సాక్షి, హైదరాబాద్‌: మన దేశంతోపాటు విదేశాల్లో నిషేధిత మాదకద్రవ్యాల విక్రయం ద్వారా వచ్చిన సొమ్మును గుట్టుచప్పుడు కాకుండా విదేశాలకు తరలిస్తూ మనీలాండరింగ్‌కు పాల్పడుతున్న నైజీరియన్‌ ముఠా గుట్టును తెలంగాణ యాంటీ నార్కోటిక్స్‌ బ్యూరో (టీజీఏఎన్‌బీ) పోలీసులు రట్టు చేశారు.గత ఏడేళ్లలో ఈ ముఠా రూ.125 కోట్లు అక్రమంగా విదేశాలకు తరలించినట్లు గుర్తించారు. ఈ కేసు వివరాలను టీజీఏఎన్‌బీ డైరెక్టర్‌ సందీప్‌ శాండిల్య టీజీఏఎన్‌బీ ఎస్పీలు రూపేశ్, రఘువీర్‌తో కలిసి శనివా రం బంజారాహిల్స్‌లోని కమాండ్‌ కంట్రోల్‌ సెంటర్‌లో నిర్వహించిన మీడియా సమావేశంలో వెల్లడించారు. ఈ ముఠాలోని ఇద్దరు నైజీరియన్లతోపాటు ఒక ఫారెక్స్‌ ఏజెంట్‌ను అరెస్టు చేసినట్టు చెప్పారు. అంతా వాట్సాప్‌లోనే.. బ్లెస్సింగ్‌ అలియాస్‌ జో అనే మహిళ హైదరాబాద్‌లోని నైజీరి యన్‌ డ్రగ్స్‌ ముఠా కింగ్‌పిన్‌ ఎబుకా సుజీ సోదరుడు కేలేశీకి ఇచ్చేందుకు ఢిల్లీ నుంచి 200 గ్రాముల కొకైన్‌ తీసుకువస్తుండగా 2024 జూలైలో టీజీఏఎన్‌బీ అధికారులు పట్టుకున్నారు. ఆమెను విచారించగా ఈ ముఠా డొంకంతా కదిలింది. ⇒ డ్రగ్స్‌ ఆర్డర్‌ తీసుకోవడం, డబ్బు అందిన విషయాన్ని నిర్ధారించుకోవడం, ఒక ప్రదేశంలో డ్రగ్స్‌ను వదిలి..వాటి ఫొటో, లొకేషన్‌ను కస్టమర్‌కు చెప్పి.. డ్రగ్స్‌ వారికి చేరవేయడం వరకు అన్నింటికీ వాట్సాప్‌ను వినియోగిస్తున్నట్టు గుర్తించారు. ⇒ కింగ్‌పిన్‌ ఎబుకా సుజీ ఆదేశాలతో డ్రగ్స్‌ను స్థానిక కస్టమర్లకు చేర్చడంలో కెలేశీకి ఎమ్మా, బిగ్‌జో సహకరించేవారు. ఎబుకా సుజీ తన డ్రగ్స్‌ దందాను అమెరికాలోనూ మొదలు పెట్టినట్లు గుర్తించారు. ⇒ యూఎస్‌ కస్టమర్ల నుంచి డబ్బును నేరుగా తీసుకోకుండా తొలుత ఇండియాకు తరలించి ఇక్కడి నుంచి హవాలా మార్గంలో నైజీరియాకు ఈ ముఠా తరలిస్తోంది. యూఎస్‌ నుంచి డబ్బును భారత్‌కు చేర్చేందుకు పాత మలక్‌పేటకు చెందిన మహ్మద్‌ మతీన్‌ సిద్ధిఖీ అనే పైన్‌ మల్టీ సర్విసెస్‌ ప్రొప్రైటర్‌ సహకారం తీసుకునేవారు. ⇒ మతీన్‌ తనకున్న పరిచయాలతో గోయమ్‌ ఫారెక్స్‌కు చెందిన ఆనంద్‌ జైన్‌ ద్వారా అమెరికాలోని పలువురు భారతీయుల బ్యాంకు ఖాతాలు సేకరించాడు. డ్రగ్స్‌ అమ్మగా వచ్చిన సొమ్మును ఆ ఖాతాల్లో వేయించి భారత్‌లోని వారి బంధువుల ద్వారా ఇక్కడ తీసుకునేవారు. ⇒ ఆ డబ్బును ముంబైకి వస్త్ర వ్యాపారం కోసం వచ్చే నైజీరియన్‌ వ్యాపారులు డానియల్, మాలిక్, స్టాన్లీల ద్వారా నైజీరియాకు తరలించేవారు. ఇలా ప్రతిదశలోనూ ఎవరికి వారు కమీషన్లు తీసుకుంటూ దందా చేస్తున్నారు. ఇలా 40 శాతం వరకు కమీషన్లు తీసుకుని, మిగిలిన మొత్తాన్ని నైజీరియాలోని ఎబుకా సుజీకి చేరవేస్తున్నారు. – ఈ నెల 3న ఏ–1 ఎమ్మా, ఏ–2 బిగ్‌ జో, ఏ–3 మతీన్‌ సిద్దిఖీలను అరెస్టు చేశారు. డివైన్‌ ఎబుకా సుజీ, కేలేశీతోపాటు సయ్యద్‌ సోహిల్‌ అబ్దుల్‌ అజీజ్, సయ్యద్‌ నసీర్‌ అహ్మద్, మహ్మద్‌ అవైజ్, మహ్మద్‌ మతీన్, సయ్యద్‌ యూసుఫ్‌ హక్, ఆనంద్‌జైన్, శాంతిలాల్‌ సురేశ్‌కుమార్‌జైన్, ఉత్తమ్‌ జైన్‌ పరారీలో ఉన్నట్టు అధికారులు తెలిపారు. ఆర్థిక మూలాలను దెబ్బ తీస్తేనే డ్రగ్స్‌ కట్టడి డ్రగ్స్‌ దందా మొత్తం ఆర్థిక లావాదేవీలతోనే ముడిపడి ఉంది. ఈ ముఠాల ఆర్థిక మూలాలను దెబ్బకొడితేనే డ్రగ్స్‌ కట్టడి సాధ్యం. డ్రగ్స్‌ వల్ల భారత యువత బానిసలుగా మారుతున్నారు. చదువుకోసం నైజీరియా సహా పలు దేశాల నుంచి వచ్చే యువత డ్రగ్స్‌ దందాలోకి దిగి చెడిపోతున్నారు. డ్రగ్స్‌ కొనుగోలు చేస్తున్న ధనికులు సైతం డ్రగ్స్‌ వాడకాన్ని మానుకోవాలి.టీజీఏఎన్‌బీ సాంకేతికంగా, నైపుణ్యం పరంగా ఎంతో పటిష్టంగా మారింది. డ్రగ్స్‌ దందా చేసేవారిని వదిలే ప్రసక్తే లేదు. 2020 నుంచి 260 మంది డ్రగ్‌ పెడ్లర్లను అరెస్టు చేసి జైలుకు పంపాం. విదేశీయులకు ఇల్లు, అపార్టమెంట్లు అద్దెకు ఇచ్చేముందు ఫారినర్స్‌ రీజినల్‌ రిజి్రస్టేషన్‌ ఆఫీసర్స్‌ (ఎఫ్‌ఆర్‌ఆర్‌ఎ)కు ఫామ్‌–సీలో, అదేవిధంగా స్థానిక పోలీస్‌ స్టేషన్‌లో వారి వివరాలు ఇవ్వాలి. – సందీప్‌ శాండిల్య, టీజీఏఎన్‌బీ డైరెక్టర్‌.

ప్రశాంత్ కృష్ణ, అనీషా దామా, శ్రీనివాస్ రామిరెడ్డి, ఐశ్వర్య హోళక్కల్ ప్రధాన పాత్రల్లో నటించిన చిత్రం డ్రీమ్ క్యాచర్. ఈ సినిమాకు సందీప్ కాకుల దర్శకత్వం వహిస్తున్నారు. ఈ సినిమాను సియల్ మోషన్ పిక్చర్స్ బ్యానర్‌పై నిర్మించారు. సైకలాజికల్ థ్రిల్లర్‌గా వస్తోన్న ఈ చిత్రాన్ని వచ్చే ఏడాది జనవరి 3న విడుదల చేయనున్నారు. తాజాగా ఈ మూవీ ప్రీ రిలీజ్ ఈవెంట్‌ను హైదరాబాద్‌లో నిర్వహించారు.ఈ సందర్భంగా డ్రీమ్ క్యాచర్ మూవీ ట్రైలర్‌ను మేకర్స్ రిలీజ్ చేశారు. ట్రైలర్ చూస్తే మన జీవితంలో జరగబోయేది ముందే తెలిస్తే ఎలా ఉంటుంది? అనే కాన్సెప్ట్‌తో తెరకెక్కించినట్లు తెలుస్తోంది. ఈ చిత్రంలో శ్రీనివాస్ రామిరెడ్డి, ఐశ్వర్య కీలక పాత్రలో నటించారు. ఈ చిత్రానికి రోహన్ శెట్టి సంగీతమందిస్తున్నారు.ఈ సందర్భంగా డైరెక్టర్ సందీప్ కాకుల మాట్లాడుతూ..' సినిమా చేయాలనేది నా డ్రీమ్. కలల మీద సినిమా చేస్తే ఎలా ఉంటుందనే ఆలోచనతో ఈ మూవీ మొదలైంది. ఇన్‌సెప్షన్‌ లాంటి హాలీవుడ్ మూవీస్ నాకు ఆదర్శంగా నిలిచాయి. ఒక హాలీవుడ్ స్థాయి అటెంప్ట్ చేయాలని అనుకున్నా. సినిమా మొత్తం హైదరాబాద్‌లోనే చేశాం. ట్రైలర్, పోస్టర్స్ చూసి ఈ మూవీ ఎక్కడ షూటింగ్ చేశారని అడుగుతున్నారు. కలల నేపథ్యంగా ఇలాంటి సినిమా ఇప్పటిదాకా తెలుగులో రాలేదని చెప్పగలను. గంటన్నర నిడివితో ఉన్న ఈ సినిమాలో ఎలాంటి పాటలు, ఫైట్స్ ఉండవు. కేవలం కథ మీదనే మూవీ నడుస్తుంది. నా టీమ్ అంతా ఎంతో బాగా సపోర్ట్ చేసింది. రెండు తెలుగు రాష్ట్రాల్లో ప్రమోషన్ చేస్తున్నాం' అని అన్నారు.

గుడ్‌ టచ్‌.. బ్యాడ్‌ టచ్‌.. రుతుస్రావం సమయంలో హైజీనిటీ.. బాల్య వివాహాలు.. గృహ హింస.. ఇలా ఎన్నో అంశాలపై చాలా మందికి అవగాహన ఉండదు. వీటి గురించి కనీసం బయట మాట్లాడటానికే ఇబ్బంది పడుతుంటారు. కానీ ఓ యువకుడు మాత్రం వీటి గురించి ధైర్యంగా మాట్లాడుతున్నాడు. గ్రామగ్రామానికీ, ఇంటింటికీ, ప్రతి స్కూల్‌కీ తిరుగుతూ వీటిపై ప్రజలకు అవగాహన కల్పిస్తున్నాడు. డిగ్రీ కుర్రాడు ఈ అవగాహనా కార్యక్రమాలు చేపడుతూ ఎంతోమందికి స్ఫూర్తిగా నిలుస్తున్నాడు. అందరిలా కురోళ్లలా ఫోన్లు, గేమ్స్‌ ఆడుకుంటూ ఇన్‌స్టాలో రీల్స్‌ చూసుకుంటూ ఎంజాయ్‌ చేయకుండా సామాజిక స్పృహతో సమస్యలపై అవగాహన పెంచుతూ.. పోరాడుతూ ముందుకు సాగుతున్నాడు ఓ డిగ్రీ కుర్రాడు. అతడే నిజామ్‌ కాలేజీలో బీఏ పొలిటికల్‌ సైన్స్‌ చదువుతున్న సందీప్‌ నాయక్‌. అతడు చేస్తున్న పనిని మెచ్చి వందలాది మంది సందీప్‌ వెనుక నడుస్తున్నారు. 15 ఏళ్ల నుంచే.. ఆదిలాబాద్‌ జిల్లా, ఉట్నూరు సమీపంలోని జైతారం తండాలో జన్మించిన సందీప్‌.. 15 ఏళ్ల వయసు నుంచే సమాజంలోని సమస్యల గురించి తెలుసుకునేందుకు ఆయా ప్రాంతాలను సందర్శించేవాడు. ఎన్నో సవాళ్లతో, సమస్యలతో ప్రజలు ఇబ్బందులు పడుతున్నారని గుర్తించిన సందీప్‌.. వాటిపై పోరాటం చేయాలని నిర్ణయించుకున్నాడు. ముఖ్యంగా పాఠశాలల నుంచి పిల్లల డ్రాపవుట్స్‌ ఎక్కువగా ఉన్నాయని గర్తించాడు. ఈ సమస్యకు వెనుక ఉన్న కారణాల అన్వేషణలో పడ్డాడు. బాల్య వివాహాలు, బాల కారి్మక వ్యవస్థ, లింగ అసమానతలు, గృహ హింస, రుతుస్రావం సమయంలో పరిశుభ్రత, ప్యాడ్స్‌ వినియోగం లేకపోవడం వంటి సమస్యలు కారణమని గుర్తించాడు. వీటన్నింటినీ రూపుమాపేందుకు, వాటిపై సమాజంలో అవగాహన పెంచేందుకు గొంతెత్తాలని నడుం బిగించాడు. అనుకున్నదే తడవుగా ‘వాయిస్‌ ఫర్‌ వెల్‌ఫేర్‌’ పేరుతో ఓ ఎన్జీవో స్థాపించాడు. ఈ సంస్థ ద్వారా పలు సమస్యలపై పోరాడుతున్నాడు.మహిళల గొంతుకగా.. సంస్థ ద్వారా చిన్నారులు, మహిళల గొంతుకగా నిలిచేందుకు కృషి చేస్తున్నాడు. నిజామ్‌ కాలేజీలో బీఏ మూడో సంవత్సరం చదువుతున్న సందీప్‌ కార్యకలాపాలకు మెచ్చి తోటి విద్యార్థులతో పాటు తెలిసిన వాళ్లు అతడి వెనుక నడుస్తున్నారు. మారుమూల గ్రామాలు, ప్రాంతాలకు వెళ్లి అక్కడి మహిళలు, చిన్నారులకు ఎన్నో విషయాలపై అవగాహన కలి్పస్తున్నాడు. పాఠశాలలకు వెళ్లి.. చిన్నారులకు చదువు చెబుతున్నాడు. సమాజంలో అసమానతలు తగ్గాలంటే చదువు ఒక్కటే మార్గమని సందీప్‌ చెబుతున్నాడు.

అమెరికా తపాలా శాఖ వారి నుంచి దీపావళి స్టాంపు విడుదలను కోరుతూ భారతీయ అమెరికన్లు కొన్ని సంవత్సరాలు వరుసగా పిటిషన్ల మీద పిటిషన్లు వేశారు. 2009లో అప్పటి అధ్యక్షుడు బరాక్‌ ఒబామా మొదటిసారి వైట్‌హౌస్‌లో దీపావళి దివ్వెను వెలిగించినప్పుడు భారతీయ అమెరికన్ల ఛాతీ గర్వంతో ఉప్పొంగింది. అమెరికన్ల గుర్తింపు కోసం ఈ తహతహ అంతా! ఓట్ల శాతం ఎక్కువగా ఉన్నప్పటికీ, భారీ విరాళాలు ఇస్తున్నప్పటికీ భారతీయ అమెరికన్లు ఇప్పటికీ ఒక నిర్ణాయక శక్తిగా అవతరించలేదని ఒక అధ్యయనం చెబుతోంది. కమలా హ్యారిస్‌ తల్లి, జేడీ వాన్స్‌ భార్య... ఇద్దరూ భారతీయ మూలాలు ఉన్నవారు కావడం వల్ల 2024 ఎన్నికలను భారతీయ అమెరికన్లకు దీపావళి కానుక అనుకోవచ్చు.అమెరికా ప్రభుత్వం తమను గుర్తించాలని తహతహలాడని భారతీయులు ఉండరంటే అతిశయోక్తి కాదు. దీపావళి స్టాంపు కోసం పిటిషన్ల మీద పిటిషన్లు వేయడం ఇందుకు ఒక ఉదాహరణ. హనుక్కా(యూదుల పండుగ), ఈద్‌లకు స్టాంపులు ఉండగా... తమకెందుకు లేదని ఏటా భారతీయ అమెరికన్లు అక్కడి పోస్ట్‌ మాస్టర్‌ జనరల్‌కు మెయిళ్లు పెట్టేవారు.సంతకాల సేకరణ జరిగేది. కానీ ప్రతిసారీ నిరాశే ఎదురయ్యేది. 2013లో భారతీయ అమెరికన్ పార్లమెంటు సభ్యుడు అమి బేరా స్టాంపు ఎప్పుడో విడుదల కావాల్సిందని అన్నారు. మూడేళ్ల తరువాత 2016లో ‘ఫరెవర్‌’ స్టాంపు విడుదలైంది. అంటే ఎప్పటికీ తొలగించ నిది. కొద్ది రోజుల్లోనే లక్ష స్టాంపులు అమ్ముడయ్యాయి. స్టాంపులు అమ్ముడు కాకపోతే పంపిణీలోంచి తొలగిస్తారేమోనని విపరీతంగా కొనాలన్న ప్రచారం జరిగింది. పోస్ట్‌మాస్టర్‌ జనరల్‌ రంగంలోకి దిగి దీపావళి స్టాంపును తొలగించే ఉద్దేశమేమీ లేదని స్పష్టం చేయాల్సి వచ్చింది. స్టాంపు ద్వారా అక్కడి సమాజంలో గుర్తింపు పొందేందుకు పడ్డ శ్రమ, ఆందోళన ఇదంతా.2009లో అప్పటి అధ్యక్షుడు బరాక్‌ ఒబామా మొదటిసారి వైట్‌ హౌస్‌లో దీపావళి దివ్వెను వెలిగించినప్పుడు భారతీయ అమెరికన్ల ఛాతీ గర్వంతో పొంగిపోయింది. దీపావళి రోజును సెలవుగా ప్రకటించాలన్న డిమాండ్‌ బయలుదేరింది. స్పెల్లింగ్‌–బీ పోటీల్లో గెలవడం ఒకటైతే, అమెరికన్‌ కులీనుల నుంచి గుర్తింపు పొందడం మరొకటి.ఆ రకంగా 2024 ఎన్నికలు భారతీయ అమెరికన్లకు దీపావళి కానుక అనుకోవచ్చు. డెమోక్రాట్ల తరఫున అధ్యక్ష పదవికి పోటీ చేస్తున్న కమలా హ్యారిస్‌ తల్లి, రిపబ్లికన్ల తరఫున ఉపాధ్యక్ష పదవికి పోటీ చేస్తున్న జేడీ వాన్స్‌ భార్య... ఇద్దరూ భారతీయ మూలాలు ఉన్నవారే. అమెరికా ఎన్నికల్లో ఈసారి భారతీయత భావన రకరకాలుగా వ్యక్తమవుతోంది.ఉదాహరణకు డోనాల్డ్‌ ట్రంప్‌ ఓ ఆఫ్రికన్ –అమెరికన్ జర్నలిస్టుతో మాట్లాడుతూ... కమల సగం ఆఫ్రికన్ అన్న విషయం తనకు నిన్నమొన్నటి వరకూ తెలియదనీ... ఆమె ఎల్లప్పుడూ తన భారతీయ మూలాలను మాత్రమే ప్రస్తావిస్తూంటుందని అన్నారు. అదొక విచిత్రమైన వ్యాఖ్య. కమల ఎప్పుడూ తన ఆఫ్రికన్ మూలాలనే ప్రస్తావిస్తుంటుందని భారతీయ అమెరికన్లు చాలామంది వాదిస్తూంటారు. కేవలం దీపావళి వేడుకల్లో, లేదంటే ఇండియన్ అమెరికన్ లతో నిధుల సేకరణ కార్యక్రమాల్లో మాత్రమే భారతీయ మహిళగా ఉంటుందని చెబుతుంటారు. భారతీయ అమెరికన్ల కంటే ఆఫ్రికన్ అమె రికన్ల ఓటు బ్యాంకు పెద్దదన్న అంచనాతో కమల హ్యారిస్‌ను ఒక అవకాశవాదిగా చిత్రీకరించేందుకు ట్రంప్‌ ప్రయత్నించారు. ఇది దీర్ఘకాలంలోనూ ట్రంప్‌కు పనికొచ్చే ఎత్తుగడ.ఒక రకంగా చూస్తే అమెరికా రాజకీయాల్లో భారతీయ అమెరికన్లు అంతగా అక్కరకొచ్చే అంశంగా కనపడటం లేదు. స్టాంపుల్లాంటి చిన్న విషయాలను పక్కనబెడితే... మిషిగన్ యూనివర్సిటీకి చెందిన జోయ్‌ జీత్‌ పాల్‌ ‘న్యూస్‌లాండ్రీ’ కోసం నిర్వహించిన ఒక అధ్యయనం ఈ విషయాన్ని స్పష్టం చేస్తోంది. ఓట్ల శాతం (2020లో 74 శాతం) ఎక్కువగా ఉన్నప్పటికీ, భారీ విరాళాలు ఇస్తున్నప్పటికీ భారతీయ అమెరికన్లు ఒక నిర్ణాయక శక్తిగా అవతరించలేదని ఈ అధ్యయనం చెబుతోంది. అయితే గతంలో ఒకసారి ఫ్లోరిడా కేంద్రంగా ఉన్న భారతీయ వైద్యులు కొందరు ఇండియన్ రిపబ్లికన్ కౌన్సిల్‌ ఒకటి ఏర్పాటయ్యేందుకు సహకరించడం... జార్జి బుష్‌ అధ్యక్ష ఎన్నికల్లో పోటీ పడిన ప్పుడు అక్కడి 2,000 ఓట్లే కీలకం కావడం గమనార్హం. అయితే 2005లో భారతీయ హోటలియర్లు తమ వార్షిక కార్యక్రమానికి నరేంద్ర మోదీని ఆహ్వానించడం... అది కాస్తా ఆయన వీసా రద్దుకు కారణమవడం కూడా ఇక్కడ చెప్పుకోవాలి. తమ జనాభా కంటే ఎక్కువ పలుకుబడి కలిగివున్న ఇజ్రాయెలీల మాదిరిగానే భారతీయ అమెరికన్లు కూడా ‘యూఎస్‌ ఇండియా పొలిటికల్‌ యాక్షన్ కమిటీ’ ఏర్పాటు చేశారు. 1956లో దలీప్‌ సింగ్‌ సాండ్‌ తరువాత బాబీ జిందాల్‌ కాంగ్రెస్‌కు ఎన్నికైన తొలి భారతీయ అమెరికన్ గా రికార్డు సృష్టించిన అనంతరం, కాలిఫోర్నియా నుంచి అమి బేరా కూడా కాంగ్రెస్‌కు ఎన్నికైన తరువాత మాత్రమే భారతీయ అమెరికన్ల భాగస్వామ్యం పెరిగిందని జోయ్‌జీత్‌ పాల్‌ అధ్యయనం ద్వారా తెలుస్తోంది. ఇప్పుడు ఇండియన్ అమెరికన్ ఇంప్యాక్ట్‌ ఫండ్‌ భారతీయ అమెరికన్ల ఎన్నికలకు ప్రాయోజకత్వం వహిస్తున్న సంగతి తెలిసిందే. అయినా కూడా ఇప్పటికీ భారతీయ అమెరికన్లను విదేశీయుల్లాగే భావించడం ఎక్కువ. భారతీయులకు తాను దగ్గరివాడినని చెప్పుకునే డోనాల్డ్‌ ట్రంప్‌ కూడా తన ప్రత్యర్థి నిక్కీ హేలీని ‘నిమ్రదా’ హేలీ అని సంబోధిస్తూండటం గుర్తు చేసుకోవాలి. భారతీయ మూలాలను గుర్తు చేసే ప్రయత్నం అన్నమాట! దీనికి తగ్గట్టుగానే నిక్కీ హేలీ తన వెబ్‌సైట్‌లో అసలు పేరు నమ్రతా రణ్‌ధవాను అసలు ప్రస్తావించనే లేదు. 2010 అధ్యక్ష ఎన్నికల్లో భారతీయ అమెరికన్ల పోటీని నేను దగ్గరుండి గమనించాను. ఎక్కువమంది దక్షిణాసియా ప్రాంత వాసులు పెద్దగా లేని చోట్లే పోటీ చేశారు. కాన్సస్‌లో రాజ్‌ గోయెల్‌ పోటీ చేసినప్పుడు, పరిసర ప్రాంతాల్లో ఎంతమంది భారతీయు లున్నారని వచ్చిన ప్రశ్నకు, ‘‘పది’’ అని సమాధానం చెప్పారు; పది శాతమంటే మేలే అని వచ్చిన స్పందనకు, ‘‘శాతం కాదు, అక్షరాలా పది మంది మాత్రమే’’ అని ఈయన జవాబిచ్చిన ఘట్టాన్ని నాతో పంచుకున్నారు. ఇండో అమెరికన్ కౌన్సిల్‌కు చెందిన డెమోక్రటిక్‌ నేషనల్‌ కమిటీ అధ్యక్షుడు శేఖర్‌ నరసింహన్ మాటల్లో చెప్పాలంటే... భారతీయులు అటు నలుపు కాదు, ఇటు తెలుపు కాదు; కాబట్టి వెంటనే ఎందులోనూ చేర్చలేరు.ఈ ఎన్నికల్లో అమెరికన్ కలల కోసం కష్టపడ్డ తల్లిదండ్రులకు మొక్కుబడిగా ఓ దండం పెట్టేసిన తరువాత అభ్యర్థులంతా తాము అమెరికాలో సాధించిన ఘనతలకే పెద్దపీట వేశారు. కమల హ్యారిస్‌ తాను ఒకప్పుడు ‘మెక్‌ డొనాల్డ్స్‌’లో పని చేశానని చెప్పుకున్నట్లు. అమి బేరా తన ప్రచారంలో భారతీయ సంప్రదాయ విలువలను, అమెరికా వృత్తిగత శైలి... రెండింటిని కలగలిపి ‘బోత్‌ ఆఫ్‌ టూ వరల్డ్స్‌’ అని చెప్పుకొన్నారు. అప్పటికి ఓటమి పాలైనా తరువాతి ఎన్నికల్లో గెలుపొందారు. మార్పునకు కొంత సమయం పడుతుందనేందుకు ఇదో నిదర్శనం.అయినా సరే... పాత అలవాట్లు అంత తొందరగా పోవు అంటారు. శేఖర్‌ నరసింహన్‌కు ఇది 2006లోనే అనుభవమైంది. అప్పట్లో రిపబ్లికన్ సెనేటర్‌ పోటీదారు జార్జ్‌ అలెన్ ఓ యువ భారతీ యుడిని ఉద్దేశించి ‘మకాకా’(కోతి) అని గేలి చేస్తూ మాట్లాడారు. ఆ యువకుడు శేఖర్‌ కుమారుడు. ఈ ఘటనతో శేఖర్‌కు తత్వం బోధ పడింది. నువ్వు ఎంత తాపత్రాయ పడినా, వీళ్లకు (అమెరికన్లు) మనం (భారతీయులు) భిన్నంగానే కనిపిస్తూంటామని అర్థమైంది. ఈ ఎన్ని కల్లో కూడా ట్రంప్‌ మద్దతుదారు లారా బూమర్‌ చేసిన ‘‘హ్యారిస్‌ గెలుపొందితే వైట్‌హౌజ్‌లో కర్రీ వాసనొస్తుంది’’ అన్న వ్యాఖ్య రభసకు దారితీసింది. అయినప్పటికీ అమెరికా మారడం లేదని చెప్పలేం. ఈ ఎన్నికల్లో కమల... క్యాథీ పేరుతో పోటీ చేయడం లేదు. పైగా తాను దోశ వేస్తూండగా వీడియో తీయడానికి ఓకే అంటున్నారు. హ్యారిస్‌ గెలుపు ఓటములను పక్కనబెట్టినా... అమెరికాలో వచ్చిన సాంస్కృతిక మార్పు మాత్రం మళ్లీ వెనక్కు మళ్లలేనిది.సందీప్‌ రాయ్‌ వ్యాసకర్త రచయిత, రేడియో హోస్ట్‌(‘మింట్‌’ సౌజన్యంతో)

కోల్‌కతా ఆర్జీ కర్‌ ఘటనలో.. కళాశాల మాజీ ప్రిన్సిపాల్‌ సందీప్‌ ఘోష్‌కు భారీ షాకిచ్చింది సీబీఐ ప్రత్యేక న్యాయస్థానం. బెయిల్‌ నిరాకరించడంతో పాటు నేరం గనుక రుజువైతే మరణశిక్ష తప్పదని స్పష్టం చేసింది. ఆగష్టు 9వ తేదీన ఆర్జీ కర్‌ ఆస్పత్రి సెమినార్‌ హాల్‌లో యువ వైద్యురాలిపై అత్యాచారం చోటు చేసుకుంది. ఈ ఘటనకు సంబంధించి ఆధారాలను తారుమారు చేసేందుకు ప్రయత్నించారని సందీప్‌ ఘోష్‌పై ఆరోపణలు ఉన్నాయి. అలాగే.. ఎఫ్‌ఐఆర్‌ నమోదు చేయడంలో జాప్యం చేశారని తలా పోలీస్‌ స్టేషన్‌ ఇన్‌ఛార్జి అభిజిత్‌ మోందాల్‌పై అభియోగాలు నమోదు చేసింది సీబీఐ. ఘటన వెలుగుచూసిన అనంతరం ఇద్దరూ ఒకరితో ఒకరు మాట్లాడుకుంటూనే ఉన్నారని, ఈ కేసులో ఎలా ముందుకెళ్లాలో మండల్‌కు సందీప్‌ సూచనలు చేసినట్లు కోర్టులో సీబీఐ వెల్లడించింది. ఇద్దరూ కలిసి నేరాన్ని తక్కువ చేసి చూపడం, కప్పి పుచ్చేందుకు యత్నించడం వంటివి చేశారని ఆరోపిస్తూ.. అరెస్ట్‌ చేసింది. ఈ ఇద్దరూ బెయిల్‌ కోసం సీబీఐ ప్రత్యేక న్యాయస్థానాన్ని(సీల్దా కోర్టు కాంప్లెక్స్‌) ఆశ్రయించారు. కేసులో తన క్లయింట్‌ ఎలాంటి నేరానికి పాల్పడలేదని.. తప్పుడు ఉద్దేశంతో ఈ కేసులో ఇరికించారని ఘోష్‌ తరఫు న్యాయవాది వాదనలు వినిపించారు. అయితే.. కోర్టు మాత్రం బెయిల్‌ అభ్యర్థతను తోసిపుచ్చింది. ‘‘సందీప్‌ ఘోష్‌పై ఉన్న నేరారోపణ తీవ్రమైంది. ఈ కేసులో ఆయన్ని బెయిల్‌పై విడుదల చేయడం న్యాయపరంగా వీలు కాదు. ఒకవేళ ఆయనపై ఆరోపణ రుజువైతే గనుక.. అత్యంత అరుదైన కేసుగా భావించి మరణశిక్ష విధించాల్సి వస్తుంది’’ అని అడిషనల్‌ చీఫ్‌ జ్యుడిషియల్‌ మెజిస్ట్రేట్‌ ఎస్‌ డే వ్యాఖ్యానించారు. అలాగే.. అభిజిత్‌ మోందాల్‌ బెయిల్‌ పిటిషన్‌ను సైతం కోర్టు తోసిపుచ్చింది. ఇక ఈ కేసు దర్యాప్తు చేస్తున్న సీబీఐ.. నిందితుల కస్టడీ కోరింది. దీంతో సెప్టెంబర్‌ 30వ తేదీదాకా కస్టడీకి అనుమతించింది కోర్టు.దేశవ్యాప్తంగా సంచలనం సృష్టించిన ఈ కేసులో.. ఆర్జీ కర్ వైద్యకళాశాల మాజీ ప్రిన్సిపల్ సందీప్‌ ఘోష్‌ అరెస్టయ్యాక మరిన్ని విషయాలు వెలుగు చూశాయి. ఘోష్‌ అవినీతి వ్యవహారం బయటపడటంతో పాటు.. వైద్య కళాశాలలో ఆర్థిక అవకతవకలకు పాల్పడిన కేసులో సీబీఐ ఆయనను అదుపులోకి తీసుకుంది. మరోపక్క, ఘోష్‌.. పాలిగ్రాఫ్‌ పరీక్ష, లేయర్డ్‌ వాయిస్‌ అనాలసిస్‌లో కీలక ప్రశ్నలకు మోసపూరిత సమాధానాలు ఇచ్చినట్లు తేలింది. సెంట్రల్‌ ఫోరెన్సిక్‌ సైన్స్‌ లాబొరేటరీ (CFSL).. ఈ మేరకు నివేదిక ఇచ్చినట్లు దర్యాప్తు సంస్థ అధికారులు తెలిపారు. ఇక..ఆయనపై నమోదైన నేరారోపణల దృష్ట్యా.. ఆయన మెడికల్ రిజిస్ట్రేషన్ రద్దయింది.కోల్‌కతా ఆర్జీ కర్‌ ఆసుపత్రిలోని సెమినార్ రూమ్‌లో ఆగస్టు 9న పీజీ వైద్య విద్యార్థి విగత జీవిగా కనిపించి ఉండటాన్ని గుర్తించారు. తొలుత ఆత్మహత్య చేసుకుందని అధికారులు చెప్పినప్పటికీ.. హత్యాచారమని దర్యాప్తులో తేలింది. వాలంటీర్‌గా పనిచేస్తున్న సంజయ్‌రాయ్‌ను ఈ కేసులో పోలీసులు ఘటన జరిగిన మరుసటి రోజే అరెస్టు చేశారు.

కోల్‌కతా: పశ్చిమ బెంగాల్‌ రాజధాని కోల్‌కతాలో వైద్యురాలిపై హత్యచార ఘటనపై సీబీఐ విచారణ కొనసాగుతోంది. ఈ కేసులో ఆర్‌జీ కర్‌ ఆస్పత్రి మాజీ ప్రిన్సిపల్‌ సందీప్‌ ఘోష్‌, తలా పోలీస్‌స్టేషన్‌ ఎస్‌హెచ్‌వో అభిజిత్‌ మండల్‌లను మూడు రోజుల(సెప్టెంబర్‌ 17) వరకు సీబీఐ కస్టడీకి అనుమతిస్తూ స్థానిక కోర్టు ఆదేశాలు జారీచేసిన విషయం తెలిసిందే.అయితే ఈ ఇద్దరిని ఆదివారం స్థానిక కోర్టులో హాజరుపరిచిన సీబీఐ.. సందీప్‌ ఘోష్‌పై తీవ్ర ఆరోపణలు చేసింది. వైద్యురాలిపై హత్యాచారం ఘటనను ఆత్మహత్యగా చూపించడానికి ప్రయత్నించాడని పేర్కొంది. ఇది నేరాన్ని తక్కువ చేసి చూపడంతోపాటు సాక్ష్యాలను నాశనం చేయడానికి దారి తీసిందని తెలిపింది.కాగా ఆర్‌జీ కర్‌ వైద్య కళాశాలలో ఆర్థిక అవకతవలకు సంబంధించి ఈనెల 2న సందీప్‌ ఘోష్‌ను సీబీఐ అరెస్టు చేసింది. ఈ కేసులో సాక్ష్యాలను తారుమారు చేశారన్న అభియోగాలను ఆ తర్వాత ఆయనపై నమోదు చేసింది. ఈ కేసులో తలా పోలీస్ స్టేషన్ ఇన్‌ఛార్జ్ అధికారి అభిజిత్ మోండల్‌ను కూడా సీబీఐ అధికారులు అరెస్టు చేశారు.కోర్టుకు సీబీఐ సమర్పించిన రిమాండ్‌ రిపోర్టు ప్రకారం.. మహిళా వైద్యురాలిపై హత్యాచారం విషయంపై ఆగస్టు 9న ఉదయం 9.58 గంటలకు సందీప్‌ఘోష్‌కు సమాచారం అందింది. అయితే ఆయన వెంటనే ఆసుపత్రిని సందర్శించలేదు. కనీసం పోలీసులకు ఫిర్యాదు కూడా చేయలేదు. అదే విధంగా కేసు విచారణలో సందీప్‌ఘోష్‌ మోసపూరిత సమాధానాలు ఇస్తున్నారని సీబీఐ పేర్కొంది.ఆయనకు పాలీగ్రాఫ్‌ టెస్టు, వాయిస్‌ అనాలిసిన్‌ నిర్వహించగా.. కీలకమైన ప్రశ్నలకు సరైన సమాధానాలు ఇవ్వడం లేదని సీబీఐ అధికారులు చెబుతున్నారు. ఈ టెస్టుల్లో ఆయన ఇచ్చిన సమాధానాలు మోసపూరితమైనవని ఢిల్లీలోని సెంట్రల్‌ ఫోరెన్సిక్‌ సైన్స్‌ లాబొరేటరీ నివేదిక ఇచ్చినట్లు తెలిపారు.బాధితురాలి ఒంటిపై గాయాలు ఉన్నప్పటికీ.. ఘటనను ఆత్మహత్యగా చిత్రీకరించేందుకు ప్రయత్నించాడని పేర్కొంది. తమ కూతురు ఆత్మహత్య చేసుకుని చనిపోయిందని ఆసుపత్రి నుంచి వచ్చిన ఫోన్‌ కాల్‌ కూడా వచ్చిందని వైద్యుల తల్లిదండ్రులు తెలిపినట్లు చెప్పింది. ఈ ఘటన వెలుగుచూసిన అనంతరం ఘోష్‌, అభిజిత్‌ మోండల్‌తోపాటు ఓ లాయర్‌తో టచ్‌లో ఉన్నారని తెలిపింది.బాధితురాలి తల్లిదండ్రులు ఆసుపత్రికి వచ్చినప్పుడు కూడా మాజీ ప్రిన్సిపాల్ వారిని కలవలేదని, ఘటన అనంతరం వైద్యపరమైన విధివిధానాలను సకాలంలో పూర్తి చేయడంలో డాక్టర్ ఘోష్ విఫలమయ్యారని తెలిపింది. వెంటనే మృతదేహాన్ని మార్చురీకి పంపాలని కిందిస్థాయి అధికారులను ఆదేశించినట్లు సీబీఐ కోర్టుకు పేర్కొంది. అంతేకాక ఈ కేసులో ఎలా ముందుకెళ్లాలో మండల్‌కు సందీప్‌ సూచనలు చేసినట్లు కోర్టులో సీబీఐ తెలిపింది. ఘోష్‌, మండల్‌లు కలిసి నేరాన్ని కప్పిపుచ్చేందుకు ప్రయత్నించారని పేర్కొంది.

కోల్‌కతా: దేశవ్యాప్త ఆగ్రహావేశాలకు, ఆందోళనలకు కారణమైన కోల్‌కతా వైద్యురాలి హత్యాచార ఉదంతం శనివారం కీలక మలుపు తిరిగింది. ఆర్‌.జి.కర్‌ ప్రభుత్వ వైద్య కళాశాల, ఆసుపత్రిలో ఈ దారుణం జరిగిన సమయంలో ప్రిన్సిపల్‌గా ఉన్న సందీప్‌ ఘోష్‌ సాక్ష్యాధారాలను నాశనం చేశారని సీబీఐ కేసు నమోదు చేసింది. ఆస్పత్రి నిధుల దురి్వనియోగం కేసులో ఆయన ఇప్పటికే జ్యుడీíÙయల్‌ కస్టడీలో ఉన్న విషయం తెలిసిందే. సాక్ష్యాలను నాశనం చేయడం, ఎఫ్‌ఐఆర్‌ నమోదులో ఆలస్యంతో పాటు కేసు దర్యాప్తును పక్కదారి పట్టించేందుకు ప్రయతి్నంచారని ఘోష్‌పై అభియోగాలు మోపింది. ఇవే అభియోగాలపై స్థానిక తలా పోలీసుస్టేషన్‌ సీఐ అభిజిత్‌ మండల్‌ను కూడా అరెస్టు చేసింది. ఆర్‌.జి.కర్‌ ఆసుపత్రి తలా పోలీసుస్టేషన్‌ పరిధిలోకే వస్తుంది. అభిజిత్‌ మండల్‌ను శనివారం సీబీఐ తమ కార్యాలయంలో కొన్ని గంటల పాటు ప్రశ్నించింది. సంతృప్తికరమైన సమాధానాలు రాకపోవడంతో మండల్‌ను అరెస్టు చేసింది. అతన్ని ప్రశ్నించడం ఇది ఎనిమిదోసారి అని. ప్రతిసారీ మండల్‌ భిన్నమైన కథనం చెబుతున్నాడని సీబీఐ వర్గాలు తెలిపాయి. సందీప్‌ ఘోష్‌ను కస్టడీ కోరుతూ సీబీఐ న్యాయస్థానంలో దరఖాస్తు చేసింది. సీబీఐ కస్టడీ నిమిత్తం ఘోష్‌ను హాజరుపర్చాల్సిందిగా కోర్టు జైలు అధికారులను ఆదేశించిందని సీబీఐ అధికారి ఒకరు శనివారం తెలిపారు. 31 ఏళ్ల ట్రైనీ డాక్టర్‌ ఆగస్టు 9న ఆస్పత్రి సెమినార్‌ హాల్లో శవమై కని్పంచడం తెలిసిందే. ఆమెపై పాశవికంగా అత్యాచారం జరిపి దారుణంగా హతమార్చినట్లు పోస్టుమార్టంలో తేలింది. ఒక రోజు అనంతరం ఆస్పత్రిలో పౌర వాలంటీర్‌గా పనిచేస్తున్న ప్రధాన నిందితుడు సంజయ్‌ రాయ్‌ను పోలీసులు అరెస్టు చేశారు. ఈ దారుణంపై వైద్యలోకం భగ్గుమంది. దీనివెనుక చాలామంది ఉన్నారని, ఆ వాస్తవాలను తొక్కిపెట్టేందుకు మమత సర్కారు ప్రయతి్నస్తోందని డాక్టర్లు ఆరోపించారు. వైద్యశాఖ కీలక డైరెక్టర్లు, కోల్‌కతా పోలీసు కమిషనర్‌ తదితరుల రాజీనామా కోరుతూ పశి్చమ బెంగాల్‌ వ్యాప్తంగా నిరసనలతో వైద్యులు హోరెత్తిస్తున్నారు. అనంతర పరిణామాల్లో కేసు దర్యాప్తును సీబీఐకి కలకత్తా హైకోర్టు అప్పగించింది. దర్యాప్తు పురోగతిపై మూడు వారాల్లోగా నివేదిక సమరి్పంచాల్సిందిగా ఆదేశించింది. ఆ మేరకు సెపె్టంబర్‌ 17లోగా దర్యాప్తు సంస్థ నివేదిక సమరి్పంచనుందని సమాచారం. ఘోష్‌కు నేరగాళ్లతో లింకులు వైద్యురాలిపై దారుణం జరిగిన మర్నాడే సందీప్‌ ఘోష్‌ హడావుడిగా ఆస్పత్రిలో మరమ్మతులకు ఆదేశాలు జారీ చేసినట్టు సీబీఐ ఆరోపిస్తోంది. ఆ మేరకు ఘోష్‌ ఆదేశాలిచి్చ న లేఖను కూడా బెంగాల్‌ బీజేపీ చీఫ్, కేంద్ర మంత్రి సుకాంత మజుందార్‌ ఎక్స్‌లో పోస్ట్‌ చేశారు. ఈ కేసు నిందితులతో ఘోష్‌కు నేరపూరిత బంధం ఉందని, వారితో కలిసి పలు తప్పుడు పనులకు కూడా పాల్పడ్డారని సీబీఐ గత వారమే అభియోగాలు మోపింది.

కోల్‌కతా: కోల్‌కతాలోని ఆర్‌జీకర్‌ మెడికల్‌ కాలేజీ, ఆసుపత్రి మాజీ ప్రిన్సిపాల్‌ సందీప్‌ ఘోష్‌కు సుప్రీంకోర్టులో ఎదురుదెబ్బ తగిలింది. గత నెలలో ఆసుపత్రిలో వైద్యురాలిపై హత్యాచారం జరిగిన సమయంలో.. నిందితుడు సంజయ్‌ రాయ్‌తోపాటు ఇనిస్టిట్యూట్‌ ప్రిన్సిపాల్‌గా ఉన్న సందీప్‌ ఘోష్‌పై తీవ్ర ఆరోపణలు వెల్లువెత్తుతున్న విషయం తెలిసిందే.అయితే ‌వైద్యురాలి కేసు విచారణను సీబీఐకి బదిలీ చేసిన కోల్‌కత్తా హైకోర్టు.. ఘోష్‌పై అవినీతి ఆరోపణల కేసు దర్యాప్తును సైతం సీబీఐకే అప్పజెప్పింది. ఈ క్రమంలో హైకోర్టు ఉత్తర్వులను సవాల్‌ చేస్తూ సందీప్‌ ఘోష్‌ సుప్రీంకోర్టులో పిటిషన్‌ దాఖలు చేయగా.. నేడు(శుక్రవారం) ఆయన అభ్యర్ధనను సర్వోన్నత న్యాయస్థానం కొట్టివేసింది.ఈ మేరకు సుప్రీంకోర్టు ప్రధాన న్యాయమూర్తి డీవై చంద్రచూడ్‌, న్యాయమూర్తులు జేబీ పార్థివాలా, మనోజ్‌ మిశ్రాలతో కూడిన త్రిసభ్య దర్శాసనం.. తన పదవీకాలంలో ఆర్జీకర్‌ ఇన్‌స్టిట్యూట్‌లో ఆర్థిక అవకతవకలు జరిగాయని ఆరోపిస్తూ దాఖలైన పిటిషన్‌లో భాగస్వామిగా చేర్చుకోవాలన్న సందీప్‌ ఘోష్‌ విజ్ఞప్తిని తిరస్కరించింది.‘ఒక కేసులో నిందితుడిగా ఉన్న మీరు.. కలకత్తా హైకోర్టు విచారిస్తున్న పిటిషన్‌లో జోక్యం చేసుకునే హక్కు లేదు’ అని ధర్మాసనం వ్యాఖ్యానించింది. కాగా ఆగస్టు 9న ట్రైనీ డాక్టర్‌పై జరిగిన హత్యాచారంతో.. అవినీతి ఆరోపణలను అనుసంధానిస్తూ హైకోర్టు చేసిన కొన్ని వ్యాఖ్యలను తొలగించేందుకు కూడా అత్యున్నత న్యాయస్థానం నిరాకరించింది.ఇదిలా ఉండగా.. 2021 నుంచి సందీప్‌ ఘోష్‌ ఆర్‌జీ ఆసుపత్రి ప్రిన్సిపాల్‌గా ఉన్నారు. ఆయన హయాంలో ప్రభుత్వ ఆసుపత్రిలో జరిగిన ఆర్థిక అవకతవకలపై దర్యాప్తును ప్రత్యేక దర్యాప్తు బృందం నుంచి సీబీఐకి బదిలీ చేయాలని కలకత్తా హైకోర్టు ఆదేశించిన సంగతి తెలిసిందే..ఇక వైద్యురాలి కేసులో సందీప్ ఘోష్‌ను రెండు వారాలుగా విచారించిన అనంతరం సోమవారం సీబీఐ అతన్ని అరెస్టు చేసింది. వైద్య కళాశాలలో ఆర్థిక అవకతవకలకు పాల్పడిన కేసులో కోర్టు ఎనిమిది రోజుల కస్టడీకి అప్పగించింది. ప్రస్తుతం జ్యుడీషియల్‌ కస్టడీలో ఉన్న ఘోష్‌ నివాసంపై శుక్రవారం ఎన్‌ఫోర్స్‌మెంట్ డైరెక్టరేట్(ఈడీ) దాడులు చేసింది. ఘోష్, అతడి సహచరులకు సంబంధించిన వివిధ ప్రదేశాలలో దర్యాప్తు సంస్థ అధికారులు దాడులు చేశారు. ఆస్పత్రి డేటా ఎంట్రీ ఆపరేటర్ ప్రసూన్ ఛటర్జీ ఇంట్లో కూడా సోదాలు చేసినట్లుగా అధికారులు పేర్కొన్నారు.

కోల్‌కతా: కర్‌ ఆస్పత్రిలో జూనియర్‌ వైద్యురాలి హత్యోదంతం వేళ ఆ ఆస్పత్రి తాజా మాజీ ప్రిన్సిపల్‌ సందీప్‌ ఘోష్‌పై అవినీతి ఆరోపణలు గుప్పుమన్నాయి. గతంలో ఆయన పలు ఆర్థిక అక్రమాలకు పాల్పడ్డారని అదే ఆస్పత్రి మాజీ డెప్యూటీ సూపరింటెండెంట్‌ అఖ్తర్‌ అలీ ఒక జాతీయ ఛానెల్‌ ఇంటర్వ్యూలో చెప్పారు. ‘‘సందీప్‌ సెక్యూరిటీ సిబ్బందిలో నిందితుడు సంజయ్‌ రాయ్‌ కూడా ఉన్నాడు. ఆస్పత్రి, వైద్యకళాశాలలోని అనాథ మృతదేహాలను సందీప్‌ అమ్ముకునేవాడు. దీనిపై కేసు నమోదైంది. తనకు సెక్యూరిటీగా ఉండే బంగ్లాదేశీలతో కలిసి సిరంజీలు, గ్లౌజులు, బయో వ్యర్థ్యాలను రీసైకిల్‌ చేసి బంగ్లాదేశ్‌కు తరలించి సొమ్మ చేసుకునేవారు. నేను గతేడాది వరకు ఆస్పత్రిలో డిప్యూటీ సూపరింటెండెంట్‌గా ఉండగా సందీప్‌ అక్రమాలపై విజిలెన్స్‌ కమిషన్‌కు ఫిర్యాదుచేశా. దీనిపై ఏర్పాటుచేసిన దర్యాప్తు కమిటీలో నేనూ ఉన్నా. సందీప్‌ను దోషిగా తేల్చినా చర్యలు తీసుకోలేదు. రాష్ట్ర ఆరోగ్య శాఖకు నివేదిక పంపిన రోజు నన్ను, కమిటీలోని ఇద్దరు సభ్యులను బదిలీచేశారు. ఈయన నుంచి విద్యార్థులను కాపాడేందుకు ప్రయత్నించి విఫలమయ్యా’’ అని అఖ్తర్‌ అన్నారు.ప్రతి టెండర్‌లో 20 శాతం కమిషన్‌‘‘ ఆస్పత్రి, వైద్యకళాశాల పరిధిలో చేపట్టే ప్రతి టెండర్‌ ప్రక్రియలో సందీప్‌ 20 శాతం కమిషన్‌ తీసుకునేవాడు. తనకు అనుకూలమైన సుమన్‌ హజ్రా, బిప్లబ్‌ సింఘాలకు ఈ టెండర్లు దక్కేలా చూసేవాడు. సుమన్, సింఘాలకు 12 కంపెనీలు ఉన్నాయి. ఏ టెండర్‌ అయినా వారికి రావాల్సిందే. డబ్బులు ఇచ్చిన వైద్య విద్యార్థులనే పాస్‌ చేసేవాడు. లేకుంటే ఫెయిలే. తర్వాత డబ్బులు తీసుకుని మళ్లీ పాస్‌ చేయించేవాడు. ‘శక్తివంతమైన’ వ్యక్తులతో సందీప్‌కు సత్సంబంధాలున్నాయి. అందుకే రెండు సార్లు బదిలీచేసినా మళ్లీ ఇక్కడే తిష్టవేశాడు’’ అని అఖ్తర్‌ చెప్పారు.కొత్త ప్రిన్సిపల్‌ తొలగింపుకోల్‌కతా: వైద్య విద్యార్థుల డిమాండ్‌ మేరకు ఆర్‌జి కర్‌ మెడికల్‌ కాలేజీ కొత్త ప్రిన్సిపల్‌ సుహ్రిత పాల్‌ను బెంగాల్‌ ప్రభుత్వం తొలగించింది. వైస్‌–ప్రిన్సిపల్‌ బుల్‌బుల్, మరో ఇద్దరిని కూడా తొలగిస్తూ బుధవారం నిర్ణయం తీసుకుంది. ‘‘మా కొత్త ప్రిన్సిపల్‌ సుహ్రిత పాల్‌ పత్తా లేరు. మాకు సంరక్షకురాలి వ్యవహరించాల్సిన ఆమె ఆర్‌జి కర్‌ ఆసుపత్రిలో విధ్వంసం జరిగిన రాత్రి నుంచి ఆసుపత్రి ప్రాంగణంలో కనిపించలేదు. ఆమె స్వాస్థ్య భవన్‌ నుంచి పనిచేస్తున్నారని విన్నాం. అందుకే ఇక్కడకు వచ్చాం’ అని ఒక జూనియర్‌ డాక్టర్‌ బుధవారం ఉదయం ఆగ్రహం వ్యక్తం చేశారు. మరోవైపు ఆస్పత్రిపై దుండగులు దాడి చేస్తుంటే అడ్డుకోకుండా విధి నిర్వహణలో నిర్లక్ష్యం వహించారంటూ ఇద్దరు అసిస్టెంట్‌ పోలీస్‌ కమిషనర్లు, ఒక ఇన్‌స్పెక్టర్‌ను కూడా కోల్‌కతా పోలీసు శాఖ బుధవారం సస్పెండ్‌ చేసింది. మంగళవారం నాటి సుప్రీంకోర్టు ఆదేశాల నేపథ్యంలో కర్‌ ఆస్పత్రి, వైద్యకళాశాల వద్ద దాదాపు 150 మంది పారిశ్రామిక భద్రతా దళం (సీఐఎస్‌ఎఫ్‌) సిబ్బందితో కట్టుదిట్టమైన రక్షణ కల్పించారు. మరోవైపు ఢిల్లీలోని జంతర్‌మంతర్‌ వద్ద డాక్టర్ల ఆందోళనలు పదోరోజు కూడా కొనసాగాయి. విధుల్లో చేరాలని రెసిడెంట్‌ డాక్టర్స్‌కు ఎయిమ్స్‌ విజ్ఞప్తి చేసింది.

మొన్నటి వరకు వరస సినిమాలతో అలరించిన యంగ్‌ హీరో కిరణ్‌ అబ్బవరం.. ఇటీవల చిన్న బ్రేక్‌ ఇచ్చాడు. ఈ మధ్య ఆయన నటించిన చిత్రాలన్ని బాక్సాఫీస్‌ వద్ద ఆశించిన స్థాయిలో ఆడలేదు. మంచి కంటెంట్ తో స్ట్రాంగ్ కమ్ బ్యాక్ ఇచ్చేందుకే కిరణ్ అబ్బవరం ఈ బ్రేక్ తీసుకున్నారట.ఏడాది తర్వాత ఆయన తన కొత్త సినిమా వివరాలు చెప్పబోతున్నాడనే టాక్ వినిపిస్తోంది.శ్రీచక్ర ఎంటర్ టైన్ మెంట్స్ బ్యానర్ లో గోపాలకృష్ణ నిర్మిస్తున్న ఈ చిత్రాన్ని దర్శక ద్వయం సుజీత్, సందీప్ తెరకెక్కిస్తున్నారు. 20 కోట్ల భారీ బడ్జెట్ తో ఈ సినిమా నిర్మాణం కానుందని సమాచారం.ఈ సినిమా కి కిరణ్ ప్రెజెంటర్ గా వ్యవహరిస్తున్నారట. చిత్రీకరణ పూర్తి చేసుకున్న ఈ పీరియాడిక్ యాక్షన్ థ్రిల్లర్ మూవీ ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. సెప్టెంబర్ లేదా అక్టోబర్ లో ఈ సినిమాను గ్రాండ్ రిలీజ్ కు తీసుకొస్తారనే టాక్ వినిపిస్తోంది. ఈ సినిమాను తెలుగుతో పాటు తమిళ, మలయాళ, కన్నడలో విడుదల చేయబోతున్నారని అంటున్నారు.

దేశ రాజకీయాల్లో ప్రమేయం కలిగిన విశ్వవిద్యాలయాల జాబితాలో జేఎన్‌యూ అగ్రస్థానంలో ఉంది. గత 50 ఏళ్లలో జెఎన్‌యూ పలువురు విద్యార్థి నేతలకు రాజకీయాల్లో ప్రవేశం కల్పించింది. అయితే వారిలో ఏ ఒక్కరు కూడా లోక్‌సభకు చేరుకోలేకపోయారు. ఇప్పుడు తొలిసారిగా ముగ్గురు జేఎన్‌యూ విద్యార్థి సంఘం మాజీ నేతలు లోక్‌సభ ఎన్నికల్లో పోటీ చేస్తున్నారు. ఈశాన్య ఢిల్లీ నుంచి కన్నయ్య కుమార్, నలంద నుంచి సందీప్ సౌరభ్, సెరంపూర్ నుంచి దీప్సితా ధర్ ఈ జాబితాలో ఉన్నారు. ఈ ముగ్గురూ ఇండియా అలయెన్స్‌ అభ్యర్థులే కావడం విశేషం. జవహర్‌లాల్ నెహ్రూ యూనివర్సిటీ మాజీ విద్యార్థి సంఘం అధ్యక్షుడు కన్హయ్య కుమార్ హస్తం గుర్తుపై ఈశాన్య ఢిల్లీ లోక్‌సభ స్థానం నుంచి పోటీ చేస్తున్నారు. కన్నయ్య 2019 లోక్‌సభ ఎన్నికల్లో బీహార్‌లోని బెగుసరాయ్‌ నుంచి పోటీ చేశారు. అయితే ఆ ఎన్నికల్లో ఓటమి పాలయ్యారు. కన్హయ్య ప్రస్తుతం కాంగ్రెస్ విద్యార్థి విభాగం ఎన్‌ఎస్‌యూఐకి ఇన్‌ఛార్జ్‌గా ఉన్నారు. బీహార్‌లోని బెగుసరాయ్ నివాసి కన్హయ్యపై 2016లో దేశద్రోహం ఆరోపణలు రావడంతో అతను హెడ్‌లైన్స్‌లో నిలిచారు. ప్రస్తుతం ఈ కేసులో బెయిల్‌పై కన్నయ్య ఉన్నారు.  2015-16లో జేఎన్‌యూ విద్యార్థి సంఘం అధ్యక్షునిగా పనిచేసిన కన్హయ్య కుమార్ ప్రస్తుతం బీజేపీ అభ్యర్థి మనోజ్ తివారీపై పోటీ చేస్తున్నారు. తివారీ 2014 నుంచి ఈ స్థానం నుంచి ఎంపీగా కొనసాగుతున్నారు. కన్హయ్యకు ఇక్కడ విజయం అంత సులువు కాదనే మాట వినిపిస్తోంది. 2019 ఎన్నికల్లో ఈ స్థానంలో కాంగ్రెస్‌కు కేవలం 28 శాతం ఓట్లు రాగా, బీజేపీకి చెందిన మనోజ్ తివారీకి దాదాపు 54 శాతం ఓట్లు వచ్చాయి.  జవహర్‌లాల్ నెహ్రూ యూనివర్శిటీ స్టూడెంట్స్ యూనియన్ మాజీ ప్రధాన కార్యదర్శి సందీప్ సౌరభ్ బీహార్‌లోని నలంద సీటు నుంచి ఇండియా అలయన్స్ అభ్యర్థిగా  బరిలోకి దిగారు. బీహార్‌లో నలంద జేడీయూకి కంచు కోట అని చెబుతారు.  ప్రస్తుతం ఇక్కడి నుంచి జేడీయూకు చెందిన కౌశలేంద్ర కుమార్ ఎంపీగా ఉన్నారు. పార్టీ ఈసారి కూడా ఆయననే బరిలోకి దింపింది. సందీప్ తొలిసారిగా లోక్‌సభ ఎన్నికల్లో పోటీ చేస్తున్నారు. అంతకుముందు సందీప్ 2020 అసెంబ్లీ ఎన్నికల్లో పాలిగంజ్ స్థానం నుండి పోటీ చేసి, విజయం సాధించారు.  జేఎన్‌యూలో పీహెచ్‌డీ చేసిన సందీప్‌ 2013లో విద్యార్థి సంఘం ప్రధాన కార్యదర్శిగా పనిచేశారు. అయితే నలంద సీటు నుంచి గెలవడం సందీప్‌కు అంత సులువు కాదు. 1996 నుంచి ఈ సీటు సమతా పార్టీ-జేడీయూలో గుప్పిట్లో ఉంది. 2019లో జేడీయూ ఈ స్థానాన్ని రెండు లక్షల 56 వేల ఓట్లతో గెలుచుకుంది. జేఎన్‌యూ ఎస్‌ఎఫ్‌ఐ మాజీ అధ్యక్షురాలు దీప్సితా ధర్ పశ్చిమ బెంగాల్‌లోని సెరంపూర్ లోక్‌సభ స్థానం నుంచి పోటీ చేస్తున్నారు. ఈ సీటు తృణమూల్ కాంగ్రెస్‌కు కంచుకోటగా పేరొందింది.  కళ్యాణ్ బెనర్జీ ఇక్కడ ఎంపీగా ఉన్నారు. 2021లో జరిగిన అసెంబ్లీ ఎన్నికల్లో కూడా దీప్సీత పోటీ చేశారు. సీపీఎం ఆమెను బాలి స్థానం నుంచి అభ్యర్థిగా నిలబెట్టింది. అయితే ఆమె అక్కడ మూడో స్థానంలో నిలిచారు... ఇలా లోక్‌సభ ఎన్నికల బరిలో దిగిన ఈ ముగ్గురు పూర్వ విద్యార్థి నేతలు ఎంపీ స్థాయికి చేరుకుంటారో లేదో వేచిచూడాల్సిందే. 

ఐపీఎల్‌-2024 సీజన్‌కు గుజరాత్‌ టైటాన్స్‌ స్టార్‌ పేసర్‌ మహ్మద్‌ షమీ గాయం కారణంగా దూరమైన సంగతి తెలిసిందే. షమీ ఇటీవలే తన చీలమండ గాయానికి సర్జరీ చేయించుకున్నాడు. షమీ ప్రస్తుతం క్రమంగా కోలుకుంటున్నాడు. ఈ క్రమంలో షమీ స్ధానాన్ని తమిళనాడు పేసర్‌ సందీప్‌ వారియర్‌తో గుజరాత్‌ టైటాన్స్‌ భర్తీ చేసింది. ఈ విషయాన్ని ఐపీఎల్ పాలక మండలి ఓ ప్రకటనలో ధ్రువీకరించింది. సందీప్‌ను కనీస ధర రూ.50 లక్షలకు గుజరాత్‌ టైటాన్స్‌ దక్కించుకుంది. సందీప్ వారియర్ కోల్‌కతా నైట్ రైడర్స్ తరపున 2019 - 2021 మధ్య 5 మ్యాచ్‌లు ఆడాడు. ఈ ఐదు మ్యాచ్‌ల్లో కేవలం రెండు వికెట్లు మాత్రమే పడగొట్టాడు. కాగా వారియర్‌ టీమిండియా తరపున కేవలం ఒక్క టీ20 మ్యాచ్‌ ఆడాడు. 2021లో శ్రీలంకతో జరిగిన టీ20 మ్యాచ్‌తో వారియర్‌ అంతర్జాతీయ క్రికెట్‌లో అడుగుపెట్టాడు. ఆ మ్యాచ్‌లో వారియర్‌ విఫలమకావడంతో తర్వాత సెలక్టర్లు అతడిని పరిగణలోకి తీసుకోలేదు. ఇక ఐపీఎల్‌-2024 మార్చి 22 నుంచి ప్రారంభం కానుంది. తొలి మ్యాచ్‌లో చెన్నై సూపర్‌ కింగ్స్‌, ఆర్సీబీ జట్లు తలపడనున్నాయి.

న్యూఢిల్లీ: సమాజంలో ప్రముఖ వ్యక్తుల పెళ్లిళ్లు జరిగినపుడు భారీ బందోబస్తు, కట్టుదిట్టమైన భద్రత కనిపించడం సహజం. కానీ కరడుగట్టిన నేరగాడి పెళ్లి తంతును పోలీసులే దగ్గరుండి జరిపించిన ఘటనకు దేశ రాజధాని వేదికైంది. పెరోల్‌పై తిహార్‌ జైలు నుంచి బయటికొచ్చిన గ్యాంగ్‌స్టర్‌ సందీప్‌ అలియాస్‌ కాలా జథేడీ వివాహ వేడుక విశేషమిది. వివరాల్లోకి వెళ్తే సందీప్‌ డజనుకుపైగా హత్య, హత్యాయత్నం, దోపిడీ కేసుల్లో నిందితుడు. గ్యాంగ్‌స్టర్‌ అయిన సందీప్‌ నాలుగేళ్లుగా లేడీ డాన్‌గా పేరుబడ్డ అనురాధాతో ప్రేమాయణం నడుపుతున్నాడు. మరో గ్యాంగ్‌స్టర్‌ ఆనంద్‌పాల్‌సింగ్‌ ముఠా సభ్యురాలైన అనురాధాపై మనీ లాండరింగ్, బెదిరింపు వసూళ్లు వంటి అరడజనుదాకా కేసులు ఉన్నాయి. బెయిల్‌ మీద ఇప్పటికే అనురాధా విడుదలకాగా సందీప్‌కు కేవలం ఆరు గంటల పెరోల్‌ లభించింది. ఈ సమయంలోనే పెళ్లాడాలని నిర్ణయించుకున్నాడు. అనుకున్నదే తడవుగా ఢిల్లీ ద్వారకా సెక్టార్‌–3లోని సంతోష్‌ గార్డెన్‌ ఫంక్షన్‌హాల్‌ను బుక్‌చేశారు. సందీప్‌ న్యాయవాది రూ.51,000కు ఈ ఫంక్షన్‌ను బుక్‌చేశారు. సందీప్, అనురాధాలు వేర్వేరు నేరముఠాలకు చెందిన వ్యక్తులు కావడంతో పెళ్లివేడుకలో గ్యాంగ్‌వార్‌ జరిగే ఆస్కారముందని పోలీసులు భావించారు.  నాలుగు అంచెల రక్షణ  ఢిల్లీ, హరియాణా పోలీసులు ఫంక్షన్‌హాల్‌ను శత్రుదుర్బేధ్యంగా మార్చేశారు. ప్రవేశద్వారం వద్ద మెటల్‌ డిటెక్టర్లు, కీలక ప్రాంతాల్లో సీసీకెమెరాలు అమర్చారు. డ్రోన్‌లను రంగంలోకి దింపారు. ఫంక్షన్‌ హాల్‌ పరిసరాల్లో 250కిపైగా పోలీసులు మొహరించారు. పెళ్లిరోజు రానే వచ్చింది. హరియాణాలోని సోనీపట్‌ నుంచి బ్లాక్‌ ఎస్‌యూవీ వాహనంలో వధువు అనురాధా, పోలీసు బందోబస్తు నడుమ వరుడు సందీప్‌ పెళ్లిమండపానికి చేరుకున్న విధానం అచ్చం ఓటీటీ థ్రిల్లర్‌ను తలపించింది. కవరేజీ కోసం చేరుకున్న మీడియా ప్రతినిధులు, రక్షణగా చుట్టుముట్టిన పోలీసులు, వధూవరుల తరఫున హాజరైన కొందరు నేరగాళ్ల సమక్షంలో మంగళవారం వివాహం ఆడంబరంగా జరిగింది. వివాహం తర్వాత సందీప్‌ను పోలీసులు మళ్లీ తిహార్‌ చెరసాలకు తీసుకెళ్లారు. పెళ్లి వేడుకలో నాలుగు అంచెల భద్రతా వలయాన్ని పోలీసులు సృష్టించారు. బంధువులు వస్తే వెంట గుర్తింపు కార్డులను తెచ్చుకోవాలి. వారి పేర్లు పోలీసుల వద్ద ఉన్న జాబితాతో సరిపోలాలి. ఆ తర్వాత వేడుకలో పాల్గొననిస్తారు. సెల్‌ఫోన్లను మండపంలోకి పోలీసులు అనుమతించలేదు. స్పెషల్‌ సెల్, క్రైమ్‌ బ్రాంచ్, హరియాణా క్రైమ్‌ ఇన్వెస్టిగేన్‌ ఏజెన్సీ, ఢిల్లీ స్పెషల్‌ వెపన్స్‌ టెక్నిక్స్‌ విభాగాల పోలీసులు భద్రతా విధుల్లో పాల్గొన్నారు. ‘రివాల్వర్‌ రాణి’, ‘మేడమ్‌ మింజ్‌’గా పేరొందిన 39 ఏళ్ల అనురాధాను 2020 సంవత్సరం నుంచి 40 ఏళ్ల సందీప్‌ ప్రేమిస్తున్నాడు. జైలులో ఉన్న గ్యాంగ్‌స్టర్‌ లారెన్స్‌ బిష్ణోయ్‌కు ఇతను సన్నిహితుడు. అతడి తలపై రూ.7 లక్షల రివార్డ్‌ ఉంది. 2021లో పోలీసులు అతడిని అరెస్ట్‌చేశారు. గతంలో కస్టడీ నుంచి ఒకసారి సందీప్‌ తప్పించుకున్నాడు. అది పునరావృతం కాకూడదనే పెరోల్‌పై బయట ఉన్నంతసేపు సందీప్‌పై పోలీసులు ఓ కన్నేసి ఉంచారు. గ్యాంగ్‌వార్‌ను ఎదుర్కొనేందుకు మండపంలో పోలీసులు బుల్లెట్‌ప్రూఫ్‌ జాకెట్లు ధరించారు. కేసుల బాధ నుంచి విముక్తి పొందాక సాధారణ జీవితం గడపాలని ఇద్దరం భావిస్తున్నట్లు అనురాధా చెప్పారు.

హర్ష నర్రా, సందీప్‌ సరోజ్, తరుణ్, సుప్రజ్‌ రంగా, సోనూ ఠాకూర్, నువేక్ష, మేఘలేఖ, ఖుష్బూ చౌదరి కీలక పాత్రల్లో నటించిన చిత్రం ‘రోటి కపడా రొమాన్స్‌’. విక్రమ్‌ రెడ్డి దర్శకత్వంలో బెక్కెం వేణుగోపాల్, సృజన్‌ కుమార్‌ బొజ్జం నిర్మించిన ఈ సినిమాని మార్చి 22న రిలీజ్‌ చేయనున్నట్లు యూనిట్‌ ప్రకటించింది. విక్రమ్‌ రెడి మాట్లాడుతూ– ‘‘నలుగురు స్నేహితుల కథే ‘రోటి కపడా రొమాన్స్‌’. ఈ యూత్‌ఫుల్‌ ఎంటర్‌టైనర్‌లో కుటుంబ ప్రేక్షకులను అలరించే భావోద్వేగాలు కూడా ఉన్నాయి’’ అన్నారు.  

కొరియోగ్రాఫర్‌ ‘ఆట’ సందీప్‌ హీరోగా నటించిన చిత్రం ‘షార్ట్‌ కట్‌’. విజయానికి అడ్డదారులుండవు అనేది ట్యాగ్‌లైన్‌. రామకృష్ణ కంచి దర్శకత్వంలో షర్మిల కంచి సమర్పణలో తోట రంగారావు, పున్నపు రజనీకాంత్‌ నిర్మించారు. హైదరాబాద్‌లో ఈ చిత్రం పోస్టర్‌ విడుదల, షో రీల్‌ వేడుక జరిగింది. రామకృష్ణ కంచి మాట్లాడుతూ– ‘‘25 ఏళ్లుగా చిత్ర పరిశ్రమలో ఉంటూ చాలా శాఖల్లో పని చేశాను. ఆ అనుభవంతో ‘షార్ట్‌ కట్‌’ తీశా. ప్రస్తుతం యువత డ్రగ్స్‌కు అలవాటుపడి తమ జీవితాల్ని ఎలా నాశనం చేసుకుంటున్నారు? ఈ దందా వెనక జరుగుతున్న చీకటి కోణాలు ఏంటి? అనేది ఈ చిత్రంలో చూపించాం’’ అన్నారు. ‘‘డార్క్‌ యాక్షన్‌ ఎంటర్‌టైనర్‌గా రూపొందిన చిత్రమిది’’ అన్నారు ‘ఆట’ సందీప్‌. ‘‘ఈ సినిమాను కేవలం డబ్బు కోసమే కాకుండా సమాజానికి మంచి సందేశం ఇవ్వాలని నిర్మించాం’’ అన్నారు తోట రంగారావు. ‘ నామీద మీరు చూపించే అభిమానం సందీప్‌ అన్న సినిమా ‘షార్ట్‌ కట్‌’పై కూడా చూపించాలని కోరుకుంటున్నాను’  అన్నారు ‘బిగ్‌ బాస్‌ 7’ విజేత పల్లవి ప్రశాంత్‌.

హర్షా నర్రా, సందీప్‌ సరోజ్, తరుణ్, సుప్రజ్‌ రంగా, సోనూ ఠాకూర్, నువ్వేక్ష, మేఘా లేఖ, ఖుష్బూ చౌదరి హీరో హీరోయిన్లుగా విక్రమ్‌ రెడ్డి దర్శకత్వంలో రూపొందుతున్న యూత్‌పుల్‌ ఎంటర్‌టైనర్‌ మూవీ ‘రోటి కపడా రొమాన్స్‌’. బెక్కెం వేణుగోపాల్‌తో కలిసి సృజన్‌ కుమార్‌ బొజ్జం ఈ సినిమాను నిర్మిస్తున్నారు. ఫస్ట్‌ డోస్‌ అంటూ ఈ సినిమా పబ్లిసిటీ వీడియోను శనివారం విడుదల చేశారు మేకర్స్‌. ‘‘నలుగురు స్నేహితుల కథే ఈ చిత్రం. వారి స్నేహం, ప్రేమ, వారి లైఫ్‌ జర్నీ ఈ సినిమాలో ఉంటుంది. యూత్‌కు ఈ సినిమా ఓ పండగలా ఉంటుంది’’ అని చిత్ర యూనిట్‌ పేర్కొంది. ఈ చిత్రానికి సంగీతం: హర్షవర్ధన్‌ రామేశ్వర్‌–ఆర్‌ఆర్‌ ధ్రువన్‌–వసంత్‌ .జి, కెమెరా: సంతోష్‌ రెడ్డి.  

సాక్షి, విశాఖపట్నం: ఆత్మనిర్భర్‌ భారత్‌లో భాగంగా దేశీయ సాంకేతికతను అభివృద్ధి చేయడంలో భారత నౌకాదళం ముఖ్య భూమిక పోషిస్తోంది. గ్యాస్‌ టర్బైన్‌ టెక్నాలజీలో స్వయం ప్రతిపత్తిని సాధించింది. విశాఖలోని ఇండియన్‌ నేవీ నేవల్‌ బేస్‌ ఐఎన్‌ఎస్‌ ఏకశిలలో ఈ సాంకేతికత అభివృద్ధి జరిగింది. గ్యాస్‌ టర్బైన్‌ కంప్రెసర్‌ బ్లేడ్ల తయారీ ఇకపై మేడ్‌ ఇన్‌ ఇండియాగా రానున్నట్లు ఇండియన్‌ నేవీ చీఫ్‌ మెటీరియల్‌ ఆఫ్‌ స్టాఫ్‌ వైస్‌ అడ్మిరల్‌ సందీప్‌ నత్వానీ తెలిపారు. డీఆర్‌డీవో డైరెక్టర్‌ జనరల్‌ డా.వై శ్రీనివాసరావుతో కలిసి సందీప్‌ నత్వానీ ఐఎన్‌ఎస్‌ ఏకశిలను శుక్రవారం సందర్శించారు. ఈ సందర్భంగా  జీటీసీ బ్లేడ్ల తయారీకి సంబంధించిన డాక్యుమెంట్‌ను విడుదల చేశారు. ఇకపై ఇతర ప్రాంతాలకు జీటీసీ బ్లేడ్లను ఎగుమతి చేసేందుకు అనుమతులు రాబోతున్నాయని వైస్‌ అడ్మిరల్‌ నత్వానీ తెలిపారు.

సాక్షి, అమరావతి: పవన్‌ కల్యాణ్‌ను నమ్ముకుంటే తమలాగే అందరినీ నట్టేట ముంచి, రోడ్డున పడేస్తారని జనసేన పార్టీలో కీలక నేతలు పసుపులేటి సందీప్, ఆయన తల్లి పసుపులేటి పద్మావతి చెప్పా­రు. పవన్‌కు సందీప్‌ పర్సనల్‌ సెక్రటరీగా పని చేశా­రు. పద్మావతి ఆ పార్టీ రాయలసీమ రీజియన్‌ సమన్వయకర్తగా ఎనలేని సేవలందించారు. వారు బుధ­వా­రం తాడేపల్లిలో వైఎస్సార్‌సీపీ ప్రధాన కార్యదర్శి సజ్జల రామకృష్ణారెడ్డి సమక్షంలో వైఎస్సార్‌సీపీలో చేరారు. ఈ సందర్భంగా వారు మీడియాతో మాట్లా­డు­తూ.. పవన్‌ మాటల మాయలో పడి ఆయన కోసం, జనసేన పార్టీ కోసం ఎంతో కష్టపడి పని చేశామని చెప్పారు. రాష్ట్రంలో వైఎస్సార్‌సీపీ ప్రభు­త్వం అమలు చేస్తున్న పథకాలను పరిశీలించిన తర్వాత రాష్ట్రానికి సీఎం జగన్‌ ఎంత మేలు చేస్తున్నారో అర్థమైందని అన్నారు. సీఎం జగన్‌ అమలు చేస్తున్న పథకాలు పేద, బడుగు వర్గాలకు ఎంతో మేలు చేస్తున్నాయని, రాష్ట్రాన్ని అభివృద్ధి పథంలో నడిపిç­Ü్తున్నాయని, అందుకే వైఎస్సార్‌సీపీలో చేరా­మని తెలిపారు. తల్లిదండ్రులు ఎవరూ వారి పిల్లలను పవన్‌ వెంట పంపవద్దని సూచించారు. అన్యాయాన్ని ప్రశి్నస్తానని, రాజకీయాల్లో మార్పు తేస్తాన­ని చెప్పే పవన్‌లో నిలకడలేదన్నారు. ధైర్యం ఉంటే తాము అడుగుతున్న ప్రశ్నలకు సమాధానం చెప్పా­లని డిమాండ్‌ చేశారు. పవన్‌ మాటలతో మభ్యపెడతారని సందీప్‌ చెప్పారు. ఆయన్ని నమ్ముకుని ఢిల్లీ లీడర్‌ కావాలనుకున్న తాను గల్లీకి కూడా కాకుండా పోయానని ఆవేదన వ్యక్తం చేశారు. జనసేన పార్టీ కేంద్ర కార్యాలయంలో కోట రుక్మిణి అనే మహిళ మాట మీద తనను, అమ్మ (పద్మావతి)ని పవన్‌ రోడ్డు­కీడ్చారని చెప్పారు. పవన్‌కు రుక్మిణి అంటే భయమని తెలిపారు. నాదెండ్ల మనోహర్‌కు చిత్తశుద్ధి లేదన్నారు. పవన్‌ అహంకారి అని, ఆయన లేకుండా నాదెండ్ల మనోహర్‌ కూడా అసెంబ్లీకి వెళ్ళకూడదనుకుంటారని అన్నారు. నాదెండ్ల మనోహర్‌ హవాలా డబ్బును పార్టీ ఆఫీసుకు పంపి మారుస్తారని చెప్పారు. హైదరాబాదులో భూ కబ్జాలో ఏ 1 గా ఉన్న వ్యక్తిని పార్టీ కమిటీలో పెట్టారన్నారు. పవన్‌ టీడీపీ కోసమే పని చేస్తున్నారని, ఏపీ రాజకీయాల్లో మాట తప్పారని చెప్పారు. టీడీపీ పంచన చేరి కేడర్‌ని మోసం చేశారని తెలిపారు. పవన్‌ రాయలసీమలో బలిజల్ని తొక్కేస్తున్నారని ఆరోపించారు.  మహిళా నేతలకు గౌరవం లేదు: పద్మావతి  గతంలో జనసేన పార్టీ రాయలసీమ కన్వినర్‌గా పనిచేసిన పసుపులేటి పద్మావతి మాట్లాడుతూ.. చిరంజీవి అభిమానిగా ప్రజారాజ్యంతో 2009లో రాజకీయాల్లోకి వచ్చానని, 2014లో జనసేనకు అండగా నిలబడ్డానని చెప్పారు. మహిళా నేతలకు జనసేనలో గౌరవం లేదన్నారు. ఈ అంశంపై ఎక్కడైనా ఎవరితోనైనా చర్చకు సిద్ధమని సవాల్‌ చేశారు. ప­వన్‌ నిలకడలేని మనిషి అని, ఎప్పుడు ఎవరితో పొ­త్తు పెట్టుకుంటాడో తెలియదని తెలిపారు. టీడీపీ – జనసేన కలిసి పనిచేయడాన్ని ప్రజలు ముఖ్యంగా జన సైనికులు ఎవ్వరూ అంగీకరించడంలేదని చెప్పారు. టీడీపీ నేతలు కూడా జనసేన కార్యకర్తలను అవమానిస్తున్నారని అన్నారు. రాబోయే ఎన్నికల్లో జనసేన – టీడీపీ విజయం సాధించే ప్రసక్తేలేదని, వాటికి ఓటమి తప్పదని అన్నారు. రాష్ట్రంలో­ని బడుగు, బలహీనవర్గాల అభ్యున్నతికి ఎన్నో ప­థ­కాలు అమలు చేస్తున్న సీఎం వైఎస్‌ జగన్‌ మ­రో­సారి విజయం సాధించడం ఖాయమని చెప్పారు.  

జైపూర్‌: దేశంలో ఐదు రాష్ట్రాల ఎన్నికల్లో భాగంగా ప్రచారం జోరుగా సాగుతోంది. ఎన్నికల సందర్బంగా నేతలు ఒకరిపై ఒకరు తీవ్ర విమర్శలు చేసుకుంటున్నారు. కొందరు నేతలు ప్రచారంలో హద్దులు మీరడంతో పార్టీలు వారిపై చర్యలకు దిగుతున్నాయి. తాజాగా రాజస్థాన్‌కు చెందిన బీజేపీ నేత వివాదాస్పద వ్యాఖ్యలు చేయడంతో ఆయన్ను పార్టీ నుంచి బహిష్కరించింది.  వివరాల ప్రకారం.. రాజస్థాన్‌ అసెంబ్లీ ఎన్నికల ర్యాలీలో విద్వేషపూరిత వ్యాఖ్యలు చేసిన సందీప్‌ దయమాపై బీజేపీ కఠిన చర్యలు తీసుకుంది. ఈ క్రమంలో సందీప్‌ బీజేపీ ప్రాథమిక సభ్యత్వాన్ని తొలగించింది. అయితే, రాజస్థాన్‌లోని అల్వార్‌లో జరిగిన ర్యాలీలో పార్టీ సిద్ధాంతానికి విరుద్ధంగా వ్యాఖ్యలు చేసినందుకు అతడిపై చర్యలు తీసుకున్నట్లు క్రమశిక్షణ కమిటీ వెల్లడించింది.  Sandeep Dayma, BJP leader who called for destroying Masjids& Gurdwaras, has been expelled Reflects 'tushtikaran' of Sikhs, but not of Muslims BJP will become a national party only when it stops 'tushtikaran' of Hindus, Buddhists, Jains and Sikhs and treats everyone equally pic.twitter.com/WnGgT3Fezk — Ashok Singh (@AshokSGarcha) November 5, 2023 కాగా, ఎన్నికల ప్రచారంలో భాగంగా సందీప్‌ దయమా ఓ ర్యాలీలో పాల్గొన్నారు. ఈ సందర్భంగా మసీదులు, గురుద్వారాలను ఉద్దేశించి సందీప్‌ అభ్యంతరకర వ్యాఖ్యలు చేశారు. దీంతో, రంగంలోకి దిగిన పార్టీ హైకమాండ్‌ ఆయనపై చర్యలు తీసుకుంది. మరోవైపు.. సందీప్‌ వ్యాఖ్యలపై పంజాబ్‌ మాజీ సీఎం అమరీందర్‌సింగ్‌, ఇతర పార్టీ నేతలు తీవ్రంగా స్పందించారు. ఆయనపై కఠిన చర్యలు తీసుకోవాలని డిమాండ్‌ చేశారు. దీంతో సందీప్‌ దయమాను పార్టీ నుంచి బహిష్కరిస్తూ రాజస్థాన్ బీజేపీ క్రమశిక్షణా కమిటీ చైర్మన్ ఓంకార్ సింగ్ లఖావత్ నిర్ణయం తీసుకున్నారు.   

హర్ష నర్రా, సందీప్‌ సరోజ్, తరుణ్, సుప్రజ్‌ రంగా, సోనూ ఠాకూర్, నువేక్ష, మేఘలేఖ, ఖుష్బూ చౌదరి హీరో హీరోయిన్లుగా నటిస్తున్న యూత్‌ఫుల్‌ ఎంటర్‌టైనర్‌ ‘రోటి కపడా రొమాన్స్‌’. విక్రమ్‌ రెడ్డి దర్శకత్వంలో వేణుగోపాల్, సృజన్‌ కుమార్‌ బొజ్జం నిర్మిస్తున్నారు. ఈ సినిమా షూటింగ్‌ 90 శాతం పూర్తయింది. ఈ టైటిల్‌ లోగో రిలీజ్‌ చేసిన నిర్మాత ‘దిల్‌’ రాజు మాట్లాడుతూ– ‘‘ఈ సినిమా కథ విన్నాను. కొత్త కంటెంట్‌ ఉన్న చిత్రాలను మన ఆడియన్స్‌ ఆదరిస్తారు. ఈ చిత్రం కూడా ఇదే కోవలో ఉంటుందని ఆశిస్తున్నాను’’ అన్నారు. ‘‘పక్కా యూత్‌ఫుల్‌ ఎంటర్‌టైనర్‌ ఫిల్మ్‌ ఇది’’ అన్నారు వేణుగోపాల్, విక్రమ్‌.

శ్రీరామ్‌ నిమ్మల, కలపాల మౌనిక జంటగా నటించిన చిత్రం ‘అనుకున్నవన్నీ జరగవు కొన్ని’. జి. సందీప్‌ దర్శకత్వంలో శ్రీ భరత్‌ ఆర్ట్స్‌ సంస్థ నిర్మించిన ఈ చిత్రం నవంబర్‌ 3న రిలీజ్‌ కానుంది. ఈ చిత్రం పోస్టర్‌ను హీరో ‘అల్లరి’ నరేశ్‌ విడుదల చేసి, మాట్లాడుతూ– ‘‘పోస్టర్‌ ఆసక్తికరంగా ఉంది. నేను నటించిన ‘సిల్లీ ఫెలోస్‌’ చిత్రానికి అసిస్టెంట్‌ డైరెక్టర్‌గా చేసిన సందీప్‌ ఈ చిత్రంతో దర్శకుడిగా పరిచయమవడం ఆనందంగా ఉంది’’ అన్నారు. జి. సందీప్‌ మాట్లాడుతూ– ‘‘క్రైమ్‌ కామెడీ నేపథ్యంలో తెరకెక్కిన చిత్రమిది. కామెడీని ప్రేక్షకులు బాగా ఎంజాయ్‌ చేస్తారు’’ అన్నారు. ‘‘నరేశ్‌గారు క్రైమ్, కామెడీ జానర్‌ చిత్రాలు ఎన్నో చేశారు. మా టైటిల్‌ లాంచ్‌ చేయడానికి ఆయనే కరెక్ట్‌ అనిపించింది’’ అన్నారు శ్రీరామ్‌ నిమ్మల. ఈ చిత్రానికి కెమెరా: చిన్నా రామ్, జీవీ అజయ్, సంగీతం: గిడియన్‌ కట్ట, ఎగ్జిక్యూటివ్‌ప్రోడ్యూసర్‌: బీవీ నవీన్‌.

సేద్యం సరికొత్త పుంతలు తొక్కుతోంది. పగలనక, రేయనక.. ఎండనక, వాననక.. అరక పట్టి.. మెరక దున్ని.. పంట చేతికి వచ్చే వరకు మట్టిలో కష్టపడే రోజులకు స్వస్తి పలికే విధానాలు అందుబాటులోకి వస్తున్నాయి. ఇక మట్టి లేకుండా.. నీటితో, గాలితో.. నిలువుగా.. అతి తక్కువ ప్రదేశంలోనే ఎక్కువ పంటలు పండించవచ్చు. హైడ్రోపోనిక్స్, ఏరోపోనిక్స్, ఆక్వాపోనిక్స్‌.. వర్టికల్‌ ఫార్మింగ్‌ తదితర సాగు విధానాలు మొదలయ్యాయి. వీటి ద్వారా అవసరమైన పంటలు ఒకేచోట సాగు చేసుకోవచ్చు. సాధారణ వ్యవసాయానికి ఎక్కువ నీళ్లు అవసరమైతే.. ఈ సేద్యానికి అతి తక్కువ నీళ్లు సరిపోతాయి. తెగుళ్ల సమస్య తక్కువ. వివిధ దేశాల్లో ఈ సేద్యం మొదలుపెట్టి.. బోలెడు లాభాలు ఆర్జిస్తున్నవారు కూడా ఉన్నారు. భారత్‌లోనూ ఇవి క్రమంగా విస్తరిస్తున్నాయి.   ఇతని పేరు సందీప్‌ కన్నన్‌. వ్యవసాయంలో గ్రాడ్యుయేషన్‌ పూర్తి చేశాడు. తిరుపతికి సమీపంలోని తనపల్లి వద్ద 2 ఎకరాల భూమి లీజుకు తీసుకొని.. రూ.70 లక్షల వ్యయంతో ‘వ్యవసాయి భూమి’ పేరుతో మూడేళ్ల క్రితం హైడ్రోపోనిక్స్‌ ఫార్మింగ్‌ ప్రారంభించాడు. కేంద్ర, రాష్ట్ర ప్రభుత్వాల నుంచి పాలీహౌస్‌ కోసం రూ.8 లక్షల సబ్సిడీ వచ్చింది. దాదాపు 17 రకాల కూరగాయలు, ఆకుకూరలు, పండ్ల రకాలను సాగు చేస్తున్నాడు. 8125813507 నంబర్‌తో పాటు వివిధ సోషల్‌ మీడియా ప్లాట్‌ఫాంలలో గ్రూప్‌లు ఏర్పాటు చేసి.. తిరుపతి, విజయవాడలోని 400కు పైగా కుటుంబాలకు రోజూ తాజా ఆకుకూరలు, కూరగాయలను సరఫరా చేస్తున్నాడు. ‘ప్రభుత్వం మరింత ప్రోత్సహిస్తే ఇంకా ఎక్కువ మందికి నాణ్యమైన కూరగాయలను అందిస్తా’ అని సందీప్‌ చెప్పాడు.  అతి తక్కువ నీటితో అధిక దిగుబడి..  మట్టి అనేదే లేకుండా సూక్ష్మ పోషకాలతో కూడిన నీటితో సాగు చేసే విధానమే హైడ్రోపోనిక్స్‌ వ్యవసాయం. 4 ఎకరాల్లో పండించే పంటలను.. ఎకరంలోపు స్థలంలోనే సాగు చేయవచ్చు. ఇళ్ల వద్ద అతికొద్ది స్థలంలో కూడా పండించవచ్చు. సాధారణ సేద్యంతో పోలి్చతే దీనికి 20 శాతం కంటే తక్కువ నీళ్లు చాలు. ఏడాది పొడవునా ఒకేసారి విభిన్న పంటలు సాగు చేయవచ్చు. హైడ్రోపోనిక్స్‌ వ్యవసాయాన్ని ఎక్కువగా ఎన్‌ఎఫ్‌టీ(న్యూట్రియంట్‌ ఫిల్మ్‌ టెక్ని­క్‌) విధానంలో చేస్తుంటారు. ఈ పద్ధతిలో ముందుగా ఫాలీహౌస్‌ లేదా షేడ్‌నెట్‌ నిర్మించుకోవాలి. తర్వాత ఎన్‌ఎఫ్‌టీ పైపులు ఏర్పా­టు చేసుకోవాలి. ఆ పైపులలోని రంధ్రాల్లో చిన్న నెట్‌ కప్‌­లు ఉంచాలి. ఆ కప్‌లలో కొబ్బరి పీచు పొడి వేసి మధ్యలో మొక్కలు పెట్టాలి. చిన్నచిన్న ట్యాంక్‌ల నుంచి ఎన్‌ఎఫ్‌టీ పైప్‌లలోని మొక్కలకు సూక్ష్మ పోషకాలతో కూడిన నీళ్లు అందిస్తుండాలి. పాలీహౌస్‌లలో ఉష్ణోగ్రత 18 నుంచి 26 డిగ్రీల సెంటీగ్రేడ్‌లుగా ఉండాలి. నిపుణుల సిఫార్సు మేరకు సూక్ష్మ పోషకాలను ఆర్వో వాటర్‌లో కలిపి మొక్కలకు అందించాల్సి ఉంటుంది. ఈ విధానంలో దేశీయ, విదేశీ ఆకుకూరలు, కూరగాయలు, పండ్లు, పూలు పండించవచ్చు.     గాలిలో పెరిగే బంగాళాదుంపలు..  సాధారణంగా దుంపలు మట్టిలో పెరుగుతాయి. కానీ ఇప్పు­డు కేవలం గాలిని ఉపయోగించే బంగాళాదుంపలను పండిస్తున్నారు. మట్టి లేకుండా.. సూక్ష్మపోషకాలతో కూడిన గాలి­తో సాగు చేసే విధానమే ఏరోఫోనిక్స్‌ వ్యవసాయం. సాధారణ వ్యవసాయంతో పోల్చితే దీనికి 10 శాతం కంటే తక్కువ నీళ్లు చాలు. ఈ విధానంలో ముందుగా పాలీహౌస్‌ లేదా, షేడ్‌నెట్‌లు నిర్మించుకోవాలి. అందులో ఇనుప స్టాండ్‌ల మీద రంధ్రాలతో కూడిన ధర్మాకోల్‌ షీట్‌లు ఏర్పాటు చేసుకోవాలి. వాటిలో మొక్కలతో కూడిన చిన్న నెట్‌ కప్‌లు పెట్టుకోవాలి. వాటి వేర్లకు పైపుల ద్వారా సూక్ష్మ పోషకాలతో కూడిన నీటిని గాలి లేదా పొగ మంచురూపంలో ‘స్ప్రే’ల ద్వారా అందించాలి. మొక్కల వేర్లు ఎప్పుడూ బయటకు వేలాడుతూనే ఉంటాయి.   ఉపయోగాలు..  ♦ నీటి వృథా ఉండదు. పెద్ద మొత్తంలో నీటిని ఆదా చేయొచ్చు.  ♦    ఒక కిలో టమాటాలు పండించాలంటే సాధారణ పద్ధతుల్లో సుమారు 214 లీటర్ల నీళ్లు అవసరం. అదే హైడ్రోపోనిక్స్‌ విధానంలో 70 లీటర్లు,ఏరోపోనిక్స్‌లో విధానంలో కేవలం 20 లీటర్లు చాలు.   ♦    నీటి వినియోగం 80 నుంచి 90 శాతం వరకు, ఎరువులవినియోగం 60 శాతానికి పైగా, పురుగుమందుల వాడకం100 శాతం తగ్గుతుందని నాసా పేర్కొంది.   ♦  బయటి వాతావరణంతో సంబంధం లేకుండా ఏడాదిపొడవునా పంటలు పండించవచ్చు.   ♦  మట్టిలో లభించే సూక్ష్మపోషకాలు.. ఈ విధానాల్లో నీటి ద్వారా అందుతాయి కనుక ఆ విషయంలో అనుమానం అవసరం లేదు.  ♦  ఇంటి వద్దే ఈ విధానాల్లో సేద్యం చేస్తూ నెలకురూ.20 వేలకు పైగా ఆదాయం గడించవచ్చు.  జాగ్రత్తలు..  ♦    ఈ విధానాలను అనుసరించాలనుకునేవారు ముందు తక్కువ స్థలంలో మొదలుపెట్టడం ఉత్తమం. తగిన అనుభవం వచ్చిన తర్వాత విస్తరించాలి. ఎలాంటి అనుభవం లేకుండా ముందే ఎక్కువ పెట్టుబడి పెట్టినష్టపోవద్దు.   ♦  అర ఎకరంలో సాగు చేయాలంటే మొదటిసారి రూ.20 లక్షలకు పైగా పెట్టుబడి పెట్టాల్సి ఉంటుంది. పాలీహౌస్‌కు ప్రభుత్వం సబ్సిడీ ఇస్తోంది.  ♦  తీగ జాతి మొక్కల పెంపకం వైపు వెళ్లకపోవడం మంచిది.    ♦  విద్యుత్‌ కోసం సోలార్‌ పెట్టుకుంటే కొంత మొత్తం ఆదా చేసుకోవచ్చు.    నిట్టనిలువుగా.. బోలెడు మొక్కలు   ఏరోపోనిక్స్‌ విధానాన్ని వర్టిల్‌(నిలువు)గా టవర్‌ పద్ధతిలోనూచేయవచ్చు. రకాలు, టవర్‌ ఎత్తును బట్టి 45కు పైగా మొక్కలు పెంచవచ్చు. ఏరోపోనిక్స్‌ టవర్లు మార్కెట్‌లో అందుబాటులో ఉన్నాయి.నిలువుగా ఉండే పైపుల రంధ్రాలలో మొక్కలతో కూడిన నెట్‌ కప్‌లుపెట్టాలి. పైప్‌కు కింద చిన్న మోటర్‌తో కూడిన టబ్‌ ఉంటుంది. అందులో సూక్ష్మపోషకాలతో కూడిన నీళ్లు పోయాలి. ఆ టబ్‌ నుంచి నీళ్లు స్ప్రేల ద్వారా మొక్కల వేర్లకు గాలి, పొగ మంచు రూపంలో అందుతాయి. ఉష్ణోగ్రత 18 డిగ్రీల నుంచి 24 డిగ్రీలు ఉండాలి. నిపుణుల సూచన మేరకు సూక్ష్మపోషకాలు అందించాలి. ఏరోపోనిక్స్‌ విధా­నంలో దుంప రకాలు, దేశీయ, విదే­శీ ఆకుకూరలు, ఉల్లిపాయలు, టమాటా తదితరాలు సాగు చేయవచ్చు.  చేప, మొక్క.. చేదోడుగా..   నీటి సాయంతో ఒకేసారి చేపలు, కూరగాయలను ఉత్పత్తి చేసే విధానమే ఆక్వాపోనిక్స్‌ వ్యవసాయం. ఇళ్ల వద్ద లేదా కాస్త ఎక్కువ స్థలంలో పాలీహౌస్‌ ఏర్పాటు చేసుకొని సాగు చేయవచ్చు. ఆక్వాపోనిక్స్‌ విధానంలో ముందుగా చేపల ట్యాంక్‌ ఏర్పాటు చేసుకోవాలి. దాని పక్కన బయోఫిల్టర్‌.. అనుబంధంగా ఎన్‌ఎఫ్‌టీ పైపులు ఏర్పా టు చేసుకోవాలి. చేపల ట్యాంక్‌ నుంచి వచ్చే అమ్మోనియా నీటిని బయోఫిల్టర్‌.. నైట్రేట్స్‌గా మార్చి ఎన్‌ఎఫ్‌టీ పైపులలోని మొక్కల వేర్లకు అందిస్తుంది. మొక్కలు ఆ నైట్రేట్స్‌తో పాటు ఇతర సూక్ష్మ పోషకాలను గ్రహించి వృద్ధి చెందుతాయి. మొక్కల ద్వారా ఫిల్టర్‌ అయిన నీళ్లు మళ్లీ చేపల ట్యాంక్‌లోకి చేరుతాయి. ఉష్ణోగ్రత 20 నుంచి 30 డిగ్రీలు ఉండాలి. దేశీయ, విదేశీ ఆకుకూరలు, కూరగాయలు, చేపలను ఉత్పత్తి చేసుకోవచ్చు. తిలాపియా వంటి చేపలు పెంచవచ్చు.  

సంగారెడ్డి: ఈతకు వెళ్లిన ముగ్గురిలో ఒకరు నీటమునిగి మృతిచెందారు. మిగతా ఇద్దరు అసలు ఏం జరగనట్టు ఇళ్లకు వెళ్లిపోయారు. ఈ విషయాన్ని గొర్రెల కాపారుల ద్వారా తెలుసుకున్న సర్పంచ్‌ నిలదీయడంతో సమాచారం బయటికొచ్చింది. ఈ ఘటన వెల్దుర్తిలో సోమవారం ఆలస్యంగా వెలుగుచూసింది. ఎస్సై మధుసూదన్‌ గౌడ్‌, గ్రామస్తులు తెలిపిన వివరాల ప్రకారం.. మాసాయిపేట మండలం బొమ్మారానికి చెందిన మెట్టెల నాగరాజు, మెట్టెల శ్రీకాంత్‌, మెట్టెల సందీప్‌ ముగ్గురు స్నేహితులు. హకింపేట శివారులోని హల్దీ ప్రాజెక్ట్‌లో ఆదివారం మధ్యాహ్నం ఈతకు వెళ్ళారు. నదిలో దిగిన క్రమంలో నీటి ప్రవాహానికి సందీప్‌(16) గల్లంతయ్యాడు. ఇది జరిగిన కొద్దిసేపటికి మిగతా ఇద్దరు తమకేమీ తెలియదు అన్నట్లుగా అక్కడి నుంచి గట్టుపై ఉన్న సందీప్‌ దుస్తులు తీసుకొని ఎవరి ఇళ్లకు వారు వెళ్లిపోయారు. రాత్రి పది గంటల సమయంలో కొప్పులపల్లి గ్రామానికి చెందిన గొర్రెల కాపారుల ఇచ్చిన సమాచారంతో బొమ్మారం సర్పంచ్‌ శంకర్‌ వారిని ప్రశ్నిస్తే పొంతనలేని సమాధానం చెప్పారు. గట్టి నిలదీయగా అసలు విషయాన్ని బయటపెట్టారు. దీంతో సోమవారం ఉదయం గజ ఈతగాళ్ల సాయంతో పోలీసులు హల్దీ ప్రాజెక్ట్‌లో వెతకగా మృతదేహం లభ్యమైంది. ఈ మేరకు కేసు దర్యాప్తు జరుపుతున్నట్లు ఎస్‌ఐ వెల్లడించారు.

హిమాయత్‌నగర్‌: మార్పు మనఇంట్లో నుంచి..అంటే వ్యక్తి నుంచే ప్రారంభమైతే దేశం ప్రగతిపథంలో ముందుకెళుతుందని గవర్నర్‌ తమిళిసై అన్నారు. నేటితరం పిల్లలు ఏసీ లేకపోయినా, చెమట పట్టినా భరించలేని పరిస్థితుల్లో పెరుగుతున్నారన్నారు. దేశ రక్షణ, భావితరాల భవిష్యత్‌కు సరిహద్దుల్లో మన సైనికులు రక్తం కారుస్తూ, చెమటో­డుస్తూ, ఎండకు ఎండుతూ, వానకు తడుస్తూ ప్రాణాలను అడ్డేస్తున్నారని చెప్పా­రు. 24వ కార్గిల్‌ దివస్‌ కార్యక్రమం బుధవారం హైదరాబా­ద్‌లోని కేఎంఐటీలో నిర్వహించారు. ముఖ్య­అతిథిగా హాజరైన గవర్నర్‌ మాట్లాడుతూ దేశంకోసం త్యాగం చేస్తున్న సైనికులను ప్రతిరోజూ స్మరించుకోవాల్సిన అవసరం ఉందన్నారు. నేటితరం వారు సినిమా హీరోలు, క్రీడాకారులను మాత్రమే గుర్తించగలుగుతున్నారని, కార్గిల్‌ యుద్ధంలో పాల్గొన్న సైనికులు,  వారిత్యాగాల గురించి ఎంతమందికి తెలుసని ప్రశ్నించారు. కార్గిల్‌ యుద్ధంలో వీరమరణం పొందినవారి కుటుంబీకులకు  గవర్నర్‌ ప్రశంసాపత్రం ఇచ్చి సత్కరించారు. రాజ్యసభ సభ్యుడు వి.విజయేంద్రప్రసాద్, మేజర్‌ జనరల్‌ వీకే పురోహిత్, జమ్మూకశ్మీర్‌కు చెందిన ఐపీఎస్‌ అధికారి సందీప్‌చౌదరి తదితరులు పాల్గొన్నారు.   

ముంబై: వ్యాపార ఒప్పందాల విషయంలో జాప్యం జరుగుతోందని మధ్య స్థాయి ఐటీ కంపెనీ పెర్సిస్టెంట్‌ సిస్టమ్స్‌ తెలిపింది. రాబోయే ఒకట్రెండు త్రైమాసికాలు సవాళ్లు ఉంటాయని కంపెనీ చీఫ్‌ ఎగ్జిక్యూటివ్‌ సందీప్‌ కల్రా శుక్రవారం తెలిపారు. 2008 అంతర్జాతీయ ఆర్థిక సంక్షోభం, కోవిడ్‌ మహమ్మారి వంటి సవాళ్లను కంపెనీ చవిచూసిందని అన్నారు. ‘ప్రస్తుతం ఒప్పందాల ముగింపునకు ఎక్కువ సమయం పడుతోంది. సగటు సమయం సుమారు మూడు నెలల నుండి 4–6 నెలలకు చేరింది. జూన్‌ త్రైమాసికంలో కొత్త ఒప్పందాల విలువ మార్చి త్రైమాసికంతో పోలిస్తే రూ.2,050 కోట్ల నుంచి రూ.1,943 కోట్లకు పడిపోయింది. అయితే ఒప్పందాల విషయమై పలు సంస్థలతో చర్చలు కొనసాగుతున్నాయి. కంపెనీ ఆదాయ వృద్ధి మార్చి త్రైమాసికంతో పోలిస్తే దాదాపు 3 శాతం క్షీణించి రూ.2,321 కోట్లకు పడిపోయింది. నిర్ణీత సమయాల్లో మొత్తం 800 మంది ఫ్రెషర్లను బోర్డులోకి తీసుకురావడానికి కంపెనీ కట్టుబడి ఉంది. మార్చితో పోలిస్తే జూన్‌ క్వార్టరులో ప్రాఫిట్‌ మార్జిన్‌ 0.5 తగ్గి 14.9 శాతంగా ఉంది. నికరలాభం 8.1 శాతం ఎగసి రూ.229 కోట్లను తాకింది. కొత్తగా 240 మంది చేరికతో మొత్తం సిబ్బంది సంఖ్య జూన్‌ చివరినాటికి 23,130కి చేరింది. కోల్‌కత, కొచి్చలో నూతనంగా కార్యాలయాలను ఏర్పాటు చేయాలని నిర్ణయించాం’ అని సందీప్‌ వెల్లడించారు.

కొత్త సినిమాని ఫస్ట్ డే ఫస్ట్ షో ఇంట్లోనే కూర్చొని చూసే ఛాన్స్ 'ఆంధ్రప్రదేశ్ రాష్ట్ర ఫైబర్ నెట్ లిమిటెడ్' రీసెంట్ గానే ప్రారంభించింది. ఈ విషయాన్ని ఏపీఎస్ఎఫ్ఎల్ ఛైర్మన్ పూనూరు గౌతంరెడ్డి ఇదివరకే చెప్పారు. విజయవాడలోని ఎన్టీఆర్ అడ్మినిస్ట్రేషన్ బ్లాక్ 3వ అంతస్తులోని ఫైబర్ నెట్ కార్యాలయంలో 'లవ్ యూ టూ' చిత్ర బృందంతో కలిసి గురువారం పత్రికా సమావేశం నిర్వహించారు. మరో పలు ఆసక్తికర వ‍్యాఖ్యలు చేశారు.  'సినిమా నిర్మాతకు, ప్రేక్షకుడికి లాభం కలిగేలా అతి తక్కువ ధరకే తొలిరోజే సినిమాను రాష్ట్ర ప్రజలు ఇంట్లో వీక్షించే అవకాశం కల్పిస్తున్నాం. ఏపీ ఫైబర్ నెట్ ద్వారా తొలి సినిమాగా ఇప్పటికే 'నిరీక్షణ' అనే చిత్రాన్ని రూ.99కి విడుదల చేశాం. రెండో సినిమాగా 'లవ్ యూ టూ' చిత్రాన్ని కేవలం రూ.39కే జూన్ 16 నుంచి ఏపీఎస్ఎఫ్‌ఎల్ వేదికగా స్ట్రీమింగ్ చేస్తున్నాం. రాబోయే రోజుల్లో థియేటర్లలోకి వచ్చే ప్రతి సినిమాను ఏపీ ఫైబర్‌నెట్ ద్వారా చూసే ఛాన్స్ కల్పిస్తాం. త్వరలో మూరుమూల ప్రాంతాలకు కూడా ఏపీఎస్ఎఫ్ఎల్ సేవలు విస్తరిస్తాం. ఏపీఎస్ఎఫ్ఎల్ ఏ ఓటీటీ ప్లాట్‌ఫామ్, థియేటర్లకు పోటీ కాదు' అని గౌతంరెడ్డి చెప్పుకొచ్చారు. (ఇదీ చదవండి: ఈ వీకెండ్ ఓటీటీల‍్లోకి 31 సినిమాలు.. లిస్ట్ ఇదే!)

కారేపల్లి: ఖమ్మం జిల్లా కారేపల్లి మండలం చీమలపాడులో ఈ నెల 12న బీఆర్‌ఎస్‌ ఆత్మీ య సమ్మేళనం సందర్భంగా బాణాసంచా కాల్చే క్రమంలో సిలిండర్‌ పేలిన ఘటనలో మృతులసంఖ్య నాలుగుకు చేరింది. ఘటన జరిగిన రోజే ముగ్గురు మృతి చెందగా, రెండుకాళ్లు కోల్పోయి తీవ్రంగా గాయపడిన చిందివారి సందీప్‌(36) హైదరాబాద్‌ నిమ్స్‌ ఆస్పత్రిలో చికిత్స పొందుతూ శుక్రవారం మృతిచెందాడు. అతడికి భార్య మమత అలియాస్‌ మొమీన్, నాలుగేళ్ల కుమారుడు ఉన్నారు. మహారాష్ట్రలోని చంద్రాపూర్‌ జిల్లా సిందేయి తాలూకా మింగరి గ్రామానికి చెందిన చిందివారి సందీప్‌ బతుకుదెరువు కోసం పదిహేనేళ్ల క్రితం తెలంగాణకు వచ్చాడు. తల్లిదండ్రులు, సోదరి పోషణ బాధ్యతలు సందీప్‌ చూసు కుంటున్నాడు. తెలంగాణలోని పలు ప్రాంతాల్లో సందీప్‌ సుతారీ పనులు చేసే క్రమంలో ఒడిశా ప్రాంతానికి చెంది మొమీన్‌ పరిచయం కావటంతో ఏడేళ్ల క్రితం ప్రేమ వివాహం చేసుకున్నాడు. వీరికి నాలుగేళ్ల కుమారుడు కృష్ణ ఉన్నాడు. ఏడాది క్రితం పొట్ట చేతపట్టుకొని కారేపల్లి మండలం చీమలపాడుకు సందీప్, మొమీన్‌ వచ్చారు. భార్య గ్రామంలో వ్యవసాయకూలీ పనులకు వెళ్తుండగా, సందీ ప్‌ సుతారీ పనులు చేసేవాడు. ఈ నెల 12న మొమీన్‌ మిర్చి తోటలో పనికి వెళ్లగా, గ్రామంలో జరిగిన బీఆర్‌ఎస్‌ సమావేశానికి సందీప్‌ హాజరయ్యాడు. ఆరోజు గుడిసె కాలి పోతుండటంతో అందరితోపాటు మంటలు ఆర్పే క్రమంలో సిలిండర్‌ శకలాలు దూసుకురావడంతో సందీప్‌ రెండు కాళ్లు నుజ్జునుజ్జయ్యాయి. తొలుత ఖమ్మం ప్రభు త్వ ఆస్పత్రికి, తర్వాత నిమ్స్‌కు తరలించగా శుక్రవారం మృతి చెందాడు. ఊరుగాని ఊరిలో భర్తను కోల్పోయిన మొమీన్‌ కన్నీరుమున్నీరుగా విలపిస్తోంది.

టాలీవుడ్‌లో ప్రముఖ కొరియోగ్రాఫర్‌ ఆట సందీప్‌ పేరు తెలియనివారు ఉండరు. తాజాగా ఆయన హైదరాబాద్‌లో ఖరీదైన ఇంటిని కొనుగోలు చేశారు. ఈ విషయాన్ని తన అభిమానులతో పంచుకున్నారు. ప్రముఖ డ్యాన్స్‌ రియాలిటీ షో 'ఆట' ద్వారా ఫేమ్ సంపాదించారు. అందువల్లే అతని పేరుతోనే ఆట సందీప్‌గా అభిమానుల్లో ముద్ర వేసుకున్నారు.  ఇటీవలే ఇంటి రిజిస్ట్రేషన్‌ కూడా పూర్తయినట్లు సందీప్ తెలిపారు. అయితే కొవిడ్ తర్వాత చాలా ఇబ్బందులు పడినట్లు వారు తెలిపారు. ఇది తమ ఐదేళ్ల కష్టానికి దక్కిన ఫలితమని సంతోషం వ్యక్తం చేశారు. కరోనా టైంలో పడిన కష్టాలను వివరిస్తూ తన ఇన్‌స్టాలో ఓ వీడియోను పంచుకున్నారు.  దీనికి సహకరించిన ప్రతి ఒక్కరికీ ధన్యవాదాలు తెలిపారు ఆట సందీప్, జ్యోతిరాజ్.  ప్రముఖ డ్యాన్స్‌ రియాలిటీ షో 'ఆట' మొదటి సీజన్‌లోనే విన్నర్‌గా నిలిచారు సందీప్.   View this post on Instagram A post shared by 𝐀𝐚𝐭𝐚 𝐒𝐚𝐧𝐝𝐞𝐞𝐩 𝐃𝐚𝐧𝐜𝐞 𝐌𝐚𝐬𝐭𝐞𝐫🇮🇳 (@aata_sandeep)

ఈ మధ్య రిలీజ్ అయిన చిన్న సినిమాల్లో తనదంటూ ఓ ప్రత్యేకత సంతరించుకున్న చిత్రం గంధర్వ . ఫన్ని ఫాక్స్ ఎంటర్టైన్మెంట్స్ పతాకం పై దర్శకుడు అప్సర్ ని పరిచయం చేస్తూ సందీప్ మాధవ్ , గాయత్రీ ఆర్ సురేష్ జంటగా నటించిన చిత్రం గంధర్వ. ఈ చిత్రంలో సాయి కుమార్ , సురేష్ బాబు , బాబు మోహన్ , పోసాని , సమ్మెట గాంధీ , టెంపర్ వంశీ , సూర్య , పాల్ , జయరాం తదితరులు నటించారు. యాంటి ఏజింగ్ కాన్సెప్ట్ పై చేసిన కొత్త ప్రయోగం విమర్శకులను సైతం మెప్పించింది . ఒక సంఘటనలో ఆక్సిజన్ చాంబర్ లో ఇరుక్కు పోయిన కథా నాయకుడికి కళ్ళు తెరిచే సరికి యాభై ఏళ్ళు గడిచి పోతాయి . కాని అతని వయసు మాత్రం మారాదు . తిరిగి ఇంటికి చేరుకున్న హీరో కి తన భార్య డెబ్భై ఏళ్ల ముసలావిడ గా కొడుకు యాభై ఏళ్ల వ్యక్తిగా కలుస్తారు. అసలు అతనికి జరిగిన సంఘటన ఏంటీ , ఆక్సిజన్ చాంబర్ కథ ఎలా సాగింది, పాతికేళ్ళ తండ్రికి యాభై ఏళ్ల కొడుకుకి మధ్య జరిగిన యుద్ధం ఏమిటీ , అసలు ప్రపంచం ఎలా నమ్మింది అనే కథాంశంతో దర్శకుడు అప్సర్ తన తొలి ప్రయత్నం లోనే భారి స్పాన్ ఉన్న కథ ఎంచుకున్నాడు. జూలై 8 న థియేటర్లలో రిలీజ్ అయిన గంధర్వ మంచి మార్కులే కొట్టేసింది . అయితే తాజాగా ఈ చిత్రం అమెజాన్ ప్రైమ్ లో సైతం తన హవా కొనసాగిస్తుంది . అది చూసిన నిర్మాణ సంస్థ వెంటనే ఈ చిత్రాన్ని అటు తమిళ్ , మలయాళం మరియు కన్నడ భాషల్లో కూడా ఈ నెల ఆఖరున రిలీజ్ చేసే పనుల్లో పడ్డారు. ఏది ఏమైనా  కొత్త కథ తో అందర్నీ ఆకట్టుకున్న దర్శకుడు అప్సర్ , ప్రస్తుతం ఒక పెద్ద నిర్మాణ సంస్థ కోసం కథ రెడి చేస్తున్నట్టు సమాచారం.

సింహా ప్రధాన పాత్రలో నటిస్తున్న చిత్రం ‘రావణ కల్యాణం’. ఆలూరి సురేష్, సింహా సమర్పణలో జేవీ మధుకిరణ్‌ దర్శకత్వంలో అరుణ్‌ కుమార్‌ సూరపనేని, కె. రేష్మి ఈ చిత్రాన్ని నిర్మిస్తున్నారు. ఈ సినిమా శనివారం ఆరంభమైంది. తొలి సీన్‌కి యాక్టర్‌ సత్యదేవ్‌ కెమెరా స్విచ్చాన్‌ చేయగా, సింహా తనయుడు అర్జున్‌ సింహా క్లాప్‌ ఇచ్చారు. దర్శకుడు వీవీ వినాయక్‌ గౌరవ దర్శకత్వం వహించారు. సింహా మాట్లాడుతూ.. ‘‘రావణ కల్యాణం’ కథ విన్నప్పుడు నేనెంత ఎగై్జట్‌ అయ్యానో, థియేటర్స్‌లో ఆడియన్స్‌ చూస్తున్నప్పుడు అంతే ఎగై్జట్‌ అవుతారనే నమ్మకం ఉంది. ఈ సినిమాలో సందీప్‌ మాధవ్, రాజేంద్రప్రసాద్, శత్రు, శరత్‌ రవి కీలక పాత్రలు చేస్తున్నారు. రధన్‌ సంగీతం, మనోహర్‌ సినిమాటోగ్రఫీ అదనపు ఆకర్షణ’’ అన్నారు. ‘‘పాన్‌ ఇండియా స్థాయిలో ఈ చిత్రాన్ని తెలుగు, తమిళ, కన్నడ, హిందీ భాషల్లో రిలీజ్‌ చేస్తున్నాం’’ అన్నారు కిరణ్‌.

‘‘గంధర్వ’ యూత్‌ఫుల్‌ సినిమా కాదు. కుటుంబమంతా కలిసి చూసే చిత్రం. శ్రీకాంత్, జగపతిబాబుగార్లు ఇలాంటి కుటుంబ కథా చిత్రాలు చేశారు. ఈ జనరేష¯Œ లో ‘గంధర్వ’ ద్వారా నాకు మంచి అవకాశం వచ్చింది’’ అని హీరో సందీప్‌ మాధవ్‌ అన్నారు. అప్సర్‌ దర్శకత్వంలో సందీప్‌ మాధవ్, గాయ్రతి ఆర్‌.సురేష్‌ జంటగా నటించిన చిత్రం ‘గంధర్వ’. సుభాని నిర్మించిన ఈ సినిమా ఎస్‌కే ఫిల్మ్స్‌ ద్వారా జూలై 1న రిలీజ్‌ కానుంది. సందీప్‌ మాధవ్‌ మాట్లాడుతూ–‘‘గంధర్వ’ కథని లాక్‌డౌన్‌లో విన్నాను. మిలటరీ వ్యక్తి కుటుంబంలో వాతావరణం ఎలా ఉంటుంది? పెళ్లి అయిన మరుసటిరోజే యుద్ధానికి వెళ్లాల్సివస్తే పరిస్థితి ఏంటి? వంటి అంశాలున్నాయి. ఈ కథ 1971లో మొదలై 2021 వరకు రన్‌ అవుతుంది. దర్శకుడు అప్సర్‌ సోదరుడే నిర్మాత సుభానిగారు.. ఎక్కడా రాజీ పడలేదు. ఎస్‌.కె. ఫిలిమ్స్‌ ద్వారా సురేష్‌ కొండేటిగారు మా సినిమాని విడుదల చేస్తుండటంతో జనాలకు బాగా రీచ్‌ అవుతోంది. రామ్‌గోపాల్‌ వర్మ, పూరి జగన్నాథ్‌గార్లకు 24 గంటలు సినిమానే ప్రపంచం.. వారితో పనిచేసేటప్పుడు చాలా విషయాలు నేర్చుకున్నా. ప్రస్తుతం ‘మాస్‌ మహారాజ్‌’ అనే సినిమా చేస్తున్నా’’ అన్నారు.  

ప్రముఖ డ్యాన్స్‌ రియాలిటీ షో 'ఆట' మొదటి సీజన్‌ విన్నర్‌ టీనా సాధు మరణం ఇండస్ట్రీలో చర్చనీయాంశంగా మారింది. ఎంతో ఫిట్‌గా ఉండే టీనా 38ఏళ్ల వయసులోనే మరణించడంతో ఆమె మృతి పట్ల పలు అనుమానాలు వ్యక్తమవుతున్నాయి. తాజాగా టీనా మరణంపై ఆట సందీప్‌ అనుమానం వ్య​క్తం చేశారు. ఓ యూట్యూబ్‌ ఛానెల్‌కి ఇచ్చిన ఇంటర్వ్యూలో ఆయన మాట్లాడుతూ పలు షాకింగ్‌ విషయాలను షేర్‌ చేసుకున్నారు. 'టీనా లేదన్న విషయం ఇంకా నమ్మబుద్ది కావట్లేదు. 5రోజుల క్రితం హైదరాబాద్‌కు వచ్చి ఎంతో సరదాగా గడిపిన టీనాకు అంత సడెన్‌గా హార్ట్‌ స్ట్రోక్‌ ఎలా వచ్చిందో అర్థం కావట్లేదు. ఆమె చాలా ఫిట్‌గా ఉంటుంది. ఇది గుండెపోటు అయ్యిండదనిపిస్తుంది. నాతో మాట్లాడినప్పుడు డిప్రెషన్‌లో ఉన్నాను. పర్సనల్‌ లైఫ్‌లో ప్రాబ్లమ్స్‌ ఉన్నాయని చెప్పింది. కలిసినప్పుడు వీటిపై మాట్లాడతానని చెప్పింది. కానీ అంతలోనే ఇలా జరిగిపోయింది. చాలా షాకింగ్‌గా అనిపిస్తుంది' అని పేర్కొన్నారు. దీంతో టీనా మృతిపై మరిన్ని అనుమానాలు వ్యక్తం అవుతున్నాయి. కాగా ఆట సీజన్‌-1లో సందీప్‌-టీనాల జోడి టైటిల్‌ విన్నర్‌గా గెలిచిన సంగతి తెలిసిందే.  చదవండి: ఆట' డ్యాన్స్‌ షో విన్నర్‌ టీనా కన్నుమూత చదవండి: డ్యాన్స్‌ షో విన్నర్‌ టీనా మృతిపై అనుమానాలు, లిక్కర్‌ ఎక్కువవడం వల్లే..

ఓంకార్‌ యాంకర్‌గా బుల్లితెరపై ఎంతో పాపులర్‌ అయిన డ్యాన్స్‌ రియాలిటీ షో ఆట. ఈ షో మొదటి సీజన్‌ విన్నర్‌ టీనా మృతి చెందింది. ఈ విషయాన్ని ఆట సందీప్‌ తన ఇన్‌స్టాగ్రామ్‌ అకౌంట్‌ ద్వారా వెల్లడించారు. టీనా సాధు మరణవార్త తెలిసి షాక్‌ అయ్యాను. ఆట సీజన్‌లో నా పార్టనర్‌ అయిన టీనా మరణవార్త చాలా బాధిస్తుంది. ఆమె కుటుంబానికి నా ప్రగాఢ సానుభూతి. టీనా ఆత్మకు శాంతి చేకూరాలి అంటూ ఆట సందీప్‌ ఇన్‌స్టాగ్రామ్‌లో పోస్ట్‌ చేశారు. ఇది చూసిన నెటిజన్లు టీనా మరణవార్త తెలిసి షాక్‌ అవుతున్నారు. ఆమె మృతి పట్ల సంతాపం వ్యక్తం చేస్తున్నారు. కాగా ఆట సీజన్‌-1విన్నర్‌గా నిలిచిన టీనా ఆ తర్వాత సీజన్‌-4కి జడ్జిగా వ్యవహరించారు. అయితే కొన్నాళ్లుగా ఇండస్ట్రీకి దూరంగా ఉంటున్న టీనా ఇలా హఠాన్మరణం చెందడం షాకింగ్‌గా అనిపిస్తుంది. ఆమె మరణానికి గల కారణాలు ఇంకా తెలియరాలేదు.    View this post on Instagram A post shared by 𝐀𝐚𝐭𝐚 𝐒𝐚𝐧𝐝𝐞𝐞𝐩 𝐃𝐚𝐧𝐜𝐞 𝐌𝐚𝐬𝐭𝐞𝐫🇮🇳 (@aata_sandeep)

‘జార్జిరెడ్డి’, ‘వంగవీటి’ ఫేమ్ సందీప్ మాధవ్ హీరోగా గాయత్రి ఆర్. సురేష్, శీత‌ల్ భ‌ట్ హీరోయిన్స్‌గా రూపొందుతున్న చిత్రం ‘గంధర్వ’. ఫ‌న్నీ ఫాక్స్ ఎంట‌ర్‌టైన్‌మెంట్స్‌ బ్యానర్‌పై ఎం.ఎన్‌.మ‌ధు ఈ చిత్రాన్ని నిర్మిస్తున్నారు. సాయి కుమార్, సురేష్, బాబుమోహన్ ముఖ్యపాత్రలు పోషిస్తున్నారు. ఇప్పటికే విడుదల చేసిన ఫ‌స్ట్ లుక్‌, మోష‌న్ పోస్ట‌ర్‌కు మంచి స్పందన లభించింది.  ఇండియ‌న్ సినిమాల్లో ఇప్పటివరకు రాని ఓ డిఫ‌రెంట్ క‌థాంశంతో ఈ చిత్రం రూపొందుతున్నట్లు చిత్ర బృందం తెలిపింది. ఈ సినిమాలో భారీ యాక్ష‌న్ స‌న్నివేశాలుంటాయ‌ని మూవీ టీం వెల్లడించింది. ఇటీవల షూటింగ్ జరిగిన ఓ యాక్షన్ సీక్వెన్స్ లో హీరో సందీప్ తో పాటు ముఖ్యనటులతో పాటు 50 మంది ఫైటర్స్ పాల్గొన్నరన్నారు. ఈ సందర్భంగా హీరో సందీప్ పుట్టినరోజు సందర్భంగా.. ఆయనకు వెండి నాణాలను బహుకరించి అభినందించింది చిత్ర యూనిట్.  ఈ కార్యక్రమంలో నటీనటులతో పాటు సాంకేతిక నిపుణులు పాల్గొన్నారు. చదవండి: నాకు చుక్కలు చూపించేవాడు.. ఆనంద్‌కే ముందు పెళ్లి: విజయ్‌ దేవరకొండ

వంగవీటి, 'జార్జిరెడ్డి' ఫేమ్ సందీప్ మాధవ్ హీరోగా తెరకెక్కుతున్న చిత్రం గంధర్వ. గాయత్రి ఆర్. సురేష్, శీత‌ల్ భ‌ట్ కథనాయికలు. ఫ‌న్నీ ఫాక్స్ ఎంట‌ర్‌టైన్‌మెంట్స్‌, వీర శంక‌ర్ సిల్వర్ స్క్రీన్స్ ప‌తాకాల‌పై అప్సర్ దర్శకత్వంలో ఎమ్.ఎన్ మధు ఈ మూవీని నిర్మిస్తున్నారు. డైలాగ్ కింగ్ సాయి కుమార్, సురేష్ ముఖ్యపాత్రల్లో కనిపించనున్నారు. 75వ స్వాతంత్య్ర దినోత్సవం సంద‌ర్భంగా ఈ సినిమా ఫ‌స్ట్ లుక్‌, మోష‌న్ పోస్టర్‌ను చిత్ర యూనిట్ ఆదివారం విడుద‌ల చేసింది. ఇండియ‌న్ సినిమాల్లో రాన‌టువంటి ఓ డిఫ‌రెంట్ క‌థాంశంతో ద‌ర్శకుడు అప్సర్ ఈ సినిమాను తెర‌కెక్కిస్తుండగా.. ఇప్పటి వ‌ర‌కు న‌టించ‌ని ఓ డిఫ‌రెంట్ రోల్‌లో సందీప్ మాధ‌వ్ క‌నిపించ‌నున్నారు. ఫ‌స్ట్‌లుక్‌, మోష‌న్ పోస్టర్‌ను గ‌మ‌నిస్తే హీరో సందీప్ మాధ‌వ్ రౌడీల‌ను చిత‌క్కొడుతున్నారు. హీరో చేతులు ఓ కుర్చీకి కట్టేసి ఉన్నాయి. ఇవ‌న్నీ చూస్తుంటే గంధ‌ర్వ సినిమాలో భారీ యాక‌్షన్ స‌న్నివేశాలుంటాయ‌ని తెలుస్తుంది. సినిమా చిత్రీక‌ర‌ణ తుది ద‌శ‌కు చేరుకుంది. నాగు.వై ఈ చిత్రానికి ఎగ్జిక్యూటివ్ ప్రొడ్యూస‌ర్‌. ర్యాప్ రాక్ ష‌కీల్ సంగీతం అందిస్తున్న ఈ చిత్రానికి నిరంజ‌న్ జె.రెడ్డి సినిమాటోగ్రాఫ‌ర్‌గా వ‌ర్క్ చేస్తున్నారు.

ప్రముఖ కొరియోగ్రాఫర్‌ ఆట సందీప్‌- జ్యోతీ రాజ్‌ దంపతులకు మెగాస్టార్‌ చిరంజీవి వాయిస్‌ మెసేజ్‌ పంపించారు.  'మీ థ్యాంక్యూ మెసేజ్‌ నాకు అందింది. అమ్మ మాటలు, ఆమె దీవెనలు నాకు కొండంత బలాన్ని ఇస్తున్నాయి. మీరు ఇద్దరు చేసే డ్యాన్స్‌ బిట్స్‌ అప్పుడప్పుడు నా దృష్టికి వస్తుంటాయి. మీ కపుల్స్‌ చాలా లవ్లీ డ్యాన్సర్స్‌. మీ క్రేజ్‌ నన్ను బాగా ఆకటుకుంటుంది. భవిష్యత్తులో మీరు ఇంకా పెద్ద కొరియోగ్రాఫర్‌గా రాణించాలని మనస్పూర్థిగా కోరుకుంటున్నాను' అని స్వయంగా చిరంజీవి పంపిన వాయిస్‌ మెసేజ్‌ను ఆట సందీప్‌ తన ఇన్‌స్టాగ్రామ్‌లో షేర్‌ చేశారు. కరోనా క్రైసిస్‌ చారిటీ (సీసీసీ) ఆధ్వర్యంలో చిరంజీవి ఏర్పాటు చేసిన వ్యాక్సినేషన్‌ డ్రైవ్‌లో భాగంగా ఆట సందీప్‌ తల్లికి కూడా వ్యాక్సిన్‌ వేయించినట్లు తెలుస్తోంది. లాక్‌డౌన్‌ వల్ల ఎంతోమంది డ్యాన్సర్లు కూడా పని లేక  అవస్థలు పడుతున్నారు. ఈ నేపథ్యంలో వారికి అండగా నిలుస్తూ, గత కొన్ని రోజులుగా డ్యాన్సర్లకు సందీప్‌ దంపతులు నిత్యవసర వస్తువులు పంపిస్తున్న సంగతి తెలిసిందే. షో, ఆడియో ఫంక్షన్లు, సంగీత్‌ వంటి కార్యక్రమాలు ఆగిపోవడంతో గ్రూప్‌ డ్యాన్సర్లు సహా చాలామందికి ఆదాయం లేకుండా పోయింది. దీనివల్ల పూట గడవక చాలామంది బాధపడుతున్నారు.  వాళ్లను ఆదుకునేందుకు ఆట సందీప్‌ దంపతులు తమవంతు సహాయం చేస్తున్నారు. మరోవైపు సందీప్‌కు మరింత సహకారం అందించేందుకు చిరంజీవి అల్లుడు, హీరో కల్యాణ్‌ దేవ్‌ సైతం లక్ష రూపాయల ఆర్థిక సహాయాన్ని అందించిన సంగతి తెలిసిందే. దీంతో ఇప్పుడు స్వయంగా చిరంజీవి నుంచి వాయిస్‌ మెసేజ్‌ అందడంతో ఆట సందీప్‌ దంపతులు సంతోషం వ్యక్తం చేస్తున్నారు. ఆయన నోటి నుంచి తమ పేరు రావడాన్ని అదృష్టంగా భావిస్తున్నట్లు తెలిపారు. ఇక ఆట సందీప్‌ పోస్టుపై పలువురు నెటిజన్లు స్పందిస్తున్నారు. చిరంజీవి నుంచి మెసేజ్‌ రావడం నిజంగా సూపర్‌ అంటూ అభినందిస్తున్నారు.  View this post on Instagram A post shared by 𝐀𝐚𝐭𝐚 𝐒𝐚𝐧𝐝𝐞𝐞𝐩 𝐃𝐚𝐧𝐜𝐞 𝐌𝐚𝐬𝐭𝐞𝐫🇮🇳 (@aata_sandeep) చదవండి : సినీ కార్మికులందరికి ఉచితంగా వ్యాక్సిన్‌ : చిరంజీవి 'ఆట ఫేమ్‌ గీతిక ఎన్ని కష్టాలు పడుతుందో'.. ఆమె ఏం చెప్పిందంటే!

న్యూఢిల్లీ: ఐపీఎల్‌కు కరోనా సెగ తగిలింది. ఇద్దరు క్రికెటర్లకు కోవిడ్‌-19 పాజిటివ్‌గా నిర్దారణ కావడంతో నేడు జరగాల్సిన మ్యాచ్‌ను వాయిదా వేశారు. కాగా ఈరోజు రాత్రి 7.30 గంటలకు ఆర్సీబీ, కోల్‌కతా నైట్‌రైడర్స్‌ మధ్య మ్యాచ్‌ జరగాల్సి ఉంది. ఈ క్రమంలో కరోనా పరీక్షలు నిర్వహించగా కోల్‌కతా ఆటగాళ్లు వరుణ్‌ చక్రవర్తి, సందీప్‌ వారియర్‌కు వైరస్‌ సోకినట్లు తేలింది. అదే విధంగా జట్టులోని ఇతర ఆటగాళ్లు కూడా స్వల్ప అస్వస్థతకు గురైనట్లు సమాచారం. దీంతో, టీం మొత్తం ఐసోలేషన్‌లోకి వెళ్లింది. ఈ నేపథ్యంలో సోమవారం నాటి మ్యాచ్‌ను వాయిదా వేసినట్లు బీసీసీఐ అధికారి ఒకరు ఏఎన్‌ఐతో వ్యాఖ్యానించారు. కాగా భారత్‌లో రోజువారీ కరోనా కేసులు మూడున్నర లక్షలకు పైగా నమోదవుతున్న విషయం తెలిసిందే. ఈ నేపథ్యంలో ఇప్పటికే పలువురు విదేశీ ఆటగాళ్లు ఐపీఎల్‌ను వీడి స్వదేశాలకు వెళ్లిపోయారు. మరికొందరు బయో బబుల్‌లో ఉండలేక లీగ్‌ నుంచి వైదొలిగారు. ఇక అత్యంత జాగ్రత్తల నడుమ బయో బబుల్‌ వాతావరణంలో టోర్నీ నిర్వహిస్తున్నప్పటికీ ఇద్దరు ఆటగాళ్లు కరోనా బారిన పడటంతో అభిమానుల్లో ఆందోళన మొదలైంది. చదవండి: వార్నర్‌ హ్యాపీగా లేడు.. ఉండడు కూడా పంజాబ్‌ కింగ్స్‌కు షాక్‌: రాహుల్‌ ఔట్‌!

సందీప్‌ బొలినేని, విష్ణుప్రియ, దీక్షా పంత్‌ ప్రధాన పాత్రల్లో నటించిన చిత్రం ‘చెక్‌ మేట్‌’. ‘సూటిగా సొల్లు లేకుండా’ అన్నది ఉపశీర్షిక. చిన్నికృష్ణ ప్రొడక్షన్స్‌ పతాకంపై ప్రసాద్‌ వేలంపల్లి స్వీయ దర్శకత్వంలో నిర్మించిన ఈ సినిమా ఈ నెల 11న విడుదలవుతోంది. ఈ సందర్భంగా ప్రసాద్‌ వేలంపల్లి  మాట్లాడుతూ– ‘‘కొత్త రకం ప్రేమకథగా రూపొందిన చిత్రం ‘చెక్‌ మేట్‌. మామూలుగా  ప్రతి ప్రేమకథలో వారి కుటుంబ సభ్యుల నుండి సమస్యలు వస్తాయి.. అయితే ఈ సినిమాలో తమ ప్రేమకు క్లోజ్‌ ఫ్రెండ్‌ వల్లే సమస్య ఏర్పడితే జరిగే పరిణామాలేంటి? స్నేహితురాలి నుండి తన ప్రేమికుడిని ఎలా కాపాడుకుని తన ప్రేమని గెలిపించుకుంది? అనేది కథాంశం. బలమైన పాత్ర కావడంతో తెలుగమ్మాయి చేస్తే బాగుంటుందని విష్ణు ప్రియని సెలక్ట్‌ చేశాం. తన ఫ్రెండ్‌గా దీక్షా పంత్‌ నటించారు’’ అన్నారు. బ్రహ్మానందం, రాజేంద్ర ప్రసాద్, కృష్ణ భగవాన్, సంపూర్ణేష్‌ బాబు, షకలక శంకర్, సుధీర్‌ కీలక పాత్రల్లో నటించిన ఈ చిత్రానికి కెమెరా: అంజి (‘గరుడవేగ’ ఫేమ్‌), నేపథ్య సంగీతం: సాగర్‌ మహతి, సంగీతం–నిర్మాత–దర్శకత్వం: ప్రసాద్‌ వేలంపల్లి.  

సాక్షి, బాపట్ల టౌన్‌: తెలుగు సినీ పరిశ్రమలో తీవ్రవిషాదం చోటుచేసుకుంది. రౌడీ ఫెలో, స్వామిరారా, వీడు తేడా.. సినిమాల నిర్మాత కొరటాల సందీప్‌ ఆదివారం గుండెపోటుతో మృతిచెందారు. స్వగ్రామం గుంటూరు జిల్లా బాపట్ల మండలం పూండ్లలో అంత్యక్రియలు నిర్వహించారు. కాగా, పలువురు టాలీవుడ్‌ ప్రముఖులు సందీప్‌తో తమకున్న అనుబంధాన్ని గుర్తుచేసుకొని తీవ్ర భావోద్వేగానికి గురయ్యారు. "నా ప్రియ స్నేహితుడు సందీప్‌ మరణించాడన్న వార్త నన్ను తీవ్రంగా బాధించింది. స్వామి రారా సినిమాకు నువ్వు అందించిన సాయం మరువలేనిది. నీ ఆత్మకు శాంతి కలగాలని మనస్ఫూర్తిగా కోరుకుంటున్నాను. మిస్‌ యూ.." అని దర్శకుడు సుధీర్‌ వర్మ ట్వీట్‌ చేశాడు. ఈ సందర్భంగా సందీప్‌తో కలిసి దిగిన ఫొటోలను షేర్‌ చేశాడు. Very sadden to hear the demise of my dearest friend #SundeepKoritala. Can never forget ur support in the making of #SwamyRaRa . Rest in peace brother we miss u pic.twitter.com/M6le6c089x — sudheer varma (@sudheerkvarma) February 28, 2021 నా రౌడీ ఫెల్లో ఇక లేడన్న వార్తను జీర్ణించుకోలేకపోతున్నాను అంటూ  హీరో నారా రోహిత్‌.. సందీప్‌ మరణం పట్ల దిగ్భ్రాంతి వ్యక్తం చేశాడు. ఈ రోజు ఇంత భయంకరంగా మొదలవుతుందని ఊహించలేదు అని బాధపడ్డాడు Saddened to learn that my #RowdyFellow co-producer & my well wisher Sandeep Koritala is no more. This was such a terrible start for the day. ఓం శాంతి !! pic.twitter.com/3UC4IP5mfz — Rohith Nara (@IamRohithNara) February 28, 2021 సందీప్‌ కొరటాల మమ్మల్ని విడిచి తిరిగి రాని లోకాలకు వెళ్లిపోయాడన్న వార్త షాక్‌కు గురి చేసింది. ఆయన చిరునవ్వుతో సవాళ్లను ఎదిరించేవాడు. స్వామి రారా, వీడు తేడా సినిమాలకు పిల్లర్‌లా నిలబడ్డాడు. పలు సినిమాలకు సహ నిర్మాతగానూ వ్యవహరించాడు.ఆయనెప్పటికీ మా గుండెల్లో సజీవంగా ఉంటాడు అని హీరో నిఖిల్‌ నివాళులు అర్పించాడు. Sandeep Koritala .... it is shocking that you have left us brother... He was a lion hearted guy who would tackle challenges with a Smile and was the pillar of strength for my movies SwamyRara ,VeeduTheda & CoProduced so many more films U will forever live in all our hearts🙏🏽🙏🏽🙏🏽 pic.twitter.com/0L8DtoAF6W — Nikhil Siddhartha (@actor_Nikhil) March 1, 2021

సాక్షి, బంజారాహిల్స్‌: ప్రపంచం నలుమూలల నుంచి వచ్చిన 600 మంది బైక్‌ రేసర్లలో అత్యుత్తమ ప్రతిభ చాటిన నగర యువకుడు నాలుగు విభాగాల్లో ముందుండి నాలుగు ట్రోఫీలను కైవసం చేసుకున్నాడు. పూణేలోని లోనావాలాలో జరిగిన డ్రాగ్‌ రన్‌లో పాల్గొన్న కూకట్‌పల్లికి చెందిన బైక్‌ రేసర్‌ సందీప్‌ నడింపల్లి ఎం–9 కేటగిరిలో మొదటి స్థానం, ఓ–2 కేటగిరిలో మూడో స్థానంతో పాటు ఫాస్టెస్ట్‌ బైక్‌ ఆఫ్‌ ద ఈవెంట్, ఫాస్టెస్ట్‌ టైమ్‌ ఆఫ్‌ద ఈవెంట్‌ పతకాలను గెలుచుకున్నాడు. తొమ్మిది సెకండ్లలో 400 మీటర్ల దూరాన్ని చేరుకొని ఈ రికార్డు సృష్టించాడు. అయిదేళ్లుగా రేసర్‌గా రాణిస్తున్న సందీప్‌ ఇప్పటికే జాతీయ, అంతర్జాతీయ స్థాయిలో దాదాపు 50 పతకాలను సొంతం చేసుకున్నాడు. ఇప్పటికే నేషనల్‌ చాంపియన్‌గా నిలిచిన ఆయన పాత రికార్డులను బద్దలుకొట్టి నాలుగు సరికొత్త రికార్డులను నమోదు చేశారు. మల్లారెడ్డి ఇంజినీరింగ్‌ కాలేజీలో బీటెక్‌ పూర్తి చేసిన ఇతను కాలేజీ స్థాయిలోనే జాతీయ స్థాయి టైటిల్స్‌ సాధించాడు. మూడేళ్లలో ఆరు నేషనల్‌ టైటిల్స్, 45 ట్రోఫీలు సొంతం చేసుకున్నాడు. అంతర్జాతీయ స్థాయిలో మరింత రాణించి భారత కీర్తి పతాకాలను ప్రపంచ స్థాయిలో చాటాలన్నదే తన లక్ష్యమని ఆ మేరకు శ్రమిస్తానని సందీప్‌ తెలిపారు. ఈ పతకాలు రావడంపట్ల తనకెంతో ఆనందంగా ఉందన్నాడు. 

ముంబై: బాలీవుడ్‌ చిత్రం ‘ఎంఎస్‌ ధోని’ నటుడు సందీప్‌ నహార్‌(32) నిన్న మృతి చెందిన సంగతి తెలిసిందే. ముంబైలోని అతడి నివాసంలో సందీప్‌ ఉరేసుకుని ఆత్మహత్యకు పాల్పడిన సంఘటన బాలీవుడ్‌లో కలకం రేపుతోంది. ఆత్మహత్యకు ముందు అతడు ఫేస్‌బుక్‌లో పోస్టు చేసిన సూసైడ్‌ నోట్‌లో అతడి భార్య కాంచన, ఆమె తల్లి వేధింపుల వల్లే ఆత్మహత్య చేసుకుంటున్నట్లు పేర్కొన్నాడు. అయితే భార్య కాంచనపై ఎటువంటి చర్యలు తీసుకొవద్దని కూడా నోట్‌లో రాసుకొచ్చాడు. కానీ బుధవారం పోలీసులు అతడి భార్య, అత్తపై ఎఫ్‌ఐఆర్‌ నమోదు చేశారు. దీనిపై పోలీసు అధికారి మాట్లాడుతూ... సందీప్‌ కుటుంబ సభ్యుల ఫిర్యాదు మేరకు అతడి భార్య కాంచన శర్మ, ఆమె తల్లి విను శర్మలపై కేసు నమోదు చేశామన్నారు. ఇప్పటి వరకు వారిని అరెస్టు చేయడం లేదా విచారించడం కానీ చేయలేదన్నారు. అయితే సందీప్‌ సూసైడ్‌ నోట్‌లో భార్యపై ఎలాంటి చర్యలు తీసుకొవద్దని రాశాడు కదా అని అడిగిన ప్రశ్నను పోలీసులు కొట్టిపారేశారు. కాగా సందీప్‌ మంగళవారం ఉదయం గోరెగావ్‌లోని తన నివాసంలో ఆత్మహత్యకు పాల్పడిన సంగతి తెలిసిందే. ఈ క్రమంలో సందీప్‌ సోమవారం సాయంత్రం ఆత్మహత్యకు గల కారణాలను పేర్కొంటూ ఓ వీడియోతో పాటు సూసైడ్‌ నోట్‌ను కూడా పోస్టు చేశాడు. ‘నా భార్య కాంచనతో కొంతకాలంగా విభేదాలు ఉన్నాయి. జీవితంలో ఎన్నో సంతోషాలను, దు:ఖాలను, కష్టాలను చూశాను. అయితే వాటిన్నంటిని ఎదుర్కొన్నాను. ఇక నావల్ల కాదు. మరణించే సమయం వచ్చింది. ఇక నాకు బతకాలన్న ఆశ లేదు. ఎన్ని రోజులని చివాట్లు, ఆసహ్యానలను భరించాలి. నాకంటూ సెల్ఫ్‌రెస్పెక్ట్‌ ఉంటుంది. నా భార్య చాలా కోపిష్టి. తన స్వభావమే అంతా. రోజు పొద్దున్నే సాయంత్రం, రాత్రిళ్లు తనతో వాదించే శక్తి ఇక నాకు లేదు’ అంటూ రాసుకొచ్చాడు. అలాగే ‘బాలీవుడ్‌ సినీ పరిశ్రమలో రాజకీయాలతో అసంతృప్తికి గురయ్యా. రాజకీయాల కారణంగా చేతికి వచ్చిన అవకాశాలు కూడా చివరి నిమిషంలో దూరమయ్యాయి’ అని ఆవేదన వ్యక్తం చేశాడు. (చదవండి: భార్య వేధింపులు.. బాలీవుడ్‌ నటుడు ఆత్మహత్య)

సాక్షి, హైదరాబాద్‌: అడుగు పెట్టిన స్వల్ప కాలంలోనే ఇండస్ట్రీలో తనకంటూ ప్రత్యేకమైన పేజీ రాసుకున్న యువ హీరో సందీప్‌ మాధవ్‌. ఏ కొత్త నటుడికీ రాని విధంగా వరుస బయోపిక్స్‌లో నటించిన ఘనత ఈ యువ నటుడికే దక్కింది. నిజ జీవిత పాత్రలను తెరపై పండించడం, ప్రేక్షకుల్ని మెప్పించడం అంత సులువైన పనికాదు. వంగవీటి, జార్జ్‌రెడ్డి సినిమాల ద్వారా దాన్ని సుసాధ్యం చేసిన సందీప్‌ (సాండీ) బయోపిక్స్‌ రూపొందించాలనుకుంటున్న పలువురు నిర్మాతలకు ఆశాదీపంగా మారాడు.. ‘సాక్షి’తో తన మనోభావాలను సందీప్‌ ఇలా పంచుకున్నాడు.. ఆ విశేషాలు తన మాటల్లోనే.. సినిమా కుటుంబంలో ఒక భాగం అవ్వాలనే ఆశతో, ఆశయంతో వచ్చిన సగటు సినిమా ప్రేమికుడ్ని నేను. పుట్టింది ఎక్కడైనా,  పెరిగిందంతా.. చదువంతా ఈ సిటీలోనే. చదువైన తర్వాత ఫైనాన్షియల్‌ అడ్వైజర్‌గా జాబ్‌ చేస్తున్నా కానీ మనసంతా సినిమానే. స్టేజ్‌ ఆర్టిస్ట్‌గా ఉన్నప్పటి కల కావడంతో సినిమా ప్రయత్నాలు కొనసాగిస్తూ వచ్చా. అందులో భాగంగానే పూరి జగన్నాథ్‌ ‘జ్యోతిలక్ష్మీ’ సినిమా ఆడిషన్స్‌లో అవకాశం వచ్చింది. అప్పటికే ఒక సినిమాలో చేసినప్పటికీ నా సినిమా ఆశలకు కొత్త ఊపిరి వచ్చింది అక్కడే.. లీడ్‌రోల్‌ చేసే అవకాశం పూరి దగ్గరకు రాకపోకలు సాగిస్తున్న సమయంలోనే నన్ను చూసిన రామ్‌గోపాల్‌ వర్మకి తానెప్పటి నుంచో తీయాలనుకుంటున్న వంగవీటి సినిమాలో వంగవీటి రంగా పాత్రధారి నాలో కనపడ్డాడు. దాంతో ఆ సినిమాలో లీడ్‌రోల్‌ చేసే అవకాశం వచ్చింది. సుప్రసిద్ధ రామ్‌గోపాల్‌ వర్మ దర్శకుడు, అందులోనూ నిజజీవిత సంఘటనల ఆధారంగా తెరకెక్కిస్తున్న పవర్‌ఫుల్‌ స్టోరీ కాబట్టి సినిమాలో నేను కాకుండా క్యారెక్టర్‌ మాత్రమే కనిపించేలా ఆహార్యం, హావభావాలను కనపడేందుకు బాగా కష్టపడి ప్రాక్టీస్‌ చేశా. దానికి తగిన ఫలితం విమర్శకుల ప్రశంసల రూపంలో దక్కింది. చార్జ్‌ చేసిన జార్జ్‌..  వంగవీటి ఇచ్చిన ఆత్మవిశ్వాసంతో మరింత మంచి పాత్రలు చేయాలనే ఆసక్తి ఏర్పడింది. వంగవీటి తర్వాత దాదాపు 50 కథల వరకు విన్నాను. ఆ సమయంలోనే జార్జిరెడ్డి కథ విన్న వెంటనే ఓకే చేశాను.. నన్ను అత్యంత ప్రభావితం చేసిన బయోపిక్‌ అది. పైగా ఛాలెంజింగ్‌ రోల్, జార్జిరెడ్డి అనేది ఈ తరానికి తెలియని రియల్‌ హీరో చరిత్ర. దాన్ని తెరపైకి తీసుకురావాలంటే గట్స్‌ ఉండాలి. అవన్నీ నాకు దర్శకుడిలో కనిపించాయి. కథని ఎంత నమ్ముతానో కథని సినిమాగా మలిచే దర్శకుడిని అంతకన్నా ఎక్కువ నమ్ముతా. దాన్ని ప్రజెంట్‌ చేయడంలో మంచి క్లారిటీ ఉన్న దర్శకుడు తను. గతం మరిచిన కథని తట్టిలేపుతున్నామని కాస్త ఆలోచన వచ్చినా ప్రేక్షకులు ‘సినిమాని సినిమాగానే చూస్తారన్న’ ప్రగాఢ నమ్మకం నాది. ఈ విషయంలో నేను తీసుకున్న నిర్ణయం నన్ను గెలిపించింది. కొత్త సాండీని చూస్తారిక..  చేసిన రెండు సినిమాలు వివాదాస్పద కథలే అయినప్పటికీ వ్యక్తిగతంగా ఎలాంటి ఇబ్బందులు ఎదురుకాలేదు. ప్రస్తుతం మరో రెండు సినిమాలు చేస్తున్నాను. ఇవి నా నటనలోని మరో కోణాన్ని చూపించడానికి ఎంచుకున్న సినిమాలు. ఒకటి కామెడీ, రొమాంటిక్‌ ఎంటర్‌టైనర్‌తో అందరినీ అలరిస్తుంది. మరోటి పవర్‌ఫుల్‌ ఆర్మీ క్యారెక్టర్‌. నాకెప్పుడూ సమాజంపై అభిమానం, ఆరాధనా భావం ఉంటుంది. ఎలాంటి సినిమా చేసినా సమాజ శ్రేయస్సుకు దోహద పడే అంశం దానిలో ఉండేలా చూసుకుంటా. నేనెప్పుడూ స్టార్‌గా ఫీలవ్వను. కమర్షియల్‌ సినిమాలు చేస్తూనే తెలుగు సినిమా స్థాయిని పెంచే సినిమాలు, సైంటిఫిక్‌ కథాంశంతో కూడిన సినిమాల్లో చేయాలనుంది. ఏలియన్స్, గెలాక్సి తదితర ఆసక్తికర అంశాలతో ఉన్న సినిమాలంటే ఇష్టం. కరోనాపై పరిశ్రమ గెలిచింది..  కళపై ఆసక్తి ప్రతిభ ఉండాలే కానీ అవకాశాలకు కొదువ లేదు మన దగ్గర. కరోనా ఇండస్ట్రీని దెబ్బతీసినా కొత్త అవకావాలను సృష్టించుకోవడంలో సినిమా ఇండస్ట్రీనే గెలిచింది. నిజానికి ఇప్పుడు ఎవరూ ఖాళీ లేరు. ఓటీటీ ప్లాట్‌ఫామ్‌లు వచ్చాక చాలా ప్రాజెక్ట్‌లు పెరిగాయి, పని పెరిగింది. కష్టాల్లో ఉన్న సినిమా కార్మికులకు ఇది కల్పతరువుగా మారింది. దీనికి స్టార్‌డమ్‌తో పనిలేదు కాబట్టి ప్రతిభ ఉన్న ప్రతివారికీ అవకాశాలు దక్కుతాయి.

ముంబై, సాక్షి: ఫుట్‌వేర్‌ దిగ్గజం బాటా గ్రూప్‌ గ్లోబల్‌ సీఈవోగా తొలిసారి ఒక భారతీయుడు బాధ్యతలు చేపట్టనున్నారు. ప్రస్తుతం బాటా ఇండియా సీఈవోగా వ్యవహరిస్తున్న సందీప్‌ కటారియా ఇందుకు ఎంపికయ్యారు. ఐదేళ్లపాటు బాటా గ్రూప్‌నకు సేవలందించిన చీఫ్‌ అలెగ్జిస్‌ నసార్డ్‌ నుంచి బాటా గ్లోబల్‌ పగ్గాలను సందీప్‌ అందుకోనున్నారు. తద్వారా 126 ఏళ్ల చరిత్ర కలిగిన బాటా గ్రూప్‌ను నడిపించనున్న తొలి భారత సీఈవోగా నిలవనున్నారు. వెరసి దిగ్గజ కంపెనీలకు నేతృత్వం వహిస్తున్న సుప్రసిద్ధ దేశీ సీఈవోల సరసన సందీప్‌ చోటు సాధించనున్నట్లు విశ్లేషకులు తెలియజేశారు. ఐటీ దిగ్గజం మైక్రోసాఫ్ట్‌కు సత్య నాదెళ్ల, ఇంటర్నెట్‌ దిగ్గజం అల్ఫాబెట్‌కు సుందర్‌ పిచాయ్‌, మాస్టర్‌కార్డ్‌కు అజయ్‌ బంగా, ఐబీఎంకు అరవింద్‌ కృష్ణ, ఎఫ్‌ఎంసీజీ కంపెనీ రెకిట్‌ బెంకిసర్‌కు లక్ష్మణ్‌ నారాయణ్‌, నోవర్తిస్‌కు వసంత్‌ నారాయణ్ సేవలు అందిస్తున్న విషయాన్ని ఈ సందర్బంగా ప్రస్తావించారు.   బ్యాక్‌గ్రౌండ్‌  బాటా గ్లోబల్‌కు సీఈవోగా ఎంపికైన 49ఏళ్ల సందీప్‌ ఐఐటీ ఢిల్లీ నుంచి ఇంజనీరింగ్‌లో పట్టభద్రులయ్యారు. 1993 పీజీడీబీఎం బ్యాచ్‌లో గోల్డ్‌మెడలిస్ట్‌గా నిలిచారు. ఎఫ్‌ఎంసీజీ దిగ్గజం యూనిలీవర్‌, యుమ్‌ బ్రాండ్స్‌, కేఎఫ్‌సీ, పిజ్జా హట్‌, టేకో బెల్‌, వొడాఫోన్‌ కంపెనీలలో 24 ఏళ్లపాటు పనిచేసిన సందీప్‌ దేశీ యూనిట్‌ బాటా ఇండియాకు 2017లో సీఈవోగా చేరారు. స్విట్జర్లాండ్‌ కేంద్రంగా ప్రపంచవ్యాప్త కార్యకలాపాలు కలిగిన బాటా గ్లోబల్‌కు దేశీ మార్కెట్‌ అత్యంత కీలకంగా నిలుస్తోంది. సందీప్‌ నేతృత్వంలో బాటా ఇండియా అమ్మకాలు రెండంకెల్లో వృద్ధి చూపగా.. నికర లాభాలు రెట్టింపయ్యాయి. యువతపై దృష్టిపెట్టడం, బ్రాండ్లకు మరింత ప్రాచుర్యం కల్పించడం వంటి కార్యక్రమాల ద్వారా అమ్మకాలు పెంచుతూ వచ్చారు. గతేడాది బాటా ఇండియా అమ్మకాలు రూ. 3,053 కోట్లకు చేరగా.. నికర లాభం రూ. 327 కోట్లను తాకింది. గత కొన్నేళ్లుగా తీవ్ర పోటీలోనూ బాటా ఇండియా అత్యున్నత ఫలితాలను సాధించినట్లు కంపెనీ చైర్మన్‌ అశ్వని విండ్‌లేస్‌ పేర్కొన్నారు. సందీప్‌ కార్యాచరణలో బాటా గ్రూప్‌, బాటా ఇండియా ప్రస్తావించదగ్గ స్థాయిలో లాభపడినట్లు తెలియజేశారు. 1934లో దేశీయంగా ఏర్పాటైన బాటా ఇండియా(బాటా షూ కంపెనీ) మధ్యతరగతి ప్రజల జీవనంలో భాగమైన బ్రాండుగా గుర్తింపును పొందినట్లు విశ్లేషకులు వ్యాఖ్యానించారు. బాటా గ్రూప్‌ 1894లో టొమస్‌ బాటా అధ్యక్షతన స్విట్జర్లాండ్‌లో ఆవిర్భవించిన బాటా గ్రూప్‌ అమ్మకాల పరిమాణంరీత్యా ప్రపంచంలోని టాప్‌ కంపెనీగా నిలుస్తున్నట్లు పరిశ్రమవర్గాలు పేర్కొన్నాయి. వార్షికంగా 5,800 స్టోర్ల ద్వారా 18 కోట్ల బూట్ల జతలను విక్రయిస్తోంది. ఐదు ఖండాలలో 22 సొంత తయారీ యూనిట్లను ఏర్పాటు చేసుకుంది. 35,000 మందికిపైగా సిబ్బందిని కలిగి ఉంది.

సాక్షి, ముషీరాబాద్‌: లక్షలాది మంది హైదరాబాద్‌ క్రికెట్‌ అభిమానుల ఆకాంక్షలను మూటగట్టుకొని  ఐపీఎల్‌లోఆడేందుకు శుక్రవారం (ఈ నెల 21న)బయలుదేరి వెళ్తున్నాడు రాంనగర్‌ కుర్రోడు భావనక సందీప్‌. ఐపీఎల్‌ మ్యాచ్‌లు సెప్టెంబర్‌ 19 నుంచి ప్రారంభం కానున్నాయి. ఇటీవల జరిగిన వేలంపాటలో సందీప్‌ను సన్‌రైజర్స్‌ హైదరాబాద్‌ జట్టు దక్కించుకుంది. హైదరాబాద్‌ నుంచి మొదట ముంబై వెళ్లి ఈ నెల 23న మిగతా సన్‌రైజర్స్‌ జట్టుసభ్యులతో కలిసి యూఏఈకి ప్రత్యేక చాపర్‌లో వెళ్లనున్నాడు. యూఏఈలో ఆరు రోజుల పాటు క్వారంటైన్‌లో ఉన్న అనంతరం జట్టు సభ్యులు నెట్‌ ప్రాక్టీస్‌ ప్రారంభించనున్నారు. సన్‌రైజర్స్‌ జట్టులో హైదరాబాద్‌ నుంచిప్రాతినిధ్యం వహిస్తోంది భావనక సందీప్‌ ఒక్కడే కావడం గమనార్హం. ఈ సందర్భంగా సందీప్‌ ఏం చెప్పారంటే.. ‘సన్‌రైజర్స్‌ హైదరాబాద్‌ జట్టులో నేనొక్కడినే హైదరాబాద్‌కు చెందినవాడిని ఉండడంతో సహజంగానే తనపై హైదరాబాద్‌ క్రికెట్‌ అభిమానులు ఎన్నో ఆశలు పెట్టుకుంటారు. వారి ఆశలను, ఆకాంక్షలను నేనుతప్పకుండా హైదరాబాద్‌ క్రికెట్‌ అభిమానుల మద్దతుతో నెరవేర్చడానికి కృషి చేస్తా. ఇప్పటివరకు రంజీ, దేశవాలీ క్రికెట్‌ మాత్రమే ఆడాను. ప్రస్తుతం ప్రపంచ మేటి ఆటగాళ్లతో ఐపీఎల్‌లో ఆడబోతున్నాను. ఈ అవకాశం మూడేళ్లుగా  ఎదురుచూస్తున్నా. ముఖ్యంగా రాయల్‌ చాలెంజర్స్‌ బెంగళూరు జట్టుకు ప్రాతినిధ్యం వహిస్తున్న ఏబీ డివిల్లియర్స్‌కు బౌలింగ్‌ చేయడం నా చిరకాల వాంఛ. భారత జట్టులో స్థానం సంపాదించేందుకు ఇక్కడే పునాదులు వేసుకుంటాను. అవకాశం కల్పించిన సన్‌రైజర్స్‌ హైదరాబాద్‌ ఫ్రాంచైజీకి, వీవీఎస్‌ లక్ష్మణ్‌కు, అంబటి రాయుడుకి, కోచ్‌లు జాన్, శ్రీధర్‌లకు, ఫిట్‌నెస్‌ సాధించేందుకు గంటల తరబడి నాకు బౌలింగ్‌ చేసిన మణితేజ, మధుసూదన్‌రెడ్డిలకు, చిన్నప్పటి నుంచే నాలోని క్రికెట్‌ను తట్టిలేపిన నా తల్లిదండ్రులకు రుణపడి ఉంటాను’.   సందీప్‌ రికార్డులివీ..  2010లో 18 ఏళ్ల వయసులో రంజీతో రంగప్రవేశం చేసిన సందీప్‌ మొదటి మ్యాచ్‌లోనే ఝార్ఖండ్‌పై సెంచరీ చేసి రికార్డు సృష్టించాడు. 75 ఏళ్ల హైదరాబాద్‌ రంజీ చరిత్రలో మొదటి మ్యాచ్‌లోనే సెంచరీ చేసిన 5వ బ్యాట్స్‌మన్‌గా సందీప్‌ నిలిచాడు. ఇప్పటి వరకు 54 రంజీ మ్యాచ్‌లు ఆడి 48.5 సగటుతో తన ప్రతిభను అజేయంగా కొనసాగిస్తున్నాడు. మొత్తం 7 సెంచరీలు, ఒక డబుల్‌ సెంచరీ, 21 హాఫ్‌ సెంచరీలు తన ఖాతాలో జమ చేసుకున్నాడు. ప్రస్తుతం హైదరాబాద్‌ రంజీ టీమ్‌కు వైస్‌ కెప్టెన్‌గా కొనసాగుతున్నాడు. అంతేకాకుండా ఇతను లెఫ్ట్‌ ఆర్మ్‌ బౌలర్‌ కూడా. విజయ్‌ హజారే 50 ఓవర్ల టోర్నమెంట్‌లో హైదరాబాద్‌ నుంచి 14 వికెట్లు తీసి ఆల్‌రౌండర్‌ ప్రతిభను చాటాడు. బీటెక్‌ పూర్తిచేసి ఇన్‌కమ్‌ ట్యాక్స్‌ డిపార్ట్‌మెంట్‌లో స్పోర్ట్స్‌ కోటాలో ఇన్‌స్పెక్టర్‌గా ఉద్యోగం సంపాదించిన సందీప్‌ బ్యాటింగ్, బౌలింగ్, ఫీల్డింగ్‌లలో తన నైపుణ్యాన్ని చాటుతూ తన చిరకాల స్వప్నమైన ఐపీఎల్‌లో స్థానం దక్కించుకున్నాడు.   

ఆలం సందీప్, ప్రమీల జంటగా సుమన్, కవిత ప్రధాన పాత్రల్లో తెరకెక్కిన చిత్రం ‘నువ్వు నేను ఒక్కటైతే’. బొంతు శ్రీనివాస్‌ దర్శకత్వంలో ఏవీ భాస్కర్‌ నిర్మించిన ఈ సినిమా సెన్సార్‌ పూర్తి చేసుకుంది. ఈ సందర్భంగా ఏవీ భాస్కర్‌ మాట్లాడుతూ– ‘‘ప్రస్తుత ట్రెండ్‌కి తగ్గట్టు విభిన్నమైన కథతో మంచి సినిమాని నిర్మించాం. మంచి సందేశాత్మక చిత్రం నిర్మించామని సెన్సార్‌ సభ్యులు చెప్పడం ఎంతో సంతోషాన్నిచ్చింది. థియేటర్స్‌ ప్రారంభం కాగానే సినిమాని విడుదల చేస్తాం’’ అన్నారు. ‘‘విభిన్న కథా కథనాలతో తెరకెక్కిన చిత్రమిది. పర్ఫెక్ట్‌ ప్లానింగ్‌తో అనుకున్న సమయానికి పూర్తి చేశాం. నేను ఏది అడిగితే అది ఇచ్చి నాకు పూర్తి సహకారం ఇచ్చారు నిర్మాత. ఖర్చుకి ఎక్కడా వెనుకాడలేదు. ఈ చిత్రంలోని పాటలు సందర్భానికి తగ్గట్టు ఉంటాయి. త్వరలోనే మా సినిమా ట్రైలర్‌ విడుదల చేస్తాం’’ అని బొంతు శ్రీనివాస్‌ పేర్కొన్నారు. ఈ చిత్రానికి కెమెరా: శూలం ప్రసాద్, సంగీతం: చిన్నికృష్ణ.

సాక్షి, విజయవాడ : రాష్ట్రవ్యాప్తంగా క‌ల‌క‌లం రేపిన విజ‌యవాడ్ గ్యాంగ్ వార్ కేసులో ప్రధాన నిందితుడు పండు అలియాస్ మణికంఠను పోలీసులు అరెస్ట్‌ చేశారు. గొడ‌వ‌లో గాయాలు అవ్వ‌డంతో గుంటూరు ప్ర‌భుత్వ ఆస్ప‌త్రిలో పోలీస్ ప్రొటక్ష‌న్ మ‌ధ్య అత‌డికి చికిత్స అందించారు. ప్ర‌స్తుతం అత‌డి ఆరోగ్య ప‌రిస్థితి కుద‌టప‌డ‌టంతో పోలీసులు అదుపులోకి తీసుకున్నారు. కాగా పండు వ‌ద్ద నుంచి తోట సందీప్ హ‌త్య‌కు వినియోగించిన రెండు క‌త్తులు, బ్లేడ్ స్వాధీనం చేసుకున్నారు. అనంత‌రం అత‌డిని కోర్టులో హాజ‌రుప‌రిచారు. (చదవండి : బెజవాడలో అలజడి) కాగా ఇప్ప‌టికే ఈకేసులో ఇరు వ‌ర్గాలకు చెందిన 33 మందిని పడమట పోలీసులు అరెస్ట్ చేశారు. పరారీలో ఉన్న మరో పదిహేను మంది కోసం ఆరు ప్రత్యేక బృందాలు గాలిస్తున్నాయి. నిందితుల‌పై రౌడీ షీట్లు తెరవనున్నారు. నేరచరిత్ర ఎక్కువగా ఉన్నవారిని నగరబహిష్కరణ చెయ్యాల‌ని నిర్ణ‌యించారు. శాంతిభద్రతలకు విఘాతం కలిగిస్తే కఠిన చర్యలు తప్పవని పోలీసులు హెచ్చరించారు. (చదవండి : పండు.. మామూలోడు కాదు!)

సాక్షి, కృష్ణా: జెజయవాడ గ్యాంగ్‌ వార్‌ కేసులో పోలీసులు మరో ముందడుగు వేశారు. పోలీసులు మరో తొమ్మిది మంది వీధి రౌడీలను బుధవారం అరెస్ట్ చేశారు. అరెస్ట్ చేసినవారిలో పండు గ్యాంగ్‌కి చెందినవారు ఐదుగురు, సందీప్ బ్యాచ్‌కి చెందినవారు నలుగురు ఉ‍న్నారు. ఇప్పటికే రెండు గ్యాంగ్‌లకు చెందిన 24 మందిని పోలీసులు రిమాండ్‌కు పంపిన విషయం తెలిసిందే. ఈ కేసుకు సంబంధించిన దర్యాప్తు కొనసాగుతోంది. ఆరు పోలీసు బృందాలు కేసు మూలాలను అన్వేషిస్తున్నాయి. ఆస్పత్రి నుంచి డిశ్చార్జ్ అయిన వెంటనే గ్యాంగ్ లీడర్ పండుని పోలీసులు అదుపులోకి తీసుకోనున్నారు. పండు విచారణలో సందీప్ హత్య వెనక ఉన్న కారణాలను పోలీసులు రాబట్టనున్నట్లు తెలుస్తోంది. సందీప్ కుటుంబసభ్యుల ఆరోపణలపైనా విచారణ కొనసాగుతోందని పోలీసులు తెలిపారు. సీన్ రీ కన్‌స్ట్రక్షన్‌లో కీలక విషయాలు సేకరించినట్లు పోలీసులు తెలిపారు. రెండు రోజుల్లో కేసు కొలిక్కి వచ్చే అవకాశం ఉన్నట్లు పోలీసులు పేర్కొన్నారు. నగర సీపీ ద్వారకా తిరుమలరావు వీధి రౌడీలకు నగర బహిష్కరణ విధించే ఆలోచనలో ఉన్నట్లు తెలుస్తోంది.

గల్లీ చిన్నోడు బావనక సందీప్‌ దశ తిరగనుంది.  జాతీయ, అంతర్జాతీయ స్థాయి క్రీడాకారులతో డ్రెస్సింగ్‌ రూమ్‌ పంచుకునే అద్భుత అవకాశం మనోడికి దక్కింది.  దేశవాళీ టోర్నీల్లో మెరిపించిన ఈ భాగ్యనగరం కుర్రోడిపై గురువారం కనక వర్షం కురిసింది.  ఇండియన్‌ ప్రీమియర్‌ లీగ్‌ (ఐపీఎల్‌) వేలంలో సన్‌రైజర్స్‌ ఫ్రాంచైజీ సందీప్‌ను సొంతం చేసుకుంది.  వీవీఎస్‌ లక్ష్మణ్, ముత్తయ్య మురళీధరన్‌ లాంటి దిగ్గజాల మార్గదర్శకత్వంలో, కెప్టెన్‌ కేన్‌ విలియమ్సన్‌ ప్రోత్సాహంతో సందీప్‌ ప్రొఫెషనల్‌ కెరీర్‌ మరింత ఉజ్వలంగా మారనుంది. బేస్‌ ప్రైజ్‌కే (ప్రాథమిక ధర) ‘సన్‌’ చెంత చేరిన ఈ హైదరాబాదీ సొంత ప్రేక్షకుల మద్దతుతో ఐపీఎల్‌లోచెలరేగాలని ఉత్సాహంగాఎదురుచూస్తున్నాడు. ముషీరాబాద్‌: తండ్రి త్యాగానికి ఆ కుర్రాడు న్యాయం చేశాడు. రాంనగర్‌ గల్లీల్లో బ్యాట్‌ పట్టుకు తిరిగిన ‘బావనక సందీప్‌’ ఐపీఎల్‌కు ఎంపికై మధ్య తరగతి కుటుంబం నుంచి మరో కలికితురాయిగా నిలిచాడు. గత ఐపీఎల్‌ సీజన్‌లో జరిగిన వేలంలో నగరం నుంచి సిరాజ్‌ స్థానం సంపాదించుకోగా.. ఈ సీజన్‌లో సందీప్‌ చోటు దక్కించుకుని అందరి దృష్టినీ ఆకర్షించాడు. కోల్‌కతాలో గురువారం ఐపీఎల్‌–2020 సీజన్‌కు జరిగిన క్రికెట్‌ క్రీడాకారుల వేలంలో సందీప్‌ను రూ.20 లక్షల బేస్‌ ప్రైజ్‌కు సన్‌ రైజర్స్‌ హైదరాబాద్‌ యాజమాన్యం దక్కించుకుంది. ప్రస్తుతం సందీప్‌ పంజాబ్‌లో రంజీ మ్యాచ్‌ ఆడుతున్నాడు. తమ ప్రాంతం కుర్రాడికి ఐపీఎల్‌లో అవకాశం దక్కడంతో రాంనగర్‌లోని వైఎస్సార్‌ పార్కు సమీపంలోని సందీప్‌ నివాసం స్థానికులు, అభిమానుల కోలాహలంగా మారిపోయింది. కాగా, సందీప్‌ 2010లో తన 18 ఏళ్ల వయసులో రంజీ మ్యాచ్‌లో రంగప్రవేశం చేసి తన మొదటి మ్యాచ్‌లోనే జార్ఖండ్‌పై సెంచరీ చేసి రికార్డు సృష్టించాడు. 75 ఏళ్ల హైదరాబాద్‌ రంజీ చరిత్రలో మొదటి మ్యాచ్‌లోనే సెంచరీ చేసిన 5వ బ్యాట్స్‌మెన్‌గా నిలిచాడు. 54 రంజీ మ్యాచ్‌లు ఆడి 48.5 సగటుతో తన ప్రతిభను అజేయంగా కొనసాగిస్తున్నాడు. అతడి కెరీర్‌లో మొత్తం 7 సెంచరీలు, ఒక డబుల్‌ సెంచరీ, 21 హాఫ్‌ సెంచరీలు తన ఖాతాలో జమచేసుకున్నాడు. లెఫ్ట్‌ ఆర్మ్‌ బౌలర్‌ అయిన సందీప్‌ ప్రస్తుతం హైదరాబాద్‌ రంజీ టీమ్‌కు వైస్‌ కెప్టెన్‌గా కొనసాగుతున్నాడు. ఇతడు బీటెక్‌ పూర్తిచేసి స్పోర్ట్స్‌ కోటాలో ఇన్‌కం ట్యాక్స్‌ విభాగంలో ఇన్‌స్పెక్టర్‌గా ఉద్యోగం సంపాదించాడు.  కలిసొచ్చిన అవకాశం   ఇటీవల జరిగిన సయ్యద్‌ ముస్తాక్‌ అలీ ఆలిండియా టీ–20 టోర్నమెంట్‌లో సందీప్‌ తన అద్భుతమైన ఆటతీరుతో అందరినీ మంత్రముగ్ధులను చేసి ఫ్రాంచైజీల దృష్టిని ఆకర్షించాడు. ఈ మ్యాచ్‌లో ఇతడు 7 ఇన్నింగ్స్‌ ఆడి 261 పరుగులు సాధించగా, అందులో 4 ఇన్సింగ్స్‌లో నాటౌట్‌గా నిలవడం గమనార్హం. ఐపీఎల్‌ మ్యాచ్‌లలో తక్కువ బంతుల్లో ఎక్కువ పరుగులు చేయాల్సి ఉండగా అందుకు తగ్గట్టుగానే ముస్తాక్‌ అలీ టోర్నమెంట్‌లో తన ఆటతీరు ప్రదర్శించాడు. అందులో 43 బంతుల్లో 74 పరుగులు (నాటౌట్‌), 31 బంతుల్లో 51 పరుగులు (నాటౌట్‌), 27 బంతుల్లో 35 పరుగులు(నాటౌట్‌), 16 బంతుల్లో 41 పరుగులు(నాటౌట్‌)గా నిలిచి సత్తాచాటాడు. ఇదే మ్యాచ్‌లో మొత్తం 14 ఫోర్లు, 15 సిక్సర్లు కొట్టి ‘ఔరా’ అనిపించాడు. ఈ లీగ్‌ గ్రూప్‌లో ఆలిండియా స్థాయిలో పరుగుల్లో, సిక్సర్లలో రెండో స్థానంలో నిలవడం అతని ప్రతిభకు నిదర్శనం. ఈ మ్యాచ్‌లో సందీప్‌ ప్రదర్శన చూసిన ఐపీఎల్‌ ఫ్రాంచైజీలు అయిన ముంబై ఇండియన్స్, సన్‌రైజర్స్‌ హైదరాబాద్, ఢిల్లీ క్యాపిటల్స్, రాజస్థాన్‌ రాయల్స్‌ సందీప్‌ను ట్రయల్స్‌కు పిలవడం గమనార్హం.  కొడుకు కోసం తండ్రి సర్వీస్‌ త్యాగం రాంనగర్‌లోని వైఎస్సార్‌ పార్కు సమీపంలో నివసించే బావనక పరమేశ్వర్‌ తన 19వ ఏటనే భారత్‌ డైనమిక్స్‌ లిమిటెడ్‌ (బీడీఎల్‌)లో టెక్నీషియన్‌గా ఉద్యోగంలో చేరారు. ఒకవైపు ఉద్యోగం చేస్తూనే బీడీఎల్‌ తరఫున 1978 నుంచి 1990 వరకు హైదరాబాద్‌ క్రికెట్‌ అసోసియేషన్‌ (హెచ్‌సీఏ)లో లీగ్‌ మ్యాచ్‌లను ఆడారు. 1990 నుంచి 2000 వరకు హెచ్‌సీఏ తరఫున క్రికెట్‌ మ్యాచ్‌లకు అంపైరింగ్‌ చేశారు. తన కుమారుడిని కూడా క్రికెటర్‌గా చూడాలని ఆశపడ్డ పరమేశ్వర్‌ కొడుకుకు ఐదేళ్ల వయసు నుంచే తానే గురువుగా క్రికెట్‌ ఓనమాలను దిద్దించాడు. ఓ పక్క ఉద్యోగం చేస్తూనే ఉదయం, సాయంత్రం వేళల్లో ఇంటి పక్కనే ఉన్న గ్రౌండ్‌లో రోజూ క్రికెట్‌లో కొడుకు సందీప్‌కు మెళకువలు నేర్పేవారు. అయితే, ఈ సమయం సరిపోదని, తన బిడ్డ పూర్తిస్థాయి క్రికెటర్‌ కావాలంటే మరింత సమయాన్ని వెచ్చించాలని భావించారు. ఒకటి సాధించాలంటే మరొకటి వదులుకోవాలి. దీంతో తన కొడుకును ఉన్నతమైన క్రికెటర్‌గా చూడాలని నిర్ణయించుకున్న పరమేశ్వర్‌ తన ఎనిమిదేళ్ల సర్వీసును వదులుకున్నారు. ఈ నిర్ణయాన్ని కుటుంబ సభ్యులతో పాటు స్నేహితులు, బంధువులు వ్యతిరేకించినా వినకుండా వాలంటరీ రిటైర్మెంట్‌ తీసుకున్నారు. అప్పటి నుంచి పూర్తి సమయాన్ని సందీప్‌ శిక్షణ కోసమే వెచ్చించారు. వివిధ ప్రాంతాలలో జరిగే క్రికెట్‌ పోటీలకు కొడుకును తీసుకెళ్లడం, కోచింగ్‌ ఇప్పించడం, పక్కనే ఉంటూ మెళకువలు చెప్పడం, తప్పొప్పులను సరిదిద్దడం చేశారు. ముఖ్యంగా బేసిక్‌గా రైట్‌ హ్యాండెడ్‌ అయిన సందీప్‌ను లెఫ్ట్‌ హ్యాండర్‌గా తీర్చిదిద్దారు పరమేశ్వర్‌. దాంతోపాటు బ్యాటింగ్‌కే పరిమితం కాకుండా బౌలింగ్‌లోనూ తర్ఫీదునిచ్చారు. ఎంతో శ్రమకోర్చి ఆస్ట్రేలియా, ఇంగ్లడ్‌ కౌంటీల్లో ఆడేందుకు పంపించారు.   ప్రతిభను గుర్తించిన కోచ్‌ జాన్‌ మనోజ్‌ కొడుకును క్రికెటర్‌ చేయాలనే లక్ష్యంతో తండ్రి పరమేశ్వర్‌ నాలుగో తరగతి చదువుతున్న సందీప్‌ను ఈస్ట్‌ మారేడ్‌పల్లిలోని సెయింట్‌ జాన్స్‌ క్రికెట్‌ అకాడమీలో చేర్పించారు. అప్పటి నుంచి ఇప్పటి వరకు క్రమం తప్పకుండా ఈ సెంటర్‌లోనే సందీప్‌కు కోచ్‌ జాన్‌ మనోజ్‌ క్రికెట్‌ నేర్పిస్తున్నారు. ఏడేళ్ల వయసులో ఉన్న సందీప్‌ క్రికెట్‌ ప్రతిభను గుర్తించిన కోచ్‌ ఈ అకాడమీకే చెందిన పాఠశాల సెయింట్‌ ఆండ్రూస్‌లో స్పోర్ట్స్‌ కోటాలో ప్రవేశం కల్పించాలని ప్రిన్సిపల్‌కు సిఫారసు చేశారు. అందుకు ప్రిన్సిపల్‌ నిరాకరించడంతో ఈ బుడతడు భవిష్యత్‌లో రాష్ట్ర, దేశస్థాయిలో క్రికెట్‌ ఆడే సత్తా ఉందని, నా మీద నమ్మకంతో అడ్మిషన్‌ ఇవ్వాలని గట్టిగా కోరడంతో ప్రిన్సిపల్‌ అంగీకరించి 10వ తరగతి వరకు రూపాయి కూడా ఫీజు తీసుకోకుండా ఉచిత విద్యనందించారు. గురువారం సందీప్‌ ఐపీఎల్‌కు సెలక్ట్‌ కావడం పట్ల కోచ్‌ జాన్‌ మనోజ్‌ హర్షం వ్యక్తం చేస్తూ సందీప్‌లో క్రమశిక్షణ, పట్టుదల మెండుగా ఉన్నాయని, అతడికి బ్యాటింగ్, బౌలింగ్‌లో మంచి ప్రతిభ ఉందని, అతన్ని బెంచ్‌కే పరిమితం చేయకుండా అవకాశం కల్పిస్తే అద్భుతాలు సృష్టిస్తాడని ధీమా వ్యక్తం చేశారు. తండ్రి త్యాగానికి కొడుకు గుర్తింపు   రంజీల్లో 2010లో జార్ఖండ్‌తో జరిగిన మ్యాచ్‌లో 21 పరుగులకే హైదరాబాద్‌ ఆటగాళ్లంతా ఔటవడంతో సెలక్టర్ల దృష్టి యువ క్రిడాకారులపై పడింది. అపుడప్పుడే తండ్రి శిక్షణలో రాటుదేలుతున్న సందీప్‌ సెలక్టర్ల దృష్టిలో పడ్డాడు. దీంతో 2010లో 18 ఏళ్ల వయసులో రంజీ మ్యాచ్‌కు ఎంపికై మొదటి మ్యాచ్‌లోనే సెంచరీ చేసి సెలక్టర్ల ఎంపిక సరైందేనని నిరూపించాడు. 75 సంవత్సరాల హైదరాబాద్‌ క్రికెట్‌ చరిత్రలో మొదటి మ్యాచ్‌లోనే సెంచరీ చేసిన 5వ ప్లేయర్‌గా సందీప్‌ గుర్తింపు తెచ్చుకున్నాడు. గత ఐపీఎల్‌ వేలంలో కూడా సందీప్‌ పేరున్నా ఫ్రాంచైజీలు ఆసక్తి చూపలేదు. అయితే, ఈ రాంనగర్‌ కుర్రాడు నిరాశ చెందక తన ఆటను మరింత మెరుగుపరుచుకుని 2020 ఐపీఎల్‌లో స్థానం దక్కించుకోవడంతో ఆ తండ్రి ఆనందానికి అవధుల్లేకుండా పోయింది. వన్‌ డే, ఐపీఎల్‌లో ఏనాటికైనా సెలెక్ట్‌ కాకపోతాడా..! తన కల నెరవేరకపోతుందా..! తన కృషికి తగిన ఫలితం లభించకపోతుందా..!! అనుకున్న తండ్రి పరమేశ్వర్‌ స్వప్నాన్ని కొడుకు సందీప్‌ నిజం చేశాడు.  ఆనందంగా ఉంది నేను ఏం కోరుకున్నానో నా బిడ్డ అదిసాధించాడు. చాలా ఆనందంగా ఉంది. సందీప్‌ను క్రికెటర్‌గా చూడాలని నాసర్వీసును కూడా వదులుకున్నాను.నా పదేళ్ల శ్రమకు తగిన ఫలితం దక్కిందనుకుంటున్నా. నా బిడ్డకు ఆల్‌ రౌండర్‌గా ప్రతిభ ఉంది. భారత జట్టులో ఆడే అవకాశం దక్కాలని కోరుకుంటున్నా.– పరమేశ్వర్, ఉమారాణి(సందీప్‌ తల్లిదండ్రులు)   సందీప్‌ @బీటెక్‌ సందీప్‌ మూడో తరగతి వరకు రాంనగర్‌లోని మదర్స్‌ హైస్కూల్‌లో చదువుకున్నాడు. 4నుంచి 10వ తరగతి వరకు ఈస్ట్‌ మారేడ్‌పల్లిలోని సెయింట్‌ ఆండ్రూస్‌ హైస్కూల్‌లో, ఇంటర్‌ అదే ప్రాంతంలోని సెయింట్‌ జాన్స్‌ జూనియర్‌ కళాశాలలో, బీటెక్‌ తీగల కృష్ణారెడ్డిఇంజినీరింగ్‌కళాశాలలోపూర్తిచేశాడు. అద్భుత అవకాశం ఐపీఎల్‌లో సన్‌రైజర్స్‌ హైదరాబాద్‌ జట్టుకు ఎంపికకావడం చాలా ఆనందంగా ఉంది. 60 రోజుల పాటు సాగే ఈ మెగా టోర్నమెంట్‌లో వార్నర్,విలియమ్సన్, వీవీఎస్‌ లక్ష్మణ్‌తో పాటుహేమాహేమీలతో కలిసుండే అద్భుత అవకాశం దక్కింది. ఈ ప్రయాణంలో వారి అనుభవాలను తెలుసుకునే అవకాశముంది. ఆల్‌రౌండర్‌ని అయినప్పటికీ ప్రధానంగా బ్యాటింగ్‌ మీదే దృష్టి పెడతా. ఇటీవల జరిగిన సయ్యద్‌ ముస్తాక్‌ అలీ టీ–20 టోర్నమెంట్‌లో నా ఆటతీరుతోనే ఈ అవకాశం వచ్చిందని అనుకుంటున్నాను. ముఖ్యంగా నాకు అంబటి రాయుడు ఎంతో సహాయం చేసి ఆటలో మెళకువలను నేర్పించాడు. అతడికి, నన్నుసన్‌రైజర్స్‌కు ఎంపిక చేసిన లక్ష్మణ్‌కు కృతజ్ఞతలు. చిన్నప్పటి నుంచి క్రికెట్‌లో ఓనమాలు నేర్పించిన మా నాన్నకు, కోచ్‌ జాన్‌ మనోజ్‌కుఎల్లవేళలా రుణపడి ఉంటాను.– బావనక సందీప్‌

వేలంలో హైదరాబాద్, ఆంధ్ర జట్ల నుంచి ఒక్క ఆటగాడికే అవకాశం దక్కింది. హైదరాబాద్‌ రంజీ జట్టు వైస్‌ కెప్టెన్, ఆల్‌రౌండర్‌ బావనక సందీప్‌ను సన్‌రైజర్స్‌ హైదరాబాద్‌ జట్టు అతని కనీస విలువ రూ. 20 లక్షలకు తీసుకుంది. గతంలో ఢిల్లీకి ప్రాతినిధ్యం వహించిన ఆంధ్ర క్రికెటర్లు హనుమ విహారి, కోన శ్రీకర్‌ భరత్, యెర్రా పృథీ్వరాజ్‌లపై ఈసారి ఫ్రాంచైజీలు ఆసక్తి చూపించలేదు. ఎడంచేతి వాటం బ్యాట్స్‌మన్‌ అయిన సందీప్‌ 38 టి20ల్లో 126.77 స్ట్రైక్‌రేట్‌తో 734 పరుగులు చేశాడు. వేలంలో కాకుండా ఇప్పటికే హైదరాబాద్‌ నుంచి మొహమ్మద్‌ సిరాజ్‌ బెంగళూరు తరఫున... అంబటి రాయుడు చెన్నై సూపర్‌ కింగ్స్‌ తరఫున ఆడుతున్నారు. సిరాజ్‌ను బెంగళూరు రూ. 2 కోట్ల 60 లక్షలకు... రాయుడిని    చెన్నై రూ. 2 కోట్ల 20 లక్షలకు అట్టి       పెట్టుకున్నాయి.   

దుండిగల్‌: తన కుమారుడి ఆత్మహత్యకు బంధువులే కారణమని మృతుడి తండ్రి శ్రీనివాసా చారి ఆరోపిస్తున్నాడు. ఆదివారం కొంపల్లి టీ–జంక్షన్‌లోని శ్రీకన్వెన్షన్‌ ఫంక్షన్‌ హాల్‌లో  పెళ్లి కొడుకు సందీప్‌ ఆత్మహత్యపై అనుమానాలు ఉన్నాయంటూ అతను పేట్‌ బషీరాబాద్‌ పోలీసులకు ఫిర్యాదు చేశారు. సందీప్‌ చిన్నమ్మలు మాధవి, శారదలతో పాటు సందీప్‌ బాబాయ్‌ నాగరాజు, సందీప్‌కు సోదరుడి వరసైన శశాంక్‌లపై అనుమానం ఉందని ఫిర్యాదులో పేర్కొన్నాడు. ఫిర్యాదు స్వీకరించిన పేట్‌ బషీరాబాద్‌ పోలీసులు దర్యాప్తు చేపట్టారు. దీనిపై సీఐ మహేశ్‌ స్పందిస్తూ సందీప్‌ ఆత్మహత్య కేసు దర్యాప్తులో ఉందని, అతని ఫోన్‌ కాల్‌ డేటాను విశ్లేషిస్తే మరిన్ని వివరాలు వెల్లడవుతాయన్నారు. అప్పటి వరకు ఏ విషయాన్ని నిర్ధారించలేమన్నారు. (చదవండి : పెళ్లి హాలులోనే వరుడి ఆత్మహత్య)

సందీప్, శివ, విశ్వాస్, ఠాగూర్, సాన్య, జోయా ముఖ్య తారలుగా గంటాడి కృష్ణ దర్శకత్వంలో ఓ సినిమా తెరకెక్కనుంది. గడ్డం రవి సమర్పణలో గంటాడి కృష్ణ, సురేష్‌ రెడ్డి నిర్మిస్తున్న  ఈ సినిమా గురువారం ప్రారంభమైంది. తెలంగాణ సినిమాటోగ్రఫీ మంత్రి తలసాని శ్రీనివాస యాదవ్‌ పూజా కార్యక్రమాల్లో పాల్గొన్నారు. ముహూర్తపు సన్నివేశానికి టీఆర్‌ఎస్‌ నాయకుడు కంచర్ల చంద్రశేఖర్‌ రెడ్డి  కెమెరా స్విచ్చాన్‌ చేయగా, ఎమ్మెల్యే బేతి సుభాష్‌ రెడ్డి క్లాప్‌ ఇచ్చారు. గంటాడి కృష్ణ మాట్లాడుతూ– ‘‘మంచి కథ, కథనాలతో సంగీత ప్రధానంగా సాగే సస్పెన్స్‌ థ్రిల్లర్‌ చిత్రమిది’’ అన్నారు. ‘‘ఓ కొత్త కథతో కృష్ణ ఈ సినిమాని తెరకెక్కిస్తున్నారు’’ అన్నారు సురేష్‌ రెడ్డి. ‘‘కచ్చితంగా హిట్‌ కొడతామనే నమ్మకం ఉంది’’ అన్నారు సందీప్, విశ్వాస్‌. మాజీ ఎమ్మెల్యే కూసుకుంట్ల ప్రభాకర్‌రెడ్డి పాల్గొన్నారు. ఈ చిత్రానికి కెమెరా: జగదీష్‌ బామ్మిశెట్టి, సహ నిర్మాతలు రాధాకృష్ణ, మహేష్‌ కల్లె, ఎగ్జిక్యూటివ్‌ ప్రొడ్యూసర్స్‌: రాహుల్, పరిటాల.

ఆ గుండె పదిలం.. విధాత తలపునే మార్చిన మానవత్వం.. 15 నెలల పసిబిడ్డ గుండెలో రంధ్రం ఏర్పడిందని, అతడి వైద్యానికి దాతలు ఆదుకోవాలని ‘సాక్షి’ కథనం ప్రచురించిన మరుక్షణం పిల్లల నుంచి పెద్దల వరకు స్పందించారు.. అతి సామాన్యుల నుంచి మహేష్‌బాబు వంటి సూపర్‌స్టార్‌ల వరకు సాయమందించారు.. అందరి ఆశీస్సులతో ఆ బాలుడికి విజయవాడలో నిర్వహించిన శస్త్రచికిత్స విజయవంతమైంది. చంద్రబాబు హయాంలో తిరస్కరించినా ఆరోగ్యశ్రీ సైతం వర్తింపజేస్తామని అధికారులు తెలిపారు. టెక్కలి రూరల్‌: నెలల వయసున్న పసిబిడ్డ గుండెలో రంధ్రం ఏర్పడిందని తెలుకుని ఆందోళనకు గురైన ఆ తల్లిదండ్రులకు ఎట్టకేలకు ఊరట లభించింది. దాతల సాయంతో శస్త్రచికిత్స జరగడంతో వారి ఆనందానికి అవధులు లేకుండాపోయాయి. టెక్కలి మండలం పోలవరం గ్రామానికి చెందిన లఖినాన త్రినాథరావు, సుజాత దంపతుల కుమారుడు సందీప్‌(15నెలలు)కు గుండెలో రంధ్రం ఏర్పడింది. విషయం తెలుసుకున్న తల్లిదండ్రులు తల్లడిల్లిపోయారు. ఆపరేషన్‌కు లక్షలు రూపాయలు ఖర్చవుతాయని తెలిసి, అంత డబ్బులు వెచ్చించే స్థోమత లేక కుమిలిపోయారు. ఈ విషయమై గత నెల 25న ‘సాక్షి’లో ‘ఆ గుండెను కాపాడండి’ పేరిట కథనం ప్రచురితమైంది.  దీనిపై సినీ నటుడు మహేష్‌బాబు జిల్లా ఫ్యాన్స్, సేవాసమితి అధ్యక్షుడు వంకెల శ్రీనివాస్‌ స్పందించి మహేష్‌బాబు దృష్టికి విషయం తీసుకువెళ్లారు. అనంతరం విజయవాడలోని ఆంధ్ర ఆస్పత్రిలో బాలుడికి మంగళవారం శస్త్రచికిత్స చేయించారు. రెండు రోజుల పరిశీలన అనంతరం ఆపరేషన్‌ విజయవంతమైనట్లు వైద్యులు గురువారం ప్రకటించారు. మహేష్‌బాబు సేవా సమితితో పాటు మరికొందరు దాతలు, స్వచ్ఛంద సంఘాలు, ఉపాధ్యాయులు సైతం స్పందించి సందీప్‌కు చేయూతను అందించారు. ఎట్టకేలకు తమ కుమారుడికి సాంత్వన చేకూరడంతో తల్లిదండ్రులు ఆనందం వ్యక్తం చేస్తున్నారు. ఆరోగ్యశ్రీ సైతం వర్తింపు.. టీడీపీ హయాంలో ఎన్టీఆర్‌ వైద్యసేవలో భాగంగా సందీప్‌కు గుండె శస్త్రచికిత్స చేయాలని తల్లిదండ్రులు ప్రయత్నించగా, అప్పటి ప్రభుత్వ తీరు కారణంగా ఆమోదం రాలేదు. తాజాగా వైఎస్సార్‌ సీపీ ప్రభుత్వంలో ఆరోగ్యశ్రీలో మరిన్ని వ్యాధులు చేర్చడం, సందీప్‌ ఆరోగ్య పరిస్థితిపై మీడియాలో కథనాలు రావడంతో సంబంధిత అధికారులు స్పందించి తక్షణం ఆరోగ్యశ్రీ వర్తింపజేశారు. మహేష్‌బాబు సహకారంతో శస్త్రచికిత్స చేసినప్పటికీ.. ఆరోగ్యశ్రీ ద్వారా నిధులు మంజూరైతే ఆ మొత్తాన్ని చిన్నారి మందుల కోసం వెచ్చించే అవకాశముందని తల్లిదండ్రులు చెబుతున్నారు. 

సాక్షి, హైదరాబాద్‌ : ఆర్టీసీ కార్మికుల సమ్మె రోజు రోజుకూ ఉధృతంగా మారుతోంది. పదో రోజు కూడా కార్మికుల సమ్మె కొనసాగుతోంది. ఉద్యోగ భద్రతపై ఇప్పటికే పలువురు కార్మికులు ఆత్మహత్యకు పాల్పడ్డారు. తాజాగా హెచ్‌సీయూ డిపో వద్ద సందీప్‌ అనే కండక్టర్‌ ఆత్మహత్యాయత్నం చేశాడు. తెలంగాణ ఆర్టీసీ కార్మికులు చేపట్టిన సమ్మెకు మద్దతుగా వంట వార్పు కార్యక్రమం నిర్వహించారు. ఈ సమయంలో సందీప్‌ ఒక్కసారిగా ఉద‍్వేగానికి గురయ్యాడు. బ్లేడ్‌తో చేయి కోసుకొని ఆత్మహత్యాయత్నం చేశాడు.  వెంటనే స్పందించిన తోటి కార్మికులు అతడిని కొండాపూర్‌లోని ఓ ఆస్పత్రికి తరలించారు. ప్రస్తుతం సందీప్‌ పరిస్థితి నిలకడగా ఉందని వైద్యులు తెలిపారు.  కాగా ఖమ్మం డిపోకు చెందిన శ్రీనివాస్‌రెడ్డి ఒంటిపై కిరోసిన్‌ పోసుకుని ఆత్మహత్యకు పాల్పడిన విషయం తెలిసిందే. అతడి అంత్యక్రియలు సోమవారం ఖమ్మంలో నిర్వహించారు. 

‘‘ప్రైవేటైజేషన్‌ ఈజ్‌ టేకింగోవర్‌. పూర్‌ స్టేయింగ్‌ పూర్‌ అండ్‌ రిచ్‌ బికమింగ్‌ రిచర్‌’’.జార్జిరెడ్డి మాట్లాడుతున్నాడు.‘‘.. బీయింగ్‌ అగైనెస్ట్‌ దిస్, వి హ్యావ్‌ రైజ్‌డ్‌ అవర్‌ వాయిస్‌ టు ప్రొటెస్ట్‌.. బట్‌ అవర్‌ ప్రొటెస్ట్‌ హ్యాజ్‌ రిమెయిన్డ్‌ అన్‌హర్డ్‌..’’(పేదోడు పేదోడిగానే ఉండిపోతున్నాడు. ఉన్నోడు ఇంకా ఇంకా ఉన్నోడు అయిపోతున్నాడు. దీనిపై మేము గళం విప్పాం. పిడికిలి బిగించాం). ఉస్మానియా విశ్వవిద్యాలయం 1967. హాస్టల్‌ డైనింగ్‌ హాల్‌. ‘‘మనం తిన్న ప్లేట్లల్ల ఉప్పేసి కడుగుతరు ఈ నా కొడుకులు. తినండ్రా మీరు తిన్నంక అదే ప్లేట్లల్లో ఉచ్చ పోసి కడుగుత..’’అన్నం పరబ్రహ్మ స్వరూపం. వర్ణం? మనుధర్మ వికృతరూపం. తింటున్న ప్లేట్లు గాల్లోకి లేచాయి. ‘‘రేయ్‌.. ఏం కూశావ్‌రా’’ అగ్రవర్ణం పైకి లేచింది. జార్జిరెడ్డి కూడా పైకి లేచాడు. తనది ఏ వర్ణమో అతడు చూసుకోలేదు. ‘ఉచ్చపోసి కడుగుతా’ అని అరిచిన ‘అధమ’ వర్ణం వైపు నిలబడ్డాడు!  ‘అర్జున్‌రెడ్డి’ సినిమాలో అమిత్‌గాడి హాస్టల్‌కి వెళ్లి మరీ వాడి ముక్కూమూతి పగలగొట్టినట్లు.. ‘ఏం కూశావ్‌రా..’ అని అధమ వర్ణంపైకి లేచిన అగ్రవర్ణం ముక్కు బద్దలు కొట్టాడు జార్జిరెడ్డి.‘‘ఈ దేశంలో పుట్టి, ఈ దేశం గాలి పీల్చి, ఈ దేశం కోసం పోరాడుతున్న విద్యార్థులారా.. యుద్ధానికి సిద్ధం కండి. భారత్‌ మాతాకీ జై.’’క్యాంపస్‌లోకి అవుట్‌ సైడర్స్‌! టార్గెట్‌ జార్జిరెడ్డి!‘‘ఎవరు వాడు?’’.. పొలీస్‌ ఇన్‌స్పెక్టర్‌ అడిగాడు.‘‘ఎవడో కొత్త కుర్రోడు సార్‌. పేరు జార్జిరెడ్డి’’.. ముఖం పచ్చడైన భరతమాత ముద్దుబిడ్డ ఒకడు చేతులు కట్టుకుని చెబుతున్నాడు.‘‘ఎనీ బడి కెన్‌ సాల్వ్‌ దిస్‌?’’.. ఫిజిక్స్‌ క్లాస్‌ రూమ్‌లో లెక్చరర్‌ అడిగాడు. జార్జిరెడ్డి చెయ్యెత్తాడు. క్లాసయ్యాక క్లాస్‌మేట్‌ అడిగాడు.. ‘‘నిజం చెప్పు డబుల్‌ ఎమ్మెస్సీ కదా!’’ జార్జిరెడ్డి నవ్వలేదు. నవ్వీ నవ్వనట్లు చూశాడు. క్యాంపస్‌లోకి మళ్లీ ఔట్‌ సైడర్స్‌. మళ్లీ జార్జిరెడ్డే టార్గెట్‌. వీడిని ఇలాగే వదిలేస్తే క్యాంపస్‌ చేజారిపోతుంది. ‘‘పోతేపోయింది.. ఆ నా కొడుకుల చేతిలోకి పోతుంది’’. కత్తులు, కర్రలు.. ఉస్మానియాలో ఉద్రిక్తత. కారణం.. మళ్లీ జార్జిరెడ్డి! ‘‘వన్‌ ఇయర్‌ రస్టికేట్‌ లెటర్‌ టైప్‌ చెయ్యండి’’.. వైస్‌ చాన్స్‌లర్‌ ఆర్డర్‌. ఇంటికొచ్చాడు జార్జిరెడ్డి. ‘‘నేను అనుకున్న క్యాంపస్‌ ఇది కాదమ్మా..’’ తల్లితో అన్నాడు. కానీ క్యాంపస్‌ అనుకున్న హీరో మాత్రం జార్జిరెడ్డే. రష్యన్‌ రివల్యూషన్‌ పుస్తకాన్ని కొడుకు చేతికిచ్చింది తల్లి. జార్జిరెడ్డి రీచార్జ్‌రెడ్డి అయ్యాడు. ‘‘జార్జిరెడ్డి దాదా అయిండన్నా.. ఔటర్స్‌ లోపలికి రావాలంటేనే భయపడుతున్నారు. అంతేకాదు.. అప్పర్‌ క్యాస్ట్‌ అంటే.. అసలు ఆలోచించకుండా కొడుతున్నాడు’’ ‘‘అసలు ఈడెవడు భయ్యా. నిన్నగాక మొన్నొచ్చాడు’’ వచ్చింది నిన్నగాక మొన్ననే. ఉండబోతున్నది ఉస్మానియా క్యాంపస్‌ ఉన్నంతకాలం. ‘‘స్కాలర్‌షిప్పులు రాకుండా చేసినా, ఏం చేసినా సరే.. గల్లా పట్టుకుని ప్రశ్నించండి.. రైజ్‌ యువర్‌ వాయిస్‌’’.. జార్జిరెడ్డి స్పీచ్‌కి క్యాంపస్‌లోని చెట్టు కూడా తలలు ఊపుతున్నాయి. ‘‘ఈ కాలేజేమైనా వాళ్ల అయ్యదా? తాతదా? ఎవరికి ఆయాసమొచ్చినా ఉరికొస్తుండు’’ ‘‘ఎవరో కనుక్కోండి’’ జార్జిరెడ్డి. మ్యాన్‌ ఆఫ్‌ యాక్షన్‌. ‘‘టుడే వాట్‌ వియ్‌ లెఫ్ట్‌ విత్‌ అజ్‌ ఈజ్‌ ఆర్గనైజింగ్‌ దిస్‌ అండ్‌ మీట్‌ వయొలెన్స్‌ విత్‌ వయొలెన్స్‌’’ జార్జిరెడ్డి మాట్లాడుతున్నాడు. ‘‘రైజ్‌ యువర్‌ వాయిస్‌. బిఫోర్‌ ద ట్రూత్‌ డైస్‌’’. జార్జిరెడ్డి కొట్లాడుతున్నాడు. ‘‘జీనా హైతో మర్‌నా సీకో.. కదమ్‌ కదమ్‌ పర్‌ లడ్‌నా సీకో’’. బతకాలంటే చావడం ఎలాగో నేర్చుకో. ప్రతి అడుగులోనూ పోరాడటం నేర్చుకో. రెండేళ్ల క్రితం ‘అర్జున్‌రెడ్డి’ సినిమా ట్రైలర్‌ ఎంత వైరల్‌ అయిందో.. ఇప్పుడు ‘జార్జిరెడి’్డ ట్రైలర్‌ అలాగే యూత్‌ని ఊపేస్తోంది. అర్జున్‌రెడ్డి లవ్‌ స్టోరీ. జార్జిరెడ్డి వార్‌ స్టోరీ. పేదరికంపై వార్‌. ప్రైవేటీకరణపై వార్‌. అగ్రవర్ణ ఆధిపత్యంపై వార్‌. ఉత్తమాటలపై వార్‌. చెత్త రాజకీయాలపై వార్‌. సమసమాజ స్థాపనే ధ్యేయంగా జీవించి, పోరాడి, అమరుడైన విద్యార్థి ఉద్యమ నాయకుడు జార్జిరెడ్డిపై ఈ సినిమాను తీస్తున్నది జీవన్‌రెడ్డి (‘దళం’ఫేమ్‌). జార్జిరెడ్డిగా నటిస్తున్నది సందీప్‌ మాధవ్‌ (‘వంగవీటి’ ఫేమ్‌).  ఇది హిట్‌ కొట్టేలా కనిపిస్తోంది. కొట్టాలి. విద్యార్థి ఉద్యమ నిర్మాత ఉస్మానియా విశ్వవిద్యాలయంలో 1970వ దశాబ్దారంభంలో ప్రగతిశీల విద్యార్థి ఉద్యమ నిర్మాణానికి జార్జిరెడ్డి రాజకీయ పునాదులు వేశాడు. ఆ క్రమంలోనే 1972లో 25 ఏళ్ల వయసులో క్యాంపస్‌లోని ఇంజినీరింగ్‌ కాలేజ్‌ హాస్టల్‌ బయట ప్రత్యర్థి శక్తుల చేతుల్లో హత్యకు గురయ్యాడు. ఓయూ క్యాంపస్‌లో సామాజికంగా అట్టడుగు విద్యార్థులను చైతన్య పరచిన చరిత్ర జార్జిరెడ్డిది.

న్యూఢిల్లీ: ఆత్మహత్య చేసుకుంటానంటూ 10 అంతస్తుల భవనంపైకి ఎక్కిన ఓ వ్యక్తి పోలీసులు, అధికారులను 17 గంటలపాటు హైరానా పెట్టించాడు. చివరికి అతడిని సురక్షితంగా కిందికి తీసుకువచ్చారు. అయితే, బాలికపై వేధింపుల కేసులో నిందితుడంటూ అరెస్టు చేశారు. ఈ ఘటన పశ్చిమ ఢిల్లీలో జరిగింది. ఢిల్లీకి చెందిన సందీప్‌ అలియాస్‌ అర్మాన్‌ మాలిక్‌(31) భార్య క్రితికా బసేరాతో కలిసి ఆదివారం మధ్యాహ్నం 1.30 గంటల సమయంలో హరినగర్‌లోని ఓ హోటల్‌కు వెళ్లాడు. అక్కడ ఆ దంపతుల మధ్య ఏదో విషయమై గొడవ జరిగింది. దీంతో చచ్చిపోతానంటూ భార్యను బెదిరించి సాయంత్రం 4 గంటల సమయంలో పదో అంతస్తుపైకి ఎక్కాడు. భార్య సమాచారం మేరకు అగ్నిమాపక సిబ్బంది వాహనాలతో సహా అక్కడికి చేరుకుని అతడిని ఒప్పించి కిందికి దించేందుకు రాత్రంగా ప్రయత్నిస్తూనే ఉన్నారు. అతడి కోరిక మేరకు పండ్లు, బిస్కెట్లతోపాటు తన డిమాండ్లను పెద్దగా వినిపించేందుకు లౌడ్‌స్పీకర్‌నుపంపారు. చివరికి సోమవారం ఉదయం కిందికి దిగి రావడంతో ఉత్కంఠకు తెరపడింది. 

ఆంగ్ల మాధ్యమంలో విద్య అభ్యసించాడు... ఎమ్మెస్సీ బయోటెక్నాలజీ పూర్తి చేశాడు... మరోవైపు తెలుగు అక్షర వ్యవసాయం చేస్తున్నాడు...  పిన్నవయసులోనే 32 అష్టావధానాలు చేశాడు... అనేక పురస్కారాలు అందుకున్నాడు... శతావధానానికి సన్నద్ధుడవుతున్నాడు. పాతికేళ్ళ లేత ప్రాయంలోనే ఎన్నో విజయాలు సాధించిన రాజమండ్రి వాస్తవ్యుడు తాతా సందీప్‌ అవధాన ప్రయాణం ఇలా సాగుతోంది... వారసత్వంగా... తాతా పార్వతమ్మ హైస్కూలులో తెలుగు పండితురాలు. ఆవిడకు పద్యమంటే ప్రీతి. పదవీ విరమణ అయ్యాక, కంటిచూపు మందగించడంతో, మనుమడు సందీప్‌ను పిలిచి భాగవతంలోని గజేంద్రమోక్షం పద్యాలు చదివి వినిపించమన్నారు. అప్పటికి సందీప్‌కి  12 సంవత్సరాలు. పద్యం చదవడం సరిగా రాకున్నా, నాయనమ్మ కోర్కెను కాదనలేక, పద్యాలు చదివి వినిపించాడు. యథాలాపంగా ప్రారంభమైన ఈ ప్రక్రియ అతని జీవితాన్ని మార్చడానికి నాంది పలికింది. నూనూగు మీసాల ప్రాయంలో తొలి అష్టావధానం చేసిన సందీప్, పాతికేళ్ళ ప్రాయంలోపే 32 అష్టావధానాలు పూర్తిచేసి, ఇప్పుడు శతావధానానికి సై అంటున్నాడు. ప్రస్తుతం ఎమ్మెస్సీ బయోటెక్నాలజీ పూర్తి చేసి డాక్టరేట్‌కు సిద్ధమవుతున్న సందీప్‌ అటు ఆధునిక చదువులతో పాటు, ఇటు తెలుగు పద్యాన్ని, తెలుగువారికే సొంతమైన అవధానాన్ని తన జీవితంలో ఒక భాగంగా మలుచుకున్నాడు. ఇంతింతై వటుడింతౖయె... నాయనమ్మ ఆశీస్సులతో పద్యం పట్ల మక్కువ పెంచుకున్న సందీప్, తెలుగుసాహిత్యానికి పుట్టినిల్లయిన రాజమహేంద్రవరంలో 1994లో పుట్టాడు. తండ్రి వరప్రసాద్‌ ఒక ప్రైవేటు సంస్థలో చిరుద్యోగి, తల్లి విజయలక్ష్మి గృహిణి. నాయనమ్మ కోరిక మీద గజేంద్రమోక్షంలోని పద్యాలు వినిపించడం ప్రారంభమైన సందీప్‌ క్రమేపీ ఆ పద్యాల ‘రుచి’ మరిగాడు. సందీప్‌లో ఉన్న ఆసక్తిని గమనించిన తెలుగుమాస్టారు సందీప్‌ను పద్యాలు రాయమన్నారు. తల్లిదండ్రులు విజయలక్ష్మి,వరప్రసాద్‌లతో.. అవధాన ప్రస్థానం అవధానానికి ధారణాశక్తి, ఏకాగ్రత కావాలి. అప్పటికే గోదావరీ తీరాన ఉన్న ఆంధ్ర యువతీ సంస్కృత కళాశాలలో రీడరుగా సేవలు అందించిన ధూళిపాళ మహాదేవమణి వద్ద శిష్యరికం చేశారు. అటు చదువు, ఇటు అవధానాలలో ఇక వెనక్కి తిరిగి చూసుకోవలసిన అవసరం లేకపోయింది. బిరుదులు... సత్కారాలు అవధాన చింతామణి, అవధాన యువరాట్, ఘంటావధాన ధురీణ బిరుదులతో పాటు, నోరి నరసింహశాస్త్రి స్మారక పురస్కారం, ఉషశ్రీ సంస్కృతి సత్కారం, ఉగాది పురస్కారాలను అందుకున్నాడు. అవధాన దిగ్గజాల సరసన సంస్కృతాంధ్రభాషల్లో అవధానాలు అలవోకగా చేసిన డాక్టర్‌ చిర్రావూరి శ్రీరామ శర్మ, సహస్రావధాని కడిమిళ్ళ వరప్రసాద్, శతావధాని పాలపర్తి శ్యామలానందప్రసాద్, అబ్బిరెడ్డి పేరయ్యనాయుడు వంటి ఉద్దండ పండితులతో పాటు అవధాని సమ్మేళనంలో పాల్గొన్న తాతా సందీప్‌ వంటివారిని చూస్తుంటే, తెలుగు అంతరించిపోతున్న భాష అనే ఆవేదన మననుండి–తాత్కాలికంగానయినా, దూరం కాకతప్పదు. – వారణాసి సుబ్రహ్మణ్యం,సాక్షి, రాజమహేంద్రవరం కల్చరల్‌– ఫొటోలు: గరగ ప్రసాద్‌

సాక్షి, పాతగుంటూరు: గుంటూరు అరండల్‌పేటకు చెందిన డాక్టర్‌ నందిపాటి వెంకట సందీప్‌ నీట్‌ సూపర్‌ స్పెషాలిటీ విభాగం ఎండోక్రెనాలజీ కోర్సులో జాతీయ స్థాయిలో మూడో ర్యాంకు సాధించి సత్తా చాటారు. ఈ పరీక్ష ఫలితాలు జూలై16న విడుదలయ్యాయి. దేశ వ్యాప్తంగా 1,513 మంది వైద్యులు పరీక్షలు రాయగా, 340 మార్కులతో సందీప్‌ మూడో ర్యాంకు సాధించారు. 2007లో ఎంసెట్‌లో అత్యుత్తమ ర్యాంకు సాధించి గుంటూరు మెడికల్‌ కళాశాలలో ఎంబీబీఎస్‌ సీటు పొందారు. ఆప్తమాలజీ, సర్జరీ విభాగాలలో మెరిట్‌ సర్టిఫికెట్లు పొందారు. 2014లో పీజీ ఎంట్రన్స్‌లో తొలి ప్రయత్నంలోనే రాష్ట్రస్థాయి ర్యాంకును సాధించి ఎండీ జనరల్‌ మెడిసిన్‌ను ఎంచుకున్నారు. పీజీ అనంతరం 2017, 2018లో జరిగిన నీట్‌ పరీక్షలో మంచి మార్కులు సాధించినప్పటికీ తాను కోరుకున్న ఎండోక్రెనాలజీ అంశంలో కశ్మీర్‌ మెడికల్‌ కళాశాలలో సీటు వచ్చినప్పటికీ ఆ అవకాశాన్ని వదులుకున్నారు. అదే లక్ష్యంతో పరీక్ష రాసిన సందీప్‌ ఈసారి జాతీయ స్థాయిలో మూడో ర్యాంకు సాధించారు. 

సుదీప్, సందీప్, రాజు, సుస్మిత ముఖ్య తారలుగా ఆర్‌.ఎస్‌. సురేశ్‌ దర్శకత్వంలో తెరకెక్కిన చిత్రం ‘ఆగ్రహం’. ఎస్‌ఎస్‌ చెరుకూరి క్రియేషన్స్‌ పతాకంపై సందీప్‌ చెరుకూరి నిర్మించారు. ఈ చిత్రం టీజర్‌ను దర్శకుడు రామ్‌గోపాల్‌ వర్మ ముంబైలో ఆవిష్కరించారు. ఆర్‌.ఎస్‌. సురేశ్‌ మాట్లాడుతూ– ‘‘రాజకీయ నేపథ్యంలో రెండు గ్యాంగ్‌ల మధ్య జరిగే గ్యాంగ్‌స్టర్‌  కథాంశమిది. ఇందులోని 5 ఫైట్స్‌ చాలా బాగుంటాయి. ‘ఆఫీసర్, సర్కార్‌ 3’ చిత్రాల సంగీత దర్శకుడు రవిశంకర్‌ అందించిన ఆర్‌ఆర్‌ మా సినిమాకి ప్రధాన ఆకర్షణ’’ అన్నారు. ‘‘పూర్తి యాక్షన్‌ అంశాలున్న చిత్రమిది. ఎగ్జిక్యూటివ్‌ ప్రొడ్యూసర్‌ ఆడారి మూర్తి నేతృత్వంలో ఈ చిత్రాన్ని చాలా ఫాస్ట్‌గా నిర్మించాం. జూలైలో సినిమా విడుదల చేయనున్నాం’’ అన్నారు సందీప్‌ చెరుకూరి.  మూర్తి ఆడారి, సంగీత దర్శకుడు రవి శంకర్‌ పాల్గొన్నారు. ఈ చిత్రానికి కెమెరా: ఎస్‌. రామకృష్ణ.  

ఆ కుర్రాడి కల టీమిండియాకు ఆడటం... ఆ లక్ష్యానికి తగ్గట్లుగానే అడుగులు వేశాడు... ఆ దిశగా ఒక్కో మెట్టు ఎక్కాడు... అవకాశం దొరికినప్పుడల్లా రాణించాడు... కానీ, తాను ఊహించినంతగా ముందుకు వెళ్లలేకపోయాడు... ఈలోగా తండ్రి మరణం రూపంలో వ్యక్తిగత జీవితంలో విషాదం ఎదురైంది... నిరాశ చుట్టుముట్టిన వేళ అనుకోని వరంలా ఓ పిలుపు తలుపు తట్టింది... ఏదైనా మన మంచికే అని దానిని అందిపుచ్చుకున్నాడు...! వెనక్కుతిరిగి చూసుకుంటే ఇప్పుడు అతడు తమ జట్టుకు కీలక సమయంలో విజయం అందించిన ‘ఓ జాతీయ క్రికెటర్‌’...! అతడే... హైదరాబాదీ ఆల్‌ రౌండర్, ఒమన్‌ దేశ క్రికెటర్‌ శ్రీమంతుల సందీప్‌ గౌడ్‌! మన తెలుగువాడు కావడం ఏమిటి? ఎక్కడో గల్ఫ్‌లోని దేశానికి ప్రాతినిధ్యం ఏమిటి? ఈ ఆసక్తికర కథనం మీరే చదవండి...!       మనదగ్గరి చాలామంది యువకుల్లాగే సందీప్‌ గౌడ్‌ కూడా క్రికెట్‌ అంటే ప్రాణమిచ్చే రకం. దీనికితోడు హైదరాబాద్‌ నేపథ్యం. పైగా దిగ్గజ బ్యాట్స్‌మన్, భారత మాజీ కెప్టెన్‌ మొహమ్మద్‌ అజహరుద్దీన్‌ చదివిన ఆల్‌ సెయింట్స్‌ హైస్కూల్‌ విద్యార్థి. అతడితోపాటు మరో మేటి ఆటగాడైన వీవీఎస్‌ లక్ష్మణ్‌ను స్ఫూర్తిగా తీసుకుని క్రికెట్‌ను కెరీర్‌గా ఎంచుకున్నాడు. అటు బ్యాటింగ్, ఇటు బౌలింగ్‌లో రాణిస్తూ ఆల్‌రౌండర్‌గా ఎదిగాడు.  అడుగులు ఇలా...  స్కూల్‌ స్థాయిలో ప్రతిభ చాటాక సందీప్‌ చిక్కడపల్లిలోని అరోరా కళాశాలలో బీకామ్‌ చదువుతూ ఉస్మానియా విశ్వవిద్యాలయ జట్టుకు ఎంపికయ్యాడు. 2009–10 సీజన్‌లో అండర్‌–22 కల్నల్‌ సీకే నాయుడు ట్రోఫీ నెగ్గిన హైదరాబాద్‌ జట్టులో సభ్యుడిగా ఉన్నాడు. ఈ టోర్నీలో ‘మ్యాన్‌ ఆఫ్‌ ద సిరీస్‌’గానూ నిలిచాడు. ఇదే సీజన్‌లో అండర్‌–19 కూచ్‌ బెహార్‌ ట్రోఫీ, వినూ మన్కడ్‌ ట్రోఫీల్లో హైదరాబాద్‌కు ఆడాడు. 2010–11లో కాన్పూర్‌లో జరిగిన అఖిల భారత అంతర్‌ విశ్వవిద్యాలయ టోర్నీలో ప్రాతినిధ్యం వహించాడు. ఈ మధ్యలో హెచ్‌సీఏ ‘ఎ’ డివిజన్‌ లీగ్‌ చాంపియన్‌షిప్స్‌లో దక్కన్‌ క్రానికల్, న్యూ బ్లూస్, ఎవర్‌ గ్రీన్‌ క్లబ్‌లకు ఆడాడు. ఇలా వివిధ స్థాయిల్లో ప్రతిభ చాటుతూ 2013 నుంచి రంజీ ట్రోఫీ అవకాశం కోసం ఎదురు చూడసాగాడు. 2016లో చాన్స్‌ దొరుకుతుందని భావించినా ఆ ఆశ నెరవేరలేదు.  తండ్రి ఆకస్మిక మరణంతో...  ఇదే సమయంలో తండ్రి రవీందర్‌ గౌడ్‌ ఆకస్మిక మృతి సందీప్‌ను మరింత ఒంటరి చేసింది. అయితే, అనుకోని విధంగా తనతో కలిసి ఆడిన స్నేహితుడు వంశీ నుంచి సందీప్‌కు ఒమన్‌ అవకాశం గురించి తెలిసింది. తొలుత తటపటాయించినా, వయసు, ఇతర పరిమితులు సడలిస్తూ  ఒమన్‌ అధికారులు సైతం ఆహ్వానించడంతో ఓ ప్రయత్నం చేద్దామని నిర్ణయానికొచ్చాడు. మరోవైపు ఒమన్‌లోని ఖిమ్జి రామ్‌దాస్‌ కంపెనీ సందీప్‌కు ఇమ్మిగ్రేషన్‌ ఆఫీసర్‌గా ఉద్యోగం ఇచ్చింది.   ఆ కల ఇలా తీరింది...  ఒమన్‌ డెవలప్‌మెంట్‌ ఎలెవెన్‌ తరఫున ఐర్లాండ్‌పై ప్రాక్టీస్‌ మ్యాచ్‌లో రాణించడంతో (55 నాటౌట్‌) సందీప్‌ ఆ దేశ జాతీయ జట్టుకు ఎంపికయ్యాడు. నెదర్లాండ్స్‌తో అరంగేట్ర మ్యాచ్‌లో 2 వికెట్లు పడగొట్టిన అతడు రెండో మ్యాచ్‌లో స్కాట్లాండ్‌పై 19 బంతుల్లోనే 31 పరుగులు చేసి నాటౌట్‌గా నిలిచాడు. ఐసీసీ వరల్డ్‌ క్రికెట్‌ లీగ్‌ డివిజన్‌–2లో గత బుధవారం నమీబియాతో మ్యాచ్‌లో కీలక సమయంలో అజేయ అర్ధ సెంచరీతో రాణించి తమ జట్టుకు ఐసీసీ వన్డే హోదా దక్కేలా చేశాడు. ఈ ప్రతిభతో సందీప్‌ త్వరలో ఆస్ట్రేలియాలో జరిగే ఐసీసీ టి20 ప్రపంచ కప్‌ క్వాలిఫయర్స్‌లోనూ ఒమన్‌ జట్టుకు ఆడటం ఖాయం చేసుకున్నాడు. ‘సందీప్‌ బంతితో, బ్యాట్‌తో నిలకడైన ప్రదర్శన చేస్తాడు. దురదృష్టం కొద్దీ ఇక్కడ అవకాశం దొరకలేదు. అతడు ఒమన్‌కు ఆడుతుండటాన్నీ నేను సంతోషంగానే స్వీకరిస్తున్నా’ అని ఆల్‌ సెయింట్స్‌ కోచ్‌ డెంజిల్‌ బామ్‌ అన్నాడు. ‘ఇక్కడి టోర్నీల్లో తన ప్రదర్శనతో మా సోదరుడు మంచి భవిష్యత్తు ఊహించుకున్నాడు. కానీ, అవకాశం దక్కలేదు’ అని సందీప్‌ సోదరి శ్రావణి పేర్కొంది.    – సాక్షి క్రీడా విభాగం  

సాక్షి, విశాఖపట్నం : తాళికట్టిన భార్యను, రక్తం పంచుకుపుట్టిన బిడ్డను ఓ ప్రబుద్ధుడు రైల్వేస్టేషన్‌లో వదిలేసి వెళ్లిపోయాడు. దీంతో తనకు న్యాయం చేయాలంటూ నాలుగేళ్ల కుమార్తెతో కలిసి ఆ బాధితురాలు శనివారం విశాఖ మహారాణిపేటలో భర్త ఇంటి వద్ద ధర్నాకు దిగింది. వివరాల్లోకి వెళితే ఛత్తీస్‌గఢ్‌లోని బచేలిలో రైల్వేశాఖలో పని చేస్తున్న సందీప్‌కి ఏలూరు శాంతినగర్‌కు చెందిన జానకితో 2008లో వివాహం జరిగింది. వారికి నాలుగేళ్ల కుమార్తె కూడా ఉంది. కాగా  పెళ్లి సమయంలో జానకి తల్లిదండ్రులు భారీగా కట్నం కూడా ముట్టచెప్పారు. రైల్వే ఉద్యోగి అయిన సందీప్‌ విధుల్లో అలసత్వం కారణంగా ఉద్యోగాన్ని పోగొట్టుకున్నాడు. ఆ సమయంలో అతడు..జానకిని కొట్టడం, మానసికంగా హింసించడంతో ఆమె తల్లిదండ్రులకు వద్దకు వెళ్లిపోయింది.  కుటుంబ కలహాలపై ఏలూరు పోలీస్‌ స్టేషన్‌లో ఫిర్యాదు చేయడం... ఆ తర్వాత ఇరు కుటుంబాలు కాంప్రమైజ్‌ కావడంతో గొడవలు సద్దుమణిగాయి. ఇటీవలే సందీప్‌ తిరిగి విధుల్లోకి చేరడంతో పాటు వేరే ప్రాంతానికి బదిలీ చేయించుకున్నాడు. ఈ నేపథ్యంలో జానకిని ఆమె తల్లిదండ్రులు మూడు రోజుల క్రితం.. భర్త వద్ద వదిలి వెళ్లారు. అయితే బచేలి నుంచి శుక్రవారం భార్య, కుమార్తెతో సహా విశాఖకు వచ్చిన సందీప్‌.. వారిని రైల్వేస్టేషన్‌లోనే వదిలి వెళ్లిపోయాడు. భర్త కోసం ఎంతసేపు చూసినా రాకపోవడంతో కుతూరితో కలిసి జానకి అత్తవారింటికి వెళ్లింది. అయితే ఆమెను ఇంట్లోకి రానివ్వకుండా, ముఖం చాటేయడంతో ఆమె ఇంటి ముందు ఆందోళన చేపట్టింది. అదనపు కట్నం కోసం వేధించడమే కాకుండా, తనను పట్టించుకోవడం లేదంటూ... తనకు న్యాయం చేయాలంటూ మహారాణిపేట పోలీస్‌ స్టేషన్‌లో ఫిర్యాదు చేసింది. 

సుదీప్, సుస్మిత, సందీప్, రాజ్‌సింగ్‌ ముఖ్య తారలుగా ఆర్‌.ఎస్‌ సురేష్‌ దర్శకత్వంలో రూపొందుతున్న చిత్రం ‘ఆగ్రహం’. ఎస్‌.ఎస్‌ చెరుకూరి క్రియేషన్స్‌ పతాకంపై సందీప్‌ చెరుకూరి నిర్మిస్తున్న ఈ సినిమా మోషన్‌ పోస్టర్‌ని దర్శకుడు పూరి జగన్నాథ్‌ విడుదల చేసి, చిత్ర యూనిట్‌కి అభినందనలు తెలిపారు. సురేష్‌ మాట్లాడుతూ– ‘‘సంగీతానికి ప్రాధాన్యం ఉన్న విభిన్న కథా చిత్రమిది. అన్నివర్గాల ప్రేక్షకులకు నచ్చేలా ఉంటుంది. మే ఆఖరులో విడుదల చేయాలనుకుంటున్నాం. మా సినిమా మోషన్‌ పోస్టర్‌ని విడుదల చేసిన పూరి జగన్నాథ్‌గారికి ప్రత్యేక కృతజ్ఞతలు’’ అన్నారు. ఈ కార్యక్రమంలో సందీప్‌ చెరుకూరి, ఎగ్జిక్యూటివ్‌ ప్రొడ్యూసర్‌  మూర్తి ఆడారి పాల్గొన్నారు. ఈ చిత్రానికి కెమెరా:ఆర్‌.కె, సంగీతం: ఆర్‌.ఆర్‌.రవిశంకర్‌. 

సుదీప్, సందీప్, రాజు, సుస్మిత ముఖ్య తారలుగా ఆర్‌.ఎస్‌. సురేష్‌ దర్శకత్వంలో తెరకెక్కిన చిత్రం  ‘ఆగ్రహం’. ఎస్‌ఎస్‌ చెరుకూరి క్రియేషన్స్‌ పతాకంపై సందీప్‌ చెరుకూరి నిర్మించిన ఈ సినిమా ప్రస్తుతం డబ్బింగ్‌ జరుపుకుంటోంది. ఆర్‌.ఎస్‌.సురేష్‌ మాట్లాడుతూ– ‘‘రాజకీయ నేపథ్యంలో రెండు గ్యాంగ్‌ల మధ్య జరిగే కథాంశమిది. ‘ఆఫీసర్, సర్కార్‌ 3’ చిత్రాలకు సంగీతం అందించిన రవిశంకర్‌ ఆర్‌.ఆర్‌ స్వరాలు మా సినిమాకి ప్రధాన ఆకర్షణ. యాక్షన్‌ సన్నివేశాలు మరో హైలైట్‌’’ అన్నారు. ‘‘పూర్తి స్థాయి యాక్షన్‌ నేపథ్యంలో తెరకెక్కిన చిత్రమిది. ఎగ్జిక్యూటివ్‌ ప్రొడ్యూసర్‌  అడారి మూర్తి నేతృత్వంలో ఈ చిత్రాన్ని చాలా ఫాస్ట్‌గా తెరకెక్కించాం. ఏప్రిల్‌ నెలాఖరులో ఈ చిత్రాన్ని విడుదల చేయనున్నాం’’ అన్నారు సందీప్‌ చెరుకూరి. ఈ చిత్రానికి కెమెరా: ఎస్‌. రామకృష్ణ.

సాక్షి, విజయవాడ: సయ్యద్‌ ముస్తాక్‌ అలీ ట్రోఫీ దేశవాళీ టి20 క్రికెట్‌ టోర్నమెంట్‌లో ఆంధ్ర జట్టు తొలి పరాజయం చవిచూసింది. గ్రూప్‌ ‘ఎ’లో భాగంగా కేరళతో ఆదివారం జరిగిన మ్యాచ్‌లో ఆంధ్ర ఎనిమిది పరుగుల తేడాతో ఓడిపోయింది. టాస్‌ గెలిచి తొలుత బ్యాటింగ్‌ ఎంచుకున్న కేరళ 20 ఓవర్లలో ఆరు వికెట్లకు 160 పరుగులు చేసింది. ఓపెనర్‌ విష్ణు వినోద్‌ (61 బంతుల్లో 70; 5 ఫోర్లు, 2 సిక్స్‌లు) టాప్‌ స్కోరర్‌గా నిలిచాడు. ఆంధ్ర బౌలర్లలో గిరినాథ్‌ రెడ్డి రెండు వికెట్లు తీయగా... బండారు అయ్యప్ప, ఇస్మాయిల్‌లకు ఒక్కో వికెట్‌ లభించింది. నాగాలాండ్‌తో జరిగిన తొలి మ్యాచ్‌లో 179 పరుగుల తేడాతో గెలిచి టి20 చరిత్రలోనే అతి పెద్ద విజయం సాధించి ప్రపంచ రికార్డు సృష్టించిన ఆంధ్ర... కేరళపై 161 పరుగుల లక్ష్యాన్ని ఛేదించలేకపోయింది. విజయానికి చివరి ఓవర్లో ఆంధ్ర జట్టు 9 పరుగులు చేయాల్సి ఉండగా... కేరళ పేసర్‌ సందీప్‌ వారియర్‌ ‘హ్యాట్రిక్‌’తో ఆంధ్రను దెబ్బ తీశాడు. తొలి బంతికి పరుగు ఇవ్వని సందీప్‌ వారియర్‌ ఆ తర్వాత వరుసగా మూడు బంతుల్లో శశికాంత్, కరణ్‌ శర్మ, ఇస్మాయిల్‌లను ఔట్‌ చేసి హ్యాట్రిక్‌ పూర్తి చేసుకోవడంతోపాటు కేరళను గెలిపించాడు. దాంతో ఆంధ్ర జట్టు 19.4 ఓవర్లలో 152 పరుగులకు ఆలౌటై ఓడిపోయింది. ఆంధ్ర జట్టులో ప్రశాంత్‌ కుమార్‌ (36 బంతుల్లో 57; 4 ఫోర్లు, 3 సిక్స్‌లు) మినహా మిగతా బ్యాట్స్‌మెన్‌ విఫలమయ్యారు.   

లుథియానా: ప్రొ రెజ్లింగ్‌ లీగ్‌ (పీడబ్ల్యూఎల్‌)లో యువ రెజ్లర్‌ రవికుమార్‌... సందీప్‌ కుమార్‌కు షాకిచ్చాడు. దీంతో శనివారం జరిగిన మ్యాచ్‌లో హరియాణా హ్యామర్స్‌ 4–3తో ఎంపీ యోధపై గెలుపొందింది. 86 కేజీల పురుషుల బౌట్‌లో అలీ షబనోవ్‌ 8–0తో దీపక్‌ (ఎంపీ యోధ)పై గెలుపొందగా, మహిళల 76 కేజీల విభాగంలో కిరణ్‌ 0–6తో అండ్రియా కరోలినా (ఎంపీ యోధ) చేతిలో కంగుతింది. పురుషుల 65 కేజీల కేటగిరీలో రజనీశ్‌ 0–5తో హాజి అలియెవ్‌ (ఎంపీ యోధ) చేతిలో కంగుతినడంతో హరియాణా 1–2తో వెనుకబడింది. ఈ దశలో హ్యామర్స్‌కు తయన ఒమెల్చెంకో (మహిళల 62 కేజీలు) 6–0తో ఎలైస్‌ మనొలొవ (ఎంపీ యోధ)పై గెలిచి స్కోరును 2–2తో సమం చేసింది. పురుషుల 74 కేజీల్లో ప్రవీణ్‌ రాణా 0–7తో వసిల్‌ మిఖాయిలొవ్‌ (ఎంపీ యోధ) చేతిలో పరాజయం చవిచూడగా, మహిళల 57 కేజీల విభాగంలో నిచిత 8–0తో పూజ ధండ (ఎంపీ యోధ)పై నెగ్గింది. స్కోరు 3–3తో సమమైన దశలో నిర్ణాయక పురుషుల 57 కేజీల విభాగంలో రవి 10–0తో సందీప్‌ తోమర్‌ (ఎంపీ యోధ)ను కంగుతినిపించడంతో లీగ్‌లో హ్యామర్స్‌ వరుసగా రెండో విజయాన్ని నమోదు చేసింది.     

హైదరాబాద్‌: ఆక్వా రంగ అభివృద్ధికి తీసుకోవాల్సిన చర్యలపై ఇండియన్‌ ఫిషరీస్‌ అండ్‌ ఆక్వా కల్చర్, మత్స్యశాఖ ఆధ్వర్యంలో ఈ నెల 31 నుంచి ఫిబ్రవరి 2 వరకు హైటెక్స్‌ ఎగ్జిబిషన్‌ సెంటర్‌లో ఆక్వా ఎక్స్‌పో–2019 జరగనుంది. ఈ మేరకు గురువారం మత్స్యశాఖ ప్రధాన కార్యదర్శి సందీప్‌ సుల్తానియా ఎక్స్‌పో బ్రోచర్‌ను ఆవిష్కరించారు. అనంతరం ఆయన మాట్లాడుతూ.. రైతులనూ, కొనుగోలుదారులనూ, సరఫరా దారులనూ, పరిశ్రమ నిపుణులనూ ఒక గొడుగు కిందకు తీసుకురావడమే ఎక్స్‌పో ఉద్దేశమని పేర్కొన్నారు. రోజూ ఉదయం 10 నుంచి సాయంత్రం 6 గంటల వరకు ఎక్స్‌పో జరుగుతుందన్నారు. మత్స్యకారులు ఒక సంఘంగా ఏర్పాటైతే వారికి కావలసిన పరికరాలు అందిస్తామని సుల్తానియా చెప్పారు. కార్యక్రమంలో జాతీయ మత్య్సశాఖ అభివృద్ధి బోర్డు చీఫ్‌ ఎగ్జిక్యూటివ్‌ రాణి కుముదిని, మత్స్యశాఖ కమిషనర్‌ సువర్ణ, సొసైటీ ఫర్‌ ఇండియన్‌ ఫిషరీ‹ 

తిరునల్వేలి: హైదరాబాద్‌ ఓపెనర్‌ ప్రొద్దుటూరి అక్షత్‌ రెడ్డి రంజీ మ్యాచ్‌లో రెండో రోజు కూడా తన జోరు కొనసాగించాడు. తమిళనాడుతో జరుగుతున్న ఈ మ్యాచ్‌లో అక్షత్‌ (477 బంతుల్లో 248 బ్యాటింగ్‌; 22 ఫోర్లు, 3 సిక్సర్లు) డబుల్‌ సెంచరీతో చెలరేగాడు. అతని కెరీర్‌లో ఇదే తొలి డబుల్‌ సెంచరీ కావడం విశేషం. ఫలితంగా రెండో రోజు మంగళవారం ఆట ముగిసేసరికి హైదరాబాద్‌ తమ తొలి ఇన్నింగ్స్‌లో 7 వికెట్ల నష్టానికి 523 పరుగుల భారీ స్కోరు నమోదు చేసింది. అక్షత్‌కు అండగా నిలిచిన బావనక సందీప్‌ (221 బంతుల్లో 130; 15 ఫోర్లు, 1 సిక్స్‌) కూడా శతకం పూర్తి చేసుకున్నాడు. ప్రస్తుతం అక్షత్‌తో పాటు  సీవీ మిలింద్‌ (9 బ్యాటింగ్‌) క్రీజ్‌లో ఉన్నాడు. తమిళనాడు బౌలర్లలో విఘ్నేశ్, మొహమ్మద్, రాహిల్‌ షా తలా 2 వికెట్లు పడగొట్టారు. ఓవర్‌నైట్‌ స్కోరు 249/3తో ఆట కొనసాగించిన హైదరాబాద్‌ను తమిళనాడు బౌలర్లు ఏమాత్రం ఇబ్బంది పెట్టలేకపోయారు. ఈ క్రమంలో ముందుగా 174 బంతుల్లో సందీప్‌ సెంచరీ పూర్తి చేసుకున్నాడు.   ఆ తర్వాత 316 బంతుల్లో అక్షత్‌ 150 పరుగుల మైలురాయిని దాటాడు. చివరకు లంచ్‌కు ముందు సందీప్‌ను మొహమ్మద్‌ ఔట్‌ చేయడంతో 246 పరుగులు భారీ భాగస్వామ్యానికి తెర పడింది. కొల్లా సుమంత్‌ (5), ఆకాశ్‌ భండారి (17) తక్కువ వ్యవధిలోనే వెనుదిరిగారు. అయితే సాకేత్‌ సాయిరామ్‌ (42) కెప్టెన్‌కు సహకరించాడు. టీ విరామ సమయానికి 199 పరుగుల వద్ద ఉన్న అక్షత్‌... చివరి సెషన్‌ ఆరంభం కాగానే ఫోర్‌ కొట్టి 413 బంతుల్లో డబుల్‌ సెంచరీ మార్క్‌ను చేరుకున్నాడు. అక్షత్, సాయిరామ్‌ ఏడో వికెట్‌కు 109 పరుగులు జత చేశారు. రెండు రోజుల ఆట తర్వాత కూడా హైదరాబాద్‌ ఇన్నింగ్స్‌ను డిక్లేర్‌ చేయలేదు. కాబట్టి ఈ మ్యాచ్‌ ‘డ్రా’గా ముగిసే అవకాశాలే ఎక్కువ. 

ప్రముఖ టెలివిజన్‌ యాంకర్‌ రవిపై ఎస్‌ఆర్‌ నగర్‌ పోలిస్‌స్టేషన్‌లో కేసు నమోదైంది. ఫోన్‌లో బెదిరించటంతో పాటు రౌడీలతో తనపై దాడి చేసేందుకు ప్రయత్నించారంటూ సందీప్‌ అనే వ్యక్తి కేసు పెట్టాడు. రవి నుంచి 15 లక్షల రూపాయలు అప్పుగా తీసుకున్నాడు సందీప్‌. ఆ డబ్బును తిరిగి వసూళు చేసుకునేందుకు బెదిరింపులకు పాల్పడ్డారంటూ ఆరోపిస్తున్నారు. ఈ విషయంపై రవిని స్టేషన్‌కు పిలిపించి విచారించిన పోలీసులు కేసు విషయంలో అవసరమైనప్పుడు విచారణకు హజరు కావాలన్నారు.

జకార్తా: భారత దివ్యాంగ అథ్లెట్లు పారా ఆసియా గేమ్స్‌లో రెండో రోజు స్వర్ణాల బాట పట్టారు. సోమవారం జరిగిన పోటీల్లో 12 పతకాలు కొల్లగొట్టారు. ఇందులో మూడు స్వర్ణాలు, నాలుగు రజత, ఐదు కాంస్య పతకాలున్నాయి. ఓవరాల్‌గా భారత్‌ 17 పతకాలు సాధించింది. జావెలిన్‌ త్రోలో సందీప్‌ చౌదరి ప్రపంచ రికార్డుతో స్వర్ణం గెలుపొందగా, 1500 మీ. పరుగులో రక్షిత, స్విమ్మింగ్‌లో సుయశ్‌ జాదవ్‌ బంగారు పతకాలు గెలిచారు. పురుషుల జావెలిన్‌ త్రో ఎఫ్‌42–44/61–64 ఈవెంట్‌లో సందీప్‌ చౌదరి ఈటెను 60.01 మీటర్ల దూరం విసిరి విజేతగా నిలిచాడు. దీంతో 1980లో మింగ్జీ గావ్‌ (59.82 మీ.; చైనా) నెలకొల్పిన రికార్డు కనుమరుగైంది. మహిళల జావెలిన్‌ త్రోలో రమ్య షణ్ముగం రజతం, దీపా మాలిక్‌ కాంస్యం గెలిచారు. మహిళల 1500 మీ. పరుగులో రక్షిత స్వర్ణం, రాధ రజతం నెగ్గారు. పురుషుల 50మీ. బటర్‌ఫ్లయ్‌ ఎస్‌7 పోటీలో జాదవ్‌ స్వర్ణం చేజిక్కించుకున్నాడు. అతనికిది మూడో పతకం. తొలిరోజు రెండు కాంస్యాలు నెగ్గాడు. పురుషుల 100 మీ. ఫ్రీస్టయిల్‌ ఎస్‌ 10 ఈవెంట్‌లో స్వప్నిల్‌ సంజయ్‌... ఇదే విభాగం మహిళల పోటీలో సతీజా దేవాన్షి చెరో కాంస్యం గెలిచారు.  పవర్‌ లిఫ్టింగ్‌లో మహిళల 50 కేజీల కేటగిరీలో సకీనా కాటూన్‌ రజతం గెలుపొందగా, మిక్స్‌డ్‌ 50 మీ. ఫ్రీ పిస్టల్‌ ఈవెంట్‌లో షూటర్లు మనీశ్‌ నర్వాల్, సింగ్‌రాజ్‌ వరుసగా రజతం, కాంస్యం చేజిక్కించుకున్నారు. బ్యాడ్మింటన్‌ పురుషుల టీమ్‌ ఈవెంట్‌లో యతిరాజ్, చిరాగ్, రాజ్‌ కుమార్, తరుణ్‌లతో కూడిన భారత బృందం కాంస్య పతకం సాధించింది.    

సాక్షి, సిటీబ్యూరో: ఇష్టం లేని వివాహం చేసుకోవడంతో పాటు తనను నిర్లక్ష్యం చేస్తోందనే కక్షతో కన్న కూతురి పైనే కత్తి కట్టిన మనోహరాచారి ఆమెపై దాడి చేసేందుకు ఉపయోగించిన కత్తిని చోరీ చేసి తీసుకువచ్చాడు. ఈ కేసుకు సంబంధించి కీలకాధారాలైన సీసీ కెమెరా ఫుటేజ్‌లను ఎస్సార్‌నగర్‌ పోలీసులు సేకరించారు. ఎర్రగడ్డ ప్రాంతంలో గత బుధవారం తన కుమార్తె మాధవిపై కత్తితో దాడి చేసిన కేసులో నిందితుడు మనోహరాచారిని తదుపరి విచారణ నిమిత్తం న్యాయస్థానం అనుమతితో తమ కస్టడీలోకి తీసుకోవడానికి పోలీసులు సన్నాహాలు చేస్తున్నారు. హత్యాయత్నానికి రెండు రోజుల ముందు నుంచి మనోహరాచారి ముభావంగా ఉండటంతో పాటు విపరీతంగా మద్యం తాగుతున్నాడు. గత బుధవారం ఉదయం మాధవికి ఫోన్‌ చేసి వస్త్రాలు ఖరీదు చేసుకోవడానికి ఎర్రగడ్డకు రావాలని సూచించాడు. అనంతరం అమీర్‌పేటలోని దుకాణం నుంచి నేరుగా బైక్‌పై ఎస్సార్‌నగర్‌ వెళ్ళిన మనోహరాచారి అక్కడ ఓ మద్యం దుకాణంలో మద్యం కొనుగోలు చేశాడు. అమీర్‌పేటలోని సత్యం థియేటర్‌ పక్కన ఉన్న ఖాళీ స్థలానికి వెళ్లి మద్యం తాగాడు.  మద్యం మత్తులోనే మధ్యాహ్నం 3.00 గంటల ప్రాంతంలో అక్కడి నుంచి బయలుదేరిన అతను మాధవిని చంపి తానూ ఆత్మహత్య చేసుకోవాలని భావించాడు. అక్కడి నుంచి మైత్రీ వనం వైపు వస్తూ.. మైత్రీ వైన్స్‌ పక్కన ఉన్న ఓ కొబ్బరిబొండాల దుకాణం వద్ద ఉన్న కత్తిని తస్కరించారు. ఈ దృశ్యాలు కొబ్బరి బొండాల దుకాణం సమీపంలోని సీసీ కెమెరాలో రికార్డయ్యాయి. ఆ ఫీడ్‌ను పోలీసులు స్వాధీనం చేసుకున్నారు.   మధ్యాహ్నం 3.30 గంటల ప్రాంతంలో  మాధవి, సందీప్‌లపై దాడి జరిగింది. 

సాక్షి, హైదరాబాద్‌: ఇష్టం లేని పెళ్లి చేసుకుందని.. తనను పట్టించుకోకుండా నిర్లక్ష్యం చేస్తోందని.. కన్న కూతురినే కడతేర్చాలనుకున్నాడు.. ఆపై తానూ ఆత్మహత్య చేసుకోవాలనుకున్నాడు.. ఇదీ బుధవా రం హైదరాబాద్‌లోని ఎస్సార్‌నగర్‌లో కన్న కూతురుపైనే కత్తితో దాడిచేసిన మనోహరాచారి ఆలోచన. కత్తి దాడి తర్వాత కూతురు మాధవి చనిపోయిందని భావించాడు. దీంతో రైలు కింద పడి చనిపోవాలనుకున్నాడు. ఈ విషయాన్ని భార్య లక్ష్మికి ఫోన్‌ చేసి చెప్పాడు. దీంతో ఆమె ఎస్సార్‌నగర్‌ పోలీసులకు సమాచారం అందించింది. బుధవారం సాయంత్రం 3 గంటలు గాలించి మనోహరాచారిని అదుపులోకి తీసుకున్నారు. గురువారం నిందితుడిని జుడీషియల్‌ రిమాండ్‌కు తరలించారు. కేసులో మరిన్ని అంశాలు తెలుసుకోవడానికి కోర్టు అనుమతితో కస్టడీలోకి తీసుకోవాలని నిర్ణయించారు. మనోహరాచారి ఘా తుకానికి ఒడిగట్టడం వెనుక మిర్యాలగూడ దారుణం ప్రభావమున్నట్లు పోలీసులు చెబుతున్నారు. పరీక్ష కలిపింది ఇద్దరినీ.. మనోహరాచారి స్వస్థలం కర్నూలు జిల్లా. ఉమ్మడి రాష్ట్రంలో కోట్ల విజయభాస్కర్‌రెడ్డి సీఎంగా ఉండగా ఆ జిల్లాలో కీలక ఫ్యాక్షన్‌ లీడర్ల వెనుక తిరిగి ఆర్థి కంగా చితికిపోయాడు. విశ్వబ్రాహ్మణ కులానికి చెం దిన వాడు కావడంతో ఆ వృత్తి చేసుకుని బతికేందుకు దాదాపు 20 ఏళ్ల కింద హైదరాబాద్‌కు వలసొచ్చాడు. ప్రస్తుతం అమీర్‌పేటలోని ఓ జ్యువెలరీ దుకా ణం బయట ఆభరణాలకు మెరుగుపెట్టే పని చేస్తున్నాడు. కుమారుడు ఓ ప్రైవేట్‌ సంస్థలో పని చేస్తుండగా, భార్య లక్ష్మి హైటెక్‌సిటీలో చిన్న ఉద్యో గం చేస్తోంది. ఆయన కుమార్తె మాధవి 2013లో మోతీనగర్‌లోని డాన్‌బాస్కో స్కూల్‌ పరీక్ష కేంద్రం లో పదో తరగతి పరీక్షలు రాసింది. అదే కేంద్రంలో సందీప్‌ పరీక్ష రాశాడు. వీరి నంబర్లు ముందు, వెనుక రావడంతో పరీక్షలు పూర్తయ్యేలోపు వీరికి పరిచయం ఏర్పడింది. ఆ పరిచయం ప్రేమగా మారింది. మాధవాచారి కుటుంబం బోరబండ రాజ్‌నగర్‌ బస్తీలో, సందీప్‌ కుటుంబం ఎర్రగడ్డలోని ప్రేమ్‌నగర్‌లో నివసిస్తోంది. ఆర్య సమాజ్‌లో పెళ్లి.. వీరి వివాహానికి సందీప్‌ కుటుంబం అంగీకరించినా మాధవి తరఫు వారు మాత్రం కుల పట్టింపుతో సమేమిరా అన్నారు. దీంతో వీరిద్దరూ గత బుధవారం మాధవి కుటుంబీకులకు తెలియకుండా ఆర్యసమాజ్‌లో పెళ్లి చేసుకున్నారు. ఆ తర్వాత పోలీసులను ఆశ్రయించగా, ఇరువురూ మేజర్లు కావడంతో వారి కుటుంబాలను పిలిచి కౌన్సెలింగ్‌ ఇచ్చి సందీప్‌తో మాధవిని పంపారు. ఆ సమయంలో సందీప్‌ ఏం చేస్తున్నాడని పోలీసులు ఆరా తీశారు. ఓ బిర్యానీ సెంటర్‌లో సూపర్‌వైజర్‌గా పని చేస్తూ నెలకు రూ.8 వేలు సంపాదిస్తున్నానని చెప్పాడు.   తనను లెక్కచేయట్లేదని.. వారిద్దరూ సందీప్‌ ఇంట్లోనే ఉంటు న్నారు. గడిచిన వారం రోజుల్లో మనోహరాచారి సందీప్‌ ఇంటికి 3సార్లు వెళ్లాడు. అతడి తల్లిని అమ్మా అని సంబోధిస్తూ తన కుమార్తెను జాగ్రత్తగా చూసుకోవాలని చెప్పాడు. అయితే 4 రోజుల కింద జరిగిన ఓ ఘటనతో మనోహరాచారి మానసికంగా కుంగిపోయాడు. పెద్ద మనుషుల సమక్షంలో సందీప్‌ ఇంట్లో పంచాయితీ జరిగింది. ఆ సందర్భంగా ఓ దశలో నీ కుమార్తె వస్తే తీసుకెళ్లండంటూ సందీప్‌ మనో హరాచారితో అన్నాడు. తనతో రావాలని తండ్రి కోరగా.. తనకు భర్తే సర్వస్వమని, కులమతాలకు అతీతంగా తాము కలసి ఉంటామని మాధవి చెప్పింది. దీంతో మానసికంగా దెబ్బతిన్న మనోహరాచారి ఆ తర్వాత మూడుసార్లు ఫోన్‌ చేసినా కుమార్తె నుంచి స్పందన రాలేదు. దీంతో తనను ఎదిరించడమే కాకుండా నిర్లక్ష్యం చేస్తోందని ఆమెపై కక్షకట్టాడు. కూతురిని ఒంటరిగా రమ్మన్నాడు.. తీవ్ర మనస్తాపానికి గురైన మనోహరాచారి రెండు రోజులుగా ముభావంగా ఉండటంతో పాటు మితిమీరి మద్యం తాగుతున్నాడు. మిర్యాలగూడలో చోటుచేసుకున్న ప్రణయ్‌ హత్యోదంతాన్ని మీడియాలో చూసి ప్రభావితమయ్యాడు. తీవ్ర ఉద్రేకానికి గురై కుమార్తెను మట్టుపెట్టాలని భావించాడు. మాధవికి ఫోన్‌ చేసి దుస్తులు కొనేందుకు ఎర్రగడ్డ రావాలని కోరాడు. సందీప్‌ పనికి వెళ్లి ఉంటాడని, ఇద్దరూ కలసి రారనే భావించాడు. ఫోన్‌ చేశాక బైక్‌పై ఎస్సార్‌నగర్‌ వెళ్లి మద్యం కొనుకున్నాడు. అమీర్‌పేటలోని సత్యం థియేటర్‌ పక్కన ఉన్న ఖాళీ స్థలంలో ఆ మద్యం తాగాడు. కత్తి దొరక్కపోయి ఉంటే.. మద్యం మత్తులోనే మధ్యాహ్నం 3 గంటల ప్రాంతంలో మైత్రీ వనం వైపు వస్తూ.. ఓ కొబ్బరిబొండాల దుకాణం వద్దకు చేరుకుని లోపలకు వెళ్లి కొద్ది సేపు ఆగాడు. విజయనగరం నుంచి వలస వచ్చిన దాని యజమాని మూత్ర విసర్జనకు వెళ్లగా అక్కడున్న కొబ్బరి బొండాలు నరికే కత్తిని దొంగిలించి తన బ్యాగ్‌లో పెట్టుకుని బైక్‌పై బయల్దేరాడు. ఈ దృశ్యాలు బొండాల దుకాణం సమీపంలోని సీసీ కెమెరాలో రికార్డయ్యాయి. ఆ ఫీడ్‌ను పోలీసులు గురువారం స్వాధీనం చేసుకున్నారు. కాగా, తాను గోకుల్‌ థియేటర్‌ వద్ద ఉన్నానంటూ కుమార్తె నుంచి మనోహరాచారికి ఫోన్‌ వచ్చింది. 3.30–3.45 గంటల మధ్య అక్కడకు చేరుకున్న మనోహరాచారి.. కుమార్తె వెంట సందీప్‌ను చూసి మొదట అతడిపై, ఆ తర్వాత మాధవిపై కత్తితో విచక్షణా రహితంగా దాడి చేశాడు. కొబ్బరి బొండాల దుకాణంలో ఆ కత్తి దొరక్కపోయి ఉంటే కథ వేరేలా ఉండేదని పోలీసులు అంటున్నారు. రెండు మూడుసార్లు పథకం.. ఎంతో గారాబంగా పెంచిన కూతురు వేరే కులానికి చెందిన వ్యక్తిని పెళ్లి చేసుకోవడం తనకు తీవ్ర ఆగ్రహన్ని తెప్పించిందని మనోహరాచారి పేర్కొన్నాడు. మాధవిని మాత్రమే చంపాలని నిర్ణయించుకునట్లు చెప్పాడు. రెండు మూడు సార్లు పథకం వేసినా మాధవి, సందీప్‌ కలసి రావడంతో వదిలిపెట్టినట్లు తెలిపాడు. రద్దీ ప్రాంతానికి పిలిస్తే అనుమానం రాకుండా వస్తారనే భావనతో ఎర్రగడ్డకు పిలిపించానని మనోహరాచారి వివరించాడు. దాడి అనంతరం రోడ్డు దాటి ఆటోలో బల్కంపేట మీదుగా లాల్‌బంగ్లా వద్ద ఆటో దిగి మక్తాలోకి వెళ్లానని చెప్పాడు.   భయం భయంగా.. హత్యాయత్నానికి పాల్పడ్డ మనోహరాచారి భార్యా, కుమారుడు భయంతో గడుపుతున్నారు. ఇంటి నుంచి బయటకు వచ్చేందుకూ భయపడుతున్నారు. బోరబండలో ఉన్న వారి ఇంటి వద్ద పోలీసులు బందోబస్తు ఏర్పాటు చేశారు. మీడియాతో మాట్లాడేందుకు సైతం వారు ధైర్యం చేయలేకపోతున్నారు.   మాల కులంలో పుట్టడమే నేరమా: సందీప్‌ తల్లి రమాదేవి మాల కులంలో పుట్టడమే తప్పా. నా కొడుకు, మాధవి ఇద్దరు ఒకరినొకరు ప్రేమించి పెళ్లి చేసుకున్నారు. ఆమెను సొంత కూతురిలా చూసుకున్నాను. తమ పుట్టింటి కంటే ఇక్కడే బాగుందని చెప్పింది. కొడుకు, కోడలు జంట ఎంతో బాగుందనుకున్నాను. కానీ అంతలోనే ఈ దారుణం జరిగింది. నిలకడగా మాధవి పరిస్థితి.. కాగా, యశోద ఆస్పత్రిలో చికిత్స పొందుతున్న మాధవి ఆరోగ్య పరిస్థితి నిలకడగా ఉన్నట్లు వైద్యులు ప్రకటించారు. గురువారం సాయంత్రం వెంటిలేటర్‌ కూడా తొలగించారు. ఆమెకు ప్రాణాపాయమేమీ లేదని, ప్రస్తుతం ఆమె కోలుకుంటున్నట్లు వెల్లడించారు. ఎమ్మార్పీఎస్‌ నేత మందకృష్ణ మాదిగ, కుల నిర్మూలన పోరాట సమితి, తదితర ప్రజా సంఘాల ప్రతినిధులు గురువారం యశోద ఆసుపత్రిలో మాధవిని పరామర్శించారు. నమ్మించి దాడి చేశాడు: సందీప్‌ తమ వివాహన్ని మాధవి తల్లిదండ్రులు తీవ్రంగా వ్యతిరేకించడం వల్లే తాము ఆర్య సమాజ్‌లో పెళ్లి చేసుకున్నామని సందీప్‌ తెలిపాడు. గురువారం ఆస్పత్రి నుంచి సందీప్‌ డిచ్చార్జి అయ్యాడు. 2015లో తమ ప్రేమ విషయం మాధవి ఇంట్లో తెలిసి తల్లి లక్ష్మి, సోదరుడు వచ్చి బెదిరించి వెళ్లారని చెప్పాడు. తమ పెళ్లయ్యాక పోలీసులు కౌన్సెలింగ్‌ ఇచ్చిన సందర్భంగా మాధవి కోసం దాచిన రూ.5 లక్షలు ఇస్తానని మనోహరాచారి చెప్పినట్లు తెలిపాడు. వివాహ విందుకు దుస్తులు ఇప్పిస్తానని నమ్మించి దాడి చేశాడని చెప్పాడు. ఎప్పటికైనా తనను, తన భార్యను చంపేస్తాడేమోనని భయంగా ఉందని, తమ కుటుంబానికి భద్రత కావాలని కోరాడు. చనిపోయిందనుకుని.. రక్తపు మడుగులో పడిఉన్న మాధవిని చూసి చనిపోయిందని భావించి పారిపోయాడు. కొద్దిసేపటికే భార్య లక్ష్మికి ఫోన్‌ చేసి.. మాధవిని చంపేశానని, కుమారుడిని జాగ్రత్తగా చూసుకొమ్మని, తాను రైలు కింద పడి చనిపోతున్నానని చెప్పాడు. దీంతో లక్ష్మి ఎస్సార్‌నగర్‌ పోలీసులకు చెప్పింది. సనత్‌నగర్‌ నుంచి లక్డీకాపూల్‌ వరకు ఉన్న రైల్వే ట్రాక్‌లపై 3 గంటల పాటు గాలించారు. చివరకు మక్తా వద్ద రైలు పట్టాల సమీపంలో నిందితుడిని అదుపులోకి తీసుకున్నారు. పంజగుట్ట ఏసీపీ కార్యాలయానికి తరలించిన తర్వాతే అతడికి మాధవి బతికుందనే విషయం తెలిసింది. గురువారం ఉదయానికి మద్యం మత్తు దిగినాక కూడా నిందితుడిలో ఎలాంటి పశ్చాత్తాప ఛాయలు కనిపించలేదని పోలీసులు చెబుతున్నారు. నిందితుడిపై హత్యాయత్నం, ఎస్సీ, ఎస్టీ అత్యాచార నిరోధక చట్టం కింద కేసులు నమోదు చేసినట్లు పోలీసులు తెలిపారు.

‘‘4 ఇడియట్స్‌’ సినిమాలో అందరూ కొత్తవాళ్లు నటించారు. ఇప్పటి పరిస్థితుల్లో చిన్న సినిమాల విడుదల చాలా కష్టం. వారానికి 6 సినిమాలు విడుదలవుతున్నా ప్రేక్షకులు థియేటర్‌కి రావటం లేదు. అది చాలా బాధగా ఉంది. ఈ సినిమా మంచి విజయం సాధించాలని కోరుకుంటున్నా’’ అని నిర్మాత సి.కల్యాణ్‌ అన్నారు. కార్తీ, సందీప్, చలం, సన్నీ, చైత్ర, ప్రియా, శశి, రుచి ప్రధాన పాత్రల్లో  నాగార్జున సినీ క్రియేషన్స్‌ పతాకంపై సతీష్‌ కుమార్‌ శ్రీరంగం స్వీయ దర్శకత్వంలో నిర్మించిన చిత్రం ‘4 ఇడియట్స్‌’. జయసూర్య స్వరపరచిన ఈ చిత్రం పాటలను సి. కల్యాణ్‌ విడుదల చేశారు. సతీష్‌ కుమార్‌ శ్రీరంగం మాట్లాడుతూ– ‘‘యూత్‌ఫుల్‌ ఎంటర్‌టైనర్‌గా తెరకెక్కిన చిత్రమిది. తెలుగు, తమిళం, మలయాళం భాషల్లో నేను ఇప్పటివరకు చేసిన 14 చిన్న సినిమాలు మంచి విజయం సాధించాయి. ‘4 ఇడియట్స్‌’ కూడా హిట్‌ అవుతుందనే నమ్మకం ఉంది. గతంలో ఇండస్ట్రీలో ఎవరికైనా సమస్య ఉంటే దాసరి నారాయణరావుగారు ఉండేవారు. ఇప్పుడు సి.కల్యాణ్‌గారు ఉన్నారు. సెప్టెంబర్‌లో మా సినిమా విడుదలకు సన్నాహాలు చేస్తున్నాం’’ అన్నారు. నిర్మాతలు తుమ్ములపల్లి రామ సత్యనారాయణ, సాయి వెంకట్, మ్యూజిక్‌ డైరెక్టర్‌ జయసూర్య, కార్పొరేటర్‌ సంజయ్‌ గౌడ్‌ పాల్గొన్నారు. ఈ చిత్రానికి కెమెరా: నగేష్‌.

సాక్షి, అమరావతి: అడ్వర్టయిజ్‌మెంట్ల (ప్రకటనలు)కు కోట్లాది రూపాయల ప్రజాధనాన్ని ఖర్చు చేసి ముఖ్యమంత్రి చంద్రబాబునాయుడు సొంత ప్రచారం చేసుకుంటున్నారని రామన్‌ మెగసెసె అవార్డు గ్రహీత, ప్రముఖ సామాజిక కార్యకర్త సందీప్‌ పాండే విమర్శించారు. పార్టీ ఇమేజ్‌ పెంచుకోవడానికి ప్రజాధనాన్ని కుమ్మరిస్తున్నారని మండిపడ్డారు. దేశంలో అన్ని రాష్ట్రాల కంటే అత్యధికంగా ప్రజాధనాన్ని పబ్లిసిటీ (ప్రచారం) కోసం ఖర్చు చేస్తున్నది చంద్రబాబు ప్రభుత్వమేనని వెల్లడించారు. ఎన్నికల ఏడాది కావడంతో మరింత ప్రజాధనం దుర్వినియోగం చేసేలా టీడీపీ ప్రభుత్వం ప్రకటనలు ఇస్తోందని మండిపడ్డారు. విజయవాడ ప్రెస్‌క్లబ్‌లో ఏపీకి చెందిన సామాజికవేత్త బి.రామకృష్ణంరాజుతో కలిసి సందీప్‌పాండే సోమవారం మీడియా సమావేశం నిర్వహించారు. ప్రజాధనంతో ప్రభుత్వాలు ఇచ్చే ప్రకటనలు (యాడ్స్‌), ప్రచార హోర్డింగ్‌ల విషయంలో దేశ అత్యున్నత న్యాయస్థానమైన సుప్రీం కోర్టు మార్గదర్శకాలను టీడీపీ ప్రభుత్వం తుంగలో తొక్కుతోందన్నారు. గతంలో ఉత్తరప్రదేశ్‌ ముఖ్యమంత్రిగా ఉన్న సమయంలో మాయావతి తన విగ్రహాలు తయారు చేయించుకుని ప్రధాన కూడళ్లలో పెట్టుకోవడం దేశవ్యాప్తంగా విమర్శలకు దారితీసిందని గుర్తు చేశారు. ఏపీలోని చంద్రబాబు ప్రభుత్వం మాయవతికి మించి సొంత పార్టీ ప్రచారానికి ప్రకటనలు ఇవ్వడం దారుణమన్నారు. కేంద్ర ప్రభుత్వం చేపట్టిన అనేక పథకాలు, కార్యక్రమాలకు ప్రధానమంత్రి అనే పదాన్ని ఉపయోగిస్తున్నారే తప్ప మోదీ పేరు పెట్టడం లేదని, ఏపీలో మాత్రం ఎన్టీఆర్, చంద్రన్న పేర్లతో పథకాలు అమలు జరుగుతున్నాయని చెప్పారు. రాష్ట్రంలో ఎన్టీఆర్, చంద్రబాబు, లోకేశ్‌ ఫొటోలతో ప్రకటనలు, హోర్డింగ్‌లు, పబ్లిసిటీని ప్రజాధనంతో చేసుకుంటూ పార్టీకి ఇమేజ్‌ వచ్చేలా వ్యవహరిస్తున్న తీరు మారాల్సి ఉందన్నారు. చంద్రబాబు సర్కారుకు చిత్తశుద్ధి ఉంటే ఎన్నికల ఏడాదిలోనైనా ప్రభుత్వ సొమ్ముతో పార్టీ ఇమేజ్‌ పెంచుకునే తరహా ప్రకటనలు, పబ్లిసిటీ మానుకోవాలని హితవు పలికారు. సుప్రీం కోర్టు మార్గదర్శకాలు... కేంద్ర, రాష్ట్ర ప్రభుత్వాల ప్రకటనలపై సుప్రీం కోర్టు పలు మార్గదర్శకాలు ఇచ్చిందని సందీప్‌పాండే, రామకృష్ణంరాజు చెప్పారు. 13/2003, 302/2012(సివిల్‌)ల రిట్‌ పిటిషన్లపై 2015 మే 13, ఈ ఏడాది మార్చి 18న సుప్రీంకోర్టు ఇచ్చిన మార్గదర్శకాలను వివరించారు. ♦ ప్రకటనల్లో ప్రధాని, రాష్ట్రపతి, ముఖ్యమంత్రి, గవర్నర్‌ ఫొటోలు వాడుకోవడం వరకు ఫర్వాలేదు. ప్రధాని, ముఖ్యమంత్రి ఫొటోలు వాడకుంటే వారికి బదులు ఆయా ప్రభుత్వ శాఖల మంత్రుల ఫొటోలు వాడుకోవచ్చు. ♦ ప్రజా ప్రయోజనం లేని ప్రకటనలకు ప్రజాధనాన్ని వెచ్చించకూడదు. ♦ఒక వ్యక్తికి గానీ, రాజకీయ పార్టీకి గానీ, ప్రభుత్వానికిగానీ ప్రచారం కల్పించే విధంగా ఉండరాదు. ♦ ప్రజాధనాన్ని ఖర్చు చేసే విషయంలో ప్రభుత్వాలు అత్యంత జాగరుకతతో వ్యవహరించాలి. ♦ పౌరులకు వారి హక్కులు, బాధ్యతలు తెలియజెప్పే విధంగా, ప్రభుత్వ వి«ధానాలు, సేవలు, ప్రభుత్వ చొరవతో తీసుకునే కార్యక్రమాలు, ప్రజారోగ్యం, పరిసరాలు, భద్రత మొదలైన విషయాలపై ప్రకటనలు ఉండాలి. ♦ రాజకీయ పార్టీల చిహ్నాలు, గుర్తులు, జెండాలు ప్రభుత్వ ప్రకటనల్లో ప్రదర్శించకూడదు. ♦ప్రభుత్వాలు ప్రవేశపెట్టే ఏ పథకమైనా కొన్ని దశాబ్దాలపాటు కొనసాగుతాయి కాబట్టి పథకాలకు అధికార పార్టీ నాయకుల, వ్యక్తుల పేర్లను పెట్టి కొనసాగించడం సబబుకాదు. ఈ మార్గదర్శకాలకు విరుద్ధంగా ఏపీలోని అధికార పార్టీ నేతల ప్రచారానికి ప్రజాధనంతో ఇచ్చే ప్రకటనలు ఎన్నికల్లో వారి గెలుపుకోసం ఉపయోగించుకునే విధంగా ఉంటున్నాయని సందీప్‌పాండే వివరించారు. రాష్ట్రంలో 30 పథకాలకు ఇమేజ్‌ పెంచుకునే పేర్లే.. ఏపీలో ఏకంగా 30 పథకాలకు సొంత పార్టీ ఇమేజ్, వ్యక్తుల ఇమేజ్‌ పెంచుకునేలా చంద్రబాబు ప్రచారం చేసుకుంటున్నారని సందీప్‌పాండే, రామకృష్ణంరాజు చెప్పారు. అన్న, చంద్రన్న, ఎన్టీఆర్‌ పేర్లతో పథకాలు, ప్రకటనలు ఇవ్వడం సుప్రీం మార్గదర్శకాలకు విరుద్ధమన్నారు. ఎన్టీఆర్‌ పేరుతో పెన్షన్‌ పథకం, సుజల స్రవంతి, జలసిరి, విద్యోన్నతి, వైద్యసేవ, వైద్య పరీక్ష, ఆశయం, విదేశీ విద్యాదారణ, ఎన్టీఆర్‌ గృహనిర్మాణం వంటి పథకాలు అమలు జరుగుతున్నాయన్నారు. అన్న అమృతహస్తం, అన్న సంజీవిని, అన్న క్యాంటిన్, అన్న దీవెన, అన్న అభయహస్తం పేరుతో ఎన్టీఆర్‌ పేరు గుర్తొచ్చేలా చేసి పార్టీ ఇమేజ్‌ పెంచుకునే ప్రయత్నం జరుగుతోందన్నారు. చంద్రన్న పేరుతో చంద్రన్న బాట, చంద్రన్న బీమా, చంద్రన్న విదేశీ విద్యాదీవెన, విద్యోన్నతి, స్వయం ఉపాధి, సంచార చికిత్స, ఉన్నత విద్యదీపం, తోఫా, క్రిస్మస్‌ కానుక, సంక్రాంతి కానుక, రైతునేస్తం, భూసార పరీక్షలు, చేయూత, కాపు భవన్‌లు, డ్రైవర్ల ప్రమాద బీమా, చంద్రన్న పెళ్లికానుక వంటి పేర్లతో సొంత ఇమేజ్‌ పెంచుకుని పార్టీకి మేలు జరిగేలా ప్రజాధనాన్ని ఖర్చుపెడుతున్నారని వారు తప్పుబట్టారు. ఇప్పటికైనా ఈ పథకాలకు ముందున్న ఎన్టీఆర్, అన్న, చంద్రన్న పేర్లు మార్పుచేసి ‘ముఖ్యమంత్రి’ పేరు పెట్టుకోవడం మంచిదని, అలా అయితే ఏ పార్టీ అధికారంలోకి వచ్చినా, ఎన్ని ఏళ్లు అయినా ఈ పథకాలు అదే పేరుతో కొనసాగుతాయని సందీప్‌పాండే, రామకృష్ణంరాజు సూచించారు.

సాక్షి, హైదరాబాద్‌: ఆయన్ను తీవ్రవాది అన్నారు.. అయినా పోరాటం ఆపలేదు. దేశద్రోహి అన్నారు.. కానీ న్యాయస్థానం నమ్మలేదు. అనుమానించారు.. అవమానించారు.. అడ్డగించారు.. అయినప్పటికీ వెనుకంజ వేయలేదు. ఎందుకంటే ఆయన.. సమానత కోసం అహర్నిశలు పోరాడే యోధుడు.. పారదర్శకత కోసం పాటుపడే ధీరుడు.. బెదిరింపులకు భయపడని శూరుడు.. అలాంటి వ్యక్తి ఇపుడు భావితరాల విద్య కోసం ప్రాణత్యాగానికి సైతం సిద్ధమంటున్నారు. ఆయనే ప్రముఖ సామాజిక ఉద్యమకారుడు సందీప్‌పాండే..! దేశంలోని చిన్నారులకు ఉచిత విద్య అందించేందుకు ఉద్దేశించిన విద్యా హక్కు (ఆర్టీఈ) అమలు కోసం తెలుగు రాష్ట్రాల్లోనూ తన పోరాటం కొనసాగుతుందని సందీప్‌పాండే స్పష్టంచేశారు. అందుకోసం ప్రాణాలు సైతం త్యాగం చేస్తానని సంచలన ప్రకటన చేశారు. ఓ కార్యక్రమంలో పాల్గొనేందుకు హైదరాబాద్‌కు వచ్చిన పాండే ‘సాక్షి’తో ప్రత్యేకంగా ముచ్చటించారు. సాక్షి: ఐఐటీలో చదువుకున్నవారంతా అమెరికా వెళ్లి డాలర్లు సంపాదిస్తున్నారు. మీరు మాత్రం అమెరికా వెళ్లి ఇక్కడికొచ్చి ప్రజాసమస్యలపై పోరాడుతున్నారు ఎందుకు? పాండే: చిన్నప్పటి నుంచి నేను గాంధేయవాదిని. ఆయన బాటలోనే నడవాలన్నది నా ఆశయం. దేశంలోని సమస్యలను పరిష్కరించేందుకు నేను సాగిస్తున్న ఈ పోరాటం గాంధీ స్ఫూర్తితో మొదలుపెట్టిందే. ప్రజాసమస్యలపై పోరాడాలన్న ఆలోచన ఎపుడు వచ్చింది? యూనివర్సిటీ ఆఫ్‌ కాలిఫోర్నియా, బర్కిలీలో ఉన్నపుడే నాకు ఈ ఆలోచన వచ్చింది. ఆ సమయంలో గాంధీగారి పుస్తకాలు ఎక్కువగా చదివేవాడిని. నా మిత్రులు దీపక్‌గుప్తా, శ్రీవాస్తవతో చర్చించి.. ఆశా ఫర్‌ ఎడ్యుకేషన్‌ సంస్థను అక్కడే రిజిస్టర్‌ చేయించాం. నా మిత్రుల్లో శ్రీవాస్తవ హైదరాబాదీనే! మీరు ఉద్యమబాట పట్టేటపుడు లక్ష్యం చాలా దూరమని, కష్టమని అనిపించలేదా? గాంధీజీ స్ఫూర్తితోనే పోరాటం మొదలుపెట్టాను. కష్టమైనా నష్టమైనా ముందుకే వెళ్లాలని నిర్ణయించుకున్నాను. సమాచార హక్కు పోరాటం నేపథ్యం ఏంటి? దేశంలో జరుగుతున్న అవినీతిపై ప్రజలకు అవగాహన పెంచేందుకే 2008లో ఉత్తర్‌ప్రదేశ్‌లో ఈ ఉద్యమాన్ని నిర్వహించాం. మొదట్లో అందరూ అది సాధ్యం కాదన్నారు. కొందరు హేళన చేశారు. మరికొందరు ఇది జరిగే పనేనా అని పెదవి విరిచారు. అయినప్పటికీ అలుపెరుగని పోరాటంతో ముందుకే వెళ్లాం. 2002లో రామన్‌ మెగసెసె అవార్డు వచ్చినపుడు ఎలా ఫీలయ్యారు? సంతోషమే, కానీ నేను కేవలం అవార్డు మాత్రమే తీసుకున్నాను. దాంతోపాటు వచ్చిన నగదును వెనక్కి ఇచ్చేశాను. అవార్డు మన కృషికి ఫలితమే అయినప్పటికీ, వాటితోనే సంతృప్తిపడితే అక్కడే ఆగిపోతాం.   మీరు అమెరికాను ఉగ్రవాద దేశం అని ఎందుకు అనాల్సి వచ్చింది? నేను మనీలా (ఫిలిప్పీన్స్‌)లో రామన్‌ మెగసెసె అవార్డు తీసుకున్నపుడు ఇరాక్‌పై అమెరికా దాడికి దిగింది. ఈ చర్యను మానవతావాదిగా వ్యతిరేకించాను. అందులో భాగంగానే మనీలాలోని అమెరికా ఎంబసీ వద్ద జరిగిన నిరసన ర్యాలీలో పాల్గొన్నా. ‘అమెరికా ఈజ్‌ ద బిగ్గెస్ట్‌ టెర్రరిస్ట్‌ కంట్రీ ఇన్‌ ద వరల్డ్‌’అని నేను పలికిన పదాలు మరుసటిరోజు మీడియాలో కలకలం రేపాయి. ఈ భూమి మీద మొదట మానవ హక్కులకు రక్షణ ఉండాలి. మానవ హక్కులకు రక్షణ కల్పించలేని దేశాన్ని ఏమనాలో అప్పుడు నాకు తెలియలేదు. ఈ విషయాన్ని అమెరికా ఎంబసీ అధికారులు అంత తేలిగ్గా వదిలారా? లేదు.. (నవ్వుతూ) నాపై ప్రతి విమర్శలకు దిగారు. రామన్‌ మెగసెసె అవార్డుతోపాటు వచ్చిన 50వేల డాలర్లను వెనక్కి ఇవ్వాలని సవాల్‌ విసిరారు. వెంటనే ఆ చెక్కును అక్కడే ఇచ్చేసి కేవలం అవార్డుతో మాత్రమే ఇండియా వచ్చా. వాళ్లు అంతటితో వదిలారా? లేదు, అమెరికా వెళ్లినపుడు నేను ఉగ్రవాదినని, జాతిద్రోహి అంటూ అమెరికా ప్రభుత్వానికి నాపై కొందరు అతివాదులు ఫిర్యాదు చేశారు. దాంతో శాన్‌ఫ్రాన్సిస్కో విమానాశ్రయం ఇమిగ్రేషన్‌లో రెండు గంటల పాటు నన్ను ప్రశ్నించారు. యూనివర్సిటీ ఆఫ్‌ కాలిఫోర్నియా, బర్కిలీలో ఉండగా నా ట్రాక్‌ రికార్డును పరిశీలించిన తర్వాత వదిలేశారు.   మీరెప్పుడూ ఖాదీ దుస్తులే ధరిస్తారు.. పైగా ఇస్త్రీ కూడా చేసుకోరు.. నాకు అలాగే ఇష్టం. ఖాదీ బట్టలు వేసుకోవడం వల్ల చేనేతపై ఆధారపడే వారికి ఎంతో కొంత ఉపాధి లభిస్తుందన్న తృప్తి నాకు దక్కుతుంది. మీరు పాలు తాగరని విన్నాం.. నిజమేనా? వాస్తవానికి ఏ పశువు పాలు అయినా... వాటి బిడ్డల కోసమే కదా! అందుకే, వాటి బిడ్డల కడుపులోకి పోవాల్సిన పాలు నా కడుపులో పోసుకోలేను. జంతువులకు సంబంధించిన ఏ ఉత్పత్తినీ నేను తీసుకోను. భారత్, పాకిస్తాన్‌ మధ్య శాంతి కోసం ఢిల్లీ నుంచి ముల్తాన్‌ వరకు శాంతియాత్ర చేశారు కదా! భయం వేయలేదా? నా యాత్ర 2005 మార్చి 23న ఢిల్లీలో మొదలైంది. వాఘా సరిహద్దు వరకు పాదయాత్రగానే సాగింది. కానీ పాకిస్తాన్‌లో పాదయాత్రకు ఆ దేశం అనుమతించలేదు. అందుకే మా యాత్రను వాహనంలోకి మార్చాం. ఆ యాత్రకు పాకిస్తానీలు చూపించిన స్పందనను ఎప్పటికీ మరిచిపోలేను. వారు వీధుల్లోకి వచ్చి స్వాగతం పలికారు. చాలామంది భారత్‌తో పాకిస్తాన్‌ స్నేహం చేయాలని కోరుతున్నట్లు చెప్పారు. మిమ్మల్ని మావోయిస్టు అన్నపుడు ఎలా అనిపించింది? కమ్యూనిస్టులతో కలిసి పనిచేసినంత మాత్రాన మావోయిస్టులంటే ఎలా? వాస్తవానికి మన దేశంలో ఇప్పటికీ పేద ప్రజల పక్షాన పోరాడుతోంది కమ్యూనిస్టులే కదా!   మీపై జాతి వ్యతిరేకి అన్న ముద్ర కూడా పడింది కదా! ఆ సమయంలో నేను బెనారస్‌ హిందూ యూనివర్సిటీ(బీహెచ్‌యూ)లో నా విద్యార్థులకు నిర్భయ ఘటనపై బీబీసీ రూపొందించిన ఇండియాస్‌ డాటర్‌ డాక్యుమెంటరీని ప్రదర్శిద్దామనుకున్నా. అంతలోనే నన్ను జాతి వ్యతిరేకి అని అరెస్టు చేసి కేసులు పెట్టారు. బీహెచ్‌యూలో ఫ్రొఫెసర్‌గా విధులు నిర్వహిస్తున్న నన్ను బలవంతంగా తొలగించారు. కానీ నా మీద మోపిన అభియోగాలను అలహాబాద్‌ హైకోర్టు కొట్టివేసింది! సాఫ్ట్‌ డ్రింక్‌లకు వ్యతిరేకంగా పోరాడటానికి కారణమేంటి? సాఫ్ట్‌ డ్రింక్‌ల పేరిట మన దేశంలో జలవనరుల దోపిడీ జరుగుతోంది. కోలా–పెప్సీ కంపెనీల తయారీ ప్లాంట్లు ఉన్నచోట భూగర్భ జలాలు అడుగంటిపోతున్నాయి. దీంతో రైతులు వ్యవసాయం చేసుకోవడం కష్టంగా మారింది. ఎవరికీ ప్రయోజనం లేని డ్రింకుల కోసం దేశానికి అన్నంపెట్టే రైతుకు అన్యాయం చేయడం తగదు కదా! అందుకే, దానిపైనా ఉద్యమించా! విద్యా హక్కు చట్టం కోసం పోరాటం ఎంతవరకు వచ్చింది? మనదేశంలో 16 ఏళ్లలోపు ఉన్న పేద, మధ్యతరగతి విద్యార్థుల్లో దాదాపు 50 శాతం మంది 8వ తరగతి వరకే చదువుతున్నారు. వీరిలో 25 శాతం బాల కార్మికులుగా ఉన్నారు. దేశాన్ని నిర్మించే రేపటి పౌరులకు విద్యను అందించడంలో నిర్లక్ష్యం తగదు. స్వాతంత్య్రం వచ్చి ఇన్నేళ్లవుతున్నా ఉచిత నిర్బంధ విద్యను పూర్తిస్థాయిలో అమలు చేయడంలో ప్రభుత్వాలు విఫలమవుతున్నాయి. కార్పొరేట్‌ యాజమాన్యాల ఒత్తిడికి తలొగ్గి రాష్ట్ర ప్రభుత్వాలు కూడా దానిని విస్మరించాయి. ఆ చట్టం అమలు కోసం నిరాహారదీక్షచేయడానికి వెనుకాడను. తెలుగు రాష్ట్రాల్లో ఆర్టీఈ గురించి మీరేమంటారు? రెండు తెలుగు రాష్ట్రాల్లోనూ విద్యాహక్కు చట్టం అమలు దారుణంగా ఉంది. ఇక్కడ విద్యావ్యవస్థను కార్పొరేట్‌ కల్చర్‌ శాసిస్తోంది. ముఖ్యంగా ఎలాంటి అనుమతులు లేకుండా రెసిడెన్షియల్‌ స్కూళ్లు, కాలేజీలు, కోచింగ్‌ సెంటర్లు నిర్వహించడం దారుణం. వాటన్నింటినీ ప్రభుత్వం స్వాధీనం చేసుకోవాలి. వీలైతే వారికి వివిధ ఎంట్రన్స్‌ టెస్టుల్లో ప్రభుత్వమే కోచింగ్‌ ఇచ్చేలా చర్యలు తీసుకోవాలి. ఆమరణ దీక్ష చేస్తే ప్రభుత్వాలు దిగొస్తాయా? ఎందుకు రావు? 2015, జూలైలో ఉత్తర్‌ప్రదేశ్‌లోని ఓ కార్పొరేట్‌ స్కూలులో పేద విద్యార్థులకు అడ్మిషన్లు నిరాకరించడంతో ఆర్టీఈ అమలు కోసం ఏడు రోజులపాటు ఆమరణ నిరాహార దీక్ష చేశాను. అప్పటి సీఎం అఖిలేశ్‌ యాదవ్‌ చట్టం అమలుకు అంగీకరించారు. ఆ సమయంలో నా దీక్షకు పలువురు విద్యార్థుల తల్లిదండ్రులు మద్దతు పలికారు. అందుకే త్వరలోనే తెలుగు రాష్ట్రాల్లో ఆర్టీఈ–2009 చట్టం అమలుకు, కార్పొరేట్‌ విద్య అంతానికి.. కోచింగ్‌ సెంటర్లు మూయించాలన్న డిమాండ్‌తో ఆమరణ నిరాహార దీక్ష చేస్తాను.

సాక్షి, చెన్నై : తమిళనాడు తూత్తుకుడి జిల్లా కలెక్టర్‌గా తెలుగు వ్యక్తి నండూరి సందీప్‌ నియమితులయ్యారు. గురువారం ఆయన జిల్లా కలెక‍్టర్‌గా బాధ్యతలు స్వీకరించారు. కాగా తూత్తుకుడిలో జరిగిన హింసాత్మక ఘటనల్లో మృతి చెందినవారి సంఖ్య 13కు చేరగా, 70 మంది గాయాలపాలయ్యారు. ఈ నేపథ్యంలో జిల్లా కలెక్టర్‌ ఎన్‌ వెంకటేశన్‌, ఎస్పీ పీ మహేంద్రన్‌లపై ప్రభుత్వం బదిలీ వేటు వేసింది. మరోవైపు ఎలాంటి అవాంఛనీయ సంఘటనలు జరగకుండా తూత్తుకుడిలో అయిదు రోజుల పాటు ఇంటర్‌నెట్‌ సేవలను నిలిపివేశారు. తూత్తుకుడి పట్టణంలో వేదాంత కంపెనీకి చెందిన స్టెరిలైట్‌ కాపర్‌ (రాగి) యూనిట్‌ విస్తరణ ప్రతిపాదనల్ని వ్యతిరేకిస్తోన్న స్థానికులు గడిచిన 100 రోజులుగా నిరసనలు చేపట్టారు. అయితే నిరసనోద్యమం మంగళవారం నాడు ఒక్కసారిగా హింసాయుత మలుపు తిరిగింది. పెద్ద సంఖ్యలో జనం రోడ్లపైకి వచ్చి నినాదాలు చేశారు. వారిని అడ్డుకునే క్రమంలో పోలీసులు కాల్పులు జరుపగా 13 మంది ఆందోళనకారులు చనిపోయారు. రాష్ట్ర వ్యాప్తంగా అలజడిరేపిన ఈ ఘటనపై మద్రాస్‌ హైకోర్టు సైతం కలుగజేసుకుంది. కాపర్‌ ప్లాంట్‌ విస్తరణను నిలిపేయాలంటూ ఆదేశాలు జారీ చేసింది. డీఎంకే వర్కింగ్‌ ప్రెసిడెంట్‌ స్టాలిన్‌ అరెస్ట్‌.. మరోవైపు తూత్తుకుడి సంఘటనపై ప్రభుత్వ వివరణ డిమాండ్ చేస్తూ ముఖ్యమంత్రిని కలిసేందుకు అనుమతి ఇవ్వాలని డిమాండ్ చేస్తూ డీఎంకే ఎమ్మెల్యేలు గురువారం చెన్నైలోని సెక్రటేరియట్లోకి దూసుకెళ్లటం ఉద్రిక్తతకు దారి తీసింది. పోలీసులు వారిని అడ్డుకోవటంతో డీఎంకే వర్కింగ్ ప్రెసిడెంట్, ప్రధాన ప్రతిపక్ష నేత స్టాలిన్ సెక్రటేరియట్ ముందు ఆందోళనకు దిగారు. ఆయనతో పాటు 20 మంది ఎమ్మెల్యేలు ఆందోళనకు దిగడంతో ఉద్రిక్త పరిస్థితులు తలెత్తాయి. దీంతో ఆందోళన చేస్తున్న స్టాలిన్‌ తదితరులను అరెస్ట్ చేసి పోలీస్ స్టేషన్‌కు తరలించారు. ఈ ఘటనను నిరసిస్తూ డీఎంకే శుక్రవారం బంద్‌కు పిలుపునిచ్చింది. ఇక తూత్తుకుడిలో అల్లర్లు సృష్టించారన్న ఆరోపణలతో ఇప్పటివరకూ 67 మందిని పోలీసులు అరెస్టు చేశారు.

దుబాయ్‌: నేపాల్‌ టీనేజ్‌ స్పిన్నర్‌ సందీప్‌ లమిచానేకు కెరీర్‌ ఆరంభంలోనే చక్కని అవకాశం లభించింది. ఐసీసీ ప్రపంచ ఎలెవన్‌ జట్టులో అతనికి చోటు దక్కింది. ఈ జట్టు ఓ చారిటీ ఇంటర్నేషనల్‌ మ్యాచ్‌లో వెస్టిండీస్‌తో తలపడనుంది. గతేడాది హరికేన్‌ తుఫాన్‌ల వల్ల విండీస్‌ దీవుల్లోని స్టేడియాలకు తీవ్రనష్టం వాటిల్లింది. వీటికి మరమ్మత్తులు, పునర్నిర్మాణం కోసం లండన్‌లోని ప్రతిష్టాత్మక లార్డ్స్‌ మైదానంలో ఈ నెల 31న చారిటీ మ్యాచ్‌ నిర్వహిస్తున్నారు. ఈ మ్యాచ్‌లో అంతర్జాతీయ స్టార్లు మోర్గాన్‌ (జట్టు కెప్టెన్‌) ఆఫ్రిది, దినేశ్‌ కార్తీక్, హార్దిక్‌ పాండ్యా, పెరీరా, లూక్‌ రోంచి తదితరులతో కలిసి ఆడే అరుదైన అదృష్టం ఇప్పుడు 17 ఏళ్ల లమిచానేకు దక్కింది. ప్రపంచ క్రికెట్‌ లీగ్‌ డివిజన్‌–2లో అతను ఆరు మ్యాచ్‌లాడి 17 వికెట్లతో రాణించాడు. తాజాగా ఐపీఎల్‌–11లో ఢిల్లీ డేర్‌డెవిల్స్‌కు ప్రాతినిధ్యం వహిస్తున్నాడ 

నల్లగొండ, మిర్యాలగూడ రూరల్‌ : ఒక్కగానొక్క కుమారుడు కళ్లముందే కొన ఊపిరితో కొట్టుమిట్టాడుతుంటే.. పొంగివచ్చే దుఃఖాన్ని దిగమింగారు ఆ తల్లిదండ్రులు.. కొడుకు ఎలాగూ బతకడని.. తన కుమారుడి అవయవాలు ఇతరులకు దానంచేసి.. వారికి జీవితాన్ని ప్రసాదించాలని తలచారు. వివరాల్లోకి వెళ్తే.. మండలం పరిధిలోని గోగువారిగూడెం గ్రామానికి చెందిన ఊట్ల పూర్ణచందర్‌రావు, అరుణ దంపతులకు కొడుకు, కూతురు. కొడుకు ఊట్ల సందీప్‌(22)ఈ నెల 23న బైకుపై వస్తూ మిర్యాలగూడ వస్తుండగా అద్దంకి–నార్కట్‌పల్లి రహదారిపై ఏడుకోట్లతండా వద్ద అదుపుతప్పి బైక్‌ను డివైడర్‌కు ఢీ కొట్టాడు. దీంతో తీవ్ర గాయాలయ్యాయి. కుటుంబ సభ్యులు వెంటనే చికిత్స నిమితం హైదరాబాద్‌ తరలించారు. వైద్యులు పరీక్షించి బ్రెయిన్‌ డైడ్‌ అయినట్లు చెప్పారు. కుమారుడు బతకడం కష్టమని.. ఇదే సమయంలో ఆయన అవయవాలు దానం చేస్తే మరొకరికి ప్రాణదాతగా మీ కొడుకు మిగిలిపోతాడని వైద్యులు వివరించారు. దీంతో ఆ తల్లిదండ్రులు పుట్టెడు దుఃఖం దిగమింగుకుని కొడుకు అవయవాలను దానం చేసేందుకు అంగీకరించారు.

హైదరాబాద్‌: ఫేస్‌బుక్‌ ద్వారా ఓ వివాహిత పరిచయం కానిస్టేబుల్‌ ఆత్మహత్యకు దారితీసింది. ఆ మహిళతో వివాహేతర సంబంధం పెట్టుకోవడంతోపాటు, రహస్యంగా పెళ్లి చేసుకున్నాడని ఆమె భర్త ఫిర్యాదు మేరకు శంషాబాద్‌ పీఎస్‌లో కేసు నమోదైంది. ఉన్నతాధికారులు బదిలీ వేటు వేయడంతో మస్తాపానికి గురైన కానిస్టేబుల్‌ రైలుకిందపడి ఆత్మహత్య చేసుకున్నాడు. సికింద్రాబాద్‌ రైల్వే పోలీస్‌స్టేషన్‌ పరిధిలో మంగళవారం చోటుచేసుకున్న ఈ ఘటన వివరాలను ఎస్‌ఐ  మీడియా కు వెల్లడించారు. మౌలాలి రైల్వేస్టేషన్‌ సమీపంలో రైలు కిందపడి యువకుడు మృతి చెందినట్లు రైల్వే పోలీసులకు సమాచారం అందింది. మృతదేహం వద్ద లభించిన గుర్తింపు కార్డులు, సెల్‌ఫోన్‌ ఆధారంగా లాలాపేటకు చెందిన పి.సందీప్‌కుమార్‌ (24)గా గుర్తించారు. కుటుంబసభ్యులకు సమాచారం అందించి మృతదేహాన్ని గాంధీ మార్చురీకి తరలించారు.   మనస్తాపానికి గురై...: సందీప్‌ మొఘల్‌పుర పీఎస్‌లో కానిస్టేబుల్‌. కొంత కాలం క్రితం ఒక వివాహితతో ఫేస్‌బుక్‌ ద్వారా పరిచయం ఏర్పడింది. అది వివాహేతర సంబంధానికి దారి తీయడంతోపాటు తన భార్యను సందీప్‌ రహస్యంగా వివాహం చేసుకున్నట్లు ఆమె భర్త నాగార్జున శంషాబాద్‌ పీఎస్‌లో ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు చేస్తున్నారు. అయితే ఉన్నతాధికారులు సందీప్‌ను హెడ్‌క్వార్టర్‌కు అటాచ్‌ చేయడంతో మనస్తాపానికి గురై ఆత్మహత్య చేసుకుని ఉంటాడని పోలీసులు భావిస్తున్నారు. సందీప్‌ తండ్రి ఆటోడ్రైవర్‌. చేతికందిన ఒక్క కుమారుడు ఆత్మహత్య చేసుకోవడంతో వారి కుటుంబం శోకసంద్రంలో మునిగిపోయింది. 


 అవధాన కదనంలో అజేయుడు తాతా సందీప్‌
 రాజమహేంద్రవరం కల్చరల్‌ : అడుగడుగునా నిషిద్ధాక్షరితో అడ్డుతగిలేవారు కొందరు, వ్యస్తాక్షరితో వెంటాడే వారు మరి కొందరు, సమస్యల చిక్కుముడులు వేసేది ఇంకొందరు.. అప్రస్తుత ప్రసంగాలతో దృష్టిని మరల్చేవారు మిగిలిన చతురులు..అందరినీ అలవోకగా పద్యాల అస్త్రశస్త్రాలతో ఎదుర్కొన్న నూనూగు మీసాల యువకుడు అవధాన అష్టాపద తాతా సందీపశర్మ. అవధాన కదనంలో, పద్యాల పద్మవ్యూహంలో అభిమన్యుడిగా కాక అజేయుడిగా నిలిచిన తాతా సందీపశర్మ సారస్వతాభిమానుల హృదయాలను ఈ అక్షరక్రీడలో గెలుచుకున్నాడు. ఛందస్సు ‘సర్ప పరిష్వంగం’ కాదని, సుమపారిజాతాల పరిష్వంగమేనని సందీప్‌ చెప్పకనే చెప్పాడు. ఆంధ్రకేసరి డిగ్రీ కళాశాల ఆధ్వర్యంలో గురువారం కళాశాలలో జరిగిన అవధాన ప్రక్రియలో అతిరథ మహారథులు పృచ్ఛకులుగా పాల్గొన్నారు.
 ధార, ధారణ అవధానానికి ప్రాణం
 అవధాన సంచాలకుడిగా వ్యవహరించిన ప్రజ్ఞారాజహంస చింతలపాటి శర్మ ముందుగా మాట్లాడుతూ మొక్కవోని కవితాధార, సునిశితమైన ధారణా శక్తి అవధానానికి ప్రాణమన్నారు. 23 వసంతాల ప్రాయంలో 23 అవధానాలు పూర్తి చేసుకుని 24వ అవధానానికి ముందుకు వచ్చిన తాతాసందీపశర్మ సహస్రావధానిగా ఎదగాలని నేటి తరానికిస్ఫూర్తి కావాలని ఆశీస్సులు అందజేశారు.
 దత్తపది ఇలా...
 ‘తల’, ‘వల’, ‘ఇల’, ‘కల’ పదాలతో ఆంజనేయస్వామిని వర్ణించమని పృచ్ఛకుడు కోరినదే తడువుగా, తాతా సందీప్‌ ఇలా పూరించారు..
 ‘ఇల’లో చిం‘తల’ దీర్పగ–పలువురుకున్‌ తా‘వల’ మగు–పవనతనయుడే అలనాడు కోతిమూ‘కల’–కెలమిన్‌ దాటంగ జలధిని యిచ్చెను దారిన్‌’
 ఒక శీలవతిని విప్రుడు గని ఛీఛీ అనియెన్‌–
 పై సమస్యను తాతా సందీపశర్మ ఇలా పూరించారు..
 లీలగ నా ప్రవరాఖ్యు–డాలేపనమూని చేరె నద్రిని–తనపై వాలిన వరూధినిని, ఒక –శీలవతిన్‌ విప్రుడు గని ఛీఛీ అనియెన్‌’
 పృచ్ఛకులుగా అతిరథ, మహారథులు..
 ఈ కార్యక్రమానికి ఆంధ్రకేసరి విద్యాసంస్థల వ్యవస్థాపకుడు వైఎస్‌ నరసింహారావు అ«ధ్యక్షత వహించారు. పద్యకవితిలక డాక్టర్‌ యస్వీ రాఘవేంద్రరావు నిషిద్ధాక్షరి, పద్యనాటక రచయిత వి.వి సుబ్రహ్మణ్యం సమస్య, శతకకర్త డీవీ హనుమంతరావు దత్తపది, విశ్రాంత ప్రిన్సిపాల్‌ డాక్టర్‌ అద్దేపల్లి సుగుణ వర్ణన, విశ్రాంత ప్రధానోపాధ్యాయుడు పి.నరసింహారావు వ్యస్తాక్షరి, చిలకమర్తి ఫౌండేషన్‌ వ్యవస్థాపక కార్యదర్శి పెరుమాళ్ల రఘునాథ్‌ ఆశువు, భాషాప్రవీణ ఎం.వెంకట లక్ష్మి ఘంటావధానం, రామచంద్రుని మౌనిక అప్రస్తుత ప్రసంగాలను సమర్థంగా నిర్వహించారు. కార్యక్రమంలో కళాశాల కరస్పాండెంట్‌ షేక్‌ అసదుల్లా అహ్మద్‌, చైర్‌పర్సన్‌ పి.సుభద్ర, ప్రిన్సిపాల్‌ సీహెచ్‌ జోగినాయుడు, కళాగౌతమి వ్యవస్థాపకుడు డాక్టర్‌ బీవీఎస్‌ మూర్తి పాల్గొన్నారు.
 నవ్వులు పూయించిన అప్రస్తుత ప్రసంగం..
 ‘రామాయణంలో పిడకల వేట అంటారు కదా! మరి భారతంలో?– ఇదీ ప్రశ్న.
 ‘గారెల వేట–ఇదీ అవధాని సమాధానం
 ‘అవధానిగారూ : ఇంటికి దీపం ఇల్లాలే అంటారు కదా:  మీపేరులోనే సం‘దీప’శర్మ అని ఉండటంతో మీకు ఇల్లాలి అవసరం లేదేమో? ఇదీ ప్రశ్న.
 మా ఇంట్లో రెండు దీపాలు కావాలి–ఇదీ అవధాని సమాధానం. 


 తణుకులో బాలుడు మృతి
 
 తణుకు: క్రికెట్‌ ఆడనివ్వకపోవడంతో పాటు ఇంటికొచ్చి తన తల్లిదండ్రులుకు ఫిర్యాదు చేశాడన్న కోపంతో ఓ బాలుడు మరో బాలుడ్ని బ్యాట్‌తో కొట్టి చంపేశాడు. ఈ ఘటన శుక్రవారం పశ్చిమగోదావరి జిల్లా తణుకులో చోటుచేసుకుంది. వివరాలు.. తణుకులోని కొమ్మాయి చెరువుగట్టులో ఉన్న కమ్యూనిటీ హాల్‌ వద్ద శుక్రవారం కొందరు పిల్లలు క్రికెట్‌ ఆడుకుంటున్నారు. అయితే తనను ఆటకు తీసుకోలేదన్న కోపంతో సూరవరపు గణేశ్‌(16) వికెట్లు పడేశాడు. దీంతో సప్పా సంజీవ్‌కుమార్‌(16), మరికొందరు పిల్లలు గణేశ్‌ ఇంటికి వెళ్లి.. అతని తల్లిదండ్రులకు ఫిర్యాదు చేశారు.
 
 అనంతరం గ్రౌండ్‌కు వచ్చి మళ్లీ క్రికెట్‌ ఆడుకుంటుండగా.. గణేశ్‌ పట్టరాని ఆగ్రహంతో వచ్చి సంజీవ్‌కుమార్‌ మెడపై క్రికెట్‌ బ్యాట్‌తో బలంగా కొట్టాడు. దీంతో సంజీవ్‌కుమార్‌ అక్కడికక్కడే కూలబడ్డాడు. ఇది గమనించిన స్థానికులు వెంటనే సంజీవ్‌ను తణుకు ప్రభుత్వాస్పత్రికి తరలించగా.. అప్పటికే మృతిచెందినట్టు వైద్యులు నిర్థారించారు. మృతుడి కుటుంబసభ్యుల ఫిర్యాదు మేరకు ఎస్సై శ్రీనివాసరావు కేసు నమోదు చేశారు.


 మాయవన్‌ చిత్రానికి నటుడు సందీప్‌ కిషనే నన్ను సిఫారసు చేశారు కానీ.. అంటోంది నటి లావణ్య త్రిపాఠి. ఇంతకీ ఈ జాణ చెప్పొచ్చేదేమిటీ? ఆ కథాకమామీçషు ఏమిటో ఒక లుక్కేద్దాం. మిస్‌ ఉత్తరాఖండ్‌ అయిన ఈ అందగత్తె అందాల రాక్షసినంటూ టాలీవుడ్‌లో అడుగుపెట్టి తొలి చిత్రంతోనే సక్సెస్‌ అందుకుంది. ఇంకేముందీ అక్కడ అవకాశాలను బాగానే సంపాదించుకుంటోంది. యువ హీరోలతో పాటు, నాగార్జున వంటి సీనియర్‌హీరోతోనూ సోగ్గాడే చిన్ని నాయనా చిత్రంలో నటించి లక్కీ నాయకిగా రాణిస్తోంది. ఇక కోలీవుడ్‌కు మూడేళ్ల క్రితమే బ్రహ్మన్‌ చిత్రం ద్వారా దిగుమతి అయినా ఆ తరువాత ఇక్కడ మళ్లీ కనిపించలేదు. తాజాగా మాయవన్‌ చిత్రంతో మరోసారి కోలీవుడ్‌లో తన అదృష్టాన్ని పరిక్షించుకోవడానికి రెడీ అవుతోంది. ఈ సందర్భంగా లావణ్యతో చిన్న భేటీ
 
 ప్ర: ఒక్క చిత్రంతోనే కోలీవుడ్‌కు దూరం అయ్యారే?
 జ: నేను తమిళంలో నటించి మూడేళ్లు అయిన విషయం నిజమే. అయితే తెలుగులో నటించిన తొలి చిత్రం అందాల రాక్షసి మంచి విజయం సాధించడంతో అక్కడ వరుసగా అవకాశాలు వస్తున్నాయి. తమిళంలో సరైన అవకాశాలు రాకపోవడం కూడా ఇంత గ్యాప్‌ రావడానికి కారణం. తెలుగులో బిజీగా ఉండటం వల్ల నేనూ తమిళ చిత్రాల అవకాశాల కోసం ప్రయత్నించలేదు.
 
 ప్ర: తమిళంలో నటించిన తొలి చిత్రం విజయం సాధించకపోవడం వల్లే మీకు తదుపరి అవకాశాలు రాలేదని భావిస్తున్నారా?
 జ: అదీ ఒక కారణం కావచ్చు. నా తొలి తెలుగు చిత్రం విజయం అక్కడ నన్ను బిజీ నాయకిని చేసింది. బ్రహ్మన్‌ చిత్రం సక్సెస్‌ అయితే తమిళంలో మరిన్ని అవకాశాలు వచ్చేవి అనుకుంటా. అయితే ఇప్పటికీ బ్రహ్మన్‌ నాకు నచ్చిన చిత్రం. అలాంటి చిత్రం  సక్సెస్‌ కాకపోవడానికి కారణం ఏమిటో నాకిప్పటికీ అర్థం కాలేదు.
 
 ప్ర: మీరు మళ్లీ కోలీవుడ్‌కు రావడానికీ, మాయవన్‌లో నటించడానికి నటుడు సందీప్‌ కిషన్‌ సిఫారసు చేశారటగా?
 జ: నిజమే. ఆ విషయం చెప్పడానికి సంకోచించను. మాయవన్‌ చిత్ర దర్శక నిర్మాత సీవీ.కుమార్‌ ఈ చిత్రం కోసం మీకు తెలిసిన నటి ఎవరైనా ఉంటే చెప్పమని సందీప్‌ను అడిగారట. మంచి నటనానుభవం కలిగి ఉండాలి. కోలీవుడ్‌కు బాగా తెలిసిన నటి కారాదు అని కూడా చెప్పారట. దీంతో సందీప్‌ కిషన్‌ నా పేరు సిఫారసు చేశారు. మా ఇద్దరి మేజర్‌ ఒక్కరే కావడంతో ఆయన నన్ను సిఫారసు చేశారు. ఆ తరువాత మాయవన్‌ చిత్ర కాస్టింగ్‌ డైరెక్టర్‌ నన్ను ఆడిషన్‌ చేసి సెలెక్ట్‌ చేశారు. అంతే కానీ సందీప్‌ కిషన్‌ నేను ఈ చిత్రంలో నటించి తీరాలని పట్టు పట్టలే దు. దర్శకుడికి నా గురించి చెప్పారు. అందుకు సందీప్‌కు కృతజ్ఞతలు.
 
 ప్ర: సందీప్‌కిషన్‌ ఇటీవల వేరే నటితో కలిసి నటించిన చిత్రం మంచి విజయాన్ని సాధించినా, ఆమెను కాక మిమ్మల్ని సిఫారసు  చేయడానికి కారణం?
 జ: ఈ ప్రశ్న మీరు ఆయన్నే అడగాలి. అయితే మీరు అనుకుంటున్నట్లు వేరే కారణం ఏమీ లేదు. సందీప్‌కిషన్, నేనూ మంచి స్నేహితులం మాత్రమే.
 
 ప్ర: నటిగా తెలుగులో రంగప్రవేశం చేసి ఏడేళ్లు అయినా ఇంకా నెంబర్‌వన్‌ హీరోయిన్‌ కాలేదే?
 జ: ఈ నెంబర్‌వన్, టూ స్థానాలపై నాకు నమ్మకం లేదు. తెలుగులో వరుణ్‌తేజ్, నాగార్జున, నాని, అల్లుశిరీష్‌ వంటి హీరోలతో నటించాను. చేసింది తక్కువ చిత్రాలైనా అన్నీ విజయం సాధించాయి. వచ్చిన అవకాశాలన్నీ అంగీకరించి చిత్రాల సంఖ్యను పెంచుకోవడం వల్ల ఏం ప్రయోజనం. మంచి కథా పాత్రలను ఎంచుకుని అన్ని వర్గాల ప్రేక్షకులకు సంతృప్తి కలిగించాలన్నదే నా భావన.
 
 ప్ర: ఎలాంటి పాత్రల్లో నటించాలని కోరుకుంటున్నారు?
 జ: ఇంత సడన్‌గా అడిగితే ఏం చెప్పను. బాహుబలి చిత్రంలో అనుష్క, చంద్రముఖి చిత్రంలో జ్యోతిక, శ్రీరామరాజ్యం చిత్రంలో నయనతార నటించిన పాత్రల తరహాలో వైవిధ్యభరిత పాత్రల్లో నటించాలన్న ఆశ ఉంది.
 
 ప్ర: సరే. పెళ్లి విషయం ఏమిటీ?
 జ: జీవితంలో పెళ్లి చాలా ముఖ్యమైన అంశం. అందుకు మానసికంగా సిద్ధం కావాలి. సరైన జోడీ వెతుక్కోవాలి. అందరిని ఆహ్వానించి ఒక వేడుకలా వివాహతంతు నిర్వహించాలి. అన్నిటికీ మించి భర్తగా వచ్చే వ్యక్తి నన్ను సంతోషంగా చూసుకోవాలి. ఇన్ని రకాలుగా ఆలోచించాలి. అందుకే మరో ఐదేళ్ల తరువాత పెళ్లి గురించి ఆలోచిస్తాను.


 గుమ్మఘట్ట : గుమ్మఘట్ట మండలం తాళ్లకెరకు చెందిన బోయ ఈరక్క, హనుమంతప్ప దంపతుల కుమారుడు సందీష్‌(9) కర్ణాటక రాష్ట్రం జగళూరు సమీపంలోని కానకట్ట వద్ద మంగళవారం జరిగిన రోడ్డు ప్రమాదంలో మరణించినట్లు మృతుని బంధువులు తెలిపారు. సమీప బంధువుల ఇంట్లో జరిగిన శుభ కార్యానికి తల్లిదండ్రులతో కలసి వెళ్లిన సందీప్‌ ట్రాక్టర్‌లో డ్రమ్ములు, బిందెలు తీసుకుని తాగునీటి కోసం వెళ్తుండగా ట్రాక్టర్‌ బోల్తా పడటంతో అతను ట్రాలీ కింద పడి అక్కడికక్కడే మృతి చెందినట్లు వివరించారు. డ్రైవర్‌ గాయాలతో బయటపడ్డాడన్నారు. మరో చిన్నారి ఎగిరి అల్లంత దూరంలో పడిపోవడంతో ప్రాణాపాయం నుంచి తప్పించుకున్నట్లు తెలిపారు.
 
 సందీప్‌ స్వగ్రామంలోని పాఠశాలలో ఐదో తరగతి చదివేవాడు. ‘స్కూల్‌ ఉంది.. రానన్నా పిల్చుకొచ్చి నిన్ను దూరం చేసుకుంటిమి కద బిడ్డా’ అంటూ తల్లిదండ్రులు కన్నీరుమున్నీరుగా విలపించారు. ప్రమాదం విషయం తెలియగానే ప్రధానోపాధ్యాయురాలు సుమ, పాఠశాల విద్యా కమిటీ చైర్మన్‌ బెస్త రామాంజినేయులు ఆధ్వర్యంలో ఐదు నిమిషాల పాటు మౌనం పాటించి పాఠశాలకు సెలవు ప్రకటించారు. విద్యార్థి చిత్రపటానికి పూలమాలలు వేసి నివాళులర్పించారు. 


 ‘‘ఐదేళ్ల వయసులో ‘శివ’ చూసి, అందులో నాగార్జునగారిలా చేతికి సైకిల్‌ చైన్‌ చుట్టుకుని ఇంట్లో తిరిగేవాణ్ణి. సినిమాలంటే ఆసక్తి. నటుడిగా ప్రయత్నిస్తున్న టైమ్‌లో వర్మగారి దర్శకత్వంలో నటించే ఛాన్స్‌ ఎప్పుడొస్తుందా? అని కలలు కనేవాణ్ణి. కట్‌ చేస్తే... వర్మ ‘వంగవీటి’తో హీరోగా పరిచయమయ్యా. ఇంతకంటే సంతోషం ఏముంటుంది చెప్పండి’’ అన్నారు సందీప్‌ కుమార్‌. రామ్‌గోపాల్‌ వర్మ దర్శకత్వంలో దాసరి కిరణ్‌కుమార్‌ నిర్మించిన ‘వంగవీటి’ ఈ నెల 23న విడుదలైన విషయం తెలిసిందే. సందీప్‌ చెప్పిన సంగతులు...
 
 ►వర్మగారి దర్శకత్వంలో నటించాలనేది ఓ కల, పూరి జగన్నాథ్‌గారితో పని చేయాలనేది మరో కల. లక్కీగా పూరిగారు దర్శకత్వం వహించిన ‘జ్యోతిలక్ష్మీ’తో తెలుగు తెరకు నటుడిగా పరిచయమయ్యా. తర్వాత ‘లోఫర్‌’లోనూ ఓ పాత్ర చేశా. ఆ రెండిటిలో నా నటన రవితేజగారి ఎనర్జీ గుర్తు చేసిందని కొందరు ప్రశంసించారు. ∙రాధా, రంగాల గురించి కొంత సమాచారం, ఫొటోలు సేకరించి, వర్మగారితో డిస్కస్‌ చేసి, ఆయన చెప్పినట్టు చేశా. ‘నా కెరీర్‌లో నేను చూసిన గొప్ప నటుల్లో కాకినాడ కుర్రాడు సందీప్‌ ఒకరు’ అని వర్మగారు ట్వీట్‌ చేయడం అత్యుత్తమ ప్రశంస.
 
 ►మంచి దర్శకుడు, కథ లభిస్తే విలన్‌గా నటించడానికి రెడీ. కానీ, ఇప్పుడు వస్తున్నవన్నీ హీరో ఛాన్సులే. రెండు మూడు చిత్రాలు చర్చల దశలో ఉన్నాయి. ∙‘మీ అభిమాన హీరో ఎవరు?’ అనడిగితే... ‘‘చిన్నప్పుడు దూరదర్శన్‌లో ప్రసారమయ్యే ‘చిత్ర లహరి’ కార్యక్రమంలో చిరంజీవిగారి పాట రాలేదంటే ఏడ్చేవాణ్ణి. ఆయనంటే అంత అభిమానం. ‘తొలిప్రేమ’, ‘ఖుషి’ల తర్వాత పవన్‌కల్యాణ్‌ను పిచ్చిగా ప్రేమించిన అభిమానుల్లో నేనూ ఒకణ్ణి’’ అన్నారు.


 అనంతపురం సెంట్రల్‌ : స్థానిక బళ్లారి బైపాస్‌రోడ్డులో మంగళవారం అర్ధరాత్రి జరిగిన రోడ్డు ప్రమాదంలో సందీప్‌(25) మృతి చెందాడు. పోలీసులు తెలిపిన మేరకు.. నగరంలో స్టాలిన్‌ నగర్‌లో నివాసముంటున్న శ్రీనివాసులు కుమారుడు సందీప్‌ బీటెక్‌ వరకూ చదువుకున్నాడు. గొల్లపల్లి సమీపంలోని ఓ కన్‌స్ట్రక్షన్‌ కంపెనీలో పనిచేస్తున్నాడు.
 
 మంగళవారం రాత్రి ద్విచక్రవాహనంలో ఇంటికి వెళుతుండగా అదుపుతప్పి కిందపడ్డాడు. తీవ్రగాయాలు కావడంతో అతడిని స్థానికులు ప్రభుత్వాస్పత్రికి తరలించారు. పరిస్థితి విషమంగా ఉందని తెలపడంతో అక్కడి నుంచి కుటుంబ సభ్యులు కర్నూలుకు తీసుకెళ్లారు. అక్కడ చికిత్స పొందుతూ మృతి చెందినట్లు పోలీసులు తెలిపారు.


 ముంబై: సర్వీసెస్ బౌలర్లపై హైదరాబాద్ బ్యాట్స్‌మెన్ బావనక సందీప్ (332 బంతుల్లో 203 నాటౌట్; 22 ఫోర్లు, 3 సిక్సర్లు), సి.వి. మిలింద్ (208 బంతుల్లో 136; 18 ఫోర్లు, 3 సిక్స్‌లు) కదంతొక్కారు. రంజీ ట్రోఫీ గ్రూప్ ‘సి’ మ్యాచ్ రెండో రోజు ఆటలో సందీప్ అజేయ డబుల్ సెంచరీ సాధించగా, మిలింద్ శతక్కొట్టాడు. వీరిద్దరి రికార్డు భాగస్వామ్యంతో హైదరాబాద్ తొలి ఇన్నింగ్‌‌సలో 156.5 ఓవర్లలో 9 వికెట్ల నష్టానికి 580 పరుగుల భారీ స్కోరు వద్ద డిక్లేర్ చేసింది. 303/7 ఓవర్‌నైట్ స్కోరుతో సోమవారం ఆట కొనసాగించిన హైదరాబాద్‌ను సందీప్, మిలింద్ భారీస్కోరు దిశగా నడిపించారు.
 
 ఈ క్రమంలో తొలి సెషన్లో సందీప్ సెంచరీ పూర్తి చేశాడు. మిలింద్ కూడా క్రీజ్‌లో పాతుకుపోవడంతో పరుగులు రావడం సులభమైంది. వ్యక్తిగత స్కోరు 61, 62 వద్ద ప్రత్యర్థి ఫీల్డర్లు రెండు క్యాచ్‌లు జారవిడవడంతో బతికిపోయిన మిలింద్ సెంచరీ దిశగా దూసుకుపోయాడు. సర్వీసెస్ బౌలింగ్‌ను తుత్తునియలు చేస్తూ ఇద్దరూ జట్టు స్కోరును పెంచారు. వీరి జోరుతో హైదరాబాద్ స్కోరు చూస్తుండగానే 400, 500 పరుగులు దాటింది. సర్వీసెస్ బౌలర్లు రెండు సెషన్ల పాటు శ్రమించినప్పటికీ ఈ జోడీని విడదీయలేకపోయారు. మిలింద్ కూడా సెంచరీ పూర్తి చేశాడు.
 
 ఈ క్రమంలో ఎనిమిదో వికెట్‌కు 267 పరుగులు జోడించాక... జట్టు స్కోరు 543 పరుగుల వద్ద మిలింద్ ఎనిమిదో వికెట్‌గా నిష్క్రమించాడు. తర్వాత వచ్చిన సిరాజ్ (6) అండతో టీ విరామం అనంతరం సందీప్ డబుల్ సెంచరీ పూర్తి చేసుకున్నాడు. 580 పరుగుల వద్ద సిరాజ్ ఔటవడంతో ఇన్నింగ్‌‌సను డిక్లేర్ చేశారు. సర్వీసెస్ బౌలర్లలో రౌషన్ రాజ్‌కు 5 వికెట్లు లభించారుు. తర్వాత తొలి ఇన్నింగ్‌‌స ఆడిన సర్వీసెస్ రెండో రోజు ఆట ముగిసే సమయానికి 20 ఓవర్లలో వికెట్ కోల్పోకుండా 77 పరుగులు చేసింది. ఓపెనర్ అన్షుల్ గుప్తా (9) రిటైర్డ్ హర్ట్‌గా వెనుదిరగగా, ఆట నిలిచే సమయానికి నకుల్ వర్మ (34 బ్యాటింగ్), రవి చౌహాన్ (23 బ్యాటింగ్) క్రీజులో ఉన్నారు.


 ముంబై: ఓపెనర్ అక్షత్ రెడ్డి (64; 9 ఫోర్లు), వన్‌డౌన్ బ్యాట్స్‌మన్ అనిరుధ్ (49; 7 ఫోర్లు, ఒక సిక్సర్) సెంచరీ భాగస్వామ్యం అందించడం... ఆ తర్వాత మిడిల్ ఆర్డర్ తడబడటం... చివర్లో లోయర్ ఆర్డర్ బ్యాట్స్‌మన్ బాధ్యతాయుతంగా ఆడటంతో... సర్వీసెస్‌తో ఆదివారం మొదలైన రంజీ ట్రోఫీ గ్రూప్ ‘సి’ మ్యాచ్‌లో హైదరాబాద్ గౌరవప్రద స్కోరును సాధించడంలో సఫలమైంది. తొలి రోజు ఆట ముగిసే సమయానికి హైదరాబాద్ 89 ఓవర్లలో 7 వికెట్లకు 303 పరుగులు సాధించింది. వికెట్ నష్టానికి 136 పరుగులతో పటిష్టంగా కనిపించిన హైదరాబాద్... ఒక్కసారిగా 7 పరుగుల తేడాలో 5 వికెట్లు కోల్పోయి కష్టాల్లో పడింది.
  
 కెప్టెన్ బద్రీనాథ్ (0) ఖాతా తెరువకుండానే రనౌట్ కాగా... వికెట్ కీపర్ కొల్లా సుమంత్ (0) కూడా డకౌట్ అయ్యాడు. ఆకాశ్ భండారి (4) నిరాశపరిచాడు. దాంతో 6 వికెట్లకు 141 పరుగులతో డీలాపడిన హైదరాబాద్‌ను బావనాక సందీప్ (129 బంతుల్లో 83 బ్యాటింగ్; 11 ఫోర్లు), లెఫ్టార్మ్ స్పిన్నర్ మెహదీ హసన్ (83 బంతుల్లో 61; 11 ఫోర్లు) ఆదుకున్నారు. వీరిద్దరూ బాధ్యతాయుతంగా ఆడి ఏడో వికెట్‌కు 135 పరుగులు జతచేశారు. హసన్ అవుటయ్యాక సీవీ మిలింద్ (14 బ్యాటింగ్; 3 ఫోర్లు)తో కలిసి సందీప్ మరో వికెట్ పడకుండా జాగ్రత్తగా ఆడాడు. సర్వీసెస్ బౌలర్లలో రౌషన్ రాజ్ నాలుగు వికెట్లు తీసుకున్నాడు.  


 
 ధూళిపాళ మహాదేవమణి
 
 ఘనంగా ద్విగుణిత అష్టావధానం
 
 రాజమహేంద్రవరం కల్చరల్‌ : 
 చదువుల తల్లి వాణిని కనుల ముందు ఆవిష్కరించే సరస్వతీ సమర్చనే అవధానమని పద్యకళాతపస్వి డాక్టర్‌ ధూళిపాళ మహాదేవమణి అన్నారు. జనభావన, విశ్వవిజ్ఞాన విద్య ఆధ్యాత్మిక పీఠం సంయుక్త ఆధ్వర్యంలో ఆదివారం పీఠంలో అవధాని తాతా శ్రీనివాస రమా సత్యసందీప్‌ నిర్వహించిన ద్విగుణిత అష్టావధానంలో మహాదేవమణి అవధాన సంచాలకునిగా వ్యవహరించి ప్రసంగించారు.  
  
 అలరించిన అష్టావధానం
 శతావధానాలు, ద్విశతాధానాలు చేసిన ఉద్దండప్రతిభావంతులు సంధించిన సాహితీ, అస్తశస్త్రాలను నూనూగు మీసాల సందీప్‌ సమర్థంగా ఎదుర్కొన్నారు. నిషిద్ధాక్షరి పద్మవ్యూహాలను లాఘవంగా దాటుతూ, ఛందోనియమాలను పాటిస్తూ, యతిప్రాసల లెక్కలను కట్టుతప్పకుండా ద్విగుణిత అష్టావధానాన్ని పూర్తి చేశారు. అవధానానికి అధ్యక్షుడిగా వ్యవహరించిన ఉమర్‌ అలీషా సభను వర్ణిస్తూ ఒక పద్యం చెప్పమన్నారు. ‘సమరసభావాత్మకమై– సుమనస్సుజ్ఞేయమగుచు, సూఫీ మయమై–ఉమరాలీషా నెలవై–అమలంబుగ ఈ సభ అలరుచుండెన్‌’అని సందీప్‌ వర్ణించారు.
  
 నవ్వులు పూయించిన అప్రస్తుతాలు
 పద్యపూరణాలు సీరియస్‌గా సాగుతున్నాయి. అప్రస్తుత ప్రసంగంచేసే వెంకట లక్ష్మి ఒక సందేహం లేవనెత్తింది. ‘అవధానిగారూ! మా వీధిలో అందరికీ కుక్కలున్నాయి. అందరూ ఇంటిముందు ‘కుక్క ఉన్నది జాగ్రత్త’ అని బోర్డుపెట్టుకున్నారు. మా ఇంట కుక్కలేదు. నేను ఏమని బోర్డుపెట్టుకోవాలి?’ అవధాని సమాధానం చెబుతూ ‘వెంకటలక్ష్మి ఉన్నది’ అని బోర్డు పెట్టుకుంటే చాలునన్నారు. మహ్మద్‌ఖాదర్‌ ఖాన్‌ తన వంతు ప్రశ్నగా ‘అవధానిగారూ! వేంకటేశ్వరస్వామికి, మాకు బంధుత్వంఉంది, ఏమిటో చెబుతారా?’ అనడిగారు. వేంకటేశ్వరస్వామి బీబీనాంచారమ్మను చేపట్టాడని అవధాని సమాధానం ఇచ్చారు.
  
 పాత్రలు–పాత్రధారులు
 శతావధానిని ఫుల్లాభట్ల నాగ శాంతి స్వరూప, ద్విశతావధానిని ఆకెళ్ల బాలభానులు నిషిద్ధాక్షరి. మంగళంపల్లి పాండురంగ విఠల్, పద్యకవి తిలక ఎస్వీ రాఘవేంద్రరావులు సమస్య. చిరువోలు విజయ నరసింహారావు, ఎస్‌పీ గంగిరెడ్డిలు దత్తపది, ఎంవీవీఎస్‌ఎన్‌ మూర్తి, ఓలేటి బంగారేశ్వరశర్మలు వర్ణన, సప్పా దుర్గాప్రసాద్, రామచంద్రుని మౌనికలు ఆశువు, ఖాదర్‌ఖాన్, వెంకట లక్ష్మిలు అప్రస్తుత ప్రసంగం. తిరిగి నాగశాంతి స్వరూప, వెంకటలక్ష్మిలు ఘంటావధానం . ప్రసాదవర్మ వారగణనం. అవధానం సంచాలకత్వం– డాక్టర్‌« దూళిపాళ మహాదేవమణి. ఆశీస్సులు–చింతలపాటి శర్మ 


  సందీప్, భవ్యశ్రీ, కోమలి ప్రధాన పాత్రల్లో రూపొందిన చిత్రం ‘నేనూ.. సీతాదేవి’. శ్రీనివాస్ మల్లం దర్శకత్వంలో సందీప్ క్రియేషన్స్ పతాకంపై చిటుకుల సందీప్ నిర్మించిన ఈ చిత్రం ఈ నెల 14న విడుదలవుతోంది. ఈ సందర్భంగా హీరో, నిర్మాత సందీప్ మాట్లాడుతూ- ‘‘లవ్, కామెడీ, హారర్ కథాంశంతో తెరకెక్కిన చిత్రమిది. ప్రేక్షకులకు నచ్చే అన్ని అంశాలు ఉంటాయి. కథ చెప్పినదానికంటే దర్శకుడు చక్కగా తెరకెక్కించారు. చైతన్య స్వరపరచిన పాటలను ఇటీవల విడుదల చేయగా ప్రేక్షకుల నుంచి మంచి రెస్పాన్స్ వస్తోంది.
  
  మా ప్రయత్నాన్ని ప్రేక్షకులు ఆశీర్వదిస్తారనే నమ్మకం ఉంది’’ అని పేర్కొన్నారు. ‘‘ఈ చిత్రంలో టైటిల్ రోల్ చేశా. నా పాత్ర అందరికీ నచ్చేలా ఉంటుంది. ఈ సినిమా విడుదల తర్వాత నాకు తెలుగు చిత్ర పరిశ్రమలో మంచి బ్రేక్ వస్తుందనుకుంటున్నా’’ అని కథానాయికల్లో ఒక్కరైన కోమలి అన్నారు. రణధీర్, జీవా, ‘వెన్నెల’ కిషోర్, గుండు హనుమంతరావు, ధన్‌రాజ్ తదితరులు నటించిన ఈ చిత్రానికి నేపథ్య సంగీతం: సునీల్ కశ్యప్, కెమేరా: శివాజి కె.
  


 పనాజి: ఆమ్‌ఆద్మీ పార్టీని సందీప్  వీడియో వ్యవహారం ఇబ్బందులకు గురిచేస్తోంది. ఆప్‌ను దెబ్బతీయడానికి ప్రత్యర్థులు సందీప్ అశ్లీల వీడియో దృశ్యాలను అస్త్రంగా వాడుతున్నారు. ఇప్పటికే పలువురు కళంకిత నేతలతో పరువుపోగొట్టుకున్న ఆప్‌.. సందీప్ వ్యవహారంతో పూర్తిగా ఇరుకునపడినట్లైంది. 'ఆప్ 18 డైమండ్స్' అంటూ ఆప్ కళంకిత నేతల చిత్రాలు, వారి చర్యలతో కూడిన పోస్టర్లను పంజాబ్‌లో ప్రచారం చేయాలని బీజేపీ-అకాళీదళ్ ఇప్పటికే నిర్ణయించిన విషయం తెలిసిందే.
 
 తాజాగా గోవా అంతటా సందీప్ నగ్న వీడియోకు సంబంధించిన పోస్టర్లు కనిపించడంతో స్థానిక ఆప్ నేతలు బిత్తరపోయారు. సందీప్‌ పోస్టర్లపై ఆప్ ఎన్నికల గుర్తును కూడా ముద్రించడం పట్ల గోవా ఆప్ కన్వినర్ వాల్మికి నాయక్ తీవ్ర అభ్యంతరం వ్యక్తం చేశారు. దీనిపై పోలీసులకు ఫిర్యాదు చేస్తామని తెలిపిన ఆయన.. ఇది బీజేపీ నాయకుల చర్యగా అనుమానం వ్యక్తంచేశారు. రానున్న అసెంబ్లీ ఎన్నికల్లో గోవాలో 40 సీట్లలో పోటీచేయడానికి  ఆప్ కసరత్తులు పూర్తిచేసుకుంది. అయితే ఆ పార్టీ నేతల కళంకిత వ్యవహారం ఆప్‌కు పెద్ద ఎదురుదెబ్బగా విశ్లేషకులు భావిస్తున్నారు.  
  


 నువ్వు నమ్మేది నిజమని నీకు చెప్పింది ఎవరు? అబద్ధం అనుకుంటున్నదాన్ని అబద్ధమని చెప్పింది ఎవరు? అనే కథాంశంతో తెరకెక్కిన చిత్రం ‘అవసరానికో అబద్ధం’. చక్రం క్రియేషన్స్ పతాకంపై సురేశ్ కేవీ దర్శకత్వంలో జె.విజయ్, పులి శ్రీకాంత్, సందీప్ నిర్మించిన ఈ చిత్రం త్వరలో విడుదల కానుంది.
 
 దర్శకుడు మాట్లాడుతూ - ‘‘ఇటీవల ఈ చిత్రం ట్రైలర్ విడుదల చేసిన త్రివిక్రమ్ శ్రీనివాస్‌గారు డైలాగ్స్ బాగున్నాయని చెప్పడం సంతోషంగా ఉంది. థ్రిల్లర్ సినిమా ఇది. ప్రతి సన్నివేశం ప్రేక్షకుల్ని కట్టిపడేసేలా ఉంటుంది’’ అన్నారు. లోకేష్, రాజేష్, శశాంక్, గీతాంజలి, సందీప్, వెంకీ, గిరిధర్, మురళి, విజయ్ తదితరులు నటించిన ఈ చిత్రానికి కెమేరా: ఎస్. వెంకటరమణ, మ్యూజిక్: సాయికార్తీక్.
  


 ఆదిలాబాద్ : ఆదిలాబాద్ రిమ్స్లో దారుణం చోటు చేసుకుంది. వైద్య విద్యార్థినిపై రిమ్స్ సాధారణ వైద్య విభాగం హెచ్వోడీ డాక్టర్ సందీప్ అత్యాచారం చేశారు. ఆ విషయాన్ని బాధితురాలు తల్లిదండ్రులకు వెల్లడించింది. దీంతో వారు పోలీసులను ఆశ్రయించారు. పోలీసులు కేసు నమోదు చేసి దర్యాప్తు ప్రారంభించారు. ఈ ఘటనపై మరింత సమాచారం అందవలసి ఉంది.


 ►ఇంత శిక్ష వేస్తావనుకోలేదు రా
 ►  తల్లిడిల్లిన హృదయం
 ► కొడైకెనాల్‌లో గల్లంతైన డిగ్రీ విద్యార్థి మృతి
 ►అనంతపురం చేరిన మృతదేహం
 
 అనంతపురం సెంట్రల్‌ : ‘సందీపూ లే నాన్నా.. నన్ను విడిచి ఎక్కడికి పోతావురా.. కొడుకా నావైపు ఒక్కసారి చూడరా.. అంటూ విద్యార్థి సందీప్‌ తల్లి గౌరీ తన కుమారుడి మృతదేహంపై పడి రోదించడం అందరి గుండెలను పిండేసింది. ఆమెను ఓదార్చడం అక్కడున్న వారితరం కాలేదు. చేతికొచ్చిన కొడుకు కళ్లెదుటే నిర్జీవంగా పడి ఉండడం చూసి ఆ మాతృహృదయం తట్టుకోలేకపోయింది. కొడైకెనాల్‌లో గల్లంతైన పోలీస్‌ హెడ్‌కానిస్టేబుల్‌ చంద్రశేఖర్‌ కుమారుడే సందీప్‌(20). అతని ఆచూకీని గురువారం రాత్రి కనుగొన్నారు. మృతదేహాన్ని శుక్రవారం అనంతపురంలోని అరవింద్‌నగర్‌లో గల వారి నివాసానికి తీసుకొచ్చారు. మృతదేహం రాగానే కుటుంబ సభ్యులు, బంధువుల ఆర్తనాదాలతో ఆ ప్రాంతమంతా హోరెత్తిపోయింది.
 జరిగిందేమిటంటే...
 అనంతపురంలోని పీవీకేకే కళాశాలలో సందీప్‌ డిగ్రీ చదువుతున్నాడు. వినాయక చవితికి వినూత్నమైన విగ్రహాన్ని ఏర్పాటు చేయాలనే ఉద్దేశంతో గత మంగళవారం తన స్నేహితులతో కలసి మహీంద్రా కంపెనీకి చెందిన లోగాన్‌ కారులో బళ్లారి జిల్లా హంపీకి వెళ్లారు. అక్కడ విగ్రహాలను చూసిన అనంతరం అటు నుంచి కొడైకెనాల్‌ వెళ్లారు. గురువారం మధ్యాహ్నం అక్కడ సరదాగా ఎంజాయ్‌ చేస్తున్న సమయంలో ప్రమాదవశాత్తు కాలు జారీ నీళ్లలో పడిపోయారు. ఉధృతంగా ప్రవహిస్తున్న నదిలోకి పడిపోవడంతో తలకు బలమైన గాయాలు కావడంతో మృతి చెందాడు. ఒక్కసారిగా భయాందోళనకు గురైన తోటి స్నేహితులు కుటుంబ సభ్యులకు, స్థానిక పోలీసులకు తెలిపారు. గురువారం మధ్యాహ్నం నుంచి గాలింపు చర్యలు చేపట్టగా అర్ధరాత్రి అతని ఆచూకీ కనుగొన్నారు.
 ఒక్కగానొక్క కుమారుడు...
 హెడ్‌కానిస్టేబుల్‌ చంద్రశేఖర్‌ ముగ్గురు అన్నదమ్ములు కాగా,  వారందరికీ ఆడపిల్లలే సంతానం. చంద్రశేఖర్‌కు మాత్రం ఒక కుమారుడు, ఒక కుమార్తె. వారి వంశంలోనే సందీప్‌ ఏకైక మగసంతానం కావడంతో అతి గారాబంగా పెంచారు. అందులో భాగంగానే స్నేహితులతో పరిచయం ఎక్కువ కావడంతో ప్రాణాల మీదకు తెచ్చుకున్నాడని పోలీసు వర్గాలు పేర్కొన్నాయి. అయితే తన తండ్రిలాగే సందీప్‌ కూడా పోలీసు అధికారి కావాలని కలలు కనేకాడని గుర్తు చేశారు. ప్రస్తుతం నోటిఫికేషన్‌ కూడా విడుదల కావడంతో ఎలాగైనా కానిస్టేబుల్‌ లేదా ఎస్‌ఐ కావాలని శిక్షణ కూడా పొందేవాడని తెలిసింది. అంతలోనే ప్రమాదం జరిగి తిరిగిరాని లోకాలకు వెల్లిపోవడం అందరినీ కలచివేసింది.
 
 అమ్మమాట కాదని...
 నెల కిందటే సందీప్‌ తన స్నేహితులతో కలసి కొడైకెనాల్‌ వెళ్లొచ్చినట్లు తెలిసింది. నెల తిరక్కనే మరోసారి తాను, తన స్నేహితులు కొడైకెనాల్‌ వెళ్లి రావాలని తల్లితో చెప్పాడు. అందుకు ఆమె అంగీకరించలేదు. ఎలాగైనా పోవాలని అతను పట్టుబట్టినట్లు తెలిసింది.  ఎలాగోలా ఇంట్లో ఒప్పించి, ఆ తరువాత మిత్రులతో కలసి కొడైకెనాల్‌ వెళ్లి, ప్రాణాల మీదికి తెచ్చుకోవడం ఇప్పుడు ఆ కుటుంబాలను శోకసంద్రంలో ముంచెత్తింది.
 
 నేను చనిపోతే ఏడవకండి
 సందీప్‌ తన ఫేస్‌బుక్‌ అకౌంట్‌లో కొన్ని రోజుల కిందట ఓ పోస్ట్‌ అప్‌డేట్‌ చేశారు. అందులో ‘నేను చనిపోతే ఏడవకండి. ఒక్కసారి ఆకాశం వైపు చూసి గుడ్‌బై చెప్పండి’ అంటూ రాసి ఉండడాన్ని స్నేహితులు గుర్తు చేసుకుని విషాదంలో మునిగిపోయారు.


 మహబూబాబాద్‌ రూరల్‌ : ఓ ప్రైవేట్‌ గురుకుల పాఠశాలలో చదువుతున్న 10వ తరగతి విద్యార్థి తప్పిపోయిన సంఘటన శుక్రవారం ఆలస్యంగా వెలుగు చూసింది. మహబూబాబాద్‌ రూరల్‌ సీఐ జె.కృష్ణారెడ్డి కథనం ప్రకారం... గూడూరు మండలం అప్పరాజుపల్లి గ్రామశివారు రాజ్యతండాకు చెందిన కొర్ర దేవా కుమారుడు సందీప్‌ మహబూబాబాద్‌ మండలంలోని జమాండ్లపల్లి గ్రామపంచాయితీ పరిధిలో గల ముత్యాలమ్మగూడెంలోని విద్యాభారతి గురుకుల పాఠశాలలో బోర్డర్‌గా ఉండి 10వ తరగతి చదువుతున్నాడు.  సదరు విద్యార్థి మూడేళ్లుగా ఇదే పాఠశాల హాస్టల్‌లో ఉంటున్నాడు. 
  
 ఈ నెల 20న ఆ పాఠశాల ప్రిన్సిపాల్‌ మొబైల్‌ నుంచి తండ్రికి ఫోన్‌ చేసి తనకు మెటీరియల్‌ కావాలని మాట్లాడాడు. అదే రోజు సాయంత్రం 4.15 గంటలకు దేవా పాఠశాలకు వెళ్లి ప్రిన్సిపాల్‌ ఖాదర్‌ అనుమతితో సందీప్‌ను మెటీరియల్‌ కోసం మహబూబాబాద్‌కు తీసుకొచ్చాడు. మెటీరియల్‌ కొన్న తర్వాత సాయంత్రం 5.30 గంటలకు సందీప్‌ను పాఠశాలలోకి పంపించి తిరుగుపయనమయ్యాడు. తిరిగి ఈ నెల 28న సందీప్‌ను చూసి వద్దామని దేవా పాఠశాలకు వెళ్లగా అతడు లేడని పాఠశాల యాజమాన్యం సమాధానమిచ్చింది. దీంతో బాలుడి కోసం రెండు రోజులుగా ఎంత వెతికినా జాడ తెలియకపోవడంతో బాలుడి తండ్రి పోలీసులకు ఫిర్యాదు చేశాడు. తమ బాబు తప్పిపోవటానికి కారకులైన పాఠశాల యాజమాన్యంపై చట్టరీత్యా చర్య తీసుకోవాలని కోరుతూ ఫిర్యాదులో పేర్కొన్నట్ల రూర్‌ సీఐ జె.కృష్ణారెడ్డి తెలిపారు. 


 నారాయణ జూనియర్ కళాశాలలో ఇంటర్మీడియట్ మొదటి సంవత్సరం చదువుతున్న సందీప్ అనుమానాస్పద స్థితిలో మరణించాడు. వివరాల్లోకి వెళితే.. కర్నూలు నగరం బుధవారపేటలో నివాసం ఉంటున్న మహానంది, సరస్వతి దంపతుల కుమారుడు సందీప్ స్థానిక నారాయణ కళాశాలలో ఇంటర్ ఫస్టియర్ చదువుతున్నాడు. మంగళవారం ఉదయం కళాశాలకు వెళ్లిన సందీప్‌ను తరగతి గదిలో మ్యాథ్స్ లెక్చరర్ మందలించినట్లు తెలిసింది.
  
 తోటి విద్యార్థుల ఎదుట చోటు చేసుకున్న ఘటనతో విద్యార్థి తీవ్ర మనోవేదనకు లోనైనట్లు సమాచారం. రాత్రి ఏడు గంటల సమయంలో ఇంటికి చేరుకోగా.. అప్పటికి ఎవరూ లేకపోవడంతో ఫ్యాన్‌కు ఉరేసుకొని ఆత్మహత్యకు పాల్పడ్డాడు. ఈ విషయంలో కళాశాల ప్రేమయం లేదని చెప్పించేందుకు పెద్ద ఎత్తున పైరవీలు జరిగినట్లు తెలుస్తోంది.
  
 రాత్రి నుంచి మంగళవారం ఉదయం 10 గంటల వరకు పోలీసులు మధ్యవర్తిగా ఈ పంచాయితీ జరిగినట్లు సమాచారం. చివరకు.. తమ కుమారుడు అనారోగ్యంతో ఆత్మహత్యకు పాల్పడినట్లు తల్లిదండ్రులు ఫిర్యాదు చేయడంతో ఆ మేరకు కేసు నమోదు చేసుకొని దర్యాప్తు చేస్తున్నట్లు త్రీటౌన్ సీఐ మధుసూదన్‌రావు తెలిపారు. ఇదిలాఉంటే గత ఏడాది నన్నూరు సమీపంలోని నారాయణ బ్రాంచ్‌లోనే ఇంటర్మీడియట్ మొదటి సంవత్సరం విద్యార్థి శ్రీకాంత్ ఆత్మహత్యకు పాల్పడ్డాడు. ఏడాది సమయంలో చోటు చేసుకున్న రెండు ఘటనలు కార్పొరేట్ కళాశాలల్లో ఒత్తిళ్లకు అద్దం పడుతోంది.


 నూనూగు మీసాల నూత్నయవ్వనంలోనే శ్రీనాథుడు మరుత్తరాట్చరిత్రను రాశానని చెప్పుకున్నాడు..అతి పిన్న వయసులోనే అవధాన కవన మధువును చిలుకుతున్నాడీ నవ యువకుడు.Sఏయూలో బయో టెక్నాలజీ విభాగంలో ద్వితీయ సంవత్సరం చదువుతూ  తెలుగు వారికే సొంతమైన, క్లిష్టతరమైన అవధాన ప్రక్రియకు పట్టం కట్టే ప్రక్రియలో పరిశ్రమిస్తున్నాడు. తాను అవధానాలు చేయడంతో పాటు అవధానాలను నిర్వహించడం, ఈ కళను ప్రోత్సహించడంలో నిమVýæ్నమై ఉన్నాడు.            –ఏయూ క్యాంపస్‌ 
  
 అభ్యసిస్తున్నది శాస్త్ర విజ్ఞానం.. ఆరితేరినదని తెలుగు భాషా శాస్త్రం.. అందెవేసినది అవధాన ప్రక్రియలో.. తాతా సందీప్‌ శర్మ ఆంధ్రవిశ్వవిద్యాలయంలో బయోటెక్నాలజీ విభాగంలో ద్వితీయ సంవత్సరం చదువుతున్నాడు. చిన్నతనం నుంచి అబ్బిన తెలుగు భాషపై పట్టు, అవధాన విద్యపై ఆసక్తిని చాటుతున్నాడు. పిన్న వయసులోనే అవధానాలు నిర్వహిస్తూ అవధాన ప్రక్రియకు వారసులు వస్తున్నారనే సందేశాన్ని పంపుతున్నాడు.  
 కుటుంబమే ప్రేరణ 
 ఈ యువ అవధాని పూర్తి పేరు.. తాతా శ్రీనివాస రమాసత్య సందీప శర్మ. విశాఖ నగరంలోని విక్టోరియా జనరల్‌ ఆస్పత్రి(ఘోషా ఆస్పత్రి)లో 1994వ సంవత్సరంలో జన్మించారు. తండ్రి వెంకట వరప్రసాద్‌ న్యాయవాది, తల్లి విజయలక్ష్మి గహిణి. తన నాయనమ్మ తాతా పార్వతమ్మ తొలి గురువుగా కవితా రచనకు శ్రీకారం చుట్టారు. పద్యకళా తపస్వి డాక్టర్‌ ధూళిపాళ మహదేవ మణి వద్ద అవధాన ప్రక్రియకు శ్రీకారం చుట్టారు. ప్రాథమిక విద్యను సీలేరు, రాజమండ్రిలలో పూర్తి చేశారు.
 పాఠశాలలోనే పద్య రచన 
 సందీప్‌ పాఠశాలలో ఉండగా తన 10వ తరగతిలో పద్య రచన చేయడం ప్రారంభించాడు. నాటి నుంచి నేటి వరకు గేయరచన, వ్యాసరచన, వక్తత్వం, సాహిత్యోపన్యాసాలు, అష్టావధానాలలో పాల్గొని బహుమతులను అందుకున్నారు. 14 విశ్వవిద్యాలయ విద్యార్థులు పాల్గొన్న కవిత్వ పోటీలలో రాష్ట్రస్థాయిలో ప్రథమ బహుమతిని అందుకున్నాడు. మహాసహస్రావధాని డాక్టర్‌ గరికపాటి నరసింహారావు నుంచి సరస్వతీ దేవి స్వర్ణ అంగుళీయకాన్ని, నోరి నరసింహ శాస్త్రి చారిటబుల్‌ ట్రస్ట్‌ అందించే నోరి యువ రచయిత ప్రోత్సాహక పురస్కారాన్ని 2015 సంవత్సరానికి స్వీకరించారు. ఒంగోలులో రాష్ట్ర స్థాయి రచయితల మహాసభలో కవితాగానం చేసి మహాసహస్రావధానిæగరికపాటి నరసింహారావుతో సన్మానం, మద్రాసు విశ్వవిద్యాలయంలో నిర్వహించిన 24 గంటల నిరవధిక కవిసమ్మేళనంలో పాల్గొని తెలుగు బుక్‌ ఆఫ్‌ రికార్డ్స్‌లో స్థానం పొందారు.
 అవధాన నిర్వహణ
 రచయితల సమితికి అధ్యక్షుడిగా, ఆంధ్ర పద్య కవితా సదస్సు కార్యవర్గ సభ్యుడిగా, నన్నయ వాజ్ఞ్మయ వేదిక పూర్వ కార్యవర్గ సభ్యునిగా పని చేశారు. తాను అవధానాలు చేయడంతో పాటు అవధానాలను నిర్వహించడం, ఈ కళను ప్రోత్సహించడంలో భాగంగా ద్విగుణిత అష్టావధానాన్ని రాజమండ్రిలో రాంభట్ల పార్వతీశ్వర శర్మతో, పంచ కావ్యాలపై ఐదు రోజుల ప్రసంగాలను నిర్వహించారు. భద్రాచలం దేవస్థానంలో అవధానం చేసిన సమయంలో అనంతాన్‌ పిళ్లై ఆనువంశిక పీఠం నుంచి పురస్కారం అందుకున్నారు. రాపాక ఏకాంబరాచార్యులు ఇటీవల అవధాన విద్యా సర్వస్వం పుస్తకాన్ని రచించారు. దీనిలో 18వ శతాబ్దానికి చెందిన మాడభూషి వెంకటాచార్యులు నుంచి  1994 వరకు ఉన్న 398 మంది అవధానులకు సంబంధిచిన సమగ్ర వివరాలతో ఒక పుస్తకాన్ని తీసుకువచ్చారు. దీనిలో స్థానం సాధించిన పిన్న వయస్కుడిగా సందీప్‌ నిలిచారు. 
 11 అష్టావధానాలు 
 ఇప్పటివరకు సందీప్‌ 11 అష్టావధానాలు నిర్వహించారు. తన తొలి అవధానాన్ని తాను డిగ్రీ చవుతున్న రోజుల్లో నన్నయ సారస్వత పీఠం ఆధ్వర్యంలో రాజమండ్రిలోని ఆదిత్య డిగ్రీ కళాశాలలో నిర్వహించారు. వివిధ శతావధానాలు, ద్విశతావధానాలలలో పచ్ఛకునిగా, సాహితీ ప్రసంగాలు ఇస్తున్నారు. అవధానంలో అంగాలుగా వ్యవహరించే నిషిద్ధాక్షరి, సమస్య, దత్తపది, వర్ణన, ఆశువు, వ్యస్తాక్షరి, ఘంటావధానం, అప్రస్తుత ప్రసంగం ప్రక్రియలలో అందెవేసిన చేయి సాధించారు.  డాక్టర్‌ మహదేవ మణి సష్టించిన ఘంటావధానంలో సైతం ప్రావీణ్యం సాధించారు.
 తెలుగులో ఉన్నత విద్యాభ్యాసమే ఆకాంక్ష
 బయో టెక్నాలజీలో పరిశోధన చేయాలని, దీనికి సమాంతరంగా తెలుగులో ఉన్నత విద్యను అభ్యసించాలనే ఆకాంక్ష ఉంది. అవధాన విద్యను పరిరక్షణకు, ప్రపంచానికి చాటడానికి నిరంతరం నా వంతుగా కషి చేస్తాను. గురువుల ఆశీస్సులతో అవధాన ప్రక్రియను నిరంతరం కొనసాగించే ప్రయత్నం చేస్తాను.      


 నగరంలో వేర్వేరు ఘటనల్లో ముగ్గురు చిన్నారులు మృతి
 
 నాన్న అడుగుల్లో అడుగులేస్తూ వచ్చిన ఓ పసి బాలుడు సంపులో పడి మృతి చెందాడు.  ఇంటి ముందు ఆడుకుంటూ {పమాదవశాత్తూ పక్కనే ఉన్న  దేవాలయం సంపులో పడి మరో చిన్నారి మత్యువాత పడ్డాడు. రోడ్డుపై నడుచుకుంటూ వెళ్తుండగా.. తెగిపడిన కరెంటు వైర్లు తగిలి విద్యుత్ షాక్‌తో ఓ ఐదేళ్ల పాప మృత్యు ఒడికి చేరింది.ఇలా నగరంలో ఒకే రోజు ముగ్గరు పాల బుగ్గల పసి వయసు చిన్నారులు అనంతలోకాలకు చేరుకున్న సంఘటనతో ఆయా ప్రాంతాల్లో విషాదఛాయలు అలుముకున్నాయి.
  
 బోడుప్పల్/రాజేంద్రనగర్/మెహిదీపట్నం: హేమంత్(15 నెలలు) మంగళవారం సంపులో పడి మృతి చెందిన సంఘటన మేడిపల్లి పోలీస్‌స్టేషన్ పరిధిలో చోటుచేసుకుంది. ఎస్సై నాగయ్య తెలిపిన వివరాల ప్రకారం... రాజస్థాన్‌కు చెందిన తారారాం, ఇందిర దంపతులు. కొంత కాలం క్రితం నగరానికి వలస వ చ్చి స్థానిక సాయిరాంనగర్‌లో నివాసముంటున్నారు. వారికి ముగ్గురు పిల్లలు అందులో ఒకరు హేమంత్. అయితే తారారం మంగళవారం తన ఇంట్లోని సంపులో నుంచి నీటిని ఇంటిపై ఉన్న వాటర్ ట్యాంక్‌లోకి నింపేందుకు సిద్ధమయ్యాడు. ఆ సమయంలో సంపులోని నీళ్లు ఏ మేర ఉన్నాయో చూడడానికి సంపు తెరిచి చూస్తున్నాడు. ఇందంతా గమనిస్తున్న తారారం కుమారుడు హేమంత్ తండ్రి వెనకాలే సంపు దగ్గరికి చేరుకున్నాడు. తన కుమారుడు వచ్చిన విషయాన్ని గమనించని తారారం సంపులోని నీళ్లను చూసిన అనంతరం అక్కడి నుంచి వెళ్లిపోయాడు. కాసేపటి తర్వాత కొడుకు కనిపించకపోయేసరికి వెతకడం మొదలుపెట్టారు. పరిసర ప్రాంతాల్లో ఎంత వెతికినా కనిపించకపోవడంతో అనుమానం వచ్చి సంపులో చూసేసరికి హేమంత్ అందులో పడి ఉన్నాడు. తేరుకున్న తల్లిదండ్రులు స్థానిక ఆస్పత్రికి తరలించారు. కానీ హేమంత్ అప్పటికే మృతి చెందాడని వైద్య పరీక్షల అనంతరం తేలింది.
  
 మరో ఘటనలో...
 సందీప్(5) అనే బాలుడు సంపులో పడి మృతి చెందిన సంఘటన నార్సింగి పోలీస్‌స్టేషన్ పరిధిలో మంగళవారం చోటు చేసుకుంది. ఒంగోలుకు చెందిన సుబానీ ఆలియాస్ సుబ్బు, రాధా దంపతులు. బతుకుదెరువు కోసం నగరానికి వలస వచ్చారు.  పుప్పాలగూడ ఎల్‌ఐసీ కాలనీ ప్రాంతంలోని ఓ నిర్మాణం వద్ద సుబ్బు వాచ్‌మెన్‌గా పని చేస్తున్నాడు. సుబ్బు కుమారుడు సందీప్ మంగళవారం మధ్యాహ్నం 12 గంటల సమయంలో ఇంటి ముందు ఆడుకుంటూ పక్కనే ఉన్న పోచమ్మ దేవాలయం ప్రాంతంలోని నీళ్ల సంపులో ప్రమాదవశాత్తు పడి మృతి చెందాడు. ఇంటి ముందు ఆడుకుంటున్న కుమారుడు కనిపించకపోవడంతో తల్లిదండ్రులు పరిసర ప్రాంతాల్లో చూడగా సందీప్ సంపులో పడి ఉన్నాడు. విషయం తెలిసిన పోలీసులు సంఘటనా స్థలానికి చేరుకుని బాలుడి మృతదేహాన్ని బయటకు తీశారు.
  
 విద్యుఘాతానికి చిన్నారి బలి...
 ప్రమాదవశాత్తు విద్యుత్ షాక్‌కు గురై తనూజ(5) అనే చిన్నారి మృతి చెందిన సంఘటన హుమాయూన్‌నగర్ పోలీస్ స్టేషన్ పరిధిలో చోటుచేసుకుంది. ఇన్‌స్పెక్టర్ ఎస్.రవీందర్ తెలిపిన వివరాల ప్రకారం.. శ్రీకాకుళం జిల్లాకు చెందిన హరిబాబు తన భార్య హరిజతో కలిసి గత నాలుగేళ్లుగా గుడిమల్కాపూర్‌లో నివసిస్తున్నారు. ఈ దంపతులకు కుమారుడు తరుణ్(7), కుమార్తె తనూజ(5)లు ఉన్నారు. 8 నెలల క్రితం హరిబాబు మరణించడంతో హరిజ ఇద్దరు చిన్నారులతో కలిసి హుమాయూన్‌నగర్‌లో నూతనంగా నిర్మిస్తున్న ఓ భవనం వద్ద పనిలో కుదిరింది. సోమవారం రాత్రి తల్లి తనూజతో కలసి కిరాణం షాపుకు వెళ్లివస్తుండ గా రోడ్డుపై పడి ఉన్న విద్యుత్ వైరు తగలడంతో షాక్‌కు గురై అక్కడికక్కడే మరణించింది. చిన్నారి మృతదేహాన్ని పోస్టుమార్టం కోసం ఉస్మానియాకు తరలించారు.


 గుంటూరు : వినుకొండ పట్టణంలోని సీతారామ అపార్ట్‌మెంట్‌లో ఈ నెల 23వ తేదీన మాకినేని సత్యశ్రీ(56) అనే మహిళ హత్య కేసులో ఆమె కొడుకు సందీప్, కోడలు శ్రావణ్యను పోలీసులు గురువారం అరెస్ట్ చేశారు. సందీప్ జల్సాలకు అలవాటు పడి సుమారు రూ. కోటి అప్పు చేశాడు. కొడుకు, కోడల్ని తల్లి మాకినేని సత్యశ్రీనే పెళ్లైన దగ్గరి నుంచి పోషిస్తోంది. మరో రెండు రోజుల్లో సత్యశ్రీ అమెరికాలో ఉన్న తన కుమార్తె వద్దకు వెళ్లబోతోంది.
 ఈ విషయం తెలిసిన సందీప్..తల్లి కూతురి దగ్గరికి వెళితే తన అప్పు తీర్చడం కష్టమవుతుందని సందీప్, శ్రావణ్య భావించారు. ఆ క్రమంలో ఇద్దరూ కలిసి సత్యశ్రీ పీక నొక్కి చంపేశారు. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. అందులోభాగంగా సందీప్, శ్రావణ్యను పోలీసులు అదుపులోకి తీసుకున్ని ప్రశ్నించారు. ఇద్దరూ కలిసే సత్యశ్రీని హత్య చేశారని పోలీసుల ప్రాధమిక విచారణలో తేల్చారు. వారిద్దరిపై పోలీసులు కేసు నమోదు చేసి వినుకొండ కోర్టులో హాజరుపరిచారు. అనంతరం వారిని పోలీసులు రిమాండ్‌కు తరలించారు.


 మున్నాభాయ్ ఎంబీబీయస్ సినిమాలో ఒక డైలాగు... ‘లైఫ్‌లో తక్కువ టైమ్ ఉంటే, డబుల్ డబుల్ జీవించు’ అని.సినిమాలోని మున్నాభాయ్‌కి డబుల్ జీవించడం అంటే జీవితాన్ని ఎంజాయ్ చేయడం కావచ్చునేమోగానీ... ముంబై మున్నాభాయ్‌కి మాత్రం ‘పరులకు సేవ చేయడం’. సేవలో వారం రోజులు జీవించినా సరే... సంవత్సరానికి సరిపడేంత తృప్తి దొరుకుతుంది కదా!
  
  ఓ సాధారణ ఆటోడ్రైవర్ అయిన సందీప్‌ను కింగ్ ఆఫ్ బాంద్రా, మున్నాభాయ్ ఎస్.ఎస్.సి. అని అందరూ పిలుచుకోవడానికి ఆయనలోని సేవాగుణమే కారణం. సందీప్ ఆటో చాలా స్పెషల్. అందులో టెలిఫోన్, వైఫై కనెక్షన్, న్యూస్‌పేపర్లు, మ్యాగజైన్‌లు, ఎల్‌సీడీ స్క్రీన్, మంచినీళ్లు, టీ మొదలైనవన్నీ ఉంటాయి. అతని ఆటో కంటే సందీప్ ఇంకా ప్రత్యేకం.
  
  సందీప్ తల్లి క్యాన్సర్‌తో మరణించారు. ఆ బాధలో నుంచి బయటపడడానికి అతనికి చాలా కాలమే పట్టింది. పేద క్యాన్సర్ పేషెంట్లను చూసినప్పుడల్లా అతనికి తన తల్లే గుర్తుకు వచ్చేది. తల్లికి గొంతు క్యాన్సర్ వచ్చినప్పుడు చికిత్సకు అవసరమైన డబ్బులను సమకూర్చు కోవడానికి పడ్డ కష్టాలన్నీ కంటి ముందు కదలాడేవి. తనలాంటి పరిస్థితి ఎవరికీ ఎదురు కాకూడదనే సంకల్పంతో  పేద క్యాన్సర్ పేషెంట్ల కోసం తన ఆటోలో ‘డొనేషన్ బాక్స్’ ఏర్పాటు చేశాడు.
  
  ఈ బాక్స్‌లోని మొత్తానికి రోజూ తన వంతుగా కొంత డబ్బును జమ చేయడం మొదలుపెట్టాడు. ఈ మొత్తాన్ని ప్రతినెలా టాటా మెమోరియల్ వంటి పలు హాస్పిటల్స్‌లోని పేద రోగులకు ఇచ్చేవాడు. ఆర్థిక సహాయం చేయడం మాత్రమే కాదు... పేషెంట్లకు ధైర్యం చెప్పి నవ్వించడం, భోజనం తినిపించడం, దుస్తులు కొనిపెట్టడం వంటి ఎన్నో మంచి పనులు చేస్తున్నాడు సందీప్.
  
  ఆదివారం అందరూ విశ్రాంతి తీసుకుంటారు. కానీ సందీప్ చాలా బిజీగా ఉంటాడు. ఉదయం పేద రోగులకు బ్రేక్‌ఫాస్ట్ అందిస్తాడు. తర్వాత ఇంటింటికీ  వెళ్లి దుస్తులు, దుప్పట్లు సేకరించి పేదలకు పంచుతాడు.సందీప్ ఆటోలో ఎప్పుడూ ఫస్ట్ ఎయిడ్ బాక్స్ ఉంటుంది. దారిలో వెళుతున్నప్పుడు గాయపడినవారు కనిపిస్తే వారికి ప్రాథమిక చికిత్స చేసి, దగ్గర్లోని ఆస్పత్రికి తీసుకువెళతాడు.
  
  ఓ యువతికి రెండు కిడ్నీలూ పాడైపో యాయి. చికిత్సకు  అవసరమైన ఆర్థికసాయాన్ని ఒక ట్రస్ట్ అందించినప్పటికీ, ఇంకా రూ. 35,000  వరకు అవసరమైంది. ఇది తెలుసుకున్న సందీప్ అక్కడా ఇక్కడా అడిగి సమకూర్చాడు. సందీప్ చేసిన సహాయాల్లో ఇలాంటివి ఎన్నో ఉన్నాయి.సందీప్ మంచితనం గురించి ఆ నోటా ఈ నోటా విన్నవాళ్లు కూడా తమవంతుగా చేయూత ఇస్తున్నారు. కష్టంలో ఉన్నవారికి సందీప్ ఫోన్ నంబర్ ఇవ్వడం మామూలైపోయింది.
  
  సందీప్ ఆటోపై - ‘ఎనీ ప్రాబ్లం, కాల్ మున్నాభాయ్ ఎస్.ఎస్.సి.’ అని రాసి ఉంటుంది. తన ఆటోలో ప్రయాణించే వికలాం గులు, గర్భిణి స్త్రీలు, వృద్ధులకు డిస్కౌంట్ ఉంటుంది. అత్యవసర పరిస్థితుల్లో ఉన్న పేద లను ఉచితంగానే తన ఆటోలో తీసుకువెళతాడు. తన సేవకు ట్విట్టర్, ఫేస్‌బుక్ వంటి మాధ్యమా లను కూడా ఉపయోగిస్తున్నాడు సందీప్.
  
  ‘‘ఒంట్లో సత్తువ ఉన్నప్పుడే నాలుగు డబ్బులు వెనకేసుకోవాలి. నువ్వేమో వచ్చిన డబ్బును వచ్చినట్లే ఖర్చు చేస్తున్నావు. రేపటి గురించి ఆలోచించు’’ అని బంధువులు  ఎప్పుడూ చెబుతుంటారు. ‘‘రేపటి గురించి మాత్రమే ఆలోచిస్తే ఈరోజు జీవించలేము’’ అంటాడు సందీప్. ఆయనకు జీవితం అంటే ‘పొదుపు’, ‘లగ్జరీ’ కాదు.
  
  ఎంతమందికి మేలు చేయగలిగామన్నదే జీవితం! పెద్ద చదువులు చదివి పెద్ద ఉద్యోగమేదో చేయాలనుకున్న సందీప్ పేదరికం కారణంగా పదవతరగతి వరకు మాత్రమే చదువుకో గలిగాడు. ‘‘పెద్ద చదువులు చదువుకోక పోతేనేం... నీది పెద్దమనసు’’ అనిపించుకునేలా ఎదిగాడు. ‘‘ఆటోడ్రైవింగ్ అనేది నా వృత్తి మాత్రమే కాదు... సేవ చేయడానికి ఒక మార్గం కూడా’’ అంటున్న సందీప్ భవిష్యత్‌లో తన సేవలను మరింత విస్తరించాలనుకుంటున్నాడు.
  
  ‘‘నా పెదవుల మీద నవ్వు కనిపించిందంటే, నా మనసులోని  కోరిక నెరవేరనుందన్నమాట!’’ అనేది సందీప్ డైలాగ్. అదిగో... సందీప్ నవ్వుతున్నట్లుగానే ఉంది!                       
  - యాకూబ్ పాషా
  


 పట్టుకోండి చూద్దాం
 హాల్లో టెన్షన్‌గా అటూ ఇటూ తిరుగుతున్నాడు సందీప్. మధ్య మధ్యన ద్వారం వైపు చూస్తున్నాడు. అప్పుడప్పుడూ గడియారం వైపు చూస్తున్నాడు. భారంగా నిట్టూరుస్తున్నాడు. అతనికేమీ అర్థం కావడం లేదు. పొద్దుననగా ఫంక్షన్‌కి వెళ్లింది కళ్యాణి. ఫంక్షన్ ఎప్పుడో అయిపోయి ఉంటుంది. కానీ అయిదవుతున్నా రాలేదు. ఫోన్ కూడా స్విచాఫ్ చేసి ఉంది. అందుకే సందీప్‌కి  టెన్షన్‌గా ఉంది. ‘‘కాఫీ ఇవ్వ మంటారా అయ్య గారూ’ అంది లోనికి వస్తూనే పనిమనిషి కాంతమ్మ. వద్దు అన్నట్టు తలూ పాడు. ‘‘కళ్యాణి జాడ తెలియడం లేదు కాంతమ్మా’’ అన్నాడు దిగులుగా.
 
 ‘‘ఏదో ఫంక్షన్‌కి వెళ్తాను అన్నారుగా బాబూ. అక్కడ్నుంచి ఇంకెక్కడికైనా వెళ్లారేమో’’ అంది కాంతమ్మ. ఆ ఆలోచన తనకి రానందుకు తిట్టు కున్నాడు సందీప్. ఫంక్షన్‌కి కళ్యాణి అన్నయ్యవాళ్లు కూడా వెళ్లి ఉంటారు. వాళ్ల ఇల్లు అక్కడికి దగ్గరే. అందరూ కలిసి అక్కడికిగానీ వెళ్లారేమో అను కుంటూ సెల్ చేతిలోకి తీసుకున్నాడు. కానీ అతడు డయల్ చేసేలోపే అది రింగ య్యింది. కొత్త నంబర్. తీసి హలో అన్నాడు.
  ‘‘సందీప్‌గారేనా మాట్లాడేది?’’ అంది అవతలి నుంచి ఓ మగమనిషి స్వరం. ‘‘అవును. మీరెవరు’’ అన్నాడు ఆతృతగా. ‘‘నేను కుకట్ పల్లి ఎస్సైని మాట్లాడుతున్నాను. మీ భార్యను ఎవరో హత్య చేశారు. మీరు వెంటనే రావాలి.’’
  అవాక్కయిపోయాడు సందీప్. దుఃఖం పొంగుకొచ్చింది. వెంటనే ‘‘కళ్యాణీ’’ అంటూ బయటకు పరుగుదీశాడు.
    
 కుకట్‌పల్లికి కొన్ని కిలోమీటర్ల దూరంలో... ఓ నిర్మానుష్య ప్రదేశంలో ఉంది కారు. దానిలో డ్రైవింగ్ సీట్‌లో వెనక్కి వాలి ఉంది కళ్యాణి. ఎవరో దారుణంగా పీక కోసేశారు. ఛాతిలో కూడా కత్తిపోట్లు ఉన్నాయి. తట్టుకోలేక పోయాడు సందీప్. కళ్యాణీ అంటూ గుండెలవి సేలా ఏడుస్తుంటే పోలీసుల మనసులు సైతం కదిలిపోయాయి. అతి కష్టమ్మీద అతణ్ని ఊరుకో బెట్టగలిగారు. బాడీని పోస్ట్‌మార్టమ్‌కి పంపించి, సందీప్‌ని తీసుకుని స్టేషన్‌కి బయలుదేరారు.
    
 ‘‘మీకుగానీ మీ భార్యకిగానీ ఎవరైనా శత్రువులు ఉన్నారా సందీప్‌గారూ?’’ ఎస్సై రవికిరణ్ అలా అడగ్గానే మరోసారి భోరుమన్నాడు సందీప్. ‘‘లేరు సర్. తనకైతే అస్సలు ఉండరు. ఎందుకంటే తను చాలా సాఫ్ట్. నాతో కూడా ఎప్పుడూ పోట్లాడదు. ఎంతో కూల్’’ అన్నాడు కళ్లొత్తుకుంటూ. ‘‘అంత కూల్‌గా ఉండే మనిషిని ఎవరు చంపుతారు సందీప్ గారూ? ఇది అనుకోకుండా జరిగినట్టు అనిపించడం లేదు. ఎవరో కావాలని కసితో చేసినట్టు అనిపిస్తోంది.’’
  
 ‘‘ఒకవేళ దొంగలెవరైనా ఈ పని చేశారంటారా సర్. తన ఒంటిమీద నగలు కూడా మాయమయ్యాయి కదా?’’ అన్నాడు సందీప్ సాలోచనగా. ‘‘లేదు. ఇది కచ్చితంగా ఎవరో తెలిసినవారి పనే’’ అన్నాడు రవికిరణ్. ‘‘ఎందుకలా అంటున్నారు సర్?’’ అర్థం కాక అడిగాడు సందీప్. ‘‘ఎందుకంటే తన శవం దొరికిన ప్రదేశాన్ని చూశారుగా? మారుమూల ప్రాంతం. నిర్మానుష్యంగా ఉంది. ఫంక్షన్ నుంచి ఇంటికి రావాల్సిన మనిషి అలాంటి చోటికి ఎందుకెళ్తుంది? ఎవరో తీసుకెళ్లి ఉండాలి. అలా అని ఎవరు పడితే వాళ్లు తీసుకెళ్తే ఎందుకెళ్తుంది? తెలిసినవాళ్లు అయితేనే వెళ్తుంది. ఒకవేళ తనకి వేరే ఎవరితోనైనా...’’
  
 ఇన్‌స్పెక్టర్ భావం అర్థమై అంతెత్తున లేచాడు సందీప్. ‘‘ఏం మాట్లాడుతున్నారు సర్? తన గురించి మీకు ఏం తెలుసని మాట్లాడుతున్నారు? మేం ప్రేమించి పెళ్లి చేసుకున్నాం. ఒకరంటే ఒకరికి ప్రాణం. నా కళ్యాణి నన్ను తప్ప ఎవరినీ ప్రేమించదు.’’
  ‘‘కానీ మీరు మాత్రం వేరే వాళ్లని ప్రేమించ గలరు. పెళ్లి చేసుకోగలరు.’’ చివ్వున చూశాడు సందీప్. ఇన్‌స్పెక్టర్ అలా ఎందుకన్నాడో అర్థం కాలేదు.
  
 ‘‘ఏంటలా చూస్తున్నారు? మీరు డబ్బు కోసం వేరే అమ్మాయిని ప్రేమించారు. పెళ్లి చేసుకోవాలనుకున్నారు. అది మీ భార్యకి తెలిసి పోయింది. మీతో గొడవపడింది. మీరు మారి పోయినట్టు నటించారు. ఇక ఎప్పుడూ మోసం చేయను అని మాట కూడా ఇచ్చారు. ఆ నమ్మకమే ఆమె ప్రాణాలు తీసేసింది.’’
  విస్తుపోయాడు సందీప్. ‘‘లేదు సర్, మీరు పొరపాటు పడుతున్నారు.’’
  
 ‘‘నేను ఎంక్వయిరీ చేశాను మిస్టర్. మీ మధ్య జరిగిన గొడవ లన్నీ కళ్యాణి ఫ్రెండ్ చెప్పింది. ఫంక్షన్ అయ్యే టైమ్‌కి మీరు వెళ్లారు. ఎవరికీ కనిపించకుండా తనని తీసుకుని బయలుదేరారు. తనని చంపేసి, కారుతో సహా అక్కడ వదిలేశారు. మీ కాల్ రికార్డ్స్ పరిశీలిస్తే ఫంక్షన్ జరిగిన ప్రదేశంలో, శవం దొరికిన ప్రదేశంలో కూడా మీరు ఉన్నారని నిర్ధారణ య్యింది. కాబట్టి ఇక తప్పించుకోవాలని చూడకండి’’... చకచకా చెప్పాడు రవికిరణ్.
  
 ఇక వాదించలేదు సందీప్. ‘‘తను నా గురించి అందరికీ చెప్పి గొడవ పెడతానంది. అందుకే మారినట్టు నటించి నోరు నొక్కేశాను. కానీ తనంటే నాకు ఏమాత్రం ఇష్టం లేదు. నేను పావనిని పెళ్లి చేసుకోవాలనుకున్నాను. కళ్యాణి ఉండగా అది సాధ్యం కాదు. అందుకే చంపే శాను. కానీ ఈ విషయం మీకెలా తెలిసింది సర్? అసలు నా మీద మీకు అనుమానం ఎలా కలిగింది?’’ అన్నాడు ఆశ్చర్యంగా.
  సందీప్ ఆ ప్రశ్నకు సమాధానం చెప్పకుండా... ‘‘కానిస్టేబుల్... సర్‌ని లోపలెయ్యి’’ అంటూ బయటికెళ్లిపోయాడు. పోనీ మీరు చెప్పండి. సందీపే హంతకుడని ఇన్‌స్పెక్టర్ ఎలా కనిపెట్టాడు???
  
 జవాబు:  
 మీ భార్య హత్యకు గురయ్యింది, రమ్మని పిలవగానే సందీప్ ఎక్కడికి రావాలి అని అడగలేదు. ఫోన్ పెట్టేసి తిన్నగా స్పాట్‌కి వెళ్లిపోయాడు. దాంతో అతడి చరిత్ర మొత్తం బయటికి లాగాడు ఇన్‌స్పెక్టర్.


 ఫెయిలవుతాననే భయంతో ఓ ఇంజనీరింగ్ విద్యార్థి ఆత్మహత్యకు పాల్పడ్డాడు. నల్గొండ జిల్లా భూదాన్‌పోచంపల్లిలోని సెయింట్ మేరీస్ ఇంజనీరింగ్ కళాశాలలో ప్రధమ సంవత్సరం చదువుతున్న సుంకి సందీప్(19) గదిలో ఉరి వేసుకొని సోమవారం మధ్యాహ్నం ఆత్మహత్య చేసుకున్నాడు.
 సివిల్ ఇంజనీరింగ్ చేస్తున్న సందీప్ పరీక్షలు సరిగా రాయకపోవడంతో మనస్తాపానికి గురైనట్లు తెలుస్తుంది. నిజామాబాద్‌కు చెందిన సందీప్ కళాశాల సమీపంలో ఒక రూంలో అద్దెకు ఉంటున్నాడు. సమాచారం అందుకున్న పోలీసులు సంఘటనా స్థలానికి చేరుకుని దర్యాప్తు చేయగా.. మృతిని వద్ద సూసైడ్ నోట్ లభించింది.ఈ తన చావుకి ఎవరూ బాధ్యులు కారని అందులోపేర్కొన్నాడు.
 
  


 గార్ల : ప్రేమించిన వ్యక్తి  పెళ్లి చేసుకోనన్నందుకు మనస్తాపానికి గురయిన ఓ బాలిక ఈనెల 21న ఒంటిపై కిరోసిన్ పోసుకుని నిప్పంటించుకుంది. ఆస్పత్రిలో చికిత్స పొందుతూ శుక్రవారం మృతిచెందిన సంఘటన ఖమ్మం జిల్లా గార్లలో చోటుచేసుకుంది. పోలీసుల కథనం ప్రకారం.. స్థానిక అంబేద్కర్ నగర్‌కు చెందిన కందుల మాధవి(15) 8వ తరగతి చదువుతోంది. అయితే అదే కాలనీకి చెందిన కుసుమూరి సందీప్ రెండు నెలల క్రితం మాధవి ఇంటికి వచ్చి.. నిన్ను ప్రేమిస్తున్నానని, పెళ్లి చేసుకుంటానని మాయమాటలు చెప్పి లోబరుచుకున్నాడు.
 
 ప్రేమ విషయం బాలిక తల్లికి చెప్పడంతో ఆమె అంగీకరించింది. ఈ క్రమంలో పది రోజుల క్రితం మాధవి కిరాణ దుకాణం వద్దకు వెళ్లగా.. సందీప్ ఆమె వద్దకు వచ్చి నిన్ను పెళ్లి చేసుకోనని తెగేసి చెప్పాడు. దీంతో మనస్తాపానికి గురయిన మాధవి ఈనెల 21న ఒంటిపై కిరోసిన్ పోసుకుని నిప్పంటించుకుంది. మంటలకు తాళలేక కేకలు వేయడంతో ఇరుగు పొరుగు వారు వచ్చి మంటలు ఆర్పారు. వెంటనే 108 వాహనంలో ఖమ్మం ఆస్పత్రికి తరలించగా.. చికిత్స పొందుతూ శుక్రవారం మృతిచెందింది. తల్లి సుశీల ఫిర్యాదు మేరకు ఎస్సై బి.రాజు కేసు నమోదు చేసి, దర్యాప్తు చేస్తున్నారు.


 ముగ్గురు యువకులు, ఓ యువతి మధ్య  ప్రేమకథ -‘నిన్నే కోరుకుంటా’. సందీప్, విజయభాస్కర్, ఆనంద్, పూజిత, సారిక ముఖ్య తారలు. గణమురళి శరగడం దర్శకత్వంలో మరిపి విద్యాసాగర్ ఈ చిత్రాన్ని నిర్మిస్తున్నారు. ప్రణవ్ సంగీతం అందించిన ఈ చిత్రం పాటల వేడుక హైదరాబాద్‌లో జరిగింది. అతిథులుగా నిర్మాతలు మల్కాపురం శివకుమార్, రామ సత్యనారాయణ పాల్గొన్నారు.


 ⇔ నేపథ్య సంగీత దర్శకుడు శాండీ
 ⇔ సినీ పరిశ్రమలో  మరో తెనాలి కెరటం
 ⇔ ‘సాక్షి’కి స్పెషల్ ఇంటర్వ్యూ    
 
 కళల తెనాలి నుంచి ఎందరో వెండితెరను సుసంపన్నం చేశారు. తెలుగు సినీ పరిశ్రమలో ఉద్దండులయ్యారు. తెరవెనుక వెలుగులు చిందించిన కలం వీరులు, సాంకేతిక నిపుణులు, సంగీత శిఖామణులూ ఉన్నారు. మళ్లీ ఇప్పుడు ఇక్కడి యువతరం సినీరంగంవైపు చూస్తోంది. అవకాశాలను దక్కించుకుంటూ సత్తా చాటుతోంది. ఆ కోవలో ఇప్పుడు శాండీ దూసుకొచ్చారు. ప్రసిద్ధ దర్శకుడు రామ్‌గోపాల్‌వర్మ సినిమా  ‘కిల్లింగ్ వీరప్పన్’ తో తొలిసారిగా నేపథ్య సంగీత దర్శకుడిగా మారారు. ప్రస్తుతం విజయాన్ని ఎంజాయ్ చేస్తున్న శాండీ ఆ విశేషాలను ఫోన్‌లో  ‘సాక్షి’తో పంచుకున్నారు. ఆ వివరాలు ఆయన మాటల్లోనే..                     
 - తెనాలి
  
  ఎంతో సంతోషం
  హాయ్.. నాపేరు సందీప్ అద్దంకి. సినిమా ఇండస్ట్రీలో నా పేరు శాండీ. కిల్లింగ్ వీరప్పన్ సినిమాకు నేపథ్య సంగీతం అందించాను. మొదటి సినిమానే రామ్‌గోపాల్‌వర్మతో చేయటం, అది ద్విభాషా చిత్రం కావటం, లహ రి కంపెనీ ఆడియోను విడుదల చేయడం.. అన్నీ విశేషాలే. సినిమాను, పాటలను వేర్వేరుగా క్యాసెట్లుగా రిలీజ్ చేస్తారని తెలిసిందే. నేపథ్య సంగీతాన్ని క్యాసెట్‌గా తీసుకురావటం ఇదే ప్రథమం. అది కూడా నా సంగీతం కావటం సంతోషం.
  
  కుటుంబ నేపథ్యం
 మాది తెనాలి. నాన్న అద్దంకి పాల్ ప్రభాకర్ బీఎఫ్‌ఏ చేశారు. హాబీగా ‘ఎకార్డినిస్ట్‌గా’వ్యవహరించేవారు. ‘పల్లె పిలిచింది’ సినిమాకు ఆర్ట్ డైరెక్టర్‌గా పని చేశారు. తల్లి కళాప్రభాకర్ ఆకాశవాణిలో ‘ఎ’ గ్రేడ్ డ్రామా ఆర్టిస్టు. పెద్దన్నయ్య జోసఫ్ ప్రీతమ్ బీఎఫ్‌ఏ చేశారు. ‘అరుంధతి’ సినిమాకు కాన్సెప్ట్ ఆర్టిస్ట్‌గా చేశారు. ప్రస్తుతం మీనియేచర్ హెడ్. నేను కూడా సినిమా రంగంలో ఉండటం ఆనందంగా ఉంది.
  
  సంగీత శిక్షణ
  ఎంబీఏ చేసిన నాకు సంగీతమంటే ఆసక్తి. కీబోర్డు నాన్న దగ్గర నేర్చుకున్నా. తెనాలిలోనే రంగనాయకి, మార్టూరు వెంకటేశ్వర్లు దగ్గర శాస్త్రీయ సంగీతం అభ్యసించాను. వెస్టరన్ సంగీతం జె.విజయపాల్  (హైదరాబాద్) నేర్పారు.
  
  కీబోర్డు ప్లేయర్‌గా..
  కీబోర్డు ప్లేయర్‌గా ‘నువ్వెక్కడుంటే నేనక్కడుంటా’ నా మొదటి సినిమా. పలు టీవీ సీరియల్స్‌కూ పనిచేస్తుండగా, రామ్‌గోపాల్‌వర్మ దృష్టిలో పడ్డాను. ఆయన తీసిన ‘రక్తచరిత్ర’, ‘బెజవాడ రౌడీ’కు పనిచేశాను. నన్ను గుర్తించి కిల్లింగ్ వీరప్పన్‌లో నేపథ్య సంగీత  బాధ్యతలను అప్పగించారు. ప్రత్యేకంగా ఆడియో రిలీజ్, ఇంటర్వ్యూల్లో ప్రశంసలు దక్కాయంటే రామ్‌గోపాల్‌వర్మకు నచ్చినట్టే కదా..
  
  వర్మ కాంప్లిమెంట్
  కిల్లింగ్ వీరప్పన్ మొదట కన్నడంలో రిలీజైంది. కన్నడ స్టార్ శివరాజ్‌కుమార్ హీరో. సూపర్ హిట్టయింది. తెలుగులోనూ టాక్ బాగుంది. సినీపత్రికల ఇంటర్వ్యూల్లో రామ్‌గోపాల్‌వర్మ నా గురించి బాగా చెప్పారు. పాటలకు రవిశంకర్ సంగీతాన్నిస్తే నేపథ్య సంగీతాన్ని నేను సమకూర్చా.
  
 ఇది కొత్త ట్రెండ్
 ఒక సినిమాకు ఇద్దరు సంగీత దర్శకులా! అని ఆశ్చర్యపోవద్దు. ‘సీతమ్మ వాకిట్లో సిరిమల్లె చెట్టు’ పాటల్ని మిక్కీ జె.మేయర్ చేస్తే, నేపథ్య సంగీతాన్ని మణిశర్మ అందించారు. సినీ పరిశ్రమలో ఇప్పుడు నడుస్తున్న ట్రెండ్ అదే నండి. మరో మంచి సినిమాతో ప్రేక్షకుల ముందుకు రావాలని నిర్ణయించుకున్నా.


 స్నేహితులతో కలిసి సరదాగ బీచ్‌కు వెళ్లిన ఇద్దరు మెడికోలు నీటి మునిగి మృతిచెందారు. ఈ సంఘటన శ్రీకాకుళం జిల్లా కళింగపట్నం సమీపంలోని మత్స్యలేసం వద్ద బుధవారం చోటుచేసుకుంది. రిమ్స్‌లో చదువుతున్న పది మంది మెడికోలు ఈ రోజు బీచ్‌లో సరదాగ గడుపుతున్న సమయంలో ప్రమాదవశాత్తు ఇద్దరు నీట మునిగి మృతిచెందగా మరో యువకుడి పరిస్థితి విషమంగా ఉంది. మృతులు విశాఖపట్నానికి చెందిన అనిల్‌చంద్ర(21), సందీప్(21)లుగా గుర్తించారు. ప్రమాదానికి సంబంధించి పూర్తి వివరాలు తెలియాల్సిఉంది.
 
  


 కుటుంబ కలహాలతో మనస్తాపానికి గురైన యువకుడు ఉరి వేసుకొని ఆత్మహత్య చేసుకున్నాడు. ఈ సంఘటన నగరంలోని ఎల్బీనగర్ నగర్ పోలీస్ స్టేషన్‌లో పరిధిలో గురువారం వెలుగుచూసింది. స్థానిక కాలనీకి చెందిన సందీప్(26) ఓ ప్రైవేట్ కంపెనీలో ఉద్యోగం చేసుకుంటూ జీవనం సాగిస్తున్నాడు. ఈక్రమంలో ఆర్థిక ఇబ్బందులతో పాటు కుటుంబ కలహాలు ఎక్కవవడంతో మనస్తాపం చెంది ఉరి వేసుకొని ఆత్మహత్య చేసుకున్నాడు. సమాచార అందుకున్న పోలీసులు కేసు నమోదు చేసుకొని దర్యాప్తు చే స్తున్నారు.
 
   
  
  


 ఆనంద్‌రాజ్, సందీప్, పూజిత, సారిక ముఖ్యతారలుగా గణ మురళి దర్శకత్వంలో విద్యాసాగర్ మరిపి నిర్మిస్తున్న చిత్రం ‘నిన్నే కోరుకుంటా’. ఈ చిత్రం పాటలను నవంబరు 7న విడుదల చేయనున్నారు. నిర్మాత మాట్లాడుతూ -‘‘యథార్థ ఘటనల ఆధారంగా రొమాంటిక్ కామెడీ ఎంటర్‌టైనర్‌గా ఈ చిత్రాన్ని రూపొందించాం. అన్ని పాటలకూ ప్రణవ్ మంచి స్వరాలందించారు. ప్రస్తుతం నిర్మాణానంతర కార్యక్రమాలు జరుగుతున్నాయి. త్వర లో విడుదల తేదీ ప్రకటిస్తాం’’ అని చెప్పారు. ఈ చిత్రానికి మాటలు: సాహు, బిట్ర ప్రకాశ్, కెమెరా: రామ్‌కుమార్, ఎడిటింగ్: నందమూరి హరి.


 కేయస్ నివాస్, సందీప్తి, పద్మ హీరో హీరోయిన్లుగా శ్రీపాద రామచంద్రరావు దర్శకత్వంలో కె. సంధ్యారాణి నిర్మించిన చిత్రం ‘నాగిని’. త్వరలో ఈ చిత్రాన్ని విడుదల చేయాలనుకుంటున్నారు. సంధ్యారాణి మాట్లాడుతూ - ‘‘వైవిధ్యమైన కథ, కథనాలతో ఈ చిత్రం ఉంటుంది. నాగినీ ఎవరు? ఏం చేసింది? అనేది ఆసక్తికరంగా ఉంటుంది. దర్శకుడు అద్భుతంగా తెరకెక్కించారు. కేయస్ నివాస్ స్వరపరచిన పాటలు ఓ హైలైట్’’ అన్నారు. ఈ చిత్రానికి కథ-మాటలు: సంధ్యారాణి, ఎగ్జిక్యూటివ్ నిర్మాత: విజయ్‌కుమార్ గుర్రం,
  


 చిన్నతనంలో ఎవరినైనా తొండి చేస్తే ఏదో సరదా కోసం అని ఊరుకుంటారు. మరి అదే పెద్దయ్యాక కూడా అలాగే చేస్తే మోసం చేశావంటారు. ఓ యువకుడు తన ప్రేమ విషయంలో ఇలానే ప్రవర్తించాడు. ఆ తర్వాత ఏం జరిగిందనే కథాంశంతో తెరకెక్కుతున్న చిత్రం ‘తొండి’. సందీప్, ప్రియ జంటగా శ్రీకృష్ణ శంకర ప్రొడక్షన్స్ పతాకంపై ప్రసాద్ వెలంపల్లి దర్శకత్వంలో కె. కోటేశ్వరరావు ఈ సినిమా నిర్మిస్తున్నారు. డా. రాజేంద్రప్రసాద్, బ్రహ్మానందం, సంపూర్ణేష్ బాబు, దీక్షాపంత్‌లు కీలక పాత్రలు పోషిస్తున్నారు. ‘‘ఓ వాస్తవ సంఘటన ఆధారంగా ఈ చిత్రాన్ని రూపొందిస్తున్నాం.
 
 కచ్చితంగా అందరినీ అలరించే చిత్రమిది’’ అని దర్శకుడు చెప్పారు. నిర్మాత మాట్లాడుతూ-‘‘మలేసియా, హైదరాబాద్, వైజాగ్‌ల్లోని ఆసక్తికరమైన లొకేషన్స్‌లో చిత్రీకరణ జరిపాం. వచ్చేవారం పాటలను, త్వరలోనే చిత్రాన్ని విడుదల చేస్తాం’’ అని తెలిపారు. ఈ చిత్రానికి కెమెరా:జయరాం, అంజి, బ్యాక్‌గ్రౌండ్ స్కోర్: ‘సాగర్’ మహతి, పాటలు: రెహమాన్, సహనిర్మాత: కె. వంశీధర్.


  అందమైన ప్రేమకథ నేపథ్యంలో సస్సెన్ థ్రిల్లర్‌గా ఓ చిత్రం తెరకెక్కనుంది. సందీప్, మధుసూదన్, లాహిస్క ముఖ్యతారలుగా దీపక్, అమర్  నిర్మించనున్న ఈ చిత్రానికి జీవీ రంజిత్ కుమార్ దర్శకుడు. ‘’తన కుటుంబంలో జరిగిన  హత్యను ఓ యువకుడు ఎలా పరిష్కరించాడనే కథాంశంతో ఫ్యామిలీ ఎంటర్‌టైనర్‌గా ఈ చిత్రాన్ని రూపొందించనున్నాం. ఓ ప్రముఖ నటి ప్రత్యేక పాత్రలో నటించనున్నారు. ఆగస్టులో చిత్రీకరణ మొదలు పెడతాం’’ అని దర్శక, నిర్మాతలు తెలిపారు. ఈ చిత్రానికి సంగీతం: ప్రవీణ్, దర్శకత్వం పర్యవేక్షణ: బి.ఎ దాస్, కెమెరా: రాము.
  


 దేవి చలాకీ అమ్మాయి. అందరినీ నవ్విస్తూ ఉంటుంది. ఆ అమ్మాయి జీవితంలో జరిగే అనుకోని సంఘటనలే ‘సీతాదేవి’ అంటున్నారు శ్రీనివాస్ మల్లం.  సందీప్ హీరోగా నటిస్తూ, నిర్మిస్తున్న ఈ చిత్రానికి శ్రీనివాస్ మల్లం దర్శకుడు.  భవ్యశ్రీ కథానాయిక. ఈ చిత్రం ఇటీవలే హైదరాబాద్‌లో ప్రారంభమైంది. నిర్మాత తండ్రి వెంకన్న కెమెరా స్విచ్చాన్ చేయగా, విజయారెడ్డి క్లాప్ నిచ్చారు. దర్శక, నిర్మాతలు మాట్లాడుతూ - ‘‘భయం కలిగిస్తూనే, ఇంకో పక్క కడుపుబ్బా నవ్వించే చిత్రం ఇది. అసలు ‘సీతాదేవి’ అనే టైటిల్ ఎందుకు పెట్టామో సినిమా  చూశాకే తెలుస్తుంది’’ అని చెప్పారు. ఈ చిత్రానికి కెమెరా: మురుగన్, సమర్పణ: అరుణ.
  


 క్యాన్సర్ కౌన్సెలింగ్
 నా సోదరికి 39 ఏళ్లు. ఆమె ఊపిరితిత్తుల క్యాన్సర్‌తో బాధపడుతూ స్టేజ్ 4లో ఉంది. ఇంట్రావీనస్ కీమోథెరపీ అంటే ఆమెకు భయంగా ఉంది. ఇది కాకుండా మరేదైనా ప్రక్రియ ఉందా? అలాగే దుష్ఫలితాలు లేకుండా కీమోథెరపీ తీసుకునే అవకాశం ఉందా?
 - సందీప్, కరీంనగర్
 
 ఇటీవల మన దేశంలో ఊపిరితిత్తుల క్యాన్సర్‌తో బాధపడే మహిళల సంఖ్య కూడా గణనీయంగా పెరుగుతోంది. పాశ్చాత్యదేశాల స్త్రీలతో పోలిస్తే మన దేశం మహిళలు ప్రధానంగా నాన్-స్మోకర్లే అయినా వాళ్లు ఊపిరితిత్తుల క్యాన్సర్ బారిన పడటానికి ప్రధానంగా వారిలో వచ్చే జన్యుమార్పులే లంగ్ క్యాన్సర్‌కు కారణం. జన్యుపరమైన కారణాలతో క్యాన్సర్ బారిన పడిన పేషెంట్లకు చికిత్స ప్రారంభించడానికి ముందుగానే వారిలో జన్యుకణ పరిణామ ప్రక్రియ ఏవిధంగా కొనసాగుతోందో తెలుసుకోవడం చాలా అవసరం.
 
 అలా చేయడం వల్ల అవసరమైతే వారికి ఇంట్రావీనస్ (రక్తనాళం నుంచి) కీమో ఇవ్వడానికి బదులుగా టాబ్లెట్ల రూపంలోనూ కీమోథెరపీ అందించే అవకాశం కూడా ఉంది. అందువల్ల ఇలాంటి పేషెంట్లకు ముందుగా ఎపీడెర్మల్ గ్రోత్ ఫ్యాక్టర్ (ఈజీఎఫ్‌ఆర్) మ్యుటేషన్ అనే పరీక్ష నిర్వహించాలి. ఎందుకంటే ఆరోగ్యవంతమైన కణంలో కణాల పెరుగుదల, విభజనకు ఈజీఎఫ్‌ఆర్ తోడ్పడుతుంది. క్యాన్సర్ కణాల పెరుగుదల, విభజనలో ఈజీఎఫ్‌ఆర్ మరింత క్రియాశీలకంగా పనిచేస్తూ క్యాన్సర్ కణాలు ఇబ్బడి ముబ్బడిగా పెరిగిపోతూ అవి ట్యూమర్లకింద రూపాంతరం చెందేలా చేస్తుంది.
 
 అందువల్ల ఈ పరీక్ష ఫలితాలను అనుసరించి, వైద్యులు లంగ్ క్యాన్సర్ పేషెంట్లకు టాబ్లెట్ల రూపంలో కీమోథెరపీని అందించే సౌలభ్యాన్ని కల్పిస్తారు. ఇది కూడా ఐవీ కీమోథెరపీతో సమానంగా లేదా అంతకంటే మంచి ఫలితాలనే ఇస్తుంది. పైగా దీనివల్ల కలిగే దుష్ఫలితాలు (సైడ్‌ఎఫెక్ట్స్) కూడా తక్కువ. పేషెంట్లు టాబ్లెట్లను ఇంటికి తీసుకెళ్లి మరీ వాడవచ్చు. ఈవిధంగా టాబ్లెట్లద్వారా కీమోథెరపీ చేయించుకున్న పేషెంట్ల సుదీర్ఘకాలం జీవించిన సంఘటనలు చాలా ఎక్కువే. కాబట్టి మీరు ఆందోళన పడాల్సిన అవసరం లేదు.


 కాలిఫోర్నియాలో పెళ్లాడిన
 భారతీయ అమెరికన్ గేలు
 బంధుమిత్రుల సమక్షంలో వైభవంగా వేడుక
  
 సీన్ అర్థమైపోయింది కదా. ఇద్దరు అబ్బాయిల వింత పెళ్లి. వరూవరుళ్లు సందీప్, కార్తీక్. భారతీయ అమెరికన్లయిన వీరు స్వలింగ సంపర్కులు. అమెరికాలో గే పెళ్లిళ్లు కొత్తేం కాదుకదా అని తీసిపారేయకండి. వీరిది ఆషామాషీ పెళ్లికాదు. బోలెడంత ప్రత్యేకత ఉంది. తిరువనంతపురంలో పుట్టి అమెరికాలో సెటిలై న సందీప్‌కు అమెరికాలో పుట్టిన కార్తీక్‌తో 2012లో ఓ డేటింగ్ వెబ్‌సైట్‌లో పరిచయమైంది. ప్రేమపక్షులు ఒకరికొకరు తెగ నచ్చేశారు. పరిచయం ముదిరి ప్రేమగా మారింది. పెళ్లిబంధంతో ఒకటి కావాలనుకున్నారు. 2013లో తమ తల్లిదండ్రులకు సంగతి చెప్పి అనుమతి కోరారు. తల్లిదండ్రులు తొలుత షాక్ తిన్నా తర్వాత విశాల హృదయంతో ఒప్పేసుకున్నారు. ఇంకేం అబ్బాయిలు ఎగిరి గంతేశారు. పెళ్లిని అంగరంగవైభోగంగా, అగ్నిసాక్షిగా పక్కా మలయాళీ సంప్రదాయం ప్రకారం జరుపుకోవాలనుకున్నారు. గత ఏడాది ఫిబ్రవరిలో నిశ్చితార్థం చేసుకున్నారు.
 
 తర్వాత పెళ్లి ఏర్పాట్లు మొదలెట్టారు. సిగ్గుపడకుండా బంధుమిత్రుల ఇళ్లకెళ్లి ‘మా పెళ్లికి సకుటుంబసమేతంగా వచ్చి మమ్మల్ని ఆశీర్వదించండి’ అంటూ ఆహ్వాన పత్రికలు పంచారు. ఈ ఏడాది జనవరి 18న శుభముహూర్తంలో కాలిఫోర్నియాలో పెళ్లిపీటలెక్కారు. పురోహితుడు వేదమంత్రాలు పఠిస్తుండగా, బంధుమిత్రులు అక్షింతలు చల్లుతుండగా కార్తీక్.. సందీప్ మెడలో తాళి కట్టాడు. తర్వాత అగ్నిగుండం చుట్టూ ఏడడుగులు నడిచారు. వరుడు తన అర్ధాంగుడి చేయిపట్టుకుని అరుంధతీ నక్షత్రం చూపించాడు. ఆహూతులు కొత్తజంటకు కానుకలు సమర్పించి ఎవరికి తోచినట్లు వారు ఆశీర్వదించారు. కొబ్బరి దండిగా చేర్చి వండిన కమ్మని కేరళ వంటకాలతో ఆహూతులు భోంచేశారు. వీరి పెళ్లి సంగతి ఇటీవల సోషల్ మీడియాలో బయటకొచ్చి, గేలకు నూతనోత్తేజం ఇస్తోంది.
  


 ఒక్కపూట బడి కావడంతో పాఠశాలకు వెళ్లి మధ్యాహ్నం ఇంటికి వచ్చారు. ఐదుగురు స్నేహితులు కలిసి గ్రామసమీపంలోని నీటిట్యాంక్‌లో ఈతకు వెళ్లారు. తాడుసాయంతో ట్యాంకులోకి దిగి ఈతకొట్టారు. ముగ్గురు స్నేహితులు పైకి ఎక్కారు. సందీప్, సాయిక్రిష్ణలు పైకి ఎక్కే సమయంలో తాడు తెగింది. ట్యాంకులో మునిగి ప్రాణాలు విడిచారు. ఆ తల్లిదండ్రులకు కడుపుకోత మిగిల్చారు.
  
 గాంధీనగర్(సూర్యాపేటరూరల్) ఈత సరదా ఇద్దరి విద్యార్థుల ప్రాణం తీసింది. ఈ ఘటన సూర్యాపేట మం డలం గాంధీనగర్‌లో బుధవారం చోటు చేసుకుంది. స్థానికులు, పోలీసులు తెలిపిన వివరాల ప్రకారం.. గాంధీనగర్ గ్రామానికి చెందిన దోమలపల్లి వెంకటమ్మకు కూతురు, కుమారుడు ఉన్నారు. చిన్నతనంలోనే భర్త చనిపోవడంతో పిల్లలను కష్టపడి సాకుతోంది. అదే విధంగా దోమలపల్లి లిం గమ్మకు ఇద్దరు కుమారులు ఉన్నారు. ఇద్దరినీ లయోలా పాఠశాలలోనే చది విస్తోంది.
 
 వెంకటమ్మ కుమారుడు సాయిక్రిష్ణ(14) లయోలా పాఠశాల లో 9వ తరగతి చదువుతుండగా, లిం గమ్మ చిన్న కుమారుడు సందీప్(12) ఇదే పాఠశాలలో 7వ తరగతి అభ్యసిస్తున్నాడు. ఒక్కపూట బడులు కావడంతో బుధవారం పాఠశాల నుంచి రాగానే సాయిక్రిష్ణ,సందీప్‌లు మరో ముగ్గురు స్నేహితులతో కలిసి గ్రామ సమీపంలోని మామిడితోటలో గల నీటిట్యాంక్‌లో ఈత కొట్టేందుకు వెళ్లారు. కాగా నీటిట్యాంక్‌లోకి దిగిన ఐదుగురు చిన్నారులలో ముగ్గురు చిన్నారులు ఈత కొట్టిన అనంతరం తాడు సహాయంతో బయటకు వచ్చారు.
 
 ఈ క్రమంలో తాడు తెగిపోవడంతో సాయిక్రిష్ణ, సందీప్‌లు ట్యాంక్‌లోనే ఉండిపోయారు. ట్యాంక్‌లో నీళ్లు ఎ క్కువగా ఉండడంతో ఎక్కువ సమ యం ఈత కొట్టలేక నీటిలో కాలు ఆన క సాయిక్రిష్ణ,సందీప్‌లు మృతి చెందారు. బయటకు వచ్చిన ముగ్గురు చిన్నారులు గ్రామంలోకి వెళ్లి సాయిక్రిష్ణ, సందీప్‌లు ఇద్దరూ నీటిట్యాంక్ లో ఉన్నారని చెప్పారు. దీంతో మృతు ల బంధువులు, స్థానికులు ట్యాంక్ వద్దకు వెళ్ళి చూడగా ట్యాంక్‌లో అప్పటికే సాయిక్రిష్ణ, సందీప్‌లు మృతి చెందారు. మృతదేహాలను స్థానికులు బయటకు తీశారు.
 
 చిన్నారుల మృతదేహాలను చూసి వారిద్దరి తల్లుల రోదనలు మిన్నంటాయి. విషయం తెలుసుకున్న పోలీసులు సంఘటన స్థలానికి చేరుకు ప్రమాదం జరిగిన తీరును పరిశీలించారు.పోస్టుమార్టం నిమిత్తం మృతదేహాలను సూర్యాపేట ఏరియా ఆస్పత్రికి తరలించారు.మృతిచెందిన చిన్నారులతో ఈతకు వెళ్లిన ముగ్గురు చిన్నారులను పోలీసులు అదుపులోకి తీసుకుని విచారిస్తున్నారు.
 
 గాంధీనగర్‌లో విషాదఛాయలు
 
 ఈతకు వెళ్లి ఇద్దరు చిన్నారులు మృ త్యువాతపడడంతో గాంధీనగర్‌లో వి షాదఛాయలు అలుముకున్నాయి. అల్లారుముద్దుగా చదువుకునే చిన్నారు లు ఇలా మృత్యువాతపడటం ఏంటని ప్రతి ఒక్కరూ ఆవేదనవ్యక్తం చేశారు. మృతిచెందిన చిన్నారులను చూసే ందుకు పెద్ద ఎత్తున ప్రజలు తర లివచ్చారు.


 టాటా డొకొమో ఆఫర్
 
 న్యూఢిల్లీ: టాటా డొకొమో వినియోగదారులు తమకు ఇష్టం వచ్చిన అంకెలతో సొంతంగా మొబైల్ ఫోన్ నంబర్‌ను సృష్టించుకోవచ్చు. తమ పుట్టిన రోజు తేదీలతో కానీ, లేదా తమకు ఇష్టమైన అంకెలతో, లేదా తేలికగా గుర్తించుకునేలా నచ్చిన అంకెలతో మొబైల్ ఫోన్ నంబర్‌ను ఏర్పాటు చేసుకోవచ్చని టాటా టెలీ సర్వీసెస్ హెడ్(బ్రాండెడ్ రిటైల్, స్ట్రాటజిక్ డిస్ట్రిబ్యూషన్)సందీప్ సింఘాల్ తెలిపారు.
 
 వినియోగదారులు ఏ టాటా డొకొమో బ్రాండ్ స్టోర్స్‌లోకి వెళ్లినా, ఇలాంటి మొబైల్ నంబర్ పొందవచ్చని వివరించారు. కొత్త వినియోగదారులకే కాక ప్రస్తుత కస్టమర్లకూ ఇది వర్తిస్తుందన్నారు.  ఈ తరహా సేవలందించడం మొబైల్ ఫోన్ల పరిశ్రమలో ఇదే మొదటిసారని వివరించారు.


 గొడిచర్ల వద్ద రోడ్డు ప్రమాదం
  
 నక్కపల్లి : మ్యారేజిడే వేడుకకు వెళ్లి వస్తుండగా ఓ కుటుంబం రోడ్డు ప్రమాదం బారిన పడింది. ఈ ఘటనలో ఒకరు మృత్యువాత పడగా  ఏడుగురు గాయపడ్డారు. వివరాలు ఇలా ఉన్నాయి. విశాఖ రేసపువానిపాలెంలో ఏయూ రిటైర్డు ప్రొఫెసర్ దాసరి ప్రభాకర్‌రావు కుటుంబం నివసిస్తోంది . ఈయన భార్య అమ్మాజీ(60) కూడా బ్యాంకులో పనిచేసి రిటైరయ్యారు. వీరి ఏకైక కుమారుడు సందీప్ కాకినాడలో రిలయన్స్‌లో ఇంజినీర్‌గా పనిచేస్తున్నాడు. ఆదివారం సందీప్ పెళ్లి రోజు. దీంతో కుమారుడి పెళ్లిరోజు వేడుకకు హాజరయ్యేందుకు ప్రభాకరరావు కుటుంబ సభ్యులు కాకినాడ వెళ్లారు. కార్యక్రమం పూర్తయ్యాక సోమవారం వీరంతా తిరుగుప్రయాణమయ్యారు.
 
 కొడుకు సందీప్ కారులో వీరంతా విశాఖ బయలుదేరారు.  రాత్రి 8గంటలప్రాంతంలో కారు మండలంలోని గొడిచర్లసమీపంలోకి రాగానే ద్విచక్రవాహనం అడ్డొచ్చింది. దీన్ని తప్పించే ప్రయత్నంలో కారు పక్కనే ఉన్న పొలాల్లోకి పల్టీలుకొట్టింది. ఈ ఘటనలో సందీప్ తల్లి అమ్మాజీ అక్కడికక్కడే మరణించారు. ప్రభాకర్‌రావుకు కాలు విరిగిపోయింది. తలకు బలమైన గాయాలయ్యాయి. డ్రైవింగ్ చేస్తున్న సందీప్ కాలు కూడా విరిగిపోయింది. నడుంకు బలమైన గాయమైంది. మేనకోడలు తేజస్విని తీవ్రంగా గాయపడి అపస్మారక స్థితికి చేరుకుంది.  
 
 చంద్రిక, సంధ్యలతోపాటు రెండేళ్ల చిన్నారి ప్రణవి కూడా గాయపడ్డారు. గాయపడ్డవారిని 108 వాహనంలో తుని ఏరియా ఆస్పత్రికి తీసుకొచ్చారు. తల్లిదండ్రులను విశాఖ దిగబెడదామని బయలుదేరానని ఇంతలో ప్రమాదం  సంభవించిందని సందీప్ సాక్షికి తెలిపారు. క్షతగాత్రుల ఆర్తనాదాలతో తుని ఏరియా ఆస్పత్రి మారుమోగింది. తునిలో ఉన్న సందీప్ బంధువులు ప్రమాద విషయాన్ని తెలుసుకుని ఆస్పత్రికి వచ్చి బాధితులకు సపర్యలు చేశారు. ఏరియా ఆస్పత్రి సిబ్బంది ప్రాథమిక చికిత్స అందించి ఒకరి పరిస్థితి  విషమంగా ఉండటంతో విశాఖ తరలించారు.


 తుంగతుర్తి : ప్రేమించి పెళ్లి చేసుకున్నాడు.. తల్లిదండ్రులు నిరాకరించారని కాదు పొమ్మన్నాడు.. దీంతో తనకు న్యాయం చేయాలని భార్య ఆ భర్త ఇంటి ఎదుటే మౌనపోరాటానికి దిగింది. ఈ ఘటన తుంగతుర్తి మండలం పసునూర్ గ్రామంలో మంగళవారం వెలుగుచూసింది. వివరాలు.. గ్రామానికి చెందిన  మల్లేపాక శ్రీరాములు రెండో కుమారుడు సందీప్ కుమార్ మూడేళ్లుగా హైదరాబాద్‌లో ఉంటూ ప్రైవేట్‌గా ఉద్యోగం చేస్తున్నాడు. ఈ క్రమంలో గత ఏడాది క్రితం హైదరాబాద్‌కు చెందిన ఊర్మిళతో అతడికి పరిచయం ఏర్పడింది. అది కాస్తా ప్రేమగా మారి ఈ ఏడాది జనవరి 22న అక్కడే ఆర్యసమాజ్‌లో వివాహం చేసుకున్నారు. కొంత కాలం వరకు అక్కడే కాపురం కూడా చేశారు.
 
  ఇటీవల సందీప్ తన భార్యతో కలిసి స్వగ్రామానికి వచ్చాడు. అయితే అతడి తల్లిదండ్రులు పెళ్లిని ఒప్పుకోలేదు. దీంతో ఊర్మిళను అప్పటి నుంచి సందీప్ అతడి కుటుంబ సభ్యులు వేధించసాగారు. సందీప్ తన నుంచి విడిపోవాలని ఊర్మిళను ఒత్తిడి చేశాడు. అందుకు ఒప్పుకోకపోవడంతో మూడు రోజుల క్రితం ఊర్మిళను పసునూరులోనే వదిలి సందీప్ కుటుంబ సభ్యులు ఇంటికి తాళం వేసి పరారయ్యారు. అయితే అప్పటి నుంచి భర్త ఇంటి ఎదుటే ఊర్మిళ దీక్ష చేస్తోంది. ప్రేమించి పెళ్లి చేసుకోవడంతో అటు తల్లిదండ్రులు రానివ్వడం లేదని.. ఇటు చూస్తే తనకు వద్దంటూ భర్త ఎక్కడికో వెళ్లిపోయాడని.. న్యాయం జరగకుంటే చావు తప్ప వేరే మార్గం లేదని ఊర్మిళ విలపిస్తోంది. ఉన్నతాధికారులు స్పందించి న్యాయం చేయాలని వేడుకుంటోంది.  
  


 కార్పొరేట్ సంస్థలో మేనేజర్ సందీప్. అతడి తల్లిదండ్రులది కడప జిల్లా. ఇద్దరూ ప్రేమించి పెళ్లి చేసుకున్నారు. సందీప్ పుట్టిన తర్వాత కొన్నాళ్లకే వారు విడిపోయారు. ఆర్థిక బాధల్లో అతడి తల్లి సందీప్‌ను అతడి పెద్దమ్మ దగ్గరకు పంపించింది. ఆ రోజులను గుర్తు చేసుకుంటూ ‘‘పెద్దమ్మ టీ దుకాణంలో నన్ను పనికి పెట్టింది. బాధలు పడలేక ఓ రోజు సాయంత్రం రెలైక్కి నిద్రపోయాను. నిద్రలేచే సరికి విజయవాడ చేరాను. అక్కడ నాకెవరూ తెలియదు. తిరిగి తిరిగి ఒక హోటల్‌కెళ్లి పనిలో చేరాను. రోజులు గడిచాయి. ఒక రోజు బాలకార్మికులను గుర్తించడానికి ప్రభుత్వ సిబ్బంది హోటళ్లు, రెస్టారెంట్లలో తనిఖీ చేసినప్పుడు నేను దొరికాను. అది నా జీవితంలో గొప్ప మలుపు.
  
 వారు నన్ను నవజీవన్ బాల భవన్‌లో చేర్చారు. అక్కడి ఫాదర్ నా ఇష్టాన్ని గుర్తించి స్కూల్లో చేర్పించారు. తర్వాత కాలేజ్‌లో చేరి బిబిఎం చదివాను. ‘ఓ లిమిటెడ్ కంపెనీ’లో మేనేజర్‌గా ఉద్యోగం వచ్చింది. అందులో స్థిరపడ్డాక ఫాదర్‌తో మాట్లాడి నా క్లాస్‌మేట్ ‘రాజీ’ని పెళ్లి చేసుకున్నాను. నా పెళ్లి నవజీవన్ వాళ్లే దగ్గరుండి చేశారు. ఇప్పుడు మాకో పాప. తన పేరు సహస్ర’’ అని పాపను, భార్యను చూపిస్తూ ‘నవజీవన్ లేకపోతే ఈ సందీప్ లేడు’ అన్నారాయన ఆర్ద్రంగా.
  
 ఒకప్పటి స్ట్రీట్‌బాయ్...
 యూనివర్శిటీ గోల్డ్ మెడలిస్ట్ సంతోష్‌కుమార్ ఒకప్పుడు వీథుల్లో తిరిగిన కుర్రాడు. ఇతడి అమ్మానాన్నలు గొడవలు పడేవారు. దాంతో ఇంటి నుంచి పారిపోయి వరంగల్ చేరాడు. మూడేళ్లపాటు హోటళ్లలో పనులు చేస్తూ వీధుల్లో తిరుగుతూ గడిపేశాడు. ఒకరోజు రెలైక్కబోయి జారి పడడంతో గాయాల పాలయ్యాడు. ప్రభుత్వాసుపత్రిలో చికిత్స పొందాడు. డిశ్చార్జ్ అయిన తర్వాత ఎక్కడికెళ్లాలో తెలియక విజయవాడ చేరాడు. నవజీవన్ సిబ్బంది గుర్తించి బాలభవన్‌కు తీసుకొచ్చారు. సంతోష్ జీవితానికి అది మలుపు. ‘‘స్కూలుకెళ్తున్న విద్యార్థుల యూనిఫాం చూసి నాకూ అలాంటి దుస్తులు కావాలని అడిగాను.
  
 వాటిని చదువుకునే వాళ్లకు మాత్రమే ఇస్తారని చెప్పడంతో స్కూలుకెళ్లి చదువుకుంటానని చెప్పి యూనిఫామ్ తీసుకున్నాను. దాంతో అనివార్యంగా చదవాల్సి వచ్చింది. అలా చదువుకొంటూ బి.ఎస్‌సి కంప్యూటర్ సైన్స్ పూర్తి చేసి నాగార్జున యూనివర్శిటీలో ఎం.ఎ (సోషల్ వర్క్)లో గోల్డ్‌మెడల్ సాధించాను. నెట్ క్వాలిఫై అయి అసిస్టెంట్ ప్రొఫెసర్‌గా ఎంపికయ్యాను’’ అని వివరించారు సంతోష్. స్వతహాగా సోషల్ వర్క్ మీద ఉన్న ఇష్టంతో రెడ్డీస్ ల్యాబొరేటరీస్, ఇండియన్ సోషల్ ఫోరంలలో పనిచేశాడు. వీటన్నింటికంటే అనాథలకు, వీధిబాలలకు, బాలకార్మికుల కోసం ఏదైనా చేయాలనే తపనతో తిరిగి వరంగల్ చేరుకున్నాడు. అతడు ఇప్పుడక్కడ నవజీవన్ బాలభవన్ డెరైక్టర్. భార్య సునీత, పిల్లలు నిథిలన్, హర్షిల్‌తో హాయిగా జీవిస్తున్నాడు సంతోష్.
  
 తప్పిపోయి ఈ చెట్టు చేరాను!
 మహారాష్ట్రకు చెందిన రాధ తప్పిపోయి హైదరాబాద్‌కు చేరింది. ఒక పెద్దావిడ చొరవ తీసుకుని రాధను వీధిబాలలకు ఆశ్రయమిచ్చే ప్రభుత్వ హాస్టల్‌లో చేర్చింది. అక్కడే ఏడవ తరగతి వరకు చదువుకున్న రాధను, మిగతా పిల్లలతోపాటు వృత్తి విద్యాకోర్సులలో శిక్షణ కోసం తిరుపతికి పంపించారు. చదువుకుంటానని చెప్పడంతో ఆ అమ్మాయిని విజయవాడ నవజీవన్‌కు పంపించారు సంబంధిత అధికారులు. ఇంటర్ వరకు చదివిన తర్వాత బ్యూటీషియన్ కోర్సు చేసిందామె. ‘‘నాకు పెళ్లి కూడా నవజీవన్ వాళ్లే చేశారు. మా వారు శ్రీనుది కడప. సవతి తల్లి పెట్టే బాధలు పడలేక ఇంటి నుంచి పారిపోయి వచ్చి వాసవ్యహోమ్‌లో కొన్నాళ్లు ఉండి తర్వాత నవజీవన్‌కి చేరారు. అక్కడే నన్ను చూసి ఇష్టపడి, ఫాదర్‌తో చెప్పడంతో ఫాదర్ మా పెళ్లి చేశారు’’ అని చెప్పింది రాధ.
  
 పేరు పెట్టింది కూడా ఫాదరే!
 రాజేశ్ నెలల బిడ్డగా రైల్వేస్టేషన్‌లో దొరికాడు. నవజీవన్ షెల్టర్‌హోమ్‌లో చేర్చిన తర్వాత అక్కడి ఫాదర్ బాలశౌరి అతడికి పేరు పెట్టారు. ‘‘హోమ్‌లోనే ఉంటూ పదో తరగతి వరకు చదివాను. నవజీవన్‌లోనే కార్పెంటర్ వర్క్ నేర్పించారు. ప్రస్తుతం విజయవాడ టౌన్‌లో కాంట్రాక్టులు చేస్తున్నాను. హోమ్‌కి వచ్చే నాలాంటి వారికి పనులు నేర్పిస్తూ నలుగురికి ఉపాధి చూపిస్తున్నాను. నాకు అమ్మా నాన్న..అన్నీ నవజీవనే’’ అంటాడు రాజేశ్.
 ఇప్పల కోటిరెడ్డి, విజయవాడ
 ఫొటోలు: రాజేంద్రమోహన్
  
 ఎక్కడో పుట్టి... ఇక్కడ పెరుగుతున్నారు!
 విజయవాడలో పాతికేళ్ల కిందట నవజీవన్ బాలభవన్‌ను స్థాపించారు. ఇంటినుంచి పారిపోయి వచ్చిన పిల్లలు, తప్పిపోయిన పిల్లలు, బాలకార్మికులు తారసపడితే మా సిబ్బంది వారిని హోమ్‌కు తీసుకువస్తారు. అలా ఈ పాతికేళ్ల ప్రస్థానంలో 24 వేల మందిని గుర్తించి వారి తల్లిదండ్రుల దగ్గరకు చేర్చాం. 43వేల మందికి పునరావాసం కల్పించాం. నవజీవన్‌లో ఆశ్రయం పొందిన వారిలో ఎంతోమంది చదువుకుని ఉద్యోగాల్లో స్థిరపడ్డారు. ప్రస్తుతం బాలకార్మిక వ్యవస్థ, బాల్యవివాహాల నిర్మూలనపై కార్యక్రమాలు చేపడుతున్నాం.
 
 - ఫాదర్ బాలశౌరి, ఎగ్జిక్యూటివ్ డెరైక్టర్, నవజీవన్ బాలభవన్, విజయవాడ


 మేడ్చల్: నదిలో గల్లంతైన తమ కుమారుడు ఎక్కడో బతికే ఉండొచ్చని భావించారు ఆ తల్లిదండ్రులు. కొడుకు వస్తాడని వేయి కళ్లతో ఎదురుచూస్తున్న వారికి గుండెకోతే మిగిలింది. హిమాచల్‌ప్రదేశ్‌లోని బియాస్ నదిలో గల్లంతైన మేడ్చల్ మండలం గౌడవెల్లి విద్యార్థి బస్వరాజు సందీప్‌యాదవ్(20) మృతదేహం మంగళవారం లభ్యమైంది. కుమారుడి మృతి విషయం తెలుసుకున్న తల్లిదండ్రులు ఒక్కసారిగా కుప్పకూలిపోయారు. తమ కుమారుడు వస్తాడని వేయికళ్లతో ఎదురుచూసిన వారికి చివరికి దుఃఖమే మిగిలింది.
 మంగళవారం ఉదయం 8 గం టల సమయంలో బియాస్ నది అడుగుభాగంలో మంచుగడ్డల మధ్య ఓ మృతదేహం అధికారులకు కనిపిం చింది. అక్కడే ఉన్న తెలంగాణ రాష్ట్ర అధికారులు, విజ్ఞాన్ జ్యోతి కళాశాల యాజమాన్యం మృతుడు సందీప్‌యాదవ్ అయి ఉండొచ్చని అనుమానించారు. దీంతో అతడి తండ్రి బస్వరాజ్ వీరేష్‌కు ఫోన్ చేసి వివరాలు తెలిపారు. మృతుడి ఒంటిపై ఉన్న దుస్తులు, బూట్లు, చేతికి ఉన్న ఉంగరం ఫొటోలను అధికారులు ఎంఎంఎస్ ద్వారా వీరేష్ సెల్‌ఫోన్‌కు పంపించారు. ఉంగరం ద్వారా మృతుడు సందీప్ అని తల్లిదండ్రులు, కుటుంబీకులు గుర్తించారు.  
 
  శోకసంద్రంలో సందీప్ కుటుంబం
  మంగళవారం సందీప్ మృతి సమాచారం తెలుసుకున్న అతడి తల్లిదండ్రులు బస్వరాజ్ వీరేష్, విజయ ఇంట్లోనే కుప్పకూలిపోయారు. ‘వస్తావనుకున్న నాయక.. మమ్మల్ని విడిచిపెట్టి పోయావా.. నాన్న..’ అని ఆమె రోదించిన తీరు హృదయ విదారకం. సందీప్ తండ్రి వీరేష్ ఒంటరిగా తనలో తానే కులిమిపోయాడు. ‘ఎలాగైనా బతికి వస్తావనుకున్నాను రా..’ అని ఆయన గుండెలుబాదుకున్నాడు. సందీప్ ఇద్దరు సోదరి, ఇతర కుటుంబసభ్యుల రోదనలతో గౌడవెళ్లి శోకసంద్రంలో మునిగిపోయింది. సందీప్ మృతి సమాచారం తెలుసుకున్న గౌడవెళ్లి గ్రామస్తులు పెద్దఎత్తున అతడి ఇంటికి చేరుకొని కుటుంబీకులను ఓదార్చారు. కాగా విజ్ఞాన్ జ్యోతి కళాశాల ఆధ్వర్యంలో విద్యార్థులు గత నెల 8న హిమాచల్‌ప్రదేశ్‌కు వెళ్లిన విషయం తెలిసిందే.
 
  బుధవారం మృతదేహం గౌడవెళ్లికి..
  సందీప్ మృతదేహాన్ని బుధవారం  గౌడవెళ్లికి తరలిస్తామని అధికారులు సమాచారం ఇచ్చినట్లు సందీప్ తండ్రి వీరేష్ తెలిపారు. అక్కడే పోస్టుమార్టం నిర్వహించి అక్కడి నుండి విమానం లో ఢీల్లీకి.. శంషాబాద్ ఎయిర్‌పోర్టు కు తీసుకొస్తారన్నారు. అక్కడి నుంచి రోడ్డు మార్గంలో మృతదేహాన్ని గౌడవెళ్లికి తీసుకొస్తామని అధికారులు తెలిపినట్లు వీరేశ్ పేర్కొన్నారు.


 పూండి: వజ్రపుకొత్తూరు మండలం పూండి గ్రామానికి చెందిన ఇంజనీరింగ్ వ్యిద్యార్థి దున్న సందీప్(20) తమిళనాడులోని వేలూరులో జరిగిన రోడ్డు ప్రమాదంలో దుర్మరణం పాల య్యాడు. గురువారం అర్ధరాత్రి 12 గంటల సమయంలో వేలూరు నుంచి స్నేహితులతో కలిసి కారులో ప్రయాణిస్తుండగా ఈ ఘటన జరిగినట్లు కుటుంబ సభ్యులు తెలిపారు. రెండు కార్లలో ప్రయాణిస్తున్న విద్యార్థులు ఓవర్ టేక్ చేసే సమయంలోనే ప్రమా దం జరిగినట్లు భావిస్తున్నారు. మృతు డు వేలూరు ఇనిస్టిట్యూట్ ఆఫ్ టెక్నాలజీలో ఇంజినీరింగ్ ట్రిపుల్ ఈ తృతీ య సంవత్సరం విద్యార్థి.  ఘటనలో హైదరాబాద్‌కు చెందిన మరో విద్యార్థి కూడా మృతి చెందాడు. సమాచారం అందగానే పూండి వాసు లు శోకసంద్రంలో మునిగిపోయారు.
  
  మృతదేహం చేరిక
  మృతదేహం శనివారం సా యంత్రం 3 గంటలకు పూండి చేరుకోవడంతో శ్మశాన వాటికకు బంధువులు, కుటుంబ సభ్యులు చేరుకుని భోరుమన్నారు. మృతుని తల్లిదండ్రులు దున్న రమేష్, రాధలు కన్నీరు మున్నీరయ్యారు. ఒక్కడే కొడుకు కావడంతో అల్లారు ముద్దుగా పెంచుకున్న ఆ కుటుంబానికి తీరని శోకమే మిగిలింది. క్యాంపస్ ఇంటర్వ్యూలో విజయం సాధించి త్వరలోనే ఇంటికి వస్తాడనుకున్న కొడుకుని ఈ రూపంలో చూడా ల్సి వస్తుందని కలలో కూడా ఊహించలేదని తల్లిదండ్రులు రోదిస్తుంటే చూపరులు కూడా కంటతడిపెట్టారు. మృతు ని కుటుంబ సభ్యులను వైఎస్సార్ సీపీ నేతలు పేడాడ తిలక్, ఎర్ర చక్రవర్తి, ఎన్.శ్రీరామ్‌మూర్తి, కె.నారాయణమూర్తితోపాటు పలువురు ప్రముఖులు పరామర్శించి ప్రగాడ సానుభూతి తెలిపారు.
  


 ఇంకా లభ్యం కాని సందీప్ ఆచూకీ
  
 మేడ్చల్ రూరల్: హిమాచల్‌ప్రదేశ్‌లో బియాస్ నదిలో నీటి ప్రవాహానికి గల్లంతైన సందీప్ తిరిగి వస్తాడని కుటుంబీకులు వేయికళ్లతో ఎదురుచూస్తున్నారు. ఘటన జరిగి 6 రోజులు గడిచినా విద్యార్థి జాడ తెలియరాకపోవడంతో సందీప్ స్వగ్రామం గౌడవెల్లిలో విషాదం అలుముకుంది. అతడి కోసం తల్లిదండ్రులు వీరేష్, విజయలతో పాటు కుటుంబీకులు కన్నీటిపర్యంతమవుతున్నారు. ప్రభుత్వం నిర్లక్ష్యంగా వ్యవహరిస్తోందని గ్రామస్తులు మండిపడుతున్నారు. అధికారులు స్పందించి తక్షణమే సందీప్ జాడ కనిపెట్టాలని కోరుతున్నారు. తన ఇంటికి కనీసం అధికారులు వచ్చి వివరాలు కూడా తెలుసుకోవడం లేదని పబ్లిక్ ప్రాసిక్యూటర్, సందీప్ తండ్రి వీరేష్ ఆవేదన వ్యక్తం చేశారు.


 
 వీడిన టైలర్ హత్య కేసు మిస్టరీ 
 
 ప్రియుడితో కలిసి చంపించిన భార్య  
 
 నిందితులకు రిమాండు
 
 శంషాబాద్: పట్టణంలో కలకలం సృష్టించిన టైలర్ హత్య కేసు మిస్టరీ వీడింది..  తన వివాహేతర సంబంధానికి అడ్డుగా ఉన్నాడని భార్యే ప్రియుడితో కలిసి భర్తను చంపించింది. పోలీసులు శుక్రవారం నిందితులను అరెస్టు చేసి రిమాండుకు తరలించారు. శంషాబాద్ ఏసీపీ సుదర్శన్ విలేకరుల సమావేశంలో కేసు వివరాలు వెల్లడించారు. శంషాబాద్ మాజీ ఎంపీపీ తోట లచ్చయ్య కుమారుడు శ్రీశైలం స్థానికంగా టైలర్‌గా పనిచేస్తూ మధురానగర్‌కాలనీలోని సొంతింట్లో ఉంటున్నాడు.
  
 మహేశ్వరం మండలం సరస్వతీగూడకు చెందిన సరితను ఏడేళ్ల క్రితం వివాహం చేసుకున్నాడు. వీరికి ఇద్దరు పిల్లలు ఉన్నారు. పెళ్లికి ముందే సరితకు స్వగ్రామానికి చెందిన సందీప్‌తో వివాహేతర సంబంధం ఉంది. వివాహానంతరం కూడా సరిత భర్తకు మత్తుమందు ఇచ్చి ఇంట్లోనే తన సంబంధాన్ని కొనసాగిస్తూ వచ్చింది. తమ ‘బంధా’నికి అడ్డుగా ఉన్న శ్రీశైలాన్ని అంతం చేయాలని సరిత, సందీప్ పథకం వేశారు. ఈక్రమంలో సందీప్ తన స్నేహితులైన సరస్వతీగూడ, లేమూరు గ్రామాలకు చెందిన జంగయ్య, బాల్‌రాజ్, యాదగిరిలతో విషయం చెప్పాడు. శ్రీశైలం హత్యకు సహకరిస్తే  రూ. 50 వేలతో పాటు ఓ ప్లాటు ఇవ్వడానికి ఒప్పుకున్నారు. ఈక్రమంలో గత మే 26న అర్ధరాత్రి సందీప్‌తో పాటు అతడి మగ్గురు స్నేహితులు ఇండికా కారులో శంషాబాద్‌లోని శ్రీశైలం ఇంటికి వచ్చారు. యాదగిరి గేటు వద్ద కాపలా ఉండగా మిగతా వారు ఇంట్లోకి వెళ్లారు.
  
 తమతో తెచ్చుకున్న ఇనుపరాడ్డుతో నిద్రిస్తున్న శ్రీశైలం తలపై మోదారు. అపస్మారకస్థితిలోకి వెళ్లిన అతడిని కారులో వేసుకొని శంషాబాద్ మండలంలోని బూర్జుగడ్డ వద్ద నిర్మానుష్య ప్రాంతానికి తీసుకెళ్లారు. శ్రీశైలం మృతి చెందే వరకు అక్కడ రాడ్డుతో అతడి తలపై విచక్షణారహితంగా బాదారు. మృతిచెందాడని నిర్ధారించుకున్న వారు తిరిగి మధురానగర్‌లోని శ్రీశైలం ఇంటికి వెళ్లారు. సందీప్ సరిత వద్ద నుంచి రూ. 2500 తీసుకొని ఇంట్లో రక్తపు మరకలను తుడిచిన దుస్తులను కారులో వేసుకుని రాళ్లగూడ రహదారివైపు వెళ్లారు. శ్రీైశె లం ఇంటి వద్ద ఉన్న అతడి బైక్‌ను బాల్‌రాజ్ తీసుకుని రాళ్లగూడ ఔటర్ సర్వీసు రోడ్డువైపు కారు వెంబడి వెళ్లాడు.
  
 రోడ్డు ప్రమాదంగా చిత్రీకరించేందుకు యత్నిస్తుండగా పెట్రోలింగ్ శబ్దాన్ని విని మృతదేహాన్ని రోడ్డుపై పడేశారు. అక్కడి నుంచి యాదగిరిగుట్టకు వెళ్లిపోయారు. మార్గమధ్యంలో ఉప్పల్ సమీపంలో ఇనుపరాడ్డుతో పాటు రక్తపు మరకలున్న దుస్తులను పడేశారు. మృతదేహం పక్కనే బైకు పడేద్దామనుకున్న బాల్‌రాజ్ భయపడి స్థానిక రిజిస్ట్రేషన్ కార్యాలయం ముందున్న ఖాళీ స్థలంలో పెట్టి సరస్వతీగూడకు వెళ్లిపోయాడు. తీవ్ర భయాందోళ నకు గురైన బాల్‌రాజ్ స్థానిక పెద్దమనుషులకు విషయం చెప్పాడు.
  
 మరుసటి రోజు స్థానికుల సమాచారంతో పోలీసులు ఘటనా స్థలానికి చేరుకొని వివరాలు సేకరించారు. మొదట రాజకీయ లేదా ఆర్థిక కారణాలే హత్యకు దారి తీసి ఉండొచ్చని అనుమానించారు. అనంతరం శ్రీశైలం భార్య సరిత తీరు అనుమానాస్పదంగా ఉండడంతో ఆ దిశగా విచారణ జరిపారు. వివాహేతర సంబంధమే హత్యకు దారి తీసిందని నిర్ధారించుకున్నారు. తొలుత బాల్‌రాజ్‌తో పాటు సరితను అదుపులోకి తీసుకున్న పోలీసులు గురువారం సందీప్, జంగయ్య, యాదగిరిలను అరెస్ట్ చేశారు. సరితతో పాటు మిగతా నలుగురిని శుక్రవారం రిమాండుకు తరలించారు. కేసు ఛేదించిన సిబ్బందిని ఏసీపీ ఈ సందర్భంగా ప్రశంసించారు.


  హిమాచల్‌ప్రదేశ్‌లోని బియాస్ నదిలో గల్లంతైన శంషాబాద్ వాసి అరవింద్ మృతదేహాన్ని గురువారం రెస్క్యూ సిబ్బంది బయటకు తీశారన్న వార్త విని అతడి కుటుంబసభ్యులు గుండెలవిసేలా రోదించారు. అరవింద్‌కు ఈత వచ్చని, ఎలాగైనా బయటపడి ఉంటాడని భావించిన అతడి స్నేహితులకు నిరాశే మిగిలింది. ఇక అదే వరద ప్రవాహంలో కొట్టుకుపోయిన గౌడవెల్లి వాసి సందీప్ జాడ ఇప్పటికీ తెలియరాలేదు. దీంతో అతడి కుటుంబ సభ్యులు తీవ్ర ఆందోళనకు గురవుతున్నారు. ఎలాగైనా బతికి వస్తాడంటూ ఆశతో ఉన్నారు.
  
 శంషాబాద్: ‘ఆయువు తీరిందారా.. పండు.. క్షేమంగా తిరిగి వస్తావనుకున్నం బిడ్డా, మంచిగ సదువుకునేటోడివి.. నీ మీదే గంపెడాశలు పెట్టుకున్నం.. నువ్వేమో తనువు చాలించినవ్..’ అంటూ బియాస్ నదిలో కొట్టుకుపోయి కానరానిలోకాలకు తరలివెళ్లిన విద్యార్థి అరవింద్ తాత, నాయనమ్మలు కన్నీంటి పర్యంతమవుతున్నారు. హిమాచల్‌ప్రదేశ్‌లోని బియాస్ నదిలో గల్లంతైన అరవింద్ మృతదేహాన్ని గురువారం రెస్క్యూ సిబ్బంది బయటకు తీశారు.
  
 టీవీల్లో ఈ వార్త చూసిన అరవింద్ తాత, నాయనమ్మ ఈశ్వరప్ప, భద్రమ్మలతోపాటు శంషాబాద్‌లోని అతడి స్నేహితులు విషాదంలో మునిగిపోయారు. అరవింద్ శంషాబాద్ పట్టణ వాసులైన వినోద్, శశిలత దంపతుల మొదటి కుమారుడు. ఒకటో తరగతి నుంచి పది వరకు శంషాబాద్‌లోని బాలయేసు (సెయింట్ ఇన్‌ఫాంట్ జీసస్) పాఠశాలలో చదివాడు. అనంతరం శశిలత పిల్లల చదువు కోసం వనస్థలిపురంలోని పుట్టింటికి వెళ్లింది. వినోద్ స్థానికంగా ప్రైవేట్ ఉద్యోగం చేస్తున్నాడు. చిన్నప్పటి నుంచి అరవింద్ చురుకైన విద్యార్థిఅని అతడితో చదువులో ఎవరూ పోటీపడలేకపోయారని అతడి స్నేహితులు పాత జ్ఞాపకాలను నెమరువేసుకున్నారు. అరవింద్‌కు ఈత రావడంతో బతుకుతాడని ఆశలు పెట్టుకున్నామని చెప్పారు.  
  
  నా మనవడిని నెలరోజుల కిందజూసిన..  
  నా మనవడు అరవింద్ నెలరోజుల కింద శంషాబాద్‌కు వచ్చిండు. మమ్మల్ని పలకరించి పోయిండు. నదిలో కొట్టుకుపోయిండని తెలిసినప్పటి నుంచి వాడు బతికే వస్తడని అనుకున్నం. వాడు మంచిగ తిరిగిరావాలని అందరి దేవుళ్లకు మొక్కుకున్న. నా పండుకు అప్పుడే ఆయువు తీరిందా.. అయ్యో.. దేవుడా ఎంతపని చేస్తివి!    - భద్రమ్మ, అరవింద్ నాయనమ్మ
  
 టూర్‌కు పోతనని చెప్పిండు..
 ఈ నెల ఒకటో తేదీన నాకు ఫోన్‌చేసి టూర్‌కు పోతున్ననని చెప్పిండు. అరవింద్ నేను బాల్య స్నేహితులం. వాడు చదువులో ఎప్పుడు ఫస్టే, వాడికి ఈత కూడా వచ్చు. క్షేమంగా తిరిగి వస్తాడని అనుకున్నం. అరవింద్, నేను, హరిబాబు, అక్షయ్‌యాదవ్, రాజేష్, మణిసాయి, సందీప్, అజయ్ మేమంతా బెస్ట్ ఫ్రెండ్స్. అరవింద్ చనిపోయాడంటే నమ్మలేకపోతున్నం.     - నవీన్, అరవింద్ స్నేహితుడు
  
  ఐదు రోజులైనా జాడలేని సందీప్
  
 ఆందోళనలో కుటుంబసభ్యులు
 
 మేడ్చల్ రూరల్: హిమాచల్‌ప్రదేశ్‌లోని బియాస్ నదిలో ఆదివారం నీటి ప్రవాహానికి గల్లంతైన సందీప్ జాడ గురువారం వరకు తెలియరాలేదు. అతడి ఆచూకీ కోసం స్వగ్రామం గౌడవెల్లిలో కుటుంబీకులు వేయికళ్లతో ఎదురు చూస్తున్నారు. ఐదు రోజులు గడుస్తున్నా సందీప్‌కు సంబంధించిన ఎటువంటి సమాచారం లేకపోవడంతో తీవ్ర ఆందోళనకు గురవుతున్నారు. ఆదివారం సందీప్ గల్లంతైన నాటి నుంచి తల్లిదండ్రులు వీరేష్, విజయలు నిద్రాహారాలు మానేసి ఎదురుచూస్తున్నారు. కొడుకు క్షేమంగా తిరిగి రావాలని దేవుళ్లకు మొక్కుకుంటున్నారు. ఎప్పుడు ఎలాంటి వార్త వినాల్సి వస్తుందోనని ఆందోళన చెందుతున్నారు.
  
  నా కొడుకు జాడ కనిపెట్టండి..
  ప్రభుత్వం ఎలాగైనా తన కొడుకు సందీప్ జాడ కనిపెట్టాలని తండ్రి వీరేష్ కన్నీటిపర్యంతమయ్యాడు. ఇలాంటి బాధ పగవారికి కూడా రాకూడదన్నారు. సందీప్ ఆచూకీ కోసం కుటుంబం మొత్తం నిద్రాహారాలు మానేసి ఎదురుచూస్తున్నామన్నారు. ప్రభుత్వం తమ బాధను అర్ధం చేసుకోవాలని ఆయన చెప్పారు.
  
 గర్భశోకం
 సాక్షి, హైదరాబాద్: అదే వేదన..  తీరని రోదనతో కన్నపేగులు తల్లడిల్లుతున్నాయి. బియాస్ నదిలో గల్లంతైన విద్యార్థుల కోసం నగరంలోని వారి తల్లిదండ్రులు పుట్టెడు దుఃఖంతో కళ్లలో వత్తులు వేసుకొని ఎదురు చూస్తున్నారు. తమ వారి కోసం ఐదు రోజులుగా రోదిస్తూ.. కళ్లలో నీళ్లు ఇంకిపోతున్నాయి. నగరవాసులకు కన్నీళ్లు మిగిల్చిన లార్జీ డ్యామ్ దుర్ఘటనలో గురువారం మరో ఇద్దరు విద్యార్థుల మృతదేహాలు బండరాళ్ల కింద లభ్యమయ్యాయి.
 
 నగరంలో వనస్థలిపురానికి చెందిన అరవింద్, ఖమ్మం జిల్లాకు చెందిన ఉపేందర్ మృతదేహాలు లభ్యమయ్యాయి. వీరి మృతదేహాలు శుక్రవారం మధ్యాహ్నం 12 గంటలకు శంషాబాద్ విమానాశ్రయానికి చేరుకుంటాయని పోలీసులు తెలిపారు. మరోపక్క సాబేర్ మృతదేహం గురువారం శేరిలింగంపల్లి గుల్‌మొహర్ కాలనీలోని నివాసానికి చేరగానే బంధుమిత్రుల రోదనలు మిన్నంటాయి.
  
 పుట్టినరోజుకూ కానరాని ఆచూకీ
 గల్లంతయిన విద్యార్థుల్లో దిల్‌సుఖ్‌నగర్ పీఅండ్‌టీ కాలనీకి చెందిన అఖిల్ కూడా ఉన్నాడు. గురువారం అఖిల్ పుట్టినరోజు కావడంతో వారి తల్లిదండ్రుల రోదనలు మిన్నంటాయి. వారిని ఓదార్చడం బంధువులు, స్థానికుల తరం కాలేదు. పుట్టినరోజుకు తమ బాబు క్షేమంగా తిరిగొస్తాడనుకున్న ఆశలు అడియాసలు కావడంతో కన్నవారు విలపిస్తున్న తీరు చూపరులకు కంటతడి పెట్టించింది.
  
 8 మంది మృతదేహాలు లభ్యం
 గల్లంతయిన 24 మందిలో ఇప్పటివరకు 8 మృతదేహాలు మాత్రమే లభ్యమయ్యాయి. మిగతా విద్యార్థుల ఆచూకీ కనుగొనేందుకు ఐటీబీపీ, ఎన్‌డీఆర్‌ఎఫ్, ఆర్మీ, నేవీలకు చెందిన సుమారు 600 మంది సుశిక్షితులైన సిబ్బంది లార్జీ నుంచి మండో డ్యామ్ పరిసరాల్లో సుమారు 15 కిలోమీటర్ల మేర జల్లెడ పడుతున్నారు. భారీ వర్షాలు, మంచు ప్రభావంతో గాలింపు చర్యలకు అంతరాయం కలుగుతోందని అక్కడే మకాం వేసిన నగర పోలీసులు ‘సాక్షి’కి తెలిపారు.


  నేటి యువత తీరుతెన్నులు ఎలా ఉంటున్నాయి? జీవితం పట్ల వాళ్లకి ఎంతవరకు అవగాహన ఉంది? అనే అంశాల సమాహారంతో రూపొందిన చిత్రం ‘నేనూ నా ఫ్రెండ్స్’. సందీప్, సిద్ధార్ధవర్మ, హరీష్, రవి, అంజనా దేశ్‌పాండే, విష్ణుప్రియ, హారిక, కృతిక ఇందులో ముఖ్య తారలు. గండేల హరిత సమర్పణలో సాయిమేధ రమణ, ఓరుగంటి మధుసూధన్ నిర్మించిన ఈ చిత్రం ఈ నెల 20న విడుదల కానుంది. ఈ సందర్భంగా నిర్మాతలు మాట్లాడుతూ -‘‘వినోదం, సందేశం రెండూ ఉన్న సినిమా ఇది. క్లయిమాక్స్ ఆయువుపట్టుగా నిలుస్తుంది. కథాబలం ఉన్న సినిమా. ఆ కథను దర్శకుడు అద్భుతంగా తెరకెక్కించారు. చిన్నిచరణ్ స్వరపరచిన పాటలకు మంచి స్పందన లభిస్తోంది. ఈ చిత్రం విషయంలో డి. సురేష్‌బాబుగారు అందించిన సహకారానికి కృతజ్ఞతలు’’ అని చెప్పారు.
  


 ‘‘ఈ చిత్ర దర్శకుడు జీఎస్‌రావు మా సంస్థలో చాలా చిత్రాలకు రచన చేశారు. ఆయనను నేనే దర్శకునిగా పరిచయం చేయాలనుకున్నాను. కుదర్లేదు. ఈ చిత్రాన్ని తను అద్భుతంగా తీసి ఉంటాడనుకుంటున్నాను’’ అని నిర్మాత డి.సురేశ్‌బాబు అన్నారు. సందీప్, సిద్దార్థ్ వర్మ, హరీశ్, రవి, అంజనా దేశ్‌పాండే, విష్ణుప్రియ, హారిక, కృతిక ముఖ్యతారలుగా జీఎస్ రావు దర్శకత్వంలో ‘సాయిమేధ’ రమణ, ఓరుగంటి మధుసూదన్ నిర్మించిన ‘నేనూ నా ఫ్రెండ్స్’ పాటల ఆవిష్కరణ హైదరాబాద్‌లో జరిగింది. పాటల సీడీని సురేశ్‌బాబు ఆవిష్కరించారు.
  
  ఈ సందర్భంగా హరీశ్‌శంకర్ మాట్లాడుతూ- ‘‘మేమంతా ఒకేసారి కెరీర్ మొదలుపెట్టాం. జీఎస్‌రావు లేట్ అయినా లేటెస్ట్‌గా ఈ సినిమాతో మన ముందుకు వస్తున్నాడు’’ అన్నారు. ఈ రోజు తానీ స్థితిలో ఉండటానికి సురేశ్‌బాబు కారణమని జీఎస్‌రావు కృతజ్ఞతలు చెప్పారు. ఈ సినిమాలో మిత్రబృందం చేసే పనులు అందర్నీ ఆకట్టుకుంటాయని నిర్మాతలు పేర్కొన్నారు. ఈ వేడుకలో పరుచూరి బ్రదర్స్, వీరశంకర్, దశరథ్, దేవిప్రసాద్, ‘కత్తి’ఫేం మల్లికార్జున, ఎగ్జిక్యూటివ్ నిర్మాత  వై.విజయభాస్కరరెడ్డి, సహ నిర్మాతలు సామీ చాగూర్ రవి, నందం కిశోర్ తదితరులు పాల్గొన్నారు.
  


 ఆ దంపతులు రోజుల పిల్లాణ్ణి దత్తత తీసుకున్నారు. నిజానికి అతడో అనాథ. సందీప్ (పేరు మార్చాం) అని పేరు పెట్టుకొని అల్లారుముద్దుగా పెంచుకుంటున్నారు. ఆ చిన్నారి తమ పెద్దవయసులో ఆసరాగా ఉంటాడనుకుంటే తామే అతడి గుండెకు అండగా ఉండాల్సి వచ్చింది. కానీ ఆ దంపతులొకటి తలిస్తే దైవం వేరొకటి తలచాడు. స్నేహితులతో కలిసి ఆటలాడబోయాడు. కానీ ఊపిరాడలేదు. ఆట మాట ఎలా ఉన్నా... గట్టిగా నాలుగు అడుగులు వేస్తే కూడా ఆయాసం వస్తోంది.
  
 చిన్నారికి తొమ్మిదేళ్ల వయసులో ఓ విషయం తెలిసి ఆ దంపతులు హతాశులయ్యారు. కారణం... ఆ చిన్నారికి గుండెజబ్బు. మైట్రల్‌వాల్వ్ అనే కీలకమైన అవయవం పూర్తిగా పనిచేయడం లేదు. తొమ్మిదేళ్ల  ఆ చిన్నారికి ఆపరేషన్ చేయడం ఎంతో రిస్క్. పైగా గుండె పనితీరు కేవలం 20 శాతం మాత్రమే. ఆ టైమ్‌లో సర్జరీ చేస్తే ఆపరేషన్ టేబుల్ మీద తొమ్మిదేళ్లకే నూరేళ్లూ నిండే అవకాశం చాలా ఎక్కువ.
  
 ఎలాగైతేనేం ఆసుపత్రికి తీసుకెళ్లారు. ఆపరేషన్‌కు సిద్ధపడ్డారు. పైగా ఆ గుండెకు దివంగత ముఖ్యమంత్రి వై.ఎస్.రాజశేఖర్‌రెడ్డి ప్రవేశపెట్టిన ఆరోగ్యశ్రీ అండ కూడా ఉంది. ఆ పేద తల్లిదండ్రులపై ఆర్థికభారం పడకుండా మిగతా ఇతర ఖర్చులను ఆసుపత్రివారే భరించాలని నిర్ణయించుకున్నారు. ఎంతో రిస్క్ తీసుకుని ఆపరేషన్ టేబుల్‌పై చిన్నారిని పడుకోబెట్టారు. ఇక సందీప్ పడుకున్న ఆ  శయ్య... మృత్యుశయ్యగా మారుతుందా, లేక అమృతతల్పం అవుతుందా అన్నది అందరిలో నెలకొన్న సందేహం. ఇక అత్యంత సంక్లిష్టమైన ఆ ఆపరేషన్ మొదలైంది.
  
 నిజానికి పెద్దవాళ్లలో గుండె పూర్తిగా తన గరిష్ఠ పరిమాణానికి పెరుగుతుంది కాబట్టి ఆ తరహా పెద్ద ఆపరేషన్ అంత ప్రమాదకారి కాదు. కానీ సందీప్‌ది పెరిగే వయసు. ఇప్పుడు మైట్రల్ వాల్వ్ మార్చినా... అతడు ఎదుగుతున్న కొద్దీ గుండె కూడా పెరుగుతూ పోతుంది. దాంతో అమర్చిన వాల్వ్ కాస్తా చిన్నదిగా మారుతుంది. ఇక ఎలాగైనా ప్రమాదం తప్పనప్పుడు రిస్క్ తీసుకుంటే తప్పేముంది. ఈ నిర్ణయమే ఒక సర్జరీ చేస్తున్న డాక్టర్ల బృందాన్ని ఒక లక్ష్యం వైపునకు నడిపించింది. అత్యంత సంక్లిష్టమైన ఆపరేషన్ విజయవంతంగా పూర్తయ్యింది.
  
 అవును... ఇప్పుడా చిన్నారి తన తల్లిదండ్రుల కళ్లల్లో వెలుగులు నింపేలా మెరుగుపడ్డాడు. సందీప్ దేదీప్యంగా ఆరోగ్యంగా ఎదిగేలా తెరిపిన పడ్డాడు. ఇక అతడు ప్రమాదం నుంచి పూర్తిగా బయటపడ్డాడు. అమ్మతో మాటల్లో, స్నేహితులతో ఆటల్లో పడ్డాడు.
  
 ఈ ఆపరేషన్ పూర్తయ్యాక, సందీప్ గురించిన ఆ శుభవార్తను అతడి తల్లికి చెబితే... ఆ అమ్మ కళ్లలో వెలిగిన దివ్వెలు ఇన్నాళ్లు గడిచాక కూడా డాక్టర్‌గా నన్ను ఆనందపరుస్తూనే ఉన్నాయి. మరోసారి ఫాలోఅప్‌కు వచ్చినప్పుడు సందీప్ అప్పటివరకూ అత్యంత కఠినమైన ఆటలను అనాయాసంగా ఆడి వచ్చాడు. డాక్టరు గదిలోకి పరుగులాంటి నడకతో సునాయసంగా మెట్లెక్కి వచ్చాడు. నేను డాక్టర్‌గా మైట్రల్‌వాల్వ్ మార్చాను. అది సందీప్ జీవితాన్ని మార్చింది. అన్నట్టు... నా దృష్టిలో ఇప్పుడు మైట్రల్‌వాల్వ్ అంటే ఏమిటో తెలుసా? మైట్రల్ వాల్వ్ అంటే ఆటలకోసం మిత్రులను సంపాదించే మైత్రీగవాక్షం. చిక్కటి రక్తంలా ప్రవహించే గాఢస్నేహ ప్రవాహ మార్గం.
  


 కొడుకు ప్రేమ కథలో తండ్రి విలన్‌గా మారాడు... కుమారుడు తన నుంచి దూరం కావడానికి అతడు ప్రేమించిన యువతే కారణమని ఆమెపై కక్ష పెంచుకున్నాడు. నకిలీ పేరుతో ఫేస్‌బుక్ అకౌంట్ తెరిచి అందులో ఆ యువతి ఫొటో పెట్టి.. కొన్ని అసభ్యకర చిత్రాలు అప్‌లోడ్ చేశాడు.
 
 సదరు యువతి తండ్రి ఇచ్చిన ఫిర్యాదు మేరకు సైబరాబాద్ సైబర్ పోలీసులు నిందితుడిని అరెస్టు చేశారు. అదనపు క్రైమ్ డీసీపీ జి.జానకీషర్మిల బుధవారం తెలిపిన వివరాల ప్రకారం... చందానగర్‌కు చెందిన రాపోలు ప్రభాకరావు కొడుకు సందీప్ (22) ప్రైవేట్ కంపెనీలో పనిచేస్తున్నాడు.అదే కంపెనీలో పనిచేసే యువతిని ప్రేమించాడు. ఈ విషయాన్ని తండ్రికి చెప్పాడు. ఆ యువతిని పెళ్లి చేసుకుంటానని, అందుకు అంగీకరించాలని తండ్రి ని కోరగా.. ససేమిరా అన్నాడు.
 
 
 దీంతో తండ్రితో గొడవపడిన సందీప్ గతేడాది నవంబర్ రెండో వారంలో ఇంట్లో నుంచి వెళ్లిపోయాడు. కొడుకు తనకు దూరం కావడానికి యువతే కారణమని భావించిన ప్రభాకరరావు ఆమెపై కక్ష పెంచుకున్నాడు. రుద్రప్రభు అనే పేరుతో నకిలీ ఫేస్‌బుక్ అకౌంట్ తెరిచాడు. అందులోని ప్రొఫైల్‌లో తన ఫొటోకు బదులు ఆ యువతి ఫొటో పెట్టాడు. అంతేకాకుండా అసభ్యచిత్రాలను అందులో అప్‌లోడ్ చేశాడు.  విషయం తెలుసుకున్న యువతి తండ్రి సైబర్‌క్రైమ్ ఏసీపీ ప్రతాప్‌రెడ్డిని ఫిర్యాదు చేశాడు. ఇన్‌స్పెక్టర్ జయరాం దర్యాప్తు చేసి చివరకు నిందితుడు ప్రబాకర్‌రావును గుర్తించి అరెస్టు చేశారు.
  


 
 సోదరుడిని ముంచిన కేసులో కటకటాల్లోకి
 
    నేడో-రేపో నగరానికి తరలించే అవకాశం
 
  సాక్షి, హైదరాబాద్: పంజాబ్‌కు చెందిన రాజకీయ పార్టీ శిరోమణి అకాలీ దళ్ (ఎస్‌ఏడీ) సివిల్ లైన్స్ సర్కిల్ అధ్యక్షుడు సురేందర్ బన్సాల్ కుమారుడు సందీప్‌ను హైదరాబాద్ పోలీసులు గురువారం అక్కడి బటాలాలో అరెస్టు చేశారు. నగరంలో నివసిస్తున్న సురేందర్ సోదరుడు ప్రబోధ్ బన్సాల్ ఫిర్యాదు మేరకు ఈ కేసు నమోదైంది. తన సోదరుడైన సురేందర్, ఆయన కుమారులు అమిత్, సందీప్‌లు కుట్రపన్ని బోగస్ సంతకాలతో తనకు సంబంధించిన రూ.1.7 కోట్ల షేర్లు కాజేశారనేది ప్రబోధ్ ఆరోపణ. దీనిపై వారిని ప్రశ్నించగా తనపై దాడి చేశారనీ ఫిర్యాదులో పేర్కొన్నారు.
 
 ఈ మేరకు వివిధ సెక్షన్ల కింద నమోదైన కేసు దర్యాప్తులో భాగంగా తమ ఎదుట హాజరుకావాలని గతంలోనే అనేకసార్లు పోలీసులు ముగ్గురు నిందితుల్నీ కోరారు. వారి నుంచి స్పందన లేకపోవడంతో గురువారం బటాలా చేరుకున్న ప్రత్యేక బృందం సురేందర్ ఇంటిపై దాడి చేసింది.
 
 మిగిలిన ఇద్దరూ తప్పించుకోగా సందీప్ పోలీసులకు చిక్కాడు. స్థానిక జ్యుడీషియల్ మేజిస్ట్రేట్ అమిత్ సింగ్ ఎదుట నిందితుడిని ప్రవేశపెట్టిన స్పెషల్ టీమ్ అతడిని హైదరాబాద్ తరలించేందుకు ప్రిజనర్స్ ట్రాన్సిట్ (పీటీ) వారెంట్ పొందింది. శుక్ర-శనివారాల్లో సందీప్‌ను సిటీకి తీసుకువచ్చి స్థానిక కోర్టులో హాజరుపర్చనున్నారు.
  


 బెంగళూరు, న్యూస్‌లైన్ : ఏటీఎంలో నగదు లూటీకి విఫలయత్నం జరిగింది. సంఘటనలో సెక్యూరిటీ గార్డు ప్రాణాలకు తెగించి ఎదురుదాడికి దిగి, ఒకరిని పట్టుకుని పోలీసులకు అప్పగించారు. పట్టుబడిన వ్యక్తిని కాశ్మీర్‌కు చెందిన సందీప్(30)గా పోలీసులు గుర్తించారు. డీసీపీ టీడీ పవార్ తెలిపిన మేరకు... మడివాళ సమీపంలోని బేగూరు మెయిన్ రోడ్డు, హొంగసంద్రలో ఉన్న స్టేట్‌బ్యాంక్ ఆఫ్ ఇండియా ఏటీఎం కేంద్రం వద్ద శనివారం రాత్రి షహబుద్దీన్ సెక్యూరిటీగార్డుగా పనిచేస్తున్నాడు.
 
 ఆదివారం వేకువజామున నాలుగు గంటలకు బైక్‌పై ఇద్దరు అక్కడకు చేరుకున్నారు. వీరిలో ఒకరు హెల్మ్‌ట్ పెట్టుకుని బైక్‌పై ఉన్నాడు. మంకీ క్యాప్‌తో ఏటీఎం కేంద్రం తలుపు తీశాడు. ఆ సమయంలో కుర్చీలో ఉన్న షహబుద్దీన్ పైకి లేచడంతో అతనిపై వేటకొడవలితో ఆగంతకుడు దాడి చేసి, కాళ్లుచేతులు కట్టివేశాడు. తరువాత లోపలకు వెళ్లి ఏటీఎం యంత్రం బద్ధలుగొట్టేందుకు ప్రయత్నించాడు. కొద్ది సేపటికి అటుగా బీట్ కానిస్టేబుల్ రావడాన్ని గమనించిన బైక్‌పై ఉన్న ఆగంతకుడు కేకలు వేసి లోపల ఉన్న తన సహచరుడిని అప్రమత్తం చేశాడు. అదే సమయంలో షహబుద్దీన్ కట్లు విప్పదీసుకున్నాడు.
 
 తలుపు తీసుకుని బయటకు వస్తున్న ఆగంతకుడిని ఒడిసి పట్టుకుని, కానిస్టేబుల్‌ను అప్రమత్తం చేశాడు. ఇంతలో బైక్‌పై ఉన్న ఆగంతకుడు వాహనంతో సహా పారిపోయాడు. షహబుద్దీన్ పట్టునుంచి తప్పించుకోవడంలో ఆగంతకుడు గాయపడ్డాడు. అప్పటికే అక్కడకు చేరుకున్న కానిస్టేబుల్, ముసుగు వ్యక్తిని అదుపులోకి తీసుకుని స్టేషన్‌కు తరలించాడు. అనంతరం నిమ్హాన్స్ ఆస్పత్రికి తీసుకెళ్లారు. గాయపడిన షహబుద్దీన్‌కు చికిత్స అందించినట్లు పోలీసులు తెలిపారు. నిందితుడిని పట్టుకోవడంలో చాకచక్యంగా వ్యవహరించిన షహబుద్దీన్‌కు పురస్కారం అందించాలని నగర పోలీస్ కమిషనర్ రాఘవేంద్ర ఔరాద్కర్‌కు సిఫారసు చేసినట్లు డీసీపీ తెలిపారు.  సంఘటనపై మడివాళ పోలీసులు దర్యాప్తు చేపట్టారు.


  =రెండేళ్లలో ఐదుగురి బలవన్మరణం  
  =కాజీపేటలో మరో కానిస్టేబుల్ ఆత్మహత్యాయత్నం
  =కుటుంబ కలహాలే కారణమా ?
  =ఉద్యోగపరమైన ఒత్తిళ్లా ?
  
 వరంగల్‌క్రైం, న్యూస్‌లైన్ : జిల్లాలో కానిస్టేబుళ్ల ఆత్మహత్యల పరంపర కొనసాగుతోంది. రెండేళ్ల కాలంలో ఐదుగురు కానిస్టేబుళ్లు ఆత్మహత్యకు పాల్పడ్డారు. ఆదివారం ఏటూరునాగారం పోలీస్‌స్టేషన్‌లో కానిస్టేబుల్ సందీప్ మృతిని మరవకముందే కాజీపేట ఠాణాలో పనిచేస్తున్న ఓ కానిస్టేబుల్ పురుగుల మందు తాగి ఆత్మహత్యకు యత్నించాడు. ఈ వరుస సంఘటనలు పోలీసు శాఖను కలవరపెడుతున్నాయి. ధైర్యానికి, సాహాసానికి మారుపేరైన పోలీసు శాఖలో ఇలాంటి ఘటనలు చోటుచేసుకోవడం ఆందోళన కలిగిస్తోంది. కానిస్టేబుళ్ల ఆత్మహత్యకు కారణం కుటుంబ తగాదాలా..? అధికారుల ఒత్తిడా..? అని బహిరంగంగానే చర్చ జరుగుతోంది.
  
 రెండేళ్లలో ఐదుగురు..
  
 తొర్రూరుకు చెందిన ఆర్‌‌మడ్ రిజర్వ్ కానిస్టేబుల్ రాజు రైలు కిందపడి ఆత్మహత్య చేసుకోగా, నర్సంపేటకు చెందిన కానిస్టేబుల్ శ్రీనివాస్ దుగ్గొండి పీఎస్‌లో పనిచే స్తుండగా ఉరి వేసుకుని ఆత్మహత్యకు పాల్పడ్డాడు. అలాగే తాడ్వాయి పీఎస్‌లో పనిచేస్తూ శ్రీనివాస్ అనే కానిస్టేబుల్, డిస్ట్రిక్ గార్డ్స్‌లో పని చేస్తూ మల్లంపల్లికి చెందిన కానిస్టేబుల్ కర్ణాకర్ బలవన్మరణానికి పాల్పడ్డారు. రెండు రోజుల క్రితం కానిస్టేబుల్ సందీప్ ఏటూరునాగారం పోలీస్‌స్టేషన్‌లో రివాల్వర్‌తో కాల్చుకుని ప్రాణాలు తీసుకున్న సంఘటన రాష్ట్రవ్యాప్తంగా సంచలనం సృష్టించిన విషయం తెలిసిందే. సందీప్ ఆత్మహత్య ఘటన నుంచి తేరుకోకముందే కాజీపేట పీఎస్ కానిస్టేబుల్ బాదావత్ హరిలాల్ ఆత్మహత్యకు యత్నించడం సంచలనం సృష్టించింది.
  
 కుటుంబ కలహాలా..? అధికారుల ఒత్తిడులా..?
  
 కానిస్టేబుళ్ల ఆత్మహత్యలకు కుటుంబ కలహాలు కారణమా...? అధికారుల ఒత్తిడి కారణమా...అనే దానిపై బహిరంగ చర్చ కొనసాగుతుంది. గతంలో ఇలాంటి ఘటనలు జరిగిన అన్ని సందర్భాల్లోనూ అధికారుల ఒత్తిడి కారణంగానే ఆత్మహత్యలకు పాల్పడినట్లు మృతుల కుటుంబ సభ్యులు ఆరోపించారు. స్టేషన్లలో సిబ్బంది కొరత వల్ల సెలవుల మంజూరు విషయంలో అధికారులు కఠినంగా వ్యవహరిస్తున్నారనే ఆరోపణలు వినిపిస్తున్నాయి. అయితే అత్యవసరమైనప్పుడు కూడా అధికారులు సెలవు ఇవ్వకపోవడం కానిస్టేబుళ్లను మరింత  మనోవేదనకు గురిచేస్తోంది. ఈ అంశం కూడా వారి ఆత్మహత్యకు కారణమనే  ప్రచారం కూడా జరుగుతోంది. ఇదిలా ఉండగా సదరు సిబ్బందికి ఉన్న వ్యక్తిగత అలవాట్లు, కుటుంబ తగాదాలు, విధుల్లో నిర్లక్ష్యం కారణంగానే ఆత్మహత్యలు జరుగుతున్నాయని పోలీసు శాఖలో మరో చర్చ జరుగుతోంది.
  
 కౌన్సెలింగ్ అవసరం..
  
 ఇటీవల జరుగుతున్న వరుస ఘటనలు పరిశీలిస్తే పోలీసుశాఖలో ఉన్నతాధికారులు కిందిస్థాయి ఉద్యోగులకు తరచూ కౌన్సెలింగ్ నిర్వహించాల్సిన అవసరం ఎంతైనా ఉంది. వ్యక్తిగత, ఉద్యోగ సమస్యలు ఏమైనా ఉంటే వాటిని పరిష్కరించే దిశగా ఉన్నతాధికారులు ఒక అడుగు ముందుకు వేస్తే ఆత్మహత్యలకు ముగింపు పలకవచ్చని పలువురు అభిప్రాయపడుతున్నారు. ఒత్తిడులు, కుటుంబ తగాదాలతో ఉన్న కానిస్టేబుళ్లను గుర్తించి వారికి కుటుంబాలతోసహా కౌన్సెలింగ్ చేస్తే ఆత్మహత్యలను నివారించవచ్చనే అభిప్రాయం సర్వత్రా వ్యక్తమవుతోంది.
  


    2013లో క్రియేటివ్ ఎంటర్‌ప్రెన్యూర్ ఆఫ్ ది ఇయర్ అవార్డును సందీప్ గెలుచుకొన్నాడు.
      ‘బిజినెస్ వరల్డ్’ మ్యాగజీన్ నుంచి ‘మోస్ట్ ప్రామిసింగ్ ఎంటర్ ప్రెన్యూర్’ అవార్డును అందుకొన్నాడు.
  
      స్టార్ యూత్ అచీవర్ అవార్డు, బ్రిటిష్ కౌన్సిల్ నుంచి యంగ్ క్రియేటివ్ ఎంటర్ ప్రెన్యూర్ అవార్డులు వచ్చాయి.
      ‘ఇటీ నౌ’ నుంచి పయోనీర్ ఆఫ్ టుమారో అవార్డును అందుకొన్నాడు.
      {పముఖ మ్యాగజీన్‌లకు ఫీచర్ ఆర్టికల్స్ రాస్తుంటాడు.
  
  సగటు యువత తమ జీవితంలో అతి పెద్ద ఫెయిల్యూర్ అని చెప్పుకునే ‘పరాజయాలు’ అతడి జీవితంలో లెక్కలేనన్ని ఉన్నాయి. అయితే ‘అపజయాలే విజయానికి మెట్లు’ అనే నమ్మకాన్ని తారక మంత్రంగా చేసుకొని ముందుకు సాగాడు. కోట్ల రూపాయల వ్యాపార సామ్రాజ్యాన్ని నిర్మించాడు. ఒక సాధారణ కెమెరాతో ప్రస్థానం మొదలుపెట్టి అనితర సాధ్యమైన విజయాలు సాధించి, స్ఫూర్తిప్రదాతగా మారాడు. స్ఫూర్తిమంతమైన ప్రసంగాలు చేసే వక్త అయ్యాడు. అతడే సందీప్ పరమేశ్వరి.  
  
  ఇరవై ఏడేళ్ల ఈ ఢిల్లీ యువకుడి విజయ ప్రస్థానం పన్నెండు వేల రూపాయల విలువచేసే ఒక కెమెరాతో మొదలైంది. పదమూడేళ్ల నుంచే వ్యాపార రంగంలో అనుభవం ఉంది! తండ్రి ఇచ్చిన స్ఫూర్తితో పదిహేనేళ్ల వయసులోనే సొంతంగా డబ్బు సంపాదించడం మొదలుపెట్టాడు సందీప్. ఎలాగంటే...
  ఇంటి దగ్గర ఉన్న రెండు టూ వీలర్స్‌ను అద్దెకు ఇచ్చేవాడు సందీప్. అలా ఢిల్లీవీధుల్లో అమ్మాయిలతో బైక్‌పై తిరగాలని తపించే యువకులకు సందీప్ ఆపద్బాంధవుడు అయ్యాడు. పెట్రోల్ వారిదే. గంటకు యాభై రూపాయలు అద్దె. ఇలా సంపాదన మొదలు పెట్టిన సందీప్‌కు కొన్నిరోజుల్లోనే చదువు మీద ఆసక్తి తగ్గిపోయింది. చిన్న వయసులోనే కొంతమంది స్నేహితులతో కలిసి ఒక వ్యాపారం మొదలు పెట్టాడు. అయితే అది ఆరు నెలలకే మూత పడింది. తనతో పాటు పెట్టుబడి పెట్టిన స్నేహితులకు కూడా బంధువులందరిలోనూ చెడ్డపేరు వచ్చింది. ఎన్నో ఆశలతో, ఆశయాలతో మొదలు పెట్టిన వ్యాపారం దెబ్బతినడం, ఇదే సమయంలో ఇంట్లో ఆర్థికపరమైన కష్టాలు మొదలు కావడంతో ఏదైనా ఉపాధి మార్గం వెతుక్కోవాల్సిన పరిస్థితి ఏర్పడింది. ఈ సమయంలో సందీప్‌కు ఫోటోగ్రఫీపై ఉన్న ఆసక్తి ఒక ఉద్యోగాన్ని సంపాదించిపెట్టింది. మోడలింగ్ ఏజెన్సీలో కెమెరామెన్‌గా జాయిన్ అయ్యాడు.
  
  లిమ్కా బుక్‌లోకి ఎక్కాడు!
  జీవితంలో అంతవరకూ ఎదురైన అనుభవాలను బట్టి ... ఎంచుకొన్న పని ఏదైనా సరే... దాంట్లో అంకిత భావాన్ని చూపాలనే పాఠాన్ని నేర్చుకొన్నాడు సందీప్. మోడలింగ్ ఫొటోగ్రాఫర్‌గా చేరిన కొన్ని రోజుల్లోనే లిమ్కా బుక్ ఆఫ్ రికార్డ్స్‌లో స్థానం సంపాదించాడంటే అతని తపన ఏ స్థాయిలో ఉందో అర్థం చేసుకోవచ్చు. పదిగంటలా నలభై అయిదు నిమిషాల వ్యవధిలో నూట ఇరవై రెండు మంది మోడల్స్‌కు పదివేల షాట్స్ తీయడం ద్వారా ఇతడు లిమ్కా బుక్‌లో స్థానం సంపాదించాడు.
  
  కెరీర్ మార్చుకున్నాడు!
  లిమ్కా రికార్డ్‌తో మోడలింగ్ ప్రపంచంలో సందీప్‌కు మంచి పేరు వచ్చింది. అయితే అలాగని అక్కడే సెటిలైపోదామని అనుకోలేదు. వేరే వ్యాపారం చేయాలనే ఆలోచన  కొత్త మార్గాలను చూపింది. తాను సృజనాత్మకతతో తీసిన ఫొటోలపై తన హక్కులను ఉపయోగించుకుంటూ చేసిన ప్రయత్నం అతడిని పెద్ద వ్యాపారవేత్తను చేసింది. ‘ఇమేజ్ బజార్’ అనే వెబ్‌సైట్‌ను ప్రారంభించి అందులో తను తీసిన ఫొటోలను అప్‌లోడ్ చేయసాగాడు. అతి తక్కువ రోజుల్లోనే లెక్కకు మించి ‘ఇండియన్ ఫేసెస్’ను కలిగి ఉన్న వెబ్‌సైట్‌గా ‘ఇమేజ్ బజార్’కు పేరొచ్చింది. అనేక వార్తాసంస్థలు ఇమేజెస్ కోసం సందీప్‌ను సంప్రదించడం మొదలుపెట్టాయి. ఈ ఫోటోల బిజినెస్ అతి తక్కువ సమయంలోనే సందీప్‌ను కోటీశ్వరుడిని చేసింది. ‘ఇమేజ్ బజార్’కు వెబ్ ఫ్లోటింగ్ పెరిగింది. ఏకంగా నలభై అయిదు సంస్థలు ఫొటోల విషయంలో ఈ సైట్‌తో ఒప్పందం కుదుర్చుకొన్నాయి. ఇరవెరైండేళ్ల  వయసులోనే ఈ వెబ్‌సైట్‌ద్వారా నెలకు లక్ష రూపాయల ఆదాయాన్ని పొందాడు. ప్రస్తుతం ఈ వెబ్‌సైట్ టర్నోవర్ పది హేను కోట్ల రూపాయల వరకూ ఉంది.
  
  ప్రసంగాలతో స్ఫూర్తిని పంచుతున్నాడు!
  ప్రస్తుతం ఒక వ్యాపారవేత్తగానే కాకుండా స్ఫూర్తిదాయక ప్రసంగాలు చేయగల వక్తగా కూడా సందీప్‌కు మంచి గుర్తింపు ఉంది. అనేక కాలేజీల్లో, పాఠశాలల్లో ప్రసంగిస్తూ... యువతలో స్ఫూర్తిని నింపుతున్నాడు. ‘సక్సెస్ నాట్ జస్ట్ అబౌట్ వర్కింగ్‌హార్డ్’ అంటున్నాడు.


 బంజారాహిల్స్, న్యూస్‌లైన్: రెండు రోజుల క్రితం జూబ్లీహిల్స్ రోడ్ నెం.28లో సినీహీరో జూనియర్ ఎన్టీఆర్ ఇంటి వద్ద హల్‌చల్ చేసిన దుండగుడి కోసం జూబ్లీహిల్స్ పోలీసులు ముమ్మరంగా గాలిస్తున్నారు. దీపావళి రోజున రాత్రి 10.30కి ఖరీదైన దుస్తులు ధరించి, నంబర్‌ప్లేట్ లేని బైక్‌పై వచ్చిన ఓ వ్యక్తి జూనియర్ ఎన్టీఆర్ ఇంటి వద్ద బైక్ పార్క్ చేశాడు. వాచ్‌మన్ ఎవరు.. ఎవరు ? అని అరవడంతో ఎదురుగా ఉన్న ప్లాట్ నంబర్ 519-బి ప్రహరీ దూకి లోపలికి ప్రవేశించాడు.
 
 ఎవ్వరు నువ్వని ప్రశ్నించిన ఆ ఇంటి వాచ్‌మన్ భార్య లక్ష్మిని గదిలోకి నెట్టి బయట గడియపెట్టాడు. అదే సమయంలో ఆ ఇంటి య జమాని బక్కుల సందీప్, ఆయన సతీమణి ప్రభ బాణసంచా కాల్చి ఇంట్లోకి వెళ్లి తలుపు వేసుకోగా..  దుండగుడు ప్రధాన ద్వారం వద్ద నిలబడ్డాడు. సందీప్ దంపతులను తలుపు తీయాలని, లేకపోతే కాల్చేసానని తలుపు అద్దాల్లోంచి పిస్టల్ గురిపెట్టి బెదిరించాడు.  
 
 వారు తీయకపోవడంతో తలుపులు బద్దలుకొట్టేందకు ప్రయత్నించాడు. తలుపులు తెరుచుకోకపోవడంతో అక్కడినుంచి పారిపోయా డు.  ఈ దృశ్యాలన్నీ ఎదురుగా ఉన్న  ఎంపీ లగడపాటి రాజగోపాల్ ఇంటి సీసీ కెమెరాల్లో రికార్డయ్యాయి. సందీప్ ఫిర్యాదు మేరకు జూబ్లీహిల్స్ పోలీసులు సీసీ కెమెరాల ఫుటేజ్‌లను పరిశీలించి దర్యాప్తు చేస్తున్నారు.
  


 సందీప్, సిద్దార్థ్‌వర్మ, రవి, హనీష్, అంజన, విష్ణుప్రియ, ప్రవీణ, హారిక ముఖ్య తారలుగా ‘నేను... నా ఫ్రెండ్స్’ పేరుతో ఓ చిత్రం రూపొందుతోంది. జి.ఎస్.రావు దర్శకుడు. సాయిమేధ రమణ, మధుసూదన్ ఓరుగంటి నిర్మాతలు. ఈ చిత్రం గురువారం హైదరాబాద్‌లో మొదలైంది. ముహూర్తపు దృశ్యానికి జితేందర్‌రెడ్డి కెమెరా స్విచాన్ చేయగా, డి.సురేష్‌బాబు క్లాప్ ఇచ్చారు. 
  
 వీవీ వినాయక్ గౌరవ దర్శకత్వం వహించారు. దర్శకుడు జి.ఎస్.రావు తన ఏకలవ్య శిష్యుడని, సందేశాత్మక చిత్రం ద్వారా తను దర్శకుడవ్వడం ఆనందంగా ఉందని పరుచూరి గోపాలకృష్ణ అన్నారు. కథ నచ్చి ఈ చిత్ర నిర్మాణానికి పూను కున్నామని నిర్మాతలు తెలిపారు. 
  
 ఈ రోజు నుంచి నిరవధికంగా షూటింగ్ జరుగుతుందని, డిసెంబర్‌లో సినిమాను విడుదల చేస్తామని దర్శకుడు చెప్పారు. ఈ చిత్రానికి మాటలు: పరుచూరి బ్రదర్స్, సంగీతం: చిన్ని చరణ్, ఎగ్జిక్యూటివ్ నిర్మాత: వై.విజయభాస్కరరెడ్డి.