ప్రేమ అనేది ఎప్పుడు, ఎక్కడ, ఎలా మొదలవుతుందో ఎవరం చెప్పలేము, ఎవరికి తెలియదు కూడా. అంతేకాకుండా ప్రేమకి వయస్సుతో పని లేదంటారు. చిన్న పెద్ద అని ఏ తేడా లేకుండా ప్రతి ఒక్కరికీ ఈ ప్రేమ అవసరమే. మన జీవితంలో ఈ ప్రేమ మనకి తెలియకుండానే ఎక్కడో, ఎప్పుడో మొదలయి, ఇంకెక్కడో, ఇంకెప్పుడో మనతో కలిసిపోతుంది. అలా ప్రేమంటే ఎంటో తెలియని వయస్సులో మన జీవితంలోకి వచ్చి ఆ ప్రేమానుభూతుల్ని పరిచయం చేసి వెళ్లిపోయి మళ్లీ మనకి ఆ ప్రేమ దోరుకుంతుందో లేదో అనే సమయంలో మనల్ని వెతుక్కుంటూ వస్తే....??? అదే నా ప్రేమ కథ.  నాకు అప్పుడు సరిగ్గా పన్నెండేళ్ళు . అప్పుడు నాకు ప్రేమంటే ఏంటో కూడా సరిగ్గా తెలియదు. అప్పుడే  ప్రేమ నాకు పరిచయం అయింది. నేను నా చిన్నతనం నుంచి నాకు ఊహ తెలిసినప్పటి నుండి ప్రతి వేసవి సెలవులకి మా అమ్మమ్మ వాళ్ళ ఇంటికి వెళ్లేదాన్ని. ప్రతి సంవత్సరం సెలవులు అక్కడే గడిపేదాన్ని. అలాగే నా పన్నెండేళ్ళ వయసప్పుడు వేసవి కాలం సెలవులు రాగానే యధావిధిగా మా అమ్మమ్మ వాళ్ళ ఇంటికి వెళ్లాను. కానీ ఆ వేసవి సెలవులు నాకు మర్చిపోలేని జ్ఞాపకాలని ఇస్తాయి అనుకోలేదు. మా అమ్మమ్మ వాళ్ళ ఇంటికి దగ్గరలో నా స్నేహితుడు సాయి ఉంటాడు, నేను అక్కడికి వెళ్ళిన ప్రతి సారి సాయిని కలిసేదాన్ని. అలాగే అప్పుడు కూడా కలవడానికి వెళ్ళాను. అప్పుడే నేను అక్కడ సాయి తో తన స్నేహితుడు కూడా ఉండడం చూశాను. సాయి నాకు తనని పరిచయం చేశాడు, తన పేరు విక్కీ. అలా సాయిని కలవడానికి వెళ్లిన ప్రతి సారి విక్కీ కూడా అక్కడే ఉండడం తో మెల్ల మెల్లగా మా ఇద్దరి మధ్య పరిచయం ఏర్పడింది. ఎందుకో తెలియదు నేను విక్కీ తో ఉన్నంత సేపు, తనతో మాట్లాడినప్పుడు నాకు ఏదో తెలియని సంతోషం కలిగేది. తనతో అలాగే ఇంకాసేపు ఉంటే బాగుండు అనిపించేది. అలా సెలవులు గడిచిపోవడంతో నేను మా ఇంటికి తిరిగి వెళ్లాను. తనని విడిచి వెళ్తుంటే ఏదో బాధ కానీ తప్పదు ఇక వెళ్లాల్సిందే  మళ్లీ వేసవి కాలం సెలవులు ఎప్పుడు వస్తాయో అని ఎంతో ఆతృతతో చూస్తూనే ఉన్నా అంతలోనే రానే వచ్చాయి. ఇక ఎంతో ఆనందంతో, ఎప్పుడు లేని సంతోషంతో వెళ్ళాను. (తప్పు నాదీ...శిక్ష ఆమెకి) విక్కీ నీ కలుద్దాం అని ఎంతో సంతోషంగా సాయి దగ్గరికి వెళ్ళాను. కానీ అప్పుడే నాకు తెలిసింది  విక్కీ వాళ్ళ తండ్రికి గవర్నమెంటు ఉద్యోగం, వేరే ఊరికి ట్రాన్స్ఫర్ కావడం వలన వాళ్ళు ఆ ఊరు వదిలి వెళ్ళిపోయారు అని . ఏ ఊరో కూడా సాయి కి తెలియదు అని చెప్పాడు. నా ఆశలు అన్ని అడియాశలు అయ్యాయి. ఇక అక్కడ ఉండలేక మా ఇంటికి వచ్చేశాను. కానీ ప్రతి సంవత్సరం విక్కీ వస్తాడేమో అన్న చిన్న ఆశతో మా అమ్మమ్మ వాళ్ళ ఇంటికి వెళ్తూ ఉండేదాన్ని. కానీ తనని మాత్రం మళ్లీ కలవలేదు. ఎందుకో తెలియదు కానీ తను మాత్రం నా మనసుకి చాలా దగ్గర అయ్యాడు, తనతో గడిపిన అన్ని రోజులు ఎంతో సంతోషంగా ఉండేవి, తనని తలచుకొని రోజు అంటూ ఉండేది కాదు. ఆ కొద్ది రోజుల మా పరియచయానికి ఏ పేరు పెట్టాలో కూడా నాకు అర్థం కాలేదు. అలా అలా నా చదువు పూర్తయింది. మా తల్లిదండ్రులు నాకు పెళ్లి చెయ్యాలని ఒక మంచి సంబంధం తెచ్చారు. కానీ అప్పటికి నా మనసులో ఇంకా విక్కీ నే ఉన్నాడు, తనని నేను చాలా వెతికాను, తనకోసం నేను చెయ్యని ప్రయత్నం అంటూ లేదు. అయినా విక్కీ నాకు దొరకలేదు. ఇక చేసేది ఏమీ లేక మా తల్లిదండ్రులు తెచ్చిన అబ్బాయినే నేను పెళ్లి చేసుకున్నాను, తన పేరు విక్రమ్, తనది గవర్నమెంటు ఉద్యోగం. విక్రమ్ కూడా చాలా మంచివాడు, నన్ను ఎంతో సంతోషంగా చూసుకుంటున్నాడు. అయినప్పటికీ నా మనసులో ఏదో వెలితి, విక్కీని మళ్లీ కలవలేకపోయా అని. (తను చనిపోయాడు అనుకున్నాను, కానీ...!) కలలో కూడా విక్కీని మళ్లీ కలుస్తానో లేనో అని అనుకునే సమయంలో, మళ్లీ విక్కీ రాకా నా జీవితంలో సంతోషాన్నిచ్చింది. పెళ్లి అయిన మూడు నెలలకి నేను విక్రమ్ తో కలిసి తన అమ్మమ్మ వాళ్ళ ఇంటికి వెళ్ళాను. అక్కడ అనుకోకుండా నేను విక్రమ్ చిన్నప్పటి ఫోటోని చూశాను. ఆ ఫోటో చూడగానే నేను ఆనంద, ఆశ్చర్యాలతో ఉండిపోయాను. విక్రమ్ మరెవరో కాదు నేను చిన్నప్పుడు కలిసిన విక్కీనే...విక్రమ్.  ఎంతో సంతోషంగా విక్రమ్ దగ్గరికి వెళ్ళి నేనే తన చిన్నప్పటి నీతూని అని చెప్పాలి అనేలోపు విక్రమ్ నా దగ్గరికి వచ్చి.... నేను విక్కీని కలిశాక నాకు ఎలాంటి అభిప్రాయాలు, ఎలాంటి భావనలు అయితే కలిగాయో విక్కీ కి కూడా అలాంటి భావనలే కలిగాయి అని ఆ తర్వాత వాళ్ళు వేరే ఊరు వెళ్ళడం వల్ల మళ్లీ కలవలేకపోయా అని, తర్వాత కొన్ని సంవత్సరాలకు సాయి దగ్గరికి వెళ్లి నా వివరాలు అన్ని తెలుసుకుని, ఇప్పటికీ నేను తన గురించి వెతుకుతున్న అని తెలుసుకుని, తన ఇంట్లో వాళ్ళతో మాట్లాడి పెళ్లి వరకు తీసుకొచ్చానని చెప్పాడు. తన మాటలు విని నేను ఆనందంతో ఉప్పొంగి పోయాను. ఇలా విక్కీనే.. విక్రమ్ గా వచ్చి మా చిన్నప్పటి పరిచయానికి పేరే "ప్రేమ" అని నా ప్రశ్నకి సమాధానాన్ని, నా జీవితానికి ప్రేమని, సంతోషాన్ని ఇచ్చాడు.  ఇది మా కథ  నిత్య - విక్రమ్ ( నీతూ ❤విక్కీ )

అబద్ధం అనేది ఈ ప్రపంచంలో ప్రతి మనిషి తన జీవితంలో ఎదో ఒక విషయంలో చెప్తాడు. కానీ అబద్ధం చెప్పడం వలన కలిగే అనర్థాలు కూడా చాలానే ఉన్నాయి. అందుకే అబద్ధం చెప్పి అన్ని అనర్థాలకు కారణం అయ్యే బదులు నిజం చెప్పి సంతోషంగా ఉండడం ఉత్తమం. అబద్ధం  మనం చెప్పిన ఆ ఒక్క క్షణం ప్రశాంతతని ఇస్తుంది కావచ్చు, కానీ నిజం చెప్పడానికి కష్టం అయినా అది మనకి జీవితాంతం ప్రశాంతతని ఇస్తుంది.  మనం ఆడే అబద్దం ఇతరుల జీవితంలో ఊహించని మలుపు కి దారి తీస్తే.. ఇప్పుడు నేను మీకు చెప్పబోయే నా ఈ కథ కూడా అలాంటిదే. ఒక్క క్షణం సంతోషం కోసం నేను ఆడిన అబద్ధం నా జీవితంలో ఎలాంటి బాధని తీసుకొచ్చిందో నేను మీతో పంచుకోబోతున్నాను. నేను బి.టెక్ చదువుతున్న రోజుల్లో నాకు  ముగ్గురు స్నేహితులు ఉండేవారు. నేను ఎక్కువగా ఆ ముగ్గురితోనే ఉండేవాడిని, వారితోనే కళాశాలకు వెళ్ళడం రావడం చేసేవాడిని. ప్రతి ఒక్కటి వారితోనే పంచుకునేవాడిని. నా స్నేహితులందరిలో కూడా నేను ఆ ముగ్గురిని ఎక్కువగా నమ్మేవాడిని. అంతేకాకుండా మా కళాశాలలో నాకు ఒక అమ్మాయి అంటే చాలా ఇష్టం. ఆ అమ్మాయి పేరు రక్ష. నేను ఆ కళాశాలలో చేరిన మొదటి రోజే రక్షని చూశాను. నేను తనని చూసిన క్షణం నుండే తనని ప్రేమించడం మొదలు పెట్టాను. ఇప్పటికీ ప్రేమిస్తూనే ఉన్నాను కానీ నా ప్రేమ విషయం మాత్రం రక్ష కి ఇంతవరకు చెప్పలేదు. కారణం రక్ష నన్ను ఒక మంచి స్నేహితుడిగా భావిస్తోంది. ఇప్పుడు నేను తనని ప్రేమిస్తున్న విషయం చెప్తే రక్ష తన స్నేహాన్ని తప్పుగా అర్థం చేసుకున్నానని ఎక్కడ బాధ పడుతుందో అని, నాతో మాట్లాడడం ఎక్కడ మానెస్తుందో అని, తనని బాధ పెట్టడం ఇష్టం లేక  ప్రేమికుడిలా కాకపోయినా ఒక మంచి స్నేహితుడిలా అయినా ఉందాం అని చెప్పలేదు. నా స్నేహితులు ముగ్గురికి కూడా నా ప్రేమ విషయం తెలుసు. అది అలా ఉండగా బీ.టెక్ నాలుగవ సంవత్సరం రానే వచ్చింది. రక్ష కి నాకు మధ్య స్నేహం ఇంకా పెరిగి మేమిద్దరం చాలా దగ్గరయ్యారు. అది గమనించిన నా స్నేహితులు నాతో రక్ష కూడా నన్ను ప్రేమిస్తుందనీ అందుకే నాతో అంత సన్నిహితంగా ఉంటుందనీ చెప్పారు. ఇక మిగిలింది  ఒక్క సంవత్సరం మాత్రమే ఇప్పుడు కూడా నేను నా ప్రేమ విషయం చెప్పకపోతే తనని కోల్పోయి చాలా బాధ పడాల్సి వస్తుంది అని హెచ్చరించారు. వెంటనే వెళ్లి రక్ష కి నా ప్రేమ విషయం చెప్పమన్నారు. నేను కూడా ఏమి ఆలోచించకుండా నా స్నేహితులు చెప్పింది విని రక్ష దగ్గరికి వెళ్ళి నా ప్రేమ విషయం చెప్పాను. కానీ ఇక్కడ నేను మొదట్లో అనుకున్నదే నిజం అయింది. రక్ష నన్ను ప్రేమించడం లేదు. నన్ను ఓ మంచి స్నేహితుడిగానే భావిస్తోంది. ఇక చేసేది ఏమి లేక తిరిగి నా స్నేహితుల దగ్గరికి వచ్చాను. అప్పటికే నా స్నేహితులు రక్ష కూడా నన్ను ప్రేమిస్తుంది అనే నమ్మకంతోనే ఉన్నారు, వారికి రక్ష నన్ను ప్రేమించడం లేదని చెప్పలేక, చెప్తే స్నేహితుల ముందు నా పరువు పోతుందేమో అని ఆలోచించి వారికి రక్ష కూడా నన్ను ప్రేమిస్తుంది అని, ఆ ఒక్క క్షణం సంతోషం, ప్రశాంతత కోసం అబద్ధం చెప్పాను. ఇక మా ప్రేమ విషయం నా స్నేహితుల ద్వారా కళాశాల మొత్తం తెలిసింది. అంతేకాకుండా మా కళాశాలలోనే రక్ష వాళ్ళ బంధువుల అమ్మాయి కూడా చదువుతుండడం తో తనకి కూడా ఈ విషయం తెలిసింది. ఆ అమ్మాయి రక్ష ఎవరినో ప్రేమిస్తుంది అని తన ఇంట్లో వాళ్ళకి చెప్పేసింది. వారు రక్ష కి బంధువులే కావడం వలన ఆ విషయం రక్ష వాళ్ళ ఇంట్లో అందరికి తెలిసింది. (కోవిడ్‌–19 లవ్‌స్టోరీ) రక్ష ప్రేమ విషయం తెలిసి తన పరువు అందరి ముందు పోయింది అని రక్ష తండ్రి తనని చదువు మాన్పించి, తను ఎవరిని ప్రేమించడం లేదని ఎంత చెప్పినా వినకుండా వేరే సంబంధం తెచ్చి పెళ్లి చేశాడు. కానీ ఈ విషయాలేవీ కూడా అప్పటికి నాకు తెలియవు. నేను నా బీ.టెక్ పూర్తి చేసుకుని, రక్ష ఎలాగో నన్ను ప్రేమించడం లేదు కదా అని తనని మెల్ల మెల్లగా మర్చిపోతూ, జీవితంలో పైకి ఎదగాలని ఒక మంచి ఉద్యోగం చేస్తూ బెంగుళూర్ లో స్థిర పడ్డాను. కొన్నాళ్ళకు నా తల్లిదండ్రులు ఒక మంచి సంబంధం తెచ్చి నా పెళ్లి చేశారు, ఆ అమ్మాయి చాలా మంచిది, నేను తనతో సంతోషంగా నా జీవితాన్ని గడుపుతున్నాను. ఇది ఇలా ఉండగా ఒకరోజు రక్ష భర్త తాగి వాహనం నడపడం వలన ప్రమాదం జరిగి చనిపోయాడు. దాంతో రక్ష తన కలలు తన చదువు అంతేకాకుండా తన జీవితం కూడా ఇలా మధ్యలో ఆగిపోయినందుకు  డిప్రెషన్ లోకి వెళ్లిపోయింది. ఈ విషయాలన్ని  నేను ఆఫీస్ పని మీద హైదరాబాద్ వెళ్ళినప్పుడు నా స్నేహితులని కలిస్తే వాళ్ళు జరిగిందంతా చెప్పారు. ఆ విషయాలన్ని తెలిసి నేను చాలా బాధ పడ్డాను. నేను ప్రేమించిన అమ్మాయి జీవితాన్ని నా చేతులారా నేనే నాశనం చేశానా అని కృంగిపోయాను. వెంటనే వెళ్ళి రక్షని కలవడానికి ప్రయత్నించాను కానీ కుదరలేదు. చేసేది ఏమీ లేక బెంగుళూర్ తిరిగి వెళ్ళిపోయాను. కానీ నా వల్లేరక్ష జీవితం ఇలా అయిందన్న బాధ నన్ను వెంటాడుతూ ఉంటుంది. అంతేకాకుండా నేను చేసిన తప్పుకి జీవితాంతం పశ్చాత్తాప పడుతూనే ఉంటాను. చదవండి: (ఎవరైనా ఇలా ప్రేమిస్తారా?) ఇలా నా జీవితంలో నేను క్షణ కాల సంతోషం, ప్రశాంతత కోసం చెప్పిన అబద్దం మరొకరి జీవితంతో ఆడుకోవడమే కాకుండా జీవితాంతం భరించలేని బాధని కూడా నాకు ఇచ్చింది. "మనం మన జీవితంలో అబద్దంఆడాల్సి వస్తే అది పది మందికి ఉపయోగపడేలా ఉండాలి కానీ మరొకరి జీవితాంతంతో ఆడుకునేలా మాత్రం కాదు. ఇట్లు  వివేక్.

పరిచయం అనేది నాలుగు అక్షరాల పదమే అయినా ఎంతో మందిని కలుపుతున్న ఒక అద్బుతం. ఒక్క చిన్న పరిచయం ఎన్నో సంబంధ బాంధవ్యాలకి మూల కారణమవుతుంది. చిన్న చిన్న పరిచయాలే  కొన్ని గొప్ప గొప్ప స్నేహాలు గా, మరికొన్ని ప్రేమగా, ఇంకొన్ని బంధుత్వాలుగా మారితాయి. పరిచయం అనేది ఒకరి నుండి మరొకరికి, వారి నుండి ఇంకొకరికి అలా అలా పెరుగుతూ పోతూ ఎక్కడో ఉన్న ఒకరిని, ఇంకెక్కడో ఉన్న మరొకరిని కలుపుతుంది. అలా ఏర్పడ్డ ఒక చిన్న పరిచయమే నా జీవితానికి ప్రేమని పరిచయం చేసి, తనని నా జీవితంలోకి ఆహ్వానించింది. ఆ చిన్న పరిచయం నా జీవితంలో చేసిన మార్పులని నేను మీతో పంచుకోబోతున్నాను.   నేను పీ.జీ చదువుతున్న రోజులవి. అప్పట్లో నాకు స్నేహం అన్నా స్నేహితులు అన్నా చాలా ఇష్టం.  నాకు స్నేహితులు కూడా ఎక్కువే. అమ్మాయి, అబ్బాయి అని ఏ తేడా కూడా లేకుండా స్నేహం చేసేవాడిని. ఎవరికి ఎంత ప్రాధాన్యత ఇవ్వాలో అంతా ఇచ్చి అందరితో సంతోషంగా ఉండేవాడిని. నా స్నేహితులకి నేనంటే కూడా అంతే ఇష్టం ఉండేది. కాకపోతే  చిన్న చిన్న పరిచయాల ద్వారా కలిసిన వాళ్ళతో నేను ఎక్కువగా ఉండేవాడిని కాదు. వాళ్ళతో స్నేహం చేసేవాడిని  కాదు. చిన్న చిన్న పరిచయాలు ఎక్కువ కాలం ఉండవు అని నమ్మేవాడిని. కానీ నా నమ్మకం నిజం కాదు అని చెప్పడానికి నా జీవితంలోకి వచ్చింది ఒక అమ్మాయి. ఆ అమ్మాయి నా జీవితంలోకి రావడమే కాదు తానే నా జీవితంగా మారిపోయింది. నాకున్న స్నేహితుల పిచ్చితో నాకు ప్రతి ఒక్క డిపార్ట్మెంట్ లో స్నేహితులు ఉండేవారు. అందులో ఒక డిపార్ట్మెంట్ అమ్మాయితో నా స్నేహం కొంచెం ఎక్కువగానే ఉండేది. తన పేరు లేఖ్య. నా ఖాళీ సమయాల్లో ఎక్కువగా లేఖ్య దగ్గరికి వెళ్ళి  తనతో సమయాన్ని గడిపేవాడిని . నా గురించి నా జీవితం గురించి ప్రతి ఒక్కటి తనకి తెలుసు.  లేఖ్యకి తన ఇంటివద్ద చిన్ననాటి స్నేహితురాలు కీర్తి ఉండేది. ఇద్దరు చిన్నప్పటి నుండి చాలా మంచి స్నేహితులు. ఒకసారి లేఖ్య, కీర్తిని తీసుకుని మా కళాశాలకు వచ్చింది. నేను కీర్తి నీ మొదటి సారి చూసింది అక్కడే. లేఖ్య తన స్నేహితులు అందరికి కీర్తిని పరిచయం చేసింది. అప్పుడే నాకు తను పరిచయం అయ్యింది. ఆ క్షణం తనని అలానే చూస్తూ ఉండిపోవాలని అనిపించింది. తను అక్కడ ఉన్నంత సేపు నేను తననే చూస్తూ ఉండిపోయా. కాసేపటి తరువాత తను వెళ్లిపోయింది. ఇక అప్పటి నుండి నా మనసు నాలో లేదు, తనని చూడాలి మాట్లాడాలి అనే తపన నాలో పెరిగింది. లేఖ్య దగ్గరికి వెళ్ళి తన గురించి తెలుసుకుని, తన ఫోన్ నంబర్ అడగాలి అనిపించింది. కానీ అలా అడిగి తర్వాత నా వల్ల  వారిద్దరి మధ్య ఏదైనా ఇబ్బంది వచ్చి, గొడవ రాకూడదు అని అడగకుండానే ఉండిపోయా. ఇక ఆ తర్వాత అప్పుడప్పుడు కీర్తి మా కళాశాలకు వచ్చేది, వచ్చిన ప్రతి సారి నేను ఏమి మాట్లాడకుండా తనని చూస్తూ ఉండేవాడిని. తను కూడా ఏమి మాట్లాడేది కాదు. అలా అలా కొన్ని రోజులు గడిచాయి, అయినా నేను తనని చూడడం, తను నన్ను చూడడంతోనే సరిపోయేది. కొన్ని రోజుల తర్వాత నేను మా స్నేహితులు, లేఖ్య అందరం కలిసి ఒక చిన్న విహార యాత్రకి వెళ్ళాలి అని నిర్ణయించుకుని వెళ్ళాం, అక్కడికి మాతో పాటు కీర్తి కూడా వచ్చేది.  నాకు తనకి మధ్య మాటలు కలిశాయి. మెల్ల మెల్లగా మేమిద్దరం మాట్లాడుకోవడం ప్రారంభించాం. మేమందరం ఒకసారి విహారయాత్రకి వెళ్లాం. విహారయాత్ర లో ఎంతో ఆనందంగా గడిపి తిరిగి ఇంటికి వచ్చేశాం. ఆ విహార యాత్ర నాకు జీవితంలో మర్చిపోలేని ఆనందాన్ని, జ్ఞాపకాలని ఇచ్చింది. ఎప్పుడు కుటుంబం తో, స్నేహితులతో వెళ్ళినా రాని సంతోషం ఎందుకో నాకు తెలియకుండానే ఈ విహారయాత్ర నాకు ఇచ్చింది, దానికి కారణం కీర్తి రాకనే అని నా మనసు చెప్పింది. ఇక బాగా ఆలోచించాను, కీర్తితో నేను చేసిన విహారయాత్ర నే నాకు అంత సంతోషాన్ని, ఆనందాన్ని, జీవితంలో మర్చిపోలేని జ్ఞాపకాలను ఇచ్చినప్పుడు, నేను నా జీవితం మొత్తం కనుక కీర్తి తో ఉంటే ఎంత అద్భుతంగా ఉంటుందో అనిపించింది. తను నాతో ఉన్న అన్ని రోజులు నేను ఎంతో సంతోషంగా ఉన్నాను, అదే తను నాతో జీవితాంతం ఉంటే ఇంకెంత సంతోషంగా ఉంటానో అనిపించింది.  ఇక ఆలస్యం చెయ్యకుండా కీర్తిని కలవాలి అనేలోపు కీర్తినే నన్ను కలవడానికి వచ్చింది. నేను నిన్ను ప్రేమిస్తున్నాను అని కీర్తి తో నేను చెప్పేలోపు తానే నన్ను ప్రేమిస్తున్నాను అని, లేఖ్య నిన్ను పరిచయం చేసినప్పుడే, నీ గురించి ఏమీ తెలియకుండానే నిన్ను ప్రేమించడం మొదలుపెట్టాను... అంతేకాకుండా మీ కళాశాలకు పదే పదే రావడానికి కారణం కూడా  నిన్ను చూడడానికే. నీతో మాట్లాడాలి అని చాలా సార్లు ప్రయత్నించాను, కానీ ఎందుకో నా వల్ల కాలేదు. ప్రతి రోజు నీ గురించి లేఖ్యని అడిగి తెలుసుకునే దానిని. విహారయాత్ర లో నీతో గడిపిన ప్రతి రోజూ నాకు ఎంతో సంతోషాన్ని ఇచ్చింది. అందుకే ఆ సంతోషం నాకు జీవితాంతం కావాలి అని నిర్ణయించుకుని నీ దగ్గరికి వచ్చాను. నన్ను పెళ్ళిచేసుకుని నాకు నా సంతోషాన్ని ఇస్తావా ?? అని అడిగింది. తను అలా అడిగేసరికి నాకు ఎంతో సంతోషంగా అనిపించింది. నిజానికి నేను తనకి ఇదే విషయం చెప్పడానికి వచ్చాను అని నేను కూడా తనని ప్రేమిస్తున్నాను అని చెప్పేశాను.ఇక అలా మా ప్రేమ యాత్ర మొదలయింది. నాకు ఒక సాఫ్టువేర్ కంపెనీలో లో మంచి ఉద్యోగం వచ్చింది. వెంటనే నేను కీర్తి విషయం మా ఇంట్లో చెప్పి మా పెళ్లికి నా తల్లిదండ్రులని ఒప్పించాను. కానీ కీర్తి ఇంట్లో మాత్రం  మా పెళ్ళికి ఒప్పుకోలేదు, అంతేకాకుండా కీర్తి కి మరో సంబంధం తెచ్చి పెళ్లి చెయ్యాలని చూశారు.  తన తల్లిదండ్రులకి ఎంత చెప్పినా వినకపోయేసరికి ఏమి చెయ్యలేని నిస్సహాయ స్థితిలో కీర్తి ఉండిపోయింది. ఇక నేను నా తల్లిదండ్రుల అండతో కీర్తి దగ్గరికి వెళ్లి నాతో పాటు వస్తావా?? పెళ్లి చేసుకుని జీవితాంతం నిన్ను సంతోషంగా చూసుకుంటా అని అడిగాను. తను నాతో నా తల్లిదండ్రులు తెచ్చిన సంబంధం నేను చేసుకోలేను,  గడిపితే నీతోనే సంతోషంగా నా జీవితాన్ని పంచుకుంటాను, లేకుంటే నువ్వు లేని ఈ జీవితం నాకు వద్దు అని చెప్పేసింది. ఇదే విషయం తన ఇంట్లో వాళ్ళకి చెప్పి తను నాతో పాటు వచ్చేసింది. నా తల్లిదండ్రులు మా ఇద్దరి పెళ్లి చేసేశారు. అంతేకాకుండా తన తల్లిదండ్రులు తనతో లేరు అన్న లోటు తనకి తెలియకుండా నా తల్లిదండ్రులు కీర్తి నీ సంతోషంగా చూసుకుంటున్నారు. నన్ను నమ్మి నాకోసం తన తల్లిదండ్రులని వదులుకున్న కీర్తి కి నేను వాళ్ళని తిరిగి ఇవ్వ లేకపోవచ్చు కానీ, జీవితాంతం తనకి ఎలాంటి కష్టం రాకుండా, సంతోషంగా చూసుకుంటాను. ఇలా నా జీవితంలో ఏర్పడిన చిన్న పరిచయం కాస్తా ప్రేమగా మారి నాకు జీవితాంతం సంతోషాన్ని ఇస్తూ, నాతో జీవితాన్ని పంచుకుంది. ఇట్లు  ఆదిత్య (హైదరాబాద్‌)

ఈ ప్రపంచంలో ప్రతి మనిషి జీవితంలో సర్వసాధారణంగా వారికే తెలియకుండా జరిగేవి రెండే రెండు విషయాలు. ఒకటి జననం ; రెండు మరణం.  ఈ రెండు విషయాలు ప్రతి మనిషి జీవితంలో ఏదో ఒక భావనని మాత్రం కలిగిస్తాయి. జననం పది మందికి సంతోషాన్ని కలిగిస్తే , మరణం వంద మందికి బాధని కలిగిస్తుంది. అయితే ఈ జనన మరణాల మధ్య కొట్టు మిట్టాడే ప్రతి మనిషి జీవితంలో కలిగే మధురానుభూతి ప్రేమ. ఈ ప్రేమ కూడా జనన మరణాల్లో ఒక భాగమే. "రెండు ప్రేమల కలయిక జననం అయితే ... అదే రెండు ప్రేమలు విడిపోవడం మరణం".  జననం ఎంత సంతోషాన్ని ఇస్తుందో మరణం అంతకు రెట్టింపు బాధని ఇస్తుంది. ఆ బాధకి కారణం కూడా ప్రేమే. మనం ప్రేమించిన వాళ్ళు మరణిస్తే ఆ బాధ ఇంకా చెప్పలేనిది. ఆ వార్త వినడానికి కూడా మనం సిద్దంగా ఉండం. ఒకవేళ అదే వార్త ఒక అబద్ధం అయితే , అబ్బా ..!! ఆ ఊహ కూడా ఎంతో సంతోషాన్ని ఇస్తుంది కదా !? ఇప్పుడు చెప్పబోయే నా ఈ కథ కూడా అలాంటిదే. నా పేరు దీక్ష. నేను పీజీ చదువుతున్న రోజులవి. ప్రతి రోజు కళాశాలకు వెళ్ళడం ఇంటికి రావడం నా తల్లిదండ్రులతో సంతోషంగా గడపడం ఇదే నా దిన చర్య గా ఉండేది. నేను నా తల్లిదండ్రులకి ఒక్కగానన్కొక్క కూతురిని కావడం వల్ల నన్ను కొంచెం గారంబంగానే పెంచారు.  అంతే కాకుండా వాళ్ళకి నేను అంటే ఎంతో ఇష్టం.  నాకు నా తల్లిదండ్రులు అంటే చాలా ప్రేమ. నా తల్లిదండ్రులు, వాళ్ళ ప్రేమ తప్ప ఇంకొక మనిషికి, వారి ప్రేమకి నా మనసులో చోటు ఉండేది కాదు. అలాంటి నన్ను మార్చి నా మనసులో ఇంకొకరికి స్థానం ఇచ్చేలా చేసి ఇంకో ప్రేమని పరిచయం చేసిన వ్యక్తి ఆనంద్. తను నేను చదివే కళాశాల లోనే పీజీ చదువుతున్నాడు. మొదట్లో తనకి నాకు అస్సలు పడేది కాదు, కానీ నిజానికి తను చాలా మంచివాడు, మంచి మనస్తత్వం కలవాడు, సున్నిత స్వభావి. తనని నేను మొదటిగా మా కళాశాలలో ఒకరితో గొడవ పడుతుండగా చూశాను. అలా గొడవ పడటం నాకు నచ్చలేదు, తర్వాత తను నా సహా విద్యార్థే అని తెలిసింది. మొదట్లో నేను తనతో సరిగ్గా మాట్లాడేదాన్ని కాదు. ఒకే తరగతి కావడం వల్ల తర్వాత తర్వాత మా ఇద్దరి మధ్య మాటలు కలిశాయి కానీ, ఆ మాటలు కూడా తూటాల్లా ఉండేవి. అలా మేము కలిసిన ప్రతి సారి ఏదో ఒక గొడవ పడుతూ ఉండేవాళ్ళం. మా ఇద్దరికీ రోజు ఏదో ఒక గొడవ కాకపోతే ఆ రోజు గడిచినట్టే అనిపించేది కాదు. అలా ఉన్న సమయంలో ఒకరోజు ఆనంద్ కళాశాలకు రాలేదు, ఎవరికి ఎలాంటి సమాచారం కూడా ఇవ్వలేదు.  ఎందుకో తెలియదు కానీ ఆ రోజు నేను నేనుగా లేను. ఏదో తెలియని కల్లోలం, ఎందుకో తెలియని బాధ, ఏదో కోల్పోతున్న అనే భావన నాలో కలిగింది. అలా ఒక వారం తరువాత తను కళాశాలకు వచ్చాడు. తనని చూడగానే  నాకు ప్రాణం తిరిగివచ్చినట్టుగా అనిపించింది. వెంటనే తన దగ్గరికి వెళ్ళి రాకపోవడానికి గల కారణాన్ని తెలుసుకుని, నాకు కలిగిన భావన నేను తనతో చెప్పాను.  అప్పుడు ఆనంద్ నీకు అలా జరగడానికి గల కారణం ప్రేమ అని చెప్పాడు. ఎందుకంటే ఈ వారం రోజులు తన పరిస్థితి కూడా అలానే ఉండడం వల్ల దానికి గల కారణం గురించి ఆలోచిస్తే తనకి బాగా అర్థం అయిన విషయం అది అని నాకు చెప్పాడు. నేను ఒక్కసారిగా ఆశ్చర్యపోయాను, కానీ తీరిగ్గా ఆలోచిస్తే తను చెప్పిందే వాస్తవం అని తెలిసింది. ఇక ఇద్దరికీ అర్ధం అయ్యింది ఏంటంటే ఒకరికి తెలియకుండానే ఒకరం తిట్టుకుంటూ, గొడవ పడుతూ ప్రేమలో పడ్డాం అని. ఒకరు లేకుంటే ఒకరం ఉండలేము అని. ఇక అలా మా ప్రేమ యాత్ర మొదలయింది. మేము మా ప్రేమ యాత్ర లో మునిగి తేలుతూ ఉండగా, ఒకరోజు ఆనంద్ కళాశాలకు వస్తుండగా అనుకోకుండా ఒక కారు తప్పు దారిలో వచ్చి ఆనంద్ నీ ఢీకొంది. అక్కడ ఉన్న వాళ్ళు ఆనంద్ నీ ఆసుపత్రిలో చేర్పించారు. కానీ , చిగురిస్తున్న మా ప్రేమ పూవుగా మారకముందే వాడిపోయింది. ఆ ప్రమాదంలో ఆనంద్ తలకి గాయం అయి బాగా రక్తం పోవడంతో తను మరణించాడు అనే వార్త నాకు తెలిసింది. ఆ వార్త విన్న క్షణం ఒక్కసారిగా నా గుండెలు పగిలిపోయాయి. ప్రాణాలు పోయినట్టుగా అనిపించింది, పిచ్చిదానిలా గుండెలు బాదుకుంటూ ఏడ్చాను. ఆ సమయంలో నా బాధ చెప్పుకుని ఏడ్వటానికి కూడా ఎవరు లేరు, నా తల్లిదండ్రులకి ఈ విషయం తెలియదు వాళ్ళతో అయినా నా బాధ నీ పంచుకుందాం అంటే.  ఇక ఏమి చెయ్యాలో తోచక పిచ్చిదానిలా అయి చనిపోదాం అని అనుకున్నాను, కానీ, ఇంత ఇష్ట పడ్డ ఆనంద్ దూరం అవుతేనే నా పరిస్థితి ఇలా ఉంటే ప్రాణం కన్నా ఎక్కువగా ప్రేమించిన నా తల్లిదండ్రులకి నేను దూరం అయితే ఇక వాళ్ళు ఎలా తట్టుకుంటారని నా ప్రేమని, నా బాధని నా గుండెల్లోనే దాచుకుని వాళ్ళకోసం బ్రతుకుతూ ఉన్నాను.  అంతలోనే నా పీజీ పూర్తి కావచ్చింది. ఇక నా తల్లిదండ్రులు నాకు పెళ్లి చెయ్యాలి అని సంబంధాలు చూడడం ప్రారంభించారు. ఒక మంచి సంబంధం వచ్చిందిజ  అబ్బాయి పేరు కృష్ణ, అమెరికా లో ఉద్యోగం, మంచి కుటంబం ఇలాంటి సంబంధం మళ్లీ రాదు అని నన్ను ఒప్పించారు, నేను వాళ్ళ మాట కాదు అనలేక ఆనంద్ ఎలాగో తిరిగి రాడు, తననే తలచుకుంటూ నా తల్లిదండ్రులని బాధ పెట్టలేక, ఆ పెళ్లి చేసుకుని ఇక్కడి నుండి దూరంగా వెళ్తే అయినా ఆనంద్‌ని మరిచిపోతా అని ఆ సంబంధం ఒప్పుకున్నాను. ఒప్పుకోవడమే ఆలస్యం పెళ్లి ముహూర్తాలు పెట్టించారు. నిశ్చితార్థం రానే వచ్చింది. నా తల్లిదండ్రులు అనుకున్నట్టుగానే కృష్ణ తో నా నిశ్చితార్థం అయ్యింది. నిశ్చితార్థానికి పెళ్లికి మధ్య రెండు నెలల వ్యవధి రావడంతో జీవితాంతం కలిసి ఉండాల్సింది తనతోనే కాబట్టి ఒకరి అభిప్రాయాలు ఒకరం తెలుసుకోవాలి అని మెల్ల మెల్లగా కృష్ణతో మాట్లాడడం మొదలుపెట్టాను. తను నాపై చూపించే ప్రేమాభిమానాలకి తన దగ్గర నా గతం దాచడం సరైంది కాదు అని ఆనంద్ విషయం చెప్పేశాను. తను నా ప్రేమని అర్థం చేసుకుని నా బాధని పంచుకుంటూ నా బాధలో నాకు తోడుగా ఉంటూ నన్ను జాగ్రత్తగా చూసుకున్నాడు. తను చూపించే ప్రేమాభిమానాలు, జాగ్రత్తలు నాకు తన మీద ప్రేమ కలిగేలా చేశాయి. .  అలా మెల్ల మెల్లగా నేను కృష్ణ నీ ప్రేమించడం మొదలు పెట్టాను. కానీ ఇంతలోనే ఒక సంఘటన జరిగింది. ఆ సంఘటన మళ్లీ నన్ను మొదటికి తీసుకొచ్చింది. ఒకరోజు మా స్నేహితులని పెళ్లికి ముందు కలవాలని, పెళ్లి తర్వాత అమెరికా వెళ్ళడం, మళ్లీ కలవడం కుదురుతుందో లేదో అని అందరం అనుకుని కలుసుకున్నాం. కానీ అక్కడ నేను ఊహించనిది ఒకటి జరిగింది. ఆ సంఘటన ఏంటి అంటే అక్కడికి ఆనంద్ కూడా వచ్చాడు. ఆ రోజు ప్రమాదం లో ఆనంద్ కి తలకి గాయం అయి రక్తం బాగా పోవడం వలన తను కోమా లోకి వెళ్ళాడు, మళ్లీ ఎన్ని రోజులకు కోమా నుండి వస్తాడో తెలియక, తనకోసమే చూస్తూ నేను నా జీవితాన్ని పాడు చేసుకోకూడదు అని తన తల్లిదండ్రులే నాకు తను చనిపోయాడు అని అలా అబద్ధం చెప్పారు. ( ఆనంద్ మా ప్రేమ విషయం ఆ ప్రమాదం జరిగే ముందు రోజే తన తల్లిదండ్రులకి చెప్పి వాళ్ళని ఒప్పించాడు ). తనని చూడగానే నాకు ప్రాణాలు లేచి వచ్చినట్టుగా, ఇన్ని రోజుల తరువాత ఊపిరి పీల్చుకున్న ట్టుగా అనిపించింది, వెంటనే తనని పట్టుకుని గట్టిగా ఏడ్చాను, తను లేని నా జీవితం ఎలా ఉందో, ఎలా గడిపానో జరిగింది అంతా చెప్పాను. నాకు నిశ్చితార్థం అయింది అని తెలిసి ఆనంద్ నిర్ఘాంతపోయాడు. చాలా బాధ పడ్డాడు, పెళ్లి అంటూ చేసుకుంటే అది నన్నే అంటూ ఏడ్చాడు. ఇక ఏమి చెయ్యాలో తోచక ఇప్పటికే నిశ్చితార్థం అయిన అమ్మాయి వేరే అబ్బాయిని ప్రేమిస్తుంది అని తెలిస్తే నా తల్లిదండ్రుల గౌరవ మర్యాదలకు భంగం కలుగుతుందని, వాళ్ళని బాధ పెట్టడం ఇష్టం లేక మా విషయం తెలిసింది కృష్ణకే కాబట్టి తన దగ్గరికి వెళ్లి జరిగింది అంతా చెప్పాను. కృష్ణ కూడా మా ప్రేమని అర్థం చేసుకుని ఇంకొకరిని ప్రేమించి తననే మనసులో పెట్టుకుని నువ్వు నాతో జీవితాంతం సంతోషంగా ఉండలేవు. నాపై నీకు ఇష్టం ప్రేమ లేనప్పుడు నేను నిన్ను చేసుకుని సంతోషంగా ఉండలేను కాబట్టి నువ్వు ఆనంద్ నీ పెళ్లి చేసుకోవడమే సరైనది అన్నాడు.  కృష్ణ నా తల్లిదండ్రుల దగ్గరికి వెళ్ళి మా ప్రేమ గురించి, మా గతం గురించి అంతా చెప్పాడు. మొదట్లో నా తల్లిదండ్రులు మా పెళ్ళికి ఒప్పుకోలేదు, ఒక అబ్బాయితో నిశ్చితార్థం జరిగి ఇంకొకరితో పెళ్లి చేస్తే మా పరువు పోతుంది అని అన్నారు. కానీ బాగా ఆలోచించిన తర్వాత కొన్ని రోజులకు నా సంతోషం ముందు వాళ్ళకి అవి అన్ని కూడా చిన్నగానే అనిపించాయి. చివరికి ఆనంద్ తో నా పెళ్లికి ఒప్పుకున్నారు. నా తల్లిదండ్రులు ఒప్పుకోవడానికి కారణం అయిన కృష్ణనే దగ్గర ఉండి మా పెళ్లి జరిపించాడు. అలా నా జీవితంలో ఊహించని మలుపులతో ఆనంద్ తో నా పెళ్లి జరిగింది.  "ఒకసారి మనం ప్రాణంలా ప్రేమించిన వాళ్ళు దూరం అయితే వాళ్లు దూరంగా ఉన్నా బ్రతికే ఉన్నారు అన్న ఒక్క చిన్న ఆశ మనల్ని బ్రతికిస్తుంది. అదే వాళ్ళు చనిపోయారు అని తెలిస్తే ఆ ఊహ కూడా మనల్ని చంపేస్తుంది, అలా మరణించి ఇక వాళ్ళు మనకి లేరు అని అనుకునే సమయానికి వాళ్ళు మళ్లీ మన జీవితంలోకి తిరిగి వస్తే....!!!" "అదే నా జీవితం".  ఇట్లు దీక్ష ఆనంద్‌.              

ఈ ప్రపంచాన్ని అందులో ఉన్న మనుషులను నడిపిస్తుంది రెండే రెండు అక్షరాల రెండు పదాలు.  అందులో మొదటి రెండు అక్షరాల పదం డబ్బు అయితే... రెండోది ప్రేమ.  డబ్బు లేకుండా ఏ మనిషి బ్రతక లేడు. కానీ ప్రేమ లేకుండా ఏ మనిషికి జీవం లేదు. ప్రస్తుతం ఉన్న రోజుల్లో ప్రతి మనిషి డబ్బుకోసం మాత్రమే బ్రతుకుతున్నాడు.  ప్రేమ ఉన్నా లేకున్నా డబ్బు ఉంటే చాలు జీవితాంతం సంతోషంగా బ్రతికేయ్యొచ్చు  అనే ఆలోచనలతోనే ఉంటున్నాడు. డబ్బు మాయలో పడి, డబ్బు సంపాదించాలి అనే ఆలోచనలతో నిజమైన ప్రేమని కూడా అబద్దంగా మార్చేస్తున్నాడు.  నిజానికి ప్రేమ గొప్పదా ...? డబ్బు గొప్పదా...? అనే ప్రశ్నకి జవాబు మాత్రం దొరకడం లేదు. ఇలాంటి చిక్కు ప్రశ్న కి సమాధానం వెతుక్కోవాల్సి న రోజూ వస్తుంది అని ఎవరం అనుకోం కదా ! కాని నా జీవితం లో  అలాంటి రోజు ఒకటి వచ్చింది. ఆ క్షణం నేను తీసుకున్న నిర్ణయం నా జీవితాన్నే మార్చేసింది. ఇప్పుడు నేను ఆ ప్రశ్న కి సమాధానాన్ని , నేను ఎదుర్కొన్న సంఘటనని మీకు చెప్పబోతున్నాను. నా పేరు అరుణ్. మాది ఒక బీద కుటుంబం. నేను , అమ్మ , నాన్న ఉండేవాళ్ళం. నా తల్లిదండ్రులు రోజూ వారి కూలి చేసి దానితో వచ్చిన డబ్బుతో ఇల్లు గడిపేవాళ్ళం. ఒక్క రోజు కూలీ కి వెళ్లకుంటే ఆ రోజు పస్తులు ఉండాల్సిన పరిస్థితి మాది. ఇలాంటి పరిస్థితుల్లో కూడా నా తల్లదండ్రులు పస్తులు ఉంటూ మరీ కూలీతో వచ్చిన డబ్బులతో నన్ను బడికి పంపించి చదువించేవారు. వాళ్ళు ప్రతి రోజు నాకు ఒకటే మాట చెప్పేవారు... నువ్వు మంచిగా చదువుకుని మంచి ఉద్యోగం సంపాదించి మంచి స్థాయిలో ఉండాలి అని.  వాళ్ళలా నేను కూలీ పని చేసుకోకూడదు అని , బాగా కష్ట పడి చదివి బాగా డబ్బులు సంపాదించాలని వాళ్ళ కోరిక. నేను నా తల్లిదండ్రుల కష్టం చూడలేక బాగా చదువుకుని ఎలాగైనా డబ్బు సంపాదించాలని నిర్ణయించుకుని ప్రతి రోజూ పాఠశాలకి వెళ్తూ మంచిగా చదువుకుంటూ నా ఎం. బి. ఎ నీ మొదటి తరగతిలో పూర్తిచేశాను. తర్వాత నా మార్కులను , నాలోని నైపుణ్యాలను చూసి ఒక పెద్ద కంపెనీ వాళ్ళు నాకు వాళ్ళ కంపెనీ లో పని చేసేందుకు అవకాశం ఇచ్చారు. నేను ఎంతో సంతోషంగా వెళ్లి నా తల్లిదండ్రలకు ఈ విషయం చెప్పాను, వాళ్ళు ఎంతో సంతోషించారు. ఇక నేను ఆ కంపెనీకి వెళ్లి పని చెయ్యడం ప్రారంభించాను. అలా నా జీవితంలో సంపాదన ప్రారంభం అయింది.  నేను అనుకున్నట్టుగానే బాగా సంపాదించడం ప్రారంభించాను. నేను పని చేస్తున్న కంపెనీ లోనే ప్రమోషన్లు పొందుతూ బాగా సంపాదిస్తూ నా తల్లిదండ్రులు అనుకున్నట్టుగానే ఉన్నత స్థాయికి  ఎదిగాను. ఇలా సంపాదనలో మునిగి తేలుతున్న నా జీవితం ఒక్కసారిగా మలుపు తిరిగింది. ఆ మలుపుకి కారణం ఒక అమ్మాయి. ఆ అమ్మాయి రాక నన్ను నా జీవితాన్ని మొత్తం మార్చేసింది.  డబ్బు పిచ్చితో బ్రతుకుతున్న నా జీవితానికి ప్రేమని పరిచయం చేసి , ప్రేమ లోతుల్ని అర్థం అయ్యేలా చేసిన ఆ అమ్మాయి పేరు దీప్తి. తను నేను పనిచేసే కంపెనీలోన నా సహోద్యోగి. నేను కంపెనీలో చేరిన మొదట్లో పని విషయంలో నాకు ఎలాంటి సందేహం ఉన్న తీర్చేది. ఒక్కోసారి నా పని కూడా తనే చేసేది. అలా అలా మా ఇద్దరి మధ్య పరిచయం పెరిగింది. తను మొదటి నుండి  నాపై ఎక్కువగా జాగ్రత్త , ప్రేమ , అభిమానాలు చూపించేది. ఇక అలా తను చూపించే ప్రేమాభిమానాలకి నేను ముగ్ధుడిని అయ్యాను. నాకు తెలియకుండానే నేను తనతో ప్రేమలో పడిపోయాను. అలా అలా మా పరిచయం కాస్తా ప్రేమగా, సన్నిహితులం కాస్తా ప్రేమికులుగా మారిపోయాం. ఒకే కంపెనీ కావడంతో మా ప్రేమకి ఎలాంటి అడ్దంకులు , ఇబ్బందులు ఉండేవి కావు.  దీప్తి మా ప్రేమ విషయం ఇంట్లో చెప్పింది. నన్ను మా ఇంట్లో చెప్పి ఒప్పించమంది. సరే అని నేను చెప్పబోయాను . కానీ అంతలోనే సిటీలోనే అతి పెద్ద కంపెనీకి ఓనరు వచ్చి నా నైపుణ్యాలను , సామర్థ్యాల ను చూసి నన్ను వాళ్ళ కంపెనీలో చేరమని చెప్పడానికి వచ్చారు . అంతే కాకుండా నన్ను తన కూతురికి ఇచ్చి పెళ్లి చేసి ఆ కంపెనీని కూడా నా సొంతం చేస్తాను అని అన్నాడు. ఇక నాకు ఏం చెయ్యాలో అర్థం కాలేదు , బాగా ఆలోచించాను ఇంత డబ్బు దానితో పాటు అమ్మాయి వస్తుంది అంటే ఏ అబ్బాయి అయినా ఎందుకు కాదు అంటాడు. పైగా నాకు ఉన్న డబ్బు పిచ్చితో    ప్రేమ కావాలా...? డబ్బు కావాలా...?అంటే డబ్బే కావాలి అని నేను దానికి ఒప్పుకున్నాను.  ఈ విషయం తెలుసుకున్న దీప్తి ఏకంగా మా ఇంటికే వచ్చి నా తల్లిదండ్రులకు జరిగింది అంతా చెప్పి ,,," ఛీ!!! నువ్వు ఇలాంటి వాడివి అని అనుకోలేదు. నీకు డబ్బు అంటే ఇంత పిచ్చి ఉంది. నువ్వు డబ్బుకోసం ఏం అయినా చేస్తావ్ , ఎంతకైనా దిగజారుతావు అని నాకు ఇన్ని రోజులలో తెలియలేదు , తెలిసుంటే నీలాంటి వాడిని అస్సలు ప్రేమించేదానినే కాదు. ఏ డబ్బు కోసం అయితే నువ్వు   నన్ను నా ప్రేమని కాదని వెళ్ళావో ఏదో ఒక రోజు నువ్వు నీ డబ్బు తప్ప నీకంటూ నిన్ను ప్రేమించే వాళ్ళు, నిన్ను చూసుకునేవారు ఎవరు ఉండరు. ఏ డబ్బు కోసం అయితే నువ్వు నన్ను మోసం చేశావో అదే డబ్బు మాయలో పడి నువ్వు తప్పకుండా మోసపోతావు" అని నన్ను తిట్టి....బోరుమని ఏడుస్తూ అక్కడి నుండి వెళ్లిపోయింది. ఇదంతా చూసిన నా తల్లిదండ్రులు ఎంతో బాధ పడుతూ " నువ్వు ఇంత బాగా చదువుకుని మంచి ఉద్యోగం చేస్తూ ఇంత సంపాదిస్తుంటే నా కొడుకు అని ఎంతో సంతోషంగా గర్వంగా చెప్పుకుని తిరిగాం... కానీ నువ్వు ఇంత నీచుడివని, డబ్బు కోసం ప్రాణంగా ప్రేమించే అమ్మాయి నీ వదులుకున్నావు, నీలాంటి కొడుకు మాకు పుట్టకున్న బాగుండు అనిపిస్తుందన్నారు.  దీప్తి మాటలు , నా తల్లిదండ్రుల మాటలు విన్నాక నాపై నాకే అసహ్యం వేసింది.  నేను చేసిన తప్పు ఏంటో బాగా తెలిసొచ్చింది. ఇక వెంటనే ఆలస్యం చెయ్యకుండా దీప్తి దగ్గరకి వెళ్ళాను. కానీ.... నేను వెళ్ళే సరికి దీప్తి లేదు తన శవం మాత్రం ఉంది. నన్ను తిట్టి అక్కడి నుండి ఎంతో బాధతో ఇంటికి వెళ్తున్న దీప్తినీ ఒక లారీ వచ్చి గుద్దడంతో  అక్కడికక్కడే చనిపోయింది. ఆ వార్త విని ఒక్కసారిగా నేను షాక్‌ అయ్యాను . ఏమి చెయ్యలేక పిచ్చి వాడిలా దీప్తి  పై పడి నువ్వు , నీ ప్రేమ నాకు కావాలి అని గుండెలు పగిలేలా ఏడ్చాను . కానీ ఏమి లాభం బ్రతికుండగా వద్దు అని చనిపోయాక కావాలి అంటే ఏదీ రాదు కదా..!! నాకున్న నా డబ్బు పిచ్చే దీప్తి చావు కి కారణం అయింది. డబ్బే లోకం అనుకునే నన్ను తన లోకంగా భావించి, ప్రేమించిన దీప్తి నీ దూరం చేసుకునీ ,,, చివరకి తప్పు తెలుసుకుని తను తన ప్రేమ కావాలని వెళ్తే అందనంత దూరంగా తిరిగిరాని లోకాలకు వెళ్ళింది నా దీప్తి.  తను లేని లోటు తీరనిది. తను చనిపోయాక దీప్తినే తల్చుకుంటూ , నేను చేసిన తప్పుకి బాధ పడుతూ నా తల్లిదండ్రులు చెప్పింది వింటు  ఈ ఒంటరి జీవితాన్ని గడుపుతున్నాను.  నా ఈ జీవితానికి నేనే విలన్ . డబ్బు ఒకటి ఉంటే సరిపోతుంది అనుకున్నాను కానీ దానికంటే విలువైంది మరొకటి ఉంది అదే ప్రేమ అని తెలుసుకోలేక పోయాను.  నేను డబ్బు కావాలా? ప్రేమ కావాలా ? అన్నప్పుడు నాకు ప్రేమే కావాలి అని అనుంటే ఈ రోజు నా జీవితం దీప్తి తో చాలా అద్భుతంగా ఉండేది. నా జీవితం నాకు నేర్పింది ఏంటంటే డబ్బు కన్న ప్రేమే గొప్పది . ఎందుకంటే డబ్బుతో ప్రపంచం నడుస్తుండొచ్చు కానీ మనిషి పుట్టిన దగ్గర నుండి చనిపోయే వరకు ప్రేమ కావాలి ""మనం పుట్టినప్పుడు మనల్ని జాగ్రత్త గా చూసుకునే "అమ్మ ప్రేమ"   పెరుగుతూ ఉన్నప్పుడు మనల్ని నడిపించే "నాన్న ప్రేమ"   సరదాగా ఆనందించే సమయంలో "మిత్రుల ప్రేమ"   పెళ్లి అయ్యాక "భార్య/ భర్త ప్రేమ"   ముసలి వాళ్ళం అయ్యాక "పిల్లల ప్రేమ" . ఇక్కడ ప్రేమించే విధానం , ప్రేమించే వ్యక్తులు వేరు కావచ్చు కానీ , ప్రేమ మాత్రం ఒక్కటే ,,,,అదే శాశ్వతం.  డబ్బు ప్రతి ఒక్కరీ దగ్గరా ఉంటుంది కానీ ప్రేమ మాత్రం కొందరికే దక్కుతుంది. మన జీవితం లో ఒక్క నిమిషంలో తీసుకునే కొన్ని నిర్ణయాలు మన జీవితాన్ని ఊహించలేని మలుపు తిప్పుతాయి.  కాబట్టి ఆ ఒక్క నిమిషం ఆలోచించి నిర్ణయం తీసుకుందాం, ప్రేమ బాటకై అడుగేద్దాం ఇట్లు ఈ విషాద గాథకి విలన్  అరుణ్ (హైదరాబాద్‌).

మేషం: అనుకున్న  ఇష్టులైన వారికి సందేశాలు అందించేందుకు శుక్ర, గురువారాలు అత్యంత అనుకూలమైనవిగా చెప్పవచ్చు. ఈరోజుల్లో మీ ప్రతిపాదనలు అవతలివారు వినమ్రంగా స్వీకరించే వీలుంటుంది. ఇక ఈ సమయంలో మీరు ఆరెంజ్, రెడ్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరండి. అయితే, సోమ, మంగళవారాలు వీటికి దూరంగా ఉండడం మంచిది. వృషభం: మీ మనస్సులో ఇంతకాలం దాచుకున్న భావాలను మీరు అత్యంత ఇష్టపడే వారికి తెలిపేందుకు ఆది, సోమవారాలు అనుకూలమైనవి. ఈ సమయంలో మీ ప్రతిపాదనలపై అవతలి వైపు నుంచి సానుకూలత వ్యక్తమయ్యే అవకాశం ఉంది. ఈ రోజుల్లో మీరు వైట్, బ్లూ రంగు దుస్తులు ధరిస్తే మంచిది. అలాగే, ఇంటి నుంచి పశ్చిమ వాయువ్య దిశగా బయలుదేరితే శుభదాయకంగా ఉంటుంది. ఇక, శుక్ర, బుధవారాలు ఇటువంటి ప్రయత్నాలు విరమిస్తే మంచిది. మిథునం: మీమనస్సులో ఉన్న వారికి ప్రేమసందేశాలు అందించేందుకు సోమ, బుధవారాలు అనుకూలమైనవిగా చెప్పొచ్చు. ఈ రోజుల్లో మీ ప్రతిపాదనలపై అవతలి వైపు నుంచి అనుకూల స్పందనలు రావచ్చు. ఈ సమయంలో మీరు ఎల్లో, పింక్‌ రంగు దుస్తులు ధరించండి. అలాగే, ఇంటి నుంచి దక్షిణదిశగా బయలుదేరండి. అయితే, శని, మంగళవారాలు ఇటువంటి ప్రయత్నాలు విరమించండి. కర్కాటకం: మీరు అత్యంత ఇష్టపడే వారికి మనస్సులోని భావాలను శుక్ర, బుధవారాలు వెల్లడిస్తే అనుకూలత ఉంటుంది. ఈ సమయంలో మీ ప్రతిపాదనలను అవతలి వారు సైతం అంగీకరించే వీలుంటుంది. ఈ సమయంలో మీరు రెడ్, వైట్‌ రంగు దుస్తులు ధరించాలి. అలాగే, ఇంటి నుంచి ఉత్తరఈశాన్యదిశగా బయలుదేరితే శుభదాయకంగా ఉంటుంది. ఇక, ఆది, మంగళవారాలు ఇటువంటి వాటికి దూరంగా ఉండండి. సింహం: మీరు కోరుకున్న వ్యక్తులకు మనస్సులోని అభిప్రాయాన్ని తెలియజేసేందుకు ఆది, సోమవారాలు అనువైనవిగా చెప్పవచ్చు. ఈ రోజుల్లో మీ ప్రతిపాదనలపై అవతలి వారు కూడా సానుకూలత వ్యక్తం చేసే వీలుంది. ఇక ఈసమయంలో మీరు ఆరెంజ్, పింక్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరితే అనుకూలం. ఇక, బుధ, గురువారాలు మీ ప్రయత్నాలకు విరామం ఇవ్వండి. కన్య: మీ మనస్సులోని భావాలను ఇష్టపడే వారికి తెలిపేందుకు సోమ, మంగళవారాలు అత్యంత అనుకూలత ఉంటుంది. ఈ రోజుల్లో  మీ అభిప్రాయాలను అవతలి వారు మన్నించే అవకాశాలుంటాయి. ఈ సమయంలో మీరు ఎల్లో, వైట్‌ రంగు దుస్తులు ధరిస్తే లాభదాయకంగా ఉంటుంది. అలాగే, ఇంటి నుంచి ఉత్తరదిశగా బయలుదేరితే మంచిది. ఇక, శుక్ర, బుధవారాలు మీ ప్రయత్నాలను విరమించండి. తుల: మీరు అత్యంత ఇష్టపడే వారికి మీ మదిలో దాచుకున్న అభిప్రాయాలను తెలియజేసేందుకు ఆది, బుధవారాలు అత్యంత అనుకూలమైనవిగా చెప్పవచ్చు. ఈ సమయంలో మీ మనోగతాన్ని అర్థం చేసుకున్న అవతలి వారు కూడా అనుకూలత వ్యక్తం చేసే వీలుంటుంది. ఈ రోజుల్లో మీరు ఆరెంజ్, ఎల్లోరంగు దుస్తులు ధరిస్తే మంచిది. అలాగే, ఇంటి నుంచి తూర్పు ఈశాన్య దిశగా బయలుదేరితే శుభప్రదంగా ఉంటుంది. ఇక, శుక్ర, శుక్రవారాలు వీటికి దూరంగా ఉండండి. వృశ్చికం: మీరు కోరుకున్న వ్యక్తులకు మీ ప్రేమసందేశాలను అందించేందుకు శని, బుధవారాలు అత్యంత అనువైనవిగా చెప్పవచ్చు. ఈ సమయంలో చేసే ప్రతిపాదనలు అవతలి వారి ఆమోదం పొందే వీలుంది. ఈ సమయంలో మీరు బ్లూ, వైట్‌ రంగు దుస్తులు ధరిస్తే శుభదాయకంగా ఉంటుంది. అలాగే, ఇంటి నుంచి పశ్చిమదిశగా బయలుదేరితే శుభప్రదంగా ఉంటుంది. ఇక, ఇటువంటి వాటికి సోమ, మంగళవారాలు దూరంగా ఉండండి. ధనుస్సు: మీ మనస్సులోని భావాలను ఇష్టులకు వెల్లడించేందుకు ఆది, సోమవారాలు అత్యంత అనుకూలమైనవిగా చెప్పవచ్చు. ఈ రోజుల్లో చేసే ప్రతిపాదనలు అవతలి వారిని ఆకట్టుకుంటాయి. ఈ రోజుల్లో మీరు ఆరెంజ్, ఎల్లోరంగు దుస్తులు ధరిస్తే లాభదాయకంగా ఉంటుంది. అలాగే, ఇంటి నుంచి తూర్పుదిశగా బయలుదేరండి. ఇక, మీ ప్రయత్నాలకు శుక్ర, బు«దవారాలు స్వస్తి చెప్పడం మంచిది. మకరం: మీ మనోగతాన్ని ఇష్టులకు తెలిపేందుకు శుక్ర,మంగళవారాలు అత్యంత అనుకూలమైనవిగా చెప్పవచ్చు. ఈ రోజుల్లో అవతలి నుంచి కూడా అనుకూల స్పందనలు వచ్చే వీలుంది. ఈ సమయంలో మీరు వైట్, బ్లూ రంగు దుస్తులు «ధరిస్తే మంచిది. అలాగే, పశ్చిమదిశగా ఇంటి నుంచి బయలుదేరండి. ఇక, ఆది, గురువారాలు వీటికి దూరంగా ఉండడం మంచిది. కుంభం: మీరు కోరుకున్న వ్యక్తులకు మనస్సులోని భావాలను తెలిపేందుకు ఆది, సోమవారాలు అత్యంత అనుకూలమైనవిగా చెప్పవచ్చు. ఈ రోజులో మీ ప్రతిపాదనలపై అవతలి వారు కూడా సానుకూలంగా స్పందించే వీలుంది. ఈ సమయంలో మీరు ఎల్లో, వైట్‌ రంగు దుస్తులు ధరిస్తే మంచిది. అలాగే, దక్షిణ ఆగ్నేయదిశగా బయలుదేరితే మంచిది. ఇక, శుక్ర, బుధవారాలు వీటికి దూరంగా ఉండండి. మీనం: మీ మనస్సులోని అభిప్రాయాలను ఇష్టమైన వారికి తెలియజేసేందుకు మంగళ, బుధవారాలు అత్యంత అనుకూలం. ఈ రోజుల్లో మీ ప్రతిపాదనలను అవతలి వారు ఆమోదించే వీలుంది. ఈ సమయంలో మీరు పింక్, ఎల్లో రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరితే శుభప్రదంగా ఉంటుంది. అయితే, శుక్ర, ఆదివారాలు వీటికి దూరంగా ఉండండి.

ప్రేమ ఎప్పుడు , ఎక్కడ , ఎలా మొదలవుతుంది అనేది ఎవరికి తెలియదు. కానీ ఒకసారి ప్రేమ లో పడితే ఇంకా ఆ ప్రపంచమే వేరు. ఈ రోజుల్లో కొందరు మాత్రమే నిజంగా ప్రేమిస్తున్నరు, మరికొందరు అవసరానికి వాడుకుని వదిలేస్తున్నారు. అయితే మనల్ని మనస్పూర్తిగా ప్రేమించే వాళ్ళు మన పక్కన ఉంటే చాలు మనకి తెలియకుండానే మనం సంతోషంగా ఉంటాం. మన కళ్ళల్లోకి చూసి మన మనసులో ఏమి ఉందో చెప్పేస్తారు. మన గతంతో సంబంధం లేకుండా ప్రస్తుతం , భవిష్యత్తులో మనల్ని ఎలా సంతోషంగా చూసుకోవాలి అనే ఆలోచిస్తారు. నేను నా జీవితంలో ఈ రెండు ప్రేమలని ( అవసరం కోసం ప్రేమిస్తున్నట్టు నటించే ప్రేమని, మన కోసం, మన సంతోషం కోసం మనల్ని మనల్ని గా ప్రేమించే ప్రేమని ) అనుభవించాను . నేను నా జీవితంలో ఎదుర్కొన్న ప్రేమ అనే భూటపు నాటకాన్ని , ఆ తర్వాత నేను అనుభవించిన సంఘటనలు , ఎదుర్కొన్న పరిణామాలను నేను మీతో పంచుకొబోతున్నాను. నా పేరు ప్రజ్ఞ. నేను డిగ్రీ చదువుతున్న రోజులవి. నా తల్లిదండ్రులు నేను ఏది అడిగినా కాదు, లేదు అనకుండా అన్ని ఇచ్చి నన్ను సంతోషంగా చూసుకునేవారు. అలాంటి తల్లిదండ్రులకి నేను ఏమి ఇవ్వగలను మంచిగా చదువుకుని ఒక గొప్ప ఉద్యోగం చేసి వారిని సంతోషంగా చూసుకోవడమే నేను వాళ్ళకి ఇచ్చే గౌరవం. అలా అని నేను ప్రతి రోజూ కళాశాలకు వెళ్తూ చదువుకుంటూ , ఇంటికి వచ్చాక ప్రతి రోజూ రాత్రి నా తల్లిదండ్రులతో కాసేపు సమయం గడిపి నా రోజూ పూర్తి చేసుకునేదానిని. ఇలా సాఫీగా సాగుతున్న నా జీవితంలో ఒక సంఘటన జరిగింది. ఆ సంఘటన నా జీవితంలో కలలో కూడా ఊహంచని మలుపు తీసుకొచ్చింది. నేను ప్రతి రోజులానే కళాశాలకు వెళ్లి తిరిగి వస్తున్న సమయంలో నన్ను నా చిన్ననాటి మిత్రుడు కలిశాడు. తన పేరు రేవంత్. చాలా సంత్సరాల తర్వాత కలవడం వల్ల నేను తనని మొదట్లో గుర్తు పట్టాలేకపోయా. కానీ మా పాత రోజులని గుర్తు చెయ్యడం వల్ల తనని గుర్తు పట్టా. ఇక  కాసేపు తనతో అలానే మాట్లాడి ఇంటికి ఆలస్యం అవుతుందని నేను వచ్చేశా. మళ్లీ తనని కలుస్తా అని కూడా అనుకోలేదు. కాని ప్రతి రోజూ నా కళాశాల అయిపోగానే నన్ను కలవడం మొదలు పెట్టాడు. నేను నా చిన్ననాటి మిత్రుడే కదా అని కలిసిన ప్రతి సారి మాట్లాడేదాన్ని. కాని ఒకరోజు తను అలా ప్రతి రోజు కలవడం వెనుక ఉన్న రహస్యాన్ని చెప్పాడు. అది ఏంటి అంటే......తను నన్ను ప్రేమిస్తున్నాడు అని....ఈ విషయాన్ని నాకు కొన్ని రోజుల తరువాత అది కూడా ఇలా ప్రతి రోజూ మాట్లాడడం సరియైనది కాదు అని నేను మాట్లాడడం మానేస్తే చెప్పాడు.  తనకి చిన్నతనం నుండే నేను అంటే ఇష్టం అని, అప్పుడు ప్రేమ అంటే ఏంటో తెలియని వయస్సు అని , తీరా  తెలిసే సరికి నేను ఎక్కడ ఉంటున్నానో తెలియక తన ప్రేమని తనలోనే దాచుకుని నా కోసం వెతికితే నేను ఆ కళాశాలలో చదువుతున్నాను అని తెలిసి నాకోసం ఆ కళాశాలకు రావడం ప్రారంభించాను అని మొత్తం చెప్పేశాడు. తను అలా చెప్పేసరికి నాకు ఏమి చెయ్యాలో అర్థం కాలేదు. వెంటనే నాకు కొంత సమయం కావాలి అని ఇంటికి వెళ్ళిపోయాను. ఇంటికి వెళ్ళాక మొత్తం అదే ఆలోచనతో ఉండిపోయాను.నేను బాగా ఆలోచించాను. చిన్నతనం నుండి నన్నే ప్రేమిస్తున్నాడు. మా ఇద్దరి మధ్య దూరం పెరిగినా, నేను ఎక్కడ ఉంటానో తెలియకున్నా, మళ్లీ కలుస్తానో లేనో కూడా తెలియకున్నా, నన్నే ప్రేమించాడు.  నన్ను తప్ప ఇంకే అమ్మాయి వెంట పడలేదు, ఏ అమ్మాయి నీ ప్రేమించలేదు. ఈ రోజుల్లో ఇలాంటి అబ్బాయిలు ఎవరు ఉన్నారు అని, తనపై నాకు ఇష్టం పెరిగింది. కొన్ని రోజులకు ఆ ఇష్టం కాస్తా ప్రేమగా మారి మేము ఇద్దరం సంతోషంగా పార్కులకి , సినిమాలకి , షికార్లకు తిరిగాం. నా తల్లదండ్రులు నేను అడిగింది ఏదైనా ఇస్తారు అలాగే రేవంత్ తో కూడా నా పెళ్లి చేస్తారు అనే నమ్మకంతో అన్ని తిరిగాం. ప్రతి రోజు లానే ఆ రోజు కూడా నా తల్లిదండ్రులలో రాత్రి మాట్లాడుతూ... రేవంత్ విషయం చెప్పేశాను. వాళ్ళు ఒప్పుకోలేదు కదా.. వెంటనే వాళ్ళు నాకు వేరే సంబంధాలు చూడడం మొదలు పెట్టారు.  ఇక నేను వెంటనే తన దగ్గరికి వెళ్లి జరిగింది అంతా చెప్పి , ఇద్దరి ఇళ్ళల్లో ఒప్పించి పెళ్లి చేసుకుందాం అని అడిగాను. దానికి రేవంత్ ఒకేసారిగా గట్టిగా నవ్వి పెళ్లా...?? నువ్వు ఏమి మాట్లాడుతున్నావు ??? నేను నా అవసరం కోసం ప్రేమించాను అని చెప్పాడు. నా అవసరం తీరింది, నిన్ను పెళ్లి చేసుకునే ఉద్దేశ్యం నాకు లేదు ఇక నువ్వు నాకు వద్దు అని చెప్పి అక్కడి నుండి వెళ్ళిపోయాడు. నేను ఎంత వేడుకున్నా వినకుండా వెళ్ళిపోయాడు. తను నా నుండి కోరుకుంది నా అందం మాత్రమే. నా ప్రేమ కాదు అని నాకు అప్పుడు తెలిసింది. తను చేసిన ఆ మోసాన్ని నేను తట్టుకోలేకపోయా... చనిపోదాం అని నిర్ణయించుకుని ఆ ప్రయత్నం కూడా చేశాను. కాని నా తల్లదండ్రులు నన్ను కాపాడారు. ఇలా చావడం కోసమేనా మేము నిన్ను ఇంత కష్ట పడి పెంచి చదివించింది అని అన్నారు.  తను ఏలాంటి వాడో తెలియడం కోసమే నీకు పెళ్లి సంబంధాలు చూస్తున్నట్టు నటించాం. ఇప్పటికీ అయినా నీకు తను ఎలాంటి వాడో తెలిసింది కదా...!! ఇకపై నువ్వు తనని మర్చిపోయి మంచిగా చదువుకొని ఉద్యోగం చెయ్యాలి అని నన్ను ప్రోత్సహించారు.  వారి ప్రోత్సాహంతో , రేవంత్ పై ఉన్న కసితో   పీ.జీ పూర్తి చేసుకుని ఒక మంచి కంపెనీ లో ఉద్యోగం లో చేరాను. అనుకున్నట్టుగానే నా తల్లిదండ్రులను సంతోషంగా చూసుకున్నాను. కాని ఎక్కడో ఒక లోటు , ఒక బాధ మనస్పూర్తిగా ప్రేమించినందుకు ఇంత మోసమా అని....నా బాధని నా తల్లిదండ్రులు అర్థం చేసుకుని నాకు ఆ బాధని, ఆ లోటుని తీర్చాలని ఒక మంచి వ్యక్తిని నాకు ఇచ్చి పెళ్లి చేశారు. విచిత్రం ఏమిటంటే నన్ను పెళ్లి చేసుకున్న వ్యక్తికి నా గతం అంతా తెలుసు...నా గురించి నా గతం గురించి తెలుసుకుని మనస్పూర్తిగా నన్ను నన్నుగా ప్రేమించి పెళ్లి చేసుకున్నాడు. నేను అనుకున్నావన్ని నాతో చేయిస్తున్నాడు. నేను కొంచెం బాధ పడ్డాకాని నా కళ్ళలోకి చూసి నా బాధని అర్థం చేసుకుని నాకు ఆ బాధ లేకుండా చేస్తాడు. తనతో ఉంటే నాకు ఇంకా వేరే ప్రపంచమే గుర్తురాకుండా చూసుకుంటున్నాడు.  తన ప్రేమ ఎలా ఉంటుంది అంటే "అబ్బా..!!! ఒక మనిషిని ప్రేమిస్తే ఇంతలా ప్రేమిస్తారా ....???" అని అనిపించేలా ఉంటది..తన ప్రేమ నాకు రేవంత్ నీ తను చేసిన మోసాన్ని కూడా మర్చిపోయేలా చేసింది. ఇలా నా జీవితంలో ఒకరితో ప్రేమలో మోసపోయి, జీవితాంతం తోడుండి సంతోషంగా చూసుకుని ప్రేమని పంచే మరొకరిని పెళ్ళిచేసుకున్నాను.మన జీవితంలో ఒకరిని ప్రేమించి మోసపోతే మన జీవితం అక్కడికే అయిపోయినట్టు కాదు. మనల్ని ప్రేమించే మన తల్లిదండ్రులు, మన గురించి మన గతం గురించి తెలుసుకుని మనకి మంచి భవిష్యత్తునీ ఇచ్చి మనల్ని మనలా ప్రేమించే వారు తప్పకుండా వస్తారు. "ప్రేమిస్తున్నాను అనే మాటలో ప్రేమ ఇవ్వడం మాత్రమే కాదు ,, మనం ప్రేమించిన వారికి మంచి జీవితాన్ని , సంతోషాన్ని కూడా ఇవ్వాలి. ఇది నా కథ ...... నా పేరు  ప్రజ్ఞ  ( ప్రజ్ఞ శ్రీనివాస్ )

మేషం : మీ మనోగతాన్ని ఇష్టులకు తెలిపేందుకు శని, ఆదివారాలు అద్భుతమైన  రోజులని చెప్పవచ్చు. ఈ కాలంలో మీ ప్రయత్నాలు సఫలమై శుభవార్తలు అందే అవకాశం ఉంది. ఈ సమయంలో మీరు ఆరెంజ్, ఎల్లో రంగు దుస్తులు ధరిస్తే మేలు జరుగుతుంది. అలాగే, ఇంటి నుంచి దక్షిణదిశగా బయలుదేరండి. ఇక, సోమ, మంగళవారాలు వీటికి దూరంగా ఉండండి. వృషభం : మీరు అత్యంత ఇష్టపడే వ్యక్తులకు మీ భావాలను వ్యక్తం చేసేందుకు శుక్ర, శనివారాలు అత్యంత అనుకూలమని చెప్పవచ్చు. ఈ సమయంలో అవతలి వైపు నుంచి కూడా సానుకూల స్పందనలు రావచ్చు.  ఈరోజుల్లో మీరు గ్రీన్, పింక్‌ రంగు దుస్తులు ధరించడం ఉత్తమం. అలాగే, ఇంటి నుంచి తూర్పుఈశాన్యదిశగా బయలుదేరండి. అయితే, బుధ, గురువారాలు మీ ప్రయత్నాలు విరమించడం మంచిది. మిథునం : మీరు ఇష్టపడే వ్యక్తులకు మనస్సులోని అభిప్రాయాలను తెలిపేందుకు ఆది, సోమవారాలు అనుకూలమని చెప్పవచ్చు. ఈ సమయంలో మీ ప్రయత్నాలు సఫలమై అవతలి వారు కూడా అనుకూల సందేశాలు ఇచ్చే వీలుంది. ఇటువంటి సమయంలో మీరు రెడ్, బ్లూ రంగు దుస్తులు ధరిస్తే మంచిది. అలాగే, ఇంటి నుంచి ఉత్తరదిశగా బయలుదేరితే శుభాలు కలుగుతాయి. అయితే, శుక్ర, బుధవారాలు వీటికి దూరంగా ఉండడం ఉత్తమం. కర్కాటకం : మీ మనస్సులోని అభిప్రాయాలను ఇష్టులకు చెప్పేందుకు మంగళ, బుధవారాలు అత్యంత అనుకూల సమయాలు. ఇటువంటి సమయంలో మీ ప్రయత్నాలు కొనసాగిస్తే అనుకూల ఫలితాలు కలిగే అవకాశం ఉంది. మీ ప్రయత్నాలు చేసే రోజుల్లో గ్రీన్, ఆరెంజ్‌ రంగు దుస్తులు ధరిస్తే మంచిది. అలాగే, ఇంటి నుంచి పశ్చిమవాయువ్య దిశగా బయలుదేరితే శుభదాయకంగా ఉంటుంది. ఇక, శని, ఆదివారాలు మీ ప్రయత్నాలు విరమిస్తే మంచిది. సింహం : మీ భావాలను మనస్సులోని వారికి తెలియజేసేందుకు శని, ఆదివారాలు అనుకూలమైనవి. ఈరోజుల్లో మీ ప్రతిపాదనలపై అవతలి వారు సానుకూలంగా స్పందించే వీలుంది. ఈ ప్రతిపాదనల సమయంలో మీరు ఎల్లో, బ్లాక్‌ రంగు దుస్తులు ధరిస్తే మంచిది. అలాగే, ఉత్తరదిశగా ఇంటి నుంచి బయలుదేరండి. ఇక, మంగళ, బుధవారాలు వీటికి దూరంగా ఉండండి. కన్య : మీ అభిప్రాయాలను ఇష్టులకు తెలిపేందుకు సోమ, మంగళవారాలు అనుకూలమైనవిగా చెప్పవచ్చు. ఈ సమయంలో చేసే ప్రతిపాదనలపై అవతలి వారి నుంచి అనుకూలత వ్యక్తం కావచ్చు. ఈ రోజుల్లో మీరు పింక్, ఆరెంజ్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరండి. ఇక, బుధ, గురువారాలు ప్రయత్నాలు విరమించడం మంచిది. తుల : మీరు అత్యంత ఇష్టపడే వారికి మనస్సులోని భావాలను తెలిపేందుకు శుక్ర, సోమవారాలు అనుకూలమైనవి. ఈరోజుల్లో  అవతలి వైపు నుంచి కూడా సానుకూల వైఖరి వ్యక్తం కావచ్చు. ఈ సమయంలో మీరు గ్రీన్, రెడ్‌ రంగు దుస్తులు ధరిస్తే మంచిది. ఇక, ఇంటి నుంచి పశ్చిమదిశగా బయలుదేరండి శుభదాయకంగా ఉంటుంది. అయితే, బుధ, గురువారాలు వీటికి  దూరంగా ఉండండి. వృశ్చికం : మీలోని అభిప్రాయాలను మీరు ఇష్టపడే వారికి తెలియజేసేందుకు ఆది, బుధవారాలు అత్యంత అనుకూలమైనవి. ఈ సమయంలో చేసే ప్రతిపాదనలపై అవతలి వారు కూడా సానుకూలంగా స్పందించే వీలుంటుంది. ఇక ఈరోజుల్లో ఆరెంజ్, వైట్‌ రంగు దుస్తులు ధరిస్తే లాభదాయకంగా ఉంటుంది. ఈ సమయంలో మీరు ఇంటి నుంచి ఉత్తర ఈశాన్యదిశగా బయలుదేరితే  శుభకరంగా ఉంటుంది. అయితే, శని, మంగళవారాలు వీటికి దూరంగా ఉండడం మంచిది. ధనుస్సు: మీ మనస్సులోని అభిప్రాయాలను మీరు ఇష్టపడే వారికి తెలియజేసేందుకు శుక్ర, సోమవారాలు విశేషమైనవిగా చెప్పవచ్చు. ఈ రోజుల్లో మీ ప్రతిపాదనలపై అవతలి వ్యక్తుల నుంచి శుభవార్తలు అందే వీలుంటుంది. ఈ సమయంలో మీరు ఆరెంజ్, బ్లూ రంగు దుస్తులు ధరిస్తే మంచిది. ఇంటి నుంచి దక్షిణ ఆగ్నేయదిశగా బయలుదేరితే శుభదాయకంగా ఉంటుంది. ఇక, బుధ, గురువారాలలో ఈ వ్రయత్నాలు విరమించండి. మకరం : మీరు కోరుకున్న వ్యక్తులకు మీ మనోగతాన్ని తెలిపేందుకు శని, గురువారాలు అత్యంత అనుకూలమని చెప్పవచ్చు. ఈ సమయంలో అవతలి వారు కూడా సానుకూలత వ్యక్తం చేసే వీలుంటుంది. ఈ రోజుల్లో మీరు వైట్, రెడ్‌ రంగు దుస్తులు ధరిస్తే మంచిది. అలాగే, ఇంటి నుంచి ఉత్తరదిశగా బయలుదేరితే మంచిది. అయితే, సోమ, మంగళవారాలు వీటికి దూరంగా ఉండండి. కుంభం : మీ అభిప్రాయాలను ఇష్టమైన వారికి తెలిపేందుకు శుక్ర, శనివారాలు అత్యంత అనుకూలమైనవిగా చెప్పవచ్చు. ఈ సమయంలో మీ ప్రతిపాదనలపై అవతలి వారు కూడా శుభవర్తమానాలు అందించే వీలుంది. ఈ రోజుల్లో మీరు ఆరెంజ్, పింక్‌ రంగు దుస్తులు ధరిస్తే శుభదాయకంగా ఉంటుంది. అలాగే, ఇంటి నుంచి తూర్పుదిశగా బయలుదేరితే మంచిది. ఇక, మంగళ, బుధవారాలు మీ ప్రయత్నాలు విరమిస్తే మంచిది. మీనం : మీరు కోరుకున్న వారికి మనస్సులోని అభిప్రాయాలను తెలియజేసేందుకు బుధ, గురువారాలు అత్యంత శుభదాయకమైనవిగా చెప్పవచ్చు. ఈ రోజుల్లో చేసే ప్రతిపాదనలపై అవతలి వ్యక్తులు సానుకూలంగా స్పందించే వీలుంది. ఈ సమయంలో మీరు వైట్, పింక్‌ రంగు దుస్తులు ధరిస్తే ఉపయుక్తంగా ఉంటుంది. అలాగే, ఇంటి నుంచి పశ్చిమదిశగా బయలుదేరండి. అయితే, శని, ఆదివారాలు మీ ప్రయత్నాలకు దూరంగా ఉండండి.

జీవితం ఎప్పుడు ఎలా మారుతుందో మనం ఊహించలేము. తలచినదే జరిగినదా దైవం ఎందులకు అన్నట్లుగా మనం ఎన్ని చేద్దాం అనుకున్నా జరిగేది ఆపలేము. ఇది నా జీవితం నాకు నేర్పిన పాఠం. మాది చాలా రిచ్‌ ఫ్యామిలీ. నేను కోరుకున్నది అప్పటి వరకు అన్ని దక్కాయి. ఓడిపోవడం అంటే ఏంటో నాకు తెలియదు. మా అమ్మనాన్నలకు నేనొక్కడినే. నా పేరు అభి. నన్ను ఎంతో గారాబంగా పెంచారు. నేను అడగకుండానే అన్ని ఇచ్చారు. ఏది అడిగిన ఎప్పుడు కాదనలేదు.  నేను మా కాలేజీ డేస్‌లో ఒక అమ్మాయిని ప్రేమించాను. తన పేరు సరిత. చాలా మంచిది. మానవత్వం ఎక్కువ. ఎప్పుడూ ఏదో ఒక సేవ కార్యక్రమాల్లో పాల్గొంటూ ఉండేది. చిన్న వయస్సులోనే ఇలా ఉండటం చూసి నాకు చాలా బాగా నచ్చింది. నాతో చాలా ఫ్రెండ్లీగా మాట్లాడేది. ఒకరోజు తనకి నా ప్రేమ విషయం చెప్పాను. తను కొన్ని రోజులు తరువాత నాకు ఒకే చెప్పింది. వాళ్ల ఇంట్లో ఒప్పుకుంటే నన్ను చేసుకోవడానికి తనకి ఎలాంటి ప్రాబ్లెమ్‌ లేదని చెప్పింది. నేను మా ఇంట్లో విషయం చెప్పాను. ఎప్పటిలాగానే వాళ్లు నా ఇష్టానికి అడ్డుచెప్పలేదు. వాళ్లే వెళ్లి సరిత వాళ్ల ఇంట్లో మాట్లాడారు. కులాలు వేరు కావడంతో మొదట వాళ్లు ఒప్పుకోకపోయిన తరువాత అంగీకరించారు.  చాలా హ్యాపీగా ఉన్నాం. ఎంగేజ్‌మెంట్‌ కూడా గ్రాండ్‌గా చేసుకున్నాం. పెళ్లి పనులు కూడా చాలా స్పీడ్‌గా జరుగుతున్నాయి. పెళ్లి ఇంకో వారం ఉందనగా అనుకోని ఘటన జరిగింది. సరిత యాక్సిడెంట్‌లో చనిపోయింది. రెండు కుటుంబాలలో విషాదం అలముకుంది. నేను డిప్రెషన్‌లోకి వెళ్లిపోయాను. నా బాధ చూడలేక మా అమ్మ ఆరోగ్యం కూడా పాడైంది. నేను ఆ బాధలో నుంచి బయటపడటానికి రెండు సంవత్సరాలు పట్టింది. ఇప్పటికీ సరిత రోజు గుర్తుకొస్తూనే ఉంటుంది. మనం ఎన్ని అనుకున్న ఏదీ జరగాలనుంటే అదే జరుగుతుందని అర్థం అయ్యింది. మా ఇంట్లో వాళ్లు నన్ను పెళ్లి చేసుకోమంటున్నారు. నేను మాత్రం సరిత ఆలోచనల్లో నుంచి ఇంకా పూర్తిగా బయటకు రాలేకపోతున్నాను. తన స్థానంలో మరొకరిని ఊహించుకోలేకపోతున్నాను.  అభి, కృష్ణా జిల్లా. 

నా పేరు వినయ్‌. నాది చాలా హ్యాపీ లైఫ్‌. అన్ని ఉన్నాయి నాకు. మంచి అమ్మనాన్న, అల్లరి చేసే చెల్లి, ప్రేమగా చూసుకునే నాన్నమ్మ, తాతయ్య అందరూ నన్ను చాలా బాగా చూసుకుంటారు. చాలా ఆనందంగా ఉండేది మా లైఫ్‌. అంతా మంచిగా ఉంటుంది అనుకున్న సమయంలో మా అమ్మ క్యాన్సర్‌తో చనిపోయింది. అంతా ఒక్కసారిగా తలకిందులై పోయింది. మా ఇంట్లో నవ్వులు మాయమయ్యాయి. మా నాన్న ఇష్టం లేకపోయిన రెండో పెళ్లి చేసుకోవల్సి వచ్చింది. మా చెల్లి చాలా చిన్నపిల్ల. తనకోసమే మా నాన్న మా పిన్నిని చేసుకున్నారు. ఇంకా మాకు కష్టాలు మొదలయ్యాయి. రోజు ఏదో ఒక గొడవ. ఇంట్లో ఉండాలంటేనే చిరాకు వేసేది.  నేను ఇంటర్‌ అయిపోయి బీటెక్‌లో జాయిన్‌ అయ్యాను. ఎవ్వరితో మాట్లాడేవాడిని కాదు. చాలా సైలెంట్‌గా ఉండేవాడ్ని. అప్పుడే నా లైఫ్‌లోకి నందు వచ్చింది. ఎప్పుడూ నవ్వుతూ పక్క వారిని నవ్విస్తూ ఉండేది. తను నా దగ్గరకు కూడా వచ్చి ఎందుకు బాబు ఎప్పుడు మొహం ఉమ్‌మ్‌...అని పెట్టుకొని ఉంటావు అంది. నాకు కోపం వచ్చి నువ్వు ఎవరివే నన్ను అడగడానికి పో ఇక్కడి నుంచి అని గట్టిగా అరిచాను. అంతే తన కంట్లో నుంచి నీళ్లు ధారలా కారిపోయాయి. తను ఎప్పుడు ఏడవడం నేను చూడలేదు. నాకే చాలా బాధ వేసింది. తరువాత కొద్దిసేపటికి నేనే వెళ్లి సారీ చెప్పాను. నందు చాలా మంచిది వెంటనే క్షమించేసింది. అప్పటి నుంచి తనతో మాట్లాడటం మొదలు పెట్టాను.  చాలా చక్కగా మాట్లాడేది. మా ఇంట్లో విషయాలు తనతో చెప్పాను చాలా బాధపడింది. నన్ను చాలా ప్రేమగా చూసుకునేది. నా కోసం స్పెషల్‌గా బాక్స్‌ తెచ్చేది. మేమిద్దరం చాలా క్లోజ్‌ అయిపోయాం. మళ్లీ నా లైఫ్‌లోకి హ్యాపీ డేస్‌ వచ్చాయి అనిపించింది. తను లేకుండా నేను ఉండలేకపోయేవాడ్ని. అందుకే తనకు ఒకరోజు నేను నిన్ను ప్రేమిస్తున్నాను. లైఫ్‌ లాంగ్‌ మా అమ్మను ఎంత ప్రేమిస్తానో అంత ప్రేమిస్తాను అని చెప్పాను. తను కూడా ఒక వారం టైం తీసుకొని మా ఇంట్లో ఒప్పిస్తే పెళ్లి చేసుకుంటాను అంది. మా ఇద్దరి కాస్ట్‌లు వేరు. అయినా నేను చదువు అయిపోయిన వెంటనే మంచి జాబ్‌ తెచ్చుకొని వాళ్ల ఇంట్లో ఒప్పించాను. మా నా జీవితంలోకి సంతోషం వచ్చింది. నందు, నేను, మా చెల్లి ముగ్గురం కలిసి ఉంటున్నాం. మా చెల్లిని కూడా నందు అమ్మలా చూసుకుంటుంది. నా నందు దొరకడం నా అదృష్టం. ఐ లవ్‌ యూ సో మచ్‌ నందు.  వినయ్‌ కర్నూలు.

మేషం: మీ అభిప్రాయాలను, మనోగతాన్ని ఇష్టులకు తెలియజేసేందుకు బుధ, గురువారాలు అత్యంత అనుకూలమైనవిగా చెప్పవచ్చు. ఈకాలంలో మీ మనస్సులోని భావాలను వెల్లడిస్తే అవతలి నుంచి కూడా సానుకూల సందేశాలు రావచ్చు. ఇక ఈరోజుల్లో మీరు పింక్, ఆరెంజ్‌ రంగు దుస్తులు ధరిస్తే మేలు. అలాగే, ఇంటి నుంచి తూర్పు ఈశాన్య దిశగా బయలుదేరండి. ఇక, సోమ, మంగళవారాలు మీ ప్రయత్నాలకు దూరంగా ఉండండి. వృషభం: మీ మనస్సులోని భావాలను ప్రీతిపాత్రులకు తెలియజేసేందుకు శని, బుధవారాలు సానుకూలం. ఈరోజుల్లో మీనోట వచ్చిన శుభసందేశంతో అవతలి వారు మరింత ఉత్సాహం చూపుతారు. ఈ సమయంలో మీరు రెడ్, వైట్‌ రంగు దుస్తులు ధరిస్తే మంచిది. ఇక ఇంటి నుంచి దక్షిణదిశగా బయలుదేరితే శుభకరంగా ఉంటుంది. ఇక, ఆది, సోమవారాలు వీటికి స్వస్తి చెప్పడం మంచిది. మిథునం: మీరు అత్యంత ఇష్టపడే వ్యక్తులకు మీ అభిప్రాయాలను వెల్లడించేందుకు ఆది, సోమవారాలు అత్యంత అనుకూలమైనవి. ఈ సమయంలో మీ అభిప్రాయాలను అవతలి వారు మన్నించి మీకు సానుకూల సందేశం అందించే వీలుంది. ఇటువంటి సమయంలో మీరు రెడ్, ఎల్లో రంగు దుస్తులు ధరిస్తే మంచిది. అలాగే, ఇంటి నుంచి పశ్చిమదిశగా బయలుదేరండి. ఇక శుక్ర, శనివారాలు ఇటువంటి ప్రయత్నాలు విరమించండి. కర్కాటకం: మీరు కోరుకున్న వ్యక్తులకు ఇంతకాలం మీలో దాచుకున్న భావాలను తెలియజేసేందుకు శని, సోమవారాలు అనుకూలమైనవిగా చెప్పవచ్చు. ఈ రోజుల్లో మీ ప్రతిపాదనలకు అవతలి వారు కూడా సానుకూలంగా స్పందించే వీలుంది. ఈ సమయంలో మీరు గ్రీన్, ఆరెంజ్‌ రంగు దుస్తులు ధరిస్తే మంచిది. అలాగే, ఇంటి నుంచి ఉత్తరదిశగా బయలుదేరితే శుభదాయకంగా ఉంటుంది. ఇక, బుధ, గురువారాలు మీ ప్రయత్నాలకు విరామం ఇవ్వండి. సింహం: మీరు అత్యంత ఇష్టపడే వ్యక్తులకు మీ మనోగతాన్ని తెలిపేందుకు సోమ, గురువారాలు చాలా అనుకూలమైనవిగా చెప్పవచ్చు. ఈరోజుల్లో మీ ప్రతిపాదనలపై అవతలి వారు కూడా అనుకూలంగా స్పందించే అవకాశాలుంటాయి. ఇటువంటి సమయంలో మీరు ఎల్లో, పింక్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరితే శుభకరంగా ఉంటుంది. ఇక, శుక్ర, మంగళవారాలు వీటికి దూరంగా ఉండండి. కన్య: మీమనస్సులో ఆరాధించే వారికి మీ అభిప్రాయాలను వెల్లడించేందుకు శుక్ర, సోమవారాలు విశేషమైనవిగా చెప్పవచ్చు. ఈరోజుల్లో మీ అభిప్రాయాలపై అవతలి వారు కూడా అనుకూలత వ్యక్తం చేయవచ్చు. ఈరోజుల్లో మీరు వైట్, పింక్‌ రంగు దుస్తులు ధరిస్తే అనుకూలం. ఇక ఇంటి నుంచి పశ్చిమ వాయువ్య దిశగా బయలుదేరితే శుభకరంగా ఉంటుంది. అయితే, ఆది, బుధవారాలు మీ ప్రయత్నాలకు విరామం ఇవ్వండి. తుల: మీ అభిప్రాయాలను, ప్రతిపాదనలను మీరు ఇష్టపడే వారికి తెలిపేందుకు శని, గురువారాలు అత్యంత సానుకూలమైనవిగా చెప్పవచ్చు. ఈ సమయంలో మీకు అవతలి వ్యక్తులు కూడా సానుకూల సందేశాలు అందించే వీలుంది. ఈరోజుల్లో మీరు ఆరెంజ్, రెడ్‌ రంగు దుస్తులు ధరిస్తే మేలు. ఇక, ఇంటి నుంచి దక్షిణ ఆగ్నేయదిశగా బయలుదేరండి శుభదాయకంగా ఉంటుంద. ఇక, సోమ, మంగళవారాలు మాత్రం మీ ప్రయత్నాలు విరమించండి. వృశ్చికం: మీరు అత్యంత ఇష్టపడే వారికి మీ మనోగతాన్ని  తెలిపేందుకు ఆది, సోమవారాలు అత్యంత అనుకూలమైనవి. ఈరోజుల్లో మీ అభిప్రాయాలకు అవతలి వారు సైతం అనుకూలంగా స్పందించే అవకాశం ఉంది. మీ ప్రతిపాదనల సమయంలో ఎల్లో, గ్రీన్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరండి. ఇక, శని, గురువారాలు ఇటువంటి వాటికి దూరంగా ఉండండి. ధనుస్సు: మీరు మనస్సులో ఆరాధించే వ్యక్తులకు మీ మనోగతాన్ని తెలిపేందుకు సోమ, బుధవారాలు చాలా అనుకూలమైనవిగా చెప్పవచ్చు. ఈ సమయంలో మీ అభిప్రాయాలకు అవతలి వారు కూడా తక్షణం స్పందించే వీలుంటుంది. ఈ రోజుల్లో మీరు రెడ్, పింక్‌ రంగు దుస్తులు ధరిస్తే మంచిది. ఇక, ఇంటి నుంచి పశ్చిమవాయువ్య దిశగా బయలుదేరండి. అయితే, శుక్ర, శనివారాలు మాత్రం ఇటువంటి వాటికి దూరంగా ఉండండి.  మకరం: మీ అభిప్రాయాలు, ప్రతిపాదనలు మీరు కోరుకున్న వ్యక్తులకు అందించేందుకు శని, గురువారాలు అత్యంత అనుకూలమైనవిగా చెప్పవచ్చు. ఈరోజుల్లో మీరు చేసే ప్రతిపాదనలపై అవతలి నుంచి కూడా సానుకూల సందేశాలు రావచ్చు. ఈ సమయంలో మీరు గ్రీన్, వైట్‌ రంగు దుస్తులు ధరిస్తే మంచిది. అలాగే, ఇంటి నుంచి దక్షిణదిశగా బయలుదేరితే లాభదాయకంగా ఉంటుంది. ఇక, సోమ, మంగళవారాలు మాత్రం ఇటువంటి వాటికి దూరంగా ఉండండి. కుంభం: మీరు  అభిమానించే వ్యక్తులకు మనస్సులోని భావాలను తెలిపేందుకు శని, ఆదివారాలు చాలా అనుకూలమైనవి. ఈ సమయంలో మీ ప్రతిపాదనలు విన్న అవతలి వారు అనుకూలంగా స్పందించే వీలుంది. ఈ రోజుల్లో మీరు ఆరెంజ్, ఎల్లో రంగు దుస్తులు ధరిస్తే ఉపయుక్తంగా ఉంటుంది. అలాగే, ఇంటి నుంచి తూర్పుదిశగా బయలుదేరితే శుభకరంగా ఉంటుంది. ఇక, మంగళ, బుధవారాలు ఇటువంటి వాటికి దూరంగా ఉండడం మంచిది. మీనం: మీరు ఇష్టపడే వారికి మనోగతాన్ని తెలిపేందుకు ఆది, సోమవారాలు అత్యంత అనుకూలమైనవిగా చెప్పవచ్చు. ఈ రోజుల్లో మీ అభిప్రాయాలకు అవతలి వారు కూడా తమ ఇష్టాన్ని తెలియజేసే వీలుంది. ఇటువంటి సమయంలో మీరు రెడ్, పింక్‌ రంగు దుస్తులు ధరిస్తే మంచిది. ఇక, ఇంటి నుంచి ఉత్తరదిశగా బయలుదేరితే శుభకరంగా ఉంటుంది. అయితే, శుక్ర, శనివారాలు మాత్రం మీ ప్రయత్నాలను విరమిస్తే మంచిది.    

మాది అందమైన ఊరు. చుట్టూ పచ్చని పొలాలు, ఎప్పుడూ నవ్వుతూ ఉండే కల్మషం లేని మనుషులు. నేను ఇంటర్‌ వరకు మా ఊరిలోనే చదివాను. చాలా హ్యాపీగా గడిచిపోయేది జీవితం. తరువాత బీటెక్‌ చదవడం కోసం నేను హైదరాబాద్‌ వచ్చాను. ఇక్కడ వాళ్లను చూస్తేనే భయమేసేది. ఎవ్వరూ నాలా లేరు. అందరూ చాలా స్టైల్‌గా ఉన్నారు.వాళ్లందరూ మంచి ఇంగ్లీష్‌ మాట్లాడుతూ ఉండేవారు. నేను క్లాస్‌లో జాయిన్‌ అయిన రోజే నాకు ఒక అమ్మాయి నచ్చింది. ఫస్ట్‌ టైమ్‌ తనని ఎల్లో కలర్‌ డ్రెస్‌లో చూశాను. తన జుట్టు రింగులు రింగులుగా ముఖం మీద పడుతూ ఉండేది. చాలా అందంగా ఉండేది. తనని అలా చూస్తూ ఉండాలనిపించేది. తను రాగానే ఫస్ట్‌ బెంచ్‌లో కూర్చుంది. చాలా సైలెంట్‌గా ఉండేది.అందరు పేర్లు చెప్పి పరిచయం చేసుకుంటుంటే తన పేరు చందు అని తెలిసింది. తను  ఎవరితో ఎక్కువగా మాట్లాడేది కాదు. తనతో మాట్లాడం ఎలా అని ఆలోచించేవాడిని. క్లాస్‌లో ఎప్పుడు ఏ కార్యక్రమ జరిగిన తను ముందుండేది. ఇంగ్లీష్‌లో టకటక మాట్లాడేది. అది చూస్తేనే నా గుండె దడదడ అనేది.  తనతో ఎలా అయిన ఫ్రెండ్‌షిప్‌ చేయాలి అని ఆలోచించే సమయంలో తను మా ఫ్రెండ్‌ వాళ్ల లవర్‌ రూమ్‌మేట్‌ అని తెలిసింది. ఇంకా నా లైన్‌ క్లియర్‌ అయ్యింది అనుకున్నాను. మా ఫ్రెండ్‌కు చెబితే కావాలని మేం ఇద్దరం కలిసేలా ప్లాన్‌ చేశారు. మేం కలిసిన తరువాత తను అడిగిన ప్రశ్న విని నేను షాక్‌ అయ్యాను. నువ్వు మా క్లాస్‌యేనా? నిన్ను ఎప్పుడూ చూడలేదే నీ పేరు ఏంటి అని అడిగింది. అప్పుడు నన్ను నేనే ఎన్ని తిట్టుకున్నానో తెలియదు. తరువాత నుంచి రోజు క్లాస్‌లో చూసి నవ్వేది. అప్పుడప్పుడు కొంచెం కొంచెం మాట్లాడేది. తనకు ఒక బెస్ట్‌ ఫ్రెండ్‌ ఉండేది. ఆమెతో నాతో మాత్రమే మాట్లాడేది. నా నెంబర్‌, తన నెంబర్‌ పక్కపక్కనే ఎప్పుడు ఎగ్జామ్స్‌ జరిగిన తన వెనకాలే నేను ఉండేవాడిని. తను మాత్రం కొంచెం కూడా కాపీ కొట్టనిచ్చేది కాదు.  అలా కొన్ని రోజులు గడిచాక నేను,చందు, చందు వాళ్ల ఫ్రెండ్‌ బాగా క్లోజ్‌ అయిపోయాం. రోజు కలిసి క్యాంటీన్‌కి వెళ్లి తిని రచ్చ రచ్చ చేసేవాళ్లం. అందరు మమ్మల్ని చూసి మా లాగా ఉండాలి అనుకునే వాళ్లు. అలాగే చాలా మంది చందు నాకు ఓకే చెప్పేసింది, మేమిద్దరం లవర్స్‌ అనుకునేవాళ్లు. వాళ్ల మాటలన్ని విని తను చాలా సార్లు నేనుంటే నీకిష్టమా? ఎందుకు అందరూ ఎందుకు అలా అనుకుంటున్నారు అని అడిగేది. తను అంటే ఇష్టం ఉన్ననిజం చెబితే తను ఎక్కడ దూరం అవుతుందో అని అదేం లేదు, చాలా మంది చాలా అనుకుంటారు వదిలేయ్‌ అని చెప్పేవాడ్ని.  మా ఫైనల్‌ ఇయర్‌లో తనకు మా ప్రేమ విషయం చెబుదాం అనుకున్నాను. కానీ ఇంతలో తను నాకు ఒక షాకింగ్‌ న్యూస్‌ చెప్పింది. తను వేరు అతనితో ప్రేమలో పడింది అని. నాకు ఏం చేయాలో అర్థం కాలేదు. నేనేం మాట్లాడకుండా సరే అని అన్నాను. తరువాత నాకేమైందో తెలియదు ఆరోజు రాత్రి తనని ఫోన్‌ చేసి అసలు నువ్వు వాడిని ఎందుకు లవ్‌ చేశావ్‌. వాడు నీకు సెట్‌ కాడు. మీరు విడిపోతారు అని ఇష్టం వచ్చినట్లు తిట్టేశాను. తనని చాలా బాధ పెట్టాను. అప్పటి నుంచి తను నాతో మాట్లాడటం మానేసింది. నిన్ను చాలా సార్లు అడిగాను అప్పుడు ఏం చెప్పలేదు. ఎప్పుడు ఇలా మాట్లాడతావనుకోలేదు అని చెప్పింది. అప్పటి నుంచి ఒక్కసారి కూడా నాతో మాట్లాడలేదు. నన్ను చూడలేదు. మా కాలేజ్‌ అయిపోయి నాలుగు సంవత్సరాలు ఇప్పటి వరకు తను ఎలా ఉందో ఏం చేస్తుందో కూడా నాకు తెలియదు. ఒక్కసారి తనకి సారీ అని మనస్ఫూర్తిగా చెప్పాలనుంది.  ఇట్లు  అరవింద్‌కుమార్‌ కరీంనగర్‌

నా పేరు కావ్య. నేను ఇంటర్వ్యూ కోసం ఒక ఆఫీస్‌కు వెళ్లాను. ఆ ఆఫీస్‌ చూడటానికి చాలా బాగుంది. అంత పెద్ద బిల్డింగ్‌ను చూడగానే భయపడుతూనే లోపలికి వెళ్లాను. రిసెస్ఫన్‌లో కుర్చున్నాను. ఇంటర్వ్యూ కోసం లోపలికి పిలవడానికి చాలా సేపే పట్టింది. నేను ఒక సోఫాలో కూర్చొని వచ్చే పోయే వాళ్లను గమనిస్తూ ఉన్నాను. అప్పుడే ఫస్ట్‌ టైం తనని చూశాను. చూడటానికి చాలా పొడవుగా, ఆకర్షణీయంగా ఉన్నాడు. అప్పటి వరకు ఎవరిని చూసినా నాకు అంతలా నచ్చలేదు. వచ్చిన ఇంటర్య్వూ గురించి కాకుండా నా ఆలోచనలన్ని అతని చుట్టే తిరుగుతున్నాయి. ఈ ఉద్యోగం వస్తే అతనిని కలవచ్చు అనుకున్నాను. అసలు అతను ఎవరో కూడా తెలియదు. కానీ ఎందుకో నన్ను కట్టిపడేసేలా ఉన్నాడు. అందమైన అమ్మాయిని చూడగానే అబ్బాయిలు కవిత్వాలు ఎలా చెబుతారా అనుకునే దాన్ని. తనని చూశాక నచ్చిన వాళ్లు కనబడితే కవితలు, పాటలు అలాగే వస్తాయి అని అర్థం అయ్యింది.  ఇంటర్వ్యూ బాగానే జరిగింది. ఇంటికి వెళ్లిపోయాక కూడా ఎందుకో తనే కనబడుతున్నట్లు ఉంది. ఒక రెండు మూడు రోజుల్లోనే ఆ ఆఫీస్‌ నుంచి సెలెక్ట్‌ అయినట్లు ఫోన్‌ వచ్చింది. ఎగిరిగంతేశాను. ఉద్యోగం వచ్చింది అన్న ఆనందం కన్నా అతన్ని చూస్తాను అన్న ఆనందమే ఎక్కువగా ఉంది. నేను జాయిన్‌ అయిన రెండు మూడు రోజుల దాకా అతను కనిపించలేదు. తరువాత ఒక రోజు మా డిపార్ట్‌మెంట్‌ దగ్గరకు వచ్చాడు. అప్పుడు మళ్లీ అనుకోకుండా తనని చూశాను. తన పేరు ఏంటో, ఏ డిపార్ట్‌మెంటో తెలుసుకోవాలనిపించింది. నా కోలింగ్‌కు నేను అతనిని ఇష్టపడుతున్న విషయం చెప్పాను. అతని పేరు కాంత్‌ అని చెప్పాడు. రోజు లంచ్‌ టైమ్‌లో అతనిని చూసేదాన్ని. మా ఫ్రెండ్స్‌ అందరూ అతనిని చూడగానే నన్ను ఆట పట్టించే వారు. ఒక్కరోజు తనని చూడకపోయిన చాలా బాధగా అనిపించేది. నేను తనని చూస్తున్న అన్న విషయం తనకి కూడా తెలుసు. నన్ను చూడగానే వాళ్ల ఫ్రెండ్స్‌ కూడా తనని ఏడిపించేవారు. కాంత్‌తో మాట్లాడాలని చాలా సార్లు ట్రై చేశాను. కానీ ధైర్యం చాలలేదు. ఒకరోజు తనకి లవర్‌ ఉంది అనే విషయం తెలిసింది. చాలా ఏడుపొచ్చింది. కానీ తను వస్తే మాత్రం చూడకుండా ఉండలేకపోయేదాన్ని. అనుకోకుండా ఒక రోజు తను ఆఫీస్‌ మానేసి వేరే జాబ్‌లో జాయిన్‌ అయ్యాడని తెలిసింది. అప్పటి నుంచి ఎప్పుడు లంచ్‌ చేయడానికి క్యాంటీన్‌కు వెళ్లిన తనే గుర్తుకు వస్తాడు. తనని చాలా మిస్‌ అవుతున్నాను.  ఇట్లు  కావ్య(హైదరాబాద్‌)

నా పేరు శ్రీదేవి. నేను చాలా యాక్టివ్‌.అందరితో ఇట్టే కలిసి పోతాను. తన పేరు రాహుల్‌. తను మా ఆఫీస్‌లోనే పనిచేస్తూ ఉంటాడు. కానీ తన డిపార్ట్‌మెంట్‌ వేరు మా డిపార్ట్‌మెంట్‌ వేరు. అప్పుడప్పుడు తను మా డిపార్ట్‌మెంట్‌ దగ్గరకు వచ్చేవాడు. చూడటానికి చాలా బాగుండే వాడు.  చాలా పొడవుగా ప్రభాస్‌లా ఉండేవాడు. కాకపోతే తను నాకు పూర్తి భిన్నంగా ఉండేవాడు. చాలా సైలెంట్‌గా ఎవరితో మాట్లాడేవాడు కాదు. తను నాతో ఒకేఒక్కసారి మాట్లాడాడు. తరువాత కొన్ని రోజులకు తను నన్ను నా ఫోన్‌ నంబర్‌ అడిగాడు. నేను ఎందుకు అడిగాడు అనుకుంటూనే ఇచ్చాను. తను ఫోన్‌ నంబర్‌ తీసుకున్న రోజే నాకు కాల్‌ చేశాడు. నేను ఆఫీస్‌లో చూసిన రాహుల్‌కు నేను మాట్లాడిన అతనికి సంబంధమే లేదు. నాతో ఫోన్‌ మాట్లాడేటప్పుడు రాహుల్‌ చాలా యాక్టివ్‌గా మాట్లాడేవాడు. చాలా జోక్‌లు వేసేవాడు. తనకు కూడా సరదాగా ఉండటమంటే ఇష్టమని, కానీ అందరితో కలవలేనని చెప్పాడు. నేను చేసే అల్లరి తనకు చాలా ఇష్టమని చెప్పాడు. అలా రోజు మాట్లాడే రాహుల్‌ ఒక రోజు సడెన్‌గా నాకు ప్రపోజ్‌ చేశాడు. నాకు టైం కావాలి అని చెప్పాను. తరువాత కూడా రోజు కాల్‌ చేసి మాట్లాడుకునే వాళ్లం. చాలా రోజుల తరువాత తను మళ్లీ కాల్‌ చేసి నేను నీకు ఎందుకు నచ్చడం లేదు అని అడిగాడు. నేను అదేం లేదు. నువ్వంటే ఇష్టమే కానీ అది ప్రేమ కాదు. గతంలో నాకు బ్రేకప్‌ అయ్యింది అని చెప్పాను. తరువాత నుంచి తను నన్ను ఇంకా బాగా చూసుకోవడం మొదలుపెట్టాడు. బాధ అనిపించినప్పుడల్లా తనతో చెప్పుకొని బాధపడేదాన్ని. చాలా సపోర్టివ్‌గా ఉండేవాడు. రోజు మాట్లాడుకుంటూనే ఉండే వాళ్లం. తను మళ్లీ ప్రేమ విషయం అడిగాడు. మాట్లాడటం అంటే ఇష్టం కానీ ప్రేమించలేను అని చెప్పాను. తను అప్పటి నుంచి నాతో మాట్లాడటం తగ్గించాడు. ఎందుకు మాట్లాడటం లేదు అని అడిగితే నీతో మాట్లాడుతూ ఉంటే నీ మీద ఇష్టం పెరిగిపోతుంది. నీకు దూరంగా ఉండలేకపోతున్నా అందుకే కావాలనే దూరంగా ఉంటున్నాను అని చెప్పాడు. నేను కూడా అదే మంచిది కదా అని దూరంగా ఉన్నాను. తరువాత తనకి వేరే ఊర్లో ఉద్యోగం వచ్చి వెళ్లిపోయాడు. అప్పటి నుంచి నాకు అసలు కాల్‌ కానీ మెసేజ్‌ కానీ  చేయడం లేదు. తను నాతో మాట్లాడకుండా ఉంటే తట్టుకోలేకపోతున్నాను. తను నాకు దూరంమవుతున్నాడు అంటే గుండె పిండేస్తున్నట్లుగా ఉంది. నాకు తను కావాలి అనిపిస్తోంది. ఇప్పుడు నేనేం చేయాలో అర్థం కావడం లేదు. ఫోన్‌ చేసి మాట్లాడితే అసలుఏం అంటాడో అర్థం కావడం లేదు.  ఇట్లు శ్రీదేవి (హైదరాబాద్‌)  

డియర్‌ ‘సాక్షి’ నేను నా ఫ్రెండ్స్‌ స్టోరీని చెప్పాలనుకుంటున్నాను.నా స్కూల్‌ డేస్‌లో నాకు ఇద్దరు స్నేహితులు ఉండేవారు. వారిద్దరు నాకు చాలా క్లోజ్‌. ముగ్గురం కలసి ఒకే చోట తినేవాళ్లం, చదువుకునే వాళ్లం. నా ఫ్రెండ్స్‌ ఇద్దరు వరుసకు బావ మరదళ్లు అవుతారు. మేం డిగ్రీ వరకు కలిసే చదువుకున్నాం. డిగ్రీ అయ్యాక నా స్నేహతురాలికి పెళ్లి చేయలానుకున్నారు. అప్పుడు వాళ్లిద్దరు దూరంమవుతున్నమన్న బాధలో వారిద్దరు ఒకరిని విడిచి ఒకరు ఉండలేరని అర్థం చేసుకున్నారు. ఆ విషయం ఇంట్లో చెప్పారు. ఇంట్లో వాళ్లు కూడా వెంటనే ఒప్పుకన్నారు. నా స్నేహితుడికి చదువు అయిపోయిన వెంటనే జాబ్‌ వచ్చింది. వెంటనే పెళ్లి చేసుకున్నారు. వాళ్ల జీవితం చాలా చక్కగా సాగిపోతున్న సమయంలో నా ఫ్రెండ్‌ బిజినెస్‌ స్టాట్‌ చేశాడు.  అది మూడు సంవత్సరాలు బాగానే కలిసొచ్చింది. కానీ తరువాత చాలా నష్టాలు వచ్చాయి. ఆ టైంలో నా స్నేహితురాలు తనకు చాలా సపోర్టు ఇచ్చింది. తను లేకపోతే సూసైడ్‌ చేసుకునే వాడేమో. తరువాత బిజినెస్‌ వదిలేసి జాబ్‌లో జాయిన్‌ అయ్యాడు. వాళ్లకు ఇద్దరు మగపిల్లలు పుట్టారు. అంతా చక్కగా సాగిపోతున్న సమయంలో ఆ దేవుడికి కన్ను కుట్టిందేమో నా స్నేహితురాలికి క్యాన్సర్‌ అని తెలిసింది. ఆ విషయం తనకు చెప్పకుండా నా ఫ్రెండ్‌ ట్రీట్‌మెంట్ ఇప్పించేవాడు. కానీ రెండు సంవత్సరాల తరువాత తను దేవుడి దగ్గరకు వెళ్లిపోయింది. తను ఆ బాధను పంటిబిగువన భరిస్తూ ఇద్దరి పిల్లల్ని చూసుకుంటూ అలానే ఉంటున్నాడు. నేను ‘సాక్షి’ ద్వారా తనకు చెప్పాలనుకుంది ఒక్కటే మీ లైఫ్‌ మళ్లీ కొత్తగా మొదలు పెట్టండి. మీరు జీవితంలో ఇంకా ఉన్నతస్థాయికి చేరుకోవాలి. దానికి మీకు ఒక తోడు కావాలి. మీ ముఖం మీద మీ హృదయం నుంచి వచ్చే చిరునవ్వు ఉండాలి. ఇట్లు  మీ చిన్ననాటి స్నేహితురాలు మీనాక్షి.  

నేను ఇంటర్‌మీడియట్‌లో ఉన్నప్పుడు మా పెద్దబాపు కొడుకు దుబాయ్‌ నుంచి వచ్చాడు. తన వాళ్ల ఫ్రెండ్స్‌ అందరి కోసం గిఫ్ట్‌లు తీసుకువచ్చాడు. అవి వాళ్లకు ఇవ్వడానికి నేను కూడా తనతోపాటు వెళ్లాను. అక్కడే నేను మొదటిసారి ఆమెను చూశాను. తనని చూడగానే తను నాకు బాగా నచ్చింది. మాట్లాదాం అనుకున్నాను కానీ కుదరలేదు. మేం ఇంటికి తిరిగి వచ్చేశాం. తరువాత మళ్లీ వాళ్ల బంధువుల పెళ్లి అయితే వెళ్లాం. నేను తనని చూస్తూ ఉండిపోయాను. తనతో ఒక్కసారి మాట్లాడాను. తరువాత మా పెద్దబాపు కొడుకును అడిగి ఆమె ఫోన్‌ నంబర్‌ తీసుకున్నాను. తనకి మెసేజ్‌ చేశాను. చాలా రోజుల వరకు రిప్లై రాలేదు. తరువాత ఎవరు మెసేజ్‌ చేసింది అని రిప్లై వచ్చింది. నేను చెప్పగానే నన్ను గుర్తుపట్టింది. నేను ఇంకా రోజు మెసేజ్‌ చేసేవాడ్ని బాగానే  మాట్లాడేది. తనకి నా ప్రేమ విషయం ఎదురుగా వెళ్లి చెబుదాం అనుకున్నాను. కానీ ధైర్యం చాలలేదు. ఫోన్‌లోనే నా ప్రేమ విషయం చెప్పాను. తను రిప్లై ఇవ్వలేదు. కానీ తరువాత రోజు నుంచి నాతో మాములుగానే చాట్‌ చేసేది. నాకు ఎందుకో తనని ఇబ్బంది పెడుతున్నాను అనిపించింది. నేను దుబాయ్‌ వెళ్లిపోవాలని నిర్ణయించుకున్నాను.  అయితే నేను దుబాయ్‌ వెళ్లే రెండు రోజుల ముందు తను నాకు ఐ లవ్‌ అని చెప్పింది. దుబాయ్‌ హ్యాపీగా వెళ్లిరా అని చెప్పింది. రెండు సంవత్సరాలు దుబాయ్‌ లోనే ఉన్నాను. నేను ఒకసారి తన ఫోటో అడిగాను. తను ఎందుకు అని అడిగింది. నిన్ను చూడాలనిపిస్తోంది అని చెప్పాను. తను పంపింది. అది ఒక్కటే ప్రస్తుతం నాకు మిగిలింది. కొన్ని రోజులకు వాళ్ల ఇంటిలో తనకు సంబంధాలు చూస్తున్నారు అని ఇంట్లో వచ్చి మాట్లాడమని చెప్పింది. నేను మాట్లాడితే బాగోదు అని మా ఇంట్లో ఒప్పించి వాళ్ల ఇంటికి పంపిచాను. వాళ్ల ఇంట్లో ఒప్పుకోలేదు. తను అప్పటి నుంచి నాతో మాట్లాడటం మానేసింది. తనకు వేరే వాళ్లతో పెళ్లి అయిపోయింది. నాకు అసలు అర్థం కానీ విషయం ఏంటంటే అమ్మాయిలు అంత తేలికగా ఎలా మారిపోతారు. ప్రేమించిన వ్యక్తిని మర్చిపోతారు.అసలు తను నన్న ఎలా మర్చిపోయిందో అర్థం కావడం లేదు. నేను మాత్రం తనని మర్చిపోలేకపోతున్నాను. కొన్ని కొన్ని సార్లు అయితే చచ్చిపోవాలనిపిస్తోంది. తనతో మాట్లాడిన ప్రతి మాట నాకొక మధుర జ్ఞాపకమే. తను ఎక్కడ ఉన్న ఆనందంగా ఉండాలని కోరుకుంటున్నాను.  ఇట్లు, నాని(హైదరాబాద్‌). 

తన పేరు బుజ్జి నా జూనియర్. హ్యాపిడేస్‌ సినిమాలో లాగా తనని మొదటిసారి చూడగానే ప్రేమించా. వెంటనే తనకి చెప్పా. మా ఇంట్లో ఇలాంటివి ఒప్పుకోరు. నాకు పెళ్లి సంబంధాలు చూస్తున్నారు అని చెప్పింది. కానీ నేను మాత్రం తనని వదులుకోలేకపోయా. నా చదువు పూర్తవగానే జాబ్‌లో జాయిన్‌ అయ్యాను. అలా ఒక సంవత్సరం గడిచిపోయింది. ఒకరోజు తన నుంచి కాల్‌ వచ్చింది. ఓ ప్రాజెక్ట్‌లో హెల్ప్‌ కావాలి అని. అలా తను నాకు మళ్లీ దగ్గరైంది. అప్పుడే తన మనసులో మాటని నాతో పంచుకుంది. నువ్వంటే నాకిష్టమే. కానీ మంచి జాబ్‌లో స్థిరపడితే మా ఇంట్లో వాళ్లని ఒప్పిస్తా అంది. అప్పటికి నా జీతం 16 వేలు మాత్రమే. సో ఇంకా మంచి జాబ్‌ కోసం కోచింగ్‌ సెంటర్‌లో జాయిన్‌ అయ్యాను. ఉద్యోగం సంపాదించి వాళ్లింటికి వెళ్లి మా ప్రేమ గురించి చెప్పి ఒప్పించాలనుకున్నా. అందుకే బాగా కష్టపడేవాడ్ని. ఈ గ్యాప్‌లో తనతో పెద్దగా ఫోన్‌లో మాట్లాడుకునే టైం దొరికేది కాదు. దీంతో మా ఇద్దరి మధ్యా గొడవలు వచ్చేవి.  ఎంత గొడవపడినా మళ్లీ తనే కాల్‌చేసి మాట్లాడేది. కానీ ఓరోజు మా మధ్య చాలా పెద్ద గొడవ జరిగింది. నా ఓప్కి నశించి తనమీద గట్టిగా అరిచేశా. అంతే ..నీమీద ఉన్న నమ్మకం అంతా పోయింది నువ్వు నాకొద్దు. నీ ప్రేమా వద్దు అని చెప్పి వెళ్లిపోయింది. అరిచింది నా బుజ్జిపైనే కదా ఎప్పటిలానే తనే మళ్లీ కాల్‌ చేస్తుంది అనుకున్నా. కానీ నా మాటలు తనని ఎంత గాయపరిచాయో అప్పుడు అర్థమైంది. కాల్‌ చేసేది కాదు. నేను ఫోన్‌ చేసినా మాట్లాడేది కాదు. కొన్నిరోజులకి నాకు పెళ్లి అని తన నుంచి కాల్‌ వచ్చింది. ముందుగా నేను నమ్మలేదు. ఏదో కోపంగా అంటుంది అనుకున్నా .తర్వాత వాళ్ల ఫ్రెండ్స్‌ చెప్పాకా ఒక్కసారిగా నా గుండె ఆగిపోయినంత పనైంది. తనకి పెళ్లి అని తెలిసినప్పటినుంచి కన్నీళ్లతో నిద్రలేని రాత్రులు గడుపుతున్నా. చివరిగా తను నాతో అన్న ఒకే ఒక్కమాట..నన్ను ప్రశాంతంగా బతకనివ్వు అని. ఇప్పడు జాబ్‌ చేయడం మానేశా. కోచింగ్‌ కూడా వదిలేశా. వచ్చే నెలలో తన పెళ్లి. తను ఎక్కుడున్నా ఎవరితో ఉన్నా సంతోషంగా ఉండాలి.  --హరీష్‌ రాజు, నెల్లూరు  

తన పేరు శిల్పా. నేను 6 వ తరగతిలో ఉన్నప్పుడు మొదటిసారి ఆమెను చూశాను. ఆమె చాలా అందంగా ఉండేది. ఆమె అందమైన ముఖం నాకు ఇప్పటికీ గుర్తుకు వస్తోంది. తనని ప్రతి రోజు ఇంటికి వెళ్లేటప్పుడు ఆమెకు తెలియకుండా  ఫాలో అయ్యేవాడ్ని. నాకు పేవర్‌గా ఉండే ఒక సార్‌ నన్ను క్లాస్‌ లీడర్‌గా చేశారు. తనని కూడా చేశారు. నాకు ప్రతి రోజు తనని చూడటమే సరిపోయేది. కానీ ఎప్పుడు నా ఫీలింగ్స్‌ చెప్పలేదు. వాళ్ల ఇంటి చుట్టూ తిరుగుతున్నని మా నాన్న నన్ను వేరు స్కూల్‌లో చేర్చించారు. తను మాత్రం గవర్నమెంట్‌ స్కూల్‌లో ఉండిపోయింది. నేను ప్రతి రోజు స్కూల్‌ నుంచి రాగానే తనని చూసే వరకు నిద్రపోయే వాడ్ని కాదు. తను ట్యూషన్‌లో చేరిందని తెలిసి నేను కూడా అదే ట్యూషన్‌లో చేరాను. కానీ తను ఎప్పుడు నన్ను పట్టించుకోలేదు.    మా 9వ తరగతిలో తను కూడా ఏదో ప్రైవేట్‌ స్కూల్‌లో చేరింది. నేను రోజు వాళ్ల హాస్టల్‌ దగ్గరకు వెళ్లిన తను కనిపించేది కాదు. ప్రతి రోజు బాధపడే వాడ్ని. ఇంటర్‌కు వెళ్లాక తన కాలేజ్‌ చుట్టూ తిరుగుతూ ఉండేవాడ్ని. కానీ నేను తన చుట్టూ తిరుగుతున్న ఒక్కసారి కూడా తనకి ఆ విషయం తెలిసేది కాదు. ఎన్నోసార్లు ప్రయత్నించా నేను నిన్ను ఇష్టపడుతున్నాను అని చెప్పడానికి కానీ ఊర్లో తెలిస్తే గొడవలు అవుతాయని భయంవేసేది. తన ఊరు వచ్చినప్పుడల్లా నేను వాళ్ల ఇంటివైపు ఏదో పని వంకతో వెళ్లి చూసి వచ్చేవాడ్ని. అలాగే ఒక్కసారి అయినా నాతో మాట్లాడుతుందేమో అనే ఆశతో 2002 నుంచి 2017 వరకు తన చుట్టూ తిరిగాను. కానీ నా బ్యాడ్‌ లక్‌ నేను నా ప్రేమ విషయం తనకు చెప్పకుండానే తనకు పెళ్లి అయిపోయింది. కానీ నేను ఇప్పటికీ తనని ఒక దేవతలానే చూస్తాను. నేను చచ్చేలోపు ఒక్కసారి అయినా నేను నీతో మాట్లాడాలి శిల్ప ప్లీజ్‌. నేను అసలు ఎవరో తనకి తెలుసా లేదో అనే విషయాన్ని ఒక్కసారి తనని అడగాలనుంది. ఒకే ఒక్క మాట నేను నీకు తెలుసా అని అడగాలి అని చాలా సార్లు అనిపిస్తుంది. తనని మొదటిసారి చూసిన ఆ క్షణం తన ముఖం ఎప్పుడూ నాకు గుర్తువస్తూనే ఉంటుంది. అది తల్చుకున్నప్పుడల్లా నా ముఖం మీద చిరునవ్వు వస్తుంది. శిల్ప ఈ మెసేజ్‌ నువ్వు చూస్తే ఒక్కసారి నాతో మాట్లాడు. ఇది నువ్వు గుర్తుపట్టాలి అనుకుంటే ఒక హింట్‌ ఇస్తాను నీకు అరవ తరగతిలో ఉన్నప్పుడు ప్రతిమ, గీత అనే ఫ్రెండ్స్‌ ఉన్నారు. ప్లీజ్‌ శిల్ప నువ్వు గుర్తుపడితే ఒక్కసారి నాతో మాట్లాడు.  ఇట్లు కుమార్ ‌(పేరు మార్చాం) ఒంగోలు. 

మేషం: అనుకున్న వ్యక్తులకు ప్రేమసందేశాన్ని అందించేందుకు శుక్ర, శనివారాలు అత్యంత సానుకూలమైనవి. ఈరోజుల్లో చేసే ప్రతిపాదనలకు అవతలి వారి నుంచి అనుకూల స్పందనలు రావచ్చు. ఈ సమయంలో మీరు రెడ్, ఎల్లో రంగు దుస్తులు ధరించండి. అలాగే, ఇంటి నుంచి తూర్పు ఈశాన్యదిశగా బయలుదేరండి శుభదాయకంగా ఉంటుంది. ఇక, బుధ, గురువారాలు వీటికి దూరంగా ఉండండి. వృషభం: మీరు కోరుకున్న వ్యక్తులకు మనస్సులోని భావాలను వెల్లడించేందుకు ఆది, సోమవారాలు అనుకూలం. ఈ సమయంలో అవతలి వారి నుంచి కూడా ఊహించిన సమాచారం రావచ్చు. అలాగే, ఇటువంటి సమయంలో పింక్, ఆరెంజ్‌ రంగు దుస్తులు ధరించండి. ఇక, ఇంటి నుంచి దక్షిణదిశగా బయలుదేరండి. అయితే, శుక్ర, బుధవారాలు విరామం ఇవ్వండి. మిథునం: మీ మనస్సులోని అభిప్రాయాలను ఇష్టులకు తెలియజేసేందుకు శని, గురువారాలు అత్యంత అనుకూలమైనవి. ఈరోజుల్లో అవతలి వారి నుంచి అనుకూల సందేశాలు సైతం అందుకోవచ్చు. ప్రతిపాదనలు చేసే రోజుల్లో మీరు వైట్, ఎల్లో రంగు దుస్తులు ధరిస్తే మేలు. ఇక ఇంటి నుంచి తూర్పుఈశాన్య దిశగా బయలుదేరండి. అయితే, మంగళ, బుధవారాలు వీటికి దూరంగా ఉండండి. కర్కాటకం: మీరు అత్యంత ఇష్టపడే వారికి మీ ప్రతిపాదనలు అందించేందుకు శని, గురువారాలు చాలా అనుకూలమైనవి. ఈరోజులలో మీరు చేసే ప్రతిపాదనలకు అవతలి వారి నుంచి సానుకూలత వ్యక్తం కావచ్చు. ఈ సమయంలో మీరు వైట్, ఎల్లో రంగు దుస్తులు  ధరిస్తే మంచిది. ఇక ఇంటి నుంచి ఉత్తరదిశగా బయలుదేరండి శుభాలు కలుగుతాయి. అయితే, సోమ, మంగళవారాలు మీ ప్రయత్నాలు విరమించడం మంచిది. సింహం: మీరు అత్యంత ఇష్టపడే వారికి ప్రేమసందేశాలు, ప్రతిపాదనలు అందించేందుకు ఆది, బుధవారాలు చాలా అనుకూలమైనవి. ఈరోజుల్లో మీ ప్రతిపాదనలు ఆమోధం పొందే అవకాశాలున్నాయి. అలాగే, ఇటువంటి సమయంలో మీరు రెడ్, బ్లూ రంగు దుస్తులు ధరిస్తే మంచిది. ఇంటి నుంచి పశ్చిమదిశ బయలుదేరండి శుభదాయకంగా ఉంటుంది. అయితే, శుక్ర, శనివారాలు దూరంగా ఉండండి. కన్య: మీ మనస్సులోని భావాలను ఇష్టులకు అందించేందుకు బుధ, గురువారాలు అత్యంత అనుకూలమైనవి. ఈరోజుల్లో మీ ప్రయత్నాలకు అవతలి వారి నుంచి సానుకూలత వ్యక్తమయ్యే అవకాశాలున్నాయి. ఇటువంటి సమయంలో మీరు ఆరెంజ్, రెడ్‌ రంగు దుస్తులు ధరిస్తే మంచిది. ఇంటి నుంచి తూర్పుదిశగా బయలుదేరండి. ఇక, శని, ఆదివారాలు మీ ప్రయత్నాలకు దూరంగా ఉండండి. తుల: మీరు అత్యంత ఇష్టపడే వ్యక్తులకు ప్రేమసందేశాలను శుక్ర, శనివారాలు అందించండి. అవతలి వారి నుంచి సైతం శుభసందేశాలు అందుతాయి. ఇటువంటి రోజుల్లో మీరు బ్లూ, వైట్‌ రంగు దుస్తులు ధరిస్తే మంచిది. ఇక ఇంటి నుంచి పశ్చిమవాయువ్య దిశగా బయలుదేరండి శుభదాయకంగా ఉంటుంది. అయితే, సోమ, బుధవారాలు వీటికి దూరంగా ఉండడం మంచిది. వృశ్చికం: మీ మనస్సులోని అభిప్రాయాలను ఇష్టమైన వ్యక్తులకు తెలియజేసేందుకు శని, ఆదివారాలు అనుకూలమైనవిగా చెప్పవచ్చు. ఈరోజుల్లో చేసే ప్రతిపాదనలకు అవతలి వారి నుంచి విశేష స్పందనలు రావచ్చు. ఇటువంటి సమయంలో మీరు ఆరెంజ్, గ్రీన్‌ రంగు దుస్తులు ధరిస్తే శుభప్రదంగా ఉంటుంది. అలాగే, ఇంటి నుంచి తూర్పుదిశగా బయలుదేరండి. ఇక, బుధ, గురువారాలు మీ ప్రయత్నాలకు విరామం ప్రకటించడం మంచిది. ధనుస్సు:  మీరు ఇష్టపడే వారికి మనస్సులోని భావాలను వెల్లడించేందుకు శుక్ర, శనివారాలు చాలా మంచివని చెప్పాలి. ఈరోజుల్లో మీ ప్రతిపాదనలకు అవతలి వారు సానుకూలంగా స్పందించే వీలుంది. ఇటువంటి సమయంలో మీరు పింక్, ఎల్లో రంగు దుస్తులు ధరిస్తే మంచిది. అలాగే, ఇంటి నుంచి ఉత్తర ఈశాన్యదిశగా బయలుదేరండి. అయితే,ఆది, మంగళవారాలు మీ ప్రయత్నాలకు దూరంగా ఉండండి. మకరం: మీ ప్రేమసందేశాలు, ప్రతిపాదనలు ఇష్టులకు అందించేందుకు బుధ, గురువారాలు అత్యంత అనుకూలమైనవిగా చెప్పవచ్చు. ఈరోజుల్లో అవతలి వారు కూడా మీ సందేశాలకు స్పందించే వీలుంటుంది. ఈసమయంలో మీరు రెడ్, గ్రీన్‌ రంగు దుస్తులు «ధరిస్తే మంచిది. అలాగే, ఇంటి నుంచి దక్షిణ ఆగ్నేయదిశగా బయలుదేరండి. ఇక, శని, ఆదివారాలు మీ ప్రయత్నాలు విరమించడం మంచిది. కుంభం: మీ అత్యంత ఇష్టపడే వారికి మనస్సులోని ఉద్దేశాలను ప్రతిపాదనల రూపంలో అందించేందుకు శుక్ర, శనివారాలు అత్యంత అనుకూలమైనవి. ఈరోజుల్లో మీ ప్రతిపాదనలపై అవతలి వారు సైతం అనుకూలంగా స్పందించే వీలుంటుంది. ఈ సమయంలో మీరు బ్లూ, బిస్కెట్‌ రంగు దుస్తులు ధరిస్తే మంచిది. అలాగే, ఇంటి నుంచి పశ్చిమ వాయువ్య దిశగా బయలుదేరండి శుభదాయకంగా ఉంటుంది. ఇక, ఆది, బుధవారాలు ఇటువంటి వాటికి దూరంగా ఉండండి. మీనం: మీ మనస్సులోని అభిప్రాయాలను ఇష్టపడే వారికి ప్రేమసందేశాలు అందించేందుకు ఆది, సోమవారాలు అత్యంత అనుకూలమైనవిగా చెప్పవచ్చు. ఈరోజుల్లో మీ ప్రతిపాదనలకు అవతలి వారు సానుకూలంగా స్పందించే వీలుంటుంది. ఈ సమయంలో మీరు వైట్, ఎల్లో రంగు దుస్తులు ధరిస్తే మంచిది. అలాగే, ఇంటి నుంచి దక్షిణ ఆగ్నేయదిశగా బయలుదేరండి. ఇక, శుక్ర, బుధవారాలు వీటికి దూరంగా ఉండండి మంచిది.  

ప్రేమజాతకం.. 21.02.20 నుంచి 29.02.20 వరకు –––––––––––––––––––––––––––––––– మేషం : మీకు ఇష్టులైన వారికి సందేశాలు అందించేందుకు శుక్ర, శనివారాలు అత్యంత అనుకూలమైన రోజులు. ఈ రోజుల్లో చేసే ప్రతిపాదనలకు అవతలి వైపు నుంచి కూడా సానుకూలత వ్యక్తమవుతుంది. ఇక ఈ సమయంలో మీరు ఎల్లో, ఆరెంజ్‌ రంగు దుస్తులు ధరిస్తే మంచిది. ఇంటి నుంచి తూర్పుముఖంగా బయలుదేరండి శుభాలు జరుగుతాయి. అయితే, సోమ, మంగళవారాలు వీటికి దూరంగా ఉండండి. వృషభం : మీరు ఇష్టపడే వ్యక్తులకు మనస్సులోని భావాలను వెల్లడించేందుకు సోమ, బుధవారాలు అత్యంత అనుకూలం. ఈ సమయంలో చేసే ప్రతిపాదనలకు అవతలి వైపు నుంచి అనుకూల స్పందనలు రావచ్చు. అలాగే, ఈ సమయంలో మీరు రెడ్, వైట్‌ రంగు దుస్తులు ధరిస్తే మంచిది. ఇక ఇంటి నుంచి పశ్చిమవాయువ్య దిశగా బయలుదేరండి. అయితే, శని, మంగళవారాలు మీ ప్రయత్నాలు విరమించడం మంచిది. మిథునం: మీరు అత్యంత అభిమానించే వారికి మీ అభిప్రాయాలను తెలిపేందుకు బుధ, గురువారాలు అనుకూలమని చెప్పాలి. ఈ రోజుల్లో మీ ప్రతిపాదనలపై అవతలివారి నుంచి అనుకూల సందేశాలు రావచ్చు. ఈ సమయంలో మీరు గ్రీన్, బ్రౌన్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుఈశాన్య దిశగా బయలుదేరండి. ఇక, శుక్ర,ఆదివారాలు వీటికి దూరంగా ఉండండి. కర్కాటకం: మీ మనస్సులోని అభిప్రాయాలను ఇష్టులకు తెలియజేసేందుకు శుక్ర, శనివారాలు అత్యంత సానుకూలమైనవిగా చెప్పవచ్చు. ఈరోజుల్లో మీ ప్రతిపాదనలపై అనుకూలత వ్యక్తం కావచ్చు. అలాగే, ఈ సమయంలో మీరు ఎల్లో, ఆరెంజ్‌ రంగు దుస్తులు ధరిస్తే మంచిది. ఇంటి నుంచి దక్షిణ ఆగ్నేయ దిశగా బయలుదేరండి. ఇక ఆది, మంగళవారాలు వీటికి దూరంగా ఉండండి. సింహం: మీరు అత్యంత అభిమానించే వారికి మీ ప్రేమసందేశాలు అందించేందుకు శని, ఆదివారాలు అత్యంత సానుకూలమని చెప్పాలి. ఈరోజుల్లో మీకు అవతలి వైపు నుంచి అనుకూల సందేశాలు రావచ్చు. అలాగే, ఈ సమయంలో మీరు వైట్, పింక్‌ రంగు దుస్తులు ధరిస్తే మంచిది. ఇంటి నుంచి పశ్చిమదిశగా బయలుదేరండి శుభదాయకంగా ఉంటుంది. ఇక, బుధ, గురువారాలు ప్రయత్నాలకు విరామం ఇవ్వండి. కన్య : మీ ప్రేమసందేశాలు, పెళ్లి ప్రతిపాదనలు ఇష్టులకు అందించేందుకు సోమ, బుధవారాలు అనుకూలమైనవి. ఈ రోజులలో మీరు పంపే ప్రతిపాదనలపై అనుకూల సందేశాలు రావచ్చు. అలాగే, ఈ సమయంలో మీరు వైట్, రెడ్‌ రంగు దుస్తులు ధరిస్తే మంచిది. ఇంటి నుంచి తూర్పుదిశగా బయలుదేరండి శుభాలు కలుగుతాయి. అయితే, శుక్ర, శనివారాలు వీటికి దూరంగా ఉండండి. తుల: మీ మనస్సులో దాగిన ప్రేమసందేశాలను అత్యంత ఇష్టపడే వారికి అందించేందుకు బుధ, గురువారాలు విశిష్ఠమైనవిగా చెప్పవచ్చు. ఈరోజుల్లో మీరు చేసే ప్రతిపాదనలపై అవతలివారు సానుకూలంగా స్పందించే వీలుంది. ఈ సమయంలో మీరు ఎల్లో, ఆరెంజ్‌ రంగు దుస్తులు ధరిస్తే మంచిది. అలాగే ఇంటి నుంచి ఉత్తర ఈశాన్య దిశగా బయలుదేరండి. ఇక, శని, ఆదివారాలు మీ ప్రయత్నాలు విరమించండి. వృశ్చికం: మీరు ఆరాధించే వ్యక్తులకు మీ మనస్సులోని అభిప్రాయాలను వెల్లడించేందుకు శని, ఆదివారాలు అత్యంత అనుకూలం. ఈ రోజుల్లో అవతలి వారు కూడా సానుకూలంగా స్పందించే వీలుంది. ఈ సమయంలో మీరు వైట్, పింక్‌ రంగు దుస్తులు ధరిస్తే మేలు. ఇంటి నుంచి పశ్చిమవాయువ్య దిశగా బయలుదేరండి. ఇక, మంగళ, బుధవారాలు వీటికి దూరంగా ఉండడం మంచిది. ధనుస్సు: మీ అభిప్రాయాలను, ప్రతిపాదనలు ఇష్టులకు తెలియజేసేందుకు ఆది, సోమవారాలు అత్యంత అనుకూలమైనవిగా చెప్పవచ్చు. ఈరోజుల్లో అవతలి వారు కూడా సానుకూలంగా స్పందించే వీలుంటుంది. ప్రతిపాదనలు అందించే సమయంలో మీరు ఎల్లో, వైట్‌ రంగు దుస్తులు ధరిస్తే మంచిది. ఇక ఇంటి నుంచి దక్షిణదిశగా బయలుదేరండి. అయితే, శుక్ర, బుధవారాలు ఇటువంటి ప్రతిపాదనలకు దూరంగా ఉండండి. మకరం: మీ మనస్సులోని భావాలను మీరు అత్యంత ఇష్టపడే వ్యక్తులకు తెలియజేసేందుకు ఆది, బుధవారాలు అత్యంత అనుకూలమైనవి. ఈరోజుల్లో అవతలి వారు కూడా సానుకూలంగా స్పందించే  అవకాశం ఉంది. ఇటువంటి సమయంలో గ్రీన్, బ్రౌన్‌ రంగు దుస్తులు ధరిస్తే మంచిది. అలాగే, ఇంటి నుంచి ఉత్తరదిశగా బయలుదేరండి. ఇక, శని, మంగళవారాలు ఇటువంటి వాటికి దూరంగా ఉండండి.  కుంభం: మీరు ఆరాధించే వ్యక్తులకు మీ ఆభిప్రాయాలను తెలియజేసేందుకు సోమ,మంగళవారాలు అత్యంత అనుకూలమైనవిగా చెప్పవచ్చు. ఈ సమయంలో అవతలి వారు కూడా అనుకూలత వ్యక్తం చేసే వీలుంటుంది. ఈ రోజుల్లో మీరు వైట్, ఆరెంజ్‌ రంగు దుస్తులు ధరిస్తే ఉపయుక్తంగా ఉంటుంది. అలాగే, ఇంటి నుంచి తూర్పుదిశగా బయలుదేరండి. అయితే, శని, బుధవారాలు వీటికి దూరంగా ఉండండి. మీనం: మీ మనోగతాన్ని ఇష్టపడే వారికి తెలియజేసేందుకు శుక్ర, బుధవారాలు అత్యంత అనుకూలమైనవిగా భావించాలి. ఈ సమయంలో మీ సందేశాలకు అవతలి వైపు నుంచి అనుకూల సందేశాలు రావచ్చు. ఇటువంటి సమయంలో పింక్, ఎల్లో రంగు దుస్తులు ధరిస్తే మంచిది. అలాగే, దక్షిణదిశగా బయలుదేరండి. ఇక, ఆది, సోమవారాలు మీ ప్రయత్నాలకు దూరంగా ఉండడం మంచిది.  

నేను తొమ్మిదవ తరగతి చదువుతున్న రోజుల్లో మా ఇంటి పక్క ఇంట్లో ఓ అమ్మాయి ఉండేది. తను ఏడవ తరగతి చదువుతుండేది. ఒకే ఊరు కనుక కలిసి ఆడుకుంటూ ఎప్పుడూ సరదాగా ఉండేవాళ్లం. నేను మా ఇంట్లో అమ్మకు సహాయం చేసే వాడిని, తను నాకు సహాయం చేసేది. అలా మా మధ్య ఇష్టం చాలా పెరిగింది. తనెప్పుడూ నా కోసమే ఆలోచించేది. తనంటే ఇష్టంగా ఉండేవాడిని కానీ, ప్రేమ అని అనుకోలేదు. తను నా మీద పెంచుకుంటున్న ఇష్టం అందరూ గమనించారు! నేను తప్ప. ఆమె మా పేర్లు ఫ్లేమ్స్‌ వేసుకుని, ఆ పేపరు బ్యాగులో ఉంచుకుంది. నాకు సంబంధించిన కొన్ని వస్తువులు జాగ్రత్తగా దాచుకునేది. అవన్నీ గమనించిన వాళ్ల ఇంట్లో వాళ్లు తనని నా నుండి దూరం పెట్టారు. అప్పుడు అర్థమైంది నాకు, తనని నేను ఇష్టపడతున్నానని. ఇక అప్పటినుంచి తనకు దూరంగా ఉండటం నరకంలా ఉండేది. ఎక్కడికి వెళ్లినా నా పక్కనే కూర్చునేది. ఊర్లో అందరూ మేము భార్యాభర్తలం అనుకునేలా ఉండేది. కొద్ది రోజులకి తనని నాతో పూర్తిగా మాట్లాడకుండా చేశారు. వాళ్ల పిన్ని ఆ అమ్మాయిని కొట్టి నాకు దూరం చేసింది.  అలా రెండేళ్లు మేము దూరంగా ఉన్నాం. తర్వాత మళ్లీ మాట్లాడింది. కానీ, ఇక మీదట మేము అందరిలో కలిసి ఉండకూడదు అని నిశ్చయించుకున్నాం. ఎవరికీ తెలియకుండానే మాట్లాడుకునేవాళ్లం. అందుకు వాళ్ల చెల్లెలు కూడా మాకు హెల్ప్‌ చేసింది. మెసేజెస్‌, కాల్స్‌ చేసుకునేవాళ్లం. మాకు ఆస్తిలేని కారణంగా తనని దూరం చేశారు. వాళ్ల మామయ్యకు ఇచ్చి పెళ్లి చేయటానికి ఖాయం చేశారు. తను అప్పటినుంచి ఏడుస్తూ ఉండేది. ఇష్టం లేదని చెప్పినా ఇంట్లో వాళ్లు ఒప్పుకోలేదు. నా వయసు 19 తనను తీసుకుని వెళ్లలేను. అలా అని ఆపలేను. చచ్చిపోవాలనుకున్నా. తను కూడా అలానే అనుకుంది. ఆస్తి, వయసు కారణంగా నా ప్రేమ నాకు దూరం అయింది. ఒకసారి అడిగా నేనంటే అంత ఇష్టమా అని తను లాగిపెట్టి కొట్టింది. ‘నేను నీకు పిచ్చిదానిలా కనిపిస్తున్నానా? ఎందుకు అలా అడిగావు. ఇంకెప్పుడూ అలా అడగకు. నువ్వంటే నాకు చాలా ఇష్టం! ఇలా అడుగుతావని నేనెప్పుడూ అనుకోలేదు. నా ప్రాణం ఉన్నంత వరకు నిన్ను మర్చిపోను. నా ప్రాణం పోయేటప్పుడు నిన్ను తలుచుకుని చచ్చిపోతాను. ఎప్పటికీ నీ కోసమే ఆలోచిస్తూ బ్రతుకుతాను’ అంది. ఒక్కసారిగా నన్ను పట్టుకుని ఏడ్చింది. నాకు ఏం మాట్లాడాలో కూడా అర్థం కాలేదు. ఒక అమ్మాయిని పట్టుకోవటం అదే మొదటిసారి. నా లైఫ్‌లో ఆరోజుని ఎప్పటికీ మర్చిపోలేను. నేను అడిగా ‘మరి నాతో వచ్చేయొచ్చు కదా’ అని. తను రాను అంది. ఏం అంటే ‘మా ఇంట్లో వాళ్లకి నేనంటే చాలా ఇష్టం. నా మూలంగా వాళ్లు అవమానపడకూడదు.’ అంది. ‘మరి నన్ను ఎందుకు ఇష్టపడ్డావు’ అన్నాను. ‘ నా లైఫ్‌ అంతే! ఈ జన్మకు ఇలా అవ్వాలని రాశాడేమో దేవుడు’ అంది. చాలా బాధగా అనిపించింది. అప్పుడు తనో కోరిక కోరింది. ‘నన్ను పెళ్లి చేసుకుంటావా’ అని. ‘అదేంటీ?’ అన్నా. ‘ఎవరికీ తెలియకపోయినా నువ్వు నా వాడివి అనే ఫీలింగ్‌ నాకు చాలు. నువ్వు నన్ను చేసుకో’ అంది. తన బర్త్‌డే రోజు బొట్టు పెట్టించుకుంది. ‘నా బర్త్‌ డే అని కాకుండా నువ్వు బొట్టు పెట్టిన రోజుగా గుర్తుంచుకుంటా’ అని ఏడ్చింది. ‘ఇలానే ఉండిపోవాలని ఉంది. ఇంకో జన్మంటూ ఉంటే నీతో ఉండాలని ఆ దేవుడ్ని కోరుకుంటున్నా’ అని అక్కడినుంచి వెళ్లిపోయింది. ప్రేమంటే ఎదుటి వ్యక్తి కళ్లల్లోనే తెలుస్తుంది. తన కళ్లు ఎప్పుడూ నన్ను ప్రేమిస్తున్నాయని నాకు చెబుతాయి. తన కళ్లు చూస్తే ఆ కళ్లు నా కోసం బాధపడుతున్నాయని నాకు అర్థం అవుతుంది. ఇంకో లైఫ్‌ ఉంటే నువ్వు నాతో లైఫ్‌ లాంగ్‌ ఉండాలని కోరుకుంటున్నా. నువ్వు ప్రేమించే నీ ప్రేమని, ఐ మిస్‌ యూ బంగారం!  - స్వామి లేదా worldoflove@sakshi.comకు మెయిల్‌ చేయండి

అతడి పేరు సుభాష్‌! మా ఇంటి పక్కనే వాళ్ల ఇళ్లు. మా రెండు కుటుంబాల మధ్య మంచి రిలేషన్‌ ఉంది. ఒక రకంగా చెప్పాలంటే దూరపు బంధుత్వం కూడా. తను నాకు బావ వరుస అవుతాడు. చాలా స్నేహంగా ఉండేవాళ్లం చిన్నప్పటినుంచి. ఇంటర్‌ ఫైనల్‌ ఇయర్‌లో ఉన్నపుడు నాకు ప్రపోజ్‌ చేశాడు. నేనప్పుడు ఓకే చెప్పలేదు. డిగ్రీ ఇద్దరం ఒకే కాలేజ్‌లో చేరాము. నెలకోసారైనా నాకు ఐ లవ్‌ యూ చెప్పేవాడు. తెలిసిన వ్యక్తి, మంచి వాడు, పైగా రెండు కుటుంబాల మధ్య మంచి రిలేషన్‌ ఉంది! కాబట్టి, పెళ్లికి ఒప్పుకుంటారని నేను డిగ్రీ ఫస్ట్‌ ఇయర్‌ సెకండ్‌ సెమ్‌లో ఓకే చెప్పాను. నాతో చాలా ప్రేమగా ఉండేవాడు. ఓ వ్యక్తినాపై ఇంతలా ప్రేమ చూపించడం నాకు బాగా నచ్చేది. చూస్తుండగానే మా ప్రేమలో ఏడేళ్లు ఇట్టే గడిచిపోయాయి. ఈ ఏడేళ్లలో ఎన్నో మార్పులు. నాకు, అతడికి మధ్య ఎన్నో కలవని పాయింట్లు ఉన్నాయి. రోజురోజుకు అతడిపై ప్రేమ తగ్గుతూ వచ్చింది. ఇక మీదట అతడితో కలిసి ఉండటం కుదరదనిపించింది. ఇదే విషయం అతడికి చాలాసార్లు చెప్పి చూశాను. ‘ నేను నీతో కలిసి ఉండలేను’ అని. దానికి అతడు చాలా సీరియస్‌ అయ్యేవాడు, బాగా తిట్టేవాడు. కొన్ని రోజుల తర్వాత క్షమాపణలు చెప్పి, ‘ నువ్వు కుదరదంటే నేను చచ్చిపోతాను’ అనేవాడు. అయినా పట్టువదలకుండా అతడికి నచ్చజెప్పటానికి ప్రయత్నించేదాన్ని. ‘మనిద్దరి దార్లు వేరు.. ఎప్పటికీ కలవవు’ అని. పట్టించుకునేవాడు కాడు. మేమిద్దరమూ పెళ్లి చేసుకోవాలనుకున్న విషయం మా ఇంట్లో వాళ్లకు కూడా తెలుసు. నేను మా ఇంట్లో ఈ విషయం చెప్పటానికి ప్రయత్నించినపుడు వాళ్లు కూడా నా మాట వినలేదు. అతడితో బ్రేకప్‌ చెప్పి, మా రిలేషన్‌కు ఓ ఎండ్‌కార్డ్‌ వేద్దామని చేస్తున్న ప్రయత్నం ఎప్పటికి ఫలిస్తుందో.   - శీ విధ్య, సూర్యాపేట లేదా worldoflove@sakshi.comకు మెయిల్‌ చేయండి

మనం ఎవరితోనైనా ప్రేమలో పడగానే వారితో రిలేషన్‌షిప్‌లోకి అడుగుపెట్టాలని కోరుకోవటం పరిపాటి. ముఖ్యంగా ఎదుటి వ్యక్తిపై నమ్మకం, వారు పాటించే విలువులు, ఇద్దరి మధ్యా సామీప్యతలు బంధంలోకి అడుగుపెట్టడానికి కారణాలుగా కనిపిస్తాయి. అయితే చాలామంది ఒంటరిగా ఉండటానికి ఇష్టంలేక..భయపడి ప్రేమబంధంలోకి అడుగుపెడతారు. అలాంటి వారు తమ భాగస్వామి ఇతరుల పట్ల ఏమాత్రం శ్రద్ధ చూపించినా తట్టుకోలేరు. స్వార్థపూరితమైన బంధం ఎక్కువకాలం నిలవలేదన్న విషయాన్ని గుర్తించలేరు. ఓ వ్యక్తి ఒంటరిగా ఉండటానికి ఇష్టంలేక.. భయపడి ప్రేమబంధంలోకి అడుగుపెట్టారని చెప్పే కొన్ని లక్షణాలు..  1)కామన్‌ థింగ్స్‌ !  ఇష్టపడే ఆహారం​, నచ్చే హీరో, ప్రదేశాలు.. హాబీస్‌ ఇలా ఏ విషయంలోనైనా ఓ జంట మధ్య చాలా పోలికలు ఉన్నట్లయితే కుటుంబమో.. స్నేహితులో.. మీ మధ్య చాలా విషయాల్లో పోలికలు ఉన్నాయంటూ పొగడటం మామూలే. అయితే ఎవరైనా మీ జంటలోని మీ ఇద్దరి మధ్య కామన్‌ థింగ్స్‌ ఏంటంటూ మిమ్మల్ని అడిగారనుకో.. అవేంటో చెప్పటానికి మీరు బుర్ర బద్ధలు కొట్టుకుంటుంటే మటుకు మీరు ఒంటరిగా ఉండలేక బంధంలోకి అడుగుపెట్టారనడానికి సూచన. 2) అభద్రతా భావం ఓపెన్‌గా చెప్పటానికి మీరు ఇబ్బంది పడొచ్చుకానీ, మీ పార్ట్‌నర్‌ ఎవరితోనైనా చనువుగా ఉంటే మాత్రం మీరు తట్టుకోలేరు. మాటలో​ వర్ణించలేని ఈర్ష్యతో రగిలిపోతారు. ఎదుటి వ్యక్తి మిమ్మల్ని ఎక్కడ మోసం చేస్తారోనన్న భయంతో అల్లాడిపోతారు. ఇది మీరు ఒంటరిగా ఉండటానికి భయపడుతున్నారనడానికి సూచన 3) ఎదుటి వ్యక్తి సంతోషం కోసం..  ఎదుటి వ్యక్తిని సంతోషపెట్టడానికి మీకు సంబంధించిన కొన్ని విషయాల గురించి అబద్ధాలు చెబుతున్నారా? అవునంటే! మీలోని కొన్ని లక్షణాలు ఎదుటి వ్యక్తికి నచ్చవన్న భావన మీకు ఉన్నట్లు గుర్తించాలి. వాటి వల్ల మీ బంధానికి ఇబ్బంది కలుగుతుందేమోనన్న భయం మీకు కచ్చితంగా ఉండిఉంటుంది. ఇలా అయితే గనుక మీ బంధం గురించి ఓసారి ఆలోచించుకోవాల్సిన అవసరం ఉంది. 4) భాగస్వామి పక్కనలేకపోతే..  మీ పార్ట్‌నర్‌ మీకు దూరంగా ఉన్నప్పుడు ఒంటరిగా ఫీల్‌ అవుతున్నారా?.. ‘నన్ను విడిచి దూరంగా వెళ్లొద్దు’ అంటూ ఆమె/అతడితో గొడవపడుతున్నారా? అయితే మీరు ఒంటరిగా ఉండలేక ప్రేమ బంధంలోకి అడుగుపెట్టారని కచ్చితంగా చెప్పొచ్చు. ముఖ్యంగా మీ భాగస్వామి మీ ఫోన్‌ కాల్స్‌కు రిప్లై ఇవ్వకుండా, మీ స్నేహితులతో చనువుగా ఉన్నపుడు ఏదో కోల్పోయిన వారిలా ఒంటరిగా ఫీల్‌ అవుతుంటే ఆలోచించాల్సిన విషయమే.. ఇలాంటి ప్రవర్తన మీ బంధాన్ని ఇరకాటంలో పడేస్తుందని గుర్తించండి. 5) భాగస్వామితో బంధం ఓ పెద్ద అచీవ్‌మెంట్‌!  మీ భాగస్వామితో బంధంలోకి అడుగుపెట్టడమే ఓ పెద్ద అచీవ్‌మెంట్‌లా ఫీలవతున్నారా? ఇతరుల ఎదుట మీరు ఒంటరివారు కాదని నిరూపించుకోవటానికి పరితపిస్తున్నారా? మీ భాగస్వామి మిమ్మల్ని విడిచిపెట్టివెళ్లకుండా ఏ విధంగా ఇబ్బందిపెట్టినా పర్లేదనుకుంటున్నారా? అయితే మీరు ఒంటరిగా ఉండటానికి భయపడేవారని గుర్తించండి. లేదా worldoflove@sakshi.comకు మెయిల్‌ చేయండి

కాలేజీకి వెళ్లి చదువు కోవడం..  ఇంట్లో పని చేయడం తప్ప ఏమీ తెలియని నా జీవితంలోకి అనుకోకుండా ఓ అమ్మాయి వచ్చింది. ఎప్పుడూ గొడవ పడే మేము ఫ్రెండ్స్‌గా మారడానికి ఎక్కువ  సమయం పట్టలేదు. నేను ఏ అమ్మాయి గురించి మాట్లాడినా గొడవ పడేది. అప్పుడే అర్థం అయింది.. తను నన్ను ప్రేమిస్తోందని. తన పుట్టినరోజుకు ముందు రోజు నాకు ప్రపోజ్‌ చేసింది. అప్పుడు నాకు పెద్దగా ఏమీ అనిపించలేదు కానీ, హాలిడేస్‌కు తను ఇంటికి వెళుతుంటే నాకు ఏడుపొచ్చింది. ఆ రోజు అర్థమైంది! తనని నేను ప్రేమిస్తున్నానని.  ‘నేను ఎక్కడికీ వెళ్లను బుజ్జి! మళ్లీ వస్తాగా’ అని తను వెళ్లిపోతుంటే చాలా బాధ. ఆ రోజు నుండి ఈ రోజు వరకు తను వచ్చి వెళ్లిన ప్రతీసారి బాధ పడుతూనే ఉన్నా. ఎందుకంటే ఎంత సేపు చూసినా తను నన్ను వదిలి వెళ్లే చివరి నిమిషం చాలా బాధిస్తోంది.  అందరి లవ్ స్టోరీలో లాగే మా లవ్‌లో కూడా గొడవలు వచ్చాయి. కానీ, అపుడు మేము విడిపోలేదు. అడ్జస్ట్‌ అవుతూనే వచ్చాము. కానీ మా ప్రేమ పెళ్లి వరకు తీసుకు వెళ్లాలంటే మనీ, క్యాస్ట్ ప్రాబ్లమ్స్‌గా మారాయి. క్యాస్ట్ మార్చలేం కదా అందుకే మనీ అయినా ఉండాలనుకున్నాం.  మాది  ఒక పూర్ ఫ్యామిలీ! ఎంత పూర్ అంటే తనతో ఒక నైట్ ఫోన్ కాల్ మాట్లాడాలంటే వన్ డే హోటల్ సర్వర్‌గా పనిచేసే వాడిని. తనకి ఒక రింగ్ కొనాలని రెండు నెలలు బార్లో సర్వర్‌గా పని చేశా. తను రిచ్ గాళ్‌! ఎలా అయినా మా ఫ్యామిలీ, నేనూ డెవలప్ అవ్వాలనుకున్నాం. మా డాడీని ఒప్పించి చిన్న బిజినెస్ స్టార్ట్ చేశాం. ఎలాగో డెవలప్ అయ్యాం. ఇక నేను మంచి జాబ్ చేయాలనుకున్నపుడు! ‘సాఫ్ట్‌వేర్‌ జాబ్ ట్రై చెయ్’ అని చెప్పింది. ఎందుకంటే కొద్ది టైంలో ఎక్కువ శాలరీ రావాలంటే సాఫ్ట్‌వేర్‌ ఫీల్డ్ కరెక్ట్ అనుకున్నాం. తనని సీఏ చేయమని చెప్పా. నాకా ఒక ముక్క ఇంగ్లీష్ రాదు! సాఫ్ట్‌వేర్‌ ఫీల్డ్ ఎలా? అనుకున్నా అప్పుడే వాళ్ల అక్కకి పెళ్లి చూపులు స్టార్ట్ అయ్యాయి. తరువాత తనకి, సో! త్వరగా కోర్స్ చేసి మంచి జాబ్ తెచ్చుకోవాలి. ఆరు నెలల్లో చేయాల్సిన కోర్స్  ఒక నెలలో చేసి జాబ్ ట్రైల్స్‌కు ఫిబ్రవరి 14న వెళ్లా. నాకు తన దగ్గరకి వెళ్లాలని ఉండేది. తనకేమో నేను జాబ్ కోసం వెళ్లాలని ఉండేది.  జాబ్‌కోసం సెర్చ్ చేస్తున్న టైంలో తనకి ఎగ్జామ్స్. నేను ఇంటర్వ్యూకి సెలెక్ట్ అయ్యా! ఎంతో కష్టపడి ఇంటర్వ్యూ ఫైనల్ రౌండ్‌కు వెళ్లా. మా ఇద్దరి మధ్యా చిన్న గొడవ వల్ల సరిగా ఏకాగ్రత ఉంచలేక ఫైనల్ రౌండ్లో జాబ్ మిస్ అయింది.  చదవకుండా టైం వేస్ట్ చేస్తోందని తనని తిట్టా. కానీ, మామూలే మళ్లీ చదవకుండా ఉండే సరికి కోపంలో బాగా తిట్టి, ‘నెల రోజులు వెయిట్ చెయ్‌ అమ్ము! గొడవ పడటానికి కరెక్ట్ టైం కాద’ని చెప్పా. వన్ మంత్ మాట్లాడలేదు. నాకు జాబ్ వచ్చేసింది! ఫుల్ హ్యాపీతో తనకి చెప్పా. అంతే ఏమైందో తెలీదు. ఆ వన్ మంత్ తను చాలా బాధ పడి నాపై ద్వేషం పెంచుకుంది. ‘నేను నీ సెకండ్ ఆప్షన్! నేను ఉంటే జాబ్ తెచ్చుకోలేవా’ అని వెళ్లి పోయింది. తనే తిరిగి వస్తుందిలే అనుకున్నా. కానీ  రాలేదు . తను వస్తుందని 4 సంవత్సరాలుగా వెయిట్ చేస్తూనే ఉన్నా. ‘తప్పకుండా వస్తావ్ కదా అమ్ము .. నీకోసం ఎదురు చూస్తూనే వుంటా . మిస్‌ యూ అమ్ము.. లవ్  యు బంగారం ...లవ్ యూ ఫరెవర్ బంగారం.. - బుజ్జి లేదా worldoflove@sakshi.comకు మెయిల్‌ చేయండి

తొండంగి కొమ్మనాపల్లి గ్రామానికి చెందిన నులక తాటి సతీష్‌, కృష్ణా జిల్లా వీర్లుపాడు మండలం జయంతి గ్రామానికి చెందిన పడిగెల అఖిల మధ్య మూడేళ్ల క్రితం ప్రేమ చిగురించింది. చిట్టచివరకు కోర్టు కేసులు,జైలు తదితర పరిణామాలను అధిగమించి చట్టప్రకారం ఒక్కటైంది ఆ జంట.  సతీష్‌ది కొమ్మనాపల్లిలో కూలీ పని చేసుకుని జీవించే చిన్న కుటుంబం. ఆశించిన స్థాయిలో పని లేకపోవడంతో ఆర్థిక సమస్యలతో నాలుగేళ్ల క్రితం హైదరాబాద్‌ వలస వెళ్లారు. చిక్కడ్‌పల్లి ప్రాంతంలో అపార్ట్‌మెంట్‌ వాచ్‌మన్‌గా అతడి తండ్రి దాసు పనిచేయటంతో కుటుంబం అంతా అక్కడే నివాసం ఉంది. ఇంటర్‌ వరకూ చదువుకున్న సతీష్‌ మాదాపూర్‌లోని సాఫ్ట్‌వేర్‌ కంపెనీలో ఆఫీస్‌బాయ్‌గా చేరాడు. అదే అపార్ట్‌మెంట్‌లో కృష్ణాజిల్లా వీర్లుపాడు మండటం జయంతి గ్రామానికి చెందిన పి.అయ్యప్ప వాచ్‌మన్‌గా పనిచేస్తున్నాడు. దీంతో అతడి కుటుంబం కూడా అక్కడే నివాసం ఉంటోంది. ఆఫీస్‌ బాయ్‌గా ఉన్న సతీష్‌ వస్తూపోతూ ఉండడంతో అయ్యప్ప కుమార్తె అఖిలకు, అతడికి మధ్య స్నేహం ఏర్పడింది. 2017నాటికి అది కాస్తా ప్రేమగా మారింది. అదే ఏడాది జనవరి 20న వారిద్దరూ ప్రేమ బాసలు చేసుకున్నారు. కాలక్రమంలో వారి వ్యవహారం పెద్దలకు తెలిసింది. కులాలు వేరు కావటంతో అఖిల తండ్రి ఆమెను స్వగ్రామం జయంతికి పంపించారు. సుమారు ఆరునెలల అనంతరం ఫోన్ల ద్వారా మాట్లాడుకున్నారు. ఆగస్టులో వారిద్దరూ ఎవరికీ చెప్పకుండా చెన్నై వెళ్లారు. దీంతో అఖిల తల్లిదండ్రులు స్వగ్రామం పరిధి పోలీస్‌ స్టేషన్‌లో సతీష్‌పై మైనర్‌ అయిన తన కుమార్తెను కిడ్నాప్‌ చేశాడని ఫిర్యాదు చేశాడు. దీంతో పోలీసులు ఫోక్సో చట్టం కింద కేసు నమోదు చేశారు. ఈ నేపథ్యంలో సతీష్‌ తల్లిదండ్రులుకు సతీష్‌, అఖిల చెన్నైలో ఉన్నారని తెలియడంతో ఫోన్లో వారికి నచ్చచెప్పారు. దీంతో సతీష్‌, అఖిల ఇద్దరూ తొండంగి మండలంలోని స్వగ్రామం కొమ్మనాపల్లికి వచ్చారు. సతీస్‌ తల్లిదండ్రులు వీరిద్దరినీ ఒంటిమామిడి పోలీస్‌స్టేషన్‌కు తీసుకెళ్లారు. అప్పటికే అఖిల తండ్రి సతీష్‌పై ఫిర్యాదు చేసిన నేపథ్యంలో అయ్యప్పను కూడా రప్పించారు. మైనర్‌ కావటంతో పోలీసులు అఖిలను అయ్యప్పతో పంపించారు. కేసుకు సంబంధించి వీర్లుపాడు పోలీస్‌స్టేసన్‌నుంచి ఒంటిమామిడి పోలీస్‌ స్టేషన్‌కు అప్పగించారు. అప్పటికే సతీష్‌పై కేసు నమోదు చేయడంతో ఫోక్సో చట్టం కింద అరెస్టు చేశారు. కోర్టు ఉత్తర్వుల మేరకు నందిగామ సబ్‌జైలులో సతీష్‌ సుమారు 63రోజులు ఉన్నాడు. అనంతరం బెయిల్‌పై బయటకు వచ్చి కోర్టు వాయిదాలకు తిరుగుతున్నాడు. కాలం గడుస్తోంది. సతీష్‌ మళ్లీ హైదరాబాద్‌లో ఉద్యోగంలో చేరాడు.అఖిల నందిగామలో టైలరింగ్‌ నేర్చుకుంటోంది. ఈ నేపథ్యంలో ఫేస్‌బుక్‌ ద్వారా సతీష్‌ నెంబర్‌ సేకరించిన అఖిల ఫోన్‌ చేసి తన ప్రేమను కొనసాగించింది. ఈ ఏడాదితో మైనార్టీ తీరి జనవరి నాటికి మేజర్‌ కావడంతో సతీష్‌ను పెళ్లిచేసుకునేందుకు నందిగామ నుంచి అన్నవరం చేరుకుంది. అన్నవరంలో హిందూ సాంప్రదాయం ప్రకారం పెద్దల సమక్షంలో ఇద్దరూ ఒక్కటయ్యారు. 2017లో తన ప్రియురాలు తనకు ప్రపోజ్‌ చేసిన రోజైన జనవరి 20నే వివాహం చేసుకున్నట్లు సతీష్‌ తెలిపాడు.   లేదా worldoflove@sakshi.comకు మెయిల్‌ చేయండి