ముంబయి: మహారాష్ట్ర అసెంబ్లీ ఎన్నికలకు కేంద్ర ఎన్నికల కమిషన్‌(సీఈసీ) నగారా మోగించింది.నామినేషన్లు, పోలింగ్‌, ఫలితాల తేదీల షెడ్యూల్‌ ప్రకటించింది. నవంబర్‌ 20న ఒకే దశలో రాష్ట్రవ్యాప్తంగా ఎన్నికలు నిర్వహించనున్నట్లు ఈసీ తెలిపింది. పోలింగ్‌ తేదీ,పోలింగ్‌ జరిగే వారం వెనుక పెద్ద కారణమే ఉందని సీఈసీ రాజీవ్‌కుమార్‌ చెప్పారు.నవంబర్‌ 20 (బుధవారం) మహారాష్ట్రలో ఉన్న మొత్తం 288 నియోజకవర్గాలకు ఒకేసారి పోలింగ్‌ నిర్వహిస్తాం. పోలింగ్‌ కోసం బుధవారాన్ని మేం కావాలనే ఎంచుకున్నాం. వారం మధ్యలో పోలింగ్‌ పెడితే పట్టణ ఓటర్లు ఎక్కువ సంఖ్యలో తమ ఓటు హక్కు వినియోగించుకుంటారనే బుధవారం పోలింగ్‌ నిర్వహిస్తున్నాం.వీకెండ్‌లో పోలింగ్‌ ఉంటే ఏం జరుగుతుందో మనందరికీ తెలుసు’అని రాజీవ్‌కుమార్‌ చెప్పారు. మిగిలిన రాష్ట్రాలతో పోలిస్తే మహారాష్ట్రలో పట్టణ ఓటర్ల సంఖ్య ఎక్కువగా ఉండడం గమనార్హం. ఇదీ చదవండి: మహారాష్ట్ర, జార్ఖండ్‌ ఎన్నికల షెడ్యూల్‌ విడుదల

సాక్షి, తిరుమల : తిరుమలలో బుధవారం ఉదయం భక్తుల రద్దీ తగ్గింది. శ్రీవారి దర్శనం కోసం  4 కంపార్ట్‌మెంట్‌లలో భక్తులు వేచి ఉన్నారు. స్వామివారి సర్వదర్శనానికి 4 గంటలు, కాలినడక భక్తులకు 2 గంటలు, ప్రత్యేక ప్రవేశ దర్శనానికి 2 గంటల సమయం పడుతోంది. మంగళవారం 70,898 మంది భక్తులు శ్రీవారిని దర్శించుకోగా, 27,291 మంది భక్తులు తలనీలాలు సమర్పించి మొక్కులు చెల్లించుకున్నారు. నిన్న శ్రీవారి హుండీ ఆదాయం రూ. 2.89 కోట్లు వచ్చిందని టీటీడీ అధికారులు తెలిపారు.


 భీమవరం : చదరంగం ద్వారా మేధోసంపత్తిని పెంపొందించుకునే అవకాశం ఉందని, ఈ క్రీడ పట పిల్లలను ప్రోత్సహించాలని రాజ్యసభ సభ్యురాలు తోట సీతారామలక్ష్మి తల్లిదండ్రులకు సూచించారు. భీమవరం వెస్ట్‌బెర్రీ స్కూల్లో నాలుగు రోజలపాటు నిర్వహించే రాష్ట్ర స్థాయి బాలబాలికల చదరంగం పోటీలను బుధవారం ఆమె ప్రారంభించి మాట్లాడారు. పోటీల నిర్వహణకు అనసూయ చెస్‌ అకాడమీ, జిల్లా చెస్‌ అసోసియేషన్, వెస్ట్‌బెర్రీ స్కూల్‌ అందిస్తున్న సహకారం ప్రశంసనీయమన్నారు. తోట సీతారామలక్ష్మి రాష్ట్ర చెస్‌ అసోసియేషన్‌అధ్యక్షుడు వైడీ రామారావు పావులను కదిపి క్రీడను ప్రారంభించారు. కార్యక్రమంలో చెస్‌ అసోసియేషన్‌ రాష్ట్ర ఉపాధ్యక్షుడు సీహెచ్‌ రమేష్, ఆర్గనైజర్‌ మాదాసు కిశోర్, అసోసియేషన్‌ పట్టణాధ్యక్షుడు గమిని రవి పవన్‌కుమార్, స్కూల్‌ డైరెక్టర్‌ ఎన్‌.మహేష్, స్కూల్‌ ప్రిన్సిపాల్‌ గుజ్జుల సునీత, కిడ్జ్‌ స్కూల్‌ కరస్పాండెంట్‌ కె.శ్రీలతాదేవి, గమిని రమ్య, అల్లు శ్రీనివాస్‌ పాల్గొన్నారు. 
  
  


 తాడేపల్లిగూడెం : ఆకాశంలో ఉదయం నుంచీ  కారుమబ్బులు.. బుధవారం రాత్రి ఏడుగంటల సమయంలో ఒక్కసారిగా కురిసిన వాన, హోరుగాలులకు ప్రజలు పులకించిపోయారు. ఎన్నాళ్లకు.. ఎన్నాళ్లకంటూ ఆనందం వ్యక్తం చేశారు. చల్లగాలుల తాకిడిని ఆస్వాదించారు. ఉక్కపోత నుంచి ఉపశమనం పొందారు. రోహిణి కార్తె చివరి దశలో కురిసిన భారీవర్షానికి భూమి చల్లబడింది. జిల్లాలో పలుచోట్ల వర్షం కురిసింది. భీమవరంలో సాయంత్రం ప్రారంభమైన వాన రెండు గంటల పాటు ఏకధాటిన కురిసింది. జంగారెడ్డిగూడెంలో పది నిమిషాలపాటు చిరుగాలితో కూడిన జల్లులు పడ్డాయి. తాడేపల్లిగూడెంలో రెండు గంటల పాటు వాన పడుతూనే ఉంది. కొవ్వూరు, పోలవరం, గోపాలపురం నియోజకవర్గంలోని పలుచోట్ల, ఏలూరు నగరంలో వర్షం పడింది. ఉక్కపోతకు ఉపశమనం కలుగ చేసింది.  
  
  


 ఏలూరు అర్బన్‌: జిల్లాలో రోడ్డు ప్రమాదాలపై రాష్ట్ర డీజీపీ ఎన్‌.సాంబశివరావు ఏలూరు రేంజ్‌ డీఐజీ పీవీఎస్‌ రామకృష్ణ, జిల్లా ఎస్పీ భాస్కర్‌భూషణ్‌తో బుధవారం వీడియో కాన్ఫరెన్స్‌నిర్వహించారు. రాష్ట్ర ప్రభుత్వం రోడ్డు ప్రమాదాల నివారణపై ప్రత్యేక దృష్టి పెట్టిన నేపథ్యంలో అధికారులు జిల్లాలో ఆ దిశగా ఎటువంటి చర్యలు తీసుకున్నారనే వివరాలను అడిగి తెలుసుకున్నారు. డివి జన్‌ల వారీగా ఇప్పటివరకూ ఎన్ని ప్రమాదాలు జరిగాయి, ఎందరు మరణించారు అనే వివరాలు సేకరించారు. రహదారి ప్రమాదాల నివారణలో భాగంగా ప్రభుత్వం జిల్లాలో ఇప్పటివరకూ ఉన్న పెట్రోలింగ్‌ వాహనాలకు తోడు మరో 13 వాహనాలను సమకూర్చిందని వాటిని ఎవరు మోనిటర్‌ చేస్తున్నారని, వాహనాలు వచ్చిన తర్వాత ప్రమాదాలను ఎంత మేరకు తగ్గించారని అడిగి తెలుసుకున్నారు. ఆయా వివరాలను డీఐజీ, ఎస్పీ గణాంకాలతో వివరించారు.
  
  


 జంగారెడ్డిగూడెం రూరల్‌ :  హనుమద్‌ నామ స్మరణతో జంగారెడ్డిగూడెం మండలం గుర్వాయిగూడెం  మద్ది ఆంజనేయస్వామి   ఆల యం మార్మోగింది.  ఈ క్షేత్రంలో జరుగుతున్న హనుమద్‌ జయంతి ఉత్సవాల్లో భాగంగా  హనుమత్‌  దీక్షధారులు బుధవారం స్వామి సన్నిధిలో తమ ఇరుముళ్లను సమర్పించారు.   మహా పూర్ణాహుతి హోమ గుండంలో తమ ఇరుముళ్లలోని నెయ్యిని సమర్పించారు.  ఆలయ ప్రధానార్చకులు వేదాంతం వెంకటాచార్యులు, అర్చకుల బృందం, వేద పండితులు పూజలు నిర్వహించారు. అనంతరం స్వామి వారికి పంచామృతాలైన పాలు, పెరుగు, వెన్న, నెయ్యి, తేనె, పసుపు, కుంకుమ, సింధూరంతో  అభిషేకాలు చేశారు. ఆలయ చైర్మన్‌ యిందుకూరి రంగరాజు, ఆలయ కార్వనిర్వహణాధికారి పెన్మెత్స విశ్వనాథరాజు ఏర్పాట్లను పర్యవేక్షించారు. విశేష సంఖ్యలో భక్తులు పాల్గొని పూజలను తిలకించారు.  బుధవారంతో క్షేత్రంలో హనుమద్‌ జయంతి ఉత్సవాలు నేత్ర పర్వంగా ముగిశాయి.  
 హంసవాహనంపై అంజన్న
 బుధవారం రాత్రి  మద్ది  ఆంజనేయస్వామి, సువర్చలాదేవి అమ్మవారి గ్రామోత్సవం కన్నుల పండువగా నిర్వహించారు. హంస వాహనంపై స్వామి వారి గ్రామోత్సవం  వైభవంగా జరిగింది. గుర్వాయిగూడెం పుర వీధుల్లో స్వామి వారి గ్రామోత్సవం నేత్ర పర్వంగా సాగింది. విశేష సంఖ్యలో భక్తులు స్వామి వారిని దర్శించుకున్నారు.
  
  


 ద్వారకాతిరుమల : సమ్మోహిత రూపంతో భక్తులకు అభయహస్తమిస్తూ చినవెంకన్న ఉభయదేవేరులతో రథవాహనంపై తిరువీధుల్లో విహరించారు. ఆశ్వయుజమాస దివ్య బ్రహ్మోత్సవాల్లో భాగంగా బుధవారం రాత్రి శ్రీవారి రథరంగ డోలోత్సవం కనుల పండువగా నిర్వహించారు. రథంపై శ్రీదేవి, భూదేవిలతో స్వామి భక్తులకు దర్శనమిచ్చారు. శ్రీహరి కళాతోరణంలో నిర్వహించిన కూచిపూడి నృత్య ప్రదర్శనలు భక్తులను ఆకట్టుకున్నాయి. 
 వైభవోపేతంగా రథరంగ డోలోత్సవం 
 శ్రీవారి తిరుకల్యాణ మహోత్సవం జరిగిన మరుసటి రోజు రథోత్సవం జరపడం ఆనవాయితీగా వస్తోంది. బ్రహ్మోత్సవాల సమయంలో రథవాహనం ద్వారా భక్తులు స్వామికి సేవచేసుకునే అవకాశం లభించింది. బుధవారం రాత్రి ఆలయంలో ఉభయ దేవేరులతో శ్రీవారిని తొళక్కం వాహనంపై ఉంచి పుష్పాలతో ప్రత్యేకంగా అలంకరించారు. అనంతరం రథంలో ఏర్పాటు చేసిన సింహాసనంపై కల్యాణమూర్తులను ఉంచి హారతులిచ్చారు. మేళతాళాలు, మంగళ వాయిద్యాలు, విచిత్ర వేషధారణలు, డప్పువాయిద్యాలు, కోలాటభజనలతో శ్రీవారి రథం  క్షేత్ర పురవీధుల్లో తిరుగాడింది. ఆలయ ఫౌండర్‌ ట్రస్టీ ఎస్వీపీజే గోపాలరావు, ఆలయ ఈవో వేండ్ర త్రినాథరావు దంపతులు రథానికి బలిహరణ సమర్పించిన అనంతరం రథయాత్ర ప్రారంభమైంది. ఈఓ త్రినాథరావు ఉత్సవ ఏర్పాట్లను పర్యవేక్షించారు. 
 మురళీకృష్ణుడిగా
 మురళీకృష్ణుడి అలంకారంలో చినవెంకన్న బుధవారం భక్తులకు దర్శనమిచ్చారు. శ్రీవారి ఆలయంలో జరుగుతున్న వైశాఖమాస దివ్య బ్రహ్మోత్సవాలు సందర్భంగా స్వామివారు రోజుకో అలంకారంలో భక్తులను కటాక్షిస్తున్నారు. ఈ క్రమంలో స్వామివారు పిల్లనగ్రోవి ధరించి, గోవులను సంరక్షించే మురళీకృష్ణుడిగా భక్తులకు కనువిందు చేశారు. 
 బ్రహ్మోత్సవాల్లో నేడు
  ఉదయం 10 గంటలకు  భక్తి రంజని
  ఉదయం 10.30 గంటలకు అపబృదోత్సవం
  మధ్యాహ్నం 3 గంటల నుంచి వేద సదస్సు
  సాయంత్రం 5 గంటలకు కూచిపూడి నృత్య ప్రదర్శనలు 
  రాత్రి 7 గంటల నుంచి పూర్ణాహుతి, మౌనబలి, ధ్వజారోహణ
   రాత్రి 8 గంటల నుంచి  బుర్రకథ ప్రదర్శన
   రాత్రి 8 గంటల నుంచి  అశ్వవాహనంపై గ్రామోత్సవం
  
  


 సాక్షి ప్రతినిధి, ఏలూరు :  క్రమశిక్షణ, నిబద్ధత వంటి పర్యాయ పదాలకు నిర్వచనమైన ఉపాధ్యాయులు సామాజిక బాధ్యత, స్పృహ కలిగి ఉండాలని ఎక్సైజ్‌ శాఖ మంత్రి కేఎస్‌ జవహర్‌ సూచించారు. స్థానిక జిల్లా పరిషత్‌ సమావేశ మందిరంలో జిల్లా ఉపాధ్యాయ సంఘాల ఆధ్వర్యంలో నిర్వహించిన అభినందన సభలో ఆయన పాల్గొన్నారు. ఈ సందర్భంగా మాట్లాడుతూ విద్యార్థులకు కేటాయించవలసిన సమయం వారికి వినియోగించకుండా అవమానాల పాలుకావద్దని హితవు పలికారు. బయోమెట్రిక్‌ హాజరు అమలుపై మంత్రి మాట్లాడుతూ ఉపాధ్యాయులను సమయానికి బడికి వెళ్లమనడం తప్పా అని ప్రశ్నించారు. ప్రతి శనివారం మీ ఊరు– మీ మంత్రి కింద నియోజకవర్గంలో అందుబాటులో ఉంటానని చెప్పారు. శాసనమండలి సభ్యులు రాము సూర్యారావు మాట్లాడుతూ అన్ని వర్గాల సంక్షేమం కోరే వ్యక్తి జవహర్‌ అని పేర్కొన్నారు. డీఈవో ఆర్‌ఎస్‌ గంగా భవానీ మాట్లాడుతూ ఉపాధ్యాయుల అభ్యున్నతికి మంత్రి జవహర్‌ మార్గదర్శకులుగా నిలుస్తారనే ఆశాభావాన్ని వ్యక్తం చేశారు. కార్యక్రమానికి అధ్యక్షత వహించిన ఏపీటీఎఫ్‌ జిల్లా అధ్యక్షుడు సాల్మన్‌ రాజు మాట్లాడుతూ 1997లో ఉపాధ్యాయ వృత్తి చేపట్టిన మంత్రి ఎప్పటికప్పుడు ఉపాధ్యాయుల సమస్యలపై స్పందిస్తూ వాటి పరిష్కారానికి కృషి చేసేవారన్నారు. రాష్ట్ర విభజన సమయంలో కూడా ఏపీటీఎఫ్‌ అధ్యక్ష పదవికి రాజీనామా చేసి ఉద్యమంలో ముందుకు వెళ్లారన్నారు. సమావేశంలో పీఆర్‌టీయూ జిల్లా అధ్యక్షుడు పి.వెంకటేశ్వరరావు, ఎన్‌ టీయూ జిల్లా అధ్యక్షుడు డి.ప్రసాదరాజు, ఏపీటీఎఫ్‌–1938 జిల్లా అధ్యక్షుడు గుగ్గులోతు కృష్ణ, జేఏసీ జిల్లా కార్యదర్శి చోడగిరి శ్రీనివాస్, ఏపీఎన్‌ జీవో సంఘ ఉపాధ్యక్షుడు  రమేష్, ఆర్‌యూపీపీ జిల్లా అ«ధ్యక్షుడు టి.గిరిరాజు, వైఎస్సార్‌ సీపీ ఉపాధ్యాయ సంఘ నాయకులు సుధీర్, టీఎన్‌ యూఎస్‌ జిల్లా అధ్యక్షుడు టీవీ రామకృష్ణ, ఇతర సంఘాల నాయకులు మాట్లాడారు. అనంతరం మంత్రి జవహర్‌ దంపతులను వివిధ ఉపాధ్యాయ సంఘాలు ఘనంగా సత్కరించాయి. డిప్యూటీ డీఈవో డి. ఉదయ్‌కుమార్, సర్వశిక్షాభియాన్‌  సీఎంవో రూజ్‌వెల్ట్‌ పాల్గొన్నారు.  
  


 ద్వారకా తిరుమల :శ్రీవారి నిత్యాన్నదాన ట్రస్టుకు ఒక భక్తుడు బుధవారం రూ.1,00,116 విరాళంగా అందించారు. విజయవాడకు చెందిన గర్రే రాఘవగుప్తా ముందుగా కుటుంబ సభ్యులతో కలసి స్వామి, అమ్మవార్లను దర్శించుకున్నారు. అనంతరం నిత్యాన్నదాన భవనంలో ఈ విరాళాన్ని జమచేశారు. దాతకు ఆలయ ఈవో వేండ్ర త్రినాథరావు విరాళం బాండ్‌ను అందజేసి, అభినందించారు. 


 భీమవరం: క్రీడలు మానసిక ఉల్లాసానికి, శారీరక దారుఢ్యానికి, సరికొత్త ఆలోచనలకు దోహదపడతాయని భీమవరం డీఎన్నార్‌ కళాశాల అధ్యక్ష, కార్యదర్శులు గోకరాజు వెంకట నర్సింహరాజు, గాదిరాజు సత్యనారాయణరాజు అన్నారు. కళాశాల క్రీడా మైదానంలో బుధవారం సమ్మర్‌ రెసిడెన్షియల్‌ వాలీబాల్‌ శిక్షణ శిబిరాన్ని ప్రారంభించారు. జిల్లా వాలీబాల్‌ అసోసియేషన్, వసు«ధ ఫౌండేష న్‌ సహకారంతో నిర్వహిస్తున్న ఈ పోటీలను సద్వినియోగం చేసుకోవాలని కోరారు. వసుధా ఫౌండేష న్‌ కార్యదర్శి మంతెన వెంకటరామరాజు మాట్లాడుతూ వేసవిలో విద్యార్థులు సమయాన్ని వృథా చేసుకోకుండా ఇలాంటి శిక్షణ శిబిరాలను సద్వినియోగం చేసుకోవాలన్నారు. కళాశాల ప్రిన్సిపాల్‌ పి.రామకృష్ణంరాజు, వాలీబాల్‌ అసోసియేష న్‌ జిల్లా కార్యదర్శి జి.నారాయణరాజు, వసుధాఫౌండేష న్‌ కన్వీనర్‌ ఇందుకూరి ప్రసాదరాజు, శివరామరాజు, ఎంసీహెచ్‌ ఆర్‌కే రాజు, సుదర్శన వర్మ, శ్రీనివాసరాజు, జీవీ పవ న్‌ కుమార్‌రాజు పాల్గొన్నారు. 
  
  


 తణుకు టౌన్‌: తణుకులో డివిజనల్‌ సివిల్‌ సప్లయీస్‌ అధికారులు నిర్వహించిన దాడుల్లో 87 గ్యాస్‌ సిలిండర్లు స్వాధీనం చేసుకున్నట్టు డీటీ డి.అశోక్‌వర్మ తెలిపారు. బుధవారం కొవ్వూరు డివిజనల్‌ ఏఎస్‌ఓ ఆనందబాబు ఆధ్వర్యంలో తణుకులోని వివిధ హోటళ్లు, రెస్టారెంట్లు, ఫాస్ట్‌ఫుడ్‌ సెంటర్లు, బడ్డీ వ్యాపారులు వినియోగిస్తున్న గ్యాస్‌ సిలిండర్లను తనిఖీ చేశామన్నారు. 87 గృహావసరాల సిలిండర్లను గుర్తించి 50 మందిపై కేసులు నమోదు చేశామని చెప్పారు. వీటిలో 38 ఇండేన్‌ గ్యాస్, 49 హెచ్‌పీ గ్యాస్‌ సిలిండర్లు ఉన్నాయని చెప్పారు. వీఆర్‌ఓలు ఉన్నారు. 


 దెందులూరు: ఆరోగ్యం సరిగ్గా లేనప్పుడు ఎన్ని ఉన్నా వ్యర్థమేనని దెందులూరు విజయ్‌ నగేష్‌ డీఈడీ కళాశాల కాలి అనిల్‌ కుమార్‌ అన్నారు. బుధవారం కళాశాలలో కరస్పాండెంట్‌ సుగ్గిశెట్టి నూకరాజు అధ్యక్షతన ఫుడ్‌ ఫెస్టివల్‌ నిర్వహించారు. డీఈడీ విద్యార్థులు ఐదు గ్రూపులుగా ఏర్పడి ఐదు విభాగాల్లో వివిధ రకాల ఆహార పదార్థాలు తయారు చేసి ఆడిటోరియం హాల్‌లో ప్రదర్శించారు. పిండి పదార్థాలు, ప్రొటీన్స్, కొవ్వు పదార్థాలు, విటమిన్స్, ఖనిజ లవణాలు కలిగి ఉన్న వివిధ రకాలు ఆహార పదార్థాలను తయారు చేశారు. కార్యక్రమంలో కళాశాల డైరెక్టర్‌ సుగ్గిశెట్టి సత్యనారాయణ, కళాశాల అధ్యాపకులు పాల్గొన్నారు.
  


 ఏలూరు అర్బన్‌: జిల్లాలో ప్రస్తుతం తాళాలు వేసిన ఇళ్లే లక్ష్యంగా దొంగలు చెలరేగిపోతున్న నేపథ్యంలో నేరాలను నియంత్రించడంతో పాటు అపహరణకు గురైన సొత్తు రికవరీపై అధికారులు ప్రత్యేక శ్రద్ధ పెట్టాలని క్రైం డీఎస్పీ టి.సత్యనారాయణ సూచించారు. స్థానిక కోటదిబ్బ ప్రాంతంలోని సీసీఎస్‌ పోలీస్‌స్టేషన్‌లో బుధవారం ఆయన ఏలూరు డివిజన్‌లోని ఏలూరు టౌన్, ఏలూరు టూటౌన్, ఏలూరు రూరల్, భీమడోలు, గణపవరం సర్కిల్‌ ఇన్‌స్పెక్టర్‌లు, ఎస్సైలతో సమావేశం నిర్వహించారు. చాలా నేరాల్లో నిందితులను అరెస్టు చేస్తున్నా సొత్తు రికవరీ పూర్తిస్థాయిలో ఉండటం లేదని, ఈ విషయాన్ని జిల్లా ఎస్పీ తీవ్రంగా పరిగణిస్తున్నారని చెప్పారు. పోగొట్టుకున్న సొత్తును పూర్తిస్థాయిలో అందిస్తేనే బాధితులకు న్యాయం జరుగుతుందన్నారు. ఎస్పీ ఆదేశాల మేరకు సొత్తు రికవరీ పూర్తిస్థాయిలో జరపాలని అధికారులకు ఆదేశాలిచ్చామని చెప్పారు. మహిళా డీఎస్పీ రవికృష్ణకుమార్‌ మాట్లాడుతూ సమాజంలో ఇటీవల ఆడవారిపై వేధింపులు పెరిగాయన్నారు. అయితే బాధితులు చాలా కేసుల్లో వివిధ కారణాలతో స్టేషన్‌లలో ఫిర్యాదు చేసేందుకు వెనుకాడుతున్నారన్నారు. ఈ పరిస్థితుల్లో బాధితులు ఫిర్యాదు చేసేందుకు స్టేషన్‌కు వచ్చినప్పుడు చట్టాలపై అవగాహన కల్పించాలని కోరారు. ఇటీవల మహిళలపై వరకట్న, లైంగిక వేధింపులతో పాటు చిన్నారులపై అత్యాచారయత్నాలు పెరగడం ఆందోళనకరమన్నారు. ఇలాంటి సంఘటన జరిగినప్పుడు అధికారులు ప్రత్యేక శ్రద్ధ పెట్టి బాధితులకు న్యాయం చేసేలా చొరవ చూపాలని సూచించారు. సీఐలు ఎన్‌.రాజశేఖర్, ఉడతా బంగార్రాజు, అడపా నాగమురళి, ఎన్‌.దుర్గాప్రసాద్, సి. Ðð ంకటేశ్వరరావు, ఎస్సైలు పాల్గొన్నారు.
  


 ఏలూరు (మెట్రో): రాష్ట్రంలోని అన్ని జిల్లాల ఈ ఆఫీస్‌ విధానంలో పశ్చిమగోదావరి జిల్లా సేవలు ప్రథమ స్థానంలో ఉన్నాయని రాష్ట్ర ఖజానా శాఖ ప్రత్యేక ముఖ్య కార్యదర్శి ముద్దాడ రవిచంద్ర అన్నారు. ఏలూరు కలెక్టరేట్‌లోని గోదావరి సమావేశ మందిరంలో బుధవారం రాష్ట్రస్థాయి ఖజానా శాఖ ఉద్యోగుల సమావేశంలో ఆయన మాట్లాడారు. జిల్లాలో ఈ ఆఫీస్, ఈ కార్యాలయం, ఈ ఫైలింగ్‌ వంటి అంశాల్లో పశ్చిమ ముందంజలో ఉందన్నారు. బయోమెట్రిక్‌ హాజరు తప్పనిసరి అని చెప్పారు. బయోమెట్రిక్‌ హాజరు వేసి సదరు ఉద్యోగి కార్యాలయంలో లేకుంటే చర్యలు తప్పవని, అవసరమైతే సస్పెండ్‌ చేసేందుకూ వెనుకాడబోమని హెచ్చరించారు. మూడేళ్లు దాటిన ప్రతి ఉద్యోగి బదిలీ కావాలని, అప్పుడే ప్రజలకు సరైన సేవలు అందుతాయన్నారు. దీని వల్ల ఉద్యోగులకు అంకితభావం పెరుగుతుందని చెప్పారు. ప్రతి ఉద్యోగి సామాన్యుడిగా భావించుకుని విధులు నిర్వహించాలని సూచించారు. 
 నిబద్ధతతో పనిచేయాలి
 ఉద్యోగుల కుటుంబ పోషణకు ఉద్యోగాలు ఇవ్వలేదని, ప్రజలకు సేవ చేయాలనే ప్రభుత్వం ఉద్యోగాలు ఇస్తుందని ఆయన చెప్పారు. ఈ విషయాన్ని గుర్తించి విధులు నిర్వర్తించాలన్నారు. ఖజానా శాఖ ఉద్యోగుల డిమాండ్ల పరిష్కారానికి త్వరలో చర్యలు తీసుకుంటామని పేర్కొన్నారు. బదిలీల విషయంలో ప్రభుత్వ నిబంధనలకు అనుగుణంగా ప్రతి ఉద్యోగి సహకరించాలన్నారు. గతేడాది 40 శాతం బదిలీల ప్రక్రియ పూర్తి చేశామని, ఈ ఏడాది మరింతగా పెరగాలని ఆయన కోరారు. ఖజానా శాఖ డైరెక్టర్‌ కె.కనవల్లి మాట్లాడుతూ ఉద్యోగులందరూ నిబద్ధతతో విధులు నిర్వహించి ఖజానా శాఖకు మంచి పేరు తీసుకురావాలన్నారు. కార్యదర్శి రవిచంద్ర అంకితభావంతో ఏ విధంగా విధులు నిర్వహిస్తున్నారో అదే విధంగా ప్రతి ఒక్క ఉద్యోగి విధులు నిర్వహించాలని సూచించారు. జిల్లా ఖజానా శాఖ అధికారి లలిత, డిప్యూటీ డైరెక్టర్‌ హనుమంతరావు, జాయింట్‌ డైరెక్టర్‌ శివప్రసాద్, రాష్ట్ర అధ్యక్షుడు రవికుమార్, కార్యదర్శి రాజ్‌కుమార్‌ పాల్గొన్నారు.


 యర్నగూడెం (దేవరపల్లి) :  డిపాజిట్లు కాలపరిమితి దాటినా చెల్లించడం లేదని యర్నగూడెంలో పెరల్స్‌ బాధితులు రోడ్డెక్కి ఆందోళన చేశారు. బుధవారం సాయంత్రం గ్రామానికి వచ్చిన ఏజెంట్లను చుట్టుముట్టి సుమారు రెండు గంటల పాటు నిర్బంధించారు. డిపాజిట్లు చెల్లించే వరకు కదలనీయమని పట్టుపట్టారు. వివరాల్లోకి వెళ్తే.. యర్నగూడెంకు చెందిన సుమారు 150 మంది కూలీ, నాలీ చేసుకుని పొట్టపోసుకుంటున్న కార్మికులు పెరల్స్‌ సంస్థలో సుమారు రూ. 2 కోట్లు డిపాజిట్‌ చేశారు. డిపాజిట్‌ కాలపరిమితి పూర్తి కావడంతో వడ్డీతో సహా డిపాజిట్లు చెల్లించాలని సంబంధిత ఏజెంట్లను కోరారు. అదిగో వస్తాయి. ఇదిగో వస్తాయంటూ ఏజెంట్లు కాలయాప చేస్తూ వస్తున్నారు. ఏజెంట్లపై నమ్మకం లేకపోవడంతో కొందరు డిపాజిట్‌ దారులు రాజమండ్రిలోని సంస్థ కార్యాలయాలని పలుమార్లు తిరిగారు. అక్కడ కార్యాలయానికి తాళాలు వేసి ఉండడంతో అయోమయంలో పడ్డారు. అప్పటి నుంచి ఏజెంట్లు కూడా జాడలేక పోవడంతో మోసపోయామని గ్రహించిన డిపాజిట్‌ దారులు ఎవరికి చెప్పుకోవాలో తెలియక మథనపడుతున్నారు. బుధవారం సాయంత్రం గ్రామానికి వచ్చిన ఏజెంట్లను చుట్టుముట్టారు. సాయంత్రం 6 గంటల నుంచి రాత్రి 8 గంటల వరకు నిర్భంధించి తమ డిపాజిట్లు చెల్లించాలని పట్టుపట్టారు. అయితే సంస్థ కొన్ని ఇబ్బందుల్లో ఉందని, త్వరలో డిపాజిట్లు చెల్లిస్తుందని ఏజెంట్లు నచ్చజెప్పారు. బాధితులు ముంగర మహంకాళి, గణుసుల పాపమ్మ, ముంగర వీరాస్వామి, టి. సాంబమూర్తి, గణుసుతల చంటియ్య మట్లాడుతూ గ్రామంలో సుమారు 200 మంది వరకు బాధితులు ఉన్నామని తెలిపారు. ఒక్కొక్కరు రూ.లక్ష నుంచి రూ.2 లక్షల వరకు డిపాజిట్లు చేశామని చెప్పారు. పిల్లల చదువులు, ఆడపిల్లల పెళ్లిళ్లు, కుటుంబ అవసరాలకు ఉపయోగపడతాయని డిపాజిట్లు చేశామని, ఈ విధంగా మోసం జరుగుతుందని ఊహించలేదని బాధితులు వాపోయారు. కాగా గ్రామస్తులు జోక్యం చేసుకుని బాధితుల నుంచి ఏజెంట్లను విడిపించారు.
  
  


 పోలవరం : పోలవరం ప్రాజెక్టు నిర్మాణం పూర్తయ్యాక గోదావరి నదిలో చేపల సంచారానికి ఇబ్బందులు లేకుండా ఏ విధమైన చర్యలు తీసుకోవాలనే విషయమై ప్రాజెక్టు ఇంజినీరింగ్, మత్స్యశాఖ అధికారులు బుధవారం సాంకేతికంగా పరిశీలించారు. అనంతరం ట్రాన్స్‌ట్రాయ్‌ అతిథి గృహంలో సమావేశం నిర్వహించి, ఇంజనీరింగ్‌ అధికారులతో చర్చించారు. ఈ సందర్భంగా మత్స్యశాఖ డీడీ ఎంఏ యాకూబ్‌ బాషా మాట్లాడుతూ కొన్ని రకాల చేపలు కాలువల నుంచి నదిలోకి మైగ్రేషన్‌ ఉంటుందన్నారు. ఏ నెలల్లో ఏఏ రకాల చేపలు అందుబాటులో ఉంటాయి? సంచరిస్తాయి? అనేది ఫీల్డ్‌ విజిట్‌ చేశామన్నారు. చేపల సంచారానికి వీలుగా స్పిల్‌వేలో ఎక్కడ డిజైన్‌ చేయాలనేది ఇంజినీరింగ్‌ అధికారుల సమావేశంలో చర్చించటం జరిగిందన్నారు. స్పిల్‌వే ప్రాంతాన్ని కూడా పరిశీలించామన్నారు. స్పిల్‌వే 1, 2 బ్లాక్‌ల మధ్య చేపల సంచారానికి వీలుగా ఏర్పాట్లు చేయటంపై ఇంజినీరింగ్‌ అధికారులు చర్చించారన్నారు. ప్రధానంగా బొచ్చె, శీలావతి, మోసు, గండుమేను, ఇసుకదొందులు, జెల్ల, పులస, వాలుగు, కొర్ర మేను, రొయ్యలు, బొమ్మిడాయి జాతులు   ఉంటాయన్నారు. సైజును బట్టి అవి ప్రయాణం చేస్తాయన్నారు. సెంట్రల్‌ ఇన్‌లాండ్‌ ఫిషరీస్‌ రీసెర్చ్‌ ఇన్‌స్టిట్యూట్‌ శాస్త్రవేత్తలు వి.సురేష్, డాక్టర్‌ మాన్‌సన్, మత్స్యశాఖ డీడీ  ఎస్‌.అంజలి, ఏడీలు పి.రామ్మోహన్, డి.గోపిరెడ్డి, పోలవరం అథారిటీ సీఈ ఎ.పరమేశ్వరన్, ప్రాజెక్టు ఎస్‌ఈ వీఎస్‌.రమేష్‌బాబు సమావేశంలో పాల్గొన్నారు.


 ఏలూరు (ఆర్‌ఆర్‌ పేట) : జిల్లాలో రూ.76.73 కోట్ల వ్యయంతో 453 ఆరోగ్య ఉపకేంద్ర భవనాలను నాబార్డు నిధులతో నిర్మిస్తామని కలెక్టర్‌ కాటంనేని భాస్కర్‌ చెప్పారు. రూ.575 కోట్ల నాబార్డు నిధులతో చేపట్టిన 223 అభివృద్ధి పనుల ప్రగతి తీరుపై బుధవారం ఆయన సమీక్షించారు. జిల్లాలో గ్రామీణ ప్రాంత ప్రజలకు ఆరోగ్యసేవలు విస్తృతం చేసి ప్రతి కుటుంబం ఆరోగ్యవంతంగా ఉండేలా గ్రామీణ ప్రాంతాల్లో ఆరోగ్య ఉపకేంద్రాలకు పటిష్టమైన భవన నిర్మాణ పనులు చేపడతామన్నారు. నాబార్డు ఆర్థిక సహాయం రూ.100 కోట్ల వ్యయంతో 948 అంగన్‌వాడీ కేంద్ర భవనాల నిర్మాణానికి కూడా చర్యలు తీసుకుంటామన్నారు. హార్టీకల్చర్‌ యూనివర్సిటీ, ఎన్‌జీ రంగా యూనివర్సిటీలకు కేటాయించిన నిధుల పనులు నత్తనడకన సాగడంపై కలెక్టర్‌ ఆగ్రహం వ్యక్తం చేశారు. సమావేశంలో నాబార్డు ఏజీఎం రామప్రభు, ఆర్‌అంఽడ్‌బీ ఎస్‌ఈ నిర్మల, పంచాయతీరాజ్‌ ఎస్‌ఈ ఈ.మాణిక్యం, డీఎంహెచ్‌ఓ డాక్టర్‌ కె.కోటేశ్వరి పాల్గొన్నారు. 
 మల్బరీ తోటలకు ప్రోత్సాహం
 ఏలూరు సిటీ : జిల్లాలో మల్బరీతోటలను ప్రోత్సహించి తక్కువ ఖర్చుతో లాభాల పంట సాధించేలా రైతులను చైతన్యపరచడానికి మల్బరీపై ప్రత్యేక యాప్‌ను రూపొందిస్తున్నట్టు కలెక్టర్‌ కాటంనేని భాస్కర్‌ చెప్పారు. కలెక్టరేట్‌లో మల్బరీతోటల పెంపుపై ఆన్‌లైన్‌లో రైతులకు సేవలందించేందుకు అనువుగా ప్రత్యేకంగా రూపొందించిన యాప్‌ను కలెక్టర్‌ పరిశీలించారు. 2017-18 ఆర్థిక సంవత్సరంలో జిల్లాలో 2 వేల ఎకరాల్లో మల్బరీతోటలు పెంచాలని ఒక ప్రణాళికను చేపట్టామని ఇందుకోసం 4 వేల మంది రైతుల పేర్లను 15 రోజుల్లో ఈ యాప్‌ ద్వారా నమోదు చేయాలని చెప్పారు.


 నరసాపురం: మొగల్తూరు ఆనందా రొయ్యల ఫ్యాక్టరీలో ప్రమాద ఘటనకు సంబంధించి మెజిస్టీరియల్‌ విచారణ చేసే ఆలోచనలో ప్రభుత్వం ఉందని రాష్ట్ర కార్మిక శాఖ మంత్రి పితాని సత్యనారాయణ అన్నారు. ఘటనలో మృతిచెందిన కార్మికులకు నష్టపరిహారంగా ఫ్యాక్టరీ ప్రకటించిన రూ.15 లక్షల నష్టపరిహారాన్ని బాధిత కుటుంబాలకు బుధవారం నరసాపురం మండలం సీతారామపురంలో మంత్రి పితాని అందజేశారు. ఈ సందర్భంగా ఆయన మాట్లాడుతూ ఘటనపై ఐఏఎస్‌ అధికారితో కూడిన బృందంతో విచారణ జరిపిస్తామని, ఫ్యాక్టరీ యాజమాన్యం నిర్లక్ష్యమని తేలితే చర్యలు తీసుకుంటామన్నారు. తుందుర్రు ఆక్వా ఫుడ్‌ పార్క్‌, మొగల్తూరు రొయ్యల ఫ్యాక్టరీల విషయంలో తాను మాట మార్చలేదన్నారు. జిల్లాలోని యనమదుర్రు డ్రెయిన్‌లో వ్యర్థాలు కలుపుతున్న ఫ్యాక్టరీలపై కూడా చర్యలు తీసుకుంటామని చెప్పారు. ఫ్యాక్టరీల్లో తప్పనిసరిగా ట్రీట్‌ప్లాంట్‌ ఏర్పాటు చేసుకునేలా ఆదేశాలు జారీ చేస్తామని, ఆరు నెలల్లో చర్యలు ఉంటాయని స్పష్టం చేశారు.
 
 ఘోరాన్ని రోడ్డు ప్రమాదంతో పోల్చిన మంత్రి
 మొగల్తూరు ఘటన మంత్రి పితాని రోడ్డు ప్రమాదంతో పోల్చారు. ఫ్యాక్టరీల యాజమాన్యం నిబంధనలు పాటించాలని, కార్మికుల రక్షణపై చర్యలు తీసుకోవాలని చెబుతూనే ఆనందా ఫ్యాక్టరీలో ప్రమాదం అనుకోకుండా జరిగిందన్నారు. రోడ్డు ప్రమాదాలు అనుకోకుండా ఎలా జరుగుతాయో, ఇదీ అలాగే జరిగిందని వ్యాఖ్యానించడంతో పలువురు నోరెళ్లబెట్టారు.
 
 ఊరేగింపుగా సీతారామపురం
 నరసాపురం ఇరిగేషన్‌ అతిథి గృహం నుంచి సీతారామపురం వరకూ మంత్రి పితానిని ఊరేగింపుగా తీసుకొచ్చారు. ఆనందా ఫ్యాక్టరీ ఘటన మృతుల బంధువులను అధికారులు సీతారామపురం రప్పించారు. బాధితుల ఇళ్ల వద్దకు వెళ్లి మంత్రి పరామర్శిస్తారని, అక్కడే నష్టపరిహారం కూడా ఇస్తారని అంతా భావించారు. ఫ్యా‍క్టరీని కూడా మంత్రి పరిశీలిస్తారని అనుకున్నారు. అయితే ఇందుకు భిన్నంగా సీతారామపురంలో కార్యక్రమం ఏర్పాటుచేసి బాధిత కుటుంబాలకు చెక్కులు అందజేశారు. ఐదుగురి మృతుల్లో నల్లం ఏడుకొండలు బంధువులు రాలేదు. ప్రభుత్వం ప్రకటించిన రూ.25 లక్షల నష్టపరిహారానికి సంబంధించి రూ.20 లక్షలు అందించామని, మిగిలిన రూ.5 లక్షలు త్వరలో అందజేస్తామని మంత్రి పితాని ప్రకటించారు. ఎమ్మెల్యేలు బండారు మాధవనాయుడు, నిమ్మల రామానాయుడు, నరసాపురం సబ్‌కలెక్టర్‌ సుమిత్‌కుమార్‌గాంధీ,  మున్సిపల్‌ చైర్‌పర్సన్‌ పసుపులేటి రత్నమాల, జిల్లా నీటి సంఘాల అధ్యక్షుడు పొత్తూరి రామరాజు, చినమిల్లి సత్యనారాయణ, అండ్రాజు చల్లారావు, ఎంపీపీ వాతాడి కనకరాజు, జెడ్పీటీసీ సభ్యుడు బాలం ప్రతాప్‌  పాల్గొన్నారు.


 రాజంపేట టౌన్ : విద్యార్థులు డాక్టర్‌ బీఆర్‌.అంబేడ్కర్‌ అడుగుజాడల్లో నడవాలని అంబేడ్కర్‌ జయంతి ఉత్సవ కమిటీ ప్రధాన కార్యదర్శి సీ.చెన్నయ్య పిలుపునిచ్చారు. ఈనెల 14వ తేదీ అంబేడ్కర్‌ జయంతిని పురస్కరించుకొని స్థానిక జెడ్పీ బాలికోన్నత పాఠశాలలో బుధవారం విద్యార్థులకు ‘అంబేడ్కర్‌ జీవితం’ అనే అంశంపై వ్యాసరచన పోటీలతో పాటు చిత్రలేఖనం, క్విజ్‌పోటీలను నిర్వహించారు. ఈ పోటీలను చెన్నయ్య ప్రారంభించి మాట్లాడారు. భవిష్యత్తులో ఎంతో ఎత్తుకు ఎదగాల్సిన విద్యార్థులు అంబేడ్కర్‌ ఆశయాలు, ఆలోచనలతో ముందుకు సాగాలని కోరారు. బాబా సాహెబ్‌ అంబేడ్కర్‌ కృషి ఫలితంగానే భారతదేశ ప్రజలు రాజ్యాంగం ద్వారా కల్పించిన హక్కులను అనుభవిస్తున్నారన్నారు. అంబేడ్కర్‌ ఆశయాలు, ఆదర్శాలను నేటి యువత ఆదర్శంగా తీసుకోవాలని కోరారు. అంబేడ్కర్‌ జీవితం ప్రతి ఒక్కరికి స్ఫూర్తిదాయకం కావాలని చెన్నయ్య తెలిపారు. ఈనెల 14వ తేదీ అంబేద్కర్‌ జయంతిని వాడవాడలా ఘనంగా నిర్వహించాలని ఆయన కోరారు.  ఈ కార్యక్రమంలో అంబేడ్కర్‌ జయంతి ఉత్సవ కమిటీ ప్రతినిధులు, ఉపాధ్యాయులు ఎన్‌.శివరామయ్య, ధర్మరాజు నాయక్, ఎం.రాజయ్య, జీ.పెంచలయ్య, డి.చెంగల్‌రాజు తదితరులు పాల్గొన్నారు.
 
 
 
 
 
  


 ఏలూరు సిటీ : స్ధానిక ఆర్‌ఆర్‌పేటలోని శ్రీ శర్వాణి పబ్లిక్‌ స్కూల్‌ 13వ వార్షి కోత్సవం బుధవారం ఉల్లాసంగా, ఉత్సాహంగా సాగింది. విద్యార్థుల సాంస్కృతిక కార్యక్రమాలు అలరించాయి. ఈ సందర్భంగా నిర్వహించిన కార్యక్రమంలో మేయర్‌ షేక్‌ నూర్జహాన్‌ మాట్లాడారు. విద్యార్థులు రాష్ట్ర, జాతీయస్థాయిలో స్ఫూర్తి అవార్డులు కైవసం చేసుకోవడం అభినందనీయమని, విద్యా సంస్థల విద్యార్థులను అన్ని రంగాల్లో ప్రతిభావంతులుగా తీర్చిదిద్దేందుకు కృషి చేయాలని కోరారు.  పదో తరగతిలో 10 జీపీఏ సాధించిన విద్యార్థులకు నగదు పురస్కారాలు, జ్ఞాపికలు అందజేశారు. పాఠశాల డైరెక్టర్‌ కె.మదనమోహనరాజు అధ్యక్షత వహించిన ఈ కార్యక్రమంలో నగర డిప్యూటీ మేయర్‌ గుడివాడ రామచంద్రకిషోర్, పాఠశాల ప్రధానోపాధ్యాయిని సీహెచ్‌ సత్య శారద, విద్యావేత్త బొమ్మి అచ్యుతరావు, ఉపాధ్యాయులు పాల్గొన్నారు.  
  
  


 ఏలూరు (ఆర్‌ఆర్‌ పేట) : దేశంలో అణగారిన, దళిత వర్గాల అభివృద్ధికి మాజీ ఉప ప్రధాని బాబూ జగ్జీవన్‌రామ్‌ ఎనలేని సేవలు చేశారని, వైఎస్సార్‌ సీపీ జిల్లా అధ్యక్షుడు, ఎమ్మెల్సీ ఆళ్ల నాని అన్నారు. జగ్జీవన్‌రామ్‌ 110వ జయంతిని బుధవారం ఏలూరులోని వైఎస్సార్‌ సీపీ కార్యాలయంలో నిర్వహించారు. ముందుగా జగ్జీవన్‌రామ్‌ చిత్రపటానికి ఆళ్ల నాని పూలమాలలు వేసి ఘనంగా నివాళులర్పించారు. ఉప ప్రధానిగా జగ్జీవన్‌రామ్‌ చేసిన సేవలు తదనంతర కాలంలో వచ్చిన నాయకులకు మార్గదర్శకంగా నిలిచాయన్నారు. అణగారిన వర్గాలకు ప్రత్యేక హక్కులు, చట్టాలు, విధానాలు ఉండాలని భావించి అంబేడ్కర్‌ రాజ్యాంగంలో వీటిని పొందుపరిస్తే అమలు చేయడంలో జగ్జీవన్‌రామ్‌ కీలక ప్రాత పోషించారన్నారు. అంబ్కేర్‌, జగ్జీవన్‌రామ్‌ పోరాటాలే స్ఫూర్తిగా పార్టీ అధినేత వైఎస్‌ జగన్‌మోహన్‌రెడ్డి రాష్ట్రంలోని నియంతృత్వ పాలనపై అలుపెరుగని పోరాటం చేస్తున్నారని చెప్పారు. జాతీయ నాయకుల ఆశయాలను నెరవేర్చడానికి వైఎస్సార్‌ సీపీ కట్టుబడి ఉందని స్పష్టం చేశారు. 
  
 ఆయన మార్గదర్శకులు
 సీనియర్‌ నాయకుడు పటగర్ల రామ్మోహనరావు మాట్లాడుతూ దేశంలోనే వెనుకబడిన బిహార్‌ నుంచి దళితుల అభివృద్ధే ధ్యేయంగా రాజకీయాల్లోకి వచ్చి ఉప ప్రధాని స్థాయికి ఎదిగిన జగ్జీవన్‌రామ్‌ ఎందరో దళిత నాయకులకు మార్గనిర్దేశంగా నిలిచారన్నారు. పార్టీ ఎస్సీ సెల్‌ నగర కన్వీనర్‌ మున్నుల జాన్‌ గురునాథ్‌ అధ్యక్షత వహించగా పార్టీ నగర అధ్యక్షుడు గుడిదేశి శ్రీనివాసరావు, జిల్లా కోశాధికారి దిరిశాల వరప్రసాద్, జిల్లా నాయకుడు మామిళ్లపల్లి జయ ప్రకాష్, కార్పొరేటర్లు కర్రి శ్రీను, బండారు కిరణ్, నాయకులు వేగి లక్ష్మి ప్రసాద్, పైడి భీమేశ్వరరావు, దుర్గారావు, మహ్మద్‌ ఖైసర్, పల్లెం ప్రసాద్, శిరిపల్లి ప్రసాద్,మట్టా రాజు, బోడా కిరణ్‌ తదితరులు పాల్గొన్నారు.
 ఎస్టీ సంక్షేమ సంఘం ఆధ్వర్యంలో..
 స్థానిక ఏపీ ఎస్టీ సంక్షేమ సంఘం జిల్లా కార్యాలయంలో బాబూ జగ్జీవన్‌రామ్‌ జయంతి ఉత్సవాలు నిర్వహించారు. సంఘ రాష్ట్ర అసోసియేట్‌ అధ్యక్షుడు దేవరకొండ వెంకటేశ్వర్లు మాట్లాడుతూ జిల్లా కేంద్రంలో బాబూ జగ్జీవన్‌రామ్‌ కాంస్య విగ్రహాన్ని ఏర్పాటుచేయాలని డిమాండ్‌ చేశారు. జిల్లా ప్రధాన కార్యదర్శి దేవరకొండ లలిత, ఎం.వెంకటేశ్వరరావు, కె.శ్రీను, ఎల్‌ జయశ్రీ,. టి.రమ్య, సీహెచ్‌ రాఘవ పాల్గొన్నారు.


 తాడేపల్లిగూడెం : తాడేపల్లి గూడెం పట్టణ ఇలవేలుపు బలుసులమ్మ వారి ఆలయ పునఃప్రతిష్ట కార్యక్రమం అంగరంగ వైభవంగా జరిగింది. బుధవారం ఉదయం 9.06 గంటలకు ఆలయ పునఃప్రతిష్ట కార్యక్రమం మంత్రోచ్చారణల మధ్యసాగింది. స్వర్ణయంత్ర, విగ్రహ, శిఖర స్థాపనలు, కళాన్యాసం, దృష్టి గోవు, కుంభ నివేదన, కూష్మాండచ్ఛేదన తదితర పూజలు జరిగాయి. అమ్మవారి దివ్యమంగళ స్వరూపాన్ని వీక్షించేందుకు భక్తులు ఉదయం నుంచి ఆలయం వద్ద వేచి ఉన్నారు. అమ్మవారి పుట్టింటి చీరను పాశం వారి ఇంటి నుంచి తీసుకువచ్చారు. ఆలయంలో బలుసులమ్మ విగ్రహం ఎదుట ప్రతిష్ట మూర్తిని ప్రతిష్టించారు.  ఆ విగ్రహానికి ముందు శ్రీచక్రాన్ని ఉంచారు.  అనంతరం కర్రిగోవుతో దృష్టిగోవు కార్యక్రమం నిర్వహించారు. గోపురంపై శిఖర ప్రతిష్ట చేసి భక్తులు తీసుకువచ్చిన బూరెలను పై నుంచి పోశారు. ఇదే సమయంలో పూర్ణాహుతి జరిగింది. అగ్ని ఉద్వాసన, అవభృదం, బలిహరణ, కంకణ విమోచన కార్యక్రమాలు జరిగాయి.
 పారవశ్యంలో భక్తులు
 కోర్కెలు తీర్చే కల్పవల్లి, గ్రామ దేవత, పట్టణ ఇలవేలుపు అయిన బలుసులమ్మ వారి దివ్యమంగళ స్వరూపాన్ని చూసిన భక్తులు పారవశ్యంలో మునిగిపోయారు. కేరళ సాంప్రదాయ రీతిలో ఆలయాన్ని అలంకరించారు.  శివస్వామి ఆధ్యాత్మిక ప్రవచనాలు అందించారు. యీవని సత్యనారాయణ అవధాని, యీవని వెంకట రామాచం‍ద్రరావు, బాదంపూడి ఫణిశర్మ, ఆలయ ప్రధాన అర్చకులు వెలవలపల్లి ప్రదీప్‌ శర్మ, వెలవలపల్లి గోపీనాథ్‌ శర్మ, బాదంపూడి మల్లికార్జున శర్మ, వేద ఆగమన పండితులు పర్యవేక్షణలో పూజలు జరిగాయి. దేవాదాయశాఖ జ్యోతిషులు పూజ్యం విశ్వనాథ్‌, కమిటీ నిర్వాహకులు శ్రీరంగం అంజి బాబు, శ్రీరంగం సత్యనారాయణ, మునిసిపల్‌ మాజీ చైర్మన్‌ ఈతకోట తాతాజీ, వలవల సూరిబాబు, నంద్యాల కృష్ణమూర్తి,  వడ్డి రఘురామనాయుడు, పాలడుగు అయ్యన్న, దేవాదాయశాఖ అధికారులు తదితరులు పాల్గొన్నారు.
  
  
  
  


 ఏలూరు అర్బన్‌ : రోడ్డు ప్రమాదాల నివారణ లక్ష్యంతో రాష్ట్ర ప్రభుత్వం జిల్లాకు 13 హైవే పెట్రోలింగ్‌ వాహనాలను అందించిందని జిల్లా ఎస్పీ భాస్కర్‌భూషణ్‌ తెలిపారు. బుధవారం స్థానిక జిల్లా పోలీసు కార్యాలయంలో ఆయన వాహనాలను జెండా ఊపి ప్రారంభించారు. రాష్ట్రంలో రోడ్డు ప్రమాదాల్లో చాలా మంది ప్రాణాలు కోల్పోతున్నారని, దీనిని నివారించే లక్ష్యంతో ప్రభుత్వం బ్లాక్‌ స్పాట్‌ (ప్రమాదాలు ఎక్కువగా జరిగే ప్రాంతం)లు గుర్తించగా జిల్లాలో 39 బ్లాక్‌ స్పాట్‌లు ఉన్నాయని చెప్పారు. జాతీయ రహదారులపై ఎక్కువగా ప్రమాదాలు జరుగుతున్నందున జిల్లాలో ఎన్‌హెచ్‌–16కు సమీపంలోని 13 పోలీస్‌స్టేషన్లకు 13 వాహనాలు అందించారన్నారు. వాహనాల్లో వైర్‌లెస్, జీపీఆర్‌ఎస్‌ సిస్టమ్‌ ఉంటాయని, పెట్రోలింగ్‌ కోసం వాహనానికి ఏఎస్సై, హెచ్‌సీ, కానిస్టేబుల్‌ను కేటాయిస్తామని చెప్పారు. ప్రమాదాలు జరిగిన సమయంలో అంబులెన్స్‌ లు అందుబాటులో లేకుంటే బాధితులను పెట్రోలింగ్‌ వాహనాల్లో తరలిస్తారన్నారు. వాహనాలను ఏఆర్‌ డీఎస్పీ పర్యవేక్షిస్తారన్నారు.  
 కోడిపందేలపై దాడులు
 పెదవేగి రూరల్‌: పెదవేగి మండలంలోని కోడిపందేల స్థావరాలపై బుధవారం పోలీసులు దాడులు చేశారు. పోలీసులు తెలిపిన వివరాల ప్రకారం రాయన్నపాలెం గ్రామంలో పందేల స్థావరంపై దాడి చేసి ఆరుగురిని అదుపులోకి తీసుకుని రెండు పందెంకోళ్లు, రెండు కత్తులు స్వాధీనం చేసుకున్నామన్నారు. కొండలరావుపాలెం గ్రామంలో పందేల స్థావరంపై దాడి చేసి ఏడుగురి నుంచి రూ.3,300 నగదు, రెండు కోళ్లు, రెండు కత్తులు స్వాధీనం చేసుకున్నామని చెప్పారు.  
  
  


 కొయ్యలగూడెం: కొయ్యలగూడెం మండలం దిప్పకాయలపాడు గొల్లగూడెంలో బుధవారం ఉదయం జరిగిన అగ్నిప్రమాదంలో వర్జీనియా పొగాకు బ్యారన్‌ దగ్ధమైంది. బ్యారన్‌తో పాటు పొగాకు అగ్నికి ఆహుతైంది. వివరాలిలా ఉన్నాయి..  కౌలు రైతు బుట్టా చంద్రం అనే రైతుకు చెందిన బ్యారన్‌ క్యూరింగ్‌ దశలో ఉండగా, రేషన్‌కర్ర విరిగి పొగ గొట్టంపై పడటంతో ప్రమాదం జరిగింది. దీంతో బ్యారన్‌లో కూరింగ్‌ చేస్తున్న పొగాకు కొంత మేర కాలిబూడిదైంది. జంగారెడ్డిగూడెం అగ్నిమాపక సిబ్బంది మంటలను అదుపుచేశారు. సుమారు రూ.లక్షన్నర నష్టం వాటిల్లినట్టు సర్పంచ్‌ గొడ్డటి రాణి తెలిపారు. 
 tobbaco byaren burned


  తాడేపల్లిగూడెం: ప్రజల ఇలవేల్పు, వరాలిచ్చే దేవత బలుసులమ్మ ఆలయంలో బుధవారం శాస్త్రోక్తంగా ఉగాది ఉత్సవాలు ప్రారంభమయ్యాయి.  రజక  ఆసాదులతో గరగల సంప్రోక్షణ కార్యక్రమం అనంతరం గోదావరి  ఏలూరు కాలువ వద్ద ఉన్న పెద్ద శివాలయం వద్ద నుంచి గరగలను బలుసులమ్మ ఆలయం వద్దకు తీసుకొచ్చారు. ఆలయం వద్ద డాక్టర్‌ శశి కుమార్, డాక్టర్‌ శైలజ దంపతులతో కలశస్థాపన చేయించారు. అనంతరం గోపూజ జరిగింది. భీమవరం మావుళ్లమ్మ దేవాలయ పండితుడు ఘనాపాటి పరిమెళ్ల వాస్తవ్యులు బాదంపూడి ఫణిశర్మ, బలుసులమ్మ ఆలయ అర్చకులు వెలవలపల్లి ప్రదీప్‌శర్మ, గోపీనా«థ్‌ శర్మ ల ఆధ్వర్యంలో పూజలు జరిగాయి. ఉగాది ఉత్సవాల ప్రారంభ కార్యక్రమాన్ని ఉద్దేశించి మునిసిపల్‌ చైర్మన్‌ బొలిశెట్టి శ్రీనివాసు మాట్లాడుతూ పట్టణ ఇలవేల్పు బలుసులమ్మ ఉత్సవాలను ఘనంగా నిర్వహించడం ఆనందంగా ఉందన్నారు. ఉగాది ఉత్సవాల తర్వాత నూతన ఆలయంలో అమ్మవారి ప్రతిష్టాపన కార్యక్రమాలు జరుగనుండటం శుభసూచకంగా పేర్కొన్నారు. కార్యక్రమంలో ఆలయ ట్రస్టీ శ్రీరంగం అంజి, బీజేపీ నాయకులు యెగ్గిన నాగబాబు, టీడీపీ నాయకులు వలవల సూరిబాబు, మునిసిపల్‌ మాజీ చైర్మన్‌ ఈతకోట తాతాజీ , కల్యాణం రామచంద్రరావు, పాలడుగుల అయ్యన్న తదితరులు పాల్గొన్నారు.  


 కొవ్వూరు: పశ్చిమ డెల్టా ఆయకట్టుకు సాగునీటి అవసరాల నిమిత్తం బుధవారం 4,280 క్యూసెక్కుల నీటిని విడిచిపెడుతున్నారు. ఉభయగోదావరి జిల్లాల్లోని మూడు డెల్టాలకు 8,340 క్యూసెక్కులు వదులుతున్నారు. తూర్పు డెల్టాకు 2,400, సెంట్రల్‌ డెల్టాకు 1,660 క్యూసెక్కుల చొప్పున విడుదల చేస్తున్నారు. జిల్లాలోని నరసాపురం కాలువకు 1,534, ఉండి కాలువకు 997, జీ అండ్‌ వీకి  489, ఏలూరు కాలువకు 694, అత్తిలి కాలువకు 28 క్యూసెక్కుల చొప్పున సాగునీరు అందిస్తున్నారు. వంతుల వారీ విధానం కారణంగా అత్తిలి కాలువకు నీటి విడుదల తగ్గించినట్టు అధికారులు చెబుతున్నారు. వాస్తవంగా ఈ కాలువ పరిధిలో ఆయకట్టుకు నీరందకపోవడంతో చేలు నెరలు తీస్తున్నాయి. 


 ఏలూరు (సెంట్రల్‌) : ప్రభుత్వ పాఠశాలల్లో చదువుతున్న విద్యార్థినులకు త్వరలో కూచిపూడి, భరతనాట్యం వంటి 68 కళల్లో శిక్షణ ఇస్తామని, కార్పొరేట్‌ విద్యాసంస్థలకు దీటుగా విద్యార్థులను పోటీ పరీక్షలకు సిద్ధం చేస్తున్నామని ఏపీ ఫౌండేషన్‌ కోర్సు సలహాదారు ఆర్‌.రవీంద్ర అన్నారు. ఏలూరు నగరపాలక సంస్థ కార్యాలయంలో బుధవారం విలేకరులతో మాట్లాడుతూ ప్రభుత్వ పాఠశాలల్లో కార్పొరేట్‌ స్థాయిలో విద్యను అందించడం ద్వారా 2020 నాటికి మొదటి 10 ర్యాంకులు ప్రభుత్వ పాఠశాల విద్యార్థులు సాధించేలా చర్యలు తీసుకుంటున్నామన్నారు. ఏలూరు నగరపాలక సంస్థ ఆధ్వర్యంలో త్వరలో కళాశాలను ఏర్పాటు చేయనున్నట్టు చెప్పారు. రాష్ట్ర ప్రభుత్వం అన్ని ప్రభుత్వ పాఠశాలల్లో కామన్‌ సిలబస్‌ను ప్రవేశపెట్టనుందని, దీని ద్వారా ఏ జిల్లాలో విద్యార్థులు ఏ విధంగా చదువుతున్నారనే అంచనాకు వచ్చి వారికి మెరుగైన విద్యనందిస్తామని చెప్పారు. 
 16 కేంద్రాల్లో ఫౌండేషన్‌ కోర్సు
 రాష్ట్రవ్యాప్తంగా 16 కేంద్రాల్లో అడ్వా న్స్‌ ఫౌండేషన్‌ కోర్సును ప్రారంభించామని రవీంద్ర చెప్పారు. హైస్కూల్స్‌లో మౌలిక సదుపాయాల నిమిత్తం ప్రభుత్వం రూ.100 కోట్లు కేటాయించిందని, ఉపాధ్యాయులు కావాల్సిన సదుపాయాల నిమిత్తం తమకు నివేదిక ఇస్తే 48 గంటలలోపు మంజూరు చేస్తామని తెలిపారు. నగరపాలక సంస్థ కమిషనర్‌ వై.సాయిశ్రీకాంత్‌ మాట్లాడుతూ ఏడు హైస్కూళ్లలో విద్యార్థుల చేరిక పెరిగిందని, 10వ తరగతి ఫలితాల్లో 93 శాతం వచ్చిందన్నారు. అన్ని పాఠశాలల్లో ఫౌండేషన్‌ కోర్సును ఏర్పాటు చేస్తున్నామని చెప్పారు.  
  
  
  


 మొగల్తూరు: నిన్న డాల్ఫిన్, నేడు తాబేలు ఇలా రోజుకో మృత జలచరం తీరానికి కొట్టుకువస్తోంది. కొద్దిరోజుల క్రితం చెన్నై సమీపంలోని సముద్ర తీరంలో రెండు నౌకలు ఢీకొనడంతో ఆయిల్‌ తెట్టు సముద్ర నీటిలో తెలియాడుతోంది. దీని ప్రభావం జలచరాలపై పడింది. కొన్ని కిలోమీటర్ల విస్తీర్ణంలో కలిసిన తెట్టును తొలగించినా సముద్ర జలచరాలకు పెను ముప్పుగా మారింది. ఈ నేపథ్యంలో మంగళవారం నరసాపురం మండలం పీఎం లంక తీరానికి మృత డాల్ఫిన్‌ కొట్టుకురాగా, బుధవారం మొగల్తూరు మండలం కేపీ పాలెం తీరానికి మృత తాబేలు కొట్టుకువచ్చింది. 
  
  


 పెనుగొండ : ప్రత్యేక హోదా ఉద్యమాన్ని అణచివేయాలని సర్కారు కొన్ని కుయుక్తులు పన్నినా యూత్‌ మాత్రం పోరుబాట వీడ లేదు. రాష్ట్ర విభజన సందర్భంగా ప్రత్యేక హోదా ఇస్తామని ఇచ్చిన హామీని నెరవేర్చాలంటూ విస్తృత ప్రచారం నిర్వహిస్తున్నారు. పెనుగొండలో పెనుగొండ యూత్‌ ఆధ్వర్యంలో గాంధీ బొమ్మల సెంటర్‌లో ప్రత్యేకంగా రూపొందించిన ప్రత్యేక హోదా స్టిక్కర్లను బుధవారం వాహనాలకు అతికించారు. ప్రత్యేక హోదా వల్ల యువతకు ఉద్యోగ ఉపాధి అవకాశాలు పెరుగుతాయని తెలిపారు. ప్రత్యేక హోదా సాధించేవరకూ పోరాటం సాగించాలంటూ ప్రచారం నిర్వహించారు. ప్రత్యేక హోదాపై రాజకీయ పార్టీలు ప్రజలను మోసం చేస్తున్నాయని దుయ్యబట్టారు. ఎన్నికల్లో ఒకరకంగాను, ఎన్నికల అనంతరం ఒక రకంగాను వ్యవహరిస్తున్నాయంటూ విమర్శించారు. అన్ని వర్గాల ప్రజలు ఏకమై ఐకమత్యంగా పోరాడితేనే ప్రత్యేక హోదా సాధించగలమని అన్నారు. కార్యక్రమంలో పెనుగొండ యూత్‌ సభ్యులు కడలి పురుషోత్తం, కానూరి అర్జునరావు, గుర్రాల శ్రీనివాసరావు, ఎస్‌ఎంఆర్‌ రఫీ, సుందర కనకరాజు, ఘంటసాల శివ పాల్గొన్నారు. 


 ఏలూరు అర్బన్‌   :  హెల్మెట్‌ ద్విచక్రవాహనదారుల ప్రాణానికి రక్ష అని ఎస్పీ భాస్కర్‌భూషణ్‌ స్పష్టం చేశారు. ట్రాఫిక్‌ భధ్రతా వారోత్సవాల్లో భాగంగా బుధవారం స్థానిక అమీనాపేట రిజర్వ్‌ పోలీసు క్వార్టర్స్‌ సమీపంలో ఉన్న ట్రాఫిక్‌ పోలీసు స్టేషన్‌  నుంచి ర్యాలీని ఆయన జెండా ఊపి ప్రారంభించారు. ఈ సందర్భంగా ఎస్పీ మాట్లాడుతూ ద్విచక్రవాహనదారులు హెల్మెట్‌ విధిగా ధరించాలని సూచించారు. ట్రాఫిక్‌ డీఎస్పీ ఆవుల శ్రీనివాసరావు మాట్లాడుతూ రోడ్డు భద్రతా నిబంధనలపై ప్రతిఒక్కరూ అవగాహన కలిగి ఉండాలని, అప్పుడే ప్రమాదాలను నివారించగలమని చెప్పారు. ఇటీవల కాలంలో యువకులు అదుపులేని వేగంతో వాహనాలు నడుపుతున్నారని, ఇది తగదని సూచించారు.  అనంతరం పోలీసులు హెల్మెట్లు ధరించి ద్విచక్రవాహనాలతో భారీ ర్యాలీ నిర్వహించారు. కార్యక్రమంలో అడిషనల్‌ ఎస్పీ వలిశల రత్న, డీఎస్పీలు గోగుల వెంకటేశ్వరరావు, పి.భాస్కరరావు, ఎన్‌.చంద్రశేఖరరావు, ఓఎస్డీ బి.రామకృష్ణ తదితరులు పాల్గొన్నారు.
  
  


 భీమవరం అర్బన్‌ : మండలంలోని వెంపలో రాష్ట్రస్థాయి క్రీడా పోటీలు బుధవారం ప్రారంభం అయ్యాయి. తొలుత ఈ పోటీలను ఎమ్మెల్యే పులపర్తి రామాంజనేయులు (అంజిబాబు) ప్రారంభించారు. రానున్న కాలంలో జాతీయస్థాయి క్రీడలను నిర్వహించాలని ఆకాంక్షించారు. అనంతరం కొద్దిసేపు కబడ్డీ ఆడి క్రీడాకారులను అలరించారు. జిల్లా కబడ్డీ అసోసియేషన్‌  అధ్యక్షుడు ఎన్‌ వీఆర్‌ దాస్, నిర్వాహకులు కలిదిండి కాశీరాజు, గ్రామ అభివృద్ధి కమిటీ చైర్మన్‌ కలిదిండి చిన బంగార్రాజు పాల్గొన్నారు. 
  
  


 ఉంగుటూరు : స్థానిక వివేకానంద జిల్లా పరిషత్‌ ఉన్నత పాఠశాలలో బుధవారం రాత్రి  జాతీయస్థాయి అండర్‌–17 బాలబాలికల వాలీబాల్‌ పోటీలు ప్రారంభమయ్యాయి. కార్యక్రమానికి డీఈవో డి. మధుసూదనరావు అధ్యక్షత వహించగా రాష్ట్ర పాఠశాల విద్యా కమిషనర్‌ కె.సంధ్యారాణి ముఖ్య అతిథిగా హాజరై పోటీలను ప్రారంభించారు. ఈ సందర్భంగా ఆమె మాట్లాడుతూ గ్రామీణ ప్రాంతంలో జాతీయస్థాయిలో వాలీబాల్‌ పోటీలు నిర్వహణ అభినందనీయమన్నారు. పోటీల నిర్వాహకుడు ఆదిరెడ్డి సత్యనారాయణను డీఈవో అభినందించారు. తొలుత అతిథులు క్రీడాకారుల నుంచి గౌరవ వందనం స్వీకరించారు. అంతర్జాతీయ పోటీల న్యాయ నిర్ణేత టీవీ అరుణాచలం, పరిశీలకుడు ధర్మేష్‌కుమార్, టెక్నికల్‌ చైర్మ న్‌ ఆర్‌ఎస్‌ సింగ్, జిల్లా ఒలింపిక్స్‌ అసోసియేష న్‌ కార్యదర్శి ఆదిరెడ్డి సత్యనారాయణ, డీవైఈవో విలియం, స్టేట్‌ స్పోర్ట్స్‌ డెవలప్‌మెంట్‌ అధికారి పి.రవీంద్ర, ఎంఈవో చిడిపి వెంకటరత్నం పాల్గొన్నారు.  
  
  


 నందలూరు:  నందలూరు మండలంలోని సోమశిల వెనుక జలాలవద్ద పాత తిమ్మరాజుపల్లె గ్రామం మొండిగోడల వద్ద దాచి ఉన్న ఐదు ఎర్రచందనం దుంగలను స్వాధీనం చేసుకుని ముగ్గురిని అరెస్టు చేసినట్లు ఇన్‌చార్జి ఎస్‌ఐ ధనుంజయుడు తెలిపారు. బుధవారం సాయంత్రం స్థానిక పోలీస్‌ స్టేషన్‌లో ఆయన విలేకరులతో మాట్లాడుతూ తిరుపతి టాస్క్‌ఫోర్స్‌ వారి సమాచారంతో రాజంపేట డీఎస్పీ రాజేంద్ర ఆదేశాలమేరకు బుధవారం తెల్లవారుజామున పాత తిమ్మరాజుపల్లెలోదాడులు నిర్వహించగా నలుగురు ఎర్రచందనం స్మగ్లర్లు తమపై రాళ్లు రువ్వుతూ పారిపోవడానికి ప్రయత్నించారన్నారు. వారిలో పొత్తపి గ్రామానికి చెందిన ఈగా పెంచల్‌రెడ్డి, చుక్కాయపల్లె గ్రామానికి చెందిన చుక్కా వెంకటరమణ, కోనేటి శ్రీనివాసులును అదుపులోకి తీసుకోగా పొత్తపికి చెందిన వెంకటరమణారెడ్డి పారిపోయాడన్నారు. అరెస్టుచేసిన వారిని నందలూరు కోర్టులో హాజరుపరుచగా జడ్జి రిమాండ్‌కు ఆదేశించినట్లు తెలిపారు. ఈ దాడులలో కోర్టు కానిస్టేబుల్‌ హేమాద్రి, సుధాకర్‌రెడ్డి, ఇతర సిబ్బంది పాల్గొన్నారు.


 నారాయణపురం(ఉంగుటూరు) : జాతీయరహదారి నారాయణపురం వద్ద బుధవారం జరిగిన ప్రమాదంలో త్రుటిలో ప్రాణాపాయం తప్పింది.  మోటార్‌ సైకిల్‌ తునాతునకలైంది. పోలీసుల కథనం ప్రకారం.. రాచూరుకు చెందినబొడ్డు వెంకట అప్పరెడ్డి మోటార్‌ సైకిల్‌పై పెట్రోల్‌ బంకుకు వెళ్తుండగా ఏలూరు వైపు వెళ్తున్న ట్రాలీ లారీ ఢీ కొనటంతో ఈ ప్రమాదం జరిగింది. ప్రమాదంలో అప్పిరెడ్డి తప్పించుకోగా మోటార్‌ సైకిల్‌ తునాతునకలైంది.  చేబ్రోలు పోలీసులు కేసు నమోదు చేసి దర్యాప్తు చేస్తున్నారు. 
  


 ఏలూరు రూరల్‌ : ఏలూరులోని అల్లూరి సీతారామరాజు స్టేడియంలో బుధవారం నిర్వహించిన ఫ్లో పుట్‌బాల్‌ మ్యాచ్‌ అభిమానులను ఉర్రూతలూగించింది. తణుకు, ఏలూరు జట్ల మధ్య జరిగిన ఈ మ్యాచ్‌ ఆద్యంతం అలరించింది. ఈ మ్యాచ్‌లో ఏలూరు జట్టు 2–1 తేడాతో తణుకు జట్టుపై విజయం సాధించింది.  దీంతో ఏలూరు జట్టుకు రెండో విజయం దక్కగా తణుకు జట్టు నాలుగోసారి ఓటమిపాలైంది. ఇరుజట్లు ఆటగాళ్లు ఆట మొత్తం దూకుడుగా ఆడడంతో మ్యాచ్‌ చూసేందుకు వచ్చిన వందలాది పాఠశాల పిల్లలు, అభిమానులు ఆసక్తిగా తిలకించారు. మ్యాన్‌ ఆప్‌ ది మ్యాచ్‌ క్రీడాకారుడు లొఫొకు దక్కింది. గురువారం గణపవరంలో తాడేపల్లిగూడెం, భీమవరం జట్ల మధ్య మ్యాచ్‌ జరగనుందని జిల్లా పుట్‌బాల్‌ అసోసియేషన్‌ కార్యదర్శి బెల్లంకొండ సుబ్బారావు చెప్పారు. 
  


 కడప అర్బన్‌ : అసిస్టెంట్‌ ఎగ్జిక్యూటివ్‌ ఇంజినీర్ల ఆన్‌లైన్‌ పరీక్ష (మెన్స్‌) ఈ నెల 29 నుంచి నిర్వహించనున్నట్లు స్పెషల్‌డిప్యూటీ కలెక్టర్‌ ఈశ్వరయ్య బుధవారం ఒక ప్రకటనలో తెలిపారు. ఆ రోజు ఉదయం 10 గంటల నుంచి మధ్యాహ్నం 12.30 గంటల వరకు, మధ్యాహ్నం 2.30 నుంచి 5.00 గంటల వరకు, 30న ఉదయం 10.00 నుంచి మధ్యాహ్నం 12.30 గంటల వరకు జిల్లాలోని ఐదు కేంద్రాల్లో నిర్వహించనున్నట్లు  పేర్కొన్నారు. కడప, సీకే దిన్నె, ప్రొద్దుటూరు, రాజంపేట, పులివెందుల పరీక్షా కేంద్రాలుగా నిర్ణయించారని వివరించారు. ఇందుకుగాను ఉప తహసీల్దార్లు, సీకే దిన్నె, కడప, వేంపల్లె, ప్రొద్దుటూరు, రాజంపేట వారిని లైజన్‌ ఆఫీసర్లుగా నియమించామని తెలిపారు. పరీక్షా కేంద్రాలకు హాజరయ్యే అభ్యర్థులు ఉదయం 8.30 గంటలకు తప్పనిసరిగా హాజరై రిజిష్టర్‌ కావాల్సి ఉందన్నారు. ఉదయం 9.30 గంటల తర్వాత అభ్యర్థులను పరీక్షా కేంద్రాల్లోకి అనుమతించరని తెలిపారు.. హాజరయ్యే అభ్యర్థులు వారి ఒరిజినల్‌ ఐడీ కార్డులను తీసుకు రావాలని సూచించారు. 


 కొవ్వూరు రూరల్‌: జిల్లాలో 9 పురపాలక సంఘాల్లోని డ్వాక్రా మహిళలకు చిరు వ్యాపారాలు, తయారీ యూనిట్ల ఏర్పాటుకు శిక్షణ ఇస్తామని మెప్మా పీడీ జి.శ్రీనివాసరావు తెలిపారు. ఈ ఏడాది డ్వాక్రా రుణాలకు సంబంధించి రూ.90 కోట్ల పెట్టుబడి నిధిని వారి ఖాతాల్లో జమచేశామని చెప్పారు. బుధవారం స్థానిక లిటరరీ క్లబ్‌ ఆవరణలో పురపాలక సంఘ పరిధిలోని పట్టణ పేదరిక నిర్మూలన సంస్థ ఆధ్వర్యంలో 494 స్వయం సహాయ సంఘాలకు రెండో విడత పెట్టుబడి నిధి సొమ్ము రూ.కోటి 47 లక్షల 45 వేల చెక్కును ఎమ్మెల్యే కేఎస్‌ జవహర్‌ చేతులమీదుగా అందజేశారు. చంద్రన్న బీమాలో నాలుగు కుటుంబాలకు ఒక్కొక్కరికి రూ.30 వేల చొప్పున బీమా సొమ్ము అందజేశారు. ఎమ్మెల్యే కేఎస్‌ జవహర్‌, ఆర్డీవో బి. శ్రీనివాసరావు, మున్సిపల్‌ చైర్మన్‌ జొన్నలగడ్డ రాధారాణి, మున్సిపల్‌ కమిషనర్‌ టి.నాగేంద్రకుమార్, జొన్నలగడ్డ సుబ్బరాయచౌదరి తదితరులు మాట్లాడారు. 


 ధర్మాజీగూడెం (లింగపాలెం) : మండలంలోని ధర్మాజీగూడెం ఎస్‌బీఐ వద్ద నగదుకోసం రైతులు, బ్యాంక్‌ అధికారుల మధ్య బుధవారం  ఘర్షణ చోటుచేసుకుంది. సొమ్ములు తీసుకునేందుకు ఉదయం పెద్ద సంఖ్యలో వినియోగదారులు బ్యాంకుకు చేరుకున్నారు. ఉదయం 10.30 నుంచి మధ్యాహ్నం 2 గంటల వరకు బ్యాంకు అధికారులు ఒక్కొక్కరికీ నాలుగు వేల చొప్పున నగదు అందజేశారు. ఈ క్రమంలో జనం బారులు తీరిన ఉన్నా అధికారులు బ్యాంకు గేటును మూయించారు. దీంతో బయట ఉన్న రైతులు తీవ్ర ఆగ్రహం వ్యక్తం చేశారు. బ్యాంకు వద్ద ఉద్రిక్త పరిస్థితి తలెత్తడంతో పోలీసులు చేరుకున్నారు. బ్యాంక్‌ మేనేజరతో మాట్లాడి గేటు తీయించారు. దీంతో ఒక్కసారిగా లోనికి వెళ్లిన రైతులు మేనేజర్‌తో వాగ్వాదానికి దిగారు. ఖాతాదారులను విస్మరించి సొమ్ములను పక్కదారి పట్టిస్తున్నారని ఆరోపించారు. ఈ సమయంలో బ్యాంకు అధికారులు, రైతులు మధ్య వాగ్వాదం మరింత పెరిగింది. బ్యాంకులో అవకతవకలు జరగడం లేదని అవసరమైతే సీసీ కెమెరా ఫుటేజీలు పరిశీలించుకోవాలని మేనేజర్‌ అన్నారు. సొమ్ములు కావాలని రైతులు పట్టుబట్టడంతో ఒక్కొక్కరికీ రూ.2 వేలు చొప్పున అందజేశారు. దీంతో గొడవ సర్దుమణిగింది. 
  


 ద్వారకాతిరుమల : ద్వారకాతిరుమల చినవెంకన్న ఆలయ హుండీల ఆదాయాన్ని బుధవారం లెక్కించారు. ఏడు రోజులకు గాను నగదు రూపంలో రూ.37,29,587, కానుకుల రూపంలో 83 గ్రాముల బంగారం, 971 గ్రాముల వెండి లభించినట్టు ఈవో వేండ్ర త్రినాథరావు తెలిపారు. విదేశీ కరెన్సీ కూడా అధికంగా లభించిందని చెప్పారు. 
 పాతనోట్ల తిరస్కరణ
 హుండీల ఆదాయంలో ప్రభుత్వం రద్దు చేసిన 476 రూ.1,000, 535 రూ.500 నోట్లు వచ్చాయి. వీటి మొత్తం రూ.7,43,500 ఉంది. అయితే స్థానిక ఆంధ్రాబ్యాంకు అధికారులు మాత్రం ఈ నోట్లను జమచేసేందుకు అంగీకరించలేదు. ఈనెల 30న ఒకేసారి ఈ మొత్తాన్ని బ్యాంకులో డిపాజిట్‌ చేయాలని బ్యాంకు అధికారులు సూచించారని, దీంతో హుండీ ఆదాయాన్ని రూ.29,86,083గా చూపినట్లు ఈవో చెప్పారు. 


 వైవీయూ : కడప నగరంలోని ప్రభుత్వ పురుషుల కళాశాలలో బుధవారం జాబ్‌మేళా జరగనుంది. ఈ విషయాన్ని  ప్రిన్సిపాల్‌ డా. ఎన్‌.సుబ్బనరసయ్య, జేకేసీ కోఆర్డినేటర్‌ డా. ఎం. రమేష్‌  తెలిపారు. ఇన్‌స్టిట్యూట్‌ ఆఫ్‌ లాంగ్వేజ్‌ మేనేజ్‌మెంట్‌ (ఐఎల్‌ఎం) ఆధ్వర్యంలో జూనియర్‌ ప్రొఫెషనల్‌ ఫ్యాకల్టీ ఉద్యోగాల కోసం ఈ ఎంపికలు నిర్వహిస్తున్నట్లు తెలిపారు. 2016లో పాసైన విద్యార్థులతో పాటు ప్రస్తుతం ఫైనలియర్‌ చదువుతున్న వారు ఈ ఎంపికలకు అర్హులని తెలిపారు. పూర్తి వివరాలకు 9490701588 నంబర్‌లో సంప్రదించాలని కోరారు.
  


 ఆకివీడు :  రేషన్‌ షాపులపై బుధవారం విజిలెన్స్‌  అధికారులు ఆకస్మిక దాడులు జరిపారు. స్థానిక రైల్వేస్టేనన్‌న్స్‌   షన్‌ రోడ్డులోని 22,23 నంబర్ల షాపుల్లో రికార్డులు, సరుకు నిల్వలను పరిశీలించారు. 22వ నంబర్‌ షాపులో 64 కేజీల బియ్యం తక్కువగా ఉందని, పంచదార 15 కేజీలు, కిరోసిన్‌ 301 లీటర్లు రికార్డుల్లో చూపించిన దానికన్నా అదనంగా ఉందని విజిలెన్స్‌  తహసీల్దార్‌ శైలజ వెల్లడించారు. షాపునంబర్‌ 23లో 55 కేజీల బియ్యం, 391 లీటర్ల కిరోసిన్‌ అదనంగా ఉన్నాయని వివరించారు. ఈ రెండు షాపుల డీలర్లు రాజామణి, వి.వి.ఎస్‌.శంకర్‌ వర్మలపై  6ఏ  కేసు నమోదు చేస్తున్నట్లు చెప్పారు.   తనిఖీల్లో పుడ్‌ ఇన్స్‌ స్పెక్టర్‌ సీతారామ్, రెవెన్యూ ఇన్‌స్పెక్టర్‌  నాగేశ్వరరావు, వీఆర్వో రత్నరాజు పాల్గొన్నారు. 
  
  
  


 ఏలూరు (మెట్రో) : ఏలూరులో బంగారం దుకా ణంపై ఐటీ అధికారులు దాడి చేయడం జిల్లా వ్యాప్తంగా కలకలం సృష్టించింది. పెద్దనోట్ల రద్దు తర్వాత నగరానికి చెందిన బంగారం వ్యాపారి రూ.22 కోట్లను బ్యాంక్‌ ఖాతాలో జమ చేయ డంతో ఐటీ అధికారులు సోదాలు చేపట్టారు. వివరాల్లోకి వెళితే.. ఏలూరు వన్‌టౌన్‌ పరిధిలో శీరం వెంకన్నకు చెందిన నగల దుకాణంపై బుధవారం మధ్యాహ్నం ఐటీ అధికారులు దాడులు చేశారు. ఈ దుకాణ యజమాని ఇటీవల కాలంలో రూ.22 కోట్లను బ్యాంకుల్లో జమ చేయడం, బిల్లులు లేకుండా రూ.కోటి యాభై లక్షల విలువైన బంగారాన్ని కలిగి ఉండటాన్ని ఐటీ అధికారులు గుర్తించారు. అతని దుకాణంలో అర్ధరాత్రి వరకూ సోదాలు కొనసాగుతూనే ఉన్నాయి. వెంకన్నకు గతంలో భీమవరంలో భార్య పేరుతో ఒక దుకాణం ఉండేది. ఐటీ ఇబ్బందుల వల్ల భీమవరంలోని దుకాణాన్ని మూసేసిన వెంకన్న వ్యాపారాన్ని ఏలూరుకు మార్చాడు. భీమవరంలోని వారితో ఉన్న పరిచయాలతో ఆయన ఇక్కడ వ్యాపారం సాగిస్తున్నాడు. పరిచయాలను కొనసాగిం చేందుకు తన కుమారుడిని భీమవరంలోనే ఉంచాడు. పెద్దనోట్ల రద్దు తర్వాత  గత పదిరోజుల వ్యవధిలో అతను రూ.22 కోట్లను బ్యాంకులో డిపాజిట్‌ చేయడంతో ఆ ఖాతాను స్తంభింప చేసి వల్లభ జ్యూయలర్స్‌పై దాడి చేశారు. దాడుల్లో ఐటీ విజయవాడ డైరెక్టర్, తూర్పుగోదావరి జిల్లా డెప్యూటీ డైరెక్టర్లు పాల్గొన్నారు. ఇదిలా ఉంటే  ఇటీవల సోమవరప్పాడుతోపాటు ఏలూరు నగరంలోనూ లెక్కలు చూపని నగదును పోలీసులు, ఐటీ అధికారులు స్వాధీనం చేసుకున్నట్టు సమాచారం. 
  
  


 వసంతవాడ (పెదపాడు): ప్రధానమంత్రి ఫసలీ బీమా ఫదకంలో భాగంగా జిల్లాలో 2,626 పంటకోత ప్రయోగాలకు గాను 2,521 ప్రయోగాలు నిర్వహించినట్టు ముఖ్య ప్రణాళిక అధికారి, జాయింట్‌ డైరెక్టర్‌ ఎం.బాలకృష్ణ తెలిపారు. బుధవారం పెదపాడు మండలంలోని వసంతవాడ గ్రామంలో పంటకోత ప్రయోగాలను ఆయన పరిశీలించారు. ఈ సందర్భంగా మాట్లాడుతూ పంటకోత ప్రయోగాలను పారదర్శకంగా నిర్వహించి కేంద్ర, రాష్ట్ర ప్రభుత్వాలకు ఎప్పటికప్పుడు ఆన్‌లైన్‌లో వివరాలు అందిస్తున్నామన్నారు. దిగుబడులు ఆశాజనకంగా ఉన్నాయని, పంట కోత ప్రయోగాల ఆధారంగానే రైతులు బీమా చెల్లిస్తారని చెప్పారు. జిల్లా ఉపసంచాలకుడు టి.సురేష్‌కుమార్‌, మండల సహాయ గణాంక అధికారి కె.గాంధీ వీఆర్వో సత్యనారాయణ ఆయన వెంట ఉన్నారు. 


 వట్లూరు (పెదపాడు) :  సర్‌ ïసీఆర్‌ఆర్‌ ఇంజినీరింగ్‌ కళాశాలలో రెండు రోజులుగా నిర్వహిస్తున్న ఆంధ్రా యూనివర్సిటీ అథ్లెటిక్‌ చాంపియన్‌ షిప్‌ పోటీలు బుధవారంతో ముగిశాయి. వివిధ విభాగాల్లో పోటీలు నిర్వహించి విజేతలను ప్రకటించారు. కళాశాల యాజమాన్య కమిటీ ఉపాధ్యక్షుడు వీవీ బాల కృష్ణారావు, కార్యదర్శి ఎంవీకే దుర్గారావు, డిగ్రీ కళాశాల కరస్పాండెంట్‌ యూఎం ఎస్‌.రామప్రసాద్,  యాజమాన్య కమిటీ సభ్యులు తదితరులు పాల్గొన్నారు. విజేతల వివరాలు ఇలా ఉన్నాయి. 
 ∙మహిళల పోటీలు 100మీ విభాగంలో కె.విజయలక్షి్మ(విశాఖపట్నం), 5 కిమీ విభాగంలో ఎం. మౌనిక విజయనగరం, 5 కిమీ నడక విభాగంలో డి.శేషారత్నం(ఏలూరు), 100 మీ హార్డిల్స్‌లో 
 ∙కె.సుశీల (విజయనగరం), 400 మీ రిలే విభాగంలో సీహెచ్‌ వెంకటలక్ష్మి, కె.రమాదేవి, కె.విజయలక్ష్మి, సీహెచ్‌ వాణి(విశాఖపట్నం), షాట్‌పుట్‌ విభాగంలో సీహెచ్‌ ఉమ (విజయనగరం), 
 ∙జావెలిన్‌ త్రోలో  బి.సంధ్యారాణి(విశాఖపట్నం), హై జంప్‌ విభాగంలో ఒ.భవానీ(విశాఖపట్నం), 
 ∙హెఫ్తాలాన్‌ విభాగంలో ఎం.లావణ్య (బొబ్బిలి) విజేతలుగా నిలిచారు. 
 ∙పురుషుల 100 మీ విభాగంలో ఎల్‌.జనార్దనరావు(విశాఖపట్నం), 5 కిమీ విభాగంలో టి.అప్పారావు (విశాఖపట్నం), 20 కిలోమీటర్ల నడక విభాగంలో ఎస్‌ రాజు (విశాఖపట్నం), 400 మీ.హార్డిల్స్‌లో టి.వెంకటరావు (బొబ్బిలి), 100 మీ రిలే విభాగంలో ఎల్‌ జనార్దనరావు పీడీవై తేజ, ఎన్‌.గౌతమ్‌రెడ్డి, ఆర్‌కుమార్‌ నాయక్‌(విశాఖపట్నం), 400 రిలే విభాగంలో కె.కృష్ణమూర్తి, ఎల్‌.సాయికుమార్, బి.మురళీరాధ, ఎస్‌.వంశీకృష్ణ(విశాఖపట్నం), జావెలిన్‌త్రో విభాగంలో పి.రామకృష్ణ(కొత్తవలస), హమ్మర్‌ త్రో విభాగంలో ఎల్‌.కిరణ్‌కుమార్, హై జంప్‌ ఎన్‌.సింహాచలం (కొత్తవలస), డెకత్లాన్‌ పోటీలలో ఎ.అప్పన్న(విశాఖపట్నం) విజేతలుగా నిలిచారు. ఓవరాల్‌ చాంపియన్‌గా ఎస్‌వీవీపీవీఎంసీ డిగ్రీ కళాశాల విశాఖపట్నం నిలిచింది. ఇదే కళాశాలకు చెందిన ఎల్‌.జనార్దనరావు పాస్టెస్టు మన్‌ అవార్డు పొందాడు. 
  
  
  
  


 తణుకు : రోడ్డు ప్రమాదాల నివారణకు ఏ చర్యలు చేపట్టాలో సర్వే చేస్తున్నట్టు, ఆ నివేదిక ఆధారంగా ఆయా కూడళ్లలో రక్షణ చర్యలు చేపట్టనున్నట్టు రవాణాశాఖ డెప్యూటీ కమిషనర్‌ ఎస్‌.సత్యనారాయణమూర్తి తెలిపారు. తణుకు మండలం దువ్వ వెంకయ్య వయ్యేరు నుంచి పెనుగొండ మండలం సిద్ధాంతం వరకు పదహారో నంబరు  జాతీయ రహదారిౖపై ప్రధాన కూడళ్లలో జరుగుతున్న ప్రమాదాలపై బుధవారం ఆయన ఆధ్వర్యంలో సిబ్బంది సర్వే నిర్వహించారు. ఈ సందర్భంగా ఆయన మాట్లాడుతూ తరచూ ప్రమాదాలు జరుగుతున్న ప్రాంతాలపై దృష్టి సారించి ఆయా కూడళ్లలో ఎందుకు ప్రమాదాలు జరుగుతున్నాయి? కారణాలు ఏమిటనే కోణంలో సర్వే చేస్తున్నట్టు చెప్పారు. ప్రమాదాలు  జరగకుండా ప్రత్యామ్నాయాలపై దృష్టి సారించినట్లు వెల్లడించారు. ఈ కార్యక్రమంలో తణుకు ఎంవీఐ  శ్రీనివాస్, సిబ్బంది పాల్గొన్నారు.  
  
  


 జంగారెడ్డిగూడెం రూరల్‌ : జంగారెడ్డిగూడెం మండలం గుర్వాయిగూడెం మద్ది ఆంజనేయస్వామి వారి ఆలయంలో హుండీల ఆదాయాన్ని బుధవారం లెక్కించారు. దేవాదాయశాఖ తాడేపల్లిగూడెం డివిజన్‌ ఇన్‌చార్జి తనిఖీదారు ఆర్‌.బాలాజీ రామ్‌ ప్రసాద్‌ పర్యవేక్షణలో హుండీ లెక్కింపు జరిగింది. 30 రోజులకు గాను రూ.23,33,731 ఆదాయం వచ్చిందని, దీనిలో నోట్లు రూ.21,34,916, నాణాలు రూ.1,98,815, 3 విదేశీ కరెన్సీ నోట్లు,  ఒక అమెరిక¯ŒS డాలర్‌ లభించాయని చెప్పారు. గతేడాది కార్తీకమాసంలో వచ్చిన ఆదాయానికి ఈసారి రూ.11,96,165 అధికంగా ఉందన్నారు. ఆలయ చైర్మ¯ŒS ఇందుకూరి రంగరాజు పాల్గొన్నారు. 
 సోమేశ్వరస్వామి ఆదాయం రూ.1.45 లక్షలు 
 భీమవరం (ప్రకాశం చౌక్‌) : భీమవరం గునుపూడి ఉమా సోమేశ్వర జనార్దన స్వామి వారికి కార్తీమాసం నెల రోజుల్లో భక్తులు చెల్లించిన కానుకలను బుధవారం ఆలయ అధికారులు లెక్కించారు. స్వామివారికి భక్తులు హుండీలో సమర్పించిన సొమ్ము లెక్కించగా రూ.1,4,5, 470 లభించినట్టు ఈవో నల్లూరి సతీష్‌కుమార్‌ తెలిపారు.
  


  ఏలూరు (మెట్రో): రాష్ట్రంలో అడుగంటుతున్న భూగర్భ జలాలను అభివృద్ధి చేసేందుకు రూ.1,500 కోట్లతో 1.24 లక్షల బోరుబావులు నిర్మించాలని ప్రభుత్వానికి ప్రతిపాదనలు సమర్పించామని రాష్ట్ర భూగర్భజల శాఖ డైరెక్టర్‌ కె.వేణుగోపాల్‌ చెప్పారు. పట్టణంలోని భూగర్భజల శాఖ కార్యాలయాన్ని బుధవారం ఆయన తనిఖీ చేశారు. జిల్లాలో భూగర్భజలాల పెంపుదలకు తీసుకోవాల్సిన చర్యలపై చర్చించారు. ఇటీవల కాలంలో భూగర్భజలాల వాడకం బాగా పెరిగిందని  సమృద్ధిగా ఉండే జిల్లాలో కూడా భూగర్భజలాలు తగ్గుముఖం పట్టడం ప్రమాదకర పరిణామమని ఆయన చెప్పారు. గత మే నెలలో 19.08 మీటర్ల లోతులో ఉన్న భూగర్భజలాలు వర్షాలు, పోలవరం కుడి కాలువ తదితర అంశాల వల్ల ప్రస్తుతం  17.01 మీటర్ల లోతులో ఉన్నాయన్నారు. ఆరునెలలతో పోలిస్తే 2 మీటర్లు భూగర్భజలాలు పెరిగినా గత నెలతో పోలిస్తే 0.53 మీటరు నీరు తగ్గిందన్నారు.  రాష్ట్రంలో 1.24 లక్షల బోరు బావులు నిర్మిస్తే అదనంగా 10 లక్షల ఎకరాలకు సేద్యపు నీరు అందుబాటులోకి తీసుకురాగాలని చెప్పారు. 
 జిల్లాలో వినూత్న కార్యక్రమం
 కలెక్టర్‌ కాటంనేని భాస్కర్‌ ముందు చూపువల్ల రాష్ట్రంలోనే ప్రప్రథమంగా గోదావరి జలాలను భూగర్భంలోకి మళ్లించే వినూత్న కార్యక్రమానికి శ్రీకారం చుట్టామని వేణుగోపాల్‌ చెప్పారు. పెదవేగి మండలం జానంపేట సమీపంలోని జగన్నాథపురంలో రైతుల సహకారంతో భూగర్భ జలాలను పెంపొందించడానికి ప్రయోగాత్మకమైన కృషి ఫలిచిందనన్నారు. త్వరలోనే 15 బోర్లు ద్వారా గోదావరి జలాలను భూగర్భంలో భద్రపరుస్తామన్నారు. జగన్నాథపురం గ్రామంలో చిలకలపూడి నరేంద్ర అనే రైతు భూమిలో  కోడూరు చెరువు ద్వారా పట్టిసీమ నీటిని మళ్లిచి ఆదర్శ రైతు పర్వతనేని బాబ్జి ఇంజక‌్షన్‌ బావికి  శ్రీకారం చుట్టారని చెప్పారు. ఈ బావిని తాము పరిశీలించి సంతృప్తి వ్యక్తం చేశామన్నారు. భూగర్భ జలశాఖ ఉపసంచాలకుడు శ్రీనివాసరావు,  జిల్లా ఉపసంచాలకుడు రంగారావు పాల్గొన్నారు.
  
  
  


 తాడేపల్లిగూడెం రూరల్‌ : పట్టణంలోని బ్రహ్మానందరెడ్డి మార్కెట్‌లోని ఉల్లిపాయల గోదాములు, విక్రయ కేంద్రాల్లో బుధవారం జిల్లా జాయింట్‌ కలెక్టర్‌ పి.కోటేశ్వరరావు ఆకస్మిక తనిఖీలు చేపట్టారు. ఈ సందర్భంగా అక్కడ జరుగుతున్న ఉల్లి విక్రయాలు, కాటా, నిల్వల గురించి వ్యాపారులను అడిగి తెలుసుకున్నారు. ఉల్లి నిల్వలు సమృద్ధిగా ఉన్నాయని, పాత నోట్లు కూడా తీసుకుంటున్నట్టు వ్యాపారులు జేసీకి చెప్పారు. అనంతరం జేసీ కోటేశ్వరరావు మాట్లాడుతూ ఉల్లి కొరత ఉంటే ప్రత్యేక కౌంటర్లను ఏర్పాటు చేస్తామని, వ్యాపారులు సహకరించాలని కోరారు. జిల్లాలో ఉల్లిపాయలు, నిత్యావసర సరుకులు సమృద్ధిగా ఉన్నాయని, ప్రజలు ఆందోళన చెందాల్సిన అవసరం లేదని చెప్పారు. ప్రజల్ని ఇబ్బంది పెట్టే పరిస్థితులు వ్యాపారులు తీసుకురావద్దని సూచించారు. ఆయన వెంట డీఎస్‌ఓ డి.శివశంకర్‌రెడ్డి, తహíసీల్దార్‌ పాశం నాగమణి, సీఎస్‌డీటీ రమణ ఉన్నారు. 
  
  
  
  
  
  


 నరసాపురం : తుందుర్రు మెగా ఆక్వాఫుడ్‌ ఫ్యాక్టరీని తుందుర్రు నుంచి తరలించాలని సీపీఎం జిల్లా కార్యదర్శి బి.బలరామ్‌ డిమాండ్‌ చేశారు. తుందుర్రు రొయ్యల ఫ్యాక్టరీకి వ్యతిరేకంగా అంబేడ్కర్‌ సెంటర్‌లో చేపట్టిన రిలే నిరాహార దీక్షలు 44వ రోజుకు చేరాయి. బుధవారం దీక్షల్లో బలరామ్‌ పాల్గొన్నారు. ఈ సందర్భంగా ఆయన మాట్లాడుతూ 40 గ్రామాల ప్రజలు నెలల తరబడి ఆందోళనలు చేస్తున్నా ప్రభుత్వం పట్టించుకోకపోవడం దారుణమన్నారు. 1972లో జలకాలుష్య నిర్మూలనపై చట్టం చేసినా, నేటి ప్రభుత్వాలు వాటిని పట్టించుకోవడం లేదని ఆరోపించారు. దీక్షా శిబిరాన్ని సర్వోదయ రైతు సంఘం నాయకుడు డాక్టర్‌ శిరిగినీడి నాగభూషణం ప్రారంభించారు. ఎమ్మెల్యేలు ప్రజల పక్షాన పోరాడాలని కోరారు. దీక్షల్లో ఎం.త్రిమూర్తులు, యడ్ల చిట్టిబాబు, పొగాకు నారాయణరావు, కాకిలేటి ప్రసాద్, తెలగంశెట్టి సత్యనారాయణ కూర్చున్నారు.   
  సీపీఎం పాదయాత్ర వాయిదా
 ఏలూరు(సెంట్రల్‌): గొంతేరు, యనమదుర్రు, గోస్తనీ, కొల్లేరు జీవనదులు, భూగర్భ జలాల కాలుష్యంపై నిర్వహించనున్న ప్రజాభేరి పాదయాత్ర వాయిదా వేసినట్టు సీపీఎం జిల్లా కార్యదర్శి బి.బలరాం  తెలిపారు. జిల్లాలో 144 సెక్షన్‌  అమల్లో ఉన్న నేపథ్యంలో పాదయాత్రను వాయిదా వేసినట్టు చెప్పారు. తిరిగి పాదయాత్ర ప్రారంభ తేదీని త్వరలో ప్రకటిస్తామని తెలిపారు.
  
  
  
  
  


  ఏలూరు (ఆర్‌ఆర్‌ పేట) : దేశవ్యాప్తంగా ఇండియన్‌  మెడికల్‌ అసోసియేషన్‌  (ఐఎంఏ) పిలుపుమేరకు బుధవారం జిల్లాలో నర్సింగ్‌ హోంలు, క్లినిక్‌లను మూసివేసి వైద్యులు సత్యాగ్రహం కార్యక్రమం నిర్వహించారు. స్థానిక రామచంద్రరావుపేటలోని ఎంపీ క్యాంపు కార్యాలయంలో ఏలూరు డాక్టర్ల బృం దం ఎంపీ మాగంటి బాబుకు వినతిపత్రం సమర్పించారు. కేంద్ర ప్రభుత్వం ఆచరణయోగ్యం కాని చట్టాలను అమలు చేస్తోందని, ప్రజాస్వామ్య పద్ధతిలో ఎన్నుకున్న ఇండియన్‌  మెడికల్‌ కౌన్సిల్‌ను రద్దు చేయడం తగదని వైద్యులు అన్నారు. నకిలీ డాక్టర్లు విచ్చలవిడిగా వ్యవహరిస్తున్నా ప్రభుత్వం పట్టించుకోవడం లేదని, ఇటువంటి స్థితిలో తమ సమస్యలు పరిష్కరించాలని కోరుతూ దేశవ్యాప్తంగా ప్రైవేట్‌ ఆసుపత్రులు మూ సి సత్యాగ్రహం చేపట్టామని చెప్పారు. కార్యక్రమంలో ఐఎంఏ ఏలూరు శాఖ అధ్యక్షుడు డాక్టర్‌ కానాల మద్దేశ్వరరావు, ఉపాధ్యక్షుడు డాక్టర్‌ దొంతంశెట్టి బసవరాజు, కోశాధికారి డాక్టర్‌ డి.సుబ్బారావు, డాక్టర్‌ యుగంధర్, డాక్టర్‌ మానం పద్మనాభం, డాక్టర్‌ దిరిశాల వరప్రసాద్‌ పాల్గొన్నారు. 
 రోగుల ఇబ్బందులు
 నగరంలో ప్రైవేట్‌ ఆసుపత్రులు, క్లినిక్‌ లు, నర్సింగ్‌ హోంలు బంద్‌ పాటించడంతో రోగులు ఇబ్బందులు పడ్డారు. నగరంలో దాదాపు 150 మంది  వైద్యు లు తమకు చెందిన సుమారు 60 ఆసుపత్రులను  మూసివేసి ఆందోళనలో పాల్గొనడంతో వైద్య సేవలు నిలిచిపోయాయి.  ఆయా ఆసుపత్రులకు వచ్చిన అత్యవసర రోగులు  జిల్లా కేంద్ర ప్రధాన ఆసుపత్రి, ఆశ్రం ఆసుపత్రులకు పరుగులు తీయా ల్సి వచ్చింది.  నగరంలోని వైద్యులు మ ధ్యాహ్నం 2 గంటల వరకు దీక్ష చేసి సా యంత్రానికి గాని వైద్యసేవలు ప్రారంభించకపోవడంతో ఆయా ఆసుపత్రుల్లో ఇన్‌  పేషెంట్లకు నర్సులు, కాంపౌండర్లు సేవలు అందించారు. దూర ప్రాంతాల నుంచి వచ్చిన రోగులు ఉసూరుమన్నారు. 
  
  
  


  భీమవరం ప్రకాశం చౌక్‌: పంచారామక్షేత్రం భీమవరం గునుపూడిలోని ఉమా సోమేశ్వర జనార్దనస్వామి ఆలయంలో బుధవారం రుద్రహోమం నిర్వహించారు. రాష్ట్ర ప్రజలకు తాగు,సాగు నీరందించే పోలవరం ప్రాజెక్ట్‌ పనులు వేగంగా పూర్తికావాలని హోమం జరిపించారు. ఎమ్మెల్యే పులపర్తి రామాంజనేయులు, మునిసిపల్‌ చైర్మన్‌ కొటికలపూడి గోవిందరావు ముఖ్య అతిథులుగా హాజరయ్యారు. ఆలయ ఈవో సతీష్‌కుమార్, అర్చకులు సోంబాబు, మావుళ్లమ్మ ఆలయ చైర్మన్‌ కార్మూరి సత్యనారాయణమూర్తి, నాయకులు కోళ్ల నాగేశ్వరరావు, చెరుకువాడ రంగసాయి పాల్గొన్నారు.
 లక్షపత్రిపూజ
 ఆలయంలో లక్షపత్రి పూజను ఘనంగా నిర్వహించారు. పండితులు గంటల సోమేశ్వరశర్మ ఆధ్వర్యంలో లక్షపత్రి పూజ, కల్యాణం జరిపించారు. స్వామి దర్శనానికి వచ్చిన వెంకటేశ్వర బధిరుల పాఠశాల విద్యార్థులకు అన్నప్రసాదాన్ని అందించారు. 
  
  
  


 ఉండి : జన విజ్ఞాన వేదిక ఆధ్వర్యంలో జిల్లా వ్యాప్తంగా గురు, శుక్రవారాల్లో సైన్సు సంబరాలు నిర్వహిస్తున్నట్టు వేదిక జిల్లా నాయకుడు గాదిరాజు రంగరాజు తెలిపారు. ఈ మేరకు బుధవారం ఉండిలో జేవీవీ సైన్సు సంబరాల పోస్టర్‌ను డీవైఈవో మద్దూరి సూర్యనారయణమూర్తి చేతుల మీదుగా ఆవిష్కరింపజేశారు. ఈ సందర్భంగా డీవైఈవో మాట్లాడుతూ సైన్సుపై విద్యార్థులకు మక్కువ కలిగించడంలో జేవీవీ కృషి అభినందనీయమని అన్నారు. 26 సంవత్సరాలుగా సైన్సుపై విద్యార్థులకు అవగాహన పెంపొందించేందుకు చెకుముకి పరీక్షలు నిర్వహిస్తున్నట్టు రంగరాజు తెలిపారు. ఈ నెల 18న రాష్ట్ర వ్యాప్తంగా అన్ని జెడ్పీ హైస్కూళ్లలో  8, 9, 10 తరగతుల విద్యార్థులకు పరీక్షలు నిర్వహిస్తామని చెప్పారు. వేదిక శాఖ మండల ప్రధాన కార్యదర్శి దాసరి సునీల్‌కుమార్, నిమ్మల సత్యనారాయణ పాల్గొన్నారు.
  
  
  


 జంగారెడ్డిగూడెం రూరల్‌ : జంగారెడ్డిగూడెం మండలం గుర్వాయిగూడెం శ్రీమద్ది ఆంజనేయస్వామి ఆలయంలో కార్తీక మహోత్సవాల్లో భాగంగా నిర్వహిస్తున్న సప్తాహ మహోత్సవాలు బుధవారంతో ఘనంగా ముగిశాయి.  కార్యక్రమంలో భాగంగా ఆలయ ప్రధానార్చకులు వేదాంతం వెంకటాచార్యులు స్వామివారికి ప్రత్యేక పూజలు నిర్వహించారు. ఆలయ చైర్మన్‌  ఇందుకూరి రంగరాజు, లీలారాణి దంపతులచే ఆలయ అర్చకులు, వేద పండితులు సప్తాహ మహోత్సవ ముగింపుల పూజలు,  మహా శాంతి హోమం పూజలు జరిపించారు. స్వామి వారి ఉత్సవ మూర్తులను ఆలయం చుట్టూ  ఊరేగించారు. విశేష సంఖ్యలో భక్తులు పాల్గొని స్వామి వారిని దర్శించుకున్నారు. 2 వేల మంది భక్తులకు అన్నసమారాధన కార్యక్రమాన్ని నిర్వహించారు. భజన మండలి సభ్యులను ఆలయ ధర్మకర్తల మండలి సభ్యులు సత్కరించారు. ఈవో పెన్మెత్స విశ్వనాథరాజు పాల్గొన్నారు.   
  
  
  
  


 నిడమర్రు :  సాధికార సర్వే నూరుశాతం పూర్తయ్యేందుకు స్థానిక ప్రజాప్రతినిధులు సహకరించాలని మండల ప్రత్యేక అధికారి, డ్వామా పీడీ వై. ఆనంద్‌ కుమారి చెప్పారు. బుధవారం స్థానిక మండల పరిషత్‌ కార్యాలయంలో స్మార్ట్‌ పల్స్‌ సర్వేపై ప్రజాప్రతినిధులకు ప్రత్యేక అవగాహన సదస్సు నిర్వహించారు. ఆనంద్‌కుమారి మాట్లాడుతూ  ఈనెల 13 వరుకూ ఈ స్మార్ట్‌ పల్స్‌ సర్వే నిర్వహిస్తున్నట్టు తెలిపారు. కార్యక్రమంలో తహసీల్దారు ఎం.సుందర్‌రాజు, ఎంపీడీవో డి.దామోదరావు, డీటీ ఎస్‌ఎం ఫాజిల్, ఎంపీపీ నిమ్మల మాణిక్యాలరావు, జెడ్పీటీసీ సభ్యులు వి.దివాకరరావు, వైస్‌ ఎంపీపీ టి.నక్షత్రం తదితరులు పాల్గొన్నారు.   
  
  


 మేడపాడు (యలమంచిలి):  మేడపాడు పంచాయతీ పరిధిలోని బోడిగరువు వద్ద రొయ్యల చెరువు ఇంజన్‌కు ఉన్న త్రీఫేజ్‌ విద్యుత్‌ తీగలు తగలడంతో చెరువు సాగు చేసే ఆక్వా రైతు వంగా మహంకాళి ఉరఫ్‌ బాబులు (45) అక్కడికక్కడే మరణించాడు. స్థానికుల కథనం ప్రకారం మహంకాళి స్వగ్రామం పాలకొల్లు మండలం ఉల్లంపర్రు. కొన్నేళ్లుగా నరసాపురంలో నివాసం ఉంటున్నాడు. నాలుగేళ్ల క్రితం మేడపాడులో ఐదెకరాలు చెరువులు లీజుకు తీసుకుని రొయ్యలు సాగు చేస్తున్నాడు. రోజూ మాదిరిగానే బుధవారం సాయంత్రం చెరువు వద్దకు వచ్చిన మహంకాళి ఇంజన్‌లో సమస్య తలెత్తడంతో చెరువు వద్ద పనిచేసే కూలీతో ఇంజన్‌లో నీరు పోయిస్తున్నాడు. ఈ క్రమంలో ఇంజన్‌కు వెళ్లిన విద్యుత్‌ తీగలపై చేయి వేశాడు. తీగకు జాయింట్‌ ఊడటంతో విద్యుదాఘాతానికి గురై చెరువులో పడిపోయాడు. వెంటనే చెరువుపై ఉండే కూలీలు అతడిని బయటకు తీసుకువచ్చి 108కు సమాచారం అందించారు.  వా హనం వచ్చే సరికే మహంకాళి మరణించాడు. మృతునికి భార్య అంజలీదేవి, కుమార్తె యామిని ఉన్నారు. వీఆర్వో పెనుగొండ సూర్యనారాయణ, ఎస్సై పాలవలస అప్పారావు సంఘటనా స్థలానికి చేరుకుని శవపంచనామా నిర్వహించారు. అనంతరం పోస్టుమార్టం నిమిత్తం మృతదేహాన్ని పాలకొల్లు ప్రభుత్వాసుపత్రికి తరలించారు. 
  
 
  


 కొవ్వూరు : జిల్లాలోని పశ్చిమ డెల్టా కాలువకు సాగునీటి అవసరాల నిమిత్తం 4 వేల క్యూసెక్కుల నీటిని విడిచిపెడుతున్నట్టు నీటిపారుదల శాఖ అధికారులు తెలిపారు. గోదావరికి 29,074 క్యూసెక్కుల ఇ¯ŒSఫ్లో వస్తుంది. దీనిలో ఉభయ గోదావరి జిల్లాల్లోని మూడు డెల్టాలకు 8,300 క్యూసెక్కుల నీటిని విడుదల చేస్తున్నారు. మిగిలిన 20,774 క్యూసెక్కుల నీటిని సముద్రంలోకి వదులుతున్నారు.  
  


 జంగారెడ్డిగూడెం : పారిజాతగిరి శ్రీవెంకటేశ్వరస్వామి వారి నిత్య కైంకర్యాల్లో భాగంగా నిర్వహించే అభిషేక కార్యక్రమానికి పట్టణానికి చెందిన ఇనగంటి శ్రీనివాసరావు వెండి బిందెను సమర్పించారు. సుమారు 900 గ్రాముల బరువు ఉండే ఈ వెండి బిందెను భార్య భూలక్ష్మిదేవితో కలిసి ఆలయ ధర్మకర్తల మండలి సభ్యులకు బుధవారం అందజేశారు. ఈ సందర్భంగా ఆలయ అర్చకులు వేదమంత్రాలతో శ్రీనివాసరావు దంపతులను ఆశీర్వదించి, స్వామి వారి శేషవస్త్రాలు బహూకరించారు.ఈ కార్యక్రమంలో ఆలయ ధర్మకర్తల మండలి చైర్మన్‌ బిక్కిన సత్యనారాయణ, ధర్మకర్తలు పొన్నాడ సత్యనారాయణ, తోట రామకృష్ణ, ఈవో పెన్మెత్స విశ్వనాథరాజు తదితరులు పాల్గొన్నారు. 
  
  
  


 నారాయణపురం (ఉంగుటూరు) : జిల్లా అండర్‌–19 క్రికెట్‌ బాలుర జట్టును బుధవారం ఉంగుటూరు మండల నారాయణపురం బాపిరాజు క్రీడా మైదానంలో ఎంపిక చేశారు. జిల్లా ఒలింపిక్స్‌ అసోసియేష¯ŒS కార్యదర్శి ఆదిరెడ్డి సత్యనారాయణ, స్కూల్‌ గ్రేమ్స్‌ ఆర్గనైజింగ్‌ కార్యదర్శి ఎ.ఐజాక్‌ పీడీలు పర్యవేక్షించారు. 
 జిల్లా జట్టు ఇదే.. 
 టి.అఖిల్‌ (భీమవరం, నారాయణ జూనియర్‌ కాలేజ్‌), బళ్ల ఉమా కాశీ విశ్వేశ్వరావు(నల్లజర్ల శశి జూనియర్‌ కాలేజ్‌), కేజేఆర్‌కే రాజు(భీమవరం ఆదిత్య జూనియర్‌ కాలేజ్‌), ఎ.దినేష్‌(భీమవరం శ్రీ చైతన్య జూనియర్‌ కాలేజ్‌), సీహెచ్‌ మణి కంఠ(భీమవరం శ్రీ చైతన్య జూనియర్‌ కాలేజ్‌), కె.రమేష్‌ (కేఆర్‌ పురం ఏపీటీడబ్ల్యూఆర్‌ జూనియర్‌ కాలేజ్‌), ఎ¯ŒSకే చైతన్య(ఆకివీడు విద్యా వికాస్‌ జూనియర్‌ కాలేజ్‌), కె.చిరంజీవి (భీమవరం శ్రీ చైతన్య జూనియర్‌ కాలేజ్‌), సీహెచ్‌ వంశీ(నిడదవోలు  ప్రభుత్వ జూనియర్‌ కాలేజ్‌), ఏఎల్‌వీఎస్‌ఎ¯ŒSఎస్‌ రామరాజు(భీమవరం డీఎన్నార్‌ జూనియర్‌ కాలేజ్‌), ఎ¯ŒS.రవి కిరణ్‌(భీమవరం శ్రీ చైతన్య), యు.మోహ¯ŒSసాగర్‌(భీమవరం ఎస్‌వీ జూనియర్‌ కాలేజ్‌), ఎస్‌.కార్తీక్‌ ( దుంపగడప ప్రభుత్వ జూనియర్‌ కాలేజ్‌), కె.లక్ష్మణ కుమార్‌( తాడేపల్లిగూడెం ప్రభుత్వ జూనియర్‌ కాలేజ్‌), ఎం.శ్రీనివాస్‌(అత్తిలి ప్రభుత్వ జూనియర్‌ కాలేజ్‌), ఆర్‌.మహేష్‌ బాబు(ఆచంట ప్రభుత్వ జూనియర్‌ కాలేజ్‌). వీరుకాక స్టాండ్‌బైగా పలువురు క్రీడాకారులు ఎంపికయ్యారు.  
  
  


 ఏలూరు (మెట్రో) : జిల్లాలోని లైసెన్స్‌ సర్వేయర్లకు ప్రత్యేక శిక్షణ ఇస్తామని, దీనికోసంS నవంబరు 5లోగా కలెక్టరేట్‌లోని జిల్లా సర్వే భూమి రికార్డుల శాఖా కార్యాలయంలో దరఖాస్తు చేసుకోవాలని జాయింట్‌ కలెక్టర్‌ పి.కోటేశ్వరరావు బుధవారం ఒక ప్రకటనలో తెలిపారు. జిల్లాలో సర్వేయర్ల అవసరం ఎంతో ఉన్నదని, లైసెన్స్‌ ఉన్న సర్వేయర్లకు శిక్షణ అందిస్తామని పేర్కొన్నారు. ఐటీఐ, సివిల్‌ డ్రాఫ్ట్‌్సమెన్, డిప్లమో సివిల్, నాలుగు నెలల సర్వే శిక్షణ పొందిన వారు, ఇంటర్‌ ఓకేషినల్‌ కోర్సు చేసిన అభ్యర్థులు దీనికి అర్హులని పేర్కొన్నారు. అర్హత కలిగిన అభ్యర్థులు ఎస్సీ, ఎస్టీ కులాలకు చెందినవారైతే రూ.1500, ఇతర కులాల వారు అయితే రూ.3 వేలు చొప్పున వైస్‌ ప్రిన్సిపల్, సర్వే ట్రైనింగ్‌ అకాడమీ, ఏపీ హైదరాబాద్‌ పేరుతో డిమాండ్‌ డ్రాఫ్ట్‌ తీసి పాస్‌పోర్టు సైజ్‌ ఫొటోతో ధ్రువీకరించిన స్టడీ సర్టిఫికెట్లు జతపరిచి కలెక్టరేట్‌లోని ఏడీ సర్వే కార్యాలయంలో అందజేయాలని జేసీ సూచించారు. 
  
  


 తణుకు : స్థానిక బ్యాంకు కాలనీలో బుధవారం పట్టపగలే చోరీ జరిగింది.  ఇంట్లో బీరువాలో దాచుకున్న సుమారు 15 కాసుల బంగారు ఆభరణాలు అపహరణకు గురయ్యాయి. పోలీసుల కథనం ప్రకారం.. స్థానిక శ్రీనివాస టవర్స్‌లో నివాసం ఉంటున్న రవీంద్రతేజ బాదంపూడి రైల్వే సూపరింటెండెంట్‌గా పని చేస్తున్నారు. ఆయన భార్య యర్రాయిచెరువులోని ప్రభుత్వ పాఠశాలలో ఉపాధ్యాయిని. బుధవారం ఉదయం వారు ఇంటికి తాళం వేసి విధులకు వెళ్లారు.  మధ్యాహ్నం వీరి కుమార్తె స్కూలు నుంచి వచ్చే సరికి ఇంటి తాళం పగలగొట్టి ఉంది. పడకగదిలో బీరువా తెరిచి ఉంది. అందులో సుమారు 15 కాసుల బంగారు ఆభరణాలు అపహరణకు గురయ్యాయి. దీంతో బాధితులు పోలీసులకు ఫిర్యాదు చేశారు. పట్టణ ఎస్సై జి.శ్రీనివాసరావు ఘటనా స్థలాన్ని పరిశీలించి కేసు నమోదు చేసి దర్యాప్తు చేపట్టారు. 
  
  


 భట్లమగుటూరు (పెనుమంట్ర) : పెనుమంట్ర మండలం భట్లమగుటూరు గ్రామం వద్ద బుధవారం జరిగిన రోడ్డు ప్రమాదంలో ఓ మహిళ దుర్మరణం పాలైంది.  మరో నలుగురు తీవ్రంగా గాయపడ్డారు. స్థానికులు, పోలీసుల కథనం ప్రకారం.. మార్టేరు నుంచి పెనుమంట్ర వైపు వెళ్తున్న ఆటోలో ఆచంటకు చెందిన పలువురు మహిళలు వెళ్తున్నారు. భట్లమగుటూరు గ్రామం వద్ద ఎదురుగా వస్తున్న మినీలారీ ఆటోను ఢీకొట్టింది.  ఈప్రమాదంలో ఆటోలో ఉన్న ఆచంటకు చెందిన కె.సీత, ఎం.చిట్టి సుందరమ్మ(55)కు తీవ్ర గాయాలయ్యాయి. వారిని 108 వాహనంలో తణుకు ప్రభుత్వాసుపత్రికి తరలించారు. అక్కడ చికిత్స పొందుతూ చిట్టిసుందరమ్మæ మృతి చెందింది. ఇదే ప్రమాదంలో మరో నలుగురు మహిళలు స్వల్పంగా గాయపడ్డారు. ప్రమాదంలో ఆటో దెబ్బతింది. మినీలారీ డ్రైవర్‌ కునికిపాట్లు పడడమే ప్రమాదానికి కారణంగా తెలుస్తోంది. కేసు దర్యాప్తు చేస్తున్నట్టు పెనుమంట్ర ఎస్‌ఐ జి.జె.ప్రసాద్‌ తెలిపారు.
  
  


  భీమడోలు : స్థానిక జెడ్పీ ఉన్నత పాఠశాల ప్రాంగణంలో బుధవారం 36వ రాష్ట్రస్థాయి ఖోఖో జూనియర్‌ బాలురు, బాలికల పోటీలు ఘనంగా ప్రారంభమయ్యాయి. తొలుత ఈ పోటీలను ఉంగుటూరు ఎమ్మెల్యే గన్ని వీరాంజనేయులు ప్రారంభించారు. జిల్లాస్థాయి ఖోఖో అసోసియేషన్‌ ఆధ్వర్యంలో మూడు రోజుల పాటు నిర్వహించనున్న ఈ పోటీల్లో 13 జిల్లాల నుంచి 312 మంది క్రీడాకారులు పాల్గొన్నారు. తొలుత వివిధ  జిల్లాల క్రీడాకారుల మార్చ్‌ఫాస్ట్‌ ఉత్సాహంగా సాగింది. తొలిరోజు విజేతల వివరాలను జిల్లా అసోసియేషన్‌ అధ్యక్షుడు ఇ.సాంబ శివరావు, ఎంఈవో గారపాటి ప్రకాశరావు, కోశాధికారి ప్రసాదరెడ్డి తెలిపారు. 
 బాలికల విభాగంలో విజేతలు వీరే..  
 పశ్చిమగోదావరి–నెల్లూరు, ప్రకాశం–తూర్పుగోదావరి మ«ద్యృ మ్యాచ్‌లు డ్రాగా ముగిశాయి. శ్రీకాకుళంపై అనంతపురం, కృష్ణాజిల్లా జట్టుపై విజయనగరం, చిత్తూరుపై విశాఖపట్నృ విజయం సాధించాయి. 
 బాలుర విభాగం :  
 తూర్పుగోదావరిపై చిత్తూరు, అనంతపురంపై పశ్చిమ గోదావరి, గుంటూరుౖపై విశాఖపట్నం, కర్నూలుపై ప్రకాశం, కృష్ణాపై విజయనగరం విజయం సాధించాయి. 
  
  
  
  
  
  
  
  
  
  
  


 భీమవరం: జిల్లా చెస్‌ అసోసియేషన్‌ ఆధ్వర్యంలో అనసూయ చెస్‌ అకాడమీ నేతృత్వంలో భీమవరం విశ్వకవి పబ్లిక్‌ స్కూల్‌లో బుధవారం జిల్లా సబ్‌జూనియర్స్‌ చెస్‌ చాంపియన్‌షిప్‌ పోటీలు నిర్వహించనున్నట్టు అసోసియేషన్‌ జిల్లా అధ్యక్షుడు తోట భోగయ్య తెలిపారు. ఉదయం 9 గంటలకు పోటీలు ప్రారంభమవుతాయని, పోటీల్లో పాల్గొనే వారు 2001 తర్వాత పుట్టిన వారై ఉండాలన్నారు. మొదటి నాలుగు స్థానాల్లో నిలిచిన క్రీడాకారులు వచ్చేనెల 4 నుంచి కడపలో జరిగే రాష్ట్రస్థాయి సబ్‌ జూనియర్స్‌ చాంపియన్‌షిప్‌ పోటీల్లో జిల్లాకు ప్రాతినిధ్యం వహిస్తారని తోట భోగయ్య చెప్పారు. 
  
  


 పాలకొల్లు సెంట్రల్‌ : పాలకొల్లులో వేంచేసిన అమ్మవార్లకు భక్తులు వెండి ఆభరణాలను బహూకరించారు.  పంచారామక్షేత్రం శ్రీ క్షీరారామలింగేశ్వరస్వామికి వెండి కుందు, సరస్వతీ అమ్మవారికి వెంyì  కవచాన్ని విజయదశమి సందర్భంగా భక్తులు బహూకరించారు. ఆలయంలో కార్తికమాస పూజలు నిర్వహించే భక్తులు 8.500 కేజీలతో అఖండ వెండి దీపారాదన కుందును, న్యాయవాదులు కొప్పర్తి వెంకట సుబ్రహ్మణ్యం, కృష్ణవేణి దంపతులు 1.250 కేజీలతో సరస్వతీ అమ్మవారికి వెండి కవచం అందజేశారు.  
 స్వామిని దర్శించుకున్న న్యాయమూర్తులు
 కర్నాటక రాష్ట్ర హైకోర్టు జడ్జి ఎ.ఎన్‌.వేణుగోపాల గౌడ్, శ్రీకాకుళం జిల్లా అడిషినల్‌ సెషన్స్‌ జడ్జి మజ్జి బబిత విజయదశమి సందర్భంగా స్వామిని దర్శించుకున్నారు. ప్రత్యేక పూజలు చేశారు.  
 అలాగే  పాలకొల్లు గ్రామదేవత శ్రీ మావుళ్లమ్మవారికి భక్తులు వెండి కిరీటం బహూకరించారు. జ్యోతిర్మయి ఆనంద భారతి, వారి శిష్య బృందం భక్తుల సహకారంతో  2.750 కేజీలతో తయారు చేయించిన వెండి కిరీటాన్ని అందజేశారు. ఈ కార్యక్రమంలో వార్డు కౌన్సిలర్‌ ధనాని సూర్యప్రకాష్, యడ్ల శివాజీ, కర్రి రాధాకృష్ణ తదితరులు పాల్గొన్నారు.
  
  
  


 పాలకొల్లు సెంట్రల్‌ : పంచారామ క్షేత్రాల్లో ఒకటైన పాలకొల్లు క్షీరా రామలింగేశ్వరస్వామి ఆలయంలో ఈనెల 20, 21 తేదీల్లో మహాకుంభాభిషేకం నిర్వహించేందుకు ఏర్పాట్లు మొదలయ్యాయి. ఇందుకు సంబంధించిన వివరాలను గజల్స్‌ శ్రీనివాస్‌ బుధవారం విలేకరుల సమావేశంలో వెల్లడించారు. క్షీరా రామలింగేశ్వర స్వామి క్షేత్రంలో మహాకుంభాభిషేకం నిర్వహించడం ఇదే ప్రథమమని ఆయన చెప్పారు.  ఈ మహత్కార్యానికి విశాఖ శారదా పీఠాధిపతి స్వరూపనందేంద్ర సరస్వతి, కాకినాడ శ్రీ పీఠాధిపతి పరిపూర్ణానంద సరస్వతి చేతుల మీదుగా పూజా కార్యక్రమాలు జరుగుతాయన్నారు. గోగుల్‌ హిందూ హెరిటేజ్‌ ఫౌండేషన్, సేవ్‌ టెంపుల్స్‌ ఆర్గనైజేషన్‌ ఆధ్వర్యంలో ఈ కార్యక్రమాలు నిర్వహిస్తున్నామన్నారు. నుదురుపాటి శ్రీనివాస శర్మ, సేవ్‌ టెంపుల్స్‌ జిల్లా అధ్యక్షుడు మేడికొండ శ్రీను, చల్లా ఆదినారాయణ, చల్లా గోపాలకృష్ణ, బొక్కా రమాకాంత్, రావూరి చాచా, సోమంచి శ్రీనివాసశాస్త్రి, తాళ్లూరి సుబ్బారావు, బోణం చినబాబు తదితరులు ఏర్పాట్లలో నిమగ్నమయ్యారు.
  
  
  
  


 కొవ్వూరు : జిల్లాలోని పశ్చిమ డెల్టా కాలువకు సాగునీటి అవసరాల నిమిత్తం ఆరువేల క్యూసెక్కుల నీరు వదులుతున్నట్టు నీటిపారుదల శాఖ అధికారులు తెలిపారు. దీనిలో ఏలూరు కాలువకుS 1,120, ఉండి కాలువకు 1,423, నరసాపురం కాలువకు 1,983, జీ అండ్‌ వీ కాలువకు 763, అత్తిలి కాలువకుS 484 క్యూసెక్కుల నీటిని వదులుతున్నారు. 
 మళ్లీ పెరిగిన గోదావరి వరద
 ఎగువ నుంచి భారీగా నీరు వస్తుండడంతో గోదావరికి మళ్లీ వరదపోటు పెరిగింది. ధవళేశ్వరం ఆనకట్ట వద్ద నీటిమట్టం బు«ధవారం గరిష్టంగా 9.60 అడుగులకు చేరింది. ఉదయం 6 గంటలకు 4,69,948 క్యూసెక్కులున్న ఇన్‌ఫ్లో సాయంత్రం ఆరు గంటలకు 5,00,339 క్యూసెక్కులకు పెరిగింది. దీనిలో ఉభయ గోదావరి జిల్లాల్లోని మూడు డెల్టాలకు 11,700 క్యూసెక్కుల నీటిని సాగునీటి అవసరాలకు వదులుతుండగా, 4,88,639 క్యూసెక్కుల నీటిని సముద్రంలోకి విడుదల చేస్తున్నారు. ధవళేశ్వరం, ర్యాలీ ఆర్మ్‌ల్లోని 103 గేట్లను 1.20 మీటర్లు, మద్దూరు ఆర్మ్‌లోని 23 గేట్లను మీటరున్న ఎత్తు, విజ్జేశ్వరం ఆర్మ్‌లోని 39 గేట్లను మీటరు ఎత్తులేపి వ రద నీటిని దిగువకు వదులుతున్నారు. భద్రాచలంలో మంగళవారం సాయంత్రం ఆరు గంటలకు 33.70 అడుగులున్న నీటిమట్టం నెమ్మదిగా తగ్గుతూ బుధవారం మధ్యాహ్నం 3 గంటలకు 31.60 అడుగులకు తగ్గింది. దీంతో దిగువన ఉన్న పోలవరం, కొవ్వూరు, ధవళేశ్వరం ఆనకట్ట వద్ద వదర ఉధృతి కనిపిస్తుంది.
  


 వేలేరుపాడు : వేలేరుపాడు మండలం నుంచి తెలంగాణ రాష్ట్రానికి అక్రమంగా తరలిస్తున్న ఇసుక లారీలను బుధవారం తెల్లవారుజామున పోలీసులు దాడి చేసి పట్టుకున్నారు. మండలంలోని వసంతవాడ ప్రాంతంలోని పెదవాగు నుంచి సేకరించిన ఇసుకను రోడ్డుపైకి చేర్చి.. నాలుగు లారీల్లోకి జేసీబీతో లోడ్‌ చేయిస్తుండగా,  సమాచారం అందుకున్న పోలీసులు దాడి చేశారు.  నల్గొండ జిల్లాకు చెందిన  నాలుగు లారీలు, అశ్వారావుపేట మండలానికి చెందిన ఒక జేసీబీని  సీజ్‌ చేసి, వేలేరుపాడు పోలీస్‌ స్టేషన్‌కు తరలించారు. ఈ అక్రమ  రవాణాకు కారకులైన సూరారెడ్డి, యాళ్ళ శంకరంతోపాటు ఐదుగురు డ్రైవర్లపై 379, 447 సెక్షన్లతోపాటు, మైన్స్‌అండ్‌ మినరల్స్‌‡యాక్ట్‌ కింద కేసు నమోదు చేసినట్లు ఎస్సై రామచంద్రరావు తెలిపారు. ఈ దాడిలో పోలీసు సిబ్బంది గంగ, నాగేశ్వరావు, ఏపీఎస్‌పీ సిబ్బంది శంకర్,పాల్‌ పాల్గొన్నారు.  
  
  
  
  
  
  
  


  వట్లూరు (పెదపాడు) : రాష్ట్రస్ధాయి కబడ్డీ పోటీలకు జిల్లా జట్లను ఎంపిక చేసినట్టు జిల్లా వ్యాయామ ఉపాధ్యాయుల సంఘం జిల్లా కార్యదర్శి మరడాని అచ్యుతరావు తెలిపారు. వట్లూరులో వారం రోజులుగా నిర్వహిస్తున్న కబడ్డీ క్రీడాకారుల శిక్షణా కార్యక్రమం బుధవారంతో ముగిసింది.  తూర్పు గోదావరి జిల్లా సామర్లకోటలో ఈ నెల 6,7,8 తేదీల్లో జరిగే రాష్ట్రస్థాయి కబడ్డీ పోటీల్లో పాల్గొనే జిల్లా స్త్రీ, పురుష కబడ్డీ జట్లను ఎంపిక చేశారు. రాష్ట్రస్థాయిలో ప్రతిభ కనబరిచిన వారిని జాతీయస్థాయి పోటీలకు ఎంపిక చేస్తారని అచ్యుతరావు తెలిపారు. అనంతరం క్రీడాకారులకు క్రీడా దుస్తులు, సామాగ్రి అందించారు. స్థానిక నాయకులు కొమ్మన లక్ష్మణ మోహన్, బసవయ్య, పీఈటీలు పీఎన్‌ మల్లేశ్వరరావు, ఎం.చిన రంగారావు, కొమ్మంటి రంగారావు తదితరులు పాల్గొన్నారు.
  
  


 దేవీ  నవరాత్రుల్లో భాగంగా జిల్లాలోని అమ్మవార్లు శుభాలను ఒసగు కాత్యాయని, మహాగౌరి తదితర అలంకరణల్లో బుధవారం భక్తులకు దర్శనం ఇచ్చారు. కొన్నిచోట్ల అమ్మవార్లను రూ.లక్షలతో ధనలక్ష్మీగా అలంకరణ చేశారు. అర్చకులు ఆలయాల్లో ప్రత్యేక పూజలు నిర్వహించారు. భక్తులు అధిక సంఖ్యలో హాజరై అమ్మవార్లను దర్శించుకుని తరించారు. 


 ఏలూరు సిటీ: బహుళజాతి సంస్థ ఆల్టిమెట్రిక్‌ స్థానిక రామచంద్ర ఇంజనీరిం గ్‌ కాలేజీలో ఏర్పాటుచేసిన ఇన్నోవేషన్‌ క్లస్టర్‌ ల్యాబ్‌ను బుధవారం సంస్థ చీఫ్‌ టెక్నాలజీ ఆఫీసర్‌ ఎం.గిరిధర్, ఆల్టిమెట్రిక్‌ సొల్యూషన్స్‌ ల్యాబ్‌ హెడ్‌ ఎస్‌.రఘువీర్‌ ప్రారంభించారు. ఈ ల్యాబ్‌ ద్వారా విద్యార్థులు ఇంజనీరింగ్‌ రం గంలో వస్తోన్న మార్పులకు అనుగుణంగా ఉపాధి, ఉద్యోగావకాశాలను అందిపుచ్చుకోవచ్చన్నారు. విద్యార్థు ల్లో నైపుణ్యాలను అభివృద్ధి చేయాలనే లక్ష్యంతో ల్యాబ్‌ ఏర్పాటుచే సినట్టు కళాశాల సెక్రటరీ కె.వేణుగోపాల్‌ చెప్పా రు. సంస్థ ప్రతినిధులు ఆర్‌.కీర్తి పాం డురంగారావు, ఇ.ప్రసన్నకుమార్, కళాశాల చైర్మన్‌ గంటా శ్రీరామచంద్రరా వు, ప్రిన్సిపాల్‌ డాక్టర్‌ డి.సంజయ్‌ పాల్గొన్నారు. 
  


 ఏలూరు (మెట్రో) : వ్యవసాయ రంగంలో రాష్ట్రంలోనే మొదటి స్థానాన్ని దక్కించుకున్న మన జిల్లా పారిశ్రామిక రంగంలో మాత్రం అట్టడుగు స్థానంలో నిలబడింది. విజయవాడలోని వెన్యూ ఫంక్షన్‌ హాల్‌లో బుధవారం నిర్వహించిన కలెక్టర్ల సదస్సులో ముఖ్యమంత్రి చంద్రబాబు నాయుడు ఈ విషయాన్ని వెల్లడించారు. పవర్‌ పాయింట్‌ ప్రెజెంటేషన్‌ ద్వారా రాష్ట్రంలోని 175 నియోజకవర్గాల్లో అభివృద్ధిని సీఎం సమీక్షించారు. వ్యవసాయ పరంగా ఉండి, ఉంగుటూరు, దెందులూరు నియోజకవర్గాలు వరుసగా 2, 3, 4 స్థానాల్లో నిలిచాయి. పారిశ్రామికంగా చూస్తే మాత్రం మన జిల్లా అట్టడుగు స్థానంలోకి వెళ్లింది.
  
 రాష్ట్ర స్త్రీ, శిశు సంక్షేమ శాఖ మంత్రి పీతల సుజాత ప్రాతినిధ్యం వహిస్తున్న చింతలపూడి నియోజకవర్గం 172వ స్థానంలోను, పోలవరం నియోజకవర్గం 171వ స్థానంలోను ఉన్నట్టు సీఎం ప్రకటించారు. తీర ప్రాంతం తక్కువగా ఉన్నప్పటికీ మత్స్యరంగంలో మన జిల్లా 32 శాతం వృద్ధి రేటు సాధించింది. తీరప్రాంతం 187 కిలోమీటర్ల మేర విస్తరించి ఉన్న శ్రీకాకుళం జిల్లా వెనుకబడింది. మత్స్య రంగానికి సంబంధించి పశ్చిమ గోదావరి జిల్లాను ఆదర్శంగా తీసుకోవాలని శ్రీకాకుళం జిల్లా అధికారులకు సీఎం సూచించారు. కలెక్టర్ల సదస్సులో జిల్లా కలెక్టర్‌ కాటంనేని భాస్కర్‌ గురువారం కీలక అంశాలపై ప్రసంగించనున్నారు. జిల్లాలో ప్రాధాన్యతా రంగాల అభి వృద్ధిని ఆయన వివరిస్తారు.


 భీమవరం టౌన్‌: ప్రజాసాధికర సర్వే పూర్తికాకపోవడంతో మంజునాథన్‌ కమీషన్‌ నివేదిక ఆలస్యమైందని కాపు కార్పోరేషన్‌ చైర్మన్‌ చలమలశెట్టి రామానుజయ పేర్కొన్నారు. కాపులను బిసి జాబితాలో చేర్చే ప్రక్రియకు ప్రజాసాధికార సర్వే రిపోర్టు మంజునాథన్‌ కమీషన్‌కు అవసరమని ఆయన వెల్లడించారు. ఎమ్మెల్యే పులపర్తి రామాంజనేయులు క్యాంపు కార్యాలయంలో బుధవారం ఏర్పాటు చేసిన విలేకరుల సమావేశంలో చలమలశెట్టి రామానుజయ మాట్లాడారు. కాపులను బిసి జాబితాలో చే ర్చడానికి ముఖ్యమంత్రి చంద్రబాబు చిత్తశుద్దితో ఉన్నారన్నారు. బిసిలకు రిజర్వేషన్‌ శాతాన్ని పెంచే యోచనలో ముఖ్యమంత్రి ఉన్నారని పేర్కొన్నారు. తమిళనాడు, కర్నాటక, కేరళ మాదిరిగా ఇక్కడ బిసిలకు అదనంగా రిజర్వేషన్లు కల్పిస్తారని చెప్పారు. ఇప్పటి వరకూ రాష్ట్రంలో 3.70 లక్షల మంది కాపు కార్పోరేషన్‌ రుణాలకు దరఖాస్తు చేసుకుంటే 50 వేల మందికి రూ.858 కోట్లు రుణాలుగా ఇచ్చామన్నారు. ప్రస్తుత ఆర్థిక సంవత్సరంలోపు మరో 70 వేల మందికి రుణాలు మంజూరు చేస్తామన్నారు. విదేశాల్లో ఉన్నత చదువుల నిమిత్తం 400 మందిని పంపామన్నారు. సివిల్‌ సర్వీసెస్‌కు సంబంధించి 500 మందిని చదివిస్తున్నామని తెలిపారు. ఇంటర్, డిగ్రీ, ఇంజినీరింగ్‌ చదుదువుతున్న కాపు విద్యార్థులకు ఈ ఏడాది నుంచి ఉపకార వేతనాల పథకం అమలు చేయనున్నామని పేర్కొన్నారు.
  పోటీ పరీక్షలకు వెళ్లే విద్యార్థులను చదివిస్తున్నామని నిరుద్యోగులకు జాబ్‌ గ్యారంటీ స్కీమ్‌ కింద రుణ మేళాలు ఏర్పాటు చేసి ఉద్యోగ, ఉపాధి అవకాశాలు కల్పిస్తామని తెలిపారు. ఎంఎస్‌ఎంఈ గ్రూపు కింద 3 నుంచి 5 మంది కలిసి పరిశ్రమలు స్థాపించుకునే విధంగా ప్రోత్సహిస్తున్నామన్నారు. పరిశ్రమలు స్థాపించి ఉద్యోగ, ఉపాధి అవకాశాలు కల్పించడమే లక్ష్యమని తెలిపారు. స్కిల్‌ డెవలప్‌మెంట్‌ ప్రోగ్రాం కింద అర్భన్‌ ఏరియాలో 5 వేల మంది, రూరల్లో 10 వేల మంది మహిళలకు మూడు నెలల పాటు శిక్షణ ఇచ్చి, ఆ సమయంలో నెలకు రూ.2వేలు భృతి చెల్లిస్తామన్నారు. శిక్షణ అనంతరం కాపు కార్పోరేషన్‌ ద్వారా ఉచితంగా ఉపాధి సామాగ్రిని అందచేస్తామని తెలిపారు. సమావేశంలో ఎమ్మెల్యే పులపర్తి రామాంజనేయులు, నాయకులు కోళ్ల నాగేశ్వరరావు తదితరులు పాల్గొన్నారు.
  
  
  


 భీమవరం : ఆదికవి నన్నయ యూనివర్సిటీ అంతర కళాశాలల, యూనివర్శిటీ జట్టు క్రాస్‌ కంట్రీ(పురుషులు, మహిళలు) పరుగు పందెం ఎంపిక పోటీల్లో ఓవరాల్‌ చాంపియన్‌ షిప్‌(పురుషుల విభాగం)ను భీమవరం డీఎన్నార్‌ కళాశాల జట్టు గెలుచుకుంది. మహిళల విభాగంలో కాకినాడలోని ఏఎస్‌ గవర్నమెంట్‌ ఉమెన్స్‌ డిగ్రీ కళాశాల విజేతగా నిలిచింది. బుధవారం స్థానిక విష్ణు ఎడ్యుకేషనల్‌ సొసైటీలోని డిగ్రీ కళాశాలలో ఈ పోటీలు ఉత్సాహంగా సాగాయి. ఈ పోటీల్లో ప్రతిభ కనబర్చిన విద్యార్థులు అక్టోబర్‌లో మంగళూరులో నిర్వహించే సౌత్‌జోన్‌ ఇంటర్‌ యూనివర్శిటీ పోటీల్లో ఆదికవి నన్నయ యూనివర్సిటీ తరపున పాల్గొంటారని క్రీడా సంచాలకుడు కె.సత్యనారాయణ తెలిపారు. 
 ఈ పోటీల్లో పురుషులకు 12.5 కిలోమీటర్లు, మహిళలకు 6 కిలోమీటర్లు పరుగు పందెం నిర్వహించగా 90 మంది పురుషులు 20 మంది మహిళలు పాల్గొన్నారు. ఈ పోటీల్లో గెలుపొందిన విద్యార్థులకు డిగ్రీ కళాశాల ప్రిన్సిపాల్‌ డాక్టర్‌ సీహెచ్‌వీ శ్రీనివాస్, ఎంసీఏ ప్రిన్సిపాల్‌ ఐఆర్‌కే రాజు, వైస్‌ ప్రిన్సిపాల్‌ సీహెచ్‌ సత్యనారాయణ బహుమతులు అందజేశారు. పోటీల్లో ఎంపికైన క్రీడాకారులకు అక్టోబర్‌లో బీవీ రాజు కళాశాలలో శిక్షణ శిబిరం నిర్వహించి సౌత్‌జోన్‌ టోర్నమెంట్‌కు తీసుకెళతామని కళాశాల పీడీ జీవీ పవన్‌కుమార్‌ రాజు తెలిపారు. 
 సౌత్‌జోన్‌ పోటీలకు ఎంపికైంది వీరే.. 
 పురుషుల జట్టు: ఎన్‌.జగన్మోహనరావు, బి.రాజేష్, ఎన్‌.వెంకటేష్‌ (డీఎన్నార్‌ కళాశాల, భీమవరం), యు.రమేష్‌ (ఎస్‌కేవీటీడీ, రాజమహేంద్రవరం), ఎన్‌.నవీన్‌కుమార్‌ (సీఆర్‌రెడ్డి, ఏలూరు), పి.అంజిబాబు (ఎస్‌వీడీ, భీమడోలు), వై.గోవిందరాజు(ఎస్‌ఎస్‌ఆర్‌డీ కళాశాల, జంగారెడ్డిగూడెం)
 మహిళల జట్టు : కె.దేవి (ఎస్‌ఆర్‌కే, రాజమహేంద్రవరం), బి.వెంకటలక్ష్మి (ఎస్‌వీడీ భీమడోలు), సీహెచ్‌ కవిత(బీహెచ్‌ఎస్‌ఆర్‌యూఎల్‌ఎం అండ్‌ పీజీఆర్‌ కాలేజ్‌ దేవరపల్లి), ఎ.వెంకటలక్ష్మి (ఎస్‌కేవీటీడీ రాజ మహేంద్రవరం), ఎం.వనజకుమారి(ఎస్‌డీజీడీసీ, కాకినాడ)
  
  
  
  


 ద్వారకాతిరుమల : ద్వారకాతిరుమ శ్రీ వేంకటేశ్వరస్వామి నిత్యాన్నదాన ట్రస్ట్‌కు విజయవాడకు చెందిన ఓ అజ్ఞాత భక్తుడు బుధవారం రూ.లక్ష విరాళంగా అందజేశారు. ముందుగా శ్రీవారు, అమ్మవార్లను దర్శించి ప్రత్యేక పూజలు జరుపుకున్నారు. అనంతరం నిత్యాన్నదాన సదనంలో ఈవో వేండ్ర త్రినాథరావుకు విరాళం మొత్తాన్ని అందజేశారు. 
  


 – ప్రత్యేక హోదా, బాబుహామీల అమలుపై ఓటింగ్‌
 – మధ్యాహ్నం నుంచి పీసీసీ రాష్ట్ర కార్యవర్గ సమావేశం
 – హాజరవుతున్న రఘువీరా, కేవీపీ, సీ రామచంద్రయ్య
  
 సాక్షి ప్రతినిధి, తిరుపతి : 
 రాష్ట్రానికి ప్రత్యేక హోదా ఆవశ్యకత, చంద్రబాబు నాయుడు ఎన్నికల హామీల అమలుపై ప్రజాభిప్రాయాన్ని కోరుతూ కాంగ్రెస్‌ పార్టీ రాష్ట్ర వ్యాప్తంగా ప్రజా బ్యాలెట్‌కు శ్రీకారం చుడుతోంది. పీసీసీ చీఫ్‌ ఎన్, రఘువీరారెడ్డి బుధవారం ఉదయం తిరుపతిలో దీన్ని లాంఛనంగా ప్రారంభించనున్నారు. ఉదయం 8 గంటలకు అలిపిరి శ్రీవారి పాదాల దగ్గర కొబ్బరికాయలు కొట్టి మున్సిపల్‌ కార్యాలయం వరకూ పార్టీ నాయకులు పాదయాత్ర నిర్వహించనున్నారు. ఈ సందర్భంగా రోడ్డుకు ఇరువైపులా ప్రజా బ్యాలెట్‌ నిర్వహించడానికి ఏర్పాట్లు చేశారు. ఉదయం 10 గంటలకు మున్సిపల్‌ కార్యాలయం దగ్గర జరిగే బహిరంగ సభలో పార్టీ సీనియర్లు కేవీపీ రామచంద్రరావు, సీ రామచంద్రయ్య, సాకే శైలజానాథ్, వివిధ జిల్లాల పార్టీ అధ్యక్షులు, మహిళా కాంగ్రెస్‌నాయకులు పాల్గొంటారు. ఈ సందర్భంగా ప్రత్యేక హోదా సాధనలో రాష్ట్ర ప్రభుత్వ వైఫల్యాలను వివరించడమే కాకుండా, ఎన్నికల సందర్భంగా టీడీపీ ప్రజలకిచ్చిన 600 హామీలను ఎలా విస్మరించిందో వివరించనున్నారు. జిల్లా పార్టీ నేతలు కార్యక్రమ నిర్వహణకు ఏర్పాట్లు చేశారు. 
 3 గంటలకు పీసీసీ కార్యవర్గ సమావేశం
 కాగా మధ్యాహ్నం 3 గంటలకు భీమాస్‌ హోటల్‌లో పీసీసీ కార్యవర్గ సమావేశం నిర్వహించనున్నారు. ఇక్కడే పార్టీ కార్యనిర్వాహక కమిటీ సభ్యులతోనూ ప్రజాబ్యాలెట్‌ నిర్వహణపై చర్చించనున్నారు. రాష్ట్రవ్యాప్తంగా ప్రజాబ్యాలెట్‌ నిర్వహణకు అవసరమైన కార్యాచరణ ప్రణాళికను సమావేశంలో ఖరారు చేస్తామని పీసీసీ చీఫ్‌ రఘువీరారెడ్డి తెలిపారు. 
  
  
  


 దిగమర్రు (పాలకొల్లు అర్బన్‌) : చించినాడ–దిగమర్రు జాతీయ రహదారిలో దిగమర్రు బస్టాండ్‌ మలుపు వద్ద బుధవారం చించినాడ వైపు వెళ్తున్న టిప్పర్‌ను పాలకొల్లు వైపు వస్తున్న కారు ఢీకొట్టింది. ఈ కారులో  విదేశీయులు ప్రయాణిస్తున్నారు. విజయవాడ నుంచి బయలుదేరి పుణ్యక్షేత్రాలన్నీ దర్శించుకుని అంతర్వేది వెళ్లి తిరిగి పాలకొల్లు వస్తుండగా ఈ ప్రమాదం జరిగింది. కారు నడుపుతున్న విదేశీయుడు చాకచక్యంతో వ్యవహరించడంతో అందులో ప్రయాణిస్తున్న నలుగురూ ప్రాణాలతో బయటపడ్డారు. కారు నడుపుతున్న విదేశీయుని కాలు విరగడంతో ఆయనను వేరే కారులో ప్రైవేట్‌ ఆస్పత్రికి తరలించారు. కారు ముందు భాగం నుజ్జునుజ్జయింది. టిప్పర్‌ ముందుభాగం కూడా దెబ్బతింది. టిప్పర్‌ డ్రైవర్‌కు స్వల్పగాయాలయ్యాయి. దీనిపై ఎలాంటి కేసూ నమోదు కాలేదని పాలకొల్లు రూరల్‌ పోలీసులు తెలిపారు. 
  


  ఏలూరు రూరల్‌ : వచ్చేనెల 1, 2 తేదీల్లో ఒంగోలులో నిర్వహించనున్న రాష్ట్రస్థాయి పోటీ ల్లో పాల్గొనే జిల్లా హేండ్‌బాల్‌ జూనియర్‌ జట్టును జిల్లా హేండ్‌బాల్‌ అసోసియేషన్‌ అధ్యక్ష, కార్యదర్శులు పీఆర్‌ఎం లెనిన్, టి.కొండలరావు బుధవారం ప్రకటించారు. మంగళవారం  ఏలూరు ఇండోర్‌స్టేడియంలో విద్యార్థులకు ఎంపిక పోటీలు నిర్వహించి ప్రతిభ చూపిన వారిని జిల్లా జట్టుకు ఎంపిక చేసినట్టు తెలిపారు. 
 జిల్లా జట్టు ఇదే.. 
 ఎం.సుకుమార్, ఎ.చందు, ఎస్‌కే కాశీం(కేపీడీటీ, ఏలూరు), ఇ.ప్రవీణ్, బి.సాయికుమార్, డి.చంటి, కె.పండు, టి.గణేష్‌(ఎస్‌పీడీటీ, ఏలూరు), బి.వెంకటేశ్వరరావు (సింగన్నగూడెం), పి.ముకుల్‌ జీ(టీపీగూడెం), కె.శ్రీను, ఎం.శివకష్ణ(భీమడోలు), ఎ.శ్రీ హర్ష(బుట్టాయిగూడెం), కె.ఆకాష్‌(కోపల్లి), డి.ప్రశాంత్‌( ఏలూరు పోలీస్‌ స్కూల్‌), జి.జయరాజు (ఆకివీడు), స్టాండ్‌బైగా కె.సునీల్‌కుమార్, పి.సాల్మన్‌రాజు, బి.వెంకటేష్, ఎం.వెంకటేష్‌  ఎంపికయ్యారు. 
  
  
  
  
  
  
  
  


 భీమవరం :చేపల రాము సమర్పణలో వినయ్‌ ఆర్ట్స్‌ క్రియేషన్స్‌ విదీష ఎంటర్‌టైన్‌మెంట్స్‌ బ్యానర్‌పై నిర్మిస్తున ్న ‘ద్రుష్ట’ సినిమా షూటింగ్‌ బుధవారం భీమవరంలో ప్రారంభమైంది. అరుంధతీ శ్రీను దర్శకత్వంలో కె.లోకేష్‌ నిర్మాతగా వ్యవహరిస్తున్న ఈ చిత్రానికి కేంద్ర మాజీ మంత్రి పనబాక లక్ష్మి, మాజీ ఎంపీ కనుమూరి బాపిరాజు క్లాప్‌ కొట్టి షూటింగ్‌ ప్రారంభించారు. ఈ సోషియో ఫాంటసీ చిత్రంలో రుషి, స్నేహ పాండే హీరో హీరోయిన్లుగా నటిస్తున్నట్టు దర్శకుడు చెప్పారు. భీమవరం పరిసర ప్రాంతాల్లో 20 రోజుల పాటు షూటింగ్‌ జరపనున్నట్టు తెలిపారు. 
  
  
  


 భీమవరం : జేఎన్‌టీయూకే యూనివర్శిటీ బ్యాడ్మింటన్‌ జట్టు ఎంపిక పోటీలు స్థానిక డీఎన్నార్‌ ఇంజినీరింగ్‌ కళాశాలలో బుధవారం ప్రారంభమయ్యాయి. యూనివర్సిటీ స్పోర్ట్స్‌ కమిటీ సెక్రటరీ డాక్టర్‌ జి.శ్యామ్‌కుమార్‌ మాట్లాడుతూ ఈ ఏడాది నిర్వహించే బ్యాడ్మింటన్‌ పోటీలకు జట్లను ఎంపిక చేస్తున్నట్టు చెప్పారు. ఇక్కడ ఎంపికైన క్రీడాకారులు వచ్చేనెలలో తమిళనాడు మధురై కామరాజు యూనివర్శిటీలో జరగనున్న సౌత్‌ జోన్‌ ఇంటర్‌ యూనివర్శిటీ టోర్నమెంట్‌ పోటీల్లో పాల్గొంటారని తెలిపారు. కార్యక్రమంలో కళాశాల కార్యదర్శి గాదిరాజు సత్యనారాయణరాజు, ప్రిన్సిపాల్‌ డాక్టర్‌ యు.రంగరాజు, సెలక్షన్‌ కమిటీ సభ్యుడు వై.నానిప్రసాద్, సీహెచ్‌ ^è ంద్రశేఖర్, సెలక్షన్‌ కమిటీ సెక్రటరీ పి.నర్సింహరాజు, బి.నర్సింహరాజు, పి.కిరణ్‌కుమార్‌ వర్మ తదితరులు పాల్గొన్నారు.  
  
  


 ఏలూరు సిటీ : ‘సత్యం, అహింస’ ఆయుధాలుగా శాంతిమార్గంలో పయనించి దేశానికి స్వాతంత్య్రాన్ని సముపార్జించిన మహాత్ముడు నడిచిన నేల ఇది. మువ్వన్నెల జాతీయ పతకంలోనూ శాంతికి ప్రతీకగా శ్వేతవర్ణాన్ని చేర్చిన ఘనత మన భారతదేశానిది. ప్రపంచశాంతి దినోత్సవాన్ని పురస్కరించుకుని నగరంలోని నారాయణ విద్యా సంస్థల విద్యార్థులు ఫ్లాష్‌ మాబ్‌ అనే ఆధునిక సాంస్కృతిక కళా ప్రదర్శన చేశారు. బుధవారం స్థానిక ఫైర్‌స్టేషన్‌ సెంటరులో సుమారు 800 మంది విద్యార్థులు ఈ కార్యక్రమం నిర్వహించారు. భారతమాతకు, మహాత్మాగాంధీకి వందన సమర్పణ దృశ్యాలు ఆకట్టుకున్నాయి.
  శాంతి స్థాపనపై ప్రజల్లో అవగాహన కల్పించేందుకు ఈ కార్యక్రమాన్ని ఏర్పాటు చేసినట్టు నారాయణ విద్యా సంస్థల డీజీఎం ఎంవీఎస్‌ బ్రహ్మాజీ తెలిపారు. ముఖ్య అతిథిగా హాజరైన ఎస్పీ భాస్కర్‌ భూషణ్‌ మాట్లాడుతూ రాష్ట్రంలో, దేశంలో శాంతి స్థాపనకు కృషి చేసి అసువులు బాసిన పోలీసు ఉన్నతాధికారుల చిత్ర ప్రదర్శన విశేషంగా ఆకట్టుకుందన్నారు. ప్రజలంతా శాంతి, ఐక్యతతో జీవించాలని కోరారు. ఈ కార్యక్రమంలో ఏజీఎం వేణుగోపాల్, కళాశాల ప్రిన్సిపాళ్లు డి.సునీల్‌కుమార్, కె.నాగేశ్వరరావు, అధ్యాపకులు, విద్యార్థులు పాల్గొన్నారు.