ఏలూరు టౌన్‌: ఏలూరు సర్వజన ఆస్పత్రి (జీజీహెచ్‌) అరాచకాలకు కేరాఫ్‌ అడ్రస్‌గా మారుతోంది. ఏళ్ల తరబడి కాంట్రాక్టుల పేరుతో పాతుకుపోయిన వ్యక్తులు రాజకీయ నేతల అండదండలతో ఇష్టారాజ్యంగా వ్యవహరిస్తున్నారనే ఆరోపణలు వెల్లువెత్తుతున్నాయి. తాము చెప్పిందే వేదంగా పనిచేస్తేనే ఉద్యోగంలో ఉంటారంటూ హుకుం జారీ చేస్తూ.. ఏ ప్రజాప్రతినిధి, అధికారీ తమను ఏం చేయలేరంటూ సిబ్బందిని భయభ్రాంతులకు గురిచేస్తున్నారు. ముఖ్యంగా శానిటేషన్, సెక్యూరిటీ విభాగాల్లో దారుణాలు జరుగుతున్నాయని, తమ కుటుంబాల పోషణ, ఉపాధి కోసం భరించాల్సి వస్తోందంటూ మహిళా సిబ్బంది ఆవేదన చెందుతున్నారు. కుటుంబ పోషణ కోసం కాంట్రాక్ట్‌ సిబ్బందిగా చేరితే శారీరక, మానసిక వేధింపులు భరించలేకపోతున్నామంటూ ఘొల్లుమంటున్నారు. సిబ్బంది అంతా కాంట్రాక్టర్‌ చేతుల్లో ఉంటారనీ.. తమ పరిధిలోకి రారంటూ అధికారులు చేతులు దులుపుకుంటున్నారనే అభిప్రాయం వ్యక్తమవుతోంది. కేసుల్లో పురోగతి కరువు ఏలూరు నగరానికి చెందిన ఓ దళిత మహిళ ఏలూరు జీజీహెచ్‌లో శానిటేషన్‌ సిబ్బందిగా చేరింది. కొన్నిరోజులు సాఫీగానే ఉండగా.. కాంట్రాక్ట్‌ విభాగంలోని కీలక వ్యక్తి, మరికొందరు కన్ను ఆమెపై పడింది. ఆమెను వేధింపులకు గురిచేయటం ప్రా రంభించారు. తమ మాట వినకుంటే రాత్రి డ్యూ టీలు వేస్తామంటూ బెదిరింపులకు పాల్పడ్డారు. పిలిస్తే రావాల్సిందేనంటూ వేధించటంతో ఆమె పోలీసులను ఆశ్రయించింది. కేసు నమోదు చేసిన పోలీసులు రాజకీయ ఒత్తిళ్లతో కేసును పురోగతి లేకుండా వదిలేశారు. ఇదే తరహాలో మరో ఇద్దరు మహిళలు కేసులు పెట్టేందుకు సిద్ధపడగా.. తమను ఎవరూ ఏమీ చేయలేరనీ, కేసులు పెట్టినా తమను టచ్‌ చేసేవారు లేరంటూ సదరు వ్యక్తులు బెదిరించారు. కుటుంబ పోషణకు ఈ పనిలో చేరామని, బయట తెలిస్తే పరువుపోతుందంటూ బాధిత మహిళలు ఆవేదన వ్యక్తం చేస్తున్నారు. రహస్య విచారణ చేయించాలిఏలూరు జీజీహెచ్‌లో కాంట్రాక్ట్‌ వర్కర్‌గా పనిచేసే ఒక దళిత మహిళపై ఆస్పత్రిలో కాంట్రాక్టర్‌ తరఫున పర్యవేక్షణ చేస్తున్న వ్యక్తులు వేధింపులకు పాల్పడ్డారు. ఇదే తరహాలో మరో మహిళను వేధించటంతో వారు పోలీస్‌స్టేషన్‌లో కేసులు పెట్టారు. పోలీసులు ఎస్సీ, ఎస్టీ అట్రాసిటీ కేసు నమోదు చేశారు. ఇది జరిగి ఏడాదిన్నర గడిచినా ఆరోపణలు ఎదుర్కొంటున్న వ్యక్తిపై ఇప్పటికీ చర్యలు లేవని బాధితులు ఆరోపిస్తున్నారు. జీజీ హెచ్‌లో చాలా కాలంగా పనిచేస్తున్న దళిత సి బ్బందిని సైతం వేధింపులకు గురిచేస్తూ వారిపై తప్పుడు ఆరోపణలు చేయించి ఉద్యోగాల్లో లే కుండా చేస్తున్నారని, అతడిపై రహస్య పోలీస్‌ వి చారణ చేయిస్తేనే మరిన్ని కీచక పర్వాలు వెలుగులోకి వస్తాయని బాధితులు అంటున్నారు. మాట వినకుంటే ఉద్యోగం ఫట్‌ జీజీహెచ్‌లో శానిటేషన్, సెక్యూరిటీ విభాగాల్లో పలువురు పేద మహిళలు పనిచేస్తున్నారు. ప్రభుత్వం ఓ ప్రైవేట్‌ ఏజెన్సీకి ఈ బాధ్యతను అప్పగించింది. శానిటేషన్‌లో 120 మంది వరకు మహిళలు ఉన్నారు. సెక్యూరిటీ విభాగంలో 56 మంది సిబ్బంది పనిచేస్తుండగా, వారిలో 30 మంది వరకు మహిళలు ఉన్నారు. ఒక్కో సిబ్బందికి వేతనం రూ.16 వేల వరకూ ఉండగా కటింగ్‌లు పోను రూ.13 వేల వరకు చేతికి అందుతుంది. రెండు, మూడు రోజులు అనారోగ్యంతో విధులకు హాజరుకాకుంటే ఉద్యోగం నిలుపుకునేందుకు వేలల్లో సమరి్పంచుకోవాల్సి వస్తుందని బాధితులు ఆరోపిస్తున్నారు. కాంట్రాక్టర్‌ తరఫున పర్యవేక్షణ చేస్తున్న వ్యక్తులకు నచ్చితే రాత్రి డ్యూటీలు ఉండవని, టైమ్‌కు డ్యూటీకి రాకున్నా పర్వాలేదని, లేకుంటే జీతం కట్‌.. ఉద్యోగం ఊడటం ఖాయమని పలువురు ఆవేదన చెందుతున్నారు.

దాదర్‌: ప్రమాణస్వీకారం తంతు పూర్తికావడంతో ముఖ్యమంత్రి దేవేంద్ర ఫడ్నవీస్, ఉప ముఖ్యమంత్రులు ఏక్‌నాథ్‌ శిందే, అజీత్‌ పవార్, మంత్రాలయలోని తమ తమ క్యాబిన్లలో ఆసీనులయ్యేందుకు సిద్ధమైతున్నారు. ఇందుకోసం మంత్రాలయ సామాన్య పరిపాలన విభాగం ఆయా శాఖల మంత్రుల క్యాబిన్‌లను సిద్ధంగా ఉంచింది. అయితే ముఖ్యమంత్రి, ఉప ముఖ్య మంత్రులకు ఎల్లవేళలా అందుబాటులో ఉండాల్సిన అంటెండర్లు, బంట్రోతుల కొరత తీవ్రంగా ఉంది. ప్రస్తుతం సామాన్య పరిపాలన విభాగంలో కేవలం 30 మంది పర్మినెంట్‌ అటెండర్లు ఉన్నారు. కొరతను దృష్టిలో ఉంచుకుని మూడు, నాలుగో శ్రేణి ఉద్యోగులను భర్తీ కోసం తరుచూ ప్రతిపాదనలు అందుతున్నప్పటికీ సామాన్య పరిపాలన విభాగం ఈ అంశంపై నిర్లక్ష్యం వహిస్తోంది. 1998కి ముందు 120 మంది... ఈ నెల 15వ తేదీలోపు మంత్రివర్గ విస్తరణ చేప ట్టే అవకాశాలున్నాయి. ఆ తరువాత నాగ్‌పూర్‌ లో 16వ తేదీ నుంచి 21వ తేదీ మధ్య ప్రత్యేక శీతాకాల అసెంబ్లీ సమావేశాలు జరుగుతాయి. ఈ సమావేశాలు పూర్తికాగానే ముఖ్యమంత్రి, ఉప ముఖ్యమంత్రులుసహా ప్రమాణ స్వీకారం చేసిన కొత్త మంత్రులందరూ మంత్రాలయలో విధులకు హాజరయ్యే అవకాశాలున్నాయి. ఈ నేపథ్యంలో అటెండర్లు, బంట్రోతుల అవసరం చాలా ఎక్కువగా ఉంటుంది. 1998 ముందు సామాన్య పరిపాలన విభాగంలో 120 మంది అటెండర్లు, బంట్రోతులు, సిపాయిలు ఉండేవారు. ఎవరైనా పదవీ విమరణ చేస్తే వారి స్థానంలో ఇతరులను నియమించడం, పదోన్నతులు కల్పించడం ద్వారా భర్తీ ప్రక్రియ పూర్తిచేసేవారు. కాని 1998 తరువాత ఉద్యోగాల భర్తీ ప్రక్రియ, పదోన్నతులు నిలిపివేయడం, అప్పటి నుంచి ఇప్పటి దాకా అనేక మంది పదవీ విరమణ చేయడం, సిపాయి పోస్టులను రద్దు చేయడంతో ప్రస్తుతం పర్మినెంట్, కాంట్రాక్టు అంతాకలిపి 40 మంది అటెండర్లు మాత్రమే ఉన్నారు. వీరిని సామాన్య పరిపాలన విభాగం వివిధ శాఖలకు కేటాయించింది. ఇప్పుడైనా ఆమోదం లభించేనా? ముఖ్యంగా సామాన్య పరిపాలన విభాగం ఈ పోస్టులను భర్తీ చేస్తుంది. కా ముఖ్యమంత్రికి ఇద్దరు సూపర్‌వైజర్లు, ఒక బంట్రోతు, ఉప ముఖ్యమంత్రులకు ఒక సూపర్‌వైజర్, ఒక బంట్రోతు చొప్పున, క్యాబినెట్‌లోని మంత్రులందరికి ఒక బంట్రోతు, ఒక అటెండర్‌ చొప్పున సామాన్య పరిపాలన విభాగం కేటాయిస్తుంది. అసెంబ్లీ సమావేశాలు జరుగుతున్న సమయంలో ఉభయ సభల్లో అధికార పార్టీకి 8 మంది, ప్రతిపక్ష పార్టీకి 8 మంది ఇలా 16 మంది అటెండర్లను సామాన్య పరిపాలన విభాగం సమకూర్చి ఇస్తుంది. కానీ గత 26 ఏళ్లుగా భర్తీ ప్రక్రియ చేపట్టకపోవడం, పదోన్నతులు నిలిపివేయడంతో అసెంబ్లీ ఎన్నికలకు ముందు వరకు కొనసాగిన మహాయుతి కూటమి ప్రభుత్వంలో ఆరేడుగురు మంత్రులు అటెండర్లు, బంట్రోతులు లేకుండానే విధులు నిర్వహించారు. ఇటీవల జరిగిన అసెంబ్లీ ఎన్నికల్లో భారీ మెజార్టీతో విజయం సాధించిన మహాయుతి ప్రభుత్వం ఇప్పుడైనా భర్తీ ప్రక్రియకు ఆమోదం తెలుపుతుందని మంత్రాలయ సిబ్బంది భావిస్తున్నారు.

టికెట్‌ జారీ యంత్రం (టిమ్‌) ద్వారా కండక్టర్‌ విధులను కూడా నిర్వహించే డ్రైవర్‌ అతను. బస్సు నడుపుతుండగా రిజర్వేషన్‌ చేయించుకొని తదుపరి స్టాప్‌లో ఎక్కాల్సిన ప్రయాణికుడు ఫోన్‌ చేశాడు. ఆ ఫోన్‌ మాట్లాడుతుండగా ఫొటో తీసిన ఓ ప్రయాణికుడు దాన్ని సోషల్‌ మీడియాలో ఉంచడంతో డ్రైవర్‌ను ఉన్నతాధికారులు తొలుత సస్పెండ్‌ చేసి ఆ తర్వాత ఉద్యోగం నుంచి తొలగించారు. అయితే ఇంటి ఫోన్‌ కాల్స్‌ మాట్లాడుతూ సస్పెండ్‌ అయిన చరిత్ర ఆయనకు ఉందని.. అందుకే తొలగించాల్సి వచ్చిందనేది అధికారుల మాట.ఒకేసారి నలుగురు ప్రయాణికులు ఎక్కారు. ఆ తొందరలో పొరపాటున పురుష ప్రయాణికుడికి కండక్టర్‌ జీరో టికెట్‌ (మహాలక్ష్మి పథకంలో మహిళలకు జారీ చేయాల్సిన టికెట్‌) జారీ చేశాడు. తదుపరి స్టాప్‌లో చెకింగ్‌ సిబ్బంది తనిఖీ చేసి కండక్టర్‌పై కేసు నమోదు చేశారు. దాని ఆధారంగా ఉద్యోగం నుంచి తొలగించారు. కావాలనే జీరో టికెట్‌ జారీ చేసి టికెట్‌ చార్జీ రుసుము తీసుకున్నాడన్నది తనిఖీ సిబ్బంది ఆరోపణ.సాక్షి, హైదరాబాద్‌: రాష్ట్ర రోడ్డు రవాణా సంస్థ (ఆర్టీసీ)లో ‘చిల్లర’కారణాలతో గత మూడేళ్లలో వందలాది మంది సిబ్బంది ఉద్యోగాలు కోల్పోయారు. విధుల్లోకి తిరిగి తీసుకోవాలని ఎన్నిసార్లు వేడుకున్నా (అప్పీళ్లు) కుదరదని సంస్థ తేలి్చచెప్పడంతో వారంతా తాజాగా మూకుమ్మడిగా ముఖ్యమంత్రి రేవంత్‌రెడ్డికి ఫిర్యాదు చేశారు. దీంతో ఈ పరిణామం ఆర్టీసీలో ఇప్పుడు చర్చనీయాంశంగా మారింది. తీవ్రంగా పరిగణిస్తూ..: ఆర్టీసీలో ‘చిల్లర’వివాదాలు కొత్తకాదు. టికెట్ల జారీలో జరిగే పొరపాట్లను సంస్థ తీవ్రంగా పరిగణిస్తోంది. రూ. 10 తేడా వచి్చనా విధుల నుంచి తప్పిస్తోంది. ఇక డ్రైవింగ్‌లో నిర్లక్ష్యంగా వ్యవహరించే వారిని సైతం తొలగిస్తోంది. మూడేళ్లుగా వివిధ కారణాలతో ఏకంగా 600 మందికి ఉద్వాసన పలికింది. అయితే వారంతా డిపో మేనేజర్‌ మొదలు ఎండీ వరకు అన్ని కార్యాలయాల చుట్టూ తిరుగుతుండటంతో గత నెలలో అప్పీళ్ల మేళా నిర్వహించింది. వివిధ కోణాల్లో వారి కేసులను సమీక్షించి 180 మందిని తిరిగి విధుల్లోకి తీసుకుంది. మిగతా 420 మందిని మాత్రం పక్కనపెట్టేసింది.దీంతో వారంతా సంస్థ తీరును నిరసిస్తూ రోడ్డెక్కారు. వేతన సవరణ, పాత బకాయిలు, ప్రభుత్వంలో ఆర్టీసీ ఉద్యోగుల విలీనం, సీసీఎస్, పీఎఫ్‌ బకాయిలు చెల్లింపు సహా వివిధ డిమాండ్లపై నిత్యం కారి్మకులు గొంతెత్తుతున్న వేళ 420 మంది రోడ్డెక్కడం ఆర్టీసీకి తలనొప్పిగా మారింది. ఉద్వాసనకు గురైన వారి వాదన ఓ రకంగా ఉంటే అధికారుల మాట మరోరకంగా ఉంటోంది. వారిలో ఎవరి వాదన సరైందో తేలాల్సి ఉంది.వెంటనే విధుల్లోకి తీసుకోవాలి ‘టిమ్‌’లో టికెట్‌ ప్రింట్‌ కాకపోవడం వల్ల పెన్నుతో టికెట్‌ నంబర్‌ రాసే క్రమంలో చేసిన పొరపాటుకు ఓ డ్రైవర్‌ను సస్పెండ్‌ చేశారు. టిమ్‌ యంత్రం వాడకంలో చిన్న పొరపాట్లు చేసిన మరికొందరిని తప్పించారు. చిన్నచిన్న సమస్యలు, చిల్లర విషయాలపై ఆర్టీసీ యాజమాన్యం ఏకంగా ఉద్యోగాలు తీసేస్తే ఎలా? ఆర్థిక ఇబ్బందుల దృష్ట్యా కొందరు కూలీలుగా మారుతున్నారు. అలా వారం క్రితం ఓ మాజీ కండక్టర్‌ గుండెపోటుతో చనిపోయాడు. వెంటనే మమ్మల్ని విధుల్లోకి తీసుకోవాలి. – ఉద్యోగాలు కోల్పోయిన ఆర్టీసీ సిబ్బంది బృందం ప్రతినిధి రాజేందర్‌ ఊరికే ఉద్యోగాలు తొలగించం.. ఆర్టీసీ కారి్మకులకు ఎంతో ప్రాధాన్యం ఉంటుంది. వారి సంక్షేమానికే ప్రయతి్నస్తాం తప్ప వారి ఉద్యోగాలు తొలగించాలని చూడం. ఓ తప్పు చేసినట్లు తేలితే వివిధ కోణాల్లో సమీక్షించడంతోపాటు ఆ ఉద్యోగి గత చరిత్రను పరిశీలించి తదనుగుణంగా చర్యలు తీసుకుంటాం. ఒకట్రెండు సార్లు తప్పు చేస్తే హెచ్చరించి వదిలేస్తాం. తప్పును పునరావృతం చేస్తే వేటు వేస్తాం. మద్యం సేవించి విధులకు వచ్చే డ్రైవర్ల విషయంలో మాత్రం కఠినంగా ఉంటాం. – ఓ ఆర్టీసీ అధికారి మాట

సాక్షి, హైదరాబాద్‌: డాక్టర్లు, నర్సులు, ఇతర మెడి కల్‌ స్టాఫ్‌ ప్రభుత్వం ద్వారా నియమించబడి.. ప్రభుత్వ ఆసుపత్రు ల్లోనే పనిచేస్తారు. వారికి జీత భత్యాల కోసం ప్రభుత్వమే నిధులిస్తుంది. పదవీ విరమణ తరువాత పెన్షన్‌ కూడా ప్రభుత్వమే ఇస్తుంది. కానీ, వారు ప్రభుత్వ ఉద్యోగులు కాదు. ప్రభుత్వం ప్రత్యేకంగా కేటాయించే ‘గ్రాంట్‌ ఇన్‌ ఎయిడ్‌’ ద్వారా జతభత్యాలు పొందుతూ.. ప్రభుత్వం తర ఫున పనిచేసే తెలంగాణ వైద్య విధాన పరిషత్‌ (వీవీపీ) ఉద్యోగులు వీరు. తమను కూడా ప్రభుత్వ ఉద్యోగులుగా గుర్తించాలని ఎన్నో ఏళ్లుగా వీరు ప్రభుత్వాలకు మొర పెట్టుకుంటూనే ఉన్నారు. ఇప్పుడు వారి కోరిక నెరవేర బోతున్నది. సుమారు 40 ఏళ్లుగా ప్రభుత్వంలో ప్రత్యేక కేటగిరీగా కొనసాగుతన్న వైద్య విధాన పరిషత్‌ను ప్రభుత్వ శాఖగా గుర్తించాలని రేవంత్‌రెడ్డి ప్రభుత్వం తాజాగా నిర్ణయించింది. వైద్యారోగ్య, కుటుంబ సంక్షేమ శాఖలోకి వీవీపీని తీసుకొని డైరెక్టర్‌ ఆఫ్‌ సెకండరీ హెల్త్‌గా మార్చాలని సంకల్పించింది. ఈ మేరకు త్వరలోనే అధికారికంగా ఉత్తర్వులు వెలువడనున్నాయి.సీహెచ్‌సీ నుంచి జిల్లా ఆసుపత్రుల వరకు వీవీపీ పరిధిలోనే..రాష్ట్రంలో వీవీపీ పరిధిలో కింగ్‌కోఠి, కరీంనగర్, ఖమ్మం, సంగారెడ్డి, నల్లగొండ జిల్లా ఆసుపత్రులతో పాటు కమ్యూనిటీ హెల్త్‌ సెంటర్లు, ఏరియా ఆసుపత్రులు, మెటర్నల్‌ చైల్డ్‌ హెల్త్‌ సెంటర్లు సహా175 వరకు ఉన్నా యి. ఈ ఆసు పత్రుల్లో పనిచేసే డాక్టర్లు, నర్సులు, ఇతర స్టాఫ్‌కు సాంకేతికంగా ప్రభుత్వం నుంచి నేరుగా జీతభత్యాలు అందవు. వీవీపీ కింద సుమారు 11 వేల మందికిపైగా ఉద్యో గులు పనిచేస్తు ండగా, వీరికి చెల్లించే జీతాలకు పే స్కేల్‌ కనిపించదు. ప్రభుత్వం గ్రాంట్‌ ఇన్‌ ఎయిడ్‌ కింద ఏటా కేటాయించే మొత్తాన్ని నెలనెలా వేతనాల కోసం సర్దు బాటు చేస్తారు. తమను ప్రభుత్వ ఉద్యోగు లుగా గుర్తించాలని కొంతకాలంగా కోరుతున్నారు. కొద్దిరోజుల క్రితం సీఎం రేవంత్‌రెడ్డి, వైద్యారోగ్య శాఖ మంత్రి దామోదర రాజ నర్సింహను కలిసి ఈ మేరకు విన్నవించడంతో ఫైలు కదిలింది. త్వరలో ఉత్తర్వులు.. వైద్య విధాన పరిషత్‌ను డైరెక్టర్‌ ఆఫ్‌ సెకండరీ హెల్త్‌గా వైద్యారోగ్య శాఖలోకి తీసుకోవాలనే ప్రతిపాదన పట్ల సానుకూలంగా స్పందించిన సీఎం.. ఈ అంశంపై అధ్యయనం చేసి నివేదిక ఇవ్వాలని అడ్మిని్రస్టేటివ్‌ స్టాఫ్‌ కాలేజీ ఆఫ్‌ ఇండియా (ఆస్కి)ని కోరారు. ఆస్కి ఇటీవలే ప్రభు త్వానికి నివేదిక సమర్పించింది. మంత్రి రాజనర్సింహ ఉన్నతాధికారులతో సమావేశమై ఈ నివేదికపై ఇటీవల చర్చించారు. ఆ తర్వాత వీవీపీని వైద్యారోగ్య శాఖలో సెకండరీ హెల్త్‌ డైరెక్టరేట్‌ పరిధిలోకి తీసుకోవాలని సూత్రప్రాయంగా నిర్ణయించారు. త్వరలోనే అధికారికంగా ప్రకటన వెలువడే అవకాశం ఉంది. రోగుల నుంచి వసూలు చేసే యూజర్‌ చార్జీల నుంచి జీతాలు చెల్లించే విధానాన్ని రద్దుచేసి వై.ఎస్‌. రాజశేఖర్‌ రెడ్డి హయాంలో వీవీపీ ఉద్యోగులకు గ్రాంట్‌ ఇన్‌ ఎయిడ్‌ ద్వారా జీతభత్యాలు చెల్లించే ప్రక్రియకు శ్రీకారం చుట్టారు. ఏపీలో ఇప్పటికే వీవీపీని ప్రభుత్వంలో విలీనం చేశారు. మా పోరాటం ఫలించిందివీవీపీని వైద్యారోగ్య శాఖ పరిధిలోకి తీసుకొని సాంకేతికంగా మమ్మల్ని కూడా ప్రభుత్వ ఉద్యోగులుగా గుర్తించాలని గత కొంతకాలంగా పోరాడుతున్నాం. రెండున్నరేళ్ల నుంచి అన్ని ఉద్యోగ సంఘాలతో జేఏసీగా ఏర్పడి పోరాటాన్ని తీవ్రతరం చేశాం.రెగ్యులర్‌ ఉద్యోగులతో పాటు కాంట్రాక్టు, ఔట్‌ సోర్సింగ్‌ ఉద్యోగులు కలిసి 12 వేలకు పైగా ఉన్నాం. ప్రభు త్వం వైద్యారోగ్య శాఖలోకి విధాన పరిషత్‌ను తీసుకోవాలని భావిస్తుండడం శుభ పరిణామం. మా పోరాటానికి ఫలితం దక్కింది. – డాక్టర్‌ వినయ్‌ కుమార్, జేఏసీ చైర్మన్‌

జొమాటో గోల్డ్ మెంబర్‌షిప్ ప్రోగ్రామ్ కోసం ‘స్పెషల్‌ వీకెండ్‌ ఆఫర్‌’ను ప్రవేశపెట్టింది. అందుకు చీఫ్‌ ఆఫ్‌ స్టాప్‌ ఆమోదం లభించినట్లు కంపెనీ పేర్కొంది. ఇటీవల జొమాటో సీఈఓ దీపిందర్‌గోయల్‌ ఓ ప్రకటన చేస్తూ చీఫ్‌ ఆఫ్‌ స్టాఫ్‌ స్థానంలో పని చేసేందుకు ఎవరైనా అప్లై చేసుకోవచ్చని చెప్పారు. అయితే ఇందులో చేరినవారికి జీతం ఉండదు, పైగా ఉద్యోగంలో చేరిన వాళ్ళే రూ.20 లక్షలు సంస్థకు ఇవ్వాలని చెప్పారు. అయినాసరే ఈ ప్రకటన వెలువడిన తర్వాత దాదాపు 10 వేలమంది ఉద్యోగంలో చేరేందుకు దరఖాస్తు చేసుకున్నారు.ఇదీ చదవండి: చావు ఏ రోజో చెప్పే ఏఐ!ఈ వింత ఉద్యోగ ప్రకటనపై నెటిజన్లు విభిన్నంగా స్పందించడంతో జొమాటో సీఈఓ గోయల్‌ స్పందిస్తూ రూ.20 లక్షలు చెల్లించడం అనేది కేవలం వడపోత కోసం మాత్రమే అని పేర్కొంటూ.. రూ.20 లక్షలు చెల్లించే స్తోమత ఉన్న అభ్యర్థుల దరఖాస్తులను తిరస్కరించనున్నట్లు క్లారిటీ ఇచ్చారు. తాజాగా కంపెనీ ప్రారంభించిన గోల్డ్ మెంబర్‌షిప్ ప్రోగ్రామ్ కోసం ‘స్పెషల్‌ వీకెండ్‌ ఆఫర్‌’ ప్రవేశపెట్టేందుకు చీఫ్‌ ఆఫ్‌ స్టాఫ్‌ ఆమోదం లభించినట్లు కంపెనీ తెలిపింది. ఈ పోస్ట్‌ కోసమే గోయల్‌ వింత ఉద్యోగ ప్రకటన చేసిన సంగతి తెలిసిందే.

రిలయన్స్‌ ఫౌండేషన్‌ చైర్‌ పర్సన్‌ వ్యాపారవేత్త ,పరోపకారి, నీతా అంబానీ 60వ పుట్టిన రోజు (నవంబరు 1). ఈ సందర్భంగా కొత్తకోడలు, నీతా చిన్న కుమారుడు అనంత్‌ అంబానీ భార్య, రాధిక మర్చంట్‌, కంపెనీ సిబ్బంది ఆమెకు ప్రత్యేక అభినందనలు తెలిపారు. ఎన్‌ఎంఏసీసీ కూడా నీతా అంబానీకి స్పెషల్‌ విషెస్‌ తెలుపుతూ ట్వీట్‌ చేసింది. Paltan, join us in wishing Mrs. Nita Ambani, a very Happy Birthday! 💙#MumbaiMeriJaan #MumbaiIndians pic.twitter.com/MQlPXKqLGx— Mumbai Indians (@mipaltan) November 1, 2024అలాగే పలువురు సెలబ్రిటీలు నీతా అంబానికి పుట్టిన రోజు శుభాకాంక్షలు అందించారు. ఐపీఎల్‌టీం ముంబై ఇండియన్స్‌ కూడా ఎక్స్‌ ద్వారా విషెస్‌ తెలిపింది. Today, on the birthday of our Founder and Chairperson, Mrs. Nita Ambani, we celebrate her passion for the arts! pic.twitter.com/Sq47Fpg55r— Nita Mukesh Ambani Cultural Centre (@nmacc_india) November 1, 2024నీతా బర్త్‌డేను కంపెనీ సిబ్బంది దీపాలతో స్పెషల్‌గా సెలబ్రేట్‌ చేశారు. దీపాలను వెలిగించిన పళ్లెంతో ఆమెకు హారతి ఇచ్చారు. హ్యాపీ బర్త్‌డే పాటను ఆలపించారు. దీంతో నీతా అంబానీ ఆనందంతో మెరిసి పోయింది. ఈ వేడుకలో చిన్నకోడలు రాధిక మర్చంట్‌ ఉత్సాహంగా పాల్గొంది. పుట్టిన రోజు సందర్భంగా ఫ్యాషన్‌ ఐకాన్‌ నీతా అంబానీ గులాబీ రంగు చీరలో మెరిసారు. మెడలో మూడు పేటల ముత్యాల హారం, మ్యాచింగ్‌ చెవిపోగులు, రింగుల జుట్టుతో మరింత అందంగా కనపించారు. అత్తగారికి తగ్గట్టుగా చోటి బహు, రాధిక మర్చంట్ కూడా గులాబీ రంగు పూల దుస్తుల్లో మెరిసింది.

కామారెడ్డి టౌన్‌: గాయాలకు కుట్లు వేసినందుకు డబ్బులు చెల్లించకపోవడంతో ఆస్పత్రి సిబ్బంది రోగిపై దాడి చేసి, కుట్లు విప్పేశారు. కామారెడ్డి పట్టణంలోని అపెక్స్‌ ఆస్పత్రిలో ఆదివారం ఈ ఘటన చోటు చేసుకుంది. పట్టణానికి చెందిన శ్రీను అనే వ్యక్తి బైక్‌పై వెళుతూ అదుపుతప్పి కిందపడిపోయాడు. గాయాలు కావడంతో పట్టణంలోని అపెక్స్‌ ఆస్పత్రికి వెళ్లాడు. కన్సల్టేషన్‌ ఫీజు కింద రూ.300 చెల్లించాడు. ఆస్పత్రి సిబ్బంది అతని గాయాలకు కుట్లు వేసి.. వెయ్యి రూపాయలు బిల్లు వేశారు. అయితే బాధితుడి వద్ద నగదు లేకపోవడంతో క్రెడిట్‌ కార్డు ద్వారా చెల్లిస్తానని చెప్పాడు. ఆస్పత్రి సిబ్బంది దీనికి అంగీకరించకపోవడంతో వాగ్వాదం జరిగింది. దీంతో ఆగ్రహించిన ఆస్పత్రి సిబ్బంది బాధితుడితో పాటు అతడి స్నేహితులపై దాడికి పాల్పడ్డారు. ఈ చర్యతో ఆస్పత్రి వద్ద ఉద్రిక్త వాతావరణం ఏర్పడింది. చివరికి రోగికి వేసిన కుట్లు విప్పేసి పంపించారు. ఆస్పత్రి సిబ్బంది తీరుపై బాధితుడు ఆందోళనకు దిగాడు. సుమారు అరగంటపాటు అతని ఆందోళన కొనసాగింది. అనంతరం బాధితుడు పట్టణంలోని ప్రభుత్వ ఆస్పత్రికి వెళ్లి వైద్యం చేయించుకున్నాడు.

అమలాపురం టౌన్‌/తిరుపతి అర్బన్‌: కొత్త మద్యం పాలసీని రూపొందిస్తున్న కూటమి ప్రభుత్వం, ప్రభుత్వ మద్యం దుకాణాలను తొలగించే ప్రయత్నంలో ఉందని తెలిసి ఆ దుకాణాల్లో పనిచేస్తున్న సేల్స్‌మెన్, నైట్‌ వాచ్‌మెన్, సూపర్‌వైజర్లు ఆందోళన బాట పట్టారు. డాక్టర్‌ బీఆర్‌ అంబేడ్కర్‌ కోనసీమ జిల్లా కేంద్రం అమలాపురంలోని ఏపీ బ్రూవరీస్‌ లిమిటెడ్‌ లిక్కర్‌ డిపో పరి«ధిలోని ప్రభుత్వ మద్యం దుకాణాల్లో పనిచేసే సిబ్బంది ఆదివారం రోడ్డెక్కి నిరసన చేపట్టారు.ముమ్మిడివరం, మలికిపురం, అంబాజీపేట మండల కేంద్రాల్లో నిరసనలకు దిగి తమ పొట్ట కొట్టవద్దని ప్రభుత్వానికి విజ్ఞప్తి చేశారు. కొత్త మద్యం పాలసీ వల్ల తాము ఉపాధి కోల్పోయే ప్రమాదం ఉందని వారు ఆందోళన వ్యక్తం చేశారు. అదే జరిగితే కుటుంబాలు రోడ్డున పడతాయని వాపోయారు. తమకు ఉద్యోగ భద్రత కల్పించాలని డిమాండ్‌ చేశారు. అమలాపురం డిపో పరిధిలో ఉన్న సుమారు వంద ప్రభుత్వ మద్యం దుకాణాల్లో దాదాపు 350 మంది వరకూ సేల్స్‌మెన్, సూపర్‌వైజర్లు, నైట్‌ వాచ్‌మెన్‌గా పనిచేస్తున్నామన్నారు. ముమ్మిడివరం, లంకతల్లమ్మ గుడి సెంటర్‌ నుంచి పోలమ్మ చెరువు వరకూ ఆందోళనకారులు నిరసన ప్రదర్శన నిర్వహించారు. మలికిపురం గాంధీ సెంటర్, అంబాజీపేటల్లో ధర్నా చేశారు. అనంతరం నిరసన ప్రదర్శన చేపట్టారు. రాజోలు మాజీ ఎమ్మెల్యే రాపాక దర్నాలో పాల్గొని మద్దతు తెలిపారు. ఉద్యోగ భద్రత కల్పించండి తమకు ఉద్యోగ భద్రత కల్పించాలంటూ మద్యం పాలసీ పద్ధతిలో 2019 నుంచి పనిచేస్తున్న కారి్మకులు డిమాండ్‌ చేశారు. ఆదివారం తిరుపతి ఎస్వీ హైసూ్కల్‌ గ్రౌండ్‌ నుంచి టౌన్‌ క్లబ్‌ వరకు పెద్ద ఎత్తున ర్యాలీ చేపట్టారు. పలువురు కారి్మకులు మాట్లాడుతూ..కూటమి ప్రభుత్వం అక్టోబర్‌ 1 నుంచి కొత్త మద్యం పాలసీ పేరుతో ప్రభుత్వ మద్యం దుకాణాలను ప్రైవేటు వ్యక్తులకు అప్పగించనున్నట్లు తెలుస్తోందని చెప్పారు. తమను మద్యం షాపుల్లో అవకాశం లేకుంటే ప్రభుత్వ కార్యాలయాల్లో ఔట్‌సోర్సింగ్‌ పద్ధతిలో ఉద్యోగ, ఉపాధి అవకాశాలు కల్పించాలని కోరారు. లేనిపక్షంలో సెపె్టంబర్‌ 7 నుంచి ఆందోళనలు చేపడతామని హెచ్చరించారు.

సాక్షి, అమరావతి/నెట్‌వర్క్‌: కోల్‌కతాలోని ఆర్‌జీ కర్‌ వైద్య­కళాశాలలో రెసిడెంట్‌ డాక్టర్‌పై జరిగిన అత్యాచారం, హత్య­కు నిరసనగా శనివారం రాష్ట్రవ్యాప్తంగా వైద్యవర్గాలు పెద్ద ఎత్తున నిరసన కార్యక్రమాలు చేపట్టాయి. ఆ అఘాయిత్యానికి నిరసనగా శనివారం ఉదయం 6 నుంచి ఆదివారం ఉదయం 6 వరకు 24 గంటల పాటు వైద్యసేవల బంద్‌కు ఇండియన్‌ మెడికల్‌ అసోసియేషన్‌ (ఐఎంఏ) పిలుపునివ్వడంతో రాష్ట్రంలో అత్యవసర వైద్యసేవలు మినహా మిగిలిన సేవలు స్తంభించాయి. అన్ని జిల్లాల్లోను ఆస్పత్రుల్లో డాక్టర్లు, నర్సులు, వైద్యసిబ్బంది విధులను బహిష్కరించి నిరసన చేపట్టారు.ఐఎంఏ, పలు వైద్యసంఘాల ఆధ్వర్యంలో వైద్యులు, విద్యార్థిసంఘాలు, స్వచ్ఛంద సంస్థలు, ప్రజాసంఘాల వారు గుంటూరు, విజయవాడ, విశాఖపట్నం నగరాలతో పాటు అనేకచోట్ల కొవ్వొత్తులతో ర్యాలీలు, ప్రదర్శనలు, మానవహారాలు నిర్వహించారు. ఆర్‌జీ కర్‌ ఘటనలో దోషులను కఠినంగా శిక్షించాలని ఈ డిమాండ్‌ చేశారు. భవిష్యత్తులో వైద్యులపై దాడులు, అత్యాచారం, హింసాత్మక ఘటనలు చోటుచేసుకోకుండా కేంద్ర, రాష్ట్ర ప్రభుత్వాలు రక్షణ కల్పించాలని కోరారు. ఇందుకోసం ఓ ప్రత్యేక రక్షణ చట్టాన్ని రూపొందించాలని, సెంట్రల్‌ ప్రొటెక్షన్‌ యాక్ట్‌ అమలు చేయాలని విజ్ఞప్తి చేశారు. ప్రభుత్వ బోధనాస్పత్రుల్లో జూనియర్‌ డాక్టర్లు అత్యవసర సేవలకు కూడా దూరంగా ఉండి నిరసన కార్యక్రమాలు చేపట్టారు. దీంతో రోగులకు ఇబ్బందులు ఎదురయ్యాయి. ప్రభుత్వ వైద్యులు సైతం అన్ని ఆస్పత్రుల్లో విధులకు హాజరై నిరసన తెలిపారు. ఐఎంఏ చేపట్టిన ఈ బంద్‌ ఆదివారం ఉదయం 6 గంటలకు ముగుస్తుంది.

న్యూఢిల్లీ: టాటా గ్రూప్‌ యాజమాన్యంలోని విమానయాన సంస్థ ఎయిరిండియా ఎక్స్‌ప్రెస్‌ సిబ్బంది మూకుమ్మడిగా సెలవు పెట్టడం తీవ్ర గందరగోళానికి దారి తీసింది. యాజమాన్యం వైఖరికి నిరసనగా క్యాబిన్‌ క్రూలోని 200 మందికి పైగా సిబ్బంది మంగళవారం రాత్రి సిక్‌ లీవ్‌ పెట్టారు. హఠాత్తుగా చోటుచేసుకున్న పరిణామంతో ఎయిరిండియా 100 వరకు దేశీయ, అంతర్జాతీయ సరీ్వసులను రద్దు చేసుకోవాల్సి వచ్చింది. ఫలితంగా, కోచి, కాలికట్, ఢిల్లీ, బెంగళూరు తదితర విమానాశ్రయాల్లో సుమారు 15 వేల మంది ప్రయాణికులు చిక్కుకుపోయారు. సరీ్వసుల రద్దు విషయం కొందరికి సెక్యూరిటీ తనిఖీలు కూడా పూర్తయ్యాక ఆఖరి నిమిషంలో తెలిపారు. దీంతో, వారు ఎయిరిండియా తీరును నిరసిస్తూ ఆందోళనకు దిగారు. గల్ఫ్‌ దేశాలకు వెళ్లాల్సిన కొన్ని సర్వీసులు ఆలస్యంగా నడిచాయి. వేసవి రద్దీ దృష్ట్యా మార్చి చివరి వారం నుంచి రోజూ 360 సరీ్వసులను నడుపుతోంది. టాటా గ్రూప్‌నకే చెందిన విస్తారాను ఎయిరిండియాతో, అదేవిధంగా ఎయిరిండియా ఎక్స్‌ప్రెస్‌ను ఏఐఎక్స్‌ కనెక్ట్‌తో విలీనం చేయాలన్న నిర్ణయం క్యాబిన్‌ క్రూలోని సీనియర్ల అసంతృప్తికి కారణమైందని భావిస్తున్నారు. నిర్వహణ లోపం సీనియర్‌ ఉద్యోగుల నైతికతను దెబ్బతీసిందని ఎయిరిండియా ఎక్స్‌ప్రెస్‌ ఎంప్లాయీస్‌ యూనియన్‌ తెలిపింది. విమాన సర్వీసుల రద్దుపై బుధవారం కేంద్ర పౌరవిమాన యాన శాఖ ఎయిరిండియా ఎక్స్‌ప్రెస్‌ నుంచి వివరణ కోరింది. సిబ్బంది సమస్యలను పరిష్కరించేందుకు ప్రయత్నాలు సాగిస్తున్నట్లు ఎయిరిండియా ప్రతినిధి తెలిపారు. రద్దయిన సరీ్వసులకు టిక్కెట్‌ చార్జీలను వాపసు చేస్తామని, కోరిన పక్షంలో మరో తేదీకి ప్రయాణాన్ని రీషెడ్యూల్‌ చేస్తామని వివరించారు.

సీతమ్మధార (విశాఖ ఉత్తర): మార్గదర్శి చిట్‌ఫండ్స్‌ కంపెనీ సిబ్బందిపై ద్వారకా పోలీసులు కేసు నమోదు చేశారు. ఈ నెల రెండో తేదీన నగరంలోని సీతంపేట మార్గదర్శి చిట్‌ఫండ్స్‌ శాఖ అకౌంట్‌ అసిస్టెంట్‌ వి.లక్ష్మణరావు, ఆఫీస్‌ బాయ్‌ శ్రీను స్కూటీలో రూ.51,99,800 నగదుతోపాటు రూ.36,88,677 విలువైన 51 చెక్కులు తీసుకువెళ్తుండగా.. ద్వారకానగర్‌ మొదటి లైన్‌లో పోలీసులు తనిఖీలు చేస్తూ పట్టుకున్నారు. పొంతన లేని సమాధానాలు చెప్పడం, ఎటువంటి ఆధారాలు చూపకపోవడంతో పోలీసులు ఆ నగదు, చెక్కులను ఎన్నికల అధికారులకు అప్పగించారు. దీనిపై ఎన్నికల అధికారులు, ప్లయింగ్‌ స్క్వాడ్‌ టీమ్‌ ఫిర్యాదు మేరకు సెక్షన్‌ 188 ప్రకారం మార్గదర్శి సిబ్బంది వి.లక్ష్మణరావు, శ్రీనులపై ద్వారకా పోలీసులు కేసు నమోదు చేశారు. ఎన్నికల కమిషన్‌ నిబంధనల మేరకు రూ.50 వేలకు మించి నగదు తీసుకువెళ్లడానికి వీలులేదని ద్వారకా సీఐ ఎస్‌.రమేష్‌ తెలిపారు.

విమాన సిబ్బందిలో మహిళలు పనిచేయాలంటే కచ్చితంగా స్కర్టులు, కోట్లు ధరించాల్సిందే. అందులోనూ లండన్‌లో అయితే కచ్చితంగా ఆ ఆహార్యంలోనే ఉండాల్సిందే. భారతీయ మహిళలైనా ఆ రూల్స్‌ పాటించక తపని రోజులవి. కానీ ఓ మహిళ ఆ ఎయిర్‌ ఇండియా రూల్స్‌నే తిరగరాసింది. చీరకట్టుతోనే పనిచేస్తామని తెగేసి చెప్పడమే గాక ఉద్యమం చేసి మరీ తను అనుకున్నది సాధించుకుంది. ఎయిర్‌ ఇండియాలో పనిచేసే ప్రతి సిబ్బంది చీరకట్టకునేలా చేసింది. అంతేగాదు రాజకీయాల్లోకి రావడానికి మహిళలు భయపడుతున్న రోజుల్లోనే ఆమె రాజకీయాల్లోకి వచ్చి తన గళం వినిపిస్తూ అంచెలంచెలుగా పైకొస్తూ.. మంచి రాజకీయవేత్తగా పేరు తెచ్చుకున్నారు. ఆమె నేటితరానికి, భవిష్యత్తుతరాలకు స్ఫూర్తిగా నిలిచే గొప్ప వ్యక్తి. ఎవరీమె అంటే.. ఆమె పేరు బృందా కారత్. దేశానికి స్వాతంత్య్రం వచ్చిన తర్వాత సరిగ్గా రెండు నెలలకు పుట్టారు. 1947 ఆగస్టు 15న దేశానికి స్వాతంత్య్రం వస్తే ఆమె అదే ఏడాది అక్టోబర్ 17న కోల్‌కతాలో జన్మించారు. తండ్రి సూరజ్ లాల్ దాస్ పాకిస్తాన్లోని లాహోర్ నుంచి వలస వచ్చారు. తల్లి ఒషుకోనా మిత్ర బెంగాలి. వీళ్లది ప్రేమ పెళ్లి. పెద్దలు వ్యతిరేకించి మరీ ఓషుకోనా సూరజ్‌ని పెళ్లి చేసుకున్నారు. బృందాకు ఒక సోదరుడు, ముగ్గురు అక్కాచెల్లెళ్లు. ఐదేళ్ల వయసులో బృందా తన తల్లి ఒషుకోనా మిత్రను కోల్పోయినా తండ్రి తన పిల్లల్ని చాలా స్వేచ్ఛాయుత వాతావరణంలో పెంచారు. ఎన్.డి.టీవీ వ్యవస్థాపక ఎడిటర్ ప్రణయ్ రాయ్‌ని పెళ్లాడిన రాధిక ఆమె చెల్లెలే. బృందా ప్రాథమిక విద్య డెహ్రాడూన్‌లోని వెల్హామ్ బాలికల పాఠశాలలో పూర్తి చేశారు. ఆమె 16 ఏళ్ల వయస్సులో మిరిండా హౌస్‌లోని దర్హి విశ్వవిద్యాలయానికి అనుబంధంగా ఉన్న కళాశాల నుంచి బీఏ పట్టా తీసుకున్నారు. అప్పుడే ఆమె తండ్రి సూరజ్ లాల్ దాస్ తన కుమార్తె బందాను పిలిచి నేను చదువు చెప్పించా. ఇక నువ్వు నీ కాళ్ళపై నిలబడాలని సూచించారు. దీంతో ఆమె 1967లో లండన్‌ వెళ్లి ఎయిర్ ఇండియాలో చేరారు. అయితే లండన్‌లోని ఎయిర్ ఇండియా విమానయాన సంస్థలో పనిచేసే సిబ్బంది తప్పనిసరిగా స్కర్ట్ లు వేసుకోవాల్సిందే తప్ప చీరె కట్టును అనుమతించరు. అందుకు ససేమిరా అని బృందాకారత్‌ తెగేసి చెప్పడం జరిగింది. ఆ టైంలో లండన్ హీత్రూ విమానాశ్రయంలోని ఎయిర్ ఇండియా మేనేజర్ అలాన్. ఆయన కూడా ఏమాత్రం తగ్గేదే లే అంటూ చీర ధరించేందుకు అనమితించమని చెప్పేశారు. అయితే తాము సమ్మే చేస్తామని నిర్భయంగా చెప్పింది బృందాకారత్‌. చేస్కోండి! అని ఆయన కూడా తీసిపడేసినట్లుగా అన్నారు. దీంతో ఆమె చీరే కట్టుకుంటాం అనే డిమాండ్‌తో నిరవధికంగా మూడు రోజు సమ్మే చేసి మరీ ఎయిర్‌ ఇండియా మెడలు వంచింది బృందా. దెబ్బకి ఆ ఎయిర్‌ ఇండియా మేనేజర్‌ అలాన్ దిగి రావడమే గాక మీరే విజయం సాధించారు, పైగా ఎయిర్‌ ఇండియాలో ప్రతి ఒక్కరూ చీరకట్టుకునేలా చేశారు అన్నారట. కానీ బృందాకారత్‌ ఆ మాటలకు పొంగిపోలేదు. ఈ విజయం తనదేనని ఒప్పుకోలేదు. "సారీ, గెలిచింది నేను కాదు. శారీ జాతీయవాదం" అని చెప్పి ఎయిర్‌ ఇండియా అధికారిని షాక్‌కి గురయ్యేలా చేసిందట. ఆమె తన వ్యక్తిగత విజయాన్ని జాతీయ వాదంతో పోల్చి చెప్పడమేగాక ఈ విజయాన్ని తన ఖాతాలో వేసుకోవడానికి బదులు అందరికీ వర్తింపజేసేలా మాట్లాడినందుకు...ఆమెను అభినందించకుండా ఉండలేక పోయారు ఆయన. అంతేగాదు అలా ఎయిర్‌ ఇండియాకు సెలక్ట్‌ అయిన బ్రిటిష్‌ యువతులందరికీ చీరకట్టుకోవడం నేర్పించారు బృందాకారత్‌. అలా ఆమె అక్కడ కొంతకాలం పనిచేసి ఉద్యోగానికి రాజీనామా చేశారు. ఆ తర్వాత సీపీఎం అనుబంధ సంఘాలలో పని చేశారు. మహిళలు రాజకీయాల్లోకి రాని రోజుల్లో వామపక్ష రాజకీయాల వైపుకి వెళ్లారు.  అరుదైన కమ్యూనిస్టు రాజకీయ వేత్తగా ఎదిగారు. నుదుట పెద్ద బొట్టు, ఆరడుగులకు పైగా ఎత్తు, చక్కని వర్చసు ఉన్న బృందా అనర్ఘళంగా హిందీ, ఇంగ్లీషు, మళయాళం, బెంగాలీ, కొన్ని తెలుగు పదాలు మాట్లాడగలరు. దేశంలో ఫెమినిస్ట్ ఉద్యమానికి ఊపిరులు వారిలో బృందా కారత్ ఒకరు. పశ్చిమ బెంగాల్ నుంచి సీపీఎం తరఫున రాజ్యసభకు 2005 నుంచి ప్రాతినిధ్యం వహించారు. 2005లో సీపీఐ (ఎం) పొలిట్‌బ్యూరోకు ఎన్నికైన తొలి మహిళ బృందా కారత్. అంతేగాదు ఆమె సీపీఎం మాజీ ప్రధాన కార్యదర్శి ప్రకాష్ కారత్ భార్య. ఇక బృందా కారత్ 1975 నాటి ఎమర్జెన్సీ మొదలు కమ్యూనిస్టు ఉద్యమం ఉజ్వలంగా సాగిన1985 వరకు తన జ్ఞాపకాలను, ఇతర వ్యాసాలను కలిపి ఓ పుస్తక రూపంలో తీసుకువచ్చారు. “యాన్ ఎడ్యుకేషన్ ఫర్ రీటా” పేరిట ఈ పుస్తకాన్ని మార్కెట్‌లోకి తీసుకొచ్చారు. ఇప్పుడు ఎన్నికల్లో పాల్గొనే నేటితరం యువత తెలుసుకోవాల్సిన ఎన్నో విషయాలు ఇందులో ఉన్నాయి. ఒక్కో వ్యాసం ఒక్కో ఆణిముత్యం లాంటివే. కనువిప్పు కలిగించేవే. పదేళ్ళ చరిత్రను కళ్లకు కట్టారు. తన 50 ఏళ్ల రాజకీయ జీవితంలోని పదేళ్ల కాలాన్ని గుర్తుపెట్టుకుని క్రమం తప్పకుండా రాయడమంటే మామూలు విషయం కాదు.పైగా ఈ పుస్తకంలో బ్లాక్ అండ్ వైట్ టీవీల కాలం నుంచి మొదలు పెట్టి ఢిల్లీ గల్లీలలో జరిగిన పోరాటాలను, కష్టకాలంలో జరిగిన చర్చల్ని, నాయకుల తీరు తెన్నులన్నింటిని చక్కగా వివరించారు. అయితే అందులో ఉన్న రీటీ ఎవరో కాదు బృందాయే అని పుస్తకం చదివిన తర్వాత గానీ తెలియదు. అయితే ఎన్నికల్లో మహిళలకు 33 శాతం రిజర్వేషన్లు ఉండాలపి పోరాడిన ఆమె ప్రత్యక్ష ఎన్నికలకు దూరంగానే ఉన్నారు. ఇక తానెందుకు ప్రత్యక్ష రాజకీయాల్లోకి రాలేదని ప్రశ్నిస్తే మాత్రం బృందా..తన వయసు 70 దాటిందని, ఈ వయసులో పరిగెత్తడం సమంజసం కాదని చెబుతుంటారామె. నేటి పరిస్థితులన్ని మార్చాలంటే  యువతీ యువకులే నడుం కట్టాలని చెబుతుంటారు. ఈ ఎన్నికల్లోనైనా మరింత మంది మహిళలు రాజకీయాల్లోకి వస్తారనే ఆశతో చూస్తున్నారామె. (చదవండి: సెలబ్రెటీలను సైతం పక్కకునెట్టి అంబాసిడర్‌ అయిన యువతి!)

సాక్షి, హైదరాబాద్‌: పదే పదే హెచ్చరిస్తోన్న టీఎస్‌ఆర్టీసీ సిబ్బందిపై ఉద్దేశ్యపూర్వకంగా కొందరు దాడులకు దిగుతుండటం దురదృష్టకరమని, ఇది సమాజానికి ఏమాత్రం శ్రేయస్కరం కాదని తెలగాణ ఆర్టీసీ ఎండీ సజ్జనార్‌ ‘ఎక్స్‌’ ట్విటర్‌ వేదికగా అన్నారు.  ‘తాజాగా హైదరాబాద్‌ ట్యాంక్ బండ్‌పై ఇద్దరు ఫరూక్‌నగర్ డిపోకు చెందిన డ్రైవర్, కండక్టర్‌పై విచక్షణరహితంగా ఆదివారం రాత్రి దాడి చేశారు. క్రికెట్ బ్యాట్‌తో వారిని తీవ్రంగా కొట్టారు. ఈ ఘటనలో కండక్టర్ రమేష్ ఎడమ చేయి విరగింది. డ్రైవర్ షేక్ అబ్దుల్‌కి గాయాలయ్యాయి. ఈ ఘటనపై ఆర్టీసీ అధికారులు హైదరాబాద్ కమిషనరేట్ దోమలగూడ పోలీస్‌స్టేషన్‌లో ఫిర్యాదు చేస్తే  కేసు నమోదైంది. నిందితులు మహ్మద్ మజీద్, మహ్మద్ ఖాసీంలను పోలీసులు అరెస్ట్ చేశారు. అతి తక్కువ సమయంలో నిందితులను పట్టుకుని పోలీసులు అరెస్ట్  చేశారు’ అని సజ్జనార్‌ తెలిపారు. పదే పదే హెచ్చరిస్తోన్న  #TSRTC సిబ్బందిపై ఉద్దేశ్యపూర్వకంగా కొందరు దాడులకు దిగుతుండటం దురదృష్టకరం.  ఇది సమాజానికి  ఏమాత్రం శ్రేయస్కరం కాదు. తాజాగా #Hyderabad ట్యాంక్ బండ్ పై ఇద్దరు ఫరూక్ నగర్ డిపోనకు చెందిన డ్రైవర్, కండక్టర్ పై విచక్షణరహితంగా ఆదివారం రాత్రి దాడి చేశారు. క్రికెట్… pic.twitter.com/qSgAk4zTYy — VC Sajjanar - MD TSRTC (@tsrtcmdoffice) February 5, 2024

భారత గణతంత్ర దినోత్సవ ముఖ్య అతిథిగా ఫ్రాన్స్‌ అధ్యక్షుడు ఇమ్మాన్యుయేల్‌ మాక్రాన్‌ దేశంలో పర్యటిస్తున్న వేళ దేశీయ ఐటీ దిగ్గజం టీసీఎస్‌ కీలక ప్రకటన చేసింది. ఫ్రాన్స్‌లో వచ్చే మూడేళ్లలో ఉద్యోగుల సంఖ్యను రెట్టింపు చేయాలని  లక్ష్యంగా పెట్టుకున్నట్లు టీసీఎస్ సీనియర్ అధికారి ఒకరు తెలిపారు.  అతిపెద్ద భారతీయ ఐటీ సేవల సంస్థ టీసీఎస్‌కు ప్రస్తుతం ఫ్రాన్స్‌లోని నాలుగు ప్రధాన కేంద్రాల్లో 1,600 మంది ఉద్యోగులు ఉన్నారు. టీసీఎస్‌కు యూరప్‌లో వేగంగా అభివృద్ధి చెందుతున్న మార్కెట్లలో ఫ్రాన్స్ కూడా ఒకటి. యూరప్‌లోని ఇతర దేశాల కంటే ఫ్రాన్స్‌లో కంపెనీ వేగంగా వృద్ధి చెందుతోందని టీసీఎస్‌ యూరోపియన్ బిజినెస్ హెడ్ సప్తగిరి చాపలపల్లి పీటీఐతో పేర్కొన్నారు. ఫ్రాన్స్‌లో టీసీఎస్‌ మూడు దశాబ్దాలకు పైగా ఉనికిలో ఉందని రానున్న రోజుల్లో వ్యాపారాన్ని మరింత వేగవంతంగా వృద్ధి చేసేందుకు గ్రౌండ్‌వర్క్‌ సిద్ధమైనట్లు సప్తగిరి చెప్పారు. స్థానిక ఆర్థిక వ్యవస్థకు కీలకమైన అన్ని ప్రధాన రంగాలలో 80 ఫ్రెంచ్ క్లయింట్‌లతో టీసీఎస్‌ పని చేస్తోందని, పారిస్‌లో ఒక ఆవిష్కరణ కేంద్రాన్ని కూడా నడుపుతోందని వివరించారు.   టీసీఎస్‌కు ఫ్రాన్స్‌లో ఉన్న 1,600 మంది ఉద్యోగుల్లో ఎక్కువ మంది పారిస్‌లో ఉన్నారు. వీరిలో 60 శాతం వరకు ఫ్రెంచ్ పౌరులు. కాగా అక్కడే ప్రధాన కార్యాలయం ఉన్న ప్రత్యర్థి కంపెనీ క్యాప్‌జెమినీ ఫ్రెంచ్ మార్కెట్‌లో బలంగా ఉంది. అయితే టీసీఎస్‌ తన సొంత బలంతో అభివృద్ధి చెందుతుందని టీసీఎస్‌ యూరోపియన్ బిజినెస్ హెడ్ పేర్కొన్నారు.

మార్కెట్లో రకరకాల దుకాణాలు వచ్చేస్తున్నాయి. ఈ ఏఐ పుణ్యమా అన్ని సాంకేతికతో కూడాన ఆధునిక స్టోర్‌లు మన ముందు ప్రత్యక్షమవుతున్నాయి. పైగా అన్నీ మన ఒడిలోకే వంచి వాలిపోయేలా పనులు చకచక అయిపోతున్నాయి. అయితే అదే తరహాలో ఇక్కడొక విలక్షణమైన స్టోర్‌ ఉంది. 24 గంటలు తెరిచే ఉంటుంది. కానీ ఒక్క సిబ్బంది కూడా ఉండరు. మరీ ఎలా పనిచేస్తుంది?. కస్టమర్లు ఎలా కొనుక్కుంటారు? అనే కదా డౌటు..!. అలాంటి వెరైటీ స్టోర్‌ సియోల్‌లో ఉంది. దీనిపేరు రామెన్‌ స్టోర్‌. దీనిలో మనకు కావల్సిన అన్ని వస్తువులు ఉంటాయి. మనం అక్కడే కొనుక్కుని ఎంచక్కా వండకుని తినేసి రావొచ్చు. మరీ బిల్‌ ఎలా పే చేయాలంటే..మనకు మనమే స్వతహాగా పే చేయడమే. అలాగైతే ఎవరైనా ఈజీగా వస్తువులన్నీ ఎత్తుకుపోవచ్చు కదా అంటారా..! అంతా ఈజీ కాదు. ఎందుకంటే..? అడగడుగునా సీసీ కెమెరాలు ఉంటాయి. మీరు నచ్చిన వస్తువులను తీసుకుని దాని పక్కనే ఉన్న బిల్‌పే చేసే ఆటోమెటిడ్‌ మెషిన్‌లో ఎంటర్‌ చేసి మనీ పే చేస్తే చాలు. ఒకరకంగా చెప్పాలంటే సెల్ఫ్‌ పేయింగ్‌ అన్నమాట!.  ఈ మేరకు ఫుడ్‌ వ్లోగర్‌ లిల్లీ హ్యూన్‌ అనే ఆమె ఆ స్టోర్‌కి సంబంధించిన వీడియోని ఇన్‌స్టాగ్రాంలో షేర్‌ చేసింది. అందులో ఆమె తనకు నచ్చిన న్యూడిల్స్‌, ప్రిపరేషన్‌కి కావాల్సిన పదార్థాల తోపాటు సైడ్‌ డిష్‌లను తాను ఎలా తీసుకుని బిల్‌ పే చేసిందో వివరించింది. ఆ తర్వాతా ఆమె అక్కడే ఎలా ఎంచక్కా వండుకుని తినేసిందో కూడా చెప్పింది. అక్కడ మనం కావల్సింది వండుకోవడమే గాక అందుకు కావాల్సిన సైడ్‌ డిష్‌లు కూడా ఉంటాయి. వాటికి మాత్రం బిల్‌ పే చేయాల్సిన అవసరం లేదు. అవి ఫ్రీ. ఐతే ఈ వీడియోని చూసిన నెటిజన్లు మాత్రం ఇది రియల్‌? ఆ..! అని ఆశ్చర్యపోయారు. చాలామంది ఇది వర్క్‌ ఔట్‌ అవ్వడం కష్టం అని అంటున్నారు. ఎందుకంటే ఆ సీసీటీవీలను కూడా పాడు చేసి ఎత్తుకుపోవడం వంటివి జరుగుతాయంటూ కామెంట్లు చేశారు. View this post on Instagram A post shared by Lily Huynh (@biteswithlily) (చదవండి: ఫ్రూట్‌ ఇడ్లీ గురించి విన్నారా? తయారీ విధానం చూస్తే..షాకవ్వుతారు!)

ఇజ్రాయెల్‌ - హమాస్ వార్ కారణంగా అక్కడి వాతావరణం భీకర దాడులతో భయానకంగా ఉంది. ఈ సందర్భంగా గ్లోబల్ ఫైనాన్షియల్ సర్వీసెస్ దిగ్గజం 'జేపీ మోర్గాన్ చేజ్' (JP Morgan Chase) తమ ఉద్యోగుల భద్రతను దృష్టిలో ఉంచుకుని ఒక కీలక నిర్ణయం తీసుకుంది. కంపెనీ తీసుకున్న నిర్ణయం ప్రకారం, ఇజ్రాయెల్‌లోని తన సిబ్బందిని పరిస్థితులు చక్కబడే వరకు ఇంటి నుంచి పని (వర్క్ ఫ్రమ్ హోమ్) చేయాల్సిందిగా కోరింది. పాలస్తీనా ఇస్లామిస్ట్ గ్రూప్ హమాస్ చేసిన ఆకస్మిక దాడి రెండు వైపుల హింసాత్మక సంఘర్షణకు దారితీసింది. ప్రస్తుతం ఇజ్రాయెల్, మిలిమెంట్ గ్రూపుల మధ్య జరుగుతున్న దాడుల్లో ఏ నిమిషం ఏమి జరుగుతుందో తెలియని పరిస్థితి ఏర్పడింది. దీంతో అక్కడి ప్రజలకు కంటిమీద కునుకు లేకుండా పోయింది. దీంతో ఆఫీసులకు వచ్చి విధులు నిర్వహించే అవకాశం లేదు. కావున సంస్థ ఈ నిర్ణయం తీసుకుంది. ఇదీ చదవండి: చిన్నప్పుడే చదువుకు స్వస్తి.. నమ్మిన సూత్రంతో లక్షలు సంపాదిస్తున్న చాయ్‌వాలా..!! ఇజ్రాయెల్‌లో జేపీ మోర్గాన్‌లో 200 మంది ఉద్యోగులు పనిచేస్తున్నారు. ఇజ్రాయెల్‌పై హమాస్ మెరుపు దాడులను ప్రపంచంలోని చాలా దేశాలు ఖండిస్తున్నాయి. ఇప్పటికే యుద్ధంలో వందల మందికిపైగా మరణించినట్లు, మరి కొందరు తీవ్రంగా గాయపడినట్లు తెలుస్తుంది. రానున్న రోజులు మరింత భయానకంగా ఉండే అవకాశం ఉందని చాలామంది భావిస్తున్నారు.

న్యూయార్క్‌: అమెరికా అధ్యక్షుడు బైడెన్ శునకం 'కమాండర్‌' వైట్‌ హౌజ్‌లో సిబ్బందిని తరచూ కరుస్తున్న విషయం తెలిసిందే. ఇటీవల కూడా ఓ అధికారిని కరిచి వార్తల్లోకెక్కింది. అయితే.. ఈ శునకాన్ని వైట్‌హౌజ్ నుంచి బయటకు పంపించినట్లు తెలుస్తోంది. గుర్తుతెలియని ప్రదేశానికి ఆ శునకాన్ని పంపించినట్లు వైట్‌హౌజ్‌ అధికారులు తెలిపారు. 2021లో కమాండర్‌ను బైడెన్ వైట్‌హౌజ్‌కు తీసుకువచ్చారు. అప్పటి నుంచి కనీసం 11 సార్లు అది సిబ్బందిని కరిచినట్లు వార్తలు వచ్చాయి. బైడెన్ వద్ద అంతకుముందు ఉన్న మేజర్ అనే శునకంపై కూడా ఇదే తరహా కేసులు నమోదు కావడంతో దాన్ని కూడా వైట్ హౌజ్ నుంచి బయటకు పంపించారు. అయితే.. ప్రస్తుతం కమాండర్‌ను ఎక్కడికి పంపించారో వివరాలు మాత్రం బయటికి వెళ్లడించలేదు. కమాండర్‌ రక్షణలో ఎంతో శ్రద్ధ కనబరిచిన సీక్రెట్ సర్వీస్ సిబ్బందిని జిల్ బైడెన్ కమ్యూనికేషన్స్ డైరెక్టర్ ఎలిజబెత్ అలెగ్జాండర్ ప్రశంసించారు.     ఇదీ చదవండి: పార్లమెంట్ సాక్షిగా ట్రూడో చిల్లర చేష్టలు

ముషీరాబాద్‌: వైద్య ఆరోగ్య శాఖలో పనిచేస్తున్న పారా మెడికల్‌ సిబ్బందిని తొలగించి ఆ శాఖను నిర్వీర్యం చేయడానికి ప్రభుత్వం జారీ చేసిన జీవో నంబర్‌ 142ను వెంటనే రద్దు చేయాలని బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్‌.కృష్ణయ్య డిమాండ్‌ చేశారు. జీవోను రద్దు చేయాలని డిమాండ్‌ చేస్తూ అక్టోబర్‌ 5న హైదరాబాద్‌లోని డైరెక్టర్‌ ఆఫ్‌ హెల్త్‌ కార్యాలయం వద్ద వేలాది మందితో భారీ ధర్నా తలపెట్టాలని తెలంగాణ రాష్ట్ర వైద్య ఆరోగ్య శాఖ బీసీ ఉద్యోగుల సంఘం నిర్ణయించినట్లు తెలిపారు. ఆయన శనివారం హైదరాబాద్‌లోని బీసీ భవన్‌లో విలేకరులతో మాట్లాడారు. పెరుగుతున్న జనాభా ప్రకారం అర్బన్‌ హెల్త్‌ కేంద్రాలు, ప్రాథమిక ఆరోగ్య కేంద్రాలు, బస్తీ దవాఖానాలు, వైద్య కళాశాలలు, ఏరియా ఆస్పత్రులు, నూతన భవనాలను ఏర్పాటు చేస్తున్న ప్రభుత్వం.. వాటికి సరిపడినంతమంది సిబ్బందిని నియమించకుండా.. ఉన్నవారిని కుదించడానికి కుట్ర పన్నుతూ జీవో 142ను అమలు చేస్తోందని ఆరోపించారు. ఈ జీవో వల్ల దాదాపు రాష్ట్రవ్యాప్తంగా ఆరు వేల మంది ఉద్యోగులకు నష్టం కలుగుతుందని వివరించారు. కానీ వైద్య ఆరోగ్య శాఖ సంచాలకుని కార్యాలయంలో, జిల్లా వైద్య ఆరోగ్య శాఖ కార్యాలయంలో పనిచేసే పారా మెడికల్‌ సిబ్బందిని తొలగించాలని కొందరు అధికారులు వైద్య ఆరోగ్య శాఖ మంత్రిని తప్పుదోవ పట్టిస్తున్నారని కృష్ణయ్య ఆరోపించారు.  

లక్నో: ప్రియురాలితో గొడవపడి బీజేపీ ఎమ్మెల్యే వద్ద పనిచేస్తున్న సిబ్బంది ఒకరు ఆత్మహత్యకు పాల్పడ్డాడు. ఈ ఘటన ఉత్తరప్రదేశ్‌లోని లక్నోలో చోటుచేసుకుంది. శ్రేష్టా తివారీ అనే 24 ఏళ్ల యువకుడు లక్నోలోని బక్షి కా తలాబ్‌ నియోజకవర్గం బీజేపీ ఎమ్మెల్యే యోగేష్‌ శుక్లా వద్ద మీడియా సెల్‌ విభాగంలో పనిచేస్తున్నాడు. అతను ఓ యువతితో గత నాలుగేళ్లుగా ప్రేమలో ఉన్నాడు. అయితే వీరిద్దరి మధ్య ఇటీవల మనస్పర్థలు రావడంతో దూరం పెరిగింది. ఈ క్రమంలో శ్రేష్టా తివారీ ఆదివారం హజ్రత్‌గంజ్‌లోని ఎమ్మెల్యే నివాసంలో ఉండగా.. తన ప్రియురాలితో గొడవ జరిగింది. దీంతో మనస్తాపం చెందిన యువకుడు ప్రేయసికి వీడియో కాల్‌ చేసి మాట్లాడుతూ ఆత్మహత్యకు పాల్పడ్డాడు. ఈ విషయన్ని గుర్తించిన యువతి పోలీసులకు సమాచారం అందించింది. అలాగే ఆమె కూడా వెంటనే సంఘటనా స్థలానికి చేరుకుంది. అయితే తలుపులు లోపలి నుండి లాక్ చేయడంతో ఎంత కొట్టిగా డోర్స్‌ తీయలేదు. చివరికి పోలీసులు చేరుకొని తలుపులు  పగలగొట్టి చూడగా.. తివారీ శవమై కనిపించాడు. అయితే ఆదివారం రాత్రి ఎమ్మెల్యే ఫ్లాట్‌లో తివారీ ఒంటరిగా ఉన్నారని పోలీసులు తెలిపారు.సంఘటనా స్థలంలో ఎలాంటి సూసైడ్‌ నోటు లభించలేదని పోలీస్ ఇన్‌స్పెక్టర్ ప్రమోద్ కుమార్ పాండే పేర్కొన్నారు. తివారీ తన గర్ల్‌ఫ్రెండ్‌కు కి ఫోన్ చేసి తాను ఆత్మహత్య చేసుకుంటానని చెప్పాడని, కావున ఆమె మొబైల్‌ స్వాధీనం చేసుకుని విచారణ జరుపుతున్నట్లు తెలిపారు.  చదవండి: సుధా మూర్తి పేరిట మోసం.. పోలీసులకు ఫిర్యాదు

బహదూర్‌ఫురా: విధి నిర్వహణలో అశువులు బాసిన అటవీ అమరవీరుల కుటుంబాలకు ప్రభుత్వం అండగా ఉంటుందని అటవీ శాఖ మంత్రి ఇంద్రకరణ్‌ హామీనిచ్చారు. అటవీ శాఖ ఉద్యోగులు, సిబ్బందికి ప్రభుత్వం అన్ని రకాల సహాయసహకారాలు అందిస్తుందని భరోసానిచ్చారు. సోమవారం జాతీయ అటవీ అమరవీరుల సంస్మరణ దినోత్సవం సందర్భంగా నెహ్రూ జూలాజికల్‌ పార్కు స్మారక చిహ్నం వద్ద మంత్రి ఇంద్రకరణ్‌ రెడ్డి అధికారులు, సిబ్బందితో కలిసి పుష్పాంజలి ఘటించి నివాళులర్పించారు. అనంతరం ఆయన మాట్లాడుతూ... విధి నిర్వహణలో అటవీ సిబ్బంది అప్రమత్తంగా ఉండాలని సూచించారు. అటవీ సంపదను దోచుకునే స్మగ్లర్లు, అరాచక ముఠాలకు ఎదురొడ్డి ప్రాణాలర్పించి వీర మరణం పొందిన అటవీ సిబ్బంది త్యాగాలను వృథా కానివ్వకుండా వారి ఆశయాలకు అనుగుణంగా పని చేయాలని కోరారు. కార్యక్రమంలో అటవీ అభివృద్ధి సంస్థ చైర్మన్‌ వంటేరు ప్రతాప్‌ రెడ్డి, అటవీ సంరక్షణ ప్రధాన అధికారి ఆర్‌.ఎం.డోబ్రియాల్, వన్యప్రాణుల ముఖ్య సంరక్షణ అధికారి లోకేశ్‌ జైశ్వాల్, వీసీ అండ్‌ ఎండీ చంద్రశేఖర్‌ రెడ్డి, జూపార్కు డైరెక్టర్‌ ప్రసాద్, క్యూరేటర్‌ సునీల్‌ హీరమత్‌ తదితరులు పాల్గొన్నారు. మరోవైపు జాతీయ అటవీ అమరవీరుల సంస్మరణ దినోత్సవం సందర్భంగా సీఎం కేసీఆర్‌ ఓ ప్రకటనలో శ్రద్ధాంజలి ఘటించారు.

డౌన్‌ సిండ్రోమ్, ఆటిజమ్, మూగ, బధిర... వీరిని ‘మనలో ఒకరు’ అని అందరూ అనుకోరు. వీరికి ఉద్యోగం ఇవ్వాలంటే ‘వాళ్లేం చేయగలరు’ అని విడిగా చూస్తారు. కాని ప్రతి ఒక్కరూ ఈ సమాజంలో అంతర్భాగమే అంటుంది డాక్టర్‌ సోనమ్‌ కాప్సే. కేవలం దివ్యాంగులనే స్టాఫ్‌గా చేసుకుని ఆమె నడుపుతున్న రెస్టరెంట్‌ పూణెలో విజయవంతంగా నడుస్తోంది. ‘ఇక్కడంతా వడ్డించేవారు మనవారే’ అంటుంది సోనమ్‌. పుణెలో ఆంకాలజిస్ట్‌గా, కేన్సర్‌ స్పెషలిస్ట్‌గా పని చేస్తున్న సోనమ్‌ కాప్సేకు బాల్యం నుంచి రకరకాల వంట పదార్థాలను రుచి చూడటం ఇష్టం. ‘మా అమ్మానాన్నలతో విదేశాలకు వెళ్లినప్పుడు హోటళ్ల లో రకరకాల ఫుడ్‌ తినేదాన్ని. మంచి రెస్టరెంట్‌ ఎప్పటికైనా నడపాలని నా మనసులో ఉండేది’ అంటుంది సోనమ్‌. అయితే ఆ కల వెంటనే నెరవేరలేదు. కేన్సర్‌ స్పెషలిస్ట్‌గా బిజీగా ఉంటూ ఆమె ఆ విషయాన్నే మర్చిపోయింది. యూరప్‌లో చూసి ‘నేను ట్రావెలింగ్‌ని ఇష్టపడతాను. యూరప్‌కు వెళ్లినప్పుడు ఒక బిస్ట్రో (కాకా హోటల్‌ లాంటిది)లో ఏదైనా తిందామని వెళ్లాను. ఆశ్చర్యంగా అక్కడ సర్వ్‌ చేస్తున్నవాళ్లంతా స్పెషల్‌ వ్యక్తులే. అంటే బుద్ధి మాంద్యం, వినికిడి లోపం, అంగ వైకల్యం, మూగ... ఇలాంటి వాళ్లు. వాళ్లంతా సైన్‌ లాంగ్వేజ్‌లో ఆర్డర్‌ తీసుకుంటున్నారు. కస్టమర్లు వారికి ఎంతో సహకరిస్తున్నారు. ఇటువంటి వారి జీవితం మర్యాదకరంగా గడవాలంటే వారిని ఉపాధి రంగంలో అంతర్భాగం చేయడం సరైన మార్గం అని తెలిసొచ్చింది. మన దేశంలో సహజంగానే ఇలాంటివారికి పని ఇవ్వరు. అందుకే మన దేశంలో కూడా ఇలాంటి రెస్టరెంట్లు విరివిగా ఉండాలనుకున్నాను. ఇప్పటికే కొన్నిచోట్ల ఉన్నాయి కానీ, నేను కూడా ఇలాంటి రెస్టరెంట్‌ ఒకటి ఎందుకు మొదలు పెట్టకూడదు... అని ఆలోచించాను. అలా పుట్టినదే ‘టెర్రసిన్‌’ రెస్టరెంట్‌. టెర్రసిన్‌ అంటే భూమి రుచులు అని అర్థం. పొలం నుంచి నేరుగా వంటశాలకు చేర్చి వండటం అన్నమాట’ అందామె. 2021లో ప్రారంభం పూణెలో బిజీగా ఉండే ఎఫ్‌.సి.రోడ్‌లో స్పెషల్‌ వ్యక్తులే సిబ్బందిగా 2021లో కోటిన్నర రూపాయల ఖర్చుతో ‘టెర్రసిన్‌’ పేరుతో రెస్టరెంట్‌ ప్రారంభించింది సోనమ్‌. ఇందు కోసం స్పెషల్‌ వ్యక్తులను ఎంపిక చేసి వారికి ట్రయినింగ్‌ ఇచ్చింది. ‘వారితో మాట్లాడటానికి మొదట నేను ఇండియన్‌ సైన్‌ లాంగ్వేజ్‌ నేర్చుకున్నాను. ఆర్డర్‌ తీసుకోవడం, సర్వ్‌ చేయడం వంటి విషయాల్లో ట్రయినింగ్‌ ఇచ్చాం. కస్టమర్లు సైన్‌ లాంగ్వేజ్‌లో ఆర్డర్‌ చెప్పొచ్చు లేదా మెనూలో తాము ఎంచుకున్న ఫుడ్‌ను వేలితో చూపించడం ద్వారా చెప్పొచ్చు. అయితే ఆటిజమ్‌ వంటి బుద్ధిమాంద్యం ఉన్నవాళ్లను ఉద్యోగంలోకి పంపడానికి కుటుంబ సభ్యులు మొదట జంకారు. వారిని ఒప్పించడం కష్టమైంది. ఒకసారి వారు పనిలోకి దిగాక ఆ కుటుంబ సభ్యులే చూసి సంతోషించారు. మా హోటల్‌ను బిజీ సెంటర్‌లో పెట్టడానికి కారణం మా సిబ్బంది నలుగురి కళ్లల్లో పడి ఇలాంటివారికి ఉపాధి కల్పించాలనే ఆలోచన ఇతరులకు రావడానికే. మా హోటల్‌ బ్రేక్‌ ఈవెన్‌ సాధించింది. ఇప్పుడు ఆదాయంలో ఉంది. త్వరలో దేశంలో మరో ఐదుచోట్ల ఇలాంటి హోటల్స్‌ పెట్టాలనుకుంటున్నాను’ అని తెలిపింది సోనమ్‌. వారూ మనవారే సమాజ ఫలాలకు అందరూ హక్కుదారులే. దురదృష్టవశాత్తు దివ్యాంగులుగా జన్మిస్తే వివిధ కారణాల వల్ల శారీరక దురవస్థలు ఏర్పడితే ఇక వారిని విడిగా పెట్టడం, ఉపాధికి దూరం చేయడం సరికాదు. వీలైనంత వరకూ వారిని అంతర్భాగం చేసుకోవాలి. ఇలాంటి ఉద్యమాలు అనేకచోట్ల నడుస్తున్నాయి. కొందరు పదిలో రెండు ఉద్యోగాలైనా ఇలాంటివారికి ఇస్తున్నారు. సోనమ్‌ లాంటి వారు పూర్తి అవకాశాలు కల్పిస్తున్నారు. ఈ రంగంలో ఇంకా ఎంతో జరగాల్సి ఉంది.   దురదృష్టవశాత్తు దివ్యాంగులుగా జన్మిస్తే వివిధ కారణాల వల్ల శారీరక దురవస్థలు ఏర్పడితే ఇక వారిని విడిగా పెట్టడం... వారిని ఉపాధికి దూరం చేయడం సరికాదు. వీలైనంత వరకూ వారిని అంతర్భాగం చేసుకోవాలనే ఉద్యమాలు అనేకచోట్ల నడుస్తున్నాయి. రెస్టరెంట్‌లో సైన్‌ లాంగ్వేజ్‌లో ఆర్డర్‌ తీసుకుంటున్న వెయిటర్‌

సాక్షి, హైదరాబాద్‌: రాష్ట్ర రోడ్డు రవాణా సంస్థ (ఆర్టీసీ)ను ప్రభుత్వంలో విలీనం చేయాలని.. 43,373 మంది ఆర్టీసీ ఉద్యోగులను ప్రభుత్వ ఉద్యోగులుగా గుర్తించాలని రాష్ట్ర మంత్రివర్గం కీలక నిర్ణయం తీసుకుంది. ఇందుకు సంబంధించిన విధివిధానాలను ఖరారు చేసేందుకు ఆర్థిక శాఖ ప్రత్యేక ప్రధాన కార్యదర్శి కె.రామకృష్ణారావు అధ్యక్షతన ఆర్‌అండ్‌బీ, రవాణా, కార్మిక, సాధారణ పరిపాలన శాఖల కార్యదర్శులతో సబ్‌ కమిటీని ఏర్పాటు చేసింది. ఆగస్టు 3 నుంచి ప్రారంభమయ్యే శాసనసభ సమావేశాల్లో ఈ మేరకు బిల్లును ప్రవేశపెట్టాలని నిర్ణయించింది.రాష్ట్రంలో భారీ వర్షాలు, వరదల నేపథ్యంలో.. వివిధ పనులు, కార్యక్రమాల కోసం తక్షణ సాయంగా రూ.500 కోట్లు విడుదల చేసింది. వరద మృతుల కుటుంబాలకు పరిహారం ఇవ్వాలని నిర్ణయించింది. సోమవారం రాష్ట్ర సచివాలయంలో సీఎం కేసీఆర్‌ అధ్యక్షతన కేబినెట్‌ సమావేశమైంది. సుమారు 50కిపైగా అంశాలపై సుదీర్ఘంగా 6 గంటల పాటు చర్చించి పలు కీలక నిర్ణయాలు తీసుకుంది. పురపాలక, పరిశ్రమల శాఖ మంత్రి కె.తారకరామారావు సహచర మంత్రులతో కలసి ఈ వివరాలను మీడియాకు వెల్లడించారు. రవాణా, ఆర్థిక శాఖల మంత్రులు, ఆర్టీసీ చైర్మన్‌తోపాటు కార్మికుల నుంచి వచి్చన డిమాండ్‌ను దృష్టిలో పెట్టుకుని.. ఆర్టీసీ ఉద్యోగులను ప్రభుత్వ ఉద్యోగులుగా గుర్తించాలని నిర్ణయించామని తెలిపారు. ఆరీ్టసీని కాపాడేందుకు, ప్రజారవాణాను విస్తృతం చేయడానికి ఈ నిర్ణయం దోహదపడుతుందని చెప్పారు.  వరద తక్షణ సాయంగా రూ.500 కోట్లు  రాష్ట్రంలో పది రోజుల పాటు కురిసిన భారీ వర్షాలు, వరదలతో జరిగిన ప్రాణ, ఆస్తి నష్టంపై మంత్రివర్గం విస్తృతంగా చర్చించిందని.. తక్షణ సాయంగా రూ.500 కోట్లు విడుదల చేయాలని ఆర్థిక శాఖను ఆదేశించిందని కేటీఆర్‌ తెలిపారు. ముఖ్యంగా భూపాలపల్లి, ములుగు, వరంగల్, హన్మకొండ, నిర్మల్, ఆదిలాబాద్, ఖమ్మం, కొత్తగూడెం తదితర 10 జిల్లాల్లో ఆర్‌అండ్‌బీ/ పంచాయతీరాజ్‌ రోడ్లు, చెరువులు, కాల్వలు, పంట పొలాలకు పెద్ద ఎత్తున నష్టం జరిగిందని.. యుద్ధప్రాతిపదికన తాత్కాలిక మరమ్మతులకు ఈ నిధులను వినియోగించాలని ఆదేశించినట్టు వివరించారు. ఇక వివిధ జిల్లాల్లో పునరావాస కేంద్రాలకు తరలించిన 27వేల మంది ముంపు బాధితులకు సురక్షితమైన పునరావాసం కల్పించాలని కేబినెట్‌ నిర్ణయించిందని చెప్పారు. వరదల్లో మృతిచెందిన 40 మందికిపైగా వివరాలను సేకరించి, వారి కుటుంబాలకు ఎక్స్‌గ్రేషియా అందించాలని ఆదేశించినట్టు చెప్పారు. వరదలతో పొలాల్లో పేరుకుపోయిన ఇసుక మేటలు, ఇతర సమస్యలపై సమగ్రమైన నివేదిక అందించాలని కలెక్టర్లను కేబినెట్‌ ఆదేశించిందని.. రైతులకు విత్తనాలు, ఎరువులను అందుబాటులో ఉంచాలని వ్యవసాయ శాఖకు సూచించిందని వివరించారు. ఖమ్మం పొడవునా ప్రవహిస్తున్న మున్నేరువాగు వరద నుంచి పట్టణానికి రక్షణకోసం వరద గోడలు నిర్మించాలని కేబినెట్‌ నిర్ణయం తీసుకున్నట్టు తెలిపారు.  వారి సేవలు భేష్‌..  వరద ముప్పును సైతం లెక్కచేయకుండా విద్యుత్‌ సరఫరా పునరుద్ధరణ కోసం ధైర్య సాహసాలతో విధులు నిర్వహించిన విద్యుత్‌ శాఖ లైన్‌మన్, హెల్పర్‌తోపాటు ముందుచూపుతో 40మంది విద్యార్థులను కాపాడిన ఉపాధ్యాయుడు మీనయ్యను ఈ పంద్రాగస్టు సందర్భంగా సన్మానించాలని మంత్రివర్గం నిర్ణయం తీసుకుంది. వారి సేవలను సీఎం కేసీఆర్‌ స్వయంగా ప్రస్తావించి కొనియాడారని మంత్రి కేటీఆర్‌ వెల్లడించారు.  అనాథల కోసం ప్రత్యేక పాలసీ  రాష్ట్రంలోని అనాథ పిల్లలను ‘చిల్డ్రన్‌ ఆఫ్‌ ది స్టేట్‌’గా గుర్తిస్తూ.. వారి సంరక్షణ, ఆలనా పాలన చూసుకోవడానికి పకడ్బందీగా ‘అనాథ బాలల పాలసీ’ని రూపొందించాలని శిశుసంక్షేమ శాఖను కేబినెట్‌ ఆదేశించింది. దేశంలో ఎక్కడా లేనివిధంగా రాష్ట్ర ప్రభుత్వం అనాథ పిల్లలకు తల్లిదండ్రులుగా నిలుస్తుందని.. ఆశ్రయం క ల్పిం చి, ప్రయోజకులుగా మార్చి, వారికంటూ ఓ కుటుంబం ఉన్నట్టుగా సంరక్షిస్తుందని మంత్రి కేటీఆర్‌ తెలిపారు.  కేబినెట్‌ తీసుకున్న మరిన్ని కీలక నిర్ణయాలివీ.. రాష్ట్రవ్యాప్తంగా 6 వేల మంది బీడీ టేకేదారులకు ఆసరా పెన్షన్‌ ఇవ్వాలని కార్మిక శాఖను కేబినెట్‌ ఆదేశించింది.  వరంగల్‌లోని మామునూరులో విమానాశ్ర యం నిర్మాణానికి ఎయిర్‌పోర్టు అథారిటీ ఆఫ్‌ ఇండియా కోరిన మేరకు 253 ఎకరాల భూమి ని సేకరించాలని కేబినెట్‌ నిర్ణయించింది. బీదర్‌ తరహాలో ఇక్కడ విమానాశ్రయం నిర్వహించాలని, ఇకపై కుంటిసాకులు చెప్పవద్దని అథారిటీకి మంత్రి కేటీఆర్‌ సూచించారు. శంషాబాద్‌ విమానాశ్రయానికి ప్రయాణీకుల రద్దీ పెరిగిన నేపథ్యంలో.. ఇతర నగరాల తరహాలో హైదరాబాద్‌లోనూ రెండో ఎయిర్‌పోర్టు అవసరమని మంత్రివర్గం అభిప్రాయపడింది. పుణె, గోవాలలో రక్షణ రంగ విమానాశ్రయాలను పౌర విమానాశ్రయాలుగా విని యోగిస్తున్న తరహాలోనే హకీంపేట ఎయిర్‌పోర్ట్‌ను పౌర విమానయాన సేవలకు వినియో గించాలని రక్షణ శాఖకు విజ్ఞప్తి చేసింది. ఈ మేరకు రక్షణ, పౌరవిమానయాన శాఖలకు ప్రతిపాదనలు పంపిస్తామని కేటీఆర్‌ తెలిపారు.  దేశవ్యాప్తంగా ఉన్న కాపు, బలిజ వంటి కాపు అనుబంధ కులాల కోసం ‘సౌత్‌ ఇండియా సెంటర్‌ ఫర్‌ కాపు కమ్యూనిటీ’ నిర్మాణానికి స్థలం కేటాయిస్తూ మంత్రివర్గం నిర్ణయం తీసుకుంది.  రాష్ట్రంలో మరో ఎనిమిది వైద్య కళాశాలల ఏర్పాటుకు కేబినెట్‌ ఆమోదం తెలిపింది. దీనితో రాష్ట్రంలోని ప్రతి జిల్లాలో వైద్య కళాశాల ఏర్పాటు చేయాలన్న సీఎం కేసీఆర్‌ ఆశయం సాకారమైందని కేటీఆర్‌ చెప్పారు.  మహబూబాద్‌ జిల్లా కేంద్రంలో హార్టికల్చర్‌ క ళాశాల ఏర్పాటుకు మంత్రివర్గం ఓకే చెప్పింది. వరదల్లో చనిపోయినవారిలో రైతు బీమా ఉన్న వారికి రూ.5 లక్షల సొమ్ము ఆటోమెటిగ్గా వస్తుందని, మరో రూ.4లక్షలు ఎక్స్‌గ్రేషియాగా చెల్లిస్తామని కేటీఆర్‌ తెలిపారు. 

విజయనగరం లీగల్‌: విజయనగరం జిల్లాలో కొత్తగా ఏర్పాటైన న్యాయస్థానాల ద్వారా ప్రజలకు సత్వర న్యాయం అందాలని రాష్ట్ర హైకోర్టు న్యాయమూర్తులు అభిలషించారు. ఈ దిశగా న్యాయాధికారులు, న్యాయవాదులు కృషి చేయా­లని వారు పిలుపునిచ్చారు. విజయనగరంలోని జిల్లా న్యాయ­స్థానా­ల సముదాయంలో కొత్తగా మంజూరైన అదనపు సీనియర్‌ సివిల్‌ కోర్టుని ఆదివారం రాష్ట్ర హైకోర్టు న్యాయమూర్తులు జస్టిస్‌ కె.శ్రీనివాసరెడ్డి, జస్టిస్‌ ఆకుల వెంకట శేషసాయి, జస్టిస్‌ చీకటి మానవేంద్రనాథ్‌ రాయ్, జస్టిస్‌ ఉపమాక దుర్గాప్రసాదరావు, జస్టిస్‌ దుప్పల వెంకటరమణ ప్రారంభించారు. న్యాయసేవా సదన్‌లో ఏర్పాటు చేసిన లీగల్‌ ఎయిడ్‌ డిఫెన్స్‌ కౌన్సిల్‌ కార్యాలయాన్ని జస్టిస్‌ ఏవీ శేషసాయి ప్రారంభించారు. ఆయన మాట్లాడుతూ యువ న్యాయవాదులకు తగిన శిక్ష­ణ ఇచ్చి మెరికల్లాంటి న్యాయవాదులను అందించాలని సీనియర్‌ న్యాయవాదులకు సూచించారు. న్యాయవాదులు, న్యాయాధికారులు పరస్పరం గౌరవించుకోవడం ద్వారా సమాజానికి మేలు చేయగలమన్నారు. జస్టిస్‌ చీకటి మానవేంద్రనాథ్‌ రాయ్‌ మాట్లాడుతూ జిల్లా కోర్టు భవన సముదాయాలకు రూ.99 కోట్లతో మంజూరైన కొత్త భవనాలను నాణ్యతగా నిరి్మంచేలా బార్‌ కౌన్సిల్, యంత్రాంగం తగిన జాగ్రత్తలు తీసుకోవాలన్నారు. జిల్లా జడ్జి బి.సాయి కళ్యాణచక్రవర్తి, రాష్ట్ర బార్‌ కౌన్సిల్‌ చైర్మన్‌ గంటా రామారావు తదితరులు పాల్గొన్నారు. 

చివ్వెంల (సూర్యాపేట): సూర్యాపేట జిల్లా కోర్టులో సిబ్బంది నియామకానికి ప్రత్యేక నోటిఫికేషన్‌ వేసేలా చూస్తానని హైకోర్టు న్యాయమూర్తి, జిల్లా పోర్టు ఫోలియో జడ్జి జస్టిస్‌ జి.రాధారాణి అన్నారు. శనివారం సూర్యాపేట జిల్లా కోర్టును ఆమె సందర్శించారు. కోర్టు ప్రాంగణాన్ని పరిశీలించి మొక్క నాటారు. అనంతరం బార్‌ అసోసియేషన్‌ ఆధ్వర్యంలో సమావేశం ఏర్పాటు చేశారు. కోర్టులో అదనంగా రెండు ఫ్లోర్లు నిర్మించాలని, సిబ్బందిని నియమించాలని, కోర్టులో పెండింగ్‌లో ఉన్న 7 వేల కేసుల పరిష్కారానికి అదనపు జూనియర్‌ సివిల్‌ జడ్జి కోర్టు, ఫ్యామిలీ కోర్టు, లేబర్‌ కోర్టును మంజూరు చేయాలని బార్‌ అసోసియేషన్‌ అధ్యక్షుడు గొండ్రాల అశోక్‌ పోర్టుఫోలియో కోరారు. న్యాయమూర్తి స్పందిస్తూ, సూర్యాపేట జిల్లా కోర్టుకు సంబంధించిన అన్ని సమస్యల పరిష్కారానికి కృషి చేస్తానన్నారు. ఏ సమస్య ఉన్నా జిల్లా ప్రధాన న్యాయమూర్తి దృష్టికి తీసుకువెళ్లాలని, ప్రధాన న్యాయమూర్తి తన దృష్టికి తీసుకువస్తారని చెప్పారు. సమావేశంలో జిల్లా ప్రధాన న్యాయమూర్తి జి.రాజగోపాల్, సీనియర్‌ సివిల్‌ జడ్జి పి.శ్రీవాణి, హుజూర్‌నగర్‌ సీనియర్‌ సివిల్‌ జడ్జి కె.శ్యాంకుమార్, జూనియర్‌ సివిల్‌ జడ్జిలు కామిశెట్టి సురేశ్, జె.ప్రశాంతి, శ్యాంసుందర్, మారుతి ప్రసాద్, జిల్లా ఎస్పీ రాజేంద్ర ప్రసాద్, బార్‌ అసోసియేషన్‌ ప్రధాన కార్యదర్శి పోలేబోయిన నర్సయ్య యాదవ్‌ పాల్గొన్నారు. 

సాక్షి, హైదరాబాద్‌: రాష్ట్ర మహిళ భద్రతా విభాగం ఆధ్వర్యంలో పనిచేస్తున్న భరోసా కేంద్రాల్లో బాధితులకు భరోసా మరింత పెంచడంపై పోలీసు ఉన్నతాధికారులు దృష్టి పెట్టారు. భరోసా కేంద్రాలకు సాయం కోసం వచ్చిన బాధితుల నుంచి ఎప్పటికప్పుడు ఫీడ్‌బ్యాక్‌ తీసుకుంటున్నారు. లైంగికదాడులు, అత్యాచార కేసుల్లో బాధిత మహిళలు, చిన్నారులకు ఒకే వేదికలో పోలీస్, న్యాయ, వైద్య సాయం అందించేందుకు రూపొందించిన ఈ కేంద్రాల్లో.. సిబ్బంది పనితీరు ఎలా ఉంటోంది? సకాలంలో స్పందిస్తున్నారా? ఎఫ్‌ఐఆర్‌ ఎప్పుడు నమోదు చేశారు? భరోసా సెంటర్‌కు అదే రోజు తీసుకెళ్లారా? మీతో లేడీ కానిస్టేబుల్‌ వచ్చారా? పోలీసులు వారి వాహనంలోనే తీసుకెళ్లారా? భరోసా సెంటర్‌లో సిబ్బంది ప్రవర్తన ఎలా ఉంది? కేసుల ఫాలోఅప్‌ సక్రమంగా ఉంటోందా? లైంగిక దాడులకు గురైన చిన్నారుల విషయంలో కేంద్రాల సిబ్బంది సరైన రీతిలో స్పందిస్తున్నారా? సేవల్లో ఇంకేమైనా లోపాలున్నాయా? వంటి ప్రశ్నలు అడుగుతున్నారు. అంతేకాదు.. బాధిత మహిళలకు మరింత అండగా నిలిచేందుకు ఇంకా ఏయే చర్యలు తీసుకోవాలని సలహాలు, సూచనలు కూడా కోరుతున్నట్లు అధికారులు తెలిపారు. బాధితుల ఫీడ్‌బ్యాక్‌ ఆధారంగా క్షేత్రస్థాయిలో మార్పులు చేయనున్నట్టు పేర్కొన్నారు. 

చైనా స్మార్ట్‌ఫోన్‌ దిగ్గజం షావోమి కూడా  ఉద్యోగాల తీసివేత దిశలో మరింతగా అడుగులు వేస్తోంది. ఇటీవలి కాలంలో భారత ప్రభుత్వ ఏజెన్సీల నుంచి పెరిగిన ఒత్తిడి, మార్కెట్‌ వాటా క్షీణత తదితర కారణాల నేపథ్యంలో  ఉద్యోగులను,  తద్వారా తగ్గించుకునే పనిలో  పడినట్టు కనిపిస్తోంది.  ఇందులో భాగంగానే  షావోమి ఇండియా మరికొంత మందికి ఉద్వాసన పలకనుంది. తద్వారా మొత్తం సిబ్బంది సంఖ్యను దాదాపు వెయ్యికి తగ్గించుకోవాలని చూస్తోందట.  దీంతో ఎపుడు ఎవరి ఉద్యోగం  ఊడుతుందో తెలియని ఆందోళనలో ఉద్యోగులున్నారు. అయితే ఎంతమందిని, ఏయే  విభాగాల్లో తొలగింనుందని అనేది స్పష్టత లేదు. (ఆషాఢంలో శుభవార్త: తగ్గుతున్న బంగారం,వెండి ధరలు) ఎకనామిక్ టైమ్స్ నివేదిక ప్రకారం  షావోమి ఇండియా 2023 ప్రారంభంలో సుమారు 1400-1,500 మంది ఉద్యోగులను నియమించుకుంది. కానీ ఇటీవల దాదాపు 30 మంది ఉద్యోగులను తొలగించింది. రాబోయే నెలల్లో మరింత మందిని తొలగించాలని భావిస్తోంది. సంస్థాగత నిర్మాణాన్ని క్రమబద్ధీకరణ,  వనరుల కేటాయింపును ఆప్టిమైజ్ చేసే వ్యూహంలో భాగంగా తాజా నిర్ణయం తీసుకున్నట్టు తాజా నివేదికల ద్వారా తెలుస్తోంది.  (థ్యాంక్స్‌ టూ యాపిల్‌ స్మార్ట్‌ వాచ్‌, లేదంటే నా ప్రాణాలు: వైరల్‌ స్టోరీ) ఇదీ  చదవండి: తొలి జీతం 5వేలే...ఇపుడు రిచెస్ట్‌ యూట్యూబర్‌గా  కోట్లు, ఎలా?

తెలంగాణ రాష్ట్ర రోడ్డు ర‌వాణా సంస్థ (టిఎస్‌ఆర్టీసీ)కు ప్ర‌యాణీకులు దైవంతో సమానమని, టిక్కెట్ తీసుకుని ప్రయాణిస్తున్నవారిని   సుర‌క్షితంగా గ‌మ్య‌స్థానాల‌కు చేర్చాల్సిన బాధ్య‌త తమపై ఉంద‌ని సంస్థ వీసీ అండ్ ఎండీ శ్రీ వి.సి.స‌జ్జ‌న‌ర్‌, ఐ.పి.ఎస్ గారు అన్నారు. విధి నిర్వ‌హ‌ణ‌లో ప్ర‌యాణికుల‌కు మెరుగైన సేవ‌ల‌ను అందించ‌డమే కాదు వారిపట్ల మాన‌వ‌త్వంతో వ్యవహరించడంలోనూ సిబ్బంది స్ఫూర్తిదాయ‌కంగా నిలుస్తుండ‌టం శుభప‌రిణామ‌మ‌ని ఆయ‌న కొనియాడారు. బ‌స్సులో గుండెపోటుతో మ‌ర‌ణించిన ఓ ప్ర‌యాణికుడి మృత‌దేహాన్ని మాన‌వ‌తా దృక్ఫ‌థంతో వ్య‌వ‌హ‌రించి అదే బ‌స్సులో ఇంటికి చేర్చిన మ‌హ‌బూబాబాద్ డిపో కండ‌క్ట‌ర్ కె.నాగ‌య్య, డ్రైవ‌ర్ డి.కొముర‌య్య‌ల‌ను శ‌నివారం హైద‌రాబాద్‌లోని  బ‌స్‌భ‌వ‌న్‌లో అయన అభినందించారు. ప్రత్యేకించి ఆ స‌మ‌యంలో చొర‌వ తీసుకున్న మ‌హ‌బూబాబాద్ డిపో మేనేజ‌ర్ విజ‌య్ ను కూడా ప్ర‌శంసించి శాలువా, ప్ర‌శంసా ప‌త్రంతో పాటు ప్ర‌త్యేక బ‌హుమ‌తి అందించి వారి సేవ‌లు ప్రశంసనీయమన్నారు.  బ‌స్సులో మృతదేహాన్ని తరలించడంలో పెద్దమనసుతో సహకరించిన ప్రయాణికులకు  కూడా ఆయ‌న ప్రత్యేక కృతజ్ఞతలు తెలిపారు.  విధి నిర్వహణలో ఇలాంటి ఘ‌ట‌న‌లు జ‌రిగిన‌ప్పుడు స్పందించే గుణం సిబ్బందిలో ప్రతి ఒక్కరూ  కలిగి ఉండాలని ఈ సందర్భంగా గుర్తు చేశారు.   వివ‌రాల్లోకి వెళితే, మహబుబాబాద్‌ డిపోకు చెందిన బస్సు ఈ నెల 14న‌ సాయంత్రం ఖమ్మం నుంచి మహబుబాబాద్‌కు 52 మంది ప్రయాణికులతో బయలుదేరింది. కురవి మండలం మోదుగులగూడెనికి చెందిన కె.హుస్సేన్‌(57), బస్సు మైసమ్మ గుడి దగ్గరికి రాగానే నిద్రలోనే గుండెపోటుకు గురయ్యారు.  విషయం తెలుసుకున్న బస్సు కండక్టర్‌ కె.నాగయ్య, డ్రైవర్‌ కొమురయ్యలు సమయస్పూర్తితో వ్యవహారించారు. తోటి ప్రయాణికుల సాయంతో సీపీఆర్‌ నిర్వహించారు. లాభం లేకపోవడంతో 108కి సమాచారం అందించారు. అప్పటికే హుస్సేన్ మృతి చెందినట్లు వారు ధృవీకరించారు. మృతదేహాన్ని బాధితుడి స్వగ్రామానికి తీసుకెళ్లడానికి 108 సిబ్బంది నిరాకరించారు.  దీంతో కండక్టర్‌, డ్రైవర్ ఉన్నతాధికారుల దృష్టికి ఈ విషయాన్ని తీసుకెళ్లి.. బస్సులోనే 30 కిలోమీటర్లు మృతదేహాన్ని జాగ్రత్తగా ఇంటికి చేర్చారు. కండక్టర్, డ్రైవర్ల చొరవ అభినందనీయమని, సంస్థ వారిని చూసి ఎంతో గర్విస్తోందని సంస్థ‌ ఎండీ స‌జ్జ‌న‌ర్ చెప్పారు.   టిఎస్‌ఆర్టీసీ సిబ్బంది మానవతా దృక్పథంతో వ్యవహరించడం ద్వారా ప్రజలకు సంస్థపై విశ్వాసం పెరుగుతుందని ఆయ‌న పేర్కొన్నారు. సేవా  భావంతో వ్య‌వ‌హ‌రిస్తున్న సిబ్బందికి సంస్థ‌లో త‌ప్ప‌క గుర్తింపు ఉంటుంద‌న్నారు. 

లక్నో: దేశ ప్రజలకి షాక్కిస్తూ రూ. 2 వేల నోటు రద్దు చేస్తున్నట్లు రిజ‌ర్వ్ బ్యాంక్ ఆఫ్ ఇండియా ప్రకటించింది. అయితే సెప్టెంబ‌ర్ 30వ వ‌ర‌కు ఈ నోట్లు చ‌లామ‌ణిలో ఉంటుంద‌ని ఆర్బీఐ  స్ప‌ష్టం చేసిన సంగతి తెలిసిందే. దీంతో ప్రజలు తమ వద్ద ఉన్న రెండు వేల రూపాయలు నోట్ల మార్పిడికి తెగ ఇబ్బందులు పడుతున్నారు. బ్యాంకుల్లో మార్చుకోవాలంటే క్యూలైన్‌, కేవైసీ అంటూ గంటల సమయం పడుతున్న తరుణంలో ప్రత్యామ్నాయాల కోసం చూస్తున్నారు. ఈ క్రమంలో కొందరు బంగారం కొనుగోలు, షాపులో వస్తువుల కొనుగోలు ద్వారా 2 వేల నోటు మార్పిడికి ప్రయత్నిస్తున్నారు. అయితే కొంద‌రు వ్యాపారులు మాత్రం ప్రజల నుంచి రూ. 2 వేల నోటును స్వీకరించేందుకు ససేమిరా అంటున్నారు. ఇంకొందరైతే రెండు వేల రూపాయల నోటును తిరిగి ఇచ్చేసి తమ వస్తువులను మళ్లీ వెనక్కి కూడా తీసుకుంటున్నారు. తాజాగా ఈ తరహా ఘటనే ఉత్త‌ర‌ప్ర‌దేశ్‌లోని జ‌లౌన్ జిల్లాలో చోటు చేసుకుంది. ఓ వాహ‌న‌దారుడు పెట్రోల్ బంక్‌కు వెళ్లి త‌న స్కూటీలో పెట్రోల్ పోయించుకున్నాడు. అనంతరం బంకులోని సిబ్బందికి తన వద్ద ఉన్న రూ. 2 వేల నోటు ఇచ్చాడు. ఆ సిబ్బంది రెండు వేల రూపాయల నోటు వద్దని వేరే నోటు ఇవ్వాలంటూ కోరాడు. వాహనదారుడు తన వద్ద ఈ నోటు మాత్రమే ఉందని చెప్పాడు. దీంతో ఆ సిబ్బంది స్కూటీలో నింపిన పెట్రోల్‌ను పైపు స‌హాయంతో బ‌య‌ట‌కు తీశారు. ఈ ఘ‌ట‌న‌కు సంబంధించిన వీడియో సోషల్‌మీడియాలో వైర‌ల్ అవుతోంది. ఇది కేవలం ఉత్త‌ర‌ప్ర‌దేశ్‌లోనే కాదు పలు రాష్ట్రాల్లో కొందరు వ్యాపారులు ఇలాగే ప్రవర్తిస్తున్నారు. మరికొందరు బహిరంగంగానే రూ. 2 వేల నోటును స్వీక‌రించ‌బోమ‌ని బోర్డులు కూడా ఏర్పాటు చేశారు.   A petrol pump of Maharaja Chowk, Durg chattisgarh is denying acceptance of Rs 2000 Notes. Have 2000 notes lost their legal tender status? @RBI @FinMinIndia @nsitharaman pic.twitter.com/57FdunTURo — Tejas 🇮🇳 (@railmintejas) May 20, 2023 @DirMktg_iocl @DirMktg_iocl @IOCRetail @FinMinIndia @RBI @nsitharaman @PMOIndia This sign at an Indian Oil Petrol Pump says all about how and panic can be created with wrong understanding of simple withdrawal process for ₹2000 currency. Pl take care and inform your pumps. pic.twitter.com/Fe6DPWMVVr — nipunsheth (@nipunsheth2) May 21, 2023 చదవండి: కామన్‌వెల్త్‌, కర్రీ, క్రికెట్‌.. మన రెండు దేశాలను కలుపుతున్నాయి: మోదీ

సాక్షి, అమరావతి: ఓ వ్యక్తి నిర్భంధం విషయంలో వాస్తవాలను తేల్చేందుకు నియమితులైన అడ్వొకేట్‌ కమిషనర్, అతనికి సహాయంగా వెళ్లిన కోర్టు సిబ్బంది, ఇతరులను అనంతపురం జిల్లా హిందూపురం వన్‌టౌన్‌ సీఐ ఇస్మాయిల్‌ కొట్టిన ఘటనను హైకోర్టు తీవ్రంగా పరిగణించింది. ఈ ఘటనపై అనంతపురం జిల్లా జడ్జి ఇచ్చిన నివేదికను సుమోటో ప్రజాప్రయోజన వ్యాజ్యం (పిల్‌)గా మలిచింది. ప్రభుత్వ ప్రధాన కార్యదర్శి, హోంశాఖ ముఖ్య కార్యదర్శి, డీజీపీ, అనంతపురం రేంజ్‌ డీఐజీ, జిల్లా ఎస్పీ, సీఐ ఇస్మాయిల్‌ తదితరులను ప్రతివాదులుగా చేర్చింది. ఈ వ్యాజ్యంపై సోమవారం ప్రధాన న్యాయమూర్తి (సీజే) జస్టిస్‌ ప్రశాంత్‌ కుమార్‌ మిశ్రా నేతృత్వంలోని ధర్మాసనం విచారణ జరపనుంది. విచారణ కోసం వెళ్లగా.. హిందూపురానికి చెందిన దేవాంగం గిరీష్‌ అనే వ్యక్తి­ని అక్కడ పోలీసులు అక్రమంగా నిర్బంధించా­రంటూ దాఖలైన పిటిషన్‌పై విచారణ జరిపిన హిందూపురం ప్రిన్సిపల్‌ జూనియర్‌ సివిల్‌ జడ్జి కోర్టు సదరు పోలీస్‌ స్టేషన్‌కు వెళ్లి వాస్తవాలను పరి­శీలించి నివేదిక ఇచ్చేందుకు న్యాయవాది ఉదయ్‌­సిం­హారెడ్డిని అడ్వొకేట్‌ కమిషనర్‌గా నియమించింది. గిరీష్‌ అక్రమ నిర్బం­ధంలో ఉంటే తీసుకురావా­లని అడ్వొకేట్‌ కమిషనర్‌కు స్పష్టం చేసింది. 2022 అక్టోబర్‌ 21న ఉదయ్‌సింహారెడ్డి హిందూపురం వన్‌టౌన్‌ పోలీస్‌స్టేష­న్‌కు వెళ్లారు. అతనికి సహాయకులుగా కోర్టు సిబ్బంది, గిరీష్‌ తరఫు న్యా­య­వాది, అతని కుటుంబ సభ్యులు వెళ్లారు. గిరీష్‌ పోలీసుల నిర్భంధంలో ఉన్నా­రని, అతన్ని పోలీసులు కొట్టినట్టు అడ్వొకేట్‌ కమి­షనర్‌ గుర్తించారు. అతనికి తక్షణమే చికిత్స అవసరమని, కోర్టుముందు హాజరుపరిచేందుకు తనవెంట పంపాలని ఇన్‌స్పెక్టర్‌ను ఉదయ్‌సింహారెడ్డి కోరా­రు. ఇందుకు నిరాకరించిన ఇస్మాయిల్, అడ్వొకేట్‌ కమిషనర్‌తో పాటు అతని వెంట ఉన్న వారిపై చేయి చేసుకున్నారు. దీనిపై ప్రిన్సి­పల్‌ జూనియర్‌ సివిల్‌ జడ్జి సదరు ఇన్‌స్పెక్టర్‌ను వివరణ కోరారు. అయితే, సంతృప్తికరమైన సమాధానం ఇవ్వకపోవడంతో జడ్జి ఈ విషయాన్ని డీఐజీ దృష్టికి తీసుకొచ్చారు. అంతేకాక ఈ విషయాన్ని జిల్లా జడ్జి, హైకోర్టు దృష్టికి తీసుకెళ్లారు. జిల్లా జడ్జి సైతం హైకోర్టుకు ఓ నివేదిక పంపారు. ఈ సమయంలో అనంతపురం జిల్లా అడ్మినిస్ట్రేటివ్‌ జడ్జిగా ఉన్న హై­కోర్టు న్యాయమూర్తి జస్టిస్‌ బట్టు దేవా­న­ంద్‌ దీనిపై డీజీపీ వివరణ కోరాలని రిజిస్ట్రీని ఆదేశించారు. ఇది చాలా తీవ్రమైన వ్యవహారమని, ఇందులో న్యాయవ్యవస్థ ప్రతిష్ట ముడిపడి ఉన్నందున దీనిని సుమో­టో పిల్‌గా పరిగణించాలని, తగిన ఉత్తర్వుల నిమి­త్తం సీజే ముందుంచాలని జస్టిస్‌ దేవా­నంద్‌ రిజిస్ట్రీని ఆ­దేశించారు. ఆ తరువాత డీజీపీ స్పందిస్తూ.. బా­ధ్యుౖ­లెన పోలీసులకు శిక్ష విధించామని, రెండేళ్ల పా­టు ఇంక్రిమెంట్‌ను నిలుపుదల చేశామని కోర్టుకు నివేదించారు. జిల్లా జడ్జి నివేది­కను పరిశీలించిన హై­కోర్టు దీనిని సుమోటోగా పిల్‌గా పరిగణించాలని నిర్ణ­యించింది. ఆ మేరకు రిజిస్ట్రీకి ఆదేశాలు జారీ చేసింది. (చదవండి: బంగాళాఖాతంలో ఉపరితల ఆవర్తనం.. ఏపీకి వర్ష సూచన)

సాక్షి, కామారెడ్డి: ఎమ్మెల్యే, ప్రభుత్వ విప్ గంప గోవర్థన్‌ వివాదంలో చిక్కుకున్నారు. రైస్‌మిల్లు సిబ్బందిపై ఆయన చేయి చేసుకున్నారు. బిక్నూర్‌ మండలం పెద్దమల్లారెడ్డిలో ఘటన జరిగింది. తడిసిన ధాన్యం కొనుగోలు చేయడం లేదంటూ రైతుల ఫిర్యాదుతో ఎమ్మెల్యే రైస్‌మిల్లుకు వెళ్లారు. రైస్‌ మిల్లు సిబ్బంది సరైన సమాధానం ఇవ్వకపోవడంతో గంప గోవర్థన్‌ చెంప చెల్లుమనిపించారు. సోషల్‌ మీడియాలో ఎమ్మెల్యే వీడియో వైరల్‌గా మారింది. ఎమ్మెల్యే తీరుకు నిరసనగా  మిల్లులో మిల్లర్లు లోడింగ్‌ నిలిపివేశారు. మిల్లరతో  కలెక్టర్ సమావేశం ఏర్పాటు చేశారు. రైస్ మిల్లర్లకు క్షమాపణ చెప్పాలని విపక్షాల డిమాండ్‌ చేశారు. చదవండి: తెలంగాణ పాలిటిక్స్‌లో ట్విస్ట్‌.. పొంగులేటి కొత్త పార్టీ?

(హైదరాబాద్, గాందీఆస్పత్రి): చావుబతుకుల మధ్య తల్లిప్రాణం కొట్టుకుంటుంది.. ఆరుబయట చిన్నారి ఆకలితో అల్లాడుతున్నాడు. నేనున్నాను అనే భరోసా ఇవ్వాల్సిన వ్యక్తి తనకేమి పట్టనట్లు ఇద్దరినీ అలాగే వదిలేసి వెల్లిపోయాడు. ఆకలితో పాటు అమ్మకోసం ఏడుస్తున్న చిన్నారిని చేరదీసి, ఆకలి తీర్చి వెంటిలేటర్‌పై చికిత్స పొందుతున్న తల్లిని చూపించి మానవత్వం చాటుకున్నారు సికింద్రాబాద్‌ గాంధీ ఆస్పత్రి సెక్యూరిటీ సిబ్బంది. అందుకు సంబంధించిన వివరాలు ఇలా ఉన్నాయి. నిజామాబాద్‌ సలూరాకేంపు ప్రాంతానికి చెందిన గంగాధర్, మాధవి భార్యాభర్తలు. వీరికి ఆరేళ్ల బాబు సాతి్వక్‌ ఉన్నాడు. రెండవ కాన్పు కోసం ఈ నెల 1న మాధవి గాంధీ ఆస్పత్రిలో చేరింది. అదే రోజు ఆడశిశువు పుట్టిన వెంటనే చనిపోయింది. తీవ్ర అస్వస్థతకు గురై ప్రాణాపాయస్థితి చేరిన మాధవికి మెటరీ్నటీ ఇన్సెంటివ్‌ కేర్‌ యూనిట్‌ (ఎంఐసీయూ) లో వెంటిలేటర్‌పై చికిత్స అందిస్తున్నారు.  జాడలేని భర్త ఆచూకీ..  కారణం తెలియదు కానీ మాధవి భర్త గంగాధర్‌ ఈనెల 2వ తేదీన కుమారుడు సాతి్వక్‌ను గాంధీ ఆస్పత్రి ప్రాంగణంలో వదిలేసి వెల్లిపోయాడు. ఆకలితో అల్లాడుతూ అమ్మ కోసం రోధిస్తున్న చిన్నారిని గాంధీ సెక్యూరిటీ సిబ్బంది గమనించి అన్నం పెట్టి బుజ్జగించి ఆరా తీశారు. పలు వార్డులను తిప్పుగా వెంటిలేటర్‌పై అపస్మారకస్థితిలో ఉన్న అమ్మను చిన్నారి సాతి్వక్‌ గుర్తించాడు. కేస్‌ ట్‌లో ఉన్న గంగాధర్‌ సెల్‌ఫోన్‌ నంబరుకు కాల్‌ చేయగా స్విచ్చాఫ్‌ వస్తోంది. గాంధీ సెక్యూరిటీ సూపర్‌వైజర్‌ శివాజీ నేతృత్వంలో సిబ్బంది ఆంజనేయులు, శ్రీకాంత్, నర్సింహా, కళ్యాణ్, నాగరాజు, శివకుమార్, వరలక్ష్మీ, లావణ్య, అనురాధలు గత మూడు రోజులుగా చిన్నారి సాతి్వక్‌ను షిఫ్ట్‌డ్యూటీ ప్రకారం వంతుల వారీగా చేరదీసి అన్నం పెట్టి ఆకలి తీర్చి అమ్మను మరిపిస్తున్నారు.  ప్రాణాపాయస్థితిలో చికిత్స పొందుతున్న మాధవికి రోగి సహాయకులు లేకపోవడంతో  మెడికో లీగల్‌ కేసు (ఎంఎల్‌సీ)గా పరిగణించి వైద్యసేవలు అందిస్తున్నామని వైద్యులు తెలిపారు. మాధవి కుటుంబసభ్యులకు సమాచారం అందించేందుకు ఆధారంగా ఉన్న ఫోన్‌ నంబరు కాల్‌ చేస్తే స్విచ్ఛాఫ్‌ వస్తోందన్నారు. చిన్నారిని చేరదీసి మానవత్వం చాటుకున్న సెక్యూరిటీ సిబ్బందిని గాంధీ సూపరింటెండెంట్‌ రాజారావు, జీడీఎక్స్‌ సెక్యూరిటీ సంస్థ ప్రతినిధి రవికుమార్‌లతోపాటు పలువురు వైద్యులు, రోగి సహాయకులు అభినందిస్తున్నారు. 

సాక్షి, అమరావతి: రాష్ట్రంలో పదో తరగతి పబ్లిక్‌ పరీక్షల్లో 26 కేటగిరీల్లో విధులు నిర్వర్తించే అధికా­రులు, సిబ్బందికి చెల్లించే రెమ్యునరేషన్‌ పెంచుతూ రాష్ట్ర ప్రభుత్వం నిర్ణయం తీసుకుంది. ఈ మేరకు పాఠశాల విద్యాశాఖ ముఖ్య­కార్యదర్శి ప్రవీణ్‌ ప్రకాశ్‌ గురువారం ఉత్త­ర్వులు (జీవో 37) విడు­దల చేశారు. పరీక్షల నిర్వ­హణతో పాటు స్పాట్‌ వా­ల్యుయేషన్‌ (మూల్యాంకనం)లో పాల్గొనే వారంద­రి రెమ్యు­నరేషన్‌ను ప్ర­భు­­త్వం పెంచింది. ఎమ్మెల్సీ, వరీక్షల డైరెక్టర్‌ హర్షం ఉత్తర్వులు ఇచ్చి­నందుకు సీఎం వైఎస్‌ జగన్, విద్యాశాఖ మంత్రి బొత్స సత్యనారా­యణకు ఎమ్మెల్సీ టి.కల్పలత కృతజ్ఞతలు తెలిపారు. అలాగే తమ డైరెక్టరేట్‌ తరఫున కృతజ్ఞతలు తెలి­యచేస్తున్నట్లు ప్రభుత్వ పరీక్షల డైరెక్టర్‌ డి.దేవానందరెడ్డి పేర్కొ­న్నా­రు. 2016 తరువాత రెమ్యునరేషన్‌ ఇప్పుడే పెరిగిందని పీఆర్టీయూ రాష్ట్ర అధ్య­క్షుడు గిరిప్రసాద్‌రెడ్డి, ప్రధాన కార్యదర్శి శ్రీధర్‌­రెడ్డి తెలిపారు. ఈ నిర్ణయం పట్ల వైఎ­స్సా­ర్‌టీఎఫ్‌ నేత జాలిరెడ్డి ధన్య­వాదాలు తెలిపారు. చదవండి: ఏపీ ప్రజలకు అలర్ట్‌.. అప్రమత్తంగా ఉండాల్సిందే.. ఈ రోజు 48 మండలాల్లో..

బార్‌లో సిబ్బందికి, కస్టమర్లకు మధ్య తీవ్ర వాగ్వాదం చోటు చేసుకుంది. అందుకు సంబంధించిన వీడియో నెట్టింట తెగ వైరల్‌ అయ్యింది. దీంతో రంగంలోకి దిగిన పోలీసులు ఆ ఘటనకు సంబంధించి పదిమందిని అరెస్టు చేశారు. ఈ ఘటన ముంబైలోని బార్‌లో చోటు చేసుకుంది. పోలీసులు తెలిపిన కథనం ప్రకారం..నిన్న సాయంత్రం ముంబై బార్‌ సిబ్బందికి కస్టమర్ల మధ్య తీవ్ర వాగ్వాదం చోటు చేసుకుంది. దీంతో ఇరు వర్గాలు ఒకరినొకరు చెప్పుతో కొట్టుకోవడం, కుర్చీలు విసురుకోవడం వంటివి చేశారు. అందుకు సంబంధించిన వీడియో నెట్టింట హల్‌చల్‌ చేయడంతో పోలీసులు సంఘటనా స్థలానికి చేరుకుని ఏడుగురు సిబ్బందిని, ముగ్గురు కస్టమర్లను అరెస్టు చేశారు. ఈ ఘటనకు గల కారణాలు తెలియాల్సి ఉందన్నారు. ఈ మేరకు తాము కేసు నమోదు చేసి దర్యాప్తు చేస్తున్నట్లు తెలిపారు.  Mumbai Bar Brawl Caught On Camera, 10 Arrested Read here: https://t.co/djgS4TaDUJ pic.twitter.com/3nTUca4O7f — NDTV Videos (@ndtvvideos) April 8, 2023 (చదవండి: కర్ణాటకలో కాంగ్రెస్‌దే హవా! శరద్‌ పవార్‌)

సాక్షి, హైదరాబాద్‌: అగ్ని ప్రమాదాలతోపాటు ఇతర అత్యవసర పరిస్థితులు, విపత్తుల సమయంలో వెంటనే రంగంలోకి దిగేలా సుశిక్షితులైన 50 మంది అగ్నిమాపక శాఖ అధికారులు, సిబ్బందితో ప్రత్యేక దళాన్ని ఏర్పాటు చేయనున్నట్టు రాష్ట్ర అగ్నిమాపకశాఖ డీజీ నాగిరెడ్డి తెలిపారు. నేషనల్‌ డిజాస్టర్‌ రెస్పాన్స్‌ ఫోర్స్‌ (ఎన్‌డీఆర్‌ఎఫ్‌) తరహాలో ఉండే ఈ బృందానికి అన్నిరకాల అంశాల్లో ప్రత్యేక శిక్షణ అందిస్తామని వెల్లడించారు. ఈ బృందం హైదరాబాద్‌ కేంద్రంగా పనిచేస్తుందని తెలిపారు. అగ్నిమాపకశాఖ సిబ్బందికి ఇస్తున్న శిక్షణ, అందుబాటులో ఉన్న ఫైర్‌ ఫైటింగ్‌ పరికరాలు, అగ్నిప్రమాదాల నియంత్రణకు అగ్నిమాపక శాఖ ఆధ్వర్యంలో నిర్వహిస్తున్న అవగాహన కార్యక్రమాలు తదితర అంశాలను శనివారం ఏర్పాటు చేసిన ప్రత్యేక కార్యక్రమంలో డీజీ నాగిరెడ్డి, అగ్నిమాపక శాఖ డైరెక్టర్‌ లక్ష్మి ప్రసాద్, రీజినల్‌ ఫైర్‌ ఆఫీసర్‌ పాపయ్య, ఫైర్‌ అకాడమీ డిప్యూటీ డైరెక్టర్‌ ప్రసన్న కుమార్‌తో కలిసి వివరించారు. తొలుత అగ్నిప్రమాదం జరిగినప్పుడు మంటలను ఆర్పేందుకు వినియోగించే పరికరాలు, బ్రాంటో స్కైలిఫ్ట్‌ పనితీరును మాదాపూర్‌ ఫైర్‌ స్టేషన్‌లో అధికారులు వివరించారు. అనంతరం బహుళ అంతస్తుల్లో నిర్మితమవుతున్న అరబిందో భవనం, గోపన్‌పల్లిలోని హానర్స్‌ హోమ్స్‌ భవనంలో ఫైర్‌ సేఫ్టీ కోసం ఏ వ్యవస్థ ఏర్పాటు చేశారన్నది ప్రయోగాత్మకంగా పరిశీలించి చూపారు. వట్టినాగులపల్లి అగ్నిమాపకశాఖ శిక్షణ కేంద్రంలో సిబ్బందికి ఇస్తున్న శిక్షణ, ఏర్పాటు చేసిన వ్యవస్థను సైతం డీజీ నాగిరెడ్డి వివరించారు.   అగ్నిప్రమాదాల నియంత్రణకు సంసిద్ధం  వేసవిలో ఎదురయ్యే అగ్నిప్రమాదాలను నియంత్రించేందుకు అగ్నిమాపకశాఖ సన్నద్ధంగా ఉందని నాగిరెడ్డి మీడియాతో మాట్లాడుతూ తెలిపారు. రాష్ట్రవ్యాప్తంగా ఉన్న 137 ఫైర్‌స్టేషన్లలో అన్ని రకాలు కలిపి 400కుపైగా ఫైర్‌ వాహనాలు అందుబాటులో ఉన్నాయన్నారు. ఫైర్‌ సేఫ్టీ పరికరాలు పనిచేయకపోవడంతోనే స్వప్నలోక్‌ భవనంలో అగ్నిప్రమాదం సంభవించి ప్రాణనష్టం జరిగిందని గుర్తు చేశారు. షార్ట్‌సర్క్యూట్‌ కారణంగానే ఎక్కువ అగ్నిప్రమాదాలు జరుగుతున్నాయని తెలిపారు. ఫైర్‌ ఫైటింగ్‌ కోసం రోబోలు, డ్రోన్లను వినియోగించేలా ప్రణాళికలు ఉన్నాయని, మరో ఏడాదిలో ఇవి అమల్లోకి తెచ్చేందుకు ప్రయత్నిస్తామని వెల్లడించారు. అగ్నిప్రమాదాల నియంత్రణలో భాగంగా ప్రైవేటు సెక్యూరిటీ సిబ్బందికి సైతం శిక్షణ ఇస్తున్నట్టు తెలిపారు. అగ్నిమాపక సిబ్బందికి సైతం ఆరోగ్య భద్రత సదుపాయం కల్పించే అంశాన్ని ప్రభుత్వం దృష్టికి తీసుకెళతామని నాగిరెడ్డి వెల్లడించారు. ఈ సందర్భంగా ఫైర్‌సిబ్బంది నిర్వహించిన మాక్‌డ్రిల్‌లో పలురకాల అగ్నిప్రమాదాలను ఎలా నియంత్రిస్తారన్నది ప్రయోగాత్మకంగా చూపారు.

అంతర్జాతీయంగా ఆర్థిక అనిశ్చితి, మరోవైపు ఆర్థిక మాంద్యం భయాలు వెరసి కంపెనీలకు కునుకు లేకుండా చేస్తోంది. దీంతో దిగ్గజ సంస్థలు సైతం లేఆఫ్‌ల మంత్రం అనుసరిస్తున్నాయి. ఇప్పటికే చాలా కంపెనీలు ఖర్చులు తగ్గించుకునే చర్యల్లో భాగంగా తమ సిబ్బందిని తగ్గించుకుంటూ పోతున్నాయి. ఈ జాబితాలో ప్రముఖ ఈ కామర్స్‌ సంస్థ అమెజాన్‌ కూడా చేరింది. ప్రపంచవ్యాప్తంగా జరగుతున్న పరిణామాలు, కంపెనీ నష్టాలను తగ్గించుకునేందుకు సంస్థలోని 18వేల మంది ఉద్యోగులను తొలగించనున్నట్లు అమెజాన్‌ ప్రకటించింది. గతంలో కూడా  ఈ దిగ్గజ ఈ కామర్స్‌ సంస్థ ఉద్యోగులను ఇంటికి సాగనంపిన సంగతి తెలిసిందే. 18 వేల మంది తొలగింపు ‘ఉద్యోగుల తొలగింపులు ఉంటాయని మేము నవంబర్‌లోనే ప్రకటించాము. ప్రస్తుతం 18,000 సిబ్బందిని తొలగించాలని ప్లాన్ చేస్తున్నామని’ సీఈఓ ఆండీ జాస్సీ ఒక ప్రకటనలో తెలిపారు. జాస్సీ మాట్లాడుతూ.. ఈ ఉద్యోగాల తొలగింపు చాలా మందిని ప్రభావితం చేస్తాయని తెలుసు, కానీ కంపెనీ భవిష్యత్తును దృష్టిలో పెట్టుకుని ఈ నిర్ణయం తీసుకున్నట్లు చెప్పారు. ఈ లేఆఫ్‌లు వల్ల ప్రభావితమైన వారికి సపోర్ట్‌ ఇచ్చేందుకు కంపెనీ సహకరిస్తుందన్నారు. వారి చెల్లింపులు, ఆరోగ్య బీమా ప్రయోజనాలు, వేరే కంపెనీలో ఉద్యోగం కోసం కావాల్సిన సపోర్ట్‌ వంటి ప్యాకేజీలను అందిస్తున్నామని చెప్పారు. కొన్ని తొలగింపులు యూరప్‌లో ఉంటాయని, జనవరి 18 నుంచి ఎవరని తొలగించారనేది తెలుస్తుందని జాస్సీ చెప్పారు. ప్రస్తుతం 3 లక్షల మంది ఉద్యోగులుండగా.. తాజా నిర్ణయాలతో 6 శాతం మంది ఉద్యోగులు ఇంటి బాటపట్టనున్నారు. చదవండి: గుడ్‌న్యూస్‌ చెప్పిన రైల్వే శాఖ.. జనరల్‌ టికెట్‌ కోసం క్యూలో నిలబడక్కర్లేదు!  

సాక్షి, అమరావతి: రైతుబజార్ల సిబ్బంది వేతనాలను పెంచుతూ ప్రభుత్వం ఉత్తర్వులు జారీ చేసింది. ప్రస్తుతం ఇస్తున్న జీతాలను 23 శాతం పెంచింది. ఈ మేరకు వ్యవసాయ మార్కెటింగ్‌ శాఖ ముఖ్య కార్యదర్శి చిరంజీవి చౌదరి ఆదేశాలు జారీచేశారు. రాష్ట్రవ్యాప్తంగా 100 రైతుబజార్లు ఉన్నాయి. ప్రతి రైతు బజారుకు ఓ ఎస్టేట్‌ ఆఫీసర్, సెక్యూరిటీ గార్డు ఉన్నారు. ఆదాయాన్ని బట్టి కొన్నింటిలో సూపర్‌వైజర్లు కూడా ఉన్నారు. ఎస్టేట్‌ ఆఫీసర్లు లేని చోట సూపర్‌వైజర్లు విధులు నిర్వర్తిస్తుంటారు. ప్రస్తుతం 75 మంది ఎస్టేట్‌ ఆఫీసర్లు, 28 మంది సూపర్‌వైజర్లు, 212 మంది సెక్యూరిటీ గార్డులు, మరో ఐదుగురు హార్టికల్చర్‌ అసిస్టెంట్లు (సూపర్‌వైజర్లు) ఉన్నారు. వీరిలో 188 మంది కాంట్రాక్టు, 132 మంది అవుట్‌సోర్సింగ్‌లో పనిచేస్తున్నారు. వీరి జీతాల కోసం ప్రతి నెలా రూ.57 లక్షలు, రైతు బజార్ల నిర్వహణకు మరో రూ.50 లక్షల వరకు ఖర్చవుతుంది. 2021వరకు స్థానిక మార్కెట్‌ కమిటీలే ఈ ఖర్చులు భరించేవి. ప్రభుత్వ చర్యల ఫలితంగా 76 రైతుబజార్లు స్వయం సమృద్ధి సాధించాయి. ఏటా రూ.11.87 కోట్ల వార్షికాదాయాన్ని ఆర్జిస్తున్నాయి. మిగిలిన రైతుబజార్లు కూడా స్వయం సమృద్ధి సాధించే దిశగా అడుగులు వేస్తున్నాయి. కాగా, రైతుబజార్లలో రైతులు, వినియోగదారుల మధ్య వారధిలా పనిచేస్తున్న సిబ్బంది జీతాలను పెంచాలని ముఖ్యమంత్రి వైఎస్‌ జగన్‌మోహన్‌రెడ్డి ఇటీవల నిర్ణయం తీసుకున్నారు. ఆ మేరకు జీతభత్యాలను పెంచుతూ ఉత్తర్వులు జారీ చేశారు. విశాఖపట్నం, విజయవాడ, గుంటూరు నగరాల్లోని రైతుబజార్ల ఎస్టేట్‌ ఆఫీసర్లకు రూ.21 వేల నుంచి రూ.26 వేలకు, సూపర్‌వైజర్లకు రూ.15 వేల నుంచి రూ.18,500కు వేతనాలు పెరగనున్నాయి. మిగిలిన కార్పొరేషన్లు, పట్టణాలు, ఇతర ప్రాంతాల్లోని రైతుబజార్లలో ఎస్టేట్‌ ఆఫీసర్లకు రూ.19,500 నుంచి రూ.24 వేలకు, సూపర్‌వైజర్లకు రూ.12 వేల నుంచి రూ.15 వేలకు పెరగనున్నాయి. ప్రాంతాలతో సంబంధం లేకుండా సెక్యూరిటీ గార్డుల వేతనం రూ.12 వేల నుంచి రూ.15 వేలకు పెంచుతూ ప్రభుత్వం ఉత్తర్వులు జారీ చేసింది. ఈ పెంపును డిసెంబర్‌ నెల నుంచి అమలులోకి తీసుకొచ్చేందుకు కసరత్తు చేస్తున్నారు. చదవండి: సీఎం జగన్ కీలక ప్రకటన   

టాటా గ్రూప్‌.. ఈ సంస్థకు ఉన్న పేరు ప్రఖ్యాతలు, మార్కెట్లో వాటికున్న గుర్తింపు గురించి ప్రత్యేకంగా చెప్పక్కర్లేదు. ఒక వ్యాపారంలో అడుగుపెడితే తమ సం​స్థ మార్క్‌ పని తీరుతో లాభాల బాట పట్టించడం టాటా గ్రూప్‌ ప్రత్యేకత. ఇటీవల భారీ నష్టాల్లో ఉన్న ఎయిర్‌ ఇండియాను ఈ సం​స్థ స్వాధీనం చేసుకున్న సంగతి తెలిసిందే. ప్రస్తుతం ఈ సంస్థను కూడా మిగిలిన సంస్థల మాదిరి లాభాలవైపు నడిపేందుకే వ్యూహాలు రచిస్తోంది టాటా గ్రూప్‌. ఈ క్రమంలోనే యాజమాన్యంలో ఎయిర్‌ ఇండియా కొత్త రూపు సంతరించుకుంటోంది. అందులో భాగంగానే తాజాగా విమానాల్లో పనిచేసే క్యాబిన్‌ క్రూ, సిబ్బంది అంతర్జాతీయ ప్రమాణాలకు ధీటుగా ఉండేలా వారి ఆహార్యంలో మార్పులు తీసుకొస్తోంది. ఈ క్రమంలోనే పురుషులు, మహిళా సిబ్బంది వస్త్రధారణకు కొత్త మార్గదర్శకాలు రూపొందించింది. అందులో కొన్నింటిని తెలుసుకుందాం.. పురుషుల కోసం ►హెయిర్ జెల్ వాడకం తప్పనిసరి. ► బట్టతల లేదా జుట్టు ఎక్కువగా ఊడిపోయిన వారు పూర్తిగా గుండు చేయించుకోవాలి. ఇ​క ప్రతి రోజూ షేవ్‌ చేసుకుంటూ ఉండాలి. ►తెల్లవెంట్రకలు ఉన్నవారు సహజ సిద్దంగా ఉండేలా వారి జుట్టుకు రంగు వేసుకోవాలి. ఫ్యాషన్‌ రంగులు, హెన్నా వంటివి వేసుకోకూడదు. మహిళల కోసం ►ముత్యాల చెవిపోగులు ధరించకూడదు. ఫ్లైట్ అటెండెంట్‌లు డిజైన్ లేకుండా బంగారం లేదా డైమండ్ ఆకారపు చెవిపోగులు మాత్రమే ధరించాలి. ►రింగ్స్ వెడల్పు 1 cm కంటే ఎక్కువగా ఉండకూడు. అది కూడా చేతికి ఒకటి మాత్రమే. ►అమ్మాయిలు కూడా జుట్టు నెరిసిపోతే సహజ షేడ్స్‌ లేదా కంపెనీ హెయిర్‌ కలర్‌ షేడ్‌ కార్డ్‌లో ఉండే రంగు వేసుకోవాలి. చదవండి: షాకింగ్: గూగుల్ పే, పోన్‌పేలాంటి యాప్స్‌లో ఇక ఆ లావాదేవీలకు చెక్‌?

సాక్షి, హైదరాబాద్‌: రాష్ట్ర ప్రభుత్వానికి కాసులు కురిపించే రిజిస్ట్రేషన్ల శాఖలో చాలా మంది అధికారులు, సిబ్బంది ఏళ్ల తరబడి ఒకేచోట తిష్టవేసుకొని కూర్చుంటున్నారు. తమకు కాసుల పంట పండుతుండటంతో కొందరు డిప్యుటేషన్ల గడువు ముగిసినా సీట్ల నుంచి కదిలేదేలే అన్నట్లుగా వ్యవహరిస్తున్నారు. ఒక జిల్లా కేంద్రంలో జాయింట్‌ సబ్‌రిజిస్ట్రార్‌ పదేళ్లుగా అక్కడే పనిచేస్తుండగా మరో జిల్లా కేంద్రంలోని ఓ సబ్‌రిజిస్ట్రార్‌కు పోస్టింగ్‌ ఇచ్చి ఏకంగా 11 ఏళ్లు అవుతున్నా ఇప్పటిదాకా బదిలీ కాలేదు. ఇన్‌చార్జి సబ్‌రిజిస్ట్రార్‌లుగా పనిచేస్తున్న వారు సైతం పదోన్నతులు పొందినా ప్రస్తుత స్థానాలను వదలడం లేదు. ఆయా సబ్‌ రిజిస్ట్రార్లు, సిబ్బందిపై తీవ్రస్థాయిలో అవినీతి ఆరోపణలు వస్తున్నా రాజకీయ అండదండలతో అవే సీట్లలో కొనసాగుతున్నారు. దీంతో ఆమ్యామ్యాలు లేనిదే డాక్యుమెంట్‌ రిజిస్ట్రేషన్లు జరగడం లేదని ప్రజలు ఆవేదన చెందుతున్నారు.  దొడ్డిదారి.... పైరవీల రహదారి  రాష్ట్రవ్యాప్తంగా 25 మంది వరకు డిప్యుటేషన్లపై కొనసాగుతుండగా ఇటీవలే బంజారాహిల్స్, నార్సింగి, ఉప్పల్, మహబూబ్‌నగర్‌ సబ్‌రిజిస్ట్రార్ల డిప్యుటేషన్లను ప్రభుత్వం రద్దు చేస్తూ తాజాగా ఉత్తర్వులిచ్చింది. ఇలాంటి కార్యాలయాల్లో పోస్టింగుల కోసం పెద్ద ఎత్తున పైరవీలు, రాజకీయ ఒత్తిళ్లు సర్వసాధారణం అయిపోయాయి. సబ్‌ రిజిస్ట్రార్‌లుగా డిప్యుటేషన్, ఇన్‌చార్జి పోస్టింగుల కోసం ప్రభుత్వ పెద్దలపై ఒత్తిళ్లు ఎక్కువయ్యాయని తెలుస్తోంది. డిప్యుటేషన్‌ పోస్టింగుల కోసం పైరవీలు చేసిన వారే మళ్లీ వాటి రద్దు కోసం ప్రయత్నాలు చేయడం, కీలక బాధ్యతల్లో ఉన్న ఓ మంత్రిపై ఒత్తిడి చేస్తుండటం ఇప్పుడు రిజిస్ట్రేషన్ల శాఖ వర్గాల్లో హాట్‌టాపిక్‌గా మారింది. అలాగే జిల్లా రిజిస్ట్రార్‌ పోస్టింగుల కోసం కూడా పెద్ద ఎత్తున పైరవీలు జరుగుతున్నాయని, హైదరాబాద్‌ చుట్టుపక్కల జిల్లాలు, రిజిస్ట్రేషన్‌ లావాదేవీలు ఎక్కువగా జరిగే జిల్లాల్లో డీఆర్‌ పోస్టింగుల కోసం కూడా ప్రభుత్వ పెద్దలపై అధికారులు ఒత్తిళ్లు తెస్తున్నారనే చర్చ రిజిస్ట్రేషన్ల శాఖలో జరుగుతోంది.  బదిలీలు ఏమయ్యాయి?  రిజిస్ట్రేషన్ల శాఖలో బదిలీలు జరిగి దశాబ్ద కాలం అవుతోంది. ఉమ్మడి రాష్ట్రంలో 2013లో సబ్‌రిజిస్ట్రార్ల సాధారణ బదిలీలు జరగ్గా మియాపూర్‌ భూ కుంభకోణం తర్వాత 2017లో కొందరిని బదిలీ చేశారు. ఆ తర్వాత ఇటీవల జరిగిన లోకల్‌ కేడర్‌ అలాట్‌మెంట్‌లో భాగంగా సీనియారిటీ ప్రాతిపదికన కొన్ని పోస్టులు అటూఇటు అయ్యాయి. అవి కూడా చాలా తక్కువ సంఖ్యలోనే. ఇక కిందిస్థాయి సిబ్బంది బదిలీలు 2010 తర్వాత జరగనేలేదు. అధికారులు, సిబ్బంది బదిలీల కోసం కొన్ని నెలల కిందటే కసరత్తు పూర్తి చేసిన ప్రభుత్వం దానిపై నిర్ణయం మాత్రం తీసుకోకపోవడం గమనార్హం. సుదీర్ఘకాలంగా బదిలీలు జరగకపోవడంతోనే డిప్యుటేషన్ల కోసం పైరవీలు, ఇన్‌చార్జీల పాలన నడుస్తోందని.. వెంటనే రిజిస్ట్రేషన్ల శాఖలో బదిలీలు చేపట్టాలనే డిమాండ్‌ వినిపిస్తోంది.  లంచాలివ్వకుంటే అన్నీ కొర్రీలే...  చాలాకాలంగా ఒకేచోట పనిచేస్తున్న సబ్‌రిజిస్ట్రార్‌లలో కొందరు తమకు ‘రావాల్సినవి’అందిన డాక్యుమెంట్లు... ఏజెంట్లు తీసుకొచ్చే డాక్యుమెంట్ల విషయంలో ఒకలాగా, మిగిలిన డాక్యుమెంట్ల విషయంలో మరోలాగా వ్యవహరిస్తున్నారనే ఆరోపణలున్నాయి. ఇదేమంటే రిజిస్ట్రేషన్ల చట్టంలోని ఏదో ఒక రూల్‌ చెప్పి కొర్రీ వేయడం వారికి పరిపాటిగా మారింది. నాలుగు సార్లు ఏదో రకంగా వెనక్కు పంపిస్తే ఐదోసారి తమకు కావాల్సినవి ముట్టజెప్తారనే ధోరణిలోనే సబ్‌రిజిస్ట్రార్లు పనిచేస్తున్నారని, ముట్టిన తర్వాత చట్టాలు ఎలా ఉన్నా పని అయిపోతుందనే చర్చ బహిరంగ రహస్యమే.   

న్యూఢిల్లీ: లగ్జరీ కార్‌ మేకర్‌, అమెరికాకుచెందిన ఫోర్ట్‌ పెద్ద సంఖ్యలో ఉద్యోగులపై వేటు వేసింది.  దాదాపు 3 వేలమందికి పైగా ఉద్యోగులను  తొలగించినట్టు అధికారికరంగా ఫోర్డ్‌ ధృవీకరించింది. ఉద్యోగాల కోత సెప్టెంబరు 1 నుంచి అమల్లోకి వస్తుందని ఫోర్డ్‌ అధికార ప్రతినిధి తెలిపారు.  (‘ఆడి’ లవర్స్‌కు అలర్ట్‌: నెక్ట్స్‌ మంత్‌ నుంచి) ఎగ్జిక్యూటివ్ ఛైర్మన్ బిల్ ఫోర్డ్ ,చీఫ్ ఎగ్జిక్యూటివ్ జిమ్ ఫార్లీ సంతకం చేసిన ఇమెయిల్‌ పోస్ట్‌ చేసిందని వాల్ స్ట్రీట్ జర్నల్ నివేదించింది.  3వేల మంది ఉద్యోగులు, మరికొంతమంది కాంట్రాక్ట్ కార్మికులను తొలగించినట్టు ఫోర్ట్‌ తెలిపింది. ఈ మేరకు ఫోర్డ్ ఉద్యోగులకు అంతర్గత ఇమెయిల్ సమాచారం అందించింది. ఈ కోతలు ప్రధానంగా అమెరికా, కెనడా, ఇండియాలోని సిబ్బందిని ప్రభావితం చేసింది. (జొమాటో తన కస్టమర్లకు షాకిచ్చిందిగా... కానీ ఇక్కడో ట్విస్ట్‌) ఫోర్డ్‌లో చాలామంది ఉద్యోగులున్నారని, ఎలక్ట్రిక్, కొత్త సాఫ్ట్‌వేర్‌ వాహనాల పోర్ట్‌ఫోలియోకు మారడానికి అవసరమైన నైపుణ్యం ప్రస్తుతం ఉన్న ఉద్యోగులకు లేదని ఫార్లే ఇటీవల చెప్పారు. 2026 నాటికి 3 బిలియన్ డాలర్ల వార్షిక వ్యయాలను తగ్గించుకోవాలని లక్ష్యంగా పెట్టుకున్నట్టు కూడా వెల్లడించడం గమనార్హం. అప్పటికి 10 శాతం ప్రీ-టాక్స్ ప్రాఫిట్‌ మార్జిన్‌ను చేరుకోవాలని, గత ఏడాది ఇది 7.3 శాతంగా ఉందని చెప్పారు న్యూటెక్నాలజీకి మారడం, వాహనాల అధునాతన సాఫ్ట్‌వేర్‌ అభివృద్ధి లాంటి పరిణామాల నేపథ్యంలో నిర్వహణా విధానాన్ని మారుస్తోందని పరిశ్రమ వర్గాలు భావిస్తున్నాయి. 

లక్నో: రైల్వే ప్యాంట్రీ సిబ్బంది దాష్టికానికి తెగపడ్డారు. కదిలే రైలు నుంచి ఓ వ్యక్తిని బయటకు తోసేశారు. వాటర్‌ బాటిల్‌ విషయంలో అతను వాళ్లతో వాగ్వాదానికి దిగగా.. పాన్‌ మసాలా రైలులో ఉమ్మేశాడంటూ సిబ్బంది అతనిపై దాడికి దిగారు. ఉత్తర ప్రదేశ్‌ లలిత్‌పూర్‌ దగ్గర శనివారం ఈ ఘటన చోటు చేసుకుంది.  వాటర్‌ బాటిల్‌ విషయంలో చెలరేగిన గొడవ.. చిలికి చిలికి దుమారం రేపింది. ఆ కోపంలో సిబ్బంది.. సదరు ప్రయాణికుడిపై కక్ష కట్టారు. పాన్‌ మసాలా ఉమ్మేశాడంటూ గొడవ పెట్టుకుని.. చితకబాది బయటకు తోసేశారు. రవి యాదవ్‌(26) అనే వ్యక్తి తన సోదరితో కలిసి రప్తిసాగర్‌ ఎక్స్‌ప్రెస్‌లో ప్రయాణిస్తున్నాడు. జిరోలి దగ్గరకు చేరుకోగానే ప్యాంట్రీ స్టాఫ్‌తో అతనికి గొడవ మొదలైంది. వాటర్‌ బాటిల్‌ కొనుగోలు మొదలై.. రైలులో పాన్‌ మసాలా ఉమ్మేశారనే కారణంతో గొడవ పెద్దది అయ్యింది. ఈ తరుణంలో లలిత్‌పూర్‌ స్టేషన్‌ దగ్గర రవి యాదవ్‌ సోదరిని సిబ్బంది దించేశారు. అయితే అతన్ని మాత్రం దిగకుండా అడ్డుకున్నారు. ఈలోపు రైలు కదిలింది. బలవంతంగా అతన్ని ఆపేసి.. రైలులోనే దాడి చేశారు. ఆపై అతన్ని పట్టాలపైకి విసిరేశారు. స్థానికులు రవిని గమనించి.. ఆస్పత్రికి తరలించారు. ప్రాణపాయ స్థితి నుంచి బయటపడినట్లు ఝాన్సీ పోలీసులు వెల్లడించారు. రవి ఫిర్యాదు మేరకు ప్యాంట్రీ సిబ్బందిపై కేసు నమోదు చేసుకుని.. ఒకరిని అరెస్ట్‌ చేశారు. ఈ కేసులో ఇంకా దర్యాప్తు కొనసాగుతూనే ఉంది.

ఆఫీసుల్లో పనిచేసే ఉద్యోగుల్లో కొందరు అప్పుడప్పుడు బల్లల మీదే తలవాల్చి కునుకుతీసే సందర్భాలు మామూలే! ముఖ్యంగా మధ్యాహ్నం వేళల్లో ఇలాంటి దృశ్యాలు సర్వసాధారణం. మధ్యాహ్నంపూట కాస్త కునుకు తీస్తే, మెదడు చురుకుదేరి పనితీరు మెరుగుపడుతుందని ప్రపంచవ్యాప్తంగా శాస్త్రవేత్తలు చాలాకాలంగా చెబుతున్నారు. అయినా, పనివేళల్లో ఉద్యోగులు కునుకుతీయడానికి తగిన ఏర్పాట్లు ఏ ఆఫీసులోనూ కనిపించవు. జపాన్‌లోని కొన్ని సంస్థలు పనివేళల్లో కునుకుతీయడానికి ఉద్యోగులకు అవకాశం కల్పించడానికి నడుం బిగించాయి. ఇందుకోసం ఇలా ‘నిద్రాపేటికలు’ (స్లీప్‌బాక్సెస్‌) తయారు చేశాయి. పని మధ్యలో ఎవరికైనా నిద్రవస్తే, నిరభ్యంతరంగా వీటిలోకి దూరిపోయి, నిలబడే కునుకు తీసుకోవచ్చు. వీటిలో కునుకుతీసేటప్పుడు తల, మోకాళ్లు సౌకర్యవంతంగా ఉండేలా ఏర్పాటు చేయడం విశేషం.

ముంబై: కాంట్రాక్టు కార్మికులు (ఫ్లెక్సీ స్టాఫ్‌) 2.27 లక్షల మందికి గత ఆర్థిక సంవత్సరంలో (2021–22) ఉపాధి కల్పించినట్టు ఇండియన్‌ స్టాఫింగ్‌ ఫెడరేషన్‌ (ఐఎస్‌ఎఫ్‌) వార్షిక నివేదిక వెల్లడించింది.  ఎఫ్‌ఎంసీజీ, ఈ కామర్స్, తయారీ, హెల్త్‌కేర్, రిటైల్, లాజిస్టిక్స్, బ్యాంకింగ్, ఎనర్జీ రంగాలు ఉపాధికి దన్నుగా నిలిచాయని పేర్కొంది. అంతకుముందు ఆర్థిక సంవత్సరంలో ఫ్లెక్సీ స్టాఫ్‌కు డిమాండ్‌ 3.6 శాతం పెరిగినట్టు తెలిపింది. అన్ని రంగాల్లోనూ డిజిటల్‌ దిశగా మార్పులను స్వీకరించడం ఉపాధికి అవకాశం కల్పించినట్టు పేర్కొంది.  2022– 23లో ఫిన్‌టెక్, ఐటీ–ఇన్‌ఫ్రా, ఐటీ/ఐటీఈఎస్‌ రంగాలు కాంట్రాక్టు కార్మికులకు ఎక్కువగా ఉపాధినిస్తాయని తెలిపింది. ఇండియన్‌ స్టాఫింగ్‌ సమాఖ్య పరిధిలోని కంపెనీలు 2021–22లో 2.27 లక్షల మంది కాంట్రాక్టు కార్మికులకు ఉపాధి కల్పించాయని.. దీంతో మొత్తం కాంట్రాక్టు కార్మికుల సంఖ్య 12.6 లక్షల మందికి చేరినట్టు నివేదికలో పేర్కొంది. అంతకుముందు ఆర్థిక సంవత్సరంలో మాదిరే 2021–22లోనూ ఉద్యోగుల్లో మహిళల వాటా 27 శాతంగా ఉందని తెలిపింది. తాత్కాలిక, పరిమిత సమయం పాటు పనిచేసే వారిని ఫ్లెక్సీ స్టాఫ్‌గా పరిగణిస్తారు.    యువతే ఎక్కువ  ఫ్లెక్సీస్టాఫ్‌కు అధిక శాతం అవకాశాలు బహిరంగ విక్రయాల నుంచి, తప్పనిసరి ఉత్పత్తుల డెలివరీకి మళ్లినట్టు ఈ నివేదిక వివరించింది. ఫ్లెక్సీ స్టాఫ్‌లో 25–30 ఏళ్ల వయసులోని వారు 40 శాతం మేర ఉన్నారు. ఫ్లెక్సీ స్టాఫ్‌లో 31–45 ఏళ్ల వయసులోని వారి ప్రాతినిధ్యం 10 శాతం మేర పెరిగింది. ‘‘2021–22 ఫ్లెక్సీ స్టాఫింగ్‌ పరిశ్రమకు అసాధారణం అని చెప్పుకోవాలి. ఉద్యోగులకు డిమాండ్‌ 21.9 శాతం (2.27 లక్షలు) పెరిగింది.. ఉద్యోగులు, ఉద్యోగ సంస్థలు కరోనా ప్రభావం నుంచి బయటకు వచ్చి, భవిష్యత్తును నిర్మించుకునేందుకు చూస్తున్నట్టు తెలుస్తోంది’’అన ఐఎస్‌ఎఫ్‌ ప్రెసిడెంట్‌ లోహిత్‌ భాటియా తెలిపారు.  ద్రవ్యోల్బణం, భౌగోళిక రాజకీయ ఉద్రిక్తతలు నెలకొన్న్పటికీ, 2022–23 ఆరంభం సంకేతాలను గమనిస్తే రానున్న మూడు త్రైమాసికాల్లోనూ ఉద్యోగుల నియామకాలకు డిమాండ్‌ కొనసాగుతుందన్న అంచనా వ్యక్తం చేశారు. ఇతర ఉపాధి విభాగాలతో పోలిస్తే ఫ్లెక్సీస్టాఫ్‌కు డిమాండ్‌ 10 శాతం పెరుగుతుందని ఐఎస్‌ఎఫ్‌ ఈడీ సుచిత దత్తా తెలిపారు.    

పాములపాడు: ప్రజలకు నాణ్యమైన పాలన అందించడమే కాకుండా, మరింత చేరువ చేయాలని ప్రభుత్వం గ్రామ సచివాలయ వ్యవస్థను తీసుకొచ్చింది. ఎంతో మంది నిరుద్యోగులకు గ్రామంలో ఉద్యోగం కల్పించింది. ఈ విధానం విజయవంతం కావడంతో పలు రాష్ట్రాలు అధ్యయనం చేసి అమలు చేయడానికి పూనుకున్నాయి. అయితే కొన్నిచోట్ల స్థానిక సిబ్బంది నిర్లక్ష్యం కారణంగా ప్రభుత్వ లక్ష్యానికి తూట్లు పడుతున్నాయి. మండలంలోని చెలిమిల్ల గ్రామంలో సచివాలయ ఉద్యోగుల తీరు అందరినీ విస్మయానికి గురి చేస్తోంది. ఉదయం 11.30 దాటినా ఒక్కరు కూడా విధులకు హాజరుకాకపోవడం, కార్యాలయానికి వచ్చిన వారిని పట్టించుకోకపోవడంతో స్థానికులు అసహనం వ్యక్తం చేస్తున్నారు. ఉన్నతాధికారుల పర్యవేక్షణ కొరవడటంతో సిబ్బంది ఇష్టారీతిన వ్యవహరిస్తున్నారని వారు మండిపడుతున్నారు. సిబ్బంది సమయపాలన పాటించకపోవడంతో వివిధ పనుల నిమిత్తం వచ్చిన ప్రజలు నిరీక్షించి వెనుదిరిగి వెళ్తున్నారు. ఇప్పటికైనా ఉన్నతాధికారులు చర్యలు తీసుకొని సక్రమంగా విధులు నిర్వర్తించేలా చూడాలని కోరుతున్నారు.  

హైదరాబాద్‌: ఉస్మానియా ఆస్పత్రిలోని దారుణమైన పరిస్థితులు మరోసారి వెలుగులోకి వచ్చాయి. ఆస్పత్రి మార్చురీలో దారుణం చోటు చేసుకుంది. శవం విషయంలో మార్చురీ  సిబ్బంది లంచం డిమాండ్‌ చేయడంతో పాటు బాధిత కుటుంబ సభ్యులపై జులుం కూడా ప్రదర్శించింది.   చాదర్‌ఘాట్‌లో ఆర్థిక ఇబ్బందులతో మజీద్‌ అనే వ్యక్తి సూసైడ్‌  చేసుకున్నాడు. దీంతో కేసు నమోదు చేసుకున్న పోలీసులు మజీద్‌ మృతదేహాన్ని ఉస్మానియా ఆస్పత్రికి తరలించారు పోలీసులు. అయితే.. రూ. వెయ్యి ఇస్తేనే మృతదేహాన్ని తీసుకుంటామని మార్చురీ సిబ్బంది చెప్పడంతో గొడవ మొదలైంది.  వెయ్యి రూపాయలు డిమాండ్‌ చేస్తూ మృతుడి బంధువులతో గొడవకు దిగారు. వాళ్లపై జులుం ప్రదర్శించారు. తాగిన మత్తులో మార్చురీ సిబ్బంది వీరంగం సృష్టించారు. బంధువులతో వాగ్వివాదానికి దిగిన మార్చురీ సిబ్బంది వ్యవహారంతో ప్రస్తుతం ఉస్మానియా ఆస్పత్రి వద్ద ఆందోళన నెలకొంది.

ఏదైనా సంఘటన జరిగినప్పుడు హడావిడి చేయడం తప్ప రుయా ఆస్పత్రి అధికారుల తీరు మారడంలేదు. అడుగడుగునా నిర్లక్ష్యంగా వ్యవహరిస్తున్నారు. రోగులకు మెరుగైన చికిత్స కరువైంది. ఉన్నతాధికారులు పరిశీలన చేసి మందలించినా ప్రయోజనం లేదు. తిరుపతి తుడా: రాయలసీమ పెద్దాస్పత్రిగా తిరుపతి రుయా పేరుపొందింది. ఇక్కడికి పెద్ద సంఖ్యలో రోగులు వస్తుంటారు. ప్రభుత్వం ఆస్పత్రి అభివృద్ధి, ఇన్‌ఫ్రాస్ట్రక్చర్‌ డెవలప్‌మెంట్, వైద్య పరికరాల కోసం నాడు–నేడు ద్వారా రూ.450 కోట్లు కేటాయించింది. వైద్యుల పదోన్నతులు, బదిలీలను చేపట్టింది. వైద్యాధికారుల నిర్లక్ష్యంగా వ్యవహరిస్తుండడంతో రోగులకు మెరుగైన వైద్యం అందడం లేదు. ఇటీవల రుయా ఆస్పత్రిలో అంబులెన్స్‌ యజమానుల తీరు పై ఓ అ«ధికారిని సస్పెండ్‌ చేశారు. మరో ఉన్నతాధికారికి షోకాజ్‌ నోటీసులు జారీ చేశారు. వైద్య ఆరోగ్య ముఖ్య కార్యదర్శి కృష్ణబాబు గురువారం ఆస్పత్రిలో పర్యటించి లోటుపాట్లపై కన్నెర్ర చేశారు. అత్యవసర విభాగం నిర్వహణ లోపంపై మండిపడ్డారు. రోగులకు నాణ్యమైన వైద్యం అందించడంలో నిర్లక్ష్యం వహిస్తే చర్యలు తప్పవని హెచ్చరించినా అధికారుల తీరు మారలేదు. రుయా ఆస్పత్రి వర్కింగ్‌ కమిటీ సభ్యుడు బండ్ల చంద్రశేఖర్‌ రాయల్‌ గురువారం అర్ధరాత్రి ఆస్పత్రిలో పర్యటించారు. నైట్‌ డ్యూటీ డాక్టర్లు విధుల్లో లేకపోవడంపై ఆరా తీశారు. వార్డుల్లో రోగు లను ఎంఎన్‌వో, ఎఫ్‌ఎన్‌వోలు స్ట్రెక్చర్లపై తీసుకెళ్లడంలోను నిర్లక్ష్యాన్ని గుర్తించారు. సహాయకులే రోగులను మరో వార్డుకు, వైద్య పరీక్షలకు తీసుకెళుతుండడం ఆగ్రహం వ్యక్తం చేశా రు.    ఆస్పత్రి పర్యవేక్షణాధికారి నిర్వాకంవల్లే..   ఆస్పత్రి పర్యవేక్షనాధికారి ఎవరి అధికారాలను వారికి ఇవ్వకుండా తనవద్దే ఉంచుకోవడం వల్ల అనేక సమస్యలు నెలకొంటున్నాయనే ఆరోపణలు వినిపిస్తున్నాయి. వైద్యులకు డ్యూటీలు కేటాయించడం, వైద్య సిబ్బందితో విధులు నిర్వర్తించడంలో పూర్తిగా విఫలమయ్యారన్న విమర్శలు ఉన్నాయి. ఇప్పటికైనా అధికారులు తగిన చర్యలు తీసుకుని రుయాలో పాలనను గాడినపెట్టి రోగులకు నాణ్యమైన వైద్యం అందించడంపై దృష్టిసారించాలని ప్రజలు కోరుతున్నారు. చదవండి: ఉత్తర భారత యాత్రకు ప్రత్యేక రైళ్లు

సాక్షి,బళ్లారి: ఇంటి నుంచి మింటి వరకు దూసుకెళ్తున్న నారీమణులు రైళ్లను కూడా నడిపిస్తున్నారు. ఒకప్పుడు పురుషులకే పరిమితమైన లోకోపైలెట్‌ ఉద్యోగాల్లో మహిళలు కూడా కొలువుదీరి సత్తా చాటుతున్నారు. మంగళవారం మహిళా దినోత్సవాన్ని పురస్కరించుకుని హుబ్లీ రేల్వే అధికారులు హుబ్లీ నుంచి గదగ్‌ మీదుగా కారటిగి వెళ్లే రైలు నిర్వహణను మహిళా సిబ్బందికే అప్పగించారు. లోకో పైలెట్, టీటీఈలు, పోలీసులు ఇతర సిబ్బంది మొత్తం 15 మంది మహిళలను నియమించి రైలు నడిపించారు. అంబికా అంకలిగి అనే మహిళా పైలెట్‌ ఎక్కడా ఎలాంటి అవాంతరాలు లేకుండా 200 కిలోమీటర్ల మేర రైలును నడిపించారు. మహిళా దినోత్సవం రోజున రైలును నడిపే బాధ్యతలను తమకు అప్పగించినందుకు సంతోషంగా ఉందన్నారు.

మాస్కో: ఉక్రెయిన్‌లో రష్యా దాడులు కొనసాగుతున్న సమయంలో పుతిన్‌కు షాకుల మీద షాకులు తగులుతున్నాయి. వార్‌ కారణంగా పుతిన్‌కు స్వదేశంలో మరోసారి నిరసన తగిలింది. రష్యాకు చెందిన TV Rain టీవీ చానల్ సిబ్బంది లైవ్‌లో మూకుమ్మడి రాజీనామాలు చేసి ఆశ్చర్యానికి గురి చేశారు.  వివరాల ప్రకారం.. ఉక్రెయిన్‌పై రష్యా దాడులను వ్యతిరేకిస్తూ ఆ దేశానికి చెందిన టీవీ రెయిన్‌ చానల్‌ సిబ్బంది రాజీనామా చేశారు. ఓ వైపు లైవ్‌లో న్యూస్‌ రన్‌ అవుతుండగానే వారంతా రాజీనామా చేయడం సంచలనంగా మారింది. చానల్‌ సిబ్బంది చివరగా యుద్ధం వద్దు అనే ప్రకటనతో టీవీ ప్రసారాలు చేసి రాజీనామాలు అందించారు. వారి నిర్ణయాన్ని సంస్థ యాజమాన్యం సైతం మద్దతు ఇవ్వడం విశేషం. ఇదిలా ఉండగా అంతకు ముందు ‘టీవీ రెయిన్’ చానల్ ఉక్రెయిన్ యుద్ధాన్ని కవర్ చేసింది. దీంతో రష్యా ప్రభుత్వం యుద్ధాన్ని ప్రసారం చేసేందుకు అంగీకరించలేదు. ఈ క్రమంలో ఆ చానల్ ప్రసారాలను రష్యా ప్రభుత్వం నిలిపివేసింది. మరోవైపు.. ఛానెల్ ఫౌండర్స్‌లో ఒకరైన నటాలియా సిందెయెవా మాట్లాడుతూ.. యుద్ధం వద్దు అనే ప్రోగ్రాం తర్వాత ఉద్యోగులు రాజీనామాలు ఇచ్చి స్టూడియో నుంచి వెళ్లిపోయారని అన్నారు.     అనంతరం తమ చానల్ ప్రసారాలను నిరవధికంగా నిలిపివేస్తున్నట్టు పేర్కొన్నారు.   Meanwhile TVRain, the last independent media outlet operating in Russia, has shut down — here's the last few minutes of its broadcast, poorly Google Translated. It then cut to Swan Lake, which has particular relevance: https://t.co/XXtUHroZkt pic.twitter.com/Iq7HSal7FW — Timothy Burke (@bubbaprog) March 3, 2022  

రాష్ట్రంలో కొత్తగా ఏర్పాటైన మున్సిపాలిటీలు, కార్పొరేషన్లలో సిబ్బంది కొరత, సమస్యలకు  చిన్న ఉదాహరణ ఇది. పంచాయతీలుగా ఉన్నప్పటి నామమాత్రపు సిబ్బందితోనే చాలా మున్సిపాలిటీలు కొనసాగుతున్నాయి. సరిపడా అధికారులు, సిబ్బంది లేకపోవడం.. ఉన్నా ఇన్‌చార్జులే కావడంతో కొత్త పురపాలక సంస్థల్లో పాలన సరిగా జరగని దుస్థితి నెలకొంది. దీనితో అభివృద్ధి పనుల్లో జాప్యం జరుగుతోందని, వివిధ అనుమతులు, పారిశుధ్యం వంటి సేవలు సరిగా అందడం లేదని.. పన్నుల వసూళ్లు కూడా జరగడం లేదన్న విమర్శలు వస్తున్నాయి. ఈ సమస్యపై ‘సాక్షి’ప్రత్యేక కథనం..   సాక్షి, హైదరాబాద్‌:  పెరిగిన జనాభా, నివాస ప్రాంతాల విస్తరణ ఆధారంగా రాష్ట్ర ప్రభుత్వం పలు మేజర్‌ గ్రామపంచాయతీలను మున్సిపాలి టీలుగా, కార్పొరేషన్లుగా అప్‌గ్రేడ్‌ చేసింది. కొత్తగా 77 మున్సిపాలిటీలు, ఏడు కార్పొరేషన్లు ఏర్పాటయ్యాయి. ఇది జరిగి దాదాపు మూడేళ్లు అవుతున్నా వాటికి అవసరమైన అధికారులు, సిబ్బంది నియామకం జరగలేదు. పేరుకు మున్సిపాలిటీలు, కార్పొరేషన్లుగా మారినా.. గ్రామ పంచాయతీలుగా ఉన్నప్పటి పరిస్థితే ఇప్పటికీ కొనసాగుతున్న పరిస్థితి ఉంది. కొత్తవి ఏర్పాటైన మొదట్లో.. ఆయా జిల్లాల్లో అప్పటికే ఉన్న కార్పొరేషన్లు, మున్సిపాలిటీల్లో పనిచేస్తున్న ఉద్యోగుల్లో కొందరిని సీనియారిటీ ఆధారంగా కొత్త మున్సిపాలిటీలకు కమిషనర్లు, మేనేజర్లుగా డిప్యుటేషన్లపై నియమించారు. కొందరికైతే రెండేసి మున్సిపాలిటీలకు ఇన్‌చార్జి కమిషనర్‌గా, మేనేజర్‌గా విధులు నిర్వహిస్తున్న పరిస్థితి నెలకొంది. గతంలో గ్రామపంచాయతీలుగా ఉన్నప్పటి సిబ్బంది నుంచే.. శానిటేషన్‌ ఇంజనీర్లు, ఇన్‌స్పెక్టర్లు, బిల్‌ కలెక్టర్లను ఎంపిక చేసి వెళ్లదీసుకొస్తున్నారు.  అక్రమాలను అడ్డుకునేదెలా?  మున్సిపాలిటీకి ఆదాయం సమకూరేది టౌన్‌ ప్లానింగ్, రెవెన్యూ విభాగాల నుంచే. గ్రామపంచాయతీ నుంచి ఇళ్ల అనుమతి పొంది, అడ్డగోలుగా అక్రమ నిర్మాణాలు చేపట్టిన ఘటనలు వెలుగులోకి రావడంతో.. కొత్త మున్సిపాలిటీల్లో ఇళ్ల నిర్మాణాలకు టీఎస్‌బీపాస్‌ అనుమతి తప్పనిసరని పురపాలక శాఖ ప్రకటించింది. అయితే కొత్తగా అనుమతులు మంజూరు చేయడానికిగానీ, పంచాయతీలు ఇచ్చిన అనుమతులు చెల్లవని చెప్పడానికిగానీ టౌన్‌ ప్లానింగ్‌ అధికారులు లేని దుస్థితి. కేవలం హెచ్‌ఎండీఏ పరిధిలో ఉన్న హైదరాబాద్‌ శివార్లలోని కొత్త మున్సిపాలిటీలు, కార్పొరేషన్లకు మాత్రం డిప్యుటేషన్‌ మీద టౌన్‌ ప్లానింగ్‌ సిబ్బందిని నియమించడంతో.. వారు అక్రమ నిర్మాణాలపై దృష్టిపెట్టగలుతున్నారు. ఇతర చోట్ల చర్యలు తీసుకునే పరిస్థితి లేదు.  పన్నుల ఆదాయానికీ గండి  ఇంటిపన్నుతో పాటు ఇతర పన్నుల వసూలు చేసే రెవెన్యూ సిబ్బంది లేకపోవడంతో ఆదాయానికి గండి పడుతోంది. అభివృద్ధి పనులతోపాటు టౌన్‌ ప్లానింగ్‌ విభాగానికి అనుమతుల కోసం వచ్చే దరఖాస్తుల పరిశీలనకు ప్రతి మున్సిపాలిటీకి ఇంజనీర్లు ఉండాలి. కానీ కొత్త మున్సిపాలిటీల్లో ఇంజనీర్ల కొరత నెలకొంది. సమగ్ర ప్రణాళిక రూపొందించేందుకు, ఏయే ప్రాంతాల్లో ఏ విధమైన అభివృద్ధి చేయాలన్న నివేదికలు రూపొందించేందుకు అధికారులు లేరు. ఏదైనా అంశంపై మున్సిపాలిటీకి వచ్చే ప్రజలకు సమాధానం చెప్పేవారు కూడా లేరన్న అభిప్రాయం వ్యక్తమవుతోంది.  ఏడాదిన్నర క్రితమే ప్రకటించినా..: రాష్ట్రంలోని కొత్త, పాత మున్సిపాలిటీల్లో కమిషనర్, మేనేజర్‌ నుంచి శానిటరీ జవాన్‌ వరకు 4 వేల పోస్టులు అవసరమని పురపాలక శాఖ గతంలో లెక్కతేల్చింది. జనాభా ప్రాతిపదికన ఏయే మున్సిపాలిటీకి, కార్పొరేషన్‌కు ఏయే స్థాయిలోని అధికారులు, సిబ్బంది ఎంద మంది అవసరమనే నివేదికను ప్రభుత్వానికి సమర్పించింది. 2020 జూలై 14న మంత్రి కేటీఆర్‌ పురపాలకశాఖ అధికారులతో సమావేశమై.. తొలివిడతగా 2 వేల పోస్టుల భర్తీకి కసరత్తు చేయాలని ఆదేశించారు. కానీ ఇప్పటివరకు నియామకాలు జరగలేదు. తాజాగా 129 మున్సిపాలిటీల్లో 3,700 మంది వార్డు ఆఫీసర్లను నియమించాలని అధికారులు నిర్ణయించారు. వీటితోపాటు పెండింగ్‌లో ఉన్న పోస్టుల భర్తీని కూడా పూర్తి చేయాలనేది ఆలోచన. ఈ ప్రక్రియ పూర్తయితే తప్ప కొత్త మున్సిపాలిటీల్లో అభివృద్ధి, సమస్యల పరిష్కారానికి ఇబ్బంది తప్పదని స్థానికులు అంటున్నారు.  జోగుళాంబ గద్వాల జిల్లాలో గ్రామపంచాయతీలుగా ఉన్న అలంపూర్, వడ్డేపల్లిలను మున్సిపాలిటీలుగా మార్చారు. మంచిర్యాల మున్సిపాలిటీ నుంచి డిప్యుటేషన్‌పై వచ్చిన నిత్యానంద్‌.. ఈ రెండు మున్సిపాలిటీలకు ఇన్‌చార్జి కమిషనర్‌గా ఉన్నారు. అలంపూర్‌ మున్సిపాలిటీలో మేనేజర్, అకౌంటెంట్, బిల్‌ కలెక్టర్, ఏఈ, టౌన్‌ప్లానింగ్‌ ఏఈ పోస్టులకు ఇన్‌చార్జి అధికారులే ఉన్నారు. ఆర్‌ఐ, శానిటరీ ఇన్‌స్పెక్టర్, వర్క్‌ ఇన్‌స్పెక్టర్, జూనియర్‌ అకౌంటెంట్‌ వంటి కీలక పోస్టులు ఖాళీగానే ఉన్నాయి. శానిటేషన్, ఇతర సిబ్బంది అయితే పూర్తిగా ఔట్‌ సోర్సింగే. వడ్డేపల్లి మున్సిపాలిటీలోనూ ఇదే పరిస్థితి. పది కీలక పోస్టులకుగాను ఏడింటిలో ఇన్‌చార్జులే ఉన్నారు. ►  మహబూబాబాద్‌ జిల్లా తొర్రూరు మున్సిపాలి టీలో కమిషనర్‌తోపాటు టీపీవో పోస్టులకు ఇన్‌ చార్జులను నియమించిన ప్రభుత్వం.. మేనేజర్, జూనియర్‌ అసిస్టెంట్‌లను మాత్రమే డిప్యుటేషన్‌ మీద పంపించింది. ఇక ఏ పోస్టుకూ అధికారులు లేరు. శానిటరీ ఇన్‌స్పెక్టర్‌ సహా పారిశుధ్య సిబ్బందిని ఔట్‌ సోర్సింగ్‌లో తీసుకొని బండి నడిపిస్తున్నారు. ►   బండ్లగూడ జాగీర్‌ మున్సిపల్‌ కార్పొరేషన్‌లో టౌన్‌ప్లానింగ్‌ సిబ్బంది కొరత ఉంది. డిప్యూటీ సిటీ ప్లానర్‌ (డీసీపీ) మాత్రమే ఉన్నారు. ఆయన కూడా ఇన్‌చార్జినే. నలుగురు సూపర్‌వైజర్లు, ఒక ఏసీపీ పోస్టులకు సంబంధించి ఎవరూ లేరు. ఇంజనీరింగ్‌ డిపార్ట్‌మెంట్లో ముగ్గురు ఏఈలు అవసరం. ప్రస్తుతం ఒక్కరే ఉన్నారు. ఇద్దరు ఈఈ ఉండాల్సి ఉన్నా.. ఎవరూ లేరు.  ►   రామాయంపేట మున్సిపాలిటీలో అంతా ఇన్‌ చార్జుల పాలనే. 20 మందికిగాను.. మున్సిపల్‌ కమిషనర్, ఇద్దరు కంప్యూటర్‌ ఆపరేటర్లు మాత్రమే రెగ్యులర్‌ ఉద్యోగులు. గతంలో మేజర్‌ పంచాయతీగా ఉన్నప్పటి సిబ్బందితోనే పాలన కొనసాగుతోంది. ళీ    చిట్యాల మున్సిపాలిటీలో ప్రస్తుతం మున్సిపల్‌ కమిషనర్, మేనేజర్, జూనియర్‌ అసిస్టెంట్‌ మాత్రమే ఉన్నారు. శానిటరీ ఇన్‌స్పెక్టర్, రెవెన్యూ అధికారి పోస్టులు ఖాళీగా ఉన్నాయి. మున్సిపల్‌ ఇంజనీర్, టౌన్‌ ప్లానింగ్‌ ఆఫీసర్లుగా ఇన్‌చార్జులే ఉన్నారు. ►    కామారెడ్డి జిల్లా ఎల్లారెడ్డి మున్సిపాలిటీలో కమిషనర్, ఏఈ, టీపీవో ఇన్‌చార్జులే. ఏఈ, ఇంజనీరింగ్‌ వర్క్‌ ఇన్‌స్పెక్టర్‌ , అకౌంట్స్‌ విభా గంలో ఏవో, జేఏవో, జూనియర్‌ అసిస్టెంట్, సీనియర్‌ అసిస్టెంట్, టౌన్‌ ప్లానింగ్‌ టీపీ, టీపీఎస్, శానిటర్‌ ఇన్‌స్పెక్టర్, హెల్త్‌ అసిస్టెంట్, రెవెన్యూ ఆఫీసర్‌ పోస్టులు ఖాళీగా ఉన్నాయి. బిల్‌ కలెక్టర్లు నలుగురికి ఒక్కరే, జూనియర్‌ అసిస్టెంట్లు నలుగురికి ఇద్దరే ఉన్నారు. పలు కొత్త మున్సిపాలిటీల్లోని పరిస్థితి ఇదీ.. ►   కొత్త మున్సిపాలిటీల్లో అధికారులు, సిబ్బంది లేకపోవడంతో అంతకు ముందున్న గ్రామ పంచాయతీ పరిస్థితికి ఇప్పటికి తేడా లేని దుస్థితి. ►    మున్సిపాలిటీల్లో గెలిచిన పాలక మండళ్లు తీసుకుంటున్న నిర్ణయాలు సరిగా అమలు కావడం లేదు. ►    కొందరు కమిషనర్లు, కీలక అధికారులు రెండేసి మున్సిపాలిటీలకు ఇన్‌చార్జులుగా ఉంటుండటంతో పాలన కుంటుపడుతోంది. ►    టౌన్‌ ప్లానింగ్‌ అధికారులు, సిబ్బంది లేకపోవడం వల్ల కొత్త మున్సిపాలిటీల్లో భవన నిర్మాణాలకు అనుమతులు రావడం లేదు. అక్రమ నిర్మాణాలను అడ్డుకునే యంత్రాంగం లేదు.  ►   గ్రామ పంచాయతీ పర్మిషన్‌ పేరుతో కొత్త మున్సిపాలిటీల్లో ఇప్పటికీ భారీ ఎత్తున అక్రమ నిర్మాణాలు జరుగుతున్నాయి. హెచ్‌ఎండీఏ పరిధిలోని కొత్త మున్సిపాలిటీల్లో మాత్రం స్పెషల్‌ టాస్క్‌ఫోర్స్‌ ఏర్పాటు చేసి.. ఇతర మున్సిపాలిటీలు, రెవెన్యూ శాఖల నుంచి సిబ్బందిని తెప్పించి మరీ అక్రమ నిర్మాణాల కూల్చివేత చేపట్టారు. కానీ జిల్లాలో ఈ పరిస్థితి లేదు. ►    పారిశుధ్య నిర్వహణకు ప్రత్యేక యంత్రాంగం లేదు. కమిషనర్లుగా వ్యవహరిస్తున్న అధికారులు ఔట్‌ సోర్సింగ్‌ సిబ్బందిని నియమించి చెత్త తొలగింపు, ఇతర పారిశుధ్య పనులు చేయిస్తున్నారు. ►    హైదరాబాద్‌ శివార్లలోని జవహర్‌నగర్, బండ్లగూడ జాగీర్, పీర్జాదిగూడ వంటి కొత్త కార్పొరేషన్లలో పాలకమండళ్ల హడావుడే తప్ప అధికారులు చేపట్టిన కొత్త ప్రాజెక్టులు ఏమీ లేవు. భవన నిర్మాణాల అనుమతుల విషయంలో ఆలస్యం జరుగుతోందన్న ఫిర్యాదులు ఉన్నాయి. అడుగడుగునా సమస్యలే.. అధికారులు, సిబ్బంది లేకుంటే మున్సిపాలిటీలు ఎందుకు? పౌరులకు మౌలిక సదు పాయాలు కల్పించడమ నేది స్థానిక సంస్థల బాధ్యత. మున్సిపాలిటీ, కార్పొరేషన్‌ నుంచి సౌకర్యాలు ఆశిం చడం ప్రజల హక్కు. కొత్త మున్సి పాలిటీలు ఏర్పాటు చేసి.. కమిషనర్లను,  సిబ్బందిని నియమించకపోవడం వల్ల స్థానిక సంస్థల ఉద్దేశం దెబ్బతింటుంది.  అధికారులను నియ మించకపోవడం శోచనీయం. పట్టణాల్లో ప్రజల సమస్యల పరిష్కారానికి అధికారులు కావాలి.  ప్రభుత్వం ఇప్పటికైనా రెగ్యులర్‌ స్టాఫ్‌ను నియమిస్తే మంచిది. – ఆర్‌వీ చంద్రవదన్, రిటైర్డ్‌ ఐఏఎస్, ఎంసీహెచ్‌ మాజీ అదనపు కమిషనర్‌  

మేడిపల్లి: మద్యం సేవించడానికి బార్‌కు వెళ్లిన ఇద్దరు యువకులపై బార్‌ నిర్వాహకులు, సిబ్బంది దాడికి పాల్పడిన సంఘటన సోమవారం మేడిపల్లి పోలీస్‌స్టేషన్‌ పరిధిలో చోటు చేసుకుంది. పోలీసులు, బాధితుల కథనం మేరకు వివరాలు ఇలా ఉన్నాయి... బోడుప్పల్‌ ఈస్ట్‌ హనుమాన్‌నగర్‌కు చెందిన దంతూరి సాయి కృష్ణ, సాయిరాం స్నేహితులు. వారిరువురు మద్యం సేవించేందుకు సోమవారం ఉప్పల్‌ డిపో సమీపంలోని దర్బార్‌ బార్‌కు వెళ్లారు. బిల్లు చెల్లించే విషయంలో వెయిటర్‌కు వీరిద్దరికి మధ్య వాగ్వాదం జరిగింది. ఒకరిపై ఒకరు చేయి చేసుకోవడంతో బార్‌ సిబ్బంది మూకుమ్మడిగా వీరిద్దరిపై దాడి చేయడంతో వారు తీవ్రంగా గాయపడ్డారు. బాధితులను పక్కనే ఆస్పత్రిలో చేర్పించగా సమాచారం అందుకున్న బార్‌ సిబ్బందిలో మరికొందరు అక్కడికి వెళ్లి వారిని మరోసారి చితకబాదారు. తీవ్రంగా గాయపడిన సాయి కృష్ణ పరిస్థితి విషమంగా ఉండడంతో ఉప్పల్‌లోని ఓ ప్రైవేట్‌ ఆస్పత్రికి తరలించారు. సాయి కృష్ణ కుటుంబ సభ్యుల ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.   ఏడుగురిపై కేసు నమోదు.. బార్‌ నిర్వాహకులు, సిబ్బంది ఏడుగురిపై మేడిపల్లి పోలీసులు కేసు నమోదు చేశారు. కటిక కుమార్,  జగన్, అమ్మోజు నవీన్, చెంచు వీరేశ్, సుదగాని నర్సింహ్మ, బర్ల రాజిరెడ్డి, చొక్కాల రాజవర్థన్‌పై కేసు నమోదు చేసి రిమాండ్‌కు తరలించారు.    బార్‌ వద్ద ఆందోళన ...  సాయి కృష్ణ, సాయిరాంపై దాడిని నిరసిస్తూ వారి కుటుంబ సభ్యులు, కాంగ్రెస్‌ పార్టీ నేతలు దర్బార్‌ బార్‌ వద్ద ఆందోళన నిర్వహించారు. బార్‌ అనుమతులను రద్దు చేయాలని, బాధ్యులను కఠినంగా శిక్షించాలని డిమాండ్‌ చేశారు. అక్కడికి వచ్చిన ఇద్దరు బారు నిర్వాహకులపై ఆందోళన కారులు దాడి చేశారు. ఈ క్రమంలో పోలీసు వాహనంపై రాళ్లు వేయడంతో అద్దం పగిలిపోయింది. సంఘటనా స్థలానికి వచ్చిన మల్కాజిగిరి ఏసీపీ శ్యాంప్రసాద్‌రావు, మేడిపల్లి ఇన్‌స్పెక్టర్‌ అంజిరెడ్డి బాధ్యులపై చర్యలు తీసుకుంటామని హామీ ఇవ్వడంతో ఆందోళన విరమించారు.

న్యూఢిల్లీ: వినియోగదారులకు హోటల్‌ రూములను సమకూర్చే ఆతిథ్య రంగ కంపెనీ ఓయో.. ఉద్యోగులకు షేర్లను జారీ చేసింది. కంపెనీ ప్రస్తుత సిబ్బందిసహా మాజీ ఉద్యోగులు సైతం షేర్లను సొంతం చేసుకున్నట్లు ఓయో తాజాగా తెలియజేసింది. ఎంప్లాయీ స్టాక్‌ ఆప్షన్‌(ఇసాప్‌)లో భాగంగా 3 కోట్ల షేర్లను విక్రయించినట్లు ఓయో మాతృ సంస్థ ఒరావెల్‌ స్టేస్‌ లిమిటెడ్‌ పేర్కొంది. ఇసాప్‌ల మార్పిడి ద్వారా ఉద్యోగులు ఈక్విటీ షేర్లను పొందినట్లు వెల్లడించింది. కంపెనీ భారీ డిస్కౌంట్‌లో జారీ చేసిన ఇసాప్‌ల ద్వారా సిబ్బంది షేర్లను కొనుగోలు చేసినట్లు తెలుస్తోంది. కాగా.. కంపెనీ గతేడాది ఆగస్ట్‌లో టెక్‌ దిగ్గజం మైక్రోసాఫ్ట్‌ నుంచి 5 మిలియన్‌ డాలర్లను సమీకరించిన సంగతి తెలిసిందే. దీంతో ఓయో విలువ 9.6 బిలియన్‌ డాలర్లకు చేరింది. వెరసి ఉద్యోగులు కొనుగోలు చేసిన షేర్ల విలువను రూ. 330 కోట్లుగా సంబంధిత వర్గాలు చెబుతున్నాయి. కంపెనీ ఇటీవల ఇసాప్‌ల జారీని 41 శాతానికి విస్తరించడంతో ప్రస్తుత సిబ్బందిలో 80 శాతం మందికి ఇవి లభించినట్లు తెలుస్తోంది. 2021 మార్చికల్లా ప్రపంచవ్యాప్తంగా కంపెనీ సిబ్బంది సంఖ్య 5,130కు చేరింది. వీరిలో దాదాపు 71 శాతం మంది దేశీయంగానే విధులు నిర్వహిస్తుండటం గమనార్హం! గతేడాది అక్టోబర్‌లో పబ్లిక్‌ ఇష్యూ చేపట్టేందుకు వీలుగా కంపెనీ క్యాపిటల్‌ మార్కెట్ల నియంత్రణ సంస్థ సెబీకి ప్రాస్పెక్టస్‌ను దాఖలు చేసిన విషయం విదితమే. తద్వారా రూ. 8,430 కోట్లు సమకూర్చుకునే ప్రణాళికల్లో ఉంది. ఐపీవోలో భాగంగా రూ. 7,000 కోట్ల విలువైన ఈక్విటీని కొత్తగా జారీ చేయనుంది. మరో రూ. 1,430 కోట్ల విలువైన షేర్లను విక్రయానికి ఉంచనుంది.

సాక్షి, చెన్నై(తమిళనాడు): పవిత్రమైన వృత్తిలో ఉన్న ఇద్దరు వైద్యులు అపవిత్ర చేష్టలకు పాల్పడ్డారు. సాటి మహిళా వైద్యురాళ్లపై అత్యారానికి పాల్పడ్డారు. వీడియో తీసి రాక్షసత్వాన్ని ప్రదర్శించారు. చివరికి విధుల నుంచి డిస్మిస్‌ అయ్యి కటకటాలపాలయ్యారు. పోలీసుల కథనం మేరకు.. కరోనా సమయంలో చాలా మంది వైద్యులు స్టార్‌ హోటల్‌లో 15 రోజుల క్వారంటైన్‌ను గడిపారు. గత అన్నాడీఎంకే ప్రభుత్వ హయాంలో చెన్నైలోని రాజీవ్‌గాంధీ ప్రభుత్వ సూపర్‌స్పెషాలిటీ ఆస్పత్రికి చెందిన ఇద్దరు వైద్యురాళ్లు చెన్నై టీ నగర్‌లోని ఒక స్టార్‌ హోటల్‌లో క్వారంటైన్‌లో ఉన్నారు. అదే హోటల్‌లో క్వారంటైన్‌లో ఉన్న వెట్రిసెల్వన్‌ (35), మోహన్‌రాజ్‌  (28) ఇద్దరు మహిళా వైద్యురాళ్ల గదిలోకి ప్రవేశించారు. హతమారుస్తామని బెదిరించి అత్యారానికి పాల్పడ్డారు. వీడియో తీసి పలుమార్లు లైంగికదాడులకు పాల్పడ్డారు. వేధింపులు తాళలేక ఆరోగ్యశాఖ మంత్రి, ప్రిన్సిపల్‌ కార్యదర్శికి ఫిర్యాదు చేశారు. ప్రభుత్వ ఆదేశాల మేరకు చెన్నై నగర పోలీస్‌ కమిషనర్‌ శంకర్‌ జివాల్‌.. చెన్నై తేనాంపేట మహిళా పోలీస్‌లతో విచారణ జరిపించారు. ప్రాథమికంగా నేరం నిర్ధారణ కావడంతో వైద్యులు వెట్రిసెల్వన్, మోహన్‌రాజ్‌లను గురువారం రాత్రి అరెస్ట్‌ చేసి రిమాండ్‌కు పంపారు. ఇద్దరిని విధుల నుంచి శాశ్వతంగా తొలగించేలా ఆరోగ్య, సంక్షేమశాఖ శుక్రవారం డిస్మిస్‌ ఉత్తర్వులు జారీ చేసింది.  

సాధారణంగా సమాజంలో మూడు రకాల బాస్‌లుంటారు. ఒకరు మంచివారు. ప్రతిభావంతులను గుర్తించి తగిన విధంగా ప్రోత్సాహిస్తారు. మరికొందరు బాస్‌లు ఉంటారు.. వీరికి ఉద్యోగి ఎంత బాగా పని చేసినా సంతృప్తి ఉండదు. ఏదో విధంగా వారిని ఇబ్బందిపెడుతూనే ఉంటారు. ఇక మూడో రకం బాస్‌లు.. వీరు నూటికో కోటికో ఒక్కరు. ఈ కోవకు చెందిన బాస్‌లు ఉద్యోగులను సొంత కుటుంబ సభ్యుల్లానే చూస్తారు. కష్టనష్టాల్లో వారికి తోడుగా ఉంటారు. కంపెనీ లాభాల్లో ఉద్యోగులకు సమాన వాటా కల్పిస్తారు.  ఇప్పుడు ఈ బాస్‌ల టాపిక్‌ ఎందుకంటే ప్రస్తుతం సోషల్‌ మీడియాలో ఓ మహిళా బాస్‌ మీద ప్రశంలసు కురిపిస్తున్నారు నెటిజనులు. అమ్మతనాన్ని చూపించావ్‌ అంటూ పొగుడుతున్నారు. ఈ బాస్‌ను ఇంతలా ప్రశంసించడానికి కారణం ఏంటంటే.. కంపెనీ లాభాలను ఉద్యోగులందరికి సమానంగా పంచింది. ఈ క్రమంలో ఒక్కో ఉద్యోగికి 7.5లక్షల రూపాయల చొప్పున ఇచ్చి.. తన మంచి మనసు చాటుకుంది సదరు మహిళా బాస్‌. ఆ వివరాలు...  (చదవండి: ట్రెండింగ్‌లో నాలుగేళ్ల చిన్నారి.. ఏం చేశాడంటే) స్పాంక్స్‌ కంపెనీ లేడీ బాస్‌ పేరు సారా బ్లేక్లీ. ఇక ల్యాడ్‌బైబిల్‌ ప్రకారం, పెట్టుబడి సంస్థ బ్లాక్‌స్టోన్ స్పాంక్స్‌ కంపెనీలో మెజారిటీ వాటాను కొనుగోలు చేసిన తర్వాత సారా బ్లేక్లీ కంపెనీకి భారీగా లాభాలు వచ్చాయి. అయితే సారా ఆ వచ్చిన మొత్తాన్ని తానే వాడుకోలేదు. కంపెనీ ఉద్యోగులందరికి దానిలో వాటా ఇస్తూ.. తన ఉదార మనస్తత్వాన్ని చాటుకుంది. ఈ సందర్భంగా ఉద్యోగులకు పార్టీ ఇచ్చింది సారా.   ఇక పార్టీలో ఓ పెద్ద బాంబు పేల్చింది సారా. “నేను మీకు ఓ సర్‌ప్రైజ్‌ ఇవ్వాలనుకుంటున్నాను. కంపెనీ లాభాల్లో మీకు వాటా ఇవ్వాలని భావించాను. దానిలో భాగాంగా మీలో ప్రతి ఒక్కరికీ ప్రపంచంలో ఎక్కడికైనా వెళ్లేందుకు 10 వేల డాలర్లు విలువ చేసే ఫస్ట్ క్లాస్ టిక్కెట్లు ఇవ్వాలనుకుంటున్నాను. టికెట్‌ వద్దు అంటే డబ్బులే తీసుకోవచ్చు’’ అని తెలిపింది.  (చదవండి: అద్భుతం చేసిన ఫేస్‌బుక్‌.. ఏకంగా 58 ఏళ్ల తర్వాత) "ప్రతి ఉద్యోగి ఈ క్షణాన్ని తమదైన రీతిలో జరుపుకోవాలని, జీవితాంతం మర్చిపోలేని మధుర జ్ఞాపకంగా మిగుల్చుకోవాలని నేను ఆశిస్తున్నాను. అందుకే మీకు ఈ గిఫ్ట్‌’’ అని ప్రకటించింది సారా. ఈ వార్త విని అక్కడ ఉన్న ఉద్యోగులు సంతోషంతో ఎగిరి గంతేశారు. కొందరు ఆనందం ఎక్కువయ్యి ఏడ్చారు. ఇందుకు సంబంధించిన వీడియో సోషల్‌ మీడియాలో వైరలవుతోంది. సారాపై ప్రశంసల జల్లు కురిపిస్తున్నారు నెటిజనులు.  చదవండి: ట్రెండింగ్‌లో బిగ్‌బాస్‌ కంటెస్టెంట్‌, మార్మోగుతున్న శ్రీరామ్‌ పేరు

త్వరలో వర్క్‌ ఫ్రం హోంకి శుభం కార్డ్‌ పడనున్నట్లు తెలుస్తోంది. ప్రముఖ దేశీయ టెక్‌ దిగ్గజం టీసీఎస్‌ 2022 జనవరి కల్లా ఉద్యోగుల్ని ఆఫీస్‌కు రప్పించేందుకు పావులు కదుపుతోంది. ఇప్పటికే టీసీఎస్‌ ఉద్యోగులు ఆఫీస్‌లో వర్క్‌ చేసేందుకు మొగ్గుచూపుతున్నారంటూ వరుస ప్రకటనలు చేస్తుంది. అయితే తాజాగా ఆఫీసులకు రావాలని పిలుపునిచ్చింది. అదే సమయంలో ఉద్యోగ భద్రత, ఆరోగ్యాల్ని సైతం పరిగణలోకి తీసుకుంటామని తెలిపింది.   528,748 మంది ఉద్యోగులు  దేశ, విదేశాల్లో మొత్తం 528,748 మంది టీసీఎస్‌లో పనిచేస్తున్నారు. వారందరూ నవంబర్‌ 15లోపు  తిరిగి ఆఫీస్‌కు రావాలని గతవారం అఫీషియల్‌గా మెయిల్‌ పెట్టినట్లు ఎగ్జిక్యూటీవ్‌ వైస్‌ ప్రెసిడెంట్‌ మిలింద్‌ లక్కడ్‌ తెలిపారు. 5 శాతం మంది తమ సహచరులు (ఉన్నత ఉద్యోగులు) ఆఫీస్‌కు వస్తున్నట్లు చెప్పారు. హైబ్రిడ్‌ వర్క్‌ కల్చర్‌ను మార్చడానికి ముందే.. ఇప్పటి నుంచే ఆఫీస్‌లకు వచ్చేలా ప్రోత్సహిస్తున్నట్లు తెలిపారు. ఈ ప్రక్రియ దశల వారీగా ఉంటుందని చెప్పిన ఆయన.. ఇందుకు సంబంధించి టీమ్ లీడర్లు- ప్రతి టీమ్ ప్రాజెక్ట్ అవసరాలపై ఆధారపడి ఉంటుందని' ఓ ప్రకటనలో పేర్కొన్నారు. ఇప్పటికీ తాము 25/25 మోడల్‌కి కట్టుబడి ఉన్నట్లు చెప్పారు. కానీ ఆ మోడల్‌కు మారడానికి ముందే తాము ఉద్యోగుల్ని కార్యాలయాలకు పిలుస్తున్నట్లు చెప్పారు.   ఇప్పటికే ప్రకటించారు కొద్ది రోజుల క్రితం 2025 నుంచి హైబ్రిడ్‌ వర్క్‌ కల్చర్‌ను అమలు చేసేందుకు ప్రయత్నిస్తున్నట్లు టీసీఎస్‌ సీఎఫ్‌ఓ ఎన్‌జీ సుబ్రమణియం తెలిపారు. ఇప్పటి నుంచి ఉద్యోగుల్ని ఆఫీసులకు రప్పించడం వల్ల హైబ్రిడ్‌ వర్క్‌ కల్చర్‌ ఈజీ అవుతుందని టీసీఎస్‌ భావిస్తోంది. కాగా, 25 శాతం ఉద్యోగులతో ఆఫీసుల్ని.. దశలవారీగా మిగతా వాళ్లతో వర్క్‌ఫ్రమ్‌ హోం చేసే పద్దతిని హైబ్రిడ్‌ వర్క్‌ కల్చర్‌ అంటారు. చదవండి: హైదరాబాద్‌లో ఐటీ ఉద్యోగులు ఎక్కువగా ఉన్నది ఈ సం‍స్థలోనే

సాక్షి, హైదరాబాద్‌: తెలంగాణ నుంచి ఏపీకి శాశ్వత బదిలీపై వెళ్లదలుచుకున్న రాష్ట్ర ప్రభుత్వ ఉద్యోగులు అక్టోబర్‌ 15లోగా తమ విభాగాధిపతి/శాఖాధిపతికి దరఖాస్తు చేసుకో వాలని తెలంగాణ ప్రభుత్వం సూచించింది. ఏపీకి వెళ్లాలనుకుంటున్న అధికారుల విష యంలో తెలంగాణ ప్రభుత్వానికి ఎలాంటి అభ్యంతరం లేదని స్పష్టంచేసింది. ఈమేరకు ఏపీకి అంతర్రాష్ట బదిలీలకు సీఎస్‌ సోమేశ్‌ కుమార్‌ తాజాగా మార్గదర్శకాలు జారీచేశారు. దరఖాస్తు చేసుకున్న ఉద్యోగులను ఏపీకి పంపేందుకు సంబంధిత శాఖ కార్యదర్శి నిరభ్యంతర పత్రం జారీచేస్తారు. చదవండి: అంతరిక్ష ప్రయోగాల్లో నవశకం

పలమనేరు: కోవిడ్‌ థర్డ్‌ వేవ్‌ నేపథ్యంలో టీకా వేసుకోనివారి జాబితాను చేతబట్టుకొని చిత్తూరు జిల్లాలో వైద్య సిబ్బంది పొలంబాట పట్టారు. మీరెక్కడికి వెళ్లినా వదలబోమంటూ వైద్య సిబ్బంది వరినాట్లలో ఉన్న కూలీలకు అక్కడే వ్యాక్సిన్‌ వేస్తున్నారు. ఇదిగో ఈ దృశ్యం గంగవరం మండలం జీడిమాకులపల్లి వద్ద శుక్రవారం ‘సాక్షి’కి కనిపించింది.  

కరోనా కారణంగా ఎంతోమంది ఉపాధిని కొల్పోయారు. ఆయా రంగాలకు చెందిన ఎంతో మంది ఉద్యోగులు జాబ్స్‌ పోయి నిరుద్యోగులుగా మారారు. ఇక కొన్ని కంపెనీలో ఉద్యోగుల జీతాల్లో కోతలు వేశారు. ఇలా కరోనా, లాక్‌డౌన్‌ వల్ల ఎంతోమంది ఉద్యోగుల పరిస్థితి అగమ్యగోచరంగా మారింది. కానీ సినీ సెలబ్రెటీలకు దగ్గర పనిచేసే స్టాఫ్‌పై మాత్రం కరోనా ఎఫెక్ట్‌ తక్కువగానే పడింది. దీంతో అందరి దృష్టి మన స్టార్‌ల వద్ద పనిచేసే ఉద్యోగులపై, వారి జీతాలపై పడింది. ఈ క్రమంలో హీరోహీరోయిన్ల దగ్గర పనిచేసే కారు డ్రైవర్లు, బాడీగార్డుల నెల జీతాలు సోషల్‌ మీడియాలో చర్చనీయాంశంగా మారాయి. ఈ నేపథ్యంలో మెగా పవర్‌స్టార్‌ రామ్‌చరణ్‌ కారు డ్రైవర్‌ జీతం సోషల్‌ మీడియాలో వైరల్‌ అవుతుంది. అయితే మెగా కుటుంబం ఇంట్లో పని చేసే స్టాఫ్‌కు ఎలాంటి కోరత ఉండదు. వారి దగ్గర పనిచేసే వారిని మెగా కటుంబంగా సొంతవాళ్లల ఆదరిస్తుంది. జీతంతో పాటు పండగలకు, స్పెషల్‌ డేస్‌, బర్త్‌డేలకు వారికి బోనస్‌లు ఇస్తుంటారట. తమ దగ్గర పనిచేస్తున్న ఉద్యోగుల బాధ్యత తమది అన్నట్టుగా భావిస్తాడట చెర్రి. అందుకే తన స్టాఫ్‌కు భారీగా జీతాలు ఇస్తాడట. ఇక తన కారు డైవర్‌కు అయితే దాదాపు రూ. 45 వేల పైనే వేతనం ఇస్తాడని సమాచారం. అంటే ఓ సాఫ్ట్‌వేర్‌ బెసిక్‌ శాలరీకి సమానంగా చెర్రి తన కారు డ్రైవర్‌కు జీతం ఇవ్వడం నిజంగా గొప్ప విషయమే. ఎందుకంటే బయటకు వెళ్లినప్పుడు ఎక్కువ శాతం చెర్రియే స్వయంగా డ్రైవ్‌ చేసుకుంటూ వెళతాడు. డ్రైవర్‌ను అతి తక్కువ సమయంలోనే తనతో పాటు తీసుకు వెళతాడు. అలాంటిది అంతగా జీతం ఇవ్వడమంటే ఆశ్చర్యమే కదా. అయితే కేవలం డ్రైవర్‌కు మాత్రమే కాదు ఇంట్లో పని చేసే పనివాళ్లకు కూడా బాగానే జీతం ఉంటుందట. కాగా ప్రస్తుతం చరణ్‌ ఎస్‌ఎస్‌ రాజమౌళి ఆర్‌ఆర్‌ఆర్‌ మూవీ షూటింగ్‌తో బిజీగా ఉన్నాడు. కరోనా సెకండ్‌ వేవ్‌ కారణంగా నిలిచిపోయిన ‘ఆర్‌ఆర్‌ఆర్‌’ ఈ షూటింగ్‌ ఇటీవల ప్రారంభమైంది. దీనితో పాటు శంకర్‌ డైరెక్షన్‌లో ఓ పాన్‌ ఇండియా మూవీ తెరకెక్కుతున్న సంగతి తెలిసిందే.   

న్యూఢిల్లీ: దివాలా ప్రక్రియలో భాగమైన జెట్‌ ఎయిర్‌వేస్‌ను సొంతం చేసుకోనున్న కంపెనీ సంస్థ సిబ్బందికి ఫోన్‌ లేదా ఐప్యాడ్‌ లేదా ల్యాప్‌టాప్‌ను ఆఫర్‌ చేస్తోంది. అంతేకాకుండా నగదును సైతం చెల్లించేందుకు ప్రతిపాదించింది. జాతీయ కంపెనీ చట్ట ట్రిబ్యునల్‌(ఎన్‌సీఎల్‌టీ) అనుమతించిన రుణ పరిష్కార ప్రణాళికలో భాగంగా జెట్‌ ఎయిర్‌వేస్‌ సిబ్బందిలో కనీసం 95 శాతం టేకోవర్‌కు అనుకూలంగా ఓటింగ్‌ చేయవలసి ఉంటుంది. ఇలాగైతేనే జెట్‌ ఎయిర్‌వేస్‌ కొనుగోలు బిడ్‌కు క్లియరెన్స్‌ లభించనుంది. జలాన్‌ కల్రాక్‌ కన్సార్షియం జెట్‌ ఎయిర్‌వేస్‌ను కొనుగోలు చేసేందుకు బిడ్‌ను గెలుపొందిన సంగతి తెలిసిందే. కంపెనీ సిబ్బంది(ఉద్యోగులు, కార్మికులు) ప్రయోజనాల నేపథ్యంలో టేకోవర్‌ ప్రక్రియకు ఈ నెల 5న ప్రారంభమైన వోటింగ్‌ ఆగస్ట్‌ 4వరకూ కొనసాగనుంది. గత నెల 22న ఎన్‌సీఎల్‌టీ కొన్ని షరతులతో జలాన్‌ కల్రాక్‌ కన్సార్షియంకు గ్రీన్‌సిగ్నల్‌ ఇచ్చింది. దీనిలో భాగంగా కంపెనీ సిబ్బందికి కొన్ని రకాల లబ్ధిని చేకూర్చేందుకు కన్సార్షియం ఆమోదించింది. ఈ అంశాలను జెట్‌ ఎయిర్‌వేస్‌ వెబ్‌సైట్‌లో పొందుపరిచారు. రుణ భారం, నష్టాలతో కుదేలైన జెట్‌ ఎయిర్‌వేస్‌ 2019 ఏప్రిల్‌ 17న మూత పడింది. తదుపరి 2019 జూన్‌ 20న దివాలా చర్యలు ప్రారంభమయ్యాయి.   ఆఫర్‌ ఇలా..: జెట్‌ ఎయిర్‌వేస్‌ సిబ్బంది(కార్మికులు)కి టేకోవర్‌ కంపెనీ ఫోన్‌ లేదా ఐప్యాడ్‌ లేదా ల్యాప్‌టాప్‌ను ఇచ్చేందుకు సన్నద్ధమైంది. అంతేకాకుండా రూ. 22,800 చొప్పున నగదును చెల్లించనుంది. ఇక ఉద్యోగులకు ఒక్కొక్కరికీ రూ.11,000 చొప్పున అందించనుంది. జెట్‌ ఎయిర్‌వేస్‌ను సొంతం చేసుకునేందుకు జలాన్‌ కల్‌రాక్‌ కన్సార్షియం మొత్తంగా నగదు రూపేణా రూ. 1,375 కోట్లను వెచ్చించనుంది. 

న్యూఢిల్లీ: సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) డైరెక్టర్ సుబోధ్ కుమార్ జైస్వాల్ అధికారులకు, సిబ్బందికి కీలక ఆదేశాలు జారీ చేశారు. ఇకపై కార్యాలయంలోని అధికారులు జీన్స్, టీషర్ట్స్‌,స్పోర్ట్స్ షూస్, వేసుకోకూడదని స్పష్టం చేశారు. ఈ ఆదేశాలు తక్షణమే అమలులోకి వస్తాయని ఇకనుంచి ప్రతీ ఒక్కరూ వీటిని పాటించాలన్నారు. దీని ప్రకారం సీబీఐలో పని చేసే పురుషులు ఇకపై షర్ట్స్‌, ఫార్మల్‌ ప్యాంట్లు, ఫార్మల్‌ షూస్‌ వేసుకోవాలి. అలాగే నీట్‌గా షేవ్‌ చేసుకోవాలి. ఇక మహిళా అధికారులైతే చీరలు, సూట్లు, ఫార్మల్‌ షర్ట్స్‌, ప్యాంట్లు మాత్రమే వేసుకొని కార్యాలయాలకు రావాలి. ఈ మార్గదర్శకాలను ఖచ్చితంగా పాటించేలా చూడాలని దేశవ్యాప్తంగా ఉన్న సీబీఐ శాఖల అధిపతులకు తెలిపారు. చదవండి: వ్యాక్సిన్‌ వేసుకుంటే.. బిర్యానీ, బైకు, బంగారం.. ఎక్కడో తెలుసా?

సాక్షి, బంజారాహిల్స్‌ (హైదరాబాద్‌): రాష్ట్రంలో ప్రస్తుతం లాక్‌డౌన్‌ కొనసాగుతున్న వేళ ...టీడీపీ అధినేత, ఏపీ మాజీ ముఖ్యమంత్రి నారా చంద్రబాబు నాయుడు తన సిబ్బందికి సొంత గుర్తింపు కార్డులిచ్చి రోడ్లపై స్వేచ్ఛగా తిరిగేందుకు దోహదపడ్డారు. శుక్రవారం ఉదయం 10 గంటల తర్వాత జూబ్లీహిల్స్‌ రోడ్‌ నంబర్‌ 36 నీరూస్‌ చౌరస్తాలో జాషువా అనే డ్రైవర్‌ ద్విచక్ర వాహనంతో బయటకు వచ్చాడు. జూబ్లీహిల్స్‌ పోలీసులు అతడిని ఆపగా ‘నారా ఫ్యామిలీ పర్సనల్‌ ప్రొటెక్షన్‌ గ్రూప్‌’పేరుతో గుర్తింపు కార్డుని చూపించాడు. దీంతో ఈ కార్డుల గురించి పోలీసులు అతడిని ప్రశ్నించగా...చంద్రబాబు కుటుంబం వద్ద పనిచేస్తున్న ఓ పాతికమందికి పైగా సిబ్బందికి ఈ గుర్తింపు కార్డులిచ్చినట్లు తెలిసింది. దీంతో పోలీసులు అతడికి జరిమానా విధించి కేసు నమోదు చేశారు.   

జొహ‌న్నెస్‌బ‌ర్గ్‌: భార‌త్‌లో క‌రోనా వైర‌స్‌ విలయతాండం చేస్తోంది. ఈ నేప‌థ్యంలో ఇప్పటికే పలు దేశాలు భారత్‌ నుంచి వెళ్లే విమానాల‌పై నిషేధం విధించిన సంగతి తెలిసిందే. ఇక నౌక‌ల‌పై కూడా ఆంక్ష‌లు విధించేలా పరిణామాలు కన్పిస్తున్నాయి. భార‌త్ నుంచి బియ్యం లోడుతో ఓ భారీ నౌక ద‌క్షిణాఫ్రికాకు చేరుకుంది. అక్కడి పోర్టు అధికారులు నౌక సిబ్బందికి కరోనా పరీక్షలు చేయగా వారికి పాజిటివ్‌ గా నిర్ధారణ అయ్యింది. దీంతో అక్కడి పోర్టు అధికారులు అప్రమత్తమయ్యారు. ఇటీవల భారత్‌ నుంచి ఓ నౌక సుమారు మూడు వేల ట‌న్నుల‌కు పైగా బియ్యం లోడుతో సాతాఫ్రికాలోని డర్బన్‌ పోర్టుకు చేరుకుంది. ప్రస్తుత కరోనా పరిస్థితులను దృష్టిలో ఉంచుకొని నౌక‌లోని సిబ్బందికి కరోనా పరీక్షలు నిర్వహించారు. ఆశ్చర్యంగా అందులో 14 మంది సిబ్బందికి పాటిజివ్‌గా నిర్ధార‌ణ అయిందని ద‌క్షిణాఫ్రికాకు చెందిన‌ ట్రాన్స్‌నెట్ నేష‌న‌ల్ పోర్ట్ అథారిటీ వెల్లడించింది. ప్ర‌స్తుతం ఆ నౌకను క్వారంటైన్‌లో ఉంచామని, అందులోకి వెళ్ల‌డానికి, బ‌య‌ట‌కు రావ‌డానికి ఎవ‌రికీ అనుమ‌తి లేద‌ని పోర్టు అధికారులు వెల్ల‌డించారు. నౌకతో ముడిపడి ఉన్న అన్ని కార్యకలాపాలను ప్రస్తుతం నిలిపివేశారు. నౌకలోని సిబ్బందిని ఎవ‌రెవ‌రు క‌లిశార‌నే విష‌యాన్ని గుర్తించే ప‌నిలో అధికారులు నిమగ్నమైనట్లు  తెలిపారు. ఆ నౌకలో గ‌త ఆదివారం నుంచి సుమారు 200 మంది పోర్టు సిబ్బంది ప‌నిచేస్తున్న‌ట్లు స్థానిక మీడియా వ‌ర్గాలు వెల్ల‌డించాయి. అందులో 50 కిలోల బ్యాగుల్లో బియ్యం ఉన్నాయని, వాటిని దింపడానికి ఈ సిబ్బంది పని చేసినట్లు తెలిసింది. భారతదేశంలో రోజూ వేలాది మంది మరణాలకు కారణమవుతున్న కరోనా కొత్త వేరియంట్ దక్షిణాఫ్రికా తీరాలకు చేరిందనే వార్త  ప్రస్తుతం అక్కడి మీడియాలో వైరల్‌గా మారింది. ( చదవండి: 22 ప్రవేశమార్గాలను మూసేసిన నేపాల్‌ )

తడ (నెల్లూరు జిల్లా): రేషన్‌ సరుకులు సరఫరా చేసేందుకు వెళ్లిన డోర్‌ డెలివరీ వాహన సిబ్బందిపై కొందరు టీడీపీ కార్యకర్తలు దాడికి తెగబడ్డారు. అడ్డుపడిన ఇద్దరు వలంటీర్లపై సైతం దాడి చేశారు. ఈ ఘటన శ్రీపొట్టిశ్రీరాములు నెల్లూరు జిల్లా తడ మండలం వేనాడు పంచాయతీ మట్టిగుంటలో జరిగింది. పోలీసుల సమాచారం మేరకు శనివారం మట్టిగుంట సెంటర్‌లో బియ్యం పంపిణీ చేస్తున్న సమయంలో నెట్‌వర్క్‌ సమస్య తలెత్తింది. ఎన్నికల వివాదాన్ని దృష్టిలో ఉంచుకున్న కొందరు టీడీపీకి చెందిన వ్యక్తులు దీనిని ఆసరాగా చేసుకుని డోర్‌ డెలివరీ వాహనం డ్రైవర్‌ ఆర్ముగం, సహాయకుడు తోట ప్రసాద్‌లపై దాడికి దిగారు. ఈ దాడిలో ప్రసాద్‌కు రక్త గాయాలయ్యాయి. అడ్డుకునేందుకు ప్రయత్నించిన వలంటీర్లు దేవి, సురేష్‌లపై కూడా దాడి చేసి బీభత్సం సృష్టించారు. స్థానికులు కలగజేసుకుని అడ్డుపడ్డారు. దీనిపై బాధితులు తడ పోలీస్‌స్టేషన్‌లో ఫిర్యాదు చేశారు. పోలీసులు దర్యాప్తు చేస్తున్నారు. చదవండి: వైఎస్సార్‌సీపీ శ్రేణులపై జనసేన రాళ్ల దాడి ప్రలోభాలతో ఓటర్లకు టీడీపీ ఎర

సాక్షి, కర్నూలు(హాస్పిటల్‌): కరోనా సమయంలో రోగుల అమాయకత్వాన్ని ఆసరాగా చేసుకుని కొందరు మోసగాళ్లు బరితెగిస్తున్నారు. ఓ వ్యక్తి కరోనాతో చనిపోయాడంటూ అతని కుటుంబ సభ్యులను మభ్యపెట్టి, అంత్యక్రియలకు అంబులెన్స్‌ నిర్వాహకులు రూ.85 వేలు వసూలు చేశారు. డెత్‌ సర్టిఫికెట్‌లో కరోనాతో చనిపోలేదని తెలుసుకుని అంబులెన్స్‌ డ్రైవర్, సిబ్బంది చేతిలో మోసపోయామని నిర్ధారించుకున్నారు. ఇదే విషయాన్ని బాధితులు సోషల్‌ మీడియాలో పోస్ట్‌ చేస్తూ మరొకరు మోసపోవద్దని కోరారు.    కర్నూలు నగరంలోని బి.క్యాంపునకు చెందిన కరణం సాయినాథరావు(67) ఈ నెల 14న తీవ్ర అస్వస్తతకు గురయ్యాడు. అతన్ని ప్రైవేటు అంబులెన్స్‌లో కర్నూలు ప్రభుత్వ ఆసుపత్రికి తీసుకెళ్లారు. (8,827 మంది డిశ్చార్జ్‌) పరీక్షించిన వైద్యులు అప్పటికే మృతి చెందినట్లు ధ్రువీకరించారు. అయితే సాయినాథరావు కరోనాతో చనిపోయాడని బాధితులకు అంబులెన్స్‌ డ్రైవర్, సిబ్బంది చెప్పారు. మృతదేహాన్ని తామే అంత్యక్రియలకు తీసుకెళ్లాల్సి ఉంటుందని, వైరస్‌ వ్యాప్తి చెందకముందే తరలించాలని తొందరపెట్టారు. నిరక్షరాస్యులైన మృతుని భార్య.. విదేశాల్లో ఉన్న కుమారునికి ఫోన్‌ చేసి విషయం చెప్పింది. ఆస్ట్రేలియాలోని మెల్‌బోర్న్‌లో ఉంటున్న కుమారుడు క్రాంతి కిరణ్‌ అక్కడి నుంచే ఫోన్‌లో అంబులెన్స్‌ సిబ్బందితో మాట్లాడారు. అంత్యక్రియలు నిర్వహించేందుకు రూ.85 వేలకు ఒప్పందం చేసుకుని, ఫోన్‌ పే ద్వారా సురేష్‌బాబు ఖాతాకు జమ చేయగా, తన తల్లి రూ.35 వేలు నగదు చేతికి ఇచ్చింది. (అత్యధికంగా 69,878 పాజిటివ్‌, 945 మరణాలు) డెత్‌ సర్టిఫికెట్‌తో వెలుగులోకి..  సాయినాథ్‌రావు మరణ ధ్రువీకరణ పత్రం కోసం కుటుంబసభ్యులు గురువారం ప్రభుత్వాస్పత్రికి వెళ్లారు. అక్కడ డాక్టర్‌ ఇచ్చిన సర్టిఫికెట్‌ చూసి షాక్‌ తిన్నారు. సాయినాథ్‌రావు కరోనాతో చనిపోలేదని, సీఆర్‌ఎఫ్‌(క్రానిక్‌ రెస్పిరేటరీ ఫెయిల్యూర్‌ లేదా క్రానిక్‌ రీనల్‌ ఫెయి ల్యూర్‌)తో చనిపోయాడని డ్యూటీ డాక్టర్‌ రేవతి పేరుతో ధ్రువపత్రం అందించారు. దీనిని వాట్సాప్‌ లో విదేశాల్లోని కుమారుడు క్రాంతి కిరణ్‌కు పంపించారు.జరిగిన మోసాన్ని తెలుసుకున్న అతను..విషయాన్ని సోషల్‌ మీడియాలో పోస్ట్‌ చేయడంతో అసలు కథ వెలుగులోకి వచ్చింది.

సాక్షి, హైదరాబాద్‌: రాజ్‌భవన్‌లో కరోనా కలకలం రేగింది. 38 మంది సిబ్బందికి పాజిటివ్‌ నిర్ధారణైం ది. గవర్నర్‌కు నెగెటివ్‌ అని తేలింది. రాజ్‌భవన్‌లో విధులు నిర్వహిస్తున్న 28 మంది స్పెషల్‌ పోలీసు బెటాలియన్‌ సిబ్బంది, 10 మంది ఉద్యోగులు, మ రో 10 మంది వారి కుటుంబసభ్యులు కరోనా బారి నపడినట్టు రాజ్‌భవన్‌ స చివాలయం ఓ ప్రకటనలో తెలిపింది. రాజ్‌భవన్‌ పోలీసు సిబ్బందిలో కొందరు కరోనా బారినపడడంతో గవర్నర్‌ తమిళిసై చొరవ తీసుకుని రెండ్రో జులుగా రాజ్‌భవన్‌ ఉద్యోగులు, వారి కుటుంబ సభ్యులు, పోలీసు సిబ్బందికి కరోనా నిర్ధారణ పరీ క్షలు చేయించారు. తాను కూడా పరీక్ష చేయించుకున్నారు. 395 మందికి పరీక్షలు నిర్వహించగా, 347 మందికి నెగెటివ్, 48 మందికి పాజిటివ్‌ వచ్చింది. గవర్నర్‌కు కరోనా సోకలేదని పరీక్షల్లో తేలింది. కరోనా పరీక్షలకు భయపడొద్దు కరోనా సోకిన రాజ్‌భవన్‌ సిబ్బంది, కుటుంబసభ్యులను ఎస్‌ఆర్‌ నగర్‌లోని ప్రభుత్వ ఆయుర్వేద ఆస్పత్రికి, 28 మంది పోలీసు సిబ్బందిని ప్రత్యేక ఐసోలేషన్‌ కేంద్రానికి పంపించారు. రెడ్‌జోన్లలో నివసిస్తున్న ప్రజలు, కరోనా సోకినవారితో కాంటాక్ట్‌ ఉన్న వారు తక్షణమే పరీక్షలు చేయించుకోవాలని గవర్నర్‌ విజ్ఞప్తి చేశారు.

సాక్షి, హైదరాబాద్‌: ముఖ్యమంత్రి కల్వకుంట్ల చంద్రశేఖర్‌రావు అధికారిక నివాసం ప్రగతిభవన్‌లో పనిచేసే ఐదుగురు వ్యక్తులకు కరోనా వైరస్‌ సోకింది. దీంతో ప్రభుత్వవర్గాల్లో కలకలం రేగింది. వైద్య,ఆరోగ్య శాఖ అధికారులు వెంటనే రంగంలోకి దిగి ఈ ఉద్యోగులు తిరిగిన ప్రాంతాల్లో శానిటైజేషన్‌ పనులు చేపట్టారు. గత నాలుగు రోజులుగా సీఎం గజ్వేల్‌లోని ఆయన నివాసగృహంలో ఉంటున్నారు. అయితే, ప్రగతిభవన్‌ ఉద్యోగులకు కరోనా అంశంపై ప్రభుత్వం అధికారికంగా ఎలాంటి ప్రకటన చేయలేదు.

సాక్షి, ముంబై: కరోనా మహమ్మారి ప్రకంపనలు బాలీవుడ్ నటుడు ఆమీర్ ఖాన్ (55)ఇంటిని తాకాయి. తన సిబ్బందికి కరోనా పాజిటివ్‌ వచ్చిందని స్వయంగా ఆమీర్ వెల్లడించారు. వెంటనే వారిందరినీ క్వారంటైన్  చేసినట్టు తెలిపారు. సోషల్ మీడియా ద్వారా ఆమీర్ ఈ సమాచారాన్ని షేర్ చేశారు. కుటుంబ సభ్యులందరికీ నిర్వహించిన పరీక్షల్లో నెగెటివ్ ఫలితం వచ్చిందని ఆమీర్ ట్విటర్ ద్వారా ప్రకటించారు. అయితే తన తల్లికి ఇంకా పరీక్షలు నిర్వహించాల్సి ఉందని చెప్పారు. ఆమెకు నెగిటివ్ రావాల్సిందిగా కోరుకోవాలంటూ అభ్యర్థించారు. ఈ సందర్భంగా తక్షణం స్పందించి, సహాయం అందించిన ముంబై మున్సిపల్ కార్పొరేషన్ సిబ్బందికి ఆయన కృతజ్ఞతలు తెలిపారు. అలాగే కోకిలా బెన్ ఆసుపత్రి సిబ్బందికి, వైద్యులకు కూడా ఆమీర్ ప్రత్యేక ధన్యవాదాలు తెలిపారు. కాగా టామ్ హాంక్స్ నటించిన హాలీవుడ్ బ్లాక్ బస్టర్ 'ఫారెస్ట్ గంప్'  హిందీ రీమేక్ లో 'లాల్ సింగ్ చద్దా' లో అమీర్ కనిపించనున్నారు. 'సీక్రెట్ సూపర్ స్టార్' దర్శకుడు అద్వైత్ చందన్ దీన్ని తెరకెక్కిస్తున్నారు. అమీర్ సరసన కరీనా కపూర్ ఖాన్ ప్రధాన పాత్రలో నటిస్తున్న ఈ చిత్రాన్ని 2020 క్రిస్మస్ సందర్భంగా  విడుదల చేయాలని భావిస్తున్నారు. ఆమీర్  భార్య కిరణ్ రావు దీన్ని నిర్మిస్తున్న సంగతి తెలిసిందే. pic.twitter.com/TATvKCf6gf — Aamir Khan (@aamir_khan) June 30, 2020

ముంబాయి: సుశాంత్‌ సింగ్‌రాజ్‌పుత్‌ మరణం బాలీవుడ్‌లో మాత్రమే కాకుండా అందరిని ఎం‍త శోకసంద్రంలో ముంచిదో తెలిసిందే. సుశాంత్‌ మరణానికి సంబంధించిన విషయాన్ని పోలీసులు దర్యాప్తు చేస్తున్న క్రమంలో సుశాంత్‌కు సంబంధించిన కొన్ని ఆసక్తికరమైన విషయాలు బయటకు వస్తున్నాయి. సుశాంత్‌ ఆత్మహత్య చేసుకోవడానికి కొన్ని రోజుల ముందు నుంచే తనని తాను సన్నద్ధం చేసుకున్నట్లు తెలుస్తోంది. చనిపోవడానికి మూడు రోజుల ముందే ఇంట్లో పనివారిని, తాను డబ్బులు ఇవ్వాల్సిన వారికి ఇచ్చేసినట్లు ఇంట్లో పనివారు పోలీసులకు తెలిపారు.  ('సుశాంత్ కాంట్రాక్ట్‌ ముగిసింది.. నువ్వు కూడా') ఇవ్వాల్సిన దానికంటే ఇంకా ఎక్కువే ఇచ్చి ఇంకా తాను వారికి జీతాలు ఇవ్వలేనని చెప్పినట్లు వారు పోలీసులకు తెలిపారు. ఇన్ని రోజులు తన బాగోగులు చూసుకున్నందుకు కృతజ్ఞతలు తెలిపినట్లు చెప్పారు. ఆర్థికంగా తాను ఇబ్బందులు ఎదుర్కొంటున్నా ఇంట్లో పనివారు కరోనా కారణంగా ఇబ్బంది పడటం చూసి వారికి ఇవ్వాల్సిన దానికన్నా ఎక్కువే సాయం చేయడం బట్టే సుశాంత్‌ మంచి తనం అర్థం అవుతుందని ఆయన అభిమానులు అంటున్నారు. (సుషాంత్‌ మరణం టిక్‌టాక్‌లో చూసి..)

సాక్షి,  ముంబై: కరోనా వైరస్ మహమ్మారి సంక్షోభంతో ఆదాయాలను కోల్పోయిన పలు సంస్థలు ఉద్యోగాల కోత, వేతనాలు తగ్గింపు లాంటి నిర్ణయాలు తీసుకుంటున్న తరుణంలో ఫ్రెంచ్ కార్ల తయారీ సంస్థ రెనాల్ట్ ఇండియా కీలక నిర్ణయం తీసుకుంది. కోవిడ్-19 సంక్షోభంతో ఇబ్బందులు పడుతున్న తమ ఉద్యోగులకు అండగా నిలవాలని భావించింది.  వేతనాలు పెంపు, పదోన్నతులు ప్రకటించి ప్రత్యేకంగా నిలిచింది. తన సిబ్బంది మనోస్థైర్యాన్ని పెంచడం కీలకమని, అందుకే ఈనిర్ణయం తీసుకున్నామని రెనాల్ట్ ఇండియా తెలిపింది. 2020 ఆర్థిక సంవత్సరంలో 10-12 శాతం పోలిస్తే ఈ పెంపు ఎక్కువగా ఉండటం మరో విశేషం.  ఎకనామిక్ టైమ్స్ నివేదిక ప్రకారం కరోనా, లాక్ డౌన్  ప్రభావం ఉన్నప్పటికీ రెనాల్ట్ ఇండియా ప్రైవేట్ లిమిటెడ్ (ఆర్ఐపిఎల్) తన ఉద్యోగులకు 15 శాతం వేతన పెంపును అమలు చేయనుంది. 2021 ఆర్థిక సంవత్సరానికి పదోన్నతులు కూడా ఇస్తోంది. ఆగస్టు నుంచి అమల్లోకి వచ్చేలా 250 మంది ఉద్యోగులకు 15 శాతం వేతన పెంపును ప్రకటించింది. అలాగే 30 మందికి పైగా అధికారులకు పదోన్నతులు ఇవ్వాలని నిర్ణయించింది. అయితే జీతాల పెంపు నుంచి తన భాగస్వాములైన నిస్సాన్, రెనాల్ట్ నిస్సాన్ టెక్నాలజీ బిజినెస్ సెంటర్ ఇండియాను మినహాయించింది. మరోవైపు ఉద్యోగులకు జీతాలందించేందుకుగాను  తన డీలర్లకు ఆర్థిక సహాయాన్ని ప్రకటించింది.  కార్లు,  విడిభాగాలపై మార్జిన్‌ను 200-300 బేసిస్ పాయింట్ల వరకు పెంచింది. చదవండి :  మారుతికి షాక్ : టాప్ సెల్లింగ్ కార్ ఇదే!

సాక్షి, చెన్నై : ప్రముఖ మొబైల్ తయారీదారు నోకియా తమిళనాడులోని శ్రీపెరంబుదూర్‌లోని ప్లాంట్‌ లో కార్యకలాపాలను నిలిపివేసినట్టు మంగళవారం ప్రకటించింది. తమ కర్మాగారంలోని సిబ్బందికి కరోనా వైరస్ పాజిటివ్ రావడంతో  ముందు జాగ్రత్త చర్యగా ఈ నిర్ణయం తీసుకున్నట్టు తెలిపింది. అయితే ఎంతమంది కార్మికులు వైరస్ బారిన పడ్డారనేది నోకియా వెల్లడించలేదు. మరోవైపు కనీసం 42 మందికి కరోనా సోకిందనే వాదన వినిపిస్తోంది. లాక్‌డౌన్ సడలింపుల నేపథ్యంలో సంబంధిత నిబంధనల ప్రకారం ఇటీవల ఇక్కడ కార్యకలాపాలను ప్రారంభించామని, భౌతిక దూరం, క్యాంటీన్ లో మార్పులు లాంటి  నిబంధనలను పాటిస్తున్నామని నోకియా ఒక ప్రకటనలో తెలిపింది. అయితే  తాజా పరిణామం నేపథ్యంలో పరిమిత సిబ్బందితో త్వరలోనే కార్యకలాపాలను తిరిగి ప్రారంభించాలని ఆశిస్తున్నామని చెప్పింది. కాగా  చైనా స్మార్ట్‌ఫోన్ తయారీ సంస్థ  ఒప్పో కూడా ఇటీవల తిరిగి ప్రారంభించిన ఢిల్లీ శివార్లలోని ప్లాంట్ ను మూసివేసింది. తొమ్మిది మందికి కరోనా సోకడంతో  ప్లాంట్‌లో కార్యకలాపాలను గత వారం నిలిపివేసిన సంగతి తెలిసిందే.

తన ఇంట్లో పని చేసే సిబ్బందిలో ఇద్దరికి కరోనా వైరస్‌ సోకినట్లు వెల్లడించారు బాలీవుడ్‌ దర్శక – నిర్మాత కరణ్‌ జోహార్‌. ‘‘మా ఇంటి సిబ్బందిలో ఇద్దరికి కరోనా పాజిటివ్‌ వచ్చింది. వెంటనే మా భవనంలోని ఓ ప్రత్యేక గదిలో వారిని ఉంచి సంబంధిత అధికారులకు సమాచారం అందించాం. ఆ తర్వాత మా కుటుంబ సభ్యులు, మా ఇతర సిబ్బంది.. అందరం కరోనా పరీక్ష చేయించుకున్నాం. నెగటివ్‌ వచ్చింది. అయినప్పటికీ మేమందరం 14 రోజుల పాటు సెల్ఫ్‌ ఐసొలేషన్‌లో ఉండాలని నిర్ణయించుకున్నాం. అన్ని జాగ్రత్తలు తీసుకుంటాం. అలాగే కరోనా బారిన పడ్డ మా సిబ్బంది బాగోగులను చూసుకుంటాను. వారు త్వరలోనే కోలుకుంటారన్న నమ్మకం ఉంది. కరోనా బారినపడకుండా మనమందరం జాగ్రత్తలు తీసుకోవాలి. అందరం ఇళ్లలోనే ఉందాం. సామాజిక దూరాన్ని పాటిస్తూనే అందరం కలిసికట్టుగా ఈ వైరస్‌ను ఓడించగలమని అనుకుంటున్నాను’’ అని పేర్కొన్నారు కరణ్‌ జోహార్‌. 

ప్ర‌ముఖ బాలీవుడ్ చిత్ర నిర్మాత‌, ద‌ర్శ‌కుడు క‌ర‌ణ్ జోహార్ ఇంట్లో ఇద్ద‌రికి క‌రోనా సోకింది. సోమ‌వారం జ‌రిపిన కోవిడ్ ప‌రీక్ష‌లో త‌న ఇంటి స్థాఫ్ ఇద్ద‌రికి క‌రోనా నిర్ధార‌ణ అయ్యింద‌ని స్వ‌యంగా క‌ర‌ణ్ త‌న ట్వీట్ట‌ర్ ద్వారా వెల్ల‌డించారు. మిగ‌తా ఇంటి స‌భ్యుల‌కు, సిబ్బంది ఎవ‌రికీ క‌రోనా సోక‌లేద‌ని అంద‌రూ క్షేమంగా ఉన్న‌ట్లు తెలిపారు. క‌రోనా సోకిన ఇద్ద‌రిని వెంట‌నే త‌న ఇంట్లోనే క్వారంటైన్‌లో ఉంచామ‌ని, వారికి అన్ని విధాల అండ‌గా నిలుస్తాం. అధికారులు సూచించిన అన్ని నిబంధ‌న‌ల‌కు క‌ట్టుబ‌డి ఉన్నాం అని పేర్కొన్నారు. వారికి మంచి ట్రీట్‌మెంట్ అందిస్తున్నాం త్వ‌ర‌లోనే వారు కోలుకుంటారు అని క‌ర‌ణ్ ఆశాభావం వ్య‌క్తం చేశారు.  (ఒంటరినైపోయినట్లు అనిపించింది ) "ఇంటి సిబ్బందిలో ఇద్ద‌రికి క‌రోనా పాజిటివ్ అని నిర్థార‌ణ కాగానే వెంట‌నే ముంబై మున్సిపాల్ కార్పోరేష‌న్‌కి స‌మాచారం ఇచ్చాం. సిబ్బంది వ‌చ్చి మా ఇంటిని, చుట్టు ప‌క్క‌న ప్రాంతాన్ని కెమిక‌ల్ స్ప్రే చేశారు. ప్ర‌భుత్వ ఆదేశాల ప్ర‌కారం మా ఇంట్లో వాళ్లంద‌రం రానున్న 14 రోజుల పాటు సెల్ఫ్ ఐసోలేష‌న్‌లో ఉంటాం. క‌రోనా సంక్షోభంలో ప్ర‌తీ ఒక్క‌రం ప్ర‌భుత్వం సూచించిన నిబంధ‌న‌లను పాటిస్తే క‌రోనాను ధీటుగా ఎదుర్కోవ‌చ్చు. కాబ‌ట్టి అంద‌రూ ఇంట్లోనే ఉండండి, క్షేమంగా ఉండండి"  అంటూ క‌ర‌ణ్ ట్వీట్  చేశారు.  pic.twitter.com/mjcsXZcQ0w — Karan Johar (@karanjohar) May 25, 2020 ఇక సోమ‌వారం క‌ర‌ణ్ పుట్టిన‌రోజు. 47 ఏళ్లు పూర్తిచేసుకొని 48వ వ‌సంతంలోకి అడుగుపెట్టిన బాలీవుడ్ దిగ్గ‌జ ద‌ర్శ‌కుడికి ప‌లువురు శుభాకాంక్ష‌లు తెలిపారు. ఈ సందర్భంగా ఇంట్లోనే కేక్ క‌ట్ చేసిన క‌ర‌ణ్..త‌న ఇద్ద‌రు పిల్ల‌లు యశ్‌ , రూహి స‌ర‌దాగా త‌న‌ను బుడ్డా (ముస‌లోడా )అంటూ పిలిచిన వీడియోను ఇన్‌స్టాగ్రామ్‌లో పంచుకున్నారు. (యశ్‌ నోట ‘ఐ లవ్‌ ఇండియా’ ) లాక్‌డౌన్ మొద‌లైన‌ప్ప‌టినుంచి జ‌ట్టుకు రంగు వేయ‌క తెల్ల‌బ‌డింద‌ని, దీంతో పిల్ల‌లు త‌న‌ను ముస‌లోడా అంటూ ఆట‌ప‌ట్టిస్తున్నార‌ని పేర్కొన్నాడు. అంత‌కంత‌కూ పెరుగుతున్న క‌రోనా కేసుల‌తో భార‌త్ ప్ర‌పంచంలోనే టాప్ 10 లో చోటు ద‌క్కించుకుంది.  దేశంలో ఇప్ప‌టివ‌ర‌కు 1,38,345 క‌రోనా కేసులు న‌మోద‌వ‌గా, 4021 మంది ప్రాణాలు కోల్పోయారు.   

కరోనా వైరస్ సంక్షోభం ఫలితంగా  బిజినెస్ ట్రావెలర్ బ్రిటీష్ ఎయిర్‌వేస్ (బీఏ)భారీ సంఖ్యలో ఉద్యోగులను తాత్కాలికంగా తొలగించనున్నది. సుమారు 36 వేల మంది ఉద్యోగులను సస్పెండ్ చేయాలని  భావిస్తోంది.  ఈ అంశంపై త్వరలోనే కంపెనీ ఒక నిర్ణయం తీసుకోనుంది. ఈ నేపథ్యంలో యునైట్ యూనియన్‌తో బ్రిటీష్ ఎయిర్‌వేస్ ఒక ఒప్పందం కుదర్చుకోనుంది. బ్రిటీష్ ఎయిర్‌వేస్‌కు చెందిన క్యాబిన్ క్రూ, గ్రౌండ్ స్టాఫ్‌, ఇంజినీర్లు, హెడ్ ఆఫీసులో పనిచేసే దాదాపు 80 శాతం మంది ఉద్యోగుల వరకు విధుల నుంచి తొలగించనుది. అంతేకాదు రానున్న రెండు నెలల్లో సగం జీతానికే (50 శాతం వేతన కోత) పైలట్లు విధులను నిర్వహించేలా చర్యలు చేపట్టింది. దీనికి సంబంధించి విమానయాన సంస్థ ప్రత్యేక ఒప్పందం కుదుర్చుకుందని సమాచారం.  మరోవైపు మరో ప్రత్యర్థి సంస్థ  వర్జిన అట్లాంటిక్  రాబోయే రోజుల్లో వందల మిలియన్ల పౌండ్ల విలువై ఉద్దీపన కోసం యూకే ప్రభుత్వాన్ని ఆశ్రయించనుందని  భావిస్తున్నారు. అయితే యూకే ఆర్థికమంత్రి రిషి సునక్ ఇటీవలమాట్లాడుతూ, విమానయానసంస్థలకు "చివరి ప్రయత్నంగా"సహాయం చేయడానికి మాత్రమే ప్రభుత్వం అడుగులు వేస్తుందని, వాటాదారుల నుండి డబ్బును సేకరించడానికి ప్రయత్నించమని విమానయాన సంస్థలను కోరారు. ఈ విషయంలో "కేసుల వారీగా" నిర్ణయాలు తీసుకుంటామని చెప్పారు.  కాగా  కరోనా కల్లోలం కారణంగా  ప్రపంచవ్యాప్తంగా విమానయాన సంస్థలన్నీదాదాపు దేశీయ, అంతర్జాతీయ విమాన సేవలను రద్దు చేశాయి. బీఏ కంపెనీ కూడా దాదాపు అన్ని విమానాలు సేవలు  నిలిపి వేసింది. ప్రపంచ ప్రయాణ ఆంక్షలు, క్షీణిస్తున్న డిమాండ్  విమానయాన సంస్థలు కుదేలవుతున్న సంగతి విదితమే.  (కరోనా : ఎయిరిండియా పైలట్లకు షాక్) చదవండి : కరోనా : పాలసీదారులకు గుడ్ న్యూస్  కరోనాపై పోరు : గూగుల్ భారీ సాయం చైనా నగరంలో కుక్క మాంసంపై శాశ్వత నిషేధం

పశ్చిమగోదావరి, ఏలూరు టౌన్‌: ఏలూరు జిల్లా కేంద్ర ప్రభుత్వాస్పత్రిలో డాక్టర్‌ ఏవీఆర్‌ మోహన్‌ సూపరింటెండెంట్‌గా బాధ్యతలు స్వీకరించి ఐదేళ్ళు పూర్తిచేసుకున్న సందర్భంగా ఈనెల 2న ఆస్పత్రి వైద్య అధికారులు, నర్సింగ్‌ సూపరింటెండెంట్లు, నర్సింగ్‌ విద్యార్థినులు, సిబ్బంది డ్యాన్సులతో హోరెత్తించిన విషయం తెలిసిందే. ఈ ఘటనపై సీరియస్‌గా స్పందించిన వైద్య ఆరోగ్య శాఖ ఉన్నతాధికారులు సూపరింటెండెంట్‌ డాక్టర్‌ ఏవీఆర్‌ మోహన్‌ను ఆ బాధ్యతల నుంచి తప్పించారు. తాజాగా కలెక్టర్‌ రేవు ముత్యాలరాజు డ్యాన్సుల ఘటనపై విచారణకు ఆదేశించారు. విచారణ అధికారిగా జాయింట్‌ కలెక్టర్‌–2 నంబూరి తేజ్‌ భరత్‌ను నియమించారు. ఆయన మంగళవారం ఉదయం ఏలూరు ప్రభుత్వాస్పత్రిలో విచారణ చేపట్టారు. డ్యాన్సులు చేసిన హాలును, సమీపంలోని రోగుల వార్డులను పరిశీలించారు. ఆస్పత్రిలో రోగులకు అందుతున్న సౌకర్యాలు, వైద్యసేవలపైనా అడిగి తెలుసుకున్నారు. ఆస్పత్రిలోని నర్సింగ్‌ కాలేజీ విద్యార్థినులనూ ఆరా తీశారు. ఆ రోజు ఏమి జరిగిందనే దానిపై క్షుణ్ణంగా విచారణ చేపడుతున్నారు. ఆయా విభాగాలకు సంబంధించిన సిబ్బంది, అధికారులు, విద్యార్థినులు, రోగుల స్టేట్‌మెంట్లను రికార్డ్‌ చేస్తున్నారు.  ఆయన మాట్లాడుతూ కలెక్టర్‌ ముత్యాలరాజు విచారణకు ఆదేశించారని, ఈ నేపథ్యంలో పూర్తిస్థాయిలో విచారణ చేపట్టి నివేదిక సమర్పిస్తామని పేర్కొన్నారు. దర్యాప్తు ఇంకా పూర్తి కాలేదని, అందరినీ విచారించాల్సి ఉందని వెల్లడించారు.  

స్టైలిష్‌ స్టార్‌ అల్లు అర్జున్‌ సోషల్‌ మీడియాలో యాక్టివ్‌గా ఉంటారనే సంగతి తెలిసిందే. సినిమాలకు సంబంధించిన అంశాలనే కాకుండా అప్పుడప్పుడు కొన్ని పర్సనల్‌ విషయాలను కూడా ఆయన అభిమానులతో పంచుకుంటుంటారు. తాజాగా బన్నీ తన వద్ద పనిచేసే స్టాఫ్‌ను ఉద్దేశించి ఇన్‌స్టాగ్రామ్‌లో ఓ పోస్ట్‌ చేశారు. తన స్టాఫ్‌ అంతా కలిసి పార్టీ చేసుకున్న ఫొటోను షేర్‌ చేసిన బన్నీ దానిపై సరదాగా స్పందించారు. ‘నేను ఆదివారం లేవగానే ఈ ఫొటో చూశాను. నా స్టాఫ్‌ అంతా శనివారం రాత్రి పార్టీ చేసుకున్నారు. వాళ్లు నైట్‌ నా కంటే ఎక్కువగా ఎంజాయ్‌ చేసి ఉంటారు. మీరు నన్ను కూడా పిలవాల్సింద’ని పోస్ట్‌ చేశారు. తాను స్టైలిష్‌గా డిజైన్‌ చేయించుకున్న కేరవాన్‌ ఫొటోలను కూడా బన్నీ సోషల్‌ మీడియాలో పోస్ట్‌ చేశారు. కాగా, ప్రస్తుతం త్రివిక్రమ్‌ దర్శకత్వంలో తెరకెక్కిస్తున్న మూవీ షూటింగ్‌లో బన్నీ బిజీగా ఉన్నాడు. View this post on Instagram 1st thing I see Sunday morning...all my staff partying on Saturday nite 😂 Their night life is def more happening than mine 😂 . U guys should have called me too 😂 A post shared by Allu Arjun (@alluarjunonline) on Jul 6, 2019 at 10:00pm PDT

సాక్షి, అనంతపురం న్యూసిటీ: సర్వజనాస్పత్రిలో కొందరు సిబ్బంది.. సేవలకు రేటు కట్టారు. ఒక్కోసేవకు రేటు ఫిక్స్‌ చేసి ఇక్కడికొచ్చేవారి జేబులు ఖాళీ చేస్తున్నారు. పేదలమని డబ్బులివ్వకపోతే...నోటికి పని చెబుతారు. అందరిముందే దుర్భాషలాడుతూ పరుపుతీస్తారు. అందుకే ధర్మాస్పత్రికి వచ్చేందుకే జనం జంకుతున్నారు.  సిబ్బందితోనే... ఇబ్బంది  సర్వజనాస్పత్రిలోని గైనిక్, లేబర్‌ వార్డు సిబ్బంది (వైద్యులు, స్టాఫ్‌నర్సులు కాదు) తీరుతో ఇక్కడికి ప్రసవాలకు వచ్చే మహిళలు తీవ్ర ఇబ్బందులు పడుతున్నారు. సిబ్బంది అడిగినంత ఇవ్వకపోతే పురిటి నొప్పుల కంటే ఇక్కడి సిబ్బంది పెట్టే టార్చరే ఎక్కువగా ఉంటుందని గర్భిణీలు, బాలింతలు వాపోతున్నారు. బాలింతలకు ‘జనని సురక్ష యోజన’ కింద ప్రభుత్వం ఇచ్చే డబ్బు కన్నా ముందే సిబ్బందికి రూ.1,500 వరకు ముట్టజెప్పాల్సి వస్తోందంటున్నారు. రూ.500 సరిపోదమ్మా  ‘‘సిజేరియన్‌ చేసిన వెంటనే బాబును శుభ్రం చేశాం. మరీ రూ.500 ఇస్తే ఏం సరిపోతుంది. మేము చాలా మందిమి ఉన్నాం...’’ అని వైద్యసిబ్బంది డిమాండ్‌ చేస్తున్నారని రాప్తాడు మండలం గొందిరెడ్డి పల్లికి చెందిన బాలింత సునీత వాపోయింది. ఆమెకు జూన్‌ 25న ఆస్పత్రిలోని లేబర్‌ వార్డులో సిజేరియన్‌ చేయగా...ఇక్కడి సిబ్బంది డబ్బుకోసం ఇబ్బంది పెట్టారని చెబుతోంది. ఇక స్ట్రెచ్చర్‌ నుంచి గైనిక్‌ వార్డుకి తీసుకొచ్చినందుకు రూ 100, చీర మార్చినందుకు రూ 100, కుట్లు శుభ్రం చేస్తున్నందుకూ  రూ.50 తీసుకుంటున్నారని సునీత తల్లి సుశీల చెబుతున్నారు. ప్రసవం అయ్యాక శిశువును శుభ్రం చేయాలంటే.. రూ.500  బాలింతను స్ట్రెచ్చర్‌పై గైనిక్‌ వార్డుకు తీసుకొస్తే.. రూ 100  చీర మార్చినందుకు..             రూ 100  కుట్లు శుభ్రం చేస్తున్నందుకు..         రూ.50  కుట్లు విప్పేందుకు..             రూ. 200  వీల్‌చైర్‌లో అంబులెన్స్‌ వరకూ తీసుకెళ్తే..     రూ.100  ఇదేదో కార్పొరేట్‌ ఆస్పత్రుల్లో సేవలకు చేసే చార్జ్‌ కాదు.. మన సర్వజనాస్పత్రిలోనే రోగుల నుంచి  సిబ్బంది ముక్కు పిండి వసూలు చేస్తున్న మొత్తం. అడిగినంత ఇవ్వకపోతే ఇక బూతులే. డబ్బులివ్వకపోతే నరకమే!  సర్వజనాస్పత్రికి వచ్చే వారంతా నిరుపేదలే. అందకూ కూలినాలి పనులు చేసుకునేవారే. అలాంటి వారినీ ఆస్పత్రిలోని లేబర్, గైనిక్‌ విభాగంలోని సిబ్బంది పీడిస్తున్నారు. ఆస్పత్రిలోని లేబర్‌వార్డులో రోజూ 30 నుంచి 40 ప్రసవాలు జరుగుతుండగా... వీటితో 10 నుంచి 12 సిజేరియన్లు ఉంటాయి. సిజేరియన్‌ అయిన వారి నుంచి సిబ్బంది భారీగా వసూలు చేస్తున్నారు. పైగా ఆమాత్రం ఇవ్వలేనోళ్లు కడుపెందుకు తెచ్చుకోవాలని నీచంగా మాట్లాడుతున్నట్లు గర్భిణులు వాపోతున్నారు.  చీర మారిస్తే రూ.50  ప్రతి దానికి యాభైలు, వందలు. మేము యాడనుంచి తీసుకురావాలి. మా కోడలు అశ్వినికి పొద్దున్నే డ్రస్‌ మార్చాలంటే రూ.50 ఇస్తేనే చేస్తామంటారు. ఆ డబ్బుల్లేకనే గదా గవర్నమెంట్‌ ఆస్పత్రికి వచ్చింది. ఉన్నోళ్లుంటారు.. పూట గడవనోళ్లు ఉంటారు... లేనోళ్లను ఇబ్బంది పెట్టకండయ్యా. మీకు దండం పెడతాం.   – ఆదెమ్మ, దంతలూరు, బీకేఎస్‌  మగబిడ్డ పుట్టాడు కదా... ఆ మాత్రం ఇవ్వలేవా..?  ‘‘మగ బిడ్డ పుట్టాడు కదా...? ప్రసవమైనప్పుడు ఏమీ ఇవ్వలేదు. కనీసం బిడ్డను శుభ్రం చేసిన దానికి, యూరిన్‌ పైప్‌ వేసినందుకైనా డబ్బులివ్వు’’ అని అడుగుతున్నారని కూడేరు మండలం కలగళ్ల గ్రామానికి చెందిన బాలింత ఆదిలక్ష్మి వాపోయింది. ఆమె జూన్‌ 25న ప్రసవం కాగా..డబ్బుకోసం సిబ్బంది తీవ్రంగా ఇబ్బంది పెట్టారని కన్నీటిపర్యంతమయ్యింది. డబ్బులివ్వకుంటే అందరి ముందే దూషిస్తున్నారని,  పరువు పోతుందని భావించి డబ్బులిస్తున్నామని చెబుతోంది. కూలి పనులు చేసుకునే తమ లాంటి పేదోళ్లతో ఇలా డబ్బులు తీసుకోవడమేంటని ఆవేదన వ్యక్తం చేస్తోంది.   చర్యలు తీసుకుంటాం   ఆస్పత్రిలో వైద్య సేవలన్నీ ఉచితం. ఇక్కడ సిబ్బందికి చిల్లిగవ్వ ఇవ్వాల్సిన పనిలేదు. ఎవరైనా డబ్బులు డిమాండ్‌ చేసినట్లయితే నా దృష్టికి తీసుకురావచ్చు. తప్పకుండా చర్యలు తీసుకుంటాం. త్వరలోనే గైనిక్, లేబర్‌ తదితర విభాగాల వైద్యులు, సిబ్బందితో సమావేశం ఏర్పాటు చేసి ఇలాంటి వాటికి ఫుల్‌స్టాప్‌ పెడతాం.   – డాక్టర్‌ బాబూలాల్, ఆస్పత్రి సూపరింటెండెంట్‌

సాక్షి, కోటబొమ్మాళి(శ్రీకాకుళం) : హాస్టల్‌ సిబ్బంది నిర్లక్ష్యానికి విస్తుపోయారు.. విద్యార్థుల దురవస్థను చూసి చలించిపోయారు.. మాజీ మంత్రి, టెక్క లి ప్రస్తుత ఎమ్మెల్యే అచ్చెన్నాయుడు జమానాలోని బీసీ బాలుర వసతి గృహం లోని దయనీయ స్థితిపై ఆగ్రహం వ్యక్తం చేశారు.. శుక్రవారం రాత్రి నిమ్మాడ హాస్టల్‌ను ఆకస్మిక తనిఖీ చేసిన మంత్రి ధ ర్మాన కృష్ణదాస్‌ ఓ విద్యార్థి తీవ్ర కడుపు నొప్పితో బాధ పడుతున్న విషయాన్ని గ మనించి, వైద్య సిబ్బందిని వసతి గృ హా నికి రప్పించి విద్యార్థికి వైద్య సాయం అం దే విధంగా చర్యలు చేపట్టారు. ఆ సమయంలో హాస్టల్‌ వార్డెన్‌తోపాటు సిబ్బంది ఎవరూ హాస్టల్‌లో లేకపోవడంతో ఆగ్రహం వ్యక్తం చేస్తూ వారిపై చర్యలు తీసుకోవాలని కలెక్టర్‌ను ఆదేశించారు. అక్కడ అందుబాటులో ఉన్న అవుట్‌ సోర్సింగ్‌ ఉద్యోగి రాణి నుంచి వివరాలు అడిగితెలుసుకున్నారు. హాస్టల్లో 98 విద్యార్ధులుండగా శుక్రవారం వారిలో 78 మంది ఉ న్నారు. వారిలో ధనుంజయరావు అనే వి ద్యార్ధికి తీవ్ర అస్వస్థత నెలకొనడంతో వై ద్యసేవలందించారు. మెనూ అమలు, కా స్మొటిక్స్‌ సొమ్ముల గురించి విద్యార్ధులను అడిగి తెలుసుకున్నారు. అచ్చెన్నాయుడు స్వంత గ్రామంలో హాస్టల్‌ పరిస్థితి ఇంత దారుణంగా ఉండడాన్ని ధర్మాన ఆక్షేపిం చారు. హాస్టల్లో మురుగు వ్యవస్థ , మరుగుదొడ్లు సక్రమంగా లేకపోవడంపై మంత్రి విస్తుపోయారు.   వసతి గృహాల్లో సమస్యలు పరిష్కరిస్తాం నరసన్నపేట: వసతి గృహాల్లో నెలకొన్న మౌలిక సమస్యలను విడతల వారీగా పరిష్కరిస్తామని, విద్యార్థులు ఆందోళన చెందవద్దని ఆర్‌అండ్‌బి మంత్రి ధర్మాన కృష్ణదాస్‌ అన్నారు. నరసన్నపేటలో బీసీ కళాశాల విద్యార్థుల వసతి గృహాన్ని శుక్రవారం రాత్రి ఆయన ఆకస్మికంగా తనిఖీ చేశారు. ఈ సందర్భంగా విద్యార్థులు, వార్డెన్‌ నుంచి సమస్యలు అడిగి తెలుసుకున్నారు. అద్దె భవనంలో వసతిగృహం నిర్వహిస్తున్నామని, శాశ్వత భవనం కావాలని వసతిగృహ అధికారులు మంత్రికి తెలిపారు. తాగేందుకు మంచి నీరు లేక ఇబ్బందులు పడుతున్నామని విద్యార్థులు మంత్రి దృష్టికి తీసుకు వచ్చారు. వెంటనే స్పందించిన మంత్రి వారం రోజుల్లో మంచినీటి సమస్య పరిష్కారం కావాలని, ఇందుకు తగిన చర్యలు తీసుకోవాలని సంబంధి త అధికారులను ఆదేశించారు. వసతి గృహంలో భోజన సమస్యలతో పాటు ఇతర సమస్యలు ఏమైనా ఉన్నాయా అని విద్యార్థులను అడిగి మంత్రి తెలుసుకున్నారు. విద్యార్థులకు ఎటువంటి ఇబ్బంది లేకుండా మేట్రిన్లు చూడాలని, చేతివాటం చూపిస్తే కఠిన చర్యలు తీసుకుంటా మని హెచ్చరించారు.  

ఆ భవంతి పేరు ‘లక్ష్మీనిలయం’. అందులో డెబ్బయ్యేళ్ల పురుషోత్తమరావు, అరవై అయిదేళ్ల లక్ష్మీదేవి, ఆరేళ్ల మనవరాలు ‘గుడ్డీ’ ఉంటారు. మూడేళ్ళ క్రితం కొడుకు, కోడలూ కారు యాక్సిడెంటులో పోవడంతో, మనవరాలి బాధ్యత వారిపైన పడింది. పాపను చూసుకోవడానికి సులోచనను ఆయాగా పెట్టుకున్నారు. సులోచన తమ్ముడు శ్రీహరి ఆమధ్యే దుబాయ్‌ నుంచి తిరిగొచ్చాడు. అక్కతోనే ఉంటున్నాడు. ఆ రోజు‘లక్ష్మీనిలయం’లో భయంకర నిశ్శబ్దం అలముకుంది. కారణం– కోటిరూపాయల విలువచేసే వజ్రాలహారం మాయమయింది!క్రైమ్‌ బ్రాంచ్‌ ఇన్స్‌పెక్టర్‌ లావణ్యకు  వజ్రాలహారం చోరీ గురించి ఫిర్యాదు అందగానే తన సిబ్బందితో లక్ష్మీ నిలయానికి వెళ్ళింది.భవనమంతా తిరిగి క్లూస్‌ కోసం వెదికింది. సులోచన ఉంటున్న ఔట్‌ హౌస్‌నీ, పరిసరాలనూ క్షుణ్ణంగా పరిశీలించింది. ఇంటి బయట పాసేజ్‌లో సగం కాల్చి పడేసిన సిగరెట్‌ కనిపించింది. చేతి రుమాలుతో దాన్ని తీసి జేబులో వేసుకుందామె. సులోచన సుమారు ఏడాదిగా పనిచేస్తోందనీ, నమ్మకస్తురాలనీ చెప్పింది లక్ష్మీదేవి. శ్రీహరి గురించి కూడా మంచిగానే చెప్పింది. పురుషోత్తమరావు భార్య అభిప్రాయాన్ని బలపరచాడు. ఒంట్లో బావుండకపోవడంతో ఆదివారం రాత్రి తాను నిద్రమాత్రలు వేసుకుని పడుకున్నట్టు చెప్పింది లక్ష్మీదేవి. తనకు స్మోకింగ్‌ అలవాటు లేదనీ, ఆదివారం రోజున ఇంటికి విజిటర్స్‌ ఎవరూ రాలేదనీ చెప్పాడు అతను.  శనివారం రోజున లక్ష్మీదేవి వజ్రాలహారాన్ని మెళ్ళో వేసుకుని పార్టీకి వెళ్ళడం తాను చూశానంది సులోచన. వాళ్ళు పార్టీ నుంచి తిరిగిరావడం కానీ, హారాన్ని బీరువాలో పెట్టడం కానీ తనకు తెలియదంది. తనకు బాయ్‌ఫ్రెండ్స్‌ ఎవరూ లేరనీ, ఆదివారం తన గదికి ఎవరూ రాలేదనీ చెప్పిందామె. శ్రీహరి ఇంటరాగేషన్లో కొత్త విషయాలేవీ తెలియలేదు. ‘తాను అసలు ఆ వజ్రాలహారాన్నే చూళ్ళేదని చెప్పాడతను. అతను స్మోక్‌ చేస్తాడని తెలుసుకుని, పాసేజ్‌లో దొరికిన సిగరెట్‌ పీకను చూపించింది. అది తనది కాదనీ, తాను ‘చార్మినార్‌’ బ్రాండే వాడతానని చెప్పాడు. ఆ ఇంటికి సంబంధించినంత వరకు ఆ ఐదుగురితోపాటు కారు డ్రైవర్‌ నూకరాజు, మెయిన్‌ గేట్‌ దగ్గర మూడు షిఫ్టుల్లో పనిచేసే ముగ్గురు వాచ్‌మెన్‌ కూడా ఉన్నారు. నూకరాజుకు పాతికేళ్ళుంటాయి. ఆర్నెల్ల క్రితమే చేరాడు. ‘వెల్‌–డిసిప్లిన్డ్‌’ అంటూ కితాబు ఇచ్చాడు పురుషోత్తమరావు. నూకరాజు ఆదివారం నుంచి మూడురోజులు సెలవు తీసుకున్నాడు. కనుక అనుమానితుల జాబితా నుంచి అతన్ని తొలగించింది.  సెకండ్‌ షిఫ్ట్‌ వాచ్‌ మేన్‌ పరమేశానికి యాభయ్యేళ్ళుంటాయి. ఎక్స్‌–సర్వీస్‌ మేన్‌. తన షిఫ్ట్‌లో ఎవరూ ఇంటికి రాలేదని చెప్పాడు. థర్డ్‌ షిఫ్ట్‌ వాచ్‌ మేన్‌ కొండలరావుకు నలభయ్‌ ఐదేళ్ళుంటాయి. ‘‘నిన్న సాయంత్రం నుంచి నా భార్యకు జ్వరం. అందువల్ల రాత్రి డ్యూటీ ఎక్కిన అరగంటకు ఇంటికి వచ్చేశాను మేడమ్‌! ఆ సమయంలోఎదురింటి వాచ్‌మేన్‌ ఏడుకొండలిని చూసుకోమని చెప్పాను. పదకొండు గంటలకు తిరిగి వెళ్ళాను’’ చెప్పాడు. ఏడుకొండలు మంచివాడేననీ, తమ మధ్య అప్పుడప్పుడు అలాంటి అడ్జెస్ట్‌మెంట్స్‌ మామూలేననీచెప్పాడు. అనంతరం ఏడుకొండల్ని ప్రశ్నించిన ఇన్‌స్పెక్టర్‌కి కొన్ని ఆసక్తికరమైన విషయాలు తెలిసాయి. ఆదివారం రాత్రి తొమ్మిది గంటల సమయంలో పురుషోత్తమరావు స్వయంగా డ్రైవ్‌ చేసుకుంటూ కారులో బైటకువెళ్ళాడు. అతను వెళ్ళిన కాసేపటికి సులోచన ఆటోలో ఎక్కడికో వెళ్ళింది. పురుషోత్తమరావు రాకముందే, వెళ్ళిన ఆటోలోనే తిరిగి వచ్చేసింది. పురుషోత్తమరావు తిరిగి వచ్చిన కొన్ని నిముషాలకు శ్రీహరి బైటకు వెళ్ళాడు. ఎప్పుడు తిరిగొచ్చాడో తెలియదు. అలవాటు ప్రకారం సులోచన వెళ్ళొచ్చిన ఆటో నంబర్‌ని చూసిన ఏడుకొండలు,లావణ్య అడగడంతో గుర్తుచేసుకుని చెప్పాడు. ఆ ఆటోని పట్టుకుని, ఆదివారం రాత్రి సులోచన ఎక్కడికి వెళ్ళిందో తెలుసుకున్న లావణ్య ఆశ్చర్యానికి మేరలేకపోయింది. మర్నాడు మధ్యాహ్నం ఇన్‌స్పెక్టర్‌ ‘లక్ష్మీనిలయానికి’ వెళ్ళేసరికి పురుషోత్తమరావు ఇంటివద్ద లేడు. లక్ష్మీదేవి కునుకు తీస్తోంది. గుడ్డీ తన గదిలో ఆడుకుంటోంది. ‘‘గుడ్‌ ఆఫ్టర్‌ నూన్, ఆంటీ!’’ అంటూ ఎదురొచ్చిన గుడ్డీని దగ్గరకు తీసుకుని ముద్దుపెట్టుకుంది లావణ్య. పాప గదిలో కూర్చున్నారిద్దరూ. పాప తన స్కూల్‌ కబుర్లూ, ఫ్రెండ్స్‌ గురించీ గలగలా మాట్లాడేస్తూంటే, మురిపెంగా చూసింది లావణ్య. ఆల్బమ్‌ ఒకటి తెచ్చి చూపిస్తూ, ‘‘ఈ ఫొటోలన్నీ నేనే తీశాను, ఆంటీ!’’ అంది పాప. పెర్ఫెక్ట్‌ గా వచ్చిన ఆ ఫోటోలను చూసి, ఆరేళ్ళ ఆ చిన్నారి ట్యాలెంట్‌ కి ఆశ్చర్యపోయిందామె. పాప తన కెమెరా తెచ్చి చూపించింది. ఫారిన్‌–మేడ్‌ హై–డెఫినిషన్‌ మినీ కెమేరా అది. ఫోటోలో డేటు, టైమూ కూడా పడతాయి. లావణ్య చూపులు ఆల్బమ్‌లోని లక్ష్మీదేవి ఫొటో మీద పడ్డాయి. గదిలో బీరువా దగ్గర నిలుచుని ఉందావిడ. వజ్రాలహారం దాచిన బీరువా అది. ఫొటో మీద ఆ ఆదివారపు తేదీ, రాత్రి తొమ్మిదింపావు సమయమూ ప్రింట్‌ అయ్యాయి. ఆవిడ పైపెదవి మీద ఎడమభాగంలో స్పష్టంగా కనిపిస్తూన్న పుట్టుమచ్చ ఫొటోగ్రఫీలో గుడ్డీకి ఉన్న నైపుణ్యతను చాటుతోంది. ‘‘నాన్నమ్మకు ఫొటో తీయించుకోవడం ఇష్టం ఉండదు. ఆ రాత్రి తాను బీరువాను తెరుస్తూండగా, ఎదురుగా ఉన్న అద్దంలో కనిపించిన తన రూపాన్ని తనకు తెలియకుండా క్లిక్‌ చేసేశాను’’ అంది గుడ్డీ నవ్వుతూ. ‘‘గుడ్‌ వర్క్‌!’’ అని మెచ్చుకుంది లావణ్య. ‘‘ఫొటో బావుంది. నేను తీసుకోనా?’’ అనడిగింది. ‘‘నా దగ్గర ఇంకో కాపీ ఉంది’’ అంటూ, దాన్ని తీసిచ్చింది గుడ్డీ.తనకు స్కూల్లో ఫ్యాన్సీ డ్రెస్‌ కాంపిటీషన్స్‌ లో ప్రైజులు వచ్చాయంటూ, ఆ ప్రైజులను, తాను వేసిన వేషాల ఫొటోలనూ ఉత్సాహంగా చూపించింది గుడ్డీ. తనను సులోచన ఆంటీ తయారు చేసేదని చెప్పింది. లక్ష్మీదేవి నిద్రలేవడంతో హాల్లోకి వెళ్ళింది లావణ్య. ఆవిడ ఇచ్చిన కాఫీ తాగుతూంటే, పురుషోత్తమరావు కూడా వచ్చాడు. ‘‘హారం ఆచూకీ ఏమైనా తెలిసిందా?’’ అనడిగాడు.లేదనీ, కొన్ని క్లారిఫికేషన్స్‌ కోసం వచ్చాననీ చెప్పింది లావణ్య. ఇద్దరూ స్టడీరూమ్‌లో కూర్చున్నారు. ఆదివారం రాత్రి లక్ష్మీదేవి నిద్రమాత్రలు తీసుకున్న విషయం ప్రస్తావించింది ఆమె. తానే భార్యకు పిల్స్‌ ఇచ్చినట్టూ, ఆమె వాటిని మింగి మంచినీళ్ళు తాగి పడుకున్నట్టూ చెప్పాడు అతను. ‘‘ఆదివారం రాత్రి తొమ్మిదిగంటల ప్రాంతంలో ఎక్కడికి వెళ్ళారు మీరు?’’ హఠాత్తుగా ప్రశ్నించిందామె. ‘పురుషోత్తమరావు తమ్ముడి కుటుంబం ఆ ఊళ్ళోనే ఉంటోంది. ఆర్థికంగా ఇబ్బందులకు గురైన ఆ కుటుంబాన్ని భార్యకు తెలియకుండా ఆదుకుంటున్నాడు అతను. ఆరోజు రాత్రి మరదలికి మెడికల్‌ ఎమెర్జెన్సీరావడంతో హాస్పిటల్లో అడ్మిట్‌ చేసి, తమ్ముడు అతనికి ఫోన్‌ చేశాడు. పురుషోత్తమరావు వెళ్ళి కొంత డబ్బు ఇచ్చివచ్చాడు.’‘‘తమ్ముడి కుటుంబానికి సాయం చేయడం నా భార్యకు ఇష్టముండదు. అందుకే ఆ విషయాన్ని గోప్యంగా ఉంచాను’’ అన్నాడు పురుషోత్తమరావు. తరువాత లక్ష్మీదేవిని పిలిచింది లావణ్య. ‘‘మీకు నిద్రలో లేచి తిరిగే అలవాటుందా?’’ అనడిగింది. లేదన్నదావిడ.‘‘ఆదివారం రాత్రి నిద్రమాత్రలు వేసుకుని పడుకుని, మర్నాడు తెల్లవారేంత వరకు లేవలేదన్నారు మీరు. కానీ, అదే రాత్రి తొమ్మిదింపావుకు హారం దాచిన బీరువాను ఎలా తెరిచారు?’’ ఆవిడ ముఖ కవళికలను గమనిస్తూ అడిగింది లావణ్య. ‘‘మీరు బీరువా తెరుస్తూండగా తీయబడ్డ ఫొటో నా వద్ద ఉంది’’. ఆశ్చర్యంగా చూసిందావిడ. ‘‘నా కొడుకు, కోడలూ పోయాక నేను ఫొటో దిగడం మానేశాను. ఎందుకంటే, మేమెంతో ముచ్చటపడి ఫ్యామిలీ అంతా స్టూడియోకి వెళ్ళి ఫొటో తీయించుకున్న మూడోరోజునే ఆ ప్రమాదం జరిగింది’’ బాధగా అందావిడ. ‘‘కనుక నా ఫొటో మీ దగ్గర ఉందంటే నేను నమ్మను’’.  గుడ్డీ తీసిన ఫొటోని ఆవిడకు చూపించలేదు లావణ్య.అక్కడి నుంచి ఔట్‌ హౌస్‌ కి వెళ్ళింది. సులోచన ఇంట్లోనే ఉంది. శ్రీహరి బయటకు వెళ్ళాడంది. ‘‘అమ్మగారి హారం ఆచూకీ ఏదైనా తెలిసిందా మేడమ్‌?’’ అనడిగింది.‘‘ఇంకా లేదు. ప్రతి నేరస్తడూ ఏదో ఒక పొరపాటు చేయక మానడు. అది చిన్నదైనా సరే. ఆ పొరపాటు కోసమే గాలిస్తున్నాను’’ అంది లావణ్య. ‘‘అన్నట్టు, పురుషోత్తమరావుగారి డ్రైవర్‌ ఎలాంటివాడు?’’. మంచివాడేననీ, తన పనేదో తనదేకానీ, ఇతరుల విషయాలలో జోక్యం చేసుకోడనీ చెప్పింది సులోచన. లావణ్య శ్రీహరి కోసం వెయిట్‌  చేయలేదు. అతని గురించి ఆల్రెడీ విచారించింది. దుబాయ్‌లో ఓ గొడౌన్లో పని చేసేవాడతను. యజమాని సక్రమంగా జీతం చెల్లించకుండా ఎక్స్‌ప్లాయిట్‌ చేస్తూండడంతో, ఇండియాకి తిరిగి వచ్చేశాడు. క్రిమినల్‌ బ్యాక్‌ గ్రౌండ్‌ లేదు. ఆదివారం రాత్రి పక్కవీధిలో చివరగా ఉన్న ఇంటికి వెళ్ళాడతను. ఆ ఇంట్లోని సర్వెంట్‌ మెయిడ్‌ తో అతనికి అక్రమ సంబంధం ఉంది. అప్పుడప్పుడు చాటుమాటుగా కలుసుకుంటూంటారు ఇద్దరూ.శంకరం ఆదివారం రోజున తాను లక్ష్మీనిలయానికి వెళ్ళినట్టూ, అందరూ పడుకోవడంతో కాసేపుండి తిరిగి వెళ్ళిపోయినట్టూ చెప్పాడు.  సిగరెట్‌ కాలుస్తూ హాల్లోనే కూర్చున్నాడనీ, హారం సంగతీ తనకు తెలియదనీ చెప్పాడు. వెళ్ళిపోతూ కాలుస్తూన్న సిగరెట్‌ని ఆర్పేసి కిటికీలోంచి బయటకు విసిరేసినట్టు చెప్పి, ఇన్‌స్పెక్టర్‌ చూపించిన సిగరెట్‌ పీక తనదేనని ఒప్పుకున్నాడు. లావణ్యకు పాత సినిమా పాటలంటే ఇష్టం. ఇంట్లో రికార్డర్‌లో వస్తూన్న దేవదాసు సినిమాలోని పాటలు వింటూ, కేసు పేపర్స్‌ ని స్టడీ చేస్తోంది. ‘జగమే మాయా’ పాట అయిపోగానే, ‘కుడి ఎడమైతే పొరపాటు లేదోయ్‌’ మొదలయింది. తన్మయత్వంతో ఆలకిస్తూన్న లావణ్య, ఉన్నట్టుండి ఉలికిపడింది. హఠాత్తుగా గుడ్డీ చెప్పిన విషయం ఒకటి స్ఫురణకు వచ్చింది. ‘ఎస్‌! ఈ కేసులో నేను ఎదురు చూస్తూన్న బ్రేక్‌ త్రూ ఇదే!’ అనుకుంటూ చటుక్కున లేచి కూర్చుంది.తిన్నగా గుడ్డీ గదిలోకి వెళుతూన్న ఇన్‌స్పెక్టర్‌ని చూసి విస్తుపోయారు పురుషోత్తమరావు, లక్ష్మీదేవిలు. ‘‘గుడ్డీ! ఆ రోజు నువ్వు తీసిన నాన్నమ్మ ఫొటో మిర్రర్‌ ఇమేజ్‌ అన్నావు కదూ?’’ అనడిగింది లావణ్య. ఔనంది ఆ పిల్ల. లక్ష్మీదేవిని బీరువా వద్ద గుడ్డీ చెప్పిన విధంగా నిలుచోమంది లావణ్య. తాను గుడ్డీ గదిలో నిలుచుని చూసింది. నిలువుటద్దంలో ఆవిడ ఇమేజ్‌ స్పష్టంగా కనిపిస్తోంది. హుషారుగా గుడ్డీ బుగ్గమీద ముద్దాడింది.  రాత్రి తొమ్మిది గంటలకు మల్కాజ్‌గిరిలోని ఓ ఇంట్లోంచి బయటకు వచ్చారు ఓ యువతి, ఓ యువకుడు. పైటచెంగు ముఖానికి కప్పుకుందామె. అతని తలమీద ఫెల్ట్‌ హ్యాట్‌ ఉంది. చేతిలో ట్రావెల్‌ బ్యాగ్‌ ఉంది. ఓ పాత అంబాసడర్‌ కారులో కూర్చున్నారు. అతను డ్తైవ్‌ చేస్తూంటే, ఆమె అతని పక్కను కూర్చుంది. కారు సికిందరాబాద్‌ రైల్వే స్టేషన్‌కి చేరుకోగానే దిగి స్టేషన్‌లోకి వెళ్ళారు వాళ్ళు. క్లోక్‌ రూమ్‌కి వెళ్ళి రశీదు ఇచ్చి, చిన్న బ్రీఫ్‌ కేసు తీసుకున్నారు. అనంతరం కదలడానికి సిద్ధంగా ఉన్న నరసాపూర్‌ ఎక్స్‌ప్రెస్‌ ఎక్కబోయారు. వెనుక నుంచి ఎవరో చేయి పట్టుకుని లాగుతున్నట్టనిపించి వెనక్కు తలతిప్పిన ఆ యువకుడు, మఫ్టీలో ఉన్న ఇన్‌స్పెక్టర్‌ లావణ్యను చూసి ఖంగుతిన్నాడు. అతను పారిపోబోతూంటే, చేతిని చాకులా బిగించి అతని మెడపైన కొట్టింది లావణ్య. గిలగిలలాడుతూ నేల కరచాడు. ఆమె, అతని చేతిలోని బ్రీఫ్‌ కేసును లాక్కుని, ప్లెయిన్‌ క్లోత్స్‌ లో ఉన్న తన మనుషులకు సైగచేయడంతో, అతనికి అరదండాలు తగిలించడమే కాక, ఆ యువతిని కూడా అదుపులోకి తీసుకున్నారు. పెట్టె తెరచి చూసిన లావణ్య కళ్లు మెరిసాయి. ‘లక్ష్మీనిలయం’లో ప్రెస్‌ మీట్‌ ఏర్పాటు చేసింది ఇన్‌స్పెక్టర్‌ లావణ్య. వజ్రాలహారంతోపాటు నేరస్తులనూ హాజరుపరచింది. ‘‘దురాశ బహుచెడ్డది. సులోచన నిజాయితీపరురాలే అయినా, డ్రైవర్‌ నూకరాజు ప్రోద్బలంతో చోరీకి పూనుకుంది. గతరాత్రి ఇద్దరూ వజ్రాలహారంతో ఉడాయించబోతూంటే రెడ్‌ హ్యాండెడ్‌ గా çపట్టుకున్నాం’’ చెప్పింది లావణ్య. ‘‘అసలు మీ అనుమానం సులోచనపైకి ఎలా వచ్చింది?’’ ఆశ్చర్యంగా అడిగాడు పురుషోత్తమరావు. ‘‘ఆదివారం రాత్రి లక్ష్మీదేవి నిద్రమాత్రలు వేసుకుని నిద్రపోయింది. కానీ, అదే రాత్రి తొమ్మిదింపావుకు ఆవిడ హారాన్ని దాచిన బీరువాను తెరుస్తూండగా అద్దంలో చూసి ఫొటో తీసింది గుడ్డీ. ఒడ్డూ పొడవూ ఇంచుమించు లక్ష్మీదేవిలాగే ఉంటుంది సులోచన. ఎవరికీ అనుమానం రాకుండా ఆవిడలా వేషం వేసుకుంది. పెదవి మీది పుట్టుమచ్చను దిద్దుకోవడం కూడా మరచిపోలేదు. బీరువా తాళపుచెవులు లక్ష్మీదేవి తలగడ కింద ఉంటాయన్న సంగతి ఆమె ఎరుగును. తాళం చెవులను సంగ్రహించి బీరువా తెరచి హారాన్ని దొంగిలించింది. తరువాత వేషం మార్చుకుని దాన్ని తీసుకువెళ్ళి నూకరాజుకు ఇచ్చి వచ్చింది. అతని వలపులో చిక్కుకున్న సులోచన అయిష్టంగానే అతని పథకాన్ని అమలుపరచింది. కుడి ఎడమైతే పొరపాటు లేదోయ్‌ అన్నాడు ఓ సినీకవి. కానీ అది ఘోరమైన పొరపాటని ఈ కేసు నిరూపించింది గుడ్డీ తీసిన ఫొటో నా పరిశోధనలో అత్యంత కీలకమైన క్లూ అయింది. నేరం చేసే సమయంలో ఆ వ్యక్తి యొక్క మానసికస్థితి నార్మల్‌గా ఉండదు. అందువల్ల ఏదో ఒక పొరపాటు చేయక మానడు. సులోచన విషయంలోనూ అదే జరిగింది’’ చెప్పింది లావణ్య. ‘‘పుట్టుమచ్చను ఎడమ వైపుకు బదులు కుడివైపు పెట్టుకుంది. అందుకే అద్దంలో అది ఎడమవైపు కనిపించింది. అదే ఆమెను పట్టిచ్చింది. అండ్‌ ద క్రెడిట్‌ గోస్‌ టు ద లిటిల్‌ గుడ్డీ!’’.హాల్లో చప్పట్లు మార్మోగుతుంటే సులోచన ఖిన్నవదనంతో తల వంచుకుంది.   

నాంపల్లి: ఉద్యోగం అది చిన్నదా పెద్దదా అనికాదు.. అది ప్రభుత్వ కొలువా కాదా అన్నది పాయింటు. గవర్నమెంట్‌ జాబ్‌కున్న విలువే వేరు. అలాంటిది ప్రభుత్వం ప్రకటించిన కానిస్టేబుల్‌ ఉద్యోగాల కోసం యువత రేయింబవళ్లు కష్టపడుతున్నారు. ఇప్పటికే దేహధారుడ్య పరీక్షలు, ప్రిలిమినరీ పరీక్షలు పూర్తయ్యాయి. ఇందులో పాసైన వారికి మెయిన్‌ పరీక్షను నిర్వహించేందుకు ప్రభుత్వం ఏర్పాట్లు చేస్తోంది. ప్రస్తుత అవసరాల నేపథ్యంలో ఎంపికైన ఈ అభ్యర్థును త్వరలో జరగబోయే పార్లమెంట్‌ ఎన్నికల్లో బందోబస్తుకు వినియోగించుకునే యోచనలో పోలీస్‌ శాఖ ఉంది. ఒక వైపు భర్తీ ప్రక్రియను పూర్తి చేసేందుకు ప్రభుత్వం రంగం సిద్ధం చేస్తుండగా మరోక వైపు ఈ పరీక్షల్లో పాసై ఉద్యోగాలను పొందేందుకు అభ్యర్థులు కసరత్తు చేస్తున్నారు. కానిస్టేబుల్‌ పరీక్షకు సైతం లక్షల్లో అభ్యర్థులు పోటీపడుతున్నారు. ఒకప్పుడు ఈ పోటీలో గెలవాలని వేల రూపాయలు ఖర్చు చేసి కోచింగ్‌ సెంటర్లకు వెళ్లి శిక్షణ తీసుకునేవారు. ఇప్పుడు ఆ పరిస్థితి లేదు. ఆసక్తి గల నిరుద్యోగులకు నగర పోలీస్‌ విభాగం అందిస్తున్న ఉచిత శిక్షణలో తర్ఫీదునిస్తోంది. రాష్ట్రం ఆవిర్భవించాక నిరుపేద కానిస్టేబుల్‌ అభ్యర్థులకు హైదరాబాద్‌లో అన్ని పరీక్షలకు ఉచితంగానే శిక్షణ ఇస్తున్నారు. ప్రతిరోజు దేహధారుఢ్య ప్రాక్టీసుతో పాటు రాత పరీక్షలనునిర్వహిస్తున్నారు. 2016 నుంచి ప్రారంభమైన ఈ శిక్షణలో ఇప్పటి దాకా ఒక బ్యాచ్‌ను పూర్తస్థాయిలో సన్నద్ధం చేశారు. రెండో బ్యాచ్‌ తరగతులు కొనసాగుతున్నాయి. నగర వ్యాప్తంగా ఆరు జోన్లలో పోలీస్‌ కానిస్టేబుల్స్‌కు ఉచితంగా కేటాయించిన  ఆట స్థలాల్లో శిక్షణ కొనసాగుతోంది. గోషామహాల్‌ గ్రౌండ్స్‌లో శిక్షణ పొందిన వెయ్యి మంది అభ్యర్థుల్లో 700 మంది మెయిన్స్‌ పరీక్షకు ఎంపికయ్యారు. మెయిన్‌ పరీక్షకు ఎంపికైన మహిళా అభ్యర్థుల సక్సెస్‌ మీట్‌ను శుక్రవారం కోచింగ్‌ ఇన్‌చార్జి పరవస్తు మధుకర్‌ స్వామి మల్లేపల్లిలోని అన్వర్‌ ఉలూం డిగ్రీ కళాశాలలో నిర్వహించగా పలువురు అభ్యర్థులు ‘సాక్షి’తో తమ ఆనందాన్ని పంచుకున్నారు. ఆ వివరాలు వారి మాటల్లోనే..   విజేతలను తయారు చేస్తాం   రెండో బ్యాచ్‌ శిక్షణలో వెయ్యి మంది అభ్యర్థులకు అవకాశంకల్పించాం. గోషామహాల్‌లో శిక్షణ పొందినవారిలో 700 మంది ప్రిలినరీ పాసయ్యారు. 216 మంది మహిళా అభ్యర్థులు ఉన్నారు. త్వరలో జరిగే మెయిన్స్‌లో మొత్తం 600 మంది కానిస్టేబుల్స్‌గా ఎంపిక చేయడమే లక్ష్యంగా పెట్టుకున్నాం. పది మంది నిపుణులు రూపొందించిన ప్రశ్నపత్రాలను మోడల్‌ పేపర్లుగా ఇస్తున్నాం. – పరవస్తు మధుకర్‌స్వామి, ఇన్‌స్పెక్టర్‌ ప్రోత్సాహం ఎంతో అవసరం   పోటీ పరీక్షల్లో బహుముఖ అంశాలతో కూడిన ప్రశ్నలకు సమాధానాలు ఇవ్వగలిగే సామర్థం ఉండాలి. అప్పుడే మనం టాప్‌గా నిలుస్తాం. నిరంతరం ప్రాక్టీసు చేయాలి. అన్ని అంశాలపై పట్టు సాధించాలి. అన్నింటికి మించి మన చదువుకు తోడు మోటివేషన్‌ కూడా ముఖ్యమని గ్రహించాలి.– ఫిబా డేవిడ్, 2018 బ్యాచ్‌ విజేత మొదటి బ్యాచ్‌రికార్డు బ్రేక్‌..   గోషామహాల్‌లో గ్రౌండ్‌లో శిక్షణ పొందిన మొదటి బ్యాచ్‌ అభ్యర్థుల్లో 257 మంది విజయం సాధించారు. కానిస్టేబుల్స్‌గా తెలంగాణ ప్రభుత్వంలో పనిచేస్తున్నారు. ఇప్పుడు మొదటి బ్యాచ్‌ రికార్డును రెండవ బ్యాచ్‌ అభ్యర్థులు బ్రేక్‌ చేయాలి. నగరంలోని ఏ పోలీస్‌ స్టేషన్‌లో చూసినా వెస్ట్‌జోన్‌ పోలీసులే కనిపించాలి. ప్రభుత్వం ఇస్తున్న ఉచిత శిక్షణను ప్రతి ఒక్కరూ సద్వినియోగం చేసుకోవాలి. ప్రిలిమ్స్‌ పరీక్ష పాసైనవారికి త్వరలో మెయిన్స్‌నిర్వహిస్తాం.– నరేందర్‌ రెడ్డి, గోషామహాల్‌ ఏసీపీ పోలీస్‌ విభాగం అండతో.. ఈ ఉద్యోగమంటే చాలా మందికి నిరాసక్తత కనిపిస్తుంది. మహిళలంటే చెప్పాల్సిన పనిలేదు. ఎలాగైనా ఉద్యోగం సాధించాలనే లక్ష్యంతో ఇక్కడ శిక్షణ తీసుకున్నాను. నా లక్ష్యానికి పోలీస్‌ విభాగం తోడ్పాటునిచ్చింది. ప్రిలిమ్స్‌ పాసయ్యాను. మెయిన్స్‌ కూడా గెలుస్తాను. – రవళిక, మెహిదీపట్నం మెయిన్స్‌ సులభమే   కానిస్టేబుల్‌ ఉద్యోగానికి ఎంపికవ్వాలంటే ఎంతో కష్టపడాలి. గ్రౌండ్స్‌లో విజయం సాధిస్తే తప్ప రాత పరీక్షకు అర్హత సాధించలేం. పరుగు, లాంగ్‌జంప్, హైజంప్‌ వంటి అంశాల్లో అత్యుత్తమ మార్కులు సాధించాలి. ఇక్కడి శిక్షణతో మెయిన్స్‌ సాధించడం పెద్ద కష్టమేమి కాదు. – కిరణ్మయి, అల్మాస్‌గూడ

వాషింగ్టన్‌ : నా కూతురికి నాకు నచ్చిన పేరు పెట్టుకుంటాను. ఎగతాళి చేయడానికి మీరు ఎవరు..? అంటూ ప్రశ్నిస్తున్నారు ఓ ప్రయాణికురాలు. టెక్సాస్‌లో జరిగింది ఈ సంఘటన. వివరాలు.. ఓ ప్రయాణికురాలు తన కూతురుతో కలిసి టెక్సాస్‌లోని సౌత్‌వెస్ట్‌ విమానాశ్రయానికి వచ్చారు. చెకింగ్‌ సమయంలో విమానాశ్రయ ఉద్యోగి ఒకరు తన కూమార్తెను ఎగతాళి చేశారని తెలిపింది. సదరు ప్రయాణికురాలి కుమార్తె పేరు ‘ఏబీసీడీఈ’. దాంతో ఎయిర్‌లైన్స్‌ సిబ్బంది ఆ బాలిక పేరును ‘ఎబ్సిడీ’ అని ఎగతాళిగా పలకడమే కాక పక్కనే ఉన్న మిగతా సిబ్బందికి కూడా చెప్పి కామెంట్‌ చేయడం ప్రారంభించారు. అంతేకాక ఆ బాలిక బోర్డింగ్‌ పాస్‌ను ఫోటో తీసి సోషల్‌ మీడియాలో పోస్ట్‌ చేశారు. స్నేహితుల ద్వారా ఈ విషయం బాలిక తల్లికి తెలిసింది. దాంతో సదరు మహిళ ఈ విషయం గురించి ఎయిర్‌లైన్స్‌ సిబ్బందికి ఫిర్యాదు చేసింది. కానీ వారి నుంచి ఎటువంటి స్పందన లేదు. దాంతో ఆగ్రహించిన సదరు మహిళ ఈ విషయం గురించి స్థానిక మీడియాతో మాట్లాడింది. ‘నా కూతురికి నాకు నచ్చిన పేరు పెట్టుకుంటాను. కామెంట్‌ చేయడానికి వారికేం హక్కుంది. ప్రయాణికులతో మర్యాదగా ప్రవర్తించిడం సిబ్బంది కనీస బాధ్యత. కానీ వారు నా కుమార్తె పట్ల చాలా దారుణంగా ప్రవర్తించారు. తన పేరును ఎగతాళి చేయడమే కాక.. తన బోర్డింగ్‌ పాస్‌ను మా అనుమతి లేకుండా సోషల్‌ మీడియాలో పోస్ట్‌ చేశారు’ అంటూ ఎయిర్‌లైన్స్‌ యాజమాన్యం మీద ఆగ్రహం వ్యక్తం చేసింది. దాంతో ఈ విషయం కాస్తా వైరల్‌గా మారటంతో సదరు విమానాశ్రయ అధికారులు ప్రయాణికురాలికి క్షమాపణలు తెలిపారు.

లక్నో (ఉత్తర్‌ప్రదేశ్‌): ఉత్తర్‌ ప్రదేశ్‌లో ఓ మంత్రి తన అధికార దర్పాన్ని ప్రదర్శించారు. ప్రభుత్వ కార్యక్రమానికి హాజరై తిరిగివెళుతూ సిబ్బందితో చెప్పులు తుడిపించుకున్నారు. గురువారం ఉత్తర్‌ ప్రదేశ్‌లోని కుషినగర్‌లో బుద్ద పీజీ కళాశాలలో నిర్వహించిన మొక్కలు నాటే కార్యక్రమానికి మంత్రి రాజేంద్ర ప్రతాప్‌ సింగ్‌ హాజరయ్యారు. అనంతరం తిరిగివెళుతుండగా ఆయన చెప్పులపై పడ్డ మట్టి, నీళ్లను సిబ్బంది ఎరుపురంగు టవల్ తో శుభ్రం చేశారు. ఈఘటనను అక్కడే ఉన్న జర్నలిస్టు ఫోటో తీశారు. చెప్పులు తుడిపించుకోవడంపై మంత్రిని వివరణ కోరగా.. 'నాకేం గుర్తు లేదు. నా చెప్పులు ఎవరూ తుడవలేదు' అని బదులిచ్చారు. వెంట ఉన్న ఓ అధికారి ఈ ఘటనపై మాట్లాడుతూ 'మంత్రి గారు తన చెప్పులను తానే శుభ్రం చేసుకున్నారు. ఆయన ఎర్రని గుడ్డతో తుడుచుకోవడం నేను చూశాను' అంటూ మంత్రిని వెనకేసుకొచ్చే ప్రయత్నం చేశారు. దీనికి సంబంధించి ఫోటోలు వైరల్‌ అవ్వడంతో, ఒక్కసారిగా దుమారం చెలరేగింది. ఓ మంత్రి అయ్యుండి సిబ్బందితో ఇలా ప్రవర్తిస్తారా? అంటూ నెటిజన్లు తీవ్ర స్థాయిలో మండిపడ్డారు. దీంతో రాజేంద్ర ప్రతాప్ సింగ్ నష్టనివారణ చర్యలకు దిగారు. తాను చెప్పులను శుభ్రం చేయాల్సిందిగా సిబ్బందికి చెప్పలేదని స్పష్టం చేశారు.

పోలీసు అమరవీరుల సంస్మరణ దినోత్సవాన్ని పురస్కరించుకొని పోలీసు సిబ్బందికి, వారి కుటుంబ సభ్యులు ఖాకీ సినిమా తిలకించాలని ఎస్పీ జీవీజీ అశోక్‌కుమార్‌ నిర్ణయించారు. నగరంలో ఓ సినిమా థియేటర్‌ ఉచిత ప్రదర్శన ఏర్పాటు చేయించారు. పోలీసుల్లో సత్ప్రవర్తన, ఉద్యోగం విలువ పెంచేందుకు ఎస్పీ రెండేళ్లుగా ఈ నిర్ణయం తీసుకుంటున్నారు. అయితే క్షేత్రస్థాయి సిబ్బందిలో ఏమాత్రం పరివర్తన రాకపోగా ఎస్పీ తీసుకున్న చర్యలు నిష్ప్రయోజనంగా మారుతున్నాయి. ఇటీవల వివాదాస్పద ఖాకీల తీరే ఇందుకు నిదర్శనంగా మారుతోంది.   అనంతపురం సెంట్రల్‌: క్రమశిక్షణకు మారుపేరుగా చెప్పుకునే పోలీసుశాఖలో కొంతమంది సిబ్బంది పెడదారి పడుతున్నారు. పోలీసులమనే ధీమాతో చట్టాన్ని చేతుల్లోకి తీసుకుంటున్నారు. తాజాగా అనంతపురంలోని ఓబుళదేవనగర్‌లో కదిరి సీసీఎస్‌ ఎస్‌ఐ దాదాపీర్, ఆయన కుమారుడు కలిసి వైఎస్సార్‌ విద్యార్థి విభాగం నాయకుడు రాజేష్‌పై కత్తితో దాడి చేయడమే ఇందుకు నిదర్శనం. ఎస్‌ఐ దాదాపీర్‌ ఇంట్లో రాజేష్‌ ఆరేళ్లుగా అద్దెకు ఉంటున్నాడు. నచ్చకపోతే గడువు ఇచ్చి ఖాళీ చేయాలని చెప్పాలి. అంతేకానీ ఎస్‌ఐనన్న ధీమాతో ఉన్నపళంగా ఇల్లు ఖాళీ చేయాలని, లేదంటే సామాన్లు బయటకు పడేస్తానని బెదిరించాడని బాధితుడు వాపోయాడు. ప్రశ్నించినందుకు ఏకంగా కత్తితో దాడి చేశారని, అదృష్టవశాత్తు తప్పించుకున్నానని తెలిపాడు. చట్టం తెలిసిన ఎస్‌ఐనే కత్తితో దాడి చేసే పరిస్థితికి రావడం గమనార్హం. ♦ ఇటీవల అనంతపురం వన్‌టౌన్‌లో ఏఎస్‌ఐగా పనిచేస్తూ ఎస్‌ఐగా పదోన్నతి పొందిన సాయినాథ్‌ప్రసాద్‌ తన భార్యపై విచక్షణా రహితంగా దాడి చేశారు. అర్దరాత్రి తీవ్రస్థాయిలో గొడవ జరుగుతుండడంతో స్థానికులు సీఎం పేషీకి ఫిర్యాదు చేశారు. వెంటనే డయల్‌ 100 ద్వారా జిల్లా పోలీసులను అప్రమత్తం చేయడంతో అర్ధరాత్రి టూటౌన్‌ పోలీసులు అదుపులోకి తీసుకున్నారు. కేసు నమోదు చేసినప్పటికీ ఉద్యోగానికి ఇబ్బంది వస్తుందన్న ఉద్దేశంతో కుటుంబ సభ్యులు రాజీ అయ్యారు. భార్య తలకు కుట్లు పడేలా దాడి చేయడంపై పోలీసు వర్గాలే విస్మయం వ్యక్తం చేస్తున్నాయి. ♦ నగరంలో ఓ పోలీస్‌స్టేషన్‌లో పనిచేసే హెడ్‌కానిస్టేబుల్‌ పంచాయితీల్లో ఆరితేరిపోయాడు. రూ.కోట్లు వెచ్చించి బహుళ అంతస్తుల భవనం నిర్మిస్తున్నాడు. అవినీతి సొమ్ముతోనే ఇదంతా సాధ్యమనే అభిప్రాయం పోలీసు వర్గాల నుంచే వ్యక్తమవుతోంది.   ♦ నాల్గవ పట్టణ పోలీసుస్టేషన్‌లో పనిచేసే కానిస్టేబుల్‌ నారాయణస్వామి ఆర్టీసీ బస్టాండ్‌ సమీపంలోని సింధూర బార్‌లో మద్యం తాగి బీభత్సం చేశాడు. దీనిపై బాధితులు ఫిర్యాదు చేయడంతో కానిస్టేబుల్‌ను ఎస్పీ సస్పెండ్‌ చేశారు.   ♦ అంతకు ముందు వన్‌టౌన్‌ సీఐ విజయభాస్కర్‌గౌడ్‌ హౌసింగ్‌బోర్డులోని ఓ మద్యం షాపులో మందుబాబులు రోడ్డుకు అడ్డంగా వాహనాలు పార్కింగ్‌ చేశారనే కారణంతో బూటుకాళ్లతో తన్నడం వివాదాస్పదమైంది.    ♦ ఇలాంటి ఘర్షణలతో పాటు పోలీసుస్టేషన్‌లోలలో సివిల్‌ పంచాయితీలు చేస్తున్న పోలీసు సిబ్బంది సంఖ్య నానాటికీ అధికమవుతోంది. పంచాయితీలు బెడిసికొట్టి చిన్నా చితక బయటకు వస్తున్నా లోలోపల సెటిల్‌మెంట్స్‌ అవుతున్న వాటి సంఖ్య గణనీయంగా ఉంది. అలంకార ప్రాయానికి మాత్రమే ‘సివిల్‌ పంచాయితీలు చేయబడవు’ అని బోర్డులు వేశారని, చేసేవన్నీ దుప్పటి పంచాయితీలేనన్న విమర్శలు వ్యక్తమవుతున్నాయి. పోలీసు సిబ్బంది చేతిలో నష్టపోయిన వారు ఫిర్యాదులు చేస్తున్నా అవి ఎఫ్‌ఐఆర్‌ రూపం దాల్చడం లేదు. ఒకటే శాఖ కావడంతో వెనుకేసుకొస్తున్నారనే విమర్శలున్నాయి.   ♦ తాజాగా ఎస్‌ఐ దాదాపీర్‌ విషయంలో ఇదే జరిగింది. తనపై కత్తితో దాడి చేసి హత్యాయత్నానికి పాల్పడ్డాడని, ఆరు కుట్లు పడ్డాయని బాధితుడు రాజేష్‌ ఫిర్యాదు చేశాడు. అయితే దీనిపై పెట్టీ కేసు నమోదు చేసినట్లు సమాచారం. ఇవన్నీ ఒక ఎత్తు అయితే పార్టీ కండువాలు వేసుకొని పనిచేస్తున్న పోలీసు అధికారులు చాలా మందే ఉన్నారు. ముఖ్యంగా తాడిపత్రి, రాప్తాడు, ధర్మవరం నియోజకవర్గాలోన్ని కొంతమంది పోలీసులు అధికారులు అధికారపార్టీ నేతల చెప్పుచేతల్లో పనిచేస్తున్నారు. వారు ఆడమన్నట్లు ఆడుతూ ఏకపక్షంగా విధులు నిర్వహిస్తున్నారు. ఇలా చెప్పుకుంటూ పోతే ఖాకీ తీరుపై సర్వత్రా విమర్శలు వ్యక్తమవుతున్నాయి. 

సర్వజనాస్పత్రికి వెళ్లే వారంతా సర్వశిక్షలూ అనుభవించాల్సిందే. ఇక్కడి వైద్యులకు.. సిబ్బందికి జాలి, దయ, మానవత్వం ఏమీ ఉండవనే సంగతి మరోసారి రుజువైంది. కళ్లముందే బాలింతలు నరకం చూసున్నా.. ఓ ల్యాబ్‌ టెక్నీషియన్‌ ఏ మాత్రం పట్టించుకోకుండా మరింత ఇబ్బంది పెట్టాడు. ఇక నొప్పితో విలవిల్లాడుతున్న మరో బాలింతకు స్టాఫ్‌నర్సు కనీసం సూది వేసేందుకు కూడా ముందుకు రాకపోగా ఇంజెక్షన్‌ వేయాలని సూచించిన వైద్యురాలితో తగదా పెట్టుకుంది.  ఏ ఆస్పత్రిలోనైనా ఒకే రోజు ఐదుగురు శిశువులు మృత్యువాత పడితే.. మరుసటి రోజు కలెక్టర్‌ స్థాయిలో తనిఖీలు.. వైద్యులపై చర్యలుంటాయి. కానీ ఇక్కడ కనీసం విచారణ కూడా లేదు. అందుకే వైద్యులు.. సిబ్బంది తీవ్ర నిర్లక్ష్యంగా వ్యవహరిస్తున్నారు. ఆస్పత్రినే నమ్ముకుని ఇక్కడికొచ్చే వారికి చావును ప్రసాదిస్తున్నారు. ఆస్పత్రి సేవలకు నిదర్శన చిత్రమిది. తుగ్గలి మండలం దిగువచింతలకొండకు చెందిన బాలింత జ్యోతి హెచ్‌బీ పరీక్ష చేయించుకునేందుకు క్యూలో నిలబడలేక పడిపోయింది. తోటివారు సహకరించడంతో.. ఓ వైపు రక్తస్రావం అవుతున్నా క్యూలో నిల్చుంది. ఎక్కడైనా టెక్నీషియన్‌ ప్రతి మంచం వద్దకు వెళ్లి పరీక్ష చేస్తాడు. ఇక్కడేమో బాలింతలే ఆయన వద్దకు వెళ్లాలి. ఇది సర్వజనాస్పత్రి మరి. అనంతపురం న్యూసిటీ:  సర్వజనాస్పత్రి వైద్యులు, సిబ్బంది తీరులో ఎలాంటి మార్పు రాలేదు. ఒకేరోజు ఐదుగురు శిశువులు మృత్యువాత పడినా...వారికి కనీసం చీమకుట్టినట్లు కూడా లేదు. ఎప్పటిలాగే బుధవారమూ నిర్లక్ష్య వైద్యమే చేశారు. మంగళవారం నాటి ఘటనపై కలెక్టర్‌ విచారణకు ఆదేశించగా..సూపరింటెండెంట్‌ జగన్నాథ్‌ ముగ్గురు వైద్యులతో కమిటీ వేశారు. అనంతరం ఆయన కూడా పలువార్డులకువెళ్లి పరిస్థితి అడిగి తెలుసుకున్నారు. ఆయన ఎక్కడకు వెళ్లినా సిబ్బంది సమస్యలే ఏకరువుపెట్టారు.  బాలింతల అవస్థలెన్నో... గైనిక్‌ విభాగంలోని పోస్టునేటల్‌ వార్డులో బాలింతలు ప్రత్యక్షనరకం చూస్తున్నారు. ఒకే మంచంపై ఇద్దరు, ముగ్గురు ఉంటున్నారు. పోస్టునేటల్‌ వార్డులో ఫ్యాన్లు తిరగక ఏళ్లు గడుస్తోంది. దీంతో బాలింతులు ఉక్కపోతకు అల్లాడిపోతున్నారు.  కడుపుకోత మిగిల్చారు ప్రైవేట్‌గా చికిత్స చేయించుకోవాలంటే రూ.వేలు ఖర్చు అవుతుంది. ఆస్పత్రిలో బాగా చూస్తారనే ఆశతోనే నా భార్యను తీసుకువచ్చా. ఇక్కడేమో వైద్యులు, సిబ్బంది సరిగా పట్టించుకోలేదు. గత నెల 28న కడుపులో బిడ్డ బాగా ఉందని చెప్పారు. నిన్న(ఈ నెల 2న) ఉదయం 6 గంటలకు వచ్చాం. కాసేపటికల్లా బిడ్డ ఇస్తారని ఎంతో సంతోషించా. బిడ్డ చనిపోయిందని చెప్పారు. ఇంతకన్నా ఘోరం ఎక్కడుంటుందయ్యా(ఏడ్చుకుంటూ).  – వీరనారాయణచారి, ప్రమీల భర్త, మేడిమాకులపల్లి, పెదవడుగూరు   ఇంత నిర్లక్ష్యమా?   మేము పేదోళ్లమయ్యా... అందుకే ప్రైవేటు ఆస్పత్రులకు పోలేక ఇక్కడ ప్రసవం చేయించేందుకు తీసుకువచ్చాం. ప్రాణం లేని బిడ్డను అట్టపెట్టెలో ఉంచి ఇచ్చారే. ఇంతకన్నా నిర్లక్ష్యమెక్కడుంటుంది. వైద్యులపై నమ్మకం లేకుండా పోతోంది.  – నిర్మల, ప్రమీల వదిన

కొందుర్గు(షాద్‌నగర్‌): ‘ఇంటివద్ద, ప్రైవేట్‌ ఆస్పత్రుల్లో ప్రసవం చేయించుకోకూడదు.. ప్రభుత్వ ఆస్పత్రుల్లోనే ప్రసవం చేయించుకోండి’అని ప్రభుత్వం విస్తృతంగా ప్రచారం చేస్తోంది. కార్పొరేట్‌ స్థాయిలో సౌకర్యాలు కల్పించామని, ప్రభుత్వ ఆసుపత్రుల్లో ప్రసవం చేయించుకుంటే కేసీఆర్‌ కిట్‌తోపాటు, రూ.12 వేలు ప్రోత్సాహకం అందిస్తామని చెబుతుంది. కానీ, చాలా ప్రభుత్వాస్పత్రుల్లో సరిపడా సిబ్బంది లేకపోవడం వల్ల సరైన వైద్య సేవలు అందడం లేదు. ఇందుకు ఉదాహరణగా నిలుస్తోంది.. రంగారెడ్డి జిల్లా కొందుర్గు ప్రాథమిక ఆరోగ్య కేంద్రం. ఇక్కడ 24 గంటలూ వైద్యులు అందుబాటులో ఉండాలి. స్టాఫ్‌నర్స్‌ అందుబాటులో ఉండి ప్రసూతి చేయాలి. కానీ ప్రస్తుతం ఇక్కడ వైద్యులు లేరు. బూర్గుల పీహెచ్‌సీ డాక్టర్‌ సుమంత్‌ కొందుర్గు పీహెచ్‌సీకి ఇన్‌చార్జీగా సేవలందిస్తున్నారు. స్టాఫ్‌నర్స్‌లు ఎవరూ లేకపోవడంతో ఏఎన్‌ఎంలు స్టాఫ్‌నర్స్‌లుగా వ్యవహరిస్తూ వైద్య సేవలు అందిస్తున్నారు. కొందుర్గు, జిల్లేడ్‌చౌదరిగూడ మండలాల్లో దాదాపు 70 గ్రామాలు, 70 వేల పైనే జనాభా ఉన్నారు. అయినా ఈ రెండు మండలాల ప్రజలకు కొందుర్గులో ఒకే ఒక పీహెచ్‌సీ ఉంది. ఇందులోనూ వైద్యులు, సరిపడా సిబ్బంది లేక రోగులకు సరైన వైద్యసేవలు అందక అవస్థలు పడుతున్నారు.   మాతృమూర్తుల నరకయాతన జిల్లేడ్‌చౌదరిగూడ మండలం ముష్టిపల్లి తండాకు చెందిన లలిత బుధవారం రాత్రి 11 గంటలకు ప్రసవం కోసం కొందుర్గు పీహెచ్‌సీకి వచ్చింది. ఈ సమయంలో అక్కడ వైద్యులెవరూ లేరు. స్టాఫ్‌నర్స్‌ సలోమి ఆమెను ఆసుపత్రిలో చేర్చుకున్నారు. కానీ ఉదయం 7 గంటల వరకు ఆమె ప్రసవించలేదు. అదేవిధంగా గురువారం ఉదయం 5 గంటలకు కొందుర్గు మండలం పర్వతాపూర్‌ గ్రామానికి చెందిన చాకలి లావణ్య, జిల్లేడ్‌చౌదరిగూడ మండలం వనంపల్లికి చెందిన పల్లవి ప్రసవం కోసం కొందుర్గు పీహెచ్‌సీకి వచ్చారు. అప్పటికీ ఆసుపత్రిలో వైద్యులు లేరు. కేవలం స్టాఫ్‌నర్సే ఉన్నారు. వారికి ప్రాథమిక చికిత్స చేసి ఆమె ఉదయం 7.30 గంటలకు డ్యూటీ నుంచి వెళ్లిపోయింది. పీహెచ్‌సీలో ఎవరూ లేకపోవడంతో ప్రసవం కాక మాతృమూర్తులు పురిటినొప్పులతో తల్లడిల్లారు. వారి రోదనను పట్టించుకునే నాథుడు కరువయ్యాడు. ఈ సమయంలో పర్వతాపూర్‌ గ్రామానికి చెందిన లావణ్యకు పురిటినొప్పులు తీవ్రమయ్యాయి. ఆమె ప్రసవించి మగ శిశువుకు జన్మనిచ్చింది. తనకు సహాయంగా వెంట వచ్చిన గ్రామస్తురాలు లావణ్యకు సహకరించింది. ఇక వనంపల్లికి చెందిన పల్లవికి భరించలేని నొప్పులు రావడంతో స్థానికులు 108 అంబులెన్స్‌కు ఫోన్‌ చేసి షాద్‌నగర్‌ కమ్యూనిటీ ఆస్పత్రికి పంపించారు. అక్కడ ఆమె ఆడ శిశువుకు జన్మనిచ్చింది. ముష్టిపల్లితండాకు చెందిన లలిత ప్రస్తుతం కొందుర్గు పీహెచ్‌సీలోనే చికిత్స పొందుతోంది. ఇంకా ప్రసవం కాలేదు. విచారణ జరపాలని ఆదేశించిన కలెక్టర్‌.. ఈ విషయాన్ని జిల్లా కలెక్టర్‌ రఘనందన్‌రావు దృష్టికి ‘సాక్షి’తీసుకెళ్లడంతో ఆయన వెంటనే స్పందించారు. దీనిపై తక్షణం పూర్తి విచారణ జరిపి తనకు నివేదిక పంపించాలని షాద్‌నగర్‌ ఆర్డీవో కృష్ణను ఆదేశించారు. దీంతో కొందుర్గు తహసీల్దార్‌ ప్రమీలారాణి పీహెచ్‌సీని సందర్శించి వివరాలు సేకరించి నివేదిక పంపించారు.

సాక్షి, న్యూఢిల్లీ : ఢిల్లీలో మెట్రో రైల్‌ ప్రయాణీకులకు ఇబ్బందులు తప్పేలా లేవు.  ఢిల్లీ మెట్రో రైల్‌ కార్పొరేషన్‌ (డీఎంఆర్‌సీ),  లేబర్‌ కమిషన్‌ అధికారులతో జరిగిన చర్చలు విఫలం కావడంతో మెట్రో సిబ్బంది శనివారం నుంచి సమ్మె బాట పట్టనున్నారు. మెట్రో సిబ్బంది సమ్మె హెచ్చరికల నేపథ్యంలో ప్రతిష్టంభన సమసిపోయేలా చొరవ చూపాలని ఢిల్లీ రవాణా మంత్రి కైలాష్‌ గెహ్లాట్‌ డీఎంఆర్‌సీని ఆదేశించినా చర్చలు ఇప్పటివరకూ ఓ కొలిక్కిరాకపోవడంతో ఉద్యోగులు సమ్మెకు సంసిద్ధమవుతున్నారు. డిమాండ్ల సాధన కోసం జూన్‌ 19 నుంచి నిరసనలు తెలుపుతున్న మెట్రో సిబ్బంది శనివారం నుంచి నిరవధిక సమ్మె బాట పట్టనున్నారు. మెట్రో సిబ్బంది సమ్మెతో రైళ్ల రాకపోకలకు అంతరాయం ఏర్పడి ప్రయాణీకులు ఇబ్బందులు ఎదుర్కోనున్నారు. అయితే వారాంతం కావడంతో శని, ఆదివారాలు సమ్మె ప్రభావం పెద్దగా ఉండబోదని భావిస్తున్నారు. ఢిల్లీ మెట్రోకు చెందిన 9000 మందికి పైగా నాన్‌ ఎగ్జిక్యూటివ్‌ ఉద్యోగులు వేతన చెల్లింపులు, ఇతర డిమాండ్ల సాధన కోసం నిరసన బాట పట్టిన సంగతి తెలిసిందే.

సాక్షి, హుజురాబాద్‌ రూరల్‌:  కరీంనగర్‌ జిల్లా హుజురాబాద్‌ పట్టణంలోని ప్రభుత్వ ఉన్నత పాఠశాల పరీక్ష సెంటర్‌లో బుధవారం నిర్వహించిన ఎస్సెస్సీ సప్లిమెంటరీ హిందీ పరీక్షకు ఒకే ఒక్క విద్యార్థి హాజరయ్యాడు. ఉదయం 9.30గంటల నుంచి 12.45 వరకు జరిగిన హిందీ పరీక్షకు మొత్తం ఏడుగురు విద్యార్ధులు హాజరు కావాల్సి ఉండగా జమ్మికుంట విద్యోదయ పాఠశాలకు చెందిన కోండ్ర ప్రణయ్‌ హాజరయ్యాడు. కాగా ఒక్కడి కోసం ఛీప్‌ సూపరింటెండెంట్, డిపార్ట్‌మెంట్‌ అధికారి, క్లర్క్, ఇన్విజిలేటర్, అటెండర్, వైద్యశాఖ ఉద్యోగి, ఇద్దరు పోలీసులు విధులు నిర్వహించారు. తనిఖీ కోసం ఇద్దరు చొప్పున కరీంనగర్‌ నుంచి రెండు ఫ్లయింగ్‌ స్క్వాడ్‌ బృందాలు వచ్చాయి. ఒక్క విద్యార్థి పరీక్ష రాయగా అధికారులు, సహాయక సిబ్బంది కలిపి ఓవరాల్‌గా 12 మంది విధులు నిర్వహించడం గమనార్హం.

హైదరాబాద్‌: టెలినార్‌ ఇండియా, ఎయిర్‌టెల్‌ విలీనం టెలినార్‌ ఉద్యోగులకు శాపంగా మారింది. కొంత మందిని ఇంటికి సాగనంపడానికి ఎయిర్‌టెల్‌ సిద్ధమౌతోంది. ఈ విషయానికి సంబంధించి భారతీ ఎయిర్‌టెల్‌ నుంచి టెలినార్‌ ఉద్యోగులకు ఈ–మెయిల్స్‌ వెళ్లినట్లు తెలుస్తోంది. విలీనం అనంతరం టెలినార్‌ ఇండియాలోని ఉద్యోగులందరూ ఎయిర్‌టెల్‌లో సరైన స్థాయి ఉద్యోగాన్ని పొందలేరని ఎయిర్‌టెల్‌ పేర్కొంది. కాగా టెలికం విభాగం మే 14న భారతీ ఎయిర్‌టెల్, టెలినార్‌ ఇండియా విలీనానికి ఆమోదం తెలిపిన విషయం తెలిసిందే. ‘ఎయిర్‌టెల్‌ నుంచి నాకు ఒక ఈ–మెయిల్‌ వచ్చింది. ఎయిర్‌టెల్‌ హెచ్‌ఆర్‌ అధికారుల సమావేశానికి హాజరయ్యాను. విలీనం తర్వాత నా ప్రస్తుత హోదాకు వారి సంస్థలో ఖాళీ లేదని చెప్పారు. ఐదు నెలల వేతనాన్ని ఆఫర్‌ చేసి, ఉద్యోగానికి రాజీనామా చేయాలని కోరారు. ఏం చేయాలో అర్థంకావడం లేదు’ అని ఒక ఉద్యోగి ఆవేదన చెందాడు. ఎయిర్‌టెల్‌ ఇంటికి సాగనంపే ఉద్యోగులకు మంచి ఫైనాన్షియల్‌ ప్యాకేజ్, మెడికల్‌ ఇన్సూరెన్స్‌ కొనసాగింపు, ఉచిత కాల్స్‌ వంటి సౌకర్యాలను ఆఫర్‌ చేస్తున్నట్లు సమాచారం. ‘మేం ఇప్పటికే టెలినార్‌ ఇండియా నుంచి 700కుపైగా మందిని కొనసాగిస్తున్నాం. వీరి ఎదుగుదలకు ఎయిర్‌టెల్‌ ఇండియా సహా ఇతర విభాగాల్లో అవకాశాలను కల్పించాం’ అని ఎయిర్‌టెల్‌ అధికార ప్రతినిధి ఒకరు తెలిపారు. అయితే టెలినార్‌ ఇండియాలో 1,400 మంది ఉద్యోగులు ఉన్నారు. ‘టెలినార్‌ ఇండియా కంపెనీ భారతీ ఎయిర్‌టెల్‌లో కలిసిపోయిందనే  విషయాన్ని మీరు తప్పక తెలుసుకోవాలి. ఈ చట్టబద్ధమైన విలీనం నేపథ్యంలో తదనంతర విషయాలు, తదుపరి చర్యల గురించి మీకు తెలియజేయడానికి మిమల్ని ఎయిర్‌టెల్‌ బృందంతో సమావేశానికి ఆహ్వానిస్తున్నాం. కింద (మెయిల్‌లో) తెలియజేసిన సమాచారం ప్రకారం సమావేశానికి అందుబాటులో ఉండండి’ అని ఎయిర్‌టెల్‌.. టెలినార్‌ ఇండియా ఉద్యోగులకు పంపిన ఈ–మెయిల్స్‌లో పేర్కొంది.  టెలినార్‌ ఇండియా ఆంధ్రప్రదేశ్, తెలంగాణ, బిహార్, మహారాష్ట్ర, గుజరాత్, ఉత్తరప్రదేశ్‌ (తూర్పు, పశ్చిమ),అస్సాం సర్కిళ్లలో కార్యకలాపాలు నిర్వహిస్తోంది.    

ప్రభుత్వాసుపత్రులలో అవినీతికి హద్దే లేకుండాపోతోంది. రోగుల వద్ద వసూళ్లు, పాలనా పరమైన విభాగాల్లో అక్రమాలు వెలుగులోకి రావటం చూశాం.. తాజాగా గుర్తు తెలియని మృతదేహాలను కూడా అక్రమార్కులు వదలటం లేదు. పోస్టుమార్టం కోసం ఆసుపత్రికి పంపించిన శవాలపై గద్దల్లా వాలి పీక్కుతుంటున్నారు. శవాలపై ఉండే బంగారు, వెండి వస్తువులను మాయం చేస్తున్నారు. సాక్షి, అమరావతి బ్యూరో : పోస్టుమార్టం కోసం గవర్నమెంట్‌ ఆస్పత్రికి వచ్చిన శవాలకు సంబంధించిన వస్తువులను ఏడాదికోసారి ప్రభుత్వానికి అప్పజెప్పాల్సి ఉంది. అయితే, విజయవాడ ప్రభుత్వాస్పత్రి వైద్యాధికారులు మాత్రం నిబంధనలకు పాతరేసి ఏళ్ల తరబడి వాటిని ఆసుపత్రిలోనే ఉంచేస్తున్నారు. దీంతో వాటిని ఎవరికి వారు రకరకాల మార్గాల్లో దోచేస్తున్నారు. జరిగేది ఇలా... జిల్లాలో ఎక్కడైనా గుర్తుతెలియని శవాలు పడి ఉంటే పోలీసులు  ప్రభుత్వాసుపత్రికి పోస్టుమార్టం కోసం తరలిస్తారు. సుమారు ఐదారేళ్లుగా దాదాపు విజయవాడ ప్రభుత్వాసుపత్రిలో 200 వరకు (కేవలం) గుర్తుతెలియని శవాలకు పోస్ట్‌మార్టం జరిగిందని అంచనా. వాటిపై విలువైన బంగారు, వెండి వస్తువులతో పాటు నగదు ఉన్నా తీసి ఉంచుతారు. వాటిని ఆసుపత్రి అసిస్టెంట్‌ డైరెక్టర్‌ హోదాలో ఉన్న అధికారి పర్యవేక్షణలో భద్రపరుస్తారు. ప్రస్తుతం ఆసుపత్రిలో దాదాపు 88 బ్యాగుల్లో గుర్తు తెలియని శవాలకు సంబంధించిన వస్తువులు భద్రపరిచి ఉన్నట్లు సమాచారం. నిబంధనలివీ.. గుర్తుతెలియని శవాలకు సంబంధించిన వస్తువులను ప్రతి ఆరు నెలలు లేదా ఏడాదిలోపు పరిశీలించాలి. జాతీయ బ్యాంకులలో బంగారు వస్తువులు తూకం కట్టే అప్రైజర్‌ను పిలిపించి ఆయా వస్తువుల విలువ తేల్చాలి. ఆపై ప్రభుత్వ ఖజానా కార్యాలయానికి అప్పగించాలి. ఖజానా అధికారులు ఆ వస్తువులను లెక్కకట్టి వేలం ద్వారా రెవెన్యూగా మార్చుకోవాలి. ఆ వివరాలు పత్రికల ద్వారా ప్రజలకు తెలియజేయాలి. కానీ ఎక్కడా ఈ నిబంధనలు అమలు కావటం లేదు. కొన్నేళ్లుగా వస్తువులను ప్రభుత్వ ఖజానాకు అప్పగించటం లేదని తెలుస్తోంది. జరుగుతోంది ఇదీ.. ప్రభుత్వాసుపత్రులలో భద్రపరిచిన బంగారు, వెండి వస్తువులను కిందిస్థాయి ఉద్యోగులు కాజేస్తున్నారనే ఆరోపణలు ఉన్నాయి. గుర్తు తెలియని శవాలు కాబట్టి ఆ వస్తువుల గురించి ఎవరూ పెద్దగా పట్టించుకోరు. దీంతో ఉద్యోగులు సంబంధిత బ్యాగులు ఓపెన్‌ చేసి విలువైన బంగారు వస్తువులను తీసేసి వాటి స్థానంలో రోల్డ్‌ గోల్డ్‌వి ఉంచుతున్నట్లు ఆరోపణలు ఉన్నాయి. విజయవాడ ప్రభుత్వాసుపత్రిలోనే కాదు ప్రతి ఆసుపత్రిలో ఇదే తంతు జరుగుతోందని పలువురు ఉద్యోగులు బాహాటంగానే చెబుతున్నారు. గుర్తుతెలియని శవానికి పోస్ట్‌మార్టం చేసే సమయంలో వస్తువులు తీసేటప్పుడు వైద్యులు ఎల్లో మెటల్‌గా బంగారు వస్తువులు, వైట్‌ మెటల్‌గా వెండి వస్తువులను చూపిస్తారు. ఎన్ని గ్రాములు, వాటి విలువ ఎంత అన్నవి నమోదు చేయరు. దీంతో విలువైన వస్తువులు తీసేసినా ఎవరికీ తెలీదు. అదే అదునుగా కొందరు విలువైన వస్తువులు మాయం చేస్తున్నారన్న ఆరోపణలు ఉన్నాయి. అలా చేస్తే చర్యలు తీసుకుంటాం.. ఆసుపత్రిలో వస్తువులు తీయడం జరగకపోవచ్చు. ఈ విషయం నాకు తెలియదు. అలా చేస్తే మాత్రం చర్యలు తీసుకుంటాం.– చక్రధర్, విజయవాడ ప్రభుత్వాసుపత్రి,సూపరింటెండెంట్‌ 

చిత్తూరు అర్బన్‌: మూలిగే నక్కపై తాటిపండు పడితే పరిస్థితి ఎలా ఉంటుంది..? చచ్చి ఊరుకుంటుంది. ప్రస్తుతం జిల్లాలో అత్యవసర సేవలందిస్తున్న 108 అంబులెన్సుల పరిస్థితి ఇలాగే తయారైంది. తమ డిమాండ్లను పరిష్కరించలేదంటూ బుధవారం సాయంత్రం నుంచి 108 అంబులెన్సు సిబ్బంది సెల్‌ఫోన్లు స్విచ్‌ ఆఫ్‌ చేసే శారు. ఇక నుంచి రోజుకు ఎనిమిది గంటలు మాత్రమే పనిచేస్తామంటూ స్పష్టం చేశారు. సమస్యలు ఇవీ.. దశాబ్దానికి పైగా ప్రజలకు 108 అంబులెన్సుల ద్వారా సిబ్బంది అత్యవసర సేవలు అందిస్తున్నారు. ప్రస్తుతం రాష్ట్ర వ్యాప్తంగా వీటి నిర్వహణ బాధ్యతలను ప్రభుత్వం భారత్‌ వికాస్‌ గ్రూపు (బీవీజీ)కు అప్పగించింది. రిపేర్లలో ఉన్న వాహనాలను బాగు చేయించాలని, రోజుకు 12 గంటల పాటు చేస్తున్న పనులను ఎనిమిది గంటలకు కుదించాలని ఎనిమిది నెలల కాలంగా 108 సి బ్బంది ప్రభుత్వానికి, అధికారులకు చెబుతూనే ఉ న్నారు. పనికి తగ్గ వేతనం ఇవ్వాలని కోరుతున్నారు. ప్రస్తుతం చెల్లిస్తున్న వేతనాలను 50 శాతానికి పెంచాలని డిమాండ్‌ చేస్తున్నారు. పాలకులు, యంత్రాంగం స్పందించకపోవడంతో ఏ క్షణమైనా తాము ఎనిమిది గంటల పని విధానంలోకి దిగుతామని హెచ్చరించారు. తాజాగా బుధవారం విజయవాడలో పుణేకు చెందిన బీవీజే సంస్థ నిర్వాహకులతో రాష్ట్ర 108 వాహన సిబ్బంది భేటీ అయ్యారు. సమస్యలు పరిష్కరించకపోవడంతో తామే సొంతంగా నిర్ణయం తీసుకుంటున్నట్లు సిబ్బంది పేర్కొన్నారు. జిల్లాలో పరిస్థితి ఇలా... జిల్లావ్యాప్తంగా 24 గంటల పాటు 45 వాహనాలు సేవలు అందించాల్సి ఉండగా ప్రస్తుతం 35 మాత్రమే పనిచేస్తున్నాయి. ఒక్కో వాహనంలో ఇద్దరు పైలెట్లు, ఇద్దరు టెక్నీషియన్లు ఉన్నారు. వీళ్లంతా బుధవారం సాయంత్రం 4 గంటల నుంచి సెల్‌ఫోన్లు స్విచ్‌ ఆఫ్‌ చేసేశారు. రాష్ట్ర యూనియన్‌ పిలుపు మేరకు 8 గంటలు మాత్రమే తాము పనిచేస్తామని స్పష్టం చేశారు. ఫలితంగా ఇక నుంచి ఉదయం 4–8 గంటల మధ్య, సాయంత్రం 4–8 గంటల మధ్య తాము పనిచేయమని, ఆ సమయంలో సెల్‌ఫోన్లు సైతం స్విచ్‌ ఆఫ్‌ చేస్తామని పేర్కొన్నారు. రోజుకు సగటున ఒక్కో 108 వాహనం 16 మందికి అత్యవసర సేవలు అంది స్తోంది. ప్రభుత్వ చేతగానితనం వల్ల ఇక అత్యవసర వేళల్లో ఉపయోగించే 108 వాహనాలు 16 గంటలు మాత్రమే పనిచేయనున్నాయి. ఈ క్రమం లో అత్యవసర సేవలు ప్రశ్నార్థకంగా మారాయి. మేమూ బతకాలి కదా... మాకు కుటుంబాలు, పిల్లలు ఉన్నారు. 50 శాతం వేతనాలు పెంచాలని, ఎనిమిది గంటలు మాత్రమే పనిచేస్తామని కలెక్టర్, డీఎంఅండ్‌హెచ్‌ఓకు వినతులు ఇచ్చినా పట్టించుకోలేదు. ఇక నుంచి మాకు ఎనిమిది గంటల పని మాత్రమే ఉంటుంది. మిగిలిన సయయంలో సెల్‌ఫోన్లు స్విచ్‌ ఆఫ్‌ చేస్తాం.– శివకుమార్, 108 సిబ్బంది జిల్లా అధ్యక్షుడు

జెడ్పీసెంటర్‌ (మహబూబ్‌నగర్‌): ఖైదీల్లో సత్ప్రవర్తన కోసం అధికారులు కృషిచేయాలని రాష్ట్ర జైళ్ల శాఖ డైరెక్టర్‌ జనరల్‌ వినయ్‌కుమార్‌సింగ్‌ ఆదేశించారు. సోమవారం జిల్లా జైలును సందర్శించిన ఆయనకు సిబ్బంది గౌరవ వందనం సమర్పించారు. అనంతరం జైలు రిజిస్ట్రర్‌లను పరిశీలించిన ఆయన ఖైదీల వివరాలను అడిగి తెలుసుకున్నారు. అనంతరం  అధికారులతో ఆయన మాట్లాడుతూ ఖైదీలతో మృదువుగా వ్యవహరించాలని సూచించారు. తాము చేసిన తప్పును తెలుసుకుని çపశ్చతాప పడేవిధంగా వారిలో మార్పు తీసుకురావాలన్నారు. వారికి ప్రభుత్వం ప్రకటించే నాణ్యమైన భోజనం పెట్టాలన్నారు. ఖైదీల్లో దాగి ఉన్న నైపుణ్యం వెలికితీసే కార్యక్రమాలు చేపట్టాలని కోరారు. జిల్లా జైలులో ఖైదీలకు అధికారులు కల్పిస్తున్న సౌకర్యాలపై ఆయన సంతృప్తి వ్యక్తం చేశారు. ఖైదీల జీవన ప్రయోజనం కోసం మరో నూతన బారక్‌ను నిర్మించనున్నట్లు అందుకు ప్రతిపాదనలు సిద్ధం చేయాలని ఆదేశించారు. యాచకులు, ఆయుర్వేదిక విలేజీ పబ్లిక్‌ కోసం ఆనంద్‌ ఆశ్రమాన్ని నిర్మించాలని ప్రతిపాదించారు. ఖైదీలు జైలు నుంచి బయటకు వెళ్లిన తర్వాత తమ కాళ్లపై తాము నిలబడి జీవించే విధంగా తయారు చేయాలని కోరారు. కార్యక్రమంలో జైలు సూపరింటెండెంట్‌ శివకుమార్‌గౌడ్, జైలర్లు శ్రీనునాయక్, వెంకటేశ్వరస్వామి, డిప్యూటీ జైలర్‌ సుధాకర్‌ తదితరులు పాల్గొన్నారు.

నాయుడుపేట సామాజిక ఆరోగ్య కేంద్ర అభివృద్ధి కమిటీ చైర్మన్‌ కందల కృష్ణారెడ్డి అరాచకాలకు అంతేలేకుండో పోతోంది. ఏడాది క్రితం అభివృద్ధి కమిటీ పేరుతో పదవి తెచ్చుకున్న టీడీపీ పట్టణ అధ్యక్షుడు ఆస్పత్రిలోనే తిష్టవేశారు. తనకు ప్రత్యేక గదిని కేటాయించుకుని అందరికన్నా పెద్ద కుర్చీయే ఉండాలంటూ అభివృద్ధి నిధులతో దర్జాగా ఆ గదిని అలంకరించుకున్నారు. అప్పటి నుంచి ఆస్పత్రికి వచ్చే డిప్యూటీ సివిల్‌ సర్జన్‌ నుంచి వైద్యులు, సిబ్బంది, క్షేత్రస్థాయి సిబ్బందితో సహా తన కనుసన్నల్లోనే ఉండాలంటూ ఆంక్షలు విధించారు. మహిళా ఉద్యోగుల పట్ల అసభ్యకరంగా ప్రవర్తిస్తున్నారు. ఉన్నతాధికారులకు ఫిర్యాదు చేసిన బాధిత ఉద్యోగులపై మరింతగా అరాచకాలు సృష్టిస్తూ భయభ్రాంతులకు గురిచేయడం ఆయనకు పరిపాటిగా మారింది. నాయుడుపేట: స్థానిక సామాజిక ఆరోగ్య కేంద్రానికి కొత్తగా వచ్చిన మహిళా వైద్యులతో పాటు సిబ్బంది సైతం ఆస్పత్రిలో అడుగు పెడితే అభివృద్ధి కమిటీ చైర్మన్‌ గదికి వెళ్లి నమస్కారం చేసి విధులు నిర్వర్తించాలని కృష్ణారెడ్డి హుకుం జారీ చేశారు. సామాజిక ఆరోగ్య కేంద్రంలో టీవీటీ కంపెనీ సౌజన్యంతో కాంట్రాక్ట్‌పై పనిచేస్తున్న క్లీనింగ్‌ సూపర్‌వైజర్‌ జువ్వలపాటి వజ్రమ్మతో పాటు మరో ఆరుగురు మహిళలు క్లీనింగ్‌ అసిస్టెంట్లుగా పనిచేస్తున్నారు. వజ్రమ్మపై కొంతకాలంగా అభివృద్ధి కమిటీ చైర్మన్‌ కృష్ణారెడ్డి లైంగిక వేధింపులకు పాల్పడటమే కాకుండా బ్లాక్‌ మెయిల్‌ చేస్తూ వస్తున్నారు. ఈ విషయం తన భర్త జువ్వలపాటి హుస్సేన్‌కు సమాచారం ఇవ్వడంతో చైర్మన్‌ను ప్రశ్నించడంపై ఆస్పత్రి వద్ద సోమవారం వివాదం చోటు చేసుకుంది. మీ అంతు చూస్తానంటూ ఉద్యోగంలో నుంచి తొలగిస్తానంటూ చైర్మన్‌ బెదిరింపులకు దిగారు. తన భార్యపై లైంగిక వేధింపులకు గురిచేయడం ఏమిటని ప్రశ్నిస్తుంటే అక్కడే ఉన్న ఓ రోగి ఎందుకిలా చేశారన్నందుకుగాను చైర్మన్‌ కృష్ణారెడ్డి అనుచరుడు ఆ వృద్ధుడి చెంప చెళ్లు మనిపించడంపై తీవ్ర గందరగోళం నెలకొంది. ‘జిల్లా కలెక్టర్, మీడియాకు చెప్పుకుంటారా.. చెప్పుకోండి’ అంటూ రుబాబు చేశారు. అంతలోనే చుట్టుపక్కల ప్రాం తాల నుంచి బాధితులపై దాడి చేసేందుకు తన అనుచరులు గుమికూడటంతో భయాందోళనకు గురైన బాధితురాలు వజ్రమ్మ, భర్త హుస్సేన్, రజక వృత్తిదారుల సం ఘం రాష్ట్ర సభ్యుడు పుల్లూరు మనోరమ అక్కడి నుంచి తిన్నగా పోలీస్‌స్టేషన్‌కు వెళ్లి కృష్ణారెడ్డిపై ఫిర్యాదు చేశారు. సోమవారం ఫిర్యాదు ఇచ్చినా పోలీసులు స్పందించక పో వడంపై బాధితులు ఆవేదన వ్యక్తం చేస్తున్నారు. అధికార పార్టీకి చెందిన ఆస్పత్రి అభివృద్ధి కమిటీ చైర్మన్‌ కృష్ణారెడ్డి మామ తంబిరెడ్డి జనార్దన్‌రెడ్డి, సమీప బంధువులు జలదంకి మధుసూదన్‌రెడ్డి, గూడూరు రఘునాథరెడ్డి టీడీపీలో కీలకంగా వ్యవహరిస్తున్నారు. దీంతో వారి నుంచి ఒత్తిళ్లు తీసుకొస్తున్నట్లు బాధితులు తెలిపారు. అంతేకా కుండా నియోజకవర్గంలోని టీడీపీ నాయకులు ఈ కేసును రాజీ చేసేందుకు ప్రయత్నాలు చేస్తున్నట్లు సమాచారం. కేసు నమోదు చేయకపోతే  ఉద్యమం క్లీనింగ్‌ సూపర్‌వైజర్‌ జువ్వలపాటి వజ్రమ్మపై లైంగిక వేధింపులతో పాటు చాకలి కులానికి చెందినదానా అంటూ అసభ్యకరంగా మాట్లాడటం సాక్ష్యాలు చూపిస్తే మీకు ఉద్యోగం ఉండబోదంటూ బ్లాక్‌ మెయిల్‌ చేస్తున్న చైర్మన్‌ కృష్ణారెడ్డిపై పోలీసులు వెంటనే కేసు నమోదు చేసి అరెస్టు చేయాలి. పోలీస్‌స్టేషన్‌లో ఫిర్యాదు చేసి 38 గంటలు అవుతున్నా పోలీసులు కేసు నమోదు చేయక పోవడం విడ్డూరం. టీడీపీ నాయకులు ఈ కేసు మాఫీ చేసేందుకు బాధితులకు ఫోన్లు చేసి బెదిరింపులకు గురిచేస్తున్నారు. ఆ బెదిరింపులకు లొంగబోం. పోలీసులు వెంటనే కేసు నమోదు చేసి అరెస్టు చేయకపోతే సీఎం చంద్రబాబును కలిసి అధికారపార్టీ నాయకులు చేస్తున్న అరాచకాలపై ఎండగడతాం.–మన్నూరు భాస్కరయ్య, రజక వృత్తిదారుల సంఘం రాష్ట్ర అధ్యక్షుడు వేధింపులు తట్టుకోలేకే తిరుగుబాటు చేశా ఆస్పత్రిలో నేను బాధ్యతను తీసుకున్నప్పటి నుంచి పరిశుభ్రతకు ప్రాధాన్యం ఇస్తున్నా. ప్రభుత్వ ఆస్పత్రికి వచ్చే పేదలకు న్యాయం చేద్దామని ఆలోచించా. ప్రైవేటు ఉద్యోగమైనా, జీతం రూ.5 వేలైనా ఉద్యోగానికి న్యాయం చేద్దామని తోటి సిబ్బందితో నిస్పక్షపాతంగా పనిచేయించా. అందరు బాధ్యతగా ఉద్యోగాన్ని నిర్వర్తిస్తూ వచ్చారు. మూడు నెలల పాటు టీవీటీ కాంట్రాక్ట్‌ కంపెనీ నుంచే మాకు జీతాలు అందేవి. ఆస్పత్రి అభివృద్ధి కమిటీ చైర్మన్‌ కృష్ణారెడ్డి తన చేతుల మీదుగా జీతాలు పంపిణీ  చేయకపోతే కంపెనీని తొలగిస్తామంటూ మాకు ఉద్యోగం అందించిన కంపెనీపై ఒత్తిడి తెచ్చారు. అప్పటి నుంచి ఆయన సమక్షంలోనే జీతాలు పంపిణీ జరిగేది. అప్పటి నుంచి మమ్మల్ని లైంగికంగా వేధిస్తూ మానసికంగా క్షోభకు గురిచేసేవాడు. గతంలో ఆయన ఒత్తిళ్లు తట్టుకోలేకే ఆత్మహత్యాయత్నం చేశా. అయినా ఆ రాక్షసుడు వేధింపులు అధికం చేశాడు. కుటుంబ సభ్యులకు చెప్పి పోలీస్‌స్టేషన్లో ఫిర్యాదు చేశా. పోలీసులు నిర్లక్ష్యం చేస్తున్నారు.–జువ్వలపాటి వజ్రమ్మ, క్లీనింగ్‌ సూపర్‌వైజర్‌

నెల్లూరు సిటీ: కార్పొరేషన్‌లో అధికారులు, సిబ్బంది కుమ్మక్కై గుట్టుచప్పుడుగా దోపిడీ పాలన సాగిస్తున్నారు. భవనాలకు సంబంధించి ఏ అనుమతి కోసమైన కార్పొరేషన్‌కు దరఖాస్తు చేసుకుంటే పీల్చిపిప్పిచేస్తున్నారు. లెట్రిన్‌సీట్ల కనెక్షన్ల మంజూరుకు సైతం కమర్షియల్‌ భవన యజామానుల నుంచి ఇంజినీరింగ్‌ అధికారులు  భారీగా వసూళ్లకు పాల్పడుతున్నారు. నగర పాలక సంస్థ పరిధిలో మొత్తం 54 డివిజన్‌ల ఉన్నాయి. ఇందులో 17 డివిజన్ల పరిధిలోని ప్రధాన ప్రాంతాలు, కమర్షియల్‌ ప్రాంతాల్లో డ్రైనేజీ అసిస్‌మెంట్‌లు ఉన్నాయి. మొత్తం 727 అసిస్‌మెంట్లు ఉండగా ఏటా కార్పొరేషన్‌కు రూ.40లక్షలు పన్నుల రూపంలో ఆదాయం వస్తోంది. డ్రైనేజీ కనెక్షన్‌లు ఇచ్చే సమయంలో ఇంజినీరింగ్‌ అధికారులు..పన్నులు వేసే సమయంలో రెవెన్యూ అధికారులు దోపిడీకి తెరతీస్తున్నారు. ఇంజినీరింగ్, రెవెన్యూ అధికారులు కుమ్మక్కై  ఏటా సుమారు రూ.2కోట్ల మేర కార్పొరేషన్‌ ఆదాయానికి గండి కొడుతున్నట్లుగా సమాచారం. ప్రస్తుతం కార్పొరేషన్‌ పరిధిలో రూ.500కోట్లతో డ్రైనేజీ వ్యవస్థను నిర్మిస్తున్నారు. అయితే ఇంకా డ్రైనేజీ వ్యవస్థ అందుబాటులోకి రాలేదు. డబ్బులు ఇస్తే సరి..లేకపోతే చుక్కలే కార్పొరేషన్‌ పరిధిలో ఇళ్లు, కాంప్లెక్స్‌లు నిర్మించుకున్న సమయంలో డ్రైనేజీ వ్యవస్థను ఆయా భవన యజమానులు ఏర్పాటు చేసుకోవాలి. కార్పొరేషన్‌ పరిధిలో అధిక సంఖ్యలో భవన యజమానులు సెప్టిక్‌ట్యాంకులు ఏర్పాటు చేసుకుంటారు. అయితే కొన్ని ప్రధాన, కమర్షియల్‌ ప్రాంతాల్లో కార్పొరేషన్‌కు సంబంధించిన మరుగుదొడ్ల పైపులైన్‌ ఉంది. ఆయా ప్రాంతాల్లోని  భవన యజమానులు  కార్పొరేషన్‌ పైపులైన్‌కు మరుగుదొడ్లను కనెక్షన్‌ ఏర్పాటు చేసుకోవాలంటే కార్పొరేషన్‌కు దరఖాస్తు చేసుకోవాల్సి ఉంటుంది. కార్పొరేషన్‌ ఇంజనీరింగ్‌ అధికారులు పరిశీలించి కనెక్షన్‌ ఇస్తారు. 17 డివిజన్‌లకు గానూ ఒక ఏఈ, ఇద్దరు మేస్త్రీలు ఈ వ్యవహారం చూస్తున్నారు. అయితే ఇంజినీరింగ్‌ అధికారులు  పైప్‌లైన్‌ కనెక్షన్‌కు భవన యజమానుల నుంచి రూ.50వేల నుంచి రూ.2లక్షల వరకు డిమాండ్‌ చేస్తున్నారనే ఆరోపణలు ఉన్నాయి. డిమాండ్‌ చేసిన మొత్తం ఇవ్వకుంటే  కొర్రీలు పెడుతూ చుక్కలు చూపిస్తున్నారు. పైప్‌లైన్‌ను రిపేర్లు వచ్చేలా ఏర్పాటు చేస్తున్నారు. సమస్య ఎదురైనా ఆలస్యంగా మరమ్మతులు  చేస్తున్నారు. దీంతో భవన యజమానులు తప్పని పరిస్థితుల్లో ఇంజినీరింగ్‌ అధికారులు అడిగిన మొత్తాన్ని ఇస్తున్నారు. ఏటా రూ.2కోట్ల మేర నష్టం   ఇంజినీరింగ్, రెవెన్యూ అధికారులు తమ ఆదాయం కోసం కార్పొరేషన్‌కు ఆదాయ వనరులకు గండి కొడుతున్నారు. ఇంజనీరింగ్, రెవెన్యూ అధికారులు  కుమ్మక్కై హాస్పిటల్స్, కాంప్లెక్స్‌లు, లాడ్జీలు, భారీ భవనాల మరుగుదొడ్ల(లెట్రిన్‌ సీట్లు) కనెక్షన్ల లెక్కల్లో తేడాలు చూపుతున్నారు. ఏటా డ్రైనేజీ కనెక్షన్ల రూపంలో కార్పొరేషన్‌కు కేవలం రూ.40లక్షల మేర మాత్రమే ఆదాయం వస్తోంది. ప్రస్తుతం డ్రైనేజీ పన్నుల రూపంలో దాదాపు రూ.3కోట్ల మేర బకాయిలు ఉన్నాయి. లెక్కలు తారుమారు చేయడంతో రూ.2కోట్ల మేర కార్పొరేషన్‌కు నష్టం వాటిల్లుతున్నట్లు సమాచారం. ఉన్నతాధికారుల పర్యవేక్షణ లోపం కారణంగా కార్పొరేషన్‌కు రావాల్సిన ఆదాయం రాకుండాపోతుంది. ఇదే అదనుగా రెవెన్యూ అధికారులు  ఏటా భవన యజమానుల నుంచి లక్షల రూపాయలు దండుకుంటున్నారు. అంతా మేము చూసుకుంటాం   ఇంజినీరింగ్‌ అధికారులు లెట్రిన్‌ సీట్లకు పైప్‌లైన్‌ ఏర్పాటు చేసే సమయంలో పన్నులు తక్కువ వచ్చేలా తాము చూసుకుంటామని భవన యజమానుల నుంచి భారీగా డిమాండ్‌ చేస్తున్నారు. రెవెన్యూ అధికారులు తాము చెప్పినట్లు నడుచుకుంటారని, లెట్రిన్‌సీట్లు లెక్కలు తాము చేసిందే ఫైనల్‌ అని చెప్పొకొస్తున్నారు. ఈ విధంగా ఇంజనీరింగ్‌ అధికారులు రెవెన్యూ అధికారులతో కుమ్మక్కై దోపిడీకి పాల్పడుతున్నారు.   అక్రమ వసూళ్లకు పాల్పడితే చర్యలు కార్పొరేషన్‌కు రావాల్సిన పన్నుల వసూళ్లలో అక్రమాలకు పాల్పడితే కఠిన చర్యలు తీసుకుంటాం. కార్పొరేషన్‌ అనుమతులు, పైపులైన్ల కనెక్షన్ల కోసం ఉద్యోగులకు నగదు చెల్లించొద్దు. ఎవరైనా నగదు డిమాండ్‌ చేస్తే ఫిర్యాదు చేస్తే చర్యలు తీసుకుంటాం.  –అలీంబాషా, కార్పొరేషన్‌ కమిషనర్‌    కొన్ని అక్రమ ఘటనలు   ♦ నగరంలోని పొగతోటలోని ఓ ఆస్పత్రిలో భవన యజమాని వద్ద ఇంజినీరింగ్‌ అధికారులు భారీగా వసూలు చేసి 30 లెట్రిన్‌ సీట్లు ఉంటే కేవలం ఏడు లెట్రిన్‌సీట్లు ఉన్నట్లు పన్నుల లెక్కల్లో చూపించారు.   ♦ ఇటీవల తిప్పరాజువారివీధి ఇళ్లు నిర్మించుకున్న ఓ భవన యజమాని డ్రైనేజీ పైప్‌లైన్‌కు కార్పొరేషన్‌లో దరఖాస్తు చేసుకోగా కనెక్షన్ల మంజూరుకు ఇంజనీరింగ్‌ అధికారులు రూ.30వేలు వసూలు చేశారు.   ♦ ట్రంకురోడ్డులో కమర్షియల్‌ భవనం నిర్మించిన యజమాని వద్ద ఇంజనీరింగ్‌ అధికారులు రూ.50వేలు డిమాండ్‌ చేశారు. నగదు ఇవ్వకపోవడంతో కొర్రీలు పెట్టడంతో  తప్పని పరిస్థితుల్లో ఇచ్చి చేయించుకున్నాడు. 

కావలిరూరల్‌: కావలి ప్రభుత్వ ఏరియా వైద్యశాల సిబ్బంది నిర్వాకంతో అప్పుడే పుట్టిన పసిబిడ్డ మూడు గంటల పాటు చిమ్మచీకటిలో ఆర్తనాదాలు చేస్తూ ఉండాల్సి వచ్చింది. బోగోలు మండలం బిట్రగుంటకు చెందిన యు.అంజలి పురుడు కోసం గురువారం కావలి ప్రభుత్వ ఏరియా వైద్యశాలకు వచ్చింది. మధ్యాహ్నం 2.50 గంటలకు డాక్టర్లు ఆమెకు ఆపరేషన్‌ చేసి మగబిడ్డను కాన్పు చేశారు. అనంతరం 3.20 గంటలకు ఆమెను అప్పుడే పుట్టిన బిడ్డతో సహా పే వార్డులోని రూం నంబరు 2లోకి మార్చారు. అయితే రూంలో లైటు పని చేయలేదు. ఈ విషయం గమనించిన డ్యూటీ సిస్టర్‌ వెంటనే ఎలక్ట్రీషియన్‌కు సమాచారమందించారు. అయితే ఎలక్రీషియన్‌ 6.25 గంటలకు వచ్చి లైట్‌ను సరిచేసి వెళ్లాడు. అయితే మూడు గంటల పాటు ఆ చిన్నారి ఏడుస్తూనే ఉంది. ఆపరేషన్‌ చేయించుకున్న పేషెంట్‌ పొత్తిళ్లలో బిడ్డతో సహా అలాగే ఉండిపోవాల్సి వచ్చింది. వీరి బాధ చూడలేక అక్కడ విధులలో ఉన్న సిబ్బంది పదే పదే ఫోన్లు చేయడంతో ఎలక్ట్రీషియన్‌ తీరుబడిగా 3గంటల తర్వాత వచ్చి లైటు సరిచేయడంతో వారు ఊపిరి పీల్చుకున్నారు. ప్రభుత్వ ఆస్పత్రిలో కాన్పులు బాగా చేస్తున్నారని వస్తే సిబ్బంది ఇంత నిర్లక్ష్యంగా ఉన్నారేంటని అంజలి కుటుంబ సభ్యులు వాపోయారు.

కోవూరు/కొడవలూరు/విడవలూరు: జిల్లాలోని ఆంధ్రప్రగతి గ్రామీణ బ్యాంక్‌ నార్తురాజుపాళెం, వేగూరు, వావిళ్ల, అల్లూరు శాఖల్లో నిధుల గోల్‌మాల్‌పై విచారణ జరుగుతోంది. నాలుగు శాఖల్లో దాదాపు రూ.3 కోట్ల మేర నిధుల స్వాహా జరిగినట్లు ప్రాంతీయ కార్యాలయానికి ఫిర్యాదులందాయి. నకిలీ పాసుపుస్తకాలు పెట్టి పంట రుణాల పేరిట అక్రమార్కులు ఆయా శాఖల్లో పనిచేసిన మేనేజర్లతో కలిసి నిధులు స్వాహా చేసినట్లు ప్రాథమిక విచారణలో తేల్చారు. నిరుపేదలను అడ్డుపెట్టుకుని వారి ఆధార్‌కార్డులు తదితరాలతో ముద్ర రుణాలు తీసుకున్నట్లు తెలిసింది. నాలుగు శాఖల్లో జరిగిన నిధుల స్వాహాపై బ్యాంక్‌ కడప ప్రాంతీయ కార్యాలయం విచారణాధికారులతో తనిఖీ చేపట్టింది. విచారణాధికారులు రంగంలోకి దిగి బ్యాంక్‌ల్లో విచారణ జరుపుతున్నారు. బుధవారం నార్తురాజుపాళెం ఏపీజీబీలో విచారణ జరిపారు. బ్యాంక్‌ రికార్డులను పరిశీలించారు. రుణాల మంజూరు, అందుకు సంబంధించి ధ్రువీకరణ పత్రాలను స్వాధీనం చేసుకున్నారు. ఈ విషయమై విచారణాధికారి సుబ్రహ్మణ్యంను అడుగగా తొలుత నార్తురాజుపాళెం శాఖలో విచారణ జరుపుతున్నామన్నారు. మిగతా శాఖలను పరిశీలించి, విచారణ పూర్తిగా జరిపిన అనంతరం ఏ మేరకు నిధుల స్వాహా జరిగిందో తెలుస్తుందన్నారు. విచారణ అనంతరం స్పష్టత వస్తుందని ఆయన తెలిపారు. నకిలీ పత్రాలతో  రుణాలు అల్లూరు: నకిలీ పత్రాలతో రుణాలు పొందిన వైనం అల్లూరు ఆంధ్రప్రగతి గ్రామీణ బ్యాంక్‌లో బుధవారం వెలుగుచూసింది. అల్లూరు ఆంధ్రప్రగతి గ్రామీణ బ్యాంక్‌లో ఖాతాదారుడైన ఇందుపూరుకు చెందిన కాలేషా క్రాప్‌ లోనుకు అవసరమైన పత్రాలు సమర్పించి రూ.3 లక్షలు రుణం పొందాడు. ఇదే పత్రాలను నకలీవి సృష్టించి ఇతర బ్రాంచ్‌ల్లోనూ రుణాలు పొందించినట్లు గుర్తించి ఖాతాదారుడిపై చీటింగ్‌ కేసు పెట్టామని అల్లూరు ఆంధ్రప్రగతి బ్యాంక్‌ మేనేజర్‌ మోహన్‌రెడ్డి తెలిపారు.

విజయనగరం గంటస్తంభం:  ఆపద సమయంలో ఆదుకునే 108 వాహనానికి గడ్డుపరిస్థితి దాపురించింది. అందులో పనిచేసే సిబ్బందికి నెలల తరబడి వేతనాలు అందడంలేదనీ... వాహనాలు సరిగ్గా తిప్పలేక సేవలు అందించలేకపోతున్నామని  సిబ్బంది ఆవేదన వ్యక్తం చేశారు. కలెక్టరేట్‌లో సోమవారం నిర్వహించిన గ్రీవెన్స్‌సెల్‌లో 108 సర్వీసెస్‌ ఎంప్లాయిస్‌ యూ నియన్‌ అధ్యక్షుడు బంగార్రాజు ఆధ్వర్యంలో సిబ్బంది వచ్చి సంయుక్త కలెక్టర్‌–2 కె.నాగేశ్వరరావుకు వినతిపత్రం ఇచ్చారు. ఈ సందర్భంగా వారు మాట్లాడుతూ జిల్లాలో 27 వాహనాలుండగా ఏడు సాంకేతిక కారణాల వల్ల పని చేయ డం లేదని, 15 వాహనాలకు ఇన్సూరెన్స్‌ లేక తిప్పలేకపోతున్నామని తెలిపారు. ఇక ఉద్యోగులకు జనవరి నెల నుంచి నెలవారీ జీతాలివ్వకుండా... పని చేసిన రోజులకే చెల్లిస్తున్నారని ఆవేదన వ్యక్తం చేశారు. జీవీకే సంస్థ ఏటా 10శాతం వేతనం పెంచేదని, 2016 నుం చి పెరగలేదన్నారు. 52రోజుల జీతం పెండింగ్‌లో ఉన్నా ఎవరూ పట్టించుకోలేదని చెప్పారు. వీటిని పరిష్కరించాలని కోరారు. సోమవారం నిర్వహించిన గ్రీవెన్స్‌సెల్‌కు మొత్తం 210 అర్జీ లు వచ్చాయి. జేసీ–2 నాగేశ్వరరావుతోపాటు డీఆర్వో ఆర్‌.ఎస్‌.రాజ్‌కుమార్‌ వినతులు స్వీకరించారు. అందులో కొన్నింటిని పరిశీలిస్తే.... ♦ మూతపడిన జ్యూట్‌ మిల్లులు తెరిపించా లని ఇఫ్టూ జల్లా కమిటీ నాయకులు కె.సన్యాసిరావు, బోని సత్యనారాయణ ఆధ్వర్యంలో పలువురు కార్మికులు వినతిపత్రం ఇచ్చారు. ♦ కుమిలిలో నిర్మించిన సామాలమ్మ గుడిని దేవాదాయశాఖ అధికారులు స్వాధీనం చేసుకో వాలని ఆ గ్రామానికి చెందిన జి.నాగిరెడ్డి కో రా రు. ♦ దరం కార్యక్రమం జరగక ఇబ్బందులు పడుతున్నామని, తన కుమారుడు అజయ్‌ కోసం తొమ్మిది నెలలుగా తిరుగుతున్నా పట్టిం చుకోవడం లేదని బొబ్బిలికి చెందిన పి.జయరా వు తెలిపారు. ♦ ప్రధానమంత్రి పసల్‌బీమా యోజనలో పని చేస్తున్న వ్యవసాయ బీమా కార్యకర్తలకు ఖరీఫ్‌ కాలంలోనే పని కల్పిస్తున్నారని, ఈ ఏడాది పని కల్పించాలని బీమా కార్యకర్తల ఆసోసియేషన్‌ అధ్యక్షుడు బి.ప్రశాంత్‌ తది తరులు వినతిపత్రం సమర్పించారు. ♦ పూసపాటిరేగ మండలం పతివాడ పంచాయతీ త మ్మయ్యపాలెంలో సర్వే నెం: 111/2లో 10 ఎకరాలు 62సెంట్లు, 112లో 17.97ఎకరాలు ప్రభు త్వ భూమిలో మత్స్యకారులు చేపలు ఎండబెట్టుకుంటున్నారని, ఆ భూములు అక్రమణకు గురవుతున్నాయని సర్పంచ్‌ ఎ.పైడిరాజు, ఎంపీటీసీ సభ్యుడు కూర్మినాయుడు తదితరులు ఫిర్యాదు చేశారు. బాధ్యులైన వారిపై చర్యలు తీసుకోవాలని కోరారు. ♦ అంతకుముందు నిర్వహించిన డయల్‌యువర్‌ కలెక్టర్‌ కార్యక్రమానికి ఎనిమిది ఫోన్‌ కాల్స్‌ వచ్చాయి. కార్యక్రమంలో పలువురు అధికారులు పాల్గొన్నారు.

సాక్షి, విశాఖపట్నం: ఒక నెల జీతాలు అందకపోతేనే మధ్య తరగతి ఉద్యోగులు అల్లాడిపోతారు. కుటుంబం గడవడం ఎలా? అంటూ సతమతమైపోతారు. కానీ నెలా? రెండు నెలలు కాదు.. నాలుగు నెలలు జీతాల్లేకుండా కుటుంబాలను ఈడ్చడం ఎంత కష్టం? ఇప్పుడు అలాంటి కష్టాలనే 108 సిబ్బంది అనుభవిస్తున్నారు. ఇన్నాళ్లూ జీవీకే సంస్థ ఆధ్వర్యంలో 108 అంబులెన్స్‌ల సిబ్బంది పనిచేసేవారు. గత డిసెంబర్‌ 13న జీవీకే నుంచి 108ల నిర్వహణ బాధ్యతలను మహారాష్ట్రకు చెందిన బీవీజీ (భారత్‌ వికాస్‌ గ్రూప్‌) సంస్థ తీసుకుంది. అప్పటికే రెండు నెలల నుంచి జీవీకే సంస్థ 108 వాహనాల్లో పనిచేసే సిబ్బందికి జీతాలు చెల్లించడం మానేసింది. కొత్తగా వచ్చిన బీవీజీ సంస్థ అయినా పాత బకాయిలతో పాటు జీతాలను సక్రమంగా చెల్లిస్తుందని వీరు సంబరపడ్డారు. కానీ బీవీజీ కూడా అదే బాటలో పయనిస్తూ జీతాలివ్వడం లేదు. సంక్రాంతి పండగ సమీపిస్తున్న తరుణంలో ఈ సిబ్బంది ఆందోళన చేపట్టడంతో జనవరిలో రూ.7 వేల చొప్పున అడ్వాన్సు రూపంలో ఇచ్చారు. ఆ తర్వాత ఇక జీతాల జోలికే వెళ్లడం మానేశారు. ఒక్కో అంబులెన్స్‌లో షిఫ్టుల వారీగా సగటున ఐదుగురు విధులు నిర్వహిస్తారు. వీరిలో పైలట్లు (డ్రైవర్లు), ఎమర్జెన్సీ మెడికల్‌ టెక్నిషియన్లు ఉంటారు. ఇలా విశాఖ జిల్లాలో 108 అంబులెన్స్‌లు 45 ఉన్నాయి. వీటిలో నాలుగింటిని స్పేర్‌గా ఉంచుతారు. 41 అంబులెన్స్‌లను నగరంలోనూ, జిల్లాలోని వివిధ ప్రాంతాల్లో నడుపుతున్నారు. ఇలా జిల్లా వ్యాప్తంగా 185 మంది 108 అంబులెన్స్‌ల్లో విధులు నిర్వహిస్తున్నారు. వీరికి నెలకు రూ.11,000 నుంచి 12,000 వరకు జీతాలు చెల్లిస్తుంటారు. ఆఖరిసారిగా వీరు గత అక్టోబర్‌లో వేతనాలు అందుకున్నారు. నెలలు తరబడి జీతాలివ్వకపోవడం వల్ల పిల్లాపాపలతో ఉన్న వీరు ఆర్థికంగా ఇబ్బందులు పడుతున్నారు. అప్పులు చేసి కుటుంబాలను పోషించుకుంటున్నారు. తమ వేతనాల గురించి జీవీకే సంస్థ ప్రతినిధులను అడిగితే ప్రభుత్వం నుంచి తమకు బకాయిలు రావలసి ఉందని చెప్పి తప్పించుకుంటున్నారని... కొత్తగా వచ్చిన బీవీజీ గ్రూప్‌ యాజమాన్యాన్ని అడుగుతుంటే ఇటీవలే బాధ్యతలు తీసుకున్నామని, అంతా సర్దుబాటు కావడానికి కొంత సమయం పడుతుందని చెబుతున్నారని 108 సిబ్బంది ఆవేదన చెందుతున్నారు. దీనిపై ప్రభుత్వానికి మొరపెట్టుకున్నా పట్టించుకోవడం లేదని వీరు వాపోతున్నారు. తమకు జీతాలు చెల్లించేలా చూడాలని 108 సిబ్బంది యూనియన్‌ నాయకులు ఇటీవల విజయవాడలోని కార్మికశాఖ కమిషనర్‌ రాజేంద్రప్రసాద్‌ను కలిశారు. దీంతో ఆయన జీవీకే, బీవీజీ సంస్థలతో పాటు 108 సిబ్బంది యూనియన్‌ ప్రతినిధులతో కలిసి ఈనెల 8న సంయుక్త సమావేశాన్ని ఏర్పాటు చేస్తామని చెప్పారు. కానీ ఆ సమావేశాన్ని ఈ నెల 22కి వాయిదా వేయడంతో వీరంతా డీలా పడ్డారు.

రామనగర(దొడ్డబళ్లాపురం): కనకపుర పట్టణ పోలీసులకు చెమటలు పట్టించిన నాగుపాము ఎట్టకేలకు పట్టుబడింది. రెండు రోజుల క్రితం పెద్ద నాగుపాము ఒకటి పట్టణ పోలీస్‌ స్టేషన్‌ కాంపౌండ్‌లో, స్టేషన్‌లోపల తిరుగుతూ సిబ్బందికి చెమటలుపట్టించింది. చివరకు కాంపౌండ్‌లోని చిన్న కలుగులో దూరింది. అప్పుడప్పపుడూ వచ్చి కనిపించి వెళ్తోంది. దీంతో పోలీసులు శుక్రవారం పాములు పట్టే పునీత్‌ అనే వ్యక్తిని రప్పించారు. అతను చాకచక్యంగా పామును బంధించాడు. పామును శివనహళ్లి సమీపంలోని అడవిలో వదిలేస్తామని పునీత్‌ తెలిపాడు.

పశ్చిమగోదావరి, ఏలూరు టౌన్‌ : జిల్లాలోని పోలీస్‌ శాఖలో పనిస్తున్న అధికారులు, సిబ్బంది ప్రజలకు జవాబుదారీగా వ్యవహరించాలని, ఫిర్యాదుదారులతో మర్యాదగా మసలుకోవాలని జిల్లా ఎస్పీ ఎం.రవిప్రకాష్‌ సూచించారు. ఏలూరు పోలీస్‌ సబ్‌డివిజన్‌ కార్యాలయాన్ని గురువారం ఆయన తనిఖీ చేశారు. ఏలూరు సబ్‌డివిజన్‌ పరిధిలో పోలీసుల పనితీరు, గ్రేవ్‌ కేసులు, ప్రజలతో సత్సంబంధాలు వంటి అంశాలను తెలుసుకోవడంతోపాటు రికార్డులు తనిఖీ చేశారు. అనంతరం ఎస్పీ విలేకరులతో మాట్లాడుతూ రేప్, ఫోక్సో కేసుల విషయంలో సర్కిల్‌ ఇన్‌స్పెక్టర్లు వ్యక్తిగతంగా కోర్టు క్యాలెండర్‌ను తయారుచేసుకుని పర్యవేక్షించాలన్నారు. ఫోక్సో కేసుల నమోదు విషయంలో వయసు ధ్రువీకరణ పత్రాలను ఆధారంగా తీసుకోవాలని తెలిపారు. చట్టాలను తప్పుదోవ పట్టించేందుకు ప్రయత్నిస్తే కఠిన చర్యలు తప్పవని హెచ్చరించారు. ప్రమాదాల నివారణకు కార్యాచరణ జిల్లాలోని జాతీయ రహదారులపై ప్రమాదాల నివారణకు ప్రత్యేక కార్యాచరణ రూపొందించి అమలుచేస్తామని ఎస్పీ చెప్పారు. జిల్లాలోని ఆయా ముఖ్యపట్టణాలతోపాటు, జాతీయ రహదారులపై సీసీ కెమేరాలను ఆరు నెలల్లో ఏర్పాటు చేస్తామన్నారు. ఏలూరు నగరంలో మరో నెల రోజుల్లో సీసీ కెమేరాలను ఏర్పాటు చేసేందుకు చర్యలు చేపట్టినట్టు పేర్కొన్నారు. జిల్లాలో బాణసంచా అనధికారికంగా తయారుచేసే వ్యక్తులపై చర్యలు తప్పవని హెచ్చరించారు. మందుగుండు సామగ్రి అక్రమంగా నిల్వ చేస్తే కఠినంగా వ్యవహరిస్తామన్నారు. పనితీరుపై సంతృప్తి ఏలూరు సబ్‌డివిజన్‌లో పోలీస్‌ అధికారుల పనితీరుపై ఎస్పీ రవిప్రకాష్‌ సంతృప్తి వ్యక్తం చేశారు. ఏలూరు నగరంలోని పలుస్టేషన్ల పరిధిలో గ్రేవ్‌ కేసులు అధికంగా ఉన్నాయని, రికవరీ కూడా జరుగుతుందని, పనితీరు ఇంకా మెరుగుపడాలని ఎస్పీ చెప్పారు. ఇంకా 30 శాతం కేసులు పరిష్కారం కావాల్సి ఉందన్నారు. సబ్‌డివిజన్‌లో సర్కిల్‌ ఇన్‌స్పెక్టర్లు కొత్తగా వచ్చారని, అధికారులు పరిస్థితులపై అవగాహన తెచ్చుకుని మెరుగైన పనితీరు కనబరచాలన్నారు. సీపీఓల నియామకాల్లో జాగ్రత్తలు పాటించాలని, సమాజంలో మంచి నడవడిక కలిగిన వ్యక్తులనే నియమించాలని, ప్రస్తుతం 90 శాతం బాగా పనిచేస్తున్నారని తెలిపారు. పనితీరు ఆధారంగా సీపీఓలను ఏడాదికి ఒకసారి మార్పు చేయాల్సి ఉందని సూచించారు. ఫిర్యాదులు వచ్చిన వెంటనే కేసులు నమోదు చేయటం వల్ల కేసులు పక్కదారి పట్టే అవకాశాలు తగ్గుతాయని ఎస్పీ చెప్పారు. ట్రాఫిక్‌ సమస్య పరిష్కారానికి చర్యలు ఏలూరు జిల్లా కేంద్రం కావడంతో ఇక్కడ నేరాల నియంత్రణ, కేసుల నమోదు విషయంలో జాగ్రత్తలు పాటించాలని ఎస్పీ రవిప్రకాష్‌ సూచించారు. ఏలూరులో ట్రాఫిక్‌ సమస్య పరిష్కారానికి చర్యలు తీసుకుంటున్నామని, జూన్‌ నాటికి కొత్తగా పోలీస్‌ సిబ్బంది వస్తున్నారని, వారిని నియమిస్తామని తెలిపారు. ఏలూరు డీఎస్పీ కె.ఈశ్వరరావు, ఏలూరు వన్‌టౌన్‌ సీఐ అడపా నాగమురళీ, టూటౌన్‌ సీఐ జి.మధుబాబు, త్రీటౌన్‌ సీఐ పి.శ్రీనివాసరావు, రూరల్‌ సీఐ కె.వెంకటేశ్వరరావు, భీమడోలు సీఐ వెంకటేశ్వర నాయక్, ఎస్సైలు కె.రామారావు, ఎన్‌ఆర్‌ కిషోర్‌బాబు, ఎ.పైడిబాబు, నాగేంద్రప్రసాద్‌ పాల్గొన్నారు. 

‘మాది ఆదిలాబాద్‌ మండలం భీంసరీ గ్రామం. నా కోడలును డెలివరీ కోసం రిమ్స్‌కు తీసుకొచ్చినం. సోమవారం ఆడపిల్ల పుట్టింది. డెలివరీ అయినసుంది ఈడ పని చేసేటోళ్లు పైసలకు పీక్కతిట్టండ్లు. ప్రసవం అయినంక వెంటనే రూ.200 అడిగి తీసుకున్నరు. ఆడి నుంచి వార్డుకు తీసుకొచ్చినందుకు మళ్లా రూ.200, బట్టలు మార్చేవారికి మరో రూ.100 ఇచ్చినం. డబ్బులు లేకనే ఈడికొస్తే.. ఇక్కడ పైసలు..పైసలంటూ మమ్మల్ని తిప్పల పెడుతున్నరు. మా బాధ ఎవలకు చెప్పుకోవాలే. అధికారులు జెర పట్టించుకొని గరీబోళ్లకు న్యాయం చేయాలె.’  ఇది ఒక్క ఊశమ్మ కుటుంబానికే కాదు. రిమ్స్‌కు ప్రసూతికోసం వస్తున్న ప్రతీ ఒక్కరికి ఎదురవుతున్న ఇబ్బంది. సంబంధిత అధికారులు సైతం పట్టించుకోకపోవడంతో ప్రసూతి వార్డు లంచాల వార్డుగామారిపోయినట్లు తెలుస్తోంది.       ఆదిలాబాద్‌ : జిల్లా కేంద్రంలోని రిమ్స్‌ ఆస్పత్రి ప్రసూతి వార్డులో సిబ్బంది చేతివాటం ప్రదర్శిస్తున్నారు. కేసీఆర్‌ కిట్‌ పథకం ప్రారంభించడంతో ప్రసవాల సంఖ్య పెరిగింది. ప్రభుత్వ ఆస్పత్రుల్లోనే ప్రసవాలు చేసుకోవాలని ఓ పక్క ప్రభుత్వం ప్రచారం చేస్తుంటే.. తీరా ఆస్పత్రికి వచ్చిన వారిని లంచాల పేరిట సిబ్బంది ఇబ్బందులకు గురిచేయడంపై పలువురు ఆగ్రహం వ్యక్తం చేస్తున్నారు. రిమ్స్‌లో బాబు పుడితే రూ.500, పాప పుడితే రూ.300 డిమాండ్‌ చేసి మరీ వసూలు చేస్తున్నట్లు తెలుస్తోంది. డెలివరీ కోసం తీసుకొచ్చింది మొదలు బిడ్డ పుట్టినప్పటి నుంచి వార్డుకు తరలించి బట్టలు మార్చే వరకు ఆయా విభాగాల సిబ్బందికి తప్పనిసరిగా చేయి తడపాల్సిన పరిస్థితి. ప్రసూతి అయినప్పుడు మహిళ సిబ్బంది.. అక్కడి నుంచి వార్డుకు తీసుకొచ్చిన తర్వాత స్ట్రెచర్‌ సిబ్బంది.. మళ్లీ బట్టలు మార్చాలంటే మహిళ సిబ్బంది.. ఇలా  వార్డులో సిబ్బంది చేతివాటంతో పేద కుటుంబాలు ఇబ్బందులు పడుతున్నాయి. డబ్బులు లేవంటే వారిపై కస్సుబుస్సు మనడం పరిపాటిగా మారిందనే విమర్శలున్నాయి. ఎంతో కొంత ఇద్దామనుకుంటే దానికి వారు  ససేమీరా అంటున్నారని, మాకు ఇంత ఇవ్వాల్సిందేనని డిమాండ్‌ చేస్తున్నారని అక్కడి బాలింతల బంధువులు వాపోతున్నారు. ఇంత జరుగుతున్నా రిమ్స్‌ ఉన్నతాధికారులు ఇటువైపు చూడకపోవడం గమనార్హం. డబ్బులు అడిగిన వారి పేర్లు చెప్పాలని అంటున్న అధికారులు రోగులకు సిబ్బంది పేర్లు ఎలా తెలుస్తాయని బంధువులు పేర్కొంటున్నారు. అధికారులే సిబ్బందిని కఠినంగా హెచ్చరించాలని కోరుతున్నారు.   బయట చెబితే బెదిరింపులు..  ప్రసూతి వార్డులో జరిగే కాసుల తంతు బయటకు చెప్పలేని పరిస్థితుల్లో బాలింతల బంధువులు ఉన్నారు. ప్రసవం తర్వాత నార్మల్‌ డెలివరీ అయితే మూడు రోజులు, సర్జరీ చేసే వారం రోజులు ఉండాల్సి వస్తుంది. అలాంటిది ప్రసూతి వార్డులో సిబ్బంది డబ్బులు తీసుకున్నారని మీడియాకు చెప్పినా.. ఇంకా ఎవరితోనైనా అడిగించినా.. మరుసటి రోజు బాధితులకు సిబ్బంది నుంచి బెదిరిస్తారనే భయంతో నిజం చెప్పడం లేదు. ఒకవేళ ధైర్యం చేసి ఎవరైనా చెబితే మరుసటి రోజు సిబ్బంది ప్రసూతి వార్డుకు వెళ్లి మరీ డబ్బులు తీసుకుంటున్నామని ఎవరు చెప్పారంటూ ఆరా తీస్తారు. కొన్ని సందర్భాల్లో గొడవలు పడ్డ సంఘటనలు కూడా  ఉన్నాయి. అందుకే చాలా మంది వారితో మాకేందుకులే గొడవలని రిమ్స్‌ ఆస్పత్రి నుంచి డిశ్చార్జీ అయిన తర్వాత వారికి జరిగిన అన్యాయం గురించి చెబుతున్నారు. నెలల తరబడి ప్రసూతి వార్డులోనే కొంత మంది విధులు నిర్వహిస్తుండడంతో వారు చేతివాటానికి అలవాటు పడిపోయినట్లు తెలుస్తోంది.  మంత్రి చెప్పినా మారని పరిస్థితి..  రెండు నెలల క్రితం రాష్ట్ర అటవీ, బీసీ శాఖ మంత్రి జోగురామన్న రిమ్స్‌ ఆస్పత్రిలో తనిఖీ చేశారు. ఆ సమయంలో కొందరు ప్రసూతి వార్డులో డబ్బులు తీసుకుంటున్నారని మంత్రి దృష్టికి తీసుకొచ్చారు. ఇబ్బందులు పెడుతున్నారంటు ఫిర్యాదు చేశారు. దీనిపై విచారణ జరిపి బాధ్యులపై చర్యలు తీసుకోవాలని మంత్రి ఆదేశాలు ఇచ్చారు. అయినా సిబ్బంది తీరులో మార్పు రాకపోవడం గమనార్హం. ప్రసూతి వార్డులో సిబ్బంది చేతివాటంపై గతంలో కలెక్టర్‌గా పనిచేసిన అహ్మద్‌బాబుకు కూడా పలుమార్లు ఫిర్యాదు చేసిన సంఘటనలు ఉన్నాయి. అప్పటి నుంచి కలెక్టర్‌లు, అధికారులు మారినా ప్రసూతి వార్డులో మాత్రం పరిస్థితి మారకపోవడం విశేషం. కఠిన చర్యలు తీసుకోవాలి..  డెలివరీ కోసం నా భార్యను రిమ్స్‌కు తీసుకొచ్చాను. కూతురు పుట్టింది. అయితే నేను లేని సమయంలో మావల్ల నుంచి ఇక్కడి సిబ్బంది రూ.500 తీసుకున్నారు. బెడ్‌పైకి వచ్చిన తర్వాత కూడా బట్టలు మార్చేందుకు డబ్బులు అడగడం సిగ్గుచేటు. ఇలాంటి వారిపై కఠిన చర్యలు తీసుకోవాలి.   గంగాధర్, ఆదిలాబాద్‌  గతంలో కలెక్టర్‌కు ఫిర్యాదు చేశాం గతంలో ప్రసూతి వార్డులో డబ్బులు వసూలు చేస్తున్నారని కలెక్టర్‌కు, రిమ్స్‌ అధికారులకు ఫిర్యాదు చేశాం. అప్పట్లో కలెక్టర్‌ దీనిపై స్పందించి సిబ్బందిని తొలగించాలని ఆదేశించారు. అయినప్పటికి సిబ్బందిలో మార్పు రాలేదు. నిత్యం ఎంతో మంది పేదలు వస్తుంటారు. వారి నుంచి డబ్బులు వసూలు చేయడం సరి కాదు.                          కనక నర్సింగ్, మానవ సేవే మాధవ సేవా సభ్యుడు, ఆదిలాబాద్‌ విచారణ జరిపిస్తాం..  ప్రసూతి వార్డులో సిబ్బంది డబ్బులు వసూలు చేస్తున్న విషయం మా దృష్టికి రాలేదు. ఎవరైనా డబ్బులు తీసుకున్న సిబ్బంది పేర్లు చెబితే వారిపై చర్యలు తీసుకుంటాం. వార్డులో సీసీ కెమెరాలు సైతం ఏర్పాటు చేశాం. డబ్బులు తీసుకున్న సిబ్బందిని గుర్తించేందుకు విచారణ జరిపిస్తాం.   డాక్టర్‌ కె. అశోక్, రిమ్స్‌ డైరెక్టర్‌     

నెల్లూరు / ఓజిలి: ‘పదమూడేళ్లుగా తక్కువ వేతనాలతో పని చేసినా కనికరం చూపకుండా పర్మినెంట్‌ చేయమని కోరినందుకు శాశ్వతంగా తొలగించి అక్రమ కేసులు పెట్టించారన్నా’ అంటూ శనివారం ప్రజా సంకల్పయాత్రలో వైఎస్‌ జగన్‌మోహన్‌రెడ్డి ఎదుట పలువురు టోల్‌ప్లాజా సిబ్బంది ఆవేదన వ్యక్తం చేశారు. గూడూరు సమీపంలోని స్వర్ణ టోల్‌ప్లాజాలో 28మంది 2003 నుంచి 2015వరకు పని చేసినట్లు తెలిపారు. జీతాలు పెంచకపోవడంతో తమను పర్మినెంట్‌ చేయాలని కోరుతూ యూనియన్‌ను రూపొందించుకున్నట్లు తెలిపారు. దీంతో జిల్లాకు చెందిన ఓ మంత్రి, టీడీపీకి చెందిన ఓ పారిశ్రామిక వేత్త కలిసి 28 మందిని విధుల నుంచి తొలగించినట్లు ఆవేదన వ్యక్తం చేశారు. అంతేకాకుండా అక్రమ కేసులు పెట్టి 15 రోజుల పాటు రిమాండ్‌ కూడా పంపారని వాపాయారు.  స్పందించిన జననేత జగన్‌ మన ప్రభుత్వం వచ్చాక అందరికీ మంచి రోజులు వస్తాయని భరోసా ఇచ్చారు.

ఆళ్లగడ్డ:   అహోబిల క్షేత్రంలో కొందరి సిబ్బంది, అర్చకులు ఇష్టారాజ్యంగా వ్యవహరిస్తూ భక్తుల మనోభావాలను దెబ్బతీస్తున్నారు. క్షేత్రంలో వరుస సంఘటనలు జరుగుతున్నా అడిగే నాథుడే లేడు. ఈ నెల 15వ తేదీ నుంచి పార్వేట  ఉత్సవాలు మొదలయ్యాయి. పల్లకి వెంట హుండీ పెట్టడం ఆనవాయితీ. ఈ హుండీ నిండిన వెంటనే సీలు చేసి భద్రపరిచి ఆ హుండీ స్థానంలో మరో హుండీ పెట్టాలి. జిల్లా స్థాయి అధికారుల అనుమతి తీసుకుని అధికారి పర్యవేక్షకుని సమక్షంలో హుండీ సీలు తీసి అందులోని కానుకలు లెక్కించి రికార్డులో నమోదు చేయాలి. ఈ విధానం 30 ఏళ్లుగా కొనసాగుతోంది. ఈ విధానికి ఆదివారం ఆలమూరు గ్రామాంలో తూట్లు పొడిచారు. పార్వేట పల్లకి హుండీని పల్లకి వెంట ఉండే సిబ్బంది సీలు పగుల కొట్టి అందులోని కానుకలు వేరే డబ్బాలోకి మార్చుకోవడం తీవ్ర చర్చనీయాంశమైంది. అహోబిలేశుడి పార్వేట పల్లకి వెంట ఉండే సిబ్బంది పెత్తనం పెచ్చుమీరుతోందని పలువురు విమర్శిస్తున్నారు. ఈ విషయంపై దేవాదాయ అసిస్టెంట్‌ కమిషనర్‌ ఆనంద్‌ కుమార్‌ను వివరణ కోరగా.. నిబంధనలకు విరుద్ధంగా వ్యవహరిస్తే చర్యలు తీసుకుంటామని, హుండీ సీలు తీసిన విషయంపై విచారణ చేపడుతామన్నారు.

సాక్షి, విశాఖపట్నం: అత్యవసర వైద్యం కోసం అపస్మారక స్థితిలో ఆస్పత్రికి వచ్చిన మహిళా రోగిపై స్ర్టెచర్‌ బాయ్‌ లైంగిక దాడికి యత్నించిన సంఘటన విశాఖ కేజీహెచ్‌లో జరిగింది. దీనికి సంబంధించిన దృశ్యాలు సి.సి. కెమెరాలో రికార్డు అయ్యాయి. వివరాలిలా ఉన్నాయి. గాజువాక సమీపంలోని వికాస్‌ నగర్‌కు చెందిన 43 ఏళ్ల మహిళకు రాత్రి 12 గంటల సమయంలో ఫిట్స్‌ వచ్చాయి. ఆమె చిన్నకుమారుడు క్యాబ్‌లో సమీపంలోని ఈఎస్ఐ ఆసుపత్రికి తీసుకెళ్లాడు. ఆమెను పరిశీలించిన వైద్యులు మెరుగైన వైద్యం కోసం అర్ధరాత్రి ఒంటి గంటన్నర సమయంలో కేజీహెచ్‌కు తరలించారు. ఆమెకు తలలో నరాల సమస్య తలెత్తినట్టు అనుమానించిన వైద్యులు బ్రెయిన్‌ స్కానింగ్‌ చేయించాలని సూచించారు.  ఆస్పత్రి ఆవరణలోనే పీపీపీ విధానంలో నడుస్తున్న మెడాల్‌ డయాగ్నస్టిక్‌ సెంటర్‌కు చెందిన స్ర్టెచర్‌ బాయ్‌ మాడుగుల కిరణ్‌కుమార్‌ ఆమెను వీల్‌చైర్‌లో స్కానింగ్‌కు తీసుకువెళ్లాడు. ఆమె వెంట చిన్నకుమారుడు కూడా వెళ్లినా స్కానింగ్‌ సమయంలో బయటే ఉండిపోయాడు. స్కానింగ్‌ అయ్యాక కిరణ్‌కుమార్‌ ఆమె పట్ల అసభ్యంగా ప్రవర్తించాడు. ఆమె భయంతో కేకలు వేయడంతో అతడు పారిపోయాడు. దీంతో రోగి భర్త శేషగిరిరావు ఈ విషయాన్ని కేజీహెచ్‌ సూపరింటెండెంట్‌ అర్జున్‌ దృష్టికి తీసుకెళ్లి అనంతరం వన్‌టౌన్‌ పోలీసులకు ఫిర్యాదు చేశారు. పోలీసులు కిరణ్‌కుమార్‌ను అరెస్టు చేసి రిమాండ్‌కు తరలించారు.

సాక్షి, ముంబయి : గత కొన్ని రోజుల కిందటే పార్లమెంటు ప్యానెల్‌తో ఛీవాట్లు తిన్న ఇండిగో ఎయిర్‌లైన్‌ సంస్థ మరో అపవాదును మూటగట్టుకుంది. విమానంలోకి ఎక్కిన ప్రయాణీకులను బలవంతంగా కిందికి విమాన సిబ్బంది దింపేశారు. దాదాపు ఈడ్చిపారేసినంత పనిచేశారు. ప్రయాణీకులంటే ఏమాత్రం గౌరవం లేకుండా వ్యవహరించి చులకన చేసి చేయి చేసుకునేంత పనిచేశారు. గత డిసెంబర్‌ (2017) 30న పట్నా ఎయిర్‌పోర్ట్‌లో చోటు చేసుకున్న ఈ ఘటన ఆలస్యంగా వెలుగులోకి వచ్చింది. మహారాష్ట్రకు చెందిన ఓ ప్రైవేట్‌ ఇంజినీరింగ్‌ కాలేజ్‌ సీఈవో ఈ అనుభవాన్ని ఫేస్‌బుక్‌ ద్వారా వెల్లడించారు. 'ప్రయాణీకులందరం విమానంలోకి వెళ్లాము. ఆ తర్వాత సర్వీసును రద్దు చేస్తున్నట్లు అనూహ్యంగా ప్రకటించారు. వెంటనే అందరూ దిగిపోవాలని అన్నారు. ఇండిగో ఎయిర్‌లైన్స్‌ సిబ్బంది మాపై దాడి చేసినంత పనిచేశారు. విమానంలో నుంచి దిగకపోతే ఈడ్చిపారేస్తామంటూ బెదిరించారు. బలవంతంగా విమానంలో నుంచి దింపేశారు' అని ఆయన వెల్లడించారు. కాగా, దీనిపై స్పందించిన ఇండిగో.. ఆ రోజు ఇండిగో ఫ్లైట్‌ 6ఈ-633 (కోల్‌కతా-పాట్నా-లక్నో) రాత్రి 8.20 గంటలకు బయలుదేరాల్సి ఉంది. వాతావరణం సరిగా లేనందున విమానాన్ని రద్దు చేశాం. అయితే, ప్రయాణీకులంతా విమానం దిగేందుకు సహకరించారు. కానీ, ఓ 20మంది మాత్రం మొండికేశారు. దాంతో ప్రయాణీకుల భద్రతను దృష్టిలో పెట్టుకొని వారి పరిస్థితిని వివరించాం. కానీ, విమానం దిగకుండా ప్రతి ఒక్క ప్యాసింజర్‌కు వసతి ఏర్పాటు చేయాలని డిమాండ్‌ చేశారు. మేం మాత్రం వారిని విమానం దిగాలని చాలా మర్యాదగా అడిగాం' అని వెల్లడించింది.

తణుకు అర్బన్‌: సర్కారు ఆస్పత్రుల్లో  వైద్యులు ఎవరు.. సిబ్బంది ఎవరు.. ఏ వైద్యుడు ఆస్పత్రిలో అందుబాటులో ఉన్నారు.. ఎవరు లేరు..  ఏ రోగానికి ఎవరిని సంప్రదించాలి అనే వివరాలు ఇకపై సులభంగా తెలుసుకునే వీలు కలగనుంది. జిల్లా కలెక్టర్‌ కాటంనేని భాస్కర్‌ ఆదేశాల మేరకు వైద్యవిధాన పరిషత్, వైద్య ఆరోగ్య శాఖకు చెందిన వైద్యులు, సిబ్బందికి డ్రెస్‌కోడ్‌తోపాటు విధి విధానాలను ప్రకటించారు. ఈ నెల 1 నుంచి ఈ నిబంధనలు తప్పనిసరిగా పాటించాలని వైద్యశాఖ అధికారులు మార్గదర్శకాలు విడుదల చేశారు. ప్రభుత్వ ఆస్పత్రుల్లో వైద్యులకు ఆకుపచ్చ రంగు, ఉద్యోగులకు నీలం రంగు, టెక్నికల్‌ స్టాఫ్‌కు ఎరుపు రంగు, ఫోర్త్‌ క్లాస్‌ సిబ్బందికి పసుపు రంగు, మినిస్టీరియల్‌ సిబ్బందికి గోల్డెన్‌ పసుపు రంగుల్లో నేమ్‌ బోర్డులను అందజేశారు. మార్గదర్శకాలు ఇవే ♦ వైద్యుడి నుంచి సిబ్బంది వరకు యూనిఫాం వేసుకోవాల్సిందే. అంటే డ్రెస్‌ కోడ్‌ తప్పక పాటించాలి. ♦ తమ హోదా, పేరు తెలిపే నేమ్‌ బోర్డును డ్రెస్‌పై ఛాతీ ప్రదేశంలో అమర్చుకోవాలి. ♦ ఉదయం 9 నుంచి సాయంత్రం 4 గంటల వరకు విధుల్లో ఉండాల్సిందే. ♦ వైద్యుడు అందుబాటులో ఉన్నారా లేరా అనేది ఇన్‌/అవుట్‌ బోర్డు ఆస్పత్రి ముఖద్వారంలో ఉండాలి. ♦ షిఫ్ట్‌ల ప్రకారం విధుల్లో ఉండే ఉద్యోగులు నిబంధనల ప్రకారం ఉదయం 8 గంటల నుంచి 2 గంటల వరకు, మధ్యాహ్నం 2 నుంచి రాత్రి 8 గంటల వరకు, రాత్రి 8 నుంచి ఉదయం 8 గంటల వరకు ఉండాలి. ♦ క్లాస్‌ ఫోర్‌ ఉద్యోగులు షిఫ్ట్‌లు కాకపోతే ఉదయం 7 గంటల నుంచి రాత్రి 7 గంటల వరకు అందుబాటులో ఉండాలి. ♦ కాల్‌ డ్యూటీ విధులు నిర్వర్తించే వైద్యులు, నర్సులకు ఉదయం ఒక గంట ఆలస్యమైనా అనుమతి ఉంటుంది. ♦ ఉదయం 9.15 గంటలు దాటిన తరువాత విధులకు హాజరైన వైద్యులు, సిబ్బందికి సగం రోజు ఆబ్సెంట్‌ వేస్తారు. ♦ వరుసగా మూడు ఆబ్సెంట్‌లకు ఒక సీఎల్‌ (క్యాజువల్‌ లీవ్‌) పోతుంది. ప్రయోజనాలివే.. విధుల్లో ఉండాల్సి వైద్యులు తాపీగా రావడం, వచ్చి బయటకు వెళ్లడం వంటి కారణాలతో జిల్లాలో అన్ని ప్రభుత్వ ఆస్పత్రుల్లోను రోగులు వైద్యసేవల కోసం వేచిచూడాల్సిన దుస్థితి నెలకొంది. కొత్త మార్గదర్శకాల కారణంగా ఇకపై ఉదయం 9 గంటల నుంచి సాయంత్రం 4 గంటల్లోపు ఏ సమయంలో రోగులు ఆస్పత్రికి వెళ్లినా వైద్యసేవలు అందుతాయి. వైద్యులు, ఉద్యోగులు యూనిఫాంలో ఉండి నేమ్‌బోర్డు ధరించడం వలన వారు ఎవరు అనే విషయం తెలుస్తుంది. ఇన్‌/అవుట్‌ బోర్డు ద్వారా ఏ డాక్టరు అందుబాటులో ఉన్నారనేది సులువుగా అర్ధమవుతుంది. సీసీ కెమెరాలు కలెక్టరేట్‌కు అనుసంధానం ఉదయం 9 నుంచి సాయంత్రం 4 గంటల వరకు ఆస్పత్రిలో అందుబాటులో ఉండాలనే నిబంధన 80 శాతం మంది పాటించడంలేదనేది వైద్యాధికారుల ఆరోపణ. ఆయా ఆస్పత్రుల వైద్యాధికారులు సమయానికి రావాల్సి ఉందని హెచ్చరిస్తుంటే తమ సామాజిక వర్గాల నాయకులను వెంటబెట్టుకుని పోరాటం చేస్తున్నారని, ఈ కారణంగా వైద్యాధికారులు చూసీచూడనట్లు ఉండాల్సి వస్తోందనేది ప్రధాన విమర్శ. దీనికి చెక్‌ పెట్టేందుకు కలెక్టర్‌ కాటంనేని భాస్కర్‌ ఇప్పటికే ఆస్పత్రుల్లో ఏర్పాటుచేసిన సీసీ కెమెరాలను కలెక్టరేట్‌కు అనుసంధానం చేయించారు.  బయోమెట్రిక్‌ హాజరు వేసి జారుకునే వారి వివరాలు సేకరించేందుకు ఆస్పత్రుల సీసీ పుటేజీలను కలెక్టర్‌ స్వయంగా పరిశీలిస్తున్నారు. దీంతో ఎవరు ఏంటి అనేది తెలుసుకుని నేరుగా పనిష్మెంట్‌ ఇవ్వనున్నట్టు సమాచారం. నిబంధనలు పాటించాల్సిందే జిల్లా కలెక్టర్‌ ఆదేశాల మేరకు వైద్యశాఖలో, వైద్యవిధాన పరిషత్‌లో అమలులోకి తెచ్చిన నూతన నిబంధనలను వైద్యులు, సిబ్బంది పాటించాల్సిందే. అందరూ యూనిఫాం ధరించాలి. నేమ్‌ బోర్డు కనిపించేలా అమర్చుకోవాలి. సమయపాలన తప్పనిసరిగా పాటించేలా చర్యలు తీసుకుంటాం. – డాక్టర్‌ కె.శంకరరావు, డీసీహెచ్‌ఎస్, ఏలూరు నిబంధనలు పాటించకపోతే చర్యలు వైద్య ఆరోగ్య శాఖకు సంబంధించి వైద్యశాఖలో వస్తున్న మార్పులను వైద్యులు, సిబ్బంది పాటించాలి. గతంలో మాదిరిగా వచ్చాం.. వెళ్లాం.. అంటే ఇక కుదరదు. డ్రెస్‌ కోడ్‌తోపాటు వైద్యసేవల్లో కూడా సమయపాలన అనుసరించాలి. నిబంధనలు పాటించకపోతే చర్యలు తీసుకుంటాం. – డాక్టర్‌ బి.సుబ్రహ్మణ్యేశ్వరి, డీఎంహెచ్‌ఓ, ఏలూరు

సాక్షి, న్యూఢిల్లీ : పని ప్రదేశంలో తరచూ ఆందోళనకు గురవుతూ..అలిసిపోతుంటే అందుకు మూడీగా ఉండే మీ బాసే కారణమంటున్నాయి తాజా అథ్యయనాలు. నిత్యం రుసరుసలాడే బాస్‌ ఎదురైతే ఉద్యోగులకు టెన్షన్‌ తప్పదని భారత్‌, బ్రిటన్‌లో నిర్వహించిన ఓ అథ్యయనం వెల్లడించింది. ఉత్పాదకత పైనా మూడీ బాస్‌ ప్రభావం ఉంటుందని ఈ సర్వే స్పష్టం చేసింది. మరోవైపు క్షణానికో రకంగా వ్యవహరించే బాస్‌ల కంటే ఎప్పుడూ మూడీగా ఉండే బాస్‌ కొంత మేలని పరిశోధకులు నిర్ధారణకు వచ్చారు. కఠినంగా ఉండే బాస్‌తో కుదురైన సంబంధాలు నిర్వహించే ఉద్యోగులు సాఫీగానే నెట్టుకురాగలరని, గంటకో రకంగా వ్యవహరించే బాస్‌లతోనే సిబ్బందికి ఇబ్బందులు ఎదురవుతున్నాయని బ్రిటన్‌కు చెందిన యూనివర్సిటీ ఆఫ్‌ ఎక్ట్సర్‌ పరిశోధక బృందం తేల్చింది. సహోద్యోగుల మధ్య మెరుగైన సంబంధాలు లేకుంటే పరిస్థితి మరింత దయనీయంగా ఉంటుందని పేర్కొంది. సిబ్బంది, మేనేజర్ల మధ్య సుహృద్భావ వాతావరణం ఉండటం అత్యంత కీలకమని..సంస్థల్లో ఎలాంటి వాతావరణం ఉందనేది ప్రధానాంశమని అథ‍్యయనం నిర్వహించిన ప్రొఫెసర్‌ అలన్‌ లీ చెప్పారు. అస్తవ్యస్త మూడ్‌తో వ్యవహరించే బాస్‌లతో ఉద్యోగులు సతమతమవుతారని..ఏ అంశంలో మేనేజర్‌ ఎలా రియాక్ట్‌ అవుతారనే కంగారుతో ప్రతికూల భావోద్వేగాలకు లోనయి పనిలో సరైన సామర్థ్యం కనబరచలేకపోతారని ఆయన విశ్లేషించారు. 

సంతకవిటి : మండలంలోని మందరాడ గ్రామానికి చెందిన ట్రేడ్‌ బ్రోకర్‌ టంకాల శ్రీరామ్‌ ఏర్పాటుచేసిన ట్రేడ్‌ కంపెనీలో పనిచేసిన సిబ్బందిని పోలీసులు అదుపులోకి తీసుకుంటున్నారు. కేసు విచారణలో భాగంగా శ్రీరామ్‌ను ఇప్పటికే పోలీసులు అదుపులోకి తీసుకున్నారు. మందరాడకు చెందిన ప్రభుత్వ ఉపాధ్యాయుడిని కూడా అదుపులోకి తీసుకున్న పోలీసులు లోతుగా విచారణ చేపడుతున్నారు. ట్రేడ్‌లో పనిచేసి రెండు నెలల క్రితం మానేసిన మందరాడ గ్రామానికి చెందిన సాకేటి ప్రసాద్‌రావు అనే యువకుడుతోపాటు మరో ఇద్దరిని ఆదివారం అదుపులోకి తీసుకున్నారు. రాజాం రూరల్‌ సీఐ ఎం.వీరకుమార్‌ ఈ ముగ్గురిని సంతకవిటి పోలీసుస్టేషన్‌కు తీసుకువచ్చి ఆరా తీస్తున్నారు. వీరి వద్ద ఉన్న డాక్యుమెంట్లు, ట్రేడింగ్‌కు సంబంధించి ఆన్‌లైన్‌ వ్యవహారాలను, బ్యాంకు ఖాతాలను, నగదు లావాదేవీలను పరిశీలిస్తున్నారు. తమ వద్ద ఎటువంటి సమాచారం లేదని, కేవలం ఉద్యోగ విధులు మాత్రమే నిర్వహించేవారమని, ఎక్కువగా రిసెప్షనిష్టులుగా వ్యవహరించామని వీరు చెప్పినట్లుగా తెలిసింది. మరికొందరి కోసం పోలీసులు ఆరా తీస్తున్నట్లు తెలిసింది. అరెస్టులకు ప్రత్యేక బృందాలు.. ఓ వైపు దర్యాప్తు చేస్తూనే మరోవైపు ఈ వ్యవహారంలో ఉన్న నిందితులందరినీ అరెస్టు చేసేందుకు పోలీసులు రంగం సిద్ధం చేస్తున్నట్లు తెలిసింది. మూడు ప్రత్యేక బృందాలుగా పోలీసులు ఏర్పడి దర్యాప్తును పలు కోణాల్లో ముమ్మరం చేశారు. ప్రధాన నిందితుడైన శ్రీరామ్‌ను అరెస్టు చేసేందుకు అన్ని ఏర్పాట్లు పూర్తిచేసినట్లు తెలిసింది. ఈయన ద్వారా సేకరించిన వివరాల ఆధారంగా మరికొందరినీ కూడా అరెస్టు చేయనున్నట్లు విశ్వసనీయ సమాచారం. ఇందులో ఓ ప్రభుత్వ ఉద్యోగితోపాటు ట్రేడ్‌బ్రోకర్‌ బినామీలు, ప్రజాప్రతినిధులు కూడా ఉన్నట్లు సమాచారం. ఈ వివరాలన్నీ బహిర్గతం చేసేందుకు పోలీసులు నిరాకరించారు. ట్రేడ్‌ కార్యాలయంలో బీర్‌ సీసాలు, నైటీలు..! తాలాడలోని ట్రేడ్‌ బ్రోకర్‌ కార్యాలయంలో బీరు సీసాలు, నైటీలు ఉన్నట్లుగా గుసగుసలు వినిపిస్తున్నాయి. ఇటీవల కార్యాలయాన్ని పోలీసులు తనిఖీచేసిన అనంతరం ఓ గదిలో ఇవి ఎక్కువగా బయటపడినట్లు సమాచారం. ట్రేడ్‌ కార్యాలయంలో పగలు విధులు అనంతరం సిబ్బంది ఇంటికి వెళ్లిపోగా సాయంత్రం కార్యాలయ గదుల్లో ఈ రాసలీలలు జరిగినట్లు తెలుస్తోంది. ఇందులో బ్రోకర్‌ శ్రీరామ్‌తోపాటు కొంతమంది మండలానికి చెందిన ప్రధాన వ్యక్తుల పాత్ర కూడా ఉంటుందనే అనుమానాలు వ్యక్తమవుతున్నాయి. ‘టంకాలది వ్యక్తిగత ఫ్రాంచైజీ మాత్రమే’ శ్రీకాకుళం సిటీ: ఇండీట్రేడ్‌ బ్రోకింగ్‌ హౌస్‌లో టంకాల శ్రీరామ్‌ది వ్యక్తిగత ఫ్రాంచైజీ మాత్రమే అని ఇండీట్రేడ్‌ చీఫ్‌ డిజిటల్‌ ఆఫీసర్‌ ఆనంద్‌ మలివాల్‌ స్పష్టం చేశారు. ఈ మేరకు ఆదివారం ఒక ప్రకటన విడుదల చేశారు. దక్షిణ భారతదేశంలో వ్యవసాయ ఉత్పత్తులు, ఆర్థిక వ్యాపారంలో పేరొందిన ఆర్థిక సేవల ప్రదాతగా ఇండీట్రేడ్‌ ప్రముఖ పాత్ర పోషిస్తోందని గుర్తు చేశారు. ఎన్నో ఏళ్లుగా ఈక్విటీ, కమొడిటి బ్రోకింగ్‌ వ్యాపారాలు చేస్తూ విశ్వసనీయ సంస్థగా పేరు సంపాదించిందని తెలిపారు. అత్యున్నత సాంకేతిక విలువలస్వీకరణ, క్రెడిట్, రిస్క్‌ మేనేజ్‌మెంట్‌ వ్యవస్థ పటిష్టపరచడం, నూతన ఉత్పత్తులు సృజించడం, క్లయింట్స్‌ సంబంధాలు బలోపేతం చేయడం వంటి సేవలు అందిస్తోందని పేర్కొన్నారు.

సాక్షి, బెంగళూర్‌ : ప్రయాణికుల పట్ల ఎయిర్‌ లైన్స్‌ సిబ్బంది వ్యవహరిస్తున్న తీరుపై వరుస ఘటనలు వెలుగులోకి వస్తుండటంతో  తీవ్ర విమర్శలు వెల్లువెత్తున్నాయి. రెండు రోజలు క్రితం ఇండిగో సిబ్బంది ఓ వ్యక్తిని ఈడ్చిపడేయటం తెలిసిందే. ఆ ఘటన మరిచిపోక ముందే బెంగళూర్‌లో మరో షాకింగ్‌ ఘటన వెలుగు చూసింది.  ఓ ప్రయాణికురాలిపై ఎయిర్‌ఏషియా ఎయిర్‌లైన్‌ సిబ్బంది వేధింపులకు పాల్పడ్డారన్న ఆరోపణలు రావటం దిగ్భ్రాంతికి గురి చేస్తోంది. పైలెట్‌సహా ఇద్దరు సిబ్బంది తన పట్ల అనుచితంగా ప్రవర్తించారంటూ ఆమె కేసు ఫిర్యాదు చేయగా. కేసు నమోదు చేసుకున‍్న బెంగళూరు పోలీసులు ఎఫ్‌ఐఆర్‌లో వారి పేర్లను చేర్చారు.  అసలేం జరిగిందో యువతి మాటల్లోనే... నవంబర్‌ 3న ఆ యువతి రాంచీ నుంచి బెంగళూర్‌కు ఏయిర్‌ ఏషియా విమానంలో ప్రయాణించింది. విమానం టేకాఫ్‌ తీసుకునే సమయంలో ఫోన్‌ స్విచ్ఛాఫ్‌ చేయమని సూచించటంతో యువతి ఆ పని చేసింది. అయినప్పటికీ పైలెట్‌తో సహా ఆ ఇద్దరు సిబ్బంది అనవరసంగా దూషించారని.. ఒకానోక సమయంలో విమానం నుంచి దించేస్తామని తనను బెదిరించారని ఆమె చెప్పింది. ఇక విమానం సరిగ్గా ఉదయం 12గం.45ని. సమయంలో  బెంగళూర్‌లో ల్యాండ్‌ కాగా.. ప్రయాణికులందరినీ పంపించి వేసి తనను మాత్రం అడ్డుకున్నారని యువతి తెలిపింది.  తన తప్పేంటో చెప్పకుండా తనను ఎందుకు ఆపారని ప్రశ్నిస్తే.. పైలెట్‌కు క్షమాపణలు చెబితేనే వెళ్లనిస్తామని చెప్పి ఆ ఇద్దరు సిబ్బంది సమాధానమిచ్చారంట. క్షమాపణలు చెప్పకపోతే ఎయిర్‌పోర్టు పోలీసులకు ఫిర్యాదు చేస్తామని.. బయట దొరకబుచ్చుకుని సంగతి తేలుస్తామని బెదిరించారని చెప్పింది. అలా కాసేపు సతాయించాక మూడు గంటల ప్రాంతంలో తనను ఎయిర్‌పోర్టు పోలీసుల దగ్గరికి తీసుకెళ్లి నిబంధనలు ఉల్లంఘించినట్లు రిపోర్ట్‌ చేశారని ఆమె పేర్కొంది. ఆపై స్నేహితురాలి సాయంతో ఆమె ఎయిర్‌ఏషియా సిబ్బందిపై పోలీసులకు ఫిర్యాదు చేసింది. కాగా, ఘటనపై ఎయిర్‌ఏషియా ఇంకా స్పందించలేదు.    

సాక్షి,న్యూఢిల్లీ:  ప్రముఖ  బాడ్మింటన్‌ క్రీడాకారిణి  పీవీ సింధుపట్ల అమర్యాదగా ప్రవర్తించిన ఘటన మరువక ముందే ఇండిగో ఎయిర్‌లైన్స్‌ సిబ్బంది బాగోతం మరోటి బయటపడింది.   ఢిల్లీ ఇందిరా గాంధీ  అంతర్జాతీయ  విమానాశ్రయంలో  ఈ ఘటన చోటు చేసుకుంది. ఇండిగో సిబ్బంది ప్రయాణికుడిపై దౌర్జన్యానికి దిగడం  కలకలం రేపింది. వీడియో సాక్షిగా  ఈ నిర్వాకం బయటపడింది. ఇండిగో విమానాన్ని ఎక్కేందుకు వచ్చిన ప్రయాణీకుల పట్ల సిబ్బంది దురుసుగా ప్రవర్తించారు.  కొందరు ప్రయాణీకులను  ఇండిగో బస్‌ ఎక్కించుకోకుండా వెళ్లినందుకు ప్రశ్నించడంతో వివాదం చెలరేగింది.  ప్రయాణీకులకు సర్ది చెప్పాల్సిన సిబ్బంది చెలరేగిపోయారు.  ఈవైనాన్ని ప్రశ్నించిన పెద్దాయన పై పిడిగుద్దులు కురిపించారు. విచక్షణా రహితంగా లాగి పడేశారు. ఈ వ్యవహారంపై బాధితుడు తీవ్ర ఆగ్రహం వ్యక్తం చేశారు. దీనికి సంబందించిన వీడియో  నెట్‌లో వైరల్‌గా మారింది.   దీంతో దిగి వచ్చిన ఇండిగో యాజమాన్యం క్షమాపణ  చెప్పింది. #WATCH: IndiGo staff manhandle a passenger at Delhi's Indira Gandhi International Airport (Note: Strong language) pic.twitter.com/v2ola0YzqC — ANI (@ANI) November 7, 2017


 సమస్యల వలయంలో తెలంగాణ యూనివర్సిటీ
 
  నిజామాబాద్‌ నుంచి పాత బాలప్రసాద్‌ :
 తెలంగాణ యూనివర్సిటీలో బోధన, బోధ నేతర సిబ్బంది కొరత తీవ్రంగా ఉంది. ఏళ్ల తరబడి సిబ్బంది నియామకాలు చేపట్టక పోవడంతో విద్యార్థులకు నాణ్యమైన విద్య అందడం లేదు. యూనివర్సిటీలో ప్రస్తుతం 18 విభాగాలు, 26 కోర్సులు నడుస్తున్నాయి. తెయూకు డిచ్‌పల్లిలో మెయిన్‌ క్యాంపస్, భిక్కనూర్‌లో సౌత్‌ క్యాంపస్, సారంగపూర్‌లో ఎడ్యుకేషన్‌ క్యాంపస్‌లు ఉన్నాయి. తెయూ టీచింగ్‌ విభాగంలో ప్రస్తుతం 71 మంది రెగ్యులర్‌ అధ్యాపకులు పనిచేస్తున్నారు. వీరితోపాటు 52 మంది అకాడమిక్‌ కన్స ల్టెంట్లు విధులు నిర్వహిస్తున్నారు. ప్రభుత్వం ఇటీవలే 59 పోస్టులను మంజూరు చేసింది. త్వరలోనే పోస్టుల భర్తీకి నోటిఫికేషన్‌ జారీచేసే అవకాశాలున్నాయి.
 
 77లో ఆరుగురు మైనస్‌..
 తెయూలో 77 మంది రెగ్యు లర్‌ ఫ్యాకల్టీ ఉండగా వారిలో ప్రస్తుతం 71 మంది విధులు నిర్వహిస్తున్నారు. ఒకరు  అనారోగ్యంతో మృతి చెందగా మరొకరు పదవీ విరమణ చేశారు. ఇద్దరు డిప్యుటేషన్‌పై ఇతర యూనివర్సిటీలకు వెళ్లగా, ఇద్దరు రాజీనామా చేశారు. 67 రెగ్యులర్‌ పోస్టులు ఖాళీగా ఉండగా, 52 మంది అకాడమిక్‌ కన్సల్టెంట్లు పనిచేస్తున్నారు. పెరిగిన కోర్సులకు మరో 63 అధ్యాపక పోస్టులు మంజూరు కావాల్సి ఉంది.
 
 అన్ని కోర్సుల్లోనూ సిబ్బందిలేక ఇబ్బందులే..
 పబ్లిక్‌ అడ్మినిస్ట్రేషన్, మాథ్స్, బీఈడీ, ఎంఈడీ, ఎల్‌ఎల్‌ఎం, కెమిస్ట్రీ రెండేళ్ల పీజీ కోర్సులకు రెగ్యులర్‌ ఫ్యాకల్టీ లేక కేవలం అకాడమిక్‌ కన్సల్టెంట్లతోనే తరగ తులు నిర్వహిస్తున్నారు. అప్లయిడ్‌ స్టాటిస్టిక్స్‌ కోర్సు ఎనిమిదేళ్లుగా కేవలం ఒక్క అసిస్టెంట్‌ ప్రొఫెసర్‌తోనే కొనసాగుతోంది. ఐదేళ్ల ఇంటిగ్రేటెడ్‌ కోర్సు ఐఎంబీఏ అకాడమిక్‌ కన్సల్టెంట్లతోనే కొనసాగుతున్నది. భిక్క నూర్‌ సౌత్‌ క్యాంపస్‌లో ఒకప్పుడు రాష్ట్రంలోనే పేరొం దిన ఆర్గానిక్‌ కెమిస్ట్రీ కోర్సును ఓయూ నుంచి తెయూ కు బదిలీ అయిన తర్వాత ఒక రెగ్యులర్‌ అసిస్టెంట్‌ ప్రొఫెసర్, అకాడమిక్‌ కన్సల్టెంట్లతో నిర్వహిస్తున్నారు. గతంలో ఆర్గానిక్‌ కెమిస్ట్రీ పూర్తి చేసిన విద్యార్థులు 30కి 30 మంది  సీఎస్‌ఐఆర్‌ ఫెలోషిప్‌తోపాటు మంచి ఉద్యోగాలు సాధించేవారు. ప్రస్తుతం డిచ్‌పల్లి మెయిన్‌ క్యాంపస్‌లో ఆర్గానిక్‌ కెమిస్ట్రీ కోర్సును ప్రవేశపెట్టడంతో రెగ్యులర్‌ ఫ్యాకల్టీ మొత్తం ఇక్కడే ఉండి పోయారు.


 ♦ రోగుల ప్రాణాలు..గాల్లో దీపాలు!
 ♦ అరకొర వసతులతో అవస్థలు
 ♦ వైద్య సేవలూ అంతంతమాత్రమే
 ♦ ఉన్న పరికరాలనూ మూలన పడేస్తున్న వైనం
 ♦ వైద్యులు, సిబ్బంది తీవ్ర నిర్లక్ష్యం
 
 రోగుల ప్రాణాలు పోతున్నా వీరికి పట్టదు... పసికందుల ఊపిరి ఆగిపోతున్నా వీరిలో చలనం ఉండదు.. అత్యవసర విభాగాల్లో వెంటిలేటర్లు, ఏసీలు పనిచేయవు.. సమయపాలన పాటించని వైద్యులు.. గంటన్నరలో ముగుస్తున్న ఓపీ సేవలు.. ఒక్కో బెడ్డుపై ఇద్దరు బాలింతలు..  ఒక్క పసికందును ఉంచాల్సిన వార్మర్, ఫొటోథెరపీ యూనిట్‌లలో ముగ్గురిని చొప్పున ఉంచుతున్న వైనం.. మందుల బాక్సులు, వైద్య పరికరాల తరలింపునకే వినియోగిస్తున్న స్ట్రెచర్లు, వీల్‌ చైర్లు.. ఇదీ గుంటూరులోని ప్రభుత్వ సమగ్ర ఆస్పత్రి దుస్థితి.
 
 సాక్షి, గుంటూరు రాజధాని ప్రాంతంలో ఉన్న అతి పెద్ద ప్రభుత్వ ఆస్పత్రి కావడంతో వైద్య సేవలు సక్రమంగా అందుతాయనే ఆశతో జీజీహెచ్‌కు వచ్చే నిరుపేద రోగులకు ఆస్పత్రి అధికారులు, వైద్యులు ప్రత్యక్ష నరకాన్ని చూపుతున్నారు. ప్రస్తుతం ఈ ఆస్పత్రిలో ఓపీకి నిత్యం 3 వేల మంది నుంచి 4 వేల మంది రోగులు వస్తున్నారు. ఉదయం 9 గంటల నుంచి మధ్యాహ్నం 2 గంటల వరకూ ఆస్పత్రిలో రోజుకు కొన్ని వైద్య విభాగాల ఓపీలు నిర్వహించాల్సి ఉంది. అయితే వైద్యులు, పీజీలు తాపీగా 10. 30 గంటలకు వచి, 12. 30 గంటల కల్లా ఓపీని నిలిపివేస్తున్నారు. దీంతో అనేక మంది వైద్యసేవలు పొందకుండానే వెనుతిరగాల్సిన పరిస్థితి నెలకొంది. ప్రొఫెసర్లు ఓపీలో కూర్చుని వైద్య సేవలందిచాల్సి ఉన్నప్పటికీ కొందరైతే అటు వైపు తిరిగి కూడా చూడటం లేదు. ఓపీ సమయంలో వైద్య విద్యార్థులకు బోధనలు, బోధనల సమయంలో సొంత ఆసుపత్రుల్లో  సేవలతో పబ్బం గడుపుకుంటున్నారు. మధ్యాహ్నానికి వైద్యులు సొంత ప్రాక్టీసులకు వెళ్తుండటంతో పీజీలు, నర్సులే రోగులకు దిక్కు. రాత్రి వేళ వైద్యులు కనిపించరు. రాత్రి వేళల్లో ఇన్‌పేషెంట్‌కు హఠాత్తుగా సీరియస్‌ అయిందంటే డాక్టర్‌ వచ్చే లోపు ప్రాణాలు గాల్లో కలిసిపోతున్నాయి.   
 
 అరకొరగా సౌకర్యాలు..
 గుంటూరు జీజీహెచ్‌లో మెడికల్, సర్జికల్, జనరల్, క్యాజువాలిటీ వార్డులు ఉన్నాయి.  కోస్తాంధ్రలో 6 జిల్లాల నుంచి రోగులు ఇక్కడకు వస్తుండటంతో పడకల సంఖ్యకు మించి రోగులు ఉంటున్నారు.  ఆస్పత్రిలోని ఏఎంసీలో 14 పడకలు ఉండగా, నాలుగు వెంటిలేటర్లు మాత్రమే ఉన్నాయి. వీటిలో ఒకటి పని చేయడం లేదు. ఐసీయూలో 12 పడకలు ఉండగా తొమ్మిది వెంటిలేటర్లు ఉన్నాయి. అందులో రెండు పనిచేయడం లేదు. ఎన్‌ఐసీయూలో ఉన్న వార్మర్లు,  ఫొటోథెరపీ యూనిట్‌లలో ఒక్కరు చొప్పున పసికందులను ఉంచాల్సి ఉండగా ఒక్కో దానిలో ముగ్గురు చొప్పున ఉంచుతున్నారు. ఎన్‌ఐసీయూ, పీఐసీయూల్లో కలిపి 20కి పైగా బెడ్‌లు ఉండగా 50 మంది వరకూ పిల్లలు చేరుతుంటారు.  ఈ రెండు విభాగాల్లో కలిపి కేవలం 14 వెంటిలేటర్లు ఉండగా అందులోనూ రెండు పనిచేయడం లేదు. సర్జికల్‌ పోస్ట్‌ ఆపరేటివ్‌ వార్డులో 30 పడకలు ఉన్నాయి. ఇక్కడ ప్రతి బెడ్‌కూ ఒక వెంటిలేటర్‌ అవసరం కాగా, మొత్తం మీద  మూడు మాత్రమే పనిచేస్తున్నాయి. క్యాజువాలిటీ వార్డులో 30 పడకలు ఉండగా నాలుగు వెంటిలేటర్లు మాత్రమే ఉన్నాయి.
 
 అందులో రెండు మాత్రమే పనిచేస్తుండటం గమనార్హం. అత్యవసర విభాగాలన్నింటిలో ఏసీలే సక్రమంగా పనిచేయక రోగులు ప్రాణాలు కోల్పోవాల్సిన దుస్థితి దాపురించింది. పిల్లల శస్త్ర చికిత్స విభాగంలో 20 పడకలు ఉండగా మూడు వెంటిలేటర్లు మాత్రమే ఉన్నాయి. ఏడాదిన్నర క్రితం ఎలుకల దాడిలో శిశువు మృతి చెందింది ఈ విభాగంలోనే. జీజీహెచ్‌కు వచ్చే కేసుల్లో అధికశాతం ఎమర్జన్సీ కేసులు ఉంటాయి. దీనికి అనుగుణంగా అత్యవసర వైద్య విభాగాల్లో ప్రతి బెడ్‌కు ఓ వెంటిలేటర్‌ ఉండాల్సి ఉండగా ఐదోవంతు కూడా లేకపోవడం దారుణమైన విషయం. అల్ట్రా సౌండ్‌ స్కానింగ్‌ కేంద్రం సోమవారం 11 గంటల వరకూ తెరవకపోవడంతో రోగులు ఆందోళనకు సిద్ధమయ్యారు.
 
 మరికొన్ని సమస్యలు..
 ♦ జీజీహెచ్‌లో ఓపీ, ఐపీ, రక్త పరిక్ష, ఎక్స్‌రే, స్కానింగ్, అల్ట్రాసౌండ్‌ స్కానింగ్‌ కేంద్రాలు ఇలా ఎక్కడకు వెళ్ళినా గంటల తరబడి పడిగాపులు కాయాల్సిన దుస్థితి.
 ♦ ఈ వార్డుల వద్ద తాగునీటి సౌకర్యమూ లేక రోగులు నీరసంతో కూలబడిపోతున్నారు.
 ♦ చాలా మందులు బయట కొనాల్సిన దుస్థితి.
 ♦ మందులు, వైద్య పరికరాలు, దుప్పట్లు మోసుకెళ్లేందుకే ఉపయోగపడుతున్న స్ట్రెచర్లు, వీల్‌ చైర్లు
 ♦ రోగులను మోసుకెళ్లేందుకు సహాయం అందక బంధువుల ఇక్కట్లు


 ♦ నౌకాదళం, క్షిపణి వ్యవస్థలను బలోపేతం చేసేందుకే...
 ♦ ఇప్పటిదాకా పదాతిదళం సంఖ్య 23 లక్షలు
 ♦ పది లక్షలకే పరిమితం చేయనున్న డ్రాగన్‌ 
 ♦ గతంలో పదాతిదళ  యుద్ధంపైనే దృష్టి
 ♦ తాజా పరిస్థితుల నేపథ్యంలో సైనిక బలగాల పునర్‌వ్యవస్థీకరణ
 
 బీజింగ్‌: ప్రపంచంలోనే భారీసంఖ్యలో సైనిక బలగాలను కలిగిన చైనా తన పదాతి దళాన్ని కుదించనుంది. పీపుల్స్‌ లిబరేషన్‌ ఆర్మీ (పీఎల్‌ఏ)లో మొత్తం సిబ్బంది సంఖ్య 23 లక్షలు కాగా ఇప్పుడు దీనిని పది లక్షల మేర తగ్గించనుంది. చరిత్రలోనే ఇది అతిపెద్ద  తగ్గింపుకానుంది. నౌకాదళం, క్షిపణి వ్యవస్థలను మరింత బలోపేతం చేయాలనే ఉద్దేశంతోనే ఈ దిశగా అడుగులు వేయనుంది. ఈ విషయాన్ని చైనా అధికార మీడియా బుధవారం వెల్లడించింది. పీఎల్‌ఏను పునర్‌వ్యవస్థీకరించే ప్రక్రియలో భాగంగా సైన్యంతోపాటు ఇతర బలగాలను సమం చేయనుంది.
 
 ఈ విషయాన్ని చైనా సైనిక విభాగం అధికార మీడియా అయిన పీఎల్‌ఏ డైలీ వెల్లడించింది. నౌకాదళం, క్షిపణి బలగాలసహా ఇతర విభాగలలో సిబ్బందిని పెంచనుంది. పురాతన సైనిక వ్యవస్థలో పెద్దసంఖ్యలో సిబ్బంది పనిచేస్తున్నారని, వీరిని ఇతర విభాగాలను బదలాయిస్తామని తెలిపింది. ‘వ్యూహాత్మక లక్ష్యాలు, భద్రతా అవసరాలను బట్టి సంస్కరణలు చేపడతామని తెలిపింది. కాగా పీఎల్‌ఏ గతంలో పదాతిదళ యుద్ధంతోపాటు దేశ అంతర్గత భద్రతావసరాలపైనే ప్రధానంగా దృష్టి సారించింది. అయితే ఇప్పుడు ఈ విధానంలో ప్రాథమిక మార్పులు తీసుకురానుంది.
 
 క్రియాశీలక పీఎల్‌ఏ సైనిక బలగాల సంఖ్యను పదిలక్షలకు కుదించడం ఇదే ప్రథమం కావడం గమనార్హం. పీఎల్‌ఏ వైమానిక దళం సిబ్బందిని మాత్రం అలాగే ఉంచనుంది. తాజా ప్రతిపాదనతో నౌకాదళం, స్ట్రాటజిక్‌ సపోర్ట్‌ ఫోర్స్, రాకెట్‌ ఫోర్స్‌ సంఖ్య పెరుగుతుందని గ్లోబల్‌ టైమ్స్‌ పత్రిక మంగళవారం రాసిన కథనంలో పేర్కొంది. భద్రత దృష్ట్యా చైనా ప్రాథమ్యాలు, అవసరాలు మారిపోయాయని, అంతర్జాతీయస్థాయిలో విస్తరించాయని, వాటిని పరిరక్షించుకోవాల్సిన అవసరం ఉందని సైనిక విభాగం సలహాదారు జూ  గౌన్‌గ్యు చెప్పారు. చైనా అంతర్జాతీయ హోదాకు తగ్గట్టుగా పీఎల్‌ఏని పునర్‌వ్యవస్థీకరిస్తామని ఆయన వివరించారు.  
 
 కశ్మీర్‌ అంశంలో వేలుపెడతాం
 బీజింగ్‌: సిక్కిం సరిహద్దులోని డోక్లాంను దురాక్రమించడానికి యత్నిస్తున్నా చైనా తాజాగా భారత్‌ను మరోసారి రెచ్చగొట్టిం ది. కశ్మీర్‌లో పరిస్థితి చేయి దాటినందున అంతర్జాతీయ జోక్యం అనివార్యమని స్పష్టం చేసింది. నియంత్రణ రేఖ వద్ద పరి స్థితులు విషమించాయని, హింస ఇలాగే కొనసాగితే ఈ ప్రాంతంలో సుస్థిరత దెబ్బతింటుందని పేర్కొంది. భారత్, పాక్‌ సంబంధాలను బలోపేతం చేయడంలో నిర్మాణాత్మక పాత్ర పోషిస్తామని చైనా విదేశాంగమంత్రిత్వశాఖ ప్రతినిధి గెంగ్‌ షువాంగ్‌ బుధవారం చెప్పారు. కశ్మీర్‌ ద్వైపాక్షిక అంశమని, ఇందులో మూడోపక్షం జోక్యానికి తావే లేదని భారత్‌ మొదటి నుంచీ చెబుతున్న సంగతి తెలిసిందే.
 
 భారత్‌–పాక్‌ మధ్య ఉద్రిక్తతలను రెచ్చగొట్టడానికే డ్రాగన్‌ ఈ ప్రకటన చేసిందని విశ్లేషకులు భావిస్తున్నారు. ఇదిలా ఉంటే, భూటాన్‌ తరఫున డోక్లామ్‌లో చైనాకు వ్యతిరేకంగా ఇండియా ఎలా పోరాడుతున్నదో కశ్మీర్‌ అంశానికీ అదే వర్తిస్తుందని ఆ దేశ నిపుణుడు ఒకరు ఇటీవల హెచ్చరించారు. డోక్లామ్‌ భారత్‌ భూభాగం కాదన్నారు. ఒకవేళ పాకిస్థాన్‌ కోరితే తమ సైన్యం కశ్మీర్‌లో అడుగుపెడుతుందని చైనా అధికార పత్రిక గ్లోబల్‌ టైమ్స్‌ పత్రికకు రాసిన వ్యాసంలో చైనా వెస్ట్‌ నార్మల్‌ యూనివర్సిటీ డైరెక్టర్‌ లాంగ్‌ జింగ్‌చున్‌ హెచ్చరించారు.


 ♦ అక్రమాలు నిర్ధారణ అయినా చర్యలు శూన్యం
 ♦ సెర్ఫ్‌ సీఈఓ వరకు వెళ్లిన కొందరి వ్యవహరం
 ♦ డీఆర్‌డీఏ ‘వెలుగు’నుశాసిస్తున్న ఆ తొమ్మిది మంది
 
 జిల్లా గ్రామీణాభివృద్ధి (డీఆర్‌డీఏ) సంస్థ ప్రభుత్వ పథకాలను  అమలు చేస్తుంది. అందులో వెలుగు విభాగం ఎంతో కీలకం. ఇక్కడదాదాపు 14 పథకాలు అమలవుతాన్నాయి.వీటి రథాలను నడిపే సిబ్బంది కూడాఎక్కువే. చాలా మంది సిబ్బంది నిజాయితీగా పనిచేస్తున్నారు. నిరుపేదలను ఆదుకుంటున్నారు. అయితే డీఆర్‌డీఏనుతొమ్మిది మంది సిబ్బంది తమ గుప్పిట్లోపెట్టుకున్నారు. తమ తెలివితేటలతో బాగానే వెనకేసుకున్నారు. వారు జిల్లాలోఏ ప్రాంతంలో ఉన్నా  చక్రం తిప్పుతున్నారని సమాచారం. దీనిపై ఉన్నతాధికారులు   సమగ్ర విచారణ జరిపితే ఎన్నోవాస్తవాలు ‘వెలుగు’ చూస్తాయని ఆశాఖలోని సిబ్బంది గుసగుసలాడుతున్నారు.
 
 
 కడప రూరల్‌:
 జిల్లా గ్రామీణాభివృద్ది సంస్థలోని వెలుగు విభాగంలో ఇన్సూరెన్స్, మార్కెటింగ్, హార్టికల్చర్, జెండర్, లైÐŒ వుడ్, బ్యాంకింగ్, యానాది డెవలప్‌మెంట్, సామాజిక పింఛన్లు. మహిళా స్వయం సహాయక సంఘాలు, జిల్లా సమాఖ్య తదితర 14 విభాగాలు అమలవుతున్నాయి.వీటిని అమలు చేయడంలో డీఆర్‌డీఏ పీడీ, ఏపీడీ, తదితర సిబ్బంది తర్వాత జిల్లా వ్యాప్తంగా ఉన్న ఒక ప్రాజెక్ట్‌ మేనేజర్, ఆరుగురు జిల్లా ప్రాజెక్ట్‌ మేనేజర్లు, 58 మంది అసిస్టెంట్‌ ప్రాజెక్టు మేనేజర్లు, 170 మంది కమ్యూనిటీ కో ఆర్డినేటర్లు  కీలకంగా పనిచేసేవారు ఉన్నారు. వారి కింద మరి కొందరు   పనిచేస్తున్నారు. కీలకమైన సిబ్బందిలో తొమ్మిది మంది ఆ శాఖను శాసిస్తున్నారని సిబ్బంది అనుకుంటున్నారు. సమాచారం మేరకు...
 
 వారికి అనుకూలంగా...!
 గడిచిన నాలుగు నెలల క్రితం ఫసల్‌ బీమా యోజనకు సంబంధించి  కొంతమంది సిబ్బంది అవినీతికి పాల్పడ్డారు. వీరిపై సస్పెన్షన్‌ వేటు కూడా పడింది. దీంతో వారు రెండుమూడు నెలల పాటు ఇంటికే పరిమితమయ్యారు. తర్వాత వారిని  ఆ శాఖ ఉన్నతాధికారి ఒకరు అమరావతికి పిలిపించి వివరాలు తీసుకున్నారు. అక్కడ ఏమి జరిగిందో  తెలియదు గాని, వారు ప్రస్తుతం జిల్లాలోనే పనిచేస్తున్నారు. నిబంధనల ప్రకారం సస్పెన్షన్‌కు గురైన వారిని వేరే జిల్లాలకు బదిలీ చేయాలి. ఇక్కడ అలా జరగలేదు. అలాగే గడిచిన నెలలో 21వ తేదీన బదిలీలు జరిగాయి.ఇవి కూడా ఆ తొమ్మిది మందికి అనుకూలంగా జరిగాయి.
 
 అంతకుముందు కొన్ని జిల్లాల నుంచి  అవినీతి సిబ్బందిని అమరావతికి పిలిపించారు. అందులో భాగంగా ఇక్కడి నుంచి ఒకరు అక్కడికి వెళ్లారు.ఇతని పని తీరు, వచ్చిన అవినీతి ఆరోపణలపై ఆ ఉన్నతాధికారి మండిపడ్డారు. ఇక నీ సేవలు అక్కడ చాలు. వేరే జిల్లాకు వెళ్లడానికి సిద్ధంగా ఉండాలని ఆదేశించారు. అతను ప్రస్తుతం జిల్లాలోని ఒక నియోజక వర్గంలో పనిచేస్తున్నారు.  ఐదేళ్ల క్రితం ఒక విభాగాన్ని తీసేశారు. ఒకరి కోసం పట్టు పట్టి ఆ విభాగం ఎంతో అవసరమని అనుమతి తీసుకొని మళ్లీ ప్రారంభించారు.
 
 తొమ్మిది మందిలో ముగ్గురు కీలకం...
 ఆ తొమ్మిది మందిలో ముగ్గురు సిబ్బంది డీఆర్‌డీఏను తమ గుప్పిట్లో పెట్టుకున్నారు. వారు జిల్లాలో ఎక్కడ ఉన్నా చక్రం తిప్పేస్తారు. ఒకవేళ తమకు వేరే ప్రాంతానికి బదిలీ అయితే, ఆ స్థానంలో తమ అనుచరులను నియమించుకునే స్థాయికి ఎదిగారు.అవకాశం ఉంటే అక్కడే మరో చోట పనిచేసే సిబ్బందిని నియమిస్తారు. ఇక అక్రమార్జనకు కొదవలేదనే ఆరోపణలు వెల్లు వెత్తుతున్నాయి.  నిబంధనల ముసుగులోనే అంతా పద్ధతిలా సాగుతుందని అంటున్నారు.
 
 ఈ విషయాలపై ఉన్నతాధికారులు క్షేత్ర స్థాయిలో సమగ్రంగా దర్యాప్తు జరిపితే మరిన్ని విషయాలు వెలుగు చూస్తాయనే అభిప్రాయం వ్యక్తమవుతోంది. ఏది ఏమైనప్పటికీ వస్తున్న ఆరోపణలుపై స్పందించి ‘వెలుగు’లో చీకట్లు ఉంటే పారదోలాలనే అభిప్రాయం వ్యక్తమవుతోంది.  ఈ విషయం గురించి డీఆర్‌డీఏ ఇన్‌చార్జి ప్రాజెక్టు డైరెక్టర్‌(పీడీ)శివారెడ్డిని వివరణ కోసం సంప్రదించగా ఆయన అందుబాటులోకి రాలేదు.


 నర్సులే సూదిమందు వేస్తారు
 అటెండర్లు ఓపీలు చూస్తారు
 అసలు వైద్యులు కానరారు
 స్టాఫ్‌ నర్స్‌ పోస్టులు 40 భర్తీ ఎండమావే...
  
 వచ్చే రోగాలను ప్రాథమికంగా గుర్తించి చికిత్స అందించాల్సిన కీలక వైద్య కేంద్రాలివి. సంపూర్ణ విద్యావంతునిగా తీర్చిదిద్దేందుకు విద్యార్థికి ప్రాథమిక పాఠశాలలు ఏ విధంగా పునాది రాళ్లు వేస్తాయో పీహెచ్‌సీలు కూడా సంపూర్ణ ఆరోగ్యానికి ఆదిలోనే అరికట్టాలి. కానీ క్షేత్ర స్థాయిలో దీనికి భిన్నంగా ఉంది.  
  
 - డాక్టర్లేరీ:  50 ప్రాథమిక ఆరోగ్య కేంద్రాల్లో వైద్యులు లేరు. పోస్టులు మంజూరైనా నియామకాలు లేవు. అరకొరగా నియామకాలు జరిగినా బాధ్యతలు తీసుకోక వెనుతిరిగిపోవడంతో ఈ దుస్థితి ఏర్పడింది. 
 .
 - వీరే పెద్ద దిక్కు:  వైద్యులు లేని పీహెచ్‌సీల్లో అటెండర్లు, ఏఎన్‌ఎమ్‌లు, కాంట్రాక్ట్‌ హెల్త్‌ అసిస్టెంట్లు ఓపీలు చూస్తూ పెద్ద దిక్కుగా నిలుస్తున్నారు. ఇంజెక‌్షన్లిస్తూ తమకు తెలిసిన మందులు రోగులకు అందజేస్తున్నారు. 
 .
 - ఇక్కడకు రాకండేం:  రామచంద్రపురం మండలం వెల్ల, తుని రూరల్‌ మండలం తేటగుంట, మండల కేంద్రం గొల్లప్రోలు, గొల్లప్రోలు మండలం చేబ్రోలు, పిఠాపురం మండలం విరవ, ముమ్మిడివరం నియోజకవర్గం కొత్తలంక, కాట్రేనికోన, కేశనకుర్రు, అమలాపురం నియోజకవర్గం పేరూరు ప్రాథమిక ఆరోగ్య కేంద్రాలు పూర్తి స్థాయిలో వైద్యులు లేక అక్కడకు వచ్చే రోగులు అల్లాడిపోతున్నారు. వైద్యుడు లేని ఈ ఆసుపత్రులకు ఎందుకు వస్తున్నారు ... ప్రాణం మీదకు తెచ్చుకుంటున్నారని అక్కడ సిబ్బందే విసుక్కుంటున్నారు. 
 .
 - మన్యం అరణ్య రోదన: రంపచోడవరం ఏజెన్సీ మారేడుమిల్లి మండలం గుర్తేడు పీహెచ్‌సీలో రెండు పోస్టులుంటే రెండూ ఖాళీగానే ఉన్నాయి. గంగవరం మండల కేంద్రంలోని పీహెచ్‌సీ, అడ్డతీగల మండలం దుప్పలపాలెం, ఎల్లవరం, అడ్డతీగల కమ్యునిటీ హెల్త్‌ సెంటర్‌ (సీహెచ్‌సీ)లలో కూడా వైద్యులు లేక మన్యం వాసులకు వైద్యం అందని ద్రాక్షగానే మిగిలింది. ఏ వ్యాధి వచ్చినా మరణాలు ఇక్కడ సహజమైపోతున్నాయి.
 సాక్షి ప్రతినిధి, కాకినాడ : పల్లెల్లో ఎవరికి ఏ రోగమొచ్చినా అందుబాటులో ఉండేది ... వెళ్లేది ప్రాథమిక ఆరోగ్య కేంద్రాలే. పీహెచ్‌సీలకు వెళ్లే రోగులంతా దాదాపు సామాన్య, మధ్య తరగతి వర్గాలే. అటువంటి ఈ ఆరోగ్య కేంద్రాల్లో నర్సులు, అటెండర్లే వైద్యుల పాత్ర పోషిస్తున్నారు. వైద్యుల కొరత కారణంగా తప్పనిసరి పరిస్థితుల్లో వీరే పెద్ద దిక్కుగా మారుతున్నారు. 
 జిల్లాలో పూర్తి స్థాయి వైద్యులు లేని పీహెచ్‌సీలు 50పైనే ఉన్నాయి. వీటిలో 24 గంటలు సేవలందించాల్సిన పీహెచ్‌సీలు 25 వరకూ ఉన్నాయి. వైద్యులు లేని పీహెచ్‌సీలలో అటెండర్లు, ఏఎన్‌ఎమ్‌లు, కాంట్రాక్ట్‌ హెల్త్‌ అసిస్టెంట్లు ఓపీలు చూస్తూ...ఇంజెక‌్షన్లిస్తూ తమకు తెలిసిన మందులు రోగులకు అందజేస్తున్నారు. రామచంద్రపురం మండలం వెల్ల, తుని రూరల్‌ మండలం తేటగుంట, మండల కేంద్రం గొల్లప్రోలు, గొల్లప్రోలు మండలం చేబ్రోలు, పిఠాపురం మండలం విరవ, ముమ్మిడివరం నియోజకవర్గం కొత్తలంక, కాట్రేనికోన, కేశనకుర్రు, అమలాపురం నియోజకవర్గం పేరూరు ప్రాథమిక ఆరోగ్య కేంద్రాలు పూర్తి స్థాయిలో వైద్యులు లేక అక్కడకు వచ్చే రోగులు అల్లాడిపోతున్నారు. 
 ఏజెన్సీలో మరీ ఘోరం...
 రంపచోడవరం ఏజెన్సీ మారేడుమిల్లి మండలం గుర్తేడు పీహెచ్‌సీలో రెండు పోస్టులుంటే రెండూ ఖాళీగానే ఉన్నాయి. గంగవరం మండల కేంద్రంలోని పీహెచ్‌సీ, అడ్డతీగల మండలం దుప్పలపాలెం, ఎల్లవరం, అడ్డతీగల కమ్యునిటీ హెల్త్‌ సెంటర్‌ (సీహెచ్‌సీ)లలో కూడా వైద్యులు లేక మన్యం వాసులకు వైద్యం అందని ద్రాక్షగానే మిగిలింది. మన్యంలో కాళ్లవాపు, మలేరియా, గర్భిణీలు, నవజాత శిశువుల మరణాల రేటు పెరుగుతున్నా పోస్టులు మాత్రం భర్తీ కావడం లేదని మన్యం వాసులు ఆవేదన చెందుతున్నారు.
 ఇదండీ దుస్థితి...
 జిల్లాలో 24 గంటల పీహెచ్‌సీలు 38 ఉండేవి. వీటికి కొత్తగా 13వ ఆర్థిక సంఘం నుంచి వచ్చిన తొమ్మిది పీహెచ్‌సీలు కలిపితే  మొత్తంగా 47 పీహెచ్‌సీలు ఉన్నాయి. గతంలో 24 గంటల పీహెచ్‌సీలలో ఖాళీల భర్తీకి శ్రీకారం చుట్టినప్పుడు 60 శాతం చూపించి మిగిలిన పోస్టులను అప్పటి డీఎంహెచ్‌ఒ కార్యాలయంలో కొందరు పైసలిచ్చిన వారికే కట్టబెట్టారనే విమర్శలున్నాయి. దీనిపై ట్రైనీ కలెక్టర్‌ శ్వేతా మహంతి విచారణ కూడా చేశారు. అప్పటి నుంచి స్టాఫ్‌నర్సుల నియామక ప్రక్రియ నిలిచిపోయింది. ఇప్పుడు వైద్యుల నియామక ప్రక్రియలో కూడా అదే ఫార్ములా అమలు చేసే ప్రయత్నాల్లో ఉన్నారనే విమర్శలున్నాయి. జిల్లాలో 128 పీహెచ్‌సీలున్నాయి. వీటిలో మంజూరైన వైద్యుల పోస్టులు 247. వాటిలో కాంట్రాక్ట్‌ పోస్టులు 111 కాగా, రెగ్యులర్‌ పోస్టులు 130. వీటిలో మెజార్టీ పోస్టులు ఖాళీగానే ఉన్నాయి.
 13వ ఆర్థిక సంఘం నుంచి మంజూరైన తొమ్మిది పీహెచ్‌సీలలో ఒక్కో పీహెచ్‌సీకి ఇద్దరు వైద్యులు ఉండాలి. కానీ ఎనిమిది మంది కాంట్రాక్ట్‌ వైద్యులతోనే ఈ పీహెచ్‌సీలు నెట్టుకొస్తున్నాయి. పది వైద్యుల పోస్టులు ఖాళీగా ఉండగా, 18మంది పూర్తి స్థాయి వైద్యులను నియమించాలి. ఏడాదిగా ఇదే పరిస్థితి. ఇటీవల జిల్లా కలెక్టర్‌ (గత కలెక్టర్‌ అరుణ్‌కుమార్‌) హయాంలో వైద్య ఆరోగ్యశాఖ అధికారులు భర్తీకి పంపిన ప్రతిపాదనల్లో 12 వైద్యుల పోస్టులను చూపించి మిగిలిన పోస్టులు తొక్కిపెట్టారు. ఆ పోస్టులను మెచ్చిన వారికి నచ్చినట్టు కట్టబెట్టే వ్యూహంతోనే అలా ప్రతిపాదించారంటున్నారు.
 .40 స్టాఫ్‌ నర్సుల పోస్టులు ఖాళీ...
 జిల్లాలో 203 స్టాఫ్‌నర్సు మంజూరైన పోస్టులు ఉన్నాయి. అందులో 37 పోస్టులు చాలా కాలంగా ఖాళీగానే ఉన్నాయి. 13వ ఆర్థిక సంఘం నుంచి మంజూరైన తొమ్మిది పీహెచ్‌సీలలో మూడు స్టాఫ్‌నర్సుల పోస్టులతో లెక్కలేస్తే జిల్లాలో స్టాఫ్‌ నర్సు పోస్టులు 40 ఖాళీలున్నాయి. 
 పల్లెల్లో రోగుల ఇబ్బందులు...
 వాతావరణం అగ్నిగుండంగా మారి డేంజర్‌ జోన్‌లో జిల్లా ఉందని ఇటీవలనే జిల్లా కలెక్టర్‌ కార్తికేయ మిశ్రా ప్రకటించారు. వడదెబ్బ మృతుల సంఖ్య రోజురోజుకు పెరుగుతూనే ఉంది. వీరికి పీహెచ్‌సీలలో ప్రాథమిక వైద్యం చేస్తే మరణాల సంఖ్య తగ్గించే అవకాశం ఉండేది. వైద్యులు లేక స్టాఫ్‌నర్సులు విధులు నిర్వహిస్తూ రోగులకు మెరుగైన వైద్యం కోసం సీహెచ్‌సీలు లేదా, ప్రభుత్వాస్పత్రులకు సకాలంలో పంపించే ధైర్యం చేయలేకపోతున్నారు. వైద్యులు లేక పారామెడికల్‌ సిబ్బంది (స్టాఫ్‌ నర్సులు, లేబ్‌టెక్నీషియన్‌లు, ఫార్మాసిస్టులు)కి సరైన మార్గనిర్థేశకత్వం లేకుండా పోయింది. అర్హత లేకున్నా తోచిన వైద్యం చేస్తూండటంతో వికటించడం కొన్ని సందర్భాల్లో రోగులు మృత్యువాతపడటం, బంధువులు ఆందోళనలకు దిగుతున్న పరిణామాలు చోటుచేసుకుంటున్నాయి. జిల్లా యంత్రాంగం ఈ పోస్టుల భర్తీపై దృష్టిపెట్టాల్సిన అవసరం ఎంతైనా ఉంది.
  


 త్రిశంకుస్వర్గంలో ఉద్యానవర్సిటీ సిబ్బంది
 సాక్షి, అమరావతి: ‘‘దశాబ్దాల పాటు విద్యా బోధన చేశాం. ఇప్పుడేమో తెలంగాణలో వద్దంటారు, ఆంధ్రా వాళ్లు రానివ్వరు.. ఏడాదిన్నరగా తాము పడుతున్న మనోవేదన ఎవరికి చెప్పుకోవాలో అర్థం కావడం లేదు. మాకెందుకీ శిక్ష’’ అని ఉద్యాన వర్సిటీ సిబ్బంది ఆవేదన వ్యక్తం చేస్తున్నారు. తమ సేవల్ని వినియోగించుకోవాలని, తెలుగు రాష్ట్రాలలోని రెండు ఉద్యానవన యూనివర్సిటీ రిజిస్ట్రార్లు తలుచుకుంటే తమ సమస్యను గంటలో పరిష్కరిం చవచ్చని విజ్ఞప్తి చేస్తున్నారు. అసలు విషయమేమిటంటే... రాష్ట్ర విభజన అనంతరం ఉద్యానవన విశ్వవిద్యాలయాన్ని రెండుగా విభజించారు.
 
 వ్యవసాయ, ఉద్యానవన, వెటర్నరీ విశ్వవిద్యాలయాలు విభజన చట్టంలోని 10వ షెడ్యూల్‌లో ఉన్నాయి. ఈ సంస్థల ఆస్తుల పంపకం, ఉద్యోగుల విభజనకు కేంద్రం మార్గదర్శకాలను జారీ చేయాల్సి ఉంది. ఇవి రాకుండానే యూని వర్సిటీకి తెలంగాణలో అనుబంధంగా ఉన్న ఉద్యాన కళాశాలలు, ఇతర పరిశోధన సంస్థలలో పని చేస్తున్న ఆంధ్రా స్థానికత కలిగిన 33 మందిని 2015 నవంబర్‌ 27న తెలంగాణ నుంచి రిలీవ్‌ చేశారు. రిలీవ్‌ చేసేటప్పుడు ఆంధ్రాలోని డాక్టర్‌ వైఎస్సార్‌ ఉద్యానవన యూనివర్సిటీ వైస్‌ ఛాన్సలర్, రిజిస్ట్రార్‌ను కూడా సంప్రదించాలి. అలాంటిదేమీ జరక్కుండానే వీళ్లను తెలంగాణ నుంచి రిలీవ్‌ చేయడంతో వాళ్లిప్పుడు త్రిశంకుస్వర్గంలో ఉన్నారు.
 
 పెరిగిన అధికారుల వేధింపులు!
 రిలీవ్‌ ఆర్డర్లతో ఆంధ్రాకు వెళ్లిన ఈ 33 మందిని తీసుకునేందుకు అక్కడి విశ్వవిద్యాలయం అధికారులు తిరస్కరించారు. తిరిగి వాళ్లు తెలంగాణకు వస్తే బాపూజీ విశ్వవిద్యాలయం వారు.. రిలీవ్‌ అయిన తర్వాత ఇక అవకాశమే లేదన్నారు. దీంతో ఏమి చేయాలో అర్థం కాక కొందరు జీతభత్యాలు, పోస్టింగ్‌ కోసం హైకోర్టుకు వెళ్లారు. ఉభయుల వాదన విన్న హైకోర్టు.. ఉద్యోగం సంగతి తర్వాత చూద్దాం, జీతాలను మాత్రం 52, 48 నిష్పత్తిన ఇవ్వండని రెండు వర్సిటీలను ఆదేశించింది. జీతాలయితే వస్తున్నాయి గానీ పని లేదు. ప్రమోషన్లు లేవు. కరవుభత్యాలు, ఇంక్రిమెంట్లు లాంటివేవీ లేవు. జూనియర్లు సీనియర్లవుతున్నారు. ఎక్కడో చోట పోస్టింగ్‌ ఇచ్చి తమ సేవల్ని వినియోగించుకోవాలని అటు గవర్నర్‌ మొదలు ఇటు ప్రభుత్వ ప్రధాన కార్యదర్శులకు వినతిపత్రాలిచ్చినా ఫలితం లేదని వారు వాపోతున్నారు. 


 ► సాయంత్రం 4 దాటితే రోగులకు కష్టాలు
 
 నెల్లూరు(అర్బన్‌): సాయంత్రం 4 గంటలు దాటిందా.. ఇక నెల్లూరు పెద్దాస్పత్రిలోని బ్లడ్‌బ్యాంకులో భూతద్దం పెట్టి వెతికినా డాక్టర్‌ కనిపించరు. నిబంధనల ప్రకారం ఒక డాక్టర్, ఒక టెక్నీషియన్, నర్సింగ్‌ సిబ్బంది తప్పనిపరిగా 24 గంటల పాటు అందుబాటులో ఉండాలి. అయితే ఇక్కడ అందుకు విరుద్ధంగా జరుగుతోంది. దీంతో పొరపాటున ఏదైనా అనుకోని పరిస్థితులు ఎదురైతే దానికి బాధ్యులెవరన్నది ప్రశ్నగా మిగులుతోంది.  పైగా రోగులకు రక్తం అవసరమైతే రీప్లేస్‌ ఇస్తేనే రక్తం ఇస్తామని డాక్టర్లు రోగి బంధువులను పీడిస్తున్నారనే విమర్శలు వినవస్తున్నాయి.
 
 నిబంధనలు ఏమంటున్నాయంటే..: రక్తం ఇవ్వాలంటే రోగి రక్తాన్ని, దాత రక్తంతో క్రాస్‌ మ్యాచింగ్, హెచ్‌ఐవీ, మలేరియా, కామెర్లు, హెపటైటిస్‌ బి లాంటి పరీక్షలన్నీ టెక్నీషియన్‌ మాత్రమే చేయాలి. బ్లడ్‌బ్యాంక్‌కు ఇన్‌చార్జ్‌లుగా ప్రతి రెండు నెలలకు ఇద్దరు డాక్టర్లను నియమిస్తున్నారు. కొంత మంది డాక్టర్లు నిజాయితీగా పనిచేస్తే కొంతమంది ప్రైవేటు ఆస్పత్రుల్లో పనిచేస్తూ బ్లడ్‌బ్యాంక్‌ను పట్టించుకోవడం లేదనే విమర్శలు ఉన్నారు.
 
 గతంలో బలిపశువైన నర్సు: గతంలో దాతలిచ్చిన రక్తాన్ని బయట అమ్ముకోవడంలో నర్సును బలిపశువును చేశారు. ఇప్పుడు కూడా జరగరానిదేమైనా జరిగితే బలయ్యేది మొదట నర్సే. అసలు నిబంధనల ప్రకారం డాక్టర్, టెక్నీషియన్‌ను ఏర్పాటు చేసేలా అధికారులు చర్యలు చేపట్టాలని రోగులు డిమాండ్‌ చేస్తున్నారు.
 
 పీడిస్తున్న డాక్టర్లు: గతంలో బ్లడ్‌ బ్యాంకు ఇన్‌చార్జిగా డాక్టర్‌ కృష్ణమూర్తి ఉన్నప్పుడు రక్తం యూనిట్లు సమృద్ధిగా ఉండేవి. నేడు అరకొరగా మాత్రమే ఉంటున్నాయి. క్యాంపులు సరిగా నిర్వహించడం లేదు. దీంతో ఆస్పత్రికి వచ్చే నిరుపేద రోగి బంధువులనే రక్తం రీప్లేస్‌ ఇవ్వాలని పీడిస్తున్నారు. కలెక్టర్‌ ఇటీవల బ్లడ్‌ బ్యాంక్‌ను తనిఖీ చేసి నిల్వలు అధికంగా ఉండాలని ఆదేశించడంతో రోగుల బంధువులనే పీడిస్తున్నారు. ప్రస్తుతం 74 రక్తం యూనిట్లు నిల్వ ఉన్నాయి. అయినా రోగులకు సక్రమంగా ఇవ్వడం లేదు.
 
 రెండు ఉదాహరణలు..: ఇటీవల  నెల్లూరు గాంధీనగర్‌కి చెందిన నిరుపేద గిరిజనుడు సుబ్రహ్మణ్యం తనతో పాటు మరో బంధువుని తీసుకెళ్లి రెండు ప్యాకెట్లు రక్తం రీప్లేస్‌మెంట్‌  ఇస్తేగాని రక్తం ఇవ్వలేదు. ప్రస్తుతం మహిళా సర్జికల్‌ వార్డులో అడ్మిట్‌ అయిన ఆరో నంబర్‌ బెడ్‌ బంధువులు రెండు ప్యాకెట్లు రక్తం రీప్లేస్‌ ఇచ్చి తరువాత బ్లడ్‌ బ్యాంక్‌ నుంచి రక్తాన్ని తెచ్చుకున్నారు. అయినా ఆమెకు రక్తం సరిపడా లేదనే నెపంతో పది రోజులుగా ఆపరేషన్‌ వాయిదా వేసుకుంటూ వస్తున్నారు.
 
 ఏం జరుగుతోందంటే..: సాయంత్రం 4 గంటల తర్వాత బ్లడ్‌బ్యాంకులో డాక్టర్‌ ఉండటం లేదు. మూడు నెలల క్రితం వరకు రాత్రి పూట కూడా టెక్నీషియన్‌ ఉండేవారు కాదు. దీంతో చాలా రోజుల పాటు ఆందోళన గురైన నర్సులు పోరాడి ఇటీవల రాత్రి పూట పని చేసేందుకు ఒక టెక్నీషియన్‌ను నియమించుకున్నారు. ఆ వ్యక్తే ప్రతి రోజూ రాత్రి డ్యూటీలు చేయాల్సి వస్తోంది. దీంతో నైట్‌ డ్యూటీ చేసే టెక్నీషియన్‌ సెలవులు పెట్టినా, ఆఫ్‌ తీసుకున్నా మళ్లీ నర్సులే టెక్నీషియన్‌గా మారుతున్నారు. నర్సులు.. డోనార్‌ కేర్, ఫారమ్‌ నింపడం, వస్తువులను శుభ్రంగా ఉంచుకోవడం, రక్తం ఇచ్చిన దాతలకి కళ్లు, తల తిరిగినట్టు అనిపిస్తే సేవలు చేయాలి. నర్సులు తమ పనులతో పాటు టెక్నీషియన్‌ పనులు చేయాల్సి రావడంతో ఏదైనా జరిగితే తామెందుకు బాధ్యత వహించాలని ప్రశ్నిస్తున్నారు.


 – ‘పది’ మూల్యాంకన సిబ్బంది నియామకాల్లో అధికారుల ఇష్టారాజ్యం
 – విద్యార్థుల జీవితాలతో చెలగాటం
 – రేపటి నుంచి మూల్యాంకనం  
 
 అనంతపురం ఎడ్యుకేషన్‌ : విద్యార్థి దశలో పదో తరగతి అత్యంత కీలకం. పదో తరగతి పరీక్షల నిర్వహణను ప్రభుత్వం ప్రతిష్టాత్మకంగా తీసుకుంటుంది. పరీక్షల నిర్వహణ ఎంత ముఖ్యమో.. వాటి మూల్యాంకనమూ అంతే ప్రాధాన్యత ఉంటుంది. జవాబుపత్రాలు దిద్దే సమయంలో ఏమాత్రం పొరబాటు చేసినా విద్యార్థులు అన్యాయమవుతారు. జవాబుపత్రాలు దిద్దే విషయంలో అసిస్టెంట్‌ ఎగ్జామినర్ల (ఏఈ)ది కీలక పాత్ర.
 
 అలాంటి ఏఈల నియామకాల్లో విద్యాశాఖ నిర్లక్ష్యంగా వ్యవహరిస్తోంది. నిబంధనలు తుంగల్లో తొక్కుతూ ‘అయిన వారికి ఆకుల్లో...కాని  వారికి కంచెంలో’ అన్న చందంగా వ్యవహరించింది. వీరి నియామకాల్లో పదో తరగతి బోధనానుభవాన్ని ప్రామాణికంగా తీసుకుకోవాల్సి ఉంది. ఇవి పట్టించుకోని అధికారులు ఇష్టానుసారంగా నియమించారు. ఓవైపు బోధన అనుభవం తక్కువ ఉన్నవారిని నియమిస్తే, మరోవైపు ఏళ్ల తరబడి అనుభవం ఉన్న టీచర్లను పక్కన పెట్టేశారు. ఈనెల 3 నుంచి పదో తరగతి మూల్యాంకనం ప్రారంభం కానుంది. ఇందుకోసం స్థానిక కేఎస్‌ఆర్‌ బాలికల పాఠశాలలో ఏర్పాట్లు సిద్ధం చేస్తున్నారు.  
 
 హెచ్‌ఎంలు ధ్రువీకరించారంటున్న విద్యాశాఖ  
 ఆయా సబ్జెక్టుల్లో బో«ధనానుభవం ప్రధానోపాధ్యాయులు ధ్రువీకరించాల్సి ఉంది. వారి ధ్రువీకరణ ఆధారంగానే మూల్యాంకనం విధులకు నియమించామని విద్యాశాఖ అధికారులు చెబుతున్నారు. అయితే కొందరిని యూపీ స్కూళ్లలో పని చేసిన అనుభవాన్ని ›ప్రామాణికంగా తీసుకుని నియమించారు. మరికొందరు కేవలం జెడ్పీహెచ్‌ఎస్‌లో పని చేస్తున్నా వారిని విస్మరించారు. తామంతా సక్రమంగా చేశామని, హెచ్‌ఎంలు ఇచ్చిన వివరాల మేరకు నియమించామని అధికారులు చెబుతున్నారు.  
 
 – సోదనపల్లి జెడ్పీహెచ్‌ఎస్‌లో తెలుగు పండిట్‌గా పని చేస్తున్న ఎం.ఎర్రిస్వామికి సంబంధించి ప్రాథమికోన్నత పాఠశాలలో పని చేసిన అనుభవాన్ని పరిగణలోకి తీసుకుని డ్యూటీ వేశారు.
 – శింగనమల మండలం సలకంచెరువు జెడ్పీహెచ్‌ఎస్‌లో హిందీ టీచరుగా పని చేస్తున్న ఫయాజ్‌కు యూపీ స్కూల్‌ బోధనను పరిగణలోకి తీసుకుని నియమించారు.
 –  హిందూపురం మండలం కె.బసవనపల్లి జెడ్పీహెచ్‌ఎస్‌లో తెలుగు పండిట్‌గా పని చేస్తున్న బి.నరసింహమూర్తికి పదోతరగతి బోధించిన అనుభవం 17 ఏళ్ల నాలుగు నెలల 22 రోజులుంది. హెచ్‌ఎం ధ్రువీకరించారు. అయినా ఈయనను స్పాట్‌ విధులకు నియమించలేదు.
 – శింగనమల మండలం పెరవళి జెడ్పీహెచ్‌ఎస్‌లో గణితం టీచరుగా పని చేస్తున్న ఎన్‌. పద్మజ ఏపీపీఎస్సీ ద్వారా 1999లో నియామకమైంది. అప్పటి నుంచి పదో తరగతి బోధిస్తోంది. గతేడాది వరకు స్పాట్‌ విధులకు నియమించారు. కానీ ఈసారి మాత్రం ఆమెను నియమించలేదు.
 
 రాత పూర్వకంగా ఇచ్చినా పట్టించుకోలేదు :
 మూల్యాంకనం విధులకు జరిగిన నియామకాలు తప్పులతడకగా ఉన్నాయని నాలుగైదు రోజుల కిందే విద్యాశాఖ అధికారులకు ఫిర్యాదు చేసినా ఎవరూ పట్టిచుకోలేదని రాష్ట్ర భాషోపాధ్యాయ సంస్థ (ఎస్‌ఎల్‌టీఏ) రాష్ట్ర ప్రధానకార్యదర్శి గాండ్లపర్తి శివానందరెడ్డి, జిల్లా అధ్యక్షులు వై. ఆదిశేషయ్య, ప్రధానకార్యదర్శి వేణుగోపాల్, ఉపాధ్యక్షులు సలీం వాపోయారు. యూపీ స్కూళ్లలో బోధించిన అనుభవాన్ని పరిగణలోకి తీసుకుని కొందరిని నియమిస్తే, మరికొందరిని కేవలం పదో తరగతి బోధించినా విస్మరించారని వాపోయారు. డీఈఓ, ఏసీ, కంప్యూటర్‌ ఆపరేటర్‌ ఒకరిపై ఒకరు చెప్పుకుంటున్నారు తప్పొప్పులను సరిదిద్దలేదన్నారు. ప్రతి సంవత్సరం ఇదే తంతు సాగుతోందన్నారు. 


 హైదరాబాద్‌: వరుస సంఘటనలు చోటుచేసుకుంటున్నా గాంధీ అసుపత్రి సిబ్బందిని నిర్లక్ష్యం వీడటం లేదు. ఆసుపత్రిలో చికిత్స పొందుతున్న చిన్నారుకు కాలం చెల్లిన ఇంజక్షన్లు ఇవ్వడంతో 10 మంది అస్వస్థతకు గురయ్యారు. దీంతో వారిని హుటాహుటిన ఐసీయూకు తరలించి చికిత్స అందించారు.
 
 సిబ్బంది నిర్లక్ష్యంపై చిన్నారుల తల్లిదండ్రులు తీవ్ర ఆగ్రహం వ్యక్తం చేస్తున్నారు. ఇంజెక్షన్‌లు ఇచ్చిన అనంతరం చిన్నారులు తీవ్ర అస్వస్థతకు గురికావడంతో అనుమానం వచ్చిన తల్లిదండ్రులు మందులను పరిశీలించగా అవి కాలం చెల్లినవి అని తేలింది. ఆసుపత్రి సిబ్బంది తమ తప్పును కప్పిపుచ్చుకోవడం కోసం ప్రయత్నించారని, కాలం చెల్లిన మందులను చెత్తబుట్టలో వేసి గుట్టుచప్పుడు కాకుండా బయటకు పంపించే ప్రయత్నం చేశారని తల్లిదండ్రులు ఆరోపించారు. కోలుకుంటున్న చిన్నారులు ఇంజిక్షన్‌ల మూలంగా తీవ్ర అస్వస్థతకు గురికావడంపై తల్లిదండ్రులు ఆందోళన చెందుతున్నారు.


 చింతలపూడి/జంగారెడ్డిగూడెం : జిల్లాలోని గ్రామ పంచాయతీల్లో పేరుకుపోయిన ఇంటిపన్ను బకాయిలు కార్యదర్శులకు గుదిబండగా మారాయి. మార్చి 15వ తేదీలోగా నూరు శాతం పన్నులు వసూలు చేయాలని జిల్లా అధికారులు హుకుం జారీ చేయడంతో కార్యదర్శులు తలలు పట్టుకుంటున్నారు. సిబ్బంది కొరత వేధిస్తుండటంతో లక్ష్యాన్ని ఎలా చేరుకోవాలో తెలియక కార్యదర్శులు, సర్పంచ్‌లు సతమతమవుతున్నారు. తలకు మించిన పనులతో ఇబ్బంది పడుతున్న కార్యదర్శులకు పన్నుల వసూలు సాధ్యం కావడం లేదు. పంచాయతీల్లో రోజువారీ కార్యకలాపాలతో పాటు ఇతర పనులు కూడా చేయడం వల్ల పన్నుల వసూళ్లపై దృష్టి పెట్టలేక పోతున్నారు. మరోవైపు ఒక్కొక్క కార్యదర్శికి రెండు, మూడు పంచాయతీల ఇన్‌చార్జి బాధ్యతలు అప్పగించడంతో ఏ పనీ ముందుకు సాగడం లేదు. పన్నులను తక్షణమే వసూలు చేయాలంటూ జిల్లా ఉన్నతాధికారులు తాఖీదులు ఇవ్వడంతో ఈఓపీఆర్డీలు, డివిజన్‌ స్థాయి పంచాయతీ అధికారుల దీనిపైనే కార్యదర్శులను ఒత్తిడి చేస్తున్నారు. మేజర్‌ పంచాయతీల్లో బిల్లు కలెక్టర్‌తోపాటు కార్యాలయ సిబ్బందిని సైతం పన్నుల వసూలు కోసం కేటాయించారు. అయినా ఆశించినమేర వసూలు కావడం లేదని తెలుస్తోంది. 
  
 పంచాయతీల్లో పోస్టులు ఖాళీ
 జిల్లాలో పంచాయతీ కార్యదర్శులతో పాటు బిల్లు కలెక్టర్, సీనియర్, జూనియర్‌ అసిస్టెంట్‌ పోస్టులు అనేకం ఖాళీగా ఉన్నాయి. సిబ్బంది కొరతతో పంచాయతీల్లో అభివృద్ధి పనులపై సర్పంచ్‌లు, కార్యదర్శుళు దృష్టి సారించలేకపోతున్నారు. ముఖ్యంగా పాలన కష్టంగా మారింది. ప్రతినెలా పింఛన్ల పంపిణీ, వ్యక్తిగత మరుగుదొడ్ల నిర్మాణాలు, ఉపాధి హామీ పనుల పర్యవేక్షణ, తాగునీటి సరఫరా, పారిశుద్ధ్యం తదితర పనులన్నీ కార్యదర్శులే చూడాలి. దీంతో వారు పన్నుల వసూలుపై దృష్టి పెట్టలేకపోతున్నారు. ప్రభుత్వం ఖాళీగా ఉన్న కార్యదర్శి, బిల్లు కలెక్టర్‌ పోస్టులను భర్తీ చేస్తే పంచాయతీల్లో పాలన గాడిన పడుతుంది.
  
 40 శాతం మించని వసూళ్లు
 జిల్లాలో 48 మండలాల్లోని నాలుగు డివిజన్ల పరిధిలో 908 పంచాయతీలు ఉన్నాయి. వీటిలో నోటిఫైడ్‌ పంచాయతీలు 204, నా¯ŒS నోటిఫైడ్‌ పంచాయతీలు 704. డివిజన్‌ వారీగా చూస్తే ఒక్కొక్క డివిజన్‌లో ఇప్పటివరకు 40 శాతం పన్నులు మాత్రమే వసూలయ్యాయి. జంగారెడ్డిగూడెం డివిజన్‌లో 177 పంచాయతీలు ఉండగా, రూ.10.50 కోట్లు పన్నులు వసూలు కావాల్సి ఉంది. ఇందులో 34 శాతం మాత్రమే వసూలయ్యాయి. ఏలూరు డివిజన్‌ పరిధిలో 272 పంచాయతీలు ఉండగా, రూ. 19.72 కోట్లకు గాను, 41శాతం మాత్రమే వసూలయ్యాయి. కొవ్వూరు డివిజన్‌ పరిధిలో 209 పంచాయతీలు ఉండగా, రూ.20.75 కోట్లకు గాను 41శాతం పన్నులు వసూలయ్యాయి. నరసాపురం డివిజన్‌ పరిధిలో 250 పంచాయతీలు ఉండగా, రూ.12.90 కోట్లకు గాను 45శాతం పన్నులు వసూలయ్యాయి. 34 శాతం మాత్రమే వసూలు చేసి జంగారెడ్డిగూడెం డివిజన్‌ చివరి స్థానంలో ఉంది. మార్చి 31 నాటికి పన్నులు వసూలు చేయాలంటే.. 44 రోజులు మాత్రమే గడువు ఉంది. ఇటీవల జిల్లా కలెక్టర్‌ కాటంనేని భాస్కర్‌ అధికారులతో సమావేశమై పన్ను వసూళ్లలో నిర్లక్ష్యం వహిస్తున్నారంటూ ఆగ్రహం వ్యక్తం చేశారు.
  
 వేగవంతం చేశాం
 జిల్లాలోని అన్ని పంచాయతీల్లో పన్నుల వసూళ్లను వేగవంతం చేశాం. గత ఏడాది 97శాతం వసూలు చేశాం. ఈ ఏడాది కూడా లక్ష్యాన్ని సాధించేందుకు కృషిచేస్తున్నాం. ఇందుకోసం అధికారులు , సిబ్బందిని అప్రమత్తం చేశాం.
 – కె.సుధాకర్, జిల్లా పంచాయతీ అధికారి, ఏలూరు
  


 న్యూఢిల్లీ: దేశీయ ఇ-కామర్స్‌ సంస్థ స్నాప్‌డీల్‌  భారీగా ఉద్యోగుల్లో కోత పెట్టనుంది. ఖర్చులను తగ్గించుకునే క్రమంలో  ఈ నిర్ణయం తీసుకున‍్నట్టు తెలుస్తోంది.   రాబోయే రెండు నెలల్లో దాదాపు 30 శాతం ఉద్యోగులకు  ఇంటికి పంపించేందకు రంగం  సిద్ధం చేస్తున్నట్టు  రిపోర్టులు  వెల్లడిస్తున్నాయి.   ఇటీవల భారీ ఇబ్బందుల్లో  పడ్డ స్నాప్‌ డీల్‌ ఈ నిర్ణయం తీసుకున్నట్టు సమాచారం.  దీంతో వేలమంది  ఉద్యోగులు పత్యక్షంగా,  పరోక్షంగా ఉపాధిని కోల్పోనున్నారు. ఇప్పటికే ఉద్యోగులకు ఉద్వాసన పలికే  ప్రక్రియను ప్రారంభించినట్టు తెలుస్తోంది.
 
 తాజా నివేదికల ప్రకారం  వాల్యూయేషన్స్‌ భారీగా  కుంగిపోవడం, పెట్టుబడులు క్షీణిచడంతో ఇబ్బందుల్లో పడ్డ స్నాప్‌ డీల్‌   ఉద్యోగులను  కుదించుకునేందుకు  రడీ అవుతోంది. ఈ మేరకు  టీం మేనేజర్లకు పంపిన అంతర్గత ఈ మెయిల్‌ సమాచారంలో  ఆదేశాలు  జారీచేసింది.  తమ టీంలోని సభ్యుల సంఖ్యను తగ్గించుకోవాల్సింది కోరింది.  ఈ నేపథ్యంలో దాదాపు 40-50 మందిని ఇప్పటికే  ఇంటికి పంపించేసింది.  దీంతో పాటు స్నాప్‌డీల్‌ డైరెక్ట్‌ ఉ‍ద్యోగులు మరో వెయ్యిమంది దాకా,  అలాగే దాదాపు 5వేలకు  పైగా క ఉన్న కాంట్రాక్టు ఉద్యోగులు ప్రభావితంకానున్నారు.  వీరిలో 30శాతం మంది రోడ్డున పడనున్నారు.   గత ఏడాది ఫిబ్రవరిలో  కూడా సుమారు 200 మంది ఉద్యోగులను  స్నాప్‌ డీల్‌ తొలగించింది.
 
 కాగా జపాన్‌కు చెందిన సాఫ్ట్‌బ్యాంకు కార్ప్‌  స్నాప్‌డీల్‌లో 6.5 బిలియన్‌  డాలర్ల పెట్టుబడులపై 35 కోట్ల డాలర్ల నష్టాన్ని చవిచూసింది. దీంతో స్నాప్‌డీల్‌ లో పెట్టిన పెట్టుబడులపై ఆశించిన స్థాయిలో ఫలితాలు అందని నేపథ్యంలో డిసెంబర్‌తో ముగిసిన తొమ్మిది నెలలకు గాను 35 కోట్ల డాలర్లు రైటాఫ్‌ చేసిన సంగతి తెలిసిందే
  


 జయశంకర్ భూపాలపల్లి జిల్లా: భూపాలపల్లి ప్రభుత్వ ఐటీఐ కళాశాలలో జిల్లా కలెక్టర్‌ మురళి ఆకస్మిక తనిఖీలు నిర్వహించారు. తనిఖీల్లో భాగంగా విద్యార్థుల హాజరు, కళాశాల పరిసరాలను పరిశీలించారు. తనిఖీ సమయంలో కళాశాలల్లో సిబ్బంది, కనిపించక పోవడంతో ప్రిన్సిపాల్‌తో పాటు 8 మంది సిబ్బందిని కలెక్టర్‌ సస్పెండ్‌ చేశారు.


  
  గుంటూరు లీగల్‌: క్రీడలు మానసిక ఉల్లాసాన్ని ఇవ్వడంతోపాటు శారీరక దృఢత్వానికి ఉపయోగ పడతాయని జిల్లా ప్రధాన న్యాయమూర్తి సి. సుమలత అన్నారు. జిల్లా న్యాయశాఖ సిబ్బందికి నిర్వహిస్తున్న క్రీడలను  శుక్రవారం సాయంత్రం జిల్లా కోర్టు ఆవరణలో ఆమె ప్రారంబించారు. జిల్లా కోర్టు ఆవరణలో నూతనంగా ఏర్పాటు చేసిన కబడ్డీ కోర్టును తొలుత ఆమె రిబ్బన్‌ కట్‌చేసి ప్రారంభించి మట్లాడుతూ   ఉభయ రాష్ట్రాల్లో  గుంటూరు జిల్లాలోనే న్యాయశాఖ సిబ్బందికి క్రీడలు నిర్వహించడం జరుగుతుందన్నారు. ఈ క్రీడల నిర్వహణకు జిల్లాకోర్టు పరిపాలనాధికారి విజయకుమార్, ఇతర న్యాయశాఖ సిబ్బంది చేస్తున్న కృషి అభినందనీయమన్నారు.    అనంతరం  ఫ్లడ్‌ లై ట్‌ల వెలుగులో  మొదట æనిర్వహించిన కబడ్డీ పోటీలో డీ. రాజశేఖర్‌ జట్టు, జి. వీరారెడ్డి జట్లు తలపడ్డాయి.  చివరిదాకా ఉత్కంఠ భరితంగా జరిగిన ఈ మ్యాచ్‌లో రాజశేఖర్‌ జట్టు 11 పాయింట్ల తేడాతో వీరారెడ్డి జట్టుపై విజయం సాధించింది. క్రీడాపోటీలకు సీనియర్‌ సివిల్‌ జడ్జి ఒ.వి. నాగేశ్వరరావు, జిల్లా న్యాయసేవాధికార సంస్థ కార్యదర్శి జి. లక్ష్మీనరసింహారెడ్డి, ఎక్సైజ్‌ కోర్టు న్యాయమూర్తి పి.  గోవర్ఢన్, రెండో అదనపు జూనియర్‌ సివిల్‌ జడ్జి ఎస్‌ ప్రవీణ్‌ కుమార్, బార్‌ అసోసియేషన్‌ అధ్యక్షుడు గుత్తా వెంకటేశ్వరరావు, పెద్ద సంఖ్యలో న్యాయవాదులు, న్యాయశాఖ సిబ్బంది హాజరయ్యారు. 
  


 నాగోలు(హైదరాబాద్‌సిటీ): టిఫిన్ కోసం బయటకు వెళ్లిన విద్యార్థిని చితకబాదిన ప్రిన్సిపాల్‌ను అడగటానికి వెళ్లిన తండ్రిపై కూడా దౌర్జన్యం చేయడంతో బాధితులు ఎల్‌బీనగర్ పోలీస్‌స్టేషన్‌లో ఫిర్యాదు చేశారు.
 
 బాధితుల కథనం ప్రకారం... కర్నూలుకు చెందిన కె.వంశీ బండ్లగూడ నారాయణ కళాశాలలో లాంగ్‌టర్మ్‌లో మెడిసిన్ కోచింగ్ తీసుకుంటున్నాడు. రెండు రోజుల క్రితం వంశీ టిఫిన్ కోసం బయటకు వెళ్లాడు. విషయం తెలుసుకున్న ప్రిన్సిపాల్ వెంకట్ విద్యార్థి వంశీని గదిలో బంధించి చితకబాదాడు. ఈ విషయం వంశీ తన తండ్రి కె.నర్సింహుడుకు చెప్పగా ఆదివారం వచ్చి సంఘటనపై ప్రిన్సిపాల్ వెంకట్‌ను అడిగారు. వివరాలు అడుగుతున్న తండ్రిపై కూడా కళాశాల సిబ్బంది దౌర్జన్యం చేసి దాడికి యత్నించారు. దీంతో బాధితులు ఎల్‌బీనగర్ పోలీసులకు ఫిర్యాదు చేశారు. ఈ మేరకు పోలీసులు కేసు దర్యాప్తు చేస్తున్నారు.
  


 వైవీయూ: కడప నగరంలోని పాతరిమ్స్‌ ఆవరణంలోని డీపీఆర్‌ఓ కార్యాలయంలో గురువారం 3.15 గంటల సమయంలో అగ్నిప్రమాదం చోటుచేసుకుంది. విద్యుత్‌ షార్ట్‌ సర్కూ‍్యట్‌ కారణంగా కార్యాలయంలోని పాతపేపర్లు, పలు ఫైళ్లు దహనం అయ్యాయి. వెంటనే పక్క విభాగాలకు చెందిన సిబ్బంది అగ్నిమాపక సిబ్బందికి సమాచారం అందించడంతో వారు వచ్చి మంటలను ఆర్పివేశారు. కాగా డీపీఆర్‌ఓను ఈ విషయమై వివరణ కోరగా కీలకమైన ఫైళ్లేమీ లేవని.. అవన్నీ పాతపేపర్ల కటింగ్‌లని తెలిపారు.
 
  


 ఎర్రగుంట్ల: రాయలసీమ థర్మల్‌ పవర్‌ ప్రాజెక్టులో ఉన్న ఏపీజెన్‌కో అగ్నిమాపక వాహనం బుధవారం బోల్తా పడింది. ఈ ప్రమాదంలో ఎవరికి గాయాలు కాకపోవడంతో సిబ్బంది ఉపిరి పీల్చుకున్నారు.  డ్రైవర్‌ వాహనాన్ని వెనక్కు మళ్లిస్తుండగా  అదుపు తప్పి అక్కడే ఉన్న గుంతలో వెనుక టైర్లు పడ్డాయని ఫైర్‌ అధికారి సత్యనారాయణ తెలిపారు.
  


 - ఇదేమి గోవిందా 
 - అహోబిల ఆలయ సిబ్బంది ఇష్టారాజ్యం
 - గాడితప్పిన పాలన
 -భక్తులకు తప్పని తిప్పలు
  
 ఆళ్లగడ్డ: పవిత్ర పుణ్యక్షేత్రమైన అహోబిలంలో కొంత మంది ఆలయ సిబ్బంది, అర్చకుల తీరుతో భక్తులు మనోవేదనకు గురవుతున్నారు. కాసులిస్తేనే కనులారా దర్శనం కల్పిస్తుండడం విమర్శలు తావిస్తోంది. అహోబిల క్షేత్రానికి ఎంతో ప్రాశస్త్యం ఉంది. దేశంలో ఎక్కడా లేనివిధంగా ​‍ప్రకృతి అందాల మధ్య నవనారసింహుల ఆలయాలు ఇక్కడ వెలిశాయి.. ఉగ్రరూపం నుంచి శాంతి స్వరూపునిగా మారిన శ్రీలక్ష్మినృసింహస్వామిని దర్శించుకోవడం వల్ల జీవితంలో ప్రశాంతత, సుఖశాంతులు, ఆరోగ్యం, ధనప్రాప్తి కులుగుతుందని భక్తుల ప్రగాఢ విశ్వాసం. దేశంలోని వివిధ రాష్ట్రాల నుంచే కాక విదేశీ భక్తులు సైతం పదుల సంఖ్యలో ఇక్కడికి వస్తుంటారు. ఇంతటి ప్రాశస్త్యం ఉన్న ఆలయంలో కొందరు అధికారులు, సిబ్బంది, అర్చకుల కారణంగా భక్తులు తీవ్ర ఇబ్బందులకు గురయ్యే పరిస్థితి నెలకొంది. 
  
         అహోబిల క్షేత్రం పరిధిలోని నవనారసింహ స్వాములను దర్శించుకునేందుకు త్యం వేలాది మంది భక్తులు వస్తుంటారు. ఈ సంఖ్య శని, ఆదివారాలతో పర్వదినాల్లో రెట్టింపు ఉంటుంది.ఎగువ, దిగువ అహోబిలాల్లో  శ్రీ జ్వాలనరసింహస్వామి, ప్రహ్లాదవరదస్వామి, శ్రీదేవి, భూదేవి అమ్మవార్లను దర్శించుకుని అనంతరం నల్లమలలో వెలసిన నవనారసింహ క్షేత్రాలను దర్శించుకునేందుకు కాలినడకన వెళుతుంటారు. ఎంతో ఆశతో స్వామివారి దర్శనం కోసం వచ్చే భక్తులు ఇక్కడి పనిచేసే సిబ్బందికి, అర్చకులకు కాసులిస్తేతపప్ప కనులారా స్వామివార్ల దర్శన భాగ్యం కలగడం లేదు. గుడిలోకి వెళ్లిన భక్తుల నుంచి అర్చకులు, సిబ్బంది రూ. 100 నుంచి రూ 10,000 వరకు వసూలు చేస్తున్నట్లు ఆరోపణలు ఉన్నాయి. ఇక్కడి ఆలయానికి వచ్చే భక్తులకు జాతకం పేరుతో భయం కల్పించి.. నివారణకు ఏవో మంత్రాలు చదువుతూ అధిక మొత్తంలో బహిరంగంగా నగదు తీసుకుంటున్న సందర్భాలు కోకొల్లలు. అంతే కాదు దండులు వేస్తు, వేయిస్తూ.. దారాలు కడుతు, జేబులకు చిల్లులు పెడుతున్నారు. 
  
 ఫిర్యాదులు అధికం..
 నవ నరసింహ స్వామి దేవాలయాల్లో కొందరు సిబ్బంది, అర్చకులు తమ ఇష్టారాజ్యంగా ప్రవరిస్తున్నారు. అడిగినంత సొమ్ములిస్తేనే ఆలయంలోపలికి వదులుతున్నారంటూ భక్తులు అహోబిల అధికారులకు వందల సంఖ్యలో ఫిర్యాదులు చేశారు. దీంతో కొన్ని సార్లు భక్తుల ఎదుటే సిబ్బందిని అధికారులు మందలించారు కూడా. ఇలాంటి సిబ్బందిపై పూర్తి స్థాయిలో చర్యలు తీసుకుంటే తప్ప భక్తులకు స్వామివార్ల దర్శన భాగ్యం కలుగుతుందనే అభిప్రాయం వ్యక్తమవుతోంది.
  
 స్పందించని అధికారులు..
 నెల రోజుల క్రితం దిగువ అహోబిలంలో కర్ణాటక ప్రాంతానికి చెందిన కొందరు భక్తులు అర్చన చేయించుకునేందుకు టిక్కెట్‌ తీసుకుని వెళ్లారు. అక్కడ అర్చకుడు సెల్‌తో ఆడుకుంటూ భక్తులను పట్టించుకోలేదు. దీంతో భక్తులు ఆగ్రహం వ్యక్తం చేయగా..  ఎవరికి చెప్పుకుంటారో చెప్పుకోపొమ్మని అర్చకుడు దురుసుగా ప్రవర్తించాడు. ఈ విషయం ఆలయ అధికారికి పిర్యాదు చేశారు. అయినా ఎటువంటి చర్యలు తీసుకోలేదు.  
  
 దర్శన టిక్కెట్ల రీసైక్లింగ్‌
 దిగువ అహోబిలంలో శీఘ్ర దర్శనం కోసం రూ. 50 రూపాయలు, అర్చనకు రూ. 50 ప్రకారం టిక్కెట్లు ఇస్తున్నారు. అయితే ఒకసారి తీసుకెళ్లిన టిక్కెట్‌ను చించకుండా మళ్లీ సిబ్బంది ద్వారా బుకింగ్‌లోకి పంపించి రీ సైక్లింగ్‌ చేస్తున్నారన్న విషయం ఇక్కడ బహిరంగ రహస్యమే. అంతేకాకుండా.. హుండీ మూతికి లోపలి భాగంలో అడ్డంగా ఓ వస్త్రం ఉంచి భక్తులు వేసిన సొమ్ములు పూర్తిగా లోపలపడకుండా చేస్తున్నారనే ఆరోపణలు ఉన్నాయి. అహోబిలంలో ఓ అధికారి అడుగలకు మడుగులొత్తుతే చాలు.. పనిచేయక పోయినా జీతం వస్తుందనే విమర్శలు ఉన్నాయి. దేవస్థాన పరిధిలోని ఆలయాల్లో వివిధ రకాల విధులు నిర్వహించేందుకు 90 మంది సిబ్బంది ఉన్నారు. భద్రతా ఏర్పాట్లు చూసుకునేందుకు మరో 10 మంది హోంగార్డులను నియమించుకున్నారు. హోంగార్డులు కేవలం అధికారికి, కార్యాలయానికి మాత్రమే కాపలాగా ఉంటున్నారన్న ఆరోపణలు వినిపిస్తున్నాయి. 
  
 తప్పు చేసే సిబ్బందిపై చర్యలు: వాణి, అహోబిల ఆలయ ఈవో
 దర్శనానికి డబ్బులు వసూలు చేస్తున్నట్లు నా దృష్టికి రాలేదు. బ్బంది తప్పు చేసినట్లు తేలితే వెంటనే చర్యలు తీసుకుంటాం.
  


 
 
 
 
 
 
 
 
 
 
 
 
 
 
 
 
 
 
 
 
 
 
 
 .
 
 
 
 
 
 
 


 
  ఐటీడీఏ డీడీ రామ్మూర్తి
 
  అంగన్‌వాడీ కేంద్రాల తనిఖీ
 
  నిర్వహణ తీరుపై అసంతప్తి
 
  సిబ్బందిపై ఆగ్రహం
 
 కెరమెరి : అంగన్‌వాడీ కేంద్రాల్లో గుడ్లతో పాటు ఇతర సరుకులు పంపిణీ చేసే ఏజెన్సీపై చర్యలు తీసుకుంటామని ఐటీడీఏ డీడీ (డెప్యూటీ డైరెక్టర్‌) రామ్మూర్తి అన్నారు. మండలంలోని సాంగ్వి, పెద్ద సాకడ, ఝరి, మోడి కెరమెరిలోని చందుగూడ, సుల్తాన్‌గూడ, పోచమ్మగుడి, జన్కాపూర్, జైరాంగూడ, ఆంద్‌గూడ గ్రామాల్లోని 13 అంగన్‌వాడీ  కేంద్రాలను ఆయన ఆకస్మీకంగా తనిఖీ చేశారు. విద్యార్థుల హాజరు, గర్భిణీ, బాలింతల నమోదు వివరాలను అడిగి తెలుసుకున్నారు. సుల్తాన్‌గూడ అంగన్‌వాడీ కేంద్రంలో గత నెలలో 1372 గుడ్డు పంపిణీ చేయాల్సి ఉండగా 992 సరఫరా చేశారని, ఝరి కేంద్రంలో కేవలం నెలంతా 10 గుడ్లు పంపిణీ చేయడం, ఇతర కేంద్రాల్లో కూడా ఎక్కడా సరిపడా గుడ్లను సరఫరా చేయకపోవడంతో సిబ్బందిపై ఆగ్రహం వ్యక్తం చేశారు.
       దీంతో అందాల్సిన వారికి పౌష్టికాహారం లభించక రక్తహీనత ఏర్పడుతోందని చెప్పారు.  ఎక్కడ కూడా మెనూ పాటించడం లేదన్నారు. రికార్డులు కూడా సరిగా నమోదు చేయడం లేదని అసహనం వ్యక్తం చేశారు. 
 జిల్లా కలెక్టర్‌ దష్టికి సమస్య...
 పలు అంగన్‌వాడీ కేంద్రాల్లో పౌష్టికాహారాన్ని సక్రమంగా అందించకపోవడాన్ని జిల్లా కలెక్టర్‌ దష్టికి తీసుకెళ్తానని తెలిపారు. పలు అంగన్‌వాడీ కేంద్రాల్లోని విద్యార్థులతో మాట్లాడారు. ఎక్కడా కూడా దుస్తులు  ఇవ్వక పోవడానికి గల కార ణాలను తెలుసుకున్నారు. ఇలాంటి సమస్యలు పునరావతమైతే అంగన్‌వాడీలపై శాఖపరమైన చర్యలు తీసుకుంటామని హెచ్చరించారు.
          అధికారుల పర్యవేక్షణ కొరవడిందని, నిర్వహణ సరిగా లేదన్నారు. అనంతరం తన భర్త మతి చెంది మూడు మాసాలు గడుస్తున్నా నేటికీ వితంతు పింఛన్‌ రావడం లేదని, డెత్‌ సర్టిఫికెటు అడిగితే ఇంటి పన్ను కడితే సర్టిఫికెటు ఇస్తామంటున్నారని చందుగూడ గ్రామానికి చెందిన పార్వతిబాయి డీడీ ఎదుట వాపోయారు. దీంతో ఆయన స్పందిస్తూ ఎంపీడీవోతో మాట్లాడి పింఛన్‌ ఇప్పిస్తాని భరోసానిచ్చారు. కార్యక్రమంలో ఐసీడీఎస్‌ సూపర్‌వైజర్లు రాజశ్రీ, జంగుబాయి తదితరులున్నారు. 
  


 
 విద్యార్థులకు నాణ్యమైన విద్యనందించాలి
 
 టీఎస్‌ఎంఆర్‌ఈఐ ప్రాజెక్ట్‌ మేనేజర్‌ ఎజాస్‌ అహ్మద్‌
 
 బాన్సువాడ:
 మైనార్టీ విద్యార్థులకు కార్పొరేట్‌ స్థాయిలో విద్యనందించేందుకు ప్రారంభించిన మైనార్టీ రెసిడెన్షియల్‌ పాఠశాలల్లో సిబ్బంది నిర్లక్ష్యాన్ని సహించేది లేదని, కఠిన చర్యలు తప్పవని తెలంగాణ రాష్ట్ర మైనార్టీస్‌ రెసిడెన్షియల్‌ ఎడ్యుకేషనల్‌ ఇన్‌స్టిట్యూట్‌ సొసైటీ ప్రాజెక్ట్‌ మేనేజర్‌ ఎజాస్‌ అహ్మద్‌ స్పష్టం చేశారు. బాన్సువాడలోని మైనార్టీ గురుకులాన్ని శనివారం ఆయన ఆకస్మికంగా తనిఖీ చేశారు. నిత్యావసర సరుకులను పరిశీలించి విద్యార్థులతో కలిసి భోజనం చేశారు. అనంతరం విద్యార్థులు, అధ్యాపకులతో ప్రత్యేకంగా సమావేశమయ్యారు. అనంతరం విలేకరులతో మాట్లాడారు. మైనార్టీ గురుకులాకు నిత్యావసర సరుకులు సరఫరా చేసే కాంట్రాక్టర్‌లు, భోజన ఏజెన్సీల నిర్వాహకులు అక్రమాలకు పాల్పడుతున్నారనే ఆరోపణలున్నాయని, వారిపై ప్రత్యేకంగా విజిలెన్స్‌ నిఘా ఉంచి చర్యలు తీసుకుంటామన్నారు. ఉపాధ్యాయులు విధులను నిర్లక్ష్యం చేస్తే తొలగించి కొత్త వారిని నియమిస్తామన్నారు. త్వరలో టీఎస్‌పీఎస్సీ ద్వారా ఉపాధ్యాయుల నియామకం జరుగుతుందన్నారు. గురుకులాలు ప్రారంభమై మూడు నెలలవుతోందని, ప్రారంభం కొన్ని ఇబ్బందులుంటాయన్నారు. ఏడాదిలోపు ఒక్కో గురుకులానికి ఐదు ఎకరాల చొప్పున భూమి సేకరించి రూ.20కోట్ల వ్యయంతో భవనాలు నిర్మిస్తామన్నారు. మలావత్‌ పూర్ణను ఆదర్శంగా తీసుకోవాలని విద్యార్థులకు సూచించారు. ఆయన వెంట విజిలెన్స్‌ అధికారులు వీరేశం, ఉస్మాన్‌ అలీ, పాండురంగం, జెడ్పీ కో ఆప్షన్‌ సభ్యుడు అలీముద్దిన్‌ బాబా, నాయకులు మహ్మద్‌ ఎజాస్, శ్రీనివాస్‌రెడ్డి, నర్సింలు తదితరులున్నారు. 


  
 
 పోలీసులతో వాగ్వాదం
 
 బెదిరింపులకు దిగిన యాజమాన్యం 
 
  
 చినకాకాని(మంగళగిరి): మండలంలోని చినకాకాని ఎన్నారై ఆసుపత్రిలో పని చేస్తున్న నర్సులు, స్టాఫ్‌నర్సులు తమ వేతనాలు పెంచాలంటూ గురువారం మెరుపు ధర్నాకు దిగారు. స్టాఫ్‌ వర్కర్స్‌ యూనియన్‌ ఆధ్వర్యంలో ఉదయాన్నే నర్సులంతా విధులు బహిష్కరించి ధర్నాకు దిగడంతో పాటు ఆసుపత్రితో పాటు వైద్యకళాశాలకు వెల్లే వాహనాలను అడ్డుకోవడం ఉద్రిక్తతలకు దారితీసింది. దీంతో యూనియన్‌ నాయకురాళ్ళును చర్చలకు పిలిపించిన యాజమాన్యం వారితో బెదిరింపు ధోరణిలో మాట్లాడడం పరిస్థితి మరింత ఉద్రిక్తతగా మారింది. ఇప్పటివరకు ఎన్నో సార్లు వేతనాలు పెంచడంతో వాటితో సీనిచార్టీని గుర్తించి పదోన్నతులు కల్పించాలని యాజమాన్యానికి విజ్ఞప్తి చేసిన పట్టించుకోవట్లేదని అందుకనే ధర్నాకు ఉపక్రమించాల్సి వచ్చిందని నాయకులు తెలిపారు. మాజమాన్యం దిగివచ్చి సమస్యలు పరిష్కరించేవరకు పోరాటం కొనసాగుతుందన్నారు. పరిస్థితి ఉద్రిక్తతలకు దారితీయడంతో యాజమాన్యం పోలీసులను మొహరింపచేసింది. ధర్నాకు దిగిన నర్సులను అరెస్టు చేసేందుకు పోలీసులు ప్రయత్నించడంతో యూనియన్‌ నాయకులకు పోలీసులకు వాగ్వాదం చోటుచేసుకుంది. దీంతో పోలీసుల వెనక్కి తగ్గారు. కార్యక్రమంలో యూనియన్‌ నాయకులు ఏటుకూరి గంగాధరరావు, ఎం భాగ్యరాజ్, జేవి రాఘవులు, చెంగయ్య, కమలాకర్, కె రాము, స్వామినా«ద్, మాధవి, శివపార్వతి, రాణి, జయశ్రీ, భాగ్యలక్ష్మి, సునీత, సుజాత, శ్యామలను ఆసుపత్రి నిర్వాహకులు ఓఎస్డీ శ్యామ్, కృష్ణ,కిషోర్, శాస్త్రి, ఎస్‌ఓ సాంబశివరావు, నర్సింగ్‌ సూపరింటెండెంట్‌ సంధ్య చర్చలకు పిలిచి బెదిరించగా సూపిరింటెండెంట్‌ సంధ్య  మరీ దరుసుగా ప్రవర్తించి అసభ్యంగా మాట్లాడినట్లు వారు ఆవేదన వ్యక్తం చేశారు. 
  
  
  
  


 విజయవాడ సెంట్రల్‌ :  మీ (ఉద్యోగుల) అందరి కృషి వల్లే నగర పాలక సంస్థకు అవార్డుల పంట పండిందని కమిషనర్‌ జి.వీరపాండియన్‌ అన్నారు. స్కాచ్‌ సిల్వర్‌ అవార్డుతోపాటు వివిధ కేటగిరీల్లో ఐదు అవార్డుల్ని సాధించినందుకు గాను మినిస్ట్రీరియల్‌ ఎంప్లాయీస్‌ అసోసియేషన్‌ ఆధ్వర్యంలో ఉద్యోగులు చాంబర్లో కమిషనర్‌ కల్సి పుష్పగుచ్ఛం ఇచ్చి అభినందించారు. కమిషనర్‌ మాట్లాడుతూ సంస్కరణల అమల్లో అధికారులు, ఉద్యోగులు చిత్తశుద్ధితో పనిచేయడం వల్లే అవార్డులు దక్కాయన్నారు. జాతీయస్థాయిలో పలు నగరాల మధ్య జరిగిన పోటీలో మూడోస్థానంలో నిలవడం ఎంతో గర్వంగా ఉందన్నారు. ఇదే స్ఫూర్తిని కొనసాగిస్తే మరిన్ని అవార్డులు రావడం తథ్యమన్నారు. టీం వర్కే తన విజయరహస్యమన్నారు. సబ్‌ కలెక్టర్‌ సృజన కమిషనర్‌ను ప్రత్యేకంగా అభినందించారు. మినిస్ట్రీరియల్‌ ఎంప్లాయీస్‌ అసోసియేషన్‌ నాయకులు డి.ఈశ్వర్, జి.అజయ్‌ ఉద్యోగులు పాల్గొన్నారు
  
  


 – జిల్లా అధికారులను అభినందించిన ముఖ్యమంత్రి
 – పుష్కర విధుల్లోని ఉద్యోగులందరికీ 26న సెలవు
  
 కర్నూలు(అగ్రికల్చర్‌): కృష్ణా పుష్కరాల విజయవంతానికి కృషి చేసిన జిల్లా కలెక్టర్‌ సీహెచ్‌ విజయమోహన్, జాయింట్‌ కలెక్టర్‌ హరికిరణ్‌ సహా జిల్లా అధికారులను ముఖ్యమంత్రి చంద్రబాబు ప్రశంసించారు. బుధవారం విజయవాడలోని ఇందిరాగాంధీ స్టేడియంలో నిర్వహించిన కార్యక్రమంలో సీఎం చేతుల మీదుగా రాయలసీమ ఐజీ శ్రీధర్‌రావు, కర్నూలు డీఐజీ రమణకుమార్, జిల్లా కలెక్టర్, జేసీ పలువురు అధికారులు మెమొంటోలు, ప్రశంసా పత్రాలను అందుకున్నారు. పుష్కరాల్లో భక్తులకు ఎలాంటి ఇబ్బందుల్లేకుండా సౌకర్యాలు కల్పించడంలో కర్నూలు జిల్లా మొదటి స్థానంలో నిలిచింది. అదేవిధంగా రాష్ట్రంలో 170 పుష్కర ఘాట్లు ఏర్పాటు చేయగా.. సంగమేశ్వరం ఘాట్‌ ప్రథమ స్థానం దక్కించుకుంది. ఈ విషయంలో ముఖ్యమంత్రి.. కలెక్టర్, జేసీలను ప్రత్యేకంగా అభినందించారు. జిల్లా అధికారులంతా పుష్కరాలకు రెండు రోజుల ముందు నుంచే రేయింబవళ్లు శ్రమించడంతో పుష్కర విధుల్లోని ఉద్యోగులందరికీ ఈనెల 26న సెలవు ప్రకటించారు. ముఖ్యమంత్రి నుంచి మెమొంటోలు, ప్రశంసా పత్రాలు అందుకున్న వారిలో శ్రీశైలం ప్రాజెక్టు స్పెషల్‌ కలెక్టర్‌ వెంకటసుబ్బారెడ్డి, సీపీఓ ఆనంద్‌నాయక్, డ్వామా పీడీ పుల్లారెడ్డి, డీఆర్‌డీఏ పీడీ రామకష్ణ, డీఎంఅండ్‌హెచ్‌ఓ స్వరాజ్యలక్ష్మి, డిప్యూటీ కలెక్టర్‌లు వెంకటేశం, మల్లికార్జున తదితరులు ఉన్నారు.