22 గ్రాండ్‌స్లామ్‌లు... 36 మాస్టర్‌ సిరీస్‌–1000 ట్రోఫీలు... 25 ఏటీపీ–500 టైటిల్స్‌... 10 ఏటీపీ–250 టైటిల్స్‌... 2 ఒలింపిక్‌ స్వర్ణాలు... 209 వారాల పాటు వరల్డ్‌ నంబర్‌వన్‌...1250 రాకెట్లు...300 కిలోమీటర్ల స్ట్రింగ్‌...16500 మీటర్ల ఓవర్‌గ్రిప్‌... ఇదీ కోర్టులో రాఫెల్‌ నాదల్‌ టెన్నిస్‌ ప్రయాణం! సుదీర్ఘంగా సాగిన ఈ అద్భుత ప్రస్థానం ముగిసింది. స్వదేశంలో, సొంత అభిమానుల సమక్షంలో ‘స్పెయిన్‌ బుల్‌’ నాదల్‌ కెరీర్‌ చివరి మ్యాచ్‌ ఆడేశాడు. ఆఖరి పోరులో పరాజయం పలకరించినా... ఈ మ్యాచ్‌ తుది ఫలితంకంటే అతని నిష్క్రమణే టెన్నిస్‌ ప్రపంచాన్ని భావోద్వేగంలో ముంచింది... కన్నీళ్లపర్యంతమవుతూ నాదల్‌ అభిమాన ఆటకు గుడ్‌బై చెప్పాడు.మలాగా (స్పెయిన్‌): ప్రపంచ టెన్నిస్‌ను శాసించిన దిగ్గజాలలో ఒకడైన రాఫెల్‌ నాదల్‌ రెండు దశాబ్దాలకు పైగా సాగిన కెరీర్‌కు వీడ్కోలు పలికాడు. గతంలోనే ప్రకటించినట్లుగా డేవిస్‌కప్‌ టోర్నీలో జాతీయ జట్టుకు చివరిసారి ప్రాతినిధ్యం వహించిన తర్వాత అతను రిటైరయ్యాడు. భారత కాలమానం ప్రకారం మంగళవారం అర్ధరాత్రి దాటాక ముగిసిన క్వార్టర్‌ ఫైనల్లో స్పెయిన్‌ 1–2తో నెదర్లాండ్స్‌ జట్టు చేతిలో ఓడిపోయింది. స్పెయిన్‌ తరఫున తొలి సింగిల్స్‌లో బరిలోకి దిగిన నాదల్‌పై 6–4, 6–4 స్కోరుతో బొటిక్‌ వాన్‌ డి జాండ్‌షుల్ప్‌ విజయం సాధించాడు. ఆ తర్వాత రెండో సింగిల్స్‌లో అల్‌కరాజ్‌ 7–6 (7/0), 6–3తో గ్రీక్‌స్పూర్‌ను ఓడించి 1–1తో సమం చేశాడు. నిర్ణాయక డబుల్స్‌ మ్యాచ్‌లో నెదర్లాండ్‌ జోడీ వాన్‌ డి జాండ్‌షుల్ప్‌–వెస్లీ కూల్‌హాఫ్‌ 7–6 (7/4), 7–6 (7/3) స్కోరుతో స్పెయిన్‌ ద్వయం అల్‌కరాజ్‌–మార్సెల్‌ గ్రానోలర్స్‌ను ఓడించింది. స్పెయిన్‌ నిష్క్ర మణతో నాదల్‌కు ఇదే చివరి పోరుగా మారింది. నాదల్‌ మ్యాచ్‌ను తిలకించేందుకు కుటుంబసభ్యులందరూ వచ్చారు. అంతా అతనే... మ్యాచ్‌ ఆరంభానికి ముందు స్పెయిన్‌ జాతీయగీతం ఆలపిస్తున్న సమయంలో 38 ఏళ్ల నాదల్‌ కన్నీళ్ల పర్యంతమయ్యాడు. సుమారు 10 వేల మంది ప్రేక్షకులతో స్టేడియం అంతా ఎరుపు వర్ణం పులుముకున్న తర్వాత అతను ఆటలోకి అడుగు పెట్టాడు. కోర్టులో ప్రతి షాట్‌కు అభిమానులు ‘రా...ఫా...రా...ఫా....’ అంటూ జేజేలు పలుకుతూ ప్రోత్సహిస్తుండగా అతను పోటీ పడ్డాడు. అయితే ఊహించినట్లుగానే గతంలోలా తన స్థాయికి తగ్గ ప్రదర్శన ఇవ్వలేకపోయిన అతను వరుస సెట్‌లలో ఓడిపోయాడు. నాదల్‌ కొట్టిన ఫోర్‌హ్యాండ్‌ నెట్‌ను తాకడంతో అతని ఓటమి ఖాయమైంది. స్పెయిన్‌ ఓటమి తర్వాత నాదల్‌ స్టేడియం అంతా కలియతిరిగాడు. ఆటగాళ్లు, కోచ్‌లను కౌగిలించుకొని భావోద్వేగభరితమైన అతను అభిమానుల చప్పట్ల హోరు మధ్య ప్రసంగం పూర్తి చేసుకొని వీడాడు.వరుసగా 19 ఏళ్ల పాటు...2024: 02023: 02022: 4 2021: 2 2020: 2 2019: 4 2018: 52017: 62016: 2 2015: 3 2014: 4 2013: 10 2012: 4 2011: 3 2010: 7 2009: 52008: 8 2007: 6 2006: 5 2005: 11 2004: 1 మొత్తం 92రాఫెల్‌ నాదల్‌ 2004లో తొలిసారి ఏటీపీ సింగిల్స్‌ టైటిల్‌ గెలిచాడు. పోలాండ్‌లోని సొపోట్‌ నగరంలో జరిగిన ఐడియా ప్రొకామ్‌ ఓపెన్‌ టోర్నీలో నాదల్‌ విజేతగా నిలిచాడు. ఆ ఏడాది నుంచి వరుసగా 19 ఏళ్లపాటు (2022 వరకు) నాదల్‌ కనీసం ఒక్క టైటిల్‌ అయినా సాధిస్తూ వచ్చాడు. గాయాల కారణంగా 2023లో, ఈ ఏడాది నాదల్‌ టైటిల్‌ గెలవలేకపోయాడు.అంకెల్లో నాదల్‌ కెరీర్‌1080 సింగిల్స్‌ విభాగంలో గెలిచిన మ్యాచ్‌లు 227 సింగిల్స్‌ విభాగంలో ఓడిన మ్యాచ్‌లు 910 ఏటీపీ ర్యాంకింగ్స్‌లో టాప్‌–10లో కొనసాగిన వారాలు 209 ప్రపంచ నంబర్‌వన్‌గా కొనసాగిన వారాలు 92 కెరీర్‌ మొత్తంలో నెగ్గిన సింగిల్స్‌ టైటిల్స్‌ 63 క్లే కోర్టులపై గెలిచిన సింగిల్స్‌ టైటిల్స్‌ 22 మొత్తం నెగ్గిన గ్రాండ్‌స్లామ్‌ సింగిల్స్‌ టైటిల్స్‌ (ఫ్రెంచ్‌ ఓపెన్‌: 14, ఆ్రస్టేలియన్‌ ఓపెన్‌: 2; వింబుల్డన్‌: 2, యూఎస్‌ ఓపెన్‌: 4) 2 గెలిచిన ఒలింపిక్స్‌ స్వర్ణాలు (2008 బీజింగ్‌ ఒలింపిక్స్‌ సింగిల్స్‌; 2016 రియో ఒలింపిక్స్‌లో డబుల్స్‌) 4 డేవిస్‌కప్‌ టీమ్‌ టైటిల్స్‌(2004, 2009, 2011, 2019)కెరీర్‌లో సంపాదించిన మొత్తం ప్రైజ్‌మనీ13,49,46,100 డాలర్లు (రూ. 1138 కోట్లు)భావోద్వేగాలను నియంత్రించుకోవడం కష్టంగా ఉంది. అయితే ప్రశాంతమైన మనసుతో వీడ్కోలు పలుకుతున్నా. నా విజయాల సంఖ్య, టైటిల్స్, రికార్డుల గురించి అందరికీ తెలుసు. అయితే ఒక చిన్న ఊరు మలొర్కా నుంచి వచ్చిన ఒక మంచి వ్యక్తిగా, తన కలలు నేర్చుకునేందుకు ఎంతో కష్టపడిన ఒక చిన్న కుర్రాడిగా నేను గుర్తుండిపోవాలని కోరుకుంటాను. ఈ విషయంలో నేను చాలా అదృష్టవంతుడిని. నా కెరీర్‌లో ఎంతో మంది మిత్రులను సంపాదించుకోగలిగాను. డేవిస్‌ కప్‌లో తొలి మ్యాచ్‌ను ఓటమితో మొదలు పెట్టిన నేను ఇప్పుడూ ఓడి ఎక్కడ మొదలు పెట్టానో అక్కడికే వచ్చాను. నా చివరి మ్యాచ్‌ చాలా కఠినంగా అనిపించింది. నిజానికి ఎవరూ ఇలాంటి క్షణం రావాలని కోరుకోరు. నేను టెన్నిస్‌ ఆడే విషయంలో అలసిపోలేదు. కానీ నా శరీరం అలసిపోయింది. ఇక ఆడటం సాధ్యం కాదని చెప్పేసింది. కాబట్టి నేను వాస్తవాన్ని అంగీకరించాలి. నిజాయితీగా చెప్పాలంటే ఒక హాబీగా మొదలు పెట్టిన ఆటలో ఇంత గొప్ప కెరీర్‌ నిర్మించుకోగలగడాన్ని నేను గొప్పగా భావిస్తున్నా. పైగా నేను ఊహించిన దానికంటే ఎంతో ఎక్కువ కాలం ఆడగలిగాను. – వీడ్కోలు ప్రసంగంలో రాఫెల్‌ నాదల్‌

మలాగా (స్పెయిన్‌): ‘ఒకటి మాత్రం నిజం...నేను నీపై గెలిచిన మ్యాచ్‌లకంటే నువ్వు నన్ను ఎక్కువ సార్లు ఓడించావు. నీలా నాకు ఎవరూ సవాల్‌ విసరలేదు. మట్టి కోర్టుపైన అయితే నీ ఇంటి ఆవరణలోకి వచ్చి ఆడినట్లే అనిపించేది. అక్కడ నీ ముందు నిలబడితే చాలు అనిపించేందుకు కూడా ఎంతో కష్టపడాల్సి వచ్చేది. నా ఆటలో లోపాలు ఉన్నాయేమో అని చూసుకునేలా నువ్వే చేశావు. నీపై పైచేయి సాధించే క్రమంలో రాకెట్‌ మార్చి కూడా నా అదృష్టాన్ని పరీక్షించుకోవాల్సి వచ్చింది’ ... టెన్నిస్‌కు వీడ్కోలు పలుకుతున్న రాఫెల్‌ నాదల్‌ను ఉద్దేశించి మరో దిగ్గజం రోజర్‌ ఫెడరర్‌ చేసిన ప్రశంసాపూర్వక వ్యాఖ్య ఇది. సుదీర్ఘ కాలం ఆటను శాసించిన వీరిద్దరిలో ఫెడరర్‌ రెండేళ్ల క్రితం రిటైర్‌ కాగా... ఇప్పుడు నాదల్‌ వంతు వచ్చింది. 20 గ్రాండ్‌స్లామ్‌ టైటిల్స్‌తో ఫెడరర్‌ కెరీర్‌ ముగిస్తే... 22 గ్రాండ్‌స్లామ్‌ టైటిల్స్‌తో నాదల్‌ గుడ్‌బై చెప్పాడు. కోర్టులో ప్రత్యర్థులే అయినా మైదానం బయట వీరిద్దరి మధ్య మంచి స్నేహం ఉంది. ప్రపంచ టెన్నిస్‌ సర్క్యూట్‌లో తమ పరస్పర గౌరవాన్ని, అభిమానాన్ని వీరిద్దరు చాలాసార్లు ప్రదర్శించారు. నాదల్‌ రిటైర్మెంట్‌ నేపథ్యంలో నాటి జ్ఞాపకాలతో ఫెడరర్‌ ఒక లేఖ రాశాడు. ఆటను ఇష్టపడేలా చేశావు... ‘నువ్వు రిటైర్‌ అవుతున్న సందర్భంగా కొన్ని విషయాలు పంచుకోవాలని భావించాను. మ్యాచ్‌ సమయంలో బొమ్మల కొలువులా వాటర్‌ బాటిల్స్‌ను పేర్చడం, జుట్టు సవరించుకోవడం, అండర్‌వేర్‌ను సరిచేసుకోవడం... అన్నీ ఒక పద్ధతిలో ఉండటం అంతా కొత్తగా అనిపించేది. నేను ఆ ప్రక్రియను కూడా ఇష్టపడేవాడిని. నాకు మూఢనమ్మకాలు లేవు కానీ నువ్వు ఇలా కూడా ఆకర్షించావు. టెన్నిస్‌పై నా ఇష్టం మరింత పెరిగేలా చేశావు. దాదాపు ఒకే సమయంలో కెరీర్‌ ప్రారంభించాం. 20 ఏళ్ల తర్వాత చూస్తే నువ్వు అద్భుతాలు చేసి చూపించావు. 14 ఫ్రెంచ్‌ ఓపెన్‌ టైటిల్స్‌తో స్పెయిన్, యావత్‌ టెన్నిస్‌ ప్రపంచం గర్వపడేలా చేశావు’ అని ఫెడరర్‌ అన్నాడు. ఆ రోజు మర్చిపోలేను... 2004 మయామి ఓపెన్‌తో మొదలు పెట్టి వీరిద్దరు 40 సార్లు తలపడ్డారు. ఇందులో నాదల్‌ 24 సార్లు, ఫెడరర్‌ 16 సార్లు గెలిచారు. ‘నేను తొలిసారి వరల్డ్‌ నంబర్‌వన్‌గా మారి సగర్వంగా నిలిచినప్పుడు నీతో మయామిలో తలపడి ఓడాను. అరుదైన ప్రతిభ గలవాడివని, ఎన్నో ఘనతలు సాధిస్తావని అప్పటి వరకు నీ గురించి గొప్పగా విన్నదంతా వాస్తవమేనని అర్థమైంది. 50 వేల మంది సమక్షంలో ఆడిన రికార్డు మ్యాచ్‌తో సహా మనం కలిసి ఆడిన రోజులన్నీ గుర్తున్నాయి. కొన్నిసార్లు ఎంతగా పోరాడే వాళ్లమంటే ఆట ముగిశాక వేదికపై ఒకరిని పట్టుకొని మరొకరు నడవాల్సి వచ్చేది’ అని ఫెడరర్‌ గుర్తు చేసుకున్నాడు. నీతో స్నేహం వల్లే... మలార్కాలో 2016లో నాదల్‌ అకాడమీ ప్రారంభోత్సవానికి ఫెడరర్‌ హాజరు కాగా... రెండేళ్ల క్రితం ఫెడరర్‌ చివరి టోర్నీ లేవర్‌ కప్‌లో అతని కోసం భాగస్వామిగా నాదల్‌ ఆడాడు. ‘అకాడమీ ప్రారంభోత్సవానికి నాకు నేనే ఆహా్వనం ఇచ్చుకున్నాను. ఎందుకంటే నన్ను బలవంతం చేయలేని మంచితనం నీది. కానీ నేను రాకుండా ఎలా ఉంటాను. ఆ తర్వాత నీ అకాడమీలో నా పిల్లలు శిక్షణ తీసుకోవడం ఎంతో ఆనందాన్నిచ్చింది. వాళ్లు ఎడంచేతి వాటం ఆటగాళ్లుగా తిరిగి రాకుండా చాలని మాత్రం కోరుకున్నాను. లేవర్‌ కప్‌లో చివరిసారి నీతో కలిసి ఆడినప్పుడు కన్నీళ్లు ఆగలేదు. నా కెరీర్‌లో అవి ఎంతో ప్రత్యేక క్షణాలు’ అని ఫెడెక్స్‌ భావోద్వేగం ప్రదర్శించాడు. కమాన్‌ రఫా... కెరీర్‌లో చివరి మ్యాచ్‌ ఆడుతున్న వేళ నాదల్‌కు ఫెడరర్‌ ప్రత్యేక అభినందనలు తెలియజేశాడు. ‘భావోద్వేగంతో మాటలు రాని పరిస్థితి రాక ముందే నేను చెప్పాల్సిందంతా చెప్పేశాను. నీ ఆఖరి మ్యాచ్‌ ఆడిన తర్వాత మాట్లాడు కోవాల్సినవి ఇంకా చాలా ఉన్నాయి. ఈ సమయంలో నీకు నా అభినందనలు. ఇప్పుడు, ఇకపై కూడా నీ పాత మిత్రుడు చప్పట్లతో గట్టిగా నిన్ను ప్రోత్సహిస్తూనే ఉంటాడనే విషయం మరచిపోవద్దు’ అని ఫెడరర్‌ ముగించాడు.

టెన్నిస్‌ దిగ్గజం, స్పానిష్‌ బుల్‌ రఫెల్‌ నదాల్‌ ప్రొఫెషనల్‌ టెన్నిస్‌కు గుడ్‌బై చెప్పాడు. ఈ విషయాన్ని అతను సోషల్‌మీడియా ద్వారా షేర్‌ చేశాడు. తన కెరీర్ మొత్తంలో మద్దతుకు నిలిచిన వారికి నదాల్‌ కృతజ్ఞతలు తెలిపాడు. నదాల్‌ వచ్చే నెలలో (నవంబర్‌) జరుగబోయే డేవిస్‌ కప్‌లో చివరిసారి స్పెయిన్‌ తరఫున బరిలోకి దిగనున్నట్లు ప్రకటించాడు. 38 ఏళ్ల నదాల్‌ తన సుదీర్ఘ కెరీర్‌లో 22 గ్రాండ్‌స్లామ్‌ టైటిళ్లు సాధించాడు. నదాల్‌కు మట్టి కోర్టు వీరుడిగా పేరుంది. నదాల్‌ సాధించిన గ్రాండ్‌స్లామ్‌ టైటిల్స్‌ఆస్ట్రేలియా ఓపెన్‌ (2009, 2022)-2ఫ్రెండ్‌ ఓపెన్‌ (2005, 2006, 2007, 2008, 2010, 2011, 2012, 2013, 2014, 2017, 2018, 2019, 2020, 2022)- 14వింబుల్డన్‌ (2008, 2010)-2యూఎస్‌ ఓపెన్‌ (2010, 2013, 2017, 2019)-4

స్పెయిన్‌ దిగ్గజం రాఫెల్‌ నాదల్‌ చేసిన వ్యాఖ్యలు అతడి అభిమానులను కలవరపెడుతున్నాయి. ఫెడరర్‌ మాదిరే రాఫెల్‌నూ ఇక టెన్నిస్‌ కోర్టులో చూడలేమా అని ఆందోళనలు వ్యక్తమవుతున్నాయి. కాగా నాదల్‌ లేవర్‌ కప్‌ టెన్నిస్‌ టోర్నీ నుంచి వైదొలిగిన విషయం తెలిసిందే. వచ్చే వారం నుంచి బెర్లిన్‌ వేదికగా ఈ టెన్నిస్‌ టీమ్‌ టోర్నీ జరగనుంది. అయితే, గత కొంతకాలంగా గాయాలతో సతమతమవుతున్న నాదల్‌ ఈ ఏడాది నాలుగు గ్రాండ్‌స్లామ్‌ టోర్నీల్లో మూడింట పాల్గొనలేదు. చివరగా ప్యారిస్‌ ఒలింపిక్స్‌లో బరిలోకి దిగిన 38 ఏళ్ల నాదల్‌... నిరాశపరిచాడు. పురుషుల సింగిల్స్‌ రెండో రౌండ్‌లో సెర్బియా స్టార్‌ జొకోవిచ్‌ చేతిలో ఓడి ఇంటిబాట పట్టాడు. ఈ నేపథ్యంలో లేవర్‌ కప్‌ టోర్నీతో తిరిగి వస్తాడని భావించిన అభిమానులకు షాకిచ్చాడు. ‘వచ్చే వారం జరగనున్న లేవర్‌ కప్‌లో ఆడలేకపోతున్నా. ఇది టీమ్‌ ఈవెంట్‌. జట్టుకు ఏది మంచో అదే చేయాలి. టీమ్‌ను విజయ తీరాలకు చేర్చగల ఆటగాళ్లు ఉండటం ముఖ్యం అందుకే ఈ నిర్ణయం తీసుకున్నా. మానసికంగా నేనేమీ ఇబ్బందిపడటం లేదు. ప్రస్తుతం ఇంట్లోనే ఉన్నాను. వీలైనంత వరకు ప్రతిరోజు ప్రాక్టీస్‌ చేస్తూనే ఉన్నాను. అయితే, ఇప్పటికిప్పుడు కోర్టులో దిగే పరిస్థితి మాత్రం లేదు. అందుకే తప్పుకొంటున్నా. ఒలింపిక్స్‌ వరకు ఆడతానని చెప్పాను. ఇక ఇప్పుడు ఏం జరుగబోతుందో చూడాలి’ అని నాదల్‌ పేర్కొన్నాడు. లేవర్‌ కప్‌నకు దూరం కావడానికి ప్రధాన కారణం చెప్పకపోయినా... గాయం నుంచి పూర్తిగా కోలుకోకపోవడంతోనే ఈ నిర్ణయం తీసుకున్నట్లు తెలుస్తోంది. అయితే, అదే సమయంలో త్వరలోనే రిటైర్మెంట్‌ కాబోతున్నాననే సంకేతాలు ఇస్తున్నాడనే అభిప్రాయాలూ వ్యక్తమవుతున్నాయి. కాగా స్విట్జర్లాండ్‌ దిగ్గజ ఆటగాడు ఫెడరర్‌ 2022 లేవర్‌ కప్‌ అనంతరమే కెరీర్‌కు రిటైర్మెంట్‌ ప్రకటించాడు. ఇక.. పురుషుల సింగిల్స్‌లో 22 గ్రాండ్‌స్లామ్‌ టైటిల్స్‌ సాధించిన నాదల్‌... ఇటీవల యూఎస్‌ ఓపెన్‌ గ్రాండ్‌స్లామ్‌లో కూడా గాయం కారణంగానే బరిలోకి దిగలేదన్న విషయం తెలిసిందే. చదవండి: దిగ్గజాలకు గడ్డుకాలం: భవిష్యత్తు అతడిదేనా?

టెన్నిస్‌ కోర్టులో అడుగుపెట్టిన ఏ ఆటగాడైనా గెలవాలనే కసితోనే పోరాడతాడు. కొందరు ప్లేయర్లు ప్రత్యర్థిపై పూర్తి ఆధిపత్యం కనబరుస్తూ చూస్తుండగానే మ్యాచ్‌ను లాగేసుకుంటే... మరికొందరు తుదికంటా పోరాడుతూ శక్తి మేరకు ప్రయత్నిస్తారు! టెన్నిస్‌ కోర్టులో అప్పుడప్పుడు సమఉజ్జీల సమరాలు అభిమానులను అలరిస్తూ ఉంటాయి. శరీరంలో శక్తి క్షీణిస్తున్నా... చెమట ధారగా కారుతున్నా లెక్కచేయకుండా మైదానంలో ఇరువురు ఆటగాళ్లు కొదమ సింహాల్లా పోరాడినపుడు ఆ మ్యాచ్‌లు గంటలకొద్దీ సాగుతూ ఉంటాయి. ఇరువురు ప్లేయర్లు ‘తగ్గేదేలే’ అన్నట్లు చెలరేగిన మ్యాచ్‌లు సుదీర్ఘ పోరాటాలుగా చరిత్ర పుటల్లో చోటు దక్కించుకుంటున్నాయి. టెన్నిస్‌ గ్రాండ్‌స్లామ్‌ టోర్నీల్లో అలా రికార్డుల్లోకెక్కిన మ్యాచ్‌లను ఓసారి పరిశీలిస్తే... శారీరక శ్రమ అధికంగా ఉండే టెన్నిస్‌ క్రీడలో అప్పుడప్పుడు కొన్ని మ్యాచ్‌లు సుదీర్ఘంగా సాగడం పరిపాటే. తాజాగా సీజన్‌ చివరి గ్రాండ్‌స్లామ్‌ టోర్నీ యూఎస్‌ ఓపెన్‌ పురుషుల సింగిల్స్‌లో డేనియల్‌ ఇవాన్స్‌ (బ్రిటన్‌), కరెన్‌ ఖచనోవ్‌ (రష్యా) మధ్య పోరు 5 గంటల 35 నిమిషాల పాటు సాగి అభిమానులకు ప్రత్యేక అనుభూతినిచ్చింది. యూఎస్‌ ఓపెన్‌ గ్రాండ్‌స్లామ్‌లో ఇదే సుదీర్ఘమైన మ్యాచ్‌ కాగా.. గతంలో వింబుల్డన్‌ టోరీ్నలో ఇంతకుమించిన మ్యాచ్‌లు చాలా జరిగాయి. 2010 వింబుల్డన్‌ టోర్నీలో జాన్‌ ఇస్నెర్‌ (అమెరికా), నికోలస్‌ మహుత్‌ (ఫ్రాన్స్‌) మధ్య జరిగిన పోరు ఇందులో ముందు వరుసలో నిలుస్తుంది.వర్షం అంతరాయం కలిగించడంతో... వరుసగా మూడు రోజులు సాగిన ఈ మారథాన్‌ మ్యాచ్‌ టెన్నిస్‌ చరిత్రలోనే సుదీర్ఘంగా సాగిన పోరుగా రికార్డుల్లోకెక్కింది. ఇప్పటి వరకు ప్రొఫెషనల్‌ టెన్నిస్‌లో రెండు మ్యాచ్‌లు మాత్రమే 7 గంటలకు పైగా సాగగా... మరో 14 మ్యాచ్‌లు ఆరు గంటలకు పైగా జరిగాయి. ప్లేయర్ల అలసట, అభిమానుల అసౌకర్యం, నిర్వాహకులు ఇబ్బందులను దృష్టిలో పెట్టుకొని ప్రధాన టోర్నీల్లోని చివరి సెట్‌లోనూ ‘టైబ్రేకర్‌’ నిబంధనలు తీసుకొచ్చారు. 1970 నుంచి యూఎస్‌ ఓపెన్‌ గ్రాండ్‌స్లామ్‌లో ‘టైబ్రేకర్‌’ అమలు చేస్తున్నారు. దీంతో సుదీర్ఘ పోరాటాలకు ఒకింత బ్రేక్‌ పడింది. ఫ్రెంచ్‌ ఓపెన్‌లో... 6 గంటల 33 నిమిషాలుసీజన్‌ రెండో గ్రాండ్‌స్లామ్‌ టోర్నీ ఫ్రెంచ్‌ ఓపెన్‌లోనూ మారథాన్‌ మ్యాచ్‌లకు కొదువలేదు. 2004 ఫ్రెంచ్‌ ఓపెన్‌ పురుషుల సింగిల్స్‌ తొలి రౌండ్‌లో సుదీర్ఘ మ్యాచ్‌ జరిగింది. రెండు రోజుల పాటు సాగిన పోరులో ఫ్రాన్స్‌కే చెందిన ఫాబ్రిస్‌ సాంతోరో, ఆర్నాడ్‌ క్లెమెంట్‌ తుదికంటా పోరాడారు. 6 గంటల 33 నిమిషాల తర్వాత ఫాబ్రిస్‌ సాంతోరో 6–4, 6–3, 6–7 (5/7), 3–6, 16–14తో ఆర్నాడ్‌ క్లెమెంట్‌పై గెలిచాడు. ఫ్రెంచ్‌ ఓపెన్‌ గ్రాండ్‌స్లామ్‌ టోర్నీలో ఇదే సుదీర్ఘ మ్యాచ్‌గా రికార్డుల్లోకెక్కింది. వింబుల్డన్‌లో ఇస్నెర్‌ డబుల్‌ ధమాకాటెన్నిస్‌ చరిత్రలో అత్యంత పురాతన గ్రాండ్‌స్లామ్‌ టోర్నీ అయిన వింబుల్డన్‌లో అమెరికా ఆటగాడు జాన్‌ ఇస్నెర్‌ ఒకటికి రెండుసార్లు ఇలాంటి సుదీర్ఘ మ్యాచ్‌ల్లో భాగస్వామి అయ్యాడు. 2010 వింబుల్డన్‌ పురుషుల సింగిల్స్‌ తొలి రౌండ్‌లో ఇస్నెర్, నికోలస్‌ మహుత్‌ మధ్య పోరు వరుసగా మూడు రోజుల పాటు నడిచింది. వర్షం కారణంగా అంతరాయాల నడుము జరిగిన పోరులో ఇస్నెర్‌ 6–4, 3–6, 6–7 (7/9), 7–6 (7/3), 70–68తో మహుత్‌పై విజయం సాధించాడు. 11 గంటల 5 నిమిషాల పాటు సాగిన ఈ పోరాటం... ప్రొఫెషనల్‌ టెన్నిస్‌లో అత్యంత సుదీర్ఘ పోరుగా చరిత్రకెక్కింది. ఇరువురు ఆటగాళ్లు గంటలకొద్దీ పట్టు వదలకుండా పోరాడటంతో ఈ రికార్డు సాధ్యమైంది. మరో ఎనిమిదేళ్ల తర్వాత 2018 వింబుల్డన్‌ సెమీఫైనల్లో మరోసారి ఇలాంటి సుదీర్ఘ పోరాటమే జరిగింది. 6 గంటల 36 నిమిషాల పాటు సాగిన పోరులో కెవిన్‌ అండర్సన్‌ (దక్షిణాఫ్రికా) 7–6 (8/6), 6–7 (5/7), 6–7 (9/11), 6–4, 26–24తో ఇస్నెర్‌పై విజయం సాధించాడు. ఆస్ట్రేలియా ఓపెన్‌లో... 5 గంటల 53 నిమిషాలుటెన్నిస్‌ చరిత్రలో దిగ్గజ ప్లేయర్లుగా గుర్తింపు సాధించిన నొవాక్‌ జొకోవిచ్‌ (సెర్బియా), రాఫెల్‌ నాదల్‌ (స్పెయిన్‌) కూడా సుదీర్ఘ పోరాటాల్లో భాగస్వాములయ్యారు. గిరిగీసి బరిలోకి దిగితే అంతుచూసేవరకు వదలని స్వభావం గల ఈ ఇద్దరూ ఎన్నో సార్లు హోరాహోరీగా తలబడ్డారు. అందులో 2012 ఆస్ట్రేలియా ఓపెన్‌ పురుషుల సింగిల్స్‌ ఫైనల్‌ ఒకటి. 5 గంటల 53 నిమిషాల పాటు సాగిన ఈ పోరులో జొకోవిచ్‌ 5–7, 6–4, 6–2, 6–7 (5/7), 7–5తో నాదల్‌ను ఓడించి గ్రాండ్‌స్లామ్‌ టైటిల్‌ గెలుచుకున్నాడు. ఓపెన్‌ శకంలో (1968 నుంచి)అత్యంత సుదీర్ఘంగా సాగిన గ్రాండ్‌స్లామ్‌ ఫైనల్‌గానూ ఈ పోరు చరిత్రకెక్కింది. 1975కంటే ముందు టైబ్రేక్‌ నిబంధన లేదు.ఫలితంగా డేవిస్‌కప్‌లోనూ ఎన్నో సుదీర్ఘ మ్యాచ్‌లు జరిగాయి. 1975 తర్వాత నిర్ణాయక ఐదో సెట్‌ మినహా ఇతర సెట్‌లలో టైబ్రేక్‌లను అమలు చేయడం మొదలుపెట్టారు. 12 పాయింట్ల టైబ్రేక్‌లో తొలుత ఏడు పాయింట్లు సాధించిన ప్లేయర్‌కు సెట్‌ లభించేది. ఒకవేళ మ్యాచ్‌ ఐదో సెట్‌కు వెళితే స్కోరు 5–5 తర్వాత రెండు గేమ్‌ల ఆధిక్యం సంపాదించిన ప్లేయర్‌ను విజేతగా ప్రకటించేవారు. 2016 నుంచి డేవిస్‌ కప్‌లోనూ నిబంధనలు మార్చారు. మ్యాచ్‌లను ‘బెస్ట్‌ ఆఫ్‌ 5 సెట్స్‌’ పద్ధతిలో కాకుండా ‘బెస్ట్‌ ఆఫ్‌ 3 సెట్స్‌’గా నిర్వహించడం ప్రారంభించారు. సెట్‌లో స్కోరు 6–6తో సమంగా నిలిస్తే టైబ్రేక్‌ను అమలు చేస్తున్నారు.డేవిస్‌ కప్‌లో సుదీర్ఘ పురుషుల సింగిల్స్‌ మ్యాచ్‌లుసమయం- విజేత -పరాజిత- ఏడాది- స్కోరు 👉6గం:43ని- లియోనార్డో మాయెర్‌ (అర్జెంటీనా)- జొవా సౌజా (బ్రెజిల్‌)- 2015- 7–6 (7/4), 7–6 (7/5), 5–7, 5–7, 15–13 👉6గం:22ని-జాన్‌ మెకన్రో (అమెరికా)-విలాండర్‌ (స్వీడన్‌) -1982- 9–7, 6–2, 15–17, 3–6, 8–6 👉6గం:21ని-బోరిస్‌ బెకర్‌ (జర్మనీ)-జాన్‌ మెకన్రో (అమెరికా)-1987-6–3, 6–2, 4–6, 14–12 👉6గం:15ని-జోస్‌ లూయిస్‌ క్లెర్క్‌ (అర్జెంటీనా)-జాన్‌ మెకన్రో (అమెరికా)-1980-6–3, 6–2, 4–6, 14–12 👉6గం: 04ని-హార్స్‌ స్కాఫ్‌ (ఆ్రస్టియా)- విలాండర్‌ (స్వీడన్‌)-1989-6–7 (5/7), 7–6 (9/7), 1–6, 6–4, 9–7 – సాక్షి క్రీడావిభాగం

పారిస్‌ ఒలింపిక్స్‌ పురుషుల టెన్నిస్‌ ఈవెంట్‌ సింగిల్స్‌ విభాగంలో స్పెయిన్‌ దిగ్గజం రాఫెల్‌ నాదల్‌ పోరాటం ముగిసింది. సోమవారం జరిగిన రెండో రౌండ్‌ మ్యాచ్‌లో టాప్‌ సీడ్‌ నొవాక్‌ జొకోవిచ్‌ (సెర్బియా) 6–1, 6–4తో నాదల్‌ను ఓడించాడు. వీరిద్దరు ఇప్పటి వరకు 60 సార్లు తలపడగా.. జొకోవిచ్‌ 31 సార్లు, నాదల్‌ 29 సార్లు విజయం సాధించాడు. వరుసగా ఐదో ఒలింపిక్స్‌లో పోటీపడుతున్న జొకోవిచ్‌కు ఒలింపిక్‌ స్వర్ణం లోటుగా ఉంది. 2008 బీజింగ్‌ ఒలింపిక్స్‌లో సింగిల్స్‌లో కాంస్యం నెగ్గిన జొకోవిచ్‌... 2012 లండన్, 2016 రియో, 2020 టోక్యో ఒలింపిక్స్‌లో మాత్రం పతకాలు సాధించలేకపోయాడు.

ఫ్రెంచ్‌ ఓపెన్‌లో తొలి రౌండ్‌లో ఓడిన స్పెయిన్‌ దిగ్గజం రాఫెల్‌ నాదల్‌ వింబుల్డన్‌ టోర్నీలో ఆడే అవకాశాలు కనిపించడంలేదు. మట్టికోర్టులపైనే జరిగే పారిస్‌ ఒలింపిక్స్‌ టెన్నిస్‌ ఈవెంట్‌కు సన్నద్ధం కావడానికి నాదల్‌ జూలైలో గ్రాస్‌ కోర్టులపై జరిగే వింబుల్డన్‌ టోర్నీకి దూరంగా ఉండాలని అనుకుంటున్నాడు. 2008, 2010లో వింబుల్డన్‌ విజేతగా నిలిచిన నాదల్‌ చివరిసారి ఈ టోరీ్నలో 2022లో పాల్గొన్నాడు.

పారిస్‌: తరచూ గాయాలబారిన పడటం... పూర్తిస్థాయి ఫిట్‌నెస్‌ లేకపోవడం... వెరసి మట్టికోర్టులపై మకుటంలేని మహరాజుగా వెలుగొందిన స్పెయిన్‌ దిగ్గజం రాఫెల్‌ నాదల్‌కు ఫ్రెంచ్‌ ఓపెన్‌ గ్రాండ్‌స్లామ్‌ టోరీ్నలో ఊహించని పరాజయం ఎదురైంది. 2005 నుంచి ఈ టోర్నీలో ఆడుతూ ఏకంగా 14 సార్లు విజేతగా నిలిచిన 37 ఏళ్ల నాదల్‌ మొదటి రౌండ్‌లోనే ఇంటిదారి పట్టడం ఇదే తొలిసారి కావడం గమనార్హం. ప్రపంచ నాలుగో ర్యాంకర్, గత మూడేళ్లుగా ఫ్రెంచ్‌ ఓపెన్‌లో సెమీఫైనల్‌ చేరిన జర్మనీ స్టార్‌ అలెగ్జాండర్‌ జ్వెరెవ్‌ పక్కా ప్రణాళికతో ఆడి నాదల్‌ ఆట కట్టించాడు. 3 గంటల 5 నిమిషాలపాటు సోమవారం జరిగిన పురుషుల సింగిల్స్‌ తొలి రౌండ్‌లో జ్వెరెవ్‌ 6–3, 7–6 (7/5), 6–3తో నాదల్‌ను ఓడించి రెండో రౌండ్‌లోకి ప్రవేశించాడు. ఈ మ్యాచ్‌లో జ్వెరెవ్‌ ఎనిమిది ఏస్‌లు సంధించడంతోపాటు నాదల్‌ సరీ్వస్‌ను ఆరుసార్లు బ్రేక్‌ చేశాడు. జ్వెరెవ్‌ సరీ్వస్‌ను కేవలం రెండుసార్లు బ్రేక్‌ చేసిన నాదల్‌ 30 అనవసర తప్పిదాలు కూడా చేశాడు. గాయం కారణంగా గత ఏడాది ఈ టోరీ్నకి దూరంగా ఉన్న నాదల్‌ తాజా ఓటమితో చివరిసారి ఫ్రెంచ్‌ ఓపెన్‌లో ఆడినట్లు భావించాలి. సుమిత్‌ నగాల్‌ ఓటమి ఫ్రెంచ్‌ ఓపెన్‌లో తొలిసారి ఆడుతున్న భారత నంబర్‌వన్‌ సుమిత్‌ నగాల్‌ పోరాటం మొదటి రౌండ్‌లోనే ముగిసింది. ప్రపంచ 18వ ర్యాంకర్‌ ఖచనోవ్‌ (రష్యా)తో జరిగిన మ్యాచ్‌లో సుమిత్‌ 2–6, 0–6, 6–7 (5/7)తో ఓడిపోయాడు. మరోవైపు ప్రపంచ రెండో ర్యాంకర్‌ యానిక్‌ సినెర్‌ (ఇటలీ) శుభారంభం చేశాడు. తొలి రౌండ్‌లో సినెర్‌ 6–3, 6–3, 6–4తో యుబ్యాంక్స్‌ (అమెరికా)పై గెలిచాడు. స్వియాటెక్‌ ముందంజ మహిళల సింగిల్స్‌లో డిఫెండింగ్‌ చాంపియన్, ప్రపంచ నంబర్‌వన్‌ ఇగా స్వియాటెక్‌ (పోలాండ్‌) రెండో రౌండ్‌లోకి దూసుకెళ్లింది. తొలి రౌండ్‌లో స్వియాటెక్‌ 6–1, 6–2తో లియోలియా జీన్‌జీన్‌ (ఫ్రాన్స్‌)పై గెలిచింది. ఇతర తొలి రౌండ్‌ మ్యాచ్‌ల్లో మూడో సీడ్‌ కోకో గాఫ్‌ (అమెరికా) 6–1, 6–1తో జూలియా అవ్‌దీవా (రష్యా)పై, ఎనిమిదో సీడ్‌ ఆన్స్‌ జబర్‌ (ట్యునీíÙయా) 6–3, 6–2తో సాచియా వికెరీ (అమెరికా)పై, ఐదో సీడ్‌ వొండ్రుసోవా (చెక్‌ రిపబ్లిక్‌) 6–1, 6–3తో మసరోవా (స్పెయిన్‌)పై విజయం సాధించారు. 3: ఫ్రెంచ్‌ ఓపెన్‌ చరిత్రలో నాదల్‌ను ఓడించిన మూడో ప్లేయర్‌గా జ్వెరెవ్‌ నిలిచాడు. గతంలో సోడెర్లింగ్‌ (స్వీడన్‌; 2009లో ప్రిక్వార్టర్స్‌లో) ఒకసారి... జొకోవిచ్‌ (సెర్బియా; 2015 క్వార్టర్‌ ఫైనల్లో, 2021 సెమీఫైనల్లో) రెండుసార్లు ఈ టోర్నీ లో నాదల్‌ను ఓడించారు. 2016లో గాయం కారణంగా నాదల్‌ మూడో రౌండ్‌ నుంచి వైదొలిగాడు.3: గ్రాండ్‌స్లామ్‌ టోరీ్నలలో నాదల్‌ తొలి రౌండ్‌లో ఓడిపోవడం ఓవరాల్‌గా ఇది మూడోసారి మాత్రమే. ఇంతకుముందు నాదల్‌ 2016 ఆ్రస్టేలియన్‌ ఓపెన్‌లో, 2013 వింబుల్డన్‌ టోర్నీలో తొలి రౌండ్‌లో ఓటమి పాలయ్యాడు.

రోమ్‌: గాయంనుంచి కోలుకొని మళ్లీ కోర్టులోకి అడుగు పెట్టిన తర్వాత రాణించలేకపోతున్న టెన్నిస్‌ దిగ్గజం రాఫెల్‌ నాదల్‌కు మరో పరాజయం ఎదురైంది. గత వారమే మాడ్రిడ్‌ ఓపెన్‌లో ఓడిన నాదల్‌ ఇప్పుడు ఇటాలియన్‌ ఓపెన్‌ రెండో రౌండ్‌లోనే వెనుదిరిగాడు. ఈ క్లే కోర్టు టోర్నీలో 10 సార్లు చాంపియన్‌గా నిలిచిన నాదల్‌పై 6–1, 6–3 స్కోరుతో వరల్డ్‌ నంబర్‌ 9 హ్యూబర్ట్‌ హర్కాజ్‌ (పోలండ్‌) ఘన విజయం సాధించాడు.గత ఏడాదిన్నర కాలంలో నాదల్‌ టాప్‌–10 ర్యాంకుల్లో ఉన్న ఆటగాడితో తలపడటం ఇదే మొదటిసారి. 93 నిమిషాల్లో ముగిసిన ఈ మ్యాచ్‌లో నాదల్‌ 4 గేమ్‌లే గెలవడం అతని పరిస్థితిని చూపిస్తోంది. తాజా ప్రదర్శన తాను ఫ్రెంచ్‌ ఓపెన్‌లో ఆడే విషయంపై సందేహాలు లేవనెత్తుతోందని మ్యాచ్‌ ముగిసిన తర్వాత నాదల్‌ వ్యాఖ్యానించాడు.

బార్సిలోనా: స్పెయిన్‌ దిగ్గజం, 12 సార్లు చాంపియన్‌ రాఫెల్‌ నాదల్‌ బార్సిలోనా ఓపెన్‌ ఏటీపీ–500 టెన్నిస్‌ టోర్నీలో రెండో రౌండ్‌లోనే వెనుదిరిగాడు. బుధవారం జరిగిన పురుషుల సింగిల్స్‌ రెండో రౌండ్‌ మ్యాచ్‌లో నాదల్‌ 5–7, 1–6తో డి మినార్‌ (ఆ్రస్టేలియా) చేతిలో ఓడిపోయాడు. 2003 తర్వాత నాదల్‌ మళ్లీ ఈ టోర్నీలో రెండో రౌండ్‌లో పరాజయం చవిచూశాడు. తుంటి గాయంతో నాదల్‌ ఈ ఏడాది కేవలం ఒక టోర్నీలో మాత్రమే పాల్గొన్నాడు. బ్రిస్బేన్‌ ఓపెన్‌లో నాదల్‌ క్వార్టర్‌ ఫైనల్లో ఆ్రస్టేలియా ప్లేయర్‌ జోర్డాన్‌ థాంప్సన్‌ చేతిలో ఓడిపోయాడు. 

స్పెయిన్‌ దిగ్గజ టెన్నిస్‌ ప్లేయర్‌ రాఫెల్‌ నాదల్‌ ఈనెల 14 నుంచి 28 వరకు జరిగే సీజన్‌ తొలి గ్రాండ్‌స్లామ్‌ టోర్నమెంట్‌ ఆస్ట్రేలియన్‌ ఓపెన్‌కు నాదల్‌ దూరం నుంచి వైదొలిగాడు. కెరీర్‌లో 22 గ్రాండ్‌స్లామ్‌ సింగిల్స్‌ టైటిల్స్‌ నెగ్గిన 37 ఏళ్ల నాదల్‌ గత ఏడాది ఆస్ట్రేలియన్‌ ఓపెన్‌ తర్వాత తుంటి గాయంతో ఏడాదిపాటు ఆటకు దూరమయ్యాడు. గతవారం బ్రిస్బేన్‌ ఓపెన్‌ టోర్నీతో నాదల్‌ పునరాగమనం చేశాడు. ఈ టోర్నీ లో జోర్డాన్‌ థాంప్సన్‌ (ఆస్ట్రేలియా)తో జరిగిన క్వార్టర్‌ ఫైనల్లో ఓడిపోయిన నాదల్‌ ఈ మ్యాచ్‌ సందర్భంగా ఎడమ కాలి కండరాల గాయానికి గురయ్యాడు.   

తుంటి గాయం నుంచి కోలుకున్న స్పెయిన్‌ టెన్నిస్‌ దిగ్గజం రాఫెల్‌ నాదల్‌ కొత్త ఏడాదిలో తొలి విజయం అందుకున్నాడు. బ్రిస్బేన్‌ ఓపెన్‌ టోర్నీ పురుషుల సింగిల్స్‌ తొలి రౌండ్‌లో నాదల్‌ 7–5, 6–1తో ప్రపంచ మాజీ మూడో ర్యాంకర్‌ డొమినిక్‌ థీమ్‌ (ఆస్ట్రేలియా)పై గెలిచాడు. గత ఏడాది ఆస్ట్రేలియన్‌ ఓపెన్‌లో  రెండో రౌండ్‌లో ఓడిపోయాక నాదల్‌ తుంటి గాయంతో మరే టోర్నీలోనూ ఆడలేదు. బ్రిస్బేన్‌  ఓపెన్‌తో పునరాగమనం చేసిన నాదల్‌ ఇదే టోర్నీ డబుల్స్‌లోనూ బరిలోకి దిగి తొలి రౌండ్‌లోనే ఓడిపోయాడు. సింగిల్స్‌లో మాత్రం శుభారంభంతో ప్రిక్వార్టర్‌ ఫైనల్లోకి ప్రవేశించాడు.    

న్యూఢిల్లీ: ఐటీ సేవల దిగ్గజం ఇన్ఫోసిస్‌కు, ఆ సంస్థకే చెందిన డిజిటల్‌ ఇన్నోవేషన్‌కు బ్రాండ్‌ అంబాసిడర్‌గా అంతర్జాతీయ టెన్నిస్‌ స్టార్‌ రఫేల్‌ నాదల్‌ నియమితులయ్యారు. మూడేళ్ల పాటు ఈ భాగస్వామ్యం అమల్లో ఉంటుంది. ఈ సందర్భంగా ఇన్ఫీ, నాదల్‌ కోచింగ్‌ టీమ్‌ కలిసి కృత్రిమ మేధ ఆధారిత మ్యాచ్‌ అనాలిసిస్‌ టూల్‌ను అభివృద్ధి చేయనున్నాయని కంపెనీ ఒక ప్రకటనలో తెలిపింది. వ్యక్తులు, వ్యాపార దిగ్గజాలు ఎప్పటికప్పుడు మారే పరిస్థితులకు అనుగుణంగా తమను తాము మల్చుకుంటూ, ముందుకు ఎలా సాగాలనేది తెలుసుకునేందుకు నాదల్‌ చక్కని నిదర్శనమని సంస్థ సీఈవో సలిల్‌ పరేఖ్‌ తెలిపారు. ఇన్ఫోసిస్‌ డిజిటల్‌ రంగంలో తనకున్న అనుభవంతో టెన్నిస్‌ క్రీడకు కూడా సేవలు అందించే తీరు తనకు నచ్చిందని నాదల్‌ పేర్కొన్నారు.

Wimbledon 2023 Mens Singles Winner Alcaraz: ఆల్‌ ఇంగ్లండ్‌ క్లబ్‌ వేదికపై కొత్త చరిత్ర నమోదైంది. క్లే కోర్టు స్పెషలిస్ట్‌గా గుర్తింపు తెచ్చుకొని, హార్డ్‌కోర్ట్‌పై తొలి గ్రాండ్‌స్లామ్‌ సాధించిన తర్వాత ఇప్పుడు గ్రాస్‌ కోర్టుపై స్పెయిన్‌ ‘బేబీ బుల్‌’ మెరిశాడు. 23 గ్రాండ్‌స్లామ్‌ల చాంపియన్‌ జొకోవిచ్‌ వరుస విజయాలకు విరామమిస్తూ యువ సంచలనం కొత్త శకానికి నాంది పలికాడు.  జొకోవిచ్‌ను ‘పచ్చిక’ కరిపించి రెండు పదుల వయసుకే కీర్తి శిఖరంపై నిలిచిన కార్లోస్‌ అల్‌కరాజ్‌ అద్భుత ఆటతో ప్రతిష్టాత్మక గ్రాండ్‌స్లామ్‌ టోర్నీ వింబుల్డన్‌లో విజేతగా నిలిచాడు. ఐదు సెట్‌ల పాటు హోరాహోరీగా సాగిన సమరంలో ‘ఆల్‌టైమ్‌ దిగ్గజం’ జొకోవిచ్‌ను ‘పచ్చిక’ కరిపించి చాంపియన్‌గా అవతరించాడు.  వరల్డ్‌ నంబర్‌వన్‌గా తన అద్వితీయ ఆటను అతను సాధించిన గెలుపు టెన్నిస్‌లో రాబోయే నూతన శకానికి నాంది పలికింది. 24వ టైటిల్‌తో పాటు క్యాలెండర్‌ గ్రాండ్‌స్లామ్‌పై కన్నేసిన జొకోవిచ్‌ ఆఖరి వరకు తన స్థాయికి తగ్గ ఆటతో ప్రయత్నించినా... ఇద్దరి మధ్య ఉన్న ‘16’ ఏళ్ల అంతరం ఆట చివర్లో అతని జోరుకు అడ్డుకట్ట వేసింది.  నాదల్‌ భావోద్వేగ ట్వీట్‌ వైరల్‌ నాదల్‌ వారసుడిగా గుర్తింపు తెచ్చుకొని పిన్న వయసులోనే పలు రికార్డులకు చిరునామాగా మారిన అల్‌కరాజ్‌ సగర్వంగా తన రెండో గ్రాండ్‌స్లామ్‌ ట్రోఫీని ప్రదర్శించాడు. ఈ నేపథ్యంలో ఈ స్పెయిన్‌ టెన్నిస్‌ స్టార్‌పై ప్రశంసల జల్లు కురుస్తోంది. సెర్బియా స్టార్‌, రెండో సీడ్‌ నొవాక్‌ జొకోవిచ్‌ను ఓడించిన అతడి ఆటకు అభిమానులు మాత్రమే కాదు దిగ్గజ ఆటగాళ్లు సైతం ఫిదా అవుతున్నారు. ఈ క్రమంలో మరో స్పెయిన్‌ స్టార్‌, లెజెండ్‌ రాఫెల్‌ నాదల్‌ చేసిన ట్వీట్‌ ప్రత్యేకంగా నిలిచింది. ‘‘కంగ్రాట్యులేషన్స్‌ అల్‌కరాజ్‌. ఈరోజు మాకు నువ్వు ఎనలేని సంతోషాన్ని పంచావు. స్పానిష్‌ టెన్నిస్‌లో మన మార్గదర్శి, దిక్సూచి, వింబుల్డన్‌లో అద్భుతాలు చేసిన మనోలో సాంటానా కూడా నీ ఆట చూసి ఉప్పొంగిపోయి ఉంటారు. నిన్ను గట్టిగా హత్తుకుని ఈ క్షణాన్ని పూర్తిగా ఆస్వాదించాలని ఉంది చాంపియన్‌!!! మన టీమ్‌కు ఇదొక గొప్ప క్షణం’’ అని నాదల్.. అల్‌కరాజ్‌ను ఉద్దేశించి భావోద్వేగపూరిత ట్వీట్‌ చేశాడు.  కాగా తొంటినొప్పి కారణంగా నాదల్‌ ఈ ఏడాది వింబుల్డన్‌ చాంపియన్‌షిప్‌నకు దూరమయ్యాడు. ఇదిలా ఉంటే.. అల్‌కరాజ్‌ అద్భుత ఆట కారణంగా 24వ గ్రాండ్‌స్లామ్‌ గెలవాలన్న జొకోవిచ్‌ ఆశలపై నీళ్లు చల్లినట్లయింది. ఇక ఈ విజయంతో.. గతేడాది యూఎస్‌ ఓపెన్‌ విజేతగా నిలిచిన అల్‌కరాజ్‌ ఖాతాలో రెండో గ్రాండ్‌స్లామ్‌ టైటిల్‌ చేరింది. చదవండి: టీమిండియా కొత్త కెప్టెన్‌ అరంగేట్రం.. రహానేపై వేటు! అతడు కూడా.. ‘సెహ్వాగ్‌.. నీకు బ్యాటింగే రాదు! పాక్‌లో ఉంటే ఇక్కడి దాకా వచ్చేవాడివే కాదు’ జైశ్వాల్‌ ఒక్కడే కాదు.. అతడు కూడా టాలెంటెడ్‌.. ఛాన్స్‌ ఇస్తేనే: పాంటింగ్‌   Enhorabuena @carlosalcaraz . Nos has dado una alegría inmensa hoy y seguro que nuestro pionero en el tenis español, Manolo Santana, también ha estado animando allá dónde esté como de Wimbledon al que hoy te has unido. Un abrazo muy fuerte y a disfrutar del momento ¡¡¡Campeón!!!… pic.twitter.com/y0j2GowX3O — Rafa Nadal (@RafaelNadal) July 16, 2023

ప్రతిష్టాత్మక వింబుల్డన్ 2023 పురుషుల సింగిల్స్ టైటిల్‌ను స్పెయిన్‌ సంచలనం కార్లోస్‌ అల్‌కరాజ్‌ సొంతం చేసుకున్నాడు.  ఆదివారం జరిగిన ఫైనల్‌ పోరులో సెర్బియా దిగ్గజం నొవాక్‌ జొకోవిచ్‌ను మట్టికరిపించి.. అల్‌కరాజ్‌ తొలి వింబుల్డన్ టైటిల్‌ను తన ఖాతాలో వేసుకున్నాడు. హోరాహోరీగా సాగిన తుది పోరులో 1-6, 7-6, 6-1, 3-6, 6-4 స్కోరుతో నోవాక్ జకోవిచ్‌ను ఓడించి ఛాంపియన్‌గా నిలిచాడు. అంతకుముందు అల్కరాజ్ 2022లో యుఎస్ ఓపెన్ టైటిల్‌ను కూడా గెలుచుకున్నాడు. కాగా వింబుల్డన్ ఫైనల్‌కు చేరుకుని టైటిల్‌ను గెలుచుకున్న మూడో స్పానిష్ ప్లేయర్‌గా అల్కరాజ్ నిలిచాడు. ఇక తొలి వింబుల్డన్ టైటిల్‌ సొంతం చేసుకున్న కార్లోస్‌ అల్‌కరాజ్‌ను మరో స్పెయిన్‌ టెన్నిస్‌ లెజెండ్‌ రాఫెల్ నాదల్ అభినందించాడు. "ఛాంపియన్‌ కార్లోస్ అల్కరాజ్‌కు అభినందనలు. తొలి టైటిల్‌ను గెలుచుకోవడం మాకు చాలా సంతోషంగా ఉంది. స్పానిష్ టెన్నిస్‌కు మార్గదర్శకుడు మనోలో సాంటానా మనతో లేకపోయినా నీ విజయాన్ని కచ్చితంగా చూస్తుంటారు. అతని ఆశీర్వాదాలు మనకు ఎప్పటికీ ఉంటాయి. నీ విజయాన్ని దేశం మొత్తం సెలబ్రేట్‌ చేసుకుంటుంది ఛాంపియన్‌" అంటూ నాథల్‌ ట్వీట్‌ చేశాడు. మనోలో సాంటానా.. స్పెయిన్‌ టెన్నిస్‌ దిగ్గజాల్లో ఒకరు. ఆయన తన కెరీర్‌లో నాలుగు గ్రాండ్‌స్లామ్‌ టైటిల్స్‌ను కైవసం చేసుకున్నారు.  మనోలో సాంటానా(83) 2021 డిసెంబర్‌లో తుది శ్వాస విడిచారు. Enhorabuena @carlosalcaraz . Nos has dado una alegría inmensa hoy y seguro que nuestro pionero en el tenis español, Manolo Santana, también ha estado animando allá dónde esté como de Wimbledon al que hoy te has unido. Un abrazo muy fuerte y a disfrutar del momento ¡¡¡Campeón!!!… pic.twitter.com/y0j2GowX3O — Rafa Nadal (@RafaelNadal) July 16, 2023 చదవండి: IND vs WI: 'అలా జరగనందుకు చాలా బాధగా ఉంది.. అతడు ఇండియన్‌ క్రికెట్‌ను ఏలుతాడు'

స్పెయిన్‌ బుల్‌.. టెన్నిస్‌ స్టార్‌ రఫేల్‌ నాదల్‌ గాయం కారణంగా ఫ్రెంచ్‌ ఓపెన్‌ గ్రాండ్‌స్లామ్‌కు దూరమయ్యాడు. దీనికి తుంటి ఎముక గాయం తిరగబెట్టడమే కారణమని తెలిసింది. ఈ ఏడాది ఆరంభంలో ఆస్ట్రేలియన్‌ ఓపెన్‌లో తుంటి గాయంతో టోర్నీ మధ్యలోనే నాదల్‌ వైదొలిగాడు. అప్పటినుంచి గాయంతో ఇబ్బంది పడుతున్నాడు. తాజాగా మరోసారి గాయం తిరగబెట్టడంతో గురువారం తాను ఫ్రెంచ్‌ ఓపెన్‌ ఆడడం లేదని నాదల్‌ స్వయంగా స్పష్టం చేశాడు. కాగా 2004 నుంచి వరుసగా ఫ్రెంచ్‌ ఓపెన్‌ గ్రాండ్‌స్లామ్‌ ఆడుతూ వస్తున్న నాదల్‌ తనకు అచ్చొచ్చిన గ్రాండ్‌స్లామ్‌కు దూరమవ్వడం ఇదే తొలిసారి. క్లేకోర్టు రారాజుగా అభివర్ణించిన నాదల్‌ ఇప్పటివరకు 22 గ్రాండ్‌స్లామ్‌ టైటిల్స్‌ కొల్లగొడితే.. అందులో 14 టైటిల్స్‌ ఫ్రెంచ్‌ ఓపెన్‌ గ్రాండ్‌స్లామ్‌లే కావడం విశేషం. అంతేకాదు ఫ్రెంచ్‌ ఓపెన్‌లో 115 మ్యాచ్‌లు ఆడిన నాదల్‌ 112 మ్యాచ్‌లు గెలిచి కేవలం మూడు మాత్రమే ఓడిపోయాడు. దీన్నిబట్టే ఫ్రెంచ్‌ ఓపెన్‌లో నాదల్‌ ఆధిపత్యం ఎలా ఉందనేది అర్థం చేసుకోవచ్చు.  ఇక 2024 ఏడాదిలో నాదల్‌ టెన్నిస్‌ కెరీర్‌కు ముగింపు పలికే అవకాశాలు ఉన్నట్లు AFP ఒక ప్రకటనలో తెలిపింది. ఇప్పటివరకు 22 గ్రాండ్‌స్లామ్స్‌ కొల్లగొట్టిన నాదల్‌.. అత్యధిక గ్రాండ్‌స్లామ్‌ టైటిల్స్‌ విషయంలో జొకోవిచ్‌తో కలిసి సంయుక్తంగా తొలి స్థానంలో ఉన్నాడు.  

Rome Masters: రోమ్‌ మాస్టర్స్‌ సిరీస్‌–1000 టెన్నిస్‌ టోర్నీలో ప్రపంచ నంబర్‌వన్, టాప్‌ సీడ్‌ నొవాక్‌ జొకోవిచ్‌ (సెర్బియా) కథ ముగిసింది. బుధవారం జరిగిన పురుషుల సింగిల్స్‌ క్వార్టర్‌ ఫైనల్లో డిఫెండింగ్‌ చాంపియన్‌  జొకోవిచ్‌ 2–6, 6–4, 2–6తో ఏడో సీడ్‌ హోల్గర్‌ రూనె (డెన్మార్క్‌) చేతిలో ఓడిపోయాడు. 2004 తర్వాత రోమ్‌ మాస్టర్స్‌ టోర్నీలో జొకోవిచ్, నాదల్‌లలో ఒక్కరు కూడా లేకుండా తొలిసారి ఫైనల్‌ జరగనుంది.     ఇది కూడా చదవండి: ‘ఎమిలియా’ ఎఫ్‌1 రేసు రద్దు  ఇమోలా (ఇటలీ): ఫార్ములావన్‌ (ఎఫ్‌1) సీజన్‌లో భాగంగా ఈనెల 21న ఇటలీలో జరగాల్సిన ఎమిలియా రొమాన్య గ్రాండ్‌ప్రి రేసు రద్దయింది. ఈ రేసుకు వేదికగా నిలవాల్సిన ఇమోలా ప్రాంతాన్ని భారీవర్షాలు, వరదలు ముంచెత్తాయి. ఇలాంటి ప్రతికూల వాతావరణంలో రేసును నిర్వహించి అందరినీ ఇబ్బంది పెట్టే యోచన లేదని ఎఫ్‌1 నిర్వాహకులు తెలిపారు. సీజన్‌లోని తదుపరి రేసు మొనాకో గ్రాండ్‌ప్రి ఈనెల 28న జరుగుతుంది.  

మాడ్రిడ్‌: ఎడమ తుంటి గాయం నుంచి ఇంకా కోలుకోకపోవడంతో... ఈనెల 17న మొదలయ్యే బార్సిలోనా ఓపెన్‌ టోర్నీలో స్పెయిన్‌ టెన్నిస్‌ స్టార్‌ రాఫెల్‌ నాదల్‌ బరిలోకి దిగడంలేదు. 36 ఏళ్ల నాదల్‌ బార్సిలోనా ఓపెన్‌లో రికార్డుస్థాయిలో 12 సార్లు చాంపియన్‌గా నిలిచాడు. క్వార్టర్‌ ఫైనల్లో ఓడిన సాకేత్‌ జోడీ ఫ్లోరిడాలో జరుగుతున్న సరసోటా ఓపెన్‌ ఏటీపీ చాలెంజర్‌ టెన్నిస్‌ టోర్నీలో సాకేత్‌ మైనేని–యూకీ బాంబ్రీ (భారత్‌) జోడీ క్వార్టర్‌ ఫైనల్లో 2–6, 4–6తో డస్టిన్‌ బ్రౌన్‌ (జమైకా)–టిమ్‌ సాండ్‌కౌలెన్‌ (జర్మనీ) జంట చేతిలో ఓడిపోయింది. సాకేత్, యూకీలకు 1,930 డాలర్ల (రూ. 1 లక్షా 57 వేలు) ప్రైజ్‌మనీ దక్కింది. కాంస్యంతో ముగింపు  అస్తానా (కజకిస్తాన్‌): ఆసియా సీనియర్‌ రెజ్లింగ్‌ చాంపియన్‌షిప్‌ పోటీలను భారత జట్టు కాంస్య పతకంతో ముగించింది. టోర్నీ చివరిరోజు శుక్రవారం పురుషుల ఫ్రీస్టయిల్‌ 125 కేజీల విభాగంలో అనిరుధ్‌ కుమార్‌ కాంస్య పతకాన్ని సాధించాడు. కాంస్య పతక బౌట్‌లో అనిరుధ్‌ 12–2తో సర్దార్‌బెక్‌ ఖొల్మతోవ్‌ (ఉజ్బెకిస్తాన్‌)పై గెలుపొందాడు. అంతకుముందు క్వాలిఫయింగ్‌లో అనిరుధ్‌ 8–2తో తైకి యామమోటో (జపాన్‌)పై నెగ్గి, క్వార్టర్‌ ఫైనల్లో 0–2తో బతిర్‌ముర్జయెవ్‌ యుసుప్‌ (కజకిస్తాన్‌) చేతిలో ఓడిపోయాడు. బతిర్‌ముర్జయెవ్‌ ఫైనల్‌ చేరుకోవడంతో అనిరుధ్‌కు కాంస్య పతకం కోసం పోటీ పడే అవకాశం దక్కింది. భారత్‌కే చెందిన పంకజ్‌ (61 కేజీలు), యశ్‌ (74 కేజీలు), దీపక్‌ పూనియా (92 కేజీలు), జాంటీ కుమార్‌ (86 కేజీలు) పతకాల బౌట్‌లకు అర్హత పొందలేకపోయారు. ఫ్రీస్టయిల్‌ విభాగంలో భారత్‌ ఒక స్వర్ణం, రెండు కాంస్యాలు సాధించింది.  జొకోవిచ్‌కు షాక్‌ ప్రపంచ నంబర్‌వన్‌ జొకోవిచ్‌ మోంటెకార్లో ఓపెన్‌ మాస్టర్స్‌ సిరీస్‌ టెన్నిస్‌ టోర్నీలో ప్రిక్వార్టర్‌ ఫైనల్‌ను దాటలేకపోయాడు. ఇటలీ ప్లేయర్‌ లొరెంజో ముసెట్టి 2 గంటల 54 నిమిషాల్లో 4–6, 7–5, 6–4తో టాప్‌ సీడ్‌ జొకోవిచ్‌ను బోల్తా కొట్టించి క్వార్టర్‌ ఫైనల్లోకి దూసుకెళ్లాడు. 2013, 2015లలో ఈ టోర్నీలో విజేతగా నిలిచిన జొకోవిచ్‌ ఈ మ్యాచ్‌లో ఆరు డబుల్‌ ఫాల్ట్‌లు చేసి, తన సర్వీస్‌ను ఎనిమిదిసార్లు కోల్పోయాడు. మరోవైపు డిఫెండింగ్‌ చాంపియన్‌ సిట్సిపాస్‌ (గ్రీస్‌), మూడో సీడ్‌ మెద్వెదెవ్‌ (రష్యా) కూడా ఇంటిముఖం పట్టారు. క్వార్టర్‌ ఫైనల్స్‌లో టేలర్‌ ఫ్రిట్జ్‌ (అమెరికా) 6–2, 6–4తో రెండో సీడ్‌ సిట్సిపాస్‌పై, హోల్గర్‌ రూన్‌ (డెన్మార్క్‌) 6–3, 6–4తో మెద్వెదెవ్‌పై నెగ్గి సెమీఫైనల్లోకి దూసుకెళ్లారు. 

స్పెయిన్‌ బుల్‌.. టెన్నిస్‌ స్టార్‌ రఫేల్‌ నాదల్‌ 18 ఏళ్ల తర్వాత టాప్‌-10 ర్యాంకింగ్స్‌ నుంచి దిగువకు పడిపోయాడు. గాయం కారణంగా జనవరి నుంచి ఆటకు దూరంగా ఉన్న నాదల్‌ క్రమేపీ ర్యాంకింగ్స్‌లో దిగజారుతూ వచ్చాడు. తాజాగా ఇండియన్‌ వెల్స్‌ టెన్నిస్‌ టోర్నీ ముగిసిన తర్వాత విడుదల చేసిన పురుషుల టెన్నిస్‌ ర్యాంకింగ్స్‌లో నాదల్‌ 13వ స్థానంలో నిలిచాడు. కాగా 2005లో తొలిసారి టెన్నిస్‌లో టాప్‌-10లోకి ఎంటర్‌ అయిన నాదల్‌ అప్పటినుంచి 18 ఏళ్ల పాటు టాప్‌-10లోనే కొనసాగాడు. ఒక రకంగా ఇన్నేళ్లపాటు టాప్‌-10లో కొనసాగడం కూడా నాదల్‌కు రికార్డే. గతంలో 209 వారాల పాటు నెంబర్‌వన్‌గా ఉండి చరిత్ర సృష్టించిన నాదల్‌ ఐదుసార్లు నెంబర్‌వన్‌ ర్యాంక్‌తో ఏడాదిని ముగించాడు. నాదల్‌ తర్వాత జిమ్మీ కానర్స్‌ 15 ఏళ్ల పాటు టాప్‌-10లో కొనసాగాడు. ప్రస్తుతం నాదల్‌, జొకోవిచ్‌తో కలిసి 22 గ్రాండ్‌స్లామ్‌ టైటిల్స్‌తో సంయుక్తంగా కొనసాగుతున్నాడు. ఈ ఏడాది ఆస్ట్రేలియన్‌ ఓపెన్‌లో రెండో రౌండ్‌లో వెనుదిరిగిన నాదల్‌ అనంతరం తుంటి గాయం బారిన పడ్డాడు. గాయం నుంచి నుంచి కోలుకున్న నాదల్‌ వచ్చే నెలలో జరగనున్న మాంటే కార్లో టెన్నిస్‌ టోర్నమెంట్‌లో బరిలోకి దిగే అవకాశం ఉంది. ఈ టోర్నీలో నాదల్‌కు మంచి రికార్డు ఉంది. ఇ‍ప్పటివరకు 11సార్లు మాంటే కార్లో టైటిల్‌ నెగ్గిన నాదల్‌ ఓపెన్‌ శకంలో 2005 నుంచి 2012 వరకు వరుసగా ఎనిమిది సార్లు టైటిల్‌ నెగ్గి చరిత్ర సృష్టించాడు.   ఇక ఇండియన్‌ వెల్స్‌ టోర్నీలో విజేతగా నిలిచిన స్పెయిన్‌ యువ సంచలనం కార్లోస్‌ అల్కరాజ్‌ ప్రపంచ టెన్నిస్‌ ర్యాంకింగ్స్‌లో నెంబర్‌వన్‌గా అవతరించాడు.​ఇండియన్‌ వెల్స్‌ ఓపెన్‌ ఏటీపీ మాస్టర్స్‌–1000 టోర్నీలో 19 ఏళ్ల అల్‌కరాజ్‌ తొలిసారి విజేతగా అవతరించాడు. పురుషుల సింగిల్స్‌ ఫైనల్లో టాప్‌ సీడ్‌ అల్‌కరాజ్‌ 6–3, 6–2తో ప్రపంచ ఐదో ర్యాంకర్‌ డానిల్‌ మెద్వెదెవ్‌ (రష్యా)పై గెలుపొందాడు. ఈ టోర్నీకి ముందు సెర్బియా స్టార్‌ జొకోవిచ్‌ టాప్‌ ర్యాంక్‌లో ఉన్నాడు. కోవిడ్‌ టీకా వేసుకోని విదేశీయులకు అమెరికాలో ప్రవేశం లేకపోవడంతో జొకోవిచ్‌ ఈ టోరీ్నకి దూరం కావాల్సి వచ్చింది. 7,160 పాయింట్లతో జొకోవిచ్‌ రెండో ర్యాంక్‌కు పడిపోయాడు. సోమవారం మొదలైన మయామి ఓపెన్‌ టోర్నీలోనూ అల్‌కరాజ్‌ విజేతగా నిలిస్తేనే నంబర్‌వన్‌ ర్యాంక్‌ను నిలబెట్టుకుంటాడు. లేదంటే ఏప్రిల్‌ 3న విడుదల చేసే ర్యాంకింగ్స్‌లో జొకోవిచ్‌ మళ్లీ టాప్‌ ర్యాంక్‌ను దక్కించుకుంటాడు.  చదవండి: వుమెన్స్‌ ప్రీమియర్‌ లీగ్‌ ఎంతవరకు విజయవంతం? And there it is: After an incredible streak of 934 weeks--falling just a single month short of 18 years--Rafael Nadal has slipped outside the top 10, which he first entered on April 25, 2005. pic.twitter.com/RllZXnNwT1 — Ben Rothenberg (@BenRothenberg) March 20, 2023

గతేడాది డిసెంబర్‌లో జరిగిన ఫిఫా వరల్డ్‌కప్‌లో లియోనల్‌ మెస్సీ అర్జెంటీనాను విశ్వవిజేతగా నిలిపిన సంగతి తెలిసిందే. 36 ఏళ్ల నిరీక్షణకు తెరదించిన మెస్సీ తన కలను కూడా సాకారం చేసుకున్నాడు. ఫిఫా వరల్డ్‌కప్‌లో ప్రదర్శనకు గాను గోల్డెన్‌ బాల్‌ అవార్డు దక్కించుకున్నాడు. తాజాగా సూపర్‌స్టార్‌ లియోనల్‌ మెస్సీ మరో ప్రతిష్టాత్మక అవార్డు రేసులో ఉన్నాడు. క్రీడల్లో అత్యంత ప్రతిష్టాత్మక అవార్డుగా పరిగణించే లారస్‌ స్పోర్ట్స్‌ అవార్డు(Laureus Sport) కోసం మెస్సీ సహా వరల్డ్‌ గ్రేటెస్ట్‌ క్రీడాకారులు పోటీ పడుతున్నారు. ఈ జాబితాలో మెస్సీతో పాటు ఫ్రాన్స్‌ సూపర్‌స్టార్‌ కైలియన్‌ ఎంబాపె, టెన్నిస్‌ స్టార్‌ రఫేల్‌ నాదల్‌, ఫార్ములా వన్‌ వరల్డ్‌ ఛాంపియన్‌ మాక్స్‌ వెర్‌స్టాపెన్‌, పోల్‌ వాల్ట్‌లో ప్రపంచ రికార్డు సృష్టించిన మొండో డుప్లాంటిస్‌, గోల్డెన్‌ స్టేట్‌ వారియర్స్‌ గార్డ్‌ స్టీఫెన్‌ కర్రీలు పోటీ పడుతున్నారు. మరి వీరిలో ఎవరు ఈ అవార్డును కొల్లగొట్టబోతున్నారనేది వేచి చూడాల్సిందే. చదవండి: క్రిస్టియానో రొనాల్డో సీక్రెట్స్‌ బట్టబయలు 'రూట్‌' దారి తప్పింది.. 'నా రోల్‌ ఏంటో తెలుసుకోవాలి'

ఆస్ట్రేలియా ఓపెన్‌-2023 పురుషుల సింగిల్స్‌ విజేతగా సెర్బియా స్టార్‌ నోవాక్‌ జొకోవిచ్‌ నిలిచాడు. ఆదివారం జరిగిన ఫైనల్లో గ్రీక్ ఆటగాడు స్టెఫనోస్ సిట్సిపస్‌పై 6-3,7-6(7/4),7-6(7/5) తేడాతో జొకోవిచ్‌ విజయం సాధించాడు. తొలి సెట్‌లో జకోవిచ్‌ సూపర్ స్మాష్ షాట్స్‌తో ప్రత్యర్ధి ఆటగాడికి చెమటలు పట్టించాడు. ఇదే క్రమంలో 6-3తో ఫస్ట్ సెట్ను సొంతం చేసుకున్నాడు. అనంతరం పుంజుకున్న సిట్సిపస్ రెండో సెట్‌ను సమం చేశాడు.  దీంతో సెట్ టై బ్రేక్కు దారి తీసింది. టై బ్రేక్ లో అదరగొట్టిన జొకోవిచ్‌ 7-4తో రెండో సెట్ ను దక్కించుకున్నాడు. ఇక కీలకమైన  మూడో సెట్ కూడా సమం మైంది. దీంతో  టై బ్రేక్ లో అద్బుతంగా రాణించిన జొకోవిచ్‌  7-5తో మూడో సెట్‌తో పాటు టైటిల్‌ను కూడా సొంతం చేసుకున్నాడు. కాగా జొకోవిచ్‌ కెరీర్‌లో ఇది 10 వఆస్ట్రేలియా ఓపెన్‌ టైటిల్‌ కావడం విశేషం. ఇక ఓవరాల్‌గా జొకోవిచ్‌ కెరీర్‌లో ఇది 22 గ్రాండ్‌స్లామ్‌ టైటిల్‌. తద్వారా ఓ అరుదైన ఘనతను జొకోవిచ్‌ సాధించాడు. అత్యధిక గ్రాండ్‌ స్లామ్‌ టైటిల్స్‌ సాధించిన నాధల్‌(22) రికార్డును  జొకోవిచ్‌ సమం చేశాడు. అదే విధంగా తాజా విజయంతో ప్రపంచ నెం1గా జొకోవిచ్‌ అవతరించాడు.

ఆస్ట్రేలియన్‌ ఓపెన్‌ గ్రాండ్‌స్లామ్‌లో డిఫెండింగ్‌ చాంపియన్‌.. స్పెయిన్‌ బుల్‌ రఫేల్‌ నాదల్‌(ప్రపంచ రెండో ర్యాంకర్‌) పోరు ముగిసింది. 23వ గ్రాండ్‌స్లామ్‌ అందుకోవాలన్న కల తీరకుండానే నాదల్‌ రెండో రౌండ్‌లో ఇంటిముఖం పట్టాడు. పురుషుల సింగిల్స్‌ రెండో రౌండ్‌లో భాగంగా బుధవారం నాదల్‌.. అమెరికాకు చెందిన అన్‌సీడెడ్‌ మెకంజీ మెక్‌డొనాల్డ్‌ చేతిలో 4-6,4-6,5-7 స్కోర్‌తో ఓటమి పాలయ్యాడు. నాదల్‌ నిష్రమణకు గాయం కూడా ఒక కారణం. ఎడమకాలికి గాయం అయినప్పటికి బై ఇ‍వ్వడానికి ఇష్టపడని నాదల్‌ మ్యాచ్‌లో బరిలోకి దిగాడు. నొప్పితో సరిగా ఆడలేకపోవడంతో మెకంజీ తొలి రెండు సెట్లు ఈజీగా గెలిచేశాడు. మూడోసెట్‌ ఆడుతుండగా నాదల్‌ మరోసారి గాయంతో ఇబ్బంది పడ్డాడు. అప్పటికే మెకంజీ మూడో సెట్‌లో 7-5తో స్పష్టమైన ఆధిక్యంలో నిలవడంతో నాదల్‌ సర్వీస్‌ చేయకుండా పక్కకు తప్పుకున్నాడు. దీంతో మెకంజీ మెక్‌డొనాల్డ్‌ మూడోరౌండ్‌లో అడుగుపెట్టాడు. Mission accomplished for @mackiemacster 🇺🇸 The impressive American has beaten Nadal 6-4 6-4 7-5. @wwos • @espn • @eurosport • @wowowtennis • #AusOpen • #AO2023 pic.twitter.com/fkaTpk11te — #AusOpen (@AustralianOpen) January 18, 2023 Always a pleasure, @RafaelNadal 🫶#AusOpen • #AO2023 pic.twitter.com/CdnOMzYDK0 — #AusOpen (@AustralianOpen) January 18, 2023 చదవండి: మాజీ బాయ్‌ఫ్రెండ్‌ మొహం చూడకూడదని గోడ కట్టించింది

మెల్‌బోర్న్‌: కెరీర్‌లో 23వ గ్రాండ్‌స్లామ్‌ టైటిల్‌ లక్ష్యంగా ఆస్ట్రేలియన్‌ ఓపెన్‌లో బరిలోకి దిగిన డిఫెండింగ్‌ చాంపియన్‌ రాఫెల్‌ నాదల్‌కు తొలి రౌండ్‌లోనే గట్టిపోటీ ఎదురైంది. బ్రిటన్‌కు చెందిన ప్రపంచ 40వ ర్యాంకర్‌ జాక్‌ డ్రేపర్‌తో సోమవారం జరిగిన పురుషుల సింగిల్స్‌ తొలి రౌండ్‌లో రాఫెల్‌ నాదల్‌ 7–5, 2–6, 6–4, 6–1తో నెగ్గి రెండో రౌండ్‌లోకి అడుగు పెట్టాడు. 3 గంటల 41 నిమిషాలపాటు జరిగిన ఈ పోరులో నాదల్‌ ఆరు ఏస్‌లు సంధించి, మూడు డబుల్‌ ఫాల్ట్‌లు చేశాడు. ఏకంగా 46 అనవసర తప్పిదాలు చేసిన నాదల్‌ 41 విన్నర్స్‌ కొట్టి పైచేయి సాధించాడు. తొలిసారి ఆస్ట్రేలియన్‌ ఓపెన్‌లో ఆడుతున్న డ్రేపర్‌ 13 ఏస్‌లతో అదరగొట్టాడు. అయితే 46 అనవసర తప్పిదాలు చేయడం... కీలకదశలో తడబడటంతో డ్రేపర్‌కు ఓటమి తప్పలేదు. నాదల్‌ సర్వీస్‌ను 11 సార్లు బ్రేక్‌ చేసే అవకాశం వచ్చినా డ్రేపర్‌ నాలుగుసార్లు మాత్రమే   సద్వినియోగం చేసుకున్నాడు. మరోవైపు నాదల్‌ ఆరుసార్లు డ్రేపర్‌ సర్వీస్‌ను బ్రేక్‌ చేశాడు.     మెద్వెదెవ్‌ అలవోకగా... పురుషుల సింగిల్స్‌ ఇతర తొలి రౌండ్‌ మ్యాచ్‌ల్లో ఏడో సీడ్‌ మెద్వెదెవ్‌ (రష్యా), మూడో సీడ్‌ సిట్సిపాస్‌ (గ్రీస్‌), ఆరో సీడ్‌ ఫీలిక్స్‌ అలియాసిమ్‌ (కెనడా), పదో సీడ్‌ హుబెర్ట్‌ హుర్కాజ్‌ (పోలాండ్‌) రెండో రౌండ్‌లోకి ప్రవేశించారు. మెద్వెదెవ్‌ 6–0, 6–1, 6–2తో మార్కోస్‌ గిరోన్‌ (అమెరికా)పై, సిట్సిపాస్‌ 6–3, 6–4, 7–6 (8/6)తో క్వెంటిన్‌ హేల్స్‌ (ఫ్రాన్స్‌)పై, అలియాసిమ్‌ 1–6, 7–6 (7/4), 7–6 (7/3), 6–3తో పోస్‌పిసిల్‌ (కెనడా)పై, హుర్కాజ్‌ 7–6 (7/1), 6–2, 6–2తో పెడ్రో మార్టినెజ్‌ (స్పెయిన్‌)పై గెలిచారు. అయితే 2014 చాంపియన్‌ వావ్రింకా (స్విట్జర్లాండ్‌) 4 గంటల 22 నిమిషాల్లో 7–6 (7/3), 3–6, 6–1, 6–7 (2/7), 4–6తో అలెక్స్‌ మొల్కాన్‌ (స్లొవేకియా) చేతిలో... ప్రపంచ 23వ ర్యాంకర్‌ బొర్నా చోరిచ్‌ (క్రొయేషియా) 3–6, 3–6, 3–6తో జిరీ లెహెక్సా (చెక్‌ రిపబ్లిక్‌) చేతిలో... ప్రపంచ 19వ ర్యాంకర్‌ ముసెట్టి (ఇటలీ) 4–6, 1–6, 7–6 (7/0), 6–2, 6–7 (4/10)తో హ్యారిస్‌ (దక్షిణాఫ్రికా) చేతిలో ఓడిపోయారు. స్వియాటెక్‌ కష్టపడి... మహిళల సింగిల్స్‌ విభాగం తొలి రౌండ్‌లో ప్రపంచ నంబర్‌వన్‌ స్వియాటెక్‌ (పోలాండ్‌) గంటా 59 నిమిషాల్లో 6–4, 7–5తో జూల్‌ నెమియర్‌ (జర్మనీ)పై శ్రమించి గెలిచింది. ఇతర తొలి రౌండ్‌ మ్యాచ్‌ల్లో మూడో సీడ్‌ పెగూలా (అమెరికా) 6–0, 6–1తో జాక్వెలిన్‌ (రొమేనియా)పై, ఆరో సీడ్‌ సాకరి (గ్రీస్‌) 6–1, 6–4తో యు యువాన్‌ (చైనా)పై, ఏడో సీడ్‌ కోకో గాఫ్‌ (అమెరికా) 6–1, 6–4తో సినియకోవా (చెక్‌ రిపబ్లిక్‌)పై గెలిచారు.  

మెల్‌బోర్న్‌: కెరీర్‌లో 23వ గ్రాండ్‌స్లామ్‌ టైటిల్‌ సాధించాలనే లక్ష్యంతో రాఫెల్‌ నాదల్‌ (స్పెయిన్‌)... అత్యధిక గ్రాండ్‌స్లామ్‌ టైటిల్స్‌ నెగ్గిన ప్లేయర్‌గా నాదల్‌ పేరిట ఉన్న రికార్డును సమం చేయాలనే పట్టుదలతో నొవాక్‌ జొకోవిచ్‌... రేపటి నుంచి మొదలయ్యే టెన్నిస్‌ సీజన్‌ తొలి గ్రాండ్‌స్లామ్‌ టోర్నీ ఆస్ట్రేలియన్‌ ఓపెన్‌లో బరిలోకి దిగనున్నారు. ప్రపంచ రెండో ర్యాంకర్‌ నాదల్‌ డిఫెండింగ్‌ చాంపియన్‌ హోదాలో సోమవారం జరిగే పురుషుల సింగిల్స్‌ తొలి రౌండ్‌లో బ్రిటన్‌కు చెందిన 40వ ర్యాంకర్‌ జాక్‌ డ్రేపర్‌తో ఆడనున్నాడు. మంగళవారం జరిగే తొలి రౌండ్‌లో ప్రపంచ 75వ ర్యాంకర్‌ రొబెర్టో బేనా (స్పెయిన్‌)తో జొకోవిచ్‌ తలపడతాడు. జొకోవిచ్‌ 21 గ్రాండ్‌స్లామ్‌ టైటిల్స్‌ నెగ్గగా అందులో 9 ఆస్ట్రేలియన్‌ ఓపెన్‌ టైటిల్స్‌ ఉండటం విశేషం. ప్రస్తుతం ప్రపంచ ర్యాంకింగ్స్‌లో నాలుగో స్థానంలో ఉన్న జొకోవిచ్‌ ఈసారి ఆస్ట్రేలియన్‌ ఓపెన్‌ విజేతగా నిలిస్తే మళ్లీ ప్రపంచ నంబర్‌వన్‌ ర్యాంక్‌ను సొంతం చేసుకుంటాడు.  నాదల్, జొకోవిచ్‌ కాకుండా ఏడో సీడ్‌ మెద్వెదేవ్‌ (రష్యా), రెండో సీడ్‌ కాస్పర్‌ రూడ్‌ (నార్వే), మూడో సీడ్‌ సిట్సిపాస్‌ (గ్రీస్‌) టైటిల్‌ ఫేవరెట్స్‌గా బరిలోకి దిగనున్నారు. 

స్పెయిన్‌ టెన్నిస్‌ స్టార్‌ రాఫెల్‌ నాదల్‌ 2022 సంవత్సరాన్ని ఓటమితో ముగించాడు. సిడ్నీలో జరుగుతున్న యునైటెడ్‌ కప్‌ మిక్స్‌డ్‌ టీమ్‌ టోర్నీలో భాగంగా శనివారం బ్రిటన్‌తో జరిగిన మ్యాచ్‌లో స్పెయిన్‌ 0–2తో ఓడిపోయింది. పురుషుల సింగిల్స్‌లో రెండో ర్యాంకర్‌ నాదల్‌ 6–3, 3–6, 4–6తో 14వ ర్యాంకర్‌ కామెరాన్‌ నోరీ చేతిలో ఓడిపోయాడు. గతంలో నోరీతో జరిగిన నాలుగు మ్యాచ్‌ల్లో నాదల్‌ ఈ బ్రిటన్‌ ప్లేయర్‌ చేతిలో తొలిసారి ఓడిపోవడం గమనార్హం.

టెన్నిస్‌ స్టార్‌.. స్పెయిన్‌ బుల్‌ రఫెల్‌ నాదల్‌.. తన లాంగ్‌టైమ్‌ కోచ్‌ ఫ్రాన్సిస్కో రోయిగ్‌తో 18 ఏళ్ల అనుబంధం ముగిసింది. 2005లో నాదల్‌ తొలి గ్రాండ్‌స్లామ్‌ నెగ్గిన సమయంలో కోచ్‌గా ఉన్న ఫ్రాన్సిస్కో రోయిగ్‌ అప్పటినుంచి 18 ఏళ్ల పాటు అతని విజయాల్లో కీలకపాత్ర పోషించాడు. ఈ 18 ఏళ్లలో నాదల్‌ 22 గ్రాండ్‌స్లామ్స్‌తో పాటు కెరీర్‌లో ఎన్నో ఏటీపీ టూర్‌ టైటిల్స్‌, అవార్డులు కొల్లగొట్టాడు. తాజాగా  వ్యక్తిగత పనుల రిత్యా ఫ్రాన్సిస్కో తన టీమ్‌ నుంచి వెళ్లిపోతున్నట్లు స్వయంగా నాదల్‌ ట్విటర్‌ వేదికగా వెల్లడించాడు.  ఈ సందర్భంగా నాదల్‌.. ఫ్రాన్సిస్కోతో ఉన్న అనుబంధాన్ని ఎమోషనల్‌గా రాసుకొచ్చాడు. ''ఫ్రాన్సిస్కో రోయిగ్‌ నన్ను విడిచిపెట్టి వెళ్లిపోతున్నాడన్న విషయం మీకు చెప్పాలనుకుంటన్నా. మా బంధం విడదీయలేనిది. దాదాపు 18 సంవత్సరాల పాటు కొనసాగడం ఎంతో గొప్ప విషయం. ఆయన నా కెరీర్‌లో చాలా ముఖ్యమైన వ్యక్తి. మేము కలిసి పనిచేయడం ప్రారంభించినప్పుడు చాలా చిన్నవాడిని. నేను పిల్లాడిగా ఉన్నప్పుడే పరిచయమైన ఫ్రాన్సిస్కో రోయిగ్‌.. అంకుల్‌ టోనితో కలిసి నా కెరీర్‌ను చక్కదిద్ది ఒక సర్క్యూట్‌ను తయారు చేశారు. నా విజయాల్లో ఫ్రాన్సిస్కోది అగ్రభాగం'' అని చెప్పుకొచ్చాడు. ఇక ఫ్రాన్సిస్కో రోయిగ్‌ వెళ్లిపోవడంతో నాదల్‌ కోచింగ్‌ టీమ్‌లో కార్లోస్‌ మోయా,  మార్క్‌ లోపెజ్‌లు 2023 సీజన్‌ వరకు కొనసాగనున్నారు. ఈ ఏడాది నాదల్‌కు కలిసొచ్చింది. కెరీర్‌లో 22వ గ్రాండ్‌స్లామ్‌ సాధించి అత్యధిక గ్రాండ్‌స్లామ్‌ టైటిల్స్‌ నెగ్గిన ఆటగాడిగా చరిత్ర సృష్టించాడు. అంతేకాదు ఇటీవలే ఐటీఎఫ్‌ వరల్డ్‌ చాంపియన్‌ టైటిల్‌ను ఐదోసారి గెలుపొందాడు. Francis es un gran técnico que conoce muy bien el tenis y me ha ayudado mucho a ser cada vez mejor. Sólo tengo palabras de agradecimiento y le deseo toda la suerte del mundo en su nuevo proyecto pic.twitter.com/HvJpwrv88P — Rafa Nadal (@RafaelNadal) December 16, 2022 చదవండి: ఫిబ్రవరిలో పెళ్లిపీటలు ఎక్కనున్న టీమిండియా ఆల్‌రౌండర్‌ టీ20 వరల్డ్‌కప్‌-2022 గెలిచిన టీమిండియా.. ఫైనల్లో బంగ్లాదేశ్‌పై విజయం

పురుషుల టెన్నిస్‌ సీజన్‌ ముగింపు టోర్నీ ఏటీపీ ఫైనల్స్‌లో రెండో ర్యాంకర్‌ రాఫెల్‌ నాదల్‌కు తొలి లీగ్‌ మ్యాచ్‌లో చుక్కెదురైంది. ఇటలీలో జరుగుతున్న ఈ టోర్నీలో గ్రీన్‌ గ్రూప్‌ లీగ్‌ మ్యాచ్‌లో తొమ్మిదో ర్యాంకర్‌ టేలర్‌ ఫ్రిట్జ్‌ (అమెరికా) 7–6 (7/3), 6–1తో నాదల్‌ (స్పెయిన్‌)ను ఓడించి శుభారంభం చేశాడు. 97 నిమిషాలపాటు జరిగిన ఈ మ్యాచ్‌లో ఫ్రిట్జ్‌ ఎనిమిది ఏస్‌లు సంధించడంతోపాటు నాదల్‌ సర్వీస్‌ను రెండుసార్లు బ్రేక్‌ చేశాడు. మళ్లీ నంబర్‌వన్‌ ర్యాంక్‌ అందుకోవాలంటే నాదల్‌ ఈ టోర్నీలో విజేతగా నిలవాల్సి ఉంటుంది.   

టెన్నిస్‌ రారాజు.. స్పెయిన్‌ బుల్‌ రఫేల్‌ నాదల్‌ తండ్రిగా ప్రమోషన్‌ పొందాడు. శనివారం రాత్రి నాదల్‌ భార్య మరియా ఫ్రాన్సిస్కా పెరెల్లో పండంటి మగబిడ్డకు జన్మనిచ్చింది. కాగా ఈ ఏడాది జూలైలో నాదల్‌ దంపతులు తాము తొలిసారి తల్లిదండ్రులు కాబోతున్నట్లు ప్రకటించాడు. తాజాగా మగబిడ్డ ఇంట్లో అడుగుపెట్టడంతో వారి ఆనందానికి అవదులు లేకుండా పోయాయి. ఇక నాదల్‌, మరియా ఫ్రాన్సిస్కాలు 2019లో వివాహం చేసుకున్నారు. కెరీర్‌పై ఫోకస్‌ పెట్టడానికే కొన్నాళ్ల పాటు పిల్లలు వద్దనుకున్నామని నాదల్‌ గతంలో పేర్కొన్నాడు. ప్రస్తుతం 36 ఏళ్ల వయసున్న నాదల్‌ టెన్నిస్‌లో ఇప్పటివరకు 22 గ్రాండ్‌స్లామ్‌లు సాధించాడు.టెన్నిస్‌ పురుషుల ర్యాంకింగ్స్‌లో నాదల్‌ రెండో స్థానంలో ఉండగా.. తొలి స్థానంలో తన దేశానికే చెందిన టెన్నిస్‌ సంచలనం కార్లోస్‌ అల్కరాజ్‌ కొనసాగుతున్నాడు. ఇటీవలే తన చిరకాల మిత్రుడు రోజర్‌ ఫెదరర్‌ టెన్నిస్‌కు గుడ్‌బై చెప్పిన సంగతి తెలిసిందే. ఫెదరర్‌తో ఉన్న అనుబంధాన్ని గుర్తుచేసుకుంటూ నాదల్‌ ఎమోషనల్‌ ట్వీట్‌ చేశాడు. ఇద్దరు చివరిసారిగా లావెర్‌ టెన్నిస్‌ టోర్నీలో డబుల్స్‌ మ్యాచ్‌లో పాల్గొని అభిమానులను సంతోషపెట్టారు.అయితే మ్యాచ్‌ ముగిశాకా ఫెదరర్‌, నాదల్‌లు కన్నీళ్లు పెట్టడం అక్కడున్న ప్రతీ ఒక్కరిని కలిచివేసింది. మరో టెన్నిస్‌ స్టార్‌ నొవాక్‌ జొకోవిచ్‌ నాదల్‌కు శుభాకాంక్షలు తెలిపాడు. ''కంగ్రాట్స్‌ స్పెయిన్‌ బుల్‌.. ఇప్పటిదాకా తెలియదు.. నిజంగా గుడ్‌న్యూస్‌. ఏ వ్యక్తి అయినా తాను తొలిసారి తండ్రి అయితే అక్కడ ఉండే సంతోషం వేరుగా ఉంటుంది. ఆ అనుభూతిని ఇప్పుడు నాదల్‌ పొందుతున్నాడు. అలాంటి సంతోషాన్ని ఇదివరకే చూశా. నాదల్‌కు ఎలాంటి అడ్వైజ్‌ ఇవ్వలేను.. ఎందుకంటే అతనికి పెద్ద ఫ్యామిలీ ఉంది. వాళ్లే అన్ని జాగ్రత్తలు చెబుతారు'' అంటూ లాఫింగ్‌ ఎమోజీతో పేర్కొన్నాడు. Baby Nadal is here! 👶 According to Spanish press, Rafael Nadal and Maria Francisca Perello welcomed their first child—a boy named Rafael—on Saturday. Congrats, Rafa and Mery! ❤️ — TENNIS (@Tennis) October 8, 2022 #Djokovic on Rafa’s son: Congrats! I didn’t know. Really? It’s a beautiful news. I wish his wife and baby a lot of health and happiness. As a father, I’m not gonna give any advise (smiling) him.He has a big family. I’m sure he will experience himself (smiling)#rafa — Yerik_nolefamkz 🇰🇿 (@yerikilyassov) October 8, 2022

Virat Kohli- Roger Federer: స్విస్‌ టెన్నిస్‌ దిగ్గజం రోజర్‌ ఫెదరర్‌ పట్ల టీమిండియా మాజీ కెప్టెన్‌ విరాట్‌ కోహ్లి అభిమానం చాటుకున్నాడు. తాను చూసిన గొప్ప అథ్లెట్లలో ఫెదరర్‌ ఒకరని.. అతడికి మరెవరూ సాటిరారని ప్రశంసలు కురిపించాడు. జీవితంలోని కొత్త దశను సైతం పూర్తిగా ఆస్వాదించాలని.. సరదాలు, సంతోషాలతో ఫెడ్డీ జీవితం నిండిపోవాలని ఈ స్టార్‌ బ్యాటర్‌ ఆకాంక్షించాడు. కాగా స్విట్జర్లాండ్‌ టెన్నిస్‌ స్టార్‌ రోజర్‌ ఫెదరర్‌ ఇటీవలే రిటైర్మెంట్‌ ప్రకటించిన విషయం తెలిసిందే. లండన్‌ వేదికగా లేవర్‌ కప్‌-2022లో వ్యక్తిగతంగా చిరకాల మిత్రుడు, ఆటలో చిరకాల ప్రత్యర్థి అయిన స్పెయిన్‌ బుల్‌ రఫేల్‌ నాదల్‌తో కలిసి ఆఖరి మ్యాచ్‌ ఆడాడు. అయితే, టీమ్‌ యూరోప్‌ తరఫున బరిలోకి దిగిన ఈ దిగ్గజ జంట టీమ్‌ వరల్డ్‌కు చెందిన జాక్‌ సాక్‌, ఫ్రాన్సిస్‌ టియాఫో చేతిలో ఓడిపోయింది. ఇక ఓటమితో కెరీర్‌కు వీడ్కోలు పలికిన ఫెడెక్స్‌ కోర్టులోనే తీవ్ర భావోద్వేగానికి లోనయ్యాడు. రఫా సైతం కన్నీటి పర్యంతమయ్యాడు. ఈ క్రమంలో వీరిద్దరు కలిసి ఉన్న ఫొటో వైరల్‌ కాగా.. విరాట్‌ కోహ్లి ఆ ఫొటోను షేర్‌ చేస్తూ ఉద్వేగపూరిత ట్వీట్‌ చేసిన విషయం తెలిసిందే. అయితే, తాజాగా.. కోహ్లి.. ఫెదరర్‌ను ఉద్దేశించి మాట్లాడిన వీడియోను ఏటీపీ టూర్‌ ట్విటర్‌ ఖాతాలో షేర్‌ చేసింది. ఇందులో.. ‘‘హల్లో రోజర్‌.. మాకు ఎన్నెన్నో మధురానుభూతులు, జ్ఞాపకాలు మిగిల్చిన నీకు ఇలా వీడియో ద్వారా విషెస్‌ చెప్పడం నిజంగా నాకు దక్కిన గొప్ప గౌరవంగా భావిస్తున్నా. నాకు తెలిసి ఒకే ఒక్కసారి నిన్ను నేను నేరుగా కలిశాను. 2018 ఆస్ట్రేలియా ఓపెన్‌ సందర్భంగా నీతో మాట్లాడాను. నా జీవితంలో నేను మర్చిపోలేని మధుర జ్ఞాప​కం అది. నీలాంటి గొప్ప అథ్లెట్‌ను నేనింతవరకు చూడలేదు. నువ్వు సంపాదించుకున్న ఈ కీర్తిప్రతిష్టలు మరెవరికీ సాధ్యం కాకపోవచ్చు. నీ భవిష్యత్తు మరింత అందంగా ఉండాలి. నీకు.. నీ కుటుంబానికి ఆల్‌ ది బెస్ట్‌. టేక్‌ కేర్‌’’ అంటూ కోహ్లి ఉద్వేగపూరితంగా మాట్లాడాడు. ఫెడ్డీకి మనస్ఫూర్తిగా శుభాకాంక్షలు తెలియజేశాడు. కాగా ఫెదరర్‌ తన కెరీర్‌లో 20 గ్రాండ్‌స్లామ్‌లు సాధించాడు. ఇంకా మరెన్నో ఘనతలు అందుకున్నాడు. ఇదిలా ఉంటే.. కోహ్లి ప్రస్తుతం దక్షిణాఫ్రికాతో స్వదేశంలో టీ20 సిరీస్‌తో బిజీగా ఉన్నాడు. తర్వాత టీ20 ప్రపంచకప్‌-2022 టోర్నీలో ఆడనున్నాడు. ఇక ఇటీవలే అతడు తన కెరీర్‌లో 71వ అంతర్జాతీయ సెంచరీ నమోదు చేసిన విషయం తెలిసిందే. చదవండి: Ind Vs SA ODI: అతడు అద్భుతమైన ఆటగాడు.. కానీ ప్రపంచకప్‌ జట్టులో చోటు దక్కలేదు.. అయినా: గంగూలీ  Thank you for all the incredible memories, Roger 💫 @rogerfederer | #RForever | @imVkohli pic.twitter.com/VjPtVp9aq6 — ATP Tour (@atptour) September 29, 2022

స్విస్‌ టెన్నిస్‌ దిగ్గజం రోజర్‌ ఫెదరర్‌ శుక్రవారం అర్థరాత్రి తన చివరి మ్యాచ్‌ ఆడిన సంగతి తెలిసిందే. తన చిరకాల మిత్రుడు రఫేల్‌ నాదల్‌తో కలిసి డబుల్స్‌ మ్యాచ్‌ ఆడిన ఫెదరర్‌.. ఓటమితో కెరీర్‌ను ముగించాడు. కాగా మ్యాచ్‌ అనంతరం కెరీర్‌కు గుడ్‌బై చెబుతూ రోజర్‌ ఫెదరర్‌ కన్నీటి పర్యంతం కాగా.. పక్కనే ఉన్న నాదల్‌ కూడా తట్టుకోలేక ఏడ్చేశాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఫెదరర్‌, నాదల్‌ను అభిమానులు ఇలా చూడలేకపోయారు. ''మ్యాచ్‌లో మాత్రమే ప్రత్యర్థులు.. బయట మంచి మిత్రులు.. వీరి బంధం విడదీయలేనిది'' అంటూ కామెంట్స్‌ చేశారు.  తాజాగా ఇంగ్లండ్‌ సీనియర్‌ క్రికెటర్‌ స్టువర్ట్‌ బ్రాడ్‌.. ఫెడరర్‌, నాదల్‌ కలిసి ఉన్న ఫోటోను షేర్‌ చేశాడు. వారి ఫోటో పక్కన బ్రాడ్‌ తనతో పాటు అండర్సన్‌ ఫోటోను పెట్టాడు. ''2053లో అండర్సన్‌ రిటైర్‌ అయితే నేను కూడా ఇలానే ఏడుస్తానేమో''​ అంటూ క్యాప్షన్‌ జత చేశాడు. ఇంగ్లండ్‌ స్టార్‌ బౌలర్లుగా వెలుగొందుతున్న బ్రాడ్‌, అండర్సన్‌ మంచి మిత్రలు. ఇద్దరు దాదాపు ఒకే సమయంలో కెరీర్‌ను ఆరంభించారు.టెస్టు క్రికెట్‌లో పేసర్ల విభాగంలో అత్యధిక వికెట్లు తీసిన లీడింగ్‌ బౌలర్‌గా అండర్సన్‌ కొనసాగుతుండగా.. అతని వెనకాలే స్టువర్ట్‌ బ్రాడ్‌ ఉన్నాడు.  కాగా బ్రాడ్‌ షేర్‌ చేసిన ఫోటోపై అభిమానులు స్పందించారు.''ఫెడ్డీ, నాదల్‌లు టెన్నిస్‌లో మంచి మిత్రులైతే... మీరు క్రికెట్‌లో చిరకాల మిత్రులు.. మీ బంధం కూడా శాశ్వతంగా సాగిపోవాలి అని కోరుకుంటున్నా'' అంటూ పేర్కొన్నారు. చదవండి: ఓటమితో కెరీర్‌కు వీడ్కోలు.. ఫెదరర్‌, నాదల్‌ కన్నీటీ పర్యంతం

Laver Cup 2022- Rafael Nadal- Roger Federer- లండన్‌: స్విస్‌ టెన్నిస్‌ దిగ్గజం రోజర్‌ ఫెదరర్‌తో కలిసి ఆడిన మ్యాచ్‌ ముగిసిన వెంటనే స్పెయిన్‌ స్టార్‌ రఫేల్‌ నాదల్‌ కీలక నిర్ణయం తీసుకున్నాడు. లేవర్‌ కప్‌ టోర్నీ నుంచి వైదొలిగాడు. వ్యక్తిగత కారణాల వల్ల అతడు టోర్నమెంట్‌ నుంచి తప్పుకొన్నట్లు సమాచారం. ఇక టీమ్‌ యూరోప్‌లో నాదల్‌ స్థానాన్ని బ్రిటిష్‌ టెన్నిస్‌ స్టార్‌ కామెరూన్‌ నోరీ భర్తీ చేయనున్నాడు. ఫెదరర్‌ స్థానంలో మాటో బెరెటిని ఎంట్రీ ఇవ్వనున్నాడు. కాగా టీమ్‌ యూరోప్, టీమ్‌ వరల్డ్‌ జట్ల మధ్య ప్రతి యేటా లేవర్‌ కప్‌ టెన్నిస్‌ టోర్నీ జరుగుతుందన్న విషయం తెలిసిందే. కన్నీటిపర్యంతమైన దిగ్గజాలు ఈ క్రమంలో రెండు దశాబ్దాలకు పైగా టెన్నిస్‌ ప్రపంచాన్ని ఏలిన, లేవర్‌ కప్‌ టోర్నీ సృష్టికర్తల్లో ఒకడైన రోజర్‌ ఫెదరర్‌ శుక్రవారం తన చివరి మ్యాచ్‌ ఆడాడు. చిరకాల స్నేహితుడు రఫేల్‌ నాదల్‌తో కలిసి కోర్టులో దిగిన ఫెడ్డీ.. ఓటమితో కెరీర్‌ను ముగించాడు. టీమ్‌ వరల్డ్‌కు చెందిన టియాఫో-జాక్ సాక్ జంట చేతిలో 4-6, 7-6(7-2), 11-9తో ఈ దిగ్గజాలు ఓటమి పాలయ్యారు. కుటుంబ సభ్యులు సైతం.. ఇక ఫెడెక్స్‌కు ఇదే ఆఖరి మ్యాచ్‌ అయిన సందర్భంగా కోర్టులో భావోద్వేగ సన్నివేశాలు చోటుచేసుకున్నాయి. ఫెదరర్‌, నాదల్‌ కన్నీంటి పర్యంతమయ్యారు. ఫెదరర్‌ కుటుంబ సభ్యులు సైతం తీవ్ర భావోద్వేగానికి లోనయ్యారు. తల్లిదండ్రులు, భార్య మిర్కా, నలుగురు పిల్లలు వచ్చి అతడిని ఆలింగనం చేసుకున్నారు. ఇక కోర్టులో ఉన్న ఆటగాళ్లు, ఇతర సిబ్బంది ఫెదరర్‌ను ఎ‍త్తుకుని హర్షధ్వానాల మధ్య ఘనంగా వీడ్కోలు పలికారు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.   చదవండి: Roger Federer- Mirka: మిర్కాతో ఫెదరర్‌ ప్రేమ ప్రయాణం! కవలల జోడీ.. గొప్ప మనసున్న జంట! Team Europe and Team World come together to celebrate @rogerfederer #LaverCup pic.twitter.com/LR3NRZD7Zo — Laver Cup (@LaverCup) September 24, 2022

స్విస్‌ టెన్నిస్‌ దిగ్గజం రోజర్‌ ఫెదరర్‌ తన 24 ఏళ్ల కెరీర్‌కు ముగింపు పలికాడు. లావెర్‌ కప్‌ 2022లో శుక్రవారం అర్థరాత్రి ఫెదరర్‌-నాదల్‌తో కలిసి తన చివరి మ్యాచ్‌ ఆడిన సంగతి తెలిసిందే. ఈ డబుల్స్‌ మ్యాచ్‌లో ఫెదరర్‌-నాదల్‌ జోడి ఓటమిపాలైంది. అయితే ఫెదరర్‌ మ్యాచ్‌ ఆరంభానికి ముందు ఒక అపశృతి చోటుచేసుకుంది.  విషయంలోకి వెళితే.. సిట్సిపాస్‌, డీగో వార్ట్జ్‌మన్‌ మధ్య సింగిల్స్‌ మ్యాచ్‌ జరిగింది. మ్యాచ్‌లో 6-1, 6-2తో సిట్సిపాస్‌ విజయం సాధించాడు. అయితే మ్యాచ్‌లో తొలి సెట్‌ సిట్సిపాప్‌ కైవసం చేసుకున్న తర్వాత ఆటకు విరామం వచ్చింది. ఈలోగా మ్యాచ్‌ చూడడానికి వచ్చిన ఒక ఆగంతకుడు టెన్నిస్‌ కోర్టులోకి దూసుకెళ్లి అందరూ చూస్తుండగానే తన మోచేతికి నిప్పంటించుకున్నాడు. ఆ తర్వాత పిచ్చి పట్టినట్లు అరుస్తూ మంటలు ఆర్పుకున్నాడు.ఈ సమయంలో సిట్సిపాస్‌ అతని వెనకాలే ఉన్నాడు. ఈ ఉదంతంతో భయపడిన సిట్సిపాస్‌ బారీకేడ్‌ దాటి అక్కడి నుంచి వెళ్లిపోయాడు. ఆ తర్వాత సెక్యూరిటీ వచ్చి అతన్ని వెళ్లిపోవాలని చెప్పినా వినిపించుకోకుండా అక్కడే కూర్చున్నాడు. దీంతో సెక్యూరిటీ అతన్ని కోర్టు నుంచి బయటకు తీసుకెళ్లారు. పోలీసులు సదరు వ్యక్తిని కస్టడీలోకి తీసుకున్నారు. ఆ తర్వాత తిరిగి మ్యాచ్‌ ప్రారంభమైంది. దీనికి సంబంధించిన వీడియో సోషల్‌ మీడియాలో వైరల్‌గా మారింది. అయితే ఆ వ్యక్తి ఎవరికి హాని తలపెట్టకపోవడంతో అంతా ఊపిరి పీల్చుకున్నారు.  టోర్నీ నిర్వాహకులు అక్కడికి  చేరుకొని అక్కడి సిబ్బందిచే టెన్నిస్‌ కోర్టును క్లీన్‌ చేయించారు.  A man has set his arm on fire after invading the court at the Laver Cup on Roger Federer's last day as a professional tennis player. pic.twitter.com/g0LcBU8PeJ — Sam Street (@samstreetwrites) September 23, 2022 చదవండి: 'కోచ్‌ ఇబ్బంది పెడుతున్నారు.. తట్టుకోలేకపోతున్నాం' ఓటమితో కెరీర్‌కు వీడ్కోలు.. ఫెదరర్‌, నాదల్‌ కన్నీటీ పర్యంతం

స్విస్‌ టెన్నిస్‌ దిగ్గజం రోజర్‌ ఫెదరర్‌ ఓటమితో కెరీర్‌కు ముగింపు పలికాడు. చిరకాల మిత్రుడు.. స్పెయిన్‌ బుల్‌ రఫేల్‌ నాదల్‌తో కలిసి లావెర్‌ కప్‌లో డబుల్స్‌ మ్యాచ్‌ ఆడిన ఫెదరర్‌ మ్యాచ్‌ అనంతరం కన్నీటి పర్యంతమయ్యాడు. ఫెదరర్‌ కన్నీళ్లు పెట్టడం చూసి నాదల్‌ కూడా తట్టుకోలేకపోయాడు. ఇక తన చిరకాల మిత్రుడు టెన్నిస్‌ కోర్టులో కనిపించడన్న బాధను కన్నీటి రూపంలో బయటపెట్టాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఆస్ట్రేలియన్‌ ఓపెన్‌ నిర్వాహకులు.. ఫెదరర్‌, నాదల్‌ ఏడుస్తున్న ఫోటోలను షేర్‌ చేసి.. ''చిరకాల ప్రత్యర్థులు.. బెస్ట్‌ ఫ్రెండ్స్‌ ఫర్‌ ఎవర్‌.. ఈ దృశ్యం చూడడానికే బాధగా ఉంది'' అంటూ క్యాప్షన్‌ జత చేసింది. Biggest rivals, best mates 🥹 #Fedal pic.twitter.com/CZcEkGVrXA — #AusOpen (@AustralianOpen) September 24, 2022 Rafa Nadal and Roger Federer in tears after Federer’s retirement is the best sports moment you’ll see in some time. Ultimate respect. 🐐🐐 pic.twitter.com/fUeY8wQSTM — Barstool Sports (@barstoolsports) September 23, 2022 లావెర్‌ కప్‌ 2022లో భాగంగా శుక్రవారం అర్థరాత్రి జరిగిన డబుల్స్‌ మ్యాచ్‌లో ఫెదరర్‌-నాదల్‌ జోడి ఓటమి పాలైంది. టీమ్‌ వరల్డ్‌ ఫ్రాన్సెస్‌కు చెందిన టియాఫో-జాక్ సాక్ జంట చేతిలో 4-6, 7-6(7-2), 11-9తో ఓటమి పాలయ్యారు. తొలి సెట్‌ను నాదల్‌-ఫెదరర్‌ జంట గెలిచినప్పటికి.. రెండో సెట్‌ టైబ్రేక్‌కు దారి తీసింది. అయితే టై బ్రేక్‌లో టియాఫో-జాక్‌ సాక్‌ జంట విజృంభించి రెండో సెట్‌ను కైవసం చేసుకున్నారు. ఇక నిర్ణయాత్మక మూడో సెట్‌లో హోరాహోరీగా తలపడినప్పటికి టియాఫో-జాక్‌ జంట అద్భుతమైన షాట్లతో ఫెదరర్‌-నాదల్‌ను నిలువరించి సెట్‌తో పాటు మ్యాచ్‌ను కైవసం చేసుకున్నారు.  ఇక ఓటమితో కెరీర్‌కు ముగింపు పలికిన ఫెదరర్‌కు టెన్నిస్‌ అభిమానులు చివరిసారి ఘనంగా వీడ్కోలు పలికారు.'' నీలాంటి క్లాసిక్‌ ఆటగాడు మళ్లీ టెన్నిస్‌లో దొరక్కపోవచ్చు.. మిస్‌ యూ ఫెడ్డీ'' అంటూ కామెంట్‌ చేశారు. ఇక చిరకాల మిత్రులైన నాదల్‌- ఫెదరర్‌ ముఖాముఖి పోరులో 40 సార్లు తలపడగా.. 16 సార్లు ఫెదరర్‌.. 24 సార్లు నాదల్‌ విజయాలు సాధించాడు. ఇక మరొక టెన్నిస్‌ స్టార్‌ జొకోవిచ్‌తో 50 సార్లు తలపడగా.. 23 సార్లు ఫెదరర్‌.. 27 సార్లు జొకోవిచ్‌ గెలుపు రుచి చూశాడు. ఫెదరర్‌ తన కెరీర్‌లో 20 గ్రాండ్‌స్లామ్స్‌ నెగ్గగా.. అందులో ఆస్ట్రేలియా ఓపెన్‌ ఆరుసార్లు, ఫ్రెంచ్‌ ఓపెన్‌ ఒకసారి, ఎనిమిది సార్లు వింబుల్డన్‌, ఐదుసార్లు యూఎస్‌ ఓపెన్‌ టైటిల్స్‌ సాధించాడు. తన కెరీర్‌ మొత్తంలో 1526 సింగిల్స్, 223 డబుల్స్‌ మ్యాచ్‌లు ఆడిన ఫెడరర్‌ ఒక్కసారి కూడా మ్యాచ్‌ మధ్యలో రిటైర్‌ కాలేదు.   ►కెరీర్‌లో గెలిచిన మొత్తం టైటిల్స్‌ – 103   ►గెలుపు–ఓటములు – 1251–275  ►కెరీర్‌ ప్రైజ్‌మనీ – 13 కోట్ల డాలర్లు (సుమారు రూ.1042 కోట్లు)  ►తొలిసారి వరల్డ్‌ నంబర్‌వన్‌ – 02/02/2004  ►ఒలింపిక్‌ పతకాలు (2) – 2008 బీజింగ్‌లో డబుల్స్‌ స్వర్ణం, 2012 లండన్‌లో సింగిల్స్‌ కాంస్యం ►వరల్డ్‌ నంబర్‌వన్‌ ర్యాంక్‌ – మొత్తం 310 వారాలు (ఇందులో వరుసగా 237 వారాలు)   ►గ్రాండ్‌స్లామ్‌ మ్యాచ్‌ విజయాల సంఖ్య – 369   ►కెరీర్‌లో కొట్టిన ఏస్‌లు – 11,478  చదవండి: ఒకే ఫ్రేమ్‌లో ఆ 'నలుగురు'.. షేక్‌ అవుతున్న ఇంటర్నెట్‌ 'సంతాపం కాదు.. సంబరంలా ఉండాలి'

ప్రస్తుతం టెన్నిస్‌ అభిమానుల కళ్లన్నీ స్విస్‌ టెన్నిస్‌ దిగ్గజం రోజర్‌ ఫెదరర్‌ ఆడనున్న లావెర్‌ కప్‌పై నెలకొన్నాయి.  తన చిరకాల మిత్రుడు రఫేల్‌ నాదల్‌తో కలిసి ఫెదరర్‌ డబుల్స్‌ మ్యాచ్‌ ఆడనున్నాడు. నాదల్‌, ఫెదరర్‌ ప్రత్యర్థులుగా ఆఖరి మ్యాచ్‌ ఆడాలని అభిమానులు కోరుకుంటే.. వాళ్లు మాత్రం కలిసి డబుల్స్‌ మ్యాచ్‌ ఆడనున్నారు. ఇది కొంతవరకు ఉపశమనమే. ఎందుకంటే ఒకేసారి ఇద్దరి ఆటను.. వారి షాట్లను చూస్తాం కాబట్టి. ఇదిలా ఉంటే.. ఫెదరర్‌ గురువారం రాత్రి తన ట్విటర్‌లో షేర్‌ చేసిన ఒక ఫోటో సోషల్‌ మీడియాలో వైరల్‌గా మారింది. తనకు సమకాలీన  ఆటగాళ్లైన రఫేల్‌ నాదల్‌, నొవాక్‌ జొకోవిచ్‌, ఆండీ ముర్రేలు ఒక ఫ్రేమ్‌లో కనిపించి కనువిందు చేశారు. ఫెదరర్‌ ఆఖరి మ్యాచ్‌ ఆడనున్న నేపథ్యంలో ఈ నలుగురు గురువారం రాత్రి హోటల్‌లో డిన్నర్‌ చేశారు. ఆ తర్వాత లండన్‌లోని థేమ్స్‌ బ్రిడ్జి వద్ద ఫోటో దిగారు. ఇదే ఫోటోను ఫెదరర్‌ ట్విటర్‌లో షేర్‌ చేస్తూ .. మిత్రులతో కలిసి డిన్నర్‌కు వెళ్తున్నా అంటూ క్యాప్షన్‌ జత చేశాడు. టెన్నిస్‌ దిగ్గజాలుగా పేరు పొందిన ఈ నలుగురు ఇలా ఒకే ఫ్రేమ్‌లో కనిపించి చాలా కాలమైంది. అందుకే ఫెదరర్‌ పెట్టిన ఫోటోకు లైక్స్‌ వర్షం కురిసింది. దాదాపు 4లక్షలకు పైగా లైక్స్‌ రాగా.. 40వేల రీట్వీట్స్‌ వచ్చాయి.  ఫెదరర్‌, నాదల్‌, జొకోవిచ్‌, ఆండీ ముర్రే.. ఆటలో ఎవరి శైలి వారిదే. ఈ నలుగురు దిగ్గజాలు కలిసి 66 గ్రాండ్‌ స్లామ్‌లు కొల్లగొట్టారు. అందులో నాదల్‌(22), జొకోవిచ్‌(21), ఫెదరర్‌(20), ముర్రే(3) గ్రాండ్‌స్లామ్‌ టైటిల్స్‌ ఉన్నాయి. నాదల్‌, జొకోవిచ్‌, ఫెదరర్‌ల హవాలో ముర్రే అంతగా వెలుగులోకి రాకపోయినప్పటికి.. వీరితో సమకాలీకుడిగా పేరు పొందడం విశేషం. ఇక నాదల్‌- ఫెదరర్‌లు ఇంతకముందు 2017లో లావెర్‌ కప్‌లో డబుల్స్‌ మ్యాచ్‌ను కలిసి ఆడారు. తాజాగా ఫెదరర్‌కు చివరి టోర్నీ కావడంతో అతనితో కలిసి ఆడాలని నాదల్‌ నిశ్చయించుకున్నాడు. heading to dinner with some friends @RafaelNadal @andy_murray @DjokerNole pic.twitter.com/2oYR3hnGaZ — Roger Federer (@rogerfederer) September 22, 2022 చదవండి: చివరి మ్యాచ్‌ మాత్రమే.. అంతిమయాత్రలా చేయకండి Road Safety World Series 2022: సచిన్‌ క్లాస్‌..యువీ మాస్‌; ఇండియా లెజెండ్స్‌ ఘన విజయం

టెన్నిస్‌లో ఒక శకం ముగిసింది. స్విస్‌ టెన్నిస్‌ దిగ్గజం రోజర్‌ ఫెదరర్‌ ఆటకు వీడ్కోలు పలికాడు. దాదాపు రెండు దశాబ్దాలుగా పైగా ఆటపై చెరగని ముద్ర వేసిన ఫెదరర్‌.. టెన్నిస్‌ ఎంత అందంగా ఆడవచ్చేనది చూపించాడు. సుధీర్ఘమైన కెరీర్‌లో ఘనమైన రికార్డులెన్ని సాధించినా వివాదాలకు దూరంగా ఉండే ‍వ్యక్తి ఫెదరర్‌.  టెన్నిస్‌ ఆటలో అతనికి మిత్రులే కానీ శత్రువులు పెద్దగా లేరు. చిరకాల ప్రత్యర్థులుగా చెప్పుకునే రోజర్‌ ఫెదరర్‌, రాఫెల్‌ నాదల్‌లది విడదీయరాని బంధం. టెన్నిస్‌ కోర్టు వరకే ఈ ఇద్దరు ప్రత్యర్థులు.. బయట మంచి మిత్రులు. నాదల్‌ కంటే మూడేళ్ల ముందు ఫెదరర్‌ ప్రొఫెషనల్‌గా మారినప్పటికి.. ఈ ఇద్దరు కోర్టులో ఎదురుపడితే కొదమ సింహాల్లా పోరాడేవారు. గెలుపు ఎవరి వైపు ఉందనేది చివరి వరకు చెప్పడం కష్టంగా మారేది. ఇక గ్రాండ్‌స్లామ్‌ ఫైనల్లో నాదల్‌, ఫెదరర్‌ తలపడుతున్నారంటే ఆ మజానే వేరుగా ఉండేది. ఫ్రెంచ్‌ ఓపెన్‌లో నాదల్‌.. ఫెదరర్‌పై పైచేయి సాధిస్తే.. మిగతా గ్రాండ్‌స్లామ్‌ల్లోనూ ఇరువరి మధ్య పోరు హోరాహోరీగా ఉండేది.  ఈ ఇద్దరు మొత్తం 48 సార్లు తలపడితే.. నాదల్‌ 24 సార్లు.. ఫెదరర్‌ 16 సార్లు గెలిచాడు. ఇక గ్రాండ్‌స్లామ్‌ టోర్నీల్లో నాదల్‌ 10 సార్లు విజయం సాధిస్తే.. ఫెదరర్‌ మాత్రం నాలుగుసార్లు గెలుపు రుచి చూశాడు. ఫెదరర్‌ 20 గ్రాండ్‌స్లామ్‌ టైటిల్స్‌ గెలిచాడు.. కానీ అంతకుమించి గెలవాల్సి ఉన్నా అది సాధించకపోవడానికి నాదల్‌ పరోక్ష కారణం. ఫెదరర్‌తో సమంగా నిలిచిన నాదల్‌ తనకు పెట్టిన కోట అయిన ఫ్రెంచ్‌ ఓపెన్‌ గ్రాండ్‌స్లామ్స్‌లో ఫెదరర్‌ను ఎన్నోసార్లు ఓడించాడు.  ఫెదరర్‌పై నాదల్‌ ఎంత ప్రభావం చూపించాడో.. ఆ తర్వాత వచ్చిన సెర్బియా దిగ్గజం నొవాక్‌ జొకోవిచ్‌ కూడా స్విస్‌ దిగ్గజంపై ఆధిక్యం చూపించాడు. ముఖాముఖి పోరులో జొకోవిచ్‌ 27-23తో ఫెదరర్‌పై ఆధిక్యంలో ఉన్నాడు. ఈ ఇద్దరి వల్లే ఫెదరర్‌ 20 గ్రాండ్‌స్లామ్‌ టైటిల్స్‌ దగ్గరే ఆగిపోవాల్సి వచ్చింది. టెన్నిస్‌కు రిటైర్మెంట్‌ ఇచ్చిన ఫెదరర్‌పై అభిమానులు ప్రశంసల వర్షం కురిపించారు. అయితే టెన్నిస్‌ రాకెట్‌ వదిలేసిన ఫెదరర్‌.. తన చిరకాల మిత్రుడైన రాఫెల్‌ నాదల్‌తో చివరగా ఒక మ్యాచ్‌లో తలపడితే చూడాలని అభిమానులు ఆశిస్తున్నారు.  ఈ సందర్భంగా స్పెయిన్‌ టెన్నిస్‌ బుల్‌.. నాదల్‌ ఫెదరర్‌ రిటైర్మెంట్‌పై స్పందించాడు. ''నా స్నేహితుడు.. ప్రియమైన ప్రత్యర్థి అయిన రోజర్‌ ఫెదరర్‌.. ఇలాంటి ఒకరోజు ఎప్పుడు రావొద్దని కోరుకున్నా. వ్యక్తిగతంగా నాకు, ప్రపంచవ్యాప్తంగా క్రీడా రంగానికి ఇదో విచారకరమైన రోజు. ఇన్నేళ్లు నీతో గడిపినందుకు ఆనందంగా, గర్వంగా, గౌరవంగా ఉంది. కోర్టు లోపల, బయట ఎన్నో మధురమైన క్షణాలు ఆస్వాదించాం. భవిష్యత్తులోనూ మరెన్నో క్షణాలను పంచుకుంటాం. కలిసికట్టుగా చేయాల్సిన పనులెన్నో ఉన్నాయని మనకు తెలుసు. ప్రొఫెషనల్‌ క్రీడకు గుడ్‌బై చెప్పిన నువ్వు.. నీ భార్య, పిల్లలు, కుటుంబంతో సంతోషంగా గడపాలని కోరుకుంటున్నా. ఈ జీవితాన్ని ఆస్వాదించు. లండన్‌లో నిన్ను కలుస్తా.. అల్విదా ఫెదరర్‌'' అంటూ పేర్కొన్నాడు.  Dear Roger,my friend and rival. I wish this day would have never come. It’s a sad day for me personally and for sports around the world. It’s been a pleasure but also an honor and privilege to share all these years with you, living so many amazing moments on and off the court 👇🏻 — Rafa Nadal (@RafaelNadal) September 15, 2022 చదవండి: రోజర్‌ ఫెడరర్‌ వీడ్కోలు

న్యూయార్క్‌: ఈ ఏడాది మూడో గ్రాండ్‌స్లామ్‌ టైటిల్‌ సాధించాలని ఆశించిన స్పెయిన్‌ టెన్నిస్‌ స్టార్‌ రాఫెల్‌ నాదల్‌కు నిరాశ ఎదురైంది. సీజన్‌ చివరి గ్రాండ్‌స్లామ్‌ టోర్నీ యూఎస్‌ ఓపెన్‌లో రాఫెల్‌ నాదల్‌ ప్రస్థానం ప్రిక్వార్టర్‌ ఫైనల్లోనే ముగిసింది. అమెరికా ప్లేయర్‌ ఫ్రాన్సిస్కో టియాఫో తన కెరీర్‌లోనే గొప్ప ప్రదర్శనతో ప్రపంచ మూడో ర్యాంకర్‌ నాదల్‌ను ఓడించి యూఎస్‌ ఓపెన్‌ టోర్నీలో తొలిసారి క్వార్టర్‌ ఫైనల్‌ బెర్త్‌ను ఖరారు చేసుకున్నాడు. మంగళవారం జరిగిన పురుషుల సింగిల్స్‌ ప్రిక్వార్టర్‌ ఫైనల్లో 22వ సీడ్‌ టియాఫో 6–4, 4–6, 6–4, 6–3తో రెండో సీడ్‌ నాదల్‌ను ఓడించి సంచలనం సృష్టించాడు. క్వార్టర్‌ ఫైనల్లో ఆండ్రీ రుబ్లెవ్‌ (రష్యా)తో టియాఫో ఆడతాడు. నాదల్‌తో 3 గంటల 34 నిమిషాలపాటు జరిగిన మ్యాచ్‌లో టియాఫో 18 ఏస్‌లు సంధించి నాలుగు డబుల్‌ ఫాల్ట్‌లు చేశాడు. నాదల్‌ సర్వీస్‌ను ఐదుసార్లు బ్రేక్‌ చేసిన టియాఫో 49 విన్నర్స్‌ కొట్టాడు. మరోవైపు నాదల్‌ తొమ్మిది డబుల్‌ ఫాల్ట్‌లు, 26 అనవసర తప్పిదాలు చేసి మూల్యం చెల్లించుకున్నాడు. ఓవరాల్‌గా గ్రాండ్‌స్లామ్‌ టోర్నీలలో నాదల్‌ను ఓడించిన మూడో అమెరికా ప్లేయర్‌గా టియాఫో ఘనత వహించాడు. గతంలో అమెరికా ప్లేయర్లు ఆండీ రాడిక్‌ (2004లో), జేమ్స్‌ బ్లేక్‌ (2005లో) నాదల్‌ను ఓడించారు. ఈ ఏడాది నాదల్‌ ఆస్ట్రేలియన్‌ ఓపెన్, ఫ్రెంచ్‌ ఓపెన్‌ గ్రాండ్‌స్లామ్‌ టోర్నీలలో టైటిల్స్‌ సాధించి, వింబుల్డన్‌ టోర్నీలో సెమీఫైనల్‌ చేరుకున్నాడు. గాయం కారణంగా అతను సెమీఫైనల్‌ మ్యాచ్‌లో ఆడకుండా తన ప్రత్యర్థి కిరియోస్‌ (ఆస్ట్రేలియా)కు వాకోవర్‌ ఇచ్చాడు. యూఎస్‌ ఓపెన్‌ పురుషుల సింగిల్స్‌ ఇతర ప్రిక్వార్టర్‌ ఫైనల్స్‌లో మూడో సీడ్‌ అల్‌కరాజ్‌ (స్పెయిన్‌), 11వ సీడ్‌ జానిక్‌ సినెర్‌ (ఇటలీ) తమ ప్రత్యర్థులను ఓడించి క్వార్టర్‌ ఫైనల్‌ చేరారు. 2014 చాంపియన్‌ మారిన్‌ సిలిచ్‌ (క్రొయేషియా)తో 3 గంటల 54 నిమిషాలపాటు జరిగిన ప్రిక్వార్టర్‌ ఫైనల్లో అల్‌కరాజ్‌ 6–4, 3–6, 6–4, 4–6, 6–3తో గెలుపొంది వరుసగా రెండో ఏడాది క్వార్టర్‌ ఫైనల్‌ చేరాడు. సినెర్‌ 6–1, 5–7, 6–2, 4–6, 6–3తో ఇవాష్క (రష్యా)పై గెలిచాడు. క్వార్టర్‌ ఫైనల్లో స్వియాటెక్‌ మహిళల సింగిల్స్‌ విభాగంలో ప్రపంచ నంబర్‌ వన్, టాప్‌ సీడ్‌ ఇగా స్వియాటెక్‌ (పోలాండ్‌), ఆరో సీడ్‌ సబలెంకా (బెలారస్‌), ఎనిమిదో సీడ్‌ జెస్సికా పెగూలా (అమెరికా), కరోలినా ప్లిస్కోవా (చెక్‌ రిపబ్లిక్‌) క్వార్టర్‌ ఫైనల్లోకి దూసుకెళ్లారు. ప్రిక్వార్టర్‌ ఫైనల్స్‌లో స్వియాటెక్‌ 2–6, 6–4, 6–0తో నీమియెర్‌ (జర్మనీ)పై, సబలెంకా 3–6, 6–3, 6–2తో డానియెలా కొలిన్స్‌ (అమెరికా)పై, పెగూలా 6–3, 6–2తో క్విటోవా (చెక్‌ రిపబ్లిక్‌)పై, ప్లిస్కోవా 7–5, 6–7 (5/7), 6–2తో మాజీ నంబర్‌వన్‌ అజరెంకా (బెలారస్‌)పై గెలిచారు.

యూఎస్ ఓపెన్లో పెను సంచలనం నమోదైంది. టైటిల్‌ ఫెవరెట్‌గా బరిలోకి దిగిన ప్రపంచ రెండో ర్యాంకర్‌.. స్పెయిన్‌ బుల్‌ రాఫెల్‌ నాదల్‌ కథ ముగిసింది. మంగళవారం తెల్లవారుజామున జరిగిన నాలుగో రౌండ్‌ మ్యాచ్‌లో అమెరికాకు చెందిన 22వ సీడ్‌ ఫ్రాన్సిస్ టియఫో చేతిలో నాదల్‌.. 6-4, 4-6, 6-4, 6-3తో దారుణ పరాజయం చవిచూశాడు. ఇక కెరీర్‌లో 23వ గ్రాండ్‌స్లామ్ వేటలో ఉన్న నాదల్‌కు ఈ ఏడాది మేజర్ టోర్నీల్లో నాదల్‌కు ఎదురైన తొలి ఓటమి ఇదే. కిక్కిరిసిన ఆర్థర్ ఆషే స్టేడియంలో జరిగిన ప్రి క్వార్టర్ ఫైనల్లో నాదల్ ఏ మాత్రం ఆకట్టుకోలేకపోయాడు.  ఈ ఏడాది వరుసగా రెండు గ్రాండ్ స్లామ్స్ గెలిచి జోరు మీదున్న ప్రపంచ రెండో ర్యాంకర్ రఫెల్ నాదల్ కు షాక్ తగిలింది. టైటిల్ ఫేవరెట్ గా భావించిన నాదల్ పోరాటం ప్రీ క్వార్టర్ ఫైనల్లోనే ముగిసింది. భారత కాలమానం ప్రకారం సోమవారం అర్ధరాత్రి దాటిన తర్వాత జరిగిన పురుషుల సింగిల్స్ ప్రీ క్వార్టర్ ఫైనల్లో అమెరికా ఆటగాడు, 22వ సీడ్ ఫ్రాన్సిస్ టియఫో  6-4,4-6,6-4,6-3 స్కోరుతో నాదల్ ను ఓడించి సంచలనం సృష్టించాడు.పేలవ సర్వీసులు, రిటర్న్ లతో నిరాశ పరిచాడు. తొలి సెట్ నే కోల్పోయిన రఫెల్ రెండో సెట్‌ గెలిచి స్కోరు సమం చేశాడు.  కానీ, తర్వాతి రెండు సెట్లలో తేలిపోయాడు. దాంతో, ఐదోసారి నాదల్ సర్వీస్ బ్రేక్ చేస్తూ విజయం సాధించిన టియఫో తన కెరీర్‌లోనే అతి పెద్ద విజయాన్ని ఖాతాలో వేసుకొని క్వార్టర్స్‌లో అడుగుపెట్టాడు. పురుషుల సింగిల్స్ లో ఇప్పటికే ప్రపంచ నంబర్ వన్ డానిల్ మెద్వెదెవ్ కూడా ప్రిక్వార్టర్స్‌లోనే ఇంటిదారి పట్టిన సంగతి తెలిసిందే. దీంతో క్వార్టర్స్ కు ముందే ఇద్దరు టాప్ సీడ్‌ ఆటగాళ్లు ఇంటిదారి పట్టినట్టయింది. ఫ్రాన్సిస్ రికార్డ్ గ్రాండ్‌స్లామ్ టోర్నీల్లో నాదల్‌ను ఓడించిన అమెరికా క్రీడాకారుల్లో ఫ్రాన్సిస్ టోయాఫే మూడో ఆటగాడిగా రికార్డుకెక్కాడు. గతంలో ఆండీ రాడిక్‌, జేమ్స్ బ్లేక్‌లు మాత్రమే నాదల్ను ఓడించారు. ఇక ఈ విజయంతో రొడ్డిక్ తర్వాత యూఎస్ ఓపెన్ సెమీస్లోకి అడుగుపెట్టిన అతి చిన్న వయస్కుడిగా ఫ్రాన్సీస్ (24) గుర్తింపు సాధించాడు. నాదల్ ను ఓడించడం సంతోషంగా ఉందని ఫ్రాన్సిస్ టోయాఫే తెలిపాడు. నాదల్ ను ఓడించానని ఇప్పటికీ నమ్మలేకపోతున్నానని చెప్పాడు. నాదల్ టెన్నిస్ లెజెండ్ అని..అతన్ని ఓడించానంటే నమ్మశక్యంగా లేదన్నాడు.  Have a moment Frances Tiafoe!#USOpen pic.twitter.com/egoIVDoRWh — US Open Tennis (@usopen) September 5, 2022 చదవండి: FIH Nations Cup: నేషన్స్‌ కప్‌ బరిలో భారత హాకీ జట్టు  US Open 2022: మెద్వెదెవ్‌కు చుక్కెదురు

న్యూయార్క్‌: తొలి రెండు రౌండ్‌లలో విజయం సాధించేందుకు చెమటోడ్చిన స్పెయిన్‌ టెన్నిస్‌ స్టార్‌ రాఫెల్‌ నాదల్‌ మూడో రౌండ్‌లో మాత్రం రఫ్ఫాడించాడు. తన చిరకాల ప్రత్యర్థి రిచర్డ్‌ గాస్కే (ఫ్రాన్స్‌)పై మరోసారి సంపూర్ణ ఆధిపత్యం చలాయించి అతనిపై వరుసగా 18వ విజయం సాధించాడు. తద్వారా టెన్నిస్‌ సీజన్‌ చివరి గ్రాండ్‌స్లామ్‌ టోర్నీ యూఎస్‌ ఓపెన్‌లో నాదల్‌ 11వసారి ప్రిక్వార్టర్‌ ఫైనల్లోకి దూసుకెళ్లాడు. ప్రపంచ 91వ ర్యాంకర్‌ రిచర్డ్‌ గాస్కేతో జరిగిన పురుషుల సింగిల్స్‌ మూడో రౌండ్‌లో ప్రపంచ మూడో ర్యాంకర్‌ నాదల్‌ 6–0, 6–1, 7–5తో అలవోకగా గెలుపొందాడు. 2 గంటల 17 నిమిషాలపాటు జరిగిన ఈ మ్యాచ్‌లో నాదల్‌ ప్రత్యర్థి సర్వీస్‌ను ఏడుసార్లు బ్రేక్‌ చేశాడు. 35 విన్నర్స్‌ కొట్టిన నాదల్‌ 24 సార్లు నెట్‌ వద్దకు దూసుకొచ్చి 19 సార్లు పాయింట్లు గెలిచాడు. ప్రిక్వార్టర్‌ ఫైనల్లో అమెరికా ప్లేయర్‌ ఫ్రాన్సిస్కో టియాఫోతో ఆడతాడు. మూడో రౌండ్‌లో టియాఫో 7–6 (9/7), 6–4, 6–4తో 14వ సీడ్‌ డీగో ష్వార్ట్‌జ్‌మన్‌ (అర్జెంటీనా)పై విజయం సాధించాడు. ఇతర మూడో రౌండ్‌ మ్యాచ్‌ల్లో మూడో సీడ్‌ అల్‌కరాజ్‌ (స్పెయిన్‌) 6–3, 6–3, 6–3తో జెన్సన్‌ బ్రూక్స్‌బై (అమెరికా)పై, తొమ్మిదో సీడ్‌ రుబ్లెవ్‌ (రష్యా) 6–4, 2–6, 6–7 (3/7), 6–4, 7–6 (10/7)తో షపోవలోవ్‌ (కెనడా)పై గెలిచి ప్రిక్వార్టర్‌ ఫైనల్లోకి ప్రవేశించారు. స్వియాటెక్‌ ముందంజ మహిళల సింగిల్స్‌లో ప్రపంచ నంబర్‌వన్, టాప్‌ సీడ్‌ ఇగా స్వియాటెక్‌ (పోలాండ్‌) ప్రిక్వార్టర్‌ ఫైనల్లోకి అడుగు పెట్టింది. మూడో రౌండ్‌లో స్వియాటెక్‌ 6–3, 6–4తో లౌరెన్‌ డేవిస్‌ (అమెరికా)పై నెగ్గింది. ఇతర మూడో రౌండ్‌ మ్యాచ్‌ల్లో ఎనిమిదో సీడ్‌ జెస్సికా పెగూలా (అమెరికా) 6–2, 6–7 (6/8), 6–0తో యు యువాన్‌ (చైనా)పై, డానియెలా కొలిన్స్‌ (అమెరికా) 6–4, 7–6 (11/9)తో అలైజ్‌ కార్నెట్‌ (ఫ్రాన్స్‌)పై, పెట్రా క్విటోవా (చెక్‌ రిపబ్లిక్‌) 5–7, 6–3, 7–6 (12/10)తో తొమ్మిదో సీడ్‌ ముగురుజా (స్పెయిన్‌)పై, అజరెంకా (బెలారస్‌) 6–3, 6–0తో పెట్రా మార్టిక్‌ (క్రొయేషియా)పై, కరోలినా ప్లిస్కోవా (చెక్‌ రిపబ్లిక్‌) 5–7, 6–4, 6–3తో 13వ సీడ్‌ బెలిండా బెన్‌చిచ్‌ (స్విట్జర్లాండ్‌)పై నెగ్గి ప్రిక్వార్టర్‌ ఫైనల్‌ బెర్త్‌లను ఖరారు చేసుకున్నారు. 

యూఎస్‌ ఓపెన్‌లో స్పెయిన్‌ బుల్‌ రాఫెల్‌ నాదల్‌ దూసుకుపోతున్నాడు. తన బెస్ట్‌ ఫ్రెండ్‌ను ఓడించి క్వార్టర్స్‌కు ప్రవేశించిన నాదల్‌ 23వ గ్రాండ్‌ స్లామ్‌ టైటిల్‌ అందుకునేందుకు మరింత దగ్గరయ్యాడు. భారత కాలామన ప్రకారం ఆదివారం తెల్లవారజామున జరిగిన మూడో రౌండ్‌ మ్యాచ్‌లో నాదల్‌.. తన స్నేహితుడైన రిచర్డ్‌ గాస్కెట్‌ను 6-0, 6-1, 7-5తో మట్టికరిపించాడు. కాగా యూఎస్‌ ఓపెన్‌లో నాదల్‌ క్వార్టర్స్‌ చేరడం ఇది 18వ సారి కాగా.. తన మిత్రుడిపై ఆధిక్యం కూడా 18-0నే కావడం విశేషం.    47వ విజయం.. షూ విరగొట్టిన అల్కరాజ్‌ ఇక 19 ఏళ్ల టెన్నిస్‌ యువ కెరటం కార్లోస్‌ అల్కరాజ్‌ ఈ సీజన్‌లో 47వ విజయాన్ని అందుకున్నాడు. మూడో రౌండ్‌లో అమెరికాకు చెందిన జెన్సన్‌ బ్రూక్స్‌ను 6-3, 6-3, 6-3తో వరుస సెట్లలో ఖంగుతినిపించాడు. ఈ సీజన్‌లో 47 విజయాలతో రికార్డు బ్రేక్‌ చేసిన ఆనందలో అల్కరాజ్‌ తన షూస్‌ను విరగొట్టాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక క్వార్టర్స్‌లో 2014 చాంపియన్‌ మారిన్‌ సిలిచ్‌ను ఎదుర్కోనున్నాడు. ముగురుజాకు షాక్‌.. క్వార్టర్స్‌ చేరిన స్వియాటెక్‌ ఇక మహిళల సింగిల్స్‌లో వరల్డ్‌ నెంబర్‌ వన్‌ ఇగా స్వియాటెక్‌ వరుసగా రెండో ఏడాది క్వార్టర్స్‌కు చేరుకుంది. మూడో రౌండ్‌లో అన్‌ సీడెడ్‌ అయిన లారెన్‌ డేవిస్‌ను 6-3, 6-4తో మట్టికరిపించి నాలుగో రౌండ్‌కు చేరుకుంది. ఇక తొమ్మిదో సీడ్‌ గార్బిన్‌ ముగురుజాకు మూడో రౌండ్‌లో చుక్కెదురైంది. మూడో రౌండ్‌లో పెట్రో క్విటోవా చేతిలో 5-7, 6-3, 7-6(12-10)తో ఓడిపోయిన ముగురజా ఇంటిబాట పట్టింది. కాగా క్వార్టర్స్‌లో క్విటోవా.. అమెరికాకు చెందిన జెస్సీకా పెగులాతో తలపడనుంది. 🎾🇪🇸 نُقطة المُباراة والفوز رقم 1066 لرافاييل نادال بمسيرته الإحترافية والرقم 38 لهُ بهذا الموسم 👏🏻 #RafaelNadal𓃵 pic.twitter.com/jpxVTtmDOM — عشاق التنس Arab Tennis (@ArabTennis20) September 4, 2022

న్యూయార్క్‌: కెరీర్‌లో 23వ గ్రాండ్‌స్లామ్‌ టైటిల్‌ గెలిచే లక్ష్యంతో బరిలోకి దిగిన స్పెయిన్‌ దిగ్గజం, రెండో సీడ్‌ రాఫెల్‌ నాదల్‌కు వరుసగా రెండో మ్యాచ్‌లోనూ కొంత ప్రతిఘటన ఎదురైంది. తొలి రౌండ్‌లాగే తొలి సెట్‌ను కోల్పోయిన అతను ఆ తర్వాత తన స్థాయికి తగ్గ ప్రదర్శనతో ముందంజ వేశాడు. ‘నా కెరీర్‌లో అతి చెత్త ఆరంభాల్లో ఇది ఒకటి’... యూఎస్‌ ఓపెన్‌ రెండో రౌండ్‌లో ఫాబియో ఫాగ్‌నిని (ఇటలీ)పై విజయం తర్వాత స్పెయిన్‌ స్టార్‌ రాఫెల్‌ నాదల్‌ వ్యాఖ్య ఇది. తొలి సెట్‌లో, ఆ తర్వాత రెండో సెట్‌లో సగం వరకు కూడా నాదల్‌ ఆట చూస్తే అలాగే అనిపించింది. అయితే అసలు సమయంలో తేరుకున్న అతను ఆ తర్వాత దూసుకుపోయాడు. 2 గంటల 43 నిమిషాల పాటు సాగిన పోరులో చివరకు విజేతగా నిలిచాడు. ఈ మ్యాచ్‌లో నాదల్‌ 2–6, 6–4, 6–2, 6–1తో ఫాగ్‌నినిపై గెలుపొందాడు. తొలి సెట్‌ను కోల్పోవడంతో పాటు రెండో సెట్‌లో కూడా ఒక దశలో నాదల్‌ 2–4తో వెనుకబడ్డాడు. అయితే ఏడో గేమ్‌లో సర్వీస్‌ను నిలబెట్టుకోవడంతో పాటు ప్రత్యర్థి సర్వీస్‌ను వరుసగా రెండుసార్లు బ్రేక్‌ చేసి నాదల్‌ సెట్‌ను గెలుచుకున్నాడు. ఆ తర్వాత తిరుగులేని ఆటతో అతను ఫాగ్‌నినికి చెక్‌ పెట్టాడు. మూడో రౌండ్‌లో నాదల్‌ రిచర్డ్‌ గాస్కే (ఫ్రాన్స్‌)తో తలపడతాడు. మరో మ్యాచ్‌లో మూడో సీడ్‌ కార్లోస్‌ అల్‌కరాజ్‌ (స్పెయిన్‌) 6–2, 6–1, 7–5తో ఫెడెరికో (అర్జెంటీనా)ను ఓడించి ముందంజ వేశాడు.   తన రాకెట్‌తో ముక్కుకు... ఫాగ్‌నినితో మ్యాచ్‌ సందర్భంగా నాదల్‌కు అనూహ్య రీతిలో స్వల్పంగా గాయమైంది. నాలుగో సెట్‌లో కుడి పక్కకు జరిగి వైడ్‌ బ్యాక్‌హ్యాండ్‌ ఆడే క్రమంలో రాకెట్‌పై నాదల్‌ పట్టు కోల్పోయాడు. వేగంగా కోర్టును తాకిన రాకెట్‌ అంతే వేగంగా వెనక్కి వచ్చి అతని ముక్కుకు బలంగా తాకింది. రక్తస్రావం కావడంతో ఆటను నిలిపేసి వెంటనే అతను వైద్య చికిత్స తీసుకున్నాడు. ముక్కుపై బ్యాండేజీతో ఆ తర్వాత ఆటను కొనసాగించి అతను విజేతగా నిలిచాడు. తాను ఒక్కసారిగా షాక్‌కు గురయ్యానని, ముక్కు పగిలినట్లు భావించానన్న నాదల్‌... అంత చెత్తగా ఆడుతున్నందుకు తనకు లభించిన చిన్నపాటి శిక్ష అంటూ సరదాగా వ్యాఖ్యానించాడు. విలియమ్స్‌ సిస్టర్స్‌కు నిరాశ... సొంత ప్రేక్షకుల ముందు చివరిసారిగా ఆడేందుకు నాలుగున్నరేళ్ల తర్వాత డబుల్స్‌లో జోడీ కట్టిన ‘విలియమ్స్‌ సిస్టర్స్‌’ మొదటి రౌండ్‌లోనే నిష్క్రమించారు. ‘వైల్డ్‌కార్డ్‌’తో ఈ టోర్నీలో అడుగు పెట్టిన సెరెనా–వీనస్‌ ద్వయం 6–7 (5/7), 4–6 స్కోరుతో లూసీ హర్డెకా–లిండా నొస్కొవా (చెక్‌ రిపబ్లిక్‌) జోడీ చేతిలో ఓటమి పాలైంది. అయితే ఆడినంత సేపు అభిమానులంతా ‘విలియమ్స్‌’ నినాదాలతో ఉత్సాహపరిచారు. తొలి సెట్‌ టైబ్రేకర్‌లో 19 స్ట్రోక్‌ల పాయింట్‌ను వీరిద్దరు గెలుచుకున్నప్పుడైతే దాదాపు 24 వేల సామర్థ్యం గల స్టేడియం మొత్తం హోరెత్తింది. సెరెనా–వీనస్‌ కలిసి మహిళల డబుల్స్‌లో 14 గ్రాండ్‌స్లామ్‌ టైటిల్స్‌ గెలిచారు. కిరియోస్‌కు భారీ జరిమానా ప్రతీ టోర్నీలో క్రమశిక్షణను ఉల్లంఘించి భారీగా జరిమానాలు చెల్లించడంలో ‘డాక్టరేట్‌ పొందిన’ నిక్‌ కిరియోస్‌ (ఆస్ట్రేలియా) మళ్లీ అదే తప్పు చేశాడు. గ్యాలరీలో కూర్చున్న అభిమానులను ఉద్దేశిస్తూ అసభ్యకర భాష వాడిన అతను క్రీడాస్ఫూర్తికి విరుద్ధంగా వ్యవహరించాడు. దాంతో నిర్వాహకులు కిరియోస్‌కు 7,500 డాలర్లు (సుమారు రూ. 6 లక్షలు) జరిమానా విధించారు. బోపన్న ఇంటిదారి భారత ఆటగాడు రోహన్‌ బోపన్నకు పురుషుల డబుల్స్, మిక్స్‌డ్‌ డబుల్స్‌లో కూడా నిరాశే ఎదురైంది. డబుల్స్‌లో బోపన్న–మిడిల్‌కూప్‌ (నెదర్లాండ్స్‌) 6–7 (2/7), 2–6 స్కోరుతో సొనెగో–వవసొరి (ఇటలీ) చేతిలో ఓడారు. మిక్స్‌డ్‌ డబుల్స్‌ లో బోపన్న–జువాన్‌ యాంగ్‌ (చైనా) జోడీ 5–7, 5–7తో దబ్రొస్కీ (కెనడా)–పర్సెల్‌ (ఆస్ట్రేలియా) ద్వయం చేతిలో ఓడిపోయారు. పురుషుల డబుల్స్‌లో మరో భారత ఆటగాడు రామ్‌కుమార్‌ –కాసిక్‌ (సెర్బి యా) 4–6, 4–6తో బొలెలి–ఫాగ్‌నిని (ఇటలీ) చేతిలో పరాజయం పొందారు. షేక్‌హ్యాండ్‌కు నిరాకరణ... మహిళల సింగిల్స్‌లో అజరెంకా (బెలారస్‌) మూడో రౌండ్‌లోకి అడుగు పెట్టింది. రెండో రౌండ్‌ లో ఆమె 6–2, 6–3తో మార్టా కొస్‌యుక్‌ (ఉక్రెయిన్‌)ను ఓడించింది. అయితే మ్యాచ్‌ ముగిసిన తర్వాత సహజంగా ఇద్దరు ప్లేయర్లు చేతులు కలిపే సంప్రదాయానికి భిన్నంగా కొస్‌యుక్‌ దూరం జరిగింది. తన దేశంపై రష్యా దాడికి నిరసనగా (రష్యాకు బెలారస్‌ సహకరిస్తోంది) ఆమె ఈ పని చేసింది. చివరకు ఒకరి రాకెట్‌ను మరొకరు తాకించి ఇద్దరూ నిష్క్రమించారు.   ప్రిక్వార్టర్స్‌లో జబర్‌ ఐదో సీడ్‌ ఆన్స్‌ జబర్‌ (ట్యూనిషియా) తొలిసారి యూఎస్‌ ఓపెన్‌లో ప్రిక్వార్టర్‌ ఫైనల్లోకి దూసుకెళ్లింది. మూడో రౌండ్‌లో జబర్‌ 4–6, 6–4, 6–3తో షెల్బీ రోజర్స్‌ (అమెరికా)పై గెలిచింది. గతంలో ఆరుసార్లు యూఎస్‌ ఓపెన్‌లో ఆడిన జబర్‌ మూడో రౌండ్‌ దాటి ముందుకెళ్లలేదు.

యూఎస్‌ ఓపెన్‌ 2022లో భాగంగా నాలుగో రోజు పెద్దగా ఎలాంటి సంచలనాలు నమోదు కాలేదు. స్పెయిన్‌ బుల్‌ రాఫెల్‌ నాదల్‌ ప్రిక్వార్టర్స్‌కు చేరుకున్నాడు. శుక్రవారం తెల్లవారుజామున జరిగిన రెండో రౌండ్‌ మ్యాచ్‌లో నాదల్‌.. ఇటలీకి చెందిన ఫాబియో ఫోగ్నినిని 2-6, 6-4, 6-2, 6-1తేడాతో చిత్తు చేసి మూడోరౌండ్‌కు చేరుకున్నాడు. అయితే తొలి గేమ్‌ ఓడిన అనంతరం నాదల్‌ రాకెట్‌‌.. అతని ముక్కును చీల్చడంతో రక్తం కారింది. అయితే దీనిని లెక్కచేయని నాదల్‌ ఆ తర్వాత తన జోరును ప్రదర్శించాడు. పవర్‌ఫుల్‌ షాట్లతో విరుచుకుపడిన నాదల్‌.. ప్రత్యర్థి ఫోగ్నినిని వరుస సెట్లలో ఖంగుతినిపించాడు. ఇక 23 వ గ్రాండ్‌స్లామ్‌ అందుకునేందుకు నాదల్‌ మరింత దగ్గరయ్యాడు. VAMOS pic.twitter.com/6xxFhV4pJC — US Open Tennis (@usopen) September 2, 2022 రికార్డు విజయాలతో అల్కరాజ్‌.. పరుషుల వరల్డ్‌ నెంబర్‌ 3 కార్లోస్‌ అల్కరాజ్‌ కూడా యూఎస్‌ ఓపెన్‌లో మూడో రౌండ్‌లో అడుగుపెట్టాడు. గురువారం రాత్రి జరిగిన రెండో రౌండ్‌లో అర్జెంటీనాకు చెందిన కొరియాను 6-2, 6-2, 7-5తో ఓడించి ప్రిక్వార్టర్స్‌కు చేరుకున్నాడు. ఇక ఈ సీజన్‌లో అల్కరాజ్‌కు ఇది 46వ విజయం. ఈ క్రమంలోనే సిట్సిపాస్‌ రికార్డును అధిగమించిన అల్కరాజ్‌ తొలిస్థానంలో నిలిచాడు. అంతేకాదు.. ఈ సీజన్‌లో సిట్సిపాస్‌ 17 పరాజయాలు పొందగా.. అల్కరాజ్‌ మాత్రం​ కేవలం 9 మ్యాచ్‌ల్లో మాత్రమే ఓటమి పాలయ్యాడు. We see you, @carlosalcaraz 👀 pic.twitter.com/lGEZZin5dS — US Open Tennis (@usopen) September 1, 2022 ఎదురులేని స్వియాటెక్‌.. ఇక మహిళల సింగిల్స్‌ విభాగంలో మహిళల ప్రపంచ నెంబర్‌వన్‌ ఇగా స్వియాటెక్‌ తన జోరును ప్రదర్శిస్తోంది. రెండో రౌండ్‌లో అమెరికాకు చెందిన స్టీఫెన్స్‌ను స్వియాటెక్‌.. 6-3, 6-2తో ఓడించి మూడో రౌండ్‌లో అడుగుపెట్టింది. కాగా 2020, 2022లో స్వియాటెక్‌ ఫ్రెంచ్‌ ఓపెన్‌ విజేతగా నిలిచింది. It's always crazy hearing yourself for the first time in the world's largest tennis stadium, @iga_swiatek 😆 pic.twitter.com/cWUjhiJSg9 — US Open Tennis (@usopen) September 1, 2022 విలియమ్స్‌ సిస్టర్స్‌కు షాకిచ్చిన చెక్‌ రిపబ్లిక్‌ ద్వయం.. ఇక మహిళల డబుల్స్‌ విభాగంలో విలియమ్స్‌ సిస్టర్స్‌(సెరెనా, వీనస్‌ విలియమ్స్‌) పోరాటం తొలి రౌండ్‌లోనే ముగిసింది. గురువారం రాత్రి జరిగిన తొలి రౌండ్‌లో చెక్‌ రిపబ్లిక్‌ ద్వయం లూసీ హ్రడెకా- లిండా నోస్కోవా చేతిలో 7-6(7-5), 6-4తో విలియమ్స్‌ సిస్టర్స్‌ ఓటమి పాలయ్యారు. అయితే సింగిల్స్‌ మాత్రం సెరెనా దుమ్మురేపింది. బుధవారం రాత్రి జరిగిన రెండో రౌండ్‌లో వరల్డ్‌ నెంబర్‌-2 అనెట్‌ కొంటావిట్‌ను చిత్తు చేసి ప్రిక్వార్టర్స్‌లో అడుగుపెట్టింది. చదవండి: బైచుంగ్‌ భుటియా ఘోర పరాజయం.. ఏఐఎఫ్‌ఎఫ్‌ అధ్యక్షుడిగా కళ్యాణ్‌ చౌబే సాయ్‌(SAI) మహిళా అధికారి నిర్వాకం.. వీడియో వైరల్‌

స్పెయిన్‌ బుల్‌ రాఫెల్‌ నాదల్‌ యూఎస్‌ ఓపెన్‌లో తొలి రౌండ్‌ను దిగ్విజయంగా అధిగమించాడు. మంగళవారం అర్థరాత్రి జరిగిన తొలి రౌండ్‌లో నాదల్‌.. ఆస్ట్రేలియన్ వైల్డ్ కార్డ్ ఎంట్రీ రింకీ హిజికాటాను 4-6, 6-2, 6-3, 6-3తో ఓడించి రెండో రౌండ్‌లోకి దూసుకెళ్లాడు. దాదాపు మూడు గంటలకు పైగా సాగిన మ్యాచ్‌లో నాదల్‌ తొలి సెట్‌ను 4-6తో హిజికాటాకు కోల్పోయాడు. అయితే ఇక్కడి నుంచి నాదల్‌ తన గేర్‌ మార్చాడు. రెండో గేమ్‌ నుంచి ప్రత్యర్థికి ఏ మాత్రం అవకాశం ఇవ్వకుండా చెలరేగిన వరుసగా మూడు సెట్లను గెలవడంతో పాటు మ్యాచ్‌ను కైవసం చేసుకున్నాడు. Photo Credit: US Open Twitter ఇక 22 సార్లు గ్రాండ్‌స్లామ్‌ చాంపియన్‌గా నిలిచిన నాదల్‌.. ఇటీవలే వింబుల్డన్‌ టోర్నీలో సెమీఫైనల్‌కు ముందు గాయంతో దూరమయ్యాడు. అయితే ఈసారి మాత్రం నాదల్‌లో ఫిట్‌నెస్‌ పరంగా ఎలాంటి ఇబ్బంది లేకపోవడం.. వ్యాక్సిన్‌ వేసుకోని కారణంగా జొకోవిచ్‌ దూరం కాగా.. నాదల్‌ మరోసారి ఫెవరెట్‌గా కనిపిస్తున్నాడు. ఇక రెండో రౌండ్‌లో నాదల్‌.. ఇటలీకి చెందిన ఫాబియో ఫోగ్నినితో తలపడనున్నాడు. 2019లో తొలి రౌండ్‌లోనే వెనుదిరిగిన నాదల్‌ ఆ తర్వాత యూఎస్‌ ఓపెన్‌ ఆడడం ఇదే. ఇప్పటికవరకు నాదల్‌ ఖాతాలో నాలుగు యూఎస్‌ ఓపెన్‌ టైటిల్స్‌ ఉన్నాయి. #USOpen night sessions carry. Just ask @RafaelNadal pic.twitter.com/llcuqtIA7F — US Open Tennis (@usopen) August 31, 2022 HOLY MATCH POINT RAFA pic.twitter.com/sHsyYmPBAK — US Open Tennis (@usopen) August 31, 2022 తొలి రౌండ్‌లోనే వెనుదిరిగిన నవోమి ఒసాకా Photo Credit: US Open Twitter యూఎస్‌ ఓపెన్‌లో భాగంగా మహిళల సింగిల్స్‌లో సంచలనాలు నమోదవుతూనే ఉన్నాయి. ఇప్పటికే డిఫెండింగ్‌ చాంపియన్‌ ఎమ్మా రాడుకాను తొలి రౌండ్‌లోనే ఇంటిబాట పట్టగా.. తాజాగా జపాన్‌ టెన్నిస్‌ స్టార్‌.. మాజీ చాంపియన్‌ 44వ సీడ్‌ నవోమి ఒసాకా అమెరికాకు చెందిన 19వ సీడ్‌ డేనియల్ కాలిన్స్ చేతిలో 7-6(7-5), 6-3 తేడాతో ఓడి తొలి రౌండ్‌లోనే వెనుదిరిగింది. గత కొంతకాలంగా ఫామ్‌లో లేక సతమతమవుతున్న ఒసాకా 2018, 2020లో యూఎస్‌ ఓపెన్‌ చాంపియన్‌గా నిలిచిన సంగతి తెలిసిందే. Danielle Collins is into Round 2 of the #USOpen pic.twitter.com/rUZa0hWKHx — US Open Tennis (@usopen) August 31, 2022 చదవండి: Emma Raducanu: యూఎస్‌ ఓపెన్‌లో సంచలనం.. డిఫెండింగ్ చాంపియన్‌కు బిగ్‌షాక్‌ Colin De Grandhome: అంతర్జాతీయ క్రికెట్‌కు కివీస్‌ ఆల్‌రౌండర్‌ గుడ్‌బై

టెన్నిస్‌లో ఆ ఇద్దరిని దిగ్గజాలుగా అభివర్ణిస్తారు. ఒకరు పురుషుల టెన్నిస్‌లో ఆధిపత్యం చెలాయిస్తుంటే.. మరొకరు మహిళల టెన్నిస్‌లో మకుటం లేని మహారాణిగా వెలుగొందుతుంది. ఒకేసారి ఈ ఇద్దరు ఎదురుపడితే అది అద్భుత దృశ్యం కాకుండా ఉంటుందా. అందుకే యూఎస్‌ ఓపెన్‌ నిర్వాహకులు..''ఆర్థర్‌ ఆషే స్టేడియం GOAT Farmగా(గ్రేటెస్ట్‌ ఆఫ్‌ ఆల్‌ టైమ్‌)గా మారిపోయింది.'' అంటూ క్యాప్షన్‌ జత చేసింది. ఆ ఇద్దరే అమెరికన్‌ నల్లకలువ సెరెనా విలియమ్స్‌.. మరొకరు స్పెయిన్‌ బుల్‌ రాఫెల్‌ నాదల్‌. Photo Credit: US Open విషయంలోకి వెళితే.. సోమవారం(ఆగస్టు 29 నుంచి) యూఎస్‌ ఓపెన్‌ ప్రారంభం కానుంది. ప్రాక్టీస్‌ సమయంలో సెరెనా, నాదల్‌లు ఒకరినొకరు ఎదురుపడ్డారు. నాదల్‌ ప్రాక్టీస్‌ చేయడానికి కోర్టులోకి వస్తుంటే.. అదే సమయంలో సెరెనా ప్రాక్టీస్‌ ముగించుకొని వెళుతుంది. దీంతో ఇద్దరు ఒకరినొకరు పలకరించుకొని హగ్‌ చేసుకున్నారు. ఇద్దరు టెన్నిస్‌ లెజెండ్స్‌ కలిస్తే మాములుగా ఉంటుందా.. ప్రాక్టీస్‌ చూడానికి వచ్చిన ప్రేక్షకులు కేరింతలు కొట్టారు. ఈ తతంగం మొత్తాన్ని వీడియో తీసిన యూఎస్‌ ఓపెన్‌ నిర్వాహకులు ట్విటర్‌లో షేర్‌ చేశారు. దీంతో సోషల్‌ మీడియలో వీడియో వైరల్‌గా మారింది.  Photo Credit: US Open ఇక సెరెనా, నాదల్‌లు ఎవరికి వారే సాటి. మహిళల టెన్నిస్‌లో ఓపెన్‌ శకంలో 23 గ్రాండ్‌స్లామ్‌ టైటిల్స్‌లో సెరెనా విలియమ్స్‌ కొత్త చరిత్ర సృష్టించింది. మరొక టైటిల్‌ సాధిస్తే.. మహిళల ఆల్‌టైం టెన్నిస్‌ గ్రేట్‌ మార్గరెట్‌ కోర్ట్‌(24 గ్రాండ్‌స్లామ్‌ టైటిల్స్‌) సరసన చోటు సంపాదిస్తుంది. ఇక స్పెయిన్‌ బుల్‌ రాఫెల్‌ నాదల్‌ పురుషుల టెన్నిస్‌ విభాగంలో ఇప్పటికే అత్యధిక గ్రాండ్‌స్లామ్‌ టైటిళ్ల రికార్డును తన పేరిట లిఖించుకున్నాడు. నాదల్‌ ఇప్పటివరకు 22 గ్రాండ్‌స్లామ్‌ టైటిల్స్‌ సాధించాడు. ఇక యూఎస్‌ ఓపెన్‌ అనంతరం సెరెనా టెన్నిస్‌ నుంచి లాంగ్‌బ్రేక్‌ తీసుకోనున్నట్లు ఇప్పటికే ప్రకటించింది. యూఎస్‌ ఓపెన్‌లో సెరెనా తొలి రౌండ్‌లో మోంటెన్‌గ్రోకు చెందిన డన్‌కా కోవినిక్‌తో తలపడనుంది. ఇక 23 గ్రాండ్‌స్లామ్‌పై కన్నేసిన నాదల్‌ ఆస్ట్రేలియాకు చెందిన రింకీ హిజికతాతో తొలి రౌండ్‌ మ్యాచ్‌ ఆడనున్నాడు. కోవిడ్‌ వ్యాక్సిన్‌ వేసుకోని కారణంగా వరల్డ్‌ నెంబర్‌వన్‌ నొవాక్‌ జొకోవిచ్‌ యూఎస్‌ ఓపెన్‌కు దూరమయ్యాడు. ఇక స్విస్‌ టెన్నిస్‌ దిగ్గజం రోజర్‌ ఫెదరర్‌ యూఎస్‌ ఓపెన్‌లో మరోసారి ఫెవరెట్‌గా బరిలోకి దిగుతున్నాడు. Arthur Ashe Stadium has become a GOAT farm 🐐@serenawilliams 😍 @RafaelNadal | #USOpen pic.twitter.com/77S3GFibHS — US Open Tennis (@usopen) August 24, 2022 చదవండి: పాక్‌తో మ్యాచ్‌.. ప్రెస్‌ కాన్ఫరెన్స్‌కు రోహిత్‌ డుమ్మా; కేఎల్‌ రాహుల్‌ ఏమన్నాడంటే..

సిన్సినాటి: గాయం నుంచి కోలుకొని ఆరు వారాల తర్వాత బరిలోకి దిగిన స్పెయిన్‌ టెన్నిస్‌ దిగ్గజం రాఫెల్‌ నాదల్‌కు పునరాగమనంలో షాక్‌ తగిలింది. సిన్సిపాటి ఓపెన్‌ తొలి మ్యాచ్‌లోనే నాదల్‌ వెనుదిరిగాడు. క్రొయేషియాకు చెందిన బోర్నా కొరిక్‌ 7–6 (9), 4–6, 6–3 స్కోరుతో నాదల్‌ను ఓడించాడు. 2 గంటల 51 నిమిషాల పాటు ఈ పోరు సాగింది. పొత్తి కండరాల్లో చీలికతో వింబుల్డన్‌ సెమీఫైనల్‌ మ్యాచ్‌కు ముందు తప్పుకున్న నాదల్‌ యూఎస్‌ ఓపెన్‌ సన్నాహకాల్లో భాగంగా ఈ టోర్నీలో ఆడాడు.    

వచ్చే నెలలో జరిగే ప్రతిష్టాత్మక డేవిస్‌కప్‌ టీమ్‌ టెన్నిస్‌ టోర్నీ లీగ్‌ దశ మ్యాచ్‌ల్లో  స్పెయిన్‌ స్టార్‌ రాఫెల్‌ నాదల్‌ బరిలోకి దిగడం లేదు. తొలి మ్యాచ్‌లో ప్రపంచ మాజీ నంబర్‌వన్‌ జొకోవిచ్‌ సభ్యుడిగా ఉన్న సెర్బియాతో స్పెయిన్‌ ఆడుతుంది. అనంతరం కెనడా, కొరియా జట్లతో మ్యాచ్‌లు ఉంటాయి. మొత్తం నాలుగు గ్రూప్‌ల్లో తొలి రెండు స్థానాల్లో నిలిచిన జట్లు నవంబర్‌లో స్పెయిన్‌లో జరిగే నాకౌట్‌ దశ టోర్నీకి అర్హత సాధిస్తాయి.   

Rafael Nadal: పొత్తి కడుపు గాయంతో బాధపడుతున్న స్పానిష్‌ టెన్నిస్‌ స్టార్‌ రాఫెల్‌ నాదల్‌ వింబుల్డన్‌ సెమీఫైనల్‌ నుంచి తప్పుకున్నాడు. క్వార్టర్స్‌లో కూడా గాయంతోనే బాధపడుతూ ఆడిన అతనికి కండరాల్లో  7 మిల్లీమీటర్ల చీలిక వచ్చినట్లు తేలింది. దీంతో సెమీస్‌ ఆడరాదని నిర్ణయించుకున్నాడు. ఈ క్రమంలో దాంతో నిక్‌ కిరియోస్‌ (ఆస్ట్రేలియా) ఫైనల్‌కు చేరుకు న్నాడు. శుక్రవారం సాయంత్రం 6 గంటల నుంచి జరిగే మరో సెమీస్‌లో జొకోవిచ్‌ (సెర్బియా)తో నోరీ (బ్రిటన్‌)తో తలపడతాడు.  ఇందులో గెలిచిన ఆటగాడు కిరియోస్‌తో తుదిపోరులో అమీతుమీ తేల్చుకుంటాడు. కాగా గతంలో నాదల్‌ రెండుసార్లు టైటిల్‌ గెలిచిన విషయం తెలిసిందే. చదవండి: IND vs ENG 1st T20: హార్దిక్‌ ఆల్‌రౌండ్‌ షో.. టీమిండియా ఘన విజయం 25 shots of pure tennis theatre 🎭@RafaelNadal 🤝 @Taylor_Fritz97#Wimbledon | #CentreCourt100 pic.twitter.com/KwZg3hpOye — Wimbledon (@Wimbledon) July 6, 2022

లండన్‌: ఈ ఏడాది వరుసగా మూడో గ్రాండ్‌స్లామ్‌ టైటిల్‌పై గురి పెట్టిన స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఆ దిశగా మరో అడుగు ముందుకేశాడు. ఈ సంవత్సరం ఆస్ట్రేలియన్‌ ఓపెన్, ఫ్రెంచ్‌ ఓపెన్‌ టైటిల్స్‌ నెగ్గిన నాదల్‌ వింబుల్డన్‌ గ్రాండ్‌స్లామ్‌ టోర్నీలో ఎనిమిదోసారి సెమీఫైనల్లోకి దూసుకెళ్లాడు. బుధవారం జరిగిన పురుషుల సింగిల్స్‌ క్వార్టర్‌ ఫైనల్లో 36 ఏళ్ల నాదల్‌ 4 గంటల 21 నిమిషాల్లో 3–6, 7–5, 3–6, 7–5, 7–6 (10/4)తో ‘సూపర్‌ టైబ్రేక్‌’లో 11వ సీడ్‌ టేలర్‌ ఫ్రిట్జ్‌ (అమెరికా)పై అద్భుత విజయం సాధించాడు. మ్యాచ్‌ రెండో సెట్‌లో నాదల్‌కు పొత్తి కడుపులో నొప్పి రావడంతో మెడికల్‌ టైమ్‌అవుట్‌ తీసుకొని చికిత్స చేయించుకొని ఆటను కొనసాగించాడు. ఆ తర్వాత మొండి పట్టుదలతో ఆడిన నాదల్‌ చివరకు విజయతీరం చేరాడు. మ్యాచ్‌ మొత్తంలో ఐదు ఏస్‌లు సంధించి, ప్రత్యర్థి సర్వీస్‌ను ఏడుసార్లు బ్రేక్‌ చేశాడు. నెట్‌ వద్దకు 36 సార్లు దూసుకొచ్చి 26 సార్లు పాయింట్లు గెలిచాడు. సెమీఫైనల్లో ఆస్ట్రేలియాకు చెందిన నిక్‌ కిరియోస్‌తో నాదల్‌ తలపడతాడు. మరో క్వార్టర్‌ ఫైనల్లో కిరియోస్‌ 6–4, 6–3, 7–6 (7/5)తో క్రిస్టియన్‌ గారిన్‌ (చిలీ)పై గెలిచి తొలిసారి ఓ గ్రాండ్‌స్లామ్‌ టోర్నీలో సెమీఫైనల్లోకి అడుగు పెట్టాడు.   హలెప్‌ జోరు మహిళల సింగిల్స్‌ క్వార్టర్‌ ఫైనల్స్‌లో 2019 చాంపియన్‌ సిమోనా హలెప్‌ (రొమేనియా) 6–2, 6–4తో అనిసిమోవా (అమెరికా)పై... రిబాకినా (కజకిస్తాన్‌) 4–6, 6–2, 6–3తో తొమ్లాజనోవిచ్‌ (ఆస్ట్రేలియా)పై నెగ్గి సెమీస్‌ చేరారు. మరో క్వార్టర్‌ ఫైనల్లో ఆన్స్‌ జబర్‌ (ట్యూనిషియా) 3–6, 6–1, 6–1తో మేరీ బుజ్‌ కోవా (చెక్‌ రిపబ్లిక్‌)ను ఓడించి గ్రాండ్‌స్లామ్‌ టోర్నీలో సెమీస్‌ చేరిన తొలి అరబ్‌ ప్లేయర్‌గా నిలిచింది.

లండన్‌: ఆద్యంతం ఆధిపత్యం చలాయిస్తూ సెర్బియా టెన్నిస్‌ స్టార్‌ నొవాక్‌ జొకోవిచ్‌ వింబుల్డన్‌ గ్రాండ్‌స్లామ్‌ టోర్నీలో ప్రిక్వార్టర్‌ ఫైనల్లోకి దూసుకెళ్లాడు. శుక్రవారం జరిగిన పురుషుల సింగిల్స్‌ మూడో రౌండ్‌లో డిఫెండింగ్‌ చాంపియన్‌ జొకోవిచ్‌ 6–0, 6–3, 6–4తో 25వ సీడ్‌ కెచ్‌మనోవిచ్‌ (సెర్బియా)పై గెలిచాడు. గంటా 53 నిమిషాలపాటు జరిగిన ఈ మ్యాచ్‌లో జొకోవిచ్‌ ఆరు ఏస్‌లు సంధించి, తన ప్రత్యర్థి సర్వీస్‌ను ఆరుసార్లు బ్రేక్‌ చేశాడు. మాజీ చాంపియన్‌ రాఫెల్‌ నాదల్‌ (స్పెయిన్‌) 6–4, 6–4, 4–6, 6–3తో బెరాన్‌కిస్‌ (లిథువేనియా)ను ఓడించి ప్రిక్వార్టర్‌ ఫైనల్‌ చేరాడు. రెండో రౌండ్‌లో క్వాలిఫయర్‌ జాక్‌ సాక్‌ (అమెరికా) 6–4, 6–4, 3–6, 7–6 (7/1)తో మాక్సిమి క్రెసీ (అమెరికా)పై గెలిచి మూడో రౌండ్‌లోకి ప్రవేశించాడు. దాంతో 1995 తర్వాత వింబుల్డన్‌ టోర్నీలో మూడో రౌండ్‌కు చేరిన అమెరికా ఆటగాళ్ల సంఖ్య ఎనిమిదికి చేరింది.   హీతెర్, జబర్‌ ముందంజ మహిళల సింగిల్స్‌ మూడో రౌండ్‌ మ్యాచ్‌ల్లో మూడో ర్యాంకర్‌ ఆన్స్‌ జబర్‌ (ట్యూనిషియా) 6–2, 6–3తో డయానా పెరీ (ఫ్రాన్స్‌)పై, హీతెర్‌ వాట్సన్‌ (బ్రిటన్‌) 7–6 (8/6), 6–2తో కాజా జువాన్‌ (స్లొవేనియా)పై గెలిచి ప్రిక్వార్టర్‌ ఫైనల్లోకి అడుగు పెట్టారు. హీతెర్‌ తన కెరీర్‌లో తొలిసారి ఓ గ్రాండ్‌స్లామ్‌ టోర్నీలో ప్రిక్వార్టర్‌ ఫైనల్‌ చేరడం విశేషం.

అద్భుతం జరిగేటప్పుడు ఎవరూ గుర్తించలేరు. జరిగిన తరువాత ఎవరూ గుర్తించాల్సిన అవసరం లేదు. ఈ పాపులర్‌ డైలాగ్‌కు రఫేల్‌ నాదల్‌ ఓ ఉదాహరణ. 19 ఏళ్ళ టీనేజ్‌లో ఫ్రెంచ్‌ ఓపెన్‌ ఎర్రమట్టి కోర్టులో నాదల్‌ తొలిసారి అడుగుపెట్టినప్పుడు ఆ టెన్నిస్‌ అద్భుతాన్ని ముందే ఎంత మంది పసిగట్టారో తెలియదు కానీ, 36వ ఏట రికార్డుల ఆసామిగా మారిన ఇవాళ ఆయన గురించి ఎవరికీ ప్రత్యేకించి పరిచయం చేయాల్సిన పని లేదు. పట్టుదల, క్రమశిక్షణ ఆలంబనగా 2005లో మొదలైన ఆ మేజిక్‌ మొన్న ఆదివారం ఫ్రెంచ్‌ ఓపెన్‌లోనూ కొనసాగడం అభిమానులకు మరపు రాని అనుభవం. 2010 నుంచి వరుసగా రెండు గ్రాండ్‌ స్లామ్‌లు గెలవని రఫా తన 36వ ఏట తన సొగసైన ఆటతీరులో ఆ విన్యాసం చేసి చూపారు. వేధిస్తున్న ఎడమ పాదపు నొప్పి తెలియకుండా ఇంజెక్షన్లు తీసుకొని మరీ గత రెండువారాల్లో 7 మ్యాచ్‌లాడారు. ఫైనల్‌లో వరుస సెట్లలో 23 ఏళ్ళ నార్వే కుర్రాడు కాస్పర్‌ రూడ్‌పై అలవోకగా గెలిచారు. 14వసారి ఫ్రెంచ్‌ ఓపెన్‌ టైటిల్‌ సాధించారు.   కరోనా కష్టం, పక్కటెముకల్లో స్ట్రెస్‌ ఫ్రాక్చర్‌తో 6 వారాలు రాకెట్‌ ముట్టలేని బాధ, ఎర్రమట్టి కోర్టుల్లో సన్నాహక టోర్నమెంట్లలో పాల్గొనలేని వైనం, తిరగబెట్టిన ఎడమ పాదం గాయం... ఇవన్నీ పళ్ళబిగువున భరించి రఫా (నాదల్‌) టెన్నిసే ఊపిరిగా కదిలారు. జకోవిచ్‌ సహా టాప్‌ 10 ఆటగాళ్ళలో నలుగురిని దాటుకొని, ఫ్రెంచ్‌ ఓపెన్‌ విజేతగా నిలిచారు. ఆ టైటిల్‌ గెలిచిన అతి పెద్ద వయస్కుడయ్యారు. గతంలో మరో ఇద్దరు (2017 ఆస్ట్రేలియన్‌ ఓపెన్‌లో ఫెదరర్, 1982 ఫ్రెంచ్‌ ఓపెన్‌లో విలాండర్‌) మాత్రమే ఇలా టాప్‌ 10లో నలుగురిని ఒక గ్రాండ్‌ స్లామ్‌లో ఓడించారనేది గమనార్హం. ఇప్పటికి 18 సార్లు ఫ్రెంచ్‌ ఓపెన్‌ బరిలో దిగితే, 14 సార్లు టైటిల్‌ గెలిచి, తాను ఎర్ర మట్టి కోర్టులో కింగ్‌నని నిరూపించారు. అందుకే ఇది ఓ అద్భుతం. ఓ చరిత్ర. ప్రతి రంగంలో క్షణా నికో కొత్త తార మఖలో పుట్టి పుబ్బలో పోతున్న ఈ రోజుల్లో నాదల్‌ సుదీర్ఘకాలంగా సత్తా చాటి, సిసలైన టెన్నిస్‌ స్టార్‌గా నిలిచారు. ఒక్క ఫ్రెంచ్‌ ఓపెన్‌లోనే 115 సార్లు బరిలోకి దిగితే 112 సార్లు గెలిచి, 97 శాతం విజయాలు నమోదు చేసిన ఘనత ఆయనది. ప్రత్యర్థులైన తోటి టెన్నిస్‌ స్టార్లు ఫెదరర్, జకోవిచ్‌లను మించిన ప్రతిభ, గౌరవనీయ వర్తనతో రఫా ప్రత్యేక స్థానం సంపాదించారు. శారీరకంగా బాధల పాలైనా, తీవ్రంగా శ్రమించి గంటల కొద్దీ ఆడి ఓడినా – వాటిని తట్టుకొని ప్రతిసారీ నేలకు కొట్టిన బంతిలా నాదల్‌ పైకి లేచిన తీరు ఆటగాళ్ళకే కాదు... జీవనపోరాటంలోని ప్రతి ఒక్కరికీ ఆదర్శమే. గెలుపు ఓటములను నిర్ణయించేవి పరిస్థితులు కాదు... మన క్రమశిక్షణ, ఆట పట్ల మన వైఖరి. సొంత అంకుల్‌ అయిన మరో టెన్నిస్‌ ఆటగాడు టోనీ నాసిరకం కోర్టుల్లో, తీసికట్టు బంతులతో కఠోర శిక్షణనిచ్చినప్పుడే ఆ పాఠం నాదల్‌ వంటబట్టించుకున్నారు. అతి కొద్దిమందే అగ్రస్థానానికి చేరుకోగలుగుతారనే స్పృహతో, చిన్న చిన్న విజయాలతో తృప్తిపడకుండా ముందుకు సాగారు. వేధిస్తున్న గాయాల వల్ల ఆటకు శాశ్వతంగా దూరమయ్యే పరిస్థితి వచ్చి పలుమార్లు  కన్నీటి పర్యంతమైనా, ప్రతిసారీ యోధుడిగా తిరిగొచ్చారు. ఈ ఏడాదీ ఆస్ట్రేలియన్‌ ఓపెన్‌ ముందూ అదే పరిస్థితి. కానీ, ఇప్పుడు వరుసగా ఆస్ట్రేలియన్, ఫ్రెంచ్‌ ఓపెన్లు గెలిచారు. వింబుల్డన్, యూఎస్‌ ఓపెన్‌ల దిశగా అడుగులు వేస్తున్నారు. పాదాల ఎముకలను శిథిలం చేసే అనారోగ్యాన్ని అధిగమించి వాటిలోనూ ఇలాగే గెలిస్తే, అది మరో రికార్డు.  ఒకటీ రెండు కాదు... ఏకంగా 22 గ్రాండ్‌ స్లామ్‌ టైటిల్స్‌ సాధించిన ఆటగాడిగా పురుషుల్లో నాదల్‌దే ఇప్పుడు రికార్డు. తోటి స్టార్లు జకోవిచ్, ఫెదరర్‌ల (20 స్లామ్‌ల) కన్నా రెండడుగులు ఆయన ముందున్నారు. సెర్బియాకు చెందిన అపూర్వ ప్రతిభావంతుడు జకోవిచ్‌ ఈ ఏడాదో, ఆ తర్వాతో ఈ రికార్డును బద్దలు కొట్టవచ్చు. రికార్డులు చెరిగిపోవచ్చు కానీ, టెన్నిస్‌ క్రీడాంగణంపై నాదల్‌ వేసిన ముద్ర మాత్రం ఎప్పటికీ చెరిగిపోనిది. మైదానంలో ప్రతిభే కాదు... మానవీయ బాహ్యవర్తనా మరపురానిది. అయిదంతస్తుల అపార్ట్‌మెంట్‌లో కలివిడిగా బతికిన ఉమ్మడి కుటుంబ విలువలతో పెరిగిన ఆయన ఒక్కోసారి మన భారతీయ ఉమ్మడి కుటుంబాలకూ, విలువలకూ సన్నిహితుడిగా అనిపిస్తారు. స్వీయప్రచారం, ప్రతిదానికీ చప్పట్లు, తక్షణలబ్ధి కోరుకోవడం ఆధునిక ప్రపంచ లక్షణానికి భిన్నంగా, తాత్త్విక దృష్టితో జీవితాన్ని నాదల్‌ చూసే తీరు ప్రత్యేకమైనది. జీవితంలో బాధ, నష్టం అనివార్యమనీ, అవీ జీవితంలో భాగమనీ ఎరుక ఆయనది. ఆయన ప్రతిభకు ఆ సమభావం, క్రమశిక్షణ కవచాలు. నేటికీ నిత్య పోరాటస్ఫూర్తి ఆయన పాశుపతాస్త్రమైంది. గెలుపు ఓటములను సమంగా స్వీకరిస్తూ, శారీరక బాధను అంగీకరిస్తూ, స్వీయ నియంత్రణ కోల్పోకుండా మెలగడం ఈ ఆటగాడిని ఆల్‌టైమ్‌ గ్రేట్‌ను చేసింది. 2011లో వెలువడ్డ ‘రఫా – మై స్టోరీ’ ఆత్మకథ చదివినా, ఆయన సుదీర్ఘ ప్రయాణం చూసినా ఇదే అర్థమవుతుంది. మరి ఏ ఇతర టెన్నిస్‌ ఆటగాడు కానీ, ఈ శతాబ్దపు అత్యుత్తమ అథ్లెట్లలో కొందరైన టైగర్‌ వుడ్, మైకేల్‌ ఫెల్ప్స్, ఉసేన్‌ బోల్ట్, సెరీనా విలియమ్స్‌ లాంటివారు కానీ – తమ ఆటల్లో నాదల్‌ స్థాయిలో ఆధిపత్యం చలాయించలేదని విశ్లేషకుల మాట. ఆదివారం ఫ్రెంచ్‌ ఓపెన్‌లో నాదల్‌ అపూర్వమైన ఆటతీరును మరోసారి చూసిన స్పెయిన్‌ రాజు సంతోషంలో ఒకటే అన్నారు – ‘స్పెయిన్‌ చరిత్రలో అత్యుత్తమ అథ్లెట్‌ నాదల్‌. రాబోయే తరాలు ఆయనకు నీరాజనాలు పడతారు. టెన్నిస్‌ ప్రపంచానికి ఆయన మహారాజు’. అది సత్యం. నాదల్‌ ఓ అద్భుతం. ఆయన పట్టుదల, పరిశ్రమ అనేక విధాల ఆదర్శం! 

టెన్నిస్‌ దిగ్గజం, స్పెయిన్‌ స్టార్‌ రాఫెల్‌ నాదల్‌పై భారత మాజీ క్రికెటర్లు ప్రశంసల వర్షం కురిపించారు. ఏకంగా పద్నాలుగవసారి ఫ్రెంచ్‌ ఓపెన్‌ టైటిల్‌ గెలిచిన ‘మట్టి కోర్టు మహారాజు’కు శుభాకాంక్షలు తెలియజేశారు. టీమిండియా దిగ్గజం సచిన్‌ టెండుల్కర్‌.. ‘‘36 ఏళ్ల వయసులో ఫ్రెంచ్‌ఓపెన్‌లో రికార్డు స్థాయిలో 14వ టైటిల్‌.. 22వ గ్రాండ్‌స్లామ్‌ టైటిల్‌ గెలవడం నిజంగా అద్భుతం.. అసాధారణ విజయం. కంగ్రాట్స్‌ నాదల్‌’’ అంటూ ట్విటర్‌ వేదికగా విష్‌ చేశారు. To go out there and win a record 14th @rolandgarros & 22nd Grand Slam at the age of 36 is an incredible achievement. Congratulations @RafaelNadal! 🏆🎾 pic.twitter.com/MAxsEklfFQ — Sachin Tendulkar (@sachin_rt) June 5, 2022 ఇక భారత మాజీ ఓపెనర్‌ వీరేంద్ర సెహ్వాగ్‌ సైతం.. ‘‘మట్టి కోర్టు రాజు.. గొప్ప ఆటగాడు.. చాంపియన్‌.. నాదల్‌.. ఫ్రెంచ్‌ఓపెన్‌లో 14వ టైటిల్‌’’ అంటూ నాదల్‌ ఫొటోను ట్వీట్‌ చేస్తూ అతడికి అభినందనలు తెలిపాడు. అదే విధంగా ప్రజ్ఞాన్‌ ఓజా, టీమిండియా మాజీ హెడ్‌ కోచ్‌ రవిశాస్త్రి, రాబిన్‌ ఊతప్ప ట్విటర్‌ వేదికగా నాదల్‌పై ప్రశంసల జల్లు కురిపించారు. నాదల్‌ను గ్రీక్‌ గాడ్‌ హెర్క్యులస్‌తో పోల్చిన రవిశాస్త్రి.. ఎర్రమట్టి కోర్టులో అతడు 15వ టైటిల్‌ కూడా గెలవాలని ఆకాంక్షించాడు. సెల్యూట్‌ ఫరెవర్‌ అంటూ అతడిని ఆకాశానికెత్తాడు.  A modern day Hercules who just will not melt in the hottest Claypot. Starts favourite to make it 15 only. Just insane. Salute forever @RafaelNadal @rolandgarros #Nadal #FrenchOpen pic.twitter.com/XXfMHRgmku — Ravi Shastri (@RaviShastriOfc) June 5, 2022 కాగా ఆదివారం జరిగిన ఫ్రెంచ్‌ ఓపెన్‌-2022 పురుషుల సింగిల్స్‌ ఫైనల్లో నాదల్‌ గెలుపొందిన సంగతి తెలిసిందే. ప్రత్యర్థి కాస్పర్‌ రూడ్‌ (నార్వే)ను 6–3, 6–3, 6–0తో ఓడించాడు. తద్వారా తద్వారా ఫ్రెంచ్‌ ఓపెన్‌ టైటిల్‌ను 14వసారి గెలిచిన నాదల్‌.. తన ఖాతాలో 22వ గ్రాండ్‌స్లామ్‌ టైటిల్‌ను జమ చేసుకున్నాడు. మట్టి కోర్టుకు తాను మకుటం లేని మహారాజునని మరోసారి నిరూపించుకుని కితాబులు అందుకుంటున్నాడు. ✅ Rafa 🆚 Ruud ✅ Double delight for France 🇫🇷 ✅ 1️⃣4️⃣ for @RafaelNadal Look back at Day 15 with the Best Moments of the Day by @emirates 🎥#RolandGarros | #EmiratesFlyBetterMoments pic.twitter.com/IPfdgyMB2w — Roland-Garros (@rolandgarros) June 5, 2022 చదవండి: Rafael Nadal: సాటిరారు నీకెవ్వరు.. మట్టికోర్టుకు రారాజు నాదల్‌.. పలు అరుదైన రికార్డులు!

French Open 2022- Winner Rafael Nadal: మట్టికోర్టులో తనకు తిరుగులేదని స్పెయిన్‌ టెన్నిస్‌ స్టార్‌ రాఫెల్‌ నాదల్‌ మరోసారి నిరూపించుకున్నాడు. ఏకంగా 14వసారి ఫ్రెంచ్‌ ఓపెన్‌ టైటిల్‌ గెలిచి సత్తా చాటాడు. తద్వారా కెరీర్‌లో 22వ ‘గ్రాండ్‌’ టైటిల్‌ కైవసం చేసుకుని ఎవరికీ అందనంత ఎత్తులో నిలిచాడు. ఇక ఫ్రెంచ్‌ ఓపెన్‌ ఫైనల్లో నార్వేకు చెందిన ప్రపంచ ఎనిమిదో ర్యాంకర్‌ కాస్పర్‌ రూడ్‌పై ఐదో సీడ్‌ నాదల్‌ 6–3, 6–3, 6–0తో విజయం సాధించి చరిత్ర సృష్టించాడు. ఈ క్రమంలో నాదల్‌ పేరిట పలు రికార్డులు నమోదయ్యాయి. అవేంటో ఓ లుక్కేద్దాం! ►1: ఫ్రెంచ్‌ ఓపెన్‌ టైటిల్‌ నెగ్గిన పెద్ద వయస్కుడిగా  నాదల్‌ (36 ఏళ్ల 2 రోజులు) రికార్డు సృష్టించాడు. ఇప్పటిదాకా ఈ రికార్డు ఆండ్రెస్‌ గిమెనో (స్పెయిన్‌; 1972లో 34 ఏళ్ల 10 నెలలు) పేరిట ఉండేది.   🚫 Trying a drop shot against @RafaelNadal is never a good idea -- find out why with our Shot of the Day by @oppo 🎥#RolandGarros | #InspirationAhead pic.twitter.com/tfnK8YrvMO — Roland-Garros (@rolandgarros) June 5, 2022 ►8: నాదల్‌ 14 సార్లు ఫ్రెంచ్‌ ఓపెన్‌ టైటిల్‌ నెగ్గిన క్రమంలో ఎనిమిదిసార్లు వేర్వేరు ప్రత్యర్థులపై గెలిచాడు. ఫైనల్స్‌లో ఫెడరర్‌పై నాలుగుసార్లు, జొకోవిచ్‌పై మూడుసార్లు, డొమినిక్‌ థీమ్‌పై రెండుసార్లు, సోడెర్లింగ్, పుయెర్టా, ఫెరర్, వావ్రింకా, కాస్పర్‌ రూడ్‌లపై ఒక్కోసారి విజయం సాధించాడు.   ►23: నాదల్‌ 14సార్లు ఫ్రెంచ్‌ ఓపెన్‌ విజేతగా నిలిచిన క్రమంలో తన ప్రత్యర్థులకు కోల్పోయిన మొత్తం సెట్‌ల సంఖ్య. ♦2008, 2010, 2017, 2020లలో అతను ఒక్క సెట్‌ కూడా ఓడిపోలేదు. ♦2007, 2012, 2018లలో ఒక్కో సెట్‌... 2014, 2019లలో రెండు సెట్‌లు... 2005, 2006, 2011, 2022లలో మూడు సెట్‌లు... 2013లో అత్యధికంగా నాలుగు సెట్‌లు చేజార్చుకున్నాడు.    ✅ Rafa 🆚 Ruud ✅ Double delight for France 🇫🇷 ✅ 1️⃣4️⃣ for @RafaelNadal Look back at Day 15 with the Best Moments of the Day by @emirates 🎥#RolandGarros | #EmiratesFlyBetterMoments pic.twitter.com/IPfdgyMB2w — Roland-Garros (@rolandgarros) June 5, 2022 ►112: ఫ్రెంచ్‌ ఓపెన్‌ టోర్నీ చరిత్రలో నాదల్‌ గెలిచిన మొత్తం మ్యాచ్‌లు. ►22: నాదల్‌ నెగ్గిన ఓవరాల్‌ గ్రాండ్‌స్లామ్‌ టైటిల్స్‌. ఇందులో 14 ఫ్రెంచ్‌ ఓపెన్‌కాగా... 4 యూఎస్‌ ఓపెన్, 2 వింబుల్డన్, 2 ఆస్ట్రేలియన్‌ ఓపెన్‌ టైటిల్స్‌ ఉన్నాయి. 2️⃣2️⃣ in '22 -- a look back at how @RafaelNadal reached a new record for career Grand Slams: 1️⃣4️⃣ #RolandGarros 2️⃣ @Wimbledon 4️⃣ @usopen 2️⃣ @AustralianOpen pic.twitter.com/hq1HPD9uRL — Roland-Garros (@rolandgarros) June 5, 2022 చదవండి: IND vs SA: దక్షిణాఫ్రికాతో తొలి టీ20.. వెంకటేష్ అయ్యర్‌, దినేష్ కార్తీక్‌కు నో ఛాన్స్‌..!

వేదిక అదే. ప్రత్యర్థి మారాడంతే. తుది ఫలితం మాత్రం యథాతథం. ఎర్రమట్టి కోర్టులపై మకుటంలేని మహారాజు తానేనని స్పెయిన్‌ టెన్నిస్‌ దిగ్గజం రాఫెల్‌ నాదల్‌ మరోసారి నిరూపించుకున్నాడు. 36 ఏళ్ల వయస్సులో ఈ ప్రతిష్టాత్మక  టోర్నీలో 14వ సారి విజేతగా నిలిచి ఔరా అనిపించాడు. 2005లో తన 19 ఏళ్ల ప్రాయంలో తొలిసారి ఫ్రెంచ్‌ ఓపెన్‌ టైటిల్‌ సాధించిన నాదల్‌ 17 ఏళ్ల తర్వాత కూడా అదే ఉత్సాహంతో, అదే పట్టుదలతో, అదే విజయకాంక్షతో బరిలోకి దిగి తన గెలుపు పాట వినిపించాడు. ఫైనల్‌ చేరేలోపు తనను ఓడించగలిగే సత్తా ఉన్న ఆటగాళ్లను హోరాహోరీ పోరాటాల్లో ఇంటిదారి పట్టించిన ఈ స్పెయిన్‌ సూపర్‌స్టార్‌ తుది సమరంలో మాత్రం చెలరేగిపోయాడు. కెరీర్‌లో తొలి గ్రాండ్‌స్లామ్‌ ఫైనల్‌ ఆడుతున్న నార్వే ప్లేయర్, ప్రపంచ ఎనిమిదో ర్యాంకర్‌ కాస్పర్‌ రూడ్‌ను నాదల్‌ హడలెత్తించాడు. రూడ్‌కు కేవలం ఆరు గేమ్‌లు కోల్పోయిన నాదల్‌ 2 గంటల 18 నిమిషాల్లో ఫైనల్‌ను ముగించేసి తనకెంతో ఇష్టమైన ఫ్రెంచ్‌ ఓపెన్‌ ట్రోఫీని ముద్దాడాడు. పారిస్‌: మట్టికోటలో మహరాజు... నభూతో నభవిష్యత్‌... సరిలేరు నీకెవ్వరు... నమో నమః... ‘గ్రాండ్‌ సలాం’.. ఇంకా ఏమైనా విశేషణాలు ఉన్నాయంటే వాటిని కూడా స్పెయిన్‌ టెన్నిస్‌ స్టార్‌ రాఫెల్‌ నాదల్‌కు జత చేయాల్సిందే. ఒకవైపు తమ కెరీర్‌ మొత్తంలో ఒక్క గ్రాండ్‌స్లామ్‌ టోర్నీ ఆడకుండానే.. గ్రాండ్‌స్లామ్‌ టైటిల్‌ నెగ్గకుండానే కెరీర్‌ను ముగించేసిన టెన్నిస్‌ ఆటగాళ్లెందరో ఉంటే... మరోవైపు నాదల్‌ మాత్రం ఒకే గ్రాండ్‌స్లామ్‌ టోర్నీ టైటిల్‌ను ఒకసారి కాదు... రెండుసార్లు కాదు... మూడుసార్లు కాదు... ఏకంగా 14సార్లు గెలిచి అందరిచేతా ప్రశంసలు అందుకుంటున్నాడు. ఈ ఏడాది ఆస్ట్రేలియన్‌ ఓపెన్‌ టైటిల్‌ నెగ్గి అత్యధిక గ్రాండ్‌స్లామ్‌ సింగిల్స్‌ టైటిల్స్‌ నెగ్గిన ప్లేయర్‌గా చరిత్ర సృష్టించిన రాఫెల్‌ నాదల్‌ ఆదివారం ఈ జాబితాలో మరింత ఎత్తుకు ఎదిగిపోయాడు. ప్రపంచ ఎనిమిదో ర్యాంకర్‌ కాస్పర్‌ రూడ్‌ (నార్వే)తో జరిగిన ఫ్రెంచ్‌ ఓపెన్‌ పురుషుల సింగిల్స్‌ ఫైనల్లో ప్రపంచ ఐదో ర్యాంకర్‌ నాదల్‌ 2 గంటల 18 నిమిషాల్లో 6–3, 6–3, 6–0తో గెలిచాడు. తద్వారా ఫ్రెంచ్‌ ఓపెన్‌ను 14వసారి సొంతం చేసుకోవడంతోపాటు తన ఖాతాలో 22వ గ్రాండ్‌స్లామ్‌ టైటిల్‌ను జమ చేసుకున్నాడు. ఫ్రెంచ్‌ ఓపెన్‌లో ఫైనల్‌ చేరిన 14 సార్లూ నాదలే గెలిచాడు. విజేతగా నిలిచిన నాదల్‌కు 22 లక్షల యూరోలు (రూ. 18 కోట్ల 30 లక్షలు)... రన్నరప్‌ రూడ్‌కు 11 లక్షల యూరోలు (రూ. 9 కోట్ల 15 లక్షలు) ప్రైజ్‌మనీగా లభించాయి. ఏకపక్షంగా... ఫైనల్‌ చేరే క్రమంలో ప్రిక్వార్టర్‌ ఫైనల్లో తొమ్మిదో సీడ్‌ అలియాసిమ్‌ (కెనడా)పై, క్వార్టర్‌ ఫైనల్లో డిఫెండింగ్‌ చాంపియన్, వరల్డ్‌ నంబర్‌వన్‌ జొకోవిచ్‌ (సెర్బియా)పై, సెమీఫైనల్లో మూడో సీడ్‌ జ్వెరెవ్‌ (జర్మనీ)పై గెలిచిన నాదల్‌కు ఫైనల్లో ఎలాంటి ప్రతిఘటన ఎదురుకాలేదు. ఆరంభం నుంచే అద్భుతంగా ఆడిన నాదల్‌ తన ప్రత్యర్థికి ఏదశలోనూ పుంజుకునే అవకాశం ఇవ్వలేదు. ఎనిమిదిసార్లు రూడ్‌ సర్వీస్‌ను బ్రేక్‌ చేసిన నాదల్‌ తన సర్వీస్‌ను రెండుసార్లు కోల్పోయాడు. 37 విన్నర్స్‌ కొట్టిన నాదల్‌ కేవలం 18 అనవసర తప్పిదాలు చేశాడు. మరోవైపు రూడ్‌ 16 విన్నర్స్‌ కొట్టి, 26 అనవసర తప్పిదాలు చేశాడు.   చదవండి: IND vs SA: దక్షిణాఫ్రికాతో తొలి టీ20.. వెంకటేష్ అయ్యర్‌, దినేష్ కార్తీక్‌కు నో ఛాన్స్‌..! Find someone who looks at you the way Rafa looks at the Coupe des Mousquetaires 🥰#RolandGarros pic.twitter.com/2ajSJ4aPyb — Roland-Garros (@rolandgarros) June 5, 2022

పారిస్‌: 13 సార్లు చాంపియన్‌ ఒకవైపు... తొలిసారి గ్రాండ్‌స్లామ్‌ టోర్నీ ఫైనల్‌ చేరిన యువ ఆటగాడు మరోవైపు... క్లే కోర్టు అడ్డా ఫ్రెంచ్‌ ఓపెన్‌ ఫైనల్‌కు రంగం సిద్ధమైంది. నేడు జరిగే పురుషుల సింగిల్స్‌ తుది పోరులో ఆల్‌టైమ్‌ గ్రేట్‌లలో ఒకడైన రాఫెల్‌ నాదల్, 23 ఏళ్ల నార్వే ఆటగాడు కాస్పర్‌ రూడ్‌తో తలపడతాడు. తన 21 గ్రాండ్‌స్లామ్‌ టైటిల్స్‌ రికార్డులో 13 ఇదే కోర్టులో నెగ్గిన నాదల్‌ స్థాయి ఏమిటో ప్రత్యేకంగా చెప్పనవసరం లేదు. తొలి ప్రయత్నంలోనే కొండను ఢీకొట్టబోతున్న రూడ్‌ ఏమాత్రం పోటీనిస్తాడనేది చూడాలి.  శుక్రవారం అర్ధరాత్రి దాటాక ముగిసిన రెండో సెమీఫైనల్లో కాస్పర్‌ రూడ్‌ 3–6, 6–4, 6–2, 6–2తో సిలిచ్‌ (క్రొయేషియా)ను ఓడించాడు. ఓ గ్రాండ్‌స్లామ్‌ టోర్నీలో ఫైనల్లోకి అడుగు పెట్టిన తొలి నార్వే ప్లేయర్‌గా రూడ్‌ ఘనత సాధించాడు.      

‘‘వినమ్రంగా వ్యవహరించిన తీరు.. సాటి ఆటగాడి పట్ల సహృదయ భావం నాదల్‌ను మరింత ప్రత్యేకంగా మార్చాయి’’ అంటూ భారత క్రికెట్‌ దిగ్గజం సచిన్‌ టెండుల్కర్‌ స్పెయిన్‌ టెన్నిస్‌ స్టార్‌ రాఫెల్‌ నాదల్‌పై ప్రశంసలు కురిపించారు. అతడి క్రీడాస్ఫూర్తిని కొనియాడారు. కాగా ఫ్రెంచ్‌ ఓపెన్‌-2022 గ్రాండ్‌స్లామ్‌ టోర్నీ పురుషుల సింగిల్స్‌ తొలి సెమీస్‌లో నాదల్‌- మూడో సీడ్‌ అలెగ్జాండర్‌ జ్వెరెవ్‌(జర్మనీ) తలపడ్డారు. ఈ క్రమంలో నాదల్‌ తొలి సెట్‌ గెలవగా.. రెండో సెట్‌లో నాదల్‌ రిటర్న్‌ షాట్‌ను అందుకునే క్రమంలో దురదృష్టవశాత్తూ జ్వెరెవ్‌ జారిపడ్డాడు. నొప్పి తీవ్రతరం కావడంతో మళ్లీ కోర్టులో అడుగుపెట్టలేకపోయాడు. దీంతో నాదల్‌ను విన్నర్‌గా ప్రకటించారు. అయితే, చక్రాల కుర్చీలో బయటకు వెళ్లిన జ్వెరెవ్‌ మళ్లీ ‘క్రచెస్‌’ సాయంతో కోర్టులోకి వచ్చి ప్రేక్షకులను చూస్తూ అభివాదం చేసి వెళ్లాడు. అతడి నిష్క్రమణతో అభిమానులు నిరాశలో మునిగిపోగా.. నాదల్‌ సైతం జ్వెరెవ్‌కు ఇలా జరిగినందుకు విచారంగా కనిపించాడు. ప్రత్యర్థి ఆటగాడి పట్ల సానుభూతి చూపించాడు. భావోద్వేగానికి గురైన జ్వెరెవ్‌ను ఓదార్చాడు. ఇక జ్వెరెవ్‌ క్రచెస్‌ సాయంతో నడుస్తుండగా.. నాదల్‌ అతడి పక్కనే బాధగా ఉన్న ఫొటో వైరల్‌ అవుతోంది. ఈ నేపథ్యంలో సచిన్‌ నాదల్‌ను కొనియాడాడు. ఇక టీమిండియా మాజీ హెడ్‌కోచ్‌ రవిశాస్త్రి సైతం.. ‘‘ఇలాంటివి చూసినపుడే కదా హృదయం ద్రవిస్తుంది. నువ్వు త్వరలోనే తిరిగి వస్తావు జ్వెరెవ్‌. ఇక నాదల్‌ క్రీడాస్ఫూర్తికి చేతులెత్తి నమస్కరించాలి. అన్ని రకాలుగా గౌరవం అందుకునేందుకు అతడు అర్హుడు’’ అని ట్వీట్‌ చేశాడు. కాగా ఈ మ్యాచ్‌లో విజయంతో నాదల్‌ ఏకంగా 14వ సారి ఫ్రెంచ్‌ ఓపెన్‌ ఫైనల్‌కు చేరుకున్నాడు.    ‌  The humility and concern shown by Nadal is what makes him so special.#RolandGarros pic.twitter.com/t7ZE6wpi47 — Sachin Tendulkar (@sachin_rt) June 3, 2022 This is why sport can make you cry. You will be back @AlexZverev. @RafaelNadal - Sportsmanship, humility. Just brilliant and respect 🙏🙏🙏 #FrenchOpen2022 #RolandGarros pic.twitter.com/n5JFNFK7r1 — Ravi Shastri (@RaviShastriOfc) June 3, 2022 ⚔️ A thrilling battle came to a tough end with an injury to @AlexZverev but he and @RafaelNadal played some amazing points! Check out the Highlights by @emirates 🎥#RolandGarros | #EmiratesFlyBetterMoment pic.twitter.com/E9vn2iRF1v — Roland-Garros (@rolandgarros) June 3, 2022

పాయింట్‌ పాయింట్‌కూ పోరాటం... సుదీర్ఘ ర్యాలీలు... 3 గంటల 13 నిమిషాలు ముగిసినా పూర్తి కాని రెండు సెట్‌లు... ఫ్రెంచ్‌ ఓపెన్‌లో 13 సార్లు చాంపియన్‌ రాఫెల్‌ నాదల్, జర్మనీ స్టార్‌ అలెగ్జాండర్‌ జ్వెరెవ్‌ మధ్య శుక్రవారం జరిగిన పురుషుల సింగిల్స్‌ సెమీఫైనల్‌ తీరిది. తొలి సెట్‌ను అతికష్టమ్మీద నెగ్గిన నాదల్‌కు రెండో సెట్‌లోనూ ఒక్కో పాయింట్‌కు తన అనుభవాన్నంతా రంగరించి పోరాడాల్సిన స్థితి ఏర్పడింది. ఈ నేపథ్యంలో మ్యాచ్‌ తుది ఫలితం ఎలా ఉంటుందోనని అభిమానులు ఆలోచిస్తున్న తరుణంలో కోర్టులో ఊహించని సంఘటన జరిగింది. రెండో సెట్‌ 12వ గేమ్‌లో నాదల్‌ రిటర్న్‌ షాట్‌ను అందుకోనే క్రమంలో బేస్‌లైన్‌ వద్ద జ్వెరెవ్‌ జారి పడటంతో చీలమండకు తీవ్ర గాయమైంది. పడిన వెంటనే జ్వెరెవ్‌ నొప్పితో విలవిలలాడాడు. మైదానంలో ప్రథమ చికిత్స తర్వాత జ్వెరెవ్‌ను చక్రాల కుర్చీపై బయటకు తీసుకెళ్లారు. ఐదు నిమిషాల తర్వాత జ్వెరెవ్‌ ‘క్రచెస్‌’ సహాయంతో కోర్టులోకి వచ్చి అభిమానులకు అభివాదం చేసి వెళ్లిపోయాడు. దాంతో రాఫెల్‌ నాదల్‌ తనకెంతో కలిసొచ్చిన ఫ్రెంచ్‌ ఓపెన్‌లో 14వ సారి ఫైనల్లోకి ప్రవేశించాడు. గతంలో ఫైనల్‌ చేరిన 13 సార్లూ నాదలే విజేతగా నిలిచాడు. కాస్పర్‌ రూడ్‌ (నార్వే), సిలిచ్‌ (క్రొయేషియా) మధ్య రెండో సెమీఫైనల్‌ విజేతతో ఆదివారం జరిగే ఫైనల్లో నాదల్‌ తలపడతాడు. పారిస్‌: తన 36వ పుట్టిన రోజు విజయం రుచి చూసిన స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఫ్రెంచ్‌ ఓపెన్‌ గ్రాండ్‌స్లామ్‌ టోర్నీలో ఫైనల్లోకి అడుగు పెట్టాడు. మూడో సీడ్‌ అలెగ్జాండర్‌ జ్వెరెవ్‌ (జర్మనీ)తో శుక్రవారం జరిగిన పురుషుల సింగిల్స్‌ తొలి సెమీఫైనల్లో నాదల్‌ తొలి సెట్‌ను 7–6 (10/8)తో టైబ్రేక్‌లో గెలిచాడు. రెండో సెట్‌లోని 12వ గేమ్‌ చివర్లో నాదల్‌ రిటర్న్‌ షాట్‌ను అందుకునే క్రమంలో జ్వెరెవ్‌ కోర్టులో జారి పడ్డాడు. దాంతో పాయింట్‌ నాదల్‌కు లభించింది. స్కోరు 6–6తో సమమైంది. కోర్టులో జారిపడ్డ జ్వెరెవ్‌కు గాయం త్రీవంగా ఉండటంతో అతను మళ్లీ బరిలోకి దిగలేకపోయాడు. దాంతో నాదల్‌ను విజేతగా ప్రకటించారు. 3 గంటల 13 నిమిషాలపాటు జరిగిన పోరులో జ్వెరెవ్‌ రెండు సెట్‌లలో నాదల్‌కు చెమటలు పట్టించాడు. తొలి సెట్‌ టైబ్రేక్‌లో జ్వెరెవ్‌ 6–2తో ఆధిక్యంలో నిలిచి నాలుగు సెట్‌ పాయిం ట్లు సంపాదించాడు. కానీ పట్టువదలకుండా పోరాడినా నాదల్‌ వరుసగా ఐదు పాయింట్లు గెలిచి 7–6తో ఆధిక్యంలోకి వచ్చాడు. ఆ తర్వాత స్కోరు 7–7తో, 8–8తో సమమైంది. ఈ దశలో నాదల్‌ వరుసగా రెండు పాయింట్లు గెలిచి తొలి సెట్‌ను గంటా 38 నిమిషాల్లో గెల్చుకున్నాడు. రెండో సెట్‌లోనూ జ్వెరెవ్‌ అద్భుతంగా ఆడుతూ 5–3తో ఆధిక్యంలోకి వచ్చి సెట్‌ కోసం సర్వీస్‌ చేశా డు. కానీ తొమ్మిదో గేమ్‌లో జ్వెరెవ్‌ సర్వీస్‌ను బ్రేక్‌ చేసిన నాదల్‌ ఆ తర్వాత తన సర్వీస్‌ను నిలబెట్టుకొని స్కోరును 5–5తో సమం చేశాడు. 11వ గేమ్‌లో జ్వెరెవ్‌ తన సర్వీస్‌ను కాపాడుకోగా... 12వ గేమ్‌లో నాదల్‌ సర్వీస్‌లో చివరి పాయింట్‌ సమయంలో జ్వెరెవ్‌ జారి పడటంతో మ్యాచ్‌ ముగిసింది. నేడు మహిళల సింగిల్స్‌ ఫైనల్‌ స్వియాటెక్‌ (పోలాండ్‌) X కోకో గాఫ్‌ (అమెరికా) సా. గం. 6:30 నుంచి సోనీ నెట్‌వర్క్‌లో ప్రత్యక్ష ప్రసారం కెరీర్‌లో తొలి గ్రాండ్‌స్లామ్‌ టైటిల్‌ కోసం అమెరికా టీనేజర్‌ కోకో గాఫ్‌... రెండోసారి ఫ్రెంచ్‌ ఓపెన్‌ నెగ్గాలనే లక్ష్యంతో స్వియాటెక్‌ నేడు మహిళల సింగిల్స్‌ టైటిల్‌ పోరులో తలపడనున్నారు. ⚔️ A thrilling battle came to a tough end with an injury to @AlexZverev but he and @RafaelNadal played some amazing points! Check out the Highlights by @emirates 🎥#RolandGarros | #EmiratesFlyBetterMoment pic.twitter.com/E9vn2iRF1v — Roland-Garros (@rolandgarros) June 3, 2022

టెన్నిస్‌ ప్రపంచానికి పరిచయం అక్కర్లేని పేరు.. ఆటలో అతనికి ఎదురులేదు.. కోర్టులో అతను బరిలోకి దిగాడంటే ప్రత్యర్థులకు హడల్‌.. అందరూ అతన్ని క్లేకోర్టు రారాజుగా అభివర్ణిస్తారు. టెన్నిస్‌ ఓపెన్‌ శకం మొదలైన తర్వాత అత్యధిక గ్రాండ్‌స్లామ్‌ టైటిళ్లు కొల్లగొట్టిన తొలి ఆటగాడిగా చరిత్ర సృష్టించాడు. అత్యధిక గ్రాండ్‌స్లామ్‌ సాధించిన ఆల్‌టైమ్‌ గ్రేట్‌ జాబితా తీస్తే అందులోనూ అగ్రస్థానం అతనిదే. తన తరంలోనే పుట్టిన మరో ఇద్దరు గ్రెటేస్ట్‌ ఆటగాళ్లను దాటి మరీ.. మరో గ్రాండ్‌స్లామ్‌ దక్కించుకోవడం కోసం పరుగులు తీస్తున్నాడు. ఈ పాటికే మీకు అర్థమయి ఉంటుంది ఆ వ్యక్తి ఎవరో.. ది గ్రేట్‌ రాఫెల్‌ నాదల్‌. నాదల్‌ ఇవాళ 36వ పుట్టినరోజు జరుపుకుంటున్నాడు. ఫుట్‌బాలర్‌ కావాల్సిన వ్యక్తి ఈరోజు టెన్నిస్‌ ప్రపంచాన్ని రారాజులా ఏలుతున్నాడు. హ్యాపీ బర్త్‌డే నాదల్‌.. పవర్‌గేమ్‌కు పెట్టింది పేరు రాఫెల్‌ నాదల్‌. ఫుట్‌బాలర్‌ కావాల్సిన నాదల్‌ తన అంకుల్‌ ప్రోత్సాహంతో రాకెట్‌ చేతబట్టాడు.. టెన్నిస్‌ ప్రపంచాన్ని శాసిస్తున్నాడు. స్పెయిన్‌లోని మానకోర్‌లో అనా మారియా, సెబాస్టియన్‌ నాదల్‌ దంపతులకు 1986 జూన్‌ 3న రాఫెల్‌ నాదల్‌ జన్మించాడు. నాదల్‌ బాబాయిలు ఇద్దరు(మిగ్యూల్‌ నాదల్‌, టోనీ నాదల్‌) ఫుట్‌బాల్‌ ఆటలో పేరు సంపాదించారు. తొలుత నాదల్‌ను కూడా ఫుట్‌బాలర్‌గానే చూడాలనుకున్నారు. కానీ నాదల్‌ చిన్న బాబాయి టోనీ నాదల్‌ను మూడేళ్ల వయసులోనే ప్రతిభను గుర్తించాడు. తమలా ఫుట్‌బాలర్‌ కాకుండా టెన్నిస్‌ బ్యాట్‌ చేతపడితే ఎలా ఉంటుందని ఆలోచించాడు. టోనీ నాదల్‌.. క్రమశిక్షణ విషయంలో కఠినంగా ఉండేవాడు. నాదల్‌ తల్లిదండ్రుల కంటే ఎక్కువగా బాబాయితోనే గడిపేవాడు. ప్రతీరోజు ఎర్రమట్టిలో గంటల తరబడి నాదల్‌ చేత ప్రాక్టీస్‌ చేయించేవాడు. అతని కోసం ఎర్రమట్టిని అత్యంత కఠిన పరిస్థితులను సృష్టించి మరీ నాదల్‌కు శిక్షణ ఇచ్చేవాడు. నాదల్‌ ఆ శిక్షణ తట్టుకోలేక ఒక సందర్భంలో తన తల్లికి ఫిర్యాదు చేశాడు. కానీ బాబాయి టోనీ మాత్రం నాదల్‌ను టెన్నిస్‌ రారాజులా చూడాలనుకుంటున్నానని నాదల్‌ తల్లికి ముందే చెప్పాడు. ఆమె కూడా ఎలాంటి అభ్యంతరం చెప్పలేదు. చిన్ననాటి నుంచే ఎర్రమట్టిలో కఠోర సాధన చేశాడు గనుకనే నాదల్‌ ఇవాళ క్లేకోర్టుకు రారాజు అయ్యాడు. ఒక రకంగా నాదల్‌ టెన్నిస్‌ కెరీర్‌కు బీజం పడింది ఇక్కడే. బాబాయి కఠిన శిక్షణలో అండర్‌-12 టైటిల్‌ సాధించేశాడు. ఆ తర్వాత 14 ఏళ్లకే స్పానిష్‌ జూనియర్‌ సర్క్యూట్‌లో రఫాకు మంచి పేరు వచ్చింది. ఒక ఎగ్జిబిషన్‌ మ్యాచ్‌లో అప్పటికే టెన్నిస్‌లో టాప్‌ ఆటగాడిగా ఉన్న కార్లోస్‌ మోయాను ఓడించి సంచలనం సృష్టించాడు రాఫెల్‌ నాదల్‌. అప్పటికి నాదల్‌ వయస్సు 14 ఏళ్లే. ఈ సంచలనం అక్కడితో ఆగలేదు. 2001లో ప్రొఫెషనల్‌ టెన్నిస్‌ క్రీడాకారుడిగా నాదల్‌ కెరీర్‌ను ఆరంభించాడు. ఆ మరుసటి ఏడాది జరిగిన వింబుల్డన్‌లో సెమీఫైనల్‌ చేరి అందరి  దృష్టిని ఆకర్షించాడు. 18 ఏళ్ల వయసులో డేవిస్‌ కప్‌లో అప్పటి వరల్డ్‌ నెంబర్‌-2 ఆండ్రీ అగస్సీని ఓడించి ఔరా అనిపించాడు. అక్కడి నుంచి నాదల్‌ వెనుదిరిగి చూసుకోవాల్సిన అవసరం రాలేదు. మధ్యలో కొన్ని ఒడిదుడుకులు ఎదురైనా.. తన ఆటను మాత్రం అంతే పట్టుదలతో కొసాగించాడు.. కొనసాగిస్తున్నాడు. ఇక తన కాలంలోనే మరో టెన్నిస్‌ స్టార్‌ రోజర్‌ ఫెదరర్‌కు ధీటుగా మారాడు. 2005 నుంచి రోజర్‌  ఫెదరర్‌కు ప్రధాన ప్రత్యర్థిగా మారిన నాదల్‌ 2006 నుంచి 2009లోపూ ఐదు గ్రాండ్‌స్లామ్‌ ఫైనల్స్‌లో ఓడించి  సంచలనం సృష్టించాడు.   ఆటను ఎంత ప్రేమించాడో.. కుటంబాన్ని అంతే.. ఆటను ఎంత ప్రేమించాడో కుటుంబాన్ని అంతే ప్రేమించాడు నాదల్‌. తల్లిదండ్రులంటే అమితంగా ఇష్టపడే నాదల్‌కు 2009లో గట్టి ఎదురుదెబ్బ తగిలింది. మనస్పర్థల కారణంగా నాదల్‌ తల్లిదండ్రులు విడిపోయారు. ఇది నాదల్‌ను మానసికంగానూ.. కెరీర్‌ పరంగానూ చాలా దెబ్బ తీసింది. ఎంతలా అంటే ఫ్రెంచ్‌ ఓపెన్‌లో ఓటమి ఎరుగని రారాజుగా వెలుగొందుతున్న నాదల్‌కు తొలి ఓటమి అదే సంవత్సరం వచ్చింది. ఆ ఏడాది ఫైనల్లో రోజర్‌ ఫెదరర్‌ నాదల్‌ను ఓడించి విజేతగా అవతరించాడు. అయితే ఈ భాద నాదల్‌ను ఎంతోకాలం ఆపలేకపోయింది. గోడకు కొట్టిన బంతిలా.. 2010లో మళ్లీ ఫుంజుకున్న నాదల్‌ ఏకంగా మూడు గ్రాండ్‌స్లామ్‌లను కొల్లగొట్టి పూర్వ వైభవం సాధించాడు. ఆటలో చాంపియన్‌గా నిలిచిన నాదల్‌కు అదే ఏడాది విడిపోయిన తల్లిదండ్రులు మళ్లీ కలుసుకోవడం మరింత సంతోషాన్నిచ్చింది. ఆ తర్వాత కెరీర్‌ పరంగా ఒడిదుడుకులు ఎదురైనప్పటికి అంతా సాఫీగానే సాగింది. అయితే గత నాలుగేళ్లలో వయసు మీద పడడం.. ఆటలో ఏకాగ్రత తగ్గడం.. గాయాలు వేదించడంతో .. నాదల్‌ పని అయిపోయిందని అంతా భావించారు. దీనికి తోడూ రోజర్‌  ఫెదరర్‌, జొకోవిచ్‌లు ఆటలో దూసుకుపోతున్నారు. వీటన్నింటికి నాదల్‌ ఒకే ఒ‍క్క గ్రాండ్‌స్లామ్‌తో సమాధానమిచ్చాడు. ఈ ఏడాది ఆరంభంలో జరిగిన ఆస్ట్రేలియన్‌ ఓపెన్‌ డానిల్‌ మెద్వెదెవ్‌తో  జరిగిన సుధీర్ఘ పోరులో నాదల్‌ ఓటమి అంచుల వరకు వెళ్లి విజేతగా నిలిచాడు. అలా కెరీర్‌లో 21వ గ్రాండ్‌స్లామ్‌ అందుకొని ఓపెన్‌ శకంలో అత్యధిక గ్రాండ్‌స్లామ్‌ టైటిల్స్‌ సాధించిన తొలి ఆటగాడిగా నిలిచాడు. ఇక తనకు అచ్చొచ్చిన రోలాండ్‌ గారోస్‌(ఫ్రెంచ్‌ ఓపెన్‌లోనూ) నాదల్‌ దూసుకెళుతున్నాడు. 36వ పుట్టిరోజు జరుపుకుంటున్న రోజునే అలెగ్జాండర్‌ జ్వెరెవ్‌తో సెమీ ఫైనల్లో తలపడుతున్నాడు. 22వ గ్రాండ్‌స్లామ్‌పై కన్నేసిన నాదల్‌కు ఆల్‌ ది బెస్ట్‌ చెబుతూ ముగిద్దాం. ముగించేముందు నాదల్‌కు మరోసారి పుట్టినరోజు శుభాకాంక్షలు.. నాదల్‌ గురించి మనకు తెలియని కొన్ని ముఖ్య విషయాలు ►నాదల్‌ 2019, అక్టోబర్‌ 19న మారియా ఫ్రాన్సియా పెరెల్లోతో వివాహం జరిగింది. ►నాదల్‌ రెండు చేతులతో ఆడగలడు. అతను ఫోర్‌ హ్యాండ్‌ షాట్‌కు ఎడమ చేతిని వాడతాడు. రెండు చేతులతో టూహ్యాండెడ్‌ ఫోర్‌షాట్‌ కూడా ఆడగల సామర్థ్యం ఉంది. ►రాఫెల్‌ నాదల్‌కు చీకటంటే చచ్చేంత భయం. నిద్రపోతున్న సమయంలో ఒక లైటు లేదా టీవీ స్క్రీన్‌ వెలుగుతూనే ఉంటుంది. ►ఫ్రెంచ్‌ ఓపెన్‌ ఆడే సమయంలో నాదల్‌ లాకర్‌ నెంబర్‌ 159 మాత్రమే తీసుకుంటాడు. ►ప్రతీ మ్యాచ్‌కు ముందు చన్నీటితో స్నానం చేయడం నాదల్‌కు అలవాటు ►నాదల్‌ ఏ గ్రాండ్‌స్లామ్‌ టైటిల్‌ అందుకున్న నోటితో కొరకడం అలవాటుగా చేసుకున్నాడు. ఇలా ఎందుకు చేస్తున్నానో తనకు తెలియదని.. ఒకసారి కొరకడం అలవాటయ్యాకా దానికి మానలేకపోయానని ఒక ఇంటర్య్వూలో చెప్పుకొచ్చాడు. ►టెన్నిస్‌ కోర్టులో నాదల్‌ తాగే వాటర్‌ బాటిల్స్‌ వరుస క్రమంలో ఉంటేనే తాగుతాడు. అలా లేకుంటే వాటిని సరిచేసి గానీ నీళ్లు తాగడు.​ 

French Open 2022: ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో స్పెయిన్‌ స్టార్‌ రాఫెల్‌ నాదల్‌ అదరగొట్టాడు. పురుషుల సింగిల్స్‌ విభాగంలో డిఫెండింగ్‌ చాంపియన్‌ సెర్బియన్‌ స్టార్‌ నొవాక్‌ జొకోవిచ్‌ను ఓడించాడు. ఫిలిప్‌ చార్టియర్‌ కోర్టులో బుధవారం తెల్లవారుజామున నాలుగు గంటల 12 నిమిషాల పాటు జరిగిన క్వార్టర్‌ ఫైనల్లో జొకోవిచ్‌కు చుక్కలు చూపించిన నాదల్‌.. 6-2, 4-6, 6-2, 7-6 (7/4) తేడాతో అతడిపై విజయం సాధించాడు. తద్వారా ఫ్రెంచ్‌ ఓపెన్‌-2022 సెమీ ఫైనల్లో అడుగుపెట్టాడు. కాగా ఈ గ్రాండ్‌స్లామ్‌ టోర్నీలో నాదల్‌ సెమీస్‌ చేరడం ఇది 15వ సారి. ఈ నేపథ్యంలో వరల్డ్‌ నంబర్‌ 1 జొకోవిచ్‌పై విజయానంతరం నాదల్‌ మాట్లాడుతూ.. ‘‘ఎన్నెన్నో భావోద్వేగాలు నన్ను చుట్టుముట్టాయి. ఇక్కడ ఆడటం నిజంగా నాకు ఎప్పుడూ ప్రత్యేకమే. అతడి(జొకోవిచ్‌)తో పోటీ పడటం అతిపెద్ద సవాలు.. మనలోని అత్యుత్తమ ప్రతిభ కనబరిచినపుడు మాత్రమే అతడిని ఓడించే అవకాశం ఉంటుంది’’ అని ఉద్వేగానికి లోనయ్యాడు. ఇక నాదల్‌కు అభినందనలు తెలిపిన జొకోవిచ్‌.. తనొక గొప్ప చాంపియన్‌ అని, ఈ విజయానికి నాదల్‌ అర్హుడు అంటూ ప్రశంసలు కురిపించాడు.  కాగా శుక్రవారం జరుగనున్న సెమీస్‌లో మూడో సీడ్‌ అలెగ్జాండర్‌ జ్వెరెవ్‌(జర్మనీ)తో నాదల్‌ ఫైనల్‌ బెర్తు కోసం పోటీపడనున్నాడు. చదవండి: French Open: కోకో కేక.. తొలిసారి గ్రాండ్‌స్లామ్‌లో సెమీస్‌కు అర్హత 🎥 Check out the best moments of @RafaelNadal 's thrilling four-set win over No.1 Novak Djokovic with Highlights by @emirates#RolandGarros | #EmiratesFlyBetterMoments pic.twitter.com/3F2oFCSD00 — Roland-Garros (@rolandgarros) June 1, 2022 "He was a better player in important moments" No.1 @DjokerNole on his loss to @RafaelNadal #RolandGarros — Roland-Garros (@rolandgarros) June 1, 2022

పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీ పురుషుల సింగిల్స్‌ విభాగంలో డిఫెండింగ్‌ చాంపియన్‌ నొవాక్‌ జొకోవిచ్‌ (సెర్బియా), 13 సార్లు విజేత రాఫెల్‌ నాదల్‌ (స్పెయిన్‌) తమ జోరు కొనసాగిస్తూ ప్రిక్వార్టర్‌ ఫైనల్లోకి దూసుకెళ్లారు. శుక్రవారం జరిగిన మూడో రౌండ్‌ మ్యాచ్‌ల్లో టాప్‌ సీడ్‌ జొకోవిచ్‌ 6–3, 6–3, 6–2తో అల్జాజ్‌ బెడెన్‌ (స్లొవేనియా)పై నెగ్గగా... ఐదో సీడ్‌ నాదల్‌ 6–3, 6–2, 6–4తో వాన్‌ డె జాండ్‌షుల్ప్‌ (నెదర్లాండ్స్‌)పై గెలుపొందాడు. బెడెన్‌తో గంటా 44 నిమిషాలపాటు జరిగిన మ్యాచ్‌లో జొకోవిచ్‌ తొమ్మిది ఏస్‌లు సంధించడంతోపాటు ప్రత్యర్థి సర్వీస్‌ను ఐదుసార్లు బ్రేక్‌ చేశాడు. జాండ్‌షుల్ప్‌తో జరిగిన పోరులో నాదల్‌ ఆరుసార్లు ప్రత్యర్థి సర్వీస్‌ను బ్రేక్‌ చేశాడు. మరో మూడో రౌండ్‌ మ్యాచ్‌లో 15వ సీడ్‌ ష్వార్ట్‌జ్‌మన్‌ (అర్జెంటీనా) 6–3, 6–1, 6–2తో 18వ సీడ్‌ దిమిత్రోవ్‌ (బల్గేరియా)పై నెగ్గాడు. మహిళల సింగిల్స్‌లో 14వ సీడ్‌ బెలిండా బెన్‌చిచ్‌ (స్విట్జర్లాండ్‌), ప్రపంచ మాజీ నంబర్‌వన్‌ క్రీడాకారిణులు ఎంజెలిక్‌ కెర్బర్‌ (జర్మనీ), అజరెంకా (బెలారస్‌) పోరాటం ముగిసింది. మూడో రౌండ్‌లో బెన్‌చిచ్‌ 5–7, 6–3, 5–7తో 17వ సీడ్‌ లేలా ఫెర్నాండెజ్‌ (కెనడా) చేతిలో, కెర్బర్‌ 4–6, సాస్నోవిచ్‌ (బెలారస్‌) చేతిలో, అజరెంకా 6–4, 5–7, 6–7 (5/10)తో జిల్‌ టెక్‌మన్‌ (స్విట్జర్లాండ్‌) చేతిలో ఓడిపోయారు.

మాడ్రిడ్‌ ఓపెన్‌ మాస్టర్స్‌ సిరీస్‌–1000 టోర్నీ క్వార్టర్‌ ఫైనల్లో దిగ్గజ ఆటగాడు రాఫెల్‌ నాదల్‌ (స్పెయిన్‌)కు అనూహ్య పరాజయం ఎదురైంది. తన దేశానికే చెందిన, ‘భవిష్యత్‌ నాదల్‌’గా ఇప్పటికే గుర్తింపు తెచ్చుకున్న కార్లోస్‌ అల్‌కరాజ్‌ 6–2, 1–6, 6–3తో ఐదు సార్లు చాంపియన్‌ నాదల్‌ను ఓడించాడు. సొంతగడ్డపై జరిగిన ప్రతిష్టాత్మక పోరులో 2 గంటల 28 నిమిషాల పాటు ఇద్దరూ హోరాహోరీగా తలపడ్డారు. గురువారమే తన 19వ పుట్టిన రోజు జరుపుకున్న అల్‌కరాజ్‌... తన ఆరాధ్య ఆటగాడు నాదల్‌ను, అదీ అతడికి కోటలాంటి ‘క్లే కోర్టు’పై ఓడించడం విశేషం. గత ఏడాది ఇదే టోర్నీ రెండో రౌండ్‌లో నాదల్‌ చేతిలో పరాజయంపాలైన అల్‌కరాజ్‌ ఇప్పుడు అదే వేదికపై బదులు తీర్చుకున్నాడు. ఫలితంతో తానేమీ బాధపడటం లేదని... ఫ్రెంచ్‌ ఓపెన్‌కు మరో రెండున్నర వారాల సమయం ఉంది కాబట్టి తన ప్రణాళికలతో సిద్ధమవుతానని నాదల్‌ వ్యాఖ్యానించగా...తన కెరీర్‌లో ఇది అత్యుత్తమ క్షణంగా అల్‌కరాజ్‌ పేర్కొన్నాడు. చదవండి: Asian Games 2022: చైనాలో కరోనా తీవ్రత.. ఆసియా క్రీడలు వాయిదా!

మాడ్రిడ్‌: ఐదుసార్లు చాంపియన్‌ రాఫెల్‌ నాదల్‌ (స్పెయిన్‌) మాడ్రిడ్‌ ఓపెన్‌ మాస్టర్స్‌ సిరీస్‌–1000 టోర్నీలో క్వార్టర్‌ ఫైనల్లోకి దూసుకెళ్లాడు. క్వాలిఫయర్‌ డేవిడ్‌ గాఫిన్‌ (బెల్జియం)తో గురువారం జరిగిన మూడో రౌండ్‌లో నాదల్‌ 3 గంటల 9 నిమిషాల్లో 6–3, 5–7, 7–6 (11/9)తో గెలిచాడు. నిర్ణాయక మూడో సెట్‌ టైబ్రేక్‌లో నాదల్‌ నాలుగు మ్యాచ్‌ పాయింట్లను కాపాడుకోవడం గమనార్హం.  చదవండి: Deaflympics: డెఫ్లింపిక్స్‌లో గోల్డ్‌మెడల్‌ సాధించిన ధనుష్‌ శ్రీకాంత్‌

Rafael Nadal: పక్కటెముకల గాయం నుంచి స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఇంకా కోలుకోలేదు. దీంతో స్వదేశంలో ఈనెల 18 నుంచి జరిగే బార్సిలోనా ఓపెన్‌ టోర్నీకి అతడు దూరమయ్యాడు. కాగా బార్సిలోనా ఓపెన్‌లో రికార్డుస్థాయిలో 12 సార్లు విజేతగా నిలిచాడు నాదల్‌. ఇక వచ్చే నెలలో జరిగే ఫ్రెంచ్‌ ఓపెన్‌ గ్రాండ్‌స్లామ్‌ టోర్నీకల్లా నాదల్‌ కోలుకునే అవకాశముంది. 35 ఏళ్ల నాదల్‌ ఓవరాల్‌గా 21 గ్రాండ్‌స్లామ్‌ టైటిల్స్‌ గెలవగా అందులో ఫ్రెంచ్‌ ఓపెన్‌ టైటిల్సే 13 ఉన్నాయి. చదవండి: IPL 2022: మొదట్లో కష్టాలు... తర్వాత చుక్కలు...  సిక్సర్ల సునామీతో చెన్నై బోణీ

Taylor Fritz Upsets Rafael Nadal Clinch Title: ఏటీపీ మాస్టర్స్‌ 100 టోర్నీ ఇండియన్‌వెల్స్‌ టోర్నీలో అమెరికా యువ ఆటగాడు టేలర్‌ ఫ్రిట్జ్‌ విజేతగా నిలిచాడు. ఆదివారం 2 గంటల 6 నిమిషాల పాటు సాగిన ఫైనల్లో అతను 6–3, 7–6 (7/5)తో స్పెయిన్‌ దిగ్గజం రాఫెల్‌ నాదల్‌పై సంచలన విజయం సాధించాడు. 2001 (ఆండ్రీ అగస్సీ) తర్వాత సొంతగడ్డపై ఈ టైటిల్‌ గెలిచిన తొలి అమెరికా ఆటగాడిగా ఫ్రిట్జ్‌ నిలవగా... 2022లో 20 వరుస విజయాల నాదల్‌ జోరుకు బ్రేక్‌ పడింది. ఇక విజేత 24 ఏళ్ల టేలర్‌ ఫ్రిట్జ్‌ మాట్లాడుతూ.. ఇప్పటికీ తాను గెలిచానంటే నమ్మకం కలగడం లేదని, ఇంకా షాక్‌లోనే ఉన్నానంటూ ఆనందంతో ఉబ్బితబ్బిబ్బయ్యాడు. Just. incredible. 🤯@Taylor_Fritz97 | @BNPPARIBASOPEN | #IndianWells pic.twitter.com/UaACu8HvJ8 — ATP Tour (@atptour) March 20, 2022

స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఈ ఏడాది వరుసగా 19వ విజయం నమోదు చేశాడు. ఇండియన్‌ వెల్స్‌ ఓపెన్‌ మాస్టర్స్‌ సిరీస్‌ టోర్నీలో నాదల్‌ సెమీఫైనల్లోకి దూసుకెళ్లాడు. క్వార్టర్‌ ఫైనల్లో నాదల్‌ 7–6 (7/0), 5–7, 6–4తో కిరియోస్‌ (ఆస్ట్రేలియా)పై నెగ్గాడు. ఈ సీజన్‌లో మెల్‌బోర్న్‌ ఓపెన్, ఆస్ట్రేలియన్‌ ఓపెన్, మెక్సికో ఓపెన్‌ టైటిల్స్‌ నెగ్గిన నాదల్‌ నాలుగో టైటిల్‌కు రెండు విజయాల దూరంలో ఉన్నాడు. 

ఆస్ట్రేలియా స్టార్‌ టెన్నిస్‌ ప్లేయర్‌ నిక్‌ కిర్గియోస్‌ సహనం కోల్పోయాడు. ఇండియన్‌ వెల్స్‌ టెన్నిస్‌ టోర్నీలో భాగంగా రఫెల్‌ నాదల్‌తో జరిగిన క్వార్టర్‌ ఫైనల్‌ మ్యాచ్‌లో 7-6(0), 5-7, 6-4తో కిర్గియోస్‌ ఓటమి పాలయ్యాడు. మ్యాచ్‌ ముగియడంతో ఆటగాళ్లిద్దరు షేక్‌ హ్యాండ్‌ ఇచ్చకున్నారు. ఆ తర్వాత కోర్టు అంపైర్‌కు కూడా షేక్‌ హ్యాండ్‌ ఇచ్చారు. ఇక్కడివరకు బాగానే ఉంది. అసలు కథ మొదలైంది ఇక్కడే. నాదల్‌ చేతిలో ఓటమిని తట్టుకోలేకపోయాడేమో..  కిర్గియోస్‌ ఒక్కసారిగా సహనం కోల్పోయాడు. తన చేతిలో ఉ‍న్న రాకెట్‌ను బలంగా నేలకేసి కొట్టడంతో అది కాస్తా పల్టీలు కొట్టుకుంటూ బాల్‌ బాయ్‌ వైపు వెళ్లింది. అయితే బాల్‌బాయ్‌ చాకచక్యంగా వ్యవహరించిన పక్కకు తప్పుకోవడంతో స్వల్ప గాయాలతో బయటపడ్డాడు. దీంతో షాక్‌ తిన్న అభిమానులు కిర్గియోస్‌ వైఖరిని తప్పుబట్టారు.  ''నాదల్‌ చేతిలో ఓడినంత మాత్రానా సహనం కోల్పోవాలా.. అయినా రాకెట్‌ను అలా నేలకేసి కొట్టడం ఏంటి.. కాస్తైనా బుద్దుందా.. బాల్‌బాయ్‌ తగిలిని గాయాలు సీరియస్‌ అయితే పరిస్థితి ఏంటని'' ఆగ్రహం వ్యక్తం చేశారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. కాసేపటికి విషయం తెలుసుకున్న కిర్గియోస్‌ ఇన్‌స్టాగ్రామ్‌ వేదికగా బాల్‌బాయ్‌కు క్షమాపణ చెప్పుకున్నాడు.  ''ఏదో మ్యాచ్‌ ఓడిపోయాడననే కోపంలో అలా చేశాను. కావాలని మాత్రం చేయలేదు. నేను నేలకేసి కొట్టిన రాకెట్‌ యాక్సిడెంటల్‌గా వెళ్లి బాల్‌బాయ్‌కి తగిలింది. అతనికి తగలడం నాకు బాధ కలిగించింది. ఆ బాల్‌ బాయ్‌ గురించి ఎవరైనా తెలిస్తే చెప్పండి. వెంటనే అతనికి ఒక టెన్నిస్‌ రాకెట్‌ను గిఫ్ట్‌గా అందిస్తా. ఆ అబ్బాయి బాగుండాలని కోరుకుంటున్నా'' అంటూ రాసుకొచ్చాడు.  గతంలోనూ ఇలాంటి సంఘటనలు చాలానే జరిగాయి. ఇటీవలే జర్మనీకి చెందిన 24 ఏళ్ల టెన్నిస్‌ స్టార్‌ అలెగ్జాండర్‌ జ్వెరెవ్‌ కోర్టు అంపైర్‌పై అసహనం వ్యక్తం చేస్తూ అతన్ని కొట్టినంత పని చేయడం ఎవరు మరిచిపోలేదు. ఈ విషయంలో జ్వెరెవ్‌ క్షమాపణ కోరడంతో సస్పెన్షన్‌ నిలిపివేశారు. అంతకముందు సెర్బియా టెన్నిస్‌స్టార్‌ నొవాక్‌ జొకోవిచ్‌.. స్విస్‌ టెన్నిస్‌ దిగ్గజం రోజర్‌ ఫెదరర్‌ చాలా సందర్భాల్లో తమ అసహనాన్ని వ్యక్తం చేసి ఇతరులకు ఇబ్బంది కలిగించారు. దీంతో ఇప్పటికైనా కోర్టులో ఉన్నంతసేపు ఆటగాళ్లు తమ భావోద్వేగాలను అణిచిపెట్టుకునేలా రూల్స్‌ సవరించాలని.. మరోసారి ఏ ఆటగాడు కోర్టు ఆవరణలో సహనం కోల్పోకుండా ఉండాలంటే.. మ్యాచ్‌ల నిషేధం లేదా భారీ జరిమానా విధించడం చేస్తే కరెక్ట్‌ అని చాలా మంది అభిప్రాయపడుతున్నారు.  చదవండి: Avesh Khan- Venkatesh Iyer: అయ్యర్‌తో కలిసి స్టెప్పులు ఇరగదీసిన ఆవేశ్‌ ఖాన్.. వీడియో PAK vs AUS: 24 ఏళ్ల క్రితం రాళ్లు రువ్వారు.. కట్‌చేస్తే 19 and counting 👏@RafaelNadal remains unbeaten this year and defeats Kyrgios to reach his 76th Masters 1000 semi-final of his career!#IndianWells pic.twitter.com/GelYj9S44L — Tennis TV (@TennisTV) March 18, 2022 Nick Kyrgios’ temper tantrums creating a dangerous environment for everyone involved. barely two weeks after Alexander Zverev whacked his racket against the umpire’s chair. and this is supposed to be a “poised” sport? pic.twitter.com/422PnfesE3 — m⁴⁷ FRAUDIAN WELLS (@tsitschurrow) March 18, 2022

ఈ ఏడాది తన జైత్రయాత్ర కొనసాగిస్తూ స్పెయిన్‌ టెన్నిస్‌ స్టార్‌ రాఫెల్‌ నాదల్‌ వరుసగా 14వ విజయం నమోదు చేశాడు. అకాపుల్కోలో జరుగుతున్న మెక్సికో ఓపెన్‌లో నాదల్‌ ఫైనల్లోకి దూసుకెళ్లాడు. శనివారం జరిగిన పురుషుల సింగిల్స్‌ సెమీఫైనల్లో నాదల్‌ 6–3, 6–3తో టాప్‌ సీడ్, కాబోయే కొత్త ప్రపంచ నంబర్‌వన్‌ మెద్వెదెవ్‌ (రష్యా)పై గెలిచాడు. నేడు జరిగే ఫైనల్లో నోరీ (బ్రిటన్‌)తో నాదల్‌ తలపడతాడు.

Rafael Nadal Comments: - మలోర్కా (స్పెయిన్‌): పురుషుల టెన్నిస్‌లో అత్యధిక గ్రాండ్‌స్లామ్‌ టైటిల్స్‌ (21) గెలిచి శిఖరాన ఉన్న రాఫెల్‌ నాదల్‌ మరిన్ని మెగా టోర్నీలు గెలవాలని భావిస్తున్నాడు. ఇప్పటివరకు సాధించిన ఘనతతో ఆగిపోనని... అయితే అందు కోసం దేనికైనా సిద్ధమే అన్నట్లుగా వెంటపడనని కూడా నాదల్‌ వ్యాఖ్యానించాడు. ఆస్ట్రేలియన్‌ ఓపెన్‌లో విజేతగా నిలిచిన అనంతరం తన స్వస్థలం చేరుకొని సొంత అకాడమీలో నాదల్‌ మీడియాతో మాట్లాడాడు. ‘నేను భవిష్యత్తులో ఎన్ని గ్రాండ్‌స్లామ్‌ టైటిల్స్‌ గెలుస్తాననేది చెప్పలేను. కొన్నాళ్ల క్రితం వరకు కూడా గెలుపు సంగతేమో కానీ ఆడగలిగితే చాలని భావించాను. మిగతా ఇద్దరికంటే నేను ఎక్కువ గ్రాండ్‌స్లామ్‌లు సాధించాలని కోరుకుంటున్నాను. అలా జరిగితే చాలా సంతోషం. కానీ ఎలాగైనా గెలవాలనే పిచ్చి మాత్రం నాకు లేదు. నిజంగా ఇది నిజం. నా దారిలో వచ్చేవాటిని అందుకుంటూ పోవడమే తప్ప అత్యాశ కూడా పడటం లేదు. అయితే నిజాయితీగా చెప్పాలంటే ఇప్పుడైతే ‘21’ మాత్రం సరిపోదు. అయితే భవిష్యత్తులో ఏం జరుగుతుందో ఎవరూ చెప్పలేరు’ అని ఈ దిగ్గజ ఆటగాడు అన్నాడు. ఇక సుదీర్ఘ కాలంగా కాలి నొప్పితో బాధపడుతున్నా అలాగే ఆటను కొనసాగించానని అతను పేర్కొన్నాడు. ‘ఆడుతున్నప్పుడు నా పాదం ఇప్పటికీ నన్ను ఇబ్బంది పెడుతుంది. అయితే అత్యుత్తమ స్థాయి ఆట ఆడేటప్పుడు దానిని పట్టించుకోలేదు. తాజా విజయంతో నాలో ఆత్మవిశ్వాసం పెరిగింది. అందుకే ఇక ముందూ టెన్నిస్‌ను బాగా ఆస్వాదించగలను. సాధ్యమైనన్ని ఎక్కువ సార్లు ప్రపంచ అత్యుత్తమ ఆటగాళ్లతో తలపడాలని కోరుకుంటున్నా’ అని స్పెయిల్‌ బుల్‌ స్పష్టం చేశాడు.   నాదల్‌–ఫెడరర్‌ కలిసి...  దిగ్గజ ఆటగాళ్లు నాదల్, రోజర్‌ ఫెడరర్‌ మరో సారి ఒకే జట్టులో కలిసి ఆడనున్నారు. సెప్టెంబర్‌ 23నుంచి జరిగే ‘లేవర్‌ కప్‌’ టోర్నీలో వీరిద్దరు టీమ్‌ యూరోప్‌కు ప్రాతినిధ్యం వహిస్తారని నిర్వాహకులు వెల్లడించారు. 2017లో ఇదే టోర్నీలో వీరిద్దరు జోడీగా ఆడి డబుల్స్‌ మ్యాచ్‌ గెలిచారు.     చదవండి: Novak Djokovic: నాదల్‌ 21వ గ్రాండ్‌స్లామ్‌.. జొకోవిచ్‌ దిగిరానున్నాడా! Another chapter is written 🏆@RafaelNadal defeats Daniil Medvedev 2-6 6-7(5) 6-4 6-4 7-5 to win his second #AusOpen title in an epic lasting five hours and 24 minutes. ⁰ 🎥: @wwos • @espn • @eurosport • @wowowtennis #AO2022 pic.twitter.com/OlMvhlGe6r — #AusOpen (@AustralianOpen) January 30, 2022

సెర్బియా టెన్నిస్‌ స్టార్‌ నొవాక్‌ జొకోవిచ్‌ కరోనా వ్యాక్సిన్‌ విషయంలో ఎంత మొండిగా వ్యవహరించాడో ప్రత్యేకంగా చెప్పనవసరం లేదు. ఇటీవలే ముగిసిన ఆస్ట్రేలియన్‌ ఓపెన్‌కు జొకోవిచ్‌ వ్యాక్సిన్‌ వేసుకోకుండానే ఆస్ట్రేలియా గడ్డపై అడుగుపెట్టాడు. అయితే కరోనా వ్యాక్సిన్‌ వేసుకుంటేనే ఆస్ట్రేలియన్‌ ఓపెన్‌ ఆడేందుకు అనుమతిస్తామని ఆ దేశ ప్రభుత్వం ఆంక్షలు విధించింది. ఈ విషయంలో జోకో విభేదించడం వివాదాస్పదంగా మారింది. ఆస్ట్రేలియా ప్రభుత్వానికి, జొకోవిచ్‌ మధ్య మొదలైన వివాదం కోర్టును కూడా తాకింది. అయితే కోర్టులోనూ జొకోవిచ్‌కు చుక్కెదురవడం.. ఆ తర్వాత ఆస్ట్రేలియా ప్రభుత్వం జొకోవిచ్‌ను మూడేళ్ల పాటు ఆస్ట్రేలియన్‌ ఓపెన్‌ గ్రాండ్‌స్లామ్‌ ఆడకుండా నిషేధించడం సంచలనంగా మారింది. అలా గ్రాండ్‌స్లామ్‌ ఆడకుండానే వివాదాస్పద రీతిలో జొకోవిచ్‌ వెనుదిరిగాడు. చదవండి: చరిత్ర సృష్టించిన నాదల్‌.. హోరాహోరి పోరులో మెద్వెదెవ్‌పై సంచలన విజయం ఇదంతా గతం.. ఎట్టకేలకు కరోనా వ్యాక్సిన్‌ విషయంలో సెర్బియా స్టార్‌ దిగిరానున్నాడని సమాచారం. వ్యాక్సిన్‌ వేయించుకోవడానికి జొకోవిచ్‌ ఒప్పుకున్నట్లు.. అతని జీవిత కథ రాస్తున్న డానియెల్‌ ముక్స్‌ ఒక ప్రకటన చేయడం ఆసక్తి కలిగించింది.''జొకోవిచ్‌ ఉ‍న్నపళంగా వ్యాక్సిన్‌ వేసుకోవడానికి కారణం.. రఫెల్‌ నాదల్‌'' అని చెప్పుకొచ్చాడు. ఆస్ట్రేలియన్‌ ఓపెన్‌ గ్రాండ్‌స్లామ్‌ను నాదల్‌ గెలవడం ద్వారా తన ఖాతాలో 21వ గ్రాండ్‌స్లామ్‌ను వేసుకున్నాడు. ప్రస్తుతం నాదల్‌ పురుషుల సింగిల్స్‌ విభాగంలో అత్యధిక గ్రాండ్‌స్లామ్‌ టైటిల్స్‌ నెగ్గిన ఆటగాడిగా ఉ‍న్నాడు. దీంతో నాదల్‌ రికార్డును బ్రేక్‌ చేయాలనే ఉద్దేశంతో జొకోవిచ్‌ వ్యాక్సిన్‌ వేసుకోవాలనే నిర్ణయానికి వచ్చాడు. ప్రస్తుతం ఉన్న ఆటగాళ్లలో నాదల్‌ రికార్డును బ్రేక్‌ చేయగల సత్తా ఇద్దరికి మాత్రమే ఉంది. ఒకరు రోజర్‌ ఫెదరర్‌.. మరొకరు జొకోవిచ్‌. గాయాల కారణంగా టెన్నిస్‌కు దూరంగా ఉన్న ఫెదరర్‌ సాధిస్తాడన్న నమ్మకం లేదు. అయితే ఫామ్‌ పరంగా చూస్తే జొకోవిచ్‌కు మాత్రం సాధ్యమవుతుంది. జొకోవిచ్‌ 20 గ్రాండ్‌స్లామ్‌ టైటిళ్లతో ఫెదరర్‌తో కలిసి సంయుక్తంగా ఉన్నాడు. చదవండి: Novak Djokovic: పోతూ పోతూ నష్టం మిగిల్చాడు.. కట్టేది ఎవరు? జొకోవిచ్‌ వ్యాక్సిన్‌ విషయంలో వెనక్కు తగ్గడానికి నాదల్‌ రికార్డును బ్రేక్‌ చేయాలన్న కారణం మాత్రమే కాదు. దీనివెనుక మరొకటి కూడా ఉంది. ఇకపై టెన్నిస్‌లో ఏ టోర్నమెంట్‌ అయినా ఆటగాళ్లకు వ్యాక్సిన్‌ తప్పనిసరి అని అంతర్జాతీయ టెన్నిస్‌ సమాఖ్య స్పష్టం చేసింది. రానున్న వింబుల్డన్‌, యూఎస్‌ ఓపెన్‌, ఫ్రెంచ్‌ ఓపెన్‌లోనూ వ్యాక్సిన్‌ తీసుకున్న ఆటగాళ్లనే అనుమతి ఇస్తామని పేర్కొన్నాయి. దీంతో జొకోవిచ్‌ దెబ్బకు దిగిరానున్నాడు. ఒకవేళ ఇప్పటికీ వ్యాక్సిన్‌ తీసుకోకుంటే మాత్రం తనను తానే నష్టపరుచుకున్నట్లు అవుతుందని.. అత్యధిక గ్రాండ్‌స్లామ్‌ కల నెరవేరదనే ఉద్దేశంతోనే జొకోవిచ్‌ వ్యాక్సిన్‌ తీసుకోవాలనే నిర్ణయానికి వచ్చాడు.  చదవండి: Novak Djokovic: కోవిడ్‌కు విరుగుడు కనిపెట్టే పనిలో జకోవిచ్‌..! Another chapter is written 🏆@RafaelNadal defeats Daniil Medvedev 2-6 6-7(5) 6-4 6-4 7-5 to win his second #AusOpen title in an epic lasting five hours and 24 minutes. ⁰ 🎥: @wwos • @espn • @eurosport • @wowowtennis #AO2022 pic.twitter.com/OlMvhlGe6r — #AusOpen (@AustralianOpen) January 30, 2022

టెన్నిస్‌ క్రీడలో దిగ్గజాలుగా పేరుపొందిన రోజర్‌ ఫెదరర్‌, రఫేల్‌ నాదల్‌.. ఆటలో మాత్రమే శత్రువులు.. బయట మాత్రం మంచి మిత్రులు. ఈ ఇద్దరి మధ్య మ్యాచ్‌ జరుగుతుంటే ఎంత రసవత్తరంగా ఉంటుందో ప్రత్యేకంగా చెప్పనవసరం లేదు. ఒక దశాబ్దంలో వీరి ఆటను చూసి చాలా మంది టెన్నిస్‌కు అభిమానులుగా మారిపోయారు. టెన్నిస్‌ కోర్టులో కొదమ సింహాల్లా తలపడే ఈ ఇద్దరు కలిసి ఆడనున్నారు. వచ్చే సెప్టెంబర్‌లో లండన్‌ వేదికగా జరగనున్న లావెర్‌ కప్‌లో టీమ్‌ యూరోప్‌ తరపున ఫెదరర్‌, నాదల్‌లు ఒకే టీమ్‌కు ఆడనున్నారు.  సెప్టెంబర్‌ 23-25 మధ్య జరగనున్న లావెర్‌ కప్‌లో టీమ్‌ వరల్ఢ్‌తో నాదల్‌, ఫెదరర్‌ ఆడనున్నారు. గాయాలతో ఇటీవలే దూరంగా ఉన్న ఫెదరర్‌.. ఆస్ట్రేలియన్‌ ఓపెన్‌ నెగ్గి ఫుల్‌ జోష్‌లో ఉన్న నాదల్‌ కలిసి ఆడే రోజు కోసం చాలా మంది ఎదురుచూస్తున్నారు.  చదవండి: Rafel Nadal: అప్పుడు జొకోవిచ్‌తో.. ఇప్పుడు మెద్వెదెవ్‌తో ఇటీవలే ఆస్ట్రేలియన్‌ ఓపెన్‌ గెలిచిన నాదల్‌.. కెరీర్‌లో 21వ గ్రాండ్‌స్లామ్‌ను కొల్లగొట్టాడు. తద్వారా టెన్నిస్‌ ఓపెన్‌ శకంలో పురుషుల విభాగంలో అత్యధిక గ్రాండ్‌స్లామ్‌ టైటిల్స్‌ గెలిచిన తొలి ఆటగాడిగా నాదల్‌ రికార్డులకెక్కాడు. ఇక నొవాక్‌ జొకోవిచ్‌, రోజర్‌ ఫెదరర్‌లు 20 గ్రాండ్‌స్లామ్‌ టైటిళ్లతో రెండో స్థానంలో ఉన్నారు. ఇక నాదల్‌..'' తనకు 21 గ్రాండ్‌స్లామ్‌లు సరిపోవని.. నిజాయితీగా చెప్పాలంటే నా శక్తి ఉన్నంత కాలం టెన్నిస్‌ ఆడాలనుకుంటున్నా.. ఆలోపు మరిన్ని గ్రాండ్‌స్లామ్‌ టైటిల్స్‌ గెలవాలని కోరుకుంటున్నా'' అంటూ ఆస్ట్రేలియన్‌ ఓపెన్‌ గెలిచిన అనంతరం ఇంటర్య్వూలో పేర్కొన్నాడు. చదవండి: Rafael Nadal: రెండు నెలల క్రితం రిటైర్మెంట్‌ ఆలోచన.. కట్‌చేస్తే

Australia Open 2022- Rafael Nadal Emotional Words: అద్భుతం... అసమానం... అసాధారణం... చిరస్మరణీయం... ఆస్ట్రేలియన్‌ ఓపెన్‌ పురుషుల సింగిల్స్‌ టైటిల్‌ కోసం రాఫెల్‌ నాదల్, డానిల్‌ మెద్వెదెవ్‌ పోరాడిన తీరును ఎన్ని విశేషణాలతో ప్రశంసించినా తక్కువే అవుతుంది. ఒకటా.. రెండా... మూడా... ఏకంగా 5 గంటల 24 నిమిషాలపాటు ఇద్దరూ కొదమ సింహాల్లా పోరాడారు. చివరకు 63 గ్రాండ్‌స్లామ్‌ టోర్నీలు ఆడిన అపార అనుభవంతో రాఫెల్‌ నాదల్‌ పైచేయి సాధించాడు. రెండోసారి ఆస్ట్రేలియన్‌ ఓపెన్‌ చాంపియన్‌గా నిలవడంతోపాటు పురుషుల టెన్నిస్‌ చరిత్రలో అత్యధికంగా 21 గ్రాండ్‌స్లామ్‌ సింగిల్స్‌ టైటిల్స్‌ గెలిచిన ప్లేయర్‌గా కొత్త చరిత్రను లిఖించాడు. ఈ టోర్నీకి ముందు ‘దిగ్గజ త్రయం’ నాదల్, ఫెడరర్, జొకోవిచ్‌ 20 గ్రాండ్‌స్లామ్‌ టైటిల్స్‌తో సమఉజ్జీగా ఉన్నారు. తాజా విజయంతో ఫెడరర్, జొకోవిచ్‌లను వెనక్కి నెట్టి 35 ఏళ్ల నాదల్‌ ముందుకొచ్చాడు. సమీప భవిష్యత్‌లో నాదల్‌ను అధిగమించే అవకాశం కేవలం 34 ఏళ్ల జొకోవిచ్‌కు మాత్రమే ఉంది. గాయాలతో సతమతమవుతున్న 40 ఏళ్ల ఫెడరర్‌ కెరీర్‌ ముగింపు దశకు చేరుకుంది. మెల్‌బోర్న్‌: వరుసగా రెండు సెట్‌లు చేజార్చుకొని ఇక ఓటమి తప్పదేమో అనుకుంటున్న తరుణంలో స్పెయిన్‌ స్టార్‌ రాఫెల్‌ నాదల్‌ నేలకు కొట్టిన టెన్నిస్‌ బంతిలా ఒక్కసారిగా పైకి లేచాడు. అంతర్జాతీయ టెన్నిస్‌లో తనకున్న 21 ఏళ్ల అనుభవాన్నంతా రంగరించి పోరాడాడు. ఒక్కో పాయింట్‌ గెలుస్తూ ఆత్మవిశ్వాసాన్ని ప్రోది చేసుకున్నాడు. ప్రత్యర్థిని ఒత్తిడిలోకి నెట్టాడు. వెరసి రెండోసారి ఆస్ట్రేలియన్‌ ఓపెన్‌ గ్రాండ్‌స్లామ్‌ చాంపియన్‌గా నిలిచాడు. తన కెరీర్‌లో 21వ గ్రాండ్‌స్లామ్‌ టైటిల్‌ను గెల్చుకున్నాడు. తద్వారా పురుషుల టెన్నిస్‌ చరిత్రలో అత్యధిక గ్రాండ్‌స్లామ్‌ టైటిల్స్‌ నెగ్గిన క్రీడాకారిడిగా ఆవిర్భవించాడు. ఆదివారం రాడ్‌ లేవర్‌ ఎరీనాలో 5 గంటల 24 నిమిషాలపాటు జరిగిన పురుషుల సింగిల్స్‌ ఫైనల్లో ఆరో సీడ్‌ రాఫెల్‌ నాదల్‌ 2–6, 6–7 (5/7), 6–4, 6–4, 7–5తో రెండో సీడ్‌ మెద్వెదెవ్‌ (రష్యా)పై అద్భుత విజయం సాధించాడు. నాదల్‌కు 28 లక్షల 75 వేల ఆస్ట్రేలియన్‌ డాలర్లు (రూ. 15 కోట్ల 9 లక్షలు)... రన్నరప్‌ మెద్వెదెవ్‌కు 15 లక్షల 75 వేల ఆస్ట్రేలియన్‌ డాలర్లు (రూ. 8 కోట్ల 26 లక్షలు) ప్రైజ్‌మనీగా లభించాయి.  తొలి రెండు సెట్‌లు కోల్పోయినా...  గత ఏడాది ఈ టోర్నీ ఫైనల్లో జొకోవిచ్‌ చేతిలో ఓడిన మెద్వెదెవ్‌ ఈసారి మాత్రం నాదల్‌పై శుభారంభం చేశాడు. తొలి సెట్‌ను, రెండో సెట్‌ను సొంతం చేసుకొని విజయానికి ఒక సెట్‌ దూరంలో నిలిచాడు. రెండు సెట్‌లు వెనుకబడ్డా నాదల్‌ మాత్రం తన పోరాటాన్ని ఆపలేదు. తన అపార అనుభవాన్ని రంగరించి పాయింట్‌ పాయింట్‌ కోసం పోరాడాడు. ముఖ్యంగా నాదల్‌ కొట్టిన కొన్ని బ్యాక్‌హ్యాండ్‌ షాట్‌లకు మెద్వెదెవ్‌ వద్ద సమాధానం లేకపోయింది. పాయింట్ల కోసం ఎన్నోసార్లు సుదీర్ఘ ర్యాలీలు సాగాయి. కొన్నిసార్లు నాదల్, మరికొన్నిసార్లు మెద్వెదెవ్‌ పైచేయి సాధించారు. మూడో సెట్‌లోని తొమ్మిదో గేమ్‌లో మెద్వెదెవ్‌ సర్వీస్‌ను బ్రేక్‌ చేసిన నాదల్‌ పదో గేమ్‌లో తన సర్వీస్‌ను కాపాడుకొని సెట్‌ను గెలిచాడు. నాలుగో సెట్‌లో మూడో గేమ్‌లో మెద్వెదెవ్‌ సర్వీస్‌ను బ్రేక్‌ చేసినా వెంటనే నాలుగో గేమ్‌లో నాదల్‌ తన సర్వీస్‌ను కోల్పోయాడు. తర్వాత ఐదో గేమ్‌లో మెద్వెదెవ్‌ సర్వీస్‌ను మళ్లీ బ్రేక్‌ చేసిన నాదల్‌ అదే జోరులో నాలుగో సెట్‌ను సొంతం చేసుకున్నాడు. ఇక నిర్ణాయక ఐదో సెట్‌లోని ఐదో గేమ్‌లో మెద్వెదెవ్‌ సర్వీస్‌ను బ్రేక్‌ చేసిన అదే దూకుడు కొనసాగించి 5–4తో ఆధిక్యంలోకి వెళ్లాడు. ఈ దశలో పదో గేమ్‌లో నాదల్‌ సర్వీస్‌ను బ్రేక్‌ చేసిన మెద్వెదెవ్‌ స్కోరును 5–5తో సమం చేశాడు. అయితే 11వ గేమ్‌లో మెద్వెదెవ్‌ సర్వీస్‌ను మళ్లీ బ్రేక్‌ చేసిన నాదల్‌ 12వ గేమ్‌లో తన సర్వీస్‌ను నిలబెట్టుకొని విజయం ఖరారు చేసుకున్నాడు. ‘గ్రాండ్‌’ ఆధిక్యం చేతులు మారిన వేళ... ►2022 ఆస్ట్రేలియన్‌ ఓపెన్‌: 20 గ్రాండ్‌స్లామ్‌ టైటిల్స్‌తో జొకోవిచ్, ఫెడరర్‌లతో కలిసి సంయుక్తంగా అగ్రస్థానంలో నిలిచిన నాదల్‌ 21వ ‘గ్రాండ్‌’ టైటిల్‌తో ఒంటరిగా ఆధిక్యంలోకి వచ్చాడు.  ►2009 వింబుల్డన్‌: 14 గ్రాండ్‌స్లామ్‌ టైటిల్స్‌తో పీట్‌ సంప్రాస్‌ పేరిట ఉన్న రికార్డును అధిగమిస్తూ ఫెడరర్‌ 15వ గ్రాండ్‌స్లామ్‌ టైటిల్స్‌తో ఆధిక్యంలోకి వచ్చాడు.  ►2000 వింబుల్డన్‌: 12 గ్రాండ్‌స్లామ్‌ టైటిల్స్‌తో రాయ్‌ ఎమర్సన్‌ పేరిట ఉన్న రికార్డును సవరిస్తూ సంప్రాస్‌ 13వ గ్రాండ్‌స్లామ్‌ టైటిల్‌తో ఆధిక్యంలోకి వచ్చాడు. అత్యధిక గ్రాండ్‌స్లామ్‌ టైటిల్స్‌ వీరులు (కనీసం 10)  ►రాఫెల్‌ నాదల్‌-    (స్పెయిన్‌)    21  ►జొకోవిచ్‌-    (సెర్బియా)    20  ►ఫెడరర్‌-    (స్విట్జర్లాండ్‌)    20  ►పీట్‌ సంప్రాస్‌-    (అమెరికా)    14 ►రాయ్‌ ఎమర్సన్‌-    (ఆస్ట్రేలియా)    12 ►జాన్‌ బోర్గ్‌  -  (స్వీడన్‌)    11 ►రాడ్‌ లేవర్‌-    (ఆస్ట్రేలియా)    11 ►బిల్‌ టిల్డెన్‌  -  (అమెరికా)    10 ఫైనల్‌ గణాంకాలు... నాదల్‌-    మెద్వెదెవ్‌ 3    ఏస్‌లు    23 5    డబుల్‌ ఫాల్ట్‌లు    5  7/23    బ్రేక్‌ పాయింట్లు    6/22 30/50    నెట్‌ పాయింట్లు    28/50  69    విన్నర్స్‌    76  68    అనవసర తప్పిదాలు    52  182    మొత్తం పాయింట్లు    189 నాదల్‌ భావోద్వేగం.. నిస్సందేహంగా నా టెన్నిస్‌ కెరీర్‌లో అత్యంత భావోద్వేగ మ్యాచ్‌ ఇది. నిజాయతీగా చెప్పాలంటే నెలన్నర రోజుల క్రితం అసలు టెన్నిస్‌ రాకెట్‌ పట్టుకొని మళ్లీ కోర్టులో అడుగు పెడతానో లేదోననే సందిగ్ధావస్థలో ఉన్నాను. ఇప్పుడు ఆస్ట్రేలియన్‌ ఓపెన్‌ విన్నర్స్‌ ట్రోఫీతో మీ ముందు ఉన్నాను. నాలో ఇంకా గ్రాండ్‌స్లామ్‌ టైటిల్స్‌ గెలిచే శక్తి ఉందని తెలిసింది. తప్పకుండా వచ్చే ఏడాది కూడా ఈ టోర్నీలో ఆడతాను. మెద్వెదెవ్‌ అసాధారణంగా పోరాడాడు. భవిష్యత్‌లో కచ్చితంగా అతడిని కూడా ఆస్ట్రేలియన్‌ ఓపెన్‌ చాంపియన్‌గా చూస్తాం. ఆస్ట్రేలియాలో గత మూడు వారాలుగా నాకు లభించిన ఆదరణ, ఆప్యాయత జీవితాంతం నా హృదయంలో ఉండిపోతుంది.  –రాఫెల్‌ నాదల్‌ అద్భుత రికార్డులు: టెన్నిస్‌లో ఓపెన్‌ శకం (1968 నుంచి) మొదలయ్యాక ఆస్ట్రేలియన్‌ ఓపెన్‌ ఫైనల్లో తొలి రెండు సెట్‌లు కోల్పోయాక కూడా విజేతగా నిలిచిన తొలి ప్లేయర్‌ నాదల్‌.  గ్రాండ్‌స్లామ్‌ టోర్నీలలో సుదీర్ఘంగా సాగిన రెండో ఫైనల్‌గా నాదల్, మెద్వెదెవ్‌ మ్యాచ్‌ నిలిచింది. జొకోవిచ్, నాదల్‌ మధ్య 2012 ఆస్ట్రేలియన్‌ ఓపెన్‌లో జరిగిన మ్యాచ్‌ (5 గంటల 53 నిమిషాలు) సుదీర్ఘంగా జరిగిన గ్రాండ్‌స్లామ్‌ ఫైనల్‌గా గుర్తింపు పొందింది.   టెన్నిస్‌లోని నాలుగు గ్రాండ్‌స్లామ్‌ టోర్నీలను కనీసం రెండుసార్లు చొప్పున గెలిచిన నాలుగో ప్లేయర్‌ నాదల్‌. ఈ జాబితాలో జొకోవిచ్‌ (సెర్బియా), రాయ్‌ ఎమర్సన్‌ (ఆస్ట్రేలియా), రాడ్‌ లేవర్‌ (ఆస్ట్రేలియా) కూడా ఉన్నారు.  తన కెరీర్‌ మొత్తంలో మ్యాచ్‌లో తొలి రెండు సెట్‌లు చేజార్చుకొని ఆ తర్వాత వరుసగా మూడు సెట్‌లు గెలిచి విజేతగా నిలువడం నాదల్‌కిది నాలుగోసారి మాత్రమే. గతంలో నాదల్‌ 2007 వింబుల్డన్‌ ప్రిక్వార్టర్‌ ఫైనల్లో మిఖాయిల్‌ యూజ్నీ (రష్యా)పై... 2006 వింబుల్డన్‌ రెండో రౌండ్‌లో రాబర్ట్‌ కెండ్రిక్‌ (అమెరికా)పై... 2005 మాడ్రిడ్‌ ఓపెన్‌లో లుబిసిచ్‌ (క్రొయేషియా)పై ఇలా గెలిచాడు. నాదల్‌ 21 గ్రాండ్‌స్లామ్‌ టైటిల్స్‌ ►ఆస్ట్రేలియన్‌ ఓపెన్‌- 2009, 2022 ►ఫ్రెంచ్‌ ఓపెన్‌- 2005, 2006, 2007, 2008, 2010, 2011, 2012, 2013, 2014, 2017, 2018, 2019, 2020 ►వింబుల్డన్‌- 2008, 2010 ►యూఎస్‌ ఓపెన్‌- 2010, 2013,  2017, 2019 ప్రశంసల జల్లు: ‘ఆహా ఏమి మ్యాచ్‌ ఆడావు. 21వ గ్రాండ్‌స్లామ్‌ టైటిల్‌ సాధించిన నా మిత్రుడు, గొప్ప ప్రత్యర్థి నాదల్‌కు హృదయపూర్వక అభినందనలు. చాంపియన్స్‌ను ఎప్పుడూ తక్కువ అంచనా వేయొద్దు.’ –ఫెడరర్‌ ‘అద్భుతమైన ఘనత. నాదల్‌ మరోసారి నీ అసమాన పోరాటంతో ఆకట్టుకున్నావు.’–జొకోవిచ్‌  

Rafael Nadal Wins Australian Open 2022 Singles Title: ఓపెన్‌ టెన్నిస్‌ ఎరాలో స్పెయిన్‌ బుల్‌ రఫెల్‌ నాదల్‌ చరిత్ర సృష్టించాడు. అత్యధిక గ్రాండ్‌స్లామ్‌ టైటిళ్లు నెగ్గిన ఆటగాడిగా సరికొత్త రికార్డు నెలకొల్పాడు. ఆదివారం జరిగిన ఆస్ట్రేలియన్‌ ఓపెన్‌ 2022 పురుషుల సింగల్స్‌ ఫైనల్లో ప్రపంచ రెండో ర్యాంకర్ డానిల్‌ మెద్వెదెవ్‌ (రష్యా)పై 2-6, 6-7(5-7),6-4, 6-4, 7-5 తేడాతో సంచలన విజయాన్ని నమోదు చేసి 21వ గ్రాండ్‌స్లామ్‌ టైటిల్‌ను తన ఖాతాలో వేసుకున్నాడు.  దాదాపు ఐదున్నర గంటల పాటు నరాలు తెగే ఉత్కంఠ నడుమ హోరాహోరిగా సాగిన ఈ పోరులో నదాల్‌ తొలి రెండు సెట్లు కోల్పోయినప్పటికీ.. అనూహ్యంగా పుంజుకుని వరుసగా మూడు సెట్లు గెలిచి రెండో ఆస్ట్రేలియన్‌ ఓపెన్‌ టైటిల్‌ను సొంతం చేసుకున్నాడు. ఈ క్రమంలో 20 గ్రాండ్‌స్లామ్‌ టైటిళ్లతో సంయుక్తంగా అగ్రస్థానంలో ఉన్న సహచర ఆటగాళ్లు ఫెదరర్‌, జకోవిచ్‌లను అధిగమించాడు. ఏ మాత్రం అంచనాలు లేకుండా ఈ టోర్నీ బరిలోకి దిగిన నాదల్‌.. ఒక్కో మెట్టును అధిగమిస్తూ 2010 తర్వాత ఆస్ట్రేలియన్‌ ఓపెన్‌ టైటిల్‌ను ఎగరేసుకుపోయాడు. మరోవైపు కెరీర్‌లో రెండో గ్రాండ్‌స్లామ్‌పై గంపెడాశలు పెట్టుకున్న మెద్వెదెవ్‌.. నాదల్‌ అనుభవం ముందు నిలబడ లేకపోయాడు. మెద్వెదెవ్‌.. 2021లో యూఎస్‌ ఓపెన్‌ టైటిల్‌ను నెగ్గాడు. ఇదిలా ఉంటే, ఆస్ట్రేలియన్‌ ఓపెన్‌ 2022 మహిళల డబుల్స్‌ టైటిల్‌ను టాప్‌ సీడ్‌ బార్బోరా క్రెజికోవా, కత్రీనా సినికోవా(చెక్‌ రిపబ్లిక్‌) జోడీ కైవసం చేసుకుంది. ఆదివారం జరిగిన ఫైనల్లో కజకిస్థాన్‌కు చెందిన అన్నా డానిలీనా, బేట్రిజ్‌ హద్దాద్‌ మయ్యాపై 6-7(3-7), 6-4, 6-4 తేడాతో విజయం సాధించి, కెరీర్‌లో నాలుగో గ్రాండ్‌స్లామ్‌ను ఎగురేసుకుపోయింది. అంతకుముందు పురుషుల డబుల్స్‌ ఫైనల్లో థనాసి కొకినాకిస్‌-నిక్‌ కిరియోస్‌ (ఆస్ట్రేలియా) జంట 7–5, 6–4తో ఎబ్డెన్‌–పర్సెల్‌ (ఆస్ట్రేలియా)పై గెలిచి తొలి గ్రాండ్‌స్లామ్‌ను సాధించిన విషయం తెలిసిందే.  చదవండి: చెక్‌ జోడీ ఖాతాలో ఆస్ట్రేలియన్‌ ఓపెన్‌ డబుల్స్‌ టైటిల్‌ Another chapter is written 🏆@RafaelNadal defeats Daniil Medvedev 2-6 6-7(5) 6-4 6-4 7-5 to win his second #AusOpen title in an epic lasting five hours and 24 minutes. ⁰ 🎥: @wwos • @espn • @eurosport • @wowowtennis #AO2022 pic.twitter.com/OlMvhlGe6r — #AusOpen (@AustralianOpen) January 30, 2022

స్పెయిన్‌ బుల్‌ రఫేల్‌ నాదల్‌ తన కెరీర్‌లో 21వ గ్రాండ్‌స్లామ్‌ టైటిల్‌ గెలిచేందుకు ఒక అడుగు దూరంలో ఉన్నాడు. ఆస్ట్రేలియన్‌ ఓపెన్‌ గ్రాండ్‌స్లామ్‌లో ఫైనల్‌ చేరిన నాదల్‌ ఆదివారం డానియెల్‌ మెద్వెదెవ్‌తో అమితుమీ తేల్చుకోనున్నాడు. ఫైనల్లో నాదల్‌ గెలిస్తే గనుక టెన్నిస్‌లో పలు రికార్డులు బద్దలు కానున్నాయి. ఇప్పటివరకు 20 గ్రాండ్‌స్లామ్‌ టైటిళ్లతో జొకోవిచ్‌, ఫెదరర్‌లతో సమానంగా ఉన్న నాదల్‌.. ఒక్క టైటిల్‌ గెలిస్తే చరిత్ర సృష్టించనున్నాడు. 21 గ్రాండ్‌స్లామ్‌లతో అత్యధిక టైటిళ్లు గెలిచిన తొలి టెన్నిస్‌ ప్లేయర్‌గా నాదల్‌ నిలవనున్నాడు. చదవండి: Ashleigh Barty: ఆస్ట్రేలియన్‌ ఓపెన్‌ విజేత యాష్లే బార్టీ.. 44 ఏళ్ల రికార్డు బద్దలు ఈ నేపథ్యంలో మెద్వెదెవ్‌తో ఫైనల్‌ ఆడేందుకు సిద్ధమైన నాదల్‌ ప్రాక్టీస్‌ సమయంలో పలు ఆసక్తికర విషయాలు చెప్పుకొచ్చాడు. ''రెండు నెలల క్రితం తన మనసులో రిటైర్మెంట్‌ ఆలోచన వచ్చింది. తరచూ గాయాల బారీన పడుతుండడంతో చిరాకు, కోపం ఎక్కువయ్యాయి.  దాంతో ఆటకు గుడ్‌బై చెప్పాలని భావించా. ఈ విషయమై తన టీమ్‌తో పాటు కుటుంబసభ్యులతో కూడా చర్చించాను. పరిస్థితులన్నీ నాకు వ్యతిరేకంగా ఉన్నాయి.. ఇలాగే కొనసాగితే విమర్శలు తప్ప విజయాలు దక్కవు అని కుమిలిపోయా.. అయితే ఇదంతా రెండు నెలల క్రితం. కట్‌ చేస్తే ఇప్పుడు బౌన్స్‌బ్యాక్‌ అయ్యాననిపిస్తుంది. మెద్వెదెవ్‌తో జరగబోయే ఫైనల్‌ను ప్రతిష్టాత్మకంగా తీసుకున్నా. 21వ గ్రాండ్‌స్లామ్‌ టైటిల్‌ సాధిస్తానో లేదో తెలియదు కానీ.. నా ఆటపై ఆత్మవిశ్వాసం మరింతం పెరిగింది. ఆ ధైర్యంతోనే రేపటి ఫైనల్‌ను ఆడబోతున్నా'' అంటూ ముగించాడు. ఇప్పటివరకు టెన్నిస్‌లో 20 గ్రాండ్‌స్లామ్‌లు సాధించిన నాదల్‌ ఖాతాలో 13 ఫ్రెంచ్‌  ఓపెన్‌, నాలుగు యూఎస్‌ ఓపెన్‌, రెండు వింబుల్డన్‌, ఒక ఆస్ట్రేలియన్‌ ఓపెన్‌ ఉన్నాయి.

ఇద్దరు దిగ్గజాలు రోజర్‌ ఫెడరర్, నొవాక్‌ జొకోవిచ్‌లను వెనక్కి నెట్టేసి కొత్త చరిత్ర సృష్టించేందుకు స్పెయిన్‌ స్టార్‌ రాఫెల్‌ నాదల్‌ ఒకే ఒక్క విజయం దూరంలో నిలిచాడు. ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నీలో పెద్దగా అంచనాలు లేకుండానే బరిలోకి దిగిన ఈ మాజీ చాంపియన్‌ ఒక్కో అడ్డంకిని అధిగమిస్తూ టైటిల్‌ పోరుకు అర్హత సాధించాడు. ప్రపంచ రెండో ర్యాంకర్, గత ఏడాది రన్నరప్‌ డానిల్‌ మెద్వెదెవ్‌ (రష్యా)తో ఆదివారం జరిగే ఫైనల్లో నాదల్‌ గెలిస్తే... పురుషుల టెన్నిస్‌ చరిత్రలో అత్యధికంగా 21 గ్రాండ్‌స్లామ్‌ టైటిల్స్‌ నెగ్గిన ప్లేయర్‌గా రికార్డు నెలకొల్పుతాడు. ప్రస్తుతం 20 గ్రాండ్‌స్లామ్‌ టైటిల్స్‌తో నాదల్, ఫెడరర్, జొకోవిచ్‌ ఉమ్మడిగా అగ్రస్థానంలో ఉన్నారు. మెల్‌బోర్న్‌: ఆస్ట్రేలియన్‌ ఓపెన్‌ క్వార్టర్‌ ఫైనల్‌ మ్యాచ్‌లో అతి కష్టమ్మీద గట్టెక్కిన స్పెయిన్‌ స్టార్‌ రాఫెల్‌ నాదల్‌ సెమీఫైనల్‌ అడ్డంకిని మాత్రం మరీ శ్రమించకుండానే దాటేశాడు. ఏడో సీడ్‌ మాటియో బెరెటిని (ఇటలీ)తో శుక్రవారం జరిగిన పురుషుల సింగిల్స్‌ సెమీఫైనల్లో ఆరో సీడ్‌ నాదల్‌ 6–3, 6–2, 3–6, 6–3తో నెగ్గి ఈ ప్రతిష్టాత్మక టోర్నీలో ఆరోసారి ఫైనల్లోకి దూసుకెళ్లాడు. 35 ఏళ్ల నాదల్‌ 2009లో ఏకైకసారి ఆస్ట్రేలియన్‌ ఓపెన్‌ టైటిల్‌ను గెల్చుకున్నాడు. ఆ తర్వాత 2012, 2014, 2017, 2019లలో రన్నరప్‌గా నిలిచాడు. బెరెటినితో 2 గంటల 55 నిమిషాలపాటు జరిగిన సెమీఫైనల్లో నాదల్‌ ఐదు ఏస్‌లు సంధించడంతోపాటు 28 విన్నర్స్‌ కొట్టాడు. ప్రత్యర్థి సర్వీస్‌ను నాలుగుసార్లు బ్రేక్‌ చేసిన ఈ స్పెయిన్‌ స్టార్‌ కేవలం 19 అనవసర తప్పిదాలు చేశాడు. నెట్‌ వద్దకు 16 సార్లు దూసుకొచ్చి 12 సార్లు పాయింట్లు గెలిచాడు. బెరెటిని 14 ఏస్‌లు సంధించినప్పటికీ 39 అనవసర తప్పిదాలు చేశాడు. నాదల్‌ సర్వీస్‌ను రెండుసార్లు బ్రేక్‌ చేసే అవకాశం రాగా ఒకసారి మాత్రమే సద్వినియోగం చేసుకున్నాడు. షపోవలోవ్‌తో నాలుగు గంటలకుపైగా జరిగిన క్వార్టర్‌ ఫైనల్లో ఐదో సెట్‌లో నెగ్గి ఊపిరి పీల్చుకున్న నాదల్‌ సెమీఫైనల్లో మాత్రం బెరెటినికి ఏదశలోనూ అవకాశం ఇవ్వలేదు. తొలి సెట్‌లో ఒకసారి, రెండో సెట్‌లో రెండుసార్లు, నాలుగో సెట్‌లో ఒకసారి బెరెటిని సర్వీస్‌లను బ్రేక్‌ చేసిన నాదల్‌ తన సర్వీస్‌లను కాపాడుకొని విజయాన్ని అందుకున్నాడు. ఆదివారం జరిగే ఫైనల్లో గత ఏడాది రన్నరనప్‌ మెద్వెదెవ్‌ (రష్యా) తో నాదల్‌ తలపడతాడు. ముఖాముఖి రికార్డులో నాదల్‌ 3–1తో ఆధిక్యంలో ఉన్నాడు. గ్రాండ్‌స్లామ్‌ టోర్నీలలో వీరిద్దరు ఒకేసారి (2019 యూఎస్‌ ఓపెన్‌ ఫైనల్‌) తలపడగా నాదల్‌ నెగ్గాడు.     ఈసారీ మెద్వెదెవ్‌దే పైచేయి... ఫిలిక్స్‌ (కెనడా)తో 4 గంటల 42 నిమిషాలపాటు జరిగిన క్వార్టర్‌ ఫైనల్లో మ్యాచ్‌ పాయింట్‌ కాపాడుకొని గట్టెక్కిన మెద్వెదెవ్‌ సెమీఫైనల్లో మాత్రం నాలుగు సెట్‌లలో విజయం రుచి చూశాడు. 2 గంటల 30 నిమిషాలపాటు జరిగిన సెమీఫైనల్లో 25 ఏళ్ల మెద్వెదెవ్‌ 7–6 (7/5), 4–6, 6–4, 6–1తో నాలుగో సీడ్‌ సిట్సిపాస్‌ (గ్రీస్‌)ను ఓడించాడు. గత ఏడాది కూడా ఆస్ట్రేలియన్‌ ఓపెన్‌ సెమీఫైనల్లో సిట్సిపాస్‌నే ఓడించి మెద్వెదెవ్‌ ఫైనల్‌ చేరాడు. తొలి మూడు సెట్‌లలో మెద్వెదెవ్‌కు పోటీ ఎదురైనా నాలుగో సెట్‌లో మాత్రం ఈ రష్యా స్టార్‌ ఒకే గేమ్‌ కోల్పోయాడు. 13 ఏస్‌లు సంధించిన మెద్వెదెవ్‌ 39 విన్నర్స్‌ కొట్టాడు. నేడు మహిళల సింగిల్స్‌ ఫైనల్‌ యాష్లే బార్టీ (ఆస్ట్రేలియా) X కొలిన్స్‌ (అమెరికా) మధ్యాహ్నం గం. 2 నుంచి సోనీ సిక్స్‌లో లైవ్‌ 29: ఇప్పటి వరకు తన కెరీర్‌లో నాదల్‌ చేరిన గ్రాండ్‌స్లామ్‌ టోర్నీల ఫైనల్స్‌. 500: హార్డ్‌కోర్టులపై నాదల్‌ నెగ్గిన మ్యాచ్‌లు. ఈ జాబితాలో ఫెడరర్‌ (783), జొకోవిచ్‌ (634) తొలి రెండు స్థానాల్లో ఉన్నారు. 3: కఫెల్నికోవ్‌ (1999, 2000), సఫిన్‌ (2004, 2005) తర్వాత వరుసగా రెండేళ్లు ఆస్ట్రేలియన్‌ ఓపెన్‌లో ఫైనల్‌ చేరిన మూడో రష్యా ప్లేయర్‌గా మెద్వెదెవ్‌  గుర్తింపు పొందాడు.

మెల్‌బోర్న్‌: సీజన్‌ తొలి గ్రాండ్‌స్లామ్‌ టోర్నమెంట్‌ ఆస్ట్రేలియన్‌ ఓపెన్‌లో మాజీ చాంపియన్‌ రాఫెల్‌ నాదల్‌ (స్పెయిన్‌) 14వ సారి క్వార్టర్‌ ఫైనల్లోకి ప్రవేశించాడు. ఆదివారం జరిగిన పురుషుల సింగిల్స్‌ ప్రిక్వార్టర్‌ ఫైనల్లో ఆరో సీడ్‌ నాదల్‌ 7–6 (16/14), 6–2, 6–2తో అడ్రియన్‌ మనారినో (ఫ్రాన్స్‌)పై గెలుపొందాడు. 2007 నుంచి ఈ టోర్నీలో బరిలోకి దిగిన ప్రతిసారీ నాదల్‌ కనీసం క్వార్టర్‌ ఫైనల్‌కు చేరుకున్నాడు. 2013లో ఈ టోర్నీకి దూరంగా ఉన్న నాదల్‌ 2016లో మాత్రం తొలి రౌండ్‌లో ఓడిపోయాడు. మనారినోతో 2 గంటల 40 నిమిషాలపాటు జరిగిన మ్యాచ్‌లో నాదల్‌కు తొలి సెట్‌లో తీవ్ర ప్రతిఘటన ఎదురైంది. 81 నిమిషాలపాటు సాగిన తొలి సెట్‌లో నాదల్‌ నాలుగుసార్లు సెట్‌ పాయింట్లను కాపాడుకున్నాడు. 28 నిమిషాల 40 సెకన్లపాటు జరిగిన టైబ్రేక్‌లో తుదకు నాదల్‌ 16–14తో పైచేయి సాధించి తొలి సెట్‌ను దక్కించుకున్నాడు. ఆ తర్వాత నాదల్‌ జోరు పెంచగా, మనారినో డీలా పడ్డాడు.    షపోవలోవ్‌ సంచలనం మరోవైపు టైటిల్‌ ఫేవరెట్స్‌లో ఒకడైన మూడో సీడ్‌ అలెగ్జాండర్‌ జ్వెరెవ్‌ (జర్మనీ) పోరాటం ప్రిక్వార్టర్‌ ఫైనల్లోనే ముగిసింది. కెనడాకు చెందిన 14వ సీడ్‌ డెనిస్‌ షపోవలోవ్‌ 2 గంటల 21 నిమిషాల్లో 6–3, 7–6 (7/5), 6–3తో జ్వెరెవ్‌ను బోల్తా కొట్టించి క్వార్టర్‌ ఫైనల్లో నాదల్‌తో పోరుకు సిద్ధమయ్యాడు. ఐదోసారి ఆస్ట్రేలియన్‌ ఓపెన్‌ ఆడుతున్న షపోవలోవ్‌ తొలిసారి క్వార్టర్‌ ఫైనల్‌ బెర్త్‌ సంపాదించాడు. ఇతర ప్రిక్వార్టర్‌ ఫైనల్స్‌లో ఏడో సీడ్‌ బెరెటిని (ఇటలీ) 7–5, 7–6 (7/4), 6–4తో 19వ సీడ్‌ కరెనో బుస్టా (స్పెయిన్‌)పై, 17వ సీడ్‌ గేల్‌ మోన్‌ఫిల్స్‌ (ఫ్రాన్స్‌) 7–5, 7–6 (7/4), 6–3తో కెచ్‌మనోవిచ్‌ (సెర్బియా)పై గెలిచారు.  

మెల్‌బోర్న్‌: స్పెయిన్‌ టెన్నిస్‌ దిగ్గజం రాఫెల్‌ నాదల్‌ తన కెరీర్‌లో వరుసగా 19వ ఏడాది అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ (ఏటీపీ)కు సంబంధించిన టోర్నీలో ఫైనల్‌కు చేరాడు. ఆస్ట్రేలియాలో జరుగుతున్న మెల్‌బోర్న్‌ సమ్మర్‌ సెట్‌ ఏటీపీ–250 టోర్నీలో నాదల్‌ టైటిల్‌ పోరుకు అర్హత సాధించాడు. శనివారం జరిగిన పురుషుల సింగిల్స్‌ సెమీఫైనల్లో టాప్‌ సీడ్‌ నాదల్‌ 6–4, 7–5తో ఎమిల్‌ రుసువోరి (ఫిన్‌లాండ్‌)పై గెలిచాడు. నేడు జరిగే ఫైనల్లో మాక్సిమి క్రెసీ (అమెరికా)తో నాదల్‌ తలపడతాడు. 2004 నుంచి ప్రతి ఏడాది కనీసం ఓ ఏటీపీ టోర్నీలో నాదల్‌ ఫైనల్‌ చేరాడు. కెరీర్‌లో 126వ సింగిల్స్‌ ఫైనల్‌ ఆడనున్న నాదల్‌ 88 టైటిల్స్‌ సాధించాడు. 37 టోర్నీలలో రన్నరప్‌గా నిలిచాడు. చదవండి: ఇంగ్లండ్‌కు భారీ షాక్‌.. స్టార్‌ ఆటగాడు దూరం!

Covid 19 Positive: స్పెయిన్‌ టెన్నిస్‌ స్టార్‌ రఫేల్‌ నాదల్‌ కరోనా బారిన పడ్డాడు. అబుదాబి టోర్నీలో ఆడిన నాదల్‌ స్వదేశానికి తిరిగి రాగానే నిర్వహించిన టెస్టులో పాజిటివ్‌గా తేలింది. ఈ విషయాన్ని అతడు ట్విటర్‌ వేదికగా వెల్లడించాడు. అయితే, ప్రస్తుతం తన ఆరోగ్యం బాగానే ఉందని, ఆందోళన చెందాల్సిన అవసరం లేదని తెలిపాడు. ‘‘అబుదాబి టోర్నమెంట్‌ తర్వాత స్పెయిన్‌కు తిరిగి వచ్చాను. ఈ సందర్భంగా నిర్వహించిన పీసీఆర్‌ టెస్టులో కోవిడ్‌ సోకినట్లు నిర్దారణ అయింది. కాస్త ఇబ్బందిగా ఉంది. అయితే, కంగారు పడాల్సిందేమీ లేదు. నాతో సన్నిహితంగా మెలిగిన వాళ్లకు.. నాకు కరోనా సోకిన విషయం తెలిపాను ’’ అని నాదల్‌ పేర్కొన్నాడు. కాగా 20 సార్లు గ్రాండ్‌స్లామ్‌ విజేత అయిన నాదల్‌... కాలి గాయం కారణంగా పలు టోర్నీలకు దూరమైన సంగతి తెలిసిందే. ఈ క్రమంలో అబుదాబి వేదికగా జరిగిన ముబదాలా వరల్డ్‌ టెన్నిస్‌ చాంపియన్‌షిప్‌తో పునరాగమనం చేశాడు. ముర్రే చేతిలో ఓటమిపాలై ఇంటిబాట పట్టాడు. చదవండి: Ashes: 77 బంతుల్లో 12 ... 207 బంతుల్లో 26 పరుగులు.. స్టోక్స్‌, బట్లర్‌ పాపం..   Hola a todos. Quería anunciaros que en mi regreso a casa tras disputar el torneo de Abu Dhabi, he dado positivo por COVID en la prueba PCR que se me ha realizado al llegar a España. — Rafa Nadal (@RafaelNadal) December 20, 2021

టెన్నిస్‌ స్టార్‌ ప్లేయర్‌ రఫెల్‌ నాదెల్‌ వింబుల్డన్‌-2021, టోక్యో ఒలింపిక్స్‌లో పాల్గొనబోనని సంచలన ప్రకటన చేసిన విషయం తెలిసిందే. ఇక ఇప్పుడు జపాన్‌ టెన్నిస్‌ స్టార్‌, యువ సంచలనం నయోమి ఒసాకా అలాంటి నిర్ణయమే తీసుకుంది. ఈ ఏడాది వింబుల్డన్‌ టోర్నీలో ఆడబోనని తెలిపింది. ఈ మేరకు ఒసాకా ఏజెంట్‌ స్టువర్ట్‌ డుగుయిడ్‌ అధికారికంగా ఒక ప్రకటన విడుదల చేశాడు. అయితే టోక్యో ఒలింపిక్స్‌లో ఆమె ఆడే అవకాశాలున్నట్లు ఆయన స్పష్టం చేశాడు.  కాగా, వ్యక్తిగత కారణాలతో నయోమి ఒసాకా వింబుల్డన్‌ టోర్నీలో పాల్గొనకూడదని నిర్ణయించుకుంది. సన్నిహితులు, కుటుంబంతో కొద్దిరోజులు ఆమె గడపాలనుకుంటోంది. తద్వారా కొత్త ఉత్సహాంతో తర్వాతి టోర్నీల్లో పాల్గొనే అవకాశం ఉంది. ఒలింపిక్స్‌లో ఆమె పాల్గొనే అవకాశాలు కొద్ది రోజుల తర్వాత పరిశీలిస్తాం అంటూ స్టువర్ట్‌ పేరు మీద ఒక స్టేట్‌మెంట్‌ రిలీజ్‌ అయ్యింది.  చూడండి: జపన్‌ యువసంచలనం ఫొటోలు ఇదిలా ఉంటే గత నెలలో ఫ్రెంచ్‌ టోర్నీ నుంచి నాటకీయ పరిణామాల తర్వాత నెంబర్‌ వన్‌ ప్లేయర్‌ నయోమి ఒసాకా వైదొలగిన విషయం తెలిసిందే. మీడియా సమావేశం తన మానసిక ఆరోగ్యంపై ప్రభావం చూపెడుతుందని పేర్కొంటూ ప్రెస్‌ మీట్‌కు ఆమె విముఖత వ్యక్తం చేసింది. ఈ చర్యపై టోర్నీ నిర్వాహకులు ఆమెకు 15 వేల డాలర్ల జరిమానా విధించడంతో పాటు వేటు హెచ్చరిక చేశారు. అయితే ఈ లోపే 23 ఏళ్ల యువ సంచలనం టోర్నీ నుంచి నిష్క్రమించి టెన్నిస్‌ అభిమానుల్ని విస్మయానికి గురి చేసింది. చదవండి: ఒసాకాకు భారీ ఝలక్‌

న్యూఢిల్లీ: టెన్నిస్‌ దిగ్గజం, 20సార్లు గ్రాండ్‌స్లామ్‌ విజేత, స్పెయిన్‌ బుల్‌ రఫెల్‌ నదాల్‌ అభిమానలుకు షాకింగ్‌ న్యూస్‌ చెప్పాడు. వింబుల్డన్‌-2021, టోక్యో ఒలింపిక్స్‌ నుంచి వైదొలుగుతున్నట్లు సంచలన ప్రకటన చేశాడు. ప్రస్తుతం తన శరీరం సహకరించడం లేదని, మరికొన్నేళ్లు కెరీర్‌ను కొనసాగించాలంటే తగినంత విశ్రాంతి అవసరమని, అందుకే ఆటకు పాక్షికంగా విరామం ప్రకటించాలని నిర్ణయించుకున్నట్లు ట్విటర్‌ ద్వారా వెల్లడించాడు. తాను తీసుకున్న నిర్ణయం అంత  తేలికైందేమీ కాదని, తన శరీరం సహకరిస్తున్న తీరును పరిగణనలోకి తీసుకుని నా బృందంతో చర్చించిన తర్వాతే, ఈ మేరకు నిర్ణయించుకున్నాని పేర్కొన్నాడు. Hi all, I have decided not to participate at this year’s Championships at Wimbledon and the Olympic Games in Tokyo. It’s never an easy decision to take but after listening to my body and discuss it with my team I understand that it is the right decision — Rafa Nadal (@RafaelNadal) June 17, 2021 I want to send a special message to my fans around the world, to those in the United Kingdom and Japan in particular. — Rafa Nadal (@RafaelNadal) June 17, 2021 తన పాక్షిక రిటైర్మెంట్‌ నిర్ణయంపై ప్రపంచవ్యాప్తంగా ఉన్న తన అభిమానులకు ముఖ్యంగా బ్రిటన్‌, జపాన్‌లలోని అభిమానులకు ఆయన ప్రత్యేక సందేశం పంపాడు. ఈ మేరకు వరుస ట్వీట్లు చేశాడు. కాగా, మట్టి కోర్టు రారాజుగా ప్రసిద్ధి చెందిన 35 ఏళ్ల నదాల్‌, కొద్ది రోజుల కిందట జరిగిన ఫ్రెంచ్‌ ఓపెన్‌లో సెమీస్‌లో నిష్క్రమించాడు. ఈ గ్రాండ్‌స్లామ్‌లో నదాల్‌కు ఇది కేవలం మూడో ఓటమి మాత్రమే. ఇదిలా ఉంటే,  2008, 2010లో రెండుసార్లు వింబుల్డన్‌ టైటిల్‌ నెగ్గిన నదాల్‌..  2008 టెన్నిస్‌ మెన్స్‌ సింగిల్స్‌ విభాగంలో ఒలింపిక్‌ స్వర్ణం సాధించాడు. చదవండి: ‘మారడోనాను డాక్టర్లే చంపారు.. ఆయనను అస్సలు పట్టించుకోలేదు’

ఒకటి కాదు రెండు కాదు ఏకంగా 13 టైటిల్స్‌... 105 విజయాలు... కేవలం 2 మ్యాచ్‌లలో ఓటమి... ఆ గడ్డపై అతడిని ఓడించడం సంగతి దేవుడెరుగు... అలాంటి ఆలోచన రావడం కూడా ఒక సాహసమే. కానీ ఎర్రమట్టిపై ఎదురులేని రారాజు ఎట్టకేలకు ‘జోకర్‌’ జోరుకు తలవంచాడు. అద్భుతమైన ఆట, పక్కా ప్రణాళికతో చెలరేగిన నొవాక్‌ జొకోవిచ్‌ ... ‘క్లే కింగ్‌’ రాఫెల్‌ నాదల్‌పై రొలాండ్‌ గారోస్‌లో రెండోసారి విజయం సాధించి సత్తా చాటాడు. ఫ్రెంచ్‌ ఓపెన్‌లో 14వ ట్రోఫీతో పాటు అత్యధిక గ్రాండ్‌స్లామ్‌ (21)ల విజయాన్ని అందుకోవాలని భావించిన నాదల్‌ ప్రయాణం సెమీస్‌లో ఆగిపోగా... 19వ గ్రాండ్‌స్లామ్‌ వేటకు వరల్డ్‌ నంబర్‌వన్‌ సన్నద్ధమయ్యాడు. తుది ఫలితం ఎలా ఉన్నా టెన్నిస్‌ చరిత్రలో అద్భుత మ్యాచ్‌లలో ఒకటిగా ఈ పోరు నిలిచిపోయింది. పారిస్‌: ఫ్రెంచ్‌ ఓపెన్‌లో అత్యంత అరుదుగా కనిపించే ఘట్టం శుక్రవారం అర్ధరాత్రి  దాటాక     ఆవిష్కృతమైంది. ప్రత్యర్థి ఎవరైనా ఎర్ర మట్టి కోర్టులో విరుచుకుపడే రాఫెల్‌ నాదల్‌కు టోర్నీ సెమీఫైనల్లో ఓటమి ఎదురైంది. 4 గంటల 11 నిమిషాల పాటు సాగిన పోరులో జొకోవిచ్‌ (సెర్బియా) 3–6, 6–3, 7–6 (7/4), 6–2తో మూడో సీడ్‌ నాదల్‌ను బోల్తా కొట్టించాడు. గత ఏడాది ఇదే టోర్నీ ఫైనల్లో నాదల్‌ చేతిలో ఎదురైన ఓటమికి బదులు తీర్చుకున్నాడు. ఫ్రెంచ్‌ ఓపెన్‌లో నాదల్‌ను రెండుసార్లు ఓడించిన (2015 క్వార్టర్‌ ఫైన ల్లో) ఏకైక ఆటగాడిగా జొకోవిచ్‌ నిలవగా... ‘స్పెయిన్‌ బుల్‌’కు మరో ఓటమి సోడెర్లింగ్‌ (స్వీడన్‌–2009 ప్రిక్వార్టర్స్‌) చేతిలో ఎదురైంది.   హోరాహోరీ... తొలి సెట్‌ను నాదల్‌... రెండో సెట్‌ను జొకోవిచ్‌ నెగ్గగా... మూడో సెట్‌లో ఇద్దరూ ఒక్కో పాయింట్, గేమ్‌ కోసం తీవ్రంగా శ్రమించారు. టెన్నిస్‌ అభిమానులు ఎప్పటికీ మరచిపోలేని గొప్ప ఆటను ఇద్దరూ చూపించారు. సర్వీస్‌లు నిలబెట్టుకుంటూ వెళ్లిన అనంతరం బ్రేక్‌ సాధిం చిన జొకోవిచ్‌ ఒక దశలో 5–3తో ఆధిక్యంలో నిలిచాడు. అయితే నాదల్‌ తగ్గలేదు. పోరాటపటిమ ప్రదర్శిస్తూ వరుసగా మూడు గేమ్‌లు గెలిచి 6–5తో ముందంజ వేశాడు. దురదృష్టవశాత్తూ ఇక్కడ నాదల్‌ మంచి అవకాశాన్ని కోల్పోయాడు. సెట్‌ పాయింట్‌ కోసం సర్వ్‌ చేసిన అతను డబుల్‌ ఫాల్ట్‌ చేశాడు. టైబ్రేక్‌లో జొకోవిచ్‌కు ఇబ్బంది ఎదురు కాలేదు. 93 నిమిషాల్లో జొకోవిచ్‌ మూడో సెట్‌ గెలుచుకున్నాడు. నాలుగో సెట్‌ ఆరంభంలోనే బ్రేక్‌ సాధించిన నాదల్‌ 2–0తో ఆధిక్యంలో నిలిచినా... ఆ తర్వాత జొకోవిచ్‌ చెలరేగిపోయాడు. వరుసగా ఆరు గేమ్‌లు నెగ్గి నాదల్‌ 14వ టైటిల్‌ ఆశలను సెమీస్‌లోనే ముగించాడు.    పారిస్‌ ఆగిపోయింది... నాదల్, జొకోవిచ్‌ మ్యాచ్‌ కోసం ప్రభుత్వ అధికారులు కూడా కరోనా నిబంధనల నుంచి సడలిం పునిచ్చారు. పారిస్‌లో రాత్రి 11 గంటల నుంచి కర్ఫ్యూ ఉండటంతో 10:30కే అభిమానులు స్టేడి యం నుంచి వెళ్లిపోవాలంటూ ఆదేశాలు ఉన్నా యి. అయితే ఆ సమయంలో మ్యాచ్‌ ఉత్కంఠభరిత స్థితిలో ఉంది. ప్రేక్షకులు కాస్త నిరాశగా కనిపిస్తున్న దశలో మ్యాచ్‌ ముగిసే వరకు ఉండవచ్చంటూ అధికారులు ప్రకటించడం విశేషం.     నేడు జరిగే పురుషుల సింగిల్స్‌ ఫైనల్లో ఐదో సీడ్‌ సిట్సిపాస్‌ (గ్రీస్‌)తో జొకోవిచ్‌ తలపడతాడు. ముఖాముఖి రికార్డులో జొకోవిచ్‌ 5–2తో సిట్సి పాస్‌పై ఆధిక్యంలో ఉన్నాడు. గత ఏడాది ఈ టోర్నీ సెమీఫైనల్లో ఐదు సెట్‌ల పోరాటంలో సిట్సిపాస్‌పై జొకోవిచ్‌ గెలిచాడు. మూడో సెట్‌లో నేను సెట్‌ పాయింట్‌ కోల్పోవడం మ్యాచ్‌లో కీలక మలుపు. డబుల్‌ ఫాల్ట్‌ చేయడంతో పాటు టైబ్రేక్‌లో సులువైన వాలీలు ఆడలేకపోయాను. అయితే ఆ సమయంలో ఏదైనా జరగవచ్చు. ఇలాంటి తప్పలు సహజం. కానీ మ్యాచ్‌లు గెలవాలంటే ఇలాంటి తప్పులే చేయరాదు. నేను నా అత్యుత్తమ ఆటతీరు కనబర్చి పోరాడాను. కానీ ఈ రోజు నాది కాదు. –రాఫెల్‌ నాదల్‌ నాదల్‌కు ప్రత్యర్థిగా మైదానంలోకి దిగుతున్నప్పుడే అతడిని ఇక్కడ ఓడించాలంటే  ఎవరెస్ట్‌ ఎక్కినంత శ్రమించాలనే విషయం నాకు తెలుసు. రొలాండ్‌ గారోస్‌లో ఇది నా అత్యుత్తమ మ్యాచ్‌ అనడంలో ఎలాంటి సందేహం లేదు. నా కెరీర్‌లో బెస్ట్‌–3లో ఇదొకటి. గత 15 ఏళ్లుగా ఈ కోర్టును శాసిస్తున్న వ్యక్తిని ఓడించడం ఎప్పటికీ ప్రత్యేకం. నేను శారీరకంగా, మానసికంగా చాలా అద్భుతంగా ఉండటంతో పాటు గెలవాలనే పట్టుదలతో బరిలోకి దిగా. గత ఏడాది ఫైనల్‌కంటే మెరుగ్గా ఆడాలంటే ఏం చేయాలనేదానిపై స్పష్టమైన వ్యూహాలతో ఉన్నా. అందుకే తొలి సెట్‌ ఓడినా ఆందోళన చెందలేదు.  –జొకోవిచ్‌

పారిస్‌: ప్రముఖ టెన్నిస్‌ క్రీడాకారుడు,  ప్రపంచ నంబర్‌ 3 ఆటగాడు, స్పెయిన్ బుల్ ర‌ఫేల్ న‌దాల్‌ సోమ‌వారం చేసిన ఓ ఫేస్‌బుక్ అప్‌డేట్ అత‌ని అభిమానులను అయోమ‌యానికి గురి చేసింది. గాట్ మ్యారీడ్ అంటూ ర‌ఫా త‌న రిలేషన్షిప్‌ స్టేటస్‌ను పొరపాటున అప్‌డేట్ చేయడంతో ఈ గందరగోళం మొదలైంది. ఇది చూసి కొంద‌రు ఫ్యాన్స్ ఆనంద‌ప‌డ‌గా.. మ‌రికొంద‌రు నదాల్‌కు మళ్లీ పెళ్ళా అంటూ కామెంట్లు పోస్ట్‌ చేశారు. నిజానికి నదాల్‌కు 2019 అక్టోబర్‌లోనే ప్రేయసి మరియా ఫ్రాన్సిస్కా పెరెల్లోతో పెళ్ళైంది. అయితే ఈ అప్‌డేట్‌ చూసిన కొందరు అభిమానులు నదాల్‌ మళ్ళీ పెళ్లి చేసుకున్నాడనుకుని పొరబడి, అతనికి శభాకాంక్షలు తెలిపారు.  కాగా, నదాల్‌ పొరపాటున ఫేస్‌బుక్‌లో రిలేషన్షిప్‌ స్టేటస్‌ను అప్‌డేట్ చేయ‌డంతో అది కాస్తా అత‌ను ఆదివార‌మే పెళ్లి చేసుకున్నట్లుగా చూపించింది. ఇదిలా ఉంటే ఈ స్పెయిన్‌ బుల్‌ ప్రస్తుతం ఫ్రెంచ్ ఓపెన్‌ గ్రాండ్‌స్లామ్‌లో నాలుగో రౌండ్‌కు దూసుకెళ్లాడు. ఈ రౌండ్‌లో అతను ఇటలీకి చెందిన 19 ఏళ్ల జన్నిక్‌ సిన్నర్‌తో తలపడనున్నాడు. కాగా, రఫా ప్రస్తుతానికి 20 గ్రాండ్‌స్లామ్‌ టైటిల్‌లు సాధించి స్విస్‌ యోధుడు రోజర్‌ ఫెదరర్‌తో(20) సమానంగా ఉన్నాడు. ఇదిలా ఉంటే నదాల్‌కు మట్టి కోర్టుపై తిరుగులేని రికార్డు ఉంది. అతను 2005లో అరంగేట్రం చేసిన నాటి నుంచి కేవలం రెండు మ్యాచ్‌ల్లో మాత్రమే ఓడిపోయి 103 విజయాలు సాధించాడు.  చదవండి: శ్రీలంకలో టీ20 ప్రపంచకప్‌..?

పారిస్‌: పురుషుల టెన్నిస్‌లో అత్యధిక గ్రాండ్‌స్లామ్‌ టైటిల్స్‌ గెలిచిన ప్లేయర్‌గా రికార్డు సృష్టించాలనే లక్ష్యంతో స్పెయిన్‌ స్టార్‌ రాఫెల్‌ నాదల్‌ ఫ్రెంచ్‌ ఓపెన్‌లో అడుగుపెడుతున్నాడు. ఆదివారం మొదలయ్యే ఈ టోర్నీలో నాదల్‌ మరోసారి టైటిల్‌ ఫేవరెట్‌గా బరిలోకి దిగనున్నాడు. ఇప్పటికే 13 సార్లు ఫ్రెంచ్‌ ఓపెన్‌ చాంపియన్‌గా నిలిచిన 34 ఏళ్ల నాదల్‌... ఓవరాల్‌గా 20 గ్రాండ్‌స్లామ్‌ టైటిల్స్‌తో స్విట్జర్లాండ్‌ దిగ్గజం రోజర్‌ ఫెడరర్‌ సరసన సంయుక్తంగా అగ్రస్థానంలో ఉన్నాడు. ఈసారి నాదల్‌ పార్శ్వంలోనే వరల్డ్‌ నంబర్‌వన్‌ జొకోవిచ్‌ (సెర్బియా), మాజీ చాంపియన్‌ ఫెడరర్‌ కూడా ఉండటంతో నాదల్‌ ఖాతాలో ట్రోఫీ చేరాలంటే అతను విశేషంగా రాణించాల్సి ఉంటుంది.  మరో పార్శ్వంలో రెండుసార్లు రన్నరప్‌ డొమినిక్‌ థీమ్‌ (ఆ్రస్టియా)తోపాటు ఐదో ర్యాంకర్‌ సిట్సిపాస్‌ (గ్రీస్‌), ఆరో ర్యాంకర్‌ జ్వెరెవ్‌ (జర్మనీ), రెండో ర్యాంకర్‌ మెద్వెదేవ్‌ (రష్యా) ఉన్నారు. అయితే క్లే కోర్టులపై మెద్వెదేవ్‌కు అంత గొప్ప రికార్డులేదు. ఫ్రెంచ్‌ ఓపెన్‌లో పాల్గొన్న నాలుగుసార్లు మెద్వెదేవ్‌ తొలి రౌండ్‌ను దాటలేకపోయాడు. నాదల్, జొకోవిచ్‌లతోపాటు థీమ్, సిట్సిపాస్‌లు కూడా టైటిల్‌ రేసులో ఉన్నారు. తొలి రౌండ్‌లో 62వ ర్యాంకర్‌ పాపిరిన్‌ (ఆ్రస్టేలియా)తో నాదల్‌... ఇస్తోమిన్‌ (ఉజ్బెకిస్తాన్‌)తో ఫెడరర్‌... సాండ్‌గ్రెన్‌ (అమెరికా) తో జొకోవిచ్‌ ఆడతారు.  మరోవైపు మహిళల విభాగంలో తీవ్రమైన పోటీదృష్ట్యా కచి్చతమైన ఫేవరెట్‌ కనిపించడంలేదు. డిఫెండింగ్‌ చాంపియన్‌ స్వియాటెక్‌ (పోలాండ్‌)తోపాటు వరల్డ్‌ నంబర్‌వన్‌ యాష్లే బార్టీ (ఆస్ట్రేలియా), రెండో సీడ్‌ నయోమి ఒసాకా (జపాన్‌), ఐదో సీడ్‌ స్వితోలినా (ఉక్రెయిన్‌), మాజీ చాంపియన్స్‌ ముగురుజా (స్పెయిన్‌), సెరెనా విలియమ్స్‌ (అమెరికా) టైటిల్‌ రేసులో ఉన్నారు. 

పారిస్‌: 100 విజయాలు, కేవలం 2 పరాజయాలు, 13 టైటిల్స్‌... ఫ్రెంచ్‌ ఓపెన్‌లో రాఫెల్‌ నాదల్‌ సాధించిన అత్యద్భుత ఘనత ఇది. ఎర్రమట్టిపై తనకే సాధ్యమైన జోరును కొనసాగించి మరో టోర్నీ గెలిస్తే అతను టెన్నిస్‌లో కొత్త చరిత్ర సృష్టిస్తాడు. 20 గ్రాండ్‌స్లామ్‌ ట్రోఫీలతో ఫెడరర్‌గా సమంగా అగ్రస్థానంలో ఉన్న నాదల్‌...21వ టైటిల్‌తో ఒక్కడే శిఖరాన నిలుస్తాడు. అయితే తనకు అచ్చొచ్చిన మైదానంలో కూడా ఓటమి ఎదురు కావచ్చని, ఆటలో ఎక్కడా, ఎవరూ అజేయులు కాదని నాదల్‌ వ్యాఖ్యానించాడు. ‘కొద్ది రోజుల క్రితమే క్లే కోర్టుపైనే మాంటెకార్లో, మాడ్రిడ్‌ టోర్నీలలో నేను ఓడాను. రోలండ్‌ గారోస్‌లో మాత్రం ఓడిపోరాదని కోరుకుంటున్నా. నా శక్తి మేరకు పోరాడటమే నేను చేయగలిగింది’ అని చెప్పాడు. జూన్‌ 3న 35వ పుట్టిన రోజు జరుపుకోనున్న నాదల్‌... ఇంత కాలం ఆడగలనని పదేళ్ల క్రితం అనుకోలేదన్నాడు. ‘పదేళ్ల క్రితం నేను వరుస గాయాలతో బాధపడ్డాను. అసలు ఎంత కాలం ఆడతానో చెప్పలేని పరిస్థితి. అయితే రెండేళ్ల క్రితం మాత్రం నాలో కొత్త ఉత్సాహం వచ్చింది. కెరీర్‌ను మరికొన్నేళ్లు పొడిగించుకోవచ్చని అనిపించింది. 2005నుంచి ఇప్పటి వరకు ఇంత సుదీర్ఘ కాలం టాప్‌–10 కొనసాగడం గర్వంగా అనిపిస్తోంది’ అని ఈ స్పెయిన్‌ స్టార్‌ గుర్తు చేసుకున్నాడు. ఫ్రెంచ్‌ ఓపెన్‌లో  2009 రాబిన్‌ సొదర్లింగ్‌ చేతిలో పరాజయం పాలైన నాదల్, 2015లో జొకోవిచ్‌ చేతిలో ఓడాడు. తర్వాతి ఏడాది గాయం కారణంగా టోర్నీ మధ్యలోనే తప్పుకున్నాడు. ‘రోలండ్‌ గారోస్‌కు నా దృష్టిలో ప్రత్యేక స్థానం ఉంది. ఇక్కడ గెలిచిన 13 టైటిల్స్‌లో ఏది ఇష్టమంటే చెప్పలేను. ప్రతీ దానికి ఒక్కో విశిష్టత ఉంది. మళ్లీ నా అత్యుత్తమ ప్రదర్శన కనబర్చి నెగ్గాలని అనుకుంటున్నా’ అని ఈ దిగ్గజ ఆటగాడు తన మనసులో మాట చెప్పాడు.   ఒకే పార్శ్వంలో ముగ్గురు దిగ్గజాలు   14వ టైటిల్‌ వేటలో నాదల్‌కు కఠినమైన డ్రా ఎదురైంది. టాప్‌ సీడ్‌ నాదల్‌తో పాటు వరల్డ్‌ నంబర్‌వన్‌ జొకోవిచ్, స్విస్‌ స్టార్‌ రోజర్‌ ఫెడరర్‌ కూడా ఒకే పార్శ్వంలో ఉండటం విశేషం. ముందంజ వేయాలంటే నాదల్‌ ఇటీవల క్లే కోర్టుల్లో విశేషంగా రాణిస్తున్న పలువురు యువ ఆటగాళ్లను దాటాల్సి ఉంటుంది. ఎలాంటి సంచలనాలు లేకుండా అంతా సాఫీగా సాగితే పురుషుల క్వార్టర్‌ ఫైనల్లో నాదల్‌తో రుబ్లెవ్‌ తలపడే అవకాశం ఉండగా...జొకోవిచ్, ఫెడరర్‌ మధ్య క్వార్టర్స్‌లోనే పోరు జరగనుంది. ఫ్రెంచ్‌ ఓపెన్‌కు పర్యాయపదంగా మారిన రాఫెల్‌ నాదల్‌ను నిర్వాహకులు సముచిత రీతిలో గౌరవించారు. రోలండ్‌ గారోస్‌ ప్రధాన ప్రవేశ ద్వారం వద్ద నాదల్‌ స్టెయిన్‌లెస్‌ స్టీల్‌ విగ్రహాన్ని వారు ఏర్పాటు చేశారు. నాదల్‌ ప్రధాన బలమైన ‘ఫోర్‌ హ్యాండ్‌’ షాట్‌ పోజులో ఈ 3 మీటర్ల విగ్రహం కనిపిస్తుంది. స్పెయిన్‌కు చెందిన ప్రముఖ శిల్పి జోర్డీ డి ఫెర్నాండెజ్‌ దీనిని రూపొందించారు. రాతి, ఇనుము, చెక్క, మట్టి తదితర వస్తువులతో ప్రయత్నించిన తర్వాత చివరకు నాదల్‌ విగ్రహాన్ని స్టెయిన్‌లెస్‌ స్టీల్‌తో తయారు చేయాలని ఆయన నిర్ణయించారు.

రోమ్‌: మట్టికోర్టులపై తన ఆధిపత్యాన్ని మరోసారి నిరూపించుకుంటూ స్పెయిన్‌ టెన్నిస్‌ స్టార్‌ రాఫెల్‌ నాదల్‌ తన కెరీర్‌లో 88వ సింగిల్స్‌ టైటిల్‌ను సాధించాడు. ఆదివారం ముగిసిన రోమ్‌ ఓపెన్‌ మాస్టర్స్‌ సిరీస్‌–1000 టోర్నీలో నాదల్‌ చాంపియన్‌గా నిలిచాడు. 2 గంటల 49 నిమిషాలపాటు జరిగిన పురుషుల సింగిల్స్‌ ఫైనల్లో ప్రపంచ మూడో ర్యాంకర్‌ నాదల్‌ 7–5, 1–6, 6–3తో ప్రపంచ నంబర్‌వన్, టాప్‌ సీడ్, డిఫెండింగ్‌ చాంపియన్‌ నొవాక్‌ జొకోవిచ్‌ (సెర్బియా)పై గెలుపొందాడు. 34 ఏళ్ల నాదల్‌ రోమ్‌ ఓపెన్‌ టైటిల్‌ను నెగ్గడం ఇది పదోసారి కావడం విశేషం. ఈ స్పెయిన్‌ స్టార్‌ 2005, 2006, 2007, 2009, 2010, 2012, 2013, 2018, 2019లలో కూడా ఇక్కడ టైటిల్‌ సాధించాడు. తద్వారా ఒకే టోర్నమెంట్‌ను నాలుగుసార్లు కనీసం 10 లేదా అంతకంటే ఎక్కువసార్లు గెలిచిన ప్లేయర్‌గా తన రికార్డును మెరుగుపర్చుకున్నాడు. నాదల్‌ 13 సార్లు ఫ్రెంచ్‌ ఓపెన్‌ను... బార్సిలోనా ఓపెన్‌ను 12 సార్లు... మోంటెకార్లో మాస్టర్స్‌ సిరీస్‌ టోర్నీని 11 సార్లు గెలిచాడు. ఈ విజయంతో అత్యధిక మాస్టర్స్‌ సిరీస్‌ టైటిల్స్‌ నెగ్గిన ప్లేయర్‌గా జొకోవిచ్‌ (36 టైటిల్స్‌) పేరిట ఉన్న రికార్డును నాదల్‌ (36 టైటిల్స్‌) సమం చేశాడు. అంతేకాకుండా జొకోవిచ్‌తో ముఖాముఖి రికార్డులో ఆధిక్యాన్ని 28–29కి తగ్గించాడు. రోమ్‌ ఓపెన్‌ విజేత హోదాలో నాదల్‌కు 2,45,085 యూరోల (రూ. 2 కోట్ల 18 లక్షలు) ప్రైజ్‌మనీతోపాటు 1000 ర్యాంకింగ్‌ పాయింట్లు లభించాయి. రన్నరప్‌ జొకోవిచ్‌ ఖాతాలో 1,45,000 యూరోల ప్రైజ్‌మనీ (రూ. కోటీ 29 లక్షలు)తోపాటు 600 ర్యాంకింగ్‌ పాయింట్లు దక్కాయి. రోమ్‌ ఓపెన్‌లో జొకోవిచ్‌ ఐదుసార్లు విజేతగా నిలిచి, ఆరుసార్లు రన్నరప్‌తో సంతృప్తి పడ్డాడు.   జొకోవిచ్‌తో జరిగిన ఫైనల్లో తొలి సెట్‌ హోరాహోరీగా జరిగింది. 75 నిమిషాలపాటు జరిగిన తొలి సెట్‌లోని 12వ గేమ్‌లో జొకోవిచ్‌ సర్వీస్‌ను బ్రేక్‌ చేసి నాదల్‌ సెట్‌ సొంతం చేసుకున్నాడు. అయితే రెండో సెట్‌లో జొకోవిచ్‌ దూకుడుకు నాదల్‌ తడబడ్డాడు. అనవసర తప్పిదాలు చేసి కేవలం ఒక గేమ్‌ మాత్రమే గెలిచి సెట్‌ను కోల్పోయాడు. అయితే నిర్ణాయక మూడో సెట్‌లో నాదల్‌ మళ్లీ లయలోకి వచ్చాడు. ఆరో గేమ్‌లో జొకోవిచ్‌ సర్వీస్‌ను బ్రేక్‌ చేసిన నాదల్‌ ఏడో గేమ్‌లో తన సర్వీస్‌ను నిలబెట్టుకొని 5–2తో ఆధిక్యంలోకి వెళ్లాడు. ఆ తర్వాత జొకోవిచ్‌ ఎనిమిదో గేమ్‌లో తన సర్వీస్‌ను కాపాడుకున్నాడు. తొమ్మిదో గేమ్‌లో నాదల్‌ తన సర్వీస్‌ను నిలబెట్టుకొని సెట్‌తోపాటు మ్యాచ్‌ను కైవసం చేసుకున్నాడు. ‘ఈ టోర్నీలో నాకు అదృష్టం కూడా కలిసొచ్చింది. ముఖ్యంగా షపవలోవ్‌తో జరిగిన మ్యాచ్‌లో రెండుసార్లు మ్యాచ్‌ పాయింట్లను కాచుకొని గట్టెక్కాను. ఓవరాల్‌గా ఈ టోర్నీలో బాగా ఆడాను.’  –రాఫెల్‌ నాదల్‌

రోమ్‌: వారం రోజుల క్రితం మాడ్రిడ్‌ ఓపెన్‌ మాస్టర్స్‌ సిరీస్‌ టోర్నీ క్వార్టర్‌ ఫైనల్లో అలెగ్జాండర్‌ జ్వెరెవ్‌ (జర్మనీ) చేతిలో ఎదురైన పరాజయానికి స్పెయిన్‌ టెన్నిస్‌ స్టార్‌ రాఫెల్‌ నాదల్‌ ప్రతీకారం తీర్చుకున్నాడు. రోమ్‌ ఓపెన్‌ మాస్టర్స్‌ సిరీస్‌ టోర్నీ పురుషుల సింగిల్స్‌ క్వార్టర్‌ ఫైనల్లో రెండో సీడ్‌ నాదల్‌ 6–3, 6–4తో ప్రపంచ ఆరో ర్యాంకర్‌ జ్వెరెవ్‌పై గెలిచి 12వసారి సెమీఫైనల్‌ చేరుకున్నాడు. సెమీఫైనల్లో రీలీ ఒపెల్కా (అమెరికా)తో నాదల్‌ ఆడతాడు.  టర్కీ గ్రాండ్‌ప్రి రద్దు  ఇస్తాంబుల్‌: టర్కీలో కరోనా కేసుల ఉధృతి తగ్గకపోవడం... అంతర్జాతీయంగా ప్రయాణ ఆంక్షలు కూడా ఉండటంతో... ఇస్తాంబుల్‌లో జూన్‌ 13న జరగాల్సిన టర్కీ గ్రాండ్‌ప్రి ఫార్ములావన్‌ (ఎఫ్‌1) రేసు రద్దయింది. టర్కీ గ్రాండ్‌ప్రి రద్దు కావడంతో ఎఫ్‌1 క్యాలెండర్‌లోనూ మార్పులు చోటు చేసుకున్నాయి. జూన్‌ 27న జరగాల్సిన ఫ్రాన్స్‌ గ్రాండ్‌ప్రి రేసు జూన్‌ 20న జరుగుతుంది. ఆస్ట్రియాలో వరుసగా రెండు రేసులు (జూన్‌ 27న తొలి రేసు, జూలై 4న రెండో రేసు) నిర్వహిస్తారు. చదవండి: Covid-19: చెస్‌ స్టార్స్‌ విరాళం రూ. 37 లక్షలు

రోమ్‌ ఓపెన్‌ మాస్టర్స్‌ సిరీస్‌–1000 టెన్నిస్‌ టోర్నీలో తొమ్మిదిసార్లు చాంపియన్‌ రాఫెల్‌ నాదల్‌ (స్పెయిన్‌) అతికష్టమ్మీద క్వార్టర్‌ ఫైనల్‌ చేరుకున్నాడు. డెనిస్‌ షపవలోవ్‌ (కెనడా)తో 3 గంటల 27 నిమిషాలపాటు జరిగిన మూడో రౌండ్‌ మ్యాచ్‌లో రెండో సీడ్‌ నాదల్‌ 3–6, 6–4, 7–6 (7/3)తో గెలుపొంది ఊపిరి పీల్చుకున్నాడు. రెండో సెట్‌లో 0–3తో... మూడో సెట్‌లో 1–3తో వెనుకబడిన నాదల్‌ చివరకు 5–6 స్కోరు వద్ద తన సర్వీస్‌లో ఏకంగా రెండు మ్యాచ్‌ పాయింట్లను కూడా కాపాడుకొని గట్టెక్కాడు.  

రోమ్‌: జపాన్‌లో కరోనా వైరస్‌ ఇంకా నియంత్రణలోకి రాకపోవడంతో తాను టోక్యో ఒలింపిక్స్‌లో పాల్గొనేది లేనిది ఇప్పుడే చెప్పలేనని స్పెయిన్‌ టెన్నిస్‌ స్టార్‌ రాఫెల్‌ నాదల్‌ తెలిపాడు. ‘సాధారణ పరిస్థితుల్లో ఒలింపిక్స్‌ క్రీడలకు నేను అత్యంత ప్రాధాన్యత ఇస్తాను. కానీ ప్రస్తుతం పరిస్థితులు బాలేవు. ఏడాదిన్నరకాలంగా కరోనా అందరినీ ఇబ్బంది పెడుతోంది. దాంతో ఏ టోర్నీలో ఆడాలన్న విషయంపై ముందుగానే నిర్ణయం తీసుకునే పరిస్థితి లేదు’ అని 2008 బీజింగ్‌ ఒలింపిక్స్‌లో సింగిల్స్‌లో స్వర్ణం, 2016 రియో ఒలింపిక్స్‌లో డబుల్స్‌ స్వర్ణం సాధించిన 35 ఏళ్ల నాదల్‌ అన్నాడు. చదవండి: Tokyo Olympics: హిరోషిమా వీధుల్లో టార్చ్‌ రిలే రద్దు

స్పెయిన్‌ టెన్నిస్‌ స్టార్‌ రాఫెల్‌ నాదల్‌కు మాడ్రిడ్‌ ఓపెన్‌ మాస్టర్స్‌ సిరీస్‌–1000 టోర్నీలో చుక్కెదురైంది. పురుషుల సింగిల్స్‌ క్వార్టర్‌ ఫైనల్లో డిఫెండింగ్‌ చాంపియన్, ప్రపంచ ఆరో ర్యాంకర్‌ అలెగ్జాండర్‌ జ్వెరెవ్‌ (జర్మనీ) 6–4, 6–4తో టాప్‌ సీడ్, ఐదుసార్లు మాజీ చాంపియన్‌ నాదల్‌పై నెగ్గి సెమీఫైనల్‌ చేరాడు. క్లే కోర్టులపై నాదల్‌పై జ్వెరెకిదే తొలి విజయం కావడం విశేషం. గంటా 44 నిమిషాలపాటు జరిగిన ఈ మ్యాచ్‌లో నాదల్‌ సర్వీస్‌ను జ్వెరెవ్‌ మూడుసార్లు బ్రేక్‌ చేశాడు.    ఇప్పట్లో బాచ్‌ ‘టోక్యో’ పర్యటన కష్టమే... టోక్యో ఒలింపిక్స్‌ ఏర్పాట్లను పర్యవేక్షించేందుకు అంతర్జాతీయ ఒలింపిక్‌ కమిటీ (ఐఓసీ) అధ్యక్షుడు థామస్‌ బాచ్‌ ఈ నెలలో జపాన్‌కు రావడం కష్టమేనని ఒలింపిక్‌ ఆర్గనైజింగ్‌ కమిటీ అధ్యక్షురాలు సీకో హషిమోటో పేర్కొన్నారు. కరోనా వ్యాప్తి కట్టడి కోసం మే 11 వరకు టోక్యోతోపాటు మరో మూడు నగరాల్లో విధించిన అత్యవసర పరిస్థితిని ఈనెల 31 వరకు ప్రభుత్వం పొడిగించింది. దాంతో థామస్‌ బాచ్‌ పర్యటన వాయిదా పడే అవకాశముంది.

మెల్‌బోర్న్‌: ఆస్ట్రేలియన్‌ ఓపెన్‌లో బుధవారం సంచలన ప్రదర్శనలు నమోదయ్యాయి. పురుషుల టెన్నిస్‌లో అత్యధిక గ్రాండ్‌స్లామ్‌ టైటిల్స్‌ నెగ్గిన ఏకై క ప్లేయర్‌గా రికార్డు నెలకొల్పాలనుకున్న స్పెయిన్‌ దిగ్గజం, రెండో సీడ్‌ రాఫెల్‌ నాదల్‌ కల చెదిరింది. మహిళల విభాగంలోనూ టాప్‌ సీడ్‌ యాష్లే బార్టీ (ఆస్ట్రేలియా)కి చుక్కెదురైంది. వీరిద్దరూ క్వార్టర్‌ ఫైనల్స్‌లోనే ఓడిపోయి ఇంటి దారి పట్టారు. ఆస్ట్రేలియన్‌ ఓపెన్‌లో 13వ సారి క్వార్టర్స్‌ చేరిన నాదల్‌ గెలుపు అంచుల నుంచి ఓటమిని ఆహ్వానించాడు. 4 గంటల 5 నిమిషాల పాటు సాగిన ఈ మ్యాచ్‌లో రెండో సీడ్‌ నాదల్‌ 6–3, 6–2, 6–7 (4/7), 4–6, 5–7తో ఐదో సీడ్‌ స్టెఫానోస్‌ సిట్సిపాస్‌ (గ్రీక్‌) చేతిలో పరాజయం పాలయ్యాడు. తొలి రెండు సెట్‌లను నెగ్గి, నిర్ణాయక మూడో సెట్‌ టైబ్రేక్‌లో అనవసర తప్పిదాలతో నాదల్‌ మూల్యం చెల్లించుకున్నాడు. ఈ టైబ్రేక్‌ 3/3తో సమమైన దశలో 3 అనవసర తప్పిదాలు చేసిన నాదల్‌ 4/7తో సెట్‌ను సిట్సిపాస్‌కు కోల్పోయాడు. మరోవైపు అనూహ్యంగా పుంజుకున్న సిట్సిపాస్‌ జాగ్రత్తగా ఆడుతూ నాలుగో సెట్‌లో నాదల్‌ సర్వీస్‌ను బ్రేక్‌ చేసి 5–4తో తొలిసారి ఆధిక్యంలోకి వచ్చాడు. అదే జోరులో తన సర్వీస్‌ను నిలబెట్టుకొని 6–4తో సెట్‌ను కైవసం చేసుకున్నాడు. హోరాహోరీగా సాగిన ఐదో సెట్‌లో ఓ దశలో ఇద్దరూ 5–5తో సమంగా నిలిచారు. అయితే పదకొండో గేమ్‌లో నాదల్‌ సర్వీస్‌ను బ్రేక్‌ చేసిన సిట్సిపాస్‌... పన్నెండో గేమ్‌లో తన సర్వీస్‌ను నిలబెట్టుకొని 7–5తో సెట్‌తో పాటు మ్యాచ్‌ను కైవసం చేసుకున్నాడు. తద్వారా ఓ గ్రాండ్‌స్లామ్‌ టోర్నీలో నాదల్‌తో మ్యాచ్‌లో తొలి రెండు సెట్లలో వెనుకబడి తర్వాత విజయం సాధించిన రెండో ప్లేయర్‌గా 22 ఏళ్ల సిట్సిపాస్‌ ఘనత వహించాడు. 2015 యూఎస్‌ ఓపెన్‌లో ఫాబియో ఫాగ్‌నిని ఇదే తరహాలో నాదల్‌పై గెలుపొందాడు. ఈ మ్యాచ్‌లో సిట్సిపాస్‌ 18, నాదల్‌ 15 ఏస్‌లు సంధించారు. మరో క్వార్టర్స్‌ మ్యాచ్‌లో 2019 యూఎస్‌ ఓపెన్‌ రన్నరప్, నాలుగో సీడ్‌ డానిల్‌ మెద్వెదెవ్‌ (రష్యా) 7–5, 6–3, 6–2తో ఏడో సీడ్‌ ఆండ్రీ రుబ్లెవ్‌ (రష్యా)పై గెలుపొంది సెమీస్‌లో అడుగుపెట్టాడు. శుక్రవారం జరిగే సెమీస్‌లో సిట్సిపాస్‌తో మెద్వెదెవ్‌ తలపడతాడు.   బార్టీకి షాక్‌   మహిళల విభాగంలో సొంత మైదానంలో జరిగిన పోరులో టాప్‌ సీడ్, వరల్డ్‌ నంబర్‌వన్‌ యాష్లే బార్టీకి 25వ సీడ్‌ కరోలినా ముచోవా (చెక్‌ రిపబ్లిక్‌) షాకిచ్చింది. గంటా 7 నిమిషాల పాటు సాగిన క్వార్టర్స్‌ మ్యాచ్‌లో బార్టీ 1–6, 6–3, 6–2తో ముచోవా చేతిలో ఓటమి పాలైంది. ఈ మ్యాచ్‌లో 3 ఏస్‌లు సంధించిన బార్టీ 3 డబుల్‌ ఫాల్ట్‌లు చేసింది. మరోవైపు 2 ఏస్‌లే సంధించిన ముచోవా... ప్రత్యర్థి సర్వీస్‌ను 4సార్లు బ్రేక్‌ చేసి తన సర్వీస్‌ను 3 సార్లు కోల్పోయింది. మరో క్వార్టర్స్‌ మ్యాచ్‌లో 22వ సీడ్‌ జెన్నిఫర్‌ బ్రాడీ (అమెరికా) 4–6, 6–2, 6–1తో జెస్సికా పెగులా (అమెరికా)పై నెగ్గి సెమీస్‌లో అడుగుపెట్టింది. నేడు జరిగే మహిళల తొలి సెమీస్‌లో సెరెనా (అమెరికా)తో నయోమి ఒసాకా (జపాన్‌), రెండో సెమీస్‌లో జెన్నిఫర్‌ బ్రాడీ (అమెరికా)తో కరోలినా ముచోవా (చెక్‌ రిపబ్లిక్‌) తలపడతారు.

మెల్‌బోర్న్‌: పురుషుల టెన్నిస్‌లో అత్యధిక గ్రాండ్‌స్లామ్‌ టైటిల్స్‌ గెలిచిన ప్లేయర్‌గా రికార్డు నెలకొల్పే దిశగా రాఫెల్‌ నాదల్‌ దూసుకెళ్తున్నాడు. ఆస్ట్రేలియన్‌ ఓపెన్‌లో ఈ స్పెయిన్‌ టెన్నిస్‌ స్టార్‌ 13వసారి క్వార్టర్‌ ఫైనల్లోకి ప్రవేశించాడు. సోమవారం జరిగిన ఏకపక్ష ప్రిక్వార్టర్‌ ఫైనల్లో రెండో ర్యాంకర్‌ నాదల్‌ 6–3, 6–4, 6–2తో ప్రపంచ 17వ ర్యాంకర్‌ ఫాబియో ఫాగ్‌నిని (ఇటలీ)పై గెలుపొందాడు. 2015 యూఎస్‌ ఓపెన్‌లో నాదల్‌ను ఓడించి సంచలనం సృష్టించిన ఫాగ్‌నిని ఈసారి మాత్రం చేతులెత్తేశాడు. 2 గంటల 16 నిమిషాల్లో ముగిసిన ఈ మ్యాచ్‌లో ఏదశలోనూ ఫాగ్‌నినికి అవకాశం ఇవ్వని నాదల్‌ ఆరు ఏస్‌లు సంధించి, ఆరు బ్రేక్‌ పాయింట్లు సాధించాడు. క్వార్టర్‌ ఫైనల్లో ఐదో సీడ్‌ సిట్సిపాస్‌ (గ్రీస్‌)తో నాదల్‌ ఆడతాడు. ప్రిక్వార్టర్‌ ఫైనల్లో సిట్సిపాస్‌కు తన ప్రత్యర్థి, తొమ్మిదో సీడ్‌ బెరెటిని (ఇటలీ) నుంచి వాకోవర్‌ లభించింది. రష్యా యువ స్టార్‌ ఆటగాళ్లు మెద్వెదేవ్, రుబ్లెవ్‌ కూడా క్వార్టర్‌ ఫైనల్‌ బెర్త్‌లు ఖరారు చేసుకున్నారు. ప్రిక్వార్టర్‌ ఫైనల్లో నాలుగో సీడ్‌ మెద్వెదేవ్‌ 6–4, 6–2, 6–3తో మెక్‌డొనాల్డ్‌ (అమెరికా)పై నెగ్గగా... ఏడో సీడ్‌ రుబ్లెవ్‌ 6–2, 7–6 (7/3)తో కాస్పెర్‌ రూడ్‌ (నార్వే)ను ఓడించాడు. రెండు సెట్‌లు ముగిశాక గాయం కారణంగా రూడ్‌ మ్యాచ్‌ నుంచి వైదొలిగాడు. యాష్లే బార్టీ దూకుడు... మహిళల సింగిల్స్‌ విభాగంలో టాప్‌ సీడ్, ప్రపంచ నంబర్‌వన్‌ యాష్లే బార్టీ (ఆస్ట్రేలియా) క్వార్టర్‌ ఫైనల్‌ చేరగా... ఐదో సీడ్‌ ఎలీనా స్వితోలినా (ఉక్రెయిన్‌)కు అమెరికా యువతార జెస్సికా పగూలా షాక్‌ ఇచ్చింది. బార్టీ 6–3, 6–4తో షెల్బీ రోజర్స్‌ (అమెరికా)పై గెలుపొందగా... జెస్సికా పగూలా 6–4, 3–6, 6–3తో స్వితోలినాను బోల్తా కొట్టించి కెరీర్‌లో తొలిసారి ఓ గ్రాండ్‌స్లామ్‌ టోర్నీలో క్వార్టర్‌ ఫైనల్‌ చేరింది. ఇతర ప్రిక్వార్టర్‌ ఫైనల్స్‌లో కరోలినా ముకోవా (చెక్‌ రిపబ్లిక్‌) 7–6 (7/5), 7–5తో ఎలీజ్‌ మెర్‌టెన్స్‌ (బెల్జియం)పై, జెన్నిఫర్‌ బ్రేడీ (అమెరికా) 6–1, 7–5తో డొనా వెకిచ్‌ (క్రొయేషియా)పై నెగ్గారు.

మెల్‌బోర్న్‌: కెరీర్‌లో 21వ గ్రాండ్‌స్లామ్‌ టైటిల్‌ లక్ష్యంగా ఆస్ట్రేలియన్‌ ఓపెన్‌లో బరిలోకి దిగిన స్పెయిన్‌ టెన్నిస్‌ స్టార్, ప్రపంచ రెండో ర్యాంకర్‌ రాఫెల్‌ నాదల్‌ ఆ దిశగా మరో అడుగు ముందుకేశాడు. పురుషుల సింగిల్స్‌ మూడో రౌండ్‌ మ్యాచ్‌లో నాదల్‌ 7–5, 6–2, 7–5తో కామెరూన్‌ నోరి (బ్రిటన్‌)పై వరుస సెట్‌లలో గెలిచి ప్రిక్వార్టర్‌ ఫైనల్లోకి దూసుకెళ్లాడు. ఇప్పటి వరకు 16 సార్లు ఆస్ట్రేలియన్‌ ఓపెన్‌లో ఆడిన నాదల్‌ 14 సార్లు కనీసం ప్రిక్వార్టర్‌ ఫైనల్‌ చేరడం విశేషం. నోరితో 2 గంటల 14 నిమిషాలపాటు జరిగిన మ్యాచ్‌లో నాదల్‌ ఏడు ఏస్‌లు సంధించి కేవలం ఒక డబుల్‌ ఫాల్ట్‌ చేశాడు. ఐదుసార్లు ప్రత్యర్థి సర్వీస్‌ను బ్రేక్‌ చేసిన నాదల్‌ తన సర్వీస్‌ను ఒకసారి మాత్రమే కోల్పోయాడు. ప్రిక్వార్టర్‌ ఫైనల్లో 16వ ర్యాంకర్‌ ఫాబియో ఫాగ్‌నిని (ఇటలీ)తో నాదల్‌ ఆడతాడు. ముఖాముఖి పోరులో నాదల్‌ 12–4తో ఆధిక్యంలో ఉన్నాడు. గ్రాండ్‌స్లామ్‌ టోర్నీ ల్లో మాత్రం వీరిద్దరు రెండుసార్లు తలపడ్డారు. ఒక్కోసారి గెలిచారు. మూడో రౌండ్‌లో ఫాగ్‌నిని 6–4, 6–3, 6–4తో అలెక్స్‌ డిమినార్‌ (ఆస్ట్రేలియా)పై గెలిచాడు.   మెద్వెదేవ్‌ ఎట్టకేలకు... పురుషుల సింగిల్స్‌లో నాలుగో సీడ్‌ మెద్వెదేవ్‌ (రష్యా), ఐదో సీడ్‌ సిట్సిపాస్‌ (గ్రీస్‌), ఏడో సీడ్‌ రుబ్లెవ్‌ (రష్యా), తొమ్మిదో సీడ్‌ బెరెటిని (ఇటలీ) కూడా ప్రిక్వార్టర్‌ ఫైనల్లోకి ప్రవేశించారు. మూడో రౌండ్‌ మ్యాచ్‌లో మెద్వెదేవ్‌ 6–3, 6–3, 4–6, 3–6, 6–0తో ఫిలిప్‌ క్రాయినోవిచ్‌ (సెర్బియా)ను ఓడించాడు. తద్వారా గ్రాండ్‌స్లామ్‌ టోర్నీల్లో ఐదు సెట్‌లపాటు జరిగిన మ్యాచ్‌ల్లో తన ఖాతాలో తొలి విజయాన్ని జమ చేసుకున్నాడు. గతంలో మెద్వెదేవ్‌ ఆరుసార్లు ఐదు సెట్‌లపాటు జరిగిన మ్యాచ్‌ల్లో ఓటమి చవిచూశాడు. సిట్సిపాస్‌ 6–4, 6–1, 6–1తో మికెల్‌ వైమెర్‌ (స్వీడన్‌)పై, రుబ్లెవ్‌ 7–5, 6–2, 6–3తో ఫెలిసియానో లోపెజ్‌ (స్పెయిన్‌)పై, బెరెటిని 7–6 (7/1), 7–6 (7/5), 7–6 (7/5)తో ఖచనోవ్‌ (రష్యా)పై గెలిచారు.   యాష్లే బార్టీ జోరు మహిళల సింగిల్స్‌ విభాగంలో ప్రపంచ నంబర్‌వన్, టాప్‌ సీడ్‌ యాష్లే బార్టీ (ఆస్ట్రేలియా), ఐదో సీడ్‌ స్వితోలినా (ఉక్రెయిన్‌) ప్రిక్వార్టర్‌ ఫైనల్‌ చేరగా... ఆరో సీడ్‌ కరోలినా ప్లిస్కోవా (చెక్‌ రిపబ్లిక్‌), 11వ సీడ్‌ బెలిండా బెన్సిచ్‌ (స్విట్జర్లాండ్‌) మూడో రౌండ్‌లోనే ఇంటిదారి పట్టారు. యాష్లే బార్టీ 6–2, 6–4తో అలెగ్జాండ్రోవా (రష్యా)పై, స్వితోలినా 6–4, 6–0తో పుతింత్‌సెవా (కజకిస్తాన్‌)పై నెగ్గారు. ప్లిస్కోవా 5–7, 5–7తో కరోలినా ముకోవా (చెక్‌ రిపబ్లిక్‌) చేతిలో... బెన్సిచ్‌ 2–6, 1–6తో ఎలీజ్‌ మెర్‌టెన్స్‌ (బెల్జియం) చేతిలో ఓటమి పాలయ్యారు. ముకోవాతో గంటా 54 నిమిషాలపాటు జరిగిన మ్యాచ్‌లో ప్రపంచ మాజీ నంబర్‌వన్‌ ప్లిస్కోవా ఏకంగా పది డబుల్‌ ఫాల్ట్‌లు, 40 అనవసర తప్పిదాలు చేసింది.   ముగిసిన భారత్‌ పోరు ఆస్ట్రేలియన్‌ ఓపెన్‌లో భారత క్రీడాకారుల పోరాటం ముగిసింది. మిక్స్‌డ్‌ డబుల్స్‌లో రోహన్‌ బోపన్న (భారత్‌)–యింగ్‌యింగ్‌ దువాన్‌ (చైనా) జంట తొలి రౌండ్‌లోనే ఇంటిముఖం పట్టింది. 63 నిమిషాలపాటు జరిగిన మ్యాచ్‌లో బోపన్న–యింగ్‌యింగ్‌ ద్వయం 4–6, 4–6తో బెథానీ మాటెక్‌ సాండ్స్‌ (అమెరికా)–జేమీ ముర్రే (బ్రిటన్‌) జోడీ చేతిలో ఓడిపోయింది. దాంతో ఆస్ట్రేలియన్‌ ఓపెన్‌లో బరిలోకి దిగిన భారత ఆటగాళ్లందరూ తొలి రౌండ్‌ను దాటకుండానే వెనుదిరిగారు. పురుషుల సింగిల్స్‌లో సుమీత్‌ నాగల్‌... పురుషుల డబుల్స్‌లో రోహన్‌ బోపన్న, దివిజ్‌ శరణ్, మహిళల డబుల్స్‌లో అంకిత రైనా జోడీలు తొలి రౌండ్‌లోనే నిష్క్రమించాయి.

మెల్‌బోర్న్‌: టెన్నిస్‌ సీజన్‌ తొలి గ్రాండ్‌స్లామ్‌ టోర్నమెంట్‌ ఆస్ట్రేలియన్‌ ఓపెన్‌కు రంగం సిద్ధమైంది. సోమవారం మొదలయ్యే ఈ మెగా టోర్నీలో అగ్రశ్రేణి క్రీడాకారులు జొకోవిచ్‌ (సెర్బియా), రాఫెల్‌ నాదల్‌ (స్పెయిన్‌), సెరెనా విలియమ్స్‌ (అమెరికా) కొత్త చరిత్ర లిఖించేందుకు బరిలోకి దిగుతున్నారు. సోమవారం జరిగే పురుషుల సింగిల్స్‌ తొలి రౌండ్‌లో ప్రపంచ 66వ ర్యాంకర్‌ జెరెమీ చార్డీ (ఫ్రాన్స్‌)తో టాప్‌ సీడ్‌ జొకోవిచ్‌ తలపడనున్నాడు. ఒకవేళ ఈ టోర్నీలో జొకోవిచ్‌ విజేతగా నిలిస్తే అత్యధికంగా తొమ్మిదిసార్లు ఆస్ట్రేలియన్‌ ఓపెన్‌ నెగ్గిన ప్లేయర్‌గా కొత్త రికార్డు నెలకొల్పుతాడు. స్పెయిన్‌ స్టార్‌ రాఫెల్‌ నాదల్‌ చాంపియన్‌గా నిలిస్తే పురుషుల సింగిల్స్‌ విభాగంలో అత్యధిక గ్రాండ్‌స్లామ్‌ టైటిల్స్‌ నెగ్గిన ప్లేయర్‌గా రికార్డు సృష్టిస్తాడు. 20 గ్రాండ్‌స్లామ్‌ టైటిల్స్‌తో ప్రస్తుతం ఫెడరర్, నాదల్‌ సంయుక్తంగా అగ్రస్థానంలో ఉన్నారు. మంగళవారం జరిగే తన తొలి రౌండ్‌ మ్యాచ్‌లో ప్రపంచ 56వ ర్యాంకర్‌ లాస్లో జెరి (సెర్బియా)తో నాదల్‌ ఆడనున్నాడు. జొకోవిచ్, నాదల్‌తోపాటు ప్రస్తుత యూఎస్‌ ఓపెన్‌ చాంపియన్, మూడో ర్యాంకర్‌ డొమినిక్‌ థీమ్‌ (ఆస్ట్రియా), నాలుగో ర్యాంకర్‌ డానిల్‌ మెద్వెదేవ్‌ (రష్యా) కూడా టైటిల్‌ ఫేవరెట్స్‌గా ఉన్నారు.   మహిళల సింగిల్స్‌ విభాగంలో పోటీ తీవ్రంగా ఉంది. ఏ ఒక్కరినీ కచ్చితమైన ఫేవరెట్‌ అని పేర్కొనే పరిస్థితి కనిపించడంలేదు. డిఫెండింగ్‌ చాంపియన్‌ సోఫియా కెనిన్‌ (అమెరికా), ప్రపంచ నంబర్‌వన్‌ యాష్లే బార్టీ (ఆస్ట్రేలియా), మూడో ర్యాంకర్‌ నయోమి ఒసాకా (జపాన్‌), రెండో ర్యాంకర్‌ సిమోనా హలెప్‌ (రొమేనియా), 23 గ్రాండ్‌స్లామ్‌ టైటిల్స్‌ విజేత సెరెనా విలియమ్స్‌ (అమెరికా) టైటిల్‌ రేసులో ఉన్నారు. ఈ ఐదుగురితోపాటు మాజీ చాంపియన్‌ విక్టోరియా అజరెంకా (బెలారస్‌), ఐదో ర్యాంకర్‌ స్వితోలినా (ఉక్రెయిన్‌), తొమ్మిదో ర్యాంకర్‌ క్విటోవా (చెక్‌ రిపబ్లిక్‌), మాజీ విజేత కెర్బర్‌ (జర్మనీ) కూడా టైటిల్‌ గెలిచే అవకాశాలున్నాయి. సోమవారం జరిగే తొలి రౌండ్‌లో లౌరా సిగెమండ్‌ (జర్మనీ)తో సెరెనా, పావ్లీచెంకోవా (రష్యా)తో ఒసాకా ఆడతారు. సెరెనా చాంపియన్‌గా నిలిస్తే మహిళల టెన్నిస్‌లో అత్యధిక గ్రాండ్‌స్లామ్‌ టైటిల్స్‌ సాధించిన మార్గరెట్‌ కోర్ట్‌ (ఆస్ట్రేలియా–24 టైటిల్స్‌) పేరిట ఉన్న రికార్డును సమం చేస్తుంది. 2017లో చివరిసారి గ్రాండ్‌స్లామ్‌ టైటిల్‌ గెలిచిన సెరెనా ఆ తర్వాత మరో నాలుగు గ్రాండ్‌స్లామ్‌ టోర్నీల్లో ఫైనల్‌ చేరినా చివరకు రన్నరప్‌తో సరిపెట్టుకుంది.

పారిస్‌: పురుషుల టెన్నిస్‌లో ఇప్పటికే ఎన్నో రికార్డులు నెలకొల్పిన స్పెయిన్‌ స్టార్‌ రాఫెల్‌ నాదల్‌ తాజాగా మరో కొత్త రికార్డును సృష్టించాడు. అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ (ఏటీపీ) పురుషుల సింగిల్స్‌ ర్యాంకింగ్స్‌లో వరుసగా 800 వారాలపాటు టాప్‌–10లో నిలిచిన తొలి ప్లేయర్‌గా నాదల్‌ రికార్డు నెలకొల్పాడు. సోమవారం విడుదల చేసిన ర్యాంకింగ్స్‌లో 9,850 పాయింట్లతో రెండో స్థానాన్ని నిలబెట్టుకున్న నాదల్‌... 800 వారాల పాటు (15 ఏళ్లకు పైగా) టాప్‌–10లో నిలిచిన ఏకైక ప్లేయర్‌గా ఘనత వహించాడు. గతంలో అత్యధిక వరుస వారాలు టాప్‌–10లో నిలిచిన రికార్డు జిమ్మీ కానర్స్‌ (789 వరుస వారాలు) పేరిట ఉండేది. 2005 ఏప్రిల్‌లో తొలిసారిగా టాప్‌–10లో ప్రవేశించిన 34 ఏళ్ల నాదల్‌... గతేడాది నవంబర్‌లోనే జిమ్మీ కానర్స్‌ను వెనక్కి నెట్టేశాడు. వరుస వారాల పరంగా కాకుండా ఓవరాల్‌గా చూస్తే... అత్యధికంగా 931 వారాల పాటు స్విట్జర్లాండ్‌ దిగ్గజం ఫెడరర్‌ టాప్‌–10లో నిలిచాడు.

పారిస్‌: పురుషుల టెన్నిస్‌లో ఇప్పటికే పలు రికార్డులు సాధించిన స్పెయిన్‌ స్టార్‌ రాఫెల్‌ నాదల్‌ మరో అరుదైన ఘనతను సొంతం చేసుకున్నాడు. అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ (ఏటీపీ) పురుషుల ప్రపంచ సింగిల్స్‌ ర్యాంకింగ్స్‌లో అత్యధిక వరుస వారాలు టాప్‌–10లో నిలిచిన ప్లేయర్‌గా నాదల్‌ కొత్త రికార్డును నెలకొల్పాడు. సోమవారం విడుదల చేసిన తాజా ర్యాంకింగ్స్‌లో నాదల్‌ తన రెండో ర్యాంక్‌ను నిలబెట్టుకున్నాడు. దాంతో ఈ స్పెయిన్‌ స్టార్‌ వరుసగా 790 వారాలపాటు టాప్‌–10 ర్యాంకింగ్స్‌లో నిలిచిన ఏకైక ప్లేయర్‌గా రికార్డు నమోదు చేశాడు. 2005లో ఏప్రిల్‌ 25న 18 ఏళ్ల ప్రాయంలో తొలిసారి టాప్‌–10లోకి వచ్చిన నాదల్‌ 2020 నవంబర్‌ 11 వరకు టాప్‌–10లోనే కొనసాగుతున్నాడు. 789 వారాలతోపాటు ఇప్పటివరకు అమెరికా దిగ్గజ ప్లేయర్‌ జిమ్మీ కానర్స్‌ పేరిట ఉన్న ఈ రికార్డును 34 ఏళ్ల నాదల్‌ బద్దలు కొట్టాడు. కానర్స్‌ 1973లో ఆగస్టు 23 నుంచి 1988 సెప్టెంబర్‌ 25 వరకు టాప్‌–10లో ఉన్నాడు. ఐదు వారాల క్రితం ఫ్రెంచ్‌ ఓపెన్‌ టైటిల్‌ను 13వసారి సొంతం చేసుకొని అత్యధికంగా 20 గ్రాండ్‌స్లామ్‌ టైటిల్స్‌తో స్విట్జర్లాండ్‌ దిగ్గజం ఫెడరర్‌ పేరిట ఉన్న రికార్డును నాదల్‌ సమం చేశాడు. టాప్‌–10లో అత్యధిక వరుస వారాలు నిలిచిన క్రీడాకారుల జాబితాలో ఫెడరర్‌ మూడో స్థానంలో (734 వారాలు; 2002 అక్టోబర్‌ 14 నుంచి 2016 అక్టోబర్‌ 31 వరకు)... ఇవాన్‌ లెండిల్‌ (చెక్‌ రిపబ్లిక్‌/అమెరికా– 619 వారాలు; 1980 జూలై 7 నుంచి 1992 మే 10 వరకు) నాలుగో స్థానంలో... పీట్‌ సంప్రాస్‌ (అమెరికా–565 వారాలు; 1990 సెప్టెంబర్‌ 10 నుంచి 2001 జూలై 1 వరకు) ఐదో స్థానంలో ఉన్నారు.  

పారిస్‌: స్పెయిన్‌ బుల్‌ రాఫెల్‌ నాదల్‌ తన అసమాన కెరీర్‌లో మరో మైలురాయిని దాటాడు. పారిస్‌ మాస్టర్స్‌–1000 టెన్నిస్‌ టోర్నమెంట్‌లో ప్రిక్వార్టర్స్‌కు చేరడం ద్వారా... 1000వ విజయాన్ని నమోదు చేశాడు. భారత కాలమానం ప్రకారం బుధవారం అర్ధరాత్రి దాటాక ముగిసిన రెండో రౌండ్‌ మ్యాచ్‌లో ప్రపంచ రెండో ర్యాంకర్‌ నాదల్‌ 4–6, 7–6 (7/5), 6–4తో ఫెలిసియానో లోపెజ్‌ (స్పెయిన్‌)పై గెలుపొందాడు. తద్వారా ఓపెన్‌ శకం (1968 తర్వాత)లో వేయి విజయాలు సాధించిన నాలుగో ఆటగాడిగా రికార్డు సృష్టించాడు. నాదల్‌కంటే ముందు ఈ జాబితాలో జిమ్మీ కానర్స్‌ (1,274), రోజర్‌ ఫెడరర్‌ (1,242), ఇవాన్‌ లెండిల్‌ (1,068) ఉన్నారు. 2002 ఏప్రిల్‌ 29న 16 ఏళ్ల వయసులో రమోన్‌ డెల్గాడో (పరాగ్వే)పై గెలుపుతో.... తన విజయాల వేటను ఆరంభించిన నాదల్‌æ... 2011లో జరిగిన బార్సిలోనా ఓపెన్‌ సెమీఫైనల్లో ఇవాన్‌ డొడిగ్‌ (క్రొయేషియా)పై నెగ్గడంతో కెరీర్‌లో 500వ విజయాన్ని అందుకున్నాడు. ఈ ఏడాది జరిగిన ఫ్రెంచ్‌ ఓపెన్‌ గ్రాండ్‌స్లామ్‌ టోర్నీలో చాంపియన్‌గా నిలవడం ద్వారా 20వ గ్రాండ్‌స్లామ్‌ను సాధించిన నాదల్‌... పురుషుల విభాగంలో ఫెడరర్‌ పేరిట ఉన్న అత్యధిక గ్రాండ్‌స్లామ్‌ రికార్డు (20)ను సమం చేశాడు. క్వార్టర్స్‌లో బోపన్న జంట పారిస్‌ మాస్టర్స్‌–1000 టెన్నిస్‌ టోర్నమెంట్‌లో భారత ప్లేయర్‌ రోహన్‌ బోపన్న– ఒలివర్‌    మరాచ్‌ (ఆస్ట్రియా) జంట క్వార్టర్‌ ఫైనల్స్‌లో అడుగు పెట్టింది. పురుషుల డబుల్స్‌                విభాగంలో జరిగిన రెండో రౌండ్‌ మ్యాచ్‌లో బోపన్న–ఒలివర్‌ ద్వయం 3–6, 6–4, 10–8తో తొమ్మిదో సీడ్‌ ఫాబ్రిస్‌ మార్టిన్‌ (ఫ్రాన్స్‌)–జీన్‌ జులియన్‌ రోజెర్‌ (నెదర్లాండ్స్‌) జంటపై  గెలిచింది. ‘వేయి మ్యాచ్‌లు గెలిచానంటే నాకు వయసు మీద పడినట్లే లెక్క. నా కెరీర్‌లో నేను సాధించిన విజయాల పట్ల గర్వపడుతున్నా. అలాగే ఈ మైలురాయిని కూడా. గాయాల రూపంలో అనేక ఇబ్బందులు ఎదురైనా టెన్నిస్‌పై ఉన్న అంకిత భావం నన్ను ముందుకు సాగేలా చేసింది. అందుకే ఇంత కాలం బాగా ఆడగలిగాను. ఇప్పుడు అదే నాకు 1000వ విజయాన్ని అందించింది’        – నాదల్‌  

ఈసారీ ఎలాంటి సంచలనం చోటు చేసుకోలేదు. ఊహించిన ఫలితమే వచ్చింది. కనీస పోటీ కూడా ఎదురుకాలేదు. ఎర్రమట్టి కోర్టులపై మకుటం లేని మహరాజు తానేనని మరోమారు స్పెయిన్‌ టెన్నిస్‌ స్టార్‌ రాఫెల్‌ నాదల్‌ గుర్తు చేశాడు. 13వసారి ఫ్రెంచ్‌ ఓపెన్‌ చాంపియన్‌గా నిలిచాడు. ఫైనల్లో టాప్‌ సీడ్, నంబర్‌వన్‌ జొకోవిచ్‌ను చిత్తుగా ఓడించిన నాదల్‌ కెరీర్‌లో 20వ గ్రాండ్‌స్లామ్‌ టైటిల్‌ను సొంతం చేసుకున్నాడు. అత్యధిక గ్రాండ్‌స్లామ్‌ టైటిల్స్‌ సాధించిన ప్లేయర్‌గా స్విట్జర్లాండ్‌ దిగ్గజం ఫెడరర్‌ పేరిట ఉన్న రికార్డును నాదల్‌ సమం చేశాడు.    పారిస్‌: సాధారణంగా ప్రతి యేటా ఫ్రెంచ్‌ ఓపెన్‌ మే–జూన్‌ మాసాల్లో జరుగుతుంది. కరోనా వైరస్‌ కారణంగా ఈ ఏడాది సెప్టెంబర్‌–అక్టోబర్‌లో నిర్వహించాల్సి వచ్చింది. తేదీలు మారినా పురుషుల సింగిల్స్‌ విభాగంలో మాత్రం విజేత మారలేదు. ఫైనల్లో తన అజేయ రికార్డును కొనసాగిస్తూ స్పెయిన్‌ స్టార్‌ రాఫెల్‌ నాదల్‌ 13వసారి ఫ్రెంచ్‌ ఓపెన్‌ టైటిల్‌ను దక్కించుకున్నాడు. ఆదివారం ఏకపక్షంగా సాగిన పురుషుల సింగిల్స్‌ ఫైనల్లో రెండో సీడ్‌ నాదల్‌ 2 గంటల 41 నిమిషాల్లో 6–0, 6–2, 7–5తో జొకోవిచ్‌ను ఓడించాడు. టోర్నీ మొత్తంలో తన ప్రత్యర్థులకు ఒక్క సెట్‌ కూడా కోల్పోకుండా నాదల్‌ టైటిల్‌ నెగ్గడం ఇది నాలుగోసారి. విజేతగా నిలిచిన నాదల్‌కు 16 లక్షల యూరోలు (రూ. 13 కోట్ల 82 లక్షలు), రన్నరప్‌ జొకోవిచ్‌కు 8,50,500 యూరోలు (రూ. 7 కోట్ల 34 లక్షలు) ప్రైజ్‌మనీగా లభించాయి.   ► ఈ ఏడాది పూర్తిగా ఆడిన మ్యాచ్‌ల్లో ఒక్కసారీ ఓటమి చవిచూడని (యూఎస్‌ ఓపెన్‌లో తన తప్పిదంతో మ్యాచ్‌ను వదులుకున్నాడు) జొకోవిచ్‌ ఫ్రెంచ్‌ ఫైనల్లో మాత్రం తేలిపోయాడు. తొలి సెట్‌లో ఒక్కసారీ తన సర్వీస్‌ను నిలబెట్టుకోలేకపోయాడు. జొకోవిచ్‌ సర్వీస్‌ను మూడుసార్లు బ్రేక్‌ చేసి, తన సర్వీస్‌నూ మూడుసార్లు నిలబెట్టుకొని నాదల్‌ 48 నిమిషాల్లో తొలి సెట్‌ను 6–0తో సొంతం చేసుకున్నాడు.   ► రెండో సెట్‌లోనూ పరిస్థితి మారలేదు. నాదల్‌ తన జోరు పెంచగా... జొకోవిచ్‌ సమాధానం ఇవ్వలేకపోయాడు. అతికష్టమ్మీద రెండు గేమ్‌లు గెల్చుకున్న సెర్బియా స్టార్‌ 51 నిమిషాల్లో రెండో సెట్‌నున కోల్పోయాడు.   ► మూడో సెట్‌లో జొకోవిచ్‌ తేరుకున్నాడు. తొలి రెండు సర్వీస్‌లను నిలబెట్టుకున్నాడు. కానీ ఐదో గేమ్‌లో జొకోవిచ్‌ సర్వీస్‌ను బ్రేక్‌ చేసిన నాదల్‌ 3–2తో ముందంజ వేశాడు. కానీ వెంటనే నాదల్‌ సర్వీస్‌ను బ్రేక్‌ చేసిన జొకోవిచ్‌ స్కోరును 3–3తో సమం చేశాడు. ఆ తర్వాత ఇద్దరూ వరుసగా రెండు గేముల్లో తమ సర్వీస్‌లను కాపాడుకున్నాడు. పదకొండో గేమ్‌లో జొకోవిచ్‌ సర్వీస్‌ను బ్రేక్‌ చేసిన నాదల్‌ 6–5తో ఆధిక్యంలోకి వెళ్లాడు. 12వ గేమ్‌లో తన సర్వీస్‌లో ఏస్‌ సంధించి గేమ్‌తోపాటు సెట్‌ను, మ్యాచ్‌ను కైవసం చేసుకున్నాడు. ఫ్రెంచ్‌ ఓపెన్‌ చరిత్రలో నాదల్‌ సాధించిన విజయాలు. ఫెడరర్‌ తర్వాత ఓ గ్రాండ్‌స్లామ్‌ టోర్నీలో 100 విజయాలు నమోదు చేసిన రెండో ప్లేయర్‌ నాదల్‌. ఫెడరర్‌ రెండు గ్రాండ్‌స్లామ్‌ టోర్నీల్లో (ఆస్ట్రేలియన్‌ ఓపెన్‌లో 102; వింబుల్డన్‌లో 101) వంద కంటే ఎక్కువ విజయాలు సాధించాడు. తన ప్రొఫెషనల్‌ కెరీర్‌లో నాదల్‌ గెలిచిన మ్యాచ్‌ల సంఖ్య:  999 ఈ ఏడాది చాలా కఠినంగా ఉంది. 20వ గ్రాండ్‌స్లామ్‌ టైటిల్‌తో ఫెడరర్‌ రికార్డును సమం చేసినా... అది ఒక అంకె మాత్రమే. నిజాయితీగా చెప్పాలంటే ఫ్రెంచ్‌ ఓపెన్‌ నాకెప్పటికీ ప్రత్యేకమే. నా కెరీర్‌లో గొప్ప క్షణాలన్నీ ఇక్కడే వచ్చాయి. ఫ్రెంచ్‌ ఓపెన్‌తో, పారిస్‌ నగరంతో నా ప్రేమానుబంధం చిరస్మరణీయమైనది. –రాఫెల్‌ నాదల్‌  

పారిస్‌: ఫ్రెంచ్‌ ఓపెన్‌కు అద్భుత ముగింపు ఇచ్చే సమయం వచ్చింది. టైటిల్‌ వేటలో ఇద్దరు దిగ్గజ క్రీడాకారులు సర్వశక్తులూ ఒడ్డేందుకు సన్నద్ధమయ్యారు. నేడు జరిగే తుది పోరులో 12 సార్లు చాంపియన్, రెండో సీడ్‌ రాఫెల్‌ నాదల్‌ (స్పెయిన్‌)తో వరల్డ్‌ నంబర్‌వన్‌ నొవాక్‌ జొకోవిచ్‌ తలపడనున్నాడు. ఇక్కడ విజయం సాధిస్తే పలు అరుదైన ఘనతలు ఆయా ఆటగాళ్ల ఖాతాలో చేరతాయి. తనకు కోటలాంటి ఎర్రమట్టి కోర్టులో  ఫైనల్‌ చేరిన ప్రతీ సారి విజేతగా నిలిచిన నాదల్‌ మళ్లీ గెలిస్తే అతని ఖాతాలో 13వ ఫ్రెంచ్‌ ఓపెన్‌ చేరుతుంది. పైగా రోలండ్‌ గారోస్‌లో అతను సరిగ్గా 100 విజయాలు పూర్తి చేసుకుంటాడు. అన్నింటికి మించి 20వ గ్రాండ్‌స్లామ్‌ విజయంతో రోజర్‌ ఫెడరర్‌ సరసన నిలుస్తాడు. ఇక జొకోవిచ్‌ గెలిస్తే అతని ఖాతాలో 18వ గ్రాండ్‌స్లామ్‌ చేరుతుంది. దిగ్గజాల గ్రాండ్‌స్లామ్‌ టైటిల్స్‌ వరుస 20–19–18గా మారుతుంది. ఈ ఏడాది యూఎస్‌ ఓపెన్‌లో డిస్‌క్వాలిఫై కావడం మినహా ఆడిన మిగతా 37 మ్యాచ్‌లలో జొకోవిచ్‌ అద్భుత ఫామ్‌లో ఉన్నాడు. సిట్సిపాస్‌పై సెమీ ఫైనల్లో 6–3, 6–2, 5–7, 4–6, 6–1తో ఐదు సెట్‌ల పాటు కొంత పోరాడి గెలిచాడు. జొకోవిచ్‌ తన కెరీర్‌లో ఒకే ఒక ఫ్రెంచ్‌ ఓపెన్‌ సాధించగా... అదీ 2016లో నాదల్‌ మూడో రౌండ్‌లోనే గాయంతో తప్పుకున్న ఏడాది వచ్చింది.   ఇద్దరి మధ్య 55 మ్యాచ్‌లు జరగ్గా...నాదల్‌ 26 గెలిచాడు. జొకోవిచ్‌ 29 గెలిచి ఆధిక్యంలో ఉన్నాడు. అయితే ఫ్రెంచ్‌ ఓపెన్‌లో మాత్రం నాదల్‌ 6–1తో ముందంజలో ఉన్నాడు.

ఎర్రమట్టిపై రాఫెల్‌ నాదల్‌ మరోసారి ఎదురులేని ప్రదర్శన కనబర్చాడు... 13వ ఫ్రెంచ్‌ ఓపెన్‌ టైటిల్‌ నెగ్గే క్రమంలో నాదల్‌ తుది పోరుకు అర్హత సాధించాడు. సెమీస్‌లో అతని జోరు ముందు ష్వార్ట్‌జ్‌మన్‌ నిలవలేకపోయాడు. ఇటీవలే రోమ్‌ ఓపెన్‌లో క్వార్టర్స్‌లో నాదల్‌పై సంచలన విజయం సాధించిన అర్జెంటీనా ఆటగాడు గ్రాండ్‌స్లామ్‌ పోరులో మాత్రం తలవంచక తప్పలేదు. పారిస్‌: ఫ్రెంచ్‌ ఓపెన్‌లో రాఫెల్‌ నాదల్‌ విజయ యాత్ర కొనసాగుతోంది. టైటిల్‌ సాధించే లక్ష్యంతో బరిలోకి దిగిన అతను ఫైనల్లోకి ప్రవేశించాడు. శుక్రవారం జరిగిన సెమీస్‌లో రెండో సీడ్‌ నాదల్‌ 6–3, 6–3, 7–6 (7/0)తో 12వ సీడ్‌ డీగో ష్వార్ట్‌జ్‌మన్‌ (అర్జెంటీనా)ను ఓడించాడు. మొత్తం 3 గంటల 9 నిమిషాల పాటు సాగిన ఈ మ్యాచ్‌లో తొలి రెండు సెట్‌లు ఏకపక్షంగా సాగగా...చివరి సెట్‌లో మాత్రం ష్వార్ట్‌జ్‌మన్‌ కొంత పోటీనివ్వగలిగాడు. అయితే తుది ఫలితం మాత్రం నాదల్‌కు అనుకూలంగానే వచ్చింది. 3 ఏస్‌లు కొట్టిన అతను ఒక్క డబుల్‌ఫాల్ట్‌ కూడా చేయలేదు. మ్యాచ్‌లో నాదల్‌ 38 విన్నర్లు కొట్టాడు. ఫ్రెంచ్‌ ఓపెన్‌లో నాదల్‌కు ఇది 99వ విజయం కావడం విశేషం. మరో మ్యాచ్‌ గెలిస్తే అతను 100వ విజయంతో పాటు 13వ సారి టైటిల్‌ను అందుకుంటాడు. ఇక్కడ 12 సార్లు ఫైనల్‌ చేరిన అతను 12 సార్లూ విజేతగా నిలిచాడు.   టైబ్రేక్‌లో జోరు... మొదటి సెట్‌లో తన సర్వీస్‌ను కాపాడుకుంటూ ఒక సారి ప్రత్యర్థి సర్వీస్‌ను బ్రేక్‌ చేసిన నాదల్‌ 4–1తో ఆధిక్యంలో నిలిచాడు. ఆ తర్వాత ష్వార్ట్‌జ్‌మన్‌ కాస్త పోరాడి ఆధిక్యాన్ని 3–5కు తగ్గించగలిగినా, తర్వాతి గేమ్‌ను గెలుచుకొని నాదల్‌ సెట్‌ను సొంతం చేసుకున్నాడు. రెండో సెట్‌ కూడా దాదాపు ఇదే తరహాలో సాగింది. అయితే తొలి సెట్‌కంటే 13 నిమిషాలు వేగంగా ఈ సెట్‌ను స్పెయిన్‌ దిగ్గజం ముగించగలిగాడు.   మూడో సెట్‌ను కూడా ఒక దశలో వరల్డ్‌ నంబర్‌ 2 సునాయాసంగా గెలుచుకుంటాడని అనిపించింది. అయితే అర్జెంటీనా ఆటగాడు తన సర్వశక్తులూ ఒడ్డి ప్రత్యర్థిని నిలువరించే ప్రయత్నం చేశాడు. నాదల్‌ 4–2తో ఉన్న దశనుంచి అతను చెలరేగడంతో స్కోరు 5–5కు చేరింది. ఈ సమయంలో నాదల్‌ కొంత ఒత్తిడికి లోనయ్యాడు. పది నిమిషాలకు పైగా సాగిన తర్వాతి గేమ్‌లో అతను అద్భుతమైన ఫోర్‌హ్యాండ్‌లతో మూడు బ్రేక్‌ పాయింట్లను కాపాడుకున్నాడు. అయితే ష్వార్ట్‌జ్‌మన్‌ 6–6తో సమం చేయడంతో టైబ్రేకర్‌ అనివార్యమైంది. ఇక్కడ నాదల్‌ తన స్థాయి ఏమిటో చూపించాడు. ప్రత్యర్థికి ఏమాత్రం అవకాశం ఇవ్వకుండా వరుసగా 7 గేమ్‌లు గెలిచి ఫైనల్‌ చేరాడు.

మంగళవారం అర్ధరాత్రి దాటాక జరిగిన పురుషుల సింగిల్స్‌ క్వార్టర్‌ ఫైనల్లో డిఫెండింగ్‌ చాంపియన్‌ రాఫెల్‌ నాదల్‌ (స్పెయిన్‌)దే పైచేయిగా నిలిచింది. ఇటలీ టీనేజర్‌ జానిక్‌ సినెర్‌తో జరిగిన మ్యాచ్‌లో నాదల్‌ 7–6 (7/4), 6–4, 6–1తో గెలుపొంది ఈ టోర్నీలో 13వసారి సెమీఫైనల్‌కు చేరాడు. శుక్రవారం జరిగే సెమీఫైనల్లో 12వ సీడ్‌ డీగో ష్వార్ట్‌జ్‌మన్‌ (అర్జెంటీనా)తో నాదల్‌ తలపడతాడు. ముఖాముఖి రికార్డులో నాదల్‌ 9–1తో ఆధిక్యంలో ఉన్నాడు. పారిస్‌ కాలమానం ప్రకారం ఈ మ్యాచ్‌ రాత్రి 10 గంటల 30 నిమిషాలకు ప్రారంభమై రాత్రి ఒకటిన్నరకు ముగిసింది. ఫ్రెంచ్‌ ఓపెన్‌లోని సెంటర్‌ కోర్టుకు పైకప్పు అమర్చడంతో ఈసారి రాత్రి వేళ కూడా మ్యాచ్‌లను నిర్వహిస్తున్నారు. బుధవారం జరిగిన పురుషుల సింగిల్స్‌ మూడో క్వార్టర్‌ ఫైనల్లో ఐదో సీడ్‌ సిట్సిపాస్‌ (గ్రీస్‌) 7–5, 6–2, 6–3తో 13వ సీడ్‌ రుబ్లెవ్‌ (రష్యా)ను ఓడించి తొలిసారి సెమీఫైనల్లోకి ప్రవేశించాడు.

పారిస్‌: డిఫెండింగ్‌ ఛాంపియన్‌ రాఫెల్‌ నాదల్‌ ఫ్రెంచ్‌ ఓపెన్‌లో సెమీస్‌కు చేరాడు. క్వార్టర్‌ ఫైనల్స్‌లో ఇటలీకి చెందిన యువ ఆటగాడు 'జన్నిక్‌ సిన్నర్‌'పై 7-6, 6-4, 6-1 తేడాతో గెలుపొందాడు. ఫ్రెంచ్‌ ఓపెన్‌లో నాదల్‌ ఇప్పటివరకు వంద మ్యాచులు ఆడగా, వీటిలో 98 విజయాలు సాధించడం విశేషం. ఇప్పటి వరకు 12 సార్లు ఫ్రెంచ్‌ ఓపెన్‌ టైటిల్‌ దక్కించుకున్న నాదల్‌ మరో టైటిల్‌ సాధించేందుకు రెండు అడుగుల దూరంలో ఉన్నాడు. సెమీ ఫైనల్స్‌లో అర్జెంటినాకు చెందిన 'డీగో ష్వార్ట్‌మెన్‌'తో తలపడనున్నాడు.   ఆ టైంలో భయకరంగా ఉంది... దాదాపు 2 గంటల 49 నిమిషాల పాటు సాగిన ఈ మ్యాచ్‌ ముగిసేసరికి అర్ధరాత్రి 1.30 గంటలైంది. మ్యాచ్‌ ముగిసిన అనంతరం మీడియాతో నాదల్‌ మాట్లాడాడు. 12 డిగ్రీల సెల్సియల్‌తో ఈ సమయం వరకు మ్యాచ్‌ ఆడడం భయంకరంగా ఉందని అన్నాడు. ఫుట్‌బాల్‌ ఆటగాళ్లు ఇలాంటి వాతావరణంలో ఆడుతారని, కానీ నిర్వాహకులు మ్యాచ్‌ను ఇంత ఆలస్యంగా ఎందుకు నిర్వహించారని అసంతృప్తి వ్యక్తం చేశాడు. నాదల్‌, జన్నిక్‌ సిన్నర్‌ రాత్రి 10.30 గంటలకు కోర్ట్‌లో అడుగుపెట్టారు. ఒకే కోర్టుపై ఐదు మ్యాచులు ఉండడంతో వారికి ఆలస్యం అవ్వక తప్పలేదు. జన్నిక్‌పై ప్రశంసలు... జన్నిక్‌ అద్భుతంగా ఆడాడని, బంతిని ధాటిగా స్ట్రైక్‌ చేస్తున్నాడని నాదల్‌ అన్నాడు. మొదటి రెండు సెట్స్‌లో మంచి పోటీనిచ్చాడని...ముఖ్యంగా మొదటి సెట్‌లో హోరాహోరిగా పోటిపడ్డామని అన్నాడు. అతడికి మంచి భవిష్యత్తు ఉందని కితాబిచ్చాడు.  (ఇదీ చదవండి: అక్షరాలా రూ. 7 కోట్లు)

పారిస్‌: అగ్రశ్రేణి క్రీడాకారులు తమ ఆటతోపాటు తమ అలంకారాలతో కూడా అందరి దృష్టిని ఆకర్షించడం కొత్త కాదు. ఇప్పుడు ఇదే జాబితాలో టెన్నిస్‌ స్టార్‌ రాఫెల్‌ నాదల్‌ కూడా చేరాడు. 20వ గ్రాండ్‌స్లామ్‌ వేటలో ఫ్రెంచ్‌ ఓపెన్‌లో దూసుకుపోతున్న నాదల్‌ తన కుడిచేతికి ధరించిన గడియారం ఇప్పుడు హాట్‌ టాపిక్‌గా మారింది. ఈ చేతి గడియారం ఖరీదు ఏకంగా 10 లక్షల 50 వేల డాలర్లు (సుమారు రూ. 7 కోట్ల 67 లక్షలు)  కావడం విశేషం. ఇంత ఖరీదైన రిస్ట్‌ వాచ్‌ను ఒక టెన్నిస్‌ ఆటగాడు గతంలో ఎప్పుడూ ధరించలేదు. ప్రతిష్టాత్మక కంపెనీ ‘రిచర్డ్‌ మిల్లే’ నాదల్‌తో తమకు ఉన్న 10 ఏళ్ల అనుబంధాన్ని గుర్తు చేసుకుంటూ ఈ వాచీని ప్రత్యేకంగా తయారు చేసింది. ‘ఆర్‌ఎం 27–04 టోర్బిలాన్‌ రాఫెల్‌ నాదల్‌’ పేరుతో సదరు కంపెనీ ఇలాంటి 50 చేతి గడియారాలను మాత్రమే రూపొందించి మార్కెట్‌లో ఉంచింది. టైటాకార్బ్‌ టెక్నాలజీతో కార్ల తయారీలో వాడే మెటీరియల్‌ను దీనికి ఉపయోగించారు. అదీ ఇది అని కాకుండా సాంకేతికపరంగా లెక్కలేనన్ని ప్రత్యేకతలు ఈ గడియారంలో ఉన్నాయన్న రిచర్డ్‌ మిల్లే... నాదల్‌లాంటి దిగ్గజం మణికట్టుకు ఇది కనిపించడం తమకు గర్వకారణమని పేర్కొంది.   ఆట ఓడాక ఆనందం... ‘చాలా అద్భుతంగా ఉంది’, ‘నా జీవితంలో కచ్చితంగా ఇదే అత్యుత్తమ క్షణం’... సాధారణంగా ఇలాంటి మాటలు విజేతగా నిలిచిన ఆటగాడి నోటి నుంచి వినిపిస్తుంటాయి. కానీ ఒక మ్యాచ్‌లో చిత్తుగా ఓడిన తర్వాత కూడా ఎవరైనా ఇలా మాట్లాడితే ఆశ్చర్యపడాల్సిందే. అమెరికా యువ ఆటగాడు సెబాస్టియన్‌ కోర్డా ఫ్రెంచ్‌ ఓపెన్‌ ప్రిక్వార్టర్స్‌లో రాఫెల్‌ నాదల్‌ చేతిలో ఓడిన ఇలాంటి ‘తన్మయత్వానికి’ గురయ్యాడు. అందుకు కారణం అతను చిన్ననాటి నుంచి నాదల్‌ వీరాభిమాని కావడమే. ‘చిన్నప్పటి నుంచి నాకు ఆటంటే నాదల్‌ మాత్రమే. అతను ఏ టోర్నీలో ఆడినా, ఎవరితో తలపడినా ప్రతీ మ్యాచ్‌ను నేను చూశాను. నా పిల్లికి కూడా అతని పేరే పెట్టుకున్నాను. అలాంటిది క్లే కోర్టులో అతనికి ప్రత్యర్థిగా ఆడగలనని అస్సలు ఊహించలేదు. అందుకే ఇది నాకు మరచిపోలేని మధుర క్షణం’ అని 20 ఏళ్ల సెబాస్టియన్‌ చెప్పాడు. సెబాస్టియన్‌ తండ్రి పెటర్‌ కోర్డా 1998లో ఆస్ట్రేలియన్‌ ఓపెన్‌ విజేతగా నిలవగా, 1992 ఫ్రెంచ్‌ ఓపెన్‌లో ఫైనల్‌కు వచ్చాడు. అయినా సరే నాదల్‌ అంటేనే సెబాస్టియన్‌ పడి చస్తాడు. అందుకే మ్యాచ్‌ ముగిసిన తర్వాత నేరుగా నాదల్‌ వద్దకే వెళ్లి అడిగి మరీ టీ షర్ట్‌పై ఆటోగ్రాఫ్‌ తీసుకొని సంబరపడిపోయాడు. మరోవైపు సెబాస్టియన్‌ భవిష్యత్తులో మంచి విజయాలు సాధించాలని నాదల్‌ ఆకాంక్షించాడు. సెబాస్టియన్‌ కోర్డా

పారిస్‌: వందేళ్లకంటే ఎక్కువ చరిత్ర ఉన్న ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో రాఫెల్‌ నాదల్‌ ఒక్కడే అత్యధికంగా 14 సార్లు క్వార్టర్‌ ఫైనల్‌ దశకు చేరుకున్నాడు. అయితే నాదల్‌ రికార్డును టాప్‌ సీడ్, ప్రపంచ నంబర్‌వన్‌ నొవాక్‌ జొకోవిచ్‌ సోమవారం సమం చేశాడు. ఈ సెర్బియా స్టార్‌ కూడా 14వ సారి క్వార్టర్‌ ఫైనల్‌కు చేరుకొని నాదల్‌ సరసన చేరాడు. పురుషుల సింగిల్స్‌ ప్రిక్వార్టర్‌ ఫైనల్లో 2016 చాంపియన్‌ జొకోవిచ్‌ 6–4, 6–3, 6–3తో 15వ సీడ్‌ ఖచనోవ్‌ (రష్యా)ను ఓడించాడు. ఈ టోర్నీలో వరుసగా 11వసారి క్వార్టర్‌ ఫైనల్‌ చేరుకునే క్రమంలో జొకోవిచ్‌ తన ప్రత్యర్థులకు ఒక్కసెట్‌ కూడా కోల్పోకపోవడం విశేషం. ఖచనోవ్‌తో 2 గంటల 23 నిమిషాలపాటు సాగిన పోరులో జొకోవిచ్‌ ఆరు బ్రేక్‌ పాయింట్లు సాధించాడు. 28 అనవసర తప్పిదాలు చేసిన ఈ సెర్బియా స్టార్‌ నెట్‌ వద్దకు 35 సార్లు దూసుకొచ్చి 23 సార్లు పాయింట్లు గెలిచాడు. ఈసారి జొకోవిచ్‌ ఫ్రెంచ్‌ ఓపెన్‌ గెలిస్తే టెన్నిస్‌లోని నాలుగు గ్రాండ్‌స్లామ్‌ టోర్నీలను (ఆస్ట్రేలియన్, ఫ్రెంచ్, వింబుల్డన్, యూఎస్‌ ఓపెన్‌) రెండుసార్లు చొప్పున సొంతం చేసుకున్న ఏకైక క్రీడాకారుడిగా రికార్డు నెలకొల్పుతాడు. ఇతర ప్రిక్వార్టర్‌ ఫైనల్స్‌లో ఐదో సీడ్‌ సిట్సిపాస్‌ (గ్రీస్‌) 6–3, 7–6 (11/9), 6–2తో 18వ సీడ్‌ దిమిత్రోవ్‌ (బల్గేరియా)పై, 13వ సీడ్‌ రుబ్లెవ్‌ (రష్యా) 6–7 (4/7), 7–5, 6–4, 7–6 (7/3)తో ఫుచోవిచ్‌ (హంగేరి)పై గెలిచి తమ కెరీర్‌లో తొలిసారి ఫ్రెంచ్‌ ఓపెన్‌లో క్వార్టర్‌ ఫైనల్‌ చేరుకున్నారు. క్విటోవా 2012 తర్వాత... మహిళల సింగిల్స్‌లో ఏడో సీడ్‌ క్విటోవా (చెక్‌ రిపబ్లిక్‌), అన్‌సీడెడ్‌ క్రీడాకారిణి లౌరా సిగెముండ్‌ (జర్మనీ) క్వార్టర్‌ ఫైనల్లోకి దూసుకెళ్లారు. క్విటోవా 6–2, 6–4తో షుయె జాంగ్‌ (చైనా)పై, లౌరా సిగెముండ్‌ 7–5, 6–2తో పౌలా బడోసా (స్పెయిన్‌)పై గెలిచారు. కెరీర్‌లో 16వ గ్రాండ్‌స్లామ్‌ టోర్నీ ఆడుతున్న లౌరా తొలిసారి గ్రాండ్‌స్లామ్‌ టోర్నీలో క్వార్టర్‌ ఫైనల్‌ దశకు చేరుకుంది. మరోవైపు క్విటోవా 2012 తర్వాత ఫ్రెంచ్‌ ఓపెన్‌లో క్వార్టర్‌ ఫైనల్‌ చేరింది. మరో ప్రిక్వార్టర్‌ ఫైనల్లో నాలుగో సీడ్‌ సోఫియా కెనిన్‌ (అమెరికా) 2–6, 6–2, 6–1తో ఫియోనా ఫెరో (ఫ్రాన్స్‌)పై నెగ్గింది.

పారిస్‌: వరుసగా రెండో రోజూ ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌ మహిళల సింగిల్స్‌ విభాగంలో సంచలన ఫలితాలు నమోదయ్యాయి. గత ఏడాది రన్నరప్, 15వ సీడ్‌ మర్కెటా వొండ్రుసోవా (చెక్‌ రిపబ్లిక్‌), 12వ సీడ్‌ మాడిసన్‌ కీస్‌ (అమెరికా), 22వ సీడ్‌ కరోలినా ముకోవా (చెక్‌ రిపబ్లిక్‌), 28వ సీడ్‌ స్వెత్లానా కుజ్‌నెత్సోవా (రష్యా) తొలి రౌండ్‌లోనే ఇంటిముఖం పట్టారు. సోమవారం జరిగిన తొలి రౌండ్‌ మ్యాచ్‌లో ఇగా స్వియాటెక్‌ (పోలాండ్‌) 6–1, 6–2తో వొండ్రుసోవాను బోల్తా కొట్టించింది. 63 నిమిషాల్లో ముగిసిన ఈ మ్యాచ్‌లో స్వియాటెక్‌ తన ప్రత్యర్థి సర్వీస్‌ను ఐదుసార్లు బ్రేక్‌ చేసింది. ఇతర మ్యాచ్‌ల్లో షుయె జాంగ్‌ (చైనా) 6–3, 7–6 (7/2)తో కీస్‌పై... క్రిస్టినా మెకేల్‌ (అమెరికా) 6–2, 6–4తో ముకోవాపై... పావ్లీచెంకోవా (రష్యా) 6–1, 2–6, 6–1తో కుజ్‌నెత్సోవాపై సంచలన విజయాలు సాధించారు. మరోవైపు టాప్‌–10లోని నలుగురు క్రీడాకారిణులు రెండో రౌండ్‌లో కి అడుగుపెట్టారు. ఆరో సీడ్‌ సెరెనా విలియమ్స్‌ (అమెరికా) 7–6 (7/2), 6–0తో క్రిస్టీ ఆన్‌ (అమెరికా)పై, ఏడో సీడ్‌ పెట్రా క్విటోవా (చెక్‌ రిపబ్లిక్‌) 6–3, 7–5తో ఒసీన్‌ డోడిన్‌ (ఫ్రాన్స్‌)పై, ఐదో సీడ్‌ కికి బెర్‌టెన్స్‌ (నెదర్లాండ్స్‌) 2–6, 6–2, 6–0తో జవాత్‌స్కా (ఉక్రెయిన్‌)పై, మూడో సీడ్‌ స్వితోలినా (ఉక్రెయిన్‌) 7–6 (7/2), 6–4తో వర్వరా గ్రషెవా (రష్యా) పై గెలిచారు. 2016 చాంపియన్‌ ముగురుజా 7–5, 4–6, 8–6తో 81వ ర్యాంకర్‌ తమారా జిదాన్‌సెక్‌ (స్లొవేకియా)పై శ్రమించి గెలిచింది.   నాదల్‌ శుభారంభం...  పురుషుల సింగిల్స్‌లో డిఫెండింగ్‌ చాంపియన్‌ నాదల్‌ (స్పెయిన్‌), గతేడాది రన్నరప్‌ థీమ్‌ (ఆస్ట్రియా) శుభారంభం చేశారు. తొలి రౌండ్‌లో నాదల్‌ 6–4, 6–4, 6–2తో జెరాసిమోవ్‌ (బెలారస్‌)పై, థీమ్‌ 6–4, 6–3, 6–3తో సిలిచ్‌ (క్రొయేషియా)పై నెగ్గారు. మరోవైపు ఎనిమిదో సీడ్‌ మోన్‌ఫిల్స్‌ (ఫ్రాన్స్‌) 4–6, 5–7, 6–3, 3–6తో బుబ్లిక్‌ (కజకిస్తాన్‌) చేతిలో, 14వ సీడ్‌ ఫాగ్‌నిని (ఇటలీ) 5–7, 6–3, 6–7 (1/7), 0–6తో కుకుష్‌కిన్‌ (కజకిస్తాన్‌) చేతిలో ఓడిపోయారు.  

రోమ్‌: ఏడు నెలల విరామం తర్వాత తొలి టోర్నమెంట్‌లో బరిలోకి దిగిన స్పెయిన్‌ టెన్నిస్‌ స్టార్‌ రాఫెల్‌ నాదల్‌కు నిరాశ ఎదురైంది. ఇటాలియన్‌ ఓపెన్‌ మాస్టర్స్‌ సిరీస్‌–1000 క్లే కోర్టు టోర్నీలో తొమ్మిదిసార్లు చాంపియన్‌ నాదల్‌ పోరాటం క్వార్టర్‌ ఫైనల్లోనే ముగిసింది. క్లే కోర్టులపై తిరుగులేని నాదల్‌ను ప్రపంచ 15వ ర్యాంకర్‌ డీగో ష్వార్ట్‌జ్‌మన్‌ (అర్జెంటీనా) బోల్తా కొట్టించాడు. రెండు గంటల మూడు నిమిషాలపాటు జరిగిన క్వార్టర్‌ ఫైనల్లో ష్వార్ట్‌జ్‌మన్‌ 6–2, 7–5తో నాదల్‌ను ఓడించాడు. గతంలో నాదల్‌తో ఆడిన తొమ్మిదిసార్లూ ఓడిపోయిన ష్వార్ట్‌జ్‌మన్‌ పదో ప్రయత్నంలో విజయం రుచి చూడటం విశేషం. మ్యాచ్‌ మొత్తంలో నాదల్‌ సర్వీస్‌ను ఐదుసార్లు బ్రేక్‌ చేసిన ష్వార్ట్‌జ్‌మన్‌ తన సర్వీస్‌ను రెండుసార్లు కోల్పోయాడు. రెండో సెమీఫైనల్లో డెనిస్‌ షపోవలోవ్‌ (కెనడా)తో ష్వార్ట్‌జ్‌మన్‌ ఆడతాడు. మరోవైపు తొలి సెమీఫైనల్లో టాప్‌ సీడ్‌ జొకోవిచ్‌ 7–5, 6–3తో కాస్పర్‌ రూడ్‌ (నార్వే)పై గెలిచాడు. ఇదే టోర్నీ మహిళల సింగిల్స్‌లో సిమోనా హలెప్‌ (రొమేనియా), ప్లిస్కోవా (చెక్‌ రిపబ్లిక్‌) టైటిల్‌ పోరుకు అర్హత సాధించారు. 

రోమ్‌: ఏడు నెలల విరామం తర్వాత స్పెయిన్‌ టెన్నిస్‌ స్టార్, ప్రపంచ రెండో ర్యాంకర్‌ రాఫెల్‌ నాదల్‌ మళ్లీ కోర్టులోకి అడుగు పెట్టనున్నాడు. ఈనెల 14 నుంచి 21 వరకు రోమ్‌లో జరిగే ఇటాలియన్‌ ఓపెన్‌తో నాదల్‌ పునరాగమనం చేయనున్నాడు. ఫిబ్రవరిలో మెక్సికోలో జరిగిన అకాపుల్కో ఓపెన్‌లో నాదల్‌ చివరిసారి బరిలోకి దిగి విజేతగా నిలిచాడు. ఆ తర్వాత కరోనా మహమ్మారితో అంతర్జాతీయ టోర్నీలు నిలిచిపోయాయి. గత నెలలో న్యూయార్క్‌లో సిన్సినాటి ఓపెన్‌తో అంతర్జాతీయ టెన్నిస్‌ పునఃప్రారంభమైనా నాదల్‌ ఆ టోర్నీలో ఆడలేదు. న్యూయార్క్‌లో కరోనా కేసులు ఎక్కువగా ఉండటంతో నాదల్‌ యూఎస్‌ ఓపెన్‌ టోర్నీకీ దూరంగా ఉన్నాడు. ఫ్రెంచ్‌ ఓపెన్‌కు సన్నాహక టోర్నీ అయిన ఇటాలియన్‌ ఓపెన్‌లో ఫెడరర్‌ మినహా టాప్‌–20 లోని 19 మంది ఆటగాళ్లు ఎంట్రీలు ఖరారు చేశారు. ఇదే టోర్నీ మహిళల సింగిల్స్‌ విభాగంలో టాప్‌–10లో నంబర్‌వన్‌ యాష్లే బార్టీ మినహా మిగతా తొమ్మిది మంది బరిలోకి దిగుతున్నారు. 

మాడ్రిడ్‌: కొన్నాళ్ల క్రితం కరోనా ఉధృతంగా ఉన్న వేళ... క్రొయేషియా, సెర్బియా వేదికల్లో వరల్డ్‌ నంబర్‌వన్‌ నొవాక్‌ జొకోవిచ్‌ ‘ఆడ్రియా ఎగ్జిబిషన్‌ టూర్‌’ పేరుతో మ్యాచ్‌లు నిర్వహించాడు. దీని వల్ల అతడితో పాటు మరికొందరు టెన్నిస్‌ ప్లేయర్లు కరోనా బారిన పడ్డారు. దాంతో కరోనా సమయంలో మ్యాచ్‌లు ఏంటని ప్రపంచ వ్యాప్తంగా ఉన్న టెన్నిస్‌ ప్రేమికులు జొకోవిచ్‌పై విమర్శలు గుప్పించారు. అయితే ఈ విషయంలో జొకోవిచ్‌కు అతని చిరకాల ప్రత్యర్థి, మరో దిగ్గజ ఆటగాడు రాఫెల్‌ నాదల్‌ మద్దతుగా నిలిచాడు. ‘మంచి జరుగుతుందని భావించి మనం చేసే పనుల్లో కొన్ని సార్లు తప్పులు దొర్లుతాయి. దానివల్ల కొంతమంది ఇబ్బంది కూడా పడొచ్చు. అదే ఆడ్రియా టూర్‌లో జరిగింది. అంత మాత్రాన ఆ పనిని చేసిన వ్యక్తిని పనిగట్టుకొని తిట్టడం మంచిది కాదు’ అని విమర్శకులకు హితవు పలికాడు. ఇకనైనా జొకోవిచ్‌పై విమర్శలకు స్వస్తి పలకాలని కోరాడు.

న్యూయార్క్‌: అమెరికాలో ఇంకా కరోనా వైరస్‌ తగ్గుముఖం పట్టకపోవడంతో... ఈనెల 31 నుంచి న్యూయార్క్‌లో ప్రారంభం కావాల్సిన యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో పాల్గొనడంలేదని పురుషుల సింగిల్స్‌ డిఫెండింగ్‌ చాంపియన్‌ రాఫెల్‌ నాదల్‌ వెల్లడించాడు. ‘ప్రపంచ వ్యాప్తంగా కరోనా వైరస్‌తో పరిస్థితులు విషమంగా ఉన్నాయి. కోవిడ్‌–19 కేసులు రోజురోజుకీ పెరుగుతున్నాయి. ఈ మహమ్మారిపై మనకింకా నియంత్రణ రాలేదనిపిస్తోంది. ఆడకూడదనే నిర్ణయం నేను తీసుకోవద్దనుకున్నాను. కానీ నా మనసు మాట విన్నాకే ఈసారి న్యూయార్క్‌ వెళ్లకూడదని నిర్ణయం తీసుకున్నాను’ అని కెరీర్‌లో 19 గ్రాండ్‌స్లామ్‌ టైటిల్స్‌ నెగ్గిన 34 ఏళ్ల నాదల్‌ వ్యాఖ్యానించాడు. ఫెడరర్, నాదల్‌ గైర్హాజరీలో ప్రపంచ నంబర్‌వన్‌ నొవాక్‌ జొకోవిచ్‌కు యూఎస్‌ ఓపెన్‌ రూపంలో కెరీర్‌లో 18వ గ్రాండ్‌స్లామ్‌ టైటిల్‌ గెలిచేందుకు సువర్ణావకాశం లభించనుంది. నిర్వాహకులు వెల్లడించిన తాజా జాబితా ప్రకారం ప్రపంచ ర్యాంకింగ్స్‌లోని టాప్‌–10 ఆటగాళ్లలో ఏడుగురు తమ ఎంట్రీలను ఖరారు చేశారు. మహిళల సింగిల్స్‌ విభాగంలో ప్రపంచ నంబర్‌వన్‌ యాష్లే బార్టీ మినహా టాప్‌–10లోని తొమ్మిది మంది ఈ మెగా ఈవెంట్‌లో పాల్గొనేందుకు సుముఖంగా ఉన్నామని తెలిపారు.  

మాడ్రిడ్‌ (స్పెయిన్‌): అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ (ఏటీపీ) విడుదల చేసిన కొత్త క్యాలెండర్‌పై 19 గ్రాండ్‌స్లామ్‌ టైటిల్స్‌ విజేత రాఫెల్‌ నాదల్‌ (స్పెయిన్‌) అంకుల్, మాజీ కోచ్‌ టోనీ నాదల్‌ అసంతృప్తి వ్యక్తం చేశాడు. ఇదేం షెడ్యూల్‌ అంటూ ఏటీపీపై విరుచుకుపడ్డాడు. రెండు గ్రాండ్‌స్లామ్‌ టోర్నమెంట్‌ల మధ్య రెండు వారాల వ్యవధి మాత్రమే ఉండటం ఏంటని ఏటీపీని టోనీ ప్రశ్నించాడు. తాజా షెడ్యూల్‌ ప్రకారం యూఏస్‌ ఓపెన్‌ ఆగస్టు 31 నుంచి సెప్టెంబర్‌ 13... ఫ్రెంచ్‌ ఓపెన్‌ సెప్టెంబర్‌ 27 నుంచి అక్టోబర్‌ 11 మధ్య జరగనున్నాయి. వీటి మధ్యలో మాడ్రిడ్, రోమ్‌ మాస్టర్స్‌ టోర్నీలను కూడా నిర్వహించనున్నారు. ఇటువంటి షెడ్యూల్‌ శారీరకంగా ఆటగాళ్లపై తీవ్ర ప్రభావం చూçపుతుందని... ముఖ్యంగా నాదల్, జొకోవిచ్‌ లాంటి వెటరన్స్‌పై దీని ప్రభావం ఎక్కువగా ఉంటుందని ఆయన అన్నాడు.

బార్సిలోనా (స్పెయిన్‌): కరోనా వైరస్‌ వ్యాప్తి ఇంకా తగ్గుముఖం పట్టకపోవడంతో... అమెరికాలోని న్యూయార్క్‌నగరం వేదికగా జరగాల్సిన యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో తాను పాల్గొనే అవకాశాలు తక్కువగా ఉన్నాయని స్పెయిన్‌ స్టార్, ప్రపంచ రెండో ర్యాంకర్‌ రాఫెల్‌ నాదల్‌ వెల్లడించాడు. ‘న్యూయార్క్‌లో జరిగే టెన్నిస్‌ టోర్నీలో పాల్గొనేందుకు ఇప్పటికిప్పుడు అమెరికాకు వెళ్తావా అని ఎవరైనా నన్ను అడిగితే... వెళ్లలేను అని సమాధానం చెబుతాను. అయితే రెండు నెలల తర్వాత న్యూయార్క్‌లో పరిస్థితులు ఎలా ఉంటాయో చెప్పలేను. మెరుగవుతాయనే ఆశిస్తున్నాను. కరోనా తీవ్రత ఎక్కువగా ఉన్న నగరాల్లో న్యూయార్క్‌ ఒకటి. ముందైతే యూఎస్‌ ఓపెన్‌ టోర్నీ నిర్వాహకుల నుంచి స్పష్టమైన ప్రకటన రానివ్వండి. అప్పటి వరకు వేచి చూద్దాం’ అని యూఎస్‌ ఓపెన్‌ పురుషుల సింగిల్స్‌ డిఫెండింగ్‌ చాంపియన్‌గా ఉన్న నాదల్‌ తెలిపాడు. నాదల్‌ మరో గ్రాండ్‌స్లామ్‌ టైటిల్‌ సాధిస్తే... పురుషుల సింగిల్స్‌లో అత్యధిక గ్రాండ్‌స్లామ్‌ టైటిల్స్‌ నెగ్గిన క్రీడాకారుల జాబితాలో అగ్రస్థానంలో ఉన్న స్విట్జర్లాండ్‌ దిగ్గజం రోజర్‌ ఫెడరర్‌ (20 టైటిల్స్‌)ను సమం చేస్తాడు. షెడ్యూల్‌ ప్రకారం ఈ ఏడాది యూఎస్‌ ఓపెన్‌ ఆగస్టు 31 నుంచి సెప్టెంబర్‌ 14 వరకు జరగాల్సి ఉంది. కరోనా కారణంగా టెన్నిస్‌ టోర్నీలపై తీవ్ర ప్రభావమే పడింది. మార్చి రెండో వారం నుంచి ప్రపంచ వ్యాప్తంగా అంతర్జాతీయ టోర్నీలు ఆగిపోయాయి. కరోనా దెబ్బకు రెండో ప్రపంచ యుద్ధం తర్వాత తొలిసారి ప్రతిష్టాత్మక వింబుల్డన్‌ గ్రాండ్‌స్లామ్‌ టోర్నీని రద్దు చేశారు. మే–జూన్‌లలో జరగాల్సిన ఫ్రెంచ్‌ ఓపెన్‌ గ్రాండ్‌స్లామ్‌ టోర్నీని సెప్టెంబర్‌ చివరి వారానికి వాయిదా వేశారు. ‘ఎవరికీ ఎలాంటి ఇబ్బంది లేకుండా, సురక్షితంగా యూఎస్‌ ఓపెన్‌ జరిగేలా నిర్వాహకులు సరైన సమయంలో సరైన నిర్ణయం తీసుకుంటారని ఆశిస్తున్నాను. ఒకవేళ అలా చేయకుంటే అందులో అర్థం లేదు. తప్పనిసరి పరిస్థితుల్లో ప్రేక్షకులు లేకుండా ఆడాల్సి వస్తే దానికి సిద్ధమే. అయితే రాబోయే రెండు నెలల్లో పరిస్థితులు మెరుగుపడి ప్రేక్షకుల సమక్షంలోనే యూఎస్‌ ఓపెన్‌ జరగాలని ఆశిస్తున్నాను’ అని ఈ మాజీ నంబర్‌వన్‌ వ్యాఖ్యానించాడు. రెండు వారాల వ్యవధిలో యూఎస్‌ ఓపెన్, ఫ్రెంచ్‌ ఓపెన్‌ జరగనున్నందున... రెండింటిలోనూ తాను ఆడే విషయంపై ఇప్పుడే నిర్ణయం తీసుకోలేనన్నాడు. అంతర్జాతీయంగా అన్ని దేశాల్లోనూ ప్రయాణ ఆంక్షలు ఎత్తివేశాకే టెన్నిస్‌ టోర్నీలు నిర్వహిస్తే బాగుంటుందని నాదల్‌ అభిప్రాయపడ్డాడు. 

మాడ్రిడ్‌: కరోనా వ్యాక్సిన్‌ను ప్రతీ ఒక్కరికీ కచ్చితత్వం చేయాల్సిన అవసరం లేదంటూ  ఇటీవల సెర్బియా టెన్నిస్‌, వరల్డ్‌ నంబర్‌ వన్‌ నొవాక్‌ జొకోవిచ్‌ అభిప్రాయపడిన సంగతి తెలిసిందే. ఈ క్రమంలోనే తాను కరోనా వ్యాక్సిన్‌కు వ్యతిరేకమంటూ ముందుగానే తన మనసులోని మాటను బయటపెట్టాడు. ఒకవేళ వ్యాక్సిన్‌ తీసుకుంటే అది ఆటపై ప్రభావం చూపే అవకాశం ఉందని, ఇది వారి వారి వ్యక్తిగత ఇష్టానికి వదిలిపెట్టాలన్నాడు. తాను మాత్రం ఈ టీకాను తీసుకునే ప్రసక్తే లేదని తేల్చిచెప్పాడు. అయితే ఇది కుదరని పని అంటున్నాడు సహచర టెన్నిస్‌ ఆటగాడు, స్పెయిన్‌ బుల్‌ రఫెల్‌ నాదల్‌. ప్రతీ ఒక్కరూ రూల్స్‌ను పాటించాల్సిందేనని స్పష్టం చేశాడు. ‘ జొకోవిచ్‌ వ్యాక్సిన్‌ తీసుకోనంటే కుదరదు. అతను టెన్నిస్‌ ఆటలో టాప్‌లో కొనసాగాలంటే వ్యాక్సిన్‌ తీసుకోవాల్సిందే. ఇక్కడ నియమ నిబంధనలకు ఎవరూ  అతీతం కాదు. (కరోనా టీకాకు నేను వ్యతిరేకం: జొకోవిచ్‌) ఏ ఒక్కరి కోసమో నిబంధనలను మార్చే అవకాశం ఉండదు. ప్రధానంగా మనం వరల్డ్‌ టూర్‌లకు వెళ్లినప్పుడు వ్యాక్సిన్‌ తీసుకోమనే నిబంధన అమలు చేస్తారు. అప్పుడు నాకు వద్దంటే అది వీలుకాదు. కరోనా వ్యాక్సిన్‌ వచ్చిన తర్వాత దాన్ని తీసుకోవడం, తీసుకోకపోవడం వారి వారి అభిప్రాయాలను బట్టి ఉంటుంది. ఆటగాళ్ల విషయంలో అది సాధ్యపడదు. టెన్నిస్‌ పర్యటనలకు వెళ్లినప్పుడు వ్యాక్సిన్‌ తప్పనిసరి చేస్తే అప్పుడు ఎలా కాదంటాం. అది నాకైనా, జొకోవిచ్‌కైనా వర్తిస్తుంది. డోపింగ్‌కు దూరంగా ఉండాలను క్రమంలో కొన్ని నిబంధనలకు పాటించే వారికి కూడా ఇది తప్పనిసరే అవుతుంది. ఒకసారి రూల్‌ను తెచ్చిన తర్వాత దాన్ని ఫాలో అవ్వాల్సిన అవసరం లేదని చెప్పలేం’ అని నాదల్‌ పేర్కొన్నాడు. ఇప్పటివరకూ కరోనా వైరస్‌కు వ్యాక్సిన్‌ రాకపోయినా, దీనికి ట్రయల్స్‌  జరుగుతున్నాయి కాబట్టి అది సాధ్యమైనంత తొందరగానే వస్తుందని అంతా ఎదురుచూస్తున్నారు. దీనిలో భాగంగా కొన్ని రోజుల క్రితం జరిగిన ఒక చర్చా కార్యక్రమంలో కరోనా వ్యాక్సిన్‌ను జొకోవిచ్‌ వ్యతిరేకించాడు. ఇక్కడ ఎవరి ఇష్టాలు ఎలా ఉన్నా, అది తప్పనిసరి చేయాల్సిన అవసరం లేదన్నాడు. తాను మాత్రం ఎట్టిపరిస్థితుల్లోనూ కరోనా టీకాను తీసుకోనని స్పష్టం చేశాడు.  ప్రతీ టెన్నిస్‌ ప్లేయర్‌ కరోనా టీకా తీసుకోవడాన్ని తప్పనిసరి చేయాలన్న మహిళా టెన్నిస్‌ మాజీ నంబర్‌ వన్‌ ఎమెలీ మౌరెస్మో సూచనను జొకోవిచ్‌ వ్యతిరేకించాడు. అదే విషయంపై ఇప్పుడు నాదల్‌ మాట్లాడుతూ.. అది సాధ్యపడని అంశంగా పేర్కొన్నాడు. జొకోవిచ్‌ టెన్నిస్‌లో కొనసాగాలంటే వ్యాక్సిన్‌ తీసుకోవాల్సిన అవసరం ఏర్పడుతుందని ప్రపంచ రెండో ర్యాంక్‌ ఆటగాడు నాదల్‌ పేర్కొన్నాడు.(మన ముగ్గురం కలిసి...)

పారిస్‌: కరోనా మహమ్మారితో యావత్‌ ప్రపంచం విపత్కర పరిస్థితుల్ని ఎదుర్కొంటూ వ్యాక్సిన్‌ కోసం ఎదురుచూస్తుంటే,  సెర్బియా టెన్నిస్‌ స్టార్‌, వరల్డ్‌ నంబర్‌ వన్‌ నొవాక్‌ జొకోవిచ్‌ మాత్రం అందుకు వ్యతిరేకంగా ఉన్నాడు. వ్యక్తిగతంగా తాను కరోనా టీకాను వేయించుకోవడానికి వ్యతిరేకమన్నాడు. ఈ విషయంలో ఏ ఒక్కరినీ బలవంతం చేయాల్సి  అవసరం లేదని జొకోవిచ్‌ అభిప్రాయపడ్డారు.  టెన్నిస్‌ ప్లేయర్లు ప్రతీ ఒక్కరూ కరోనా టీకా తీసుకోవడాన్ని తప్పనిసరి చేయాలన్న మహిళా టెన్నిస్‌ మాజీ నంబర్‌ వన్‌ ఎమెలీ మౌరెస్మో సూచనను జొకోవిచ్‌ వ్యతిరేకించాడు. ఒకవేళ కరోనా టీకాను వేయించుకుంటే అది తన ఆటను ఆపేసే అవకాశం కూడా లేకపోలేదని జొకోవిచ్‌ ఈ సందర్భంగా పేర్కొన్నాడు. దాంతో ఈ విషయంలో వారి వారి నిర్ణయాలకే వదిలి వేయాలన్నాడు (మన ముగ్గురం కలిసి...) ‘నేనైతే వ్యక్తిగతంగా కరోనా టీకాకు వ్యతిరేకం. ఈ విషయంలో ఎవర్నీ బలవంతం చేయవలసిన అవసరం లేదు. ‘ కరోనా టీకాను తప్పనిసరి చేస్తే ఏమౌతుంది.  ఏ పని అయినా చేయాల్సి వచ్చినప్పుడు వ్యక్తిగత నిర్ణయాలు అనేవి ఉంటాయి. ఇక్కడ నేనే నిర్ణయం తీసుకోవాలి. నా ఆలోచనల ప్రకారమే నిర్ణయం తీసుకుంటాను. సమయాన్ని బట్టి ఆలోచనలు మారతా ఉంటాయి’ అని జొకోవిచ్‌ పేర్కొన్నాడు. ఈ టెన్నిస్‌ సీజన్‌ ఎప్పుడు ప్రారంభం అవుతుందో తనకు తెలియదని జొకోవిచ్‌ ఒక ప్రశ్నకు సమాధానంగా చెప్పాడు. తన అంచనా ప్రకారం జూలై, ఆగస్టు మాసాల్లో టెన్నిస్‌ తిరిగి ఆరంభం అయ్యే అవకాశం ఉందని అనుకుంటున్నట్లు తెలిపాడు.  కరోనా మహమ్మారి దెబ్బకు టోర్నీల్లేక ఇబ్బందులెదుర్కొంటున్న యువ ఆటగాళ్లకు ఆర్థికంగా చేయూత అందించేందుకు టెన్నిస్‌ దిగ్గజాలు రోజర్‌ ఫెడరర్‌ (స్విట్జర్లాండ్‌), రాఫెల్‌ నాదల్‌ (స్పెయిన్‌), నొవాక్‌ జొకోవిచ్‌ (సెర్బియా) సిద్ధమవుతున్నారు.  వీరు ముగ్గురు కలిసి 30 నుంచి 45 లక్షల డాలర్లు సమకూర్చడానికి సన్నద్ధమవుతున్నారు. ఈ ఏడాది చివర్లో జరిగే వరల్డ్‌ టూర్‌ ఫైనల్స్‌ టోర్నీలో వచ్చిన ప్రైజ్‌మనీతో ఈ నిధిని జమచేయవచ్చని అన్నాడు. ఒకవేళ ఈ సీజన్‌ మొత్తం రద్దయితే ఈ ఆస్ట్రేలియన్‌ ఓపెన్‌లో దక్కించుకున్న ప్రైజ్‌మనీ నుంచైనా నిధిని ఏర్పాటు చేయాలనుకుంటున్నట్లు జొకోవిచ్‌ తెలిపాడు.  

పారిస్‌: కరోనా మహమ్మారి దెబ్బకు టోర్నీల్లేక ఇబ్బందులెదుర్కొంటున్న యువ ఆటగాళ్లకు ఆర్థికంగా చేయూత అందించేందుకు టెన్నిస్‌ దిగ్గజాలు రోజర్‌ ఫెడరర్‌ (స్విట్జర్లాండ్‌), రాఫెల్‌ నాదల్‌ (స్పెయిన్‌), నొవాక్‌ జొకోవిచ్‌ (సెర్బియా) సిద్ధమవుతున్నారు. టెన్నిస్‌లో రాణించాలని కోటి ఆశలతో వచ్చిన కొత్త ఆటగాళ్లకు ప్రస్తుత లాక్‌డౌన్‌ శరాఘాతమైంది. వీరికి ఎలాంటి స్పాన్సర్‌షిప్స్‌ ఉండవు. చిన్నాచితక టోర్నీల్లో ఆడితేనే ప్రైజ్‌మనీల రూపంలో డబ్బు వస్తుంది. లేదంటే లేదు. అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ (ఏటీపీ) నుంచి కూడా ఆర్థిక తోడ్పాటు ఉండదు. ముఖ్యంగా 200 ర్యాంకు నుంచి 700 ర్యాంకుల్లో ఉన్న వారికి టోర్నీలు జరగడమే ఇం‘ధనం’. లేదంటే కెరీర్‌ బండి నడవదు. వాళ్లు సొంత డబ్బులతో టోర్నీలకు వెళ్తారు. ఆ టోర్నీలే లేకపోతే వారి కష్టాలు వర్ణనాతీతం. దీన్ని గమనించిన ఈ ముగ్గురు దిగ్గజాలు భవిష్యత్‌ టెన్నిస్‌ తారల కోసం నిధిని ఏర్పాటు చేయాలని ఆలోచిస్తున్నారు. అంతర్జాతీయ టెన్నిస్‌ ఆటగాళ్ల సంఘానికి అధ్యక్షుడైన జొకోవిచ్‌ మాట్లా డుతూ... ‘మన ముగ్గురం కలిసి 30 నుంచి 45 లక్షల డాలర్లు సమకూర్చితే... ఈ మొ త్తాన్ని తక్కువ ర్యాంకు ఆటగాళ్లకు పంపిణీ చేయవచ్చు’ అని సూచించాడు. భవిష్యత్‌ టెన్నిస్‌ బాగుండాలనే ఈ ప్రతిపాదన తెచ్చినట్లు అతను చెప్పాడు. ఈ ఏడాది చివర్లో జరిగే వరల్డ్‌ టూర్‌ ఫైనల్స్‌ టోర్నీలో వచ్చిన ప్రైజ్‌మనీతో ఈ నిధిని జమచేయవచ్చని అన్నాడు. ఒకవేళ ఈ సీజన్‌ మొత్తం రద్దయితే ఈ ఆస్ట్రేలియన్‌ ఓపెన్‌లో దక్కించుకున్న ప్రైజ్‌మనీ నుంచైనా నిధిని ఏర్పాటు చేయాలనుకుంటున్నట్లు జొకోవిచ్‌ తెలిపాడు.  

మాడ్రిడ్‌: ప్రస్తుత పరిస్థితుల్లో టెన్నిస్‌ ఆట తిరిగి ఆరంభమవడానికి మరికొంత కాలం వేచి చూడాల్సిందేనని 19 సార్లు గ్రాండ్‌స్లామ్‌ చాంపియన్, స్పెయిన్‌ బుల్‌ రాఫెల్‌ నాదల్‌ అభిప్రాయపడ్డాడు. ‘టెన్నిస్‌ విశ్వ క్రీడ... ప్రపంచం నలుమూలలా టెన్నిస్‌ ఈవెంట్‌లు జరుగుతాయి. మేము టెన్నిస్‌ ఆడటానికి ఒక దేశం నుంచి మరో దేశానికి తరచూ ప్రయాణించాల్సి ఉం టుంది. కానీ ప్రస్తుతం అలా జరిగే అవకాశమే లేదు.’ అని నాదల్‌ వ్యాఖ్యానించాడు. ప్రేక్షకులు లేకుండా టెన్నిస్‌ ఈవెంట్‌లను నిర్వహించినా తాను ఆడటానికి సిద్ధమేనని అయితే దానికి కూడా కొంత సమయం వేచి చూడాల్సిందేనని నాదల్‌ అన్నాడు.

అకాపుల్కో: ప్రపంచ రెండో ర్యాంకర్, స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఈ ఏడాది తన ఖాతాలో తొలి టైటిల్‌ను జమ చేసుకున్నాడు. ఆదివారం ముగిసిన మెక్సికో ఓపెన్‌ ఏటీపీ–500 టోర్నీలో 33 ఏళ్ల నాదల్‌ చాంపియన్‌గా నిలిచాడు. ఏకపక్షంగా జరిగిన ఫైనల్లో నాదల్‌ 6–3, 6–2తో టేలర్‌ ఫ్రిట్జ్‌ (అమెరికా)పై గెలిచాడు. టైటిల్‌ గెలిచే క్రమంలో నాదల్‌ తన ప్రత్యర్థులకు ఒక్క సెట్‌ కూడా కోల్పోకపోవడం విశేషం. మెక్సికో ఓపెన్‌ను నాదల్‌ నెగ్గడం ఇది మూడోసారి. గతంలో నాదల్‌ 2013, 2015లలో విజేతగా నిలిచాడు. ఓవరాల్‌గా నాదల్‌ కెరీర్‌లో ఇది 85వ సింగిల్స్‌ టైటిల్‌. తాజా టైటిల్‌తో నాదల్‌ వరుసగా 17వ ఏడాది కనీసం ఒక టైటిల్‌ను సాధించినట్లయింది. విజేతగా నిలిచిన నాదల్‌కు 3,72,785 డాలర్ల ప్రైజ్‌మనీ (రూ. 2 కోట్ల 69 లక్షలు)తోపాటు 500 ర్యాంకింగ్‌ పాయింట్లు లభించాయి.

మెల్‌బోర్న్‌: ఆ్రస్టేలియన్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో బుధవారం పురుషుల సింగిల్స్‌లో పెను సంచలనం చోటు చేసుకుంది. టైటిల్‌ ఫేవరెట్, టాప్‌ సీడ్‌ రాఫెల్‌ నాదల్‌ (స్పెయిన్‌) క్వార్టర్‌ ఫైనల్లో నిష్క్రమించాడు. అందరి అంచనాలను తారుమారు చేస్తూ... ఐదో సీడ్‌ డొమినిక్‌ థీమ్‌ (ఆస్ట్రియా) 7–6 (7/3), 7–6 (7/4), 4–6, 7–6 (8/6)తో ప్రపంచ నంబర్‌వన్‌ రాఫెల్‌ నాదల్‌ను బోల్తా కొట్టించి తొలిసారి ఆ్రస్టేలియన్‌ ఓపెన్‌లో సెమీఫైనల్‌కు చేరాడు. 4 గంటల 10 నిమిషాలపాటు జరిగిన ఈ మ్యాచ్‌లో థీమ్‌ 14 ఏస్‌లు సంధించి, నాలుగుసార్లు నాదల్‌ సర్వీసెస్ ను బ్రేక్‌ చేశాడు. హోరాహోరీగా సాగిన ఈ పోరులో టైబ్రేక్‌లలో మాత్రం థీమ్‌ పైచేయి సాధించి విజయాన్ని దక్కించుకున్నాడు. మరో క్వార్టర్‌ ఫైనల్లో ఏడో సీడ్‌ అలెగ్జాండర్‌ జ్వెరెవ్‌ (జర్మనీ) 1–6, 6–3, 6–4, 6–2తో మాజీ చాంపియన్‌ వావ్రింకా (స్విట్జర్లాండ్‌)పై నెగ్గి శుక్రవారం జరిగే రెండో సెమీఫైనల్లో థీమ్‌తో ఆడనున్నాడు. మహిళల సింగిల్స్‌ క్వార్టర్‌ ఫైనల్స్‌లో సిమోనా హలెప్‌ (రొమేనియా) 6–1, 6–1తో కొంటావీట్‌ (ఎస్తోనియా)పై, ముగురుజా (స్పెయిన్‌) 7–5, 6–3తో పావ్లీచెంకోవా (రష్యా)పై నెగ్గారు.

మెల్‌బోర్న్‌: మైదానం బయట తరచూ తనపై వ్యంగ్య వ్యాఖ్యలు చేసే ఆస్ట్రేలియా టెన్నిస్‌ స్టార్‌ నిక్‌ కిరియోస్‌తో సోమవారం జరిగిన ప్రిక్వార్టర్‌ ఫైనల్లో రాఫెల్‌ నాదల్‌ పైచేయి సాధించాడు. 3 గంటల 38 నిమిషాలపాటు జరిగిన పురుషుల సింగిల్స్‌ ప్రిక్వార్టర్‌ ఫైనల్లో ప్రపంచ నంబర్‌వన్, టాప్‌ సీడ్‌ నాదల్‌ 6–3, 3–6, 7–6 (8/6), 7–6 (7/4)తో 23వ సీడ్‌ కిరియోస్‌ను ఓడించి ఆస్ట్రేలియన్‌ ఓపెన్‌లో క్వార్టర్‌ ఫైనల్లోకి ప్రవేశించాడు. నాదల్‌ డజన్‌ ఏస్‌లు సంధించి 64 విన్నర్స్‌ కొట్టాడు. తాజా విజయంతో కిరియోస్‌తో ముఖాముఖి రికార్డులో నాదల్‌ 5–3తో ఆధిక్యంలోకి వెళ్లాడు. ఇతర ప్రిక్వార్టర్‌ ఫైనల్స్‌లో థీమ్‌ 6–2, 6–4, 6–4తో పదో సీడ్‌ గేల్‌ మోన్‌ఫిల్స్‌ (ఫ్రాన్స్‌)పై, ఏడోసీడ్‌ జ్వెరెవ్‌ (జర్మనీ) 6–4, 6–4, 6–4తో 17వ సీడ్‌ రుబ్లెవ్‌ (రష్యా)పై, 15వ సీడ్, మాజీ చాంపియన్‌ వావ్రింకా (స్విట్జర్లాండ్‌) 6–2, 2–6, 4–6, 7–6 (7/2), 6–2తో నాలుగో సీడ్‌ మెద్వెదేవ్‌ (రష్యా)పై విజయం సాధించారు. కెర్బర్‌ ఓటమి... మహిళల సింగిల్స్‌ ప్రిక్వార్టర్‌ ఫైనల్స్‌లో నాలుగో సీడ్‌ హలెప్‌ 6–4, 6–4తో మెర్‌టెన్స్‌ (బెల్జియం)పై.. ముగురుజా 6–3, 6–3తో తొమ్మిదో సీడ్‌ కికి బెర్‌టెన్స్‌ (నెదర్లాండ్స్‌)పై... పావ్లీచెంకోవా 6–7 (5/7), 7–6 (7/4), 6–2తో 2016 చాంపియన్‌ కెర్బర్‌ (జర్మనీ)పై... కొంటావీట్‌ 6–7 (4/7), 7–5, 7–5తో ఇగా స్వియాటెక్‌ (పోలాండ్‌)పై గెలుపొందారు.  

మెల్‌బోర్న్‌: ఆ్రస్టేలియన్‌ ఓపెన్‌ గ్రాండ్‌స్లామ్‌ టోర్నీలో మహిళల ఈవెంట్లో మళ్లీ సంచలనాల మోత మోగింది. చెక్‌ రిపబ్లిక్‌ స్టార్, రెండో సీడ్‌ ప్లిస్కోవా ఆట మూడో రౌండ్లోనే ముగిసింది. ఐదో సీడ్‌ స్వితోలినా (ఉక్రెయిన్‌), ఆరో సీడ్‌ బెన్సిక్‌ (స్విట్జర్లాండ్‌)లపై ప్రత్యర్థులు సంచలన విజయాలు నమోదు చేశారు. పురుషుల సింగిల్స్‌లో స్పెయిన్‌ దిగ్గజం నాదల్‌ అలవోక విజయంతో ప్రిక్వార్టర్స్‌ చేరాడు. నాలుగో సీడ్‌ మెద్వెదెవ్‌ (రష్యా), ఐదో సీడ్‌ డొమినిక్‌ థీమ్‌ (ఆస్ట్రియా), ఏడో సీడ్‌ జ్వెరెవ్‌ (జర్మనీ), 15వ సీడ్‌ వావ్రింకా (స్విట్జర్లాండ్‌), 23వ సీడ్‌ కిర్గియోస్‌ (ఆ్రస్టేలియా)లు కూడా ప్రిక్వార్టర్‌ ఫైనల్లోకి దూసుకెళ్లారు. ఎదురేలేని నాదల్‌ టైటిల్‌ ఫేవరెట్, స్పానిష్‌ టాప్‌సీడ్‌ రాఫెల్‌ నాదల్‌ ఏకపక్ష విజయంతో ముందంజ వేశాడు. ఇప్పటికే 19 గ్రాండ్‌స్లామ్‌ టైటిళ్లు నెగ్గిన ఈ దిగ్గజ ఆటగాడు 20వ టైటిలే లక్ష్యంగా దూసుకెళ్తున్నాడు. శనివారం జరిగిన మ్యాచ్‌లో అతను వరుస సెట్లలో 6–1, 6–2, 6–4తో తన దేశానికే చెందిన 27వ సీడ్‌ కారెనో బుస్టాను ఓడించాడు.కేవలం గంటా 38 నిమిషాల్లోనే ఈ మ్యాచ్‌ను ముగించాడు. మిగతా పోటీల్లో మెద్వెదెవ్‌ 6–4, 6–3, 6–2తో అలెక్సి పొపిరిన్‌ (ఆ్రస్టేలియా)పై, డొమినిక్‌ థీమ్‌ 6–2, 6–4, 6–7 (5/7), 6–4తో అమెరికాకు చెందిన ఫ్రిట్జ్‌పై, జ్వెరెవ్‌ 6–2, 6–2, 6–4తో వెర్డాస్కో (స్పెయిన్‌)పై, పదో సీడ్‌ మోన్‌ఫిల్స్‌ (ఫ్రాన్స్‌) 7–6 (7/2), 6–4, 6–3తో క్వాలిఫయర్‌ ఎర్నెస్ట్స్‌ గుల్బిస్‌ (లాతి్వయా)పై గెలుపొందారు. 23వ సీడ్‌ కిర్గియోస్‌ 6–2, 7–6 (7/5), 6–7 (6/8), 6–7 (7/9), 7–6 (10/8)తో 16వ సీడ్‌ కచనోవ్‌ (రష్యా)పై చెమటోడ్చి నెగ్గాడు. వావ్రింకా 6–4, 4–1తో ఇస్నర్‌ (అమెరికా)పై ముందంజలో ఉండగా... ప్రత్యర్థి రిటైర్డ్‌హర్ట్‌గా వెనుదిరిగాడు. ప్లిస్కోవాపై రష్యన్‌ సంచలనం గతేడాది ఈ గ్రాండ్‌స్లామ్‌ ఈవెంట్‌లో సెమీస్‌ చేరిన ప్రపంచ రెండో ర్యాంకర్‌ ప్లిస్కోవా ఈసారి మూడోరౌండ్‌తోనే సరిపెట్టుకుంది. రష్యాకు చెందిన అనస్తాసియా పాల్యుచెంకొవా 7–6 (7/4), 7–6 (7/3)తో రెండో సీడ్‌ ప్లిస్కోవాపై సంచలన విజయం సాధించింది. హోరాహోరీగా జరిగిన ఈ పోరులో రెండు సెట్లు కూడా టైబ్రేక్‌కు దారితీశాయి. మిగతా మూడో రౌండ్‌ మ్యాచ్‌ల్లో  స్విస్‌ స్టార్, ఆరో సీడ్‌ బెన్సిక్‌ 0–6, 1–6తో 28వ సీడ్‌ అనెట్‌ కొంటవెట్‌ (ఈస్టోనియా) చేతిలో చిత్తుగా ఓడింది. మాజీ ప్రపంచ నంబర్‌వన్‌ ముగురుజా (స్పెయిన్‌) 6–1, 6–2తో ఐదో సీడ్‌ స్వితోలినాను ఇంటిదారి పట్టించగా... నాలుగో సీడ్‌ హలెప్‌ (రొమేనియా) 6–1, 6–4తో పుతినెత్సెవా (కజకిస్తాన్‌)పై సునాయాస విజయం సాధించింది. 2016  చాంపియన్, 17వ సీడ్‌ ఎంజెలిక్‌ కెర్బర్‌ (జర్మనీ) 6–2, 6–7 (4/7), 6–3తో కెమిలా జియోర్జి (ఇటలీ)పై, 16వ సీడ్‌ మెర్టెన్స్‌ (బెల్జియం) 6–1, 6–7 (5/7), 6–0తో బెలిస్‌ (అమెరికా)పై నెగ్గారు.   మిక్స్‌డ్‌లో బోపన్న జోడీ ముందంజ భారత సీనియర్‌ డబుల్స్‌ ఆటగాడు రోహన్‌ బోపన్న ఉక్రెయిన్‌కు చెందిన నదియా కిచెనొక్‌తో కలిసి మిక్స్‌డ్‌ డబుల్స్‌లో రెండో రౌండ్లోకి ప్రవేశించాడు. తొలిరౌండ్లో భారత్‌–ఉక్రెయిన్‌ జోడి 7–5, 4–6, 10–6తో క్రాజిసెక్‌ (అమెరికా)– లైడ్మిలా కిచెనొక్‌ (ఉక్రెయిన్‌) జంటపై గెలిచింది. రెండో రౌండ్లో బోపన్న–నదియా ద్వయం... నికోల్‌ మెలిచర్‌ (అమెరికా)–బ్రూనో సోరెస్‌ (బ్రెజిల్‌) జంటతో తలపడుతుంది. నిజానికి బోపన్న హైదరాబాదీ స్టార్‌ సానియా మీర్జాతో జోడీ కట్టాలనుకున్నాడు. కానీ ఆమె గాయంతో ని్రష్కమించడంతో ఉక్రెయిన్‌ భాగస్వామితో కలిసి ఆడుతున్నాడు.  

కాన్‌బెర్రా: క్రీడాకారులు వేసిన గురి సరిగ్గా తగిలిందంటే అందరి ప్రశంసలు అందుకుంటారు. కానీ గురి తప్పిందంటే చాలు విమర్శలపాలవుతారు. కానీ ఇక్కడ గురి తప్పినందుకు ఓ స్టార్‌ క్రీడాకారుడు వార్తల్లో నిలిచాడు. స్పెయిన్‌ టెన్నిస్‌ స్టార్‌ రఫెల్‌ నాదల్‌ గురువారం ఆస్ట్రేలియా ఓపెన్‌ టోర్నీ ఆడుతున్నాడు. ఈ సమయంలో బాల్‌ను తన ప్రత్యర్థి వైపు కొట్టగా అది గురి తప్పి నేరుగా వెళ్లి అంపైర్‌కు వెనకాల నిలబడ్డ ఓ అమ్మాయికి తగిలింది. వెంటనే ప్రేక్షకులు ఏమైందేమోనని భయంతో గట్టిగా అరిచారు. ఆ అమ్మాయికి దెబ్బ తగిలిందేమోనని రఫెల్‌ అటువైపు చూడగా ఆమె బాగానే ఉన్నానంటూ సైగ చేసింది. కానీ రఫెల్‌ ఆమె సమాధానం విని ఊరుకోలేదు. వెంటనే ఆమెను సమీపించి ఏమీ కాలేదు కదా అని ఆరా తీశాడు. అనంతరం ఆ బాలిక టోపీ పక్కకు జరిపి ఆమె చెంపకు ఆప్యాయంగా ముద్దు పెట్టి తలనిమిరి వెళ్లిపోయాడు. ఈ అనూహ్య పరిణామానికి ఆమె బుగ్గలు ఎరుపెక్కగా, ఆనందంతో ఉబ్బితబ్బిబైంది. ఇక మ్యాచ్‌ అనంతరం రఫెల్‌ నాదల్‌ ఈ ఘటనపై స్పందిస్తూ.. ‘ఆమె గురించి నాకు చాలా భయమేసింది. ఎందుకంటే ఆ బంతి నేరుగా ఆమె తలకు తగిలింది కానీ గాయం అవలేదు. అందుకు సంతోషంగా ఉంది. కానీ ఆమె చాలా తెలివైన అమ్మాయి’ అంటూ చెప్పుకొచ్చాడు. ఇక దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. చాలామంది నెటిజన్లు వారి కళ్లను నమ్మలేకపోతున్నామంటూ కామెంట్లు చేస్తున్నారు. ‘టెన్నిస్‌ సూపర్‌ స్టార్‌ తనంతట తానుగా వెళ్లి ఓ అమ్మాయికి ముద్దు పెట్టడమా..’ అంటూ నోరెళ్లబెడుతున్నారు. మరికొంతమందేమో రఫెల్‌ ఆమెపై కురిపించిన ప్రేమను చూసి మెచ్చుకుంటున్నారు. 😱(🎥@Eurosport_RU ) pic.twitter.com/IR5B2Z42fu — doublefault28 (@doublefault28) January 23, 2020 చదవండి: అయ్యో షరపోవా!

పూర్వ వైభవం కోసం తపిస్తున్న రష్యా టెన్నిస్‌ స్టార్‌ మరియా షరపోవా కెరీర్‌ మళ్లీ గాడిన పడే అవకాశం కనిపించడంలేదు. ఆమె ప్రస్తుత ర్యాంక్‌ ప్రకారమైతే నేరుగా ఆస్ట్రేలియన్‌ ఓపెన్‌ మెయిన్‌ ‘డ్రా’లో ఆడే అవకాశం లేకపోయినా... గత రికార్డును పరిగణనలోకి తీసుకొని నిర్వాహకులు ‘వైల్డ్‌ కార్డు’ రూపంలో నేరుగా ఆడే అవకాశం ఇచ్చారు. కానీ ఈ మాజీ చాంపియన్, మాజీ ప్రపంచ నంబర్‌వన్‌ దీనిని సద్వినియోగం చేసుకోవడంలో విఫలమైంది. గతేడాది వింబుల్డన్, యూఎస్‌ ఓపెన్‌ గ్రాండ్‌స్లామ్‌ టోర్నీల్లో తొలి రౌండ్‌లోనే ఇంటిదారి పట్టిన 32 ఏళ్ల షరపోవా ఆ్రస్టేలియన్‌ ఓపెన్‌లోనూ మొదటి రౌండ్‌ను దాటలేకపోయింది. ఫలితంగా కెరీర్‌లో తొలిసారి వరుసగా మూడు గ్రాండ్‌స్లామ్‌ టోరీ్నలలో తొలి రౌండ్‌లోనే ఓడిపోయి భవిష్యత్‌పై తుది నిర్ణయం తీసుకునే రోజు సమీపంలోనే ఉందని సంకేతాలు పంపించింది.   మెల్‌బోర్న్‌: పదహారేళ్ల క్రితం టీనేజర్‌గా వింబుల్డన్‌ చాంపియన్‌గా అవతరించి మహిళల టెన్నిస్‌లో మెరుపుతీగలా దూసుకొచ్చిన రష్యా స్టార్‌ మరియా షరపోవా కెరీర్‌ తిరోగమనంలో పయనిస్తోంది. ‘వైల్డ్‌ కార్డు’తో ఆ్రస్టేలియన్‌ ఓపెన్‌ గ్రాండ్‌స్లామ్‌ టోర్నీలో అడుగుపెట్టిన షరపోవా తొలి రౌండ్‌లోనే నిష్క్రమించింది. ప్రపంచ 20వ ర్యాంకర్‌ డోనా వెకిచ్‌ (క్రొయే షియా)తో జరిగిన మహిళల సింగిల్స్‌ తొలి రౌండ్‌లో ప్రపంచ 145వ ర్యాంకర్‌ షరపోవా 3–6, 4–6తో ఓడిపోయింది. 81 నిమిషాలపాటు జరిగిన ఈ మ్యాచ్‌లో షరపోవా ఐదు డబుల్‌ ఫాల్ట్‌లు, 31 అనవసర తప్పిదాలు చేసింది. 2008 ఆ్రస్టేలియన్‌ ఓపెన్‌ చాంపియన్, 2007, 2012, 2015 రన్నరప్‌ అయిన షరపోవా తన సర్వీస్ ను నాలుగుసార్లు కోల్పోయి, ప్రత్యర్థి సర్వీస్ ను రెండుసార్లు బ్రేక్‌ చేసింది. గతేడాది ఈ టోరీ్నలో ప్రిక్వార్టర్‌ ఫైనల్లో ఓడిన షరపోవా ఈసారి తొలి రౌండ్‌లోనే వెనుదిరగడంతో ఫిబ్రవరి 3న విడుదల చేసే ప్రపంచ ర్యాంకింగ్స్‌లో ఆమె 350వ స్థానానికి పడిపోయే అవకాశముంది.    రెండో రౌండ్‌లో ప్లిస్కోవా... మహిళల సింగిల్స్‌ ఇతర మ్యాచ్‌ల్లో రెండో సీడ్‌ కరోలినా ప్లిస్కోవా (చెక్‌ రిపబ్లిక్‌), నాలుగో సీడ్‌ సిమోనా హలెప్‌ (రొమేనియా), ఐదో సీడ్‌ స్వితోలినా (ఉక్రెయిన్‌), ఆరో సీడ్‌ బెలిండా బెన్సిచ్‌ (స్విట్జర్లాండ్‌), తొమ్మిదో సీడ్‌ కికి బెర్‌టెన్స్‌ (నెదర్లాండ్స్‌), పదో సీడ్‌ మాడిసన్‌ కీస్‌ (అమెరికా), మాజీ చాంపియన్‌ ఎంజెలిక్‌ కెర్బర్‌ (జర్మనీ) రెండో రౌండ్‌లోకి ప్రవేశించారు. 12వ సీడ్‌ జొహనా కొంటా (బ్రిటన్‌) మాత్రం తొలి రౌండ్‌లో ఓడింది. ప్లిస్కోవా 6–1, 7–5తో మ్లాడెనోవిచ్‌ (ఫ్రాన్స్‌)పై, హలెప్‌ 7–6, (7/5), 6–1తో జెన్నిఫర్‌ బ్రాడీ (అమెరికా)పై, స్వితోలినా 6–4, 7–5తో కేటీ బుల్టర్‌ (బ్రిటన్‌)పై, బెన్సిచ్‌ 6–3, 7–5తో ష్మెద్లోవా (స్లొవేకియా)పై, కికి బెర్‌టెన్స్‌ 6–1, 6–4తో ఇరీనా బేగూ (రొమేనియా)పై, కీస్‌ 6–3, 6–1తో కసత్‌కినా (రష్యా)పై, కెర్బర్‌ 6–2, 6–2తో కొకియారెటో (ఇటలీ)పై గెలిచారు.  కొంటా 4–6, 2–6తో ఆన్స్‌ జెబెయుర్‌ (ట్యూనిíÙయా) చేతిలో ఓటమి పాలైంది.   మెద్వదేవ్, థీమ్‌ ముందంజ పురుషుల సింగిల్స్‌లో ఎలాంటి సంచలనాలు నమోదు కాలేదు. తొలి రౌండ్‌లో టాప్‌ సీడ్‌ రాఫెల్‌ నాదల్‌ (స్పెయిన్‌) 6–2, 6–3, 6–0తో డెలియన్‌ (బొలీవియా)పై అలవోకగా నెగ్గి రెండో రౌండ్‌కు చేరుకున్నాడు. నాలుగో సీడ్‌ మెద్వెదేవ్‌ (రష్యా) 6–3, 4–6, 6–4, 6–2తో టియాఫో (అమెరికా)పై, ఐదో సీడ్‌ థీమ్‌ (ఆస్ట్రియా) 6–3, 7–5, 6–2తో మనారినో (ఫ్రాన్స్‌)పై, ఏడో సీడ్‌ జ్వెరెవ్‌ (జర్మనీ) 6–4, 7–6 (7/4), 6–3తో సెచినాటో (ఇటలీ)పై గెలిచి రెండో రౌండ్‌లోకి అడుగు పెట్టారు. 15వ సీడ్, 2014 చాంపియన్‌ వావ్రింకా (స్విట్జర్లాండ్‌), పదో సీడ్‌ మోన్‌ఫిల్స్‌ (ఫ్రాన్స్‌), 11వ సీడ్‌ గాఫిన్‌ (బెల్జియం), 12వ సీడ్‌ ఫాగ్‌నిని (ఇటలీ) కూడా రెండో రౌండ్‌లోకి ప్రవేశించారు.   ప్రజ్నేశ్‌కు నిరాశ ‘లక్కీ లూజర్‌’గా మెయిన్‌ ‘డ్రా’లో అడుగు పెట్టిన భారత నంబర్‌వన్‌ ప్రజ్నేశ్‌ గుణేశ్వరన్‌ వరుసగా ఐదో గ్రాండ్‌స్లామ్‌ టోర్నీలోనూ తొలి రౌండ్‌లో ఓడిపోయాడు. ప్రపంచ 144వ ర్యాంకర్‌ తత్సుమ ఇటో (జపాన్‌)తో జరిగిన తొలి రౌండ్‌లో ప్రపంచ 122వ ర్యాంకర్‌ ప్రజ్నేశ్‌ 4–6, 2–6, 5–7తో ఓటమి పాలయ్యాడు. తొలి రౌండ్‌లో ఓడిన ప్రజ్నేశ్‌కు 90 వేల ఆ్రస్టేలియన్‌ డాలర్లు (రూ. 43 లక్షల 92 వేలు) ప్రైజ్‌మనీగా లభించాయి.

మెల్‌బోర్న్‌: టెన్నిస్‌లో ఆ్రస్టేలియా దిగ్గజం మార్గరెట్‌ కోర్ట్‌ పేరు మీదున్న ఆల్‌టైమ్‌ గ్రాండ్‌స్లామ్‌ సింగిల్స్‌ టైటిల్స్‌ రికార్డు (24)ను సమం చేయడానికి సెరెనా విలియమ్స్‌ ఒకవైపు... పురుషుల విభాగంలో ఫెడరర్‌ (20 టైటిల్స్‌) సరసన చేరడానికి ఒక్క గ్రాండ్‌స్లామ్‌ టైటిల్‌ దూరంలో ఉన్న ‘స్పెయిన్‌ బుల్‌’ రాఫెల్‌ నాదల్‌ మరోవైపు... నేటి నుంచి ఆరంభమయ్యే ఏడాది తొలి గ్రాండ్‌స్లామ్‌ ఆస్ట్రేలియన్‌ ఓపెన్‌ టైటిలే లక్ష్యంగా బరిలో దిగుతున్నారు. డిఫెండింగ్‌ చాంపియన్, ఏడుసార్లు విజేత జొకోవిచ్‌ (సెర్బియా), 38 ఏళ్ల వయసులోనూ తన బ్యాక్‌ హ్యాండ్‌ పవర్‌ ఏమాత్రం తగ్గలేదంటూ రోజర్‌ ఫెడరర్‌ మరో గ్రాండ్‌స్లామ్‌ టైటిల్‌పై కన్నేశారు. 2017 ఆస్ట్రేలియన్‌ ఓపెన్‌ తర్వాత మరో గ్రాండ్‌స్లామ్‌ టైటిల్‌ నెగ్గని సెరెనాను మార్గరెట్‌ కోర్ట్‌ ఆల్‌టైమ్‌ రికార్డు ఊరిస్తోంది. తల్లి అయ్యాక... సెరెనా నాలుగు గ్రాండ్‌స్లామ్‌ (2018–వింబుల్డన్, యూఎస్‌; 2019–వింబుల్డన్, యూఎస్‌ ఓపెన్‌) టోరీ్నలలో ఫైనల్స్‌ చేరినా... టైటిల్‌ను గెలవడంలో మాత్రం విఫలమైంది. అయితే ఆక్లాండ్‌ ఓపెన్‌లో విజేతగా నిలిచి సెరెనా ఆత్మవిశ్వాసంతో ఆ్రస్టేలియన్‌ ఓపెన్‌లో బరిలో దిగుతోంది. నేటి తొలి రౌండ్‌ మ్యాచ్‌లో పొటపోవా (రష్యా)తో సెరెనా ఆడుతుంది.

లండన్‌: అసోసియేషన్‌ ఆఫ్‌ టెన్నిస్‌ ప్రొఫెషనల్స్‌ (ఏటీపీ) ర్యాంకింగ్స్‌లో స్పెయిన్‌ స్టార్‌ రాఫెల్‌ నాదల్‌ మళ్లీ నంబర్‌వన్‌ ర్యాంక్‌ను సొంతం చేసుకున్నాడు. గతేడాది నవంబర్‌ 4వ తేదీనే సెర్బియా స్టార్‌ జొకోవిచ్‌కు టాప్‌ ర్యాంక్‌ కోల్పోయిన అతను... సరిగ్గా ఏడాది తర్వాత అదే రోజున మళ్లీ ప్రపంచ నంబర్‌వన్‌గా నిలువడం విశేషం. సోమవారం విడుదల చేసిన ఏటీపీ తాజా ర్యాంకింగ్స్‌లో నాదల్‌ 9,585 పాయింట్లతో తొలి స్థానంలో... 8,945 పాయింట్లతో జొకోవిచ్‌ రెండో స్థానంలో ఉన్నారు. వీరిద్దరి మధ్య 640 పాయింట్ల వ్యత్యాసం ఉంది. వచ్చే వారం లండన్‌లో మొదలయ్యే సీజన్‌ ముగింపు టోర్నీ ఏటీపీ ఫైనల్స్‌ టోర్నీ అనంతరం టాప్‌ ర్యాంక్‌ తారుమారయ్యే అవకాశం ఉంది.   

మలోర్కా (స్పెయిన్‌): ఒకరికొకరు తన్మయత్వంలో ఊసులాడుకుంటున్న ఈ దృశ్యం చూస్తుంటే మనకూ ముచ్చటేస్తుంది. ప్రపంచ సూపర్‌ టెన్సీస్‌ స్టార్‌ రాఫెల్‌ నాదల్‌ (33), తన భార్య షిస్కా పరెల్లోతో పెళ్లినాడు దిగన రెండు ఫొటోలను విడుదల చేయగా అవి ఆన్‌లైన్‌లో హల్‌చల్‌ చేస్తున్నాయి. నాదల్‌ గత 14 ఏళ్లుగా ప్రేమిస్తోన్న షిస్కా పరెల్లోను శనివారం నాడు మల్లోర్కాలోని అతి ఖరీదైన భవనంలో అంగరంగ వైభోగంగా పెళ్లి చేసుకున్నారు. ఆ మరుసటి ఓ కోట వద్ద వాళ్లు ఈ విధంగా దిగిన ఫొటోలను నాదల్‌ తన అభిమానుల కోసం షేర్‌ చేశారు. షిస్కా పరెల్లో ధరించిన పొడువాటి చేతుల గౌను పెళ్లి దుస్తుల్లాగే ఉంది. దాన్ని ప్రముఖ స్పానిష్‌ డిజైనర్‌ రోజల్‌ క్లారా డిజైన్‌ చేశారు. (చదవండి: గర్ల్‌ఫ్రెండ్‌ను పెళ్లాడిన నాదల్‌)

మలోర్కా (స్పెయిన్‌): స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఓ ఇంటివాడయ్యాడు. 14 ఏళ్లుగా సహజీవనం చేస్తున్న ప్రేయసి జిస్కా పరెల్లోను నాదల్‌ పెళ్లి చేసుకున్నాడు. 300 మందికిపైగా అతిథులు ఈ వివాహానికి హాజరైనట్లు సమాచారం. నాదల్‌ సోదరి మరిబెల్‌కు జిస్కా చిన్ననాటి స్నేహితురాలు కావడం విశేషం. ప్రస్తుతం టెన్నిస్‌ ర్యాంకింగ్స్‌లో రెండో స్థానంలో ఉన్న 33 ఏళ్ల నాదల్‌... 19 గ్రాండ్‌స్లామ్‌ టైటిల్స్‌తో పురుషుల విభాగంలో అత్యధిక గ్రాండ్‌స్లామ్‌ టైటిల్స్‌తో అగ్రస్థానంలో ఉన్న స్విట్జర్లాండ్‌ స్టార్‌ రోజర్‌ ఫెడరర్‌ (20)తో పోటీ పడుతున్నాడు. 

మాడ్రిడ్‌: టెన్నిస్‌ స్టార్‌, స్పెయిన్‌ బుల్‌ రఫెల్‌ నాదల్‌ ఇంటి వాడయ్యాడు. తన గర్ల్‌ఫ్రెండ్‌ షిస్కా పెరిల్లోను నాదల్‌ వివాహం చేసుకున్నాడు. దాదాపు 14 ఏళ్లుగా డేటింగ్‌లో ఉన్న వీరు ఇప్పుడు వివాహ బంధంతో ఒక్కటయ్యారు. స్పెయిన్‌లోని దీవుల్లో అత్యంత అందమైనదిగా చెప్పుకునే మలోర్కాలో వీరిద్దరి వివాహం అత్యంత వైభవంగా జరిగింది. ఈ పెళ్లికి దాదాపు 350 మందికిపైగా సన్నిహితులు, అతిథులు హాజరయ్యారు. నాదల్ సోదరి మారిబెల్‌కు షిస్కా చిన్ననాటి స్నేహితురాలు. ఓ వేడుకలో ఆమెను కలిసిన నాదల్, తమ పరిచయాన్ని స్నేహంగా, ప్రేమగా మార్చుకున్నాడు. అయితే, వీరిద్దరి పెళ్ళికి సంబంధించిన ఫోటోలను మాత్రం రఫెల్ నాదల్ ఇంకా మీడియాకు విడుదల చేయలేదు.ఈ పెళ్లికి స్పెయిన్‌ ప్రొఫెషనల్‌ టెన్నిస్‌ ఆటగాళ్లు లోపెజ్‌, డేవిడ్‌ ఫెరర్‌లు హాజరయ్యారు. అయితే నాదల్‌ లేవర్‌ కప్‌ టీమ్‌ ఆటగాడు, స్విస్‌ దిగ్గజం రోజర్‌ ఫెడరర్‌ మాత్రం పెళ్లికి హాజరు కాలేదు. ప్రస్తుతం స్విస్‌ ఇండోర్‌ బాసిల్‌ టైటిల్‌ నిలబెట్టుకునేందుకు ప్రాక్టీస్‌లో ఉన్న ఫెడరర్‌.. నాదల్‌ పెళ్లికి దూరంగా ఉన్నాడు.

జెనీవా (స్విట్జర్లాండ్‌): ప్రతి యేటా మేటి టెన్నిస్‌ ఆటగాళ్ల మధ్య నిర్వహిస్తున్న లేవర్‌ కప్‌ టెన్నిస్‌ టోర్నమెంట్‌లో యూరోప్‌ జట్టు మరోసారి తమ ఆధిపత్యాన్ని చాటుకుంది. వరుసగా మూడో ఏడాది ఈ టోర్నీలో విజేతగా నిలిచి హ్యాట్రిక్‌ సాధించింది. రాఫెల్‌ నాదల్‌ (స్పెయిన్‌), రోజర్‌ ఫెడరర్‌ (స్విట్జర్లాండ్‌), అలెగ్జాండర్‌ జ్వెరెవ్‌ (జర్మనీ), డొమినిక్‌ థీమ్‌ (ఆస్ట్రియా), సిట్సిపాస్‌ (గ్రీస్‌), ఫాగ్‌నిని (ఇటలీ), బాటిస్టా అగుట్‌ (స్పెయిన్‌)లతో కూడిన యూరోప్‌ జట్టు 13–11తో వరల్డ్‌ టీమ్‌పై విజయం సాధించింది. వరల్డ్‌ టీమ్‌లో జాన్‌ ఇస్నెర్‌ (అమెరికా), మిలోస్‌ రావ్‌నిచ్‌ (కెనడా), నిక్‌ కిరియోస్‌ (ఆస్ట్రేలియా), టేలర్‌ ఫ్రిట్జ్‌ (అమెరికా), షపోవలోవ్‌ (కెనడా), జాక్‌ సోక్‌ (అమెరికా), జోర్డాన్‌ థాంప్సన్‌ (ఆస్ట్రేలియా) సభ్యులుగా ఉన్నారు. నిర్ణాయక చివరి సింగిల్స్‌ మ్యాచ్‌లో యూరోప్‌ జట్టు ఆటగాడు అలెగ్జాండర్‌ జ్వెరెవ్‌ (జర్మనీ) 6–4, 3–6, 10–4తో రావ్‌నిచ్‌ (వరల్డ్‌ టీమ్‌)పై నెగ్గి తన జట్టుకు కప్‌ అందించాడు. మూడు రోజులపాటు జరిగిన ఈ టోర్నీలో మొత్తం 12 మ్యాచ్‌లు జరిగాయి. ఇందులో తొమ్మిది సింగిల్స్‌ విభాగంలో, మూడు డబుల్స్‌ విభాగంలో నిర్వహించారు. తొలి రోజు జరిగిన మ్యాచ్‌ల్లో విజేతగా నిలిచిన వారికి ఒక్కో పాయింట్, రెండో రోజు రెండు పాయింట్లు, మూడో రోజు మూడు పాయింట్ల చొప్పున కేటాయించారు.   

అద్భుతం ఆ పోరు... అనూహ్యం ఆ పోరాటం... దాదాపు ఐదు గంటల సమరంలో అంతిమ విజేతగా నిలిచేందుకు సాగించిన అసమాన, అసాధారణ ఆట... అపార అనుభవం ఒకరిదైతే, అంతులేని ఆత్మవిశ్వాసం మరొకరిది... ‘బిగ్‌ 3’లలో ఏ ఇద్దరైనా పోటీ పడినప్పుడు మాత్రమే గ్రాండ్‌స్లామ్‌ ఫైనల్‌ రసవత్తరం, మిగతా మ్యాచ్‌లన్నీ ఏకపక్షం అంటూ తీర్మానించుకున్న అభిమానులు అయ్యో చూడలేకపోయామే అని ఆ తర్వాత వగచిన క్షణం ఇది! ఇలాంటి ఘనాఘన హోరాహోరీ సమరంలో చివరకు స్పెయిన్‌ స్టార్‌ రాఫెల్‌ నాదల్‌దే పైచేయి అయింది. యూఎస్‌ ఓపెన్‌ టైటిల్‌ను నాలుగోసారి గెలుచుకొని నాదల్‌ తన గ్రాండ్‌స్లామ్‌ టైటిల్స్‌ సంఖ్యను 19కి పెంచుకోగా... చివరి వరకు తలవంచని రష్యా కుర్రాడు మెద్వెదేవ్‌ రన్నరప్‌గానే ముగించాడు. తొలి రెండు సెట్‌లను స్పెయిన్‌ బుల్‌ సొంతం చేసుకున్న తర్వాత ఇక లాంఛనమే అనిపించిన మ్యాచ్‌లో తర్వాతి రెండు సెట్‌లు సాధించి మెద్వెదేవ్‌ ఒక్కసారిగా అలజడి రేపాడు. కానీ తనదైన పదునైన ఆటతో నాదల్‌ మళ్లీ లయ అందుకొని విజేతగా మారాడు. ఫెడరర్‌ ఆల్‌టైమ్‌ గ్రేట్‌ 20 గ్రాండ్‌స్లామ్‌ల రికార్డుకు మరో అడుగు దూరంలోనే నిలిచాడు.    న్యూయార్క్‌: టెన్నిస్‌ సీజన్‌ చివరి గ్రాండ్‌స్లామ్‌ టోర్నమెంట్‌ యూఎస్‌ ఓపెన్‌లో  పురుషుల సింగిల్స్‌ టైటిల్‌ ప్రపంచ రెండో ర్యాంకర్‌ రాఫెల్‌ నాదల్‌ (స్పెయిన్‌) వశమైంది. ఈ ఏడాది ఫ్రెంచ్‌ ఓపెన్‌ గెలిచిన నాదల్‌ ఈ టోర్నీలోనూ తన సత్తా చాటాడు. భారత కాలమానం ప్రకారం ఆదివారం అర్ధరాత్రి దాటాక మొదలై సోమవారం ఉదయం 6 గంటల 30 నిమిషాలకు ముగిసిన ఫైనల్లో నాదల్‌ 7–5, 6–3, 5–7, 4–6, 6–4 స్కోరుతో ఐదో సీడ్‌ డానిల్‌ మెద్వెదేవ్‌ (రష్యా)పై విజయం సాధించాడు. పోటాపోటీగా సాగిన ఐదు సెట్‌ల ఈ పోరాటం 4 గంటల 49 నిమిషాల పాటు ప్రేక్షకులను కట్టిపడేయడం విశేషం. తాజా విజయంతో నాదల్‌ గ్రాండ్‌స్లామ్‌ టైటిల్స్‌ సంఖ్య 19కి చేరింది. తొలిసారి గ్రాండ్‌స్లామ్‌ ఫైనల్‌ ఆడిన మెద్వెదేవ్‌ రన్నరప్‌గా సంతృప్తి పడాల్సి వచ్చింది. నాదల్‌ గతంలో 2010, 2013, 2017లలో యూఎస్‌ ఓపెన్‌ గెలిచాడు. నాదల్‌ (62)కంటే ఎక్కువ విన్నర్లు (75) కొట్టినా... 57 అనవసర తప్పిదాలు మెద్వెదేవ్‌ ఓటమికి కారణమయ్యాయి. విజేత నాదల్‌కు 38,50,000 డాలర్లు (రూ. 27 కోట్ల 59 లక్షలు)... రన్నరప్‌ మెద్వెదేవ్‌కు 19,00,000 డాలర్లు (రూ. 13 కోట్ల 62 లక్షలు) ప్రైజ్‌మనీగా లభించాయి. నాదల్‌ జోరు... ఫేవరెట్‌గా బరిలోకి దిగిన నాదల్‌కు సరైన ఆరంభం లభించలేదు. అతని ఫోర్‌హ్యాండ్‌లలో ధాటి లేకపోవడంతో మెద్వెదేవ్‌ వాటిని సమర్థంగా ఎదుర్కొన్నాడు. మూడో గేమ్‌ను బ్రేక్‌ చేసిన రష్యన్‌ ఆధిక్యంలోకి దూసుకెళ్లాడు. అయితే కోలుకున్న నాదల్‌ ప్రత్యర్థి సర్వీస్‌ను బ్రేక్‌ చేయడంలో సఫలమయ్యాడు. తర్వాతి 10 పాయింట్లలో 8 గెలుచుకొని దూసుకుపోగా... స్కోరు 5–5కు చేరిన తర్వాత సర్వీస్‌ను నిలబెట్టుకున్న నాదల్‌ మళ్లీ బ్రేక్‌ చేసి సెట్‌ను గెలుచుకున్నాడు. రెండో సెట్‌ నాదల్‌ ఆధిపత్యం స్పష్టంగా కనిపించింది. బేస్‌లైన్‌ వద్దనుంచే చక్కటి రిటర్న్‌లతో మెద్వెదేవ్‌పై ఒత్తిడి పెంచిన అతను 48 నిమిషాల్లోనే అలవోకగా సెట్‌ను సాధించాడు.   అనూహ్య ప్రతిఘటన... పరిస్థితి చూస్తే మరో సెట్‌తో పాటు మ్యాచ్‌ కూడా ఇదే తరహాలో ముగుస్తుందని అనిపించింది. అయితే మెద్వెదేవ్‌ ఒక్కసారిగా చెలరేగిపోయాడు. మరో మూడు గేమ్‌లు గెలిస్తే నాదల్‌ విజేతగా నిలుస్తాడనగా రష్యన్‌ ప్రతిఘటించాడు. 2–3తో వెనుకబడి ఉన్న దశ నుంచి తర్వాతి 7 గేమ్‌లలో 5 గెలుచుకొని సెట్‌ను సొంతం చేసుకున్నాడు. ఈ క్రమంలో వీరిద్దరు సుదీర్ఘమైన ర్యాలీలు ఆడారు. నాలుగో సెట్‌లో మెద్వెదేవ్‌ మరింత దూకుడు ప్రదర్శించాడు. ఆరంభంలోనే బ్రేక్‌ సాధించిన అతను పదో గేమ్‌లో కూడా మరో రెండు బ్రేక్‌ పాయింట్లు అందుకొని ముందంజ వేశాడు. బ్యాక్‌హ్యాండ్‌ విన్నర్‌తో సెట్‌ అతని ఖాతాలో చేరింది.   హోరాహోరీ... 64 నిమిషాల పాటు సాగిన చివరి సెట్‌లో ఇద్దరూ ప్రతీ పాయింట్‌ కోసం శ్రమించారు. అయితే అనుభవాన్నంతా రంగరించిన నాదల్‌ ఒత్తిడికి లోను కాకుండా ప్రశాంతంగా ఆడాడు. ఇద్దరు సర్వీస్‌లు నిలబెట్టుకొని స్కోరు 2–2కు చేరిన తర్వాత నాదల్‌ రెండు బ్రేక్‌లు సహా వరుసగా మూడు గేమ్‌లు గెలుచుకొని 5–2తో విజయానికి చేరువయ్యాడు. అయితే పోరాటం వదలని మెద్వెదేవ్‌ కూడా మళ్లీ రెండు గేమ్‌లు సాధించి స్కోరు 4–5కు తీసుకొచ్చాడు. ఉత్కంఠ తారాస్థాయికి పెరిగిపోయిన సమయంలో పదో గేమ్‌లో నాదల్‌ సర్వీస్‌ చేశాడు. ఒక దశలో 30–30, 40–40తో మెద్వెదేవ్‌ పోటీనిచ్చినా... చివరకు నాదల్‌నే విజయం వరించింది. మెద్వెదేవ్‌ కొట్టిన ఫోర్‌హ్యాండ్‌ రిటర్న్‌ కోర్టు బయట పడటంతో నాదల్‌ భావోద్వేగంతో కూలిపోయాడు. నా టెన్నిస్‌ కెరీర్‌లో నేను ఎంతో భావోద్వేగానికి లోనైన రోజుల్లో ఇది ఒకటి. చివరి మూడు గంటలు హోరాహోరీగా పోరు సాగింది. ఫైనల్‌ జరిగిన తీరు, దాదాపు చేతుల్లోకి వచ్చిన మ్యాచ్‌ మళ్లీ కష్టంగా మారిపోవడం, మళ్లీ కోలుకోవడం చూస్తే నా దృష్టిలో ఈ విజయానికి ఎంతో ప్రాధాన్యత ఉంది. అయితే గెలవాలంటే ఈ మాత్రం శ్రమించాల్సిందే.  స్క్రీన్‌పై నా గత టైటిల్స్‌ను చూడటం, ఆ విజయాలను గుర్తు చేసుకోవడం గర్వంగా, ప్రత్యేకంగా అనిపించింది. అందుకే నన్ను నేను నియంత్రించుకోలేకపోయాను. మెద్వెదేవ్‌ తన పోరాటంతో మ్యాచ్‌ దిశను మార్చేసిన తీరు అద్భుతం. మున్ముందు అతను ఎన్నో విజయాలు సాధించడం ఖాయం.  భవిష్యత్తులో మరిన్ని గ్రాండ్‌స్లామ్‌ టైటిల్స్‌ గెలుచుకోవాలని నేనూ కోరుకుంటున్నా. అయితే అత్యధిక స్లామ్‌లు నెగ్గిన ఆటగాడిగా నిలవకపోయినా నేను ప్రశాంతంగా నిద్రపోగలను. –నాదల్‌ విజయం ఖాయమైన క్షణాన... నాదల్‌ భావోద్వేగం

న్యూయార్క్‌: యూఎస్‌ ఓపెన్‌ పురుషుల సింగిల్స్‌ టైటిల్‌ను స్పెయిల్‌ బుల్‌ రాఫెల్‌ నాదల్‌ గెల్చుకున్నాడు. హోరా హోరీగా జరిగిన తుది పోరులో ఐదో సీడ్‌ డానిల్‌ మెద్వెదేవ్‌ (రష్యా)ను 7-5, 6-3, 5-7, 4-6, 6-4తో ఓడించి విజేతగా నిలిచాడు. ఈ విజయంతో కెరీర్‌లో 19వ గ్రాండ్‌స్లామ్‌ టైటిల్‌ను తన ఖాతాలో వేసుకున్నాడు. అత్యధిక గ్రాండ్‌స్లామ్‌ టైటిల్స్‌ రికార్డుకు రెండు అడుగుల దూరంలో నిలిచాడు. తొలిసారి గ్రాండ్‌స్లామ్‌ ఫైనల్లో అడుగు పెట్టిన మెద్వెదేవ్‌ అంత సులువుగా తలవంచలేదు. మొదటి రెండు సెట్‌లు రాఫెల్‌ గెలిచినప్పటికీ మెద్వెదేవ్‌ కుంగిపోకుండా మొండి ధైర్యంతో పోరాడు. మూడు, నాలుగు సెట్లను దక్కించుకుని నాదల్‌కు చెమటలు పట్టించాడు. నిర్ణయాత్మక ఐదో సెట్‌లో రాఫెల్‌ విజృంభించడంతో మెద్వెదేవ్‌ ఓటమి పాలయ్యాడు. నాలుగు గంటల 50 నిమిషాల పాటు సాగిన ఈ మ్యాచ్‌ క్రీడాభిమానులను ఆకట్టుకుంది. చాంపియన్‌ రాఫెల్‌కు 38,50,000 డాలర్లు (రూ. 27 కోట్ల 59 లక్షలు)... రన్నరప్‌ మెద్వెదేవ్‌కు 19,00,000 డాలర్లు (రూ. 13 కోట్ల 62 లక్షలు) ప్రైజ్‌మనీగా లభించాయి. 20 గ్రాండ్‌స్లామ్‌ టైటిట్స్‌తో రోజర్‌ ఫెదరర్‌.. నాదల్‌ కంటే ముందున్నాడు. మరో టైటిల్‌ సాధిస్తే ఫెదరర్ రికార్డును నాదల్‌ సమం చేస్తాడు. రికార్డు బ్రేక్‌ 30 ఏట అడుగుపెట్టిన తర్వాత ఐదు మేజర్‌ టైటిల్స్‌ నెగ్గిన ఆటగాడిగా రాఫెల్‌ నాదల్‌ సరికొత్త రికార్డు నెలకొల్పాడు. ఫెడరర్‌, నొవాక్‌ జకోవిచ్‌, రొడ్‌ లావెర్‌, కెన్‌ రోజ్‌వాల్‌ పేరిట ఉన్న రికార్డును నాదల్‌ బద్దలు కొట్టాడు. వీరంతా 30 ఏళ్లు దాటిన తర్వాత నాలుగేసి టైటిళ్లు సాధించారు. 33 ఏళ్ల నాదల్‌ యూఎస్‌ ఓపెన్‌ విజేతగా నిలవడం ఇది నాలుగోసారి. గతంలో మూడుసార్లు (2017, 2013, 2010) విజేతగా నిలిచిన అతడు ఒకసారి రన్నరప్‌ (2011)తో సరిపెట్టుకున్నాడు. కెరీర్‌లో 27వ గ్రాండ్‌స్లామ్‌ ఫైనల్స్‌ ఆడిన రాఫెల్‌ 19 ఫైనల్స్‌లో గెలిచి, 8 ఫైనల్స్‌లో ఓడిపోయాడు. (ఫొటో గ్యాలరీ కోసం ఇక్కడ క్లిక్ చేయండి)

అమెరికా గడ్డపై స్పెయిల్‌ బుల్‌ జైత్రయాత్ర నిర్విఘ్నంగా సాగిపోతోంది. చిరకాల ప్రత్యర్థులు, తనకు పోటీ కాగల ఇద్దరు స్టార్లు జొకోవిచ్, ఫెడరర్‌ ముందే నిష్క్రమించిన చోట నాదల్‌ జోరు ముందు ఎవరూ నిలవలేకపోతున్నారు. ఇదే ఊపులో నాదల్‌ యూఎస్‌ ఓపెన్‌ ఫైనల్‌కు చేరుకొని 19వ గ్రాండ్‌స్లామ్‌ టైటిల్‌ వేటకు సన్నద్ధమయ్యాడు. మరోవైపు నుంచి తుది పోరుకు అర్హత సాధించిన రష్యన్‌ మెద్వెదేవ్‌ నేడు జరిగే ఫైనల్లో నాదల్‌కు ఎదురుగా నిలిచి తొలి గ్రాండ్‌స్లామ్‌ టైటిల్‌ కోసం తన అదృ ష్టాన్ని పరీక్షించుకోనున్నాడు. సెమీఫైనల్లో నాదల్‌ ముందు బెరెటిని తలవంచగా... మెద్వెదేవ్‌ ముందు దిమిత్రోవ్‌ నిలవలేకపోయాడు.   న్యూయార్క్‌: ఒకవైపు 18 గ్రాండ్‌స్లామ్‌ల విజేత... మరోవైపు తొలిసారి గ్రాండ్‌స్లామ్‌ ఫైనల్లో అడుగు పెట్టిన ఆటగాడు... వీరిద్దరి మధ్య యూఎస్‌ ఓపెన్‌ ఫైనల్‌ సమరానికి రంగం సిద్ధమైంది. ప్రపంచ రెండో ర్యాంకర్‌ రాఫెల్‌ నాదల్‌ (స్పెయిన్‌)తో నేడు జరిగే తుది పోరులో ఐదో సీడ్‌ డానిల్‌ మెద్వెదేవ్‌ (రష్యా) తలపడతాడు. సెమీఫైనల్స్‌లో రెండో సీడ్‌ నాదల్‌ 7–6 (8/6), 6–4, 6–1తో 24వ సీడ్‌ మాటియో బెరెటిని (ఇటలీ)పై విజయం సాధించగా... మెద్వెదేవ్‌ 7–6 (7/5), 6–4, 6–3తో అన్‌సీడెడ్‌ గ్రిగర్‌ దిమిత్రోవ్‌ (బల్గేరియా)ను ఓడించాడు. రెండు సెమీస్‌ మ్యాచ్‌లు దాదాపు ఒకే తరహాలో, ఒకే సమయం పాటు సాగడం విశేషం. నాదల్‌ ఇప్పటి వరకు మూడు సార్లూ యూఎస్‌ ఓపెన్‌ గెలుచుకున్నాడు.   తొలి సెట్‌ మినహా... బెరెటినితో తొలిసారి తలపడిన నాదల్‌ మొదటి సెట్‌లో కొంత పోరాడాల్సి వచ్చింది. ఆ తర్వాత రెండో సెట్‌లో కాస్త సులువుగా... మూడో సెట్‌లో తిరుగులేని విధంగా అతని ప్రదర్శన సాగింది. తొలి సెట్‌ హోరాహోరీగా సాగి బెరెటిని ఎక్కడా తగ్గకపోవడంతో టైబ్రేక్‌కు వెళ్లింది. ఇక్కడా బెరెటిని 4–0తో ఆధిక్యంలో నిలిచాడు. నాదల్‌ 2–5తో అంతరం తగ్గించినా ఇటలీ ఆటగాడు 6–4తో సెట్‌ విజయానికి చేరువయ్యాడు. అయితే రెండు సార్లు సెట్‌ను గెలుచుకునే అవకాశం వచ్చినా నాదల్‌ తిప్పికొట్టాడు. ఆపై తన అనుభవాన్ని ఉపయోగించి సెట్‌ను సొంతం చేసుకున్నాడు. రెండో సెట్‌లో ఇద్దరూ సర్వీస్‌లు నిలబెట్టుకోవడంతో స్కోరు 3–3 వరకు చేరింది. కొద్ది సేపటికి బెరెటిని సర్వీస్‌ను బ్రేక్‌ చేసి 5–3తో ఆధిక్యం ప్రదర్శించిన నాదల్‌ ఆపై వెంటనే సెట్‌ను కూడా గెలుచుకున్నాడు. మూడో సెట్‌లో మరింత దూకుడుగా ఆడిన నాదల్‌కు ఎదురు లేకుండా పోయింది. 2 గంటల 35 నిమిషాల పాటు సాగిన ఈ మ్యాచ్‌లో నాదల్‌ (31)కంటే బెరెటిని ఎక్కువ విన్నర్లు (37) కొట్టినా... ఏకంగా 44 అనవసర తప్పిదాలు చేసి ఓటమిని ఆహ్వానించాడు.   దిమిత్రోవ్‌కు నిరాశ... క్వార్టర్స్‌లో రోజర్‌ ఫెడరర్‌ను ఓడించి సంచలనం సృష్టించిన దిమిత్రోవ్‌ ఈ మ్యాచ్‌లో అదే స్థాయి పోరాట పటిమ కనబర్చలేకపోయాడు. 2 గంటల 38 నిమిషాల ఈ మ్యాచ్‌లో పోటాపోటీగా సాగిన తొలి సెట్‌ టైబ్రేకర్‌కు దారి తీసింది. సుదీర్ఘమైన ర్యాలీలతో ప్రత్యర్థిపై ఆధిపత్యం ప్రదర్శించి మెద్వదేవ్‌ చివరకు సెట్‌ను గెలుచుకున్నాడు. 6–5 వద్ద సెట్‌ గెలిచే అవకాశం వచ్చినా దిమిత్రోవ్‌ విఫలమయ్యాడు. రెండో సెట్‌లో ఇద్దరూ 4–4తో సమంగా నిలిచిన దశలో సర్వీస్‌ నిలబెట్టుకొని మెద్వెదేవ్‌ 5–4తో ముందంజ వేశాడు. చక్కటి ఫోర్‌హ్యాండ్‌ షాట్లతో ప్రత్యర్థి సర్వీస్‌ను బ్రేక్‌ చేయడంతో రెండో సెట్‌ కూడా మెద్వెదేవ్‌ వశమైంది. కెరీర్‌లో తొలి రెండు సెట్‌లు ఓడిన తర్వాత ఎప్పుడూ కోలుకోలేకపోయిన దిమిత్రోవ్‌కు మళ్లీ అదే పరిస్థితి ఎదురైంది. మూడో సెట్‌లో ప్రత్యర్థి 5–2తో ఆధిక్యంలో ఉన్న దశలో తన సర్వీస్‌లో రెండు మ్యాచ్‌ పాయింట్లను కాపాడుకోగలిగినా... చివరకు అతని ఫోర్‌హ్యాండ్‌ నెట్‌ను తాకడంతో పరాజయం ఖాయమైంది.   తొలి సెట్‌ టైబ్రేక్‌లో నాకు అదృష్టం కలిసొచ్చింది. 4–0తో ఆధిక్యం అంటే అతనికి 100 శాతం గెలిచే అవకాశాలు ఉన్నాయి. కానీ బతికిపోయాను. రెండో సెట్‌లో నాకు బ్రేక్‌ లభించిన తర్వాత ఆట మొత్తం మారిపోయింది. యూఎస్‌ ఓపెన్‌లో మరోసారి ఫైనల్‌ చేరడం సంతోషంగా ఉంది. మెద్వెదేవ్‌ ఈ సీజన్‌లో చాలా బాగా ఆడుతున్నాడు. ప్రతీ వారం అతని ఆటతీరు ఎంతో మెరుగవుతూ వస్తోంది కాబట్టి ఫైనల్లో నేను శ్రమించాల్సిందే. అయితే గ్రాండ్‌స్లామ్‌ తుది పోరు అంటే ఎవరినీ తక్కువగా అంచనా వేయవద్దు. –నాదల్‌   ఓడిపోతాననుకున్న తొలి సెట్‌ నాకు దక్కడంతోనే మ్యాచ్‌ మలుపు తిరిగింది. అమెరికా హార్డ్‌కోర్ట్‌ సీజన్‌లో వరుసగా నాలుగో ఫైనల్‌కు చేరడం చాలా గొప్పగా అనిపిస్తోంది. ఇక్కడ అడుగు పెట్టినప్పుడు దీనిని ఊహించలేదు. గ్రాండ్‌స్లామ్‌లో ఇప్పటి వరకు నా అత్యుత్తమ ప్రదర్శన నాలుగో రౌండ్‌ మాత్రమే. ఐదు సెట్‌ల మ్యాచ్‌లు నేను గెలవలేనని అనిపించేది. కానీ ఇక్కడ సాధించిన విజయాలు నాలో నమ్మకాన్ని పెంచాయి. ఫైనల్లోనూ అత్యుత్తమ ప్రదర్శన ఇచ్చేందుకు ప్రయత్నిస్తా. – మెద్వెదేవ్‌   బెథానీ–జేమీ ముర్రే జంటకు ‘మిక్స్‌డ్‌’ టైటిల్‌ యూఎస్‌ ఓపెన్‌ మిక్స్‌డ్‌ డబుల్స్‌ విభాగంలో బెథానీ మాటెక్‌ సాండ్స్‌ (అమెరికా)–జేమీ ముర్రే (బ్రిటన్‌) జంట విజేతగా నిలిచింది. ఫైనల్లో అన్‌సీడెడ్‌ బెథానీ–జేమీ ముర్రే ద్వయం 6–2, 6–3తో టాప్‌ సీడ్‌ హావో చింగ్‌ చాన్‌ (చైనీస్‌ తైపీ)–మైకేల్‌ వీనస్‌ (న్యూజిలాండ్‌) జోడీపై సంచలన విజయం సాధించింది. టైటిల్‌ నెగ్గిన బెథానీ–జేమీ జంటకు 1,60,000 డాలర్ల (రూ. కోటీ 14 లక్షలు) ప్రైజ్‌మనీ లభించింది.    1: ఈ ఏడాది అత్యధిక విజయాలు సాధించిన ఆటగాళ్ల జాబితాలో మెద్వెదేవ్‌ (50 విజయాలు) అగ్రస్థానంలో ఉన్నాడు. 46 విజయాలతో నాదల్‌ రెండో స్థానంలో ఉన్నాడు.   1: ముఖాముఖి రికార్డులో నాదల్‌ 1–0తో మెద్వెదేవ్‌పై ఆధిక్యంలో ఉన్నాడు. ఇటీవల రోజర్స్‌ కప్‌ మాస్టర్స్‌ సిరీస్‌ ఫైనల్లో మెద్వెదేవ్‌పై గెలిచి నాదల్‌ టైటిల్‌ సాధించాడు.   27: నాదల్‌ కెరీర్‌లో ఇది 27వ గ్రాండ్‌స్లామ్‌ ఫైనల్‌. ఇందులో అతను 18 ఫైనల్స్‌లో గెలిచి,  8 ఫైనల్స్‌లో ఓడిపోయాడు.   1:మరాత్‌ సఫిన్‌ (2005లో ఆస్ట్రేలియన్‌ ఓపెన్‌)  తర్వాత ఓ గ్రాండ్‌స్లామ్‌    టోర్నీలో ఫైనల్‌కు చేరిన తొలి రష్యా ప్లేయర్‌ మెద్వెదేవ్‌. 5: యూఎస్‌ ఓపెన్‌లో రాఫెల్‌ నాదల్‌ ఫైనల్‌కు చేరడం ఇది ఐదోసారి. గతంలో మూడుసార్లు (2017, 2013, 2010) విజేతగా నిలిచిన అతను ఒకసారి రన్నరప్‌ (2011)తో సరిపెట్టుకున్నాడు.   

న్యూయార్క్‌: ఊహించినట్లుగానే స్పెయిన్‌ బుల్‌ రఫెల్‌ నాదల్‌ యూఎస్‌ ఓపెన్‌ గ్రాండ్‌ స్లామ్‌ ఫైనల్లో అడుగుపెట్టాడు. శనివారం జరిగిన పురుషుల సింగిల్స్‌ సెమీ ఫైనల్లో నాదల్‌ 7-6(8/6), 6-4, 6-1 తేడాతో  బెర్రెట్టినీ(ఇటలీ)పై గెలిచి ఫైనల్‌ బెర్తును ఖాయం చేసుకున్నాడు. ఇరువురి మధ్య హోరాహోరీగా సాగిన పోరులో చివరకు నాదల్‌ పైచేయి సాధించి తుది పోరుకు అర్హత సాధించాడు. నాదల్‌- బెర్రెట్టినీల మధ్య జరిగిన తొలి సెట్‌ రసవత్తరంగా సాగింది. ఇద్దరు సమంగా తలపడటంతో ఆ సెట్‌ టైబ్రేక్‌కు దారి తీసింది. అయితే ఇక్కడ కూడా ఆసక్తికర సమరమే జరిగింగి. కాకపోతే చివరకు నాదల్‌ గెలిచి ఊపిరి పీల్చుకున్నాడు. తొలి సెట్‌ను గెలిచిన ఊపును రెండు, మూడు సెట్లలో నాదల్‌ కొనసాగించాడు. అయితే బెర్రిట్టినీ మాత్రం అద్భుతమైన ఏస్‌లతో ఆకట్టుకున్నాడు. రెండో సెట్‌ను నాదల్‌ 6-4తో గెలవగా, మూడో సెట్‌ను 6-1తో దక్కించుకోవడంతో ఫైనల్లోకి ప్రవేశించాడు.  ఫలితంతా 19వ గ్రాండ్‌ స్లామ్‌ సింగిల్స్‌ టైటిల్‌పై నాదల్‌ గురిపెట్టాడు. ఇప్పటివరకూ 18 గ్రాండ్‌ స్లామ్‌లు సాధించిన నాదల్‌.. యూఎస్‌ ఓపెన్‌ను మాత్రం మూడు సార్లు మాత్రమే అందుకున్నాడు. 2017లో చివరిసారి యూఎస్‌ ఓపెన్‌ను గెలిచిన నాదల్‌.. ఈసారి కూడా టైటిల్‌పై ధీమాగా ఉన్నాడు. టాప్‌  సీడ్‌ ఆటగాళ్లు రోజర్‌ ఫెడరర్‌, నొవాక్‌ జొకోవిచ్‌లు ఇప్పటికే ఇంటి ముఖం పట్టడంతో  నాదల్‌ యూఎస్‌ ఓపెన్‌ను సాధించడం కష్టం కాకపోవచ్చు. సోమవారం జరుగనున్న అంతిమ సమరంలో మెద్విదేవ్‌తో నాదల్‌ తలపడనున్నాడు. మెద్విదేవ్‌కు ఇదే తొలి గ్రాండ్‌ స్లామ్‌ ఫైనల్‌. (ఇక్కడ చదవండి: సెరెనా...ఈసారైనా!)

న్యూయార్క్‌:  యూఎస్‌ ఓపెన్‌ గ్రాండ్‌ స్లామ్‌ టోర్నీలో స్పెయిన్‌ బుల్‌ రఫెల్‌ నాదల్‌ సెమీ ఫైనల్లోకి ప్రవేశించాడు. గురువారం జరిగిన పురుషుల సింగిల్స్‌ క్వార్టర్‌ ఫైనల్‌ పోరులో రెండో సీడ్‌ నాదల్‌ 6-4, 7-5, 6-2 తేడాతో డీగో స్వ్కార్జర్‌మ్యాన్‌(అర‍్జెంటీనా)పై గెలిచి సెమీస్‌ బెర్తును ఖాయం చేసుకున్నాడు. తొలి సెట్‌ను గెలిచిన నాదల్‌కు రెండో సెట్‌లో అసలు సిసలు పరీక్ష ఎదురైంది. ఆ సెట్‌లో స్వ్కార్జర్‌మ్యాన్‌ అద్భుతమైన ఏస్‌లు, రిటర్న్‌ షాట్‌లతో చెలరేగిపోయాడు. ఫలితంగా రెండో సెట్‌ను నాదల్‌ చేజార్చుకున్నారు. కాగా, మూడో సెట్‌లో దూకుడుగా ఆడిన నాదల్‌.. స్వ్కార్జర్‌మ్యాన్‌కు ఎటువంటి అవకాశం ఇవ్వలేదు. వరుస పాయింట్లు సాధించి మూడో సెట్‌ను సునాయాసంగా గెలవడమే కాకుండా మ్యాచ్‌ను సొంతం చేసుకుని సెమీస్‌లోకి ప్రవేశించాడు. దాంతో గ్రాండ్‌  స్లామ్‌ టోర్నీలో 33వసారి సెమీ ఫైనల్‌కు చేరాడు నాదల్‌. ఓవరాల్‌గా అత్యధికసార్లు గ్రాండ్‌ స్లామ్‌ సెమీ ఫైనల్స్‌కు చేరిన జాబితాలో రోజర్‌ ఫెదరర్‌(45) అగ్రస్థానంలో ఉండగా, నొవాక్‌ జొకోవిచ్‌(36) రెండో స్థానంలో ఉన్నాడు. ఆ తర్వాత స్థానంలో నాదల్‌ నిలిచాడు. ఈ ప్రతిష్టాత్మక టోర్నీలో ఇప్పటికే రోజర్‌ ఫెడరర్‌, జొకోవిచ్‌లు ఇంటిదారి పట్టడంతో నాదల్‌ మరో గ్రాండ్‌ స్లామ్‌ టైటిల్‌ రేసులో ముందంజలో ఉన్నాడు.  ఇప్పటివరకూ మూడుసార్లు యూఎస్‌ ఓపెన్‌ను గెలిచిన నాదల్‌.. మరో టైటిల్‌పై కన్నేశాడు. శనివారం జరుగనున్న సెమీ ఫైనల్లో మాట్టే బెర్రిట్టినీ(ఇటలీ)తో నాదల్‌ తలపడతాడు.(ఇక్కడ చదవండి: ఫెడరర్‌ ఖేల్‌ ఖతం)

లండన్‌ : అసలే అది ప్రతిష్టాత్మక వింబుల్డన్‌ టోర్నీ. చిరకాల ప్రత్యర్థులు రోజర్‌ ఫెదరర్‌, రఫెల్‌ నాదల్‌ మధ్య సెమీస్‌ పోరు. ఇక టెన్నిస్‌ అభిమానులకు పండగే పండగ. వేలమంది అభిమానులతో స్టేడియం కిక్కిరిసిపోయింది. మ్యాచ్‌ మొదలైంది. దిగ్గజ ఆటగాళ్ల బ్యాట్లనుంచి మునుపెన్నడూ చూడని షాట్ల వర్షం కురుస్తోంది. కానీ, ఇవేవీ వీక్షకుల గ్యాలరీలో కూర్చున్న ఓ కుర్రాడి దృష్టిని ఆకర్షించలేకపోయాయి. తన పనిలో మునిగిపోయాడతను. కెమెరాలో అతను చేస్తున్న తెలిసి అందరి దృష్టి అటువైపు మళ్లింది. అంత ఉత్కంఠకర మ్యాచ్‌ జరుగున్న సమయంలో ఆ కుర్రాడు శ్రద్ధగా పుస్తకం చదువుకుంటున్నాడు. దీంతో కొందరు ఆ కుర్రాడిపై ఫన్నీ కామెంట్లతో ట్విటర్‌ని హోరెత్తించారు. (చదవండి : జొకోవిచ్ X ఫెడరర్‌) కుర్రాడికి ఫెదరర్‌, నాదల్‌ దిగ్గజ ఆటగాళ్లుగా కనబడటం లేదా. ఈ సమయంలో కూడా అతను పుస్తకం చదవడమేంటని అంటున్నారు. ఎప్పుడూ ఐపాడ్‌ చేతిలో పట్టుకుని తిరిగే ఈరోజుల్లో కూడా ఇలాంటి పిల్లలు ఉంటారా అని ఆశ్చర్యం వ్యక్తం చేస్తున్నారు. ఎంత పుస్తకాల పురుగులైతే మాత్రం.. ఫెదరర్‌, నాదల్‌ మధ్య జరిగే సెమీస్‌ మ్యాచ్‌ను పట్టించుకోరా అని ప్రశ్నిస్తున్నారు. ఇంత ఉత్కంఠ మ్యాచ్‌లో పుస్తకం చదువుతున్నాడంటే.. అది కచ్చితంగా ఈ ప్రపంచంలోనే ది బెస్ట్‌ బుక్‌ కావొచ్చునని అనుమానం వ్యక్తం చేస్తున్నారు. ఇక శుక్రవారం 3 గంటల 2 నిమిషాలపాటు జరిగిన సెమీస్‌ పోరులో ఫెదరర్‌ 7–6 (7/3), 1–6, 6–3, 6–4తో మూడో సీడ్‌ రాఫెల్‌ నాదల్‌ (స్పెయిన్‌)పై విజయం సాధించాడు. వరుసగా 21వ ఏడాది వింబుల్డన్‌ టోర్నీలో ఆడుతున్న 37 ఏళ్ల ఫెడరర్‌ 12వసారి ఫైనల్‌కు చేరాడు. 8 సార్లు టైటిల్‌ నెగ్గిన అతను మూడుసార్లు రన్నరప్‌గా నిలిచాడు. ఆదివారం సాయంత్రం 6.30 గంటలకు రెండో సీడ్‌ ఫెదరర్‌ (స్విట్జర్లాండ్‌), జొకోవిచ్‌ (సెర్బియా) మధ్య ఫైనల్‌ మ్యాచ్‌ జరుగనుంది.   What is he reading? He doesn't even lose his concentration when #fedal play. Must be the most interesting book on planet. #Federer #Nadal #Wimbledon. pic.twitter.com/ahY2wobvZ7 — Sameer Deshmukh (@docsamdeshmukh) July 12, 2019 The Kid: I love reading books more anything in this world. Me: That can't be true in every case. What if you're watching Roger Federer vs Rafael Nadal in their first ever #Wimbledon semi-final? The Kid: #Fedal #Wimbledon2019 #FedererNadal #VamosRafa #RogerFederer #GOAT pic.twitter.com/9MNOcc2HLh — Nikhil Deshpande (@Chaseeism) July 13, 2019

లండన్‌: వింబుల్డన్‌ గ్రాండ్‌స్లామ్‌ టెన్నిస్‌ టోర్నమెంట్‌లో పురుషుల సింగిల్స్‌ విభాగంలో రెండో సీడ్‌ ఫెడరర్‌ (స్విట్జర్లాండ్‌), మూడో సీడ్‌ రాఫెల్‌ నాదల్‌ (స్పెయిన్‌) ప్రిక్వార్టర్‌ ఫైనల్లోకి అడుగు పెట్టారు. మూడో రౌండ్‌ మ్యాచ్‌ల్లో ఫెడరర్‌ 7–5, 6–2, 7–6 (7/4)తో లుకాస్‌ పుయి (ఫ్రాన్స్‌)పై, మూడో సీడ్‌ నాదల్‌ 6–2, 6–3, 6–2తో సోంగా (ఫ్రాన్స్‌)పై గెలిచారు. మహిళల సింగిల్స్‌ మూడో రౌండ్‌ మ్యాచ్‌ల్లో సెరెనా విలియమ్స్‌ (అమెరికా)  6–3, 6–4తో జులియా జార్జెస్‌ (జర్మనీ)పై, టాప్‌ సీడ్‌ యాష్లే బార్టీ (ఆస్ట్రేలియా) 6–1, 6–1తో హరియెట్‌ డార్ట్‌ (బ్రిటన్‌)పై గెలిచి ప్రిక్వార్టర్స్‌కు చేరుకున్నారు.

లండన్‌: వింబుల్డన్‌ గ్రాండ్‌స్లామ్‌ టెన్నిస్‌ టోర్నమెంట్‌లో భాగంగా గురువారం జరిగిన పురుషుల సింగిల్స్‌ విభాగంలో మూడో సీడ్‌ రఫెల్‌ నాదల్‌ మూడో రౌండ్‌లోకి ప్రవేశించాడు.  అన్‌సీడెడ్‌ ఆస్ట్రేలియా ఆటగాడు నికీ కిరియోస్‌తో రెండో రౌండ్‌లో తలపడిన స్పెయిన్‌ బుల్‌ రఫెల్‌ నాదల్‌ 6–3, 3–6, 7–6 (7/5),7–6(7/3)తో చెమటోడ్చి నెగ్గాడు. అయితే నాదల్‌ మూడో రౌండ్‌లోకి ప్రవేశించే క్రమంలో తీవ్రంగా శ్రమించాడు. తొలి సెట్‌ను సునాయసంగా గెలిచినా, రెండో సెట్‌ను కోల్పోయాడు. ఇక మూడో, నాలుగో సెట్‌లను టై బ్రేక్‌లో విజయం సాధించి ఎట్టకేలకు ఊపిరి పీల్చుకున్నాడు. అయితే నాదల్‌ను ఓడించినంత పని చేసిన కిరియోస్‌ చేసిన ఒక అండర్‌ ఆర్మ్‌ సర్వీస్‌ మ్యాచ్‌కే హైలైట్‌గా నిలిచింది. టెన్నిస్‌లో అరుదుగా చేసే అండర్‌ ఆర్మ్‌ సర్వీస్‌ను నాదల్‌పై ప్రయోగించాడు కిరియోస్‌. దీనికి నాదల్‌తో పాటు అభిమానులు కూడా ఒక్కసారిగా ఆశ్చర్యానికి గురయ్యారు. అండర్‌ ఆర్మ్‌ సర్వీస్‌ అనేది టెన్నిస్‌ ఆటలో భాగమైనప్పటికీ ఇది చాలా అరుదుగా జరుగుతూ ఉంటుంది. ఆ క్రమంలోనే ఆ సర్వీస్‌ నాదల్‌కు పరీక్షగా నిలిచింది. ఇది ఊహించని సర్వీస్‌ కాబట్టి నాదల్‌ వద్ద సమాధానమే లేకుండా పోయింది. అయితే ఇది గేమ్‌లో భాగమైనందున నాదల్‌ చిరునవ్వుతో స్వాగతించక తప్పలేదు. సాధారణంగా టెన్నిస్‌లో తల పైభాగం నుంచి సర్వీస్‌లే ఎక్కువగా చూస్తూ ఉంటాం. కాగా, భుజాన్ని పైకి ఎత్తకుండా నేలబారుగా సర్వీస్‌ చేసిన కియోరిస్‌ ప్రత్యేకగా ఆకర్షణగా నిలవడమే కాకుండా హాట్‌ టాపిక్‌ అయ్యాడు. దీనికి సంబంధించిన వీడియో సోషల్‌ మీడియాలో హల్‌చల్‌ చేస్త్తోంది.

పారిస్‌: ప్రతిష్టాత్మక  ఫ్రెంచ్‌ ఓపెన్‌లో స్పెయిన్‌ బుల్‌ రఫెల్‌ నాదల్‌ ఫైనల్లోకి ప్రవేశించాడు. ఈ రోజు జరిగిన పురుషుల సింగిల్స్‌ సెమీ ఫైనల్లో నాదల్‌ 6-3,6-4, 6-2 తేడాతో స్విస్‌ దిగ్గజం ఫెడరర్‌పై గెలిచి ఫైనల్‌ బెర్తును ఖాయం చేసుకున్నాడు. తొలి సెట్‌ను అవలీలగా గెలుచుకున్న నాదల్‌.. రెండో సెట్‌లో కాస్త శ్రమించాడు. రెండో సెట్‌లో తొలుత ఫెడరర్‌ ఆధిక్యంలో నిలిచినప్పటికీ నాదల్‌ పోరాడి గెలిచాడు. ఇక మూడో సెట్‌ ఏకపక్షంగా సాగింది. నాదల్‌ దూకుడుకు ఫెడరర్‌ వద్ద సమాధానమే లేకుండా పోయింది. వరుస పాయింట్లు సాధించిన నాదల్‌ ఆ సెట్‌ను కైవసం చేసుకోవడమే కాకుండా మ్యాచ్‌ను సైతం సొంతం చేసుకున్నాడు. ఈ మ్యాచ్‌లో ఫెడరర్‌ మూడు ఏస్‌లు సంధించగా, నాదల్‌ కూడా మూడు ఏస్‌లకే పరిమితమయ్యాడు. ఇక డబుల్‌ ఫాల్ట్‌ విషయానికొస్తే తలో తప్పిదం చేశారు. ఇక నాదల్‌ ఆరు బ్రేక్‌ పాయింట్లను సాధించగా, ఫెడరర్‌ రెండు బ్రేక్‌ పాయింట్లను మాత్రమే సాధించాడు. ఓవరాల్‌గా నాదల్‌ 102 పాయింట్లను గెలవగా, ఫెడరర్‌ 79 పాయింట్లను గెలిచాడు. సర్వీస్‌ పాయింట్ల విషయంలో నాదల్‌ హవానే కొనసాగింది. 58 సర్వీస్‌ పాయింట్లను నాదల్‌ గెలవగా, 49 సర్వీస్‌ పాయింట్లకే ఫెడరర్‌ పరిమితయ్యాడు.

నాలుగు నెలల విరామం తర్వాత స్పెయిన్‌ టెన్నిస్‌ స్టార్‌ రాఫెల్‌ నాదల్‌ ఈ సీజన్‌లో రెండో టోర్నమెంట్‌లో టైటిల్‌ పోరుకు అర్హత సాధించాడు. రోమ్‌ ఓపెన్‌ మాస్టర్స్‌ సిరీస్‌ టోర్నీలో అతను ఫైనల్లోకి దూసుకెళ్లాడు. శనివారం జరిగిన సెమీఫైనల్లో నాదల్‌ 6–3, 6–4తో సిట్సిపాస్‌ (గ్రీస్‌)పై గెలిచాడు. నాదల్‌ కెరీర్‌లో ఇది 50వ మాస్టర్స్‌ సిరీస్‌ ఫైనల్‌ కావడం విశేషం. జనవరిలో ఆస్ట్రేలియన్‌ ఓపెన్‌ గ్రాండ్‌స్లామ్‌ టోర్నీ ఫైనల్లో ఆడిన నాదల్‌ ఆ తర్వాత ఐదు టోర్నీల్లో పాల్గొన్నా సెమీఫైనల్‌ను దాటి ముందుకెళ్లలేకపోయాడు.    

రోమ్‌: ఇటాలియన్‌ ఓపెన్‌ మాస్టర్స్‌–1000 టెన్నిస్‌ టోర్నమెంటో రెండో రౌండ్‌లో సంచలనం నమోదైంది. గురువారం మహిళల సింగిల్స్‌లో జరిగిన మ్యాచ్‌లో వరల్డ్‌ నెం.2 సిమోనా హలెప్‌ 6–2, 5–7, 3–6తో అన్‌సీడెడ్, వరల్డ్‌ నెం.44 వాండ్రొసోవా(చెక్‌రిపబ్లిక్‌) చేతిలో ఓడి టోర్నీ నుంచి నిష్క్రమించింది. హలెప్‌ ఒక డబుల్‌ ఫాల్ట్‌ మాత్రమే చేయగా, ఆరు డబుల్‌ ఫాల్ట్‌లు చేసిన వాండ్రసోవా బ్రేక్‌ పాయింట్లను కాపాడుకొని నెగ్గడం విశేషం. మహిళల సింగిల్స్‌లోని ఇతర ప్రధాన మ్యాచ్‌ల్లో ఆస్ట్రేలియన్‌ ఓపెన్‌ విజేత, వరల్డ్‌ నెం.1 నవోమీ ఒసాకా(జపాన్‌) 6–3, 6–3తో సిబుల్కోవా(స్లొవేకియా)పై నెగ్గగా, తాజాగా ముగిసిన మాడ్రిడ్‌ ఓపెన్‌లో టైటిల్‌ దక్కించుకున్న కికి బెర్టెన్స్‌(నెదర్లాండ్స్‌) 6–2, 4–6, 7–5తో అనిసిమోవా(అమెరికా)పై చెమటోడ్చి గెలిచింది. వరల్డ్‌ నెం.2 పెట్రా క్విటోవా 6–0, 6–1తో పుతిన్‌త్సెవ(కజకిస్థాన్‌)పై, గార్బియన్‌ ముగురుజ(స్పెయిన్‌) 6–4, 4–6, 6–2తో కొలిన్స్‌(అమెరికా)పై గెలిచి తదుపరి రౌండ్‌కు చేరుకున్నారు. స్లోన్‌ స్టీఫెన్స్‌(అమెరికా) 7–6(7/3), 4–6, 1–6తో జొహన్నా కొంటా(బ్రిటన్‌) చేతిలో ఓడి టోర్నీ నుంచి నిష్క్రమించింది. జకో, నాదల్‌ అలవోకగా.. పురుషుల విభాగంలో ప్రపంచ నెం.1, సెర్బియా స్టార్‌ నొవాక్‌ జకోవిచ్‌ 6–1, 6–3తో డేనియల్‌ షపలోవ్‌ (కెనడా)ను, ప్రపంచ రెండో ర్యాంకర్‌ నాదల్‌(స్పెయిన్‌) 6–0, 6–1తో జెరేమీ చార్డీ(ఫ్రాన్స్‌)ని చిత్తు చేయగా, స్విస్‌ దిగ్గజం, వరల్డ్‌ నెం.3 ఫెదరర్‌ 6–4, 6–3తో సౌసా(పోర్చుగల్‌)ను ఇంటిబాట పట్టిం చాడు. ఈ విభాగం లోని ఇతర ప్రధాన మ్యాచ్‌ల్లో ప్రపంచ ఆరో ర్యాంకర్‌ నిషికోరి(జపాన్‌) 6–2, 6–4తో ఫ్రిట్జ్‌(అమెరికా)పై, ఏడో ర్యాంకర్‌ డెల్‌పొట్రో 6–4, 6–2తో డేవిడ్‌ గఫి న్‌(బెల్జియం)పై, వరల్డ్‌ నెం.8 సిట్సిపాస్‌ 6–3, 6–2తో సిన్నర్‌(ఇటలీ)పై గెలవగా తదుపరి రౌండ్‌కు చేరుకున్నారు. కాగా, వరల్డ్‌ నెం.4 డొమెనిక్‌ థీమ్‌(ఆస్ట్రియా) 6–4, 4–6, 5–7తో ఫ్రాన్సిస్కో వెర్దాస్కో(స్పెయిన్‌) చేతిలో, పదో ర్యాంకర్‌ మారిన్‌ సిలిచ్‌(క్రొయేషియా) 2–6, 3–6తో జె.ఎల్‌.స్ట్రఫ్‌(జర్మనీ) చేతిలో ఓడి ఇంటిబాట పట్టారు.

‘క్లే కింగ్‌’ రాఫెల్‌ నాదల్‌కు వరుసగా రెండో క్లే కోర్టు టోర్నమెంట్‌లో ఓటమి ఎదురైంది. గతవారం మోంటెకార్లో ఓపెన్‌ మాస్టర్స్‌ సిరీస్‌ సెమీఫైనల్లో ఫాగ్‌నిని (ఇటలీ) చేతిలో ఓడిపోయిన ఈ స్పెయిన్‌ స్టార్‌ తాజాగా బార్సిలోనా ఓపెన్‌ సెమీఫైనల్లో డొమినిక్‌ థీమ్‌ (ఆస్ట్రియా) చేతిలో పరాజయం పాలయ్యాడు. ఏకపక్షంగా జరిగిన సెమీఫైనల్లో  థీమ్‌ 6–4, 6–4తో నాదల్‌ను ఓడించి ఫైనల్‌కు చేరాడు. 15వసారి బార్సిలోనా ఓపెన్‌లో బరిలోకి దిగిన నాదల్‌ 11సార్లు విజేతగా నిలువడం విశేషం. ఈ టోర్నీ చరిత్రలో నాదల్‌ను ఓడించిన నాలుగో ప్లేయర్‌గా థీమ్‌ గుర్తింపు పొందాడు. గతంలో  కొరెత్యా (2003లో), అల్మాగ్రో (2014లో), ఫాగ్‌నిని (2015లో) మాత్రమే ఈ ఘనత సాధించారు.  

మోంటెకార్లో ఓపెన్‌ మాస్టర్స్‌ సిరీస్‌ టోర్నమెంట్‌లో 11సార్లు చాంపియన్‌ రాఫెల్‌ నాదల్‌కు చుక్కెదురైంది. మొనాకోలో శనివారం జరిగిన పురుషుల సింగిల్స్‌ సెమీఫైనల్లో ప్రపంచ 18వ ర్యాంకర్‌ ఫాబియో ఫాగ్‌నిని (ఇటలీ) 6–4, 6–2తో ప్రపంచ రెండో ర్యాంకర్‌ నాదల్‌ను ఓడించాడు.ఈ గెలుపుతో క్లే కోర్టులపై నాదల్‌ను మూడు లేదా అంతకంటే ఎక్కువసార్లు ఓడించిన నాలుగో ప్లేయర్‌గా ఫాగ్‌నిని గుర్తింపు పొందాడు. గతంలో జొకోవిచ్‌ (సెర్బియా), డొమినిక్‌ థీమ్‌ (ఆస్ట్రియా), గాస్టన్‌ గాడియో (అర్జెంటీనా) మాత్రమే ఈ ఘనత సాధించారు.   

అంతర్జాతీయ పురుషుల టెన్నిస్‌ బిగ్‌–4లో రోజర్‌ ఫెడరర్, నొవాక్‌ జొకోవిచ్, ఆండీ ముర్రే ఇప్పటికే పెళ్లి చేసుకున్నారు. ఈ జాబితాలో చివరివాడైన స్పెయిన్‌ స్టార్‌ రాఫెల్‌ నాదల్‌ ఈ ముగ్గురి సరసన చేరనున్నాడు. తన ప్రియురాలు ఫ్రాన్సెస్కా పెరెల్‌ను వచ్చే వేసవిలో  నాదల్‌ వివాహం చేసుకోనున్నట్లు  స్పెయిన్‌కు చెందిన హోలా మేగజైన్‌ కథనాన్ని ప్రచురించింది. 14 ఏళ్లుగా వీరి మధ్య ప్రేమాయణం సాగుతుండగా... గతేడాది మే నెలలో ఫ్రాన్సెస్కాకు నాదల్‌ పెళ్లి ప్రతిపాదన చేసినట్లు సమాచారం.    

న్యూయార్క్‌: ఈ సీజన్‌ అత్యుత్తమ ఫామ్‌లో ఉన్న నొవాక్‌ జొకోవిచ్‌(సెర్బియా) మరో గ్రాండ్‌స్లామ్‌ టైటిల్‌ తన ఖాతాలో వేసుకున్నాడు. యూఎస్‌ ఓపెన్‌ ఫైనల్‌ మ్యాచ్‌లో మాజీ విజేత(2009) డెల్‌పొట్రోపై ఘన విజయం సాధించాడు. దీంతో సెర్బియా స్టార్‌ మూడో యూఎస్‌ ఓపెన్‌ టైటిల్‌ను తన ఖాతాలో వేసుకున్నాడు. ఆదివారం అర్థరాత్రి జరిగిన పురుషుల సింగిల్స్‌ ఫైనల్స్‌లో ఆరో సీడ్‌ జొకోవిచ్‌ 6-3, 7-6,(7/4), 6-3తో అర్జెంటీనా ఆజానుబావుడు డెల్‌పొట్రోపై విజయం సాధించాడు. మ్యాచ్‌ ఆద్యంతం సెర్బియా వీరుడు తన ఫామ్‌ను కొనసాగించాడు. ప్రత్యర్థికి ఎలాంటి అవకాశం ఇవ్వలేదు.  తొలి సెట్‌ను కోల్పోయిన తర్వాత డెల్‌పొట్రో అనూహ్యంగా కోపుంజుకున్నాడు. రెండో సెట్‌ నువ్వానేనా అన్నట్టు సాగినా.. జొకోవిచ్‌ దూకుడు ముందు అర్జెంటీనా స్టార్‌ నిలువలేకపోయాడు. ఇక మూడో సెట్‌లోనూ జొకోవిచ్‌ ఏ చిన్న అవకాశం ప్రత్యర్థికి ఇవ్వలేదు. దీంతో చివరి సెట్‌ కూడా గెలిచి.. 14వ గ్రాండ్‌స్లామ్‌ తన ఖాతాలో వేసుకొని పీట్‌ సంప్రాస్‌ సరసన చేరాడు. ఇక ఈ జాబితాలో రోజర్‌ ఫెడరర్‌(20 టైటిల్స్‌), రఫెల్‌ నాదల్‌(17 టైటిల్స్‌) తొలి రెండు స్థానాల్లో ఉన్నారు. సీన్‌ రివర్స్‌.. ఏడాది క్రితం రఫెల్‌ నాదల్‌ యూఎస్‌ ఓపెన్‌ ట్రోఫీ సొంతం చేసుకున్న వేళ గాయం కారణంగా సెర్బియా స్టార్‌ నొవాక్‌ జొకోవిచ్‌ ఇంట్లో ఉన్నాడు. సంవత్సరం తిరిగేలోపు పరిస్థితి మారిపోయింది. డిఫెండింగ్‌ చాంపియన్‌ నాదల్‌ మాజీ విజేత డెల్‌పొట్రోతో జరిగిన సెమీఫైనల్లో మోకాలి గాయంతో మధ్యలోనే వైదొలగగా... పూర్తి ఫిట్‌నెస్‌ సంతరించుకున్న జొకోవిచ్‌ యూఎస్‌ ఓపెన్‌ ట్రోఫిని ముద్దాడాడు. (ఫొటో గ్యాలరీ కోసం ఇక్కడ క్లిక్ చేయండి)          

న్యూయార్క్‌: ప్రతిష్టాత్మక యూఎస్‌ ఓపెన్‌ గ్రాండ్‌ స్లామ్‌ టోర్నీలో డిఫెండింగ్‌ చాంపియన్‌గా బరిలోకి దిగిన వరల్డ్‌ నంబర్‌వన్‌ ఆటగాడు రఫెల్‌ నాదల్‌ కథ ముగిసింది. అర్జెంటీనా ఆటగాడు డెల్‌ పోట్రోతో జరిగిన సెమీ ఫైనల్‌ మ్యాచ్‌లో నాదల్‌ గాయం కారణంగా టోర్నీ నుంచి వైదొలిగాడు. ఆట మధ్యలో మోకాలి గాయంతో బాధపడ్డ నాదల్‌.. తొలి రెండు సెట్లను కోల్పోయిన తర్వాత టోర్నీ నుంచి తప్పుకుంటున్నట్లు ప్రకటించాడు. తొలి సెట్‌ను 6-7(3/7) చేజార్చుకున్న నాదల్‌.. రెండో సెట్‌ను 2-6తో కోల్పోయాడు. అటు తర్వాత నాదల్‌ మోకాలి గాయం మరింత ఇబ్బంది పెట్టడంతో టోర్నీ నుంచి అర్థాంతరంగా తప్పుకున్నాడు. దాంతో డెల్‌ పోట్రో ఫైనల్‌ బెర్తును ఖాయం చేసుకున్నాడు. 2009లో తొలిసారి యూఎస్‌ ఓపెన్‌ గెలిచిన డెల్‌ పోట్రో.. మరోసారి టైటిల్‌ పోరుకు సిద్దమయ్యాడు. ఆదివారం జరిగే తుది పోరులో నొవాక్‌ జొకోవిచ్‌తో పాట్రో అమీతుమీ తేల్చుకోనున్నాడు. ఇలా నాదల్‌ ఈ ఏడాది  ఒక గ్రాండ్‌ స్లామ్‌ టోర్నీ నుంచి తప్పుకోవడం రెండోసారి. అంతకుముందు ఆస్ట్రేలియా ఓపెన్‌ నుంచి  నాదల్‌ ఇలానే వైదొలిగాడు.

రాఫెల్‌ నాదల్‌ ్ఠ డొమినిక్‌ థీమ్‌మ్యాచ్‌ చూసిన వాళ్లకిది ఆటగాఅనిపించలేదంటే నమ్మాల్సిందే!ఆటగాళ్లు రాకెట్లతోనే పోరాడారంటేఅనుమానించాల్సిందే! ఇందులో విజేత ఒకరే అంటే తప్పనాల్సిందే! ఈ పోరాటంలో ఓడింది... చెమటే అంటే ఔనాల్సిందే!అవును. ఇది నిజం. ఆట కాదది యుద్ధం. అవి రాకెట్లు కాదు ఆయుధాలే.ఒకరు కాదు ఐదు గంటలాడిన ఇద్దరూ విజేతలే. థీమ్‌ పరాజిత కానేకాదు. పోరాడి ఓడినా కచ్చితంగా విజయుడే...థీమ్‌తో జరిగిన ఈ మ్యాచ్‌లో నాదల్‌ చావే తప్పించుకున్నాడు... అంతే! కానీ కన్నులొట్టబోయింది. ఈ శ్రమైక సమరంలో చివరకు కొన ఊపిరితో బయటబట్టాడు నాదల్‌. ప్రత్యర్థి థీమ్‌ ఒక్క ఫలితంలోనే వెనుకబడ్డాడు. అరివీర పరాజయుడుగా నిలిచాడు. ఔరా... యూఎస్‌ ఓపెన్‌ క్వార్టర్స్‌.  న్యూయార్క్‌: డిఫెండింగ్‌ చాంపియన్‌ రాఫెల్‌ నాదల్‌ యూఎస్‌ ఓపెన్‌ గ్రాండ్‌స్లామ్‌ టోర్నమెంట్‌లో సెమీఫైనల్‌ చేరాడు. డొమినిక్‌ థీమ్‌ చివరకు ఫలితంలో ఓడినా మనసుల్ని గెలిచాడు. పురుషుల సింగిల్స్‌ క్వార్టర్‌ ఫైనల్లో నాదల్‌తో పాటు డెల్‌పొట్రో కూడా విజయం సాధించగా... మహిళల సింగిల్స్‌లో సెరెనా ట్రాక్‌లోకి వచ్చింది. సెమీస్‌లోకి అడుగు పెట్టిన ఆమె... అమ్మతనంలో తొలి గ్రాండ్‌స్లామ్‌ను ముద్దాడేందుకు మరింత చేరువగా వచ్చింది.   సరైనోడికి ‘సారీ’...  స్పెయిన్‌ స్టార్, టాప్‌ సీడ్‌ నాదల్‌కు ఫ్రెంచ్‌ ఓపెన్‌లో అసాధారణ రికార్డు ఉంది. అందుకే సరిలేరు నీకెవ్వరని కీర్తిస్తాం. కానీ అలాంటి యోధుడికి ఈ యూఎస్‌ ఓపెన్‌లో సరైనోడు ఎదురుపడ్డాడు. ఎంతకీ తగ్గలేదు. ఎందాకైనా పోరాడాడు. ఓ దశలో ప్రేక్షకులకు ఈ మ్యాచ్‌ ముగించేది ఎవరనే అనుమానం వచ్చేసింది. చివరకు 4 గంటల 49 నిమిషాలపాటు జరిగిన సుదీర్ఘ క్వార్టర్‌ ఫైనల్‌ పోరులో ప్రపంచ నంబర్‌వన్‌ నాదల్‌ 0–6, 6–4, 7–5, 6–7 (4/7), 7–6 (7/5)తో తొమ్మిదో సీడ్‌ డొమినిక్‌ థీమ్‌ (ఆస్ట్రియా)పై గెలిచాననిపించాడు. ఇక్కడ ఫలితం ప్రకారమైతే విజేత ఒక్కరే కానీ పోరాటాన్ని పరిశీలిస్తే కచ్చితంగా ఇద్దరనే అనిపిస్తుంది. మండే ఎండ సెగలకు హేమాహేమీలైన ఆటగాళ్లే బిత్తరపోతుంటే... వీళ్లిద్దరి హోరాహోరీకి ఆ సెగలే సలామ్‌ అన్నాయి. ఇద్దరు నాలుగేసి డబుల్‌ ఫాల్ట్‌లు చేశారు. కానీ ఆస్ట్రియన్‌ ఏస్‌లతో చెలరేగిపోయాడు. ఏకంగా 18 ఏస్‌లను సంధించగా, నాదల్‌ మూడు ఏస్‌లకే పరిమితమయ్యాడు. స్పెయిన్‌ స్టార్‌ 55 విన్నర్లు కొడితే, థీమ్‌ 74 కొట్టాడు. ఇలా ఎందులోనూ తగ్గకుండా కడదాకా పోరాడాడు. దీంతో మొదటి సెట్‌లో నాదల్‌ ఒక్క గేమ్‌ కూడా గెలవలేకపోయాడు. కాస్త తేరుకొని రెండో సెట్‌ను, తర్వాత మూడో సెట్‌ను కష్టంగా గెలుచుకున్నాడు. ఇక మ్యాచ్‌ చేతుల్లోకి వచ్చిందని అనుకుంటున్న తరుణంలో ఆట కాస్తా ‘హాట్‌’అయింది. ప్రతీ పాయింట్‌ ఓ వేటయ్యింది. ఇద్దరి పోరాటం ఎంతకీ తగ్గకపోవడంతో ఆ తర్వాతి రెండు సెట్లు టైబ్రేక్‌కు దారి తీశాయి. ఈ టైబ్రేక్‌లు కూడా సమవుజ్జీలకు సమ న్యాయం చేశాయి. ఇద్దరూ చెరొకటి గెలిచారు. నాలుగో సెట్‌ను 7/6 (7/4)తో థీమ్‌ కైవసం చేసుకుంటే... నిర్ణాయక సెట్‌ను 7–6 (7/5)తో నాదల్‌ చేజిక్కించుకున్నాడు. అప్పటికే ఇద్దరు డ్రెస్‌పైనే చెమటస్నానం చేశారు. సరైనోడికి ‘సారీ’ చెబుతూ నాదల్‌ అతని వెన్నుతడితే... ప్రేక్షకుల చప్పట్ల మధ్య థీమ్‌ నిష్క్రమించాడు.

టొరంటో: ఐదేళ్ల విరామం తర్వాత స్పెయిన్‌ టెన్నిస్‌ స్టార్‌ రాఫెల్‌ నాదల్‌ హార్డ్‌ కోర్టులపై మాస్టర్స్‌ సిరీస్‌ టైటిల్‌ గెలిచాడు. భారత కాలమానం ప్రకారం ఆదివారం అర్ధరాత్రి దాటాక జరిగిన రోజర్స్‌ కప్‌ ఏటీపీ మాస్టర్స్‌–1000 టోర్నీలో నాదల్‌ విజేతగా నిలిచాడు. గంటా 45 నిమిషాలపాటు జరిగిన పురుషుల సింగిల్స్‌ ఫైనల్లో టాప్‌ సీడ్‌ నాదల్‌ 6–2, 7–6 (7/4)తో గ్రీస్‌ యువ ఆటగాడు స్టెఫానోస్‌ సిట్‌సిపాస్‌పై గెలుపొంది నాలుగోసారి రోజర్స్‌ కప్‌ను దక్కించుకున్నాడు. 32 ఏళ్ల నాదల్‌ 2005, 2008, 2013లలో కూడా ఈ టైటిల్‌ను సాధించాడు. 2013లో చివరిసారి సిన్సినాటి మాస్టర్స్‌ టైటిల్‌ గెలిచాక నాదల్‌ హార్డ్‌ కోర్టులపై మరోసారి ఈ స్థాయి విజయం సాధించడం ఇదే తొలిసారి. ఓవరాల్‌గా నాదల్‌ కెరీర్‌లో ఇది 80వ సింగిల్స్‌ టైటిల్‌ కాగా... మాస్టర్స్‌ సిరీస్‌లో 33వ టైటిల్‌. విజేతగా నిలిచిన నాదల్‌కు 10,20,425 డాలర్ల (రూ. 7 కోట్ల 13 లక్షలు) ప్రైజ్‌మనీతోపాటు 1000 ర్యాంకింగ్‌ పాయింట్లు లభించాయి.     

పురుషుల టెన్నిస్‌ ప్రపంచ నంబర్‌వన్‌ రాఫెల్‌ నాదల్‌ కెరీర్‌లో 33వ ఏటీపీ మాస్టర్స్‌ సిరీస్‌ టైటిల్‌కు విజయం దూరంలో నిలిచాడు. కెనడాలోని టొరంటోలో జరుగుతున్న రోజర్స్‌ కప్‌ టోర్నీలో ఈ స్పెయిన్‌ స్టార్‌ ఫైనల్లోకి దూసుకెళ్లాడు. సెమీఫైనల్లో టాప్‌ సీడ్‌ నాదల్‌ 7–6 (7/3), 6–4తో కరెన్‌ ఖచనోవ్‌ (రష్యా)పై గెలుపొందాడు. ఫైనల్లో స్టెఫానో సిట్‌సిపాస్‌ (గ్రీస్‌)తో నాదల్‌ ఆడతాడు. మరో సెమీఫైనల్లో సిట్‌సిపాస్‌ 6–7 (4/7), 6–4, 7–6 (9/7)తో వింబుల్డన్‌ టోర్నీ రన్నరప్‌ కెవిన్‌ అండర్సన్‌ (దక్షిణాఫ్రికా)ను ఓడించాడు.  

హార్డ్‌ కోర్టులపై ఐదేళ్లుగా ఊరిస్తోన్న ఏటీపీ మాస్టర్స్‌ సింగిల్స్‌ టైటిల్‌ను సాధించే దిశగా రాఫెల్‌ నాదల్‌ ముందంజ వేశాడు. కెనడాలోని టొరంటోలో జరుగుతోన్న రోజర్స్‌ కప్‌ టోర్నీలో ఈ స్పెయిన్‌ స్టార్‌ సెమీఫైనల్లోకి ప్రవేశించాడు. మారిన్‌ సిలిచ్‌ (క్రొయేషియా)తో జరిగిన క్వార్టర్‌ ఫైనల్లో ప్రపంచ నంబర్‌వన్‌ నాదల్‌ 2–6, 6–4, 6–4తో గెలుపొందాడు. ఈ విజయంతో నాదల్‌ టెన్నిస్‌ సీజన్‌ ముగింపు టోర్నీ వరల్డ్‌ టూర్‌ ఫైనల్స్‌కు వరుసగా 14వ ఏడాది అర్హత సాధించాడు.    

ఇద్దరు మాజీ చాంపియన్స్‌ మధ్య సుదీర్ఘంగా సాగిన పురుషుల సింగిల్స్‌ రెండో సెమీఫైనల్లో నొవాక్‌ జొకోవిచ్‌ (సెర్బియా) పైచేయి సాధించాడు. ప్రపంచ నంబర్‌వన్‌ రాఫెల్‌ నాదల్‌ (స్పెయిన్‌)తో శనివారం జరిగిన సెమీఫైనల్లో 12వ సీడ్‌ జొకోవిచ్‌ 6–4, 3–6, 7–6 (11/9), 3–6, 10–8తో గెలుపొందాడు. 5 గంటల 15 నిమిషాలపాటు జరిగిన ఈ మ్యాచ్‌లో జొకోవిచ్‌ 23 ఏస్‌లు సంధించి, నాదల్‌ సర్వీస్‌ను నాలుగుసార్లు బ్రేక్‌ చేశాడు. నేడు జరిగే ఫైనల్లో ఎనిమిదో సీడ్‌ కెవిన్‌ అండర్సన్‌ (దక్షిణాఫ్రికా)తో జొకోవిచ్‌ తలపడతాడు. 2011, 2014, 2015లలో జొకోవిచ్‌ వింబుల్డన్‌ చాంపియన్‌గా నిలువగా... అండర్సన్‌ తొలిసారి ఈ టోర్నీలో ఫైనల్‌కు చేరాడు. శుక్రవారమే నాదల్, జొకోవిచ్‌ సెమీఫైనల్‌ ముగియాల్సింది. అయితే అండర్సన్, జాన్‌ ఇస్నెర్‌ (అమెరికా) మధ్య తొలి సెమీఫైనల్‌ 6 గంటల 36 నిమిషాలపాటు సాగడంతో నాదల్, జొకోవిచ్‌ రెండో సెమీఫైనల్‌ ఆలస్యంగా ప్రారంభమైంది. మరోవైపు రాత్రి 11 తర్వాత ఆటను నిలిపివేయాలని వింబుల్డన్‌ టోర్నీ నిబంధనలు చెబుతున్నాయి. అప్పటికి జొకోవిచ్‌ 6–4, 3–6, 7–6 (11/9)తో ఆధిక్యంలో ఉండటం... ఫలితం రాకపోవడంతో మ్యాచ్‌ను శనివారం కొనసాగించారు.    

హాలె (జర్మనీ): కెరీర్‌లో 99వ సింగిల్స్‌ టైటిల్‌ నెగ్గాలని ఆశించిన స్విట్జర్లాండ్‌ టెన్నిస్‌ దిగ్గజం రోజర్‌ ఫెడరర్‌కు నిరాశ ఎదురైంది. గ్యారీ వెబెర్‌ ఓపెన్‌ టైటిల్‌ను పదోసారి నెగ్గాలనే లక్ష్యంతో ఫైనల్‌ బరిలోకి దిగిన అతనికి క్రొయే షియాకు చెందిన 21 ఏళ్ల బోర్నా కోరిచ్‌ షాక్‌ ఇచ్చాడు. రెండు గంటల ఆరు నిమిషాలపాటు జరిగిన తుది పోరులో కోరిచ్‌ 7–6 (8/6), 3–6, 6–2తో ఫెడరర్‌ను బోల్తా కొట్టించి విజేతగా నిలిచాడు. చాంపియన్‌ కోరిచ్‌కు 4,27,590 యూరోలు (రూ. 3 కోట్ల 38 లక్షలు); రన్నరప్‌ ఫెడరర్‌కు 2,09,630 యూరోలు (రూ. కోటీ 65 లక్షలు) ప్రైజ్‌మనీగా లభించాయి. గత వారం మెర్సిడెస్‌ కప్‌ టైటిల్‌ గెలిచి ప్రపంచ నంబర్‌వన్‌ ర్యాంక్‌ సొంతం చేసుకున్న ఫెడరర్‌ తాజా ఓటమితో సోమవారం విడుదలయ్యే ర్యాంకింగ్స్‌లో టాప్‌ ర్యాంక్‌ను రాఫెల్‌ నాదల్‌ (స్పెయిన్‌)కు కోల్పోనున్నాడు.