నేటి త‌రం ఫ్యాష‌న్ ప్రియుల‌ను ఆక‌ట్టుకునేలా ఈడెన్ ది షాపే స‌రికొత్త డిజైన‌రీ క‌లెక్ష‌న్ల‌తో ఫోర్‌కాస్ట్‌-2025తో ముందుకు వ‌చ్చింది. వినూత్న డిజైన‌రీ క‌లెక్ష‌న్ల‌తో ఆక‌ట్టుకునేలా ఫ్యాష‌న్ క‌లెక్ష‌న్ల‌ను ఆవిష్క‌రించింది. ఈ ఏడాది ఫ్యాషన్ ఫోర్‌కాస్ట్‌లో భాగంగా ఫ్యాష‌న్ రంగంపై పెరుగుతున్న ఆర్థిక వ్యవస్థ ప్రభావాన్ని, ఐకానిక్ 90, 2000ల ప్రారంభంలో ఫ్యాషన్ పునః ప్ర‌వేశం, ఫ్యాషన్ డిజైన్‌లో ఏఐ పాత్ర గురించి ప్ర‌త్యేకంగా చ‌ర్చించింది. అదేవిధంగా మ‌హిళ‌లు, య‌వ‌తకు న‌చ్చే ఫ్యాష‌న్ క‌లెక్షన్ అందుబాటులో ఉందని తెలిపారు. ఈ ఏడాది ఫ్యాషన్ ట్రెండ్‌లు:సుస్థిర‌మైన సంపూర్ణ ఆర్థిక వ్య‌వ‌స్థ : జీరో-వేస్ట్ డిజైన్‌లు, సుస్థిరమైన మెటీరియల్‌లు అభివృద్ధి చేస్తూ, ప‌ర్యావ‌ర‌ణహిత‌మైన, మ‌న్నిక‌మైన‌ హ్యాండ్ మేడ్ డిజైన‌రీ ఉత్ప‌త్తుల‌కు ప్రాధాన్య‌త ఇవ్వడం.నోస్టాల్జియా ఫ్యాషన్: 1990 నుంచి 2000 వ‌ర‌కు ఐకానిక్‌గా ఉండే షార్ట్ జీన్స్, కార్గో ప్యాంట్లు, భారీ పరిమాణంలో ఉండే బ్లేజర్లు వింటేజ్ గ్రాఫిక్ టీ ష‌ర్టుల‌న్నీ కూడా ఆధునాత‌న సొబ‌గుల‌తో మళ్లీ ప్రాచుర్యంలోకి వ‌స్తున్నాయి. మినిమలిజం - నాణ్యత: మినిమలిస్ట్ ఫ్యాషన్ ఇప్ప‌టికీ బలంగానే ఉంది. మెటీరియల్ ఎంపిక నుంచి మొద‌లుకుంటే క్రాఫ్ట్‌మ్యాన్‌షిప్ సుస్థిరమైన సౌక‌ర్యంతో కూడిన కాలనుగుణమైన మ‌న్నికైన బ‌హుముఖ వస్తువుల త‌యారీ. AI-జనరేటెడ్ కస్టమ్ ఫ్యాషన్: ఏఐ-ఆధారిత ఫ్యాషన్ ఆవిష్క‌ర‌ణ‌ల‌తో వినియోగదారుల ఫ్యూచ‌రిస్టిక్ ఫ్యాష‌న్ అనుభూతితో, వ్యక్తిగత ప్రాధాన్యతలకు అనుగుణంగా దుస్తుల రూప‌క‌ల్ప‌న‌, బట్టలను ఎంపిక చేసుకోవ‌డం మ‌రింత సుల‌భ‌తరం కానుంది. ఫ్యాషన్ ముఖ్యాంశాలు:టాప్‌లు: సౌక‌ర్య‌వంతంతోపాటు, స్టైలిష్‌గా క‌నిపించే దుస్తుల‌తోపాటు, భారీగా ఉండే బటన్-డౌన్ షర్టులు, కుర్తా టాప్‌లు, టర్టిల్‌నెక్ టాప్‌లు మపఫ్డ్ స్లీవ్‌లతో కూడిన ఆర్టిస్టిక్ డిజైన‌రీ వ‌స్త్రాలు.బాటమ్స్: అందుబాటులో హై-వెయిస్టెడ్ ప్యాంటు, కార్గో ప్యాంట్లు, డెనిమ్ స్కర్టులు, ప్లీటెడ్ స్కర్టులు, బూట్‌కట్ జీన్స్ వంటివి యువ‌తకు న‌ప్పే, మెప్పించే సౌక‌ర్య‌వంత‌మైన వ‌స్త్రాలు. లోదుస్తులు: విశేష‌మైన ఆద‌ర‌ణ ఉన్నా లగ్జరీ సిల్క్, శాటిన్‌తో చేసిన లోదుస్తులు, వైర్‌లెస్ బ్రా, బోల్డ్, స్పోర్టీ-చిక్ డిజైనరీ క్లాత్.ఆభరణాలు, ఉపకరణాలు: మినిమలిస్ట్, వింటేజ్-ప్రేరేపిత ఆర్టిస్టిక్ ఆభ‌ర‌ణాలు, ముఖ్య‌మైన‌ ఉపకరణాలలో క్రాస్‌బాడీ, మినియేచర్ బ్యాగులు, బోల్డ్ శిల్పకళా సంచులు, మెటల్ ఫ్రేమ్‌తో కూడిన సన్ గ్లాసెస్, రెట్రో-ప్రేరేపిత డిజైన్‌లు, ఫ్యూచరిస్టిక్ ఆకృతులతో ట్రెండీ వేర్‌. ఫుట్‌వేర్: చంకీ స్నీకర్లు, బోల్డ్ బూట్లు, ప్లాట్‌ఫామ్ హీల్స్ క్యాజువ‌ల్ వేర్‌కు అనువైన పాద‌రక్షలు.బ్యూటీ ట్రెండ్స్: 2025లో ఫ్యాష‌న్‌ రంగాన్ని నడిపించే గ్రాఫిక్ ఐలైనర్లు, గ్లో-బూస్టింగ్ హైలైటర్లు, వీగన్ లిప్‌స్టిక్‌లు ఈడెన్-ది షాపే గురించి:హైదరాబాద్‌లోని గాంధీనగర్ కేంద్రంగా ఈడెన్-ది షాపే అంచనాల‌కు మించి క్యూరేటెడ్ ఫ్యాషన్ క‌లెక్ష‌న్ల‌ను అందిస్తోంది. గ్యాలరీ-ప్రేరేపిత లేఅవుట్‌తో ఇదొక ప్ర‌త్యేకమైన షాపింగ్ అనుభూతిని అందిస్తోంది. వినియోగదారులు కూడా సరసమైన లగ్జరీ తాజా ట్రెండ్‌లను సుల‌భంగా పొంద‌వ‌చ్చు. 2016లో ప్రారంభమైన నాటి నుంచి ఈడెన్-ది షాపే ఫ్యాషన్ ఆవిష్క‌ర‌ణ‌ల‌తో బ్రాండెడ్‌, డిజైన‌రీ క‌లెక్ష‌న్ల‌కు వేదిక‌గా నిలుస్తోంది. వివరాల కోసం: ఈడెన్-ది షాపే- ఈడెన్ అనెక్స్, గాంధీనగర్,హైదరాబాద్ - 500080 వద్ద సందర్శించవ‌చ్చుమొబైల్ : +91 9652132812ఈమెయిల్‌: edentheshoppe@gmail.com(చదవండి: Fashion going back to the root మూలాల్లోకి ఫ్యాషన్‌ ప్రయాణం)

రిలయన్స్ రిటైల్ తన వినియోగదారులకు మరిన్ని బ్రాండ్లను చేరువ చేసేందుకు ప్రయత్నిస్తోంది. అందులో భాగంగా హైదరాబాద్‌లోని ఎల్‌బీనగర్‌ సమీపంలో నాగోల్‌-అల్కపురి క్రాస్‌ రోడ్‌ వద్ద కొత్తగా ‘యూస్టా’ ఫ్యాషన్‌ బ్రాండ్‌ స్టోర్‌ను ప్రారంభించింది. ఇప్పటికే దేశంలోని చాలా ప్రాంతాల్లో ఈ స్టోర్లు ఉన్నాయని కంపెనీ అధికారులు తెలిపారు. దక్షిణ భారతదేశంలో మరింతగా తమ వ్యాపారాన్ని విస్తరించేందుకు సంస్థ ప్రయత్నిస్తోందని పేర్కొన్నారు.దేశంలోని యువత అధికంగా ఇష్టపడే స్టైల్స్‌లో విభిన్న మోడల్స్‌ను యూస్టా అందిస్తోందన్నారు. ప్రస్తుతం యూస్టా స్టోర్స్ మహారాష్ట్ర, తెలంగాణ, ఛత్తీస్‌గఢ్, కేరళ, తమిళనాడు, పశ్చిమ బెంగాల్, ఉత్తరప్రదేశ్, జార్ఖండ్, ఉత్తరాఖండ్‌ రాష్ట్రాల్లో విస్తరించినట్లు చెప్పారు. ప్రీమియం మోడల్స్‌తోపాటు సామాన్యులకు అందుబాటు ధరల్లో ఫ్యాషన్‌ ఉత్పత్తులను అందిస్తున్నట్లు చెప్పారు.ఇదీ చదవండి: ‘బంగారం’లాంటి అవకాశం.. తులం ఎంతంటే..యువతను ఆకర్షించేలా చాలా ఫ్యాషన్‌ రిటైల్‌ కంపెనీలు తమ వ్యాపారాన్ని విస్తరిస్తున్నాయి. అందుబాటు దరల్లోనే తమ ఉత్పత్తులను అందిస్తున్నాయి. గార్మెంట్‌ పరిశ్రమ కూడా స్థానికంగా ఎంతో వృద్ధి చెందుతోంది. ఈ రంగంలో ఇతర దేశాలకు చేసే ఎగుమతులు అధికమవుతున్నాయి. స్థానికంగా మంచి ఉత్పత్తులు అందిస్తే సంస్థల బ్రాండ్‌కు ఆదరణ పెరుగుతుందని కంపెనీలు భావిస్తున్నాయి.

బాలీవుడ్ ద‌ర్శ‌క నిర్మాత కరణ్ జోహార్ , ఫ్యాబులస్ లైవ్స్ vs బాలీవుడ్ వైవ్స్ సీజన్-3లో నటించిన షాలిని పాసి లేటెస్ట్‌ సెన్సేషన్‌. ఢిల్లీకి చెందిన ఈమె సోషల్‌ యాక్టివిస్ట్‌, ఆర్టిస్ట్‌ కూడా. ఫ్యాషన్‌కు మారు పేరు. మరోవిధంగా చెప్పాలంటే వాకింగ్ ఫ్యాషన్ఎగ్జిబిషన్. అదిరిపోయే డ్రెస్‌లు, అద్భుతమైన హెడ్‌పీస్‌లు, ఆకట్టుకునే బ్యాగ్‌లు ఇలా షాలిని స్టైల్‌ ప్రత్యేకంగా నిలుస్తోంది. ముఖ్యంగా ఆమె బ్యాగులు హాట్‌ టాపిక్‌గా నిలుస్తున్నాయి.ఆమె బ్యాగుల కలెక్షన్‌ చాలా స్పెషల్‌మాత్రమేకాదు, ధర కూడా కళ్లు చెదిరే రేంజ్‌లోనే. పావురాలు, చిలుకలు, పాత కెమెరాలు ఇలా రకరకాల షేపుల్లో ఆమె బ్యాగులు మెస్మరైజింగ్‌గా ఉంటాయి.ఒక ఎపిసోడ్‌లో, షాలిని క్లాసిక్ క్లిక్ కెమెరాను పోలి ఉండే క్లచ్‌తో కనిపించింది. పాతకాలపు కెమెరా ఆకారంలో క్రిస్టల్-స్టడెడ్ హ్యాండ్‌బ్యాగ్ ధర సుమారు 5 లక్షల రూపాయలు. మరో ఎపిసోడ్‌లో ఆమె చేతిలో మెరిసిన ఫ్లెమింగో క్లచ్ ధర అక్షరాలా రూ. 5,400,000.బ్రిక్ ఫోన్ బ్యాగ్ ధర రూ. 600,000, ఇంకా 8 లక్షల, 30వేల విలువ చేసే టీవీ టెస్ట్ స్క్రీన్ బ్యాగ్, దాదాపు రూ. 3 లక్షల విలువ చేసే క్రిస్టల్ హార్ప్ క్లచ్‌తో ఆకర్షణీయమైన లుక్‌లో ఆకట్టుకుంటోంది. ఇవి కాకుండా, షాలిని జెల్లీ ఫిష్, టెడ్డీ బేర్స్, చిలుకలు, గులాబీలు, కుక్కలు , ఇతర ఫన్నీ బ్యాగ్స్‌కూడా ఆమె సొంతం.కాగా షాలిని పాసి భర్త బిలియనీర్,పాస్కో గ్రూప్ ఛైర్మన్ సంజయ్ పాసి. ఈ దంపతుల రాబిన్ రాబిన్‌ . ఇక ఈ సిరీస్‌లో మహీప్ కపూర్, నీలం కొఠారి, భావన పాండే, రిద్ధిమా కపూర్ సాహ్ని, సీమా సజ్దేహ్ ​​మరియు కళ్యాణి సాహా చావ్లా కూడా నటించారు

రిలయన్స్ రిటైల్ తన కార్యకలాపాలు విస్తరిస్తోంది. యువతకు ఫ్యాషన్‌ ఉత్పత్తులను అందించే ‘అజార్ట్‌’ బ్రాండ్‌ స్టోర్లను పెంచాలని నిర్ణయించింది. అందులో భాగంగా దేశంలోని ప్రధాన నగరాల్లో 12 కొత్త స్టోర్లను ప్రారంభించినట్లు తెలిపింది. జైపూర్, ఉదయపూర్, రాయ్‌పూర్, దెహ్రాదూన్, గోరఖ్‌పూర్, రాంచీ, బెంగళూరులోని వివిధ ప్రాంతాల్లో వీటిని ఏర్పాటు చేసినట్లు పేర్కొంది.ఇప్పటికే బెంగళూరులో అజార్ట్‌ బ్రాండ్‌ పేరుతో స్టోర్లను ప్రారంభించిన రిలయన్స్‌ రిటైల్‌ వీటి సంఖ్యను ఐదుకు పెంచింది. ఈ సందర్భంగా రిలయన్స్ రిటైల్‌ ఫ్యాషన్, లైఫ్‌స్టైల్ సీఈఓ అఖిలేష్ ప్రసాద్ మాట్లాడుతూ..‘అజార్ట్‌ బ్రాండ్‌ను 2022లో స్థాపించాం. క్రమంగా బ్రాండ్‌ కార్యకలాపాలు విస్తరిస్తున్నాం. యువత నుంచి ఈ బ్రాండ్‌కు ఆదరణ పెరుగుతోంది. టైర్‌ 2, టైర్‌ 3 నగరాల్లో ఈ బ్రాండ్‌ యువతకు అందుబాటులో ఉండేలా చర్యలు చేపట్టాం. వినియోగదారుల జీవనశైలిని ప్రతిబింబించేలా, మెరుగైన షాపింగ్ అనుభవాన్ని అందించేలా కంపెనీ పనిచేస్తోంది’ అన్నారు.ఇదీ చదవండి: పాలసీదారుల డేటా లీక్‌..! ఐటీ సిస్టమ్‌ల ఆడిట్‌పండగ సీజన్‌లో చాలా కంపెనీలు తమ వ్యాపారాలు విస్తరించాలని యోచిస్తుంటాయి. ఫెస్టివల్‌ నేపథ్యంలో తమ బ్రాండ్‌ ఉత్పత్తులకు ఆదరణ ఉంటుందని నమ్ముతాయి. కంపెనీ ఉత్పత్తులు వినియోగదారులకు నచ్చితే తదుపరి గిరాకీ ఏర్పడుతుందని భావిస్తాయి.

వరుసగా రెండు పెద్ద పండుగలు వచ్చేస్తున్నాయి. పుట్టినరోజులు, నైట్‌ పార్టిలు, వార్షికోత్సవాలు తదితర సందర్భాల్లో ధరించే దుస్తులతో నగరవాసులు అత్యాధునిక ఫ్యాషన్‌కు కేరాఫ్‌ అ‘డ్రెస్‌’లా మారిపోతారు. అయితే పండుగల సందర్భం మాత్రం పూర్తిగా విభిన్నం. తమ ఫెస్టివల్‌ లుక్‌ మోడ్రన్‌గా మెరిపించడంతో పాటు ట్రెడిషన్‌కు కేరాఫ్‌గా కూడా చూపించాలని తపిస్తారు. అలాంటి ఫ్యాషన్‌ ప్లస్‌ ట్రెడిషన్‌ ప్రియులైన నగర యువత కోసం నగరానికి చెందిన హామ్‌స్టెక్‌ ఫ్యాషన్‌ డిజైనింగ్‌ ఇన్‌స్టిట్యూట్‌ ఫ్యాకల్టీ పలు సూచనలు అందిస్తోంది. ఇటీవల గ్లోబల్‌ ఫ్యాషన్‌ ట్రెండ్‌ ద్వారా శారీ డ్రేపింగ్‌ స్టైల్స్‌ ప్రభావితమవుతున్నాయి. ముందుగా కుట్టిన చీరలు, ధోతీ స్టైల్‌ ప్యాంట్‌ తరహా చీరలు, కేప్‌ స్టైల్‌ డ్రేప్స్‌.. వంటి వినూత్న పద్ధతులు ప్రాచుర్యం పొందుతున్నాయి. ఈ స్టైల్స్‌లో అసిమెట్రికల్‌ కట్స్, స్ట్రక్చర్డ్‌ సిల్హౌట్‌లతో సహా పాశ్చాత్య ఫ్యాషన్‌ మేళవింపులతో విభిన్న రకాల మోడళ్లు మార్కెట్‌ను ముంచెత్తుతున్నాయి. ఇవి సంప్రదాయ చీరల్ని అత్యాధునికంగా మారుస్తాయి. వీటితోపాటు అనేక రకల సంప్రదాయ దుస్తులు ఫ్యాషన్‌ ప్రియులను ఆకర్షిస్తున్నాయి..డిజైనర్స్‌ సూచనలు.. పండుగ సీజన్‌లో స్టైలి‹Ùగా, సౌకర్యవంతంగా ఉండటానికి లైమ్‌ గోటా పట్టి ఉన్న చందేరి కార్డ్‌ సూట్‌ సెట్‌ను ఎంచుకోవచ్చు. ఇది మోనోక్రోమాటిక్‌ లుక్స్‌కి రంగురంగుల వైబ్స్‌ని జోడిస్తుంది. ఎంబ్రాయిడరీ చేసిన ఐవరీ కో–ఆర్డ్‌ షరారా పండుగ దుస్తులకు పర్ఫెక్ట్‌ క్లాసిక్‌ చిక్‌ రూపాన్ని అందిస్తుంది. బ్లేజర్లు కార్పొరేట్‌ స్టైల్‌కి మాత్రమే పరిమితం అనుకుంటారు. కానీ, ఇటీవల ఆల్‌–టైమ్‌ ఫేవరెట్‌గా మారాయి. ఒక ఎంబ్రాయిడరీ బ్లేజర్‌ను డ్రేప్డ్‌ స్కర్ట్‌ లేదా ధోతీ ప్యాంట్‌తో మేళవించాలి. నడుముకు బెల్ట్‌తో ఏ సమయంలోనైనా ఈ డ్రెస్‌ బెస్ట్‌ ఎంపికగా నిలుస్తుంది. ఈ నవరాత్రి రోజుల్లో మస్టర్డ్‌ షరారా చీర ధరిస్తే చాలా స్టైలి‹Ùగా, తేలికగా, సౌకర్యవంతంగా ఉంచుతుంది. డ్రేప్డ్‌ బాటమ్‌తో సెట్‌ చేసే డ్రెస్సులు ఇటీవల ట్రెండ్‌లో ఉన్నాయి. పర్ఫెక్ట్‌ ఈవెనింగ్‌ వేర్‌ కోసం డ్రేప్డ్‌ స్కర్ట్, ఎంబ్రాయిడరీ క్రేప్‌తో జత చేయాలి. అదనపు డోస్‌ కోసం సీక్వెన్స్‌ జుతీస్‌ బెస్ట్‌. పేస్టెల్, బ్రైట్‌ కలర్స్‌తో ఓ సరికొత్త చిక్‌ కాంబినేషన్‌. ఈ ఆఫ్‌–వైట్‌– పింక్‌ కేడియా టాప్, షెల్‌– మిర్రర్‌ ఎంబ్రాయిడరీ వర్క్‌ చేసిన షార్ట్‌ అవుట్‌ఫిట్‌తో ప్రకాశవంతమైన పసుపు ధోతీతో జతగా ధరించవచ్చు. ఆధునిక– సంప్రదాయాల సమ్మేళనంతో డిజైన్‌ చేసిన ఫ్లోరల్‌ ఎంబ్రాయిడరీ ప్యాటర్న్‌ ఉన్న స్కార్లెట్‌ సిల్క్‌ లెహెంగా పలాజో సెట్‌ ధరిస్తే..కలల రూపం సొంతమవుతుంది.. సల్వార్‌ కమీజ్‌ అందంగానూ, సౌకర్యవంతంగానూ ఉంటుంది. ప్రకాశవంతమైన రంగులతో కాటన్‌ ఫ్యాబ్రిక్‌ ఉన్నవి ఎంచుకోవచ్చు. వివాహాలు, పండుగలు.. వంటి ప్రత్యేక సందర్భాల్లో చనియా చోళీ ధరిస్తారు. వీటికి ఆధునిక ఉపకరణాలు, ఆభరణాలను జత చేస్తున్నారు. పిల్లల కోసమైతే తక్కువ బరువున్న ఆభరణాలను ఎంచుకోవాలి. పిల్లల దుస్తులను సొంతంగా లేదా ఒకదానితో ఒకటి సమన్వయం చేసుకోవచ్చు. పిల్లలతో సరిపోలే దుస్తులను ధరించడం వల్ల యూనిక్‌ ఫ్యామిలీ అనిపించుకోవచ్చు. పిల్లల దుస్తులు సౌకర్యంతో పాటు భద్రతకు ప్రాధాన్యం ఇవ్వాలి. పండుగ వేడుకల్లో డ్యాన్స్‌ చేసేటప్పుడు జారిపడకుండా ఉండేలా పొడవును, సౌకర్యాన్ని నిర్ధారించుకోవాలి. ప్రమాదాన్ని కలిగించేలా పదునైన ఉపకరణాలు, ఆభరణాలకు దూరంగా పెట్టాలి. పురుషుల కోసం.. ఎతి్నక్‌వేర్‌తో పండుగ లుక్‌ను మార్చుకోవాలని భావిస్తే.. కుర్తా కరెక్ట్‌. ఏ సందర్భానికైనా నప్పే కాలాతీత ఫ్యాషన్‌గా కుర్తాను ఎంచుకోవచ్చు. సరైన రీతిలో ఫిట్‌ అయ్యే కుర్తా–పైజామా ఎల్లప్పుడూ స్టైలిష్‌ లుక్‌ని అందిస్తాయి. ఇంకొంచెం కొత్తగా కనిపించాలంటే.. కుర్తాకి నెహ్రూ జాకెట్‌ని జత చేయవచ్చు. మొత్తంగా మెరిపించే సత్తా ఈ కాంబినేషన్‌కి ఉంది. అదే విధంగా షేర్వానీలు కూడా వేడుకలకు నప్పే ఎంపికలు. పండుగలకు ఇవి సరైన ఛాయిస్‌. అలాగే దీపావళి పారీ్టలకు కూడా కరెక్ట్‌గా నప్పుతాయి. ఎరుపు రంగు షేడ్‌.. సంప్రదాయ పండుగల్లో చాలా అర్థవంతమైన వర్ణంగా పేర్కొంటారు. నేవీబ్లూ, బ్లాక్, వైట్, ప్లమ్, ఆలివ్‌ గ్రీన్‌.. కూడా నప్పే ఎంపికలే. యాక్సెసరీస్‌... భారీ ఆభరణాలను ఉపయోగించే బదులు బ్యాంగిల్స్, జూకాలు (చెవిపోగులు), బిందీలు, హెయిర్‌పిన్‌ వంటి తక్కువ బరువున్న వాటిని యాక్సెసరీస్‌గా ఎంచుకోవాలి.

మైండ్, బాడీ ఫిట్‌గా ఉంటే డ్రెస్సింగ్‌ కూడా కాన్ఫిడెంట్‌గా కనిపిస్తుంది. ‘జిమ్‌లో వర్కవుట్స్‌ ఫిజికల్‌ ఎక్సర్‌సైజ్‌ అయితే, మన వార్డ్‌రోబ్‌ మైండ్‌ ఎక్సర్‌సైజ్‌’ అంటున్నారు హైదరాబాద్‌ వాసి ఫిట్‌నెస్‌ ట్రైనర్‌ అనుప్రసాద్‌. జిమ్‌వేర్‌తో పాటు రెగ్యులర్, పార్టీవేర్‌ విషయంలో తీసుకునే స్పెషల్‌ కేర్‌ గురించి అనుప్రసాద్‌ మాటల్లో...‘‘ఉదయం ఏ డ్రెస్‌ వేసుకోవాలనేది ప్రతిరోజూ ఆలోచించేలా చేస్తుంది. అందుకే, క్యాజువల్‌ వేర్‌గా కొన్ని, సందర్భానుసారంగా వార్డ్‌రోబ్‌ను సెట్‌ చేసుకుంటాను. సాధారణంగా తక్కువ డబ్బులతో డ్రెస్‌ ఎంపిక చేసుకొని, రిచ్‌గా ఉండేలా కనిపించడానికి ప్లాన్‌ చేస్తుంటాను. ఇండోవెస్ట్రన్‌ డ్రెస్‌తోనూ హుందాతనాన్ని, మన సంస్కృతిని ప్రతిబింబిస్తూ స్టైల్‌గా కనిపించవచ్చు. పెయింటింగ్స్‌ వేస్తుంటాను కాబట్టి కలర్‌ కాంబినేషన్స్‌ విషయంలో అవగాహన ఉంది. చాలా వరకు మ్యాచింగ్‌ గురించి ఆలోచన చేయను. శారీస్‌ మీదకు కాంట్రాస్ట్, క్రాప్‌టాప్స్, ష్రగ్స్‌ కూడా సెట్‌ చేస్తాను. కాటన్స్‌కి ఎక్కువ ్రపాధాన్యత ఇస్తాను. బెస్ట్‌ డ్రెస్డ్‌ అవార్డ్‌..మిసెస్‌ ఇండియా తెలంగాణ బెస్ట్‌ డ్రెస్డ్‌ ఈవెంట్‌ (2019)కి క్రియేటివ్‌గా ఆలోచించాలనుకున్నాను. శారీ, బ్లౌజ్‌కి తెలంగాణ సంస్కృతిని ప్రతిబింబించేలా బతుకమ్మ, బోనాలు.. మొదలైనవాటితో నేనే ఫ్యాబ్రిక్‌ పెయింటింగ్‌ వేశాను. ఆ శారీనే కట్టుకున్నాను. రెండు వేల రూపాయల్లో ఆ శారీని తయారుచేసి, ప్రదర్శించి, అవార్డు దక్కించుకున్నాను.పూసలు గుచ్చి..లంగా ఓణీ, పట్టు చీరలు సంప్రదాయ వేడుకల సందర్భాలలో కట్టుకుంటాను. దీంట్లోనే ప్రత్యేకంగా కనిపించాలంటే బ్లౌజ్‌ సింగిల్‌ హ్యాండ్‌కి పూసల హారాలు లేయర్లు గుచ్చి, నాట్‌ చేస్తాను. దాదాపు నెలకు మూడు, నాలుగు ఈవెంట్లకు హాజరవుతుంటాను. అందుకు కొత్తదనం, నిండుదనం ఉండేలా ప్లాన్‌ చేసుకుంటాను.జిమ్‌ టీ షర్ట్స్‌..శారీస్‌కు సాధారణ బ్లౌజులే కాదు జిమ్‌కు వేసుకునే టీ షర్ట్స్‌ కూడా వాడతాను. బ్లాక్‌ క్రాప్‌టాప్‌ కాటన్‌ శారీకి వాడతాను. మంచి కలర్‌ కాంబినేషన్స్‌ ఉండేలా, సింపుల్‌ లుక్‌ని క్రియేట్‌ చేస్తాను. జిమ్‌లో మన కదలికలకు తగ్గినట్టు ఫ్లెక్సిబుల్‌ డ్రెస్‌ ఉండాలి. క్వాలిటీ కూడా చూడాలి. క్యాజువల్‌ వేర్‌గా జీన్స్, టీషర్ట్స్‌ మాత్రమే కాదు లాంగ్‌ స్కర్ట్స్‌ కూడా ఉపయోగిస్తాను.టై అండ్‌ డై చేస్తాను..వైట్‌ కాటన్‌ మెటీరియల్‌ తెప్పించుకొని, టై అండ్‌ డై టెక్నిక్‌తో కొత్త డిజైన్స్‌ సృష్టిస్తుంటాను. ఒక శారీకైతే వేరుశనగ గింజలను ముడివేసి, పెయింట్‌ చేశాను. త్రీడీ పెయింటింగ్స్‌ చేస్తుంటాను. ఏ వేస్ట్‌ మెటీరియల్‌ ఉన్నా దానిని అందంగా క్రియేట్‌ చేస్తాను. ఇండిపెండెంట్స్‌ డే వంటి అకేషన్స్‌కి ఎంచుకున్న శారీకి క్రాప్‌టాప్‌తో మ్యాచ్‌ చేశాను.జ్యువెలరీ తయారీ..తక్కువ ధరలో జ్యువెలరీ ఇప్పుడు మార్కెట్‌లో దొరుకుతుంది. కొంచెం సమయం కేటాయిస్తే చాలు అలాంటి ఫ్యాషన్‌ జ్యువెలరీని మనమే ఇంకా తక్కువ ధరలో తయారుచేసుకోవచ్చు. బెల్ట్‌తో మరో స్టైలిష్‌ లుక్‌ వచ్చేలా చూసుకుంటాను. అలా.. క్లే జ్యువెలరీ, థ్రెడ్‌ జ్యువెలరీ నేనే తయారు చేసుకుంటాను’’ అని వివరించారు ఈ ఫిట్‌నెస్‌ ట్రైనర్‌.ఇవి చదవండి: 'శ్రుతి' తప్పిన ప్రకృతి.. కనురెప్పనూ కాటేసింది!

ఎన్నెన్నో వర్ణాలు.. కానీ నలుపు, తెలుపు రంగులకున్నంత క్రేజ్‌ ఇంకే కలర్‌కూ ఉండదు! ఆ రెండిటినీ కలిపితే కనిపించే రిచ్‌నెస్‌ని చూస్తూండిపోవలసిందే! అదో క్లాసిక్‌ కాంబినేషన్‌! దాన్ని ఇంటికీ అద్దితే.. ఆ అభిరుచిని మెచ్చుకోని అతిథి ఉండరు! ఓనర్స్‌ ప్రైడ్‌.. నెయిబర్స్‌ ఎన్వీగా ఫీలయ్యేలా బ్లాక్‌ అండ్‌ వైట్‌ని ఇంటి అలంకరణలో మిళితం చేయాలంటే ఈ కింది చిట్కాలను ఫాలో అయితే సరి..!గోడలు, ఫర్నిచర్, ఆర్ట్‌.. ఎందులోనైనా తెలుపు రంగును డామినేట్‌ చేస్తూ ఒక వంతు నలుపు రంగు ఉండేలా చూసుకోవాలి. మన కళ్లు సహజంగా నల్లటి వస్తువులను ఆకర్షిస్తాయి. అందుకే వాటిని తక్కువగా ఉపయోగించాలి.ఏ స్థలానికి లేదా గదికి ఎంతమేర బ్లాక్‌ అండ్‌ వైట్‌ కాంబినేషన్‌ అవసరమో స్కేల్‌ సాయంతో సెలెక్ట్‌ చేసుకోవాలి. అంత కచ్చితత్వాన్ని పాటిస్తేనే ఈ డిజైన్‌ ఆకర్షణీయంగా కనిపిస్తుంది.నలుపు– తెలుపు కాంబినేషన్‌లో చెక్స్‌ డిజైన్‌ని జోడించవచ్చు.అలంకరణలో తెల్లని గోడపైన నల్ల రంగులో సంగీత పరికరాలు, ప్యాటర్న్‌ ఫ్రేమ్‌లు, ఐరన్‌ లైట్స్‌ వంటివి వాడుకోవచ్చు.నలుపు– తెలుపు డిజైన్లలో కూడా ఇతర షేడ్స్‌ ఉంటాయి. కలర్స్‌ని న్యూట్రల్‌గా ఉపయోగించడం వలన డిజైన్లలో రిచ్‌లుక్‌ వస్తుంది.గది అంతా వైట్‌ పెయింట్‌ ఉండి మిగతా అలంకరణకు చాకోలెట్, నలుపు రంగులో ఉండే పెయింట్స్, వుడెన్‌ షో పీసెస్, కుండలు, కుండీలు, బుక్‌ ర్యాక్స్‌ వంటివీ అలంకరణకు ఉపయోగించవచ్చు.బ్లాక్‌ అండ్‌ వైట్‌ థీమ్‌ని ఎంచుకుంటే.. దాన్ని మనకు నచ్చినట్టు సులభంగా మార్చుకునే వీలుంటుంది.

చీర.. సంప్రదాయ కట్టే! కానీ ఆధునికంగానూ ఆకట్టుకుంటోంది! క్యాజువల్, కార్పొరేట్‌ నుంచి రెడ్‌ కార్పెట్‌ వాక్, స్పెషల్‌ సెలబ్రేషన్స్‌ దాకా సందర్భానికి తగ్గ కట్టుతో ‘శారీ’ వెరీ కన్వీనియెంట్‌ కట్టుగా మారింది! అలా ఆ ఆరు గజాల అంబరాన్ని పాపులర్‌ చేసిన క్రెడిట్‌ శారీ డ్రేపర్స్‌కే దక్కుతుంది! ఆ లిస్ట్‌లో కల్పన షాహ్‌.. ఫస్ట్‌ పర్సన్‌!కల్పనా షాహ్‌ ముంబై వాసి. ఆమెకిప్పుడు 75 ఏళ్లు. 1980ల్లో బ్యుటీషియన్‌గా కెరీర్‌ మొదలుపెట్టింది. ఆ సమయంలోనే ఒకసారి తన కమ్యూనిటీలో జరిగిన ఓ ఫంక్షన్‌కి ఆమె హాజరైంది. అప్పుడు ఆ హోస్ట్‌కి చీర కట్టడంలో సాయపడింది. ఆ కట్టు ఆ వేడుకకు హాజరైన ఆడవాళ్లందరికీ నచ్చి కల్పనను ప్రశంసల్లో ముంచెత్తింది. అప్పటి నుంచి ఆమె చీర కట్టునూ తన ప్రొఫైల్‌లో చేర్చింది. అలా 1980ల్లోనే ‘శారీ డ్రేపర్‌’ అనే ప్రొఫెషన్‌ని క్రియేట్‌ చేసింది కల్పన. అది మొదలు ఆమె పేరు సామాన్యుల నుంచి సెలబ్రిటీల స్థాయికి చేరింది. ముంబై ఫ్యాషన్‌ ప్రపంచమూ కల్పన గురించి విన్నది.ప్రముఖ డిజైనర్స్‌ అంతా తమ ఫ్యాషన్‌ షోలకు ఆమెను ఆహ్వానించడం మొదలుపెట్టారు. ఘాఘ్రా నుంచి దుపట్టాతో డిజైన్‌ అయిన ప్రతి డిజైనర్‌ వేర్‌కి .. మోడల్స్‌ని ముస్తాబు చేయాల్సిందిగా కోరసాగారు. ఆ వర్క్‌ కల్పనకు కొత్త ఉత్సాహాన్నిచ్చింది. చీర, చున్నీలను అందంగానే కాదు సౌకర్యంగానూ ఎన్నిరకాలుగా చుట్టొచ్చో.. ఇంట్లో ఎక్సర్‌సైజెస్‌ చేసి మరీ ఎక్స్‌పర్టీజ్‌ తెచ్చుకుంది. దాంతో ఆమె నైపుణ్యం ఫ్యాషన్‌ రంగంలోనే కాదు బాలీవుడ్‌లో, ఇండస్ట్రియలిస్ట్‌ల క్లోజ్‌ ఈవెంట్లలోనూ కనిపించి.. అతి తక్కువ కాలంలోనే ఆమెను సెలబ్రిటీ శారీ డ్రేపర్‌గా మార్చింది.ఒకప్పటి టాప్‌ మోడల్‌ మధు సప్రే నుంచి బాలీవుడ్‌ వెటరన్‌ యాక్ట్రెస్‌ వహీదా రహమాన్, అంట్రప్రెన్యూర్స్‌ నీతా అంబానీ, శోభనా కామినేని, నేటితరం బాలీవుడ్‌ నటీమణులు దీపికా పదుకోణ్, ఆలియా, కరీనా కపూర్, రశ్మికా మందన్నా, యామీ గౌతమ్, తమన్నా ఇలా చెప్పుకుంటూ పోతే ఆ జాబితా చాలా పెద్దది. వాళ్లందరికీ కల్పనా ఫేవరెట్‌ శారీ డ్రేపర్‌. అంతెందుకు మొన్న అంబానీ ఇంట జరిగిన అనంత్, రాధికల పెళ్లి వేడుకల్లో కూడా కల్పన పాల్గొంది.. రాధికా మర్చంట్‌ ఆత్మీయంగా పిలుచుకున్న శారీ డ్రేపర్‌గా. ఒకట్రెండు వేడుకల్లో రాధికా.. కల్పనచేతే చీర కట్టించుకుని మురిసిపోయింది.ఆథర్‌గా.. చీర కట్టును ప్రమోట్‌ చేయడానికి కల్పన 2012లో ’The Whole 9 Yards’ పేరుతో ఒక పుస్తకం రాసింది. చీర కట్టుకు సంబంధించి దేశంలోనే తొలి, ఏకైక కాఫీ టేబుల్‌ బుక్‌ ఇది. అంతేకాదు దేశ స్వాతంత్య్ర వజ్రోత్సవ వేడుకల సందర్భంగా కల్పన.. 24 గంటల మారథాన్‌ శారీ డ్రేపింగ్‌తో లిమ్కా బుక్‌ ఆఫ్‌ రికార్డ్స్‌లోనూ తన పేరు నమోదు చేసుకుంది. ఈ సందర్భంగా ఆమె 226 రకాల చీర కట్టులను ప్రదర్శించింది. ఆమె మొత్తం 300 రకాలుగా చీరను కట్టగలదు. శారీ డ్రేపింగ్‌లో ‘కల్పన కట్టు’ అనే ప్రత్యేకతను సాధించి.. ఫ్యాషన్‌ వరల్డ్‌లో చీరకు సెలబ్రిటీ హోదా కల్పించిన కల్పన షాహ్‌.. నేటికీ శారీ డ్రేపింగ్‌ మీద శిక్షణా తరగతులు, వర్క్‌ షాప్స్‌ నిర్వహిస్తూ చురుగ్గా ఉంటోంది!

‘అమ్మా!, ఈ డ్రెస్‌ సరిగా లేదు, ఈ డిజైన్‌ ఓల్డ్‌.. అందరిలోనూ డల్‌గా కనిపిస్తాను, అందుకే నేను ఫంక్షన్‌కు రాను’ అనే మాటలు టీనేజ్‌ అమ్మాయిలు ఉన్న ఇంట్లో తరచూ వినిపిస్తుంటాయి. ఎంపిక చేసిన డ్రెస్‌ సరిగా లేదనో, మ్యాచింగ్‌ కుదరలేదనో ... చెప్పే మాటలు అమ్మలకు పెద్ద సవాల్‌గా ఉంటాయి. ‘‘మరో అకేషన్‌కి బెస్ట్‌ది సెలక్ట్‌ చేద్దాం. ఇప్పటికి ఇలా రెడీ అయి పో’’ అని కూతుళ్లకు సర్దిచెబుతూ ఉంటారు అమ్మలు. ‘ఇలాంటి ఇబ్బందికర సందర్భాలు ఎదురవకుండా సందర్భానికి తగినట్టు రెడీ అవడానికి మా అమ్మాయి విషయంలో సింపుల్‌గా అనిపించే కొన్ని టెక్నిక్స్‌ ఫాలో అవుతుంటాను’ అని చెబుతున్నారు సంయుక్తా మరపడగ. హైదరాబాద్‌లో ఫ్యాషన్‌ డిజైనర్‌గానూ రాణిస్తున్న సంయుక్త చెబుతున్న విశేషాలు.‘సాధారణంగా అమ్మాయిల డ్రెస్సింగ్‌ కోసం తరచూ షాపింగ్‌ చేస్తుంటాం. బాగున్నవీ, బాగోలేనివీ వార్డ్రోబ్‌లో చాలా డ్రెస్సులు వచ్చి చేరుతుంటాయి. ప్రతీసారీ కొత్తగా అనిపించేలా డ్రెస్సింగ్‌ ఉండేలా చూసుకోవడం కూడా ఇబ్బందిగా అనిపిస్తుంటుంది. ప్రతీ ఈవెంట్‌కి సందర్భానికి తగినట్టు డ్రెస్సింగ్‌ అవడం తప్పనిసరి కాబట్టి ఈ జాగ్రత్తలు తీసుకుంటాను.బెస్ట్‌ ఆఫ్‌ 5..క్యాజువల్‌గా బయటకు, రోజూ కాలేజీకి, పండగలు, గెట్‌ టు గెదర్స్, పెళ్ళిళ్లు.. ఇలా సందర్భాలను బట్టి మన డ్రెస్సింగ్‌ ఎలా ఉంటుందో చూసుకోవాలి. వాటిలో బెస్ట్‌ 5 అనేవి ఎంపిక చేసుకోవాలి. 1. సాధారణంగా బయటకు వెళ్లినప్పడు ఫంకీ స్టైల్‌ ఉంటే బాగుంటుంది. అందుకు మోడర్న్‌ వేర్‌ని ఎంపిక చేసుకోవచ్చు. వీటిలోనే స్ట్రీట్‌ స్టైల్‌ మిక్స్‌ అండ్‌ మ్యాచ్‌ డ్రెసింగ్‌ అయితే బాగుంటుంది. 2. పండగలకు, ఎంగేజ్‌మెంట్స్‌కి సంప్రదాయ లుక్‌లో కనిపించాలి. ఇందుకు ఫ్యాన్సీ టచ్‌ ను మిక్సప్‌ చేయచ్చు. ఇండోవెస్ట్రన్‌ డ్రెస్సింగ్‌ కూడా ఈ సందర్భాలలో బాగుంటుంది.3. కాలేజీలో ప్రత్యేకమైన ఈవెంట్స్‌ ఉన్నా ఫంకీ లుక్‌తో ఉండే ప్లెయిన్‌ ఫ్యాబ్రిక్స్‌ బాగుంటాయి. వీటిలోనే ముదురు, లేత రంగుల కాంబినేషన్స్‌ ఎంపిక చేసుకోవచ్చు. వీటిలో డార్క్‌ కలర్‌ టాప్స్, లైట్‌ షేడ్స్‌ స్కర్ట్స్‌ని వార్డ్రోబ్‌లోకి చేర్చుకోవచ్చు. పూర్తి వెస్ట్రన్‌ స్టైల్స్‌ కూడా కాలేజీ ఈవెంట్స్‌కు బాగుంటాయి. 4. వివాహ వేడుకలకు బెనారస్, పైథానీ, ఇకత్, పట్టుతో తయారైన ఏ ఫ్యాబ్రిక్‌తో అయినా లెహంగా, శారీ, చుడీదార్‌ డిజైన్స్‌.. ఎంపిక చేసుకోవచ్చు. వీటిలోనూ జాకెట్స్, టాప్స్‌.. వెస్ట్రన్‌ స్టైల్‌లో డిజైన్‌ చేయించుకోవచ్చు. 5. ఒక్కో ఈవెంట్‌కు ఒక్కో స్టైల్‌లో కనిపించేలా కనీసం 5 నుంచి 6 డ్రెస్‌లు సిద్ధంగా ఉంటే వాటినే మిక్స్‌ అండ్‌ మ్యాచ్‌ కూడా చేసుకోవచ్చు. లెహంగా ప్లెయిన్‌ ఉంటే డార్క్‌ బ్లౌజ్‌ క్రాప్‌ టాప్స్, వెస్ట్రన్‌ టాప్స్‌తో మిక్సప్‌ చేయచ్చు."మా అమ్మాయి వార్డ్రోబ్‌లో ఇలా సందర్భానికి తగినట్టు డ్రెస్సులు ఉండేలా చూసుకోవడం వల్ల ఎంత పెద్ద అకేషన్‌ వచ్చినా పెద్దగా ఇబ్బందిగా అనిపించదు. దీనివల్ల టైమ్‌ ఆదా అవుతుంది. అనవసర షాపింగ్‌కూడా తగ్గుతుంది.’’ – నిర్మలారెడ్డి"ఆభరణాల ఎంపిక కాలేజీ ఈవెంట్స్‌కి పెద్ద పెద్ద ఇయర్‌ రింగ్స్‌ బాగుంటాయి. ముదురు రంగు డ్రెస్సుల మీదకు ముత్యాలు లేదా పెండెంట్‌ ఉండే సన్నని చెయిన్‌ ధరిస్తే చాలు. ఫ్యాన్సీ డ్రెస్సింగ్‌ అయితే ఇయర్‌ రింగ్స్‌తో మేనేజ్‌ చేయచ్చు. పూర్తి సంప్రదాయ లుక్‌ అయితే సందర్భాన్ని బట్టి టెంపుల్‌ జ్యువెలరీని ఎంపిక చేసుకుంటే చాలు." – సంయుక్త మరపడగఇవి చదవండి: Aarti Kumar Rao: ప్రయాణ దారులలో.. ప్రకృతి గీతాలతో..

వాన రాకడ ఫ్యాషన్‌ పోకడ.. రెండూ అనూహ్యమే. ఎప్పుడు కురుస్తుందో.. ఎప్పుడు మెరుస్తుందో.. తెలియని పరిస్థితుల్లో.. సిటీలోని ఫ్యాషన్‌ లవర్స్‌ ఎలాంటి ఫ్యాషన్‌ అనుసరించాలో తెలియక సిటీలోని ఫ్యాషన్‌ లవర్స్‌ని అయోమయపు మబ్బులు కమ్మేస్తుంటాయి. దీనిని దృష్టిలో ఉంచుకుని నగరానికి చెందిన హామ్‌స్టెక్‌ ఫ్యాషన్‌ ఇన్‌స్టిట్యూట్‌ నగరవాసుల కోసం మాన్‌సూన్‌ ఫ్యాషన్‌ తొలకరి చినుకులు కురిపిస్తోంది.. ⇒ సీజన్‌కు అనుగుణంగా మార్పు చేర్పులు⇒ అందుబాటులో వాటర్‌ ప్రూఫ్‌ ఫ్యాబ్రిక్స్‌⇒ తేమను విడగొట్టే పాలియెస్టర్‌ బ్లెండ్స్‌⇒ జాయ్‌ఫుల్‌గా ఉంచే బ్రైట్‌కలర్స్‌⇒ ఫుట్‌ వేర్‌ కూడా ఫ్యాషనబుల్‌గా మహిళలు వాటర్‌ ప్రూఫ్‌ ఫ్యాబ్రిక్స్‌ను ఎంచుకోవాలి. నైలాన్, పాలియెస్టర్‌ మేళవింపు ఫ్యాబ్రిక్స్, అలాగే ట్రీటెడ్‌ కాటన్‌..వంటివి బెస్ట్‌. అనుకోని వర్షం కలిగించే ఇబ్బందులను తగ్గిస్తూ మనల్ని పొడిగా ఉంచుతాయి. లైట్‌ వెయిట్‌తో, గాలి పీల్చుకోవడానికి అనువుగా ఉండే లినెన్‌ లేదా కాటన్‌ అయితే త్వరగా పొడిగా మారతాయి. ఉష్ణోగ్రతల్లో హెచ్చుతగ్గులను స్వీకరించేందుకు లేయరింగ్‌ స్టైల్‌ (ఒక దాని మీద మరొకటి ధరించడం) ఉపకరిస్తుంది. బ్రైట్‌కలర్స్‌తో ప్రయోగాలు చేయాలి. ఎల్లో, గ్రీన్, బ్లూ కలర్స్‌ మబ్బు పట్టిన వాతావరణంలో సైతం మూడ్స్‌ని జాయ్‌ఫుల్‌గా ఉంచుతాయి. అలాగే ట్రెంచ్‌ కోట్స్, పార్కాస్, స్టైలిష్‌ వాటర్‌ ప్రూఫ్‌ జాకెట్స్‌. వంటి.స్టైలిష్‌ రెయిన్‌ వేర్‌ వినియోగించాలి. ఠిమగవాళ్లు బోర్‌ కొట్టించే రెయిన్‌ కోట్స్‌ను విడిచిపెట్టి లైట్‌ వెయిట్‌ వాటర్‌ ప్రూఫ్‌ జాకెట్స్, హుడీస్‌ – విండ్‌ బ్రేకర్స్‌ వినియోగించాలి. తేలికపాటి డిజైన్స్‌ను ఎంచుకోవాలి. తేమను విడగొట్టే పాలియెస్టర్‌ బ్లెండ్స్‌ లాంటి ఫ్యాబ్రిక్స్‌ను వినియోగించాలి. ఇవి త్వరగా పొడిగా మారతాయి. రోజంతా సౌకర్యవంతంగా ఉంచుతాయి. నేవీ, చార్కోల్, ఆలివ్‌ రంగులు వంటివి నప్పుతాయి. ఇవి మరకలి్న, బురద తుంపర్లని దాచే వీలు కలి్పస్తాయి. ట్రౌజర్స్, షర్ట్స్, అవుటర్‌ వేర్‌లో ఈ షేడ్స్‌ పాలిషి లుక్‌ అందిస్తాయి. చినోస్, జీన్స్‌ క్యాజువల్‌ ట్రౌజర్స్‌ను లైట్‌ వెయిట్‌ స్వెటర్స్, గాలి బాగా తగిలేలా చేసే షర్ట్స్‌తో కాంబినేషన్‌గా వాడవచ్చు. ఇవి అటు కంఫర్ట్‌ ను, ఇటు స్టైల్‌నూ అందిస్తాయి. పాదరక్షలిలా... మహిళలు పాదాలను పొడిగా ఉంచుతూనే ఫ్యాషనబుల్‌గా ఉండేలా ఫుట్‌ వేర్‌ను ఎంచుకోవాలి. రబ్బర్‌ బూట్స్, వాటర్‌ ప్రూఫ్‌ స్నీకర్స్, డ్యూరబుల్‌ ఫ్లాట్స్‌.. వంటివి బెస్ట్‌. మగవాళ్లు మంచి మెటీరియల్‌తో తయారైన వాటర్‌ ప్రూఫ్‌ బూట్స్, స్టర్డీ లోఫర్స్‌ ఫుట్‌వేర్‌గా ఎంచుకోవాలి. కాన్వాస్‌ షూస్, స్యూడ్‌లు వాడవద్దు.. యాక్సెసరీస్‌ ఇలా.. ఠిమహిళలు కనీసస్థాయికి జ్యుయలరీ తగ్గించి, వాటర్‌ ప్రూఫ్‌ యాక్సెసరీస్‌ వినియోగించాలి. వాటర్‌ ప్రూఫ్, స్లీక్‌గా ఉండే బ్యాగ్స్, బ్యాక్‌ ప్యాక్స్‌ క్యారీ చేస్తే మొబైల్స్‌ వంటి ముఖ్యమైనవి భధ్రపరచుకోవచ్చు. మగవాళ్లు.. వాటర్‌ రెసిస్టెంట్‌ ఫీచర్స్‌ ఉన్న యాక్సెసరీస్‌ బెస్ట్‌. లెదర్, సింథటిక్‌ల కలయికతో రూపొందిన వాచ్‌లు, బ్యాగ్స్‌ వాడాలి. ⇒ తడిసిన పరిస్థితిలో సైతం మ్యానేజ్‌ చేయగలిగేలా హెయిర్‌స్టైల్‌ మార్చుకోవాలి. జుట్టు బిగుసుకుపోకుండా నియంత్రించే యాంటీ ఫ్రీజ్‌ ఉత్పత్తులు వాడాలి లేదా జుట్టును పూర్తిగా వెనక్కి సెట్‌ చేసి ఉంచాలి. ⇒ కలర్‌ఫుల్‌గా ఉండే నాణ్యమైన బ్రాండెడ్‌ గొడుగును వెంట తీసుకెళ్లాలి. వర్షాకాలంలో వాన నుంచి రక్షణగా మాత్రమే కాదు మన స్టైల్‌కి చిహ్నంగా కూడా కనిపించాలి. రెయిన్‌లోనూ ఫ్యాషైన్‌ సాధ్యమే.. వానలు పడుతున్నంత మాత్రాన ఫ్యాషన్స్‌ను విడిచిపెట్టనక్కర్లేదు. అయితే సీజన్‌కి అనుగుణంగా కొన్ని మార్పు చేర్పులు తప్పనిసరి. వాటర్‌ ప్రూఫ్‌ అనేది దుస్తులకైనా యాక్సెసరీస్‌కైనా ఒక రూల్‌గా పెట్టుకోవాలి. ఇదే విధంగా కొన్ని జాగ్రత్తలు తీసుకుంటే రెయినీ సీజన్‌ను స్టైల్‌గా ఎంజాయ్‌ చేయవచ్చు... –చారోల్, హామ్‌స్టెక్‌ ఫ్యాషన్‌ డిజైనింగ్‌ ఇన్‌స్టిట్యూట్‌.

అమ్మాయిల సంప్రదాయ అలంకరణలో స్కర్ట్‌కు ప్రత్యేక స్థానం ఉంటుంది. ఒకేతరహా ఫ్యాబ్రిక్‌తో స్కర్ట్‌ సాదాసీదాగా కనిపించేది. దీనికి అదనపు హంగుగా కుచ్చులు జత చేసి, ఒకవైపు నుంచి మరోవైపుకు సెట్‌ చేస్తే.. వచ్చిన స్టైల్‌ డ్రేప్డ్‌ స్కర్ట్‌. షార్ట్‌ కుర్తీ, ట్యునిక్, ఖఫ్తాన్‌ వంటి టాప్స్‌ ఎంపిక ఏదైనా డ్రేప్డ్‌ స్కర్ట్‌కి జత చేస్తే ఆ స్టైల్‌ అదుర్సే మరి.ఇండియన్‌ ట్రెడిషనల్‌ డ్రెస్‌గా ఆకట్టుకునే డ్రేప్డ్‌ స్కర్ట్‌ వెస్ట్రన్‌ స్టైల్‌లోనూ యంగ్‌స్టర్స్‌ని ఆకట్టుకుంటుంది. ఫ్లోరల్‌ ప్రింట్లు, ఎంబ్రాయిడరీ వర్క్‌తో మరింత ఆకర్షణీయంగా రూపుదిద్దుకుంటుంది.డ్రేప్డ్‌ స్కర్ట్‌ అంచులు ఎగుడు దిగుడుగా ఉండటమే దీని ప్రత్యేకత. అందుకే ఎక్కువ భాగం ఈ స్కర్ట్‌కి ఎంబ్రాయిడరీ వంటి హంగులు అవసరం లేదు. టాప్‌గా ఎంచుకునే కుర్తీ, లాంగ్‌ అండ్‌ షార్ట్‌ జాకెట్స్, ఖఫ్తాన్, ట్యునిక్స్‌ని ఎంబ్రాయిడరీ లేదా ఫ్లోర ల్‌ వర్క్‌తో రిచ్‌లుక్‌ని తీసుకురావచ్చు.ప్లెయిన్‌ శాటిన్, సిల్క్‌ మెటీరియల్‌తో విరివిగా కనిపించే డ్రేప్డ్‌ స్కర్ట్‌ సెట్స్‌ ఇండోవెస్ట్రన్‌ లుక్‌ని సొంతం చేస్తుంది. అందుకే ఈ స్టైల్‌ యూత్‌ని అట్రాక్ట్‌ చేస్తుంది.టాప్‌ టు బాటమ్‌ ఒకే రంగులో ప్లెయిన్‌గా ఉండే డ్రేప్డ్‌ స్కర్ట్‌ సెట్స్‌ ఫ్యామిలీ గెట్‌ టు గెదర్‌ వేడుకలకు ప్రత్యేకంగా నిలిస్తే, పట్టు, ఫ్లోరల్, జరీ వర్క్‌తో డిజైన్‌ చేసినవి వివాహ వేడుకలలోనూ గ్రాండ్‌గా కనిపిస్తాయి.ఇవి చదవండి: Priya Sisters: ఆదాయం కన్నా.. అభిరుచిగానే మిన్న!

పారిస్‌ ఫ్యాషన్‌ వీక్‌లో బాలీవుడ్‌ నటి జాన్వీ కపూర్‌ లుక్‌ ఓ రేంజ్‌లో ఉంది. ఆమె స్టైలిష్‌ లుక్‌ ఆహుతులని మైమరిచిపోయేలా చేసింది. ముఖ్యంగా ఆ డిజైనర్‌ దుస్తుల్లో నడిచి వచ్చే విధానం హాట్‌టాపిక్‌గా మారింది. పారిస్‌ హాట్‌ కోచర్‌ వీక్‌ 2024లో ప్రముఖ డిజైనర్‌ రాహుల్‌ మిశ్రాకు మద్దతు ఇచ్చేందుకు జాన్వీ పారిస్‌ ఫ్యాషన్‌ వీక్‌లో పాల్గొంది. ఆరా బ్రాండ్‌ హోలోగ్రాఫిక్ టోన్‌ డిజైనర్‌ వేర్‌తో పారిస్‌ ఫ్యాషన్‌ వేదికపైకి వయ్యారంగా నడుచుకుంటూ వచ్చింది జాన్వీ. ఈడ్రెస్‌ ముదురు బ్లాక్‌క లర్‌లో అల్లికలతో డిజైన్‌ చేసిన మెర్మైడ్‌ స్కర్ట్‌లా ఉంది. అందుకు తగ్గట్లు స్ట్రాప్‌లెస్‌ బ్లౌజ్‌తో జత చేయడం ఆమె లుక్‌ని ఓ రేంజ్‌కి తీసుకుకెళ్లింది. దీనికి తగ్గట్టు ఆమె మేకప్‌, కేశాలంకరణ చాలా ఆకర్షణీయంగా ఉంది. చెప్పాలంటే అక్కడ ఉన్న వారందరీ చూపు అటెన్షన్‌తో జాన్వీపైనే దృష్టి సారించేలా ఆమె రూపు ఉంది. ఇక్కడ జాన్వీ వేదికపై ఓ మత్సకన్యా మాదిరిగా ఆమె స్టన్నింగ్‌ లుక్‌ ఉండటం విశేషం. నిజంగానే మత్స్య కన్యేనా అని భ్రమింప చేసేలా ఉంది జాన్వీ లుక్‌. ముఖ్యంగా ఆ వేదికపై నడిచి వచ్చిన విధానం మరింత ఆసక్తిని రేకెత్తించింది. అందుకు సంబంధించిన వీడియో నెట్టింట తెగ వైరల్‌ అవుతోంది. దీన్ని చూసిన నెటిజన్లు జాన్వీ స్టైలిష్‌ లుక్‌కి ఫిదా అవ్వతూ ఆమె నడిచే వచ్చే తీరు హీరామండి మూవీలో ది డైమండ్ బజార్ నుంచి గజగామినిలా నటించిన అదితి రావ్ హైదరీ నడకలా ఉందని ఒకరూ, 'ధితామ్ ధితామ్ ధిన్‌'లా నాట్యం చేసేందుకు వెళ్తున్నట్లుగా ఉందని మెచ్చకుంటూ పోస్టులు పెట్టారు. ఇక ఫ్యాషన్‌ వీక్‌లో రాహుల్ మిశ్రాకు మద్దతుగా బాలీవుడ్‌ ప్రముఖ నటులు పాల్గొన్నారు. ఇంతకు మునుపు రాహుల్‌ మిశ్రాకు సపోర్ట్‌ చేస్తూ..బాలీవుడ్‌ నటి అనన్ యపాండే రంగురంగుల సీక్వెన్‌ డ్రెస్‌తో సీతాకోక చిలుక మాదిరిగా ఈఫ్యాషన్‌ షోలో ఎంట్రీ ఇచ్చింది. ఎవరీ రాహుల్‌ మిశ్రా.. రాహుల్ మిశ్రా ఢిల్లీకి చెందిన ప్రముఖ భారతీయ ఫ్యాషన్‌ డిజైనర్‌. పారిస్‌లోని హాట్ కోచర్ వీక్‌లో ప్రదర్శనకు ఆహ్వానం దక్కించుకున్న తొలి భారతీయ డిజైనర్‌ రాహుల్‌ మిశ్రా. ఆయన 2014లో మిలన్ ఫ్యాషన్ వీక్‌లో అంతర్జాతీయ వూల్‌మార్క్ బహుమతిని గెలుచుకున్నాడు. ఆయనకు మద్దతిచ్చేలా ఇలా బాలీవుడ్‌ ముద్దుగుమ్ములు అతడి డిజైనర్‌ కలెక్షన్‌లతో ఈ అంతర్జాతీయ ఫ్యాషన్‌ వేదికపై సందడి చేశారు. మరీ ఈ అంతర్జాతీయ ఫ్యాషన్‌ షోలో జాన్వీ తదుపరి ముద్దుగుమ్మ ఎవరో వేచి చూడాల్సిందే. ఇక ఈ అంతర్జాతీయ ఫ్యాషన్‌ షో జూన్‌ 24 నుంచి జూన్‌ 27 వరకు పారిస్‌లో ఘనంగా జరుగుతాయి. View this post on Instagram A post shared by DietSabya® (@dietsabya) (చదవండి: ఏడు పదుల వయసులో అందాల పోటీలో పాల్గొన్న మహిళగా రికార్డు!)

మధ్యతరగతి కుటుంబానికి చెందిన ఆరుషి ఢిల్లీ వాసి. కాలేజీ రోజుల నుంచే ఆన్‌లైన్‌ మార్కెటింగ్‌ ద్వారాఫ్యాషన్‌ డ్రెస్సులు, జ్యువెలరీ అమ్మకాలు చేపట్టింది. ఏడేళ్ల క్రితం 30 వేల రూపాయతో విష్‌’ పేరుతో సొంతంగా కంపెనీ ఏర్పాటు చేసి, విదేశాలకూ తన ఉత్పత్తులను సర ఫరా చేస్తోంది. ;పాతికమందికి పైగా మహిళలకు ఉద్యోగావకాశాలు కల్పించింది. దేశంలో గ్రామీణ మహిళా కళాకారులను గుర్తించి, వారితో నెట్‌వర్కింగ్‌ ఏర్పాటుచేసి, ఉపాల్పిస్తోంది. ‘అవకాశాలను వెతకడం కాదు, మనమే సృష్టించుకోవాలి’ అంటున్న ఆరుషి  నేటి తరానికి స్ఫూర్తిదాయకం. ‘‘నేను ఫ్యాషన్‌ డ్రెస్సులు, కస్టమైజ్డ్‌ జ్యువెలరీ, డెకరేటివ్‌ వస్తువులు, పిల్లల బట్టలు, ఇతర ఉపకరణాలను ఎగుమతి చేస్తుంటాను. నాకు మొదటి నుంచి బిజినెస్‌ అంటే ఇష్టం. కాలేజీ రోజుల్లో అమ్మతో కలిసి అనేక ఈ–కామర్స్‌ సైట్‌లలో చీరలు, సూట్‌లు అమ్మేదానిని. కానీ, చాలా పోటీ అనిపించేది. ఏదైనా సరే భిన్నంగా చేయాలనే కోరిక ఉండేది. కానీ, సరైన మార్గం దొరికేది కాదు. కాలేజీలో చదువుతూనే ఓ కంపెనీలో ఉద్యోగం కూడా చేశాను. కానీ, నాకు నేనుగా నిరూపించుకునే పనిచేయాలనుకునేదాన్ని. దీంతో ఆ ఉద్యోగాన్ని వదిలేసి పూర్తి సమయాన్ని వ్యా΄ారానికి కేటాయించాలనుకున్నాను. ఉద్యోగం ద్వారా సంపాదించిన మొత్తంతో సొంతంగా వ్యాపారం చేయాలనుకున్నాను. 30 వేల రూ΄ాయలతో ‘లావిష్‌’ అనే పేరుతో కంపెనీని రిజిస్టర్‌ చేయించాను.  అమెజాన్‌తో కలిసి చీరలు, ఫ్యాషన్‌ జ్యువెలరీ వంటివి అమ్మడం మొదలుపెట్టాను. రెండేళ్లు ఈ పనులు ఇలాగే కొనసాగాయి.   అంతర్జాతీయంగా.. అమ్మే ఉత్పత్తులకు నా సొంత ఆలోచనను జోడించాను. సొంతంగా డిజైన్లు చేయడంతో ΄పాటు కొనుగోలుదార్లు అడిగే డిజైన్లపైనా పనిచేయడం మొదలుపెట్టాను. కస్టమైజ్డ్‌ డిజైన్లు అవడంతో ఆర్డర్లు విరివిగా రావడం మొదలయ్యాయి. దేశంలోనే కాదు అంతర్జాతీయంగానూ కొనుగోలుదార్లు పెరిగారు. పాతికలక్షలకు పైగా టర్నోవర్‌ సాధిస్తున్నాను.  మహిళలు మాత్రమే నా కంపెనీలో మహిళలు మాత్రమే పనిచేస్తున్నారు. దేశంలోని గ్రామాల నుండి కళాకారుల  సమాచారం సేకరిస్తాను. వారి నైపుణ్యాలను మెరుగుపరుస్తాను. అక్కడ ఉత్పత్తులను తయారు చేయించి, వాటిని విక్రయిస్తాను. మహిళలు మాతో కనెక్ట్‌ అవడానికి ప్రత్యేక ప్రయోజనం కూడా ఉంది. తమ ఉత్పత్తులను మార్కెటింగ్‌ చేయనవసరం లేదు. అమ్ముకోవడం కోసం బయటికి వెళ్లనక్కరలేదు. ఇంట్లో కూర్చొని ఉపాధి ΄పోందవచ్చు. అంతేకాదు, వారి నైపుణ్యాలను ప్రపంచం గుర్తిస్తుంది. దీనిద్వారా ఎంతోమంది మహిళలకు ఉపాధి లభిస్తుంది. మన హస్తకళలకు ముఖ్యంగా ఆభరణాలకు విదేశాల్లో మంచి డిమాండ్‌ ఉంది. విదేశీ మహిళలకు రాజస్థానీ వస్త్రధారణ, బంజారా నగలు అంటే పిచ్చి. వారు భారతీయ సంస్కృతిని చాలా ఇష్టపడతారు. దీని కారణంగానే వారు భారతీయ డ్రెస్సులు, ఆభరణాలవైపు ఆకర్షితులవుతారు.   ఒంటరి తల్లి నా సక్సెస్‌ వెనక మా అమ్మ మద్దతు చాలా ఉంది. నేను ముందడుగు వేయడంలో అమ్మ ఎప్పుడూ ్రపోత్సహిస్తుంటుంది. మా చెల్లినీ, నన్ను అమ్మ ఒంటరిగా చాలా కష్టపడి పెంచింది. ఆ కష్టంలో... నేను నా మార్గం కనుక్కోవడానికి ధైర్యాన్ని కూడా ఇచ్చింది. అందుకే ఈ రోజు వరకు 12 దేశాలకు ఒంటరిగా వెళ్లి, సందర్శించగలిగాను.    ఇంటి పేరుకు నో!  నా పేరుకు ఇంటిపేరు జోడించకూడదని నా సొంత నిర్ణయం. అందుకే, నా పేరుకు ముందు సర్‌నేమ్‌ ఉండదు. ఒక వ్యక్తి చేసే పనే వారి గుర్తింపు అవుతుంది. అందుకే, ఇంటి పేరును జత చేసుకోవాల్సిన అవసరం లేదని నేను భావించాను. అందుకు మా అమ్మ కూడా మద్దతు తెలిపింది. కానీ, ముఖ్యమైన పేపర్లలో సర్‌నేమ్‌ లేకుండా ఇవ్వలేమనే నిబంధనలతో చాలా సమస్యలను ఎదుర్కోవాల్సి వచ్చింది. స్కూల్లో, కాలేజీలో ప్రతిచోటా ఈ సమస్య ఎదురైంది. కానీ, నా నిర్ణయాన్ని మార్చకోలేనని స్పష్టంగా చె΄్పాను. అందుకు, చట్టపరంగానూ, న్యాయసలహాలు తీసుకున్నాను. దీంతో నా సర్టిఫికెట్లన్నింటిలోనూ నా పేరు మాత్రమే ఉంటుంది.  ఒంటరి యాత్రికురాలిని నాకు ప్రయాణాలు అంటే ఇష్టం. ప్రకృతి అందమైన ప్రపంచాన్ని మన ముందుంచింది. దానిని ఆస్వాదించడానికి ఎప్పుడూ సిద్ధంగా ఉండాలి అనుకుంటాను. స్వదేశంలో లేదా విదేశంలో ఎక్కడ సందర్శనకు వెళ్లినా ప్రతిచోటా వారి సంస్కృతి, కళల గురించి తెలుసుకుంటాను. గ్రామాల్లో దాగి ఉన్న సాంస్కృతిక, కళాత్మక ప్రతిభను తెలుసుకొని, నైపుణ్యాలను మెరుగుపరిచి, ప్రపంచం ముందుకు తీసుకువస్తుంటాను’’ అని తన విజయపథాన్ని వివరించింది ఆరుషి.   

ఎండలు రోజు రోజూ తమ ప్రతాపాన్ని పెంచుతూనే ఉన్నాయి. రానున్న రోజులను ఎలా తట్టుకోవాలా అని ఆలోచించే వారు తమ డ్రెస్సింగ్‌లో మార్పులు చేసుకుంటూనే ఉన్నారు. క్యాజువల్‌ వేర్‌గా రోజంతా సౌకర్యంగా ఉండేలా సరైన డ్రెస్‌ ఎంపికగా ఈ కో–ఆర్డ్‌ సెట్స్‌ బాగా సూటవుతాయి. ఈ సమ్మర్‌లో కూల్‌ అండ్‌ కంఫర్ట్‌తో పాటు ఎనీ టైమ్‌ ఎనీ వేర్‌ అనిపించే ఈ డ్రెస్సులు బాగా నప్పుతాయి. టాప్‌ డిజైన్స్‌లో మార్పులు ఈ  డ్రెస్‌ సెట్‌లో టాప్‌–బాటమ్‌ రెండూ ఒకే ప్రింట్, ఒకే కలర్‌తో ఉంటాయి. అయితే, టాప్‌గా షార్ట్‌ కుర్తీ, పెప్లమ్, జాకెట్‌ స్టైల్‌.. ఇలా డిజైన్స్‌లో మార్పులు చేయించుకోవచ్చు. లేదా అలాంటివి మార్కెట్‌లో రెడీమేడ్‌గా ఉన్నవి ఎంచుకోవచ్చు. డిజైన్స్‌ కూడా సులువే! టాప్‌ అండ్‌ బాటమ్‌ ఒకే మెటీరియల్‌తో డిజైన్‌ చేసుకోవచ్చు. కాబట్టి, బడ్జెట్‌కు తగినవిధంగా మెటీరియల్‌ను ఎంచుకొని డిజైన్‌ చేసుకోవచ్చు. ఈ వేసవిని ఎదుర్కోవడానికి కూల్‌గా.. కంఫర్ట్‌గా.. సొగసుగా రెడీ అయి పోవచ్చు. కాటన్‌ ఫ్యాబ్రిక్‌ కో–ఆర్డ్‌ సెట్స్‌లో ఈ కాలం కాటన్‌ మెటీరియల్‌కే మొదటి ్రపాధాన్యత. వీటిలో ఖాదీ, ఇక్కత్, ప్రింటెడ్‌ కాటన్స్‌ని ఎంచుకోవచ్చు. ఆహ్లాదకరమైన రంగులు ముదురు, లేత రంగుల్లోనే కాదు డిజైన్స్‌లో ఆహ్లాదకరంగా అనిపించేవి ఎంచుకోవాలి. వేసవి వేడి నుంచి మన కంటికి హాయిగొలిపే డిజైన్స్, రంగులపై దృష్టి పెట్టడం మంచిది.

కొన్ని ప్రముఖ బ్రాండ్‌లు ఉత్పత్తి చేసే ప్రొడక్ట్‌లు చాలా లగ్జరియస్‌గా ఉంటాయి. వాటి ధరలు చూస్తే కళ్లు చెదిరిపోతాయి. అయితే ఒక్కోసారి అంత ప్రముఖ బ్రాండ్‌లు కూడా ఎంత విచిత్రాతి విచిత్రమైన ప్రొడక్ట్‌లను ఉత్పత్తి చేస్తాయో చూస్తే మాత్రం ఇదేంటీ? అనిపిస్తుంది. అలాంటి మాదిరి ప్రొడక్టనే మార్కెట్‌లోకి విడుదల చేసంది ప్రసిద్ధ ఫ్యాషన్‌ బ్రాండ్‌ కంపెనీ. అయితే ప్రొడక్ట్‌ని చూసిన జనం మండిపడుతున్నారు. ఎందుకంటే.. హై ఎండ్‌ ఫ్యాషన్‌ బ్రాండ్‌లకు పేరుగాంచిన బాలెన్సీగా ఓ విచిత్రమైన ప్రొడక్టను విడుదల చేసింది. ఈ నెల ప్రారంభంలో పారిస్‌ ఫ్యాషన్‌ వీక్‌ ఫాల్‌/వింటర్‌ 2024 సందర్భంగా సరికొత్త ఫ్యాషన్‌ బ్రాసెలెట్‌ని మార్కెట్‌లోకి విడుదల చేసింది. అందుకు సంబంధించిన వీడియో నెట్టింట చక్కర్లు కొడుతోంది. ఆ వీడియోలో బ్రాస్‌లెట్‌ చూడటానికి ఎలా ఉందంటే.. టేప్‌రోల్‌ మాదిరిగి ఉండటంతో నెట్టింట హాట్‌ టాపిక్‌గా మారింది. ఇదేం బ్రాస్‌లెట్ అని సర్వత్రా చర్చలు మొదలయ్యాయి. ఇంత లగ్జరియస్‌ బ్రాండ్‌ మరీ ఇంత చీఫ్‌గా ఇలాంటి ప్రొడక్ట్‌లను తీసుకొస్తుందా అని మండిపడ్డారు. పైగా ఆ బ్రాస్‌లెట్‌పై బ్రాండ్‌ లోగో క్లియర్‌గా ఉంది. కాబట్టి ఆ ఫ్యాషన్‌ కంపెనీ ప్రొడక్టే అని క్లియర్‌గా తెలుస్తుంది. ధర ఏకంగా రూ. 3 లక్షలకు పైగా పలకడం మరింత చర్చలకు దారితీసింది. నిజంగా ఈ బ్రాస్‌లెట్‌ స్పష్టమైన టేప్‌ రోల్‌ని పోలి ఉంది. దీంతో సోషల్‌ మీడియాలో నెటిజన్లు ఇదేం ఫ్యాషన్‌ అంటూ తిట్టిపసోస్తున్నారు. మరీ ఇంత చెత్త ప్రొడక్ట్‌లనా ఆ బ్రాండ్‌ తీసుకొచ్చేది. ఇదేం బ్రాండ్‌ అంటూ విమర్శలు చేస్తూ కామెంట్లు పెట్టారు. ఇంతకు ముందు కూడా ఈ బాలెన్సీగా ఇలానే ఓ చెత్త బ్యాగ్‌లా కనిపించే లెదర్‌ పర్సుని తీసుకొచ్చింది. పైగా దాని ధర కూడా లక్షల్లోనే పలకడం విశేషం. ఏదీఏమైన ఒక్కొసారి ప్రముఖ ఫ్యాషన్‌ బ్రాండ్‌లు కూడా లేటెస్ట్‌ ఫ్యాషన్‌ తీసుకురావడంలో చతకిలపడతాయోమో కదూ..! This Balenciaga Tape bracelet costs an absurd $4400!!😂😂 pic.twitter.com/GUaMMJlL2S — Rosy (@rose_k01) March 25, 2024 (చదవండి: అందం కోసం పాము రక్తమా? ఎక్కడో తెలుసా!)

వివాహ వేడుకలలో కట్టే చీరలే దివ్యంగా వెలిగిపోతుంటాయి. ఇక వాటికి అదనంగా మరో స్టయిల్‌ను కూడా జోడిస్తే.. ఆ వెలుగులు రెట్టింపు అవుతాయి. పట్టు, వెల్వెట్, ఎంబ్రాయిడరీ దుపట్టా చీర మీదకు ధరించినా, డ్రేపింగ్‌లో జత చేసినా ఆ స్టైల్‌ హుందాగా కనిపిస్తుంది. ఈ వింటర్‌ సీజన్‌కి ప్రత్యేకంగా ఉండటమే కాదు చలి నుంచి రక్షణను కూడా ఇస్తుంది. ఎవర్‌గ్రీన్‌గా ఉండే శారీ కట్టుకి మహారాణి కళను లె చ్చే దుపట్టా స్పెషల్‌ అట్రాక్షన్‌గా నిలుస్తుంది.  కాంట్రాస్ట్‌  శారీ కలర్, దుపట్టా కలరా పూర్తి కాంట్రాస్ట్‌ ఉన్నది ఎంచుకోవాలి. దీనివల్ల రెండూ భిన్నంగా, ఆకర్షణీయంగా కనిపిస్తాయి.  శాలువా స్టైల్‌ చీర మీదకు దుపట్టాను శాలువా మాదిరి కప్పుకున్నా ఈ సీజన్‌కి వెచ్చగా, బ్రైట్‌గా ఉంటుంది. అయితే, దుపట్టా గ్రాండ్‌గా ఉన్నది ఎంచుకోవాలి. ఇందుకు పట్టు, బ్రొకేడ్, ఎంబ్రాయిడరీ దుపట్టాలను చీరలను ఎంపికను బట్టి తీసుకోవాలి.  డ్రేపింగ్‌ దుపట్టా చీరకట్టులో భాగంగా దుపట్టాను జత చేర్చి కట్టడం ఒక స్టైల్‌. ఈ కట్టును నిపుణుల ఆధ్యర్యంలో సెట్‌ చేయించుకోవాలి. ఈ కట్టుకు కూడా కాంట్రాస్ట్‌ కలర్స్‌ ఉండేలా చూసుకోవాలి.   రంగు ఒకటే... డిజైన్‌ వేరు సేమ్‌ కలర్‌ శారీ దుపట్టాను ఎంచుకున్నా ఎంబ్రాయిడరీ డిజైన్‌లో కాంబినేషన్స్‌ చూసుకోవాలి. చీర డిజైన్‌ హెవీగా ఉంటే, దుపట్టా డిజైన్‌ బ్రైట్‌గా ఉండేలా ప్లాన్‌ చేసుకోవాలి. పట్టు శారీ మీదకు డిజైనర్‌ దుపట్టాను ఎంచుకునేటప్పుడు ఈ జాగ్రత్తలు తీసుకోవాలి.  

ముంబయి: నవీ ముంబయిలో అమానవీయ ఘటన జరిగింది. ఫ్యాషన్ బ్యాంగిల్స్ ధరించినందుకు భార్యను చితకబాదాడో వ్యక్తి. అత్త, మరో బంధువు కూడా ఇందులో పాలుపంచుకున్నారని బాధితురాలు పోలీసులకు ఫిర్యాదు చేసింది. ఈ కేసులో భర్తతో పాటు మరో ఇద్దరు మహిళలను పోలీసులు అరెస్టు చేశారు.    నవీ ముంబయిలో నివాసం ఉంటున్న ప్రదీప్ అర్కడే(30) భార్య, అతని అమ్మతో కలిసి నివసిస్తున్నాడు. ఫ్యాషన్ బ్యాంగిల్స్ వేసుకోకూడదని  భార్యపై  ఆంక్షలు విధించేవాడు. ఈ క్రమంలో నవంబర్ 13న ఆమె ఆ బ్యాంగిల్స్‌ను ధరించింది. దీనిపై ఇరువురు వాగ్వాదానికి దిగారు. అనంతరం ప్రదీప్ తన భార్యను విచక్షణా రహితంగా కొట్టాడు.  భర్త తనను బెల్ట్‌తో విచక్షణా రహితంగా కొట్టాడని పోలీసులకు  బాధితురాలు తెలిపింది. అత్త తన జుట్టు పట్టి పలుమార్లు చెంపపై కొట్టిందని ఆవేదన వ్యక్తం చేసింది. మరో బంధువు కూడా తనను కిందపడేశారని ఫిర్యాదులో పేర్కొంది. ఈ ఘటన తర్వాత బాధితురాలు తన తండ్రి ఉంటున్న పుణెకి వెళ్లింది. అక్కడే పోలీసులకు ఫిర్యాదు చేయగా.. కేసు నమోదు చేసి నవీ ముంబయికి బదిలీ చేశారు.  ఇదీ చదవండి: హర్యానా ప్రభుత్వానికి ఎదురుదెబ్బ.. ప్రైవేట్ ఉద్యోగాల్లో స్థానిక రిజర్వేషన్‌ చట్టాన్ని కొట్టేసిన హైకోర్టు

ఎవర్‌గ్రీన్‌ డ్రెస్‌గా ఎప్పటికీ శారీ ముందు వరసలో ఉంటుందని తెలిసిందే. అయితే, చీరకట్టు అందం గురించి రొటీన్‌ మాటలు కాదు..ఇంకాస్త సృజనను జోడించి స్టైలిష్‌ లుక్‌ తీసుకురావాల్సిందే అనుకునేవారిని ఇట్టే ఆకట్టుకుంటోంది శారీ ఓవర్‌ కోట్‌. పట్టు చీరల మీదకు ఎంబ్రాయిడరీ లాంగ్‌ జాకెట్స్‌ ధరించడం తెలిసిందే.  కానీ, అవి సంప్రదాయ వేడుకలకే పరిమితం. వెస్ట్రన్‌ పార్టీలకూ శారీ స్టైల్‌ను పరిచయం చేయాలనుకుంటే ఈ ఇండోవెస్ట్రన్‌ స్టైల్‌ని హ్యాపీగా ట్రై చేయచ్చు. శారీ మీదకు ఓవర్‌కోట్‌ను ధరించి కాన్ఫిడెంట్‌ లుక్స్‌తో కలర్‌ఫుల్‌గా వెలిగిపోవచ్చు.    సేమ్‌ టు సేమ్‌  శారీ–ఓవర్‌ కోట్‌ ఒకే కలర్‌ ప్యాటర్న్‌లో ఉంటే ఆ స్టైల్‌ సూపర్బ్‌ అనిపించకుండా ఉండదు. ఆభరణాల జిలుగులు అవసరం లేని ఈ ప్యాటర్న్‌ స్టైల్‌ పార్టీలో ప్రత్యేకంగా వెలిగిపోతుంది.  ధోతీ శారీ  సాధారణంగానే ధోతీ శారీ ఓ ప్రత్యేకమైన లుక్స్‌తో ఆకట్టుకుంటుంది. ఇక దాని మీదకు ఫ్లోరల్‌ ఓవర్‌ కోట్‌ ధరిస్తే ఎక్కడ ఉన్నా మరింత స్పెషల్‌గా కనిపిస్తారు.  ఎంబ్రాయిడరీ కోట్స్‌  సిల్క్‌ ప్లెయిన్‌ శారీస్‌కి ఎంబ్రాయిడరీ ఓవర్‌ కోట్‌ హుందాతనాన్ని తీసుకువస్తుంది. ఈ స్టైల్‌ ధోతీ శారీస్‌కు కూడా వర్తిస్తుంది.  నీ లెంగ్త్‌ కోట్స్‌  మోకాళ్ల దిగువ భాగం వరకు ఉండే ట్రాన్స్‌పరెంట్‌ ఓవర్‌ కోట్స్‌ లేదా కేప్స్‌ నేటి యువతరపు మదిని మరింత ఆత్మవిశ్వాసంగా మార్చేస్తుంది.

ద‌క్షిణాదిన తెలుగు, త‌మిళ చిత్రాల‌తో పాటు బాలీవుడ్ సినిమాల్లోనూ న‌టించి త‌న‌దైన గుర్తింపు సంపాదించుకున్న హీరోయిన్ ర‌కుల్ ప్రీత్ సింగ్‌. కెరీర్ ప్రారంభంలో తెలుగు, త‌మిళ చిత్రాల‌కే ప్రాధాన్య‌త ఇచ్చిన ఆమె ఈ మ‌ధ్య హిందీ ఇండ‌స్ట్రీ వైపే ఫోక‌స్ చేసింది.  ర‌కుల్ ప్రీత్ చాలా కూల్‌గా హిందీ సినిమాల్లో త‌న‌కు న‌చ్చిన పాత్ర‌ల్లో న‌టిస్తోంది. మ‌రో వైపు సోష‌ల్ మీడియాలోనూ చాలా యాక్టివ్‌గా ఉంటోంది. ఇక ఆమె ఫిట్‌నెస్‌కి ఎంత ప్రాధాన్యం ఇస్తుందో.. తన అందాన్ని హైలైట్‌ చేసే ఫ్యాషన్‌కీ అంతే ప్రాధాన్యం ఇస్తుంది రకుల్‌ ప్రీత్‌ సింగ్‌! తన ఫ్యాషన్‌ ప్రాధాన్యంలో ఆమె లిస్ట్‌ చేసుకున్న ఫ్యాషన్‌ బ్రాండ్స్‌లో కొన్ని ఇక్కడ.. జ్యూలరీ బ్రాండ్‌: మియార ధర: ఆభరణాల డిజైన్, నాణ్యతపై ఆధారపడి ఉంటుంది.   మియార..1960 నుంచీ వారసత్వంగా వస్తున్న వ్యాపారాన్ని.. నేడు ఇద్దరు సోరీమణులు కలసి అంతర్జాతీయ బ్రాండ్‌గా నిలబెట్టారు ‘మియార’గా! విలువైన రత్నాలు, వజ్రాలతో తయారయ్యే ఈ డిజైన్స్‌కి మంచి గిరాకీ ఉంది. పలువురు సెలబ్రిటీల ఫేవరెట్‌ ఈ బ్రాండ్‌ అనీ పేరుంది. డిజైన్‌ను బట్టే ధర. ఆన్‌లైన్‌లోనూ కొనుగోలు చేయొచ్చు. అభినవ్‌ మిశ్రా.. పేరుకు ఇది దేశీ బ్రాండ్‌ కానీ అంతర్జాతీయ స్థాయిలో ఖ్యాతినార్జించింది. ఖరీదైనది కూడా! దాదాపు బాలీవుడ్‌ సెలబ్రిటీలు అందరూ కనీసం ఒక్కసారైనా ఈ డిజైనర్‌ వేర్‌ను ధరించి ఉంటారు. ప్రతి కస్టమర్‌కి నచ్చేలా.. నప్పేలా  ట్రెడిషనల్, ట్రెండీ, ఫ్యాషనబుల్‌ డిజైన్స్‌ను అందించడం ఈ బ్రాండ్‌ ప్రత్యేకత. దేశంలోని ప్రముఖ నగరాలతోపాటు అమెరికా, లండన్‌లోనూ స్టోర్స్‌ ఉన్నాయి. ఆన్‌లైన్‌లోనూ కొనుగోలు చేయొచ్చు. రకుల్‌ ధరించిన అభినవ్‌ మిశ్రా..చీర బ్రాండ్‌ ధర రూ. 70,000. ఇక రకుల్‌ ఫ్యాషన్‌ పరంగా ..నా దృష్టిలో ఫ్యాషన్‌ అనేది ఒక సహజ పక్రియ. మనం ధరించే దుస్తులు మన మానసిక స్థితిని ప్రభావితం చేస్తాయి. అందుకే  నేను ఎప్పుడూ నా కంఫర్ట్‌కే ఇంపార్టెన్స్‌ ఇస్తాను! అని అంటోంది. -దీపిక కొండె (చదవండి: ఈ ఫోటో కనిపిస్తున్నది రాయి మాత్రం కాదు! అది ఏంటంటే..)

ఫ్యాషన్‌ బ్రాండ్స్‌ అన్ని చాలా వరకు కాలుష్య కారకాలే అని చెప్పాలి. హ్యాండ్‌ బ్యాగ్‌ దగ్గర నుంచి వాడే ప్రతి వస్తువులో ఏదో రకంగా ప్లాస్టిక్‌, లెథర్‌ వంటి వస్తువులతోనే తయారు చేస్తారు. పర్యావరణానికి హాని లేకుండా చేసే వేగన్‌ ఫ్యాషన్‌ బ్రాండ్స్‌తో కొరతను భర్తీ చేస్తోంది ముంబైకి చెందిన సుప్రియ శిర్సత్‌ సతమ్‌. వేగన్‌ ఫ్యాషన్‌ బ్రాండ్స్‌తో అందరీ దృష్టిని ఆకర్షించింది. ఆయా ఫ్యాషన్‌ బ్రాండ్‌లను ప్రముఖ సెలబ్రెటీలు సైతం ఆదరించారు. దీని ఫలితంగా గ్రామాల్లో ఉండే వేలమంది కళాకారులకు ఉపాధి లభించినట్లయ్యింది. సుప్రియ ఎలా ఈ రంగంలోకి వచ్చింది, ఆమె ఏవిధంగా వీటిని ఉత్పత్తి చేసిందంటే..  సుప్రియా ఇంతవరకు మార్కెట్‌లోకి రాని వేగన్‌కి సంబంధించిన ఫ్యాషన్‌ బ్రాండ్‌లు తీసుకురావాలని అనుకుంది. పర్యావవరణానికి హాని కలిగించనటువంటి మంచి ఉత్పత్తులు తీసుకుని రావాలనుకుంది. అందుకోసం సహజ ఫైబర్‌లతో చేసే ఉత్పత్తులను ప్రోత్సహించింది. అందులో భాగంగా అరటిచెట్టు బెరడు, వాటి పళ్ల తొక్కలతో తయారు చేసే ఉత్పత్తులకు శ్రీకారం చుట్టింది. తొలుత ముందుగా స్మాల్‌ కీపింగ్‌ యూనిట్‌(ఎస్కేయూ)గా ప్రారంభించింది. అవే ఇప్పుడు ముంబైలో 200 ఎస్కేయూ యూనిట్‌లుగా విస్తరించాయి. ప్రారంభంలో కార్క్‌ హ్యాండ్‌ బ్యాగ్‌లు, వాలెట్‌లతో ప్రారంభమైంది. ఇప్పుడు పురుషులు, మహిళలు, పిల్లలకు సంబంధించిన వాలెట్లు, హ్యాండ్‌బ్యాగ్‌లు, ఆభరణాలను కూడా అందిస్తోంది. తన ఉత్పత్తులకు "ఫోర్ట్‌" అనే బ్రాండ్‌ పేరుతో మార్కెట్‌లోకి తీసుకొచ్చింది. మార్కెట్‌లో కూడా ఈ బ్రాండ్‌కి మంచి స్పందన వచ్చింద. ఈ బ్రాండ్‌ రాజస్తాన్‌, మహారాష్ట, తోసహా దక్షిణ భారతదేశంలోని ఇతర ప్రాంతాల్లో ఉన్న దాదాపు 300 మంది గ్రామీణ మహిళా కళాకారులకు చేయూతనిచ్చింది. బ్రాండ్ ప్రారంభంలో కార్క్ హ్యాండ్‌బ్యాగ్‌లు మరియు వాలెట్‌లతో ప్రారంభమైంది మరియు ఇప్పుడు పురుషులు, మహిళలు, పిల్లలకు వాలెట్లు, టోట్ బ్యాగ్‌లు, హ్యాండ్‌బ్యాగ్‌లు, ఆభరణాలను అందిస్తోంది. ఈ ఫ్యాషన్‌ బ్రాండ్స్‌ని విక్కీ కౌశల్, కార్తీక్ ఆర్యన్, సిద్ధార్థ్ మల్హోత్రాతో సహా పలువురు బాలీవుడ్ ప్రముఖులు ధరించారు. సతమ్‌ నేపథ్యం.. సతమ్‌ మార్కెటింగ్‌లో ఎంబీఏ చేసిన ఇంజనీర్‌. జెట్‌ ఎయిర్‌వేస్‌లో మొబైల్‌ కామర్స్‌ అండ్‌ మార్కెటింగ్‌ విభాగంలో ఒక దశాబ్దం పాటు పనిచేసింది. సతమ్‌కి కళ, క్రాప్ట్‌ అంటే మంచి ఆసక్తి ఉంది. ఆమె కుటుంబ నేపథ్యం కూడా హస్తకళాకారులతో పనిచేసే టెక్స్‌టైల్‌ రంగం కావడంతో ఆమె అనూహ్యంగా ఇటువైపుకి మళ్లింది. ఫ్యాషన్‌ పరంగా సౌందర్య సాధానాలు సహజసిద్ధమైన వాటితో తయారు చేయని బ్రాండ్‌లు లేకపోవడాన్ని గమనించింది. తానే ఎందుకు వాటిని ఉత్పత్తి చేయకూడదన్న ఆలోచన నుంచి పుట్టింది ఈ "ఫోర్ట్‌ బ్రాండ్‌". 2019లో కేవలం లక్షరూపాయలతో ఈ ఫోర్ట్‌ని ప్రారంభించింది. తాను సహజసిద్ధ ప్రొడక్ట్‌లను తయారు చేసేందుకు చాలా సమస్యలను ఎదుర్కొన్నానని చెప్పుకొచ్చింది సతమ్‌. అరటిపండు వేసవికాలం, వానాకాలాల్లో అది జీర్ణమైనప్పడూ ఏర్పడే మచ్చల ఆధారంగా దీన్నే మెటీరియల్‌గా తీసుకోవాలని  భావించానని చెప్పింది. హ్యాండ్‌ బ్యాగ్‌ల తయారీకి జంతువుల తోలుకి ప్రత్యామ్నాయం ఓక్‌ చెట్ల నారను ఉపయోగిస్తాం. ఇక అరటి చెట్టుని పండ్లను వినియోగించేసిన తర్వాత కొట్టేస్తారు కాబట్టి వాటి నారతో బ్యాగ్‌లు వ్యాలెట్‌లను తయారు చేస్తాం. దీని వల్ల పర్యావరణానికి ఎలాంటి ముప్పు ఉండదు. ఇక ఆభరణాల విషయానికి వస్తే..బెరడులతో పింగాణీ, 18-క్యారెట్ బంగారం లేదా మిశ్రమ లోహం వంటి ఇతర ప్రీమియం మెటీరియల్‌ల కలయికతో విలక్షణంగా రూపొందిస్తున్నాం అని సతమ్‌ వివరించింది.  బ్రాండ్‌ ధరలు ఎలా ఉంటాయంటే.. ఈ బ్రాండ్‌కి సంబంధించిన హ్యాండ్‌ బ్యాగ్‌ల ధర రూ. 4500 నుంచి 14,000 వరకు ఉంటుంది. ఇక ఆభరణాల ధర రూ. 800 నుంచి రూ. 17,000 వరకు ఉంటుంది.ఈ ఫోర్ట్‌ బ్రాండ్‌తో సతమ్ మంచి సక్సెస్‌ని అందుకుంది. ఈ బ్రాండ్‌ ప్రస్తుతం ఆరుగురు సభ్యలుతో కూడిన బృందంతో పనిచేస్తుంది. ఈ బ్రాండ్‌ గడ్డి, జనపనారతో తయారు చేసే బ్రాండ్‌లతో పోటీపడుతుండటం గమనార్హం. ఈ ఫోర్ట్‌ బ్రాండ్‌ 2022లో ఉత్తమ వేగన్‌ వాలెట్‌ల పరంగా పెటా వేగన్‌ ఫ్యాషన్‌ అవార్డును కూడా గెలుచుకుంది. ఈ బ్రాండ్‌ ఉత్పత్తులు తన వెబ్‌సైట్‌ ద్వారా మాత్రమే కాకుండా అమలా ఎర్త్‌ వంటి సముచిత ఈకామర్స్‌ ఫ్లాట్‌ ఫామ్‌ల ద్వారా కూడా విక్రయిస్తోంది. ఆఫ్‌లైన్‌లో కూడా విక్రయించే దిశగా అడుగులు వేస్తోంది. ప్రస్తుతానికి ముంబై, ఢిల్లీ, బెంగళూరు, అహ్మదాబాద్‌, చెన్నై వంటి నగరాల్లో విక్రయిస్తుంది.  (చదవండి: చీర అందమే అందం! ఇటలీ వాసులనే ఫిదా చేసింది!)

అదితి శంకర్‌.. ప్రముఖ దర్శకుడు శంకర్‌ తనయగానే పరిచయం చేయాల్సిన అవసరం లేని ఐడెండిటీ ఆమెది. నటనపై నాకున్న ఆసక్తిని నాన్నకు చెప్పినప్పుడు, ఆయన నా పేరు వాడుకోకుండా అవకాశాల కోసం ప్రయత్నించు.. ఏడాదిలోపు అవకాశం వస్తే ఒకే.. లేదంటే ఇండస్ట్రీ పేరెత్తకూడదు అని చెప్పారు. ఆ కండిషన్‌కు ఎస్‌ చెప్పే ప్రయత్నించాను.. సాధించాను అంటోంది అదితి శంకర్‌. ఇక డాక్టర్‌గా, సింగర్‌గా, యాక్టర్‌గా తనకంటూ ఓ ప్రత్యేకతను క్రియేట్‌ చేసుకున్నారు. ఆ ప్రత్యేకతతో మ్యాచ్‌ అవడానికి పోటీ పడుతోన్న ఫ్యాషన్‌ బ్రాండ్స్‌లో ఇవీ ఉన్నాయి..  రుబీనా  రుబీనా అఫ్రోజ్‌.. ఫ్యాషన్‌ డిజైనింగ్‌ కోర్సు చేసి సొంతంగా తన పేరుమీద చెన్నైలో ‘రుబీనా వోగ్‌’ ఫ్యాషన్‌ హౌస్‌ను ప్రారంభించారు. ఎక్కువగా కొత్తతరం డిజైన్స్‌కి ప్రాధాన్యం ఇవ్వడంతో ఈ బ్రాండ్‌ డిజైన్స్‌కి యూత్‌లో మంచి క్రేజ్‌ ఏర్పడింది. అదే దీని బ్రాండ్‌ వాల్యూ. వివాహాది శుభకార్యాలకు ముందుగా ఆర్డర్‌ ఇచ్చి డిజైన్‌ చేయించుకోవచ్చు కూడా. కాస్త సరసమైన ధరల్లోనే లభిస్తాయి. హైదరాబాద్, బెంగళూరు, ఢిల్లీ, ముంబై నగరాల్లో ఈ బ్రాండ్‌కి స్టోర్స్‌ ఉన్నాయి. ఆన్‌లైన్‌లోనూ కొనుగోలు చేసే వీలు ఉంది. అదితి ధరించిన రుబీనా వోగ్‌ చీర ధర రూ. 8,500  జేసీఎస్‌.. జ్యూయల్‌ క్రియేషన్స్‌.. పేరుకు తగ్గట్టుగానే ప్రత్యేకమైన డిజైన్స్‌ను అందించే స్టోర్‌. 2013లో అరవింద్‌ కట్రేలా దీనిని ప్రారంభించారు. అప్పటి నుంచి ఇప్పటి వరకు వీరి డిజైన్స్‌ అన్నింటిలోనూ న్యూస్టైల్‌ ప్రతిబింబిస్తోంది. అదే దీని బ్రాండ్‌ వాల్యూ. సింపుల్‌ డిజైన్స్‌తో గ్రాండ్‌ లుక్‌నిచ్చే అందమైన ఆభరణాలన్నీ ఇక్కడ లభిస్తాయి. పేరుకు దేశీ బ్రాండ్‌ అయినా ధర కాస్త ఎక్కువగానే ఉంటుంది. ఆన్‌లైన్‌లో మాత్రమే కొనుగోలు చేయొచ్చు. ప్రీ బుకింగ్‌ సదుపాయం కూడా ఉంది.  (చదవండి: ఫ్యాషన్‌ టాక్‌: స్టైలు మారింది, డిజైన్‌ అదిరింది)

డ్రెస్సింగ్‌లో ఎప్పుడూ యునిక్‌గా ఉండాలనే ఆలోచన నేటి యూత్‌ది. వారి అభిరుచికి తగినట్టుగా అందుబాటులోకి వచ్చింది. వన్‌సైడ్‌ లాంగ్‌ స్టయిల్‌.  టాప్‌ లేదా కుర్తీ ఒక వైపు  పొడవుగా, మరోవైపు పొట్టిగా ఉండటం ఈ స్టయిల్‌ ప్రత్యేకత.  రెండు రంగులు భిన్నం కావచ్చు. రెండు ఫ్యాబ్రిక్స్‌ కూడా వేర్వేరువి అయి ఉండవచ్చు. కుర్తా లేదా టాప్‌ డిజైన్‌లో ప్రత్యేకత కనిపించాలంటే ఓ చిన్న మార్పు తీసుకురావాలి. డిజైనర్స్‌ చేసిన ఓ చిన్న ఆలోచన యూత్‌ని మరింతగా ఆకట్టుకుంటుంది. వెస్ట్రన్‌ నుంచి ఇండియన్‌ వేర్‌లోకి ఈ డిజైన్‌ కొత్తగా ఆకట్టుకుంటోంది. వెస్ట్రన్‌ పార్టీలో ప్రత్యేకతను చాటడమే కాదు, స్ట్రీట్‌ స్టయిల్‌గానూ మార్కులు కొట్టేస్తోంది ఈ డిజైన్‌. 

'మజిలీ’ తో మొదలుపెట్టిన దివ్యాన్ష కౌశిక్‌.. అనతికాలంలోనే ఎంతోమంది మదిని దోచి అంతులేని అభివనాన్ని సొంతం చేసుకుంది. తాను అనుకోకుండా నటిగా మారాను. లేకుంటే ఫ్యాషన్‌ జర్నలిస్ట్‌గా .. ఏదైనా ఫ్యాషన్‌ మ్యాగజైన్‌కి ఎడిటర్‌ని కావాలి అనే లక్ష్యంతో ఉండేదాన్ని అని చెబుతోంది దివ్యాన్ష. మరి ఆమె మదిని దోచిన ఫ్యాషన్‌ బ్రాండ్స్‌ ఏంటో చూద్దాం.. అనుకోకుండా నటిగా మారాను. లేకుంటే ఫ్యాషన్‌ జర్నలిస్ట్‌గా .. ఏదైనా ఫ్యాషన్‌ మ్యాగజైన్‌కి ఎడిటర్‌ని కావాలి అనే లక్ష్యంతో ఉండేదాన్ని. దిల్నాజ్‌.. ముంబైకి చెందిన దిల్నాజ్‌ కర్బరీ.. ప్రముఖ ఫ్యాషన్‌ డిజైనర్‌ తరుణ్‌ తహిలియానీ వద్ద దాదాపు పదిహేనేళ్ల పాటు కోచర్‌ డిజైన్‌ హెడ్‌గా పనిచేసింది. ఫ్యాషన్‌పై ప్రావీణ్యం, పట్టు రెండ ఉండటంతో 2009లో తన పేరు మీదనే ముంబైలో ‘దిల్నాజ్‌’ ఫ్యాషన్‌ హౌస్‌ని ప్రారంభించింది. వైబ్రెంట్‌ కలర్స్‌.. డిజైన్స్‌కి ఈ బ్రాండ్‌ పెట్టింది పేరు. గ్రాండ్‌ లుక్‌నిచ్చే దిల్నాజ్‌ బ్రాండ్‌ దుస్తులు సెలబ్రిటీలను సైతం మెప్పిస్తున్నాయి. ధర కాస్త ఎక్కువే! ఆన్‌లైన్‌లోనూ లభ్యం. ఇక దివ్వాన్ష కౌశిక్‌ కోసం దిల్నాజ్‌ డిజైన్‌ చేసిన చీర బ్రాండ్‌ ధర రూ. 59,900/- దివ్యాన్ష కౌశిక్‌జ్యూలరీ బ్రాండ్‌: జతిన్‌ మోర్‌ జ్యూయల్స్‌ ధర: ఆభరణాల డిజైన్, నాణ్యతపై ఆధారపడి ఉంటుంది. జతిన్‌ మోర్‌.. అతిప్రాచీన, ప్రసిద్ధ జ్యూలరీ బ్రాండ్స్‌లో ఒకటి జతిన్‌ మోర్‌ జ్యూయల్స్‌. 1891లో ఆనంద్‌ మోర్‌ ప్రారంభింన వ్యాపారాన్ని.. ప్రస్తుతం వారి నాలుగోతరం వారసుడు జతిన్‌ మోర్‌.. ‘జతిన్‌ మోర్‌ జ్యూయల్స్‌’ పేరుతో కొనసాగిస్తున్నాడు. సంస్కృతి, సంప్రదాయ, హస్తకళల సారాన్ని ఆధునిక డిజైన్స్‌లో వర్ణింనట్టుంటాయి ఈ ఆభరణాలు. అదే వీరి బ్రాండ్‌ వాల్య! ధర ఆభరణాల డిజైన్, నాణ్యతపై ఆధారపడి ఉంటుంది. పలు ప్రముఖ నగరాలతోపాటు ఆన్‌లైన్‌లోన లభ్యం. దివ్యాన్ష కౌశిక్‌ -దీపిక కొండి

హాయ్‌..‘అమిగోస్‌’ అంటూ తెలుగు తెరకు పరిచయమైన కన్నడ నటి ఆశికా రంగనాథ్‌.. డజన్‌కు పైగా కన్నడ సినిమాల్లో నటించి యూత్‌లో మంచి మార్కులే కొట్టేసింది. ఐతే తాను సినిమాల్లోకి రాకముందు నుంచే అందం పట్ల శ్రద్ధ తీసుకునేదాన్ని. ఓసారి కాలేజీలో అందాల పోటీలో ‘క్లీన్‌ అండ్‌ క్లియర్‌ ఫ్రెష్‌ ఫేస్‌ అవార్డుతో పాటు సినిమా చాన్స్‌ కూడా వచ్చింది అని చెబుతోంది  ఆశికా రంగనాథ్‌. ఇక ఆ ఘనతలో తమకూ భాగస్వామ్యం ఉందంటున్న ఫ్యాషన్‌ బ్రాండ్స్‌లో కొన్ని ఇక్కడ.. కవిత గుత్తా..  ఓ కుట్టు మెషిన్, ఒక వర్కర్‌తో ప్రారంభమైన ‘కవిత గుత్తా ’ ఫ్యాషన్‌ హౌస్‌.. నేడు టాప్‌ మోస్ట్‌ ట్రెడిషనల్‌ బ్రాండ్‌గా మారింది. అమ్మాయిల లాలిత్యానికి అద్భుతంగా మ్యాచ్‌ అయ్యే పరికిణీలు ఈ బ్రాండ్‌ ప్రత్యేకత. హైదరాబాద్‌కు చెందిన కవిత గుత్తా.. తన ఇద్దరి కూతుళ్లకు తానే స్వయంగా ఫ్యాబ్రిక్‌ తెచ్చి, డిజైన్‌ చేసి మురిసిపోయేది. అలా తన ఇంటి ఆడపిల్లలతో మొదలైన కవిత గుత్తా డిజైన్స్‌.. నేడు సెలబ్రిటీలను మురిపించే స్థాయికి చేరాయి. ఏ వయసు వారికైనా నచ్చే, నప్పే ఈ అందమైన డిజైన్స్‌.. సరసమైన ధరల్లోనే లభిస్తాయి. ఆన్‌లైన్‌లోనూ లభ్యం.  జ్యూలరీ బ్రాండ్‌: వీఏజేఆర్‌ జ్యూలర్స్‌ :స్వచ్ఛమైన వజ్రాల ఆభరణాలకు పెట్టింది పేరు ఈ బ్రాండ్‌. మెషిన్‌ మేడ్‌ కాకుండా నైపుణ్యంగల స్వర్ణకారుల చేతుల్లో రూపుదిద్దుకున్న నగలే ఇది క్రియేట్‌ చేసుకున్న వాల్యూ. ‘ది రాయల్టీ ఆఫ్‌ హైదరాబాద్‌’ అంటూ హైదరాబాద్‌లో ప్రారంభమైన ఈ సంస్థ.. దేశంలోని ప్రముఖ నగరాలకూ విస్తరించి.. పేరెన్నికగన్న జ్యూలరీ బ్రాండ్‌లలో ఒకటిగా నిలిచింది. ధర ఆభరణాల నాణ్యత, డిజైన్స్‌పై ఆధారపడి ఉంటుంది. ఆన్‌లైన్‌లో కూడా దొరుకుతాయి. కవితా గుత్తా.. చీర బ్రాండ్‌:  ఆశికా రంగనాథ్‌ ధరించిన కవితా గుత్తా డిజైనర్‌ చీర ధర.. రూ. 77,700  (చదవండి: ‘బుట్టబొమ్మ’ వేసుకున్న లంగావోణీ ధర తెలిస్తే నోరెళ్లబెట్టాల్సిందే!)

ఈ సీజన్‌లో బయటకు వస్తే ఎప్పుడు చినుకు పడుతుందో తెలియదు. ఆ చినుకుల్లో ఏ డ్రెస్‌ ఉంటే బాగుంటుందో...ఎలా ఉండాలో తెలియక ఇబ్బందులు అందుకే ఈ సీజన్‌లో మీ వార్డ్‌రోబ్, బ్యూటీ రొటీన్‌లలో కూడా మార్పులు చేసుకోక తప్పదు. డల్‌గా ఉండే వానాకాలం వాతావరణాన్ని బ్రైట్‌గా మార్చే ట్రెండ్స్‌ గురించి తెలుసుకుని ఆచరణలో పెడితే ఈ సీజన్‌ని కూడా చక్కగా ఎంజాయ్‌ చేయచ్చు.  ఎండకాలం మాదిరిగా ఇప్పుడు డ్రెస్సింగ్‌ కుదరదు. అలాగని, వెచ్చగా ఉంచే  దుస్తులు కూడా. ఎందుకంటే, వాతావరణంలో మార్పుల వల్ల వేడి– తేమ అధికమై చెమటకు దారి తీయవచ్చు.  డల్‌గా ఉండే వాతావరణాన్ని బ్రైట్‌గా మార్చేయడంలోనే కాదు, వానల్లో తడవకుండానూ స్టైలిష్‌ లుక్‌తో ఆకట్టుకునేలా దుస్తుల ఎంపికలో ప్రత్యేక శ్రద్ధ అవసరం అవుతుంది.  వాటర్‌ ప్రూఫ్‌ షూస్‌ వర్షపు రోజులలో బురద గుంటలు సాధారణం. రోడ్లపై పారే నీటి నుంచి, వర్షపు ధారల నుంచి దాలను కాపాడుకోవాలంటే వాతావరణానికి అనువైనవి ఉండాలి. అందుకు వాటర్‌ ప్రూఫ్‌ బూట్లను ఎంచుకోవాలి. బ్లాక్‌ బూట్లు అయితే ఏ డ్రెస్సులకైనా బాగా నప్పుతాయి. రెయినీ హ్యాట్‌ వర్షపు రోజుల్లో టోపీ ని ధరించడం ద్వారా మీ స్టైల్‌ని అప్‌గ్రేడ్‌ చేయవచ్చు. కోటుకు హుడీ లేకపోతే ఒక ట్రెండీ హ్యాట్‌ను వాడచ్చు. అయితే, టోపీ ఉన్నప్పటికీ వెంట గొడుగు మాత్రం వాడాల్సిందే. రెయిన్‌ పోంచో ఇవి సాధారణంగా మొత్తం ఒంటిని కప్పేసే విధంగా ఉంటాయి అని అనుకుంటారు కానీ, ఇప్పుడు మార్కెట్‌లో విభిన్న మోడల్స్‌లో రెయిన్‌ పోంచోస్‌ వచ్చాయి. ఇవి చాలా సౌకర్యవంతంగా, స్టైలిష్‌గా ఉంటాయి. అలాగే వేసుకున్న దుస్తులను వానకు తడవకుండా కాపాడుకోవచ్చు. గొడుగు కూడా వాడలేనంత వర్షం కురుస్తున్నప్పుడు ఇవి చాలా బాగా పనిచేస్తాయి. అంతేకాదు, వర్షాకాలానికి తల తడిస్తే, జుట్టు చిట్లిపోతుంది. జుట్టుకు రక్షణగా కూడా రెయిన్‌ పోంచో హుడ్‌ ను కప్పుకోవచ్చు. స్టైలిష్‌గానూ కనిపిస్తారు. మీ రెయిన్‌  పోంచో వాటర్‌ప్రూఫ్‌ ఫాబ్రిక్‌ కింద పొడిగా ఉండగలుగుతారు.  ట్రెంచ్‌ కోట్‌  వర్షం రోజుల్లో డ్రెస్సింగ్‌ గురించి ఆలోచించినప్పుడు ఖాకీ రంగు డబుల్‌ బ్రెస్ట్‌ ట్రెంచ్‌ కోట్‌ గుర్తుకు వస్తుంది. అయితే, వీటిలో ఇప్పుడు విభిన్నరకాల కలర్స్‌... ఫ్యాబ్రిక్‌లో మార్పులు చేసినవి మార్కెట్లోకి వచ్చాయి. నేటి కాలానికి తగినట్టుగా ఆకట్టుకుంటున్నాయి. గొడుగు ఎంపిక వర్షంలో గొడుగు తప్పని అవసరం. అయితే, అది ఎప్పుడూ బ్లాక్‌ కలర్‌లో రొటీన్‌గా ఉంటే బోర్‌గా అనిపిస్తుంది. మంచి బ్రైట్‌ కలర్స్‌ ఉన్నవి, స్టైలిష్‌గా ఉన్న గొడుగులను ఎంచుకుంటే బాగుంటుంది. ముఖ్యంగా మిగతా అన్నింటికన్నా పోల్కా డాట్స్, లైన్స్‌ ఎప్పుడూ స్పెషల్‌ లుక్‌తో ఆకట్టుకుంటాయి. మిలిటరీ స్టైల్‌ కోట్లు జీన్స్, టీ షర్ట్‌ పైకి ఓ మిలిటరీ స్టైల్‌ కోటు ధరిస్తే చాలు మీ రూపం మరింత ఆధునికంగా మారిపోతుంది. మగవారికి అనువుగా రూపొందిన ఈ డ్రెస్‌ మగువలకు మరింత ప్రత్యేకమైన డ్రెస్సింగ్‌గా ఈ సీజన్‌ మార్చేసింది.  

ఫ్లోరల్, మల్టీకలర్‌ ప్రింట్స్‌ ఏవైనా మనసుకు ఎప్పుడూ ఆహ్లాదాన్నిస్తాయి. ఫ్యాబ్రిక్‌ ఏదైనా చూడముచ్చటగా ఉంటాయి. సీజన్‌తో పనిలేకుండా పార్టీ ఏదైనా ఇండోవెస్ట్రన్‌ లుక్‌తో టాప్‌ టు బాటమ్‌ ఎవర్‌గ్రీన్‌ లుక్‌తో ప్రింటెడ్‌ ఆకట్టుకుంటున్నాయి. క్యాజువల్‌ వేర్‌గానూ కలర్‌ఫుల్‌ అనిపిస్తాయి.అందుకే, డిజైనర్లు ప్రింట్‌ కాన్సెప్ట్‌ను ఎప్పుడూ వినూత్నంగా మన ముందుకు తీసుకు వస్తుంటారు. వాటిలో కొన్ని డిజైన్స్‌ ఇవి.  లెహంగా శారీ, లాంగ్‌ కోట్, ట్రౌజర్, శారీ గౌన్, కుర్తా పైజామా.. మల్టీ కలర్‌ ప్రింట్లతో టాప్‌ టు బాటమ్‌ ఒకే కలర్‌ కాంబినేషన్‌ను ఎంచుకుంటే ఈ థీమ్‌కు సరిగ్గా నప్పుతుంది. ఈ స్టయిల్‌కి ఇతర యాక్ససరీస్‌ కూడా అంతగా అవసరం ఉండదు. ప్రత్యేకంగా కనిపించే ఈ ప్రింటెడ్‌ డ్రెస్సులు ఎక్కడ ఉన్నా అంతే ప్రత్యేకతను చాటుతాయి.

మనింట్లో ఓ తొంభై ఏళ్ల నానమ్మ కానీ అమ్మమ్మ కానీ ఉందా? ఉంటే ఆమెనడగండి ఓ మాట. వాళ్ల యువతరాన్ని ఆకట్టుకున్న చీరలేమిటి అని. ఎంతో ఉత్సాహంగా ఇప్పుడు మనం వినని ఎన్నో పేర్లు చెబుతారు. ఓ పది రకాల పేర్లు చెప్పి ‘ఇప్పుడా నేత ఎక్కడ వస్తోంది. వచ్చినా ఈ తరంలో ఆ చీరలెవరు కట్టుకుంటారు. నేయడమే మానేసినట్లున్నారు’ అని నిరుత్సాహంగా ముగిస్తారు. సరిగ్గా అలాంటి చీరలకు పూర్వ వైభవం తెస్తున్నారు కర్నాటకకు చెందిన హేమలత. హ్యాండ్‌లూమ్‌ లవర్స్‌ వార్డ్‌రోబ్‌లు రెండు వందల ఏళ్ల నాటి చేనేతలతో అలరారుతున్నాయి.  ఎటు కట్టినా ఓకే!  హేమలత... యూఎస్‌లోని కన్సాస్‌ యూనివర్సిటీలో ఉన్నతవిద్య పూర్తి చేశారు. ఆమెకు మన చేనేత కళలో దాగిన సమున్నత జ్ఞానం మీద దృష్టి పడింది. ఒకదానికి ఒకటి విభిన్నంగా దేనికది ఒక శాస్త్రబద్ధమైన గ్రంథంలాంటి చేనేతల మీద అధ్యయనం మొదలు పెట్టారామె. నిఫ్ట్‌ (నేషనల్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీ)లో ఇదే అంశం మీద పీహెచ్‌డీ చేస్తున్నారు. గిరిజనులు నివసించే ప్రదేశాల్లో విస్తృతంగా పర్యటించారు. వారి నేత తీరును పరిశీలించారు. ఈ క్రమంలో హేమలతా జైన్‌ 85 ఏళ్ల దేవదాసిని కలిశారు. ఆమె దగ్గరున్న పట్టెడ అంచు చీర రెండు వందల ఏళ్ల నాటి చేనేత కళ. ఈ చీరకు రెండు కొంగులుంటాయి. చీరను రెండువైపులా కట్టుకోవచ్చు. రివర్సబుల్‌ శారీ అన్నమాట. పదవ శతాబ్దంలో గజేంద్రఘర్‌ జిల్లాలోని గ్రామాల్లోని చేనేతకారులు ఈ చీరలను నేసేవారు. అలాంటి చీరలిప్పుడు మార్కెట్‌లో లేవు. ఈ తరంలో ఎవరి దగ్గరా లేవు. ఆ చీరను చూపించి మరొక చీర తయారు చేయించాలంటే ఆ రకమైన నేత నేసే చేనేతకారులు కూడా లేరన్న మరో వాస్తవం తెలిసి వచ్చిందామెకు. అలాంటి అంతరించిపోతున్న డిజైన్‌లు 45 వరకు ఉన్నాయి.   (చదవండి: ముఖ సౌందర్యంపై పెరుగుతున్న మోజు)   

‘నాకు త్వరగా పెళ్లి చేసేయండి నాన్నా’  అనే క్రేజీ డైలాగ్‌తో అంతే క్రేజ్‌ సంపాదించుకున్న  ‘అందాల రాక్షసి’ లావణ్య త్రిపాఠి. అంతటి అందానికి మ్యాచ్‌ అయ్యే స్టయిల్‌ను క్రియేట్‌ చేస్తున్న ఫ్యాషన్‌ బ్రాండ్స్‌ ఇవే..   ఆర్ట్‌ బై సియా..  ఇదొక ఆన్‌లైన్‌ జ్యూలరీ స్టోర్‌. ప్రముఖ డిజైనర్స్‌ అందించే అందమైన ఆభరణాలన్నీ ఇక్కడ లభిస్తాయి. కొత్తతరం డిజైనర్స్‌కి ప్రాముఖ్యతనివ్వడంతో, డిజైన్స్‌ అన్నింటిలోనూ న్యూ స్టయిల్‌ ప్రతిబింబిస్తోంది. అదే దీనికి యాడెడ్‌ వాల్యూ. పేరుకు దేశీ బ్రాండ్‌ అయినా ధర కాస్త ఎక్కువగానే ఉంటుంది. మొదట ఆన్‌లైన్‌లోనే  కొనే వీలుండేది. ఈ మధ్యనే హైదరాబాద్‌లోని మాదాపూర్‌లో స్టోర్‌ ఓపెన్‌ చేశారు.  మసాబా గుప్తా ఇప్పుడున్న టాప్‌ మోస్ట్‌ డిజైనర్స్‌లో మసాబా గుప్తానే ఫస్ట్‌. 2009లో ‘హౌస్‌ ఆఫ్‌ మసాబా’ పేరుతో బ్రాండ్‌ను ప్రారంభించింది. నాణ్యత, సృజన బ్రాండ్‌ వాల్యూగా సాగిపోతున్న ఆమె డిజైన్స్‌ అంతర్జాతీయ ఖ్యాతి గడించాయి. ప్రపంచ వ్యాప్త సెలబ్రిటీస్‌ ఆమె బ్రాండ్‌కు అభిమానులుగా మారారు. మసాబా ఎవరి కూతురో తెలుసు కదా.. ప్రముఖ నటి నీనా గుప్తా, క్రికెట్‌ లెజెండ్‌ వివ్‌ రిచర్డ్స్‌ల తనయ. పేరెంట్స్‌ పేరు ప్రఖ్యాతులను తన కెరీర్‌కి పునాదిగా మలచుకోకుండా కేవలం తన క్రియెటివిటీనే పెట్టుబడిగా పెట్టి కీర్తినార్జించిన ఇండిపెండెంట్‌ డిజైనర్‌.. అంట్రపెన్యూర్‌ ఆమె! బ్రాండ్‌ వాల్యూ  చీర బ్రాండ్‌: మసాబా గుప్తా ధర: రూ. 18,000 జ్యూలరీ బ్రాండ్‌: ఆర్ట్‌ బై సియా  ధర: ఆభరణాల డిజైన్, నాణ్యతపై ఆధారపడి ఉంటుంది. మోడర్న్‌ డ్రెసెస్‌ కంటే, ట్రెడిషనల్‌ వేర్‌ అంటేనే ఎక్కువ ఇష్టం. అందులోనూ చీరకట్టు అంటే మరీనూ! – లావణ్య త్రిపాఠి  -దీపిక కొండి 

గ్లామర్‌ షో చేయకుండా కేవలం అభినయంతోనే పేరు తెచ్చుకున్న నటి మాళవిక నాయర్‌. అలా తెర మీదే కాదు.. తెర బయటా ఆమె సంప్రదాయ శైలిని ఎలివేట్‌ చేస్తున్న ఫ్యాషన్‌ బ్రాండ్స్‌లో ఇవీ ఉంటాయి..    షెహరి బై సాహితి రెడ్డి హైదరాబాద్‌ హ్యామ్‌స్టెక్‌ యూనివర్సిటీ నుంచి ఫ్యాషన్‌ డిజైనింగ్‌ కోర్సు చేసిన సాహితి రెడ్డి.. 2012లో ‘సహారా బై సాహితి రెడ్డి’ పేరుతో బొటిక్‌ను ప్రారంభించింది. సంప్రదాయ, క్యాజువల్‌ వేర్‌ను అందించటం ఈ బ్రాండ్‌ ప్రత్యేకత. ఎటువంటి ఫ్యాబ్రిక్‌ మీదైనా సరే.. ఫ్లవర్‌ డిజైన్‌ ఆర్ట్‌తో మెప్పించటం ఆమె ప్రత్యేకత. ఆఫ్‌ బీట్‌ ఫ్యూజన్‌ వేర్, డ్రేప్, ప్రింట్స్, హ్యాండ్‌ ఎంబ్రాయిడరీతో ఏ వయసు వారికైనా నచ్చే, నప్పే డిజైన్స్‌ ఇక్కడ లభిస్తాయి. ధర కాస్త ఎక్కువగానే ఉంటుంది. ఆన్‌లైన్‌లోనూ లభ్యం. జ్యూలరీ.. ఇద్దరు స్నేహితులు శిల్ప, గీత ప్రారంభించిన ఆన్‌లైన్‌ జ్యూలరీ స్టోర్‌ ఇది. ట్రెండ్‌కు తగ్గట్టు ఫ్యాషన్‌ జ్యూలరీని క్రియేట్‌ చేస్తూ యూత్‌లో తెగ క్రేజ్‌ సంపాదించుకుంటున్నారు. ఆ క్రేజే వారిని సెలిబ్రిటీలకు కూడా డిజైన్స్‌ అందిచే స్థాయికి చేర్చింది. ధర.. ఆభరణాల డిజైన్, నాణ్యతపై ఆధారపడి ఉంటుంది. కేవలం ఆన్‌లైన్‌లోనే కొనుగోలు చేసే వీలు ఉంది.  బ్రాండ్‌ వాల్యూ  డ్రెస్‌ బ్రాండ్‌: షెహరి బై సాహితి రెడ్డి ధర: రూ. 19,800 జ్యూలరీ బ్రాండ్‌:  శిల్ప గీత స్టయిల్స్‌ ధర: ఆభరణాల డిజైన్, నాణ్యతపై ఆధారపడి ఉంటుంది. ఇప్పుడిలా సంప్రదాయబద్ధంగా.. ఇన్నోసెంట్‌గా కనిపిస్తున్నా కానీ, చిన్నప్పుడు మాత్రం నాది టామ్‌బాయ్‌ స్టయిలే. ఇప్పుడిప్పుడే కాస్త ట్రెండ్‌కు తగ్గట్టు ఫ్యాషన్‌బుల్‌గా రెడీ అవుతున్నా. – మాళావిక నాయర్‌ ∙దీపిక కొండి 

కలర్స్, కట్స్, ప్రింట్లు, డిజైన్లు ఫ్యాషన్‌ ప్రపంచంలో కొత్తదనాన్ని తీసుకురావడానికి డిజైనర్లు ఎప్పుడూ ప్రయత్నిస్తుంటారు. ప్రాంతీయ డిజైన్ల నుంచి అంతర్జాతీయ బ్రాండ్స్‌ వరకు రీసెంట్‌ లుక్స్‌ కోసం శోధన ఉంటూనే ఉంటుంది. జాతీయ, అంతర్జాతీయ వేదికల మీద ఇటీవల జరుగుతున్న ఫ్యాషన్‌ వీక్స్‌  వేటిని పరిచయం చేస్తుందో తెలుసుకుందాం. వారసత్వ డిజైన్లు  ఆర్గానిక్‌ ఫ్యాబ్రిక్, సౌకర్యవంతమైన డిజైనింగ్‌ తర్వాత స్థానిక హస్తకళ డిజైన్స్‌కి అవకాశాలు బాగా పెరిగాయి. సంప్రదాయ కళలను బాగా ఇష్టపడుతున్నారు. దీంతో మరుగున పడిపోయిన వారసత్వ కళలు తిరిగి జీవం పోసుకుంటున్నాయి. జాతీయ, అంతర్జాతీయ డిజైనర్లు కూడా తమ స్థానిక హస్తకళల డిజైన్స్‌ని విస్తృతంగా మార్కెట్లోకి తీసుకువస్తున్నారు. మనదైన ప్రభావం ఫ్యాషన్‌ ప్రపంచంపై భారతదేశం ప్రభావం గురించి ఆలోచించినప్పుడు రితూకుమార్‌. సబ్యసాచి, మనీష్‌ మల్హోత్రా.. వంటి ప్రఖ్యాత డిజైనర్ల డిజైన్లు, తలపాగాలు కనిపిస్తుంటాయి. అలాగే, గ్లోబల్‌ టెక్స్‌టైల్‌ గురించి చూసినప్పుడు భారతదేశంలోని కుటుంబాలలో తల్లులు, బామ్మలు ధరించే చీరల థీమ్‌ను తమ డిజైన్స్‌లో తీసుకుంటున్నారు. ఆర్గానిక్, సస్టెయినబుల్‌ ఫ్యాబ్రిక్‌కు ఎక్కువ ప్రాధాన్యమిస్తున్నారు. ఇటీవల జరిగిన మిలన్, ప్యారిస్, మన లాక్మే ఫ్యాషన్‌ వీక్‌లను గమనిస్తే ఈ విషయం స్పష్టమవుతుంది. పదిహేడవ శతాబ్దం నుండి నేటి వరకు పాశ్చాత్య ఫ్యాషన్‌ ట్రెండ్‌పై భారతదేశ ప్రభావం ఉందని తెలుస్తోంది. అలాగే, అంతర్జాతీయ డిజైనర్ల నుంచి మనవాళ్లు స్ఫూర్తి పొందే విషయాల్లో ఫ్యాబ్రిక్స్‌ ఎంపికలోనూ, సంప్రదాయ డిజైన్స్‌లోనూ అధిక ప్రాధాన్యత ఇస్తున్నారనేది వాస్తవం.  ఆర్గానిక్‌ ఫ్యాబ్రిక్‌కే అగ్రస్థానం దేశీయ, అంతర్జాతీయ డిజైన్స్‌ చూస్తే ఫ్యాషన్‌ రంగంలో ఎప్పుడైనా బ్రైట్‌ కలర్స్, కొత్త ప్రింట్స్, కొత్త కట్స్‌కి అధిక ప్రాధాన్యమిస్తారు. అయితే, ఏ వయసు వాళ్లు వాటిని ఎలా ధరిస్తున్నారు అనేది కూడా ముఖ్యమే. ఇప్పుడు ఫ్యాషన్‌ రంగాన్ని మాత్రం కరోనా ముందు–కరోనా తర్వాత అని విభజించి చూడచ్చు. ప్రజల ధోరణిలో కూడా మార్పు వచ్చింది. ఇప్పుడు సౌకర్యంగా దుస్తులు ధరించడానికి అధిక ప్రాధాన్యత ఇస్తున్నారు. ఆర్గానిక్‌ ఫ్యాబ్రిక్స్, కంఫర్ట్‌ డ్రెస్సింగ్, బ్రైట్‌ కలర్స్,.. ఇవి ప్రపంచం మొత్తం కరోనా ఫ్రీ టైమ్‌లో తీసుకున్న నిర్ణయాలు అనేది దేశీయ, అంతర్జాతీయ ఫ్యాషన్‌ వీక్‌ల ద్వారా తెలుస్తోంది. ముఖ్యంగా రసాయనాలు లేని సస్టేయినబుల్‌ ఫ్యాబ్రిక్‌కే అగ్రస్థానం. పార్టీలకు కూడా ఆర్గానిక్‌ ఫ్యాబ్రిక్‌నే ఇష్టపడుతున్నారు. ఇప్పుడు ఏ పెద్ద బ్రాండ్‌ తీసుకున్నా ఆర్గానిక్‌ ఫ్యాబ్రిక్‌ డిజైన్స్‌ విరివిగా వచ్చేశాయి.  కట్స్, ప్రింట్లు, కలర్‌ కాంబినేషన్స్‌ కూడా అలాగే ఎంచుకుంటున్నారు. దీంతో మేం కూడా సౌకర్యవంతమైన డిజైన్స్‌కే ఎక్కువ ప్రాముఖ్యం ఇస్తున్నాం.    – హేమంత్‌ సిరి, ఫ్యాషన్‌ డిజైనర్, హైదరాబాద్‌ చదవండి: Kidney Stones: మూత్రనాళంలో తట్టుకుంటే తీవ్రమైన నొప్పి.. కాల్షియమ్‌ ఆక్సలేట్‌ ఉండే గింజలు తింటే అంతే సంగతి! ఇలా చేస్తే..

Gouri G Kishan: ‘జాను’ సినిమాలో చిన్ననాటి జానకిగా సంప్రదాయంగా కనిపించి.. రెండో సినిమా ‘శ్రీదేవి–శోభన్‌బాబు’లో మోడర్న్‌ లుక్‌లో మెరిసి అభియనంలోనే కాదు అపియరెన్స్‌లోనూ వైవిధ్యాన్ని చాటుకుంది గౌరీ జి. కిషన్‌.  ఈ వెర్సటాలిటీని తను అనుసరించే ఫ్యాషన్‌లోనూ  చూపిస్తోంది.  ప్రడే.. స్వచ్ఛమైన వెండి నగలకు పెట్టింది పేరు ఈ బ్రాండ్‌. మెషిన్‌ మేడ్‌ కాకుండా నైపుణ్యంగల స్వర్ణకారుల చేతుల్లో రూపుదిద్దుకున్న నగలే ఈ బ్రాండ్‌ క్రియేట్‌ చేసుకున్న వాల్యూ. ఆ క్రియేటర్‌ పేరు దీప్తి ముత్తుసామి. జ్యూలరీ డిజైనింగ్‌ మీదున్న ఆసక్తే ఆమెను ఈ రంగంలోకి దింపింది. ఫ్యాషన్‌ ఎంట్రపెన్యూర్‌గా మార్చింది. దేశంలోనే పేరెన్నికగన్న జ్యూలరీ బ్రాండ్‌లలో ఒకటిగా ‘ప్రడే’ను నిలిపేలా చేసింది. ఈ బ్రాండ్‌ జ్యూలరీ ఇటు సంప్రదాయ వస్త్రధారణకైనా.. అటు వెస్టర్న్‌ అవుట్‌ ఫిట్స్‌కైనా నప్పేలా ఉంటుంది. ధరలూ అంతే అటు సామాన్యులూ కొనేలా ఇటు సెలెబ్రిటీల స్థాయినీ పెంచేలా ఉంటాయి. ఆన్‌లైన్‌లోనూ లభ్యం. మాగ్జీహం.. పేరుకు తగ్గట్టుగానే ఎంతో ఆనందభరితంగా ఉంటాయి ఈ మాగ్జీహం కలెక్షన్స్‌. కాలేజీకెళ్లే యువతులే ఈ డిజైనర్‌ మెయిన్‌ టార్గెట్‌. క్యాజువల్‌ డ్రెసెస్‌కు కేరాఫ్‌గా ఉంటుంది ఈ బ్రాండ్‌. బడ్జెట్‌ ఫ్రెండ్లీ దుస్తులను అందిస్తూ చాలామంది యువతులకు ఫేవరేట్‌గా మారింది. ఆన్‌లైన్‌లో ఆర్డర్‌ ఇచ్చి కొనుగోలు చేసుకోవచ్చు. చెన్నైలోని టీనగర్‌లో మెయిన్‌ బ్రాంచ్‌ ఉంది. బ్రాండ్‌ వాల్యూ  డ్రెస్‌ బ్రాండ్‌: మాగ్జీహం ధర: రూ. 4,500 జ్యూలరీ బ్రాండ్‌: ప్రడే కమ్మల ధర: రూ. 3,130 నెక్‌పీస్‌ ధర: రూ. 19,030 కొన్నిసార్లు పొగడ్తలు కూడా  విమర్శల మాదిరి హాని చేస్తాయి. అందుకే, రెండింటినీ మనసుకు తీసుకోను.  – గౌరీ జి.కిషన్‌  -దీపిక కొండి చదవండి: Deepika Padukone: ఒంటి మీదే క్షణాల్లో ఆల్టరేషన్‌.. రణ్‌వీర్‌ డ్రెసెస్‌కి కూడా! ఈ చీర ధర తెలిస్తే..

హనీ రోజ్‌.. సార్థకనామధేయురాలు. పదిహేనేళ్లుగా వివిధ పాత్రల్లో అలరిస్తూ మలయాళంలో విశేష జనాదరణ పొందిన నటి. తన అభినయానికి ఆమె మెరుగులు దిద్దుకుంటోంది.. తన ఫ్యాషన్‌ స్టయిల్‌ను మేం క్రియేట్‌ చేస్తున్నాం అంటున్నాయి ఈ బ్రాండ్స్‌..   తానిత్‌ డిజైన్స్‌...  శింజు క్రిష్‌.. ఈ మధ్యనే పాపులర్‌ అవుతున్న డిజైనర్‌. ఎక్కువగా వివాహాది శుభకార్యాలకు డిజైన్‌ చేస్తుంటాడు. ఇటీవల బెంగళూరులో ‘తానిత్‌ డిజైన్స్‌’ పేరుతో ఫ్యాషన్‌ హౌస్‌నూ ప్రారంభించాడు. వీటి ధరలు సామాన్యులకూ అందుబాటులో ఉంటాయి. ఆన్‌లైన్‌లో ఆర్డర్‌ ఇచ్చి కూడా కొనుగోలు చేయొచ్చు.  అనోఖీ..  ఓ గృహిణి ప్రారంభించిన వ్యాపారమే ఈ అనోఖీ! కొచ్చికి చెందిన ప్రియా కిషోర్‌.. భర్త సలహా మేరకు ఓ ఫ్యాన్సీస్టోర్‌ ఓపెన్‌ చేయాలనుకుంది. కానీ, కావల్సినంత పెట్టుబడి లేని కారణంగా ఇన్‌స్టాగ్రామ్‌లోనే సేల్స్‌ ఓపెన్‌ చేసింది. అందమైన డిజైన్స్‌తో చాలామంది అతివలను తన డైలీ కస్టమర్లుగా మలచుకుంది. ఇప్పుడు ఏకంగా సెలబ్రిటీలకూ తన డిజైన్స్‌ను అందిస్తోంది ప్రియా. చాలా తక్కువ ధరకే నాణ్యమైన, అందమైన డిజైన్‌ కలెక్షన్స్‌ ఇక్కడ లభిస్తాయి.  బ్రాండ్‌ వాల్యూ   జ్యూవెలరీ బ్రాండ్‌: అనోఖీ  ధర: రూ. 2,999 చీర బ్రాండ్‌:  తానిత్‌ డిజైన్స్‌   ధర: రూ. 7,999 చీరలో చాలా అందంగా ఉంటా. కానీ, నాకు చీర కట్టుకోవడం రాదు. అందుకే, చీరకట్టుకునే సన్నివేశాలు నేను నటించే సినిమాల్లో రాకూడదని కోరుకుంటుంటా.– హానీ రోజ్‌  -దీపిక కొండి

దీపికా పదుకోణ్‌  పరిచయం అక్కర్లేని పేరు. ది గోల్డెన్‌ రేషియో ఆఫ్‌ బ్యూటీ (ఫై)లో చోటు దక్కించుకున్న ఏకైక భారతీయురాలు. ఆ అందానికి చక్కటి అవుట్‌ ఫిట్స్‌ని డిజైన్‌ చేస్తున్న  ఫ్యాషన్‌ బ్రాండ్స్‌లో ఇది కూడా..  సబ్యసాచి... పేరుకే ఇండియన్‌ బ్రాండ్‌ కానీ, ఇంటర్నేషనల్‌ బ్రాండ్‌కున్నంత పేరు.. డిమాండ్‌ సబ్యసాచి సొంతం. దాదాపు బాలీవుడ్‌ సెలబ్రిటీస్‌ పెళ్లిళ్లు అన్నీ సబ్యసాచి కలెక్షన్స్‌తోనే జరుగుతాయి. వాటిల్లో  విరాట్‌ కొహ్లీ, అనుష్క శర్మల పెళ్లి బట్టలు ఫేమస్‌. కనీసం ఒక్కసారైనా సబ్యసాచి డిజైన్‌ వేర్‌ ధరించాలని.. సామాన్యుడి నుంచి సెలబ్రిటీ వరకు ఏంతోమంది ఆశపడుతుంటారు. ఆ బ్రాండ్‌కున్న వాల్యూ అలాంటిది. ఈ మధ్యనే మధ్యతరగతి మహిళల కోసం రూ. పదివేల చీరను డిజైన్‌ చేశారు. ఇదే ఈ బ్రాండ్‌ చీపెస్ట్‌ చీర. సుమారు లక్ష చీరలను సిద్ధం చేస్తే, రెండు రోజుల్లోనే మొత్తం కొనుగోలు చేశారు. పదివేల చీరైనా, పదినిమిషాల్లో అమ్ముడైపోతుంది. ఇదంతా సబ్యసాచి ముఖర్జీ డిజైన్‌ మహత్యం. బెంగాలీ కుటుంబ నేపథ్యం నుంచి వచ్చిన సబ్యసాచి.. తన కెరీర్‌ ఆరంభించిన అనతి కాలంలోనే ఫేమస్‌ ఫ్యాషన్‌ డిజైనర్‌గా ఎదిగారు. 1999లో తన పేరునే ఓ బ్రాండ్‌ హౌస్‌గా మార్చి, మరింత పాపులర్‌ అయ్యారు. అందమైన ఆభరణాలు కూడా ‘సబ్యసాచి’ స్టోర్స్‌లో లభిస్తాయి. ఇండియాలోని ప్రముఖ నగరాలతోపాటు అమెరికా, లండన్‌లోనూ ఈ బ్రాండ్‌కి స్టోర్స్‌ ఉన్నాయి. ఆన్‌లైన్‌లోనూ ఈ డిజైన్స్‌ను కొనుగోలు చేయొచ్చు.  బ్రాండ్‌ వాల్యూ  చీర బ్రాండ్‌: సబ్యసాచి..  ధర: రూ. 1,95,000 బెల్టు ధర: రూ. 29,900 కమ్మలు ధర:  ఆభరణాల డిజైన్, నాణ్యతపై ఆధారపడి ఉంటుంది.  నా బ్యాగులో సూది, దారం తప్పనిసరిగా ఉంటాయి. ఎప్పుడైనా వేసుకున్న డ్రెస్‌ కంఫర్ట్‌గా లేకపోతే ఒంటి మీదే క్షణాల్లో ఆల్టరేషన్‌ చేసేసుకుంటా. రణ్‌వీర్‌ డ్రెసెస్‌కూ ఆల్టరేషన్‌ చేస్తా.. – దీపిక పదుకోణ్‌.   -దీపిక కొండి

అనసూయ భరద్వాజ్‌.. యాంకరింగ్‌తోపాటు అప్పుడప్పుడు సినిమాల్లో ప్రత్యేక పాత్రల్లో మెరుస్తూ తన మీద తెలుగు ప్రేక్షకులకున్న అభిమానాన్ని రెట్టింపు చేసుకుంటోంది. ఫ్యాషన్‌లోనూ అంతే.. ట్రెండ్‌కు తగ్గ  కట్టు, బొట్టు తీరుతో తన అభిమానుల ఆశ్చర్యాన్ని రెట్టింపు చేస్తుంటుంది. కౌశికి కల్చర్‌ హైదరాబాద్‌కు చెందిన కౌశికి.. సెలబ్రిటీస్‌కి ఫేవరెట్‌ డిజైనర్‌. తన పేరు మీదే ఫ్యాషన్‌  లేబుల్‌ను క్రియేట్‌ చేసుకుంది. పట్టు పావడాలకు పెట్టింది పేరు. భారతీయ సంప్రదాయ నేత కళను ఆధునిక డిజైన్స్‌తో పర్ఫెక్ట్‌గా మ్యాచ్‌ చేస్తుంది. మన్నికైన ఫాబ్రికే ఈ బ్రాండ్‌కి వాల్యూ. నాణ్యత, డిజైన్‌ను బట్టే ధరలు. ఆన్‌లైన్‌లో లభ్యం. హౌస్‌ ఆఫ్‌ క్యూసీ 2016లో ఒక వెబ్‌సైట్‌ ద్వారా ప్రారంభించిన వ్యాపారం, తమ అందమైన డిజైన్స్‌తో ఇప్పుడు సెలబ్రిటీలకు కూడా నోటెడ్‌ అయింది. ఎలాంటి వారికైనా నప్పే, ఎలాంటి వారైనా మెచ్చే ఆభరణాలను అందించడం ‘హౌస్‌ ఆఫ్‌ క్యూసీ’ జ్యూయెల్స్‌ ప్రత్యేకత. హైదరాబాద్, బెంగళూరులలో ఈ మధ్యనే స్టోర్స్‌ ఓపెన్‌ చేశారు. ఆన్‌లైన్‌లో ఆర్డర్‌ ఇచ్చి కూడా ఆభరణాలను కొనుగోలు చేయొచ్చు. ఆభరణాల నాణ్యత, డిజైన్స్‌ను బట్టే ధర. బ్రాండ్‌ వాల్యూ  జ్యూయెలరీ బ్రాండ్‌:  హౌస్‌ ఆఫ్‌ క్యూసీ జ్యూయెల్స్‌ ధర: డిజైన్, నాణ్యతపై ఆధారపడి ఉంటుంది.  చీర బ్రాండ్‌:  కౌశికి కల్చర్‌ ధర: రూ. 11,000 ఫ్యాషన్‌ అనేది మన తిండి అలవాటులా ఉండాలి. ఎప్పుడు ఒకే ఆహారపదార్థాలను తినలేం. అలాగే ఎప్పుడు ఒకే రకం బట్టలనూ ధరించలేం. – అనసూయ భరద్వాజ్‌  -దీపిక కొండి చదవండి: పెళ్లికళకు పరిపూర్ణత Sreyashi Raka Das: శాంతి నికేతన్‌లో పెరిగిన శ్రేయసి.. అంచెలంచెలుగా ఎదిగి! సొంత లేబుల్‌తో.. View this post on Instagram A post shared by Anasuya Bharadwaj (@itsme_anasuya)

సమంత.. వైవిధ్యమైన నటి అని ప్రత్యేకంగా కితాబివ్వక్కర్లేదు. ఆమె నటించిన సినిమాలు చూస్తే చాలు. అదే వైవిధ్యం ఆమె అనుసరించే ఫ్యాషన్‌లోనూ కనిపిస్తుంది. సాక్ష్యం ఇదిగో.. ఈ బ్రాండ్సే..! దేవనాగరి.. ఓ పండుగ రోజు అమ్మమ్మ తయారుచేసిన సంప్రదాయ దుస్తులు ధరించడంతో అక్కాచెల్లెళ్లు కవిత, ప్రియాంకల భవిష్యత్‌ ప్రణాళిక మారిపోయింది. ఒకరు ఇంజినీర్, మరొకరు డాక్టర్‌ కావాలనుకున్నా.. చివరికి వారిద్దరి కల ఒక్కటే అయింది. అదే ఫ్యాషన్‌ డిజైనింగ్‌. ఆ ఆసక్తితోనే జైపూర్‌లో లభించే సంప్రదాయ దుస్తులపై పరిశోధన చేశారు. కుటుంబ సభ్యుల సహకారంతో 2013లో సొంతంగా ‘దేవనాగరి’ అనే ఓ ఫ్యాషన్‌ హౌస్‌ను ప్రారంభించారు. దేశంలోని ఏ ప్రాంతంలో జరుపుకునే పండుగకైనా వీరి వద్ద దానికి తగ్గ ప్రత్యేకమైన డిజైన్స్‌ లభిస్తాయి. అదే వీరి బ్రాండ్‌ వాల్యూ. చాలామంది సెలబ్రిటీస్‌ వివిధ పండుగల్లో ఈ బ్రాండ్‌ దుస్తుల్లో మెరిసిపోతుంటారు. ధర కాస్త ఎక్కువగానే ఉంటుంది. పలు ప్రముఖ ఆన్‌లైన్‌ స్టోర్స్‌లో ఈ డిజైన్స్‌ లభిస్తాయి.  లిండ్‌బర్గ్‌.. టాప్‌ మోస్ట్‌ లగ్జూరియస్‌ ఫ్యాషన్‌ బ్రాండ్స్‌లో లిండ్‌ బర్గ్‌ ఐ వేర్‌ ఒకటి. డెన్మార్క్‌లో మెయిన్‌ ఆఫీస్‌ ఉంది. అత్యాధునిక డానిష్‌ డిజైన్‌ సూత్రాలపై  తయారుచేసే వీరి అందమైన, నాణ్యమైన  కళ్లజోళ్లకు ఇండియాలో మంచి గిరాకీ ఉంది. 112 అంతర్జాతీయ అవార్డులను ఈ బ్రాండ్‌ సొంతం చేసుకుంది. టైటానియం, ప్లాటినం, బంగారం, వెండి, వజ్రాలు పొదిగిన ఫ్రేమ్స్‌ కూడా ఇక్కడ లభిస్తాయి. అయితే, ఈ బ్రాండ్‌ కేవలం సంపన్నులకు మాత్రమే. ఇక్కడి ప్రారంభ ధరే రూ. లక్షకు పైగా ఉంటుంది. కోటి రూపాయల విలువైన ఫ్రేమ్స్‌ కూడా ఉన్నాయి. ఆన్‌లైన్‌లోనూ లభ్యం.  నచ్చినట్లు ఉండు నీకు నచ్చినట్లు నువ్వుండు. ఈ భూమి మీదకి వచ్చింది ఎవరి అభినందనల కోసమో, ఇతరులను సంతోష పెట్టడానికో కాదు. మనకు ఉన్నదాంట్లో సంతోష పడటానికి అలవాటు పడితే అవసరమైనవన్నీ మనల్ని వెతుక్కుంటూ వస్తాయి. – సమంత  బ్రాండ్‌ వాల్యూ ఐ వేర్‌ బ్రాండ్‌: లిండ్‌బర్గ్‌ ధర: డిజైన్, నాణ్యతపై ఆధారపడి ఉంటుంది.  చీర బ్రాండ్‌:  దేవనాగరి ధర: రూ. 48,500  చదవండి: Sara Ali Khan: పండ్లే కాదు.. వాటి తొక్కలు కూడా వదలను! నా బ్యూటీ సీక్రెట్‌ ఇదే Sudha Ravi: రెండ్రోజుల్లో ఫంక్షన్‌.. మూడు రోజుల్లో పెళ్లి.. సుధా రవికి చెప్పారా? ఆమె స్పెషాలిటీ ఏంటి?

Sreyashi Raka Das: పశ్చిమబెంగాల్‌ లోని చిన్న పట్టణానికి చెందిన శ్రేయసి రక దాస్‌ ఫ్యాషన్‌ డిజైనర్‌గా అంతర్జాతీయ స్థాయిలో పేరు తెచ్చుకుంటోంది. శ్రేయసి ఫ్యాషన్‌ ఇనిస్టిట్యూట్‌లో చదువుకోలేదు. శాంతి నికేతన్‌లో పెరిగిన శ్రేయసి ప్రకృతి నుంచే పాఠాలు, ‘వర్ణ’మాల నేర్చుకుంది. ఫ్యాషన్‌ బ్లాగర్‌గా తన ప్రయాణాన్ని మొదలుపెట్టిన శ్రేయసి ఆ ప్రయాణంలో ఎన్నో విషయాలను నేర్చుకుంది. తన ప్రతిభను మెరుగుపరుచుకుంది. శ్రేయసి క్రియేటివ్‌ ఐడియాలు పెద్ద బ్రాండ్‌లకు నచ్చి అవకాశం ఇచ్చాయి. ఇక వెనక్కి తిరిగిచూసుకోలేదు.‘ఎస్‌ఆర్‌డీ’ లేబుల్‌తో తానే ఒక బ్రాండ్‌గా ఎదిగింది. కొరియన్‌ యూట్యూబర్‌ లునా యోగినితో కలిసి చేసిన ప్రాజెక్ట్‌కు మంచి పేరు వచ్చింది. ‘ఎస్‌ఆర్‌డీ’ వింటర్‌ కలెక్షన్‌కు మార్కెట్‌లో మంచి ఆదరణ దక్కింది. ఇప్పుడు తన దగ్గర ప్రతిభావంతులైన యువబృందం ఉంది. అందరూ కలిసి కొత్తరకం డిజైన్‌ల గురించి ఎప్పటికప్పుడు చర్చిస్తారు. ‘సమ్‌థింగ్‌ ఫర్‌ ఎవ్రీ వన్‌’ అనేది ఎన్‌ఆర్‌డీ అందమైన నినాదం. ‘మనల్ని మనం ప్రేమించుకోగలిగినప్పుడు, ఇతరులలోని ప్రతిభను అభినందించగలిగినప్పుడు అసలుసిసలైన అందం మన కంటికి కనిపిస్తుంది. అప్పుడే అందమైన ఐడియాలు వస్తాయి’ అంటున్న శ్రేయసికి వ్యాపార ప్రయోజనాలు మాత్రమే ప్రాధాన్యత కాదు. 26 సంవత్సరాల శ్రేయసికి సామాజిక స్పృహతో పాటు పర్యావరణ స్పృహ కూడా ఉంది.  చదవండి: Sustainable Fashion: చమురుతో కంటే.. పాలిస్టర్‌తో తయారయ్యే ఫాస్ట్‌ ఫ్యాషన్‌ వల్లే ఎక్కువ కలుషితం! ఏం చేయాలి?

పెళ్లి కూతురు అలంకరణలో రకరకాల మోడల్స్‌లో ఉన్న బ్రేస్‌లెట్‌ రింగ్స్‌ మెహెందీ చేతులను మరింత ఆకర్షణీయంగా మార్చేస్తాయి. ఇక గెట్‌ టు గెదర్‌ వంటి వెస్ట్రన్‌ వేడుకల్లో స్టైలిష్‌ డ్రెస్‌లకు మరింత స్టైలిష్‌ లుక్‌నిస్తున్నాయి ఈ బ్రేస్‌లెట్‌ రింగ్స్‌. అమ్మాయిల అలంకరణలో ప్రతిదీ ప్రత్యేకతను నింపుతుంది. అందమైన దుస్తులే కాదు ఆభరణాలూ అంతే ఘనంగా ఉండాలనుకుంటారు. ఏ వేడుక అయినా మెడలో హారాలు, కాళ్లకు పట్టీలు, చేతులకు గాజులు మ్యాచింగ్‌గా  ఎంపిక చేసుకుంటుంటారు. బంగారు, వెండి లేదా ఫ్యాన్సీ ఆభరణాలను సందర్భానుసారం ఉపయోగిస్తుంటారు. వీటిలో బ్రేస్‌లెట్‌ రింగ్స్‌ ఇప్పుడు కీలకంగా మారాయి. ముంజేతిని చుట్టేసే బ్రేస్‌లెట్‌... దాని నుంచి వేలి ఉంగరానికి జత చేస్తూ ఉన్నట్టుగా ఉండే ఈ మోడల్స్‌ చేతులను మరింతగా హైలైట్‌ చేస్తున్నాయి.  పూసలు వరసలు... ఇవి సంప్రదాయ దుస్తుల మీదకు బాగా నప్పుతున్నాయి. అంటే, సంప్రదాయ వేడుకల సమయాల్లో వీటిని అలంకరించుకోవచ్చు. బ్లాక్‌బీడ్స్‌ వరసతో ఈ అల్లికను గమనించవచ్చు.  రత్నాల రాశులు... నవరత్నాలు, డైమండ్స్‌ పొదిగిన బ్రేస్‌లెట్‌ రింగ్స్‌ పెద్ద పెద్ద వేడుకల్లో మరింత గ్రాండ్‌గా వెలిగిపోతున్నాయి.  బంగారు హంగు... బంగారు తీగెలతో రూపుకట్టిన ఈ ఆభరణం. ఇటు సంప్రదాయ, అటు స్టైలిష్‌ వేర్‌లా కూడా పార్టీకి తగిన హంగును తీసుకువస్తుంది.  వెండి జిలుగులు... వెండి జిలుగుకు పెద్ద పెద్ద స్టోన్స్‌ జత కలిసిన బ్రేస్‌లెట్‌ రింగ్స్‌ మోడర్న్‌ ఔట్‌ఫిట్స్‌కు స్టైలిష్‌ లుక్‌ని ఇస్తున్నాయి. ఇవి ఏ కాలమైనా యూత్‌ని మెప్పిస్తూనే ఉన్నాయి. 

మేఘా ఆకాశ్‌... ‘లై’ సినిమాతో ప్రేక్షకుల ముందుకు వచ్చిన ఈ నటికి సోషల్‌ మీడియాలోనూ తెగ క్రేజ్‌ ఉంది. సందర్భానికి తగ్గట్టు  ట్రెండీ, ట్రెడిషనల్‌ దుస్తుల్లో మెరుస్తూ ఫ్యాషన్‌ వరల్డ్‌లో తనకంటూ ఓ స్టయిల్‌ను క్రియేట్‌ చేసుకుంది. ఆ స్టయిల్‌కి సిగ్నేచర్‌ అయిన బ్రాండ్స్‌లో ఇవీ ఉన్నాయి..  మ్యాడర్‌ మచ్‌ మ్యాడర్‌ మచ్‌ స్థాపకురాలు.. అనితా చంద్రమోహన్‌. ప్రతి ఒక్కరి వార్డ్‌రోబ్‌లోని చేనేత కలెక్షన్స్‌లో ‘మ్యాడర్‌ మచ్‌’ డిజైన్స్‌ ఉండాలన్నది ఆమె లక్ష్యం. సహజ రంగులను ఉపయోగించి, స్థానిక అద్దకం, చేనేత కళాకారులతోనే ఇక్కడి ప్రతి డిజైన్‌ రూపుదిద్దుకుంటుంది. గులాబీ, ఎరుపు రంగు అద్దకం కోసం ఎక్కువగా ఉపయోగించే మంజిష్ఠ (చెక్క) ఈ బ్రాండ్‌ ప్రధాన వస్తువు. దీనిని ఇంగ్లిష్‌లో ‘ఇండియన్‌ మ్యాడర్‌ అని పిలుస్తారు. అందుకే, ఈ బ్రాండ్‌కు  ‘మ్యాడర్‌ మచ్‌’ అని పేరు పెట్టారు. ఇక వీటి డిజైన్, నాణ్యత ఫస్ట్‌క్లాస్‌. ధరలు కూడా ఆ రేంజ్‌లోనే ఉంటాయి. ఆన్‌లైన్‌లోనూ లభ్యం.  PC: Instagram వి విబితా ఎడ్వర్డ్, విజేతా ఎడ్వర్డ్‌.. ఈ ఇద్దరూ అక్కాచెల్లెళ్లు.  బటన్‌ మేకర్స్‌ కుటుంబంలో జన్మించారు. చిన్నతనం నుంచే వారికి బటన్‌ మేకింగ్‌లోని సూక్ష్మ విషయాలు సహా అన్నీ తెలుసు. చెల్లెలు విబితా.. తయారీ లోపంతో తిరస్కరించిన బటన్స్‌తో ఫ్యాషన్‌ ఉపకరణాలను చేసేది. ఆమె ఆలోచనకు అక్క విజేతా తోడైంది. వెంటనే, 2018లో ‘వి’ పేరుతో ఫ్యాషన్‌ బ్రాండ్‌ను ప్రారంభించారు. 85 శాతం రీసైక్లింగ్‌కు వచ్చిన బటన్స్‌నే వాడతారు. పర్యావరణానికి హాని కలిగించే సింథటిక్, పాలియస్టర్‌ బటన్స్‌ను ఉపయోగించరు. ఇక వీటి ధర ఆభరణాల డిజైన్, నాణ్యతపై ఆధారపడి ఉంటుంది. పలు ప్రముఖ ఆన్‌లైన్‌ స్టోర్స్‌ అన్నింటిలోనూ ఈ జ్యూయెలరినీ కొనుగోలు చేయొచ్చు.  బ్రాండ్‌ వాల్యూ డ్రెస్‌ బ్రాండ్‌:  మ్యాడర్‌ మచ్‌  ధర: రూ. 35,580 జ్యూయెలరీ బ్రాండ్‌: వి ధర: ఆభరణాల డిజైన్, నాణ్యతపై ఆధారపడి ఉంటుంది. ప్రయాణాలు చేయటం చాలా ఇష్టం. అందుకే, నా దుస్తుల్లో ఎక్కువగా క్యాజువల్‌ వేర్స్‌ ఉంటాయి. నా స్టయిల్‌ ఎప్పుడూ సింపుల్‌గానే ఉంటుంది.  – మేఘా ఆకాశ్‌.  ∙దీపిక కొండి 

Sugarball Jewellery: జనవరి రాగానే చాలా మంది ఎదురుచూసే పండగ సంక్రాంతి. ఢిల్లీ వాసులు సక్రాత్‌ అని, గుజరాతీయులు ఉత్తరాయణం అని, తమిళనాడులో పొంగల్‌ అని, తెలుగు రాష్ట్రాలలో మకర సంక్రాంతి అనీ అంటారు. పేరు భిన్నంగా ఉండవచ్చు. కానీ వేడుకలో ఉత్సాహం ప్రతి చోటా అధికంగానే ఉంటుంది. అందుకు తగినట్టుగానే మగువలు అలంకరణలోనూ వైవిధ్యం చూపుతుంటారు. సంక్రాంతి అంటేనే ప్రకృతి పండగ.. పతంగుల సంబరం.. ఈ వేడుకకు మరింత వన్నె తెచ్చేవి సంప్రదాయ దుస్తులు మాత్రమే కాదు.. వాటిని మరింత మెరుపులీనేలా చేసే ఆభరణాలు కూడా!  షుగర్‌ బాల్‌ జ్యువెలరీ సంక్రాంతికి సుగర్‌ బాల్స్‌తో చేసిన ఆభరణాలను ధరించడం కొన్ని చోట్ల ఆచారంగా ఉంది. పెళ్లయిన ఏడాదికి నవ వధువుకు చేసే ఈ అలంకరణ మరాఠాలోనూ ఇతర సంప్రదాయాల్లో కనిపిస్తుంది. గసగసాలు లేదా నువ్వులను పంచదార పాకంలో కలుపుతారు. వీటిని సన్నని మంటమీద మిశ్రమం బాగా చిక్కబడేవరకు కలుపుతూ ఉంటారు. ఈ మిశ్రమంతో పూసల్లాంటి చిన్న చిన్న బాల్స్‌ని తయారుచేస్తారు. ఈ చక్కెర బాల్స్‌ని అందమైన వివిధ రకాల ఆభరణాలుగా రూపుకడతారు. ఇవి వధువు భవిష్యత్తు జీవితాన్ని ఆనందకరంగా మార్చుతాయని వారి నమ్మకం. అలాగే ఐదేళ్ల లోపు పిల్లలకు కూడా వీటి అలంకరణ చూడముచ్చటగా ఉంటుంది. పువ్వుల క్రాంతి ఆభరణం అంటే బంగారమే కానక్కర్లేదు. భారతదేశ వివాహ వేడుకల్లో మెహిందీ సమయాల్లో ధరించే ప్రత్యేకమైన పుష్ప హారాలు సంక్రాంతినీ సందడిచేస్తున్నాయి. అమ్మాయిల అందాన్ని పువ్వులతో రెట్టింపు చేస్తున్నాయి. వీటిలో పొడవు హారాలు, చోకర్స్, జూకాలు, గాజులు పువ్వుల అల్లికతో అందంగా అమర్చుకోవచ్చు. ధరించే దుస్తులతోనూ వీటిని మ్యాచ్‌ చేసుకోవచ్చు. ఆన్‌లైన్, ఆఫ్‌లైన్‌లోనూ పువ్వుల ఆభరణాలు అందుబాటులోకి వచ్చాయి.  గోటా పట్టీ  ధరించే దుస్తుల రంగులతో ఫ్యాబ్రిక్, గోటాపట్టీ జ్యువెలరీ కూడా పోటీపడుతుంటాయి. దీంతో ఇవి పండగ కళను మరింత పెంచుతాయి.

తెలుగు సినిమాల్లో మంచి గుర్తింపు తెచ్చుకున్న అతికొద్ది తెలుగు హీరోయిన్స్‌లో ఈషా రెబ్బా ఒకరు. సెలక్టెడ్‌గా సినిమాలు చేస్తూ తనకంటూ ఓ సెపరేట్‌ స్టయిల్‌ క్రియేట్‌ చేసుకున్న ఆమె.. ఫ్యాషన్‌లోనూ అంతే సెలెక్టివ్‌గా ఉంటుంది. ఈ బ్రాండ్స్‌ ఈషా వార్డ్‌రోబ్‌లోనివే..  షామీన్‌ హుస్సేన్‌  మిమ్మల్ని మీరు ఒక ప్రిన్సెస్‌లా చూడాలనుకుంటున్నారా? అయితే, డిజైనర్‌ షామీన్‌ హుస్సేన్‌ కలెక్షన్స్‌ను ఒకసారి ట్రై చేయండి. దేశీ వెర్షన్‌లో అందమైన ఫ్లీ లెహంగాలు, గౌన్లు తయారుచేయడంలో షామీన్‌ స్పెషలిస్ట్‌.   స్టైలిష్‌ లుక్‌నిచ్చే ఈ డిజైన్స్‌ను సెలబ్రిటీలు సైతం ఇష్టపడతారు. చిన్న పిల్లలక్కూడా ఈ డిజైన్స్‌ లభిస్తాయి. స్పెషల్‌గా ఆర్డర్‌ ఇచ్చి డిజైన్‌ చేయించుకునే వీలూ ఉంది. ఆన్‌లైన్‌ స్టోర్‌లో మాత్రమే లభ్యం.  ఛగన్‌లాల్‌ జ్యూయెల్స్‌ 1956లో ఛగన్‌లాల్‌ జ్యూయెల్స్‌ ప్రారంభమైంది. మొదట వీరు కేవలం రాజకుటుంబీకులకు మాత్రమే ఆభరణాలను తయారుచేసేవారట. తర్వాత సామాన్యులు కూడా వీరి ఆభరణాలను ధరించాలనే ఉద్దేశంతో ఈ వ్యాపారాన్ని మొదలుపెట్టారు. ఇక్కడ లభించే ఆభరణాల డిజైన్స్‌ ఎక్కువగా ప్రాచీన సంస్కృతి, సంప్రదాయాలను ప్రతిబింబిస్తుంటాయి. ధర.. ఆభరణాల డిజైన్, నాణ్యతపై ఆధారపడి ఉంటుంది. ఆన్‌లైన్‌లోనూ లభ్యం.  బ్రాండ్‌ వాల్యూ జ్యూయెలరీ బ్రాండ్‌: ఛగన్‌లాల్‌ జ్యూయెల్స్‌ ధర: ఆభరణాల డిజైన్, నాణ్యతపై ఆధారపడి ఉంటుంది. డ్రెస్‌ బ్రాండ్‌: షామీన్‌ హుస్సేన్‌  ధర: రూ. 35,018 నన్ను కొంతమంది ‘తెల్లగా ఉండుంటే ఇంకా ఎక్కువ సినిమాలు చేసేదానివి’ అన్నారు. అలాంటి అభిప్రాయలను నమ్మను.. ఆ మాటలను ఖాతరు చేయను. మేని ఛాయ.. ప్రతిభను కమ్మేయదు.  – ఈషా రెబ్బా  -దీపికా కొండి View this post on Instagram A post shared by Eesha Rebba (@yourseesha) View this post on Instagram A post shared by Eesha Rebba (@yourseesha)

కొంచెం కూల్‌.. కొంచెం హాట్‌.. అన్నట్టుగా ఉంటోంది ఈ వెదర్‌. దీంతో సందర్భాన్ని బట్టి స్పెషల్‌గా రెడీ అవడం కుదరడం లేదు అనుకునే వారికి బెస్ట్‌ ఆప్షన్‌గా నిలుస్తున్నాయి ఈ ఉలెన్‌ కుర్తీలు. పార్టీలో ప్రత్యేకంగా నిలుస్తున్నాయి . చలికి స్వెట్టర్‌ అవసరం లేకుండా కాజువల్‌ వేర్‌ గానూ ఆకట్టుకుంటున్నాయి. ఎనీ వేర్‌ ఎనీ టైం అన్నట్టుగా కుర్తీ అన్ని వయసుల వారి తప్పనిసరి డ్రెస్‌గా నిలిచిపోయింది. సీజన్‌కి తగిన విధంగా, స్టైలిష్‌ వేర్‌గా పేరొందిన కుర్తీ మరింత స్పెషల్‌ గా అట్రాక్ట్‌ చేస్తోంది. చదవండి: Meenakshi Chaudhary: ఆరెంజ్‌ కలర్‌ శారీలో మీనాక్షి తళుకులు! చీర, నగల ధర ఎంతంటే!

‘ఇచ్చట వాహనములు నిలుపరాదు’తో పలకరించిన హీరోయిన్‌ మీనాక్షీ చౌదరి. హిట్‌- 2తో హిట్‌ కొట్టిన ఆమె.. తెలుగు సినీ రంగంలో తనకంటూ ఫ్యాన్‌ ఫాలోయింగ్‌ను సృష్టించుకున్నట్టే...  ఫ్యాషన్‌ వరల్డ్‌లోనూ తనదైన మార్క్‌ను క్రియేట్‌ చేసుకుంది. ఆమెకు నచ్చిన బ్రాండ్స్‌లో ఇవి కొన్ని..  లేబుల్‌ సోనమ్‌ లుథ్రియా.. ముంబై ఎస్‌ఎన్‌డీటీ యూనివర్సిటీ నుంచి ఫ్యాషన్‌ డిజైనింగ్‌ కోర్సు చేసిన సోనమ్‌ లుథ్రియా.. 2012లో తన పేరు మీదే ఓ బొటిక్‌ను ప్రారంభించింది. సంప్రదాయ, క్యాజువల్‌ వేర్‌ను అందించటం ఈ బ్రాండ్‌ ప్రత్యేకత.  ఫ్యాబ్రిక్‌పై సోనమ్‌కున్న పట్టు.. ఆమెను టాప్‌ మోస్ట్‌ డిజైనర్స్‌లో ఒకరిగా చేర్చింది. ఆఫ్‌ బీట్‌ ఫ్యూజన్‌ వేర్, డ్రేప్, ప్రింట్స్, హ్యాండ్‌ ఎంబ్రాయిడరీ డిజైన్స్‌తో ఏ వయసు వారికైనా నచ్చే, నప్పే డిజైన్స్‌ ఇక్కడ లభిస్తాయి. ధర కాస్త ఎక్కువగానే ఉంటుంది. ఆన్‌లైన్‌లోనూ లభ్యం.  కర్ణిక జ్యూయెల్స్‌..  ఫ్యాషన్‌కు తగ్గ ఆభరణాలతోనే  అందం మరింత పెరుగుతుందన్న మాటను బలంగా నమ్మింది కర్ణిక జ్యూయెల్స్‌ ఫౌండర్‌ నిత్యారెడ్డి. అందుకే, ఎప్పటికప్పడు ఆకట్టుకునే అందమైన, వైవిధ్యమైన డిజైన్స్‌ను రూపొందిస్తూ కర్ణిక జ్యూయెల్స్‌ను వన్‌ ఆఫ్‌ ది టాప్‌ మోస్ట్‌ సెలిబ్రిటీ బ్రాండ్స్‌గా నిలిపింది. అన్ని రకాల గోల్డ్, సిల్వర్, గోల్డ్‌ ప్లేటేడ్‌ నగలతో పాటు, ఫ్యూజన్, నక్షీ, నవరతన్, స్వరోవ్‌స్కీ వంటి ఇతర బ్రాండ్ల నగలూ  ఇక్కడ లభిస్తాయి. ధర.. ఆభరణాల డిజైన్, నాణ్యతపై ఆధారపడి ఉంటుంది. వాట్సప్, ఇన్‌స్టాగ్రామ్‌ ద్వారా కూడా కొనుగోలు చేసే వీలుంది.  బ్రాండ్‌ వాల్యూ  చీర బ్రాండ్‌: లేబుల్‌ సోనమ్‌ లూథ్రియా. ధర: రూ. 25,500 జ్యూయెలరీ బ్రాండ్‌:  కర్ణిక జ్యూయెల్స్‌ ధర: రూ. 33,000  నిన్ను నువ్వు తెలుసుకున్నప్పుడు ఎవరూ నిన్ను ఆపలేరు. అలాగే  ముందు మనకు మనం అందంగా ఉన్నామని నమ్మాలి. అప్పుడే మన అందం మరింత అందంగా కనపడుతుంది. – మీనాక్షీ చౌదరి  -దీపికా కొండి

కొన్ని రంగులు కొన్ని సందర్భాలలో ప్రత్యేకత నింపుకుంటాయి. ఎరుపు, తెలుపు, ఆకుపచ్చ కాంబినేషన్‌లో చేసే హంగామా క్రిస్మస్‌ వేడుకలో మరింతగా వెలిగిపోయేలా చేస్తుంది. ఎరుపు, తెలుపు, ఆకుపచ్చ రంగు కాంబినేషన్‌ల డ్రెస్‌లు మాత్రమే కాదు ఇతర అలంకార వస్తువుల్లోనూ ప్రత్యేకత చూపవచ్చు. వాటిలో చేతికి ధరించే బ్రేస్‌లెట్స్, మెడలో ధరించే నెక్‌పీస్, క్రోచెట్‌ హ్యాండ్‌ బ్యాగ్స్, హెయిర్‌ క్లిప్స్‌ అండ్‌ బ్యాండ్స్, చెవులకు హ్యాంగింగ్స్‌ వేడుక ప్రతిఫలించేలా ఎంపిక చేసుకోవచ్చు. నెయిల్‌ ఆర్ట్‌లో భాగంగా క్రిస్మస్‌ ట్రీ, శాంటాక్లాజ్, స్టార్స్‌ డిజైన్స్‌తో మరింతగా మెరిసిపోవచ్చు.  క్రిస్మస్‌ ట్రీలా నిండైన పచ్చదనాన్ని, ఆత్మీయ ఆప్యాయతలను పంచుకునే కానుకలా, స్వచ్ఛతకు ప్రతిరూపంగా నిలుస్తూ భూమిపైన నక్షత్రాల్లా మెరవాలని ఈ రంగులు సూచిస్తుంటాయి. అందుకే ఈ పండగ పూట అలంకరణలో ఈ రంగులు ప్రధాన భూమికను పోషిస్తుంటాయి. ఆధునికంగానూ ఉంటూనే అంతే హంగునూ పరిచయం చేసే ఈ కలెక్షన్‌ పండగ వేళ ఎంచుకుంటే మరింత ప్రత్యేకంగా కనిపిస్తారు. చదవండి: Malavika Sharma: అందమైన అల్లికల శారీలో మెస్మరైజ్‌ చేస్తున్న మాళవిక! చీర ధర 68 వేలకు పైమాటే

Malavika Sharma- Fashion Brands: ‘నేల టికెట్‌’ సినిమాతో టాలీవుడ్‌కు పరిచయం అయింది మాళవిక శర్మ. చేసిన కొద్ది సినిమాల్లోనే వైవిధ్యమైన పాత్రలు పోషించి నటన పట్ల తనకున్న అభిరుచిని చాటుకుంది. ఫ్యాషన్‌ పట్లా తన టేస్ట్‌ భిన్నమైనదేనని తెలుస్తోంది ఆమె ఫాలో అవుతున్న ఈ బ్రాండ్స్‌ను చూస్తుంటే!  స్తోత్రం సంప్రదాయ కట్టుకు పాశ్చాత్య సౌందర్యాన్ని తీసుకు రావడంలో ‘స్తోత్రం’ పెట్టింది పేరు. అంతేకాకుండా అల్లికలు, కుందన్‌ వర్క్స్‌తో అందమైన డిజైన్స్‌ రూపొందించడంలోనూ ఈ బ్రాండ్‌ది ప్రత్యేక ముద్ర. దీని డిజైన్స్‌కు విదేశాల్లోనూ మంచి డిమాండే ఉంది. అయినా సరసమైన ధరల్లోనే లభిస్తాయి. పలు ప్రముఖ ఆన్‌లైన్‌  స్టోర్స్‌లోనూ కొనుగోలు చేసే వీలుంది. PC: Malavika Sharma Instagram ఫైన్‌ షైన్‌ జ్యూయెలరీ చెన్నైకి చెందిన అనిల్‌ కొఠారి .. తొలుత తన కెరీర్‌ను  ‘బ్రౌన్‌ ట్రీ – యువర్‌  హెల్త్‌  ఫుడ్‌  స్టోర్‌ ’ అనే కంపెనీలో ఎగ్జిక్యూటివ్‌గా మొదలుపెట్టాడు. కొద్ది నెలల్లోనే అదే కంపెనీకి సీఈఓగా ఎదిగి సక్సెస్‌ఫుల్‌ బిజినెస్‌మన్‌గా నిలిచాడు. తర్వాత అతని దృష్టి ఫ్యాషన్‌ రంగం మీదకు మళ్లింది. అప్పుడే  ఈ  ‘ఫైన్‌ షైన్‌ జ్యూయెలరీ’ని ప్రారంభించాడు. అనేక ఫ్యాషన్‌ ఈవెంట్లకు తన బ్రాండ్‌ నగలను స్పాన్సర్‌ చేశాడు. ప్రధాన కస్టమర్లు సెలబ్రిటీలే. అందుకే వీటి ధరలు కూడా అదే రేంజ్‌లో ఉంటాయి. ఆన్‌లైన్‌లోనూ లభ్యం. PC: Malavika Sharma Instagram బ్రాండ్‌ వాల్యూ  చీరబ్రాండ్‌: స్తోత్రం  ధర: రూ. 68,500 జ్యూయెలరీ బ్రాండ్‌: ఫైన్‌ షైన్‌  ధర: ఆభరణాల డిజైన్, నాణ్యతపై ఆధారపడి ఉంటుంది. అందుకే లాయర్‌ కావాలనుకున్నా.. నల్లరంగు అంటే చాలా ఇష్టం. అందుకే లాయర్‌ కావాలనుకున్నా.. – మాళవిక శర్మ   -దీపిక కొండి చదవండి: Kajol: 48 ఏళ్ల వయసులోనూ ఆకట్టుకునే రూపం.. ఈ మూడు పాటించడం వల్లే అంటున్న కాజోల్‌

Allu Arjun Wife Allu Sneha Reddy- Fashion Brands: ట్రెండ్‌ను ఫాలో అవుతూ స్టైల్‌ మెయింటైన్‌  చేయడంలో ఐకాన్‌ స్టార్‌ అల్లు అర్జున్‌ ముందుంటారు అన్న విషయం తెలిసిందే. అయితే అలాంటి స్టైలిష్‌ స్టార్‌కు సరిజోడు అనిపించుకుంటోంది అల్లు స్నేహారెడ్డి. ఫంక్షన్‌ అయినా.. పార్టీ అయినా.. ఔటింగ్‌ అయినా.. తనకు నప్పే అవుట్‌ ఫిట్‌తో సెంటర్‌ ఆఫ్‌ అట్రాక్షన్‌గా నిలుస్తోంది. అలా తనను ఎలివేట్‌ చేసే లుక్‌ కోసం స్నేహారెడ్డి డిపెండ్‌ అయ్యే ఫ్యాషన్‌ బ్రాండ్స్‌లో ఇవీ ఉన్నాయి..   లేబుల్‌ క్షితిజ్‌ జలోరీ క్షితిజ్‌.. న్యూఢిల్లీలోని నేషనల్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీలో టెక్స్‌టైల్‌ కోర్సు పూర్తి చేశాడు. తర్వాత కొంత కాలం వివిధ ప్రాంతాల్లో పర్యటించి దేశ సంస్కృతీసంప్రదాయాలను ప్రేరణగా తీసుకొని 2018లో ‘లేబుల్‌ క్షితిజ్‌ జలోరీ’ని ప్రారంభించాడు. దేశీ సంప్రదాయ నేత కళ, వరల్డ్‌ ట్రెండ్స్‌ అండ్‌ స్టయిల్స్‌ను పడుగుపేకలుగా పేర్చి డిజైన్స్‌ను క్రియేట్‌ చేస్తున్నాడు. అతివలు నచ్చే.. మెచ్చే చీరలు, దుపట్టాలు, లెహంగాలను డిజైన్‌ చేయడంలో ఈ బ్రాండ్‌కి సాటి లేదు. అయితే వీటి ధరలు కాస్త ఎక్కువగానే ఉంటాయి. ఖన్నా జ్యూయెలర్స్‌ నగల వ్యాపారంలో డెబ్భై ఏళ్లకు పైగా నమ్మకాన్ని నిలబెట్టుకుంటున్న ఈ ఖన్నా జ్యూయెలర్స్‌ను స్వర్గీయ శ్రీ వజీర్‌ చంద్‌ ఖన్నా ప్రారంభించారు.  చిక్, లష్‌ పోల్కిస్‌ – ఫ్యూజన్‌ స్టైల్స్‌ బంగారు ఆభరణాలు ఈ బ్రాండ్‌ ప్రత్యేకత. ప్రస్తుతం ఢిల్లీతోపాటు  చెన్నై, కోయంబత్తూర్‌లలో ఈ జ్యూయెలర్స్‌కి స్టోర్స్‌ ఉన్నాయి. ఆన్‌లైన్‌లో కొనుగోలు చేసే వీలుంది. ధర.. ఆభరణాల డిజైన్, నాణ్యతపై ఆధారపడి ఉంటుంది. బ్రాండ్‌ వాల్యూ  చీర బ్రాండ్‌: లేబుల్‌ క్షితిజ్‌ జలోరీ ధర: రూ. 59,800 జ్యూయెలరీ బ్రాండ్‌: ఖన్నా జ్యూయెలర్స్‌ ధర: ఆభరణాల డిజైన్, నాణ్యతపై ఆధారపడి ఉంటుంది. అలా ఏం లేదు.. నాకు సపరేట్‌ స్టైల్‌ అంటూ లేదు. అకేషన్‌కి తగ్గట్టు రెడీ అవడమే! – అల్లు స్నేహా రెడ్డి. -దీపికా కొండి చదవండి: Bhagyashree: 53 ఏళ్ల వయసులోనూ అందంలో తగ్గేదేలే! నా బ్యూటీ సీక్రెట్‌ అదే! Varsha Bollamma: ఈ హీరోయిన్‌ ధరించిన డ్రెస్‌ ధర 9500! జైరా బ్రాండ్‌ ప్రత్యేకత అదే! సామాన్యులకు కూడా View this post on Instagram A post shared by Allu Sneha Reddy (@allusnehareddy)

‘మిడిల్‌ క్లాస్‌ మెలోడిస్‌’తో తెలుగు ప్రేక్షకులను ఆకట్టుకున్న తార.. వర్ష బొల్లమ్మ. సాదాసీదా పక్కింటి అమ్మాయిలా కనిపిస్తూ.. తన సహజమైన నటనతో మురిపించిన ఆమె ఫ్యాషన్‌ అభిరుచిని తెలిపే బ్రాండ్స్‌ ఏంటో చూద్దాం... జైరా ‘ఎవరి అందం వారిదే. ఆ అందాన్ని రెట్టింపు చేయడమే నా బ్రాండ్‌ లక్ష్యం’ అంటోంది కేరళకు చెందిన జైరా. ఫ్యాషన్‌ పై ఉన్న ప్యాషన్‌తో చదువు పూర్తయిన వెంటనే తన పేరు మీదే ఓ బోటిక్‌ ప్రారంభించింది.  అందమైన డిజైన్స్‌తో అనతికాలంలోనే  ఫ్యాషన్‌ ప్రపంచంలో తన ప్రత్యేకతను చాటుకుంది. ఆమె డిజైన్స్‌కు సెలబ్రిటీలు కూడా వీరాభిమానులయ్యారు. అయినా సామాన్యులూ కొనగొలిగే స్థాయిలోనే   జైరా బ్రాండ్‌ ధరలు ఉంటాయి. ఆన్‌లైన్‌లోనూ లభ్యం.. అడోర్‌..  ఇదొక ఆన్‌లైన్‌ స్టోర్‌. ఢిల్లీకి చెందిన ప్రియాంక, సుధీర్‌ కుమార్‌ అనే ఇద్దరు స్నేహితులు స్థాపించిన ఈ బ్రాండ్‌.. అతి తక్కువ సమయంలోనే కస్టమర్‌–సెంట్రిక్‌ కంపెనీగా నిలిచింది. తక్కువ ధరలకే చక్కటి డిజైన్లలో సహజమైన రాతి ఆభరణాలను అందిస్తున్నారు. అదే వీరి బ్రాండ్‌ వాల్యూ. కేవలం ఆన్‌లైన్‌లో మాత్రమే కొనుగోలు చేసే వీలుంది. లైట్‌ అప్‌ సోల్‌.. సంప్రదాయ అల్లికలు, కుందన్‌  వర్క్స్‌తో ఫుట్‌వేర్‌ అందించడం ‘లైట్‌ అప్‌ సోల్‌’ స్పెషాలిటీ. అంతేకాకుండా అందమైన హ్యాండ్‌ మేడ్‌ బ్యాగులు కూడా ఇక్కడ లభిస్తాయి. ఇవన్నీ  సరసమైన ధరల్లోనే దొరుకుతాయి. కానీ ఆన్‌లైన్‌ స్టోర్‌లో మాత్రమే! బ్రాండ్‌ వాల్యూ డ్రెస్‌ బ్రాండ్‌: జైరా ధర: రూ. 9,500 జ్యూయెలరీ బ్రాండ్‌: అడోర్‌ ధర: రూ. 395 ఫుట్‌వేర్‌ బ్రాండ్‌: లైట్‌ అప్‌ సోల్‌ ధర: రూ. 999 -దీపిక కొం‍డి చదవండి: పర్పుల్‌ కలర్‌ అవుట్‌ఫిట్‌లో మెరిసిపోతున్న ‘వింక్‌ బ్యూటీ’! డ్రెస్‌ ధర ఎంతంటే! Floral Designer Wear: ఈవెనింగ్‌ పార్టీల్లో ఫ్లోరల్‌ డిజైనర్‌ వేర్‌తో మెరిసిపోండిలా!

తొలి సినిమా ‘ఒరు అడార్‌ లవ్‌’ లోని కన్ను కొట్టే సీన్‌తో ‘వింక్‌ బ్యూటీ’ గా పేరు తెచ్చుకున్న నటి ప్రియా ప్రకాశ్‌ వారియర్‌! సోషల్‌ మీడియాలో చాలా యాక్టివ్‌గా ఉండే ఈ హీరోయిన్‌ ఫ్యాషన్‌ ట్రెండ్స్‌ను ఫాలో అవడంలోనూ అంతే ఫాస్ట్‌గా ఉంటుంది. అలా ఆమె అభిమానాన్ని చూరగొన్న ఫ్యాషన్‌ బ్రాండ్స్‌లో ఇవీ ఉన్నాయి..  ప్రత్యూష గరిమెళ్ల.. హైదరాబాద్‌కు చెందిన ప్రత్యూష గరిమెళ్ల.. చిన్నప్పటి నుంచి తను పెద్ద ఫ్యాషన్‌  డిజైనర్‌ని కావాలని కలలు కన్నారు. ఆ ఆసక్తితోనే ఎన్‌ఐఎఫ్‌టీలో ఫ్యాషన్‌  డిజైనింగ్‌ కోర్సు చేసింది. అనంతరం 2013లో హైదరాబాద్‌లో తన పేరు మీదే ఓ బొటిక్‌ను ప్రారంభించించారు. అతి సూక్ష్మమైన అల్లికలతో వస్త్రాలకు అందాన్ని అద్దడమే ఆమె బ్రాండ్‌ వాల్యూ. చాలామంది సెలబ్రిటీలకు దుస్తులను డిజైన్‌  చేసింది. ధర డిజైన్‌ను బట్టే. ప్రముఖ ఆన్‌లైన్‌  స్టోర్స్‌ అన్నింటిలోనూ ఆమె డిజైన్స్‌ లభ్యం. కాగా ఈ ఏడాది జూన్‌లో ప్రత్యూష గరిమెళ్ల బలవన్మరణానికి పాల్పడి తన వాళ్లను విషాదంలోకి నెట్టారు. ఆమ్రపాలి నిజానికి ఇదొక మ్యూజియం. అంతరించిపోతున్న గిరిజన సంప్రదాయ ఆభరణాల కళను కాపాడేందుకు ఇద్దరు స్నేహితులు రాజీవ్‌ అరోరా, రాజేష్‌ అజ్మేరా కలసి జైపూర్‌లో ‘ఆమ్రపాలి’ పేరుతో మ్యూజియాన్ని స్థాపించారు. నచ్చిన వాటిని కొనుగోలు చేసే వీలు కూడా ఉంది. కానీ ధర లక్షల్లో ఉంటుంది. అందుకే, అలాంటి డిజైన్స్‌లో ఆభరణాలు రూపొందించి తక్కువ ధరకు అందించేందుకు ‘ఆమ్రపాలి జ్యూయెలరీ’ని ప్రారంభించారు. ఒరిజినల్‌ పీస్‌ అయితే మ్యూజియంలో, మామూలు పీస్‌ అయితే ఆమ్రపాలి జ్యూయెలరీలో లభిస్తుంది. చాలామంది సెలబ్రిటీస్‌కు ఇది ఫేవరెట్‌ బ్రాండ్‌. ఆన్‌లైన్‌లోనూ ఆమ్రపాలి జ్యూయెలరీని కొనుగోలు చేయొచ్చు. బ్రాండ్‌ వాల్యూ డ్రెస్‌ డిజైనర్‌: ప్రత్యూష గరిమెళ్ల  ధర: రూ. 40,800 జ్యూయెలరీ బ్రాండ్‌:  ఆమ్రపాలి జ్యూయెల్స్‌  ధర: డిజైన్, నాణ్యతపై ఆధారపడి ఉంటుంది. అదో సరదా వర్షాకాలం రాగానే కొత్త గొడుగు కొనడం నాకో సరదా. ట్రాన్స్‌పెరెంట్‌ గొడుగు, రెయిన్‌  కోట్‌ కొనుక్కునేదాన్ని. ఆ గొడుగు, రెయిన్‌  స్లిప్పర్స్‌ వేసుకుని స్కూల్‌ బస్‌ కోసం వెయిట్‌ చేసి, స్కూల్‌కి వెళ్లడం అంటే నాకు భలేగా ఉండేది. - ప్రియా ప్రకాశ్‌ వారియర్‌ -దీపిక కొండి చదవండి: Floral Designer Wear: ఈవెనింగ్‌ పార్టీల్లో ఫ్లోరల్‌ డిజైనర్‌ వేర్‌తో మెరిసిపోండిలా!

Winter Fashion: వింటర్‌ సీజన్‌ ఈవెనింగ్‌ పార్టీలతో బ్రైట్‌గా వెలిగిపోతుంది. గెట్‌ టు గెదర్‌ కాన్సెప్ట్స్‌ గెట్‌ రెడీ అంటుంటాయి. ఇలాంటప్పుడు నలుగురు కలిసే చోట న్యూ లుక్‌తో కనిపించాలని కోరుకుంటుంది నవతరం.  ఇండో–వెస్టర్న్‌ లుక్‌తో అట్రాక్ట్‌ చేయాలనుకుంటుంది. వారి అభిరుచులకు తగినట్టు డిజైన్‌ చేసిన డ్రెస్సులు ఇవి...  ఈ డ్రెస్సులన్నీ దాదాపుగా ఫ్లోరల్‌ కాన్సెప్ట్‌గా డిజైన్‌ చేశాం.  ప్లెయిన్‌ శాటిన్, రా సిల్క్, జార్జెట్, ఆర్గంజా మెటీరియల్‌ని డ్రెస్‌ డిజైనింగ్‌లో వాడాం. ఫ్లోరల్‌ డిజైన్‌ కోసం హ్యాండ్‌ ఎంబ్రాయిడరీతో హైలైట్‌ చేశాం. ఇండోవెస్ట్రన్‌ లుక్‌కి పలాజో, ధోతీ, లాంగ్‌ ఫ్రాక్స్, లెహంగా మోడల్స్‌ తీసుకున్నాం.  – తరుణి శ్రీగిరి , ఫ్యాషన్‌ డిజైనర్‌  చదవండి: Aishwarya Lekshmi: పెళ్లి కూతురి కలెక్షన్స్‌కు పెట్టింది పేరు ఈ బ్రాండ్‌! ఐశ్వర్య ధరించిన డ్రెస్‌ ధర ఎంతంటే! Winter Sweater Trendy Designs: శీతాకాలం.. ఆధునికతకు అద్దం పట్టేలా ఊలుదారాల అల్లికలు

నటిగా, నిర్మాతగా, టాక్‌ షో  హోస్ట్‌గా.. ఏ రోల్‌ అయినా పర్‌ఫెక్ట్‌గా పోషిస్తారు  లక్ష్మీ మంచు. ఫ్యాషన్‌లోనూ అదే పర్‌ఫెక్షన్‌ను చూపిస్తున్నారు. ఆ ఠీవికి కారణమైన బ్రాండ్స్‌లో ఇవీ ఉన్నాయి..  డి బెల్లె..... సూరత్‌కు చెందిన నాన్సీ లుహరువాలాకు ట్రావెలింగ్‌ అంటే చాలా ఇష్టం. ఆ ప్రయాణమే వివిధ ప్రాంతాల్లో ధరించే దుస్తులపై ఆమెకు ఆసక్తి కలిగేలా చేసింది. ఆ ఆసక్తితోనే నాన్సీ  2014లో లేబుల్‌ ‘డి బెల్లె’ను ప్రారంభించి డిజైనర్‌గా మారింది. ఆధునిక మహిళలను ఆకట్టుకునేలా పలురకాల దుస్తులను రూపొందించడం ఆమె డిజైనింగ్‌లోని విశిష్టత. విదేశాల్లోనూ నాన్సీ కలెక్షన్స్‌కు మంచి డిమాండ్‌ ఉంది.  డిజైన్‌ బట్టే ధరలు. ఆన్‌లైన్‌లోనూ కొనుగోలు చేయొచ్చు. రోజ్‌ జ్యూయెల్స్‌.. దేశంలోని ప్రముఖ జ్యూయెలరీ బ్రాండ్స్‌లో ఇది ఒకటి. 1981లో మొదలైందీ సంస్థ. ‘రోజ్‌ ’ అనే పేరు అందం, శక్తి, రాయల్టీని సూచిస్తుంది. భారతీయ హస్తకళల నైపుణ్యాన్ని, విలువను సంరక్షించడం ఈ బ్రాండ్‌ లక్ష్యం. తూర్పు, పశ్చిమ దేశాల సంస్కృతి, అభిరుచుల సమ్మేళనంగా ఉంటాయి ఈ ఆభరణాలు. ధర లక్షల్లోనే.. ఆన్‌ లైన్‌లోనూ లభ్యం. బ్రాండ్‌ వాల్యూ  చీర బ్రాండ్‌: డి బెల్లె ఈ ఆనియన్‌ పింక్‌ చీర ధర: రూ. 1,44,000 జ్యూయెలరీ బ్రాండ్‌:  రోజ్‌ జ్యూయెల్స్‌  ధర: డిజైన్, నాణ్యతపై ఆధారపడి ఉంటుంది. అనుభవాన్ని మించిన గురువు ఉండరు. జీవన ప్రయాణంలో ఎదురయ్యే వ్యక్తులు, సంఘటనలకు మించిన పాఠాలు ఉండవు.  –  లక్ష్మీ మంచు   -దీపిక కొండి చదవండి: Sobhita Dhulipala: శోభిత కట్టిన ఈ చీర ధర 4 లక్షల 80 వేలు!  Retro Style: రెట్రో స్టైల్‌.. నాటి మహారాణీ చీరకట్టు హుందాతనం.. మళ్లీ ఇలా View this post on Instagram A post shared by Manchu Lakshmi Prasanna (@lakshmimanchu)

‘కృష్ణ వ్రిందా విహారి’ సినిమాతో తెలుగు ప్రేక్షకులకు పరిచయమైన నటి షిర్లీ సేథియా. న్యూజిలాండ్‌ సింగర్‌. తన పాటల్లోనే కాదు ఫ్యాషన్‌లోనూ వైవిధ్యం చూపిస్తోంది ఇలా...  సంగీతా బూచ్రా రాజస్థాన్‌  సంప్రదాయ నగల స్ఫూర్తితో ఏర్పడిన బ్రాండే సంగీతా బూచ్రా జ్యుయెల్స్‌. వెండి నగలకు ఈ బ్రాండ్‌ ప్రత్యేకం. నిజానికి ఈ వ్యాపారాన్ని 1897లో జైపూర్‌లో సేఠ్‌ కస్తూర్‌ చంద్‌ బూచ్రా ప్రారంభించాడు. ఆభరణాల నాణ్యత, డిజైన్స్‌ కారణంగా దాదాపు దశాబ్దాల పాటు దీన్ని విజయవంతంగా కొనసాగిస్తూ.. ‘ది సిల్వర్‌ కింగ్‌ ఆఫ్‌ ఇండియా’గా ప్రాచుర్యం పొందాడు. తదనంతరం ఆ వ్యాపారాన్ని ఆయన కుటుంబీకులూ అంతే సమర్థంగా కొనసాగించారు. అయితే 1994లో ఆ కుటుంబ వారసురాలు  సంగీత.. ఆ వ్యాపారాన్ని  ‘సంగీత బూచ్రా’ పేరుతో బ్రాండ్‌గా మలచింది. వాల్యూను పెంచింది. ధరలు అందుబాటులోనే.. నగలు ఆన్‌లైన్‌లో! సోనమ్‌ లూథ్రియా..... ముంబైలోని ఎస్సెన్‌డీటీ యూనివర్సిటీ నుంచి ఫ్యాషన్‌ డిజైన్‌ గ్రాడ్యుయేట్‌ అయిన సోనమ్‌ లూథ్రియా.. 2012లో ఈ బ్రాండ్‌ను ప్రారంభించింది. ఫ్యాబ్రిక్స్, ప్రింట్లు, త్రెడ్‌ వర్క్‌లతో వైవిధ్యం చూపించడం ఆమె ప్రత్యేకత. కస్టమర్‌ అభిరుచిని బట్టి సృజనాత్మకమైన ఆఫ్‌ బీట్‌ ఫ్యూజన్‌ వేర్, అందమైన డ్రెప్‌లు, సంప్రదాయేతర కట్‌లు, హ్యాండ్‌ ఎంబ్రాయిడరీ ప్యాటర్న్‌లతో ఇండియన్‌ వేర్‌ను డిజైన్‌ చేయడంలో ఆమె తర్వాతనే ఎవరైనా! పిల్లల నుంచి పెద్దల వరకు అందరికీ ఇక్కడ దుస్తులు లభిస్తాయి. ఆర్డర్‌ ఇచ్చి కూడా డిజైన్‌ చేయించుకొనే వీలుంది. ఆన్‌లైన్‌లో లభ్యం. ధర కాస్త ఎక్కువే. బ్రాండ్‌ వాల్యూ చీర బ్రాండ్‌: సోనమ్‌ లూథ్రియా ధర: రూ. 36,000 జ్యూయెలరీ బ్రాండ్‌: సంగీతా బూచ్రా జ్యూయెల్స్‌ ధర: రూ. 15,000 ఆదరాభిమానాలను చూస్తుంటే సంతోషంగా ఉంది! నటిని కావాలనే ఇష్టంతో న్యూయార్క్‌ ఫిల్మ్‌ అకాడమీలో చేరాను. కానీ నేను సింగర్‌ను కావాలని విధి  నిర్ణయించింది.  నా పాటల పట్ల ప్రేక్షకుల ఆదరాభిమానాలను చూస్తుంటే సంతోషంగా ఉంది! –  షిర్లీ సేథియా  -దీపిక కొండి  చదవండి: Sobhita Dhulipala: శోభిత కట్టిన ఈ చీర ధర 4 లక్షల 80 వేలు! ఆ బ్రాండ్‌ ప్రత్యేకత అదే! ప్యాంట్‌ శారీ.. చెవులకు పెద్ద హ్యాంగింగ్స్‌, ఫిష్‌ టెయిల్‌.. మీరే హైలైట్‌!

సంప్రదాయ వేడుకల్లో చీరకట్టు, లంగా ఓణీ అమ్మాయిల ఎవర్‌గ్రీన్‌ డ్రెస్‌గా ఉంటుంది. కానీ, ఆ‘కట్టు’కోవడంలో పెద్ద ఇబ్బందిగా ఫీలవుతుంటారు. పెద్దవారిలా చీరకట్టు ఎందుకు అని ప్రశ్నించే నవతరం పెద్దవారు సైతం మెచ్చేలా డ్రెస్సింగ్‌ ఉండాలంటే ప్యాంట్‌ శారీ సరైన ఎంపిక అవుతుంది. స్టైలిష్‌ జాబితాలో ముందు వరసలో ఉంటుంది. వేడుకలలో హైలైట్‌గా నిలుస్తుంది. ముఖ్యంగా ఈ దీపావళి మరింత శోభాయమానం అవుతుంది. కుర్తీస్‌కి పలాజో ప్యాంట్‌ ధరించడం మనకు తెలిసిందే. పలాజో టాప్‌ విత్‌ దుపట్టాతో లుక్‌లో మార్పు తీసుకురావచ్చు. అలాగే, పలాజో స్కర్ట్, షరారా ప్యాంట్, స్ట్రెయిట్‌ కట్‌ ప్యాంట్స్‌ కూడా ఈ స్టైల్‌కు బాగా నప్పుతాయి.  కాంట్రాస్ట్‌ ప్యాంట్‌–టాప్‌ సేమ్‌ ప్లెయిన్‌ కలర్‌లో ఉండి, దీనికి కాంట్రాస్ట్‌ లేదా ఫ్లోరల్‌ దుపట్టాతో అలంకరిస్తే చాలు. ‘స్టైలిష్‌ లుక్‌ అంతా మీలోనే కనిపిస్తుంది’ అన్న కితాబులు అందుకుంటారు.  ప్లెయిన్‌  ఒకే రంగులో ఉండే ప్లెయిన్‌ శారీ ప్యాంట్‌లు ఈవెనింగ్‌ గెట్‌b టు గెదర్‌ పార్టీలకు బాగా నప్పుతాయి. ఇవి శారీ గౌన్‌ స్టైల్‌లో కనిపించడంతో ఇండోవెస్ట్రన్‌ లుక్‌లో ఆకట్టుకుంటాయి.  ఆభరణాలు.. డ్రెస్‌తోనే స్టైలిష్‌గా కనిపిస్తారు కాబట్టి ఇతరత్రా అలంకరణలు పెద్దగా అవసరం లేదు. అయితే నడుముకు మాత్రం ఎంబ్రాయిడరీ చేసిన ఫ్యాబ్రిక్‌ బెల్ట్‌ ధరిస్తే లుక్‌ బాగుంటుంది. చెవులకు పెద్ద హ్యాంగింగ్స్‌ పెట్టేస్తే చాలు. కేశాలంకరణలో ఫిష్‌ టెయిల్‌ లేదా లూజ్‌గా వదిలేస్తే ముస్తాబు పూర్తయినట్టే.  చదవండి: Sobhita Dhulipala: శోభిత కట్టిన ఈ చీర ధర 4 లక్షల 80 వేలు! ఆ బ్రాండ్‌ ప్రత్యేకత అదే! Gota Work: గోటా పట్టి.. దీపకాంతుల కోసం ముస్తాబులో మరిన్ని వెలుగులు!

ఎప్పుడో గానీ తెలుగు సినిమాల్లో తెలుగు హీరోయిన్లు కనిపించరు. ‘గూఢచారి’ చిత్రం ద్వారా టాలీవుడ్‌కు పరిచయమైన తెలుగమ్మాయి శోభిత ధూళిపాళ. తమిళ, మలయాళం, హిందీ సినిమాల్లోనే కాదు హాలీవుడ్‌  సినిమా ‘మంకీ మ్యాన్‌’లోనూ నటిస్తూ బిజీగా ఉంది. శోభిత హాలీవుడ్‌ స్క్రీన్‌ పరిచయానికి ఆమె యూనిక్‌ స్టయిలే కారణం అంటున్నాయి ఇండస్ట్రీ వర్గాలు. ఆ స్టయిల్‌ ఏంటో చూద్దాం... తరుణ్‌ తహిలియానీ.... తరుణ్‌ తహిలియానీ .. ప్రసిద్ధ ఫ్యాషన్‌ డిజైనర్‌. భార్య శైలజా సాల్‌ తహిలియానీతో కలసి 1987లో మల్టీ–డిజైనర్‌ బోటిక్‌ స్థాపించాడు. తర్వాత 1990లో తహిలియానీ డిజైన్‌ స్టూడియో కూడా ప్రారంభించాడు. భారతీయ హస్తకళా నైపుణ్యాన్ని ప్రతిబింబించేలా ఉంటాయి అతని డిజైన్స్‌! ముఖ్యంగా సంప్రదాయ సౌందర్యాన్ని ఆధునిక డిజైన్స్‌తో సమ్మిళితం చేయడం అతని సిగ్నేచర్‌ స్టయిల్‌. పెళ్లి దుస్తులకు పెట్టింది పేరు. ఈ మధ్యనే ఈవెంట్‌ డిజైనింగ్‌నూ ప్రారంభించాడు. అయితే తహిలియానీ డిజైన్స్‌ను సామాన్యులు అందుకోవడం అసాధ్యమే. ఆన్‌ లైన్‌లో లభ్యం.   ఆమ్రపాలి జ్యూయెలరీ  రాజీవ్‌ అరోరా, రాజేష్‌ అజ్మేరా అనే మిత్రులు కలసి జైపూర్‌లో ‘ఆమ్రపాలి’ పేరుతో ఓ మ్యూజియాన్ని ప్రారంభించారు. ఇక్కడ వివిధ సంప్రదాయ ఆభరణాలను చూడొచ్చు. నచ్చితే కొనుగోలూ చేసుకోవచ్చు. ధర మాత్రం లక్షల్లో ఉంటుంది. అందుకే ఆ యాంటిక్‌ జ్యూయెలరీకి రెప్లికా డిజైన్స్‌ను సరసమైన ధరలకే అందుబాటులోకి  తెచ్చారు ఈ ఇద్దరూ. ఆమ్రపాలి.. ట్రైబల్‌ డిజైన్స్‌కు ప్రసిద్ధి. చాలా మంది సెలబ్రిటీస్‌కి ఇది ఫేవరేట్‌ బ్రాండ్‌.  ఆన్‌లైన్‌లోనూ ఆమ్రపాలి జ్యూయెలరీని కొనుగోలు చేయొచ్చు. బ్రాండ్‌ వాల్యూ చీర బ్రాండ్‌: తరుణ్‌ తహిలియానీ ధర: రూ. 4,79,900 జ్యూయెలరీ  బ్రాండ్‌: ఆమ్రపాలి జ్యూయెల్స్‌ ధర: డిజైన్, నాణ్యతపై ఆధారపడి ఉంటుంది. సంప్రదాయ దుస్తులను వెస్టర్న్‌ లుక్‌లో.. అంటే సౌకర్యంగా ఉండేలా  వేసుకోవడమే నాకు నచ్చే.. నేను మెచ్చే స్టయిల్‌. నిజానికి దుస్తులకంటే  ఆభరణాల ఫ్యాషన్‌ పైనే నాకు ఆసక్తి ఎక్కువ. ముఖ్యంగా కమర్‌బంధ్‌(వడ్డాణం) అన్నా డైమండ్స్‌ అన్నా చాలా ఇష్టం. ఇక నేను ఎక్కడికి వెళ్తున్నానో దాన్నిబట్టి ఉంటుంది నా ఫ్యాషన్‌ స్టయిల్‌! – శోభిత ధూళిపాళ -దీపిక కొండి చదవండి: Gota Work: గోటా పట్టి.. దీపకాంతుల కోసం ముస్తాబులో మరిన్ని వెలుగులు! Ramya Krishnan: రమ్యకృష్ణ ధరించిన ఈ చీర ధర 2.75 లక్షలు! ప్రత్యేకత ఏమిటంటే!

రాబోయే దీపకాంతుల కోసం ముస్తాబులో మరిన్ని వెలుగులు చోటుచేసుకోవాలనుకునేవారికి సరైన ఎంపికగా నిలుస్తుంది గోటా వర్క్‌ డిజైన్స్‌. డ్రెస్, శారీ, లెహంగా.. ఏ డ్రెస్‌నైనా అందంగా మార్చే ఈ కళారూపం అతివలను అమితంగా ఆకట్టుకుంటుంది. ఆభరణాలలోనూ అందంగా ఇమిడిపోతుంది.  రాజస్థాన్‌లో పుట్టి, దేశమంతా మెచ్చిన గోటా పట్టి లేదా గోటా వర్క్‌ మనదైన ఎంబ్రాయిడరీ శైలి. ఇది ఆప్లిక్‌ వర్క్‌ నైపుణ్యాలతో ఉంటుందని చెప్పవచ్చు. వెండి, జరీ రిబ్బన్‌ చిన్న చిన్న ముక్కలను వివిధ నమూనాలుగా రూపొందించి, ఫ్యాబ్రిక్‌పైన డిజైన్‌ చేస్తారు. గ్రాండ్‌ లుక్‌ కోసం ధరించే ఈ ఎంబ్రాయిడరీ దుస్తులు వేడుకలలో ప్రత్యేకంగా నిలుస్తుంటాయి. గోటా అనేది లక్నో నుంచి వచ్చిన జరీ రిబ్బన్‌ లేదా లేస్‌ అని చెప్పవచ్చు. దీనిని ట్విల్‌ నేతలతో వివిధ రంగు రిబ్బన్లను ఉపయోగించి డిజైన్‌ చేస్తారు. వెండి, బంగారు, రాగి లోహాలతో డిజైన్‌ చేసిన గోటా కాలానుగుణంగా మార్పులు చెంది ప్లాస్టిక్‌తోనూ అందరికీ అందుబాటులోకి వచ్చింది. ఫ్యాబ్రిక్‌పై ఈ డిజైన్‌ను గుర్తించడం కూడా చాలా సులువు. అలాగే, డిజైన్‌ చేయడం కూడా సులువుగానే ఉంటుంది. డిజైన్‌ బట్టి, గోటాను వివిధ ఆకారాలలో కత్తిరించి, మడత పెట్టి, చేత్తో కుడతారు. ప్రకృతి ప్రేరణ పువ్వులు, లతలు, నెమళ్లు, చిలుకలతో పాటు ఏనుగుల వంటి జంతు బొమ్మలను ఈ వర్క్‌లో ఎక్కువ చూస్తుంటాం. గ్రాండ్‌గా ఉండే ఈ వర్క్‌ డ్రెస్సులను శుభకార్యాలలో ధరించడం కూడా మన దేశంలో సంప్రదాయంగా వస్తుంది.  ఆభరణాల జిలుగులు గోటా వర్క్‌ లేదా లేస్‌లలో ఉండే డిజైన్స్‌ ఆభరణాల నిపుణులనూ ఆకర్షించింది. అందుకే వీటిని ఫ్యాషన్‌ జ్యువెలరీలో భాగంగా వివిధ రూపాలలో తీర్చిదిద్దుతున్నారు. క్యాజువల్‌ వేర్‌గానూ, మెహిందీ ఫంక్షన్ల వంటి వేడుకలలోనూ వీటిని ధరించిన అమ్మాయిలు కలర్‌ఫుల్‌గా వెలిగిపోతుంటారు.   చదవండి: Ramya Krishnan: రమ్యకృష్ణ ధరించిన ఈ చీర ధర 2.75 లక్షలు! ప్రత్యేకత ఏమిటంటే! Wrap Drape Dress: ర్యాప్‌.. డ్రేప్‌.. టాప్‌ టు బాటమ్‌ ఒకే రంగుతో!

నటన.. తను అలవోకగా అభినయించే కళ అని నిరూపించింది నటి శ్రీలీల! ఫ్యాషన్‌ విషయంలోనూ ఎలాంటి ట్రెండ్‌ను అయినా అంతే అవలీలగా తన స్టయిల్‌గా మార్చుకోగలదు అనీ అర్థమవుతోంది ఆమె అనుసరించే బ్రాండ్స్‌ను చూస్తుంటే..  గీతిక కానుమిల్లి..  హైదరాబాద్‌కు చెందిన గీతిక కానుమిల్లి.. చిన్నప్పటి నుంచి గొప్ప ఫ్యాషన్‌  డిజైనర్‌ కావాలని కలలు కన్నది. ఆ ఆసక్తితోనే ఎన్‌ఐఎఫ్‌టీలో ఫ్యాషన్‌  డిజైనింగ్‌ కోర్సు పూర్తి చేసింది. అనంతరం 2018లో హైదరాబాద్‌లో  ‘గీతిక కానుమిల్లి’ అని తన పేరు మీదే ఓ బొటిక్‌ను ప్రారంభించింది. అనతికాలంలోనే ఆమె డిజైన్స్‌ పాపులరై, మంచి గుర్తింపు తెచ్చుకుంది. పి.వి.సింధు, సమంత, కీర్తి సురేష్, సైనా నెహ్వాల్‌ వంటి చాలా మంది సెలబ్రిటీలకు దుస్తులను డిజైన్‌  చేస్తుంటుంది. ధర కూడా డిజైన్‌ను బట్టే  వేల నుంచి లక్షల్లో పలుకుతుంది. పలు ప్రముఖ ఆన్‌లైన్‌  స్టోర్స్‌ అన్నిటిలోనూ ఈ డిజైన్స్‌ లభిస్తాయి. ద ట్రింక్‌ హాలిక్‌.. ఇదొక ఇన్‌స్టాగ్రామ్‌ షాపింగ్‌ సైట్‌. ఈ మధ్యనే మొదలైన ఈ బ్రాండ్‌.. తక్కువ ధరలకే అందమైన జ్యూయెలరీని అందిస్తోంది. క్వాలిటీకి పెట్టింది పేరు. అదే వీరి బ్రాండ్‌ వాల్యూ. అందుకే, సామాన్యులూ..  సెలబ్రిటీలకూ ఇది ఫేవరెట్‌ బ్రాండ్‌.  ఇన్‌స్టాగ్రామ్‌లోనే కాకుండా  వాట్సాప్‌ ద్వారా  కూడా ఈ జ్యూయెలరీని కొనుగోలు చేయొచ్చు. బ్రాండ్‌ వాల్యూ  డ్రెస్‌ బ్రాండ్‌: గీతిక కానుమిల్లి ధర: రూ. 68,000 జ్యూయెలరీ బ్రాండ్‌: ద ట్రింక్‌ హాలిక్‌ ధర:రూ. 850 మనసు చంచలమైనది.. దానిని నియంత్రించడం చాలా కష్టం. కానీ నిరంతరం నేర్చుకోవడం అనే ప్రక్రియ ద్వారా  మనసును నియంత్రించుకోవచ్చు.– శ్రీలీల  - దీపిక కొండి  చదవండి: Evening Sandals: ఈవెనింగ్‌ శాండల్స్‌.. నడకలో రాజసం.. పార్టీవేర్‌ ఫుట్‌వేర్‌! Ketika Sharma: కేతిక శర్మ ధరించిన చీర ధరెంతో తెలుసా?

‘రొమాంటిక్‌’ హీరోయిన్‌గా ఎంట్రీ ఇచ్చిన కేతిక శర్మ.. ‘రంగరంగ వైభవంగా’ అంటూ సందడి చేస్తోంది. స్క్రీన్‌ మీదే కాదు బయట కూడా ఫ్యాషన్‌ పట్ల ఆమెకు స్పృహ ఎక్కువే. అందుకే ఈ బ్రాండ్స్‌ను ఎంచుకుంటుంది!  అపేక్ష ద లేబుల్‌... హైదరాబాద్‌కు చెందిన ఫ్యాషన్‌ డిజైనర్‌ ఆపేక్ష.. 2018లో తన పేరు మీదే ఓ ఫ్యాషన్‌ హౌస్‌ ప్రారంభించి తన చిన్నప్పటి కలను నిజం చేసుకుంది. మొదట కాస్త ఇబ్బందిపడినా కొద్ది కాలంలోనే తన బ్రైడల్‌ కలెక్షన్స్‌తో పాపులర్‌ అయింది. ఇండోవెస్టర్న్‌ డిజైన్స్‌కూ ఆమె బ్రాండ్‌ పెట్టింది పేరు. ఎంతోమంది అమ్మాయిలు తమ పెళ్లి పీటలపై ఆకాంక్ష డిజైన్స్‌ ధరించాలని కోరుకుంటారు. సామాన్యులకు కూడా వీటి ధరలు అందుబాటులో ఉంటాయి.  చీర బ్రాండ్‌: ఆపేక్ష ద లేబుల్‌ ధర: రూ. 14,000 హౌస్‌ ఆఫ్‌ క్యూ సీ... 2016లో ఒక వెబ్‌సైట్‌ ద్వారా ప్రారంభించిన వ్యాపారం, తమ అందమైన డిజై¯Œ ్సతో ఇప్పుడు సెలబ్రిటీలకు కూడా నోటెడ్‌ అయింది. ఎలాంటి వారికైనా నప్పే, ఎలాంటి వారైనా మెచ్చే ఆభరణాలను అందించడం ‘హౌస్‌ ఆఫ్‌ క్యూ సీ’ జ్యూయెలర్స్‌ ప్రత్యేకత.. హైదరాబాద్, బెంగళూరులలో ఈ మధ్యనే స్టోర్స్‌ ఓపెన్‌ చేశారు. ఆన్‌లైన్‌లో ఆర్డర్‌ ఇచ్చి కూడా ఆభరణాలను కొనుగోలు చేయొచ్చు.  ఆభరణాల నాణ్యత, డిజైన్స్‌ను బట్టే ధర. జ్యూయెలరీ  బ్రాండ్‌: హౌస్‌ ఆఫ్‌ క్యూ సీ జ్యూయెల్స్‌  ధర: డిజైన్, నాణ్యతపై ఆధారపడి ఉంటుంది. మనసుకు నచ్చినట్లుండే అమ్మాయిని  నేను. కచ్చితంగా ఇవే కావాలి, ఇలాగే ఉండాలి అని అనుకోను. నచ్చినవి నచ్చినట్లుగా ధరిస్తుంటాను.– కేతిక శర్మ -దీపిక కొండి  చదవండి: Fashion: కేప్‌ స్టైల్‌.. వేడుక ఏదైనా వెలిగిపోవచ్చు!

స్టార్‌ కిడ్స్‌ అయినా స్పార్క్‌ లేకపోతే ఇండస్ట్రీలో ఫేడౌట్‌  అయిపోతారు. ఆ స్పార్క్‌ ఉంది కాబట్టే అనన్య తనకంటూ ఒక మార్క్‌ క్రియేట్‌ చేసుకుంది. ఆ మార్క్‌ నటనలోనే కాదు ఆమె ఫాలో అయ్యే ఫ్యాషన్‌లోనూ కనబడుతోంది ఇలా... కెరీర్‌ మొదట్లో ఇతరులు మెచ్చే డ్రెసెస్‌ వేసుకునేదాన్ని. కానీ ఇప్పుడు నాకు నచ్చే..నప్పే డ్రెస్సులే  వేసుకుంటున్నా. నేను ఎలాంటి బట్టలు వేసుకున్నా నన్ను ట్రోల్‌ చేస్తూనే ఉన్నారు. కాబట్టి వాటిని పట్టించుకోవడం మానేశా.  నాకు నచ్చిన బట్టలు వేసుకున్నానా, ఫొటోలు బాగొస్తున్నాయా? హ్యాపీగా ఉన్నానా.. లేదా అని మాత్రమే చూసుకుంటున్నా.. అదే నాకు ముఖ్యం కూడా. – అనన్యా పాండే దేవనాగరి.. ఓ పండుగ రోజు అమ్మమ్మ తయారుచేసిన సంప్రదాయ దుస్తులు ధరించడంతో అక్కాచెల్లెళ్లు కవిత, ప్రియాంకల భవిష్యత్‌ ప్రణాళిక మారిపోయింది. ఒకరు ఇంజినీర్, మరొకరు డాక్టర్‌ కావాలనుకున్నా.. చివరికి వారిద్దరి కల ఒక్కటే అయింది. అదే ఫ్యాషన్‌ డిజైనింగ్‌. ఆ ఆసక్తితోనే జైపూర్‌లో లభించే సంప్రదాయ దుస్తులపై పరిశోధన చేశారు. కుటుంబ సభ్యుల సహకారంతో 2013లో సొంతంగా ‘దేవనాగరి’ అనే ఓ ఫ్యాషన్‌ హౌస్‌ను ప్రారంభించారు. దేశంలోని ఏ ప్రాంతంలో జరుపుకునే పండుగకైనా వీరి వద్ద దానికి తగ్గ ప్రత్యేకమైన డిజైన్స్‌ లభిస్తాయి. అదే వీరి బ్రాండ్‌ వాల్యూ. చాలామంది సెలబ్రిటీస్‌ వివిధ పండుగల్లో ఈ బ్రాండ్‌ దుస్తుల్లో మెరిసిపోతుంటారు. ధర కాస్త ఎక్కువగానే (రూ. 85,500) ఉంటుంది. పలు ప్రముఖ ఆన్‌లైన్‌ స్టోర్స్‌లో ఈ డిజైన్స్‌ లభిస్తాయి.  ఆమ్రపాలి జ్యూయెలరీ..  నిజానికి ఇదొక మ్యూజియం. అంతరించిపోతున్న గిరిజన సంప్రదాయ ఆభరణాల కళను కాపాడేందుకు ఇద్దరు స్నేహితులు రాజీవ్‌ అరోరా, రాజేష్‌ అజ్మేరా కలసి జైపూర్‌లో ‘ఆమ్రపాలి’ పేరుతో మ్యూజియాన్ని స్థాపించారు. నచ్చిన వాటిని కొనుగోలు చేసే వీలు కూడా ఉంది. అయితే, వీటి ధర లక్షల్లో ఉంటుంది. అందుకే, వాటి నకలును రూపొందించి తక్కువ ధరకు అందించేందుకు ‘ఆమ్రపాలి జ్యూయెలరీ’ని ప్రారంభించారు. ఒరిజినల్‌ పీస్‌ అయితే మ్యూజియంలో, వాటి ఇమిటేషన్‌ పీస్‌ అయితే ఆమ్రపాలి జ్యూయెలరీలో లభిస్తుంది. చాలామంది సెలబ్రిటీస్‌కు ఇది ఫేవరెట్‌ బ్రాండ్‌. ఆన్‌లైన్‌లో కూడా ఈ జ్యూయెలరీని కొనుగోలు చేయొచ్చు. ధర: డిజైన్, నాణ్యతపై ఆధారపడి ఉంటుంది. 

మనవైన సంప్రదాయ దుస్తులు ఎప్పుడూ అన్నింటా బెస్ట్‌గా ఉంటాయి. కానీ, వీటికే కొంత వెస్ట్రన్‌ టచ్‌ ఇవ్వడం అనేది ఎప్పుడూ కొత్తగా చూపుతూనే ఉంటుంది. వెస్ట్రన్‌ లుక్స్‌ని కూడా మన వైపు కదిలించేలా కేప్స్‌ను డిజైన్‌ చేస్తున్నారు. డిజైనర్లు ఇవి అటు పాశ్చాత్య దుస్తులకు, ఇటు సంప్రదాయ దుస్తులకూ బాగా నప్పుతాయి.  ఏ డ్రెస్‌లోనైనా స్టైల్‌గా కనిపించవచ్చు. వేడుక ఏదైనా బెస్ట్‌గా వెలిగిపోవచ్చు.  వెస్ట్రన్‌ స్టైల్‌ మరింత అదనం స్కర్ట్‌ మీదకే కాదు జీన్స్‌ మీదకూ కేప్‌ ధరించవచ్చు. ఒక విధంగా చెప్పాలంటే జాకెట్‌కు మరో రూపం కేప్‌. సేమ్‌ కలర్‌ లేదా కాంట్రాస్ట్‌ కలర్‌ కేప్స్‌తో డ్రెస్సింగ్‌ను మరింత ఆకర్షణీయంగా మార్చుకోవచ్చు. ప్రింటెడ్‌ ప్రింట్‌ చేసిన కేప్‌ క్లాత్‌కి రంగు రంగుల టాజిల్స్‌ జత చేసి కొత్త కళ తీసుకువస్తే, వేడుకలో ఎక్కడున్నా స్పెషల్‌గా కనిపిస్తారు.  మిర్రర్‌ మెరుపులు  సంప్రదాయ దుస్తులకు అద్దాల మెరుపులు తెలిసిందే. కానీ, వెస్ట్రన్‌ స్టైల్‌ కేప్‌కు అద్దాలను జతచేస్తే పెళ్లి కూతురి కళ్లలోని మెరుపులా మరింత అందంగా కనిపిస్తుంది.  ఎంబ్రాయిడరీ హంగులు నెటెడ్, క్రేప్, జార్జెట్‌ ఫ్యాబ్రిక్‌లతో డిజైన్‌ చేసే కేప్‌ కి జరీ జిలుగులు తోడైతే ఆ అందమే వేరు. అందుకే బ్లౌజ్‌ నుంచి ఎంబ్రాయిడరీ కేప్‌కు కూడా మారింది.  చదవండి: Pranitha Subhash: ఈ హీరోయిన్‌ కట్టిన గ్రీన్‌ సిల్క్‌ చీర ధర రూ. 44 వేలు! ప్రత్యేకత ఏమిటి?

ప్రణీత సుభాష్‌.. తన హావభావాలతో స్క్రీన్‌ మీద  మంచి నటిగా.. పలు సేవా కార్యక్రమాలతో ఆఫ్‌ ది స్క్రీన్‌ మంచి వ్యక్తిగా ముద్ర వేసుకుంది. ఆమె తన మనసులో ముద్రించుకున్న విషయాలూ ఉన్నాయి. అందులో ఫ్యాషన్‌ ఒకటి.  ఆ ఫ్యాషన్‌లో ఈ బ్రాండ్స్‌ కొన్ని... అనావిల  చీరలు అంటే అమితంగా ఇష్టపడే అనావిల మిశ్రా.. 2011లో ప్రారంభించిందే ఈ బ్రాండ్‌. సొగసును పెంచే సరికొత్త డిజైన్లకు ఈ బ్రాండ్‌ పెట్టింది పేరు. అందుకే విదేశాల్లోనూ అనావిలకు మంచిపేరు ఉంది. ఆన్‌లైన్‌లోనూ లభ్యం. అందుబాటులో ధరలు. ఆర్ని బై శ్రావణి ఎలాంటి వధువుకైనా నప్పే, నచ్చే ఆభరణాలను అందించడం ఆర్నిబై శ్రావణి జ్యూయెలర్స్‌ ప్రత్యేకత. విలువైన వజ్రాలు, రత్నాలు పొదిగిన అద్భుతమైన డిజైన్లలో ఆకట్టుకుంటాయి ఈ బ్రాండ్‌ ఆభరణాలు. ఆర్డర్‌ ఇచ్చి మాత్రమే కొనుగోలు చేయొచ్చు. నాణ్యత, డిజైన్స్‌ను బట్టే ధర.  చీర బ్రాండ్‌ : అనావిల ధర : రూ. 44,000 జ్యూయెలరీ బ్రాండ్‌ : ఆర్ని బై శ్రావణి ధర : ఆభరణాల డిజైన్, నాణ్యత పై ఆధారపడి ఉంటుంది. ‘మాది డాక్టర్ల కుటుంబం. అమ్మా,నాన్నలకు బెంగళూరులో హాస్పిటల్‌ ఉంది. చిన్నప్పటి నుంచి హెల్దీ ఫుడ్డే అలవాటు. నా బ్యూటీ సీక్రెట్‌ కూడా అదే అయ్యుంటుంది! –ప్రణీత సుభాష్‌ చదవండి: Actress Poorna: ‘పర్‌ఫెక్ట్‌ బ్రాండ్‌’... పూర్ణ కట్టిన ఈ చీర ధర 54 వేలు! ప్రత్యేకత ఏమిటంటే! 

Fashion Collection- Actress Poorna Styling: చిన్న రోల్‌ ఇచ్చినా సరే  తన నటనతో పరిపూర్ణం చేసే నటి పూర్ణ. ఆ పర్‌ఫెక్షన్‌ నటనలోనే కాదు అనుసరించే ఫ్యాషన్‌లోనూ ఉండాలనుకుంటుంది. అందుకే ఈ పర్‌ఫెక్ట్‌ బ్రాండ్‌లను ఇష్టపడుతుంది! పెటల్స్‌బై స్వాతి..  హైదరాబాద్‌కు చెందిన స్వాతి అవసరాల అనే సాఫ్ట్‌వేర్‌ ఇంజనీర్‌ 2019లో ఈ బ్రాండ్‌ను ప్రారంభించింది. తొలుత హాబీగానే మొదలుపెట్టినా తర్వాత జ్యూయెలరీ డిజైన్‌ను సీరియస్‌గానే తీసుకుంది. కుందన్‌ , జాదూ, జిర్కాన్‌  జ్యూయెలరీ, గోల్డ్‌ ఇమిటేషన్‌  జ్యూయెలరీని తయారు చేయడంలో స్వాతి సిద్ధహస్తురాలు. సంప్రదాయ లుక్‌ను ఇచ్చే నగలే కాకుండా ఇండో వెస్ట్రన్‌  పద్ధతిలోనూ అభరణాలను డిజైన్‌ చేస్తోంది.  భార్గవి కూనమ్‌.. .. అంటేనే సంప్రదాయ చేనేత.. చక్కటి రంగుల కలబోత. పరికిణీ – ఓణీ, బ్రైడల్‌ కలెక్షన్స్‌, దుపట్టాలకు ఈ బ్రాండ్‌ పెట్టింది పేరు. డిజైన్, కలర్, నేతే కాదు మృదువైన ఫ్యాబ్రిక్‌ కూడా ఈ బ్రాండ్‌కు వాల్యూను యాడ్‌ చేస్తోంది. అందుకే ఆ ధరలను అందుకోగలిగిన వారి దగ్గర్నుంచి సెలబ్రిటీల వరకు అందరికీ భార్గవి కూనమ్‌ ఫెవరేట్‌ డిజైనర్‌. ఆర్కిటెక్చర్, ఇంటీరియర్‌ డిజైన్‌లో మాస్టర్స్‌ చేసినా ప్రకృతిలోని రంగులు ఆమెను పడుగు – పేకల వైపు నడిపించాయి. ఆ ప్యాషన్‌  ఆమెను అందరు మెచ్చే.. అందరికీ నచ్చే డిజైనర్‌గా నిలిపింది. డిజైన్, ఫాబ్రిక్‌ను బట్టి ధరలు. ఆన్‌లైన్‌ లోనూ లభ్యం. బ్రాండ్‌ వాల్యూ చీర బ్రాండ్‌: భార్గవి కూనమ్‌ ధర: రూ. 54,000 జ్యూయెలరీ (కమ్మలు) బ్రాండ్‌: పెటల్స్‌ బై స్వాతి ధర: రూ. 2,400 నాకు సంప్రదాయ దుస్తులే ఇష్టం.  చీరలు, చుడీదార్లలో సౌకర్యంగా ఫీలవుతాను. పండగలు, ఫంక్షన్స్‌కు వీటినే ప్రిఫర్‌ చేస్తా. మోడర్న్‌ దుస్తులు నాకు అంతగా నప్పవు. – పూర్ణ -దీపిక కొండి   చదవండి: Handloom Every Day Challenge: చేనేతకు ‘ఐఏఎస్‌ బ్రాండ్‌’.. Temple Jewellery: ఆభరణ మోహనం.. రాధాకృష్ణుల రూపు, నెమలి పింఛం అందం!

‘లవ్‌ సోనియా’తో బాలీవుడ్‌లో మెరిసిన తార మృణాల్‌ ఠాకూర్‌. తాజాగా ‘సీతారామం’ సినిమాతో తెలుగు ప్రేక్షకులను పలకరించింది. స్క్రీన్‌ మీద తన ప్రత్యేకతను నిలబెట్టుకుంటున్నట్టే  ఫ్యాషన్‌లోనూ తనకంటూ ఓ స్టయిల్‌ను క్రియేట్‌ చేసుకుంది మృణాల్‌. ఆ స్టయిల్‌ క్రియేషన్‌లో ఈ బ్రాండ్స్‌ కూడా భాగమే!  పిచ్చిక నెమలి పింఛంలోని ఈకలను తలపించేంత మృదువైన ఫాబ్రిక్స్, ప్రకృతిని మరపించేన్ని రంగులు, డిజైన్లు పిచ్చిక లేబుల్‌ ప్రత్యేకతలు. ఆ డిజైన్స్‌ అన్నీ కూడా  జైపూర్‌ హ్యాండ్‌ పెయింటింగ్స్, హ్యాండ్‌ ప్రింట్స్, ఎంబ్రాయిడరీలే. తన కళాత్మక దృష్టితో ఈ లేబుల్‌కు వన్నెలు అద్దిన డిజైనర్‌ ఊర్వశి సేథీ. ఈ బ్రాండ్‌ దుస్తులు ఆన్‌లైన్‌లో లభ్యం. ధరలు ఓ మోస్తరు రేంజ్‌లో ఉంటాయి.  ఓలియో ఆష్నా సింగ్, స్నేహా సక్సేనా అనే ఇద్దరు స్నేహితులు కలసి ఏర్పాటుచేసిన బ్రాండ్‌ ‘ఓలియో’. ఈ జ్యూవెలరీ బ్రాండ్‌ను స్థాపించక ముందు ఆష్నా మీమ్స్‌ క్రియేటర్‌గా పాపులర్‌. స్నేహా.. నిఫ్ట్‌లో ఫ్యాషన్‌ డిగ్రీ చేసింది. దుస్తులు, యాక్సెసరీస్, జ్యూవెలరీ డిజైనింగ్‌లో దిట్ట. ఈ ఇద్దరూ కలసి సొంతంగా ఓ ఫ్యాషన్‌ బ్రాండ్‌ను స్టార్ట్‌ చేయాలనుకుని 2015లో ‘ఓలియో’కు రూపమిచ్చారు. స్నేహ.. డిజైనింగ్‌ చూసుకుంటే, ఆష్నా.. బ్రాండ్‌ వ్యవహార బాధ్యతలను నిర్వర్తిస్తోంది.  ఓలియో జ్యూవెలరీ ఆన్‌లైన్‌లో లభ్యం. ధరలూ అందుబాటులోనే.  బ్రాండ్‌ వాల్యూ  జెట్‌ బ్లాక్‌ చీర బ్రాండ్‌: పిచ్చిక ధర: రూ. 21,500 ఇయర్‌ రింగ్స్‌ బ్రాండ్‌: ఓలియో ధర: రూ. 8,050 ఇండియన్‌ కర్దాషియాన్‌ అని పిలిచారు  నటిగా కొనసాగాలంటే ఫిట్‌నెస్‌ అవసరమని అనుభవం ద్వారా తెలుసుకున్నాను. ఒకసారి అమెరికా వెళ్లినప్పుడు అక్కడ నన్నంతా ఇండియన్‌ కర్దాషియాన్‌ అని పిలిచారు. నాలాంటి శరీరాకృతి తెచ్చుకోవడానికి వాళ్లు లక్షల్లో డబ్బు ఖర్చు పెడతారట. ఆ మాట విన్నాక నా మీద నాకు ఎక్కడలేని కాన్ఫిడెన్స్‌ పెరిగింది – మృణాల్‌ ఠాకూర్‌.  -దీపికా కొండి చదవండి: Fashion-Velvet Long Jacket: సింపుల్‌ లుక్‌ను ‘రిచ్‌’గా మార్చేయగల వెల్వెట్‌ లాంగ్‌ జాకెట్‌! Nazriya Nazim Saree Cost: నజ్రియా ధరించిన ఈ చీర ధర తెలిస్తే షాక్‌ అవ్వాల్సిందే! స్పెషాలిటీ?

వేడుకలో గ్రాండ్‌గా వెలిగిపోవాలన్నా సింపుల్‌ డ్రెస్‌ను రిచ్‌గా మార్చేయాలన్నా ఒకే ఒక టెక్నిక్‌... వెల్వెట్‌ లాంగ్‌ జాకెట్‌! ఎంబ్రాయిడరీ జిలుగులతో మెరిసే కళను సొంతం చేసుకున్న వెల్వెట్‌ జాకెట్‌ శారీ, సల్వార్, లెహంగాలకు కాంబినేషన్‌గా ఇట్టే అమరిపోతుంది.  చూపరులను ఇట్టే ఆకట్టుకుంటుంది.  రిసెప్షన్, బర్త్‌డే, గెట్‌ టు గెదర్‌ వేడుకలలో ఎప్పుడూ ఒకే తరహా సంప్రదాయ లుక్‌లో కనిపించాలన్నా బోర్‌ అనిపిస్తుంటుంది. రొటీన్‌కు బ్రేక్‌ వేయాలంటే ఎంబ్రాయిడరీ చేసిన వెల్వెట్‌ లాంగ్‌ జాకెట్‌ లేదా కోటును ఎంచుకుంటే చాలు. ముఖ్యంగా సాయంకాలాలు జరిగే పార్టీలో వెల్వెట్‌ మెరుపు మరింత అందాన్ని ఇస్తుంది. బ్లాక్, పర్పుల్, బ్లూ, గ్రీన్‌ కలర్‌ వెల్వెట్‌ కోట్లు విలాసానికి అసలు సిసలు చిరునామాగా నిలుస్తాయి. విడిగా వెల్వెట్‌ క్లాత్‌ తీసుకొని, ఎవరికి వారు సొంతంగా డిజైన్‌ చేయించుకోవచ్చు. లేదంటే, మార్కెట్లో రెడీమేడ్‌గా లభించే లాంగ్‌ వెల్వెట్‌ జాకెట్స్‌ను ఎంచుకోవచ్చు. రాజరికపు హంగులను తీసుకురావడానికి వెల్వెట్‌ జాకెట్‌  సరైన ఎంపిక అవుతుంది.  సేమ్‌ లేదా కాంట్రాస్ట్‌ కలర్‌ జాకెట్స్‌ కూడా ధరించవచ్చు.  ఈ లాంగ్‌ జాకెట్స్‌ ప్రత్యేక ఆకర్షణతో ఉంటాయి కనుక ఆభరణాల విషయంలో అంతగా హంగామా అవసరం ఉండదు. చెవులకు వెడల్పాటి, లాంగ్‌ హ్యాంగింగ్స్‌ ఎంచుకుంటే చాలు.  ఫ్యాషన్‌ జ్యువెల్రీ కన్నా స్టోన్‌ జ్యువెలరీ ఈ డ్రెసింగ్‌కి సరైన ఎంపిక. సంప్రదాయ కేశాలంకరణ కూడా ఈ తరహా డ్రెస్సింగ్‌కి అనువైనదిగా  ఉండదు. ఇండోవెస్ట్రన్‌ స్టైల్‌లో శిరోజాల అలంకరణ బాగుంటుంది. చదవండి: Rini Mehta- Pitara: అక్క ఎంబీఏ, తమ్ముడు లా వదిలేసి.. పాత చీరలతో బ్యాగులు తయారు చేస్తూ..  Monsoon- Wardrobe Ideas: వర్షాకాలంలో ఈ దుస్తులు అస్సలు వద్దు! ఇవి వాడితే బెటర్‌!

ఇంట్లో పెద్దపిల్లలు వాడిన ఆట వస్తువులు, పొట్టి అయిన, బిగుతైన బట్టలు, పై తరగతికి వెళ్లిన అక్క లేదా అన్నయ్య పుస్తకాలను తమ్ముడు, చెల్లెళ్లకు ఇవ్వడమనేది మన దేశంలో ఎన్నో ఏళ్లుగా అనుసరిస్తోన్న పద్ధతి. చిన్నవాళ్లకు కూడా ఆ బట్టలు పొట్టి అయినప్పుడు ఇల్లు తుడిచే మాప్‌గానో, మసిబట్టగానో ఉపయోగిస్తుంటారు. ఇప్పుడు ఈ పద్దతికి టెక్స్‌టైల్స్‌ పరిశ్రమలు మరికొన్ని కొత్త హంగులు జోడించి రీసైక్లింగ్‌ పేరిట ఆకర్షణీయమైన ఉత్పత్తులను ఫ్యాషన్‌ ఇండస్ట్రీలో ప్రవేశపెడుతున్నాయి. రీసైక్లింగ్‌ చేసిన ఫ్యాషన్‌ ఉత్పత్తుల క్రేజ్‌ను గుర్తించిన రిని మెహత.. పాత చీరలతో అందమైన బ్యాగ్‌లను రూపొందించి పిటారా పేరుతో విక్రయిస్తోంది. సంప్రదాయ బ్యాగ్‌లతోపాటు, లేటెస్ట్‌ ట్రెండ్‌కు తగ్గట్టుగా ఫ్యాషన్‌ ఉత్పత్తులు అందించడం పిటారా ప్రత్యేకత. పాత చీరలకు ప్లాస్టిక్‌ వ్యర్థాలను జోడించి లగ్జరీ ఉత్పత్తులు తయారు చేస్తోన్న పిటారా గురించి రిని మెహతా మాటల్లో... ‘మాది జైపూర్‌. చిన్నప్పటి నుంచి సృజనాత్మకంగా ఉండడం ఇష్టం. నా మనసులో వచ్చే అనేక క్రియేటివ్‌ ఆలోచనలు బ్లాక్‌బోర్డు మీద రాస్తుండేదాన్ని. అలా రాస్తూ కాస్త పెద్దయ్యాక సొంతంగా తయారు చేసిన కార్డులను ఎగ్జిబిషన్స్‌లో ప్రదర్శనకు ఉంచే దాన్ని. నా ఆలోచనలు, అభిరుచులను పట్టించుకోని అమ్మానాన్నలు నన్ను ఎమ్‌బీఏ చేయమని పట్టుబట్టారు. వారికోసం ఎమ్‌బీఏలో చేరాను కానీ, పూర్తిచేయలేదు. ఆ తరువాత క్రియేటివ్‌ రంగంలో పనిచేయాలన్న దృఢసంకల్పంతో.. టెక్స్‌టైల్‌ డిజైనర్‌గా పనిచేయడం ప్రారంభించాను. కొన్నాళ్లు డిజైనర్‌గా పనిచేశాక నేనే సొంతంగా సరికొత్తగా ఏదైనా చేయాలనుకున్నాను. ఈ ఆలోచనకు ప్రతిరూపమే ‘పిటారా’. తమ్ముడు లా వదిలేశాడు.. కట్టుకోవడానికి పనికిరాని పాతచీరలతో బ్యాగ్‌లు తయారు చేసి విక్రయించవచ్చు అని తమ్ముడు రోహన్‌ మెహతాకు చెప్పాను. నా ఐడియా వాడికి బాగా నచ్చింది. దీంతో రోహన్‌ లా ప్రాక్టీస్‌ను వదిలేసి నాతో కలిసి పనిచేయడం ప్రారంభించాడు. ఇద్దరం కలిసి పిటారాను ప్రారంభించాము. పిటారా అంటే ‘ట్రెజరీ బాక్స్‌’ అని అర్థం. ప్రారంభంలో ఇంట్లో మూలుగుతోన్న పాత చీరలతో బ్యాగ్‌లు తయారు చేసే వాళ్లం. క్రమంగా ఇంట్లో పాత చీరలన్నీ అయిపోయాయి. తరువాత మేము తయారు చేస్తోన్న ఉత్పత్తుల గురించి మా కాలనీలో వాళ్లకు, సోషల్‌ మీడియాలోనూ వివరించడంతో చాలామంది తమ ఇళ్లలో ఉన్న పాత చీరలను తీసుకొచ్చి ఇచ్చేవారు. అలా చీరలు ఇచ్చిన వారికి కూపన్‌లు ఇచ్చే వాళ్లం. ఆ కూపన్‌లను మా స్టోర్‌లో ఏదైనా కొనుక్కున్నప్పుడు వాడుకునే విధంగా ఏర్పాటు చేశాం.  అన్నీ హ్యాండ్‌మేడే.. మా పిటారా ఉత్పత్తులన్నీ చేతితో తయారు చేసినవే. వాటిలో రాజస్థానీ కళ, సంస్కృతీ సంప్రదాయాలు స్పష్టంగా ప్రతిబింబిస్తాయి. మా బ్యాగ్‌లలో బగ్రు, జర్దోసి ప్రింట్లు కూడా ఎంతో ఆకట్టుకుంటాయి. ప్రస్తుతం ప్రతిదీ యంత్రాలతో తయారు చేస్తున్నారు. మేము మన సంస్కృతిని వెనక్కి తీసుకు రావడంతోపాటు, కళాకారులకు ఉపాధి కల్పించాలనుకున్నాము.   అందుకే మా బామ్మ వాలెట్‌ను ప్రేరణగా తీసుకుని అప్పట్లో వాడిన బ్లాక్, ఇక్కత్‌ ప్రింట్‌ వస్త్రంతో వివిధ రకాల టెక్నిక్‌లను వాడి డిజైన్లు రూపొందించి ఇప్పటి ట్రెండ్‌కు నప్పేవిధంగా ఉత్పత్తులు తయారు చేస్తున్నాము. రీసైక్లింగ్‌ చేసిన చీరలకు న్యూస్‌ పేపర్‌లు, మ్యాగజీన్లు, పాత టైర్లు, ఉన్ని, ఈకలు జోడించి రోజువారి వాడుకునే వస్తువులను రూపొందిస్తున్నాం’ అని వివరిస్తోంది రిని మెహతా. సృజనాత్మక ఆలోచనా విధానం ఉండాలే గానీ అద్భుతాలు సృష్టించే అవకాశాలు తన్నుకుంటూ వస్తాయనడానికి రిని మెహతా పిటారా ఉదాహరణగా నిలుస్తోంది.   సవాలుగా అనిపించినప్పటికీ.. వ్యాపారం ఏదైనా ప్రారంభంలో అనేక సమస్యలు ఎదురవుతాయి. ప్రారంభంలో మా వద్దకు వచ్చిన వ్యర్థాలను లగ్జరీ ఉత్పత్తులుగా తీర్చిదిద్దడం సవాలుగా అనిపించింది. తరువాత మొత్తం వ్యర్థాలను ఒక పద్ధతి ప్రకారం వేరుచేయడం మొదలు పెట్టాం. లెదర్, జూట్, జరీలను విడివిడిగా తీసి వాటిని అవసరమున్న వాటి దగ్గర వాడేవాళ్లం. కస్టమర్ల అభిరుచులకు తగ్గట్టుగా బ్యాగ్‌లు తయారు చేయడంతో మా ఉత్పత్తులకు మంచి స్పందన లభించింది. ఈ స్పందనతో రంగురంగుల హ్యాండ్‌ బ్యాగ్స్, స్లింగ్స్, టాట్స్, క్రాస్‌బాడీ బ్యాగ్స్, పాస్‌పోర్టు కవర్స్, సన్‌గ్లాస్‌ కేసెస్, టిష్యూ బాక్సెస్, హ్యాంగర్స్, ట్రావెల్‌ పౌచ్‌లు వంటివి అనేకం తయారు చేసి విక్రయిస్తున్నాం. మనం బతకడానికి పర్యావరణం ఎంతగానో ఉపయోగపడుతుంది. అటువంటి పర్యావరణాన్ని ఒకసారి వాడిపడేసే ప్లాస్టిక్‌తో కాలుష్యమయం చేసేకంటే వాటిని మరో విధంగా వాడడం వల్ల పర్యావరణానికి మేలు జరుగుతుందని నమ్ముతున్నాము. చదవండి: చుక్కల్లో చంద్రిక.. ఎన్నో రకాల బుక్స్‌ చదివాను.. కానీ, ఆ ఒక్కటీ..   

Comfortable Wardrobe Ideas For Monsoon: అసలే ముసురు. అలాగని వెచ్చగా ఇంట్లో మునగదీసుకుని పడుకుందామంటే చదువులెలా సాగుతాయి? ఉద్యోగాలెలా చేస్తాం? రెయిన్‌ కోటు తగిలించుకునో గొడుగేసుకునో బయటికి వెళ్లక తప్పదు. అయితే మనం ధరించే దుస్తులు మాత్రం వానకు తగ్గట్టు లేకపోతే అసౌకర్యం తప్పదు మరి. అలాకాకుండా ఈ వానలకు ఎలాంటి దుస్తులయితే బాగుంటుంది, యాక్సెసరీస్‌ ఏవి బాగుంటాయి... చూద్దాం. వర్షాకాలంలో యువతరం బట్టల గురించి శ్రద్ధ తీసుకోవాలి. ఇక కాలేజీకి వెళ్లే విద్యార్ధులకు దీని పట్ల మరింత శ్రద్ధ అవసరం. ఎండల్లో పల్చని రంగులు వాడినప్పటికీ ఇప్పుడు ముదురు రంగులు వాడటం ఉత్తమం. ఎందుకంటే వాతావరణం డల్‌గా ఉంటుంది కాబట్టి ముదురు రంగు దుస్తులు ఉత్సాహాన్ని కలిగిస్తాయి. అలాగని భారీగా ఉండకూడదు. తేలికపా వి అయితేనే మంచిది. వాటిలో తెలుపు రంగు దుస్తులకు దూరంగా ఉండడం ఈ కాలంలో ఎంతో శ్రేయస్కరం ఇవి బాగుంటాయి! ►కాటన్, సింథటిక్‌ ఫ్యాబ్రిక్‌ వంటి దుస్తులను వాడటం మంచిది. ►సాయంకాలం సమయంలో ఫ్రాక్స్, అనార్కలీ బాగుంటాయి. ►స్కిన్‌ టైట్, లెగ్గింగ్స్‌ కూడా బాగుంటాయి. ►అదే విధంగా చీరలు, చుడిదార్లు ధరించే వారు శాండిల్స్, షూస్‌ వంటి వాటిని వేసుకుంటే మంచిది. ►హ్యాండ్‌ బ్యాగులు చిన్న సైజులో కాకుండా, కాస్త పెద్దవిగా ఉన్నవి అయితేనే నయం. ఇవి వద్దు! ఇలా చేస్తే మేలు! ►మరో విషయం ఏమిటంటే... వర్షాకాలం లో పారదర్శకంగా అంటే ట్రాన్స్‌పరెంట్‌గా ఉండే దుస్తులకు దూరంగా ఉండటం ఉత్తమం. ►బట్టలు పొడిగా వుంచుకోవాలి. తడి వల్ల బ్యాక్టీరియా త్వరగా చేరుతుంది. అందుకే ఎక్కువసేపు తడిగా వుండకూడదు. ►తెలుపు రంగు బట్టలకు మురికి పట్టిందంటే తొందరగా వదలదు. ►ఏ చిన్న మరక పడ్డా అల్లంత దూరానికి కూడా కనిపించి అసహ్యంగా వుంటుంది కాబట్టి ముదురు రంగు బట్టలు వాడితే మంచిది. ►ముసురు తగ్గాక దుప్పట్లు, రగ్గులు, బొంతలు, దిళ్లు, పరుపులు, మందపాటి బట్టలను కాసేపు అలా ఎండలో వేస్తే బావుంటాయి. వాసన కూడా రాదు. ►శరీరం ఎప్పుడూ సాధారణ ఉష్ణోగ్రతలో వుండేలా చూసుకోవాలి. ►శరీర ఉష్ణోగ్రత పడిపోయినప్పుడు క్రిములు దాడి చేసే ప్రమాదం ఎక్కువ. ►వానాకాలం అన్నాళ్లూ బయటికెళ్లేటప్పుడు గొడుగు/రెయిన్‌కోట్‌ వెంట వుండాలి. ►వర్షాకాలంలో ఎక్కువగా మేకప్‌ వేసుకోకపోవడమే మంచిది. జీన్స్‌ అసలే వద్దు! ►ఈ కాలంలో జీన్స్‌ జోలికి వెళ్లకూడదు. మరీ ముఖ్యంగా టైట్‌ జీన్స్‌ అసలు వద్దు. ►అలాగే వర్షాకాలంలో స్లిప్పర్స్‌ కంటే షూ వాడడం బెటర్‌. లేదంటే శాండిల్స్‌ అయినా ఫరవాలేదు. ►స్లిప్పర్స్‌ వేసుకుంటే మాత్రం బట్టలపై బురద మరకలు పడి అసహ్యంగా కనిపిస్తాయి. ►అంతేకాకుండా బురదగా ఉన్న ప్రదేశంలో చెప్పులు వేసుకుని నడిస్తే జారిపడే అవకాశం ఉంది.  చదవండి: Nazriya Nazim Saree Cost: నజ్రియా ధరించిన ఈ చీర ధర తెలిస్తే షాక్‌ అవ్వాల్సిందే! స్పెషాలిటీ?

నజ్రియా నాజిమ్‌.. తెలుగు తెర ఆమె కోసం ఎన్నాళ్లుగానో వేచి చూసింది. ఆ ఎదురు చూపులకు చక్కటి ఫలితమే ‘అంటే సుందరానికి’. ఆ  సినిమాలో ‘లీల’గా నజ్రియా నటనను మెచ్చుకుని టాలీవుడ్‌లోకి ఆమెను ఘనంగా స్వాగతించారు. మరి తన స్టయిల్‌ సిగ్నేచర్‌గా ఏ ఫ్యాషన్‌ బ్రాండ్స్‌ను ఆమె గ్రాండ్‌గా ధరిస్తుందో చూద్దాం... బ్రాండ్‌ వాల్యూ తొరానీ ఈ బ్రాండ్‌ స్థాపకుడు కరణ్‌ తొరానీ. స్ఫూర్తి అతని నానమ్మ. స్వస్థలం భోపాల్‌లో నానమ్మ చుట్టూ అల్లుకున్న అతని బాల్యమే చేనేత కళల పట్ల ఆసక్తిని రేకెత్తించింది. నానమ్మ ఎప్పుడూ కట్టుకునే చందేరీ కాటన్‌ చీరలు.. ఆ నేత.. అతన్ని డ్రెస్‌ డిజైన్‌ వైపు మళ్లించాయి. దేశంలోని నలుమూలలూ తిరిగి ఆయా ప్రాంతాలకే ప్రత్యేకమైన చేనేత కళల గురించి అధ్యయనం చేశాడు. అలా ఆరేళ్ల ప్రయాణం తర్వాత తన బ్రాండ్‌ ‘తొరానీ’కి రూపమిచ్చాడు.  నజ్రియా చీర: బ్రాండ్‌: తొరానీ ధర: రూ. 64,000 ఆమ్రపాలి నిజానికి ఇదొక మ్యూజియం. అంతరించిపోతున్న గిరిజన సంప్రదాయ ఆభరణాల కళను కాపాడేందుకు ఇద్దరు స్నేహితులు రాజీవ్‌ అరోరా, రాజేష్‌ అజ్మేరా కలసి జైపూర్‌లో ‘ఆమ్రపాలి’ పేరుతో మ్యూజియాన్ని స్థాపించారు. నచ్చిన వాటిని కొనుగోలు చేసే వీలు కూడా ఉంది. అయితే, వీటి ధర లక్షల్లో ఉంటుంది. అందుకే, అలాంటి డిజైన్స్‌లో ఆభరణాలు రూపొందించి తక్కువ ధరకు అందించేందుకు ‘ఆమ్రపాలి జ్యూయెలరీ’ ప్రారంభించారు. ఒరిజినల్‌ పీస్‌ అయితే మ్యూజియంలో, మామూలు పీస్‌ అయితే ఆమ్రపాలి జ్యూయెలరీలో లభిస్తుంది. చాలామంది సెలబ్రిటీస్‌కు ఇది ఫేవరెట్‌ బ్రాండ్‌. ఆన్‌లైన్‌లో లభ్యం.  నజ్రియా జ్యూయెలరీ: ముత్యాల కమ్మలు  బ్రాండ్‌: అమ్రపాలి జ్యూయెలర్స్‌ ధర: డిజైన్, నాణ్యతను బట్టి ఉంటుంది.  కథ, అందులో నా పాత్ర నచ్చితే చాలు.. భాషతో సంబంధం లేకుండా సినిమా చేస్తా.  అలా మంచి స్క్రిప్ట్‌ వస్తే వెంటనే తెలుగులో సినిమా చేయడానికి నేను రెడీ. – నజ్రియా నాజిమ్‌ -దీపిక కొండి చదవండి: Fashion Jewellery: చెవులకు పెయింటింగ్‌! ధర రూ.300 నుంచి..