగళా పురం గ్రామంలో నిరుపేద జాలరి కు టుంబానికి చెందిన గునిశెట్టి గోపి చదువుల్లో బాగా రాణించేవాడు. స్వగ్రామంలోని ప్రభు త్వ పాఠశాలలోనే చదివి పదో తరగతిలో 8.8 పాయింట్లు సాధించాడు. పాలకొండ పట్టణంలో ఓంసాయి కళాశాలలో ఇంగ్లిష్‌ మీడియంలో ఎంపీసీలో 943 మార్కులు సాధించి ఉన్నత స్థాయి వైపు అడుగులు వేశాడు. ప్రస్తుతం విజయనగరం జిల్లా బొబ్బిలిలో ఇంజినీరింగ్‌  తొలి సంవత్సరం చదువుతున్నాడు. అంతా చ క్కగా సాగుతున్న తరుణంలో విద్యార్థిని అం తు పట్టని వ్యాధి కబళించడం మొదలు పెట్టింది. విద్యార్థి కడుపులో భారీ కణితి ఏర్పడింది. అది లోపలనే చితికిపోవటంతో పరిస్థితి విషమించి ప్రాణాపాయంగా మారింది. నిత్యం కడుపునొప్పితో బాధ పడుతున్న గోపీని వైద్యులకు చూపించినప్పుడు ఈ విషయం బయటపడినట్లు తల్లితండ్రులు శంకరరావు, రవణమ్మ తెలిపారు.
 
 మెరుగైన వైద్యం కోసం ప్రైవేటు ఆస్పత్రులకు వెళ్లిన వీరికి గోపికి వచ్చిన సమస్యను వైద్య పరంగా పరిష్కరించేందుకు దాదాపు రూ.5లక్షలు వరకు ఖర్చు అవుతుందని వైద్యులు తేల్చి చెప్పటంతో నోట మాట రాలేదు. తమ కుమారునికి వచ్చిన కష్టాన్ని ఎలా తొలగించాలో తెలీక వీరు మదన పడుతున్నారు. లక్షల్లో సొమ్ములు కట్టే స్థోమత లేక సాయం అర్థిస్తున్నారు. గోపి ఇంటర్‌ పూర్తిచేసిన ఓం సాయి కళాశాల యాజమాన్యం, విద్యార్థులు మంగళవారం రూ.73వేలు చందాలుగా సేకరించి ఆర్థిక సాయం అందించారు. ఇంకా రూ.ఐదు లక్షలు అవసరం కావటంతో దాతల కోసం ఎదురు చూస్తోంది.
 
  చేయదలచుకున్న వారు 91005 08843, 99666 93534 నంబర్లకు ఫోన్‌ చేయాలని వీరు కోరుతున్నారు.


 - పోలీసులకు చిక్కిన ఇంజినీరింగ్‌ యువతి
 సాక్షి, బంజారాహిల్స్‌ : వెండితెర మీద వెలిగిపోవాలన్న కోరిక.. ఎలాగైనా సినిమాల్లో రాణించాలనే తపన.. వీటికి ఆర్థిక ఇబ్బందులు అడ్డొచ్చాయి. వాటి నుంచి బయటపడి కలల లోకాన్ని చేరుకునేందుకు ఆమె తప్పుడు మార్గాన్ని ఎంచుకొని పోలీసులకు చిక్కింది. ఇంజినీరింగ్‌ ఆఖరి సంవత్సరం చదువుతున్న యువతి వ్యభిచార గృహంలో పోలీసులకు దొరికిపోయింది. బంజారాహిల్స్‌ పోలీస్‌ స్టేషన్‌ పరిధిలో చోటు చేసుకున్న ఈ ఘటన వివరాలు ఇలా ఉన్నాయి.
 
 యూసుఫ్‌గూడ సమీపంలోని ఎల్‌ఎన్‌ నగర్‌లో నాగభాస్కర్‌ అలియాస్‌ విక్కి కొంత కాలంగా వ్యభిచార గృహాన్ని నిర్వహిస్తున్నాడు. పి.సాయి దుర్గాప్రసాద్‌ అలియాస్‌ కార్తీక్, పి.ధర్మ అనే ఇద్దరు ఆయనకు అసిస్టెంట్లుగా పని చేస్తున్నారు. అందంగా ఉన్న అమ్మాయిలను ఎంచుకొని వారి బలహీనతలను ఆసరాగా చేసుకొని అడిగినంత డబ్బు ఇచ్చి వ్యభిచార కూపంలోకి లాగుతున్నారు. ఈ నేపథ్యంలో బీటెక్‌ ఆఖరి సంవత్సరం చదువుతున్న ఓ అందమైన అమ్మాయి తనకు సినిమాల్లో నటించాలని కోరిక ఉందని దుస్తులు, మేకప్, ఖర్చుల కోసం డబ్బులు లేవని చెప్పడంతో వీరు ఆమెను ట్రాప్‌ చేశారు.
 
 సినిమా షూటింగ్‌ కోసమంటూ అందమైన ఫొటోలు తీశారు. విషయం ముందుగానే చెప్పి ఆ ఫొటోలను కొందరు యువకులకు పోస్ట్‌ చేసి బేరం పెట్టారు. ఇంకేముంది చాలా మంది ఆమె కావాలన్నారు.  రెండు రోజుల క్రితం ఎల్‌ఎన్‌నగర్‌లోని వ్యభిచార గృహంపై దాడి చేసిన సమయంలో ఆమె పోలీసులకు చిక్కింది. ఆమె వివరాలు రాబట్టగా ఇంజినీరింగ్‌ చదువుతున్నట్లు తేలింది.
 ఆమెతో పాటు ముంబైకి చెందిన మరో మోడల్‌ను కూడా పోలీసులు అదుపులోకి తీసుకున్నారు. వీరిద్దరిని నింబోలి అడ్డాలోని బాలికల పునరావాస కేంద్రానికి తరలించారు. వ్యభిచార గృహ నిర్వాహకుడు విక్కీ పరారీలో ఉండగా అసిస్టెంట్లు కార్తీక్, ధర్మాలను ఐపీసీ సెక్షన్‌ 370, 370ఏ, పీటా యాక్ట్‌ కింద అరెస్ట్‌ చేసి రిమాండ్‌కు తరలించారు.


 సాక్షి, మేడ్చల్‌ : రోడ్డు ప్రమాదంలో ఓ ఇంజినీరింగ్‌ కాలేజీ విద్యార్థి మృతిచెందాడు. ఈ సంఘటన జిల్లాలోని ఘట్‌కేసర్‌ మండలం అవుసాపూర్‌ వద్ద బుధవారం చోటుచేసుకుంది. వీబీఐటీ కళాశాలలో ఇంజినీరింగ్‌ మూడో సంవత్సరం చదువుతోన్న వినోద్‌(21) తన బైక్‌పై కళాశాలకు వెళ్తుండగా.. వెనుక నుంచి వేగంగా వచ్చిన ఓ కారు ఢీకొట్టింది.
 ఈ ప్రమాదంలో తీవ్రంగా గాయపడ్డ బీటెక్ విద్యార్థి వినోద్‌ అక్కడికక్కడే మృతిచెందాడు. ప్రమాదంపై సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. కేసు నమోదు చేసుకొని దర్యాప్తు చేస్తున్నారు.


 ♦ రైలు కదులుతుండగా ప్లాట్‌ఫామ్‌పై నుంచి దూకిన ఇంజనీరింగ్‌ విద్యార్థి
 ♦ జేబులో దొరికిన సూసైడ్‌ నోటు
 ♦ ఒక్కగానొక్క కొడుకు మృతితో కన్నీరుమున్నీరైన తల్లిదండ్రులు
 
 ఇంజినీరింగ్‌ చదువుతున్నాడు. ఐఏఎస్‌ కావాలని ఆశపడ్డాడు. సెలవులు కావడంతో నాలుగు రోజుల క్రితం ఇంటికొచ్చాడు. ఏం జరిగిందో ఏమో.. శుక్రవారంరైలుకింద పడి ఆత్మహత్యకుపాల్పడ్డాడు.
 
 గూడూరు: కదులుతున్న  రైలు కింద పడి ఇంజనీరింగ్‌ విద్యార్థి ఆత్మహత్యకు పాల్పడిన ఘటన గూడూరు రైల్వేస్టేషన్‌లో శుక్రవారం చోటు చేసుకుంది. చదువులో చురుకుగా ఉండే ఒక్కగానొక్క కుమారుడు ఆత్మహత్యకు పాల్పడడంతో తల్లిదండ్రులు విషాదంలో మునిగిపోయారు.  రైల్వే పోలీసులు,  బంధువుల కథనం మేరకు.. వైఎస్సార్‌ జిల్లా ఎర్రగుంట్ల మండలం వెంకటాపురానికి చెందిన వెంకటశివారెడ్డి, లక్ష్మీదేవి దంపతుల ఒక్కగానొక్క కుమారుడు బీ వెంకటశివానందరెడ్డి(22) ప్రొద్దుటూరులో డిప్లమా పూర్తి చేశాడు. అనంతరం విద్యానగర్‌లోని ఎన్‌బీకేఆర్‌ ఇంజనీరింగ్‌ కళాశాలలో బీటెక్‌ ద్వితీయ సంవత్సరం చేరాడు. ప్రస్తుతం తృతీయ సంవత్సరం చదువుతున్నాడు. శుక్రవారం ఉదయం విద్యానగర్‌ నుంచి గూడూరు  రైల్వే స్టేషన్‌ చేరుకున్నాడు.
 
 రెండో నంబర్‌ ప్లాట్‌ఫామ్‌పై ఆగిఉన్న యశ్వంత్‌ఫూర్‌ నుంచి సబల్‌పూర్‌ వెళ్లే రైలు బయలుదేరగానే ఇంజన్‌ కింద దూకాడు. ప్లాట్‌ఫామ్‌పై ఉన్న ప్రయాణికులు గట్టిగా కేకలు వేయడంతో రైలును ఆపేశారు. అప్పటికే రైలింజన్‌ చక్రాల కింద నలిగి శివానందరెడ్డి మృతి చెందాడు. దీంతో  జీఆర్‌పీఎఫ్‌ ఎస్సై బాలకృష్ణ, ఆర్పీఎఫ్‌ ఎస్సై గిరయ్య ఘటనా స్థలానికి చేరుకుని మృతదేహాన్ని బయటకు తీయించారు. అనంతరం పోస్టుమార్టం నిమిత్తం గూడూరు ఏరియా ఆస్పత్రికి తరలించారు.
 
 దీంతో రైలు అరగంటపాటు ఆలశ్యంగా బయలుదేరి వెళ్లింది. మృతుడి వద్ద ఉన్న ఐడీ కార్డు ద్వారా విద్యానగర్‌లోని ఎన్‌బీకేఆర్‌ ఇంజనీరింగ్‌ కళాశాల యాజమాన్యానికి సమాచారం ఇచ్చారు. మృతుడి జేబులో నా ఆత్మహత్యకు ఎవరూ కారణం కాదు అని ఇంగ్లిష్‌లో రాసిన సూసైడ్‌ నోట్‌ దొరికింది. కళాశాల యాజమాన్యం అందించిన సమాచారంతో గూడూరు ఏరియా ఆసత్రికి చేరుకుని కొడుకు మృతదేహాన్ని చూసిన తల్లిదండ్రులు శోకసంద్రంలో మునిగిపోయారు.
 
 ఇంటికెళ్లి వచ్చిన నాలుగురోజులకే..
 విద్యానగర్‌లోని ఎన్‌బీకేర్‌ ఇంజనీరింగ్‌ కళాశాలలో బీటెక్‌ మెకానికల్‌ తృతీయ సంవత్సరం చదువుతున్న వెంకట శివానందరెడ్డి  వినాయక చవితి సెలవులకు ఈ నెల 24న తన స్వగ్రామమైన వెంకటాపురం వెళ్లాడు. తన తోటి స్నేహితులు, బంధువులతో సరదాగా గడిపి 28న బయలుదేరి కళాశాలకు వచ్చాడు. ఊరి నుంచి వచ్చిన నాలుగు రోజులకే కొడుకు మృతి చెందడం తల్లిదండ్రులు, సోదరిని కలిచివేసింది.  
 
 ఐఏఎస్‌ కావాలనే కాంక్షతో..
 శివానందరెడ్డి చిన్ననాటి నుంచే ఐఏఎస్‌ కావాలనే కాంక్షతో కష్టపడి చదువుతుండేవాడని బంధువులు తెలిపారు. తన పేరుకి చివరన ఐఏఎస్‌ అని సైతం రాసుకునేవాడని బంధువులు, స్నేహితులు కంటతడిపెడుతూ చెప్పారు. కళాశాలలో ఎవరితోనూ వివాదాలు లేవని, ఎప్పుడు చూసినా చదువుతూనే ఉంటాడని తెలిపారు. ఎప్పుడూ సెల్‌ఫోన్‌తో గడపడని, గురువారం రాత్రి మాత్రం సెల్‌ఫోన్‌ చూస్తూ ఉన్నాడని స్నేహితులు చెప్పారు.
 
 మృతి చెందిన వెంకట శివానందరెడ్డి, మృతుడి జేబులో లభించిన సూసైడ్‌  నోట్‌ ,రోదిస్తున్న మృతుడి తల్లిదండ్రులు, సోదరి


 తండ్రి ఉండగానే కళాశాల భవనం పై నుంచి దూకి అఘాయిత్యం
 ఇబ్రహీంపట్నం: ఓ ఇంజనీరింగ్‌ విద్యార్థి శనివారం ఆత్మహత్యకు పాల్పడ్డాడు. తండ్రి కళాశాలలో ఉండగానే ఆ భవనం పై నుంచి దూకి ఈ అఘాయిత్యానికి పాల్పడ్డాడు.   రంగారెడ్డి జిల్లా బాలపూర్‌ మండలం గుర్రంగూడ శ్రీనివాసపురం కాలనీకి చెందిన కె. బాలవెంకట నాగచైతన్య (20) శేరిగూడ సమీపంలోని శ్రీ ఇందూ ఇంజనీరింగ్‌ కళాశాలలో మెకానికల్‌ మూడో సంవత్సరం చదువు తున్నాడు. ఇతని తండ్రి శ్రీనివాస్‌ పోలీసు శాఖలో సిటీ సౌత్‌జోన్‌ ఎస్‌బీగా పనిచేస్తున్నారు. మొదటి, రెండవ సంవత్సరాల్లో 18 సబ్జెక్టుల్లో నాగ చైతన్య ఫెయిల్‌ అయ్యాడు.
 మూడవ సంవ త్సరంలో ప్రమోట్‌ చేసేందుకు కళాశాల యాజమాన్యం నిరాకరించింది. దీంతో కుమారుడిని వెంటబెట్టుకుని తండ్రి శ్రీనివాస్‌ కళాశాలకు వచ్చారు. ప్రిన్సిపాల్‌ మల్లేశం, హెచ్‌వోడీ∙శ్రీనివాసులు.. విద్యార్థి నాగ చైతన్యకు తండ్రి ముందే కౌన్సెలింగ్‌ ఇచ్చారు. ఆ సందర్భంలో చైతన్యను గది నుంచి బయటకు పంపించి తండ్రితో వారు మాట్లాడుతు న్నారు. దీంతో మనస్తాపానికి గురైన నాగ చైతన్య కళాశాలలోని మెకానికల్‌ భవనం మూడో అంతస్తు పైనుంచి కిందకు దూక డంతో తీవ్ర గాయాలయ్యాయి.  కామి నేని అస్పత్రికి తరలించగా.. చికిత్స పొందుతూ మృతిచెందాడు.
 
 నేనే తీసుకొచ్చా: తండ్రి శ్రీనివాస్‌
 తన కుమారుడిని మృత్యుకుహరంలోకి తానే తీసుకొచ్చానంటూ నాగ చైతన్య తండ్రి శ్రీనివాస్‌ విలపిస్తూ చెప్పారు.  కుమారుడిని వెంటబెట్టుకొచ్చి.. శవంతో ఇంటికెళ్లాల్సిన పరిస్థితి ఏ తండ్రికీ రావద్దని కన్నీరుమున్నీరయ్యారు. బాబుకు సంబంధించి విద్యాపరమైన సమాచారాన్ని కళాశాల యాజమాన్యం ఏనాడూ తెలుపలేదని. కేవలం ఫీజు చెల్లించాలంటూ మాత్రమే మెసేజ్‌లు వచ్చేవని ఆయన చెప్పారు.
 
 రెండు నెలల్లో ఇద్దరి ఆత్మహత్య
 గత నెలలో ఇదే కశాశాల విద్యార్థిని రోష్ని ఆత్మహత్య చేసుకున్న ఘటన మరవక ముందే మరో విద్యార్థి ఆత్మహత్యకు పాల్పడడంతో విద్యార్థి సంఘాలు ఆగ్రహం వ్యక్తం చేస్తున్నాయి.


 రంగారెడ్డి: కళాశాల భవనంపై నుంచి దూకి ఇంజనీరింగ్‌ విద్యార్థి ఆత్మహత్య చేసుకున్న సంఘటన రంగారెడ్డి జిల్లా శనివారం వెలుగుచూసింది.  ఇబ్రహీంపట్నంలో షేర్‌గూడలోని శ్రీ ఇందు ఇంజనీరింగ్‌ కళాశాలలో వెంకట చైతన్య అనే విద్యార్థి మెకానికల్‌ ఇంజనీరింగ్‌ మూడో సంవత్సరం చదువుతున్నాడు. ఈ రోజు కళాశాల భవనం మూడో అంతస్థు పై నుంచి దూకి ఆత్మహత్యాయత్నం చేసుకున్నాడు.
  
 కాళ్లు, చేతలు, తలకు తీవ్ర గాయాలైన అతన్ని ఎల్బీనగర్‌ కామినేని ఆస్పత్రికి తరలించగా చికిత్స పొందుతూ మృతి చెందాడు. హెచ్‌ఓడీ మందలించడం వల్లే చైతన్య ఆత్మహత్య చేసుకున్నాడని తోటి విద్యార్థులు అంటున్నారు. ఈ రోజు ఉదయం తండ్రితో పాటు కళాశాలకు వచ్చిన చైతన్య కొద్దిసేపటికే ఈ దారుణానికి పాల్పడ్డాడు. ప్రస్తుతం కామినేని ఆస్పత్రి ఎదుట ఉద్రిక్త వాతావరణం నెలకొని ఉంది.


 ♦ ఇంజినీరింగ్‌ విద్యార్థిని ఆర్టీసీ డ్రైవర్‌ ప్రేమపెళ్లి
 ♦ ముఖం చాటేసిన భర్త
 ♦ నిప్పంటించుకున్న యువతి
 ♦ చికిత్స పొందుతూ మృతి
 ♦ మైసూరులో ఘోరం
 
 మైసూరు: ప్రేమ నాటకానికి ఓ యువతి బలైంది. ఇంజినీరింగ్‌ చదువుతున్న విద్యాధికురాలు ఆర్టీసీ బస్‌ డ్రైవర్‌తో ప్రేమలో పడడమే శాపమైంది. ముందున్న పూలబాటను కాదని ముళ్లబాటను ఎంచుకున్నట్లయింది. ప్రేమించి వివాహమాడిన భర్త, అత్తమామలు తనను, తండ్రిని తీవ్రంగా అవమానించి దాడి చేయడంతో సమాజానికి ముఖం చూపించడమెలా అని కుమిలిపోయింది. మోసగాడి ప్రేమకు బలయ్యానని కలత చెందింది. అదే వ్యథతో నడిరోడ్డుపై ఒంటిపై పెట్రోల్‌ పోసుకుని నిప్పంటించుకుని తీవ్ర గాయాలతో ఆస్పత్రిలో చికిత్స పొందుతూ సోమవారం మృతి చెందింది.
 
 వివరాల్లోకెళ్తే... మైసూరులోని ఒక విద్యాసంస్థలో క్లర్కుగా పనిచేస్తున్న రామేగౌడ కుమార్తె రక్షిత (21) చామరాజనగరలోని ఒక ప్రభుత్వ ఇంజినీరింగ్‌ కళాశాలలో మూడో ఏడాది కంప్యూటర్‌ సైన్స్‌ విద్యార్థిని. మైసూరు గంగోత్రి నగరలో నివాసం. నిత్యం కాలేజీకి వెళ్లివచ్చే క్రమంలో తరచూ ప్రయాణించే బస్సు కండక్టర్‌ ‘కం’ డ్రైవర్‌ శ్రీనివాస్‌ ప్రసాద్‌తో ఆమెకు పరిచయం ఏర్పడింది. అది ప్రేమ వరకూ వచ్చింది. ఇద్దరివీ వేర్వేరు కులాలు కావడంతో వారి ప్రేమను ఇరు కుటుంబాలవారు వ్యతిరేకించారు. అయినప్పటికీ నాలుగు నెలల కిత్రం రక్షిత– శ్రీనివాస ప్రసాద్‌లు పెళ్లితో ఒక్కటయ్యారు. కొద్దిరోజులకే భర్త నిజస్వరూపం బట్టబయలైంది. అతడు ఆమెను పట్టించుకునేవాడు కాదు. అత్తమామలు రక్షితను ఇంటిలోకి రానివ్వలేదు. భర్త కూడా సొంత కుటుంబానికే వత్తాసు పలికాడు.
 
 బస్టాండు వద్దే మంటల్లో..
 దీంతో ఆమె కొద్దిరోజులుగా చామరాజనగర్‌లోనే అత్తింటి సమీపంలో ఒంటరిగా ఉంటోంది. ఎన్ని రోజులైనా అత్తింటివారు ఆదరించకపోవడంతో గత బుధవారం తండ్రితో కలిసి నిరసనకు దిగింది. ఈ క్రమంలో గురువారం ఆమెను, తండ్రిని దూషించడంతో పాటు దాడికి దిగారు. దీంతో రామేగౌడ కుమార్తె రక్షితను తీసుకొని ఇంటికి వెళ్తూ శ్రీనివాస్‌ ప్రసాద్‌పై కేఎస్‌ ఆర్టీసీ మేనేజర్‌కు ఫిర్యాదు చేయడానికి చామరాజనగర బస్టాండుకు వెళ్లాడు. అక్కడే వేచి ఉన్న రక్షిత ఒంటిపై పెట్రోల్‌ పోసుకుని నిప్పంటించుకుంది.
 
  స్థానికులు మంటలను ఆర్పివేసి హుటాహుటిన మైసూరులోని కేఆర్‌ ఆస్పత్రికి తరలించారు. అప్పటినుంచి కిత్స పొందుతున్న రక్షిత సోమవారం కన్నుమూసింది. భర్త వేధింపుల వల్లే తమ బిడ్డ ఆత్మహత్య చేసుకుందని ఆమె తల్లిదండ్రులు పోలీసులకు ఫిర్యాదు చేశారు. రక్షిత తల్లి మాట్లాడుతూ శ్రీనివాస్‌ప్రసాద్‌ కొందరిని పురమాయించి తమ బిడ్డకు నిప్పంటించాడని ఆరోపించింది. పోలీసులు శ్రీనివాస్‌ ప్రసాద్‌తో పాటు అతని కుటుంబసభ్యులను అరెస్ట్‌ చేసి విచారణ చేస్తున్నారు.


 సత్తెనపల్లి(గుంటూరు): గుంటూరు జిల్లా సత్తెనపల్లి మండలం కంటెపూడి వద్ద బైక్‌, లారీ ఢీకొన్న ఘటనలో ఒకరు చనిపోయారు. నలంద ఇంజినీరింగ్‌ కాలేజిలో మూడో సంవత్సరం చదువుతున్న యశ్వంత్(22) బైక్‌పై వెళ్తుండగా లారీ ఢీకొట్టింది. ఈ ఘటనలో యశ్వంత్‌ అక్కడికక్కడే చనిపోయాడు. సమాచారం అందుకున్న పోలీసులు సంఘటన స్థలికి చేరుకుని మృతదేహాన్ని ప్రభుత్వ ఆస్పత్రికి తరలించారు. కేసు నమోదు చేసుకుని దర్యాప్తు చేపట్టారు.


 బొమ్మనహళ్లి: బాలికను చెరపట్టిన ఇంజినీరింగ్‌ విద్యార్థి ఆపై దృశ్యాలను వీడియో తీసి బ్లాక్‌మెయిలకు పాల్పడ్డాడు. ఈఘటన  శుక్రవారం బెల్గాం నగరంలో వెలుగుచూసింది.  బెల్గాం నగరంలోని బాళెకుంద్రి ఇంజినీరింగ్‌ కళాశాల్లో రెండవ సంవత్సరం చదువుతున్న  శివకుమార్‌ బాళెకుంద్రి (22) ఇదే నగరంలోని ఏడవ తరగతి చదువుతున్న బాలికపై కన్నేశాడు. బాలికను బెదిరించి కామవాంఛ తీర్చుకున్నాడు. అనంతరం ఆ దృశ్యాలను సెల్‌ఫోన్ లో  రికార్డు చేశాడు.
 తర్వాత ఆ దృశ్యాలను బయట పెడతానని బ్లాక్‌మెయిల్‌చేస్తూ  అత్యాచారానికి పాల్పడుతూ వస్తున్నాడు. ఓ పర్యాయం తన కోర్కె తీర్చేందుకు బాలిక అంగీకరించకపోవడంతో సెల్‌ఫోన్ లోని దృశ్యాలను పాఠశాలలోని కొందరు బాలికలకు చూపించాడు. దీంతో బాలిక విషయాన్ని తల్లిదండ్రుల దృష్టికి తీసుకురాగా పోలీసులకు ఫిర్యాదు చేశారు. కేసు దర్యాప్తు చేపట్టిన పోలీసులు..నిందితుడిని పోక్సో చట్టం కింద అరెస్ట్‌ చేశారు.  


 రంగారెడ్డి (శంషాబాద్‌): శంషాబాద్ మండలం కాచారంలోని వర్ధమాన్ ఇంజనీరింగ్ కళాశాలలో మంగళవారం జరిగిన కబడ్డీ పోటీల్లో అపశృతి చోటుచేసుకుంది. కబడ్డీ ఆడుతూ  సివిల్‌ ఇంజనీరింగ్‌ మూడో సంవత్సరం చదువుతున్న సంపత్‌ అనే విద్యార్థి కళ్లు తిరిగి కిందపడిపోయాడు. దీంతో కళాశాల యాజమాన్యం చికిత్స నిమిత్తం దగ్గరలోని ఆసుపత్రికి తరలించారు. వైద్యులు అప్పటికే మృతిచెందినట్లు తెలిపారు. కళాశాల యాజమాన్యం మండుటెండలో కబడ్డీ ఆడించినందు వల్లే మృతి చేందాడని ఆసుపత్రి వద్ద విద్యార్థులు ఆందోళనకు దిగారు.


 ఇబ్రహీంపట్నం: ఇంజినీరింగ్‌ విద్యార్థిని ఆత్మహత్య చేసుకున్న సంఘటన మంగళవారం ఇబ్రహీంపట్నంలో చోటుచేసుకుంది. స్థానిక ఎస్సై లింగస్వామి కథనం ప్రకారం... మంచాల మండలం బండలేమూర్‌ గ్రామ సర్పంచ్‌ పోచమోని కృష్ణ  కుటుంబంతో కలిసి ఇబ్రహీంపట్నంలో అద్దె ఇంట్లో నివాసముంటున్నారు. అతని కూతురు శ్రీవాణి(22) బొంగులూర్‌ గేట్‌ వద్ద గల జేఎన్‌ఐటీలో ఇంజినీరింగ్‌(ఈసీఈ) చివరి సంవత్సరం చదువుతోంది.
 
 ఒంట్లో బాగలేకపోవడంతో గత మూడునాలుగురోజులుగా ఇంట్లోనే ఉంటోంది. ఏమైందో తెలీదుకానీ మంగళవారం శ్రీవాణి ఇంట్లోనే చున్నీతో ఉరివేసుకోని ఆత్మహత్య చేసుకుంది. ఈమె ఆత్మహత్యకు కారణాలు తెలియరాలేదని, కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు. ఒక్కగానొక్క కూతురు ఆత్మహత్య చేసుకోవడంతో తల్లిదండ్రులు కన్నీరుమున్నీరుగా విలపించారు.


 ఇంజినీరింగ్‌ విద్యార్థిని కిడ్నాప్‌ కలకలం
 3 గంటల్లోనే కేసును చేధించిన పోలీసులు
 పోలీస్‌స్టేషన్‌లో ఉండి పర్యవేక్షించిన సీపీ
 స్నేహితుడే కిడ్నాపర్‌గా గుర్తింపు
 
 అబిడ్స్‌: ఇంజనీరింగ్‌ విద్యార్ధిని కిడ్నాప్‌ నగరంలో కలకలంరేపింది. కాలేజీకి వెళ్లిన విద్యార్ధిని రాత్రి వరకు ఇంటికి రాకపోగా ఆమె ఫోన్‌తోనే రూ.30 లక్షలు ఇవ్వకపోతే మీ అమ్మాయిని చంపుతామంటూ బెదిరింపు కాల్‌ రావడంతో నగర పోలీసులను ఉరుకులు పరుగులు పెట్టించింది. దీంతో నగర పోలీస్‌ కమిషనర్‌ మహేందర్‌రెడ్డి షాహినాయత్‌గంజ్‌ పోలీస్‌ స్టేషన్‌లోనే మకాం వేసి కిడ్నాప్‌ కేసును చేధించారు. సంఘటన వివరాలు ఇలా ఉన్నాయి.. షాహినాయత్‌గంజ్‌ పోలీస్‌స్టేషన్‌ పరిధిలోని బేగంబజార్‌ బేదర్‌వాడికి చెందిన విద్యార్ధిని(20), శాలిబండ ప్రాంతానికి చెందిన అభిషేక్‌(20) బండ్లగూడ మహవీర్‌ ఇంజనీరింగ్‌ కళాశాలలో బీటెక్‌ రెండో సంవత్సరం చదువుతున్నారు. సోమవారం ఉదయం కాలేజీకి వెళ్లిన  విద్యార్ధిని రాత్రి 10 గంటల దాటినా ఇంటికి చేరుకోలేదు. అదే సమయంలో ఆమె ఫోన్‌ నుంచి కుటుంబసభ్యులకు ఫోన్‌ వచ్చింది. ‘మీ అమ్మాయిని కిడ్నాప్‌ చేశానని, వెంటనే రూ.30 లక్షలు ఇవ్వాలని, లేనిచో చంపేస్తానంటూ ఫోన్‌లో బెదిరింపులకు పాల్పడ్డాడు.
 
  అంతేగాక కాలేజీలో గాని, పోలీస్‌స్టేషన్‌లో గానీ ఫిర్యాదు చేస్తే అంతు చూస్తానంటూ బెదిరించాడు. దీంతో విద్యార్ధిని తండ్రి, బాబాయి షాహినాయత్‌గంజ్‌ పోలీసులకు ఫిర్యాదు చేశారు. అప్రమత్తమైన పోలీసులు ఉన్నతాధికారులకు సమాచారం అందించారు. దీనిపై సమాచారం అందడంతో నగర పోలీస్‌ కమిషనర్‌ మహేందర్‌రెడ్డి రాత్రి 11 గంటల సమయంలో  షాహినాయత్‌ గంజ్‌ పోలీస్‌స్టేషన్‌కు వచ్చి దర్యాప్తును పర్యవేక్షించారు. వెస్ట్‌జోన్‌ డీసీపీ వెంకటేశ్వర్‌రావు, టాస్క్‌ఫోర్స్‌ అధికారులు, సిబ్బంది కిడ్నాపర్‌ ఆచూకీ కోసం 3 గంటల పాటు శ్రమించారు. మంగళవారం తెల్లవారుజామున  కిడ్నాపర్‌ ఫోన్‌ నెంబర్‌ ఆధారంగా అతను శాలిబండ సమీపంలో ఉన్నట్లు గుర్తించిన పోలీసులు నిందితుడు అభిషేక్‌తో పాటు విద్యార్ధినిని కూడా అదుపులోకి తీసుకున్నారు. విద్యార్ధిని స్నేహితుడే కిడ్నాపర్‌ కావడం పోలీసులను విస్మయానికి గురిచేసింది.
 
 ఉరుకులు పెట్టించిన ఫోన్‌ నెంబర్‌...
 కిడ్నాపర్‌ అభిషేక్‌ ముందుగా సికింద్రాబాద్‌లోని ఓ లాడ్జిలో సాయంత్రం గదిని అద్దెకు తీసుకోవడంతో పోలీసులు ఫోన్‌ నెంబర్‌ ఆధారంగా అక్కడికి చేరుకున్నారు. అక్కడ 3 గంటల పాటు ఉండి అభిషేక్, ఆ విద్యార్ధినితో లాడ్జ్‌ ఖాళీ చేసి మెహిదీపట్నం చేరుకున్నాడు.
 
 మెహిదీపట్నంలో ఫోన్‌ నెంబర్‌ ఆధారంగా టాస్క్‌ఫోర్స్, ఇతర పోలీసులు అక్కడకు వెళ్లగా వారి ఆచూకీ లభించకపోవడంతో అక్కడి నుంచి చార్మినార్‌ వెళ్లారు. చార్మినార్‌ సమీపంలోని శాలిబండ వద్ద పోలీసులు వారిని అదుపులోకి తీసుకున్నారు. కిడ్నాప్‌ డ్రామా నడిపిన విద్యార్ధి అభిషేక్‌పై పోలీసులు కేసు నమోదు చేసి   దర్యాప్తు చేస్తున్నారు.


 
 రెండు కిడ్నీలూ పాడై.. ప్రాణాపాయంలో ఇంజనీరింగ్‌ విద్యార్థి
 
 దాతల సాయం కోసం ఎదురుచూపు
 
 ఇంజనీరై కుటుంబంతో సంతోషంగా గడపాల్సిన యువకుడు. పేద కుటుంబమైనా.. కుమారుడిని ఉన్నత స్థితిలో చూడాలని అతడి తల్లిదండ్రులు అహర్నిశలు శ్రమిస్తున్నారు. వారి ఆశలపై క‘న్నీళ్లు’ చిమ్మినట్టుగా.. ఆ యువకుడి రెండు కిడ్నీలూ పాడయ్యాయి. ఆర్థిక పరిస్థితి అంతంతమాత్రంగా ఉన్న ఆ కుటుంబం అతడికి వైద్యం చేయించే స్తోమత లేక తల్లడిల్లుతోంది. వివరాల్లోకి వెళితే..
 – కంబాలచెరువు (రాజమహేంద్రవరం)
 సీతానగరం మండలం రఘుదేవపురానికి చెందిన మహ్మద్‌ ఇబ్రహీం ఆటోడ్రైవర్‌. అతడి సంపాదనతోనే కుటుంబం గడుస్తోంది. తమ కుమారుడిని ఇంజనీర్‌గా చూడాలన్న తపనతో రేయింబవళ్లు శ్రమిస్తున్నాడు. అతడి కుమారుడు 20 ఏళ్ల మహ్మద్‌ జాఫర్‌ షాజిద్‌ దివా¯ŒSచెరువులోని బీవీసీ కాలేజ్‌ ఆఫ్‌ ఇంజనీరింగ్‌లో బీటెక్‌ మూడో సంవత్సరం చదువుతున్నాడు. ఇలాఉండగా ఇటీవల జాఫర్‌షాజిద్‌కు తీవ్ర స్థాయిలో వాంతులయ్యాయి. దీందో అతడిని ఆస్పత్రిలో చూపించి, వైద్యుడి సలహా మేరకు వైద్య పరీక్షలు చేయించారు. రెండు కిడ్నీలు పాడైనట్టు నివేదిక వచ్చింది. కిడ్నీ మార్పిడి చేయాలని, ఇందుకు భారీ మొత్తంలో ఖర్చు కాగలదని వైద్యులు పేర్కొన్నారు. ఈ నేపథ్యంలో స్నేహితుల సహకారంతో కొంతమేర వైద్యం చేయించారు. పూర్తి స్థాయిలో వైద్యం అందించాలంటే భారీ ఖర్చుతో కూడుకున్న విషయం కావడంతో అతడి కుటుంబం దిక్కు తోచని స్థితిలో మథనపడుతోంది. అతడికి క్రమం తప్పకుండా డయాలసిస్‌ చేయించాలి. ఎన్టీఆర్‌ ఆరోగ్య పథకం ఉన్నప్పటికీ.. మందుల ఖర్చులు భరించలేని పరిస్థితి. దాతలు ముందుకువచ్చి తన కుమారుడిని కాపాడాలంటూ తండ్రి ఇబ్రహీం ప్రాథేయపడుతున్నాడు. దాతలు ఎస్‌బీఐ ఖాతా నం.34524807267(ఐఎఫ్‌ఎస్‌సీ : 15366)లో నగదు జమ చేయవచ్చని, 80960 04871 సెల్‌ నంబర్‌లో సంప్రదించవచ్చని పేర్కొన్నారు.
  


 - జిల్లా కలెక్టర్‌ విజయమోహన్‌
 పాణ్యం: ఇంజినీరింగ్‌ విద్యార్థిని ఉషారాణి ఆత్మహత్యపై ప్రత్యేక కమిటీని వేశామని, కమిటీకి ఉన్నతస్థాయి మహిళా అధికారాణిని నియమించి నిజనిర్ధారణ చేస్తామని జిల్లా కలెక్టర్‌ విజయ్‌మోహన్‌ తెలిపారు. పాణ్యం వద్ద ఆర్‌జీఎం ఇంజినీరింగ్‌ కళాశాలను శనివారం ఆయన పరిశీలించారు. అనంతరం విలేకరులతో మాట్లాడుతూ.. ఇలాంటి ఘటన జరగడం బాధాకరమన్నారు. ర్యాగింగ్‌ గురించి తల్లిదండ్రులతో చెప్పి ఉన్న ఉషారాణి బతికి ఉండేదన్నారు. ఇలాంటి అఘాయిత్యాలకు పాల్పడేటప్పుడు ఒక్క నిమిషం ఆలోచించాలన్నారు. ఇంజనీరింగ్‌ కళాశాలలో ఈ ఘటన యావత్తు ప్రజలను కదలించివేసిందన్నారు. కలెక్టరేట్‌లో కంట్రోల్‌ రూమ్‌ ఏర్పాటు చేశామని..ప్రజలు ఏమైనా సమస్యలు వస్తే అందులో నిర్భయంగా ఫిర్యాదు చేయవచ్చన్నారు. ర్యాగింగ్‌ విషయంలో కళాశాల యాజమాన్యాలు కఠినంగా ఉండాలని..అలా లేకుంటే వాటిపై చర్యలు తీసుకోవాల్సి వస్తుందని హెచ్చరించారు. అనంతరం కళాశాల ప్రాంగణాన్ని,  ఉషారాణి ఉంటున్న గదిని పరిశీలించారు. అక్కడే ఉన్న విద్యార్థులను అడిగి వివరాలు తెలుసుకున్నారు.  కళాశాల ఆ గదిలో పనిచేస్తున్న వార్డెన్, స్వీపర్లను విచారించారు. అనంతరం నంద్యాల డీఎస్పీ హరినాథరెడ్డితో కేసుకు సంబంధించి వివరాలను అడిగి తెలుసుకున్నారు. కళాశాల ప్రాంగణంలో కళాశాల యజమానులపై తీవ్రంగా మండిపడ్డారు. ఇదే సమయంలో ఎపీఎస్‌ఎఫ్‌ నాయకులను లోపలికి రానివ్వకపోవడంతో గేటు ఎక్కేందకు ప్రయత్నించారు. వీలు కాకపోవడంతో పక్కన ఉన్న జాతీయ రహదారిపై రాస్తారోకో చేశారు. ఉషారాణికి న్యాయం జరిగేంత వరకు పోరడాతామని విద్యార్థి సంఘ నాయకులు  తెలిపారు. పాణ్యం సీఐ పార్థసారధిరెడ్డి వారికి సర్దిచెప్పి ధర్నా విరమింపజేశారు.
  


 విశాఖపట్నం: అనుమానాస్పదస్థితిలో ఓ ఇంజినీరింగ్‌ విద్యార్థి మృతి చెందాడు. విశాఖకు చెందిన ప్రదీప్‌ అనే విద్యార్థి మృతదేహం శారదానది వద్ద లభ్యమైంది. ప్రియురాలి బంధువులే అతడిని కొట్టి చంపారంటూ ప్రదీప్‌ బంధువులు ఆరోపిస్తున్నారు. కశింకోట పోలీసులకు ఫిర్యాదు చేసినా వారు పట్టించుకోలేదంటూ ఆందోళన వ్యక్తం చేశారు. మృతదేహంతో అతడి బంధువులు రాస్తారోకో చేపట్టడంతో వాహనాలు భారీగా నిలిచిపోయి ట్రాఫిక్‌ జాం ఏర్పడింది. ప్రదీప్ మృతికి కారణమైన వారిని కఠినంగా శిక్షించాలని వారు డిమాండ్‌ చేశారు.


 
 బ్యాక్‌లాగ్‌ పరీక్షకు బయలుదేరి శవమై తేలాడు
 
 పెట్రోలు పోసి నిప్పంటించి చంపిన దుండగులు
 
 ఆచూకీ తెలిపిన ఐడెంటిటీ కార్డు
 
 రాజమహేంద్రవరం రూరల్‌ :
 ఇంజనీరింగ్‌ విద్యార్థి దారుణ హత్యకు గురయ్యాడు. అతడి మృతదేహం పెట్రోలు పోసి కాల్చి చంపిన స్థితిలో శ్రీరామపురం సమీపంలోని కవలగొయ్యి రోడ్డులోని నిర్జన ప్రదేశంలో లభ్యమైంది. పోలీసుల కథనం ప్రకారం కడియం మండలం దుళ్ల గ్రామానికి చెందిన యలమర్తి శివ వెంకటేష్‌ (22) రైట్‌  కళాశాలలో ఈసీఈ గ్రూపుతో ఇంజనీరింగ్‌ చదివాడు. నాలుగు సబ్జెక్టులు మిగిలిపోయాయి. పాలచర్లలోని బీవీసీ కళాశాలలో అతడు శుక్రవారం బ్యాక్‌లాగ్‌ పరీక్షలలో ఒకటి రాయాల్సి ఉంది.అందుకోసం అతడు శుక్రవారం ఉదయమే హాల్‌ టికెట్‌ తీసుకునేందుకు బైక్‌పై రైట్‌ కళాశాలకు బయలుదేరాడు. అక్కడి నుంచి అతడు బీవీసీ కళాశాలకు వెళ్లి పరీక్ష రాయాలి. శుక్రవారం రాత్రి 10 గంటలకు కూడా వెంకటేష్‌ ఇంటికి తిరిగి రాకపోవడం, అతడి సెల్‌ స్విచాఫ్‌ చేసి ఉండడంతో తండ్రి భాస్కరరావు కంగారు పడ్డాడు.  వేమగిరి వచ్చి కుమారుడి స్నేహితులు, తెలిసిన వారి వద్ద వెతికినా లాభం లేకపోయింది.   భాస్కరరావు శనివారం రైట్‌ కళాశాలకు వెళ్లి విచారించగా వెంకటేష్‌ కళాశాలకు రాలేదని, హాల్‌ టికెట్‌ తీసుకోలేదని తెలిసింది.
 గుర్తుతెలియని శవం ఉందని..
 ఇదిలా ఉండగా లాలా చెరువు నుంచి శ్రీరామపురం గ్రామం పరిధిలోని కవలగొయ్యి రోడ్డులో గుర్తుతెలియని శవం, ఒక బైక్, బ్యాగు ఉన్నట్టు బొమ్మూరు పోలీసులకు ఫిర్యాదు అందింది. ఎస్సై కనకారావు, సిబ్బంది వెళ్లి చూడగా  శవం పూర్తిగా కాలిపోయి, అడవి పందులు తినడంతో ఆనవాలు పట్టలేని స్థితిలో ఉంది. అక్కడి బ్యాగులో లభించిన రైట్‌ కళాశాల ఐడెంటిటీ కార్డు, సెల్‌ఫో¯ŒS ఆధారంగా మృతుడు దుళ్ళ గ్రామానికి చెందిన యలమర్తి వెంకటేష్‌గా పోలీసులు గుర్తించారు. వారిచ్చిన సమాచారం భాస్కరరావు సంఘటనా స్థలానికి చేరుకుని మృతదేహం తమ కుమారుడిదిగా  గుర్తించాడు. సంఘటన స్థలాన్ని అర్బ¯ŒS జిల్లా ఎస్పీ రాజకుమారి పరిశీలించి మృతుడు వెంకటేష్‌ తండ్రి నుంచి  వివరాలు అడిగి తెలుసుకున్నారు.
 కిరాతకంగా హత్య
 యలమర్తి శివ వెంకటేష్‌ను అతడి బైకులోని పెట్రోలు పైపు తొలగించి, పెట్రోలును అతనిపై పోసి కాల్చినట్టు పోలీసులు భావిస్తున్నారు. అక్కడ విస్కీ బాటిల్‌ కూడా లభ్యమైంది. వెంకటేష్‌ సెల్‌కు వచ్చిన నంబర్ల ఆధారంగా ప్రేమ వ్యవహారం,  స్నేహితులతో తలెత్తిన విభేదాలు అనే రెండు కోణాల్లో  పోలీసులు దర్యాప్తు చేస్తున్నారు.  డాగ్‌స్కా్వడ్, క్లూస్‌టీం ద్వారా సంఘటనా స్థలంలో ఆధారాలు సేకరిస్తున్నారు.వెంకటేష్‌ను గుర్తుతెలియని వ్యక్తులు హత్య చేశారని,  కారణాలు తెలుసుకుని  తూర్పు మండల డీఎస్పీ రమేష్‌బాబు విలేకరులకు తెలిపారు.


 కీసర(మేడ్చల్): మేడ్చల్ జిల్లా కీసర మండలం పెద్దమ్మచెరువులో దూకి ఓ ఇంజినీరింగ్ విద్యార్థి ఆత్మహత్య చేసుకున్నాడు. మండల టీఆర్‌ఎస్ అధ్యక్షుడు మోర రవికాంత్ కుమారుడు ఆదిత్య(22) ఉస్మానియా ఇంజినీరింగ్ కళాశాల లో సెకండియర్ చదువుతున్నాడు. సోమవారం కళాశాలకు వెళ్లిన ఆదిత్య తిరిగి ఇంటికి రాలేదు. అతని కోసం గాలించగా మంగళవారం ఉదయం పెద్దమ్మ చెరువులో శవమై కనిపించాడు.
 
 పోలీసులు సంఘటన స్థలికి చేరుకుని మృతదేహాన్ని వెలికి తీసి మేడ్చల్ ఆస్పత్రికి తరలించారు. ఆత్మహత్యకు కారణాలు తెలియాల్సి ఉంది. కుమారుడి అకాల మరణంతో కన్నీరుమున్నీరుగా రోదిస్తున్న రవికాంత్‌ను ఎమ్మెల్యే సుధీర్‌రెడ్డి ఓదార్చారు.


 పుణె: మహారాష్ట్రలోని పుణెలో ఓ ఇంజినీరింగ్ విద్యార్థినిపై ఇద్దరు విద్యార్థులు లైంగిక దాడికి పాల్పడ్డారు. పుణెకు శివారున ఉన్న ఓ ఇంజినీరింగ్ కాలేజీలో మూడో సంవత్సరం చదువుతున్న ఓ విద్యార్థి ప్రాజెక్టు రిపోర్ట్ తయారు చేయడానికి సాయం చేయాల్సిందిగా మొదటి సంవత్సరం విద్యార్థినిని కోరాడు. ఇందుకు ఆమె అంగీకరించింది. సీనియర్ విద్యార్థి ఆ అమ్మాయితో చనువుగా ఉంటూ తన గదికి తీసుకెళ్లి అఘాయిత్యానికి పాల్పడ్డాడు.
 
 ఈ విషయం తెలుసుకున్న బాధితురాలి క్లాస్మేట్ పోలీసులకు ఫిర్యాదు చేస్తామని ఆ అమ్మాయితో చెప్పాడు. మరుసటి రోజు బాధితురాలిని తన హాస్టల్ గదికి పిలిపించుకుని అతను కూడా లైంగికదాడి చేశాడు. బాధితురాలు ఈ విషయాన్ని కుటుంబ సభ్యులకు చెప్పింది. కుటుంబ సభ్యులు ఆ అమ్మాయిని తీసుకెళ్లి పోలీసులకు ఫిర్యాదు చేశారు. పోలీసులు కేసు నమోదు చేసి నిందితులను అరెస్ట్ చేశారు.
  


 తిరుపతి: చిత్తూరు జిల్లా తిరుపతికి చెందిన ఓ ఇంజినీరింగ్ విద్యార్థి అనుమానాస్పద స్థితిలో మృతి చెందాడు. తిరుపతి నగరంలోని పెద్దకాపు వీధిలో నివాసం ఉండే చలపతి, నాగమణి దంపతుల కుమారుడు నవీన్. ఇతడు చంద్రగిరి మండలం రంగంపేట సమీపంలోని ఓ ఇంజినీరింగ్ కళాశాలలో బీటెక్ ఫస్టియర్ చదువుతున్నాడు. ఈ నెల 5వ తేది అతడి పుట్టిన రోజు.
 అయితే అతడు ఎప్పటిలాగే కాలేజీకి వెళ్లాడు. అతడు ఆ తర్వాత తిరిగి ఇంటికి చేరుకోలేదు. దీంతో ఆందోళన చెందని అతడి తల్లిదండ్రులు బంధువులు, స్నేహితుల వద్ద వాకబు చేశారు. ఫలితం లేకపోవటంతో పోలీసులను ఆశ్రయించి.. ఫిర్యాదు చేశారు. అయితే శుక్రవారం సాయంత్రం కాలేజీ సమీపంలోని నీటిగుంతలో శవమై పడి ఉన్నాడు.
 ఆ విషయాన్ని గమనించిన కాలేజీ సిబ్బంది... కుటుంబసభ్యులకు సమాచారం అందించారు. దాంతో వారు ఘటన స్థలానికి చేరుకున్నారు. వ్యక్తిగత విభేదాల కారణంగానే స్నేహితులే తమ కుమారుడిని కొట్టి హత్య చేసి ఉంటారని తల్లిదండ్రులు అనుమానం వ్యక్తం చేస్తున్నారు. పోలీసులు కేసు నమోదు చేసి దర్యాప్తు చేస్తున్నారు.


 సాక్షి, చెన్నై: తరగతి గదిలో ఓ ఇంజినీరింగ్ విద్యార్థిని మాజీ విద్యార్థి కొట్టి చంపాడు. ఈ సంఘటన తమిళనాడులోని కరూర్‌లో చోటుచేసుకుంది. కరూర్‌లోని ఓ ప్రైవేటు ఇంజినీరింగ్ కళాశాలలో శివగంగై జిల్లా మానామదురైకు చెందిన సోనాలి మూడో సంవత్సరం సివిల్ ఇంజినీరింగ్ చదువుతోంది. యథాప్రకారం మంగళవారం ఉదయం 11 గంటలకు తరగతి గదిలో ప్రొఫెసర్ చెప్పే పాఠాలను వింటూ కూర్చుంది. ఈ సమయంలో హఠాత్తుగా లోనికి ప్రవేశించిన ఓ యువకుడు చేతిలో ఉన్న దుడ్డుకర్రతో ఆమె తలపై దాడి చేశాడు.
  
 ఉన్మాది వలే హఠాత్తుగా అతడు ప్రవర్తించిన తీరు నుంచి అక్కడి విద్యార్థులు తేరుకునేలోపు తీవ్రంగా దాడి చేసి పారిపోయాడు. రక్తపు మడుగులో పడి ఉన్న సోనాలిని సహచర విద్యార్థులు, కళాశాల సిబ్బంది స్థానికంగా ఉన్న సమీపంలోని ఆసుపత్రికి తరలించారు. పరిస్థితి విషమించడంతో మదురైలోని ఓ ప్రైవేటు ఆసుపత్రికి తీసుకెళ్లారు. చికిత్స పొందుతూ విద్యార్థి మృతి చెందింది. ఈ ఘాతుకానికి ఒడిగట్టిన ఉదయకుమార్ అనే యువకుడ్ని పోలీసులు అరెస్టు చేశారు. విచారణలో ఉదయకుమార్  కళాశాల నుంచి సస్పెండ్ అయినట్టు తేలింది.
 
 సోనాలి తండ్రి నాలుగు నెలల క్రితం మరణించాడు. ఆమె తల్లి చెన్నైలో ఓ చిన్న సంస్థలో పని చేస్తూ తన కుమార్తెను చదివిస్తున్నట్టు విచారణలో తేలింది. తన ప్రేమను తిరస్కరించడంతో వల్లే ఉదయకుమార్ ఈ ఘాతుకానికి పాల్పడినట్టు అనుమానిస్తున్నారు. రెండు నెలల క్రితం ఇదేతరహాలో చెన్నైలో ఇన్ఫోసిస్ ఉద్యోగిని స్వాతి హత్యకు గురైంది. తనను తిరస్కరించిందనే కోపంతో స్వాతిని ఓ యువకుడు రైల్వే స్టేషన్ లో నరికి చంపాడు.


 జగద్గిరిగుట్ట: కాలేజీకని ఇంటి నుంచి వెళ్లిన ఓ ఇంజినీరింగ్‌ విద్యార్థిని అదృశ్యమైంది. జగద్గిరిగుట్ట పోలీసుల కథనం ప్రకారం... అల్విన్‌కాలనీ ధరణినగర్‌కు చెందిన నాగార్జునాచార్యులు కుమార్తె శ్వేత నాగవేణి (24) బహదూర్‌పల్లిలోని ఓ ప్రైవేటు ఇంజినీరింగ్‌ కాలేజీలో బీటెక్‌ చదువుతోంది. ఈనెల 26న ఉదయం కాలేజీకి అని ఇంటి నుంచి బయలుదేరి వెళ్లిన నాగవేణి సాయంత్రానికి ఇంటికి తిరిగి రాలేదు. కుటుంబసభ్యులు ఆమె కోసం అన్ని చోట్లా వెతికినా ఆచూకీ దొరక్కపోవడంతో శనివారం జగద్గిరిగుట్ట పోలీసులకు ఫిర్యాదు చేశారు. పోలీసులు మిస్సింగ్‌ కేసు నమోదు చేసి దర్యాప్తు చేస్తున్నారు.
 
  


 
 కిట్స్‌ కళాశాల ఎదుట విద్యార్థుల ఆందోళన
 
 అధ్యాపకుడే దగ్గర ఉండి కొట్టించాడని బాధితుడి ఆరోపణ
 
 డైరెక్టర్‌ కారు ధ్వంసం
 
 కమిటీ వేసి చర్యలు తీసుకుంటామని  డైరెక్టర్‌ హమీ 
 
 భీమారం : కిట్స్‌ కళాశాల విద్యార్థిని పోలీసులు చితకబాదారు. దీంతో కళాశాల తరగతులు బహిష్కరించిన తోటి విద్యార్థులు ఆందోళనకు దిగారు. పోలీసుల దాడికి కారణమైన ఓ అధ్యాపకుడిని సస్పెండ్‌ చేయాలని డిమాండ్‌ చేశారు. బాధితుడి కథనం ప్రకారం వివరాలిలా ఉన్నాయి. కిట్స్‌ కళాశాలలో ఫస్టియర్‌ అడ్మిషన్ల ప్రక్రియ పూర్తి కావడంతో బయటి వ్యక్తులను లోపలికి రాకుండా నిరోధించడానికి కళాశాల డైరెక్టర్‌ డాక్టర్‌ మనోహర్‌ ప్రధాన రహదారి వద్ద ఇద్దరు అధ్యాపకులను నియమించారు. కళాశాల విద్యార్థులు లోపలికి వచ్చేటప్పుడు విధిగా స్టూడెంట్‌ ఐడీ కార్డు తప్పక ధరించాలని ఆదేశాలు జారీ చేశారు. ఈ క్రమంలోనే గురువారం ఉద యం గేట్‌ వద్ద అధ్యాపకుడు రఘురామశర్మరను నియమించారు. కళాశాలలో సీఈసీ థర్డ్‌ ఇయర్‌ చదువుతున్న నిఖిల్‌ ఉదయం కళాశాల ప్రధాన ద్వా రం వద్దకు వచ్చాడు. కళాశాల జారీ చేసిన గుర్తింపుకార్డు అతడి వద్ద కనిపించకపోవడంతో అతడిని అక్కడే నిలిపివేశాడు. ఈ క్రమంలోనే సదరు అధ్యాపకుడు నిఖిల్‌ను కొట్టాడని విద్యార్థులు ఆరోపించారు. అదే సమయం లో అటువైపు పెట్రోలింగ్‌కు వచ్చిన పోలీసులు సంఘటన స్థలానికి చేరుకోగా ఆ అధ్యాపకుడు వారితో కూడా కొట్టించాడని బాధితుడు  నిఖిల్‌ పేర్కొన్నాడు. అంతకు ముందు రోహన్‌ అనే విద్యార్థిని కూడా సదరు అధ్యాపకుడు కొట్టినట్లు విద్యార్థులు ఆరోపించారు. 
 డైరెక్టర్‌ కార్యాలయం ఎదుట ఆందోళన..
 విషయం తెలుసుకున్న విద్యార్థులు తరగతులు బహిష్కరించి ఆందోళనకు దిగారు. డైరెక్టర్‌ కార్యాలయం ఎదుట సుమారు రెండు గంటలపాటు బైఠాయించారు. కళాశాల ఆవరణలోకి పోలీసులను ఎందుకు అనుమతించారని ప్రశ్నించారు. పోలీసులతో కొట్టించిన అధ్యాపకుడిని కళాశాల నుంచి సస్పెండ్‌ చేయాలని డిమాండ్‌ చేశారు. అలాగే పార్క్‌ చేసిన డైరెక్టర్‌ కారును విద్యార్థులు ధ్వం సం చేశారు. సంఘటనపై కమిటీ వేసి పూర్తి స్థాయిలో విచారణ జరుపుతామని కళాశాల డైరెక్టర్‌ డాక్టర్‌ మనోహర్‌ విద్యార్థులకు హామీ ఇచ్చారు. నిందితులు ఎవరైనా వారిపై చర్యలు తీసుకుంటామని, ఒకవేళ పోలీసులు లాఠీతో కొట్టినట్లయితే పోలీస్‌ ఉన్నతాధికారులకు ఫిర్యాదు చేస్తామని చెప్పడంతో విద్యార్థులు ఆందోళన విరమించారు.  


 హైదరాబాద్: కుషాయిగూడలో సోమవారం జరిగిన రోడ్డు ప్రమాదంలో తీవ్రంగా గాయపడిన ఇంజినీరింగ్ విద్యార్థి చికిత్స పొందుతూ మంగళవారం మృతి చెందాడు. నల్లగొండ జిల్లా మోత్కూర్ మండల కేంద్రానికి చెందిన ఎస్.మహేందర్ (20) వీబీఐటీ కాలేజిలో బీటెక్ సెకండియర్ చదువుతున్నాడు. మహేందర్ సోమవారం ఉదయం మరో వ్యక్తితో కలసి బైక్‌పై వెళ్తుండగా వేగంగా వచ్చిన పాలవ్యాన్ ఢీకొట్టింది. ఈ ఘటనలో ఒకరు  చనిపోగా మహేందర్ తీవ్రంగా గాయపడ్డాడు. వెంటనే స్థానికులు అతడిని సమీపంలోని ఆస్పత్రికి తరలించారు. పరిస్థితి విషమించటంతో ఈ రోజు ఉదయం మహేందర్ చనిపోయాడు.


 తాడేపల్లిగూడెం: ఈతకు వెళ్లి గల్లంతైన ఇంజనీరింగ్ విద్యార్థి మాక ఫణికుమార్ మృతదేహం శనివారం లభ్యమైంది. పట్టణంలోని యగర్లపల్లి ప్రాంతంలో అతడి మృతదేహాన్ని గుర్తించారు. శుక్రవారం ఉదయం తాడేపల్లిగూడెంలోని పంటకాలువలో ఫణికుమార్ ఈతకు వెళ్లి... గల్లంతయ్యారు. విషయం తెలుసుకున్న అగ్నిమాపక సిబ్బంది... సహాయంతో గాలింపు చర్యలు చేపట్టాడు. ఆ క్రమంలో శనివారం ఉదయం మృతదేహన్ని కనుగొన్నారు.
  


 తాడేపల్లిగూడెం: ఈతకు వెళ్లిన ఇంజనీరింగ్ విద్యార్థి నీట మునిగి గల్లంతయ్యాడు. ఈ సంఘటన పశ్చిమగోదావరి జిల్లా తాడేపల్లిగూడెంలో శుక్రవారం చోటు చేసుకుంది. స్థానికంగా నివాసముంటున్న మాకా ఫణికుమార్ (21)  స్థానిక వాసవి ఇంజనీరింగ్ కళాశాలలో బీటెక్ చివరి సంవత్సరం చదువుతున్నాడు.
 ఈక్రమంలో ఈ రోజు సాయిబాబా గుడి సమీపంలోని ప్రధాన కాలువలో ఈత కొట్టేందుకు వెళ్లి.... ప్రమాదవశాత్తు గల్లంతయ్యాడు. ఆ విషయం తెలుసుకున్న స్థానికులు వెంటనే ఫణికుమార్ కోసం గాలింపు చర్యలు చేపట్టారు. దీనిపై సమాచారం అందుకున్న అగ్నిమాపక సిబ్బంది రంగంలోకి దిగి... ఫణికుమార్ కోసం గాలిస్తున్నారు.


 జల్సాలకు అలవాటుపడ్డ ఓ ఇంజనీరింగ్ విద్యార్థి స్నేహితుడితో కలిసి దొంగతనాలకు పాల్పడుతూ పోలీసులకు చిక్కాడు. జూబ్లీహిల్స్ పోలీసులు తెలిపిన వివరాలివీ.. షాద్‌నగర్ విజయ్‌నగర్ కాలనీలో నివసించే బి.రఘు(21) చేవెళ్ల సమీపంలోని ఓ ఇంజనీరింగ్ కాలేజీలో బీటెక్ మూడో సంవత్సరం చదువుతున్నాడు.
  
 జులాయి తిరుగుళ్లకు మరిగిన ఇతడు షాద్‌నగర్‌కు చెందిన స్నేహితుడు ఎల్. నరేష్(20)తో కలిసి కొంతకాలంగా దొంగతనాలకు పాల్పడుతున్నాడు. మూడు రోజుల క్రితం జూబ్లీహిల్స్ రోడ్ నంబర్ -10సిలోని గాయత్రిహిల్స్‌లో ఉన్న కిరాణ స్టోర్‌కు వెళ్లి సిగరెట్ కావాలంటూ అడిగాడు. ఆ వ్యాపారిని అడిగిన సిగరెట్లు ఇస్తుండగానే అక్కడున్న రూ.10 వేల విలువ చేసే సిగరెట్ల డబ్బాను తస్కరించి బైక్‌పై ఉడాయించాడు. బాధితుడి ఫిర్యాదు మేరకు నిఘా వేసిన పోలీసులు వీరిద్దరినీ అరెస్టు చేసి రిమాండ్‌కు తరలించారు.


 కర్నూలు: సెల్ఫీ మోజులో ఓ యువకుడు ప్రాణాలు కోల్పోయాడు. వేగంగా వస్తున్న రైలు ముందు నిల్చొని సెల్ఫీ వీడియో తీసుకుంటున్న ఇంజనీరింగ్ విద్యార్థి రైలు ఢీకొట్టింది. దాంతో అతడు అక్కడికక్కడే మృతి చెందాడు. ఈ సంఘటన కర్నూలు జిల్లా నెరవాడలో బుధవారం చోటు చేసుకుంది. వివరాలు ఇలా ఉన్నాయి... దోర్నెపాడు మండలానికి చెందిన ఇద్రూస్ బాషా (20) నెరవాడ ఆర్‌సీఎం ఇంజనీరింగ్ కళాశాలలో బీటెక్ ద్వితీయ సంవత్సరం చదువుతున్నాడు.
 ఈ క్రమంలో ఈ రోజు ఉదయం వాకింగ్ వెళ్లి.. రైల్వే ట్రాక్ సమీపంలో సెల్ఫీలు దిగుతున్నాడు. అదే సమయంలో అటుగా వేగంతో వచ్చిన ట్రైన్  అతడిని ఢీకొట్టింది. దీంతో అతడు అక్కడికక్కడే మరణించాడు.  సమాచారం అందుకున్న రైల్వే పోలీసులు ఘటన స్థలానికి చేరుకుని... మృతదేహాన్ని స్వాధీనం చేసుకున్నారు. పోస్టుమార్టం నిమిత్తం మృతదేహాన్ని కర్నూలు ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.


 నిజామాబాద్ క్రైం : ఇంజినీరింగ్ విద్యార్థిని ఉరేసుకొని ఆత్మహత్య చేసుకుంది. ఆమె బలవన్మరణానికి దారి తీసిన కారణాలు ఇంకా తెలియరాలేదు. పేట్‌బషీరాబాద్ ఎస్సై కోటేశ్వరరావు కథనం ప్రకారం... నిజామాబాద్ టౌన్‌కు చెందిన సత్యనారాయణగౌడ్, కవిత దంపతులు సుచిత్ర సమీపంలోని ఓ అపార్టుమెంట్‌లో నివాసం ఉంటున్నారు. వీరికి ముగ్గురు సంతానం. చిన్న కుమార్తె భార్గవి (21) ఇంజినీరింగ్ చదువుతోంది. అమెరికా వెళ్లేందుకు వీసా కూడా తీసుకుంది. రెండవ కుమార్తె అమెరికాలో ఉండటంతో సత్యనారాయణ దంపతులు ఇటీవలే అక్కడికి వెళ్లారు.
 దీంతో భార్గవికి, ఆమె చిన్నాన్న కుమారుడు జ్ఞానేశ్వర్ తోడుగా ఉంటున్నాడు. శుక్రవారం ఉదయం జ్ఞానేశ్వర్ బయటకు వెళ్లి కొద్దిసేపటికి తిరిగి వచ్చి తలుపు తట్టాడు. ఎంతకూ తెరవకపోవడంతో చుట్టు పక్కల వారి సహాయంతో పోలీసులకు సమాచారం ఇచ్చాడు. త లుపులు పగులగొట్టి చూడగా భార్గవి ఫ్యాన్‌కు ఉరేసుకొని వేలాడుతూ కనిపించింది. వెంటనే కిందికి దించి స్థానిక ఆసుపత్రికి తరలించగా, అప్పటికే మృతి చెందినట్టు వైద్యులు ధ్రువీకరించారు. కాగా, భార్గవి ఆత్మహత్యకు గల కారణాలు ఇంకా తెలియరాలేదు. పోలీసులు వివిధ కోణాల్లో దర్యాప్తు చేస్తున్నారు. అమెరికాలో ఉన్న తల్లిదండ్రులకు సమాచారం ఇవ్వగా... వారు అక్కడి నుంచి తిరుగు ప్రయాణమైనట్లు పోలీసులు తెలిపారు.


 ఇంజనీరింగ్ విద్యార్థి అనుమానాస్పద స్థితిలో మృతిచెందిన సంఘటన రంగారెడ్డి జిల్లా ఘట్‌కేసర్ మండలం కొండాపూర్‌లో శుక్రవారం వెలుగుచూసింది. స్థానిక సంస్కృతి ఇంజనీరింగ్ కళాశాలలో డిప్లమా మూడో సంవత్సరం చదువుతున్న అఖిల్‌కుమార్(18) అనుమానాస్పద స్థితిలో మృతిచెందాడు. కళాశాల యాజమాన్యం ఈ విషయం బయటకు పొక్కకుండా ఉంచేందుకు ప్రయత్నిస్తోందని విద్యార్థులు ఆందోళనకు దిగారు. విషయం తెలుసుకున్న పోలీసులు సంఘటనా స్థలానికి చేరుకొని వివరాలు సేకరిస్తున్నారు. విద్యార్థి మృతి వెనుక ర్యాగింగే కారణమా అనే కోణంలో పోలీసులు దృష్టి సారిస్తున్నారు.
 
  


 * అనుమానాస్పద స్థితిలో మరో ఇంజనీరింగ్ విద్యార్థి మృతి
 * పథకం ప్రకారమే హత్య చేశారంటున్న తల్లి
 బిట్రగుంట : కావలిలో అనుమానాస్పద స్థితిలో ఇంజనీరింగ్ విద్యార్థి మృతిచెంది నాలుగు రోజులు గడవకముందే అదే కళాశాలకు చెందిన మరో విద్యార్థి అటవీ ప్రాంతంలో శవమై కనిపించాడు. మండలంలోని కడనూతల ఫారెస్ట్ ఏరియాలో విద్యార్థి మృతదేహం మంగళవారం బయటపడింది. సంఘటనా స్థలంలో లభించిన కళాశాల గుర్తింపు కార్డు, ఆధార్‌కార్డులను బట్టి మృతుడు నాయుడుపేట మండలం విన్నమాలకు చెందిన వేలూరు చిరంజీవి (20)గా గుర్తించారు. స్థానికులు, పోలీసుల , కళాశాల యాజమాన్యం కథనం మేరకు..
 
 విన్నమాలకు చెందిన వేలూరు చిరంజీవి కావలిలోని విట్స్ (విశ్వోదయ ఇనిస్టిట్యూట్ ఆఫ్ టెక్నాలజీ అండ్ సైన్స్) కళాశాలలో బీటెక్ (మెకానికల్ ఇంజనీరింగ్) రెండో సంవత్సరం చదువుతున్నాడు. అదే కళాశాలకు చెందిన విద్యార్థినిని ప్రేమ పేరుతో వేధింపులకు గురిచేస్తుండటంతో విద్యార్థిని తల్లిదండ్రులు కావలి రెండో పట్టణ పోలీస్ స్టేషన్‌లో మే నెల 5వ తేదీన ఫిర్యాదు చేశారు. పోలీసులకు ఫిర్యాదు అందడం, చిరంజీవి వ్యవహారశైలి సరిగా లేకపోవడంతో కళాశాల యాజమాన్యం అతడిని వసతిగృహం నుంచి బయటకు పంపేసింది.
 
 దీంతో అతను కావలిలోనే గది అద్దెకు తీసుకుని పరీక్షలు రాస్తున్నాడు. ఈక్రమంలో 27వ తేదీన పరీక్ష రాయాల్సి ఉండగా గైర్హాజరయ్యాడు. అప్పటి నుంచి చిరంజీవి ఆచూకీ లేదు. మృతదేహం ఉన్న విషయం తెలుసుకున్న స్థానిక సర్పంచ్ నీలిమ భర్త మల్లికార్జున్ రెడ్డి పోలీసులకు సమాచారం అందించారు. పోలీసులు సంఘటనా స్థలాన్ని పరిశీలించారు. మృతదేహాన్ని పోస్టుమార్టం నిమిత్తం కావలి ఏరియా ఆసుపత్రికి తరలించారు.
  
 27వ తేదీనే హత్య..?
 చిరంజీవిది హత్యగా అనుమానిస్తున్నారు. 27వ తేదీనే హత్య జరిగినట్లు సంఘటనా స్థలంలోని ఆధారాల ద్వారా తెలుస్తుంది. ఆరోజు వేకువన కావలి నుంచి పల్లెవెలుగు బస్సులో చిరంజీవి కడనూతల వచ్చినట్లుగా మృతుడి పర్స్‌లో టికెట్ లభించింది. టికెట్‌పై ఉదయం 4.38గా సమయం నమోదైంది. కావలి నుంచి పల్లెవెలుగు బస్సులు ఉదయం ఐదు గంటల నుంచి మాత్రమే ఉన్నాయి. వేకువనే 4.38గా సమయం నమోదై ఉందంటే బస్టాండ్‌లో ప్రయాణికుల కోసం బస్సు వేచి ఉన్న సమయంలోనే టికెట్ తీసుకున్నట్లుగా తెలుస్తుంది.
 
 మృతుడి జేబులో ఫోన్‌లేదు. కేవలం ఇయన్‌ఫోన్స్ మాత్రం ఉన్నాయి. కాళ్లకు చెప్పులు కూడా లేవు.  మృతదేహం పక్కన బైక్ చక్రాల గుర్తులున్నాయి. మృతుడి జేబులో మూడు ఖాళీ నిద్ర మాత్రల షీట్లు (45 మాత్రలు, రెస్టిల్ 0.5ఎంజీ) లభించాయి.  నిద్రమాత్రలు మింగి ఆత్మహత్య చేసుకోవాలనుకుంటే కావలి నుంచి కడనూతల అటవీ ప్రాంతం వరకూ చెప్పులు కూడా లేకుండా రావాల్సిన అవసరం లేదని పోలీసులు భావిస్తున్నారు. పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేపట్టారు.
  
 రెండూ అనుమానాస్పద సంఘటనలే..
 కావలి విట్స్ కళాశాలకు చెందిన ఇద్దరు విద్యార్థులు వేర్వేరు ఘటనల్లో అనుమానాస్పద స్థితిలో విగతజీవులుగా మారడం సంచలనం రేపుతోంది. రెండు సంఘటనలూ గంటల వ్యవధిలోనే జరగడం మిస్టరీగా మారింది. 27వ తేదీ వేకువన 2.30 గంటల ప్రాంతలో వసతిగృహం పైనుంచి పడి అనుమానాస్పద స్థితిలో బీటెక్ మూడో సంవత్సరం విద్యార్థి మృతిచెందిన విషయం తెలిసిందే. తాజాగా చిరంజీవి మృతదేహం లభ్యమవడంతో కథ కొత్త మలుపు తిరిగింది. పోలీసులు భిన్నకోణాల్లో దర్యాప్తు చేపడితే వాస్తవాలు వెలుగు చూడటంతో పాటు ఊహాగానాలకు తెరపడే అవకాశం ఉంది.
  
 చిరంజీవి తల్లి పుష్ప
 కావలి: ‘నా బిడ్డను చెప్పిమరీ చంపేశారు. ఇక నాకు దిక్కెవరు?’ అంటూ కడనూతలలో లభ్యమైన చిరంజీవి మృతదేహం వద్ద తల్లి పుష్ప రోదించింది. మంగళవారం రాత్రి పట్టణంలోని ఏరియా ఆసుపత్రికి వచ్చి చిరంజీవి మృతదేహాన్ని చూసి కన్నీరుమున్నీరుగా విలపించింది. ఈ సందర్భంగా మాట్లాడుతూ నాయుడుపేటకు చెందిన రెడీమెడ్ షాపు యజమాని వాసు ఆయన అన్న వెంకటేశ్వర్లు పథకం ప్రకారం నా బిడ్డను కడతేర్చారని ఆరోపించింది. లేనిపోని ఆరోపణలతో తన బిడ్డను అంతం చేశారని విలపించింది.   తనకు పోలీసులపై నమ్మకంలేదని, పోలీస్ ఉన్నతాధికారులు స్పందించి హత్యకు కారణమైన వారిని పట్టుకుని శిక్షించాలని పుష్ప కోరింది.  
  
 రెండు ఘటనలకు సంబంధంలేదు
 కావలిలో మిద్దెపై నుంచి పడి మృతిచెందిన కాలే జీ విద్యార్థి ఘటనకు, మంగళవారం కడనూతల అటవీ ప్రాం తాల్లో లభ్యమైన చిరంజీవి మృతదేహం ఘటనకు ఎలాంటి సంబంధంలేదు. కడనూతల ఘటనపై బిట్రగుంట పోలీ సుల ఆధ్వర్యంలో విచారణ జరుగుతుంది. పుర్వాపరాలు త్వరలో వెల్లడవుతాయి.     
 - వెంకటరమణ, సీఐ, కావలి రెండో పట్టణం


  నెల్లూరు జిల్లా కావలిలోని ఓ ప్రైవేట్ఇంజినీరింగ్ కళాశాల హాస్టల్ భవనం నుంచి పడి ఓ విద్యార్థి చనిపోయాడు. సీఈఈ చదువుతున్న విశ్వకుమార్ గురువారం రాత్రి భవనంపైనుంచి కిందపడి అక్కడికక్కడే చనిపోయాడు. సమాచారం అందుకున్న తల్లిదండ్రులు, బంధువులు అక్కడికి చేరుకుని ఆందోళనకు దిగారు. తమ కుమారుడిని తోటి వారే కొట్టి చంపారని అనుమానం వ్యక్తం చేశారు. శివకుమార్ స్వగ్రామం అనంతసాగరం మండలం గొల్లపల్లి.
  


 చిత్తూరు: జల్సాలకు అలవాటు పడిన ఇంజనీరింగ్ విద్యార్థి అవి తీర్చుకునేందుకు... డబ్బుల కోసం నేరుగా ప్రజా ప్రతినిధులనే బెదిరిస్తూ పోలీసులకు చిక్కాడు. హైదరాబాద్లోని ఓ ఇంజనీరింగ్ కళాశాలలో బీటెక్ మూడో సంవత్సరం చదువుతున్న జగన్ అనే యువకుడు ఇంటర్నెట్ ద్వారా పలువురు మంత్రులతోపాటు రాజకీయ నాయకుల ఫోన్ నెంబర్లు సంపాదించారు.
 ఆ క్రమంలో రాష్ట్ర అటవీ శాఖ మంత్రి బొజ్జల గోపాలకృష్ణారెడ్డికి కర్నూలు, హైదరాబాద్లో ఆస్తులున్నాయని .. వాటికి సంబంధించిన డాక్యుమెంట్లు బయటపెడతానని బెదిరించాడు. అలా చేయకుండా ఉండేలంటే... పద్మావతి మహిళ బ్యాంకులలోని ఓ ఖాతాలో రూ. 30 వేలు వేయ్యాలని ఫోన్లో సందేవం పంపాడు. దీంతో మంత్రి వ్యక్తిగత కార్యదర్శి పోలీసులకు ఫిర్యాదు చేశారు.
 పోలీసులు కేసు నమోదు చేసి... దర్యాప్తు ప్రారంభించారు. ఆ క్రమంలో చిత్తూరుకు చెందిన జగన్ అనే వ్యక్తిని పోలీసులు అరెస్ట్ చేశారు.  అతడిని పోలీసులు తమదైన శైలిలో విచారిస్తున్నారు. ఇంటర్నెట్ ద్వారా ప్రతిపక్ష నాయకుడు వైఎస్ జగన్ మోహన్ రెడ్డి, నగరి ఎమ్మెల్యే రోజా, ఆళ్లగడ్డ, శ్రీశైలం ఎమ్మెల్యేల ఫోన్ నెంబర్లు కూడా సంపాదించినట్లు తమ విచారణలో వెల్లడించాడని పోలీసులు చెప్పారు.


 కొలిక్కి వచ్చిన దేవి కేసు!
 సీపీ మహేందర్‌ రెడ్డితో దేవీ తల్లిదండ్రుల భేటీ
 
 సాక్షి, సిటీబ్యూరో: ఇంజనీరింగ్‌ విద్యార్థిని కట్కూరి దేవిరెడ్డి కేసు విచారణ ఓ కొలిక్కి వచ్చింది. దాదాపు ఆమె ప్రమాదంలోనే మృతిచెందిందని పోలీసుల మలి విచారణలో తేలినట్టు సమాచారం. ఈ విషయమై దేవి తల్లిదండ్రులను బషీర్‌బాగ్‌లోని తన కార్యాలయానికి శనివారం పిలిపించి నగర పోలీసు కమిషనర్‌ మహేందర్‌ రెడ్డి... దేవిది హత్య కాదు రోడ్డు ప్రమాదమేనని వివరించినట్టు తెలుస్తోంది.
 
 దేవి మరణంపై ఆమె తల్లిదండ్రులు లెవనెత్తిన సందేహాలకు సంబంధించి ఫోరెన్సిక్‌ బృందం ఇచ్చిన సమాధానాలు కూడా ప్రమాదం వల్లే అలాంటి గాయాలవుతాయని స్పష్టం చేసినట్లు తెలుస్తోందని వారికి సీపీ వివరించినట్టు సమాచారం. గచ్చిబౌలి ఫైనాన్షియల్‌ డిస్ట్రిక్ట్‌ బీపీఎం పబ్‌ నుంచి బయలుదేరిన వీరు ప్రయాణిస్తున్న కారు అతివేగంతో జూబ్లీహిల్స్‌లో రోడ్డు ప్రమాదానికి గురవడం... ఆ తర్వాత అది ప్రమాదం కాదు హత్య అని దేవి తల్లిదండ్రులు ఆరోపించడం... ఈ మిస్టరీ నేపథ్యంలో తిరిగి పోలీసులు మళ్లీ విచారించడం తెలిసిందే. భరత్, దేవీకి సంబంధించి కాల్‌డేటా, ఫేస్‌బుక్‌ చాటింగ్‌లను కూడా పోలీసులు విశ్లేషించారు.


 బీటెక్ విద్యార్థిని కట్కూరి దేవి (21) అనుమానాస్పద మృతి కేసులో పోలీసు విచారణ ముగిసింది. దేవి ఇంటికి సమీపంలో ఉండగానే ఆమెకు, భరత్‌కు వాగ్వాదం జరిగినట్లు సమాచారం తెలుస్తోంది. ఆ కోపంలోనే భరత్ తన కారును గంటకు 130 కిలోమీటర్ల వేగంగా నడిపాడని నిర్ధారణ అయింది. కేవలం 10 మీటర్ల దూరంలోనే రెండు చెట్లను ఢీకొన్నట్లు ఆధారాలు కూడా లభ్యమయ్యాయి. కారు వేగంగా చెట్టును ఢీకొనడంతోనే దేవి మృతి చెందిందని పోలీసులు ఒక నివేదిక తయారు చేశారు. మద్యం సేవించి అత్యంత వేగంగా కారు నడపడం వల్లే ఈ ఘటన సంభవించిందని అంటున్నారు. దేవి మృతికి సంబంధించిన వివరాలను సీపీ మహేందర్‌ రెడ్డి ఆదివారం వెల్లడించనున్నారు.
 
 సీపీ మహేందర్‌రెడ్డికి మొత్తం 5 రకాల విచారణ నివేదికలు అందాయి. అందులో బంజారాహిల్స్ పోలీసులు అందించిన నివేదిక కూడా ఒకటి. ప్రాథమిక పోస్టుమార్టం నివేదికలో రోడ్డు ప్రమాదం వల్లే దేవి మరణించినట్లు వైద్యులు తేల్చారు. భరత్ సింహారెడ్డి, అతడి స్నేహితులను శుక్రవారం అర్ధరాత్రి వరకు పోలీసులు విచారించారు. వెస్ట్‌జోన్ టాస్క్‌ఫోర్స్ డీసీపీ లింబారెడ్డి, వెస్ట్‌జోన్ డీసీపీ ఎ.వెంకటేశ్వరరావు నిందితుడిని పలు రకాలుగా విచారణ చేపట్టారు. ఆ రోజు ఏం జరిగిందన్నది పూసగుచ్చినట్లు నివేదిక రూపొందించారు. దర్యాప్తులో భాగంగా అంతకు ముందు రోజు రాత్రి పబ్ ప్రారంభోత్సవానికి వెళ్లినప్పుడు అక్కడ ఎవరెవరిని కలిశారు, ఎవరెవరు కలిసి వెళ్లారన్న వివరాలు రాబట్టారు.
 
 భరత్‌సింహారెడ్డి స్నేహితుడు విక్కి, విశ్వనాథ్, పృధ్వీలతో పాటు మృతురాలి స్నేహితురాలు సోనాలిని కూడా శనివారం విచారించి మరింత సమాచారాన్ని తెలుసుకున్నారు. వారి సెల్‌ఫోన్ డాటాను సేకరించారు. స్నేహితుల వేర్వేరు విచారణ, టవర్ సిగ్నల్స్ ఆధారంగా ఆదివారం తెల్లవారుజామున భరత్‌సింహారెడ్డి తన కారులో దేవిని ఎక్కించుకొని వచ్చినట్లు పోలీసులు నిర్ధాణకు వచ్చారు. కారణం ఏంటో తెలియదు గానీ, ఇద్దరి మధ్య గొడవ జరిగిందని, ఆ కోపంతోనే వేగంగా కారు నడిపి చెట్లను ఢీకొన్నాడని అంటున్నారు. అయితే తమకు మాత్రం దేవి మృతిపై ఇప్పటికీ అనుమానాలున్నాయని, తాము న్యాయపోరాటం చేస్తామని దేవి కుటుంబ సభ్యులు చెబుతున్నారు.


 ► ఫోరెన్సిక్ విచారణలోనూ దొరకని హత్య ఆనవాళ్లు
 ► 1500 మంది టవర్ లోకేషన్స్ విశ్లేషించిన పోలీసులు
 ► ప్రమాద సమయంలో..వేర్వేరు ప్రాంతాల్లో ఆ నలుగురు
  
  
 సాక్షి,హైదరాబాద్: ఇంజినీరింగ్ విద్యార్థిని కట్కూరి దేవిరెడ్డి మరణం... ప్రమాదం వల్లే జరిగిందని మలి విచారణలోనూ తేలింది. దేవి మరణంపై మిస్టరీ నెలకొన్న నేపథ్యంలో ఆమెను హత్య చేశారంటూ తల్లిదండ్రులు, బంధువులు ఆందోళన వ్యక్తం చేసిన నేపథ్యంలో పోలీసులు ఫోరెన్సిక్, మోటారు వాహనాల నిపుణులతో కలిసి చేసిన రెండవ విచారణలోనూ దేవిది హత్య అని చెప్పేందుకు ఎలాంటి ఆధారాలు లభించలేదని సమాచారం. దేవి ప్రయాణించిన కారు ధ్వంసమైన తీరు, కారు ఎయిర్ బెలూన్ తెరుచుకున్నాక కూడా తలకు బలమైన గాయాలు కావటం తదితర అంశాలపై వివిధ రంగాల నిపుణులతో విచారించారు. దేవి తల్లిదండ్రులు లేవనెత్తిన సందేహాలను ఓ ప్రశ్నావళి రూపంలో పోలీస్‌లు ఫోరెన్సిక్ బృందానికి అందజేయగా, వారు ప్రమా దం వల్లే అలాంటి గాయాలవుతాయని స్పష్టం చేసినట్లు విశ్వసనీయ సమాచారం.
 
 
  వారందరి లొకేషన్స్ పరిశీలన: ఆరోపణలు ఎదుర్కొంటున్న భరత్‌సింహారెడ్డి ఫోన్ కాల్ డాటా ఆధారంగా ఆయనతో గతేడాది కాలంగా 1500 మంది వివిధ సందర్భాల్లో టచ్‌లో ఉన్నట్టు తెలిసింది. అయితే ప్రమాదానికి ముందు, తర్వాత ఆ 1500 మంది సెల్‌ఫోన్ టవర్ లొకేషన్స్‌ను పోలీస్‌లు పరిశీలించగా వారెవరూ ఆ పరిసర ప్రాంతాల్లో లేరు. దేవికి సంబంధించిన కాల్ డాటా, వాట్సాప్ ఫొటోలు, మెసేజ్‌లను సైతం పోలీస్‌లు మొత్తం విశ్లేషించారు. ఫేస్‌బుక్ ద్వారా ఇద్దరి మధ్య ఏర్పడిన పరిచయంతో గత ఎనిమిది నెలలుగా భరత్-దేవీలు టచ్‌లో ఉంటున్నట్లు గుర్తించారు. ఇక గచ్చిబౌలి ఫైనాన్షియల్ డిస్ట్రిక్ట్‌లోని పబ్ నుంచి తెల్లవారుజామున 3.33 గంటలకు బయలుదేరిన భరత్‌సింహారెడ్డి, దేవీల స్నేహితులు వెంకట్, పృధ్వీ, విశ్వనాథ్‌లతో పాటు సోనాలి అనే అమ్మాయి సెల్‌ఫోన్ టవర్ లోకేషన్స్ సైతం వేర్వేరు ప్రాంతాల్లో ఉన్నట్లు గుర్తించారు.
 
 
 11 నిమిషాల్లో దూసుకొచ్చిన కారు:
  పబ్ నుంచి భరత్‌సింహారెడ్డి, దేవితో కలిసి కారులో గచ్చిబౌలి ఫైనాన్షియల్ డిస్ట్రిక్ట్ బీపీఎం పబ్ నుంచి తెల్లవారుజామున 3.33 గంటలకు బయల్దేరినట్లు టవర్ సిగ్నల్ బహిర్గతం చేసింది. అక్కడి నుంచి కేవలం 11 నిమిషాల్లోనే భరత్ తన కారును దూసుకుపోనిచ్చి జర్నలిస్టు కాలనీకి చేరుకున్నారు. ఇక్కడ ఒక పత్రికా కార్యాలయం సీసీ ఫుటేజీలో వీరి కారు 3.44 గంటలకు దూసుకుపోతున్నట్టు కనిపించింది. తండ్రితో ఫోన్ మాట్లాడేందుకు కొద్దిదూరంలోనే ఐదు నిమిషాలపాటు కారు నిలిపి ఉన్నట్లు కూడా టవర్ సిగ్నల్ ద్వారా తేలింది. అప్పటికే ఇంటి నుంచి ఫోన్లు వస్తుండటంతో..భరత్ కారు వేగాన్ని మరింత పెంచే యత్నంలో కంట్రోల్ తప్పి చెట్టుకు ఢీకొట్టారన్న నిర్ధారణకు పోలీసులు వచ్చినట్లు సమాచారం .


 చాంద్రాయణగుట్ట: హైటెక్ పద్ధతిలో పరీక్షల్లో కాపీయింగ్‌కు పాల్పడుతున్న ఓ ఇంజినీరింగ్ విద్యార్థిని కళాశాల యజమాన్యం పట్టుకొని పోలీసులకు అప్పగించింది. పోలీసుల కథనం ప్రకారం... మాసబ్‌ట్యాంక్‌కు చెందిన షేక్ వసీం అహ్మద్ మలక్‌పేటలోని నవాబ్ షా ఆలం ఖాన్ కళాశాలలో మెకానికల్ ఇంజినీరింగ్ మూడో సంవత్సరం చదువుతున్నాడు. సెకండ్ ఇయర్‌కు సంబంధించి కొన్ని సబ్జెక్ట్‌లు బ్యాక్‌లాగ్ ఉండటంతో ఆ పరీక్షల కేంద్రం చాంద్రాయణగుట్టలోని అరోరా ఇంజినీరింగ్ కాలేజీలో పడింది. శుక్రవారం మధ్యాహ్నం థర్మల్ ఇంజనీరింగ్ సబ్జెక్ట్ పరీక్ష ప్రారంభమైంది.  కాపీయింగ్‌కు ఆస్కారం లేకుండా పాఠశాల డెరైక్టర్ చేపూరి శ్రీలత తన బృందంతో కలిసి విద్యార్థులందరినీ పరిశీలిస్తున్నారు. వీరిని చూసి పరీక్ష రాస్తున్న షేక్ వసీం అహ్మద్ ఒక్కసారిగా తన పేపర్ అక్కడే వదిలేసి బయటికి పరుగు తీశాడు. 
 
 దీంతో అనుమానం వచ్చిన సిబ్బంది అతడిని వెంబడించి పట్టుకుని క్షణ్ణంగా తనిఖీ చేయగా... దిమ్మె తిరిగే విషయం బయటపడింది.  వసీం అండర్ వేర్‌లో సెల్‌ఫోన్, బనియన్ అంచులలో కుట్టిన ట్రాన్స్‌మీటర్ కేబుల్,  చెవిలో సూక్ష్మమైన బ్లూటూత్ పరికరం బయటపడ్డాయి. బయటి నుంచి కాల్ వచ్చిన వెంటనే నాలుగైదు రింగ్‌లకు ఆటోమెటిక్‌గా ఫోన్ రిసీవ్ కావడం...  రిసీవ్ అయిన వెంటనే వైర్‌లెస్ ట్రాన్స్ మీటర్ స్వీకరించడం... దాని నుంచి బ్లూటూత్‌కు ఆడియో రిసీవింగ్ అవుతున్నట్లు కనిపెట్టారు.
 
 దీంతో పాటు ఫోన్ చేసిన వారి వివరాలు, సమయం లభ్యం కాకుండా ఫోన్‌లో సాఫ్ట్‌వేర్ మార్చినట్టు అధికారులు గుర్తించారు. తాను ఉస్మానియా యూనివర్సిటీలో ఉండే స్నేహితుడి ద్వారా ఈ మాస్ కాపీయింగ్ చేస్తున్నానని నిందితుడు వసీం అహ్మద్ విలేకరులకు తెలిపాడు. ఇతను నాలుగు పరీక్షలు రాయాల్సి ఉండగా ఇప్పటికే ఒకటి రాశాడు. రెండో పరీక్ష రాస్తూ పట్టుబడ్డాడు. కళాశాల డెరైక్టర్ ఫిర్యాదు మేరకు వసీంను చాంద్రాయణగుట్ట పోలీసులు అదుపులోకి తీసుకొని విచారిస్తున్నారు.


 ♦ ఇంజనీరింగ్ విద్యార్థి దేవిది హత్యే
 ♦ తల్లిదండ్రులు, బంధువుల ఆరోపణ
 ♦ భరత్ మరో ఇద్దరు కలసి చంపేశారు
 ♦ వారిని తప్పించేందుకు పోలీసులు ప్రయత్నిస్తున్నారని ఆరోపణ
 ♦ దేవి తల్లిదండ్రుల ఫిర్యాదుతో దర్యాప్తు అధికారి మార్పు..
 ♦ ఘటనపై మళ్లీ తొలి నుంచి విచారణ
 సాక్షి, హైదరాబాద్: ఇంజనీరింగ్ విద్యార్థిని కట్కూరి దేవి అనుమానాస్పద మృతి అంశం ఎన్నో మలుపులు తిరుగుతోంది. తమ కుమార్తె ప్రమాదవశాత్తూ మరణించలేదని, ఆమెను హత్య చేసి ప్రమాదంగా చిత్రీకరించారన్న దేవి తల్లిదండ్రుల ఫిర్యాదుతో... పోలీసులు ఈ ఘటనపై తిరిగి మొదటి నుంచి దర్యాప్తు ప్రారంభించారు.ప్రమాదానికి గురైన కారును ఘటనా స్థలంలోకి తిరిగి తెప్పించి... పోలీసులతోపాటు ఫోరెన్సిక్ నిపుణులు, మోటారు వాహనాల అధికారులు పరిశీలించారు. హైదరాబాద్‌లోని జూబ్లీహిల్స్‌లో ఆదివారం తెల్లవారుజామున జరిగిన కారు ప్రమాదంలో దేవి అనుమానాస్పద స్థితిలో మరణించిన విషయం తెలిసిందే. గురువారం ఘటనా స్థలంలో పోలీసులు విచారణ జరుపుతుండగా.. దేవి బంధువులు, మిత్రులు అక్కడికి చేరుకుని ఆందోళన చేపట్టారు. పోలీసులకు వ్యతిరేకంగా నినాదాలు చేశారు. ప్రమాదం జరిగిన రోజున కారులో మరో ఇద్దరు ఉన్నారని, వారిని తప్పించారని ఆరోపించారు.
 
 ప్రమాదం జరిగిన రోజున కారు ముందు భాగం చాలా తక్కువగా దెబ్బతిన్నదని... కానీ ఇప్పుడు పోలీసులు తీసుకువచ్చేటప్పటికి చాలా ఎక్కువ డ్యామేజీ ఉందంటూ దేవి సోదరి మానస చెప్పారు. ఇందుకు సంబంధించి ప్రమాదం జరిగినప్పుడు తీసిన ఫొటోను ఆధారంగా చూపారు. పోలీసులు కావాలనే దోషులను తప్పిస్తున్నారని ఆరోపించారు. ఇక మరోవైపు ఈ కేసును ప్రతిష్టాత్మకంగా తీసుకున్న పోలీసు అధికారులు విచారణాధికారిగా ఉన్న జూబ్లీహిల్స్ సీఐ వెంకటరెడ్డిని తప్పించి.. ఏసీపీ ఉదయ్‌కుమార్‌రెడ్డికి కేసును అప్పగించారు.
  
 దర్యాప్తు ముమ్మరం..
 తిరిగి మొదటి నుంచి దర్యాప్తు చేపట్టిన పోలీసులు... ఉస్మానియా వైద్యులిచ్చిన పోస్టుమార్టం నివేదికను క్షుణ్నంగా పరిశీలించారు. తలకు బలమైన గాయాలు కావటం వల్లే ఆమె మరణించిందని, మిగతా శరీర భాగాలపై గాయాలేవీ లేవని ఆ నివేదిక పేర్కొంది. దీంతో తలపై గాయాలు ప్రమాదం వల్లే జరిగాయా, ఆ సమయంలో కారు ఎంత వేగంలో ఉండి ఉంటుందనే అంశాలపై ఫోరెన్సిక్, మోటార్ వాహనాల అధికారుల సహాయాన్ని తీసుకున్నారు. ఇక దేవి ఆదివారం తెల్లవారుజామున ఇంటి నుంచి బయలుదేరి ప్రమాదస్థలి వరకు ఏ మార్గంలో వచ్చారు, ఆ సమయంలో ఎవరెవరితో మాట్లాడారు, దేవి తల్లిదండ్రులు ఆరోపిస్తున్న యువకుల సెల్‌ఫోన్ టవర్ లోకేషన్లను పోలీసులు విశ్లేషించారు.
 
 భరత్ వేసుకున్న దుస్తులు, ఫోన్లను స్వాధీనం చేసుకున్నారు. ప్రమాదం జరిగే ముందు దేవి, భరత్ ఇద్దరూ ఐదు నిమిషాలపాటు అక్కడ ఆగినట్లు గుర్తించారు. ఇక దేవి అనుమానాస్పద మృతిపై మొదటి నుంచి దర్యాప్తు చేపట్టామని, శాస్త్రీయ కోణంలో ముందుకు వెళుతున్నామని డీసీపీ వెంకటేశ్వరరావు చెప్పారు. నిజాయితీగా, నిష్పక్షపాతంగా దర్యాప్తు చేస్తామని, అపోహలకు తావు లేదని తెలిపారు.
  
 దోషిగా తేలితే శిక్షించండి
 కుమార్తె మరణించిన ఆవేదనలో దేవి తల్లిదండ్రులు ఆరోపణలు చేస్తున్నారు. పోలీసులు దీనిపై పూర్తిస్థాయి విచారణ జరిపి, భరత్ తప్పు చేశాడని తేల్చితే.. ఏ శిక్ష విధించినా సరే. అంతేగానీ పోలీసుల విచారణను అడ్డుకోవటం సరికాదు..
 - భరత్ తల్లి సామ అనితారెడ్డి
  
 ఎన్‌కౌంటర్ చేయాలి
  మా అక్క మృతి పట్ల చాలా అనుమానాలున్నాయి. ఆ రోజు ఎన్నోసార్లు ఫోన్ చేసినా ఆమె లిఫ్ట్ చేయలేదు. ఇంట్లో అందరం నిద్రాహారాలు మాని ఎదురుచూశాం. రోడ్డు ప్రమాదంలో చనిపోయిందనగానే నిశ్చేష్టులమయ్యాం. ఇందుకు కారకులైన వారిని ఎన్‌కౌంటర్ చేయాలి.    
 - దేవి సోదరి మానస
  
 దేవిది మూమ్మాటికీ హత్యే
 నా బిడ్డ రోడ్డు ప్రమాదంలో మృతి చెందిందన్నది కట్టుకథ. లోతుగా విచారణ జరిపితే  దోషులెవరో తేలుతుంది. ఆమె వుృతి వెనుక మిస్టరీని ఛేదించాలి. ఆ రోజు కారులో భరతసింహారెడ్డితో పాటు మరో ఇద్దరు కూడా ఉన్నారు. ఆ ఇద్దరు ఎవరో గుర్తించాలి. సీసీ కెమెరా ఫుటేజీలను పరిశీలిస్తే నిజాలు వెలికి వస్తాయి. ప్రమాదం జరిగిన కారును తీయడానికి గంటల సమయం పట్టే ఈ రోజుల్లో.. అరగంటలోనే కారును అక్కడి నుంచి ఎలా తొలగిస్తారు? దాన్ని దూరంగా రహ్మత్‌నగర్‌కు తరలించడం వెనుక అనుమానాలున్నాయి. దోషులు పట్టుబడే దాకా ఉద్యమిస్తాం.    
 - దేవి తండ్రి కట్కూరి నిరంజన్‌రెడ్డి
  
 సాయం చేయాలంటూ అరుపులు వినిపించాయి
 ఆదివారం తెల్లవారుజామున 3.30 గంటల సమయంలో మా సార్ కార్లు కడగడానికి లేచాను. ఆ సమయంలో మా ఫ్లాట్ ముందు ఓ తెల్లరంగు కారు ఆగి ఉంది. కొద్దిసేపటికి కారు తలుపులు కొడుతున్న చప్పుడు వినిపించింది. తర్వాత కాసేపటికే కారులోంచి ఓ యువతి దిగి పరిగెత్తే ప్రయత్నం చేసింది. కానీ కార్లోంచి ఓ యువకుడు దిగి ఆమెను తిరిగి కారులోకి లాక్కెళ్లాడు. నేను నా పనిలో ఉండిపోయాను. కొద్దిసేపటికే హెల్ప్.. హెల్ప్ అన్న అరుపులు వినిపించాయి. నేను బయటకొచ్చి చూస్తుండగానే ఆ కారు దూసుకుపోయింది. కొద్దిసేపటికే కారు ప్రమాదం జరిగి, ఓ యువతి చనిపోయిందని తెలిసింది.    
 - వాచ్‌మన్ రాము, ప్రత్యక్ష సాక్షి


 ఇంజినీరింగ్ విద్యార్థి ఆత్మహత్య ఆ ఇంట తీరని విషాదాన్ని నింపింది. ఉన్నత చదువులు చదివి వృద్ధిలోకి వస్తాడన్న కుమారుడు ఇక లేడని తలుచుకుని  కన్నవారు కుళ్లి కుళ్లి ఏడ్చడం అక్కడివారిని కలిచివేసింది. ఆదివారం రాత్రి రైలు కింద పడి భావి ఇంజినీర్ ఆత్మహత్య పాల్పడిన సంఘటన మండలంలోని తొండుపల్లి శివారులో చోటు చేసుకుంది.
  శంషాబాద్ రూరల్ : మహబూబ్‌నగర్ జిల్లా జడ్చర్లకు చెందిన జీ శ్రీనివాస్ స్థానికంగా హార్డ్‌వేర్ దుకాణం నడుపుతూ ఇద్దరు కుమారుల ను చదివిస్తున్నాడు. పెద్ద కుమారుడు రణధీర్ నగరంలోని మల్లారెడ్డి ఇంజినీరింగ్ కళాశాలలో బీటెక్ మూడో సంవత్సరం చదువుతుం డగా.. రెండో కుమారుడు రిశ్వంత్ (18) కాచారంలో ఉన్న వర్ధమాన్ ఇంజినీరింగ్ కళాశాల లో బీటెక్ (ఈసీఈ) మొదటి సంవత్సరం చ దువుతున్నాడు. కాగా.. కళాశాల హాస్టల్ ఉంటున్న రిశ్వంత్ ఏప్రిల్ 27న సొంతూరికి వెళ్లాడు.  ఆదివారం సాయంత్రం తండ్రి శ్రీని వాస్ కుమారుడిని కళాశాలకు వెళ్లేందుకు రైలు ఎక్కించాడు. గంటన్నర తర్వాత కుటుంబ సభ్యులు రిశ్వంత్ సెల్‌కు ఫోన్  చేయగా రాత్రి 8 గంటల వరకు రింగ్ అయి తర్వాత స్విచ్‌ఆఫ్ అయింది. దీంతో కంగారుపడిన కుటుంబ సభ్యులు సోమవారం ఉదయం శంషాబాద్ పోలీస్ స్టేషన్‌కు ఫిర్యాదు చేశారు.
  రైలు పట్టాలపై శవమై..
 ఉందానగర్ (శంషాబాద్) - తిమ్మాపూర్ రైల్వే స్టేషన్ల మధ్య తొండుపల్లి శివారులో ఔటర్ రింగు రోడ్డు వంతెన కింద రైలు పట్టాలపై ఓ యువకుడి మృతదేహం పడి ఉన్నట్లు శంషాబాద్ పోలీసులకు ఆదివారం అర్ధరాత్రి సమాచారం అందింది. దీంతో వారు సంఘటనా స్థలానికి చేరుకున్నారు. అయితే సంఘటన జరిగిన ప్రాంతం రైల్వే పోలీసుల పరిధి కావడంతో వారు కాచిగూడ రైల్వే పోలీసులకు స మాచారం అందించారు. అయితే కొడుకు కనపడలేదంటూ పోలీస్‌స్టేషన్ కు వచ్చిన శ్రీనివాస్‌కు.. శంషాబాద్ పోలీసులు విషయాన్ని చెప్పి అక్కడికి తీసుకెళ్లడంతో మృతదేహం తన కుమారుడిదేనని గుర్తించాడు. కాగా.. రిశ్వంత్ ఆత్మహత్యకు గల కారణాలు తెలియరాలేదు. సంఘటనా స్థలానికి కుటుం బ సభ్యులు, తోటి విద్యార్థులు వచ్చి అతడి మృతదేహాన్ని చూసి బోరున విలపించారు. కళాశాల డెరైక్టర్ ప్రభాకర్‌రెడ్డి మృతుడి తల్లిదండ్రులను ఓదార్చారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. రైల్వే పోలీసులు కేసును దర్యాప్తు చేస్తున్నారు.


 శంషాబాద్ రూరల్ (రంగారెడ్డి జిల్లా) : శంషాబాద్ మండలం తొండుపల్లి శివారులో ఉందానగర్- తిమ్మాపూర్ రైల్వే స్టేషన్ల మధ్య రైలు పట్టాలపై ఇంజినీరింగ్ విద్యార్థి రిష్వంత్(18) ఆత్మహత్య చేసుకున్నాడు. సోమవారం మధ్యాహ్నం మృతదేహాన్ని గుర్తించారు. మృతుడు మహబూబ్ నగర్ జిల్లా జడ్చర్లవాసి కాగా శంషాబాద్ మండలం కాచారం వద్ద ఉన్న వర్ధమాన్ ఇంజినీరింగ్ కళాశాలలో బీటెక్ మొదటి సంవత్సరం చదువుతున్నాడు.
 
 కళాశాల హాస్టల్‌లో ఉంటున్న రిష్వంత్ ఐదురోజుల క్రితం స్వగ్రామానికి వెళ్లి ఆదివారం సాయంత్రం తిరుగు ప్రయాణం అయ్యాడు. సోమవారం మృతదేహాన్ని గుర్తించిన స్థానికులు రైల్వే పోలీసులకు సమాచారం అందించారు. ఆత్మహత్యకు కారణాలు తెలియరాలేదు. పోలీసులు కేసు నమోదు చేసుకుని దర్యాప్తు చేస్తున్నారు.


 జూబ్లీహిల్స్ జర్నలిస్టు కాలనీ సమీపంలోని హుడా ఎన్‌క్లేవ్‌లో ఆదివారం వేకువజామున జరిగిన రోడ్డు ప్రమాదంలో ఇంజనీరింగ్ విద్యార్థిని కె.దేవి(21) మృతి చెందింది. ఈ ప్రమాదంపై పోలీసులు పలు అనుమానాలు వ్యక్తం చేస్తున్నారు. ప్రమాదం జరిగేకంటే ముందు కారు నడుపుతున్న భరతసింహారెడ్డి, పక్కనే కూర్చున్న దేవి పెద్ద పెద్ద అరుపులతో కొద్దిసేపు గొడవ పడ్డారని స్థానికంగా ఓ సెక్యూరిటీగార్డు పోలీసులకు సమాచారం అందించాడు. అంతే కాకుండా ప్రమాదం జరిగినప్పుడు మృతురాలు దేవి కూర్చున్న ప్రాంతంలో చెట్టుకు ఢీకొంది. అయితే అక్కడ మాత్రం బెలూన్లు తెరుచుకోలేదు. డ్రై వింగ్ చేస్తున్న భరతసింహారెడ్డి వద్ద మాత్రం బెలూన్లు ఓపెన్ అయ్యాయి. దీనిపై పోలీసులు సమగ్ర విచారణ చేపడుతున్నారు.
 
  పోస్టుమార్టం నివేదికను కూడా క్షుణ్ణంగా పరిశీలించాలని భావిస్తున్నారు. ప్రమాదం జరిగినప్పుడు ఎంత వేగంతో కారు వెళ్తున్నదో కనుగొనే యత్నంలో పోలీసులు పురోగతి సాధించారు. ఆ సమయంలో గంటకు వంద కిలోమీటర్ల వేగంగా కారు దూసుకెళ్తున్నట్లు తేలింది. అంత వేగంతో చెట్టును ఢీకొంటే తప్పనిసరిగా రెండు వైపులా బెలూన్లు ఓపెన్ కావాల్సి ఉంటుంది. ఈ వ్యవహారంపై మరింత లోతుగా విచారిస్తే చాలా విషయాలు బయటపడతాయని పోలీసులు కూడా అంటున్నారు.
 ఇదిలా ఉండగా ప్రమాదానికి కారకుడైన భరతసింహారెడ్డి ఆరు నెలల క్రితం హీరో బాలకష్ణ నివాసం సమీపంలోఉన్న సబ్ వే వద్ద తన స్నేహితులతో బీరుబాటిళ్లతో గొడవపడ్డాడు. ఆ గొడవలో ఇద్దరు ముగ్గురికి గాయాలయ్యాయి. ఆ కేసులోనూ భరతసింహారెడ్డిని పోలీసులు అప్పుడే అరెస్టు చేశారు. ఇటీవల పలు పబ్‌లలో గొడవలు జరుగుతున్ననేపథ్యంలో ఇంకా ఏవైనా కేసులు ఉన్నాయా అన్న కోణంలో పోలీసులు దృష్టిసారించారు.
 
  


 కీసర మండలం భోగారంలోని హోలీమేరీ ఇంజనీరింగ్ హాస్టల్లో గిరీష్(20) అనే ఇంజనీరింగ్ విద్యార్థి ఆత్మహత్య చేసుకున్నాడు. హాస్టల్ గదిలో ఫ్యానుకు వేలాడుతూ విద్యార్థులకు కనిపించాడు. ఈ విషయం విద్యార్థులు కాలేజీ యాజమాన్యం దృష్టికి తీసుకెళ్లారు. ఆత్మహత్యకు పాల్పడ్డ గిరిష్ స్వస్థలం ఆదిలాబాద్ జిల్లా. సంఘటనాస్థలాన్ని స్థానిక సీఐ గురువారెడ్డి పరిశీలించారు. కేసు నమోదు చేసి దర్యాప్తు చేస్తున్నారు. పూర్తి వివరాలు తెలియాల్సి ఉంది.
 
  


 నూజివీడు : కృష్ణాజిల్లా ఆగిరిపల్లి మండలం వడ్లమాను గ్రామంలో ఇంజినీరింగ్ మొదటి సంవత్సరం చదువుతున్న విద్యార్థిని ఆగంతకులు కిడ్నాప్ చేశారు. దీంతో సదరు విద్యార్థి తల్లిదండ్రులు ఆగిరిపల్లి పోలీసులను ఆశ్రయించి... ఫిర్యాదు చేశారు. పోలీసులు కేసు నమోదు చేశారు. అందులోభాగంగా ఐదురుగు అనుమానితులను పోలీసులు అదుపులోకి తీసుకున్నారు. అనంతరం వారిని పోలీస్ స్టేషన్కి తరలించారు. పోలీసులు వారిని తమదైన శైలిలో విచారిస్తున్నారు.


 జూబ్లీహిల్స్ (హైదరాబాద్) : జీవితంపై విరక్తితో ఓ ఇంజనీరింగ్ విద్యార్థి ఆత్మహత్య చేసుకున్నాడు. ఈ ఘటన జూబ్లీహిల్స్ పోలీస్‌స్టేషన్ పరిధిలో చోటు చేసుకుంది. పోలీసులు తెలిపిన వివరాల ప్రకారం... రహ్మత్‌నగర్ బంగారు మైసమ్మ గుడి సమీపంలో నివసించే సిహెచ్.రాఘవేంద్ర సాగర్(20) గోకరాజు గంగరాజు ఇంజనీరింగ్ కాలేజీలో బీటెక్ మూడో సంవత్సరం చదువుతున్నాడు.
 
 గత కొద్ది రోజుల నుంచి ఆత్మన్యూనతా భావానికి గురవుతూ తనలో తానే మదనపడుతున్నాడు. జీవితంపై విరక్తి చెంది ఆదివారం తెల్లవారుజామున తన గదిలో ఫ్యాన్‌కు ఉరేసుకొని ఆత్మహత్యకు పాల్పడ్డాడు. తండ్రి యాదయ్య ఇచ్చిన ఫిర్యాదు మేరకు జూబ్లీహిల్స్ పోలీసులు కేసు నమోదు చేసుకొని దర్యాప్తు చేస్తున్నారు.


 సేలం:  ఇంజనీరింగ్ విద్యార్థి గోకుల్ రాజ్ హత్య కేసులో చార్జ్ షీట్ గురువారం కోర్టులో దాఖలైంది. సేలం జిల్లా ఓమలూరుకు చెందిన  చెందిన ఇంజనీరింగ్ విద్యార్థి గోకుల్ రాజ్ ఇటీవల హత్యకు గురైన విషయం తెలిసిందే. పెను సంచలనం సృష్టించిన ఈ కేసులో ధీరన్ చిన్నమలై గౌండర్ పేరవై వ్యవస్థాపకుడు యువరాజ్‌తో పాటు 17 మంది అరెస్టు అయ్యారు. యువరాజ్, ఆయన తమ్ముడు తంగ దురై ల మీద గుండా చట్టం నమోదు అయింది. వేలూరు జైల్లో యువరాజ్, సేలం జైల్లో మరో ఆరుగురు విచారణ ఖైదీలుగా ఉన్నారు. పది మందిబెయిల్ మీద బయటకు వచ్చారు.
  
   ఈ కేసులో విచారణను ముగించిన సీబీసీఐడీ గురువారం చార్జ్ షీట్‌ను దాఖలు చేసింది. 1 318 పేజీలతో ఈ చార్జీ షీట్ దాఖలు చేశారు. ఈ కేసులో నిందితులు ఎస్సీ, ఎస్టీ చట్టం కింద అరెస్టు చేయడంతో విచారణను  జిల్లా మొదటి మేజిస్ట్రేట్ కోర్టుకు మారుస్తూ నిర్ణయం తీసుకున్నారు. ఈనెల 17వ తేదీన నిందితులు విచారణ నిమిత్తం ఆ కోర్టుకు  హాజరు కావాలని ఆదేశాలు జారీ అయ్యాయి. కాగా, విచారణ నిమిత్తం యువరాజ్‌తో పాటుగా మిగిలిన వారిని కోర్టుకు తీసుకురావడంతో గట్టి భద్రతా ఏర్పాట్లను ఆ పరిసరాల్లో పోలీసు యంత్రాంగం చేసింది.
  


 ఫెయిలవుతాననే భయంతో ఓ ఇంజనీరింగ్ విద్యార్థి ఆత్మహత్యకు పాల్పడ్డాడు. నల్గొండ జిల్లా భూదాన్‌పోచంపల్లిలోని సెయింట్ మేరీస్ ఇంజనీరింగ్ కళాశాలలో ప్రధమ సంవత్సరం చదువుతున్న సుంకి సందీప్(19) గదిలో ఉరి వేసుకొని సోమవారం మధ్యాహ్నం ఆత్మహత్య చేసుకున్నాడు.
 సివిల్ ఇంజనీరింగ్ చేస్తున్న సందీప్ పరీక్షలు సరిగా రాయకపోవడంతో మనస్తాపానికి గురైనట్లు తెలుస్తుంది. నిజామాబాద్‌కు చెందిన సందీప్ కళాశాల సమీపంలో ఒక రూంలో అద్దెకు ఉంటున్నాడు. సమాచారం అందుకున్న పోలీసులు సంఘటనా స్థలానికి చేరుకుని దర్యాప్తు చేయగా.. మృతిని వద్ద సూసైడ్ నోట్ లభించింది.ఈ తన చావుకి ఎవరూ బాధ్యులు కారని అందులోపేర్కొన్నాడు.
 
  


 బెంగళూరు: ఇంజనీర్ కావాలని కలలు కంది. కల సాకారం కాకుండానే చిన్న వయసులోనే కనుమూసింది. ప్రమాదం రూపంలో మృత్యువు కబళించింది. తాను ఈ లోకంలో లేకున్నా అవయవదానం చేయడం ద్వారా మరో ఐదుగురికి పునర్జన్మ ఇచ్చి సజీవంగా బతుకుతోంది కర్ణాటకకు చెందిన ఇంజినీరింగ్ విద్యార్థిని సంజన (18). బ్రెయిన్ డెడ్ అయిన సంజన అవయవాలను తల్లిదండ్రుల అనుమతితో దానం చేశారు.
 
 సంజన గుండెను కోయంబత్తూరుకు చెందిన శివన్ (30) అనే వ్యక్తికి అమర్చారు. సంజన గుండెను బెంగళూరు నగరంలో కెంగేరి బీజీఎస్ గ్లోబల్ ఆస్పత్రి నుంచి బొమ్మసంద్ర నారాయణ హెల్త్ సిటీకి తీసుకెళ్లడానికి పోలీసు అధికారులు సహకరించి ట్రాఫిక్ను క్లియర్ చేశారు. దీంతో కేవలం 28 నిమిషాల్లో 37 కిలోమీటర్ల దూరం ప్రయాణించి గుండెను సురక్షితంగా చేర్చారు. శివన్ కు గుండెను దానం చేయకుంటే మరో పది రోజులు మాత్రమే బతికేవాడని వైద్యులు తెలిపారు. సంజన కళ్లు, కాలేయం, కిడ్నీలను మరో నలుగురు రోగులకు దానం చేశారు. బెంగళూరుకు చెందిన 44 ఏళ్ల మహిళకు కాలేయం, కిడ్నీ దానం చేశారు. మరో పేషెంట్కు ఇంకో కిడ్నీ, మరో ఇద్దరికి కళ్లను దానం చేశారు.
 
 హసన్కు చెందిన సంజన ఈ నెల 21న మైసూర్ కేఆర్ఎస్ సమీపంలో జరిగిన రోడ్డు ప్రమాదంలో తీవ్రంగా గాయపడింది. చికిత్స నిమిత్తం హాసన్ ఆస్పత్రికి తరలించారు. అప్పటికే ఆమె పరిస్థితి అత్యంత విషమంగా మారింది. వైద్యులు శ్రమించినా ఫలితం లేకపోయింది. సంజన బ్రెయిన్ డెడ్ అయినట్టు వైద్యులు నిర్ధారించారు. సంజన అవయవాలను దానం చేయాలని వైద్యులు ఆమె తల్లిదండ్రులను ఒప్పించారు. వైద్యుల సలహా మేరకు ఆమెను బెంగళూరులోని కెంగేరి బీజీఎస్ గ్లోబల్ ఆస్పత్రికి తరలించారు.
 
 సంజన మరణించినా ఆమె అవయవాలను దానం చేయడంతో మరో ఐదుగురి రూపంలో బతికే ఉంటుందని బీజీఎస్ గ్లోబల్ ఆస్పత్రి వైస్ చైర్మన్, చీఫ్ న్యూరో సర్జన్ డాక్టర్ ఎన్ కే వెంకటరమణ అన్నారు. అవయవ దానం చేసేందుకు అంగీకరించిన సంజన కుటుంబ సభ్యులకు ధన్యవాదాలు తెలిపారు. సహకరించిన హసన్ డాక్టర్లకు, బెంగళూరు పోలీసులకు అభినందనలు తెలిపారు.