ఎంప్లాయీస్‌ ప్రావిడెంట్ ఫండ్ ఆర్గనైజేషన్ (EPFO) మార్గదర్శకాలు, విధానాల్లో కొన్ని ముఖ్యమైన మార్పులు తీసుకురానుంది. వీటిలో చాలా మార్పులు రాబోయే ​కొత్త సంవత్సరంలో అమలులోకి వస్తాయని భావిస్తున్నారు. వీటితోపాటు పలు కొత్త సేవలను పరిచయం చేయనుంది. పీఎఫ్‌ ఖాతాదారులకు సౌకర్యాన్ని మెరుగుపరచడమే ఈ అప్‌డేట్‌ల ప్రధాన లక్ష్యం. కొత్త ఏడాదిలో ఈపీఎఫ్‌వోలో వస్తున్న ముఖ్యమైన మార్పులు.. చేర్పులు ఏంటన్నది ఇక్కడ తెలుసుకుందాం.ఉద్యోగి కంట్రిబ్యూషన్ పరిమితిఈపీఎఫ్‌వో ముఖ్యమైన అప్‌డేట్‌లో ఉద్యోగుల ఈపీఎఫ్‌ ( EPF ) కంట్రిబ్యూషన్ పరిమితి తొలగింపు ఒకటి. ప్రస్తుతం, ఉద్యోగులు ప్రతి నెలా వారి ప్రాథమిక వేతనంలో 12% తమ ఈపీఎఫ్‌ ఖాతాకు కేటాయిస్తున్నారు. ఈ బేసిక్‌ వేతనాన్ని రూ. 15,000 లుగా ఈపీఎఫ్‌వో నిర్దేశించింది. దీనికి బదులుగా ఉద్యోగులు తమ వాస్తవ జీతం ఆధారంగా ఈపీఎఫ్‌ ఖాతాకు కేటాయించుకునేలా కొత్త ప్రతిపాదన ఉంది. ఇది అమలులోకి వచ్చిన తర్వాత ఉద్యోగులు పదవీ విరమణ నిధిని భారీగా కూడగట్టుకునే అవకాశం ఉంటుంది. ఫలితంగా నెలవారీ పెన్షన్ చెల్లింపు ఎక్కువగా ఉంటుంది.ఏటీఎం నుంచి పీఎఫ్‌ డబ్బుఈపీఎఫ్‌వో సభ్యులు తమ ప్రావిడెంట్ ఫండ్ డబ్బును ఏటీఎం ( ATM ) కార్డ్‌తో విత్‌డ్రా చేసుకునే వెసులుబాటు అతి త్వరలోనే అందుబాటులోకి రానుంది. దీంతో చందాదారులు ఎప్పుడైనా, ఎక్కడైనా నిధులను ఉపసంహరించుకోవచ్చు. ఏటీఎం ఉపసంహరణ సౌకర్యం 2025-26 ఆర్థిక సంవత్సరంలో ప్రారంభం కానుంది. ఇది అందుబాటులోకి వస్తే సభ్యులు తమ బ్యాంకు ఖాతాల్లోకి పీఎఫ్‌ డబ్బును పొందడానికి 7 నుండి 10 రోజులు వేచి ఉండాల్సిన అవసరం లేకుండా విలువైన సమయం ఆదా అవుతుంది.ఈపీఎఫ్‌వో ఐటీ సిస్టమ్ అప్‌గ్రేడ్పీఎఫ్‌ హక్కుదారులు, లబ్ధిదారులు తమ డిపాజిట్లను సులభంగా ఉపసంహరించుకునేలా ఈపీఎఫ్‌వో తన ఐటీ (IT) వ్యవస్థను మెరుగుపరుస్తోంది. ఈ అప్‌గ్రేడ్ 2025 జూన్ నాటికి పూర్తవుతుందని అంచనా. ఐటీ వ్యవస్థ అప్‌గ్రేడ్ పూర్తయిన తర్వాత, సభ్యులు వేగవంతమైన క్లెయిమ్ సెటిల్‌మెంట్‌లు, మెరుగైన పారదర్శకత, మోసపూరిత కార్యకలాపాల తగ్గుదలని ఆశించవచ్చు.ఈక్విటీ ఇన్వెస్ట్‌మెంట్ ఆప్షన్ఈపీఎఫ్‌వో సభ్యులను ఎక్స్ఛేంజ్-ట్రేడెడ్ ఫండ్స్ ( ETF ) పరిధికి మించి ఈక్విటీలలో పెట్టుబడి పెట్టడానికి అనుమతించే అవకాశాన్ని పరిశీలిస్తోంది. ఈ ప్రతిపాదిత మార్పు పీఎఫ్‌ ఖాతాదారులకు వారి ఫండ్‌లను మెరుగ్గా నిర్వహించడానికి, అధిక రాబడిని అందుకునేందుకు, పోర్ట్‌ఫోలియో డైవర్సిఫికేషన్‌కు వీలు కల్పిస్తుంది. ఇది ఆమోదం పొందితే డైరెక్ట్ ఈక్విటీ పెట్టుబడి సభ్యులకు తమ పెట్టుబడి వ్యూహాలను, ఆర్థిక వృద్ధిని పెంచుకోవడానికి కొత్త మార్గాన్ని అందిస్తుంది.ఏ బ్యాంకు నుంచైనా పెన్షన్ఈపీఎఫ్‌వో పెన్షనర్ల కోసం గణనీయమైన మార్పులను అమలు చేస్తోంది. ఇటీవలి ఆదేశాల ప్రకారం.. పింఛనుదారులు అదనపు ధ్రువీకరణ లేకుండా తమ పెన్షన్‌ను దేశవ్యాప్తంగా ఏ బ్యాంకు నుండి అయినా ఉపసంహరించుకునే వెసులుబాటు రానుంది.

ప్రముఖ విమానయాన సంస్థ 'స్పైస్‌జెట్' రెండేళ్లుగా పెండింగ్‌లో ఉన్న రూ. 160.07 కోట్ల విలువైన ఉద్యోగుల ప్రావిడెంట్ ఫండ్ (PF) బకాయిలన్నింటినీ క్లియర్ చేసినట్లు స్పష్టం చేసింది. అనేక సంఘాలను ఎదుర్కొన్న తరువాత కంపెనీ రూ.3000 కోట్ల నిధులను సమీకరించింది. ఈ నిధులను ఉపయోగించి అన్ని రకాల పెండింగ్ బిల్లులకు సంస్థ క్లియర్ చేస్తోంది.చెల్లించాల్సిన పెండింగ్ బిల్లులు అన్నీ కూడా కంపెనీ చెల్లించడంతో.. సంస్థ ఆర్ధిక వ్యవస్థ మెరుగుపడటమే కాకుండా, కార్యకలాపాల నిర్వహణకు ఉన్న అడ్డంకులు కూడా పూర్తిగా తొలగిపోతాయి.పెండింగ్ బిల్లులు క్లియర్ చేసిన సందర్భంగా స్పైస్‌జెట్ ఛైర్మన్ అండ్ మేనేజింగ్ డైరెక్టర్ అజయ్ సింగ్ మాట్లాడుతూ.. ఉద్యోగుల పిఎఫ్ బకాయిల క్లియరెన్స్‌ను ప్రకటించినందుకు మేము సంతోషిస్తున్నాము. స్పైస్‌జెట్ ప్రయాణంలో ఇది కొత్త అధ్యాయాన్ని సూచిస్తుందని అన్నారు.SpiceJet has settled pending employee provident fund dues of ₹160.07 crore accumulated over the past two years, along with other statutory liabilities such as TDS, GST, and employee salaries. This was made possible through internal cash flows and the ₹3,000 crore raised via a… pic.twitter.com/QFgbBXGmxZ— SpiceJet (@flyspicejet) December 13, 2024

ఉద్యోగుల భవిష్య నిధి (పీఎఫ్) వాటాను ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్ఓ)కు చెల్లించడంలో యాజమాన్యాలు విఫలమవుతున్నాయి. ఈపీఎఫ్‌ఓ డిఫాల్ట్‌ల సంఖ్య క్రమంగా పెరుగుతోంది. 2023-24లో ఈపీఎఫ్ఓ డిఫాల్ట్‌లు రూ.25,820.88 కోట్లకు చేరుకున్నాయి. ఇది అంతకుముందు ఏడాదితో పోలిస్తే 69.3 శాతం అధికంగా ఉంది. ఇది గతంలో రూ.15,254.06 కోట్లు ఉండేదని అధికారిక గణాంకాలు తెలియజేస్తున్నాయి.పీఎఫ్‌ కాంట్రిబ్యూషన్ల బకాయిలు తెలంగాణలోనే అధికంగా ఉన్నట్లు తెలిసింది. కొన్ని కంపెనీల్లో తలెత్తుతున్న ఆర్థిక ఇబ్బందులు, పరిపాలనాపరమైన లోపాలు లేదా ఉద్దేశపూర్వకంగానే ఈ ఎగవేతలు జరుగుతున్నట్లు అంచనా వేస్తున్నారు. ఈ సమస్యను పరిష్కరించడానికి ఈపీఎఫ్ఓ రాష్ట్ర ప్రభుత్వ సహాయం కోరడం, ఎగవేతదారుల వివరాలను పబ్లిక్‌ డొమైన్‌లో ప్రచారం చేయడం, ఎగవేతదారుల చరాస్తులు, స్థిరాస్తులను జప్తు చేయడం వంటి అనేక చర్యలు తీసుకుంటోంది.ఇదీ చదవండి: స్పామ్‌ కాల్స్‌, ఆన్‌లైన్‌ మోసాల కట్టడికి సూచనలుఈపీఎఫ్ఓ రికవరీ ఇలా..రాష్ట్ర ప్రభుత్వ సహాయం: బకాయిల రికవరీకి వీలుగా ఈపీఎఫ్‌ఓ రాష్ట్ర ప్రభుత్వాలతో కలిసి పనిచేస్తోంది. స్థానిక ప్రభుత్వాల మద్దతుతోపాటు అక్కడి పరిపాలనా యంత్రాంగాన్ని ఉపయోగించడం వల్ల రికవరీకి అవకాశం ఉంటుందని నమ్ముతుంది.డిఫాల్టర్ల వివరాలు ప్రచారం చేయడం: కొత్తగా ఉద్యోగంలో చేరాలనుకునే వారికి అవగాహన కల్పించడంతోపాటు నిబంధనలు పాటించకపోవడంపై సంస్థలకు సమాచారం అందించేందుకు డిఫాల్ట్ కంపెనీల పేర్లను ప్రచారం చేస్తున్నారు.ఆస్తుల అటాచ్‌మెంట్‌: ఈపీఎఫ్‌వో యాజమాన్యాల చరాస్తులు, స్థిరాస్తులను జప్తు చేస్తోంది. ఈ చట్టపరమైన చర్యల వల్ల నగదుగా మార్చగల ఆస్తులను స్వాధీనం చేసుకుని బకాయి వసూలు చేస్తోంది.చట్టపరమైన చర్యలు: దీర్ఘకాలిక ఎగవేతదారులపై ఈపీఎఫ్ఓ చట్టపరమైన చర్యలు తీసుకుంటోంది. నిబంధనలు పాటించని వారిపై కేసులు నమోదు చేయడం, కఠిన శిక్షలు విధించేలా చూస్తోంది.

సాక్షాత్తూ భవిష్యనిధి(పీఎఫ్‌) సంస్థ కల్పించిన బీమా పథకానికి ఆర్టీసీ గండి కొట్టింది. ఆ పథకం ద్వారా మృతుడి కుటుంబ సభ్యుల(నామినీకి)కు గరిష్టంగా రూ.7 లక్షలు అందే ఓ చట్టబద్ధ ప్రయోజనాన్ని ఏడాదిన్నరగా అందించటం లేదని తెలిసింది. ఇప్పుడు ఈ ఆర్థిక ప్రయోజనం కోసం దాదాపు 300కుటుంబాలు ఎదురుచూస్తున్నాయి. సాక్షి, హైదరాబాద్‌: భవిష్యనిధిలో అంతర్భాగంగా ‘‘ఎంప్లాయీస్‌ డిపాజిట్‌ లింక్డ్‌ ఇన్సూ్యరెన్స్‌ (ఈడీఎల్‌ఐ)’’స్కీమ్‌ ఆర్టీసీలో కొనసాగుతోంది. ఓ సంస్థలో 20 మంది కంటే ఎక్కువ మంది ఉద్యోగులుండి, వారికి ఇంతకంటే మెరుగైన మరే బీమా పథకాన్ని సంస్థ అమలు చేయని పక్షంలో, కచ్చి తంగా దీనిని అమలు చేయాల్సి ఉంటుంది. ఇది ఉద్యోగి నుంచి ఎలాంటి ప్రత్యేక కాంట్రిబ్యూషన్‌ అంటూ లేకుండా సాగుతుంది. ఉద్యోగి బేసిక్‌ ప్లస్‌ డీఏ (మూల వేతనం ప్లస్‌ కరువు భత్యం)మీద 0.5 శాతం లేదా గరిష్టంగా రూ.75 చొప్పున ప్రతినెలా సంస్థ ఉద్యోగిపక్షాన అతని/ఆమె భవిష్య నిధి ఖాతాలో జమ చేయాల్సి ఉంటుంది. భవిష్యనిధిలో సభ్యత్వం ఉన్న ప్రతి ఉద్యోగి (అర్హతలను అనుసరించి) దీని ప్రయోజనం పొందవచ్చు. ఉద్యోగి చనిపోతే అతని/ఆమె నామినీకి కనిష్టంగా రూ.రెండున్నర లక్షలు.. నెలవారీ వేతనం, భవిష్యనిధి నిల్వ తదితరాల ఆధారంగా గరిష్టంగా రూ.ఏడు లక్షల వరకు చెల్లిస్తారు. ఉద్యోగి నయాపైసా కాంట్రిబ్యూషన్‌ లేకుండా ఇది అందుతుంది. ఇష్టారాజ్యానికి ఇదే కారణం.. భవిష్యనిధి ఖాతాల నిర్వహణలో ఆరీ్టసీకీ ప్రత్యేక మినహాయింపు ఉంది. సొంతంగానే పీఎఫ్‌ ట్రస్టును నిర్వహిస్తుంది. దీనికి ఓ నిర్వహణ కమిటీని కూడా ఏర్పాటు చేస్తుంది (ప్రస్తుతం కమిటీ లేదు). ఈ వెసులుబాటే ఇప్పుడు ఆర్టీసీ ఇష్టారాజ్యానికి కారణమైంది. భవిష్యనిధి చెల్లింపులు పూర్తి చట్టబద్ధమైనమే అయినా, కాంట్రిబ్యూషన్‌ను ట్రస్టుకు జమ చేయకుండా సొంత అవసరాలకు వాడుకుంటోంది. దాదాపు పదేళ్ల క్రితం ఈ కట్టు తప్పే సంప్రదాయం ఆర్టీసీలో మొదలైంది. ఎండీగా సజ్జనార్‌ బాధ్యతలు తీసుకున్న తర్వాత దాన్ని కొంతమేర తగ్గించి గాడిలో పెట్టే ప్రయత్నం చేస్తున్నా.. సంస్థ ఆర్థిక అవసరాలు, ప్రభుత్వం నుంచి సకాలంలో సాయం అందకపోవటం లాంటి వాటి వల్ల దానికి పూర్తిగా అడ్డుకట్ట పడలేదు. ఈ క్రమంలోనే ఈ బీమా పథకం కోసం యాజమాన్యం చెల్లించే వాటాను ట్రస్టులో డిపాజిట్‌ చేయకుండా సొంత అవసరాలకు వాడుకుంటోంది. ఫలితంగా ఏడాదిన్నరగా దీని చెల్లింపులు నిలిచిపోయాయి. గతేడాది మార్చి వరకు భవిష్యనిధి బీమా పథకం చెల్లింపులు జరిగాయి. ఆ తర్వాత నిలిచిపోయినట్టు సమాచారం. ప్రతి మూడు నెలలకోమారు ఈ పథకం కోసం ఆర్టీసీ నిధులు విడుదల చేసే పద్ధతి ఉండేది. ఏడాదిన్నరగా అవి కూడా నిలిచిపోయాయి. అప్పటి నుంచి దాదాపు 300 మందికిపైగా ఉద్యోగులు మరణించారు. వీరి కుటుంబ సభ్యుల(నామినీ)కు ఆ బీమా మొత్తాన్ని చెల్లించటం లేదని తెలిసింది.

వేతన జీవుల కోసం ఉద్యోగ భవిష్య నిధి సంస్థ (EPFO) కీలక నిర్ణయం తీసుకుంది. పీఎఫ్‌ విత్‌ డ్రాయిల్‌ నిబంధనల్ని మార్చింది.ఈ నిబంధనలు ఈపీఎఫ్‌ఓ లబ్ధిదారులకు మరింత ప్రయోజనం చేకూరనుంది. ఇంతకీ ఈపీఎఫ్‌ఓలో ఎలాంటి మార్పులు చేసుకున్నాయి? వాటివల్ల ఈపీఎఫ్‌ఓ సబ్‌స్క్రైబర్లకు ఎలాంటి లాభం చేకూరనుంది?గతంలో ఈపీఎఫ్‌ఓ సభ్యులు ఎవరైనా మరణిస్తే వారి అకౌంట్‌ నుంచి డబ్బులు డ్రా చేయాలంటే ఆధార్‌ తప్పని సరి. అయితే ఆధార్‌ లేకపోవడం, లేదంటే తప్పులు దొర్లడం వంటి పలు సందర్భాలలో ఈపీఎఫ్‌ఓ డబ్బులు విత్‌ డ్రాయిల్‌ చేయడం కష్టంగా మారింది. దీంతో సకాలంలో డబ్బులు అందక బాధిత కుటుంబ సభ్యులు ఆర్ధిక ఇబ్బందులు ఎదుర్కొనేవారు.ఓఐసీ అనుమతి తప్పని సరిఈ నేపథ్యంలో ఈపీఎఫ్‌ఓ దారులు ఎవరైనా మరణిస్తే.. ఆధార్‌ కార్డ్‌ లేకుండా పీఎఫ్‌ విత్‌ డ్రాయిల్‌ చేసుకునే వెసులుబాటు ఈపీఎఫ్‌ఓ కల్పించింది. మరణించిన ఉద్యోగి సంస్థ హెచ్‌ఆర్‌ విభాగం.. సదరు ఉద్యోగి మరణించారని నిర్ధారిస్తూ ఈపీఎఫ్‌ఓ పోర్టల్‌లో వివరాల్ని వెల్లడించాల్సి ఉంటుంది. ఆ వివరాలు సరైనవేనని నిర్ధారించిన తర్వాత ఈపీఎఫ్‌ఓ కార్యాలయం ఆఫీసర్‌ ఇన్‌ ఛార్జ్‌ (ఓఐసీ)అనుమతి ఇవ్వాలి. అనంతరం ఈపీఎఫ్‌ఓ విత్‌ డ్రాయిల్‌ ప్రాసెస్‌ ప్రారంభం అవుతుంది.ఇది ఎవరికి వర్తిస్తుంది? ఈపీఎఫ్‌ఓ మే 17న అధికారికంగా విడుదల చేసిన ప్రకటన మేరకు యూఏఎన్‌లో సభ్యుని వివరాలు సరిగ్గా ఉన్నప్పటికీ ఆధార్ డేటాబేస్‌లో సరికాని/అసంపూర్ణంగా ఉన్న సందర్భాల్లో మాత్రమే పై సూచనలు వర్తిస్తాయి.ఆధార్‌ కార్డ్‌ లేకపోతే మరణించిన ఈపీఎఫ్‌ఓ దారుడికి ఆధార్‌ కార్డ్‌ లేకపోతే ఈపీఎఫ్‌ఓ 26.03.2024న విడుదల చేసిన జాయింట్‌ డిక్లరేషన్‌ స్టాండర్డ్‌ ఆపరేటింగ్‌ ప్రొసీజర్‌ వెర్షన్-2 ప్రకారం ఆధార్ లేని సభ్యుడు మరణిస్తే నామినీ ఆధార్ సిస్టమ్‌లో సేవ్ అవుతుంది. నామినీ సంతకం చేయడానికి అనుమతి ఉంటుంది. జాయింట్‌ డిక్లరేషన్‌ ఫారంతో పాటు ఇతర ప్రక్రియలు ఒకే విధంగా ఉంటాయని ఈపీఎఫ్‌ఓ తెలిపింది.

ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) అకౌంట్‌లో ఉన్న డబ్బుపై ఇచ్చే వడ్డీ రేటుపైన కేంద్రం త్వరలోనే నిర్ణయం తీసుకోనుంది. సెంట్రల్ బోర్డ్ ఆఫ్ ట్రస్టీస్ (CBT) 2023-2024 ఆర్థిక సంవత్సరానికి సుమారు 8% వడ్డీ రేటును ప్రతిపాదించే అవకాశం ఉందని సమాచారం. 2022-23లో ఈపీఎఫ్ఓ వడ్డీ రేటు 8.15 శాతం, 2022-21 ఆర్థిక సంవత్సరంలో వడ్డీ రేటు 8.10 శాతం ఉండేది. ప్రస్తుతం ఇది 8 శాతానికి తగ్గే అవకాశం ఉన్నట్లు తెలుస్తోంది. ఈ విషయం మీద ప్రస్తతానికి ఎటువంటి అధికారిక ప్రకటన వెలువడలేదు. పెట్టుబడులపై రాబడిని మెరుగుపరిచేందుకు స్టాక్స్‌లో పెట్టుబడిని ప్రస్తుత 10% నుంచి 15%కి పెంచడానికి EPFO ​​బోర్డు నుంచి ఆమోదం పొందాలని కూడా యోచిస్తోంది. ప్రభుత్వం ఎన్నికల సంవత్సరం కావడంతో, ప్రావిడెంట్ ఫండ్ (PF) డిపాజిట్లపై స్థిరమైన రాబడి రేటును అందించాలని లక్ష్యంగా పెట్టుకున్నట్లు, ఎటువంటి ఎదురుదెబ్బలు రాకుండా ఉండేందుకు ప్రస్తుతం ఉన్న రేట్లకు అనుగుణంగా చూసే అవకాశం ఉందని EPFO బోర్డు సభ్యుడు వెల్లడించారు. 2013-14 నుంచి 2022-23 వరకు ఈపీఎఫ్ఓ వడ్డీ రేట్లు 8 శాతానికి రాలేదు. ప్రస్తుతం వస్తున్న వార్తల ప్రకారం వడ్డీ రేటు 8 శాతంగా నిర్ణయిస్తే.. గత పది సంవత్సరాలకంటే తక్కువ వడ్డీ రేటు ఇదే అవుతుంది. దీనికి సంబంధించిన మరిన్ని వివరాలు త్వరలోనే తెలుస్తాయి. ఇదీ చదవండి: సెల్ఫ్‌ డ్రైవింగ్‌ కారు తయారు చేసిన రైతు బిడ్డ, ముచ్చటపడ్డారు కానీ రిజెక్ట్‌!

సాక్షి, హైదరాబాద్‌: ఆర్టీసీ చరిత్రలో తొలిసారి గ్రాట్యుటీకి గండిపడింది. పదవీవిరమణ పొందిన ఉద్యోగుల హక్కుగా పొందే ఈ గ్రాట్యుటీని ఆర్థిక ఇబ్బందులను కారణంగా చూపి నిలిపేసింది. గతంలో ఎన్ని ఆర్థిక ఇబ్బందులు చుట్టుముట్టినా గ్రాట్యుటీని మాత్రం ఆపలేదు. గత జనవరి నుంచి వీటి చెల్లింపుల్లో ప్రతిష్టంభన నెలకొంది. డిసెంబర్‌లో పదవీ విరమణ పొందినవారికి కాస్తా ఆలస్యంగా చెల్లించారు. జనవరి నుంచి రిటైర్‌ అవుతున్నవారికి చెల్లించే విషయంలో ఆర్టీసీ వెనకాముందు ఆడుతోంది. పదవీవిరమణ పొందిన ఉద్యోగులకు ప్రావిడెంట్‌ ఫండ్, గ్రాట్యుటీలను వెంటనే చెల్లించాల్సి ఉంటుంది. వారు రిటైర్‌ అయ్యే సమయానికల్లా సెటిల్‌మెంట్లను సిద్ధం చేస్తారు. కానీ, ఇప్పుడు మొదటిసారి గతి తప్పింది. ఒక్కో ఉద్యోగికి వారి బేసిక్‌ ఆధారంగా రూ.8 లక్షల నుంచి రూ.20 లక్షల వరకు గ్రాట్యుటీ అందుతుంది. ఆర్టీసీలో ప్రస్తుతం పింఛన్‌ విధానం లేనందున గ్రాట్యుటీ పెద్ద ఊరట, దాన్ని భవిష్యత్తు ఆసరాకు వీలుగా డిపాజిట్‌ చేసుకునేవాళ్లు, ఇంటి ప్రధాన అవసరాలకు వాడేవారు ఎక్కువగా ఉంటారు. అలాంటిది ఇప్పుడు గ్రాట్యుటీ నిలిచిపోవటం, ఎప్పుడు విడుదలవుతుందో తెలియని అయోమయం నెలకొనటంతో రిటైర్‌ అవుతున్న ఉద్యోగులలో తీవ్ర ఆవేదన నెలకొంది. తక్కువ వేతనాలుండే శ్రామిక్, డ్రైవర్, కండక్టర్‌ కుటుంబాల్లో ఇప్పుడు గందరగోళం నెలకొంది.   చివరి నెల వేతనం కూడా గల్లంతేనా..  ఆర్టీసీలో తొలి నుంచి రిటైర్‌ అయ్యేచివరి నెలవేతనం ఆలస్యంగా చెల్లిస్తూ వచ్చే పద్ధతి ఉంది. వారు జాయిన్‌ అయినప్పుడు నెల మధ్యలోనో, చివరలోనో విధుల్లో చేరినప్పుడు ఆ నెల మొత్తానికి అడ్వాన్సుగా పూర్తి మొత్తం చెల్లిస్తున్నారు. రిటైర్‌ అయ్యే చివరి నెల వేతనం నుంచి నాటి అడ్వాన్స్‌ మొత్తాన్ని సర్దుబాటు చేస్తారు. ఈ లెక్కలు చూసేందుకు సమయం పట్టనున్నందున ఓ నెల ఆలస్యంగా చివరి వేతనం చెల్లించేవారు. ఇప్పుడు గ్రాట్యుటీతోపాటు ఆ నెల వేతనం చెల్లింపునకు కూడా ఆటంకం ఏర్పడింది. వెరసి ఇటు గ్రాట్యుటీ రాక, చివరి వేతనం అందక ఉద్యోగులు తీవ్ర నిరాశతో ఇళ్లకు వెళ్తున్నారు. రిటైర్‌మెంట్‌ ఫంక్షన్‌రోజు కుటుంబసభ్యులను పిలిపించి సన్మానం చేసి సెటిల్‌మెంట్ల తాలూకు డబ్బు అందజేసి పంపించేరోజులు పోయి, ఖాళీ చేతులతో పంపటం ఇప్పుడు ఆర్టీసీ ఉద్యోగుల్లో ఆవేదనకు కారణమవుతోంది.   ఆర్‌ఈఎంఎస్‌ సిబ్బందిలో అవగాహన లేక..  ఆర్టీసీ ఉద్యోగులు, వారి కుటుంబసభ్యులకు తార్నాకలోని ఆర్టీసీ ఆసుపత్రిలో వైద్యం ఉచితంగా అందుతోంది. రిటైర్‌ అవగానే ఆ వెసులుబాటు నిలిచిపోతుంది. అప్పుడు సిబ్బంది హోదా ఆధారంగా రూ.20 వేల నుంచి రూ.35 వేల వరకు నిర్ధారిత మొత్తాన్ని వసూలు చేసుకుని ‘రిటైర్డ్‌ ఎంప్లాయీస్‌ మెడికల్‌ బెనిఫిట్‌ స్కీం(ఆర్‌ఈఎంఎస్‌)’లో సభ్యత్వం కలి్పస్తారు. అప్పుడు వారికి తార్నాక ఆసుపత్రి ద్వారా మెరుగైన చికిత్సకు వేరే ప్రైవేటు ఆసుపత్రికి రిఫర్‌ చేస్తే రూ.4 లక్షల వరకు బిల్లు కవర్‌ అవుతుంది. ఆర్‌ఈఎంఎస్‌ సభ్యత్వం కోసం ఉద్యోగులు చెల్లించాల్సిన మొత్తాన్ని గ్రాట్యుటీ నుంచి మినహాయిస్తూ వస్తున్నారు. ఇప్పుడు గ్రాట్యుటీ నిలిచిపోవటంతో కొన్ని డిపోల్లో సంబంధిత సెక్షన్‌ ఉద్యోగులు ఆర్‌ఈఎంఎస్‌ సభ్యత్వం కోసం ఏర్పాట్లు చేయటం లేదు. కొన్నిచోట్ల మాత్రం, నిర్ధారిత మొత్తాన్ని తగ్గించి గ్రాట్యుటీ సెటిల్‌మెంట్‌ కోసం ఉన్నతాధికారులకు ఫైల్‌ పంపుతున్నారు. దీంతో కొన్ని డిపోల్లో రిటైర్‌ అయినవారికి ఆర్‌ఈఎంస్‌ సభ్యత్వం లభించటం లేదు. ఏప్రిల్‌లో శుభకార్యాలు లేకపోవటంతో బస్సుల్లో ప్రయాణించేవారి సంఖ్య కూడా తగ్గించి ఫలితంగా రోజువారీ టికెట్‌ ఆదాయం రూ.14.50 కోట్లు రావాల్సి ఉండగా, రూ.12 కోట్ల వద్దే ఆగిపోతోంది. ఇలాంటి తరుణంలో ఈ నెల తాలూకు జీతాల చెల్లింపు ఎలా అన్న విషయంలో ఆర్టీసీ అధికారులు తలలు పట్టుకుంటున్నారు. జీతాలకే దిక్కులేని తరుణంలో గ్రాట్యుటీ సెటిల్‌మెంట్‌ కష్టంగా మారింది. 

భారతదేశంలో చట్టబద్దమైన 'ఎంప్లాయీస్ ప్రావిడెంట్ ఫండ్ ఆర్గనైజేషన్' (EPFO) సంస్థ ఉద్యోగుల భవిష్య నిధిని నిర్వహిస్తున్న సంగతి అందరికి తెలిసిందే. ఇది ఉద్యోగి పదవి విరమణ పొందిన తరువాత ఎంతగానో ఉపయోగపడే ఒక రకమైన పొదుపు. అయితే కొన్ని సందర్భాల్లో కొంత ప్రావిడెంట్ ఫండ్ తీసుకునే వెసులుబాటు ఉంది. ఉద్యోగి పదవి విరమణ పొందకముందే ఎలాంటి సందర్భాల్లో ఫండ్ తీసుకోవచ్చు, ఎంత శాతం తీసుకోవచ్చనే మరిన్ని వివరాలు మీ కోసం.. నిరుద్యోగం విషయంలో.. పిఎఫ్ అకౌంట్ ఉన్న వ్యక్తి ఏదైనా సందర్భంలో తన ఉద్యోగం కోల్పోతే, లేదా ఉద్యోగం లభించకుండా ఎక్కువ కాలం ఉండాల్సిన పరిస్థితి ఏర్పడితే అప్పటికే పొదుపు చేసుకున్న ప్రావిడెంట్ ఫండ్ నుంచి 75 శాతం విత్‌డ్రా చేసుకోవచ్చు. ఒకవేళా నిరుద్యోగ సమయం రెండు నెలలకంటే ఎక్కువ ఉంటె మిగిలిన 25 శాతం కూడా తీసుకోవచ్చు. ఉన్నత చదువుల కోసం.. పిఎఫ్ అకౌంట్ ఉన్న వ్యక్తి ఉన్నత చదువులు చదవటానికి, లేదా 10వ తరువాత పిల్లల విద్యా ఖర్చులను భరించడానికి 50 శాతం విత్‌డ్రా చేసుకోవచ్చు. వివాహం కోసం.. ఈ ఆధునిక కాలంలో పెళ్లి ఖర్చులు కూడా భారీగా పెరిగిపోతున్నాయి, కావున ఉద్యోగులు తమ పెళ్లి ఖర్చుల కోసం కూడా తమ పిఎఫ్ అకౌంట్ నుంచి డబ్బును 50 శాతం తీసుకోవచ్చు. దీని కోసం ఖచ్చితమైన వివరాలు అందించాల్సి ఉంటుంది. వికలాంగుల కోసం..  పిఎఫ్ ఖాతా కలిగిన వికలాంగులు 6 నెలల విలువైన బేసిక్ పే & డియర్‌నెస్ అలవెన్స్ లేదా వడ్డీతో కూడిన ఉద్యోగుల వాటాను 2023 నిబంధనల ప్రకారం విత్‌డ్రా చేసుకోవచ్చు. ఇది ఖరీదైన పరికరాలను కొనుగోలు చేయడానికి ఉపయోగపడుతుంది. ఇది ప్రత్యేకంగా వారి ఆర్ధిక ఇబ్బందులను తగ్గించడానికి ఉద్దేశించబడింది. (ఇదీ చదవండి: తక్కువ రేటుకే భారత్‌కు చమురు సరఫరా.. రష్యా కీలక నిర్ణయం) వైద్య అవసరాల కోసం.. పిఎఫ్ అకౌంట్ కలిగిన ఉద్యోగి అనుకోని పరిస్థితుల్లో రోగాల భారిన పాడినప్పుడు వైద్యం చేయించుకోవడానికి డబ్బుని విత్‌డ్రా చేసుకోవచ్చు. ఇది సొంత వైద్య ఖర్చుల కోసం లేదా కుటుంబ సభ్యుల చికిత్స కోసం ఉపయోగించుకోవచ్చు. ఆరు నెలల బేసిక్ పే, డియర్‌నెస్ అలవెన్స్ లేదా ఉద్యోగి వాటాతో పాటు వడ్డీని తీసుకోవచ్చు. ఇల్లు లేదా భూమిని కొనుగోలు కోసం.. ఖాతాదారుడు భూమిని కొనుగోలు చేయడానికి లేదా నివాస గృహాలు కొనుగోలు చేయాలనుకున్నప్పుడు కూడా పిఎఫ్ బ్యాలెన్స్ విత్‌డ్రా చేసుకోవచ్చు. నిబంధనలకు అనుగుణంగా మాత్రమే దీనిని విత్‌డ్రా చేసుకోవడం సాధ్యమవుతుంది. (ఇదీ చదవండి: భార‌త్‌లో 2023 టయోట ఇన్నోవా క్రిస్టా లాంచ్ - ధర ఎంతో తెలుసా?) ఇంటి మరమ్మత్తుల (Home Renovation) కోసం.. వివాహం, వైద్య ఖర్చులు మొదలైన వాటికి మాత్రమే కాకుండా కొత్త ప్రావిడెంట్ ఫండ్ నిబంధనల ప్రకారం.. హోమ్ రెనోవేషన్ కోసం డబ్బు విత్‌డ్రా చేసుకోవచ్చు. ఇందులో 12 నెలల బేసిక్ పే & డియర్‌నెస్ అలవెన్స్‌తో పాటు ఉద్యోగి వాటాలో తక్కువ మొత్తం తీసుకోవచ్చు.

ఎంప్లాయి ప్రావిడెంట్‌ ఫండ్‌ ఆర్గనైజేషన్‌ (ఈపీఎఫ్‌ఓ) సంస్థ ఉద్యోగులు ఎక్కువ పెన్షన్‌ పొందేలా కొత్త మార్గదర్శకాలు విడుదల చేసిన విషయం తెలిసిందే. దీంతో అధిక పెన్షన్‌ కోసం ఉద్యోగులు ఈపీఎఫ్‌ఓ పోర్టల్‌లో అప్లయ్‌ చేసుకునే వీలు కల్పించింది. ఉద్యోగులు పెన్షన్‌ పొందడానికి గరిష్ట వేతనం (బేసిక్‌ పే ప్లస్‌ డియర్‌నెస్‌ అలవెన్స్‌) నెలకు రూ.15,000 ఉండాలి. ఆ వేతనంపై 8.33 శాతం పూర్తిగా ఈపీఎస్‌(ఉద్యోగుల భవిష్యనిధి పింఛను పథకం)లో జమ చేయాల్సి ఉంటుంది.  నవంబర్‌ 4న సుప్రీం కోర్టు తీర్పు ప్రకారం.. అధిక పెన్షన్‌ పొందేందుకు అర్హులైన ఉద్యోగులు ఈపీఎఫ్‌ఓలో అప్లయి చేసుకోవాలని ఉత్తర్వులు జారీ చేసింది. ఆ ఉత్తర్వులకు అనుగుణంగా ఈపీఎఫ్‌ఓ రిటైర్డ్‌ ఫండ్‌ బాడీ పోర్టల్‌ను సిద్ధం చేసింది.  ఈపీఎఫ్‌ఓలో ఎలా అప్లయ్‌ చేయాలి ♦ అర్హులైన ఈపీఎఫ్‌ఓ ఖతాదారులు ఈ-సేవ పోర్టల్‌(e-Sewa portal)ను సందర్శించాలి ♦అందులో అధిక పెన్షన్‌ అప్లయ్‌ చేసేలా Pension on Higher Salary: Exercise of Joint Option under para 11(3) and para 11(4) of EPS-1995 on or before 3rd May 2023 అనే ఆప్షన్‌ పాపప్‌ అవుతుంది.  ♦ ఆ ఆప్షన్‌ మీద క్లిక్‌ చేస్తే రెండు ఆప్షన్‌లు కనిపిస్తాయి. వాటిలో అధిక పెన్షన్‌ కోసం (pensionOnHigherWages) అనే ఆప్షన్‌ పై క్లిక్‌ చేయాలి.  ♦ అనంతరం అప్లికేషన్‌ ఫారమ్‌ ఫర్‌ జాయింట్‌ ఆప్షన్‌తో యూఏఎన్‌ నెంబర్‌, పేరు, మీ పుట్టిన తేదీ, ఆధార్‌ కార్డ్‌ వివరాల్ని ఎంటర్‌ చేసి ఓటీపీ ఆప్షన్‌పై ట్యాప్‌ చేయాలి.  ♦ ట్యాప్‌ చేసిన తర్వాత మీరు అర్హులైతే అధిక పెన్షన్‌ పొందే సౌలభ్యం కలుగుతుంది. లేదంటే రిజెక్ట్‌ అవుతుంది.

న్యూఢిల్లీ: జెట్‌ ఎయిర్‌వేస్‌ కొత్త యజమాని– జలాన్‌–ఫ్రిట్ష్ కన్సార్టియంకు (మురారి లాల్‌ జలాన్‌– ఫ్లోరియన్‌ ఫ్రిచ్‌) అత్యున్నత న్యాయస్థానంలో ఎదురుదెబ్బ తగిలింది. ఎయిర్‌లైన్‌ మాజీ ఉద్యోగుల భవిష్య నిధి, గ్రాట్యుటీ బకాయిలను చెల్లించాలని ఆదేశిస్తూ,  నేషనల్‌ కంపెనీ లా అప్పీలేట్‌ ట్రిబ్యునల్‌ (ఎన్‌సీఎల్‌ఏటీ) ఇచ్చిన ఉత్తర్వును సుప్రీంకోర్టు సోమవారం సమర్థించింది. అప్పీలేట్‌ ట్రిబ్యునల్‌ గత ఏడాది అక్టోబర్‌ 21వ తేదీన ఇచ్చిన రూలింగ్‌కు వ్యతిరేకంగా కన్సార్టియం దాఖలు చేసిన అప్పీల్‌ను విచారణకు స్వీకరించలేదు. ‘‘ఎవరైనా ఏదైనా డీల్‌లో అడుగుపెడుతున్నప్పుడు కార్మికులకు చెల్లించాల్సిన బకాయిల గురించి తెలుసుకుంటారు.  చెల్లించని కార్మికుల బకాయిలకు ఎల్లప్పుడూ  ప్రాధాన్యత ఉంటుంది. ఎక్కడో ఒక చోట ఈ విషయంలో అంతిమ నిర్ణయం ఉండాలి. క్షమించండి, మేము ట్రిబ్యునల్‌ తీర్పులో జోక్యం చేసుకోవడం లేదు’’ అని ప్రధాన న్యాయమూర్తి డీవై చంద్రచూడ్, న్యాయమూర్తులు పీఎస్‌ నరసింహ, జేబీ పార్దివాలాలతో కూడిన ధర్మాసనం ఈ సందర్భంగా స్పష్టం చేసింది.   కన్సార్టియం వాదన ఇది... కన్సార్టియం తరఫున సీనియర్‌ అడ్వకేట్‌ సౌరభ్‌ కిర్పాల్‌ తన వాదనలు వినిపిస్తూ, కన్సార్టియంకు అందించిన సమాచార పత్రంలో (ఇన్ఫర్మేషన్‌ మెమోరాండమ్‌) కార్పొరేట్‌ రుణగ్రహీత (జెట్‌ ఎయిర్‌వేస్‌) భవిష్య నిధి, గ్రాట్యుటీ బకాయిలకు సంబంధించి ఎలాంటి బాధ్యతలను పూర్తిగా వెల్లడించలేదని పేర్కొన్నారు. బకాయిల కింద ఇప్పుడు రూ. 200 కోట్లకు పైగా అదనపు మొత్తాన్ని వెచ్చించాల్సి ఉంటుందని, దీనివల్ల విమానయాన సంస్థను పునరుద్ధరించడం కష్టమని అన్నారు. ఒకసారి ఆమోదించిన తర్వాత రిజల్యూషన్‌ ప్లాన్‌ను సవరించడం లేదా వెనక్కి తీసుకోవడం సాధ్యం కాదని కూడా పేర్కొన్నారు.   ఈ తరహా ఉద్యోగులకు ఆశాకిరణం సుప్రీం రూలింగ్‌తో జెట్‌ ఎయిర్‌వేస్‌ మాజీ ఉద్యోగుల్లో  హర్షం వ్యక్తం అవుతోంది. కన్సార్టియం అప్పీల్‌కు వెళుతుందన్న అభిప్రాయంతో  జెట్‌ ఎయిర్‌వేస్‌ అగ్రివ్డ్‌ (బాధిత) వర్క్‌మెన్‌ అసోసియేషన్‌ (ఏఏడబ్ల్యూజేఏ) సుప్రీంకోర్టులో కేవియట్‌ పిటిషన్‌ దాఖలు చేసింది. అసోసియేషన్‌ తరఫున సీనియర్‌ అడ్వకేట్‌  సీనియర్‌ న్యాయవాది సిద్ధార్థ్‌ భట్నాగర్, న్యాయవాది స్వర్ణేందు ఛటర్జీ తమ వాదనలు వినిపించారు. ‘‘ఈ ఉత్తర్వు ఈ వివాదంలో మార్గనిర్దేశం చేయడమే కాదు, ఈ రకమైన వ్యాజ్యాలలో చిక్కుకున్న ఈ తరహా కార్మికులు, ఉద్యోగులందరికీ ఇది ఒక  ఆశాకిరణం’’ అని అడ్వకేట్‌ ఛటర్జీ విలేకరులతో అన్నారు. రికార్డ్‌ తేదీ... 2019 జూన్‌ 20 ఆర్థిక సంక్షోభం కారణంగా 2019 ప్రారంభంలో కార్యకలాపాలను నిలిపివేసిన జెట్‌ ఎయిర్‌వేస్‌ కోసం బిడ్‌ను దివాలా పరిష్కార ప్రక్రియ ద్వారా జలాన్‌–ఫ్రిట్ష్ కన్సార్టియం గెలుచుకుంది. విమానయాన సంస్థ ఇప్పుడు తన సేవలను పునఃప్రారంభించేందుకు సిద్ధమవుతోంది. అప్పీలేట్‌ ట్రిబ్యునల్‌ ఆదేశాల ప్రకారం, రాజీనామా చేసిన లేదా పదవీ విరమణ చేసిన కార్మికులు, ఉద్యోగులందరికీ పూర్తి గ్రాట్యుటీ మరియు ప్రావిడెంట్‌ ఫండ్‌ చెల్లించాలి. ఈ లెక్కలకు 2019 జూన్‌ 20 వరకు తేదీని (దివాలాకు సంబంధించి అడ్మిషన్‌ తేదీ వరకు) పరిగణనలోకి తీసుకోవాలి. సుప్రీం రూలింగ్‌తో ప్రయోజనం పొందుతున్న వారిలో జెట్‌ ఎయిర్‌వేస్‌ కార్మికులు, ఎయిర్‌క్రాఫ్ట్‌ మెయింటెనెన్స్‌ ఇంజనీర్లు, ఆఫీసర్స్‌ అండ్‌ స్టాఫ్‌ అసోసియేషన్‌ సభ్యులు ఉన్నారు. 

ఎంప్లాయి ప్రావిడెంట్‌ ఫండ్‌ (ఈపీఎఫ్‌ఓ) సంస్థ ఉద్యోగులకు శుభవార్త చెప్పింది. ఈ ఏడాది నవంబర్‌లో సుప్రీం కోర్టు ఇచ్చిన తీర్పుకు అనుగుణంగా ఎక్కువ శాలరీ తీసుకుంటున్న ఉద్యోగులు సైతం పీఎఫ్‌కు అర్హులేనని కొత్త మార్గ దర్శకాలను విడుదల చేసింది. సుప్రీం ఇచ్చిన ఆదేశాల‍్ని పారాగ్రాఫ్‌ 11(3) 1995 స్కీమ్‌ కింద సంస్థలు 8 వారాల్లో అమలు చేయాలని సూచించింది.  ఈపీఎఫ్‌ఓ  సర్క్యులర్‌ విడుదల ఈపీఎఫ్‌ఓ సర్క్యులర్‌లో 1995 స్కీమ్‌లోని పేరా 11(3) ప్రకారం సెప్టెంబర్ 1, 2014కి ముందు పదవీ విరమణ చేసిన ఉద్యోగులు ఈ నిబంధనల పరిధిలోకి వస్తారు. అంటే సెప్టెంబర్‌ 1,2014కి ముందు రిటైరైన ఉద్యోగులు, రిటైర్మెంట్‌కు ముందే సదరు ఉద్యోగులు అధిక పింఛన్‌ కోసం ఆప్షన్‌ తీసుకొని ఉండంతో పాటు ఇతర కొన్ని నిబంధనలు విధించింది. ఆ నిబంధనలకు లోబడి ఉన్న ఉద్యోగులు మాత్రమే అర్హులు. పూర్తి స్థాయి సమాచారం కోసం ఈపీఎఫ్‌ఓ కార్యాలయాన్ని సందర్శించాలని విడుదల చేసిన మార్గదర్శకాల్లో ఈపీఎఫ్‌వో స్పష్టం చేసింది.  పీఎఫ్‌ పరిమితిని సుప్రీం ఎందుకు పెంచింది?  ఎంప్లాయీస్ ప్రావిడెంట్ ఫండ్ ఆర్గనైజేషన్ (epfo) 2014లో ఓ సవరణ చేసింది. ఆ సవరణ ప్రకారం..ఉద్యోగులు పెన్షన్‌ పొందడానికి గరిష్ట వేతనం (బేసిక్‌ పే ప్లస్‌ డియర్‌నెస్‌ అలవెన్స్‌) నెలకు రూ.15,000 ఉండాలి. సవరణకు ముందు ఇది రూ.6,500గా ఉండేది. ఈ పథకాన్ని కేరళ, రాజస్తాన్, ఢిల్లీ హైకోర్టులు గతంలోనే కొట్టేశాయి. వీటిని సవాలు చేస్తూ ఈపీఎఫ్‌ఓ, కేంద్రం సుప్రీంకోర్టులో పిటిషన్‌ దాఖలు చేశాయి. దీనిపై ప్రధాన న్యాయమూర్తి జస్టిస్‌ యు.యు.లలిత్, న్యాయమూర్తులు జస్టిస్‌ అనిరుద్ధ బోస్, జస్టిస్‌ సుధాంశూ ధూలియాతో కూడిన సుప్రీంకోర్టు ధర్మాసనం నవంబర్‌లో తీర్పును వెలువరించింది. ఉద్యోగుల పెన్షన్‌ (సవరణ) పథకం–2014 చెల్లుబాటును సమర్థించింది. అయితే, పీఎఫ్‌లో చేరేందుకు రూ.15,000 నెలవారీ కనీస వేతనం పరిమితిని కొట్టేసింది.  చదవండి👉 6 కోట్ల మంది పీఎఫ్ ఖాతాదారులకు శుభవార్త!

మీరు ప్రైవేట్ రంగంలో ఉద్యోగం చేస్తూ 10 సంవత్సరాలు పూర్తి చేశారా? అయితే ఈ గుడ్‌ న్యూస్‌ మీకోసమే. ప్రయివేటు రంగ ఉద్యోగులకు పదవీ విరమణ తర్వాత ప్రతి నెలా పెన్షన్ ఇవ్వాలని కేంద్ర ప్రభుత్వం యోచిస్తోంది. అయితే  కొన్ని షరతులకు లోబడి ప్రభుత్వం ఈ పెన్షన్‌ని అందిస్తోంది. అవేంటో చూద్దాం! నిబంధనలు ఏం చెప్తోంది! ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) నిబంధనల ప్రకారం..  సంఘటిత రంగంలో పనిచేస్తున్న ఉద్యోగులు 10 ఏళ్ల పూర్తయిన వారికి పింఛన్ సౌకర్యం లభిస్తుంది. అయితే సదరు ఉద్యోగికి 58 ఏళ్లు పూర్తి కావాల్సి ఉంటుంది. ఆ తర్వాత ప్రతి నెలా వారికి పెన్షన్ అందుతుంది. కాగా ప్రతి నెలా ఉద్యోగుల జీతం నుంచి కొంత సొమ్ము మినహాయించడమే ఇందుకు కారణం. 10 సంవత్సరాలు పనిచేసిన తర్వాత, ఏ ఉద్యోగి అయినా పెన్షన్ పొందడానికి అర్హత పొందుతాడు. అయితే ఉద్యోగ కాలపరిమితి మాత్రం ఖచ్చితంగా 10 ఏళ్లు ఉండాలనే నిబంధన ఉంది. ఇందులో ఒక మినహాయింపు కూడా ఉంది. ఉద్యోగి 9 సంవత్సరాల 6 నెలల సర్వీస్‌ను కూడా 10 సంవత్సరాలకు సమానంగా లెక్కిస్తారు. ఉద్యోగం పదవీకాలం తొమ్మిదిన్నర సంవత్సరాల కంటే తక్కువగా ఉంటే, అది 9 సంవత్సరాలుగా మాత్రమే పరిగణిస్తారు. ఉద్యోగి పదవీ విరమణ వయస్సు కంటే ముందు పెన్షన్ ఖాతాలో జమ చేసిన నగదుని విత్‌డ్రా చేసుకుంటే అటువంటి వారికి పెన్షన్‌కు అర్హత ఉండదు. కాగా ప్రైవేట్ రంగంలో పనిచేసే ఉద్యోగుల ప్రాథమిక జీతం,  డియర్‌నెస్ అలవెన్స్‌లో 12 శాతం ప్రతి నెలా ప్రావిడెంట్ ఫండ్‌కు ఇవ్వబడుతుంది. అలాగే, ఉద్యోగి వాటా మొత్తం ఈపీఎఫ్‌కి వెళ్తుంది. కంపెనీలో 8.33 శాతం ఉద్యోగుల పెన్షన్ స్కీమ్‌లో డిపాజిట్ అవుతుంది. అదే సమయంలో, ప్రతి నెలా 3.67 శాతం ఈపీఎఫ్‌కి వెళుతుంది. ఈ విషయాలను తప్పక తెలుసుకోవాలి ►పని చేస్తున్న సంస్థను విడిచిపెట్టిన తర్వాత ఉద్యోగంలో గ్యాప్ ఉంటే, మీరు మళ్లీ ఉద్యోగం ప్రారంభించినప్పుడు, మీ UAN నంబర్‌ను మార్చకూడదు. ►ఉద్యోగాలు మారినప్పుడు, మీ కొత్త కంపెనీ తరపున ఖాతాకు డబ్బు బదిలీ అవుతుంది. అలాగే, మీ మునుపటి ఉద్యోగం మొత్తం పదవీకాలం కొత్త ఉద్యోగానికి జత చేస్తారు. అటువంటి పరిస్థితిలో, మీరు మళ్లీ 10 సంవత్సరాల ఉద్యోగాన్ని పూర్తి చేయవలసిన అవసరం లేదు. ►ఉద్యోగి 5-5 సంవత్సరాలు రెండు వేర్వేరు సంస్థలలో పనిచేసినట్లయితే, అటువంటి ఉద్యోగికి కూడా పెన్షన్ ప్రయోజనం లభిస్తుంది.  చదవండి: ట్రెండ్‌ మారింది.. పెట్రోల్‌, డీజల్‌,గ్యాస్‌ కాదు కొత్త తరం కార్లు వస్తున్నాయ్‌!

సాక్షి ప్రతినిధి, నల్లగొండ: నల్లగొండ జిల్లా కి చెందిన వారిద్దరే కాదు రాష్ట్రంలో జిల్లా పరిషత్‌ల పరిధిలో పనిచేసే ఉద్యోగులు భవిష్యత్తులో తమ అత్యవసరాల కోసం దాచుకున్న భవిష్య నిధి డబ్బులు సకాలంలో అందడం లేదు. రాష్ట్ర వ్యాప్తంగా దాదాపు లక్ష మంది జెడ్పీ పాఠశాలల ఉపాధ్యాయులు, నాన్‌ టీచింగ్‌ సిబ్బంది, పంచాయతీరాజ్, ఆర్‌డబ్ల్యూఎస్‌ శాఖ పరిధిలోని నాన్‌ ఇంజనీరింగ్‌ సిబ్బంది తమ వేతనంలో కొంత మొత్తాన్ని జిల్లా పరిషత్‌ జీపీఎఫ్‌ ఖాతాలో దాచుకుంటున్నారు. తమకు అవసరమైన సందర్భంలో దాచుకున్న దానిలో 50 శాతం వినియోగించుకోవచ్చు. కానీ ఉద్యోగులు తమ పిల్లల చదువులు, పెళ్లిళ్లు, ఇతర భవిష్యత్‌ అవసరాల కోసం దాచుకున్న తమ డబ్బులను తీసుకునేందుకు ఎదురు చూడక తప్పడంలేదు. చదవండి: భర్తలేని సమయంలో మహిళా సీఐ ఇంట్లో మరో​ సీఐ.. అసలేం జరిగింది? తగ్గించినా ఇవ్వని పరిస్థితి  రాష్ట్రంలో 2004 సెప్టెంబరు 1వ తేదీ కంటే ముందు నియమితులైన ఉద్యోగులకు పాత పెన్షన్‌ విధానం అమలవుతోంది. వారికి జీపీఎఫ్‌లో డబ్బులు దాచుకునే అవకాశం ఉంది. అలాంటి వారంతా తాము దాచుకున్న డబ్బులో వారి అత్యవసరాల కోసం అందులోని డబ్బును డ్రా చేసుకొని వాడుకునే వీలుంది. గతంలో ఇది 70 శాతం వరకు తీసుకునే అవకాశం ఉన్నా ప్రభుత్వం ఆ తరువాత 50 శాతానికి తగ్గించింది. ఆ మొత్తాన్ని కూడా సకాలంలో ఇవ్వడం లేదు. రాష్ట్ర వ్యాప్తంగా లక్ష మంది ఉద్యోగులు  రాష్ట్ర వ్యాప్తంగా జీపీఎఫ్‌ పరిధిలోకి వచ్చే ఉద్యోగులు దాదాపు లక్ష మంది ఉన్నారు. అన్ని జిల్లాల పరిధిలోని ఉద్యోగులు దాచుకున్న సొమ్ము రూ.వేయి కోట్ల వరకు భవిష్య నిధి కిందే ఉంది. ఆ మొత్తాన్ని దాచుకున్న వారిలో ఒక్క ఉమ్మడి నల్లగొండ జిల్లాలోనే 9వేల మంది ఉద్యోగులు ఉన్నారు. ఆ సొమ్ము దాదాపు రూ.200 కోట్లు ప్రభుత్వం వద్దే ఉంది. వారిలో 395 మంది తమ అవసరాల కోసం డబ్బును ఇవ్వాలని దరఖాస్తు చేసుకున్నారు. వారికి దాదాపు రూ.20 కోట్లు చెల్లించాల్సి ఉందని అధికారులు చెబుతున్నారు. గతంలో దరఖాస్తు చేసుకున్న వారికి ప్రభుత్వం గత మార్చి నాటికే డబ్బులను మంజూరు చేసింది. ఆ తరువాత ఏప్రిల్‌ నుంచి డబ్బులు మంజూరు చేయలేదు. దీంతో వారంతా జిల్లా పరిషత్‌ల చుట్టూ ప్రదక్షిణలు చేస్తూనే ఉన్నారు. ఆర్థిక శాఖ వద్దే పెండింగ్‌..  ఉద్యోగులు భవిష్య నిధి పొందేందుకు ఉమ్మడి జిల్లా కేంద్రంలోని జిల్లా పరిషత్‌లో దరఖాస్తులు చేసుకున్నారు. సంబంధిత జిల్లా పరిషత్‌ జీపీఎఫ్‌ అధికారులు ప్రతిపాదనలు సిద్ధం చేశారు. ఆన్‌లైన్‌ చెక్కులను కూడా సిద్ధం చేసి ఆర్థిక శాఖ ఆమోదానికి çపంపించారు. అవన్నీ అక్కడే ఆగిపోయాయి. గతంలో జిల్లా స్థాయిలోనే మంజూరు చేసినా ‘ఈ కుబేర్‌’విధానం వచ్చాక ఆర్థిక శాఖ పరిధిలోకి వెళ్లిపోయింది. జిల్లాల నుంచి వచ్చే ప్రతిపాదనలను ఆర్థిక శాఖ అధికారులు పరిశీలించి సీరియల్‌ ప్రాతిపదికన మంజూరు చేస్తుండటంతో తీవ్ర జాప్యం తప్పడం లేదు.

న్యూఢిల్లీ: సంఘటిత రంగంలో కొత్తగా 18.23 లక్షల మందికి జూలైలో ఉపాధి లభించింది. ఇంత మంది సభ్యులు ఉద్యోగుల భవిష్యనిధి సంస్థ (ఈపీఎఫ్‌వో) పేరోల్‌లో సభ్యులుగా చేరారు. ఈ మేరకు గణాంకాలను కేంద్ర కార్మిక శాఖ మంగళవారం విడుదల చేసింది. 2021 జూలై నెలకు సంబంధించి కొత్త సభ్యుల సంఖ్యతో పోలిస్తే 25 శాతం వృద్ధి ఉన్నట్టు తెలిపింది. ఇక జూలైలో కొత్త సభ్యులు 18.23 లక్షల మందిలో నికరంగా మొదటిసారి ఈపీఎఫ్‌వో పరిధిలోకి వచ్చిన వారు 10.58 లక్షలుగా ఉన్నారు. మిగిలిన వారు ఒక సంస్థలో ఉద్యోగం మానేసి, మరో సంస్థలో చేరిన వారు. ఈ ఏడాది ఏప్రిల్‌ నుంచి ఈపీఎఫ్‌వో సభ్యుల చేరికలో వృద్ధి కనిపిస్తూనే ఉంది.  కొత్త సభ్యుల్లో 57.69 శాతం మంది 18–25 వయసులోని వారున్నారు. మహిళా సభ్యుల సంఖ్య 4.06 లక్షలుగా ఉంది. 2021 జూలైలో మహిళా సభ్యుల చేరికతో పోలిస్తే 35 శాతం పెరిగింది. జూలైలో మొత్తం కొత్త సభ్యుల్లో మహిళల శాతం 27.54 శాతంగా ఉంది. గడిచిన 12 నెలల్లోనే ఇది అత్యధికం. సంఘటిత రంగంలో మహిళల భాగస్వామ్యం పెరుగుతున్నట్టు తెలుస్తోంది. తమిళనాడు, తెలంగాణ, ఆంధ్రప్రదేశ్, ఢిల్లీ, మధ్యప్రదేశ్‌ రాష్ట్రాల్లో నికర సభ్యుల చేరిక పెరిగింది. మహారాష్ట్ర, కర్ణాటక, తమిళనాడు, హర్యానా, గుజరాత్, ఢిల్లీ రాష్ట్రాల నుంచే 12.46 లక్షల మంది సభ్యులు చేరడం గమనార్హం. మొత్తం సభ్యుల చేరికలో ఈ రాష్ట్రాల వాటా 68 శాతంగా ఉంది. చదవండి: India WinZo: ఇది కేవలం కొందరి కోసం.. గూగుల్‌ పాలసీ సరికాదు

ఉద్యోగులు ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్‌ఓ) సంస్థలో గోల్‌ మాల్‌ జరిగింది. సంస్థ ఉద్యోగులే సుమారు రూ.1000 కోట్ల నిధిని కాజేసినట్లు తెలుస్తోంది. డమ్మీ కంపెనీలు, డమ్మీ ఫేక్‌ అకౌంట్‌లను క్రియేట్‌ చేసి అందులోకి నిధుల్ని మళ్లించారు. ఇందుకోసం జెట్‌ ఎయిర్‌ వేస్‌ ఉద్యోగులు ఖాతాల్ని ఉపయోగించుకున్నట్లు తేలింది.   ముంబై సబర్బన్‌ ఉద్యోగులు ఈ కుంభకోణానికి పాల్పడినట్లు పలు కథనాలు వెలుగోలోకి వచ్చాయి. ఈ స్కాం ఎలా వెలుగులోకి వచ్చింది? ఎంత మంది నిధుల్ని కాజేశారనే విషయాలు వెలుగులోకి రావాల్సి ఉండగా.. ప్రస్తుతం ఈ అంశంపై పోలీసులు దర్యాప్తు ముమ్మరం చేశారు.  ఈ సందర్భంగా ఉద్యోగులు నిధుల దుర్వినియోగంపై ఈపీఎఫ్‌ఓ సెంట్రల్‌ బ్రోర్డర్‌ ఆఫ్‌ ట్రస్ట్రీ ప్రభాకర్‌ బాణాసురే స్పందించారు. ఉద్యోగుల తీరుతో ఈపీఎఫ్‌ఓ రూ.1000కోట్లు నష్టపోయే అవకాశం ఉందన్నారు. కాగా, ముంబైలోని కండివాలి కార్యాలయంలో ఈ మోసం జరిగినట్లు ఆరోపణలు వచ్చాయి. విదేశాల్లో ఉన్న భారతీయులతో పాటు, జెట్ ఎయిర్‌వేస్‌లోని అప్పటి పైలట్లు, సిబ్బంది ఉద్యోగాలను ఉపయోగించడం ద్వారా స్కామ్ జరిగినట్లు సమాచారం.  చదవండి👉 ఈపీఎఫ్‌ఓలో ఫోటో ఎలా అప్‌లోడ్‌ చేయాలో తెలుసా? లేదంటే డబ్బులు రావు!

మీకు ఈపీఎఫ్ అకౌంట్ ఉందా? ఈపీఎఫ్ అకౌంట్‌లో నామినీ వివరాలు అప్‌డేట్ చేసి ఉన్నాయా? లేదంటే ఇప్పుడు చేయండి. ఎందుకంటే పీఎఫ్ క్లెయిమ్ సమయంలో సమస్యలు రాకుండా ఉండాలంటే నామినీ పేరు తప్పనిసరి చేయాలని కేంద్రం ప్రభుత్వం ఆదేశాలు కూడా జారీ చేసింది. దీని వల్ల ఉద్యోగులు తమ ప్రయోజనాలు పొందడంతో పాటు ఉద్యోగుల భవిష్య నిధి (EPF) ఉద్యోగుల పెన్షన్ పథకం (EPS) లాంటివి బెనిఫిట్స్‌తో పాటు అనేక ఇతర ప్రయోజనాలపై ఆన్‌లైన్ క్లెయిమ్ సెటిల్‌మెంట్లు కూడా ఉంటాయి. కనుక ఇప్పుడే ఆలస్యం కాకుండా త్వరగా మీ ఈపీఎఫ్‌ ఈ- నామినేషన్‌ చేయండి. ఈ నామినేషన్‌ సులభంగా చేసేయండి ఇలా... ►ఈపీఎఫ్‌ఓ( EPFO ) వెబ్‌సైట్‌లోకి వెళ్లి, ‘సర్వీసెస్‌’ విభాగంలోకి వెళ్లండి. ►‘ఫర్‌ ఎంప్లాయిస్‌’ విభాగంలో ‘మెంబర్ UAN/ఆన్‌లైన్ సర్వీస్’ ఆఫ్షన్‌ వస్తుంది. దానిపై క్లిక్ చేయండి. ►మీ UAN, పాస్‌వర్డ్‌తో లాగిన్ అవ్వండి. ►లాగిన్‌ అయ్యాక 'మేనేజ్' ట్యాబ్ కింద, 'ఇ-నామినేషన్' ఎంచుకోండి. ►ఇప్పుడు అందులో మీ 'వివరాలను నింపి' ట్యాబ్ కింద ఉన్న 'సేవ్' క్లిక్ చేయండి. ►తర్వాత మీ కుటుంబ డిక్లరేషన్‌ను అప్‌డేట్ చేసేందకు మీ కుటుంబ సభ్యుల ఆధార్, పేరు, పుట్టిన తేదీ, జెండర్‌,రిలేషన్‌, చిరునామా, బ్యాంక్ ఖాతా వివరాలు (ఆఫ్షనల్‌),     గార్డియన్, పాస్‌పోర్ట్ సైజు ఫోటో వంటి అవసరమైన వివరాలను నింపిన తర్వాత ‘ఎస్‌’పై క్లిక్ చేయండి. ►ఇక ఒకరు లేదా అంతకంటే ఎక్కువ మంది కుటుంబ సభ్యులను వివరాలను నింపే ఆఫ్షన్‌ ఉంటుంది. అక్కడ ఉన్న 'యాడ్‌ ఫ్యామిలీ డీటెయిల్స్‌'పై క్లిక్ చేయండి. ►ఇందులో మీ కుటుంబ సభ్యుల వివరాలు నింపిన తర్వాత వారి నగదు వాటాను నిర్ణయించుకుని ఆ  మొత్తాన్ని అందులో నింపాలి. ఆపై ‘సేవ్ ఈపీఎఫ్ నామినేషన్’పై క్లిక్ చేయండి. ►ఇప్పుడు 'ఈ-సైన్' ఆఫ్షన్‌పై క్లిక్‌ చేయడం ద్వారా ఆధార్‌తో లింక్ చేసిన మీ మొబైల్ నంబర్‌కు ఓటీపీ వస్తుంది. దాన్ని(otp) సబ్మిట్‌ చేయండి. ►అయితే ఈ-నామినేషన్‌ను దాఖలు చేసేందుకు, ఈపీఎఫ్‌ సభ్యలు ముందుగా యూఏఎన్‌( UAN )మెంబర్ పోర్టల్‌లో వారి యూఏఎన్‌ ఖాతాను యాక్టివేట్ చేయాల్సి ఉంటుంది. దీంతో పాటు వారి మెంబర్ ఐడీ, ఎస్టాబ్లిష్‌మెంట్ ఐడీ, పేరు, పుట్టిన తేదీ, తండ్రి/భార్య పేరు, సంబంధం, ఉద్యోగంలో చేరిన తేదీని నిర్ధారించుకోవాలి. వీటితో పాటు ప్రతి నామినీకి కేవైసీ( KYC) వివరాలను సమర్పించడంతో పాటు వారి PF/ EDL మొత్తం వాటాను కూడా తెలిపాల్సి ఉంటుంది. చదవండి: షావోమీ భారీ షాక్‌, లాభాలు రాలేదని వందల మంది ఉద్యోగులపై వేటు!

న్యూఢిల్లీ: పింఛను నిధి నియంత్రణ, అభివృద్ధి సంస్థ (పీఎఫ్‌ఆర్‌డీఏ) నిర్వహణలోని పింఛను పథకాల్లో సభ్యుల సంఖ్య ఏప్రిల్‌ చివరికి 5.23 కోట్లకు చేరింది. 2021 ఏప్రిల్‌ నాటికి ఉన్న సభ్యులు 4.26 కోట్ల మందితో పోల్చి చూస్తే ఏడాది కాలంలో 23 శాతం పెరిగినట్టు తెలుస్తోంది. నేషనల్‌ పెన్షన్‌ సిస్టమ్‌ (ఎన్‌పీఎస్‌), అటల్‌ పెన్షన్‌ యోజన (ఏపీవై) పథకాలను పీఎఫ్‌ఆర్‌డీఏ చూస్తోంది. ఎన్‌పీఎస్, ఏపీవై కింద సభ్యులకు చెందిన పింఛను ఆస్తుల విలువ రూ.7,38,765 కోట్లకు చేరింది. అంతక్రితం ఏడాది ఇదే కాలానికి ఉన్న విలువ నుంచి 25 శాతం పెరిగింది.  

ట్యాక్స్‌ ప్లానింగ్‌లో భాగంగా ఇన్వెస్ట్‌ చేసేందుకు ఎన్నో మార్గాలు ఉన్నాయి. ఈ వారం మరికొన్నింటి గురించి తెలుసుకుందాం. ప్రతి ఉద్యోగికి పి.పి.ఎఫ్‌. తప్పనిసరే. యజమాని తప్పనిసరిగా పీఎఫ్‌ రికవరీ చేసి, తాను మరికొంత చేర్చి, భవిష్య నిధికి జమ చేస్తారు. ఇది కనిష్టంగా రూ. 500, గరిష్టంగా రూ.1,50,000 ఉంటుంది. కాస్త ఎక్కువ జీతం ఉన్న వారికి పీఎఫ్‌ మొత్తం రూ. 1,50,000 దాటిపోతుంది. వీరికి 80సి కింద సేవింగ్స్‌ చేసినా ఎటువంటి మినహాయింపు ఉండదు. ఇతర అంశాల జోలికి పోవడంవల్ల ఉపయోగం ఉండదు. తక్కువ రికవరీ ఉన్నవారు అవసరం అయితే పెంచుకోవచ్చు. వడ్డీ 8.5 శాతం వస్తుంది. వడ్డీ మీద ఎటువంటి పన్ను భారం లేదు. 15 సంవత్సరాలు చేయాల్సి ఉంటుంది. ఇందులో 3 సదుపాయాలు ఉంటాయి. దీన్ని E,E.E. అంటారు. ఇన్వెస్ట్‌ చేసినందుకు మినహాయింపు, వడ్డీకి మినహాయింపు, విత్‌డ్రా చేసుకున్నప్పుడు వచ్చే మొత్తానికి కూడా మినహాయింపు లభిస్తుంది. అంటే పన్నుభారం లేదు. దాచిన మొత్తాన్ని ఏడాదికి ఒకసారి విత్‌డ్రా చేసుకోవచ్చు (5వ సంవత్సరం తర్వాత నుండి). కోర్టుద్వారా ఎటువంటి అటాచ్‌మెంట్‌ చేయరు. రుణం తీసుకోవడానికి వీలు ఉంటుంది. ఇది వ్యక్తులకు మాత్రమే వర్తిస్తుంది. జాయింట్‌గా తీసుకోవడానికి వీలుండదు. ఎన్నారైలకు వర్తిం చదు. ఇవన్నీ పరిగణనలోకి తీసుకుని ఆలోచించుకోండి. ఉన్నవాటిలో ఇది అత్యుత్తమమైనది.  కేసీహెచ్‌ ఏవీఎస్‌ఎన్‌ మూర్తి, కేవీఎన్‌ లావణ్య ఇక ఎన్‌ఎస్‌సీలు.. అంటే నేషనల్‌ సేవింగ్స్‌ సర్టిఫికెట్లు. ఒకప్పుడు ఆరు సంవత్సరాల్లో రెట్టింపై ఎంతో లాభసాటిగా ఉండేవి. క్రమేపీ వడ్డీ రేటును తగ్గించేశారు. ఇప్పుడు 6.8 శాతం వస్తుంది. ఇక్కడ  E.E.E నియమం వర్తిస్తుంది. కనీసం రూ. 1,000 ఇన్వెస్ట్‌ చేయవచ్చు. గరిష్ట పరిమితి లేదు. 5 సంవత్సరాల కాలపరిమితి ఉంటుంది. వడ్డీని అసలుకు కలుపుతారు. 80సి కింద దక్కే ప్రయోజనం పరిమితి రూ. 1,50,000. కొన్ని సందర్భాల్లో ముందుగానే నగదుగా మార్చుకోవచ్చు. ఏడాదిలోపే తీసేసుకుంటే వడ్డీ ఇవ్వరు. మొదటి సంవత్సరం దాటి 3 సంవత్సరాల లోపల అయితే సాధారణ వడ్డీ ఇస్తారు. నామినేషన్‌ సదుపాయం ఉంది. మరోవైపు, పోస్టాఫీస్‌లో సేవింగ్స్‌ బ్యాంక్‌ అకౌంటులో జమకి 80సి మినహాయింపు లేదు. ఏటా 4 శాతం వడ్డీ ఉంటుంది. కనీసం రూ. 50 నుంచి గరిష్టంగా ఎంతైనా ఉంచవచ్చు. ఎన్ని సంవత్సరాలైనా కొనసాగించవచ్చు. జాయింటుగా చేరవచ్చు. సింగిల్‌లో రూ. 3,500, జాయింటులో రూ. 7,000 వడ్డీకి మినహాయింపు ఉంటుంది. కానీ 80 టీటీఏ కింద రూ. 10,000 వరకూ మినహాయింపు పొందవచ్చు. సీనియర్‌ సిటిజన్లకు 80 టీటీబీ కింద రూ.50,000 వరకూ మినహాయింపు ఉంటుంది.  అలాగే సీనియర్‌ సిటిజన్లకు ఒక స్కీమ్‌ ఉంది. వడ్డీ 7.4 శాతం లభిస్తుంది. కనీసం రూ. 1,000, గరిష్టంగా రూ. 15,00,000 ఇన్వెస్ట్‌ చేయవచ్చు. 5 సంవత్సరాల కాలవ్యవధి ఉంటుంది. మరో 3 సంవత్సరాలు పొడిగించుకోవచ్చు. వడ్డీకి మినహాయింపు ఉంటుంది. వడ్డీ రూ. 50,000 దాటితే టీడీఎస్‌ ఉంటుంది. దీనికి 80సి వర్తిస్తుంది.60 సంవత్సరాల వారికే ఇది వర్తిస్తుంది. 55 సంవత్సరాలు దాటిన వారు రిటైర్‌ అయిపోతే ఇందులో చేరవచ్చు (కొన్ని షరతులకు లోబడి). జాయింటు అకౌంటు తెరిచేందుకు వీలుంటుంది. ఇలా ఎన్నో ఇన్వెస్ట్‌మెంట్‌ ప్లాన్లు ఉన్నాయి. -  కె.సీహెచ్‌.ఎ.వి.ఎస్‌.ఎన్‌ మూర్తి, కె.వి.ఎన్‌ లావణ్య (ట్యాక్సేషన్‌ నిపుణులు)

ఈపీఎఫ్‌ఓ ఖాతాదారులకు కేంద్రం షాకివ్వనుంది. 40 ఏళ్ల తరువాత తొలిసారి ఈపీఎఫ్‌ఓపై ఇచ్చే వడ్డీ రేట్లను తగ్గిస్తున్నట్లు తెలుస్తోంది. పీటీఐ కథనం ప్రకారం.. సెంట్రల్‌ బోర్డ్‌ ఆఫర్‌ ట్రస్ట్రీ (సీబీటీ) సభ్యులు 2021 -2022 సంవత్సరానికి ఈపీఎఫ్‌ ఖాతాదారులకు వచ్చే వడ్డీరేట్లపై సమావేశమైంది. ఈ భేటీలో ఖాతాదారులకు 8.1శాతం వడ్డీ ఇవ్వాలని నిర్ణయించినట్లు సమాచారం. అయితే ఈ వడ్డీ రేట్లు 40ఏళ్ల మందుకు అంటే 1977-78 సంవత్సరంలో ఈపీఎఫ్‌ఓ ఖాతాలపై 8శాతం ఇవ్వడం గమన్హారం.   మళ్లీ 40ఏళ్ల తరువాత అదే తరహాలో వడ్డీ రేట్లు ఇవ్వడానికి కోవిడ్‌ తో పాటు ఖాతాదారుల నుంచి జమయ్యే నిధి తక్కువ ఉండటమే  ఇందుకు ప్రధాన కారణమని నివేదికలు వెలుగులోకి వచ్చాయి.   ఇంతకుముందు ఎలా ఉన్నాయ్‌! 2011 -2012 లో 8.25శాతం 2012-2013 లో 8.5శాతం 2013-2014 లో 8.75శాతం  2015 -2016లో 8.8శాతం  2016 - 2017లో 8.65శాతం  2017 - 2018లో 8.55శాతం  2018 -2019 లో 8.65శాతం  2019-2020లో 8.5శాతం  2020-2021లో 8.5శాతం  2021 -2022లో 8.1శాతం వడ్డీ ఇవ్వనున్నట్లు రిపోర్ట్‌లో హైలెట్‌ చేస్తున్నాయి. తాజా వడ్డీరేట్ల తగ్గుదల నిర్ణయాన్ని సీబీటీ సభ్యులు కేంద్ర ఆర్ధిక శాఖకు పంపనున్నారు. ఆర్ధిక శాఖ నిర్ణయంతో  ఈ తగ్గిన వడ్డీరేట్లు అమల్లోకి రానున్నాయి. చదవండి: కేంద్ర ప్రభుత్వ ఉద్యోగులకు శుభవార్త?!

ప్రపంచంలో బాధలను ఎవరూ తగ్గించలేరు, కానీ మనం చేయగలిగినంత మంచి చేయాలి.. ఒక ప్రభుత్వ ఉపాధ్యాయుడి నోటి నుంచి వెలువడిన ఆణిముత్యం లాంటి మాట ఇది. మాటే కాదు.. ఆయన మనసూ స్వచ్ఛమే.  విజయ్ కుమార్ చాన్సోరియా.. మధ్యప్రదేశ్‌లోని పన్నా జిల్లాలోని ఖాందియాలో ప్రభుత్వ టీచర్‌గా పని చేశారు. 39 సంవత్సరాల సర్వీస్‌ తర్వాత ఈ మధ్యే ఆయన సర్వీస్‌ నుంచి దిగిపోయారు. సోమవారం ఆయన ఉద్యోగ విరమణ సన్మానం జరిగింది. ఆ సన్మాన కార్యక్రమంలో పీఎఫ్‌, సేవింగ్స్‌ ద్వారా వచ్చిన 40 లక్షల రూపాయల్ని పేద విద్యార్థులకు ఇచ్చేస్తున్నట్లు ప్రకటించారాయన.  భార్యతో విజయ్‌ కుమార్‌ సార్‌ ఉపాధ్యాయుడిగా వేలాదిమందిని తీర్చిదిద్దినప్పటికీ అది నాకు సంతృప్తినివ్వలేదు. వారి కోసం ఇంకేదో చేయాలి. అందుకే ఈ నిర్ణయం తీసుకున్నా అని చెప్పారాయన. రిక్షా తొక్కి, పాలు అమ్మి చదువుకున్నా. నాలాగే ఎంతో మంది ఇప్పటికీ కష్టపడుతున్నారు. చదువంటే ఆసక్తి ఉన్న పేద విద్యార్థులకు నాలాంటి కష్టం రాకూడదని ఈ నిర్ణయం తీసుకున్నా అని ప్రకటించగానే..  అంతా చప్పట్లతో ఆయన్ని స్వాగతించారు.  అంతమాత్రాన ఆయనకు భార్యాపిల్లలు లేరనుకోవడం పొరపాటే. అక్కడ చప్పట్లు కొట్టిన వాళ్లలో ఆయన భార్యా, కూతురూ ఉన్నారు కూడా. విజయ్‌ కుమార్‌ భార్య బాగానే చదువుకుంది. ఆయన కూతురికి ఆల్రెడీ పెళ్లైంది. ఇద్దరు కొడుకులూ ఉద్యోగాలు చేస్తూ మంచిగానే సెటిల్‌ అయ్యారు. వాళ్ల అనుమతితోనే తాను ఇన్నాళ్లుగా దాచుకున్న పీఎఫ్, గ్రాట్యుటీ నిధులను పేద విద్యార్థులకు ఇవ్వాలని నిర్ణయించుకున్నట్టు చెప్పారు విజయ్‌ కుమార్‌ చాన్సోరియా. చదవండి: కారడవిలో అడవి బిడ్డల భవిష్యత్తు కోసం 14కి.మీ. నడక!

పన్ను రహిత ప్రావిడెంట్‌ ఫండ్‌ పరిమితిని పెంచే సూచనలు బడ్జెట్‌ 2022-2023లో స్పష్టంగా కనిపిస్తున్నాయి!. పీఎఫ్‌ ఖాతాల్లో ఒక ఆర్థిక సంవత్సరంలో ఇకపై రూ. 5 లక్షల వరకు జమ చేసుకునే ఉద్యోగులందరికీ(ప్రైవేట్‌ కూడా!) వడ్డీపై పన్ను ఉండబోదని కేంద్ర ఆర్థిక మంత్రి నిర్మలా సీతారామన్‌ ప్రకటన చేయొచ్చని ఆర్థిక నిపుణులు భావిస్తున్నారు. ఎందుకంటే.. ప్రస్తుతం 2.5 లక్షల రూపాయలుగా ఉన్న పీఎఫ్‌ ట్యాక్స్‌ ఫ్రీ పరిమితిని.. ఈసారి బడ్జెట్‌లో ప్రభుత్వం రెట్టింపు చేసే అవకాశం కనిపిస్తోంది.  జీతం ఉన్న ఉద్యోగులందరికీ సంవత్సరానికి రూ. 5 లక్షల వరకు చేయొచ్చని తెలుస్తోంది. ప్రభుత్వ ఉద్యోగులతో సమానంగా ప్రైవేట్‌ ఉద్యోగులను ఈ గొడుగు కిందకు తీసుకొచ్చేందకు కేంద్రం సుముఖత వ్యక్తం చేసినట్లు కొన్ని ఆర్థిక సంబంధమైన బ్లాగుల్లో కథనాలు కనిపిస్తున్నాయి.   2021-22 ఉద్యోగుల సమయంలో.. ఉద్యోగుల ప్రావిడెంట్‌ ఫండ్‌పై పన్ను భారాన్ని తగ్గిస్తూ లోక్‌సభలో కేంద్ర ఆర్థిక మంత్రి నిర్మలా సీతారామన్‌ ప్రకటన చేశారు. ఉద్యోగి తరఫున భవిష్యనిధి ఖాతాకు కంపెనీ తన వాటా జమ చేయనట్టయితే.. అటువంటి కేసులకు రూ.5లక్షల పరిమితి వర్తిస్తుందని మంత్రి వెసులుబాటు కల్పించారు.  అయితే  పరిమితిని రూ. 2.5 లక్షల నుంచి రూ. 5 లక్షలకు పెంచే సవరణ ప్రభుత్వ ఉద్యోగులకు మాత్రమే ప్రయోజనం చేకూర్చిందని, ఇది వివక్షతో కూడుకున్నదని నిపుణులు విమర్శలు గుప్పించారు.  ఈ నేపథ్యంలో.. తాజా నిర్ణయం అమలులోకి వస్తే..  జీతం ఎత్తే ఉద్యోగులందరికీ ఈ లిమిట్‌ను 5 లక్షల దాకా చేయనున్నట్లు తెలుస్తోంది. ఈ నిబంధనను సవరించాలంటూ ప్రభుత్వానికి అనేక ప్రాతినిధ్యాలు అందాయి.  ప్రాథమికంగా ఈ నిబంధన..  ప్రభుత్వ ఉద్యోగులకు మాత్రమే ప్రయోజనం చేకూర్చే అంశం కాబట్టి, ఇది వివక్షత లేనిదిగా ఉండాలని, జీతాలు తీసుకునే ఉద్యోగులందరినీ దీని పరిధిలోకి తీసుకురావాలని నొక్కిచెప్పాయి. చదవండి: ఈపీఎఫ్‌వో ఖాతాదారులకు శుభవార్త.. లక్ష రూ. దాకా.. 

ఈపీఎఫ్‌ఓ ఖాతాదారులకు శుభవార్త. కరోనా కష్టకాలంలో అకౌంట్‌ నుంచి లక్షరూపాయలు అడ్వాన్స్‌గా విత్‌ డ్రా చేసుకునే అవకాశాన్ని ఎంప్లాయిస్‌ ప్రావిడెంట్‌ ఫండ్‌ ఆర్గనైజేషన్‌ (ఈపీఎఫ్‌ఓ) సంస్థ అవకాశం కల్పించింది.  దేశంలో పెరిగిపోతున్న కరోనా కేసుల కారణంగా ఈపీఎఫ్‌ఓ అకౌంట్‌ హోల్డర్లు ఖర్చుల భారాన్ని తగ్గించుకునేలా వైద్య ప్రయోజనాల కోసం ఈపీఎఫ్‌ఓ సభ్యులు అకౌంట్‌ నుంచి రూ.1లక్ష వరకు విత్‌డ్రా చేసుకోవచ్చని ఈపీఎఫ్‌ఓ అధికారికంగా ప్రకటించింది. ఖతాదారులు ఎలాంటి డాక్యుమెంట్స్‌ లేకుండా లక్ష వరకు అడ్వాన్స్‌గా తీసుకోవచ్చు. అయితే కొన్ని నిబంధనలకు లోబడి పీఎఫ్‌ విత్‌ డ్రా చేసుకోవాల్సి ఉంటుంది. అవేంటో తెలుసుకుందాం  పీఎఫ్‌ అకౌంట్‌ నుంచి డబ్బులు విత్‌డ్రా చేసేందుకు షరతులు   ►వ్యక్తి తప్పనిసరిగా ప్రభుత్వ ఆసుపత్రి/సీజీహెచ్‌ఎస్‌ ప్యానెల్ ఆసుపత్రిలో చేరాలి. ►ప్రైవేట్ ఆసుపత్రిలో చేరితే.., ఆస్పత్రిలో చేరేముందే విత్ డ్రా చేసుకోవచ్చు.  ►పీఎఫ్‌ ఆఫీస్‌ వర్కింగ్‌ డే రోజు దరఖాస్తు చేస్తే, ఆ మరుసటి రోజే డబ్బు అకౌంట్‌కు ట్రాన్స్‌ఫర్‌ అవుతుంది ►డబ్బును ఉద్యోగి పర్సనల్‌ అకౌంట్‌ లేదంటే ఆసుపత్రి బ్యాంక్‌ అకౌంట్‌కు ట్రాన్స్‌ఫర్‌ అవుతుంది.  పీఎఫ్‌ అకౌంట్‌ నుంచి డబ్బులు ఇలా డ్రా చేయండి ►పీఎఫ్‌ అకౌంట్‌ నుంచి లక్షరూపాయిల విత్ డ్రా ఎలా అంటే? ►ముందుగా అధికారిక వెబ్‌సైట్ www.epfindia.gov.inను సందర్శించాలి.  ►వెబ్‌ పోర్టల్‌లో 'ఆన్‌లైన్ సేవలు'పై క్లిక్ చేయండి ►అనంతరం 31, 19, 10C మరియు 10D ఫారమ్‌లను పూర్తి చేయాలి ►ధృవీకరించడానికి మీ బ్యాంక్ అకౌంట్‌ చివరి నాలుగు అంకెలను ఎంట్రీ చేయాలి ►తర్వాత 'ప్రొసీడ్ ఫర్ ఆన్‌లైన్ క్లెయిమ్'పై క్లిక్ చేయండి ►డ్రాప్-డౌన్ మెను నుండి ఫారమ్ 31ని సెలక్ట్‌ చేసుకోవాలి ►డబ్బును విత్‌ డ్రా ఎందుకు చేసుకుంటున్నారో చెప్పాలి.  ►అనంతరం ఆసుపత్రి బిల్లు కాపీని అప్‌లోడ్ చేయండి ►మీ ఇంటి అడ్రస్‌ ను ఎంట్రీ చేసి 'సబ్మిట్‌' బటన్‌ పై పై క్లిక్ చేయండి. దీంతో పీఎఫ్‌ విత్‌ డ్రా ప్రాసెస్‌ పూర్తవుతుంది. మీ అకౌంట్‌లో డబ్బులు పడిపోతాయి. చదవండి: ఈపీఎఫ్‌వో సభ్యులకు శుభవార్త..! భారీగా పెరగనున్న పెన్షన్‌..! ఎంతంటే..?

దివాళీ సందర్భంగా ఈపీఎఫ్‌ఓ ఖాతాదారులకు కేంద్రం శుభవార్త చెప్పింది. 2020-21 సంవత్సరానికి ఖాతాదారులకు 8.5శాతం వడ్డీని అందిస్తున్నట్లు కేంద్ర ఆర్ధిక శాఖ తెలిపింది. తద్వరా 6 కోట్ల మంది ఈపీఎఫ్‌ఓ అకౌంట్‌ హోల్డర్లకు లబ్ధి చేకూరనుంది. వడ్డీ రేట్లను కొనసాగిస్తుంది ఈపీఎఫ్‌ఓ బోర్డ్ 2020-21 ఆర్థిక సంవత్సరానికి ప్రావిడెంట్ ఫండ్ డిపాజిట్లపై వడ్డీ రేటును 8.5 శాతాన్ని కొనసాగిస్తున్నట్లు ప్రకటించింది. కరోనా మహమ్మారి కారణంగా ఖాతాదారులు ఈపీఎఫ్‌ఓ అకౌంట్ల నుంచి పెద్ద మొత్తంలో నగదును ఉపసంహరించుకున్నట్లు, వారికి తక్కువ మొత్తంలో కాంట్రిబ్యూషన్‌ ఇవ్వడంపై ఈ నిర్ణయం తీసుకుంది. ఈ సందర్భంగా ఈపీఎఫ్‌ఓ సభ్యుడు  భారతీయ మజ్దూర్ సంఘ్ ప్రధాన కార్యదర్శి విర్జేష్ ఉపాధ్యాయ్ మాట్లాడుతూ కోవిడ్‌ వల్ల ఆర్ధిక మాంద్యం ఉన‍్నప్పటికీ 2020-21 సంవత్సరానికి వడ్డీ రేట్లను కొనసాగించడంపై కేంద్రప్రభుత్వాన్ని అభినందించాలని అన్నారు.  ఈపీఎఫ్‌లో ఏదైనా సమస్య ఆన్‌లైన్‌లో ఫిర్యాదు ఎలా ఫైల్ చేయాలి? ►మొదట https://epfigms.gov.in/ పోర్టల్ సందర్శించండి ►ఫిర్యాదు చేయడం కొరకు 'Register Grievance' మీద క్లిక్ చేయండి. ►ఇప్పుడు పీఎఫ్ సభ్యుడు, ఈపీఎస్ పెన్షనర్, యజమాని, ఇతర అనే ఆప్షన్ లలో ఏదైనా ఒక ఆప్షన్ ఎంచుకోండి. ►పీఎఫ్ ఖాతా సంబంధిత ఫిర్యాదు కోసం పీఎఫ్ మెంబర్ ఆప్షన్ ఎంచుకోవాలి.  ►ఆ తర్వాత యుఏఎన్, సెక్యూరిటీ కోడ్ ఎంటర్ చేసి 'Get Details' మీద క్లిక్ చేయండి. ►యుఏఎన్ తో లింక్ చేయబడ్డ మీ వ్యక్తిగత వివరాలు కంప్యూటర్ స్క్రీన్ పై కనిపిస్తాయి. ►ఇప్పుడు 'గెట్ ఓటిపి' మీద క్లిక్ చేయండి. (ఈపిఎఫ్ఓ డేటాబేస్ లో రిజిస్టర్డ్ మొబైల్ నెంబరు/ ఈమెయిల్ ఐడీకి ఒక్కసారి ఓటీపీ వస్తుంది)  ►ఓటీపీ, వ్యక్తిగత వివరాలు నమోదు చేసిన తర్వాత ఫిర్యాదు చేయాల్సిన పీపీ నెంబరుపై క్లిక్ చేయండి. ►ఇప్పుడు స్క్రీన్ పై పాప్-అప్ కనిపిస్తుంది. దీనిలో, మీ ఫిర్యాదుకు సంబంధించిన బటన్ ఎంచుకోండి. ►గ్రీవియెన్స్ కేటగిరీని ఎంచుకొని మీ ఫిర్యాదు వివరాలను ఇవ్వండి. ఒకవేళ మీ వద్ద ఏవైనా రుజువులు ఉన్నట్లయితే, వాటిని అప్ లోడ్ చేయవచ్చు. ►ఫిర్యాదు రిజిస్టర్ చేసిన తరువాత, 'Add' మీద క్లిక్ చేసి సబ్మిట్ మీద క్లిక్ చేయండి. ►దీని తర్వాత మీ రిజిస్టర్డ్ ఈ-మెయిల్/మొబైల్ నెంబరుకు ఫిర్యాదు రిజిస్టర్ నెంబర్ వస్తుంది. చదవండి: తరచుగా పీఎఫ్‌ డబ్బులు డ్రా చేస్తే రూ. 35 లక్షలు నష్టపోయినట్లే!

న్యూఢిల్లీ: ఉద్యోగుల భవిష్య నిధి సంస్థ (ఈపీఎఫ్‌వో)లో కొత్త సభ్యుల నమోదు జూన్‌తో పోలిస్తే జులైలో నికరంగా 31.28 శాతం పెరిగింది. జూన్‌లో ఈ సంఖ్య 11.16 లక్షలుగా ఉండగా జులైలో 14.65 లక్షలుగా నమోదైంది. వీరిలో 9.02 లక్షల మంది తొలిసారిగా చేరిన వారు. ఇక మిగతా వారు గతంలో ఈపీఎఫ్‌వో నుంచి వైదొలిగి..మళ్లీ కొత్త ఉద్యోగంలో చేరడం ద్వారా తిరిగి సభ్యత్వం పొందారు. దేశీయంగా సంఘటిత రంగంలో ఉద్యోగాల కల్పన మెరుగుపడటాన్ని ఇది ప్రతిబింబిస్తోందని కార్మిక మంత్రిత్వ శాఖ ఒక ప్రకటనలో తెలిపింది. ఈపీఎఫ్‌వో సోమవారం విడుదల చేసిన డేటా ప్రకారం.. గత నాలుగు నెలలుగా చందాదారుల సంఖ్య క్రమంగా పెరుగుతోంది. ఏప్రిల్‌లో కొత్త సభ్యుల నమోదు నికరంగా 8.9 లక్షలుగా ఉండగా, మే నెలలో 6.57 లక్షలుగా నమోదైంది. ఏప్రిల్‌ మధ్య నుంచి కరోనా వైరస్‌ సెకండ్‌ వేవ్‌ వ్యాప్తితో పలు రాష్ట్రాల్లో కొత్తగా లాక్‌డౌన్‌ విధించాల్సి రావడం కాస్త ప్రతికూల ప్రభావం చూపింది.  

వ్యాపారం ఎంతో రిస్క్‌తో కూడిన పని. అనేక కష్టనష్టాలకు ఓర్చితేనే ఏదైనా కంపెనీ లాభాల బాట పడుతుంది. అయితే ఈ లాభాల నుంచి ఆదాయపన్ను కట్టాల్సి వస్తుంది. బడా కంపెనీలకు ఇది పెద్ద సమస్య కాకపోయినా ఎదుగుతున్న కంపెనీలు పన్ను మినహాయింపు ఆశిస్తాయి. ప్రతీనెల జీతం తీసుకునే ఉద్యోగులు ఆదాయం పన్ను మినహాయింపును కోరుకుంటారు. ఇలాంటి వారి కోసం చట్ట పరంగా పన్ను మినహాయింపులు ఇస్తోంది ప్రభుత్వం. ప్రభుత్వం పన్ను మినహాయింపు ఇచ్చే వాటిలో కొన్ని..   టర్మ్‌ లైఫ్‌ ఇన్సురెన్స్‌ పాలసీ అవాంఛనీయ సంఘటనలు జరిగినప్పుడు మనకు, మన కుటుంబానికి ఇన్సురెన్స్‌ భద్రత అందిస్తుంది. ఆదాయపన్ను కడుతున్నవారు ఇన్వెస్ట్‌ చేయాల్సిన వాటిలో ఇన్సురెన్స్‌ ప్రధానమైంది. ఇన్సురెన్స్‌ పాలసీ ప్రీమియంగా చెల్లించిన మొత్తానికి ఆదాయపు పన్ను నుంచి మినహాయింపు లభిస్తుంది. ఏ ఆర్థిక సంవత్సరంలో ప్రీమియం కడితే ఆ ఏడాదికి సంబంధించి పన్ను మినహాయింపు పొందవచ్చు. పబ్లిక్‌ ప్రావిడెంట్‌ ఫండ్‌ చట్టపరంగా ఇన్‌కంట్యాక్స్‌ను తగ్గించుకునేందుకు పబ్లిక్‌ ప్రావిడెంట్‌ ఫండ్‌ పథకం చక్కనగా ఉపకరిస్తుంది. ఏదైనా బ్యాంకు లేదా పోస్టాఫీసులో పబ్లిక్‌ ప్రావిడెంట్‌ ఫండ్‌ ఖాతాను ప్రారంభించి, అందులో జమ చేసిన సొమ్ముకు పన్ను నుంచి మినహయింపు ఉంటుంది. అయితే ఇందులో జమ చేసే మొత్తాన్ని 15 ఏళ్ల వరకు విత్‌డ్రా చేయడానికి వీలులేదు. ఐదేళ్ల ఫిక్స్‌డ్‌ డిపాజిట్‌ ఆదాయపు పన్ను నుంచి మినహాయింపు పొందేందుకు ఎక్కువ మంది ఎంచుకునే మార్గాల్లో  ఐదేళ్ల ఫిక్స్‌డ్‌ డిపాజిట్‌ కూడా ఒకటి. ఈక్విటీ మార్కెట్లతో పోల్చితే రిస్క్‌ తక్కువ, గ్యారంటీ రిటర్న్స్‌ ఉంటాయి. సీనియర్‌ సిటిజన్లకు అయితే డిపాజిట్లపై ఎక్కువ వడ్డీ లభిస్తుంది. నేషనల్‌ సేవింగ్స్‌ సర్టిఫికేట్స్‌ భారత ప్రభుత్వం ప్రవేశపెట్టిన నేషనల్‌ సేవింగ్స్‌ సర్టిఫికేట్స్‌ పథకం ద్వారా పన్ను రాయితీ పొందవచ్చు. తక్కువ ఆదాయం పొందే వారికి ఈ పథకం అనుకూలంగా ఉంటుంది. రిటర్న్స్‌ కూడా ఎక్కువగా అందిస్తుంది. ఈ పథకం ద్వారా రూ. 1.50 లక్షల వరకు రాయితీ పొందే అవకాశం ఉంది. సీనియర్‌ సిటిజన్స్‌ సేవింగ్స్‌ స్కీం అరవై ఏళ్లు పైబడిన సీనియర్‌ సిటిజన్లకు పన్ను రాయితీ కల్పించేందుకు ఈ పథకాన్ని అమలు చేస్తున్నారు. కనీసం వెయ్యి రూపాయలు పెట్టుబడిగా పెట్టాల్సి ఉంటుంది. ఐదేళ్లు మెచ్యూరిటీ పీరియడ్‌గా ఉంటుంది. గరిష్టంగా లక్షన్నర రూపాయల వరకు పన్ను మినహాయింపు పొందవచ్చు.    

ప్రావిడెంట్ ఫండ్(పీఎఫ్) ఖాతాదారులకు అలర్ట్. ఉద్యోగుల ప్రావిడెంట్ ఫండ్ ఆర్గనైజేషన్ (ఈపీఎఫ్ఓ) తన పీఎఫ్ ఖాతాదారులకు సంబంధించిన నిబంధనలలో కొన్ని మార్పులు చేసింది. కొత్త నిబంధనలు జూన్ 1, 2021 నుంచి అమలులోకి వస్తాయి. కొత్త నిబంధనల ప్రకారం కచ్చితంగా పీఎఫ్ ఖాతాను ఆధార్‌తో లింక్ చేయడం తప్పనిసరి. లేకపోతే పీఎఫ్ లో జమ చేసే మొత్తంపై ప్రభావం పడనుంది. ఉద్యోగుల ఖాతాలను ఆధార్ లింకు చేసే బాధ్యతను ఈపీఎఫ్ఓ, ​​యజమానులకు అప్పగించింది. ఒకవేళ ఉద్యోగి ఈపీఎఫ్ ఖాతా ఆధార్ లింకు కాకపోతే యజమాని జమ చేసే నగదు మీ ఖాతాలో ఇకనుంచి జమకాదు. కాబట్టి, మీ పీఎఫ్ ఖాతాను వెంటనే ఆధార్‌తో లింకు చేయాలని తెలుసుకోండి. అలాగే, మీ యూనివర్సల్ అకౌంట్ నంబర్(యుఎఎన్) ఆధార్‌తో లింకు చేసుకోవాలి. దీనికి సంబంధించి ఉత్తర్వులను ఈపీఎఫ్ఓ విడుదల చేసింది. కొత్త నియమం ఏమిటి? సామాజిక భద్రత కోడ్ 2020లోని సెక్షన్ 142 కింద ఈపీఎఫ్ఓ కొత్త నిర్ణయం తీసుకుంది. జూన్ 1 నుంచి, పీఎఫ్ ఖాతా ఆధార్‌తో లింకు చేయకపోతే లేదా యూనివర్సల్ అకౌంట్ నంబర్(యుఎఎన్) ఆధార్‌తో ధృవీకరించబడకపోతే, ఈసీఆర్(ఎలక్ట్రానిక్ చలాన్ కమ్ రిటర్న్) దాఖలు చేయబడదు. అంటే, ఉద్యోగులు తమ సొంత పీఎఫ్ ఖాతాలో సంస్థ యజమాని జమ చేసే వాటాను ఇక నుంచి పొందలేరు. జూన్ 1లోగా తమ ఉద్యోగుల ఖాతాలను ఆధార్‌తో లింక్ చేసి ధృవీకరించాలని ఈపీఎఫ్‌ఓ యజమానులందరినీ ఆదేశించింది. ఈ కొత్త నియమం జూన్ 1 నుంచి అమల్లోకి రానుంది. ఈపీఎఫ్‌ను ఆధార్‌తో లింకు చేయండి ఇలా? దశ 1: అధికారిక ఈపీఎఫ్ఓ ​​వెబ్‌సైట్( www.epfindia.gov.in) ఓపెన్ చేసి లాగిన్ అవ్వండి. దశ 2: ఇప్పుడు ఆన్‌లైన్ సర్వీసెస్ పై క్లిక్ చేసి ఈ-కెవైసి పోర్టల్‌కు వెళ్లి యుఎఎన్ ఆధార్ లింక్ పై క్లిక్ చేయండి దశ 3: యుఎఎన్ ఖాతాలో నమోదు చేసిన మీ యుఎఎన్ నంబర్, మొబైల్ నంబర్‌ను నమోదు చేయండి. దశ 4: మీ మొబైల్ నంబర్‌కు ఓటీపీ నంబర్‌ను పొందుతారు. ఓటీపీని, 12 అంకెల ఆధార్ సంఖ్యను ఎంటర్ చేసి ఫారమ్‌ను సమర్పించండి. ఇప్పడు ఓటీపీ ధృవీకరణ ఎంపికపై క్లిక్ చేయండి. దశ 5: మీ ఆధార్ వివరాలను ధృవీకరించడానికి మీ ఆధార్‌కు లింక్ చేసిన మొబైల్ నంబర్, మెయిల్‌లో ఓటీపీ వస్తుంది. ఈ ధృవీకరణ తర్వాత మీ ఆధార్ మీ పీఎఫ్ ఖాతాకు లింక్ చేయబడుతుంది. చదవండి: రూ.50 వేలు దాటేసిన బంగారం ధర

ఏప్రిల్ 1 నుంచి సంవత్సరానికి రూ.2.5 లక్షలకుపైగా జమ అయ్యే ప్రావిడెంట్ ఫండ్ నగదుపై పన్ను విధించబడుతుంది. దీనికి సంబందించిన ప్రకటనను ఆర్థిక మంత్రి నిర్మలా సీతారామన్ కేంద్ర బడ్జెట్ 2021లో ప్రకటించారు. 2.5 లక్షల వరకు డిపాజిట్ అయ్యే నగదుపై ఎలాంటి పన్ను విధించరని ఆర్థిక మంత్రి అన్నారు. ఫైనాన్స్ బిల్లు 2021లో ప్రభుత్వం ఈ నిబంధనకు సవరణను ప్రవేశపెట్టింది. సాధారణంగా, ప్రతి ఉద్యోగి పీఎఫ్ ఖాతాలో ఉద్యోగి మూల వేతనం నుంచి 12 శాతం జమ అవుతుంది. అంతే మొత్తంలో కంపెనీ కూడా ఉద్యోగి పీఎఫ్​ ఖాతాలో జమచేస్తుంది. అయితే, తాజా నిబంధనల ప్రకారం.. ప్రావిడెంట్ ఫండ్, నేషనల్ పెన్షన్ సిస్టం, సూపర్ ​న్యూ నేషన్ ఫండ్‌కు సంవత్సరానికి రూ.7,50,000 కంటే ఎక్కువ మొత్తంలో యజమాని సహకారం కింద పీఎఫ్​ ఖాతాలో జమ అయ్యే నగదుపై మాత్రమే ప్రభావం పడనుంది. సంవత్సరానికి రూ.20.83 లక్షలకు పైగా సంపాదించే వారిపై పన్ను విధించే అధికారం ప్రభుత్వానికి ఉంటుంది. ఈపిఎఫ్ సహకారంపై అతని లేదా ఆమె ఆసక్తిని ఆకర్షిస్తారు. సుమారు 93 శాతం మంది రూ.2.5 లక్షల పరిమితికి లోబడి ఉన్నారు. ఇందులో జమ అయ్యే నగదుపై వడ్డీ లభిస్తుంది. దీని వల్ల పదవి విరమణ సమయంలో పెద్ద మొత్తంలో డబ్బు మీ చేతికి అందుతుంది. తద్వారా, పదవి విరమణ తర్వాత ప్రశాంతంగా జీవితాన్ని గడపవచ్చు. చదవండి: కొత్త ఇళ్లు కొనే వారికి ఎస్‌బీఐ షాక్! మళ్లీ పెరిగిన బంగారం ధరలు!

న్యూఢిల్లీ:  ఉద్యోగుల ప్రావిడెంట్‌ ఫండ్‌పై పన్ను భారాన్ని తగ్గిస్తూ కేంద్ర ఆర్థిక మంత్రి నిర్మలా సీతారామన్‌ ప్రకటన చేశారు. పీఎఫ్‌ ఖాతాల్లో ఒక ఆర్థిక సంవత్సరంలో ఇకపై 5 లక్షల వరకు జమ చేసుకునే వారికి వడ్డీపై పన్ను ఉండదంటూ కేంద్ర ఆర్థిక మంత్రి నిర్మలా సీతారామన్‌ మంగళవారం లోక్‌సభలో ప్రకటించారు. 2021–22 బడ్జెట్‌లో భాగంగా.. భవిష్యనిధి ఖాతాలో ఒక ఆర్థిక సంవత్సరంలో ఉద్యోగి జమలు రూ.2.5లక్షలకు మించితే వడ్డీపై పన్ను వర్తిస్తుందంటూ మంత్రి ప్రకటించిన విషయం గుర్తుండే ఉంటుంది. ఆర్థిక బిల్లు 2021పై చర్చకు మంత్రి సమాధానమిస్తూ ఈ అంశాన్ని ప్రస్తావించారు. ఉద్యోగి తరఫున భవిష్యనిధి ఖాతాకు కంపెనీ తన వాటా జమ చేయనట్టయితే.. అటువంటి కేసులకు రూ.5లక్షల పరిమితి వర్తిస్తుందని మంత్రి వెసులుబాటు కల్పించారు. 127 సవరణలకు కేంద్రం అంగీకారం తెలపడంతో ఫైనాన్స్‌ బిల్లు సభామోదం పొందింది. బుధవారం ఇది రాజ్యసభ ముందుకు రానుంది.  జీఎస్‌టీ కిందకు పెట్రోల్, డీజిల్‌పై చర్చకు సిద్ధం  వస్తు సేవల పన్ను (జీఎస్‌టీ) పరిధిలోకి పెట్రోల్, డీజిల్‌ ఉత్పత్తులను తీసుకురావాలన్న ప్రతిపాదనపై తదుపరి జీఎస్‌టీ కౌన్సిల్‌ భేటీలో చర్చించేందుకు సుముఖంగా ఉన్నట్టు మంత్రి నిర్మలా సీతారామన్‌ లోక్‌సభలో ప్రకటించారు. కేంద్ర ఎక్సైజ్‌ సుంకం, రాష్ట్రాల పన్నుల వాటాయే పెట్రోల్, డీజిల్‌ రిటైల్‌ ధరల్లో అధిక శాతంగా ఉన్న విషయం తెలిసిందే. పెట్రోల్‌ రిటైల్‌ ధరలో 60 శాతం, డీజిల్‌ విక్రయ ధరలో 53 శాతం పన్నులే. కేంద్రం, రాష్ట్రాలు రెండూ పెట్రోల్, డీజిల్‌పై పన్నులు విధిస్తున్నాయని మంత్రి పేర్కొంటూ.. అయినప్పటికీ కేంద్రం వసూలు చేసిన పన్నులను రాష్ట్రాలతో పంచుకుంటున్నట్టు చెప్పారు. తదుపరి జీఎస్‌టీ సమావేశంలో రాష్ట్రాలు ఈ ప్రతిపాదనతో ముందుకు వస్తే చర్చించేందుకు సంతోషంగా ఉన్నట్టు ప్రకటించారు.‌  

న్యూఢిల్లీ: ప్రావిడెంట్‌ ఫండ్‌ డిపాజిట్లపై వార్షిక వడ్డీరేటును ప్రస్తుత ఆర్థిక సంవత్సరం (2020–21) యథాతథంగా 8.5 శాతంగా కొనసాగనుంది. రిటైర్‌మెంట్‌ ఫండ్‌ వ్యవహారాలను నిర్వహించే ఎంప్లాయీస్‌ ప్రావిడెంట్‌ ఫండ్స్‌ ఆర్గనైజేషన్స్‌ (ఈపీఎఫ్‌ఓ) అత్యున్నత నిర్ణాయక విభాగం సెంట్రల్‌ బోర్డ్‌ ఆఫ్‌ ట్రస్టీస్‌ (సీబీటీ)  ఈ కీలక నిర్ణయం తీసుకుందని కార్మిక శాఖ ఒక ప్రకటనలో తెలిపింది. 2019–20లో కూడా ఈపీఎఫ్‌ఓ 8.5 శాతం వడ్డీని తన చందాదారులకు అందించింది.   ప్రకటన ప్రకారం జమ్మూకశ్మీర్‌ రాజధాని శ్రీనగర్‌లో గురువారం కార్మిక, ఉపాధి శాఖల సహాయంత్రి (ఇండిపెండెంట్‌ చార్జ్‌) సంతోష్‌ కుమార్‌ నేతృత్వంలో సీబీటీ సమావేశం జరిగింది. వడ్డీరేటుపై తన నిర్ణయాన్ని సీబీటీ ఆర్థిక శాఖ ఆమోదం కోసం నివేదిస్తుంది. ఆర్థిక శాఖ ఆమోదం అనంతరం ప్రభుత్వ గెజిట్‌ నోటిఫికేషన్‌ జారీ అవుతుంది. అనంతరం తన క్రియాశీల చందాదారుల అకౌంట్లలో 8.5 శాతం వడ్డీని ఈపీఎఫ్‌ఓ జమ చేస్తుంది.   ఐదు కోట్లకుపైగా చందాదారులు ప్రకటన ప్రకారం,  ప్రస్తుతం ఈపీఎఫ్‌ఓ ఐదు కోట్లకుపైగా చందాదారులను కలిగిఉంది. డెట్‌ ఇన్వెస్ట్‌మెంట్‌ నుంచి పొందిన వడ్డీ అలాగే ఈక్విటీ పెట్టుబడుల నుంచి వచ్చిన ఆదాయ అంశాలను పరిగణనలోకి తీసుకుని సీబీటీ తాజా  నిర్ణయం తీసుకుంది. 2015–16లో స్టాక్‌ మార్కెట్‌లో పెట్టుబడులను ఈపీఎఫ్‌ఓ ప్రారంభించింది. ఈక్విటీ అసెట్స్‌లో తన మొత్తం నిధుల్లో 5%తో ప్రారంభమైన ఈపీఎఫ్‌ఓ పెట్టుబడులు ప్రస్తుతం 15%కి చేరాయి. 2018–19లో ఈపీఎఫ్‌ఓ చందాదారులకు లభించిన వడ్డీ 8.65%. దీన్ని 8.5%కి తగ్గిస్తూ, గతేడాది మార్చిలో నిర్ణయం తీసుకుంది. కరోనా ప్రభావం, భారీ ఉపసంహరణల నేపథ్యంలో వడ్డీరేటు మరింత తగ్గుతుందన్న అంచనాలకు భిన్నం గా ట్రస్టీల బోర్డ్‌ నిర్ణయం తీసుకోవడం గమనార్హం.

ఓ కార్పొరేట్‌ కంపెనీలో సీనియర్‌ ట్రైనర్‌గా పదేళ్ల పాటు పనిచేసిన అమర్‌నాథ్‌ రెడ్డి గతేడాది ఆగస్టులో ఉద్యోగం కోల్పోయాడు. కోవిడ్‌ అనంతర పరిస్థితుల నేపథ్యంలో ఉద్యోగుల సర్దుబాటు క్రమంలో అమర్‌ పింక్‌స్లిప్‌ తీసుకోవాల్సి వచ్చింది. ఆర్నెల్లుగా అమర్‌ ఉద్యోగవేట సాగిస్తూనే ఉన్నాడు. ఉద్యోగం లేకపోవడంతో నెలవారీ ఖర్చుల నిమిత్తం అప్పుల జోలికి పోకుండా తన భవిష్యనిధి ఖాతాలో డబ్బును కోవిడ్‌–19 పరిస్థితి కింద గతేడాది సెప్టెంబర్‌ నెలాఖరులో రూ.30 వేలు విత్‌డ్రా చేశాడు. అనంతరం ఉద్యోగం దొరక్కపోవడంతో ఆర్థిక ఇబ్బందులను అధిగమించేందుకు డిసెంబర్‌లో మరో రూ. 30 వేలు ఉపసంహరించుకున్నాడు. భవిష్యత్తు అవసరాల కోసం పదేళ్లుగా కూడబెట్టుకున్న నిధిలో 35 శాతం నగదు ఆర్నెల్లలోనే కుటుంబ పోషణకు ఖర్చయింది. సాక్షి, హైదరాబాద్‌: పైసాపైసా కూడబెట్టి భావి అవసరాలకు ఉపయోగించాలనుకునే ‘భవిష్యనిధి’కరిగిపోతోంది. ఉద్యోగి తన జీవితంలో కన్న కలలను సాకారం చేసుకునేందుకు ధీమా ఇచ్చే భవిష్యనిధిని నెలవారీ ఖర్చులకు వాడాల్సిన పరిస్థితి వస్తోంది. కోవిడ్‌–19 మహమ్మారి సృష్టించిన విలయంతో సగటు ఉద్యోగి విలవిలలాడుతున్నాడు. కరోనా వైరస్‌ కారణంగా నెలకొన్న ఆర్థిక సంక్షోభంతో దిద్దుబాటు చర్యలు చేపట్టిన వాణిజ్య, వ్యాపార సంస్థలు ఉద్యోగుల వేతనంలో కోతలు, కొన్నిచోట్ల తొలగింపు కార్యక్రమాన్ని చేపట్టాయి. దీంతో వేలాది మంది ఉపాధి కోల్పోతుండగా.. కొత్త కొలువుల సంగతి ప్రశ్నార్థకమవుతోంది. ఈ సమయంలో ఆర్థిక ఇబ్బందులను తట్టుకునేందుకు పీఎఫ్‌ ఉపసంహరణ వైపు మళ్లాల్సిన పరిస్థితి వస్తోంది. అత్యవసర పరిస్థితిలో ఈ నిధిని వినియోగించుకునే వెసులుబాటు ఉండగా... కోవిడ్‌–19తో ఏర్పడిన ఎమర్జెన్సీ ధాటికి భవిష్య‘నిధి’లో ఉపసంహరణల పర్వం కొనసాగుతోంది. ప్రతి ఇద్దరిలో ఒకరు... ఉద్యోగి భవిష్యనిధి నుంచి ఉపసంహరణ చేస్తున్న వారి సంఖ్య రోజురోజుకూ పెరుగుతోంది. ఈ ఆర్థిక సంవత్సరంలో ఇప్పటివరకు పరిస్థితిని పరిశీలిస్తే దాదాపు ప్రతి ఇద్దరిలో ఒకరు పీఎఫ్‌ విత్‌డ్రా కోసం దరఖాస్తు సమర్పిస్తున్నారు. దేశంలో గతేడాది మార్చిలో మొదలైన లాక్‌డౌన్‌తో వాణిజ్య, వ్యాపార సంస్థలు, పరిశ్రమల ఆర్థిక స్థితి కుప్పకూలింది. ఈ ప్రభావం వాటిల్లో పనిచేస్తున్న ఉద్యోగులపై పడింది. కొన్ని కంపెనీలు నెలల తరబడి ఉద్యోగులకు వేతనాలు ఇవ్వలేదు. ఇంకొన్ని ఉద్యోగులను పనిలో నుంచి తొలగించాయి. ఫలితంగా ఉద్యోగులు తీవ్ర ఇబ్బందులు పడ్డారు. వీరికి తక్షణ సాయం కోసం కేంద్ర ప్రభుత్వం కోవిడ్‌–19 నేపథ్యంలో పీఎఫ్‌ ఉపసంహరణకు అవకాశం కల్పించింది. ఉద్యోగి భవిష్య నిధి నుంచి గరిష్టంగా మూడు నెలల వేతనం మేర విత్‌డ్రా చేసుకోవచ్చని సూచిస్తూ... దరఖాస్తు చేసుకున్న మూడు రోజుల్లో పరిష్కరించాలని ఆదేశించింది. ఈ క్రమంలో కొందరు కోవిడ్‌–19 కారణంతో, మరికొందరు అత్యవసర స్థితిని, ఇంకొందరు ఇతరత్రా అవసరాలను చూపి విత్‌డ్రాలకు దిగారు. దేశంలో మొత్తంగా 6.44 కోట్ల ఈపీఎఫ్‌ ఖాతాలు యాక్టివ్‌గా ఉండగా... ఇందులో 2020–21 సంవత్సరంలో ఇప్పటివరకు 2.85 కోట్ల మంది క్లెయిమ్స్‌ సమర్పించారు. మొత్తం ఖాతాదారుల్లో 44.35 శాతం మంది విత్‌డ్రాలకు మొగ్గు చూపారు.  కోవిడ్‌ కేటగిరీలో 15 వేల కోట్లు గత నెల 30వ తేదీ నాటి గణాంకాల ప్రకారం... దేశంలోని ఈపీఎఫ్‌ ఖాతా దారుల్లో 60.88 లక్షల మంది కోవిడ్‌–19 కారణంతో నగదు ఉపసంహరణ దరఖాస్తులు సమర్పించారు. గతేడాది ఏప్రిల్‌ ఒకటో తేదీ నుంచి ఈ ఏడాది జనవరి 30వ తేదీ నాటికి కోవిడ్‌–19 కేటగిరీలోనే ఏకంగా రూ.15,256.05 కోట్లు ఖాతాదారులు ఉపసంహరించుకున్నట్లు అధికారవర్గాలు చెబుతున్నాయి. ఈ లెక్కన దరఖాస్తుదారుల్లో సగటున ఒక్కో చందాదారుడు రూ.25 వేల చొప్పున ఉపసంహరించుకున్నట్లే. 2020–21 ఆర్థిక సంవత్సరంలో జనవరి ఆఖరుకు వచ్చిన 2.85 కోట్ల క్లెయిమ్స్‌కు సంబంధించి దాదాపు రూ.70 వేల కోట్లకు పైగా విత్‌డ్రా చేసుకున్నట్లు అంచనా. కోవిడ్‌–19 కేటగిరీలో సగటున రూ.25 వేల చొప్పున ఉపసంహరించుకోగా.. ఇతర కేటగిరీల్లో 3 నెలల వేతన సీలింగ్‌ నిబంధన ఉండదు.   పర్సనల్‌ లోన్‌కు బదులుగా గతేడాది నవంబర్‌లో మా కంపెనీలో చాలామంది ఉద్యోగులు జాబ్‌ కోల్పోయారు. అందులో నేను ఒకదాన్ని. లాక్‌డౌన్‌ మొదలైనప్పటి నుంచి నాకు నెలకు సగం వేతనం మాత్రమే వస్తుండడంతో ఇంటి అద్దె, ఇతర ఖర్చులకు అప్పు చేయాల్సి వచ్చింది. పీఎఫ్‌ ఖాతాలో 1.2 లక్షలు ఉండటంతో పర్సనల్‌ లోన్‌కు బదులుగా ఈ నిధిని విత్‌డ్రా చేసుకున్నా. నెలనెలా తిరిగి చెల్లించడం, వడ్డీభారం ఉండదనే ఉద్దేశంతో పీఎఫ్‌ నిధిని వాడుకోవడం మేలని నిర్ణయించుకున్నా. భవిష్యత్‌ అవసరాల సంగతి అటుంచితే.. ఇప్పుడున్న ఇబ్బందుల అధిగమించడానికి ప్రాధాన్యమిచ్చా. – వి.వైదేహి, ఓ సాఫ్ట్‌వేర్‌ కంపెనీలో హెచ్‌ఆర్‌ విభాగం ఉద్యోగి నాన్న కరోనా చికిత్సకు రూ. 1.8 లక్షలు ఖర్చయింది కరోనా వైరస్‌ మా కుటుంబంపై తీవ్ర ప్రభావాన్ని చూపింది. గతేడాది జూన్‌లో నాకు కరోనా సోకింది. వారంలో కోలుకున్నాను. కానీ అంతలోనే నాన్నకు వైరస్‌ సోకడం, ఊపిరితిత్తుల్లో ఇన్ఫెక్షన్‌ రావడంతో పరిస్థితి చేయిదాటింది. ఆసుపత్రిలో చేర్పిస్తే రూ. 1.8 లక్షలు ఖర్చయింది. కానీ నాన్న చనిపోయారు. ఆసుపత్రి బిల్లు కోసం స్నేహితుడి వద్ద అప్పు చేసి చెల్లించాను. పద్నాలుగు సంవత్సరాలుగా పీఎఫ్‌ నిధిలో పోగుచేసిన రూ.1.6 లక్షలు విత్‌డ్రా చేసి స్నేహితుడి అప్పు చెల్లించాను. – నదీమ్, అటోమొబైల్‌ కంపెనీలో ఎగ్జిక్యూటివ్‌

న్యూఢిల్లీ, సాక్షి: వచ్చే ఆర్థిక సంవత్సరం(2021-22) నుంచీ ఉద్యోగులకు లభించే నికర వేతనాలలో కోతపడే అవకాశముంది. కేంద్ర ప్రభుత్వం తాజాగా విడుదల చేసిన ముసాయిదా నిబంధనల ప్రకారం ఇకపై అలవెన్సుల వాటా 50 శాతానికి మించరాదు. దీంతో బేసిక్‌ శాలరీని 50 శాతంగా నిర్ణయించవలసి ఉంటుందని సంబంధితవర్గాలు చెబుతున్నాయి. 2019 కొత్త వేతన నిబంధనలు వచ్చే ఏడాది నుంచి అమలయ్యే వీలున్నట్లు పేర్కొన్నాయి. దీంతో కంపెనీలు పే ప్యాకేజీలలో సవరణలు చేపట్టవచ్చని అభిప్రాయపడ్డాయి. ఫలితంగా ఏప్రిల్‌ నుంచీ టేక్‌ హోమ్‌ శాలరీ తగ్గే చాన్స్‌ ఉన్నట్లు తెలియజేశాయి. తాజా నిబంధనలపై నిపుణులు ఏమంటున్నారంటే... చదవండి: (23,000 క్యాంపస్‌ ఉద్యోగాలకు రెడీ) రిటైర్‌మెంట్‌ లబ్ది కొత్త వేతన నిబంధనలు అమలైతే జీతాలలో అలవెన్స్‌ వాటా 50 శాతానికి మించరాదు. దీంతో బేసిక్‌ శాలరీ వాటా 50 శాతానికి చేర్చవలసి ఉంటుంది. ఫలితంగా గ్రాట్యుటీకోసం చెల్లింపులు, ప్రావిడెండ్‌ ఫండ్‌కు ఉద్యోగుల జమలు పెరిగే అవకాశముంది. వెరసి ఉద్యోగులు అందుకునే నికర వేతనాలలో ఆమేర కోత పడే చాన్స్‌ ఉంది. అయితే ఈ మార్పులతో రిటైర్‌మెంట్ బెనిఫిట్స్‌ పెరగనున్నాయి. ప్రయివేట్‌ రంగంలో చాల కంపెనీలు అలవెన్సుల వాటాను అధికంగా ఉంచుతూ.. నాన్‌అలవెన్స్‌ వాటాను 50 శాతానికంటే తక్కువ స్థాయిలో అమలు చేస్తున్నాయి. ఫలితంగా కొత్త వేతన నిబంధనలు ప్రయివేట్‌ రంగ కంపెనీలపై అధికంగా ప్రభావం చూపే వీలుంది. అయితే తాజా నిబంధనలు ఉద్యోగులకు సామాజిక భద్రతతోపాటు.. పదవీ విరమణ లాభాలను పెంచే వీలుంది. కొత్త వేతన నిబంధనలు అమలుచేస్తే కంపెనీలకు 10-12 శాతం మేర ఉద్యోగ వ్యయాలు పెరగవచ్చు. వేతన కోడ్‌ను గతేడాది పార్లమెంట్‌ ఆమోదించింది. తుది నిబంధనలను ప్రభుత్వం నోటిఫై చేయవలసి ఉంది. ప్రజాభిప్రాయ సేకరణలో భాగంగా ప్రస్తుతం ముసాయిదా నిబంధనలు విడుదల చేసింది. చదవండి: (జనవరి 1 నుంచి విప్రో వేతన పెంపు!)

న్యూఢిల్లీ : ఉద్యోగుల భవిష్యనిధి సంస్థ (ఈపీఎఫ్ఓ) వాట్సాప్ హెల్ప్ లైన్ సేవను ప్రారంభించింది. చందాదారుల ఫిర్యాదులను వేగంగా పరిష్కరించే లక్ష్యంతో ఈ సేవను తీసుకొచ్చినట్టు కార్మిక శాఖ తన ప్రకటనలో తెలిపింది. ఈపీఎఫ్ఓ ఇప్పటికే ఫిర్యాదుల పరిష్కారానికి ఈపీఎఫ్ ఐజీఎంఎస్ పోర్టల్, సీపీజీఆర్ఏఎంఎస్, సామాజిక మాధ్యమ వేదికలైన ఫేస్ బుక్, ట్విటర్ ద్వారా సేవలు అందిస్తుండడం గమనార్హం. వాట్సాప్ సేవలు వీటికి అదనం. వారంలో అన్నిరోజులు, రోజులో 24 గంటల పాటు సేవలు అందించే కాల్ సెంటర్ కూడా అందుబాటులో ఉంది. ‘‘సభ్యులకు మరింత సౌకర్యార్థం ఈపీఎఫ్ఓ తాజాగా వాట్సాప్ ఆధారిత హెల్ప్ లైన్, ఫిర్యాదుల పరిష్కార విభాగాన్ని ఏర్పాటు చేసింది. కరోనా సమయంలో సభ్యులకు ఎటువంటి ఆటంకాల్లేని సేవలు అందించడమే దీని లక్ష్యం’’ అని కార్మిక శాఖా తన ప్రకటనలో తెలిపింది. దేశవ్యాప్తంగా ఉన్న 138 ఈపీఎఫ్‌ఓ ప్రాంతీయ కార్యాయాల పరిధిలో వాట్సాప్ హెల్ప్ లైన్ పనిచేస్తుంది. సభ్యులు ఈపీఎఫ్ఓ సేవకు సంబంధించి ఏ విచారణ అయినా వాట్సాప్ నంబర్‌కు మెస్సేజ్ పంపించడం ద్వారా వివరాలు, సాయం పొందొచ్చు. ఈపీఎఫ్ఓ అధికారిక వెబ్ పోర్టల్ లో ప్రాంతీయ కార్యాలయాల వారీగా వాట్సాప్ నంబర్ల వివరాలను పేర్కొన్నట్టు ఈపీఎఫ్ఓ తెలిపింది.  

న్యూఢిల్లీ: దేశవ్యాప్తంగా లాక్‌డౌన్‌ రోజుల్లో కంపెనీలు తమ ఉద్యోగుల తరఫున భవిష్యనిధి(పీఎఫ్‌) చందాలను జమ చేయడంలో జాప్యం జరిగితే, ఎటువంటి పెనాల్టీలు వసూలు చేయరాదని ఉద్యోగుల భవిష్యనిధి సంస్థ (ఈపీఎఫ్‌వో) నిర్ణయించినట్టు సెంట్రల్‌ ప్రావిడెండ్‌ కమిషనర్‌ సునీల్‌ బర్త్‌వాల్‌ ఓ వెబినార్‌ సందర్భంగా తెలిపారు.. మార్చి 25 నుంచి కరోనా నియంత్రణ కోసం లాక్‌డౌన్‌ను దేశవ్యాప్తంగా అమలు చేయడంతో కంపెనీలు, వ్యాపార సంస్థలు, పరిశ్రమలు నగదు పరంగా ఇబ్బందులను ఎదుర్కొంటున్న నేపథ్యంలో ఈపీఎఫ్‌వో ఈ నిర్ణయానికొచ్చింది. ఈపీఎఫ్‌ పథకం 1952 కింద కంపెనీలు పీఎఫ్‌ జమలను సకాలంలో చేయకపోతే నష్ట చార్జీ లేదా పెనాల్టీని విధించొచ్చు. గడిచిన నెలకు సంబంధించిన పీఎఫ్‌ను తర్వాతి నెల 15వ తేదీ వరకు జమ చేయాల్సి ఉంటుంది. దీని తర్వాత కూడా10 రోజుల గడువుంటుంది. తాజా నిర్ణయం దేశవ్యాప్తంగా 6.5 లక్షల సంస్థలకు ఉపశమనం కల్పించనుంది.  

సాక్షి, హైదరాబాద్‌: లాక్‌డౌన్‌ నేపథ్యంలో ఉద్యోగులు తమ భవిష్యనిధి (పీఎఫ్‌) ఖాతా నుంచి నగదు ఉపసంహరించుకునే అవకాశం కేంద్ర ప్రభుత్వం కల్పించగా... ఇప్పటివరకు రాష్ట్రంలో 80వేల మంది సద్వినియోగం చేసుకున్నారు. ఇందులో అధికంగా ఐటీ (ఇన్ఫర్మేషన్‌ టెక్నాల జీ) ఇంజనీర్లే ఉన్నట్లు తెలుస్తోంది. కరోనా వైరస్‌ వ్యాప్తిని అరికట్టేందు కు దేశవ్యాప్తంగా మార్చి 24వ తేదీ నుంచి కేంద్ర ప్రభుత్వం లాక్‌డౌన్‌ విధించింది.ఈ నేపథ్యంలో ఉద్యోగులు ఆర్థిక ఇబ్బందులను అధిగమించేందుకు వారి పీఎఫ్‌ ఖాతా నుంచి మూడు నెలల వేతనం మేర విత్‌డ్రా చేసుకునే వెసులుబాటు కల్పించింది. ఈ క్రమంలో తెలంగాణ రాష్ట్రవ్యాప్తంగా ఇప్పటివరకు 80,647 మంది ఉద్యోగులు పీఎఫ్‌ నుంచి నగదు ఉపసంహరణ కోసం దరఖాస్తు చేసుకున్నారు.వీటిని మూడు రోజుల్లో పరిష్కరించిన భవిష్యనిధి కార్యాలయ అధికారులు...దాదాపు 98% మేర దరఖాస్తులను పరిష్కరించారు. వారి ఖాతాల్లో రూ.258.44 కోట్లు జమ చేసినట్లు ప్రాంతీయ భవిష్యనిధి కమిషనర్లు విపిన్‌ కుమార్, చంద్రశేఖర్‌ శుక్రవారం మీడియాకు వెల్లడించారు. కోవిడ్‌–19తో సంబంధం లేకుండా వచ్చిన మరో 49,755 దరఖాస్తులను సైతం పరిష్కరించినట్లు చెప్పారు. ప్రధాన మంత్రి గరీబ్‌ కల్యాణ్‌ యోజన(పీఎంజీకేవై) కింద రాష్ట్రంలో 4,805 ఎస్టాబ్లిష్‌మెంట్లు అర్హత సాధించాయన్నారు.వీటికి కంపెనీ చందా కింద కట్టాల్సిన రూ.9.24 కోట్లు కేంద్ర ప్రభుత్వమే చెల్లిస్తుందన్నారు. 

సాక్షి, హైదరాబాద్‌: కరోనా సంక్షోభం నేపథ్యంలో భవిష్య నిధి (పీఎఫ్‌) ఉపసంహరణకు కేంద్ర ప్రభుత్వం కల్పించిన ప్రత్యేక వెసులుబాటను హైదరాబాద్ పరిధిలో ఇప్పటివరకు 57,445 మంది వినియోగించుకున్నారని పీఎఫ్‌ కమిషనర్‌ వీకే శర్మ తెలిపారు. ప్రధానమంత్రి గరీభ్‌ కల్యాణ్‌ యోజన కింద తెలంగాణలో 11 వేల సంస్థలు వస్తాయని పేర్కొన్నారు. అందులోని ఉద్యోగుల పీఎఫ్.. కంపెనీ తరఫున మొత్తాన్ని ప్రభుత్వమే చెల్లిచేస్తోందని తెలిపారు. ఇప్పటి వరకు 4805 కంపెనీల ఉద్యోగులు పీఎఫ్‌ విత్‌డ్రాకు దరఖాస్తు చేసుకున్నారని తెలిపారు. 15 వేల లోపు జీతం కలిగి100 మంది లోపు ఉద్యోగులు ఉన్న కంపెనీల, ఉద్యోగుల తరఫున పీఎఫ్‌ మొత్తం కేంద్రమే వేస్తోందని చెప్పారు. మూడు రోజుల్లో బ్యాంకు ఖాతాల్లో నగదు పీఎఫ్ ఉపసంహరణ దరఖాస్తులను వేగంగా పరిస్కరిస్తున్నామని, పీఎఫ్‌ దరఖాస్తు చేసుకున్నవారికి మూడు రోజుల్లో వారి బ్యాంకు  ఖాతాల్లో నగదు వేస్తున్నామని పీఎఫ్ కమిషనర్  చంద్రశేఖర్(హైదరాబాద్) వెల్లడించారు.రాష్ట్రవ్యాప్తంగా ఇప్పటి వరకు 80 వేల 647 మంది ఉద్యోగులు పీఎఫ్‌ కోసం దరఖాస్తు చేసుకున్నారని. వారికి 258 కోట్ల రూపాయల అకౌంట్ లో వేశామన్నారు. పీఎఫ్ ఉపసంహరణకు దరఖాస్తు చేసినవారిలో ఎక్కువ మంది ఐటీ ఉద్యోగులే ఉన్నారని తెలిపారు. చదవండి : కరోనా విపత్తు: భారీ ఉపశమనం

సాక్షి, హైదరాబాద్‌: పీఎఫ్‌(భవిష్యనిధి) ఖాతా నుంచి నగదు ఉపసంహరించుకునేందుకు దరఖాస్తులు వెల్లువెత్తుతున్నాయి. ఉద్యోగులు ఆర్థిక ఇబ్బందులను ఎదుర్కొనేందుకు చివరగా పీఎఫ్‌ విత్‌డ్రా వైపు మొగ్గు చూపుతుండటంతో దరఖాస్తుల సంఖ్య భారీగా పెరుగుతోంది. కరోనా వైరస్‌ వ్యాప్తిని నివారించేందుకు కేంద్ర ప్రభుత్వం లాక్‌డౌన్‌ విధించడంతో దాదాపు అన్ని రకాల పరిశ్రమలు, వ్యాపార సంస్థలు, వాణిజ్య సముదాయాలు మూతబడ్డాయి. దీంతో ఆయా యాజమాన్యాలు ఉద్యోగులకు వేతనాలు ఇవ్వలేని స్థితి తలెత్తడం... కొన్ని కంపెనీలు వేతనాల్లో సగం మాత్రమే ఇవ్వడంతో సగటు ఉద్యోగికి ఆర్థిక కష్టాలు మొదలయ్యాయి. ఈ పరిస్థితిని అధిగమిం చేందుకు ఉద్యోగి పీఎఫ్‌ ఖాతా నుంచి మూడు నెలల వేతనానికి సమానమైన నగదు ఉపసంహరించుకునేందుకు కేంద్ర ప్రభుత్వం అనుమతిచ్చింది. దీంతో ఉద్యోగులు పెద్ద సంఖ్యలో దరఖాస్తు పెట్టుకుంటున్నారు. 57 వేలు దాటిన అర్జీలు... కేంద్రం విధించిన లాక్‌డౌన్‌తో క్షేత్రస్థాయిలో ప్రజలు ఇబ్బంది పడకుండా ప్రధానమంత్రి గరీబ్‌ కల్యాణ్‌ యోజన పథకాన్ని తీసుకువచ్చింది. ఇందులో భాగంగా పీఎఫ్‌ ఖాతాదారులు వారి పీఎఫ్‌ నుంచి మూడు నెలల వేతనానికి సరిపడా నిధులను విత్‌డ్రా చేసుకునే వెసులుబాటు కల్పించింది. దీన్ని గత నెలలో కేంద్రం ప్రకటించగా... ఇప్పటివరకు రాష్ట్రంలో దాదాపు 57 వేల మంది అర్జీలు పెట్టుకున్నారు. వీటిని మూడు రోజుల్లో పరిష్కరించాలని ప్రభుత్వం స్పష్టం చేయడంతో... ఆదిశగా అధికారులు కసరత్తు చేస్తున్నారు. ఇందులో భాగంగా ఆర్‌పీఎఫ్‌సీ (రీజినల్‌ ప్రావిడెంట్‌ కమిషనర్‌ ) కార్యాలయంలో ఉద్యోగులకు వీటి పరిష్కార బాధ్యతలు అప్పగించారు. ప్రస్తుతం లాక్‌డౌన్‌ నేపథ్యంలో ఉద్యోగులు పరిమిత సంఖ్యలో వస్తుండటంతో రోజువారీ హాజరును బట్టి వారికి బాధ్యతలు అప్పగిస్తున్నారు. ప్రస్తుతం పీఎఫ్‌ విత్‌డ్రా దరఖాస్తులన్నీ ఆన్‌లైన్‌ పద్దతిలోనే వస్తుండటంతో వాటిని వేగంగా తెరిచి పరిష్కరించేందుకు ఆర్‌పీఎఫ్‌సీ కార్యాలయంలో ప్రత్యేక కార్యాచరణ అమలు చేస్తున్నారు. ఒక దరఖాస్తును గరి ష్టంగా మూడు పనిదినాల్లో పరిష్కరించేలా సాఫ్ట్‌వేర్‌ను ఎప్పటికప్పుడు పరిశీలిస్తున్నారు. ఇప్పటివరకు దాదాపు 33,500 దరఖాస్తులు పరిష్కరించినట్లు సమాచారం భారీగా పెరిగే అవకాశం... పీఎఫ్‌ విత్‌డ్రా దరఖాస్తుల సంఖ్య భారీగా పెరిగే అవకాశం ఉంది. ఏప్రిల్‌ నెలంతా లాక్‌డౌన్‌తోనే గడుస్తుంది. గత నెలలో పది రోజుల పాటు లాక్‌డౌన్‌ ఉన్నప్పటికీ మెజార్టీ కంపెనీలు పూర్తి వేతనాన్ని ఇచ్చాయి. ప్రస్తుతం లాక్‌డౌన్‌తో చాలా కంపెనీల్లో కార్యకలాపాలన్నీ నిలిచిపోయాయి. దీంతో ఉద్యోగులకు వేతనాలు ఇచ్చే పరిస్థితి లేదని తెలుస్తోంది. దీంతో ఉద్యోగి అవసరాలకు పీఎఫ్‌ నిధులే శరణ్యమనే పరిస్థితి కనిపిస్తోంది. ఈ క్రమంలో ఈనెల 20 తర్వాత దరఖాస్తుల సంఖ్య భారీగా పెరగనుంది. వచ్చే నెలలో ఇదే పరిస్థితి కనిపించే అవకాశం ఉందని ఆర్‌పీఎఫ్‌సీ ఉన్నతాధికారి ఒకరు అభిప్రాయం వ్యక్తం చేశారు.

న్యూఢిల్లీ: ప్రస్తుత ఆర్థిక సంవత్సరం (2019–20)లో ప్రావిడెంట్‌ ఫండ్‌ డిపాజిట్లపై 8.65 శాతం వడ్డీ రేటునే కొనసాగించాలని ఉద్యోగుల భవిష్య నిధి సంస్థ (ఈపీఎఫ్‌వో) భావిస్తున్నట్లు తెలుస్తోంది. మార్చి 5న జరిగే ట్రస్టీల సమావేశంలో ఈ మేరకు నిర్ణయం తీసుకోవచ్చని సంబంధిత వర్గాలు తెలిపాయి. 2018–19లో కూడా ఇదే రేటు ఉంది. అయితే, ఈ ఆర్థిక సంవత్సరంలో దీన్ని 8.5 శాతానికి తగ్గించవచ్చన్న అంచనాలు ఉన్నాయి. పోస్టాఫీస్‌ పొదుపు పథకాలు, పబ్లిక్‌ ప్రావిడెంట్‌ ఫండ్‌ మొదలైన ఇతరత్రా చిన్న మొత్తాల పొదుపు పథకాలపై వడ్డీ రేట్ల స్థాయికి ఈపీఎఫ్‌ వడ్డీ రేటును కూడా సవరించాలంటూ కార్మిక శాఖపై ఆర్థిక శాఖ ఒత్తిడి తెస్తుండటమే ఇందుకు కారణం. సాధారణంగా ప్రతీ ఆర్థిక సంవత్సరం వడ్డీ రేట్లను నిర్ణయించే విషయంలో ఆర్థిక శాఖ అభిప్రాయాలను కూడా కార్మిక శాఖ పరిగణనలోకి తీసుకోవాల్సి ఉంటుంది.  

సాక్షి, న్యూఢిల్లీ : ఉద్యోగులకు భవిష్యనిధి సంస్థ తీపికబురు అందించింది. 2018-19 ఆర్థిక సంవత్సరానికి ఉద్యోగుల భవిష్య నిధి (ఈపీఎఫ్‌)పై వడ్డీ రేటును 8.65 శాతానికి పెంచినట్టు ఈపీఎఫ్‌ఓ బుధవారం ప్రకటించింది. ఆరు కోట్ల మందికి పైగా చందాదారుల ఖాతాలపై రూ 54,000 కోట్ల మేర వడ్డీ జమ చేస్తామని ఈపీఎఫ్‌ఓ ట్వీట్‌ చేసింది. గత ఆర్థిక సంవత్సరంలో భవిష్య నిధిపై 8.65 శాతం వడ్డీ రేటును ఈపీఎఫ్‌ఓ కేంద్ర ట్రస్టీల బోర్డు ఈ ఏడాది ఫిబ్రవరి 21న ఆమోదించిన సంగతి తెలిసిందే. ఇక 2017-18లో గత ఐదేళ్లలో అత్యంత కనిష్టస్ధాయిలో 8.55 శాతం వడ్డీరేటును వర్తింపచేశారు.ఇక 2013-14లో ఈపీఎఫ్‌ఓ పీఎఫ్‌ ఖాతాలపై వడ్డీ రేటును 8.75 శాతం అందించింది.

న్యూఢిల్లీ : ఉద్యోగుల భవిష్యనిధి (ఈపీఎఫ్‌) చందాదారులందరికీ శుభవార్త. 2018– 19 ఆర్థిక సంవత్సరానికిగాను ఈపీఎఫ్‌ చందాదారులకు చెల్లించాల్సిన వడ్డీని 8.65 శాతం చొప్పున ఈ పండగ సీజన్‌కు ముందే చెల్లించనున్నట్లు కేంద్ర కార్మికశాఖ మంత్రి సంతోష్‌ గంగ్వార్‌ తెలిపారు. ఈ మేరకు మంగళవారం జాతీయ భద్రతా అవార్డుల కార్యక్రమంలో ఆయన మాట్లాడారు. 2017–18 ఆర్థిక సంవత్సరానికి ఈపీఎఫ్‌ ఖాతాల్లోని మొత్తాలపై 8.55 శాతం వడ్డీ చెల్లించారు. 2018–19 సంవత్సరానికి ఈ వడ్డీరేటును 8.65 శాతానికి పెంచాలని ఈపీఎఫ్‌ సెంట్రల్‌ బోర్డ్‌ ఆఫ్‌ ట్రస్టీస్‌ ఈ ఏడాది ఫిబ్రవరిలో కేంద్రానికి ప్రతిపాదనలు పంపింది. కాగా ఈపీఎఫ్‌ చందాదారులకు చెల్లించే వడ్డీని 8.65 శాతానికి పెంచనున్నామని గంగ్వార్‌ కొద్ది రోజుల క్రితం ప్రకటించిన సంగతి తెలిసిందే.   

న్యూఢిల్లీ: త్వరలో సార్వత్రిక ఎన్నికలు జరగనున్న నేపథ్యంలో ప్రస్తుత ఆర్థిక సంవత్సరానికి ప్రావిడెంట్‌ ఫండ్‌ (పీఎఫ్‌) డిపాజిట్లపై వడ్డీ రేటును 8.65 శాతానికి పెంచాలని ఉద్యోగుల భవిష్య నిధి సంస్థ (ఈపీఎఫ్‌వో) నిర్ణయించింది. పీఎఫ్‌ రేటును పెంచడం గత మూడేళ్లలో ఇదే తొలిసారి. 2015–16లో 8.8 శాతంగా ఉన్న వడ్డీ రేటును 2016–17లో 8.65 శాతానికి, అటుపై 2017–18లో అయిదేళ్ల కనిష్టమైన 8.55 శాతానికి కుదించిన సంగతి తెలిసిందే. గురువారం జరిగిన ఈపీఎఫ్‌వో సెంట్రల్‌ బోర్డ్‌ ట్రస్టీల సమావేశంలో ఈ మేరకు నిర్ణయం తీసుకున్నట్లు కేంద్ర కార్మిక మంత్రి సంతోష్‌ గంగ్వార్‌ తెలియజేశారు. ఈ ప్రతిపాదనను కేంద్ర ఆర్థిక శాఖకు పంపుతామన్నారు. ‘ఈ ఆర్థిక సంవత్సరానికి అధిక వడ్డీ రేటు ఇవ్వాలని ట్రస్టీలందరూ ఏకగ్రీవంగా అంగీకరించారు. ఈ ప్రతిపాదనను ఆర్థిక శాఖ అనుమతి కోసం పంపుతాం. వారినీ ఒప్పిస్తాం‘ అని గంగ్వార్‌ చెప్పారు. 8.65 శాతం వడ్డీ రేటునిస్తే.. ఈపీఎఫ్‌ వద్ద రూ.151.67 కోట్ల మిగులు ఉంటుందని అందుకే ఈ రేటును నిర్ణయించామని ఆయన చెప్పారు. అదే 8.7 శాతం ఇస్తే రూ.158 కోట్ల లోటు ఉంటుందని తెలియజేశారు. ఈసారి కూడా గతేడాది స్థాయిలోనే వడ్డీ రేటును యథాతథంగా కొనసాగించవచ్చంటూ ముందుగా వార్తలు వెలువడ్డాయి. అయితే, త్వరలో సార్వత్రిక ఎన్నికలు జరగనున్న నేపథ్యంలో పీఎఫ్‌ డిపాజిట్లపై వడ్డీని పెంచవచ్చంటూ అధికార వర్గాల నుంచి సంకేతాలొచ్చాయి. ఈ నేపథ్యంలో ఈపీఎఫ్‌వో నిర్ణయం ప్రాధాన్యాన్ని సంతరించుకుంది. ఈపీఎఫ్‌వోలో ప్రస్తుతం 6 కోట్ల పైచిలుకు చందాదారులున్నారు.  పింఛను పెంపుపై నిర్ణయం వాయిదా...  కనీస నెలవారీ పింఛనును రూ.2,000కు పెంచాలన్న ప్రతిపాదనపై నిర్ణయాన్ని మార్చిలో జరిగే తదుపరి సమావేశం దాకా వాయిదా వేసినట్లు ఈపీఎఫ్‌వో ట్రస్టీ పీజే బానాసురే తెలిపారు. కనీస నెలవారీ పింఛనును రెట్టింపు చేయాలంటే అదనంగా రూ.3,000 కోట్లు అవసరమవుతాయి. అందుకని ఆర్థిక శాఖ అనుమతిస్తే తప్ప దీనిపై నిర్ణయం తీసుకోలేని పరిస్థితి ఏర్పడింది. ప్రధాన మంత్రి శ్రమ యోగి మంధన్‌ పింఛను పథకం (పీఎంఎస్‌వైఎం) కింద అసంఘటిత రంగ ఉద్యోగులకు కనీసం రూ.3,000 నెలవారీ పింఛను ఇస్తామంటూ ఇటీవల మధ్యంతర బడ్జెట్‌లో కేంద్రం ప్రకటించిన నేపథ్యంలో పీఎఫ్‌ చందాదారుల పింఛనును కూడా రెట్టింపు చేయాల్సి రానుంది. ప్రభుత్వం నిర్వహించే అన్ని సంక్షేమ పథకాల లబ్ధిదారులకు ఒకే మొత్తం పింఛను ఉండాలని, అందుకే ఈపీఎఫ్‌వో చందాదారులకు కూడా పింఛనును రూ. 3,000 చేయాలని తాము కోరుతున్నట్లు భారతీయ మజ్దూర్‌ సంఘ్‌ (బీఎంఎస్‌) జనరల్‌ సెక్రటరీ వీర్జేష్‌ ఉపాధ్యాయ్‌ చెప్పారు.   

విశాఖ సిటీ : ఎక్కడా లేని విధంగా మున్సిపల్‌ ఉపాధ్యాయుల భవిష్య నిధి(పీఎఫ్‌) సొమ్ముపై వచ్చే వడ్డీలో 2 శాతం సొమ్మును నిర్వహణ చార్జీల పేరుతో వసూలు చేసేందుకు రాష్ట్ర ప్రభుత్వం సన్నద్ధమైంది. ప్రభుత్వ నిర్ణయాన్ని మున్సిపల్‌ ఉపాధ్యాయ సం ఘాలు తీవ్రంగా వ్యతిరేకిస్తున్నాయి. దీన్ని వెంటనే ఉపసంహరించుకోవాలని డిమాండ్‌ చేస్తున్నాయి. రాష్ట్రవ్యాప్తంగా మున్సిపల్‌ పాఠశాలల్లో పని చేస్తున్న ఉపా«ధ్యాయులు, ఉద్యోగుల జీతాలను గతంలో లోకల్‌ ఫండ్‌(ఎల్‌ఎఫ్‌) ఆడిట్‌ ద్వారా చెల్లించేవారు. వారి పీఎఫ్‌ ఖాతాలను మున్సిపాలిటీలే నిర్వహించేవి. అనంతరం 010 పద్దు కింద జీతాల చెల్లింపులను ప్రారంభించడంతో పీఎఫ్‌ అకౌంట్ల నిర్వహణ బాధ్యతలను మున్సిపాల్టీలు నిలిపివేశాయి. దీంతో పీఎఫ్‌ ఖాతాలు ట్రెజరీ పరిధిలోకి వెళ్లాయి. తమను పీఎఫ్‌ ఖాతాల నుంచి జీపీఎఫ్‌ ఖాతాలకు మార్చాలంటూ మున్సిపల్‌ ఉపాధ్యాయ సంఘాలు పలుమార్లు మున్సిపల్‌ అడ్మినిస్ట్రేషన్‌ అండ్‌ అర్బన్‌ డెవలప్‌మెంట్‌ శాఖాధికారులను కోరాయి. దీంతో డైరెక్టర్‌ ఆఫ్‌ మున్సిపల్‌ అడ్మినిస్ట్రేషన్‌(డీఎంఏ) 2017 జూలై 10న మున్సిపల్‌ కమిషనర్లకు ఆదేశాలు జారీ చేశారు. వెంటనే అమలు చేయాలని సూచించారు. కానీ, ఇప్పటికీ పట్టించుకోలేదు. నిర్వహణ చార్జీల పేరుతో.. తమను జీపీఎఫ్‌ పరిధిలో చేర్చాలంటూ మున్సిపల్‌ ఉపాధ్యాయ సంఘాలు పదేపదే కోరడంతో ప్రభుత్వంలో కదలిక మొదలైంది. ఏడాది క్రితం డీఎంఏ జారీ చేసిన ఉత్తర్వులను పక్కనపెట్టి, మున్సిపల్‌ ఉపాధ్యాయులకు ట్రెజరీ పరిధిలో పీఎఫ్‌ అమలు కోసం కమిటీ వేశారు. ఇందులో మున్సిపల్‌ ఉపాధ్యాయ సంఘాల ప్రతినిధి ఒక్కరు కూడా లేరు. ఈ కమిటీ సూచనల మేరకు ప్రభుత్వం రూపొందించిన విధివిధానాలు ఉపాధ్యాయుల పాలిట గొడ్డలిపెట్టులా మారాయి. మున్సిపల్‌ టీచర్ల పీఎఫ్‌ ఖాతాలను ప్రస్తుతం ట్రెజరీలు నిర్వహిసున్నారు. ఇందుకుగాను ప్రతి ఖాతా నిర్వహణకు 2 శాతం మెయింటెనెన్స్‌ చార్జీలు వసూలు చేయనున్నట్లు విధివిధానాల్లో పేర్కొన్నారు. పీఎఫ్‌ సొమ్ముపై వడ్డీలో ఈ 2 శాతం కోత విధించనున్నట్లు తేల్చిచెప్పారు. రాష్ట్రంలో ఇతర ప్రభుత్వ ఉద్యోగుల పీఎఫ్‌ ఖాతా నిర్వహణకు ఈ విధంగా మెయింటెనెన్స్‌ చార్జీలు వసూలు చేయడం లేదు. రాష్ట్రంలో 14 వేల మంది టీచర్లుండగా, వీరిలో 4 వేల మంది సీపీఎఫ్‌ పరిధిలోకి వస్తున్నారు. మిగిలిన 10 వేల మంది మున్సిపల్‌ ఉపాధ్యాయుల పీఎఫ్‌ ఖాతాల్లోంచి 2 శాతం కోత విధించనున్నారు. మున్సిపల్‌ టీచర్లంటే చిన్నచూపా? ఒకే డీఎస్సీలో ఎంపికైనా ఇతర ప్రభుత్వ పాఠశాలల ఉపాధ్యాయులతో పోలిస్తే మున్సిపల్‌ పాఠశాలల టీచర్లు పలు హక్కుల్ని కోల్పోతున్నారు. మున్సిపల్‌ టీచర్లకు ఎల్‌టీసీ, జీపీఎఫ్‌ వంటి సౌకర్యాలను ప్రభుత్వం కల్పించలేదు. జిల్లా పరిషత్‌ పాఠశాలల హెచ్‌ఎంలకు ఉన్న డీడీవో అధికారాలు మున్సిపల్‌ స్కూళ్ల టీచర్లకు లేవు. 2009లో అప్పటి ప్రభుత్వం పక్క రాష్ట్రాల్లో మున్సిపల్‌ టీచర్ల పరిస్థితిపై అధ్యయనానికి ఒక కమిటీని నియమించింది. ఇతర రాష్ట్రాల్లో మున్సిపల్‌ టీచర్లకు డీడీవో అధికారాలు, జీపీఎఫ్‌ సౌకర్యాలు ఉన్నాయని ఆ కమిటీ నివేదిక ఇచ్చింది. దాంతో మున్సిపల్‌ ఉపాధ్యాయులకు 010 పద్దు కింద జీతాలు చెల్లించడంతోపాటు డీడీవో అధికారాలు, జీపీఎఫ్‌ సౌకర్యం కల్పిస్తూ ప్రభుత్వం జీవో విడుదల చేసింది. కానీ, డీడీవో అధికారాలు, జీపీఎఫ్‌ సౌకర్యాలు ఇప్పటికీ అమల్లోకి రాలేదు. ప్రభుత్వం పునరాలోచించాలి ‘‘పీఎఫ్‌ సొమ్ముపై వచ్చే వడ్డీ నుంచి 2 శాతం కోత విధించాలన్న సర్కారు నిర్ణయాన్ని వ్యతిరేకిస్తున్నాం. దీనిపై ప్రభుత్వం పునరాలోచించుకోవాలి. ఇతర రాష్ట్రాల్లో మున్సిపల్‌ ఉపాధ్యాయులకు జీపీఎఫ్‌ సౌకర్యం ఉంది. మన రాష్ట్రంలో పుంగనూరు మున్సిపల్‌ ఉపాధ్యాయులకు మాత్రమే జీపీఎఫ్‌ సౌకర్యం కల్పించారు. ఈ విధానాన్ని అన్నిచోట్లా అమలు చేయాలి’’ – బి.హేన, ఏపీ మున్సిపల్‌ టీచర్స్‌ ఫెడరేషన్‌ మహిళా విభాగం అధ్యక్షురాలు, విశాఖపట్నం జీపీఎఫ్‌ విధానం కావాలి ‘‘మున్సిపల్‌ టీచర్లకు పీఎఫ్‌ కాకుండా జీపీఎఫ్‌ విధానాన్ని అమలు చేయాలి. 2 శాతం నిర్వ హణ చార్జీలు వసూలు చేయాలన్న నిర్ణయాన్ని వెంటనే ఉపసంహరిం చుకోవాలి. మున్సిపల్‌ టీచర్ల భవిష్య నిధి విధివిధానాల్ని రూపొందించేందుకు నియ మించిన కమిటీలో మున్సిపల్‌ ఉపాధ్యాయులకు స్థానం కల్పించకపోవడం దారుణం’’      – శ్రీనివాసరావు, మున్సిపల్‌ టీచర్స్‌ ఫెడరేషన్‌ వైస్‌ ప్రెసిడెంట్‌

కాశీబుగ్గ శ్రీకాకుళం : కార్మికులంతా ఫ్రావిడెంట్‌ ఫండ్‌కు దరఖాస్తు చేసుకుని లబ్ధి పొందాలని జిల్లా ప్రావిడెంట్‌ ఫండ్‌ ఆర్గనైజేషన్‌ అసిస్టెంట్‌ కమిషనర్‌ జీ సుధాకర్‌ తెలిపారు. స్థానిక మున్సిపల్‌ సర్వసభ్య సమావేశం మందిరంలో మంగళవారం కార్మికులకు ఆయన అవగాహన కల్పించారు. ప్రతీ కార్మికుడు ఆధార్, పాన్, రేషన్‌కార్డు, కార్మికుని గుర్తింపుకార్డు, ఫోన్‌ నంబర్, బ్యాంకు ఖాతాతో నమోదు చేసుకోవాలన్నారు. కార్మికులు అవసరమైనపుడు ఇళ్లు, పిల్లల వివాహాలకు, ముఖ్యమైన సందర్భంలో వినియోగించుకోవచ్చని సూచించారు. ఈ కార్యక్రమంలో మున్సిపల్‌ కమిషనర్‌ ఎన్‌ రమేష్‌నాయుడు, కార్మిక నాయకుడు మురగన్, సీఐటీయూ నాయకుడు ఎన్‌ గణపతి, తదితరులు పాల్గొన్నారు.

న్యూఢిల్లీ : ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌(ఈపీఎఫ్‌ఓ) తన సభ్యులకు నిబంధనలను మరింత సరళతరం చేస్తోంది. ఇటీవలే నిరుద్యోగిగా మారిన నెల అనంతరం 75 శాతం ఈపీఎఫ్‌ కార్పస్‌ను, 2 నెలలకు పైగా నిరుద్యోగిగా ఉంటే మిగతా ఆ 25 శాతం కూడా విత్‌డ్రా చేసుకునేలా అవకాశం కల్పించిన ఈపీఎఫ్‌ఓ మరో అద్భుత అవకాశాన్ని కూడా కల్పించబోతుంది. పెళ్లికి, ఇంటి కొనుగోలుకు, పిల్లల చదువుకు వంటి ఖర్చులకు సగం ఈపీఎఫ్‌ మొత్తాన్ని విత్‌డ్రా చేసుకునేలా ఈపీఎఫ్‌ఓ అవకాశం కల్పించనున్నట్టు తెలుస్తోంది. అయితే నగదును విత్‌డ్రా చేసుకునేందుకు ముందస్తుగా దరఖాస్తు చేసుకోవాలి. అలాగే ఫార్మ్‌ 31ను నింపాల్సి ఉంటుంది.  పోస్టు మెట్రిక్యూలేషన్‌ స్టడీస్‌ కోసం 50 శాతం మొత్తాన్ని వడ్డీతో తీసుకునేలా ఈపీఎఫ్‌ఓ తన నిబంధనలను మార్చుతోంది. అలాగే ఇళ్లు కొనుకునేందుకు లేదా కట్టించుకునేందుకు కూడా 24 నెలల బేసిక్‌ వేతనాలను, డీఏను విత్‌డ్రా చేసుకోవచ్చని రిటైర్‌మెంట్‌ ఫండ్‌ బాడీ చెప్పింది. 24 బేసిక్‌, డీఏ లేదా 36 నెలల బేసిక్‌ వేతనాలను విత్‌డ్రా చేసుకునేలా ఈపీఎఫ్‌ఓ ఆప్షన్‌ను తీసుకొచ్చింది. అయితే పీఎఫ్‌ మొత్తాన్ని విత్‌డ్రా చేసుకోవాలంటే కనీసం ఐదేళ్లు సభ్యుడిగా ఉండాలి. దీని కోసం ఉద్యోగి నుంచి డిక్లరేషన్‌ అవసరం. మిగతా ఏ డాక్యుమెంట్లను ఉద్యోగులు సమర్పించాల్సినవసరం లేదు. 

న్యూఢిల్లీ: ఉద్యోగం పోయిన నెల తర్వాత పీఎఫ్‌ మొత్తంలో 75 శాతం వరకూ వెనక్కి తీసుకునే వెసులుబాటును రిటైర్మెంట్‌ నిధి, ఈపీఎఫ్‌ఓ(ఎంప్లాయిస్‌ ప్రావిడెండ్‌ ఫండ్‌ ఆర్గనైజేషన్‌) కల్పిస్తోంది. మిగిలిన మొత్తాన్ని ఈపీఎఫ్‌ఓ వద్దే అట్టిపెట్టుకోవచ్చని  కార్మిక శాఖ మంత్రి సంతోశ్‌ కుమార్‌ గంగ్వార్‌ పేర్కొన్నారు. ఉద్యోగం పోయిన 2 నెలల తర్వాత మిగిలిన 25 శాతాన్ని తీసుకోవచ్చని, ఫైనల్‌ సెటిల్మెంట్‌ కూడా చేసుకోవచ్చని వివరించారు. ఈ మేరకు ఎంప్లాయీ ప్రావిడెండ్‌ ఫండ్‌ స్కీమ్, 1952లో మార్పులు, చేర్పులు చేయాలని నిర్ణయించామని ఈపీఎఫ్‌ఓ, ట్రస్టీల కేంద్ర బోర్డ్‌కు చైర్మన్‌గా కూడా వ్యవహరిస్తున్న సంతోష్‌ వివరించారు. ప్రస్తుతానికి... ఉద్యోగం పోయిన రెండు నెలల తర్వాతనే ఈపీఎఫ్‌ఓ సభ్యుడు తన పీఎఫ్‌ను విత్‌డ్రా చేసుకునే అవకాశం ఉంది. ఫైనల్‌ సెటిల్మెంట్‌ కూడా అప్పుడే చేసుకోవచ్చు. మరోవైపు ఐదు ఫండ్‌ మేనేజర్ల కాలపరిమితిని ఈ ఏడాది డిసెంబర్‌ 31 వరకూ పొడిగించామని గంగ్వార్‌ తెలిపారు. పోర్ట్‌ఫోలియో మేనేజర్ల ఎంపికకు కన్సల్టెంట్‌ నియామక ప్రతిపాదన కూడా ఆమోదం పొందిందన్నారు. ఈ ఏడాది మే కల్లా ఈటీఎఫ్‌ పెట్టుబడులు రూ.47,431 కోట్లకు చేరాయని, త్వరలోనే ఈ పెట్టుబడులు రూ.లక్ష కోట్లకు చేరతాయని చెప్పారు. ఈ ఏడాది మేతో ముగిసిన సంవత్సరానికి 16% రాబడి వచ్చిందని వివరించారు.

న్యూఢిల్లీ: ఉద్యోగుల పీఎఫ్‌ ఖాతాల్లో 2017–18 ఆర్థిక సంవత్సరానికి 8.55 శాతం వడ్డీరేటును జమ చేయాలని క్షేత్రస్థాయి అధికారులకు ఉద్యోగుల భవిష్యనిధి సంస్థ(ఈపీఎఫ్‌వో) ఆదేశించింది. కార్మికశాఖ మంత్రి నేతృత్వంలో ఈపీఎఫ్‌వో కేంద్ర ట్రస్టీ బోర్డు ఈ రేటుకు ఆమోదం తెలిపినట్లు పేర్కొంది. ఈ రేటును గతంలోనే ఖరారు చేసినప్పటికీ కర్ణాటక అసెంబ్లీ ఎన్నికల నియమావళి కారణంగా అమలు చేయలేదని తెలిపింది. దాదాపు 5 కోట్ల మంది ఖాతాదారులున్న ఈపీఎఫ్‌వో అత్యల్ప వడ్డీరేటును ప్రకటించడం గత ఐదేళ్లలో ఇదే తొలిసారి. 2016–17లో ఈ వడ్డీ రేటు 8.65 శాతంగా ఉంది. 

న్యూఢిల్లీ: గడిచిన ఆర్థిక సంవత్సరానికి గాను ప్రావిడెంట్‌ ఫండ్‌పై 8.55 శాతం వడ్డీ చెల్లించాలని కేంద్ర ఆర్థిక శాఖ నిర్ణయించింది. ఇందుకు సంబంధించి కార్మిక శాఖ త్వరలోనే ప్రకటన చేయనుంది. ఉద్యోగుల భవిష్య నిధి సంస్థ(ఈపీఎఫ్‌వో) అత్యున్నత నిర్ణాయక విభాగం సెంట్రల్‌ బోర్డ్‌ ఆఫ్‌ ట్రస్టీస్‌(సీబీటీ) చందాదారులకు చెల్లించాల్సిన వడ్డీని నిర్ణయించి ఫిబ్రవరిలోనే ఆర్థిక శాఖ ఆమోదానికి పంపించింది. అయితే, ఆర్థిక శాఖ ఆమోదం ఆలస్యం కావటంతోపాటు ఈనెల 12న కర్ణాటకలో ఎన్నికలు జరగనుండటంతో ఎన్నికల నియమావళి అడ్డుగా నిలిచింది. వచ్చే వారంలో ఎన్నికల సంఘం అనుమతి రాగానే కార్మిక శాఖ ప్రకటన చేస్తుందనీ, ఆ వెంటనే సభ్యుల ఖాతాల్లో వడ్డీ సొమ్ము జమ అవుతుందని ఈపీఎఫ్‌వో వర్గాలు తెలిపాయి. గత ఐదేళ్లలో ఈపీఎఫ్‌వో చందాదారులకు చెల్లిస్తున్న అతి తక్కువ వడ్డీ ఇదే కావటం గమనార్హం. 

సాక్షి, న్యూఢిల్లీ: ఉద్యోగుల ప్రావిడెంట్‌ ఫండ్‌ వెబ్‌సైట్‌ హ్యాకింగ్‌కు గురైంది. ఆధార్‌ అనుసంధానిత సైట్‌ aadhaar.epfoservices.comను హ్యాకర్లు తమ అదుపులోకి తీసుకున్నారు. దీంతో అప్రమత్తమైన అధికారులు వెబ్‌సైట్‌ను తాత్కాలికంగా నిలుపుదల చేయించారు. సమారు 2.7 కోట్ల మంది ఇందులో సభ్యులుగా ఉండగా.. వారి డేటా చోరీకి గురైనట్లు సమాచారం. ఈ మేరకు సాంకేతిక సమాచార శాఖకు ప్రావిడెంట్‌ ఫండ్‌ కమిషనర్‌ వీపీ జోయ్‌ ఓ లేఖ రాశారు. డేటా చోరీకి గురైందని.. ప్రస్తుతం సైట్‌ను తాత్కాలికంగా మూసేసినట్లు ఆయన తెలిపారు. టెక్నికల్‌ టీమ్‌ త్వరగతిన ఈ సమస్యను పరిష్కరించాలని కమిషనర్‌ లేఖలో విజ్ఞప్తి చేశారు. మరోపక్క నిఘా వ్యవస్థ గతంలోనే ఈపీఎఫ్‌వోకు హెచ్చరికలు జారీ చేసినట్లు తెలుస్తోంది. ప్రస్తుత పరిణామాలపై సైబర్‌ భద్రతా నిపుణులు ఆనంద్‌ వెంకట్‌ నారాయణ ఆందోళన వ్యక్తం చేస్తున్నారు. ఈ వెబ్‌సైట్లో ఆధార్‌ అనుసంధానం అయి ఉండటంతో జీతభత్యం, బ్యాంక్‌ అకౌంట్‌ తదితర వివరాలను కూడా హ్యాకర్లు సులువుగా గుర్తించే వీలుండొచ్చని ఆయన హెచ్చరించారు. దీనికి సంబంధించి మరిన్ని వివరాలు అందాల్సి ఉంది.                         గతంలో ఐబీ విభాగం జారీ చేసిన హెచ్చరిక నోట్‌ 

న్యూఢిల్లీ: సంస్థలు తమ వాటాను భవిష్య నిధికి నిర్దిష్ట గడువులోగా జమ చేయకుంటే ఆ సమాచారం ఇకపై సదరు ఉద్యోగికి తెలుస్తుంది. ప్రస్తుతానికైతే కేవలం జమ చేసిన వివరాలనే ఎస్‌ఎంఎస్, ఈ–మెయిల్‌ ద్వారా భవిష్య నిధి సంస్థ(ఈపీఎఫ్‌వో) ఉద్యోగులకు పంపుతోంది. ‘ఇప్పటి వరకు సంస్థలు తమ వాటాను చెల్లించకుంటే ఆ సమాచారం ఆ ఉద్యోగులకు తెలిసేది కాదు. ఎవరి తరఫున వారి సంస్థ కంట్రిబ్యూషన్‌ను చెల్లించలేదో ఇకపై ఆ వివరాలు సదరు ఉద్యోగికి ఈ–మెయిల్, ఎస్‌ఎంఎస్‌ ద్వారా పంపుతాము’ అని ఈపీఎఫ్‌వో బుధవారం ఒక ప్రకటనలో తెలిపింది. ఈ–మెయిల్‌ ఐడీ, మొబైల్‌ నెంబర్‌ను తమ సార్వత్రిక ఖాతా సంఖ్య(యూఎఎన్‌)తో అనుసంధానం చేసుకున్న వారికి ఈ వెసులుబాటు ఉంటుందని పేర్కొంది.

నా దగ్గర ప్రస్తుతం రూ.25 లక్షలు ఉన్నాయి. నాలుగేళ్ల తర్వాత సొంత ఇల్లు సమకూర్చుకోవడం నా లక్ష్యం. అందుకని ఈ నాలుగేళ్ల కాలానికి ఈ మొత్తాన్ని ఏదైనా అగ్రెసివ్‌ ఫండ్‌లో ఇన్వెస్ట్‌ చేయాలనుకుంటున్నాను. ఫలితంగా నేను కొనుగోలు చేయబోయే ఇంటికి తీసుకోవలసిన రుణ మొత్తం తగ్గుతుంది కదా ! ఒకేసారి ఈ రూ.25 లక్షలను పూర్తిగా ఏదైనా ఫండ్‌లో ఇన్వెస్ట్‌ చేయడం సరైనదేనా ? తగిన సూచనలివ్వండి.   –వైభవ్, హైదరాబాద్‌   పిల్లల ఉన్నత చదువుల కోసం, రిటైర్మెంట్‌ నిధి కోసం ఇప్పటి నుంచే ఇన్వెస్ట్‌ చేయడం... దీర్ఘకాలిక ఆర్థిక లక్ష్యాల సాధనలో మొదటి అడుగు. కానీ నాలుగేళ్లలో సొంత ఇల్లు సమకూర్చుకోవడం దీర్ఘకాల ఆర్థిక లక్ష్యం కాదు. నాలుగు లేదా ఐదేళ్లలోనే ఈ సొమ్ములు మీకు అవసరం పడతాయి. కాబట్టి ఈ సొమ్ముల ఇన్వెస్ట్‌మెంట్‌ విషయంలో మీరు చాలా అప్రమత్తంగా వ్యవహరించాల్సి ఉంటుంది. అగ్రెసివ్‌ ఫండ్‌ కంటే కూడా బ్యాలెన్స్‌డ్‌ మ్యూచువల్‌ ఫండ్‌లోనే ఇన్వెస్ట్‌ చేయడం ఉత్తమం. స్వల్పకాలంలో మార్కెట్‌ గమనాన్ని అంచనా వేయడం చాలా కష్టం. మీరు ఒకేసారి ఈ మొత్తాన్ని ఇన్వెస్ట్‌ చేస్తే, మార్కెట్‌ బాగా లేకపోతే, నాలుగేళ్లలో ఇల్లు కొనుగోలు చేయాలన్న మీ ప్లాన్‌ మొత్తం తల్లకిందులు కావచ్చు. అందుకని ఎప్పుడైనా ఒకేసారి పెద్ద మొత్తంలో ఇన్వెస్ట్‌ చేయడం సరైన వ్యూహం కాదు.  కాబట్టి మీ దగ్గర ఉన్న మొత్తాన్ని కనీసం 12 భాగాలుగా చేసి ఒక్కో భాగాన్ని ఒక నిర్దేశిత కాలానికి(నెల/మూడు నెలలు/ఆరు నెలలు) ఒక మంచి బ్యాలెన్స్‌డ్‌ ఫండ్‌లో ఇన్వెస్ట్‌ చేయండి.   నా వయస్సు 42 సంవత్సరాలు. ఇటీవల నేను ఉద్యోగం కోల్పోయాను. మిత్రులతో కలసి సొంతంగా వ్యాపారం ప్రారంభించాలనుకుంటున్నాను. వ్యాపారానికి పెట్టుబడి సమస్యలు లేవు. కాగా ఇప్పటివరకూ నా ప్రావిడెంట్‌ ఫండ్‌ మొత్తం రూ.35 లక్షలైంది. ఈ మొత్తాన్ని మరో 15 ఏళ్ల వరకూ వాడుకోకూడదనుకుంటున్నాను. ఈ మొత్తాన్ని నేను ఎక్కడ ఇన్వెస్ట్‌ చేయాలి? మంచి సలహా ఇవ్వండి.   –రవి, విశాఖపట్టణం   మరో పదిహేనేళ్ల పాటు ఈ ఈపీఎఫ్‌(ఎంప్లాయీ ప్రావిడెంట్‌ ఫండ్‌) సొమ్ములను వాడుకోకూడదని మీరు నిర్ణయించుకున్న పక్షంలో కొంచెం రిస్క్‌ తీసుకుంటే మంచిది. మీరు ఉద్యోగంలో ఉన్నంత వరకూ ఈపీఎఫ్‌లో నిల్వలు కొనసాగించడమే మంచిది. మీరు ఉద్యోగం నుంచి బయటకు వచ్చిన తర్వాత ఈపీఎఫ్‌లో ఉండే మీ మొత్తంపై వచ్చే వడ్డీఆదాయంపై పన్ను భారం పడుతుంది. అందుకని మీరు ఉద్యోగం నుంచి బయటకు వచ్చినప్పుడు ఈపీఎఫ్‌ మొత్తాన్ని తీసేసుకోవడమే మంచి నిర్ణయం. ఇటీవల కాలం నుంచే ప్రావిడెంట్‌ ఫండ్‌ నిధులను ఈక్విటీల్లో ఇన్వెస్ట్‌ చేయడం ఆరంభించారు. అయితే  ఈ ఈక్విటీ ఇన్వెస్ట్‌మెంట్స్‌పై పారదర్శకత పెద్దగా లేదు. అందుకని మీ పీఎఫ్‌ మొత్తాన్ని ఉపసంహరించి మంత్లీ ఇన్‌కమ్‌ ప్లాన్స్‌(ఎమ్‌ఐపీ)కు సంబంధించిన గ్రోత్‌ ఆప్షన్‌ స్కీమ్‌ల్లో ఇన్వెస్ట్‌ చేయండి. ఈ స్కీమ్‌లు తమ నిధుల్లో 10–15 శాతం మేర ఈక్విటీలో ఇన్వెస్ట్‌ చేస్తాయి. అయితే ఈ రూ. 35 లక్షల మొత్తాన్ని ఒకేసారి వీటిల్లో ఇన్వెస్ట్‌ చేయకండి. ఈ మొత్తాన్ని కనీసం 12 నుంచి 18 నెలల్లో ఇన్వెస్ట్‌ చేసేలా ప్లాన్‌ చేసుకోండి. మీరు ఒకేసారి ఈ మొత్తాన్ని ఇన్వెస్ట్‌ చేసిన పక్షంలో మీ స్కీమ్స్‌ విలువ 5 శాతం తగ్గినా అది పెద్దమొత్తం నష్టం కిందే లెక్క. మీరు ఇటీవలే ఉద్యోగం కోల్పోయారు. సొంతంగా వ్యాపారం ప్రారంభిస్తున్నారు. సొంత వ్యాపారంలో పూర్తి స్థాయిలో కుదురుకోకముందే మీ పీఎఫ్‌ సొమ్ములపై  నష్టాలు రావడం మంచిది కాదు కదా !   నేను కొంత మొత్తాన్ని ఈక్విటీ లింక్డ్‌ సేవింగ్స్‌ స్కీమ్స్‌(ఈఎల్‌ఎస్‌ఎస్‌)ల్లో ఇన్వెస్ట్‌ చేశాను. ఈ ఫండ్స్‌ లాక్‌–ఇన్‌ పీరియడ్‌ పూర్తయింది. ఈ ఫండ్స్‌ నుంచి ఇన్వెస్ట్‌మెంట్స్‌ను వెనక్కి తీసుకొని మరింత మెరుగైన రాబడులు వచ్చే మ్యూచువల్‌ ఫండ్స్‌లో ఇన్వెస్ట్‌ చేయాలనుకుంటున్నాను. కొంతమంది మిత్రులు ఈఎల్‌ఎస్‌ఎస్‌ల్లోనే ఈ ఇన్వెస్ట్‌మెంట్స్‌ను కొనసాగించమంటున్నారు. నేను ఇప్పుడు ఏం చేయాలి?   –కళ్యాణ్, విజయవాడ   ఈఎల్‌ఎస్‌ఎస్‌ల నుంచి మీ ఇన్వెస్ట్‌మెంట్స్‌ను వెనక్కి తీసుకొని మెరుగైన రాబడుల కోసం మరో ఫండ్స్‌లో ఇన్వెస్ట్‌ చేయడం సరైన నిర్ణయం కాదు. ఈఎల్‌ఎస్‌ఎస్‌ ఫండ్స్‌ తగిన రాబడులు ఇవ్వని పక్షంలోనే లాక్‌–ఇన్‌ పీరియడ్‌ పూర్తయిన తర్వాత ఈఎల్‌ఎస్‌ఎస్‌ల నుంచి ఇన్వెస్ట్‌మెంట్స్‌ను వెనక్కి తీసుకోవాలి.  లిక్విడిటీ సమస్య కారణంగా చాలా మంది ఇన్వెస్టర్లు ఈఎల్‌ఎస్‌ఎస్‌ల లాక్‌ ఇన్‌ పీరియడ్‌ పూర్తి కాగానే ఇన్వెస్ట్‌మెంట్స్‌ను వెనక్కి తీసుకుంటారు. ఇలా చేయడం సరైన పద్ధతి కాదు. ఈఎల్‌ఎస్‌ఎస్‌ల నుంచి వెనక్కి తీసుకున్న ఇన్వెస్ట్‌మెంట్స్‌ను తగిన విధంగా ఇన్వెస్ట్‌ చేయకపోతే, మీకు తగిన రాబడులు రావు. పైగా అధికంగా పన్ను భారం పడుతుంది. ఈఎల్‌ఎస్‌ఎస్‌ల నుంచి ఇన్వెస్ట్‌మెంట్స్‌ను కేవలం రెండు కారణాల వల్లే వెనక్కి తీసుకోవాలి. మొదటిది ఈ ఫండ్స్‌ పనితీరు సరిగ్గా లేకపోవడం, రెండవది... మీకు నగదు కొరత తీవ్రంగా ఉన్నప్పుడు.. కేవలం ఈ రెండు సందర్భాల్లోనే ఈఎల్‌ఎస్‌ఎస్‌ల్లోని ఇన్వెస్ట్‌మెంట్స్‌ను వెనక్కి తీసుకోవాలి. అలా కానప్పుడు ఇన్వెస్ట్‌మెంట్స్‌ను కొనసాగించడమే మంచిది. ఈఎల్‌ఎస్‌ఎస్‌ల్లో దీర్ఘకాలం పాటు ఇన్వెస్ట్‌మెంట్స్‌ను కొనసాగించినప్పుడు మంచి రాబడులు పొందవచ్చు.   - ధీరేంద్ర కుమార్‌ సీఈవో, వ్యాల్యూ రీసెర్చ్‌

సాక్షి, గుంటూరు: గుంటూరు నగర పాలక సంస్థ పరిధిలో మరో కుంభకోణం వెలుగు చూసింది. పారిశుద్ధ్య కార్మికులకు సంబంధించి పీఎఫ్‌ రుణాల  వ్యవహారంలో వారికి సంబంధం లేకుండా దళారులు మార్చేసిన వైనం బయటపడింది. ఏకంగా మున్సిపల్‌ హెల్త్‌ ఆఫీసర్‌ (ఎంహెచ్‌వో), ఓ క్లర్క్‌ సంతకాలను ఫోర్జరీ చేసి పారిశుద్ధ్య కార్మికులకు తెలియకుండా వారి పీఎఫ్‌ ఖాతాల నుంచి రుణాలు మంజూరు చేస్తూ ఆ డబ్బును వేరే ఖాతాలకు మళ్లిస్తున్నట్లు అధికారులు మంగళవారం గుర్తించి, వాటిని నిలిపివేయడంతోపాటు పూర్తి స్థాయి విచారణకు ఆదేశించారు. అధికారులు వెళ్లే సమయానికి ఐదుగురు కార్మికులకు పీఎఫ్‌ రుణాలు మంజూరు చేయడంతోపాటు డీడీలు సైతం సిద్ధం చేశారు. తాను పీఎఫ్‌ లోనుకు దరఖాస్తు చేసుకోకపోయినా తన పేరుతో రుణం రావడంపై ఆందోళన వ్యక్తం చేసిన ఓ కార్మికుడు ఎంహెచ్‌వోకు ఫిర్యాదు చేయడం, ఆమె పీఎఫ్‌ కార్యాలయానికి వెళ్లి ఆరా తీయడంతో పీఎఫ్‌ రుణాల కుంభ కోణం బయటపడింది. రుణాలను నిలిపివేయించి విచారణకు ఆదేశించారు. దీనికి సంబంధించిన వివరాల్లోకి వెళితే... నిరక్షరాస్యులే లక్ష్యంగా.. గుంటూరు నగరపాలక సంస్థలో పనిచేసే కార్మికులకు 2000 సంవత్సరం నుంచి పీఎఫ్‌ కట్‌ చేస్తూ నగరపాలక సంస్థ సైతం పీఎఫ్‌  డబ్బులను వారి ఖాతాల్లో జమ చేస్తూ వస్తున్నారు. అయితే పారిశుద్ధ్య కార్మికుల్లో అధిక శాతం మంది నిరక్షరాస్యులు కావడంతో వారికి పీఎఫ్‌ చెల్లింపులు, ఈఎస్‌ఐ వ్యవహారాలు చూస్తూ చనిపోయిన వారికి క్లయిమ్‌లు ఇప్పించేందుకు ఓ కాంట్రాక్టు సంస్థను అప్పట్లో నగరపాలక సంస్థ అధికారులు నియమించారు. అయితే కార్మికులకు సంబంధించి పీఎఫ్‌ ఖాతాలకు ఆధార్‌ను అనుసంధానం చేయాల్సిన కాంట్రాక్టు సంస్థ పట్టించుకోకుండా వదిలేసింది. దీంతో దళారులు చేరి పారిశుద్ధ్య కార్మికుల అవసరాలను ఆసరాగా చేసుకుని వారికి అప్పులు ఇవ్వడం, ఖాళీ పేపర్ల మీద సంతకాలు చేయించుకుని వారి డబ్బులు కాజేయడం పరిపాటిగా మారింది. దీంతో కష్టపడి పనిచేసిన డబ్బు ఇళ్లకు చేరక, కుటుంబాలకు గడవక పారిశుద్ధ్య కార్మికులు తీవ్ర ఇబ్బందులకు గురవుతూ ఉన్నారు. ఈ వ్యవహారం బయటపడిందిలా.. నగరపాలక సంస్థ కార్యాలయ పరిధిలోని మలేరియా విభాగంలో గోడౌన్‌ కీపర్‌గా పనిచేస్తున్న కేశవరావు అనే కార్మికునికి బుధవారం ఓ మెసేజ్‌ వచ్చింది. మీరు పెట్టుకున్న పీఎఫ్‌ లోను మంజూరు అయిందనేది ఆ మెసేజ్‌ సారాంశం. దీంతో అవాక్కు అయిన కేశవరావు తాను పీఎఫ్‌ లోను కోసం అసలు దరఖాస్తు చేయలేదని ఫిర్యాదు చేశాడు. రికార్డులు పరిశీలించిన ఎంహెచ్‌వో డాక్టర్‌ శోభారాణి కేశవరావు పేరుతో పీఎఫ్‌ లోనుకు ఎటువంటి సిఫార్సు చేయలేదని నిర్ధారించుకున్నారు. వెంటనే పీఎఫ్‌ కార్యాలయానికి వెళ్లి రికార్డులు పరిశీలించగా కేశవరావు పేరుతో ఉన్న దరఖాస్తులో తన సంతకం ఫోర్జరీ చేసినట్లు గుర్తించిన ఆమె మరో నాలుగు లోన్‌లకు సంబంధించి డీడీలు సైతం సిద్ధమైనట్లు తెలుసుకుని వాటిని నిలిపివేయించారు. సదరు డబ్బును చిలకలూరిపేటకు చెందిన వ్యక్తి అకౌంట్‌కు జమ చేసేలా ఏర్పాట్లు చేయడంపై పూర్తి వివరాలు తీసుకుని విచారణ జరుపుతున్నారు.  కాంట్రాక్టు సంస్థ, అధికారులు పాత్ర ఏ మేరకు ఉందనేది వేచి చూడాల్సి ఉంది. పారిశుద్ధ్య కార్మికులకు తెలియకుండా పీఎఫ్‌ లోన్‌లు కాజేస్తున్న వైనం బయటకు రావడంతో గతంలో సైతం ఇలాంటి ఘటనలు ఇంకెన్ని జరిగాయో తెలియని పరిస్థితి నెలకొంది. ఎవరెవరి పేర్లతో ఎంతెంత లోన్‌లు మార్చుకున్నారో తెలియక పారిశుద్ధ్య కార్మికులు తీవ్ర ఆందోళన చెందుతున్నారు. ఉన్నతాధికారుల ఆదేశాలతో క్రిమినల్‌ కేసు పెడతాం నా సంతకాన్ని ఫోర్జరీ చేసి కేశవరావు అనే పారిశుద్ధ్య కార్మికునికి తెలియకుండా ఆయన పీఎఫ్‌ ఖాతా నుంచి లోన్‌లు మంజూరు చేయించుకుని కాజేస్తున్న వైనం బయటపడింది. దీనిపై పీఎఫ్‌ అధికారులతో పాటు, మేము పూర్తి విచారణ జరుపుతాం. గతంలో ఇలాంటి సంఘటనలు ఏమైనా జరిగాయా అనేదానిపై ఆరా తీస్తున్నాం. ఫోర్జరీ వ్యవహారంపై కమిషనర్‌ ఆదేశాల మేరకు క్రిమినల్‌ కేసు నమోదు చేయిస్తాం. ఇకమీదట  పారిశుద్ధ్య కార్మికుల ఆధార్‌ కార్డులను ఆన్‌లైన్‌ చేసి వారి బ్యాంకు ఖాతాలను అనుసంధానం చేసి  పీఎఫ్‌ లోన్‌లు నేరుగా వారి అకౌంట్‌లో జమ అయ్యేలా చర్యలు తీసుకుంటాం. – డాక్టర్‌ శోభారాణి, ఎంహెచ్‌వో

న్యూఢిల్లీ : గుడ్‌న్యూస్‌..ఉద్యోగుల భవిష్య నిధి సంస్థ(ఈపీఎఫ్‌ఓ) తన నిర్ణయం మార్చుకుంది. రూ.10 లక్షలకు పైన ప్రావిడెంట్‌ ఫండ్‌ విత్‌డ్రా క్లయిమ్స్‌ను ఆఫ్‌లైన్‌గా కూడా చేపట్టనున్నట్టు తెలిపింది. అంతకముందు ఈ విత్‌డ్రాను కేవలం ఆన్‌లైన్‌గా మాత్రమే చేపట్టాలని ఈపీఎఫ్‌ఓ పేర్కొన్న సంగతి తెలిసిందే. కాగితరహిత సంస్థగా ఈపీఎఫ్‌ఓను మార్చడానికి, ప్రక్రియను సులభతరం చేసేందుకు ఈపీఎఫ్‌ఓ అప్పట్లో ఈ నిర్ణయం తీసుకుంది. కానీ ప్రస్తుతం ఆఫ్‌లైన్‌గా కూడా ఈ క్లయిమ్స్‌ను చేపట్టవచ్చని పేర్కొంది. 2018 ఏప్రిల్‌ 13న ప్రావిడెంట్‌ ఫండ్స్‌ అండ్‌ ఎంప్లాయూస్‌, పెన్షన్‌ స్కీమ్‌ విత్‌డ్రాయల్స్‌ను సమీక్షిస్తూ ఓ సర్క్యూలర్‌ జారీచేసింది. ఈ సర్క్యూలర్‌ ప్రకారం రూ.10 లక్షలకు పైన ఉన్న అన్ని పీఎఫ్‌ క్లయిమ్స్‌ను ఆఫ్‌లైన్‌గా సమర్పించే దరఖాస్తుల ద్వారా కూడా సెటిల్‌ చేయాలని పేర్కొంది. అదేవిధంగా ఈపీఎస్‌ విషయంలో రూ.5 లక్షలకు పైన ఉన్న పీఎఫ్‌ క్లయిమ్స్‌ను ఆఫ్‌లైన్‌గా చేపట్టవచ్చని తెలిపింది. ఆన్‌లైన్‌గా క్లయిమ్‌ చేసుకునేటప్పుడు ఈపీఎఫ్‌ఓ సభ్యులు ఎదుర్కొంటున్న సమస్యలను పరిగణలోకి తీసుకుని ఈ నిర్ణయం తీసుకుంది. సెంట్రల్‌ ప్రావిడెంట్‌ ఫండ్‌ కమిషనర్‌ ఆధ్వర్యంలో చేపట్టిన సమావేశంలో ఈ నిర్ణయం తీసుకున్నారు. అన్ని కేసుల్లోనూ ఈ ఆఫ్‌లైన్‌ క్లయిమ్స్‌ను చేపట్టనున్నారు. ఆఫ్‌లైన్‌గా సమర్పించిన దరఖాస్తులను ఈపీఎఫ్‌ఓ, ఎంప్లాయర్స్‌(ఆర్గనైజేషన్స్‌)కు ఆన్‌లైన్‌గా పంపించనుంది. దీంతో తుదిపరి వెరిఫికేషన్‌ చేపట్టి, మోసాలను తగ్గించవచ్చని ఈపీఎఫ్‌ఓ పేర్కొంది. అయితే ఎంప్లాయర్స్‌ పొందిన ఆ క్లయిమ్‌ దరఖాస్తులను ఆమోదిస్తున్నటా? లేదా తిరస్కరిస్తున్నటా? తెలుపుతూ మూడు రోజుల్లోగా తిరిగి ఈపీఎఫ్‌ఓ ఆఫీసుకు పంపించాలి.   

ఏలూరు టౌన్‌:ఏలూరులోని ఒక ప్రైవేటు ఆసుపత్రి యాజమాన్యం నుంచి రూ.40 వేలు లంచం తీసుకుంటుండగా జిల్లా ఈపీఎఫ్‌ కార్యాలయ ఎన్‌ఫోర్స్‌మెంట్‌ అధికారి ఎల్‌.ఆనందరావును సీబీఐ అధికారులు రెడ్‌హ్యాండెడ్‌గా పట్టుకున్నారు. సాయంత్రం 3.30 గంటలకు ఏలూరు వచ్చిన విశాఖపట్నం సీబీఐ అధికారుల బృందం జిల్లా ఈపీఎఫ్‌ కార్యాలయాన్ని జల్లెడపడుతున్నారు. రాత్రి 11.30 గంటల వరకూ కార్యాలయంలో సోదాలు చేస్తూనే ఉన్నారు. లంచావతారం ఎత్తిన అ«ధికారితోపాటు, కార్యాలయంలో పనిచేస్తున్న సిబ్బందిని సైతం ప్రశ్నించారు. గతంలో పీఎఫ్‌ మంజూరు రికార్డులను, ఇతర ఆసుపత్రులకు సంబంధించిన ఫైళ్లు తనిఖీ చేస్తున్నట్లు తెలుస్తోంది. ఏలూరు అమీనాపేటలోని చైత్ర ఆసుపత్రి యాజమాన్యం అక్కడ పనిచేసే ఉద్యోగులకు ఈపీఎఫ్‌ చెల్లించటంలేదని జిల్లా ఈపీఎఫ్‌ కార్యాలయానికి కొందరు ఫిర్యాదు చేసినట్లు తెలుస్తోంది. ఈ ఫిర్యాదు మేరకు ఈపీఎఫ్‌ కార్యాలయ ఎన్‌ఫోర్స్‌మెంట్‌ అధికారి ఎల్‌.ఆనందరావు ఆసుపత్రి తనిఖీ చేసేందుకు వెళ్ళారు. తనిఖీలు చేసిన అధికారి ఆనందరావు తనకు సొమ్ములు ఇస్తే ఏ ఇబ్బందీ లేకుండా చూసుకుంటానని, లేకుంటే ఇబ్బందులు తప్పవని హెచ్చరించారు. తాము నిబంధనల మేరకు పీఎఫ్‌ వాటా చెల్లిస్తామని ఆసుపత్రి యాజమాన్యం చెప్పింది. అయినా అధికారి రూ.50 వేలు లంచం ఇవ్వాలని డిమాండ్‌ చేశారు. దీంతో ఆసుపత్రి యాజమాన్యం విశాఖపట్నంలోని సీబీఐ ఉన్నతాధికారులకు ఫిర్యాదు చేసింది. సీబీఐ అధికారులు పక్కా ప్లాన్‌ వేసి బుధవారం సాయంత్రం ఏలూరు ఆర్‌ఆర్‌పేటలోని ఎల్‌ఐసీ కార్యాలయం రోడ్డులోని ఈపీఎఫ్‌ జిల్లా కార్యాలయానికి వెళ్ళి ఆసుపత్రి సిబ్బంది రూ.40 వేలు లంచం ఇస్తుండగా రెడ్‌హ్యాండెడ్‌గా పట్టుకున్నారు. కార్యాలయ రికార్డుల మేరకు అధికారి ఆనందరావును సీబీఐ అధికారులు అర్ధరాత్రి వరకూ విచారిస్తునే ఉన్నారు.

సాక్షి, న్యూఢిల్లీ : ఉద్యోగస్తులకు కేంద్ర ప్రభుత్వం మరో వెసులుబాటును కల్పించింది. కేవలం ఒక్క మిస్డ్‌ కాల్‌తోనే  ప్రావిడెంట్‌ ఫండ్‌(పీఎఫ్‌) బ్యాలెన్స్‌ ఎంత ఉందో తెలుసుకునే వీలుకల్పించింది. ఉద్యోగస్తులు పీఎఫ్‌ బ్యాలెన్స్‌  వివరాలను సులువుగా పొందడానికే ఈ సాంకేతికతను ప్రవేశపెట్టినట్లు కేంద్ర కార్మిక శాఖ ఓ ప్రకటనలో తెలిపింది. ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌ ఎంప్లాయీస్‌(ఈపీఎఫ్‌ఓ) స్కీమ్‌లోని ఉద్యోగులు ఎవరైతే యూనివర్సల్‌ అకౌంట్‌ నెంబర్‌(యూఏఎన్‌) పోర్టల్‌లో కూడా రిజస్టర్‌ అయి ఉంటారో వారు ఈ సేవలను వినియోగించుకోవచ్చు. అంటే బ్యాంక్‌ బ్యాలెన్స్‌ వివరాలు పొందే మాదిరిగానే పీఎఫ్‌ బ్యాలెన్స్‌ వివరాలను కూడా తెలుసుకోవచ్చన్న మాట. యూఏఎన్‌ పోర్టల్‌లో ఉద్యోగులు పేర్కొన్న తమ ఫోన్‌ నెంబర్‌ నుంచి 011-22901406 కు మిస్డ్‌ కాల్‌ ఇస్తే చాలూ.. వెంటనే వివరాలు ఎస్‌ఎంఎస్‌ ద్వారా అందుతాయి. ఈ సర్వీస్‌కు ఎలాంటి చార్జీలు ఉండబోవని కార్మిక శాఖ తెలిపింది. అదే విధంగా రిజిస్టర్‌ మొబైల్‌ నెంబర్‌ నుంచి ‘EPFOHO UAN’  అని టైప్‌ చేసి 7738299899 నెంబర్‌కు ఎస్‌ఎంఎస్‌ చేయడం ద్వారా కూడా వివరాలు పొందవచ్చు. ఇంగ్లీష్‌, హిందీతో పాటు మరో 8 భారతీయ భాషల్లో బ్యాలెన్స్‌ వివరాలు పొందవచ్చని కేంద్ర కార్మిక శాఖ పేర్కొంది.

సందర్భం కార్మికుల జీతంనుంచి కోత విధించి దాన్ని వారి పీఎఫ్‌ ఖాతాలో వేయకపోవడం పెద్ద అవినీతి. అలాంటి యాజమాన్యాలపైన చర్యతీసుకోకుండా కార్మికులకు నష్టం కలిగించే అధికారులపైన చట్టపరమైన చర్య తీసుకోవలసి ఉంటుంది. ప్రయివేటు రంగంలో, కాంట్రాక్టు లేదా ఔట్‌ సోర్సింగ్‌ వర్కర్లకు ఒకే ఒక సంక్షేమ ప్రయోజనం భవిష్యనిధి. వేతనంలో 12శాతం భవిష్యనిధికి కార్మికుడి వాటాను చెల్లింపు సమయంలోనే తీసి, భవిష్యనిధి ఖాతాకు జమచేయాలి. యాజమాన్యం వారి వాటాను కూడా కలిపి కార్మికుడి ఖాతాలో వేయాలి. భవిష్యత్తులో కార్మికుడి ఆరోగ్య సంక్షేమాలకు ఆ డబ్బునుంచి సాయం లభిస్తుంది. చాలామంది కార్మికులు పీఎఫ్‌ వాటాను చెల్లించినా యాజమాన్యాలు వారి ఖాతాలో వాటిని జమచేయడం లేదు. వారిపైన చర్యతీసుకోవలసిన పీఎఫ్‌ శాఖ అధికారులు అలసత్వం ప్రదర్శిస్తారు. వారికి జవాబుదారీ ఎవరు? సమాచార హక్కు చట్టం వల్ల కార్మికులకి, వారి నాయకులకు, సంఘాలకు మరొక చేయూత దొరికింది. మా వాటా డబ్బు చెల్లించారా? యాజమాన్యం వాటా కలిపారా? చెల్లించని యాజమాన్యంపై ఏ చర్యతీసుకున్నారు? ఏ చర్యా తీసుకోని అధికారుల బాధ్యత ఏమిటి అని ఆర్టీఐ కింద అడుగుతున్నారు. కానీ ఇవ్వడం కుదరదని ప్రజాసమాచార అధికారులు నిరాకరిస్తున్నారు. వేతనం నుంచి పీఎఫ్‌ వాటాను తీసి అతని ఖాతాలో జమచేశారా లేదా, యాజమాన్యం వాటా చెల్లించారా అని జనార్దన్‌ పాటిల్‌ ఆర్టీఐ దరఖాస్తు ద్వారా కోరారు. ఈ సమాచారం ఇస్తే ఏం నష్టం? ఇవ్వకపోతే తమకు వచ్చే లాభం ఏమిటి? అని ఎవరూ ఆలోచించడం లేదు అధికారులు. మూడో వ్యక్తి సమాచారం అనీ వ్యక్తిగత సమాచారం అనీ నిరాకరించారు. మొదటి అప్పీలు అధికారి కూడా ఆ నిరాకరణను సమర్థించారు. ఈ సమాచారం ఇవ్వవలసిందే అని ఈపీఎఫ్‌ఓను కమిషన్‌ ఆదేశించింది. సమాచారం ఇవ్వనందుకు గరిష్ట జరిమానా ఎందుకు విధించకూడదో తెలియజేయాలని ప్రజాసమాచార అధికారికి షోకాజ్‌ నోటీసు జారీ చేశారు. ఆర్టీఐ దరఖాస్తు వేసినప్పుడు తాను సీపీఐఓను కాదని, ప్రస్తుత సీపీఐఓ ఏసీ పగారే వివరణ ఇచ్చారు. అప్పటి అధికారితోపాటు, సమాచారం ఇవ్వని ఇప్పటి సీపీఐఓ కూడా అందుకు బాధ్యత వహించాలని ఇద్దరికీ కమిషన్‌ జరిమానా నోటీసులు జారీ చేసింది. సీఐసీ ఆదేశించిన తరువాత సమాచారం ఇచ్చామని, కనుక తనపై జరిమానా విధించరాదని ప్రస్తుత అధికారి పగారే వివరణ ఇచ్చారు. 2016 ఫిబ్రవరి 2న వచ్చిన దరఖాస్తును వెంటనే ఫిబ్రవరి 23న సంబంధిత శాఖకు పంపానని, దానికి సమాధానం ఆ అధికారే ఇవ్వాల్సి ఉందని ఆ నిర్ణయం సరైనదే అని మొదటి అప్పీలు అధికారి కూడా ఒప్పుకున్నారని, తనకు సమాచారం ఇవ్వకూడదనే దురుద్దేశం లేనేలేదని అప్పటి సీపీఐఓ జగదీష్‌ టాంబే వివరణ ఇచ్చారు. కార్మికుడి భవిష్యనిధి అతడి వ్యక్తిగత సమాచారం కనుక ఇవ్వరాదని ఆయన వివరించారు.   రికార్డులు పరిశీలిస్తే తేలిందేమంటే మొత్తం 15 నెలల తరువాత కార్మికుడికి చెందిన పీఎఫ్‌ సమాచారం ఇచ్చారు. అందాకా సమాచారం ఇవ్వకుండా వేధించారు.  ఆ తరువాత కూడా రెండు అంశాలకు సంబంధించిన సమాచారం ఇవ్వలేదని దరఖాస్తుదారుడు వివరించారు. ఇవ్వకుండా వదిలేసిన సమాచారాన్ని కూడా ఇవ్వాలని కమిషన్‌ మళ్లీ ఆదేశించింది. కార్మికుల వేతన సమాచారం వ్యక్తిగత సమాచారం కాదు. ఎందుకంటే అందరు కార్మికులకు ఒక లెక్క ప్రకారం, వేతన బోర్డు నిర్ణయం ప్రకారం ఒక స్కేలు పద్ధతిన వేతనం ఇస్తారు. అది అందరికీ తెలిసిన సమాచారమే. అందులో 12 శాతం భాగాన్ని భవిష్యనిధికి కార్మికుడి వాటాగా కేటాయించాలని. అంతే సొమ్మును  యాజమాన్యం వాటాగా చెల్లించాలని చట్టం ఆదేశించింది. వేతనం వలెనే వేతనంలో భాగమైన పీఎఫ్‌ సొమ్ము వ్యక్తిగత రహస్యం అయ్యే అవకాశమే లేదు. పీఎఫ్‌ ఖాతాలో కార్మికుడి వాటా, యాజమాన్యం వాటా తప్ప మరేదీ ఉండదు. అందులో కార్మికుడు ఎక్కువ సొమ్ము జమచేయడం, మరో విధంగా ఖర్చుచేయడం జరగదు. అలాంటప్పుడు పీఎఫ్‌ ఖాతాను బ్యాంకు ఖాతాతోనూ, ఆదాయపు పన్ను చెల్లింపు వివరాలతోనూ పోల్చి సమాచారాన్ని నిరాకరించడం సమంజసం కాదు. పీఎఫ్‌ వాటా చెల్లింపులు చేసినా అతని ఖాతాలో ఆ డబ్బును తన వాటాతో కలిపి యాజమాన్యం జమ చేయకపోతే, అది చట్టవిరుద్ధమైన పని అవుతుంది. దానివెనుక మోసం ఉంటుంది. కార్మికుడికి ద్రోహం జరుగుతుంది. అతని జీతంనుంచి కోత విధించి అతని ఖాతాలో వేయకపోవడం పెద్ద అవినీతి కూడా అవుతుంది. ఈ పనిచేసిన యాజమాన్యాలపైన చర్యతీసుకునే అధికారం పీఎఫ్‌ అధికారులకు ఉంది. ఆ అధికారాన్ని వినియోగించకుండా కార్మికులకు నష్టం కలిగించే అధికారులపైన చట్టపరమైన చర్యతీసుకోవలసి ఉంటుంది. ఇవన్నీ తప్పించుకోవడానికి అధికారులు పీఎఫ్‌ సమాచారాన్ని వ్యక్తిగత సమాచారం అంటూ ఇవ్వకుండా దాస్తున్నారు. ఇందుకు సమాచార అధికారిపై కమిషన్‌ 25 వేల రూపాయల జరిమానా విధించింది. (నాగరాజ్‌ జనార్దన్‌ వర్సెస్‌ ఈపీఎఫ్‌ఓ నంబరు  EPFOG/ A/2016/294053, కేసులో 20.2.2018 నాడు కమిషన్‌ ఇచ్చిన తీర్పు ఆధారంగా) మాడభూషి శ్రీధర్‌ వ్యాసకర్త కేంద్ర సమాచార కమిషనర్‌ professorsridhar@gmail.com

సాక్షి, న్యూఢిల్లీ : ఈ ఏడాది ఆగస్ట్‌ 15 నుంచి తమ సేవలను పూర్తిగా ఆన్‌లైన్‌లోకి మళ్లించనున్నట్టు ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌ (ఈపీఎఫ్‌ఓ) పేర్కొంది. రూ 10 లక్షలు మించిన పీఎఫ్‌ విత్‌డ్రాయల్స్‌కు విధిగా ఆన్‌లైన్‌లోనే క్లెయిమ్‌ చేయాలని స్పష్టం చేసింది. ఎంప్లాయిస్‌ పెన్షన్‌ స్కీమ్‌ కింద రూ 5 లక్షలు దాటిన విత్‌డ్రాయల్స్‌కు ఆన్‌లైన్‌ క్లెయిమ్‌లను అనివార్యం చేసింది. స్వాతంత్ర్య దినోత్సవం నాటికి పూర్తిగా ఆన్‌లైన్‌ సేవలు అందించాలని ఈపీఎఫ్‌ఓ లక్ష్యంగా నిర్ధేశించుకుంది. ఈపీఎఫ్‌ఓ కార్యాలయాలన్నింటికీ ఈ నిబంధనలు వర్తిస్తాయని పేర్కొంది. నూతన మార్పులకు అనుగుణంగా రాబోయే రెండు నెలల్లో కాగితరహిత సేవలపై పెద్ద ఎత్తున ప్రచారం చేపట్టాలని ఈపీఎఫ్‌ఓ నిర్ణయించింది. వాణిజ్య సంస్థలు, కంపెనీలు తమ ఉద్యోగుల పీఎఫ్‌ క్లెయిమ్‌లను విధిగా ఆన్‌లైన్‌లోనే చేపట్టాలని పేర్కొంది. అన్ని ఈ-కోర్టు కేసులనూ ఎలక్ర్టానిక్‌ ఫైలింగ్‌ ప్రక్రియలోనే ప్రాసెస్‌ చేయాలని నిర్ణయించింది. ఈ మేరకు తమ కార్యాలయాల్లో అవసరమైన మౌలిక వసతులను ఈపీఎఫ్‌ఓ అందుబాటులోకి తేనుంది. 

న్యూఢిల్లీ: ప్రావిడెంట్‌ ఫండ్‌ క్లెయిమ్‌ రూ. 10 లక్షలకు మించితే తప్పనిసరిగా ఆన్‌లైన్‌లోనే దరఖాస్తు చేసుకునేలా ఉద్యోగుల భవిష్య నిధి సంస్థ (ఈపీఎఫ్‌వో) నిర్ణయం తీసుకుంది. అలాగే, ఎంప్లాయీస్‌ పెన్షన్‌ స్కీమ్‌ 1995 కింద విత్‌డ్రా చేసుకునే మొత్తం రూ. 5 లక్షలు మించినా.. ఆన్‌లైన్‌లోనే దరఖాస్తు చేసుకోవడం తప్పనిసరి కానుంది. ఈ పింఛను పథకం కింద.. పాక్షికంగా కూడా పెన్షన్‌ను విత్‌డ్రా చేసుకునే వీలుంది. ఇందుకోసం ప్రస్తుత నిబంధనల ప్రకారం ఆన్‌లైన్‌తో పాటు మ్యాన్యువల్‌గా కూడా దరఖాస్తు చేసుకునే వెసులుబాటు ఉంది. ఉమంగ్‌ యాప్‌ నుంచే పీఎఫ్‌కు ఆధార్‌ లింక్‌ ఈపీఎఫ్‌వో సభ్యులు తమ పీఎఫ్‌ ఖాతాను (యూనివర్సల్‌ అకౌంట్‌) ఆధార్‌తో అనుసంధానించుకోవడం మరింత సులభతరం అయింది. ఉమంగ్‌ యాప్‌ నుంచి అనుసంధానించుకునే సదుపాయం అందుబాటులోకి వచ్చింది. సభ్యుల సౌకర్యం కోసం యూఏఎన్‌–ఆధార్‌ లింకింగ్‌ సదుపాయాన్ని ఉమంగ్‌ యాప్‌లో కల్పించినట్టు ఈపీఎఫ్‌వో తెలిపింది. పలు రకాల ప్రభుత్వ సేవలను ఒకే చోట అందించే ఉద్దేశ్యంతో కేంద్ర ప్రభుత్వం ఉమంగ్‌ యాప్‌ను తీసుకువచ్చింది.

న్యూఢిల్లీ: ఉద్యోగుల భవిష్య నిధి సంస్థ ఈపీఎఫ్‌వో 2017–18 ఆర్థిక సంవత్సరానికి పీఎఫ్‌పై వడ్డీ రేటును 8.65 శాతం నుంచి 8.55 శాతానికి తగ్గించింది. దీంతో రూ. 586 కోట్ల మేర మిగులు నమోదు కానుందని ఈపీఎఫ్‌వో ట్రస్టీల సమావేశం అనంతరం కేంద్ర కార్మిక మంత్రి సంతోష్‌ కుమార్‌ గంగ్వార్‌ తెలిపారు. గత ఆర్థిక సంవత్సరం 8.65 శాతం వడ్డీ రేటునివ్వడంతో.. రూ. 695 కోట్లు మిగులు నమోదైనట్లు వివరించారు. దాదాపు 6 కోట్ల చందాదారులపై ఇది ప్రభావం చూపనుంది. తాజా నిర్ణయానికి కార్మిక సంఘాలు సైతం అంగీకరించగలవని గంగ్వార్‌ ఆశాభావం వ్యక్తం చేశారు. మరోవైపు ఉమంగ్‌ మొబైల్‌ యాప్‌ ద్వారా ఈపీఎఫ్‌వో యూఏఎన్‌కి ఆధార్‌ను అనుసంధానం చేసుకునే సదుపాయాన్ని మంత్రి ఆవిష్కరించారు. అడ్మినిస్ట్రేటివ్‌ చార్జీలను 0.65 శాతం నుంచి 0.50 శాతానికి తగ్గించాలని సెంట్రల్‌ బోర్డ్‌ ఆఫ్‌ ట్రస్టీస్‌ (సీబీటీ) నిర్ణయించినట్లు గంగ్వార్‌ వివరించారు. అటు, ఇకపై పది మంది ఉద్యోగులున్న సంస్థలు కూడా ఈపీఎఫ్‌వో స్కీములో భాగమయ్యేలా చేయాలని సీబీటీ నిర్ణయించింది. ప్రస్తుతం ఈ నిబంధన 20 మంది పైగా ఉద్యోగులన్న సంస్థలకే వర్తిస్తోంది. తాజా నిర్ణయంతో ఈపీఎఫ్‌వో చందాదారుల సంఖ్య ప్రస్తుతమున్న 6 కోట్ల నుంచి దాదాపు 9 కోట్ల దాకా పెరగవచ్చని గంగ్వార్‌ పేర్కొన్నారు.   

న్యూఢిల్లీ: ప్రావిడెంట్‌ ఫండ్‌ డిపాజిట్లపై ఈ ఆర్థిక  సంవత్సరానికి 8.65 శాతం వడ్డీనే కొనసాగించే అవకాశాలున్నాయి. నేడు(బుధవారం) జరిగే సమావేశంలో ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌(ఈపీఎఫ్‌ఓ) ఈ మేరకు నిర్ణయం తీసుకునే అవకాశాలున్నాయని సమాచారం. ఈపీఎఫ్‌ఓ ఈ నెలలో ఈటీఎఫ్‌లపై రూ.1,054 కోట్ల  రాబడులు సాధించిందని దీంతో ఈ ఆర్థిక సంవత్సరానికి 8.65 శాతం వడ్డీరేటును ఇవ్వడం సాధ్యమవుతుందని సంబంధిత వర్గాలు వెల్లడించాయి. వడ్డీరేట్లపై నిర్ణయంతో పాటు నిర్వహణ చార్జీలను 0.65 శాతం నుంచి 0.50 శాతానికి తగ్గించే ప్రతిపాదనపై కూడా నేటి సమావేశంలో చర్చించే అవకాశాలున్నాయి. ఈపీఎఫ్‌ఓ 2015 ఆగస్టు నుంచి ఈటీఎఫ్‌ల్లో ఇన్వెస్ట్‌ చేస్తోంది. ఇప్పటివరకూ రూ.44,000 కోట్లు ఇన్వెస్ట్‌ చేసింది. ఇప్పటివరకైతే ఈ ఇన్వెస్ట్‌మెంట్స్‌ను విక్రయించలేదు. ఇప్పటివరకైతే ఈటీఎఫ్‌లపై 16 శాతం రాబడి వచ్చింది. కాగా గత ఆర్థిక సంవత్సరంలో వడ్డీరేటు 8.8 శాతంగా ఉంది. 

సాక్షి, హైదరాబాద్‌ : తెలంగాణరోడ్డు రవాణా సంస్థ (టీఎస్‌ ఆర్టీసీ) మళ్లీ దారి తప్పింది. కార్మికుల వేతనాల నుంచి మినహాయించి వారి భావి అవసరాలకు వినియోగించాల్సిన భవిష్య నిధి (పీఎఫ్‌)ని స్వాహా చేసింది. ఆ నిధికి సంస్థపరంగా చెల్లించాల్సిన వాటాతోపాటు స్వయంగా కార్మికుల వేతనాల నుంచి మినహాయించిన మొత్తాన్ని కూడా వాడేసుకుంది. ఇప్పుడు ఈ అంశం పెద్ద వివాదంగా మారింది. గతంలో ఇదే తరహా తప్పిదంతో భవిష్య నిధి కమిషనర్‌ ఆగ్రహానికి గురైన సంస్థ మరోసారి ఆ కమిషనర్‌ నుంచి సమన్లు అందుకోవాల్సి వచ్చింది. పీఎఫ్‌ సొమ్ముపై కన్ను... ఆర్టీసీకి ఇటీవల 35 డిపోల్లో లాభాలు మొదలయ్యాయి. తెలంగాణ వచ్చిన తర్వాత తొలిసారి ఆర్టీసీ లాభాల రుచి చూసింది. దీంతో మిగతా డిపోలను కూడా లాభాల జాబితాలోకి తెచ్చేందుకు చర్యలు ప్రారంభించారు. కానీ కొండలా పేరుకుపోయిన అప్పు, దానికి ప్రతినెలా చెల్లించాల్సిన వడ్డీ, ఆర్టీసీ వేతన సవరణ తర్వాత భారీగా పెరిగిన వేతనాల భారం, డొక్కు బస్సులు పెరగటంతో తడిసిమోపెడవుతున్న వాటి నిర్వహణ వ్యయం... ఇలా ఖర్చుల పద్దు లాభాలను మింగేస్తున్నాయి. దీంతో నిర్వహణ కోసం దిక్కులు చూస్తున్న ఆర్టీసీ కన్ను కార్మికుల భవిష్య నిధిపై పడింది. ఏడాదిన్నర కిందట నుంచి... ప్రతి నెలా కార్మికుల వేతనాల నుంచి ఆర్టీసీ దాదాపు రూ. 13 కోట్ల వరకు సంస్థ మినహాయించడంతోపాటు అంతే మొత్తాన్ని దానికి జత చేసి భవిష్య నిధి ట్రస్టులో జమ చేయాలి. అయితే ఆర్టీసీకి ఉన్న ప్రత్యేక వెసులుబాటు దృష్ట్యా ఆర్టీసీ అధీనంలోనే ఎండీ చైర్మన్‌గా ఉండే భవిష్యనిధి ట్రస్టులో జమ చేసుకోవచ్చు. ఆ మొత్తాన్ని ఇతర సంస్థలకు వడ్డీలకు ఇచ్చి తిరిగి ఆదాయాన్ని పొందే వెసులుబాటు ఉంది. కార్మికులకు అవసరమైన రుణాలను ఈ మొత్తం నుంచి ఇస్తారు. అయితే ఆర్టీసీ 2016 జూన్‌ నుంచి సంస్థ వాటా నిధులను ట్రస్టుకు జమ చేయకుండా సొంతానికి వాడుకోవటం మొదలుపెట్టింది. ఆ తర్వాత కార్మికుల వాటా నిధులనూ దారి మళ్లించటం మొదలుపెట్టింది. నాలుగు నెలలుగా ఆ తంతు జరుగుతోంది. విషయం భవిష్య నిధి కమిషనర్‌ దృష్టికి చేరడంతో ఆర్టీసీ యాజమాన్యానికి సమన్లు జారీ చేశారు. సొంతంగా ట్రస్టు ఏర్పాటు చేసుకొని అందులోనే పీఎఫ్‌ మొత్తాన్ని జమ చేసే వెసులుబాటును ఎందుకు రద్దు చేయకూడదని కూడా ప్రశ్నించినట్టు తెలిసింది. సర్దుబాటు సమస్యే... భవిష్య నిధి నుంచి ఆర్టీసీ వాడుకున్న రూ. 400 కోట్లను తిరిగి సర్దుబాటు చేయడం పెద్ద సమస్యగా మారనుంది. దాదాపు రెండున్నరేళ్ల క్రితం ఇదే తరహాలో రూ. 160 కోట్లను వాడేసుకోగా అందులో 25 శాతాన్ని చెలించి మిగతా దాన్ని సర్దుబాటు చేయడం ఇప్పటివరకు పూర్తిగా కుదరలేదు. ప్రభుత్వ సాయం లేకపోవడం, జీహెచ్‌ఎంసీ నిధులు ఇస్తామని చెప్పినా ఆ సంస్థ కాదనడంతో ఇప్పుడు ఆర్టీసీ పరిస్థితి అగమ్యగోచరంగా తయారైంది. దారి మళ్లించిన నిధుల్లో సంస్థ వాటా రూ. 335 కోట్లు ఉండగా కార్మికుల వేతనాల నుంచి మినహాయించిన మొత్తం రూ. 65 కోట్ల వరకు ఉన్నట్టు తెలిసింది.

వారంతా అవుట్‌సోర్సింగ్‌ ఉద్యోగులు. నెలకు అందే వేతనం రూ.8 వేల నుంచి రూ.10వేలు మాత్రమే. వారి భవిష్యత్‌ దృష్ట్యా అధికారులు పీఎఫ్, ఈఎస్‌ఐ సౌకర్యం కల్పించారు. వారిని భర్తీ చేసిన ఏజెన్సీ పీఎఫ్‌ వాటా జమచేయకుండా రూ.25 లక్షలు దిగమింగింది. ఆ మొత్తం తమకు అందుతుందో లేదోనని బాధితులు ఆందోళన చెందుతున్నారు. సాక్షి, మచిలీపట్నం: తిరువూరు నియోజకవర్గంలో ఉన్న రెడ్డిగూడెం, గంపలగూడెం గ్రామాల్లోని మోడల్‌ స్కూళ్లలో 16 ఉద్యోగాలు (కంప్యూటర్‌ టీచర్, అటెండర్, వాచ్‌మెన్‌ తదితర), కస్తూర్బా విద్యాలయాల్లో 18 (అటెండర్, వాచ్‌మెన్‌ తదితర) ఖాళీగా ఉన్న పోస్టులు 2014వ సంవత్సరంలో అవుట్‌సోర్సింగ్‌ పద్ధతిలో రాహుల్‌ యూత్‌ ఏజెన్సీ భర్తీచేసింది. ఉద్యోగంలో చేరే సమయంలో హామీ ఇచ్చిన మేరకు పోస్టును బట్టి ఒక్కొక్కరికీ ప్రతినెలా రూ.10 వేల నుంచి రూ.8 వేలు ఉద్యోగుల స్థాయిని బట్టి చెల్లిస్తున్నారు. వారి భవిష్యత్తును దృష్టిలో ఉంచుకుని ప్రతినెలా వేతనంలో 14 శాతం కోత విధించి పీఎఫ్, ఈఎస్‌ఐ కింద జమ చేయాల్సి ఉంది. ఉద్యోగులను ఏజెన్సీ ద్వారా నియమించినా, ఆ నిధులు సంబంధిత శాఖ అధికారులు చెల్లించాలి. ఇదే అదునుగా భావించిన ఏజెన్సీ నిర్వాహకులు అందివచ్చిన అవకాశాన్ని సద్వినియోగం చేసుకున్నారు. ఈ క్రమంలో అక్రమార్జనకు అర్రులు చాచారు. ఉద్యోగులకు పీఎఫ్, ఈఎస్‌ఐ పేర ప్రతినెలా అందే జీతంలో కొంతమేర కోత విధించి, వారు ఉద్యోగం వదిలి వెళ్లిన సమయంలో ఆ మొత్తానికి రెట్టింపు మొత్తం జమచేసి ఇవ్వడం సాధారణం. ఏదైనా అనారోగ్య సమస్యలు ఎదురైనా ఈఎస్‌ఐ ద్వారా వైద్యం పొందే వెసులుబాటు ఉంటుంది. అయితే ఈ ఏజెన్సీ నిర్వాహకులు ఆ మొత్తంపై కన్నేశారు. అక్రమం జరిగింది ఇలా.. 34 మంది ఉద్యోగులకు సంబంధించి 2014వ సంవత్సరం నుంచి ఒక్కో ఉద్యోగికి వారి స్థాయిని బట్టి (ఉదాహరణకు 2014లో ఉద్యోగంలో చేరిన వ్యక్తికి రూ.లక్ష, 2015లో చేరిన వ్యక్తికి రూ.70వేలు ఇలా..) రూ.లక్ష నుంచి రూ.70 వేలు, రూ.60 వేలు వేతనంలో కోత విధిస్తూ ఆ మొత్తాన్ని పీఎఫ్, ఈఎస్‌ఐకు జమ చేస్తామని నమ్మబలికారు. తీరా ఖాతాల్లో జమ చేయకుండా స్వాహాపర్వానికి తెర తీశారు. ఇలా మూడేళ్లకు సంబంధించి దాదాపు రూ.25 లక్షలు మింగారు. ఈ దోపిడీ వ్యవహారాన్ని పసిగట్టిన ఉద్యోగులు 3 నెలల క్రితం కలెక్టరేట్‌లో జరిగిన గ్రీవెన్స్‌లో కలెక్టర్‌కు ఫిర్యాదు చేశారు. స్పందించిన కలెక్టర్‌ సమగ్ర విచారణ నిర్వహించగా, అవినీతి గుట్టురట్టయ్యింది. దీంతో సదరు ఏజెన్సీని ఉద్యోగాల ఎంపిక బాధ్యతను తప్పించి, ఆ సంస్థ ఆధ్వర్యంలో పనిచేస్తున్న ఉద్యోగులను సెప్టెంబర్‌లో నారాయణ సేవా సంఘానికి బదిలీ చేస్తూ కలెక్టర్‌ నిర్ణయం తీసుకున్నారు. పీఎఫ్‌ ఎవరు చెల్లిస్తారు? ఇంతవరకు బాగానే ఉన్నా ప్రస్తుతం ఏజెన్సీ నిర్వాహకులు స్వాహా చేసిన రూ.28 లక్షల పీఎఫ్, ఈఎస్‌ఐ సొమ్ము రికవరీ ఎలాగన్న సందిగ్ధం నెలకొంది. తమకు ఆ మొత్తం అందుతుందో లేదోనని ఉద్యోగులు ఆందోళన చెందుతున్నారు. సాధారణంగా అవుట్‌సోర్సింగ్‌ ప్రాతిపదికన విధులు నిర్వర్తించే ఏజెన్సీపై సదరు శాఖ పర్యవేక్షణ ఉండాలి. అయితే ఆ శాఖ అధికారులు మామూళ్ల మత్తులో పడి పర్యవేక్షణ గాలికొదిలేశారు. ఏజెన్సీ పనితీరుపై ప్రతి మూడు నెలలకోసారి పీఎఫ్, ఈఎస్‌ఐ అధికారులు తనిఖీలు నిర్వహించాలి. అధికారులు తనిఖీలకు వచ్చిన సమయంలో ఆమ్యామ్యాలు తీసుకుని మిన్నకుండిపోయారన్న ఆరోపణలు వస్తున్నాయి. దీంతో ఉన్నంతకాలం ఊడ్చుకోవడం తప్ప మిగిలిన వాటిపై ఏజెన్సీ నిర్వాహకులు దృష్టి సారించలేదన్న ఆరోపణలు ఉన్నాయి. ప్రస్తుతం ఉద్యోగులకు ఏజెన్సీ బదలాయింపు జరిగింది. జిల్లాలో మొత్తం 29 అవుట్‌సోర్సింగ్‌ ఏజెన్సీలు ఉండగా, వాటిలో అత్యధిక శాతం నిబంధనలకు విరుద్ధంగా నడుస్తున్నాయన్న ఆరోపణలున్నాయి. ఉన్నతాధికారులు దృష్టి సారించి ఏజెన్సీలపై ఓ నిఘా వేస్తే అక్రమ బండారం బట్టబయలయ్యే అవకాశం ఉందన్న వాదన వినిపిస్తోంది. పీఎఫ్‌ చెల్లించే బాధ్యత మాదే.. అవుట్‌సోర్సింగ్‌ ఉద్యోగులకు పీఎఫ్, ఈఎస్‌ఐ చెల్లించలేదన్న అంశం మా దృష్టికి వచ్చింది. మా శాఖ పరిధిలో ఎవరికీ అన్యాయం జరగలేదు. అవుట్‌సోర్సింగ్‌ పద్ధతిలో పనిచేసే ఉద్యోగులకు పక్కాగా పీఎఫ్, ఈఎస్‌ఐ చెల్లిస్తేనే తప్ప నిధులు విడుదల చేయబోమని ఏజెన్సీలకు చెప్పాం. ఆ ప్రక్రియ మా ఆధ్వర్యంలో నడిచేలా చూస్తున్నాం. –    కె.వి.డి.ఎం.ప్రసాద్‌బాబు, ఆర్వీఎం పీవో

కోల్‌కతా: పీఎఫ్‌ ఖాతాతో ఆధార్‌ సీడింగ్‌ పూర్తయితే ఒక వ్యక్తికి ఒకటి కన్నా ఎక్కువగా ఉన్న ఖాతాలను తొలగించడం సులభమవుతుందని ఉద్యోగుల భవిష్య నిధి సంస్థ(ఈపీఎఫ్‌ఓ) తెలిపింది. ఆధార్, బ్యాంకు ఖాతాలతో అనుసంధానం వల్ల బహుళ పీఎఫ్‌ ఖాతాలను గుర్తించి తొలగించడానికి వీలవుతుందని అడిషనల్‌ సెంట్రల్‌ పీఎఫ్‌ కమిషనర్‌ సిన్హా శుక్రవారం తెలిపారు. కోల్‌కతాలో పీఎఫ్‌ ఫండ్‌ నిర్వహణపై నిర్వహించిన సదస్సు సందర్భంగా స్థానిక పీఎఫ్‌ కమిషనర్‌ నవేందు రాయ్‌ మాట్లాడారు. సార్వత్రిక ఖాతా సంఖ్యను ఆధార్‌తో అనుసంధానం చేయడం వల్ల ఉద్యోగులు కొత్త సంస్థకు తమ పీఎఫ్‌ ఖాతాను బదిలీచేయనవసరం లేదని, అది ఆటోమేటిక్‌గా బదిలీ అవుతుందన్నారు.గడువు ముగియక ముందే ఖాతా నుంచి నగదు ఉపసంహరణకు స్వీయ ధ్రువీకరణ విధానాన్ని ప్రారంభించామని తెలిపారు.   

చండీగఢ్‌: భవిష్యనిధి (పీఎఫ్‌) ఖాతాలోని మొత్తం డబ్బును చందాదారులు చిన్న చిన్న కారణాలతో విత్‌డ్రా చేసుకోవడం మంచిది కాదని ఉద్యోగుల భవిష్యనిధి సంస్థ (ఈపీఎఫ్‌వో) సూచించింది. ఖాతాలో నిరంతరం డబ్బు నిల్వ ఉన్నప్పుడే సామాజిక భద్రతా పథకాల ప్రయోజనాలు చందాదారులకు పూర్తిస్థాయిలో అందుతాయని ఈపీఎఫ్‌వో పేర్కొంది. పీఎఫ్‌ ఖాతాను సాధారణ బ్యాంకు ఖాతాలాగ చూడకూడదనీ, సామాజిక భద్రతను అందించేందుకే పీఎఫ్‌ సొమ్ము ఉందని ఈపీఎఫ్‌వో తెలిపింది. చిన్న చిన్న కారణాలకు పీఎఫ్‌ డబ్బులను వాడుకోవడం వల్ల చందాదారులు జీవిత చరమాంకంలో ఇబ్బంది పడతారనీ, మొత్తం విత్‌డ్రాకు తాము వ్యతిరేకమని పంజాబ్, హిమాచల్‌ ప్రదేశ్‌ రాష్ట్రాల కేంద్ర పీఎఫ్‌ కమిషనర్‌ రంగనాథ్‌ వెల్లడించారు. ఇప్పుడు పీఎఫ్‌ ఖాతాలో ఉన్న డబ్బుతో చాలా సులభంగా రుణం పొందే అవకాశం కూడా ఉందనీ, ఉద్యోగులు దీనిని వినియోగించుకోవాలని కోరారు. 

న్యూఢిల్లీ : ఐదు కోట్ల మంది ప్రావిడెంట్‌ ఫండ్‌ సబ్‌స్క్రైబర్లకు ఈపీఎఫ్‌ఓ గుడ్‌న్యూస్‌ చెప్పింది. షేర్లలో పెట్టుబడులుగా పెట్టే పీఎఫ్‌ మొత్తాన్ని, మార్కెట్‌ ధరలో సబ్‌స్క్రైబర్లు రిడీమ్‌ చేసుకునే ప్రతిపాదనను ఆమోదించింది. గురువారం భేటీ అయిన రిటైర్‌మెంట్‌ ఫండ్‌ బాడీ సెంట్రల్‌ బోర్డు ట్రస్టీలు, ఈక్విటీ లింక్‌ అయ్యే పెట్టుబడులకు కొత్త అకౌంటింగ్‌ పాలసీని తీసుకొచ్చారు. ఈ పాలసీ కింద 15 శాతం పీఎఫ్‌ మొత్తాన్ని మ్యూచువల్‌ ఫండ్‌ లాగా ఈక్విటీల రూపంలో సబ్‌స్క్రైబర్లకు ఇవ్వనున్నారు. ఎప్పుడైతే సబ్‌స్క్రైబర్‌ ఫండ్‌ నుంచి బయటికి వచ్చేస్తారో ఆ సమయంలో ఈ మొత్తాన్ని రిడీమ్‌ చేసుకోవచ్చని సెంట్రల్‌ బోర్డు ఆఫ్‌ ట్రస్టీల తర్వాత జరిపిన 219వ సమావేశం అనంతరం కార్మిక మంత్రి సంతోష్‌ కుమార్‌ గంగ్వార్‌ తెలిపారు. ఎక్స్చేంజ్‌ ట్రేడెట్‌ ఫండ్ల ద్వారా ఈక్విటీ రూపంలో 15 శాతం వరకు పీఎఫ్‌ మొత్తాన్ని పెట్టుబడులుగా పెట్టే సౌకర్యాన్ని ఎంప్లాయీస్‌ ప్రావిడెంట్‌ ఫండ్‌ ఆర్గనైజేషన్‌ అనుమతి కల్పిస్తుందని పేర్కొన్నారు.  గురువారం జరిపిన భేటీలో సెంట్రల్‌ బోర్డు ట్రస్టీలకు కార్మిక మంత్రి చైర్మన్‌ లాగా ఉండగా.. ట్రేడ్‌ యూనియన్లు, ఎంప్లాయర్‌ అసోసియేషన్‌, కేంద్ర, రాష్ట్ర ప్రభుత్వాల ఉద్యోగులు ప్రతినిధులుగా ఉన్నారు. ఇక వచ్చే ఏడాది నుంచి పీఎఫ్‌ సబ్‌స్క్రైబర్లకు రెండు అకౌంట్లు ఉండనున్నాయి. ఒక అకౌంట్‌ ద్వారా 85 శాతం మొత్తాన్ని డెట్‌లో ఇన్వెస్ట్‌ చేయనున్నారు. దీనికి ఈపీఎఫ్‌ఓ వడ్డీ చెల్లించనుంది. మిగతా 15 శాతాన్ని ఈక్విటీలో పెట్టుబడులుగా పెట్టనున్నారు. ఈక్విటీ భాగంలో రిటర్నులు మార్కెట్‌ ధరపై ఆధారపడి ఉంటాయి. 85 శాతం మొత్తాన్ని వడ్డీతో చెల్లిస్తే, మిగతా 15 శాతాన్ని సేకరించిన యూనిట్ల సంఖ్యను మార్కెట్‌ ధరతో గుణిస్తారు. మంచి రిటర్నులు కావాలనుకుంటే, మూడేళ్ల వరకు ఈ ఈక్విటీ పెట్టుబడుల మొత్తాన్ని విత్‌డ్రా చేయకుండా సబ్‌స్క్రైబర్‌ వాయిదా వేసే ఆప్షన్‌ కలిగి ఉండవచ్చు.   

న్యూఢిల్లీ: ఇక నుంచి విదేశాల్లో పనిచేసే భారతీయులు ప్రావిడెంట్‌ ఫండ్‌(పీఎఫ్‌)లో భాగస్తులు కావచ్చు. ఈ పథకంలో భాగంగా ఉద్యోగులు వారు పనిచేస్తున్న దేశంలో సోషల్‌ సెక్యూరిటీ పథకాన్ని వదులుకుని ఈపీఎఫ్‌ఓలో చేరే అవకాశాన్ని కల్పించినట్లు కేంద్ర ప్రావిడెంట్‌ ఫండ్‌ కమిషనర్‌ వీపీ జాయ్‌ చెప్పారు. ఇందుకోసం 18 దేశాలతో ఒప్పందం కుదుర్చుకున్నామని ఆయన వెల్లడించారు. విదేశాలకు వెళ్లే ఉద్యోగులు పీఎఫ్‌ కోసం సర్టిఫికెట్‌ ఆఫ్‌ కవరేజ్‌(సీవోసీ) పొందవచ్చని, విదేశాల్లో పనిచేస్తున్న ఉద్యోగులు ఆన్‌లైన్‌ ద్వారా సీవోసీకి దరఖాస్తు చేయవచ్చని చెప్పారు.   


 – డిపాజిట్లు , పీఎఫ్‌ నష్టపోయిన ఔట్‌ సోర్సింగ్‌ ఉద్యోగులు
 – వర్సిటీ చెల్లింపులకు, అందించే జీతాలకు పొంతన కుదరని వైనం
 – స్వాహా చేసి ఉడాయించిన ఏజెన్సీ నిర్వాహకుడు
 – నూతన ఏజెన్సీకి కట్టబెట్టినా..  మూడు నెలలుగా అందని జీతాలు
 
 ఎస్కేయూ: ఎస్కేయూలో ఉద్యోగాల కల్పన పేరుతో అందినకాడికి దోచుకున్నారు. ఔట్‌ సోర్సింగ్‌ ముసుగులో రూ. లక్షలు కొల్లగొట్టి ఉడాయించారు. శ్రమ దోపిడీతో ఉద్యోగులకు చివరకు మిగిలింది నిరాశే!
 
 శ్రీకృష్ణదేవరాయ విశ్వవిద్యాలయంలోని హాస్టళ్లలో భద్రతా నిమిత్తం 2015 ఆగస్టులో తొలి దశలో 40 మంది సెక్యూరిటీ గార్డులను నియమించారు. అనంతరం మరో 20 మంది నియామకం చేపట్టారు. వీరందరి నిర్వహణ బాధ్యతను వెంగమాంబ ఏజెన్సీకి అప్పగించారు. నిబంధనలకు విరుద్ధంగా ఈ ప్రక్రియ పూర్తి చేశారు.
 
 ప్రకటించిన వేతనంలోనూ కోత
 సెక్యూరిటీ గార్డుగా ఎంపిక చేసిన ప్రతి ఒక్కరితో విధుల్లో చేరేందుకు ముందు సెక్యూరిటీ డిపాజిట్‌ కింద రూ.25 వేలు కట్టించుకున్నారు. నియామకం సమయంలో ఒక్కొక్కరికి నెలకు రూ.10,200 వేతనం చెల్లించేలా ఒప్పందం చేసుకున్నారు. అయితే ఇందుకు విరుద్ధంగా  నెలకు రూ. 6,700 చొప్పున అందిస్తూ వచ్చారు. పీఎఫ్, ఇతరత్రా పన్నుల పేరుతో నిర్ధేశిత జీతం కన్నా రూ. 3,500 తక్కువ చెల్లించారు. తమకు తక్కువ జీతం అందుతోందంటూ పలువురు వర్సిటీ ఉన్నతాధికారులకు ఫిర్యాదు చేశారు. ఏజెన్సీ కింద పనిచేసేవారి బాధ్యత వర్సిటీది కాదంటూ, ఏదైనా ఏజెన్సీ నిర్వాహకులతో తేల్చుకోవాలని అధికారులు స్పష్టం చేయడంతో గత ఏడాది సెక్యూరిటీ గార్డులు ఆ మేరకు నిర్వాహకుడిని నిలదీశారు. ఆ సమయంలో వారికి సర్ది చెప్పిన నిర్వాహకుడు నవంబర్‌ నుంచి అజ్ఞాతంలోకి వెళ్లిపోయాడు. ప్రతి నెలా వ్యత్యాసం ఉన్న రూ. 3,500, రూ.25 వేలు డిపాజిట్‌ మొత్తం స్వాహా అయినట్లు తెలుసుకున్న సెక్యూరిటీ గార్డుల వేదనకు అంతులేకుండా పోతోంది.  ఉద్యోగులను వెంగమాంబ ఏజెన్సీ నిర్వాహకుడు మోసం చేయడంతో .. కార్తికేయ ఏజెన్సీకు సెక్యూరిటీ గార్డులను అప్పగించారు. అయినప్పటికీ ఈ సంస్థ కూడా ఎవరికీ మూడు నెలలుగా జీతాలు అందించలేదు.  
 
 ఉదయం పూట కూలీ పనికి
 ఉదయం నుంచి మధ్యాహ్నం 1 గంట వరకు అనంతపురంలో కమ్మీ పనికి వెళుతున్నాను. రూ. 150లు ఇస్తారు. గతంలో ఉన్న ఏజెన్సీ కట్టించుకున్న రూ. 25 వేలు డిపాజిట్, పీఎఫ్‌ మొత్తాన్ని ఇవ్వలేదు. నిర్వాహకుడు ఎక్కడ ఉన్నారో తెలియదు.  వర్సిటీ అధికారులు మా మీద దయతలచి సహకరిస్తున్నారు.
 – సురేంద్ర,  సెక్యూరిటీ గార్డు
 
 సెంట్రింగ్‌ పని చేస్తున్నా
 మూడు నెలలుగా జీతాలు అందలేదు. దీంతో డ్యూటీ ఒక షిప్టు చేసి, మరో షిప్టులో సెంట్రింగ్‌ పనికి వెళుతున్నాను. వెంగమాంబ ఏజెన్సీ నిర్వాహకుడు తక్కువ జీతం ఇచ్చి మమ్మల్ని మోసం చేశాడు. మా సమస్యలను వర్సిటీ అధికారుల దృష్టికి తీసుకెళ్లాం. పరిష్కరిస్తామన్నారు. మా ఉద్యోగాలు కొనసాగించి. మరో ఏజెన్సీకి అప్పగించి ఉద్యోగాలు నిలబడేలా చేశారు.
 – ఆదిశేషయ్య.  సెక్యూరిటీ గార్డు.
 
 పీఎఫ్‌ అందలేదు
 పీఎఫ్‌ , ఇతరత్రా అలవెన్సులు వెంగమాంబ ఏజెన్సీ వారు ఇవ్వకుండా స్వాహా చేశారు. ప్రతి నెలా రూ.3,500 జీతం తక్కువగా ఇచ్చారు. పైగా రూ.25 వేలు డిపాజిట్‌ను తిరిగి ఇవ్వలేదు.
 – వన్నూరప్ప, సెక్యూరిటీ గార్డు


 పీఎఫ్‌ కేంద్ర కమిషనర్‌ వీపీ జాయ్‌ వెల్లడి 
  
 సాక్షి, హైదరాబాద్‌: పీఎఫ్‌ ఖాతాదారులందరికీ సొంతింటి కల నెరవేరుస్తామని పీఎఫ్‌ కేంద్ర కమిషనర్‌ వీపీ జాయ్‌ తెలిపారు. ఇందుకు కనీసం పదిమంది ఖాతాదారులు ఒక బృందంగా ఏర్పాటు కావాలన్నారు. ఉద్యోగులు పీఎఫ్‌ కింద జమ చేసుకున్న మొత్తంలో గరిష్టంగా 90 శాతాన్ని రుణ రూపంలో ఇస్తామని, నెలవారీగా చెల్లించే పీఎఫ్‌ మొత్తాన్ని వాయిదాల కింద జమ చేసుకుంటామన్నారు.
 
 ప్రస్తుతం ఈపీఎఫ్‌ పింఛన్‌దారుల సంఖ్య పెరుగుతోందని, అందువల్ల ప్రతి ఖాతాదారుడికి సొంతిల్లు ఉండాలనే లక్ష్యంతో ఇళ్ల పథకానికి శ్రీకారం చుట్టామన్నారు. సోమవారం పీఎఫ్‌ ప్రాంతీయాధికారి విజయ్‌ కుమార్‌తో కలసి మీడియాతో మాట్లాడారు. పీఎఫ్‌ ఖాతాకు ఆధార్‌ అనుసంధానానికి ఉద్యోగి పీఎఫ్‌ కార్యాలయానికి రావాల్సిన అవసరం లేదన్నారు.  


 న్యూఢిల్లీ :  పీఎఫ్‌ అకౌంట్‌ ప్రతి ప్రైవేట్‌ ఉద్యోగి కలిగి ఉండే ఓ పొదుపు ఖాతా. ఇన్ని రోజులు ఉద్యోగి సంస్థ మారినప్పుడల్లా ఆ అకౌంట్‌ను మూసివేయడం, మళ్లీ కొత్త సంస్థల్లో చేరిన తర్వాత కొత్త పీఎఫ్‌ అకౌంట్‌ తెరవడం చేస్తూ ఉన్నారు. కానీ ప్రస్తుతం పీఎఫ్‌ ఖాతాదారులకు ఈపీఎఫ్‌ఓ గుడ్‌ న్యూస్‌ అందించింది. ఒకవేళ మీరు ఉద్యోగం మారితే, ఆటోమేటిక్‌గా పీఎఫ్‌ అకౌంట్‌ కూడా మారుతుందని చీఫ్‌ ప్రావిడెంట్‌ ఫండ్‌ కమిషనర్‌ వీపీ జాయ్‌ తెలిపారు. కార్మికులకు అనుకూలమైన రీతిలో ఎన్నో చర్యలను ఈపీఎఫ్‌ఓ చేపడుతుందని ఆయన పేర్కొన్నారు. ఉద్యోగం మారినప్పుడు, చాలా ఖాతాలు మూతపడుతున్నాయని, తర్వాత వారి అకౌంట్లను పునఃప్రారంభిస్తున్నారని అలా జరుగకుండా ఉండేందుకు చర్యలు చేపడుతున్నామని జాయ్‌ చెప్పారు.  
  
 ప్రస్తుతం పీఎఫ్‌ అకౌంట్‌కు ఆధార్‌ ఎన్‌రోల్‌మెంట్‌ను తప్పనిసరి చేస్తున్నామని పేర్కొన్నారు. పీఎఫ్‌ అకౌంట్‌ అనేది శాశ్వత అకౌంట్ అని, సామాజిక భద్రత కోసం ఒకే ఖాతాను ఉద్యోగులు కలిగి ఉండేలా చర్యలు తీసుకుంటున్నారు. ఒకవేళ ఉద్యోగం మారితే, ఎలాంటి దరఖాస్తు అవసరం లేకుండానే మూడు రోజుల్లో నగదును ట్రాన్సఫర్‌ చేయడానికి ప్రయత్నిస్తామని కూడా భరోసా ఇచ్చారు. భవిష్యత్తులో ఉద్యోగులు దేశవ్యాప్తంగా ఎక్కడికి వెళ్లి పనిచేసినా ఒక్క ధృవీకరణ ఐడీ, ఆధార్‌తో ఎలాంటి దరఖాస్తు అవసరం లేకుండానే అకౌంట్‌ను ట్రాన్సఫర్‌ చేస్తామన్నారు.  ఈ సిస్టమ్‌ త్వరలోనే అందుబాటులోకి వస్తుందని జాయ్‌ పేర్కొన్నారు.  
  


 న్యూఢిల్లీ:  2017–18 సంవత్సరానికి పీఎఫ్‌ వడ్డీరేట్లను వచ్చే నెల్లో జరిగే సమావేశంలో ఉద్యోగుల భవిష్య నిధి సంస్థ ఈపీఎఫ్‌వో నిర్ణయించనుంది. కేంద్ర కార్మిక శాఖ మంత్రి బండారు దత్తాత్రేయ గురువారం మాట్లాడుతూ.. ఈపీఎఫ్‌వో సెంట్రల్‌ బోర్డు ఆఫ్‌ ట్రస్టీల(సీబీటీ) సమావేశం అనంతరం.. వడ్డీరేట్లపై కార్మిక శాఖ నిర్ణయం తీసుకుంటుందని, వచ్చే నెల్లో సమావేశం ఉండవచ్చని చెప్పారు.
 ఈ ఆర్థిక సంవత్సరంలో పెట్టుబడులపై రాబడి అంచనాల మేరకు వడ్డీ రేట్లను సీబీటీ ప్రతిపాదిస్తుందని, అనంతరం చైర్మన్‌ హోదాలో నిర్ణయం తీసుకుంటామని తెలిపారు. కాగా ఈ ఏడాది పీఎఫ్‌ వడ్డీరేటును 25 బేసిస్‌ పాయింట్లు(0.25 శాతం) తగ్గించవచ్చనే ఊహాగానాలు వినిపిస్తున్నాయి. సెక్యూరిటీలు, బాండ్ల రూపంలో ఈపీఎఫ్‌వో పెట్టిన పెట్టుబడులపై రాబడి తగ్గవచ్చనే అంచనా మేరకు ఈ నిర్ణయం తీసుకోవచ్చని భావిస్తున్నారు.


 న్యూఢిల్లీ: ప్రావిడెంట్‌ ఫండ్‌ బకాయిల స్వీకరణ, పీఎఫ్‌ విత్‌డ్రాయల్స్‌ చెల్లింపుల లావాదేవీల కోసం ఉద్యోగుల భవిష్య నిధి సంస్థ ఈపీఎఫ్‌వో మరో అయిదు బ్యాంకులతో ఒప్పందం కుదుర్చుకుంది. బ్యాంక్‌ ఆఫ్‌ బరోడా, ఐసీఐసీఐ బ్యాంక్, హెచ్‌డీఎఫ్‌సీ బ్యాంక్, యాక్సిస్‌ బ్యాంక్, కోటక్‌ మహీంద్రా బ్యాంక్‌ వీటిలో ఉన్నాయి. ఈ బ్యాంకుల్లో ఖాతాలు ఉన్న సంస్థలు అగ్రిగేటర్‌ విధానంలో కాకుండా పీఎఫ్‌ బకాయిలను ఇంటర్నెట్‌ బ్యాంకింగ్‌ను ఉపయోగించి నేరుగా ఈపీఎఫ్‌వో ఖాతాలోకే జమచేయొచ్చు.
 
 వసూళ్లు, చెల్లింపులు త్వరితగతిన పూర్తి చేసేందుకు ఈ ఒప్పందాలు తోడ్పడగలవని ఈపీఎఫ్‌వో వెల్లడించింది. ఈపీఎఫ్‌వోకు వ్యయం దీనివల్ల ఏటా రూ. 125 కోట్లకు తగ్గనుంది. ఈ ఒప్పందాలు లేకపోతే.. ఈపీఎఫ్‌వో అగ్రిగేటర్‌ విధానంలో స్వయంగా బకాయిలను వసూలు చేసుకుని, చెల్లింపులు జరపాల్సి వస్తోంది. ఫలితంగా ప్రతీ లావాదేవీ వ్యయం సుమారు రూ. 12 మేర ఉంటోంది.
 
 వివిధ బ్యాంకుల్లో ఖాతాలున్న సభ్యులకు చెల్లింపులు జరిపేందుకు ఏటా తమకు రూ. 350 కోట్ల మేర లావాదేవీ వ్యయాలు అవుతున్నాయని.. ఎస్‌బీఐతో పాటు పీఎన్‌బీ తదితర బ్యాంకులతో టైఅప్‌ కారణంగా ఇది ఇప్పటికే రూ. 175 కోట్లకు తగ్గిందని సెంట్రల్‌ ప్రావిడెంట్‌ ఫండ్‌ కమిషనర్‌ వీపీ జాయ్‌ తెలిపారు. తాజాగా మరో అయిదు బ్యాంకులతో ఒప్పందాల వల్ల లావాదేవీ వ్యయాలు మరో రూ. 50 కోట్ల దాకా తగ్గుతాయన్నారు. ఇంకో ఏడు బ్యాంకులతో కూడా చర్చలు జరుపుతున్నామని, అవి కూడా ఫలవంతమైతే వ్యయాలు ఏటా కేవలం కొన్ని కోట్లకు మాత్రమే పరిమితం కాగలవని జాయ్‌ చెప్పారు.


 ► క్రెడిట్‌ సొసైటీకి తాళం వేసిన అధికారులు
 ► డీఎస్పీకి ఫిర్యాదు చేసిన ఎస్పీఎం కార్మికులు
 ► డీఎస్పీ జోక్యంతో సద్దుమణిగిన వివాదం
 
 కాగజ్‌నగర్‌: సిర్పూర్‌ పేపర్‌ మిల్లు కార్మికులకు సంబంధించిన భవిష్య నిధి (పీఎఫ్‌) డబ్బులు చెల్లించేందుకు మిల్లులో ఏర్పాటు చేసిన పీఎఫ్‌ కౌంటర్‌ నిర్వహణ వ్యవహారం వివాదాస్పదంగా మారింది. ఈ కౌంటర్‌ నిర్వహణపై ఇండస్ట్రియల్‌ డెవలప్‌మెంట్‌ బ్యాంక్‌ ఆఫ్‌ ఇండియా (ఐడీబీఐ) అధికారులు అభ్యంతరం తెలపడంతో ఈ వ్యవహారం రోజురోజుకు ముదురుతోంది. కార్మికులకు సంబంధించిన పీఎఫ్‌ దరఖాస్తులు స్వీకరించేందుకు స్టాఫ్‌ గేట్‌ పక్కన గల క్రెడిట్‌ సొసైటీ కార్యాలయంలో పీఎఫ్‌ కౌంటర్‌ ఏర్పాటు చేసి ఎస్పీఎం డీజీఎం రమేశ్‌రావు ఆధ్వర్యంలో దరఖాస్తులు స్వీకరిస్తుండగా శుక్రవారం ఆ ప్రాంతంలో ఉద్రిక్తత వాతావరణం నెలకొంది.
 ఐడీబీఐ అధికారుల ఆదేశాల మేరకు సెక్యూరిటీ సిబ్బంది ఉదయం 9 గంటలకు క్రెడిట్‌ సొసైటీ కార్యాలయానికి తాళం వేయడంతో దరఖాస్తు చేసుకోవడానికి వచ్చిన కార్మికులు ఒక్కసారిగా ఆగ్రహానికి   గురయ్యారు. తాము పీఎఫ్‌ కోసం శాంతియుతంగా దరఖాస్తు చేసుకుంటే పీఎఫ్‌ కౌంటర్‌కు తాళం వేయడం ఏమిటని ప్రశ్నించారు. వెంటనే కార్మికులు దీనిపై ఎస్పీఎం డిప్యూటీ జనరల్‌ మేనేజర్‌ రమేశ్‌రావుకు సమాచారం అందించారు. దీంతో రమేశ్‌రావు అక్కడికి చేరుకొని సెక్యూరిటీ సిబ్బందితో వాగ్వాదానికి దిగారు. కార్మికులు సైతం అక్కడ పెద్ద సంఖ్యలో చేరుకోవడంతో ఉద్రిక్తత వాతావరణం నెలకొంది.
 ఈ సందర్భంగా రమేశ్‌రావు కార్మికులతో వెళ్లి స్థానిక డీఎస్పీ హబీబ్‌ఖాన్‌కు విషయాన్ని వివరించారు. పీఎఫ్‌ కార్యాలయాన్ని శాంతియుంగా కొనసాగిస్తున్నా ఐడీబీఐ అధికారులు తాళం వేయడం ఏమిటని ప్రశ్నించారు. దీంతో డీఎస్పీ ఐడీబీఐ అధికారులతో ఫోన్‌లో మాట్లాడారు. ఎస్పీఎం కార్మికులకు సంబంధించిన పీఎఫ్‌ దరఖాస్తులు క్రెడిట్‌ సొసైటీ కేంద్రంగా స్వీకరిస్తే బ్యాంక్‌ అధికారులకు ఎటువంటి నష్టం జరగదని, ఈ విషయంలో సహకరించాలని సూచించారు.
 డీఎస్పీ జోక్యంతో సొసైటీకి వేసిన తాళాన్ని సిబ్బంది తొలగించడంతో వివాదం సద్దుమణిగింది. ఈ సందర్భంగా రమేశ్‌రావు మాట్లాడుతూ పీఎఫ్‌ దరఖాస్తులు స్వీకరించడానికి మాత్రమే క్రెడిట్‌ సొసైటీని వినియోగిస్తున్నామని, ఇందులో అభ్యంతరం తెలపాల్సిన అవసరం లేదన్నారు. ఉదయం 11గంటలకు క్రెడిట్‌ సొసైటీ తాళం తీయడంతో కార్మికులు తిరిగి దరఖాస్తులు చేసుకున్నారు. శుక్రవారం 70 మంది కార్మికులు పీఎఫ్‌ కోసం దరఖాస్తులు చేసుకున్నట్లు రమేశ్‌రావు తెలిపారు.


 లిక్విడ్‌ ఫండ్స్‌పై పన్నులు ఎలా ఉంటాయి? లిక్విడ్‌ ఫండ్‌లో ఇన్వెస్ట్‌ చేసి వాటిపై లాభాలనార్జిస్తే, ఏమైనా పన్నులు చెల్లించాల్సి ఉంటుందా?
 – సాగర్, విశాఖపట్టణం
 
 లిక్విడ్‌ ఫండ్స్‌లో ఇన్వెస్ట్‌ చేసే గడించే మూలధన లాభాలపై పన్నులు చెల్లించాల్సి ఉంటుంది. మీరు ఇన్వెస్ట్‌ చేసిన లిక్విడ్‌ ఫండ్స్‌ యూనిట్లను మూడేళ్లలోపు విక్రయిస్తే, వాటిపై వచ్చే లాభాలపై మీరు స్వల్పకాలిక మూలధన లాభాల పన్ను చెల్లించాల్సి ఉంటుంది. ఈ లాభాలను మీ మొత్తం ఆదాయానికి జత చేసి మీ ఆదాయపు పన్ను స్లాబ్‌ననుసరించి పన్ను విధిస్తారు. ఒక వేళ మూడేళ్ల కాలానికి మించిన తర్వాత ఈ యూనిట్లను విక్రయిస్తే, వీటిపై వచ్చే లాభాలను దీర్ఘకాలిక మూలధన లాభాలుగా పరిగణిస్తారు. మీరు ఇన్వెస్ట్‌ చేసిన మొత్తంపై 20 శాతం పన్ను (ఇండెక్సేషన్‌ ప్రయోజనంతో కలుపుకొని)  చెల్లించాల్సి ఉంటుంది.
 
 నా భార్య ఒక ప్రైవేట్‌ కంపెనీలో ఆరేళ్లు పనిచేసి మానేసింది. ఇటీవలే ప్రావిడెండ్‌ ఫండ్‌(పీఎఫ్‌) మొత్తాన్ని విత్‌డ్రా చేసింది. ఈ విత్‌డ్రా చేసిన మొత్తంపై పీఎఫ్‌ డిపార్ట్‌మెంట్‌ ఎలాంటి పన్నుకోత విధించలేదు. ఐటీ రిటర్న్‌ దాఖలు చేసేటప్పుడు ఈ పీఎఫ్‌ విత్‌డ్రాయల్‌ను చూపించాలా ? ఒక వేళ చూపించాల్సి వస్తే,  ఈ మొత్తాన్ని ఏ పద్దు కింద చూపించాలి?
 – వివేక్, హైదరాబాద్‌
 
 రెండు సందర్భాల్లో ఈపీఎఫ్‌ఓ(ఎంప్లాయీ ప్రావిడెండ్‌ ఫండ్‌ ఆర్గనైజేషన్‌) పీఎఫ్‌ విత్‌డ్రాయల్స్‌పై టీడీఎస్‌(ట్యాక్స్‌ డిడక్షన్‌ ఎట్‌ సోర్స్‌) ను విధిస్తుంది. మొదటి సందర్భం,..ఈపీఎఫ్‌ విత్‌డ్రాయల్‌ మొత్తం రూ.50,000 కంటే తక్కువగా ఉన్నప్పుడు, ఇక రెండోది. ఎవరైనా ఉద్యోగి ఒక కంపెనీలో నిరంతరంగా ఐదేళ్లలోపే  పనిచేసి, పీఎఫ్‌ విత్‌డ్రాయల్‌ మొత్తం రూ.50,000 కంటే ఎక్కువగా ఉన్నప్పుడు.. ఈ రెండు సందర్భాల్లోనే పీఎఫ్‌ విత్‌డ్రాయల్‌పై టీడీఎస్‌ ఉంటుంది. మీ భార్య ఒక కంపెనీలో 5 ఏళ్లకు మించి పనిచేసినందున పీఎఫ్‌  విత్‌డ్రాయల్‌పై ఎలాంటి టీడీఎస్‌ను ఈపీఎఫ్‌ఓ విధించలేదు. ఐటీ రిటర్న్‌లు దాఖలు చేసేటప్పుడు ఈ పీఎఫ్‌ మొత్తాన్ని కూడా చూపించాల్సి ఉంటుంది. వేతనం నుంచి ఆదాయం అనే పద్దు కింద ఈ మొత్తాన్ని చూపించాల్సి ఉంటుంది.
 
 నేను కొంత మొత్తానికి హెచ్‌డీఎఫ్‌సీ లైఫ్‌ క్లిక్‌ 2 ప్రొటెక్ట్‌ అనే టర్మ్‌ ప్లాన్‌ను తీసుకున్నాను. అయితే ఈ ప్లాన్‌లో యాక్సిడెంట్‌ బెనిఫిట్, క్రిటికల్‌  ఇల్‌నెస్‌లకు కవరేజ్‌ లేదు. ఈ రెండు కవరేజ్‌లు ఉన్న మరో టర్మ్‌ ప్లాన్, ఐసీఐసీఐ ప్రు ఐప్రొటెక్ట్‌ ఐ స్మార్ట్‌–లైఫ్‌ ఆప్షన్‌ను అదనంగా తీసుకోవాలనుకుంటున్నాను. ఇలా అదనపు టర్మ్‌ ప్లాన్‌ను తీసుకోవాలా ? లేక హెచ్‌డీఎఫ్‌సీ సంస్థనే ఈ రెండు కవరేజ్‌లు కూడా జత చేయమని అడిగి కొంచెం ఎక్కువగా ప్రీమియమ్‌ చెల్లించాలా ? తగిన సలహా ఇవ్వగలరు ?
 – నాగేశ్, విజయవాడ
 
 క్రిటికల్‌ ఇల్‌నెస్, పర్సనల్‌ యాక్సిడెంట్‌ కవరేజ్‌ ప్రయోజనాలు ఉన్న మరో టర్మ్‌ ప్లాన్‌ను తీసుకుంటే ఎక్కువ ప్రయోజనమా ?లేక ప్రస్తుతమున్న టర్మ్‌ప్లాన్‌కే రైడర్‌లను జత చేస్తే ఎక్కువ ప్రయోజనమా  అనే విషయాలపై మీరు ముందుగా మదింపు చేయండి. మీరు ప్రస్తుతం తీసుకున్న హెచ్‌డీఎఫ్‌సీ లైఫ్‌ క్లిక్‌ 2 ప్రొటెక్ట్‌  టర్మ్‌ ప్లాన్‌కు క్రిటికల్‌ ఇల్‌నెస్‌ రైడర్‌ను జత చేయవచ్చు. కొంత అధిక ప్రీమియమ్‌ను చెల్లించాల్సి ఉంటుంది. ఉదాహరణకు ఒక 30 ఏళ్ల పొగ తాగని వ్యక్తికి 30 ఏళ్ల బేసిక్‌ లైఫ్‌ కవర్‌కు ప్రీమియమ్‌ ఏడాదికి రూ.10,332గా ఉంటుంది. దీనికి  క్రిటికల్‌ ఇల్‌నెస్‌ రైడర్‌ను జత చేశారనుకోండి, అప్పుడు చెల్లించాల్సిన ప్రీమియమ్‌రూ.15,979కు పెరుగుతుంది. యాక్సిడెంటల్‌ డెత్‌ బెనిఫిట్‌ రైడర్‌ను కూడా జత చేస్తే, ప్రీమియమ్‌ రూ.21,698కు పెరుగుతుంది. ఐసీఐసీఐ ప్రు ఐప్రొటెక్ట్‌ ఐ స్మార్ట్‌ను తీసుకుంటే,  ఈ ప్లాన్‌కు సంబంధించి బేసిక్‌ కవరేజ్‌ ఒక 30 ఏళ్ల పొగ తాగని వ్యక్తికి 30 ఏళ్ల బేసిక్‌ లైఫ్‌ కవర్‌కు ప్రీమియమ్‌ ఏడాదికి రూ.8,906గా ఉంది. దీనికి  క్రిటికల్‌ ఇల్‌నెస్‌ రైడర్‌ను జత చేస్తే, అప్పుడు చెల్లించాల్సిన ప్రీమియమ్‌ రూ.13,074కు పెరుగుతుంది. యాక్సిడెంటల్‌ డెత్‌ బెనిఫిట్‌ రైడర్‌ను కూడా జత చేశారనుకోండి,  ప్రీమియమ్‌ రూ.18,742కు పెరుగుతుంది. అన్ని విషయాలు పరిగణనలోకి తీసుకొని నిర్ణయం తీసుకోండి.
 
 బ్యాంక్‌ సేవింగ్స్‌ ఖాతాకు ప్రత్యామ్నాయంగా ఆర్బిట్రేజ్‌ ఫండ్స్‌ను పరిగణించవచ్చా ? ఇన్వెస్ట్‌ చేయడానికి కొన్ని మంచి ఆర్బిట్రేజ్‌ ఫండ్స్‌ను సూచించండి?
 – తేజశ్విని, ఈమెయిల్‌
 
 బ్యాంక్‌ సేవింగ్స్‌ ఖాతాతో పోల్చితే ఆర్బిట్రేజ్‌ ఫండ్స్‌ మంచి ఇన్వెస్ట్‌మెంట్‌ ఆప్షన్‌ అని చెప్పవచ్చు. ఆర్బిట్రేజ్‌ ఫండ్స్‌ దాదాపు లిక్విడ్‌ ఫండ్స్‌లాంటివే. ఈ ఫండ్స్‌ ద్వారా వచ్చే డివిడెండ్‌లపై మీరు ఎలాంటి పన్నులు చెల్లించాల్సిన పనిలేదు. ఆర్బిట్రేజ్‌ ఫండ్స్‌కు ఉన్న మంచి ఆకర్షణీయ అంశాల్లో ఇది కూడా ఒకటని చెప్పవచ్చు. సేవింగ్స్‌ ఖాతాలో ఉన్న సొమ్ములపై వచ్చే రాబడుల కన్నా, ఆర్బిట్రేజ్‌ ఫండ్స్‌లో ఇన్వెస్ట్‌ చేస్తే వచ్చే రాబడులే అధికంగా ఉంటాయి మీరు ఇన్వెస్ట్‌ చేయడానికి కొన్ని ఫండ్స్‌ను సూచిస్తున్నాం. ఐసీఐసీఐ ప్రుడెన్షియల్‌ ఈక్విటీ ఆర్బిట్రేజ్‌ ఫండ్, ఐడీఎఫ్‌సీ ఆర్బిట్రేజ్‌ ఫండ్, జేఎం ఆర్బిట్రేజ్‌ అడ్వాంటేజ్‌ ఫండ్, ఇన్వెస్కో ఇండియా ఆర్బిట్రేజ్‌ ఫండ్,  కోటక్‌ ఈక్విటీ ఆర్బిట్రేజ్‌ ఫండ్,  రిలయన్స్‌ ఆర్బిట్రేజ్‌ అడ్వాండేజ్‌ ఫండ్, ఎస్‌బీఐ ఆర్బిట్రేజ్‌ అపర్చునిటీస్‌ ఫండ్‌.  ఈ ఫండ్స్‌లో ఏదో ఒకదానిని ఎంచుకొని ఆ ఫండ్‌ డైరెక్ట్‌ ప్లాన్‌లో ఇన్వెస్ట్‌ చేయండి.


 ఉద్యోగుల భవిష్య నిధి సంస్థ(ఈపీఎఫ్ఓ) ఇటీవల ప్రావిడెంట్ ఫండ్ క్లయిమ్స్ ప్రక్రియను సులభతరం చేస్తూ కొత్త కొత్త ఆవిష్కరణలతో  ఉద్యోగుల ముందుకు వస్తోంది.  క్లయిమ్స్ ను ఆన్ లైన్ లోనే దరఖాస్తు కోవడం నుంచి పేమెంట్లను ఎలక్ట్రానిక్ గా ట్రాన్స్ ఫర్ చేసుకునేలా అన్ని సౌకర్యాలను అందిస్తోంది. ఈపీఎఫ్ఓ కొత్తగా తీసుకొస్తున్న ఈ సులభతర మార్గాలతో నాలుగు కోట్ల మంది ఉద్యోగులకు భారీగా ప్రయోజనం చేకూరనుంది.  ఈపీఎఫ్ఓ ఇటీవల తీసుకొచ్చిన, తీసుకురాబోతున్న ప్రయోజనాలివే...
  
 చెల్లింపులను ఎలక్ట్రానిక్ లేదా డిజిటల్ ఫండ్ ట్రాన్సఫర్ ద్వారా చేసుకునేందుకు ఉద్యోగుల భవిష్య నిధి (పీఎఫ్‌) అవకాశం కల్పించేందుకు సిద్ధమవుతోంది.. నెలవారీ ఈఎంఐ చెల్లించుకునే సౌకర్యాన్ని ఎంప్లాయీస్ ప్రావిడెంట్ ఫండ్ ఆర్గనైజేషన్ (ఇపిఎఫ్ఓ)  అందుబాటులోకి తీసుకొస్తోంది. వెనువెంటనే ఫండ్స్ ట్రాన్సఫర్ చేసుకోవడం, సులభతరంగా ట్రాకింగ్ చేసుకునే సదుపాయాన్ని కల్పించడం వంటి  ప్రక్రియలను ప్రవేశపెట్టనున్నట్టు రిటైర్ మెంట్ బాడీ పేర్కొంది. దీంతో 4 కోట్ల మంది ఈపీఎఫ్ సబ్ స్క్రైబర్లకు, 54 లక్షల మంది పెన్షనర్లకు ఎంతో మేలు చేకూరనుందని తెలిపింది.  
  
 ఈ-గవర్నమెంట్ ప్రభుత్వ కార్యక్రమంలో భాగంగా, ఎవరైతే యూఏఎన్( రిటైర్ మెంట్ ఫండ్ బాడీ జారీచేసే యూనివర్సల్ అకౌంట్ నెంబర్), కేవైసీ(ఆధార్)లను యాక్టివేట్ చేసుకుంటారో  ఆ సబ్ స్క్రైబర్లకు ఆన్ లైన్ లోనే పీఎఫ్ ఫైనల్ సెటిల్ మెంట్ కు దరఖాస్తు చేసుకోవడానికి అవకాశం కల్పిస్తోంది. రిటైర్మెంట్ బాడీ జారీచేసే ఈ యూఏఎన్ నెంబర్ తో ప్రావిడెంట్ ఫండ్ అకౌంట్లను ఒక ఎంప్లాయర్ నుంచి ఇంకో ఎంప్లాయర్ కు పోర్టబులిటీ పెట్టుకోవచ్చు.  
  
 రిటైర్మెంట్ సంస్థ క్షేత్రస్థాయి కార్యలయాలకు, ఎంప్లాయర్స్ వద్దకు వెళ్లకుండానే ఈపీఎఫ్ఓ సబ్ స్క్రైబర్లు తమ మొత్తం పీఎఫ్ ప్రక్రియను ఆన్ లైన్ లో చేసుకోవచ్చు. క్లయిమ్ ను సమర్పించిన వెంటనే ఈపీఎఫ్ఓ డేటాబేస్ నుంచి ఫండ్స్, అప్లయ్ చేసిన దరఖాస్తుదారుడి బ్యాంకు అకౌంట్ లోకి క్రెడిట్ అవుతాయి.
  
 విత్ డ్రాయల్స్ లో కూడా నిబంధనలను ఈపీఎఫ్ఓ సరళీకరం చేసింది. స్వీయ ధృవీకరణతోనే అడ్వాన్స్ క్లయిమ్ ను ఆన్ లైన్ లో అప్లయ్ చేసుకోవచ్చు. అంతేకాక డౌన్ పేమెంట్ కోసం 90 శాతం పీఎఫ్ విత్ డ్రా చేసుకునే అవకాశాన్ని కూడా కల్పిస్తున్నట్టు తెలిపింది. 


 
 కాకినాడ సిటీ : 
 
 ఉద్యోగుల భవిష్యనిధి సంస్థ, కేంద్ర శ్రామిక మంత్రిత్వశాఖ చేపట్టిన సరళీకృత విధానంలో భాగంగా కాకినాడలో ఏర్పాటు చేసిన జిల్లా పీఎఫ్‌ కార్యాలయం ప్రథమ ఆఫీసర్‌ ఇ¯ŒSచార్జిగా అద్దంకి అమరేశ్వరరావు మంగళవారం బాధ్యతలు స్వీకరించారు. ఈ సందర్భంగా ఆయన మాట్లాడుతూ పీఎఫ్‌ సభ్యుల సేవలు విస్తృతం చేసేందుకు, ఉద్యోగుల పీఎఫ్‌ సభ్యత్వం నమోదు పెంచేందుకు, పీఎఫ్‌ బకాయిలు వసూలు చేసేందుకు త్వరలో రాజమండ్రి పీఎఫ్‌ ఆఫీస్‌ నుంచి అదనపు సిబ్బందిని ఇక్కడ కాకినాడ పీఎఫ్‌ ఆఫీస్‌కు బదలాయిస్తారన్నారు. పీఎఫ్‌ సభ్యులు, సంస్థ యజమానుల సేవలకు, పీఎఫ్‌ సిబ్బంది సంఖ్యకు అనుగుణంగా కాకినాడ పీఎఫ్‌ కార్యాలయం విస్తరణ జరుగుతుందన్నారు. పీఎఫ్‌ పెన్ష¯ŒSదారులు ఆధార్‌ లింక్‌లో వారిలో జీవన ప్రమాణ పత్రాలను దాఖలు చేయాలని కోరారు.  
  


 న్యూఢిల్లీ : నాలుగు కోట్ల మంది ఈపీఎఫ్ సభ్యులకు రిటైర్మెంట్ ఫండ్ బాడీ ఈపీఎఫ్‌ఓ గుడ్ న్యూస్ చెప్పింది. అనారోగ్యం పాలైనప్పుడు చికిత్సకు అవసరమయ్యే నగదు కోసం ఎలాంటి మెడికల్ సర్టిఫికేట్ లేకుండానే ఈపీఎఫ్ అకౌంట్ నుంచి ఫండ్స్ విత్ డ్రా చేసుకోవచ్చని ఈపీఎఫ్ఓ పేర్కొంది. దివ్యాంగులు కూడా పరికరాలు కొనుక్కోవడానికి ఎలాంటి మెడికిల్ సర్టిఫికేట్ ఇవ్వాల్సినవసరం లేదని, నగదు విత్ డ్రా చేసుకోవచ్చని తెలిపింది. ఎంప్లాయీస్ ప్రావిడెంట్ ఫండ్ స్కీమ్ 1952ను సవరించినట్టు ప్రకటించింది. ఇన్నిరోజులు అనారోగ్యం పాలైనప్పుడు చికిత్స కోసం, అంగవైకల్యం వారు పరికరాలు కొనుకునేందుకు ఈపీఎఫ్ ఫండ్ విత్ డ్రాకు పలు సర్టిఫికేట్లు సమర్పించాల్సి ఉండేది.
  
 ప్రస్తుతం కాంపొజిట్ ఫామ్ తో సెల్ఫీ డిక్లరేషన్ ఇచ్చి ఈపీఎఫ్ అకౌంట్ నుంచి నగదు విత్ డ్రా చేసుకోవచ్చు.  ఎంప్లాయీస్ ప్రావిడెంట్ ఫండ్ స్కీమ్ 1952లోని క్లాస్ 68-జే, 68-ఎన్ లకు కార్మిక మంత్రిత్వ శాఖ సవరణ చేసిందని, నాన్-రిఫండబుల్ అడ్వాన్సులను వైద్య చికిత్స కోసం తీసుకునేలా అవకాశం కల్పిస్తున్నట్టు ఓ సీనియర్ అధికారి చెప్పారు. ప్రస్తుతం పేరా 68-జే కింద వైద్య చికిత్స కోసం ఈపీఎఫ్ సభ్యులు అడ్వాన్స్ ను కోరవచ్చు. అదేవిధంగా పేరా 68-ఎన్ కింద అంగవైకల్యం కలవారు పరికరాలు కొనుక్కునేందుకు నగదు విత్ డ్రా చేసుకోవచ్చు. 2017 ఏప్రిల్ 25న చేపట్టిన సవరణతో కార్మిక మంత్రిత్వ శాఖ ఈ నోటిఫికేషన్ జారీచేసిందని అధికారి పేర్కొన్నారు.    
  


 న్యూఢిల్లీ: సుమారు నాలుగుకోట్లమంది  పీఎఫ్‌ చందాదారులకు శుభవార్త. ఇకనుంచి ఉద్యోగుల భవిష్య నిధి (పీఎఫ్‌) ఖాతా నుంచే నెలవారీ ఈఎంఐ చెల్లించుకునే సౌకర్యాన్ని ఎంప్లాయీస్ ప్రావిడెంట్ ఫండ్ ఆర్గనైజేషన్ (ఇపిఎఫ్ఓ)  అందుబాటులోకి తెస్తోంది. అంతేకాదు ఈ ఖాతా నుంచే ప్రాథమిక చెల్లింపు(డౌన్‌ పేమెంట్‌)కోసం 90శాతం పీఎఫ్‌ విత్‌ డ్రా చేసుకునే అవకాశాన్ని కూడా కల్పిస్తున్నట్టు  సీనియర్‌ అధికారి ఒకరు తెలిపారు.
 
 కార్మిక మంత్రిత్వ శాఖ నోటిఫికేషన్ మేరకు ఇపిఎఫ్ఓ 1952 ఎంప్లాయీస్ ప్రావిడెంట్ ఫండ్స్ (ఇపిఎఫ్) పథకాన్ని  సవరించింది. సవరణ ద్వారా  కొత్త పేరా - 68 బిడి చేర్చి  ఈ పథకాన్ని అందుబాటులోకి తేనుంది.  క్రొత్త నిబంధన ప్రకారం, ఒక ఈపీఎఫ్‌ చందాదారుడు సహకార లేదా హౌసింగ్ సొసైటీలో సభ్యులు కనీసం 10 మంది  తమ ఖాతా నిధుల నుంచి 90 శాతాన్ని ఉపసంహరించుకోవచ్చు.  నివాస గృహం లేదా ఫ్లాట్ లేదా నివాస గృహ నిర్మాణం  కోసం ఈ విత్‌ డ్రా చేసుకోవచ్చు.  దీంతోపాటుగా ప్రభుత్వం, హౌసింగ్ ఏజెన్సీ, ప్రాధమిక రుణసంస్థలు, బ్యాంకులకి సంబంధించిన రుణాలు, రుణాలపై ఇతర పెండింగ్‌ వడ్డీలను నెలవారీ వాయిదాలుగా చెల్లించేందుకు అనుమతినిస్తుంది.  
 అయితే  ఈపీఎఫ్‌ఓ నిబంధనలకు లోబడి ఈ పథకం వర్తిస్తుంది.  ముఖ్యంగా  ఈ సదుపాయాలను  పొందాలంటే పీఎఫ్‌ ఖాతాలో కనీసం మూడేళ్లు కొనసాగాలి. అలాగే  ఈ సదుపాయం అతనికి లేదా ఆమెకి జీవితంలో ఒకసారి మాత్రమే  వినియోగించుకునే అవకాశం. జీవిత భాగస్వాములతో కలిసి ఉన్న వారి పీఎఫ్‌ ఖాతాలలో  రూ. 20వేల కనీస నిల్వ ఉండాలి.
  


 విశ్లేషణ
 కార్మిక శాఖ అధికారులు ఆర్టీఐ కింద పీఎఫ్‌ వివరాలను అడిగితే తిరస్కరించడం, కొత్త దరఖాస్తు వేసుకోమని వేధించడం న్యాయం కాదు. అది తప్పు చేసిన యాజమాన్యాలను పరోక్షంగా సమర్థించడమే.
 
 గుజరాత్‌ అమ్రేలీ జిల్లా చావంద్‌లోని శ్యాంగోకుల్‌ టీబీ హాస్పిటల్‌ వారు భవిష్య నిధి (ప్రావిడెంట్‌ ఫండ్‌) కోసం కార్మికుల జీతాలలో ఎంత కోత పెడుతున్నారు, వారి íపీఎఫ్‌ ఖాతాలలో ఎంత జమ చేస్తున్నారు, ఏ తేదీ నుంచి వడ్డీని కలుపుతున్నారు, ఖాతాలోంచి డబ్బుని తిరిగి పొందే విధానం ఏమిటి మొదలైన అంశాలను తెలియజేయాలని కార్మిక నాయకుడు రాథోడ్‌ సమాచార హక్కు చట్టం కింద అడిగారు. కొన్ని కాగితాలు ఇచ్చిన అసిస్టెంట్‌ పీఎఫ్‌ కమిష నర్, ‘పోనీ మీరే స్వయంగా వచ్చి మొత్తం దస్తావే జులు చూసుకోండి, కావలసిన కాగితాలు ఇస్తాం’ అని పిలిచారు. రాథోడ్‌ వచ్చి చూసి, అదనపు కాగి తాలు అడిగితే ‘‘ఇవ్వం, ఇంకోసారి ఆర్టీఐ కింద దరఖాస్తు పెట్టుకోండి’’ అని వారు సెలవిచ్చారు.
 
 కార్మికులందరి సమస్య గురించి ఈ ఆర్టీఐ వేశారు. కార్మికుల సంక్షేమం ఇందులో ఇమిడి ఉంది. యాజమాన్యాలు సరిగ్గా కార్మికుల వేతనాల నుంచి వారి పీఎఫ్‌ వాటా సొమ్మును కత్తిరించుకుని, దానికి తమ వాటాను కలిపి వారి ఖాతాలలో వేస్తు న్నారో, లేదో  తెలుసుకోవలసిన బాధ్యత కార్మిక సంఘాలకు ఉంది. వారు ఆర్టీఐ కింద అడగకపో యినా, ఒక ఉత్తరం రాస్తే చాలు ఈ వివరాలన్నీ ఇవ్వడం అవసరం. కాని ఆర్టీఐ వేసిన తరువాత కూడా ఇవ్వకపోవడం, ఇంకో ఆర్టీఐ దరఖాస్తు పెట్టండి అని ఉచిత సలహా ఇవ్వడం సరైంది కాదు. 1991 నుంచి ఆ సంస్థలో ఉద్యోగులు పనిచేస్తుంటే 1994 నుంచి మాత్రమే పీఎఫ్‌ వాటాలను ఖాతాల్లో జమచేశారు. 7 ఎ కింద ఆ సంస్థపైన దర్యాప్తు చేయ వలసిన బాధ్యత ఉన్నా పట్టించుకోలేదు.
 
 పీఎఫ్‌ తది తర బకాయిలకు సంబంధించి ఇవ్వవలసిన ఫారం 3, 6 ఎ, 12 ఎ ఇచ్చినా సంస్థ తన బాధ్యత నిర్వ హించలేదు. ఇద్దరు ఉద్యోగులు 2008, 2009లో విరమణ చేశారు. 2009లో ఆస్పత్రి మూతబడటం వల్ల 20 మంది ఉద్యోగం కోల్పోయారు. కావాలని ఆలస్యం చేయడం వల్ల పీఎఫ్‌ కోసం కార్మికులు క్లెయిమ్‌ దరఖాస్తులు పెట్టుకోలేకపోయారు. కావల సిన వివరాల పత్రాలు ఇవ్వలేదు. మీరు అడిగిన వివరాలు స్పష్టంగా లేవు అని తాత్సారం చేశారు. స్పష్టంగా లేకపోతే కార్మిక నాయకుడిని పిలిచి అడి గితే ఏం పోయింది? రోజ్‌ కామ్‌ రిజిస్టర్‌ను, మరి కొన్ని రికార్డులను చూడాలని అడిగితే రమ్మన్నారు కాని, కావలసిన కాగితాలు ఇవ్వలేదు. అప్పీలు వేయమన్నారు. అందులోనూ న్యాయం జరగలేదు.
 
 ఫలానా కాగితాలు కావాలని అడిగితే మొదటి అప్పీలును ముగించామని, మళ్లీ కొత్తగా ఆర్టీఐ దర ఖాస్తు పెట్టుకోవాలని సలహా ఇచ్చారు. వారి దగ్గర సమాచారం ఉన్నా ఇవ్వడం లేదని రాథోడ్‌ కమి షన్‌కు వివరించారు. 17 మంది కార్మికుల క్లెయిమ్‌ ఫారాల కాపీలు అడిగారు. ఇతర పత్రాలు కావాల న్నారు. కార్మికుల జీతాల నుంచి పీఎఫ్‌ వాటా తీసుకుని, జమ చేయకపోవడం, వారి వంతు డబ్బు ఇవ్వకపోవడం చట్ట ఉల్లంఘనలే. అర్థం అయ్యేట్టు ఆర్టీఐ అడగడం పౌరుని బాధ్యతే అయినా, స్పష్టంగా అడిగినా అర్థం కాలేదని వాదించడం బాధ్యతారాహిత్యం. కార్మికుల వేతనాల డబ్బును జమచేయకపోవడం అంటే, వారి డబ్బును యాజ మాన్యం అక్రమంగా వాడుకున్నట్టే. చాలా వివ రంగా దరఖాస్తు ఉన్నప్పడికీ అర్థం కావడం లేదని తిరస్కరించే అధికారం ఈ చట్టం కింద లేదు.
 
 కార్మికులకు సక్రమంగా వారి హక్కులు అందేట్లు చూడవలసిన కార్మిక శాఖ అధికారులు ఆ పని చేయకపోగా, దానికి సంబంధించిన వివరా లను ఆర్టీఐ కింద అడిగితే తిరస్కరించడం, కొత్త దరఖాస్తు వేసుకోమని వేధించడం న్యాయం కాదు. ఇందువల్ల తప్పు చేసిన యాజ మాన్యాలను కార్మిక శాఖ పరోక్షంగా సమర్థిస్తూ నష్టపోయిన కార్మికుల న్యాయమైన హక్కులను రక్షించడంలో నిర్లక్ష్యం చేసి నట్టు స్పష్టమవుతున్నది.
 
 ఈ కేసులో కమిషన్‌ కొన్ని ఆర్టీఐ సూత్రాలను నిర్ధారించింది. అవి:
 1. సమాచార దరఖాస్తు అర్థం కాకపోతే దర ఖాస్తుదారుని పిలిచి తెలుసుకొనే ప్రయత్నం చేయ డం పీఐఓ బాధ్యత. అర్థం కాలేదని తిరస్కరించడం చట్ట వ్యతిరేకం. 2. పర్యవేక్షణ అధికారం కూడా సమాచార హక్కులో భాగం. దస్తా వేజులు పరిశీలిం చిన తరువాత కొన్ని కాగితాల ప్రతులు అడిగితే, ఇంకో తాజా ఆర్టీఐ దరఖాస్తు పెట్టుకోవాలని ఒత్తిడి చేయడానికి వీల్లేదు. పర్యవేక్షణ అధికారంలో కావ లసిన కాగితాలు కోరే హక్కు కూడా ఇమిడి ఉంది. మరోసారి దరఖాస్తు చేయడం వల్ల, మరోసారి వారి శ్రమ, సమయం శక్తి వెచ్చించవలసి వస్తుంది. అది ప్రజావనరుల వృథా అవుతుంది.
 కోరిన సమాచారం మొత్తం ఇవ్వాలని, ఇటు వంటి అన్యాయాలను కేంద్ర కార్మిక మంత్రి దృష్టికి తీసుకురావాలని ఆదేశించారు. (రాథోడ్‌ వర్సెస్‌ ఈపీఎఫ్‌ఓ, కార్మిక మంత్రిత్వశాఖ CIC/BS/A/ 2015/001969 కేసులో 2017 మార్చి 10న ఇచ్చిన తీర్పు ఆధారంగా)
 
 మాడభూషి శ్రీధర్‌,
 వ్యాసకర్త కేంద్ర సమాచార కమిషనర్‌
 professorsridhar@gmail.com


 న్యూఢిల్లీ: ఫోన్ ద్వారానే అన్ని లావాదేవీలు క్షణాల్లో పూర్తి చేసుకునేలా ఇప్పటికే పలు యాప్స్ రూపొందుతున్నాయి. తాజాగా పీఎఫ్ క్లయిమ్ కూడా ఇక ఫోన్ ద్వారానే చేసుకోవచ్చట. సుమారు నాలుగు కోట్ల మంది రిటైర్మెంట్ ఫండ్ బాడీ ఎంప్లాయీస్ ప్రావిడెంట్ ఫండ్ ఆర్గనైజేషన్(ఈపీఎఫ్ఓ) ఈ మేరకు సన్నాహాలు చేస్తుంది. ఈపీఎఫ్ విత్ డ్రాయల్ వంటి పీఎఫ్ క్లయిమ్స్ ను మొబైల్ అప్లికేషన్ యుమాంగ్ ద్వారానే సెటిల్ చేసుకునేలా త్వరలోనే లాంచ్ చేయబోతుంది.  ఆన్ లైన్ లోనే దరఖాస్తులు స్వీకరించి, ఆన్ లైన్ ద్వారానే క్లయిమ్స్ సెటిల్ చేసుకునే ప్రక్రియను అభివృద్ధి చేస్తున్నామని కేంద్ర కార్మిక శాఖా మంత్రి బండారు దత్తాత్రేయ లోక్ సభకు తెలిపారు.
  
 యూనిఫైడ్ మొబైల్ యాప్ తో ఇది ఇంటిగ్రేట్ అయి ఉంటుందని, ఆన్ లైన్ లోనే క్లయిమ్స్ ను స్వీకరించి, ప్రక్రియను పూర్తిచేస్తుందన్నారు. అయితే ఎప్పుడు లాంచ్ చేయాలో ఇంకా తేదీలను ఖరారు చేయలేదని తెలిపారు.  ఈ సేవలను ప్రారంభించడానికి సెంట్రల్ సర్వర్ తో అన్ని రీజనల్ ఆఫీసులను కనెక్ట్ చేయడానికి ఇంకా కొంత సాంకేతికత అవసరమని ఈపీఎఫ్ఓ ఓ సీనియర్ అధికారి చెప్పారు. ఇప్పటికే కొన్ని రీజనల్ ఆఫీసులను సెంట్రల్ సర్వర్ తో అనుసంధానించిన్నట్టు తెలిపారు. అప్లికేషన్ దాఖలు చేసిన కొన్ని గంటల్లోనే పీఎఫ్ క్లయిమ్స్ చేపట్టే లక్ష్యంతో ఈ ప్రక్రియను ప్రారంభించబోతున్నామని ఈపీఎఫ్ఓ చెప్పింది. ప్రస్తుతం పీఎఫ్‌ క్లయిమ్స్ పూర్తికావడానికి 20 రోజుల వరకు సమయం పడుతుంది. ఈపీఎఫ్ విత్ డ్రాయల్స్ కోసం దాదాపు కోటి అప్లికేషన్లు వస్తుంటాయి.


 పుదుచ్చేరి లెఫ్టినెంట్‌ గవర్నర్‌ కిరణ్‌బేడీ ఏ మాత్రం తగ్గడం లేదు. సీఎం నారాయణ స్వామి సర్కారును ఢీ కొట్టే విధంగా ముందుకు సాగుతున్నారు. పీఎఫ్‌ నిధిలో రూ.36 కోట్లను దారి మళ్లించి ఉండడాన్ని ప్రస్తుతం వెలుగులోకి తెచ్చారు.
 
 సాక్షి, చెన్నై: కేంద్ర పాలిత ప్రాంతం పుదుచ్చేరిలో లెఫ్టినెంట్‌ గవర్నర్‌ కిరణ్‌బేడీ, సీఎం నారాయణ స్వామి నేతృత్వంలోని ప్రభుత్వం మధ్య వివాదం ముదురుతోంది. గత వారం రోజులుగా కిరణ్‌కు వ్యతిరేకంగా ప్రభుత్వ నేతృత్వంలో ఏర్పడ్డ అఖిల పక్షం తీవ్ర నినాదాల్ని అందుకుంది. ఆమెను బర్తరఫ్‌ చేయాలని, డిస్మిస్‌ చేయాలని, వెనక్కు తీసుకోవాలన్న నినాదాలతో ఢిల్లీకి ఫిర్యాదుల మీద ఫిర్యాదుల్ని వెల్లువెత్తించారు. ఈ వివాదాల నేపథ్యంలో శనివారం కిరణ్‌బేడీ ఢిల్లీ వెళ్లారు.
 
  ఢిల్లీ పెద్దలతో రెండు రోజుల పాటుగా బేటీలతో బిజీ అయ్యారు. ఆ పెద్దల అండదండాలతో కూడిన భరోసా దక్కిందో ఏమోగానీ దూకుడు పెంచే పనిలో లెఫ్టినెంట్‌ గవర్నర్‌ నిమగ్నం కావడం గమనార్హం. నారాయణ స్వామి ప్రభుత్వంతో ఢీ కొట్టే విధంగా సోమవారం ఆమె స్పందించారు. పీఎఫ్‌ నిధి దారి మళ్లించి ఉండడాన్ని పసిగట్టి, వెలుగులోకి తెచ్చారు. క్రిమినల్‌ కేసు నమోదుకు తగ్గ చర్యల్లో భాగంగా న్యాయ శాఖ అభిప్రాయాలను తెలుసుకునేందుకు నిర్ణయించడంతో పుదుచ్చేరిలో సాగుతున్న అధికార ఆధిపత్య సమరానికి మరింత ఆజ్యం పోసినట్టు అయింది.
 
 పీఎఫ్‌ దారి మళ్లింపు
 ప్రభుత్వ రంగ సంస్థలు, సహకారం సంస్థల్లోని  ఉద్యోగుల ప్రావిడెంట్‌ ఫండ్‌(పీఎఫ్‌) నిధిలో రూ.36 కోట్లను ఇతర పనులకు దారి మళ్లించినట్టు కిరణ్‌ గుర్తించారు. తన పరిశీలనలో వచ్చిన అంశాన్ని వెలుగులోకి తెస్తూ తొలుత ట్విట్టర్‌లో రూ.36 కోట్లు ఏమైనట్టు అని ప్రశ్నించడంతో నారాయణ స్వామి ప్రభుత్వ వర్గాలకు పుండు మీద కారం చల్లినట్టు అయింది. దీంతో మంత్రి కందస్వామి సమాధానం ఇస్తూ, ఇది తమ హయాంలో జరిగింది కాదని, ఎప్పుడో జరిగిన దాన్ని ఇప్పుడు తెర మీదకు తెచ్చి తమ మీద నిందలు వేయడానికి లెఫ్టినెంట్‌ గవర్నర్‌ సిద్ధమైనట్టున్నారని మీడియా ముందు విరుచుకు పడ్డారు.
 
 తాము గవర్నర్‌కు వ్యతిరేకంగా వ్యవహరిస్తున్న దృష్ట్యా, తమ ప్రభుత్వాన్ని ఇరకాటంలో పెట్టే విధంగా, చెడ్డ పేరు తీసుకొచ్చే రీతిలో ఆమె చర్యలు ఉన్నాయని ధ్వజమెత్తారు. దీంతో కిరణ్‌ స్పందించారు. మంత్రి వ్యాఖ్యల్ని పరిగణనలోకి తీసుకుని, అస్సలు ఆ నగదు దారి మళ్లింపు అన్నది క్రిమినల్‌ నేరంగా అభివర్ణిస్తూ, అందుకు తగ్గ చర్యలకు కసరత్తుల్లో పడ్డారు. ఇందుకు గాను న్యాయ శాఖ అభిప్రాయాన్ని తీసుకునేందుకు నిర్ణయించి, ఆ శాఖ కార్యదర్శికి ఓ లేఖ రాయడం గమనార్హం.
 
 అందులో పీఎఫ్‌ నిధి దారి మళ్లింపు అన్నది క్రిమినల్‌ చర్య కిందకు వస్తుందన్న విషయం తన పరిశీలనలో తేలిందని గుర్తు చేశారు. పీఎఫ్‌ దారి మళ్లింపు ఎలా జరిగింది, పీఎఫ్‌ నిధి విషయంలో ఏమి జరుగుతున్నదో, మంత్రి 11 నెలలుగా ఏమి చేశారో, సమగ్ర వివరాలతో పాటుగా క్రిమినల్‌ కేసు విషయంలో అభిప్రాయం తెలియజేయాలని ఆ లేఖ ద్వారా కోరారు. అయితే, పీఎఫ్‌ దారి మళ్లింపు వ్యవహారంలో క్రిమినల్‌ కేసు నమోదుకు తగ్గ చర్యల్లో భాగంగా న్యాయ శాఖ అభిప్రాయాన్ని స్వీకరించేందుకు కిరణ్‌ నిర్ణయించడం పుదుచ్చేరిలో సాగుతున్న  వివాదానికి మరింత ఆజ్యం పోసినట్టు అయింది.
  


 న్యూఢిల్లీ : ఎంప్లాయీస్ ప్రావిడెంట్ ఫండ్ ఆర్గనైజేషన్(ఈపీఎఫ్ఓ) మరో కీలక నిర్ణయం తీసుకునేందుకు సిద్ధమవుతోంది. పీఎఫ్ అర్హతకు ఉద్యోగుల కనీస వేతనాన్ని పెంచే ప్రతిపాదనకు ఆమోదముద్ర వేసేందుకు అడుగులు వేస్తోంది.  నెలకు రూ. 15 వేలుగా ఉన్న వేతన పరిమితిని రూ. 25 వేలకు పెంచాలని ఈపీఎఫ్‌వో యోచిస్తోంది. 
  
 వచ్చే నెలలో జరుగబోయే ఎంప్లాయీస్ ప్రావిడెంట్ ఫండ్ ఆర్గనైజేషన్ బోర్డు సమావేశంలో ఈ కీలక నిర్ణయంపై చర్చించనుందని తెలుస్తోంది. ధరల పెరుగుదల, వేతన సమీక్షలో భాగంగా ఈపీఎఫ్ఓ ఈ ప్రతిపాదన తీసుకొచ్చినట్టు సమాచారం. అంతేకాక సంఘటిత రంగంలో ఉన్న 60 లక్షలకు పైగా ఉద్యోగులను కూడా తమ సోషల్ సెక్యురిటీ పరిధిలోకి చేకూర్చుకోనుందట. ఇప్పటివరకు ఈ రంగంలో 4 కోట్ల మంది ఉద్యోగులు మాత్రమే ఈపీఎఫ్ఓ ఖాతాదారులుగా ఉన్నారు. 
  
 మరోవైపు ఈపీఎఫ్ఓ బోర్డు ప్రతిపాదించిన రూ.25వేల కనీస వేతన పరిమితికి కేంద్ర ప్రభుత్వం చెక్ పెట్టి దాన్ని తగ్గించనుందని వాదనలు వినిపిస్తున్నాయి. ప్రావిడెంట్ ఫండ్ కవరేజ్ వ్యవహారంలో మధ్యే మార్గాన్ని అనుసరిస్తూ కనీస వేతనాన్ని 21వేల రూపాయలుగా నిర్ణయించనున్నట్టు ప్రభుత్వాధికారి ఒకరు చెప్పారు. కాగ, 2014 సెప్టెంబర్ 1న వేతన సీలింగ్ నెలకు 15వేల రూపాయలుగా  ఉండేటట్టు ఈపీఎఫ్ఓ నిర్ణయించింది. అప్పటివరకు ఈ పరిమితి రూ.6500గా ఉండేది.     
  
 కాగా, ఈపీఎఫ్‌ఓ ప్రతిపాదన అమల్లోకి వస్తే కేంద్ర ప్రభుత్వంపై రూ.2,700 కోట్ల అదనపు భారం పడే అవకాశముంది. దాదాపు 4 కోట్ల మంది ఈపీఎఫ్‌ఓ చందాదారులకు కేంద్ర ప్రభుత్వం ప్రసుత్తం రూ.6,700 కోట్లు వెచ్చిస్తోంది.
  


  ► ఈపీఎఫ్‌ వ్యవహారాలపై పర్యవేక్షణ శూన్యం
 ► గతంలో ఖాతాల అంకెలు మార్చి లోన్‌ పొందిన ఉద్యోగులు
 ► గత ఏడాది వెలుగు చూసిన మరో పీఎఫ్‌ కుంభకోణం
 ► తాజాగా ఔట్‌ సోర్సింగ్‌ ఉద్యోగుల నిధులు స్వాహా చేసిన నిర్వాహకుడు
 ► కమిటీలతో కాలక్షేపం చేస్తున్న ఉన్నతాధికారులు
  
 ఎంప్లాయీస్‌ ప్రావిడెంట్‌ ఫండ్‌ (ఈపీఎఫ్‌) అక్రమాలకు ఏఎన్‌యూ నిలయంగా మారుతోంది. ఉద్యోగుల సంక్షేమానికి ఉపయోగపడాల్సిన పీఎఫ్‌ నిధులను కొందరు అక్రమార్కులు చేతివాటంతో అడ్డదారిన తమ జేబులు నింపేందుకు ఉపయోగించుకుంటున్నారు. ఏఎన్‌యూలో వరసగా పీఎఫ్‌ కుంభకోణాలు చోటు చేసుకుంటున్నాయి. 
  
 ఏఎన్‌యూ : 
 ఉద్యోగుల సంక్షేమానికి అధిక ప్రాధాన్యం ఇస్తూ పీఎఫ్‌ ఖాతాల నిర్వహణను పగడ్బందీగా పర్యవేక్షించే వ్యవస్థను ఏర్పాటు చేయాల్సిన యూనివర్సిటీ ఉన్నతాధికారులు చోద్యం చూస్తుండటంతో కుంభకోణాలు వరుసగా జరుగుతున్నాయి. 
  
 గతంలో పలు కుంభకోణాలు..
 యూనివర్సిటీలో పీఎఫ్‌ ఖాతాలకు సంబంధించి పలు కుంభకోణాలు చోటు చేసుకున్నాయి. యూనివర్సిటీ ఎకౌంట్స్‌ విభాగంలో పీఎఫ్‌ వ్యవహారాలు చూసే ఇద్దరు ఉద్యోగులు తమ పీఎఫ్‌ ఖాతాల్లో అంకెలు మార్పు చేసి అధిక మొత్తంలో లోన్‌ పొందిన ఘటన ఆరేళ్ళ క్రితం వెలుగులోకి వచ్చింది. తమ ఖాతాలో వేలాది రూపాయలను లక్షల్లో చూపి ఆ ఇద్దరు లోన్‌ పొందటం అప్పట్లో చర్చనీయాంశంగా మారింది. దీనిపై స్పందించిన అప్పటి వీసీ విచారణ జరిపి బాధ్యులైన ఇద్దరు రెగ్యులర్‌ ఉద్యోగులను విధుల నుంచి శాశ్వతంగా తొలగించారు.
 
 కానీ పీఎఫ్‌ ఖాతాల పర్యవేక్షణకు ప్రత్యేక చర్యలేమీ తీసుకోలేదు. దీంతో గత ఏడాది మరో పీఎఫ్‌ ఘటన వెలుగులోకి వచ్చింది.దీనిపై అతి కష్టంగా స్పందించిన ఉన్నతాధికారులు కుంభకోణంపై విచారణ కమిటీని వేసి చేతులు దులుపుకున్నారు. వీటితోపాటు యూనివర్సిటీలో విధులు నిర్వహిస్తున్న ఔట్‌ సోర్సింగ్‌ సెక్యూరిటీ గార్డుల నుంచి పీఎఫ్‌ మొత్తాలను వసూలు చేస్తూ ఏజెన్సీ నిర్వాహకుడు సకాలంలో వారి ఖాతాల్లో జమ చేయని ఘటనలూ గతంలో జరిగాయి. ఉద్యోగులు నిలదీయటంతో గుట్టు చప్పుడు కాకుండా నిధులను జమ చేసిన సందర్భాలు ఉన్నాయి.
  
 తాజాగా మరో కుంభకోణం వెలుగులోకి.. 
 ఈపీఎఫ్‌కు సంబంధించిన మరో భారీ కుంభకోణం గత నెలలో వెలుగు చూసింది. యూనివర్సిటీ వాటర్‌ వర్క్స్‌ విభాగంలో పనులను ఔట్‌ సోర్సింగ్‌ ద్వారా నిర్వహించేందుకు అనుమతి పొందిన తెనాలికి చెందిన ఔట్‌ సోర్సింగ్‌ ఏజెన్సీ నిర్వాహకుడు ఏళ్ళ తరబడి ఉద్యోగుల ఖాతాల్లోకి జమ చేయకుండా భారీగా నిధులు మింగేశాడు. తమ పీఎఫ్‌ మొత్తాలను జమ చేయకుండా నిర్వాహకుడు మింగేస్తున్నాడని, చర్యలు తీసుకోవాలని వాటర్‌ వర్క్స్‌లో విధులు నిర్వహిస్తున్న 12 మంది గత నెల 21న గుంటూరులోని ఈపీఎఫ్‌ కమిషనర్‌కు ఫిర్యాదు చేశారు. దీంతో పీఎఫ్‌ కమిషనర్‌ వచ్చి పరిశీలించి కుంభకోణం నిజమేనని తేల్చే వరకు యూనివర్సిటీ అధికారులు మిన్నకుండటం విశేషం. కుంభకోణం వెలుగులోకి రావటంతో గత నెల 24న ఏజెన్సీ నిర్వాహకుడు తన తప్పును పీఎఫ్‌ కమిషనర్‌ వద్ద లేఖ రూపంలో అంగీకరించాడు. ఫిబ్రవరి 28 లోగా జమ చేస్తానని ఆ లేఖలో పేర్కొన్నాడు. కానీ నేటి వరకు పూర్తి స్థాయిలో జమ చేయలేదని తెలుస్తోంది.
  
 అధికారుల నిర్లక్ష్యమే కారణం.. 
 వరసగా చోటు చేసుకుంటున్న ఈపీఎఫ్‌ కుంభకోణాలకు యూనివర్సిటీ ఉన్నతాధికారుల ఉద్దేశపూర్వకమైన నిర్లక్ష్యయే కారణమనే ఆరోపణలు వెల్లువెత్తుతున్నాయి. గత ఏడాది చోటు చేసుకున్న పీఎఫ్‌ ఘటనపై విచారణ కమిటీని నియమించి చేతులు దులుపుకున్న ఉన్నతాధికారులు గత నెలలోని కుంభకోణంపై కనీసం స్పందించకపోవటం దీన్ని తేటతెల్లం చేస్తోంది. యూనివర్సిటీ ఉన్నతాధికారులు పీఎఫ్‌ ఖాతాల నిర్వహణలో పారదర్శకతను పెంచి భరోసా ఇచ్చే విధంగా చర్యలు తీసుకోవాల్సిన ఉద్యోగులు కోరుతున్నారు. 


 న్యూఢిల్లీ: మృతిచెందిన ఉద్యోగులకు భవిష్యనిధిని వారి సంబంధీకులకు వీలైనంత త్వరగా అందించేలా ఒకే దరఖాస్తు నమూనా ఉద్యోగుల భవిష్యనిధి సంస్థ (ఈపీఎఫ్‌వో) అందుబాటులోకి తెచ్చింది.
 ఈ రకమైన విత్‌డ్రాయల్స్‌ కోసం ప్రస్తుతమున్న ఫారమ్‌ 20, 5–1ఎఫ్, 10–డీలను బదులుగా ఈ సంయుక్త దరఖాస్తు నమూనాను వినియోగించనున్నారు. ‘మృతిచెందిన ఉద్యోగి దాచుకున్న భవిష్యనిధి, బీమా నిధి, నెలవారి పింఛనును ఆయన సంబంధీకులకు అందించేలా.. ప్రస్తుతమున్న3 వేర్వేరు దరఖాస్తు ప్రతులకు బదులుగా ఒకే ప్రతిని అందుబాటులోకి తెచ్చాం’ అని ఈపీఎఫ్‌వో ఓ ప్రకటనలో తెలిపింది.


 అమరావతి: ఆర్టీసీలో పనిచేస్తూ మరణించిన ఉద్యోగి కుటుంబానికి ప్రస్తుతం ఎంప్లాయ్ డిపాజిట్‌ లింక్‌డ్‌ ఇన్సూరెన్స్‌ స్కీమ్‌ (ఈడీఎల్‌ఐఎఫ్‌) ద్వారా చెల్లిస్తున్న రూ.3.60 లక్షల పరిమితిని యాజమాన్యం పెంచింది. రూ.6 లక్షల వరకు చెల్లించేందుకు అంగీకరించింది. ఈ ఏడాది జనవరి 31వ తేదీ తర్వాత మరణించిన వారికి ఈ పథకం వర్తిస్తుందని అధికారులు తెలిపారు. ఈ పథకానికి ఉద్యోగుల నుంచి అదనపు రికవరీలు ఏమీ ఉండవు.
 
 ప్రావిడెంట్‌ ఫండ్‌ (పీఎఫ్) రికవరీ అవుతున్న వారందరికీ ఈ స్కీమ్‌ వర్తిస్తుంది. 2014 సెప్టెంబరు 1వ తేదీ నుంచి ఉద్యోగి పింఛన్‌ రికవరీ వాటాను రూ.6,500 నుంచి రూ.15వేలకు పెంచే విధంగా చట్ట సవరణ జరిగింది. దీంతో చట్ట ప్రకారం ఇన్సూరెన్స్‌ బెనిఫిట్‌ను కూడా పెంచాల్సిన అవసరం ఉన్నందున ఆర్టీసీ యాజమాన్యం ఈ నిర్ణయం తీసుకుందని ఎంప్లాయీస్‌ యూనియన్‌ నేతలు పద్మాకర్, దామోదరరావులు తెలిపారు.


 న్యూఢిల్లీ: ఉద్యోగుల భవిష్య నిధి సంస్థ(ఈపీఎఫ్‌ఓ) ఖాతాలకు ఆధార్‌  అనుసంధానికి   ప్రభుత్వం కల్పించిన గడువును  మరోసారి పొడిగించింది.   2017 మార్చి 31వ తేదీనాటికి పీఎఫ్‌ చందాదారులు, పింఛన్ దారులు ఆధార్‌ కార్డును తప్పనిసరిగా సమర్పించాలని  ఈపీఎఫ్‌వో తెలిపింది.  పీఎఫ్‌ పథకాల ప్రయోజనాలు పొందాలంటే పీఎఫ్‌ చందాదారులు, పింఛనుదారులకు ఆధార్‌ తప్పనిసరి అని  సష్టం చేసింది. సుమారు నాలుగు కోట్ల మంది ఈ  వివరాలను అందించాలని కోరింది.  
 గతంలో  జనవరి 31, అనంతరం  ఫిబ్రవరి 28 వరకు  విధించిన గడువును ఖాతాదారులు మరియు ఫించన్‌ దారుల సౌలభ్యం మరోసారి పొడిగించింది.   తమ ఆధార్‌ నంబర్‌ను,  లేదా ఆధార్‌ కోసం దరఖాస్తు చేసిన పత్రాన్ని తమకు సమర్పించాలని  తెలిపింది.
  


 సాక్షి: హైదరాబాద్‌: ఉద్యోగులు, కార్మికులు భవిష్యనిధి సభ్యులుగా ప్రయోజనాలను పొందేందుకు ఈపీఎఫ్‌వో ‘ఉద్యోగుల నమోదు ప్రచారం– 2017’ కార్య క్రమాన్ని నిర్వహిస్తున్నట్లు హైదరాబాద్‌ ప్రాంతీయ భవిష్యనిధి కమిషనర్‌ ఎంఎస్‌కేవీవీ సత్యనారాయణ గురువారం ఓ ప్రకటనలో తెలిపారు. ఈ కార్యక్రమం మార్చి 31 వరకు నిర్వహిస్తున్నట్లు ఆయన వెల్లడించారు. 2009 ఏప్రిల్‌ 1 నుంచి 2016 డిసెంబర్‌ 31 వరకు ఉద్యోగులు, కార్మికులుగా చేరి వివిధ కారణాలతో భవిష్యనిధి సదుపాయాలు పొందనివారు, ఆయా యాజమాన్యాలు స్వచ్ఛం దంగా తమ వివరాలను నమోదు చేసుకోవాలని సూచించారు. ఇప్పటి వరకు నమోదు చేసుకోనివారు అపరాధ రుసుము కింద ఏడాదికి రూ.1 చొప్పున నామమాత్రంగా చెల్లించాల్సి ఉంటుందని ఆయన వివరించారు. మిగతా వివరాలు http://epfo-hyd.ap.nic.inలో పొందవచ్చు.


 - అవుట్‌సోర్సింగ్‌ ఉద్యోగుల పీఎఫ్, ఈఎస్‌ఐ స్వాహా చేసిన  ‘వెంగమాంబ ఏజెన్సీ’
 – రూ.29.50 లక్షలు మింగేసి పరారీ
  – వర్సిటీ నోటీసులు పంపినా స్పందించని వైనం  
 – సెక్యూరిటీ బాండ్లు లేకుండా ఏజెన్సీ నిర్వహణ అప్పగింతపై విమర్శలు
 
 ఎస్కేయూ : శ్రీకృష్ణదేవరాయ విశ్వవిద్యాలయంలో అవుట్‌సోర్సింగ్‌ ఉద్యోగులకు చెల్లించాల్సిన పీఎఫ్‌, ఈఎస్‌ఐ మొత్తం రూ.29.50 లక్షలు ఏజెన్సీ నిర్వాహకుడు స్వాహా చేశాడు. ఉద్యోగులకు నాలుగు నెలలుగా జీతాలు అందలేదు. దీంతో పెండింగ్‌ ఉన్న వేతనాలు ఉద్యోగులకు చెల్లిస్తేనే పీఎఫ్‌, ఈఎస్‌ఐ మొత్తం ఖాతాలో జమ చేస్తామని వర్సిటీ ఉద్యోగులు తేల్చి చెప్పడంతో విషయం బయటపడింది. అయితే ఏజెన్సీ నిర్వాహకుడు పీఎఫ్‌ మొత్తం కాజేసి పరారీలో ఉన్నాడు. వర్సిటీ యంత్రాంగం ముందుచూపు లేకుండా హడావుడిగా ‘వెంగమాంబ ఏజెన్సీ’కి అప్పగించాలన్న తొందరపాటు నిర్ణయంతో జరగాల్సిన నష్టం జరిగిపోయిందన్న విమర్శలు వ్యక్తమవుతున్నాయి.
 
      2015 జూలైలో వర్సిటీలో సెక్యూరిటీ గార్డుల నియామకాలు, నిర్వహణను వెంగమాంబ ఏజెన్సీకి అప్పగించారు. సెక్యూరిటీ నిర్వహణ బాధ్యతను ఎలాంటి టెండర్లు లేకుండా ఏజెన్సీ బాధ్యతను కట్టబెట్టడం మొదలు ఇప్పటి దాకా అంతా వివాదాస్పదమే.నియామకాల్లో భాగంగా ఒక్కో ఉద్యోగితో వెంగమాంబ ఏజెన్సీ నిర్వాహకులు అధికారికంగా రూ.25 వేలు సెక్యూరిటీ బాండ్లు  తీసుకున్నారు. తొలుత 60 మంది గార్డులను నియమించారు. ఏజెన్సీకి వర్సిటీ ఒక్కో ఉద్యోగికి నెలకు రూ.9,500 చెల్లిస్తుండగా ..ఉద్యోగులకు మాత్రం రూ.6,500 ఇస్తున్నారు. జీతాల పంపిణీలో అంతరం ఉన్నప్పటికీ ఉద్యోగులు ఎవరూ ఫిర్యాదు చేయలేదని వర్సిటీ ఉన్నతాధికారులు తెలిసీతెలియనట్లు వ్యవహరించారు.
 
 మొదటికే మోసం
      ప్రతి నెలా ఉద్యోగి నికర జీతాన్ని ఏజెన్సీ నిర్వాహకులకు వర్సిటీ చెల్లిస్తోంది. ఇందులో నుంచి ప్రతి ఉద్యోగి పీఎఫ్, ఈఎస్‌ఐ ఖాతాకు ఏజెన్సీ వారు జమ చేయాలి. ఇంతే మొత్తాన్ని వర్సిటీ కూడా జమ చేస్తుంది. అయితే టెండర్ల ద్వారా నూతన ఏజెన్సీకి అప్పగించాలని గత పాలకమండలిలో నిర్ణయించి.. కొత్త ఏజెన్సీకి అప్పగించేందుకు సిద్ధం చేశారు. దీంతో ఉద్యోగుల పీఎఫ్, ఈఎస్‌ఐ మొత్తం వెంగమాంబ ఏజెన్సీ చెల్లించాల్సి ఉంది. ఇప్పటి వరకు రూ.29.50 లక్షలు పీఎఫ్, ఈఎస్‌ఐ మొత్తం వెంగమాంబ ఏజెన్సీ నిర్వాహకుడు స్వాహా చేసినట్లు సమాచారం. నాలుగు నెలల జీతం ఉద్యోగులకు అందలేదు. పీఎఫ్‌ మొత్తం చెల్లించేంతవరకు ఉద్యోగులకు జీతాలు ఇచ్చేదిలేదని వర్సిటీ ఉన్నతాధికారులు స్పష్టం చేశారు. కారణం జీతాలు ఏజెన్సీ నిర్వాహకుడు ఖాతాలో జమచేయాల్సి ఉండడమే. ఈ నాలుగు నెలల జీతాలు కూడా ఉద్యోగులకు ఇవ్వరేమోనన్న అనుమానం రావడంతో ఈ మేరకు వర్సిటీ ఉన్నతాధికారులు నిర్ణయం తీసుకున్నట్లు తెలిసింది. నాలుగు నెలలు జీతమైనా ఆయా వ్యక్తిగత జీతాల ఖాతాల్లోనైనా జమ చేసే విధంగా చర్యలు తీసుకోవాలని ఉద్యోగులు కోరుతున్నారు.
 
 సమష్టి బాధ్యత వహించాలి
      ఏజెన్సీ అప్పగించే ముందు సెక్యూరిటీ బాండ్లు తీసుకొని ఉంటే ఇంత నష్టం జరిగేది కాదు. తాంబూలాలు ఇచ్చేశాం.. తన్నుకు చావండి .. అనే రీతిలో ఏజెన్సీకి మొత్తం చెల్లించేశాము. మాకు సంబంధం లేదనే రీతిలో వర్సిటీ ఉన్నతాధికారుల వైఖరి కారణంగా ఉద్యోగులకు ఆవేదన కలిగిస్తోంది. రూ.25 వేలు డిపాజిట్, నాలుగు నెలల జీతం, ఏడాదిన్నర నుంచి అందాల్సిన పీఎఫ్‌ మొత్తం ఉద్యోగులకు దక్కాల్సి ఉంది. ఈ నేపథ్యంలో వర్సిటీ ఉన్నతాధికారులు అవుట్‌సోర్సింగ్‌ ఉద్యోగులకు న్యాయం చేసి.. ఏజెన్సీ నిర్వాహకులపై క్రిమినల్‌ కేసులు నమోదు చేయాలని ఉద్యోగులు కోరుతున్నారు.
 
 నోటీసులు పంపాం
      పీఎఫ్‌ మొత్తాలు జమ చేయాలని వెంగమాంబ ఏజెన్సీ నిర్వాహకుడికి నోటీసులు పంపాం. స్పందించకపోవడంతో అవుట్‌సోర్సింగ్‌ ఏజెన్సీ ఉద్యోగులకు జీతాలు నిలిపివేశాం.
 – డాక్టర్‌ లక్ష్మీరాం నాయక్, ఫైనాన్స్‌ ఆఫీసర్, ఎస్కేయూ


 న్యూఢిల్లీ: ఉద్యోగుల భవిష్య నిధి సంస్థ(ఈపీఎఫ్‌ఓ) పథకాల ప్రయోజనాలు పొందాలంటే పీఎఫ్‌ చందాదారులు, పింఛనుదారులకు ఆధార్‌ తప్పనిసరి అని ఆ సంస్థ తెలిపింది. ఈ నెల 31కల్లా వారు తమ ఆధార్‌ నంబర్‌ను, అది లేకుంటే ఆధార్‌ కోసం దరఖాస్తు చేసిన పత్రాన్ని తమకు సమర్పించాలని ఈపీఎఫ్‌ఓ సెంట్రల్‌ ప్రావిడెంట్‌ ఫండ్‌ కమిషనర్‌ వీపీ జ్యోతి వెల్లడించారు. ఈ నెలాఖర్లో సమీక్ష ఉంటుందని, గడువును పొడించే అవకాశముందని అన్నారు. 2017 జనవరి 31కల్లా పీఎఫ్‌ చందాదారులు, పింఛన్ దారులు ఆధార్‌ సమర్పించాలని కార్మిక శాఖ కూడా ఓ ప్రకటనలో తెలిపింది.


 పీఎఫ్‌ పింఛనుదారులకూ ఇబ్బందులే
 వేలిముద్రలు, ఐరీష్‌ కోసం పరుగులు
 కంబాలచెరువు (రాజమహేంద్రవరం) : కొత్తగా ప్రవేశపెట్టిన వేలిముద్ర, ఐరీష్‌ వి«ధానం కారణంగా ప్రావిడెంట్‌ ఫండ్‌ నుంచి పెన్షన్‌ పొందుతోన్న ఉభయగోదావరి జిల్లాల్లోని పెన్షన్‌దారులు తీవ్ర ఇబ్బందులకు గురవుతున్నారు. ప్రైవేటు సంస్థల్లో రిటైరై ఈ పెన్షన్‌ తీసుకునే వారు ఏడాదికోసారి లైవ్‌ సర్టిఫికెట్‌ సమర్పించాల్సివచ్చేది. ఈ ఏడాది నుంచి ఆ విధానానికి స్వస్తి పలికి వేలిముద్రలుంటేనే పెన్షన్‌ వచ్చేలా మార్పు చేశారు. ఉభయగోదావరి జిల్లాల్లో మొత్తం 54 ,607 మంది ఈ పెన్షన్లు పొందుతున్నారు. ఇప్పటికి 23,418 మంది మాత్రమే వేలిముద్రలను నమోదు చేసుకున్నారు. వేలిముద్రలు సరిగా పడని వృద్ధులకు ఐరీష్‌ తీసుకుంటున్నారు. ఈ విషయం తెలియని వారు లైవ్‌ సరిఫ్టికెట్‌తో ఎప్పటిలానే పంపుతున్నారు. వేలిముద్రలు వేయకుండా ధ్రువపత్రం పంపిన వారికి పెన్షన్లు ఆగిపోతాయని అధికారులు చెబుతున్నారు. ఈ వి«ధానం గతేడాది నవంబర్‌ నెల నుంచి ప్రారంభించినా.. ఈ నెల నుంచి అమలుకానుంది.
 అంతా 60 ఏళ్లు పైబడిన వారే..
 ఈపీఎస్‌ పొందేవారిలో అత్యధిక శాతం  60 ఏళ్లు పైబడినవారే. వేలిముద్రల నమోదు చేయించుకునేందుకు వారు ఉభయగోదావరి జిల్లాల్లోని మారుమూల ప్రాంతాల నుంచి వస్తున్నారు. జిల్లా పరిధిలో రాజమహేంద్రవరం, కాకినాడ,   పశ్చిమగోదావరి జిల్లాలో ఏలూరు, భీమవరంలోని పీఎఫ్‌ కార్యాలయాలకు వీరు వెళుతున్నారు. 
 పనిచేయని స్థానిక కేంద్రాలు
 పెన్షన్‌దారుల రద్దీ దృష్ట్యా, ఉభయగోదావరి జిల్లాల్లోని ప్రధాన మండలాల్లో వేలిముద్రల నమోదు చేసుకునేందుకు ప్రైవేటు వ్యక్తులతో స్థానిక కేంద్రాలు ఏర్పాటు చేశారు.
 అయితే కొన్ని ప్రాంతాల్లో ఇంటర్నెట్‌ పనిచేయక, మరికొన్ని సెంటర్లలో వేలిముద్రలు నమోదు కాక, ఇతర సాంకేతిక సమస్యలతో ఈ కేంద్రాలు పనిచేయడం లేదు. దీంతో పెన్షన్‌దారులను జిల్లాలోని ప్రధాన కేంద్రాలకు వెళ్లమని ఈ కేంద్రాల నిర్వాహకులు చెబుతున్నారు. దీంతో పెన్షన్‌దారులు అవస్థలు పడుతున్నారు. జిల్లా కేంద్రాలకు వెళ్లడం కష్టమని, 
 ఈ కేంద్రాల్లో తలెత్తిన సమస్యలను పరిష్కరించి ఇక్కడే వేలిముద్రల నమోదు ప్రక్రియ పూర్తిచేయాలని పెన్షన్‌దారులు కోరుతున్నారు. 
 చాలా దూరం నుంచి వచ్చా..
 వేలిముద్ర వేయకపోతే పెన్షన్‌ ఆగిపోతుందంటున్నారు. ఆరోగ్యం బాగోకపోయినా హడావుడిగా వచ్చేశాను. ఇంతదూరం రావడం కష్టంగా ఉంది. స్థానికంగా ఏర్పాటు చేసిన సెంటర్లు సక్రమంగా పనిచేసేలా చర్యలు తీసుకోవాలి. 
 –సత్యనారాయణ, శృంగవృక్షం
 అందరూ నమోదు చేసుకోవాలి
 ఈపీఎస్‌ పొందేవారు కచ్చితంగా వేలిముద్ర వేసి వారి సమాచారాన్ని పొందుపర్చాలి. లేకపోతే పెన్షన్‌ ఆగిపోతుంది.  ఈ నెల 10వ తేదీలోగా ఈ నమోదు ప్రక్రియ పూర్తి కావాలి.  ఉభయగోదావరి జిల్లాల పరిధిలో ఇబ్బందులు ఉంటే నేరుగా తమ కార్యాలయానికి తెలియజేయవచ్చు. స్థానికంగా ఏర్పాటు చేసిన ప్రైవేట్‌ కేంద్రాలకు వెళ్లేముందు ఫోన్‌ చేసి అక్కడ పనిచేస్తుందో లేదో తెలుసుకుని వెళ్లండి. లేనిపక్షంలో ప్రధాన కార్యాలయానికి రావాల్సిందే.
 –కె.గణేష్‌కుమార్‌ జానీ, రీజినల్‌ పీఎఫ్‌ కమిషనర్‌
 ఈపీఎఫ్‌ వేలిముద్రల నమోదు సెంటర్ల ఫోన్‌ నెంబర్లు 
 తూర్పుగోదావరి జిల్లా
 సఖినేటిపల్లి, మోరి         94912 40130
 జగన్నాయకపూర్‌           98484 92002
 మమ్ముడివరప్పాడు        99496 28107
 జి.రంగంపేట               77023 22084
 పిఠాపురం                   90595 49906
 సర్పవరం, కాకినాడ       91549 62076
 బండారులంక, అమలాపురం 81259 83849
 చీడిగ                        93468 22647
 ముక్కామల                98851 62355
 నెల్లి అప్పన్నసెంటర్‌      99592 78659
 గోకవరం                   93970 80300
 కొత్తపేట                   91775 45958
 మొల్లేరు                    94408 00882
 మలికిపురం                98493 81195«
 ధవళేశ్వరం                 92461 11809
 రాజమండ్రి                94401 27694
 బిక్కవోలు                  92915 80865
 అంగర                      99590 18900
 వెదురుపాక                98496 56084
 కొండకుదురు             89788 72722
 ఇంజరము                 94921 79933
 తాటిపాక                  99129 75759
 వేమగిరి                    98854 75701
 రంపచోడవరం           94902 46563 


 0.15 శాతం తగ్గించిన కేంద్రం
 ► ఇది పీపీఎఫ్, జీపీఎఫ్‌పై వడ్డీ కంటే ఎక్కువే: దత్తాత్రేయ
 ► 50 లక్షల మంది కొత్త సభ్యుల నమోదు లక్ష్యం
 బెంగళూరు: ఉద్యోగుల ప్రావిడెంట్‌ ఫండ్‌ డిపాజిట్లపై వడ్డీపై కేంద్రం కోత విధించింది. 2015–16కు వడ్డీ రేటు 8.8 శాతం ఉండగా ప్రస్తుతం దీనిని 8.65 శాతానికి తగ్గించింది.  గత నాలుగేళ్లలో ఇదే అతి తక్కువ వడ్డీ రేటు. స్వల్ప మిగులు కారణంగా వడ్డీ రేటు తగ్గించాల్సి వచ్చిందని భవిష్యనిధి సంస్థ ఈపీఎఫ్‌ఓ పేర్కొంది. 2016–17 సంవత్సరా నికి గాను ఈపీఎఫ్‌ ఖాతాదారులకు 8.65 శాతం వడ్డీ ఇవ్వాలని నిర్ణయించినట్లు కేంద్ర కార్మిక మంత్రి బండారు దత్తాత్రేయ సోమవారం నాడిక్కడ చెప్పారు. ఈపీఎఫ్‌ఓకు సంబంధించిన అత్యున్నత నిర్ణయాధికార సంస్థ సెంట్రల్‌ బోర్డ్‌ ఆఫ్‌ ట్రస్టీస్‌ (సీబీటీ) 215వ సమావేశానంతరం ఆయన విలేకరులతో మాట్లాడారు.
 పీఎఫ్‌ వాటాదారులతో విస్తృత సంప్రదింపుల నేపథ్యంలో ఈ మేరకు ఏకగ్రీవ నిర్ణయం తీసుకున్నట్టు సీబీటీ చైర్మన్ కూడా అయిన దత్తాత్రేయ చెప్పారు. 8.65 శాతం వడ్డీ రేటు ఇచ్చిన తర్వాత సంస్థ రూ.269 కోట్ల మిగుల్లో ఉంటుందన్నారు. వడ్డీ రేటు తగ్గినప్పటికీ ఇలాంటి మిగతా సంస్థలు పబ్లిక్‌ ప్రావిడెంట్‌ ఫండ్‌ (పీపీఎఫ్‌ (8.1%)), జనరల్‌ ప్రావిడెంట్‌ ఫండ్‌ (జీపీఎఫ్‌ (8%) వంటి వాటితో పోల్చుకుంటే ఈపీఎఫ్‌ఓ తన ఖాతాదారులకు చెల్లిస్తున్నది ఎక్కువేనన్నారు.
 ఇలాఉండగా ఈపీఎఫ్‌ఓ పరిపాలన పరమైన చార్జీలను 0.85 శాతం నుంచి 0.65 శాతానికి తగ్గించాలని నిర్ణయిం చినట్లు తెలిపారు. కొత్త సభ్యుల నమోదు పెంచే కార్యక్రమాన్ని చేపట్టను న్నామని, మొదటి దశలో 50 లక్షల మంది కొత్త సభ్యుల ను చేర్పించాలని లక్ష్యంగా నిర్దేశించుకున్నట్లు చెప్పారు. గత ఏడాది ఆదాయంతోపాటు అప్పుడు మిగులు రూ.1,600 కోట్లు ఉండగా, ఈ ఏడాది ఈ మొత్తం రూ.410 కోట్లేనని సీపీఎఫ్‌ కమిషనర్‌ జాయ్‌ చెప్పారు.


 ముంబై : రిటైర్మెంట్ నిధి సంస్థ ఇపీఎఫ్ఓ  పీఎఫ్ ట్రాన్స్ఫర్ చేసుకునే అవకాశాన్ని సులభతరం చేసింది. ఈ మేరకు నిబంధనలను  మరింత  సడలించింది.  ఫారం నెం. 11 పేరుతో కొత్త డిక్లరేషన్ ఫాంను ప్రవేశపెట్టింది.  ప్రస్తుతం ఉన్న ఫారం నెం 13 స్థానంలో దీన్ని రీప్లేస్ చేసింది. కొత్త ఫారం నెం.11లో  నో యువర్ కస్టమర్ (కేవైసీ) లో లాగానే వివరాలను పూర్తి చేయాల్సి ఉంటుంది.  యూఏఎన్  నెంబర్  ఆధారంగా ద్వారా అతని / ఆమె పాత యజమాని లేదా, కంపెనీ నుంచి  పీఎఫ్  బదిలీ కోసం అభ్యర్థన చేసుకోవచ్చని ఈపీఎఫ్వో ​ ఒక ప్రకటనలో తెలిపింది.
 ఎంప్లాయీస్ ప్రావిడెంట్ ఫండ్ ఆర్గనైజేషన్ (ఇపిఎఫ్ఓ) లోని సభ్యులు ఉద్యోగం మారినపుడు  తమ పీఎఫ్ డిపాజిట్లను బదిలీ  చేసుకోవాలనుకునే వారికోసం ఈ నిబంధనలను సడలించినట్టు తెలిపింది.  మరోవైపు రెండు లక్షల సాధారణ సేవా కేంద్రాల (సీఎస్సీ) ద్వారా  పీఎఫ్ సెటిల్ మెంట్ కోసం  వివిధ ఆన్లైన్ సౌకర్యాలను విస్తరించనున్నట్టు వెల్లడించింది. ఈ ఒప్పందంలో భాగంగా  చందాదారులకు సుమారు7.84 కోట్ల యూఏఎన్ నెంబర్ల జారీకోసం ఐటి శాఖ ఈపీఎఫ్వోకు సహాయం చేయనుందనీ, త్వరలోనే ఈ ప్రక్రియ  పూర్తికానుందని  వివరించింది   అలాగే ఇప్పటికే యూఏఎన్  కేటాయించిన,  కేవైసీ డిజిటల్ వెరిఫికేషన్ పూర్తి చేసిన  ఖాతాదారులు,  ఈ కొత్త  ఫారంను నింపాల్సిన అవసరం లేదని  స్పష్టం చేసింది.  
 కాగా  ఇపిఎఫ్ఓ వెబ్ సైట్ లో అందుబాటులో  ఉన్న డేటా ప్రకారం 2.93 కోట్ల  యూఏఎన్ నెంబర్లు యాక్టివేట్ అయ్యాయి దేశంలో ప‌నిచేసే ఉద్యోగులంద‌రికీ యూఏఎన్(యూనివ‌ర్సల్ అకౌంట్ నంబ‌రు లేదా సార్వత్రిక ఖాతా సంఖ్య‌) చాలా కీలకం. ఎందుకంటే ఉద్యోగం మారిన‌ప్పుడు పీఎఫ్ డ‌బ్బు బ‌దిలీకి  (ట్రాన్స్‌ఫ‌ర్‌) యూఏఎన్ ఉపయోగపడుతోంది.   అలాగే యూఏఎన్ నెంబరు తో ఆధార్ నెం. ను  అనుసంధానం చేయడం ద్వారా  మరింత  సరళతరం చేసిన సంగతి తెలిసిందే.
  


 భువనేశ్వర్ :దేశంలో ఉన్న లక్షలమంది బొగ్గు గని కార్మికులకు మేలుచేసే లక్ష్యంతో కోల్ ఇండియా లిమిటెడ్ ఓనిర్ణయం తీసుకుంది.  ముఖ్యంగా కాంట్రాక్ట్ , అసంఘటిత కార్మికుల పీఎఫ్ కష్టాలను  నెరవేర్చేందుగాను కార్మికుల  ఆధార కార్డు నంబరునే పీఎఫ్ నెంబర్  గా పరిగణించేందుకు నిర్ణయించింది.  ఒడిశాలోని పూరిలో జరిగిన కోల్ ఇండియా లిమిటెడ్ (సిఐఎల్)  అనుబంధ సంస్థల డైరెక్టర్లు (పర్సనల్), కోల్ మైన్స్ ప్రావిడెంట్ ఫండ్ ఆర్గనైజేషన్ (సీఎంపీఎఫ్వో)  కమిషనర్ బీకే పాండా,  సీఎంపీఎఫ్వో ప్రాంతీయ కార్యాలయాల అధికారులు  హాజరైన  సమావేశంలో  నిర్ణయం తీసుకున్నారు.
 తాజా నిర్ణయం ప్రకారం దేశవ్యాప్తంగా  బొగ్గు గనుల్లో పనిచేస్తున్న 5 లక్షల కార్మికుల ఆధార్ నెంబరును  ప్రావిడెంట్ ఫండ్  ఖాతాకు అనుసంధానం చేస్తారు. అనంతరం ఆ నంబరునే  బొగ్గు గనుల ప్రావిడెంట్ ఫండ్ నంబరుగా  పరిగణించనున్నారు. ఈ విషయంలో ఒక నిర్ణయం తీసుకున్నామని,  గుడ్ గవర్నెన్స్ దినంగా  పాటించే డిసెంబర్ 25, 2016  నుంచి అమల్లోకి  వస్తుందని మహానంది కోల్ ఫీల్డ్స్ లిమిటెడ్ డైరెక్టర్  (పర్సనల్)    ఎల్ ఎన్ మిశ్రా చెప్పారు. దీనివ్లల కాంట్రాక్ట్ కార్మికులకు, అసంఘటిత కార్మికులకు   లబ్ధి  చేకూరుతుందని తెలిపారు.  అలాగే బొగ్గుగని కార్మికుల డాటా బేస్ ను తయారుచేస్తున్నామని, ఒక పోర్టల్ కూడా రూపొందించనున్నామని తెలిపారు.  దీంతోపాటూ ఆన్ లైన్ లోనే పీఎఫ్ వివరాలు తెలుసుకోవడం,  ఎస్ఎమ్మెస్ తదితర సర్వీసులను అందుబాటులోకి తీసుకురానున్నట్టు ప్రకటించారు.
  


 రాజమహేంద్రవరం  సిటీ :
 ఉద్యోగ భవిష్యనిధి (పీఎఫ్‌)కి చెల్లించాల్సిన బకాయిలు సకాలంలో చెల్లించాలని రికవరీ అధికారి పి.డి.ఎల్‌.ఎన్‌.వి.ప్రసాద్‌ శనివారం ఒక ప్రకటనలో తెలిపారు. లేనిపక్షంలో స్పెషల్‌ డ్రైవ్‌ ద్వారా చర్యలు చేపట్టనున్నట్టు పేర్కొన్నారు. ఇప్పటి వరకూ బకాయిపడ్డ యజయానులంతా తక్షణమే రాజమహేంద్రవరం కమిషనర్‌ కార్యాలయంలో  చెల్లించాలన్నారు. చెల్లించని బకాయిదారులపై ప్రాసిక్యూషన్‌ ^è ర్యలు చేపడతామని హె చ్చరించారు.
  
  


 ఏలూరు (ఆర్‌ఆర్‌ పేట) : ప్రావిడెంట్‌ ఫండ్‌ రుణాల మంజూరులో జరుగుతున్న అవకతవకలపై విచారణ చేయాలని డిమాండ్‌ చేస్తూ ఈ నెల 22న జిల్లా పరిషత్‌ ఎదుట చేయాలని నిర్ణయించిన ధర్నా  23వ తేదీకి వాయిదా వేసినట్టు ఆంధ్రప్రదేశ్‌ ఐక్య ఉపాధ్యాయ ఫెడరేషన్‌ జిల్లా అధ్యక్ష, ప్రధాన కార్యదర్శులు పి.జయకర్, బి.గోపీమూర్తి ఒక ప్రకటనలో తెలిపారు. అవకతవకలపై విచారణ చేసి బాధ్యులపై చర్యలు తీసుకోవాలని డిమాండ్‌ చేస్తూ ఈ నెల 4న నోటీసులు ఇచ్చినప్పటికీ అధికారులు స్పందించకపోవడంతో ధర్నా చేయాలని నిర్ణయించామన్నారు. 22న ప్రజావాణి కార్యక్రమం ఉన్నందున రేపటికి మార్చినట్టు తెలిపారు. ఉపాధ్యాయులు ఈ మార్పును గమనించి ధర్నాలో పాల్గొనాలన్నారు


 
 ముగ్గురు బల్దియా ఎస్‌ఏల సస్పెన్షన్‌
 
  పీఎఫ్‌ చెల్లింపులో నిర్లక్ష్య ఫలితం 
 
 కరీంనగర్‌ కార్పొరేషన్‌: కరీంనగర్‌ నగరపాలక సంస్థలో కాంట్రాక్టు కార్మికుల పీఎఫ్‌ చెల్లింపులో నిర్లక్ష్య వ్యవహారంపై ముగ్గురు ఉద్యోగులపై వేటు పడింది. వెయ్యి మంది కార్మికులకు సంబంధించిన పీఎఫ్‌ చెల్లింపులో జరిగిన జాప్యంతో బల్దియాలకు పీఎఫ్‌ శాఖ రూ.3.82 కోట్లు జరిమానా వి«ధించిన విషయం తెలిసిందే. ఈ వ్యవహారానికి సంబంధించి విచారణ పూర్తయిన అనంతరం సీనియర్‌ అసిస్టెంట్లు కనకరాజు, తిరుపతి, ఖాదర్‌మోహినొద్దీన్‌ను సస్పెండ్‌ చేస్తూ సోమవారం ఉత్తర్వులు వెలువడ్డాయి. 2007 ఫిబ్రవరి నుంచి 2014 మే వరకు కార్మికులకు చెల్లించాల్సిన పీఎఫ్‌లో జరిగిన జాప్యంపై పీఎఫ్‌శాఖ బల్దియాకు భారీ జరిమానా విధించింది. దీంతో అధికారులు, పాలకవర్గం జరిమానా తప్పించుకునే ప్రయత్నం చేసినప్పటికీ వీలుకాలేదు. పీఫ్‌ అధికారులు బల్దియా అకౌంట్లు ఫ్రీజింగ్‌ చేసి మరీ జరిమానా వసూలు చేశారు. ఈ వ్యవహారాన్ని సీరియస్‌గా తీసుకున్న నగర మేయర్‌ రవీందర్‌సింగ్, కమిషనర్‌ కృష్ణభాస్కర్‌ కలెక్టర్‌కు ఫిర్యాదు చేయగా ఆమె విచారణకు ఆదేశించింది. 
  
 మరో ఇద్దరిపై చర్యలు
 విచారణాధికారిగా కొనసాగుతున్న జిల్లా కోఆపరేటివ్‌ అధికారి అంబయ్య నగరపాలక సంస్థకు చెందిన ఏడుగురు ఉద్యోగులను ఈ ఏడాది జూలై 11న కోఆపరేటివ్‌ కార్యాలయానికి పిలిపించుకొని విచారణ చేపట్టారు. సదరు ఉద్యోగులతో పీఎఫ్‌ చెల్లింపులో జరిగిన నిర్లక్ష్యంపై లిఖిత పూర్వకంగా వాంగ్మూలం తీసుకున్నారు. నిర్లక్ష్యంగా వ్యవహరించిన వారిని గుర్తించేందుకు చేపట్టిన విచారణలో ముగ్గురిని బాధ్యులుగా చేశారు. కలెక్టర్‌ ఆదేశాల మేరకు సోమవారం సీనియర్‌ అసిస్టెంట్లు కన కరాజు, తిరుపతి, ప్రస్తుతం ఆర్వో–1గా పనిచేస్తున్న ఖాదర్‌మోహినొద్దీన్‌లను సస్పెండ్‌చేస్తూ ఉత్తర్వులు జారీ చేశారు. కార్మికుల సొమ్మును వేతనాల్లోంచి మిన హాయించుకుని పీఎఫ్‌ కార్యాలయానికి చెల్లించకపోవడాన్ని తీవ్రంగా పరిగణిస్తున్న ఉన్నతాధికారులు మరో ఇద్దరు ఉద్యోగులపై కఠిన ఉండే అవకాశాలు ఉన్నాయని తెలుస్తోంది. బల్దియా ఉద్యోగులు నిర్లక్ష్యం కారణంగా వివిధ పన్నుల రూపంలో జమైనా ప్రజాధనం జరిమానా రూపంలో పీఫ్‌ ఖాతాకు పోవడం విశేషం.


 న్యూఢిల్లీ: దేశంలో దాదాపు పదివేల కంపెనీలు ఉద్యోగులు పీఎఫ్  సొమ్మును మింగేస్తున్నాయని నివేదికలు స్పష్టం చేస్తున్నాయి. ఉద్యోగుల జీతంనుంచి కట్ చేస్తున్న సొమ్మును జమ చేయకుండా మింగేస్తున్న కంపెనీల జాబితా  అంతకంతకూ పెరుగుతోంది. రాష్ట్ర, జాతీయ కంపెనీలు అన్న తేడా లేకుండా  కొన్ని ప్రధానమైన సంస్థలు  కూడా ఉద్యోగులు పీఎఫ్ డబ్బులను చెల్లించడంలో నిర్లక్ష్యంగా వ్యవహరిస్తున్నాయని తేలింది.   
 
 2014-15లో 10,091 కంపెనీలు  డిఫాల్టర్లుగా ఉంటే..  2015 డిశెంబర్ నాటికి ఈ సంఖ్య 10,932 కు పెరిగింది. దాదాపు 22వందలకు పైగా  కంపెనీలు 22వందల కోట్లకు పైగా  ఉద్యోగులకు చెల్లించాల్సిన  సొమ్మును ఈపీఎఫ్ఒ ఖాతాల్లో జమ  చేయడంలేదు.  దీనికి సంబంధించి తమకు వేలకొద్దీ ఫిర్యాదులు అందుతున్నాయని, ఈపీఎఫ్వో అధికారులు,  యజమాన్యాలు  కుమ్మక్కవుతున్నాయని ఆల్ ఇండియా ట్రేడ్ యూనియన్ కాంగ్రెస్ సెక్రటరీ, ఈపీఎఫ్ఓ ట్రస్టీ డీఎల్ సచ్దేవ్  విమర్శించారు.  ఇటీవల కేంద్ర ప్రావిడెంట్ ఫండ్ కమిషనర్, ఈపీఎఫ్వో సెంట్రల్ విజిలెన్స్ ఆఫీసర్ కు  ఒక వివరణాత్మక ప్రశ్నాపత్నాన్ని  పంపించినా  సమాధానం లేదని ఆరోపించారు.
 
 అయితే తమిళనాడులో 2644, మహారాష్ట్రలో 1692, కేరళ, లక్షద్వీప్ తో కలిపి 1118  సంస్థలు  ఉద్యోగుల  పీఎఫ్  డిఫాల్టర్స్  గా తేలాయని లెక్కలు చెబుతున్నాయి.   వీరిలో 192 కోట్ల రూపాయలను  ఎగ్గొట్టిన ఎయిర్  పోర్ట్స్ ఆథారిటీ ఇండియా టాప్ ప్లేస్ లో నిలిచింది. 2015-16 సం.రంలో పెండింగ్ లో ఉన్న ఈపీఎఫ్ ఫిర్యాదుల సంఖ్య గత సంవత్సరం కంటే 23 శాతం పెరిగింది. 228 పోలీసు కేసులు నమోదు అయ్యాయి.  2014-15లో  రూ 3,240 కోట్ల రుణాలు చెల్లించలేదనే ఆరోపణలతో నమోదైన 14,000  కేసులు విచారణలోఉన్నాయి.
 కాగా  ఒడిశా కు చెందిన సంజయ కుమార్ (27) తన తండ్రి ప్రావిడెంట్ ఫండ్ ఖాతా నుంచి రూ .40,000 లు డ్రా చేయాలనుకున్నారు. ఉద్యోగ విరమణ  అనంతరం 30 రోజుల తరువాత రావాల్సిన పీఎఫ్  సొమ్ము 1,825 రోజులు గడిచిపోయినా   చేతికందలేదు. ఇంతలో కుమార్ తండ్రి కృష్ణ చంద్ర (53) 2011 లో మరణించారు.  పిఎఫ్ డబ్బును  డ్రా చేయడంలో తనకు సహాయం చేయమనీ, ఈ విషయంలో తన తల్లి ఆందోళన చెందుతున్నారంటూ ఆన్ లైన్  ఫోరమ్ లో సంజయ ఫిర్యాదు చేశారు. దీంతో ఈ లెక్కలు  వెలుగులోకి వచ్చాయి.
  


 – ఈఎస్‌ఐ డబ్బులూ అంతే..
 – రూ.20లక్షల చెల్లింపుపై అయోమయం 
 – ఇదీ గద్వాల మున్సిపాలిటీ తంతు 
  గద్వాల : గద్వాల మున్సిపల్‌ కాంట్రాక్టు కార్మికుల భవిష్యనిధి(పీఎఫ్‌), కార్మిక రాజ్య బీమా(ఈఎస్‌ఐ) డబ్బుల జమపై అయోమయం నెలకొంది. ఏళ్లుగా జమకాకపోతున్నా సంబంధిత అధికారులు పట్టించుకోవడం లేదు. పీఎఫ్‌ కార్యాలయానికి చెల్లించిన డబ్బులు కార్మికుల ఖాతాల్లో జమ కాకపోకపోవడంపైన అనుమానాలు వ్యక్తమవుతున్నాయి. దీంతోపాటు మున్సిపాలిటీ ఏడాది కాలంగా పీఎఫ్, ఈఎస్‌ఐ చెల్లించడంలేదని కార్మికులు ఆందోళన వ్యక్తంచేస్తున్నారు. గద్వాల మున్సిపాలిటీ వివిధ విభాగాల్లో పనిచేసే కాంట్రాక్టు కార్మికులకు వేతనాలు, పీఎఫ్, ఈఎస్‌ఐ డబ్బులను విడుదల చేస్తారు. అయితే అధికారులు వేతనాలను మాత్రం చెల్లిస్తూ... కొన్ని నెలలకు సంబంధించిన  పీఎఫ్, ఈఎస్‌ఐ డబ్బులను మాత్రం సంబంధిత శాఖలకు జమ చేయడంలేదు. రెగ్యులర్‌గా కమిషనర్‌లు ఉండకపోవడం వలన ఎవరికి వారు తమ హయాంలోని వేతనాలు, పీఎఫ్, ఈఎస్‌ఐ చెల్లించడం జరుగుతూ వచ్చింది. బకాయిపడిన డబ్బుల గురించి మాత్రం ఎవరూ పట్టించుకోలేదు. దీంతో ఆయా శాఖల నుంచి ఎప్పటికప్పుడు మున్సిపాలిటీకి నోటీసులు అందుతున్నా పట్టించుకోవడం లేదు. మున్సిపల్‌ అధికారులు మాత్రం పొరపాటు తమ దగ్గర జరగలేదని పీఎఫ్‌ కార్యాలయంపైకి నెట్టుతున్నారు.
 ఇదీ పరిస్థితి... 
 గద్వాల మున్సిపాలిటీలో వివిధ విభాగాలలో మొత్తం 205 కార్మికులు కాంట్రాక్టు పద్ధతిన పనిచేస్తున్నారు. వీరికి ప్రతినెలా వేతనం కింద రూ.15లక్షలు చెల్లిస్తున్నారు. పీఎఫ్‌ కింద రూ.1.50లక్షలు, ఈఎస్‌ఐ కింద రూ.82వేలు మున్సిపాలిటీ చెల్లిస్తుంది. ఆయా మొత్తాలను ప్రతి నెలా కార్మికుల ఖాతాల్లో జమచేసి సంబంధిత ధ్రువపత్రాలను చూపిస్తేనే మరుసటి నెల డబ్బులను విడుదల చేయాల్సి ఉంటుంది. అయితే కొంతమంది అధికారులు తమ హయాంలో చూపిన నిర్లక్ష్యం కారణంగా పీఎఫ్, ఈఎస్‌ఐ డబ్బులు జమకాలేదు. దీనిపై ఎవరూ పట్టించుకోలేదు. దీంతో కొంతకాలానికి తమ పీఎఫ్, ఈఎస్‌ఐ డబ్బులు గల్లంతయ్యాయని కార్మికులు ఆరోపిస్తున్నారు. 
 జమకాని డబ్బులు... 
 గద్వాల మున్సిపాలిటీలో 2011నుంచి కార్మికులకు పీఎఫ్, ఈఎస్‌ఐని వర్తింపజేస్తున్నారు. 2014 జూలై నుంచి 2015 ఏప్రిల్‌ వరకు రూ.11లక్షల ఈఎస్‌ఐ డబ్బులను కార్మికుల ఖాతాల్లో జమ చేయకుండా కమిషనర్‌ ఖాతాలో జమ చేశారు. 2015 మే నుంచి 2016 మార్చి వరకు ఈఎస్‌ఐ డబ్బులు కార్మికుల వేతనాల నుంచి తీసుకున్నారు. అయితే అవి ఎక్కడ జమ చేశారన్నది ప్రశ్నార్థకంగా మారింది. 2015 మార్చి నుంచి 2015 నవంబర్‌ వరకు ఉన్న రూ.26లక్షల పీఎఫ్‌ డబ్బులను కమిషనర్‌ ఖాతాలో జమచేశారు. 2015 డిసెంబర్‌ నుంచి 2016 మార్చి వరకు పీఎఫ్‌ కింద కార్మికుల వేతనాల నుంచి తీసుకున్నారు. అయితే అవి ఎక్కడ జమ అయ్యాయన్నది అధికారులు తెలియజేయాల్సి ఉంది. 2012 ఏప్రిల్‌ నుంచి 2012 సెప్టెంబర్‌ వరకు కార్మికులకు సంబంధించిన పీఎఫ్, ఈఎస్‌ఐలకు సంబంధించిన రూ.20.43లక్షల డబ్బుల జమపై అనుమానాలు వ్యక్తమవుతున్నాయి. ఆ సమయంలో ఉన్న అధికారులు కార్మికుల ఖాతాల్లో జమ చేయలేదు. దీంతో సంబంధితశాఖల నుంచి మున్సిపాలిటీకి నోటీసులు రావడంతో 2015లో అప్పటి కమిషనర్‌ స్పందించి డబ్బులు జమ చేశారు. కానీ పీఎఫ్‌ అధికారులు నిర్లక్ష్యం వల్ల పీఎఫ్, ఈఎస్‌ఐ డబ్బులు కార్మికుల ఖాతాల్లో జమ కాలేదు. రూ.20.43లక్షల జమపై ఇప్పటికీ అధికారులు స్పష్టమైన సమాధానం చెప్పలేకపోతున్నారు. తాము మాత్రం పీఎఫ్‌ కార్యాలయానికి డి.డి రూపంలో డబ్బులు జమ చేశామని, పీఎఫ్‌ అధికారుల జాప్యం కారణంగానే కార్మికుల వ్యక్తిగత ఖాతాల్లో డబ్బులు జమ కాలేదని మున్సిపల్‌ అధికారులు పేర్కొంటున్నారు. ఆ డబ్బులు ఏమయ్యాయనే దానిపై విచారణ చేపట్టాల్సి ఉంది. 
  
 కార్మికులు నష్టపోతున్నారు...
 – వెంకటస్వామి, సీఐటీయూ జిల్లా కార్యదర్శి 
 పీఎఫ్, ఈఎస్‌ఐ డబ్బులు కార్మికుల ఖాతాల్లో జమ చేయకపోవడం వల్ల కార్మికులు పొందాల్సిన బెనిఫిట్స్‌ పొందడం లేదు. ఇప్పటికే చనిపోయిన ముగ్గురు కార్మికులకు ఎలాంటి పరిహారం అందలేదు. అధికారుల నిర్లక్ష్యం వల్ల కార్మికులు నష్టపోతున్నారు. ఈఎస్‌ఐ అమలవుతున్నా డబ్బులు జమ కాకపోవడం వల్ల కార్మికులు వైద్య సౌకర్యాలకు నోచుకోవడం లేదు. బాధ్యులైన అధికారులపై చర్యలు తీసుకొని వెంటనే కార్మికుల ఖాతాల్లో డబ్బులను జమ చేయాలి. 
  
 డబ్బులు జమ చేసే విధంగా చర్యలు తీసుకుంటాం 
 – గోపయ్య, ఇన్‌చార్జి కమిషనర్‌ 
  కార్మికుల ఖాతాల్లో పీఎఫ్, ఈఎస్‌ఐ డబ్బులు జమ చేసే విధంగా చర్యలు తీసుకుంటాం. 2012లో కార్మికులకు సంబంధించిన డబ్బులను డీడీ రూపంలో పీఎఫ్‌ కార్యాలయానికి జమ చేశాము. అక్కడ కొంత జాప్యం జరిగింది. వాటి వివరాలను తెలుసుకొని పరిష్కరిస్తాం. డబ్బులు జమ కాకపోవడానికి ఆన్‌లైన్‌ ఖాతాల్లో సమస్యలు ఉన్నాయి.  


 కడప అర్బన్‌:
 లబ్ధిదారుల ఖాతాల్లో నుంచి డబ్బులు కాజేసిన కేసులో కడపలోని రీజనల్‌ భవిష్య నిధి (పీఎఫ్‌) కార్యాలయంలో పనిచేసి ఉద్యోగ విరమణ పొందిన ముగ్గురు ఉద్యోగులను శనివారం స్థానిక బస్టాండ్‌లో అరెస్ట్‌ చేశారు. వీరి  నుంచి రూ. 9 లక్షల నగదును, రెండు ఏటీఎం కార్డులను స్వాధీనం చేసుకున్నారు. ఈ విషయయంపై కడప ఒన్‌టౌన్‌ సీఐ కె.రమేష్‌ మాట్లాడుతూ పీఎఫ్‌ కార్యాలయంలో సీనియర్‌ అసిస్టెంట్‌ కేటగిరి ఉద్యోగిగా పనిచేసి పదవీ విరమణ పొందిన కె. సత్యనారాయణరావు పీఎఫ్‌ ఖాతాల్లోని డబ్బులను ప్రతినెలా కొంత మొత్తాన్ని తన బంధువుల ఖాతాల్లోకి జమజేస్తుండేవార న్నారు. ఈ వ్యవహారంలో ఉద్యోగ విరమణ పొందిన ఎం.రాజశేఖర్‌రెడ్డి, ఎరికలయ్యలు ఉన్నారని తమ దర్యాప్తులో ప్రాథమికంగా తేలిందన్నారు.
 గతేడాదిలో తాడిపత్రికి చెందిన గౌసియాకు చెందిన ఖాతాలో రూ.29వేలు మంజూరయ్యాయన్నారు. డబ్బుల కోసం వెళితే బ్యాంక్‌ ఖాతాలో డబ్బులే లేవనడంతో ఆమె కంగుతింది. పీఎఫ్‌ అధికారులకు ఫిర్యాదుచేశారు. దీనిపై విచారించగా బాధితురాలి ఖాతాలోకి కాకుండా నిందితుని బంధువు ఖాతాలోకి జమైనట్లు గుర్తించారు. ఆ విషయాన్ని తెలుసుకున్న ఆ కార్యాలయం సహాయ కమిషనర్‌ అజయ్‌ మనవళన్‌ ఇచ్చిన ఫిర్యాదు మేరకు కేసు నమోదు చేశామన్నారు. దర్యాప్తులో వివిధ పీఎఫ్‌ ఖాతాల నుంచి రూ.42 లక్షలు నిందితులు కాజేశారనీ తేలిందన్నారు. కేసును మరింత దర్యాప్తు చేపడతామన్నారు. నిందితులతో పాటు ప్రస్తుతం విశాఖపట్నం పీఎఫ్‌ కార్యాలయంలో సీనియర్‌ అసిస్టెంట్‌గా పనిచేస్తున్న వై రాజశేఖర్‌రెడ్డి పాత్ర కూడా ప్రధానంగా ఉందన్నారు. ఈయన ఇక్కడ పనిచేస్తున్న సమయంలోనే ఈ వ్యవహారం ప్రాథమికంగా తెలియడంతో ఆ శాఖ అధికారులు బదిలీ చేశారన్నారు. అతని కోసం కూడా గాలింపు చర్యలు చేపడుతున్నామన్నారు. నిందితులను మెజిస్ట్రేట్‌ ముందు హాజరుపరచగా రిమాండ్‌కు విధించారన్నారు. 


 కడప అర్బన్‌ :
 కడప పీఎఫ్‌ (భవిష్య నిధి) కార్యాలయం ఉద్యోగి దానంను సోమవారం లంచం తీసుకుంటుండగా గుంటూరు నుంచి వచ్చిన సీబీఐ అధికారుల బృందం రెడ్‌హ్యాండెడ్‌గా పట్టుకున్నారు. విశ్వసనీయ వర్గాల సమాచారం మేరకు.. పీఎఫ్‌కు సంబంధించి రుణాలను మంజూరు చేసేందుకు శ్రీపొట్టిశ్రీరాములు నెల్లూరు జిల్లా కావలి మున్సిపల్‌ కార్యాలయంలో పనిచేస్తున్న కార్మికులను కడపలోని రీజనల్‌ పీఎఫ్‌ కార్యాలయంలో లోయర్‌ డివిజన్‌ క్లర్క్‌గా పనిచేస్తున్న ఎస్‌. దానం కొంత మొత్తాన్ని లంచంగా ఇవ్వాలని డిమాండ్‌ చేశారు. వారు సోమవారం సాయంత్రం కార్యాలయం సమీపంలోని ఎల్‌ఐసీ క్వార్టర్స్‌ వెనుక వైపునకు దానంను రమ్మన్నారు. అక్కడకు వచ్చిన దానంకు రూ. 9 వేలు లంచంగా ఇస్తుండగా సీబీఐ అధికారులు రెడ్‌హ్యాండెడ్‌గా పట్టుకున్నారు. ఆ డబ్బుతో పాటు మూడు క్వార్టర్‌ల
 మద్యం బాటిళ్లను స్వాధీనం చేసుకున్నారు. తర్వాత అతన్ని అదుపులోకి తీసుకుని పెద్దమనుషుల సమక్షంలో పంచనామా రాసుకుని మంగళవారం ఉదయం తమ వెంట గుంటూరుకు తీసుకుని వెళ్లారు. ఈ సంఘటన కడపలో మంగళవారం గుప్పుమంది. పీఎఫ్‌ కార్యాలయంలో కలకలం రేపింది. పీఎఫ్‌ ప్రాంతీయ కమిషనర్‌ బాలకృష్ణజీ తమ కార్యాలయం అధికారులు, సిబ్బందితో ప్రత్యేకంగా సమీక్ష
 నిర్వహించారు. అన్నివిభాగాల్లోని అధికారులను వ్యక్తిగతంగా పిలిచి విధుల పట్ల నిక్కచ్చిగా వ్యవహరించాలనీ, అవినీతికి పాల్పడితే వారే బాధ్యులవుతారనీ ఆయన హెచ్చరించారు. సంఘటనపై ఆర్‌సీ వివరణ కడపలోని పీఎఫ్‌ ప్రాంతీయ ఉప కమిషనర్‌ కార్యాలయంలో ఉద్యోగి ఎస్‌.దానంను సీబీఐ అధికారులు పట్టుకున్న మాట వాస్తవమేనని, తమకు ఎలాంటి ప్రొసీడింగ్స్‌ ఇవ్వలేదని రీజనల్‌ కమిషనర్‌ బాలకృష్ణజీ మీడియాకు ఫోన్‌లో సమాచారం తెలిపారు.


 న్యూఢిల్లీ: భవిష్య నిధి(పీఎఫ్) నుంచి ఉపసంహరణ సమయంలో సార్వత్రిక ఖాతా సంఖ్య (యూఏఎన్) వివరాలు అందించాలన్న నిబంధనను ఉద్యోగ భవిష్య నిధి సంస్థ సరళతరం చేసింది. ఈ మినహాయింపు 2014, జనవరి 1కి ముందు విరమణ పొందిన ఉద్యోగులకే వర్తిస్తుంది.
 
 యూఏఎన్ లేనివారు పీఎఫ్‌ నగదు తీసుకోవడానికి ఇబ్బందులు పడుతున్న నేపథ్యంలో ఈ నిర్ణయం తీసుకున్నట్టు అధికారి ఒకరు వెల్లడించారు. నగదు సెటిల్‌మెంట్ సమయంలో యూఏఎన్‌ను సమర్పించడాన్ని ఈపీఎఫ్‌ఓ గత డిసెంబర్‌లో తప్పనిసరి చేసిన సంగతి తెలిసిందే.


 శ్రీకాకుళం: జిల్లా పరిషత్‌ ప్రావిడెంట్‌ ఫండ్‌ అకౌంట్ల ఆన్‌లైన్‌ ప్రక్రియను సత్వరం పూర్తి చేయాలని యూటీఎఫ్‌ ప్రతినిధులు కోరారు. ఈ మేరకు సోమవారం జిల్లా పరిషత్‌ చైర్‌పర్సన్‌ చౌదరి ధనలక్ష్మికి వినతిపత్రం అందజేశారు.
 
 పీఎఫ్‌ చెల్లింపుల్లో జాప్యం నివారించాలని, నిర్లక్ష్యంగా వ్యవహరిస్తూ పీఎఫ్‌ ఆన్‌లైన్‌ ప్రక్రియలో జాప్యం చేస్తున్న అధికారులపై క్రమశిక్షణ చర్యలు తీసుకోవాలని కోరారు. దీనికి చైర్‌పర్సన్‌ సానుకూలంగా స్పందించారు. వినతిపత్రం ఇచ్చిన వారిలో యూటీఎఫ్‌ రాష్ట్ర కార్యదర్శి చౌదరి రవీంద్ర, జిల్లా సహాధ్యక్షుడు బమ్మిడి శ్రీరామమూర్తి, జిల్లా కార్యదర్శి కేవీ శ్రీరామమూర్తి, జిల్లా నాయకుడు హనుమంతు అన్నాజీరావు ఉన్నారు.


 పీఎఫ్ ఖాతాదారులకు శుభవార్త. జూన్ ఒకటో తేదీ నుంచి మీ పీఎఫ్‌లోంచి రూ. 50 వేల వరకు డ్రా చేసుకున్నా, దానిమీద ఎలాంటి పన్ను కోత వేయరు. ప్రస్తుతం ఈ పరిమితి రూ. 30వేల వరకు మాత్రమే ఉండగా దాన్ని రూ. 50 వేలకు పెంచుతూ ప్రభుత్వం నోటిఫై చేసింది. ఉద్యోగులు ముందుగానే పీఎఫ్‌లో సొమ్ము విత్‌డ్రా చేయకుండా ఉండేందుకు, రిటైర్మెంట్ సమయంలో ఎక్కువ మొత్తం చేతికి వచ్చేలా ఉండేందుకు పీఎఫ్‌ విత్‌డ్రాలపై పన్ను విధించాలని ప్రభుత్వం ప్రతిపాదించింది.
 
 అయితే, సభ్యులు 15జి లేదా 15హెచ్‌ ఫారం సమర్పిస్తే ఈ పన్ను ఉండదు. ఈ మొత్తం అందుకున్న తర్వాత కూడా తమ వార్షికాదాయం ఆదాయపన్ను పరిమితి లోపలే ఉంటుందని ఈ ఫారాల ద్వారా డిక్లరేషన్ ఇవ్వాల్సి ఉంటుంది. వీటిలో 15జి 60 ఏళ్ల లోపువారికి, 15హెచ్ 60 ఏళ్లు దాటినవారికి వర్తిస్తాయి. పీఎఫ్‌లో ఉన్న మొత్తాన్ని ఒక ఖాతా నుంచి మరో ఖాతాకు బదిలీ చేస్తే పన్ను విధించరు. అలాగే, ఉద్యోగులు ఐదేళ్ల తర్వాత పీఎఫ్ విత్‌డ్రా చేసినా పన్ను విధించకూడదని చట్టం చెబుతోంది.


 న్యూఢిల్లీ:  ప్రావిడెంట్ ఫండ్ (పీఎఫ్) విత్‌డ్రాయెల్స్‌కు సంబంధించి చందాదారులకు ఊరటనిచ్చే నిర్ణయాన్ని కేంద్రం తీసుకుంది. ఇకపై రూ. 50 వేల వరకూ పీఎఫ్ విత్‌డ్రాయెల్స్ విషయంలో  సోర్స్ వద్ద పన్ను (టీడీఎస్) ఉండదు. జూన్ 1వ తేదీ నుంచీ ఈ నిర్ణయం అమల్లోకి వస్తుంది. ఈ మేరకు కేంద్రం ఒక నోటిఫికేషన్ జారీ చేసింది. ఇప్పటి వరకూ రూ. 30,000 వరకూ విత్‌డ్రాయెల్స్ వరకూ మాత్రమే టీడీఎస్ మినహాయింపు ఉండేది. పరిమితిని పెంచడానికి 1961 ఆదాయపు పన్ను చట్టం సెక్షన్ 192ఏను 2016 ఫైనాన్షియల్ యాక్ట్ సవరించినట్లు సీనియర్ అధికారి ఒకరు తెలిపారు.
 ముందస్తు విత్‌డ్రాయెల్స్ నివారణ, పొదుపులు దీర్ఘకాలం కొనసాగేలా చూడ్డం వంటి లక్ష్యాలను నిర్దేశించి పీఎఫ్ విత్‌డ్రాయెల్స్‌పై టీడీఎస్ వసూలు చేస్తున్నారు. ప్రస్తుత నిబంధనల ప్రకారం, పాన్‌ను సమర్పిస్తే... 10% మాత్రమే టీడీఎస్ అమలవుతోంది. వచ్చిన డబ్బే తమ ఆదాయం, ఆధారం అని ధ్రువీకరించే ఫామ్ 15జీ (60 సంవత్సరాల లోపు) ఫామ్15 హెచ్ (60 ఏళ్లు పైబడినవారు) సమర్పిస్తే... అసలు టీడీఎస్ కోత ఉండదు. ఒక అకౌంట్ నుంచి మరో అకౌంట్‌కు పీఎఫ్ మొత్తం మారినా... లేక ఐదేళ్ల కాలం తర్వాత పీఎఫ్ విత్‌డ్రాయెల్స్ జరిగినా పన్ను భారం ఉండదు.


 ఇక ఎల్‌ఐసీ మ్యూచువల్ ఫండ్
 ఎల్‌ఐసీ నొమూరా మ్యూచువల్ ఫండ్ సంస్థ పేరు మారింది. ఇక నుంచి దీన్ని ఎల్‌ఐఈసీ మ్యూచువల్ ఫండ్‌గా పిలుస్తారు. భాగస్వామ్య కంపెనీ నొమూరా స్థానంలో కార్పొరేషన్ బ్యాంక్, జీఐసీ హౌసింగ్ ఫైనాన్స్ సంస్థలు వాటాదారులుగా చేరినట్లు కంపెనీ ఒక ప్రకటనలో పేర్కొంది. ఈ సందర్భంగా ఎల్‌ఐసీ మ్యూచువల్ ఫండ్ కొత్త లోగోను ఆవిష్కరించారు.
  
 మేక్‌మై ట్రిప్‌తో బుక్‌మై ఫారెక్స్ జట్టు
 ఆన్‌లైన్ ట్రావెల్ కంపెనీ మేక్ మై ట్రిప్‌తో విదేశీ మారకద్రవ్య సంస్థ బుక్ మై ఫారెక్స్ చేతులు కలిపింది. ఈ ఒప్పందం ద్వారా మేక్ మై ట్రిప్ ఆన్‌లైన్ ద్వారా బుక్ మై ఫారెక్స్ సేవలను పొందవచ్చు. దీనివల్ల 200 దేశాలకు మేక్ మై ట్రిప్ ఖాతాదారులు సులభంగా నగదును పంపించుకునే వెసులుబాటు లభించనుంది.


 హైదరాబాద్: ప్రావిడెంట్ ఫండ్‌పై వడ్డీరేటును తగ్గించటాన్ని నిరసిస్తూ వివిధ కార్మిక సంఘాలు ఆందోళనకు దిగాయి. బర్కత్‌పురాలోని ప్రాంతీయ ప్రావిడెంట్ ఫండ్ కార్యాలయం ఎదుట సీఐటీయూ, ఐన్‌టీయూసీ, ఏఐటీయూసీ, టీఎన్‌టీయూసీ, హెచ్‌ఎంఎస్, ఐఎఫ్‌టీయూ తదితర సంఘాల ఆధ్వర్యంలో శుక్రవారం ధర్నా చేశారు. ఈ సందర్భంగా నాయకులు మాట్లాడుతూ..కేంద్ర ప్రభుత్వ వైఖరిని దుయ్యబట్టారు. సెంట్రల్ బోర్డు ఆఫ్ ట్రస్టీస్(సీబీటీ) సిఫారసును పరిగణనలోకి తీసుకోకుండా ఏకపక్షంగా వ్యవహరించటాన్ని తప్పుపట్టారు.
  


 న్యూఢిల్లీ: ఉద్యోగుల భవిష్యనిధి సంస్థ (ఈపీఎఫ్ వో) వ్యవహారంలో  రోజుకో వివాదం రగులుతోంటే..తాజాగా మరో సరికొత్త విధానం అమలుకు  సంస్థ రంగం చేసింది.   పీఎప్  ముందస్తు ఉపసంహరణల నిరోధకం కోసం అంటూ  చేపట్టిన  'ఒక ఉద్యోగికి ఒక భవిష్యనిధి ఖాతా పథకాన్ని'  ఈ మే ఒకటి నుంచి అమల్లోకి  తీసుకు రానుంది.  దీనిద్వారా ఉద్యోగుల  దీర్ఘకాలిక ప్రయోజనాలను కాపాడాలని సంస్థ భావిస్తోంది. దీంతో ఉద్యోగులు.. ఉద్యోగం మారిన ప్రతిసారి పీఎఫ్‌ ఖాతా తెరవాల్సిన అవసరముండదని, పీఎఫ్‌ సొమ్ము విత్‌ డ్రాయల్‌ తెరపైకి రాదని సంస్థ ఉన్నతాధికారులు భావిస్తున్నారు.
 
 సుదీర్ఘంగా పీఎఫ్‌ అకౌంట్‌ నిర్వహిస్తే వచ్చే లాభాలను కల్పించడానికే ఈ నిర్ణయ తీసుకున్నట్టు ఉద్యోగుల భవిష్యనిధి సంస్థ  చెబుతోంది.   ఏప్రిల్ 21 న జరిగిన ఈపీఎఫ్ వో  అంతర్గత సమావేశంలో  మాట్లాడిన  కమిషనర్  వీపీ జోయ్ ఈ విషయాన్నిఈ విషయాన్ని  ధృవీకరించారు. మే 1  వతేదీన ఈ పథకాన్ని ప్రారంభించనున్నట్టు వెల్లడించారు.  ఈపీఎఫ్ సేవలు మెరుగ్గా ఉంటే ..ఎక్కువ మంది స్వచ్ఛందంగా ఈపీఎఫ్ లో చేరడానికి ఉత్సాహం  చూపుతారన్నారు.  పీఎఫ్ ఖాతాల నిర్వహణలో సక్రమంగా వ్యవహరించని యజమాన్యాలపై కఠిన చర్యలు తప్పవన్నారు. అటు ప్రావిడెంట్‌ ఖాతాల నిర్వహణలోకి రాష్ట్ర ప్రభుత్వాలను కూడా భాగస్వామ్యం చేసే దిశగా ఈపీఎఫ్ సంస్థ ఆలోచిస్తోంది. మున్సిపాలిటీల్లోని ఉద్యోగులందరికీ పీఎఫ్‌ ఖాతాలు ఉండాలనే అభిప్రాయంతో ఆమేరకు చర్యలకు  ఉపక్రమించింది.
 
 
 పీఎఫ్ ఖాతా నిర్వహణ, పింఛన్‌ వంటవి వాటిని ఉద్యోగులకు అనుకూలంగా, మారిస్తే ఫీఎఫ్‌ ఖాతాలను సుదీర్ఘ కాలంగా కొనసాగిస్తారని ఈఫీఎఫ్‌ సంస్థ భావిస్తోంది.  ఈనేపథ్యంలోనే  58 సంవత్సరాలలోపు పీఎఫ్‌ విత్‌డ్రాయల్స్‌పై నిషేధం విధించాలని  ఆలోచన చేసింది. అయితే దేశ వ్యాప్తంగా దీనిపై ఉద్యోగ, కార్మిక వర్గాల నుంచి తీవ్ర స్థాయిలో నిరసనలు వ్యక్తమయ్యాయి. దీంతో పునరాలోచనలో పడ్డ ఈఫీఎఫ్‌ సంస్థ ప్రత్యామ్నాయ పరిష్కారాలను ఆలోచిస్తున్నట్లు తెలుస్తోంది. అందులో భాగంగానే ఒక ఉద్యోగికి ఒకే పీఎఫ్‌ ఖాతా అన్న విధానాన్ని అమలు చేయాలనే నిర్ణయానికి వచ్చినట్లు తెలుస్తోంది. అయితే పీఎఫ్  డిపాజిట్లపై వడ్డీ రేట్లను తగ్గించడంతో గుర్రుగా ఉన్న ఉద్యోగులు దీనిపై ఎలా స్పందించనున్నారో చూడాలి.
  


  ఆందోళనలతో దిగొచ్చిన కేంద్ర ప్రభుత్వం
  పీఎఫ్ ఉపసంహరణపై కొత్త నిబంధనలు రద్దు
  బెంగళూరులో వస్త్ర కార్మికుల ఆందోళన హింసాత్మకం
  హెబ్బగోడి పోలీస్‌స్టేషన్‌కు, మూడు ఆర్టీసీ బస్సులకు నిప్పు
  70 బస్సులు, పెద్ద సంఖ్యలో ఇతర వాహనాలు ధ్వంసం
  పోలీసులపైనా దాడి చేసిన ఆందోళనకారులు
  లాఠీచార్జి, బాష్పవాయువు ప్రయోగం
  చివరికి కాల్పులు జరిపిన పోలీసులు.. ఇద్దరికి గాయాలు
  పలు ఘటనల్లో 25 మంది పోలీసులు, 
  100 మందికిపైగా ఆందోళనకారులకు గాయాలు
  
  న్యూఢిల్లీ/బెంగళూరు/సాక్షి, హైదరాబాద్
  పీఎఫ్ ఉపసంహరణను కఠినతరం చేస్తూ తీసుకువచ్చిన కొత్త నిబంధనలపై కేంద్ర ప్రభుత్వం వెనక్కి తగ్గింది. ఈ నిబంధనలను వ్యతిరేకిస్తూ బెంగళూరులో కార్మికులు చేపట్టిన ఆందోళన హింసాత్మకంగా మారడంతో ఆ నిబంధనలను రద్దు చేసింది. పీఎఫ్ ఉపసంహరణపై కొత్త నిబంధనలకు సంబంధించిన (ఫిబ్రవరి 10 నాటి) నోటిఫికేషన్‌ను రద్దు చేస్తున్నట్లు కేంద్ర కార్మిక మంత్రి బండారు దత్తాత్రేయ హైదరాబాద్‌లో ప్రకటించారు. కార్మిక సంఘాల విజ్ఞప్తి మేరకు ఈ నిర్ణయం తీసుకున్నామని.. ఇక ముందు పాత నిబంధనలే అమల్లో ఉంటాయని చెప్పారు. భవిష్యనిధి విషయంలో యాజమాన్య కోటాలోని 3.67 శాతంపై విధించిన ఆంక్షలను ఎత్తివేస్తున్నట్లు ప్రకటించారు. అయితే ఈ అంశంలో పలు నాటకీయ పరిణామాలు చోటుచేసుకున్నాయి.
  
  తొలుత కొత్త నిబంధనల అమలును జూలై 31వ తేదీ వరకు వాయిదా వేస్తున్నామని.. అప్పటిదాకా ప్రస్తుత నిబంధనలే కొనసాగుతాయని దత్తాత్రేయ ప్రకటించారు. దీనిపై భాగస్వాములు, కార్మిక సంఘాలతో చర్చిస్తామని.. ఆగస్టు 1 నుంచి అమల్లోకి వచ్చేలా సవరణ నోటిఫికేషన్ విడుదల చేస్తామని చెప్పారు. కానీ సాయంత్రం దత్తాత్రేయ మరోసారి విలేకరుల సమావేశం నిర్వహించారు. వివాదాస్పద నిబంధనలను పూర్తిగా రద్దు చేస్తున్నట్లు ప్రకటించారు. కార్మికులకు అండగా ఉంటామని, ఎలాంటి అన్యాయం జరగనీయబోమని చెప్పారు. కార్మికుల సంక్షేమం కోసం తాము ఎంతో కృషి చేస్తున్నామన్నారు.
  
  ఈపీఎఫ్‌వో చందాదారులు తమ పీఎఫ్ సొమ్ములో కొంత భాగాన్ని 58 ఏళ్ల వయసు వచ్చే వరకూ ఉపసంహరించుకోకుండా ఉండేలా కేంద్ర ప్రభుత్వం కొత్త నిబంధనలను రూపొందించిన విషయం తెలిసిందే. తద్వారా యాజమాన్యం వాటా నుంచి పీఎఫ్‌కు జమయ్యే 3.67 శాతం నిధులను ఉపసంహరించడానికి వీలు లేకుండా చేసింది. దీనిని ఫిబ్రవరి 10వ తేదీ నుంచే అమలు చేస్తున్నట్లుగా నోటిఫికేషన్ కూడా విడుదల చేసింది. కానీ దేశవ్యాప్తంగా తీవ్రస్థాయిలో నిరసనలు వెల్లువెత్తడంతో.. అమలు తేదీని ఏప్రిల్ 30కి మార్చింది. తాజాగా పూర్తిగా వెనక్కి తీసుకుంది. ఉపసంహరించుకునే పీఎఫ్ నిధుల్లో కొంత మొత్తంపై బడ్జెట్‌లో పన్ను ప్రతిపాదన చేయడం, దానిపై నిరసన రావడంతో కేంద్రం వెనక్కి తగ్గిన విషయం తెలిసిందే.
  
  ఆందోళన హింసాత్మకం
  పీఎఫ్ ఉపసంహరణను కఠినతరం చేసే నిబంధనలను నిరసిస్తూ దేశవ్యాప్తంగా కార్మిక సంఘాలు తీవ్రంగా నిరసనలు వ్యక్తం చేశాయి. బెంగళూరులోని వస్త్ర పరిశ్రమ కార్మికులు సోమవారం భారీ ఎత్తున ఆందోళన చేపట్టారు. ఈ ఆందోళన రెండో రోజు మంగళవారం హింసాత్మకంగా మారింది. వాహనాల దహనం, రాళ్లు రువ్వడంద్వారా ఆందోళనకారులు విజృంభించగా.. పోలీసులు లాఠీచార్జి చేసి టియర్‌గ్యాస్‌ను ప్రయోగించారు. ఈ ఘటనల్లో 25 మంది పోలీసులతో పాటు 100 మందికిపైగా కార్మికులు గాయపడ్డారు. ప్రభుత్వ తీరుకు నిరసనగా తుమకూరు రోడ్డు, హెబ్బగోడి, పిణ్యా తదితర ప్రాంతాలతో పాటు బెంగళూరు నలుగుదిక్కులా ఉన్న వస్త్ర పరిశ్రమ కార్మికులు మంగళవారం విధులు బహిష్కరించి రోడ్డుపైకి వచ్చి ఆందోళనలు చేపట్టారు. ఈ క్రమంలో ఆందోళనకారులు హెబ్బగోడి పోలీస్‌స్టేషన్‌పై రాళ్లతో దాడి చేశారు. అక్కడి పలు వాహనాలకు నిప్పు పెట్టారు. 
  
  మరికొంత మంది స్టేషన్‌లోకి చొచ్చుకుపోయి పోలీసులపై భౌతికదాడికి పాల్పడడంతో ఏసీపీ ఓబులేసు, ఎస్సై గిరీశ్‌తో పాటు తొమ్మిది మంది పోలీసులు గాయపడ్డారు. బాష్పవాయువు ప్రయోగించినా పరిస్థితి అదుపులోకి రాకపోవడంతో పోలీసులు కాల్పులు జరిపారు. ఈ కాల్పుల్లో ఆ రోడ్డుపై వెళుతున్న ప్రీతి అనే డిగ్రీ విద్యార్థి, ఓ కొరియర్ కార్యాలయంలో పనిచేస్తున్న మంజునాథ్ గాయపడ్డారు. ఇక నగరవ్యాప్తంగా ఆందోళనకారులు చెలరేగిపోయారు. మూడు ఆర్టీసీ బస్సులను దహనం చేశారు. మరో 70 బస్సులు, 10 పోలీసు వాహనాల అద్దాలు ధ్వంసం చేశారు. వస్త్ర కార్మికులతోపాటు ఇతర కార్మికులూ ఆందోళనలోకి చేరారని.. బెంగళూరులోని మరికొన్ని ప్రాంతాల్లోనూ బస్సులు, వాహనాలపై రాళ్లు రువ్వినట్లు పోలీస్ కమిషనర్ ఎన్‌ఎస్ మేఘారిక్ తెలిపారు. గాయపడినవారిని ఆస్పత్రుల్లో చేర్చామని చెప్పారు.  
  
 ఈపీఎఫ్ నిబంధనలు-సవరణలు
  
  1. ఈపీఎఫ్ సభ్యులు 60 రోజులు ఉద్యోగం లేకుండా ఉంటే తమ మొత్తం పీఎఫ్ బ్యాలెన్స్‌ను ఉపసంహరించుకోవచ్చు.
  సవరణ: రిటైర్మెంట్ వయసు వచ్చేదాకా మొత్తం సొమ్మును విత్‌డ్రా చేసుకోవటం కుదరదు. ఒకవేళ ఉద్యోగం పోయిన పక్షంలో ఉద్యోగి తన వాటాగా చెల్లించిన మొత్తాన్ని, వడ్డీని మాత్రమే వెనక్కి పొందగలడు. యాజమాన్యం వాటాగా చెల్లించిన మొత్తాన్ని రిటైర్మెంట్ వయసు వచ్చాకే తీసుకునే వీలుంటుంది.
  
  2. ఉద్యోగానికి రాజీనామా చేసి పీఎఫ్ సొమ్ము తీసేసుకున్న పక్షంలో ఈపీఎఫ్ సభ్యత్వం రద్దయిపోతుంది.
  సవరణ: ఉద్యోగానికి రాజీనామా చేసిన తరువాత కూడా ఉద్యోగి తన వాటా మాత్రమే తీసుకోగలడు. యజమాని చెల్లించిన వాటా రిటైర్మెంట్ వయసు వచ్చేదాకా అందులోనే ఉంటుంది. దీంతో అప్పటిదాకా ఈపీఎఫ్ సభ్యత్వం కొనసాగుతుంది.
  
  3. రిటైర్మెంట్ వయసు 55 ఏళ్లుగా పరిగణిస్తున్నారు. 
  సవరణ: దీన్ని 55 నుంచి 58 ఏళ్లకు పెంచారు.
  
  4. రిటైర్మెంట్‌కు ఏడాది ముందు.. అంటే 54 ఏళ్ల వయసులో పీఎఫ్ మొత్తంలో (ఉద్యోగి+యజమాని వాటా) 90 శాతాన్ని తీసేసుకునే అవకాశముంది.
  సవరణ: రిటైర్మెంట్ వయసును 58 ఏళ్లకు పెంచడం వల్ల ఈ అవకాశం 57 ఏళ్లు వచ్చాక మాత్రమే వస్తుంది.
  (ఈ సవరణలన్నింటినీ ఇప్పుడు కేంద్ర ప్రభుత్వం రద్దు చేసింది)


 న్యూఢిల్లీ: పీఎఫ్ ఉపసంహరణ కొత్త నిబంధనపై కేంద్ర ప్రభుత్వం వెనక్కి తగ్గింది. బెంగళూరులో భారీ స్థాయిలో కార్మికులు ఆందోళనలు నిర్వహించిన నేపథ్యంలో కేంద్రం దిగొచ్చింది. పీఎఎఫ్ ఉపసంహరణపై కొత్త నిబంధనల అమలు అంశాన్ని జూలై 31 వరకు వాయిదా వేసింది.
 
 పీఎఫ్ ఉపసంహరణకు సంబంధించి కేంద్ర ప్రభుత్వం మెలిక పెడుతూ ప్రకటన చేయడంతో బెంగళూరులోని కార్మికులంతా రోడ్లెక్కారు. వీరిలో గార్మెంట్ వర్కర్లే అధికంగా ఉన్నారు. కేంద్ర ప్రభుత్వం తీసుకున్న నిర్ణయాన్ని తీవ్రంగా ఖండిస్తూ రోడ్లపైకి వచ్చారు. పలు ప్రధాన రహదారులను దిగ్బందించారు. కూడళ్ల వద్ద గుంపులుగా చేరుకుని మానవహారాలు నిర్వహించే ప్రయత్నం చేశారు. అయితే, పోలీసులు వారిని అడ్డుకునేందుకు ప్రయత్నించడంతో ఆందోళన ఉధృతంగా మారింది. హింసాత్మక రూపం దాల్చింది. దీంతో కేంద్రం వెనక్కి తగ్గింది.


 బెంగళూరు: బెంగళూరులో పలు రోడ్లు రణరంగాన్ని తలపించాయి. రోడ్ల కూడళ్లు పెనుగులాటల చోట్లుగా కనిపించాయి. పోలీసులు లాఠీలు ఝులిపించగా కార్మికులు రాళ్లు విసిరారు. దాదాపు కొన్నిగంటలపాటు వారి మధ్య ఈ ఘర్షణ కొనసాగింది. పైగా మండే ఎండలు కావడంతో అటు పోలీసులు, కార్మికులు కొందరు పిట్టల్లా కూలిపోయారు. అయినప్పటికీ ఘర్షణ మాత్రం అలాగే కొనసాగింది. పీఎఫ్ ఉపసంహరణకు సంబంధించి కేంద్ర ప్రభుత్వం మెలిక పెడుతూ ప్రకటన చేయడంతో బెంగళూరులోని కార్మికులంతా రోడ్లెక్కారు. వీరిలో గార్మెంట్ వర్కర్లే అధికంగా ఉన్నారు.
 
 కేంద్ర ప్రభుత్వం తీసుకున్న నిర్ణయాన్ని తీవ్రంగా ఖండిస్తూ రోడ్లపైకి వచ్చారు. పలు ప్రధాన రహదారులను దిగ్బందించారు. కూడళ్ల వద్ద గుంపులుగా చేరుకుని మానవహారాలు నిర్వహించే ప్రయత్నం చేశారు. అయితే, పోలీసులు వారిని అడ్డుకునేందుకు ప్రయత్నించడంతో ఆందోళన ఉధృతంగా మారింది. పోలీసులపై ఆగ్రహం వ్యక్తం చేసిన కార్మికులు పోలీస్ స్టేషన్ కు నిప్పు పెట్టారు. బస్సులను తగులబెట్టారు. పలు వాహనాలను ధ్వంసం చేశారు. ఈ క్రమంలో లాఠీలు తీసిన పోలీసులు దొరికిన వారిని దొరికినట్లుగా గొడ్డును బాదినట్లు బాదారు. మండుటెండలు, ఆందోళన నడుమ బెంగళూరు నగరం ఒక ఉడుకు ఉడికింది. 


 న్యూఢిల్లీ: ఉద్యోగుల ప్రావిడెండ్ ఫండ్ (భవిష్య నిధి) విత్ డ్రాయల్స్‌పై ప్రతిపాదించిన పన్నుపై వెనక్కి తగ్గిన కేంద్ర ప్రభుత్వం, ఉపసంహరణలపై  మరో మెలిక పెట్టింది. సోమవారం ఉద్యోగుల ప్రావిడెంట్ ఫండ్ సహకారం ఉపసంహరణకు సంబంధించిన  పరిమితులను  సడలిస్తూ కార్మిక శాఖ  ఆదేశాలు జారీ చేసింది. ఇకముందు కొన్ని ప్రత్యేక కారణాలతో   ఈపీఎఫ్ ఖాతాలోని పూర్తి సొమ్ము ఉపసంహరణకు  అనుమతినిస్తున్నట్టు ప్రకటించింది.
 
 ఈ తాజా  మార్పుల ప్రకారం ఇకముందు ఈపీఎఫ్ సొమ్ము ఉపసంహరణకు ఖాతాదారుడు ఇల్లు కట్టుకోవడం, లేదా కొనడం, (హౌసింగ్) స్వీయ లేదా  కుటుంబ సభ్యులు, పిల్లలకు దంత వైద్యం సహా ఇతర వైద్య  ఖర్చులు నిమిత్తం,  ఇంజనీరింగ్ విద్యకు  లాంటి కారణాలపై మాత్రమే అనుమతిని మంజూరు చేసింది.  దీంతోపాటుగా చందాదారుని పెళ్లి సమయంలో కూడా  ఈ సొమ్ము విత్ డ్రా కు  అనుమతి వుంది. దీనిపై భిన్నాభిప్రాయాలు వ్యక్తమవుతున్నాయి.
 
  చందాదారులు (అతడు లేక ఆమె) పూర్తి సంతృప్తికర  సమాచారాన్ని అందించిన  తరువాత, అప్పటివరకు  ఖాతాలో ఉన్న  సొమ్మును వడ్డీతో సహా చెల్లిస్తామని మంత్రిత్వ వర్గాలు  ప్రకటించాయి. కేంద్ర లేదా రాష్ట్ర ప్రభుత్వాలకు చెందిన సభ్యులకు,  సహాయక ప్రావిడెంట్ ఫండ్ లేదా వృద్ధాప్య పెన్షన్ల సభ్యులకు ఇది  విస్తరించబడిందనీ,  ఈ ఆగస్టు నుంచి  ఈ నిబంధనలను  అమలులోకి వస్తాయని తెలిపింది. కార్మిక సంఘాల ప్రాతినిధులతో,  కార్మిక మంత్రి బండారు దత్తాత్రేయ   చేసిన విజ్ఞప్తి మేరకు మార్పులు చేసినట్టు మంత్రిత్వ శాఖ వెల్లడించింది.
 కాగా ఈపీఎఫ్ లో ఏప్రిల్ 1 తర్వాత నుంచి దాచుకొనే మొత్తాలను వెనక్కి తీసుకోవాలనుకున్నప్పుడు 60 శాతం మొత్తం మీద ఆదాయ పన్ను ఉంటుందని కేంద్ర ఆర్థిక బడ్జెట్ లో మంత్రి అరుణ్ జైట్టీ పేర్కొన్నారు. దీనిపై దేశంలోని ఆరున్నర కోట్ల ఈపీఎఫ్ చందాదారులు ఆందోళనకు దిగడంతో ఆ ప్రతిపాదను విరమించుకున్న సంగతి తెలిసిందే.


 - కార్మికులు మూడు రోజుల్లోనే పీఎఫ్ క్లెయిమ్ చేసుకోవచ్చు: దత్తాత్రేయ
 - కనీస వేతన సవరణ బిల్లుకు విపక్షాలే అడ్డు
  
 సాక్షి, హైదరాబాద్: దేశ వ్యాప్తంగా వాడుకలో లేని భవిష్యనిధి ఖాతాల నిధులకు వడ్డీ చెల్లింపులు ప్రారంభించినట్లు కేంద్ర కార్మిక మంత్రి బండారు దత్తాత్రేయ ప్రకటించారు. 9.23 కోట్ల మంది కార్మికుల సంక్షేమాన్ని దృష్టిలో పెట్టుకొని ఈ నిర్ణయం తీసుకున్నట్లు చెప్పారు. శనివారం హైదరాబాద్‌లోని భవిష్యనిధి ప్రాంతీయ కార్యాలయంలో ఆయన విలేకరుల సమావేశంలో మాట్లాడారు. వాడుకలో లేని ఖాతాలంటూ యూపీఏ ప్రభుత్వం 2011 నుంచి వడ్డీ చెల్లింపులు నిలిపేసిందని, కానీ వాటన్నింటికీ వడ్డీని తిరిగి వారి ఖాతాలో జమ చేయనున్నట్లు వివరించారు. అలాగే కార్మికులు తమ పీఎఫ్ క్లెయిమ్స్ విషయంలో ఎవరి మీద ఆధారపడకుండా అత్యంత పారదర్శకంగా నిర్వహిస్తున్నామన్నారు.
  
  యూఏఎన్(యూనివర్సల్ అకౌంట్ నంబర్)ను ఆధార్‌తో బ్యాంక్ ఖాతాలకు అనుసంధానం చేయడం ద్వారా కేవలం మూడు రోజుల్లోనే పీఎఫ్ నిధులు సెటిల్‌మెంట్ చేసుకోవచ్చన్నారు. యూఏఎన్ అనుసంధానం జరగని ఖాతాలన్నింటినీ యుద్ధ ప్రాతిపదికన ఈ ఏడాది చివరికల్లా పూర్తి చేస్తామన్నారు. అదే విధంగా ఇకపై పది మంది కార్మికులు పనిచేసే పరిశ్రమలనూ ఈపీఎఫ్ చట్ట పరిధిలోకి తీసుకురాబోతున్నట్లు చెప్పారు. అయితే దీనిపై పార్లమెంట్‌లో చట్ట సవరణ జరగకుండా వామపక్షాలు, కాంగ్రెస్ అడ్డుపడుతున్నాయన్నారు.
  
  హెచ్‌సీఎల్ కంపెనీని ఆదుకోండి: కోదండరామ్
  హిందుస్థాన్ కేబుల్ కంపెనీ(హెచ్‌సీఎల్)ని మూతపడకుండా ఆదుకోవాలని దత్తాత్రేయను జేఏసీ చైర్మన్ కోదండరామ్ కోరారు. ఇటీవల హెచ్‌సీఎల్‌ను ఖాయిలాపడిన పరిశ్రమల జాబితాతో కేంద్ర పరిశ్రమల శాఖ చేర్చిందన్నారు. దీంతో ఈ కంపెనీలో పనిచేస్తున్న 600 మంది రోడ్డున పడే ప్రమాదం తలెత్తిందన్నారు. ఈ విషయంలో వెంటనే జోక్యం చేసుకొని ఉద్యోగులను ఆదుకోవాలని కోరారు. దీనికి మంత్రి దత్తాత్రేయ స్పందిస్తూ.. డిజిటల్ ఇండియాలో భాగంగా అన్ని గ్రామాలకు ఫైబర్ ఆప్టిక్ కేబుల్ అవసరమని, ఈ నేపథ్యంలో పరిశ్రమలశాఖ, రక్షణశాఖ మంత్రులతో మాట్లాడి సమస్యను పరిష్కరిస్తామని హామీ ఇచ్చారు. అలాగే బీడీ కట్టలపై పుర్రెగుర్తు సైజును తగ్గించాలని బీజేపీ రాష్ట్రశాఖ, బీఎంఎస్(భారతీయ మజ్దూరు యూనియన్)లు వేరు వేరుగా వినతి పత్రాలు అందజేశారు.


 30 దాకా నిలుపుదల
 న్యూఢిల్లీ: పీఎఫ్ విత్‌డ్రాయల్‌పై పరిమితులు విధిస్తూ రూపొందించిన కొత్త నిబంధనలను ఏప్రిల్  30 దాకా నిలుపుదల చేయాలని ఉద్యోగుల భవిష్య నిధి సంస్థ (ఈపీఎఫ్‌వో) నిర్ణయించింది. రెండు నెలలకు పైగా ఉద్యోగం లేని చందాదారులు పూర్తి సెటిల్‌మెంట్ కోరుతూ ఈ నెలాఖరు దాకా దరఖాస్తు చేసుకోవచ్చని పేర్కొంది. కొత్త నిబంధనల అమల్లో ఆటంకాల కారణంగా ఇవి మే 1 నుంచి అమల్లోకి రాగలవని ఈపీఎఫ్‌వో తెలిపింది. దీంతో ఫిబ్రవరి 10న నోటిఫికేషన్ జారీ కావడానికి ముందున్న తరహాలోనే ఈ నెలాఖరు దాకా సెటిల్‌మెంట్ జరుగుతుందని పేర్కొంది.
 రిటైరయ్యే ఉద్యోగులు ప్రావిడెంటు ఫండు ఉపసంహరణ కోసం క్లెయిములు దాఖలు చేసుకునేందుకు వయోపరిమితిని 54 ఏళ్ల నుంచి 58 ఏళ్లకు పెంచడంతో పాటు ఈపీఎఫ్ స్కీమ్ 1952కి ఈపీఎఫ్‌వో పలు సవరణలు చేసిన సంగతి తెలిసిందే. దీనితో పాటు క్లెయిమెంటు రెండు నెలలకు పైగా నిరుద్యోగిగా ఉంటే ప్రావిడెంట్ ఫండులో అప్పటిదాకా తన వంతుగా జమయిన అసలును, దానిపై వడ్డీని మాత్రమే విత్‌డ్రా చేసుకునేందుకు వీలుంటుంది. కంపెనీ జమ చేసే మొత్తాన్ని మెచ్యూరిటీ తర్వాతే తీసుకోవడానికి సాధ్యపడుతుంది. వివాహం, శిశు జననం తదితర కారణాలతో రాజీనామా చేసిన మహిళలకు 2 నెలల తప్పనిసరి నిరుద్యోగ నిబంధన వర్తించదు.


  ఏప్రిల్ 1 నుంచి అమలు
  
  న్యూఢిల్లీ: వాడుకలో లేని (ఇనాపరేటివ్) ప్రావిడెంట్ ఫండ్ (పీఎఫ్) ఖాతాల్లోనూ ఏప్రిల్ 1 నుంచి వడ్డీ జమచేయాలని ఉద్యోగుల భవిష్య నిధి సంస్థ (ఈపీఎఫ్‌వో) నిర్ణయించింది. ఇది దాదాపు రూ. 32వేల కోట్ల మేర డి పాజిట్లున్న సుమారు 9 కోట్ల మంది ఖాతాదారులకు ప్రయోజనం చేకూర్చనుంది. కేంద్ర కార్మిక మంత్రి బండారు దత్తాత్రేయ సారథ్యంలోని ఈపీఎఫ్‌వో ట్రస్టీల బోర్డు ఈ నిర్ణయం తీసుకుంది. గత ప్రభుత్వం వాడుకలో లేని ఖాతాలకు వడ్డీ చెల్లింపులను నిలిపివేసిందని, తాము ఉద్యోగులకు అనుకూల నిర్ణయం తీసుకున్నామని దత్తాత్రేయ తెలిపారు. ఇకపై వాడుకలో లేని ఖాతాలంటూ ఉండబోవన్నారు.
 
 36 నెలల పాటు చందాలు జమ కాని ఖాతాలను ఇనాపరేటివ్ ఖాతాలుగా వ్యవహరిస్తున్నారు. వడ్డీ ఆశతో ఖాతాల నుంచి డబ్బు తీసుకోకుండా, ఎటువంటి లావాదేవీలు జరపకుండా ఉండటాన్ని అరికట్టే ఉద్దేశంతో యూపీ ఏ ప్రభుత్వం ఇనాపరేటివ్ ఖాతాలపై వడ్డీ ఇవ్వరాదని నిర్ణయిం చింది. తదనుగుణంగా 2011 ఏప్రిల్ 1 నుంచి ఇటువంటి వాటికి వడ్డీ చెల్లింపులు నిల్చిపోయాయి. పీఎఫ్ డిపాజిట్లపై ఈ ఆర్థిక సంవత్సరం 8.8 శాతం వడ్డీ రేటు ఇచ్చే ప్రతిపాదనను ఆర్థిక శాఖకు పంపినట్లు దత్తాత్రేయ తెలిపారు.


 న్యూఢిల్లీ: కింగ్‌ఫిషర్ ఎయిర్‌లైన్స్‌లో ప్రావిడెంట్ ఫండ్ అవకతవకలు జరిగాయన్న ఆరోపణలు ఇప్పుడు లిక్కర్ కింగ్ విజయమాల్యాను చుట్టుముడుతున్నాయి. ఈ అంశాలపై విచారణకు ఎంప్లాయీస్ ప్రావిడెంట్ ఫండ్ (ఈపీఎఫ్‌ఓ) ఒక ప్రత్యేక విచారణా బృందాన్ని నియమించింది.  మాల్యా ప్రమోట్ చేసిన ఎయిర్‌లైన్స్‌కు పీఎఫ్ బకాయిల విషయమై, రూ.7.62 లక్షలకు సంబంధించి ఈపీఎఫ్‌ఓ ఒక నోటీసును కూడా జారీ చేసినట్లు కార్మిక మంత్రిత్వశాఖ వర్గాలు పేర్కొన్నాయి.
 కాగా కంపెనీ ఈపీఎఫ్ బకాయిలు చెల్లించకపోవడానికి సంబంధించి  కొన్ని ఆరోపణలు ఉన్నప్పటికీ, కింగ్‌ఫిషర్ సభ్యుల నుంచి గానీ లేక యూనియన్ల నుంచి కానీ ఎటువంటి లిఖితపూర్వక ఫిర్యాదూ నమోదుకాలేదని కార్మికమంత్రిత్వశాఖ తెలిపింది. 2015 సెప్టెంబర్‌కు ముందు కింగ్ ఫిషర్  కార్యకలాపాలు నిర్వహిస్తున్న కాలంలో  ప్రావిడెండ్ ఫండ్ చెల్లింపుల్లో ఏమైనా అవకతవకలు జరిగాయా లేదా అన్న విషయమై దర్యాప్తు జరపుతామని కేంద్ర కార్మిక మంత్రి బండారు దత్తాత్రేయ పేర్కొన్నారు. బ్యాంకులకు భారీ బకాయిలు పడ్డాడన్న ఆరోపణల నేపథ్యంలో... మాల్యా మార్చి 4న దేశం వదిలి వెళ్లిన సంగతి తెలిసిందే. ఈ పరిణామం పెద్ద చర్చకు దారితీసింది.
 మరోవైపు కింగ్‌ఫిషర్ ఎయిర్‌లైన్స్‌కి ఇచ్చిన రుణాలు, ఎగవేతపై చర్యల వివరాలు తెలపాలంటూ 17 బ్యాంకులను కోరగా ఇప్పటిదాకా అరడజను బ్యాంకులు నివేదికలు ఇచ్చినట్లు ఎన్‌ఫోర్స్‌మెంట్ డెరైక్టరేట్(ఈడీ) వర్గాలు తెలిపాయి. ఐడీబీఐ బ్యాంకు నుంచి తీసుకున్న రుణాల ఎగవేత, మనీ లాండరింగ్‌పై ఈడీ దర్యాప్తు చేస్తోంది. అటు, రుణాల డిఫాల్టుపై కింగ్‌ఫిషర్ ఎయిర్‌లైన్స్, యూబీగ్రూప్‌ల మాజీ సీఎఫ్‌వోలను సీబీఐ మంగళవారం కూడా ప్రశ్నించింది.


 కార్మిక మంత్రి బండారు దత్తాత్రేయ
 న్యూఢిల్లీ: తమకు జీతాలు చెల్లించకపోయినప్పటికీ, ప్రావిడెండ్ ఫండ్(పీఎఫ్)ను మాత్రం కింగ్ ఫిషర్ ఎయిర్‌లైన్స్ చెల్లించిందని ఈ కంపెనీకి చెందిన మహిళ ఉద్యోగులు ఇటీవల రాసిన లేఖపై కేంద్రం దృష్టి సారిస్తోంది. కింగ్ ఫిషర్ కంపెనీ కార్యకలాపాలు నిర్వహిస్తున్న కాలంలో  ప్రావిడెండ్ ఫండ్ చెల్లింపుల్లో ఏమైనా అవకతవకలు జరిగాయా లేదా అన్న విషయమై దర్యాప్తు జరపుతామని కేంద్ర కార్మిక మంత్రి బండారు దత్తాత్రేయ పేర్కొన్నారు.
 
 ఇప్పటివరకూ ఈ విషయాలను పరిశీలించలేదని, తర్వలోనే దర్యాప్తు జరుపుతామని వివరించారు. కాగా  కింగ్ ఫిషర్ కంపెనీ తమకు వేతన బకాయిలు చెల్లించలేదని పలువురు మాజీ ఉద్యోగులు న్యాయ పోరాటానికి సిద్ధమవుతున్నారు.
  


 హైదరాబాద్: ఉద్యోగుల భవిష్యనిధి ఖాతాలో జమయిన నగదును వెనక్కు తీసుకునే సమయంలో 60 శాతం మొత్తంపై పన్ను వేయాలని కేంద్ర ఆర్ధిక మంత్రి అరుణ్‌జైట్లీ ప్రతిపాదించడాన్ని సీఐటీయూ, ఏఐటీయూసీ తీవ్రంగా ఖండించాయి. ఈ ప్రతిపాదనపై ఈనెల పదిన ఫ్యాక్టరీలు, పని ప్రదేశాల వద్ద ధర్నాలు నిర్వహించాలని సీఐటీయూ పిలుపివ్వగా పన్ను ప్రతిపాదనను పూర్తిగా ఉపసంహరించేంత వరకూ ఆందోళన చేయాలని కార్మికలోకానికి విజ్ఞప్తి చేసింది. కార్మిక సంఘాల వత్తిడితో కేంద్రప్రభుత్వం పన్ను ప్రతిపాదనను పరిశీలిస్తున్నామని సన్నాయి నొక్కులు నొక్కుతోందని సీఐటీయూ ప్రధాన కార్యదర్శి ఎంఎ గఫూర్ సోమవారం ఒక ప్రకటనలో విమర్శించారు.
 
 కార్మికులు ఆరుగాలం కష్టపడి దాచుకున్న సొమ్మును పన్ను రూపంలో కాజేసేందుకు జరిగే కుయుక్తులను ప్రతిఘటింటేందుకు 10న ధర్నా చేయాలని విజ్ఞప్తి చేశారు. కేంద్రప్రభుత్వం గత రెండేళ్లలో బడా పారిశ్రామిక వేత్తలకు వేలాది కోట్ల రూపాయల రాయితీలు ఇచ్చిందని ఏఐటీయూసీ జాతీయ కార్యదర్శివర్గ సభ్యుడు జి.ఓబులేసు ధ్వజమెత్తారు. పేదల కడుపు కొట్టి బ్యాంకుల్ని ముంచేసే పెద్దలకు రాయితీలు ఇస్తారా? అని ప్రశ్నించారు. పీఎఫ్ సొమ్ముపై అరుణ్‌జెట్లీ చేసిన ప్రతిపాదనను విరమించేంత వరకూ పోరాడాలని నిర్ణయించినట్టు తెలిపారు.


 ఆదుకోని చట్టాలు.. ఆకలి తీర్చని పని. పొద్దంతా కష్టం.. రోగాలతో సతమతం.. ఇదీ క్లుప్తంగా బీడీ కార్మికుల జీవితం. విరామం లేకుండా కష్టిస్తున్నా జీవితమంతా దుర్భరమే. పండగలు, పబ్బాలకు దూరమై.. కుటుంబ పోషణలో లీనమై.. అవసరానికి ఆదుకోని సంపాదనతో అవస్థలు పడుతున్నారు. ఇప్పటికే కొందరు పీఎఫ్ లేక శాపగ్రస్తులు కాగా.. తాజాగా కేంద్రం తీసుకున్న నిర్ణయంతో అందరి ‘పుర్రె’లు పగిలిపోయేలా ఉన్నాయి.   
  
 * శ్రమ దోపిడీకి గురవుతున్న బీడీ కార్మికులు
 * ఆదుకోని యాజమాన్యాలు.. ఆసరా ఇవ్వని వేతనాలు
 * కేంద్ర ప్రభుత్వ ‘పుర్రె’ నిర్ణయంపై నిరసన జ్వాలలు
 * నష్టపోతున్నామని.. ఇబ్బందులు పెట్టొద్దని వేడుకోలు
 
 మిరుదొడ్డి: తెలంగాణ రాష్ట్రవ్యాప్తంగా దాదాపు 70 శాతం మంది కార్మికులు బీడీ  రంగాన్నే నమ్ముకున్నారు. వీరిలో అధిక శాతం మహిళలు కావడం గమనార్హం. జిల్లాలో సుమారు 82 వేల మంది పనిచేస్తున్నారు. అందులో 60 వేల మందికి ఫీఎఫ్ నంబర్లు ఉండగా.. 22 వేల మంది నాన్ పీఎఫ్ నంబర్లు కలిగి ఉన్నారు.
 
 దుబ్బాక నియోజకవర్గంతో పాటు సిద్దిపేట, నంగునూరు, గజ్వేల్, రామాయంపేట, మెదక్, నర్సాపూర్, తూప్రాన్, అందోల్, జోగిపేట, సంగారెడ్డి, నారాయణఖేడ్, జహీరాబాద్ ప్రాంతాల్లో కార్మికులు ఎక్కువగా ఉన్నారు. కనీస వేతనాల చట్టం ప్రకారం ఒక కార్మికుడికి వెయ్యి బీడీలు చుట్టినందుకు రూ.152 చెల్లించాలి. ఇందులో పీఎఫ్ కటింగ్ పోను రూ.139 ఇస్తున్నారు. టేకే దారులు అందులోనూ రూ.3 నుంచి రూ.5 వరకు తగ్గించి అందజేస్తున్నారు. పీఎఫ్ కార్డులు లేవన్న సాకుతో వారి శ్రమను దోచేస్తున్నారు. నెలకు కనీసం 26 రోజుల పని దినాలను కల్పించాలన్న నిబంధన ఉన్నా 15 రోజులు కూడా వర్‌‌క కల్పించడం లేదని కార్మికులు ఆవేదన చెందుతున్నారు.
  
 సరిపడని ఆకు, తంబాకు
 బీడీ యాజమాన్యం ప్రతి వెయ్యి బీడీల తయారీకి 650 గ్రాముల ఆకు, దానికి సరిపడా తంబాకు సరఫరా చేయాల్సి ఉంటుంది. అయితే, ఆకు తూకంలో తాము మోసపోతున్నామని కార్మికులు చెబుతున్నారు. నాణ్యత లేని ఆకు అందిస్తుండటంతో అదనంగా కిలోకు రూ.100 నుంచి లేక రూ.120లు చెల్లించి ప్రైవేటుగా కొనుగోలు చేస్తున్నామన్నారు.
  
 వైద్య సేవలు నిల్
 మహిళా బీడీ కార్మికులు ఉదయం నుంచి రాత్రి వరకు బీడీలు చుడుతూనే ఉంటారు. దీంతో వారికి శ్వాస సంబంధిత వ్యాధులు, మెడ.. వెన్ను నొప్పులు వెంటాడుతున్నాయి. వీరికి డెస్పెన్సరీలతో పాటు మొబైల్ ఆస్పత్రుల ద్వారా ఉచితంగా వైద్య పరీక్షలు చేయించాల్సి ఉన్నప్పటికీ అవేమీ అమలులో లేవు. దీంతో అనారోగ్యానికి గురైతే ప్రైవేటు ఆస్పత్రులకు వెళ్తూ జేబులు గుల్ల చేసుకుంటున్నారు.
  
 తెర మీదకి ‘పుర్రె’ గుర్తు
 ఇప్పటికే అనేక విధాలుగా దోపిడీకి గురవుతున్న బీడీ కార్మికుల జీవితాలను కేంద్ర ప్రభుత్వం సైతం ఇబ్బందుల్లోకి నెట్టింది. బీడీ కట్టలపై పుర్రె గుర్తు ముద్రించాలన్న నిర్ణయంతో కార్మికులు విస్మయం వ్యక్తం చేస్తున్నారు. కేంద్ర ప్రభుత్వ తాజా నిర్ణయం వల్ల తమ బతుకులు రోడ్డున పడే ప్రమాదం ఉందని ఆందోళన వ్యక్తం చేస్తున్నారు. తమ జీవనోపాధికి చిచ్చుపెట్టే పుర్రె గుర్తును తొలగించాల్సిందేనని పలు బీడీ కార్మిక సంఘాల ఆధ్వర్యంలో మహిళలు ఇప్పటికే ధర్నాలు, రాస్తారోకోలు చేస్తున్నారు.
  
 తొలగింపుపై తీర్మానం
 బీడీ కార్మిక రంగాన్ని విచ్ఛిన్నం చేసే అవకాశం ఉన్న పుర్రె గుర్తును కేంద్ర ప్రభుత్వం వెంటనే తొలగించాలని కార్మికులు డిమాండ్ చేస్తున్నారు. ఈ మేరకు మిరుదొడ్డి మండల సర్వసభ్య సమావేశం ఏకగ్రీవంగా తీర్మానించింది. ఈ తీర్మానాన్ని రాష్ట్ర అంచనాల కమిటీ చైర్మన్, దుబ్బాక ఎమ్మెల్యే సోలిపేట రామలింగారెడ్డి బలపరిచారు. తెలంగాణలో ఎక్కువ శాతం బీడీ రంగాన్ని నమ్ముకున్నారని.. బీడీ కట్టలపై పుర్రెగుర్తును ముద్రించాలన్న యోచనను కేంద్ర ప్రభుత్వం ఉపసంహరించుకోవాలని ఎమ్మెల్యే విజ్ఞప్తి చేశారు.
 - దుబ్బాక ఎమ్మెల్యే
  
 ఉద్యమాలు చేస్తాం
 బీడీ కార్మికుల నోట్లో మట్టి కొట్టేలా వ్యవహరిస్తున్న కేంద్ర ప్రభుత్వం వైఖరిని నిరసిస్తున్నాం. కార్మికుల ఉపాధిపై దెబ్బ కొట్టడం సరికాదు. సంక్షోభంలో ఉన్న బీడీ కార్మిక రంగాన్ని మరింత ఇబ్బందుల్లోకి నెట్టడం ఎంత వరకు సమంజసం. పుర్రె గుర్తును తొలగించే వరకు బీడీ కార్మికులతో ఐక్య ఉద్యమాలు చేస్తాం.
 - గొడ్డుబర్ల భాస్కర్, తెలంగాణ బీడీ సిగార్ వర్కర్స్ యూనియన్ జిల్లా ఉపాధ్యక్షుడు
  
 పరేషాన్ చేస్తున్నరు
 ఆకు తూకంలో తేడాలు వస్తున్నయ్. నాణ్యత లేని ఆకే ఎక్కువగా ఉంటుంది. వెయ్యి బీడీలు చేయాలంటే గగనంగా మారుతోంది. అదనంగా ప్రైవేటుగా రూ.120 తో ఆకు కొంటున్నం. గివ్వన్ని సమస్యలతో కొట్టు మిట్టాడుతుంటే పుర్రె గుర్తు పెడ్తమని మమ్మల్ని పరేషాన్ చేస్తున్నరు.
 - బోయిని కనకవ్వ, బీడీ కార్మికురాలు
  
 పట్టించుకునేటోళ్లు లేరు
 బీడీలు చుట్టేటప్పుడు తంబాకుతో రోగాల పాలైతున్నం. మెడ నొప్పులు, వెన్ను నొప్పులతో మస్తు ఇబ్బందులు పడుతుంటం. రోగాల పాలై మంచాన పడ్డా ఎవరూ పట్టించుకోరు. చేసేది లేక వ్రైవేటు దవాఖానల చూపెట్టుకుంటున్నం.
 - అక్కమ్మ బాలమణి, బీడీ కార్మికురాలు
  
 పుర్రెగుర్తు తొలగించాలి
 పొగ తాగితే కాన్సర్ వస్తదనే సాకుతో బీడీ కట్టలపై పుర్రె గుర్తు పెడతారా? మద్యం మీద లేని ఆంక్షలు బీడీలపైనే ఎందుకు? మద్యంతో సంసారాలు గుల్ల అవుతున్నాయి. జీవనోపాధి కలిగించే బీడీ కట్టలపై పుర్రె గుర్తు పెట్టుడు సరికాదు. మా పొట్టలు కొట్టొద్దు, పుర్రెగుర్తు తొలగించాలి.
 - వనం పద్మ, బీడీ కార్మికురాలు
  
 నిర్వీర్యం చేయడానికే...
 బీడీ రంగాన్ని నిర్వీర్యం చేయడానికే కేంద్రం పుర్రె గుర్తును తెరమీదికి తెచ్చింది. దీని వల్ల కార్మికుల కుటుంబాలు రోడ్డున పడతాయి. ప్రభుత్వం వెంటనే పుర్రెగుర్తు ముద్రించాలన్న నిర్ణయాన్ని వెనక్కి తీసుకోవాలి. ఇందుకోసం మండల సర్వ సభ్య సమావేశం ఏకగ్రీవ తీర్మానం చేసింది.
 - పంజాల కవిత, ఎంపీపీ మిరుదొడ్డి


 నా పేరు మీద పబ్లిక్ ప్రావిడెండ్ ఫండ్ ఖాతా ఒకటి ఉంది. నా ఇద్దరు కుమారుల పేరు మీద రెండు పీఎఫ్ ఖాతాలు  నిర్వహిస్తున్నాను. సెక్షన్ 80 సీ కింద పన్ను మినహాయింపు పొందే మొత్తాన్ని ఇప్పటికే ఈ మూడు పీఎఫ్ ఖాతాల్లో జమ చేశాను. పన్ను మినహాయింపుకు మించిన మొత్తాన్ని ఈ పీఎఫ్ అకౌంట్లలలో ఇన్వెస్ట్ చేయవచ్చా?  
  - అరవింద్, విశాఖపట్టణం
  
 ఒక వ్యక్తికి పబ్లిక్ ప్రావిడెండ్ ఫండ్ ఉన్నప్పటికీ, తన మైనర్ కుమారుల పేరు మీద ఖాతాలు తెరవడానికి పబ్లిక్ ప్రావిడెండ్ ఫండ్ నిబంధనలు అనుమతిస్తున్నాయి. అయితే ఒక ఆర్థిక సంవత్సరంలో అన్ని ఖాతాల్లో కలిపి గరిష్టంగా ఇన్వెస్ట్ చేయగలిగేది రూ.1.50 లక్షలు మాత్రమే. అంటే మీరు ఈ మూడు పీఎఫ్ ఖాతాల్లో రూ.లక్షన్నరకు మించి ఇన్వెస్ట్ చేయడానికి వీలు లేదు.
  
 ఇటీవల రెండు పెద్ద సంస్థలు(టాటా, యాక్సిస్) తమ మ్యూచువల్ ఫండ్ స్కీమ్‌లకు సంబంధించి డివిడెండ్లను ప్రకటించాయి. టాటా ఇథికల్ ఫండ్, యాక్సిస్ లాంగ్ టర్మ్ ఈక్విటీ ఫండ్స్  ఈ డివిడెండ్‌లను ప్రకటించాయి. అయితే ఈ ఫండ్స్ రెగ్యులర్ ప్లాన్‌లకు మాత్రమే ఈ డివిడెండ్‌లు వర్తిస్తాయి. డెరైక్ట్ ప్లాన్‌లకు మాత్రం కాదు. ఇది డెరైక్ట్ ప్లాన్‌ల్లో ఇన్వెస్ట్ చేసిన వారిని నిరుత్సాహపరచడమే అవుతుంది కదా? ఫండ్ హౌస్‌లు ఇలా ఎందుకు చేస్తాయి?        
 - పవన్, హైదరాబాద్
  
 తగినంత లాభాలు పొందలేకపోయినందున టాటా ఇథికల్ ఫండ్, యాక్సిస్ లాంగ్‌టర్మ్ ఈక్విటీ ఫండ్స్‌కు సంబంధించిన డెరైక్ట్ ప్లాన్‌లకు డివిడెండ్‌లను ఆయా మ్యూచువల్ ఫండ్ సంస్థలు ప్రకటించలేకపోయాయి. తగినంత లాభాలు పొందితేనే మ్యూచువల్ ఫండ్ సంస్థలు ఇన్వెస్టర్లకు డివిడెండ్‌లను పంపిణి చేస్తాయి. గతంలో మ్యూచువల్ ఫండ్ సంస్థలు తమ ప్రీమియం నిధుల నుంచే డివిడెండ్‌లను చెల్లించేవి. కానీ మ్యూచువల్ ఫండ్ సంస్థలు తమ పోర్ట్‌ఫోలియోలు ఆధారంగా ఆర్జించిన లాభాల నుంచే డివిడెండ్‌లను ఇవ్వాలని 2010, మార్చిలో సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా(సెబీ) ఆదేశాలు జారీ చేసింది.
 
 డెరైక్ట్ ప్లాన్‌లు 2013 నుంచి అమల్లోకి వచ్చాయి. వీటితో పోల్చితే రెగ్యులర్ ప్లాన్‌లు చిరకాలం నుంచి రంగంలో ఉంటున్నాయి. కనుక వాటికి  భారీ నిధులు, తగినంత లాభాలు  ఉంటాయి. కాబట్టి సాధారణంగా రెగ్యులర్ ప్లాన్‌లు డివిడెండ్‌లు చెల్లిస్తాయి. మరోవైపు డెరైక్ట్ ప్లాన్‌లు అమల్లోకి వచ్చి కొంత కాలమే అయినందును వీటి లాభాలు స్వల్పంగా ఉండడం వల్ల అవి డివిడెండ్‌లను చెల్లించలేకపోతున్నాయని చెప్పవచ్చు.
  
 నేను 2011 జూన్‌లో ఎల్‌ఐసీ ఎండోమెంట్ ప్లస్ పాలసీ తీసుకున్నాను. పాలసీ కాలవ్యవధి 10 సంవత్సరాలు. రూ.4 లక్షలకు బీమా రక్షణ తీసుకున్నాను. మూడు నెలలకొకసారి రూ.9,000 చొప్పున ప్రీమియం చెల్లిస్తున్నాను. ఈ పాలసీని సరెండర్ చేద్దామనుకుంటున్నాను. నాది సరైన నిర్ణయమేనా? సరెండర్ వాల్యూ ఎంత ఉండొచ్చు?ఈ పాలసీలో తక్కువ రాబడులు వస్తున్నందున మంచి రాబడులు వచ్చే మరో స్కీమ్‌లో ఇన్వెస్ట్ చేద్దామనుకుంటున్నాను. తగిన సలహా ఇవ్వగలరు?
  - మృణాళిని, బెంగళూరు
  
 ఎల్‌ఐసీ ఎండోమెంట్ ప్లస్ పాలసీ అనేది యులిప్, ఎండోమెంట్ ప్లాన్‌లను కలగలసిన పాలసీ. ఇది టూ-ఇన్-వన్ ఇన్వెస్ట్‌మెంట్-కమ్-ఇన్సూరెన్స్ పాలసీ. ఐదేళ్ల తర్వాత ఫండ్ వేల్యూ ఎంత అనేదానిపై సరెండర్ వేల్యూ ఆధారపడి ఉంటుంది. మీ ప్రశ్నను బట్టి చూస్తే ఈ పాలసీని సరెండర్ చేయాలని సీరియస్‌గానే ఉన్నట్లు తెలుస్తోంది. ఇలాంటి ఇన్సూరెన్స్-కమ్-ఇన్వెస్ట్‌మెంట్ పాలసీలు తగిన బీమా రక్షణను ఇవ్వలేవు. అంతేకాకుండా తగిన రాబడులు కూడా అందించలేవు.
 
 బీమాను, ఇన్వెస్ట్‌మెంట్స్‌ను ఎప్పుడూ కలగలపవద్దు. బీమా రక్షణ కోసం టర్మ్ ఇన్సూరెన్స్ పాలసీ తీసుకోండి. తక్కువ ప్రీమియమ్‌తో ఎక్కువ బీమా రక్షణ పొందవచ్చు. ఇక మీ దీర్ఘకాలిక ఆర్థిక లక్ష్యాల సాధన కోసం ఏదైనా ఈక్విటీ మ్యూచువల్ ఫండ్‌లో సిస్టమాటిక్ ఇన్వెస్ట్‌మెంట్ ప్లాన్(సిప్)లో ఇన్వెస్ట్ చేయండి. ఈక్విటీ మ్యూచువల్ ఫండ్స్‌లో ఐదు, అంతకు మించిన సంవత్సరాలు ఇన్వెస్ట్ చేస్తే మీరు మంచి రాబడులు పొందగలరు.
  
 నేను 2002-13 సంవత్సరాల మధ్య ఒక కంపెనీలో ఉద్యోగం చేశాను. ఆ తర్వాత నా సొంత వ్యాపారాన్ని ప్రారంభించాను. ఉద్యోగం నుంచి వైదొలిగాక ఎంప్లాయిస్ ప్రావిడెండ్ ఫండ్ నుంచి నాకు రావలసిన సొమ్ములను తీసేసుకున్నాను. నాకు పెన్షన్ వస్తుందా?
  - సంతోష్, రాజమండ్రి
  
 మీ సర్వీస్ 10 సంవత్సరాలకు మించి ఉన్నందున మీకు 50 ఏళ్లు దాటిన తర్వాత నుంచి మీకు పెన్షన్ వస్తుంది. మీరు చివరిసారి ఉద్యోగం చేసిన కంపెనీ ద్వారా ఫారమ్-10డి ద్వారా పెన్షన్ కోసం దరఖాస్తు చేసుకోవాలి. మీరు ఎక్కడ పెన్షన్ పొందాలనుకుంటున్నారో, ఆ ప్రాంతానికి సంబంధించిన బ్యాంక్/పోస్ట్ ఆఫీస్ వివరాలను ఆ దరఖాస్తులో పేర్కొనాలి.
 - ధీరేంద్ర కుమార్
 సీఈవో, వ్యాల్యూ రీసెర్చ్


 త్వరలో 8.9 శాతానికి పెంచే అవకాశం: కేంద్రమంత్రి దత్తాత్రేయ
 
  చెన్నై: 2015-16 ఆర్థిక సంవత్సరానికి ఉద్యోగుల భవిష్య నిధి (పీఎఫ్)పై వడ్డీ రేటును 8.75 శాతం నుంచి 8.80 శాతానికి పెంచినట్లు కేంద్ర కార్మికశాఖ మంత్రి బండారు దత్తాత్రేయ వెల్లడించారు. మంగళవారం చెన్నైలో జరిగిన ఉద్యోగుల భవిష్య నిధి సంస్థ (ఈపీఎఫ్‌ఓ) ట్రస్టీల కేంద్ర బోర్డు (సీబీటీ) 211వ సమావేశానికి ఆయన అధ్యక్షత వహించారు. అనంతరం దత్తాత్రేయ విలేకరులతో మాట్లాడుతూ ప్రస్తుత పెంపు ‘మధ్యంతరమే’నని...దీన్ని మరోసారి సవరించే అవకాశం ఉందన్నారు.
 
 వడ్డీ రేటును 8.90 శాతానికి పెంచాలన్న కార్మిక సంఘాల డిమాండ్‌పై చర్చించేందుకు సీబీటీ త్వరలో మరోసారి సమావేశమవుతుందన్నారు. కార్మికుల ప్రయోజనాల పరిరక్షణకే తాము ప్రాధాన్యత ఇస్తామన్నారు. వడ్డీ రేటును 8.90 శాతినికి పెంచితే ప్రభుత్వం వద్ద ‘మిగులు’ రూ. 285 కోట్లుగా ఉంటుందని...8.8 శాతానికి పెంచినందు వల్ల అది రూ. 673 కోట్లుగా ఉంటుందన్నారు. కాగా, వడ్డీ రేటును 8.95 శాతానికి పెంచాలని...దీనివల్ల ప్రభుత్వం వద్ద రూ. 91 కోట్ల మిగులు ఉంటుందని ఈపీఎఫ్‌వో సలహా సంఘమైన ఆర్థిక, తనిఖీ, పెట్టుబడుల కమిటీ (ఎఫ్‌ఏఐసీ) సిఫార్సు చేసింది.
 
  ఒక పేజీ పెన్షన్ దరఖాస్తు ఫారం విడుదల: సరళీకరించిన పెన్షన్ క్లెయిమ్ ఫారం 10డీ (యూఏఎన్ ఆధారిత)తోపాటు ఒక పేజీ పెన్షన్ పేమెంట్ ఆర్డర్ (పీపీఓ) నమూనాను దత్తాత్రేయ అంతకుముందు విడుదల చేశారు. ప్రస్తుతమున్న 8 పేజీల పీపీఓ స్థానంలో తాము ప్రవేశపెట్టిన ఒక పేజీ పీపీఓ వల్ల పెన్షన్ జారీ ప్రక్రియ సమయం తగ్గడంతోపాటు ఈపీఎఫ్‌వో సిబ్బందిపై పనిభారం తగ్గుతుందని దత్తాత్రేయ పేర్కొన్నారు. పెన్షన్ క్లెయిమ్ ఫారం 10డీ (యూఏఎన్) ద్వారా కంపెనీల యాజమాన్యాల సంతకం అవసరం లేకుండానే చందాదారులకు ఈపీఎఫ్‌వో నేరుగా పెన్షన్ పొందే సేవను అందించగలడం సాధ్యమవుతుంది.


 సాక్షి, హైదరాబాద్: కార్మికుల మూల వేతనం, కరువు భత్యం కలిపి రూ.15 వేలు మించితే పీఎఫ్ జమకట్టే బాధ్యత నుంచి వైదొలగాలనే ఆర్టీసీ ప్రతిపాదనను వ్యతిరేకిస్తున్నట్లు తెలంగాణ ఆర్టీసీ ఎన్‌ఎంయూ పేర్కొంది. ఇలాంటి కార్మిక వ్యతిరేక చర్యలకు ఉపక్రమిస్తే ఉద్యమిస్తామని యూనియన్ నేతలు శంకర్‌రెడ్డి, రమేశ్, మహమూద్ ఓ ప్రకటనలో హెచ్చరించారు. గతంలో పీఎఫ్ సొమ్మును వాడుకున్న ఆర్టీసీ యాజమాన్యం ఆ బకాయిలను వెంటనే చెల్లించాలని, దీనిపై కేంద్ర మంత్రి దత్తాత్రేయకు ఫిర్యాదు చేస్తామని తెలిపారు.


 - వేతనం రూ.15 వేలు మించితే యాజమాన్యం తన వాటా చెల్లించదు
  
 సాక్షి, హైదరాబాద్: ఆర్టీసీలో భవిష్య నిధి చెల్లింపు అంశంలో యాజమాన్యం నిర్ణయం కార్మికుల సంక్షేమం పాలిట గొడ్డలిపెట్టుగా మారనుంది. ఉద్యోగి మూల వేతనం(బేసిక్ పే), కరువు భత్యం(డీఏ) కలిపి రూ.15 వేలు దాటితే తన వాటా భవిష్య నిధి(పీఎఫ్)ని చెల్లించే బాధ్యత నుంచి వైదొలగాలని ఆర్టీసీ యాజమాన్యం నిర్ణయించింది. దీంతో ఆంధ్రప్రదేశ్, తెలంగాణ రాష్ట్రాల్లో 1.32 లక్షల మంది ఆర్టీసీ కార్మికులకు తీవ్ర అన్యాయం జరగనుంది. యాజమాన్యంపై భారాన్ని తగ్గించుకునేందుకు కార్మికుల పీఎఫ్‌లో కోత పెడుతున్నారని ఆగ్రహం వ్యక్తం చేస్తున్నాయి.
  
  పెండింగ్‌లో వేలాది దరఖాస్తులు
  ఆర్టీసీలో సొంతంగా పీఎఫ్ ఖాతా నిర్వహించుకుంటున్నారు. లక్ష మంది, అంతకు మించి కార్మికులు ఏదైనా సంస్థలో పనిచేస్తుంటే, సొంతంగా ఆ సంస్థ పీఎఫ్ ఖాతా నిర్వహించుకునేందుకు గతంలో కేంద్రం అనుమతినిచ్చింది. దీంతో ఏపీఎస్‌ఆర్టీసీ పీఎఫ్ ట్రస్ట్ పేరిట కార్యకలాపాలు సాగిస్తున్నారు.
 
 ఆర్టీసీ విభజన పూర్తికాకపోవడంతో రెండు రాష్ట్రాల ఆర్టీసీ కార్మికులకు ఇదే ట్రస్టు సేవలందిస్తోంది. గతంలో ఆర్టీసీ కార్మికుల పీఎఫ్ సొమ్ము రూ.250 కోట్లను యాజమాన్యం సొంత అవసరాలకు వాడుకుంది. దీంతో పీఎఫ్ సొమ్ము నుంచి రుణం కోసం కార్మికులు చేసుకున్న దరఖాస్తులు వేలాదిగా పెండింగ్‌లో ఉన్నాయి.  
  
 ఆర్టీసీకి నెలకు రూ.60 కోట్లు ఆదా!
 ఉద్యోగి మూలవేతనం, డీఏ కలిపి రూ.15 వేల పరిమితి దాటితే తన వంతు వాటా మొత్తాన్ని చెల్లించాల్సిన బాధ్యత నుంచి వైదొలుగుతున్నట్లు పీఎఫ్ కమిషనర్‌కు ఆర్టీసీ యాజమాన్యం త్వరలో లేఖ రాయనుంది. దీన్ని కేంద్ర ప్రభుత్వం ఆమోదిస్తే కార్మిక సంఘాలకు నోటీసులివ్వాలని యాజమాన్యం నిర్ణయించినట్లు సమాచారం. తన వంతు పీఎఫ్ వాటాను చెల్లించకపోతే ఆర్టీసీకి నెలకు రూ.60 కోట్ల వరకు ఆదా అయ్యే అవకాశం ఉంది.
  
  ‘‘పీఎఫ్ బాధ్యత నుంచి వైదొలగాలన్న నిర్ణయాన్ని ఆర్టీసీ యాజమాన్యం ఉపసంహరించుకోవాలి. ఇప్పటికే ఆర్టీసీ ఎండీ సాంబశివరావుకు వినతి పత్రం ఇచ్చాం. ఒకవేళ మొండిగా ముందుకెళితే కార్మికుల ఆగ్రహానికి గురికాక తప్పదు’’
  - జిలానీ బాషా, ఏపీఎస్‌ఆర్టీసీ స్టాఫ్ అండ్ వర్కర్స్ యూనియన్ ఫెడరేషన్ అధ్యక్షులు
  
  ‘‘ఆర్టీసీ యాజమాన్యం ఏకపక్ష నిర్ణయాలు తీసుకుంటోంది. దొడ్డిదారిన నిర్ణయాలను అమలు చేస్తోంది. పీఎఫ్ బాధ్యత నుంచి తప్పుకుంటే పరిణామాలు తీవ్రంగా ఉంటాయి’’
  - రాజారెడ్డి, వైఎస్సార్ ఆర్టీసీ మజ్దూర్ యూనియన్ అధ్యక్షులు


 న్యూఢిల్లీ: ఖాతాదారులు ఆన్‌లైన్‌లోనే పీఎఫ్ ఉపసంహరించుకునే వెసులుబాటును ఉద్యోగుల భవిష్య నిధి సంస్థ (ఈపీఎఫ్‌వో) ఆగస్టు నుంచి ప్రవేశపెట్టనుంది. ఖాతాదారులకు పేపర్ వర్క్ లేకుండా సౌకర్యవంతంగా సేవలందించాలనే ఉద్దేశంతో ఈ నిర్ణయం తీసుకున్నట్లు ఈపీఎఫ్‌వో అధికారి ఒకరు తెలిపారు. ఈ కొత్త సౌకర్యంతో కొన్ని గంటల్లోనే పీఎఫ్ సొమ్ము ఖాతాదారుల బ్యాంకు అకౌంట్లలో చేరిపోతుందన్నారు. ఆన్‌లైన్ క్లెయిమ్స్‌కు ఖాతాదారులు యూనివర్సల్ అకౌంట్ నంబర్లు యాక్టివేట్ చేసుకోవాలని, బ్యాంకు ఖాతా  తదితరాలతో కేవైసీ సమర్పించాలన్నారు. సికింద్రాబాద్, గుర్‌గావ్, ద్వారకా (ఢిల్లీ)లలో సెంట్రల్ డాటా సెంటర్లు ఏర్పాటు చేస్తామన్నారు.


 న్యూఢిల్లీ: ఉద్యోగుల భవిష్యనిధి సంస్థ.. ఈపీఎఫ్‌వో 2015-16 సంవత్సరానికి పీఎఫ్ డిపాజిట్లపై వడ్డీని తొమ్మిది శాతానికి పెంచే యోచనలో ఉన్నట్లు తెలుస్తోంది. ఈనెల 16న చెన్నైలో జరగనున్న ట్రస్టీల సమావేశంలో దీనిపై చర్చించి ఓ నిర్ణయం తీసుకునే అవకాశాలున్నాయి. గత రెండేళ్లుగా పీఎఫ్‌పై సంస్థ 8.75శాతం వడ్డీ ఇస్తోంది.  అయితే.. ఈపీఎఫ్‌వో సలహా సంఘం దీన్ని 8.95కి పెంచాలని సూచించింది.
  


 న్యూఢిల్లీ: 2015-16 సంవత్సరానికి ఉద్యోగుల భవిష్య నిధి (ప్రావిడెంట్ ఫండ్- పీఎఫ్) డిపాజిట్లపై వడ్డీరేటును ఈపీఎఫ్వో పెంచే అవకాశముంది. గత రెండేళ్లుగా పీఎఫ్ డబ్బుపై 8.75శాతం వడ్డీరేటును ఇస్తున్న సంగతి తెలిసిందే. ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్వో)కు చెందిన అత్యున్నత విధాన నిర్ణాయక సంస్థ అయిన సెంట్రల్ బోర్డ్ ఆఫ్ ట్రస్టీ బుధవారం సమావేశం కానుంది. ఈ సమావేశం అజెండాలో వడ్డీ రేటు పెంపు అంశం లేకపోయినా.. ఈ అంశం గురించి చర్చించి ఓ నిర్ణయాన్ని ప్రకటించే అవకాశముందని విశ్వసనీయవర్గాలు తెలిపాయి.
 
 ఈపీఎఫ్వోను పునర్వ్యవస్థీకరించే అంశంపై బుధవారం నాటి భేటీలో ప్రధానంగా చర్చించే అవకాశముంది. దాంతోపాటు ప్రస్తుత ఆర్థిక సంవత్సర ఆదాయ అంచనాలపై కసరత్తు చేసి.. పీఎఫ్ పై వడ్డీరేటును నిర్ణయించవచ్చునని సంబంధిత వర్గాలు తెలిపాయి. 2013-14, 2014-15 ఆర్థిక సంవత్సరాల్లో పీఎఫ్ పై 8.75 శాతం వడ్డీరేటు ప్రకటించిన నేపథ్యంలో ఈసారి కొద్దిగానైనా వడ్డీరేటును పెంచే అవకాశముంది. అయితే 2015-16 ఆర్థిక సంవత్సరానికి ఈ వడ్డీరేటును యథాతథంగా కొనసాగించాలని కేంద్ర ఆర్థికమంత్రిత్వశాఖ ఈపీఎఫ్వోను కోరుతున్నా.. వడ్డీరేటు మాత్రం పెరిగే అవకాశముందని ఆ వర్గాలు చెప్తున్నాయి.


 కేంద్ర కార్మిక శాఖ మంత్రిగా బండారు దత్తాత్రేయ ఏడాది పూర్తి చేసుకున్నారు. ఈ సందర్భంగా మంగళవారం హైదరాబాద్ లో మీడియాతో మాట్లాడిన ఆయన పీఎఫ్ డబ్బును 5శాతం ఈక్విటీ లో పెట్టాలని తీసుకున్ననిర్ణయం విప్లవాత్మక మైనదని గుర్తు చేసుకున్నారు. దేశ వ్యాప్తంగా 7 కోట్ల 40 లక్షల మందికి పీఎఫ్ ఖాతాలు ఉన్నాయని తెలిపారు. బీడీ కార్మికులకు సెస్ పెంచాలని నిర్ణయించినట్లు ప్రకటించారు. కార్మిక శాఖలో జరిగిన అవినీతికి సంబంధించి.. ఎలాంటి ఘటనలు తన దృష్టికి రాలేదన్నారు.
 
 
  


 విశాఖపట్నం: ఎంప్లాయిస్ ప్రోవిడెంట్ ఫండ్ ఆర్గనైజేషన్ ఆధ్వర్యంలో సెప్టెంబర్ 10న మీ ఇంటికే పీఎఫ్ ‘నిధి ఆప్కే నికత్’(మీ వద్దకే పీఎఫ్) ను నిర్వహించనున్నట్లు అసిస్టెంట్ పీఎఫ్ కమిషనర్ డి.మాధవి శుక్రవారం ఓ ప్రకటనలో తెలిపారు. గతంలో దీనినే భవిష్యనిధి అదాలత్‌గా పిలిచేవారు. ఆ రోజు ఉదయం 10.30 గంటల నుంచి సాయంత్రం 5గంటల వరకూ మర్రిపాలెం ఉడా లే అవుట్‌లోని విశాఖ సబ్ రీజనల్ ఆఫీస్‌లో ఫిర్యాదులు స్వీకరించనునున్నట్లు పేర్కొన్నారు. విశాఖ, విజయనగరం, శ్రీకాకుళం జిల్లాల ఉద్యోగులు తమ ఫిర్యాదులను సెప్టెంబర్ 5వ తేదీ లోగా పీఎఫ్ కమిషనర్‌కు పోస్టు లేదా కోరియర్, లేదా ఫ్యాక్స్(నెం0891-2558734) ద్వారా తెలియజేసి రిజిస్టర్ చేసుకోవాలని వివరించారు.


 నేనొక ప్రభుత్వ ఉద్యోగిని. ఇప్పటివరకూ నా ప్రావిడెండ్ ఫండ్‌లో కనీస మొత్తమే ఇన్వెస్ట్ చేస్తూ ఉన్నాను. ఇక ఇప్పటి నుంచి వచ్చే పదేళ్ల వరకూ నెలకు రూ.5,000 చొప్పున ఇన్వెస్ట్ చేద్దామనుకుంటున్నాను. ఇలా కాకుండా ఆ మొత్తాన్ని ఏదైనా ఈక్విటీ మ్యూచువల్ ఫండ్‌లో ఇన్వెస్ట్ చేయమని మిత్రులు చెబుతున్నారు. ఈ రెండిటిలో దేంట్లో ఇన్వెస్ట్ చేస్తే మంచి రాబడులు వస్తాయి? ఒక వేళ ఈక్విటీ మ్యూచువల్ ఫండ్స్‌లో ఇన్వెస్ట్ చేస్తేనే మంచి రాబడులు వచ్చే పక్షంలో నేను ఇన్వెస్ట్ చేయడానికి కొన్ని మంచి ఈక్విటీ మ్యూచువల్ ఫండ్స్ సూచించగలరు?
  -ప్రసన్న, హైదరాబాద్
 
  పదేళ్ల దీర్ఘకాలం పాటు ఇన్వెస్ట్ చేయాలనుకుంటున్నారు. కాబట్టి ప్రావిడెండ్ ఫండ్‌లో కన్నా ఈక్విటీ మ్యూచువల్ ఫండ్‌లోనే ఇన్వెస్ట్ చేస్తే మంచి రాబడులు పొందవచ్చు. ఈపీఎఫ్‌ఓ సురక్షితమైనదే కానీ, ద్రవ్యోల్బణాన్ని తట్టుకునే రాబడులను ఇవ్వలేదు. ఈక్విటీ మ్యూచువల్ ఫండ్స్.. కొంత నష్ట భయం ఉన్నప్పటికీ, పదేళ్ల పాటు ఇన్వెస్ట్ చేస్తారు కాబట్టి దీర్ఘకాల పెట్టుబడుల ప్రయోజనాలు పొందవచ్చు. ఇక మీరు అనుకున్నట్లే నెలకు రూ.5,000 చొప్పున ఈక్విటీ మ్యూచువల్ ఫండ్స్‌లో సిస్టమాటిక్ ఇన్వెస్ట్‌మెంట్ ప్లాన్(సిప్) విధానంలో ఇన్వెస్ట్ చేయండి. ఒక లార్జ్ క్యాప్ ఫండ్‌లో కానీ, ఒక మిడ్ క్యాప్ ఫండ్‌లో కానీ ఇన్వెస్ట్ చేయవచ్చు.
 
 లేదా ఒక లార్జ్‌క్యాప్ ఫండ్‌లో కొంత, మరో మిడ్‌క్యాప్ ఫండ్‌లో మరికొంత చొప్పున ఇన్వెస్ట్ చేయవచ్చు. లార్జ్‌క్యాప్ ఫండ్‌లో ఇన్వెస్ట్ చేయాలనుకుంటే..., హెచ్‌డీఎఫ్‌సీ క్యాపిటల్ బిల్డర్, ఫ్రాంక్లిన్ ఇండియా ఫ్లెక్సిక్యాప్, క్వాంటమ్ లాంగ్ టెర్మ్ ఈక్విటీ.. లను పరిశీలించవచ్చు. మిడ్ క్యాప్ ఫండ్‌లో ఇన్వెస్ట్ చేయడానికైతే.., బిర్లా సన్‌లైఫ్ ఫ్రంట్‌లైన్ ఈక్విటీ ఫండ్, హెచ్‌డీఎఫ్‌సీ మిడ్-క్యాప్ ఆపర్చ్యునిటీస్ ఫండ్‌లను పరిశీలించవచ్చు. ఈ ఫండ్స్‌ల్లో ఇన్వెస్ట్ చేసిన 7,8 సంవత్సరాల తర్వాత మీ ఇన్వెస్ట్‌మెంట్స్ అన్నింటిని సిస్టమాటిక్ ట్రాన్సఫర్ ప్లాన్(ఎస్‌టీపీ) ద్వారా డెట్ ఫండ్స్‌కు బదిలీ చేస్తే, అప్పటి మార్కెట్ ఒడిదుడుకుల నుంచి గట్టెక్కవచ్చు. కనీసం ఏడాదికొకసారైనా మీ ఇన్వెస్ట్‌మెంట్స్‌ను సమీక్షించడం మాత్రం మరచిపోకండి. గ్రీస్ రుణ సంక్షోభం, చైనా స్టాక్ మార్కెట్ సూచీ భారీ పతనం... ఈ రెండు అంశాల కారణంగా ఇటీవల కాలంలో స్టాక్ మార్కెట్ తీవ్రమైన ఒడిదుడుకులకు గురవడం మాలాంటి రిటైల్ ఇన్వెస్టర్లను బాగా ఆందోళన పరుస్తోంది. భవిష్యత్తులో ఈ రెండు అంశాల ప్రభావం ఎలా ఉండబోతోంది ? రిటైల్ ఇన్వెస్టర్లుగా మేము ఏం చేయాలి?
  -రాజేష్, విశాఖపట్నం
 
  మీరన్నట్లు గ్రీస్ రుణ సంక్షోభం, చైనా షాంఘై స్టాక్ మార్కెట్ సూచీ భారీ పతనం కారణంగా స్టాక్ మార్కెట్ తీవ్రమైన ఒడిదుడుకులకు గురైంది. ఇది ఒకింత ఆందోళన కలిగించే విషయమే. అయితే సిస్టమాటిక్ ఇన్వెస్ట్‌మెంట్ ప్లాన్(సిప్) విధానంలో దీర్ఘకాలం పాటు ఇన్వెస్ట్ చేసే ఇన్వెస్టర్లు భయపడాల్సిన పని లేదు. మీ ఆర్థిక లక్ష్యాలకనుగుణంగా మీ ఆర్థిక ప్రణాళికకు కట్టుబడి ఉండండి. మంచి ట్రాక్ రికార్డ్ ఉన్న మ్యూచువల్ ఫండ్స్‌లో ఇన్వెస్ట్ చేయండి. ఇప్పటికే ఇలాంటి ఫండ్స్‌లో ఇన్వెస్ట్‌మెంట్స్ ఉంటే వాటిని నిస్సంకోచంగా కొనసాగించండి. డైవర్సిఫికేషన్‌ను పాటించడం మాత్రం మరచిపోకండి. డివిడెండ్‌లు క్రమం తప్పకుండా చెల్లించే ఒక మంచి మ్యూచువల్ ఫండ్‌లో ఇన్వెస్ట్ చేద్దామనుకుంటున్నాను. అలాంటి ఫండ్స్ ఏమైనా ఉన్నాయా? ఉంటే వాటి వివరాలు వెల్లడించండి.
  -శ్రీనివాస్, ఈమెయిల్
 
  ఇన్వెస్ట్‌మెంట్‌కు సంబంధించి ఇది సరైన విధానం కాదు. మ్యూచువల్ ఫండ్స్ విషయంలో డివిడెండ్‌లు అసలు పరిగణించే విషయమే కాదు. ఒపెన్ ఎండ్ మ్యూచువల్ ఫండ్స్‌లో ఇన్వెస్ట్ చేస్తే, ఎప్పుడు కావాలనుకుంటే అప్పుడు, ఎంత కావాలనుకుంటే అంత, లేకపోతే  మొత్తం ఇన్వెస్ట్‌మెంట్స్‌ను ఉపసంహరించుకోవచ్చు. దీర్ఘకాలం పాటు మంచి ట్రాక్ రికార్డ్ ఉన్న మ్యూచువల్ ఫండ్స్‌లో ఇన్వెస్ట్ చేస్తే, మంచి రాబడులు పొందవచ్చు. డివిడెండ్ చెల్లింపులను బట్టి మ్యూచువల్ ఫండ్స్‌లో ఎప్పుడూ ఇన్వెస్ట్ చేయకూడదు. ఐసీఐసీఐ ప్రుడెన్షియల్ లాంగ్-టెర్మ్ ఫండ్ రెగ్యులర్ ఆప్షన్‌లో ఇన్వెస్ట్ చేద్దామనుకుంటున్నాను. ఆ తర్వాత కొంత కాలానికి ఈ ఇన్వెస్ట్‌మెంట్స్‌ను ఐసీఐసీఐ ప్రుడెన్షియల్ డైనమిక్ ఫండ్‌కు సిస్టమాటిక్ ట్రాన్స్‌ఫర్ ప్లాన్(ఎస్‌టీపీ) ద్వారా బదిలీ చేయాలనుకుంటున్నాను. ఇది సరైన నిర్ణయమేనా?
  -నీరజ, తిరుపతి
 
  పెద్ద మొత్తంలో ఇన్వెస్ట్ చేయాలనుకునే మీలాంటి వారికి ఇది సరైన నిర్ణయమే. ఇంతకు ముందు మ్యూచువల్ ఫండ్స్‌లో ఇన్వెస్ట్ చేయని వారికి, ఐదేళ్ల పాటు ఇన్వెస్ట్ చేయాలనుకునేవారికి ఐసీఐసీఐ ప్రుడెన్షియల్ డైనమిక్ ఫండ్ అనేది సరైన ఎంపికే. మీరనుకుంటున్నట్లుగా మీ నిర్ణయాన్ని అమలుపరచండి.


 * కేంద్రమంత్రి దత్తాత్రేయ వెల్లడి
 పటాన్‌చెరు/రామచంద్రాపురం: దేశంలోని వివిధ రకాల కార్మిక చట్టాలను నాలుగు కోడ్‌లుగా మార్చాలని ప్రభుత్వం నిర్ణయించినట్టు కేంద్ర కార్మిక శాఖ సహాయ మంత్రి బండారు దత్తాత్రేయ తెలిపారు. మెదక్ జిల్లా పటాన్‌చెరు పీఎఫ్ కార్యాలయాన్ని బుధవారం ఆయన సందర్శించారు. ఈ సందర్భంగా మాట్లాడుతూ.. 1928 నుంచి 2008 వర కు మొత్తం 44 కార్మిక చట్టాలు ఉన్నాయని తెలిపారు.
 
 వాటన్నింటినీ ఇండస్ట్రియల్ వేజ్ కోడ్, ఇండస్ట్రియల్ రిలేషన్ కోడ్, సోషల్ సెక్యూరిటీ కోడ్, వర్కింగ్ కండిషన్స్ అండ్ సేఫ్టీ కోడ్‌లుగా విభజించి కొత్త చట్టాలను అమల్లోకి తె స్తామని చెప్పారు. ఈ నెల 20న జాతీయ స్థాయిలో లేబర్ కాన్ఫరెన్స్ నిర్వహిస్తున్నామని తెలిపారు. ప్రధాని నరేంద్ర  మోదీ ప్రారంభించే ఈ సదస్సులో కార్మిక సంఘాలు, పారిశ్రామికవేత్తలు, కేంద్ర, రాష్ట్రాల అధికారులు పాల్గొంటారని తెలిపారు. కనీస వేతనాలు అమలు చేసే అంశం రాష్ట్రాలదేనన్నారు.   
  
 పీఎఫ్ ఖాతాదారులకు ఇళ్లు
 మొత్తం 4.3 కోట్ల మంది పీఎఫ్ ఖాతాదారులు ఉన్నారని, వారందరికీ ఇళ్లు కట్టించి ఇస్తామని దత్తాత్రేయ తెలిపారు. కార్యక్రమంలో బీజేపీ అధికార ప్రతినిధి ఎం.రఘునందన్‌రావు, మాజీ ఎమ్మెల్యే కె.సత్యనారాయణ పాల్గొన్నారు.
  
 లేబర్ ఎన్‌ఫోర్స్‌మెంట్
 కార్మిక చట్టాలు సక్రమంగా అమలయ్యేలా లేబర్ ఎన్‌ఫోర్స్‌మెంట్ అవసరమని దానిని ఏర్పాటు చేసేందుకు కృషి చేస్తామని దత్తాత్రేయ అన్నారు. మెదక్ జిల్లా రామచంద్రాపురంలోని ఈఎస్‌ఐ డిస్పెన్సరీని బుధవారం ఆయన సందర్శించారు. ఈ సందర్భంగా ఆయన మాట్లాడుతూ.. ఎప్పటి నుంచో పెండింగ్‌లో ఉన్న సుమారు 7,832 పారామెడికల్ పోస్టులను భర్తీ చేసేందుకు చర్యలు తీసుకుంటామన్నారు.
 
 పెండింగ్‌లో ఉన్న ప్రమోషన్లపై కూడా ఆలోచిస్తామన్నారు. పటాన్‌చెరు, సంగారెడ్డి, జహీరాబాద్, ఐడీఏ బొల్లారంలో ఈఎస్‌ఐ డిస్పెన్సరీలను మెరుగు పర్చేలా ప్రతిపాదనలు చేస్తున్నామన్నారు. కేంద్ర ప్రభుత్వం స్మార్ట్ కార్డును ప్రవేశపెడుతుందన్నారు. ఈఎస్‌ఐ జాయింట్ డెరైక్టర్ పద్మజా, రీజినల్ డెరైక్టర్ రాయ్ పాల్గొన్నారు.


 న్యూఢిల్లీ: ఉద్యోగ భవిష్య నిధి సంస్థ(ఈపీఎఫ్‌ఓ) సభ్యులు తమ భవిష్య నిధి నుంచి గడువుకు ముందే విత్‌డ్రా చేసుకునే నగదును 75 శాతానికి పరిమితం చేయాలని ప్రభుత్వం భావిస్తోంది. మిగతా మొత్తం(25%) ఆ సభ్యులు 58 ఏళ్ల వయసు వచ్చేంతవరకు ఈపీఎఫ్‌ఓ వద్దే ఉంటుంది. ఈ ప్రతిపాదనను కార్మిక శాఖ అనుమతి కోసం పంపించారు. ఉద్యోగ సంఘాలు కూడా ఈ ప్రతిపాదనను సమర్ధిస్తున్నందువల్ల 10-15 రోజుల్లో దీనికి సంబంధించిన మార్గదర్శకాలను విడుదల చేస్తామని కేంద్ర ప్రావిడెంట్ ఫండ్ కమిషనర్ కేకే జలన్ వెల్లడించారు.
 
 గృహనిర్మాణం, పెళ్లి, పిల్లల చదువు తదితర కారణాలకు కూడా ఈ 75% పరిమితి వర్తిస్తుందన్నారు. పీఎఫ్ ఉద్దేశం వృద్ధాప్యంలో ఆర్థిక సాయం అందించడమని, దానికి కాకుండా మరే కారణానికి ఆ మొత్తాన్ని ఉపయోగించడం సరికాదని తాము భావిస్తున్నామని వివరించారు. ప్రస్తుతమున్న నిబంధనల ప్రకారం.. 58 ఏళ్ల లోపు వయసున్న ఈపీఎఫ్‌ఓ సభ్యులు గత రెండు నెలలుగా తమకే ఉద్యోగం లేదన్న కారణం చూపుతూ మొత్తం పీఎఫ్‌ను విత్‌డ్రా చేసుకునే అవకాశం ఉంది.


 కేంద్ర కార్మిక శాఖ మంత్రి దత్తాత్రేయ
 హైదరాబాద్: ఉద్యోగుల భవిష్య నిధి (పీఎఫ్)కి సంబంధించిన క్లెయిమ్‌లు ఇకపై 20 రోజుల్లోనే పరిష్కారమవుతాయని కేంద్ర కార్మికశాఖ మంత్రి బండారు దత్తాత్రేయ తెలిపారు. గతంలో క్లెయిమ్‌ల పరిష్కారానికి నెల వ్యవధిపట్టేదని తాజా నిర్ణయంతో 10 రోజుల ముందుగానే పీఎఫ్ ప్రయోజనాలను చందాదారులు పొందొచ్చని వివరించారు. కార్మికులకు రూ. 1,000 ఈపీఎఫ్ పింఛను పథకాన్ని కొనసాగిస్తామన్నారు. శుక్రవారం హైదరాబాద్‌లోని (బర్కత్‌పురాలో) ఈపీఎఫ్ కార్యాలయంలో తెలంగాణ, ఆంధ్రప్రదేశ్ పీఎఫ్ కార్యకలాపాలపై ఉన్నతాధికారులతో ఆయన సమీక్షించారు.
 
 అనంతరం ఆయన మీడియాతో మాట్లాడుతూ ప్రస్తుతం తెలంగాణలోని 39,734 పరిశ్రమల్లో 85.65 లక్షల మంది కార్మికులు, ఆంధ్రప్రదేశ్‌లో 35,218 కర్మాగారాల్లో  31.64 లక్షల మంది  కార్మికులు ఈపీఎఫ్ చందాదారులుగా నమోదయ్యారన్నారు. ఈపీఎఫ్‌లో రూ. 6 లక్షల కోట్లు, ఇతర సంస్థల్లో రూ. 2 లక్షల కోట్ల కార్పస్ ఫండ్ ఉందని, ఈ సొమ్ముకు కార్మికశాఖ ధర్మకర్తగా వ్యవహరించి కార్మికులకు చెల్లింపులు చేస్తామన్నారు.  8 కోట్ల చందాదారులకు చెందిన రూ. 27 వేల కోట్ల అన్‌క్లెయిమ్డ్ సొమ్ము సంస్థ వద్ద ఉందని, ఇందులో తెలంగాణకు సంబంధించి రూ. 32 కోట్లు, ఏపీకి సంబంధించి రూ. 38 కోట్లు ఉందన్నారు. ఈ మొత్తాన్ని సంబంధిత చందాదారులకు చెందేలా చర్యలు తీసుకుంటున్నామన్నారు.


 ఓ కాంట్రాక్టర్ నిర్లక్ష్యం 120 గ్రామాల ప్రజల దాహార్తికి కారణమైంది. సిబ్బందికి సక్రమంగా జీతాలు చెల్లించకపోవడంతో పాటు పీఎఫ్ డబ్బులు జమచేయకపోవడంతో రామన్‌పాడు కాంట్రాక్ట్ సిబ్బంది తాగునీరు సరఫరా చేసే మోటార్లు బంద్ పెట్టారు. షట్టర్లు మూసివేశారు. ఇప్పటికే లీకేజీల పేరుతో తాగునీరు సక్రమంగా అందక ఇబ్బంది పడుతున్న జనం.. ఇప్పుడు కాంట్రాక్టర్ కారణంగా మరింత ఇబ్బంది పడాల్సిన పరిస్థితి ఏర్పడింది.
  
  గోపాల్‌పేట/కొత్తకోట అచ్చంపేట రక్షిత మంచినీటి పథకంలో పనిచేస్తున్న కాంట్రాక్టు కార్మికులు గురువారం అర్ధరాత్రి నుంచి విధులు బహిష్కరించి సమ్మెకు దిగారు. దీంతో జిల్లాలోని 120 గ్రామాలకు తాగునీటి సరఫరా నిలిచి పోయింది. మూడునెలల పెండింగ్ వేతనాలు, ఆరు నెలలకు సంబంధించి పీఎఫ్ డబ్బులు చెల్లించాలని డిమాండ్ చేస్తూ కార్మికులు శుక్రవారం కొత్తకోట మండలం రామన్‌పాడు హెడ్‌వర్క్ దగ్గర సమ్మె చేపట్టారు. గోపాల్‌పేట, గట్టుతుమ్మన్‌పేట, రామన్‌పాడు పంప్‌హౌస్‌లల్లో అర్ధరాత్రి నుంచి మోటార్లు బంద్‌చేసి షట్టర్లు మూసివేయడంతో తాగునీటి సరఫరా పూర్తిగా స్తంభించింది.
  
 
  దీంతో వనపర్తి, నాగర్‌కర్నూల్, అచ్చంపేట, కొల్లాపూర్ నియోజకవర్గాలలోని 120 గ్రామాల ప్రజలు దాహార్తితో అలమటిస్తున్నారు. ఈ అచ్చంపేట రక్షిత మంచినీటి పథకంలో ఆపరేటర్లు, లైన్‌మెన్లు, సూపర్‌వైజర్లు మొత్తం 72మంది విధులు నిర్వహిస్తున్నారు. వీరికి గత ఫిబ్రవరి, మార్చి, ఏప్రిల్ నెలల నుంచి కాంట్రాక్టర్ వేతనాలు చెల్లించలేదు. అదేవిధంగా పీఎఫ్ నిధి కోసం కార్మికుల జీతాలు నుంచి ఆరునెలల వాటాదానాన్ని తీసుకుని బ్యాంకులో జమచేయలేదు. దీనికోసం కార్మికులు పలుమార్లు కాంట్రాక్టర్, ఆర్‌డబ్ల్యూఎస్ అధికారుల దృష్టికి తీసుకువచ్చారు. స్పందించకపోవడంతో సమ్మె బాట పట్టారు.
  
  కార్మికులతో కాంట్రాక్టర్
  చర్చలు విఫలం
  రామన్‌పాడు హెడ్‌వర్క్ దగ్గర సమ్మె చేస్తున్న కార్మికులతో కాంట్రాక్టర్ రాజశేఖర్ శుక్రవారం జరిపిన చర్చలు విఫలమయ్యాయి. శనివారం రోజు ఫిబ్రవరి, మార్చి నెలలకు సంబంధించి రెండు నెలల జీతాలను చెల్లిస్తానని విధుల్లో చేరాలని కాంట్రాక్టర్ నచ్చజెప్పారు. పీఎఫ్ నిధిలో ఆరు నెలల తమ వాటను తీసుకుని మీ వాటా కలిపి ఎందుకు బ్యాంకులో జమ చేయలేదని కార్మికులు ప్రశ్నించారు. లేకపోతే తమ డబ్బులైనా తిరిగి చెల్లించాలని అడిగారు. ఆలస్యమైన మాట వాస్తవమేనని సోమవారం నుంచి ఈ ప్రక్రియను ప్రారంభిస్తానని కాంట్రాక్టర్ చెప్పారు. అయితే, తమకు జీతాలు చేతికి అందిన తర్వాతే విధుల్లో చేరతామని.. అప్పటి వరకు సమ్మె కొనసాగిస్తామని కార్మికులు తేల్చి చెప్పారు.
  
  ఏప్రిల్ నెలలోనే నాలుగుసార్లు బంద్ అయిన మోటార్లు
  ఏప్రిల్ నెలలోనే నాలుగుసార్లు మోటార్లు బంద్ కావడంతో 120 గ్రామాల ప్రజలు తీవ్ర ఇబ్బందులు ఎదుర్కొంటున్నారు. ఒకసారి కొత్తకోట మండలం అజ్జకోలు దగ్గర లీకేజీ మరమతులకు నాలుగు రోజులు, వనపర్తి మండలం రాజనగరం-చిట్యాల గ్రామల మద్యం జేసీబీ తగిలి పగిలిన పైపు మరమతుకు మూడు రోజులు, మళ్లీ రాజనగరం సమీపంలో ఇటాచీ తగిలి పగిలిన పైపు మరమతుకు రెండు రోజులు, ఇప్పుడు కార్మికుల సమ్మె కారణంగా మోటార్లు బంద్ చేయడంతో రామన్‌పాడు నీళ్లపైన ఆధారపడిన ప్రజలు నానా అవస్థలు పడుతున్నారు. ఈ క్రమంలో కార్మికులు జీతాల కోసం సమ్మె చేస్తున్నప్పటికీ ఆర్‌డబ్ల్యూఎస్ అధికారులు స్పందించకపోవడాన్ని పలువురు విమర్శిస్తున్నారు.
  


 
 మారిన నిబంధనలు..
 
 పీఎఫ్ తప్పనిసరి..
 
 యాభై ఏళ్ల లోపు వారికే..
 
 కోరుట్ల: బీడీ కార్మికుల జీవన భృతికి సర్కారు మరో మెలిక పెట్టింది. సమగ్ర కుటుంబ సర్వేలో బీడీ కార్మికురాలిగా నమోదు కాని కారణంగా భృతిని పొందలేకపోయిన వారి కోసం మరోసారి సర్వేకు సిద్ధమవుతున్న తరుణంలోనే నిబంధనలు మార్చింది.
  
 గతంలో బీడీ కార్మిక భృతికి ఎంపిక నిబంధనలను మారుస్తూ కొత్త మార్గదర్శకాలతో ఉత్తర్వులు జారీ చేసింది. తాజా మార్గదర్శకాల ప్రకారం బీడీ కార్మికులకు తప్పని సరిగా పీఎఫ్ ఉండడంతో పాటు, యాభై ఏళ్లలోపు వయస్సు ఉండాలని నిర్దేశించింది.  
  
 తాజా దరఖాస్తులు 1.20 లక్షలు
 
 సమగ్ర కుటుంబ సర్వే ఆధారంగా మొదటి విడత బీడీ కార్మిక భృతి కోసం అర్హులను ఎంపిక చేశారు. అయితే, పీఎఫ్ ఉండి.. అన్ని అర్హతలున్నా, సమగ్ర సర్వేలో నమోదు కాని కారణంగా తమకు బీడీ కార్మిక భృతి అందలేదని ఆందోళన వ్యక్తమైంది. దీంతో బీడీ కార్మికులు భృతి కోసం మళ్లీ దరఖాస్తులు చేసుకునే అవకాశం కల్పించారు. ఈ క్రమంలో బీడీ కార్మిక భృతి కోసం కరీంనగర్ జిల్లాలో 44 వేలు, ఆదిలాబాద్‌లో 8 వేలు, మెదక్‌లో 13 వేలు, నిజామాబాద్‌లో 48 వేలు, వరంగల్‌లో 6 వేల మంది దరఖాస్తులు వచ్చినట్లు ఆయా జిల్లాల కలెక్టర్లు ప్రభుత్వానికి నివేదిక ఇచ్చారు. ఇలా దరఖాస్తులు చేసుకున్న వారికి సంబంధించిన సర్వే.. ఎంపిక కోసం ఈనెల 7న పంచాయతీరాజ్, గ్రామీణాభివృద్ధి శాఖ జీవో ఎంఎస్ 38 ద్వారా కొత్త మార్గదర్శకాలు జారీ చేసింది.
  
 పీఎఫ్‌తో పాటు యాభై ఏళ్లలోపు వారైతేనే
 
 గతంలో బీడీ కార్మికుల పీఎఫ్‌తో సంబంధం లేకుండా.. బీడీ కార్మికురాలిగా నమోదై.. సర్వేలో బీడీలు చుడుతున్నట్లు తేలిన వారికి భృతి మంజూరు చేశారు. ఈసారి మాత్రం బీడీ కార్మిక భృతి కోసం పీఎఫ్ తప్పనిసరి చేశారు. 28 ఫిబ్రవరి 2014లోపు బీడీ కార్మికురాలు పీఎఫ్ నమోదు చేసుకుని ఉండాలి. దీంతో పాటు యాభై ఏళ్ల లోపు వయసున్న వారికే బీడీ కార్మిక భృతి మంజూరు చేయనున్నట్లు మార్గదర్శకాల్లో పేర్కొన్నారు. మొదటి విడతలో పీఎఫ్ లేని వారికి బీడీ కార్మిక భృతి ఇవ్వడంతో చాలా మంది పీఎఫ్ లేని బీడీ కార్మికులు దరఖాస్తు చేసుకున్నారు. అప్పుడు వయసుతో నిమిత్తం లేకుండా బీడీ కార్మిక భృతి మంజూరు చేశారు. ఇప్పుడు నిబంధనలు మార్చడంతో తమకు రెండో విడత సర్వేలోనూ బీడీ కార్మిక భృతి అందని ద్రాక్షే అవుతుందని కార్మికులు ఆందోళన చెందుతున్నారు.


  న్యూఢిల్లీ: స్టాక్ మార్కెట్లు, ఈక్విటీ సంబంధిత పథకాల్లోకి ఉద్యోగుల భవిష్య నిధి సంస్థ(ఈపీఎఫ్‌ఓ) నిధులను మళ్లించడం దాదాపు ఖాయమయినట్లు కనబడుతోంది. మొదట మొత్తం నిధుల్లో ఒక శాతాన్ని ఈక్విటీ మార్కెట్లు, ఆయా స్కీమ్‌లలోకి మళ్లించి, అటు తర్వాత ఈ పెట్టుబడులను 5 శాతం వరకూ  పెంచాలన్నది  కార్మిక మంత్రిత్వశాఖ ప్రతిపాదనని సీనియర్ అధికారులు తెలియజేస్తున్నారు. తరువాతి క్రమంలో ఎప్పటికప్పుడు సమీక్ష, తదనుగుణంగా నిర్ణయాలు ఉంటాయి.  త్వరలో ఈ అంశంపై విధివిధానాలను ఆవిష్కరించనున్నట్లు కూడా అధికారులు తెలిపారు. మంగళవారం నాడు ఇక్కడ ఈపీఎఫ్‌ఓ సెంట్రల్ ట్రస్టీల బోర్డ్ సమావేశమై ఎంప్లాయీస్ ప్రావిడెంట్ ఫండ్ అండ్ మిస్‌లీనియస్ ప్రొవిజన్స్ యాక్ట్, 1952 సమగ్ర సవరణలపై చర్చలు జరిపింది. ఈ సందర్భంగా సీనియర్ అధికారులు కొందరు విలేకరులకు ఈ అంశాలు తెలిపారు.  
  
  అందరి అభిప్రాయాలమేరకే: దత్తాత్రేయ
  ప్రస్తుతం ఈపీఎఫ్‌ఓ  దాదాపు 5 కోట్ల మంది చందాదారులతో దాదాపు రూ.6.5 లక్షల కోట్ల నిధిని నిర్వహిస్తోంది. 2015-16 బడ్జెట్‌లో ఆర్థికమంత్రి అరుణ్‌జైట్లీ కూడా కనీసం 5% వరకూ  ఈపీఎఫ్‌ఓ నిధులను ఈక్విటీ, సంబంధిత పథకాల్లో పెట్టుబడులను ప్రతిపాదించారు. గరిష్టంగా 15% వరకూ ఈ నిధులు ఉండవచ్చని ఆర్థిక మంత్రిత్వశాఖ వర్గాలు భావిస్తున్నట్లు వార్తలు వెలువడ్డాయి. ప్రపంచ వ్యాప్తంగా అనుభవాలను చూస్తే... ఈక్విటీ ఇన్వెస్ట్‌మెంట్ వల్ల అధిక లాభాలు వస్తాయన్న విషయం రుజువవుతోందని కార్మిక మంత్రిత్వశాఖ భావిస్తున్నట్లు ఉన్నత స్థాయి వర్గాలు తెలిపాయి. కాగా మంగళవారం సమావేశం అనంతరం కార్మిక శాఖ మంత్రి బండారు దత్తాత్రేయ మాట్లాడుతూ, అందరి అభిప్రాయాలకు అనుగుణంగానే ఈపీఎఫ్‌ఓ నిధుల పెట్టుబడులపై కేంద్ర నిర్ణయం ఉంటుందని


 న్యూఢిల్లీ: ఉద్యోగుల భవిష్య నిధి సంస్థ(ఈపీఎఫ్‌వో)లో చందాదారులుగా ఉన్న 5 కోట్ల మందికి ఇళ్ల నిర్మాణ పథకం చేపట్టేందుకు కసరత్తు సాగుతోందని కార్మిక శాఖ మంత్రి బండారు దత్తాత్రేయ లోక్‌సభలో తెలిపారు. ఈ మేరకు సంస్థ సెంట్రల్ బోర్డ్ ఆఫ్ ట్రస్టీస్(సీబీటీ) కిందటేడాది డిసెంబర్‌లో ఒక కమిటీ ఏర్పాటు చేసిందన్నారు.


 - చిరుద్యోగులకు వెసులుబాటు
  
 న్యూఢిల్లీ: చిరుద్యోగులకు ప్రభుత్వం వెసులుబాటు కల్పించింది. నిర్దిష్ట పరిమితి కంటే తక్కువగా నెలవారీ వేతనం పొందుతున్న కార్మికులు ఇకమీదట ఈపీఎఫ్(ఎంప్లాయీస్ ప్రావిడెంట్ ఫండ్) కు తమ వంతు పీఎఫ్ వాటాను చెల్లించడం ఐచ్ఛికం కానుంది. అయితే యాజమాన్యాలు మాత్రం ఈ పథకానికి తమ వంతు వాటాను చెల్లించాల్సిందే. ఆర్థికమంత్రి అరుణ్ జైట్లీ శనివారం తన బడ్జెట్ ప్రసంగంలో ఈ విషయం ప్రకటించారు. అయితే బడ్జెట్ ప్రతిపాదనల్లో వేతన పరిమితి ఎంతనేది నిర్దిష్టంగా పేర్కొనలేదు. ప్రస్తుతం ఉద్యోగులందరూ బేసిక్ శాలరీ, డీఏతోసహా తమ బేసిక్ వేతనంలో 12 శాతాన్ని పీఎఫ్ వాటాగా చెల్లిస్తున్న విషయం తెలిసిందే. ఇందుకు ప్రతిగా యాజమాన్యాలు తమ వంతు వాటాను చెల్లిస్తున్నాయి.
  
 ఇదిలా ఉండగా ఉద్యోగుల భవిష్యనిధి సంస్థ(ఈపీఎఫ్‌వో) నిర్వహిస్తున్న ఈపీఎఫ్ పథకం, కొత్త పెన్షన్ పథకం(ఎన్‌పీఎఫ్)లలో ఏదో ఒకదానిని ఎంచుకునే సౌలభ్యం సంఘటితరంగ ఉద్యోగులకు లభించనుంది. అదేవిధంగా ఈఎస్‌ఐ కల్పించే ఆరోగ్య సదుపాయాలు లేదా బీమా నియంత్రణ అభివృద్ధి సంస్థ గుర్తింపు పొందిన ఆరోగ్య బీమాలలో ఏదో ఒకదానిని ఎంచుకునే వెసులుబాటు సైతం వారికి లభించనుంది. ఇందుకు సంబంధించిన చట్టాన్ని ప్రభుత్వం సవరిస్తుందని జైట్లీ తెలిపారు. ఈపీఎఫ్‌వో సామాజిక భద్రతా పథకాల కింద ప్రస్తుతం ఐదుకోట్ల మంది ప్రయోజనం పొందుతున్నారు.
  
 ఈపీఎఫ్, పీపీఎఫ్ ఖాతాల్లో ఎవరూ క్లెయిమ్ చేయని కారణంగా పేరుకుపోయిన రూ.తొమ్మిదివేల కోట్లతో(ఈపీఎఫ్‌లో రూ.6 వేల కోట్లు, పీపీఎఫ్‌లో రూ.3 వేల కోట్లు) వృద్ధుల సంక్షేమం కోసం ఒక నిధిని ఏర్పాటు చేస్తారు. ఈ మొత్తాన్ని వృద్ధాప్య పింఛన్లు పొందేవారు, బీపీఎల్ కార్డుదారులు, చిన్న, సన్నకారు రైతులు, ఇతరు నిమ్నవర్గాలకు చెందినవారికి ప్రీమియం చెల్లింపులకోసం వినియోగిస్తారు.
  
 ఉద్యోగుల వేతనాల చెల్లింపులకు సంబంధించిన చట్టాల్లో సమూల మార్పులను ప్రభుత్వం తీసుకురానుంది. ఇందులో భాగంగా ఉద్యోగులు తమ శాలరీని ఏ విధంగా పొందాలో వారే నిర్ణయించుకోవచ్చు. సంబంధితులందరితో చర్చించిన అనంతరం ఈ చట్టాన్ని సవరించనున్నట్టు జైట్లీ తెలిపారు.
 
  


 ఈపీఎఫ్‌ఓ ప్రతిపాదన...
 ♦ చందాదారులకు రుణాలు, మెరుగైన రాబడులను అందించడమే లక్ష్యం
 న్యూఢిల్లీ: కార్మికుల కోసం ప్రత్యేకంగా ఒక బ్యాంక్ ఏర్పాటు దిశగా అడుగులు పడుతున్నాయి. రూ.6.5 లక్షల కోట్ల భారీ మూలనిధితో తులతూగుతున్న ఉద్యోగుల భవిష్య నిధి సంస్థ(ఈపీఎఫ్‌ఓ).. ఈ ప్రతిపాదనను తెరపైకి తీసుకొచ్చింది. ప్రధానంగా పీఎఫ్ చందాదారులకు మరింత మెరుగైన రాబడులను అందించడంతో పాటు వారికి సులువుగా రుణ సదుపాయాన్ని కల్పించడమే దీని లక్ష్యం. ‘ఈపీఎఫ్‌ఓ నిధులను  ఉపయోగించుకొని కార్మికుల బ్యాంకు ఏర్పాటు చేయాలన్న ప్రతిపాదనపై మేం కసరత్తు చేస్తున్నాం. పూర్తిస్థాయిలో కొలిక్కివచ్చాక దీన్ని ఆర్థిక సేవల విభాగానికి(డీఎఫ్‌ఎస్) పంపనున్నాం’ అని కార్మిక శాఖలోని సీనియర్ అధికారి ఒకరు పేర్కొన్నారు.
 
 గతేడాది డిసెంబర్ 19న జరిగిన ఈపీఎఫ్‌ఓ కేంద్ర టస్ట్రీల బోర్డు(సీబీటీ) సమావేశంలోనే ఈ ప్రతిపాదన చర్చకు వచ్చింది. కాగా, ఈపీఎఫ్‌ఓ సేవలను మెరుగుపరచడానికి చర్యలు ఊపందుకుంటున్న నేపథ్యంలో బ్యాంకును ఏర్పాటు చేయడానికి ఇది సరైన తరుణం కాదని మరో సీనియర్ అధికారి అభిప్రాయపడ్డారు. ప్రధానంగా పోర్టబుల్ పీఎఫ్ నంబర్లు ఇతరత్రా కోర్ బ్యాంకింగ్ తరహా సేవలను ఇప్పుడిప్పుడే ప్రవేశపెడుతున్నామని.. ఇటువంటి సమయంలో కొత్త వెంచర్‌ను ప్రారంభించేకంటే.. ఉన్న సేవలనే మరింత సమర్థంగా అందించడంపై దృష్టిపెడితే బాగుంటుందని కూడా ఆయన వ్యాఖ్యానించారు.
  
 హైదరాబాద్‌లో సెంట్రల్ ఒకేషనల్ వర్సిటీ!
 ప్రస్తుతం ఈపీఎఫ్‌ఓకు 5 కోట్లకు పైగా పీఎఫ్ చందాదారులు ఉన్నారు. రూ.6.5 లక్షల కోట్ల మూలనిధి(కార్పస్) ఉంది. ప్రతి ఏటా రూ.70,000 కోట్లు డిపాజిట్ల రూపంలో జమఅవుతున్నాయి. మరోపక్క, సెంట్రల్ ఒకేషనల్ యూనివర్సిటీ ఏర్పాటు ప్రతిపాదనపై కార్మిక శాఖ కసరత్తు చేస్తోందని కూడా సీనియర్ అధికారి ఒకరు చెప్పారు. దీని ప్రధాన క్యాంపస్ హైదరాబాద్‌లో, ప్రాంతీయ క్యాంపస్‌లు లూధియానా, కోల్‌కతా, గుజరాత్, చెన్నైలలో నెలకొల్పాలని ప్రతిపాదిస్తున్నారు. కాగా, గురువారం జరగాల్సిన సీబీటీ సమావేశం వాయిదా పడింది. ఏప్రిల్ 1 నుంచి మూడేళ్ల కాలానికి సంస్థ నిధుల నిర్వహణ కోసం ఫండ్ మేనేజర్ల నియామకం, ఈపీఎఫ్‌ఓ పెన్షన్ పొందేందుకు చందాదారుల వయస్సును ఇప్పుడున్న 58 ఏళ్ల నుంచి 60కి పెంచడం వంటి ప్రతిపాదనలను ఈ భేటీలో చర్చించాల్సి ఉంది.


 నేనొక ప్రభుత్వ ఉద్యోగిని, ఇప్పటివరకూ నా పీఎఫ్‌లో కనీస మొత్తం మాత్రమే జమ అయ్యేలా చూసుకుంటున్నాను. ఇక ఇప్పటి నుంచి నెలకు రూ.5,000 పీఎఫ్‌లో ఇన్వెస్ట్ చేద్దామనుకుంటున్నాను. పదేళ్ల వరకూ ఈ మొత్తాన్ని విత్‌డ్రా చేసుకునే ఆలోచనేదీ లేదు.  ఇంత మొత్తం పీఎఫ్‌లో ఇన్వెస్ట్ చేయడం మంచిదా ? లేక ఏదైనా ఈక్విటీ మ్యూచువల్ ఫండ్‌లో ఇన్వెస్ట్ చేయమంటారా? ఒకవేళ ఈక్విటీ మ్యూచువల్ ఫండ్‌లో ఇన్వెస్ట్ చేయడమే కరెక్టయితే, ఏ ఫండ్స్‌లో ఇన్వెస్ట్ చేయమంటారు?
 -రాజేశ్ బాబు, కడప
  
 నేనైతే ఈక్విటీ మ్యూచువల్ ఫండ్స్‌లోనే ఇన్వెస్ట్ చేయమని చెబుతాను. ద్రవ్యోల్బణాన్ని తట్టుకునే రాబడులు రావాలంటే పీఎఫ్‌లో కంటే ఈక్విటీ మ్యూచువల్ ఫండ్స్‌లో ఇన్వెస్ట్ చేయడమే ఉత్తమం. పీఎఫ్‌లో సొమ్ములు భద్రంగా ఉంటాయి. కానీ, ద్రవ్యోల్బణాన్ని అధిగమించే రాబడులు మాత్రం రావు. ఈక్విటీ మ్యూచువల్ ఫండ్స్‌లో ఇన్వెస్ట్ చేయడం రిస్క్‌తో కూడుకున్నది అయినప్పటికీ, పదేళ్లపాటు ఇన్వెస్ట్ చేస్తారు. కాబట్టి మంచి రాబడులే వస్తాయి. ప్రతినెలా రూ.5,000 చొప్పున ఈక్విటీ మ్యూచువల్ ఫండ్స్‌లో క్రమం తప్పకుండా ఇన్వెస్ట్ చేస్తే ద్రవ్యోల్బణాన్ని దీటుగా తట్టుకునే రాబడులు పొందవచ్చు.
 
 ఇక మీ ఇన్వెస్ట్‌మెంట్స్ విషయానికొస్తే, ఏవైనా రెండు లార్జ్ అండ్ మిడ్‌క్యాప్ కేటగిరి ఫండ్స్‌లో కానీ, లేదంటే ఒక లార్జ్‌క్యాప్ ఫండ్, మరో మిడ్‌క్యాప్ ఫండ్‌లో వేర్వేరుగా ఇన్వెస్ట్ చేయండి. మీ ఇన్వెస్ట్‌మెంట్స్‌కు పరిశీలించదగ్గ కొన్ని ఫండ్స్-హెచ్‌డీఎఫ్‌సీ క్యాపిటల్ బిల్డర్, ఫ్రాంక్లిన్ ఇండియా ఫ్లెక్సిక్యాప్, క్వాంటమ్ లాంగ్‌టెర్మ్ ఈక్విటీ, బిర్లా సన్‌లైఫ్ ఫ్రంట్‌లైన్ ఈక్విటీ ఫండ్. హెచ్‌డీఎఫ్‌సీ మిడ్-క్యాప్ ఆపర్చునిటీస్ ఫండ్, మీరు మ్యూచువల్ ఫండ్స్‌లో ఇన్వెస్ట్ చేసిన తర్వాత వాటిని ఎప్పటికప్పుడు కనీసం ఆరు నెలలకొకసారైనా సమీక్షించడం తప్పనిసరి.
  
 ఆదాయపు పన్ను చట్టం ప్రకారం ఈక్విటీ లింక్డ్ సేవింగ్స్ స్కీమ్(ఈఎల్‌ఎస్‌ఎస్)కు సెక్షన్ 80 సీ కింద రూ.లక్ష వరకూ పన్ను మినహాయింపులు ఉన్నాయి. 2014 బడ్జెట్‌లో సెక్షన్ 80సీ కింద పన్ను మినహాయింపు పరిమితిని రూ.లక్షన్నర వరకూ పెంచారు. ఈ బడ్జెట్‌లో ఈఎల్‌ఎస్‌ఎస్‌ల పన్ను మినహాయింపులకు సంబంధించి ఏమైనా మార్పులు, చేర్పులు జరిగాయా? 2014-15కు పన్ను రాయితీలు పొందేందుకు ఒక్క ఈఎల్‌ఎస్‌ఎస్‌లో రూ. 1.5 లక్షలు ఇన్వెస్ట్ చేయవచ్చా?  అలా కాని పక్షంలో ఈఎల్‌ఎస్‌ఎస్‌ల నుంచి ఎంత ఇన్వెస్ట్ చేస్తే పన్ను మినహాయింపు పొందవచ్చు?     -కామేశ్, అనంతపురం
  
 ఈ ఆర్థిక సంవత్సరం బడ్జెట్‌లో సెక్షన్ 80 సీ కింద పన్ను మినహాయింపు పరిమితి రూ. లక్ష నుంచి రూ.లక్షన్నరకు పెరిగింది. అయితే పన్ను ఆదా చేసే స్కీమ్‌ల్లో ఎలాంటి మార్పులు, చేర్పులు లేవు. ఈఎల్‌ఎస్‌ఎస్‌కు గతంలో ఉన్న రాయితీలు ఇప్పుడు కూడా కొనసాగుతాయి. సెక్షన్ 80సీ కింద  రూ. లక్షన్నర పన్ను మినహాయింపు పొందడానికి ఇంత మొత్తంలో ఈఎల్‌ఎస్‌ఎస్‌లో ఇన్వెస్ట్ చేయవచ్చు. అయితే ఇది ఈక్విటీ ఇన్వెస్ట్‌మెంట్ కాబట్టి, రిస్క్ ఉంటుందనే విషయం మరచిపోవద్దు.
 
 మార్కెట్లు ఒడిదుడుకులుగా ఉంటాయి కాబట్టి ఈఎల్‌ఎస్‌ఎస్‌ల్లో నష్టాలు కూడా వచ్చే అవకాశాలున్నాయి. సురక్షితమైన, ఇతర స్థిరాదాయ రాబడులున్నప్పుడు మాత్రమే మీరు ఈఎల్‌ఎస్‌ఎస్‌ల్లో ఇన్వెస్ట్ చేయడం ఉత్తమం. మీ ఇన్వెస్ట్‌మెంట్స్‌ను ఒకే మ్యూచువల్ ఫండ్ ఈఎల్‌ఎస్‌ఎస్‌ల్లో కాకుండా విభిన్నరకాలైన మ్యూచువల్ ఫండ్ ఈఎల్‌ఎస్‌ఎస్‌ల్లో ఇన్వెస్ట్ చేయడం మంచిది. క్వాంటమ్ ట్యాక్స్ సేవింగ్స్, రిలయన్స్ ఈక్విటీ ట్యాక్స్ సేవర్, ఐసీఐసీఐ ప్రు ట్యాక్స్ ప్లాన్, యాక్సిస్ లాంగ్ టెర్మ్ ఈక్విటీలు... ఇన్వెస్ట్‌మెంట్స్‌కు పరిశీలించదగ్గ కొన్ని ఈఎల్‌ఎస్‌ఎస్‌లు.
  
 ఎలాంటి బ్రోకరేజ్ చెల్లింపులు లేకుండా మ్యూచువల్ ఫండ్ స్కీమ్‌ల్లో ఇన్వెస్ట్ చేసే అవకాశాముందా? ప్రస్తుతం నేను డీమ్యాట్ అకౌంట్ ద్వారా మ్యూచువల్ ఫండ్ స్కీమ్‌ల్లో ఇన్వెస్ట్ చేస్తున్నాను. అయితే ఒక్కో లావాదేవీకి రూ.25 ఖర్చవుతోంది. అయితే ఎలాంటి బ్రోకరేజ్ లేదా కనీస మొత్తం చెల్లింపులతో మ్యూచువల్ ఫండ్స్‌ను కొనుగోలు చేసే వీలుందా?             -ప్రగతి, విజయవాడ
  
 ఎలాంటి బ్రోకరేజ్ చెల్లింపులు లేకుండా మ్యూచువల్ ఫండ్ డెరైక్ట్ ప్లాన్‌లలో మీరు ఇన్వెస్ట్ చేయవచ్చు. మ్యూచువల్ ఫండ్ బ్రాంచ్ ఆఫీస్‌కు వెళ్లి సంబంధిత పత్రాలను నింపి ఈ ప్లాన్‌ల్లో ఎలాంటి బ్రోకరేజ్ చెల్లింపులు లేకుండా ఇన్వెస్ట్ చేయవచ్చు. లేదంటే సదరు మ్యూచువల్ ఫండ్ సంస్థ వెబ్‌సైట్ ద్వారా నేరుగా డెరైక్ట్ ప్లాన్‌ల్లో ఎలాంటి బ్రోకరేజ్ లేకుండా ఇన్వెస్ట్ చేయవచ్చు. ఈ యూనిట్లు ఎలక్ట్రానిక్ రూపంలో ఉంటాయి.  ఆన్‌లైన్ స్టేట్‌మెంట్‌లు పొందవచ్చు.    డీమ్యాట్ ద్వారా మీరు మ్యూచువల్ ఫండ్ యూనిట్లను కొన్నట్లయితే, మీ డీమ్యాట్ అకౌంట్‌ను నిర్వహించే డిస్ట్రిబ్యూటర్ బ్రోకరేజ్ ఫీజును గానీ, కమిషన్‌ను గానీ వసూలు చేస్తారు.


 న్యూఢిల్లీ: సంఘటిత రంగంలోని కార్మికులు పెన్షన్, పీఎఫ్, ఈఎస్‌ఐ, డిపాజిట్ ఆధారిత బీమా వంటి  పథకాల ప్రయోజనాలను పొందేందుకు వీలుగా ఒకే స్మార్ట్‌కార్డ్‌ను జారీ చేయాలని కేంద్రం భావిస్తోంది. ఇందుకోసం వారి యూనివర్సల్ పీఎఫ్ అకౌంట్ నంబర్(యూఏఎన్), ఆధార్, పాన్, బ్యాంకు ఖాతా నంబర్లతోపాటు బ్యాంకు బ్రాంచీల ఐఎఫ్‌ఎస్‌సీ కోడ్‌లను సేకరించి స్మార్ట్‌కార్డ్‌కు అనుసంధానించాలనుకుంటోంది. తద్వారా స్మార్ట్‌కార్డ్‌ను కార్మికుల వివరాల గుర్తింపుతోపాటు వారిపై ఆధారపడిన కుటుంబ సభ్యుల వివరాలను ఈపీఎఫ్‌వో, ఈఎస్‌ఐసీ వంటి ప్రభుత్వ సంస్థల ద్వారా ధ్రువీకరించుకునేందుకు సాధనంగా ఉపయోగించుకోనుంది.
  


 న్యూఢిల్లీ: ఉద్యోగుల ‘భవిష్య నిధి (పీఎఫ్) క్లెయింలను త్వరలో ఆన్‌లైన్లోనే ఖాతాదారులు పరిష్కరించుకునే విధంగా ఈపీఎఫ్‌వో చర్యలు తీసుకుంటోంది. డిసెంబర్ మధ్యలో పూర్తిస్థాయిలో కొత్త విధానం అందుబాటులోకి రావచ్చని భావిస్తున్నారు. ఇది 5 కోట్ల మంది ఖాతాదారులకు  ఉపకరిస్తుందని అధికార వర్గాలు వెల్లడించాయి.
 
 ముఖ్యంగా ఉద్యోగ విరమణ చేసిన వారు తమ క్లెయింలను పొందేందుకు నిబంధనల ప్రకారం నెల, అంతకు  మించి సమయం తీసుకుంటోంది. ఆన్‌లైన్ విధానంలో దీన్ని అధిగమించి దరఖాస్తు చేసుకున్న మూడురోజుల్లోనే పరిష్కారమయ్యేందుకు వీలుంటుంది. అయితే దీనికోసం సభ్యులు తమ ఆధార్,  బ్యాంకు ఖాతాలను పీఎఫ్‌తో అనుసంధానించాల్సిన అవసరం ఉంది. కొత్త విధానం అమల్లోకి వస్తే అవినీతి, అక్రమాలకు కూడా కళ్లెం పడనుందని అధికారులు భావిస్తున్నారు.
  


 కేంద్ర కార్మిక శాఖ మంత్రి దత్తాత్రేయ
 
 సాక్షి, హైదరాబాద్: కార్మికుల హక్కులను కాపాడుతూ వారి సంక్షేమం, అభివృద్ధి కోసం చట్టాల్లో మార్పులు చేయనున్నట్లు కేంద్ర కార్మిక, ఉపాధి కల్పన శాఖ మంత్రి బండారు దత్తాత్రేయ తెలిపారు.  శుక్రవారం బర్కత్‌పురలోని రీజినల్ పీఎఫ్ కార్యాలయంలో అధికారులతో ఆయన సమీక్ష నిర్వహించారు. అనంతరం ఆయన మాట్లాడుతూ ప్రతి కార్మికుడితోబ్యాంక్ ఖాతా తెరిపించే బాధ్యత కంపెనీదేనన్నారు. దేశంలో తొలిసారిగా భవన నిర్మాణ, బీడీ కార్మికులకు పీఎఫ్ సదుపాయం కల్పించి, ఐడీ కార్డులు, యూనివర్సల్ అకౌంట్ నెంబర్లు ఇస్తామని తెలిపారు. ప్రమాదవశాత్తు మృతి చెందిన కార్మికుల కుటుంబాలకు ‘ఎంప్లాయీస్ డిపాజిట్- బ్యాంకు లింక్డ్ ఇన్సూరెన్స్ స్కీం’ కింద చెల్లిస్తున్న పరిహారాన్ని రూ.1.30 లక్షల నుంచి రూ.3.60 లక్షలకు పెంచినట్లు మంత్రి వెల్లడించారు.
 
 సికింద్రాబాద్ బోయిగూడ కమాన్ వద్దనున్న ఈఎస్‌ఐ ఆస్పత్రిని 200 పడకల ఆస్పత్రిగా తీర్చిదిద్దనున్నట్లు చెప్పారు. అదేవిధంగా రామగుండం, వరంగల్ ఈఎస్‌ఐ ఆస్పత్రులను అప్‌గ్రేడ్ చేస్తామన్నారు. శ్రీకాకుళం జిల్లాలోని పైడి భీమవరం, తిరుపతిల్లో 100 పడకల ఆస్పత్రులు, నాచారంలోని ఈఎస్‌ఐ ఆస్పత్రిలో దంత కళాశాలను ఏర్పాటు చేయనున్నట్లు దత్తాత్రేయ తెలిపారు. మహిళల కోసం ప్రత్యేకంగా శిక్షణాకేంద్రాలను ఏర్పాటు చేసి వాటి ద్వారా ఫ్యాషన్ టెక్నాలజీ, ఫుడ్ ప్రాసెసింగ్ రంగాల్లో శిక్షణ ఇవ్వనున్నట్లు తెలిపారు.   కార్యక్రమంలో అడిషనల్ సెంట్రల్ పీఎఫ్ కమిషనర్ కేవీ సర్వేశ్వరన్, రీజినల్ కమిషనర్ ఎంవీఎస్‌ఎస్ శ్రీ కృష్ణ, కమిషనర్లు అశ్రఫ్ కామిల్, రవీంద్రకుమార్ తదితరులు పాల్గొన్నారు.


 నిజామాబాద్ క్రైం : ప్రావిడెంట్ ఫండ్ కార్యాలయ ఉద్యోగి లంచం తీసుకుంటూ సోమవారం సీబీఐ అధికారులు చిక్కాడు. వివరాలు ఇలా ఉన్నాయి. కామారెడ్డి మండలం మర్కల్‌కు చెందిన గండ్రెడ్డి గంగాధర్ అడ్లూర్ ఎల్లారెడ్డిలోని గాయ త్రి ఘగర్ ఫ్యాక్టరీలో కంప్యూటర్ ఆపరేటర్‌గా 12 ఏళ్లు పనిచేశాడు. ఆరు నెలల క్రితం ఉద్యోగానికి రాజీనామా చేశాడు. పీఎఫ్ కోసం నాలుగు నెలల క్రితం దరఖాస్తు చేసుకున్నాడు. అప్పటి నుంచి పలుమార్లు పీఎఫ్ కార్యాలయం చుట్టూ తిరిగాడు. గంగాధర్‌కు సంబంధించిన పత్రాలపై గాయత్రి షుగర్ ఫ్యాక్టరీ యాజమాన్యం సంతకాలు సరిపోకపోవడంతో కార్యాల యం వారు పత్రాలను తిప్పి పంపారు.
 
 ఈ నెల 11న గంగాధర్‌కు సంబంధించిన పత్రాలను పీఎఫ్ కార్యాలయంలో అనుమతించి, అతని అకౌంట్ క్లియర్ చేశారు. రూ. లక్షా 67 వేల పీఎఫ్ డబ్బులు వచ్చాయని, కార్యాలయానికి వచ్చి డబ్బులు తీసుకెళ్లాలని కార్యాలయ ఉద్యో గి సమాచారం అందించాడు. అతడు జిల్లా కేంద్రంలోని పీఎఫ్ కార్యాలయానికి వచ్చి సీనియర్ అసిస్టెంట్ గంగాధర్‌ను కలిశాడు. రూ. 7 వేలు లంచం ఇస్తేనే పీఎఫ్ డబ్బులు ఇస్తానని సదరు ఉద్యోగి చెప్పడంతో అంత ఇచ్చుకోలేనని పీఎఫ్ లబ్ధిదారుడు గంగాధర్ పేర్కొన్నాడు.
 
 ఇరువురి మధ్య రూ. 6 వేలకు ఒప్పందం కుదిరింది. అయితే లంచం ఇవ్వడం ఇష్టంలేని గంగాధర్.. శుక్రవారం హైదరాబాద్‌కు వెళ్లి సీబీఐని ఆశ్రయించాడు. వారి సూచనల మేరకు సోమవారం పీఎఫ్ కార్యాలయానికి వచ్చి సీనియర్ అసిస్టెంట్‌కు డబ్బులు ఇచ్చాడు. సీబీఐ అధికారులు పీఎఫ్ ఉద్యోగిని పట్టుకుని, కేసు నమోదు చేశారు.


 * పంపకానికి రెండు రాష్ట్రాల సుముఖత
 * అకౌంటెంట్ జనరల్ వద్ద అంగీకారం
 * 58 : 42 లెక్కన విభజన  
 * ఆర్‌ఐడీఎఫ్, ఉద్యోగుల పీఎఫ్‌నిధి రుణాలపై కుదరని ఏకాభిప్రాయం
 * మరిన్ని వివరాలు కోరిన తెలంగాణ ప్రభుత్వం
 
 సాక్షి, హైదరాబాద్: ఉమ్మడి రాష్ట్రంలో తీసుకున్న అప్పుల్లో ప్రస్తుతానికి 1.50 లక్షల కోట్ల రూపాయల అప్పులు రెండు రాష్ట్రాలకు పంపిణీ కానున్నాయి. విభజన చట్టం ప్రకారం ఈ అప్పులను ఆంధ్రప్రదేశ్‌కు 58 శాతం, తెలంగాణకు 42 శాతంగా పంపకం చేయనున్నారు. అయితే ప్రాజెక్టుల వారీగా లేదా ఒక ప్రాంతంలో ఖర్చు చేసిన వాటికి మాత్రం ఇరు రాష్ట్రాలకు కాకుండా ఏ ప్రాంతంలో ఆ నిధులు వినియోగిస్తే.. ఆ రాష్ట్రమే రుణాలు భరించాలని రెండు ప్రభుత్వాలు అంగీకారానికి వచ్చాయి. అకౌంటెంట్ జనరల్ వద్ద జరిగిన సమావేశంలో ఇరు రాష్ట్రాల ఆర్థిక శాఖ ఉన్నతాధికారులు ఈ మేరకు నిర్ణయానికి వచ్చారు.
 
 కాగా, ఉద్యోగుల భవిష్య నిధి నుంచి తీసుకున్న అప్పులపై మరిన్ని వివరాలను టీ సర్కార్ కోరినట్లు సమాచారం. విదేశీ రుణాలున్నా.. అవి కేంద్ర ప్రభుత్వం నుంచి వచ్చినవే కావడంతో.. వాటిని కేంద్ర అప్పులుగా చూపించనున్నారు. ఇటీవల ఏజీ వద్ద జరిగినసమావేశంలో ఏపీ ఆర్థిక శాఖ ముఖ్యకార్యదర్శి అజయ్‌కల్లం, తెలంగాణ ఆర్థిక శాఖ ప్రత్యేక కార్యదర్శి రామకృష్ణారావులు పాల్గొన్నారు. ఈ అప్పుల్లో లక్ష కోట్లకుపైగా నిధులను బహిరంగ మార్కెట్ నుంచి రుణాల రూపంలో తెచ్చుకున్నారు. అలాగే జాతీయ పొదుపు రక్షణ నిధి (ఎన్‌ఎస్‌ఎస్‌ఎఫ్) నుంచి తెచ్చుకున్న నిధులు ఆరేడు వేల కోట్ల రూపాయల మేరకు ఉంటాయని అంచనా.
 
 కేంద్రం ద్వారా విదేశీ సంస్థల నుంచి తీసుకున్న రుణాల్లో.. కొన్ని ప్రాజెక్టులకోసం ప్రత్యేకంగా వ్యయం చేసినందున, అలాంటి వాటిలో ఆ ప్రాజెక్టు ఎక్కడ ఉంటే.. ఆ రాష్ట్ర ప్రభుత్వమే భరించే విధంగా అంగీకారం కుదిరింది. గ్రామీణ మౌలిక సదుపాయాల అభివృద్ధి నిధి(ఆర్‌ఐడీఎఫ్), అలాగే చిన్నమొత్తాల పొదుపు నిధులను కూడా ఏయే ప్రాంతంలో ఎంత ఖర్చు చేశారన్న అంశంపై వివరాలు ఇవ్వాలని తెలంగాణ ఆర్థిక శాఖ అధికారులు కోరినట్లు సమాచారం.
 
 కాగా, ప్రస్తుతం పంపిణీకి ఇబ్బందిలేని రుణాలే లక్షన్నర కోట్ల వరకు ఉంటాయని లెక్క తేల్చారు. ఇవి కాకుండా వివాదాస్పదం అనుకున్న రుణాలు మరో 15 వేల కోట్ల నుంచి 20 వేల కోట్ల వరకు ఉంటాయని అధికారిక వర్గాలు వివరించాయి. వివిధ వృత్తి సంఘాల సమాఖ్యలకు ఇచ్చిన రుణాల్లో కూడా.. ఈ సమాఖ్యలు ఎక్కడ రుణాలు ఇచ్చాయన్న విషయాన్ని తేల్చిన తరువాత వాటిని పంపిణీ చేయాలని ఇరుపక్షాలు కోరినట్లు సమాచారం.


 16న యూఏఎన్ వెబ్ పోర్టల్‌ను ప్రారంభించనున్న ప్రధాని
 
  న్యూఢిల్లీ: ఉద్యోగుల భవిష్య నిధి సంస్థ(ఈపీఎఫ్‌వో)లోని 4 కోట్ల మందికిపైగా చందాదారులు ఈ నెల 16 నుంచి తమ భవిష్యనిధి ఖాతాల వివరాలను యథాతథంగా ఆన్‌లైన్‌లో పరిశీలించుకోవచ్చు. ఇందుకోసం ఈపీఎఫ్‌వో ఏర్పాటు చేసిన యూనివర్సల్ అకౌంట్ నంబర్(యూఏఎన్) వెబ్ పోర్టల్‌ను ప్రధాని మోదీ 16న ప్రారంభించనున్నారు. యాజమాన్యాలు పీఎఫ్ వాటాలను ప్రతి నెలా జమ చేస్తున్నాయా? లేదా? వంటి వివరాలను ఉద్యోగులు దీని సాయంతో తెలుసుకోవడం వీలవుతుంది. యూఏఎన్ అనేది పోర్టబుల్ ఖాతా కావడం వల్ల ఇకపై ఉద్యోగులు కంపెనీలు మారినా పీఎఫ్ ఖాతాల బదిలీకి దరఖాస్తు చేసుకోవాల్సిన అగత్యం తప్పనుంది.
 
  


 సాక్షి, విశాఖపట్నం : జీవీఎంసీ నీటి సరఫరా విభాగంలో కాంట్రాక్ట్ కార్మికుల పీఎఫ్, ఈఎస్‌ఐ కేసు ఇంజినీర్ల మెడకు చుట్టుకుంటోంది. ఇప్పటికే 29 మంది కాంట్రాక్టర్లపై పీఎఫ్ కేసు నడుస్తోంది. బకాయిలున్న కాంట్రాక్టర్లలో 11 మంది బిల్లులు జీవీఎం సీ వద్దే ఉండటంతో వాటిని నిలిపేశారు. మిగిలిన వారిపై క్రిమినల్ కేసులతోపాటు, ఆయా సంస్థల్ని బ్లాక్ లిస్టులో పెట్టారు. ఇపుడు క్షేత్రస్థాయిలోనే సమస్యను పట్టించుకోని ఇంజినీరింగ్ సిబ్బందిపై దృష్టి సారించారు. సుమారు 60 మందికి కమిషనర్ ఎం.వి.సత్యనారాయణ షోకాజ్‌నోటీసులు జారీ చేశారు.
 
  దీనికి బాధ్యులెవరు?
  నిబంధనల మేరకు పీఎఫ్ కోడ్, లేబర్ లెసైన్సు లేని సంస్థలకు పనులు కేటాయించకూడదు. అత్యవసర పరిస్థితుల్లో కేటాయించినా బిల్లులు చెల్లించే నాటికి పీఎఫ్ కోడ్, లేబర్ లెసైన్సు పొంది ఉండాలి. అప్పటికీ పీఎఫ్ కోడ్ లేకపోతే కార్మికుని వేతనంలో పీఎఫ్ (25.61 శాతం), ఈఎస్‌ఐ(6.50 శాతం) మినహాయించి మిగిలిన మొత్తం మాత్రమే ఆ కాంట్రాక్టర్‌కు చెల్లించాలి. ఇవేవీ లేకుండా 2009 ఏప్రిల్ నుంచి 2012  ఫిబ్రవరి వరకూ 4 కోట్ల 70 లక్షల 19 వేల 868 రూపాయలు(పీఎఫ్), కోటీ 22 లక్షల 25 వేల 165 రూపాయలు (ఈఎస్‌ఐ) జీవీఎంసీ ద్వారా 29 మంది కాంట్రాక్టర్లు అందుకున్నారు. వీటిని క్షేత్ర స్థాయిలోనే గుర్తించి సహాయ ఇంజినీరు(ఏఈ) చెక్ పెట్టాలి. అక్కడి నుంచి డీఈ, ఈఈలు కూడా బాధ్యత వహించాలి.
 
  మాకేంటి సంబంధం!
  తాజా నోటీసులపై ఇంజినీరింగ్ సిబ్బంది గుర్రుగా ఉన్నారు. అత్యవసర కేటగిరీలో భాగంగా సిబ్బందితో పనులు చేయించడం వరకు తమ బాధ్యతని చెప్తున్నారు. వారు పీఎఫ్, ఈఎస్‌ఐ చెల్లించారో.. లేదో.. తమకేంటి సంబంధమని ప్రశ్నిస్తున్నారు. పనుల వరకు లోపాలుంటే తాము బాధ్యులం తప్ప.. పీఎఫ్, ఈఎస్‌ఐ వ్యవహారాలు ఫైనాన్స్, ఆడిట్ విభాగాలే చూసుకోవాలని చెప్తున్నారు. 


 న్యూఢిల్లీ: పీఎఫ్ డిపాజిట్లపై 8.75 శాతం వడ్డీ చెల్లించాలన్న ఈపీఎఫ్‌వో నిర్ణయానికి కేంద్ర ఆర్థిక శాఖ వచ్చే వారంలో ఆమోదం తెలిపే అవకాశాలున్నాయి. ఆగస్టు 26న కార్మిక మంత్రి నరేంద్రసింగ్ తొమర్ అధ్యక్షతన ఢిల్లీలో జరిగిన ఈపీఎఫ్‌వో కేంద్ర ట్రస్టీల బోర్డు సమావేశంలో పీఎఫ్ వడ్డీపై నిర్ణయం తీసుకున్న సంగతి తెలిసిందే. ఈ నిర్ణయానికి కేంద్ర ఆర్థిక శాఖ లాంఛనంగా ఆమోదించాల్సి ఉంది.
  
 ఈపీఎఫ్‌వో 2012-13లో పీఎఫ్ డిపాజిట్లపై 8.50 శాతం వడ్డీ చెల్లించగా 2013-14లో 8.75 శాతం వడ్డీ చెల్లించింది. గతవారం ప్రకటించిన ఈ నిర్ణయాన్ని కేంద్ర ఆర్థికశాఖ లాంఛనంగా ఆమోదించి అమలు చేయాల్సి ఉంది. ఈపీఎఫ్‌వోకు సుమారు 5 కోట్ల మంది చందాదారులు ఉన్నారు.


 ఆర్టీసీ కార్మికులకు దసరా అడ్వాన్‌‌స హుష్‌కాకి
  
 సాక్షి, హైదరాబాద్: ఆర్టీసీ కార్మికులకు దెబ్బమీద దెబ్బ పడుతోంది. ఓవైపు అప్పులు... మరోవైపు నష్టాల బూచి చూపి ఇప్పటికే వారి భవిష్య నిధి (పీఎఫ్), అంతర్గత రుణ నిధి (సీసీఎస్) మొత్తాలను జీతాల కింద చెల్లించిన యాజమాన్యం పండుగపూట పప్పన్నమూ దొరకకుండా మరో షాక్ ఇచ్చింది. అత్యంత ఘనంగా నిర్వహించుకునే దసరా ఖర్చుల కోసం ఏటా యాజమాన్యం ముందస్తుగా చెల్లించే పండుగ అడ్వాన్‌‌సను ఈసారి ఎగ్గొట్టింది. ఆర్థిక ఇబ్బందుల సాకుతో దసరా అడ్వాన్‌‌సను ఈసారి చెల్లించలేమని తేల్చి చెప్పింది.
  
 ఆగస్టు నెల జీతంతో ఎప్పటిలాగే.. ఈసారి కూడా అడ్వాన్‌‌స అందుతుందని ఎదురుచూసిన కార్మికులు ఈ నిర్ణయంతో కంగుతిన్నారు. ఆర్టీసీలో డ్రైవర్లు, కండక్టర్లు, మెకానిక్‌లు, క్లర్కులు, సూపరింటెండెంట్లకు ఒక్కొక్కరికి రూ.మూడు వేలు చొప్పున, అటెండర్లు, శ్రామిక్‌లకు రెండున్నర వేల చొప్పున ఆర్టీసీ ముందస్తుగా పండుగ అడ్వాన్‌‌స చెల్లిస్తుంది. దీన్ని వాయిదాల రూపంలో పది నెలల్లో తిరిగి వసూలు చేసుకుంటుంది. ఈసారి దసరా అడ్వాన్‌‌స చెల్లించాలంటే రూ.45 కోట్లు అవసరం. వచ్చే నెలలో జీతాల చెల్లింపే కష్టంగా మారిన తరుణంలో ఈ మొత్తాన్ని కేటాయించడం సాధ్యం కాదని తేల్చిన యాజమాన్యం ఈ నిర్ణయానికొచ్చింది.


 విజయనగరం అర్బన్ : ఉపాధ్యాయులు పీఎఫ్ ఖాతాలను తక్షణమే ఆన్‌లైన్ చేయూలని రాష్ట్ర ఉపాధ్యాయ సంఘం(ఎస్‌టీయూ) జిల్లా కమిటీ డిమాండ్ చేసింది. పట్టణంలోని అమర్ భవనంలో ఆ సంఘ జిల్లా స్థాయి సమావేశం ఆదివారం జరిగింది. సమావేశంలో పలు తీర్మానాలు చేశారు. రూ.కోట్ల నిధులతో ఉన్న ఉపాధ్యాయుల పీఎఫ్ ఖాతాలను తక్షణమే ఆన్‌లైన్ చేసి పారదర్శకంగా ఉంచకపోతే జిల్లా పరిషత్ కార్యాలయూన్ని ముట్టడించేందుకు నిర్ణయించింది. పదో పీఆర్‌సీని వెంటనే అమలు చేయూలని, అన్ని విద్యా సంస్థలను ఒకే గొడుగు కొందకు తేవాలని, అందరికీ కనీసం 62 శాతం ఫిట్‌మెంట్ ఇవ్వాలని కోరింది. డీఎస్సీ - 2014 నోటిఫికేషన్ వెలువరించే ముందు విధిగా ప్రమోషన్లు, బదిలీలు,
  
  రేషనలైజేషన్ ప్రక్రియలను చేపట్టి పూర్తి చేయూలని తీర్మానించింది. మోడల్ స్కూల్ సిబ్బందికి రావాల్సిన ఐఆర్, డీఏలు వెంటనే చెల్లించాలని, 610 జీఓపై బదిలీ కాకుండా ఈ జిల్లాలో కొనసాగుతున్న ఉపాధ్యాయులకు వెంటనే పదోన్నతలు కల్పించాలని సమావేశం కోరింది. మున్సిపల్, ఎయిడెడ్ పాఠశాలల ఉపాధ్యాయులకు కూడా 60 సంవత్సరాల పదవీ విరమణ వర్తింపజేయూలని తీర్మానించింది. ఎస్‌టీయూ జిల్లా అధ్యక్షుడు పతివాడ నారాయణరావు అధ్యక్షతన జరిగిన సమావేశంలో రాష్ట్ర ప్రధాన కార్యదర్శి సీహెచ్ జోసెఫ్, రాష్ట్ర కార్యదర్శి జీవీకే నాయుడు, జిల్లా ప్రధాన కార్యదర్శి మింది రామకృష్ణ, కార్యవర్గ సభ్యులు, ఉపాధ్యాయులు పాల్గొన్నారు.  
  


 రూ.160 కోట్లు వాడేసుకున్న ఆర్టీసీ యాజమాన్యం
  
  సాక్షి, హైదరాబాద్: పిల్ల పెళ్లి చేయాలన్నా.. బిడ్డను చదివించాలన్నా.. ఆపద నుంచి గట్టెక్కాలన్నా పీఎఫ్ సొమ్ముపైనే కార్మికులకు భరోసా. మరి ఆ సొమ్మే మాయమవుతుంటే వారికి దిక్కేది? పీకల్లోతు అప్పుల్లో కూరుకుపోయిన ఆర్టీసీలో యాజమాన్యం చేసిన నిర్వాకంతో ఈ దుస్థితి ఏర్పడింది. నిధులు వట్టిపోవడంతో కార్మికుల భవిష్య నిధినే ఆర్టీసీ తన అవసరాలకు వినియోగిస్తోంది. సంస్థ సిబ్బంది నెలనెలా దాచుకుంటున్న సొమ్మును యాజమాన్యమే గుటుక్కుమనిపిస్తోంది. ఇప్పటికే దాదాపు రూ. 160 కోట్ల పీఎఫ్ మొత్తాన్ని కార్మికులకు తెలియకుండా దర్జాగా వాడేసుకుంది. అత్యవసరాల కోసం డబ్బులడిగిన వారికి ఉత్త చేతులు చూపుతూ వేలాది కుటుంబాల్లో కల్లోలం సృష్టించింది. ఏకంగా 6500 మంది కార్మికులకు ఈ చేదు అనుభవం ఎదురైంది. దీంతో ప్రస్తుతం ఈ వ్యవహారం పెద్ద దుమారం సృష్టిస్తోంది. ఇతర సంస్థలతో పోల్చితే ఆర్టీసీలో పీఎఫ్ నిర్వహణ భిన్నంగా ఉంటుంది. సాధారణ సంస్థల్లో ఉద్యోగుల జీతాల నుంచి మినహాయించిన నిర్దేశిత మొత్తంతో పాటు అంతే మొత్తం సొమ్మును యాజ మాన్యం తన వాటాగా కలిపి రీజనల్ ప్రావిడెంట్ ఫండ్ కార్యాలయంలో జమ చేస్తారు. కానీ ఆర్టీసీలో అలా కాకుండా ప్రత్యేకంగా ఓ ట్రస్టును ఏర్పాటు చేశారు.
  
   ఆర్టీసీ ఎండీ చైర్మన్‌గా ఉండే ఈ ట్రస్టులో అధికారులతోపాటు గుర్తింపు కార్మిక సంఘం సభ్యులకు కూడా ప్రాతినిధ్యం ఉంటుంది. అందులో జమ అయ్యే పీఎఫ్ మొత్తాన్ని ఇతర సంస్థల్లో పెట్టుబడులుగా పెట్టి ఆ మేరకు వడ్డీ రూపంలో ఆదాయాన్ని ఆర్టీసీ పొందుతుంది. ఆ మొత్తాన్ని కార్మికుల సంక్షేమం కోసం వినియోగిస్తారు. కార్మికులెవరైనా అత్యవసరాల కోసం తమ పీఎఫ్ మొత్తం కావాలని దరఖాస్తు చేస్తే నిర్ధారిత సమయంలో వారికి అందిస్తారు. కానీ మూడు నెలలుగా ఇలా దరఖాస్తు చేసుకుంటున్న కార్మికులకు సకాలంలో పీఎఫ్ మొత్తం అందడం లేదు. రకరకాల కారణాలు చెబుతూ యాజమాన్యం కాలయాపన చేస్తూ వస్తోంది. ఈ క్రమంలో గత నెల నుంచి ఈ ప్రక్రియను పూర్తిగా నిలిపివేశారు. అధికారులు మాత్రం సాంకేతిక కారణాలను పేర్కొంటూ ఇదిగో ఇస్తాం.. అదిగో ఇస్తామంటూ నెట్టుకొస్తున్నారు. దీంతో అనుమానం వచ్చిన కార్మికులు వారం క్రితం అధికారులను గట్టిగా నిలదీయడంతో అసలు విషయం బయటపడింది.
  
  ప్రస్తుతం ఆర్టీసీలో నిధులకు తీవ్ర కొరత ఉండటం, ప్రభుత్వపరంగా అందాల్సిన రీయింబర్స్‌మెంట్లు రాకపోవడంతో భవిష్య నిధిలోని డబ్బును వాడుకున్నట్లు అధికారులు గుట్టు విప్పేసరికి విస్తుపోవడం కార్మికుల వంతైంది. లోతుగా ఆరాతీస్తే మే నెల నుంచే పీఎఫ్ మొత్తాన్ని అసలు భవిష్య నిధి ట్రస్టుకు జమ చేయడం లేదని తేలింది. ప్రతి నెలా అందులో జమచేయాల్సిన రూ. 40 కోట్లను (ఇందులో కార్మికుల వాటా రూ. 20 కోట్లు) దారి మళ్లించినట్టు స్పష్టమైంది. ఆగస్టు నెల తాలూకు మొత్తాన్ని కూడా ఇలా ఇతర అవసరాలకు వాడుకునేందుకు ఇప్పటికే రంగం సిద్ధమైనట్లు తెలుస్తోంది. దీంతో నిబంధనలను తుంగలో తొక్కి దారి మళ్లించిన నిధుల మొత్తం రూ. 160 కోట్లకు చేరుకోనుంది. తీవ్ర నష్టాల్లో కూరుకుపోయిన ఆర్టీసీకి చేతిలో చిల్లిగవ్వలేకపోవడంతో పీఎఫ్ సొమ్మును వాడుకున్నట్లు తెలుస్తోంది. ఒకవైపు ప్రభుత్వం నుంచి రావాల్సిన నిధులు రాకపోవడం.. సంస్థ నిర్వహణకు అవసరమైన సొమ్ము ఖజానాలో లేకపోవడంతో కార్మికుల భవిష్య నిధిని పక్కదారి పట్టించినట్లు అధికారవర్గాలు చెబుతున్నాయి.
  
  తాజాగా ఈ వ్యవహారం బయటపడటంతో కార్మికులు, వారి కుటుంబ సభ్యులు అయోమయంలో పడ్డారు. మూడు నెలలుగా ఒకరిద్దరికి మినహా మిగతా వారందరికీ రిక్తహస్తం చూపుతుండటంతో ఆయా కుటుంబాలు తీవ్ర ఇబ్బందులను ఎదుర్కొనాల్సి వస్తోంది. ఇప్పటికే కార్మికుల దరఖాస్తులు గుట్టలుగా పేరుకుపోతున్నాయి. ఇప్పటి వరకు 6500 దరఖాస్తులు పెండింగులో ఉన్నాయి. పీఎఫ్ సొమ్ము అవసరానికి అందకుండాపోయేసరికి అత్యవసర పరిస్థితుల్లో కార్మికులు అప్పులపాలు కావాల్సి వస్తోంది. ఉద్యోగుల భవిష్యత్తు అవ సరాలకు ఉద్దేశించిన మొత్తాన్ని దుర్వినియోగం చేస్తే శిక్షార్హమైన నేరంగా పరిగణిస్తారు. సాధారణ ఉద్యోగి పీఎఫ్‌ను కాజేస్తే చట్టప్రకారం శిక్షిస్తారు. కానీ కార్మికుల అనుమతి లేకుండా వారి కష్టార్జితాన్ని ఆర్టీసీ యాజమాన్యం దర్జాగా వాడేసి చోద్యం చూస్తోంది. ఈ విషయంపై ఆర్టీసీ ఉన్నతాధికారులను ‘సాక్షి’ వివరణ కోరగా సమాధానం చెప్పేందుకు నిరాకరించారు.
  
  ఇంత దారుణమా?: నాగేశ్వరరావు, ఎన్‌ఎంయూ అధ్యక్షుడు
  
  కార్మికులు దాచుకున్న సొమ్మును ఆర్టీసీ వాడుకోవటం దారుణం. కేంద్రం కల్పించిన హక్కును కాలరాసినట్టే. దీన్ని మేం తీవ్రంగా పరిగణిస్తున్నాం. వెంటనే ఆర్జీసీ యాజమాన్యం ఆ మొత్తాన్ని భవిష్య నిధి ట్రస్టుకు జమ చేయాలి. తాము దాచుకున్న మొత్తాన్ని కూడా కార్మికులు పొందలేని పరిస్థితిని కల్పించడం క్షమార్హం కాదు.
  
  కార్మికులను దగా చేయడమే: దామోదర్ రావు, ఈయూ నేత
  
  భవిష్యత్తు అవసరాల కోసం దాచుకున్న సొమ్మును వాడుకోవడమంటే కార్మికులను దగా చేయడమే. ప్రభుత్వం రీయింబర్స్ చేయాల్సిన రూ. 750 కోట్లను విడుదల చేయకపోవడమే దీనికి కారణమని ఆర్టీసీ అధికారులు చెబుతున్నారు. వెంటనే ప్రభుత్వం స్పందించి కార్మికులను అప్పుల పాలు చేసే ఈ పరిస్థితిని చక్కదిద్దాలి. లేకుంటే ఉద్యమిస్తాం.
  
  ఇదీ ఆర్టీసీ దుస్థితి!
  
  - 2013-14 ఆర్థిక సంవత్సరంలో సంస్థ రికార్డు స్థాయిలో రూ. 902 కోట్ల నష్టాలను చవిచూసింది. ఇందులో తెలంగాణ వాటా రూ. 212 కోట్లు.
  - ఆర్టీసీ ప్రారంభమైన ఈ ఎనిమిది దశాబ్దాల కాలంలో ఇంత భారీ నష్టాలు రావడం ఇదే ప్రథమం.
  - గత ఆర్థిక సంవత్సరంలో తెలంగాణ ఆర్టీసీ రూ. 3742 కోట్ల ఆదాయాన్ని పొందింది. ఇది అంతకుముందు ఏడాది కంటే రూ. 335 కోట్లు మాత్రమే ఎక్కువ. కాగా, ఖర్చు పద్దు కింద రూ. 3950 కోట్లను చూపారు. ఇది అంతకుముందు సంవత్సరం కంటే రూ. 537 కోట్లు అధికం.
  - ప్రస్తుత ఆర్థిక సంవత్సరం ఆరంభం నుంచే భారీ నష్టాలు మొదలయ్యాయి. ఏప్రిల్ నెలలోనే రూ. 14.50 కోట్ల నష్టం వచ్చింది.
  - బస్సు పాస్‌లకు సంబంధించి ఆర్టీసీ ఇచ్చే రాయితీ మొత్తాన్ని ప్రభుత్వం రీయింబర్స్ చేయాల్సి ఉంటుంది. రూ. 775 కోట్ల మేర ఈ బకాయిలు పేరుకుపోయాయి.
  - డీజిల్ ధరలు కూడా ఆర్టీసీకి భారంగా మారాయి. ప్రస్తుతం సంవత్సరానికి రూ. 1150 కోట్లు డీజిల్‌కే ఖర్చవుతోంది.
  - కార్మికుల కో-ఆపరేటివ్ క్రెడిట్ సొసైటీకి ఆర్టీసీ ఇప్పటికే రూ. 243 కోట్లు బకాయిపడింది.
  - ఇక ఇప్పటి వరకు ఆర్టీసీ చేసిన అప్పులురూ. 4800 కోట్లకు చేరుకున్నాయి.
  
  
  ‘‘కరీంనగర్‌కు చెందిన ఆర్టీసీ కార్మికుడు లక్ష్మణ్ తన కూతురి పెళ్లి కోసం పీఎఫ్ డబ్బులు కోరుతూ దరఖాస్తు చేశాడు. కానీ అవి చేతికి అందకపోయేసరికి అప్పు చేసి పెళ్లి తంతు ముగించాడు. హైదరాబాద్‌కు చెందిన ముజీబ్ తండ్రి అనార్యోగానికి గురికావడంతో ఆసుపత్రి ఖర్చు కోసం పీఎఫ్‌కు దరఖాస్తు చేశాడు. కానీ నయాపైసా రాకపోవ డంతో బంగారం తాకట్టుపెట్టి ఆసుపత్రి బిల్లు చెల్లించాడు. ఈ పరిస్థితి వీరిద్దరికే పరిమితం కాలేదు. దాదాపు 6,500 మంది ఆర్టీసీ కార్మికులు.. పీఎఫ్ డబ్బుల కోసం ఎదురుచూస్తున్నారు. వారి భవిష్య నిధిని ఆర్టీసీ యాజమాన్యం అక్రమం గా వాడుకోవడమే ఈ పరిస్థితికి కారణం’’.