చిన్న మొత్తాల్లో లావాదేవాలకు ఉద్దేశించిన యూపీఐ లైట్‌ (UPI Lite) సేవల్లో 'ట్రాన్స్‌ఫర్ అవుట్' అనే కొత్త ఫీచర్‌ను నేషనల్ పేమెంట్స్ కార్పొరేషన్ ఆఫ్ ఇండియా (NPCI) తీసుకువచ్చింది. ఇందుకోసం మార్చి 31 నాటికి అవసరమైన మార్పులను అమలు చేయాలని అన్ని ఇష్యూయర్ బ్యాంకులు, పీఎస్‌పీ (పేమెంట్‌ సర్వీస్‌ ప్రొవైడర్‌) బ్యాంకులు, యూపీఐ యాప్‌లను ఎన్‌పీసీఐ ఆదేశించింది.'ట్రాన్స్ ఫర్ అవుట్' అంటే..దాదాపు అన్ని యూపీఐ యాప్‌లలోనూ యూపీఐ లైట్‌ అనే ఆప్షన్‌ ఉంటుంది. చిన్న మొత్తాలకు పిన్ ఎంటర్‌ చేయాల్సిన అవసరం లేకుండా వేగంగా చెల్లింపులు చేసేందుకు దీన్ని రూపొందించారు. దీని ద్వారా చెల్లింపులు జరపాలంటే ఇందుకోసం ప్రత్యేకంగా బ్యాలెన్స్‌ ఉంచుకోవాల్సి ఉంటుంది. ఈ బ్యాలెన్స్‌ నుంచి చెల్లింపులకు నగదు వెళ్తుంది. ఈ మొత్తాన్ని తిరిగి బ్యాంక్‌ అకౌంట్‌కు జమ చేసుకునే అవకాశం ఉంది. అయితే ఇది యూపీఐ లైట్‌ ఆప్షన్‌ ఆన్‌లో ఉంటేనే సాధ్యమయ్యేది.తాజాగా తీసుకొచ్చిన 'ట్రాన్స్ ఫర్ అవుట్' ఫీచర్‌తో యూపీఐ లైట్‌ను డిసేబుల్ చేయకుండానే తమ యూపీఐ లైట్ బ్యాలెన్స్ నుంచి డబ్బును తిరిగి ఒరిజినల్ బ్యాంక్ ఖాతాకు బదిలీ చేసుకోవచ్చు. ఈ ఫంక్షనాలిటీ వినియోగదారులకు తమ నిధులపై మెరుగైన నియంత్రణను అందిస్తుంది. అదే సమయంలో ఇబ్బంది లేని చిన్న చెల్లింపులనూ అనుమతిస్తుంది.నూతన మార్గదర్శకాలు» యూపీఐ లైట్ అందించే బ్యాంకులు లైట్ రిఫరెన్స్ నంబర్ (ఎల్ఆర్ఎన్) స్థాయిలో బ్యాలెన్స్‌లను ట్రాక్ చేస్తూ వాటిని ప్రతిరోజూ ఎన్‌పీసీఐ డేటాతో సరిపోల్చాలి.» యాక్టివ్ యూపీఐ లైట్ ఉన్న యూపీఐ యాప్‌లలో లాగిన్ చేసేటప్పుడు పాస్ కోడ్, బయోమెట్రిక్ వెరిఫికేషన్‌ లేదా ప్యాట్రన్‌ ఆధారిత లాక్ ద్వారా ప్రామాణీకరించాల్సి ఉంటుంది.» యూపీఐ లైట్‌ అందించే అన్ని ఇష్యూయర్ బ్యాంకులు, పీఎస్‌పీ బ్యాంకులు, యూపీఐ యాప్‌లు మార్చి 31 లోగా అవసరమైన మార్పులు చేయాల్సి ఉంటుంది.» ఈ మార్పులు మినహా ప్రస్తుతం ఉన్న అన్ని యూపీఐ లైట్ మార్గదర్శకాలు అలాగే ఉంటాయి. వాటిలో ఎటువంటి మార్పు ఉండదు.పెరిగిన యూపీఐ లైట్ పరిమితియూపీఐ లైట్ వ్యాలెట్ పరిమితిని రూ.2,000 నుంచి రూ.5,000కు పెంచారు. అలాగే, ప్రతి లావాదేవీ పరిమితిని గతంలో ఉన్న రూ.100 నుంచి రూ.500కు పెంచారు. యూపీఐ 123పేకు ప్రతి లావాదేవీ పరిమితిని కూడా సవరించారు, ఇది గతంలో ఉన్న రూ .5,000 ఉండగా ప్రస్తుతం రూ .10,000 వరకు చెల్లింపులను అనుమతిస్తుంది.

ప్రముఖ డిజిటల్‌ పేమెంట్స్‌ సంస్థ ఫోన్‌పే (PhonePe) కొత్త ఫీచర్‌ను తీసుకొచ్చింది. క్రెడిట్, డెబిట్ కార్డుల కోసం డివైజ్‌ టోకనైజేషన్ సొల్యూషన్‌ను ప్రారంభించింది. వినియోగదారులు ఇప్పుడు ఫోన్‌పే యాప్‌లో తమ కార్డులను టోకనైజ్ చేసుకుని బిల్లు చెల్లింపులు, రీఛార్జ్‌లు, ప్రయాణ బుకింగ్‌లు, బీమా కొనుగోళ్లతోపాటు పిన్‌కోడ్, ఫోన్‌పే పేమెంట్‌ గేట్‌వేను ఉపయోగించి చేసే చెల్లింపులు వంటి వివిధ సేవలలో ఉపయోగించవచ్చు.ఈ కొత్త ఫీచర్‌తో వినియోగదారులు మెరుగైన భద్రత, సౌలభ్యం నుండి ప్రయోజనం పొందుతారు. ఇకపై మర్చంట్‌ ప్లాట్‌ఫామ్‌లలో కార్డ్ వివరాలను సేవ్ చేయాల్సిన అవసరం లేదు లేదా ప్రతి లావాదేవీకి సీవీవీని నమోదు చేయాల్సిన అవసరం లేదని ఫోన్‌పే తెలిపింది. టోకెనైజ్డ్ కార్డులు కార్డ్ వివరాలను ఫోన్‌లకు సురక్షితంగా లింక్ చేయడం ద్వారా మోసాల ప్రమాదాలను తగ్గిస్తాయి. ఇది ఆన్‌లైన్ చెల్లింపులపై వినియోగదారుల విశ్వాసాన్ని పెంచుతుంది. ప్రారంభంలో వినియోగదారులు వీసా క్రెడిట్, డెబిట్ కార్డులను టోకెనైజ్ చేయవచ్చు.ఈ ఫీచర్‌ నుండి వ్యాపారులు కూడా ప్రయోజనం పొందుతారు. టోకెనైజ్డ్ కార్డులు వేగవంతమైన లావాదేవీలను, అధిక మార్పిడి రేట్లను అనుమతిస్తాయి. ఎక్కువ మంది వినియోగదారులు ఈ పద్ధతిని అవలంబించడంతో, వ్యాపారాలు మెరుగైన కస్టమర్ నిలుపుదల, సున్నితమైన చెక్అవుట్ అనుభవాన్ని పొందుతాయి. ఫోన్‌పే పేమెంట్‌ గేట్‌వే ఉపయోగించే వ్యాపారులకు ఈ సర్వీస్‌ అందుబాటులో ఉంటుంది. ఈ ఫీచర్‌ డిజిటల్ చెల్లింపు భద్రత, సౌలభ్యాన్ని పెంచుతుందని ఫోన్‌పే సహ వ్యవస్థాపకుడు, సీటీవో రాహుల్ చారి అన్నారు. ఈ సర్వీస్‌ను మరిన్ని కార్డ్ నెట్‌వర్క్‌లతో అనుసంధానించాలని, ఫోన్‌పే పేమెంట్‌ గేట్‌వే వ్యాపారులందరికీ విస్తరించాలని యోచిస్తున్నట్లు చెప్పారు.

వినియోగదారుల అవసరాలను దృష్టిలో ఉంచుకుని దిగ్గజ మెసేజింగ్ యాప్ 'వాట్సాప్' (Whatsapp) ఎప్పటికప్పుడు అప్డేట్స్ లేదా కొత్త ఫీచర్స్ ప్రవేశపెడుతూనే ఉంది. ఇందులో భాగంగానే మరికొన్ని కొత్త ఫీచర్స్ అందించడానికి సిద్ధమైంది. ఈ ఫీచర్స్ అందుబాటులోకి వస్తే.. వాట్సాప్ నుంచే కరెంట్ బిల్, టెలిఫోన్ బిల్ వంటివన్నీ కట్టేయొచ్చని తెలుస్తోంది.భారతదేశంలో ఆర్ధిక సేవలను ప్రారంభించడానికి మెటా యోచిస్తోంది. ఇందులో భాగంగానే సంస్థ వాట్సాప్ యాప్‌లోనే కరెంట్ బిల్, మొబైల్ ప్రీపెయిడ్ రీఛార్జ్‌లు, LPG గ్యాస్ చెల్లింపులు, నీటి బిల్లులు, ల్యాండ్‌లైన్ పోస్ట్‌పెయిడ్ బిల్లులు, అద్దె చెల్లింపులు చేయడానికి వీలుగా తగిన ఫీచర్స్ ప్రవేశపెట్టనుంది. ఈ ఫీచర్ ప్రస్తుతం బీటా దశలో ఉన్నట్లు సమాచారం. కాబట్టి కొంతమంది యూజర్లు మాత్రమే ఈ ఫీచర్ ఇప్పుడు ఉపయోగిస్తున్నారు. త్వరలో అందరికీ అందుబాటులోకి వస్తుందని తెలుస్తోంది.వాట్సాప్‌లో ఈ కొత్త ఫీచర్స్ అందరికీ ఎప్పుడు అందుబాటులోకి వస్తుందనే విషయాన్ని మెటా అధికారికంగా వెల్లడించలేదు. అయితే ఈ ఫీచర్ అందుబాటులోకి వచ్చిన తరువాత బిల్స్ చెల్లించడానికి ఇతర యాప్స్ మీద ఆధారపడటాన్ని తగ్గిస్తుంది. కాబట్టి మీ స్మార్ట్‌ఫోన్‌లో స్టోరేజ్ సమస్యకు కూడా చెక్ పెట్టవచ్చు.స్మార్ట్‌ఫోన్‌ ఉపయోగించే చాలామంది.. ఇన్​స్టెంట్​ మెసేజింగ్ కోసం వాట్సాప్ ఉపయోగిస్తున్నారు. అయితే వీరందరూ పేమెంట్స్ లేదా బిల్లింగ్స్ కోసం ఇతర యాప్స్ మీద ఆధారపడుతున్నారు. అయితే వాట్సాప్‌లో బిల్స్ చెల్లించడానికి కావలసిన ఫీచర్స్ అందుబాటులోకి వచ్చిన తరువాత.. ప్రత్యేకించి బిల్స్ పే చేయడానికి ఉపయోగించే యాప్స్ అనవసరం అవుతాయి. కొత్త ఫీచర్స్ వినియోగదారులకు చాలా ఉపయోగకరంగా కూడా ఉంటాయి. ప్రస్తుతం ఈ ఫీచర్ అభివృద్ధి దశలోనే ఉంది. వినియోగంలోకి రావడానికి ఇంకా కొంత సమయం పట్టే అవకాశం ఉంటుందని సమాచారం.

దేశ వ్యాప్తంగా ఉన్న సుమారు 5 కోట్ల మంది చిరు వ్యాపారుల కోసం రిలయన్స్‌ జియో (Reliance jio) కీలక నిర్ణయం తీసుకుంది. జియో భారత్‌ ఫోన్లలో (Jio Bharat Phone) ‘జియో సౌండ్‌ పే’ (Jio Sound Pay) అనే కొత్త ఫీచర్‌ను తీసుకొచ్చింది. ఈ మేరకు ఓ ప్రకటన విడుదల చేసింది. ఈ ఫీచర్‌తో జియో భారత్‌ వినియోగదారులు ప్రతి యూపీఐ పేమెంట్‌కి తాము ఎంపిక చేసుకున్న భాషలో కన్ఫర్మేషన్‌ మెసేజ్‌ ఉచితంగా వినొచ్చు. దీని కోసం ప్రత్యేకంగా ఎలాంటి ఛార్జీలు చెల్లించాల్సిన అవసరం లేదు.టెక్నాలజీని మరింత అందిపుచ్చుకుంటూ ప్రతి భారతీయుడి సాధికారతే ధ్యేయంగా ఈ నిర్ణయం తీసుకున్నట్లు జియో ఇన్ఫోకామ్‌ లిమిటెట్‌ ప్రెసిడెంట్‌ సునీల్‌ దత్‌ పేర్కొన్నారు. ప్రస్తుతం కిరాణా షాప్‌లు, టీ దుకాణాలు, టిఫిన్‌ సెంటర్లు తదితర చిన్న తరహా వ్యాపారాలు చేస్తున్న వారంతా పేమెంట్‌ కన్ఫర్మేషన్‌ కోసం సౌండ్‌ బాక్సులు ఏర్పాటు చేసుకుంటున్నారు. దీని కోసం ప్రతి నెలా రూ.125 చెల్లిస్తున్నారు. తాజాగా తీసుకొచ్చిన ‘జియో సౌండ్‌ పే’ ఫీచర్‌తో ఎలాంటి సౌండ్‌ బాక్సులు అవసరం లేకుండానే ఫోన్‌లోనే కన్ఫర్మేషన్‌ మెసేజ్‌ వినొచ్చు. దీనివల్ల వ్యాపారులకు ఏడాదికి రూ.1500 వరకు ఆదా అవుతుందని జియో ప్రకటనలో వెల్లడించింది.భారతదేశ 75వ గణతంత్ర దినోత్సవాన్ని పురస్కరించుకుని జియోసౌండ్‌పేలో "వందేమాతరం" ఆధునిక సంస్కరణలను కూడా ప్రారంభించింది. ఈ ఆత్మీయ నివాళి సమకాలీన సంగీత అంశాలతో క్లాసిక్ మెలోడీలను మిళితం చేస్తుంది. వినియోగదారులు తమ దినచర్యకు దేశభక్తిని జోడించి మైజియో యాప్ లేదా జియో సావన్‌ ద్వారా ఈ రెండిషన్‌లను వారి జియోట్యూన్‌లుగా సెట్ చేసుకోవచ్చు.

ఆహార వృధాను పూర్తిగా అరికట్టడానికి ఫుడ్ డెలివరీ కంపెనీ జొమాటో పూనుకుంది. ఆర్డర్ క్యాన్సిల్‌ కారణంగా ఉత్పన్నమయ్యే ఆహార వృధా సమస్య పరిష్కారానికి ఫుడ్ రెస్క్యూ అనే కొత్త ఫీచర్‌ను ప్రవేశపెట్టినట్లు జొమాటో కోఫౌండర్, చీఫ్ ఎగ్జిక్యూటివ్ దీపిందర్ గోయల్ ప్రకటించారు.కొత్త ఫీచర్ ద్వారా కస్టమర్‌లు ఆర్డర్‌ను క్యాన్సిల్‌ చేసిన తర్వాత నిమిషాల వ్యవధిలో ఆ ఫుడ్‌ను తగ్గింపు ధరతో ఇతర కస్టమర్లు పొందవచ్చు. జొమాటోలో నెలకు సగటున దాదాపు 4 లక్షల ఆర్డర్‌లు క్యాన్సిల్‌ అవుతున్నాయి. ఈ ఫుడ్‌ వృధా అయ్యే అవకాశం ఉంటుంది. ఇదే ఈ కొత్త చొరవను ప్రారంభించేలా ప్రేరేపించింది."జొమాటోలో ఆర్డర్ క్యాన్సిల్‌ను ప్రోత్సహించము. ఎందుకంటే ఇది విపరీతమైన ఆహార వృధాకి దారి తీస్తుంది. కఠినమైన విధానాలు, క్యాన్సిల్‌ కోసం నో-రీఫండ్ పాలసీ ఉన్నప్పటికీ, పలు కారణాలతో కస్టమర్లు 4 లక్షలకు పైగా ఆర్డర్‌లు క్యాన్సిల్‌ చేస్తున్నారు" అని గోయల్ ఎక్స్‌లో (ట్విట్టర్) పోస్ట్‌ చేశారు.కొత్త ఫీచర్‌ ఎలా పనిచేస్తుందంటే..ఒక కస్టమర్‌ ఆర్డర్‌ని క్యాన్సిల్‌ చేసిన తర్వాత, ఆ ఆర్డర్‌ను తీసుకెళ్తున్న డెలివరీ ఎగ్జిక్యూటివ్‌కు 3 కిలోమీటర్ల పరిధిలో ఉన్న కస్టమర్లకు అది యాప్‌లో పాప్ అప్ అవుతుంది. ఆసక్తి ఉన్న కస్టమర్లు ఈ ఫుడ్‌ను తక్కువ ధరకు తీసుకోవచ్చు. కొత్త కస్టమర్ చెల్లించిన మొత్తాన్ని ఆర్డర్‌ క్యాన్సిల్‌ చేసిన కస్టమర్‌కు, రెస్టారెంట్ పార్టనర్‌కు షేర్ చేస్తారు. ఇందులో జొమాటో ఎలాంటి ఆదాయాన్ని తీసుకోదు. అయితే, ఐస్‌క్రీమ్‌లు, షేక్‌లు, స్మూతీస్ వంటి కొన్ని పదార్థాలకు మాత్రం కొత్త ఫీచర్‌ వర్తించదు. ఆహార వృధా సమస్య పరిష్కారానికి చొరవ చూపిన జొమాటోకు, దీపిందర్‌ గోయల్‌కు నెటిజన్ల నుంచి ప్రశంసలు కురిశాయి. ఫుడ్ రెస్క్యూ అనేది గొప్ప చొరవ, వినూత్న ఆలోచన అంటూ పలువురు మెచ్చుకున్నారు.We don't encourage order cancellation at Zomato, because it leads to a tremendous amount of food wastage.Inspite of stringent policies, and and a no-refund policy for cancellations, more than 4 lakh perfectly good orders get canceled on Zomato, for various reasons by customers.… pic.twitter.com/fGFQQNgzGJ— Deepinder Goyal (@deepigoyal) November 10, 2024

న్యూఢిల్లీ: విదేశాల్లో నివసిస్తున్న వారు భారత్‌లో తమ వారి కోసం ఫుడ్‌ ఆర్డర్‌ చేసేందుకు వీలుగా స్విగ్గీ కొత్త ఫీచర్‌ను ఆవిష్కరించింది. ’ఇంటర్నేషనల్‌ లాగిన్‌’ను ప్రవేశపెట్టింది. అమెరికా, కెనడా, జర్మనీ, బ్రిటన్, కెనడా తదితర దేశాల్లో నివసిస్తునవారికి ఇది అందుబాటులో ఉంటుంది. అంతర్జాతీయ యూజర్లు ఇక్కడి వారి కోసం ఫుడ్‌ ఆర్డర్‌ చేసేందుకు, స్విగ్గీలో భాగమైన క్విక్‌ కామర్స్‌ ప్లాట్‌ఫాం ఇన్‌స్టామార్ట్‌లో షాపింగ్‌ చేసేందుకు, డైన్‌అవుట్‌ ద్వారా హోటల్స్‌లో టేబుల్స్‌ను బుక్‌ చేసుకునేందుకు ఈ ఫీచర్‌ ఉపయోగపడుతుంది. ఇంటర్నేషనల్‌ క్రెడిట్‌ కార్డ్‌లు లేదా అందుబాటులో ఉన్న యూపీఐ ఆప్షన్ల ద్వారా చెల్లించవచ్చని స్విగ్గీ సహ వ్యవస్థాపకుడు ఫణి కిషన్‌ తెలిపారు.

స్పామ్, ఫిషింగ్ వంటి చర్యలతో పెరుగుతున్న ముప్పును అరికట్టడానికి ప్రభుత్వ టెలికం సం​స్థ బీఎస్‌ఎన్‌ఎల్‌ (BSNL) చొరవ తీసుకుంది. కస్టమర్లకు మెరుగైన భద్రతకు భరోసానిస్తూ తన మొబైల్ యాప్‌లో కొత్త ఫీచర్‌ను ప్రవేశపెట్టింది. దీని ద్వారా వినియోగదారులు తమకు వచ్చిన మోసపూరిత ఎస్‌ఎంఎస్‌ సందేశాలపై సులభంగా ఫిర్యాదు చేయొచ్చు.ఈ కొత్త భద్రతా ఫీచర్‌తో హానికరమైన సందేశాల నుండి వినియోగదారులను రక్షించడానికి, వారి మొత్తం మొబైల్ అనుభవాన్ని మెరుగుపరచడానికి బీఎస్‌ఎన్‌ఎల్‌ చురుకైన చర్యలు తీసుకుంటోంది. జియో, ఎయిర్‌టెల్‌, వొడాఫోన్‌ ఐడియా వంటి ప్రైవేట్ టెలికాం ఆపరేటర్లు ఇటీవల టారిఫ్ పెంచిన తర్వాత బీఎస్‌ఎన్‌ఎల్‌ సబ్‌స్క్రైబర్‌లలో గణనీయమైన పెరుగుదల వచ్చింది.కొత్తగా వస్తున్న వినియోగదారులతోపాటు ఇప్పటికే ఉన్న కస్టమర్లను నిలుపుకునేందుకు బీఎస్‌ఎన్‌ఎల్‌ అనేక చర్యలు తీసుకుంటోంది. ఇందులో భాగంగా తమ వినియోగదారులు అవాంఛిత సందేశాలను నివేదించడానికి సులభమైన పద్ధతిని ప్రవేశపెట్టింది. పెరుగుతున్న స్పామ్, అన్‌సోలిసిటెడ్ కమర్షియల్ కమ్యూనికేషన్ (UCC) సమస్యను పరిష్కరిస్తోంది.ఇదీ చదవండి: బీఎస్‌ఎన్‌ఎల్‌ కొత్త టెక్నాలజీ.. బీఎస్‌ఎన్‌ఎల్‌ యూసీసీ కంప్లయింట్‌ సర్వీస్‌ ద్వారా వినియోగదారులు బీఎస్‌ఎన్‌ఎల్‌ సెల్ఫ్‌కేర్ యాప్‌లో మోసపూరిత ఎస్‌ఎంఎస్‌ లేదా వాయిస్ కాల్స్‌ను నివేదించవచ్చు. ఈ ఫీచర్‌ బీఎస్‌ఎన్‌ఎల్‌ మాత్రమే ప్రత్యేకంగా అందిస్తోంది. జియో, ఎయిర్‌టెల్‌, వొడాఫోన్‌ ఐడియా వంటి ఇతర ప్రముఖ టెలికాం ఆపరేటర్‌లు ఏవీ ఇలాంటి ఫీచర్‌ను అందించడం లేదు.కంప్లయింట్‌ ఇలా ఫైల్ చేయండి» బీఎస్‌ఎన్‌ఎల్‌ సెల్ఫ్‌కేర్ యాప్‌ను తెరవండి.» హోమ్ పేజీ ఎగువ ఎడమ మూలలో ఉన్న మూడు-లైన్ మెను చిహ్నంపై నొక్కండి.» కిందికి స్క్రోల్ చేసి 'కంప్లయింట్‌ అండ్‌ ప్రిఫరెన్స్‌' ఆప్షన్‌ను ఎంచుకోండి.» తదుపరి పేజీలో కుడి వైపున ఉన్న మూడు-లైన్ మెను చిహ్నంపై నొక్కండి.» అందుబాటులో ఉన్న ఎంపికల నుండి 'కంప్లయింట్స్‌' ఎంచుకోండి.» 'న్యూ కంప్లయింట్‌'పై నొక్కండి.» మీ కంప్లయింట్‌ను ఫైల్ చేయడానికి 'SMS' లేదా 'వాయిస్' ఎంచుకోండి.» అవసరమైన అన్ని వివరాలను నమోదు చేసి మీ కంప్లయింట్‌ను సబ్‌మిట్‌ చేయండి.

గూగుల్‌కు చెందిన మొబైల్‌ పేమెంట్‌ సర్వీస్‌ యాప్‌ గూగుల్‌పే (google Pay) కొత్త ఫీచర్‌ను తీసుకొచ్చింది. యాజర్ల కోసం కొత్త గోల్డ్ లోన్ స్కీమ్‌ను ప్రారంభించింది. ఇందుకోసం గోల్డ్ లోన్‌లలో ప్రత్యేకత కలిగిన నాన్-బ్యాంకింగ్ ఫైనాన్షియల్ కంపెనీ అయిన ముత్తూట్ ఫైనాన్స్‌తో గూగుల్ ఇండియా భాగస్వామ్యాన్ని ప్రకటించింది.దీంతో చిరు వ్యాపారులు, ఇతర కస్టమర్లు, ముఖ్యంగా గ్రామీణ ప్రాంతాలకు చెందినవారు గూగుల్‌పే ద్వారా సులభంగా బంగారు ఆభరణాలపై రుణాలను పొందవచ్చు. గోల్డ్ లోన్‌ల కోసం మరో ఎన్‌బీఎఫ్‌సీ ఆదిత్య బిర్లా ఫైనాన్స్ లిమిటెడ్‌తో కూడా గూగుల్‌పే జట్టు కట్టింది. గూగుల్‌పే అందిస్తున్న ఈ ఫీచర్‌తో వినియోగదారులు క్రెడిట్ రిపోర్ట్ లేదా విస్తృతమైన డాక్యుమెంటేషన్ సమర్పించాల్సిన అవసరం లేకుండానే రూ. 50 లక్షల వరకు లోన్‌ తీసుకోవడానికి ఆన్‌లైన్‌లో దరఖాస్తు చేసుకోవచ్చు.బంగారు ఆభరణాలపై రుణాలు తీసుకుంటున్నవారిలో 80 శాతం కంటే ఎక్కువ మంది టైర్-2 నగరాలు, చిన్న పట్టణాలకు చెందినవారే ఉంటున్నారు. ఇక్రా ప్రకారం.. వ్యవస్థీకృత గోల్డ్ లోన్ మార్కెట్ 2025 ఆర్థిక సంవత్సరంలో రూ. 10 లక్షల కోట్లను అధిగమిస్తుందని, 2027 మార్చి నాటికి రూ. 15 లక్షల కోట్లకు చేరుకోవచ్చని అంచనా.

ప్రముఖ ఇన్‌స్టంట్ మెసేజింగ్ యాప్ 'వాట్సప్'.. వివిధ డిజైన్లతో కొత్త చాట్ థీమ్‌లను పొందనుంది. యూజర్ల కోసం సంస్థ ఎప్పటికప్పుడు ఫీచర్లను అప్డేట్ చేయడంలో భాగంగా వాట్సాప్ ఈ కొత్త ఫీచర్ తీసుకురానుంది. ఈ ఫీచర్ కొంతమంది వాట్సాప్ యూజర్లకు మాత్రమే అందుబాటులో ఉంది.వాటప్స్ పరిచయం చేస్తున్న 'థీమ్ చాట్' అనే ఫీచర్ సాయంతో యూజర్లు చాటింగ్‌కు నచ్చిన థీమ్‌లను ఎంచుకోవచ్చు. థీమ్ మాత్రమే కాకుండా చాట్ పేజీని కూడా నచ్చినట్లు మార్చుకోవచ్చని తెలుస్తోంది. చాట్ బబుల్స్, వాల్‌పేపర్‌ల రంగులు ఎంచుకున్న థీమ్‌ను బట్టి ఆటోమేటిక్‌గా అడ్జస్ట్ అవుతాయి. ఈ ఫీచర్ ప్రస్తుతం టెస్టింగ్ దశలో ఉన్నట్లు సమాచారం. కాబట్టి ఇది కొంతమంది యూజర్లకు మాత్రమే అందుబాటులో ఉంటుంది. ఆ తరువాత అందరికీ అందుబాటులోకి రానున్నట్లు తెలుస్తోంది.

డిజిటల్ ఇండియాలో యూపీఐ పేమెంట్స్ సర్వసాధారణం అయిపోయింది. స్మార్ట్‌ఫోన్‌ వినియోగించే దాదాపు అందరూ గూగుల్ పే, ఫోన్ పే వంటివి ఉపాయ్ప్గిస్తున్నారు. అయితే పేమెంట్స్ చేసేటప్పుడు ఇది కొంత ప్రాసెస్‌తో కూడుకున్న పని. పిన్ ఎంటర్ చేయాలి.. ఆ తరువాత ట్రాన్సక్షన్ జరుగుతుంది.దీనిని మరింత సులభతరం చేయడానికి రిజర్వ్ బ్యాంక్ ఆఫ్ ఇండియా యూపీఐ లైట్ ఫీచర్ తీసుకొచ్చింది. దీనిని చిన్న లావాదేవీలకు మాత్రమే ఉపయోగకోవాలి. ఎందుకంటే ఇందులో రూ. 2000 మాత్రమే యాడ్ చేసుకోవాలి. ఇది పూర్తయిన తరువాత మళ్ళీ యాడ్ చేసుకోవాల్సి ఉండేది. ఇప్పుడు ఈ విధానానికి చరమగీతం పాడే సమయం వచ్చేసింది.యూపీఐ ఆటో టాప్-అప్లావేదేవీల కోసం యూపీఐ లైట్ ఉపయోగిస్తుంటే.. అక్టోబర్ 31 తరువాత ఆటో టాప్ అప్ ఎంపికను ఉపయోగించుకోవచ్చు. అంటే యూపీఐ లైట్‌లో ఆటో టాప్-అప్ ఆప్షన్ ఎంచుకుంటే.. అమౌట్ పూర్తయిన తరువాత మీ ప్రమేయం లేకుండానే ఆటోమేటిక్‌గా అమౌంట్ యాడ్ అవుతుంది. ఇది అక్టోబర్ 31 నుంచి అమలులోకి రానున్నట్లు నేషనల్ పేమెంట్స్ కార్పొరేషన్ ఆఫ్ ఇండియా (NPCI) వెల్లడించింది.నిజానికి యూపీఐ ట్రాన్సక్షన్ చేయాలనంటే పిన్ ఎంటర్ చేయాలి. కానీ యూపీఐ లైట్ ద్వారా రూ. 500 కంటే తక్కువ లావాదేవీలు జరపడానికి పిన్ ఎంటర్ చేయాల్సిన అవసరం లేదు. ఇది యూజర్ల సమయాన్ని ఆదా చేస్తుంది. అయితే ఇక్కడ గమనించాల్సిన విషయం ఏమిటంటే.. యూపీఐ లైట్ ద్వారా జరిగే లావాదేవీలు బ్యాంక్ స్టేట్మెంట్‌లో కనిపించవు.

సోషల్‌ మీడియాలో మేసేజ్‌లు పంపడానికి, కాల్స్‌ చేయడానికి విస్తృతంగా వినియోగిస్తున్న యాప్‌ వాట్సాప్‌. ఇలాంటివి ఇంకా పలు మెసేజింగ్‌ యాప్‌లు ఉన్నాయి. ఒక యాప్‌ నుంచి మరో యాప్‌కి మెసేజ్‌లు, కాల్స్‌ చేసే వెసులుబాటు ఉంటే ఎంత బాగుంటుంది.. దీనికి సంబంధించే వాట్సాప్‌ యాజమాన్య సంస్థ మెటా కీలక ప్రకటన చేసింది.యూరోపియన్ యూనియన్ డిజిటల్ మార్కెట్ల చట్టం (DMA)కి అనుగుణంగా తమ ప్రసిద్ధ మెసేజింగ్ ప్లాట్‌ఫారమ్‌లైన వాట్సాప్‌, మెసెంజర్‌లను 2027 నాటికి థర్డ్-పార్టీ మెసేజింగ్ సేవలతో ఇంటర్‌ఆపరేబిలిటీకి సపోర్ట్‌ చేసేలా అభివృద్ధి చేయనున్నట్లు మెటా ప్రకటించింది. దీని ప్రకారం యాజర్లు నేరుగా వాట్సాప్‌, మెసెంజర్‌ యాప్‌ల నుంచి ఇతర నాన్-మెటా మెసేజింగ్ యాప్‌లకు నేరుగా మెసేజ్‌లు, కాల్స్‌ చేయవచ్చు, అందుకోవచ్చు.మెటా ఈ కొత్త ఫీచర్‌ను అభివృద్ధి చేస్తున్న క్రమంలో యూజర్ల గోప్యత, భద్రత ప్రధాన ప్రాధాన్యతలుగా తీసుకుంది. థర్డ్-పార్టీ చాట్‌లు ఇప్పటికే ఉన్న వాట్సాప్‌, మెసెంజర్‌ కమ్యూనికేషన్‌ల లాగే ఎన్‌క్రిప్షన్, వినియోగదారు గోప్యతను నిర్వహించేలా చూసే సాంకేతిక పరిష్కారంపై కంపెనీ పని చేస్తోంది. థర్డ్-పార్టీ చాట్‌ల గురించి వినియోగదారులకు తెలియజేసే కొత్త నోటిఫికేషన్‌లను మెటా ప్రవేశపెట్టింది. వాట్సాప్‌ లేదా మెసెంజర్‌కి వేరే యాప్ అనుసంధానమైన ప్రతిసారీ యూజర్లకు నోటిఫికేషన్‌ వస్తుంది.కాల్స్‌ మాత్రం కాస్త ఆలస్యంథర్డ్‌ పార్టీ యాప్‌లతో అనుసంధానమయ్యే విషయంలో వాట్సాప్‌, మెసెంజర్‌ యూజర్లకు సౌలభ్యం ఉంటుంది. ఇందులో భాగంగా అన్ని యాప్‌ల మెసేజ్‌లు ఒకే ఇన్‌బాక్స్‌లో కనిపించే లేదా విడివిడి ఇన్‌బాక్స్‌లలో కనిపించే ఆప్షన్లను ప్రవేశపెట్టే యోచనలో మెటా ఉంది. థర్డ్‌ పార్టీ యాప్‌లతో రియాక్షన్స్‌, డైరెక్ట్‌ రిప్లైస్‌, టైపింగ్‌ ఇండికేటర్స్‌, రీడ్‌ రిసీపియంట్స్‌ వంటి మెరుగైన మెసేజింగ్‌ ఫీచర్లతో పాటు గ్రూప్‌ చాట్‌ సౌలభ్యాన్ని కూడా 2025 నాటికి అందుబాటులోకి తెచ్చే పనిలో మెటా ఉంది. అయితే థర్డ్‌ పార్టీ యాప్‌లతో వాయిస్‌, వీడియో కాల్స్‌ ఫీచర్‌ మాత్రం 2027 నాటికి అందుబాటులోకి రావచ్చు.

ప్రముఖ ఆన్‌లైన్‌ ఫుడ్‌ డెలివరీ సంస్థ జొమాటో కొత్త ఫీచర్‌ను ప్రకటించింది. ఎక్కువ మంది ఫ్రెండ్స్‌, కుటుంబ సభ్యులు ఫుడ్‌ ఆర్డర్‌ చేసేటప్పుడు ఒకే ఫోన్‌ను మార్చుకునే ఇబ్బంది లేకుండా కొత్త ఫీచర్‌ను తీసుకొచ్చినట్లు జొమాటో ఫౌండర్‌, సీఈవో దీపిందర్‌ గోయల్‌ తెలిపారు.ఈ కొత్త ఫీచర్‌ని 'గ్రూప్ ఆర్డరింగ్' అని పిలుస్తారు. ఫుడ్‌ ఆర్డర్‌ చేసేటప్పుడు యూజర్లు తమ స్నేహితులకు లింక్‌లను షేర్‌ చేయడాని​కి ఇది వీలు కల్పిస్తుంది. తద్వారా వారు తమకు నచ్చిన వంటకాల జాబితాను సలువుగా జోడించవచ్చు. దీంతో ఫుడ్‌ ఆర్డర్ చేయడం మరింత వేగవంతమవుతుంది.దీపిందర్‌ గోయల్‌ వీకెండ్‌ అప్‌డేట్‌ పేరుతో ‘ఎ‍క్స్‌’ (ట్విటర్‌)లో ఈ కొత్త ఫీచర్‌ గురించి తెలియజేశారు. ఈ చేసిన ఈ పోస్ట్‌కు లక్షకు పైగా వ్యూస్‌, వేలాదిగా లైక్‌లు వచ్చాయి. యూజర్లు మిశ్రమ కామెంట్లు చేశారు.Exciting new weekend update: Group Ordering is now on Zomato!⁰You can now share a link with your friends, and everyone can add to the cart seamlessly, making ordering together faster and easier. No more passing the phone around awkwardly to collect everyone's order 😉We’re… pic.twitter.com/W3SrlwVJR0— Deepinder Goyal (@deepigoyal) August 17, 2024

మార్కెట్లో స్మార్ట్‌ఫోన్ల సంఖ్య విపరీతంగా పెరిగిపోతోంది. నేడు స్మార్ట్‌ఫోన్ జీవితంలో ఓ భాగమైపోయింది. పెద్దవారి విషయం పక్కన పెడితే.. పిల్లలు కూడా వీటికి అలవాటైపోతున్నారు, గంటలకొద్దీ వాటికే అతుక్కుపోతున్నారు. దీనికి అడ్డుకట్ట వేయడానికి, వారికి ఫోన్ ఎంతవరకు అవసరమో.. అంతవరకు మాత్రమే ఉపయోగించేలా గూగుల్ ఓ కొత్త ఫీచర్ ప్రవేశపెట్టనుంది.గూగుల్ త్వరలోనే పిల్లలు ఫోన్ వినియోగాన్ని పరిమితం చేయడానికి 'స్కూల్ టైమ్' ఫీచర్ తీసుకురావడానికి సన్నద్ధమవుతోంది. ఈ ఫీచర్ స్మార్ట్‌ఫోన్లలో మాత్రమే కాకుండా టాబ్లెట్ ఓఎస్ వాచ్‌లలో కూడా అందుబాటులోకి రానున్నట్లు సమాచారం.ఏమిటి ఈ స్కూల్ టైమ్ ఫీచర్స్మార్ట్‌ఫోన్ వినియోగాన్ని తగ్గించడానికి, పిల్లలు పరిమిత సమయం మాత్రమే ఉపయోగించడానికి ఈ ఫీచర్ అనుమతిస్తుంది. స్మార్ట్‌ఫోన్ నుంచి పిల్లలను ఎలా దూరం చేయాలని ఆలోచించే తల్లితండ్రులకు ఇప్పుడు ఈ ఫీచర్ ఓ చక్కని పరిష్కారం అనే చెప్పాలి.ఎలా ఉపయోగించాలి స్మార్ట్‌ఫోన్ లేదా స్మార్ట్‌ఫోన్ వాచ్‌లలో స్కూల్ టైమ్ ఫీచర్ యాప్ ఇన్‌స్టాల్ చేసుకోవాలి. ఫ్యామిలీ లింక్ ద్వారా తేదీ, టైమ్ వంటి వాటిని షెడ్యూల్ చేయాలి. దీని ద్వారా నిర్దిష్ట కాంటాక్ట్ నుంచి కాల్స్, మెసేజస్ అనుమతించడానికి అవకాశం ఉంటుంది. ఈ మోడ్ ఎప్పుడైనా లాక్ చేయవచ్చు, అన్‌లాక్‌ కూడా చేయవచ్చు.గూగుల్ ఈ ఫీచర్‌ను వచ్చే ఏడాది లాంచ్ చేసే అవకాశం ఉందని తెలుస్తోంది. ఈ ఫీచర్ అందుబాటులోకి వచ్చిన తరువాత పిల్లలు స్మార్ట్‌ఫోన్ వినియోగించే సమయాన్ని తగ్గించవచ్చని భావిస్తున్నారు. దీనితో పాటు యూట్యూబ్ యాక్టివిటీ ఫీచర్ కూడా లాంచ్ చేయడానికి సంస్థ యోచిస్తున్నట్లు సమాచారం.స్కూల్ టైమ్ ఫీచర్ ఉపయోగాలుపిల్లలు తమ స్కూల్స్‌లో కూడా తరగతుల మీద దృష్టి సారించడానికి ఈ ఫీచర్ ఉపయోగపడుతుంది. పిల్లలు ఎక్కువసేపు స్క్రీన్ చూడకుండా ఉండటానికి ఇది ఉపయోగపడుతుంది.

కస్టమర్ సమస్యలను పరిష్కరించే దిశగా జొమాటో ఓ కొత్త ఫీచర్ పరిచయం చేసింది. ఆర్డర్ హిస్టరీ కనిపించకుండా చేయడానికి ఇప్పుడు 'డిలీట్ ఆర్డర్' అందుబాటులో తెచ్చింది. కంపెనీ ఈ ఫీచర్ తీసుకురావడానికి గల కారణాన్ని ఈ ఇక్కడ తెలుసుకుందాం..డిలీట్ ఆర్డర్ అనే ఫీచర్ గురించి జొమాటో సీఈఓ దీపిందర్ గోయల్ తన ఎక్స్ ఖాతాలో వివరిస్తూ.. కరణ్ సింగ్ అనే వ్యక్తి అర్థరాత్రి ఫుడ్ ఆర్డర్ చేసుకుంటారని, హిస్టరీ మొత్తం అందులో నిక్షిప్తమై ఉండటం వల్ల తన భార్యకు దొరికిపోతున్నట్లు చెప్పాడు. ఇది చాలామంది సమస్య. ఇప్పుడు మీరు ఆర్డర్ హిస్టరీని తొలగించవచ్చు. దీన్ని బాధ్యతాయుతంగా వినియోగించని అని పేర్కొన్నారు. కరణ్ సింగ్ అభ్యర్థన మన్నించి డిలీట్ ఆర్డర్ ఫీచర్ యాడ్ చేయడంతో.. సింగ్ కృతజ్ఞతలు చెబుతూ ట్వీట్ చేశారు.For Karan and many others - you can now delete orders from your order history on zomato. Use it responsibly 🙏Sorry, this took us a bit of time to prioritise and build. This touched multiple systems and microservices. We are rolling it out to all customers as we speak. https://t.co/Vwfr6Fs087 pic.twitter.com/0UMUnDuj0j— Deepinder Goyal (@deepigoyal) July 12, 2024

టెక్నాలజీ విస్తృతమైన నేటి రోజుల్లో ఆప్యాయంగా పలకరించేవారు కరువయ్యారు. అందరూ స్మార్ట్‌ఫోన్‌లకు హత్తుకుపోయి అన్నింటినీ వాటిలోనే వెతుక్కుంటున్నారు. ఈ క్రమంలోనే Character.AI అనే సంస్థ చాట్‌బాట్‌కు కాల్ చేసే కొత్త ఫీచర్‌ను ప్రవేశపెట్టింది. క్యారెక్టర్స్ అని పిలిచే ఈ ఏఐ చాట్‌బాట్‌లను అచ్చం మనుషలతో మాట్లాడినట్టుగానే ఉండేలా ప్రోగ్రామ్ చేయవచ్చు.ఈ ఫీచర్ ద్వారా యూజర్లు ఫోన్ కాల్స్ చేసి నిజమైన టెలిఫోనిక్ సంభాషణల అనుభూతిని పొందవచ్చు. ఇంగ్లిష్, స్పానిష్, జపనీస్, చైనీస్ వంటి భాషలను ఈ ఫీచర్ సపోర్ట్ చేస్తుందని ఈ ఆర్టిఫిషియల్ ఇంటెలిజెన్స్ ప్లాట్‌ఫామ్ తెలిపింది. గత నెలలో ఆర్క్ సెర్చ్ కూడా ఇలాంటి ఫీచర్‌నే విడుదల చేసింది.క్యారెక్టర్ కాల్స్ ఫీచర్ యూజర్లందరికీ ఉచితంగా లభిస్తుందని ఏఐ సంస్థ తన బ్లాగ్ పోస్ట్ లో ప్రకటించింది. అయితే, ఈ ఫీచర్ ప్రస్తుతం యాప్‌లో మాత్రమే అందుబాటులో ఉంది. భవిష్యత్తులో వెబ్‌లో కూడా ఈ ఫీచర్‌ను ప్రవేశపెట్టనున్నట్లు Character.AI పేర్కొంది. గత మార్చిలో కంపెనీ క్యారెక్టర్ వాయిస్ ఫీచర్‌ను ప్రవేశపెట్టింది. ఇది వన్-వే కమ్యూనికేషన్. అంటే యూజర్లు ఏఐకి మెసేజ్ చేస్తే వాయిస్‌ రూపంలో స్పందన వస్తుంది. టెక్ట్స్‌ టు స్పీచ్ (టీటీఎస్) ఏఐ మోడల్ సామర్థ్యాలను ఉపయోగించి దీన్ని రూపొందించారు.ఇప్పుడు క్యారెక్టర్ కాల్స్‌తో యూజర్లు టూ-వే వెర్బల్ కమ్యూనికేషన్‌ చేయొచ్చు. దీని ద్వారా యూజర్లు ఏఐ క్యారెక్టర్ తో చాటింగ్ చేసే హ్యాండ్ ఫ్రీ ఎక్స్‌పీరియన్స్ పొందవచ్చు. కాల్ స్క్రీన్ ఇంటర్‌ఫేజ్‌ కనిపిస్తుంది. స్క్రీన్ లో మ్యూట్ బటన్, ఎండ్ కాల్ ఆప్షన్ ఉంటాయి. వేగవంతమైన ప్రతిస్పందనలను జనరేట్ చేయడానికి క్యారెక్టర్ కాల్స్ ఫీచర్ తక్కువ లేటెన్సీని అందిస్తుందని కంపెనీ తెలిపింది. అంతేకాదు యూజర్లు వివిధ వాయిస్‌లు, పిచ్‌లు, యాసలు ఎంచుకోవచ్చు.

ప్రముఖ యూపీఐ పేమెంట్స్ యాప్ 'గూగుల్ పే' తన వినియోగదారులకు ఓ గుడ్ న్యూస్ చెప్పింది. ఆన్‌లైన్ పేమెంట్స్ మరింత సులభతరం చేసేందుకు మూడు సరికొత్త ఫీచర్స్ పరిచయం చేసింది. అవి "రివార్డ్స్, బై నౌ పే లేటర్, సెక్యూరిటీ ఫీచర్.రివార్డ్‌లుప్రస్తుతం క్రెడిట్ కార్డ్‌ల వినియోగం పెరిగిపోయింది. అయితే కార్డులను ఉపయోగించడం ద్వారా వినియోగదారులు కొన్ని ప్రయోజనాలను పొందుతారు. దీని కోసం తనిఖీ చేయడానికి కొంత సమయం పడుతుంది. కాబట్టి గూగుల్ పే పరిచయం చేసిన ఈ కొత్త ఫీచర్ ముందుగానే రివార్డ్‌లు గురించి చూపిస్తుంది.ఇప్పుడే కొనండి తర్వాత చెల్లించండిఇప్పుడు కొనండి.. మళ్ళీ చెల్లించండి అనే స్కీమ్ ఒకప్పుడు కొన్ని కార్ల కంపెనీలు అందుబాటులోకి తెచ్చాయి. సరిగ్గా ఇలాంటి ఫీచర్ గూగుల్ పే పరిచయం చేసింది. వస్తువులను కొనుగోలు వినియోగదారు పూర్తి మొత్తాన్ని అప్పుడే చెల్లించకుండా.. మళ్ళీ చెల్లించవచ్చు. లేదా వాయిదాల రూపంలో కూడా చెల్లించవచ్చు. దీని కోసం అమౌంట్ చెల్లించే సమయంలోనే.. ఈ ఆప్షన్ ఎంచుకోవాల్సి ఉంటుంది. ప్రస్తుతం ఈ సదుపాయం అమెరికాలో అందుబాటులో ఉంది. మన దేశంలో ఎప్పుడు ప్రారంభమవుతుందో తెలియాల్సి ఉంది.సెక్యూరిటీ ఫీచర్ఆన్‌లైన్ పేమెంట్ చేసే సమయంలో మరింత సురక్షితమైన లావాదేలీల కోసం గూగుల్ పే ఆటోఫిల్ ఆప్షన్ తీసుకువచ్చింది. ఇది వేలిముద్ర, స్క్రీన్ లాక్ PIN లేదా ఫేస్ స్కాన్ ద్వారా సేవ్ చేసిన కార్డ్ వివరాలను ఆటోమేటిక్‌గా ఇన్‌పుట్ చేయడానికి వినియోగదారులను అనుమతిస్తుంది.

టెక్నాలజీ అభివృద్ధి చెందుతున్న తరుణంలో యాపిల్ కంపెనీ తన ఉత్పత్తుల్లో ఆధునిక ఫీచర్స్ తీసుకురావడానికి సన్నద్ధమవుతోంది. ఇందులో భాగంగానే ఈ ఏడాది చివర్లో విడుదల కానున్న కొత్త యాక్సెసిబిలిటీ ఫీచర్ల శ్రేణిని ఆపిల్ ఎట్టకేలకు వెల్లడించింది.యాపిల్ కంపెనీ ప్రవేశపెట్టనున్న లేటెస్ట్ ఫీచర్లలో ఐ ట్రాకింగ్, మ్యూజిక్ హాప్టిక్స్, వోకల్ షార్ట్‌కట్స్, వెహికల్ మోషన్ క్యూస్ వంటివి ఉన్నాయి. visionOS కోసం మరిన్ని యాక్సెసిబిలిటీ అప్‌గ్రేడ్‌లు ప్లాన్ చేస్తున్నట్లు సమాచారం.'ఐ ట్రాకింగ్ ఫీచర్'ఐ ట్రాకింగ్ అనేది ఆర్టిఫిషియల్ ఇంటెలిజెన్స్ ద్వారా పనిచేస్తుంది. ఈ ఫీచర్ ద్వారా వినియోగదారు తమ కళ్ళతోనే ఐప్యాడ్‌లు, ఐఫోన్‌లను కంట్రోల్ చేయవచ్చు. ఈ ఫీచర్ ప్రత్యేకంగా శారీరక వైకల్యాలు ఉన్న వినియోగదారుల కోసం రూపొందించినట్లు సమాచారం.ఎలా పని చేస్తుందంటే?ఐ ట్రాకింగ్‌ను సెటప్ చేయడానికి ముందువైపు కెమెరా ఉపయోగించబడుతుంది.ఐ ట్రాకింగ్ కోసం ఉపయోగించిన మొత్తం డేటా మీ డివైస్‌లో ఉంటుంది. ఇది Appleతో కూడా భాగస్వామ్యం చేయదు. కాబట్టి సమాచారం భద్రంగా ఉంటుంది.ఐప్యాడోస్, iOSలోని అన్ని యాప్‌లతో ఐ ట్రాకింగ్ పని చేస్తుంది. కాబట్టి అడిషినల్ హార్డ్‌వేర్ లేదా యాక్సెసరీలు అవసరం లేదు.ఎలా ఉపయోగపడుతుందంటే?ఐ ట్రాకింగ్‌ సాయంతో యాప్‌లోని వివిధ భాగాలను చూడటం ద్వారా వాటి ద్వారా నావిగేట్ చేయవచ్చు.ఈ ఎలిమెంట్లను యాక్టివేట్ చేయడానికి డ్వెల్ కంట్రోల్‌ని ఉపయోగించాల్సి ఉంటుంది.ఐ ట్రాకింగ్ వినియోగదారులు భౌతిక స్పర్శ అవసరం లేకుండా (టచ్ చేయకుండా) కేవలం వారి కళ్లను ఉపయోగించి బటన్లను నొక్కడం, స్వైపింగ్ చేయడం వంటివి చేయవచ్చు.

ఎప్పటికప్పుడు కొత్త ఫీచర్స్ అందిస్తూ మార్కెట్లో తన ఆధిపత్యాన్ని కొనసాగిస్తోంది వాట్సాప్. దీనికి పోటీగా చాలా యాప్స్ వచ్చినప్పటికీ అవేవి మార్కెట్‌లో వాట్సప్‌కి గట్టి పోటీ ఇవ్వలేకపోయాయి.తాజాగా వాట్సాప్ నుంచి మరో కొత్త అప్డేట్ వచ్చింది. చాట్ ఫిల్టర్ ఫీచర్ ని వాట్సాప్ కొత్తగా లాంచ్ చేసింది. ఈ ఫీచర్ ద్వారా మనకు కావాల్సిన చాట్ కోసం స్క్రోల్ చేసే అవసరం లేకుండా సర్చ్ చేసి మెసేజ్ లు చూసుకోవచ్చు. చాట్ ఫిల్టర్ ఫీచర్ 2020లో జీమెయిల్ అందుబాటులోకి తెచ్చిన విషయం తెలిసిందే.ఇదే ఫీచర్‌ను ఇప్పుడు వాట్సాప్ లో కూడా అందుబాటులోకి తెచ్చింది మెటా సంస్థ. మొదట ఆండ్రాయిడ్ వర్షన్ 2.22. 16.14లో ఈ ఫీచర్ ను అందుబాటులోకి తెచ్చిన వాట్సాప్, ఇప్పుడు అన్ని ఆండ్రాయిడ్ వర్షన్లలో అందుబాటులోకి తీసుకువచ్చింది. అంతే కాకుండా వాట్సాప్‌లో యాక్టివ్‌గా లేని యూజర్లను గుర్తించే మరో ఫీచర్ ని కూడా పరీక్షిస్తున్నట్లు తెలుస్తోంది. వాట్సాప్‌కు ప్రపంచవ్యాప్తంగా 2.78 బిలియన్ల మంది యాక్టివ్‌ యూజర్లు ఉన్నారు.

ఫేస్‌బుక్‌, ఇన్‌స్టాగ్రామ్, ఎక్స్ (ట్విటర్) ఎప్పటికప్పుడు అప్డేట్ అవుతూ.. కొత్త ఫీచర్స్ పొందుతున్నాయి. తాజాగా మెటా యాజమాన్యంలోని ఇన్‌స్టాగ్రామ్ ఇప్పుడు ఓ కొత్త ఫీచర్‌ను టెస్ట్ చేస్తోంది. ఈ ఫీచర్ ద్వారా చిన్న వీడియోను రికార్డ్ చేయవచ్చు. ఇన్‌స్టాగ్రామ్ కొత్త ఫీచర్‌కు సంబంధించిన ఓ చిన్న సెల్ఫీ వీడియోను ఆడమ్ మోస్సేరి తన అకౌంట్ ద్వారా షేర్ చేశారు. ఇందులో అదెలా పనిచేస్తుందో చూడవచ్చు. ఈ ఫీచర్ అందుబాటులోకి వచ్చిన తరువాత వినియోగదారుడు డిఫాల్ట్ ప్రొఫైల్ ఫోటోను లూపింగ్ వీడియోతో నోట్స్‌లో అప్‌డేట్ చేయగలుగుతారు. ఇదీ చదవండి: సినిమాలకు దూరంగా హీరోయిన్‌.. అయినా కోట్లు ఖరీదు చేసే అపార్ట్‌మెంట్‌ కొనేసింది! డెమో వీడియో ప్రకారం, వినియోగదారులు నోట్‌ని క్రియేట్ చేయడం ప్రారంభించినప్పుడు ప్రొఫైల్ ఫోటో పక్కన కెమెరా సింబల్ ఉంటుంది. దీని నుంచి వీడియో రికార్డ్ చేసి నోట్స్‌లో పోస్ట్ చేయవచ్చు. ఇది తప్పకుండా వినియోగదారులను ఆకర్షిస్తుందని ఆశిస్తున్నాము.

ఈ ఏడాది ప్రారంభమైన థ్రెడ్స్‌ (Threads) అప్పుడే కొత్త ఫీచర్స్ పొందనున్నట్లు, త్వరలోనే అందుబాటులోకి రానున్నట్లు సమాచారం. దీనికి సంబంధించిన ఓకే ఫోటో కూడా సోషల్ మీడియాలో చక్కర్లు కొడుతోంది. మరిన్ని వివరాలు ఈ కథనంలో తెలుసుకుందాం. మెటా లేటెస్ట్ సోషల్ మీడియా యాప్ 'థ్రెడ్‌'లో ఓ కొత్త ఫీచర్ రానున్నట్లు ఒక ఉద్యోగి పోస్ట్ చేసిన స్క్రీన్‌షాట్‌లో కనిపించింది. మెటా ప్రత్యర్థి ఎక్స్ (ట్విటర్)కి సరైన పోటీ ఇవ్వడానికి సంస్థ సిద్దమవుతున్నట్లు.. ఇందులో భాగంగానే ఈ ఫీచర్ అభివృద్ధి చేస్తున్నట్లు తెలుస్తోంది. థ్రెడ్స్ ట్రెండింగ్ టాపిక్ ఫీచర్ కొత్త ట్రెండింగ్ టాపిక్స్ ఫీచర్‌ను యాప్ డెవలపర్ విలియం మాక్స్ మొదటిసారిగా ఒక పేరు తెలియని మెటా ఉద్యోగి తీసిన స్క్రీన్‌షాట్ ద్వారా గుర్తించారు. దీనిని అతడు అనుకోకుండా థ్రెడ్‌లలో పోస్ట్ చేశాడు. ఈ లేటెస్ట్ ఫీచర్ సర్చ్ బార్ కింద నెంబర్ వైస్ టాపిక్‌లను ర్యాంక్ చేస్తుంది, అంతే కాకుండా ప్రతి అంశంపై పోస్ట్‌ల సంఖ్యను కూడా చూపుతుంది. ఇదీ చదవండి: జుకర్‌బర్గ్ సంచలన నిర్ణయం.. ఫేస్‌బుక్, ఇన్‌స్టా యూజర్లకు షాక్! థ్రెడ్‌ గత నెలలో ఒక అప్డేటెడ్ కీవర్డ్ సర్చ్ ఫీచర్‌ను మాత్రమే ఆవిష్కరించింది. ఆ సమయంలో మెటా బాస్ 'మార్క్ జుకర్‌బర్గ్' ట్రెండింగ్ టాపిక్స్ ఫీచర్‌ను పరిచయం చేయనున్నట్లు తెలిపాడు. ప్రారంభంలో ఇది ఇంగ్లీష్ అండ్ స్పానిష్ భాషల్లో అందుబాటులోకి వస్తుందని.. ఆ తరువాత మరిన్ని భాషల్లోనే అందుబాటులోకి వస్తుందని తెలిపాడు.

కోవిడ్‌ మహమ్మారి అనంతరం జాబ్‌ ఇంటర్వ్యూలు, ఆఫీస్‌ మీటింగ్‌లు.. ఇలా అన్నీ ఆన్‌లైన్‌లోనే జరుగుతున్నాయి. ఈ నేపథ్యంలో వెబ్‌క్యామ్‌లకు ప్రాధాన్యం బాగా పెరిగింది. స్మార్ట్‌ఫోన్‌లతో పోలిస్తే వెబ్‌క్యామ్‌ నాణ్యత చాలా తక్కువ. కాబట్టి స్మార్ట్‌ఫోన్‌లే వెబ్‌క్యామ్‌లుగా మారితే.. బాగుంటుంది కదా.. అవును అలాటి ఫీచర్‌నే గూగుల్‌ (Google) తీసుకొస్తోంది. ఆన్‌లైన్‌ మీటింగ్‌లు, ఇంటర్వ్యూల కోసం ల్యాప్‌టాప్‌లు, పర్సనల్‌ కంప్యూటర్‌లకు ఉపయోగించే వెబ్‌క్యామ్‌లకు (Webcam) బదులుగా మంచి కెమెరా ఫీచర్లున్న ఆండ్రాయిడ్‌ ఫోన్లను (Android Smartphone) ఉపయోగించే ఫీచర్‌పై టెక్‌ దిగ్గజం గూగుల్‌ కసరత్తు చేస్తోంది.  ఏ ఆపరేటింగ్‌ సిస్టమ్‌కైనా.. గూగుల్‌ రూపొందించిన ఈ ఆండ్రాయిడ్‌ ఫోన్‌ వెబ్‌కెమెరా ఫీచర్‌ను గూగుల్‌ ఉత్పత్తులకే కాకుండా విండోస్‌ ల్యాప్‌టాప్, మ్యాక్‌బుక్ లేదా మరొక ఆండ్రాయిడ్ ఫోన్ ఉన్నా సరే ఉపయోగించుకోవచ్చు. ఇలా పని చేస్తుంది.. ఆండ్రాయిడ్‌ ఫోన్‌ని పర్సనల్‌ కంప్యూటర్‌కి కనెక్ట్ చేయాలి. USB ప్రాధాన్యతల మెనూలో 'వెబ్‌క్యామ్ ఫంక్షనాలిటీ' ఆప్షన్‌ కనిపిస్తుంది. ఇందులో వెబ్‌క్యామ్ ఆప్షన్‌ను ఎంచుకోవాలి. ఫీచర్ ప్రస్తుతానికి బీటా వర్షన్‌లో ఉంది. "Android 14 QPR1 Beta 1"ని ఇన్‌స్టాల్ చేసి ఉంటే దీన్ని ఉపయోగించవచ్చు. అక్టోబర్‌లో పిక్సెల్ 8 లాంచ్ తర్వాత స్థిరమైన వెర్షన్ డిసెంబర్‌లో వచ్చే అవకాశం ఉంది.

Flipkart price lock Feature: పండుగల సమయంలో ఆన్‌లైన్‌ షాపింగ్‌ చేసేవారి కోసం ప్రముఖ ఈ-కామర్స్‌ ప్లాట్‌ఫామ్‌ ఫ్లిప్‌కార్ట్‌ (Flipkart) సరికొత్త ఫీచర్‌ను తీసుకొస్తోంది. కస్టమర్లు తమకు కావాల్సిన వస్తువులు.. తాము కొనుగోలు చేసేంత వరకూ ధరలు పెరగకుండా లాక్‌ చేసుకునేలా 'ప్రైస్ లాక్' ఫీచర్‌ (price lock feature)ను ప్రవేశపెట్టనున్నట్లు కంపెనీ సీనియర్ ఎగ్జిక్యూటివ్ తాజాగా ప్రకటించారు. (ఇంత కంటే చీప్‌ ఇంకేమైనా ఉందా? రూ. 6.6 కోట్ల విలువైన ఫ్లాట్లు రూ.100కే..) "పండుగ సీజన్లలో తమకు కావాల్సిన ఉత్పత్తులు అమ్ముడైపోయాయని లేదా నిమిషాల్లోనే అందుబాటులో లేకుండా పోతున్నాయని కస్టమర్ల నుంచి ఫీడ్‌బ్యాక్‌ వచ్చింది. దీనికి పరిష్కారంగా ప్రైస్ లాక్ ఫీచర్‌తో కస్టమర్లు తమకు అవసరమైన ఇన్వెంటరీని లాక్ చేసుకోవచ్చు" అని ఫ్లిప్‌కార్ట్ చీఫ్‌ ప్రాడక్ట్‌ అండ​ టెక్నాలజీ ఆఫీసర్‌ (CPTO) జయందరన్ వేణుగోపాల్ ఫ్లిప్‌కార్ట్ మాతృ సంస్థ వాల్‌మార్ట్ నిర్వహించిన కన్వర్జ్ ఈవెంట్‌లో తెలిపారు. అయితే, ఈ ఫీచర్‌ను ఎప్పుడు అందుబాటులోకి తీసుకొస్తారనేది ఆయన చెప్పలేదు. 'ప్రైస్ లాక్' ఫీచర్ ఇలా.. ఫ్లిప్‌కార్ట్ తీసుకొస్తున్న 'ప్రైస్ లాక్' ఫీచర్‌ కింద కస్టమర్‌లు తమకు కావాల్సిన వస్తువులను లాక్‌ చేసుకునేందుకు కొంత మొత్తం ముందుగా చెల్లించాల్సి ఉంటుంది. ఆ తర్వాత పండుగ సమయాల్లో  ఆయా వస్తువులకు డిమాండ్ పెరిగినప్పటికీ, లాక్‌ చేసుకున్న కస్టమర్లకు అవి అందుబాటులో ఉండేలా చేస్తారు. అలాగే ధరలు పెరిగినప్పటికీ లాక్‌ చేసుకున్న ధరకే ఆయా వస్తువులను కొనుక్కోవచ్చు. సాధారణంగా ఈ-కామర్స్ ప్లాట్‌ఫామ్‌ల అమ్మకాలలో 50 శాతం పండుగ సీజన్లలోనే జరుగుతాయి.

WhatsApp Channels: మెటా  యాజమాన్యంలోని ఇన్‌స్టంట్ మెసేజింగ్ యాప్‌ వాట్సాప్  మోస్ట్‌ఎవైటెడ్‌ ఫీచర్‌ను ఇండియాలో లాంచ్‌ చేసింది. 'ఛానెల్స్' అనే కొత్త టూల్ ఫీచర్‌ను అందుబాటులోకి తీసుకొచ్చింది. వన్‌-వే బ్రాడ్‌కాస్ట్ టూల్ ఛానెల్‌ల ఫీచర్‌తో మనకిష్టమైన సెలబ్రిటీలను ఫాలో అవ్వొచ్చు. యూజర్లు ఫాలో అయ్యేందుకు ఎంచుకున్న ఛానల్ నుంచి కీలకమైన అప్‌డేట్‌లను పొందవచ్చు. 9 దేశాలలో ఛానెల్‌లను సృష్టించే ,అనుసరించే సామర్థ్యాన్ని విడుదల చేసిన తర్వాత,  iOS, Android , డెస్క్‌టాప్ కోసం WhatsApp  తాజా వెర్షన్‌ను ఇన్‌స్టాల్ చేసిన వినియోగదారులు  ఈ ఫీచర్‌ను ప్రపంచవ్యాప్తంగా విడుదల చేస్తున్నట్లు మెటా సీఈవో మార్క్ జుకర్‌బర్గ్  బుధవారం ప్రకటించారు.  వేలాది కొత్త ఛానెల్‌లను జోడిస్తున్నాం మీరు కొత్త 'అప్‌డేట్‌లు' ట్యాబ్‌లో ఛానెల్‌లను కనుగొనవచ్చు అంటూ ఫేస్‌బుక్‌లో పోస్ట్‌లో వెల్లడించారు. (రుణగ్రహీతలకు భారీ ఊరట: ఆర్‌బీఐ కీలక ఆదేశాలు) మీ సొంత వాట్సాప్‌ ఛానల్‌ స్టార్ట్‌ అయిన తరువాత ఇప్పటికే వాట్సాప్‌లో ప్రముఖ ప్రముఖులు, క్రీడా కారులు కళాకారులు, ఇన్‌ఫ్యూయర్స్‌, సంస్థలను ఫాలో అవ్వవచ్చు. ఉదాహరణకు, భారత క్రికెట్ జట్టు,  ప్రభాస్‌, క్రేజీ స్టార్లు, కత్రినా కైఫ్, దిల్జిత్ దోసాంజ్, అక్షయ్ కుమార్, నేహా కక్కర్‌ ఇలా మనకిష్టమైన వారిని ఫాలో అవ్వొచ్చు. అంతెందుకు వాట్సాప్‌ యజమాని  మార్క్ జుకర్‌బర్గ్‌ను కూడా అనుసరించ వచ్చు. దేశం ఆధారంగా స్వయంచాలకంగా ఫిల్టర్ అయిన ఛానెల్‌లను ఎంచుకోవచ్చు. సెర్చ్‌ చేయవచ్చు.మీ ఫాలోవర్స్‌ను బట్టి ఆధారంగా కొత్త, అత్యంత యాక్టివ్, జనాదరణ పొందిన ఛానెల్‌లను కూడా వీక్షించవచ్చు. ఇప్పటివరకు చిలీ కొలంబియా, ఈజిప్ట్, కెన్యా, మలేషియా, మొరాకో, పెరూ, సింగపూర్ , ఉక్రెయిన్‌లలో ఈ ఛానెల్‌లను లాంచ్‌ చేసిన సంగతి తెలిసిందే. WhatsApp ఛానెల్‌లను ఎలా ఉపయోగించాలి ♦ మీ WhatsApp యాప్‌ని Google Play Store లేదా App Store నుండి తాజా వెర్షన్‌కి అప్‌డేట్ చేయండి. ♦  WhatsAppఓపెన్‌ చేసి, స్క్రీన్ దిగువన ఉన్న అప్‌డేట్స్‌ ట్యాబ్‌పై నొక్కండి. ఇక్కడ  ఛానెల్స్‌ లిస్ట్‌కనిపిస్తుంది. ♦ ఫాలో  అవ్వాలనుకున్న సంబంధిత ఛానెల్‌ని  పక్కన ఉన్న ‘+’ బటన్‌పై క్లిక్‌ చేయాలి. ఇక్కడ డిస్క్రిప్షన్‌,  ప్రొఫైల్ ,  ఛానెల్ పేరు  కూడా చూడవచ్చు. ♦ ఛానెల్  అప్‌డేట్‌ రియాక్షన్‌ కోసం మెసేజ్‌ మీద ప్రెస్‌ చేసి, నొక్కి పట్టుకుంటే చాలు. (యాపిల్‌ ఐఫోన్‌ 15 సిరీస్‌ : ప్రత్యర్థుల దారుణమైన ట్రోలింగ్‌ ) WhatsApp ఛానెల్‌ కొత్త అప్‌డేట్‌ ♦  మెరుగైన డైరెక్టరీ: వినియోగదారులు ఇప్పుడు అధునాతన ఫిల్టర్‌లను ఉపయోగించడం ద్వారా కొత్త ఛానెల్‌లను అన్వేషించవచ్చు. ♦ రియాక్షన్స్‌ ఛానెల్‌లలో షేర్‌ అయిన కంటెంట్‌కు సంబంధించి వారి అభిప్రాయాలను  తెలియజేయవచ్చు. ♦ మెసేజ్ ఫార్వార్డింగ్ ఫీచర్: ఫార్వార్డ్ చేసిన మెసేజ్‌లు ఛానెల్‌కి  లింక్‌ బ్యాంక్‌ అవుతాయి. యూజర్లకు  జాయిన్‌ కావడం ఈజీ అవుతుంది.  ♦ డిలీట్‌ అప్‌డేట్‌ ఫర్‌ ఎవ్రీ వన్‌: ఛానెల్ క్రియేటర్లకు 30 రోజులలోపు  మెసేజ్‌ను తొలగించే సామర్థ్యాన్ని అందరికీ ఉంటుంది. Mark Zuckerberg announced a global launch for WhatsApp Channels!https://t.co/UcLJJubMo8 pic.twitter.com/LjhzAAvqZ3 — WABetaInfo (@WABetaInfo) September 13, 2023

Zoom Notes Feature: వర్చువల్ మీటింగ్ ప్లాట్‌ఫామ్ జూమ్ (Zoom) అదిరిపోయే ఫీచర్‌ను తీసుకొస్తోంది. వీడియో కాల్స్‌ (Video Call) సమయంలో టెక్స్ట్ డాక్యుమెంట్‌ను రూపొందించడానికి, షేర్ చేయడానికి, ఏకకాలంలో ఎడిట్‌ చేయడానికి అనుమతించే 'నోట్స్' (Notes) అనే కొత్త ఫీచర్‌ను ప్రవేశపెట్టింది.  (Layoffs: భారత్‌లో లేఆఫ్‌లు.. విస్తుగొలుపుతున్న లెక్కలు!) ఈ నోట్స్‌.. జూమ్ చాట్ బాక్స్ లాగే వీడియో కాల్‌ స్క్రీన్‌పై ఓ వైపున కనిపిస్తాయి. కాల్‌లో ఉన్న వ్యక్తులు మీటింగ్ జరుగుతున్నప్పుడు మరొక స్క్రీన్‌కి మారే పని లేకుండా ఈ నోట్స్‌లో రాసుకోవడం, ఎడిట్‌ వంటివి చేసుకోవచ్చు. క్రియేట్‌ చేసిన లేదా ఎడిట్‌ చేసిన నోట్స్‌ను జూమ్‌ మీటింగ్‌లో పాల్గొన్న వారికి షేర్‌ చేయవచ్చు.  దీని వల్ల ఇతర థర్డ్‌ పార్టీ డాక్యుమెంట్స్‌ను, టూల్స్‌ను ఆశ్రయించే పని ఉండదు. యూజర్లకు మరింత మెరుగైన అనుభవాన్ని అందించేందుకు వారు ఇతర కంటెంట్ మేనేజ్‌మెంట్ టూల్స్‌కు వెళ్లే పని లేకుండా  జూమ్ ప్లాట్‌ఫారమ్‌లోనే ఉంటూ మీటింగ్‌ అజెండాలు, ఇతర నోట్స్‌ తయారు చేసుకునేలా ఈ ఫీచర్‌ను తీసుకొచ్చినట్లు జూమ్‌ ప్రొడక్టివిటీ అప్లికేషన్స్ హెడ్ డారిన్ బ్రౌన్ పేర్కొన్నారు. జూమ్‌ మీటింగ్‌ ప్రారంభానికి ముందు కానీ, మీటింగ్‌ జరుగుతున్న సమయంలో కానీ నోట్స్‌ ద్వారా అజెండా రూపొందించి ఇతరులకు షేర్‌ చేయవచ్చు. మీటింగ్‌ ముగిసిన తర్వాత కూడా ఈ నోట్స్‌ను ఇతరులకు షేర్‌ చేసే వీలు ఉంటుంది. ఇక ఈ నోట్స్‌లో ఫాంట్, స్టైలింగ్, బుల్లెట్‌లు, టెక్ట్స్‌ కలర్స్‌‌ వంటి ఆప్షన్‌లు ఉంటాయి. అలాగే వీటికి ఇమేజ్‌లను, లింక్‌లను యాడ్‌ చేయవచ్చు. ఈ నోట్స్‌ ఎప్పటికప్పడు ఆటోమేటిక్‌గా సేవ్‌ అవుతుంది. ఈ ఫీచర్ త్వరలోనే అందుబాటులోకి రానుంది. ఇదీ చదవండి: WFH: అక్కడ వర్క్‌ ఫ్రమ్‌ హోం.. కంపెనీలకు పోలీసు శాఖ సూచన 

Google Flights సెర్చ్‌ ఇంజీన్‌ దిగ్గజం గూగుల్‌ సరికొత్త ఫీచర్‌ను తీసుకొచ్చింది. ముఖ్యంగా తక్కువ ఖర్చుతో  విమాన ప్రయాణాన్ని ఆస్వాదించాలనుకునేవారిక  గుడ్‌ న్యూస్‌ అందించింది.సామాన్యుడికి విమాన టికెట్‌ కొనుగోలు చేయాలంటే భారీ ఖర్చుతో కూడుకున్నదే. కానీ గూగుల్‌ ఫీచర్‌ను ఫాలో అయితే మాత్రం తక్కువ ధరలోనే గాల్లో ఎగిరి పోవచ్చు.  ఎలా పనిచేస్తుంది చౌక ధరకే విమాన టిక్కెట్లను  కొనుగోలు  చేసేలా Google Flights  అనే కొత్త ఫీచర్‌ను లాంచ్‌ చేసింది. . గూగుల్‌ బ్లాగ్ పోస్ట్ ద్వారా అధికారికంగా ప్రకటించిన Google Flights  విమాన ఛార్జీలపై డబ్బు ఆదా చేసే లక్ష్యంతో ప్రయాణికులకు ప్రయోజనకరంగా ఉంటుంది. ఇందుకోసం Google Flightsలో ధరల ట్రాకింగ్ సిస్టమ్‌ను ఆన్ చేసుకోవాలి. కొత్త ఇన్‌సైట్స్‌ ద్వారా నమ్మకమైన ట్రెండ్ డేటాతో , మీరు ఎంచుకున్న తేదీలు ,గమ్యస్థానాన్నిటికెట్లు బుక్ చేసుకోవడానికి ధరలు సాధారణంగా ఎప్పుడు తక్కువగా ఉన్నాయో  చూడొచ్చు అని తన Google బ్లాగ్ పోస్ట్‌లో పేర్కొంది. ప్రయాణికులు తక్కువ ధరలో విమాన టికెట్లను బుక్ చేసుకోవడానికి ఉత్తమమైన సమయంపై సమాచారాన్నిమ సుమారు రెండు నెలల ముందే అందిస్తుంది. కొత్త ఫీచర్ ఏ సమయంలో లేదా ఏ తేదీలలో బుక్కింగ్ ధరలు తక్కువగా ఉంటాయనే వివరాలను అందిస్తుంది. ఇందుకోసం  గూగుల్ విమానాల కోసం ధర హామీ ట్యాగ్‌తో పైలట్ ప్రాజెక్ట్‌ను కూడా అమలు చేస్తోంది. బయలుదేరే ముందు టిక్కెట్‌ల ధర తగ్గకుండా చూసుకుంటుంది.  అంతేకాదు ప్రైస్‌ గ్యారంటీని అందిస్తుంది.అంటే ధర తగ్గితే, Google Pay ద్వారా ఓవర్ పెయిడ్ వ్యత్యాసాన్ని గూగుల్ తిరిగి చెల్లిస్తుంది. క్రిస్మస్‌ ట్రిప్‌కోసం ప్లాన్‌ చేస్తే..? గూగుల్‌ లెక్కల ప్రకారం మిడ్‌ డిసెంబర్‌లో షురూ అయ్యే క్రిస్మస్‌  ట్రిప్‌ల  కోసం తక్కువ ధరలో టికెట్లను  బుక్ చేసుకునే  సరైన సమయం అక్టోబర్‌ ప్రారంభం. 71 రోజుల ముందు తక్కువగా ఉన్నాయి.   2022 నాటి  లెక్కల ప్రకారం  బయలుదేరడానికి కేవలం 22 రోజుల ముందు సగటు ధరలు తక్కువగా ఉన్నట్లు గుర్తించింది. టేకాఫ్‌కి 54-78 రోజుల ముందు మరింత తక్కువ. అమెరికా నుండి యూరోప్‌ట్రిప్‌కు బెస్ట్‌ టైం సగటున 72 రోజుల ముందు బుక్ చేసుకుంటే అమెరికా నుంచి యూరప్ వెళ్లే విమాన టికెట్ల ఛార్జీలు  తక్కువగా  ఉన్నాయి.యుఎస్ నుండి యూరప్‌కు సగటు విమాన ఛార్జీలు  బయలుదేరి 10 వారాల  ముందు అయితే బెటర్‌.. వీలైనంత త్వరగా మీ విమానాన్ని బుక్ చేసుకోవాలని గూగుల్‌  తె లిపింది.. 

స్పేస్‌ఎక్స్‌  అధినేత ఎలాన్‌ మస్క్‌ నేతృత్వంలోని ఎక్స్‌ (ట్విటర్‌) ప్రొఫెషనల్ నెట్‌వర్కింగ్ ప్లాట్‌ఫారమ్ లింక్డ్‌ఇన్‌కు భారీ షాకిచ్చింది. తన ప్లాట్‌ఫారమ్‌లో ఉద్యోగాలను ప్రకటించేలా సంస్థలు, కంపెనీలను అనుమతించే కొత్త ఫీచర్‌ ‘హైరింగ్‌’ను అధికారికంగా ప్రకటించింది.  లింక్డ్‌ఇన్‌, ఇండీడ్‌లాంటి సంస్థల తరహాలో ఎక్స్‌ కూడా కొత్త ఫీచర్‌నుతీసుకురానుందని వార్తలొచ్చిన నెల తరువాత సంస్థ ఎట్టకేలకు అధికారికంగా దీన్ని ధృవీకరించింది.  జాబ్-మ్యాచింగ్ టెక్ స్టార్టప్ Laskieని ఇటీవల కొనుగోలు చేసిన సంగతి గమనార్హం. దీనిపై చాలామంది ఎక్స్‌ యూజర్లు సంతోషం  ప్రకటిస్తున్నారు.  ఆర్‌ఐపీ లింక్డ్ఇన్, ఇండీడ్‌ జిప్‌క్రూటర్, గ్లాస్‌డో అంటూ కమెంట్‌ చేశారు. (సేఫ్టీని ‘గాలి’ కొదిలేసిన ఎయిరిండియా: డీజీసీఏ షాకింగ్‌ రిపోర్ట్‌) ప్రస్తుతం బీటాలో ఉన్న హైరింగ్  ఫీచర్ ప్లాట్‌ఫారమ్‌లో ఓపెన్ పాత్రలను పోస్ట్ చేయడానికి కంపెనీలను అనుమతిస్తుంది. ధృవీకరించబడిన సంస్థలకు హైరింగ్ బీటా ముందస్తు యాక్సెస్ అందుబాటులో ఉంటుందని కంపెనీ పేర్కొంది. తొందరగా దీనికి సంబంధించిన లింక్‌ను కూడా ట్వీట్‌లో పొందు పర్చింది. ఈ కొత్త ఫీచర్‌ ద్వారా ఎక్స్‌లో  (పరిమితంగా) ఉద్యోగులను వెతుక్కోవడం, ఉద్యోగ అవకాశాలను ప్రకటించడం లాంటివి అందుబాటులో ఉంటాయి. ధృవీకరించిన  సంస్థలు తమ ప్రొఫైల్‌లకు గరిష్టంగా ఐదు ఉద్యోగ స్థానాలను  మాత్రం లిస్ట్‌ చేయవచ్చని తెలుస్తోంది. కాగా గత నెలలో యాప్ పరిశోధకురాలు నిమా ఓవ్జీ జాబ్ లిస్టింగ్ ఫీచర్‌ను వివరించే స్క్రీన్‌షాట్‌ను పోస్ట్ చేసిన సంగతి తెలిసిందే. ప్రస్తుతం పరిమిత కంపెనీలతో జాబ్ సెర్చ్ ర్‌ ఫీచర్‌పై టెస్ట్ రన్ చేస్తోంది.  Unlock early access to the X Hiring Beta — exclusively for Verified Organizations. Feature your most critical roles and organically reach millions of relevant candidates. Apply for the Beta today 🚀: https://t.co/viOQ9BUM3Y pic.twitter.com/AYzdBIDjds #Twitter will let verified organizations import all of their jobs to Twitter by connecting a supported ATS or XML feed! 🚀 "Connect a supported Applicant Tracking System or XML feed to add your jobs to Twitter in minutes." pic.twitter.com/TSVRdAoj3h — Nima Owji (@nima_owji) July 20, 2023 — Hiring (@XHiring) August 25, 2023

Uber Group Rides feature క్యాబ్‌సేవల సంస్థ  ఉబెర్‌ తనయూజర్ల కోసంకొత్త ఫీచర్‌ను లాంచ్‌ చేసింది. 'గ్రూప్ రైడ్స్' అనే కొత్త ఫీచర్‌ను (ఆగస్టు 22న) ఇండియాలో  ప్రారంభించింది. దీని ప్రకారం  ఒకే చోటుకు వెళ్లాల్సిన వేరు వేరు స్థానాల్లో ఉన్న యూజర్లకు ప్రయోజనం లభించనుంది. దీని ద్వారా  గరిష్టంగా మరో ముగ్గురు వ్యక్తులతో ట్రిప్‌  షేరింగ్‌ ఆప్షన్‌  కల్పిస్తోంది. అంతేకాదు ఈ ఫీచర్ రోడ్లపై ట్రాఫిక్‌ సమస్య పరిష్కారానికి కూడా తోడ్పడనుందని ఉబెర్‌ వెల్లడించింది.  గ్రూప్ రైడ్స్  ఫీచర్‌ ఈ 'గ్రూప్ రైడ్స్' ఫీచర్‌ను ఉపయోగించే రైడర్‌లు తమ ఛార్జీలపై 30 శాతం వరకు ఆదా చేసుకునే అవకాశం ఉందని యాప్ ఆధారిత క్యాబ్ సర్వీస్ కంపెనీ తెలిపింది. (ఖచ్చితమైన తగ్గింపు వారు ఎంత మంది వ్యక్తులతో ఛార్జీలను పంచుకుంటారు అనే దానిపై ఆధారపడి ఉంటుంది.) తమ ట్రిప్ వివరాలను మెసేజింగ్ యాప్‌ల ద్వారా పోస్ట్ చేయడం ద్వారా రైడ్ కోసం స్నేహితులను కూడా ఆహ్వానించవచ్చు. వీరు ట్రిప్‌లో చేరిన తర్వాత వారి స్వంత పికప్ స్థానాలను యాడ్‌ చేయవచ్చు. ఆ స్థానాలు రైడ్ రూట్‌లో అప్‌డేట్ చేసుకోవచ్చని  ఉబెర్‌  ఒక పత్రికా ప్రకటనలో తెలిపింది. కస్టమర్ అనుభవాన్ని మెరుగుపరచడంతో పాటు, మరింత డబ్బు ఆదాతో పాటు, ఇబ్బంది లేని ప్రయాణాన్నిఅందించేలా ఈ ఫీచర్ కస్టమర్‌లకు అవకాశాన్ని కల్పిస్తుందని ఉబెర్ ఇండియా సెంట్రల్ ఆపరేషన్స్ డైరెక్టర్ నితీష్ భూషణ్ తెలిపారు. తద్వారా రోడ్డుపై వాహనాలను తగ్గించే అవకాశం రైడర్లకు కలుగుతుందన్నారు. ఈ  ఫీచర్‌ ఎలా వాడాలి? ఉబర్‌ యాప్‌ను అప్‌డేట్ చేసుకోవాలి. యాప్ ఓపెన్ చేసి 'Services' ట్యాబ్‌ను ఎంచుకొని అందులో 'Group Rides' పై క్లిక్‌ చేయాలి.  ఇక్కడ పికప్ లొకేషన్‌ ఎంటర్ చేయాలి. ఆ తరువాత నిర్దేశిత రైడర్లను (స్నేహితులను) ఎంచుకొని రైడ్‌లో జాయిన్‌ అవ్వమని వాట్సాప్‌ లింక్‌ సెండ్ చేస్తే చాలు.   యాడ్‌ అయిన లొకేషన్‌ వివరాలు రైడ్‌లో యాడ్‌ అవ్వడంతోపాటు, ఈ సమాచారం డ్రైవర్‌కు కూడా అందుతుంది.

Google Grammar Check Feature: ఈ రోజుకి కూడా ఇంగ్లీషులో గ్రామర్ మిస్టేక్స్ చేసేవారి సంఖ్య భారీగా ఉన్నట్లు నివేదికలు చెబుతున్నాయి. అయితే ఇప్పుడు ప్రముఖ టెక్ దిగ్గజం గూగుల్ దీని కోసం ఓ సరికొత్త ఫీచర్ తీసుకువచ్చింది. దీని గురించి మరిన్ని వివరాలు ఈ కథనంలో తెలుసుకుందాం. గూగుల్ ఇప్పుడు తన గూగుల్ సెర్చ్‌లో వినియోగదారుల కోసం 'గ్రామర్ చెక్ ఫీచర్' తీసుకువచ్చింది. ఇది ప్రస్తుతం ఇంగ్లిష్ లాంగ్వేజ్‌కి మాత్రమే అందుబాటులో ఉంది. రానున్న రోజుల్లో మరిన్ని భాషలకు అందుబాటులో ఉండనుంది. ఆర్టిఫీషియల్ ఇంటెలిజెన్స్ టెక్నాలజీతో వచ్చిన ఈ ఫీచర్ ద్వారా ఒక వాక్యం గ్రామర్ పరంగా సరిగ్గా ఉందా లేదా అని చెక్ చేసుకోవచ్చు. ఈ కొత్త ఫీచర్ ద్వారా నేరుగా గ్రామర్ చెక్ చేసుకోవచ్చు. అంటే వాక్యాలు సరిగ్గా ఉన్నాయా.. లేదా? అని చెక్ చేసుకోవడానికి ప్రత్యేకించి థర్డ్ పార్టీ యాప్స్ అవసరం లేదు. ఈ ఫీచర్ ఉపయోగించడం కూడా చాలా సులభం. నిజానికి ప్రతి సారీ గ్రామర్ చెక్ కోసం పేజ్ ఉపయోగించాల్సిన అవసరం లేదు, అయితే దీనిని మీరు ఉపయోగిస్తున్నప్పుడు గ్రామర్ చెక్ అనే టూల్ పాప్ అప్ అవుతుంది. ఇదీ చదవండి: ఇలా చేస్తే ఏడాదికి 60 లక్షల ఆదాయం! 10 ఏళ్ల వరకు గ్యారెంటీ! దీని ద్వారా మీరు ఒక వాక్యం ఎంటర్ చేయగానే అందులో గ్రీన్ చెక్ మార్క్ చూపిస్తుంది, అందులో ఏదైనా తప్పు ఉంటె రెడ్ మార్క్ చూపిస్తుంది. గ్రామర్ మాత్రమే కాకుండా స్పెల్లింగ్ మిస్టేక్స్ కూడా కరెక్ట్ చేస్తుంది. ఈ లేటెస్ట్ ఫీచర్ కంప్యూటర్లలో, స్మార్ట్‌ఫోన్లలో ఉపయోగించుకోవచ్చు.

ఫోన్‌పే... ఈ పేరు తెలియని వారుండరు. చెల్లింపుల వ్యవస్థలో తనకంటూ ప్రత్యేక గుర్తింపు సంపాదించుకోవడంతో పాటు కోట్లాది మంది యూజర్లను సొంతం చేసుకుంది ఈ  సంస్థ. తాజాగా ఈ డిజిటల్ పేమెంట్స్ యాప్ తమ యూజర్లకు మరో సేవను అందుబాటులోకి తీసుకొచ్చింది. 'ఆదాయ పన్ను చెల్లింపు' అనే కొత్త ఫీచర్‌ను ప్రవేశపెట్టింది. కేంద్ర ప్రభుత్వం 2022-23 ఆర్థిక సంవత్సరానికి ఐటీఆర్‌ (ITR)ఫైలింగ్‌తో పాటు చెల్లించడానికి జూలై 31 గా నిర్ణయించింది. ఈ తేదీకి మించి ఐటీఆర్‌ ఫైల్ చేయడానికి గడువు పొడిగించేది లేదని ప్రభుత్వం స్పష్టం చేసింది. ఇకపై చాలా ఈజీ ఇదిలా ఉండగా కొన్ని సార్లు పన్ను చెల్లింపు చేస్తుండగా సర్వర్లు యూజర్ల సంఖ్య పెరగడంతో మొరాయిస్తున్న సంగతి తెలిసిందే. దీంతో ఈ సమస్యకు పరిష్కారంగా ఇన్‌కమ్ ట్యాక్స్ పేమెంట్స్ ఫీచర్ ప్రారంభిస్తున్నట్లు ఫోన్‌పే తెలిపింది. యూపీఐ లేదా క్రెడిట్ కార్డు పేమెంట్లను ఉపయోగించి నేరుగా యాప్ ద్వారానే సెల్ఫ్ అసెస్‌మెంట్, అడ్వాన్స్ ట్యాక్స్ చెల్లింపులు చేసేందుకు ట్యాక్స్ పేయర్స్‌కు వీలు కల్పిస్తున్నట్లు వెల్లడించింది. ఈ కొత్త సేవను  తీసుకొచ్చేందుకు ఫోన్ పే సంస్థ ప్రముఖ బీ2బీ పేమెంట్స్, సర్వీసెస్ సంస్థ పేమేట్ కంపెనీతో భాగస్వామ్యం ఏర్పరచుకుంది.  కొత్తగా వచ్చిన ఫీచర్‌లో యూజర్లు తమ క్రెడిట్ కార్డ్ లేదా యూపీఐని ఉపయోగించి సులభంగా పన్నులు చెల్లించడానికి వీలు కల్పిస్తుంది. ఈ ఫీచర్ క్రెడిట్ కార్డ్ చెల్లింపుల కోసం అదనపు ప్రయోజనాలతో వస్తుంది, ఫోన్ పే తెచ్చిన ఈ ఫీచర్ ఉపయోగించడం ద్వారా 45 రోజుల ఇంటరెస్ట్ ఫ్రీ పీరియడ్ అవకాశం పొందవచ్చని, బ్యాంకును బట్టి వారి పన్ను చెల్లింపులపైనా రివార్డు పాయింట్లను కూడా అందుకోవచ్చని కంపెనీ తెలిపింది. ఫోన్‌పేలో బిల్ పేమెంట్స్‌, రీఛార్జ్ బిజినెస్ హెడ్ నిహారిక సైగల్ ఈ అంశంపై మాట్లాడుతూ, "ఫోన్‌పేలో, మా యూజర్లు అవసరాలను తీర్చడానికి మా యాప్‌ను నిరంతరం అప్‌డేట్‌ చేస్తూ వారికి అనుగుణంగా మార్పులు చేస్తూనే ఉంటాం. మా సరికొత్త ఫీచర్‌ను ప్రారంభించడం పట్ల మేము సంతోషిస్తున్నాం. ఫోన్‌పేలో ఆదాయపు పన్నులు చెల్లించే సౌలభ్యం తరచుగా ఉంటుంది. పన్నులు కట్టడం అనేది క్లిష్టమైన ప్రక్రియ, చాలా సమయం పడుతుంది కూడా. ఇకపై మా యూజర్లకు ఎలాంటి అడ్డంకులు లేకుండా సురక్షితమైన పన్ను చెల్లింపు ప్రక్రియను అందిస్తోందని అన్నారు. చదవండి: EPFO: వేతన జీవులకు గుడ్‌న్యూస్‌: ఈపీఎఫ్‌ వడ్డీని పెంచిన కేంద్రం

కొత్త, కొత్త  ఫీచర్లతో యూజర్లను ఆకట్టుకుంటున్న ప్రముఖ మెసెంజర్ వాట్సాప్‌  మరోకొత్త ఫీచర్‌ను ప్రకటించింది. తాజా అప్‌డేట్‌ ప్రకారం వాట్సాప్‌ వినియోగదారులు పీసీలో ఏకంగా గరిష్టంగా 32 మందితో ఒకేసారి వీడియో కాల్స్ చేసుకోవచ్చు. బీటాలో 32 మంది పార్టిసిపెంట్స్‌తో వీడియో కాల్స్‌ను చేసుకునే ఫీచర్‌ను లాంచ్‌ చేసింది. అంటే ఇకపై గూగుల్‌ మీట్‌, జూమ్‌ లాంటి అవసరం లేకుండానే ఒకేసారి 32మందితో వీడియో ద్వారా  డెస్క్‌ టాప్‌ ద్వారా సంభాషించవచ్చు.  (టాప్‌ డైరెక్టర్‌ రాజమౌళి కొత్త అవతార్‌: హీరోలకు షాకే!?) వాబేటా ఇన్ఫో ప్రకారం 32 మంది యూజర్లు వీడియోకాల్స్‌ చేసుకోవచ్చు. గ్రూపు కాల్స్‌లో జాయిన్‌ కమ్మని వచ్చే ఇన్విటేషన్‌ మెసేజ్‌ ద్వారా కావాలనుకున్నబీటా యూజర్లు ఈ వీడియో కాల్‌లో జాయిన్‌  కావచ్చు. విండోస్ అప్‌డేట్ కోసం సరికొత్త వాట్సాప్ బీటాను ఇన్‌స్టాల్ చేసే కొంతమంది బీటా టెస్టర్లకు ఈ కొత్త ఫీచర్ ప్రస్తుతం అందుబాటులో ఉంది. రాబోయే రోజుల్లో మరింత మంది వినియోగదారులకు అందుబాటులోకి వస్తుందని నివేదిక పేర్కొంది. విండోస్ వినియోగదారులు ఇప్పటివరకు 32 మంది వ్యక్తులతో మాత్రమే ఆడియో వాట్సాప్ కాల్స్‌ చేసుకోగలిగేవారు.  అయితే ఇప్పుడు తాజా అప్‌డేట్‌తో బీటా యూజర్లు గరిష్టంగా 32 మందితో వీడియో కాల్ కూడా చేసుకోవచ్చు. గత ఏడాది నవంబరులోనే మెటా ఫౌండర్‌, సీఈవో మార్క్ జుకర్‌బర్గ్ ఆండ్రాయిడ్ , ఐఓఎస్‌లో ఈ  ఫీచర్‌ అందుబాటులోకి తీసుకొస్తున్నట్టు ప్రకటించారు. ఈ నెల ప్రారంభంలో, మెసేజింగ్ ప్లాట్‌ఫారమ్ విండోస్‌లోని కొంతమంది బీటా టెస్టర్‌లకు వీడియో కాల్‌ల కోసం స్క్రీన్-షేరింగ్ ఫీచర్‌ను  ప్రకటించిన సంగతి తెలిసిందే.

దక్షిణ కొరియాకు చెందిన ఎలక్ట్రానిక్‌ ఉత్పత్తుల తయారీ దిగ్గజం శాంసంగ్‌ (Samsung).. తన 2023 టీవీ, మానిటర్ లైనప్‌లో సీ కలర్స్‌ (SeeColors) అనే కొత్త మోడ్‌ను జోడించినట్లు ప్రకటించింది. ఈ ఫీచర్‌ వర్ణ అంధత్వం ఉన్నవారికి వివిధ సెట్టింగుల ద్వారా మెరుగైన వీక్షణ అనుభవాన్ని అందిస్తుంది. సీ కలర్స్‌ మోడ్ తొమ్మిది పిక్చర్ ప్రీసెట్‌లను అందిస్తుంది. వీటిలో వినియోగదారులు తమకు అనువైనదాన్ని ఎంచుకోవచ్చు. వీక్షకులు తమ వర్ణ దృష్టి లోపానికి అనుగుణంగా స్క్రీన్‌పై అన్ని రంగులను సులభంగా గుర్తించగలిగేలా ఎరుపు, ఆకుపచ్చ, నీలం రంగుల స్థాయిలను ఈ ఫీచర్‌ సర్దుబాటు చేస్తుంది. అందుబాటులో సాఫ్ట్‌వేర్ అప్‌డేట్ వాస్తవానికి 2017లోనే ఈ ఫీచర్‌ ఒక అప్లికేషన్‌గా విడుదలైంది. సీ కలర్స్ మోడ్‌ వర్ణాంధత్వ బాధితులు తాము చూడలేని రంగులను సైతం స్క్రీన్‌పై ఆ‍స్వాదించేలా దీన్ని రూపొందించారు. రానున్న టీవీ, మానిటర్ యాక్సెసిబిలిటీ మెనూలలో ఈ మోడ్‌ను ఏకీకృతం చేస్తోంది శాంసంగ్‌ కంపెనీ. ఇప్పటికే 2023 మోడల్‌ శాంసంగ్‌ టీవీలు, మానిటర్లు కొనుగోలు చేసిన వారు తమ ఉత్పత్తుల యాక్సెసిబిలిటీ మెనూకి సీ కలర్స్‌ ఫీచర్‌ను జోడించడానికి సాఫ్ట్‌వేర్ అప్‌డేట్ అందుబాటులో ఉంటుంది. సీ కలర్స్‌  మోడ్‌కు సంబంధించి 'కలర్ విజన్ యాక్సెసిబిలిటీ' సర్టిఫికేషన్‌ను కూడా శాంసంగ్‌ పొందింది. ఇదీ చదవండి: Smallest Smartphone: ప్రపంచంలోనే అతి చిన్న స్మార్ట్‌ఫోన్..  ఫీచర్లు మాత్రం అదుర్స్‌!

వాట్సాప్‌ యూజర్లకు మరో  తీపికబురు అందించారు.మార్క్‌ జుకర్‌బర్గ్ . ఇటీవలి కాలంలో పలు అప్‌డేట్స్‌,  కొత్త ఫీచర్లతో వాట్సాప్‌ యూజర్లను ఆకట్టుకుంటున్న సంస్థ తాజాగా వాట్సాప్‌లో సైలెన్స్ అన్‌నోన్ కాలర్స్ అనే కొత్త గోప్యతా ఫీచర్‌ను ప్రకటించింది.  ఇటీవలి తెలియని నంబర్ల నుండి వచ్చిన కాల్స్‌పై పెరుగుతున్న ఆందోళనల నేపథ్యంలో  కేటుగాళ్లకు  చెక్‌ చెప్పేలా ఈ కొత్త ఫీచర్‌ను తీసుకొచ్చారు.  (సుందర్‌ పిచాయ్‌: 32 ఎకరాల్లో లగ్జరీ భవనం, ఖరీదెంతో తెలుసా?) మెటా ఫౌండర్‌, సీఈవో మార్క్‌ జుకర్‌బర్గ్  ప్రకటన ప్రకారం వినియోగదారులకు ఇన్‌కమింగ్ కాల్‌లపై ఎక్కువ నియంత్రణ ఇవ్వడం,  స్పామ్, స్కామ్స్‌ బారిన పడకుండా సెక్యూరిటీ అందించడమే ఈ  ఫీచర్ లక్ష్యం . సైలెన్స్ అన్‌నోన్ కాలర్స్‌తో, వాట్సాప్ యూజర్లు  గుర్తు తెలియని వ్యక్తులనుంచి అవాంఛిత కాల్‌లను ఆటోమేటిక్‌గా స్క్రీన్ అవుట్ చేయవచ్చని వాట్సాప్‌ పేర్కొంది. దీంతో మోసాలు బాగా  తగ్గుతాయని వెల్లడించింది.  (50 ఏళ్ల అనుబంధం: నందన్‌ నీలేకని కీలక నిర్ణయం) WhatsApp announced silence unknown callers feature and privacy checkup! The ability to mute calls from unknown contacts and a privacy checkup feature are now available to everyone!https://t.co/bdbAXkVGOU pic.twitter.com/NtdTB8B9Aa — WABetaInfo (@WABetaInfo) June 20, 2023  ఎలా పని చేస్తుంది సెటింగ్స్‌లోని ప్రైవసీ  ఆప్షన్‌ సెట్‌ చేసుకోవాల్సి ఉంటుంది. దీంతో అన్‌నోన్‌ నంబర్లనుంచి వచ్చే కాల్స్‌ ఫోన్‌లో రింగ్  అవ్వవు.  కానీ  కాల్ లిస్ట్‌లో కనిపిస్తాయి. ఫలితంగా  ఏదైనా ముఖ్యమైన  కాల్స్‌ విషయంలో వినియోగ దారులు  తర్వాత రివ్యూ చేసుకోవచ్చన్నమాట.  దీనికి ముందు ప్రైవసీ చెకప్‌ అనే ఫీచర్‌ను వాట్సాప్‌ లాంచ్‌ చేసిన సంగతి తెలిసిందే.

ట్విటర్‌ను కొనుగోలు అనంతరం ఎలాన్‌ మస్క్‌ సంచలనాలకు కేంద్ర బిందువుగా మారారు. తాజాగా, ఆయన ట్విటర్‌లో కాల్స్‌, మెసేజ్‌లను పంపుకునేందుకు వీలుగా కొత్త ఫీచర్‌ను అందుబాటులోకి తెస్తున్నట్లు ప్రకటించారు.  మస్క్‌ గత ఏడాది ‘ట్విటర్‌ 2.0 ది ఎవ్రిథింగ్‌ యాప్‌’ పేరుతో ఎన్‌క్రిప్టెడ్‌ డైరెక్ట్‌ మెసేజ్‌లు, లాంగ్‌ ఫార్మ్‌ ట్విట్‌లు,పేమెంట్స్‌ సంబంధిత లావాదేవీలు జరిపేలా కొత్త ఫీచర్లను యూజర్లకు పరిచయం చేయనున్నట్లు తెలిపారు. ఆ ప్రకటనకు కొనసాగింపుగా త్వరలో ట్విటర్‌ నుంచి వాయిస్‌, వీడియా కాల్స్‌ చేసుకోవచ్చని ట్వీట్‌ చేశారు. ప్రపంచంలో ఎక్కడి నుంచైనా ఈ సదుపాయాన్ని వినియోగించుకోవని, ఇందుకోసం ఎలాంటి ఫోన్‌ నెంబర్‌ ఇవ్వాల్సిన అవసరం లేదని పేర్కొన్నారు.  మెటా తరహాలో  ఎలాన్‌ మస్క్‌ చెప్పినట్లుగా ట్విటర్‌లోని ఈ సరికొత్త ఫీచర్లు ఇప్పటికే మెటా ఎనేబుల్‌ చేసింది. మెటా, ఇన్‌స్టాగ్రామ్‌ తరహాలో ట్విటర్‌లో ఉపయోగించుకునే సౌకర్యం ఉంది యాక్టివ్‌ లేని ట్విటర్‌ అకౌంట్లను  బాస్‌గా అడుగు పెట్టిన నాటి నుంచి మస్క్‌.. ట్విటర్‌లో అనేక మార్పులు చేర్పులు చేస్తున్న విషయం తెలిసిందే. గత కొన్నేళ్లుగా వినియోగంలోని ట్విటర్‌ అకౌంట్లను డిలీట్‌ చేస్తున్నామని, తద్వారా కొంతమందికి ఫాలోవర్ల సంఖ్య తగ్గే అవకాశం ఉందని ఇటీవల ట్విటర్‌ ద్వారా వెల్లడించారు. చదవండి👉 వావ్‌..డాక్టర్లు చేయలేని పని చాట్‌జీపీటీ చేసింది..కుక్క ప్రాణాలు కాపాడి!

ఆధార్ కార్డులకు సంబంధించి యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) కొత్త ఫీచర్‌ను తీసుకొచ్చింది. కార్డుదారులు ఇప్పుడు తమ ఆధార్‌తో సీడ్ చేసిన మొబైల్ నంబర్‌లు, ఈమెయిల్ ఐడీలను ధ్రువీకరించవచ్చు. దీంతో తమ ఆధార్ OTP వేరే మొబైల్‌ నంబర్‌కు వెళ్తుందన్న ఆందోళన ఇక అక్కర్లేదు! ఇదీ చదవండి: iPhone 14 Offers: ఐఫోన్‌14పై ఆఫర్లే ఆఫర్లు.. ఫ్లిప్‌కార్ట్, అమెజాన్‌తో పాటు మరో సంస్థలోనూ భారీ డిస్కౌంట్లు!  కార్డుదారులు తమ ఆధార్‌కు సీడ్ చేసిన మొబైల్ నంబర్ల గురించి కొన్ని సందర్భాల్లో తెలియక ఇబ్బందులు పడుతుంటారు. దీనివల్ల OTP వేరే మొబైల్ నంబర్‌కు వెళుతోందేమోనని ఆందోళన చెందుతుంటారు. ఈ ఇబ్బందులను గుర్తించిన యూఐడీఏఐ కొత్త ఫీచర్‌ను తీసుకొచ్చింది. దీంతో ఆధార్ కార్డ్ హోల్డర్లు సీడెడ్ నంబర్లు, ఈమెయిల్‌ ఐడీలను సులభంగా చెక్‌ చేసుకోవచ్చని ఐటీ మంత్రిత్వ శాఖ వర్గాల సమాచారం ఆధారంగా ఐఎఎన్ఎస్ ఈ మేరకు నివేదించింది.  ఇలా వెరిఫై చేయండి కార్డుదారులు యూఐడీఏఐ అధికారిక వెబ్‌సైట్ (https://myaadhaar.uidai.gov.in/) లేదా mAadhaar యాప్ ద్వారా ఈ కొత్త ఫీచర్‌ను ఉపయోగించవచ్చు. వెబ్‌సైట్ లేదా యాప్‌ లోకి వెళ్లిన తర్వాత 'వెరిఫై ఈమెయిల్/మొబైల్ నంబర్' ట్యాబ్‌ను క్లిక్‌ చేసి తమ ఈమెయిల్ ఐడీ, మొబైల్ నంబర్‌లను ధ్రువీకరించవచ్చు. ఒకవేళ మొబైల్ నంబర్ లేదా ఈమెయిల్ ఐడీలో మార్పులు ఉంటే దగ్గరలోని ఆధార్ కేంద్రాన్ని సందర్శించవచ్చు. ఇదీ చదవండి: FASTag Record: ఒక్క రోజులో రూ.1.16 కోట్లు.. ఫాస్ట్‌ట్యాగ్‌ వసూళ్ల రికార్డు 

ఆండ్రాయిడ్‌ పరికరాల కోసం గూగుల్‌ సరికొత్త ఫీచర్‌ను తీసుకొస్తోంది. ఫోన్లలో స్టోరేజ్‌ సమస్యకు పరిష్కారంగా ‘ఆటో ఆర్కైవ్‌’ అనే ఫీచర్‌ను తీసుకొస్తున్నట్లు తన బ్లాగ్‌ పోస్ట్‌లో గూగుల్‌ పేర్కొంది.  ఈ ఫీచర్ వల్ల యూజర్లకు సంబంధించిన ఎలాంటి డేటా తొలగిపోదు. ఇది కేవలం తక్కువగా వాడిన యాప్‌ల డేటాను మాత్రమే ఆర్కైవ్‌ చేస్తుంది. ఆ యాప్‌లకు సంబంధించిన క్లౌడ్ ఐకాన్‌ ఫోన్‌లలో అలాగే ఉంటుంది. ఆటో ఆర్కైవ్ అంటే ఏమిటి? ఆటో ఆర్కైవ్ అనేది యాప్‌ను పూర్తిగా అన్‌ఇన్‌స్టాల్ చేయాల్సిన అవసరం లేకుండానే ఆండ్రాయిడ్‌ యూజర్లు తమ ఫోన్లు, ఇతర పరికరాల్లో స్టోరేజ్‌ స్పేస్‌ను ఖాళీ చేయడానికి రూపొందించిన కొత్త ఫీచర్ . ఈ ఫీచర్‌ను యూజర్లు ఎంచుకుంటే వారి ఫోన్లు, ఇతర ఆండ్రాయిడ్‌ పరికరాల్లో తక్కువగా వినియోగించే యాప్‌లు పాక్షికంగా తొలగిపోతాయి. దీంతో ఆ మేరకు స్టోరేజ్‌ స్పేస్‌ ఖాళీ అవుతుంది. అయితే తమకు సంబంధించిన ముఖ్యమైన డేటా తొలగిపోతుందని యూజర్లు కంగారు పడాల్సిన పని లేదు. యూజర్ల డేటా, పాక్షికంగా తొలగించిన యాప్‌ ఐకాన్‌లు కూడా ఫోన్‌లో అలాగే ఉంటాయి. కాబట్టి ఒకవేళ యూజర్లు తొలగించిన యాప్‌ను మళ్లీ ఉపయోగించాలనుకున్నప్పుడు దాన్ని మరో సారి డౌన్‌లోడ్‌ చేసుకుని ఎక్కడి నుంచి యాప్‌ డేటా తొలగిపోయిందో తిరిగి అక్కడి నుంచి కొనసాగించవచ్చు. అయితే ఆ యాప్‌ గూగుల్‌ ప్లేస్టోర్‌ అందుబాటులో ఉన్నంతవరకే. ఎలా పనిచేస్తుంది? ఆండ్రాయిడ్‌ యూజర్లు గూగుల్‌ ప్లేస్టోర్‌ నుంచి ఏదైనా యాప్‌ను ఇన్‌స్టాల్ చేయడానికి ప్రయత్నించినప్పుడు  ఒకవేళ వారి ఫోన్లు, ఇతర పరికరాల్లో స్టోరేజ్‌ స్పేస్‌ తక్కువగా ఉన్నట్లయితే ఆటో ఆర్కైవింగ్ ఫీచర్‌ను ఉపయోగించుకోవాలని వారికి సూచన అందుతుంది. ఆ ఫీచర్‌ను ఎంచుకున్న వెంటనే తక్కువ వినియోగంలో ఉన్న యాప్‌లను గుర్తించి ఆటోమేటిక్‌గా ఆర్కైవ్‌ చేస్తుంది. ఆటో ఆర్కైవింగ్ ఫీచర్‌ వల్ల దాదాపు 60 శాతం వరకు స్టోరేజీ స్పేస్‌ ఆదా అవుతుంది.  గూగుల్‌ బ్లాగ్ పోస్ట్ ప్రకారం..  యాప్ బండిల్‌ని ఉపయోగించి రూపొందించిన యాప్‌లకు మాత్రమే ఈ ఆటో ఆర్కైవింగ్ ఫీచర్‌ పనిచేస్తుంది. యాప్ బండిల్‌ అనేది యాప్‌ల రూపకల్పన కోసం 2021 నుంచి తప్పనిసరి చేసిన ఫార్మాట్.

ప్రస్తుతం మొబైల్ లేకుండా మనకు రోజే గడవదు, అందులోనూ వాట్సాప్‌, ఫేస్‌బుక్‌ వంటివి లేకుండా కాలం ముందుకు సాగదు. అయితే మనకు నచ్చిన వీడియోలు లేదా ఫోటోలు సోషల్ మీడియాలో స్టేటస్‌లగా పెట్టుకోవడం సర్వసాధారణమయిపోయింది. అయితే ఇప్పటివరకు వాట్సాప్‌లో వేరుగా ఫేస్‌బుక్‌లో వేరుగా స్టేటస్‌లు పెట్టుకోవాల్సి వచ్చేది. ఇప్పుడు ఇలాంటి పద్దతికి చరమగీతం పాడే సమయం వచ్చేసింది. వాట్సాప్‌ స్టేటస్‌ను ఫేస్‌బుక్‌లో స్టోరీగా పెట్టుకోవాలంటే మన స్టేటస్‌లో షేర్‌ ఆప్షన్‌ వాడాలి. లేదంటే మళ్లీ ఫేస్‌బుక్‌లో ప్రత్యేకంగా అప్‌లోడ్‌ చేయాలి. అలా కాకుండా వాట్సాప్‌ తీసుకు వస్తున్న కొత్త ఫీచర్‌ ద్వారా ఇకపై ఒకే సమయంలో వాట్సాప్‌ స్టోరీతో పాటు ఫేస్‌బుక్‌ స్టోరీని పెట్టుకోవచ్చు. ప్రస్తుతానికి మన వాట్సాప్‌ స్టేటస్‌ ప్రైవసీ సెట్టింగ్స్‌లో మై కాంటాక్ట్స్, మై కాంటాక్ట్స్ ఎక్స్‌ప్ట్‌, ఓన్లీ షేర్ విత్ మీ అనే మూడు ఆప్షన్లు మాత్రమే కనిపిస్తాయి. అయితే త్వరలో వాటి కింద ఫేస్‌బుక్‌ అనే కొత్త ఆప్షన్‌ కూడా రానుంది. వాట్సాప్‌ అండ్ ఫేస్‌బుక్‌లో స్టేటస్ పెట్టాలనుకొనే వారు ఈ ఆప్షన్‌ను ఎనేబుల్‌ చేసుకొని ఫేస్‌బుక్‌ అకౌంట్‌కి యాడ్‌ చేసుకోవచ్చు. (ఇదీ చదవండి: గుడ్ న్యూస్: భారీగా తగ్గిన సీఎన్‌జీ, పీఎన్‌జీ ప్రైస్ - కొత్త ధరలు ఇలా ఉన్నాయి) వాట్సాప్‌లో రానున్న ఈ కొత్త ఫీచర్ వల్ల మనం ప్రత్యేకంగా ఫేస్‌బుక్‌లో స్టేటస్ పెట్టుకోవాల్సిన అవసరం ఉండదు. ఒకేసారి రెండింటిలోనూ స్టేటస్ పెట్టవచ్చు. ప్రస్తుతం ఈ ఫీచర్ టెస్టింగ్ దశలో ఉన్నట్లు సమాచారం. త్వరలోనే ఆండ్రాయిడ్‌, ఐఓఎస్‌ యూజర్లకు అందుబాటులోకి రానుంది.

చాలా రోజులుగా ఊరి​స్తున్న​ వన్‌ ప్లస్‌ 11 (OnePlus 11) కాన్సెప్ట్ స్మార్ట్‌ఫోన్‌ స్టన్నింగ్‌ ఫీచర్స్‌ను తాజాగా ఆవిష్కరించింది. గతంలో ఎప్పుడూ చూడని ఓ సరికొత్త ఫీచర్‌ను ఇందులో తీసుకొచ్చింది.  అదే యాక్టివ్ క్రియోఫ్లక్స్ కూలింగ్ సొల్యూషన్‌. ఈ యాక్టివ్ క్రియోఫ్లక్స్ అనేది సాధారణంగా డెస్క్‌టాప్ కంప్యూటర్‌లలో ఉండే క్లోజ్డ్-లూప్ లిక్విడ్ కూలింగ్ సిస్టమ్‌కి మరో పేరు. కానీ దీన్ని స్మార్ట్‌ఫోన్‌కు అనువుగా రూపొందించారు.   ఫోన్‌ మధ్యలో ఒక సిరామిక్ పైజోఎలెక్ట్రిక్ మైక్రోపంప్ ఉంటుంది. ఇది చిన్నచిన్న గొట్టాల ద్వారా కూలింగ్‌  ద్రవాన్ని ఫోన్‌ అంతటికీ పంపుతుంది. ఇది రేడియేటర్‌గా పనిచేసి ఫోన్‌ హీట్‌ను గ్రహించి చల్లబరుస్తుంది. ఈ యాక్టివ్ క్రయోఫ్లక్స్ కూలింగ్‌ సిస్టమ్‌ ఫోన్‌ ఉష్ణోగ్రతలను 2.1 డిగ్రీల వరకు తగ్గించగలదని వన్‌ ప్లస్‌ పేర్కొంది. ఇది ఛార్జింగ్ సమయంలోనే ఉష్ణోగ్రతను 1.6 డిగ్రీలకు తగ్గిస్తుంది. దీంతో ఛార్జింగ్ సమయం కూడా ఆదా అవుతుంది. (ఇదీ చదవండి: సీఈవో జీతం తెలిసి యూజర్లు షాక్‌! దీంతో ఎలా బతుకుతున్నారు సార్‌?) ఇక మిగిలినవి ఫోన్‌ డిజైన్‌ ఇతర ఆకృతులకు సంబంధించినవి. ఫోన్‌ వెనుక కవర్ కోసం వంపు తిరిగిన, పారదర్శక గాజును ఉపయోగించారు. దీంతో వెనుకవైపు కూలింగ్‌ ద్రవం ప్రవహించే ప్రకాశవంతమైన  గొట్టాలను చూడవచ్చు. అలాగే కెమెరా చుట్టూ కూడా ప్రకాశవంతంగా ఉంటుంది. అయితే వన్‌ ప్లస్‌ ఈ కాన్సెప్ట్‌ స్మార్ట్‌ఫోన్ల ఉత్పత్తిని ఎప్పుడు మొదటు పెడుతుందో స్పష్టత లేదు. ఇలాగే 2020లో వన్‌ప్లస్‌ ఆసక్తికరమైన సెల్ఫ్-టింటింగ్ కెమెరా కవర్ క్లాస్‌ను ఆవిష్కరించింది. కానీ వాటిని ఉత్పత్తి చేయలేదు. 

వాట్సాప్‌ కాల్స్‌ చేసే వారి కోసం అదిరిపోయే ఫీచర్‌ను తీసుకొస్తోంది దాని యాజమాన్య సంస్థ మెటా. తరచూ వాట్సాప్‌ ద్వారా కాల్స్‌ చేసే వినియోగదారులకు సౌకర్యంగా ఉండేలా కాలింగ్‌ షార్ట్‌కట్‌ను క్రియేట్‌ చేసుకునే సదుపాయాన్ని కల్పించడంపై కసరత్తు చేస్తోంది. దీని వల్ల మనం ప్రతిసారి కాంటాక్ట్స్‌ లిస్ట్‌లోకి వెళ్లాల్సిన పని లేకుండా తరచూ చేసే కాల్స్‌కు హోం స్క్రీన్‌పై షార్ట్‌కట్‌ క్రియేట్‌ చేసుకోవచ్చు.   ఇటీవల కాలంలో నేరుగా కాల్స్‌ చేసేవారితో పాటు వాట్సాప్‌ ద్వారా కాల్స్‌ చేసేవారు ఎక్కువయ్యారు. వేరే రాష్ట్రాలు, దేశాల్లో ఉన్న తమవారితో మాట్లాడేందుకు చాలామంది వాట్సాప్‌  కాల్స్‌ చేస్తుంటారు. ఇటువంటి వారి కోసం మెటా సంస్థ ఈ ఫీచర్‌ను తీసుకొస్తోంది. మనం ఎవరితో అయితే తరచుగా కాల్స్‌ చేస్తుంటామో దానికి సంబంధించిన కాంటాక్ట్‌కు షార్ట్‌కట్‌ క్రియేట్‌ చేయగానే అది ఆటోమేటిక్‌గా హోం స్క్రీన్‌పై కనిపిస్తుంది. ఆ షార్ట్‌కట్‌ను అలా ట్యాప్‌ చేయగానే వెంటనే కాల్‌ వెళ్తుంది. ఈ ఫీచర్.. రానున్న అప్‌డేట్‌తో అందుబాటులోకి రానుంది. నియోగదారులు వాట్సాప్‌ ద్వారా ఫొటోలను ఒరిజినల్‌ క్వాలిటీతో పంపే సౌలభ్యాన్ని సైతం తీసుకొస్తున్నట్లు యాజమాన్యం గత నెలలో ప్రకటించింది. ఈ ఫీచర్‌ ద్వారా వినియోగదారులు తాము పంపే ఫొటోల క్వాలిటీని వారికి నచ్చినట్లుగా కంట్రోల్‌ చేసుకునే వెసులుబాటు ఉంటుంది.

సాక్షి, ముంబై:   మెటా  యాజమాన్యంలోని మెసేజింగ్ యాప్ వాట్సాప్  తన  యూజర్ల కోసం మరో కొత్త అప్‌డేట్‌ తీసుకు రాబోతోంది. నిత్యం సరికొత్త ఫీచర్లతో వినియోగదారులను ఆకట్టుకునే వాట్సాప్‌ తాజాగా కొత్త ఫీచర్‌పై  పరీకక్షిస్తోంది.  వ్యూ వన్స్‌  టెక్ట్స్  ఫీచర్‌ను పరిచయం చేయనుంది. ఇదీ చదవండి: లేడీ బాస్‌ సర్‌ప్రైజ్‌ బోనస్‌ బొనాంజా..ఒక్కొక్కరికీ రూ. 82 లక్షలు! వాట్సాప్‌లో మెసేజ్‌ను ఒకసారి రిసీవర్‌ ఒకసారే మాత్రమే చూడగలరు. రిసీవర్‌ చదవిన వెంటనే ఆ మెసేజ్‌  ఆటో మేటిక్‌గా డిలీట్‌ అవుతుందన్న మాట. అటు మెసేజ్ పంపిన వారికి, అందుకున్న వారికి కూడా ఆ మెసేజ్‌ కనపించదు. తమ వాట్సాప్‌ చాట్‌ను ఎవరూ చూడకుండా సీక్రెట్‌గా  ఉండాలనుకునే యూజర్లకు  ఇది బాగా ఉపయోగ పడనుంది. (WhatsApp 3D Avatar: వాట్సాప్‌ అవతార్‌ వచ్చేసింది..మీరూ కస్టమైజ్‌ చేసుకోండి ఇలా!) వేబేటా ఇన్ఫో ప్రకారం ఈ ఫీచర్ ప్రస్తుతం వాట్సాప్‌ ఆండ్రాయిడ్ బీటా వెర్షన్‌లో అందుబాటులో ఉంది. పూర్తిస్థాయిలో యూజర్లందరికీ ఎప్పుడు అందుబాటులోకి తెస్తారన్నది మాత్రం  ప్రస్తుతానికి సస్పెన్స్‌.  వాట్సాప్‌ అధికారికంగా లాంచ్‌ చేసేవరకు వెయిట్‌ చేయాల్సిందే. కాగాఇప్పటికే వాట్సాప్‌లో వన్స్ వ్యూ ఫీచర్.. వీడియోలు, ఫొటోలకు వినియోగంలో ఉంది. వీడియోలు లేదా ఫొటోలకు వన్స్ వ్యూ ఫీచర్ ఆప్షన్ ద్వారా ఒక్కసారి మాత్రమే కనిపించి ఆ తరువాత అదృశ్యమవుతాయి.దీన్ని ఫార్వార్డ్‌ చేయడం, స్క్రీన్ షాట్ తీసుకోవడం కూడా కుదరదు.  ఇదే ఫీచర్‌ను టెక్ట్స్  ఫార్మాట్ కోసం వ్యూ వన్స్ ఫీచర్‌ను  పరీక్షిస్తుండటం గమనార్హం.  

సాక్షి,ముంబై: ప్రముఖ మెసేజింగ్‌ యాప్‌ వాట్సాప్‌ తన వినియోగదారుల కోసం  తాజాగా  మరో సూపర్‌ ఫీచర్‌ను అందుబాటులోకి తెస్తోంది. ఒకే నంబర్‌తో ఒకేసారి రెండు స్మార్ట్‌ఫోన్లతోపాటు, మరో రెండు డివైస్‌లలో వాట్సాప్‌ను యాక్సెస్‌కి యూజర్లకు అనుమతినివ్వనుంది. ఈ సేవను ఎనేబుల్ చేసేలా ‘కంపానియన్ మోడ్’ అనే ఫీచర్‌ని పరీక్షిస్తోంది.  (ElonMusk క్షణం తీరికలేని పని: కొత్త ఫీచర్‌ ప్రకటించిన మస్క్‌) వాట్సాప్ రాబోయే ఫీచర్లను ట్రాక్ చేసే వాబేటా ఇన్ఫో ప్రకారం  కంపానియన్ మోడ్‌ ఫీచర్‌ను కొన్ని బీటా టెస్టర్‌లకు విడుదల చేసింది. కొంతమంది బీటా టెస్టర్ల కోసం ఫీచర్‌ను పరీక్షిస్తున్నట్లు తెలిపింది. అంతేకాద మొబైల్,  డెస్క్‌టాప్‌లో ఏకకాలంలో వాట్సాప్‌ను ఉపయోగించవచ్చని తెలిపింది.  'లింక్ డివైస్' ఆప్షన్ ద్వారా రెండో స్మార్ట్‌ఫోన్‌ను లింక్ చేసుకునే అవకాశాన్ని వాట్సాప్ అందిస్తుంది. మరొక స్మార్ట్‌ఫోన్‌ను లింక్ చేసిన తర్వాత, చాట్ హిస్టరీ చూడటం తోపాటు, మెసేజేస్‌ చూసుకోవడం, సమాధానాలి​వ‍్వడంతోపాటు  కాల్స్‌ను చేసుకోవచ్చు.  బీటా టెస్టర్ గరిష్టంగా 4 పరికరాలను రెండు స్మార్ట్‌ఫోన్‌లు,  ఒక టాబ్లెట్ ,ఒక డెస్క్‌టాప్‌కి లింక్‌ చేసుకోవచ్చు. ప్రస్తుతం క్యూఆర్‌ కోడ్ స్కానింగ్ ద్వారా  డెస్క్‌టాప్‌లో వాట్సాప్‌ సేవలను పొందుతున్న సంగతి తెలిసిందే.  (ప్రతీ వాట్సాప్‌ గ్రూపునకు కూడా 10 డాలర్లు పెడితే!?) కాగా వాట్సాప్‌కు భారతదేశంలో దాదాపు 500 మిలియన్ల మంది వినియోగదారులు ఉన్నారు.ఇటీవల గ్రూప్‌లో పాల్గొనే వారి సంఖ్యను 1024కి పెంచింది. ప్రపంచవ్యాప్తంగా కమ్యూనిటీస్‌ ఫీచర్‌ను అందుబాటులోకి తెచ్చింది. ఇందులో  ఒక గ్రూపు పలు గ్రూపులను రూపొందించడానికి యూజర్లకు అనుమతిస్తుంది.  ఇందులో ఒక గ్రూపు  గరిష్టంగా 12  గ్రూపులను క్రియేట్‌ చేసుకోవచ్చు.  (వాట్సాప్‌ అదిరిపోయే ఫీచర్లు: పోల్స్‌ ఫీచర్‌ ఇంకా...!)

న్యూఢిల్లీ: మైక్రోబ్లాగింగ్‌ సైట్‌  ట్విటర్‌ టేకోవర్‌ తరువాత అనూహ్య సంస్కరణలు చేపడుతున్న ట్విటర్‌ కొత్త బాస్‌ బిలియనీర్ ఎలాన్‌ మస్క్‌ మరో సరికొత్త అంశాన్ని ప్రకటించారు. ఇకపై తమ ప్లాట్‌ఫాంలో ఆయా సంస్థలను సర్టిఫై చేస్తుందని  మస్క్‌ పేర్కొన్నారు. ఈ మేరకు మస్క్‌ కొత్త ఫీచర్‌ను ప్రకటించారు.  ట్విటర్‌ ద్వారా కొత్త ఫీచర్‌ తీసుకొస్తున్న ప్రకటించిన మస్క్‌ ఏయే ట్విటర్‌ అకౌంట్స్‌, ఏ యే సంస్థలకు అనుసంధానంగా ఉన్నాయో గుర్తించేందుకు ఆయా సంస్థలను అనుమతి నిస్తుందని ఆదివారం ట్వీట్‌ చేశారు. ఈ ఫీచర్‌ త్వరలోనే లాంచ్‌ చేస్తామన్నారు. దీనిపై ఒక యూజర్‌ స్పందిస్తూ.. అంటే ఏ ఖాతాదారుడు ఏ ఆర్గనైజేషన్‌కు చెందినవాడో ట్విటర్‌ డిసైడ్‌ చేస్తుందన్నమాట అని ప్రశ్నించారు. కచ్చితంగా.. ట్విటరే తుది మధ్యవర్తిగా ఉంటుంది... అంతకుమించి వేరే మార్గం లేదు అంటూనే సూచనలు సలహాలను ఆహ్వానిస్తున్నాని పేర్కొన్నారు.  అలాగే ఇటీవల ట్విటర్‌ను సొంతం చేసుకోవడం, అటు ఆటోమేకర్ టెస్లా చీఫ్‌గా ఇలా రెండు సంస్థలకు సీఈవోగా ఉంటున్న క్రమంలో దీని ప్రభావం టెస్లాపై పడనుందా అన్న ప్రశ్నకు స్పందిస్తూ ఉదయం నుండి రాత్రి వరకు, వారంలో ఏడు రోజులూ  క్షణం తీరికలేకుండా, ఎడ తెగకుండా పనిచేస్తున్నట్టు చెప్పుకొచ్చారు.  Rolling out soon, Twitter will enable organizations to identify which other Twitter accounts are actually associated with them — Elon Musk (@elonmusk) November 13, 2022 అయితే 44 బిలియన్‌ డాలర్ల  ట్విటర్‌  కొనుగోలు డీల్‌ పూర్తి చేసిన  టెస్లా సీఈవో  ఎలాన్‌మస్క్‌ వెను వెంటనే పలు సంస్కరణలకు శ్రీకారం చుట్టారు. కీలక ఎగ్జిక్యూటివ్‌లపై వేటు, బోర్డు రద్దు, కంపెనీలో సగానికి పైగా ఉద్యోగులకు ఉద్వాసన, బ్లూటిక్ వెరిఫికేషన్‌ ఫీజు లాంటి చర్యలను ప్రకటించారు. బ్లూటిక్‌ వెరిఫికేషన్‌ ఫీజుపై వెనక్కి తగ్గిన మస్క్‌ బ్లూటిక్‌ వెరిఫికేషన్‌ వచ్చే వారం నుంచి బహుశా తీసుకురావచ్చునని ట్వీట్‌ చేసిన పూర్తిఫీజు ఎంత నిర్ణయించిందీ క్లారిటీ ఇవ్వలేదు. అలాగే అధికారిక హ్యాండిల్స్‌ను ఎలా గుర్తించేది వెల్లడించలేదు. మరోవైపు కొన్ని దేశాల్లో ట్విటర్‌ స్లోగా ఉండటంపై  మస్క్‌ క్షమాపణలు చెప్పారు.

న్యూఢిల్లీ: కొత్త కొత్త ఫీచర్లతో యూజర్లను ఆకట్టుకునే పాపులర్‌ ఫొటో మెసేజింగ్‌ ట్‌యాప్ స్నాప్‌చాట్‌ తాజాగా మరో అద్భుతమైన ఫీచర్‌ను ప్రకటించింది. భారతదేశంలో స్నాప్‌చాట్ సౌండ్స్ క్రియేటర్ ఫండ్‌ను ప్రారంభించినట్లు స్నాప్‌చాట్ మాతృ సంస్థ స్నాప్మంగళవారం ప్రకటించింది. ఇందుకు  డిజిటల్ మ్యూజిక్ డిస్ట్రిబ్యూషన్ సర్వీస్ డిస్ట్రోకిడ్‌తో భాగస్వామ్యాన్ని కుదుర్చుకుంది. తద్వారా నెలకు 20 మంది బడ్డింగ్‌ ఆర్టిస్టులకు ఒక్కొక్కరికి 2,500 (దాదాపు రూ. 2,04,800) ప్రోత్సాహాన్ని అందించనుంది.  కొత్తగా ప్రకటించిన స్నాప్ సౌండ్స్ క్రియేటర్ ఫండ్ ద్వారా దేశంలోని అభివృద్ధి చెందుతున్న కళాకారులను గుర్తించి వారికి నగదు ప్రోత్సాహకాలను అందించనుంది. నెలకు మొత్తంగా 50వేల డాలర్ల (దాదాపు రూ.41 లక్షలు) వరకు గ్రాంట్‌లను అందజేస్తామని కంపెనీ ప్రకటించింది. భవిష్యత్తు కళాకారులే లక్ష్యంగా ప్లాట్‌ఫారమ్‌లోని స్నాప్‌లు, ఇతర క్రియేషన్‌లకు లైసెన్స్ పొందిన సంగీతాన్ని జోడించేలా సౌండ్స్ ఫీచర్‌ను తీసుకొచ్చింది. నవంబర్ మధ్య నాటికి ఈ గ్రాంట్‌ ప్రోగ్రాం షురూ అవుతుందని అంచనా. స్నాప్‌చాట్‌ సౌండ్స్ ఫీచర్‌ మ్యూజిక్‌ వీడియోలు 2.7 బిలియన్లకు పైగా క్రియేట్‌ అయ్యాయని, వీటిని 183 బిలియన్లకు పైగా వీక్షించారని కంపెనీ తెలిపింది. కాగా ఈ ఏడాది ఆగస్టులో స్నాప్‌చాట్+సబ్‌స్క్రిప్షన్‌ ఇండియాలో లాంచ్ చేసింది. ఈ సబ్‌స్క్రిప్షన్‌ ద్వారా యూజర్లు ప్రత్యేకమైన ప్రయోగాత్మక, ప్రీ-రిలీజ్ ఫీచర్లకు ముందస్తుగానే యాక్సెస్‌ పొందొచ్చు. అంతేకాదు దేశంలో స్నాప్‌చాట్ ప్లస్ నెలవారీ సబ్‌స్క్రిప్షన్‌ను రూ.49గా  నిర్ణయించగా, యూఎస్‌లో ప్లస్ సర్వీస్‌కు నెలకు 3.99 డాలర్లు ( సుమారు రూ.330) వసూలు చేస్తోంది.

ఇన్‌ స్టాగ్రామ్‌ యూజర్లకు అదిరిపోయే శుభవార్త. మార్కెట్‌లో పోటీని తట్టుకునేలా మాతృ సంస్థ మెటా ఇన్‌ స్ట్రాగ్రామ్‌లో ఎప్పటికప్పుడు కొత్త కొత్త ఫీచర్లను యూజర్లకు పరిచయం చేస్తుంది. తాజాగా ‘నోట్స్‌’ పేరుతో ఫీచర్‌ను విడుదల చేసింది.   ఈ ఫీచర్‌ సాయంతో ఇన్‌ స్టా అకౌంట్‌ డైరెక్ట్‌ మెసేజ్‌ (డీఎం) ఏరియాలో ఏదైనా ఒక అంశంపై 60 క్యారక్టర్స్‌తో టెక్ట్స్‌ అప్‌డేట్‌ చేయొచ్చు. ఆ టెక్ట్స్‌ను యూజర్లు వీక్షించే సౌలభ్యం కలగనుండగా..24 గంటల తర్వాత డీఎంలో ఉన్న టెక్ట్స్‌ డిజ్‌ అప్పియర్‌ అవుతుంది  ఇన్‌స్టాగ్రామ్‌లో నోట్‌ను ఎలా యాక్సెస్‌ చేయాలంటే   స్టెప్‌ 1 : మీ ఐఓఎస్‌ లేదా ఆండ్రాయిడ్‌ స్మార్ట్‌ఫోన్‌లో ఇన్‌ స్టాగ్రామ్‌ను ఓపెన్‌ చేయండి  స్టెప్‌ 2 : చాట్ పేజీని యాక్సెస్ చేయడానికి, ఎడమవైపుకు స్వైప్ చేయండి. లేదంటే రైట్‌ సైడ్‌ కార్నర్‌లో చాట్‌ బటన్‌పై ట్యాప్‌ చేయండి. స్టెప్‌3 : చాట్‌ బటన్‌పై ట్యాప్‌ చేస్తే మీకు సెర్చ్‌ ట్యాబ్‌లో రకరకాల ఆప్షన్‌లకు మీకు కనిపిస్తాయి. అందులో ‘యువర్‌ నోట్‌’ ఆప్షన్‌ను క్లిక్‌ చేసి అందులో మీరు ఏ అంశం గురించి రాయాలనుకుంటున్నారో టైప్‌ చేసి సేవ్‌ చేయండి

ప్రముఖ మెసేంజర్ యాప్ (Whatsapp) వాట్సాప్ అదిరిపోయే ఫీచర్లతో అనతి కాలంలోనే కోట్లాది యూజర్లను సంపాదించుకున్న సంగతి తెలసిందే. ఎప్పటికప్పుడు ఆధునిక టెక్నాలజీతో తమ వినియోగదారులకు సేవలందించడంలో తగ్గేదేలే అన్నట్లు దూసుకుపోతోంది. తాజాగా ఈ యాప్‌లో మరో కొత్త ఫీచర్‌ని జతచేస్తోంది. యూజర్లకు బెస్ట్‌ కాలింగ్ ఎక్స్‌పీరియన్స్ కోసం ఈ ఫీచర్‌ని వాట్సాప్‌ ప్రవేశపెడుతోంది. వాయిస్ కాలింగ్ కోసం కాల్ లింక్‌ల ఫీచర్‌ను విడుదల చేసింది. యూజర్లు కేవలం ఒక ట్యాప్‌లో వాట్సాప్ వాయిస్ కాల్ చేయవచ్చని తెలిపింది.   ఈ ఫీచర్ ఉపయోగించాలంటే, యూజర్లు కాల్స్ ట్యాబ్‌లో అందుబాటులో ఉన్న ‘కాల్ లింక్‌లు’ ఆప్షన్‌ను ఎంచుకోవాలి.  ఆ తర్వాత వీడియో లేదా ఆడియో కాల్ లింక్‌ను క్రియేట్ చేసుకుని వారి కుటుంబ సభ్యులు, స్నేహితులతో ఈజీగా వాయిస్ కాల్స్ చేసుకోవచ్చు. కాల్ లింక్‌లను ఉపయోగించేందకు యూజర్లు వారి వాట్సాప్‌ యాప్‌ను లేటెస్ట్‌ వెర్షన్‌కి అప్‌గ్రేడ్ చేయాల్సి ఉంటుంది. వాట్సాప్‌లో ఈ కాల్ లింక్‌ల ఫీచర్‌ను దశలవారీగా ప్రపంచవ్యాప్తంగా అందరికీ అందుబాటులోకి తీసుకురానున్నారు. మెటా సీఈఓ (Meta CEO) మార్క్ జుకర్‌బర్గ్ మాట్లాడుతూ.. 32 మంది వ్యక్తుల కోసం సేఫ్‌ ఎన్‌క్రిప్టెడ్ వీడియో కాలింగ్‌ను పరీక్షిస్తున్నట్లు తెలిపారు. ఇప్పటికే జూమ్, మైక్రోసాఫ్ట్ టీమ్స్‌తో సహా ఇతర గ్రూప్ వీడియో కాలింగ్ ప్లాట్‌ఫాంలు సేవలు అందిస్తున్న సంగతి తెలిసిందే.  చదవండి: ఒకటికి మించి బ్యాంక్‌ అకౌంట్లు ఉన్నాయా? ఇలాగైతే సమస్యలు తప్పవ్‌!

సాధారణంగా కొత్త ప్రదేశాలకు వెళ్లాలంటే మనకి మొదట గుర్తొచ్చేది గూగుల్‌ మ్యాప్స్‌. చేతిలో మొబైల్‌ అందులో గూగుల్‌ మ్యాప్స్‌ యాప్‌ ఉంటే చాలు ఏ ప్రాంతానికైనా ఈజీగా వెళ్లచ్చు. ఇక్కడి వరకు బాగానే ఉంది కాకపోతే ఇక్కడే ఓ చిక్కు కూడా ఉంది. ఈ యాప్‌ గమ్యాన్ని చూపించే క్రమంలో ఒక్కో సారి మనం వెళ్లాల్సిన ప్రదేశం పక్కనే ఉన్న చుట్టూ తిరిగేలా చేస్తుంది. దీని వల్ల వాహనదారులు సమయం వృథా కావడంతో పాటు ఇంధనపు ఖర్చు కూడా ఎక్కవగానే అవుతుంది. ఇలాంటి ఘటనలు చాలా మందికి ఎదురయ్యే ఉంటాయి. అందుకే ఈ సమస్యను అధిగమించేలా సరికొత్త ఫీచర్‌ను గూగుల్‌ మ్యాప్స్‌ తీసుకొచ్చింది. ఎకో ఫ్రెండ్లీ రూట్‌ పేరుతో వినియోగదారుడు వెళ్లాల్సిన గమ్యాన్ని అతి తక్కువ దారులను చూపిస్తూ ఇంధనం అయ్యేలా చూస్తుంది. దీని వల్ల మన సమయం, పెట్రోల్‌ తద్వారా మన ఖర్చు కూడా ఆదా అవుతుంది.  "ఎకో-ఫ్రెండ్లీ రూట్" ప్రపంచవ్యాప్తంగా ప్రభావం చూపుతోంది. అమెరికా, కెనడాలో ప్రవేశపెట్టినప్పటి నుంచి ఈ ఫీచర్‌ సుమారు అర మిలియన్ మెట్రిక్ టన్నుల కార్బన్ ఉద్గారాలను తగ్గించినట్లు అంచనా అని గూగుల్ చెప్పింది. ఐరోపా అంతటా 40 దేశాల వరకు ఈ ఫీచర్‌ని అందుబాటులోకి తీసుకువచ్చింది. ఇటీవలే జర్మనీలో కూడా ఈ ఫీచర్‌ను ప్రవేశపెట్టింది. చదవండి: జనవరిలో మహీంద్రా తొలి ఎలక్ట్రిక్‌ ఎస్‌యూవీ.. మరో రికార్డ్‌ క్రియేట్‌ చేస్తుందా!

ముంబై: ప్రముఖ వీడియోషేరింగ్‌ ప్లాట్‌ఫామ్‌, ఎంటర్‌టైన్‌మెంట్‌ కింగ్‌ యూట్యూబ్‌ మరో సరికొత్త ఫీచర్‌ను లాంచ్‌ చేయనుంది. ఎప్పటికపుడు కీలక అప్‌డేట్స్‌తో ప్రపంచవ్యాప్తంగా పాపులారిటీ సంపాదించుకున్న యూట్యూబ్‌ త్వరలోనే YouTube స్ట్రీమింగ్ వీడియో సర్వీస్‌ను ప్రారంభించాలని ప్లాన్ చేస్తోందట. దీనికి సంబంధించి పలు ఎంటర్‌టైన్‌మెంట్ కంపెనీలతో కంపెనీ చర్చలను మళ్లీ ప్రారంభించిందని సమాచారం.  చదవండి:  వీఎల్‌సీ మీడియా ప్లేయర్‌పై నిషేధం, వెబ్‌సైట్‌, డౌన్‌లోడ్‌ లింక్‌ బ్లాక్‌ స్ట్రీమింగ్ వీడియో సేవల కోసం ఆల్ఫాబెట్‌కుచెందిన యూట్యూబ్ ఆన్‌లైన్ స్టోర్‌ను ప్రారంభించాలని యోచిస్తోందని వాల్ స్ట్రీట్ జర్నల్ శుక్రవారం నివేదించింది. గత 18 నెలలుగా పనిలో ఉన్న సంస్థ పలు సంస్థలతో చర్చలను పునరుద్ధరించిందని పేర్కొంది. "ఛానల్ స్టోర్" తో పేరుతో పిలుస్తున్న ఈ చర్చలు పూర్తైన తరువాత ఈ సర్వీసు  అందుబాటులోకి రావచ్చని తెలిపింది. కాగా ఈ వారం ప్రారంభంలో, వాల్‌మార్ట్ తన సభ్యత్వ సేవలో స్ట్రీమింగ్ ఎంటర్‌టైన్‌మెంట్‌ను చేర్చడం గురించి మీడియా కంపెనీలతో చర్చలు జరిపిందని న్యూయార్క్ టైమ్స్ నివేదించింది.కే బుల్, శాటిలైట్ టీవీ యూజర్లు సబ్‌స్క్రిప్షన్-ఆధారిత స్ట్రీమింగ్ సేవలకు మారుతున్న తరుణంలో యూట్యూబ్‌లో స్ట్రీమింగ్ మార్కెట్లోకి ఎంట్రీ ఇచ్చేందుకు పావులు కదుపుతోంది. తద్వారా  రోకు, ఆపిల్‌ లాంటి కంపెనీల సరసన చేరనుందని మార్కెట్‌ వర్గాలు భావిస్తున్నాయి. అయితే ఈ వార్తలపై యూట్యూబ్‌ అధికారికంగా స్పందించాల్సి ఉంది. చదవండి: వేధించకండి! రుణ రికవరీ ఏజెంట్లపై ఆర్‌బీఐ ఉక్కుపాదం!

ముంబై: ప్రైవేట్‌ రంగ సాధారణ బీమా సంస్థ గో డిజిట్‌ తాజాగా వాహన బీమా పాలసీలకు సంబంధించి ‘‘పే యాజ్‌ యు డ్రైవ్‌’’ యాడ్‌–ఆన్‌ ఫీచర్‌ను ప్రవేశపెట్టింది. తక్కువగా డ్రైవింగ్‌ చేసే కస్టమర్లు ఈ యాడ్‌–ఆన్‌తో తక్కువ ప్రీమియం చెల్లించే వీలుంటుందని సంస్థ తెలిపింది. షోరూమ్‌ నుంచి కొనుగోలు చేసినప్పట్నుంచి సగటున సంవత్సరానికి 10,000 కిలోమీటర్ల కంటే తక్కువ డ్రైవింగ్‌ చేసే వారు ఎవరికైనా ఈ డిస్కౌంటు వర్తిస్తుందని పేర్కొంది. ఓడోమీటర్‌ రీడింగ్, టెలీమాటిక్స్‌ డేటా అలాగే వార్షిక కిలోమీటర్లు మొదలైన వివరాల ఆధారంగా డిస్కౌంటును డిజిట్‌ లెక్కిస్తుంది. ఓన్‌ డ్యామేజీ ప్రీమియంలో గరిష్టంగా 25 శాతం వరకూ డిస్కౌంటు పొందవచ్చు. టెక్నాలజీ ఆధారిత వీడియో ప్రీ ఇన్‌స్పెక్షన్‌ తర్వాత కేవలం 30 నిమిషాల్లోనే పాలసీ జారీ ప్రక్రియ పూర్తి కాగలదని సంస్థ తెలిపింది. కారును తక్కువగానే వినియోగిస్తున్నప్పటికీ .. ఎక్కువగా వినియోగించేవారితో సమానంగా అధిక ప్రీమియంలు చెల్లించే వారికి ఈ ఫీచర్‌ ప్రయోజనకరంగా ఉంటుందని వివరించింది.

సాక్షి,ముంబై: మెసేజింగ్ ప్లాట్‌ఫారమ్‌ వాట్సాప్‌ యూజర్లకు మరో అద్భుతమైన ఫీచర్‌ అందుబాటులోకి రానుంది. ఆండ్రాయిడ్ యూజర్లు తమ ఆన్‌లైన్ స్టేటస్‌ను దాచిపెట్టేలా చేసే ఫీచర్‌ను వాట్సాప్ త్వరలో అందుబాటులోకి తీసుకురానుంది. తాము ఆన్‌లైన్‌లో ఉన్న విషయం గోప్యంగా ఉంచాలనుకునే వినియోగదారులకు 'హైడ్ ఆన్‌లైన్ స్టేటస్' ఫీచర్ బాగా ఉపయోగపడనుంది. ఎప్పటికపుడు తన ప్లాట్‌ ఫామ్‌ను అప్‌డేట్‌ చేస్తూ, కస్టమర్ల ఫ్రెండ్లీగా ఉండేందుకు పలు ఫీచర్లను అందిస్తోందివాట్సాప్‌. తాజా రిపోర్టుల ప్రకారం ఈ గోప్యతా సెట్టింగ్ Android వెర్షన్ 2.22.16.12 కోసం అందుబాటులో ఉంది.    ఈ ఫీచర్‌ను ఎంచుకోవడం  ఎలా? Settings-> Account-> Privacy-> Last seen లో ఉండే లాస్ట్‌ సీన్‌ అనే దాంట్లోనే  ఈ ఫీచర్‌  కూడా ఉండనుంది.  లాస్ట్‌ స్టీన్‌ ఆప్షన్‌ ఎనేబుల్‌, డిసేబుల్‌ చేసుకునే విధంగానే ఈ 'హైడ్ ఆన్‌లైన్ స్టేటస్' ఆప్షన్‌ను పొందుపర్చనుంది. ప్రస్తుతం పరీక్షల దశలో ఉన్న ఈ ఫీచర్‌ మొత్తం ఆండ్రాయిడ్ వినియోగదారులకు ఎప్పుడు అందుబాటులోకి వస్తుందో స్పష్టంగా తెలియలేదు. అలాగే Apple iOS వినియోగదారుకు సంబంధించి ఈ ఫీచర్‌పై గత నెలలో పరీక్ష దశలో ఉంది.  కాగా ఈ వారం ప్రారంభంలో వాట్సాప్‌  యూజర్లు వారి మొత్తం చాట్  హిస్టరీని ఆండ్రాయిడ్‌ నుంచి ఐవోఎస్‌, ఐవోఎస్‌కినుంచి ఆండ్రాయిడ్‌కి  ఈజీగా బదిలీ చేసేలా కొత్త ఫీచర్ గురించి అధికారిక ప్రకటన చేసిన సంగతి  తెలిసిందే. 

ఎప్పటికప్పుడు లేటస్ట్‌ అప్‌డేట్లతో యూజర్లను ఆకట్టుకుంటున్న ఇన్‌స్టాగ్రామ్ మరో సరికొత్త ఫీచర్‌ను తీసుకురానుంది. ఇంతవరకు ఫోటో షేరింగ్‌, వీడియో రీల్స్‌, చాటింగ్‌ వంటివాటితో యూజర్లను తనవైపు తిప్పుకున్న ఇన్‌స్టా తాజాగా మ్యాప్స్ ఫీచర్‌ను ప్రవేశపెట్టబోతోంది. ఈ ఫీచర్లతో యూజర్లు సులభంగా కొత్త లొకేషన్లను కనుగొనవచ్చు. ఇన్‌స్టా ఐజీ(IG)లో కొత్తగా మ్యాప్‌ ఫీచర్‌ను ప్రవేశపెడుతున్నట్టు మెటా సీఈఓ మార్క్ జుకర్‌బర్గ్ ప్రకటించారు. ఈ కొత్త ఫీచర్‌తో యూజర్లు తమ సమీపంలో ఉన్న స్థానిక వ్యాపారాలు, వివిధ ప్రసిద్ధ స్థలాలను కనుగొనవచ్చు. గతంలో యూజర్లు ఒక లొకేషన్ సందర్శించినప్పుడు వాళ్లు షేర్‌ చేసిన పోస్ట్‌లను మాత్రమే చూడగలిగేవారు. కానీ, లొకేషన్ వివరాల గురించి తెలుసుకునే వీలు ఉండేది కాదు. అయితే ఇన్‌స్టాలో రాబోయే లేటెస్ట్ అప్‌డేట్ మ్యాప్‌ ఫీచర్‌ ద్వారా లోకేషన్‌ వివరాలు కూడా తెలుసుకునేలా వీలు కల్పించారు. ఇన్‌స్టాగ్రామ్‌ గత సంవత్సరం కొన్ని దేశాలలో ఈ మ్యాప్‌ ఫీచర్‌ని పరీక్షించింది. ఇది మనకి సమీపంలోని స్థలాల వివరాలు లేదా కేవలం మనకు కావాల్సిన షాపులను మాత్రమే చూపిస్తుంది. యూజర్లు ఒక ప్రాంతం కోసం సెర్చ్‌ చేసిన తర్వాత, అనవసరమైన వాటిని పక్కన పెట్టేందుకు అందులో ఫిల్టర్‌ ఆప్షన్‌ కూడా ఉంటుంది. దాన్ని సెలక్ట్‌ చేసుకుని మనం ఎంచుకున్న రెస్టారెంట్‌లు, బార్‌లు, పార్కులు లేదా  ఇతర స్థలాలను చూడవచ్చు. చదవండి: OnePlus 10T 5G: అదిరిపోయే ఫీచర్లతో వన్‌ప్లస్‌ 10టీ.. గ్రాండ్‌ లాంచ్‌ అప్పుడే!

ప్రముఖ సెర్చ్‌ ఇంజిన్‌ గూగుల్‌ వాహనదారులకు అదిరిపోయే ఫీచర్‌ను అందుబాటులోకి తెచ్చింది. ఒక ప్రాంతం నుంచి మరో ప్రాంతానికి వెళ్లాలంటే వాహనదారులు టోల్‌ ఛార్జీలు చెల్లించాల్సి ఉంటుంది. అయితే ఆ ప్రాంతానికి చేరుకోకముందే ఛార్జీలు ఎంతో తెలిస్తే ఎలా ఉంటుంది.  ​ఇదిగో ఈ కాన్సెప్ట్‌ తో గూగుల్‌ టోల్‌ ఛార్జెస్‌ ఎస్టిమేషన్‌ ఫీచర్‌ను అందుబాటులోకి తెచ్చింది. భారత్‌, అమెరికా, ఇండోనేషియా ఇతర దేశాలకు చెందిన 2వేల రూట్లలో ఈ ఫీచర్లు ప్రారంభించింది.  టోల్‌ ధరలు ఎలా తెలుసుకోవాలంటే  వాహనదారులు టోల్‌ ధరలు తెలుసుకోవాలంటే గూగుల్ మ్యాప్స్‌లో ఆరిజిన్, డెస్టినేషన్‌ వివరాల్ని ఎంటర్‌ చేయాలి. దీంతో మీకు వెంటనే రోడ్డు మార్గానికి సంబంధించిన రూట్‌లు,షార్ట్‌ కట్‌లతో పాటు ఎస్టిమేట్‌ టోల్‌ ధరల డిస్‌ప్లే అవుతాయి. అంతే కాదు ఆ రూట్‌లో ఉన్న అన్నీ టోల్‌ బూత్‌ ధరల్ని చూపుతుంది. కాగా, గూగుల్‌ అందుబాటులోకి తెచ్చిన ఈ కొత్త ఫీచర్‌ ఇప్పటికే కర్ణాటకలో చాలా రోడ్లపై డిఫాల్ట్‌గా ఆన్‌లో ఉన్నట్లు తెలుస్తోంది.

సాక్షి, ముంబై:  మైక్రోబ్లాగింగ్ ప్లాట్‌ఫాం ట్విటర్‌  కొత్త ఫీచర్‌ను పరిచయం చేయనుంది. తన  యూజర్ల సౌకర్యం నిమిత్తం ఈ కొత్త ఫీచర్‌ను పరీక్షిస్తోంది. దీని పేరును  ‘సర్కిల్‌’ గా పిలుస్తోంది. ఇన్‌స్టాగ్రామ్  స్టోరీస్‌ లో ఉన్న మాదిరిగా  ట్విటర్‌ యూజర్‌ తన ట్వీట్‌ను ఎవరు చూడాలో, ఎవరు చూడకూడదో నిర్ణయించుకునే అవకాశాశాన్ని కల్పించనుంది. క్లోజ్ ఫ్రెండ్ ఫీచర్‌ ను పోలిన దానినే ట్విటర్‌లో ‘సర్కిల్​‍  పేరుతొ  తీసుకొస్తోంది.  పరిమితంగా ఆండ్రాయిడ్‌, ఐవోస్‌ వినియోగదారులకు అందుబాటులో ఉందని ట్విటర్‌ తన బ్లాగ్‌ పోస్ట్‌లో వివరించింది. నిర్దిష్ట ట్వీట్లలో కొన్నింటిని స్నేహితులు మాత్రమే చూసే విధంగా సెట్‌ చేసుకోవచ్చు. సర్కిల్‌లో ఉన్నవారికి మాత్రమే సంబంధిత ట్వీట్‌లకు రిప్లై ఇవ్వడం, లైక్, రీట్విట్‌ లాంటి వాటికి అవకాశం ఉంటుందని ట్విటర్ పేర్కొంది.  సర్కిల్ ఇంకా ప్రారంభ దశలోనే ఉందని, ప్రపంచవ్యాప్తంగా కొద్ది మంది వ్యక్తులకు మాత్రమే  ఈ సర్కిల్‌ ఫీచర్‌ అందుబాటులో ఉంటుందని వెల్లడించింది.  ఎలా యూజ్‌ చేయాలంటే ట్విటర్‌ యాప్‌లో  మెయిన్‌ మెనూలో ట్వీట్‌ కంపోజర్‌ క్లిక్‌ చేయాలి. ఇక్కడ ట్విటర్‌ సర్కిల్‌ అనే ఆప్షన్‌ ఎంచుకోవాలి. తరువాత సెలెక్ట్‌ ఎవ్రీవన్‌ లేదా మన కిష్టమైన  వ్యక్తులను సెలక్ట్‌ చేసుకొని, డన్‌ క్లిక్‌ చేయాలి. ఒకవేళ లిస్ట్‌ లోని వారిని ఎవరినైనా వద్దు అనుకుంటే రిమూవ్‌ చేసే అవకాశం  కూడా ఉంది. 

వాట్సాప్‌ ప్రపంచంలో ఎక్కువగా వాడే సోషల్‌ మెసేజింగ్‌ యాప్‌.  సుమారు 2 బిలియన్లకు పైగా యూజర్లు వాట్సాప్‌ సొంతం. ఇన్‌స్టంట్‌ మెసేజింగ్‌ యాప్‌ ‘వాట్సాప్‌’ కొత్త ఏడాదిలో సరికొత్త ఫీచర్స్‌తో ముందుకురానుంది.తాజాగా మరో అద్భుతమైన ఫీచర్‌తో వాట్సాప్‌ పరీక్షిస్తోంది. ఈ ఫీచర్‌తో యూజర్లకు భారీ ఊరట కల్గనుంది.  ఇకపై అలా వినొచ్చు..! వాట్సాప్‌లో టెక్ట్స్‌ మెసేజ్స్‌తో పాటుగా వాయిస్‌ మెసేజ్స్‌ను కూడా పంపవచ్చుననే విషయం మనందరికీ తెలిసిందే. సదరు యూజరు పంపిన వాయిస్‌ మెసేజ్‌ను డౌన్‌లోడ్‌ చేసిన తరువాత ప్లే బటన్‌ క్లిక్‌ చేయగానే ఆయా వాయిస్‌ మెసేజ్‌ను వినగలుగుతాం.  ఆయా యూజరు చాట్‌లో ఉన్నప్పుడు మాత్రమే ఆ వాయిస్‌ మెసేజ్‌ను వినే అవకాశం ఉంది. యూజరు చాట్‌ నుంచి బ్యాక్‌ వస్తే...వెంటనే ఆయా వాయిస్‌ మెసేజ్‌ మధ్యలోనే ఆగిపోతుంది. ఇలాంటి పరిస్థితిని మనలో చాలా మందే ఎదుర్కొని​ ఉంటాం. దీనిని దృష్టిలో ఉంచుకొని వాట్సాప్‌ త్వరలోనే గ్లోబల్‌ ఆడియో ప్లేయర్‌ ఫీచర్‌ను అందుబాటులోకి తీసురానుంది. ఈ ఫీచర్‌ సహాయంతో అప్లికేషన్‌లో ఎక్కడైనా వాయిస్ మెసేజ్‌లను వినవచ్చును.   తొలుత వారికే..! ప్రాథమికంగా ఈ కొత్త ఫీచర్ iOS ప్లాట్‌ఫారమ్‌లోని నిర్దిష్ట బీటా టెస్టర్‌లకు అందించబడుతోంది. తరువాత ఆండ్రాయిడ్ యూజర్లకు అందుబాటులోకి రానుంది. ఈ తాజా ఫీచర్‌ను వాట్సాప్ ఫీచర్ ట్రాకర్, WABetaInfo గుర్తించింది. దీంతో పాటుగా వాయిస్‌ సందేశాలను పాజ్‌, ప్రివ్యూ వంటి మరిన్ని ఫీచర్లను కూడా వాట్సాప్‌ జోడించనున్నట్లు సమాచారం.    The global audio player can be used to listen to voice notes wherever you are in the application. It has been recently released to certain iOS beta testers, and it's coming to WhatsApp beta for Android soon. pic.twitter.com/Cvf45CyQ8I — WABetaInfo (@WABetaInfo) January 29, 2022 చదవండి: వాట్సాప్‌ యూజర్లకు కొత్త తలనొప్పి..! యాప్‌లో సమస్య..వెంటనే ఇలా చేయండి..!

కొత్త ప్రదేశాల్లో.. కొత్త ప్రాంతాలకు వెళ్లడానికి చాలామందికి గూగుల్‌ మ్యాప్స్‌ ఒక మార్గదర్శి. అయితే కచ్చితమైన అడ్రస్సుల విషయంలోనే ఒక్కోసారి గందరగోళం ఏర్పడవచ్చు. ఇప్పుడు ఈ సమస్యను కూడా తీర్చడానికి ఒక కొత్త ఫీచర్‌ను తీసుకొచ్చింది గూగుల్‌ మ్యాప్స్‌.  చాలామంది తమ హోం అడ్రస్సులను అవసరం ఉన్నప్పుడు కరెంట్‌ లేదంటే అడ్రస్‌ను టైప్‌ చేయడం ద్వారా వివరాల్ని షేర్‌ చేస్తుంటారు. ఇకపై ఆ అవసరం లేకుండా ఫ్లస్‌ కోడ్‌ని షేర్‌ చేస్తే సరిపోతుంది. ఫ్లస్‌ కోడ్‌లో హోం అడ్రస్‌ బదులు.. నెంబర్లు, లెటర్ల ఆధారంగా ఉదాహరణకు.. ‘CCMM+64G’ ఇలా నెంబర్లు, లెటర్ల ఆధారంగా కోడ్‌ రూపంలో కనిపిస్తుంది. మాటి మాటికి అడ్రస్‌ను టైప్‌ చేయాల్సిన అవసరం లేకుండా ఇది షేర్‌(ఆల్రెడీ హోం అడ్రస్‌గా సేవ్‌ చేసి ఉంటారు కాబట్టి) చేస్తే సరిపోతుంది.  గూగుల్‌ ఫ్లస్‌ కోడ్‌ను చాలా కాలం కిందటే(2018) తీసుకొచ్చింది. చాలాకాలం పాటు ఇది ఎన్జీవోలకు, ప్రభుత్వ కార్యాలయాలకు కేరాఫ్‌గా నిలిచి.. ప్రజలకు ఉపయోగపడ్డాయి. ఇక ఇప్పుడు ఈ ఫీచర్‌ను యూజర్లందరికీ అందించనుంది. ఇది అక్షాంశాలు, రేఖాంశాల ఆధారంగా గ్రిడ్‌ తరహాలో ప్రాంతాలను విభజించుకుంటూ పోతుంది.  విశేషం ఏంటంటే.. రోడ్డు మార్గం, సరైన ల్యాండ్‌ మార్క్‌లు లేనిచోట్ల కూడా అదీ ఆఫ్‌లైన్‌లోనే(ఒక్కసారి సేవ్‌ చేస్తే సరిపోతుంది) ఫ్లస్‌ కోడ్‌ సరైన అడ్రస్‌ను లొకేట్‌ చేస్తుంది.  కరెక్ట్‌గా అడ్రస్‌ పెడితేనే రావట్లేదు.. ఇంక ఫ్లస్‌ కోడ్‌ వర్కవుట్‌అవుతుందా? అంటారా? కచ్చితంగా అవుతుంది. ఎందుకంటే.. గూగుల్‌ మ్యాప్‌ తీసుకుచ్చిన ఫ్లస్‌ కోడ్‌ అనేది యూనివర్సల్‌. భూమ్మీద ప్రతీ లొకేషన్‌, అడ్రస్‌కు ఒక్కో ఫ్లస్‌ కోడ్‌ ఉంటుంది.  పైగా ఎగ్జాట్‌గా హోం లొకేషన్‌గా సేవ్‌ అవుతుంది కాబట్టి.  ఇది జనరేట్‌ చేయాలంటే.. యూజ్‌ యువర్‌ కరెంట్‌ లొకేషన్‌ ద్వారా చేయొచ్చు. సేవ్డ్‌ ట్యాబ్‌ను కూడా హోం అడ్రస్‌ కాపీ చేయడానికి, షేర్‌ చేయడానికి ఉపయోగించొచ్చు. ప్రస్తుతానికి ఈ ఫీచర్‌ కేవలం ఆండ్రాయిడ్‌ వెర్షన్‌లలో మాత్రమే ఉంది. కింద వీడియోలో మరింత స్పష్టత రావొచ్చు. 

Whatsapp Message Reaction Feature: ఒక చిత్రం వందపదాల భావాన్ని చెబుతుంది అంటారు. సెల్‌ఫోన్‌ విషయానికి వస్తే...మాట్లాడటానికి  టైమ్‌ లేకపోతే మెసేజ్‌ పెడతాం. మెసేజ్‌ కూడా పెట్టేంత టైమ్‌ లేకపోతే ఒక ఇమోజీ చిత్రాన్ని పంపిస్తే సరిపోతుంది.  ఇన్‌స్టంట్‌ మెసేజింగ్‌ యాప్‌ వాట్సాప్‌ ఐఓఎస్‌ యూజర్స్‌ కోసం ‘న్యూ మెసేజ్‌ రియాక్షన్‌ ఫీచర్‌’ను తీసుకురానుంది. లైక్, లవ్‌ (హార్ట్‌), లాఫ్, సర్‌ప్రైజ్, శాడ్, థ్యాంక్యూ...ఈ ఆరు ఇమోజీలను కొత్త ఫీచర్‌లో ఉపయోగించుకోవచ్చు. నిజానికి ఈ ఫీచర్‌ సోషల్‌ మీడియా యాప్స్‌కు కొత్తేమీ కాదు. అయితే వాట్సాప్‌కు మాత్రం ఇది మేజర్‌ అప్‌డెట్‌గా చెబుతున్నారు. సోషల్‌ మీడియా ప్లాట్‌ఫామ్‌లో తీవ్రపోటీ నెలకొంది. సరికొత్త ఫీచర్లతో రోజుకో కొత్త యాప్‌ వస్తోంది. ఎన్ని కొత్త యాప్‌లు వచ్చినా యూజర్‌ బేస్‌ విషయంలో వాట్సాప్‌కి పోటీ ఇవ్వడం కష్టం. అయితే ట్రెండ్‌కి తగ్గట్టుగా అప్‌డేట్‌ కాకుండా యూజర్లను కోల్పోవడానికి ఎంతో సేపు పట్టదు. దీంతో వాట్సాప్‌ ఎప్పటికప్పుడు ట్రెండ్‌కి తగ్గట్టుగా కొత్త​ ఫీచర్లు యాడ్‌ చేస్తోంది.   

వాట్సాప్‌ ప్రపంచంలో ఎక్కువగా వాడే సోషల్‌ మెసేజింగ్‌ యాప్‌.  సుమారు 2 బిలియన్లకు పైగా యూజర్లు వాట్సాప్‌ సొంతం. ఇన్‌స్టంట్‌ మెసేజింగ్‌ యాప్‌ ‘వాట్సాప్‌’ కొత్త ఏడాదిలో సరికొత్త ఫీచర్స్‌తో ముందుకురానుంది.తాజాగా మరో అద్భుతమైన ఫీచర్‌తో వాట్సాప్‌ రానుంది. మెసేజ్‌ వస్తే..కన్పిస్తారు..! సాధారణంగా యూజర్లు ఇతరులకు మెసేజ్‌ చేయగానే ఆయా రెసిపెంట్స్‌కు నోటిఫికేషన్‌  బార్‌లో ‘ యూ హవ్‌ ఏ న్యూ మెసేజ్‌’ అంటూ మెసేజ్‌ వస్తుంది. ప్రస్తుతం వాట్సాప్‌ తెస్తోన్న కొత్త ఫీచర్‌తో ఇకపై ఇతరులు మెసేజ్‌ చేయగానే ఆయా వ్యక్తుల ప్రొఫైల్‌ ఫోటో నోటిఫికేషన్‌ బార్‌లో కన్పించనుంది. ఈ ఫీచర్‌ తొలుత ఐవోఎస్‌ యూజర్లకు మాత్రమే అందుబాటులో ఉండనుంది. నోటిఫికేషన్‌ ఫోటో ఫీచర్‌ను టెస్ట్‌ చేస్తోన్నట్లు వాట్సాప్‌ ట్రాకర్‌ WABetaInfo పేర్కొంది. అన్నీ పరీక్షలు పూర్తైన తరువాత ఐవోఎస్‌ యూజర్లతో పాటుగా, ఆండ్రాయిడ్‌ యూజర్లకు కూడా అందుబాటులో రానుంది.    చదవండి: వాట్సాప్‌ యూజర్లకు అలర్ట్..! ‘సారీ..మీరు ఎవరు..!’ అంటూ అమాయకంగా మెసేజ్..! తరువాత..

మెసేజింగ్‌ యాప్‌ వాట్సాప్‌ కొత్త ఏడాదిలో సరికొత్త ఫీచర్లు తీసుకురాబోతున్న విషయం తెలిసిందే. ఈలోపు మరో కొత్త ఫీచర్‌ అంశం తెర మీదకు వచ్చింది. మూడో బ్లూటిక్‌ ఆప్షన్‌ను తీసుకొచ్చే యోచనలో ఉందంటూ కొన్ని టెక్‌ బ్లాగులు రాసుకొచ్చాయి. దీనిపై వాట్సాప్‌ బ్లాగ్‌ స్పందించింది.  మూడో టిక్‌ దేనికంటే.. సాధారణంగా వాట్సాప్‌లో ఎవరికైనా సందేశాలు పంపినప్పుడు.. సెండ్‌ అయ్యాక సింగిల్‌ గ్రేటిక్‌, అవతలి వాళ్లకు రిసీవ్‌ అయినా, లేదంటే ప్రైవసీలో ఉండి ఆ సందేశాన్ని చూసినా డబుల్‌ గ్రేటిక్‌ పడుతుంది. ఒకవేళ ప్రైవసీలో లేకుండా చూస్తే డబుల్‌ బ్లూటిక్‌ పడుతుంది. అయితే యూజర్‌ పంపిన మెసేజ్‌ను అవతలి వాళ్లు స్క్రీన్ షాట్‌ తీస్తే మూడో టిక్‌ పడుతుందని, తద్వారా అవతలివాళ్లకు తెలిసిపోతుందనేది ఆ బ్లాగ్‌ కథనాల సారాంశం.   అయితే వాట్సాప్‌ అప్‌డేట్‌ ఫీచర్లపై పక్కాగా అందించే అధికారిక బ్లాగ్‌ బేటాఇన్ఫో ఈ కథనాల్ని ఫేక్‌గా తేల్చేసింది. మూడో టిక్‌ ఆప్షన్‌ తేవట్లేదని క్లారిటీ ఇచ్చింది.  ఇలాంటి మెకానిజం కోసం వాట్సాప్‌ ఓనర్‌కంపెనీ మెటా ఎలాంటి ప్రయత్నాలు చేయట్లేదని స్పష్టత ఇచ్చింది. చదవండి: గ్రూప్‌లో పెట్టిన మెసేజ్‌కి అడ్మిన్‌ బాధ్యుడు కాదు!

WhatsApp To Let You Search Hotels, Grocery, Clothing Stores In The App: స్మార్ట్‌ఫోన్‌ రాకతో పలు విషయాలు మరింత సులువుగా మారాయి. వివిధ యాప్స్‌ మనకు ఎంతగానో ఉపయోగపడుతున్నాయి. మనకు తెలియని అడ్రస్‌ను, దగ్గరలోని షాపు వివరాలను తెలుసుకోవడానికి గూగుల్‌ తీసుకొచ్చిన యాప్‌ గూగుల్‌ మ్యాప్స్‌ ఎంతగానో ఉపయోగపడింది. యూజర్లకే కాకుండా ఆయా వాణిజ్య , వర్తక వ్యాపారులకు కూడా గూగుల్‌ మ్యాప్స్‌ సహాయపడింది. కాగా  గూగుల్‌ మ్యాప్స్‌ తరహా ఫీచర్‌ను వాట్సాప్‌ కూడా త్వరలోనే తెచ్చేందుకు ప్రయత్నాలను చేస్తోంది. గూగుల్‌ మ్యాప్స్‌ తరహాలో వెతికేయెచ్చు..! మెటా యాజమాన్యంలోని ఇన్‌స్టంట్‌ మెసేజింగ్‌ యాప్‌ వాట్సాప్‌, వ్యాపారుల కోసం వాట్సాప్‌ బిజినెస్‌ యాప్‌ను తీసుకొచ్చిన విషయం మనందరికీ తెలిసిందే. వాట్సాప్‌ బిజినెస్‌ యాప్‌లో ఇప్పటికే ఎంతో మంది వ్యాపారులు రిజిస్టర్‌ అయ్యారు. దీంతో రాబోయే రోజుల్లో సమీపంలో ఆయా వ్యాపారుల గురించి తెలియజేసే సెర్చ్‌ ఆప్షన్‌ను వాట్సాప్‌లో రానుంది. బిజినెస్‌ నియర్‌ బై..! బ్రెజిల్‌లోని సావో పాలో నగరంలో ఇప్పటికే కొంతమంది వ్యక్తుల కోసం ‘బిజినెస్‌ నియర్‌బై’ ఫీచర్‌ను వాట్సాప్‌ విడుదల చేసింది. ఈ ఫీచర్‌ ప్రస్తుతం టెస్టింగ్‌ దశలో ఉంది. ఇది భవిష్యత్తులో యూజర్ల అందరికీ వచ్చే అవకాశం ఉందని వాట్సాప్‌ ట్రాకర్, డబ్ల్యూబెటాఇన్ఫో పేర్కొంది. ఈ కొత్త కూల్ ఫీచర్ ఐవోస్‌, ఆండ్రాయిడ్‌ వినియోగదారులకు అందుబాటులో ఉండనుంది. ఈ ఫీచర్‌ సహయంతో యూజర్లు దగ్గరలోని హోటళ్లు,కిరాణా,  బట్టల దుకాణాలు మొదలైన వాటిని వెతకవచ్చును.  చదవండి: ఇన్‌స్టాగ్రామ్‌లో మరో సరికొత్త ఫీచర్.. హైలెట్స్‌ ఆఫ్‌ ది ఇయర్‌..!

సోషల్‌మీడియా యాప్స్‌లో అత్యంత ప్రజాదరణను పొందిన యాప్‌గా ఫేస్‌బుక్‌ నిలుస్తోంది. సుమారు 3 బిలియన్ల యూజర్లు ఫేస్‌బుక్‌ సొంతం. యూజర్లకు మరింత దగ్గరవ్వడం కోసం ఎల్లప్పుడూ సరికొత్త అప్‌డేట్స్‌తో ఫేస్‌బుక్‌ వస్తోంది. తాజాగా ఫేస్‌బుక్‌ మరో సరికొత్త అప్‌డేట్‌ను తీసుకువచ్చింది.  ఇప్పుడు మరింత సులభం..! ఫేస్‌బుక్‌ ఖాతాలను యాక్సెస్‌ చేయలేని వారు, బ్లాక్‌ ఐనా ఖాతాలను తిరిగి యూజర్లు పొందేందుకు లైవ్‌ చాట్‌ సపోర్ట్‌ ఫీచర్‌ను ఫేస్‌బుక్‌ యాడ్‌ చేసింది. దీంతో ఆయా యూజర్లు తమ ఖాతాలను పొందేందుకు తోడ్పడనుంది. లైవ్‌ చాట్‌ సపోర్ట్‌ కేవలం ఇంగ్లీషులోనే అందుబాటులో ఉంది. ఫేస్‌బుక్‌  సపోర్ట్‌పై క్లిక్‌ చేస్తే ఫేస్‌బుక్‌కు చెందిన కస్టమర్‌ ఎగ్జిక్యూటివ్‌తో యూజర్లు చాట్‌ చేయవచ్చును.    మరిన్ని సాధనాలు..! ఫేస్‌బుక్ తన బ్లాగ్‌లో అశ్లీలత కీవర్డ్‌ను నిరోధించే సాధనాలు, సస్పెండ్/బ్యానింగ్ నియంత్రణలతో సహా అనేక కామెంట్ మోడరేషన్ సాధనాలను రూపొందిస్తున్నట్లు తెలిపింది. అయితే, ఫేస్‌బుక్‌ యూజర్ల కోసం ప్రత్యేక భద్రతా సాధనాలను ప్రారంభించడంతో పాటుగా, వారి ఖాతాల నుంచి లాగ్ అవుట్ ఐనా వ్యక్తుల కోసం లైవ్ చాట్ సపోర్ట్ సిస్టమ్‌ను కూడా ప్రకటించింది. చదవండి: గూగుల్‌ కీలక ప్రకటన.. బిల్లింగ్‌ విధానానికి మారేందుకు గడువు పెంపు

ఒకరికి పంపాల్సిన మెసేజ్‌ మరొకరికి, ఒక గ్రూపులో పెట్టాల్సిన పోస్ట్‌ మరో గ్రూపులో.. వేయడం చాలామందికి జరిగేదే!.  పరధ్యానంలో, కంగారులో చేసే ఈ పొరపాటు.. ఒక్కోసారి విపరీతాలకు సైతం దారితీస్తుంటాయి. ఇదే విధంగా చాలా మంది వాట్సాప్‌లో ఏమరుపాటులో స్టేటస్‌లు కూడా అప్‌డేట్‌ చేస్తుంటారు.  అయితే ఇటువంటి సమయాల్లో పనికొచ్చే ఫీచర్‌ను వాట్సాప్‌ తీసుకురాబోతోంది.    వాట్సాప్‌ ఈమధ్య మల్టీ డివైస్‌ సపోర్ట్‌, గ్రూప్స్‌ కాల్స్‌ నడుస్తుండగా..  జాయిన్‌ కాగలిగే ఫీచర్‌ను తీసుకొచ్చిన విషయం తెలిసిందే.  ఇప్పుడు మరో యూజర్‌ ఫ్రెండ్లీ ఫీచర్‌ తీసుకొస్తోంది వాట్సాప్‌.  స్టేటస్‌ విషయంలో ‘అండూ బటన్‌’ను తేనుంది వాట్సాప్‌.  ఈ ఫీచర్‌ ద్వారా యాక్సిడెంటల్‌గా ఏదైనా స్టేటస్‌లు అప్‌డేట్‌ చేస్తే.. వెంటనే దానిని తొలగించొచ్చు. సాధారణంగా ఏదైనా వాట్సాప్‌ స్టేటస్‌ పొరపాటున పెడితే..  డిలీట్‌ చేయాలంటే కొంత టైం పడుతుంది.  స్టేటస్‌ మీద క్లిక్‌ చేసి ఆ పక్కనే వచ్చే మూడు చుక్కల మెనూ మీద క్లిక్‌ చేశాకే డిలీట్‌ ఆప్షన్‌ను క్లిక్‌ చేసి చేయొచ్చు. కానీ, అండూ బటన్‌ ఫీచర్‌ వల్ల ఆ టైం మరింత తగ్గిపోనుంది.    పొరపాటున మాత్రమే కాదు..  ఎక్కువ గ్యాలరీ కంటెంట్‌(వాట్సాప్‌ స్టోరీస్‌)తో వాట్సాప్‌ స్టేటస్‌లు పెట్టే వాళ్లకు ఈ ఆప్షన్‌ ఉపయోగపడుతుందని వాట్సాప్‌ భావిస్తోంది. ఇప్పటికే వాట్సాప్‌ ఈ ఫీచర్‌ను టెస్టింగ్‌ చేస్తోందని, ఈ బటన్‌ మీద క్లిక్‌ చేస్తే క్షణంలో ఆ స్టేటస్‌ను తొలగించే వీలు ఉంటుందని ‘వాబేటాఇన్ఫో’ కథనం ప్రచురించింది.  తద్వారా యాక్సిడెంటల్‌గా పోస్ట్‌ చేసినా.. అవతలివాళ్లు స్క్రీన్ షాట్‌ తీసేలోపే ఆ స్టేటస్‌ను తొలగించొచ్చు. ముందు ఐవోఎస్‌ వెర్షన్‌లో ఆతర్వాతే ఆండడ్రాయిడ్‌ వెర్షన్‌కు ఈ ఫీచర్‌ను తీసుకురాబోతున్నారు. చదవండి: నెలలో 20 లక్షల మంది వాట్సాప్‌ అకౌంట్ల బ్యాన్‌! కారణం ఏంటంటే..

మెటా(ఫేస్‌బుక్‌)కు చెందిన ఇన్‌స్టాగ్రామ్‌ త్వరలోనే సరికొత్త పాలసీను ముందుకు తెచ్చే ఆలోచనలో ఉంది. కొత్తగా అకౌంట్‌ క్రియోట్‌ చేసే వారు కచ్చితమైనా ఫ్రూఫ్స్‌ ఉంటేనే సైన్‌ ఆప్‌ అయ్యే అవకాశాన్ని కల్పించేలా ఇన్‌స్టాగ్రామ్‌ ప్లాన్‌ చేస్తోంది.  కొత్త యూజర్‌ తీసుకున్న సెల్ఫీ వీడియోను అప్‌లోడ్‌ చేస్తేనే కొత్త ఖాతాను ఆలో చేయాలని ఇన్‌స్టాగ్రామ్‌ భావిస్తున్నట్లుగా తెలుస్తోంది. ఈ ఫీచర్‌ గత ఏడాది నుంచే ఇన్‌స్టాగ్రామ్‌ పరీక్షిస్తున్నట్లుగా తెలుస్తోంది.  సోషల్‌మీడియా కన్సల్టెంట్‌ మాట్‌ నవారా ఇన్‌స్టాగ్రామ్‌ త్వరలోనే తెచ్చే ఫీచర్‌ స్క్రీన్‌ షాట్‌లను సోషల్‌ మీడియా ఖాతాలో షేర్‌ చేశారు.    చదవండి:  ఐరన్‌ మ్యాన్‌ కలను నిజం చేసిన ఆనంద్‌ మహీంద్రా వారిని అదుపుచేయడం కోసమే..! ఒక వ్యక్తి ఇన్‌స్టాగ్రామ్‌లో మల్టీపుల్‌ ఖాతాలను ఏర్పాటు చేయడంతో ఆయా వ్యక్తులు అసంఘిక కార్యకాలపాలకు పాల్పడుతున్నుట్లు ఇన్‌స్టాగ్రామ్‌ గుర్తించింది. దీంతో ఆయా యూజర్లకు చెక్‌పెట్టేందుకు ఇన్‌స్టాగ్రామ్‌ ఈ ఫీచర్‌ను తెస్తున్నట్లుగా తెలుస్తోంది. మల్టీపుల్‌ ఖాతాలను క్రియోట్‌ చేసే వారి ఆట కట్టించేందుకు ఇన్‌స్టాగ్రామ్‌ ముమ్మర ప్రయత్నాలను చేస్తోంది. చదవండి: జపాన్‌ తరహా పాడ్‌ రూమ్స్‌ ఇప్పుడు భారత్‌లో..!

న్యూఢిల్లీ: ఓవర్‌ ద టాప్‌ మీడియా సేవల్లో ఉన్న నెట్‌ఫ్లిక్స్‌ మొబైల్‌ గేమ్స్‌ను ఆఫర్‌ చేస్తోంది. ప్రస్తుతం ఆన్‌డ్రాయిడ్‌ ఆధారిత స్మార్ట్‌ఫోన్, ట్యాబ్లెట్‌ పీసీ యూజర్లకు మాత్రమే ఇవి అందుబాటులో ఉంటాయి. ముందుగా అయిదు గేమ్స్‌ను కంపెనీ పరిచయం చేసింది. యూజర్లు నెట్‌ఫ్లిక్స్‌ చందాదారులైతే చాలు. ఎటువంటి ప్రకటనలు, అదనపు రుసుం, ఖర్చులు లేవని కంపెనీ తెలిపింది. చాలా భాషల్లో ఈ గేమ్స్‌ను ఆఫర్‌ చేస్తున్నట్టు వెల్లడించింది. పిల్లల ప్రొఫైల్స్‌కు ఇవి అందుబాటులో ఉండవని వివరించింది.   గేమ్స్‌ ఇవే ది స్ట్రేంజర్‌ థింగ్స్‌:1984 (బోనస్‌ ఎక్స్‌పీ) స్ట్రేంజర్‌థింగ్స్‌ 3: ది గేమ్‌ (బోనస్‌ ఎక్స్‌పీ) షూటింగ్‌ హూప్స్‌ (ఫ్రోస్టీ పాప్‌) కార్డ్‌ బ్లాస్ట్‌ ( అమ్యూజో అండ్‌ రోగ్‌ గేమ్‌) టీటర్‌ అప్‌ (ఫ్రోస్టీ పాప్‌) గేమ్స్‌ ఆడాలంటే ఆండ్రాయిడ్‌ ప్లాట్‌ఫామ్‌పై పని చేసే డివైజ్‌లో అకౌంట్‌ విభాగంలోకి వెళ్లాలి. అక్కడ నెట్‌ఫ్లిక్స్‌ గేమ్‌ ఆప్షన్‌ని ఎంచుకోవాలి. వెంటనే గేమ్స్‌ హోం పేజీలోకి వెళ్తుంది. అక్కడ నచ్చిన గేమ్‌ ఆడుకోవచ్చు. ఒకవేళ మీ డివైజ్‌లో నెట్‌ఫ్లిక్స్‌ గేమ్‌ ఆప్షన్‌ కనిపించని పక్షంలో.. కొంత కాలం ఎదురు చూడాల్సిందే. నెట్‌ఫ్లిక్స్‌ క్రమంగా ఈ సేవలను విస్తరింపచేస్తోంది. ఈ గేమ్స్‌ పిల్లలకు కాదు గేమ్స్‌ అందుబాటులో ఉన్న చందాదారులు ఒకేసారి మల్టీపుల్‌ డివైజ్‌లో గేమ్స్‌ ఆడుకోవచ్చు. అయితే ఈ గేమ్స్‌ కిడ్స్‌ విభాగంలో అందుబాటులో ఉండవు. వీటిని నెట్‌ఫ్లిక్స్‌ అడల్ట్‌ కేటగిరీలోనే ఉంచింది.  మరింతంగా భవిష్యత్తులో గేమ్స్‌ విభాగాన్ని మరింతగా విస్తరించాలని నెట్‌ఫ్లిక్స్‌ నిర్ణయించింది. ప్రస్తుతం నెట్‌ఫ్లిక్స్‌ ఒరిజినల్స్‌, వెబ్‌సిరీస్‌, డాక్యుడ్రామాల తరహాలోనే గేమ్స్‌ని కూడా ప్రత్యేకంగా రూపొందించనుంది. ప్రస్తుతం నెట్‌ఫ్లిక్స్‌లో ఉన్న గేమ్స్‌ గూగుల్‌ ప్లే స్టోర్‌లో కూడా అందుబాటులో ఉన్నాయి. చదవండి:నెట్‌ఫ్లిక్స్‌ దశనే మార్చేసిన దక్షిణకొరియన్‌ డ్రామా..!

క్రికెట్‌ లవర్స్‌కు ట్విటర్‌ గుడ్‌న్యూస్‌ను అందించింది. క్రికెట్‌ అభిమానుల కోసం ట్విటర్‌లో సరికొత్త ఫీచర్‌ను పరిచయం చేసింది. టీ20 ప్రపంచకప్‌-2021 రావడంతో భారత్‌లో తొలిసారిగా కమ్యూనిటీస్‌ ఫీచర్‌ను ట్విటర్‌ అందుబాటులోకి తెచ్చింది. “Cricket Twitter - India’’ పేరుతో కమ్యూనిటీస్‌ ఫీచర్‌ను ట్విటర్‌ లాంచ్‌ చేసింది. ఈ ఫీచర్‌ ద్వారా క్రికెట్‌ అభిమానులు లైవ్‌ స్కోర్‌ను కూడా తెలుసుకోవచ్చును. గత నెలలో ట్విటర్‌ ‘కమ్యూనీటీస్‌’ ఫీచర్‌ను అమెరికన్‌ యూజర్లకు అందుబాటులోకి తెచ్చింది.  చదవండి: స్మార్ట్‌ఫోన్‌ కొనుగోలుపై జియో బంపర్‌ ఆఫర్‌...! అసలు ఏంటీ కమ్యూనిటీస్‌ ఫీచర్‌..! ఫేస్‌బుక్‌లోని పలు గ్రూప్స్‌ మాదిరిగానే ట్విటర్‌ కమ్యూనిటీలతో ఇతర యూజర్లు తమ అభిప్రాయాలను ఈ గ్రూప్స్‌లో పంచుకోవచ్చును.  ఈ గ్రూప్స్‌లోకి ఇతర యూజర్లను ఆహ్వానించవచ్చును. ఈ గ్రూప్‌ నుంచి ఆహ్వానం ఉంటేనే కమ్యూనిటీ ఫీచర్‌లో యాడ్‌ కావచ్చును. క్రికెట్‌ మ్యాచ్‌లు జరిగే సమయంలో ట్విటర్‌లో యూజర్లకు క్రికెట్‌ ఎక్స్‌ప్లోర్‌ ట్యాబ్‌, లైవ్‌ మ్యాచ్‌ స్కోరును కూడా ట్విటర్‌ అందిస్తోంది. పబ్లిక్ ట్వీట్‌ల మాదిరిగానే ప్రతి ట్విటర్‌ యూజర్‌ కమ్యూనిటీ ట్వీట్‌లను చదవవచ్చును ఆయా ట్విట్స్‌పై  రిపోర్ట్ కూడా చేయవచ్చును. కాగా ట్విటర్‌ కమ్యూనిటీస్‌లో భాగం కానీ యూజర్లు మాత్రం ఆయా ట్విట్లకు రిప్లే ఇవ్వలేరు. ప్రస్తుతం ట్విటర్‌ ప్లాట్‌ఫారమ్‌లో కమ్యూనిటీలను సృష్టించడానికి  యూజర్ల అందరికీ ఇంకా అనుమతించలేదు. చదవండి: జుమ్‌జుమ్మని... బోయింగ్‌ సర్వీసులకు వీలుగా..

ప్రపంచవ్యాప్తంగా ఫేస్‌బుక్‌ యూజర్లకు ఫేస్‌బుక్‌ శుభవార్తను అందించింది. క్లబ్‌హౌజ్‌, ట్విటర్‌ స్పేస్‌ తరహాలో ఫేస్‌బుక్‌ లైవ్‌ ఆడియో రూమ్స్‌ను ప్రవేశపెట్టింది. ఈ లైవ్‌ ఆడియో రూమ్స్‌ ఆండ్రాయిడ్‌, డెస్క్‌టాప్‌ యూజర్లకు అందుబాటులో ఉండనున్నట్లు తెలుస్తోంది. ప్రస్తుతం ఈ లైవ్‌ ఆడియో రూమ్స్‌ సెలబ్రిటీలకు, కొన్ని గ్రూప్‌లకు అందుబాటులో ఉంది. చదవండి: బ్లూ ఆరిజిన్​ రెండో టూర్​ సక్సెస్​: అద్భుతమన్న నటుడు.. అంతరిక్షయానంలో అత్యంత వయస్కుడిగా రికార్డు ఆండ్రాయిడ్‌ యూజర్లు సపరేట్‌గా లైవ్‌ ఆడియో రూమ్స్‌ క్రియోట్‌ చేసే ఫీచర్‌ను త్వరలోనే తెచ్చేందుకు ఫేస్‌బుక్‌ ప్రయత్నాలను చేస్తోన్నట్లు తెలుస్తోంది. ఈ ఏడాది ప్రారంభంలోనే ఫేస్‌బుక్‌ క్లబ్‌ హౌజ్‌, ట్విటర్‌స్పేస్‌ తరహా లాంటి ఆడియో రూమ్స్‌ను క్రియోట్‌ చేసేందుకు సమయాత్తమైంది. అందులో భాగంగా యూజర్లకు లైవ్‌ ఆడియో రూమ్‌ ఫీచర్‌ను అందుబాటులోకి తెచ్చింది. లైవ్‌ ఆడియో రూమ్స్‌లో స్పీకర్‌గా చేరడానికి ప్రజలను ఆహ్వానించే శక్తి హోస్ట్‌కి ఉంది. కాగా స్పీకర్‌ చేసే సంభాషణను ఎవరైనా వినవచ్చు. 50 మందితో...! ఫేస్‌బుక్‌ లైవ్‌ ఆడియో రూమ్స్‌ ప్రస్తుతం 50 మంది స్పీకర్స్‌ను మాత్రమే ఆలో చేస్తుంది. వీరి సంభాషణను వినేవారికి ఎలాంటి పరిమితిని విధించలేదు. ఫేస్‌బుక్‌  లైవ్‌ ఆడియో రూమ్స్‌ను క్రియోట్‌ చేసే ఫీచర్‌ను త్వరలోనే ప్రవేశపెట్టనుంది. లైవ్‌ ఆడియో రూమ్స్‌ను గ్రూప్‌ అడ్మిన్స్‌ కంట్రోల్‌ చేయవచ్చును. లైవ్‌ ఆడియో రూమ్స్‌ ఫీచర్‌ యాప్‌లో ఫేస్‌బుక్‌ వాచ్‌ ట్యాబ్‌ దగ్గర కన్పిస్తోంది. ఈ ఫీచర్‌ పరిచయంతో యూజర్లకు కొంత తిప్పలు తప్పనుంది. ఆడియో కన్వర్‌సేషన్‌ చేసుకునే వారు సపరేట్‌గా ట్విటర్‌ స్పేస్‌, క్లబ్‌ హౌజ్‌ వంటి యాప్స్‌ను డౌన్‌లోడ్‌ చేసుకోవడంలో యూజర్లకు కాస్త ఉపశమనం కల‍్గనుంది. క్లబ్‌హౌజ్‌లో జరిగిన గోల ఇప్పుడు  ఫేస్‌బుక్‌లో కన్పించనుంది.  చదవండి: ప్రపంచదేశాల నెత్తిమీద భారీ పిడుగువేసిన రష్యా అధ్యక్షుడు..!

వాట్సాప్‌ ప్రపంచంలో ప్రతి ఒక్కరు వాడే సోషల్‌ మెసేజింగ్‌ యాప్‌.  సుమారు 2 బిలియన్లకు పైగా యూజర్లు వాట్సాప్‌ సొంతం. తన యూజర్ల కోసం వాట్సాస్‌ ఎప్పుడు సరికొత్త ఫీచర్లతో ముందుకు వస్తుంటుంది. తాజాగా వాట్సాప్‌ యాప్‌లో వాయిస్‌ మెసేజ్‌ సర్వీస్‌లకు మరో అద్బుతమైన ఫీచర్‌ను వాట్సాప్‌ యాడ్‌ చేయనుంది. చదవండి: 11 ఏళ్లకు అంతా ఉల్టా పల్టా? ఫేస్‌బుక్‌ డిలీట్‌ అంటూ కవర్‌ పేజీ మనం వాట్సాప్‌లో వాయిస్‌ మెసేజ్‌లను పంపిస్తూ ఉంటాం. వాయిస్‌ మెసేజెస్‌ను స్పీకర్‌ ఐకాన్‌పై ప్రెస్‌  చేసి మెసేజ్‌లను రికార్డు చేసి ఇతర యూజర్లకు పంపుతాం. స్పీకర్‌ ఐకాన్‌పై ఆన్‌ప్రెస్‌ చేయగానే వాయిస్‌ మెసేజ్‌ ఇతర యూజర్లకు వెళ్లిపోతుంది. వాయిస్‌ మెసేజ్‌ రికార్డు చేసే సమయంలో మెసేజ్‌లను ‘పాజ్‌’ చేసి తిరిగి మరల రికార్డు చేసే సౌకర్యాన్ని వాట్సాప్‌ త్వరలోనే తీసుకురానుంది. వాయిస్‌ మెసేజ్‌ రికార్డు విషయంలో  కొత్తగా పాజ్‌, ప్లే బటన్లను వాట్సాప్‌ ప్రవేశపెట్టనున్నట్లు తెలుస్తోంది. అంతేకాకుండా డిలీట్‌, సెండ్‌ బటన్‌ కూడా అందుబాటులో ఉంచనుంది.  ఈ ఫీచర్‌తో మనకు నచ్చిన అప్పుడు ఎక్కడంటే అక్కడ వాయిస్‌ మెసేజ్‌ను రికార్డు చేసే సౌకర్యాన్ని పొందవచ్చును. WABetainfo ప్రకారం... ఈ కొత్త ఫీచర్‌ త్వరలోనే వాట్సాప్‌ బెటా ఐవోఎస్‌, ఆండ్రాయిడ్‌ యూజర్లకు అందుబాటులో ఉండనుంది.  చదవండి: టాక్స్‌ పేయర్లకు ఎస్‌బీఐ గుడ్‌న్యూస్‌...!  

సోషల్‌ మీడియా వేదికగా రకరకాల చర్చలు జరుగుతుంటాయి. ఒక్కోసారి ఆ చర్చలు వాడీవేడి పరిణామాలకు.. అటుపై విపరీతాలకూ దారితీస్తుంటాయి. అయితే ఆ హీట్‌ డిబేట్‌లను తగ్గించే ప్రయత్నాలు సోషల్‌ మీడియా ప్లాట్‌ఫామ్‌లు చేయలేవా?.. ఇందుకోసమే ట్విటర్‌ ఇప్పుడు రంగంలోకి దిగింది. సోషల్‌ మీడియా ప్లాట్‌ఫామ్‌ ట్విటర్‌ త్వరలో ఓ కూల్‌ ఫీచర్‌ను తీసుకురాబోతోంది. చర్చ అటుఇటు తిరిగి వాదులాటకు దారితీసే క్రమంలో ట్విటర్‌.. సదరు ట్వీపుల్స్‌(ట్విటర్‌ పీపుల్స్‌)ను అప్రమత్తం చేస్తుందట. ఇందుకోసం యూజర్ల సంభాషణ మధ్యలో కింద ఆఫ్షన్స్‌తో ఓ ఫీచర్‌ను డిస్‌ప్లే చేయబోతోంది. అప్పుడు యూజర్లు విచక్షణతో స్పందిస్తే.. ఆ ట్వీట్‌-రీట్వీట్ల సంభాషణపర్వం వేడెక్కకుండా అక్కడితోనే చల్లబడే ఛాన్స్‌ ఉంటుంది. అయితే సంభాషణకు సంబంధించి ఏ సందర్భంలో అలర్ట్‌ చేస్తుంది, అసలు ఎలా అంచనా వేయగలుగుతందనేది, ఎలా పని చేస్తుందనే విషయాల్ని ట్విటర్‌ ఇప్పుడే చెప్పట్లేదు.  ప్రస్తుతం ఈ ఫీచర్‌ టెస్టింగ్‌  దశలో ఉందట. ఇది పూర్తయ్యాక ఆండ్రాయిడ్‌, ఐవోఎస్‌.. రెండింటిలోనూ ఈ కూల్‌ ఫీచర్‌ను అప్‌డేట్‌ ద్వారా తీసుకురాబోతున్నారు.  ఇదిలా ఉంటే ట్విటర్‌లో ఈమధ్య సాంకేతిక సమస్యలు తలెత్తున్నాయని యూజర్లు గగ్గోలు పెడుతున్నారు. ముఖ్యంగా ట్విటర్‌ టైం లైన్‌లో వాటికవే రిఫ్రెష్‌ అయ్యి.. ట్వీట్లు కనిపించకుండా పోతున్నాయి. దీనిపై స్పందించిన ట్విటర్‌ ఈ సమస్యకు చెక్‌ పెట్టేలా ఓ ఫీచర్‌ను తెస్తామని హామీ ఇచ్చింది. చదవండి: ఫేస్‌బుక్‌కి దెబ్బ.. వీళ్లేమో పండగ చేస్కున్నరు

Gmail Rolling New Feature: నేటి టెక్నాలజీ యుగంలో ఉత్తరాలు, ఇన్‌ల్యాడ్ లెటర్స్‌ పూర్తిగా మరుగనపడిపోయాయి. వాటిస్ధానంలో జీ-మెయిల్‌ పూర్తిగా భర్తీ చేసింది. పలు కార్పోరేట్‌ కంపెనీలు, ప్రభుత్వ రంగ సంస్థలు, పలు సేవలను అందించే యాప్స్‌ కూడా పూర్తిగా మెయిల్స్‌తోనే ప్రత్యుత్తరాలను జరుపుతున్నాయి. మనలో చాలా మంది జీ-మెయిల్‌ సేవలను వాడుతున్న వాళ్లమే...! చదవండి: మొండి గూగుల్‌.. ఆ ఫోన్లలో కరెక్ట్‌ పాస్‌వర్డ్‌ కొట్టినా వేస్టే! ఎందుకంటే.. జీ-మెయిల్‌ను మెరుగుపర్చడం కోసం పలు ఫీచర్స్‌తో గూగుల్‌ ఎ‍ప్పటికప్పుడు ముందుకు వస్తోంది. కొద్ది రోజుల క్రితం జీ-మెయిల్‌ యాప్‌లో గూగుల్‌మీట్‌ వాయిస్‌ కాలింగ్‌ ఫీచర్‌ను ప్రవేశపెట్టిన విషయం తెలిసిందే. ఈ ఫీచర్‌తో జీ-మెయిల్‌తో నేరుగా గూగుల్‌ మీట్‌ యాప్‌ లేకుండానే పాల్గొనే సదుపాయాన్ని గూగుల్‌ తన యూజర్లకు అందుబాటులోకి తెచ్చింది. తాజాగా జీ-మెయిల్‌లో మరో సూపర్‌ ఫీచర్‌ను గూగుల్‌ యూజర్లకు అందుబాటులోకి తీసుకురానుంది.   సెర్చ్‌చేయడం మరింత సులువు..! మనకు కావాల్సిన ఫలానా ఈ-మెయిల్‌ను వెతకడం కోసం ఏం చేస్తాం..! సింపుల్‌గా జీ-మెయిల్‌లో మనకు కావాల్సిన దాని గురించి సెర్చ్‌ బటన్‌పై క్లిక్‌ చేస్తే.. మనకు ఆయా అంశానికి సంబంధించిన  సజెషన్స్‌ను జీ-మెయిల్‌ చూపిస్తోంది. ఇక్కడ సరైన టర్మ్‌తో వెతికినా, ఒక వేళ నిర్థిష్టమైన మెయిల్‌తో వెతికితే మనకు వెంటనే సెర్చ్‌ రిజల్ట్స్‌ను కన్పిస్తాయి. ఒకవేళ సజెషన్స్‌ ఒక పది, ఇరవై ఉంటే ఒకే..!కానీ.. మనం సెర్చ్‌ చేసే అంశం కొన్ని వందలుంటే మాత్రం మనకు చికాకు పక్కగా  వస్తోంది. మనలో చాలా మంది ఈ సమస్యను ఎదుర్కోన్న వారిమే. ఈ సమస్యకు చెక్‌ పెడుతూ గూగుల్‌ సరికొత్తగా సెర్చ్‌ చేసే సమయంలో పలు ఫిల్టర్లను అందుబాటులోకి తీసుకురానుంది. ఈ ఫిల్టర్ల సహయంతో మనకు కావాల్సిన అంశం తొందరగా దొరికే ఛాన్స్ ఉంది. సెర్చ్‌ ఇన్‌ మెయిల్స్‌లో భాగంగా గూగుల్‌ త్వరలోనే ‘ఫ్రమ్‌’, ‘సెంట్‌ టూ’, ‘డేట్‌’ , ‘అటాచ్‌మెంట్‌’ అనే ఫిల్టర్లను అందుబాటులోకి తీసుకురానుంది. ఈ సూపర్‌ఫీచర్‌ వచ్చే నెలలో ఆండ్రాయిడ్‌ యూజర్లకు అందరికి అందుబాటులోకి వస్తోందని తెలుస్తోంది.   చదవండి: Forgotten Password: పాస్‌వర్డ్‌ మరిచిపోవడంతో... పది లక్షల కోట్ల రూపాయలు ఆగం...!

యూట్యూబ్‌ డెస్క్‌టాప్‌ యూజర్లకు త్వరలోనే గుడ్‌న్యూస్‌ను అందించనుంది. నెట్‌వర్క్‌ లేని ప్రాంతాల్లో యూట్యూబ్‌లో వీడియోలను చూడడం కోసం మనం ముందుగానే వైఫై, లేదా మొబైల్‌ నెట్‌వర్క్‌ ఉన్న ప్రాంతాల్లోనే వీడియోలను డౌన్‌లోడ్‌ చేసి...తరువాత ఆఫ్‌లైన్‌లో వీడియోలను చూస్తూంటాం. యూట్యూబ్‌లో ఆఫ్‌లైన్‌ వీడియో ఫీచర్‌ కేవలం మొబైల్‌ యూజర్లకు  మాత్రమే అందుబాటులో ఉంది. ఆఫ్‌లైన్‌ ఫీచర్‌ను త్వరలోనే డెస్క్‌టాప్‌ యూజర్లకోసం అందించే ప్రయత్నాలను యూట్యూబ్‌ చేస్తున్నట్లు తెలుస్తోంది. కాగా ఈ ఫీచర్‌ కేవలం యూట్యూబ్‌ ప్రీమియం యూజర్లకు మాత్రమే అందుబాటులోకి రానుంది.  చదవండి: జేమ్స్‌బాండ్‌-007 భాగస్వామ్యంతో స్పెషల్‌ ఎడిషన్‌ బైక్‌..!  మీరు యూట్యూబ్‌ ప్రీమియం యూజర్‌ అయితే ఈ  కొత్త ఫీచర్‌ను ‘https://www.youtube.com/new’ సైట్‌కు వెళ్లి ప్రయత్నించవచ్చును. క్రోమ్, ఎడ్జ్ లేదా ఒపెరా బ్రౌజర్‌ల తాజా వెర్షన్‌ డెస్క్‌టాప్‌లో ఈ ఫీచర్ అందుబాటులో ఉంది. డెస్క్‌టాప్‌లో డౌన్‌లోడ్‌చేసిన వీడియోలను తర్వాత ఆఫ్‌లైన్‌‘ youtube.com/feed/download’లో చూడవచ్చు, ఇది సైడ్ నావిగేషన్ ప్యానెల్‌లో కూడా అందుబాటులో ఉంటుంది. యూజర్లు గరిష్టంగా 1080పీ నాణ్యతతో వీడియోను డౌన్‌లోడ్ చేసుకోవచ్చును. కాగా  యూజర్లు తమ ల్యాప్‌టాప్‌లు లేదా కంప్యూటర్‌లో డౌన్‌లోడ్ చేసిన వీడియోలను తమ హార్డ్ డ్రైవ్‌లో శాశ్వతంగా ఉంచడానికి యూట్యూబ్‌ అనుమతించదు. దాంతో పాటుగా యూట్యూబ్‌ పిక్చర్-ఇన్-పిక్చర్ (PiP) మినీ ప్లేయర్‌లో వీడియోలను చేసే ఫీచర్‌ను కూడా పరిక్షిస్తున్నట్లు తెలుస్తోంది.  చదవండి: ఈ టైర్లు అసలు పంక్చరే కావు..! 

వాట్సాప్‌ తన  యూజర్ల కోసం ఎప్పటికప్పుడు సరికొత్త ఫీచర్లను అందుబాటులోకి తెస్తుంది. యూజర్ల భద్రత విషయంలో వాట్సాప్‌ అసలు రాజీ పడదు. కొన్నిరోజుల క్రితం యూజర్ల కోసం సరికొత్త ఫోటో ఫీచర్‌ను అందుబాటులోకి తెచ్చిన విషయం తెలిసిందే. తాజాగా వాట్సాప్‌ ఫోటోలను స్టిక్కర్స్‌గా మార్చే ఫీచర్‌ను యూజర్లకు త్వరలోనే అందుబాటులోకి తీసుకురానుంది. దీంతో యూజర్లు ఎలాంటి థర్డ్‌పార్టీ యాప్స్‌ను వాడకుండా ఫోటోలను స్టిక్కర్లుగా మార్చవచ్చును. చదవండి: Xiaomi : మరో అద్బుతమైన టెక్నాలజీ ఆవిష్కరించనున్న షావోమీ..! ప్రస్తుతం ఈ ఫీచర్‌పై వాట్సాప్‌ పనిచేస్తోన్నట్లు తెలుస్తోంది. ఈ ఫీచర్‌ను బీటావాట్సాప్‌ వర్షన్‌లో వాట్సాప్‌ టెస్ట్‌ చేస్తోంది. ఈ ఫీచర్‌ ఐవోఎస్‌, ఆండ్రాయిడ్‌ యూజర్లకు త్వరలోనే అందుబాటులోకి రానుంది. డబ్ల్యూఏబెటాఇన్ఫో ప్రకారం..వాట్సాప్‌ చాట్‌ డైలాంగ్‌ బాక్స్‌లో ఈ ఫీచర్‌ కన్పించనుంది. యూజర్లు ఎంచుకున్న ఫోటోలను స్టిక్కర్‌ ఆప్షన్‌పై క్లిక్‌ చేయడం ద్వారా ఆయా ఫోటోలను స్టిక్కర్లుగా మార్చవచ్చును. తాజాగా వాట్సాప్‌ మల్టీ-డివైజ్‌ ఫీచర్‌ను కూడా యూజర్లకు అందుబాటులోకి తెచ్చింది. వాట్సాప్‌ ఆన్‌లైన్‌లో లేకున్నా ఏకకాలంలో నాలుగు డివైజ్‌లకు సపోర్ట్‌ చేస్తూ యాప్‌ను ఉపయోగించవచ్చును.  చదవండి: క్రిప్టోకరెన్సీ నుంచి పొంచి ఉన్న పెనుముప్పు...!

ప్రముఖ సోషల్‌ మెసేజింగ్‌ వాట్సాప్‌ మరో సరికొత్త ఫీచర్‌ను యూజర్లకు అందుబాటులోకి తీసురానుంది. గతంలో ప్రవేశపెట్టిన ప్రైవసీ సెట్టింగ్‌ను తిరిగి యూజర్లకు అందుబాటులో రానుంది. చివరిసారిగా వాట్సాప్‌ను ఏ సమయంలో ఉపయోగించారో చూపించే లాస్ట్‌సీన్‌ సెట్టింగ్‌లో అప్‌డేట్‌ను తీసుకురానుంది. లాస్ట్‌సీన్‌ ఆప్షన్‌ ద్వారా యూజర్లకు సంబంధించిన ప్రతి ఒక్కరికి వాట్సాప్‌ ఆయా యూజర్‌ ఎప్పుడు వాడరనే విషయాన్ని రెసిపెంట్‌ కాంటాక్టులకు తెలియజేస్తుంది. చదవండి: WhatsApp: 'మనీ హెయిస్ట్‌ సీజన్‌ 5' ఎమోజీలొస్తున్నాయ్‌ లాస్ట్‌సీన్‌ ఆప్షన్‌ ఎవరు చూడకుండా  ఉండడం కోసం ప్రైవసీ సెట్టింగ్‌లో ‘నోబడీ’, ఎవ్రీవన్‌, మై కాంటాక్ట్స్ అప్షన్స్‌ను ఎంచుకోవడం ద్వారా లాస్ట్‌సీన్‌ను ఇతర యూజర్ల నుంచి నియంత్రించుకోవచ్చును. తాజాగా వాట్సాప్‌ లాస్ట్‌సీన్‌ సెట్టింగ్‌లో మరో ఆప్షన్‌ త్వరలోనే యూజర్లకు అందుబాటులోకి తీసుకురానుంది. లాస్ట్‌సీన్‌ సెట్టింగ్‌లో భాగంగా ‘మై కాంటాక్ట్స్ ఎక్సప్ట్‌’ అనే ఆప్షన్‌ను వాట్సాప్‌ పరీక్షిస్తున్నట్లు తెలుస్తోంది. దీంతో ఎంచుకున్న ఆయా కాంటాక్ట్‌లకు యూజర్ లాస్ట్‌సీన్‌ కన్పించదు. ప్రస్తుతం ఈ సెట్టింగ్‌ను వాట్సాప్‌ కేవలం ఐవోస్‌ యూజర్లకోసం పరీక్షిస్తుండగా ఈ సెట్టింగ్‌ను త్వరలోనే ఆండ్రాయిడ్‌ యూజర్ల కోసం అందుబాటులోకి వస్తోందని డబ్ల్యూఏబెటాఇన్ఫో ఒక ప్రకటనలో తెలిపింది. ఈ సెట్టింగ్‌తో కొంతమంది లాస్ట్‌సీన్‌ ఆప్షన్‌ను పూర్తిగా ఆఫ్‌ చేయకుండా నచ్చిన వ్యక్తులకు కన్పించే విధంగా చేసుకోవడంతో యూజర్లకు కాస్త ఊరట కల్గనుంది.  చదవండి: Microprocessor Chips: సొంత చిప్‌ ప్రకటనలు పాతవే.. ఇప్పటికైతే డిజైన్‌ వరకే?

టెక్నాలజీలో గూగుల్‌ మ్యాప్స్‌ నిజంగానే ఓ గేమ్‌ ఛేంజర్‌. గమ్యస్థానం చేరుకునేందుకు సరైన మార్గం కోసం కోట్ల మంది గూగుల్‌ మ్యాప్స్‌ను ఉపయోగించుకుంటున్నారు. ఒక సెకనులో 70వేలమంది, గంటలకు 227 మిలియన్ల మంది.. ఒకరోజులో దాదాపు ఐదున్నర బిలియన్ల గూగుల్‌ యూజర్లు మ్యాప్స్‌ సౌకర్యాన్ని ఉపయోగించుకుంటున్నారంటే అతిశయోక్తి కాదు. అలాంటి యాప్‌ ఇప్పుడు రెండు ఇంట్రెస్టింగ్‌ అప్‌డేట్లు అందించింది.    గూగుల్‌​ మ్యాప్‌.. ఓ ఆసక్తికరమైన ఫీచర్‌ను తీసుకురాబోతోంది. రహదారులపై టోల్‌ ఛార్జ్‌ వివరాల్ని యూజర్లకు ముందుగానే తెలియజేయబోతోంది. తద్వారా వాహనదారుడు ముందుగానే తన రూట్‌ను ఎంచుకునే  అవకాశం కలగనుంది. ప్రస్తుతం డెవలపింగ్‌ స్టేజ్‌లో ఉన్న ఈ ఫీచర్‌ను వీలైనంత త్వరలోనే గూగుల్‌ మ్యాప్‌ అందుబాటులోకి రానుంది. కొందరు వాహనదారులకు కొత్త రూట్‌లో ప్రయాణించినప్పుడు  రహదారి ఎలా ఉండబోతోంది? మధ్యలో ఎన్ని టోల్‌ గేట్స్‌ ఉన్నాయి? ఎంత వసూలు చేస్తారు? అనే వాటిపై ఒక ఐడియా ఉండకపోవచ్చు. అలాంటి వాళ్ల కోసం గూగుల్‌ మ్యాప్‌ ఈ ఫీచర్‌ ఉపయోగపడనుంది.  అయితే దీనిపై గూగుల్‌ ఇంకా అధికారిక ప్రకటన చేయకపోయినా.. గూగుల్‌ మ్యాప్‌ ప్రివ్యూ ప్రోగ్రాం ఓ సందేశాన్ని పంపింది. చాలా దేశాల్లో వాజే మ్యాపింగ్‌ యాప్‌(ఇది కూడా గూగుల్‌ కిందే పని చేస్తోంది) ఇలాంటి ఫీచర్‌గా వాహనదారులకు ఉపయోగపడుతోంది. ఇక గూగుల్‌ మ్యాప్‌ టోల్‌ ట్యాక్స్‌ ధరలను ఎలా తెలియజేస్తుందనే దానిపై ఇప్పటివరకు స్పష్టత లేకపోయినా.. బహుశా టోల్‌ ఆపరేటర్లు ఫిక్స్‌ చేసే ధరల పట్టిక, రోడ్డు మార్గాలు తదితర వివరాల వెబ్‌సైట్‌ ఆధారంగా.. వాహనదారులకు తెలియజేసే అవకాశం ఉందని నిపుణులు భావిస్తున్నారు.   చెల్లిస్తేనే.. ముందుకు వెళ్లేది! గూగుల్‌ మ్యాప్‌లో బెస్ట్ ఫీచర్‌గా  ‘టర్న్‌ బై టర్న్‌’ నావిగేషన్‌కు పేరుంది. ముఖ్యంగా రూరల్‌ ఏరియాల్లో, ఇరుకు గల్లీల్లో, సిటీల్లో చాలామంది ఈ ఫీచర్‌ను ఉపయోగించుకుంటున్నారు. అయితే ఇది ఉపయోగించాలంటే ఇప్పుడు ఎంతో కొంత చెల్లించాల్సిందే. అవును.. ప్రస్తుతం ఈ ఫీచర్‌..  గూగుల్‌ క్రౌడ్‌ఫండింగ్‌ ఫీచర్‌ కిందకు వెళ్లిపోయింది. జీపీఎస్‌ లొకేషన్‌-నేవిగేషన్‌ను యూజర్‌కు అందించడం భారంగా మారుతున్న నేపథ్యంలోనే గూగుల్‌ మ్యాప్‌.. ఈ నిర్ణయం తీసుకున్నట్లు తెలుస్తోంది. మంగళవారం నుంచే ఈ ఫీచర్‌ను మొదలుపెట్టింది గూగుల్‌ మ్యాప్‌(అప్‌డేట్‌ చేసుకోవాల్సిందే!). అయితే మొత్తం గూగుల్‌ యాప్‌నే ‘పే అండ్‌ యూజ్‌’ కిందకు తీసుకురానుందా? అనే ప్రశ్నపై మాత్రం గూగుల్‌ మ్యాప్‌ మౌనం వహిస్తోంది. చదవండి: కంటిచూపుతోనే ఇక ఫోన్‌ ఆపరేటింగ్‌!

అమెజాన్‌ ప్రైమ్‌ గురించి తెలియని వారు ఎవరుండరు అనుకుంటా బహుశా..! అమెజాన్‌ ప్రైమ్‌ సబ్‌స్క్రిప్షన్‌తో వీడియో, మ్యూజిక్‌, ఫాస్టెస్ట్‌ డెలివరీ సేవలను అమెజాన్‌ తన కస్టమర్లకు అందిస్తోంది. తాజాగా అమెజాన్‌ తన కస్టమర్ల కోసం సరికొత్త ఫీచర్‌ను అందుబాటులోకి తెచ్చింది. అమెజాన్‌ ప్రైమ్‌ వీడియో మీకు నచ్చిన వెబ్‌ సిరీస్‌, సినిమాల్లోని ఇష్టమైన క్యారెక్టర్‌ను మీ అమెజాన్‌ ప్రైమ్‌ వీడియో ప్రొఫైల్‌ పిక్చర్‌ను ఎంచుకోవచ్చును. ఈ ఫీచర్ భారత్‌లో సహా ప్రపంచవ్యాప్తంగా ఉన్న అమెజాన్‌ ప్రైమ్‌ కస్టమర్ల అందరికీ అందుబాటులో ఉండనుంది. (చదవండి: Elon Musk-Jeff Bezos: ఎలన్‌ మస్క్‌కు పెద్ద దెబ్బే కొట్టిన జెఫ్‌బెజోస్‌...!) అమెజాన్‌ ప్రైమ్‌ వీడియో ప్రొఫైల్‌ పిక్చర్‌లో భాగంగా ప్రస్తుతం మార్వెలస్ మిసెస్ మైసెల్ నుంచి మిడ్జ్ ది బాయ్స్ నుంచి మదర్స్ మిల్క్ (లాజ్ అలోన్సో) వంటి పాత్రలను ప్రోఫైల్‌ పిక్చర్‌గా మార్చుకొవచ్చును. అంతేకాకుండా ఫ్లీబాగ్‌, ఇన్విన్సిబుల్‌, సిల్వీస్‌ లవ్‌, టామ్‌ క్లాన్సి నటించిన జాక్‌ రైన్‌, టూమరో వార్‌ వంటి సిరీస్‌, చిత్రాల్లో నటించిన వారి క్యారెక్టర్లను ప్రొఫైల్‌ ఫోటోలుగా ఉంచుకోవచ్చును. ప్రస్తుతం  అమెజాన్‌ ప్రైమ్‌ వీడియోలో కేవలం హలీవుడ్‌కు చెందిన ప్రముఖ క్యారెక్టర్లను ప్రొఫైల్‌ పిక్స్‌గా ఉంచుకోవడానికి అనుమతిని ఇస్తుంది. త్వరలోనే ఇండియన్‌ సినిమాకు చెందిన క్యారెక్టర్లను కూడా అందుబాటులోకి తెచ్చే ఆలోచనలో అమెజాన్‌ ఉన్నట్లు సమాచారం. ఈ ఫీచర్‌ ఆండ్రాయిడ్‌, ఐవోఎస్‌, వెబ్‌సైట్‌ యూజర్లకు అందుబాటులో ఉండనుంది.  అమెజాన్‌ ప్రైమ్‌ వీడియో ప్రొఫైల్‌ చిత్రాన్ని ఇలా ఛేంజ్‌ చేయండి....! మీ ఫోన్‌లో ఉన్న అమెజాన్‌ ప్రైమ్‌ వీడియోను ఒపెన్‌ చేయండి. ప్రైమ్ వీడియో యాప్‌లో హోమ్‌పేజీ దిగువన ఉన్న మై స్టఫ్ ఆప్షన్‌ను ఎంపిక చేసుకోండి.  తరువాత ప్రొఫైల్ పేరుపై క్లిక్ చేసి, ఆపై మేనేజ్‌ ప్రొఫైల్‌ను ఎంచుకోండి . మీరు మార్చాలనుకుంటున్న ప్రొఫైల్‌ని ఎంచుకోండి (ఒకవేళ మీకు ఒక అకౌంట్‌పై ఎక్కువ ప్రొఫైల్‌లు ఉంటే). తరువాత ఎడిట్ ప్రొఫైల్‌ను ఎంపిక చేయండి.  మీకు మీ పేరుతో కూడిన ప్రోఫైల్‌ పిక్చర్‌ను గమనిస్తారు. అక్కడ ప్రోఫైల్‌ పిక్‌పై క్లిక్‌ చేసి మీకు నచ్చిన సిరీస్‌, చిత్రానికి సంబంధించిన క్యారెక్టర్‌ను ప్రొఫైల్‌ ఫోటోను ఎంపిక చేయండి. తరువాత సేవ్‌ చేయండి.  (చదవండి: ఎలన్‌ మస్క్‌ కొత్త ప్లాన్‌.. ఈసారి అంతరిక్షంలో ఏకంగా..!)

వాట్సాప్‌ తన  యూజర్ల కోసం ఎప్పుడు సరికొత్త ఫీచర్లను అందుబాటులోకి తెస్తుంది. యూజర్ల భద్రత విషయంలో వాట్సాప్‌ అసలు రాజీ పడదు. వాట్సాప్‌ తాజాగా యూజర్ల కోసం ఫోటో ఫీచర్‌ను అందుబాటులోకి తెచ్చిన విషయం తెలిసిందే. ఇప్పుడు వాట్సాప్‌ చాట్‌లో మీరు అనుకుంటే మెసేజ్‌లు కన్పించకుండా చేయవచ్చును. ఔను మీరు విన్నది నిజమే..! వాట్సాప్‌ యూజర్ల కోసం మరో సరికొత్త ఫీచర్‌ను అందుబాటులోకి తెస్తున్నట్లు తెలుస్తోంది. వాట్సాప్‌లో పంపే మెసేజ్‌లను నిర్ధిష్ట చాట్‌లో కన్పించకుండా ఆయా సందేశాల కాలాన్ని మీరు నిర్ణయించవచ్చును. (చదవండి: తాలిబన్లపై కీలక నిర్ణయం తీసుకున్న యూట్యూబ్‌...!) వాట్సాప్ తన డిస్‌ఆపియర్‌ మెసేజ్స్‌ ఫీచర్ కోసం కొత్త ఆప్షన్‌ని పరీక్షిస్తున్నట్లు తెలుస్తోంది. ఈ ఫీచర్‌లో భాగంగా  90 రోజుల తర్వాత ఒక నిర్దిష్ట చాట్‌లో ఆటోమేటిక్‌గా మెసేజ్‌లను డిలీట్ చేయడానికి యూజర్‌లను అనుమతిస్తుంది. అంతేకాకుండా 24 గంటల్లో మెసేజ్‌లు ఆటోమేటిక్‌గా కనుమరుగయ్యే ఆప్షన్‌ను కూడా వాట్సాప్‌ పరీక్షిస్తున్నట్లు తెలుస్తోంది. వాట్సాప్ వాస్తవానికి గత ఏడాది నవంబర్‌లో డిస్‌ఆపియర్‌ మెసేజ్స్‌ ఫీచర్‌ను ప్రవేశపెట్టగా ఈ ఫీచర్‌లో భాగంగా యూజర్లు పంపిన మెసేజ్‌లు  ఏడు రోజుల వ్యవధి ముగిసిన తరువాత మాత్రమే మెసేజ్‌లను అదృశ్యమయ్యేలా చేయడానికి వాట్సాప్‌ యాప్‌ వీలు కల్సిస్తుంది. వాట్సాప్‌ ట్రాకర్ WABetaInfo నివేదిక ప్రకారం  బీటా వెర్షన్ 2.21.17.16 ద్వారా 90 రోజుల తర్వాత చాట్‌లో మెసేజ్‌లు కన్పించకుండా ఉండే ఫీచర్‌ను WABetaInfo  స్క్రీన్‌షాట్‌ను షేర్‌ చేసింది. 90 డేస్‌తో పాటు 24గంటల్లో వాట్సాప్‌లో మెసేజ్‌లు కన్పించకుండా చేసే ఫీచర్‌ను కూడా అందుబాటులోకి తెస్తోన్నట్లు తెలుస్తోంది. వాట్సాప్‌ ఈ ఫీచర్‌ను గత కొన్ని నెలలుగా ఆండ్రాయిడ్‌, ఐఓఎస్‌, వాట్సాప్‌ వెబ్‌ యూజర్ల కోసం పరిక్షిస్తున్నట్లు తెలుస్తోంది. కాగా ఈ ఫీచర్‌లో ఒక చిన్న మెలిక ఉంది. వాట్సాప్‌ యూజర్‌ ఇతర రెసిపెంట్లకు పంపిన మెసేజ్‌లకు డిస్‌ఆప్పియర్‌ ఫీచర్‌తో మెసేజ్‌లు పంపినా...,రెసిపెంట్‌ ఆయా మెసేజ్‌ను వేరే ఇతర వాట్సాప్‌ యూజర్లకు ఫార్వర్డ్‌ చేస్తే మాత్రం యూజర్‌ పంపిన మెసేజ్‌ ఎప్పటికి రెసిపెంట్‌తోనే ఉండనున్నట్లు తెలుస్తోంది. ఈ నెల ప్రారంభంలో వాట్సాప్‌ తన యూజర్ల కోసం సరికొత్తగా వ్యూ వన్స్‌ ఫీచర్‌ను అందుబాటులోకి తెచ్చిన విషయం తెలిసిందే.  ఈ ఫీచర్‌ యూజర్లను ఎంతగానో ఆకర్షించింది. (చదవండి: తాలిబన్లు తెచ్చిన తంటాలు..భారత్‌లో వీటి ధరలు భారీగా పెరుగుతాయా...!)

సోషల్‌ మీడియా దిగ్గజం ఫేస్‌బుక్‌ తన యూజర్లకు కొత్తగా అద్భుతమైన ఫీచర్‌ను అందుబాటులోకి తెచ్చింది. వాట్సాప్‌ యాప్‌లో ఉండే  వాయిస్‌, వీడియో కాల్స్‌కు ఉండే ఎండ్‌-టూ-ఎండ్‌ ఎన్‌క్రిప్షన్‌ను ప్రస్తుతం ఫేస్‌బుక్‌ మెసెంజర్‌ యాప్‌లో అందుబాటులోకి రానుంది. దీంతో యూజర్ల ప్రైవసీకి మరింత భద్రత చేకూరనుంది. కాగా గతంలోనే వాట్సాప్‌, ఫేస్‌బుక్‌ మెసేంజర్లలోని యూజర్లకు పంపే మెసేజ్‌లకు ఎండ్‌-టూ-ఎండ్‌ ఎన్‌క్రిప్షన్‌ను ఫేస్‌బుక్‌ ఏర్పాటు చేసింది.   సోషల్ మీడియా దిగ్గజం మెసేజింగ్ సేవల పోర్ట్‌ఫోలియోలో క్రమంగా ఆడియో ,వీడియో ఫీచర్‌లను జోడించింది. "ఎండ్-టు-ఎండ్ ఎన్‌క్రిప్ట్ లో భాగంగా సందేశాలు, కాల్‌ల కంటెంట్ మీ ఫోన్‌ నుంచి రిసీవర్‌కు చేరుకునే వరకు భద్రంగా ఉంటుంది. అంతేకాకుండా ఫేస్‌బుక్ తన ప్రసిద్ధ ఇమేజ్-షేరింగ్ యాప్ సోషల్ మీడియా ప్లాట్‌ఫామ్ ఇన్‌స్టాగ్రామ్‌లో ఒకరితో ఒకరు సంభాషణల కోసం ఎండ్-టు-ఎండ్ ఎన్‌క్రిప్షన్‌ను ప్రవేశపెట్టాలని యోచిస్తున్నట్లు తెలుస్తోంది. భవిష్యత్తులో ఫేస్‌బుక్‌ మెసేంజర్‌లోని గ్రూప్‌ చాట్లకు కూడా ఎండ్‌-టూ-ఎండ్‌ ఎన్‌క్రిప్షన్‌ తీసుకురావాలని ఫేస్‌బుక్‌ చూస్తుంది. దాంతో పాటుగా మెసేంజర్‌లో సందేశాలను నిర్ణీత సమయం వరకు కనిపించేలా, తరువాత ఆ మెసేజ్‌లు కన్పించకుండా నియత్రించవచ్చును. మెసేంజర్‌లో పంపే సందేశాలకు 5 సెకండ్ల నుంచి 24 గంటలపాటు టైమర్‌ను ఉపయోగించి మెసేజ్‌లను పంపవచ్చును. 

యూట్యూబ్‌ గురించి తెలియని వారు ఏవరుండరు. మనకు నచ్చిన టీవీ ప్రోగ్రాంలను మిస్సైనా, ఇతరత్రా వీడియోలను చూడాలంటే వెంటనే యూట్యూబ్‌ యాప్‌ను ఓపెన్‌ చేస్తాం..!  మనలో చాలా మంది యూట్యూబ్‌ వీడియోలను చూస్తూ కాలక్షేపం చేస్తూ ఉంటాం. యూట్యూబ్‌లో ఒక వీడియో చూస్తుంటే మనకు కాస్త నచ్చకపోయినా, లేదా తరువాత ఏం జరుగుతుందో అనే ఆత్రుతతో ఫోన్‌లో డబల్‌ ట్యాప్‌ చేసి వీడియోలను ఫార్వర్డ్‌ చేస్తు ఉంటాం. వీడియోలను ఫార్వర్డ్‌ చేసే క్రమంలో డబుల్‌ ట్యాప్‌ సరిగ్గా చేయకపోతే తదుపరి వీడియోకు వెళ్తుంది. ఇలా మనలో చాలా మంది ఇలాంటి సమస్యను చాలా మంది ఎదుర్కోన్న వాళ్లమే..! కాగా ఈ సమస్యకు చెక్‌పెడుతూ కొత్త పరిష్కారాన్ని చూపింది యూట్యూబ్‌.  యూట్యూబ్‌ త్వరలోనే యూజర్లకు కొత్త ఫీచరును అందుబాటులోకి తీసుకురానుంది. యూజర్లకు స్లైడ్‌ టూ సీక్‌ అనే కొత్త ఫీచరును యూట్యూబ్‌ త్వరలోనే యాడ్‌ చేయనుంది. వీడియోను చూసే సమయంలో వీడియోపై ఒక గీతపై డాట్‌ ఉండే సింబల్‌ త్వరలోనే యూజర్లకు కనిపించనుంది. సింబల్‌కు పక్కనే ‘స్టైడ్‌ టూ లెఫ్ట్‌ ఆర్‌ రైట్‌ టూ సీక్‌’డిస్క్రిప్షన్‌ మేసేజ్‌ కన్పిస్తోంది. అంతేకాకుండా ఆపిల్‌, షావోమీ స్మార్ట్‌ఫోన్లలో కన్పించే రౌండ్‌బాల్‌ హోల్డ్‌ గెస్చర్‌ను కూడా యూట్యూబ్‌ అందుబాటులోకి తీసుకురానుంది. దీంతో ఒక వీడియోలో ముందుకు ఫార్వర్డ్‌ వెళ్లాలంటే బాల్‌ను డ్రాగ్‌  చేస్తే సరిపోతుంది. మనకు నచ్చినట్లుగా వీడియోలను ఫార్వర్డ్‌, రివైండ్‌ చేయవచ్చును. ప్రస్తుతం ఈ ఫీచరును యూట్యూట్‌ టెస్ట్‌ చేస్తోంది. కాగా ఈ ఫీచర్‌ యూట్యూబ్‌ యాప్‌ వెర్షన్‌ 16.31.34 వాడుతున్న ఆండ్రాయిడ్‌ యూజర్లకు అందుబాటులోకి వచ్చినట్లు తెలుస్తోంది.

వాట్సాప్‌ తన యూజర్లకోసం సరికొత్త ఫీచర్‌ను అందుబాటులోకి తెచ్చింది. వాట్సాప్‌ తన యూజర్ల కోసం ‘వ్యూ వన్స్‌’ ఫీచర్‌ను లాంచ్‌ చేసింది. ఈ ఫీచర్‌తో యూజర్‌ పంపిన ఫోటో,  వీడియో, మెసేజ్‌లను రెసిపెంట్‌(గ్రహీత) యూజర్‌ చూడటానికి నియంత్రించే అవకాశం ఏర్పడుతుంది. సాధారణంగా వాట్సాప్‌లో యూజర్‌ వీడియోను, ఫోటోలను పంపితే రెసిపెంట్‌ యూజర్‌ వాటిని చూడగల్గుతాడు. కాగా వీడియోలు, ఫోటోస్‌ ఒక్కసారి రెసిపెంట్‌ యూజర్‌ డౌన్‌లోడ్‌ చేశాక ఎల్లప్పుడు మొబైల్‌లోనే స్టోర్‌ అవుతాయి. రెసిపెంట్‌ తిరిగి యూజర్‌ పంపిన సమాచారాన్ని చూసుకోగలడు. ప్రస్తుతం వాట్సాప్‌ తెచ్చిన ఈ కొత్త ఫీచర్‌తో రెసిపెంట్‌ కేవలం ఒక్కసారి మాత్రమే మేసెజ్‌లను చూడగలడు. ప్రస్తుతం ఈ ఫీచర్‌ అప్‌డేట్‌డ్‌ వాట్సాప్‌ యాప్‌ కల్గి ఉన్న ఐఫోన్‌ యూజర్లకు మంగళవారం రోజున భారత్‌లో లాంచ్‌ చేసింది. ఐఫోన్‌ యూజర్లకు అందుబాటులోకి తెచ్చిన కొద్దిసేపటికే ఆండ్రాయిడ్‌ యూజర్లకు కూడా అందుబాటులోకి వచ్చింది. ఈ కొత్త ఫీచర్‌ వాట్సాప్‌ ఫర్‌ ఐఫోన్‌ యాప్‌ 2.21.150 వెర్షన్‌లో అందుబాటులో ఉండనుంది.   వ్యూ వన్స్‌ ఫీచర్‌లో భాగంగా వాట్సాప్‌ యాప్‌లో ఫోటో లేదా వీడియోను సెండ్‌ చేసేటప్పుడు యాడ్‌ క్యాప్షన్ బార్ పక్కన  కొత్తగా '1' చిహ్నాంపై ట్యాప్‌ చేయాలి. దీంతో రెసిపెంట్‌ మీరు పంపిన ఫోటోను, లేదా వీడియోను ఒక్కసారి మాత్రమే చూడగలడు. రెసిపెంట్‌ మేసేజ్‌ను ఒపెన్‌ చేశాక ‘ఒపెన్డ్‌’ అనే సందేశం కన్పిస్తుంది. వ్యూ వన్స్‌ ఫీచర్‌తో మీడియా కంటెంట్‌ను రెసిపెంట్‌ (గ్రహీత) ఫోటోలు లేదా వీడియోలు మొబైల్‌ గ్యాలరీలో సేవ్‌ కావు. వ్యూ వన్స్‌ ఫీచర్‌తో సెండ్‌ చేసిన మేసేజ్‌లను ఇతరులకు ఫార్వర్డ్‌ చేయలేరు. వ్యూ వన్స్‌  ఫీచర్‌ని ఉపయోగించి పంపిన ఫోటో లేదా వీడియో 14 రోజుల్లోపు తెరవకపోతే చాట్‌లో రెసిపెంట్‌కు కనిపించదు. అయితే రెసిపెంట్‌కు పంపిన ఫోటోను స్క్రీన్‌షాట్‌ తీస్తే మాత్రం యూజర్‌కు తెలియదు. రెసిపెంట్‌ స్క్రీన్‌ షాట్‌ తీస్తే యూజర్‌కు తెలిసే సదుపాయం కేవలం స్నాప్‌చాట్‌లో మాత్రమే కలదు.     

న్యూ ఢిల్లీ: దేశీయ ప్రభుత్వ రంగ బ్యాంకింగ్‌ సంస్థ స్టేట్‌ బ్యాంక్‌ ఆఫ్‌ ఇండియా తన కస్టమర్లకోసం సరికొత్త ఫీచర్‌ను అందుబాటులోకి తెచ్చింది. ఖాతాదారుల భద్రతను దృష్టిలో ఉంచుకొని ఎస్‌బీఐ యోనో, యోనో లైట్‌లో 'సిమ్‌ బైండింగ్' అనే కొత్త మెరుగైన భద్రతా ఫీచర్‌ను ప్రారంభించింది. సిమ్‌ బైండింగ్‌ ఫీచర్‌తో కొత్త యోనో, యోనో లైట్‌ యాప్‌లను ఉపయోగించే ఖాతాదారులను వివిధ డిజిటల్‌ మోసాల నుంచి రక్షించనుంది. సిమ్‌ బైండింగ్‌ ఫీచర్‌తో కేవలం బ్యాంక్‌లో నమోదైన మొబైల్‌ నంబర్ల సిమ్‌ ఉన్న ఫోన్లలో మాత్రమే యోనో, యోనో లైట్‌ యాప్‌లు పనిచేస్తాయి. అయితే, ఖాతాదారులు బ్యాంకుతో రిజిస్టర్డ్‌ మొబైల్‌ నంబర్‌ సిమ్ ఉపయోగించి ఒకే మొబైల్ పరికరంలో యోనో,  యోనో లైట్ యాప్‌ రెండింటినీ ఉపయోగించవచ్చు. ఒకవేళ కస్టమర్ బ్యాంక్‌లో నమోదు చేయని మొబైల్ నంబర్‌ను ఉపయోగిస్తుంటే,  యోనో,  యోనో లైట్‌లో నమోదు ప్రక్రియను పూర్తి చేయలేరు. ఈ సందర్భంగా ఎస్‌బీఐ డీఎమ్‌డీ (స్ట్రాటజీ) & చీఫ్ డిజిటల్ ఆఫీసర్ రాణా అశుతోష్ కుమార్ సింగ్ మాట్లాడుతూ..యోనో, యోనో లైట్‌ యాప్‌లు అత్యంత ప్రజాదరణ పొందిన ప్లాట్‌ఫాంగా నిలిచాయని పేర్కొన్నారు. ఎస్‌బీఐ తెచ్చిన కొత్త ఫీచర్‌తో ఖాతాదారులందరికీ మెరుగైన భద్రతను అందిస్తోంది. అంతేకాకుండా కస్లమర్లను ఎల్లప్పుడూ డిజిటల్‌ బ్యాంకింగ్‌ సేవలను నిర్వహించడానికి ప్రోత్సహిస్తుందని వెల్లడించారు. సిమ్‌ బైండింగ్‌ ఫీచర్‌ను ఇలా యాక్సెస్‌ చేయండి...! మెరుగైన భద్రతా ఫీచర్లతో వచ్చిన యోనో, యోనో లైట్‌ యాప్‌ల కొత్త వెర్షన్‌ను యాక్సెస్‌ చేయడానికి ఖాతాదారులు తమ మొబైల్ యాప్‌ని అప్‌డేట్ చేసుకోవాలి. అంతేకాకుండా యోనో, యోనో లైట్‌ యాప్‌లలో వన్-టైమ్ రిజిస్ట్రేషన్ ప్రక్రియను పూర్తి చేయాలి. రిజిస్ట్రేషన్ ప్రక్రియలో భాగంగా బ్యాంకులో రిజిస్టర్డ్ మొబైల్ నంబర్ సిమ్‌ను బ్యాంకు ధృవీకరిస్తుంది. కస్టమర్‌లు రిజిస్టర్డ్ కాంటాక్ట్ నంబర్ సిమ్ ఉన్న మొబైల్‌లో తమను తము నమోదు చేసుకున్నారని నిర్ధారించుకోవాలి.

సాక్షి, హైదరాబాద్‌: తెలుగు రాష్ట్రాల్లో ఇన్‌స్టాగ్రామ్‌ యువతకు అత్యంత వేగంగా చేరువవుతోంది. సెలబ్రిటీల వీడియోలు, ఫొటోలు తదితర విశేషాల కోసం మాత్రమే కాకుండా స్వయంగా తాము కూడా విభిన్న రకాల కంటెంట్‌ను అప్‌లోడ్‌ చేస్తూ ఇన్‌స్టా కు ఫ్యాన్స్‌గా మారిపోతున్నారు యూత్‌. ఈ నేపధ్యంలో తెలంగాణ, ఆంధ్రప్రదేశ్‌ కు చెందిన యువతను దృష్టిలో ఉంచుకుని లక్షల సంఖ్యలో ఉన్న యువ వినియోగదారుల కంటెంట్‌ భద్రత దృష్ట్యా... ఇన్‌స్టాగ్రామ్‌ పేరెంట్స్‌ గైడ్‌ను రూపొందించింది. దీనిని హైదరాబాద్‌ వేదికగా జరిగిన ఓ ఆన్‌లైన్‌ సదస్సులో విడుదల చేసింది.  ఈ సందర్భంగా ఇన్‌స్టాగ్రామ్‌ అందిస్తున్న అన్ని రకాల సేఫ్టీ ఫీచర్స్‌ గురించి తమ యువ వినియోగదారుల తల్లిదండ్రులకు తెలియజెప్పడమే ఈ పేరెంట్స్‌ గైడ్‌ రూపకల్పన ఉద్ధేశ్యమని రూపకర్తలు వివరించారు. మారుతున్న డిజిటల్‌ ప్లాట్‌ఫామ్స్‌ గురించి అవగాహన కూడా ఇది అందిస్తుందన్నారు. టీనేజర్ల భధ్రత, హక్కులకు సంబంధించి పనిచేస్తున్న సెంటర్‌ ఫర్‌ సోషల్‌ రిసెర్చ్, సైబర్‌ పీస్‌ ఫౌండేషన్, ఆరంభ్‌ ఇండియా ఇనీషియేటివ్, యంగ్‌ లీడర్స్‌ ఫర్‌ యాక్టివిటీ సిటిజన్‌ షిప్‌., ఇట్స్‌ ఓకె టూ టాక్, సూసైడ్‌ ప్రివెన్షన్‌ ఇండియా ఫౌండేషన్‌.. వంటి సంస్థలు అందించిన విశేషాలు, వివరాలు ఈ గైడ్‌ లో పొందుపరచామన్నారు. అంతేకాకుండా ఈ గైడ్‌లో ఇన్‌స్టాగ్రామ్‌ అందిస్తున్న డిఎమ్‌ రీచబులిటీ కంట్రోల్స్, బల్క్‌ కామెంట్‌ మేనేజ్‌మెంట్‌ వంటివాటి గురించి సమగ్రంగా వివరించామన్నారు.  అవగాహన అవసరం.. తెలుగు రాష్ట్రాలకు చెందిన టీనేజర్లు, యువత ఆన్‌లైన్‌లో అత్యధిక సమయం వెచ్చిస్తున్న పరిస్థితుల్లో... వారు వినియోగిస్తున్న ఉత్పత్తులు, ఫీచర్ల గురించి తల్లిదండ్రులకు తెలిసి ఉండడం అత్యంత అవసరం. దీని వల్ల తమ పిల్లల సృజనాత్మక శైలి గురించి కూడా తెలుసుకోగలుగుతారు. అలాగే వారికి అందుబాటులో ఉన్న సేఫ్టీ ఫీచర్స్‌ గురించి కూడా అవగాహన పెంచుకుంటారు.  –తారాబేడీ, ఇన్‌స్టాగ్రామ్‌

ప్రముఖ సోషల్ మీడియా ప్లాట్​ఫామ్​ ఇన్‌ స్టాగ్రామ్‌ మరో ఫీచర్‌ను అందుబాటులోకి తెచ్చింది. ఈ ఫీచర్‌ సాయంతో సెన్సిటీవ్‌ కంటెంట్‌ ను కంట్రోల్‌ చేయవచ్చని ఇన్‌ స్టాగ్రామ్‌ ప్రతినిధులు వెల్లడించారు. ప్రతిరోజు ప్రపంచ వ్యప్తంగా 500మిలియన్ల మంది యాక్టీవ్‌ యూజర్లు ఇన్‌ స్టాగ్రామ్‌లో గడుపుతున్నారు. అయితే వారిలో  కొంతమంది యూజర్లు అశ్లీల ఫోటోలు, మెసేజ్‌లను షేర్‌ చేస్తున్నారు. దీన‍్ని అరికట్టేందుకు సెన్సిటీవ్‌ కంటెంట్‌ కంట్రోల్‌  ఫీచర్‌ను అప్‌ డేట్‌ చేసింది. ఈ ఫీచర్‌ ను వినియోగించడం ద్వారా అశ్లీల కంటెంట్‌ రాకుండా అడ్డుకోవచ్చు. ఇన్‌స్టా గైడ్‌లైన్స్‌కు వ్యతిరేకంగా అశ్లీల కంటెంట్‌ అప్‌లోడ్‌ చేస్తే వెంటనే ఇన్‌స్టాగ్రామ్‌ ఆర్టీఫిషియల్‌ ఇంటెలిజెన్స్‌ సాయంతో తొలగిస్తామని ఇన్‌ స్టాగ్రామ్‌  వెల్లడించింది.  ►ఈ ఆప్షన్‌ను ఎలా ఎనేబుల్‌ చేసుకోవాలి ►ముందుగా ఇన్‌స్టాగ్రామ్‌ ప్రొఫైల్‌ ను క్లిక్‌ చేయాలి ►క్లిక్‌ చేసి ప్రొఫైల్‌ సెంట‍్టింగ్‌ లో మెన్యు ఆప్షన్‌ మీద ట్యాప్‌ చేయాలి ►మెన్యు ఆప్షన్‌ మీద క్లిక్‌ చేస్తే మీకు సెన్సిటీవ్‌ కంటెంట్‌ కంట్రోల్‌ అనే ఆప్షన్‌ కనిపిస్తుంది.  ►ఆ ఆప్షన్‌ క్లిక్‌ చేసిన వెంటనే మీకు లిమిట్‌, అలో, లిమిట్‌ ఈవెన్‌ మరో అనే ఆప‍్షన్‌ డిస్‌ప్లే అవుతోంది ► లిమిట్‌ ఈవెన్‌ మరో అనే ఆప‍్షన్‌ క్లిక్‌ చేస్తే మీకు అశ్లీల్‌ కంటెంట్‌ మీ ప్రొఫైల్‌ లో షేర్‌ అవ్వడం ఆగిపోతుంది.    చదవండి : ల్యాప్‌ ట్యాప్‌ కొనాలనుకుంటున్నారా, అయితే ఈ బ్రాండ్‌ బాగుంటుందంట

కొద్దిరోజుల క్రితం కొత్తగా మల్టీ డివైజ్‌ సపోర్ట్ ఫీచర్‌ను తీసుకొచ్చిన వాట్సాప్ తాజాగా మరో కొత్త ఫీచర్‌ను వినియోగదారుల కోసం అందుబాటులోకి తీసుకొచ్చింది. జాయిన్‌ గ్రూప్‌ కాల్స్‌ పేరుతో కొత్తగా తీసుకొచ్చిన ఈ ఫీచర్ సాయంతో యూజర్స్ గ్రూప్‌ కాల్‌ మధ్యలో ఎప్పుడైనా జాయిన్ కావచ్చు. సాధారణంగా మన మిత్రులు లేదా కుటుంబ సభ్యులు ఎవరైనా మనం ఇతర పని చేస్తున్నపుడు వాట్సాప్ గ్రూప్ కాల్ కట్ చేస్తాం. అయితే, అలాంటి సంధర్భంలో వారు ఇంకా మాట్లాడుతుంటే మధ్యలో గ్రూప్ కాల్ జాయిన్ అవ్వడానికి అవకాశం ఉండదు. అందుకే, వాట్సాప్ కొత్తగా జాయిన్‌ గ్రూప్‌ కాల్స్‌ పేరుతో సరికొత్త ఫీచర్ తీసుకొనివచ్చింది. మన మిత్రులు లేదా కుటుంబ సభ్యులు గ్రూప్ కాల్ చేసిన సందర్భంలో మన పాల్గొనకుండా తర్వాత ఎప్పుడైనా జాయిన్ అవ్వొచ్చు. మీరు జాయిన్ కావాలంటే గ్రూప్ కాల్ మీద టాప్ చేస్తే మీకు జాయిన్, ఇగ్నోర్ అనే రెండు బటన్స్ కనిపిస్తాయి. ఇప్పుడు కనుక మీరు జాయిన్ బటన్ మీద క్లిక్ చేస్తే మీరు మధ్యలో కూడా పాల్గొనే అవకాశం ఉంటుంది. దశల వారీగా ఈ ఫీచర్ అందరికీ అందుబాటులోకి రానుంది. 

ప్రముఖ సోషల్‌ మీడియా ప్లాట్‌ఫాం ఫేస్‌బుక్‌ భవిష్యత్తులో మరో కొత్త ఫీచరును నెటిజన్లకు అందుబాటులోకి తీసుకురానుంది. ట్విటర్‌లో ఉండే ‘థ్రెడ్‌’ ఫీచరును ఫేస్‌బుక్‌లో ప్రవేశపెట్టాలని చూస్తోంది. ట్విటర్‌లో యూజర్‌ పోస్ట్‌ చేయాలనుకున్న సందేశాన్ని కేవలం 280 క్యారక్టర్లను మాత్రమే పోస్ట్‌ చేయవచ్చును. మిగతా సమాచారాన్ని ముందుపెట్టిన ట్విట్‌కు థ్రెడ్‌ చేస్తూ పోస్ట్‌ చేస్తూ ఉంటారు. ప్రస్తుతం ఈ ఫీచరును ఫేసుబుక్‌ యూజర్లకు అందుబాటులోకి తీసుకురావలని చూస్తోంది.  థ్రెడ్‌ ఫీచరును ఫేస్‌బుక్‌ టెస్టింగ్‌ చేస్తోంది. కొంతమంది ఫేస్‌బుక్‌ పబ్లిక్‌ ఫిగర్లకు అందుబాటులో ఉంచింది. దీంతో ఫలానా సమాచారానికి సంబంధించిన విషయాలను సులువుగా థ్రెడ్‌ చేసుకోవచ్చు. ఈ ఫీచర్‌పై ఫేస్‌బుక్‌ ఎలాంటి ప్రకటన చేయలేదు.   సోషల్ మీడియా కన్సల్టెంట్ మాట్ నవారా థ్రెడ్‌ ఫీచర్కు సంబంధించిన స్క్రీన్ షాట్‌ను ట్విటర్‌లో పోస్ట్‌ చేశారు. కాగా ఫేస్‌బుక్‌ తన యూజర్లకు క్లబ్‌హౌజ్‌లాంటి సర్వీస్‌ను త్వరలోనే ప్రారంభించాలని చూస్తోంది. ఈ థ్రెడింగ్‌ ఫీచర్‌ భవిష్యత్తులో యూజర్లకు ఎంతగానో ఉపయోగపడుతుందని టెక్‌ నిపుణులు భావిస్తున్నారు. NEW! Facebook is testing a ‘Threads’ feature h/t @valionk pic.twitter.com/yqv8PIoTcf — Matt Navarra (@MattNavarra) July 1, 2021

యూజర్లకు ఎప్పటికప్పుడు కొత్త ఫీచర్స్ అందించడంలో వాట్సాప్ ఎప్పుడూ ముందుంటుంది. తాజాగా వాట్సాప్‌ తన యూజర్లకు మరొ కొత్త ఫీచర్‌ అందుబాటులోకి తీసుకురానుంది. వాట్సాప్‌ కొత్తగా ‘వ్యూ వన్స్‌’ అనే సరికొత్త మోడ్‌ను యూజర్లకు అందించనుంది. సాధారణంగా వాట్సాప్‌లో యూజర్‌ వీడియోను, ఫోటోలను పంపితే రెసిపెంట్‌ (గ్రహీత) యూజర్‌ వాటిని చూడగల్గుతాడు. కాగా వీడియోలు, ఫోటోస్‌ ఒక్కసారి రెసిపెంట్‌ యూజర్‌ డౌన్‌లోడ్‌ చేశాక ఎల్లప్పుడు మొబైల్‌లోనే స్టోర్‌ అవుతాయి. రెసిపెంట్‌ తిరిగి యూజర్‌ పంపిన సమాచారాన్ని చూసుకోగలడు. ప్రస్తుతం వాట్సాప్‌ తెచ్చిన ‘వ్యూ వన్స్‌’ మోడ్‌తో మెసేజ్‌ పంపితే ఇకపై అలా జరగదు. వాట్సాప్‌ తెచ్చిన ‘వ్యూ వన్స్‌’ మోడ్‌తో.. ఒకసారి పంపిన వీడియో, ఫోటో, మెసేజ్‌లను రెసిపెంట్‌ యూజర్‌ కేవలం ఒక్కసారి మాత్రమే చూడటానికి వీలు పడుతుంది. తరువాత ఆ మెసేజ్‌లను రెసిపెంట్‌ చూడటానికి వీలుండదు. దీంతో యూజర్‌ పంపిన ఫోటో,  వీడియో, మెసేజ్‌లను రెసిపెంట్‌ యూజర్‌ చూడటానికి నియంత్రించే అవకాశం ఏర్పడుతుంది. ప్రస్తుతం ఆండ్రాయిడ్ యూజర్లకు అందుబాటులోకి రానుంది. WABetaInfo నివేదిక ప్రకారం.. ఆండ్రాయిడ్ 2.21.14.3 వెర్షన్‌లో ఈ సదుపాయాన్ని చూడవచ్చును. భవిష్యత్తులో ఐవోస్‌ యూజర్ల కోసం కూడా అందుబాటులో ఉండనుంది.  ఒక వేళ రెసిపెంట్‌ యూజర్‌ స్రీన్‌ షాట్‌ చేస్తే ఫలనా సమాచారాన్ని సేవ్‌ చేసుకోగలడు. రెసిపెంట్‌ యూజర్‌ స్రీన్‌ షాట్‌ తీసుకుంటే యూజర్‌కు తెలిపే ఫీచర్‌ ప్రస్తుతం వాట్సాప్‌ యాప్‌లో అందుబాటులో లేదు. ఇది కేవలం స్నాప్‌ చాట్‌ యాప్‌లోనే కలదు. చదవండి: నెట్‌ఫ్లిక్స్‌లో ఈ కొత్త ఫీచర్‌ ఏదో బాగుందే..!

శాన్‌ఫ్రాన్సికో: ప్రముఖ దిగ్గజ ఓటీటీ ప్లాట్‌ఫాం నెట్‌ఫ్లిక్స్‌ తన యూజర్లకు శుభవార్తను తెలిపింది. యూజర్ల కోసం కొత్తగా మరో ఫీచర్‌ను అందుబాటులోకి తెచ్చింది. ఇకపై నెట్‌ఫ్లిక్స్‌లో సినిమాలు పూర్తిగా డౌన్‌లోడ్‌ కాకముందే పాక్షికంగా వీడియోలను చూసే ఫీచర్‌ను కొత్తగా నెట్‌ఫ్లిక్స్ సోమవారం రోజున లాంచ్‌ చేసింది. దీంతో యూజర్లకు చూడాలనుకున్న వీడియోలను కాస్త ముందుగా చూసే అవకాశం కల్గుతుంది. అంతేకాకుండా పాక్షికంగా వీడియోలను చూడటంతో ఫలానా వీడియో నచ్చకపోతే ముందుగానే డౌన్‌లోడ్‌ అవ్వకుండా చేసుకొనే వీలు ఏర్పడుతుంది. దాంతో పాటుగా  యూజర్లకు ఇంటర్నెట్‌ డాటా మిగులుతుంది. ప్రముఖ టెక్‌ బ్లాగ్‌ ది వర్జ్‌ ప్రకారం..  యాప్‌ వర్షన్‌ 7.64 పైబడి ఉన్న నెట్‌ఫ్లిక్స్‌ యాప్‌లో ఈ ఫీచర్‌ అందుబాటులో ఉండనుంది. ప్రస్తుతం ఈ ఫీచర్‌ కేవలం ఆండ్రాయిడ్‌ యూజర్లకు మాత్రమే అందుబాటులో ఉంది. ఐవోస్‌ యూజర్ల కోసం ఈ ఫీచర్‌ను త్వరలోనే తీసుకువస్తామని నెట్‌ఫ్లిక్స్‌ వైస్‌ ప్రెసిడెంట్‌ కీలా రాబిన్‌సన్‌ పేర్కొన్నారు. అంతకుముందు నెట్‌ఫ్లిక్స్‌లో ఆఫ్‌లైన్‌లో  ఒక సినిమాను లేదా, సిరీస్‌ను చూడాలంటే ముందుగానే పూర్తిగా డౌన్‌లోడ్‌ చేసుకోవాలి. వైఫై కనెక్షన్‌ లేదా డేటాతో వీడియోల డౌన్‌లోడ్‌ మధ్యలో ఆగితే చూడటానికి వీలు లేదు. చదవండి: కండీష‌న్స్ అప్లై, నెట్ ఫ్లిక్స్ లో సినిమాల్ని డౌన్ లోడ్ చేసుకోవ‌చ్చు

ఇన్‌స్టాగ్రామ్‌ యూజర్లకు ఫేస్‌బుక్‌ శుభవార్తను అందించింది. ఇన్‌స్టాగ్రామ్‌లో ఏవైనా ఫోటోలను, వీడియోలను పోస్ట్‌ చేయాలంటే కచ్చితంగా ఆండ్రాయిడ్‌ లేదా ఐవోస్‌ ఫోన్లనుంచి మాత్రమే ఆప్‌లోడ్‌ చేసే వీలు ఉండేది. డెస్క్‌టాప్‌ బ్రౌజర్‌ నుంచి ఫోటోలను, వీడియోలను యూజర్లు పోస్ట్‌ చేసే అవకాశం ఉండేది కాదు. ప్రస్తుతం  రానున్న రోజుల్లో ఇకపై డెస్క్‌టాప్‌ బ్రౌజర్‌ నుంచి నేరుగా ఫోటోలను , వీడియోలను పోస్ట్‌ చేసే సౌలభ్యాన్ని యూజర్ల కోసం తీసుకురానుంది ఫేస్‌బుక్‌. ప్రస్తుతం ఈ ఫీచర్‌ టెస్టింగ్‌ దశలో ఉంది. ఈ ఫీచర్‌తో నేరుగా డెస్క్‌టాప్‌ నుంచి ఫోటోలకు ఫిల్టర్‌లు, ఎడిటింగ్‌, క్రాప్‌ ఆప్షన్లను చేయవచ్చును. కాగా డెస్క్‌టాప్‌ బ్రౌజర్‌తో నేరుగా వీడియోలను, ఫోటోలను పోస్ట్‌ చేసే ఫీచర్‌ను టిప్‌స్టర్‌ అనే బ్లాగర్‌ కొన్ని రోజుల క్రితం ఆన్‌లైన్‌లో లీక్‌ చేశాడు. ఈ ఫీచర్‌ రానున్న రోజుల్లో యూజర్ల ముందుకు  వస్తోందనే విషయాన్ని ఫేస్‌బుక్‌ ధృవీకరించింది. ఫేస్‌బుక్‌  ప్రతినిధి ఒక ప్రకటనలో..చాలా మంది యూజర్లు తమ కంప్యూటర్ నుంచి ఇన్‌స్టాగ్రామ్‌ను యాక్సెస్ చేస్తున్నారని మాకు తెలుసు. వారి కోసం డెస్క్‌టాప్‌ ఇన్‌స్టాగ్రామ్‌ అనుభవాన్ని మెరుగుపరచడానికి చర్యలు తీసుకుంటున్నామని తెలిపారు. మొబైల్‌ యాప్‌ల్లో వచ్చే అన్ని ఫీచర్లను డెస్క్‌టాప్‌ బ్రౌజర్‌తో ఇన్‌స్టాగ్రామ్‌ ఫీచర్లు వచ్చేలా చేస్తోన్నామని పేర్కొన్నారు.   NEW! @Instagram lets you create + publish posts via desktop! pic.twitter.com/JWzwKg1kyO — Matt Navarra (@MattNavarra) June 24, 2021 చదవండి: ప్రపంచంలో శక్తివంతమైన మైక్రోచిప్ అభివృద్ధి చేసిన టెస్లా

శాన్​ఫ్రాన్సిస్కో: వాట్సాప్​ యూజర్లకు మరో గుడ్ న్యూస్​. స్మార్ట్​ ఫోన్​ అవసరం లేకుండా ఒకేసారి నాలుగు డివైజ్​లకు అకౌంట్ లాగిన్​ అయ్యి వాడుకునేలా ఫీచర్​ త్వరలో రాబోతోంది. ఈ విషయాన్ని కంపెనీ సీఈవో​ విల్​ క్యాథ్​కార్ట్​​ ధృవీకరించారు.  వ్యాబేటాఇన్ఫో ఇంటర్వ్యూలో విల్​ క్యాథ్​కార్ట్​​ మాట్లాడుతూ.. వాట్సాప్​ను ఒకేసారి నాలుగు డివైజ్​లలో లాగిన్​ అయ్యేలా ఫీచర్​ తేబోతున్నాం. ఈ సౌకర్యంతో ఐప్యాడ్​లో వాట్సాప్ లాగిన్​ అయ్యేందుకు వీలు ఉంటుంది(ఇంతవరకు ఆ సపోర్ట్ లేదు). ప్రస్తుతం వాట్సాప్​ వెబ్​, డెస్క్​టాప్​ యాప్​ కోసం స్మార్ట్ ఫోన్​తో లాగిన్​(స్కాన్​) చేయాల్సిన అవసరం ఉంది. అయితే ఇక మీదట మెయిన్​ యాప్​, స్మార్ట్​ ఫోన్ యాప్​​ సపోర్ట్ లేకుండా మల్టీ డివైజ్​ ఫీచర్​(లింక్​)తో లాగిన్​ కావొచ్చు అని ఆయన వివరించాడు.  కాగా, ఈ విషయాన్ని మార్క్​ జుకర్​బర్గ్​ కూడా కన్ఫర్మ్​ చేస్తూ ఒక ప్రకటన విడుదల చేశాడు. ప్రైవసీ సమస్యలున్నప్పటికీ దీన్నొక టెక్నికల్ ఛాలెంజ్​గా తీసుకున్నాం. ఆ సమస్యను అధిగమించేందుకు ప్రయత్నించాం. ఫోన్​ స్విచ్ఛాప్ అయినా కూడా మల్టీ డివైజ్ లాగిన్​ ద్వారా వాట్సాప్​ పని చేసేలా ఫీచర్​ పరిశీలనలో ఉంది అని జుకర్​బర్గ్ తెలిపాడు. అలాగే ‘వ్యూ వన్స్​’.. అవతలి యూజర్​ ఒకసారి ఫొటో, వీడియో చూడగానే దానంతట అదే మాయమయ్యే ఫీచర్​ కూడా ఫ్యూచర్ అప్​డేట్ పరిశీలనలో ఉందని గుర్తు చేశాడు. చదవండి: వాట్సాప్​పై ఆసక్తికర వ్యాఖ్యలు

న్యూఢిల్లీ: టెక్‌ దిగ్గజం గూగుల్‌ తాజాగా భారత మార్కెట్లో న్యూస్‌ షోకేస్‌ ఫీచర్‌ను ప్రవేశపెడుతున్నట్లు వెల్లడించింది. దీనికోసం 30 వార్తా సంస్థలతో జట్టు కట్టినట్లు వివరించింది. వీటిలో జాతీయ, ప్రాంతీయ, స్థానిక వార్తా సంస్థలు కూడా ఉన్నాయి. గూగుల్‌కి చెందిన న్యూస్, డిస్కవర్‌ ప్లాట్‌ఫాంలలో అత్యంత నాణ్యమైన కంటెంట్‌ను పొందుపర్చేందుకు, ప్రచురణకర్తలకు తోడ్పాటు అందించేందుకు ఇది ఉపయోగపడగలదని గూగుల్‌ వివరించింది. తొలుత ఇంగ్లిష్, హిందీకి సంబంధించి ప్రత్యేక ప్యానెల్స్‌ ఉంటాయని, క్రమంగా ఇతర ప్రాంతీయ భాషల ప్యానెల్స్‌ అందుబాటులోకి వస్తాయని పేర్కొంది.   మరోవైపు, న్యూస్‌రూమ్‌లు, జర్నలిజం స్కూళ్లలో విలేకరులు, జర్నలిజం విద్యార్థులకు డిజిటల్‌ నైపుణ్యాల్లో శిక్షణనివ్వడంపై కసరత్తు చేస్తున్నట్లు తెలిపింది. గతేడాది దీన్ని ప్రారంభించిన తర్వాత నుంచి 100 పైచిలుకు వార్తా సంస్థల్లో సిబ్బందికి శిక్షణనిచ్చినట్లు, వచ్చే మూడేళ్లలో 50,000 మందికి శిక్షణ కల్పించనున్నట్లు సంస్థ వైస్‌ ప్రెసిడెంట్‌ (ప్రోడక్ట్‌ మేనేజ్‌మెంట్‌) బ్రాడ్‌ బెండర్‌ తెలిపారు. అదే విధంగా.. కోవిడ్‌ సంక్షోభ పరిస్థితుల నేపథ్యంలో విశ్వసనీయమైన వార్తలతో ప్రజలకు మరింత చేరువవడంలో ప్రచురణకర్తలకు న్యూస్‌ షోకేస్‌ తోడ్పడుతుందని ఆయన పేర్కొన్నారు. ఆయా వార్తల గురించిన మరిన్ని వివరాలు తెలుసుకోవాలనుకునే వారిని షోకేస్‌ .. సదరు వార్తాసంస్థల సైటుకు మళ్లిస్తుందని వివరించారు. తద్వారా పాఠకులతో వార్తా సంస్థల సంబంధం కూడా మెరుగుపడగలదని బెండర్‌ చెప్పారు. న్యూస్‌ షోకేస్‌ ప్రస్తుతం డజను పైగా దేశాల్లో 700 పైచిలుకు వార్తా సంస్థలతో జట్టు కట్టినట్లు ఆయన తెలిపారు. ప్రతి నెలా గూగుల్‌ ద్వారా న్యూస్‌ వెబ్‌సైట్లకు 2,400 కోట్ల పైచిలుకు విజిట్స్‌ నమోదవుతుంటాయని పేర్కొన్నారు.  చదవండి: GVK Biosciences: గోల్డ్‌మన్‌ శాక్స్‌తో రూ. 7,300 కోట్ల డీల్‌!

సాక్షి, న్యూఢిల్లీ: కరోనా సంక్షోభ సమయం డిజిటల్ చెల్లింపుల దిగ్గజ సంస్థ పేటీఎం తన యూజర్లకు తీపి కబురు అందించింది. దేశంలో కోవిడ్‌-19 వాక్సిన్‌ లభ్యత వివరాలను అందించేలా తన యాప్‌లో కొత్త ఫీచర్‌ను లాంచ్‌ చేసింది. తద్వారా కరోనా వ్యాక్స్‌న్‌ స్లాట్స్‌, లభ్యత వివరాలు వినియోగదారులు సులభంగా తెలుసుకోవచ్చు. అలాగే  సంబధిత  స్లాట్స్‌ అందుబాటులోకి వచ్చినపుడు తన వినియోగ దారులను అలర్ట్‌ చేస్తుంది  కూడా. తమ యూజర్లు  కరోనా వ్యాక్సిన్‌  స్లాట్‌ వివరాలను తెలుసుకునేందుకు ‘పేటీఎం వ్యాక్సిన్ స్లాట్ ఫైండర్’  అనే ఫీచర్‌ను కొత్తగా తీసుకొచ్చామని  పేటీఎం ఫౌండర్‌ విజయ్ శేఖర్ శర్మ గురువారం ట్వీట్‌ చేశారు.  దీని ద్వారా వినియోగదారులు టీకా స్లాట్‌ బుక్‌ చేసుకోవడంతోపాటు  తమ ప్రాంతంలో టీకా స్లాట్లు అందుబాటులో ఉన్నప్పుడు అలర్ట్స్‌ కూడా పొందవచ్చని వెల్లడించారు. దేశవ్యాప్తంగా లభించే వ్యాక్సిన్ స్లాట్‌లను కంపెనీ  రియల్‌ టైం  ట్రాక్ చేస్తోందని,  సుమారు 780 జిల్లాలలో ఈ సౌకర్యాన్ని అందిస్తున్నట్టు ఆయన తెలిపారు.  కాగా దేశంలో కరోనా మహమ్మరి సెకండ్‌ వేవ్ ప్రకంపనలు పుట్టిస్తోంది. గత కొన్ని రోజులుగా రోజువారీ 3 లక్షలకు పైగా కొత్త కేసులతో బెంబేలెత్తిస్తున్న కరోనా, గురువారం మరోసారి నాలుగు లక్షల మార్క్‌ను అధిగమించింది. దీంతో మాస్క్‌ ధరించడం, శానిటైజేషన్‌, భౌతిక దూరం లాంటి నిర్దేశిత ప్రమాణాలను తప్పనిసరిగా పాటించడంతో పాటు అర్హులైన వారంతా కరోనా నివారణకు వ్యాక్సిన్‌ తీసుకోవాలని  నిపుణులు విజ్ఞప్తి చేస్తున్న సంగతి తెలిసిందే. చదవండి:  కరోనా మరణ మృదంగం: సంచలన అంచనాలు  We are launching a new tool for users to find COVID Vaccine slots and set for alerts when new slots open up for their locality. @Paytm checks for availability real-time and alerts users via Paytm Chat when a new slot opens up.https://t.co/WvJa7CRxxO Pls spread awareness. — Vijay Shekhar Sharma (@vijayshekhar) May 6, 2021

ప్రపంచ వ్యాప్తంగా అత్యదిక మంది ఉపయోగించే మెసేజింగ్ యాప్ వాట్సాప్ తన వినియోగదారులను ఆకట్టుకోవడానికి ఎప్పటికప్పుడు కొత్త ఫీచర్లను తీసుకువస్తూనే ఉంటుంది. గతంలో వాట్సాప్ డిసప్పియరింగ్ మెసేజ్ అనే కొత్త ఫీచర్‌ను అందుబాటులోకి తీసుకువచ్చిన విషయం తెలిసిందే. ఈ ఫీచర్ తో మీరు పంపిన మెసేజ్‌లు వారం రోజుల తర్వాత ఆటోమేటిక్‌గా గతంలో డిలీట్ అయ్యేవి. అయితే ఇప్పుడు ఆ సమయాన్ని 24 గంటలకు తగ్గించేందుకు ఆండ్రాయిడ్, ఐఓఎస్, వెబ్/ డెస్క్‌టాప్‌లో వాట్సాప్ టెస్టింగ్ చేస్తున్నట్లు పేర్కొంది. వాట్సాప్ ఇప్పుడు టెలిగ్రామ్, సిగ్నల్ వంటి ప్రత్యర్థి యాప్ లతో పోటీపడుతున్న నేపథ్యంలో గతంలో వేగంగా కొత్త కొత్త ఫీచర్స్ తీసుకొస్తుంది.    

సాక్షి,న్యూఢిల్లీ:  కరోనా విజృంభిస్తున్న వేళ ప్ర‌ముఖ ఫుడ్‌  డెలివ‌రీ యాప్ జొమాటో కీలక నిర్ణయం తీసుకుంది. జోమాటో తన యాప్‌లో ‘కోవిడ్ ఎమర్జెన్సీలకు ప్రాధాన్యత డెలివరీ’ ఫీచర్‌ను  లాంచ్‌ చేసింది. దీని ద్వారా కోవిడ్‌-19  రోగులకు వేగంగా ఫుడ్‌ను డెలివరీ చేయనుంది. జొమాటోలో మనం ఫుడ్‌ ఆర్డర్‌ చేసినపుడు కోవిడ్-19 ఎమ‌ర్జెన్సీ మార్క్‌ టిక్‌ చేసిన ఆర్డర్‌లను  ప్రాధాన్యతతా ప్రాతిపదికన త్వరగా డెలివరీ ఇస్తుంది. లొకేష‌న్‌, రూట్ ఆధారంగా అక్క‌డ ఉన్న వేగ‌వంత‌మైన రైడ‌ర్‌కు ఈ డెలివ‌రీని అప్ప‌గిస్తుంది. అన్ని డెలివరీలు కాంటాక్ట్‌లెస్‌గా ఉంటాయని కూడా భరోసా ఇచ్చింది. ఈ ప్రత్యేక డెలివరీలకు అదనపు ఛార్జీలు ఉండవు. అంతేకాదు ఈ ఆర్డ‌ర్‌ల కోసమే ప్ర‌త్యేకంగా క‌స్ట‌మ‌ర్ స‌పోర్ట్‌ను ఏర్పాటు చేసింది. ఈ ఫీచ‌ర్ ఆపిల్ ఐఫోన్‌తో పాటు, ఆండ్రాయిడ్ వినియోగదారుల‌కు అందుబాటులో ఉంటుంది. ఈ మేరకు జొమాటో తన కసమర్లందరికి ఈమెయిల్‌  సమాచారాన్ని కూడా అందించింది.  (వ్యాక్సిన్‌ తరువాత పాజిటివ్‌ : ఐసీఎంఆర్‌ సంచలన రిపోర్టు) జోమాటో అప్లికేషన్‌లో కొత్త ఫీచర్‌ను లాంచ్‌ చేసిన విషయాన్ని జోమాటో సీఈఓ దీపిందర్ గోయల్ బుధవారం రాత్రి ట్విటర్‌లో షేర్‌ చేశారు.  వేలాది మంది తమ రెస్టారెంట్ భాగస్వాములతో పాటు,  జోమాటో యాప్‌లో  'కోవిడ్ అత్యవసర పరిస్థితులకు ప్రాధాన్యత డెలివరీ'  ఫీచర్‌ తీసుకొచ్చామన్నారు. తమ కస్టమర్లకు సేవ చేసేందుకు తమతో  భాగస్వాములైన రెస్టారెంట్లకు ధన్యవాదాలు తెలుపుతూ  గోయల్ ట్వీట్‌ చేశారు.  ఈ ఎమ‌ర్జెన్సీ ఆర్డ‌ర్ల‌న్నీ కాంటాక్ట్‌లెస్‌గా ఉంటాయి.  డెలివ‌రీలను కస్టమర్ల ఇంటి గుమ్మం ముందు ఉంచి వెళ్తారు. ఈ ఎమ‌ర్జెన్సీ ఆర్డ‌ర్‌ల‌కు అంగీకరించిన రెస్టారెంట్‌ల లిస్ట్‌ను యాప్‌లో అప్‌డేట్ చేశారు. ఆర్డ‌ర్ పేజీలో ‘దిస్ ఆర్డ‌ర్ ఈజ్ రిలేటెడ్ టు ఎ కొవిడ్‌-19 ఎమ‌ర్జెన్సీ’ ఆప్ష‌న్‌ను యూజ‌ర్లు ఎంచుకోవాల్సి ఉంటుంది. ఆర్డ‌ర్ తొంద‌ర‌గా వ‌స్తుంది క‌దా అని ఈ ఫీచర్‌ ను మిస్‌ యూజ్‌ చేయొద్దని జొమాటో  విజ్ఞప్తి చేసింది. అవ‌స‌రం లేని వాళ్లు కూడా కోవిడ్ ఎమ‌ర్జెన్సీ ఆర్డ‌ర్ చేస్తే నిజమైన లబ్దిదారులకు అన్యాయం జ‌రుగుతుంద‌ని  పేర్కొంది. దీనిని ఒక అంబులెన్స్‌ సేవలాగా పరిగణించాలని, ఎట్టి పరిస్థితుల్లోనూ దుర్వినియోగం చేయొద్ద‌ని జొమాటో కోరుతోంది. గతంలో కరోనా విస్తరణ, దేశవ్యాప్త లాక్‌డౌన్‌ నేపథ్యంలో జొమాటో, స్విగ్గీ లాంటి ఫుడ్‌ డెలివరీ సంస్థలు తమ కార్యకలాపాలను నిలిపివేశాయి. కానీ తాజా పరిస్థితుల్లో కోవిడ్‌ రోగులను ఆదుకునేందుకు  జొమాటో  చొరవ  పలువురి ప్రశంసలందుకుంటోంది. కాగా శరవేగంగా వ్యాప్తిస్తున్న కోవిడ్-19 కేసులు, ఆక్సిజన్‌ కొరత, మందులు, బెడ్లు దొరకక కరోనా బాధితుల బాధలు వర్ణనాతీతం. ఆరోగ్య, కుటుంబ సంక్షేమ మంత్రిత్వ శాఖ గురువారం ఉదయం అందించిన గణాంకాల ప్రకారం దేశంలో గత 24 గంటల్లో కనీసం 3,14,835 కొత్త కేసులు నమోదయ్యాయి. Today, along with thousands of our restaurant partners, we just rolled out a “priority delivery for covid emergencies'' feature on the Zomato app. This feature will allow our customers to mark *This order is related to a COVID-19 emergency* option during checkout. (1/4) pic.twitter.com/BxmBF02PnS — Deepinder Goyal (@deepigoyal) April 21, 2021

ప్రముఖ మెసేజింగ్‌ యాప్‌ వాట్సాప్‌ సరికొత్త ఫీచర్‌ను తీసుకురానుంది. వారం రోజుల తరువాత మెసేజ్‌లు వాటంతట అవే డిలీట్‌ అయ్యే ఫీచర్‌ను గత సంవత్సరం తీసుకువచ్చిన విషయం తెలిసిందే. ఏడు రోజులు అంటే మరీ లాంగ్‌ అనుకున్నారో ఏమో 24 గంటల్లోనే మెసేజ్‌లు డిలిట్‌ అయ్యే ఫీచర్‌పై ప్రస్తుతం ప్రయోగాలు చేస్తుంది వాట్సాప్‌. దీనితో పాటు సెల్ఫ్‌–డిస్ట్రక్టింగ్‌ ఫొటో ఫీచర్‌ కూడా ప్రస్తుతం ప్రయోగదశలో ఉంది. కాగా గత కొన్ని రోజులుగా వాట్సాప్ తన యూజర్ల కోసం సరికొత్త ఫీచర్స్ అందుబాటులోకి తీసుకొస్తున్న విషయం తెలిసిందే. ఈ క్రమంలో, వాట్సప్‌లోని ఛాట్స్‌ని బ్యాకప్ చేసినప్పుడు పాస్‌వర్డ్ సెట్ చేసుకునే వీలు కల్పించేలా ఫీచర్‌ రూపొందించినట్లు తెలుస్తోంది. ఇందులో భాగంగా, మళ్లీ చాట్స్ ని రీస్టోర్ చేసే సమయంలో పాస్‌వర్డ్ ఎంటర్ చేయాల్సి ఉంటుంది. ప్రస్తుతం ఈ ఫీచర్‌ను వాట్సప్ బీటా యూజర్లు పరీక్షిస్తున్నట్లు 'వాబీటా ఇన్ఫో' సమాచారం ఇచ్చింది. ఇక ఈ ఫీచర్ వాట్సప్ ఐఓఎస్, ఆండ్రాయిడ్ యూజర్లకు సపోర్ట్ చేయనుంది. ప్రస్తుతం వాట్సప్‌లోని ఛాట్స్ బ్యాకప్ చేస్తే గూగుల్ డ్రైవ్‌లోకి బ్యాకప్ అవుతుంది. దీనికి ఎలాంటి పాస్‌వర్డ్ ప్రొటెక్షన్ లేదు.

వాషింగ్టన్‌: సోషల్‌ నెట్‌వర్కింగ్‌ దిగ్గజం ట్విటర్‌‌ తమ ఫ్లాట్‌ఫాంపై మరో సరికొత్త ఫీచర్‌ను యూజర్లకు అందుబాటులోకి తీసుకురానుంది. కొత్తగా రాబోతున్న ఈ ఫీచర్‌లో మన టీట్లకు సవరణలు, డిలీట్‌ చేసేలా ‘అన్‌ డూ’ ఆప్షన్‌ ఉంటుంది. అయితే ఇది గతంలో మాదిరిగా ఉచితం కాదండోయ్‌! సబ్‌స్క్రైబ్‌‌ చేసుకుంటే తప్ప ఈ ఫీచర్‌ అందుబాటులో ఉండదు. దీంతో ఇప్పుడు ట్విటర్‌ వాడుతున్న వారంతా భవిష్యత్తులో ఈ ఫీచర్‌ కోసం సబ్‌స్క్రిప్షన్‌ తీసుకోవాల్సిందే. ప్రపంచవ్యాప్తంగా ఉన్న కోట్లాది మంది యూజర్ల డిమాండ్లను దృష్టిలో ఉంచుకుని ట్విట్టర్‌ ఈ ‘అన్‌డూ’ ఫీచర్‌ను తీసుకువస్తున్నట్లు తెలుస్తోంది. అయితే, ప్రస్తుత స్మార్ట్‌ యుగంలో ఓ ఫీచర్‌ను ఉచితంగా కాకుండా సబ్‌స్క్రిప్షన్‌తో అందుబాటులోకి తీసుకురావాలనే ట్విట్టర్‌ సంస్థ ఆలోచన సాహసోపేత నిర్ణయమనే చెప్పాలి. మార్చి 5న ఇంజనీరింగ్ నిపుణుడు, జేన్ మంచంగ్ వాంగ్, మాట్లాడుతూ ట్విట్టర్లో అన్‌డూ ఫీచర్‌కి అవకాశం ఉన్నందున త్వరలోనే ఈ ఆప్షన్‌ అందుబాటులోకి వస్తుందని తెలిపారు.  ‘'ట్వీట్ అన్‌ డూ' ఫీచర్‌ టైమర్ కలిగి ఉంటుంది, అంటే జీమెయిల్‌  అన్‌సెండ్ మెయిల్‌  ఫీచర్ లాగా పనిచేస్తుంది. అనగా యూజర్లకు పరిమిత సమయంలోనే తాము పంపిన ట్వీట్‌ అన్‌సెండ్, ఎడిట్‌  చేయడానికి వీలుంటుంది. ఎందుకోగానీ  మిగతా ఫీచర్లలా దీన్ని ఉచితంగా అందించేందుకు మాత్రం ట్విట్టర్ సిద్ధంగా లేదు. ప్రత్యేకంగా సబ్‌ స్కైబ్‌  చేసుకున్నవారికి మాత్రమే ఈ ఆప్షన్ ఇవ్వాలని ట్విట్టర్‌ భావిస్తున్నట్లు తెలుస్తోంది. సబ్‌స్క్రైబ్‌‌ చేసుకున్న తర్వాత యాప్‌లో యూజర్లకు అన్ ‌డూ బటన్ దర్శనమిస్తుంది. సాధారణంగా యూజర్‌ తాను ట్వీట్‌ చేసిన వెంటనే తప్పిదాన్ని గుర్తించి దాన్ని వెనక్కి తీసుకునేందుకు లేదా తొలగించేందుకు అన్‌ డూ బటన్‌ నొక్కాల్సి ఉంటుంది. అలా చేస్తే వెంటనే ఆ ట్వీట్‌ ఉపసంహరించవచ్చు. ఈ రకంగా అన్‌ డూ ఉపయోగపడుతుంది’ అని మంచంగ్ వాంగ్ పేర్కొన్నారు. చదవండి: తొలి ట్వీట్‌ ఖరీదు రూ.18.30 కోట్లు!

ప్రపంచంలో ఎక్కువ మంది ఉపయోగించే మెసేజింగ్ యాప్‌లలో వాట్సాప్‌ ముందు వరుసలో ఉంటుదనడంలో ఎలాంటి సందేహం లేదు. ఇటీవల కొత్త ప్రైవేసీ నిబంధనలు తీసుకొచ్చిన నేపథ్యంలో ప్రజలలో వాట్సాప్‌పై వ్యతిరేకత వచ్చిన విషయం తెలిసిందే. ఈ క్రమంలోనే వాట్సాప్ తన‌ యూజర్లను నిలుపుకునే ప్రయత్నం చేస్తోంది. ఇందులో భాగంగానే కొత్త ఫీచర్లను తీసుకొస్తూ యూజర్లను ఆకట్టుకునే ప్రయత్నం చేస్తోంది. కొద్దీ రోజుల క్రితమే స్టేటస్ మ్యూట్ వీడియో ఫీచర్ తీసుకొచ్చిన వాట్సాప్ తాజాగా మరో కొత్త ఫీచర్‌ను తీసుకురాబోతుంది.  వాట్సాప్‌లో ఇప్పటికే డిస్‌అపియరింగ్‌‌ మెసేజెస్‌ ఫీచర్ ఉంది. అయితే, ఈ ఫీచర్‌ యాక్టివ్‌ చేసుకుంటే వారం తర్వాత మెసేజ్‌లు ఆటో మెటిక్ గా డిలీట్‌ అవుతాయి. అదేవిదంగా ఇప్పుడు మీడియా డిస్‌అపియరింగ్‌ అనే ఫీచర్ తీసుకువస్తుంది. ఈ ఫీచర్‌తో ఫొటోలు/వీడియోలు అవతలి వ్యక్తి చూడగానే డిలీట్‌ అయిపోతాయి. దీని కోసం ఫొటో/వీడియోను షేర్‌ చేసే ముందు, యాడ్‌ కాప్షన్‌ అనే బాక్స్‌ పక్కన ఉండే గడియారం సింబల్‌ను టచ్‌ చేసి యాక్టివేట్ సరిపోతుంది. ఆ తర్వాత మీరు పంపిన ఫొటో/వీడియోను అవతలి వ్యక్తి చూశాక డిలీట్‌ అయిపోతుంది. ప్రస్తుతం ఈ ఫీచర్‌ కొంతమందికి ప్రయోగాత్మకంగా అందుబాటులోకి వచ్చింది. ఇప్పటికే ఇన్‌స్టాగ్రామ్‌లో ఈ తరహా ఫీచర్‌ అందుబాటులో ఉన్న విషయం తెలిసిందే. ఇప్పటీకే స్వయంగా స్టిక్కర్ మేకర్ యాప్ ని కూడా ప్లే స్టోర్, యాప్ స్టోర్ అందుబాటులోకి తీసుకొచ్చింది. WhatsApp is working on self-destructing photos in a future update for iOS and Android. • Self-destructing photos cannot be exported from WhatsApp. • WhatsApp didn't implement a screenshot detection for self-destructing photos yet. Same concept from Instagram Direct. ⏱ pic.twitter.com/LLsezVL2Hj — WABetaInfo (@WABetaInfo) March 3, 2021 చదవండి: గేమింగ్ టీవీ లాంచ్ చేసిన ఎల్జీ భారత టెలికామ్ రంగంలో మరో విప్లవం

మెసేజింగ్‌ యాప్‌ వాట్సాప్ మరో కొత్త ఫీచర్‌ను యూజర్లకు అందుబాటులోకి తీసుకువచ్చింది. ఇప్పటి వరకు వీడియోను షేర్‌ చేసేటప్పుడు దాని వాయిస్‌ను నిలిపివేసే అవకాశం ఉండేది కాదు. అభ్యంతర కరమైన వ్యాఖ్యలు, అసహ్యమైన మాటలు ఉంటే చాలామంది ఇబ్బంది పడేవారు. ఇప్పుడు ఈ కొత్త వెర్షన్‌లో మ్యూట్‌ వీడియో సౌకర్యాన్ని వాట్సాప్‌ యూజర్లకు అందుబాటులోకి తీసుకొచ్చింది. దీని వల్ల అనవసరమైన ఆడియోను తీసేసి సంబంధిత వీడియోను మాత్రమే పంపుకునే అవకాశం ఉంటుంది. ఈ ఫీచర్ ను చాలా సులువుగా ఉపయోగించవచ్చు. మీరు స్టేటస్ లో షేర్ చేయాలనీ అనుకున్న వీడియోను ఎంచుకొన్నపుడు దానికింద సౌండ్ సింబల్‌ కనిపిస్తుంది. దానిని సింపుల్‌గా మ్యూట్‌ చేసేస్తే రిసీవ్‌ చేసుకునే వారికి ఎలాంటి ఆడియో లేకుండా వీడియో వెళ్లిపోతుంది. ఇప్పటికే కొంతమంది వాట్సాప్‌ యూజర్లకు అప్‌డేషన్ కూడా వచ్చేసింది. మీకు కనుక ఈ ఫీచర్ రాకపోతే ఒకసారి మీ వాట్సాప్ అప్డేట్ చేసుకోండి. అలాగే కొత్తగా తీసుకురానున్న ప్రైవసీ పాలసీపై కూడా వాట్సాప్ బృందం కసరత్తు చేస్తున్నట్లు సమాచారం. చదవండి: వన్‌ప్లస్ నార్డ్ కు ఆండ్రాయిడ్ 11 అప్డేట్ ఏప్రిల్ 1 నుంచి కొత్త పీఎఫ్ రూల్స్!

ప్రస్తుత ప్రపంచంలో సోషల్ మీడియా గురుంచి తెలియని వారు అతితక్కువలో ఉంటారని చెప్పుకోవాలి. స్మార్ట్ ఫోన్ ఉన్న వారిలో ఎక్కువ శాతం ఈ సోషల్ మీడియాకు బానిస అయిన వారే. అయితే, ఈ సోషల్ మీడియా ద్వారా కొందరు తమ సమయాన్ని వృథా చేసుకుంటుంటే.. మరికొందరు మాత్రం దీని ద్వారా డబ్బు సంపాదిస్తున్నారు. తాజాగా, ట్విటర్ తన వినియోగదారుల కోసం సరికొత్త ఫీచర్ ను అందుబాటులోకి తీసుకోని వస్తుంది. ఈ ‘సూపర్ ఫాలో’ ఫీచర్ ద్వారా యూజర్లు డబ్బు సంపాదించుకునే అవకాశం కల్పిస్తోస్తుంది. ఈ కొత్త ఫీచర్‌తో ట్విటర్ యూజర్లు సరికొత్త వీడియోలు, ప్రత్యేకమైన కంటెంట్, తాజా సమాచారం, ప్రత్యేక ఫోటోలు, ఇతర ఆసక్తికర విషయాలను షేర్ చేయడం ద్వారా డబ్బులు సంపాదించవచ్చు. ఒక ట్విటర్ యూజర్ తన ఖాతాలో పోస్ట్ చేసే ప్రత్యేకమైన ఈ సమాచారం.. అతని అభిమానులు చూడాలంటే తప్పనిసరిగా సబ్‌స్క్రైబ్ చేసుకోవాల్సి ఉంటుంది. అందుకోసం వారు కొంత ఫీజు చెల్లించాల్సి ఉంటుంది. అలా వారు చెల్లించే ఫీజు ద్వారా ట్విట్టర్ యూజర్లు మనీ సంపాదించవచ్చు. ఇక సబ్‌స్క్రైబ్ చేసుకున్న ఫాలోవర్లు మాత్రమే ఈ కంటెంట్‌ను చూసే అవకాశం ఉంది. సబ్‌స్క్రైబ్ చేసుకోని వారు ఈ కంటెంట్‌ను చూడలేరు. ఇలాంటి ఫీచర్ ఇప్పటికే యూట్యూబ్ 'జాయిన్' అనే పేరుతో ఉంది. చదవండి: ఫేస్‌‘బుక్‌'కు అమెరికా కోర్టు షాక్‌  వాట్సాప్‌ సేవలను ప్రారంభించిన ఈపీఎఫ్‌ఓ

సాక్షి, ముంబై:  సోషల్‌ మీడియా  ప్లాట్‌పాం ఇన్‌స్టాగ్రామ్‌ తాజాగా ‘రిసెంట్లీ డిలిటెడ్‌’ ఫీచర్‌ను ప్రవేశపెట్టింది. మన ఎకౌంట్‌ నుంచి డిలిట్, రిమూవ్‌ చేసిన పోస్ట్‌లు, వీడియోలు,  రీల్స్, ఐజీటీవీ వీడియోలు...30 రోజుల లోపు రీస్టోర్‌ చేసుకోవచ్చు. 30 రోజుల తరువాత ఇవి ఆటోమెటిగ్గా డిలిట్‌ అయిపోతాయి. డిలిట్‌ కంటెంట్‌ కోసం సెట్టింగ్‌-ఎకౌంట్‌-రీసెంట్‌ డిలిటెడ్‌లోకి వెళితే సరిపోతుంది. డిలిట్‌ అయినవి హ్యాకర్ల బారిన పడకుండా గట్టి చర్యలు తీసుకున్నారు.  యూజర్ల కోరికమేరకు ఈ ఫీచర్‌ను తీసుకొచ్చినట్టు  ఇన్‌స్టాగ్రామ్‌ ప్రకటించింది.  గూగుల్‌లోకొత్తగా... సంగీత అభిమానులకు ఉపకరించే మార్పును డెస్క్‌టాప్‌ సెర్చ్‌ రిజల్ట్‌లో చేసింది గూగుల్‌. నెవిగేషన్‌ డ్రాయర్‌తో టాప్‌ లెఫ్ట్‌లో మనం కోరుకునే సమాచారానికి సంబంధించిన వివరణతో పాటు వోవర్‌ వ్యూ, లిజెన్, వీడియోసాంగ్‌...ఇలా సబ్‌కేటగిరిలు కనిపిస్తాయి. షేర్‌ బటన్‌ ఉంటుంది. తాజా మార్పు వల్ల మనం కోరుకునే పేజీని వెంటనే క్లిక్‌ చేయవచ్చు. టైమ్‌ సేవ్‌ అవుతుంది.

గూగుల్ మ్యాప్స్ స‌రికొత్త అప్‌డేట్‌ను తీసుకొస్తోంది. తాజా బీటా నివేదిక ప్రకారం, గూగుల్ మ్యాప్స్ లో 'రైడ్ సర్వీసెస్' అనే కొత్త సర్వీస్ ని తీసుకోరాబోతుంది. మ్యాప్స్ నుండి రైడ్-షేరింగ్ కంపెనీకి రూట్ సమాచారాన్ని పంపడం ద్వారా మరింత ఖచ్చితమైన ఛార్జీలను తెలుసుకోవ‌డానికి సహాయపడుతుంది. ప్రస్తుతం ఈ 'రైడ్ సర్వీసెస్'  సెట్టింగ్‌ అనేది ఉబెర్ కు మాత్రమే సపోర్ట్ చేస్తుంది. అయితే ఈ సర్వీసులు అనేవి వేర్వేరు ప్రాంతాలలో విభిన్నంగా ఉండవచ్చు. ప్రస్తుతం ఇది ఇంకా అభివృద్ధి దశలోనే ఉంది. త్వరలో ఈ సేవలు మరింత మందికి అందుబాటులోకి రానున్నాయి. గూగుల్ మ్యాప్స్ యొక్క తాజా బీటా వెర్షన్ లో బిల్డింగ్ నంబర్లు మరియు క్రాస్‌వాక్ గుర్తులను జోడించినట్లు నివేదిక పేర్కొంది. పరిమిత నగరాల కోసం అందుబాటులో ఉన్న ఈ సేవలు త్వరలో మరిన్నీ నగరాలకు విస్తరించనున్నట్లు సమాచారం. న్యూయార్క్ వంటి నగరాల్లోని వీధుల్లో మ్యాప్ లను జూమ్ చేయడం ద్వారా మీరు భవనాల సంఖ్యలను మరియు క్రాస్‌వాక్ గుర్తులను గుర్తించవచ్చని నివేదికలోని స్క్రీన్‌షాట్‌లలో తెలుస్తుంది. (చదవండి: ఫ్లిప్‌కార్ట్ లో మరో కొత్త సేల్)  

కోవిడ్ - 19 వైరస్ వల్ల ప్రపంచ వ్యాప్తంగా లాక్ డౌన్ విధించడంతో ఎక్కడ జనాలు అక్కడే ఇంటికే పరిమితమయ్యారు. దీంతో ప్రయాణాలు లేకపోవడంతో మ్యాపింగ్, నావిగేషన్ సేవల వినియోగం చాలా తగ్గింది. గూగుల్ మ్యాప్స్ ఈ సమయంలో తన సేవలను మెరుగు పరుచుకుంది. అంతే కాదు, ఈ వ్యాది మొదలైనప్పటి నుండి ఇప్పటి వరకు 250 కొత్త ఫీచర్స్ ని తీసుకొచ్చింది గూగుల్.  తాజాగా, గూగుల్ మ్యాప్స్ లైవ్ ట్రాన్సిట్ “క్రౌడ్నెస్(జనసమూహం)” డేటా అనే ఫీచర్ తీసుకొచ్చింది. ఈ ఫీచర్ ద్వారా మీరు ప్రయాణిచాలనుకుంటున్న దారిలో ప్రజారవాణాకు సంబంధించిన సమాచారాన్ని తెలియజేస్తుంది. అంటే బస్సులు, రైళ్లు మరియు సబ్‌వే వంటి వాటిలో ఎక్కువ మంది ఎందులో ప్రయాణిస్తున్నారనేది మీకు ఇట్టే తెలిసిపోతుంది. దాని వల్ల మీరు మరో ప్రత్యామ్నాయం మార్గంలో ప్రయాణించొచ్చు. ఈ సమాచారం అంతా మీకు గూగుల్ మ్యాప్స్ లో ప్రజలు ఇచ్చే ఫీడ్ బ్యాక్, వారి లైవ్ స్టేటస్ ఆధారంగా తెలియజేస్తునట్లు గూగుల్ తెలిపింది. ఈ సమాచారం ఎక్కువ రద్దీగా ఉండే ప్రాంతాలలో లభిస్తుంది కావున అన్ని ప్రాంతాల్లో ఇది అందుబాటులో ఉండకపోచ్చని తెలిపింది. కానీ ప్రపంచవ్యాప్తంగా ఇది పనిచేస్తుందని వెల్లడించింది.(చదవండి: గూగుల్ పే యూజర్లకు డెబిట్ కార్డులు) మరో ముఖ్యవిషయం ఏమిటంటే మ్యాప్స్ ద్వారా ఆహార పంపిణీ(ఫుడ్ డెలివరీ)కి అనుకూలమైన కేంద్రంగా మార్చుకుంటున్నట్లు తెలిపింది. ఇప్పటికే అమెరికా, కెనడా, జర్మనీ, ఆస్ట్రేలియా, బ్రెజిల్, భారత్‌లలో ఫుడ్‌ డెలివరీ లైవ్‌ స్టేటస్‌, డెలివరీకి పట్టే సమయం, డెలివరీ ఛార్జీలు వంటి వివరాలను మ్యాప్స్ చూపిస్తున్నట్టు పేర్కొంది. కొద్ది రోజుల్లో ఈ ఫీచర్స్‌ ఆండ్రాయిడ్, ఐఓఎస్ యూజర్స్‌కి అందుబాటులోకి రానున్నాయని తెలిపింది.  

వాట్సాప్ తన వినియోగదారుల కోసం మరో ఫీచర్ ని తీసుకురాబోతుంది. వీడియోలను ఇతరులకు పంపే ముందు మ్యూట్ చేయడం కోసం ఈ ఫీచర్ ని తీసుకురాబోతుంది. ఈ ఫీచర్ అనేది ఇన్‌స్టాగ్రామ్, ట్విట్టర్ వంటి ఇతర సోషల్ మీడియా ప్లాట్‌ఫారమ్‌ల తీసుకొచ్చిన మాదిరిగానే ఉండనుంది. ఈ ఫీచర్ గురుంచి వాట్సాప్ తన బ్లాగ్ లో పేర్కొంది. తాజా ఫీచర్ వాట్సాప్ బీటా వెర్షన్‌ వినియోగదారులకు మాత్రమే అందుబాటులో ఉంది. ఇది ఇంకా అభివృద్ధి దశలోనే ఉంది. భవిష్యత్ లో దీనిని అందరికీ అందుబాటులోకి తీసుకు రానున్నట్లు పేర్కొంది. వాట్సాప్ ఈ ఫీచర్ ని ఐఓఎస్ వినియోగదారుల కోసం తీసుకు వస్తారా? లేదా? అనేది తెలపలేదు.   వాట్సాప్ తన బ్లాగ్ లో కొత్తగా తీసుకు రాబోయే ఫీచర్ యొక్క స్క్రీన్ షాట్‌ను కూడా షేర్ చేసింది. సీకర్ టూల్ కింద ఈ స్పీకర్ బటన్‌ను చూపిస్తుంది. వినియోగదారులు వారి వీడియోలను పంపే ముందు వాటిని కత్తిరించడానికి అనుమతిస్తుంది. స్పీకర్ ఐకాన్ ద్వారా ఫార్వార్డ్ చేస్తున్న వీడియోలపై సౌండ్ ని ఆన్ లేదా ఆఫ్ చేసుకోవడానికి అనుమతిస్తుంది. ఈ క్రొత్త ఫీచర్ అనేది ఫార్వార్డ్ చేయబడిన వీడియోలు, యూజర్ల స్మార్ట్‌ఫోన్‌లో రికార్డ్ చేయబడిన వీడియోలపై పనిచేస్తుంది.    

ముంబై: తెలిసో తెలియకో వాట్సప్‌లో ఏదైనా కూడని పోస్ట్‌ లేదా వ్యాఖ్య పెట్టారా? ఏం ఫర్వాలేదు. మీ సెట్టింగ్స్‌లో మార్పు చేసుకుంటే సరి.. వారం రోజుల్లో మీ పోస్ట్‌ లేదా వ్యాఖ్య ఇట్టే మాయమైపోతుంది. ఈ మేరకు తాము సాఫ్ట్‌వేర్‌లో మార్పులు చేసినట్లు వాట్సాప్‌ స్వయంగా ప్రకటించింది. పోస్ట్‌ చేసిన కొన్ని నిమిషాల్లోపు దాన్ని తొలగించుకునే అవకాశం ఇప్పటివరకూ ఉన్న విషయం తెలిసిందే. ఇంకో ఆసక్తికరమైన అంశం ఏమిటంటే.. సెట్టింగ్స్‌లో మార్పులు చేసి వారం రోజుల్లోపు సందేశాలన్నీ మాయమైపోయేలా చేయడం అన్నది గత మెసేజీలకు వర్తించదు. వ్యక్తులకు పంపినవైనా, గ్రూపులు లేదా కంపెనీలు పంపిన సందేశాలైనా సరే.. అన్నింటినీ వారం రోజుల తరువాత మాయమయ్యేలా చేయవచ్చునని కంపెనీ ప్రకటించింది. కాకపోతే ఈ గ్రూపుల్లో ఈ ఫీచర్‌ను అడ్మిన్‌ మాత్రమే ఆన్‌/ఆఫ్‌ చేయగలరు. వాట్సాప్‌ను ఏడు రోజులపాటు ఓపెన్‌ చేయకపోయినా సందేశాలు మాయమైపోతాయని నోటిఫికేషన్‌లో మాత్రం సందేశాల ప్రివ్యూ అలాగే ఉంటుందని కంపెనీ వివరించింది.   ఫొటోలూ గాయబ్‌...  వాట్సాప్‌కు వచ్చే ఫొటోలు, వీడియోలు వాటంతట అవే ఫొటోస్‌ అన్న చోట నిక్షిప్తమవుతాయని మనకు తెలుసు. మాయమైపోయే సందేశాల ఫీచర్‌ను ఆన్‌ చేస్తే చాటింగ్‌ సందర్బంగా అందుకునే ఫొటోలు కూడా ఏడు రోజుల్లో మాయమైపోతాయి. ఆటో డౌన్‌లోడ్‌ ఆప్షన్‌ ఆన్‌ చేసి ఉంటే మాత్రం అవి మీ ఫోన్‌లో నిక్షిప్తమైపోతాయి. ఎవరో పంపిన సందేశాలను ఫార్వర్డ్‌ చేసినప్పుడు... అందకునే వ్యక్తి వాట్సప్‌లో సందేశాలు మాయమయ్యే ఫీచర్‌ ఆఫ్‌లో ఉంటే ఫార్వర్డ్‌ చేసిన సందేశం మాయం కాదు. వాట్సాప్‌ సంభాషణలన్నింటినీ బ్యాకప్‌ చేసుకునే అలవాటు కొందరికి ఉంటుంది. సందేశాలు ఇది ఆన్‌లో ఉన్నప్పుడు మాయమయ్యే ఫీచర్‌ను వాడటం మొదలుపెడితే.. ఆ తరువాత వచ్చే సందేశాలు బ్యాకప్‌లో ఉంటాయి కానీ.. మీరు బ్యాకప్‌ నుంచి పాత సందేశాలన్నింటినీ రీస్టోర్‌ చేయాలని చూసినప్పుడు మాత్రం మాయమైపోతాయి. అంతా బాగానే ఉంది కానీ.. ఈ ఫీచర్‌ను వాడటం ఎలా అంటున్నారా? చాలా సింపుల్‌. వాట్సాప్‌ సెట్టింగ్స్‌లోని స్టోరేజ్‌ అండ్‌ డేటాను తెరవండి. అక్కడ స్టోరేజీ యూసేజ్‌ అన్న ఆప్షన్‌ను నొక్కితే అప్పటివరకూ మనం జరిపిన సంభాషణలన్నీ ఎంత మేరకు స్పేస్‌ ఆక్రమించాయో చూపుతుంది. అవసరమైన దాన్ని ఎంచుకోగానే కనిపించే ఫ్రీ అప్‌ స్పేస్‌ అన్న ఆప్షన్‌ను నొక్కితే ఆ చాట్‌కు సంబంధించిన ఫొటోలు, వీడియోలు అన్నీ మాయమై పోతాయన్నమాట. వాట్సాప్‌లో స్పేస్‌ తక్కువగా ఉంటోందని.. ఫోన్‌ స్పేస్‌ మొత్తాన్ని వాట్సప్‌ తినేస్తోందని సుమారు 200 కోట్ల మంది ఫిర్యాదు చేస్తే కంపెనీ ఈ మార్పులు చేసింది.  వాట్సాప్‌ ‘చెల్లింపు’లకు ఎన్‌పీసీఐ ఆమోదముద్ర ముంబై: మెసేజింగ్‌ యాప్, వాట్సాప్‌ ద్వారా చెల్లింపులకు ఎన్‌పీసీఐ(నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా) ఆమోదం తెలిపింది. భారత్‌లో వాట్సాప్‌ వినియోగదారులు దాదాపు 40 కోట్ల మంది  ఉన్నారు. (గూగుల్‌ పే యూజర్లు 7.5 కోట్లు, ఫోన్‌ పే యూజర్లు 6 కోట్ల మంది ఉన్నారు)ఈ ఆమోదంతో డిజిటల్‌ చెల్లింపులు మరింత జోరుగా పెరుగుతాయని అంచనా. గూగుల్‌ పే, ఫోన్‌ పే వంటి ధర్డ్‌ పార్టీ యాప్‌ ప్రొవైడర్లు(టీపీయాప్స్‌) లావాదేవీలపై పరిమితి విధించిన నిమిషాల వ్యవధిలోనే ఎన్‌పీసీఐ వాట్సాప్‌కు ఈ ఆమోదాన్ని ఇచ్చింది. మొత్తం యూపీఐ (యూనిఫైడ్‌ పేమెంట్స్‌ ఇంటర్‌ఫేస్‌)లావాదేవీల్లో ఒక్కో యాప్‌ లావాదేవీ 30 శాతానికి మించకూడదన్న పరిమితిని ఎన్‌పీసీఐ విధించింది. గత నెలలో యూపీఐ లావాదేవీలు 200 కోట్లను మించాయి. రానున్న కాలంలో ఈ లావాదేవీలు మరింతగా పెరిగే అవకాశాలుండటంతో ఒక్కో యాప్‌కు ఈ పరిమితిని ఎన్‌పీసీఐ విధించింది.  

సాక్షి,న్యూఢిల్లీ: ప్రముఖ మెసేజింగ్‌ యాప్‌ వాట్సాప్‌ వినియోగదారుల కోసం మరో సరికొత్త ఫీచర్‌ను లాంచ్‌ చేయనుంది. పలు గ్రూపులు, వ్యక్తుల నుంచి ఇబ్బడి ముబ్బడిగా వచ్చి పడుతున్న మెసేజ్‌లను, ఫోటోలను, వీడియోలు తదితర కంటెంట్‌ను డిలీట్‌​ చేయడానికి చాలా ఇబ్బందులు పడేవాళ్లంకదా. తాజాగా ఇలాంటి జంక్ మోసేజెస్‌ను సులువుగా తొలగించేందుకు వీలుగా ఒక కొత్త ఫీచర్‌ను పరిచయం చేసింది.  దీని ద్వారా వాట్సాప్ యూజర్లు తమ ఫోన్‌లలో స్టోరేజ్‌ డాటాను  పెంచుకోవచ్చని వాట్సాప్‌ వెల్లడించింది. వినియోగదారులకు ఉపయోగపడే విదంగా స్టోర్ మేనేజ్‌మెంట్ ఫీచర్‌ను అందుబాటులోకి తీసుకురానున్నట్లు అధికారికంగా ప్రకటించింది. తద్వారా పలుసార్లు ఫార్వార్డ్ చేసిన, అనవసరమైన  వీడియోలను, ఫొటోలను క్లీన్ చేసుకునేందుకు మరింత సులభం తొలగించుకోవచ్చు. 5ఎంబీ కంటే ఎక్కువ సైజులో ఉన్న ఫైలును గుర్తిస్తుంది. పరిమాణంలో ఫైల్ సైజ్‌ను బట్టి విడివిడిగా చూపిస్తుందని, దాని ద్వారా అవసరమైన వాటిని, అనవసరమైన వాటిని వినియోగదారులు త్వరగా గుర్తించగలుగుతారని సంస్థ చెప్పింది. అంతేకాకుండా ఒకటి లేదా చాలా వాటిని డిలీట్ చేయడానికి ముందు ఒకసారి చూసుకునే వెసులుబాటును కల్పిస్తుందని అన్నారు. అయితే ఈ ఫీచర్ ప్రపంచ వ్యాప్తంగా ఈ వారంలో విడుదల చేయనున్నట్లు తెలిపారు.  యాప్‌లోని సెట్టింగ్స్‌లోకి వెళ్లి స్టోరేజి అండ్ డేటాలో ఈ ఫీచర్ కనిపిస్తుందని సంస్థ తెలిపింది. ఇప్పటివరకూ వాట్సాప్ ‘స్టోరేజ్ యూసేజ్’ విభాగం కింద చాట్‌లు కనిపించేవి. తాజా ఫీచర్‌ అందుబాటులోకి వచ్చాక ఇంటర్‌ఫేస్‌మీద ఒక బార్‌మీద కనిపిస్తుంది. ఇందులో మీడియా కంటెంట్ ద్వారా ఎంత స్టోరేజ్‌ వినియోగించాం అనేది చూపిస్తుంది. అలాగే చాలాసార్లు ఫార్వార్డ్ చేయబడిన మీడియా ఫైళ్ళను  ప్రత్యేకంగా చూపిస్తుంది. దీంతో అలాంటి ఫైళ్ళను సులభంగా గుర్తించి డిలీట్‌​ చేయడానికి సహాయపడుతుంది.

ఏదైనా కొత్త నెంబ‌ర్ నుంచి కాల్ వ‌స్తే వెంట‌నే అది ఎవ‌రో ట్రూ కాల‌ర్‌లో సెర్చ్ చేసేవాళ్లం. అయితే తాజాగా ట్రూ కాలర్‌లో ఎందుకు ఫోన్ చేస్తున్నారో అన్న కాల్ రీజ‌న్ కూడా క‌న‌ప‌డ‌నుంద‌ట‌. వాస్త‌వానికి ఈ ఫీచ‌ర్‌ను 2009లోనే ప్ర‌వేశ‌పెట్టిన‌ప్ప‌టికీ, ఇప్పుడు మ‌రింత అప్‌డేటెడ్ వెర్ష‌న్‌లో ట్రూ కాల‌ర్ రిలీజ్ చేసింది. ప‌ర్స‌న‌ల్‌, బిజినెస్ లేదా ఎమ‌ర్జెన్సీ ఇలా..అవ‌తలి వ్య‌క్తికి ఎందుకు కాల్ చేస్తున్నామ‌న్న రీజ‌న్‌ను టైప్ చేయాల్సి ఉంటుంద‌న్న‌మాట‌. ఈ ఫీచ‌ర్‌తో కాల్ పిక‌ప్ రేట్లు మ‌రింత పెరిగే అవ‌కాశం ఉన్నాయ‌ని ట్రూ కాల‌ర్ ఆశిస్తుంది. ప్ర‌త్యేకించి కొత్త నంబ‌ర్ నుంచి కాల్ వ‌చ్చిన‌ప్పుడు యూజ‌ర్‌కు మ‌రింత ఉప‌యోగ‌క‌రంగా ఉంటుంద‌ని కంపెనీ భావిస్తోంది. అయితే  గూగుల్ సైతం  వెరిఫైడ్ కాల్స్ అనే సిమిలార్ ఫీచ‌ర్స్‌ను డీఫాల్ట్‌గా తీసుకురాబోతుంది. (దేశీ స్మార్ట్‌ఫోన్ల రీఎంట్రీ...) ఈ  2020లో అత్య‌ధికంగా కోరుకున్న ఆప్ష‌న్ ఇదేన‌ని స్వీడ‌న్‌కు చెందిన ప్ర‌ధాన కార్యాల‌య సంస్థ స్టాక్‌హోమ్ తెలిపింది. అన్ని ఆండ్రాయిడ్ ఫోన్ల‌కు ఈ సేవ‌లు అందుబాటులో ఉంటాయ‌ని ట్రూకాల‌ర్ వెల్ల‌డించింది. ఐఓఎస్‌లో వ‌చ్చే ఏడాది నుంచి ఇది అందుబాటులో ఉండ‌నున్న‌ట్లు తెలిపింది. స్కామ్ ప్రొటెక్షన్ అల్గారిథమ్‌ని ఉప‌యోగించి కాల్‌ని ప్రైవేట్‌గా ఉంచేలా డిజైన్ చేశారు. దాదాపు 59 భార‌తీయ భాష‌ల్లో ఇది  ప‌నిచేస్తుంద‌ని పేర్కొన్నారు. ట్రూ కాల‌ర్ స‌గ‌టున రోజుకు  9వేల కోట్ల ఫోన్ కాల్స్‌, మెసేజ్‌ల‌ను గుర్తిస్తుండంగా నెల‌కు 300 కోట్ల ఫోన్‌కాల్స్‌ను బ్లాక్ చేస్తుంది. (భారత్‌లో యాపిల్‌ రికార్డు )

న్యూఢిల్లీ: తరచుగా జరిపే చెల్లింపులను ఆటోమేటిక్‌గా పూర్తి చేసేందుకు తోడ్పడేలా ఏకీకృత చెల్లింపుల విధానం (యూపీఐ)లో ఆటోపే ఫీచర్‌ను అందుబాటులోకి తెచ్చినట్లు నేషనల్‌ పేమెంట్స్‌ కార్పొరేషన్‌ (ఎన్‌పీసీఐ) తెలిపింది. మొబైల్‌ బిల్లులు, కరెంటు బిల్లులు, నెలవారీ కట్టాల్సిన వాయిదాలు, బీమా ప్రీమియంలు, మ్యూచువల్‌ ఫండ్స్‌ చందాలు మొదలైన వాటన్నింటికీ ఈ విధానంలో  ఆటోమేటిక్‌గా చెల్లింపులు జరపవచ్చు. ఆటోపేలో రూ. 2,000 దాకా పరిమితి ఉంటుంది. అంతకు మించిన లావాదేవీకి యూపీఐ పిన్‌ తప్పనిసరి. యూపీఐ ఆధారిత యాప్స్‌ అన్నింటిలోనూ ’మ్యాన్‌డేట్‌’ అనే సెక్షన్‌ ఉంటుందని, ఇందులో ఆటో డెబిట్‌ ఆదేశాలను పొందుపర్చవచ్చని ఎన్‌పీసీఐ తెలిపింది. నిర్దేశిత రోజున చెల్లింపులు ఆటోమేటిక్‌గా జరిగిపోతాయి కాబట్టి ఇటు వ్యక్తులకు, అటు వ్యాపార సంస్థలకు ఇది ఉపయోగకరంగా ఉంటుందని వివరించింది. ఇప్పటికే ఐసీఐసీఐ బ్యాంక్, యాక్సిస్‌ బ్యాంక్, బ్యాంక్‌ ఆఫ్‌ బరోడా మొదలైన వాటిల్లో ఇది అందుబాటులో ఉందని పేర్కొంది. త్వరలో ఎస్‌బీఐ, జియో పేమెంట్స్‌ బ్యాంక్, యస్‌ బ్యాంక్‌లు కూడా ఇది ప్రవేశపెడుతున్నాయని ఎన్‌పీసీఐ తెలిపింది.

సాక్షి, ముంబై: దేశీయ సోషల్‌ మీడియా మెసేజింగ్‌ యాప్ స్నాప్‌చాట్ త్వరలో మరో కొత్తఫీచర్‌ను తీసుకురానుంది. ఇటీవల కాలంలో దేశ ప్రజలు మానసిక సమస్యలతో బాధపడుతున్నారు. కాగా దేశ ప్రజల మానసిక సమస్యలను తీర్చేందుకు స్నాప్‌చాట్‌ యాప్‌ హియర్‌ ఫర్‌ యూ ఫీచర్‌ను(మీ సమస్యలను తీర్చడానికి) త్వరలో ప్రారంభించనుంది. ఈ ఫీచర్‌లో వినియోగదారులు ఎదుర్కొంటున్న మానసిక సమస్యలకు పరిష్కారం మార్గాన్ని సూచిస్తుందని స్నాప్‌చాట్‌ యాజమాన్యం పేర్కొంది. కాగా అన్ని రకాల ఉద్యేగ నియంత్రణ, మానసిక సమస్యలకు ఈ ఫీచర్‌ ఎంతో ఉపయోగపడుతుందని స్నాప్‌చాట్‌ యాజమాన్యం తెలిపింది. అయితే గతంలో స్నాప్‌చాట్‌ హెడ్‌స్పేస్‌ అనే ఫీచర్‌ ద్వారా వినియోగదారులకు మానసిక సమస్యలు, మిని మెడిటేషన్‌ తదితర సేవలను అందించింది. ఈ ప్రత్యేక ఫీచర్‌ రూపకల్పనలో చాలా అంశాలను అధ్యయనం చేసినట్లు స్నాప్‌చాట్‌ పేర్కొంది. (చదవండి: యూజర్లకు స్నాప్‌చాట్ క్షమాపణలు)

సోషల్ మీడియా దిగ్గజం ట్విట్టర్‌లో మరో సరికొత్త ఫీచర్ ను ప్రయోగాత్మకంగా పరిశీలిస్తోంది. యూజర్లు తమ వాయిస్‌ని ఉపయోగించి ట్వీట్ చేసేలా కొత్త ఫీచర్‌ను ఆవిష్కరించామని  ట్విటర్  ప్రకటించింది. ఒకే ట్వీట్‌లో 140 సెకన్ల వరకు ఆడియోను కూడా జోడించేందుకు ఈ  వాయిస్ ఫీచర్ అవకాశం కల్పించనుంది.   ట్విటర్ ప్రొడక్ట్ డిజైనర్,సీనియర్ సాఫ్ట్‌వేర్ ఇంజనీర్ మాయప్యాటర్సన్, రెమి బౌర్గైన్  బ్లాగులో ఈ విషయాన్ని వెల్లడించారు. తమ తాజా ఫీచర్ ఆకట్టుకుంటుందని విశ్వసిస్తున్నట్టు తెలిపారు. ఆసక్తికరమైన విషయాలతోపాటు, బ్రేకింగ్ న్యూస్ ను కూడా వాయిస్ ట్వీటింగ్ ద్వారా షేర్ చేసుకోవచ్చని చెప్పారు. అంతేకాదు  280 అక్షరాల ఇబ్బంది ఉండదని,  అలాగే అనువాద  చిక్కులు కూడా తొలగిపోతాయన్నారు.  ప్రస్తుతానికి ఐఓఎస్ లో  ప్రయోగ దశలో ఉన్న ఆ వాయిస్ ఫీచర్ రానున్న రోజుల్లో ప్రపంచవ్యాప్తంగా ఉన్న ప్రతీ ఐఓఎస్ వినియోగదారుడికి పూర్తిగా అందుబాటులోకి రానుంది. ట్విటర్ హోమ్‌పేజీ లోని కొత్త వేవ్‌లెన్త్స్ ఐకాన్ ద్వారా వినియోగదారులు ఈ వాయిస్ ట్వీట్ చేయవచ్చు. సాధారణ ట్వీట్ల మాదిరిగానే యూజర్లు రీట్వీట్ చేయవచ్చు. వినవచ్చు. వాటికి ప్రత్యుత్తరం కూడా ఇవ్వవచ్చు. ట్వీట్ కంపోజ్ చేసేటప్పుడు, కెమెరా ఐకాన్ పక్కన వేవ్‌లెన్త్స్ చిహ్నం కనిపిస్తుంది. దీనిపై క్లిక్ చేసి అనంతరం దిగువన ఉన్న రికార్డ్ బటన్‌ క్లిక్ చేసి 140 సెకన్ల వరకు వాయిస్‌ని రికార్డ్ చేయవచ్చు.  రికార్డింగ్ పూర్తి అయ్యాక.. రికార్డింగ్‌ను ఆపివేయడం మర్చిపోకూడదని ట్విటర్ సూచించింది.   కాగా ఇన్‌స్టాగ్రామ్ మాదిరిగా ఫ్లీట్స్ అనే కొత్త  ఫీచర్‌ను  ఇటీవల రూపొందించింది. అయితే దీనికి  మిశ్రమ స్పందన వచ్చిన సంగతి తెలిసిందే.

న్యూఢిల్లీ: మైక్రోబ్లాగింగ్‌ సైట్‌ ట్విట్టర్‌ తాజాగా భారత్‌ మార్కెట్లో తమ ఫ్లీట్స్‌ ఫీచర్‌ను ప్రవేశపెట్టనుంది. దీన్ని ప్రయోగాత్మకంగా పరీక్షించనున్నట్లు ట్విట్టర్‌ మంగళవారం వెల్లడించింది. యూజర్‌ పోస్ట్‌ చేసిన కంటెంట్‌ 24 గంటల తర్వాత ఇక కనిపించకుండా మాయమయ్యేలా ఈ ఫీచర్‌ ఉంటుంది. ‘అప్పటికప్పుడు వచ్చిన ఆలోచనలను యూజర్లు పంచుకునేందుకు ఫ్లీట్స్‌ ఉపయోగపడుతుంది. ఇవి 24 గంటల తర్వాత ఇక కనిపించవు. వీటికి రీట్వీట్స్‌ గానీ లైక్స్‌ గానీ పబ్లిక్‌ కామెంట్స్‌ గానీ ఉండవు‘ అని ట్విట్టర్‌ తెలిపింది. ఒకవేళ ఆ అంశంపై సదరు యూజరుతో గానీ ఫాలోవర్లు సంభాషించదల్చుకుంటే ప్రైవేట్‌గా డైరెక్ట్‌ మెసేజీలు పంపవచ్చని పేర్కొంది. కొత్తగా అప్‌డేటెడ్‌ యాప్‌ వెర్షన్స్‌లో ఫ్లీట్స్‌ లభిస్తుందని వివరించింది. యూజర్లు  ప్రొఫైల్‌ పిక్చర్‌పై ట్యాప్‌ చేయడం ద్వారా ఈ తరహా ట్వీట్స్‌ చేయొచ్చు. ప్రస్తుతం బ్రెజిల్, ఇటలీలో ఫ్లీట్స్‌ ఫీచర్‌ అందుబాటులో ఉంది.

సాక్షి, న్యూఢిల్లీ: వాట్సప్‌ వినియోగదారులకు గుడ్‌న్యూస్‌. ప్రముఖ సోషల్‌ మీడియా ప్లాట్‌ఫాం ఫేస్‌బుక్ మెసేజింగ్ సేవ సంస్థ అయిన వాట్సాప్ యూజర్స్‌ ప్రస్తుత తమ వాట్సాప్ ఖాతాను మల్టీ డివైస్‌లకు కనెక్ట్ చేయడానికి అనుమతించే ఫీచర్‌పై అన్వేషిస్తున్నట్లు సమాచారం. మల్టి డివైస్‌లో వాట్సప్‌ ఖాతాను అనుమంతించే ఈ లక్షణాన్ని మొదట WABetaInfo గుర్తించిందిచినట్లు సదరు సంస్థ ట్వీట్‌ చేసింది. ఈ యాజమాన్యం దీనిపై వివరణ కూడా ఇచ్చారు. స్మార్ట్‌ ఫోన్స్‌, టాబ్లెట్స్‌ వంటి బహుళ పరికరాల్లో ఒకేసారి వినియోగదారులు తమ వాట్సాప్ ఖాతాను కనెక్ట్ చేయడానికి ఈ ఫీచర్ అనుమతిస్తుందని తెలిపింది. (లోన్లు ఇవ్వబోతున్న వాట్సాప్‌!) కాగా ప్రస్తుతం వాట్సాప్ ఒకే ఖాతా కోసం ఒకసారి ఒక పరికరంలో మాత్రమే యాక్సెస్ చేయడానికి అనుమతిస్తున్న విషయం తెలిసిందే. కాగా ఈ వాట్సాప్ వెబ్ కోసం కూడా, ఫోన్‌లోని అనువర్తనానికి కనెక్ట్ అయినప్పుడు వినియోగదారుల ఖాతాను యాక్సెస్ చేయవచ్చు. ఈ కొత్త ఫీచర్ ఒకే ఖాతా కోసం ప్రతి డివైస్‌ నుండి ఇండిపెండెంట్‌గా మల్టీ డివైస్‌లకు మద్దతును అందించే అవకాశం ఉంది. కాగా భవిష్యత్తులో బీటా విడుదలను కంపెనీ కొనసాగిస్తున్నందున దీని గురించిన మరిన్ని వివరాలు ఇంకా తెలియరాలేదు. అయితే WABetaInfo షేర్‌ చేసిన స్క్రీన్ షాట్ ప్రకారం, మెసేజింగ్ సేవ వినియోగదారులను Wi-Fi ద్వారా తమ న్యూ డివైస్‌కు కనెక్ట్ చేయమని అడుగుతుంది.  I've talked about multi device support for future versions. WhatsApp already shows the string "Use WhatsApp on other devices", suggesting that other devices will be able to use the same account in future. The connection to the internet won't be necessary for the main device! pic.twitter.com/DpdfxSo3it — WABetaInfo (@WABetaInfo) April 2, 2020 క్రొత్త ఫీచర్లు.. WABetaInfo నివేదిక ప్రకారం.. ఇది న్యూ డివైస్‌ చాట్ హిస్టరీని వేగంగా డౌన్‌లోడ్ చేస్తుంది. అంతేగా యూజర్ చాట్ చరిత్రను కూడా ఆ డివైస్‌లో కాపీ చేసే అవకాశం ఉంది. ఇక వాట్సాప్ కొత్త లింక్‌ డివైస్‌ల స్క్రీన్ ద్వారా స్నాప్‌షాట్‌లను కూడా ఇది షేర్‌ చేస్తుంది. వాట్సప్‌ లింక్‌ చేసే ప్రతి డివైస్‌ ఫిచర్స్‌ను ఒపెన్‌ మెసేజ్‌ చెయోచ్చు. “మరో డివైస్‌లలో వాట్సాప్ ఉపయోగించి మీ బ్రౌజర్ కంప్యూటర్ ద్వారా ఫేస్‌బుక్ పోర్టల్ నుండి సందేశాలను పంపంచిడం లేదా స్వీకరించ వచ్చు. ఇక మెసేస్‌ చేసిన అనంతరం బాటమ్‌లో పేర్కొన్నా బటన్‌ను క్లిక్‌ చేయాలి. కాగా నివేదిక ప్రకారం మల్టీ-డివైస్ ఫీచర్ ఇంకా అందుబాటులో లేనందున  రాబోయే నెలల్లో వాట్సాప్ బీటా వెర్షన్ల కోసం ఈ ఫీచర్‌ను విడుదల చేసే అవకాశం ఉంది.

సాక్షి, న్యూఢిల్లీ : సోషల్ మీడియా దిగ్గజం ఫేస్ బుక్ సొంతమైన వాట్సాప్ కొత్త అప్ డేట్ లను తీసుకురానుంది. ఎప్పటికపుడు కొత్త ఫీచర్లతో ప్రపంచవ్యాప్తంగా రెండు బిలియన్లకు పైగా వినియోగదారులను సొంతం చేసుకున్న వాట్సాప్ కరోనా, లాక్‌డౌన్‌ సంక్షోభ సమయంలో మరో ఆసక్తికరమైన ఫీచర్ ను జోడించనుంది. వా బేటా ఇన్ఫో అందించి సమాచారం ప్రకారం వీడియో, ఆడియో కాలింగ్ లో పాల్గొనే  యూజర్ల పరిమితిని పెంచడానికి  వాట్సాప్ సన్నాహాలు చేస్తోంది.  గ్రూప్ వీడియో, ఆడియో కాల్స్‌ కు ఆదరణ భారీగా పెరిగిన నేపథ్యంలో  ఎక్కువ మంది యూజర్లను ఆకర్షించేలా  ప్రయత్నాలు ముమ్మరం చేసింది. డార్క్ మోడ్, ఫింగర్ ప్రింట్ అన్‌లాక్‌లాంటి ఫీచర్లను అందించిన వాట్సాప్ తాజాగా గ్రూప్ వీడియో, ఆడియో కాలింగ్  పరిమితిని పెంచేందుకు యోచిస్తోంది. తద్వారా టెక్ దిగ్గజం గూగుల్ వీడియో కాలింగ్ యాప్ డియో, చైనాకు చెందిన జూమ్ లాంటి యాప్స్ దూకుడుకు కళ్లెం వేయాలని భావిస్తోంది. (జూమ్ యాప్ వాడొద్దు: హోం మంత్రిత్వ శాఖ) కరోనా వైరస్ వ్యాప్తిని ఆపడానికి ప్రపంచవ్యాప్తంగా ప్రజలు భౌతిక దూరాన్ని పాటిస్తున్న సమయంలో వీడియో కాలింగ్ సదుపాయానికి డిమాండ్ బాగా పెరిగింది. గ్రూపు ఆడియో, వీడియో కాలింగ్ వైపు మళ్లిన తరుణంలో వాట్సాప్ ఈ కీలక మార్పును తీసుకురావాలని ప్లాన్ చేస్తోంది. లాక్ డౌన్ కాలంలో జూమ్, గూగుల్ డియో యాప్స్ లో ఒకేసారి డజన్ల కొద్దీ వ్యక్తులతో వీడియో కాలింగ్‌ను అనుమతి లభిస్తోంది. దీంతో వాట్సాప్  తాజా అప్ డేట్ తీసుకురానుంది. ప్రస్తుతానికి గ్రూప్ ఆడియో, వీడియో కాలింగ్ లో పాల్గొనడానికి నలుగురి మాత్రమే అనుమతి వుంది. ఇపుడు ఎంతమందికి అవకాశం కల్పిస్తుంది, ఎప్పటినుంచి యూజర్లకు ఈ సదుపాయం అందుబాటులోకి రానుంది అనేదానిపై ప్రస్తుతానికి స్పష్టత లేదు. దీంతోపాటు ఆండ్రాయిడ్ వీ2.20.129 కోసం వాట్సాప్ బీటాలో ఇప్పటికే అందుబాటులో ఉన్ కొత్త కాల్ హెడర్‌ను జోడించడానికి కూడా వాట్సాప్ పనిచేస్తోంది. తద్వారా వాట్సాప్ కాల్స్ ఎండ్-టు-ఎండ్ ఎన్ క్రిప్టెడ్ అని చెప్పాలని లక్ష్యంగా పెట్టుకుంది. (జియో ఫైబర్:  రూ.199కే 1000 జీబీ డేటా) కోవిడ్-19 మహమ్మారి కారణంగా లాక్‌డౌన్‌ అయిన ప్రజలు సోషల్ మీడియాకు అంకితమవుతున్నారు. కరోనా వైరస్ విస్తరణను అడ్డుకునే క్రమంలో, రవాణ వ్యవస్థ పూర్తిగా స్థంభించడతో అటు  ఉద్యోగులు కూడా ఇంటినుంచే తమ సేవలను అందిస్తున్నారు. దీంతో వివిధ సంస్థలు తమ ఉద్యోగులతో కనెక్ట్ అయ్యేందుకు, ఆన్ లైన్ తరగతులకు గ్రూపు వీడియో, లేదా వీడియో కాన్ఫరెన్సుల వైపు, మొగ్గు చూపుతున్న సంగతి తెలిసిందే. (కరోనా సంక్షోభం : టీసీఎస్ కీలక నిర్ణయం)

టిక్‌టాక్‌ ప్రస్తుతం ఈ పేరు తెలియని వారు ఉండరు, ఇందులో వచ్చే షార్ట్‌ వీడియోలు చూడని వారు ఉండరు అంటే అతిశయోక్తి కాదేమో. ప్రపంచ వ్యాప్తంగా టిక్‌టాక్‌ మంచి గుర్తింపును తెచ్చుకుంది. టిక్‌టాక్‌ కారణంగా ఎంతో మంది సెలబ్రెటీలుగా మారిపోతున్నారు. వారిలో ఉన్న నటనకు, సృజనాత్మకతకు పదును పెడుతూ విభిన్నమైన వీడియోలు చేస్తూ  దూసుకుపోతున్నారు. చిన్న వారి నుంచి పెద్దవారి వరకు అందరూ టిక్‌టాక్‌ను వదలడం లేదు. అయితే టిక్‌టాక్‌కి పోటీగా ఇన్‌స్టాగ్రామ్‌ బుమ్‌రాంగ్‌ వీడియోస్‌, రీల్స్‌ లాంటివి తీసుకొచ్చిన టిక్‌టాక్‌ ప్రభంజనాన్ని తగ్గించలేకపోయింది.  ఇదిలా ఉండగా ఇప్పుడు టిక్‌టాక్‌కి పోటీగా అలాంటిదే మరొకటి రాబోతుంది. యూట్యూబ్‌ ‘షార్ట్స్‌’ పేరుతో షార్ట్‌వీడియోస్‌ పోస్ట్‌ చేసే ఒక ఫీచర్‌ని తీసుకురాబోతుంది. అయితే దీని కోసం ప్రత్యేకమైన యాప్‌ని కాకుండా యూట్యూబ్‌లోనే యూజర్స్‌కి  అందుబాటులోకి తీసుకురానుంది.  దీని కోసం ఇప్పటికే యూట్యూబ్‌ ప్రయత్నాలు మొదలు పెట్టింది. సిలికాన్‌ వ్యాలి టెక్‌ కంపెనీలు టిక్‌టాక్‌ దూకుడుకి అడ్డుకట్టవేయడానికి అన్ని ప్రయత్నాలు చేస్తున్నాయి.  ఈ విషయంలో లైసెన్డ్స్‌ మ్యూజిక్‌ కలిగి ఉండటమనేది యూట్యూబ్‌కి ఎక్కువ ప్రయోజనంగా ఉంటుంది. కొద్దిగా ఆలస్యమైన ఈ విషయంలో యూట్యూబ్‌ టిక్‌టాక్‌కి మంచి పోటీని ఇవ్వగలదని నిపుణులు అభిప్రాయపడుతున్నారు.  యూట్యూబ్‌ విషయంలో ఆశ్చర్యపోయే మరో విషయం ఏంటంటే  యూట్యూబ్ గతంలో ఇతర ప్రముఖ సోషల్ మీడియా ప్లాట్‌ఫామ్‌ల నుంచి కూడా ఇలాంటివి తీసుకుంది. ఉదాహరణకు యూట్యూబ్ స్టోరీస్. ప్రారంభంలో యూట్యూబ్ స్టోరీస్ అనవసరం అని  భావించినప్పటికీ, యూట్యూబ్ సృష్టికర్తలు దానిని అప్‌డేట్స్‌, ప్రకటనల కోసం  ఉపయోగించారు. యూట్యూబ్‌కి ఇప్పటికే ఉన్న యూజర్లూ ‘షార్ట్స్‌’ను ఎక్కువగా ఆదరిస్తే.. ఇక టిక్‌టాక్‌, యూట్యూబ్‌ యుద్దం మొదలవుతుందని అందరి అంచనా. 

శాన్‌ఫ్రాన్సిస్కో: ఇటీవల డార్క్‌ మోడ్‌ను ప్రవేశపెట్టిన వాట్సాప్‌ త్వరలో స్వీయ అంతర్ధాన సందేశ (సెల్ఫ్‌ డిస్ట్రక్షన్‌ మెసేజెస్‌) వెసులుబాటును అందుబాటులోకి తీసుకురానుంది. ఈ ఫీచర్‌ అందుబాటులోకి వస్తే యూజర్లు తాము పంపే మెసేజ్‌లను ఆటోమేటిక్‌గా డిలీట్‌ చేసేలా సెట్టింగు పెట్టుకోవచ్చు. నిర్ణీత కాలం తర్వాత (గంట, రోజు, వారం, నెల, సంవత్సరం) ఆ మెసేజ్‌లు డిలీట్‌ అయిపోతాయి. ఈ ఫీచర్‌పై వాట్సాప్‌ డెవలపర్లు కసరత్తులు చేస్తున్నట్లు ఓ టెక్‌ వెబ్‌సైట్‌ తెలిపింది. మొదటగా ఈ ఫీచర్‌ను గ్రూపు చాట్‌లకు మాత్రమే పరిమితం చేసే యోచననలో ఉన్నారు. గ్రూపు సెట్టింగ్స్‌లో ఈ ఫీచర్‌కు సంబంధించిన మరిన్ని సెట్టింగులను ఉంచనున్నారు. ఇతర ఫీచర్లలాగే మొదట ఇది వాట్సాప్‌ బీటా యూజర్లకు వచ్చే అవకాశం ఉంది. పూర్తి పరిశీలన అనంతరం అప్‌డేట్‌ ద్వారా యూజర్లందరికీ అందిస్తారు.   

న్యూఢిల్లీ : ఫేస్‌బుక్‌కు చెందిన ఇన్‌స్టంట్‌ మెసేజింగ్‌ యాప్‌ వాట్సాప్‌ సరికొత్త ఫీచర్‌తో ముందుకు రానుంది. యూజర్ల భద్రత, గోప్యతలను పరిరక్షించే చర్యల్లో భాగంగా ఈ ఫీచర్‌ను జోడిస్తోంది. ఇకపై వాట్సాప్‌ యూజర్లు పాస్‌వర్డ్‌ను ఉపయోగించడం ద్వారా తమ చాట్‌ బ్యాక్ అప్ను కాపాడుకునే వెసులుబాటు అందుబాటులోకి రానుంది. పాస్‌వర్డ్‌ ప్రొటెక్ట్‌ బ్యాక్ అప్స్‌ అనే ఫీచర్‌ పేరుతో న్యూ అప్‌డేట్‌ ఉంటుందని డబ్ల్యూఏబీటాఇన్ఫో వెల్లడించింది. బీటా యూజర్లకే నూతన ఫీచర్‌ అందుబాటులో ఉంటుందని తెలిపింది. ప్రస్తుతం ఒక ఫోన్‌ నుంచి మరో ఫోన్‌కు మారిన క్రమంలో వాట్సాప్‌ చాట్స్‌ను కలిగి ఉండటంలో ఇబ్బందులు ఎదురవుతున్నాయి. (సోషల్‌ మీడియా యాప్స్‌పై క్రిమినల్‌ కేసు) ఆండ్రాయిడ్‌ యూజర్లు మాత్రం తమ చాట్‌ బ్యాక్ అప్ను ఎన్‌క్రిప్టెడ్‌ ఫామ్‌లో సేవ్‌ చేసుకోగలుగుతున్నారు. ఇక ఎన్నాళ్లుగానో వేచిచూస్తున్న డార్క్‌ మోడ్‌ ఫీచర్‌ను యూజర్లందరికీ వాట్సాప్‌ మంగళవారం అందుబాటులోకి తీసుకువచ్చింది. ఇక యూజర్లు ఇప్పుడు తమ ఆండ్రాయిడ్‌ 10, ఐఓఎస్‌ 13 ఫోన్లలో డార్క్‌ మోడ్‌ ఆప్షన్‌కు మళ‍్లగానే ఆటోమేటిక్‌గా డార్క్‌ మోడ్‌ థీమ్‌ ఆన్‌ అవుతుంది. గత కొంతకాలంగా వాట్సాప్‌ పరీక్షిస్తున్న ఈ ఫీచర్‌ తాజాగా యూజర్లందరికీ అందుబాటులోకి వచ్చింది. చదవండి : వాట్సాప్‌లో ఈ రహస్య ఫీచర్‌ తెలుసా?

గూగుల్‌ సెర్చ్‌ ఇంజిన్‌లో దొరకనిదంటూ ఉండదని మనకు తెలిసిన విషయమే. ఏదైనా మనకు అనుమానం వస్తే వెంటనే గూగుల్‌ తల్లి ఉంది కదా అంటూ వెంటనే మొబైల్‌ను వాడుతున్న యూజర‍్లకు గూగుల్‌ ఇప్పుడు ఓ సరికొత్త ఫీచర్‌ను అందుబాటులోకి తీసుకొచ్చింది. ఇకపై యూజర్లు గూగుల్‌ సెర్చ్‌ ద్వారానే తమ ప్రీపెయిడ్‌ మొబైల్‌ను రీచార్జ్‌ చేసుకోవచ్చు. అందుకు గాను గూగుల్‌ సంస్థ దేశంలోని టెలికాం ఆపరేటర్లయిన ఎయిర్‌టెల్‌, వొడాఫోన్‌ ఐడియా, రిలయన్స్‌ జియో, బీఎస్‌ఎన్‌ఎల్‌ కంపెనీలతో భాగస్వామ్యం అయింది. ఈ క్రమంలో యూజర్లు గూగుల్‌ సెర్చ్‌లో ప్రీపెయిడ్‌ మొబైల్‌ రీచార్జ్‌ అని టైప్‌చేసి సెర్చ్‌ చేస్తే వచ్చే ఆప్షన్‌లలో తమ మొబైల్‌ నెంబర్‌, ఆపరేటర్‌, ప్లాన్‌ వివరాలను ఎంటర్‌ చేసి అక్కడి నుంచి నేరుగా తమ మొబైల్‌ను రీచార్జ్‌ చేసుకోవచ్చు. అందుకుగానూ.. పేటీఎం, ప్రీచార్జ్‌, గూగుల్‌ పే తదితర పేమెంట్‌ ఆప్షన్లను గూగుల్‌ అందిస్తున్నది.  

సాక్షి, న్యూఢిల్లీ:  డిజిటల్‌ చెల్లింపుల సంస్థ ఫోన్‌పే వినియోగదారుల సౌలభ్యం కోసం సరికొత్త వెసులు బాటునుకల్పించింది. తన ప్లాట్‌ఫాంలో లావాదేవీలను మరింత  సులువుగా  జరుపుకునేలా వినియోగదారులకు  చాట్‌ ఫీచర్‌ను లాంచ్‌ చేసింది. ఆండ్రాయిడ్‌, ఐఓఎస్‌ ప్లాట్‌ఫాంలలో చాట్‌ ఫీచర్‌ను ప్రారంభించింది. ఈ ఫీచర్ ద్వారా, యూజర్లు ఇప్పుడు మరే ఇతర మెసేజింగ్ అనువర్తనం అవసరం లేకుండా డబ్బును అడగడం లేదా ధృవీకరణ కోసం చెల్లింపు రసీదును కూడా సెండ్‌ చేసుకోవచ్చు. ఫోన్‌పే చాట్ ద్వారా వినియోగదారులు, అవతలివారితో  చాట్‌ చేస్తూ ట్రాన్సాక్షన్‌ పూర్తి చేయవచ్చు. అలాగే ఈ  చాట్‌కు  సంబంధించిన  చాట్‌ హిస్టరీ  కూడా ‘చాట్‌ ఫ్లో’ లో డిస్‌ ప్లే అవుతుంది. దీంతో ఆ తరువాత లావాదేవీ కూడా సులభం అవుతుంది. తమ చాట్‌ ఫీచర్‌  తమ కస్టమర్లకు చాలా ఆకర్షణీయమైన అనుభవంగా మారుతుందని ఫోన్‌పే అని సహ వ్యవస్థాపకుడు, సీటీవో రాహుల్ చారి ఒక ప్రకటనలో తెలిపారు.  రాబోయే వారాల్లో ఫోన్‌పే చాట్‌ను గ్రూప్ చాట్  ఫీచర్‌తో మరింత మెరుగుపరుస్తామని చారి తెలిపారు. ఆండ్రాయిడ్, ఐఓఎస్ పరికరాల కోసం వారం క్రితం లాంచ్ చేసిన ఈ ఫీచర్ 185 మిలియన్ల ఫోన్‌పే వినియోగదారులకు అందుబాటులోకి వచ్చిందని కంపెనీ తెలిపింది. ఫోన్‌పే యాప్‌లో ఈ ఫీచర్‌ను ఎలా వాడాలి? యాప్‌ను ఓపెన్‌ చేసి కాంటా‍క్ట్‌ లిస్ట్‌ నుంచి సంబంధిత  కాంటాక్ట్‌ నెంబరును ఎంచుకోవాలి ఇక్కడ రెండు ఆప్లన్లు ఉంటాయి.  1. చాట్‌ 2. సెండ్‌ చాటింగ్‌ కోసం చాట్‌ అనే ఆప్షన్‌ ఎంచుకోవాలి. నగదు పంపడానికి సెండ్‌ అనే ఆప్షన్‌ ఎంచుకొని, నగదును పంపొచ్చు.

హైదరాబాద్‌ : తెలుగు రాష్ట్రాల్లో వైఫై కాలింగ్‌ను ఎయిర్‌టెల్‌ లాంఛ్‌ చేసింది. ఎయిర్‌టెల్‌ స్మార్ట్‌ఫోన్‌ కస్టమర్లకు మెరుగైన వాయిస్‌ కాలింగ్‌ అనుభూతిని వైఫై కాలింగ్‌ అందుబాటులోకి తీసుకువస్తుందని సంస్థ వెల్లడించింది. ఏ నెట్‌వర్క్‌లోని కస్టమర్లకైనా ఎయిర్‌టెల్‌ వైఫై కాలింగ్‌ను రిసీవ్‌ చేసుకోవచ్చని, ఎయిర్‌టెల్‌ వైఫై కాలింగ్‌పై చేసే కాల్స్‌కు ఎలాంటి అదనపు చార్జీలు ఉండవని స్పస్టం చేసింది. వైఫై సేవలపై కస్టమర్లు ఆసక్తి కనబరుస్తుండటంతో తొలుత తెలుగు రాష్ట్రాల్లోని కస్టమర్లకు తొలుత దీన్ని అందుబాటులోకి తీసుకువచ్చేందుకు కృషిచేశామని భారతి ఎయిర్‌టెల్‌ ఏపీ, తెలంగాణా సీఈవో అన్వీస్‌ సింగ్‌ పూరి వెల్లడించారు. ఎయిర్‌టెల్‌ వైఫై కాలింగ్‌కు ఎలాంటి యాప్‌ను డౌన్‌లోడ్‌ చేసుకోవాల్సిన అవసరం లేదని చెప్పారు. వైఫై కాలింగ్‌కు అనుగుణంగా తాజా వెర్షన్‌కు ఫోన్‌ ఆపరేటింగ్‌ సాఫ్ట్‌వేర్‌ను కస్టమర్లు అప్‌గ్రేడ్‌ చేసుకోవాల్సి ఉంటుంది. మొబైల్‌ ఫోన్‌ సెట్టింగ్స్‌లోకి వెళ్లి వైఫీ కాలింగ్‌ స్విచ్‌ ఆన్‌ చేసుకోవాలి. ప్రస్తుతం ఎయిర్‌టైల్‌ వైఫై కాలింగ్‌ను 6ఎస్‌తో పాటు ఆపైన వెలువడిన అన్ని యాపిల్‌ ఐఫోన్లు, షియామీ రెడ్మీ కే20, రెడ్‌మీ కే20 ప్రొ, శాంసంగ్‌ జే 6, ఏ 10, ఒన్‌ 6, ఎస్‌ 10, ఎస్‌ 10ప్లస్‌, ఎస్‌ 10ఈ, ఎం20 ఒన్‌ప్లస్‌ 7, 6 సిరీస్‌ ఫోన్లన్లీ సపోర్ట్‌ చేస్తాయి.

సాక్షి, ముంబై: వాల్‌మార్ట్‌ సొంతమైన భారత ఇకామర్స్‌ దిగ్గజం ఫ్లిప్‌కార్ట్ తన వినియోగదారులకు శుభవార్త అందించింది. ఆన్‌లైన్‌ లావాదేవీల సందర్భంగా కొత్త కస‍్టమర్లకు మరింత సౌలభ్యాన్ని అందుబాటులోకి తీసుకొచ్చింది.  షాపింగ్ అనుభవాన్ని మెరుగుపరచడానికి ‘ఫ్లిప్‌కార్ట్ సాథీ’ అనే ‘స్మార్ట్ అసిస్టివ్‌ ఇంటర్‌ఫేస్’ ఫీచర్‌ను ప్రవేశపెట్టింది. హిందీ, ఇంగ్లీషు భాషల్లో  టెక్స్ట్, ఆడియో-గైడెడ్ నావిగేషన్ ద్వారా మొదటిసారి ఇకామర్స్ వినియోగదారులే లక్ష్యంగా దీన్ని తీసుకొచ్చింది.  గ్రామీణ భారతదేశం, టైర్‌ 2, 3 నగరాల్లో ఆన్‌లైన్ లావాదేవీలను సౌకర్యవంతంగా, సులభంగా చేయడంతో పాటు, మరింత ఎక్కువమంది యూజర్లను సాధించాలని లక్ష్యంగా పెట్టుకుంది. రానున్న 200 మిలియన్ల వినియోగదారులను ఆన్‌లైన్‌లోకి తీసుకురావాలని ప్రయత్నిస్తున్నామని ఫ్లిప్‌కార్ట్ సీఈవో కల్యాణ్ కృష్ణమూర్తి వెల్లడించారు. కొత్త వినియోగదారులు తమ స్వంతంగా బ్రాండ్లు, ఉత్పత్తుల ఎంపిక, ఫిల్టర్ చేయడంలో సహాయం అవసరమని తమ అధ్యయనంలో గ్రహించామనీ,  ఈ నేపథ్యంలోనే ఆడియో పాఠాల(ఆడియో-గైడెడ్ నావిగేషన్)  ఫీచర్‌ను తీసుకొచ్చామని తెలిపారు. ఈ కొత్త ఫీచర్‌ కొత్తగా ఆన్‌లైన్‌ షాపింగ్‌ చేస్తున్న ఫ్లిప్‌కార్ట్‌ వినియోగదారులకు టెక్స్ట్‌ ఆడియో ద్వారా  అవగాహన కల్పిస్తుంది, మార్గ నిర్దేశనం చేస్తుంది. ఆన్‌లైన్ షాపింగ్ అనుభవాన్ని, ఆస్వాదించడాన్ని ఈ ఫీచర్‌ మరింత సులభతరం చేస్తుందని ఫ్లిప్‌కార్ట్‌ చీఫ్ ప్రొడక్ట్ అండ్ టెక్నాలజీ ఆఫీసర్ జయంద్రన్ వేణుగోపాల్ అన్నారు. ఆన్‌లైన్‌ షాపింగ్‌ సందర్భంగా వినియోగదారులు ఇతరులపై ఆధారపడటాన్ని తగ్గించడం కూడా స్మార్ట్ అసిస్టివ్ ఇంటర్‌ఫేస్ లక్ష్యమని చెప్పారు.  

సాక్షి, న్యూఢిల్లీ : క్యాబ్‌ డ్రైవర్లు ప్రయాణికులతో అసభ్యంగా ప్రవర్తిస్తున్నారంటూ అడపా దడపా ఫిర్యాదులు వస్తున్న విషయం తెల్సిందే. విదేశాల్లో అయితే క్యాబ్‌ డ్రైవర్లు లైంగిక వేధింపులకు పాల్పడుతున్నట్లు మహిళల నుంచి ఫిర్యాదులు ఎక్కువవుతున్న నేపథ్యంలో ప్రపంచంలోనే అతిపెద్ద టాక్సీల నెట్‌వర్క్‌ కలిగిన ‘ఉబర్‌’ ముందు జాగ్రత్త చర్యగా తన యాప్‌లో సరికొత్త ఫీచర్‌ను ప్రవేశ పెట్టబోతోంది. అదే ‘వాయిస్‌ ఆడియో రికార్డింగ్‌’ ఫీచర్‌. ఎందుకంటే డ్రైవర్, ప్రయాణికుల మధ్య జరిగే సంభాషణలను ఎప్పటికప్పుడు రికార్డు చేయడం కోసం. దీన్ని ముందుగా ప్రయోగాత్మకంగా వచ్చే నెల నుంచి లాటిన్‌ అమెరికా దేశాల్లో ప్రవేశపెట్టి, ఆ తర్వాత అమెరికాకు విస్తరిస్తామని ఉబర్‌ యాజమాన్యం తెలిపినట్లు ఓ అమెరికా మీడియా తెలిపింది. కారులో ఏం జరిగిందో తెలుసుకోవడానికి ఈ ఫీచర్‌ ఉపయోగపడుతుందని పేర్కొంది.  అదే విధంగా ఈ ఆడియో రికార్డింగ్‌ డ్రైవర్‌కుగానీ, ప్రయాణికులకుగానీ అందుబాటులో ఉండదని, ట్రిప్పు ముగియగానే ప్రయాణం సౌకర్యంగానే జరిగిందా ? అన్న ప్రశ్న ప్రయాణికులకు వెళుతుందని, వారి నుంచి సానుకూలమైన సమాధానం వచ్చినట్లయితే ఆడియో స్క్రిప్టును ప్రయాణికుల మాటలను విశ్లేషించే అనుబంధ ఏజెంట్‌కు పంపుతారని, ప్రయాణికులకు, డ్రైవర్‌ మధ్య ఇబ్బందులు, ఘర్షణ పరిస్థితి ఏర్పడితే పోలీసులకు అందజేయడం కోసం ఆడియో రికార్డింగ్‌ను భద్రపరుస్తామని ఉబర్‌ యాజమాన్యం వెల్లడించింది. అనవసరంగా ఎవరి ప్రైవసీని దెబ్బతీయమని తెలియజేసింది. అమెరికాలో ప్రజల ప్రైవసీకి సంబంధించి వివిధ రాష్ట్రాల్లో వేరు వేరు చట్టాలున్నాయని, డ్రైవర్, ప్రయాణికుల మాటలను రికార్డు చేయాలంటే వారిరువురి అనుమతి తప్పనిసరని మీడియా ఉబర్‌ యాజమాన్యం దృష్టికి తీసుకపోగా అప్పటికీ ఒకే జాతీయ చట్టం రావచ్చేమోనని వ్యాఖ్యానించింది. ప్రయోగాత్మకంగా అమెరికాలో కూడా ‘ఆడియో రికార్డింగ్‌ ఫీచర్‌’ విజయవంతం అయితే ఇతర దేశాలకు విస్తరించే అంశాన్ని పరిశీలిస్తామని యాజమాన్యం పేర్కొంది.   

న్యూయార్క్‌ : ప్రముఖ సోషల్ మీడియా  దిగ్గజం ఫేస్‌బుక్‌ మరోకొత్త  ఫీచర్‌ను ఆవిష్కరించింది. ఫేస్‌బుక్‌ యాప్‌లో ప్రత్యేక వార్తా విభాగాన్ని ప్రవేశపెట్టింది. 'న్యూస్ ట్యాబ్' పేరుతో సరికొత్త ఫీచరును అందుబాటులోకి తెచ్చింది. తద్వారా తన ప్లాట్‌ఫాంలో ఫేక్‌న్యూస్‌కు చెక్‌ పెట్టాలని భావిస్తోంది. కొంతకాలంగా ప్రయోగదశలో పరిశీలించిన ఈ ఫీచర్‌ను శుక్రవారం అమెరికాలో మాత్రమే అందుబాటుకి తెచ్చింది. భారత్ సహా ఇతర దేశాల్లో ఈ ఫీచర్‌ను త్వరలోనే  అందుబాటులోకి తేనుంది. న్యూయార్క్‌లో పాలే సెంటర్ ఫర్ మీడియాలో జరిగిన ఒక కార్యక్రమంలో ఫేస్‌బుక్‌ సీఈవో మార్క్‌ జుకర్‌బర్గ్ మాట్టాడుతూ, తొలిసారిగా తమ యాప్‌లో ప్రదర్శించే వార్తలకుగాను పబ్లిషింగ్ కంపెనీలకు కొంత సొమ్మును చెల్లించనున్నామని తెలిపారు.  అయిత ఫేస్‌బుక్‌లో తమ వార్తలకోసం ఆయా పబ్లిషర్లు  యాప్‌ లో రిజిస్టర్‌ చేసుకోవాల్సి వుంటుందని పేర్కొన్నారు. ఈ విభాగంలో జాతీయ, అంతర్జాతీయ, జనరల్‌ న్యూస్‌తోపాటు వివిధ విభాగాలకు చెందిన వార్తలు ఫేస్‌బుక్ యూజర్లకు అందుబాటులో వుంటాయి. ప్రధానంగా వాషింగ్టన్ పోస్ట్, వాల్ స్ట్రీట్ జర్నల్, ఎన్‌బీసీ న్యూస్ , ఏబీసీ న్యూస్ తోపాటు, చికాగో ట్రిబ్యూన్ డల్లాస్ మార్నింగ్ న్యూస్ స్థానిక అవుట్లెట్లతో సహా సుమారు 200 మంది ప్రచురణకర్తల వార్తలు, విశేషాలు ఫేస్‌బుక్‌లో  చదువు కోవచ్చు. ఈ ఫీచర్‌ను తీసుకురావడానికి, అసలైన రిపోర్టింగ్ ప్రాముఖ్యతను గుర్తించడానికి చాలా కష్టపడ్డామని ఫేస్‌బుక్‌ వార్తా భాగస్వామ్యాన్ని పర్యవేక్షించే కాంప్‌బెల్ బ్రౌన్ చెప్పారు. ఫేస్‌బుక్‌ వినియోగదారుడు ఎవరైనా సరే సంబంధిత వార్తను చదవాలంటే దానిపై క్లిక్ చేయాల్సి ఉంటుంది.  దీంతో ఫేస్‌బుక్ నుంచి లింక్ నేరుగా పబ్లికేషన్ కు రీ-డైరెక్ట్ అవుతుంది. పాత్రికేయ వృత్తికి మార్క్‌ జుకర్‌బర్గ్‌ ఇస్తున్న గౌరవం గొప్పదని ఇప్పటికే పలు వార్తా పత్రికల అధినేతలు  జుకర్‌బర్గ్‌పై ప్రశంసలు కురిపిస్తున్న సంగతి తెలిసిందే. 

టోక్యో : మనం బస్సులోగానీ రైళ్లోగానీ ప్రయాణిస్తున్నప్పుడు పక్క సీట్లోని బేబీ ఏడ్చినా, అల్లరి చేసినా మనకు చికాగు వేస్తుంది. ఒక్కోసారి ఏమిటీ నరకం అని కూడా అనిపిస్తుంది. అలాంటి అనుభవం విమానంలోనే ఎదురైతే విమాన ప్రయాణికుల్లో ఎక్కువ మంది అస్సలు తట్టుకోరు. అలాంటి ఇబ్బందులు ఎదురుకాకూడదని కోరుకునే వారి కోసం జపాన్‌ ఎయిర్‌ లైన్స్‌ (జేఏఎల్‌) టిక్కెట్ల రిజర్వేషన్‌ బుకింగ్‌లో కొత్త ఫీచర్‌ను ప్రవేశపెట్టింది. టిక్కెట్‌ బుకింగ్‌ అప్పుడు రెండేళ్ల లోపు పిల్లలు ఏ వరుసలో, ఏ సీటులో కూర్చున్నారో తెలియజేస్తూ ఓ పిల్లల ఐకాన్‌ కనిపిస్తుంది. దాంతో ఆ సీటును వదిలేసి  ఖాళిగా ఉన్న సీట్లలో మనం ఎక్కడ కూర్చోవాలో ముందుగానే నిర్ణయించుకొని టిక్కెట్‌ బుక్‌చేసుకోవచ్చు. అందుకు ‘సీట్‌ అరెంజ్‌మెంట్‌’ చార్ట్‌ ఉపయోగపడుతుంది. అలాగే ఎనిమిది రోజుల బేబీ నుంచి రెండేళ్ల లోపు బేబీలను తీసుకొచ్చే ప్రయాణికులు కూడా ‘బేబీ ఐకాన్‌’ చూపిన సీటునే ముందుగా బుక్‌ చేసుకోవాలి. పిల్లలను తీసుకొచ్చిన వారికి మాత్రం తలనొప్పులు తప్పవు. ఈ ఫీచర్‌ గురించి తెలుసుకున్న ప్రయాణికులు మాత్రం ట్విట్టర్‌లో ప్రశంసల జల్లు కురిపిస్తున్నారు. 

సాక్షి: ప్రముఖ చాటింగ్‌ యాప్‌ వాట్సాప్‌లో ప్రజలను తప్పుదోవ పట్టించే అంశాలను అరికట్టడానికి కొత్త ఫీచర్‌ను అందుబాటులోకి తీసుకురావాలని ఆ సంస్థను కేంద్ర ప్రభుత్వం కోరింది. ఈ నేపథ్యంలో ప్రతీ యూజర్‌కి ఫింగర్‌ ప్రింట్‌తో కూడిన ఒక డిజిటల్‌ సంతకం ఉండాలనీ, దీని వల్ల మెసేజ్‌ లేదా వివాదాస్పద విషయాలు వ్యాప్తి చేసే అసలు వ్యక్తిని గుర్తించవచ్చని ప్రభుత్వం ఈ నిర్ణయం తీసుకుంది. ఈ ఫీచర్‌ అందుబాటులోకి వస్తే వాట్సాప్‌ ద్వారా మనం ఇతరులకు పంపే కంటెంట్‌పై మన డిజిటల్‌ సంతకం ఉంటుంది.దీంతో ఆయా మెసేజ్‌లను ఎంతమంది చూశారు? ఎంతమందికి షేర్‌ చేశారు? అనే విషయాలు తెలుసుకోవచ్చు. ఇప్పడున్న మెటాడేటా పద్ధతి ప్రకారం ఇలాంటి వాటినిగుర్తించండం సాధ్యం కావడంలేదని ప్రభుత్వాల  ఆరోపణ.  అయితే ఈ ఫీచర్‌ వల్ల ఇప్పటికే ఉన్న ఎండ్‌ టు ఎండ్‌ ఎన్‌క్రిప్షన్‌కు ఎలాంటి ఇబ్బంది ఉండదని, కేవలం ప్రభుత్వం అనుమతించిన శాంతి భద్రతల విభాగాలే కంటెంట్‌నుపరిశీలిస్తాయి తప్ప మరెవరికీ ఆక్సెస్‌ ఉండదని చెప్తున్నారు. దీనివల్ల పౌరుల హక్కులకు ఏమాత్రం భంగం కలగదని ప్రభుత్వ వర్గాలు హామీనిస్తున్నాయి.ఈ సౌలభ్యం ఉండాలని మన దేశమే కాకుండా ఇతర దేశాలు కూడా కోరుతున్నాయి. దీంతో సమాజంలో ఫేక్‌ న్యూస్‌లు రాకుండా నిరోధించవచ్చని వాటి అభిప్రాయం. ఆస్ట్రేలియా, సింగపూర్‌లలో అయితే ఇప్పటికే  అనుమానం వచ్చిన తమ పౌరుల ప్రైవేట్‌ గ్రూప్‌ చాట్‌లను చెక్‌ చేసే విధంగా పోలీసులకు అధికారాలిచ్చే కొత్త చట్టాలను ఆయా ప్రభుత్వాలు తెచ్చాయి. కానీ, ప్రభుత్వం అడిగిన ఈ ఫీచర్‌ పెట్టాలంటే ఆ కంపెనీ యజమాని అయిన ఫేస్‌బుక్‌కు మెత్తం వాట్సాప్‌ను రీస్ట్రక్చర్‌ చేయాల్సిన పరిస్థితి రావచ్చని నిపుణులు అభిప్రాయపడుతున్నారు.   

సాక్షి, న్యూఢిల్లీ:  స్మార్ట్‌ఫోన్ల రంగంలో వినూత్నమైన, అద్భుతమైన  ఫీచర్లు  వినియోగదారులను ఆకట్టుకుంటున్నాయి. ముఖ్యంగా భారీ  సెల్పీ కెమెరా, భారీ డిస్‌ప్లే.. డబుల్‌, ట్రిపుల్‌ కెమెరా.. ఫోల్డబుల్‌ ఇలా అద్భుతమైన   స్మార్ట్‌ఫోన్లను యాడ్‌ అవుతూ వస్తున్నాయి. తాజాగా  గూగుల్‌ పిక్సెల్‌ మరో సరికొత్త, ఆకర్షణీయ ఫీచర్‌ను  అందుబాటులోకి తీసుకొచ్చింది. గూగుల్‌ పిక్సెల్‌ 3  స్మార్ట్‌ఫోన్‌లో అద్భుతమైన ఫీచర్‌ అందిస్తోంది.   కిస్‌ ఇస్తే..సెల్ఫీ..అవును...మీ ఇష్టులకు, ప్రేమికులకు ముద్దు పెడితే.. స్మార్ట్‌ఫోన్‌ ఆటోమేటిగ్గా సెల్ఫీ తీసే ఫీచర్‌ను జోడించింది.  ఈ విషయాన్ని స్వయంగా తన గూగుల్‌ బ్లాగ్‌పోస్ట్‌లో వివరించింది.  ఆర్టిఫిషియల్‌ ఇంటిలిజెన్సీ అధారంగా ఈ పనిచేసే ఈ ఫీచర్‌లో పిక్సెల్‌ కెమెరా ఆప్‌లో అప్‌డేట్‌ చేసింది.  ఈ స్మార్ట్‌ఫోన్‌లో  ఫోటోబూత్‌ అనే ఒక మోడ్‌ను అందిస్తోంది. దీని  ద్వారా  నాణ‍్యమైన సెల్ఫీ  తీసుకోవచ్చట. ఫోటో బూత్‌లోని షట్టర్‌ ఫ్రీ బటన్‌ ఆటోమేటిగ్గా ఫోటో తీస్తుంది. కిస్‌ డిటెక్షన్‌ మోడ్‌ ఫీచర్‌  ప్రధానంగా 5 ముఖ్యమైన ఫీలింగ్స్‌ను కెమెరా గుర్తించగలదు. అంతేకాదు మరో విశేషం కూడా ఉంది.  ఫోటో తీస్తున్నపుడు..  మన కళ్లు తెరిచి ఉన్నాయా లేదా.. ఎక్స్‌ప్రెషన్స్‌ ఎలా ఉన్నాయి..   కదులుతున్నామా?  స్థిరంగా  ఉన్నామా ? అనే విషయాన్ని కూడా ఈ కెమెరా పరిశిలీస్తుందట.  అన్నీ నిర్ధారించుకున్న తరువాతే ఫోటో క్లిక్‌ చేస్తుందట. 

సాక్షి,ముంబై: సోషల్‌ మీడియా దిగ్గజం ఫేస్‌బుక్‌ సొంతమైన మెసేజింగ్‌ యాప్‌ వాట్సాప్‌ కొత్త ఫీచర్‌ను లాంచ్‌ చేయనుంది. దేశీయంగా సార్వత్రిక ఎన్నికల్లో భాగంగా తొలిదశ పోలింగ్‌కు సమయం దగ్గర పడుతున్న సమయంలో ఈ కీలక నిర్ణయం తీసుకుంది. ముఖ్యంగా  ఫేక్‌ న్యూస్‌ను అరికట్టేందుకు ఫార్‌వర్డింగ్‌ ఇన్ఫో, ఫ్రీక్వెంట్లీ ఫార్వర్డెడ్‌ లాంటి ఫీచర్లను ఇటీవల లాంచ్‌ చేసిన వాట్సాప్‌ తాజాగా గ్రూపు అడ్మిన్‌లకు మరిన్ని అధికారాలను ఇస్తూ ఓ సరికొత్త ఫీచర్‌ను తీసుకొస్తోంది.   ఫీక్వెంట్లీ ఫార్వర్డెడ్‌ (తరచుగా  ఫార్వార్డ్‌ చేసిన మెసేజ్‌)  నిరోధానికి మరో కొత్తలేబుల్‌ను ఆవిష్కరించనుంది. దీంతో సదరు మెసేజ్‌ ఎన్నిసార్లు ఫార్వార్డ్ అయిందో చెక్‌ చేసుకోవచ్చన్న మాట. నకిలీ వార్తల వ్యాప్తిని నిరోధించడానికి వాట్సాప్ తీసుకున్నచర్యల్లో ఇది తదుపరి దశగా భావిస్తున్నారు. తద్వారా వినియోగదారులకు నిరంతరం ఫార్వార్డ్‌ అవుతున్న మెసేజ్‌ల తలనొప్పులకు చెక్‌ పెట్టనుంది.  వా బేటా అందించిన సమాచారం ప్రకారం ప్రస్తుతం ఆండ్రాయిడ్‌ ఫోన్లకోసం ఈ ఫీచర్‌ను పరీక్షిస్తోంది.  అనంతరం గ్రూపు సెటింగ్స్‌లో ఈ ఫీచర్‌తో త్వరలోనే అప్‌డేట్‌ చేయనుంది.   దీని ప్రకారం ఒక్క అడ్మిన్‌ తప్ప ఈ  ఫీక్వెంట్లీ ఫార్వర్డెర్డ్‌ ఆప‍్షన్‌ను చూసే, లేదా ఎడిట్‌ చేసే అవకాశం లేదు. అంతేకాదు సదరు మెసేజ్‌ను పార్వార్డ్‌ చేయాలా లేదా వద్దా అనేది కూడా గ్రూప్‌ అడ్మిన్‌ నిర్ణయించాల్సి ఉంటుంది.  దీంతో అసంబద్ధ, లేదా అసత్య వార్తల  తొందరగా వ్యాపించే ప్రక్రియ నెమ్మదిస్తుందని సంస్థ భావిస్తోంది.  కాగా  రూమర్లు,  అసత్య వార్తలు, నకిలీ వార్తల  వ్యాప్తిలో తన  ప్లాట్‌ఫాం దుర్వినియోగాన్ని నివారించేందుకు కేంద్ర ప్రభుత్వం, చట్ట సంస్థలు, ఫాక్ట్‌ చెకర్స్, ఇతర స్వచ్ఛంద సంస్థలతో   వాట్సాప్‌  కలిసి  పనిచేస్తున్న సంగతి తెలిసిందే. 

న్యూయార్క్‌: ఫేస్‌బుక్‌ యూజర్లకు త్వరలో మరో కొత్త ఫీచర్‌ అందుబాటులోకి రానుంది. ఉదయం లేచిన దగ్గర నుంచి రాత్రి పడుకునేవరకు ఫేస్‌బుక్‌లో ఏయే పోస్టింగులు చూశాం? ఎవరెవరికి మెసేజ్‌లు, ఫొటోలు షేర్‌ చేశాం? తదితర విషయాలు ఇతరులెవరూ తెలుసుకోకుండా ఉండాలంటే మన ఖాతా హిస్టరీని క్లియర్‌ చేసుకోవాల్సి ఉంటుంది. ఇప్పటిదాకా ఇంటర్నెట్‌ బ్రౌజర్లను వినియోగించిన తర్వాత మాత్రమే క్లియర్‌ హిస్టరీ ఆప్షన్‌ ఉండేది. ఇప్పుడు ఫేస్‌బుక్‌ వినియోగదారులకు కూడా క్లియర్‌ హిస్టరీ ఫీచర్‌ అందుబాటులోకి రానుంది. ఈ ఫీచర్‌ సహాయంతో యూజర్లు తమ ఫేస్‌బుక్‌ అకౌంట్‌లో బ్రౌజింగ్‌ హిస్టరీ మొత్తాన్ని చాలా సులభంగా క్లియర్‌ చేసుకోవచచ్చు. దీని వల్ల యూజర్లకు మరింత ప్రైవసీ లభిస్తుంది. వారి సమాచారం మరింత సురక్షితంగా ఉంటుంది. దీంతో యూజర్లు ఫేస్‌బుక్‌లో ఏమేం చేశారో హ్యాకర్లకు కూడా తెలిసే అవకాశం ఉండదు. అయితే ఈ ఫీచర్‌ను ఎప్పుడు అందుబాటులోకి తెచ్చేది ఫేస్‌బుక్‌ వెల్లడించలేదు.    

సాక్షి, న్యూఢిల్లీ: ప్రముఖ మేసేజింగ్ అప్లికేషన్ వాట్సాప్ త్వరలో మరో బ్రహ్మాండమైన సదుపాయాన్ని వినియోగదారులకు అందించబోతోంది. ఎప్పటికప్పుడు యాప్‌ను అప్ డేట్ చేస్తూ వినియోగదారులను ఆకట్టుకొనే వాట్సాప్ బీటా వెర్షన్ తాజాగా ఓ కొత్త  ఫీచర్‌ను అందించబోతోంది. ముఖ్యంగా ఒకే మెసేజ్‌ను పది గ్రూపుల ద్వారా తిప్పి తిప్పి వందసార్లు రిసీవ్‌ చేసుకుంటూ.. విసిగెత్తిపోతున్న వాట్సాప్‌ యూజర్లకు(ఇష్టం లేకపోతే ఆయా గ్రూపులనుండి  బయటకు వచ్చే అవకాశం ఉన్నా) ఇది నిజంగా మంచి ఊరట నిచ్చే ఫీచరే.  ఎందుకంటే  ఏదైనా గ్రూపులో చేరాలా వద్దా? అనేది  ఇకపై వాట్సాప్‌  వినియోగదారుల చేతుల్లోనే ఉండబోతోంది. ఎవరు బడితే వారు, గ్రూపుల్లో యాడ్‌ చేయకుండా నియంత్రించేలా వాట్సాప్‌ మూడు ఆప‍్షన్లను తీసుకురాబోతోంది.  వాబేటా ఇన్ఫో.కాం అందించిన సమాచారం ప్రకారం ఇన్విటేషన్‌ ఫీచర్‌ను జోడించనుంది. ఇప్పటికే ఈ ఫీచర్‌ను వాట్సాప్‌ బిజెనెస్‌లో అమలు చేస్తుండగా..అదనపు భద్రత కోసం వాట్సాప్‌లో కూడా తీసుకు రాబోతోంది. తమను  గ్రూప్స్‌లో  ఎవరు జోడించవచ్చో  స్వయంగా యూజర్లే ఎంచుకోవడానికి అనుమతించే ఫీచర్‌ అన్నమాట.  దీని ప్రకారం ప్రైవసీ సెటింగ్స్‌లో మూడు ఆప్లన్లు  ఉంటాయి. 1. నోబడీ :  ఎవరికీ మిమ్మల్ని గ్రూపులో  జోడించే అవకాశం  ఉండదు 2. మై కాంటాక్ట్స్‌ : కాంటాక్ట్స్‌లో ఉన్న వారు మాత్రమే యూజర్‌ను గ్రూపులో యాడ్‌ చేసేందుకు అనుమతినివ్వడం 3. ఎవ్రీవన్‌ :  అంటే  యూజర్‌ పరిచయం లేకపోయినా,  కాంటాక్ట్స్‌లో లేకపోయినా  గ్రూపులో యాడ్‌ చేసేలా అనుమతినివ్వడం. ఈ ఫీచర్ త్వరలో వాట్సాప్ బీటాకి పరిచయం మవుతుందని భావిస్తున్నారు. అలాగే ప్రస్తుతం టెస్ట్‌ వెర్షన్‌ కూడా అందుబాటులో  ఉంది, ఆసక్తి  వున్నవారు దాన్ని ప్రయత్నించవచ్చట. అయితే బగ్స్‌ ఎటాక్‌, క్రాష్‌లాంటి సమస్యలు తలెత్తే అవకాశం ఉందని అప్రమత్తంగా ఉండాలని సూచించింది. ఇలాంటి సమస్యలను ఎదుర్కొంటే,  ఈలింక్‌పై  క్లిక్‌ చేసి టెస్టింగ్‌ ప్రోగ్రాం నుంచి  వైదొలగవచ్చని వాబేటా అందించిన రిపోర్టులో నివేదించింది. 

ముంబై : యూట్యూబ్‌లోనే, ఫేస్‌బుక్‌లోనే మంచి వీడియోనో, సినిమానో చూస్తుంటాం.. సడెన్‌గా వాట్సాప్‌లో మెసెజ్‌ వస్తుంది. అప్పుడేం చేస్తాం.. వీడియోను పాస్‌ చేసి.. వాట్సాప్‌ ఓపెన్‌ చేసి రిప్లై ఇస్తాం. మళ్లీ యూట్యూబ్‌ ఓపెన్‌ చేసి వీడియో చూడ్డం కంటిన్యూ చేస్తాం. ఇది ఇప్పటిదాకా పరిస్థితి. అదే ఐఫోన్‌ యూజర్లకైతే ఈ పరిస్థితి ఉందదు. వారు ఎంచక్కా వీడియోలను ఎంజాయ్‌ చేస్తూనే.. వాట్సాప్‌లో చాట్‌ చేస్తూంటారు. కానీ ఆండ్రాయిడ్‌ యూజర్లకు ఈ సౌలభ్యం లేదు. కానీ ఇక మీదట  అలా జరగదంటూన్నారు వాట్సాప్‌ అధికారులు. ఎందుకంటే ఆండ్రాయిడ్ యూజర్ల కోసం కూడా ఈ అద్భుత ఫీచర్‌ని అందుబాటులోకి తెచ్చింది వాట్సాప్. ‘పిక్చర్ ఇన్ పిక్చర్’ పేరిట నయా ఫీచర్  ఒకటి వాట్సాప్‌లోకి వచ్చేసింది. ఈ ఫీచర్ ద్వారా వీడియోలని మరో యాప్‌కి రీడైరెక్ట్ కాకుండానే వాట్సాప్‌లోనే ప్రత్యేక విండోలో చూసే అద్భుత అవకాశాన్ని యూజర్లందరికి కల్పించింది. దాంతో ఇతరులతో చాటింగ్ చేస్తూనే థర్డ్ పార్టీ యాప్స్ అయిన యూట్యూబ్, ఫేస్ బుక్, ఇన్ స్టాగ్రామ్ వీడియోలని వాట్సాప్‌లోనే ప్లే చేసుకోవచ్చని అధికారులు తెలిపారు. అయితే ప్లేస్టోర్‌లో వాట్సాప్‌ వర్షన్ 2.18.380కి అప్‌డేట్ చేసుకున్నవాళ్లు మాత్రమే ఈ ఫీచర్‌ను వాడుకోవచ్చు. గ్రూప్‌ చాట్‌, సింగిల్‌ చాట్‌లను కూడా ఈ ఫీచర్‌ సపోర్ట్‌ చేస్తుందని వాట్సాప్‌​ అధికారులు తెలిపారు.

వాషింగ్టన్‌: ఫేస్‌బుక్‌కు తాను రాజీనామా చేయనని ఆ సంస్థ సీఈవో మార్క్‌ జుకర్‌బర్గ్‌ మంగళవారం మరోసారి స్పష్టం చేశారు. ఫేస్‌బుక్‌ సీవోవో (చీఫ్‌ ఆపరేటింగ్‌ ఆఫీసర్‌) షెరిల్‌ శాండ్‌బర్గ్‌ను కూడా ఆయన వెనకేసుకొచ్చారు. ‘ఈ కంపెనీకి షెరిల్‌ ఎంతో కీలకమైన వ్యక్తి. మాకున్న ఎన్నో సమస్యలను ఆమె మోస్తున్నారు. వాటిని పరిష్కరించేందుకు ఎంతో కృషి చేస్తున్నారు’ అని జుకర్‌బర్గ్‌ అన్నారు. గత దశాబ్దకాలంగా ఆమెతో కలిసి తాను పనిచేస్తున్నందుకు గర్వపడుతున్నాననీ, మరికొన్ని దశాబ్దాలపాటు తామిద్దరం కలిసే పనిచేస్తామని ఆశిస్తున్నానని ఆయన చెప్పారు. 2016 అమెరికా అధ్యక్ష ఎన్నికల్లో రష్యా జోక్యం అంశం మొదలుకుని ఇటీవలి కాలంలో ఫేస్‌బుక్‌కు  నిత్యం ఏదో ఒక సమస్య వచ్చిపడుతుండటం తెలిసిందే. నకిలీ వార్తలు, వినియోగదారుల వ్యక్తిగత సమాచారం బయటకు పొక్కడం, నిబంధలన ఉల్లంఘనలకు జరిమానాలు ఎదుర్కోవడం తదితర సమస్యలతో ఫేస్‌బుక్‌ సతమతమవుతోంది. అయితే వారం రోజుల క్రితం న్యూయార్క్‌ టైమ్స్‌ పత్రిక భారీ కథనం రాస్తూ ఫేస్‌బుక్‌ తమ ప్రత్యర్థి కంపెనీలపై బురదజల్లేందుకు వాషింగ్టన్‌కు చెందిన ఓ ప్రజా సంబంధాల కంపెనీని నియమించుకుందని వెల్లడించింది. ప్రత్యర్థి కంపెనీలకు వ్యతిరేకంగా ఆ సంస్థ కథనాలు రాయించి ప్రాచుర్యంలోకి తెచ్చిందంది. ఈ కంపెనీకి రిపబ్లికన్‌ పార్టీతో సంబంధాలున్నాయని తెలిపింది. అలాగే అమెరికా ఎన్నికల్లో ఫేస్‌బుక్‌ ద్వారా రష్యా జోక్యానికి సంబంధించి ఆ సంస్థకు ముందే సమాచారం ఉన్నా తగిన రీతిలో స్పందించలేదని ఆరోపించింది. ఫేస్‌బుక్‌ పెద్దలు ఆలస్యంగా స్పందించారనీ, నిర్లక్ష్యంగా వ్యవహరించారని న్యూయార్క్‌ టైమ్స్‌ పేర్కొంది. అవన్నీ అబద్ధాలే: జుకర్‌బర్గ్, షెరిల్‌ జుకర్‌బర్గ్, శాండ్‌బర్గ్‌లు న్యూయార్క్‌ టైమ్స్‌ కథనాన్ని ఖండించారు. వాషింగ్టన్‌ కంపె నీని ఫేస్‌బుక్‌ నియమించుకున్న సమాచారమే తమకు తెలీదనీ, ఆ పత్రికలో కథనం చదివిన తర్వాతనే తెలుసుకున్నామని వారిద్దరు చెప్పారు. ఇప్పుడు ఆ కంపెనీతో తమ సంస్థ సంబంధాలను రద్దు చేసుకుందని తెలిపారు. అలాగే రష్యా జోక్యం గురించి కూడా తమకు ముం దుగా తెలీదనీ, అంతా తెలి సినా మౌనంగా ఉన్నామనడం సరికా దని చెప్పారు. జుకర్‌బర్గ్‌ చైర్మన్‌ పదవి నుంచి దిగిపోవాలని కొంతకాలంగా ఆ సంస్థ పెట్టుబడిదారులు పెద్ద ఎత్తున డిమాండ్‌ చేస్తుండటం తెలిసిందే. కొత్త ఫీచర్‌ ‘యువర్‌ టైమ్‌’ ఫేస్‌బుక్‌ తాజాగా మరో కొత్త ఫీచర్‌ను ప్రవేశపెట్టింది. పనులు మానుకుని గంటల తరబడి ఫేస్‌బుక్‌కు అతుక్కుపోయే చాలా మందికి ఇది ఉపయోగడనుంది. ఫేస్‌బుక్‌ను మీరు ఎంతసేపు వాడుతున్నారో రోజువారీ, వారం వారీ లెక్కలను ఈ కొత్త ఫీచర్‌ మీకు తెలియజేస్తుంది. అంతేకాదు.. రోజుకు ఎంతసేపు మీరు ఫేస్‌బుక్‌ను వాడాలనుకుంటున్నారో ముందే నిర్ణయించి ఆ విధంగా సెట్టింగ్స్‌ను మార్చుకుంటే.. ఆ సమయం పూర్తి కాగానే మీరు అనుకున్న దానికన్నా ఎక్కువ సమయం ఫేస్‌బుక్‌ను బ్రౌజ్‌ చేస్తున్నారంటూ మీకు హెచ్చరికలు కూడా వస్తాయి. ఈ కొత్త ఫీచర్‌ను ఎనేబుల్‌ చేసుకునేందుకు ఫేస్‌బుక్‌ యాప్‌లో ‘సెట్టింగ్స్‌ అండ్‌ ప్రైవసీ’లోకి వెళితే ‘యువర్‌ టైమ్‌ ఆన్‌ ఫేస్‌బుక్‌’ అని కనిపిస్తుంది. ఆ ఆప్షన్‌ను ఎంచుకుంటే మీరు ఫేస్‌బుక్‌లో ఇప్పటివరకు గడిపిన సమయం కనిపించడంతోపాటు, రోజూ ఎంతసేపు బ్రౌజ్‌ చేయాలనుకుంటే అంత సమయం సెట్‌ చేసుకోవచ్చు. ఏ రోజైనా మీరు అంత కన్నా ఎక్కువ సమయం ఫేస్‌బుక్‌పై గడుపుతున్నట్లయితే వెంటనే మీకు ఫేస్‌బుక్‌ నుంచి హెచ్చరికలు వస్తాయి.

న్యూఢిల్లీ : మెసేజింగ్‌ మాధ్యమంలో విపరీతంగా దూసుకుపోతున్న వాట్సాప్‌, ఎప్పడికప్పుడు సరికొత్త ఫీచర్లతో అలరిస్తూ ఉంది. తాజాగా మరో సరికొత్త ఫీచర్‌ను వాట్సాప్‌ తీసుకొచ్చేందుకు టెస్ట్‌ కూడా చేస్తోంది. నోటిఫికేషన్ల కోసం కొత్తగా ఇన్‌లైన్‌ ఇమేజ్‌ స్టయిల్‌ను ఉపయోగించబోతుంది. అంటే వాట్సాప్‌కు మెసేజ్‌ వచ్చినట్టు నోటిఫికేషన్‌లో ఇమేజ్‌ ద్వారా నోటిఫై చేస్తుంది. అంతకముందు కూడా వాట్సాప్‌ నోటిఫికేషన్‌లో ఇన్‌లైన్‌ ఇమేజస్‌ను వాడింది. కానీ తాజాగా కొత్త మెసేజింగ్‌స్టయిల్‌ నోటిఫికేషన్‌ ఫార్మాట్‌లో దీన్ని తీసుకొస్తోంది. వాట్సాప్‌ ప్రస్తుతం ఈ ఫీచర్‌ను బీటా ఛానల్‌లో టెస్ట్‌ చేశారు. అయితే ఈ ఫీచర్‌ కేవలం ఆండ్రాయిడ్‌ 9 పై డివైజ్‌లకు మాత్రమే పనిచేయనుంది.  నోటిఫికేషన్‌ల కోసం తీసుకొస్తున్న ఈ ఫీచర్‌ జీఐఎఫ్‌లకు, వీడియోలకు పనిచేయదు. కేవలం చిన్న ఐకాన్‌ మాత్రమే ఇమేజ్‌ రూపంలో వస్తుంది. కేవలం ఆండ్రాయిడ్‌ పైలకు మాత్రమే ఈ ఫీచర్‌ పనిచేస్తుంది. కాగా, పాత ఐఫోన్‌లన్నీ పాత ఆండ్రాయిడ్‌ వెర్షన్లతోనే రన్‌ అవుతున్నాయి. దీంతో వాటికి ఈ ఫీచర్‌ అందుబాటులోకి రావడం లేదు. ఓరియో వెర్షన్ల బీటాలో కూడా ఈ ఫీచర్‌ కనిపించడం లేదు. కేవలం ఆండ్రాయిడ్‌ 9 పై వారికి మాత్రమే ఈ ఫీచర్‌. అంతేకాక ఆండ్రాయిడ్‌ బీటాలో కొత్త స్టికర్‌ ప్యాక్‌ను బిస్కెట్‌ పేరుతో అందుబాటులోకి తీసుకొచ్చింది వాట్సాప్‌. కానీ ప్రస్తుతం ఈ ఫీచర్‌ యూజర్లకు అందుబాటులో లేదు. డిఫాల్ట్‌గా డిసేబుల్‌ అయింది. మెసెంజర్‌లో బిస్కెట్‌ పాపులర్‌ స్టిక్కర్‌ ప్యాక్‌. దీన్నే వాట్సాప్‌ కూడా తన యాప్‌లోకి తీసుకురావాలనుకుంది.  

న్యూఢిల్లీ : ఫేస్‌బుక్‌కు చెందిన వాట్సాప్‌ తన యూజర్లకు ఎప్పడికప్పుడూ కొత్త కొత్త ఫీచర్లను అందుబాటులోకి తీసుకొస్తూ అలరిస్తూ ఉంది. తాజాగా మరో ఆసక్తికర ఫీచర్‌ను ఆండ్రాయిడ్‌ యూజర్లకు అందుబాటులోకి తీసుకొస్తోంది. ఐఓఎస్‌ ఎక్స్‌క్లూజివ్‌ ఫీచర్‌గా ఉన్న ‘పిక్చర్‌-టూ-పిక్చర్‌ మోడ్‌’ ఫీచర్‌ను వాట్సాప్‌ ఎట్టకేలకు ఆండ్రాయిడ్‌ యూజర్లకు ప్రవేశపెడుతోంది. వాట్సాప్‌లోనే వీడియోను చూసుకునేలా ఈ ఫీచర్‌ను ప్రవేశపెడుతున్నట్టు డబ్ల్యూఏబీటా ఇన్ఫో రిపోర్టు చేసింది. కంపెనీ మీ చాట్ అనుభవాన్ని ఎలాంటి అవాంతరం కలిగించకుండా.. వీడియో ప్లే చేసుకునేందుకు ఒక పాప్-అప్/ ఫ్లోటింగ్ విండోను జోడిస్తుంది. గూగుల్‌ ప్లే బీటా ప్రొగ్రామ్‌లో కంపెనీ ఇప్పటికే తన అప్‌డేట్‌ను సమర్పించింది. ఈ అప్‌డేట్‌లో ఆండ్రాయిడ్‌ పిక్చర్‌-ఇన్‌-పిక్చర్‌ మోడ్‌ ఫీచర్‌కు సపోర్టు చేస్తుంది.  యాప్‌కు ఈ ఫీచర్‌ను యాడ్‌ చేస్తే, ఆండ్రాయిడ్‌ యూజర్లు వాట్సాప్‌లో వచ్చిన వీడియో కోసం ప్లే ఐకాన్‌ను క్లిక్‌ చేసుకుని చూడొచ్చు. అదేవిధంగా చాట్‌ను కూడా నేవిగేట్‌ చేసుకోవచ్చు. ఈ కొత్త ఫీచర్‌ యూట్యూబ్‌, ఇన్‌స్టాగ్రామ్‌ వీడియోలకు పనిచేయనుంది. ఇదే ఫీచర్‌ ఇప్పటికే ఐఓఎస్‌ యూజర్లకు అందుబాటులో ఉంది. మరోవైపు ఇప్పటికే యూట్యూబ్‌ వీడియోలను యాప్‌లోనే చూసుకునేలా వాట్సాప్‌ యూజర్లకు అనుమతి ఇస్తోంది. ఈ ఏడాది ప్రారంభంలోనే ఈ ఫీచర్‌ను తీసుకొచ్చింది. ఇటీవలే గ్రూప్‌ వాయిస్‌, వీడియో కాలింగ్‌ ఫీచర్‌ను ప్రపంచవ్యాప్తంగా వాట్సాప్‌ అందుబాటులోకి తెచ్చింది. గత రెండేళ్లుగా వాట్సాప్‌ యూజర్లు వాయిస్‌, వీడియో కాల్స్‌తో ఎంజాయ్‌ చేస్తున్నారు. రోజుకు 200 కోట్ల నిమిషాల కాల్స్‌ చేసుకుంటున్నారు. ఈ నేపథ్యంలో వాయిస్‌, వీడియో కాల్స్‌కు మరింత డిమాండ్‌ను పెంచేందుకు గ్రూప్‌ కాలింగ్‌ ఫీచర్‌ను ప్రవేశపెట్టినట్టు వాట్సాప్‌ తెలిపింది.

న్యూఢిల్లీ: ప్రముఖ సామాజిక మాధ్యమం వాట్సాప్‌ వినియోగదారుల కోసం మరో సరికొత్త ఫీచర్‌ను అందుబాటులోకి తీసుకొచ్చింది. ఇప్పటివరకు ఒక వ్యక్తికి మాత్రమే వాయిస్‌ కాల్, వీడియో కాల్‌ చేసుకునే సౌలభ్యం ఉండేది. తాజాగా ఎక్కువ మందితో సంభాషణలు జరిపేందుకు ‘గ్రూప్‌ కాల్‌’సౌకర్యాన్ని ప్రవేశపెట్టింది. దీని ద్వారా ఎక్కువ మందికి ఒకేసారి వీడియో, వాయిస్‌ కాల్స్‌ చేసుకోవచ్చు. ఈ ఫీచర్‌ను మంగళవారం నుంచి అందుబాటులోకి తెస్తున్నట్లు సంస్థ ఓ బ్లాగ్‌పోస్ట్‌లో వెల్లడించింది. ఇప్పటికే ఐఫోన్, ఆండ్రాయిడ్‌ వెర్షన్లలో ఇది అందుబాటులో ఉందంది. వాట్సాప్‌లో కుడి వైపు పైభాగంలో కనిపించే ‘యాడ్‌ పార్టిసిపెంట్‌’అనే ఆప్షన్‌ను ఎంచుకోవడం ద్వారా కాలింగ్‌లో సభ్యులను ఆహ్వానించవచ్చని పేర్కొంది. ఒక వ్యక్తి గరిష్టంగా నలుగురు వ్యక్తులతో సంభాషించవచ్చంది. వాట్సాప్‌ను 130 కోట్ల మంది ఉపయోగిస్తుండగా.. ఇందులో రోజుకు దాదాపు 200 కోట్ల నిమిషాలను కాల్స్‌ కోసం వెచ్చించారని వెల్లడించింది.  

సోషల్‌ మీడియాలో ఫేక్‌ న్యూస్‌ విపరీతంగా పెరిగిపోతుండటంతో, ఇటీవలే ప్రముఖ మెసేజింగ్‌ ప్లాట్‌ఫామ్‌ వాట్సాప్‌కు కేంద్రం గట్టి హెచ్చరికలు జారీ చేసిన సంగతి తెలిసిందే. ఈ హెచ్చరికల నేపథ్యంలో వాట్సాప్‌ తక్షణ చర్యలను ప్రారంభించింది. హానికరమైన మెసేజ్‌ల నుంచి యూజర్లను కాపాడేందుకు, ఫేక్‌ న్యూస్‌ నివారించేందుకు వాట్సాప్‌ సరికొత్త ఫీచర్‌ను ప్రవేశపెట్టింది. గాడ్జెట్‌నౌ రిపోర్టు ప్రకారం.. వాట్సాప్‌ 2.18.204 బీటా వెర్షన్‌లో కొత్త ఫీచర్‌ను వాట్సాప్‌ ప్రవేశపెట్టిందని తెలిసింది. ‘అనుమానిత లింక్‌’  అనే ఈ ఫీచర్‌ ద్వారా.. గ్రూప్‌ల్లో ఫార్వర్డ్‌ అయ్యే ఫేక్‌ న్యూస్‌పై యూజర్లను హెచ్చరిస్తుందని రిపోర్టు పేర్కొంది. యూజర్లు ఆ మెసేజ్‌ను ఫార్వర్డ్‌ చేసినప్పుడు, వాట్సాప్‌లో వచ్చే ఆ వెబ్‌సైట్‌ లింక్‌ ప్రామాణికతను పరీక్షిస్తుందని తెలిపింది. ఆటోమేటిక్‌గా మెసేజ్‌లో ఫార్వర్డ్‌ అయిన అనుమానిత లింక్‌లను చెక్‌ చేసి, యూజర్లకు హెచ్చరికలు జారీచేస్తుందని పేర్కొంది.  ఈ పీచర్‌తో పాటు ఫేక్‌ న్యూస్‌ విస్తరించకుండా ఉండేందుకు వాట్సాప్‌ ఇతర చర్యలను కూడా తీసుకుంటుంది. షేర్‌ అయిన మెసేజ్‌ టైప్‌ చేసిందా? ఫార్వర్డ్‌చేసిందా? అనే విషయాన్ని కూడా ఈ ఇన్‌స్టాంట్‌ మెసెంజర్‌ చెబుతోంది. ఆ మెసేజ్‌లను పంపించకుండా ఉండేందుకు గ్రూప్‌ అడ్మిన్లు యూజర్లపై వేటు కూడా వేయొచ్చు. కేవలం గ్రూప్‌ అడ్మిన్‌కు మాత్రమే మెసేజ్‌లు పోస్ట్‌ చేసే అధికారం ఇప్పటికే అమల్లోకి తెచ్చింది. ఈ ఆప్షన్ సాయంతో తప్పుడు వార్తల వ్యాప్తిని నిరోధిస్తామని వాట్సాప్‌ తెలిపింది. కాగ, ఇటీవలే ఫేక్‌ న్యూస్‌ రీసెర్చ్‌ కోసం ఒక్కో పరిశోధన ప్రతిపాదనకు రూ.34 లక్షల వరకు బహుమానం కూడా ప్రకటించింది. దీని కోసం పీహెచ్‌డీ పొందిన రీసెర్చర్లను కూడా వాట్సాప్‌ ఆహ్వానిస్తోంది. కొన్ని కేసుల్లో పీహెచ్‌డీ లేకపోయినా.. టెక్నాలాజికల్‌ రీసెర్చ్‌ వారి నుంచి  కూడా దరఖాస్తులను ఆహ్వానిస్తోంది.    

ఇతర సోషల్‌ మీడియా ప్లాట్‌ఫామ్‌ను కాఫీ చేయడంలో ఇన్‌స్టాగ్రామ్‌కు సాటి లేనిది ఏదీ లేదు. ఫేస్‌బుక్ తన సొంతం చేసుకున్న ఈ సంస్థ, అదే ఫేస్‌బుక్‌కు చెందిన ప్రముఖ మెసేజింగ్‌ మాధ్యమం వాట్సాప్‌, స్నాప్‌చాట్‌లోని పలు ఫీచర్లను కాఫీ కొట్టింది. తాజాగా కూడా ఫేస్‌బుక్‌కు చెందిన మరో యాప్‌ యూట్యూబ్‌ను కాఫీ కొట్టి, దానికే గట్టి పోటీగా నిలవాలని చూస్తోంది. అదేమిటంటే.. వీడియోల షేరింగ్‌లో ఇప్పటి వరకు ఉన్న టైమ్‌ పరిమితిని తొలగించడం.  యూట్యూబ్‌ తరహాలో కంటెంట్‌ మాదిరిగా ఇన్‌స్టాగ్రామ్‌ను తీర్చిదిద్దే యోచనలో సంస్థ ఉన్నట్టు వాల్‌స్ట్రీట్‌ జర్నల్‌ రిపోర్టు చేసింది. ఇక మీదట గంట నిడివి ఉన్న వీడియోలను పోస్టు చేసే అవకాశం కల్పిస్తోందని తెలిపింది. దీని కోసం ఓ కొత్త ఫీచర్‌ను కూడా తేబోతుందని పేర్కొంది. ‘వర్టికల్‌ మీడియో’ పై ఇన్‌స్టాగ్రామ్‌ ఎక్కువగా దృష్టిపెట్టిందని వాల్‌స్ట్రీట్‌ జర్నల్‌ రిపోర్టు చేసింది. ప్రస్తుతం యూజర్లు ఇన్‌స్టాగ్రామ్ పేజీలో ఒక్క నిమిషంలోపు ఉన్న వీడియోలనే పోస్ట్ చేసేందుకు అవకాశం ఉంది. ఈ పరిమితిని ఎత్తేసే గంట వరకు ఉన్న వీడియోలకు ఇన్‌స్టాగ్రామ్‌ను వేదికగా మలిచే ప్రయత్నాలు మొదలైనట్టు సంబంధిత వర్గాలు తెలిపాయి.  ఈ ఫీచర్ పేరును లాంగ్ ఫామ్‌గా కంపెనీ నిర్ణయించినట్టు తెలుస్తోంది. స్టోరీస్‌ ఫీచర్‌ లాంచ్‌ చేసిన రెండేళ్ల తర్వాత ఇన్‌స్టాగ్రామ్‌ ఈ ఫీచర్‌ను తీసుకొస్తోంది. స్టోరీస్‌ ఫీచర్‌ ద్వారా 24 గంటల ఫార్మాట్‌లో ఫోటోలను, వీడియోలను పోస్టు చేసుకోవచ్చు. అయితే స్టోరీస్‌లో పోస్టు అయిన వీడియోలు 15 సెకన్లు లేదా గరిష్టం 60 సెకన్లు మాత్రమే న్యూస్‌ ఫీడ్‌లో ఉంటాయి. ప్రస్తుతం ఇన్‌స్టాగ్రామ్‌ తీసుకొస్తున్న లాంగ్‌ ఫామ్‌ ఫీచర్‌ ఇంకా ప్రారంభ దశలోనే ఉందని, ఇందులో మార్పులకు అవకాశం లేకపోలేదని సంబంధిత వర్గాలు తెలిపాయి. ఈ ఫీచర్‌కు సంబంధించి నిర్మాతలు, క్రియేటర్లతో సంస్థ సంప్రదింపులు జరిపి, ఎక్కువ నిడివి వీడియోలను ఇన్‌స్టాగ్రామ్‌ కోసమే రూపొందించాలని కూడా కోరినట్టు వెల్లడించాయి. వీడియో షేరింగ్‌ ప్లాట్‌ఫామ్‌లో యూట్యూబ్‌ మాత్రమే ఇప్పుడు చాలా పాపులర్‌గా ఉంది. ఇన్‌స్టాగ్రామ్‌ తీసుకొస్తున్న ఈ ఫీచర్‌ ద్వారా ఇక యూట్యూబ్‌కు అది గట్టి పోటీగా నిలువనున్నట్టు తెలుస్తోంది. యూట్యూబ్‌ కేవలం వీడియోలను మాత్రమే అందిస్తుండగా.. ఇన్‌స్టాగ్రామ్‌ వీడియోలతో పాటు ఇతర సర్వీసులను అందజేస్తోంది.   

ఎప్పడికప్పుడు కొత్త కొత్త ఫీచర్లతో అలరిస్తున్న వాట్సాప్‌ తాజాగా మరో అ‍ద్భుత ఫీచర్‌ తీసుకొచ్చింది. వాట్సాప్‌ యూజర్లను పదే పదే విసుగిస్తున్న ఫార్వర్డెడ్‌ మెసేజ్‌ల బారి నుంచి తప్పించడానికి ‘ఫార్వర్డెడ్‌ లేబుల్‌ ఫీచర్‌’ను లాంచ్‌ చేసింది. ఇది ప్రస్తుతం ఆండ్రాయిడ్‌ బీటా యూజర్లందరికీ అందుబాటులోకి వచ్చింది. ఈ ఫీచర్‌తో ఫార్వర్డ్‌ మెసేజ్‌లకు ఓ లేబుల్‌ ఉంటుంది. దీంతో రెగ్యులర్‌ మెసేజ్‌లకు, ఫార్వర్డ్‌ మెసేజ్‌లకు తేడా తెలుసుకోవచ్చు. అయితే ఈ ఫీచర్‌ను యాక్సస్‌ చేసుకోవడానికి ఎలాంటి ప్రక్రియ అవసరం లేదు. కేవలం బీటా యూజర్లు తమ వాట్సాప్‌ను అప్‌డేట్‌ చేసుకుంటే సరిపోతుంది. ఒక్కసారి అప్‌డేట్‌ అయిన తర్వాత మెసేజ్‌ టాప్‌లో ఫార్వర్డ్‌ లేబుల్‌ ఉంటుంది. కొంతమంది వ్యక్తులు గ్రూప్‌ల్లో గుడ్‌మార్నింగ్‌ మెసేజ్‌ను ఫార్వర్డ్‌ చేస్తూ.. మన ఫోన్‌ మెమరీని స్పామ్‌ చేస్తూ ఉంటారు. దీన్ని కొంతమేర తగ్గించడానికి ఇది ఎంతో ఉపయోగపడనుంది.  2.18.179 వాట్సాప్‌ బీటా వెర్షన్‌కు ఇది అందుబాటులో ఉంది. ప్రస్తుతం వాట్సాప్‌, 25 సార్లు కంటే ఎక్కువ సార్లు ఫార్వర్డ్‌ అయితే కానీ మెసేజ్‌ను బ్లాక్‌ చేయలేదు. దీంతో స్పామ్‌ పోస్టులు విపరీతంగా ఫార్వర్డ్‌ అవుతూ ఉన్నాయి. మరోవైపు పేమెంట్‌ సర్వీసులను కూడా భారత్‌లో ఆవిష్కరించాలని వాట్సాప్‌ ప్లాన్‌ చేస్తోంది. కానీ కేంబ్రిడ్జ్‌ అనలిటికా స్కాంతో ఈ ఫీచర్‌ లాంచ్‌ చేయడానికి కాస్త సమయం తీసుకునేలా ఉంది. అయితే ఎప్పుడు ఈ సర్వీసులను లాంచ్‌ చేస్తుందో ఇంకా స్పష్టతలేదు. తాజాగా వాట్సాప్‌ తీసుకొచ్చిన అప్‌డేట్‌లో ఎక్కువ సేపు పాటు వాయిస్‌ మెసేజ్‌లను రికార్డు చేయడం, ఫింగర్‌ను నొక్కి పట్టాల్సి అవసరం లేకుండా మెసేజ్‌లను రికార్డు చేయడం వంటి ఫీచర్లు ఉన్నాయి. 

సాక్షి, న్యూఢిల్లీ:  వాట్సాప్‌ మరో కొత్త ఫీచర్‌ను జోడించింది. తన ప్లాట్‌ఫాంలో రోజుకో  కొత్త ఫీచర్‌తో యూజర్లను ఆకట్టుకుంటున్న వాట్సాప్‌ తాజాగా ప్రిడెక్టెడ్‌ అప్‌లోడ్‌ (Predicted Upload) అనే  కొత్త ఫీచర్‌ను తీసుకొచ్చింది.  ఆండ్రాయిడ్‌, ఐవోస్‌ రెండు వెర్షన్లలోనూ ఈ సదుపాయాన్ని అందిస్తోంది.  ఫోటో  షేరింగ్‌ ప్రక్రియను మరింత వేగవంతం చేసే ఉద్దేశంతో ఈ  కొత్త ఫీచర్‌ను అందిస్తోంది. అయితే  ఆండ్రాయిడ్ ఫోన్లలో వాట్సప్ వెర్షన్ 2.18.156, ఐవోస్‌ ఆపరేటింగ్ సిస్టమ్ ఆధారంగా పనిచేసే ఐఫోన్లలో  వాట్సాప్‌ 2.18.61 వెర్షన్  వాడుతున్నవారిలో కొందరు ఎంపిక చేయబడిన యూజర్లకు ప్రస్తుతం ఈ సదుపాయం లభ్యం. అయితే త్వరలోనే అందరికీ అందుబాటులోకి రానుందని భావిస్తున్నారు.   ముఖ్యంగా వాట్సాప్ ద్వారా తమ మిత్రులతో తరచూ ఫోటోలను షేర్ చేసుకునే వారికి ఈ ఫీచర్‌ బాగా ఉపయోగపడనుంది. కేవలం పది సెకండ్లలోనే 12 ఫోటోలను సెండ్‌  చేసుకోవచ్చని సంస్థ వెల్లడించింది.  ఈ ఫీచర్‌కు పూర్తి భద్రత కూడా ఉందని తెలిపింది.  అలాగే వీడియోలు, జిఫ్‌ పైల్‌ షేరింగ్‌కు  మాత్రం ఈ సదుపాయం ఉండదని స్పష్టం చేసింది. ఎవరికైనా ఫోటోలు పంపించేటప్పుడు  ఫోటోలు ఎంపికచేసి సెండ్‌ బటన్ ప్రెస్ చేసిన తర్వాత మాత్రమే అవి వాట్సప్ సర్వర్లోకి అప్‌లోడ్‌ అవుతాయి.  అప్‌లోడ్‌ అయ్యాక మళ్లీ  సెండ్‌ చేయడానికి కొంత సమయం పడుతుంది. ప్రస్తుతం  ప్రిడెక్టెడ్‌ అప్‌లోడ్ ఫీచర్‌ కారణంగా   డైరెక్టుగా గేలరీ నుండి కావలసిన ఫోటోలు సెలెక్ట్‌ చేసిన వెంటనే అవి  వాట్సప్ సర్వర్‌కి అప్‌లోడ్‌ అవుతాయి.  సెండ్‌  బటన్ ప్రెస్ చేసిన వెంటనే  ఎలాంటి ఆలస్యం లేకుండా వెంటనే ఫోటోలు షేర్‌ అవుతాయి.  

వాట్సాప్‌... రోజుకో కొత్త అప్‌డేట్‌తో ఇటీవల తరచూ వార్తల్లో నిలుస్తున్న సంగతి తెలిసిందే. తాజాగా తాను కొత్తగా తీసుకొచ్చిన వాట్సాప్‌ బిజినెస్‌ యాప్‌ను  మరింత మందికి చేరువ చేసి, వ్యాపారాలకు ఉపయోగపడేందుకు ఓ కొత్త ఫీచర్‌ను తీసుకు రాబోతుంది. అదే ‘ఛాట్‌ ఫిల్టర్స్‌’  ఫీచర్‌. దీని ద్వారా వాట్సాప్‌ బిజినెస్‌ అకౌంట్స్‌ అడ్మిన్లు త్వరగా మెసేజ్‌లను సెర్చ్‌ చేసుకోవచ్చు. అవసరమైన కస్టమర్లను త్వరగా సెర్చ్‌ చేసుకునేందుకు వ్యాపారస్తులకు సాయం చేయాలని ఈ సోషల్‌ మీడియా దిగ్గజం నిర్ణయించింది. ఈ క్రమంలోనే ‘ఛాట్‌ ఫిల్టర్స్‌’ అనే ఫీచర్‌ను తన బిజినెస్‌ యాప్‌కు యాడ్‌ చేసింది. ఈ ఫిల్టర్స్‌ను యాక్సస్‌ చేసుకోవడానికి సెర్చ్‌ బార్‌పై అడ్మిన్‌ ట్యాప్‌ చేయాల్సి ఉంటుంది. ఈ ‘ఛాట్‌ ఫిల్టర్స్‌’  ఫీచర్‌ యూజర్లను అన్‌రీడ్‌ ఛాట్స్‌, గ్రూప్స్‌, బ్రాడ్‌కాస్ట్‌ కేటగిరీల కింద గ్రూప్‌ చేయనుంది. ఇది అచ్చం ఇన్‌స్టాగ్రామ్‌లోని ‘యాక్షన్‌ బటన్‌’ మాదిరే పనిచేస్తుంది.  ఈ యాక్షన్‌ బటన్‌ కూడా ముఖ్యమైన కస్టమర్లను డైరెక్ట్‌గా ఇన్‌బాక్స్‌లోకి తీసుకొస్తుంది.  ప్రస్తుతం వాట్సాప్‌ తీసుకొస్తున్న ‘ఛాట్‌ ఫిల్టర్స్‌’ అనే ఫీచర్‌తో వ్యాపారాలను మెరుగ్గా చేసుకునే అవకాశముంటుంది. ముఖ్యమైన కస్టమర్లకు మంచి సేవలను అందించవచ్చు. వారి ప్రాధాన్యత బట్టి కమ్యూనికేషన్‌ను నిర్వహించవచ్చు.  వాట్సాప్‌ ఫర్‌ బిజినెస్‌ అనే యాప్‌ను ఈ ఏడాది జనవరిలోనే లాంచ్‌ చేసిన సంగతి తెలిసిందే. చిన్న, మధ్య తరహా వ్యాపారులను దృష్టిలో ఉంచుకొని ఈ బిజినెస్ యాప్‌ను వాట్సాప్ తీసుకొచ్చింది. సొంతంగా వ్యాపారాన్ని నిర్వహిస్తున్నవారు ఈ బిజినెస్ యాప్ ద్వారా తమ వినియోగదారులతో టచ్‌లో ఉండొచ్చు. సులభంగా వ్యాపార కార్యకలాపాలను నిర్వహించుకోవచ్చు. ఈ కొత్త యాప్‌ను పాత వాట్సాప్ మెసెంజర్ ప్లాట్‌ఫాం మీద రూపొందించినప్పటికీ.. అదనంగా కొన్ని కొత్త ఫీచర్లను జతచేశారు. వెరిఫైడ్ ప్రొఫైల్, క్విక్ రిప్లైస్, గ్రీటింగ్ మెసేజెస్, అవే మెసేజెస్ వంటి కొత్త ఫీచర్లు ఉన్నాయి. వాట్సాప్ మాదిరిగానే వాట్సాప్ బిజినెస్ యాప్‌ను చూడా ఎంతో సెక్యూర్‌గా రూపొందించారు. మీ కాల్స్, మెసేజ్‌లు థర్డ్‌పార్టీకి చేరకుండా ఎండ్ టు ఎండ్ ఎన్‌క్రిప్షన్‌ను ఈ యాప్‌లో పొందుపరిచారు. 

మెసేజింగ్‌ యాప్‌లో ఎక్కువగా ప్రాచుర్యం పొందిన వాట్సాప్‌, తరుచు కొత్త కొత్త అప్‌డేట్‌లతో యూజర్లను అలరిస్తూ ఉంటోంది. ఇటీవలే డిలీట్‌ చేసిన ఫోటోలను, వీడియోలను రీస్టోర్‌ చేసుకునే ఫీచర్‌ను తన యాప్‌కు జత చేసిన వాట్సాప్‌, మరో అద్భుతమైన ఫీచర్‌ను తన యాప్‌పై లాంచ్‌ చేయాలని ప్లాన్‌ చేస్తోంది. అదేమిటంటే.. యాప్‌ను ఓపెన్‌ చేయకుండానే యూజర్లు చాట్‌ చేసుకునే ఫీచర్‌. దీనికోసం ఫేస్‌బుక్‌కు చెందిన ఈ మెసేజింగ్‌ మాధ్యమం www.wa.me అనే డొమైన్‌ను రిజిస్ట్రర్‌ చేసుకుందని తెలిసింది. వాట్సాప్‌ గురించి ఎప్పడికప్పుడు కొత్త విశేషాలు అందించే డబ్ల్యూఏబీటా ఇన్ఫో ఈ విషయాన్ని తెలిపింది. ఈ కొత్త డొమైన్‌ షార్ట్‌ లింక్‌  api.whatsapp.comగా పేర్కొంది. ఇది వెంటనే వాట్సాప్‌లో చాట్‌ ఓపెన్‌ చేసుకునేందుకు వాడనున్నట్టు తెలిపింది. ప్రస్తుతం ఈ ఫీచర్‌ ఆండ్రాయిడ్‌ వెర్షన్‌  2.18.138కు అందుబాటులో ఉందంట. ఆండ్రాయిడ్‌ 2.18.138 వెర్షన్‌ విజయవంతంగా wa.me అనే షార్ట్‌లింక్‌ను గుర్తించిందని, బ్రౌజర్‌ను వాడకుండానే చాట్‌ను ఆటోమేటిక్‌గా ప్రారంభించుకోవచ్చని డబ్ల్యూఏబీటా ఇన్ఫో తెలిపింది. లింక్‌ను వాడుతూ యూజర్లు టెక్ట్స్‌ పంపాలనుకునే వ్యక్తికి సంబంధించి https://wa.me/(phone number) టైప్‌ చేయాలి. దీంతో వెంటనే యూజర్లు ఆ చాట్‌కు వెళ్లిపోతారు. ఒకవేళ మీరు ఎంటర్‌చేసిన నెంబర్‌ తప్పు అయితే, వాట్సాప్‌ యూజర్లను నోటిఫై చేస్తుంది.

శాన్‌జోస్‌: సామాజిక మాధ్యమం ఫేస్‌బుక్‌ త్వరలోనే తమ యూజర్ల కోసం వినూత్నమైన ఫీచర్‌ను తీసుకురానుంది. ఫేస్‌బుక్‌ యూజర్లు తమకు నచ్చే వ్యక్తిత్వం ఉన్నవారితో సుదీర్ఘకాలం సంబంధం కొనసాగించేందుకు ‘డేటింగ్‌’ అనే ఫీచర్‌ను ప్రవేశపెడుతున్నట్లు సంస్థ అధినేత మార్క్‌ జుకర్‌బర్గ్‌ ప్రకటించారు. మంగళవారం ఫేస్‌బుక్‌ ఎఫ్‌8 వార్షిక డెవలపర్ల సమావేశం కాలిఫోర్నియాలోని శాన్‌జోస్‌లో జరిగింది. దీనిలో జుకర్‌బర్గ్‌ మాట్లాడుతూ.. తమ యూజర్లు నిజమైన, దీర్ఘకాలిక బంధాలను పొందేందుకు ఈ ఫీచర్‌ సహాయపడుతుందని ఆయనఅన్నారు. ఫేస్‌బుక్‌ యూజర్లలో 20 కోట్ల మంది అవివాహితులే ఉన్నారని, వీరికి కావాల్సిన డేటింగ్‌ సేవలను దగ్గర చేయాలని తెలిపారు. అయితే తాత్కాలిక సంబంధాలను కోరుకునే వారికి ఇది సరైన వేదిక కాదని స్పష్టం చేశారు. ఈ ఫీచర్‌లో భాగంగా యూజర్లు వేరుగా డేటింగ్‌ ప్రొఫెల్‌ను క్రియేట్‌ చేసుకోవాల్సి ఉంటుందని చెప్పారు. ప్రొఫెల్‌లోని మీ అభిరుచులకు సరిపోలే వ్యక్తులకు మాత్రమే మీ డేటింగ్‌ ప్రొఫెల్‌ కనిపిస్తుందని అన్నారు.

న్యూఢిల్లీ: టెక్‌ దిగ్గజం గూగుల్‌ తాజాగా నిరుద్యోగుల కోసం కొత్త ఫీచర్‌ అందుబాటులోకి తెచ్చింది. సెర్చ్‌ పేజ్‌లోనే ఉద్యోగార్థులు తమకు అనువైన ఉపాధి అవకాశాల వివరాలను పొందేందుకు ఇది ఉపయోగపడనుంది. ఇందుకోసం ఆసాన్‌జాబ్స్, ఫ్రెషర్స్‌ వరల్డ్, హెడ్‌ హాంకోస్, ఐబీఎం టాలెంట్‌ మేనేజ్‌మెంట్‌ సొల్యూషన్స్, లింక్డ్‌ ఇన్, క్వెజెక్స్, క్వికర్‌జాబ్స్, షైన్‌డాట్‌కామ్, టి–జాబ్స్, టైమ్స్‌జాబ్స్, విజ్డమ్‌ జాబ్స్‌ తదితర సంస్థలతో గూగుల్‌ జట్టుకట్టింది. గతేడాది నాలుగో త్రైమాసికంలో ఉద్యోగాల కోసం అన్వేషించే సెర్చ్‌ల సంఖ్య 45% పెరిగిందని, ఇందులో సగభాగం మొబైల్‌ ఫోన్స్‌ ద్వారానే నమోదైందని గూగుల్‌ వైస్‌ ప్రెసిడెంట్‌ రాజన్‌ ఆనందన్‌ పేర్కొన్నారు. అత్యధికంగా ఉపాధి కల్పించే చిన్న, మధ్య తరహా సంస్థలు.. తమ దగ్గరున్న ఉద్యోగావకాశాలను ఆన్‌లైన్‌లో పొందుపర్చడంలో ఇబ్బందులు ఎదుర్కొంటున్నాయని ఆయన తెలిపారు. ఈ నేపథ్యంలో కంపెనీలకు, ఉద్యోగార్థులకు మధ్య వారధిలా ఉపయోగపడేలా ఈ ఫీచర్‌ను అందుబాటులోకి తెచ్చామన్నారు. సెర్చి ఇంజిన్‌ బార్‌లో ’సమీపంలో ఉన్న ఉద్యోగాలు’, ’ఫ్రెషర్స్‌ కోసం ఉద్యోగాలు’ లాంటి కీవర్డ్స్‌ టైప్‌ చేస్తే.. సంబంధిత ఉద్యోగావకాశాలు సెర్చి పేజీలో డిస్‌ప్లే అవుతాయి. సదరు ఉద్యోగావకాశంపై క్లిక్‌ చేస్తే.. హోదా, ప్రాంతం, ఫుల్‌ టైమా లేదా పార్ట్‌–టైమా మొదలైన వివరాలు సంక్షిప్తంగా తెలుసుకోవచ్చు. ఒకవేళ దరఖాస్తు చేసుకోదలిస్తే.. సదరు ఉద్యోగం లిస్ట్‌ అయిన గూగుల్‌ భాగస్వామ్య వెబ్‌సైట్లో అప్లై చేయొచ్చు.

పాపులర్‌ మెసేజింగ్‌ యాప్‌ వాట్సాప్‌ రోజుకో కొత్త ఫీచర్‌తో యూజర్లను అలరిస్తూనే ఉంది. తాజాగా మరో కొత్త ఫీచర్‌ను ఆండ్రాయిడ్‌ బీటా యాప్‌ యూజర్ల కోసం టెస్ట్‌ చేస్తోంది. అదీ పొరపాటున డిలీట్‌ అయి పోయి మీడియా ఫైల్స్‌ను తిరిగి డౌన్‌లోడ్‌ చేసుకునే పీచర్‌. అంటే మీ స్మార్ట్‌ఫోన్‌ ఇంటర్నల్‌ స్టోరేజ్‌ నుంచి ఏమైనా ఇమేజస్‌ను, జీఐఎఫ్‌ఎస్‌ను కానీ, వీడియో, ఆడియో ఫైల్స్‌ను కానీ, ఆడియో రికార్డింగ్‌లను, డాక్యుమెంట్లను డిలీట్‌చేస్తే, వాటిని తిరిగి డౌన్‌లోడ్‌ చేసుకునే వెసులుబాటును ఈ ఫీచర్‌ సహకరిస్తుంది. ఇప్పటి వరకైతే డిలీట్‌ చేసిన వీటిని తిరిగి డౌన్‌లోడ్‌ చేసుకునే సౌకర్యం మాత్రం లేదు. ఈ ఫీచర్‌తో ప్రస్తుతం సర్వర్ల నుంచి వాటిని రీ-డౌన్‌లోడ్‌ చేసుకునే సదుపాయాన్ని వాట్సాప్‌ కల్పిస్తుందని డబ్ల్యూబీటాఇన్ఫో రిపోర్టు తెలిపింది. డివైజ్‌లలో తక్కువ స్టోరేజ్ కలిగి ఉన్న యూజర్లకు ఇది ఎంతో ఉపయోగపడనుందట.  అయితే ఈ ఫీచర్‌పై యూజర్ల నుంచి ఆందోళన వ్యక్తమవుతోంది. డిలీట్‌ చేసినప్పటికీ ఫైల్స్‌ను వాట్సాప్‌ స్టోర్‌ చేస్తుండటం సెక్యురిటీ సమస్యలను తెచ్చిపెడుతుందని యూజర్లు పేర్కొంటున్నారు. అయితే తమ ప్లాట్‌ఫామ్‌పై ప్రతి డేటా ఎండ్‌-టూ-ఎండ్ ఎన్‌క్రిప్టెడ్‌గా వాట్సాప్‌ పేర్కొంటోంది. 

ప్రముఖ మెసేజింగ్‌ యాప్‌ వాట్సాప్‌ ఆండ్రాయిడ్‌​ బీటా యూజర్లకు మరో కొత్త ఫీచర్‌ను నేడు లాంచ్‌ చేసింది. ఈ ఫీచర్‌తో యూజర్లు తమ వాట్సాప్‌ నెంబర్లను తేలికగా మార్చుకోవచ్చు. అంతేకాక ఎలాంటి గందరగోళం లేకుండా కొత్త నెంబర్‌కు డేటాను కూడా బదిలీ చేసుకోవచ్చు. కొత్త ‘ఛేంజ్‌ నెంబర్‌’ ఫీచర్‌ అప్‌డేట్‌ ప్రస్తుతం గూగుల్‌ ప్లే స్టోర్‌లోని  2.18.97 ఆండ్రాయిడ్‌ బీటా అప్‌డేట్‌కు అందుబాటులో ఉంది. అనంతరం ఈ ఫీచర్‌ ఐఓఎస్‌, విండోస్‌ డివైజ్‌లకి కూడా అందుబాటులోకి రానుంది.   కొత్త ‘ఛేంజ్‌ నెంబర్‌’ ఫీచర్‌తో ఓల్డ్‌ ఛేంజ్‌ నెంబర్‌ ఫీచర్‌కు మరిన్ని మెరుగులను అందించిందని డబ్ల్యూఏబీటాఇన్ఫో ట్వీట్‌ చేసింది. ఈ ఫీచర్‌తో అన్ని లేదా కొన్ని కాంటాక్ట్‌లను నోటిఫై చేయాలనుకుంటే, యూజర్లు ఆ స్పెషిఫిక్‌ కాంటాక్ట్‌లను ఎంపిక చేసుకోవచ్చని పేర్కొంది. ఛాట్‌ హిస్టరీని కొత్త ఛాట్‌లోకి మార్చుకోవచ్చని, డూప్లికేట్‌ ఛాట్‌లను డిలీట్‌ చేసుకోవచ్చని రిపోర్టు చేసింది. దీనికోసం యూజర్లు వాట్సాప్‌ సెట్టింగ్స్‌లోని అకౌంట్‌లో ఈ ‘ఛేంజ్‌ నెంబర్‌’అనే అనే ఆప్షన్‌ను ఎంపిక చేసుకోవాల్సి ఉంటుందని తెలిపింది. ఈ ఆప్షన్‌లో పాత, కొత్త ఫోన్‌ నెంబర్లను ఇన్‌సర్ట్‌ చేశాక, మీ కొత్త నెంబర్‌కు ఏ కాంటాక్ట్‌లను నోటిఫై చేయాలో వాట్సాప్‌ కోరుతోంది. కొత్త నెంబర్‌లోకి మారిన తర్వాత, పాత ఛాట్‌లో ఉన్న షేర్డ్‌ మెసేజ్‌లు‌, కొత్త దానిలోకి మరలుతాయని డబ్ల్యూబీటాఇన్ఫో పేర్కొంది.

కోట్లాదిమంది వ్యక్తిగత సమాచారం లీక్‌ అయిందన్న దుమారంనుంచి బయటపడేందుకు సోషల్‌ మీడియా సంస్థ ఫేస్‌బుక్‌ దిద్దుబాటు చర్యలకు దిగింది. యూజర్‌ డేటా బ్రీచ్‌ను అడ్డుకునేందుకు   ప్రైవసీ కంట్రోల్‌లో మార్పులకు శ్రీకారం చుడుతోంది. ఈ క్రమంలో ఫేస్‌బుక్‌లోతాజాగా కొత్త ఫీచర్‌ను అందుబాటులోకి తేనున్నామని బుధవారం ప్రకటించింది. యూజర్ల గోప్యతను కాపాడే ప్రయత్నాల్లో భాగంగా ‘యాక్సెస్‌ యువర్‌ ఇనఫర్మేషన్‌’ అనే కొత్త ఫీచర్‌ను పరిశీలిస్తున్నట్టు తెలిపింది. అంతేకాదు డేటా చోరీలో థర్డ్‌ పార్టీ డేటా ప్రొవైడర్లకు చెక్‌ పెట్టేలా 'పార్టనర్ కేటగిరీలను' మూసివేస్తున్నట్లు కూడా  ప్రకటించింది. రాబోయే వారాలలో డేటా సెక్యూరిటీ యూజర్ల నియంత్రణలో ఉంచడానికి అదనపు చర్యలు తీసుకుంటున్నామని చీఫ్ సెక్యూరిటీ ఆఫీసర్‌ అధికారి ఎరిన్ ఎగాన్,  డిప్యూటీ జనరల్ న్యాయవాది అషిలే బెరింగ్గెర్ ఒక బ్లాగ్ పోస్ట్‌లో తెలిపారు. వినియోగదారులకు వారి సమాచారం భాగస్వామ్యంపై  మరింత నియంత్రణ ఇవ్వాలనే యోచనలో ఈ కొత్త గోప్యతా టూల్‌ ను పరిచయం చేయనున్నట్టు చెప్పింది. మెనూలో సెక్యూరిటీ షార్ట్‌కట్స్‌ ద్వారా  యూజర్ల  ఫేస్‌బుక్‌ ఖాతాలకు అదనపు భద్రతను అందించడంతోపాటు , వినియోగదారులు డేటా, యాక్టివిటీపై ఇతరుల యాక్సెస్‌ను మరింత నియంత్రిచుకోవచ్చని, యాడ్స్‌కు కూడా చెక్‌ పెట్టవచ్చని తెలిపారు. అయితే ఇది ఇంకా ప్రయోగదశలో ఉందనీ, త్వరలోనే  ఈ ఫీచర్‌ను లాంచ్‌ చేస్తామని వెల్లడించారు. కాగా ఫేస్‌బుక్‌ డేటాలీక్‌ చేస్తోందన్న ఆరోపణల నేపథ్యంలో సాధారణ యూజర్‌నుండి సెలబ్రిటీల దాకా ఫేస్‌బుక్‌ ఖాతా గోప్యతపై అందోళన వ్యక్తమవుతోంది. ముఖ్యంగా వాట్సాప్‌ కో ఫౌండర్‌ బ్రియాన్‌ ప్రకనటతో డిలీట్‌ ఫేస్‌బుక్‌ ఉద్యమం  మరింత ఊపందుకుంది. మరోవైపు బాలీవుడ్‌ నటుడు ఫరాన్‌ అక్తర్‌ ఫేస్‌బుక్‌ అకౌంట్‌ను శాశ్వతంగా డిలీట్‌ చేస్తున్నట్టు ప్రకటించిన తెలిసిందే.

వాట్సాప్‌లో కొంతమంది వ్యక్తులు స్పామ్‌ పోస్టులను పదే పదే పంపిస్తూ.. యూజర్లను విసుగెత్తిస్తూ ఉంటారు. అవి ఫార్వర్డో కాదో తెలుసుకోకుండా గ్రూప్స్‌లో పోస్ట్‌ చేస్తూ ఉంటారు. ఇలా భారీగా వచ్చే స్పామ్‌ సర్క్యూలేషన్‌ను నిరోధించడానికి వాట్సాప్‌ ఓ కొత్త ఫీచర్‌ను తీసుకురాబోతుంది. అదే ''ఫార్వర్డెడ్‌ మెసేజ్‌'' అనే ఫీచర్‌. ఈ ఫీచర్‌ ద్వారా వేరే వ్యక్తులు స్పామ్‌ మెసేజ్‌ను ఫార్వర్డ్‌  చేసినా లేదా ఒకే చాట్‌ నుంచి ఆ పోస్టు ఫార్వర్డ్‌ అయినా 'ఫార్వర్డెడ్‌ మెసేజ్‌' అనే టాగ్‌ వచ్చేస్తోంది. ప్రస్తుతం వాట్సాప్‌, 25 సార్లు కంటే ఎక్కువ సార్లు ఫార్వర్డ్‌ అయితే కానీ మెసేజ్‌ను బ్లాక్‌ చేయలేదు. దీంతో స్పామ్‌ పోస్టులు విపరీతంగా ఫార్వర్డ్‌ అవుతూ ఉన్నాయి.  వాట్సాప్ అప్‌డేట్స్‌ను ఎప్పటికప్పుడు పర్యవేక్షించే డబ్ల్యూఏబీటాఇన్ఫో ఈ ఫీచర్‌ను స్పాట్‌ చేసింది. ఆండ్రాయిడ్‌ వీ2.18.67 వాట్సాప్‌ బీటాలో ఈ ఫీచర్‌ కనిపించింది. దీంతో పాటు స్టికర్స్‌ ఫీచర్‌ కూడా విండోస్‌ ఫోన్‌ బీటాపై స్పాట్‌ అయింది. ఆండ్రాయిడ్‌ బీటా యాప్‌కు కూడా ఇది అందుబాటులోకి వచ్చినట్టు తెలిసింది. వాట్సాప్‌ ఇటీవలే గ్రూప్‌ డిస్క్రిప్షన్‌ అనే ఫీచర్‌ను ఆండ్రాయిడ్‌, విండోస్‌ బీటా యూజర్లకు అందుబాటులోకి తీసుకొచ్చింది. ఈ ఫీచర్ ద్వారా గ్రూపులోని సభ్యులెవరైనా సరే గ్రూప్ డిస్క్రిప్షన్‌ను ఎడిట్ చేసే వెసులుబాటును  వాట్సాప్ కల్పించింది.   

సాక్షి,న్యూఢిల్లీ:  చైనా స్మార్ట్‌ఫోన​ కంపెనీ మిడ్‌ సెగ్మెంట్‌లోఒప్పో  కొత్త స్మార్ట్‌ఫోన్‌ను  లాంచ్‌ చేసింది. తన పాపులర్‌ ఏ సిరీస్‌లో   'ఫేస్ అన్లాక్' ఫీచర్‌తో ఒప్పో ఏ 83 పేరుతో  భారత మార్కెట్‌లో  విడుదల చేసింది. దీని ధరను రూ. 13,990గా నిర్ణయించింది. ‘ఎ1 బ్యూటీ రికగ్నిషన్ టెక్నాలజీ'  ఇందులో  జోడించినట్టు కంపెనీ చెప్పింది.  దీంతో  తమ తాజా స్మార్ట్‌ఫోన్‌యంగ్‌ కస్టమర్లకు నేచురల్‌ సెల్ఫీ ఎక్స్‌పీరియన్స్‌  అందిస్తుందని  పేర్కొంది.  అమెజాన్‌, ఫ్లిప్‌కార్ట్‌తోపాటు ఇతర ఆఫ్‌లైన్‌ స్టోర్లలో జనవరి 20నుంచి విక్రయానికి లభిస్తుందని తెలిపింది. సెల్పీ ఎక్స్‌పర్ట్‌  ఎ,ఎఫ్‌ సిరీస్‌కు తమకు మంచి స్పందన లభించిందని ఒప్పో ఇండియా బ్రాండ్ డైరెక్టర్ విల్ యాంగ్  ఒక ప్రకటనలో తెలిపారు. ఈ నేపథ్యంలో  సరసమైన ధరలో, ఎడ్వాన్స్‌ ఫీచర్లతో  ఏ 83ని అందిస్తున్నట్టు వివరించారు.   ఒప్పో ఏ 83 ఫీచర్లు 5.7అంగుళాల డిస్‌ప్లే విత్‌ 18.9 రేషియో 1440 X 720  రిజల్యూషన్‌ ఆండ్రాయిడ్‌  7.1 4జీబీ ర్యామ్‌ 32 జీబీ స్టోరేజ్‌ 8మెగాపిక్సెల్ సెల్ఫీ కెమెరా 13మెగాపిక్సెల్ రియర్‌ కెమెరా 3,180ఎంఏహెచ్‌ బ్యాటరీ

కొత్త కొత్త ఫీచర్లతో అలరిస్తున్న ప్రముఖ మెసేజింగ్‌ యాప్‌ వాట్సాప్, మరో సరికొత్త ఫీచర్‌ను అందుబాటులోకి తీసుకొస్తోంది. వాట్సాప్ గ్రూప్‎కి అడ్మిన్‎గా ఉండే వ్యక్తిని గ్రూప్ నుండి తొలగించకుండానే నేరుగా అడ్మిన్ భాద్యతలు మాత్రమే తొలగించేలా ఓ కొత్త ఫీచర్ వాట్సాప్‌ టెస్ట్‌ చేస్తుంది. దీనికోసం 'డిస్మిస్ యాజ్‌ అడ్మిన్‌ ' అనే కొత్త ఫీచర్‌ను వాట్సాప్ టెస్ట్‌ చేస్తున్నట్టు తెలిసింది. ప్రస్తుతం ఒక వాట్సాప్‌ గ్రూప్‌లో ఎంతమందైనా అడ్మిన్‌లుగా ఉండొచ్చు. ఒక అడ్మిన్‌, మరొక వ్యక్తిని అడ్మిన్‌ స్థానానికి ప్రమోట్‌ చేసుకునే వీలుండేంది. ఒకవేళ అతని లేదా ఆమెను అడ్మిన్‌గా తొలగించాలంటే, పూర్తిగా గ్రూప్‌ నుంచి ఆ వ్యక్తిని తొలగించిన తర్వాతనే కుదురుతుంది. అనంతరం మళ్లీ ఆ వ్యక్తిని గ్రూప్‌లో సాధారణ సభ్యులుగా చేర్చుకోవాల్సి ఉంటుంది. కానీ వాట్సాప్‌ ప్రస్తుతం టెస్ట్‌ చేస్తున్న ఫీచర్‌తో  ఆ వ్యక్తిని గ్రూప్‌ నుంచి తొలగించకుండా కేవలం అడ్మిన్‌ బాధ్యతల నుంచే తప్పించవచ్చు. ఈ విషయాన్ని తొలుత డబ్ల్యూఏబీటాఇన్ఫో రిపోర్టు చేసింది.  ఆండ్రాయిడ్‌, ఐఓఎస్‌ రెండిటిపై ఈ ఫీచర్‌ను వాట్సాప్‌ టెస్ట్‌ చేస్తుందని,‎ అతిత్వరలో ఈ ఫీచర్ ఆండ్రాయిడ్, ఐఓఎస్ అప్లికేషన్ ఫోన్లన్నింటిలో అందుబాటులోకి రానుందని డబ్ల్యూఏబీటాఇన్ఫో పేర్కొంది. ఆండ్రాయిడ్‌ 2.18.12కు గూగుల్‌ ప్లే బీటా ఈ ఫీచర్‌ ఇప్పటికే అందుబాటులో ఉందని, యూజర్లు గూగుల్‌ ప్లే స్టోర్‌లో బీటా టెస్టింగ్‌లో సైనప్‌ అయి, దీన్ని చెక్‌ చేసుకోవచ్చని తెలిపింది. డిస్మిస్ ఫీచర్‌తో పాటు గ్రూప్‌లోని సభ్యులెవరైనా పోస్ట్ చేసే ఫొటోస్, వీడియోస్, డాక్యూమెంట్స్ వంటి వాటిని నియంత్రించే అధికారం అడ్మిన్‌లకు ఇచ్చే అంశాన్ని కూడా వాట్సాప్ ప్రస్తుతం పరిశీలిస్తున్నట్టు తెలుస్తోంది. అదేవిధంగా వాయిస్‌ కాల్‌ నుంచి వీడియో కాల్‌లోకి మారడానికి క్విక్‌ స్విచ్‌ ఫీచర్‌ను కూడా వాట్సాప్‌ టెస్ట్‌ చేస్తోంది. యాప్‌ ఆండ్రాయిడ్‌ బీటా వెర్షన్‌కు ఈ ఫీచర్‌ ఇప్పటికే అందుబాటులోకి వచ్చింది. 

న్యూయార్క్‌: వాట్సాప్‌ అందుబాటులోకి వచ్చాక ప్రతి చిన్న విషయాన్నీ బంధువులకు, స్నేహితులకు దాని ద్వారానే చెప్పడం మనందరికీ అలవాటైపోయింది. ఒకే క్లిక్‌తో గ్రూప్‌లో ఉన్నవారందరికీ ఒకేసారి మెసేజ్‌ను పంపే సదుపాయాం ఇప్పటికే అందుబాటులో ఉంది. కాగా.. గ్రూప్‌లోని సభ్యులందరితో ఒకేసారి మాట్లాడడం, వీడియో కాల్స్‌ చేయడం వంటి సదుపాయం మాత్రం ఇప్పటిదాకా అందుబాటులోకి రాలేదు. కానీ త్వరలోనే ఈ సౌకర్యాన్ని ప్రవేశపెడుతున్నట్లు వాట్సాప్‌ ప్రకటించింది.  ఇప్పటికే ఉన్న కాల్‌ స్విచ్చింగ్‌ ఆప్షన్‌ను ఇకపై తీసేస్తామని తెలిపింది. ఈ ఫీచర్‌ అందుబాటులోకి వస్తే ఒక గ్రూప్‌నకు చెందిన యూజర్లు మూకుమ్మడిగా వాయిస్‌ లేదా వీడియో కాల్స్‌ చేసుకోవచ్చు. అంతేకాదు.. ఫేస్‌బుక్‌ స్టిక్కర్లు,  గ్రూప్‌ కేటగిరిని బట్టి ప్రత్యేక స్టిక్కర్లు యూజర్లకు లభ్యం కానున్నాయి. ఇవేకాక కాంటాక్ట్స్‌లను వెతికేందుకు, రిప్లై ఇచ్చేందుకు కొత్త ఆప్షన్లను తీసుకొస్తున్నట్లు పేర్కొంది. దీంతో గ్రూప్‌తో సంబంధం లేకుండా ప్రైవేట్‌గా చాటింగ్‌ చేయవచ్చు. గ్రూప్‌ అడ్మిన్లకు మరిన్ని కంట్రోల్‌ ఆప్షన్లను ఇచ్చే ఆలోచన కూడా చేస్తున్నామని తెలిపింది. ఇవన్నీ అందుబాటులోకి వస్తే.. ఇక వాట్సాప్‌ లేకుండా ఉండడం కష్టమే!     

సోషల్‌ మీడియా దిగ్గజం ఫేస్‌బుక్‌ మరో కొత్త ఫీచర్‌ను పరీక్షిస్తోంది. యూజర్లు తమ ఇన్‌స్టాగ్రామ్‌ స్టోరీలను వాట్సాప్‌ స్టేటస్‌గా డైరెక్ట్‌గా పెట్టుకునేలా ఫేస్‌బుక్‌ ఈ కొత్త ఫీచర్‌ తీసుకురాబోతుంది. మీరు ఒకవేళ ఇన్‌స్టాగ్రామ్‌ యూజర్‌ అయితే, ఇన్‌స్టా స్టోరీలను ఫేస్‌బుక్‌ స్టోరీలుగా షేర్‌ చేసుకునే అవకాశం తెలిసే ఉంటుంది. త్వరలోనే వాట్సాప్‌ స్టేటస్‌గానూ  ఇన్‌స్టా స్టోరీలు పెట్టుకునేలా యూజర్లకు అవకాశం కలుగనుంది. అయితే స్టేటస్‌ బార్‌లోకి  స్టోరీ వచ్చిన 24 గంటల తర్వాత ఇది మనకు కనుబడదు. ప్రస్తుతం ఈ ఫీచర్‌పై ఫేస్‌బుక్‌ పనిచేస్తుందని, ఎంపిక చేసిన యూజర్లకే ఇది అందుబాటులోకి వస్తుందని తెలుస్తోంది. త్వరలోనే ఈ ఫీచర్‌ను ఫేస్‌బుక్‌ అధికారికంగా లాంచ్‌ చేయబోతుంది.   ఈ ఫీచర్‌తో యూజర్‌ బేస్‌ను మరింత విస్తరించాలని ఫేస్‌బుక్‌ చూస్తోంది. అలంకరించబడిన ఫోటోలు, వీడియోలు, జీఐఎఫ్‌లను ఈ కొత్త ఫీచర్‌తో వాట్సాప్‌లోకి తీసుకురావచ్చు. ఇన్‌స్టాగ్రామ్‌ అనుభవాన్ని మరింత మెరుగుపరుచనున్నామని, ప్రతి సందర్భాన్ని తేలికగా యూజర్లు షేర్‌ చేసుకునేలా దీన్ని పరీక్షిస్తున్నామని ఫేస్‌బుక్‌ అధికార ప్రతినిధి టెక్‌ క్రంచ్‌కు తెలిపారు. వాట్సాప్‌లో మిగతా వాటి మాదిరిగానే, వాట్సాప్‌ స్టేటస్‌లోకి పోస్టు చేసే ఇన్‌స్టాగ్రామ్‌ స్టోరీ కూడా ఎన్క్రిప్టెడ్‌గా ఉండనుందని రిపోర్టులు తెలిపాయి. ఇన్‌స్టాగ్రామ్‌ స్టోరీలకు, వాట్సాప్‌ స్టేటస్‌లకు రోజుకు 300 మిలియన్ల మంది యాక్టివ్‌ యూజర్లున్నారని ఫేస్‌బుక్‌ సీఈవో మార్క్‌ జుకర్‌బర్గ్‌ ఇటీవలే ప్రకటించారు. ఈ సంఖ్యను మరింత పెంచాలని ఫేస్‌బుక్‌ చూస్తోంది.

శాన్ ఫ్రాన్సిస్కో:  ప్రముఖ  సోషల్‌మీడియా దిగ్గజం ఫేస్‌బుక్‌ మరోఅద్భుతమైన ఫీచర్‌ను అందుబాటులోకి తెచ్చింది.   మన ఫ్రెండ్‌ లిస్ట్‌ లో ఉన్నవారిని  శాశ్వతంగా అన్‌ఫాలో లేదా అన్‌ ఫ్రెండ్‌చేయాల్సి అవసరం లేకుండానే  తాత్కాలికంగా అన్‌ఫ్రెండ్‌ చేసే  వెసులుబాటును కల్పిస్తోంది. అంటే ఫేస్‌బుక్‌లో కొంతమందిని అన్‌ఫ్రెండ్‌ చేయకుండానే వారి పోస్టులను తాత్కాలికంగా అంటే 30రోజులపాటు  నిరోధించే అవకాశం కల్పించే ‘స్నూజ్‌’ అప్షన్‌ను తీసుకొచ్చింది. ఈ విషయాన్ని ఫేస్‌బుక్‌ బ్లాగ్‌పోస్ట్‌లో  వెల్లడించింది.   ఫేస్‌బుక్‌లో మన స్నేహితులను, పేజీలను లేదా గ్రూపులను తాత్కాలింకంగా నియంత్రించేలా ఈ సరికొత్త అవకాశాన్ని అందిస్తోంది. అన్‌ఫాలో, హైడ్‌, రిపోర్ట్‌, సీ ఫస్ట్‌ తోపాటు  స్నూజ్‌ అనే ఆప్షన్‌ను తీసుకొచ్చింది.  ఈ స్నూజ్‌ అనే ఆప్షన్‌ ఎంచుకోవడం ద్వారా ఆ సమయంలో మీ న్యూస్‌ఫీడ్లోని వ్యక్తులు, పేజీలు లేదా గ్రూపులు  షేర్‌ చేసిన  కంటెంట్‌ను మీరు మ్యూట్‌ చేసుకోవచ్చని ఫేస్‌బుక్‌ ప్రొడక్ట్‌ మేనేజర్‌ శృతి మురళీధరన్‌ తెలిపారు. తాజా ఫీచర్‌ ప్రకారం ఎవరి పోస్టులైనా మనకు తాత్కాలికంగా నచ్చకపోతే వారిని 30 రోజుల పాటు ఆపవేసే అవకాశాన్ని ఇపుడు కల్పిస్తోంది.   అంటే ఫేస్‌బుక్‌న్యూస్‌ఫీడ్‌లో  30 రోజులు మనకు నచ్చని   వారి  పోస్టులు మన దృష్టికిరావు.  ఈ గడువు అనంతరం   'తాత్కాలిక వ్యవధి' ముగిసే సమయానికి ఫేస్‌బుక్‌ మనకి నోటిషికేషన్‌ ఇస్తుంది.    అనంతరం వారి పోస్టులు తిరిగి పొందాలనుకుంటే  పునరుద్ధరించుకోవచ్చు లేదంటే మరో 30 రోజుల పాటు అదే ఆప్షన్‌ కొనసాగించవచ్చు.

సాక్షి, న్యూఢిల్లీ:  సాఫ్ట్‌వేర్ దిగ్గజ సంస్థ గూగుల్ తాజాగా మరో అద్భుతమైన ఫీచర్‌ను  అందుబాటులోకి తీసుకొచ్చింది.  భారత్‌ వినియోగదారుల కోసం తన గూగుల్ మ్యాప్స్ అప్లికేషన్‌కు గాను ఓ కొత్త ఫీచర్‌ను లాంచ్‌ చేసింది. గూగుల్‌ మూడవ ఎడిషన్‌ లో  వాయిస్ నావిగేషన్‌తో దీన్ని  మంగళవారం  లాంచ్‌ చేసింది.  టూవీలర్‌  సెగ్మెంట్‌లో  ప్రపంచంలో భారత్‌ ను అతిపెద్ద  మార్కెట్‌గా భావిస్తున్న గూగుల్‌  భారత్‌కోసం ప్రత్యేకంగా  గూగుల్ మ్యాప్స్‌లో ఈ ఫీచర్‌ను మొదటి సారిగా అందుబాటులోకి తీసుకొచ్చినట్టు  గూగుల్‌ మాప్స్‌  డైరెక‍్టర్‌  మార్తా వెల్ష్ తెలిపారు. టూ వీలర్ మోడ్ పేరిట విడుదలైన ఈ ఫీచర్ సహాయంతో   బైక్‌ రైడర్స్‌ గూగుల్ మ్యాప్స్ ద్వారా ప్రత్యేక ఆప్షన్‌ను పొందవచ్చు. ఈ ఫీచర్‌ టూ-వీలర్ డ్రైవర్లకు అత్యంత సరైన మార్గాన్ని మ్యాప్ చూపిస్తుంది. మ్యాప్స్‌లో కారు, ఫుట్, ట్రెయిన్ తదితర విభాగాల పక్కనే  ఇప్పుడు టూ వీలర్ ఆప్షన్‌ కూడా దర్శనమిస్తుందన్న మాట. దీన్ని ఓపెన్ చేస్తే టూ వీలర్ నడిపే వారి కోసం ప్రత్యేకంగా గూగుల్ మ్యాప్స్ ఓపెన్ అవుతుంది. తద్వారా  వీరు  ఫాస్ట్‌గా వెళ్లేందుకు కావల్సిన  రూట్‌ను సులభంగా వెదుక్కోవచ్చు.  అంతేకాదు షార్ట్‌కట్ రూట్లను కూడా ఈ టూ వీలర్ మోడ్‌లో యూజర్లు పొందవచ్చు. దీంతో గమ్యస్థానానికి వేగంగా వెళ్లేందుకు అవకాశం ఉంటుంది.   దీన్ని అన్ని ప్లాట్‌ఫాంలకు చెందిన యూజర్లు పొందవచ్చనీ, ఈ కొత్త ఫీచర్‌ సహాయంతో  విశ్వనీయంగా, కాన్ఫిడెంట్‌గా ప్రయాణించవచ్చని కంపెనీ తెలిపింది.  

సోషల్‌ మీడియా యాప్‌లో ఎక్కువగా ప్రాచుర్యం సంపాదించుకున్న వాట్సాప్‌, కొత్త కొత్త ఫీచర్లతో అలరిస్తోంది. తాజాగా వాట్సాప్‌ గ్రూప్‌ వాయిస్‌, వీడియో కాలింగ్‌ ఫీచర్‌ను కూడా యూజర్లకు అందుబాటులోకి తీసుకొస్తోంది. ప్రస్తుతం ఈ ఫీచర్‌ ఐఫోన్‌ యాప్‌ లేటెస్ట్‌ బీటా వెర్షన్‌లో అందుబాటులో ఉంది. ఇప్పటికే వాట్సాప్‌ ఈ ఏడాదిలో పలు ఫీచర్లను ప్రవేశపెట్టి, 1 బిలియన్‌కు పైగా యూజర్లను తన సొంతం చేసుకుంది.  ఇటీవ‌ల ఐఫోన్ల‌లో ఉప‌యోగించే వాట్సాప్ అప్‌డేట్ కోడ్‌లో ఈ విషయానికి సంబంధించి సంకేతాలు ఉన్న‌ట్లు అంత‌ర్జాతీయ టెక్నిక‌ల్ వెబ్‌సైట్లు చెబుతున్నాయి.  2.17.70 ఐఓఎస్‌ అప్‌డేట్‌లో గ్రూప్‌ కాల్స్‌కు సంబంధించిన సూచనలు కలిగి ఉందని, ప్రస్తుతం ఇది ధృవీకరణ అయినట్టు డబ్ల్యూఏబీటాఇన్ఫో ఆదివారం ట్వీట్‌ చేసింది.  గ్రూప్‌ వాయిస్‌ కాల్స్‌ గురించి చాలా సంకేతాలున్నప్పటికీ, గ్రూప్‌ వీడియో కాల్స్‌కు సంబంధించి ఒకే ఒక సంకేతం ఉన్నట్టు పేర్కొంది. గ్రూప్‌ వాయిస్‌ కాల్స్‌కు ఫీచర్‌పై ఈ యాప్‌ ప్రస్తుతం పనిచేస్తుందని, వచ్చే ఏడాది దీన్ని విడుదల చేయనున్నట్టు అంతకముందే పలు రిపోర్టులు నివేదించాయి. గ్రూప్ వీడియో కాలింగ్ గురించి కొద్దిగా సందిగ్ధ‌త ఉన్నా... గ్రూప్ వాయిస్ కాలింగ్ స‌దుపాయాన్ని మాత్రం వాట్సాప్ త్వ‌ర‌లో త‌ప్ప‌కుండా క‌ల్పించ‌నుంద‌ని తెలుస్తోంది. అయితే ఈ ఫీచ‌ర్లు ఎప్పుడు అందుబాటులోకి వ‌స్తాయనే విష‌యం ఇంకా తెలియాల్సి ఉంది.

శాన్‌ఫ్రాన్సిస్కోః ఫేస్‌బుక్‌ సొంతమైన ప్రముఖ మేసేజింగ్‌ యాప్‌ వాట్సాప్‌ మరో సౌలభ్యాన్ని అందిస్తోంది. ముఖ్యంగా గ్రూప్‌ అడ్మిన్‌లకు  ఊరట కల్పించేలా సరికొత్త  వెసులుబాటు కల్పిస్తోంది. . డిలిట్‌ ఫర్‌ ఎవ్రీ వన్‌  పేరుతో  ఈ కొత్త ఫీచర్‌తో అప్‌ డేట్‌ చేస్తోంది. అతి త్వరలోనే  దీన్ని యూజర్లకు అందుబాటులోకి తేనుంది. దీని ప్రకారం వాట్సాప్‌ లో పోస్ట్‌ అయిన  మెసేజ్‌ను అడ్మిన్‌ ఎంచుకున్న గ్రూపు సభ్యుల్లో ఇతరులు డిలిట్‌ చేసే అవకాశాన్నికల్పిస్తోంది. వాబేటా ఇన్ఫో. కాం అందించిన సమాచారం ప్రకారం  గూగుల్ ప్లే బీటా ప్రోగ్రాం వెర్షన్ 2.17.387 లో వాట్సాప్‌  సమర్పించింది.    గ్రూప్‌ మేనేజ్‌మెంట్‌ కోసం,  గ్రూప్‌ అడ్మిన్‌ రక్షించే  ప్రయత్నంలో గ్రూప్‌ డీపీని మార్చడం  సహా ఇతర విషయాలను ఎడిట్‌ చేసే సభ్యులను ఎంచుకునే అవకాశాన్నివ్వనుంది. దీని ద్వారా గ్రూపులో  ఏదైనా పోస్ట్‌ను, మెసేజ్‌ను ఇతర గ్రూప్‌ అడ్మిన్‌లు  డిలిట్‌ చేసే కొత్త ఫీచర్‌ను అందుబాటులోకి తెస్తోందని నివేదించింది.  ప్రస్తుతం  పరీక్ష దశల్లో  ఈ ఫీచర్‌ విజయవంతమైన అనంతరం  యూజర్లందరికీ అందుబాటులోకి రానుంది. ఈ నేపథ్యంలో వాట్సాప్‌ యూజర్లకు టెస్టింగ్‌ టీజర్‌ను ఒకటి విడుదల చేస్తుంది. అలాగే బ్యాంక్‌ టు బ్యాంక్‌ నగదు ట్రాన్స్‌ఫర్‌  చేసుకునేలా యూనిఫైడ్‌  పేమెంట్స్‌ ఇంటర్‌ఫేస్‌ యూపిఐ సర్వీసును కూడా త్వరలోనే ప్రారంభించనుందట. కాగా  అన్‌సెండ్‌ ఆప్షన్‌ను అందుబాటులోకి తీసుకొస్తున్నట్టు ఇటీవల   వాట్సాప్‌ ప్రకటించింది. ఈ ఫీచర్‌ద్వారా  దీనిద్వారా అయిదు నిమిషాల్లో టెక్ట్స్‌ మెసేజ్‌, ఇమేజ్‌,జిఫ్‌ లతోపాటు స్టేటస్‌  రిప్లైని కూడా  డిలిట్‌ చేయవచ్చని వెల్లడించిన సంగతి తెలిసిందే.  

న్యూఢిల్లీ : వాట్సాప్‌ ఇటీవల కొత్త కొత్త ఫీచర్లతో వినియోగదారులను అలరిస్తున్న సంగతి తెలిసిందే. వాట్సాప్‌ ప్రవేశపెట్టే కొత్త ఫీచర్లకు అనూహ్య స్పందన కూడా వస్తోంది. తాజాగా మరో సరికొత్త ఫీచర్‌ను తన యూజర్లకు అందుబాటులోకి తీసుకొచ్చింది. అదే లైవ్‌ లొకేషన్‌ షేరింగ్‌ ఫీచర్‌. ఈ ఫీచర్‌ ద్వారా మహిళలు, పిల్లలు ఎక్కడికైనా ప్రయాణించేటప్పుడు తమ కుటుంబసభ్యులు, స్నేహితులతో కనెక్ట్‌ అయ్యేలా ఉండొచ్చు. ఈ ఫీచర్‌తో యూజర్లు ఎక్కడ ఉన్నారో వారి స్నేహితులకు, కుటుంబసభ్యులకు ఈజీగా తెలిసిపోతుంది.  ఈ కొత్త ఫీచర్‌ ఆండ్రాయిడ్‌, ఐఓఎస్‌ స్మార్ట్‌ఫోన్లలోకి అందుబాటులోకి వచ్చింది. చాట్ బాక్స్ ప్రక్కన పేపర్‌ క్లిప్ గుర్తును క్లిక్ చేయడంతో కొత్త ఫీచర్‌ను యాక్సెస్‌ చేయవచ్చని వాట్సాప్‌ తెలిపింది.    కుటుంబ సభ్యులు లేదా స్నేహితులతో రియల్‌ టైమ్‌లో లొకేషన్‌ను షేర్‌ చేయవచ్చు. ఏ సమయంలోనైనా ఈ షేరింగ్‌ ఆపివేయవచ్చు. అప్పుడు లైవ్‌ లొకేషన్‌ టైమర్‌ కూడా ఆగిపోతుంది. 15 నిమిషాలు నాన్‌స్టాప్‌గా లైవ్‌లో ఉండవచ్చని, ఇలా గరిష్టంగా ఎనిమిది గంటల పాటు లైవ్‌ను ఎంచుకోవచ్చని కంపెనీ తెలిపింది. అలాగే గ్రూపులకు సంబంధించి లైవ్‌లొకేషన్‌ను సెలక్ట్ చేసుకున్న గ్రూపు మెంబర్స్ లొకేషన్స్‌ ఒకే మ్యాప్‌లో కనిపిస్తాయి. ఎంతసేపు లైవ్‌లో ఉండాలనేది యూజరే నిర్ణయించుకోవచ్చు. వాట్సాప్‌లో అందిస్తున్న ఈ లైవ్‌ లొకేషన్‌ ఫీచర్‌ ద్వారా మహిళలు తమ రియల్‌-టైమ్‌ లొకేషన్‌ లేదా జర్నీని ఇతరులతో పంచుకోవడానికి చాలా నమ్మకంగా భావిస్తారని బ్రేక్‌థ్రో సీఈవో సోహిని భట్టాచార్య తెలిపారు. ఏదైనా ప్రమాదాలు, వరదలు పరిస్థితుల్లో ఈ ఫీచర్‌ ఎక్కువగా ఉపయోగపడుతుందన్నారు.


 శాన్‌ఫ్రాన్సిస్కోః ఫ్రెండ్స్‌ పోస్ట్‌ చేసే ఫోటోలు, పేజీలు, గ్రూపులతో విసిగిపోతే అన్‌ఫ్రెండ్‌ చేయడం, అన్‌ఫాలోయింగ్‌ చేయకుండానే వాటికి తాత్కాలికంగా బ్రేక్‌ ఇచ్చేలా ‘స్నూజ్‌’  బటన్‌ను ప్రవేశపెట్టేందుకు ఫేస్‌బుక్‌ కసరత్తు చేస్తోంది. ‘ అనవసరమైన ఫోటోలు, పేజీలు, గ్రూపుల బారినపడకుండా ప్రజలు తమకు నచ్చిన స్టోరీలు, తమకు సంబంధించిన వాటితోనే కనెక్ట్‌ అయ్యేలా నూతన మార్గాలను తాము పరిశీలిస్తున్నామ’ని  ఫేస్‌బుక్‌ ప్రతినిధి పేర్కొన్నారు.
  
 ఈ పద్ధతి ద్వారా ఫ్రెండ్‌, పేజ్‌, గ్రూప్‌లను 24 గంటల పాటు లేదా ఏడు నుంచి 30 రోజుల వరకూ చూడకుండా స్నూజ్‌ ఫీచర్‌ను ప్రెస్‌ చేయవచ్చని చెప్పారు. యూజర్లు ఈ ఖాతాలు, పేజ్‌లను మొత్తానికి అన్‌ఫాలో కావచ్చని తెలిపారు. చాటింగ్‌ పర్సన్‌, గ్రూప్‌ లేదా పేజీ నుంచి యూజర్‌ మెరుగైన రీతిలో వైదొలగేందుకు స్నూజ్‌ ఫీచర్‌ మెరుగైందని భావిస్తున్నారు. అయితే స్నూజ్‌ ఫీచర్‌ నుంచి వైదొలగిన తర్వాత ముఖ్యమైన పోస్టులను యథాతథంగా చూడవచ్చని ఫేస్‌బుక్‌ ప్రతినిధి చెప్పారు.