బెంగళూరు: కర్ణాటక బీజేపీలో కోల్డ్ వార్ నడుస్తోంది. కాషాయ పార్టీలో అంతర్గత సమస్యల నేపథ్యంలో బీజేపీ నేతలు ఒకరిపై ఒకరు విమర్శలు చేసుకుంటున్నారు. ఇటీవల జరిగిన ఉప ఎన్నికల్లో బీజేపీ ఓడిపోవడమే ఇందుకు కారణంగా తెలుస్తోంది.కర్ణాటక బీజేపీలో పొలిటికల్ వార్ నడుస్తోంది. కాషాయ పార్టీ నేతలు బహిరంగంగానే ఒకరిపై మరొకరు తీవ్ర విమర్శలు చేసుకుంటున్నారు. ప్రస్తుతం రాష్ట్ర బీజేపీ రెండు వర్గాలుగా చీలిపోయిందనే వార్తలు కూడా చక్కర్లు కొడుతున్నాయి. ఒకటి రాష్ట్ర బీజేపీ అధ్యక్షుడు విజయేంద్ర కాగా.. మరొకటి బసంగౌడ పాటిల్ యత్నాల్ గ్రూప్ అని సమాచారం. ఇక, తాజాగా ఉప ఎన్నికల్లో బీజేపీ ఓటమికి బీఎస్ యడియూరప్ప, విజయేంద్రనే కారణమని పాటిల్ తీవ్ర విమర్శలు చేశారు. వీరిద్దరూ పార్టీ నేతలను పట్టించుకోవడం లేదని ఘాటు వ్యాఖ్యలు చేశారు.మరోవైపు.. పాటిల్ వ్యాఖ్యలపై రాష్ట్ర బీజేపీ నేతలు ఆగ్రహం వ్యక్తం చేస్తున్నారు. ఆయనపై పార్టీ హైకమాండ్ చర్యలు తీసుకోవాలని స్థానిక నేతలు కోరుతున్నారు. ఈ నేపథ్యంలో బీజేపీ పార్టీలో ఇంటి పోరు కర్ణాటక రాజకీయాల్లో చర్చనీయాంశంగా మారింది.ఇదిలా ఉండగా.. ఇటీవల జరిగిన ఉప ఎన్నికల్లో కాంగ్రెస్ పార్టీ ఘన విజయాన్ని అందుకుంది. మూడు స్థానాల్లో శిగ్గావ్, సండూరు, చెన్నపట్నలలో హస్తం పార్టీ నేతలు గెలుపొందారు. మూడు చోట్లా బీజేపీ ఓటమిని చవిచూసింది. ఈ నేపథ్యంలోనే బీజేపీలో కొత్త వార్ నడుస్తోంది.

బెంగళూరు: కర్ణాటక రాజకీయాల్లో ముడా కుంభకోణం తీవ్ర దుమారం రేపుతున్న వేళ.. తాజాగా మరో భారీ స్కాం వెలుగుచూసింది. కరోనా సమయంలో ​భారీ స్థాయిలో అ‍క్రమాలు జరిగినట్లు తేలింది. అప్పటి ముఖ్యమంత్రి బీఎస్‌ యడియూరప్ప నేతృత్వంలోని బీజేపీ పాలనలో కోవిడ్‌పై పోరాటానికి కేటాయించిన కోట్ల రూపాయల నిధులు దుర్వినియోగం చేసినట్లు ఆరోపణలు లేవనెత్తుతున్నాయి.దీనిపై హైకోర్టు మాజీ న్యాయ‌మూర్తి జాన్ మైఖేల్ కున్హా నేతృత్వంలోని క‌మిష‌న్ ప్రాథమిక నివేదికను రూపొందించింది. ఆగ‌స్టు 31వ తేదీన సుమారు 1722 పేజీల‌తో కూడిన నివేదిక‌ను సీఎం సిద్ధ‌రామ‌య్య‌ ప్రభుత్వానికి అంద‌జేసింది. ఈ నేప‌థ్యంలో ఆ రిపోర్టును విశ్లేషించేందుకు రాష్ట్ర మంత్రివర్గం ప్ర‌త్యేక క‌మిటీని ఏర్పాటు చేసింది. పూర్తి స్థాయిలో విచార‌ణ నిర్వ‌హించేందుకు క‌మిష‌న్‌కు ఆరు నెల‌ల అద‌న‌పు గ‌డువు ఇచ్చారు.తాజాగా ఈ నివేదికపై చర్చించేందుకు నేడు మంత్రివర్గం సమావేశం నిర్వహించింది. సమావేశంలో ఈ నివేదికపై చర్చించిన సిద్ధరామయ్య.. కొన్ని కీలక విషయాలను గుర్తించారని సంబంధిత వర్గాలు వెల్లడించాయి. వందల కోట్లు దుర్వినియోగం, కొన్ని కీలక పత్రాలు మిస్‌ అయ్యాయని కమిటీ గుర్తించిందని సీఎం ఆ సమావేశంలో ప్రస్తావించినట్లు సమాచారం.కొవిడ్ సమయంలో రాష్ట్రం వెచ్చించిన సొమ్ము మొత్తం విలువ రూ.13 వేల కోట్లు. కానీ దానిని అధికారికంగా ఎక్కడా వెల్లడించలేదు. అందులో రూ.1,000 కోట్లు స్వాహా అయినట్లు తెలుస్తోంది. ఇప్పుడు ఇచ్చిన ప్రాథమిక నివేదికకు రానున్న ఆరు నెలల్లో తుదిరూపు ఇవ్వనున్నారు. ఈ క్రమంలో బీజేపీ హయాంలో చోటుచేసుకున్న అక్రమాలపై చర్యలకు సిద్ధమవుతోంది.పార్లమెంట్‌ శీతాకాల సమావేశంలో దీనిని సమర్పించవచ్చని అధికారులు భావిస్తున్నారు. ముడా స్కామ్ వచ్చిన తరుణంలోనే ‘కొవిడ్’ కుంభకోణం నివేదిక తేవడంపై మీడియా అడిగిన ప్రశ్నపై రాష్ట్ర న్యాయశాఖ మంత్రి హెచ్‌కే పాటిల్‌ ఆగ్రహం వ్యక్తంచేశారు. ‘‘ముడా వ్యవహారంపై విమర్శలు రాబట్టి రెండు నెలలు కూడా కావడం లేదు. జస్టిస్ జాన్‌ మైఖెల్‌ కమిటీని ఏడాదిక్రితం ఏర్పాటుచేశారు. అసలు రెండింటిని ఎలా పోలుస్తారు. ఇది దురదృష్టకరం’’ అని వ్యాఖ్యానించారు.

బెంగళూరు: మైనర్‌ బాలికపై లైంగిక వేధింపుల కేసులో కర్ణాటక మాజీ ముఖ్యమంత్రి బి.ఎస్‌.యడ్యూరప్పకు శుక్రవారం హైకోర్టులో ఊరట లభించింది. యడ్యూరప్పను అరెస్టు చేయవద్దని కర్నాటక హైకోర్టు సీఐడీ పోలీసులను ఆదేశించింది. పోస్కో చట్టం కింద నమోదైన కేసును విచారిస్తున్న సీఐడీ ఎదుట ఈనెల 17న హాజరుకావాలని బీజేపీ సీనియర్‌ నేత, 81 ఏళ్ల యడ్యూరప్పను హైకోర్టు ఆదేశించింది.

బెంగళూరు: లైంగిక నేరాల నుంచి బాలల పరిరక్షణ చట్టం(పోక్సో) కేసులో కర్ణాటక మాజీ ముఖ్యమంత్రి, బీజేపీ సీనియర్‌ నేత బీఎస్‌ యడ్యూరప్ప(81)పై బెంగళూరు కోర్టు గురువారం నాన్‌–బెయిలబుల్‌ అరెస్టు వారెంట్‌ జారీ చేసింది. ఈ కేసులో సీఐడీ ఇప్పటికే ఆయనకు సమన్లు ఇచ్చింది. విచారణకు హాజరు కావాలని ఆదేశించింది. కానీ, యడ్యూరప్ప హాజరు కాకపోవడంతో సీఐడీ బెంగళూరు కోర్టును ఆశ్రయించింది. దీంతో కోర్టు నాన్‌–బెయిలబుల్‌ అరెస్టు వారెంటు జారీ చేసింది. యడ్యూరప్ప ప్రస్తుతం ఢిల్లీలో ఉన్నారని, తిరిగివచి్చన తర్వాత సీఐడీ ఎదుట హాజరవుతారని ఆయన సన్నిహిత వర్గాలు వెల్లడించాయి. 17 ఏళ్ల తన కుమార్తెపై యడ్యూరప్ప లైంగిక దాడికి పాల్పడ్డారని ఆమె తల్లి పోలీసులకు ఫిర్యాదు చేశారు. ఈ ఏడాది ఫిబ్రవరి 2న ఓ సమావేశంలో ఆయన తన కుమార్తెను బలవంతంగా గదిలోకి లాక్కెళ్లి అకృత్యానికి పాల్పడ్డారని తన ఫిర్యాదులో పేర్కొన్నారు. దీంతో యడ్యూరప్పపై పోక్సో చట్టంతోపాటు ఐసీసీ సెక్షన్‌ 354 కింద ఈ ఏడాది మార్చి నెలలో బెంగళూరు సదాశివనగర్‌ పోలీసులు కేసు నమోదు చేశారు. అనంతరం గంటల వ్యవధిలోనే కర్ణాటక డీజీపీ ఈ కేసును సీఐడీకి బదిలీ చేశారు. తనపై వచి్చన ఆరోపణలను యడ్యూరప్ప ఖండించారు. ఈ కేసును చట్టపరంగా ఎదుర్కొంటానని చెప్పారు. తనపై నమోదైన ఎఫ్‌ఐఆర్‌ను రద్దు చేయాలని కోరుతూ కోర్టులో పిటిషన్‌ దాఖలు చేశారు. యడ్యూరప్పపై పోలీసులకు ఫిర్యాదు చేసిన మహిళ గత నెలలో ఊపిరితిత్తుల క్యాన్సర్‌తో ఆసుపత్రిలో చికిత్స పొందుతూ మరణించారు. ఆమె వాంగ్మూలాన్ని పోలీసులు అంతకుముందే రికార్డు చేశారు. పోక్సో కేసులో యడ్యూరప్పను సీఐడీ అరెస్టు చేసే అవకాశం ఉందని కర్ణాటక హోంశాఖ మంత్రి పరమేశ్వర చెప్పారు. దీనిపై సీఐడీ తుది నిర్ణయం తీసుకుంటుందని అన్నారు.

సాక్షి, బెంగళూరు: బీజేపీ సీనియర్‌ నేత, కర్ణాటక మాజీ ముఖ్యమంత్రి బీఎస్‌ యడియూరప్ప(81)పై పోక్సో కేసు నమోదైంది. బాలికపై అత్యాచారానికి పాల్పడినట్లు అందిన ఫిర్యాదు మేరకు యడియూరప్పపై పోక్సో చట్టంతోపాటు ఐపీసీ 354ఏ కింద కేసులు నమోదయ్యాయి. ఫిబ్రవరి 2వ తేదీన 17 ఏళ్ల తన కుమార్తెపై యడ్యూరప్ప అత్యాచారానికి పాల్పడ్డారంటూ ఆమె తల్లి గురువారం రాత్రి ఫిర్యాదు చేసిందని బెంగళూరు పోలీసులు తెలిపారు.  ఈ ఆరోపణలను యడియూరప్ప తీవ్రంగా ఖండించారు. చట్టపరంగా ముందుకు వెళతానన్నారు. పోలీసులు డాలర్స్‌ కాలనీలోని యడియూరప్ప నివాసానికి వెళ్లి ఆయన నుంచి లిఖిత పూర్వక వివరణ తీసుకున్నారని డీజీపీ అలోక్‌ మోహన్‌ శుక్రవారం చెప్పారు. తదుపరి దర్యాప్తు కోసం వెంటనే కేసును సీఐడీకి అప్పగించామన్నారు.ఈ పరిణామంపై హోం మంత్రి జి.పరమేశ్వర మాట్లాడారు. బాధితురాలి తల్లి మానసిక పరిస్థితి సరిగా లేదని కొందరు చెప్పారన్నారు. ఫిబ్రవరి 2వ తేదీన తల్లితో కలిసి యడియూరప్పను ఆయన నివాసంలో కలవడానికి వెళ్లినప్పుడు బాలిక చిత్రీకరించిన రెండు వీడియోలు సామాజిక మాధ్యమాల్లో ప్రత్యక్షమయ్యాయి.   ఆమె ఏడుస్తూ సాయం అర్థించింది కేసు నమోదు కావడంపై యడియూరప్ప స్పందించారు. ఈ కేసుకు సంబంధించి చట్ట పరంగా ముందుకెళతానన్నారు. ‘ఆ మహిళ ఏడుస్తూ నా దగ్గరికి వచ్చింది. ఆమెను లోపలికి రమ్మని చెప్పి, సమస్య తెలుసుకున్నా. ఆ వెంటనే పోలీస్‌ కమిషనర్‌ దయానందతో ఫోన్‌లో మాట్లాడి, ఆమెకు న్యాయం చేయాలని కోరా. ఆ వెంటనే ఆమె నన్ను విమర్శించడం మొదలుపెట్టింది. దీంతో, ఏదో తేడాగా ఉందని అనుమానం వచ్చింది’అని చెప్పారు. ఆమె పోలీస్‌ కమిషనర్‌ను కలిశాక, వ్యవహారం మలుపు తిరిగిందని పేర్కొన్నారు.

బెంగళూరు: కర్ణాటకలో త్వరలో జరిగే అసెంబ్లీ ఎన్నికల్లో సీనియర్‌ నేత, మాజీ ముఖ్యమంత్రి యెడియూరప్పపై బీజేపీ ఆశలు పెట్టుకుంది. ఎన్నికల ప్రచార బాధ్యతలను ప్రధాని మోదీతోపాటు యడియూరప్ప సారథ్యం వహించే అవకాశాలు కనిపిస్తున్నాయి. ఎన్నికల్లో పోటీ చేయబోనంటూ ఇప్పటికే ప్రకటించిన యెడియూరప్పను మళ్లీ క్రియాశీలకంగా మార్చేందుకు కమలనాథులు ప్రయత్నాలు ప్రారంభించారు. అట్టడుగు స్థాయి నుంచి పార్టీని విస్తరించి, నాలుగు పర్యాయాలు సీఎం పీఠం అధిరోహించిన నేతగా ఆయనపై ఇప్పటికీ ప్రజాభిమానం చెక్కుచెదరలేదు. మరీ ముఖ్యంగా లింగాయత్‌ కులస్తుల్లో80 ఏళ్ల ఈ వృద్ధ నేతకున్న పలుకుబడి మరే ఇతర రాజకీయ పార్టీ నేతకూ లేదు. ఈ విషయాన్ని గ్రహించే ఆయన కేంద్ర నాయకత్వం రానున్న ఎన్నికల్లో ఆయన్ను ‘పోస్టర్‌ బాయ్‌’గా ఉంచి మళ్లీ అధికారంలోకి వచ్చేందుకు ప్రణాళికలు వేస్తోంది. ఇటీవలి కాలంలో రాష్ట్రంలో జరిగిన పలు బహిరంగ సభలు, సమావేశాల్లో ప్రధాని మోదీతోపాటు హోం మంత్రి అమిత్‌ షా, పార్టీ అధ్యక్షుడు జేపీ నడ్డా, రక్షణ మంత్రి రాజ్‌నాథ్‌ సింగ్‌ యెడియూరప్పపై ప్రశంసలు కురిపించడం వెనుక కారణం ఇదే.  ప్రభుత్వ వ్యతిరేకతను ఎదుర్కోవడం, లింగాయత్‌ ఓటు బ్యాంకును పదిలం చేసుకోవడంతోపాటు ప్రభుత్వంపై అవినీతి ఆరోపణలు చేస్తున్న ప్రతిపక్ష కాంగ్రెస్‌ను కట్టడి చేసేందుకు సైతం యెడియూరప్ప అవసరం ఎంతో ఉందని రాజకీయ పరిశీలకులతోపాటు కాషాయ వర్గాలు సైతం అంటున్నాయి. రాష్ట్ర బీజేపీకి మరో ప్రత్యామ్నాయం లేకపోవడంతో ఇష్టం లేకున్నా యెడియూరప్పనే ప్రచారంలో ముందుంచేందుకు బీజేపీ అధిష్టానం సిద్ధమవుతోందని అజీం ప్రేమ్‌జీ యూనివర్సిటీకి చెందిన రాజకీయ విశ్లేషకుడు ఎ.నారాయణ చెప్పారు.

సాక్షి బెంగళూరు: కర్ణాటక రాష్ట్రం హుబ్బళ్లి (హుబ్లీ) నగరంలో ప్రధానమంత్రి నరేంద్ర మోదీ పాల్గొన్న అధికారిక కార్యక్రమానికి రాష్ట్ర మాజీ ముఖ్యమంత్రి, బీజేపీ సీనియర్‌ నేత బీఎస్‌ యడియూరప్ప గైర్హాజరయ్యారు. ఆయన గైర్హాజరు ప్రస్తుతం రాజకీయవర్గాల్లో తీవ్ర చర్చనీయాంశంగా మారింది. గురువారం హుబ్లీ రైల్వే మైదానంలో జాతీయ యువ జనోత్సవానికి ప్రధాని మోదీ హాజరయ్యారు. పలువురు బీజేపీ సీనియర్‌ నాయకులు పాల్గొన్నప్పటికీ బీఎస్‌ యడియూరప్ప మాత్రం కనిపించకపోవడం అందరినీ ఆశ్చర్యానికి గురిచేసింది. ఆయన కొన్ని నెలలుగా పార్టీ వైఖరి పట్ల అసంతృప్తితో ఉన్నారని ప్రచారం సాగుతోంది. బీజేపీ తనను నిర్లక్ష్యం చేస్తోందని, ప్రజల్లో వ్యక్తిగతంగా బలమున్న తనను రాజకీయంగా ఎవరూ అంతం చేయలేరని పలు సందర్భాల్లో అనుచరుల వద్ద వ్యాఖ్యానించినట్లు తెలిసింది. తన రాజకీయ జీవితానికి ఎవరూ ఫుల్‌స్టాప్‌ పెట్టలేరని యడియూరప్ప ఒకసారి బహిరంగంగా వ్యాఖ్యానించారు. మరోవైపు ముఖ్యమంత్రి బసవరాజ బొమ్మై, యూడియూరప్ప మధ్య విభేదాలు ముదురుతున్నట్లు వార్తలు వస్తున్నాయి. తనను ముఖ్యమంత్రి పదవి నుంచి అర్ధాంతరంగా తప్పించారని యడియూరప్ప రగిలిపోతున్నారు. తన అనుచరుడైన బొమ్మైని సీఎం కుర్చీలో కూర్బోబెట్టడం జీర్ణించుకోలేకపోతున్నారు.   ప్రభుత్వంలో పదవి లేకపోవడం వల్లే..   యడియూరప్ప అసంతృప్తిని గుర్తించిన బీజేపీ అధిష్టానం గత ఏడాది పార్టీ పార్లమెంటరీ బోర్డు, కేంద్ర ఎన్నికల కమిటీ సభ్యుడిగా నియమించింది. అయితే, రాష్ట్ర బీజేపీలో ఆశించిన గౌరవం దక్కకపోవడంతో జనసంకల్ప యాత్రలో ఆయన పాల్గొనలేదు. పార్టీ పెద్దలు దిగివచ్చి బుజ్జగించాల్సి వచ్చింది. ఇటీవలే మాండ్య జిల్లాలో కేంద్ర హోంశాఖ మంత్రి అమిత్‌ షా పర్యటనకు యడియూరప్ప డుమ్మా కొట్టారు. తాజాగా ప్రధాని మోదీ హుబ్లీ పర్యటనకు సైతం దూరంగా ఉండిపోయారు. రాష్ట్ర బీజేపీ వాదన మరోలా ఉంది. జాతీయ యువజనోత్సవానికి మాజీ సీఎంకు ఆహ్వానం అందించలేదని స్పష్టం చేసింది. ప్రభుత్వ అధికారిక కార్యక్రమం కావడంతో ఆహ్వానించలేదని పేర్కొంది. రాష్ట్ర ప్రభుత్వంలో యడియూరప్పకు ప్రస్తుతం ఎలాంటి పదవి లేదని, అందుకే ఆహ్వానం పంపలేదని కర్ణాటక బీజేపీ వెల్లడించింది.  

కర్ణాటక ముఖ్యమంత్రి పదవి కోసం పోటీ పెరుగుతోంది. యడియూరప్ప స్థానంలో ముఖ్యమంత్రిగా బాధ్యతలు చేపట్టేందుకు తనకు అన్ని అర్హతలు ఉన్నాయని ఆహార, పౌర సరఫరాల శాఖ మంత్రి ఉమేష్‌ కత్తి వ్యాఖ్యానించారు. తాను తొమ్మిదిసార్లు ఎమ్మెల్యేగా గెలిచానని, తన వయసు ప్రస్తుతం 60 ఏళ్లేనని అన్నారు. పరిణామాలన్నీ తనకు అనుకూలంగా ఉన్నాయని తెలిపారు. ముఖ్యమంత్రి కావాలన్న ఆకాంక్షను వ్యక్తం చేశారు. అవకాశం వస్తే సీఎంగా రాష్ట్రానికి సేవ చేస్తానని, చక్కటి పరిపాలన అందిస్తానని చెప్పారు. పార్టీ అధిష్టానం నిర్ణయానికి కట్టుబడి ఉంటానన్న సీఎం యడియూరప్ప ప్రకటనను గ్రామీణాభివృద్ధి శాఖ మంత్రి కె.ఎస్‌.ఈశ్వరప్ప స్వాగతించారు. ముఖ్యమంత్రి మార్పు విషయంలో బీజేపీ పెద్దల నిర్ణయాన్ని తాము గౌరవిస్తామని రెవెన్యూ శాఖ మంత్రి ఆర్‌.అశోక్, హోంమంత్రి బసవరాజ్‌ బొమ్మై పేర్కొన్నారు. కొత్త ముఖ్యమంత్రి ఎవరన్న విషయంలో బీజేపీ అధిష్టానానికి తాను ఎలాంటి సూచనలు ఇవ్వలేదని యడియూరప్ప చెప్పారు. ఎవరి పేరునూ తాను సూచించలేదన్నారు. ఒకవేళ పార్టీ నాయకత్వం తనను కోరినా తదుపరి సీఎం పేరును ప్రతిపాదించలేనని స్పష్టం చేశారు. తాను పదవి నుంచి తప్పుకోవడం తథ్యమని యడియూరప్ప సంకేతాలిచ్చిన నేపథ్యంలో ఫిరాయింపు ఎమ్మెల్యేల్లో ఆందోళన నెలకొంది.

సాక్షి బెంగళూరు: కరోనా విషయంలో ప్రస్తుతం మహారాష్ట్రతో పోటీ పడుతూ కర్నాటక దూసుకెళ్తోంది. పెద్ద ఎత్తున కేసులు, మరణాలు నమోదవుతుండడంతో ఆ రాష్ట్రంలో పరిస్థితులు ఆందోళనకరంగా మారాయి. వైరస్‌ కట్టడి కోసం ఇన్నాళ్లు విధించిన పాక్షిక లాక్‌డౌన్‌ ఫెయిలైందని ఇకపై సంపూర్ణ లాక్‌డౌన్‌ విధిస్తున్నట్లు ఆ రాష్ట్ర ముఖ్యమంత్రి యడియూరప్ప ప్రకటించారు. నిత్యం 50 వేలకు పైగా కేసులు, 400 వరకు మరణాలు సంభవిస్తుండడంతో చివరి అస్త్రంగా సంపూర్ణ లాక్‌డౌన్‌ అమలు చేస్తున్నట్లు సీఎంం యడియూరప్ప తెలిపారు. కోవిడ్‌ కట్టడి కోసం ఏప్రిల్‌ 27 నుంచి మే 12 వరకు విధించిన కరోనా కర్ఫ్యూ వల్ల ఎలాంటి ప్రయోజనం లేకపోవడంతో మే 10 నుంచి 24వ తేదీ వరకు సంపూర్ణ లాక్‌డౌన్‌ ప్రకటించారు. లాక్‌డౌన్‌పై మంత్రులు, అధికారులతో సుదీర్ఘ చర్చల అనంతరం ఈ నిర్ణయం తీసుకున్నారు. 14 రోజుల లాక్‌డౌన్‌లో అత్యవసర సేవలు మినహాయించి అన్నింటిని బంద్‌ చేస్తున్నట్లు ముఖ్యమంత్రి యడియూరప్ప స్పష్టం చేశారు. నిత్యవసర సరుకుల కొనుగోలు కోసం ఉదయం 6 నుంచి 10 గంటల వరకు మాత్రమే అనుమతి ఇచ్చారు. ఆ తర్వాత ఒక్కరూ బయట కనిపించినా కఠిన చర్యలు తీసుకోవాలని సీఎం పోలీసులకు ఆదేశాలు జారీ చేశారు. అంతర్రాష్ట్ర, అంతర్‌జిల్లా ప్రయాణాలు, బార్లు, పాఠశాలలు, ప్రజా రవాణా, కర్మాగారాలు, అన్ని కార్యాలయాలు, మెట్రో రైల్వే మూతపడ్డాయి. అయితే భవన నిర్మాణ కార్మికులకు మినహాయింపు ఇచ్చారు. విమాన, రైల్వే రాకపోకలపై ఎలాంటి నిషేధం లేదు. వివాహాలకు కేవలం 50 మందికి మాత్రమే అవకాశం కల్పించారు. చదవండి: కలకలం: కరోనా నుంచి కోలుకోగానే కళ్లు పోయాయి చదవండి: ‘వ్యవస్థ కాదు.. ప్రధాని మోదీ ఓడిపోయాడు’

సాక్షి, బెంగళూరు/బనశంకరి: ప్రజల సంచారానికి జీవనాడిగా పేరుపొందిన ఆర్టీసీ బస్సుల సమ్మెతో ప్రజలకు రవాణా వసతి బంద్‌ అయ్యింది. అదే మాదిరి ప్రభుత్వ ఆదాయం కూడా. ఇటీవల కోవిడ్‌ లాక్‌డౌన్, డిసెంబరులో ఆర్టీసీ సమ్మె వల్ల రూ. 16 వేల కోట్లకు పైగా నష్టం వాటిల్లింది. కేఎస్‌ ఆర్టీసీ ఇప్పటికే నష్టాల్లో ఉండగా, ప్రస్తుతం బుధవారం నుంచి ఉద్యోగులు చేస్తున్న సమ్మెతో మరింత సంక్షోభంలోకి కూరుకుపోయే ప్రమాదం ఉందని ప్రభుత్వం ఆందోళన చెందుతోంది. ఆర్టీసీ సిబ్బంది వేతనాలకు నెలకు రూ.400 కోట్లు చెల్లిస్తున్నారు. ఇక బస్సుల డీజిల్, నిర్వహణ కోసం రూ.300 నుంచి 400 కోట్లు ఖర్చుఅవుతుందని ప్రభుత్వ ప్రదాన కార్యదర్శి  రవికుమార్‌ తెలిపారు. కానీ నెలవారీ ఆదాయం అంతమొత్తంలో లేదని ప్రభుత్వ వర్గాల కథనం. ఉద్యోగులు కోరుతున్నట్లు 6 వేతన కమిషన్‌ సిఫార్సుల్ని అమలు చేస్తే ఏడాదికి రూ.4 వేల కోట్ల అదనపు భారం పడుతుంది. కోవిడ్‌ వల్ల రద్దీ తగ్గడం, సమ్మె మూలంగా రోజుకు సుమారు రూ. 20 కోట్లకు పైగా నష్టం వస్తోందని అంచనా.   కొనసాగుతున్న సమ్మె వేతన కమిషన్‌ సిఫార్సుల ప్రకారం వేతనాలను పెంచాలనే డిమాండ్‌తో ఆర్టీసీ ఉద్యోగుల చేపట్టిన సమ్మె రెండవ రోజుకు చేరుకోగా ఎక్కడి బస్సులు అక్కడే నిలిచిపోయాయి. ప్రభుత్వం పట్టుదలతో శిక్షణలో ఉన్న డ్రైవర్లతో బస్సులు నడపడానికి గురువారం ప్రయత్నం చేసింది. రాష్ట్రవ్యాప్తంగా లక్షలాది మంది ప్రజలు ప్రయాణ వసతి కరువై విలవిలలాడారు. బెంగళూరు సహా అనేక నగరాలు, పట్టణాల్లో ప్రైవేటు వాహనాలే రవాణా అవసరాలను తీర్చాయి. లగేజ్, చిన్నపిల్లలను ఎత్తుకుని ప్రజలు బస్సులకోసం పడిగాపులు పడుతున్న దృశ్యాలు కనిపించాయి. కేఎస్‌ ఆర్‌టీసీ, బీఎంటీసీ ఉద్యోగులు ఇళ్లకే పరిమితం అయ్యారు. బెంగళూరు మెజస్టిక్, శాటిలైట్, యశవంతపురతో పాటు ప్రముఖ బస్టాండ్లు ప్రయాణికులు లేక బోసిపోయాయి. చాలాచోట్ల ప్రైవేటు బస్సులు కూడా తక్కువగా సంచరించాయి. ప్రైవేటు బస్సుల దొరుకుతాయనే ఆశతో వచ్చిన ప్రయాణికులు, ప్రజలు బస్సులు సకాలంలో దొరక్కపోవడంతో నిరాశచెందారు. ఉత్తర కర్ణాటక నగరాల్లో ప్రైవేటు బస్సులు సైతం అరకొరగా సంచరిస్తున్నాయి.   ట్రైనీలతో నడిపించే యత్నం..   సమ్మె నేపథ్యంలో శిక్షణలో ఉన్న డ్రైవర్లు, కండక్టర్లు, మెకానిక్‌లు గురువారం తప్పనిసరిగా విధులకు హాజరుకావాలని బీఎంటీసీ ఆదేశించింది. విధులకు హాజరయ్యే సిబ్బందికి అన్ని విధాలా భద్రత కల్పిస్తామని కేఎస్‌ఆర్‌టీసీ డైరెక్టర్‌ శివయోగి కళసద్‌ తెలిపారు.   నేడు కూడా సమ్మె  డిమాండ్లను ప్రభుత్వం పరిష్కరించకపోతే శుక్రవారం కూడా సమ్మె కొనసాగిస్తామని రవాణాశాఖ ఉద్యోగుల ఒక్కూట గౌరవాధ్యక్షుడు కోడిహళ్లి చంద్రశేఖర్‌ గురువారం తెలిపారు. ప్రభుత్వ ఉద్యోగుల్లో ఆర్టీసీ సిబ్బందికి అత్యంత తక్కువ వేతనం వస్తోందని అన్నారు. ఈ తారతమ్య ధోరణి సరికాదన్నారు. విధులకు హాజరుకాకపోతే కఠినచర్యలు తీసుకుంటామని రవాణాశాఖ సిబ్బంది ఇళ్లకు నోటీసులు అంటించడం సరైన పద్ధతి కాదన్నారు.   10 శాతం జీతం పెంచుతాం..   6వ వేతన కమిషన్‌ సిఫార్సుల ప్రకారం వేతనాలను పెంచలేం, 8 శాతానికి బదులు 10 శాతం జీతం పెంచుతామని రవాణా శాఖ ప్రధాన కార్యదర్శి అంజుంపర్వేజ్‌ తెలిపారు. సమ్మె విరమించకపోతే ఎస్మా ప్రయోగిస్తామని చెప్పారు. సమ్మె వీడకపోతే రెండేళ్ల లోపు పదవీవిరమణ చేసిన ఆర్టీసీ సిబ్బందిని పిలిపించి బస్సులు నడిపిస్తామని పేర్కొన్నారు.   విధులకు రాకుంటే చర్యలు: సీఎం  రవాణాశాఖ ఉద్యోగులు డిమాండ్లను ప్రభుత్వం ఇప్పటికే నెరవేర్చింది. అయినా సమ్మె చేయడం సరికాదు. తక్షణం విధులకు హాజరుకావాలి, లేని పక్షంలో కఠినచర్యలు తీసుకుంటామని సీఎం యడియూరప్ప గురువారం హెచ్చరించారు. ఆయన బెళగావిలో మాట్లాడుతూ కోవిడ్‌ క్లిష్ట సమయంలోనూ 8 శాతం వేతనం పెంచాలని తీర్మానించామన్నారు. ఉద్యోగులు వాస్తవ పరిస్థితిని అర్థం చేసుకుని విధుల్లో చేరాలన్నారు.   చదవండి: ఆర్టీసీ సమ్మె: టికెట్‌ ధరకు రెట్టింపు వసూళ్లు!  

సాక్షి, బెంగళూరు: ఆరవ వేతన కమిషన్‌ సిఫార్సుల్ని అమలు చేయడంతో పాటు పలు డిమాండ్లను పరిష్కరించాలని కోరుతూ ఆర్టీసీ ఉద్యోగులు బుధవారం నుంచి సమ్మె ప్రారంభించడంతో రాష్ట్రవ్యాప్తంగా ఎక్కడి బస్సులు అక్కడే డిపోల్లో నిలిచిపోయాయి. 24 వేల బస్సుల సంచారం బందై బస్టాండ్లు నిర్మానుష్యమయ్యాయి. ప్రజలు గమ్యస్థానం చేరడం ఎలా అని తీవ్ర ఆందోళనకు గురయ్యారు. రోగులు, వృద్ధులు, చంటిపిల్లల తల్లుల బాధలు వర్ణనాతీతం. విద్యార్థులు, ఉద్యోగులు, కూలీలు గమ్యం చేరలేక నానా ఇబ్బందులు పడ్డారు. బుధవారం జరగాల్సిన బెంగళూరు, తుమకూరు, మంగళూరు, రాణిచెన్నమ్మ విశ్వవిద్యాలయ పరీక్షలను వాయిదా వేశారు. ఆర్టీసీ సమ్మెతో రాష్ట్రంలోని 31 జిల్లాల్లో రవాణా బస్సులు సంచారం పూర్తిగా స్తంభించిపోయింది. కాగా, ప్రయాణ అవసరాల కోసం ప్రభుత్వం ప్రైవేటు బస్సులు, టెంపోలకు అనుమతి ఇచ్చింది. బెంగళూరుతో పాటు వివిధ జిల్లాల్లో ప్రైవేటు వాహనాలే ప్రజలకు దిక్కయ్యాయి. బెంగళూరులోని మెజెస్టిక్‌ బస్టాండు, కెంపేగౌడ బస్టాండు, శాటిలైట్, యశవంతపుర బస్టాండ్లులో ప్రైవేటు మినీబస్సుల సంచారం అధికమైంది. ఆటో, ట్యాక్సీ, ప్రైవేటు బస్సుల్లో కిక్కిరిసిన ప్రయాణాలు తప్పలేదు. దీనివల్ల కరోనా రెండో దాడి మరింత తీవ్రమయ్యే ప్రమాదం ఉందని ఆందోళన ఏర్పడింది. ప్రైవేటు వాహనాల్లో అధిక టికెట్‌ ధరలను వసూలు చేస్తున్నట్లు ఆరోపణలు వచ్చాయి.  బస్టాండ్లలోకి ప్రైవేటు బస్సులు..   బెంగళూరు నగరంలో ప్రైవేటు బస్సులు, మినీ బస్సులు బీఎంటీసీ రూట్లలో తిరిగాయి. అయితే టికెట్‌ ధరకు రెట్టింపు వసూళ్లు చేసినట్లు ప్రయాణికులు వాపోయారు. గత్యంతరం లేక ప్రైవేటు వాహనాలనే ఆశ్రయించారు. ఇక ట్యాక్సీ, ఆటోడ్రైవర్లు ఇదే అదనుగా విపరీతంగా చార్జీలు వసూలు చేశారు. మొత్తం మీద బెంగళూరుతో పాటు అనేక  ప్రాంతాల్లో ప్రైవేటు బస్సులు సంచారం తీవ్రతరమైంది. సాధారణంగా మెజెస్టిక్, కెంపేగౌడబస్టాండులోకి ప్రైవేటు బస్సులకు అనుమతిలేదు. కానీ బుధవారం అన్ని బస్టాండ్లలోకి స్వేచ్ఛగా ప్రైవేటు బస్సులు ప్రవేశించాయి. బెంగళూరు నుంచి రాష్ట్రంలో ప్రధాన నగరాలకు బస్సులు కరువయ్యాయి. సమ్మె వల్ల ఐటీ సిటీలో మెట్రోరైలు సర్వీసులను పెంచారు. మెట్రో స్టేషన్లలో రద్దీ ఏర్పడింది. మెట్రో టోకెన్లు దొరక్క ప్రజలు ఇబ్బందిపడ్డారు. సమ్మె ముగిసే వరకు టోకెన్‌ వ్యవస్థను కల్పించాలని ప్రజలు డిమాండ్‌ చేశారు.  ప్రయాణికులకు కటకట..   ప్రభుత్వం, రవాణా శాఖ ఉద్యోగులు పట్టువీడకపోవడంతో ప్రజలు నలిగిపోవాల్సి వచ్చింది. ఎంతో వెచ్చించి నెల పాస్‌ తీసుకుంటే ప్రైవేటు బస్సులు టెంపోలు, ఆటోల్లో డబ్బు పెట్టి ప్రయాణించాలా? అని పలువురు మండిపడ్డారు. మంగళవారం తమిళనాడు, కేరళ, పుదుచ్చేరి రాష్ట్రాల్లో పోలింగ్‌కు వెళ్లి తిరిగివచ్చే కర్ణాటక ఉద్యోగులకు బస్సులు దొరకలేదు. మైసూరునగర, గ్రామీణ బస్టాండ్లు వెలవెలబోయాయి. కరోనా వైరస్‌ ఉండటంతో ధర్నా చేపట్టరాదని, ఉల్లంఘిస్తే కఠిన చర్యలు తీసుకుంటామని సర్కారు హెచ్చరించింది. దీంతో ఉద్యోగులు ధర్నాలకు దిగలేదు.  చర్చిద్దాం రండి: సీఎం సాక్షి, బళ్లారి: కేఎస్‌ఆర్‌టీసీ సిబ్బంది సమ్మె మానుకుని ప్రభుత్వంతో చర్చలకు రావాలని సీఎం యడియూరప్ప కోరారు. బుధవారం బెళగావిలో ఉప ఎన్నికల ప్రచారంలో విలేకరులతో మాట్లాడుతూ చర్చల్లో ఎవరితోనైనా మాట్లాడేందుకు సిద్ధంగా ఉన్నానన్నారు. ప్రజలకు ఇబ్బంది కలిగిస్తే సహించేది లేదన్నారు. ప్రభుత్వంతో చర్చలకు రాకుండా, సమ్మె మానకపోతే ఎస్మా ప్రయోగించేందుకు కూడా వెనుకాడేది లేదన్నారు. కరోనా కష్ట సమయంలోను, విద్యార్థులకు పరీక్షలు ఉన్నందున బంద్‌ పాటించడం తగదన్నారు.   జీతాలకు కష్టమవుతుంది: డీసీఎం  బనశంకరి: ఆర్టీసీ సిబ్బంది సమ్మె చేస్తే జీతాలివ్వడం కష్టమని డిప్యూటీ సీఎం లక్ష్మణసవది హెచ్చరించారు.  బీదర్‌లో విలేకరులతో మాట్లాడుతూ  రవాణాశాఖ నష్టాల్లో ఉందని ప్రతిరోజు రూ.4 కోట్లు నష్టం వస్తోందన్నారు. సమ్మె చేయడం వల్ల నష్టం మీకేనన్నారు. ప్రయాణికులను ఇబ్బందులు పెడుతూ సమ్మెకు దిగడం న్యాయమా అని ప్రశ్నించారు. రవాణాశాఖ ఉద్యోగులు పెట్టిన 9 డిమాండ్లలో 8 డిమాండ్లను ప్రభుత్వం నెరవేర్చిందన్నారు. సమ్మె వల్ల రోజూ 30 లక్షల మంది ప్రయాణికులు కష్టాల పాలవుతారన్నారు.  చదవండి: ఆర్టీసీ ఉద్యోగుల సమ్మె.. ప్రభుత్వం కీలక నిర్ణయం

సాక్షి,బళ్లారి: రాష్ట్ర రాజకీయాల్లో ఈనెల 17 తర్వాత పెనుమార్పులు చోటు చేసుకుంటాయని, పలువురు ఎమ్మెల్యేలు సీఎంపై తిరుగుబాటు చేసే అవకాశం ఉందని సీనియర్‌ బీజేపీ నేత, ఎమ్మెల్యే బసవనగౌడ పాటిల్‌ యత్నాళ్‌ పేర్కొన్నారు. ఆయన బెళగావి జిల్లాలో విలేకరులతో మాట్లాడుతూ ఎవరెవరి బలం ఏమిటో, బలహీనత ఎంత ఉందో కాలమే నిర్ణయిస్తుందన్నారు. సూర్యచంద్రులు ఉండే వరకు ఏమైనా యడియూరప్ప మాత్రమే సీఎంగా కొనసాగుతారా? అని ప్రశ్నించారు. ఇప్పటి వరకు ఆయనను సీఎంగా హైకమాండ్‌ కొనసాగించడమే అదృష్టంగా భావించాలన్నారు. మే 2 తర్వాత రాష్ట్ర ముఖ్యమంత్రి మార్పు ఉండవచ్చన్నారు. ఉత్తర కర్ణాటకకు చెందిన వ్యక్తిని సీఎంని చేయడానికి పార్టీ నేతలు నిర్ణయం తీసుకునే అవకాశం ఉందన్నారు.    ఎమ్మెల్యే కుమారునిపై దాడి తుమకూరు: తురువేకెరె ఎమ్మెల్యే జయరాం కుమారుడు తేజు జయరాంపై మంగళవారం రాత్రి  దుండగులు దాడి చేశారు. ఈ ఘటన  గుబ్బి తాలూకా నెట్టికెరె క్రాస్‌ వద్ద చోటు చేసుకుంది. వివరాలు... తేజు జయరాం బెంగళూరు నుంచి స్వగ్రామం  అంకల కొప్పకు కారులో వస్తుండగా దుండగులు  అడ్డగించి గొడవకు దిగి దాడి చేశారు. ఇంతలోనే స్థానికులు రావడంతో దుండగులు ఉడాయించారు. పోలీసులు ఘటనా స్థలానికి చేరుకొని  తేజును ఆస్పత్రికి తరలించారు. కాగా దుండగులు వదలి వెళ్లిన కారును పరిశీలించగా బ్యాట్, కారంపొడి, పెద్ద కత్తి లభ్యమయ్యాయి.  సీజ్‌ చేసి దుండగుల కోసం గాలింపు చేపట్టారు. చదవండి: ముఖ్యమంత్రికి హెలికాప్టర్‌ కష్టాలు ఆర్టీసీ ఉద్యోగుల సమ్మె.. ప్రభుత్వం కీలక నిర్ణయం

యశవంతపుర/కర్ణాటక: పలు రాష్ట్రాలలో శాసనసభలకు జరుగుతున్న ఎన్నికల కారణంగా హెలికాప్టర్లకు డిమాండ్‌ పెరిగింది. బెంగళూరులోని ప్రైవేటు హెలికాప్టర్లు ఆయా రాష్ట్రాల బడా నేతలు బాడుగకు తెప్పించుకున్నారు. సీఎం యడియూరప్ప రాష్ట్రంలో దూరప్రాంతాలకు హెలికాప్టర్‌లో వెళ్తుంటారు. కానీ గిరాకీ వల్ల హెలికాప్టర్‌ దొరక్కపోవడంతో కారులోనే వెళ్లారు. గత ఆదివారం 9:30 గంటలకు దావణగెరె జిల్లా హరిహరకు వెళ్లారు. అక్కడ వివిధ మఠాల కార్యక్రమాలలో పాల్గొన్నారు. తిరిగి మధ్యాహ్నం 1:30 గంటలకు బెంగళూరుకు రోడ్డుమార్గంలో సాయంత్రం 4 గంటలకు చేరుకున్నారు. ఎండలో ఆరు వందల కిలోమీటర్లు కారులో తిరిగిన సీఎం స్వల్ప అస్వస్థతకు గురయ్యారు.  ఎంపీ హెగ్డేకి బెదిరింపు కాల్‌ యశవంతపుర: ఎంపీ అనంతకుమార్‌ హెగ్డేకి గుర్తు తెలియని వ్యక్తి ఫోన్‌కాల్‌ చేసి బెదిరించాడు. ఘటనపై శిరసి పట్టణ పోలీసులకు ఫిర్యాదు చేశారు. ఈ నెల ఐదోతేదీ రాత్రి రెండు గంటల ప్రాంతంలో గుర్తు తెలియని వ్యక్తి ఫోన్‌ చేశాడు. ‘గతంలో ఫోన్‌ చేసినప్పుడు ఆ విషయాన్ని పోలీసులకు ఫిర్యాదు చేశావు.ఈ సారి ఎలాగైనా ప్రాణం తీస్తా’ అంటూ ఆవ్యక్తి ఉర్దూ భాషలో మాట్లాడుతూ బెదిరించినట్లు ఫిర్యాదులో పేర్కొన్నారు.  చదవండి: కోర్టు వద్దని చెప్పినా సభకు హాజరైన మాజీ సీఎం

సాక్షి, బెంగళూరు : రేషన్‌ కార్డుల పంపిణిపై కర్ణాటక ప్రభుత్వం కీలక నిర్ణయం తీసుకుంది. ఇకపై సొంతగా టీవీ, ఫ్రిజ్‌, ద్విచక్ర వాహనం ఉంటే రేషన్‌ కార్డును నిరాకరించాలని నిర్ణయించింది. బీపీఎల్‌ కార్డుల మంజూరు విషయంలో ఇకపై ప్రభుత్వం మరింత కఠినంగా వ్యవహరించదని ప్రజా పంపిణీ వ్యవహారాల శాఖమంత్రి ఉమేష్‌ కత్తి స్పష్టం చేశారు. సోమవారం బెళగావిలో నిర్వహించిన మీడియా సమావేశంలో ఆయన ఈ ప్రకటన చేశారు. ఉన్నత వర్గాలకు చెందిన వారు కూడా ప్రభుత్వం ఉచితంగా ఇచ్చే రేషన్‌ సరుకులను ఉపయోగించుకున్నారని, దీని ద్వారా వెనుకబడిన వారికి సరుకులు చేరడంలేదని పేర్కొన్నారు. ఆర్థికంగా వెనుకబడిన వారిని ఆదుకునే ఉద్ధేశంతోనే రాష్ట్ర ప్రభుత్వం రేషన్‌ సరఫరా చేస్తోందని, ఇకపై సరైన అర్హుల జాబితాను రూపొందిస్తామని స్పష్టం చేశారు. 1.20 లక్షల వార్షిక ఆదాయం కంటే ఎక్కువ ఉన్నవారు ఉచిత రేషన్‌కు అనర్హులన్నారు. అలాగే టీవీ, ఫ్రిజ్‌, ద్విచక్ర వాహనం ఉంటే రేషన్‌ కార్డును వెంటనే వదులుకోవాలన్నారు. మార్చి 31 వరకు కార్డును వెనక్కి ఇచ్చేయాలని, లేకపోతే చట్టపరమైన చర్యలు తీసుకుంటామని మంత్రి ఉమేష్‌ కత్తి హెచ్చరించారు. ప్రభుత్వ ప్రతిపాదనపై ప్రతిపక్ష కాంగ్రెస్‌ తీవ్ర ఆగ్రహం వ్యక్తం చేస్తోంది. టీవీ, ఫ్రిజ్‌ అనేవి నేడు నిత్యవసర వస్తుల జాబితాలో చేరిపోయాయని, వాటి కారణం చేత కార్డులను తొలగించడం సరైనది కాదని ఆ పార్టీ నేతలు చెబుతున్నారు. చదవండి: మాంగల్య బలం గట్టిదే.. హుండీలోకి చేరబోయేది! అందుకే అర్ధగంట ట్రాఫిక్‌ ఆపేశారు!

బెంగళూరు : నేను సూపర్‌ సీఎంను కాదు, సీఎం యడియూరప్ప పనుల్లో నేను జోక్యం చేసుకోవడం లేదు అని బీజేపీ రాష్ట్ర ఉపాధ్యక్షుడు బీ.వై.విజయేంద్ర అన్నారు. శనివారం గవిగంగాధరేశ్వర దేవాలయంలో ఆయన పూజలు చేశారు. విలేకరులతో మాట్లాడుతూ నా పరిమితి ఏమిటనేది తెలుసు, నేను సీఎం కుమారుడిని అయినా తండ్రి పనుల్లో వేలు పెట్టడం లేదు అన్నారు. కాగా, ప్రభుత్వంపై ప్రతిపక్షాలు చేస్తున్న విమర్శలకు బడ్జెట్‌ ద్వారా సమాధానం చెబుతానని సీఎం యడియూరప్ప తెలిపారు. శనివారం సాయంత్రం మైసూరులోని మండకళ్లి విమానాశ్రయంలో మీడియాతో మాట్లాడుతూ బడ్జెట్‌ను రూపొందిస్తున్నా, రెండు శాఖలతో మాత్రమే సమావేశం జరపాల్సి ఉంది అన్నారు. ప్రభుత్వం టేకాఫ్‌ కాలేదని ప్రతిపక్షాలు చేస్తున్న విమర్శలకు బడ్జెట్‌ ద్వారానే బదులిస్తానన్నారు. రిజర్వేషన్ల కోసం ఆయా సామాజికవర్గాలు చేస్తున్న పోరాటాన్ని అర్థం చేసుకోగలనని, వారందరికి తప్పక న్యాయం చేస్తానని చెప్పారు.  

సాక్షి, బెంగళూరు : కర్ణాటక ముఖ్యమంత్రి యడియూరప్ప విందు భోజనానికి సొంత బీజేపీ ఎమ్మెల్యేలు ముఖం చాటేశారు. బుధవారం బెంగళూరులో తన అధికారిక నివాసం కావేరిలో ఆయన మంత్రులు, పార్టీ ఎమ్మెల్యేలు, ఎమ్మెల్సీలకు విందు ఏర్పాటు చేశారు. అందరూ తప్పక రావాలని కొన్నిరోజుల నుంచి ఆహ్వానాలు వెళ్లాయి. ఇటీవల మంత్రివర్గ విస్తరణ, శాఖల కేటాయింపు తరువాత పలువురు మంత్రులు, ఎమ్మెల్యేల్లో అసంతృప్తి గూడుకట్టుకుంది. ఏళ్ల తరబడి పార్టీలో ఉన్నవారిని కాదని వలసవాదులకు పదవులు కట్టబెట్టారని బాహాటంగా విమర్శలు వినిపిస్తున్నాయి. దీంతో అసంతృప్తిని చల్లార్చేందుకు విందు ఏర్పాటైంది. (యడియూరప్ప స్థానంలో యువ సీఎం!) గతకొంత కాలంగా యడియూరప్పకు వ్యతిరేకంగా పలువురు ఎమ్మెల్యేలు రహస్యమంతనాలు చేస్తున్న విషయం తెలిసిందే. మంత్రివర్గ కూర్పు, శాఖల కేటాయింపుల విషయంలో పలువురు తీవ్ర సంతృప్తంగా ఉన్నారు. అంతేకాకుండా యడ్డీని సీఎం కుర్చి నుంచి దించేసి మరో నేతకు ముఖ్యమంత్రి బాధ్యతలు అప్పగించాలని పట్టుబడుతున్నారు. తాజాగా సీఎం విందు భోజనానికి సొంత ఎమ్మెల్యేలు రాకపోవడం కన్నడ రాజకీయ వర్గాల్లో చర్చనీయాంశంగా మారింది. సిద్ధరామయ్య నేతృత్వంలోని కాంగ్రెస్‌ ప్రభుత్వాన్ని కూల్చివేయడంలో కర్మ, కర్త, క్రియ అన్నీ తానై వ్యవహరించిన యడియూరప్పకు ప్రభుత్వ ఏర్పాటు అనంతరం కొత్త సమస్యలు వచ్చిపడ్డాయి. కాంగ్రెస్‌కు రాజీనామా చేసి బీజేపీలో చేరిన ఎమ్మెల్యేలో చాలామందికి మంత్రిపదవులు కట్టాబెట్టారు. అయితే సీఎం నిర్ణయం సొంత పార్టీ నేతలకు ఏమాత్రం మింగుడుపడటంలేదు. ఎంతో కాలంగా పార్టీలో కొనసాగుతున్న తమను కాదని, ఇతర పార్టీల నుంచి వచ్చినవారికి మంత్రి పదవులు ఇవ్వడం ఏంటని అసంతృప్తి వ్యక్తం చేస్తున్నారు.  ఎవరెవరు రాలేదంటే..  రెబెల్‌ సీనియర్‌ ఎమ్మెల్యేలు బసవనగౌడ పాటిల్‌ యత్నాళ్, సునీల్‌ కుమార్‌తో పాటు 25 మంది ఎమ్మెల్యేలు గైర్హాజరైనట్లు తెలిసింది. వీరిలో అరవింద బెల్లద్, పూర్ణిమా శ్రీనివాస్, మహంతేశ్‌ దొడ్డనగౌడ పాటిల తదితరులు ఉన్నారు.  

సాక్షి, బెంగళూరు : అపార రాజకీయ అనుభవం, చాకచక్యంతో మళ్లీ రాజాహులి (రాజా పులి) బీఎస్‌ యెడియూరప్ప పైచేయి సాధించారు. బీజేపీ అధిష్టానం వద్ద తన మాటకు తిరుగులేదని మరోసారి నిరూపించుకున్నారు. పదేపదే నాయకత్వ మార్పు వదంతులు, కేబినెట్‌ విస్తరణ వాయిదా పడుతూ ఉండడంతో యెడ్డీ పని అయిపోయిందని, రాష్ట్ర బీజేపీకి కొత్త నాయకత్వం రాబోతుందని అంతా ఊహించారు. కానీ అక్కడుండేదీ రాజాహులి యెడియూరప్ప.. అంతటితో ఆగిపోతారా!! తన రాజకీయ అనుభవాన్ని రంగరించి తన ప్రత్యర్థులు, శత్రువులకు నోట్లో మాట లేకుండా చేశారు. ఆదివారం ఒక్క ఢిల్లీ పర్యటనతో అన్ని ప్రశ్నలకు సమాధానాలిచ్చారు. ఒకేదెబ్బకు రెండు పిట్టలు అన్న చందంగా తన పర్యటన ద్వారా నాయకత్వ మార్పుతో పాటు కేబినెట్‌ విస్తరణ సమస్యకు చెక్‌ పెట్టారు. సంక్రాంతికి మంత్రివర్గ విస్తరణ కొన్ని నెలలుగా మంత్రి పదవి కోసం ఎదురు చూస్తున్న ఆశావహులకు ఢిల్లీ నుంచి కర్ణాటక ముఖ్యమంత్రి బీఎస్‌ యెడియూరప్ప తీపి కబురు మోసుకొచ్చారు. దీర్ఘకాలంగా కొలిక్కి రాకుండా సీఎంతోపాటు ప్రభుత్వాన్ని ఉక్కిరిబిక్కిరి చేస్తున్న మంత్రివర్గ విస్తరణ సమస్య పరిష్కారం అయింది. ఈ నెల 13 లేదా 14న మంత్రివర్గ విస్తరణ జరగబోతోంది. యెడియూరప్ప తన ఢిల్లీ పర్యట నతో అధిష్టానం తన వైపే ఉం దని మరోసారి నిరూపించారు. రాష్ట్రంలో పెండిం గ్‌లో ఉన్న మంత్రివర్గ విస్తరణకు బీజేపీ అధి ష్టానం గ్రీన్‌సిగ్నల్‌ ఇచ్చింది. సంక్రాంతి ముందు రోజు లేదా పండుగ రోజు ఉదయాన్నే ఏడుగురిని మంత్రివర్గంలో చేర్చుకోబోతున్నారు. పదేపదే నాయకత్వ మార్పుపై పుకార్లు అధికారంలోకి వచ్చిన నాటి నుంచి సీఎంకి వ్యతిరేకంగా కొందరు అసమ్మతి రాగం వినిపించారు. మంత్రివర్గంలో స్థానం దక్కని వారంతా యెడియూరప్పకు వ్యతిరేకంగా నాయకత్వ మార్పు ఉండబోతోంది అంటూ వదంతులు ప్రచారం చేశారు. దీనికితోడు ఎన్నిసార్లు ఢిల్లీకి వెళ్లినా అధిష్టానం పెద్దల నుంచి మంత్రివర్గ విస్తరణకు గ్రీన్‌ సిగ్నల్‌ రాకపోవడంతో యెడియూరప్ప తీవ్ర ఒత్తిడికి గురయ్యారు. అలాగే మరోవైపు ప్రతిపక్షాల ఎదురుదాడికి సరిగ్గా బదులివ్వలేక చెతికిల పడ్డారు. రోజుల తరబడి నిరీక్షణ 2019 జూలై 26న ముఖ్యమంత్రిగా ప్రమాణస్వీకారం చేసిన తర్వాత యెడియూరప్ప తన కొత్త మంత్రివర్గాన్ని ఏర్పాటు చేసుకునేందుకు నెల రోజుల సమయం పట్టింది. అప్పటి వరకు వన్‌ మ్యాన్‌ ఆర్మీగా పాలన సాగించారు. ఆగస్టు 20న 17 మంది ఎమ్మెల్యేలతో మంత్రులుగా ప్రమాణ స్వీకారం చేయించారు. అలాగే తనను నమ్మి పార్టీ ఫిరాయించిన ఎమ్మెల్యేలను ఉప ఎన్నికల్లో అన్నీ తానై దగ్గరుండి గెలిపించుకున్నారు. డిసెంబర్‌లో ఉప ఎన్నికలు జరిగినా ఆ ఫిరాయింపు ఎమ్మెల్యేలకు ఇచ్చిన మాట ప్రకారం మంత్రి పదవులు ఇచ్చేందుకు రెండు నెలలు పట్టింది. రెండు, మూడు దఫాలు అధిష్టానం పెద్దలను కలిసి చర్చించి వారిని ఒప్పించేందుకు ఎంతో శ్రమించారు. చివరికి ఫిరాయించిన ఎమ్మెల్యేలతో పాటు బీజేపీని నమ్ముకున్న సొంత ఎమ్మెల్యేలకు అన్యాయం చేయొద్దని సూచిస్తూ అధిష్టానం గ్రీన్‌సిగ్నల్‌ ఇచ్చింది. ఫిబ్రవరి 6న 10 మంది ఫిరాయింపు ఎమ్మెల్యేలు మంత్రులుగా ప్రమాణం స్వీకారం చేశారు. ఇలా అడుగడుగునా నిరీక్షణలు, అనుమతుల కోసం వేచి చూడడం వంటి కారణాలతో అధిష్టానం వద్ద యెడియూరప్ప పని అయిపోయిందని ఊహాగానాలు వినిపించాయి. పట్టునిలుపుకున్న యెడ్డి 2020, ఫిబ్రవరి తర్వాత మరోసారి మంత్రివర్గ విస్తరణ చేసేందుకు ఏకంగా ఏడాది సమయం పట్టింది. ఉప ఎన్నికల్లో ఓడిపోయిన ఫిరాయింపు ఎమ్మెల్యేలు ఎంటీబీ నాగరాజు, ఆర్‌.శంకర్, విశ్వనాథ్‌లకు మంత్రి పదవులు ఇప్పించుకునేందుకు అనేక సార్లు ఢిల్లీ చుట్టూ ప్రదక్షిణలు చేసినా.. ఎన్నిసార్లు ఢిల్లీ వెళ్లి రిక్తహస్తాలతో వచ్చేవారు. ఈ ఏడాది కూడా ఇదే పరిస్థితి కనిపించింది. అయితే హఠాత్తుగా యెడియూరప్ప ఈ సారి చక్రం తిప్పి స్వయంగా హైకమాండే తనను ఢిల్లీకి పిలిచేలా చేసుకున్నారు. ఢిల్లీ వెళ్లినా ప్రతిసారి ఒక్కో నాయకుడిని వేర్వేరుగా కలుసుకున్న సీఎం ఈ దఫా కేంద్ర హోం మంత్రి అమిత్‌ షా, పార్టీ అధ్యక్షుడు జేపీ నడ్డా, పార్టీ రాష్ట్ర వ్యవహారాల ఇంచార్జి అరుణ్‌సింగ్‌తో ఒకేసారి కలిసి చర్చించి పట్టునిలుపుకున్నారు.

సాక్షి, బెంగళూరు : కర్ణాటక ముఖ్యమంత్రి పీఠం మార్పు గతకొంత కాలంగా రాజకీయ వర్గాల్లో హాట్‌టాపిక్‌గా మారింది. సీఎం బీఎస్‌ యడియూరప్ప(77) వయసు పెరిగిపోయిందని, పనిలో చురుకుదనం లోపించిందని సొంత పార్టీ నేతలే గుసగుసలాడుతున్నట్లు తెలుస్తోంది. మంత్రివర్గంలోనూ కొందరు అమాత్యులు యడ్డీపై గుర్రుగా ఉన్నారని వార్తలు వినిపిస్తున్నాయి. సిద్ధరామయ్య నేతృత్వంలోని కాంగ్రెస్‌ ప్రభుత్వాన్ని కూల్చివేయడంలో కర్మ, కర్త, క్రియ అన్నీ తానై వ్యవహరించిన యడియూరప్పకు ప్రభుత్వ ఏర్పాటు అనంతరం కొత్త సమస్యలు వచ్చిపడ్డాయి. కాంగ్రెస్‌కు రాజీనామా చేసి బీజేపీలో చేరిన ఎమ్మెల్యేలో చాలామందికి మంత్రిపదవులు కట్టాబెట్టారు. అయితే సీఎం నిర్ణయం సొంత పార్టీ నేతలకు ఏమాత్రం మింగుడుపడటంలేదు. ఎంతో కాలంగా పార్టీలో కొనసాగుతున్న తమను కాదని, ఇతర పార్టీల నుంచి వచ్చినవారికి మంత్రి పదవులు ఇవ్వడం ఏంటని అసంతృప్తి వ్యక్తం చేస్తున్నారు. (సీనియర్ల అసంతృప్తి.. సీఎంను తప్పించండి) ఈ విషయం కాస్తా ముఖ్యమంత్రి చెవినపడటంతో కొద్దికాలంలో మంత్రివర్గాన్ని విస్తరిస్తానని అసంతృప్తులకు నచ్చజెప్పారు. ఇలా ఏడాది గడుస్తున్నా కేబినెట్‌ విస్తరణ చేపట్టకపోవడంతో అసంతృప్తులు ఆగ్రహం వ్యక్తం చేస్తున్నారు. యడ్డీని వెంటనే సీఎం కుర్చి నుంచి దించివేయాలని ఓ సమావేశాన్ని సైతం ఏర్పాటు చేసుకుని రహస్య తీర్మానం చేశారు. ఈ క్రమంలోనే కరోనా వైరస్‌ తెచ్చిన విపత్తుతో పాటు రాష్ట్ర వ్యాప్తంగా సంభవించిన భారీ వరదలు ఆయనకు మరింత తలనొప్పిని తెచ్చిపెట్టాయి. దీంతో సీఎం పీఠం మార్పు అనే వార్తలు మరోసారి ఊపందుకున్నాయి. ఈ నేపథ్యంలోనే ఢిల్లీ పెద్దల నుంచి పిలుపందుకున్న యడియూరప్ప.. రాష్ట్రంలోని ప్రస్తుత రాజకీయ పరిస్థితులను వివరించారు. ఈ పర్యటనకు సంబంధించిన వివరాలను సీఎం వెల్లడించకపోవడంతో యడ్డీ స్థానంలో కొత్త సీఎంను నియమించేందుకు కేంద్ర పెద్దలు సిద్ధమయ్యారనే టాక్‌ వినిపించింది. (కరోనా తెచ్చిన కష్టం: యడ్డీ కుర్చీకి ఎసరు!) ఆయన స్థానంలో ఓ యువనేతకు బాధ్యతలు అప్పగించే అవకాశం ఉందని కన్నడ వర్గాల ద్వారా తెలుస్తోంది. గతంలో మహారాష్ట్ర, త్రిపుర, గోవాలో అనుసరించిన వ్యూహాన్ని ఇక్కడా అమలు చేయాలని బీజేపీ పెద్దలు యోచిస్తున్నట్లు సమాచారం. పార్టీ సిద్ధాంతాల ప్రకారం 75 ఏళ్లు పైబడిన వారు ఎవరూ కూడా పార్టీ పదవుల్లో ఉండకూడదు. ఈ నియమాన్ని అనుసరించే 77 ఏళ్ల యడ్డీని సీఎం పదవీ బాధ్యతల నుంచి తప్పిస్తారని చర్చ సాగుతోంది. మరోవైపు సీఎం మార్పు వార్తలను బీజేపీ కర్ణాటక చీఫ్‌ నలిన్‌ కుమార్‌ కాటిల్‌ కొట్టిపారేశారు. రాష్ట్రంలో పంచాయతీ ఎన్నికలు (డిసెంబర్‌) ముగిసే వరకు సీఎం మార్పుపై ఎలాంటి నిర్ణయం తీసుకునేదిలేదని తేల్చిచెప్పారు. త్వరలోనే మంత్రివర్గ విస్తరణ ఉంటుందని స్పష్టం చేశారు.  

బెంగళూరు: మరాఠ అభివృద్ధి బోర్డు ఏర్పాటు చేస్తూ ​కర్ణాటక ప్రభుత్వం నిర్ణయం తీసుకున్న నేపథ్యంలో ఆ రాష్ట్ర ఉప ముఖ్యమంత్రి లక్ష్మణ్‌ సవాడి ముఖ్యమంత్రి బీఎస్‌ యడ్యూరప్పతో సోమవారం సమావేశమయ్యారు. లింగాయత్‌లు సైతం తమకు ప్రత్యేక బోర్డు ఏర్పాటు చేయాలని డిమాండ్‌ చేస్తున్నందున ‘వీరశైవ లింగాయత్‌ బోర్డు’ ఏర్పాటు చేయాలని ఆయన సీఎంను కోరారు. ఇదే అంశంపై కాంగ్రెస్‌ ఎమ్మెల్యే ఎం పాటిల్‌, జేడీఎస్‌ ఎమ్మెల్సీ బసవరాజ్‌ హొరాట్టి సైతం ముఖ్యమంత్రికి ఇంతకు ముందే లేఖ రాశారు. (చదవండి: నితీష్‌పై ప్రశాంత్‌ కిషోర్‌ ఆసక్తికర ట్వీట్‌) మరాఠ అభివృద్ధి బోర్డు ఏర్పాటుపై నిర్ణయం తీసుకున్నప్పటి నుంచి లింగాయత్‌లకు సైతం ప్రత్యేక అభివృద్ధి బోర్డు ఏర్పాటు చేయాలని డిమాండ్‌ చేస్తూ పలు కన్నడ అనుబంధ సంస్థలు ప్రభుత్వాని​కి వ్యతిరేకంగా నిరసన కార్యక్రమాలు చేపడుతున్నాయి. మరాఠి మాట్లాడే ప్రజలు ఎక్కువగా ఉ‍న్న ఉత్తర కర్ణాటకలో త్వరలో ఉప ఎన్నికలు జరగొచ్చనే ఊహాగానాల నేపథ్యంలో యడ్యూరప్ప సర్కార్‌ మరాఠ బోర్డు ఏర్పాటుకు రూ.50 కోట్లు కేటాయిస్తూ నిర్ణయం తీసుకుంది. బసవకళ్యాణ్‌, మస్కీ అసెంబ్లీ స్థానాలతో పాటు బెల్గావి లోక్‌సభ ఉప ఎన్నికలకు త్వరలో ప్రకటన వెలువడే అవకాశం ఉంది. గతంలోనూ సీరా, ఆర్‌ఆర్‌ నగర్‌ ఉప ఎన్నికల సందర్భంగా ‘కడుగొల్ల అభివృద్ధి సంస్థ’ ఏర్పాటు చేస్తూ కర్ణాటక ప్రభుత్వం నిర్ణయం తీసుకుంది. మహారాష్ట్రతో సరిహద్దు వివాదాలున్న కారణంగా కన్నడ ఉద్యమ నాయకుడు వి నాగరాజ్‌ ప్రభుత్వ నిర్ణయాన్ని తప్పుబడుతున్నారు. (చదవండి: 35 ఏళ్లుగా పోటీకి దూరం.. ఏడోసారి సీఎం)

సాక్షి, బెంగళూరు : కర్ణాటక ముఖ్యమంత్రి బీఎస్‌ యడియూరప్ప మంత్రివర్గంలోని కీలక సభ్యుడు సీటీ రవి తన పదవికి రాజీనామా చేశారు. ఈ మేరకు తన రాజీనామా లేఖను శనివారం రాత్రి సీఎంకు పంపించారు. ప్రస్తుతం ఆయన రాష్ట్ర పర్యటన మంత్రిత్వశాఖ బాధ్యతలను నిర్వర్తిస్తున్నారు. కాగా ఇటీవల బీజేపీ అధిష్టానం ప్రకటించిన ఆ పార్టీ జాతీయ కమిటీలో సీటీ రవికి కీలక బాధ్యతలను అప్పగించిన విషయం తెలిసిందే. బీజేపీ జాతీయ ప్రధాన కార్యదర్శిగా ఆయనకు పోస్టింగ్‌ లభించింది. ఈ క్రమంలోనే మంత్రిపదవికి రాజీనామా సమర్పించిన రవి.. సోమవారం ఢిల్లీలో పార్టీ పెద్దలను కలువనున్నారు. జాతీయ రాజకీయాల్లో రావాలన్న పార్టీ పిలుపుమేరకు కేబినెట్‌ నుంచి వైదొలినట్లు తెలుస్తోంది. కాగా రవి ఇటీవల కరోనా వైరస్‌ బారినపడి కోలుకున్న విషయ తెలిసిందే. (అసెంబ్లీలో అవిశ్వాస రణం) మరోవైపు తాజా రాజీనామా నేపథ్యంలో యడియూరప్ప మంత్రివర్గ విస్తరణ మరోసారి తెరపైకి వచ్చింది. కాంగ్రెస్‌ నుంచి ఫిరాయించిన బీజేపీలో చాలామంది ఎమ్మెల్యేలు మంత్రి పదవుల మీద ఆశలు పెట్టుకున్నారు. పార్టీలోని సీనియర్లు సైతం పదవుల కోసం ఆశగా ఎదురుచూస్తున్నారు. ఈ నేపథ్యంలో రవి రాజీనామా చేయడం ప్రాధాన్యత సంతరించుకుంది. రానున్న కొద్ది రోజుల్లోనే మంత్రివర్గాన్ని విస్తరిస్తారనే వార్తలు కన్నడనాట బలంగా వినిపిస్తున్నాయి.

సాక్షి, చిత్తూరు : రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి జిల్లా పర్యటన సందర్భంగా పటిష్టమైన ఏర్పాట్లు చేయాలని జిల్లా ఇన్‌చార్జి కలెక్టర్‌ మార్కండేయులు ఆదేశించారు. రేణిగుంట ఎయిర్‌పోర్ట్‌లో సోమవారం ఏఎస్‌ఎల్‌ సమావేశం నిర్వహించారు. ఈ సందర్భంగా ఆయన మాట్లాడుతూ తిరుమల బ్రహ్మోత్సవాల్లో స్వామివారికి పట్టు వ్రస్తాలను సమర్పించేందుకు సీఎం వైఎస్‌ జగన్‌మోహన్‌రెడ్డి ఈనెల 23, 24 తేదీల్లో తిరుమల పర్యటనకు రానునున్నట్లు తెలిపారు. 23న మధ్యాహ్నం 3.05 గంటలకు గన్నవరం ఎయిర్‌పోర్ట్‌ నుంచి ప్రత్యేక విమానంలో బయ లుదేరి 3.50 గంటలకు తిరుపతి విమానాశ్రయానికి చేరుకుంటారన్నారు. అక్కడ నుంచి నేరుగా రోడ్డు మార్గంలో తిరుమల పద్మావతి అతిథి గృహానికి చేరుకుంటారన్నారు. అక్కడ నుంచి బేడి ఆంజనేయస్వా మి ఆలయానికి చేరుకుని, శ్రీవారికి పట్టువ్రస్తాలను సమర్పిస్తారన్నారు. ఉత్సవాల్లో పాల్గొని, తర్వాత అతిథి గృహంలో బస చేస్తారని, 24న ఉదయం 6.25 గంటలకు మరోమారు వెంకన్నను దర్శించుకుని, తిరుమల నుంచి తిరుగు ప్రయాణమవుతారని తెలిపారు. అలాగే బెంగళూరు నుంచి కర్ణాటక సీఎం యడ్యూరప్ప ఈనెల 23న సాయంత్రం తిరుపతి విమానాశ్రయానికి చేరుకుని, అక్కడ నుంచి తిరుమలకు రోడ్డు మార్గంలో వెళతారన్నారు. వారి పర్యటనకు పటిష్టమైన భద్రత ఏర్పాట్లు చేయాలని పోలీసు అధికారులకు ఐజీ శశిధర్‌రెడ్డి జిల్లా పోలీసు అధికారులను ఆదేశించారు.  (డైనమిక్‌ సీఎం వైఎస్‌ జగన్‌) అలాగే రోడ్డు మార్గంలో శానిటేషన్‌ చర్యలు, ఎయిర్‌పోర్ట్‌లో స్వాగతం కోసం వచ్చే ప్రతినిధుల కోసం ప్రత్యేక బారికేడ్ల నిర్మాణం తదితర అంశాలపై చర్చించారు. ఎలాంటి అవాంఛనీయ సంఘటనలు జరగకుండా జాగ్రత్తలను తీసుకోవాలని సూచించారు. తరువాత ముఖ్యమంత్రి ప్రయాణించనున్న రోడ్డు మార్గంలో ట్రయల్‌రన్‌ నిర్వహించారు. ఈ కార్యక్రమంలో ఎయిర్‌పోర్ట్‌ డైరెక్టర్‌ సురేష్‌, తిరుపతి అర్బన్‌ ఎస్పీ రమేష్‌రెడ్డి, తిరుపతి మున్సిపల్‌ కమిషనర్‌ గిరీష, డీఎస్పీ చంద్రశేఖర్, ఎయిర్‌పోర్ట్‌ సీఎస్‌ఓ రాజశేఖర్‌రెడ్డి, తహసీల్దార్‌ శివప్రసాద్, కిరణ్‌కుమార్, రుయా సూపరిండెంటెండ్‌ భారతి తదితరులు పాల్గొన్నారు. 

సాక్షి, బెంగళూరు : ముఖ్యమంత్రి కుర్చీపై బీఎస్‌ యడియూరప్ప ఎన్ని రోజులు ఉంటారనే దానిపై రోజుకో రకమైన విశ్లేషణలు ఊపందుకున్నాయి. 75 ఏళ్లు నిండిన యడియూరప్ప పార్టీ సిద్ధాంతాల ప్రకారం ముఖ్య పదవుల్లో కొనసాగరాదని బీజేపీలోని ఆయన ప్రత్యర్థులు ఆరోపిస్తున్నారు. ఎంత త్వరగా యడియూరప్పను సాగనంపితే తాము ఆ పీఠాన్ని అధిరోహించాలని బీజేపీలో అంతర్గత పోరాటం మొదలైనట్లు రాజకీయ వర్గాల కథనం. ఇందులో కొందరు మాజీ సీఎంలు, సీనియర్‌ మంత్రులు కూడా ఉన్నారు. యడియూరప్పను సీఎం పదవి నుంచి తప్పించాలని వారు అధిష్టానానికి వినతులు పంపుతున్నారు. ఇటీవల మాజీ సీఎం, ప్రస్తుత మంత్రి జగదీశ్‌ శెట్టర్‌ ఢిల్లీ పర్యటన ఉదాహరణగా చెప్పవచ్చు.     హస్తినలో సీఎం ఏం మాట్లాడతారు?   ఇలాంటి తరుణంలో 17వ తేదీన సీఎం యడియూరప్ప ఢిల్లీకి వెళ్తున్నారు. మూడు రోజుల పాటు అక్కడే ఉంటారని తెలిసింది. వరద సహాయం, కేబినెట్‌ విస్తరణపై చర్చిస్తారని బయటకు చెబుతున్నా, తన పదవీ భద్రత గురించి కూడా ఆయన అధిష్టానం నుంచి హామీ తీసుకోవడానికి గట్టిగా ప్రయత్నిస్తున్నట్లు సమాచారం.

సాక్షి, బెంగళూరు: కోవిడ్‌-19, వరదల నుంచి ప్రజలను దృష్టిని మళ్లించేందుకు కర్ణాటక ప్రభుత్వం డ్రగ్స్‌ను కేసును వాడుకుంటోందని ప్రతిపక్ష కాం‍గ్రెస్‌ పార్టీ నాయకుడు, మాజీ సీఎం సిద్దరామయ్య విమర్శించారు. అంతేగాక ఈ కేసులో అధికార బీజేపీ ప్రభుత్వం తమ పార్టీ మంత్రులను, నాయకులను రక్షించుకునే ప్రయత్నం చేస్తుందని ఈ క్రమంలో ప్రతిపక్ష నాయకులను కించపరిచారంటూ తన వరుస ట్వీట్‌లలో ఆరోపించారు. ఈ కేసులో దర్యాప్తు జరిపేందుకు పోలీసులకు పూర్తి స్వేచ్ఛ ఇవ్వాలని, ప్రతిపక్ష పార్టీ నాయకులపై తప్పుడు ఆరోపణలు చేయవద్దని ఆయన సీఎం బీఎస్‌ యడియూరప్పను కోరారు. కరోనా విజృంభన, వరదల ఉధృతిపై ప్రభుత్వం దృష్టి పెట్టకుండా... డ్రగ్స్‌ కేసును ప్రధానంగా తీసుకోవడం దారణమంటూ #DrugsMuktaKarnataka హ్యాష్‌ ట్యాగ్‌ను తన ట్వీట్‌కు జోడించారు. అంతేగాక కాంగ్రెస్‌ ఎమ్మెల్యే జమీర్‌ అహ్మద్‌ కూడా స్పందిస్తూ.. ముస్లీం కావడం వల్లే తనను టార్గేట్‌ చేశారని మండిపడ్డారు. ఈ కేసులో జమీర్‌ అహ్మద్‌కు కూడా సంబంధం ఉన్నట్లు ప్రముఖ పారశ్రామిక వేత్త ప్రశాంత్‌ సంబరాగి ఆరోపించిన విషయం తెలిసిందే. దీంతో తనపై తప్పుడు ఆరోపణలు చేసిన ప్రశాంత్‌ సంబరాగిపై పరువు నష్టం దావా వేస్తానని ఖాన్‌ హెచ్చిరించారు‌. అంతేగాక ఈ కేసులో ఆరోపణలు ఎదుర్కొంటున్న మైసూర్‌ ఎంపీ ప్రతాప్‌ సింహాతో సహా కొందరూ బీజేపీ నాయకులను ఇప్పటికీ ఎందుకు విచారించ లేదని ఆయన  ప్రశ్నించారు. కేవలం ఒక ఫొటోతో రాజకియ నాయకులపై ఆరోపణలు చేయడం సరైనది కాదని ఆయన పేర్కొన్నారు.  ఇటీవల కన్నడ చిత్ర నిర్మాత లంకేష్‌ బెంగుళూరు సెంట్రల్‌ క్రైం బ్రాంచ్‌ అధికారులు(సీసీబీ)కి పరిశ్రమలో మాదక ద్రవ్యాల వాడకంపై సమాచారం ఇవ్వడంతో శాండల్‌వుడ్‌లో డ్రగ్‌ కేసులో వెలుగులోకి వచ్చిన విషయం తెలిసిందే. ఈ  కేసులో కొంతమంది సినీ ప్రముఖులతో పాటు నటి సంజన గల్రానీ ఆమె తల్లిని కూడా సీసీబీ అధికారులు అరెస్టు చేశారు.  ప్రస్తుతం వీరిని చమరాజ్‌ పేట ప్రాంతంలోని సీసీబీ కార్యాలయంలో అధికారులు విచారణ జరుపుతున్నారు.

బెంగళూరు: కర్ణాటక రాజధాని బెంగుళూరులో చెల‌రేగిన హింసాత్మ‌క ఘ‌ట‌న‌ల‌పై ముఖ్య‌మంత్రి య‌డియూరప్ప సీరియ‌స్ అయ్యారు. బాధ్యుల‌పై క‌ఠిన చ‌ర్య‌లు తీసుకోవాల్సిందిగా ఆదేశాలు జారీ చేశారు. శాంతియుత వాతావ‌ర‌ణం క‌ల్పించ‌డానికి అక్క‌డికి చేరుకున్న పోలీసులపై కూడా దాడులు చేయ‌డం ఎంత మాత్రం ఆమోద‌యోగ్యం కాద‌ని అన్నారు. ప‌రిస్థితిని చక్కదిద్దడానికి ప్ర‌భుత్వం అన్ని చ‌ర్య‌లు తీసుకుంటుంద‌ని సీఎం తెలిపారు. ప్ర‌జ‌లంద‌రూ సంయ‌నం పాటించాలని ఆయ‌న కోరారు. ఇక ఫేస్‌బుక్‌లో షేర్‌ చేసిన ఓ పోస్టు బెంగళూరులో కల్లోలానికి దారి తీసిన సంగ‌తి తెలిసిందే. కాంగ్రెస్‌ పార్టీ ఎమ్మెల్యే అఖండ శ్రీనివాసమూర్తి బంధువు కావ‌డంతో ఆయ‌న అండతోనే  ఇలా చేస్తున్నాడని భావించి మంగ‌ళ‌వారం రాత్రి నిర‌స‌న‌కారులు ఎమ్మెల్యే నివాసంపై దాడి చేశారు. (బస్సులో మంటలు : ఐదుగురు సజీవ దహనం) అంతేగాక ఎమ్మెల్యే ఇంటి వద్ద పహారా కాస్తున్న భద్రతా సిబ్బంది పట్ల కూడా నిరసనకారులు అనుచితంగా ప్రవర్తించారు. మంటలు ఆర్పేందుకు వచ్చిన ఫైరింజన్లను సైతం లోపలికి వెళ్లకుండా అడ్డుపడ్డారు. ఈ క్రమంలో తీవ్ర స్థాయిలో అల్లర్లు చెలరేగగా రంగంలోకి దిగిన పోలీసులు పరిస్థితులను అదుపులోకి తెచ్చే క్రమంలో కాల్పులు జరిపారు. ఈ ఘటనలో ఇద్దరు వ్యక్తులు మరణించారు.. మరొకరు తీవ్రగాయాలపాలయ్యారు. సాధారణ పౌరులతో పాటు 60 మంది పోలీసులకు కూడా గాయాలు అయినట్లు స‌మాచారం. ఈ నేపథ్యంలో సిటీలో 144 సెక్షన్‌ విధించినట్లు పోలీసులు వెల్లడించారు. ఈ ఘటనతో సంబంధం ఉన్నట్లుగా భావిస్తున్న 110 మందిని అరెస్టు చేశామని బెంగళూరు జాయింట్‌ కమిషనర్‌(క్రైం) సందీప్‌ పాటిల్‌ తెలిపారు. (ఎమ్మెల్యే ఇంటిపై దాడి.. చెలరేగిన హింస)

సాక్షి, బెంగళూరు : కర్ణాటక ముఖ్యమంత్రి బీఎస్‌ యడియూరప్ప పదవీ బాధ్యతలు స్వీకరించిన్పటి నుంచి బీజేపీలో అంతర్గత ముసలం కొనసాగుతోంది. ఆశించిన పదవులు దక్కకపోవడంతో పలువురు నేతలు తీవ్ర అసంతృప్తి  వ్యక్తం చేస్తున్నారు. ఇలాంటి పరిణామాల మధ్య బీజేపీలోని కొందరు ప్రముఖ నేతలు కాఫీనాడు రిసార్టులో రహస్యంగా భేటీ కావడం సంచలనంగా మారింది. వీరి రహస్య సమావేశం రాజకీయ వర్గాల్లో తీవ్ర చర్చకు దారి తీసింది. చిక్కమగళూరు తాలూకా ముళ్లయ్యనగిరిలో ఉన్న రిసార్టులో కొందరు మంత్రులు, ఎమ్మెల్యేలు, ముఖ్య నేతలు సమావేశమయ్యారు. ఈ సమావేశంలో బెంగళూరు కోవిడ్‌ ఇన్‌చార్జి ఆర్‌.అశోక్, ఇతర మంత్రులు సీటీ రవి, జగదీశ్‌ శెట్టర్, ఈశ్వరప్పలు పాల్గొన్నారు. అంతేకాకుండా సతీశ్‌ రెడ్డి, మునిరాజు, కృష్ణప్ప తదితర ప్రముఖ నాయకులు సమావేశమై రాత్రికిరాత్రి తిరిగి బెంగళూరుకు చేరుకోవడం విశేషం. (మేమే కర్ణాటక వస్తాం..అన్నీ తేలుస్తాం) ఈ సమావేశంలో ముఖ్యమంత్రి యడియూరప్ప, ఆయన కుమారుడు విజయేంద్ర కార్యవైఖరిపై చర్చించినట్లు తెలుస్తోంది. అంతేకాకుండా యడియూరప్పకు వ్యతిరేకంగా పార్టీ సీనియర్‌ నేత బసన్నగౌడ పాటిల్‌ చక్రం తిప్పుతున్నట్లు తెలుస్తోంది. ఆయన వర్గంగా భావిస్తున్న కొంతమంది ఎమ్మెల్యేలతో రహస్య మంతనాలు చేస్తున్నారనే వార్తలు రాష్ట్ర రాజకీయ వర్గాల్లో తీవ్ర కలకలం రేపుతున్నాయి. అయితే తాము ఎలాంటి రహస్య సమావేశం ఏర్పాటు చేయలేదని మంత్రి ఆర్‌.అశోక్‌ వెల్లడించడం గమనార్హం. కాంగ్రెస్‌-జేడీఎస్‌ నేతృత్వంలోని సంకీర్ణ ప్రభుత్వాన్ని కూల్చి కేంద్ర అండదండలతో​ యడియూరప్ప ముఖ్యమంత్రిగా బాధ్యతలు చేపట్టిన విషయం తెలిసింది. కుమారస్వామికి వ్యతిరేకంగా నిరసన స్వరాలు వినిపించి.. ప్రభుత్వాన్ని కూల్చడంలో కీలకంగా మారిన 15 మంది తిరుగుబాటు ఎమ్మెల్యేలంతా ఇప్పడు బీజేపీ సర్కార్‌లో కీలక పదవుల్లో ఉన్నారు. వీరిలో కొంతమందికి మంత్రి పదవులు కూడా దక్కాయి. ఈ పరిణామం సొంత పార్టీలోని నేతలకు అస్సలు మింగుడు పడటంలేదు. పార్టీని నమ్ముకుని ఎప్పటి నుంచో ఉంటున్న తమను కాదని.. ఇతర పార్టీల నుంచి వచ్చిన వారికి మంత్రి పదవులు కట్టబెట్టడం ఏంటని తమ అసంతృప్తికి వెల్లగక్కుతున్నారు. ఈ నేపథ్యంలోనే పలువురు సీనియర్లు యడియూరప్పను వెంటనే ముఖ్యమంత్రి పదవి నుంచి తప్పించి ఆ బాధ్యతలను కొత్తవారికి అప్పగించాలని డిమాండ్‌ చేస్తున్నారు.

బెంగళూరు: రాష్ట్రంలో కరోనా వైరస్‌ కోరలు చాస్తున్న నేపథ్యంలో ఎంతోమంది ఈ మహమ్మారి బారిన పడుతున్నారు. అంతేగాక విధి నిర్వాహణలో రాష్ట్ర ఉన్నతాధికారులు, ప్రజాప్రతినిధులు సైతం ఈ వ్యాధి బారిన పడుతున్నారు. దీంతో వారికి ప్రత్యేకంగా బెంగళూరులోని కుమార కృపా 100 పడకల లగ్జరీ ప్రభుత్వ గెస్ట్ హౌస్‌ను కోవిడ్-19 సంరక్షణ కేంద్రం కోసం కేటాయిస్తున్నట్లు కర్ణాటక ప్రభుత్వం ప్రకటించింది. దీంతో ప్రభుత్వ నిర్ణయాన్ని తప్పుబడుతూ ప్రతిపక్షాలు విమర్శలు చేస్తున్నాయి. ప్రతిపక్ష కాంగ్రెస్‌ పార్టీ నాయకుడు, ఎమ్మెల్యే రిజ్వాన్‌ అర్షద్‌ స్పందిస్తూ.. ‘రాష్ట్ర ప్రభుత్వం ఏం చేస్తుందో, ఎలాంటి నిర్ణయాలు తీసుకుంటుందో అర్థం కావడం లేదు. చివరికి ప్రభుత్వ గెస్ట్‌హౌజ్‌ను విఐపీల కోసం చికిత్స కేంద్రంగా మార్చే పరిస్థితికి రాష్ట్రాన్ని తీసుకువచ్చింది’ అని మండిపడ్డారు. (‘జాగ్రత్తగా ఉంటారా.. మరోసారి లాక్‌డౌన్‌ విధించాలా’) బీజేపీ నేత ఉమెస్‌ జాదవ్ ప్రభుత్వ నిర్ణయాన్ని సమర్థిస్తూ.. ‌ ‘‘ప్రస్తుత పరిస్థితుల్లో క్వారంటైన్‌ చాలా అవసరం. కరోనా బాధితుల కోసం రాష్ట్రంలో వసతి గృహాలు లేనందున ప్రభుత్వం ఏవీ అందుబాటులో ఉంటే వాటిని ఉపయోగించుకునేందుకు ప్రయత్నిస్తోంది. ప్రతి ఒక్కరూ ప్రభుత్వ నిర్ణయాన్ని స్వాగతించాలి’’ అని పిలుపునిచ్చారు. కాగా కరోనా వ్యాప్తిని అరికట్టే చర్యల్లో భాగంగా నిర్వహిస్తున్న సమీక్షలు, సమావేశాలకు హాజరవుతున్న సీనియర్‌ అధికారులు, మంత్రులు, ప్రతినిధులు కరోనా బారిన పడుతున్నారని, అందువల్ల వారి కోసం ప్రత్యేకమైన కోవిడ్‌ సెంటర్లు అవసరమని ప్రభుత్వం ఉత్తర్వుల్లో పేర్కొంది. కాగా ఏడు అంతస్తుల కుమార కృపా గెస్ట్‌హౌజ్‌లో ప్రత్యేకంగా 3 అంతస్తులను సుప్రీంకోర్టు న్యామూర్తులు, మంత్రులు, వీవీఐపీల కోసం కేటాయించారు. (‘20 రోజులు లాక్‌డౌన్‌ విధించాలి’)  కర్ణాటక రాష్ట్రంలో ఇప్పటి వరకు 10,000లకు పైగా కేసులు నమోదు కాగా 164 మరణాలు చోటుచేసుకున్నాయి. వీటిలో అధిక కేసులు బెంగళూరులో నమోదు కాగా నగరంలోని రెండు అతిపెద్ద మార్కెట్లను ప్రభుత్వం మూసివేసింది. కేసులు అధికమవుతుండటంతో ప్రైవేటు ఆసుపత్రుల్లో కూడా కోవిడ్‌-19 చికిత్స కోసం 50 శాతం గదులను కెటాయించాలని ప్రభుత్వం ఆదేశించింది. దీనిపై మాజీ ముఖ్యమంత్రి హెచ్‌డీ కుమారస్వామి బుధవారం చేసిన వరుస ట్వీట్‌లలో.. ‘‘కోవిడ్‌-19 రోగులకు చికిత్స అందించేందుకు ప్రభుత్వ ఆసుపత్రుల్లో గదులు, వెంటిలేటర్ల కొరత తీవ్రంగా ఉంది. కరోనా బారిన పడిన వారికి తగిన చికిత్స అందించడంలో రాష్ట్ర ప్రభుత్వం విఫలమైందని. నాలుగు వేలకుపైగా రోగులకు చికిత్స చేయడానికి పడకలు లేవని, వెంటిలేటర్లు లేవు. కావునా మరోసారి రాష్ట్రంలో 24 రోజుల పాటు లాక్‌డౌన్‌ విధించాల’’ని ఆయన డిమాండ్‌ చేశారు. 

సాక్షి, బెంగళూరు : కర్ణాటకలో కరోనా వైరస్‌ మరోసారి విజృంభిస్తోంది. మొన్నటి వరకు ప్రశాంతంగా ఉందనుకున్న రాజధాని నగరం బెంగళూరులో వైరస్‌ పాజిటివ్‌ కేసులు వేగంగా పెరుగుతున్నాయి. ఈ నేపథ్యంలో రాష్ట్ర ప్రభుత్వం అప్రమత్తం అయ్యింది. సోమవారం ఉదయం అత్యున్నత స్థాయి అధికారులతో ముఖ్యమంత్రి బీఎస్‌ యడియూరప్ప కీలక సమావేశం నిర్వహించారు. ఒక్క ఆదివారం రోజునే రాష్ట్ర వ్యాప్తంగా 1200కు పైగా కరోనా పాజిటివ్‌ కేసులు నమోదు కాగా.. 64 మంది వైరస్‌ బాధితులు మృతి చెందిన నేపథ్యంలో అధికారులు, వైద్యులతో సమీక్ష జరిపారు. పాజిటివ్‌ కేసులు ఎక్కువగా నమోదైన కోవిడ్‌ కేంద్రాలను గుర్తించి వాటి సరిహద్దులను మూసివేయాలని అధికారులను ఆదేశించారు. (మూడురెట్లు పెరిగిన టెస్టింగ్‌ సామర్థ్యం) అలాగే లక్షణాలు కనిపించిన ప్రతీ ఒక్కరికి కరోనా నిర్ధారణ పరీక్షలు నిర్వహించాలని స్పష్టం చేశారు.  కరోనా పరీక్షల సామర్థ్యం కూడా పెంచాలని అధికారులకు సీఎం సూచించారు. మరోవైపు ఒక్క బెంగళూరు నగరంలోనే 298 కంటైన్‌మెంట్‌ జోన్లను తాజాగా గుర్తించామని స్థానిక అధికారులు మీడియాకు వెల్లడించారు.  ఒకవేళ కరోనా బాధితులు పెరిగితే ఎలాంటి ఇబ్బందులు ఎదురుకాకుండా 518 ప్రైవేటు ఆస్పత్రులను గుర్తించామని తెలిపారు. కాగా రాష్ట్ర వ్యాప్తంగా ఇ‍ప్పటి వరకు 9,150 పాజిటివ్‌ కేసులు నమోదు కాగా.. ఇప్పటి వరకు 137 మంది మృతి చెందారు.

బెంగళూరు : కర్ణాటక ముఖ్యమంత్రి బీఎస్‌ యడియూరప్పకు కొత్త చిక్కులు వచ్చిపడ్డాయి. సొంత పార్టీలోనే ఆయనకు వ్యతిరేకంగా నిరసన స్వరాలు వినిపిస్తున్నాయి. తక్షణమే సీఎంను మార్చి ఆయన స్థానంలో కొత్త వ్యక్తికి పాలనా పగ్గాలు అ‍ప్పగించాలనే డిమాండ్‌ వినిపిస్తోంది. తాజాగా యడియూరప్పకు వ్యతిరేకంగా పార్టీ సీనియర్‌ నేత బసన్నగౌడ పాటిల్‌ చక్రం తిప్పుతున్నట్లు తెలుస్తోంది. ఆయన వర్గంగా భావిస్తున్న కొంతమంది ఎమ్మెల్యేలతో రహస్య మంతనాలు చేస్తున్నారనే వార్తలు రాష్ట్ర రాజకీయ వర్గాల్లో తీవ్ర కలకలం రేపుతున్నాయి. కరోనా విజృంభణ నేపథ్యంలో ముఖ్యమంత్రిగా యడియూరప్ప తీవ్రంగా విఫలమయ్యారని, వయసు మీదపడటంతో ఒత్తిడిని తట్టుకోలేకపోతున్నారని ఆయన వ్యతిరేక వర్గంలో గుసగుసలు వినిపిస్తున్నాయి. (ప్రధాని మోదీపై అమిత్‌ షా ప్రశంసలు) కాంగ్రెస్‌-జేడీఎస్‌ నేతృత్వంలోని సంకీర్ణ ప్రభుత్వాన్ని కూల్చి కేంద్ర అండదండలతో​ యడియూరప్ప ముఖ్యమంత్రిగా బాధ్యతలు చేపట్టిన విషయం తెలిసింది. కుమారస్వామికి వ్యతిరేకంగా నిరసన స్వరాలు వినిపించి.. ప్రభుత్వాన్ని కూల్చడంలో కీలకంగా మారిన 15 మంది తిరుగుబాటు ఎమ్మెల్యేలంతా ఇప్పడు బీజేపీ సర్కార్‌లో కీలక పదవుల్లో ఉన్నారు. వీరిలో కొంతమందికి మంత్రి పదవులు కూడా దక్కాయి. ఈ పరిణామం సొంత పార్టీలోని నేతలకు అస్సలు మింగుడు పడటంలేదు. పార్టీని నమ్ముకుని ఎప్పటి నుంచో ఉంటున్న తమను కాదని.. ఇతర పార్టీల నుంచి వచ్చిన వారికి మంత్రి పదవులు కట్టబెట్టడం ఏంటని తమ అసంతృప్తికి వెల్లగక్కుతున్నారు. ఇక ఈ క్రమంలోనే యడియూరప్పను ముఖ్యమంత్రి పదవిలో నుంచి తొలగించి ఆ స్థానంలో కొత్త నాయకత్వానికి బాధ్యతలు అ‍ప్పగించాలని ఓ వర్గం డిమాండ్‌ చేస్తోంది. దీనిపై ఇప్పటికే ఎవరికి వారే ప్రయత్నాలను ముమ్మరం చేశారు. ఈ జాబితాలో సీనియర్‌ నేతైన బసన్నగౌడ పాటిల్‌  ముందుండగా.. ఆయనకు పోటీగా మాజీ ముఖ్యమంత్రి జగదీశ్‌ శెట్టర్‌ దూసుకొచ్చారు. తన వర్గం ఎమ్మెల్యేలతో ఎప్పటికప్పుడు సంప్రదింపులు జరుపుతున్నారు. ఇక తానేమీ తక్కువ కాదంటూ సీనియర్‌ నేత ఉమేష్‌ కట్టి కూడా రేసులోకి వచ్చారు. గురువారం రాత్రి 16 మంది తన అనుచర ఎమ్మెల్యేలు, నాయకులతో సమావేశమయ్యారు. ప్రస్తుత రాజకీయ పరిణామాలపై చర్చించారు. ఈ  పరిణామాలన్నీ కన్నడలో హాట్‌ టాపిక్‌‌గా మారాయి. (ఎన్నో ముడులు విప్పిన మోదీ) తాజా పరిస్థితుల నేపథ్యంలో సీఎం యడియూరప్ప కూడా అప్రమత్తం అయ్యారు. మంత్రి రాములుతో తాజా పరిణామాలతో చర్చించారు. ఈ వ్యవహారమంతా చూస్తుంటే త్వరలోనే కర్ణాటక ముఖ్యమంత్రి స్థానంలో కొత్త నేతను చూడొచ్చని సంకేతాలు వస్తున్నాయి. అయితే ప్రస్తుత రాజకీయ పరిస్థితుల్లో యడియూరప్పను కాదని మరొకరికి అవకాశం ఇస్తే మరోసారి సర్కార్‌ కూలిపోక తప్పదనే భయం బీజేపీ నేతలను వెంటాడుతోంది. మరికొన్నాళ్ల పాటు యడ్డీనే సీఎంగా కొనసాగిస్తే మేలనే అభిప్రాయం కాషాయ నాయకత్వంలో వినిపిస్తోంది. దీనిపై పార్టీ పెద్దలు ఎలాంటి నిర్ణయం తీసుకుంటారనేది ఆసక్తికరంగా మారింది.  

బెంగుళూరు: ‌ప్ర‌పంచం అంతా క‌రోనాతో స‌త‌మ‌త‌మ‌వుతుంటే క‌ర్ణాట‌కలో మాత్రం ఫ్లైఓవ‌ర్ పేరు మీద‌ వివాదం రాజుకుంటోంది. గురువారం బెంగుళూరులోని యెల‌హంక వ‌ద్ద 400 మీట‌ర్ల పొడ‌వైన‌ ఫ్లైఓవ‌ర్‌ను ఆ రాష్ట్ర ముఖ్య‌మంత్రి బీఎస్ యడియూర‌ప్ప ప్రారంభించ‌నున్నారు. దీనికి స్వాతంత్ర్య స‌మ‌ర‌యోధుడు, హిందుత్వ సిద్ధాంత‌క‌ర్త వీర్ సావ‌ర్కర్ పేరును నామ‌క‌ర‌ణం చేయ‌నున్నారు. అదే రోజు వీర్ వీర్ సావ‌ర్క‌ర్‌ జయంతి కావ‌డం విశేషం.‌ అయితే మ‌హాత్మాగాంధీ హ‌త్య‌తో అత‌డికి సంబంధం ఉన్న కార‌ణాల చేత కాంగ్రెస్‌, త‌దిత‌ర రాజ‌కీయ పార్టీలు అత‌డిని దేశ భ‌క్తుడిగా ప‌రిగ‌ణించడానికి ఇష్ట‌ప‌డలేవు. ఈ క్ర‌మంలో ప్ర‌భుత్వం ఏకంగా ఫ్లై ఓవ‌ర్‌కు అత‌ని పేరును ఖ‌రారు చేయ‌డంపై ప్ర‌తిప‌క్షాలు భ‌గ్గుమ‌న్నాయి. ఆయ‌న మ‌న రాష్ట్రానికి ఏం చేశాడ‌ని అత‌డి పేరును పెట్టారంటూ గ‌గ్గోలు పెడుతున్నాయి. (యడ్డీ, సిద్దూల మధ్య ఏం జరుగుతుంది!) మాజీ ముఖ్య‌మంత్రి సిద్ధ‌రామ‌య్య స్పందిస్తూ.. సీఎం య‌డియూరప్ప‌ది తొంద‌ర‌పాటు చ‌ర్య‌గా అభివ‌ర్ణించారు. రూ.34 కోట్ల‌తో నిర్మించిన ఫ్లైఓవ‌ర్‌కు సావ‌ర్క‌ర్ పేరును పెట్ట‌డం ద్వారా స్వాతంత్ర్య సమ‌ర‌యోధుల‌ను కించ‌ప‌రిచిన‌ట్ల‌వుతుంద‌ని పేర్కొన్నారు. జేడీఎస్ నేత హెడీ కుమార‌స్వామి సైతం ప్ర‌భుత్వ నిర్ణ‌యాన్ని వ్య‌తిరేకించారు. సీఎం నిర్ణ‌యాన్ని వెన‌క్కు తీసుకోవాల‌ని విజ్ఞ‌ప్తి చేశారు. స్వాతంత్ర్యానికి ముందు, త‌ర్వాత కూడా రాష్ట్రాభివృద్ధి, సంక్షేమం కోసం పాటుప‌డిన ఎంద‌రో ప్ర‌ముఖులు ఉన్నార‌ని, ఫ్లైఓవ‌ర్‌కు వారి పేరు పెడితే బాగుంటుంద‌ని సల‌హా ఇచ్చారు. కాగా ప్ర‌తిప‌క్షాల వ్యాఖ్య‌ల‌ను అధికార పార్టీ ఎమ్మెల్యే ఎస్ఆర్ విశ్వ‌నాథ్ కొట్టిపారేశారు. ప్ర‌భుత్వ నిర్ణ‌యం స‌రైన‌దేనని స‌మాధాన‌మిచ్చారు. విప‌క్షాలు కావాల‌నే రాజ‌కీయం చేస్తున్నాయ‌ని ఎద్దేవా చేశారు.‌ కాగా ఫిబ్ర‌వరి 29న జ‌రిగిన బృహత్ బెంగ‌ళూరు మ‌హాన‌గ‌ర పాలిక కౌన్సిల్ స‌మావేశంలో ఫ్లైఓవ‌ర్‌కు వీర్ సావ‌ర్క‌ర్ పేరు పెట్టాల‌ని నిర్ణ‌యించిన‌ట్లు ప్ర‌భుత్వం పేర్కొంటుండ‌గా అస‌లు దీనిపై చర్చే జ‌ర‌ప‌లేద‌ని  కౌన్సిల్ మెంబ‌ర్ అబ్దుల్ వాజీద్ తెలిపారు. ()

బెంగుళూరు: కాంగ్రెస్‌ పార్టీ అధ్యక్షురాలు సోనియా గాంధీపై పెట్టిన ఎఫ్‌ఐఆర్‌ను వెనక్కు తీసుకోవాలని కర్ణాటక ప్రదేశ్‌ కాంగ్రెస్‌ కమిటీ అధ్యక్షుడు డీకే శివకుమార్‌ ముఖ్యమంత్రి బీఎస్‌ యడ్యూరప్పకి లేఖ రాశారు. దాంతో పాటు ఎఫ్‌ఐఆర్‌ రిజిస్టర్‌ చేసిన పోలీసు అధికారిని వెంటనే సస్పెండ్‌ చేయాలని, అతడు బాధ్యతారాహిత్యంగా ప్రవర్తించారని తెలిపారు. పీఎం కేర్‌ ఫండ్స్‌ని ప్రధాని దుర్వినియోగం చేశారని కాంగ్రెస్‌ అధ్యక్షురాలు సోనియా గాంధీ ట్వీట్‌ చేసిన విషయం తెలిసిందే.   (సోనియా గాంధీ పై ఎఫ్‌ఐఆర్‌ నమోదు) ఈ విషయంపై బీజేపీ కార్యకర్త, అడ్వకేట్‌ కేవీ ప్రవీణ్‌ కుమార్‌ సోనియాపై శివమొగ్గలో ఫిర్యాదు చేశారు. దీంతో సోనియా మీద పోలీసులు కేసు నమోదు చేశారు. అయితే ఎఫ్‌ఐఆర్‌ రద్దు చేయాలంటూ కేపీసీసీ అధ్యక్షుడు కర్ణాటక ముఖ్యమంత్రికి, హోం శాఖా మంత్రికి, డీజీపీకి, శివమొగ్గ సూపరింటెండెంట్‌కి లేఖలు రాశారు.సోనియా గాంధీ ఒక ఎంపీగా నిధులు సక్రమంగా వినియోగించాలని సూచిస్తూ  ఆ ట్వీట్‌ చేశారని, కానీ బీజేపీ నేతలు దానిని తప్పుగా అర్ధం చేసుకొని కేసు నమోదు చేశారని శివ కుమార్‌ పేర్కొన్నారు. (నేపాల్‌ దూకుడుకు భారత్‌ గట్టి కౌంటర్‌)

సాక్షి, బొమ్మనహళ్లి: బెళగావి జిల్లాలోని రాయదుర్గ తాలూకాలోని నరసాపుర గ్రామానికి చెందిన శేఖవ్వ అనే మహిళకు రెండి కిడ్నీలు దెబ్బతినడంతో భర్త ఒక కిడ్నీ దానం చేయగా ఆమెకు అమర్చారు. జనవరిలో ఆపరేషన్‌ జరగ్గా, ఇంట్లో ఔషధాలు వాడుతూ విశ్రాంతి తీసుకుంటోంది. 20 రోజుల నుంచి లాక్‌డౌన్‌ వల్ల ఆమెకు కావాలసిన మందులు దొరకడం లేదు. ఫలితంగా రోజురోజుకూ నీరసించి ఆరోగ్యం విషమిస్తోంది. దీంతో  కూతురు పవిత్ర తన తల్లి బాధను వివరిస్తూ టిక్‌టాక్‌ వీడియో చేసింది. దీంతో సీఎం యడియూరప్ప సూచన మేరకు జిల్లా అధికారులు శనివారం ఆమె ఇంటికి వెళ్లి నెల రోజులకు సరిపడా మందులను అందజేశారు. ఏదైనా సమస్య ఉంటే తెలియజేయాలని సూచించారు. చదవండి: లాక్‌డౌన్‌: అయ్యా..బాబూ.. ఆదుకోండయ్యా! 

సాక్షి, బెంగళూరు: గంగమ్మ మృతి పట్ల కర్ణాటక ముఖ్యమంత్రి బీఎస్‌ యెడియూరప్ప సంతాపం ప్రకటించారు. ఆమె కుటుంబానికి అండగా నిలబడాలని అధి​కారులను ఆయన ఆదేశించారు. లాక్‌డౌన్‌ నేపథ్యంలో బెంగళూరు నుంచి సొంతూరికి కాలినడకన బయల్దేరి మార్గమధ్యలో గంగమ్మ (29) తనువు చాలించింది. 200 కిలోమీటర్లు పైగా నడిచి ఆకలిబాధతో కన్నుమూసింది. దేశవ్యాప్తంగా వలస కార్మికులు పడుతున్న కష్టాలకు ఈ విషాద ఘటన అద్దం పడుతోంది. ‍కరోనా వైరస్‌ నివారణ చర్యల్లో భాగంగా కేంద్ర ప్రభుత్వం 21 రోజుల లాక్‌డౌన్‌ ప్రకటించడంతో వలస కార్మికులు, రోజువారీ కూలీల బతుకులు దుర్భరంగా మారాయి.  గంగమ్మ మరణం దురదృష్టకరమని ముఖ్యమంత్రి బీఎస్‌ యెడియూరప్ప వ్యాఖ్యానించారు. ‘ఇది చాలా దురదృష్టకర, బాధాకరం. సింధనూరు గ్రామానికి చెందిన గంగమ్మ లాక్‌డౌన్‌ సందర్భంగా తన సొంతూరికి నడిచి వెళుతుండగా మార్గమధ్యలో చనిపోయింది. ఆమె అన్ని కుటుంబాన్ని అన్నివిధాల ఆదుకోవాలని అధికారులను ఆదేశిస్తున్నాను’ అని ఆయన ట్విటర్‌లో పేర్కొన్నారు. ప్రస్తుత విపత్కర పరిస్థితుల్లో వలస కార్మికులను ఆదుకునేందుకు చర్యలు చేపట్టామని.. ఆహారం, సరుకులు అవసరమైన వారి కోసం హెల్ప్‌లైన్‌ నంబరు పెట్టామని యెడియూరప్ప తెలిపారు. వలస కార్మికుల కోసం తాత్కాలిక షెల్టర్లు ఏర్పాటు చేశామన్నారు. ప్రజలు అందరూ ప్రభుత్వం సూచనలు పాటించాలని, ఎటువంటి అవసరం వచ్చినా హెల్స్‌డెస్క్‌లను సంప్రదించాలని సూచించారు. (విషాదం; కబళించిన ఆకలి)

సాక్షి, బెంగళూరు : రాజకీయ ప్రత్యర్థులు ముఖ్యమంత్రి బీఎస్‌ యడియూరప్ప, ప్రతిపక్ష నాయకుడు సిద్ధరామయ్యలు ఇప్పుడు పాలు–నీళ్లలా కలిసిపోయారు!  దీంతో అంతంతమాత్రం బలమున్న యడియూరప్ప ప్రభుత్వం సాఫీగా నడుస్తోందని తెలుస్తోంది. యడియూరప్ప పరిపాలనపై సిద్ధరామయ్య మెతక ధోరణితో స్పందిస్తుండడం, సిద్ధరామయ్య ఏదైనా డిమాండ్‌ చేయగానే యడియూరప్ప సానుకూలంగా వ్యవహరించడం గమనార్హం. ఇంత స్నేహానికి కారణాలేమిటని రాజకీయవర్గాల్లో చర్చ సాగుతోంది. ప్రస్తుత సీఎం యడియూరప్ప, మాజీ సీఎం సిద్ధరామయ్యలు 1983లో ఏకకాలంలో ఎమ్మెల్యేలుగా గెలిచి అడుగు పెట్టారు. ఇద్దరి మధ్య సిద్ధాంత వైరుధ్యం ఉన్నప్పటికీ ఎవరికి వారు ఆయా రాజకీయ పార్టీల్లో కొనసాగుతూ ప్రత్యర్థులుగా ముందుకు సాగుతున్నారు. ఒకరు అధికారంలో ఉంటే మరొకరు ప్రతిపక్షంలో ఉంటూ పరస్పరం రాజకీయ పోరాటం చేస్తున్నారు. ఇలాంటి తరుణంలో సఖ్యతగా ఉండడం రాజకీయ వర్గాల్లో ఆసక్తి గొలుపుతోంది. మరో మూడేళ్లు అధికారంలో కొనసాగాలంటే సిద్ధరామయ్య అండ ముఖ్యమని యడియూరప్ప కూడా భావిస్తున్నారు.    సంకీర్ణం కూల్చివేత నుంచి   ఇక 2018 అసెంబ్లీ ఎన్నికల తరువాత కాంగ్రెస్‌–జేడీఎస్‌ సర్కారు ఏర్పడి కుమారస్వామి సీఎం అయ్యారు. ఇది సిద్ధరామయ్యకు ఎంతమాత్రం నచ్చలేదు. తన సన్నిహితులకు సరైన ప్రాధాన్యం దక్కడం లేదని, సీఎం కుమారస్వామి ఏకపక్షంగా నడుచుకుంటున్నారని సిద్ధరామయ్య ఆగ్రహం వ్యక్తం చేస్తూ వచ్చారు. చివరకు సిద్ధరామయ్య శిష్యులే ఎక్కువమంది అసమ్మతి ఎమ్మెల్యేల శిబిరంలో చేరడం, సర్కారు కూలిపోవడం తెలిసిందే. అసమ్మతి ఎమ్మెల్యేల రాజీనామాల వెనుక సిద్ధరామయ్యే ఉన్నారన్న ఆరోణలు వినిపించాయి. దేవెగౌడ, కుమారస్వామిల కంటే యడియూరప్ప మేలు అని సిద్ధరామయ్య భావించినట్లు తెలుస్తోంది. ఇటీవల ఎమ్మెల్సీ ఎన్నికల్లో కూడా కాంగ్రెస్‌ నుంచి బలమైన అభ్యర్థిని నిలపకుండా బీజేపీకి సాయం చేశారనే విమర్శలున్నాయి.   (‘అమూల్యకు నక్సలైట్లతో సంబంధాలున్నాయి’) బాదామికి రూ. 600 కోట్లు   సిద్ధరామయ్య నియోజకవర్గం బాదామికి  సీఎం యడియూరప్ప ఏకంగా రూ. 600 కోట్లను విడుదల చేశారు. సిద్ధరామయ్య ఏమి అడిగినా యడియూరప్ప లేదనే మాట చెప్పడం లేదు. అసెంబ్లీ సమావేశాల్లోనూ సిద్ధరామయ్య మాట్లాడుతున్న సందర్భంలో అధికార పార్టీ ఎమ్మెల్యేలు పదే పదే అడ్డుపడుతున్న సందర్భంలో యడియూరప్ప మధ్యలో కలుగజేసుకుని ఎవరూ మాట్లాడొద్దని సముదాయించి వారిని సీట్లలో కూర్చొబెట్టడం కూడా కనిపించింది. (అధిష్టానానికి తలనొప్పిగా ఆ రాష్ట్ర వ్యవహారం) సీఎం బర్త్‌డేకి హాజరు   27న జరిగే యడియూరప్ప పుట్టినరోజు వేడుకలకు యడ్డి కుమారుడు విజయేంద్ర వెళ్లి సిద్ధరామయ్యను ఆహ్వానించారు. నివాసానికి వెళ్లి పుట్టిన రోజు వేడుకలకు రావాలని ఆహ్వానించడం కూడా వీరి మధ్య నెలకొన్న అన్యోన్య స్నేహానికి ప్రతీకగా ఉందని చర్చించుకుంటున్నారు. అనుకున్నట్లుగానే గురువారం రాత్రి జరిగిన యడియూరప్ప పుట్టినరోజు వేడుకలకు సిద్ధరామయ్య హాజరై పొగడ్తలతో ముంచెత్తారు. వీరిద్దరి స్నేహం మూడు ప్రధాన పార్టీల్లోనూ చర్చనీయాంశమైంది.   

బెంగుళూరు : పౌరసత్వ నిరసన కార్యక్రమంలో ’పాకిస్తాన్‌ జిందాబాద్‌’ నినాదాలు చేసిన అమూల్యకు నక్సలైట్లతో సంబంధాలు ఉన్నాయని కర్ణాటక ముఖ్యమంత్రి బీఎస్‌ యడియూరప్ప ఆరోపించారు. విచారణ అనంతరం యువతికి శిక్ష తప్పదని హెచ్చరించారు. అమూల్య వంటి యువతను తప్పుదోవ పట్టిస్తున్న వారికి కూడా కఠిన శిక్ష తప్పదని అన్నారు. ఆమె వెనుక ఎవరెవరున్నారో వెల్లడవుతుందని, తీవ్రవాదాన్ని పెంచి పోషించే సంస్థలకు తగిన బుద్ధి చెబుతామని అన్నారు. ఆయన బెంగుళూరులో మీడియాతో మాట్లాడుతూ.. ‘యువతి ప్రవర్తనపై ఆమె తండ్రే ఆగ్రహంగా ఉన్నాడు. ఆమెకు తగిన శిక్ష పడాలని, బెయిల్‌ కూడా రాకుండా చేయండని అన్నాడు. తనను రక్షించేందుకు ఎలాంటి ప్రయత్నం చేయనని చెప్తున్నాడు. ఆ యువతికి నక్సలైట్లతో సంబంధాలు ఉన్నాయనేందుకు స్పష్టమైన ఆధారాలు ఉన్నాయి’అని ముఖ్యమంత్రి పేర్కొన్నారు. ఇక బెంగుళూరు ఫ్రీడంపార్క్‌లో గురువారం జరిగిన పౌరసత్వ సవరణ చట్టం నిరసన కార్యక్రమంలో అమూల్య లియోన్‌ అనే యువతి ‘‘పాకిస్తాన్‌ జిందాబాద్‌’’ అంటూ నినాదాలు చేసిన సంగతి తెలిసిందే. దీంతో ఆమెపై దేశద్రోహం కేసు నమోదైంది. అమూల్యను 14 రోజుల పాటు జ్యుడిషియల్‌ కస్టడీకి తీసుకోవాల్సిందిగా న్యాయమూర్తి ఆదేశించారు. ఎంఐఎం అధినేత అసదుద్దీన్‌ ఒవైసీ సహా పలువురు ఈ ర్యాలీకి హాజరయ్యారు.

బెంగళూరు: ఉడాన్ నెట్‌వర్క్‌ సేవల విస్తరణలో భాగంగా హైదరాబాద్  టర్బో మేఘా ఎయిర్‌వేస్‌కు చెందిన ట్రూజెట్ కొత్తగా ఈశాన్య కర్ణాటకలోని బీదర్ నుంచి విమాన సేవలు ప్రారంభించింది. బీదర్ నుంచి కర్ణాటక రాజధాని బెంగళూరు మధ్య శుక్రవారం నుంచి ప్రతీ రోజు విమాన సేవలు అందుబాటులోకి వచ్చాయి. కర్ణాటక ముఖ్యమంత్రి బీఎస్‌ యడ్యూరప్ప ఇవాళ  బెంగళూరు విమానాశ్రయంలో ఈ సర్వీసు ప్రారంభించారు.  బెంగళూరులో ట్రూజెట్ సర్వీసు ప్రారంభించిన అనంతరం అదే విమానంలో ముఖ్యమంత్రితో పాటు పలువురు మంత్రులు, ప్రజాప్రతినిధులు బీదర్ వరకు ప్రయాణించారు. అనంతరం ముఖ్యమంత్రి మాట్లాడుతూ బెంగళూరు విమానాశ్రయం నుంచి బీదర్‌కు కేవలం గంటా 40 నిమిషాల్లోనే చేరుకున్నామని, సాధారణంగా బెంగళూరు నుంచి బస్సులో బీదర్‌కు చేరుకోవాలంటే 12 గంటల ప్రయాణం అవుతుందన్నారు. ట్రూజెట్ విమాన సర్వీసుల వల్ల ప్రయాణ దూరం భారం తగ్గిందని విమాన సర్వీసుల పట్ల సీఎం హర్షం వ్యక్తం చేశారు ఇక ట్రూజెట్ నెట్‌వర్క్‌లో బీదర్ 24వ స్టేషన్ కాబోతోంది. ప్రాంతీయ అనుసంధాన పథకం (ఆర్సీఎస్)- ఉడే దేశ్కా ఆమ్ నాగరిక్ (ఉడాన్), సామాన్య మానవులు కూడా విమానాల్లో ప్రయాణించాలన్న ప్రధానమంతి ప్రయత్నాల్లో భాగంగా ట్రూజెట్ విమానాల్లో 65 శాతానికి పైగా ప్రాంతీయ విమానాశ్రయాలకు అనుసంధానమై ఉన్నాయి. ఆర్సీఎస్ I, II, III కింద తనకు అప్పగించిన మార్గాల్లో పూర్తిగా కార్యకలాపాలు నిర్వహిస్తున్న ఏకైక సంస్థ ట్రూజెట్. ఈ సందర్భంగా టర్బో మేఘా ఎయిర్‌వేస్‌ ప్రైవేట్ లిమిటెడ్ డైరెక్టర్ ప్రదీప్ మాట్లాడుతూ ‘మా మొదటి ప్రయాణాన్ని జూలై 12, 2015న మొదలపెట్టిన నాటి  నుంచి మేము చాలా దూరం ప్రయాణించాం. భారత్‌లోని ప్రథమశ్రేణి నగరాల నుంచి సామాజిక-ఆర్థిక అభివృద్ధిని ఇతర ప్రాంతాలకు కూడా విస్తరించాలన్న జాతి ఆకాంక్షలను మేము నెరవేర్చుతున్నామని గొప్పగా చెప్పుకుంటున్నాం. ద్వితీయ, తృతీయ శ్రేణి నగరాలకు విమాన సేవలు అందించడం ద్వారా ఆ ప్రాంతాల్లో వ్యాపారానికి, పర్యటక అభివృద్ధికి మేము దోహదపడుతున్నాం. విమాన అనుసంధానం అన్నది ఆర్థిక వ్యవస్థకు అండగా నిలవడమే కాకుండా ఉపాధి కల్పనకు సహకరిస్తుంది’ అని అన్నారు. సీఈఓ కల్నల్ ఎల్‌ఎస్‌ఎన్‌ మూర్తి మాట్లాడుతూ, ప్రాంతీయ విమాన అనుసంధానంలో బలమైన శక్తిగా ట్రూజెట్ నిలుస్తుంది. నాలుగేళ్ల స్వల్ప వ్యవధిలో మా నెట్‌వర్క్‌ను 24స్టేషన్లకు విస్తరించగలిగాం. దేశంలో ఆర్థికశక్తులుగా ఎదుగుతున్న ప్రాంతాల్లో బలమైన ప్రాంతీయ విమానయాన సంస్థగా ఎదిగేందుకు సుస్థిర అభివృద్ధి వ్యూహాన్ని రూపొందించామన్నారు. కాగా బెంగళూరు-బీదర్‌ బెంగళూరు మధ్య కొత్త సర్వీసు ప్రారంభించిన సందర్భంగా ట్రూజెట్‌ నాలుగు రోజుల పాటు టికెట్ బేస్ ధరను రూ.699 గా అందిస్తోంది.

సాక్షి, బెంగళూరు/ న్యూఢిల్లీ: వివాదాస్పద పౌరసత్వ సవరణ చట్టానికి (సీఏఏ)కు వ్యతిరేకంగా దేశవ్యాప్తంగా మరోసారి ఆందోళనలు మిన్నంటాయి. ముఖ్యంగా న్యూఢిల్లీలోని జంతర్‌మంతర్‌ వద్ద పోలీసుల నిషేధాజ్ఞలను ఉల్లంఘించి పెద్ద సంఖ్యలో ఆందోళనకారులు గుమిగూడారు. సీఏఏకు వ్యతిరేకంగా నినాదాలు చేశారు. పోలీసులు విధించిన 144 సెక్షన్‌ను ధిక్కరించి మరీ ఎర్రకోట వద్ద ఆందోళనకారులు గుమిగూడారు. ఇక్కడ ఆందోళనలకు పలు రాజకీయ పార్టీలు మద్దతు పలికాయి. ఇక్కడ పెద్దసంఖ్యలో ఆందోళనకారుల్ని పోలీసులు అరెస్టు చేశారు. ఎర్రకోట వద్ద స్వరాజ్‌ అభియాన్‌ పార్టీ చీఫ్‌ యోగేంద్ర యాదవ్‌తోసహా పలువుర్ని గురువారం ఉదయమే పోలీసులు అదుపులోకి తీసుకున్నారు. ఈ విషయాన్ని యోగేంద్ర ట్విటర్‌లో తెలిపారు. వామపక్ష నేతలు డీ రాజా, సీతారాం ఏచూరి, నిలోత్పల్‌ బసు, బృందా కరత్‌లను కూడా పోలీసులను అరెస్టు చేశారు. ఇటు బెంగళూరులో సీఏఏకు వ్యతిరేకంగా ఆందోళనకు దిగిన ప్రముఖ చరిత్రకారుడు రామచంద్ర గుహాను పోలీసులు అరెస్టు చేశారు. శాంతియుతంగా నిరసన తెలుపుతున్న తనను పోలీసులు అరెస్టు చేయడంపై గుహా తీవ్ర అభ్యంతరం వ్యక్తం చేశారు. పోలీసుల తీరు అప్రజాస్వామికంగా ఉందన్నారు. అయితే, నిషేధాజ్ఞలను ఉల్లంఘించడంతోనే గుహాతోపాటు నిరసనకారుల్ని అరెస్టు చేశామని బెంగుళూరు సిటీ పోలీసులు తెలిపారు. మరోవైపు గుహా అరెస్టుపై కర్ణాటక ముఖ్యమంత్రి బీఎస్‌ యెడ్డియూరప్ప ఆశ్చర్యం వ్యక్తం చేశారు. గుహా అరెస్టు గురించి విలేకరులు ప్రస్తావించగా.. ‘ఎక్కడా? కారణం లేకుండా పోలీసులు చట్టాన్ని తమ చేతుల్లోకి తీసుకోకూడదు. నేను పోలీసులకు వెంటనే  ఆదేశాలు ఇస్తాను?’ అని యెడ్డియూరప్ప పేర్కొన్నారు. శాంతిభద్రతలకు విఘాతం కలిగించేవారిపై, గూండాలపై చర్యలు తీసుకోవాలి కానీ, సామాన్య ప్రజలపై చర్యలు తీసుకోకూడదని, అలాంటిది ఏదైనా జరిగితే అధికారులపై చర్యలు తీసుకుంటామని సీఎం అన్నారు.

సాక్షి,బెంగళూరు: కర్ణాటకలో ఇటీవల జరిగిన 15 అసెంబ్లీ ఉప ఎన్నికల ఫలితాల్లో భారతీయ జనతా పార్టీ హవా కొనసాగింది. ఊహించినట్లుగానే బీజేపీ దూసుకుపోయింది. 15 స్థానాల్లో ఉప ఎన్నికలు జరగగా, 12 సీట్లను కాషాయ పార్టీ కైవసం చేసుకుంది. ఇక కాంగ్రెస్‌ కేవలం 2 స్థానాలతో సరిపెట్టుకోవాల్సి వచ్చింది. దీంతో కర్ణాటక రాజకీయాల్లో ఏర్పడిన సంక్షోభం ఇక శాశ్వతంగా సమసిపోయినట్లే. అసెంబ్లీలో ప్రస్తుతం మైనార్టీ ప్రభుత్వాన్ని నెట్టుకొస్తున్న ముఖ్యమంత్రి యడియూరప్ప సర్కార్‌కు  ఉప ఎన్నికల ఫలితాలు మంచి జోష్‌ను నింపింది. యడ్డీ సర్కార్‌ మ్యాజిక్ ఫిగర్‌ కంటే ఆరు స్థానాల్లో విజయం సాధించింది. ప్రస్తుతం అసెంబ్లీలో బీజేపీకి 105 మంది సభ్యుల మద్దతు ఉండగా.. ఉప ఎన్నికల్లో 12  స్థానాల్లో గెలుపొందటంతో ఆ సంఖ్య 117కి చేరింది. దీంతో ఉత్కంఠ భరిత స్థితిలో ముఖ్యమంత్రి పీఠం చేజిక్కించుకున్న బీఎస్ యడియూరప్ప సేఫ్‌ జోన్‌లో ఉన్నారు. ప్రస్తుతం వెలువడుతున్న ఉప ఎన్నికల ఫలితాలు బీజేపీకి మరింత ఊరటను కలిగించాయి. కన్నడలో ఇక తమకు తిరుగులేదని బీజేపీ నేతలు ఇప్పటికే ప్రకటించారు. కన్నడ ప్రజలు సుస్థిర ప్రభుత్వాన్ని కోరుకుంటున్నారని, జేడీఎస్‌, కాంగ్రెస్‌ పార్టీలకు ఇక కాలం చెల్లినట్టే అని ఫలితాలపై సంతోషం వ్యక్తం చేస్తున్నారు. పలు ప్రాంతాల్లో బీజేపీ శ్రేణులు సంభరాలు కూడా ప్రారంభించారు. ఇక యడియూరప్ప సర్కార్‌ను మరోసారి కూల్చాలని కలలుకన్న జేడీఎస్‌, కాంగ్రెస్‌లకు ఉప ఎన్నికల్లో చేదు పలితాలే ఎదురయ్యాయి. ఇప్పటికే వరుస ఓటములతో ఢీలా పడ్డ కాంగ్రెస్‌కు ఉప ఎన్నికల ఫలితాలు మరింత నిరాశను మిగిల్చాయి. 15 అసెంబ్లీ స్థానాలకు ఈ నెల 5వ తేదీన పోలింగ్ జరిగిన సంగతి తెలిసిందే. 15 మంది కాంగ్రెస్, జేడీఎస్ సభ్యులపై స్పీకర్‌ అనర్హత వేటు వేయడంతో ఉప ఎన్నికలు అనివార్యం అయ్యాయి.

నాలుగు నెలల యడియూరప్ప ప్రభుత్వానికి మరో అగ్నిపరీక్ష. మైనారిటీలో ఉన్న ప్రభుత్వం మనుగడ సాగించాలా, వద్దా? అన్నదానిపై ఓటరు దేవుళ్లు నేడు తీర్పు ఇవ్వబోతున్నారు. బెంగళూరు, బెళగావి ప్రాంతాలతో సహా రాష్ట్రవ్యాప్తంగా ఉప ఎన్నికల జ్వరం ఆవహించింది. గెలుపోటములపై బెట్టింగ్‌లు తారస్థాయికి చేరాయి. సుమారు రెండువారాల నుంచి ప్రచారంలో నిమగ్నమైన అగ్రనేతలు 9వ తేదీ వరకు విశ్రాంతి తీసుకోవచ్చు. ఆ రోజున వెలువడే ఫలితాలు రాష్ట్ర రాజకీయాలను మార్చబోతున్నాయి. సాక్షి, బెంగళూరు: 15 అసెంబ్లీ నియోజకవర్గాల్లో మూడు పార్టీల భవితవ్యం ఇమిడి ఉంది. యడియూరప్ప సర్కారు మనుగడను తేల్చే ఉప ఎన్నికల పోలింగ్‌ గురువారం ఉదయం ప్రారంభమైంది. గురువారం ఉదయం 7 గంటల నుంచి సాయంత్రం 6 గంటల వరకు పోలింగ్‌ జరగనుంది. అన్ని ఏర్పాట్లు పూర్తయ్యాయి. ఎన్నికలు జరిగే నియోజకవర్గాల్లో పోలీసులు భారీ బందోబస్తు చేపట్టారు.   మినీ అసెంబ్లీ ఎన్నికలు    మినీ అసెంబ్లీ ఎన్నికలుగా పేరుపొందిన ఈ సమరంలో మూడు ప్రధాన రాజకీయ పారీ్టల నుంచి సీనియర్‌ నాయకులు పోటీలో ఉన్నారు. ఒకేసారి 15 అసెంబ్లీ స్థానాలకు ఉప ఎన్నికలు జరగడం కూడా రికార్డే. మొత్తం 165 మంది అభ్యర్థులు పోటీలో ఉండగా వారిలో 9 మంది మహిళలు ఉన్నారు. కాగా శివాజీనగర నుంచి అత్యధికంగా 19 మంది పోటీ చేస్తుండగా, కృష్ణరాజపేటె, యల్లాపుర నుంచి అత్యల్పంగా ఏడుగురు చొప్పున బరిలో ఉన్నారు. ఓటరు కార్డు లేదా ఆధార్, రేషన్, డ్రైవింగ్‌ లైసెన్సు, పాస్‌పోర్టు, పాన్‌ కార్డు, ఉపాధి హామీ జాబ్‌ కార్డు తదితర 11 రకాల కార్డుల్లో ఏదైనా తీసుకుని వెళ్లి ఓటు వేయవచ్చు. పోలింగ్‌ ప్రశాంతంగా జరిగేలా ఎన్నికల అధికారులు, పోలీసులు చర్యలు తీసుకోవాలని సీఎం యడియూరప్ప సూచించారు. బుధవారం ఉదయం ఆయన నివాసంలో సమీక్ష సమావేశం నిర్వహించారు. పోలింగ్‌ బాగానే జరుగుతుందని అన్ని పార్టీలు ఆశాభావంతో ఉన్నాయి.    నిర్భయంగా ఓటేయండి : సీఎం సూచన   సాక్షి బెంగళూరు: నేడు గురువారం జరిగే ఉప ఎన్నికల పోలింగ్‌లో ఓటర్లందరు నిర్భయంగా పాల్గొనాలని ముఖ్యమంత్రి బీఎస్‌ యడియూరప్ప సూచించారు. ప్రతి ఒక్కరు స్వచ్ఛందంగా తరలివచ్చి ఓటు వేయాలని తెలిపారు. వానాగాలీ, చలి ఉన్నా పోలింగ్‌ కేంద్రాలకు తరలివెళ్లాలని పిలుపునిచ్చారు. సుమారు 85 శాతం పోలింగ్‌ నమోదు దాటితే ప్రజాస్వామ్యానికి బలమని బుధవారం సాయంత్రం అన్నారు.   

సాక్షి, బెంగళూరు: కర్ణాటకలో 17 మంది కాంగ్రెస్‌–జేడీఎస్‌ రెబెల్‌ ఎమ్మెల్యేల అనర్హత కేసు మలుపు తిరిగింది. తమపై అనర్హత విధించడం సబబు కాదని ఎమ్మెల్యేలు వేసిన పిటిషన్‌ సుప్రీంకోర్టులో విచారణలో ఉండటం తెల్సిందే. ఈ నేపథ్యంలో తిరుగుబాటు ఎమ్మెల్యేలను తామే ముంబైకి పంపించామని సీఎం యడియూరప్ప చెబుతున్న ఆడియో, వీడియోలు ఇటీవల బయటకు వచ్చాయి. ఆ టేపులనూ సాక్ష్యాలుగా తీసుకుంటామని సుప్రీంకోర్టు సోమవారం ప్రకటించింది. దీనికి ముందు ఈ టేపులను తీర్పు సందర్భంగా పరిగణలోకి తీసుకోవాలని కాంగ్రెస్‌ పార్టీ వాదించింది. ఉద్దేశపూర్వకంగానే కాంగ్రెస్‌–జేడీఎస్‌ల ప్రభుత్వాన్ని కూల్చారని సుప్రీంకు  కాంగ్రెస్‌ కర్ణాటక విభాగం నివేదించింది.  

సాక్షి, బెంగళూరు: గతంలో కాంగ్రెస్‌– జేడీఎస్‌ సంకీర్ణ ప్రభుత్వంపై తిరుగుబాటు చేసి అనర్హత వేటుకు గురైన కాంగ్రెస్‌– జేడీఎస్‌కు చెందిన 17 మంది ఎమ్మెల్యేలతో తమకు ఎలాంటి సంబంధం లేదని కర్ణాటక ముఖ్యమంత్రి యడియూరప్ప అన్నారు. సొంత రాజకీయ భవిష్యత్తు కోసం ఎమ్మెల్యే పదవులకు రాజీనామాలు చేసి అనర్హత వేటుకు గురయ్యారన్నారు. అనర్హత ఎమ్మెల్యేలు బీజేపీ సర్కారు ఏర్పడడానికి కృషి చేశారని, ఉప ఎన్నికల్లో వారికే టికెట్లు ఇస్తామని యడియూరప్ప చెబుతున్న ఆడియో, వీడియోలు వైరల్‌ అయిన నేపథ్యంలో ఈ వ్యాఖ్యలు చేయడం గమనార్హం.  

సాక్షి, బెంగళూరు: కర్ణాటకలో కాంగ్రెస్‌–జేడీఎస్‌ ప్రభుత్వాన్ని కూల్చడంలో కీలకపాత్ర పోషించిన 17 మంది తిరుగుబాటు ఎమ్మెల్యేల విషయంలో ఆ రాష్ట్ర ముఖ్యమంత్రి యడియూరప్ప చేసిన వ్యాఖ్యలు సంచలనం అయ్యాయి. దీనికి సంబంధించి యడియూరప్ప మాట్లాడిన ఆడియో క్లిప్పింగులు సోషల్‌ మీడియాలో వైరల్‌గా మారాయి. జేడీఎస్‌ అధినేత, మాజీ సీఎం కుమారస్వామి ప్రభుత్వాన్ని పడగొట్టేందుకు 17 మంది ఎమ్మెల్యేలు రాజీనామా చేశారు. ఈ 17 మంది విశ్వాస పరీక్షకు హాజరుకాకుండా ముంబైలోని ఓ స్టార్‌ హోటల్‌కు తరలించడం సహా అన్ని ఏర్పాట్లను బీజేపీ అధ్యక్షుడు, హోంమంత్రి అమిత్‌షా పర్యవేక్షించారని యడియూరప్ప చేసిన వ్యాఖ్యలు వివాదమయ్యాయి. బీజేపీ కార్యకర్తలతో మాట్లాడుతూ ఆయన ఈ వ్యాఖ్యలు చేశారు. ‘ఆ 17 మంది ఎమ్మెల్యేలు తమ కుటుంబాలను వదిలి రెండు మూడు నెలల పాటు ముంబైలో ఉన్నారు. వారంతా మన ప్రభుత్వ ఏర్పాటుకు సహాయం చేశారు. నన్ను నమ్మి వారంతా తమ పదవులకు రాజీనామా చేశారు. వాళ్లకు అన్యాయం చేసి సీఎం అయ్యి నేరం చేశాననే భావన నాలో కలుగుతుంది. మీకు ఈ విషయాలన్నీ తెలియవు. మనం వాళ్లకి అండగా ఉండాలి’అని యడియూరప్ప వ్యాఖ్యానించారు. సుప్రీం కోర్టును ఆశ్రయిస్తా: కుమారస్వామి యడియూరప్ప వ్యాఖ్యలతో బీజేపీ నిజస్వరూపం బయటపడిందని కుమారస్వామి ఆరోపించారు. రెబల్‌ ఎమ్మెల్యేల విషయంలో యడియూరప్ప తనంతట తానే వాస్తవాలను బయటపెట్టారని అన్నారు. ఈ విషయంలో వీడియో క్లిప్పింగుల ఆధారంగా సుప్రీంకోర్టులో పిటిషన్‌ దాఖలు చేస్తానని శనివారం చెప్పారు.   

సాక్షి, బెంగళూరు: కర్ణాటక ముఖ్యమంత్రి బీఎస్‌ యడియూరప్ప సర్కార్‌ రెండు నెలల్లో పతనం కాకతప్పదని జేడీఎస్‌ మాజీ సీఎం కుమారస్వామి జోస్యం చెప్పారు. మంగళవారం ఆయన నగరంలో దాసరహళ్లిలో నిధుల కోతను వ్యతిరేకిస్తూ జేడీఎస్‌ నిర్వహించిన ఆందోళనలో పాల్గొని మాట్లాడారు. బీజేపీ ఎన్ని కుట్రలు చేసినా భయపడే ప్రసక్తే లేదన్నారు. తను అభివృద్ధి కోసం మాత్రమే తల వంచుతానన్నారు. ఇదీ ఇప్పటికి నిర్వహిస్తున్న ధర్నా మాత్రమేనని, ప్రభుత్వంలో మార్పు రాకుంటే వచ్చే రోజుల్లో విధానసౌధను కూడా ముట్టడిస్తామన్నారు. శికారిపురకు సీఎం బీఎస్‌ యడియూరప్ప రూ. 800 కోట్లను విడుదల చేశారు. అయితే తను ముఖ్యమంత్రిగా ఉన్నప్పుడు అన్ని నియోజకవర్గాలకు సమానంగా నిధులను విడుదల చేసినట్లు కుమార గుర్తు చేశారు. ఇది ఒక విధంగా సిగ్గులేని ప్రభుత్వామని ఎదురుదాడి చేశారు. వరదలతో రెండన్నర లక్షల మంది నిరాశ్రయులైతే వారికి సాయం అందించటంలో ప్రభుత్వం ఘోరంగా విఫలమైందన్నారు. ప్రధాని నరేంద్రమోదీ అమెరికాకు వెళ్లి ప్రసంగిస్తారు. వరద బాధితుల సమస్యలను మా త్రం పట్టించుకోవటంలేదని మండిపడ్డారు. ఫోన్‌ ట్యాపింగ్‌పై ఎవరితో విచారణ చేసినా భయపడేది లేదన్నారు. పార్టీ అధ్యక్షుడ హెచ్‌ కే కుమారస్వామి, ఎమ్మెల్యే ఆర్‌ మంజునాథ్‌తో పాటు పార్టీ నాయకులు పాల్గొన్నారు.

శివమొగ్గ : ఒకవైపు అనర్హత, మరోవైపు కోర్టులో విచారణతో తమ రాజకీయ భవితవ్యం ఏమవుతుందోనని మథనపడుతున్న అనర్హత ఎమ్మెల్యేలకు కర్ణాటక ముఖ్యమంత్రి యడియూరప్ప అభయమిచ్చారు. 15 అసెంబ్లీ నియోజకవర్గాల ఉపఎన్నికల్లో అనర్హత ఎమ్మెల్యేలకే టికెట్లు ఇస్తామని యడియూరప్ప తెలిపారు. సోమవారం జిల్లాలోని శికారిపుర పట్టణంలో నిర్వహించిన జనతాదర్శన్‌ కార్యక్రమంలో ప్రజల నుంచి సమస్యల అర్జీలు స్వీకరించిన అనంతరం మాట్లాడారు. ఇటీవల ఢిల్లీలో బీజేపీ జాతీయాధ్యక్షుడు అమిత్‌షాతో సమావేశమై ఉపఎన్నికల్లో అనర్హత ఎమ్మెల్యేలకు టికెట్లు ఇవ్వాలని విజ్ఞప్తి చేయగా అందుకు అంగీకరించారని చెప్పారు. అనర్హత ఎమ్మెల్యేలు తమ భవిష్యత్తు గురించి బెంగపెట్టుకోవాల్సిన అవసరం లేదని చెప్పారు. ప్రతి నియోజకవర్గంలోనూ ఇద్దరు ఇంచార్జ్‌లను నియమించి అనర్హత ఎమ్మెల్యేలను గెలిపించుకోవడానికి వ్యూహాలు కూడా సిద్ధం చేస్తున్నామన్నారు.   పార్టీ నిర్ణయానికి కట్టుబడాలి  అనర్హత ఎమ్మెల్యేలకు టికెట్లు ఇవ్వడానికి అధిష్టానం తీసుకున్న నిర్ణయానికి అంతా కట్టుబడి ఉండాలని ఉపఎన్నికల్లో అనర్హత ఎమ్మెల్యేలను గెలిపించడానికి సహకరించాలని సూచించారు. పారీ్టలోని కీలకనేతలకు సముచిత స్థానం కలి్ప స్తామని ఇదే విషయంపై తదుపరి మంత్రివర్గ సమావేశంలో చర్చిస్తామన్నారు. అదేవిధంగా గత ఎన్నికల్లో తక్కువ ఓట్ల తేడాతో ఓడిపోయిన నేతలకు నిగమ మండళి స్థానాలు కట్టబెడతామని హామీ ఇచ్చారు.   కాంగ్రెస్‌ గెలిస్తే కరెక్టా?   ఈవీఎంల ట్యాంపరింగ్‌ అవుతాయేమోనని మాజీ సీఎం సిద్ధరామయ్య అనుమానం వ్యక్తం చేయడాన్ని యడియూరప్ప తప్పుపట్టారు. కాంగ్రెస్‌ గెలిస్తే సరిగ్గా పనిచేసే ఈవీఎంలు బీజేపీ గెలిచినపుడు మాత్రం ఎలా ట్యాంపరింగ్‌ అవుతాయో సిద్దరామయ్యే చెప్పాలని కోరారు. అనర్హత ఎమ్మెల్యేల విషయంలో ఇక ఎవరిదారి వారిదే అని ఉమేశ్‌ కత్తి చేసిన వ్యాఖ్యలపై త్వరలోనే ఆయన భేటీ అయి చర్చిస్తానని చెప్పారు.   చకచకా శివమొగ్గ ఎయిర్‌పోర్టు   శివమొగ్గ నగర శివార్లలోని సోనగానహళ్లిలో నిలిచిపోయిన విమానాశ్రయ నిర్మాణ పనులను పునఃప్రారంభిస్తామంటూ సీఎం తెలిపారు. అతి త్వరలో విమానాశ్రయ పనులను పునఃప్రారంభించనున్నామని అందుకోసం రూ.45 కోట్ల నిధులు విడుదల చేశామన్నారు. పదినెలల్లో విమానాశ్రయ నిర్మాణం పూర్తి చేస్తామని విమానాశ్రయంతో పాటు జిల్లా యువతకు ఉపాధి కల్పించడానికి పరిశ్రమలు స్థాపనపై కూడా దృష్టి సారించామన్నారు.   

సాక్షి, బెంగళూరు: కర్ణాటక ముఖ్యమంత్రి బీఎస్‌ యడియూరప్ప దూకుడుకు అడ్డుకట్ట వేసేందుకు కేంద్ర ప్రభుత్వం తనదైన శైలిలో వ్యవహరిస్తోంది. యడ్డీకి బ్రేక్‌ చెప్పేందుకు ఇప్పటికే ముగ్గురు ఉప ముఖ్యమంత్రులను నియమించిన కేంద్ర నాయత్వం తాజాగా మరో కీలక నిర్ణయం తీసుకుంది. సీఎం సలహాదారుగా సంఘ్‌నేత గణేష్‌ కార్నిక్‌ను నియమించింది. మాజీ ఎమ్మెల్సీ, ఆర్‌ఎస్‌ఎస్‌ ప్రముఖునిగా పేరున్న గణేష్‌ కార్నిక్‌ త్వరలోనే ఈ బాధ్యతలను చేపట్టనున్నారు. త్వరలో జరిగే కేబినెట్‌ సమావేశంలో కార్నిక్‌ నియామకాన్ని ఆమోదించనున్నారు. కాగా ఈ పరిణామం యడియూరప్పను కొంత ఇబ్బంది పెట్టేదే అని రాజకీయ వర్గాల్లో చర్చజరుగుతోంది. యడ్డీపై నమ్మకం లేకనే ఇలా సంఘ్‌నేతని సీఎం సలహాదారుడిడి నియమించినట్లు తెలిసింది. కార్నిక్‌ అనుమతి లేకుండా యడియూరప్ప ఒక్క పేపర్‌పై  కూడా సంతకం చేయరాదని ఆదేశాలు జారీ అయినట్లు తెలుస్తోంది. కాగా యడ్డీ ఇటీవల ఓ సమావేశంలో మాట్లాడుతూ.. అమిత్‌ షా హిందీ వ్యాఖ్యలకు వ్యతిరేకంగా స్వరం వినిపించిన విషయం తెలిసిందే. అయితే దీనిలో దృష్టిలో ఉంచుకున్న కేంద్ర పెద్దలు యడియూరప్ప సొంతంగా ముఖ్య నిర్ణయాలు తీసుకోకుండా అరికట్టేందుకు ఈ జాగ్రత్త తీసుకుంటున్నట్లు పార్టీ వర్గాల సమాచారం.    ప్రతి ఫైలూ ఆయన చూశాకే   పార్టీ నాయకత్వం గణేష్‌ను సీఎం పేషీలోకి పంపడం ప్రత్యేకత చోటుచేసుకుంది. మంగళూరు ప్రాంతానికి చెందిన ఈయనను తేవడం వెనుక అనేక లెక్కాచారాలు ఉన్నట్లు తెలుస్తోంది. ప్రభుత్వంలో యడియూరప్ప సంతకం చేసే ప్రతి ఫైల్‌ గణేష్‌ కార్నిక్‌ పరిశీలించి ఆమోదం తెలిపిన తరువాతనే సీఎం వద్దకు వెళ్తుందని సమాచారం. ఆయనకు ప్రత్యేక అధికారాలతో పాటు అధికారుల బదిలీలు, నియామకాలు, కేఐఏడీబీ ద్వారా వ్యాపారవేత్తలకు భూములను ఇవ్వడం, డి నోటిఫికేషన్‌కు సంబంధించిన అంశాలను కార్నిక్‌ పరిలించాకే సీఎం సంతకం చేయాల్సి ఉంటుందని తెలుస్తోంది.

బెంగళూర్‌ : చారిత్రక ప్రాధాన్యత కలిగిన హైదరబాద్‌-కర్ణాటక ప్రాంతాన్ని ఇకపై కళ్యాణ-కర్ణాటకగా వ్యవహరిస్తామని కర్ణాటక ముఖ్యమంత్రి బీఎస్‌ యడియూరప్ప ప్రకటించారు. ఎంతో కాలంగా ప్రజలు కోరుతున్న మేరకు కళ్యాణ-కర్ణాటకగా ఈ ప్రాంతం పేరును మార్చుతున్నట్టు ఆయన వెల్లడించారు. కలబురిగిలో మంగళవారం సీఎం యడియూరప్ప మాట్లాడుతూ కళ్యాణ-కర్ణాటక ప్రాంత సమగ్రాబివృద్ధికి రాష్ట్ర ప్రభుత్వం ప్రత్యేక సచివాలయం ఏర్పాటు చేస్తుందని స్పష్టం చేశారు. గుల్బర్గ, బీదర్‌, రాయచూర్‌, యాదగిరి, బళ్లారి, కొప్పళ జిల్లాలతో కూడిన ఈ ప్రాంతాన్ని దశాబ్ధాలుగా హైదరాబాద్‌-కర్ణాటక ప్రాంతంగానే వ్యవహరిస్తున్నారు. ఈ ప్రాంతం గతంలో హైదరాబాద్‌ కేంద్రంగా నిజాం రాజ్యంలో అంతర్భాగంగా ఉండేది. సంస్ధానాల విలీనం అనంతరం భాషా ప్రయుక్త రాష్ట్రాల ఏర్పాటుతో కర్ణాటకలో కలిసినప్పటికీ ఆరు జిల్లాలతో కూడిన ఈ ప్రాంతాన్ని హైదరాబాద్‌-కర్ణాటకగానే వ్యవహరిస్తున్నారు. 

సాక్షి, బెంగళూరు:  ఒక దేశం ఒక భాష అంటూ కేంద్ర హోంమంత్రి, బీజేపీ జాతీయ కార్యదర్శి అమిత్‌ షా చేసిన వ్యాఖ్యలపై దేశ వ్యాప్తంగా తీవ్ర నిరసన వ్యక్తమవుతోంది. ముఖ్యంగా దక్షిణ భారతదేశంలో వ్యతిరేక స్వరాలు బలంగా వినిపిస్తున్నాయి. దీనిపై ఇప్పటికే డీఎంకే అధ్యక్షుడు స్టాలిన్‌తో పాటు ఎంపీ అసదుద్దీన్‌ ఒవైసీ కూడా ఆగ్రహం వ్యక్తం చేశారు. తాజాగా కర్ణాటక ముఖ్యమంత్రి బీఎస్‌ యడియూరప్ప.. అమిత్‌ షా హిందీ వ్యాఖ్యలపై తీవ్రంగా స్పందించారు. కేంద్ర నిర్ణయంతో ఏకీభవించేదిలేదని తేల్చిచెప్పారు. ‘దేశంలోని భాషలన్నీ సమానమే. దానిలో భాగంగానే కర్ణాటకకు కూడా కన్నడ చాలా ముఖ్యం. హిందీని అమలుచేయలన్న కేంద్ర నిర్ణయంతో ఏకీభవించేదిలేదు’ అంటూ యడియూరప్ప స్పష్టం చేశారు. తమపై హిందీని బలవంతంగా రుద్దాలని చూస్తే మరో ప్రతిఘటన ఎదుర్కొక తప్పదని మక్కళ్‌నిధీమయ్యం అధినేత కమల్‌హాసన్‌ కేంద్ర ప్రభుత్వాన్ని ఇదివరకే హెచ్చరించారు. కాగా హిందీ దివస్‌ సందర్భంగా అమిత్‌ షా ప్రసంగిస్తూ.. భారత్‌లో అత్యధికులు మాట్లాడే హిందీ భాష దేశాన్ని ఐక్యమత్యంగా ఉంచడానికి తోడ్పడుతుందని పేర్కొన్న విషయం తెలిసిందే. షా వ్యాఖ్యలపై పలు రాష్ట్రాలు తీవ్ర వ్యతిరేకత వ్యక్తం చేస్తున్నాయి. All official languages in our country are equal. However, as far as Karnataka is concerned, #Kannada is the principal language. We will never compromise its importance and are committed to promote Kannada and our state's culture. — CM of Karnataka (@CMofKarnataka) September 16, 2019

యశవంతపుర: ఈ నెల ఒకటో తేదీ నుంచి కేంద్ర ప్రభుత్వం అమల్లోకి తెచ్చిన నూతన మోటారు వాహన చట్టంతో వాహనదారులపై భారీ జరిమానాలు పడుతున్నాయి. రవాణా అధికారులు, ట్రాఫిక్‌ పోలీసులు రూ.5 వేల నుంచి రూ.50 వేల వరకు చలానాలు రాస్తున్నారు.  దీనిపై ప్రజలలో వ్యతిరేకత వ్యక్తం కావటంతో గుజరాత్‌ మాదిరిగా కన్నడనాట కూడా చలాన్లను సగానికి తగ్గించాలని రాష్ట్ర ప్రభుత్వం నిర్ణయించింది. సీఎం బీఎస్‌ యడియూరప్ప బుధవారం ఈ విషయమై రవాణాశాఖ అధికారులకు సూచనలు చేశారు. తగ్గింపునకు సంబంధించి అధికారులతో చర్చించి సీఎం చేసిన ఆదేశాలను గట్టిగా పరిశీలిస్తున్నట్లు డీసీఎం, రవాణా శాఖమంత్రి లక్ష్మణ సవది తెలిపారు. ఇప్పటికే గుజరాత్‌లో మోటారు వాహన చట్టంలో మార్పులు తెచ్చి జరిమానాలను సగం వరకూ తగ్గించారు. దీంతో వాహనదారులకు కొంతైనా ఊరట దక్కింది. రాష్ట్రంలో కూడా చలాన్ల బాదుడుపై అంతటా ఆందోళన వ్యక్తమవుతోంది. దీనిని దృష్టిలో ఉంచుకొని రాష్ట్ర ప్రభుత్వం గుజరాత్‌ మాదిరిగా వ్యవహరించాలని సంకల్పించింది.  గుజరాత్‌ తరహాలో ట్రాఫిక్‌ చలాన్లు తగ్గిస్తామని సీఎం బీఎస్‌ యడ్యూరప్ప మీడియాతో పేర్కొన్నారు.  2 రోజుల్లో నివేదిక   ఇతర రాష్ట్రాలలో విధిస్తున్న జరిమానాల విధానాన్ని కర్ణాటక అధికారులు అధ్యయనం చేశారు. రెండు రోజుల్లో సంపూర్ణ నివేదికను సీఎంకు అందజేయనున్నారు. ఆ తరువాత జరిమానాలను తగ్గించాలని రాష్ట్ర ప్రభుత్వం యోచిస్తోంది. జరిమానాల విధానంపై అధికారులకు తగిన ఆదేశాలు ఇచ్చినట్లు డీసీఎం లక్ష్మణ సవది తెలిపారు. బెంగళూరులో కొత్త ట్రాఫిక్‌ జరిమానాలపై ఆవేదన వ్యక్తమవుతోంది. గుజరాత్‌లో హెల్మెట్‌ ధరించకుంటే రూ. వెయ్యికి బదులు రూ.500, సీట్‌ బెల్ట్‌ పెట్టుకోకుంటే రూ.500 జరిమానాగా వసూలు చేస్తున్నారు. త్రిబుల్‌ రైడ్‌కు కేంద్రం వేయి రూపాయిల జరిమానాను విధించగా గుజరాత్‌ ప్రభుత్వం నూరు రూపాయలను వసూలు చేస్తోంది.ఇదే విధానాన్ని కర్ణాటకలోనూ అమలు చేయాలని సీఎం యడియూరప్ప నిర్ణయించారు. గుజరాత్‌లో మొదటి  సారి సగమే విధించినా రెండోసారి అవే ఉల్లంఘనలకు పాల్పడితే కేంద్రం విధించిన జరిమానాలను వసూలు చేస్తున్నారని కర్ణాటక అధికారుల బృందం చేసిన సర్వేలో తెలింది. ఎలాంటి విధానం అవలంబించాలన్న దానిపై పూర్తి నివేదిక వచ్చాక చర్చించి  వారం నుండి తగ్గింపు జరిమానాలను అమలు చేసే అవకాశం ఉంది.   జరిమానాల వసూలుపై సీఎం ఆరా  రాష్ట్రంలో ఇప్పటివరకు వసూలైన కొత్త జరిమానాల వివరాలను సీఎం యడియూరప్ప అధికారులను అడిగి తెలుసుకున్నారు.  10 రోజుల్లో కోటి రూపాయిల వరకు జరిమానాలు వసూలు చేసిన్నట్లు అధికారులు సీఎంకు వివరించారు. ట్రాఫిక్‌ నియమాలను ఉల్లంఘిస్తే ఐదు వందలకు మించి వసూలు చేస్తే ప్రజలపై భారం పడటంతో పాటు ప్రభుత్వంపై వ్యతిరేకత పెరుగుతుందని అధికారులు వివరించినట్లు తెలిసింది.    చదవండి: ట్రాఫిక్‌ జరిమానాలు సగానికి తగ్గించారు

సాక్షి, బెంగళూరు: కర్ణాటకలో దుమారం రేపిన ఫోన్‌ ట్యాపింగ్‌ అంశంపై సీబీఐ విచారణ ప్రారంభించింది. ఈ మేరకు ఎఫ్‌ఐఆర్‌ నమోదు చేశామని అధికారులు తెలిపారు. మాజీ సీఎం హెచ్‌డీ కుమారస్వామి ప్రభుత్వం తమ ఫోన్లను ట్యాప్‌ చేసిందంటూ పలువులు రెబెల్‌ ఎమ్మెల్యేలు ఆరోపించిన సంగతి తెలిసిందే. సంకీర్ణ ప్రభుత్వం కూలి బీజేపీ ప్రభుత్వం ఏర్పడిన తర్వాత  కర్ణాటకలోని 300 మందికి పైగా నేతల ఫోన్లు ట్యాప్‌ అయ్యాయని ఎమ్మెల్యేలు ఆరోపించడంతో యడియూరప్ప ప్రభుత్వం దీనిపై సీబీఐ విచారణ కోరింది. ఇలా ఉండగా, కర్ణాటక కాంగ్రెస్‌ సీనియర్‌ నేత డీకే శివకుమార్‌ను ఈడీ సుదీర్ఘంగా విచారిస్తోంది.  రెండోరోజు రాత్రి 8.30 గంటల తర్వాత కూడా విచారించారు.   

సాక్షి, బెంగళూరు: అధికార బీజేపీలో కొత్తగా మంత్రి పదవుల సెగ అలముకొంటోంది. మంత్రివర్గంలో చోటు దక్కని వారు కొందరు బహిరంగంగా ఆగ్రహం వెళ్లగక్కుతున్నారు. మంత్రి పదవి వరించినవారు మంచి శాఖ కావాలని ప్రయత్నాలు సాగిస్తుండగా, అసలు పదవే లేనివారు కినుక వహించారు. అసంతృప్తిని చల్లార్చేందుకు ముఖ్యమంత్రి బీఎస్‌ యడియూరప్ప అధిష్టానం సహాయం కోరారు. రెండో విడతలో మంత్రి పదవి ఇస్తే సరి, లేని పక్షంలో ఎమ్మెల్యేల పదవులకు రాజీనామా చేయడానికి సిద్ధహని పలువురు ఎమ్మెల్యేలు సంకేతాలిస్తున్నారు. లోక్‌సభ ఎన్నికల్లో కూడా తన సోదరుడు రమేశ్‌ కత్తికి టికెట్‌ ఇవ్వలేదని, తాజాగా మంత్రివర్గంలో తనకు చోటు ఇవ్వలేదని సీనియర్‌ ఎమ్మెల్యే ఉమేశ్‌కత్తి ఆవేదన వ్యక్తం చేస్తున్నారు. అథణి నుంచి పోటీ చేసి ఓడిపోయిన లక్ష్మణ సవదికి మంత్రి పదవి ఎలా కట్టబెడతారని ప్రశ్నించారు. క్రమశిక్షణ చర్యలు తప్పవు  మంత్రి పదవులు రాలేదని కొందరు ఎమ్మెల్యేలు అసంతృప్తితో ఉన్నారు, బెదిరింపులకూ దిగుతున్నారని పార్టీ నాయకత్వానికి సీఎం యడియూరప్ప ఫిర్యాదు చేశారు. దీంతో సీఎంతో బీజేపీ కార్యాధ్యక్షుడు జేపీ నడ్డా ఫోన్‌లో మాట్లాడారు. ఎమ్మెల్యేలు బెదిరింపులకు దిగకుండా చూసుకోవాలని,  క్రమశిక్షణను పాటించాలని, లేనిపక్షంలో చర్యలు తీసుకుంటామని హెచ్చరించారు. ఇప్పటి నుంచి తిరుగుబాటు చేస్తే భవిష్యత్తులో ప్రభుత్వానికి ప్రమాదం ఉంటుందని చెప్పారు.    రెండు డజన్ల ఆశావహులు   ఈ తరుణంలో రెండోవిడత విస్తరణ ముఖ్యమంత్రి బీఎస్‌ యడియూరప్పకు పెద్ద సవాల్‌గా మారింది. బీజేపీ నుంచి మొత్తం 105 మంది ఎమ్మెల్యేలు ఉన్నారు. కాగా ప్రస్తుతం 20 మంది పైగా ఆశావహులు ఉన్నారు. దీనికి తోడు కాంగ్రెస్‌ –జేడీఎస్‌ నుంచి అనర్హతకు గురైన 17 మంది ఎమ్మెల్యేలు కూడా మంత్రి పదవిపై ఆశలు పెంచుకొన్నారు. బీజేపీ సీనియర్లు ఉమేశ్‌ కత్తి, యత్నాళ్, తిప్పారెడ్డి, గూళిహట్టి శేఖర్, కేజీæ బోపయ్య, అప్ప చ్చు రంజన్, పూర్ణిమ, మురుగేశ్‌ నిరాణి, శివన గౌడ నాయక్, అభయపాటిల్, దత్తాత్రేయ పాటి ల్, అంగార, బాలచంద్ర జార్కిహోళి, రేణుకాచా ర్య, హాలాడి శ్రీనివాసశెట్టి, విశ్వనాథ్‌ తదితరులు పదవులు దక్కక గుర్రుగా ఉన్నట్లు సమాచారం.   

సాక్షి, బెంగళూరు: గత నెల 26వ తేదీన కర్ణాటక ముఖ్యమంత్రిగా ప్రమాణం చేసిన ముఖ్యమంత్రి యడియూరప్ప ఎట్టకేలకు మంగళవారం కేబినెట్‌ను ఏర్పాటు చేశారు. సుమారు నెల రోజులపాటు సాగిన తిరుగుబాటు పర్వం తరువాత కాంగ్రెస్‌– జేడీఎస్‌ సంకీర్ణ సర్కారును సాగనంపి బీజేపీ ప్రభుత్వం గద్దెనెక్కడం తెలిసిందే. అనేక కసరత్తుల అనంతరం 17 మంది సభ్యులతో కూడిన మంత్రివర్గం మంగళవారం ఏర్పాటయింది. బెంగళూరులోని రాజ్‌భవన్‌లో గవర్నర్‌ వజుభాయివాలా వారితో ప్రమాణ స్వీకారం చేయించారు. 16 మంది బీజేపీ ఎమ్మెల్యేలు, ఎమ్మెల్సీలు కాగా, ఒక స్వతంత్ర ఎమ్మెల్యే ఉన్నారు. నాటి ముఖ్యమంత్రి, నేటి మంత్రి   బీజేపీ విజయంలో కీలక పాత్ర పోషించిన వీరశైవ–లింగాయత్, ఒక్కలిగ, బ్రాహ్మణ, ఎస్సీ, ఎస్టీ వర్గాలకు ఎక్కువ పదవులు దక్కాయి. 2008లో కర్ణాటక సీఎంగా పనిచేసిన జగదీశ్‌ శెట్టర్‌ ఈసారి మంత్రిగా ప్రమాణం చేశారు. రాష్ట్ర చరిత్రలో ఒక మాజీ ముఖ్యమంత్రి మళ్లీ కేబినెట్‌లో మంత్రిగా బాధ్యతలు చేపట్టడం ఇదే తొలిసారి. మాజీ డిప్యూటీ సీఎంలు కేఎస్‌ ఈశ్వరప్ప, ఆర్‌.అశోక కేబినెట్‌లో ఉన్నారు. మరో 16 మంత్రి పదవులు ఖాళీగా ఉండగా 17 జిల్లాలకు కేబినెట్‌లో ప్రాతినిధ్యం దక్కలేదు.

సాక్షి, బెంగళూరు: ప్రతిపక్షాల విమర్శలకు తెరదించుతూ కర్ణాటక ముఖ్యమంత్రి బీఎస్ యడియూరప్ప ఎట్టకేలకు మంత్రివర్గాన్ని ఏర్పాటు చేశారు. తన క్యాబినేట్‌లో మొత్తం 17 మందికి అవకాశం కల్పించారు. వీరంతా మంగళవారం గవర్నర్ వాజూభాయ్ వాలా సమక్షంలో ప్రమాణ స్వీకారం చేశారు. బీజేపీ ప్రభుత్వం ఏర్పడి నెలరోజులు కావస్తున్నా ఇంతవరకు మంత్రివర్గం ఏర్పాటు కాలేదనే విమర్శలు వినిపించిన విషయం తెలిసిందే. ఈ నేపథ్యంలో అనేక కసరత్తుల తరువాత మంత్రివర్గం ఏర్పాటు చేస్తానని సోమవారం సీఎం యడియూరప్ప ప్రకటించిన విషయం తెలిసిందే.  దీనికి కేంద్రం నుంచి కూడా గ్రీన్‌ సిగ్నల్‌ రావడంతో మంత్రివర్గాన్ని ఏర్పాటు చేశారు. వీరే మంత్రులు.. సోమన్న రవి, బసవరాజు, నివాస్‌ పుజారి, మధుస్వామి, చిన్నప్పగౌడ, నగేష్‌, ప్రభు చవాన్‌, శశికళ, అన్నాసాహెబ్‌, గోవింద్‌, అశ్వస్థ నారాయణ్‌, ఈశ్వరప్ప, అశోక్‌, జగదీష్‌ షెట్టర్‌, శ్రీ రాములు, సురేష్‌ కుమార్‌, చంద్రకాంత్‌ మంత్రులుగా ప్రమాణ స్వీకారం చేశారు.  

సాక్షి, బెంగళూరు: కర్ణాటక కేబినెట్ విస్తరణకు ముహూర్తం ఖరారైంది. ఈ నెల 20న తన మంత్రివర్గాన్ని విస్తరించనున్నారు సీఎం యడియూరప్ప. బీజేపీ చీఫ్‌ అమిత్‌ షా ఆమోదముద్రతో.. ఆగస్ట్ 20వ తేదీ మధ్యాహ్నం కేబినెట్‌ విస్తరణ చేపట్టనున్నట్టు ముఖ్యమంత్రి ప్రకటించారు. కర్ణాటక అసెంబ్లీలో సభ్యుల సంఖ్య ఆధారంగా మొత్తం 34 మందిని మంత్రులుగా నియమించేందుకు వీలుంది. అయితే యెడ్డీ తన తొలి కేబినెట్‌లో 13మంది మంత్రులను మాత్రమే తీసుకునే అవకాశముందని బీజేపీ వర్గాలు తెలిపాయి. మిగతా ఖాళీలను త్వరలోనే భర్తీ చేస్తామని వెల్లడించాయి. కర్ణాటక ముఖ్యమంత్రిగా జూలై 26న ప్రమాణస్వీకారం చేశారు బీఎస్‌ యడియూరప్ప. భారీ వర్షాలు, వరదలు రాష్ట్రాన్ని అతలాకుతలం చేసిన నేపథ్యంలో కేబినెట్ విస్తరణ ఆలస్యమైంది.

సాక్షి, బెంగళూరు: కొత్త ప్రభుత్వం ఏర్పాటై 20 రోజులు దాటినా మంత్రివర్గం జాడలేదని విమర్శలు వ్యక్తమవుతున్న నేపథ్యంలో సీఎం యడియూరప్ప వచ్చే సోమవారం 18 – 20 మంది తో మంత్రిమండలి ఏర్పాటుకు సిద్ధమైనట్లు సమాచారం. ఆయన శనివారం ఢిల్లీ యాత్రలో పార్టీ చీఫ్, కేంద్ర హోంమంత్రి అమిత్‌షాతో సమావేశమై మంత్రివర్గం ఏర్పాటు గురించి చర్చించనున్నారు. అన్ని వర్గాలకూ పెద్దపీట వేసేలా లింగాయత్‌ 5, ఒక్కళిగ 4, ఎస్సీ 3, ఎస్టీ 3, కురుబ, బ్రాహ్మణ, బిల్లవ కులాలకు ఒక్కొక్కటి చొప్పున మంత్రిపదవులు దక్కే అవకాశం కనిపిస్తోంది.   బలమైన నేతలకే చాన్స్‌   మంత్రివర్గంలో ఎవరికి చోటు ఇవ్వాలనే దానిపై ఢిల్లీ నుంచి డైరెక్షన్‌ చేస్తున్నట్లు స్పష్టం అవుతోంది. వారి ఆదేశాల మేరకు యడియూరప్ప తరచూ జాబితా సవరించి తీసుకెళ్తున్నారు. శని, ఆదివారాల్లో జాబితాను ఖరారు చేసే అవకాశముంది. ప్రతిపక్షంలో కుమారస్వామి, సిద్ధరామయ్య, డీకే శివకుమార్‌ వంటి సీనియర్‌ నేతలు ఉన్నందున వారిని ఢీకొనగలిగే నాయకుకే కేబినెట్‌లో చోటు దక్కుతుందని సమాచారం. తొలి విడతలో 20 మందికి పోస్టు లు కల్పించినా, ఇంకా 13 ఖాళీగా ఉంటాయి. అనర్హత ఎమ్మెల్యేలకు అవకాశం కోసం వాటిని కేటాయిస్తారని ప్రచారం జరుగుతోంది.  తొలివిడతలో వీరికేనా?   గోవింద కారజోళ, కేఎస్‌ ఈశ్వరప్ప, ఆర్‌.అశోక్, జగదీశ్‌ శెట్టర్, వి.సోమణ్ణ, జేసీ మాధుస్వామి, బి.శ్రీరాములు, ఉమేశ్‌ కత్తి, డాక్టర్‌ అశ్వర్థనారా యణ్, శశికళా జొల్లె, రేణుకాచార్య, సీటీ రవి, బాలచంద్ర జార్కిహోళి, శివనేగౌడనాయక్, అంగార, బోపయ్య, కోటా శ్రీనివాసపూజారి, జి.కరుణాకర్‌రెడ్డి తదితరులకు తొలివిడతలో మంత్రులుగా అవకాశం ఇస్తారని సమాచారం.     

సాక్షి, బెంగళూరు: కర్ణాటక నూతన ప్రభుత్వంలో విధానసభ స్పీకర్‌గా బీజేపీ ఎమ్మెల్యే, మాజీ మంత్రి విశ్వేశ్వర హెగ్డే కాగేరి ఏకగ్రీవంగా ఎన్నికయ్యారు. ఈ స్థానానికి బుధవారం జరగనున్న ఎన్నికలకు మంగళవారం మధ్యాహ్నం 12 గంటల వరకు నామినేషన్లకు గడువు ఉండగా కాగేరి ఒక్కరే నామినేషన్‌ సమర్పించిన విషయం తెలిసిందే. కాంగ్రెస్, జేడీఎస్‌ల నుంచి ఒక్కరూ కూడా నామినేషన్‌ వేయలేదు. దీంతో విశ్వేశ్వర హెగ్డే ఏకగ్రీవంగా ఎన్నికయ్యారు. విశ్వాస పరీక్షలో యడియూరప్ప ప్రభుత్వం విజయం సాధించడంతో కేఆర్‌ రమేష్‌ కుమార్‌ స్పీకర్‌ పదవికి రాజీనామా చేసిన విషయం తెలిసిందే. దీంతో ఆయన స్థానంలో విశ్వేశ్వర్‌ను నూతన సభాపతిగా ఎన్నుకున్నారు.  ఈ సందర్భంగా ఆయన సీఎంతో సహా బీజేపీ నేతలు శుభాకాంక్షలు తెలిపారు. అంకోలా నుంచి రాజకీయ ప్రస్థానం   1961 జులై 10న జన్మించిన కాగేరి, న్యాయశాస్త్రంలో పట్టా పొందారు. 1994 నుంచి ఉత్తర కన్నడ జిల్లా అంకోలా అసెంబ్లీ నియోజకవర్గం నుంచి కాగేరి వరుసగా మూడుసార్లు ఎమ్మెల్యేగా గెలుపొందారు. పునర్విభజన కారణంతో 2008లో సిర్సి–సిద్ధాపుర నియోజకవర్గం నుంచి తొలిసారిగా, ఆ తరువాత 2013, 2018లో అక్కడి నుంచే ఎన్నికయ్యారు. 2008లో యడియూరప్ప మంత్రిమండలిలో ప్రాథమికోన్నత విద్యాశాఖ మంత్రిగా పనిచేశారు. ఆర్‌ఎస్‌ఎస్‌ నేపథ్యం నుంచి వచ్చిన కాగేరి 6 సార్లు ఎమ్మెల్యేగా ఎన్నికయ్యారు.  అయితే గతంలో స్పీకర్‌గా పనిచేసిన కే.జీ.బోపయ్యను సోమవారం వరకు అనుకున్నారు. అయితే హఠాత్తుగా మంగళవారం ఉదయం బోపయ్యకు బదులుగా కాగేరిని ఎంపిక చేశారు. పార్టీ అధినేత అమిత్‌ షా సూచనల ప్రకారమే ఈ మార్పు జరిగిందని బీజేపీ వర్గాలు తెలిపాయి.   

సాక్షి, బెంగళూరు: కర్ణాటక అసెంబ్లీ స్పీకర్‌ కే.ఆర్‌.రమేశ్‌ కుమార్‌ తన పదవికి రాజీనామా చేశారు. గతకొంత కాలంగా రాష్ట్రంలో సాగుతోన్న రాజకీయ సంక్షోభానికి తీవ్ర అసంతృప్తి వ్యక్తం చేసిన స్పీకర్‌ సోమవారం తన పదవి నుంచి తప్పుకున్నారు. అసెంబ్లీలో యుడియూరప్ప విశ్వాస పరీక్షలో విజయం సాధించిన విషయం తెలిసిందే. అనంతరం సభలో ప్రవేశపెట్టిన ఆర్థిక బిల్లుకు ఆమోదం లభించిన వెంటనే ఆయన పదవికి రాజీనామా చేస్తున్నట్లు ప్రకటించారు. సభలోనే ఆయన రాజీనామా లేఖను సభ్యులందరికీ చదవి వినిపించారు. కాగా స్పీకర్‌ రాజీనామాకు ఒక్కరోజు ముందు (ఆదివారం) 14 మంది సభ్యులపై అనర్హత వేటు వేస్తూ.. సంచలన నిర్ణయం తీసుకున్న విషయం తెలిసిందే. ప్రభుత్వానికి వ్యతిరేకంగా పనిచేసి.. సభా నియమాలను ఉల్లంఘించినందుకు వారిపై వేటు వేస్తున్నట్లు స్పీకర్‌ ప్రకటించారు. కాగా కర్ణాటక ముఖ్యమంత్రిగా బీఎస్‌ యడియూరప్ప ప్రమాణస్వీకారం చేసి అనంతరం.. స్పీకర్‌ను దింపేందుకు ప్రయత్నించిన విషయం తెలిసిందే. అసెంబ్లీ స్పీకర్‌ కే.ఆర్‌.రమేశ్‌ కుమార్‌ వెంటనే బాధ్యతల నుంచి తప్పుకోవాలని సందేశాన్ని పంపింది. స్వచ్ఛందంగా తప్పుకోకుంటే అవిశ్వాస తీర్మానం ప్రవేశపెట్టి బలవంతంగా సాగనంపాల్సి ఉంటుందని కూడా హెచ్చరించింది. ఈ నేపథ్యంలో సోమవారం సభలో జరిగిన విశ్వాస పరీక్షలో యడియూరప్ప సర్కార్‌ విజయం సాధించడంతో ఆయన పదవికి రాజీనామా చేశారు. దీంతో ఆయన స్థానంలో బీజేపీ నూతన స్పీకర్‌ను ఎన్నుకోనుంది.

సాక్షి, బెంగళూరు/పుణే : కర్ణాటకలో రెబెల్‌ ఎమ్మెల్యేలకు అసెంబ్లీ స్పీకర్‌ రమేశ్‌ కుమార్‌ ఆదివారం షాక్‌ ఇచ్చారు. కాంగ్రెస్‌ పార్టీకి చెందిన 11 మంది, జేడీఎస్‌కు చెందిన ముగ్గురు రెబెల్‌ ఎమ్మెల్యేలపై అనర్హత వేటు వేశారు. వీరంతా కర్ణాటక అసెంబ్లీ కాలపరిమితి ముగిసేవరకూ(2023) ఎన్నికల్లో పోటీకి అనర్హులని స్పష్టం చేశారు. తాజా నిర్ణయంతో అనర్హత వేటుపడ్డ ఎమ్మెల్యేల సంఖ్య 17కు చేరుకుంది. ఈ నెల 25న ముగ్గురు కాంగ్రెస్‌ ఎమ్మెల్యేలను స్పీకర్‌  అనర్హులుగా ప్రకటించారు. రమేశ్‌ కుమార్‌ నిర్ణయంతో యడియూరప్ప ప్రభుత్వం సోమవారం విశ్వాసపరీక్షను సులభంగా గట్టెక్కేందుకు అవకాశమేర్పడింది. కాగా, స్పీకర్‌ నిర్ణయాన్ని కాంగ్రెస్, జేడీఎస్‌ స్వాగతించగా, ఓ పార్టీ నుంచి వచ్చిన ఒత్తిడి కారణంగానే రమేశ్‌ రెబెల్స్‌పై  వేటేశారని బీజేపీ విమర్శించింది.  నోటీసులిచ్చినా స్పందించలేదు..  చట్టాన్ని అనుసరించి, మనస్సాక్షి ఆధారంగా తిరుగుబాటు ఎమ్మెల్యేలపై అనర్హతవేటు వేసినట్లు స్పీకర్‌ రమేశ్‌ కుమార్‌ తెలిపారు. ఆదివారం బెంగళూరులో మీడియాతో మాట్లాడుతూ..‘ప్రస్తుత రాజకీయ సంక్షోభం నన్ను తీవ్రమైన డిప్రెషన్‌లోకి నెట్టేసింది. ఇది నా రాజకీయ జీవితంలో చివరిదశ కావొచ్చు. ఎమ్మెల్యేల అనర్హత విషయంలో నాపై వచ్చిన విమర్శలు నూటికి నూరుశాతం బాధించాయి. రెబెల్‌ ఎమ్మెల్యేలు విప్‌ ఉల్లంఘించినట్లు కాంగ్రెస్, జేడీఎస్‌ పార్టీలు ఫిర్యాదు చేశాయి. దీంతో మూడు రోజుల్లోగా నా ముందు హాజరై వివరణ ఇవ్వాలని నోటీసులు జారీచేశాను. వారు స్పందించకపోవడంతో ఫిరాయింపుల నిరోధక చట్టం కింద ఎమ్మెల్యేలు ప్రతాప్‌గౌడ పాటిల్, బీసీ పాటిల్, శివరామ్‌ హెబ్బర్, ఎస్టీ సోమశేఖర్, జేడీఎస్‌ ఎమ్మెల్యేలు గోపీనాథ్, ఎ.హెచ్‌.విశ్వనాథ్, నారాయణ గౌడ, తదితరుల్ని అనర్హులుగా ప్రకటించాను’ అని చెప్పారు. ఏకైక బీఎస్పీ ఎమ్మెల్యే ఎన్‌.మహేశ్‌పై అనర్హత వేటేయాలని బీఎస్పీ కోరిందనీ, దీనిపైనా నిర్ణయం తీసుకుంటానన్నారు. తనపై బీజేపీ అవిశ్వాస తీర్మానం ప్రవేశపెడుతుందన్న వార్తలపై స్పందిస్తూ..‘నేనే సభాపతిగా ఉంటా. వాళ్లను(బీజేపీ) రానివ్వండి. నేను రాజీనామా చేయను. నా విధులను బాధ్యతతో నిర్వర్తిస్తాను’ అని తెలిపారు. విశ్వాసపరీక్షతో పాటు ఆర్థికబిల్లుకు ఆమోదం నేపథ్యంలో సోమవారం 11 గంటలకు అసెంబ్లీ సమావేశాలు ప్రారంభమవుతాయని వెల్లడించారు. ఈ సందర్భంగా కాంగ్రెస్‌ సీనియర్‌ నేత జైపాల్‌ రెడ్డి మరణంపై స్పీకర్‌ రమేశ్‌ భావోద్వేగానికి లోనయ్యారు. ‘జైపాల్‌ రెడ్డి నాకు పెద్దన్నలాంటివారు. నాకు మార్గదర్శి. మాది 40 ఏళ్ల అనుబంధం ’ అని చెప్పారు.  ‘సుప్రీం’లో సవాల్‌ చేస్తాం: రెబెల్స్‌  స్పీకర్‌ రమేశ్‌ కుమార్‌ నిర్ణయాన్ని సుప్రీంకోర్టులో సోమవారం సవాలు చేస్తామని రెబెల్‌ ఎమ్మెల్యేలు ప్రకటించారు. అనర్హత విషయంలో స్పీకర్‌ చట్టానికి వ్యతిరేకంగా వ్యవహరించారని జేడీఎస్‌ రెబెల్‌ ఎమ్మెల్యే ఎ.హెచ్‌.విశ్వనాథ్‌ ఆరోపించారు. ఓ వీడియోను విడుదలచేసిన తిరుగుబాటు ఎమ్మెల్యే ప్రతాప్‌గౌడ పాటిల్‌..అనర్హత వేటుపై సుప్రీంకోర్టుకు వెళతామనీ, న్యాయపోరాటంలో విజయం సాధిస్తామని ధీమా వ్యక్తం చేశారు. అన్ని తెలుసుకునే పదవులకు రాజీనామా చేశామనీ, ఈ విషయాన్ని చట్టపరంగా ఎదుర్కొంటామని తెలిపారు. స్పీకర్‌ పక్షపాతంతో వ్యవహరించారని ఎమ్మెల్యే శివరామ్‌ హెబ్బర్‌ ఆగ్రహం వ్యక్తం చేశారు.  అసెంబ్లీలో బలాబలాలు కర్ణాటక అసెంబ్లీలో 224 మంది సభ్యులు(స్పీకర్‌ కాకుండా) ఉన్నారు. స్పీకర్‌ 17 మందిపై అనర్హతవేటు వేయడంతో అసెంబ్లీలో ఎమ్మెల్యేల సంఖ్య 207కు చేరుకుంది. అదే సమయంలో ప్రభుత్వ ఏర్పాటుకు కావాల్సిన ఎమ్మెల్యేల సంఖ్య 104కు తగ్గింది. ప్రస్తుతం  బీజేపీకి 105 మంది బలం ఉండగా, ఓ స్వతంత్ర ఎమ్మెల్యే కూడా మద్దతు ఇస్తున్నారు. ఇక కాంగ్రెస్‌–జేడీఎస్‌ కూటమికి 100 మంది(నామినేటెడ్‌తో కలిపి) ఎమ్మెల్యేలు ఉన్నారు. ఈ నేపథ్యంలో సోమవారం జరిగే బలపరీక్షలో బీజేపీ విజయం సాధించడం నల్లేరుపై నడకేనని విశ్లేషకులు అంచనా వేస్తున్నారు. సోమవారం బలపరీక్ష నేపథ్యంలో అసెంబ్లీకి తప్పనిసరిగా హాజరుకావాలని తమ ఎమ్మెల్యేలకు బీజేపీ విప్‌ జారీ చేసింది. ఇక మిషన్‌ మధ్యప్రదేశ్‌! జైపూర్‌: బీజేపీ జాతీయ ప్రధాన కార్యదర్శి, మధ్యప్రదేశ్‌ బీజేపీ నేత కైలాశ్‌ విజయవర్గీయ సంచలన వ్యాఖ్యలు చేశారు. కర్ణాటకలో సంకీర్ణ ప్రభుత్వం కూలిపోయిన నేపథ్యంలో బీజేపీ మధ్యప్రదేశ్‌పై దృష్టిసారించబోతోందన్న వార్తలపై ఆదివారం ఆయన మీడియాతో మాట్లాడుతూ.. యడియూరప్ప కేబినెట్‌ ఏర్పాటయ్యాక కొత్త మిషన్‌ ప్రారంభిస్తామని నర్మగర్భ వ్యాఖ్యలు చేశారు. ‘ప్రభుత్వాలు కూల్చాలన్నది మా ఉద్దేశం కాదు. కానీ మధ్యప్రదేశ్‌లో కాంగ్రెస్‌ ఎమ్మెల్యేల మధ్య అనేక విభేదాలు నెలకొన్నాయి. కాంగ్రెస్‌ ప్రభుత్వంపై సొంత ఎమ్మెల్యేలకే నమ్మకం లేదు. కాంగ్రెస్‌తో పోల్చుకుంటే ప్రధాని మోదీ నాయకత్వం మంచిదని వారంతా భావిస్తున్నారు. అంతర్గత కలహాలు, కుమ్ములాటలతోనే కాంగ్రెస్‌ ప్రభుత్వాలు కూలిపోతున్నాయి’ అని విజయవర్గీయ అన్నారు.   100% విజయం: యడియూరప్ప  సోమవారం జరిగే విశ్వాసపరీక్షలో విజయం సాధిస్తామని ముఖ్యమంత్రి బీఎస్‌ యడియూరప్ప విశ్వాసం వ్యక్తం చేశారు. ‘సోమవారం అసెంబ్లీలో మెజారిటీని 100 శాతం నిరూపించుకుంటా. ఆర్థిక బిల్లును ఆమోదించకుంటే ఉద్యోగులకు జీతాలు ఇవ్వలేం. కాబట్టి అసెంబ్లీ ప్రారంభంకాగానే విశ్వాసపరీక్షను ముగించి, ఆర్థిక బిల్లుకు ఆమోదం తెలుపుతాం. కాంగ్రెస్‌–జేడీఎస్‌ ప్రభుత్వం తయారుచేసిన ఆర్థిక బిల్లునే సభలో ప్రవేశపెట్టబోతున్నాం. ఇందులో చిన్న కామా, ఫుల్‌స్టాప్‌ను కూడా మార్చలేదు’ అని అన్నారు.

సాక్షి, బెంగళూరు : కర్ణాటక అసెంబ్లీ స్పీకర్ రమేశ్ కుమార్ ఆదివారం అనూహ్య నిర్ణయం తీసుకున్న విషయం తెలిసిందే. కుమారస్వామి ప్రభుత్వంపై తిరుగుబాటు చేసిన 14 మంది రెబల్‌ ఎమ్మెల్యేలపై అనర్హత వేటు వేశారు. వీరిలో 11 మంది కాంగ్రెస్ ఎమ్మెల్యేలు, ముగ్గురు జేడీ(ఎస్)కు చెందిన ఎమ్మెల్యేలు ఉన్నారు. అయితే స్పీకర్ నిర్ణయాన్ని సవాల్ చేస్తూ రెబల్‌ ఎమ్మెల్యేలు సుప్రీం కోర్టును ఆశ్రయించనున్నారు. అనర్హత వేటు వేయడం చట్టవిరద్దమని, రేపు సుప్రీం కోర్టును ఆశ్రయిస్తామని జేడీ(ఎస్) రెబల్ ఎమ్మెల్యే విశ్వనాథ్‌ తెలిపారు. తమపై అనర్హత వేటు వేయడాన్ని చట్ట విరుద్ధంగా భావిస్తున్నానని, అందుకే ఈ విషయమై తాను సుప్రీంను ఆశ్రయిచంనున్నట్లు స్పష్టం చేశారు. స్పీకర్‌ నిర్ణయం చట్టవిరుద్ధంగా ఉందని, సుప్రీంకోర్టులోనే తమకు న్యాయం జరుగుతుందని  మరో రెబల్‌ ఎమ్మెల్యే ప్రతాప్‌ గౌడ ఓ వీడియో విడుదల చేశారు.  (చదవండి : కర్ణాటక స్పీకర్‌ సంచలన నిర్ణయం) కాగా స్పీకర్‌ తాజా నిర్ణయంతో  వేటు పడిన మొత్తం సభ్యుల సంఖ్య 17కి చేరింది(ఇదివరకే ముగ్గురు ఎమ్మెల్యేలపై వేటు వేశారు). మరోవైపు సోమవారం అసెంబ్లీలో బలనిరూపణ ఉంటుందని, సభ్యులంతా దీనికి హాజరుకావాలంటూ స్పీకర్‌ ఆదేశాలు జారీచేశారు. శుక్రవారం రాష్ట్ర నూతన ముఖ్యమంత్రిగా ప్రమాణం చేసిన యడియూరప్ప.. సోమవారం అసెంబ్లీలో బలనిరూపణ చేయాల్సి ఉన్న విషయం తెలిసిందే. 17 మంది ఎమ్మెల్యేలపై వేటు పడటంతో కర్ణాటక అసెంబ్లీలో సభ్యుల సంఖ్య 207కు పడిపోయింది. బల నిరూపణకు కావల్సిన బలం 105. భాజపాకి 105మంది సొంత పార్టీ సభ్యులతో పాటు ఇద్దరు స్వతంత్ర ఎమ్మెల్యేల మద్దతు ఉంది. దీంతో రేపు బల పరీక్షలో సీఎం యడియూరప్ప నెగ్గేందుకు అవకాశాలు పుష్కలంగా ఉన్నాయి.

సాక్షి, బెంగళూరు: గత కొంతకాలంగా ఉత్కంఠ రాజకీయాలకు వేదికయిన కర్ణాటకలో అసెంబ్లీ స్పీకర్‌ ఊహించని నిర్ణయం తీసుకున్నారు. కుమారస్వామి ప్రభుత్వంపై తిరుగుబాటు చేసిన మొత్తం 14 మంది రెబల్‌  ఎమ్మెల్యేలపై స్పీకర్‌ రమేష్‌ కుమార్‌ అనర్హత వేటు వేస్తూ.. సంచలన నిర్ణయం తీసుకున్నారు. ఇదివరకే ముగ్గురు ఎమ్మెల్యేలపై వేటు వేసిన స్పీకర్‌.. తాజాగా 13 మంది కాంగ్రెస్‌, ఓ స్వతంత్ర సభ్యుడిపై అనర్హత వేటు వేశారు. దీంతో వేటు పడిన మొత్తం సభ్యుల సంఖ్య 17కి చేరింది. స్పీకర్‌ తాజా నిర్ణయం తక్షణమే అమల్లోకి రానుంది.. దీంతో వారంత నాలుగేళ్లపాటు ఎన్నికల్లో పోటీకి దూరం కానున్నారు. మరోవైపు సోమవారం అసెంబ్లీలో బలనిరూపణ ఉంటుందని, సభ్యులంతా దీనికి హాజరుకావాలంటూ స్పీకర్‌ ఆదేశాలు జారీచేశారు. కొత్త ప్రభుత్వం ఏర్పడినా తాను మాత్రం స్పీకర్‌ పదవికి రాజీనామా చేసే ప్రసక్తే లేదని ఆయన తేల్చిచెప్పారు. శుక్రవారం రాష్ట్ర నూతన ముఖ్యమంత్రిగా ప్రమాణం చేసిన యడియూరప్ప.. సోమవారం అసెంబ్లీలో బలనిరూపణ చేయాల్సి ఉన్న విషయం తెలిసిందే. 17 మంది సభ్యులపై అనర్హత వేట పడడంతో.. సభలో మొత్తం సభ్యుల సంఖ్య 208కి పడిపోయింది. దీంతో మేజిక్‌ ఫిగర్‌ 104కి చేరింది. బీజేపీకి ప్రస్తుతం 105 మంది సభ్యులు ఉండగా.. ఓ స్వతంత్ర ఎమ్మెల్యే మద్దతు ప్రకటించారు. దీంతో విశ్వాస పరీక్షలో బీజేపీ సునాయాసంగా నెగ్గే అవకాశం ఉంది. అనర్హత వేటుకు గురయిన ఎమ్మెల్యేలు వీరే.. కాంగ్రెస్‌ బస్వరాజు మునిరత్నం సోమశేఖర్‌ రోషన్‌బేగ్‌ ఆనంద్‌సింగ్‌ నాగరాజు బీసీ పాటిల్‌ ప్రతాప్‌ గౌడ్‌ సుధాకర్‌ శివరాం హెబ్బర్‌ మంత్‌ పాటిల్‌ రమేష్‌ జార్జ్‌హోళి మహేష్‌ జేడీఎస్‌ గోపాలయ్య నారాయణ గౌడ్‌ విశ్వనాథ్‌ శంకర్‌(స్వతంత్ర)  

బెంగళూరు: కర్ణాటక ముఖ్యమంత్రిగా బీఎస్‌ యడియూరప్ప ప్రమాణస్వీకారం చేసి 24 గంటలు కూడా కాకముందే బీజేపీ జోరుపెంచింది. కాంగ్రెస్‌ నేత,  కర్ణాటక అసెంబ్లీ స్పీకర్‌ కె.ఆర్‌.రమేశ్‌ కుమార్‌ వెంటనే బాధ్యతల నుంచి తప్పుకోవాలని సందేశాన్ని పంపింది. స్వచ్ఛందంగా తప్పుకోకుంటే అవిశ్వాస తీర్మానం ప్రవేశపెట్టి బలవంతంగా సాగనంపాల్సి ఉంటుందని హెచ్చరించింది. ఈ మేరకు బీజేపీ తరఫు ప్రతినిధి ఒకరు ఈ విషయాన్ని నేరుగా స్పీకర్‌కు చేరవేసినట్లు విశ్వసనీయవర్గాలు తెలిపాయి. ఈ విషయమై బీజేపీ సీనియర్‌ నేత ఒకరు మాట్లాడుతూ.. ‘రమేశ్‌ కుమార్‌ స్వచ్ఛందంగా తప్పుకోకుంటే ఆయనపై అవిశ్వాసం పెట్టక తప్పదు. అయితే మా తొలిప్రాధాన్యం సోమవారం అసెంబ్లీలో బలపరీక్ష నెగ్గడం, ఆర్థిక బిల్లుకు ఆమోదం తెలపడమే. ఇది పూర్తయ్యాక స్పీకర్‌ విషయమై నిర్ణయం తీసుకుంటాం’ అని చెప్పారు. కాంగ్రెస్‌–జేడీఎస్‌ కూటమికి లబ్ధి చేకూర్చేలా స్పీకర్‌ వ్యవహరించవచ్చన్న అనుమానంతోనే బీజేపీ దూకుడు పెంచినట్లు తెలుస్తోంది. మరోవైపు యడియూరప్ప ప్రభుత్వానికి తాము మద్దతిచ్చే ప్రసక్తే లేదని జేడీఎస్‌ చీఫ్‌ దేవెగౌడ చెప్పారు. అనర్హతపై రెబెల్స్‌ న్యాయపోరాటం.. స్పీకర్‌ అనర్హతవేటు వేసిన నేపథ్యంలో ముగ్గురు కాంగ్రెస్‌ రెబెల్‌ ఎమ్మెల్యేలు న్యాయ పోరాటానికి సిద్ధమయ్యారు. స్పీకర్‌ నిర్ణయంపై సుప్రీంకోర్టుతో పాటు కర్ణాటక హైకోర్టును ఆశ్రయించాలని ఎమ్మెల్యేలు రమే శ్‌ జార్కిహోళి, మహేశ్‌ కుమటహళ్లి, శంకర్‌లు నిర్ణయించారు. సుప్రీంలో రమేశ్, మహేశ్‌ల పిటిషన్లు ఇప్పటికే పెండింగ్‌లో ఉన్నందున స్పీకర్‌ కనీసం నోటీసు ఇవ్వకుండా, తమ వివరణ తీసుకోకుండా అనర్హులను చేయడంపై వీరిద్దరూ అఫిడవిట్లు దాఖలు చేస్తారని సమాచారం. స్వతంత్ర ఎమ్మెల్యే ఆర్‌.శంకర్‌ను కాంగ్రెస్‌ సభ్యుడిగా పరిగణిస్తూ స్పీకర్‌ అనర్హతవేటు వేసిన సంగతి తెలిసిందే. ఈ నేపథ్యంలో శంకర్‌ సోమవారం హైకోర్టును ఆశ్రయిస్తారని తెలుస్తోంది. తాను స్వతంత్ర ఎమ్మెల్యేగా గెలుపొందినందున ఫిరాయింపుల చట్టం కింద వేటువేయడం కుదరదని శంకర్‌ చెబుతున్నారు. తమిళనాడులో 18 మంది అన్నాడీఎంకే ఎమ్మెల్యేలపై అనర్హత వేటు పడినప్పటికీ, 6 నెలల్లోపు జరిగిన ఉపఎన్నికల్లో పోటీచేసేందుకు సుప్రీంకోర్టు, ఈసీ అనుమతించిన విషయా న్ని గుర్తుచేస్తున్నారు. కాబట్టి అసెంబ్లీ ముగిసేవరకూ (2023) అనర్హత వేటేస్తూ స్పీకర్‌ ఇచ్చిన ఉత్తర్వులు కోర్టులో నిలబడవని స్పష్టం చేస్తున్నారు.

సాక్షి, న్యూఢిల్లీ : ‘మేము 12 మందిని మంత్రులను చేస్తాం. ఆరు నుంచి ఎనిమిది మందికి చైర్మన్‌ పదవులు ఇస్తాం. ఎవరికైతే మంత్రి పదవులు ఇస్తామో, వారు తిరిగి ఎన్నికల్లో గెలిచేందుకు సహకరిస్తాం. అందుకు ప్రతి ఒక్కరికి పదేసి కోట్ల రూపాయలు ఇస్తాం. రేపు సాయంత్రం వరకల్లా 12, 14 మంది ఎమ్మెల్యేలు మన వెంట ఉంటారు’ అన్న మాటలు కర్ణాటక రాజకీయాలకు సంబంధించినవంటే వెంటనే ఈ మాటలు ఎవరన్నదో కూడా మనకు స్ఫురించక తప్పదు. గత ఫిబ్రవరి నెలలో ఓ జనతాదళ్‌ (సెక్యులర్‌) పార్టీ ఎమ్మెల్యే కుమారుడితో మాజీ ముఖ్యమంత్రి యెడియూరప్ప ఫోన్‌లో మాట్లాడిన విషయాలు అంటూ నాడు ఓ ఆడియో టేప్‌ వెలుగులోకి వచ్చింది. ఇదంతా అబద్ధమని నాడు యెడియూరప్ప ఈ టేపును తీవ్రంగా ఖండించారు. ఇది ఎవరో తనపై పన్నిన కుట్ర తప్పించి, ప్రభుత్వాన్ని పడగొట్టాలనే కుట్ర, కుతంత్రం తనకు లేనే లేదని వాదించారు. నీతి నియమాలకు కట్టుబడిన పార్టీ బీజేపీ అని కూడా చెప్పారు.  ఐదు నెలల తర్వాత జరిగిన పరిణామాలను గమనిస్తే నాటి ఆయన ఆడియో టేపు మాటలు నేడు అక్షరాల నిజమనిపించక తప్పదు. జేడీఎస్‌–కాంగ్రెస్‌ ప్రభుత్వానికి చెందిన 15 మంది ఎమ్మెల్యేలు రాజీనామా చేయడం, వారిలో పది మంది ఎమ్మెల్యేలు బీజేపీ రాజ్యసభ సభ్యుడు రమేశ్‌కు చెందిన ఓ ముంబై హోటల్లో మకాం పెట్టడం, హెచ్‌డీ కుమారస్వామి విశ్వాస తీర్మానాన్ని ప్రవేశపెట్టడం, అది వీగిపోవడం, ఆయన స్థానంలో యెడియూరప్ప కొత్త ముఖ్యమంత్రిగా ప్రమాణం చేయడం తదితర పరిణామాలు రాజకీయ నాటకంలో రసవత్తర సన్నివేశాలని తెల్సినవే. కుమారస్వామి తన ప్రభుత్వాన్ని కూల్చేందుకు బీజేపీ కుట్ర పన్నిందంటూ పదే పదే ఆరోపణలు చేసినా, 20, 25, 30 కోట్ల రూపాయలకు కూడా ఇస్తామంటూ  బీజేపీ నేతలు ఆశ పెడుతున్నారని కాంగ్రెస్‌ సీనియర్‌ నాయకుడు సిద్ధరామయ్య సభాముఖంగా ఆరోపణలు చేసినా బీజేపీ శాసన సభ్యులు మౌనం వహించడంలో మర్మమేమి ? బీజేపీ జాతీయ నాయకులు, కేంద్ర కమిటీ సభ్యులకు 1800 కోట్ల రూపాయలకు పైగా పంచినట్లు తెలియజేస్తున్న యెడియూరప్ప డైరీ ఆదాయం పన్ను శాఖ చేతికి చిక్కిందంటూ ‘ది కారవాన్‌’ పత్రిక (మార్చి 22న) ఓ వార్తను ప్రచురించడం, 2008, మే నెలలో యెడ్యూరప్ప తన ప్రభుత్వం సుస్థిరత కోసం కాంగ్రెస్‌ నుంచి నలుగురు, జేడీఎస్‌ నుంచి ముగ్గురు శాసన సభ్యులను కొనుగోలు చేయడం, దాన్ని మీడియా ‘ఆపరేషన్‌ కమలా’గా అభివర్ణించడం తదితర పరిణామాలు దేన్ని సూచిస్తున్నాయి? ఎమ్మెల్యేల బేరసారాలతో ప్రభుత్వాలను పడగొట్టడం కొత్త ప్రభుత్వాలను ఏర్పాటు చేయడం లేదా ఉన్న ప్రభుత్వాలను బలోపేతం చేసుకోవడం ఒక్క కర్ణాటకకు, ఒక్క గోవాకే పరిమితం కాలేదు. అనేక రాష్ట్రాల్లో అనేక పార్టీలు ఇలా అడుసు తొక్కాయనే విషయం మనకు తెల్సిందే. అయితే దేశంలో నల్లడబ్బును వెలికి తీస్తామని, అవినీతి అంతు చూస్తామని, ఆదర్శ ప్రభుత్వాన్ని అందిస్తామని, తమది భిన్నమైన పార్టీ అంటూ చెప్పుకుంటూ వచ్చిన కేంద్ర ప్రభుత్వంలోని బీజేపీ నాయకులు నేడేమయ్యారన్నదే ప్రశ్న. గోవాలో ఇటీవల కాంగ్రెస్‌ పార్టీ నుంచి పది మంది ఎమ్మెల్యేలు బీజేపీలో చేరిపోవడం, వారిలో ముగ్గురికి మంత్రి పదవులు ఇవ్వడం తెల్సిందే. గోవా అసెంబ్లీలో ప్రతిపక్ష కాంగ్రెస్‌ నాయకుడైన చంద్రకాంత్‌ కావ్లేకర్‌ను ‘మట్కా’ కింగని దూషించిన బీజేపీ నాయకులు, ఆయనపై సమగ్ర దర్యాప్తు జరపాల్సిందిగా కూడా అధికారులను కోరారు. అలాంటి వ్యక్తిని పార్టీలో కలుపుకోవడమే కాకుండా డిప్యూటీ ముఖ్యమంత్రి పదవిని కట్టబెట్టడంలో అర్థం ఏమిటీ? బీజేపీలోకి తీసుకున్న గోవా మాజీ కాంగ్రెస్‌ నాయకుడు అతనాసియో మాన్సేర్రాట్‌ (బాబుష్‌)పై భూ ఆక్రమణ కేసులే కాకుండా ‘మైనర్‌ బాలికపై అత్యాచారం’ కేసులో కూడా విచారణ జరుగుతోంది. ‘సేవ్‌ గోవా ఫ్రమ్‌ బాబుష్‌’ అన్నది బీజేపీ గత ఎన్నికల నినాదం. ఈ రాజకీయ శక్తుల నుంచి ‘సేవ్‌ భారత్‌’ అన్న నినాదం ప్రజల నుంచి ఎప్పుడు వినిపిస్తుందో..! (చదవండి: బీజేపీకి కుమారస్వామి మద్దతు!)

సాక్షి, బెంగళూరు: రాజకీయ సంక్షోభంలో ఉన్న కర్ణాటకలో ప్రభుత్వాన్ని ఏర్పాటు చేసిన బీజేపీ.. తదుపరి బలపరీక్షపై వ్యూహాలు రచిస్తోంది. ప్రస్తుత పరిస్థితుల్లో యడియూరప్ప చాలా  జాగ్రత్తగా ముందుకెళ్లాల్సి ఉంది. ముగ్గురు కాంగ్రెస్‌ ఎమ్మెల్యేలపై అనర్హతతో కర్ణాటక అసెంబ్లీలో సభ్యుల సంఖ్య 221 (స్పీకర్‌ను మినహాయించి)కి చేరుకుంది. దీంతో ప్రభుత్వ ఏర్పాటుకు కావాల్సిన మేజిక్‌ ఫిగర్‌ 112 అయింది. బీజేపీకి ప్రస్తుతం 106 మంది సభ్యుల (బీజేపీ 105, ఓ స్వతంత్ర ఎమ్మె ల్యే) బలముంది. ఈ నేపథ్యంలో మిగిలిన ఆరుగురిని బీజేపీ ఎలా సంపాదిస్తుందన్నది ఇప్పు డు ఆసక్తికరంగా మారింది. ఈ నేపథ్యంలో జేడీఎస్‌ సభ్యుల మద్దతును కోరతారా అనేది చర్చనీయాంశంగా మారింది. మరోవైపు శుక్రవారం రాత్రి జేడీఎస్‌ ఎమ్మెల్యేలు ఓ హోటల్‌లో సమావేశం నిర్వహించారు. మాజీ ముఖ్యమంత్రి కుమారస్వామి అధ్యక్షతన జరిగిన ఈ భేటీలో ముఖ్యంగా రెండు ప్రతిపాదనలు ముందుకొచ్చినట్లు తెలుస్తోంది. సమావేశం అనంతరం మాజీ మంత్రి జీవీ దేవెగౌడ ఈ వివరాలను వెల్లడించారు. బీజేపీ ప్రభుత్వానికి మద్దతునిచ్చి ప్రభుత్వంలో భాగస్వామి కావడమా? లేక ప్రజల్లో ఉంటూ యడియూరప్పపై పోరాటం చేయడమా? అనే అంశాలపై చర్చ జరిగినట్లు తెలిపారు. అయితే ఈ భేటీలో పలువురు ఎమ్మెల్యేలు బీజేపీకి బయటినుంచి మద్దతు ఇచ్చేందుకు సుముకంగా ఉన్నారని వెల్లడించారు. తనతో పాటు మరో ఐదుగురు ఎమ్మెల్యే మద్దతుకు సిద్ధంగా ఉన్నామని.. దీనిపై కుమారస్వామి తుది నిర్ణయం తీసుకోవల్సి ఉంటుందని ఆయన తెలిపారు. ఈ నేపథ్యంలో కుమారస్వామి నిర్ణయంపై ఉత్కంఠ నెలకొంది. కాంగ్రెస్‌తో జేడీఎస్‌ చెలిమిని కొనసాగిస్తుందా? బీజేపీకి పరోక్షంగా మద్దతు తెలుపుతుందా? కాంగ్రెస్‌తో చెలిమికి గుడ్‌బై చెప్పి, బీజేపీ ప్రభుత్వంపై ఒంటరిగానే పోరాటం చేస్తుందా? అనే అంశాలు ఆసక్తిగా మారాయి. మరోవైపు బీజేపీ కూడా జేడీఎస్‌ సభ్యుల మద్దతు కోరడంపై ఆలోచనలు చేస్తున్నట్ల తెలిసింది. వారితోపాటు రెబల్స్‌ను కూడా తమవైపునకు తిప్పుకునేందుక ప్రయత్నలను ముమ్మరం చేస్తోంది కమళ దళం. ఈ నేపథ్యంలో సోమవారం జరిగే విశ్వాస పరీక్షపై ఉ‍త్కంఠ రోజురోజుకూ పెరుగుతోంది.

సాక్షి, బెంగళూరు : రాజకీయ సంక్షోభంలో కూరుకుపోయిన కర్ణాటకలో బీజేపీ ప్రభుత్వం ఏర్పాటు చేసింది. అనూహ్య పరిణామాల నేపథ్యంలో ఆ రాష్ట్ర బీజేపీ చీఫ్‌, మాజీ సీఎం యెడియూరప్ప శుక్రవారం ముఖ్యమంత్రిగా పదవీ స్వీకార ప్రమాణం చేశారు. పార్టీ శ్రేణులు వెంటరాగా ర్యాలీగా రాజ్‌భవన్‌కు చేరుకున్న యెడియూరప్ప చేత.. గవర్నర్‌ వాజూభాయ్‌ వాలా ప్రమాణ స్వీకారం చేయించారు. తద్వారా ఆయన నాలుగోసారి ముఖ్యమంత్రిగా బాధ్యతలు చేపట్టారు. అయితే బీజేపీ బలనిరూపణ చేసుకున్న తర్వాతే మంత్రివర్గ కూర్పు జరుగనుంది. ప్రస్తుతం బీజేపీకి 105 మంది ఎమ్మెల్యేలు ఉండగా కాంగ్రెస్‌- జేడీఎస్‌ కూటమికి 99 మంది ఎమ్మెల్యేలు మాత్రమే ఉన్న సంగతి తెలిసిందే. ఇక ప్రమాణ స్వీకారోత్సవానికి కర్ణాటక మాజీ సీఎం ఎస్‌ఎం కృష్ణ, బీజేపీ జాతీయ కార్యదర్శి మురళీధర్‌రావు, కాంగ్రెస్‌ అసంతృప్త నేత రోషన్‌ బేగ్‌ తదితరులు హాజరయ్యారు. కాంగ్రెస్‌ పార్టీ మాత్రం ఈ కార్యక్రమాన్ని బహిష్కరించింది. ఇక ప్రమాణస్వీకారం నేపథ్యంలో జ్యోతిష్కుడి సలహా మేరకు యడ్యూరప్ప తన పేరును యెడియూరప్పగా మార్చుకున్న విషయం తెలిసిందే. ఇక 2007లో మొదటిసారి, 2008లో రెండోసారి, 2018లో మూడోసారి, ఇప్పుడు నాలుగోసారి యడ్యూరప్ప ప్రమాణస్వీకారం చేశారు. అయితే, గతంలో మూడుసార్లు ఆయన పూర్తికాలం పదవిలో కొనసాగలేకపోయారు. మరోవైపు ముగ్గురు రెబల్ ఎమ్మెల్యేలపై స్పీకర్ కేఆర్ రమేష్ కుమార్ సంచలన నిర్ణయం తీసుకున్న సంగతి తెలిసిందే. స్వతంత్ర ఎమ్మెల్యేగా గెలుపొందిన ఆర్‌.శంకర్‌, కాంగ్రెస్‌ ఎమ్మెల్యేలు రమేష్‌ జార్జ్‌హోళి, మహేష్‌... 2023 వరకూ ఎన్నికల్లో పోటీ చేయకుండా అనర్హత వేటు వేశారు. 2023 వరకు వారు పోటీ చేయడానికి కూడా వారిని అనర్హులుగా ప్రకటించారు.

సాక్షి, బెంగళూరు: ఆటలో అచ్చిరావడంలేదని ఆటగాళ్లు, సినిమాళ్లో కలిసి రావడంలేదని సినీ నటులు పేర్లు మార్చుకోవడం సహజంగా చూస్తూఉంటాం. తాజాగా  రాజకీయాల్లో తనకు అదృష్టం​​​​​ కలిసిరావడం లేదని భావించిన కర్ణాటక మాజీ ముఖ్యమంత్రి యడ్యూరప్ప తన పేరును మార్చుకున్నారు. నేడు సాయంత్రం ఆయన సీఎంగా ప్రమాణం చేయనున్న విషయం తెలిసిందే. ఈ నేపథ్యంలో జ్యోతిష్కుడి సలహా మేరకు ఆయన పేరు మార్చుకున్నారు. ఇప్పటివరకు ఆయన పేరు (BS Yaddyurappa) అని ఉండగా.. తాజాగా యడియూరప్ప (BS Yadiyurappa)గా మార్చుకున్నారు. 2007లో తొలిసారి ముఖ్యమంత్రి పగ్గాలు చేపట్టినప్పుడు ఆయన పేరులో మార్పులు చేసుకున్నారు. యడియూరప్ప(BS Yediyurappa)ను యడ్యూరప్ప( BS Yeddyurappa)గా మార్చుకున్నారు. రాజకీయంగా ఆ సమయంలో కాస్త గడ్డుకాలాన్ని ఎదుర్కోవడంతో జ్యోతిష్కుడి సలహా ప్రకారం పేరులో అక్షరాలను మార్పు చేసుకున్నారు. కానీ ఆ ఫార్ములా వర్కవుట్‌ కాలేదని భావించిన యడ్డీ.. తాజాగా మళ్లీ పేరులో మార్పు చేశారు. అందుకే శుక్రవారం గవర్నర్‌ వాజుభాయ్‌ వాలాకిచ్చిన లేఖలో తన పేరును తిరిగి యడియూరప్ప(Yediyurappa) అనే పేర్కొన్నారు. కొత్తపేరు తనను రాజకీయంగా ముందుకు తీసుకెళ్తుందని యడ్డీ గట్టిగా నమ్ముతున్నారు. శుక్రవారం సాయంత్రం 6 గంటలకు సీఎంగా ప్రమాణం చేస్తుండగా.. ఈనెల 31న ఆయన బలపరీక్షను ఎదుర్కొనున్నారు. యడ్యూరప్ప ఇప్పటి వరకు మూడుసార్లు సీఎంగా ఎన్నిక కాగా.. ఒక్కసారి కూడా పూర్తికాలం పదవిలో కొనసాలేకపోయారు. ఆరోజు ప్రమాణం చేస్తే ఆయన నాలుగోసారిగా ఆ పదవీ బాధ్యతలు చేపట్టినట్లు అవుతుంది. మరి ఈసారైనా ఆయనకి అదృష్టం కలిసివస్తుందో లేదో వేచి చూడాలి.

సాక్షి, బెంగళూరు: రాజకీయ సంక్షోభంలో ఉన్న కర్ణాటకలో ప్రభుత్వాన్ని ఏర్పాటు చేసేందుకు బీజేపీ సిద్ధమయింది. ఈరోజు సాయంత్రం ఆరుగంటలకు రాష్ట్ర నూతన ముఖ్యమంత్రిగా యడ్యూరప్ప ప్రమాణ స్పీకారం చేయనున్నారు. దీనికి గవర్నర్‌, కేంద్ర ప్రభుత్వం గ్రీన్‌ సిగ్నల్‌ కూడా ఇచ్చింది.  అయితే సీఎంగా యడ్యూరప్ప ప్రమాణం చేసిన అనంతరం అసెంబ్లీలో బల నిరూపణ చేయాల్సి ఉంటుంది. ప్రస్తుతమున్న రాజకీయ సంక్షోభం కారణంగా విశ్వాస నిరూపణకు గవర్నర్‌ అనూహ్యాంగా వారికి ఏడు రోజుల సమయం ఇచ్చారు. జూలై 31న శాసనసభలో యడ్యూరప్ప బల పరీక్షను ఎదుర్కోనున్నారు. గవర్నర్‌ వారికి ఏడు రోజుల సమయం​ కేటాయించడంపై కాంగ్రెస్‌ తీవ్ర ఆగ్రహం వ్యక్తం చేసింది. శాసనసభను బీజేపీ ఓ ప్రయోగశాలగా మార్చిందని మండిపడింది. రాజ్యాంగంలో ఏ అధికారణ ప్రకారం గవర్నర్‌ మెజార్టీకి తక్కువగా ఉన్న పార్టీని ప్రభుత్వ ఏర్పాటుకు ఆహ్వానించారని ప్రశ్నించింది. ఈచర్య సిగ్గుచేటని ఘటుగా స్పందించింది. ఈ మేరకు పార్టీ ట్విటర్‌ ఖాతాలో పోస్ట్‌ చేసింది. బీజేపీ ప్రభుత్వాన్ని ఏర్పాటు చేసేందుకు గవర్నర్‌ను పావుగా ఉపయోగించుకుంటోందని విమర్శించింది. గతంలోలా అసెంబ్లీలో బలం సరిపోక మరోసారి యడ్యూరప్ప రాజీనామా చేయక తప్పదని కాంగ్రెస్‌ జోస్యం చెప్పింది. మరోవైపు యడ్యూరప్ప విశ్వాసపరీక్షపై బీజేపీ నేతలు ఇప్పటి నుంచే కసరత్తు మొదలుపెట్టారు. రెబల్‌ ఎమ్మెల్యేలను తమ వైపునకు తిప్పుకునేందుకు కేంద్ర నాయకత్వం ఆపార్టీ నేతలను రంగంలోకి దింపింది. కాంగ్రెస్‌ కూడా మరోసారి రెబల్స్‌ను బుజ్జగించేందుకు ప్రయత్నిస్తోంది. ఇదిలావుండగా రెబల్స్‌పై స్పీకర్‌ తీసుకునే నిర్ణయం ఉ‍త్కంఠగా మారింది. ఇదివరకే ముగ్గురు సభ్యులపై అనర్హత వేటు వేసిన విషయం తెలిసిందే.

సాక్షి, బెంగళూరు: అనేక ఉత్కంఠ పరిణమాల అనంతరం కర్ణాటకలో ప్రభుత్వ ఏర్పాటు దిశగా బీజేపీ నాయకత్వం అడుగులు వేస్తోంది. శుక్రవారం ఉదయం రాజ్‌భవన్‌లో ఆ రాష్ట్ర గవర్నర్‌తో బీజేపీ అధ్యక్షుడు యడ్యూరప్ప భేటీ అయ్యారు. ప్రభుత్వ ఏర్పాటుకు తమకు అవకాశం ఇవ్వాల్సిందిగా కోరినట్లు తెలిసింది. ఈ నేపథ్యంలో గవర్నర్‌ దానికి సానుకూలంగా స్పందించారని, ఆరోజు సాయంత్రం 6గంటలకు కర్ణాటక ముఖ్యమంత్రిగా యడ్యూరప్ప ప్రమాణ స్పీకారం చేస్తారని సమాచారం. గవర్నర్‌తో భేటీ అనంతరం యడ్యూరప్ప మాట్లాడుతూ.. రాష్ట్రంలో నూతన ప్రభుత్వాన్ని బీజేపీ ఏర్పాటు చేయనుందని తెలిపారు. ఈరోజు సాయంత్రం 6 గంటలకు సీఎంగా తాను ప్రమాణం చేస్తానని యడ్డీ స్పష్టం చేశారు.  ఇదిలావుండగా కాంగ్రెస్‌–జేడీఎస్‌ ప్రభుత్వంపై తిరుగుబాటు చేసిన 17 మంది ఎమ్మెల్యేల్లో ముగ్గురు కాంగ్రెస్‌ ఎమ్మెల్యేలపై స్పీకర్‌ కె.ఆర్‌.రమేశ్‌ కుమార్‌ అనర్హత వేటు వేయడం సంచలనంగా మారింది. కాంగ్రెస్‌ ఎమ్మెల్యేలైన రమేశ్‌ జార్కిహోళి, మహేశ్‌ కుమటల్లి, శంకర్‌లపై ఫిరాయింపుల నిరోధక చట్టం కింద అనర్హత వేటు వేసినట్లు స్పీకర్‌ తెలిపారు. ఈ ముగ్గురు ఎమ్మెల్యేలు స్వచ్ఛందంగా రాజీనామాలు ఇవ్వలేదనీ, రాజ్యాంగంలోని పదో షెడ్యూల్‌(ఫిరాయింపుల నిరోధక చట్టం)ను ఉల్లంఘించారని ఆయన స్పష్టం చేశారు. ఈ నేపథ్యంలో తాజా పరిస్థితిపై ఆచితూచి అడుగులు వేస్తోన్న బీజేపీ కేంద్రనాయకత్వం.. ప్రభుత్వాన్ని ఏర్పాటు చేయవల్సిందిగా యడ్డీకి ఆదేశాలు జారీ చేసినట్లు తెలుస్తోంది. మరోవైపు మిగిలిన రెబల్స్‌పై స్పీకర్‌ ఎలాంటి నిర్ణయం తీసుకుంటారోనని ఆసక్తిగా మారింది.  

సాక్షి, బెంగళూరు: కర్ణాటకలో జేడీఎస్‌-కాంగ్రెస్‌ సంకీర్ణ ప్రభుత్వం కుప్పకూలిపోవడంతో ప్రభుత్వాన్ని ఏర్పాటు చేయడానికి బీజేపీ ప్రయత్నాలు ముమ్మరం చేసింది. మరికాసేట్లో బీజేపీ శాసనసభ పక్షనేత, మాజీ ముఖ్యమంత్రి బీఎస్‌ యడ్యూరప్ప గవర్నర్‌ను కలవనున్నారు. ప్రస్తుతం బీజేపీకి 105 మంది సభ్యులున్న విషయం తెలిసిందే. దీంతో ప్రభుత్వ ఏర్పాటుకు తమను ఆహ్వానించాల్సిందిగా యడ్యూరప్ప గవర్నర్‌ను కోరే అవకాశం ఉంది. కాగా అసెంబ్లీలో బలపరీక్ష అనంతరం సభలోనే బీజేపీ సభ్యులు ఆనందం వ్యక్తం చేస్తూ.. తర్వాతి ప్రభుత్వం తమదేనని సంకేతమినిచ్చారు. బీజేపీ ప్రభుత్వాన్ని ఏర్పాటు చేస్తే.. యడ్యూరప్ప మరోసారి సీఎంగా బాధ్యతలు స్వీకరించే అవకాశం ఉంది. బల పరీక్షలో కుమారస్వామి ఓటమి అనంతరం.. యడ్యూరప్ప స్పందించారు. ఇది కర్ణాటక ప్రజల విజయమన్నారు. కన్నడ ప్రజలను అభివృద్ధి పథం వైపు నడిపిస్తామని అన్నారు. రాష్ట్రానికి పట్టిన శని వదిలిందని, 105 మంది సభ్యులతో సుస్థిర ప్రభుత్వాన్ని ఏర్పాటు చేస్తామని తెలిపారు. జేడీఎస్‌- కాంగ్రెస్‌ పాలనతో ప్రజలు విసిగిపోయారని చెప్పుకొచ్చారు. సంకీర్ణ ప్రభుత్వం కుప్పకూలడంతో రాష్ట్ర వ్యాప్తంగా బీజేపీ శ్రేణులు సంబరాలు చేసుకుంటున్నాయి. మరోవైపు ప్రభుత్వం కూలిపోవడంతో తన ముఖ్యమంత్రి పదవికి కుమారస్వామి రాజీనామా చేశారు. విశ్వాస పరీక్ష అనంతరం గవర్నర్‌ను కలిసి రాజీనామా పత్రాన్ని సమర్పించారు. అయితే రెబల్‌ ఎమ్మెల్యేలపై ఎలాంటి నిర్ణయం తీసుకుంటారనేది ఇంకా తేలాల్సిఉంది.

సాక్షి, బెంగళూరు: కర్ణాటక రాజకీయాల్లో ఉత్కంఠ కొనసాగుతోంది. కుమారస్వామి సర్కారు ఈరోజు బలపరీక్ష ఎదుర్కొనుంది. శానససభలో గురవారమే బలనిరూపణ ఉంటుందని భావించినా శుక్రవారానికి వాయిదా పడింది. తక్షణమే బలపరీక్ష నిర్వహించాలంటూ బీజేపీ నాయకులు రాత్రంతా నిరసన కొనసాగించారు. అసెంబ్లీ వాయిదా పడిన తర్వాత కూడా బీఎస్‌ యడ్యూరప్ప, బీజేపీ ఎమ్మెల్యేలు విధానసౌధలోనే భోజనాలు చేసి, అక్కడే నిద్రపోయాయి. కొంత మంది శాసనసభ్యులు  ఉదయమే లేచి అసెంబ్లీ ప్రాంగణంలోనే మార్నింగ్‌ వాక్‌ చేశారు. వెంటనే బలపరీక్ష నిర్వహించేలా స్పీకర్‌ను ఆదేశించాలని కోరుతూ సుప్రీంకోర్టును ఆశ్రయించాలని బీజేపీ భావిస్తున్నట్టు సమాచారం. కాగా, ముంబైలోని ఆసుపత్రిలో ఉన్న కాంగ్రెస్‌ ఎమ్మెల్యే శ్రీమంత్‌ పాటిల్‌ స్టేట్‌మెంట్‌ను నమోదు చేసేందుకు బెంగళూరు పోలీసులు ముంబైకు వెళ్లారు. (చదవండి: కర్నాటకం క్లైమాక్స్‌ నేడే)

సాక్షి, బెంగళూరు: కర్నాటకం రసవత్తరంగా సాగుతోంది. అసెంబ్లీలో అవిశ్వాస తీర్మానం ఇచ్చేందుకు తమకు ఎలాంటి అభ్యంతరం లేదని బీజేపీ రాష్ట్ర అధ్యక్షుడు బీఎస్ యడ్యూరప్ప స్పష్టంచేశారు. సోమవారం వరకు చూసి అవిశ్వాస తీర్మానం ప్రవేశపెడతామని ఆయన ప్రకటించారు. రమదా రిసార్ట్‌లో బీజేపీ ఎమ్మెల్యేలతో లంచ్ భేటీ తర్వాత యడ్యూరప్ప మీడియాతో మాట్లాడారు. సోమవారం వరకూ వేచిచూస్తామని.. రెబల్ ఎమ్మెల్యేల రాజీనామాలపై స్పీకర్ వెంటనే నిర్ణయం తీసుకోవాలని డిమాండ్‌ చేశారు. అవిశ్వాస తీర్మానం పెట్టేందుకు ఎలాంటి అభ్యంతరం లేదన్నారు. స్పీకర్ వెంటనే బలపరీక్షకు ఆదేశించాలని డిమాండ్ చేశారు.  మళ్లీ రిసార్టు రాజకీయాలు.. విశ్వాసపరీక్షకు రంగం సిద్ధమైన వేళ.. కర్ణాటకలో మళ్లీ రిసార్టు రాజకీయాలకు తెరలేచింది. కాంగ్రెస్‌, జేడీఎస్‌, బీజేపీ తమ ఎమ్మెల్యేలను వేర్వేరు రిసార్టులకు తరలించాయి. కాంగ్రెస్ ఎమ్మెల్యేలు యశవంతపురలోని తాజ్‌వివాంత హోటల్‌లో, క్లార్స్‌ ఎక్సోటికా కన్వెన్షన్‌ రిసార్ట్స్‌లో క్యాంప్ చేస్తున్నారు. జేడీఎస్‌ ఎమ్మెల్యేలు గత నాలుగు రోజులుగా దేవనహళ్లి సమీపంలోని ఓ రిసార్టులో మకాం వేశారు. శుక్రవారం అసెంబ్లీ సమావేశాలకు కూడా అక్కడినుంచి వచ్చి తిరిగి అక్కడికే వెళ్లిపోయారు. సీఎం కుమారస్వామి విశ్వాసపరీక్షకు సిద్ధం అనగానే, బీజేపీ కూడా అప్రమత్తమైంది. తక్షణమే తన ఎమ్మెల్యేలను క్యాంప్‌కి తరలించింది. రాజానుకుంటె సమీపంలోని రమదా రిసార్టులో బీజేపీ శాసనసభ్యులు బస చేస్తున్నారు. ఇక్కడ వీరి కోసం 30 గదులు బుక్‌చేసినట్టు సమాచారం. సుప్రీంకోర్టు తీర్పు వెలువడేవరకు తమ పార్టీ సభ్యులంతా ఒక్క చోట ఉండాలని రిసార్టులో ఉంచినట్టు మాజీ సీఎం బీఎస్‌ యడ్యూరప్ప తెలిపారు.  తీర్థయాత్రలో రెబెల్‌ ఎమ్మెల్యేలు ఇక ముంబైలో క్యాంప్‌ చేసిన కాంగ్రెస్-జేడీఎస్ రెబల్ ఎమ్మెల్యేలు ఆలయాలను దర్శించుకుంటున్నారు. బీసీ పాటిల్‌, శివరామ్‌ హెబ్బార్‌, బసవరాజ్‌, సోమశేఖర్‌  నిన్న ముంబైలోని ప్రసిద్ధి సిద్ధివినాయక ఆలయాన్ని సందర్శించారు. ఇవాళ అసంతృప్త ఎమ్మెల్యేలంతా ప్రత్యేక విమానంలో షిర్డీ వెళ్లారు. సాయిబాబాను దర్శించుకుని అక్కడి నుంచి శనిసింగనాపూర్‌ వెళ్లారు. విప్‌ జారీచేసినప్పటికీ అసమ్మతి ఎమ్మెల్యేలు శుక్రవారం అసెంబ్లీ సమావేశాలకు డుమ్మా కొట్టారు. 

సాక్షి బెంగళూరు: సంకీర్ణ ప్రభుత్వం డోలాయమానంలో పడడంతో రాష గవర్నర్‌ వజూభాయ్‌వాలా తదుపరి ఏం చేస్తారనే దానిపై అందరి దృష్టి మళ్లింది. ఆపరేషన్‌ పక్కాగా నిర్వహిస్తున్న యడ్యూరప్ప, ఇతర బీజేపీ కేంద్రమంత్రులు, సీనియర్లు దీనిపై నోరు మెదపడం లేదు. ఈ నేపథ్యంలో అసెంబ్లీ రద్దయి మధ్యంతర ఎన్నికలు వస్తాయా? లేక రాష్ట్రపతి పాలన తప్పదా? అనేది సస్పెన్స్‌గా మారింది. సీఎం కుమారస్వామి బెంగళూరుకు రాగానే ఏం చేస్తారనేది తెలుస్తుంది. చదవండి: కన్నడ సంక్షోభం సంకీర్ణ ప్రభుత్వం ఏర్పడిన నాటి నుంచి జరుగుతున్న అసమ్మతి ఒక్కసారిగా తారస్థాయికి చేరింది. ఎమ్మెల్యేల నుంచి రాజీనామాలు లేఖలు అందుకున్న గవర్నర్‌ వజూభాయ్‌వాలా ఏం నిర్ణయం తీసుకోబోతున్నారనేది అనేది కీలకంగా మారింది. సంకీర్ణ సర్కారును బలం నిరూపించుకోమంటారా?, అతిపెద్ద పార్టీ అయిన బీజేపీకి అవకాశమిస్తారా? అనేదానిపై రాజకీయ పండితు లు సైతం ఆసక్తిగా నిరీక్షిస్తున్నారు. కేంద్ర హోంశాఖతో ఆయన ఎప్పటికప్పుడు సంప్రదింపుల్లో ఉన్నారు. నైతికంగా బాధ్యత వహించి ఈ నేపథ్యంలో సీఎం కుమారస్వామి రాజీనామా చేస్తారా? లేక కొనసాగుతారా? అనేది చర్చనీయంగా మారింది.                                          మాకు సంబంధం లేదు: యడ్డి  కాంగ్రెస్‌ – జేడీఎస్‌ ఎమ్మెల్యేల రాజీనామాతో తనకు ఎలాంటి సంబంధం లేదని యడ్యూరప్ప స్పష్టం చేశారు. గవర్నర్‌ను కలవనని, స్పీకర్‌ నిర్ణయానికి కట్టుబడి ఉంటామని చెప్పారు. అంతేకానీ ప్రభుత్వ ఏర్పాటుకు ఇప్పటి వరకు ఎలాంటి కసరత్తు చేయలేదన్నారు. సంకీర్ణ ప్రభుత్వంలో గందరగోళం కారణంగా రాష్ట్రంలో అభివృద్ధి కుంటు పడిందని ఆగ్రహం వ్యక్తం చేశారు. సభాపతి కార్యాలయానికి మంత్రి డీకే శివకుమార్‌ వెళ్లి ఒక ఎమ్మెల్యే రాజీనామా పత్రం చింపివేయడాన్ని ప్రజలు చూస్తున్నారని అన్నారు.   యడ్యూరప్పే సీఎం : డీవీఎస్‌  ప్రభుత్వ ఏర్పాటుకు గవర్నర్‌ ఆహ్వానిస్తే యడ్యూర ప్ప సీఎంగా బీజేపీ సర్కారును ఏర్పాటు చేసేందుకు సిద్ధంగా ఉన్నట్లు కేంద్రమంత్రి డీవీ సదానందగౌడ తెలిపారు. అసమ్మతి నేపథ్యంలో నైతిక బాధ్యతగా కుమారస్వామి సీఎం పదవికి రాజీనామా చేయాలని కోరారు.  కాంగ్రెస్‌ మంతనాలు   కాంగ్రెస్‌ ఇన్‌చార్జి కేసీ వేణుగోపాల్‌ సమక్షంలో జరిగిన సమావేశంలో మాజీ సీఎం సిద్ధరామయ్య తదితరులు పాల్గొన్నారు. ఈక్రమంలో మంత్రులు కృష్ణభైరేగౌడ, యూటీ ఖాదర్, కేజే జార్జి, దేశపాండే, డీకే శివకుమార్‌తో రాజీనామా చేయించి వారి స్థానంలో అసంతృప్తులకు మంత్రి పదవులు కట్టబెట్టాలని తీర్మానించినట్లు సమాచారం. అయితే మంత్రులు రాజీనామా చేస్తారా? దీంతో సద్దుమణుగుతుందా? అనేది తేలాల్సి ఉంది. కాగా, దీనంతటికీ కారణం సిద్ధరామయ్యేనని బీజేపీ నేతలు ఆరోపిస్తున్నారు. రాజీనామా చేసిన వారిలో సిద్ధరామయ్య అనుచరులుగా పేరుపొందిన వారు ఎక్కువ మంది ఉండటం విశేషం.

బెంగళూరు: కర్ణాటకలో కాంగ్రెస్‌-జేడీఎస్‌ సంకీర్ణ ప్రభుత్వాన్ని పడగొట్టవద్దంటూ తనకు ఢిల్లీ పెద్దల నుంచి స్పష్టమైన ఆదేశాలు అందాయని కర్ణాటక బీజేపీ కీలక నేత బీఎస్‌ యడ్యూరప్ప కీలక వ్యాఖ్యలు చేశారు. సంకీర్ణ ప్రభుత్వాన్ని అస్థిరపరిచే ఎలాంటి ప్రయత్నాల్లో భాగం కావొద్దని బీజేపీ అధిష్టాన పెద్దలు తనకు సూచించారని ఆయన పేర్కొన్నారు. ఢిల్లీ నుంచి తిరిగొచ్చిన అనంతరం ఆయన బెంగళూరులో విలేకరులతో మాట్లాడారు. ‘ఢిల్లీ నుంచి తిరిగొచ్చాను. రాష్ట్ర ప్రభుత్వాన్ని పడగొట్టే ఎలాంటి చర్యలకు పాల్పడవద్దని మా నేతలు నాకు సూచించారు’ అని పేర్కొన్నారు.  ప్రస్తుతం కాంగ్రెస్‌-జేడీఎస్‌ సంకీర్ణ ప్రభుత్వం సంక్షోభాన్ని ఎదుర్కొంటున్న నేపథ్యంలో మరికొంతకాలం వేచిచూస్తామని, కాంగ్రెస్‌ అంతర్గత కుమ్ములాటలతో ఏదైనా జరగవచ్చునని, ఏదిఏమైనా రాష్ట్రంలో ప్రభుత్వాన్ని ఇబ్బందిపెట్టే, పడగొట్టే చర్యలకు పాల్పడవద్దని మాకు స్పష్టంగా సూచనలు అందాయని తెలిపారు.  ఇటీవలి లోక్‌సభ ఎన్నికల్లో కాంగ్రెస్‌-జేడీఎస్‌ దిగ్గజాలు ఓటమిపాలవుతారని, దీంతో ఆ రెండు పార్టీల సంకీర్ణ ప్రభుత్వం కుప్పకూలుతుందని, ఆ రెండు పార్టీల అంతర్గత కుమ్ములాటలు తీవ్రస్థాయికి చేరుకుంటాయని బీఎస్‌ యడ్యూరప్ప పేర్కొన్నారు. ఆయన పేర్కొన్నట్టుగానే జేడీఎస్‌ సుప్రీం దేవెగౌడ, ఆయన మనవడు నిఖిల్‌ గౌడ సహా పలువురు సీనియర్‌ నేతలు లోక్‌సభ ఎన్నికల్లో ఓటమిపాలయ్యారు. దీంతో జేడీఎస్‌-కాంగ్రెస్‌ సంకీర్ణ ప్రభుత్వంలో లుకలుకలు ప్రారంభమయ్యాయి. ప్రభుత్వాన్ని పడగొట్టేందుకు బీజేపీ తమ ఎమ్మెల్యేలకు గాలం వేస్తోందని కాంగ్రెస్‌ ఆరోపిస్తుండగా.. పొలిటికల్‌ మైలేజ్‌ కోసం సిద్దరామయ్యనే కాంగ్రెస్‌ ఎమ్మెల్యేలను బీజేపీ వద్దకు పంపిస్తున్నారని యడ్యూరప్ప విమర్శిస్తున్నారు.

సాక్షి, బెంగళూరు : లోక్‌సభ ఎన్నికల ప్రచారం సందర్భంగా కర్ణాటకలో రాజకీయ నేతల మధ్య మాటల యుద్ధం కొనసాగుతోంది. అధికార, ప్రతిపక్ష  నేతలు సై అంటే సై అంటూ విమర్శనాస్త్రాలు సంధిస్తున్నారు. ఈ నేపథ్యంలో బీజేపీ నాయకురాలు శోభ కరంద్లాజే వ్యాఖ్యలపై నీటిపారుదలశాఖ మంత్రి డీకే శివకుమార్‌ ఆక్రోశం వ్యక్తం చేశారు. కాంగ్రెస్‌ నాయకులు చేతుల గాజులు వేసుకోవాలని చేసిన వ్యాఖ్యలపై మంత్రి ఖండిస్తూనే గాజులను పంపితే తాము వేసుకోవటానికి సిద్ధంగా ఉన్నట్లు  పేర్కొన్నారు. ఎన్నికల ప్రచారంలో భాగంగా అయన నిన్న కుందగోళలో విలేకర్లతో మాట్లాడారు. కుందగోళను దత్తతకు తీసుకోవాలని నిర్ణయించినట్లు మంత్రి వివరించారు. కాంగ్రెస్‌ అభ్యర్థిని గెలిపిస్తే ప్రజలు ఆశించిన దానికంటే అధికంగా అభివృద్ధి చేస్తామన్నారు. శోభా చేసిన గాజుల వ్యాఖ్యలను ప్రస్తావిస్తూ శోభక్క ఎప్పుడు పంపుతుందోనని తాను ఎదురు చూస్తున్నాన్నారు. సిద్ధరామయ్య రేవణ్ణపై ట్విట్టర్‌లో చేసిన వ్యాఖ్యలపై స్పందించేందుకు ఆయన నిరాకరించారు.     23 తర్వాత ‘సంకీర్ణం’ పతనం  రాష్ట్రంలో ప్రభుత్వం బదిలీ అయ్యే పరిస్థితులు కనిపిస్తున్నాయి.. లోక్‌సభ ఫలితాల అనంతరం కర్ణాటకలోని కాంగ్రెస్‌ – జేడీఎస్‌ నేతృత్వంలోని సంకీర్ణ ప్రభుత్వం కూలిపోవడం ఖాయమని ప్రతిపక్ష నేత బీఎస్‌ యడ్యూరప్ప జోస్యం చెప్పారు. గురువారం ఆయన హుబ్బళి విమానాశ్రమంలో మీడియాతో మాట్లాడారు. కాంగ్రెస్‌ – జేడీఎస్‌ మధ్య సమన్వయ లోపమే సంకీర్ణ ప్రభుత్వానికి కారణం అవుతుందని చెప్పారు. గత 2018 విధానసభ ఎన్నికల్లో 104 స్థానాలు సాధించిన బీజేపీ ప్రతిపక్షంలో ఉండగా.. కేవలం 37 సీట్లు సాధించిన జేడీఎస్‌ సీఎం కుర్చీ ఎక్కడం ఏంటని ప్రశ్నించారు.  అలాగే రెండోస్థానంలో నిలిచిన కాంగ్రెస్‌ డిప్యూటీ సీఎం పీఠంపై ఉండటం ప్రజాస్వామ్యాన్ని ఖూనీ చేయడం కాదా? అన్నారు. కాంగ్రెస్‌కు నైతిక విలువలు లేవని మండిపడ్డారు. కాగా బీజేపీకి ప్రస్తుతం ఇద్దరు స్వతంత్ర ఎమ్మెల్యేలతో కలిపి 106 మంది సభ్యుల బలం ఉందన్నారు. ప్రస్తుతం చించోళి, కుందగోళలో కూడా బీజేపీ గెలిచే అవకాశం ఉందని.. అనంతరం బీజేపీ ఎమ్మెల్యేల సంఖ్య 108కు చేరుతుందన్నారు. అంతేకాకుండా కాంగ్రెస్‌లోని అసంతృప్త ఎమ్మెల్యేలు బీజేపీలో చేరేందుకు సిద్ధంగా ఉన్నారని.. ఫలితంగా 23వ తేదీ తర్వాత సంకీర్ణ ప్రభుత్వం పతనం దిశగా అడుగులు వేయడం ఖాయమన్నారు. అయితే బీజేపీ నేతృత్వంలో ప్రభుత్వం ఏర్పడుతుందా? అన్ని విలేకరుల ప్రశ్నకు బీఎస్‌ యడ్యూరప్ప స్పందించారు. తమకు సంపూర్ణ బలం ఉన్ననాడే ప్రభుత్వం ఏర్పాటు చేస్తామన్నారు. ఏ పార్టీతోనూ కుమ్మక్కయ్యే పరిస్థితి లేదని స్పష్టం చేశారు. అయితే లోక్‌సభ ఫలితాల అనంతరం రాష్ట్ర ప్రభుత్వం మారడం మాత్రం ఖాయమని ధీమా వ్యక్తం చేశారు. 

గుల్బర్గా: కర్ణాటక బీజేపీ చీఫ్‌ బీఎస్‌ యడ్యూరప్ప విలేకరుల సమావేశంలో సహనం కోల్పోయి.. ఓ విలేకరిపై చిందులు తొక్కారు. గత ఐదేళ్లలో కేంద్రంలోని బీజేపీ సర్కారు పనితీరుపై ఓ విలేకరి పలుమార్లు ప్రశ్నించడంతో ఆయనపై యడ్యూరప్ప ఆగ్రహం వ్యక్తం చేశారు. గుల్బర్గాలో ఆయన శుక్రవారం విలేకరులతో మాట్లాడారు. ఈ సందర్భంగా ఓ విలేకరి.. గడిచిన ఐదేళ్లలో నరేంద్రమోదీ నేతృత్వంలోని బీజేపీ ప్రభుత్వం సాధించిన విజయాలేమిటి? ఇచ్చిన హామీలను ఏమేరకు నెరవేర్చిందని యడ్యూరప్పను ప్రశ్నించారు. దీంతో భవిష్యత్తులో అన్ని హామీలు నెరవేరుస్తామని ఆయన చెప్పుకొచ్చారు. అయినా, విలేకరి మళ్లీ అదే ప్రశ్న అడుగడంతో యడ్యూరప్పకు కోపం వచ్చింది. ‘విను.. ఇప్పుడు కాకపోతే భవిష్యత్తులో హామీలు నెరవేరుస్తాం. మేం అన్ని హామీలు నెరవేర్చామని నేను ఎప్పుడూ చెప్పలేదు. ఐదేళ్లలో హామీలు అమలుచేస్తామని నేను చెప్పలేదు. నేను చెప్పానా?.. ఎందుకు చేయలేదని నువ్వు అడిగితే..  ఏం చెప్తాం. భవిష్యత్తులో చేస్తాం. కేవలం ఐదేళ్లలో దేశవ్యాప్తంగా ప్రతిదీ చేయలేం. కొన్ని పరిమితులు ఉంటాయి. దయచేసి.. వాదించకు. ప్రతిదీ చేశామని నేను ఎప్పుడూ చెప్పలేదు. ఇంకా ఎంతో చేయాల్సి ఉంది. దేశమంతటా చేయాల్సిన పని మొదలైంది. ఇక్కడ కూడా చేసేందుకు మేం ప్రయత్నిస్తాం. మేం ఇచ్చిన హామీలను నెరవేర్చాల్సిన బాధ్యత మాపై ఉంది’ అని యడ్యూరప్ప ఆగ్రహంగా చెప్పుకొచ్చారు. మరిన్ని ఉద్యోగాలు కల్పించాలని, మరింత అభివృద్ధి చేయాలని ప్రధాని మోదీని, ఎంపీలను తాను కోరతానని ఆయన పేర్కొన్నారు. 

బెంగళూరు/ఇండోర్‌: పుల్వామాలో 40 మంది సీఆర్పీఎఫ్‌ జవాన్ల మృతికి ప్రతీకారంగా పాక్‌ భూభాగంలోని ఉగ్ర శిబిరాలపై ఐఏఎఫ్‌ జరిపిన దాడుల్లో కుట్ర కోణం ఉందేమోనని కర్ణాటక మంత్రి ఒకరు అనుమానం వ్యక్తం చేశారు. ‘44 మందికి 22 సీట్లు అంటూ బీజేపీ రాష్ట్ర అధ్యక్షుడు యడ్యూరప్ప చేసిన ప్రకటనతో ప్రజల్లో అనుమానాలున్నాయి. సైనికుల త్యాగాలను వాడుకుని కర్ణాటకలోని 22 సీట్లు గెలుచుకోవచ్చని ఆ పార్టీ భావిస్తోంది’అని మంత్రి ప్రియాంక్‌ ఖర్గే అన్నారు. పాక్‌లోని ఉగ్ర శిబిరాలపై ఐఏఎఫ్‌ జరిపిన దాడితో ప్రధాని మోదీ ఆదరణ పెరిగిపోయిందనీ, వచ్చే ఎన్నికల్లో రాష్ట్రంలోని 28 లోక్‌సభ సీట్లలో 22 తమ పార్టీనే గెలుచుకుంటుందంటూ యడ్యూరప్ప ప్రకటన చేశారు. దీంతో బీజేపీపై ఆరోపణలు వెల్లువెత్తాయి.   

యశవంతపుర : సరిహద్దు వెంట పాక్‌ భూభాగంలోని జైషే ఉగ్రస్థావరాలపై భారత్‌ చేసిన సర్జికల్‌ దాడులు వచ్చే లోక్‌సభ ఎన్నికల్లో బీజేపీకి లబ్ధి చేకూరుస్తాయని కర్ణాటక బీజేపీ అధ్యక్షుడు యడ్యూరప్ప అన్నారు. సర్జికల్‌ దాడుల కారణంగా కర్ణాటకలో కనీసం 22 సీట్లను గెలుచుకోగలుగుతామని యడ్యూరప్ప చేసి న వ్యాఖ్యలు కలకలం సృష్టించాయి. బుధవారం చిత్రదుర్గంలో జరిగిన బీజేపీ సమావేశంలో మీడియాతో ఆయన మాట్లాడారు. దాడులు బీజేపీకి లా భం చేకూరుస్తాయన్న వ్యాఖ్యలు ప్రచారం కావడంతో రాష్ట్ర సీఎం కుమారస్వామి, సీఎల్పీ నేత సిద్ధరామయ్య తదితరులు యడ్యూరప్పపై మండిపడ్డారు. బీజేపీ నాయకు ల నిజస్వరూపం బయటపడిందని కుమారస్వామి విమర్శించారు. యడ్యూరప్ప మాటల వీడియోను ట్విట్టర్‌లో సిద్ధరామయ్య పోస్ట్‌ చేశారు. సర్జికల్‌ దాడులపై  అనుమానంగా ఉందని వ్యాఖ్యానించారు. తన వ్యాఖ్యలపై విమర్శలు వెల్లువెత్తడంతో యడ్యూరప్ప గురువారం స్పందించారు. ఉగ్రవాదులపై దాడులను రాజకీయాలకు ఉపయోగించుకోవడం తన అభిమతం కాదని వివరణ ఇచ్చారు.

బెంగళూరు: పాకిస్థాన్‌ బాలకోట్‌లోని జైషే మహహ్మద్‌ ఉగ్రవాద స్థావరాలపై భారత్‌ జరిపిన వైమానిక మెరుపు దాడులతో దేశంలో పరిస్థితి ఒక్కసారిగా ప్రధానమంత్రి నరేంద్రమోదీకి అనుకూలంగా మారిపోయిందట. ఈ మెరుపు దాడుల దెబ్బతో కర్ణాటకలోని 28 స్థానాల్లో 22 స్థానాల్లో బీజేపీ గెలువబోతోందని ఆ పార్టీ  కర్ణాటక చీఫ్‌ యడ్యూరప్ప చెప్పుకొచ్చారు. ‘రోజురోజుకు వాతావరణం.. గాలి బీజేపీకి పెద్ద ఎత్తున అనుకూలంగా మారిపోతోంది. నిన్న పాకిస్థాన్‌లోకి ప్రవేశించి.. అక్కడి ఉగ్రవాద స్థావరాలను ధ్వంసం చేయడంతో దేశంలో మోదీ అనుకూల వాతావరణం ఏర్పడింది. ఈ ప్రభావం రానున్న లోక్‌సభ ఎన్నికల్లో చూడవచ్చు’ అని ఆయన బుధవారం పేర్కొన్నారు. మెరుపు దాడులు యువతలో ఉత్సాహాన్ని నింపాయని, దీని కారణంగా కర్ణాటకలో 22 స్థానాలు గెలువబోతున్నామని ఆయన చెప్పారు. కర్ణాటకలో బీజేపీకి ప్రస్తుతం 16 లోక్‌సభ సీట్లు ఉన్నాయి. కాంగ్రెస్‌ పార్టీ పది సీట్లు, జేడీఎస్‌ రెండు సీట్లు సాధించింది. రాష్ట్ర ప్రభుత్వంలో సంకీర్ణ భాగస్వాములుగా ఉన్న కాంగ్రెస్‌-జేడీఎస్‌ ఈసారి కలిసి ఎన్నికలకు వెళుతామని ప్రకటించాయి. సీట్ల పంపకాల్లో భాగంగా జేడీఎస్‌ 10 నుంచి 12 సీట్లు కోరుతుండగా... కాంగ్రెస్‌ మాత్రం అన్ని సీట్లు ఇచ్చేందుకు సిద్ధపడటం లేదని తెలుస్తోంది.

సాక్షి, బెంగళూరు :  ఇటీవల జరిగిన కర్ణాటక అసెంబ్లీ ఎన్నికల్లో తీవ్రస్థాయిలో అక్రమాలు జరిగాయని ఆరోపిస్తూ కేంద్ర ఎన్నికల సంఘానికి బీజేపీ రాష్ట్ర అధ్యక్షుడు బీఎస్‌ యడ్యూరప్ప లేఖ రాశారు. విజయపూర్‌ జిల్లాలోని ఓ షెడ్డులో పెద్ద ఎత్తున ఓటర్‌ వెరీఫయబుల్‌ పేపర్‌ ఆడిట్‌ ట్రయల్‌ (వీవీపీఏటీ) యంత్రాలు లభించడంతో ఆయన పలు అనుమానాలు వ్యక్తం చేశారు. ‘కర్ణాటక అసెంబ్లీ ఎన్నికలు స్వేచ్ఛాయుత పారదర్శక వాతావరణంలో జరిగాయన్న ఎన్నికల సంఘం వ్యాఖ్యలు ఉత్త డొల్లేనని ఈ ఘటన నిరూపిస్తోంది’ అని యడ్యూరప్ప ఈసీ ప్రధాన అధికారి ఓపీ రావత్‌కు రాసిన లేఖలో పేర్కొన్నారు. కర్ణాటక అసెంబ్లీ ఎన్నికల్లో బీజేపీ అతిపెద్ద పార్టీగా అవతరించడంతో యడ్యూరప్ప ముఖ్యమంత్రిగా ప్రమాణ స్వీకారం చేసిన సంగతి తెలిసిందే. అయితే, తగినంత సాధారణ మెజారిటీ లేకపోవడంతో ఆయన విశ్వాసపరీక్షకు ముందే రాజీనామా చేశారు. ఈ నేపథ్యంలో వీవీపీఏటీ యంత్రాలు ఓ షెడ్డులో దొరకడం కలకలం రేపుతోంది. అయితే, వీవీపీఏటీ నిజమైన యంత్రాలు కాదని, ఆ యంత్రాలను తీసుకెళ్లే బాక్సులు మాత్రమే షెడ్డులో దొరికాయని కర్ణాటక ఎన్నికల సంఘం ప్రధానాధికారి సంజీవ్‌ కుమార్‌ తెలిపారు. వీవీపీఏటీ యంత్రాల్లో సిక్స్‌ డిజిట్‌ బార్‌ కోడ్‌ ఉంటుందని, అందులో ఒక ఇంగ్లిష్‌ అక్షరం, ఐదు అంకెలు ఉంటాయని, ఇవి ఎక్కడ ఉన్నా కంప్యూటర్‌తో గుర్తించవచ్చునని ఆయన తెలిపారు. షెడ్డులో దొరికిన యంత్రాల్లో సిక్స్‌ డిజిట్‌ బార్‌ కోడ్‌ లేదని స్పష్టం చేశారు.

అధికార పక్షం, విపక్షం, కొద్దిసేపట్లో ఎవరు అటు ఇటు అవుతారో తెలియని ఉత్కంఠ, అధికారం నిలుపుకోవాలని ఒకరు, చేజిక్కించుకోవాలని మరొకరి ఆరాటం. అందరి మనసుల్లోనూ ఒకటే కలవరం, ఈ పరిస్థితుల్లో కర్ణాటక అసెంబ్లీ శనివారం తొలిసారిగా కొలువు తీరింది. నూతన సభ్యులు దేవుని సాక్షిగా, రైతుల సాక్షిగా, ఒకరిద్దరు సత్యం సాక్షిగా ప్రమాణం గావించారు.  సాక్షి, బెంగళూరు: ఎన్నో నాటకీయ పరిణామాల నేపథ్యంలో శనివారం కొత్త ఎమ్మెల్యేలతో శాసనసభ సమావేశం అయింది. కొత్తగా ఎన్నికైన ఎమ్మెల్యేలందరూ ఎంతో ఉద్వేగంగా అసెంబ్లీలో అడుగుపెట్టారు. శనివారం ఉదయం 11 గంటలకు ఎమ్మెల్యేల ప్రమాణ స్వీకారం ప్రారంభమైంది. కాంగ్రెస్, బీజేపీ ఎమ్మెల్యేలు సమయానికే అసెంబ్లీకి చేరుకున్నారు. అసెంబ్లీ ప్రారంభమైన 10 నిమిషాలకు హెచ్‌డీ కుమారస్వామి నేతృత్వంలో జేడీఎస్‌ ఎమ్మెల్యేలు వచ్చారు. కాంగ్రెస్, జేడీఎస్‌ ఎమ్మెల్యేలు ప్రతిపక్ష„ý  స్థానంలో, బీజేపీ ఎమ్మెల్యే అధికారపక్షం వైపు కూర్చొన్నారు. సభలో హెచ్‌డీ రేవణ్ణ మాట్లాడుతూ ఐదుగురు చొప్పున ఎమ్మెల్యేలు ప్రమాణ స్వీకారం చేసేందుకు అనుమతించాలని ప్రొటెం స్పీకర్‌ను కోరగా, ఆ మేరకు అనుమతించారు.  మధ్యాహ్నం కల్లా ప్రధాన నేతలు సిద్ధరామయ్య, పరమేశ్వర్, జమీర్‌ అహ్మద్‌ తదితరులు ప్రమాణ స్వీకారం పూర్తి చేశారు. ఎమ్మెల్యేలు ఆనంద్‌సింగ్, సోమశేఖర్‌రెడ్డి, ప్రతాప్‌గౌడలు మధ్యాహ్నం వరకు శాసనసభకు హాజరు కాలేదు. మధ్యాహ్నం ఒంటి గంటలోపల చాలా మంది ఎమ్మెల్యేలు ప్రమాణం పూర్తి చేశారు. మీడియా గ్యాలరీలో కూర్చొని జాతీయ నేతలు అనంత్‌కుమార్, శోభ, గులాంనబీ ఆజాద్, మునియప్ప తదితరులు ఎమ్మెల్యేల ప్రమాణ స్వీకారాన్ని వీక్షించారు. ఎమ్మెల్యేలందరూ దేవుడు, రైతుల సాక్షిగా ప్రమాణం చేశారు. మధ్యాహ్నం 1.30 గంటలకల్లా దాదాపు 195 మంది ఎమ్మెల్యేలు ప్రమాణం పూర్తి చేశారు.  అనంతరం తాత్కాలిక స్పీకర్‌ గోపయ్య సభను మధ్యాహ్నం 3.30 గంటలకు వాయిదా వేశారు. ఇక మధ్యాహ్నం వరకు కూడా ఆనంద్‌సింగ్, ప్రతాప్‌ గౌడ ఆచూకీ లభించకపోవడంతో వారు అసెంబ్లీకి వస్తారా లేదా అనే అనుమానం అందరిలో వ్యక్తమయింది. గత బడ్జెట్‌ సమావేశాల అనంతరం అసెంబ్లీ సమావేశమవడంతో ఎమ్మెల్యేలందరితో శాసనసభ కళకళలాడింది. ఎమ్మెల్యేల ముఖాల్లో ఉత్సాహంతో పాటు ఉద్విగ్నత కూడా కనిపించింది. యడ్యూరప్ప బలపరీక్షలో నెగ్గుతారా?, ఓడిపోతారా?అనే సందిగ్ధం అందరిలోనూ వ్యక్తమైంది.  యడ్యూరప్ప దేవునిపై, సిద్ధరామయ్య సత్యంపై  సభ ప్రారంభమైన కొద్దిసేపటికి ‘ముఖ్యమంత్రి’ యడ్యూరప్ప మొదటగా ఎమ్మెల్యేగా.. దేవుని పేరిట ప్రమాణ స్వీకారం చేశారు. కాంగ్రెస్‌ శాసనసభ పక్ష నేత సిద్ధరామయ్య సత్యప్రమాణంగా ప్రమాణ స్వీకారం గావించారు. కొత్త ఎమ్మెల్యేలతో విధానసభ కార్యదర్శి ఎస్‌.మూర్తి ప్రమాణం చేయించారు. సాయంత్రం నాలుగు గంటలకు బలనిరూపణ పరీక్ష ముగించాలంటూ సుప్రీంకోర్టు ఆదేశించడంతో మధ్యాహ్నం 03.30గంటలకు 221 మంది ఎమ్మెల్యేలు చకచకా ప్రమాణం చేశారు. కనిపించకుండా పోయి కాంగ్రెస్‌ను కలవరపెట్టిన ఎమ్మెల్యేలు ఆనంద్‌సింగ్, ప్రతాప్‌గౌడ పాటిల్‌లు సభ ప్రారంభమవడానికి అర్ధగంట ముందు విధానసౌధలో ప్రత్యక్షమవడంతో హమ్మయ్య అనుకున్నారు.  కుమార, డీకే ఒకేసారి  జేడీఎస్‌ నుంచి కుమారస్వామి, కాంగ్రెస్‌ నుంచి సీనియర్‌ నేత డీకే శివకుమార్‌లు ఒకేసారి ప్రమాణ స్వీకారం చేయగా, అందరూ ఆసక్తిగా గమనించారు. గత మూడు రోజులుగా తమ ఎమ్మెల్యేలను కాపాడుకోవడంలో వీరిద్దరూ కీలకపాత్ర పోషించారు.  డీకే శివకుమార్‌ పేరిట ప్రమాణం  అసెంబ్లీలో అందరూ దైవం, సత్యం, రైతుల సాక్షిగా ప్రమాణం చేస్తే ఒక్క ఎమ్మెల్యే మాత్రం కాంగ్రెస్‌ సీనియర్‌ నేత డీకే శివకుమార్‌ పేరు మీద ప్రమాణ స్వీకారం చేశారు. ఆయన కుణిగల్‌ నియోజకవర్గ ఎమ్మెల్యే డాక్టర్‌ రంగనాథ్‌. డీకేకు అత్యంత ఆప్తునిగా పేరు పొందిన రంగనాథ్‌ ఆయన పేరు మీద ప్రమాణం చేయడంతో అందరు ఆసక్తిగా చూశారు. మొదటి సారి ఎన్నికల్లో గెలుపొందిన కేజీఎఫ్‌ ఎమ్మెల్యే రూపా శశిధర్‌ ఎవరి పేరు మీద ప్రమాణం చేయాలో తెలియక కాసేపు సందిగ్ధంలో పడ్డారు.  

సాక్షి, బెంగళూరు: బలనిరూపణ సందర్భంగా శనివారం విధానసౌధలోని అధికార, ప్రతిపక్షాల శిబిరాల్లో ఎటు చూసినా చర్చోపచర్చలే దర్శనమిచ్చాయి. ఎమ్మెల్యేలు గుంపులు గుంపులుగా చేరి చెవులు కొరుక్కోవడంలో బిజీ అయ్యారు.  15వ విధానసభ సమావేశాల్లో మొదటిరోజు ఎమ్మెల్యేలుగా ప్రమాణ స్వీకారం చేసిన అనంతరం ఆయా పార్టీల ఎమ్మేల్యేలు తమ శిబిరాల్లో బలనిరూపణపై ఆసక్తిగా చర్చించుకున్నారు. తమ ఎమ్మెల్యేలందరూ సభకు హాజరు కావడంతో కాంగ్రెస్‌–జేడీఎస్‌ శిబిరంలో ఉత్సాహం నెలకొంది, పథకాలు పారలేదని బీజేపీ ఎమ్మెల్యేల మోములు వాడిపోయాయి. పరీక్షలో తమదే విజయమంటూ బీజేపీ నేతలు శనివారం ఉదయం కూడా ధీమా వ్యక్తం చేయడంతో అటు కాంగ్రెస్‌–జేడీఎస్‌ శిబిరంలో కొంత ఆందోళన మొదలైంది. అద్భుతమేమీ జరగదని తెలిసి బీజేపీ శిబిరంలో నైరాశ్యత నెలకొంది.  ఒకవేళ కాంగ్రెస్‌–జేడీఎస్‌ల సంకీర్ణ ప్రభుత్వం వచ్చినా ఎన్ని రోజులు ఉంటుందోనంటూ నేతలు చర్చించుకున్న సన్నివేశాలు కూడా దర్శనమిచ్చాయి. ఓటింగ్‌ జరిగే సమయానికి బీజేపీ తమ ఎమ్మెల్యేలను లాక్కోవడానికి ప్రయత్నిస్తోందనే భయంతో కాంగ్రెస్‌ నేతలు భోజనాలు కూడా చేయకుండా తమ ఎమ్మేల్యేలను రక్షించుకునే పనిలో పడ్డారు. బీజేపీ రాష్ట్రాధ్యక్షుడు యడ్యూరప్ప, కేంద్రమంత్రులు అనంత్‌కుమార్, సదానందగౌడ, బీజేపీ నేత మురళీధరరావులు విధానసౌధలోని తమ శిబిరంలోను భుజించగా జేడీఎస్‌ ఎమ్మేల్యేలు తాము బసచేసిన హోటళ్లకు వెళ్లారు. 

సాక్షి, బెంగళూరు: ముఖ్యమంత్రి యడ్యూరప్ప కాంగ్రెస్‌ ఎమ్మెల్యే బీసీ పాటిల్‌కు మంత్రి పదవి ఆశ చూపించి ప్రలోభాలకు గురి  చేశారని ఆరోపిస్తూ  కాంగ్రెస్‌ ఆడియో టేపు విడుదల చేసింది. కొచ్చికి వెళ్లవద్దని, తనపై నమ్మకం లేదా అంటూ యడ్యూరప్ప అందులో మాట్లాడారు. బీజేపీకి మద్దతిస్తే తనకొచ్చే లాభం ఏమిటని పాటిల్‌ ప్రశ్నిస్తూ, తనతో పాటు మరో ముగ్గురు సిద్ధంగా ఉన్నారని చెప్పారు. వారిని కూడా తీసుకు రమ్మని యడ్యూరప్ప కోరారు.  కాంగ్రెస్‌ నుంచి బయటకు వస్తే మంత్రి పదవి ఇస్తానని, ఒక్కసారి కొచ్చికి వెళితే తిరిగి రావడం కుదరదని యడ్యూరప్ప చెబుతారు. మంత్రి పదవితో పాటు ఏ సహాయం కావాలన్నా చేసి పెడతామని హామీ ఇచ్చారు. యడ్యురప్ప కుమారుడు విజయేంద్ర కూడా తమ ఎమ్మెల్యేకు రూ. 5 కోట్లు డబ్బు, మంత్రి పదవి ఆశ చూపించారని కర్ణాటక కాంగ్రెస్‌ నేతలు ఆరోపించారు. ఈ మేరకు విజయేంద్ర మాట్లాడినట్లుగా ఉన్న ఆడియో టేపులను కాంగ్రెస్‌ పార్టీ విడుదల చేసింది.

సాక్షి, బెంగళూరు: ‘ప్రజలు ఎన్నికల్లో తిరస్కరించినా కాంగ్రెస్‌–జేడీఎస్‌ పార్టీలు అధికారం కోసం ప్రజాతీర్పును అవమాన పరుస్తూ అనైతిక మైత్రి చేసుకున్నాయి. అందుకే ప్రమాణ స్వీకారం చేసిన మూడు రోజులకే నేను రాజీనామా చేయాల్సి వస్తోంది’ అని ముఖ్యమంత్రి యడ్యూరప్ప అన్నారు. ఎన్నికల్లో అతిపెద్ద పార్టీగా అవతరించి గురువారం ముఖ్యమంత్రిగా ప్రమాణ స్వీకారం చేసిన యడ్యూరప్ప శనివారం ముఖ్యమంత్రి పదవికి రాజీనామా చేశారు. విధానసభలో బల నిరూపణకు ముందే ఆయన పదవిని వీడారు.  సుప్రీంకోర్టు ఆదేశాల మేరకు.. విధానసభ ప్రారంభమైన కొద్దిసేపటికి ఎమ్మేల్యేగా ప్రమాణ స్వీకారం చేసిన అనంతరం యడ్యూరప్ప భావోద్వేగంతో ప్రసంగించారు. ఏ పార్టీ ప్రకటించని విధంగా ఎన్నికలకు మూడేళ్ల ముందే తనపై నమ్మకంతో బీజేపీ అధిష్టానం తనను ముఖ్యమంత్రి అభ్యర్థిగా ప్రకటించిందన్నారు. అప్పటి నుంచి ఎన్నికల ప్రచారాలు ముగిసే వరకు రాష్ట్రవ్యాప్తంగా నిరంతరం పర్యటనలు చేసి రైతుల, ప్రజల కష్టనష్టాలను తెలుసుకున్నామన్నారు. ఎన్నికల్లో 104 స్థానాల్లో విజయాన్ని అందించారు. గత ఎన్నికల్లో 40 మంది ఎమ్మెల్యేల సంఖ్యా బలం నుంచి నేడు అతిపెద్ద పార్టీగా నిలబెట్టారని అన్నారు.  ‘ఇంతటి విజయాన్ని అందించిన ప్రజలకు నిస్వార్థంగా సేవ చేయాలనే ఉద్దేశంతో అధికారాన్ని చేపట్టాం. ఎన్నికల్లో హామీ ఇచ్చిన ప్రకారం ముఖ్యమంత్రిగా ప్రమాణ స్వీకారం చేసిన రెండు గంటల్లోనే రైతుల రుణమాఫీ నిర్ణయం తీసుకున్నాం. అయితే ప్రజలు ఎన్నికల్లో తిరస్కరించినా కాంగ్రెస్‌–జేడీఎస్‌ అధికారం కోసం ప్రజల తీర్పును అవమానపరుస్తూ అపవిత్ర సంధి చేసుకున్నాయి. దాని ఫలితమే నా రాజీనామా’ అంటూ కంటతడి పెట్టుకున్నారు. ఆత్మహత్యలకు పాల్పడ్డ రైతులకు, కష్టాల్లో మరింత కుంగిపోతున్న రైతులు, పేదలను ఆదుకోవడానికి ఎన్నో పథకాలు రూపొందించుకున్నామని, అయితే కాంగ్రెస్‌ కుటిల బుద్ధి, అధికారం దాహంతో అవన్నీ ధ్వంసమైనట్లు మండిపడ్డారు.  రాజీనామా సమర్పణ  రాజీనామా చేసి అధికారం కోల్పోయినంత మాత్రానే తాము ఊరికే కూర్చోబోమని రైతులు, పేదలు, ప్రజా సమస్యలపై తమ పోరాటాలు, ఉద్యమాలు కొనసాగిస్తామని యడ్డి స్పష్టం చేశారు. వచ్చే ఎన్నికల్లో బీజేపీకి 150 సీట్లలో మెజారిటీని అప్పగించడం ద్వారా అనైతిక కాంగ్రెస్‌–జేడీఎస్‌లకు ప్రజలు తగినరీతిలో బుద్ధి చెబుతారన్నారు. అనంతరం ఆయన నేరుగా రాజ్‌భవన్‌కు వెళ్లి గవర్నర్‌ వజూభాయ్‌వాలాకు రాజీనామాపత్రం సమర్పించారు. ఆయన వెంట కేంద్రమంత్రులు అనంత్‌కుమార్, సదానందగౌడ, బీజేపీ సీనియర్లు ఉన్నారు.  పదవిలో 55 గంటలే  ముఖ్యమంత్రిగా ప్రమాణ స్వీకారం చేసి మూడు రోజులు కూడా పూర్తవ్వక ముందే యడ్యురప్ప రాజీనామా చేయాల్సి వచ్చింది. ఆయన ముఖ్యమంత్రి పదవి మూడు రోజుల ముచ్చటగా మారింది. 17వ తేదీ గురువారం ఉదయం 9 గంటలకు రాజ్‌భవన్‌లో యడ్యూరప్ప ముఖ్యమంత్రిగా ప్రమాణ స్వీకారం చేశారు. అయితే మూడు రోజులు తిరగక ముందే శనివారం సాయంత్రం 5 గంటలకు రాజీనామా చేసేశారు. యడ్యురప్ప ఇప్పటికి మూడు సార్లు ముఖ్యమంత్రి కాగా, ఒక్కసారి కూడా పూర్తికాలం పదవిలో కూర్చోలేని నేతగా పేరు పొందారు. ప్రభుత్వం రద్దవడమో, లేక రాజకీయ కారణాల వల్ల మూడుసార్లూ అర్ధాంతరంగా పదవి నుంచి తప్పుకోవాల్సి వచ్చింది. యడ్డి సభ నుంచి నిష్క్రమించడంతో కాంగ్రెస్‌– జేడీఎస్‌ ఎమ్మెల్యేల్లో ఉత్సాహం పెల్లుబికింది. జేడీఎస్‌ పక్ష నేత కుమారస్వామి, కాంగ్రెస్‌ నేత డీకే శికుమార్‌లు చేయిచేయి కలిపి సంబరాలు చేసుకున్నారు. 

అప్పుడు  పార్లమెంటులో, ఇప్పుడు  కర్ణాటక అసెంబ్లీలో... అవే సన్నివేశాలు. అదే ఉద్వేగభరిత వాతావరణం..13 రోజుల పాటు ప్రధాని పదవిలో ఉండి విశ్వాస పరీక్షకుముందే భావోద్వేగ ప్రసంగం చేసి మరీ వాజపేయి రాజీనామా చేస్తే, ఇప్పుడు సరిగ్గా వాజపేయి బాటలోనే యడ్యూరప్ప నడిచే ప్రయత్నం చేశారు. ముచ్చటగా మూడురోజుల్లోనే బలపరీక్ష ఎదుర్కోకుండానే రాజీనామా చేయడమే కాదు అసెంబ్లీలో కంటతడి పెట్టుకున్నారు. నేను రాజీనామా చేస్తున్నానంటూ ప్రకటించి సభ నుంచి బయటకువెళ్లిపోతూ వెళ్లిపోతూ విజిటర్స్‌ గ్యాలరీలో ఉన్న కాంగ్రెస్‌ నేత గులాం నబీ ఆజాద్‌తో కరచాలనం చేసి మరీ వెళ్లిపోయారు.  ఉద్వేగ భరితం వాజపేయి ప్రసంగం సరిగ్గా ఇరవై రెండేళ్ల క్రితం 1996 సంవత్సరంలో లోక్‌సభలో తీవ్ర భావోద్వేగానికి లోనైన నాటి ప్రధానమంత్రి అటల్‌ బిహారి వాజపేయి విశ్వాస పరీక్ష ఎదుర్కోకుండానే పదవికిరాజీనామా చేశారు. సహజంగానే మంచి వక్త అయిన వాజపేయి అధికారానికి దూరమైనప్పటికీ తన ఉద్వేగ పూరితమైన ప్రసంగంతో అందరినీ ఆకట్టుకున్నారు. కేవలం 13రోజుల పాటు ప్రధాని పదవిలో కొనసాగిన వాజపేయి గద్దె దిగిపోతూ చేసిన ప్రసంగం భారత పార్లమెంటరీ చరిత్రలోనే ఒక కీలక ఘట్టం. నాటి ప్రసంగాన్ని  దూరదర్శన్‌ లైవ్‌టెలికాస్ట్‌ చేయడంతో వాజపేయి ప్రసంగం ఇప్పటికీ ఎందరినో వెంటాడుతోంది. ఇలా చట్టసభల సమావేశాలను లైవ్‌ ఇవ్వడం కూడా అదే తొలిసారి. దీంతో వాజపేయి సభవిశ్వాసాన్ని పొందలేకపోయినప్పటికీ తన ప్రసంగం ద్వారా  ప్రజల విశ్వాసాన్ని చూరగొన్నారు. నాటి ఎన్నికల్లో అతిపెద్ద పార్టీగా బీజేపీ అవతరించినప్పటికీ, ఇతర పార్టీలమద్దతు కూడగట్టడంలో విఫలమైంది. దీంతో అప్పటి రాజకీయ పరిస్థితులపై వాజపేయి సుదీర్ఘంగా ప్రసంగించారు.  ‘నా మీద అందరూ వ్యక్తిగత విమర్శలకు దిగుతున్నారు.పదవి కోసం పాకులాడుతున్నానని అంటున్నారు. ప్రజలు మా పార్టీకి అత్యధిక సంఖ్యలో సీట్లు కట్టబెడితే నేను అధికారానికి ఎందుకు దూరంగా ఉండాలి. ప్రభుత్వం ఏర్పాటుచేస్తామని అడిగే హక్కు మాకు ఉండదా ? ప్రజలు మాపై ఎంతో విశ్వాసంతో సింగిల్‌ లార్జెస్ట్‌ పార్టీని చేస్తే, వారిని మోసగించాలా? ఈ యుద్ధభూమి నుంచి పారిపోవాలా ?‘అనిప్రశ్నించారు. ‘మీకు ఎంత శాతం ఓట్లు వచ్చాయని నన్ను అందరూ అడుగుతున్నారు. ఈ ప్రజాస్వామ్య వ్యవస్థలో ఓట్లు ముఖ్యమా ? సీట్లు ముఖ్యమా ? మన పార్లమెంటరీవ్యవస్థలో నెగిటివ్‌ ఓట్లను ఎవరూ లెక్కపెట్టరు. అలాంటప్పుడు ప్రజలు మమ్మల్ని తిరస్కరించారని మీరెలా అంటారు‘ అంటూ వాజపేయి విపక్షాలకు చురకలు అంటించారు.యడ్యూరప్ప కూడా సరిగ్గా వాజపేయి ప్రసంగాన్ని తలపించేలా ‘ప్రజలు మాకు 104 సీట్లు వరంగా ఇచ్చారు. ప్రజా తీర్పు మాకు అనుకూలంగా ఉంది. అధికారం లేకపోయినానా జీవితం ప్రజలకు అంకితం. నేను యోధుడ్ని.. చివరి శ్వాస ఉన్నంతవరకు పోరాటం చేస్తూనే ఉంటాను‘ అని అన్నారు. ఇక వాజపేయి తన ప్రసంగం చివర్లో ‘నన్ను ఫాసిస్ట్‌ అని అంటున్నారు. కానీ  నేను ప్రజాస్వామ్య యుతంగానే పోరాడుతున్నాను. ఎన్నికల్లో గెలుస్తున్నాను.  అధికారం లేకపోయినా మాకున్న మార్గాల్లో మేము దేశ సేవ చేస్తూనే ఉంటాం. ఇప్పుడు మాకు మెజార్టీ లేనంత మాత్రానా, మేము మా మాతృభూమికి చేసిన సేవ ఏ మాత్రం తగ్గదు‘ అంటూ ఉద్వేగంగా ప్రసంగించి ఎందరినో కదిలించారు. ఇక యడ్యూరప్ప తన ప్రసంగంలో వచ్చే లోక్‌సభ ఎన్నికల్లో 28 లోక్‌సభ స్థానాలు గెలుచుకొని తామేమిటో చూపిస్తానంటూ ప్రతిజ్ఞ చేశారు. అచ్చంగా వాజపేయిని తలపించేలా యడ్యూరప్ప పదవి నుంచి వైదొలిగినప్పటికీ, వాజపేయి ఆ నాడు ప్రజలపై వేసిన ముద్ర అంతా ఇంతా కాదు. వాజపేయి భావోగ్వేదానికి అప్పట్లో జాతి యావత్తు కదిలిపోయింది. ఆనాటి వాజపేయి ప్రసంగం చిరస్మరణీయం.  (సాక్షి నాలెడ్జ్‌ సెంటర్‌)  

సాక్షి, న్యూఢిల్లీ: బలపరీక్షకు కొన్ని క్షణాల ముందు రాజీనామా చేస్తున్నట్టు ప్రకటించిన యడ్యూరప్ప అందరినీ ఆశ్చర్యపరిచారు. అప్పటివరకు తాము బలపరీక్షలో గెలిచితీరుతామని, 101శాతం విజయం తమదేనని పదేపదే చెప్పిన యడ్యూరప్ప.. అసెంబ్లీలో మాత్రం విశ్వాస పరీక్షను ఎదుర్కోలేదు. తమకు తగినంత సంఖ్యాబలం లేదని స్పష్టం చేశారు. నిజానికి ఇది ఆకస్మిక ప్రకటనేనని బీజేపీ వర్గాలు అంటున్నాయి. యడ్యూరప్ప చివరినిమిషంలో చేసిన ఈ ప్రకటన అటు కాంగ్రెస్‌-జేడీఎస్‌ వర్గాలనే కాదు.. ఇటు బీజేపీ శ్రేణులను విస్మయ పరిచింది. అందుకు కారణం లేకపోలేదు.. చివరిక్షణం వరకు బీజేపీ నేతలు బలపరీక్షలో గెలుపు తమదేనంటూ ధీమా వ్యక్తం చేశారు. బీజేపీ అధిష్టాన దూతగా కర్ణాటకకు వచ్చిన కేంద్రమంత్రి ప్రకాశ్‌ జవదేకర్‌ సైతం తమదే గెలుపు అంటూ నొక్కి వక్కాణించారు. ఈ క్రమంలో కాంగ్రెస్‌-జేడీఎస్‌ ఎమ్మెల్యేలను ప్రలోభాలకు గురిచేసి.. తమవైపు తిప్పుకునేందుకు బీజేపీ బేరసారాలను ముమ్మరం చేసిందని కథనాలు వచ్చాయి. బీజేపీ నేతలు కాంగ్రెస్‌ ఎమ్మెల్యేలతో మాట్లాడిన ఫోన్‌ కాల్స్‌ ఆడియో టేపులు వెలుగుచూశాయి. అటు కాంగ్రెస్‌-జేడీఎస్‌ కూడా అప్రమత్తమై.. తమ ఎమ్మెల్యేలు చేజారకుండా జాగ్రత్తలు తీసుకున్నాయి. అంతేకాకుండా కాంగ్రెస్‌ ఎమ్మెల్యేలు ఇద్దరిని బీజేపీ నేతలు బంధించారని ఆ పార్టీ నేతలు ఆరోపించారు. ఈ పరిణామాల నడుమే బీజేపీ అధిష్టానం వ్యూహం మారినట్టు కనిపిస్తోంది. మధ్యాహ్నం 3.30 గంటలకు అసెంబ్లీకి రావడానికి ముందు యడ్యూరప్ప బీజేపీ సీనియర్‌ నేతలతో భేటీ అయ్యారు. కేంద్రమంత్రులు జవదేకర్‌, జేపీ నడ్డా, అనంతకుమార్‌, సదానంద గౌడ, పార్టీ నేతలు శ్రీరాములు, జగదీశ్‌ షెట్టర్‌ ఈ భేటీలో పాల్గొన్నారు. ఆ తర్వాత గవర్నర్‌ వజుభాయ్‌ వాలాను కలిశారు. అనంతరం అసెంబ్లీకి వచ్చిన యడ్యూరప్ప భావోద్వేగంగా ప్రసంగించి రాజీనామా చేశారు. ఈ క్రమంలోనే ముఖ్యమంత్రి పదవి నుంచి తప్పుకోవాలని బీజేపీ అధినాయకత్వం యడ్యూరప్పకు తెలిపినట్టు తెలుస్తోంది. కర్ణాటక అసెంబ్లీలో బలపరీక్ష గురించి యావత్‌ దేశం తీవ్ర ఉత్కంఠతో ఎదురుచూడటం.. కర్ణాటక రాజకీయ పరిణామాలను ప్రజలు నిశితంగా గమనిస్తున్న నేపథ్యంలో విశ్వాస పరీక్ష ఎదుర్కోకుండానే తప్పుకోవడం మంచిదనే నిర్ణయానికి బీజేపీ అధినాయకత్వం వచ్చినట్టు తెలుస్తోంది. వచ్చే ఏడాది లోక్‌సభ ఎన్నికలు ఉన్న నేపథ్యంలో బేరసారాలు నెరిపి.. ఎమ్మెల్యేలను కొనుగోలు చేసిందనే మచ్చ పార్టీకి రాకూడదనే ఉద్దేశంతోనే యెడ్డీని హుందాగా దిగిపొమ్మని బీజేపీ అధిష్టానం సూచించిందని ఆ పార్టీకి చెందిన విశ్వసనీయ వర్గాలు తెలిపాయి. రానున్న ఎన్నికలను దృష్టిలో పెట్టుకొని పార్టీకి చెడ్డపేరు రాకుండా ఉండేందుకు అధిష్టానం ఈ ఆకస్మిక నిర్ణయం తీసుకుందని అంటున్నారు. మరోవైపు గవర్నర్‌ ఇచ్చినవిధంగా బలపరీక్షకు 15రోజులు గడువు ఉండివుంటే అలవకోగా యడ్యూరప్ప బలపరీక్షలో నెగ్గేవారని, కానీ సుప్రీంకోర్టు 24 గంటల గడువు (శనివారం 4 గంటలలోపు) ఇవ్వడంతో విశ్వాస పరీక్షకు పూర్తిస్థాయిలో సన్నద్ధం కాలేదని ఆ పార్టీ నేతలు కొందరు అభిప్రాయపడుతున్నారు. మొత్తానికి జేడీఎస్‌-కాంగ్రెస్‌ ప్రభుత్వ ఏర్పాటు.. ఆ తర్వాత జరగబోయే రాజకీయ పరిణామాలపై బీజేపీ నేతలు ఇప్పుడు దృష్టిపెట్టారు.

సాక్షి, బెంగళూరు: బల నిరూపణ కంటే ముందే యెడ్యూరప్ప తన ముఖ్యమంత్రి పదవికి రాజీనామా చేసిన వేళ.. కాంగ్రెస్‌-జేడీఎస్‌ శ్రేణులు సంబరాల్లో మునిగిపోయాయి. బీజేపీ అప్రజాస్వామిక ప్రయత్నాలు విఫలం అయ్యాయని, మెజార్టీ కోసం వాళ్లు చేసిన ప్రయత్నాలు వెలుగులోకి వచ్చాయని కర్ణాటక కాంగ్రెస్‌ పార్టీ విభాగం ట్వీట్‌ చేసింది. ప్రజాస్వామ్యాన్ని కాపాడిన కాంగ్రెస్‌-జేడీఎస్‌ కూటమి.. ఇక తటస్థ ప్రభుత్వంతో అభివృద్ధిపై దృష్టిసారిస్తుందని పేర్కొంది. మరోపక్క సీఎల్పీ నేత, మాజీ సీఎం సిద్ధరామయ్య కూడా స్పందించారు. ‘బీజేపీ చేపట్టిన ఆపరేషన్‌ లోటస్‌ దారుణంగా విఫలం అయ్యింది. ఇతర పార్టీల నుంచి ఎమ్మెల్యేలను కొనుగోలు చేయాలన్న వాళ్ల ప్రయత్నాలు బెడిసి కొట్టింది. అసమర్థుడినని ఒప్పుకున్న యెడ్యూరప్ప సభ నుంచి పరారయ్యారు. కర్నాటకలో ప్రజాస్వామ్యం వర్థిల్లింది’ అని ఆయన మీడియాతో పేర్కొన్నారు. ‘బీజేపీ కుట్ర ఫలించలేదు. రాజ్యాంగ విరుద్ధంగా వ్యవహరించాలనుకుని నిండా మునిగిపోయారు’ అని సిద్ధరామయ్య ఓ ట్వీట్‌ కూడా చేశారు. ‘ప్రజలే స్పీకర్లుగా మారి అసెంబ్లీలో జరిగిన మొత్తాన్ని వీక్షించారు.  కర్ణాటకలో ప్రజాస్వామ్యానిదే గెలుపు’ అని కాంగ్రెస్‌ సీనియర్‌ నేత పి చిదంబరం ట్వీట్‌ చేశారు. బీజేపీ ‘హైజాక్‌ కర్ణాటక అసెంబ్లీ ఫెయిల్‌’ అయ్యిందని కాంగ్రెస్‌ అధికార ప్రతినిథి రణ్‌ దీప్‌ సింగ్‌ సుజ్రేవాలా పేర్కొన్నారు. కాంగ్రెస్‌ సీనియర్‌ నేతలు అశోక్‌ గెహ్లట్‌, దిగ్విజయ్‌ సింగ్‌, శశిథరూర్‌ లు పరిణామాలపై హర్షం వ్యక్తం చేశారు.  పశ్చిమ బెంగాల్‌ ముఖ్యమంత్రి మమతా బెనర్జీ, ఏపీ సీఎం చంద్రబాబు నాయుడు, ఢిల్లీ ముఖ్యమంత్రి అరవింద్‌ కేజ్రీవాల్‌, బీఎస్పీ అధినేత్రి మాయావతి తదితరులు స్పందిస్తూ... బీజేపీ కుయుక్తులు ఫలించలేదని పేర్కొన్నారు.

సాక్షి,న్యూఢిల్లీ: కర్ణాటక ముఖ్యమంత్రిగా యడ్యూరప్ప ప్రమాణ స్వీకారం చేసిన కొద్ది గంటల్లోనే  రాజీనామా చేయడం దేశ వ్యాపంగా సంచలనంగా మారిన విషయం తెలిసిందే. దీనిపై తృణమూల్‌ కాంగ్రెస్‌ అధినేత్రి, పశ్చిమ బెంగాల్‌ ముఖ్యమంత్రి మమత బెనర్జీ ట్వీటర్‌లో స్పందించారు. ‘ఇది ప్రజాస్వామ్య విజయం. కాంగ్రెస్‌-జేడీఎస్‌ పార్టీలకు అభినందనలు. ఇది ప్రాంతీయ కూటమి విజయం’  అని తన ట్వీటర్‌లో పేర్కొన్నారు. అసెంబ్లీలో సరైన బలం​ లేక విశ్వాసపరీక్ష ఎదుర్కొకుండానే ముఖ్యమంత్రి పదవికి యడ్యూరప్ప రాజీనామా చేసిన విషయం తెలిసిందే.  కుమారస్వామి ఆహ్వానించారు.  యడ్యూరప్ప రాజీనామా చేసిన వెంటన కుమారస్వామి తనతో మాట్లాడారని, తన ప్రమాణస్వీకార కార్యక్రమానికి హాజరుకావాల్సిందిగా కుమారస్వామి తనని ఆహ్వానించినట్లు మమత బెనర్జీ తెలిపారు.

సాక్షి, బెంగళూరు : ముందుగా ఊహాగానాలు వెలువడినట్టే.. బలపరీక్షకు ముందు బీఎస్‌ యడ్యూరప్ప ముఖ్యమంత్రి పదవికి రాజీనామా చేశారు. వారం రోజులుగా సస్పెన్స్‌ థ్రిల్లర్‌లా సాగుతూ.. క్షణక్షణానికి అనూహ్య మలుపులు తిరుగుతున్న కన్నడ రాజకీయ కథకు తెరదించారు. నాటకీయ పరిణామాల నడము తీవ్ర భావోద్వేగానికి లోనవుతూ.. ముఖ్యమంత్రి పదవిని వదులుకుంటున్నట్టు యడ్యూరప్ప ప్రకటించారు. అనంతరం నేరుగా రాజ్‌భవన్‌కు వెళ్లి గవర్నర్‌ వజుభాయ్‌ వాలాకు రాజీనామా సమర్పించారు. దీంతో కర్ణాటకలో జేడీఎస్‌-కాంగ్రెస్‌ ప్రభుత్వ ఏర్పాటుకు లైన్‌ క్లియర్‌ అయింది.  యడ్యూరప్ప రాజీనామాతో ప్రజాస్వామ్యం విజయం సాధించిందంటూ కాంగ్రెస్‌-జేడీఎస్‌ ఎమ్మెల్యేలు నినాదాలు చేశారు. అసెంబ్లీలో జేడీఎస్‌ నేత కుమారస్వామి, కాంగ్రెస్‌ నేత డీకే శివకుమార్‌ పరస్పరం చేతులు పట్టుకొని సంఘీభావం తెలుపుతూ.. హర్షధ్వానాలు చేశారు. ప్రభుత్వ ఏర్పాటుకు కావాల్సిన పూర్తి మెజారిటీ తమకు ఉందని వారు ధీమా వ్యక్తం చేశారు. ముందుగానే ఊహించిందే! కర్ణాటక అసెంబ్లీ ఎన్నికల్లో బీజేపీ సొంతంగా 104 స్థానాలు గెలుచుకుంది. మొత్తం 222 అసెంబ్లీ స్థానాలకు ఎన్నికలు జరిగాయి. మ్యాజిక్‌ ఫిగర్‌ 112. కానీ జేడీఎస్‌ నేత కుమారస్వామి రెండుచోట్ల ఎమ్మెల్యేగా గెలుపొందినా.. ఆయనకు ఒకే ఓటు హక్కు ఉండటంతో మ్యాజిక్‌ ఫిగర్‌ 111కు చేరింది. ఈ నేపథ్యంలో బీజేపీ ఏడుగురు ఎమ్మెల్యలేను తనవైపు తిప్పుకునేందుకు తీవ్రంగా బేరసారాలు సాగించినట్టు కథనాలు వచ్చాయి. బీజేపీ నేతలు యడ్యూరప్ప, శ్రీరాములు తదితరులు కాంగ్రెస్‌ ఎమ్మెల్యేలతో ఫోన్‌లో బేరసారాలు జరిపారని ఆరోపిస్తూ.. కాంగ్రెస్‌ పార్టీ కొన్ని ఆడియో టేపులను విడుదల చేసింది. ఒక స్వతంత్ర​ఎమ్మెల్యేను బీజేపీ తనవైపు తిప్పుకున్నప్పటికీ మిగతా కాంగ్రెస్‌, జేడీఎస్‌ ఎమ్మెల్యేలను ఆకర్షించలేకపోయిందని తాజా పరిణామాలను బట్టి తెలుస్తోంది. అటు కాంగ్రెస్‌-జేడీఎస్‌ అగ్రనేతలు కూడా మొదటి నుంచి తమ ఎమ్మెల్యేలు ఫిరాయింపులకు పాల్పడకుండా, ప్రలోభాలకు లోనవ్వకుండా కట్టుదిట్టమైన ఏర్పాట్లు చేశారు. ఎమ్మెల్యేలను రిస్టార్ట్‌లకు తరలించి.. క్యాంపు రాజకీయాలకు తెరతీశారు. చివరకు ఎమ్మెల్యేలను కాపాడుకునేందుకు హైదరాబాద్‌కు తరలించి.. చివరిక్షణంలో వారిని బెంగళూరు తీసుకెళ్లిన సంగతి తెలిసిందే. ఎమ్మెల్యేలను కాపాడుకునేందుకు కాంగ్రెస్‌-జేడీఎస్‌ నడిపించిన రిసార్ట్‌ క్యాంపులు ఫలించినట్టు కనిపిస్తోంది. బీజేపీ సీనియర్‌ నేతలు ప్రతిపక్ష పార్టీల ఎమ్మెల్యేలను తమవైపు తిప్పుకునేందుకు తీవ్రంగా ప్రయత్నించినా.. ఆ యత్నాలు సఫలం కాలేదన్న విషయం శనివారం మధ్యాహ్నం నాటికి స్పష్టమైపోయింది. దీంతో బీజేపీకి అంతకుముందు ఓటేస్తామన్న ఇద్దరు ‘మిస్సింగ్‌’ ఎమ్మెల్యేలు సైతం తిరిగి ప్రత్యక్షమై కాంగ్రెస్‌ క్యాంప్‌నకు చేరుకున్నారు. ఈ నేపథ్యంలో మధ్యాహ్నంనాటికే బీజేపీ శాసనసభా పక్ష నేత యడ్యూరప్ప ముఖ్యమంత్రి పదవికి రాజీనామా చేస్తారని ప్రచారం ఊపందుకుంది. బలపరీక్షకు తగిన మెజారిటీ లేకపోవడంతో గతంలో వాజ్‌పేయి కూడా విశ్వాస పరీక్షకు ముందే ప్రధానమంత్రి పదవికి రాజీనామా చేశారు. ఇప్పుడు యడ్యూరప్ప కూడా అదే దారిలో సాగుతూ రాజీనామా చేస్తారనే ఊహాగానాలు బీజేపీ వర్గాల్లో తీవ్రమయ్యాయి. ఈ ఊహాగానాలు నిజం చేస్తూ.. మధ్యాహ్నం 3.30 గంటలకు అసెంబ్లీ సమావేశాలు తిరిగి ప్రారంభం కాగానే.. ఉద్వేగభరితంగా యడ్యూరప్ప ప్రసంగిస్తూ.. బీజేపీకి ఓటేసిన ప్రజలకు ధన్యవాదాలు తెలిపారు. తమకు 104 సీట్లు మాత్రమే ఇచ్చారని, పూర్తి మెజారిటీ ఇచ్చి ఉంటే.. కర్ణాటకను స్వర్గధామంగా చేసి ఉండేవాడినని అన్నారు. కాంగ్రెస్‌, జేడీఎస్‌లను ప్రజలు తిరస్కరించినా.. ఆ పార్టీలు అనైతిక పొత్తుతో ప్రభుత్వాన్ని ఏర్పాటు చేయాలనుకుంటున్నాయని ఆవేదన వ్యక్తం చేశారు. ఆ తర్వాత రాజీనామా చేయడంతో ఉత్కంఠభరితంగా సాగుతుందనుకున్న బలపరీక్ష మొదలుకాకముందే.. టెన్షన్‌కు తెరపడింది.

బెంగళూరు : కర్ణాటక ముఖ్యమంత్రిగా ప్రమాణ స్వీకారం చేసిన బీఎస్‌ యడ్యూరప్ప బల నిరూపణకు సిద్దంగా ఉన్నట్లు తెలిపారు. అసెంబ్లీలో భారతీయ జనతా పార్టీ (బీజేపీ) శనివారం బల నిరూపణ చేసుకోవాలని దేశ అత్యున్నత న్యాయస్థానం ఆదేశించిన విషయం తెలిసిందే. ఈ నేపథ్యంలో యడ్యూరప్ప మీడియాతో మాట్లాడుతూ.. సుప్రీం కోర్టు ఆదేశాలను బీజేపీ పాటిస్తుందన్నారు. మెజార్టీ సాధించేంతా ఎమ్మెల్యేల మద్దతు తమకుందని స్పష్టం చేశారు. బలపరీక్షలో 100 శాతం నెగ్గుతామని ఆయన ధీమా వ్యక్తం చేశారు. రేపు అసెంబ్లీ సమావేశం నిర్వహించేలా చీఫ్‌ సెక్రటరీతో చర్చిస్తానన్నారు.   సుప్రీం ఆదేశాలను స్వాగతిస్తున్నాం..  రేపే బలనిరూపణ చేసుకోవాలనే ఆదేశాలను స్వాగతిస్తున్నామని బీజేపీ ఎంపీ శోభా కరాండ్లజే అన్నారు. రేపు అసెంబ్లీలో తమ బలాన్ని నిరూపించుకుంటామని ఆశాభావం వ్యక్తం చేశారు. బల నిరూపణకు తమ పార్టీ సిద్దంగా ఉన్నట్లు స్పష్టం చేశారు. కాంగ్రెస్‌-జేడీఎస్‌ల పిటిషన్లను విచారించిన జస్టిస్‌ ఏకే సిక్రి, జస్టిస్‌ భూషణ్‌, జస్టిస్‌ బాబ్డేలతో కూడిన ముగ్గురు న్యాయమూర్తుల ధర్మాసనం కర్ణాటక అసెంబ్లీలో బీజేపీ శనివారం బల నిరూపణ చేసుకోవాలని ఆదేశించింది. ఈ నేపథ్యంలో కర్ణాటక రాజకీయం రసవత్తరంగా మారింది. రేపు సాయంత్రం నాలుగు గంటలకు బలపరీక్ష జరగనుంది.

సాక్షి, బెంగళూరు: కర్ణాటక 23వ ముఖ్యమంత్రిగా బీఎస్‌ యడ్యూరప్ప గురువారం ఉదయం ప్రమాణ స్వీకారం చేసిన విషయం తెలిసిందే. యడ్యూరప్ప ముఖ్యమంత్రిగా బాధ్యతలు చేపట్టిన అనంతరం రాష్ట్రంలో కీలక మార్పులు చేశారు. కాంగ్రెస్‌, జేడీఎస్‌ శిబిరాల వద్ద పోలీస్‌ బందోబస్తును తొలగించారు. కాంగ్రెస్‌ ఎమ్మెల్యేలు ఉన్న ఈగల్‌టన్‌ రిసార్ట్‌ వద్ద బందోబస్తును ఎత్తివేశారు. దీంతో కాంగ్రెస్‌ శిబిరం వద్ద స్థానిక కార్యకర్తలు రక్షణగా ఉన్నారు. అలాగే జేడీఎస్‌ ఎమ్మెల్యేలు ఉన్న శాంగ్రిలా హోటల్‌ వద్ద కూడా బందోబస్తును ఎత్తివేశారు. కాంగ్రెస్‌ ఎమ్మెల్యేలను హైదరాబాద్‌కు, జేడీఎస్‌ ఎమ్మెల్యేలను కొచ్చికి తరలించే యోచనలో యడ్యూరప్ప ఉన్నట్లు తెలుస్తోంది.  ముఖ్యమంత్రిగా ప్రమాణ స్వీకారం చేసిన కొద్ది గంటల్లోనే బీఎస్‌ యడ్యూరప్ప పలువురు పోలీసు ఉన్నతాధికారులను బదిలీ చేశారు. ఇంటెలిజెన్స్‌ అడిషనల్‌ డీజీగా అమర్‌కుమార్‌ పాండేను నియమించారు. ఇంటెలిజెన్స్‌ డిప్యూటీ ఐజీగా సందీప్‌ పాటిల్‌ను నియమించారు.

సాక్షి, బెంగళూరు: అసెంబ్లీలో బల నిరూపణకు కర్ణాటక గవర్నర్ వజూభాయ్‌ వాలా 15 రోజులు గడువు ఇవ్వడంపై సీఎం బీఎస్‌ య‍డ్యూరప్ప స్పందించారు. కర్ణాటక ముఖ్యమంత్రిగా మూడోసారి బీజేపీ నేత యడ్యూరప్ప ప్రమాణ స్వీకారం చేసిన విషయం తెలిసిందే. గురువారం సాయంత్రం బీజేపీ నేతలతో సమావేశం సందర్భంగా యెడ్డీ మాట్లాడుతూ.. బల నిరూపణకు 15 రోజులు మనకు అక్కర్లేదని పేర్కొన్నారు. సాధ్యమైనంత త్వరగా మెజార్టీ సంఖ్యా బలం ఉందని మనం చూపించాలి. కన్నడ ప్రజలు బీజేపీకి పట్టంకడుతూ తీర్పిచ్చారని గుర్తు చేశారు. దీన్ని బట్టి బీజేపీపై వారికున్న విశ్వాసం మరోసారి రుజువైందన్నారు. బెంగళూరులో బీజేపీ నేతలను ఉద్దేశించి యడ్యూరప్ప మాట్లాడుతూ.. మేం కాంగ్రెస్-జేడీఎస్‌లను, వాళ్లు బీజేపీని నిందించుకోవడం కంటే ప్రజల తీర్పును శిరసావహించడం ఉత్తమం. ఇప్పటికే వారు ఎన్నికల్లో మాకే ఎక్కువ సీట్లు అందించారు. ఎన్నికల సందర్భంగా వారికిచ్చిన హామీలను నెరవేర్చేందుకు మనం కృషి చేయాలి. బీజేపీకి పెద్ద బాధ్యతను రాష్ట్ర ప్రజలు అప్పగించారు. అందుకే మనం సాధ్యమైనంత త్వరగా బలాన్ని నిరూపించుకుని ప్రభుత్వాన్ని ఏర్పాటు చేయాలంటూ’ పిలుపునిచ్చారు. కాంగ్రెస్, జేడీఎస్ చేస్తున్న బ్యాక్ డోర్ రాజకీయాలను రాష్ట్ర ప్రజలు విమర్శిస్తున్నారని అనంత్ కుమార్ చెప్పారు. కాగా, 222 స్థానాలకు జరిగిన కర్ణాటక అసెంబ్లీ ఎన్నికల్లో బీజేపీ 104 స్థానాలు నెగ్గి మెజార్టీకి 8 సీట్ల దూరంలో నిలిచింది. కాగా, కాంగ్రెస్‌ 78 స్థానాలు, జేడీఎస్‌ 38 స్థానాలు గెలుపొందాయి. కాంగ్రెస్-జేడీఎస్ కూటమిగా ఏర్పడి హెచ్‌డీ కుమారస్వామిని సీఎం చేయాలని చూశాయి. అయితే అతిపెద్ద పార్టీగా అవతరించిన బీజేపీకి గవర్నర్ అవకాశం ఇచ్చి యడ్యూరప్పతో సీఎంగా ప్రమాణ స్వీకారం చేయించారు.

సాక్షి, బెంగళూరు : ముఖ్యమంత్రిగా పదవీ బాధ్యతలు స్వీకరించిన బీఎస్‌ యడ్యూరప్ప సంచలన నిర్ణయం తీసుకున్నారు. 56వేల కోట్ల రూపాయల రైతు రుణాలను మాఫీ చేస్తూ ముఖ్యమంత్రిగా తొలి సంతకం చేశారు. రైతు వ్యతిరేక నిర్ణయాల కారణంగానే సిద్దరామయ్య ప్రభుత్వం ఓడిపోయిందన్న విషయాన్ని గమనించిన యడ్యూరప్ప.. సీఎంగా ప్రమాణ స్వీకారం మొదలు మొదటి నిర్ణయం వరకు రైతు అనుకూల వైఖరిని అనుసరించారు. రైతులకు సంఘీభావంగా ఆకుపచ్చ కండువా కప్పుకొని ప్రమాణం స్వీకారం చేసిన యడ్యూరప్ప.. దైవసాక్షిగా, రైతుసాక్షిగా ప్రమాణం చేస్తున్నట్టు పేర్కొన్నారు. ఎన్నికల్లో గెలుపొందితే రైతు రుణాలను పూర్తిగా మాఫీ చేస్తానని యడ్యూరప్ప హామీ ఇచ్చారు. ముఖ్యమంత్రిగా పదవీ బాధ్యతలు స్వీకరించిన తర్వాత మొదట రైతులకు ఇచ్చిన హామీని యడ్యూరప్ప నెరవేర్చారు. ప్రస్తుతం యడ్యూరప్ప మాత్రమే సీఎంగా ప్రమాణం స్వీకరించిన సంగతి తెలిసిందే. బలనిరూపణ విషయంలో సందిగ్ధం కొనసాగుతుండటంతో మంత్రిమండలి ప్రమాణం చేయలేదు. అసెంబ్లీలో బల నిరూపణ చేసుకుందుకే యెడ్డీకి గవర్నర్‌ 15 రోజులు గడువు ఇచ్చారు. బలనిరూపణ చేసుకున్న తర్వాత ఆయన మంత్రిమండలి కొలువుదీరే అవకాశముంది. పూర్తిస్థాయిలో మంత్రిమండలి కొలువుదీరిన తర్వాత యడ్యూరప్ప మరిన్ని సంచలన నిర్ణయాలు తీసుకోవచ్చునని భావిస్తున్నారు.

సాక్షి, బెంగళూరు: కర్ణాటక ముఖ్యమంత్రిగా ప్రమాణ స్వీకారం చేసిన అనంతరం ముఖ్యమంత్రి యడ్యూరప్ప విధానసౌధకు వచ్చారు. ఈ సందర్భంగా విధానసౌధలోకి అడుగుపెట్టే సందర్భంగా ఆయన భావోద్వేగానికి లోనయ్యారు. విధానసౌధ మెట్లను చేతులతో తాకి.. ప్రమాణం చేశారు. లోక్‌సభ ఎన్నికల్లో విజయం తర్వాత 2014 మేలో పార్లమెంటులో అడుగుపెట్టిన సందర్భంగా ప్రధానమంత్రి నరేంద్రమోదీ కూడా ఇదే తరహాలో పార్లమెంటు మెట్లకు ప్రమాణం చేసిన సంగతి తెలిసిందే. పార్లమెంటును దేవాలయంగా అభివర్ణిస్తూ.. పార్లమెంటు మెట్లను ఆయన మొక్కారు. ఇప్పుడు యడ్యూరప్ప కూడా విధానసౌధను ‘ప్రజాస్వామ్య దేవాలయం’గా అభివర్ణిస్తూ.. సభ మెట్లను మొక్కారు.

సాక్షి, న్యూఢిల్లీ : కర్ణాటక ముఖ్యమంత్రిగా యడ్యూరప్ప ప్రమాణం చేయడంపై కాంగ్రెస్‌ పార్టీ ఆగ్రహం వ్యక్తం చేస్తోంది. తగినంత మెజారిటీ లేకపోయినా.. గవర్నర్‌ సాయంతో యడ్యూరప్ప ముఖ్యమంత్రి పగ్గాలు చేపట్టారని మండిపడుతోంది. తాజాగా యెడ్డీ ముఖ్యమంత్రిగా ప్రమాణం చేయడంపై కాంగ్రెస్‌ పార్టీ అధ్యక్షుడు రాహుల్‌ గాంధీ స్పందించారు. బీజేపీ రాజ్యాంగాన్ని అపహాస్యం చేసిందని మండిపడ్డారు. బూటకమైన విజయంపై బీజేపీ సంబరాలు చేసుకుంటుండగా.. దేశంలో విచారంలో మునిగిపోయిందని అన్నారు. ‘బీజేపీ తగినంత సంఖ్యాబలం లేకపోయినా.. అసంబద్ధంగా ప్రభుత్వాన్ని ఏర్పాటు చేస్తామని అంటోంది. ఇది రాజ్యాంగాన్ని అపహాస్యం చేయడమే. ఈ రోజు ఉదయం తమ బూటకమైన విజయంపై బీజేపీ సంబరాలు చేసుకుంటోంది. కానీ దేశం ప్రజాస్వామ్యం ఓడిపోయినందుకు విచారంలో మునిగిపోయింది’ అని రాహుల్‌ ట్వీట్‌ చేశారు. The BJP’s irrational insistence that it will form a Govt. in Karnataka, even though it clearly doesn’t have the numbers, is to make a mockery of our Constitution. This morning, while the BJP celebrates its hollow victory, India will mourn the defeat of democracy. — Rahul Gandhi (@RahulGandhi) May 17, 2018 యెడ్డీ ప్రమాణానికి వ్యతిరేకంగా కాంగ్రెస్‌ నిరసన ముఖ్యమంత్రిగా యడ్యూరప్ప ప్రమాణ స్వీకారానికి వ్యతిరేకంగా కాంగ్రెస్‌ ఎమ్మెల్యేలు, నేతలు కర్ణాటక విధానసౌధ ఎదురుగా ఉన్న గాంధీ విగ్రహం వద్ద నిరసన తెలిపారు. కాంగ్రెస్‌ నేతలు గులాం నబీ ఆజాద్‌, అశోక్‌ గెహ్లాట్‌తోపాటు మాజీ సీఎం సిద్దరామయ్య ఈ నిరసన ప్రదర్శనలో పాల్గొన్నారు. ప్రస్తుతం యడ్యూరప్ప ప్రమాణ స్వీకార అంశం సుప్రీంకోర్టు ఎదుట పెండింగ్‌లో ఉందని మాజీ సీఎం సిద్దరామయ్య అన్నారు. బీజేపీ రాజ్యాంగానికి వ్యతిరేకంగా పనిచేస్తోందని, ఈ విషయాన్నితాము ప్రజల్లోకి తీసుకెళుతామని ఆయన అన్నారు.

సాక్షి, బెంగళూరు : కర్ణాటక 23వ ముఖ్యమంత్రిగా బీఎస్‌ యడ్యూరప్ప గురువారం ప్రమాణ స్వీకారం చేశారు. రాజ్‌భవన్‌లో అంగరంగ వైభవంగా జరిగిన ప్రమాణస్వీకారోత్సవంలో యడ్యూరప్పతో గవర్నర్‌ వజుభాయ్‌ వాలా ప్రమాణం చేయించారు. కర్ణాటక ముఖ్యమంత్రిగా యడ్యూరప్ప పగ్గాలు చేపట్టడం ఇది మూడోసారి. ఈ కార్యక్రమానికి కేంద్రమంత్రులు జేపీ నడ్డా, ధర్మేంద్ర ప్రధాన్‌, ప్రకాశ్‌ జవదేకర్‌తోపాటు పలువురు బీజేపీ నేతలు హాజరయ్యారు. యెడ్డీ ప్రమాణం అనంతరం బీజేపీ కార్యకర్తలు శ్రేణులు పెద్ద ఎత్తున హాజరై.. మోదీ, మోదీ అంటూ నినాదాలు చేశారు. తాజాగా అసెంబ్లీ ఎన్నికల్లో బీజేపీ 104 స్థానాలను సాధించి.. అతిపెద్ద పార్టీగా నిలిచిన సంగతి తెలిసిందే. అయితే, మెజారిటీకి ఆ పార్టీ 8 స్థానాల దూరంలో నిలిచింది. ఈ క్రమంలో జేడీఎస్‌-కాంగ్రెస్‌ కూటమి ప్రభుత్వ ఏర్పాటుకు ముందుకొచ్చినప్పటికీ... గవర్నర్‌ వజుభాయ్‌ వాలా మాత్రం మొదట యడ్యూరప్పకు అవకాశం ఇచ్చారు. అసెంబ్లీలో బలనిరూపణ చేసుకునేందుకు యడ్యూరప్ప గవర్నర్‌ 15 రోజుల సమయం ఇచ్చారు. సుప్రీంకోర్టులో సైతం యడ్యూరప్ప ప్రమాణస్వీకారానికి లైన్‌క్లియర్‌ అయింది. అయితే, యడ్యూరప్పకు మెజారిటీ ఎమ్మెల్యేల బలం లేకపోయినప్పటికీ.. ప్రజాస్వామ్యాన్ని ఖూనీచేసి.. గవర్నర్‌ ఆయనకు ముఖ్యమంత్రిగా అవకాశం ఇచ్చారని కాంగ్రెస్‌, జేడీఎస్‌ ఆరోపిస్తున్నాయి.

సాక్షి, బెంగళూరు : కర్ణాటక ముఖ్యమంత్రిగా బీజేపీ నేత బీఎస్‌ యడ్యూరప్ప నేడు (గురువారం) ప్రమాణం చేశారు. బెంగళూరులోని రాజ్‌భవన్‌లో ఉదయం 9 గంటలకు ఆయనతో గవర్నర్‌ ప్రమాణ స్వీకారం చేయించారు. యడ్యూరప్ప ప్రమాణస్వీకారంపై స్టే విధించేందుకు సుప్రీంకోర్టు నిరాకరించడంతో లైన్‌క్లియర్‌ అయిన సంగతి తెలిసిందే. యడ్యూరప్ప ప్రమాణస్వీకారం.. కర్ణాటక రాజకీయ పరిణామాలకు సంబంధించిన లైవ్‌ అప్‌డేట్స్‌ ఇవి.. పోలీసు ఉన్నతాధికారుల బదిలీ ముఖ్యమంత్రిగా ప్రమాణ స్వీకారం చేసిన కొద్ది గంటల్లోనే బీఎస్‌ యడ్యూరప్ప పలువురు పోలీసు ఉన్నతాధికారులను బదిలీ చేశారు. ఇంటెలిజెన్స్‌ అడిషనల్‌ డీజీగా అమర్‌కుమార్‌ పాండేను నియమించారు. ఇంటెలిజెన్స్‌ డిప్యూటీ ఐజీగా సందీప్‌ పాటిల్‌ను నియమించారు. గోవాకు కర్ణాటక సెగ కర్ణాటక రాజకీయ సంక్షోభం సెగ గోవాను తాకింది. గోవా రాజ్‌భవన్‌ ముందు తమ ఎమ్మెల్యేలతో రేపు పరేడ్‌ నిర్వహించాలని కాంగ్రెస్‌ పార్టీ నిర్ణయించింది. అతిపెద్ద పార్టీని ప్రభుత్వ ఏర్పాటుకు పిలవాలని కాంగ్రెస్‌ డిమాండ్‌ చేసింది. సుప్రీంకోర్టులో కాంగ్రెస్-జేడీఎస్ పిటిషన్ న్యూఢిల్లీ: కర్ణాటక అసెంబ్లీలో ఆంగ్లో ఇండియన్‌ను ఎమ్మెల్యేగా నామినేట్ చేయకుండా ఆదేశాలు ఇవ్వాలని కోరుతూ సుప్రీంకోర్టులో కాంగ్రెస్-జేడీఎస్ పిటిషన్ దాఖలు చేసింది. బలపరీక్ష పూర్తయ్యేంత వరకు నియామకం చేయకుండా చూడాలని కోరింది. టచ్‌లో స్వతంత్ర ఎమ్మెల్యేలు.. పని అయిపోతోంది! అసెంబ్లీ వేదికగా జరిగే బలనిరూపణలో బీజేపీ నెగ్గి తీరుతుందని ఆ పార్టీ నేతలు ధీమా వ్యక్తం చేస్తున్నారు. తాజాగా బీజేపీ ఎమ్మెల్యే బీ శ్రీరాములు బలపరీక్షపై స్పందించారు. స్వతంత్ర ఎమ్మెల్యేలు తమతో టచ్‌లో ఉన్నారని, పని అయిపోతుందని ఆయన అన్నారు. ప్రాంతీయ పార్టీల మద్దతు కోరిన కుమారస్వామి మమతా బెనర్జీ, కేసీఆర్‌, చంద్రబాబు, నవీన్‌ పట్నాయక్‌లు కేంద్రానికి వ్యతిరేకంగా రావాలంటూ పిలుపు  బీజేపీకి వ్యతిరేకంగా ప్రాంతీయ పార్టీలు కలిసి రావాలి రేపు లేదా ఎల్లుండే బలపరీక్ష..: యడ్యూరప్ప అసెంబ్లీలో బలం నిరూపించుకుంటా.. రేపు లేదా ఎల్లుండి బలపరీక్ష ఉండొచ్చు కన్నడ ప‍్రజల ఆశీస్సులతోనే సీఎంగా ప్రమాణ స్వీకారం చేశా నాకు మద‍్దతు తెలిపిన ప్రతి ఒక్కరికీ ధన్యవాదాలు కాంగ్రెస్‌, జేడీఎస్‌లు అనైతికంగా అధికారంలోకి రావాలనుకున్నాయి: యడ్యూరప్ప కర్ణాటకలో రూ.56వేల కోట్ల రైతు రుణాలు రద్దు  ముఖ్యమంత్రిగా ప్రమాణ స్వీకారం చేసిన అనంతరం యడ్యూరప్ప రుణాల రద్దు ఫైలుపై తొలి సంతకం మళ్లీ రిసార్ట్‌కి చేరిన రాజకీయాలు విధాన సౌధలో ముగిసిన కాంగ్రెస్‌-జేడీఎస్‌ ధర్నా ధర్నాలో పాల్గొన్న ఏపీసీసీ అధ్యక్షుడు రఘువీరారెడ్డి తిరిగి రిసార్ట్‌కు చేరుకున్న కాంగ్రెస్‌-జేడీఎస్‌ ఎమ్మెల్యేలు సుప్రీంకోర్టుకు రాంజెఠ్మలానీ బీజేపీకి మెజారిటీ లేకపోయినప్పటికీ.. యడ్యూరప్పతో ముఖ్యమంత్రిగా ప్రమాణం చేయించడాన్ని సవాలు చేస్తూ దాఖలైన కేసులో.. సీనియర్‌ న్యాయవాది రాం జెఠ్మలానీ ఇంప్లీడ్‌కు అవకాశం ఇవ్వాలని సుప్రీంకోర్టును ఆశ్రయించారు. అయితే సరైన బెంచ్ ముందు ప్రస్తావించాలని ధర్మాసనం సూచించింది. యడ్యూరప్ప ప్రమాణానికి సుప్రీంకోర్టు ఇప్పటికే లైన్‌ క్లియర్‌ చేసింది. వ్యక్తిగత హోదాలో గవర్నర్‌ నిర్ణయాన్ని సవాలు చేస్తూ.. రాంజెఠ్మలానీ సుప్రీంకోర్టులో పిటిషన్‌ వేశారు. యెడ్డీ ప్రమాణానికి వ్యతిరేకంగా కాంగ్రెస్‌ నిరసన ముఖ్యమంత్రిగా యడ్యూరప్ప ప్రమాణ స్వీకారానికి వ్యతిరేకంగా కాంగ్రెస్‌ ఎమ్మెల్యేలు, నేతలు కర్ణాటక విధానసౌధ ఎదురుగా ఉన్న గాంధీ విగ్రహం వద్ద నిరసన తెలిపారు. కాంగ్రెస్‌ నేతలు గులాం నబీ ఆజాద్‌, అశోక్‌ గెహ్లాట్‌తోపాటు మాజీ సీఎం సిద్దరామయ్య ఈ నిరసన ప్రదర్శనలో పాల్గొన్నారు. యెడ్డీకి వ్యతిరేకంగా ప్రజాకోర్టుకు వెళుతాం: సిద్దూ ప్రస్తుతం యడ్యూరప్ప ప్రమాణ స్వీకార అంశం సుప్రీంకోర్టు ఎదుట పెండింగ్‌లో ఉంది. బీజేపీ రాజ్యాంగానికి వ్యతిరేకంగా పనిచేస్తోంది. మేం ప్రజల్లోకి వెళ్లి ఈ విషయాన్ని చాటుతాం: మాజీ సీఎం సిద్దరామయ్య రాజ్‌భవన్‌లో కర్ణాటక ముఖ్యమంత్రిగా బీఎస్‌ యడ్యూరప్ప ప్రమాణం రాజ్‌భవన్‌కు చేరుకున్న యడ్యూరప్ప.. మరికాసేపట్లో 23వ సీఎంగా ప్రమాణస్వీకారం ‘వందేమాతరం, మోదీ.. మోదీ’  అంటూ రాజ్‌భవన్‌ ఎదుట బీజేపీ కార్యకర్తలు నినాదాలు.. రాజ్‌భవన్‌ బయలుదేరిన యడ్యూరప్ప.. మరికాసేపట్లో సీఎంగా ప్రమాణం Bengaluru: BS Yeddyurappa leaves for Raj Bhavan, to take oath as Karnataka Chief Minister shortly. pic.twitter.com/gfX5kXi698 — ANI (@ANI) 17 May 2018 రాజ్‌భవన్‌లో అంగరంగ వైభవంగా ప్రమాణస్వీకారానికి ఏర్పాట్లు చేశారు. యడ్యూరప్ప ప్రమాణస్వీకారానికి కేంద్రమంత్రులు జేపీ నడ్డా, ధర్మేంద్ర ప్రధాన్‌, ప్రకాశ్‌ జవదేకర్‌తోపాటు పలువురు బీజేపీ నేతలు హాజరు అయ్యారు. Bengaluru: Swearing-in ceremony of BS Yeddyurappa as the Chief Minister of Karnataka to begin shortly; Union Ministers JP Nadda, Dharmendra Pradhan and Prakash Javadekar present at Raj Bhavan #Karnataka pic.twitter.com/yV3BEj8wNL — ANI (@ANI) 17 May 2018

బెంగుళూరు : దేశవ్యాప్తంగా ఆసక్తి రేపిన కర్ణాటక ఎన్నిలు ముగిశాయి. అయితే ఫలితాలు మరింత రసవత్తరంగా మారాయి. ఈ ఎన్నికల్లో బీజేపీ అత్యధికంగా 104 సీట్లు సాధించి అతిపెద్ద పార్టీగా నిలిచింది కానీ ప్రభుత్వాన్ని ఏర్పాటు చేయడానికి అవసరమైన ‘మాజిక్‌ ఫిగర్‌ 112’ను మాత్రం చేరుకోలేకపోయింది. దాంతో ఏ పార్టీ ప్రభుత్వాన్ని ఏర్పాటు చేస్తుందనే అంశం ఇప్పుడు సర్వత్రా ఆసక్తిని రెకెత్తించడమే కాకుండా కన్నడ ప్రజలకు మరోసారి 2008 నాటి జ్ఞాపకాలను గుర్తుకు తెస్తుంది. ‘ఆపరేషన్‌ లోటస్‌’ 2008లో జరిగిన కర్ణాటక అసెంబ్లీ ఎన్నికల్లో కూడా బీజేపీ అత్యధిక స్థానాల్లో గెలుపొంది అతిపెద్ద పార్టీగా నిలిచింది. అయితే అప్పుడు కూడా సరిగ్గా ఇప్పటిలాంటి పరిస్థితే ఎదుర్కొంది. అంటే ప్రభుత్వాన్ని ఏర్పాటు చేయడానికి అవసరమైన ‘మాజిక్‌ ఫిగర్‌’కు మూడు సీట్లు తక్కువ పొందింది. అటువంటి పరిస్థితుల్లో ప్రభుత్వాన్ని ఏర్పాటు చేయడానికి ప్రతిపక్ష పార్టీల ఎమ్మెల్యేలకు డబ్బు, పదవి ప్రలోభాలు చూపించి తమవైపు తిప్పుకుంది. కాంగ్రెస్‌ పార్టీ నుంచి ముగ్గురు, జేడీఎస్‌ పార్టీ నుంచి నలుగురు ఎమ్మేల్యేల మద్దతుతో బీఎస్‌ యడ్యూరప్ప నాయకత్వంలో దక్షిణాదిలో తొలిసారిగా కాషాయ ప్రభుత్వం కొలువుతీరింది. పదవి కాంక్షతో బీజేపీ అవలంభించిన ఈ విధానాన్ని ప్రతిపక్ష పార్టీలు ‘ఆపరేషన్‌ లోటస్‌’గా నామకరణం చేసి, బీజేపీ పార్టీ చర్యలను తప్పు పట్టడమే కాక ఇలా చేయడం విలువలకు విరుద్ధమని విమర్శించాయి. అయితే అప్పుడు కూడా యడ్యూరప్ప ముఖ్యమంత్రి అభ్యర్థి కావడం గమనార్హం. ఇదిలావుంటే యడ్యూరప్ప 2013లో బీజేపీ నుంచి బయటకు వచ్చి కర్ణాటక జనతా పక్ష (కేజేపీ) పేరుతో పార్టీని స్థాపించిన సంగతి తెలిసిందే. ఆ సమయంలో యడ్యూరప్ప ‘ఆపరేషన్‌ లోటస్‌’పై పశ్చాత్తాపం వ్యక్తం చేశారు. అప్పట్లో అసెంబ్లీలో బీజేపీ బలాన్ని పెంచడానికి తాను ఈ అక్రమ మార్గాన్ని ఎంచుకున్నట్టు వెల్లడించారు. 2018 పరిస్థితి.. ఇప్పుడు(2018లో) జరిగిన అసెంబ్లీ ఎన్నికల్లో కూడా 2008 నాటి పరిస్థితులే తలెత్తాయి. ఇప్పడు కూడా బీజేపీ, కాంగ్రెకస్‌, జేడీఎస్‌లు కర్ణాటకలో ప్రభుత్వాన్ని ఏర్పాటు చేయడానికి పావులు కదుపుతున్నాయి. ఈసారి ఎన్నికల్లో కూడా బీజేపీ 104 సీట్లు సాధించి సింగిల్‌ మెజారిటీ పార్టీగా నిలిచినప్పటికి, ప్రభుత్వాన్ని ఏర్పాటు చేయడానికి అవసరమైన ‘మాజిక్‌ ఫిగర్‌ 112’ను చేరుకోలేకపోయింది. మరోవైపు కాంగ్రెస్‌, జేడీఎస్‌ కలిసి ప్రభుత్వాన్ని ఏర్పాటు చేసే‍ందుకు ప్రయత్నిస్తున్నాయి. ఈ పరిస్థితుల్లో కర్ణాటకలో మరోసారి ‘ఆపరేషన్‌ లోటస్‌’కు బీజేపీ తెర తీసిందని ప్రతిపక్ష పార్టీలు ఆరోపిస్తున్నాయి.

సాక్షి, బెంగళూరు : కర్ణాటకలో ఎవరూ ప్రభుత్వాన్ని ఏర్పాటు చేయబోతున్నారు. ఎవరు బలపరీక్షలో నెగ్గుతారు? అన్నది ఇప్పుడు ఉత్కంఠ రేపుతోంది. ఇటు యడ్యూరప్ప నేతృత్వంలో బీజేపీ, అటు కుమారస్వామి నేతృత్వంలో జేడీఎస్‌-కాంగ్రెస్‌.. ప్రభుత్వ ఏర్పాటుకు తమకు అవకాశం కల్పించాలని గవర్నర్‌ను కోరుతున్నారు. ఈ నేపథ్యంలో గవర్నర్‌ వజూభాయ్‌ వాలా ఏ నిర్ణయం తీసుకుంటారన్నది ఆసక్తికరంగా మారింది. అతిపెద్ద పార్టీగా నిలిచిన బీజేపీకి ఆయన మొదట అవకాశం ఇస్తారా? లేక పూర్తి మెజారిటీ తమకు ఉందని చెప్తున్న జేడీఎస్‌-కాంగ్రెస్‌ కూటమికి చాన్స్‌ ఇస్తారా? అన్నది ఉత్కంఠగా మారింది. ఇప్పటికే బీజేపీ శాసనసభాపక్షం సమావేశమై.. యడ్యూరప్పను నాయకుడిగా ఎన్నుకుంది. యడ్యూరప్ప నాయకత్వంలో బీజేపీ ఎమ్మెల్యేలు గవర్నర్‌ను మరోసారి కలిసి.. తమకు అవకాశం ఇవ్వాలని కోరారు. బీజేపీ సొంతంగా 104 స్థానాలు గెలుచుకుంది. ఒక స్వతంత్ర ఎమ్మెల్యే కూడా బీజేపీకి మద్దతు ప్రకటించారు. ఈ నేపథ్యంలో బీజేపీ సంఖ్యాబలం 105కు చేరుకుంది. అటు, జేడీఎస్‌ శాసనసభాపక్షం కూడా భేటీ అయి.. కుమారస్వామిని నాయకుడిగా ఎన్నుకుంది. కుమారస్వామి నేతృత్వంలో జేడీఎస్‌-కాంగ్రెస్‌ నేతలు బుధవారం సాయంత్రంలోగా గవర్నర్‌ను కలువనున్నారు. తమకు మద్దతునిచ్చే ఎమ్మెల్యేల సంతకాలతో లేఖను గవర్నర్‌కు అందజేసి.. మొదట తమకు అవకాశం ఇవ్వాలని కోరబోతున్నారు. కాంగ్రెస్‌ శాసనసభాపక్షం సమావేశమై.. జీ పరమేశ్వరను నాయకుడిగా ఎన్నుకుంది. జేడీఎస్‌కు మద్దతుగా నిలువాలని నిర్ణయించింది. ఈ క్రమంలో ఇటు బీజేపీకిగానీ, అటు జేడీఎస్‌-కాంగ్రెస్‌ కూటమికి గానీ ప్రభుత్వ ఏర్పాటుకు కావాల్సిన సంఖ్యాబలం ఉందా? అన్నది ఆసక్తి రేపుతోంది. అసెంబ్లీలోని 222 స్థానాలకు ఎన్నికలు జరిగాయి. మ్యాజిక్‌ ఫిగర్‌ 112. బీజేపీకి ఇప్పటివరకు అధికారికంగా 105మంది సభ్యుల మద్దతు ఉంది. ఇందులో స్వతంత్ర ఎమ్మెల్యే ఆర్‌ శంకర్‌ కూడా ఉన్నారు. ఆయన కర్ణాటక ప్రజ్ఞావంత జనతా పార్టీ (కేపీజేపీ) పార్టీ తరఫున ఎమ్మెల్యేగా గెలుపొందారు. అటు కాంగ్రెస్‌ 78 స్థానాలు, జేడీఎస్‌ 38 స్థానాలు గెలుపొందాయి. మరో స్వతంత్ర ఎమ్మెల్యే ప్రస్తుతానికి వైఖరి తెలియాల్సి ఉంది. కాంగ్రెస్‌-జేడీఎస్‌ సభ్యులను కలుపుకుంటే.. ఆ కూటమి బలం 116కు చేరుకుంటుంది. అలవోకగా మ్యాజిక్‌ ఫిగర్‌ను దాటవచ్చు. బలపరీక్షలోనూ కుమారస్వామి కూటమి గెలువవచ్చు. కానీ అసలు తిరకాసు ఇక్కడే ఉంది. బీజేపీ బేరసారాలకు పలువురు కాంగ్రెస్‌, జేడీఎస్‌ ఎమ్మెల్యేలు ఆకర్షితమైనట్టు తెలుస్తోంది. వీరు లోపాయికారిగా బీజేపీ అనుకూలంగా పనిచేస్తారని, బీజేపీ బలపరీక్ష ఎదుర్కొంటే.. గైర్హాజరై.. ఆ పార్టీకి పరోక్షంగా సహకరిస్తారని అంటున్నారు. ఇప్పటివరకు పరిణామాలనుబట్టి చూస్తే.. కాంగ్రెస్‌ పార్టీ శాసనసభాపక్ష భేటీకి ఆరుగురు ఎమ్మెల్యేలు డుమ్మా కొట్టారు. ఇందులో ముగ్గురు ఎమ్మెల్యేలు హైదరాబాద్‌ కర్ణాటక ప్రాంతానికి చెందినవారు. వారు బీజేపీ నేత శ్రీరాములు బంధువులని, గాలి జనార్దన్‌రెడ్డి సన్నిహితులని తెలుస్తోంది. అటు జేడీఎస్‌ శాసనసభాపక్ష భేటీకి ఇద్దరు ఎమ్మెల్యేలు గైర్హాజరయ్యారు. ఒకవేళ ఈ ఎనిమిది మంది సభ్యులు (కాంగ్రెస్‌ నుంచి ఆరుగురు.. జేడీఎస్‌ నుంచి ఇద్దరు) బీజేపీకి ఆకర్షితులై.. తమ పార్టీల సమావేశాలకు దూరంగా ఉంటే.. అప్పుడు బీజేపీ బలనిరూపణ నల్లేరుమీద బండినడక అవుతోంది. బీజేపీ ప్రస్తుతం సాధారణ మెజారిటీకి ఏడుగురు ఎమ్మెల్యేల మద్దతు తక్కువగా ఉంది. మొత్తం ఎనిమిది మంది ఎమ్మెల్యేలు కాంగ్రెస్‌, జేడీఎస్‌ నుంచి ఫిరాయిస్తే.. బీజేపీ సులుభంగానే ప్రభుత్వం ఏర్పాటుచేస్తుందని భావించవచ్చు. కానీ, క్షణక్షణానికి కర్ణాటకలో రాజకీయాలు మారుతున్నాయి. బీజేపీ తమ ఎమ్మెల్యేలను ప్రలోభపెట్టడం కాదు.. బీజేపీ ఎమ్మెల్యేలు సైతం తమతో టచ్‌లో ఉన్నారని కాంగ్రెస్‌ నేతలు అంటున్నారు. తాను తలుచుకుంటే బీజేపీ నుంచి రెట్టింపు ఎమ్మెల్యేలను లాక్కుంటానని కుమారస్వామి హెచ్చరించారు. ఈ నేపథ్యంలో ప్రభుత్వ ఏర్పాటుపై గవర్నర్‌ నిర్ణయం.. అసెంబ్లీలో బలనిరూపణ వరకు కర్ణాటక రాజకీయాల్లో హైడ్రామా, సస్పెన్స్‌ కొనసాగే అవకాశం కనిపిస్తోంది.

సాక్షి, బెంగళూరు : కర్ణాటక రాజకీయం ఉత్కంఠ రేపుతోంది. ప్రభుత్వ ఏర్పాటు లక్ష్యంగా ఇటు బీజేపీ, అటు జేడీఎస్‌-కాంగ్రెస్‌ పావులు కదుతుపుతుండటంతో అనూహ్య మలుపులు తిరుగుతోంది. మెజారిటీ సంఖ్యాబలం ఉండటంతో ఎట్టి పరిస్థితుల్లో ప్రభుత్వం ఏర్పాటు చేసి తీరాలని జేడీఎస్‌-కాంగ్రెస్‌ భావిస్తుండగా.. అతిపెద్ద పార్టీగా నిలిచిన బీజేపీ వాటి ప్రయత్నాలకు గండికొట్టి.. తామే ప్రభుత్వాన్ని నెలకొల్పాలని ప్రయత్నిస్తోంది. ఇటు జేడీఎస్‌-కాంగ్రెస్‌ తమ ఎమ్మెల్యేలను కాపాడుకునేందుకు ప్రయత్నిస్తుండగా.. అటు బీజేపీ ఆ రెండు పార్టీలను చీల్చాలని గట్టిగా ప్రయత్నిస్తోంది. టార్గెట్‌ 15 మంది ఎమ్మెల్యేలు.. కాంగ్రెస్‌, జేడీఎస్‌ ఎమ్మెల్యేలతో ఇప్పటికే బీజేపీ నేతలు టచ్‌లో ఉన్నారు. దాదాపు 15 మంది ఎమ్మెల్యేలు లక్ష్యంగా బీజేపీ పావులు కదుపుతున్నట్టు చెప్తున్నారు. ఎమ్మెల్యేలను తమవైపు తిప్పుకునేందుకు శ్రీరాములుతోపాటు మరికొందరు సీనియర్‌ నేతలకు బీజేపీ అధినాయకత్వం బాధ్యతలు అప్పగించింది. ఇప్పటికే లింగాయత్‌ వర్గానికి చెందిన ఐదుగురు కాంగ్రెస్‌ ఎమ్మెల్యేలు మాయం అయినట్టు వినిపిస్తోంది. పార్టీ నాయకులకు ఆ ఎమ్మెల్యేలు అందుబాటులో లేకపోవడం కాంగ్రెస్‌లో గుబులు రేపుతోంది. లింగాయత్‌ ఎమ్మెల్యేలతో యడ్యూరప్ప రహస్యంగా సమావేశమయ్యారని తెలుస్తోంది. ఇటు దేవెగౌడ కొడుకు రేవణ్ణతూనే బీజేపీ లోపాయికారి ఒప్పందం కుదుర్చుకునేందుకు తీవ్రంగా ప్రయత్నిస్తోంది. రేవణ్ణ వర్గం తమకు మద్దతునిస్తే.. కేంద్రమంత్రి పదవి ఇస్తామని బీజేపీ ఆఫర్‌ చేసినట్టు సమాచారం. మొత్తానికి ఇటు జేడీఎస్‌ నుంచి, అటు కాంగ్రెస్‌ నుంచి ఎమ్మెల్యేలను తమవైపు ఫిరాయించేలా వ్యూహాల పదును పెట్టిన బీజేపీ.. ఆ మేరకు మైండ్‌గేమ్‌ను కూడా ముమ్మరం చేసింది. ఆ రెండు పార్టీల ఎమ్మెల్యేలు, ఇద్దరు స్వతంత్ర ఎమ్మెల్యేలు తమతో టచ్‌లో ఉన్నారని ప్రచారం జోరుగా సాగిస్తోంది. ఎమ్మెల్యేలను కాపాడుకోవడమే లక్ష్యం! బీజేపీ బారి నుంచి ఎమ్మెల్యేలను కాపాడుకోవడంపైనే కాంగ్రెస్‌ పార్టీ ప్రధానంగా దృష్టిపెట్టింది.  తాము గెలిచిన 78 మంది ఎమ్మెల్యేల్లో ఏ ఒక్కరూ కూడా బీజేపీలో చేరకుండా ఉండేందుకు క్యాంపు రాజకీయాలకు తెరతీసింది. అనుమానం ప్రతి ఎమ్మెల్యేను తాము అధికారంలో ఉన్న పంజాబ్‌లోని రిసార్ట్స్‌కు కాంగ్రెస్‌ పార్టీ తరలిస్తున్నట్టు తెలుస్తోంది. ముఖ్యంగా లింగాయత్‌ ఎమ్మెల్యేలు యడ్యూరప్పపై సానుకూలంగా ఉన్నారని తెలుస్తుండటం కాంగ్రెస్‌ను కలవర పరుస్తోంది. దీంతో కాంగ్రెస్‌ అధిష్టాన దూతలు అశోక్‌ గెహ్లాట్‌, గులాం నబీ ఆజాద్‌ అనుమానమున్న ఎమ్మెల్యేలతో నేరుగా మాట్లాడుతున్నారు.

సాక్షి, బెంగళూరు: కర్ణాటక ఎన్నికల ఫలితాలపై ఉత్కంఠ కొనసాగుతోంది. అయితే బీజేపీ మాత్రం అత్యధిక సీట్లను గెల్చుకుని హస్తానికి షాక్‌ ఇచ్చింది.  బీజేపీ విజయంలో బీఎస్‌ యెడ్యూరప్ప, శ్రీరాములు ఇద్దరూ ముఖ్యభూమిక పోషించారు. గత అసెంబ్లీ ఎన్నికలకు ముందు బీజేపీ నుంచి వేరుపడి సొంతకుంపట్లతో పార్టీని దెబ్బ కొట్టిన ఈ ఇద్దరూ.. ఇప్పుడు కీలకంగా వ్యవహరించటం విశేషం. 2012లో బీజేపీ నుంచి బయటకు వచ్చేసిన యెడ్యూరప్ప, శ్రీరాములు సొంత పార్టీలు స్థాపించుకున్నారు. 2013 అసెంబ్లీ ఎన్నికల్లో పోటీ చేసి బీజేపీ ఓటు బ్యాంకును దెబ్బకొట్టారు. గత ఎన్నికల్లో యెడ్యూరప్ప పార్టీ కర్ణాటక జనతా పక్ష(కేజేపీ)  9.8 శాతం ఓటింగ్‌తో ఆరు సీట్లు గెలుచుకోగా, శ్రీరాములు పార్టీ బదగర శ్రామిక రైతల కాంగ్రెస్‌ 2.7 శాతం ఓట్లతో నాలుగు సీట్లు గెలుచుకుంది. చివరకు బీజేపీ 20 శాతం ఓటింగ్‌తో కేవలం 40 సీట్లు మాత్రమే గెలుచుకుంది.  యెడ్యూరప్ప, శ్రీరాములు దెబ్బకి బీజేపీకి లింగాయత్‌, గిరిజన తెగల ఓట్లు అప్పుడు దూరం అయ్యాయి. అంటే ఆ సీట్లన్నీ బీజేపీ ఖాతాలో పడి ఉంటే సీట్ల సంఖ్య పెరిగి ఉండేది. దీనికితోడు మిగతా ప్రాంతాల్లోనూ ఆయా పార్టీలకు పోలైన ఓట్లు, అన్ని కలుపుకుని బీజేపీకిమళ్లి ఉండిఉంటే సీట్లు కనీసం 80 వరకు గెలుచుకుని ఉండేదని విశ్లేషకులు ఆనాడు అభిప్రాయపడ్డారు. తిరిగి ఐదేళ్ల తర్వాత ఆ ఇద్దరు నేతలే బీజేపీ ఓటు శాతం పెరిగేందుకు సాయపడ్డారు. ముఖ్యంగా తమ తమ సామాజిక వర్గాల ఓట్లతోపాటు, తమ ప్రాబల్యం ఎక్కువగా ఉన్న ఉత్తర కర్ణాటకలో బీజేపీ అత్యధిక సీట్లు గెలుచుకునేందుకు ఈ ఇద్దరు దోహదపడ్డారు. లింగాయత్‌ వర్గానికి సిద్ధరామయ్య ఇచ్చిన హామీని అంతగా పట్టించుకోని ప్రజలు, యెడ్డీ వైపే మొగ్గు చూపగా, మైనార్టీలు ఎక్కువగా ఉన్న తీర ప్రాంతంలో కూడా బీజేపీకి ఎక్కువ ఓట్లు పోలు కావటం గమనార్హం.

సాక్షి, బెంగళూరు : బీజేపీ స్టార్‌ క్యాంపెయినర్‌, సీఎం అభ్యర్థి బీఎస్‌ యడ్యూరప్ప అనుకున్నది సాధించారు. కర్ణాటక ఎన్నికల్లో బీజేపీని ముందుండి విజయతీరాలకు చేర్చిన ఆయన మరోసారి ముఖ్యమంత్రి పగ్గాలు చేపట్టేందుకు సిద్ధమవుతున్నారు. ఎన్నికల్లో బీజేపీ విజయంపై యెడ్డీ మొదటినుంచి ధీమాగా ఉన్న సంగతి తెలిసిందే. ఎన్నికలకు ముందు ఈ నెల 17న ముఖ్యమంత్రిగా తాను ప్రమాణం స్వీకారం చేయబోతున్నట్టు యెడ్డీ ప్రకటించి అందరినీ ఆశ్చర్యంలో ముంచెత్తారు. ఎన్నికల తర్వాత బీజేపీకి 125-130 స్థానాలు వస్తాయని అంచనా వేశారు. ఆయన అంచనాకు దగ్గరదగ్గరగా బీజేపీ సాధారణ మెజారిటీని సాధించింది. వ్యక్తిగతంగా షికారిపుర నియోజకవర్గంలో 20వేలకుపైగా ఓట్ల మెజారిటీతో యడ్యూరప్ప ఘనవిజయం సాధించారు. ఈ నేపథ్యంలో ఉత్సాహంగా ఉన్న యడ్యూరప్ప మంగళవారం బీజేపీ అధినేత అమిత్‌షాతో ఫోన్‌లో మాట్లాడారు. కర్ణాటక ఎన్నికల్లో విజయం సాధించిన సందర్భంగా యడ్యూరప్పకు అమిత్‌ షా అభినందనలు తెలిపారు. ఈ రోజు సాయంత్రం 6 గంటలకు బీజేపీ పార్లమెంటరీ బోర్డు ఢిల్లీలో భేటీ కానుంది. ఈ భేటీలో కర్ణాటక ముఖ్యమంత్రి అభ్యర్థిని ప్రకటించే అవకాశముంది. ముందే బీజేపీ సీఎం అభ్యర్థిగా యడ్యూరప్పను ప్రకటించడంతో ఆయన ఎంపిక లాంఛనమేనని భావిస్తున్నారు. వ్య

సాక్షి, బెంగళూరు : కర్ణాటక అసెంబ్లీ ఎన్నికల్లో బీజేపీ 120కిపైగా సీట్లు గెలుపొందడం ఖాయమని, కావాలంటే ఈ విషయాన్ని రాసి ఇస్తానని ఆ పార్టీ ముఖ్యమంత్రి అభ్యర్థి బీఎస్‌ యడ్యూరప్ప ధీమా వ్యక్తం చేశారు. ఈ నెల 17న ముఖ్యమంత్రిగా తాను ప్రమాణం స్వీకారం చేయబోతున్నట్టు యెడ్డీ ఇప్పటికే ప్రకటించిన సంగతి తెలిసిందే. కర్ణాటక అసెంబ్లీ ఎన్నికల్లో హంగ్‌ ఫలితాలు వస్తాయంటూ అంచనా వేసిన ఎగ్జిట్‌ పోల్స్‌ తప్పు అని యడ్యూరప్ప కొట్టిపారేశారు. ‘ప్రజలందరి సహకారంతో మేం 125-130 సీట్లు గెలుపొందుతాం. కాంగ్రెస్‌ పార్టీకి 70 స్థానాలకు మించి రావు. జేడీఎస్‌కు 24-25 సీట్లే వస్తాయి. ఇవి నా అంచనాలు. ఇప్పటివరకు నా అంచనా ఎప్పుడు తప్పు కాలేదు’ అని ఆయన ఆదివారం విలేకరులతో అన్నారు. ‘నేను కర్ణాటక రాజకీయాల్లో చాలాకాలం నుంచి ఉన్నాను. ఎన్నికల సందర్భంగా కర్ణాటక మొత్తం పర్యటించాను. మీరు కావాలంటే రాసి కూడా ఇస్తాను. ఫలితాలు వచ్చిన తర్వాత నేను రాసి ఇచ్చిన దానితో పోల్చుకోండి’ అని ఆయన చెప్పారు. ఈ నెల 17న తన ప్రమాణ స్వీకారానికి ప్రధాని మోదీని కూడా ఆహ్వానించినట్టు పేర్కొన్న యెడ్డీ.. మళ్లీ అధికారంలోకి వస్తానని సిద్దరామయ్య కలలు కంటున్నారని ఎద్దేవా చేశారు.

సాక్షి, న్యూఢిల్లీ : ఒక కర్ణాటక రాష్ట్రంలో అనేక ఎన్నికలు జరుగుతున్నాయి. ఏ రాష్ట్రంలోనైనా కొన్ని అంశాల చుట్టే ఎన్నికలు జరుగుతాయి. అవే ఎన్నికల ఫలితాలను నిర్దేశిస్తాయి. కర్ణాటకలో అలా కాదు. ఉత్తర కర్ణాటక నుంచి దక్షిణ కర్ణాటక వెళుతుంటే ఒక్కో అంశం చుట్టూ ఒక్కో ప్రాంతం ఎన్నికలు కేంద్రీకతమై కనిపిస్తాయి. ఉత్తరాదిలోని ముంబై కర్ణాటక ప్రాంతంలో ప్రధాన సమస్య మహాదేవి నదీ జలాల పంపిణీ. తీర ప్రాంతాల్లో మతపరంగా ప్రజల్లో విభజన కనిపిస్తోంది. దక్షిణాదికి వెళితే కావేరీ ప్రాదేశిక ప్రాంతంలో తాండవిస్తున్న కరవు పరిస్థితులే ఎన్నికల్లో ప్రధాన అంశం. గత రెండేళ్లుగా ఆ ప్రాంతంలో వర్షాలు పడలేదు.  ఈ ప్రాంతాల మధ్యలో ధనవంతులు, మధ్యతరగతి, చిన్న తరగతి ప్రజలు, గ్రామీణ, పట్టణ ప్రజలు దర్శనమిస్తారు. వారి మధ్య రెండు జాతీయ పార్టీల పట్ల పరస్పర భిన్నమైన వైఖరికి కనిపిస్తోంది. కర్ణాటకలో ప్రజలను సామాజికంగా కలిపి ఉంచేది కులం. రాజకీయంగా విడదీసేది కులమే. ఇటీవలి ఎన్నికల్లో వరుసగా ‘వొక్కలిగ లింగాయత్‌’ల ప్రభావమే ఎక్కువగా కనిపించింది. వీరశైవ లింగాయత్‌లకు, ఇతర లింగాయత్‌లకు మధ్య మళ్లీ తేడా ఉంది. దళితులను, ముస్లింలను కలుపుకొని ముఖ్యమంత్రి సిద్ధ రామయ్య అనుసరిస్తున్న ‘అహింద’ దక్పథంతో ఈ సారి మంచి ఫలితమే ఇచ్చే సూచనలు కనిపిస్తున్నాయి. రాష్ట్రంలో డబ్బుతోపాటు శక్తిమంతమైన మఠాల ప్రభావం కూడా ఎన్నికలపై ఎక్కువగా ఉంటుంది. అభ్యర్థుల నేర చరితను కూడా ప్రజలు పెద్దగా పట్టించుకోరు. అందుకే ఈసారి కాంగ్రెస్, బీజేపీ పార్టీల తరఫున ఎక్కువ మంది నేర చరితులు, డబ్బున్న అభ్యర్థులే పోటీ చేస్తున్నారు. గనుల్లో కోట్లు కొల్లగొట్టి జైలుకెళ్లి వచ్చిన గాలి సోదరులు కూడా బీజేపీ తరఫున పోటీ చేస్తున్నారు.  అవినీతిని అంతం చేస్తానంటూ ఎల్లప్పుడు నినదించే బీజేపీ కర్ణాటక ఎన్నికల్లో ఈ నినాదాన్ని పక్కన పెట్టింది. ప్రస్తుత ముఖ్యమంత్రి సిద్ధరామయ్య, మాజీ ముఖ్యమంత్రి యడ్యూరప్పల విషయానికి వస్తే ఇద్దరూ బలమైన నాయకులే. పలు సామాజిక సంక్షేమ కార్యక్రమాలను చేపట్టడం ద్వారా మధ్య, పేద తరగతి ప్రజలకు సిద్ధ రామయ్య దగ్గరయ్యారు. యడ్యూరప్ప ఎప్పుడూ వొక్కలిగ లింగాయత్‌లకు ఎప్పుడూ ఐకాన్‌. ఇక జాతీయ స్థాయిలో కాంగ్రెస్‌ తరఫున రాహుల్‌ గాంధీ, సోనియా గాంధీలు ఎన్నికల ప్రచారం నిర్వహించగా, బీజేపీ తరఫున ప్రధాని నరేంద్ర మోదీ, ఆ పార్టీ అధ్యక్షుడు అమిత్‌ షాలు ఎన్నికల ప్రచారం చేశారు.  ఇలా పలు అంశాలు ఎన్నికలను ప్రభావితం చేయనున్న నేపథ్యంలో సరైన ఓటరు నాడి అంతుపట్టడం లేదు. అన్ని ఎన్నికల సర్వేలు హంగ్‌ ప్రభుత్వాన్నే సూచిస్తున్నాయి. అన్నింటిలోను కాంగ్రెస్‌ పార్టీకే ఎక్కువ సీట్లు వచ్చే అవకాశం ఉంది. ఎన్నికల సర్వేలను మరో రకంగా బేరేజు వేస్తే కాంగ్రెస్‌ పార్టీకి 80 సీట్లకన్నా తగ్గవు. బీజేపీకి 65 సీట్లకన్నా తగ్గవు. జేడీఎస్‌కు 30 సీట్లకన్నా తగ్గవు. అంటే దాదాపు మిగతా 50 సీట్లే ఎన్నికల ఫలితాలను నిర్దేశిస్తాయన్న మాట. ఐపీఎల్‌ మ్యాచ్‌ లాగా కర్ణాటక ఎన్నికల ఫలితాలు అనూహ్యమే.

సాక్షి, బెంగళూరు: కర్ణాటకలో జరగనున్న అసెంబ్లీ ఎన్నికలను కర్ణాటక ముఖ్యమంత్రి సిద్దరామయ్యకు, ప్రధాని నరేంద్ర మోదీ మధ్య యుద్ధంగా భావిస్తున్నారు రాజకీయ విశ్లేషకులు. కర్ణాటకలో రెండోసారి అధికారంలోకి వచ్చి, 2019 లోక్‌సభ ఎన్నికలకు కన్నడ ఫలితాలను ఓపెనింగ్స్‌గా భావించాలని సిద్దరామయ్య తీవ్రంగా శ్రమిస్తుంటే, మరోపక్క రాష్ట్రంలో అధికారంలోకి వచ్చి దక్షిణ భారతంలో పాగా వేయాలని బీజేపీ భావిస్తోంది. ప్రచారంలో భాగంగా మోదీ, అమిత్‌ షా తమ రాష్ట్రంలో నిర్వహిస్తున్న వరుస ర్యాలీలపై సిద్దరామయ్య స్పందించారు. ఓ వార్తా ఛానల్‌తో సోమవారం మాట్లాడుతూ... పలు అంశాలను ప్రస్తావించారు. నరేంద్ర మోదీ, అమిత్‌ షాలకు కర్ణాటకలో అంత ప్రజాదరణ లేదని, వారిని ప్రత్యర్థిగా భావించట్లేదన్నారు. బీజేపీ సీఎం అభ్యర్థి బీఎస్‌ యడ్యూరప్పనే తమ అసలైన ప్రత్యర్థని సిద్దరామయ్య అన్నారు. దేశవ్యాప్తంగా మోదీకి ప్రజాదరణ తగ్గిందని, కన్నడ ఎన్నికల్లో ఆయన ప్రభావం ఏమాత్రం ఉండదని పేర్కొన్నారు. అమిత్‌షా రోడ్‌ షోలను ప్రజలు పట్టించుకోరని, ఆయన షోలు కామెడి షోలను తలపించేలా ఉన్నాయని ఎద్దేవా చేశారు. గత వారం రోజులుగా మోదీ, అమిత్ షా ద్వయం వరుస ర్యాలీలతో కన్నడసీమలో విస్తృతంగా ప్రచారాన్ని నిర్వహిస్తున్న విషయం తెలిసిందే. ఇదిలావుండగా కర్ణాటకలో విజయం కాంగ్రెస్‌, బీజేపీకి అత్యంత కీలకంగా మారింది. ఇక్కడ అధికారి నిలబెట్టుకుని ఈ ఏడాది జరగనున్న రాజస్తాన్‌, మధ్యప్రదేశ్‌, ఛత్తీస్‌గఢ్‌ అసెంబ్లీ ఎన్నికల్లో కూడా అదే  స్పూర్తిని కొనసాగించాలని కాంగ్రెస్‌ భావిస్తోంది. కన్నడ సీమలో విజయం​ సాధించి దక్షిణ భారతంలో తొలి ప్రభుత్వాన్ని ఏర్పాటు చేయాలని కాషాయ దళం ప్రయత్నిస్తోంది. కాగా గత నాలుగు దశాబ్ధాల్లో  కర్ణాటకకు ఐదేళ్లు సీఎంగా కొనసాగిన వ్యక్తిగా సిద్దరామయ్య చరిత్ర సృష్టించారు. మరోసారి కాంగ్రెస్‌ను అధికారంలోకి తీసుకువచ్చేందుకు తీవ్ర స్థాయిలో శ్రమిస్తున్నారు.

కర్ణాటక అసెంబ్లీ ఎన్నికల్లో ఒకవేళ బీజేపీ విజయం సాధిస్తే.. ఆ పార్టీ సీనియర్‌ బీఎస్‌ యడ్యూరప్పకు ముఖ్యమంత్రి పదవి దక్కుతుందా? లేదా అన్న దానిపై సందేహాలు వ్యక్తమవుతున్నాయి. రెండు సార్లు ముఖ్యమంత్రిగా పనిచేసిన ఆయనే.. కర్ణాటకలో బీజేపీ సీఎం అభ్యర్థి అని ప్రధాని మోదీ, పార్టీ జాతీయాధ్యక్షుడు అమిత్‌షా పేర్కొన్నా కూడా అనుమానాలు తొలగడం లేదు. దీనివెనుక ఎన్నో కారణాలు ఉన్నాయి. మార్చి 27న అమిత్‌షా చేసిన పలు వ్యాఖ్యలు, బీజేపీ అభ్యర్థుల జాబితాలో యడ్యూరప్ప కుమారుడికి, పలువురు సన్నిహితులకు అవకాశం దక్కకపోవడం, పార్టీలో ప్రత్యర్థులైన గాలి జనార్దన్‌రెడ్డి సోదరులిద్దరికీ అవకాశం దక్కడం వంటి పరిణామాలు యడ్డీకి పదవిపై అనుమానాలకు బలమిస్తున్నాయి.  75 ఏళ్లు దాటాయి..  బీజేపీలో 75 ఏళ్లు దాటినవారిని ప్రత్యక్ష రాజకీయాల నుంచి తప్పించాలనే దిశగా మోదీ, అమిత్‌షా చర్యలు చేపట్టారు. అందులోభాగంగానే అగ్రనేతలు ఎల్‌.కే.అడ్వాణీ, ఎం.ఎం.జోషీ తదితరులకు కేంద్రంలో పదవులు ఇవ్వలేదు. గుజరాత్‌ బీజేపీ సీఎం ఆనందీబెన్‌ పటేల్‌ను 75 ఏళ్లు నిండిన వెంటనే రాజీనామా చేయించి, గవర్నర్‌గా పంపారు. ఈ నేపథ్యంలో ఇటీవలే 75వ పుట్టినరోజు జరుపుకొన్న యడ్యూరప్పను సీఎం అభ్యర్థిగా బీజేపీ నాయకత్వం ప్రకటించడం విరుద్ధంగా కనిపిస్తోంది. ఒకవేళ బీజేపీ గెలిచి సీఎం పదవి ఇచ్చినా.. కొన్నాళ్లకే తనను పక్కనపెట్టవచ్చనే భయం యడ్యూరప్పకు కూడా పట్టుకుందని అంటున్నారు.  నోరుజారిన అమిత్‌షా  మార్చి ఆఖరులో కర్ణాటకలోని దావనగెరెలో జరిగిన బహిరంగసభలో అమిత్‌షా కాంగ్రెస్‌ సిద్దరామయ్య సర్కారుపై ఆరోపణలు గుప్పించారు. కానీ పొరపాటున తమ అభ్యర్థి పేరు పలికారు. ‘అత్యంత అవినీతికర ప్రభుత్వాల మధ్య పోటీ పెడితే.. యడ్యూరప్ప సర్కారు నంబర్‌ వన్‌ అవుతుంది’అన్నారు. పక్కనే ఉన్న మరో బీజేపీ నేత ఈ పొరపాటును చెప్పగానే.. సిద్దరామయ్య ప్రభుత్వమంటూ తప్పు దిద్దుకున్నారు. ఇదేకాదు వరుసగా రెండు మూడుసార్లు బీజేపీ నేతలు ఇలా నోరు జారడం గమనార్హం.  ‘గాలి’ సోదరులతో తంటాలు..  యడ్యూరప్ప సీఎంగా ఉండగా పార్టీలో, ప్రభుత్వంలో ఆయనకు ప్రత్యర్థులుగా మారిన గాలి జనార్దన్‌రెడ్డి సోదరులు, వారి ఆత్మీయుడు బి.శ్రీరాములు, ఆయన మేనల్లుడు సురేశ్‌బాబుకు అసెంబ్లీ టికెట్లు అందాయి. కానీ యడ్యూరప్ప చిన్న కొడుకు విజయేంద్రకు టికెట్‌ ఇవ్వకపోవడం ఆయనను అసంతృప్తికి గురిచేసింది. కాంగ్రెస్‌ కుటుంబ రాజకీయాలను తప్పుపడుతున్న నేపథ్యంలో.. యడ్యూరప్ప కుమారుడికి టికెట్‌ ఇవ్వలేకపోయామని కర్ణాటక రాష్ట్ర బీజేపీ ఇన్‌చార్జి పి.మురళీధర్‌రావు సమర్థించుకుంటున్నారు. కానీ తనకు ప్రత్యర్థులుగా మారిన గాలి సోదరులకు టికెట్లు ఇప్పించింది అమిత్‌షాయేనని యడ్యూరప్ప బాహాటంగానే విమర్శలు చేసి, తన అసమ్మతిని పరోక్షంగా వ్యక్తం చేశారు. ఈ నేపథ్యంలోనే కర్ణాటకలో బీజేపీ విజయం సాధించాక.. తనకు సీఎం పదవి దక్కుతుందో, లేదోనని యడ్యూరప్ప తనతో సాన్నిహిత్యమున్న ఓ కన్నడ కేంద్ర మంత్రి వద్ద వ్యాఖ్యానించారని కూడా ప్రచారం జరుగుతోంది.  వేదిక పంచుకోని మోదీ.. కర్ణాటక ఎన్నికల ప్రచారంలో భాగంగా ప్రధాని మోదీ పాల్గొంటున్న సభల్లో ఎక్కడా యడ్యూరప్ప కనిపించకపోవడంతోనూ సందేహాలు వ్యక్తమవుతున్నాయి. బీజేపీకి, ముఖ్యంగా యడ్యూరప్పకు రాజకీయ శత్రువైన మాజీ ప్రధాని దేవెగౌడపై ఇటీవలి సభలో మోదీ ప్రశంసల వర్షం కురిపించడం కూడా యడ్యూరప్పను నొచ్చుకునేలా చేసింది. ఇక యడ్యూరప్పకు అత్యంత విధేయురాలైన మాజీ మంత్రి, ఉడుపి–చికమగళూరు ఎంపీ శోభా కరంద్లాజేకు అసెంబ్లీ టికెట్‌ ఇవ్వకపోవడమూ ఆయనకు బాధ కలిగించిందని చెబుతున్నారు. అయితే బీజేపీకి కంచుకోటగా ఉన్న లింగాయతులకు ప్రత్యేక మత హోదా సిఫార్సుతో సిద్దరామయ్య తనవైపు తిప్పుకొనేందుకు ప్రయత్నం చేస్తున్నారు. ఈ నేపథ్యంలో లింగాయతుల ఓట్లు చెదిరిపోకుండా.. అదే వర్గానికి చెందిన యడ్యూరప్పను బీజేపీ నేతలు సీఎం అభ్యర్థిగా పదేపదే చెబుతున్నారన్న అభిప్రాయం కూడా వ్యక్తమవుతోంది. అయితే యడ్యూరప్ప మనసులో ఎన్ని అనుమానాలు, అసంతృప్తులు ఉన్నా.. కర్ణాటకలో బీజేపీ విజయం సాధిస్తే ఆయనకే ముఖ్యమంత్రి అవకాశం ఉంటుందని అంటున్నారు. ఈ పరిణామాలన్నింటి నేపథ్యంలో కర్ణాటకలో బీజేపీ విజయం సాధించడం ఒక ఎత్తయితే, యడ్యూరప్ప సీఎంగా ప్రమాణం చేసి దీర్ఘకాలం పదవిలో కొనసాగడం అంతే ఎత్తని రాజకీయ విశ్లేషకులు భావిస్తున్నారు. 

సాక్షి, బెంగళూరు: అసెంబ్లీ ఎన్నికలు దగ్గర పడుతున్నకొద్దీ కర్ణాటకలో రాజకీయాలు వేడెక్కుతున్నాయి. అయితే వచ్చే లోక్‌సభ ఎన్నికల్లో బీజేపీకి తాజా కర్ణాటక ఎన్నికలు హెచ్చరికగా మారనున్నాయి. అయితే  ఈ అసెంబ్లీ ఎన్నికల్లో బీజేపీ అభ్యర్థి బీఎస్‌ యడ్యూరప్ప విజయం సాధిస్తే అది ప్రధాని నరేంద్ర మోదీ ఖాతాలోకి వెళ్తుందని.. ఒకవేళ మరోసారి ఓడితే మాత్రం అది యెడ్డీ ఖాతాలోకి పార్టీ అధిష్టానం నెట్టివేస్తుందని రాజకీయ విశ్లేషకులు భావిస్తున్నారు. కాంగ్రెస్, బీజేపీల మధ్య పోరు రసవత్తరంగా ఉండబోతుదని కర్ణాటక అసెంబ్లీ ఎన్నికల్లో ఏ పార్టీకి స్పష్టమైన మెజార్టీ రాదని సర్వే ఫలితాలు చెబుతున్నాయి. అసలే 2019 సార్వత్రిక ఎన్నికలకు సెమీఫైనల్స్‌గా భావించే కర్ణాటక ఎన్నికల ఫలితాలు కేంద్రంలోని ఎన్డీఏ సర్కారుకు చాలా కీలకం. దక్షిణాదిలో ఇప్పటివరకూ బీజేపీ సొంతంగా అధికారంలోకొచ్చిన ఏకైక రాష్ట్రం కర్ణాటక కావడం గమనార్హం. అయితే కర్ణాటకలో ఎన్నికల షెడ్యూలు విడుదల కావడం, ఎన్నికల కోడ్ అమల్లోకి రావడానికి నెల రోజుల ముందు కర్ణాటకలో ప్రధాని మోదీ పర్యటించారు. ఓవైపు కాంగ్రెస్ పార్టీ అధ్యక్షుడు రాహుల్ గాంధీ మాత్రం మరోసారి సిద్ధరామయ్యకు సీఎం కూర్చీ అప్పగించాలని తీవ్రంగా యత్నిస్తున్నారు. ఇప్పటికే పలు జిల్లాల్లో రాహుల్ ఎన్నికల ప్రచారం నిర్వహించారు. ప్రధాని మోదీ మాత్రం ప్రస్తుతం చైనా పర్యటనలో ఉన్నారు. చైనా నుంచి తిరిగొచ్చినా వెంటనే కర్ణాటక ఎన్నికల ప్రచారంలో మాత్రం పాల్గొనడం లేదు. మే 3, 5, 7, 8 తేదీల్లో బహిరంగ సభల్లో ప్రధాని మోదీ పాల్గొని.. బీజేపీ అభ్యర్థి యుడ్యూరప్ప తరఫున ప్రచారం నిర్వహించనున్నారు. కాగా, రాహుల్ మే 10వ తేదీ వరకు తన ప్రచారం కార్యక్రమాలు కొనసాగించాలని నిర్ణయించుకున్నారు. మరోవైపు యెడ్డీ తనయుడు విజయేంద్రకు టికెట్ ఇచ్చేది లేదని బీజేపీ అధిష్టానం స్పష్టం చేసింది. దాంతోపాటుగా యెడ్డీ తనయుడిని బుజ్జగించేందుకు బీజేపీ యువమోర్చా రాష్ట్ర ప్రధాన కార్యదర్శిగా విజయేంద్రను నియమిస్తున్నట్టు ప్రకటించింది. అధిష్టానం నిర్ణయంపై యెడ్డీ అసంతృప్తిగా ఉన్నప్పటికీ బహిరంగంగా వెల్లడించలేకపోతున్నారని కర్ణాటక బీజేపీ వర్గాల సమాచారం.

సాక్షి, బెంగళూరు : కర్ణాటక ఎన్నికల్లో బీఎస్‌ యడ్యూరప్ప తనయుడు పోటీచేయడం లేదు. ఆయనకు బీజేపీ అధిష్టానం టికెట్‌ నిరాకరించింది. యెడ్డీ బీజేపీ రాష్ట్ర అధ్యక్ష పదవి నిర్వహిస్తూ.. ఎన్నికల్లో పార్టీకి నేతృత్వం వహిస్తున్నప్పటికీ.. టికెట్ల విషయంలో ఆయనకు నిరాశే మిగిలింది. యెడ్డీ తనయుడు విజయేంద్రకు, ఆయన సన్నిహితురాలు శోభా కర్లందాజేకు బీజేపీ అధినాయకత్వం​ షాక్‌ ఇచ్చింది. దీంతో యెడ్డీ మద్దతుదారులు భగ్గుమన్నారు. అమిత్‌షాకు వ్యతిరేకంగా నినాదాలు చేశారు. ఓ హోటల్‌లో జరిగిన పార్టీ కార్యక్రమంలో వీరంగం సృష్టిస్తూ.. ఫర్నీచర్‌ను ధ్వంసం చేశారు. మంగళవారం ఉదయంలోగా వరుణ నియోజకవర్గం నుంచి విజయేంద్ర టికెట్‌ ప్రకటించాలని, లేకుంటే తాము మూకుమ్మడి రాజీనామా చేస్తామని విజయేంద్ర అనుచరులు హెచ్చరించారు. ఈ నేపథ్యంలో ఇటు యెడ్డీ, అటు ఆయన తనయుడు అసమ్మతితో రగిలిపోతున్న నేపథ్యంలో బీజేపీ అధిష్టానం దిగొచ్చింది. యెడ్డీ తనయుడిని బుజ్జగించేందుకు పదవిని ఆఫర్‌ చేసింది. బీజేపీ యువమోర్చా రాష్ట్ర ప్రధాన కార్యదర్శిగా విజయేంద్రను నియమిస్తున్నట్టు ప్రకటించింది. అయితే, విజయేంద్ర అనుచరులు కోరినట్టు వరుణ నియోజకవర్గం నుంచి బీజేపీ టికెట్‌ ఇచ్చే అవకాశం లేదని సంకేతాలు ఇచ్చింది. మొత్తానికి విజయేంద్ర వ్యవహారం బీజేపీ తీవ్ర అసమ్మతికి దారితీసే అవకాశాలు కనిపిస్తున్నాయని విశ్లేషకులు అభిప్రాయపడుతున్నారు.

సాక్షి, మైసూర్‌ : కర్ణాటక అసెంబ్లీ ఎన్నికల్లో అత్యంత ఆసక్తి రేపిన నియోజకవర్గం వరుణ.. ఇక్కడి నుంచి సీఎం సిద్దరామయ్య, ప్రతిపక్ష నేత బీఎస్‌ యడ్యూరప్ప తనయులు బరిలోకి దిగుతారని మొదట భావించారు. ఊహించినట్టుగానే సిద్దరామయ్య కొడుకు డాక్టర్‌ యతీంద్రను ఇక్కడి నుంచి బరిలోకి దిగగా.. యడ్యూరప్ప తనయుడికి మాత్రం​మొండిచేయి దక్కినట్టు కనిపిస్తోంది. దీంతో ఈ నియోజకవర్గంలో సీఎం, ప్రతిపక్ష నాయకుడి తనయుల మధ్య పోరు తప్పినట్టయింది. అసంతృప్తి లేదు..! బీజేపీ విడుదల చేసిన నాలుగో జాబితాలో తన కొడుకుకు సీటు దక్కకపోవడంపై అసంతృప్తి లేదని కర్ణాటక కమల సారథి యడ్యూరప్ప తెలిపారు. తన కొడుకు ఎన్నికల్లో పోటీ చేయడం లేదని చెప్పారు. వరుణ నియోజకవర్గంలో తన కొడుకును బరిలోకి దింపవద్దని తానే నిర్ణయం తీసుకున్నానని, చివరి నిమిషంలో తీసుకున్న ఈ నిర్ణయాన్ని పార్టీ కేంద్ర నాయకత్వానికి తెలియజేశామని ఆయన తెలిపారు. తండ్రీ-కొడుకుల పోటీకి బీజేపీ అధినాయకత్వం వ్యతిరేకంగా ఉందా? అని మీడియా ప్రశ్నించగా.. అదేమీ లేదని, చాలాచోట్ల తండ్రీ-కొడుకులిద్దరూ ఎన్నికల్లో పోటీ చేస్తున్నారని ఆయన తెలిపారు. మొత్తానికి బీజేపీ నాలుగో జాబితా యెడ్డీకి తీవ్ర నిరాశే మిగిల్చిందని సన్నిహిత వర్గాలు అంటున్నాయి. యెడ్డీ తనయుడితోపాటు ఆయనకు సన్నిహితురాలైన శోభా కర్లందాజే పేరు కూడా ఈ నాలుగో జాబితాలో లేదు. దీంతో యెడ్డీ అనుచరులు కొంతమందికి ప్రాధాన్యం దక్కనట్టు తెలుస్తోంది. ఇప్పటివరకు విడుదల చేసిన నాలుగు జాబితాల్లో.. మొత్తం 219 మంది అభ్యర్థులను బీజేపీ అధినాయకత్వం ఖరారు చేసింది. మొత్తం 224 అసెంబ్లీ స్థానాలకు మే 12న ఎన్నికలు జరగనున్నాయి.

దొడ్డబళ్లాపురం: డాక్టర్‌ బీఆర్‌ అంబేడ్కర్‌ను ఏనాడూ గౌరవించని కాంగ్రెస్‌ పార్టీ దశాబ్దాలుగా  ఆయన ఫొటో చూపించి ఓటు బ్యాంకు రాజకీయాలకు పాల్పడుతోందని మాజీ ముఖ్య మంత్రి బీఎస్‌  యడ్యూరప్ప విమర్శించారు.  పట్టణంలోని భగత్‌సింగ్‌ క్రీడా మైదానంలో శనివారం ఏర్పాటు చేసిన కార్యకర్తల సమావేశంలో ఆయన పాల్గొని మాట్లాడారు. అంబేడ్కర్‌కు భారతరత్న ఇవ్వకపోగా  ఎన్నికల్లో  ఓడించిన ఘనత కాంగ్రెస్‌ పార్టీదే అన్నారు.   తాను 50 మంది పౌర కార్మికులను ఇంటికి పిలిచి సన్మానించానన్నారు.   దేశానికి రైతు, చేనేత కార్మికుడు రెండు కళ్లలాంటివారన్నారు. సీఎం సిద్ధరామయయ్యకు ఓటమి భయం పట్టుకుందని, అందుకే రెండేసి నియోజకవర్గాల్లో పోటీ చేస్తున్నారని ఎద్దేవా చేశారు. ఇండియా టుడే ఎన్నికల సర్వే ఫలితాలను పట్టించుకోనవసరం లేదని అన్నారు.  మొళకాల్మూరు బీజేపీ అభ్యర్థి  శ్రీరాములు మాట్లాడుతూ యడ్యూరప్ప ముఖ్యమంత్రి అయితే చేనేత కార్మికుల అన్ని రుణాలనూ మాఫీ చేస్తారన్నారు. ఇదే సందర్భం గా చలనచిత్ర నిర్మాత, జేడీఎస్‌ సీనియర్‌ నాయకుడు సారథి సత్యప్రకాశ్‌ వందలాదిమంది మద్దతుదారులతో కలిసి  యడ్యూరప్ప సమక్షంలో బీజేపీలో చేరారు. మాజీ ఎమ్మెల్సీ పుట్టస్వామి తదితరులు పాల్గొన్నారు. 

సాక్షి, బెంగళూరు : బీజేపీ జాతీయాధ్యక్షుడు అమిత్‌ షా కర్ణాటక ఎన్నికల ప్రచారంలో వరుసగా అపశృతులు ఎదుర్కుంటున్నారు. ఈ క్రమంలో ఆయనకు మరో అవమానం తోడైంది. ఆయన ప్రసంగిస్తున్న వేళ బీజేపీ నేత, మాజీ సీఎం యాడ్యురప్ప హాయిగా కునుకు తీశారు. ఆ వీడియో ఇప్పుడు వైరల్‌ అవుతోంది. తాజాగా మైసూర్‌ రోడ్‌లోని రాజేంద్ర కళామందిర్‌లో బీజేపీ నిర్వహించిన సమావేశంలో  అమిత్‌ షా పాల్గొన్నారు. సిద్ధరామయ్య ప్రభుత్వాన్ని ఎండగడుతూ తీవ్ర విమర్శలు చేశారు. ఆ సమయంలో షా ఆవేశపూరితంగా ప్రసంగిస్తుంటే యెడ్డీ మాత్రం హాయిగా నిద్రపోయారు. అది గమనించిన షా.. పదే పదే యెడ్డీని చూస్తూ తన ప్రసంగాన్ని కొనసాగించారు. అయినప్పటికీ తోటి నేతలవెరూ యెడ్డీని కదిలించే ప్రయత్నం చేయలేదు.  ఇక ఈ వీడియో తమకు చిక్కటంతో కాంగ్రెస్‌ పార్టీ.. సోషల్‌ మీడియాలో వీడియోను ట్రోల్‌ చేస్తోంది. మరోవైపు జాతీయ మీడియాలో ఈ వీడియో చక్కర్లు కొడుతోంది. బీజేపీలోకి వలసలు మరో పక్క ఎన్నికలు దగ్గర పడుతున్నా కొద్ది వలసల పర్వం కొనసాగుతోంది. తాజాగా జేడీఎస్‌ ఎమ్మెల్యే మల్లికార్జున ఖుబా బీజేపీ లో చేరేందుకు రంగం సిద్ధం చేసుకున్నారు. మరో జేడీఎస్‌ నేత సందేశ్‌ స్వామి బీజేపీలోకి చేరిపోయారు. మూడుసార్లు కౌన్సిలర్‌గా పని చేసిన సందేశ్‌.. టికెట్‌ దక్కకపోవటంతో ఆ అసంతృప్తితో పార్టీ మారిపోయారు. ఇక మొన్నీమధ్యే కాంగ్రెస్‌ పార్టీ సీనియర్‌ నేత, ఎమ్మెల్యే మాలికయ్యా వెంకయ్య గుత్తేదార్‌ పార్టీకి గుడ్‌బై చెప్పి.. బీజేపీలో చేరిన సంగతి తెలిసిందే.  

సాక్షి, బెంగళూరు : త్వరలో అసెంబ్లీ ఎన్నికలు జరగనున్న కర్ణాటకలో రాజకీయం వేడెక్కుతోంది. రోజురోజుకు ప్రచార ఉధృతి పెరుగుతోంది. ఇటు అధికార కాంగ్రెస్‌ పార్టీ, అటు ప్రతిపక్ష బీజేపీ గెలుపు లక్ష్యంగా శాయశక్తులు ఒడ్డుతున్నాయి. ప్రత్యర్థులపై పదునైన వాగ్బాణాలు, విమర్శలు సంధిస్తున్నాయి. ఇప్పటికే ప్రధాని నరేంద్రమోదీ, కాంగ్రెస్‌ అధ్యక్షుడు రాహుల్‌ గాంధీ కర్ణాటకలో పర్యటించి..తమ తమ పార్టీల ప్రచారానికి ఊపునిచ్చారు. ప్రస్తుతం బీజేపీ జాతీయ అధ్యక్షుడు అమిత్‌ షా కర్ణాటకలో సుదీర్ఘంగా పర్యటిస్తున్నారు. ఎట్టిపరిస్థితుల్లో బీజేపీని రాష్ట్రంలో అధికారంలోకి తేవడమే లక్ష్యంగా షా మంత్రాంగం సాగుతోంది. ఉడిపిలో ఆయన బుధవారం పార్టీ కార్యకర్తలను ఉద్దేశించి ప్రసంగించారు. ‘కర్ణాటక ప్రజల్లో నెలకొన్న ఆగ్రహాన్ని ఉపయోగించుకొని.. సిద్దరామయ్య ప్రభుత్వాన్ని గద్దె దించాలి. రాష్ట్రంలో బీజేపీని అధికారంలోకి తీసుకురావాలి’ అని ఆయన కమలం శ్రేణులకు ఉద్బోధించారు. మరోవైపు బీజేపీ రాష్ట్ర అధ్యక్షుడు బీఎస్‌ యడ్యూరప్ప  రాహుల్‌ గాంధీ వ్యంగ్యాస్త్రాలు సంధించారు. రాహుల్‌ ఓ బచ్చా అని అభివర్ణించారు. ‘ఆ బచ్చా (రాహుల్‌)ను కర్ణాటకలోకి తీసుకురావడంతో మా విజయావకాశాలు మరింత మెరుగయ్యాయి. ఇప్పుడు 150కిపైగా సీట్లు గెలుస్తాం’ అని సిద్దరామయ్య ధీమా వ్యక్తం చేశారు.

సాక్షి, బెంగళూరు : గుజరాత్‌, హిమాచల్‌ప్రదేశ్‌  అసెంబ్లీ ఎన్నికల్లో విజయం తరువాత బీజేపీ తన దృష్టిని దక్షిణాది మీద కేంద్రీకరించింది. అందులోనూ గతంలో అధికారంలో ఉన్న కర్ణాటక మీద ప్రత్యేకదృష్టిని సారించింది. వచ్చే ఏడాది ఏప్రిల్‌/మేలో కర్ణాటక శాసనసభకు ఎన్నికలు జరగనున్నాయి. తాజాగా రెండు రాష్ట్రాలను గెలిచిన ఆత్మవిశ్వాసంతో ఉన్న కమలం నేతలు కర్ణాటకను చేజిక్కించుకునేందుకు ప్రయత్నాలు మొదలు పెట్టారు.   గుజరాత్‌ ఫలితం బయటకు రాగానే సిద్దరామయ్య ప్రభుత్వంపై బీజేపీ నేత బీఎస్‌ యడ్యూరప్ప ట్విటర్‌ వేదికగా మాటల యుద్ధం మొదలు పెట్టారు. సిద్దరామయ్య ప్రభుత్వానికి కౌంట్‌డౌన్‌ మొదలైందంటూ ట్వీట్‌ చేశారు. కర్ణాటక ప్రజలు అభివృద్ధిని, సుపరిపాలనను కోరుకుంటున్నారంటూ మరో ట్వీట్‌ చేశారు. సిద్దరామయ్య ప్రభుత్వానికి ప్యాకప్‌ చెప్పేందుకు ప్రజలు ఎదురు చూస్తున్నారంటూ.. యడ్యూరప్ప తనదైన శైలిలో విమర్శలు గుప్పించారు.   హస్తానికి ఎదురుగాలేనా? కర్ణాటకలో కాంగ్రెస్‌ పార్టీకి ఎదురుగాలి తప్పదని పలువురు విశ్లేషకులు అంటున్నారు. కన్నడ రాష్ట్రంలోనూ గుజరాత్‌ తరహా ఫలితమే వస్తుందని ప్రముఖ ఆర్థిక వేత్త, రాజకీయ విశ్లేషకులు నరేందర్‌ ఫణి చెబుతున్నారు. పంజాబ్‌లో అధికార బదలాయింపు ఎందుకు జరిగిందో.. ఇక్కడ కూడా అదే కారణాలతోనే సిద్దరామయ్య ఓటమి చెందే అవకాశం ఉందని ఆయన అంటున్నారు. అయితే కాంగ్రెస్‌-బీజేపీ మధ్య నువ్వా-నేనా అన్న రీతిలో పోరాటం ఉంటుందని కూడా ఆయన చెబుతున్నారు. ఇదిలావుండగా.. మాజీ ప్రధాని హెచ్‌డీ దేవెగౌడ నేతృత్వంలోని జనతాదళ్‌ (సెక్యులర్‌) కర్ణాటక ఎన్నికల్లో ప్రముఖ పాత్ర పోషించే అవకాశం ఉందని నిపుణులు అంచనా వేస్తున్నారు.  సిద్దరామయ్య ప్రతికూలతలు కొంతకాలంగా సిద్దరామయ్య ప్రభుత్వం తీసుకున్న పలు నిర్ణయాలు కర్ణాటకలో తీవ్ర వివాదాస్పదం అయ్యాయి. అవే నేడు కాంగ్రెస్‌ గెలుపోటములను నిర్ణయించే స్థాయిలో ఉన్నట్లు విశ్లేషకులు చెబుతున్నారు. ప్రధానంగా బీజేపీకి వెన్నుముకలా ఉండే లింగాయత్‌ సామాజిక వర్గంపై జరిగిన చర్చ ప్రధానమైనది. అంతేకాక బెంగళూరు మెట్రో స్టేషన్‌లలో హిందీ భాషతో కూడిన సైన్‌ బోర్డులు కన్నడికుల ఆలోచనను మార్చిందని అంటున్నారు. మతపరమైన అంశాల్లో ప్రభుత్వ జోక్యం కూడా ప్రభావం చూపనుందని చెబుతున్నారు.  బీజేపీ పరిస్థితి ప్రధాని నరేంద్ర మోదీ ఇప్పటికే సిద్దరామయ్య ప్రభుత్వంపై మాటల దాడిని మొదలు పెట్టారు. ప్రధానంగా సిద్దరామయ్య ప్రభుత్వ అనినీతి లక్ష్యంగా చేసుకుని మోదీ విమర్శలు సంధిస్తున్నారు. అంతేకాక మైసూర్‌ పాలకుడు టిప్పు జయంతిని నిర్వహిచడంతో రాష్ట్రంలో శాంతి భద్రతల సమస్య ఏర్పడిందనే వాదన ఉంది. ఇప్పటికే కోస్టల్‌ కర్ణాటకలో కేంద్రమంత్రి అనంత్‌కుమార్‌ హెగ్డేపై హిందూ అతివాదిగా ముద్రపడింది.  యడ్యూరప్పపై విమర్శలు మాజీ ముఖ్యమంత్రి బీఎస్‌ యడ్యూరప్ప ముఖ్యమంత్రి అభ్యర్థిత్వంపై రాష్ట్ర బీజేపీలో లుకలుకలు అప్పుడే మొదలయ్యాయి. యడ్యూరప్పను ఆగస్టులో ముఖ్యమంత్రి అభ్యర్థిగా బీజేపీ పార్లమెంటరీ కమిటీ ప్రకటించినా.. రాష్ట్ర నేతలు మాత్రం అందుకు సుముఖంగా లేరు. యడ్యూరప్ప విషయంపై పార్టీ చీఫ్‌.. అమిత్‌ షా రాష్ట్రనేతలతో సమీక్ష జరిపిన తరువాత పరిస్థితిలో కొంత వరకూ మార్పు వచ్చిందని నిపుణులు అంచనా వేస్తున్నారు.  స్థానిక సమస్యలు గుజరాత్‌ విజయం తరువాత బీజేపీ స్థానిక సమస్యలపైనే ప్రధానంగా దృష్టి పెట్టే అవకాశం ఉందని నిపుణులు అంచనా వేస్తున్నారు. ఈ విషయంలో సిద్దరామయ్య ప్రభుత్వం చేసిన తప్పిదాలు బీజేపీకి ఆయుధాలుగా మారే అవాశం ఉందని వారు అంటున్నారు. 

సాక్షి, బెంగళూరు : కర్ణాటక శాసనసభ ఎన్నికలకు ఆరు నెలల సమయం మాత్రమే ఉంది. ఇప్పటికే ప్రధాన పార్టీలైన అధికార కాంగ్రెస్‌, ప్రతిపక్ష భారతీయ జనతాపార్టీలు.. ఎన్నికల శంఖాన్ని పూరించాయి.కర్ణాటకలో విజయం సాధించడం ఇటు బీజేపీకి, అటు కాంగ్రెస్‌కు అత్యంత కీలకంగా మారింది. దక్షిణాదిలో ఒక్క రాష్ట్రం‍లోనైనా అధికారంలోకి రావాలని బీజేపీ, చేతిలో ఉన్న అతి పెద్ద రాష్ట్రాన్ని కాపాడుకోవాలని కాంగ్రెస్‌ సర్వశక్తులూ ఒడ్డుతున్నాయి. ఇప్పటికే ముఖ్యమంత్రి సిద్ధరామయ్య.. ఎన్నికల ప్రచారాన్ని మొదలు పెట్టారు. గెలిస్తే.. మరోసారి ముఖ్యమంత్రి సిద్దరామయ్యే అని కాంగ్రెస్‌ పార్టీ ఇప్పటికే ప్రకటించింది. 2013లో.. కర్ణాటకకు 2013లో జరిగిన ఎన్నికల్లో కాంగ్రెస్‌ పార్టీని 122 సీట్లతో అధికారంలోకి తెచ్చిన సిద్దరామయ్య మీదే ఆ పార్టీ నమ్మకం పెట్టుకుంది. ఆ ఎన్నికల్లో బీజేపీ నుంచి బయటకొచ్చిన యడ్యూరప్ప పరోక్షంగా ఆ పార్టీ ఓటమిని శాసించాడు. ఆ ఎన్నికల్లో బీజేపీకి జేడీఎస్‌కు సమానంగా 40 సీట్లు వచ్చాయి. తాజా పరిస్థితులు కర్ణాటకలో 2013తో పోలిస్తే ప్రస్తుతం పరిస్థితుల్లో తీవ్రంగా మార్పులు వచ్చాయి. ప్రధానంగా అప్పుడు బీజేపీ అప్పుడు దూరం చేసుకున్న యడ్యూరప్పని తిరిగి పార్టీలోకి తెచ్చుకోవడంతో పాటు.. ప్రచార పగ్గాలు కూడా అప్పగించిన విషయం తెలిసిందే. ఈ నేపథ్యంలో యడ్యూరప్పకు బలమైన లింగాయత్‌ సామాజిక వర్గం అండ ఉండనే ఉంది. ఈ నేపథ్యంలో కాంగ్రెస్‌ - బీజేపీ మధ్య పోరు హోరాహోరీగా జరగనుందని పలు ప్రీ పోల్‌ సర్వేలు చెబుతున్నాయి. ప్రీ-పోల్‌ సర్వేలు ఎవరు చేశారు? కర్ణాటక ఎన్నికలకు ఆరు నెలల సమయం ఉండగానే ప్రజలు ఎటువైపు మొగ్గు చూపుతున్నారన్న అంశంపై మూడు సంస్థలు ప్రీ పోల్‌ సర్వేలు జరిపాయి. సీ-ఫోర్స్‌, క్రియేటివ్‌ సెంటర్‌ ఫర్‌ ఫర్‌ పొలిటికల్‌ అండ్‌ సోషల్‌ స్టడీస్‌ (సీఓపీఎస్‌), ఏజెడ్‌-సువర్నా న్యూస్‌ సంస్థలు ప్రీ-పోల్‌ సర్వేలు నిర్వహించాయి. ప్రీ - పోల్‌ సర్వేల ఫలితాలు? సీ-ఫోర్స్‌ ప్రీ పోల్‌ సర్వే : . కాంగ్రెస్‌-బీజేపీ మధ్య పోరు నువ్వానేనా అన్నట్లు సాగనుంది.  మాజీ ముఖ్యమంత్రి కుమారస్వామి పార్టీ జేడీఎస్‌ మాత్రం బరిలో దాదాపు తోక పార్టీగా నిలిచే అవకాశాలున్నాయి. సర్వేలో మెజారిటీ ప్రజలు సిద్దరామయ్య తిరిగి ముఖ్యమంత్రి కావాలని కోరుకుంటున్నారని తేలింది. . మొత్తం మీద కాంగ్రెస్‌-బీజేపీలు అటూఇటుగా 60 నుంచి 72 సీట్లు సాధిస్తాయని సీ - పోర్స్‌ సర్వే తెలిపింది. జేడీఎస్‌కు 24 నుంచి 30 సీట్లు లభించే అవకాశం ఉంది. సీఓపీఎస్‌ సర్వే : క్రియేటివ్‌ సెంటర్‌ ఫర్‌ ఫర్‌ పొలిటికల్‌ అండ్‌ సోషల్‌ స్టడీస్‌ సర్వే మాత్రం బీజేపీకి పూర్తి అనుకూలంగా ఫలితాలను ప్రకటించింది. 2018 ఎన్నికల్లో బీజేపీ ఏకపక్షంగా అధికారంలోకి వస్తుందని సీఓపీఎస్‌ పేర్కొంది. బీజేపీ నుంచి యడ్యూరప్ప మరోసారి మఖ్యమంత్రి అయ్యే అవకాశం ఉందని సర్వే తెలిపింది. బీజేపీకి 117 సీట్లు లభిస్తాయని సర్వే అంచనా వేసింది. అదే విధంగా కాంగ్రెస్‌కు 86 సీట్లు, జేడీఎస్‌కు 25 సీట్లు రావచ్చని సర్వే తెలిపింది. ఏజెడ్‌ సువర్నా సర్వే : ఏజెడ్‌ సువర్నా సర్వే మాత్రం 2018 ఎన్నికల్లో కర్నాటకలో హంగ్‌ అసెంబ్లీ రావచ్చని ప్రకటించింది. కాంగ్రెస్‌కు 74 నుంచి 93 సీట్లు వస్తాయని తెలిపింది. అదే విధంగా బీజేపీకి 77 నుంచి 99 సీట్లు వస్తాయని, జేడీఎస్‌కు 11 చోట్ల విజయం సాధిస్తుందని సర్వే ప్రకటించింది.

సాక్షి, బెంగళూరు: శివరామ్‌ కారత్‌ లేఔట్‌ భూముల డీనోటిఫికేషన్‌ కేసుకు సంబంధించి ఆరోపణలు ఎదుర్కొంటున్న బీజేపీ రాష్ట్ర శాఖ అద్యక్షుడు బి.ఎస్‌.యడ్యూరప్పకు భారీ ఊరట లభించింది. ఏసీబీ నమోదు చేసిన కేసులో ఎఫ్‌ఐఆర్‌ పై స్టే విధిస్తూ హైకోర్టు ఆదేశాలు జారీ చేసింది. శివరామ్‌ కారత్‌ లేఔట్‌ కోసం స్వాధీనం చేసుకున్న భూములను అక్రమంగా డీ–నోటిఫై చేశారనే ఆరోపణలపై ఏసీబీ అధికారులు యడ్యూరప్పపై కేసు నమోదు చేసిన విషయం తెలిసిందే. ఈ నేపథ్యంలో ఏసీబీ అధికారులు తనపై నమోదు చేసిన కేసును రద్దు చేయాల్సిందిగా కోరుతూ యడ్యూరప్ప హైకోర్టులో మధ్యంతర అర్జీని దాఖలు చేశారు. ఈ నేపథ్యంలో యడ్యూరప్పపై నమోదైన కేసు కేవలం రాజకీయ ప్రేరితమని యడ్యూరప్ప తరఫు న్యాయవాది సి.వి.నాగేశ్‌ న్యాయస్థానం ఎదుట తన వాదనలను వినిపించారు. అంతేకాక ఏసీబీ దాఖలు చేసిన ఎఫ్‌ఐఆర్‌ పూర్తిగా చట్ట వ్యతిరేకంగా ఉన్నాయని న్యాయస్థానానికి తెలియజేశారు. ఏసీబీ, యడ్యూరప్ప తరఫు న్యాయవాదుల వాదనలు విన్న న్యాయమూర్తి అరవింద కుమార్, అర్జీదారులైన యడ్యూరప్ప కోరిన విధంగానే ఎఫ్‌ఐఆర్‌ పై మధ్యంతర స్టే జారీ చేశారు. గురువారం నుండే తీర్పు రాసే ప్రక్రియ ప్రారంభం కాగా,  ఈ ప్రక్రియను శుక్రవారం మధ్యాహ్నానికి పూర్తి చేసిన న్యాయమూర్తి అరవింద్‌ కుమార్, తన తీర్పును ప్రకటించారు. ‘ఈ కేసుకు సంబంధించి ఎఫ్‌ఐఆర్‌ నమోదు చేసుకోవడంలో ఏసీబీ ఆలస్యం చేసింది. అంతేకాదు ఎఫ్‌ఐఆర్‌ ప్రకారం విచారణ చేపట్టడంలో కూడా తారతమ్యాలు కనిపిస్తున్నాయి. ఫిర్యాదుల ప్రకారం కూడా ఎఫ్‌ఐఆర్‌ నమోదు కాలేదు. అందువల్ల సహజంగానే ఏసీబీ అధికారులపై సంశయం కలుగుతోంది. ప్రాథమిక దర్యాప్తులో ఆరోపణలను రుజువు చేసే సాక్ష్యాలేవీ కూడా న్యాయస్థానానికి కనిపించడం లేదు. అందువల్ల ఈ కేసులో ఎఫ్‌ఐఆర్‌పై మధ్యంతర స్టేను జారీ చేస్తోంది’ అని హైకోర్టు తన తీర్పులో వెల్లడించింది.  సత్యానికి లభించిన విజయం..... కాగా, శివరామ్‌ కారత్‌ లేఔట్‌ భూముల డీ–నోటిఫికేషన్‌కు సంబంధించి హైకోర్టు యడ్యూరప్పపై ఇచ్చిన స్టే సత్యానికి లభించిన విజయమని బీజేపీ సీనియర్‌ నేత ఆర్‌.అశోక్‌ పేర్కొన్నారు. హైకోర్టు తీర్పు వెల్లడించిన అనంతరం శుక్రవారమిక్కడి పార్టీ కేంద్ర కార్యాలయంలో ఆయన విలేకరులతో మాట్లాడారు. ‘అందరు సీఎంలు భూముల డీనోటిఫికేషన్‌ చేస్తుంటారు. కానీ, యడ్యూరప్పపై మాత్రం రాజకీయ కక్షతో కేసులు నమోదు చేస్తున్నారు. ఆయనపై వేధింపులకు పాల్పడడమే లక్ష్యంగా రాష్ట్ర ప్రభుత్వం వ్యవహరిస్తోంది’ అని విమర్శించారు.  యడ్డీకి నోటీసులు కాగా యడ్యూరప్పకు పోలీసులు శుక్రవారం నోటీసులు జారీ చేశారు. బీజేపీ సీనియర్‌ నేత ఈశ్వరప్ప పీఏ వినయ్‌ను యడ్యూరప్ప పీఏ సంతోష్‌ కిడ్నాప్‌ చేసి భౌతిక దాడి చేసినట్లు ఆరోపణలు ఎదుర్కొంటున్నారు. ఈ కేసు విషయమై ఈనెల 28న విచారణకు హాజరు కావాలని కేసును దర్యాప్తు చేస్తున్న ఏసీపీ బడిగేర్‌ ఈ నోటీసులను జారీ చేశారు.  


 
 
 సాక్షి, బెంగళూరు: తనపై ఎన్ని విమర్శలు చేసినా దళితుల ఇళ్లకు వెళ్లటం ఆపనని బీజేపీ సీనియర్‌ నేత, మాజీ ముఖ్యమంత్రి  బీఎస్‌ యెడ్యూరప్ప ప్రకటించారు. ఈ యేడాది మే లో పాదయాత్ర సందర్భంగా ఆయన పలు దళిత ఇళ్లను సందర్శించి, అక్కడ భోజనం చేశారు. కృతజ్ఞతగా సోమవారం డాలర్స్‌ కాలనీలోని తన నివాసానికి ఆయా కుటుంబాలను ఆహ్వానించి భోజన కార్యక్రమం ఏర్పాటు చేశారు. మొత్తం 33 దళిత కుటుంబాలు ఈ కార్యక్రమంలో పాల్గొన్నాయి. అనంతరం యెడ్డీ మీడియాతో మాట్లాడారు. 
  
 ‘నేను మీ ఇంటికి వచ్చినప్పుడు మీరిచ్చిన ఆతిథ్యాన్ని మరువలేను. అంత పేదరికంలో కూడా నా భోజనం కోసం మీరు పడ్డ కష్టం దగ్గరుండి మరీ చూశాను’ అని యెడ్డీ ఆ దళిత కుటుంబాలను ఉద్దేశించి చెప్పుకొచ్చారు. అదే సమయంలో తన పర్యటనను రాజకీయం చేసేవారికి ఆయన చురకలంటించారు. ఎన్ని విమర్శలు చేసినా తాను మాత్రం దళిత వాడల్లో పర్యటించటం ఆపనని తెలిపారు.   
  
 ఇక ఈ చేష్టలపై కాంగ్రెస్‌, జనతా దళ్‌(సెక్యులర్‌) పార్టీలు మండిపడుతున్నాయి. హోటల్‌ నుంచి భోజనం తెప్పించుకుని తిని దళితులను యెడ్డీ ఘోరంగా అవమానించారంటూ ఆ మధ్య విమర్శలు చేశాయి కూడా. అయితే తాను మాత్రం అవేం పట్టించుకోనని యెడ్యూరప్ప చెబుతూ వస్తున్నారు.
  
 2018లో కర్ణాటక రాష్ట్ర అసెంబ్లీకి ఎన్నికలు జరగనున్న విషయం తెలిసిందే.  బీజేపీ ముఖ్యమంత్రి అభ్యర్థిగా యెడ్యూరప్ప బరిలో నిల్చోబోతున్న విషయం తెలిసిందే. రాష్ట్రంలో సుమారు 23 శాతం ఓట్లు షెడ్యూల్‌ తెగలు, షెడ్యూల్‌ జాతి వాళ్లకు చెందినవే ఉన్నాయి. దీంతో అన్ని పార్టీలు పోటాపోటీగా ప్రేమ, వరాల జల్లులను కురిపించేస్తూ.. దళిత వాడలకు క్యూ కడుతున్నాయి.


 బళ్లారి: వచ్చే ఏడాది జరిగే అసెంబ్లీ ఎన్నికల్లో కర్ణాటకలో బీజేపీని తిరిగి అధికారంలోకి తీసుకురావడానికి కృషిచేస్తానని మాజీ మంత్రి, మైనింగ్‌ వ్యాపారి గాలి జనార్దన్‌ రెడ్డి అన్నారు. మాజీ ముఖ్యమంత్రి బీఎస్‌ యడ్యూరప్పను మళ్లీ ముఖ్యమంత్రిగా చూడాలని అనుకుంటున్నట్ల చెప్పారు. ఈసారి బీజేపీ ప్రభుత్వం ఏర్పడుతుందని, యడ్యూరప్పను ముఖ్యమంత్రి చేయడం తమ కల అని అన్నారు. పార్టీ ఏ బాధ్యత అప్పగించినా నెరవేర్చేందుకు సిద్ధమని తెలిపారు. అసెంబ్లీ ఎన్నికల సమయంలో రాష్ట్రవ్యాప్తంగా అన్ని నియోజకవర్గాల్లో పర్యటించి పార్టీని బలోపేతం చేస్తానని పేర్కొన్నారు. కాగా, తన వివాహ రజతోత్సవ వేడుకలను గురువారం బళ్లారిలోని హవంబావిలోని స్వగృహంలో ఆయన జరుపుకున్నారు.
 
 ఇంతకుముందు యడ్యూరప్ప ప్రభుత్వంలో మంత్రిగా పనిచేసిన గాలి జనార్దన్‌రెడ్డి అక్రమ మైనింగ్‌ కేసులో జైలుకెళ్లినప్పటి నుంచి క్రియాశీలక రాజకీయాలకు దూరంగా ఉంటున్నారు. మూడేళ్లు జైలులో ఉన్న తరువాత గతేడాది బెయిల్‌పై విడుదలయ్యారు. మళ్లీ ఆయన క్రియాశీలక రాజకీయాల్లోకి వస్తారని ప్రచారం జరుగుతుంది.


 మండ్య (కర్ణాటక): కర్ణాటక మాజీ సీఎం, బీజేపీ రాష్ట్ర అధ్యక్షుడు బీఎస్‌ యడ్యూరప్ప దళితుల పట్ల అంటరానితనం పాటిస్తున్నారంటూ మండ్య జిల్లాకు చెందిన డి.వెంకటేష్‌ అనే వ్యక్తి ఆ జిల్లా ఎస్పీ సుధీర్‌ కుమార్‌ రెడ్డికి ఫిర్యాదు చేశారు. కరువు యాత్రలు చేపడుతూ దళితుల ఇళ్లకు వెళ్లి భోజనం చేస్తున్నానని చెప్పుకుంటున్న యడ్యూరప్ప... అక్కడకు హోటల్‌ నుంచి ఆహారం తెప్పించుకుని తింటున్నారని ఆరోపించారు.
 తద్వారా దళితుల పట్ల వివక్ష చూపుతూ, వారి ఇళ్లలో భోజనం చేయడం తప్పనే సందేశాన్ని ప్రజల్లోకి పంపుతున్నారన్నారు. కరువు యాత్రలు చేపడుతున్న యడ్యూరప్ప ఈ నెల 18న తుమకూరు జిల్లాలోని ఓ దళిత బీజేపీ కార్యకర్త ఇంటికి వెళ్లి అక్కడకు హోటల్‌ నుంచి ఇడ్లీలు తెప్పించుకుని తిన్నారు. దీనిపై వెంకటేష్‌ ఎస్పీకి ఫిర్యాదు చేయగా బీజేపీ ఖండించింది. యడ్యూరప్ప వెళ్లేటప్పటికి ఆ ఇంట్లో వండిన ఆహారం అయిపోయినందునే హోటల్‌ నుంచి తెప్పించారని వివరణ ఇచ్చింది.


 కర్ణాటకలో గొడవలు పడుతున్న బీజేపీ వర్గాలు రెండింటికీ పార్టీ జాతీయాధ్యక్షుడు అమిత్ షా గట్టి షాకిచ్చారు. సీనియర్ నాయకుడు, పార్టీ కర్ణాటక శాఖ అధ్యక్షుడు బీఎస్ యడ్యూరప్ప వర్గానికి చెందిన ఇద్దరితో పాటు ఆయన ప్రత్యర్థి కేఎస్ ఈశ్వరప్ప వర్గానికి చెందిన మరో ఇద్దరిపై కూడా వేటు వేశారు. రాష్ట్రంలో అత్యంత కీలకమైన ఉప ఎన్నికల్లో బీజేపీ ఓడిపోయిన తర్వాత ఈ రెండు వర్గాలు ఒకరిపై ఒకరు బురద జల్లుకున్నారు. ఎవరికి వాళ్లు అవతలి వర్గంపై చర్య తీసుకోవాలని అమిత్ షాకు ఫిర్యాదు చేశారు. ప్రస్తుతం రెండు వారాల పర్యటన కోసం జమ్ము కశ్మీర్‌లో ఉన్న అమిత్ షా.. పార్టీ కర్ణాటక వ్యవహారాల ఇన్‌చార్జి మురళీధర్ రావుతో సంప్రదించి రెండు వర్గాలకు చెందిన ఇద్దరిద్దిరిని పార్టీ నుంచి తొలగించారు. పార్టీ ఉపాధ్యక్షులు భానుప్రకాష్, నిర్మల్ కుమార్ సురానా, రైతు మోర్చా ఉపాధ్యక్షుడు ఎంపీ రేణుకాచార్య, అధికార ప్రతినిధి జి.మధుసూదన్‌లను అన్ని బాధ్యతల నుంచి తప్పిస్తూ నిర్ణయం తీసుకున్నారు.
 
 ఏమైనా సమస్యలుంటే పార్టీ అంతర్గత వేదికలపై చూసుకోవాలి గానీ, వాటిని రోడ్డుమీదకు తీసుకెళ్లడం ఏ పార్టీకైనా ఆరోగ్యకరం కాదని, అంతర్గత ప్రజాస్వామ్యాన్ని ప్రతి ఒక్కరూ గౌరవించాలని మురళీధర్ రావు అన్నారు. వచ్చే సంవత్సరం కర్ణాటకలో జరగనున్న అసెంబ్లీ ఎన్నికల్లో ఎలాగైనా కాంగ్రెస్ ప్రభుత్వాన్ని పడగొట్టి తాము అధికారంలోకి రావాలని బీజేపీ కలలు కంటోంది. దక్షిణాదిన తమకు అధికారం అందించిన ఏకైక రాష్ట్రం కావడంతో మళ్లీ కర్ణాటకను చేజిక్కించుకోవాలని కమలనాథులు విశ్వప్రయత్నాలు చేస్తున్నారు. సరిగ్గా ఇలాంటి తరుణంలో పార్టీ నాయకుల మధ్య విభేదాలు రావడం మంచిది కాదని భావిస్తున్నారు. యడ్యూరప్ప కేవలం తన అనుచరులకే మేలు చేస్తూ ఎప్పటినుంచో పార్టీని నమ్ముకున్న కార్యకర్తలను వదిలేస్తున్నారని ఆరోపణలు వస్తున్నాయి. పార్టీకి సంబంధం లేకుండా దళితులు, వెనకబడిన వర్గాలను ఐక్యం చేసేందుకంటూ కురుబ వర్గానికి చెందిన కేఎస్ ఈశ్వరప్ప ఇటీవల ఓ భారీ సమావేశం నిర్వహించారు. అలా చేయొద్దని యడ్డి హెచ్చరించినా ఆయన వినిపించుకోలేదు. ఆ సమావేశంలో లింగాయత్ నాయకుడైన యడ్యూరప్పపై పలువురు మండిపడ్డారు. యడ్డి నియంతలా వ్యవహరిస్తున్నారని ఈశ్వరప్ప అంటున్నారు. అమిత్ షా స్వయంగా ఆయనను పార్టీ అధ్యక్షుడిగా, కాబోయే ముఖ్యమంత్రిగా ప్రకటించినప్పుడు తామంతా సంతోషించామని, కానీ అంతమాత్రాన ఆయన ఏం అనుకుంటే అది చేస్తానంటే మాత్రం కామ్‌గా ఊరుకునేది లేదని స్పష్టం చేశారు.


 బెంగళూరు : కర్ణాటక విపక్ష బీజేపీలో అసమ్మతి మరోసారి బహిర్గతమయ్యింది. ఆ పార్టీ రాష్ట్రాధ్యక్షుడు యడ్యూరప్ప, సీనియర్‌ నేత ఈశ్వరప్ప మధ్య విభేదాలు మరోసారి భగ్గుమన్నాయి. ఇప్పటీకే యెడ్డీ వర్గీయులు ఈశ్వరప్పకు గట్టి హెచ్చరికలు జారీ చేశారు. ఆయన స్థాపించిన రాయణ్ణ బ్రిగేడ్‌ ముఖ్యమా, బీజేపీ ముఖ్యమా తేల్చుకోవాలని సూచనలు చేశారు. ఈ సందర్భంగా యడ్యూరప్ప మాట్లాడుతూ... ఈశ్వరప్ప సమస్యలు సృష్టిస్తున్నారని, ఆయన ఎందుకు అలా చేస్తోన్నారో అర్థం కావడం లేదన్నారు. ఒకవేళ పదవి విషయానికి సంబంధించిన వ్యవహారం అయితే తాము చర్చల ద్వారా సమస్యను పరిష్కరించుకుంటామని తెలిపారు.
 
 మరోవైపు నిన్నటివరకూ దూకుడుగా వ్యవహరించిన ఈశ్వరప్ప దూకుడు తగ్గింది. తమ మధ్య ఎలాంటి విబేధాలు లేవని, పార్టీ ప్రయోజనాలే ముఖ్యమని ఆయన తెలిపారు. వచ్చే అసెంబ్లీ ఎన్నికల్లో యడ్యూరప్పే ముఖ్యమంత్రి అభ్యర్థి అని ఈశ్వరప్ప వ్యాఖ్యానించారు. కాగా ఈశ్వరప్ప ప్యాలెస్‌ మైదానంలో ప్రత్యేక సభను నిర్వహించేందుకు సిద్ధమైన విషయం తెలిసిందే. అయితే పార్టీ వ్యతిరేక కార్యకలాపాలకు పాల్పడుతున్న వారిపై కఠిన చర్యలు తీసుకునేలా యడ్యూరప్పకు అధికారం ఇవ్వాలంటూ పలువురు బీజేపీ నేతలు పార్టీ జాతీయాధ్యక్షుడు అమిత్‌షాను కోరారు. పార్టీ నాయకులు అనుసరిస్తున్న విధానాలు నచ్చకపోతే పార్టీ జాతీయ నాయకులకు ఫిర్యాదు చేయాలని అంతేకానీ వ్యక్తిగత లాభం కోసం పార్టీని కించపరచవద్దని సూచించారు.
 
 బీజేపీ పార్టీలో సీనియర్‌ నాయకుడైన ఈశ్వరప్ప విధానసభ ఎన్నికల్లో ఓటమి చెందినా విధాన పరిషత్‌లో పార్టీ పదవిని అప్పగించిన విషయాన్ని గుర్తుంచుకోవాలన్నారు. ఈశ్వరప్ప ఇదే రీతిలో వ్యవహరిస్తే పార్టీ వ్యతిరేక కార్యకలాపాలకు పాల్పడుతున్నందుకు గానూ ఆయనపై కఠిన చర్యలు తీసుకోవాల్సి వస్తుందంటూ హెచ్చరించారు. ఈ నేపథ్యంలో ఈశ్వరప్ప కాస్త వెనక్కి తగ్గి యడ్యూరప్పతో సయోధ్యకు సిద్ధం కావడం విశేషం.


 కర్ణాటకలో రాజకీయాలు రసకందాయంలో పడ్డాయి. ఇటు ముఖ్యమంత్రి సిద్ధరామయ్య సొంత పార్టీలో అసమ్మతి ఎదుర్కొంటుండగా.. అటు ప్రధాన ప్రతిపక్షం బీజేపీ అధ్యక్షుడు బీఎస్ యడ్యూరప్పకు వ్యతిరేకంగా తిరుగుబాటు సెగలు ఎగిసిపడుతున్నాయి.
 
 2018 కర్ణాటక అసెంబ్లీ ఎన్నికల్లో తిరిగి బీజేపీని అధికారంలో తెచ్చే లక్ష్యంతో గత ఏప్రిల్‌లో పార్టీ పగ్గాలను కమల అధినాయకత్వం యెడ్డీకి అప్పగించిన సంగతి తెలిసిందే. అయితే, అందరినీ కలుపుకొని ముందుకెళ్లడానికి బదులు యెడ్డీ నియంతలాగా వ్యవహరిస్తున్నారని బీజేపీ కర్ణాటక సీనియర్ నేతలు మండిపడుతున్నారు. సీనియర్ నాయకులైన కేఎస్ ఈశ్వరప్ప, జగదీశ్‌ షెట్టర్, కేంద్రమంత్రులు అనంత్ కుమార్, డీవీ సదానంద గౌడ యెడ్డీ తీరుపై తీవ్ర అసంతృప్తి వ్యక్తం చేస్తున్నారు.
 
 రాష్ట్రంలో సీనియర్ నేతలను విస్మరించి.. వారి అభిప్రాయాలకు ఏమాత్రం గౌరవం ఇవ్వకుండా యడ్యూరప్ప ఏకపక్షంగా నిర్ణయాలు తీసుకుంటున్నారని వారు భగ్గుమంటున్నారు. మాజీ సీఎం అయిన యెడ్డీ తాజాగా చేపట్టిన జిల్లా అధ్యక్షులు, ఆఫీస్ బేరర్ల నియామకంలో తమను సంపద్రించలేదని, తమ అభిప్రాయాలు ఏమాత్రం వినకుండా ఇష్టానుసరం ఈ నియామకాలు చేపట్టారని కర్ణాటక బీజేపీ సీనియర్ నేత కేఎస్ ఈశ్వరప్ప మీడియా ముందే అసంతృప్తి వ్యక్తం చేశారు. ఇతర సీనియర్ నేతలు మీడియా ముందుకు రానప్పటికీ వారు కూడా ఇదేవిధంగా రగిలిపోతున్నట్టు తెలుస్తోంది. కర్ణాటక బీజేపీలోని యెడ్డీ వ్యతిరేక గ్రూపు తమ అసంతృప్తిని మూకుమ్మడిగా పార్టీ అధిష్ఠానానికి నివేదించాలని నిర్ణయించినట్టు తెలిసింది. శీతాకాలం సమావేశాల సందర్భంగా పార్టీ జాతీయ అధ్యక్షుడు అమిత్ షా, ప్రధాని నరేంద్రమోదీకి యెడ్డీ తీరుపై ఫిర్యాదు చేయాలని అసమ్మతి నేతలు నిర్ణయించారు.


 బెంగళూరు: పలు అవినీతి ఆరోపణలు, వివాదాలు ఎదుర్కొన్న కర్ణాటక మాజీ ముఖ్యమంత్రి బీఎస్ యడ్యూరప్ప మరోసారి రాజకీయంగా ప్రముఖంగా వెలుగులోకి వచ్చారు. కర్ణాటక బీజేపీ అధ్యక్షుడిగా ఆయన అధికారికంగా గురువారం బాధ్యతలు చేపట్టారు. గతంలో కమల దళపతిగా మూడుసార్లు వ్యవహరించిన యెడ్డీ.. దక్షిణాదిలో బీజేపీ తొలిసారి పాగా వేయడంలో కీలక పాత్ర పోషించారు. కర్ణాటకలో రాజకీయంగా అడుగున ఉన్న బీజేపీని అధికారంలోకి తీసుకొచ్చారు.
 
 ప్రస్తుతం మరోసారి బీజేపీని అధికార పీఠం మీద కూచోబెట్టే లక్ష్యంతోనే తాను కర్ణాటక పార్టీ పగ్గాలను చేపట్టానని, ప్రధాని నరేంద్రమోదీ, పార్టీ జాతీయ అధ్యక్షుడు అమిత్ షా ఇదే లక్ష్యాన్ని తన భుజస్కంధాలపై ఉంచారని ఆయన విలేకరులకు తెలిపారు. 'వచ్చే ఎన్నికల్లో సంపూర్ణ మెజారిటీ సాధించడమే మా ధ్యేయం. ఇదే లక్ష్యాన్ని మోదీ, షా మాకు ఇచ్చారు' అని చెప్పారు. అవినీతి ఆరోపణలతో సీఎం పదవి నుంచి దిగిపోయి.. ఆ తర్వాత పరిణామాలతో 2012లో బీజేపీకి రాజీనామా చేసి.. సొంత కుంపటి పెట్టుకున్న యెడ్డీ ఏడాది తర్వాత తిరిగి కమలం గూటికి చేరారు. ఆయన పార్టీని వీడటంతో 2013 కర్ణాటక అసెంబ్లీ ఎన్నికల్లో బీజేపీ ఘోరంగా దెబ్బతిన్నది. ఈ నేపథ్యంలో మరోసారి కమలం పగ్గాలు చేపటిన యెడ్డీ 2018 ఎన్నికల్లో పార్టీకి గత వైభవాన్ని కట్టబెడతారని బీజేపీ వర్గాలు భావిస్తున్నాయి.


 పలు రాష్ట్రాలకు బీజేపీ కొత్త అధ్యక్షులను ఆ పార్టీ అధిష్ఠానం నియమించింది. తెలంగాణ రాష్ట్రానికి డాక్టర్ కె. లక్ష్మణ్‌ను కొత్త అధ్యక్షుడిగా నియమించారు. ప్రస్తుతం ఆయన ముషీరాబాద్ ఎమ్మెల్యేగా ఉన్నారు. తెలంగాణ రాష్ట్రంలో పార్టీలో సీనియర్ నాయకుడిగా ఉన్న లక్ష్మణ్‌కు ఈ అధ్యక్ష పదవి లభించింది.
 
 ఇక కర్ణాటక బీజేపీ అధ్యక్షుడిగా ఆ రాష్ట్ర మాజీ ముఖ్యమంత్రి బీఎస్ యడ్యూరప్పకు అవకాశం కల్పించారు. కొన్నాళ్ల పాటు బీజేపీకి దూరమై సొంత కుంపటి పెట్టుకున్న యడ్యూరప్ప.. ఆ తర్వాత మళ్లీ బీజేపీలో చేరి, ఏకంగా అధ్యక్ష పదవిని కూడా చేపడుతుండటం విశేషం. ఈ రెండు రాష్ట్రాలతో పాటు ఉత్తర ప్రదేశ్ బీజేపీ అధ్యక్షుడిగా కేశవ ప్రసాద్ మౌర్య, పంజాబ్ బీజేపీ చీఫ్‌గా విజయ్ సంప్లా, అరుణాచల్ పార్టీ అధ్యక్షుడిగా తపిర్ గావోలను అధిష్ఠానం నియమించింది.


 బెంగళూరు: కర్ణాటక మాజీ ముఖ్యమంత్రి, ఎంపీ యడ్యూరప్పను ఆదాయానికి మించి ఆస్తుల కేసు వెంటాడుతోంది. బెంగళూరు హైకోర్టులో ఆయనకు చుక్కెదురైంది. అక్రమాస్తుల కేసులో పిటిషన్ను స్వీకరించి విచారణ చేయాలని హైకోర్టు షిమోగా కోర్టును ఆదేశించింది.  
 
 యడ్యూరప్ప షిమోగాలో అటవీ భూమిని ఆక్రమించినట్టు ఆరోపణలు వచ్చాయి.  కాగా  కేసు విచారణకు గతంలో షిమోగా కోర్టు నిరాకరించింది. కేసు విచారణకు అనుమతి లేదంటూ ఎఫ్ఐఆర్ను కొట్టివేసింది. అయితే ఈ కేసును కొత్తగా విచారించాల్సిందిగా హైకోర్టు షిమోగా కోర్టును ఆదేశించింది. గతంలో అవినీతి ఆరోపణలు రావడంతో యడ్యూరప్ప కర్ణాటక ముఖ్యమంత్రి పదవికి రాజీనామా చేసిన సంగతి తెలిసిందే. అనంతరం బీజేపీని వీడిన యడ్యూరప్ప కర్ణాటక అసెంబ్లీ ఎన్నికల అనంతరం మళ్లీ సొంతగూటికి వెళ్లారు.


 శివమొగ్గ : కర్ణాటక మాజీ ముఖ్యమంత్రి, షిమోగా బీజపీ లోక్సభ అభ్యర్థి యడ్యూరప్ప 75వేల ఓట్ల మెజార్టీతో విజయం సాధించారు. దాంతో ఆయన ఇంటిలో ప్రత్యేక తీపి పదార్థాలు పెద్ద ఎత్తున తయారు చేశారు. యడ్యూరప్ప గెలుపు ఖాయమని సర్వేలు తేల్చి చెప్పటంతో ఫలితాలు వెలువడక ముందే విజయోత్సహాలకు బీజేపీ అన్ని ఏర్పాట్లు చేసింది.
 
 ఇందులో భాగంగా శికారిపురలోని యడ్యూరప్ప నివాసంలో స్పెషల్ మైసూర్ పాక్ తయారీ చేసినట్లు సమాచారం. ఫలితాలు వెలువడటంతో స్వీట్లను అభిమానులు, కార్యకర్తలకు అందచేసారు. మరోవైపు జిల్లావ్యాప్తంగా బీజేపీ కార్యకర్తలు కూడా విజయోత్సవాలకు రంగం సిద్ధం చేశాయి. యడ్యూరప్ప గెలుపు వార్త విన్నవెంటనే కార్యకర్తలు పెద్త ఎత్తున బాణాసంచా పేల్చి ఆనందం వ్యక్తం చేశారు.
 
 
  


 బెంగళూరు:  కాంగ్రెస్, యువరాజు రాహుల్ గాంధీలపై కర్నాటక మాజీ ముఖ్యమంత్రి బీఎస్ యాడ్యురప్ప ఆదివారం నిప్పులు చెరిగారు. నన్ను, నా పాపులారిటీ చూసి రాహుల్, కాంగ్రెస్ పార్టీలకు ముచ్చెమటలు పడుతున్నాయి అని య్యాడ్యురప్ప అన్నారు. యాడ్యురప్ప గురించి రాహుల్ మాట్లాడుతున్నారంటే.. కాంగ్రెస్ ఎంత భయపడుతుందో అర్ధమవుతోంది అని అన్నారు. 
  
 కర్నాటకలో తనకున్న పాపులారిటీ వాళ్లకు బాగానే తెలుసని అన్నారు. బళ్లారి, మంగళూరులో పర్యటించిన ఆయన కాంగ్రెస్, రాహుల్ గాంధీలపై విరుచుకుపడ్డారు. రాబోయే ఎన్నికల్లో కర్నాటకలో అత్యధిక స్థానాల్ని బీజేపీ గెలుచుకుంటుందని యాడ్యురప్ప అన్నారు. 
  


 న్యూఢిల్లీ: కర్ణాటక మాజీ సీఎం బీఎస్ యాడ్యూరప్ప పోటీ చేసే లోక్ సభ స్థానాన్ని భారతీయ జనతా పార్టీ ఖరారు చేసింది. కర్ణాటక రాష్ట్రంలోని షిమోగో లోక్ సభ నియోజక వర్గం నుంచి యాడ్యూరప్ప బరిలోకి దిగనున్నారని తాజా జాబితాలో వెల్లడించింది. ఈ మేరకు బీజేపీ శనివారం లోక్ సభ బరిలో దిగే 52 మంది అభ్యర్థులతోపాటు యాడ్యూరప్ప స్థానాన్ని కూడా ఖరారు చేస్తూ రెండో జాబితాను విడుదల చేసింది.
 
 యాడ్యూరప్ప స్థాపించిన కర్ణాటక జనాతా పార్టీ(కేజేపీ)ని  బీజేపీలో విలీనం చేసిన సంగతి తెలిసిందే. వచ్చే ఎన్నికల్లో లోక్ సభ ఎన్నికల్లో బీజేపీ విజయం సాధించేందుకు యాడ్యూరప్ప సేవలను బీజేపీ వినియోగించుకోనుంది. నరేంద్ర మోడీని నాయకత్వాన్ని బలపరచాలనే ఉద్దేశంతోనే తాను తిరిగి సొంత గూటికి వెళుతున్నట్లు యాడ్యూరప్ప గతంలో స్పష్టం చేసి.. తన పార్టీని బీజేపీలో విలీనం చేశారు.


 బెల్గాం: కర్ణాటక ముఖ్యమంత్రి సిద్ధరామయ్యపై మాజీ సీఎం, కేజేపీ అధ్యక్షుడు బీఎస్ యడ్యూరప్ప తీవ్రస్థాయిలో మండిపడ్డారు. సిద్ధరామయ్య నియంత అంటూ ధ్వజమెత్తారు. రాష్ట్రాన్ని ఆయన నియంతలా పాలిస్తున్నారని విమర్శించారు. ఒంటెత్తు పోకడతో వ్యహరిస్తున్నారని ఆరోపించారు.
 
 ఎమ్మెల్యేలు, మంత్రులను అభిప్రాయాలు తెలుసుకోకుండానే పథకాలు అమలు చేస్తున్నారని అన్నారు. సొంత పార్టీని కూడా సంప్రదించకుండా నిర్ణయాలు తీసుకుంటున్నారని వెల్లడించారు. షాదీ భాగ్య యోజన లాంటి పథకాలు ఇలాగే ప్రవేశపెట్టారని ఆరోపించారు. షాదీ భాగ్య యోజన పథకాన్ని అన్ని వర్గాలకు విస్తరించాలంటూ బెల్గాంలోని సువర్ణ సౌధలో వరుసగా రెండో రోజూ యడ్యూరప్ప ఆందోళన కొనసాగించారు.