హైదరాబాద్‌: ట్రాఫిక్‌ నిర్వహణ, రహదారి భద్రతలో సాంకేతిక పరిజ్ఞానం వినియోగం కంటే పౌరస్పృహ చాలా కీలకం. ఎంత అత్యాధునిక సిగ్నల్స్‌ ఏర్పాటు చేసినా ఓ వ్యక్తి రెడ్‌ లైట్‌ ఉన్నప్పుడు సిగ్నల్‌ జంప్‌ చేస్తే ఉపయోగం ఉండదు. విద్యార్థి దశలో నాకు లైసెన్స్‌ అంటే ఏమిటో తెలీదు. మా అన్న డ్రైవింగ్‌ నేర్పాడు... నేను వాహనం నడుపుతూ తిరిగేశా. అప్పుడు ఏ రూల్స్‌ నాకు తెలీదు. పాఠశాల, కళాశాలల్లో రహదారి భద్రత నిబంధనలు చెప్పకపోవడం వల్లే అలా జరిగింది. గతంలో అప్పటి గవర్నర్‌ నరసింహన్‌ను కలిసినప్పుడు ఆయన హైదరాబాద్‌ ఫుట్‌పాత్స్‌ లేని అద్భుత నగరమని అన్నారు. కొందరు ఇక్కడ ఉన్న వాటినీ వినియోగించుకోరు. మౌలిక వసతుల లేమి వల్లే ఫస్ట్‌–లాస్ట్‌ మైల్‌ కనెక్టివిటీ సాధ్యం కాలేదు. ఈ కారణంగానే వ్యక్తిగత వాహనాల వినియోగం పెరుగుతోంది. భారీ భవనాలకు అనుమతి ఇచ్చే ముందు ట్రాఫిక్‌ పోలీసులను భాగస్వాములను చేయడం లేదు. వాటి నిర్మాణం వల్ల వచ్చే ట్రాఫిక్‌ ఇబ్బందుల్ని అధ్యయనం చేయట్లేదు. విభాగాల మధ్య మరింత సమన్వయం అవసరం. – సీవీ ఆనంద్, హైదరాబాద్‌ సీపీ

ప్రపంచంలో ఎక్కువ రోడ్డు ప్రమాదాలు జరుగుతున్న దేశాల జాబితాలో భారతదేశం కూడా ఉంది. దేశంలో రోడ్డు ప్రమాదాల సంఖ్యను తగ్గించడానికి ప్రభుత్వం ట్రాఫిక్ నియమాలను కఠినతరం చేసింది. ట్రాఫిక్ రూల్స్ ఉల్లంఘించినవారికి భారీ జరిమానాలు విధిస్తున్నారు. 2024లో మాత్రమే అధికారులు దేశం మొత్తం మీద 8 కోట్ల కంటే ఎక్కువ ట్రాఫిక్ చలాన్లు జారీ చేశారు. ఈ చలాన్ల మొత్తం విలువ సుమారు రూ. 12,000 కోట్లు.దేశ రాజధాని ఢిల్లీలో ఎక్కువ ట్రాఫిక్ రూల్స్ తప్పుతున్నట్లు, జరిమానాలు కూడా ఇక్కడ నుంచే ఎక్కువ వసూలవుతున్నట్లు తెలుస్తోంది. ఇక్కడ ట్రాఫిక్ పోలీసులు ఓవర్ స్పీడ్, రెడ్-లైట్ జంపింగ్, రాంగ్ పార్కింగ్, హెల్మెట్ లేకుండా రైడింగ్ వంటి ఉల్లంఘనలకు ప్రతోరోజూ 5000 కంటే ఎక్కువ ఈ-చలాన్లు జారీ చేస్తున్నారు. ఈ సంఖ్య గురుగ్రామ్‌లో కూడా ఎక్కువగానే ఉంది.సాధారణ ఉల్లంఘనలు - జరిమానాలుమోటారు వాహనాల చట్టం.. ట్రాఫిక్ విభాగాల డేటా ప్రకారం, జరిమానాలు విధించే సాధారణ ఉల్లంఘనలలో హెల్మెట్ లేకుండా డ్రైవింగ్ చేయడం, సీటు బెల్ట్ లేకుండా డ్రైవింగ్ చేయడం, ద్విచక్ర వాహనాలపై ముగ్గురు ప్రయాణించడం, ఓవర్ స్పీడ్, డ్రైవింగ్ చేస్తున్నప్పుడు మొబైల్ ఫోన్ ఉపయోగించడం, రెడ్ లైట్లు జంప్ చేయడం, స్టాప్-లైన్ ఉల్లంఘనలు, రాంగ్ లేన్‌లో డ్రైవింగ్ చేయడం వంటివి ఉన్నాయి.ఇదీ చదవండి: భవిష్యత్ ఇంధనం గురించి చెప్పిన గడ్కరీహెల్మెట్ ధరించకపోతే.. రూ. 1,000, నిర్దిష్ట వేగం కంటే వేగంగా డ్రైవింగ్ చేస్తే రూ. 2,000 లేదా అంతకంటే ఎక్కువ జరిమానాలు (కొన్ని నగరాల్లో మొదటిసారి ట్రాఫిక్ రూల్ అతిక్రమించినవారికి జరిమానా కొంత తక్కువగా ఉంటుంది) ఉంటాయి. ఒకసారి ట్రాఫిక్ రూల్స్ ఉల్లంఘించినవారు.. మళ్లీ మళ్లీ ట్రాఫిక్ రూల్స్ అతిక్రమిస్తున్నట్లు తెలిస్తే.. వారికి మరింత ఎక్కువ జరిమానా విధించే అవకాశం ఉంది. రోడ్డు భద్రతలో టెక్నాలజీఆర్టిఫిషియల్ ఇంటెలిజెన్స్ ద్వారా ట్రాఫిక్ ఉల్లంఘనలను కనిపెట్టడం చాలా సులభమైపోయింది. ఏఐ కెమెరాలు హై రిజల్యూషన్ ఫోటోలను క్లిక్ చేయడం మాత్రమే కాకుండా.. వీడియో కూడా రికార్డ్ చేస్తాయి. వీటి ఆధారంగానే వాహనదారులకు చలాన్ జారీ చేయడం జరుగుతుంది. ట్రాఫిక్ రూల్స్ అతిక్రమించి తప్పించుకోవడం అసాధ్యం. దీనిని దృష్టిలో ఉంచుకుని వాహన వినియోగదారులు మసలుకోవాలి. దీనివల్ల రోడ్డు ప్రమాదాల సంఖ్య తగ్గుతుంది.

గోదావరిఖని(రామగుండం): మహిళా బైక్‌రైడర్లకు ట్రాఫిక్‌ పోలీసులు శ్రావణం చీర కానుక ప్రకటించారు. ట్రాఫిక్‌ నిబంధనలు పాటిస్తూ హెల్మెట్‌ ధరించిన మహిళలకు చీర, జాకెట్‌ అందజేశారు. పెద్దపల్లి జిల్లా గోదావరిఖని మున్సిపల్‌ ఆఫీస్‌ చౌరస్తా వద్ద గురువారం పోలీసులు ప్రత్యేక తనిఖీ చేపట్టారు. హెల్మెట్‌ ధరించి.. నిబంధనలకు అనుగుణంగా బైక్‌ డ్రైవ్‌ చేస్తున్న మహిళలను గుర్తించి చీరలు అందజేసి సత్కరించారు. ట్రాఫిక్‌ చలాన్లు, డ్రంకెన్‌ డ్రైవ్, రాంగ్‌ పార్కింగ్‌ ఫైన్‌లే కాదు.. నిబంధనలు పాటించే వారిని గుర్తించి గౌరవిస్తామని రామగుండం ఏసీపీ సీహెచ్‌.శ్రీనివాస్‌ స్పష్టం చేశారు. మొదటి దఫాగా పదిమంది మహిళలను గుర్తించి చీరలు అందజేసినట్లు తెలిపారు. భర్త హెల్మెట్‌తో బైక్‌ నడుపుతుంటే.. వెనకాల కూర్చున్న భార్యకు కూడా చీర, జాకెట్‌ అందజేసి.. హెల్మెట్‌ పెట్టుకునేలా ప్రోత్సహించాలని ఏసీపీ కోరారు. బట్టల దుకాణాల యజమానుల సహకారంతో ఈ కార్యక్రమం కొనసాగిస్తామని వివరించారు. గతంలో పూలు అందజేసి అభినందిస్తే చాలామంది బాధపడ్డారని, దాన్ని దృష్టిలో పెట్టుకుని మహిళలకు చీర, జాకెట్, బైక్‌ నడిపే పురుషులకు ప్యాంట్, షర్ట్‌ దాతల సహకారంతో అందిస్తామని వివరించారు. కార్యక్రమంలో ట్రాఫిక్‌ సీఐ రాజేశ్వర్‌రావు, ఎస్‌ఐ హరిశేఖర్, సిబ్బంది పాల్గొన్నారు.

ఇటీవల కాలంలో ఎంతలా ట్రాఫిక్‌ నిబంధలు పెట్టినా..ఘెరమైన యాక్సిడెంట్‌లు జరుగుతూనే ఉన్నాయి. ముఖ్యంగా ఈ ప్రమాదాల్లో అభం శుభం తెలియని చిన్నారులే ఎక్కువగా ప్రాణాలు కోల్పోతున్నారు. వీటి కారణంగా ఎన్నో కుటుంబాలు రోడ్డున పడుతున్నాయి. అంతేగాదు ఎందరో తల్లులకు కడుపుకోత, తీరని వ్యథ మిగులుతుంది. ప్రధానంగా మొబైల్‌ ఫోన్‌లు, నిర్లక్ష్య ధోరణి, తొందరపాటులే ఈ రోడ్డు ప్రమాదానికి కారణాలు. అక్కడికి దీనిపై ట్రాఫిక్‌ పోలీసుల అవగాహన కార్యక్రమాలు చేపట్టినా.. పెద్దగా ప్రయోజనం లేదు. ఏం చేస్తే ఈ సమస్యని నివారించగలమని అధికారులు తలలు పట్టుకుంటున్నారు. ఈ రేంజ్‌లోనే హైవేలపై స్పీడ్‌ ఉండాలని నియంత్రించినా..ప్రమాదాలు మాత్రం ఆగడం లేదు. అయితే ఇదే సమస్యను ఫేస్‌ చేస్తున్న వియత్నాం దేశం అమలు చేస్తున్న ట్రాఫిక్‌ చట్టాలు అందరి దృష్టిని ఆకర్షించాయి. ఇలా అయినా ప్రమాదాలు తగ్గుతాయేమో అనే ఆశను రేకెత్తించింది. ఇంతకీ ఆ దేశం ఎలాంటి ట్రాఫిక్‌ చట్టాలను తీసుకొచ్చింది..? మన దేశంలో సాధ్యమేనా..?వియత్నాం(Vietnam) రోడ్డు ప్రమాదాలను నివారించేలా ట్రాఫిక్‌ ఉల్లంఘనలు నియంత్రించేందుకు ప్రోత్సాహకాలను అందజేస్తామని ప్రకటించింది. ఎవ్వరైన ట్రాఫిక్‌ ఉల్లంఘనలకు పాల్పడిన వారి గురించి సమాచారం అందిచినట్లయితే వారికి ప్రభుత్వం దాదాపు రూ. 17 వేలు వరకు ప్రోత్సహకాన్ని అందుకోవచ్చు. ప్రజా భద్రతను పెంచేలా ట్రాఫిక్‌ క్రమశిక్షణ(Traffic Rules) అమలయ్యేందుకు ఈ సాహసోపేతమైన నిర్ణయం తీసుకుంది వియత్నాం. నిజానికి గతేడాది ప్రారంభ నుంచే వియత్నాం ట్రాపిక్‌ ఉల్లంఘనలకు పాల్పడేవారికి భరించలేని స్థాయిలో జరిమానాలు పెంచేసింది. రెడ్‌ సిగ్నల్‌ ఉండగానే పట్టించుకోకుండా వెళ్లిపోవడం, మొబైల్‌ ఫోన్‌లో మాట్లాడుతూ డ్రైవ్‌ చేయడం తదితరాలకు భారీగా జరిమానాలు విధిస్తున్నారు. అయితే ఇలాంటి వ్యక్తుల గురించి ఏ పౌరుడైనా సమాచారం(reporting) అందిస్తే..వారి గోప్యతను భద్రంగా ఉంచడమే గాక వాళ్లకి పడిన జరిమానా నుంచి మినహాయింపు లేదా తగిన విధంగా ప్రోత్సాహకం ఇవ్వడం వంటివి చేస్తోంది. అంతేగాదు వారు నడిపే వాహనం అనుసరించి జరిమానాలను భారీగా పెంచింది. అలాగే పారితోషకం కూడా ఆ విధమైన డిఫరెన్స్‌తోనే భారీగా ముట్టచెబుతోంది. ప్రస్తుతం ఈ విషయం నెట్టింట హాట్‌టాపిక్‌గా మారింది.దీంతో నెటిజన్లు ఆ దేశానికి దాదాపు ఐదు వేల కిలోమీటర్లు ఉన్న మనదేశంలో కూడా వాటిని అమలు చేస్తే చాలామంది మిలియనీర్లుగా మారతారని కామెంట్లు చేస్తున్నారు. అలాగే ప్రముఖ ఆర్థికవేత్త, నీతి ఆయోగ్ సభ్యుడు(NITI Aayog member) అరవింద్ విర్మాణితో సహా చాలామంది మాత్రం తప్పనిసరిగా భారత్‌లో కూడా ఇలాంటి రూల్స్‌ని అమలు చేయాలని వాదిస్తూ పోస్టులు పెట్టారు. ఇలా చేస్తే సంపాదన సామర్థ్యం కష్టమైపోతుందని కొందరు ఆందోళన వ్యక్తం చేస్తున్నారు కూడా. ఒకకంగా ఇది ఇరు దేశాల్లో ట్రాఫిక్‌ ఉల్లంఘనలు ఎంతలా ఉన్నాయనేది హైలెట్‌ చేసిందని చెప్పొచ్చు. అయితే ఇది ఒకరకంగా నిర్లక్ష్యంగా డ్రైవింగ్ చేయడం, ట్రాఫిక్‌ ఉల్లంఘనలు వంటి సమస్యలకు చక్కటి పరిష్కారన్ని అందించిందని చెప్పొచ్చు.We should definitely introduce this for major traffic offenses like going the wrong way on a divided highway/street, and jumping red lights https://t.co/tTkpwoIXck— Dr Arvind Virmani (Phd) (@dravirmani) January 5, 2025 (చదవండి: గోల్డెన్ గ్లోబ్స్ 2025 అవార్డుల వేడుకలో మెనూ ఇలా ఉంటుందా..! 24 క్యారెట్ల బంగారం..)

సోషల్‌ మీడియాలో తొందరగా పాపులరిటీ సంపాదించేందుకు కొందరు పిచ్చి పిచ్చి ప్రయత్నాలు చేస్తుంటారు. చేయకూడని పనులు చేసి చిక్కుల్లో పడుతున్నారు. రకరకాల రీల్స్‌ చేస్తూజనాల చేత తిట్లు తింటున్నారు. ప్రమాదకర స్టంట్లతో ప్రాణాల మీదకు తెచ్చుకుంటున్నారు. అయితే ఇలాంటివి మానుకోవాలని అధికారులు చెబుతున్నా, కఠిన చర్యలు తీసుకుంటున్నా కొందరిలో మాత్రం మార్పు రావడం లేదు.తాజాగా ఓ వ్యక్తి తన ప్రమాదకర స్టంట్‌తో ట్రాఫిక్‌ నిబంధనలను ఉల్లంఘించి కటకటాల పాలయ్యాడు. పట్టుమని 20 ఏళ్లు కూడా నిండని ఆదిత్య అనే వ్యక్తి మరో యువకుడితో కలిసి ఢిల్లీ రోడ్డుపై డేంజరస్‌ స్టంట్లు చేశాడు. ద్వారక ప్రాంతంలో గౌరవ్‌ సింగ్‌ (19) డ్రైవింగ్‌ చేస్తుండగా.. స్పైడర్‌ మ్యాన్‌ వేషం ధరించిన ఆదిత్య కారు బానెట్‌పై నిలబడి ప్రమాదకర స్టంట్లు వేశాడు.దీనిని వీడియో తీసి ఇన్‌స్టాగ్రామ్‌లో పోస్టు చేయడంతో సోషల్‌ మీడియాలో అనేక మంది ఫిర్యాదు చేశారు. చివరికి సమాచారం అందుకున్న ఢిల్లీ ట్రాఫిక్‌ పోలీసులు.. యువకులపై చర్యలు చేపట్టారు. ట్రాఫిక్‌ నిబంధనలను ఉల్లంఘించిన కారణంగా ఇద్దరినీ కస్టడీలోకి తీసుకున్నారు. Delhi | On receiving a complaint on social media about a car seen on Dwarka roads with a person dressed as Spiderman on its bonnet, the Delhi Traffic Police took action. The person in the Spiderman costume was identified as Aditya (20) residing in Najafgarh. The driver of the… pic.twitter.com/UtMqwYqcuK— ANI (@ANI) July 24, 2024ప్రమాదకర డ్రైవింగ్‌, పొల్యూషన్‌ సర్టిఫికెట్‌ లేకపోవడం, సీటు బెల్టు ధరించకపోవడం వంటి చర్యలకు పాల్పడినందుకు జైలు శిక్షతో పాటు రూ. 26 వేల జరిమానా విధించే అవకాశం ఉందని పోలీసులు తెలిపారు. అయితే ఆదిత్య గతంలోనూ స్పైడర్‌ మ్యాన్ దుస్తుల్లో ప్రమాదకర స్టంట్లకు పాల్పడి కటకటాల పాలైనట్లు తెలుస్తోంది.

 డ్రైవింగ్‌ చేసేటప్పుడు ట్రాఫిక్‌ రూల్స్‌ పాటించకుంటే చలాన్లు పడటం మామూలే! కానీ ఇప్పుడు డ్రైవింగ్‌ చేసేటప్పుడు తల దురద పెడితే గోక్కున్నా, జరిమానా బెడద తప్పదు. ఇదేం కొత్త రూల్‌ అని ఆశ్చర్యపోతున్నారా! ఈ మధ్య అమెరికాలో టిమ్‌ హాన్సెన్‌ అనే వ్యక్తి డ్రైవింగ్‌ చేస్తూ తల గోక్కున్నాడట. అంతే! పోలీసులు రూ. 33,211 జరిమానాను వడ్డించారు. నిజానికి అతనికి డ్రైవింగ్‌ చేసేటప్పుడు ఫోన్‌లో మాట్లాడినందుకు ఫైన్‌ పడింది. ఫొటోను కాస్త నిశితంగా పరిశీలిస్తే అతను ఫోన్‌ పట్టుకోలేదని తెలుస్తోంది. అతను తల గొక్కోవడాన్ని ఏఐ పవర్డ్‌ కెమెరా అపార్థం చేసుకుని, ఫోన్‌లో మాట్లాడుతున్నట్లుగా భావించింది. స్మార్ట్‌ కెమెరా లోపం కారణంగానే ఇలా జరిగిందని స్పష్టమవడంతో ట్రాఫిక్‌ పోలీసులు అతని చలానాను రద్దు చేశారు. అయితే అప్పటికే ఆ జరిమానాపై టిమ్‌ కోర్టులో కేసు నమోదు చేశాడు. అధికారిక తీర్పు ఇంకా రాలేదు. ఇంతలోనే ఈ విషయం వైరల్‌ అయింది. కొన్ని సంస్థలు డ్రైవింగ్‌ చేసేటప్పుడు మొబైల్‌ ఫోన్ ల వినియోగాన్ని గుర్తించే కెమెరాలను ఇస్టాల్‌ చేయమని కోరుతుంటే, మరికొందరు తమకూ ఇలాంటి వింత జరిమానాలు పడ్డాయి అంటూ ఫన్నీ కామెంట్స్‌ పెడుతున్నారు.

కొత్త సంవత్సరంలో వ్యక్తులుగా మనం కొన్ని తీర్మానాలు చేసుకుంటాం. అదే విధంగా మనమంతా ఒక దేశంగా కూడా కొన్ని తీర్మానాలు చేసుకోవాలి. పార్లమెంటులో సభా సమయాన్ని దుర్వినియోగం చేయబోమని ఎంపీలూ, చర్చల పేరుతో జనాల మధ్య గొడవలు సృష్టించబోమని టీవీ యాంకర్లూ తీర్మానించుకోవాలి. ట్రాఫిక్‌ నియమాలను అతిక్రమించకుండా వాహనాలను ధ్యాసగా, జాగ్రత్తగా నడుపుతామని మనం సంకల్పం చెప్పుకోవాలి. కానీ మూణ్ణాళ్లకే ఈ తీర్మానాలన్నీ వట్టి ముచ్చటగా మారిపోతే? అసలీ తీర్మానాలు తీర్చేవా, మార్చేవా? దీనికి ఒకటే జవాబు. తీర్చడం, మార్చడం కళ్లకు కనిపించపోవచ్చు. కానీ, అసలంటూ కొత్త నిర్ణయం తీసుకోవటం అన్నదే సంకల్ప సాధనలోని నిబద్ధతకు మొదటి మెట్టు అని గుర్తించాలి. పూతకొచ్చే తీర్మానాలకు కొత్త సంవత్సరం ప్రియమైన రుతువు అయినప్పటికీ, వాటిల్లో చాలా వరకు ఎక్కువ కాలం జీవించి ఉండవు. గొప్ప ఉత్సాహపు ధ్వనితో మొగ్గ తొడిగి, చప్పుడే కాని పరిహాసపు గాలివానలతో టప్పున నేల రాలేందుకే అవి చిగురిస్తాయి. అయినప్పటికీ, మనమంతా ఒక దేశంగా కొన్ని తీర్మానాలను స్వీకరించాలని నేనిప్పుడు సూచించబోవడం మీకొక ప్రశ్నార్థకం అవొచ్చు. దీనికి చాలా సులభమైన జవాబే ఉంది. చేయాలని అనుకున్న దానిలో నిబద్ధత కొరవడినా, ఏం చేయవలసిన అవసరం ఉన్నదో దానిని ఒక సంకల్పంలా తీసుకోవడమే అసలొక తీర్మానం. కనుక ఈ కొత్త సంవత్సర ఆరంభంలో ఆ మొదటి అడుగు వేద్దాం. ‘సంకల్పం’ అనే అడుగు.  మొదటిది, ఒకటేంటంటే మన రాజకీయ నాయకులు చేయ వలసినది. పార్లమెంటులో ఎంతో విలువైన ప్రజాసమయ దుర్విని యోగానికి పాల్పడే విధంగా తమ ప్రవర్తన ఉండకూడదని వారు తీర్మానం చేసుకోవాలి. వాళ్లు అక్కడ కూర్చున్నందుకు మీకు, నాకు అవుతున్న ఖర్చు నిమిషానికి 2 లక్షల 50 వేల రూపాయలు. ఈ ఖర్చును మనం సంతోషంగానే భరిస్తున్నాం. ఎందుకంటే, నిజాలను నిగ్గు తేల్చేందుకు, ప్రభుత్వ పనితీరును ఎత్తిచూపేందుకు, నిశిత పరిశీలనకు; అవినీతిని, అసమర్థతను బహిర్గతం చేయడానికి... ప్రశ్నలు, చర్చలు తప్పనిసరి అని మనం విశ్వసిస్తాం. అటువంటిది... సభ ‘వెల్‌’లోకి దూసుకెళ్లే, స్పీకర్‌పై రంకెలు వేసే, సభకు గైర్హాజరు అయ్యే ఎంపీలకు మన కష్టార్జితాన్ని ఎందుకు ఖర్చుపెట్టాలి? 16వ లోక్‌సభ (2014–19) సభా సమయం 1,615 గంటలు కాగా,అందులో 16 శాతం సమయాన్ని అంతరాయాలు, వాయిదాల కారణంగా కోల్పోయాం. ఆ కోల్పోయిన సమయానికి అయిన ఖర్చు రూ. 39 కోట్లు.  మన ప్రజాప్రతినిధులుగా, మనం వారికి నిధులు సమ కూరుస్తున్నాం కనుక, ఆ విలువకు సమానమైన సేవలను మన ఎంపీలు మనకు అందించాలి. అందుకు మనం అడుగుతున్నదల్లా పార్లమెంటు సమర్థంగా, అర్థవంతంగా పనిచేయాలని! వారి నుండి ఈ కొత్త సంవత్సరం మనకు ఇలాంటి హామీ లభిస్తుందా?   తర్వాత, ప్రెస్‌! ఇక్కడ నా ఉద్దేశం ప్రెస్‌ అంటే ప్రధానంగా టెలివి జన్‌ న్యూస్‌ చానెళ్లు. టీవీ వీక్షకులు డబ్బు చెల్లిస్తారు కనుక ముఖ్యమైన వార్తల్ని ఆశించే హక్కు వారికి ఉంటుంది. ఏది ముఖ్యమైన వార్తో నిర్ణయించడానికి అనేకమైన ప్రామాణికాలు ఉంటాయన్న దాంట్లో సందేహమేమీ లేదు కానీ, చివరికొచ్చేటప్పటికి ప్రధానంగా ప్రాముఖ్యం, ఔచిత్యం, సమతౌల్యం అనేవి లెక్కలోకి వస్తాయి.  కనుక టీవీ వాళ్లకు నేను చెప్పేదేమిటంటే, దయచేసి మీరు సినిమా తారలు, క్రికెటర్ల పట్ల మీకున్న మక్కువను వదులుకోండి. ‘బ్రేకింగ్‌ న్యూస్‌’ కోసం మీ పరుగులను ముగించండి; బదులుగా కచ్చితత్వం పైన, విశ్లేషణ మీద దృష్టి పెట్టండి; మరీ ముఖ్యంగా... సాగతీతల్ని ఆపేయండి. ఏ వార్తా కథనానికైనా తన సహజమైన నిడివి ఉంటుంది. కేవలం ప్రసార సమయాన్ని భర్తీ చేయడానికి ఆ నిడివిని పొడిగించుకుంటూ పోకండి. గుర్తుంచుకోండి. మేము పెద్దవాళ్లం; మమ్మల్ని పిల్లల్లా చూడకండి; మేము తరచు పిల్లల్లా స్పందిస్తున్నా కూడా అలాగే, మన యాంకర్లకు ఎవరైనా చర్చల లక్ష్యం జనం మధ్య గొడవలు సృష్టించడం కాదని చెప్పగలరా... ఆ జనం ఒకవేళ గొడవలకు సిద్ధంగా ఉన్నప్పటికీ! చర్చ అనేది ప్రజాభిప్రాయాన్ని రాబట్టేందుకు... అది కూడా ఒక వివేచనతో, వీలైతే తక్కినవారికి భిన్నంగా, పూర్తిగా తమదైన ప్రత్యేకతతో ఉండాలనీ... చర్చకు వచ్చిన అతిథులు తమతో ఏకీభవించేలా యాంకర్లు వారిపై మాటల బల ప్రయోగం చేయకూడదనీ వీక్షకులుగా ఈ కొత్త సంవత్సరంలో మనం ఆశపడదాం.  చివరిగా, మనమంతా ప్రతిజ్ఞ చేయవలసిన అవసరం ఉన్న విషయం – సురక్షితంగా వాహనం నడపడం. పద్ధతిగా, తెలివిడిగా నడపాలి. వాహనాల రద్దీ ఎక్కువగా ఉన్నప్పుడు రద్దీని దాటేందుకు వేరే వైపు మళ్లకండి. ఎర్ర రంగు పడటానికి ముందు ఆరెంజి రంగులోకి సిగ్నల్‌ మారినప్పుడు మీ అదృష్టంపై నమ్మకంతో జంక్షన్‌లో మీ వాహనాన్ని ముందుకు దూకించకండి. ఇంకొక సంగతి, మీరు మీ కారును పార్క్‌ చేస్తున్నప్పుడు వేరొకరి గేటుకు కానీ, తోవకు కానీ అడ్డంగా నిలుపుతున్నారేమో గమనించండి. ఇక మన డ్రైవింగ్‌ ఎలా ఉండాలనే దానికి ఎల్ల వేళలా వర్తించే సాధారణ నియమం – రోడ్డుపై మీరే కాకుండా ఇంకా చాలామంది వాహనం నడు పుతూ ఉంటారు కనక – రోడ్డుపై మీకున్నంత హక్కే వారికీ ఉంటుందని గ్రహించడం!  మరీ పాత సంగతి కాదు కానీ, సిగరెట్‌ తాగడం మొదలుపెట్టాలని నాకొక కొత్త సంవత్సర తీర్మానం ఉండేది. గడియారం సరిగ్గా రాత్రి పన్నెండు కొట్టగానే నా వేళ్ల మధ్య సిగరెట్‌ వెలుగు తుండేది. మర్నాడు సాయంత్రమంతా ఉమ్మడం, దగ్గడం! ‘సిగరెట్‌ తాగకపోవడం’ అనే వ్యసనాన్ని దూరం చేసుకోడానికి నేను ఎంచుకున్న మార్గం అది. అయితే జనవరి చివరినాటికి నా తీర్మానం పట్టు సడలిపోయేది. అది వ్యసనంగా మారుతుందేమోనన్న భయం నా చేత సంతోషంగా సిగరెట్‌ మాన్పించేది. అలా నేను దానికి దూరంగా ఉండటం జరిగేది.  ఈ సంవత్సరం నేను మరింత పెద్ద సవాలును స్వీకరిస్తున్నాను. టీవీలో ఇంటర్వ్యూ ఇచ్చేందుకు వచ్చే నా అతిథులకు అంతరాయం కలిగించడాన్ని మానుకోవాలని నిర్ణయించుకున్నాను. బదులుగా, వారిని తమ ఊకదంపుడుకు, అదే పనిగా మాట్లాడేందుకు అనుమ తిస్తాను. వాళ్లేం మాట్లాడినా, మాట్లాడవలసిన దానిని వాళ్లసలే మాట్లాడకపోతున్నా – మీరు, మిగతా వీక్షకులు అరచి నిరసన తెలియజేసే వరకు వాళ్లకు అడ్డుతగలనే తగలను. ‘వద్దు కరణ్, మీరు మీ పాత భౌభౌమనే రాట్‌వైలర్‌ జాతి శునకం స్టెయిల్‌కి వచ్చేయండి’ అంటూ తొలి విజ్ఞాపన పత్రం నాకు అందినప్పుడు మాత్రమే నేను ఎప్పటిలా నా పాత శైలికి వచ్చేస్తాను.  మరి అలాంటి విజ్ఞాపన పత్రం ఒకటి ఎప్పటికీ రాకపోతే? మా ప్రియమైన పోస్ట్‌మ్యాన్‌ నేను ఎదురు చూసే క్రిస్మస్, న్యూ ఇయర్‌ కార్డులన్నిటినీ ఎక్కడో తారుమారు చేసి ఉండొచ్చని అనుకోవాలి. ఏ సంగతీ ఏదో ఒక విధంగా త్వరలోనే మీకు తెలుస్తుంది.  కరణ్‌ థాపర్‌  వ్యాసకర్త సీనియర్‌ జర్నలిస్ట్‌

దేశంలో ట్రాఫిక్ ఉల్లంఘనలను తగ్గించడానికి రాష్ట్ర ప్రభుత్వాలు ఎప్పటికప్పుడు కఠినమైన నిబంధనలను అమలు చేస్తూనే ఉన్నాయి. ఇప్పటికే కేరళ ఏఐ కెమెరాలతో ట్రాఫిక్ చలానాలు జారీ చేస్తూ రోడ్డు ప్రమాదాల సంఖ్యను తగ్గించుకునే ప్రయత్నం చేస్తుంటే.. కర్ణాటక ఓ వినూత్న ఆలోచనను తెరమీదకు తీసుకువచ్చింది. దీనికి సంబంధించిన మరిన్ని వివరాలు ఈ కథనంలో తెలుసుకుందాం. ఎవరైనా ట్రాఫిక్ రూల్స్ అతిక్రమిస్తే.. వారికే చలానా జారీ చేయడం ఆనవాయితీ.. అయితే ఇప్పుడు బెంగళూరులో వచ్చిన ఓ కొత్త రూల్ ప్రకారం ఒక కంపెనీలో పనిచేసే ఉద్యోగి ట్రాఫిక్ నియమాలను పాటించకుంటే ఆ సంస్థ బాస్‌కు చలాన్‌ అందజేస్తారు. ఈ విధానం త్వరలోనే అమలులోకి రానున్నట్లు తెలుస్తోంది. రోడ్డు భద్రతపై అవగాహన కల్పించే ప్రయత్నంలో, బెంగళూరు ట్రాఫిక్ పోలీసులు ఒక ప్రత్యేకమైన చొరవతో ఇలాంటి ప్రయోగాలు చేస్తున్నారు. ఈ చొరవ కింద, సంస్థలో పనిచేసే వ్యక్తులు ట్రాఫిక్ రూల్స్ అతిక్రమిస్తే ఉద్యోగుల ట్రాఫిక్ ఉల్లంఘనల గురించి కంపెనీలకు తెలియజేస్తారు. 15 రోజుల కింద ప్రారంభమైన ఈ కొత్త కార్యక్రమం రోడ్డుకు రాంగ్ సైడ్‌లో టూ వీలర్ నడపడం వంటి ట్రాఫిక్ నిబంధనలను ఉల్లంఘించిన ఐటీ కంపెనీ సిబ్బందిని ప్రత్యేకంగా లక్ష్యంగా చేసుకుంటుంది. నియమాలను అతిక్రమించిన వారి ఐడీ కార్డును తనిఖీ చేయడం ద్వారా వారు ఎక్కడ పనిచేస్తారనేది తెలుసుకుంటున్నారు. మహదేవపుర ట్రాఫిక్ పోలీస్ డివిజన్ పరిధిలోకి వచ్చే బెంగళూరు ఇన్ఫర్మేషన్ టెక్నాలజీ కారిడార్ మీదుగా ప్రస్తుతం డ్రైవ్ జరుగుతోంది. ఈ సందర్భంగా ట్రాఫిక్ పోలీస్ ఇన్‌స్పెక్టర్ రమేష్ మాట్లాడుతూ.. రైడర్‌లు రహదారి భద్రత మరియు ట్రాఫిక్ నిబంధనల గురించి స్పృహతో ఉన్నారో లేదో చూడటానికి మేము ఈ చొరవతో ప్రయోగాలు చేస్తున్నామని వెల్లడించారు. ఇదీ చదవండి: ఇలాంటి టెక్నాలజీ తెలంగాణలో ఫస్ట్.. వీడియో షేర్ చేసిన ఆనంద్ మహీంద్రా ఈ చొరవ మంచిదేనా? బెంగళూరు ట్రాఫిక్ పోలీసులు చేపట్టిన ఈ కొత్త చొరవ చాలా మందిలో ఆందోళన కలిగిస్తున్నప్పటికీ.. ప్రమాదాల సంఖ్యను తగ్గించడానికి ఇదో మార్గం అని తెలుస్తోంది. అయితే ఇది ఎంత వరకు సాధ్యమవుతుందనేది ప్రశ్నగానే ఉన్నప్పటికీ.. ఉద్యోగి భద్రత గురించి కంపెనీ అవగాహనా కల్పించే అవకాశం ఉంటుంది.

సాక్షి, హైదరాబాద్‌: ఔటర్ రింగ్ రోడ్డుపై కొత్త ట్రాఫిక్ నిబంధనలు అమల్లోకి వచ్చాయి. కొత్త స్పీడ్ లిమిట్స్ సంబంధించి నోటిఫికేషన్ జారీ చేసింది సైబరాబాద్ పోలీస్‌ శాఖ. పైగా కొత్త రూల్స్‌ నేటి నుంచి(జులై 31వ తేదీ నుంచి) అమల్లోకి రానున్నట్లు స్పష్టం చేసింది.  లైన్ 1 అండ్ 2ల్లో గంటకు 100 నుంచి 120 కిలోమీటర్ల స్పీడుతో దూసుకెళ్లొచ్చు. ఆ మధ్య స్పీడ్‌ లిమిట్‌ని అనుమతిస్తారు. ఈ లైన్లలో కనిష్ట వేగం గంటకు 80 కిలోమీటర్ల చొప్పున ఉండొచ్చు. అలాగే.. లైన్ 3 అండ్ 4 లో గరిష్టంగా గంటకు 80, కనిష్టంగా 40 కిలోమీటర్ల వేగంతో ప్రయాణించొచ్చు.   ORRలో కనీస వేగం గంటకు 40 కి.మీ. ఇంతకన్నా తక్కువ వాహనాలను ఓఆర్‌ఆర్‌పైకి అనుమతించరు.  🛣️ ఇక.. లేన్‌ల మధ్య వాహనాల జిగ్-జాగ్ కదలిక అనుమతించబడదు. 🛣️ పై వేగం ప్రకారం లేన్‌లను మార్చాలనుకునే అన్ని వాహనాలు ఇండికేటర్ లైట్లను ఉపయోగించిన తర్వాత మాత్రమే చేయాలి. 🛣️ అలాగే.. లేన్‌లను మార్చేటప్పుడు అన్ని జాగ్రత్తలు తీసుకోవాలి. 🛣️ ఓఆర్‌ఆర్‌లోని నాలుగు లేన్‌లలో ఏ వాహనం కూడా ఆగకూడదు. 🛣️ ఏ ప్రయాణీకుల వాహనాలు ORRలో ఆపి ప్రయాణికులను ఎక్కించకూడదు. 🛣️ ORRపై టూవీలర్స్‌, అలాగే పాదచారులకు అనుమతి లేదు ORRలో ప్రయాణాలు సురక్షితంగా సాగేందుకు లక్ష్యం పెట్టుకుంది సైబరాబాద్ పోలీస్ కమిషనరేట్‌. కొత్త నియమాలు డ్రైవింగ్ క్రమశిక్షణను తీసుకువస్తాయని, అలాగే.. గందరగోళాన్ని తగ్గిస్తాయని, పైగా.. ORRలో ప్రయాణాలు సాఫీగా సాగేందుకు ఉపకరిస్తాయని సైబరాబాద్ సీపీ స్టీఫెన్‌ రవీంద్ర ఆ నోటిఫికేషన్‌ ద్వారా ఆశాభావం వ్యక్తం చేశారు. ఇదీ చదవండి: తెలంగాణ గవర్నమెంట్‌ స్కూళ్లలో వాళ్లకు నో ఎంట్రీ

ట్రాఫిక్ నిబంధనలను ఉల్లంఘించేవారి ఆటకట్టించేందుకు బెంగళూరు పోలీసులు సూపర్‌ ఐడియా వేశారు. బెంగళూరు-మైసూరు ఎక్స్‌ప్రెస్‌వేలో ఓవర్‌ స్పీడ్‌తో వెళ్లే వాహనదారులకు వారి ఫాస్ట్‌ట్యాగ్ ఖాతాలను ఉపయోగించి జరిమానా విధించాలని ప్రతిపాదించారు.  అతివేగం కారణంగా ఎక్స్‌ప్రెస్‌వేపై జరుగుతున్న ప్రమాదాలను అరికట్టడానికి బెంగళూరు ట్రాఫిక్ పోలీసులు కొన్ని రోజులుగా పలు కఠిన చర్యలు తీసుకుంటున్నారు. వీటిలో భాగంగా ఆర్టిఫిషియల్ ఇంటెలిజెన్స్‌(AI) ఆధారిత కెమెరాలు ఏర్పాటు చేశారు. వీటి సాయంతో రాంగ్ సైడ్ డ్రైవింగ్, ఓవర్ స్పీడ్, హెల్మెట్ లేకుండా రైడింగ్, వాహనం నడుపుతున్నప్పుడు స్మార్ట్‌ఫోన్ ఉపయోగించడం వంటి ఉల్లంఘనలను గుర్తిస్తున్నారు. ఇదీ చదవండి ➤ ఎలక్ట్రిక్‌ స్కూటర్లు కొన్న వారికి షాక్‌! డిస్కౌంట్‌ డబ్బు వెనక్కి కట్టాలి?  ఇక టూవీలర్లు, ట్రాక్టర్లు, ఆటోలు వంటి నెమ్మదిగా కదిలే వాహనాల వల్ల ఇతర వాహనాలకు ఇబ్బంది కలగకుండా వాటిని ఎక్స్‌ప్రెస్‌వేపై వెళ్లకుండా నిషేధించారు. తాజాగా  ఎక్స్‌ప్రెస్‌వేపై ఓవర్‌స్పీడ్‌కు కళ్లెం వేయడానికి వాహనాల ఫాస్ట్‌ట్యాగ్ ఖాతాల నుంచి జరిమానాలను వసూలు చేసేందుకు ప్రతిపాదించారు.  ఈ ఆలోచన ఇంకా ప్రతిపాదన స్థాయిలో ఉండగా నేషనల్ హైవే అథారిటీ ఆఫ్ ఇండియా (NHAI) ఇటువంటి ఆలోచనను అమలు చేసే అవకాశాన్ని పరిశీలిస్తోంది. దీన్ని సమర్ధవంతంగా అమలు చేస్తే జరిమానా వసూలు సులభతరంగా మారుతుంది. వాహనాలను మాన్యువల్‌గా ఆపి జరిమానాలు విధించే అవసరం ఉండదు. అయితే నేరుగా ఫాస్ట్‌ట్యాగ్ ఖాతా ద్వారా జరిమానాలను వసూలు చేయడం అనేది ప్రధాన గోప్యతా సమస్యను లేవనెత్తే​ అవకాశం ఉంది. ప్రస్తుతం ఫాస్ట్‌ట్యాగ్ ఖాతాల నుంచి వసూలు చేస్తున్న జరిమానాల మొత్తం ఎన్‌హెచ్‌ఏఐకి వెళుతోందని, అలా కాకుండా ప్రభుత్వానికి జమ చేయాలనేది తమ ప్రణాళిక అని అడిషనల్ డైరెక్టర్ జనరల్ ఆఫ్ పోలీస్ అలోక్ కుమార్ పేర్కొన్నారు.

బిగ్‌ బీ అమితాబ్ బచ్చన్, అనుష్క శర్మ బైక్‌ రైడ్‌పై ముంబయి పోలీసులు స్పందించారు. అమితాబ్ షూటింగ్‌ స్పాట్‌కు వెళ్లేందుకు బైక్‌పై వెళ్తున్న ఓ వ్యక్తిని లిఫ్ట్‌ అడిగి వెళ్లారు. అయితే బైక్‌పై ఇద్దరు ఎలాంటి హెల్మెట్‌ లేకుండా కనిపించారు. బైక్‌పై కూర్చొని ఉన్న చిత్రాన్ని బిగ్‌ బీ సోషల్ మీడియాలో షేర్ చేశాడు. దీంతో ఇది చూసిన నెటిజన్స్ ముంబయి పోలీసులకు ట్యాగ్ చేశారు. దీనిపై ముంబయి పోలీసులు సైతం స్పందించారు. ఈ విషయంపై తగిన చర్యలు తీసుకుంటామని తెలిపారు. (ఇది చదవండి: పెళ్లై 14 ఏళ్లు.. పిల్లలు లేకపోవడంతో కీలక నిర్ణయం తీసుకున్న నటి) మరోవైపు బాలీవుడ్ నటి అనుష్క శర్మ సైతం ఎలాంటి హెల్మెట్ లేకుండా బైక్‌పై కనిపించారు. తన బాడీగార్డ్‌తో బైక్ రైడ్ చేస్తూ కనిపించింది. వాళ్లద్దరూ కూడా ట్రాఫిక్ నిబంధనలు పాటించకపోవడంతో నెటిజన్స్ వెంటనే ముంబయి పోలీసులకు ఫిర్యాదు చేశారు. దీంతో అమితాబ్ బచ్చన్, అనుష్క శర్మలపై ముంబయి పోలీసులు చర్యలకు సిద్ధమయ్యారు. ఎంత పెద్దవారైనా ట్రాఫిక్ రూల్స్ పాటించాల్సిందేనని పోలీసులు సూచిస్తున్నారు.  కాగా.. అమితాబ్ బచ్చన్ నాగ్ అశ్విన్ దర్శకత్వం వహిస్తున్న ప్రాజెక్ట్‌ కెలో నటిస్తున్నారు. ఈ చిత్రంలో ప్రభాస్, దీపికా పదుకొణె, దిశా పటాని కూడా కీలక పాత్రల్లో నటిస్తున్నారు. ఈ చిత్రం జనవరి 2024లో విడుదల కానుంది. ఇదే కాకుండా బిగ్ బి రిభు దాస్‌గుప్తా మూవీ కోర్ట్‌ రూమ్ డ్రామా సెక్షన్ 84లో కనిపించనున్నారు. ఆ తర్వాత అతను టైగర్ ష్రాఫ్, కృతి సనన్ చిత్రం గణపత్‌లో కూడా నటించనున్నారు. (ఇది చదవండి: లైకా ప్రొడక్షన్స్‌పై ఈడీ దాడులు.. దాదాపు ఎనిమిది చోట్ల ఒకేసారి!) View this post on Instagram A post shared by Amitabh Bachchan (@amitabhbachchan) మరోవైపు.. అనుష్క చివరిసారిగా షారుఖ్ ఖాన్, కత్రినా కైఫ్‌లతో కలిసి జీరోలో కనిపించింది. ఈ ఏడాది ఆమె చక్దా 'ఎక్స్‌ప్రెస్‌తో తిరిగి సినిమాల్లోకి రానుంది. తన కూతురు వామిక పుట్టిన తర్వాత ఆమెకు ఇది మొదటి సినిమా కావడం విశేషం.  #AnushkaSharma ditches the car and takes a bike ride to travel in the city! pic.twitter.com/jUwiCsyhbJ — Pinkvilla (@pinkvilla) May 15, 2023 We have shared this with traffic branch. @MTPHereToHelp — मुंबई पोलीस - Mumbai Police (@MumbaiPolice) May 15, 2023

సాక్షి ప్రత్యేక ప్రతినిధి :  రోడ్డెక్కగానే బండిని రయ్‌మంటూ పరుగెత్తిస్తారు.. జన సంచారం ఉండని హైవేలపై అయితే వాయు వేగంతో పోటీ పడతారు.. ఇలా దూసుకుపోతే ఆ కిక్కే వేరనుకుంటారు.. దీనికోసం ట్రాఫిక్‌ నిబంధనలనూ బేఖాతరు చేస్తారు.. ఇందులో కిక్కు ఎంత వస్తుందో వారికే తెలుసుగానీ.. ప్రమాదాలు జరిగి ప్రాణాలు పోవడం మాత్రం పెరిగిపోతోంది. రహదారులపై బ్లాక్‌ స్పాట్లు, వాహన వేగ నియంత్రణలో వైఫల్యం, హెల్మెట్, సీటుబెల్టు పెట్టుకోవడంలో నిర్లక్ష్యం వంటివి వేలకొద్దీ మరణాలకు కారణమవుతున్నాయి. కరోనా అనంతరం వ్యక్తిగత వాహనాల వినియోగం బాగా పెరిగింది. దీనితో రోడ్లపై ట్రాఫిక్‌ రద్దీ ఎక్కువై ప్రమాదాలు– మరణాల శాతం పెరగడానికి దారితీస్తోందని నిపుణులు చెప్తున్నారు. ప్రమాద మృతుల్లో 35ఏళ్ల లోపు వారే 46.3శాతం ఉంటుండటంపై ఆందోళన కరమని పేర్కొంటున్నారు. 2021 సంవత్సరానికిసంబంధించి కేంద్ర రవాణాశాఖ ఇటీవలి పార్లమెంటు సమావేశాల్లో వెల్లడించిన గణాంకాలు ఈ పరిస్థితిని స్పష్టంగా చూపుతున్నాయి. అతి వేగమే.. చంపేస్తోంది ♦ రోడ్డు ప్రమాదాల్లో చనిపోయిన వారిలో 18–35 ఏళ్లలోపు వారే అత్యధికంగా (46.3శాతం) ఉన్నారు. ఇందులోనూ 45.1శాతం టూవీలర్స్‌పై, 12.9 శాతం కార్లలో ప్రయాణిస్తున్నవారుకాగా.. 18.9శాతం మంది పాదచారులు. ♦    71.7శాతం ప్రమాదాలు అతివేగంతో డ్రైవర్‌ వైఫల్యం వల్లే చోటు చేసుకున్నాయి. ఇందులో 31­శాతం కొత్త వాహనాలు (5 ఏళ్లలోపువే) నడిపే­వారే చేశారు. 9.5 శాతం మంది మద్యం–సెల్‌ఫోన్‌ డ్రైవింగ్‌ కారణంగా ప్రమాదాల బారినపడ్డారు. ♦    ప్రమాదాలు చేసిన వారిలో ఏడు శాతం మందికి లైసెన్స్‌లు కూడా లేకపోవడం గమనార్హం. ♦    నేషనల్‌ హైవేలపైనే అత్యధిక ప్రమాదాలు–­మ­రణాలు చోటు చేసుకున్నాయి. 2021లో 1,28,825 (31.6శాతం) ప్రమాదాలు, 56,007 మరణాలు హైవేలపైనే నమోదయ్యాయి. ఆ ఏడాది తెలంగాణలోని హైవేల 2,735 మంది చనిపోయారు. ♦   10 లక్షలు జనాభా దాటిన నగరాల్లో రోడ్డు ప్రమాదాల విషయంలో చెన్నై, ఢిల్లీ, జబల్‌పూర్‌లో తొలి మూడు స్థానాల్లో ఉండగా.. హైదరాబాద్‌ 8వ ప్లేస్‌లో ఉంది. మహానగరాల్లో జరుగుతున్న ప్రమాదాల్లో మరణిస్తున్న వారిలో 25 శాతం మంది పాదచారులే. హైవేలపై లోపాలు సరిదిద్దక.. తెలంగాణ మీదుగా వెళుతున్న ప్రధాన హైవేలపై లోపాలను సరిదిద్దే అంశం వేగంగా ముందుకు కదలటం లేదు. అత్యధిక ప్రమాదాలు జరిగే హైవే–65 (మచిలీపట్నం– హైదరాబాద్‌– పుణే), హైవే–44 (కన్యాకుమారి–కశ్మీర్‌), హైవే–563 (భూపాలపట్నం–హైద­రాబాద్‌)లపై పలుచోట్ల ఇంజనీరింగ్‌ లోపాలను గతంలోనే గుర్తించారు. వాటితో ప్రమాదాలు జరుగుతున్నట్టూ తేల్చారు. కానీ వాటిని సరిదిద్దే విషయంలో జాప్యం జరుగుతోంది. ముఖ్యంగా హైవే–65పై కోదాడ, మునగాల, కట్టంగూర్, చిట్యాల, చౌటుప్పల్‌ ప్రాంతాల్లో అండర్‌వేలు నిర్మించాల్సి ఉంది. మూడేళ్లుగా టెండర్ల ప్రక్రియే పూర్తికాలేదు. హైవే–44లోనూ నిర్మల్, కామారెడ్డి, మేడ్చల్, మహబూబ్‌నగర్‌ జిల్లాల పరిధిలో ఇంజనీరింగ్‌ లోపాలు అలానే ఉన్నాయి. ఇప్పుడేం చేయాలి? తెలంగాణలో ప్రమాదాల నియంత్రణ దిశగా నూతన మోటార్‌ వెహికల్‌ యాక్ట్‌ను పూర్తిస్థాయిలో అమలు చేయాలని నిపుణులు సూచిస్తున్నారు. ముఖ్యంగా బ్లాక్‌ స్పాట్స్‌లో లోపాలను సరిచేయడం, సైన్‌బోర్డులు, ఎల­క్ట్రాని­­క్‌ ఎన్‌ఫోర్స్‌మెంట్‌ను పెంచటం, ప్రమాద బాధితులకు సత్వర వైద్యం అందే చర్య­లు తీసుకోవడం అవసరమని స్పష్టం చేస్తున్నారు. మితిమీరిన వేగంతో ప్రయాణించకుండా తగిన అవ­గాహన కల్పించాలని పేర్కొంటున్నారు. ప్రమాదాల్లో యూఎస్‌.. మరణాల్లో భారత్‌.. వరల్డ్‌ రోడ్‌ స్టాటిస్టిక్స్‌–2020 నివేదిక ప్రకారం ప్రపంచంలోనే అత్యధికంగా అమెరికాలో 19,27,654 రోడ్డు ప్రమాదాలు జరిగాయి. ఈ ప్రమాదాల్లో సంభవించిన మరణాల సంఖ్య (36,650)లో మూడో స్థానంలో నిలిచింది. భారత్‌ 4,12,432 ప్రమాదాలతో ప్రపంచంలోనే రెండో స్థానంలో ఉండగా.. 1,53,972 మృతులతో మరణాల సంఖ్యలో మాత్రం టాప్‌లో నిలిచింది. అమ్మానాన్నను రోడ్డు మింగింది గత ఏడాది డిసెంబర్‌ 11న సూర్యాపేట జిల్లా అనంతగిరి నుంచి ఖమ్మం జిల్లా జల్లేపల్లికి వెళ్తున్న ఆటోను బస్సు ఢీకొట్టింది. ఆ ప్రమాదంలో రమేష్‌–రేణుక దంపతులు మృతిచెందడంతో.. వారి పిల్లలు కార్తీక్, హాసిని అనాథలుగా మారిపోయారు.

భారతదేశంలో ట్రాఫిక్ రూల్స్ చాలా కఠినంగా ఉన్నాయి. రూల్స్ అతిక్రమించిన వారు ఎంతవారైనా వదిలిపెట్టే సమస్యే లేదని పోలీసులు కరాఖండిగా చెబుతున్నారు. ఇందులో భాగంగానే ఇటీవల గోవా నగరంలో ట్రాఫిక్ పోలీసులు 40 మోటార్‌సైకిళ్లను స్వాధీనం చేసుకున్నారు. ప్రజా రహదారులపై నడిచే ఏ వాహనమైన తప్పకుండా మోటార్ వెహికల్ యాక్ట్ నియమాలకు లోబడి ఉండాలి. అలా కాదని మోడిఫైడ్ చేసుకుని రోడ్లమీద తిరిగితే మాత్రం జరిమానాలు భారీగా చెల్లించాల్సి వస్తుంది. గోవాలో సీజ్ చేసిన వాహనాల ఎగ్జాస్ట్ మోడిఫై చేయబడ్డాయి. వాహనంలో కంపెనీ అందించే భాగాలు కాదని కొంతమంది తమకు నచ్చిన విధంగా కస్టమైజ్ చేసుకుంటారు. ఇదే వారిని సమస్యల్లోకి నెట్టేస్తుంది. గతంలో కూడా ఇలాంటి సంఘటనలు చాలానే వెలుగులోకి వచ్చాయి. సీజ్ చేసిన బైకులలో ఎక్కువ రాయల్ ఎన్‌ఫీల్డ్ ఉండటం గమనార్హం. (ఇదీ చదవండి: Pakistan Crisis: చుక్కలు తాకిన మారుతి ధరలు.. ఏకంగా రూ. 21 లక్షలకు చేరిన ఆల్టో) మోడిఫైడ్ చేసిన ఎగ్జాస్ట్ సాధారణ బైకుల కంటే ఎక్కువ సౌండ్ చేస్తాయి. ఇది ప్రజా రహదారుల్లో ప్రయాణించే ఇతర ప్రయాణికులకు ఇబ్బందిని కలిగిస్తుంది. మోటార్ వెహికల్ యాక్ట్ నియమాలను ఉల్లంఘించిన కారణంగా అన్ని బైకులను సీజ్ చేసినట్లు మార్గోవ్ ట్రాఫిక్ పోలీస్ హెడ్ తెలిపారు. ప్రస్తుతం మార్కెట్లో లభిస్తున్న బైకులలో రాయల్ ఎన్‌ఫీల్డ్, ఇతర స్పోర్ట్స్ బైకులు ఎక్కువ శబ్దం చేస్తున్నట్లు నివేదికలు చెబుతున్నాయి. అయితే కొంతమంది బైక్ ప్రేమికులు తమ వాహనాలను మరింత మాడిఫైడ్ చేసుకోవడం వల్ల ఆ శబ్దం మరింత ఎక్కువవుతుంది. 80 డెసిబుల్స్ మించిన శబ్దాన్ని ఉత్పత్తి చేసే వాహనాలు చట్ట విరుద్ధం. దీనిని నివారించడానికి రాష్ట్ర ప్రభుత్వాలు కఠినమైన చర్యలు తీసుకుంటున్నాయి.

వాహనదారులు ట్రాఫిక్‌ నిబంధనలు పాటించాలని పోలీసులు పదే పదే చెబుతున్నా కొందరు మాత్రం నిర్లక్ష్యంగా డ్రైవింగ్‌ చేస్తూ ప్రమాదాలకు కారణమవుతున్నారు. ఇటీవలి కాలంలో ముఖ్యంగా యూత్‌.. బైకులు, కార్లపై విన్యాసాలు చేస్తూ సోషల్‌ మీడియాలో  వీడియోలను పెడుతున్నారు. ఈ క్రమంలో ప్రమాదాల బారినపడుతున్నారు. తాజాగా కొందరు యువకులు సోషల్‌ మీడియాలో రీల్స్‌ కోసం ఓవరాక్షన్‌ చేయగా ట్రాఫిక్‌ పోలీసులు వారిని ఏకంగా 77వేల జరిమానా విధించారు. ఈ ఘటన ఉత్తరప్రదేశ్‌లో చోటుచేసుకుంది.  వివరాల ప్రకారం.. యూపీలో హాపూర్‌లో నడిరోడ్డుపై కొందరు యువకులు హల్‌చల్‌ చేశారు. బెంజ్‌ కార్లు, బైక్‌లపై వెళ్తూ వీడియోలు తీసుకున్నారు. ఇన్స్‌స్టాగ్రామ్‌లో రీల్స్‌ కోసం నానా హంగామా క్రియేట్‌ చేశారు. హైస్పీడ్‌, ట్రాఫిక్‌ రూల్స్‌ పాటించకుండా వాహనాలు నడుపుతూ పక్కన వెళ్లే వాహనదారులకు ఇబ్బంది కలిగించారు. కాగా, దీనికి సంబంధించిన వీడియోలు.. సోషల్‌ మీడియాలో వైరల్‌గా మారాయి.  ఇక, ఈ వీడియోలు హాపూర్‌ ఎస్సీ అభిషేక్‌ వర్మ దృష్టికి చేరాయి. దీంతో, రంగంలోకి దిగిన పోలీసులు.. వారి వాహనాలు గుర్తించారు. సోషల్ మీడియాలో వైరల్ అయిన వీడియోను గుర్తించి యువకులకు రూ.77,000 జరిమానా విధించారు. ట్రాఫిక్‌ రూల్స్‌ అతిక్రమణ ప్రకారం.. వారికి జరిమానా విధించినట్టు పోలీసులు చెప్పారు.  ఈ క్రమంలో ప్రతీ ఒక్కరూ విధిగా ట్రాఫిక్‌ రూల్స్‌ పాటించాలని పోలీసులు సూచించారు. లేకపోతే భారీ జరిమానాలు సహా జైలు శిక్ష కూడా పడే అవకాశం ఉన్నట్టు పోలీసులు హెచ్చరించారు.  

సాక్షి, హైదరాబాద్‌: న్యూ ఇయర్‌ పార్టీ విషయంలో సభ్యత, భద్రత మరువద్దని నగర పోలీసులు స్పష్టం చేస్తున్నారు. ఇతరులకు ఇబ్బంది కలుగకుండా వీటిని నిర్వహించుకోవాలని చెప్తున్నారు. సాధారణ సమయాల్లో హోటళ్లు, పబ్స్, క్లబ్స్‌ను రాత్రి 12 వరకే తెరిచి ఉంచాలి. అయితే న్యూ ఇయర్‌ పార్టీల నేపథ్యంలో ఒక గంట అదనంగా అనుమతించనున్నారు. ఎట్టి పరిస్థితుల్లోనూ రాత్రి ఒంటి గంట తరవాత ఏ కార్యక్రమం కొనసాగకూడదని స్పష్టం చేస్తున్నారు. పోలీసులు జారీ చేసిన మార్గదర్శకాలివి.. కార్యక్రమాలకు వచ్చే ఆర్టిస్టులు, డీజేలకూ నిబంధనలున్నాయి. ►వీరి వస్త్రధారణ, హావభావాలు, పాటలు తదితరాల్లో ఎక్కడా అశ్లీలం, అసభ్యతలకు తావుండకూడదు. అక్కడ ఏర్పాటు చేసే సౌండ్‌ సిస్టం నుంచి వచ్చే ధ్వని తీవ్రత 45 డెసిబుల్స్‌ మించకూడదు. ►ఇళ్లు, అపార్ట్‌మెంట్స్‌లో వ్యక్తిగత పార్టీలు నిర్వహిస్తున్న వాళ్లూ పక్కవారికి ఇబ్బంది లేకుండా సౌండ్‌ సిస్టమ్‌ పెట్టుకోవాలి. న్యూ ఇయర్‌ కార్యక్రమాల్లో ఎక్కడా మాదకద్రవ్యాల వినియోగానికి తావు లేకుండా చూడాలి. వీటిని సేవించి వచ్చే వారినీ హోటల్స్, పబ్స్‌ నిర్వాహకులు అనుమతించకూడదు. ►యువతకు సంబంధించి ఎలాంటి విశృంఖలత్వానికి తావు లేకుండా, మైనర్లు పార్టీలకు రాకుండా నిర్వాహకులు చూసుకోవాలి. బౌన్సర్లు అతిగా ప్రవర్తించినా, ఆహుతులకు ఇబ్బందులు కలిగించినా వారితో పాటు ఏర్పాటు చేసిన సంస్థల పైనా చర్యలు తప్పవు. ►నిబంధనల పర్యవేక్షణ, నిఘా కోసం 150 ప్రత్యేక బృందాలను ఏర్పాటు చేస్తున్నారు. వీరు కార్యక్రమాలు జరిగే ప్రాంతాల్లో తనిఖీలు చేయడం, వాటిని చిత్రీకరించడంతో పాటు ఆడియో మిషన్ల సాయంతో శబ్ధ తీవ్రతనూ కొలుస్తారు. పోలీసులు నెక్లెస్‌రోడ్, కేబీఆర్‌ పార్క్‌రోడ్, బంజారాహిల్స్‌ రోడ్‌ నెం.1, 2, 45, 36లతో పాటు జూబ్లీహిల్స్‌ రోడ్‌నెం. 10, సికింద్రాబాద్, మెహదీపట్నం, గండిపేట దారుల్లో ప్రత్యేక నిఘా ఏర్పాటు చేస్తున్నారు. చదవండి: New Year Celebrations: అర్ధరాత్రి ఒంటిగంట వరకు మెట్రో .. ►ఇక్కడ రేసులు, డ్రంకన్‌ డ్రైవింగ్‌ పైనా కన్నేసి ఉంచుతారు. బహిరంగ ప్రదేశాల్లో టపాసులు కాల్చడం నిషిద్ధం. వాహనాల్లో ప్రయాణిస్తూ, బహిరంగ ప్రదేశాల్లో మద్యం సేవించడం చేస్తే చర్యలు తప్పవు. వాహనాలు టాప్స్, డిక్కీలు ఓపెన్‌ చేసి డ్రైవ్‌ చేయడం, కిటికీల్లోంచి టీజింగ్‌ చేయడం వంటిని పోలీసులు తీవ్రంగా పరిగణిస్తారు.   ‘సాగర్‌’ చుట్టూ నో ఎంట్రీ...  కొత్త సంవత్సర వేడుకల నేపథ్యంలో ఎలాంటి అవాంఛనీయ సంఘటనలకు తావు లేకుండా పటిష్ట బందోబస్తు ఏర్పాటు చేస్తున్నట్లు నగర పోలీసు కమిషనర్‌ సీవీ ఆనంద్‌ పేర్కొన్నారు. మద్యం సేవించి వాహనాలు నడపడం, దురుసుగా డ్రైవింగ్‌ చేయడం, మితిమీరిన వేగం, పరిమితికి మంచి వాహనాలపై ప్రయాణించడం చేయకూడదని పేర్కొన్నారు. శాంతి భద్రతల విభాగం అధికారులతో పాటు ట్రాఫిక్‌ పోలీసులు తనిఖీలు నిర్వహిస్తారని, ఉల్లంఘనలకు పాల్పడితే చట్ట ప్రకారం చర్యలు తప్పవని హెచ్చరించారు. ట్యాంక్‌ బండ్‌ పైన భారీ పోలీసు బందోబస్తు ఏర్పాటు చేస్తున్నారు. ముందుజాగ్రత్త చర్యల్లో భాగంగా హుస్సేన్‌సాగర్‌ పరిసరాల్లో ట్రాఫిక్‌ మళ్లింపులు విధించారు. శనివారం రాత్రి 10 గంటల నుంచి ఆదివారం తెల్లవారుజాము వరకు ఎన్టీఆర్‌ మార్గ్, నెక్లెస్‌రోడ్, అప్పర్‌ ట్యాంక్‌ బండ్‌లపై వాహనాల ప్రవేశాన్ని పూర్తిగా నిషేధించారు. ప్రత్యామ్నాయాలు లేని బేగంపేట, లంగర్‌హౌస్‌ ఫ్లైఓవర్‌ మినహా మిగిలిన అన్ని ఫ్లైఓవర్లను శనివారం రాత్రి మూసి ఉంచుతారు.   ఓఆర్‌ఆర్, వంతెనలు బంద్‌  నూతన సంవత్సరం వేడుకల నేపథ్యంలో ఔటర్‌ రింగ్‌ రోడ్డు, పీవీఎన్‌ఆర్‌ ఎక్స్‌ప్రెస్‌ వేలపై వాహనాలకు అనుమతి లేదు. నేడు రాత్రి 11 గంటల నుంచి 1న ఉదయం 5 గంటల వరకు ఈ అంక్షలు అమలులో ఉంటాయని ట్రాఫిక్‌ పోలీసులు తెలిపారు. విమాన టికెట్, ఇతరత్రా ధ్రువీకరణ పత్రాలు చూపించిన ప్రయాణికులను మాత్రమే ఆయా మార్గలలో అనుమతి ఇస్తారు. అలాగే దుర్గం చెవురు కేబుల్‌ బ్రిడ్జి, శిల్పా లైఅవుట్‌ ఫ్లైఓవర్, గచ్చిబౌలి, బయోడ్రైవర్సిటీ, షేక్‌పేట్, మైండ్‌స్పేస్, రోడ్‌ నం–45, సైబర్‌ టవర్, ఫోరంమాల్‌–జేఎన్‌టీయూ, ఖైత్లాపూర్, బాబు జగ్జీవన్‌రామ్‌ ఫ్లైఓవర్లు రాత్రి 11 నుంచి ఉదయం 5 వరకు పూర్తిగా బంద్‌ ఉంటాయి. అలాగే నాగోల్, కామినేని ఫ్లైఓవర్లు, ఎల్బీనగర్, చింతలకుంట అండర్‌పాస్‌లు రాత్రి 10 నుంచి ఉదయం 5 గంటల వరకు ద్విచక్ర వాహనాలకు, ప్యాసింజర్‌ వాహనాలకు అనుమతి లేదు.  

సాక్షి, బెంగళూరు: ప్రజలు ఎవరైనా బైక్‌ మీద హెల్మెట్‌ లేకుండా, త్రిబుల్‌ రైడింగ్‌ చేస్తూ ఉంటే పోలీసులు పట్టుకుని వేలకు వేల జరిమానా విధించి బండిని సీజ్‌ చేస్తారు. కానీ చట్టాన్ని కాపాడే పోలీసులే అతిక్రమిస్తే.. ఏమిటిది? అని ఓ మహిళ నిలదీసిన ఘటన వైరల్‌ అయ్యింది. నగరంలో ఈ ఘటన జరిగింది. ముగ్గురు మహిళా కానిస్టేబుళ్లు, అది కూడా ఇద్దరు హెల్మెట్‌ లేకుండా స్కూటర్‌ మీద వెళ్తున్నారు. వీరిని గమనించిన ఒక మహిళ  రూల్స్‌ చేసేది మీరే, ధిక్కరించేది మీరే అని క్లాస్‌ తీసుకుంటూ వీడియో తీశారు. అత్యవసర కార్యం ఉండడంతో హెల్మెట్‌ లేకుండా వచ్చామని మహిళా కానిస్టేబుల్స్‌ సమాధానమిచ్చారు. మీరు ఏం చేశారో చూసుకోండి, దయచేసి స్కూటీలో నుంచి దిగి హెల్మెట్‌ ధరించండి అని వారికి మహిళ హితబోధ చేశారు. ఈ వీడియో సోషల్‌ మీడియాలో అప్‌లోడ్‌ చేయడంతో వైరల్‌గా మారింది. చదవండి: (మతాంతర ప్రేమ పెళ్లి కలకలం)

సాక్షి, హైదరాబాద్‌: రోడ్డు భద్రతను మరింత మెరుగుపరిచేందుకు నగర ట్రాఫిక్‌ పోలీసులు కట్టుదిట్టమైన చర్యలు తీసుకుంటున్నారు. రోడ్డు ప్రమాదాల నివారణకు రాంగ్‌ సైడ్‌ డ్రైవ్, ట్రిపుల్‌ రైడింగ్‌ వాహనదారులకు కళ్లెం వేసేందుకు సోమవారం నుంచి ప్రత్యేక డ్రైవ్‌లను నిర్వహించనున్నారు. వ్యతిరేక దిశలో వాహనాలను నడిపితే సెక్షన్‌ 119/177, 184 కింద రూ.1,700, ట్రిపుల్‌ రైడింగ్‌కు రూ.1,200 జరిమానా విధించనున్నారు. రాంగ్‌ సైడ్‌ డ్రైవింగ్‌ కారణంగా 2020లో 15 మంది, 2021లో 21 మంది, ఈ ఏడాది అక్టోబర్‌ 31 వరకు 15 మంది, ట్రిపుల్‌ రైండిగ్‌ కారణంగా 2020లో 24 మంది, గతేడాది 15 మంది, గత నెలాఖరు వరకు 8 మంది మరణించారు. ట్రాఫిక్‌ నియమాలను పాటించడం కారణంగా ప్రాణ నష్టాన్ని తగ్గించవచ్చని, అందుకే స్పెషల్‌ డ్రైవ్‌లను చేపడుతున్నామని హైదరాబాద్‌ ట్రాఫిక్‌ జాయింట్‌ కమిషనర్‌ ఏవీ రంగనాథ్‌ ఒక ప్రకటనలో తెలిపారు.  చదవండి: (కాంగ్రెస్‌ పార్టీ నుంచి మర్రి శశిధర్‌రెడ్డి బహిష్కరణ)

సాక్షి, చెన్నై: కొత్త మోటారు వెహికల్‌ యాక్ట్‌ అమల్లోకి రావడంతో ట్రాఫిక్‌  పోలీసులు బుధవారం నుంచి కొరడా ఝులిపించారు. కొన్ని చోట్ల జరిమానాల మోత మోగించగా, మరికొన్ని చోట్ల వాహన చోదకులకు అవగాహన కల్పించి, హెచ్చరించి పంపివేశారు. రాజధాని నగరం చెన్నై తో పాటుగా రాష్ట్రంలోని ప్రధాన నగరాలు, పట్టణాల్లో ట్రాఫిక్‌ నిబంధనలను ఉల్లంఘించే వారి భరతం పట్టేలా కొత్త మోటారు వెహికల్‌ యాక్ట్‌ అమల్లోకి వచ్చిన విషయం తెలిసిందే. ఈ మేరకు హెల్మెట్, సీట్‌ బెల్ట్‌ ధరించకుండా వాహనాలు నడిపేవారు, ట్రిబుల్‌ రైడింగ్‌తో దూసుకెళ్లే ద్విచక్ర వాహన చోదకులు, సిగ్నల్స్‌లో నిబంధనల్ని అనుసరించకుండా దూసుకెళ్లే కుర్ర కారుకు ఇకపై భారీ జరిమానా విధించనున్నారు. అలాగే, రాత్రుల్లో మద్యం తాగి వాహనాలు నడిపే వారి మత్తు దిగేలా కఠిన చర్యలు చేపట్టారు. ఇందులో భాగంగా  ట్రాఫిక్‌ పోలీసులే కాదు, లా అండ్‌ ఆర్డర్‌ విభాగంలోని ఎస్‌ఐ ఆపైస్థాయి అధికారులు సైతం బుధవారం నుంచి వాహన తనిఖీలపై దృష్టి పెట్టారు. పలు చోట్ల నిబంధనలు అతి క్రమించిన వారికి జరిమానాలు విధించారు. చదవండి: హనీట్రాప్‌: ఆమె ఎవరో తెలియదు.. కానీ, అంతా ఆమె వల్లే జరిగింది!

నిబంధనలకు అందరికీ వర్తిస్తాయి. అందుకు ఎవరూ అతీతులు కారు అని నిరూపించింది ఇక్కడ జరిగిన ఒక సంఘటన. ఇంతకీ ఏం జరిగిందంటే...ఇక్కడోక పోలీసు సరైన హెల్మట్‌ ధరించకపోవడంతో ట్రాఫిక్‌ పోలీస్‌కి అడ్డంగా దొరికిపోయాడు. అతనిపై హెల్త్‌ హెల్మెట్‌ కేసు బుక్‌చేసి కేసు నమోదు చేశారు ఈ ఘటన బెంగళూరులోని ఆర్టీ నగర్‌లో చోటు చేసుకుంది. నగర రహదారులపై ఇలా ప్రయాణించడం ట్రాఫిక్‌ నిబంధనలకు విరుద్ధం. ఇలా గేర్‌లెస్‌ స్కూటర్‌ నడుపుతున్నప్పుడూ.. ఆఫ్‌ హెల్మట్‌ ధరించడం నేరం. ఈ మేరకు ఆర్టీ నగర్‌ ట్రాఫిక్‌ బీటీపీ ట్విట్టర్‌లో... ఇలా ట్రాఫిక్‌ నిబంధనలను ఉల్లంఘించినందుకు ఒక పోలీస్‌పై ట్రాఫిక్‌ పోలీసు కేసు నమోదు చేసి జరిమానా విధించిన విషయాన్ని వివరిస్తూ..ఆ ఘటనకు సంబంధించిన ఫోటోను కూడా పోస్ట్‌ చేసింది. దీంతో నెటిజన్లు ఈ వైరల్‌ ఫోటోని చూసి పోలీసులు సైతం నిబంధనలను అతిక్రమించడానికి వీల్లేదన్నట్లుగా జరిమానా విధించారంటూ... పలువురు ప్రశంసిస్తే, మరికొంతమంది ఇది స్టేజ్‌ స్టంట్‌ కాబోలు లేకపోతే సదరు వ్యక్తి ఫోటోలో ఎలా నవ్వుతున్నాడంటూ కామెంట్లు చేస్తూ ట్వీట్‌ చేశారు. (చదవండి: మహిళ పట్ల అసభ్యంగా ప్రవర్తించిన రాజకీయ నాయకుడి విడుదల...అట్టహాసంగా ఘనస్వాగతం)

ట్రాఫిక్‌ నియమాలు ఉల్లంఘించడంతో పాటు ప్రమాదాలకు కారణమయ్యే వాహనదారుల భరతం పట్టేందుకు ప్రభుత్వం సిద్ధమైంది. ఇందుకోసం మోటారు వెహికల్‌ యాక్ట్‌లో తాజాగా కీలక సవరణలు చేసింది.  ఈ మేరకు జరిమానాల మోత మోగించేందుకు అధికారులు సిద్ధమయ్యారు. గురువారం నుంచి రాష్ట్రంలో కొత్త రోడ్డు భద్రతా నిబంధనలు అమల్లోకి రానున్నాయి.  సాక్షి, చెన్నై: రాజధాని చెన్నై సహా అనేక నగరాల్లో ట్రాఫిక్‌ రద్దీ రోజురోజుకూ తీవ్రమవుతోంది. కేవలం సిటీ దాటేందుకే గంటల తరబడి ప్రయాణం చేయాల్సి ఉంది. ఈ పరిస్థితుల్లోనూ కొందరు నిబంధనలు పాటించకుండా ఇష్టారాజ్యంగా వ్యవహరిస్తూ.. ఇతర వాహనదారులకు ఇబ్బంది కలిగిస్తున్నారు. అలాగే అనేక ప్రమాదాలకు కూడా కారణం అవుతున్నారు. ఇలాంటి వారిపై కఠిన చర్యలు తీసుకోవాలని తాజాగా తమిళనాడు ప్రభుత్వం నిర్ణయించింది.  హెల్మెట్, సీట్‌ బెల్ట్‌లు ధరించకుండా వాహనాలు నడిపే వారిని, త్రిబుల్‌ రైడింగ్‌తో దూసుకెళ్లే ద్విచక్ర వాహనదారులను, సిగ్నల్స్‌ను పట్టించుకోకుండా దూసుకెళ్లే కుర్ర కారును, రాత్రుల్లో మద్యం తాగి నడిపే వారిని, బైక్‌ రేసింగ్‌లు నిర్వహిస్తూ ప్రాణాల మీదికి తెచ్చుకునే వారిని ఇకపై ఊపేక్షించబోమని స్పష్టం చేసింది. ఈ మేరకు తాజాగా మోటార్‌ వెహికల్‌ యాక్ట్‌లో సవరణలు చేసింది. ఫలితంగా జరిమానాల వడ్డనే కాదు, నిబంధనలు కూడా మరింత కఠినమయ్యాయి. ఇందుకు తగ్గట్లు చెన్నైలో అనేక మార్గాల్లో పెద్దఎత్తున నిఘా నేత్రాలు ఏర్పాటు చేశారు. వీటి ద్వారా నేరగాళ్లను, ట్రాఫిక్‌ నిబంధనల్ని ఉల్లంఘించే వారి భరతం పట్టనున్నారు.   అమల్లోకి కొత్త జరిమానాలు..  ఇకపై అతివేగంగా వాహనం నడిపే వారికి తొలిసారి రూ. 1000, మళ్లీ పట్టుబడితే రూ. 10 వేలు జరిమానా విధించనున్నారు. ఇన్సూరెన్స్‌ లేని వాహనాలకు రూ. 2 వేల విధించనున్నారు. మానసికంగా, ఆరోగ్య రీత్యా సామర్థ్యం లేని వారు వాహనాలు నడిపితే తొలిసారి రూ. 1000, రెండోసారి రూ. 2 వేలు వసూలు చేస్తారు. అంబులెన్స్, అగ్నిమాపక వంటి అత్యవసర సేవల వాహనాలకు దారి ఇవ్వకుండా వ్యవహరించే వాహనదారులకు విధించి ఫైన్‌ను రూ. 10 వేలుకు పెంచారు.  నిషేధిత ప్రాంతాల్లో  హారన్‌ ఉపయోగిస్తే రూ. 1000, రిజిస్ట్రేషన్లు సక్రమంగా లేని వాహనాలకు తొలిసారి రూ. 2,500, తర్వాత రూ. 5,000 , అధిక పొగ వెలువడే వాహనాలకు రూ. 10 వేలు, బైక్‌ రేసింగ్‌లకు పాల్పడే వారి నుంచి  రూ. 10 వేల వరకు ఫైన్‌ వసూలు చేస్తారు. అలాగే హెల్మెట్‌ ధరించని వారికి రూ. 1000, సిగ్నల్‌ దాటితే రూ. 500 జరిమానాగా నిర్ణయించారు.   లా అండ్‌ ఆర్డర్‌ పోలీసులకూ ఆ అధికారం..  ట్రాఫిక్‌ పోలీసులే కాదు, ఇకపై లా అండ్‌ ఆర్డర్‌ విభాగంలోని ఎస్‌ఐ, ఆ పైస్థాయి అధికారుల కూడా వాహనాలు తనిఖీ చేసేందుకు, జరిమానా విధించేందుకు అవకాశం కల్పించారు. ఈ మేరకు మోటారు వెహికల్‌ యాక్ట్‌లో మార్పులు చేశారు. రవాణాశాఖ చెక్‌పోస్టులు మినహా తక్కిన అన్ని ప్రాంతాల్లో పోలీసులు జరిమానా విధించే నిబంధనలు గురువారం నుంచి అమల్లోకి వస్తాయని అధికారులు వెల్లడించారు.   

సాక్షి, హైదరాబాద్‌: తెలంగాణలో​ ట్రాఫిక్‌ చలాన్లు వాహనదారులకు పట్టపగలే చుక్కలు చూపిస్తున్నాయి. ట్రాఫిక్‌ చలాన్లపై వాహనదారులు ఆగ్రహం వ్యక్తం చేస్తున్నారు. ఈ క్రమంలో సోమవారం సాయంత్రం హైదరాబాద్‌లో షాకింగ్‌ ఘటన చోటుచేసుకుంది.  తమ బైక్‌లపై ట్రాఫిక్‌ చలాన్‌ విధించారని మైత్రివనం దగ్గర ట్రాఫిక్‌ పోలీసులతో వాహనదారులు వాగ్వాదానికి దిగారు. ఈ సందర్భంగా ఓ వ్యక్తి బైక్‌ స్టాప్‌లైన్‌ను దాటించాడని బైక్‌పై పోలీసులు చలాన్‌ విధించారు. దీంతో, ఆగ్రహానికి లోనైన బైకర్‌.. తన బైక్‌కు తానే నిప్పంటించాడు. వెంటనే అప్రమత్తమైన పోలీసులు మంటలను ఆర్పివేశారు.  కాగా, పోలీసులు నగరంలో చాలాచోట్ల ట్రాపిక్‌ నిబంధనలు పాటించని వారికి చలాన్లు విధిస్తున్నారు. ఇందులో భాగంగానే తనిఖీల్లో పాత చల్లాన్లు ఉంటే కట్టాలని కూడా కోరుతున్నట్టు సమాచారం. అయితే, సోమవారం నుంచి హైదరాబాద్‌లో ఆపరేషన్ రోప్ అమలు చేస్తున్నట్లు నగర పోలీస్ కమిషనర్ సీవీ ఆనంద్ తెలిపారు. దీంతో  కొత్త ట్రాఫిక్ రూల్స్ అమల్లోకి వచ్చినట్లు వెల్లడించారు. ట్రాఫిక్‌ నిబంధనలు ఉల్లఘించే వారిపై కఠిన చర్యలు తీసుకుంటామని హెచ్చరించారు.  కొత్త రూల్స్ ఇవే.. ► స్టాప్ లైన్ దాటితే రూ.100 జరిమానా ► ఫ్రీ  లెఫ్ట్ బ్లాక్ చేస్తే 1,000 జరిమానా ► ఫుట్‌పాత్‌లను ఆక్రమించినా, వాహనాలను అడ్డంగా  పార్క్ చేసినా జరిమానా విధిస్తారు.   

సాక్షి, హైదరాబాద్‌: సోమవారం నుంచి హైదరాబాద్‌లో ఆపరేషన్ రోప్ అమలు చేస్తున్నట్లు నగర పోలీస్ కమిషనర్ సీవీ ఆనంద్ తెలిపారు. దీంతో  కొత్త ట్రాఫిక్ రూల్స్ అమల్లోకి వచ్చినట్లు వెల్లడించారు. మరో ముడు, నాలుగు రోజుల పాటు వాహనదారుల్లో అవగాహన కల్పిస్తామన్నారు. చలాన్లు వెంటనే విధించడం లేదని, మూడు రోజుల తర్వాత విధిస్తామని చెప్పారు. వాహనదారుల్లో పరివర్తన రావాలని, అన్ని సమస్యలు పరిష్కారిస్తామని స్పష్టం చేశారు. ట్రాఫిక్‌ నిబంధనలు ఉల్లఘించే వారిపై కఠిన చర్యలు తీసుకుంటామని తేల్చి చెప్పారు. కొత్త రూల్స్ ఇవే.. ► స్టాప్ లైన్ దాటితే రూ.100 జరిమానా ► ఫ్రీ  లెఫ్ట్ బ్లాక్ చేస్తే 1,000 జరిమానా ► ఫుట్‌పాత్‌లను ఆక్రమించినా, వాహనాలను అడ్డంగా  పార్క్ చేసినా జరిమానా ప్రస్తుతానికైతే వాహనదారులకు అవగాహన కల్పిస్తున్నామని, జూబ్లీహిల్స్ రోడ్ నెంబర్ 45లో ఆపరేషన్ రోప్ అమలుపై తనిఖీ చేసినట్లు ఆనంద్ తెలిపారు. వీటిపై నాలుగు రోజుల తర్వాత పూర్తి అవగాహన వస్తుందని చెప్పారు. చదవండి: హైదరాబాద్‌లో ట్రాఫిక్‌ ఆంక్షలు.. ఈ మార్గాల్లో వెళ్లొద్దు

సాక్షి, హైదరాబాద్‌: నగరంలో ట్రాఫిక్‌ పోలీసుల కొత్త రూల్స్‌ తెచ్చారు. సిగ్నల్స్‌​ దగ్గర స్టాప్‌ లైన్స్‌ దాటితే కఠిన చర్యలు తీసుకోనున్నట్లు తెలిపారు. ఒకవేళ లైన్స్‌ దాటి ముందుకొస్తే రూ.100 జరిమానా విధిస్తారు. అలాగే.. ఎవరైనా ఫ్రీ లెఫ్ట్‌ను గనుక బ్లాక్‌ చేస్తే ఫైన్‌ను రూ.1000 గా నిర్ణయించారు.  పుట్‌పాత్‌లపై దుకాణాదారులు వస్తువులు పెట్టడానికి వీల్లేదని, ఒకవేళ పెడితేగనుక భారీ జరిమానా విధించనున్నట్లు ట్రాఫిక్‌ పోలీసులు ప్రకటించారు. అలాగే.. పాదాచారులకు ఆటంకం కలిగేలా పార్కింగ్‌ చేస్తే గనుక రూ.600 ఫైన్‌ విధించనున్నారు. అయితే.. ఈ రూల్స్‌కు సంబంధించి మరింత సమాచారం అందాల్సి ఉంది.

సాక్షి, హైదరాబాద్‌: ‘నగరంలోని ప్రతీ ఒక్కరి జీవితంపై నేరుగా ప్రభావితం చూపే అంశం ట్రాఫిక్‌. ఇది సజావుగా సాగేలా చేయడానికి అవసరమైన అన్ని చర్యలు తీసుకుంటున్నాం. ప్రజల సహకారం, సమన్వయం ఉంటే పూర్తి సాయి ఫలితాలు ఉంటాయి’ అని నగర పోలీసు కమిషనర్‌ సీవీ ఆనంద్‌ అన్నారు. రానున్న ఏడాది కాలానికి సిద్ధం చేసుకున్న ట్రాఫిక్‌ పోలీసుల యాక్షన్‌ ప్లాన్‌పై గురువారం ఆయన మీడియా సమావేశం నిర్వహించారు. బంజారాహిల్స్‌లోని కొత్త కమిషనరేట్‌లో ట్రాఫిక్‌ చీఫ్‌ ఏవీ రంగనాథ్‌ సహా ఇతర అధికారులతో కలిని ట్రాఫిక్‌ పోలీసుల కొత్త లోగోను ఆవిష్కరించారు. ఈ సందర్భంగా కొత్వాల్‌ ఏం చెప్పారంటే..   క్యారేజ్‌ వే క్లియరెన్స్‌ కోసం ‘రోప్‌’...  రోడ్లపై ట్రాఫిక్‌ సజావుగా సాగాలంటే ఫుట్‌పాత్‌కు– ప్రధాన రహదారికి మధ్య ఉండే క్యారేజ్‌ వే క్లియర్‌గా ఉండాలి. ప్రస్తుతం ప్రధాన రహదారులు సహా అనేక చోట్ల అక్రమ పార్కింగ్, ఆక్రమణలతో క్యారేజ్‌ వే కనిపించట్లేదు. ఈ పరిస్థితిని మార్చేందుకు ఆపరేషన్‌ రోప్‌ (రివూవల్‌ ఆఫ్‌ అబ్‌స్ట్రక్టివ్‌ పార్కింగ్‌ అండ్‌ ఎన్‌కరోజ్‌మెంట్స్‌) చేపడుతున్నాం. ఇందులో భాగంగా అదనపు క్రేన్లు సమకూర్చుకుని టోవింగ్‌ చేయడంతో పాటు అక్రమ పార్కింగ్‌ చేసిన వాహనాలకు క్లాంప్స్‌ వేస్తాం. వాహన చోదకుడికి ఇబ్బంది లేకుండా వాటిపై స్థానిక అధికారుల ఫోన్‌ నంబర్లు ఉంచుతాం. తోపుడు బండ్లు, చిరు వ్యాపారుల ఆక్రమణలనూ పరిగణనలోకి తీసుకుంటాం. ప్రభుత్వ నిబంధనల ప్రకారం అపార్ట్‌మెంట్స్‌ సహా ప్రతి భవనానికీ పార్కింగ్‌ ఉండేలా చూస్తాం. ఆర్టీసీ సహకారంతో బస్‌ బేల పునరుద్ధరణ, ఆటో స్టాండ్లు పూర్తి స్థాయి వినియోగంలోకి తేస్తాం.   చదవండి: ప్రజలను దోచుకుంటున్న వ్యాపారస్తులు.. ఇలా మోసం చేస్తున్నారు! పీక్‌ అవర్స్‌లో మార్పులు..   ఒకప్పుడు నగర వ్యాప్తంగా ఒకే సమయాలు రద్దీ వేళలుగా ఉండేవి. ప్రస్తుతం ఒక్కో ప్రాంతంలో ఒక్కో సమయం పీక్‌ అవర్‌గా మారుతోంది. ఆయా వేళల్లో అన్ని స్థాయిల అధికారులూ రోడ్లపైనే ఉంటారు. ట్రాఫిక్‌ పర్యవేక్షణే మా తొలి ప్రాధాన్యం. జరిమానా విధింపులో ఎన్ని జారీ చేశారనేది కాకుండా ఎలాంటి ఉల్లంఘనలపై చేశారన్నది చూస్తాం. ట్రాఫిక్‌ ఠాణా వారీగా వీటిని విశ్లేషిస్తాం. ఉల్లంఘనల వారీగా ప్రతి వారం ట్రాఫిక్‌ పోలీసుల స్పెషల్‌ డ్రైవ్స్‌ ఉంటాయి. ఎన్‌ఫోర్స్‌మెంట్‌లో టెక్నాలజీ వినియోగిస్తాం. స్టాప్‌ లైన్‌ వద్ద డిసిప్లిన్‌ కనిపిస్తే ఇతర ఉల్లంఘనలు తగ్గుతాయని గుర్తించడంతో దీనిపై ప్రత్యేక దృష్టి పెడతాం. ఉదయం 8 నుంచి రాత్రి 9 గంటల వరకు వీలున్న ప్రతి జంక్షన్‌లో ఫ్రీ లెఫ్ట్‌ విధానం అమలు చేస్తాం. రద్దీ వేళల్లో అవసరమైన మార్గాలను రివర్సబుల్‌ లైన్‌లుగా మారుస్తాం. జంక్షన్లు, యూటర్నులను అభివృద్ధి చేయిస్తాం. తీవ్రమైన ఉల్లంఘలపై ప్రత్యేక దృష్టి పెడతాం.   ఎడ్యుకేషన్‌ కోసం ప్రత్యేక చర్యలు..  వాహన చోదకుల్లో అవగాహన పెంచడానికి  సోషల్‌ మీడియా, షార్ట్‌ఫిలింస్‌  తదితరాలను వినియోగిస్తాం. ట్రాఫిక్‌ పోలీసులకు అవసరమైన సౌకర్యాలను కల్పించడంతో అవసరమైన స్థాయిలో అదనపు సిబ్బందిని కేటాయిస్తాం. బాటిల్‌నెక్స్‌ను అధ్యయనం చేసి చర్యలు తీసుకుంటాం. పబ్స్‌ అంశంలో జీహెచ్‌ఎంసీ, ఎక్సైజ్‌ అధికారులతో సమావేశమవుతాం. ప్రస్తుతం సిబ్బంది కొరత కారణంగా 150 జంక్షన్లలో మోహరించలేకపోతున్నాం. ఆయా వర్గాలతో సంప్రదింపులు, సమావేశాలు, అవగాహన కార్యక్రమాల తర్వాతే చర్యలు ఉంటాయి.  వ్యక్తిగత వాహనాల్లో గణనీయమైన పెరుగుదల  ‘కొవిడ్‌ తర్వాత గ్రేటర్‌ పరిధిలో వ్యక్తిగత వాహనాలు గణనీయంగా పెరిగాయి. 2020 జనవరిలో 64 లక్షలున్న వీటి సంఖ్య ఈ ఏడాది ఆగస్టు నాటికి 18 శాతం పెరిగి 77.65 లక్షలకు చేరింది. కార్లు 11 లక్షల నుంచి 21 శాతం పెరిగి 14 లక్షలకు, ద్విచక్ర వాహనాలు 46.46 లక్షల నుంచి 17 శాతం పెరిగి 56 లక్షలకు చేరాయి. ప్రతి రోజూ డయల్‌–100కు వస్తున్న కాల్స్‌లో 70 నుంచి 80 శాతం ట్రాఫిక్‌ సమస్యల పైనే. భవిష్యత్తులో తీవ్రమైన ట్రాఫిక్‌ ఇబ్బందులు రాకుండా ఉండాలంటే అంతా కలిసి సమష్టిగా, సమన్వయంతో ముందుకు వెళ్లాలి’  

సాక్షి, హైదరాబాద్‌- Ind Vs Aus 3rd T20- Hyderabad: హైదరాబాద్‌ పోలీసులు ఎప్పటికప్పుడు ట్విటర్‌ వేదికగా నగర ప్రజలకు సూచనలు ఇస్తూ చైతన్యవంతం చేస్తూ ఉంటారు. ట్రాఫిక్‌ నియమాలు, సైబర్‌ నేరాలు, రోడ్డు ప్రమాదాలు.. ఇలా పలు అంశాలపై జాగ్రత్తలు చెబుతూ నెటిజన్లకు అవగాహన కల్పిస్తుంటారు. ఇందుకోసం అప్పుడప్పుడూ పాపులర్‌ సినిమా డైలాగులు, పాటలు, పోస్టర్లు ఉపయోగించి.. సృజనాత్మకంగా జనాలకు వివరిస్తుంటారు. తాజాగా హైదరాబాద్‌ సిటీ పోలీసులు క్రికెట్‌ను ఇందుకోసం వాడుకున్నారు. ఓ ట్రెండింగ్‌ ట్వీట్‌తో ముందుకు వచ్చారు. హైదరాబాద్‌ వేదికగా.. ఆస్ట్రేలియాతో జరిగిన టీ20 మ్యాచ్‌ సందర్భంగా టీమిండియా కెప్టెన్‌ రోహిత్‌ శర్మ, దినేష్‌ కార్తీక్‌ మధ్య కొన్ని సరదా సంఘటనలు చోటుచేసుకున్న విషయం తెలిసిందే. రోహిత్‌, దినేష్‌ కార్తీక్‌కు చెందిన రెండు ఫోటోలను షేర్‌ చేస్తూ ట్రాఫిక్‌ నిబంధనలు, హెల్మెట్‌ ధరించాల్సిన ప్రాముఖ్యతను వివరించారు. ఇందులో మొదటి  ఫోటోలో రోహిత్‌ గ్రౌండ్‌లో కార్తీక్‌పై కాస్త ఆగ్రహం వ్యక్తం చేస్తూ.. అతన్ని ముఖాన్ని నలిపేసే ప్రయత్నం చేశాడు.  When commuters follow traffic rules... #HelmetSavesLives #HyderabadCityPolice #wearhelmet #BeSafe #RoadSafety pic.twitter.com/DZwlQggJ6W — Hyderabad City Police (@hydcitypolice) September 26, 2022 రెండో దానిలో రోహిత్‌ దినేష్‌ను దగ్గరకు తీసుకొని ముద్దు పెడుతున్నాడు. అయితే ఆ సమయంలో అతని ముఖానికి హెల్మెట్‌ ఉంది.  ఈ రెండిటిని హైదరాబాద్‌ సిటీ పోలీసులు ట్విటర్‌లో షేర్‌ చేస్తూ.. ప్రయాణికులు హెల్మెట్‌ ధరించి ట్రాఫిక్ రూల్స్‌ పాటిస్తే ఎలా ఉంటుందో, పాటించకుంటే ఎలా ఉంటుందో వెల్లడించారు. హెల్మెట్‌ ధరించకుంటే ప్రమాదమని, అదే హెల్మెట్‌ ధరిస్తే అందరూ సంతోషంగా ఉండచ్చనే అనే కోణంలో ఈ మేరకు ట్వీట్‌ చేశారు.

సాక్షి, హైదరాబాద్‌: రాష్ట్ర వ్యాప్తంగా ట్రాఫిక్‌ ఉల్లంఘనలకు పాల్పడి జరిమానా చెల్లించిన ‘టాప్‌ టెన్‌’ వాహనాల జాబితాను మూడు కేటగిరీలుగా ట్రాఫిక్‌ విభాగం అధికారులు రూపొందించారు. డీసీఎం వంటివి, ఆటోలు, ద్విచక్ర వాహనాలు.. ఈ మూడు విభాగాల్లోనూ టాప్‌ టెన్‌ చొప్పున మొత్తం 30 వాహనాలు ఐదేళ్ల కాలంలో ఏకంగా రూ.68,57,230 చెల్లించినట్లు తేలింది. వీటిపైనే ట్రాఫిక్‌ విభాగం 24,510 చలాన్లు జారీ చేసింది.   జరిమానాగా చెల్లించిన టాప్‌ టెన్‌ వాహనాల్లో కమర్షియల్, సరుకు రవాణా కేటగిరీవే ఎక్కువగా ఉన్నాయి. కేవలం పౌరసరఫరాల శాఖతో పాటు అత్యవసర సేవలకు సంబంధించిన రవాణా వాహనాలకే నగరంలో 24 గంటలూ సంచరించే ఆస్కారం ఉంది. మిగిలిన వాణిజ్య వాహనాలు, లారీలను రాత్రి వేళల్లో మాత్రమే సిటీలోకి అనుమతిస్తారు. అయితే నగరంలో నిత్యం శీతల పానీయాల సరఫరా, తినుబండారాలు, సరుకులు డెలివరీ చేసే అనే వాహనాలు సంచరిస్తుంటాయి. ఇవి ఆయా దుకాణాల పని వేళల్లోనే తిరగాల్సి ఉండటంతో నగరంలోకి ప్రవేశించడం అనివార్యం.   ఇలా వచ్చిన వాహనాలకు ట్రాఫిక్‌ పోలీసుల గరిష్టంగా రూ.1000 వరకు జరిమానా విధిస్తుంటారు. నిబంధనల ప్రకారం ఒకసారి జరిమానా విధించిన తర్వాత మళ్లీ 24 గంటల దాటే వరకు మరో జరిమానా విధించడానికి ఆస్కారం లేదు. దీన్ని ఆసరాగా చేసుకుంటున్న అనేక వాణిజ్య, సరుకు రవాణా వాహనాలు నగరంలో సంచరిస్తున్నాయి. తమ వ్యాపారంలో వచ్చే లాభం కంటే చెల్లించే జరిమానా అతితక్కువ కావడంతో ఈ పని చేస్తున్నాయి. ఈ తరహాకు చెందిన 10 వాహనాలు ఐదేళ్ల కాలంలో రూ.56,43,700 జరిమానాగా చెల్లించాయి. ఇలాంటి వాహనాలు అనుమతి లేని వేళల్లో తిరిగితే ట్రాఫిక్‌ ఇబ్బందులు వస్తున్నాయి. ఈ నేపథ్యంలోనే ఇకపై 24 గంటలకు ఒక చలాన్‌ కాకుండా ప్రతి ప్రాంతంలోనూ ఓ చలాన్‌ విధించడానికి ఉన్న అవకాశాన్ని అధికారులు పరిశీలిస్తున్నారు.   కమర్షియల్‌ వాహనాల విషయం ఇలా ఉంటే.. ద్విచక్ర వాహనచోదకులూ ‘రికార్డులు’ సృష్టిస్తున్నారు. టూ వీలర్‌ నడిపే వ్యక్తి కచ్చితంగా హెల్మెట్‌ ధరించాలన్న నిబంధన ఉంది. ఇలా చేయని వారికి ట్రాఫిక్‌ పోలీసులు చలాన్‌ విధిస్తుంటారు. రాష్ట్రంలోని వివిధ ప్రాంతాలకు చెందిన పది ద్విచక్ర వాహనాలపైనే ఐదేళ్లల్లో 2,236 ‘హెల్మెట్‌’ జరిమానాలు పడ్డాయి. ఇతర ఉల్లంఘనలతో కలిపి మొత్తం 2,818 చలాన్లకు సంబంధించి ఇవి చెల్లించిన జరిమానా మొత్తం రూ.4,01,370గా ఉంది. ఫైన్‌లను ఈ వాహనచోదకులు పట్టించుకోకపోవడంతోనే ఈ పరిస్థితి నెలకొంది. ఇక గూడ్స్, సాధారణ ఆటోలు చేసే ఉల్లంఘనల్లో అత్య«ధికం ఓవర్‌ లోడింగ్, రాంగ్‌ పార్కింగ్‌లకు సంబంధించినవే ఉంటున్నాయి. ఈ కేటగిరీలో ‘టాప్‌ టెన్‌’ వాహనాలపై ఐదేళ్లల్లో 6,516 చలాన్లు జారీ కాగా వీటిలో అత్యధికంగా 2,847 సరుకు ఓవర్‌ లోడింగ్‌వే ఉన్నాయి. ఆ తర్వాతి స్థానంలో ప్రయాణికులను ఎక్కువగా ఎక్కించుకోవడంపై 2,659, రాంగ్‌ పార్కింగ్‌పై 574 జారీ అయ్యాయి. వీటితో సహా పది వాహనాలు ఐదేళ్లల్లో రూ.8,12,160 జరిమానా చెల్లించాయి.     (చదవండి: ఫార్ములా- ఈ పనులు రయ్‌ ..రయ్‌)

బనశంకరి(బెంగళూరు): జరిమానా చెల్లించకుండా తప్పించుకునేందుకు ఓ ద్విచక్రవాహనదారుడు తన బుల్లెట్‌ బైక్‌కు ముందు, వెనుక వేర్వేరు నంబర్లు ఏర్పాటు చేసి ట్రాఫిక్‌ పోలీసులను బోల్తా కొట్టించాడు. ఎట్టకేలకు పోలీసులు అతన్ని అరెస్ట్‌ చేశారు. బెంగళూరుకు చెందిన మరిగౌడ పలు పర్యాయాలు ట్రాఫిక్‌ ఉల్లంఘనలకు పాల్పడటంతో రూ.29 వేల జరిమానా విధించారు. ట్రాఫిక్‌ పోలీసుల నుంచి తప్పించుకునేందుకు ముందు వైపు ఒక నంబర్, వెనుక వైపు మరో నంబర్‌ రాయించాడు.దీంతో పలు మార్లు ట్రాఫిక్‌ పోలీసులు ముందు ఒక నెంబర్‌ వెనక మరొకటి చూసి చూసి తికమక పడ్డారు. చివరికి ఈనెల 29వ తేదీన మరిగౌడ  రాజాజీనగర కూలినగర వంతెన వద్ద సంచరిస్తుండగా ట్రాఫిక్‌ పోలీసులు అరెస్ట్‌చేసి కోర్టులో హాజరుపరచగా ఆగస్టు 12 వరకు రిమాండ్‌ విధించారు. చదవండి: నిత్య పెళ్లికొడుకు సతీష్‌ తెలుగుతమ్ముడే!

బనశంకరి: కర్నాటకలో నూతన సాంకేతిక పరిజ్ఞానంతో ట్రాఫిక్‌ ఉల్లంఘనులపై నిఘా కోసం అమర్చిన ఆటోమేటిక్‌ నంబరు ప్లేట్‌ రికగ్నిషన్‌ (ఏఎన్‌పీఆర్‌) కెమెరాలు సత్ఫలితాలను ఇస్తున్నాయి. వీటి ద్వారా 3 లక్షల 90 వేల పెండింగ్‌ కేసులను కనిపెట్టారు. అతిక్రమణదారుల నుంచి రూ. 21 కోట్లు జరిమానాలను వసూలు చేశారు.   మార్చి నుంచి అమల్లోకి   బెంగళూరు నగరంలో అధిక వాహనాల రద్దీ కలిగిన జంక్షన్లు, ప్రముఖ వాణిజ్య ప్రాంతాల్లో  ట్రాఫిక్‌ పోలీసుల ప్రమేయం లేకుండా సంచార వ్యవస్థ నిర్వహణ కోసం ఈ ఏడాది మార్చి 1 నుంచి 20 చోట్ల ఏఎన్‌పీఆర్‌ కెమెరాలు అమర్చారు. అప్పటి నుంచి జూలై 19 వరకు రోజుకు సరాసరి 2,765 ట్రాఫిక్‌ నిబంధనల ఉల్లంఘన కేసులను గుర్తించారు. చలానాలు కట్టకుండా తిరుగుతున్న వాహనాలు అనేకం దొరికాయి. అలా 3.90 లక్షల పెండింగ్‌ కేసులను కనిపెట్టారు.   ఎలా పనిచేస్తాయంటే   అత్యాధునిక పరిజ్ఞానంతో ఇవి పనిచేస్తాయి. ఏఎన్‌పీఆర్‌ కెమెరాలు అమర్చిన మార్గాల్లో సంచరించే వాహనాల నంబరు ప్లేట్లపై కెమెరాలు నిఘాపెడతాయి. ఆ నంబరుతో వాహనాలు నియమాల ఉల్లంఘనకు పాల్పడినట్లయితే నమోదు చేసి తక్షణం సమీపంలోని ట్రాఫిక్‌ పోలీస్‌ సిబ్బంది మొబైల్‌కు మెసేజ్‌ పంపుతుంది. దీని ఆధారంగా పోలీసులు సదరు వాహనం దగ్గరికి రాగానే వాహనదారున్ని అడ్డుకుని కేసు రాసి జరిమానా వసూలు చేస్తున్నారు.   రాష్ట్రమంతటా ఏర్పాటు?   ఈ కెమెరాలను అమర్చడంతో ట్రాఫిక్‌ వ్యవస్థలో అనేక మార్పులు వచ్చాయని రాష్ట్రంలో అన్ని జిల్లాల్లో ఇదే తరహా కెమెరాలు అమర్చాలని నిర్ణయించారు. రాష్ట్రంలోని ప్రముఖ నగరాలు, పట్టణాల్లో  ఏఎన్‌పీఆర్‌ కెమెరాలు అమరుస్తున్నారు. ఏఎన్‌పీఆర్‌ కెమెరాలు ట్రాఫిక్‌ నిబంధన ఉల్లంఘన, పాత కేసుల ఆచూకీ కనిపెట్టడంతో పాటు చోరీకి గురైన వాహనాలను కనిపెట్టేందుకు సాయపడతాయని జాయింట్‌ పోలీస్‌ కమిషనర్‌ (ట్రాఫిక్‌) బీఆర్‌ రవికాంతేగౌడ తెలిపారు.  69 చలానాలతో దొరికాడు   సుమారు 69 సార్లు ట్రాఫిక్‌ నిబంధనలు ఉల్లంఘనకు పాల్పడి జరిమానా చెల్లించని బైకిస్టు కోరమంగల 6వ బ్లాక్‌  80 ఫీట్‌ రోడ్డులో అమర్చిన ఏఎన్‌పీఆర్‌ కెమెరా సమీపంలో దొరికాడు. అతని గురించి ట్రాఫిక్‌ పోలీసుల మొబైల్‌కు మెసేజ్‌ రావడంతో నిఘా వేసి పట్టుకున్నారు. నేను హెల్మెట్‌ పెట్టుకున్నాను, సక్రమంగా నడుపుతున్నా, ఎందుకు వాహనాన్ని అడ్డుకున్నారని వాగి్వవాదం చేశాడు. అతని వాహన రిజి్రస్టేషన్‌ నంబరు ఆధారంగా పరిశీలించగా గతంలో 69 సార్లు ట్రాఫిక్‌ రూల్స్‌ని అతిక్రమించినట్లు నమోదై ఉంది. రూ.34,600 జరిమానాలు ఉన్నట్లు వెల్లడైంది.  ఇది కూడా చదవండి: ఇదీ లక్కంటే.. అప్పులపాలై ఇల్లు అమ్మకానికి పెట్టగా రూ.కోటి లాటరీ

బెంగళూరు: ట్రాఫిక్‌లో సిగ్నల్‌ జంప్‌ చేయడమే కాకుండా పోలీసులతో అసభ్యంగా ప్రవర్తించింది ఓ యువతి. నా కారునే ఆపుతావా, నేనెవరో తెలుసా అంటూ పోలీసుపై కస్సుబుస్సుమంటూ మండిపడింది. తప్పు చేసి తప్పించుకోవడమే కాకుండా పోలీసులపై ఫైర్‌ అయిన ఆ యువతి ఓ ప్రజా ప్రతినిధి కుమార్తె అవ్వడం మరో విశేషం. కర్ణాటక బీజేపీ ఎమ్మెల్యే అరవింద్ లింబావలీ కూతురు తన బీఎండబ్ల్యూ కారు డ్రైవ్‌ చేస్తూ రోడ్డుపైకి వచ్చింది. ఓచోట రెడ్‌ సిగ్నల్‌ పడినా ఆగకుండా రయ్‌మంటూ దూసుకెళ్లింది.  ఇది తెలిసిన ట్రాఫిక్‌ పోలీస్‌ ఆమె కారును ట్రేస్‌ చేసి రాజ్‌భవన్‌ రోడ్డు వద్ద ఆపారు. కారును పోలీసులు అడ్డుకోవడంతో చిర్రెత్తిన ఎమ్మెల్యే కుమార్తె నా కారే ఆపుతావా అంటూ పోలీసులతో అనుచితంగా ప్రవర్తించింది. ‘నేనే ఎవరో తెలుసా.  నేను ఇప్పుడు వెళ్లాలి.​ నా కారును ఆపోద్దు. ఓవర్‌టేక్ చేసినందుకు నాపై కేసు పెట్టలేవు. ఇది ఎమ్మెల్యే వాహనం. మా నాన్న అరవింద్ లింబావలీ’ అంటూ పోలీసులపై రెచ్చిపోయింది. అంతటితో ఆగకుండా అక్కడే ఉన్న మీడియా ప్రతినిధులతోనూ గొడవ పడింది. దీంతో రాజ్‌భవన్‌ వద్ద జనాలు గుమిగూడటంతో కాసేపు వాగ్వాదం చోటుచేసుకుంది. కాగా యువతి సీట్‌ బెల్టుకూడా పెట్టుకోలేదని తెలిసింది. అయితే ఆమె మాటలు పట్టించుకొని పోలీసులు యువతికి జరిమానా విధించారు అలాగే బీఎండబ్ల్యూ కారు నెంబర్‌పై చలాన్లు పరిశీలించగా పోలీసులు ఖంగుతున్నారు. ఆమె వాహనంపై 9 వేల రూపాయల చలాన్లు పెండింగ్‌లో ఉన్నట్లు గుర్తించారు. అంతేగాక ప్రస్తుతం ట్రాఫిక్‌ రూల్స్‌ అతిక్రమించినందుకు, నిర్లక్ష్యపు డ్రైవింగ్‌ చేసినందుకు రూ. 1000 జరిమానా విధించారు. దీంతో మొత్తం 10 వేలను ఆమె ఉంచి పోలీసులు రాబట్టారు.  SHOCKING! VVIP arrogance on full display! BJP MLA's daughter abuses cops and even, later on, slaps a journalist. Imran (@KeypadGuerilla) joins @DEKAMEGHNA with details.#NewsPulse | #AravindLimbavali #BJP pic.twitter.com/c2PiMhPA3W — TIMES NOW (@TimesNow) June 9, 2022 కాగా దృశ్యాలను కొందరు సెల్‌ఫోన్‌లో వీడియోలు తీయగా.. అవి సోషల్‌ మీడియాలో వైరల్‌గా మారాయి. దీంతో అధికార పార్టీ ఎమ్మెల్యే కుమార్తె తీరుపై తీవ్ర విమర్శలు వెల్లువెత్తుతున్నాయి. ట్రాఫిక్ నిబంధనలు ఉల్లంఘించడమే కాకుండా విధి నిర్వహణలో ఉన్న పోలీసులను దుర్భాషలాడిన ఆమెపై చర్యలు తీసుకోవాలని నెటిజన్లు డిమాండ్ చేస్తున్నారు. కుమార్తె చర్యలను సదరు ఎమ్మెల్యే సమర్ధించుకోవడం గమనార్హం. కూతురు ఏ తప్పు చేయలేదని, ఇలాంటి ఘటనలు రోజూ వేలాదిగా జరుగుతాయన్నారు. జర్నలిస్ట్‌ పట్ల దురుసుగా ప్రవర్తించినట్టు వస్తున్న ఆరోపణలను సైతం ఆయన తోసిపుచ్చారు.  అయితే ఈ ఘటనపై తీవ్ర దుమారం రేగడంతో ఎట్టకేలకు తన కూతురు తరపున బీజేపీ ఎమ్మెల్యే అరవింద్‌ క్షమాపణలు కోరారు. ట్రాఫిక్ పోలీసులు, జర్నలిస్టులతో అనుచితంగా ప్రవర్తించినందుకు క్షమాపణలు చెప్పారు.

సాక్షి, హైదరాబాద్‌: రాజధానిలో వాహనాల వేగానికి కళ్లెం వేసేలా పక్కాగా ప్రణాళిక అమలు చేయడానికి సిటీ ట్రాఫిక్‌ వింగ్‌ సన్నాహాలు చేస్తోంది. ఈ–చలాన్లు విధించడం మొదలెట్టడానికి ముందు కొన్ని రోజుల పాటు వాహనచోదకులకు అవగాహన పెంచడానికి ప్రణాళికలు సిద్ధం చేస్తోంది. రవాణా శాఖ బుధవారం జారీ చేసిన ఉత్తర్వుల ప్రకారం డివైడర్లు ఉన్న మార్గాల్లో కార్లు గరిష్టంగా గంటకు 60 కి.మీ., మిగిలిన వాహనాలు 50 కి.మీ., అవి లేని రూట్లలో వీటి వేగాన్ని గంటకు 50 కి.మీ., 40 కి.మీ.గా నిర్దేశించారు. కాలనీల్లో ఏ వాహనమైనా గంటకు 30 కి.మీ. వేగమే. ప్రస్తుతం రహదారులపై ఉన్న సూచికల బోర్డుల్లో పాత వేగ పరిమితులే ఉన్నాయి. ఈ నేపథ్యంలోనే ట్రాఫిక్‌ పోలీసులు జీహెచ్‌ఎంసీ అధికారుల సాయంతో ఆయా ప్రాంతాల్లో  కొత్తగా బోర్డులు ఏర్పాటు చేయనున్నారు.   ఇక పరిమితికి మించిన వేగంతో ప్రయాణించే వాహనాలను గుర్తించడానికి ప్రస్తుతం ఆరు స్పీడ్‌ లేజర్‌ గన్స్, 44 సీసీ కెమెరాలను అనుసంధానించిన సాఫ్ట్‌వేర్‌ ఉపకరిస్తున్నాయి. వీటిని మరింతగా పెంచాలని భావిస్తున్నారు. ప్రత్యేక సాఫ్ట్‌వేర్‌తో అనుసంధానించి ఉండే సీసీ కెమెరాలు తమ ముందు ప్రయాణిస్తున్న వాహనం వేగాన్ని క్షణాల్లో గుర్తించగలుగుతాయి. పగలు, రాత్రి కూడా వేగాన్ని గుర్తించడానికి ఉపకరించే విధంగా సాఫ్ట్‌వేర్, కెమెరాలను అభివృద్ధి చేయనున్నారు. పరిమితికి మించిన వేగంతో ప్రయాణించే వాహనాలకు చలాన్లు జారీ చేసే ముందు పెద్ద ఎత్తున అవగాహన కల్పించనున్నారు. దీనికోసం సైనేజ్‌ బోర్డులు, సోషల్‌ మీడియా తదితరాలను వాడాలని నిర్ణయించారు.  సుదీర్ఘ అధ్యయనం చేశాం నగరంలో వేగ పరిమితుల విధింపుపై సుదీర్ఘ అధ్యయనం చేశాం. చండీఘర్, ఢిల్లీ, చెన్నై, ముంబై, బెంగళూరు సిటీల్లో అమలులో ఉన్న విధానాలను అధ్యయనం చేశాం. చండీఘర్‌ మోడల్‌ను హైదరాబాద్‌కు అనువుగా మార్పుచేర్పులు చేసి సిఫార్సు చేశాం. ఉత్తర్వుల్లో ఉన్న వేగ పరిమితులు అన్ని రహదారులకు వర్తిస్తాయి. తాజా ఉత్తర్వులు అమలులో వచ్చినా ఓఆర్‌ఆర్, పీవీ నర్సింహ్మారావు ఎక్స్‌ప్రెస్‌వే మార్గాల్లో గతంలో సూచించిన వేగమే వర్తిస్తుంది. రింగ్‌ రోడ్‌ మీద లారీలు గంటకు 80 కి.మీ., కార్లు వంటివి గంటకు 100 కి.మీ., ఎక్స్‌ప్రెస్‌ వే మీద గంటకు 80 కి.మీ. వేగంతో ప్రయాణించవచ్చు.  – ఏవీ రంగనాథ్, సిటీ ట్రాఫిక్‌ చీఫ్‌    (చదవండి: ప్రజాప్రయోజనాల కోసమే భూసేకరణ: హైకోర్టు )

చట్టాలు కఠినతరం చేస్తున్నా, జరిమానాలు భారీగా విధిస్తున్నా ట్రాఫిక్‌ ఉల్లంఘనలు ఆగడం లేదు. అడ్డదిడ్డంగా వాహనాలు నడపడం, సిగ్నల్స్‌ పట్టించుకోకపోవడం, సెల్‌ఫోన్‌ మాట్లాడుతూ డ్రైవ్‌ చేసే వారి సంఖ్య నానాటికీ పెరుగుతోంది. మద్యం సేవించి వాహనాలు నడుపుతూ పోలీసులకు పట్టుబడుతున్న వారి సంఖ్య కూడా ఏమాత్రం తగ్గడం లేదు. ఈ నేపథ్యంలో ఇండియన్‌ ఇన్‌స్టిట్యూట్‌ ఆఫ్‌ పబ్లిక్‌ హెల్త్‌(ఐఐపీహెచ్), మరో రెండు స్వచ్ఛంద సంస్థలు హైదరాబాద్‌ కేంద్రంగా నిర్వహించిన అధ్యయనంలో కీలక అంశాలు వెల్లడయ్యాయి.  సెల్‌ ఫోన్‌ డ్రైవింగ్‌తో పరేషాన్‌ హైదరాబాద్‌లో 16.5 శాతం మంది దిచక్ర వాహన చోదకులు డ్రైవింగ్‌ చూస్తూ ఫోన్‌ మాట్లాడుతున్నారని అధ్యయనంలో తేలింది. వీరిలో 71.7 శాతం మంది ఫోన్‌ను చేతితో పట్టుకోకుండానే వాహనాలు నడుపుతున్నారు. అంటే ఇయర్‌ఫోన్స్‌, బ్లూటూత్‌ వినియోగిడం లేదా ఫోన్‌ను హెల్మెట్‌ లోపల పెట్టుకుని మాట్లాడుతున్నారన్న మాట. వీక్‌డేస్‌(35.49%)తో పోలిస్తే వారాంతాల్లో సెల్‌ఫోన్‌ డ్రైవింగ్‌(64.51%) చేసే వారే ఎక్కువగా ఉన్నారు. బిజీ రోడ్లలో 26.08%, రద్దీ లేని రహదారుల్లో 73.92% మంది దిచక్ర వాహనదారులు ఫోన్‌లో మాట్లాడుతూ డ్రైవ్‌ చేస్తున్నారు. రద్దీ సమయాల్లో పోలిస్తే(30.09%), రద్దీలేని సమయంలోనే (69.91%) ఈ ట్రెండ్‌ ఎక్కువగా కనబడుతోంది. చట్టంలో సవరణలు చేయాలి అధ్యయంలో భాగంగా మాదాపూర్‌ ఐటీ కారిడార్‌, అమీర్‌పేట, మేడ్చల్‌ జాతీయ రహదారిపై వాహనాల రాకపోకలను వీడియో తీసి విశ్లేషించారు. ఏయే సమయాల్లో ఆయా రహదారులపై వాహనదారులు సెల్‌ఫోన్‌ డ్రైవింగ్‌ చేస్తున్నారనే విషయాన్ని లోతుగా పరిశీలించారు. ‘ఎక్కువ మంది వాహన చోదకులు హేండ్‌ ఫ్రీ మోడ్‌లోనే డ్రైవ్ చేస్తున్నారు. ఫోన్‌ మాట్లాడుతూ బండి నడిపే వారి సంఖ్య వీకెండ్‌లోనే అధికంగా ఉంటోంది. ఇంకో ముఖ్యమైన విషయం ఏమిటంటే నాన్-బిజీ రోడ్లపై రద్దీ తక్కువగా సమయంలోనే సెల్‌ఫోన్‌ డ్రైవింగ్‌ ఎక్కువగా కనబడుతోంది. వీక్‌డేస్‌తో పోలిస్తే ఫోన్‌లో మాట్లాడుతూ డ్రైవింగ్‌ చేసే వారి సంఖ్య వారాంతాల్లో ఒకటిన్నర శాతం అధికంగా ఉన్నట్టు గుర్తించాం. చేతులతో ఫోన్‌ పట్టుకుని వాహనం నడిపేవారితో పాటు హేండ్‌ ఫ్రీ ఫోన్‌ డ్రైవింగ్‌ చేసే వారికి కూడా జరిమానాలు విధించేలా మోటార్‌ వెహికల్‌ చట్టంలో సవరణలు చేర్చాల’ని పరిశోధకులు కోరుతున్నారు. (క్లిక్: ఫోర్త్‌ వేవ్‌కు అవకాశాలు తక్కువ.. కానీ) మూడేళ్లలో 85 వేల కేసులు సెల్‌ఫోన్‌ డ్రైవింగ్‌ను నియంత్రించేందుకు చర్యలు చేపడుతున్నామని హైదరాబాద్‌ ట్రాఫిక్‌  పోలీసులు చెబుతున్నారు. గత మూడేళ్లలో 85,862 సెల్‌ఫోన్‌ డ్రైవింగ్‌ కేసులు నమోదు చేసినట్టు హైదరాబాద్‌ ట్రాఫిక్‌ అడిషనల్‌ కమిషనర్‌ ఏవి రంగనాథ్‌ తెలిపారు. ఫోన్‌ మాట్లాడుతూ.. వాహనాలు నడిపే వారిపై మోటారు వాహన చట్టంలోని సెక్షన్‌ 184 కింద కేసులు నమోదు చేస్తామన్నారు. 85,862 కేసుల్లో దాదాపు 68,900 కేసులకు సంబంధించి జరిమానాలు వసూలయ్యాయని.. 16,782 జరిమానాలు పెండింగ్‌లో ఉన్నట్టు వెల్లడించారు. 2021లో 36,566 సెల్‌ఫోన్‌ డ్రైవింగ్‌ కేసులు నమోదు చేసినట్టు తెలిపారు. (క్లిక్: మెడికల్‌ పీజీ ‘బ్లాక్‌’ దందా!)

న్యూఢిల్లీ: ట్రాఫిక్‌ ఉల్లంఘనలను అరికట్టేందుకు ముంబై ట్రాఫిక్‌ పోలీసులు సరికొత్త చర్యలు తీసుకోనున్నట్లు తెలిపారు. ఈ మేరకు ముంబైలో హెల్మెట్‌ లేకుండా రైడింగ్‌ చేస్తే మూడు నెలలపాటు లైసెన్స్‌ రద్దు చేస్తాం అని పోలీసులు చెప్పారు. అంతేకాదు యూట్యూబ్‌లో ఈ కొత్త నిబంధనలకు సంబంధించిన వీడియోని ముంబై పోలీసులు పోస్ట్‌ చేశారు కూడా. ఆ వీడియోలో ...."హెల్మెట్ లేకుండా ప్రయాణించడం ప్రమాదకరం. హెల్మెట్ లేకుండా ప్రయాణించే ప్రతి వ్యక్తి చలాన్‌ని వెంటనే ఆర్టీవోకి పంపతాం. దీంతో మూడు నెలల పాటు లైసెన్స్‌ రద్దు చేయడమే కాకుండా జరిమాన కూడా విధించబడుతుంది. ఆ తర్వాత ఆ వ్యక్తి సమీపంలోని ట్రాఫిక్‌ పోలీస్టేషన్‌ పంపిస్తాం. ట్రాఫిక్ నిబంధనలపై అవగాహన కల్పించే వీడియోలను చూపిస్తాం." అని డీసీపీ రాజ్‌ తిలక్‌ రోషన్‌ పేర్కొన్నారు. అలాగే ఎరుపు రంగు సిగ్నల్‌ పడినప్పుడూ హారన్‌లు మోగించకుండా ట్రాఫిక్‌ సిగ్నల్‌ వద్ద డెసిబెల్ మీటర్లను ఏర్పాటు చేశారు. దీంతో ఎవరైన గనుక ఇలా హారన్‌ మోగిస్తే ఆయా వాహనాల వ్యక్తుల డబుల్‌ టైం వెయిటింగ్‌ చేయించేలా చర్యలు తీసుకుంటున్నారు. అదీగాక ముంబై ప్రపంచంలోనే అత్యంత ధ్వనించే నగరాల్లో ఒకటి. పైగా ముంబై వాసులు రెడ్‌ సిగ్నల్‌ వద్ద కూడా హారన్‌లు వేయడంతో శబ్దకాలుష్యం ఎక్కువ అతుతోందని, దీన్ని అరికట్టేందుకే ఈ చర్యలు తీసుకుంటున్నామని జాయింట్ పోలీస్ కమీషనర్ మధుకర్ పాండే అన్నారు. (చదవండి: రిక్షాలో మినీ గార్డెన్‌...ఫోటోలు వైరల్)

సాక్షి,చార్మినార్‌(హైదరాబాద్‌): పాతబస్తీలో వాహనదారులు ట్రాఫిక్‌ నిబంధనలు పాటించకుండా అడ్డదిడ్డంగా రాకపోకలు సాగిస్తున్నారు. పాతబస్తీలోని దక్షిణ మండలంలో చార్మినార్, మీర్‌చౌక్, ఫలక్‌నుమా, బహదూర్‌పురా నాలుగు ట్రాఫిక్‌ పోలీసు స్టేషన్లు ఉన్నాయి. వీటి పరిధిలో రెండు, మూడు జాతీయ రహదారులతో పాటు ప్రధాన రోడ్లు, అంతర్గత రోడ్లు ఉన్నాయి. ఈ రోడ్లలో ప్రతిరోజు వాహనాల రాకపోకలు జోరుగా కొనసాగుతాయి. అయితే కొంత మంది వాహనదారులు నిబంధనలు డోంట్‌ కేర్‌ అంటూ.. వాహనాలను ఇష్టానుసారంగా నడుపుతూ ఇతర వాహనదారులకు చుక్కలు చూపిస్తున్నారు. విధి నిర్వహణలో పోలీసులు ఉన్నా.. వారు పట్టించుకోకుండా వ్యవహరిస్తున్నారు.  ► ప్రధాన కూడళ్లలో ఆశించిన మేరకు ట్రాఫిక్‌ సిగ్నల్స్‌ అందుబాటులో లేకపోవడం, సిగ్నల్స్‌ లేని ప్రాంతాల్లో ట్రాఫిక్‌ పోలీసులు విధి నిర్వహణలో ఉండాల్సినప్పటికీ ఎవరూ అందుబాటులో లేకపోవడంతో ట్రాఫిక్‌ సమస్యలు తలెత్తుతున్నాయి.  ► అంతర్గత రోడ్లతో పాటు ప్రధాన రోడ్లలో సైతం యువతీ, యువకులు రయ్‌.. మంటూ దూసుకెళ్తూ ఇతర వాహనదారులకు ఆటంకాలు కలిగిస్తున్నారు.   నంబర్‌ ప్లేట్ల మార్పులు..   ► పాతబస్తీలో కొందరు వాహనదారులు ట్రాఫిక్‌ పోలీసుల నుంచి తప్పించుకునేందుకు వాహనాల నంబర్‌ ప్లేట్లను మార్చేస్తున్నారు.   ► కొందరైతే ఉద్దేశపూర్వకంగా తమ నంబర్‌ ప్లేట్లను కనిపించకుండా సగం వరకు వంచేయడం, ఇంకొందరు విరగ్గొట్టడం, ప్లాస్టర్లు అతికించడం వంటివి చేస్తూ ఆర్టీఏ, ట్రాఫిక్‌ నియమ నిబంధనలను ఉల్లంఘిస్తున్నారు. (చదవండి: మరమ్మతు చేస్తుండగా కరెంట్‌ సరఫరా ) ప్రమాదాలు కొని తెచ్చుకునేలా..  ► అసలే ఇరుకు రోడ్లు.. ఆపై రద్దీ ఎక్కువగా ఉంటుండటంతో స్పీడ్‌గా వాహనాలను నడపడానికి పాతబస్తీలో ఏ మాత్రం అవకాశం లేదు. అయినప్పటికీ కొందరు కుర్రాళ్లు రెట్టింపు ఉత్సాహంతో స్పీడ్‌గా ముందుకెళ్తూ ప్రమాదాలను కొని తెచ్చుకుంటున్నారు.  ► ట్రాఫిక్‌ పోలీసుల కళ్లుగప్పి త్రిబుల్‌ రైడింగ్‌ చేస్తూ ప్రమాదాల బారిన పడుతున్నారు.   ట్రాఫిక్‌ ఉల్లంఘనులపై కఠిన చర్యలు ట్రాఫిక్‌ నిబంధనలు ఉల్లంఘించే వారి పట్ల కఠినంగా వ్యవహరిస్తాం. వెంటనే స్పెషల్‌ డ్రైవ్‌ నిర్వహించి ట్రాఫిక్‌ నిబంధనలు పాటించి ప్రమాదాల బారీ నుంచి తమను తాము కాపాడుకోవడమే కాకుండా ఇతరులకు ప్రమాదాలు కలిగించరాదంటూ అవగాహన కల్పిస్తామన్నారు. పాతబస్తీలో కూడా ట్రాఫిక్‌ నిబంధనలను కఠినతరం చేస్తాం.  – శ్రీనివాస్‌ రెడ్డి, ట్రాఫిక్‌ ఏసీపీ, దక్షిణ మండలం

సాక్షి, హైదరాబాద్‌: దశల వారీగా ‘వర్క్‌ ఫ్రం ఆఫీస్‌’ పునఃప్రారంభం కానున్న నేపథ్యంలో ట్రాఫిక్‌ పోలీసులూ సన్నద్ధమవుతున్నారు. ఐటీ కారిడార్‌లో క్రమగా వాహనాల రద్దీ పెరుగుతోంది. వ్యక్తిగత వాహనాలు, ట్రావెల్‌ బస్సులలో ఉద్యోగులు కార్యాలయాలకు హాజరవుతుండటంతో ఐటీ కారిడార్‌ జంక్షన్లలో ఉదయం, సాయంత్రం సమయాల్లో ట్రాఫిక్‌ రద్దీ ఏర్పడుతోంది. ఇప్పటికే ఆయా కారిడార్లలోని ట్రాఫిక్‌ కూడళ్ల వద్ద పని చేయని సిగ్నల్స్, సీసీ కెమెరాలను రిపేరు చేసి పోలీసులు నిర్వహణకు సిద్ధం చేశారు.   రెండున్నరేళ్ల తర్వాత...  ► కరోనా ప్రభావంతో మొదలైన వర్క్‌ ఫ్రం హోమ్‌ విధానాన్ని ముగించేందుకు ఐటీ కంపెనీలు కార్యాచరణ రూపొందిస్తున్నాయి.   ► దాదాపు రెండున్నరేళ్ల తర్వాత ఇన్ఫర్మేషన్‌ టెక్నాలజీ (ఐటీ) కంపెనీలు పునఃప్రారంభం కానున్నాయి. ఈ నెలాఖరు నుంచి ఉద్యోగులు దశల వారీగా ఉద్యోగులు హాజరయ్యేలా కంపెనీలు కార్యాచరణ రూపొందిస్తున్నాయి.   ► తొలుత సగం మంది ఉద్యోగులను వారం విడిచి వారం ఆఫీసులకు వచ్చేలా.. క్రమంగా హాజరు శాతాన్ని పెంచుతూ.. రెండు మూడు నెలల్లో పూర్తి స్థాయిలో ఉద్యోగులు ప్రత్యక్ష విధులు నిర్వర్తించేలా ఏర్పాట్లు చేస్తున్నాయి.   ► సిటీ నలుమూలల నుంచి ప్రతి రోజు ఐటీ, ఇతర ఉద్యోగులు ఐటీ కారిడార్‌కు వస్తుంటారు. దీంతో మాదాపూర్, గచ్చిబౌలి, కూకట్‌పల్లి ట్రాఫిక్‌ పీఎస్‌ల పరిధిలో వాహనాల రద్దీ ఎక్కువగా ఉంటుంది. (క్లిక్‌: హైదరాబాద్‌లో మైక్రోసాఫ్ట్‌ భారీ డేటా సెంటర్‌) ► ఐటీ కారిడార్‌లో ద్విచక్ర వాహనాలతో పాటు కార్ల రద్దీ పెరగనుంది. ఇందుకు తగ్గట్టుగానే జంక్షన్లు, సిగ్నళ్ల వద్ద ట్రాఫిక్‌ జాం కాకుండా పోలీసులు ప్రత్యేక చర్యలు తీసుకుంటున్నారు. పని చేయని సిగ్నళ్లు, పాడైపోయిన కెమెరాలను బాగు చేయడంతో పాటూ, వార్షిక సర్వీస్‌లను చేసే పనిలో నిమగ్నమయ్యారు.  కొత్తగా మూడు సెక్టార్లు.. ప్రస్తుతం సైబరాబాద్‌ కమిషనరేట్‌ పరిధిలో 10 ట్రాఫిక్‌ పీఎస్‌లు ఉన్నాయి. ఐటీ కారిడార్‌లో కొత్తగా మూడు ట్రాఫిక్‌ సెక్టార్లు ఏర్పాటు చేశారు. సిటీ నలుమూలల నుంచి ప్రతి రోజు ఉద్యోగులు మాదాపూర్, గచ్చిబౌలి, కూకట్‌పల్లి వంటి ప్రాంతాలకు వస్తుంటారు. దీంతో ఆయా ట్రాఫిక్‌ పీఎస్‌ల పరిధిలో వాహనాల రద్దీ ఎక్కువగా ఉంటుంది. ఈ స్టేషన్ల పరిధిలోని ఆఫీసర్లు, సిబ్బందిపై పని ఒత్తిడి ఎక్కువగా ఉంటుంది. ఈ నేపథ్యంలో కొత్త సెక్టార్లు ఏర్పాటు చేస్తే సిబ్బందిపై ఒత్తిడి తగ్గి, ట్రాఫిక్‌ నియంత్రణ సులువవుతుందని అధికారులు భావించారు. మాదాపూర్, గచ్చిబౌలి, కూకట్‌పల్లి ట్రాఫిక్‌ పోటీస్‌ స్టేషన్ల పరిధిలో కొత్తగా మూడు సెక్టార్లు అందుబాటులోకి తీసుకొచ్చారు.   ► మాదాపూర్‌ ట్రాఫిక్‌ పీఎస్‌ పరిధిలో రాయదుర్గం సెక్టార్‌  ► గచ్చిబౌలి పీఎస్‌ పరిధిలో నార్సింగి సెక్టార్‌  ► కూకట్‌పల్లి పీఎస్‌ పరిధిలో కేపీహెచ్‌బీ సెక్టార్‌ను ఏ ర్పాటు చేశామని ఓ పోలీస్‌ ఉన్నతాధికారి తెలిపారు.   ► ఒక్కో సెక్టార్‌కు ఒక ఇన్‌స్పెక్టర్, ఇద్దరు ఎస్‌ఐలు, 45 మంది కానిస్టేబుళ్లు కేటాయించారు. (క్లిక్‌: హైదరాబాద్‌లో అడుగుపెట్టిన లండన్‌ బేస్డ్‌ యూనికార్న్‌ కంపెనీ)

‘ఖెరతాబాద్‌ చౌరస్తాలో సిగ్నల్‌ జంపింగ్‌ చేసిన ఓ యువకుడు అదే జోష్‌లో రాయదుర్గంలోని తన ఇంటికి చేరుకున్నాడు. మర్నాటి మధ్యాహ్నం హైదరాబాద్‌ ట్రాఫిక్‌ పోలీసులు అతడి ఇంటికి వచ్చారు. కౌన్సిలింగ్‌ చేయడంతో పాటు అతడి వాహనంపై ఉన్న పెండింగ్‌ చలాన్లు కట్టించారు’. సాక్షి, హైదరాబాద్‌: హైదరాబాద్‌లో ట్రాఫిక్‌ స్థితిగతులను మెరుగుపరచడం, రోడ్డు ప్రమాదాలను నిరోధించడం దృష్టి పెట్టిన ట్రాఫిక్‌ విభాగం అధికారులు మరో కీలక నిర్ణయం తీసుకున్నారు. నగరంలోని చౌరస్తాలు, జంక్షన్లలో తీవ్రమైన ఉల్లంఘనలకు పాల్పడే వారికి చెక్‌ చెప్పే విషయంలో వినూత్నంగా వ్యవహరించనున్నారు. ఇందులో భాగంగా ఆ తరహా ఉల్లంఘనుల ఇంటికి పంపడానికి ప్రత్యేక బృందాన్ని సిద్ధం చేస్తున్నామని సిటీ ట్రాఫిక్‌ చీఫ్‌ ఏవీ రంగనాథ్‌ ‘సాక్షి’కి తెలిపారు.  ప్రమాదాలు మూడు తరహాలు...  ట్రాఫిక్‌ విభాగం అధికారులతో పాటు రహదారి భద్రత నిపుణులు సైతం రోడ్డు ప్రమాదాలను మూడు తరహాలకు చెందినవిగా చెబుతుంటారు. వాహనం నడిపే వ్యక్తి మాత్రమే ప్రమాదకరంగా పరిగణించేవి మొదటి రకమైతే.. ఎదుటి వారికి ప్రమాదం జరిగే అవకాశం ఉన్నవి రెండో తరహాకు చెందినవి. ఈ రెంటికీ మించి వాహన చోదకుడితో పాటు ఎదుటి వారికీ ప్రమాదం జరగడానికి కారణమయ్యే వాటిని మూడో కేటగిరీగా పరిగణిస్తారు. సాధారణంగా ట్రాఫిక్‌ విభాగం అధికారులు ఈ మూడో కోవకు చెందిన వాటికే ఎక్కువ ప్రాధాన్యమిస్తూ నిరోధానికి చర్యలు తీసుకుంటూ ఉంటారు.   కంట్రోల్‌ రూమ్‌ నుంచి పర్యవేక్షణ..  నగరంలోని కొన్ని జంక్షన్లలో ఉల్లంఘనలకు పాల్పతుడున్న వారి వల్ల.. వారితో పాటు ఎదుటి వారికీ ఇబ్బందులు వస్తున్నాయి. ప్రధానంగా సిగ్నల్‌ జంపింగ్, ర్యాష్‌ డ్రైవింగ్, జిగ్‌జాగ్‌ డ్రైవింగ్‌ వంటి వైలేషన్స్‌ ఎక్కువ ఇబ్బందికరంగా ఉన్నట్లు గుర్తించారు. చౌరస్తాలు, జంక్షన్లలో ఇలాంటి ఉల్లంఘనలకు పాల్పడే వారిని గుర్తించి, ఫొటో, వీడియోలు తీయడానికి బషీర్‌బాగ్‌ కమిషనరేట్‌లో ఉన్న ట్రాఫిక్‌ కమాండ్‌ అండ్‌ కంట్రోల్‌ సెంటర్‌లో అదనపు సిబ్బందిని మోహరించనున్నారు. వీరు ఆ తరహా ఉల్లంఘనులను, వారి వాహనం నంబర్‌ ఆధారంగా చిరునామా గుర్తిస్తారు. వైలేషన్‌ చోటు చేసుకున్న మరుసటి రోజే ఉల్లంఘనుడి ఇంటికి వెళ్లడంతో పాటు కౌన్సెలింగ్‌ ఇస్తారు. అక్కడిక్కడే వెరిఫై చేయడం ద్వారా ఆ వాహనంపై ఉన్న చలాన్లు గుర్తించి కట్టిస్తారు. జంక్షన్లలోనూ ప్రమాదాలు..  నగరంలో 2019– 21 మధ్య కాలంలో నగరంలో చోటుచేసుకున్న ప్రమాదాలను ట్రాఫిక్‌ విభాగం అధికారులు అధ్యయనం చేశారు. అవి జరిగిన సమయాలతో పాటు ప్రదేశాలను పరిగణనలోకి తీసుకుని ముందుకు వెళ్లారు. ఈ నేపథ్యంలోనే సిటీలోని అనేక జంక్షన్లు, యూ టర్న్స్‌ వద్ద పెద్ద సంఖ్యలోనే ప్రమాదాలు జరిగినట్లు తేల్చారు. ద్విచక్ర వాహనచోదకులు జంక్షన్లలో చేస్తున్న ఉల్లంఘనల కారణంగానూ ప్రమాదాలు జరిగినట్లు గుర్తించారు. ఈ నేపథ్యంలోనే జంక్షన్ల వద్ద ట్రాఫిక్‌ వైలేషన్స్‌పై ప్రత్యేక దృష్టి పెట్టారు.  రెండింటికీ సమ ప్రాధాన్యం   నగరంలో ట్రాఫిక్‌ నియంత్రణతో పాటు రోడ్డు ప్రమాదాల నిరోధానికీ సమ ప్రాధాన్యమిస్తున్నాం. అందులో భాగంగానే జంక్షన్లలో ఉల్లంఘనలకు పాల్పడే వారిని గుర్తించి, వారి ఇళ్లకు వెళ్లి కౌన్సెలింగ్‌ చేయడానికి ప్రత్యేక టీమ్‌ ఏర్పాటు చేస్తున్నాం. వాహన చోదకుల ప్రవర్తనలో మార్పు తీసుకురావడంతో పాటు వారిలో బాధ్యత పెంచడానికే ఈ నిర్ణయం తీసుకున్నాం.  – ఏవీ రంగనాథ్, సిటీ ట్రాఫిక్‌ చీఫ్‌   

సాక్షి, హైదరాబాద్‌: ట్రాఫిక్‌ పోలీసులు ఎన్నిసార్లు హెచ్చరించినా.. వాహనదారులు పట్టించుకోకుండా నిబంధనలు ఉల్లంఘిస్తూ రోడ్డుపై వెళ్తూనే ఉంటారు. నింబంధనలు ఉల్లంఘించిన వారిని రోడ్డుపైనే నిలిపి పోలీసులు చలానాలు రాసినా.. ఫోటోలు తీసి ఇంటికి జరిమానాలు పంపినా కూడా కొంత మంది మాత్రం పట్టించుకోకుండా యాథేచ్ఛగా రోడ్లపై తిరుగుతున్నారు. ట్రాఫిక్‌ పోలీసుల కెమెరాలకు చిక్కకుండా కొంతమంది తమ తెలివితేటలను ప్రదర్శిస్తారు. నెంబర్‌ ప్లేట్‌ కనిపించకుండా దాచేస్తారు. తాజాగా ఓ వ్యక్తి ఎన్టీఆర్‌ గార్డెన్స్ రోడ్డు గుండా వెళ్తూ నిబంధనలు ఉల్లంఘించాడు. బైక్‌పైన ఏకంగా నలుగురిని ఎక్కించుకుని వెళ్తున్నాడు. సీసీ కెమెరాల్లో చిక్కకుండా నెంబర్‌ ప్లేట్‌కు ఓ సంచీని అడ్డుపెట్టి మరో ఉల్లంఘనకు పాల్పడ్డాడు. దీనికి సంబంధించిన ఫొటో ఒకటి సోషల్‌ మీడియాలో వైరల్‌ అయింది. దీనిపై ఓ నెటిజన్‌ స్పందించి.. ‘ఐదుగురితో వెళ్లడమే కాకుండా.. నెంబర్‌ ప్లేట్‌ కనిపించకుండా చేయడం మరో ఉల్లంఘన. ఇలా అయితే ఎలా? ’ అని ట్రాఫిక్‌ పోలీసులకు ఫిర్యాదు చేశాడు. నిబంధనలు ఉల్లంఘించిన బాధ్యుడిపై చర్యలు తీసుకుంటామని పోలీసు అధికారులు రిప్లై ఇచ్చారు.

ప్రేమలో ఉన్నప్పుడు బంగారం, బుజ్జి, బేబీ అని ముద్దుగా పిలుచుకునే ప్రేమికులు అదే వారి బ్రేకప్‌ తర్వాత ఒకరిపై ఒకరు పగ తీర్చుకోవాలని ప్లాన్‌లు వేస్తున్నారు. తాజాగా  ఓ యువతి తన మాజీ ప్రియుడిపై ప్రతీకారం తీర్చుకునేందుకు సరికొత్త పద్ధతిని ఎంచుకుంది. ఈ క్రమంలో ఆ యువతి తన మాజీ ప్రియుడితో భారీగా జరిమానా కట్టేలా ప్లాన్‌ చేసినా, ఆ ప్రయత్నం విఫలమైంది. ఈ సంఘటన తూర్పు చైనాలోని జెజియాంగ్ ప్రావిన్స్‌లో  షాక్సింగ్‌ లో జరిగింది. వివరాల్లోకి వెళితే.. ఓ యువతి తన మాజీ ప్రియుడి మీద ప్రతీకారం తీర్చుకోవాలనే కోపంతో ఓ మాస్టర్‌ ప్లాన్‌ వేసింది. ఇందుకోసం ఆమె.. అతని కారుని అతడికే తెలియకుండా అద్దెకు తీసుకుంది. ఆ కారుతో రోడ్లపై ర్యాష్‌ డ్రైవింగ్‌ చేయడంతో పాటు 2 రోజుల్లోని 50 సార్లు ట్రాఫిక్‌ రూల్స్‌ ఉల్లంఘించింది. దీని కారణంగా అతను భారీగా ఫైన్లు కట్ట​లాని ప్లాన్‌ వేసింది. కాకపోతే ఈ తరహా ఉల్లంఘన వింతగా ఉండడంతో పోలీసులు ఈ విషయంపై దర్యాప్తు చేపట్టారు. కేవలం రెండు రోజుల్లోనే 50 సార్లు ట్రాఫిక్ నిబంధనలను అతిక్రమించడంతో సులువుగానే స్థానిక పోలీసులు ఆ కారును గుర్తించారు. చివరకు అసలు విషయం బయటపడడంతో పాటు ఆ యువతిని అరెస్ట్‌ చేశారు. పాపం ఆ యువతి ప్లాన్‌ అయితే వేసింది గానీ చివర్లో అది ఫైయిల్‌ కావడమే గాకా కటకటాలపాలైంది.

సాక్షి, హైదరాబాద్‌ : ప్రతి ఒక్కరూ ట్రాఫిక్‌ నిబంధనలు పాటించాలని టాలీవుడ్‌ నటి అంజలి పేర్కొన్నారు. హైదరాబాద్‌ ట్రాఫిక్‌ నిబంధనలపై నగర పోలీసులు ఎంజే మార్కెట్‌లో శనివారం అవగాహన కార్యక్రమం ఏర్పాటు చేశారు. ఈ మేరకు ట్రాఫిక్‌ అవగాహనపై సిటీ పోలీసులు, హైదరాబాద్‌ సిటీ సెక్యూరిటీ కౌన్సిల్‌ ఆధ్వర్యంలో రూపొందించిన మూడు షార్ట్‌ ఫిలిమ్స్‌ను అంజలీ ప్రారంభించారు. ఈ సందర్భంగా అంజలి మాట్లాడుతూ.. ట్రాఫిక్ రూల్స్ ప్రతి ఒక్కరు పాటించాలని సూచించారు. తను ఎల్లప్పుడూ ట్రాఫిక్ రూల్స్ పాటిస్తానని పేర్కొన్నారు. నా డ్రైవర్‌కు కూడా ట్రాఫిక్ రూల్స్ పాటించమని చెప్తానని తెలిపారు. ట్రాఫిక్ రూల్స్ పాటించకపోవడం వల్ల రోడ్డు ప్రమాదాలు‌ జరిగి ప్రాణాలు పోవడానికి కారణమవుతోందన్నారు. హైదరాబాద్ ట్రాఫిక్‌, డ్రగ్స్, ఇతర చెడు అలవాట్ల కారణంగా సమాజం ప్రభావితం అవుతుందని హైదరాబాద్‌ సీపీ అంజనీ కుమార్‌ తెలిపారు. ట్రాఫిక్ నిబంధనలపై అవగాహణ కోసం కార్యక్రమం ఏర్పాటు చేశామని, ప్రతది రోజు రోడ్డు ప్రమాదాల్లో ఎంతో మంది చనిపోతున్నారని ఆవేదన వ్యక్తం చేశారు. హైవేలపై జరిగే ప్రమాదాలకు అతివేగం కారణమవుతోందని అన్నారు. సినిమాల్లో పోలీసులను విలన్లుగా చూపిస్తున్నారు కానీ బయట పోలీసులు నిజమైన హీరోలని, ప్రతది ఒక్కరు ట్రాఫిక్ రూల్స్ పాటించాలని సూచించారు. ఈ కార్యక్రమంలో హైదరాబద్‌ సీపీ అంజనీ కుమార్‌, అడిషనల్‌ సీపీ అనిల్‌ కుమార్‌, ఇతర పోలీసు అధికారులు పాల్గొన్నారు. చదవండి: జాగ్రత్త.. ఇక మీకు మామూలుగా ఉండదు!  

సాక్షి, హైదరాబాద్‌: ట్రాఫిక్‌ నిబంధనలు అతిక్రమించడమే కాకుండా.. జరిమానాల నుంచి తప్పించుకునేందుకు వాహనదారులు పడే పాట్లు వర్ణనాతీతం. ఆ మధ్య కేబుల్‌ బ్రిడ్జిపై ఫొటోల కోసం ఆగిన ఓ కుటుంబం, రోడ్డుకు అడ్డంగా నిలుచోవడమే గాకుండా, తమ బండి నంబరు కెమెరాకు చిక్కకుండా చున్నీని అడ్డుపెట్టిన విషయం గుర్తుండే ఉంటుంది. ఇక మొన్నటికి మొన్న, హెల్మెట్‌ లేకుండా ప్రయాణం చేయడమే కాకుండా ట్రిపుల్‌ రైడింగ్‌ వెళ్తూ, నంబరు ప్లేటు కనిపించకుండా ఓ మహిళ కాలు అడ్డుపెట్టిన ఫొటోలు ఎంతగా వైరల్‌ అయ్యాయో ప్రత్యేకంగా చెప్పనక్కర్లేదు. వీరిలాగే, చలానాలు తప్పించుకోవడం కోసం బైకర్లు చేస్తున్న చిత్రవిచిత్ర విన్యాసాల ఫొటోలను సైబరాబాద్‌ ట్రాఫిక్‌ పోలీసులు ఎప్పటికప్పుడు సోషల్‌ మీడియాలో షేర్‌ చేస్తూనే ఉన్నారు. (చదవండి: ఎంత పని జేశినవ్‌ అక్క..!) పైగా అలాంటి వారికి ఎలా బుద్ధి చెప్పామో ఫన్నీ మీమ్స్‌ ద్వారా తెలియజేస్తున్నారు. అయితే దాని వెనుక ఉన్న అసలు ఉద్దేశం మాత్రం... నిబంధనలు పాటిస్తూ సురక్షితంగా గమ్యస్థానాలకు చేరుకోవాలే గానీ, ఇలాంటి ప్రమాదకర ప్రయాణాలు చేయరాదని చెప్పడమే. అయినా మంచిగా చెప్తే ఎవరు మాత్రం వింటారు.. అందుకే ఓవైపు అవగాహనా కార్యక్రమాలు చేపడుతూనే, మరోవైపు భారీ జరిమానాలతో షాకులిస్తున్నారు. ఈ నేపథ్యంలో ‘బీ సిటిజెన్‌ పోలీస్(పౌర పోలీసు)‌’  అంటూ బాధ్యత గల పౌరులుగా మెలగమంటూ సైబరాబాద్‌ ట్రాఫిక్‌ పోలీసులు ఓ వాట్సాప్‌ నంబరును షేర్‌ చేశారు. ఈ మేరకు.. ‘‘సైబబరాబాద్‌ పోలీస్‌ కమిషనరేట్‌ పరిధిలో జరిగిన ట్రాఫిక్‌ ఉల్లంఘనను బండి నెంబరుతో సహా ఫొటో/వీడియో తీసి, తేది, ప్రదేశం, సమయం జత పరిచి 9490617346 నంబరుకు వాట్సాప్‌ చేయండి. తగు చర్య తీసుకుని మీకు తెలియజేస్తాం. మీ వివరాలు గోప్యంగా ఉంచుతాం’’ అంటూ ఓ నంబరును ట్విటర్‌లో షేర్‌ చేశారు.  Be citizen police. Report a Traffic Violation. Capture the violation and send that image to Cyberabad E-challan WhatsApp: 9490617346 with Date, Time and Location. pic.twitter.com/F1e79Z1H5D — CYBERABAD TRAFFIC POLICE సైబరాబాద్ ట్రాఫిక్ పోలీస్ (@CYBTRAFFIC) February 5, 2021

న్యూఢిల్లీ: మన దేశంలో ఎన్ని కొత్త ట్రాఫిక్ రూల్స్ తీసుకొచ్చిన కొందరు వాహనదారులు వాటిని ఏమాత్రం పట్టించుకోకుండా ట్రాఫిక్ నిబంధనలను అతిక్రమిస్తూ ఉంటారు. వీరి వల్ల ఇతర వాహనదారులు ఇబ్బందికి గురి అవుతుంటారు. అయితే ఇలా ట్రాఫిక్ రూల్స్ అతిక్రమించే వారు ఇప్పుడు ఒక విషయాన్ని గుర్తుపెట్టుకోవాల్సి ఉంటుంది. భీమా రెగ్యులేటర్ ఐఆర్‌డిఎఐ కొత్త రూల్స్ తీసుకురాబోతుంది.(చదవండి: లండన్‌ను వెనక్కినెట్టిన బెంగళూరు) ట్రాఫిక్‌కు ఇన్సూరెన్స్‌కు సంబంధం ఏంటని మీరు ఆలోచిస్తున్నారా? ఇక్కడే ఒక లింకు ఉంది. ఎవరైతే ట్రాఫిక్ నిబంధనలను తరుచూ ఉల్లంఘిస్తారో.. వారి వాహనం యొక్క భీమా ప్రీమియం కూడా పెరిగిపోతుంది. ఈ కొత్త రూల్ వల్ల మీరు ట్రాఫిక్ చలనాతో పాటు మీ వెహికల్ భీమా ప్రీమియాన్ని అధికంగా చెల్లించాల్సి ఉంటుంది. ఇప్పటికే దీనికి సంబందించిన తుది నివేదికను ఐఆర్‌డిఎఐ సిద్ధం చేసింది. తొలిసారిగా ఈ కొత్త నిబంధనలు దేశ రాజధాని ఢిల్లీలో అమలులోకి రావచ్చు. తర్వాత దేశవ్యాప్తంగా అమలులోకి తీసుకురానున్నారు. వాహన భీమా ప్రీమియం సమయంలో గత రెండేళ్ల నాటి ట్రాఫిక్ చలానాలను పరిగణలోకి తీసుకొని మీకు ప్రీమియం నిర్ణయిస్తారు.

పై ఫొటోలో కనిపిస్తున్న ఆటో టేకులపల్లిలో ట్రాఫిక్‌ నిబంధనలు ఉల్లంఘించినట్లు పోలీసులు ఫొటో తీసి, నంబర్‌ ఆధారంగా ఈ–చలాన్‌ పంపారు. కానీ అది ఖమ్మంలోని ఓ కారు ఓనర్‌కు వెళ్లింది. కారు నంబర్‌ ఆటోపై రాయడంతో ఈ మతలబు జరిగింది. భద్రాచలానికి చెందిన ఓ వ్యక్తి స్కూటీ ఎప్పుడూ ఇతర ప్రాంతాలకు వెళ్లలేదు. అయితే చండ్రుగొండలో హెల్మెట్‌ పెట్టుకోలేదంటూ ఈ–చలాన్‌ వచ్చింది. ఫొటోలో మాత్రం ప్యాషన్‌ బైక్‌ ఉంది. జరిమానా స్కూటీ ఓనర్‌కు వచ్చింది. ట్రాఫిక్‌ జరిమానాలు తప్పించుకునేందుకు కొందరు తమ వాహనాలపై ఇతరుల వాహనాల నంబర్లు రాసుకుంటున్నారు. సాక్షి, భద్రాద్రి కొత్తగూడెం: పోలీసులు నిబంధనలు ఉల్లంఘించేవారి వాహనాల ఫొటోలు తీస్తున్నారు. వాటి ఆధారంగా వాహనం నంబర్‌ గుర్తించి జరిమానా విధిస్తున్నారు. అయితే కొందరు ఉల్లంఘనులు ఇతరుల వాహనాల నంబర్లను తమ వాహనాలపై రాయించుకుంటున్నారు. యథేచ్ఛగా నిబంధనలు ఉల్లంఘిస్తున్నారు. ఈ–చలాన్లు మాత్రం ఇతరులకు వెళ్తున్నాయి. దీంతో వారు లబోదిబోమంటున్నారు. ఒక వాహనం నంబరును మరో వాహనానికి చెందిన వ్యక్తులు ఉపయోగిస్తుండటంతో నిబంధనల ప్రకారం నడుచుకుంటున్న వాహనదారులు ఇబ్బందులు పడాల్సి వస్తోంది. వేరేవాళ్లు చేస్తున్న తప్పులకు తాము జరిమానా కట్టాల్సి వస్తోందని వాపోతున్నారు. తమ వాహనాల నంబర్లు పెట్టుకుని చట్టవ్యతిరేక కార్యకలాపాలకు పాల్పడితే తమ పరిస్థితి ఏంటని ఆవేదన వ్యక్తం చేస్తున్నారు. ప్రభుత్వం ఆదాయం కోసం పోలీసులకు భారీ లక్ష్యాలు విధించి   ఒత్తిడి చేస్తోంది. దీంతో రోజూ అన్ని ఠాణాల పరిధిలోని కానిస్టేబుళ్లు వివిధ కూడళ్లలో నిలబడి ఫొటోలు తీయడమే పనిగా ఉంటున్నారు. ట్రాఫిక్‌ క్లియరెన్స్‌ సైతం గాలికి వదలాల్సిన పరిస్థితి నెలకొంది. వాహనాలు తనిఖీలు చేస్తేనే ఆర్‌సీ, ఇన్సూరెన్స్, పొల్యూషన్‌ సర్టిఫికెట్లు, వాహనం నడిపే వ్యక్తి డ్రైవింగ్‌ లైసెన్స్‌ ఉన్నాయో లేవో తెలుసుకోవచ్చని పలువురు పేర్కొంటున్నారు. ఏజెన్సీలోనే తనిఖీలు.. మావోయిస్టు పార్టీ కార్యకలాపాల నేపథ్యంలో జిల్లాలోని భద్రాచలం, పినపాక ఏజెన్సీల్లో మాత్రమే పోలీసులు తనిఖీలు చేస్తున్నారు. ఈ క్రమంలో గంజాయి అక్రమ రవాణాదారులు పట్టుబడుతున్నారు. పోలీసులు పేలుడు పదార్థాలు, గంజాయి రవాణాపైనే దృష్టి పెడుతున్నారు తప్ప వాహనాలకు పత్రాలు ఉన్నాయా? లేవా? అనే విషయం పట్టించుకోవడంలేదనే విమర్శలు ఉన్నాయి. ఇక ఇతర ప్రాంతాల్లో తనిఖీలు అంతగా చేపట్టడం లేదు. దీంతో ఏ వాహనంలో ఏం తరలిస్తున్నారో తెలియని పరిస్థితి నెలకొంది. పట్టణ ప్రాంతాలు, మండల కేంద్రాల్లో కేవలం ట్రాఫిక్‌ నిబంధనల ఉల్లంఘనుల ఫొటోలను తీసేందుకే కానిస్టేబుళ్లను ఎక్కువగా వినియోగిస్తున్నారు. ఈ సమస్యలపై ఎస్పీ సునీల్‌దత్‌ను వివరణ కోరేందుకు ప్రయత్నించగా.. ఆయన అందుబాటులో లేరు. 

సాక్షి, హైదరాబాద్‌ : ఎవరింట్లో అయినా దొంగలు పడి తులం బంగారం ఎత్తుకుపోతే నానా హైరానా పడిపోతాం. అదే రహదారిపై వాహనాన్ని డ్రైవ్‌ చేస్తున్నప్పుడు ట్రాఫిక్‌ చలాన్‌ పడుతుందని తెలిసీ ఉల్లంఘనలకు పాల్పడతాం. ట్రాఫిక్‌ ఉల్లంఘనులు ఈ విషయాన్ని పెద్దగా పట్టించుకోకపోవడంతో అప్పుడప్పుడు ప్రమాదాలు చోటు చేసుకోవడమే కాదు... అనునిత్యం నగరవాసి జేబుకు చిల్లుపడుతూనే ఉంది. వాహనచోదకుల అవగాహనా రాహిత్యం... మౌలిక వసతుల లేమి.. ఎడ్యుకేషన్‌ కోణంలో అధికారుల వైఫల్యం.. .కారణం ఏదైతేనేమి మూడు కమిషనరేట్లకు చెందిన వాహనచోదకులు గత ఏడాది అక్షరాలా రూ.397,89,42,640 జరిమానాల రూపంలో ఖజానాకు సమర్పించుకున్నారు. ఇదే కాలంలో చోరీలు, దోపిడీలు, బందిపోటు దొంగతనాలు వంటి వివిధ రకాలైన నేరాల్లో ప్రజలు కోల్పోయింది రూ.57,38,20,973 కావడం గమనార్హం. హైదరాబాద్, సైబరాబాద్, రాచకొండ కమిషనరేట్లలో సరాసరిన రోజుకు 186 కేసులు నమోదు అవుతుండగా.... ట్రాఫిక్‌ ఉల్లంఘనల సంఖ్య మాత్రం 31,956గా ఉంది. ఈ పరిస్థితులకు బాధ్యులు ఎవరు? నిబంధనలు పట్టని వాహనచోదకులా..? మౌలిక వసతుల కల్పనలో ఘోరంగా విఫలమౌతున్న జీహెచ్‌ఎసీనా? ట్రాఫిక్‌ ఎడ్యుకేషన్‌లో విఫలమౌతున్న పోలీసులా? అనేది అప్పుడు, ఇప్పుడు, ఎప్పుడూ మిలియన్‌ డాలర్ల ప్రశ్నే. చదవండి: ఆ జంటకు కాలనీవాసులే కళ్లయ్యారు నగరంలో రోడ్డు నిబంధనల పాటించకుండా ట్రాఫిక్‌ అధికారుల ఆదేశాలను బేఖాతరు చేసే వారిలో పదే పదే ఈ ఉల్లంఘనలకు పాల్పడే వారే ఎక్కువగా ఉన్నారని గణాంకాలు స్పష్టం చేస్తున్నాయి. ట్రాఫిక్‌ విభాగం అధికారులు జారీ చేసిన చలాన్ల సంఖ్య... వాహనాల సంఖ్య కంటే కాస్త ఎక్కువగా ఉండటమే దీనికి నిదర్శనం. ఇందులో ప్రతి ఒక్క వాహనచోదకుడూ ఉల్లంఘనలకు పాల్పడటం అనేది జరుగదు. కనిష్టంగా తీసుకున్నా పది లక్షల మంది వాహనచోదకులు నిబంధనలు పాటిస్తూనో, సొంత వాహనాలు లేని కారణంగానో ట్రాఫిక్‌ ఉల్లంఘనలు, జరిమానాలకు పూర్తి దూరంగా ఉన్నారని లెక్కేయచ్చు. అయితే ట్రాఫిక్‌ విభాగం అధికారులు జారీ చేసిన చలాన్ల సంఖ్య మాత్రం ఏటా సరాసరిన 30 లక్షలకు పైగా ఉంది. అనేక మంది వాహనచోదకులు పదేపదే ఉల్లంఘనలకు పాల్పడుతూ రిపీటెడ్‌ వైలేటర్స్‌గా ఉండటమే దీనికి కారణమని అధికారులు విశ్లేషిస్తున్నారు.   అవగాహనే కీలక ప్రాధాన్యం ‘ఉల్లంఘనులకు చెక్‌ చెప్పడానికి జరిమానాలు విధిస్తున్నాం. వారీలో రహదారి నిబంధనలు, రోడ్డు భద్రతపై అవగాహన కల్పించడానికీ పెద్దపీట వేస్తున్నాం. క్రమం తప్పకుండా ట్రాఫిక్‌ ట్రైనింగ్‌ ఇన్‌స్టిట్యూట్స్‌లో కౌన్సెలింగ్‌ కార్యక్రమాలు నిర్వహిస్తున్నాం. విద్యార్థి దశ నుంచే మార్పులు తీసుకురావడానికి కళాశాలలు, పాఠశాలలకూ వెళ్ళి అవగాహన కార్యక్రమాలు చేపడుతున్నాం. కొందరు సెలబ్రెటీలను భద్రతాంశాలపై ప్రచారం కోసం తీసుకురావడంతో పాటు మీడియా ద్వారానూ ప్రచారం చేస్తున్నాం. ట్రాఫిక్‌ పోలీసులకు సంబంధించిన సోషల్‌మీడియా ద్వారా నెట్‌జనులకు దగ్గరవుతున్నాం. ఎన్‌ఫోర్స్‌మెంట్‌ కంటే ఎడ్యుకేషన్‌కు ఎక్కువ ప్రాధాన్యం ఇస్తున్నాం.’ – నగర ట్రాఫిక్‌ అధికారులు  ఎవరికి వారే మారాలి ‘నగరంలో ఈ పరిస్థితుల నెలకొనడానికి ఏ ఒక్కరో కారణం కాదు. ప్రభుత్వ యంత్రాగాల అలసత్వం, వాహనచోదకుల నిర్లక్ష్యం వెరసి నగరవాసి జేబుకు మాత్రం చిల్లుపడుతోంది. కేవలం చలాన్ల రూపంలోనే కాకుండా విలువైన పనిగంటలు, ఇంధనం రూపంలోనూ నష్టపోతున్నారు. అన్ని ఉల్లంఘనల్లోనూ అత్యంత కీలకమైంది పార్కింగ్‌. ఏ ప్రదేశంలోనూ కూడా నిబంధనల ప్రకారం పార్కింగ్‌ ఉండట్లేదు. అయినప్పటికీ యథేచ్ఛగా కార్యకలాపాలు జరిగిపోతున్నాయి. నిబంధనలను ఇబ్బందిగా ఫీల్‌ అవుతున్న నగరవాసి, మౌలిక వసతుల కల్పనను ఓ భారంగా భావిస్తున్నా జీహెచ్‌ఎంసీ, ట్రాఫిక్‌ ఎడ్యుకేషన్‌కు సరైన ప్రాధాన్యం ఇవ్వని ట్రాఫిక్‌ కాప్స్‌ సమూలంగా మారితేనే పరిస్థితుల్లో మార్పు వచ్చేది’. – రోమల్, జగదీష్‌ మార్కెట్‌  ట్రాఫిక్‌ కేసులు ఇలా...  కమిషనరేట్‌  చలాన్లు విధించిన జరిమానా  హైదరాబాద్‌  54,74,479 రూ.173,84,01,535  సైబరాబాద్  47,71,328 రూ.178,39,40,605  రాచకొండ 14,18,355 రూ.45,66,00,500  మొత్తం 1,16,64,162 రూ.397,89,42,640  (నవంబర్‌ వరకు) నేరాల కేసులు ఇలా...  కమిషనరేట్‌ కేసులు దుండుగల పాలైంది  హైదరాబాద్‌ 22,641 రూ.26,15,21,679  సైబరాబాద్‌ 24,868 రూ.15,31,78,771     రాచకొండ 20,641 రూ.15,91,20,523  మొత్తం  68,150 రూ.57,38,20,973  (డిసెంబర్‌ 20 వరకు) 

సాక్షి, అమరావతి: రాష్ట్రంలో ట్రాఫిక్‌ నిబంధనల ఉల్లంఘనలు 8 శాతం వరకు తగ్గాయి. ముఖ్యంగా రోడ్డు ప్రమాదాల్లో ప్రాణాలు కోల్పోతుండటానికి ప్రధాన కారణమైన ఓవర్‌ స్పీడ్‌, హెల్మెట్‌ ధరించకపోవడం వంటి కేటగిరీల్లో అయితే ఏకంగా పది నుంచి 15 శాతం వరకు ఉల్లంఘనలు తగ్గిపోయాయి. ట్రాఫిక్‌ ఉల్లంఘనలకు భారీ జరిమానాలు విధించేలా రాష్ట్ర ప్రభుత్వం గత నెలలో నోటిఫికేషన్‌ జారీ చేసి పక్కాగా అమలు చేస్తుండటమే ఇందుకు కారణమని రవాణా శాఖ పేర్కొంటోంది. ఉల్లంఘనలు ఇంకా తగ్గుముఖం పడితే రోడ్డు ప్రమాదాలు, మరణాలు గణనీయంగా తగ్గిపోతాయని అధికారులు అంటున్నారు. గత నెల 21న రాష్ట్ర ప్రభుత్వం ట్రాఫిక్‌ ఉల్లంఘనలపై జరిమానాలు భారీగా పెంచుతూ ఉత్తర్వులు జారీ చేసింది. ఈ నేపథ్యంలో గత సెప్టెంబర్‌ 20 నుంచి అక్టోబర్‌ 20 వరకు, అలాగే అక్టోబర్‌ 22 నుంచి నవంబర్‌ 17 వరకు నమోదైన ఉల్లంఘనల్ని రవాణా శాఖలోని ట్రాఫిక్‌ రీసెర్చి వింగ్‌ అధ్యయనం చేసి నివేదిక రూపొందించింది.   ఉల్లంఘనలతో రోజుకు 9మంది మృతి ⇔ రాష్ట్రంలో ట్రాఫిక్‌ రూల్స్‌ ఉల్లంఘించే వారు 40 శాతం మంది ఉన్నట్లు కేంద్ర రోడ్డు రవాణా, జాతీయ రహదారుల మంత్రిత్వ శాఖ తేల్చింది.  ⇔ ఈ కారణంగా రోజుకు 9మంది మృత్యువాత పడుతున్నారు. ప్రతి 100 రోడ్డు ప్రమాదాల్లో 36 మంది దుర్మరణం పాలవుతున్నారు.  ⇔ ఈ నేపథ్యంలో ట్రాఫిక్‌ ఉల్లంఘనలకు చెక్‌ పెట్టేందుకు, రోడ్డు ప్రమాదాల కారణంగా ప్రాణాలు కోల్పోకుండా నిరోధించేందుకు రాష్ట్ర ప్రభుత్వం జరిమానాలు భారీగా పెంచింది.   ⇔ 2019లో మొత్తం 21,992 రోడ్డు ప్రమాదాలు జరిగాయి. వీటిలో 15,303 ప్రమాదాలు డ్రైవింగ్‌ లైసెన్సు ఉన్నవారి వల్ల, 1,262 ప్రమాదాలు లెర్నింగ్‌ లైసెన్సు ఉన్నవారి వల్ల, 2,576 రోడ్డు ప్రమాదాలు అసలు డ్రైవింగ్‌ లైసెన్సు లేనివారి వల్ల జరిగాయి. కాగా నిబంధనల ఉల్లంఘనల కారణంగా 2,851 ప్రమాదాలు జరిగాయి. ⇔ ట్రాఫిక్‌ ఉల్లంఘన కేసులు నెలకు సగటున 7 వేల వరకు నమోదు అయ్యేవి. జరిమానాల పెంపుతో దాదాపు నెల రోజుల్లో 6,400 మాత్రమే నమోదయ్యాయి. అంటే 8 శాతం వరకు తగ్గాయన్న మాట. ⇔ ఇక భారీ జరిమానాలు విధిస్తుండటంతో హెల్మెట్‌ ధరించే వారి సంఖ్య 15 శాతానికి పెరిగింది. ⇔ గతంలో హెల్మెట్‌ ధరించకపోతే రూ.100 జరిమానా విధించే వారు. ఇప్పుడు రూ.1,000కి పెంచడం సత్ఫలితాన్నిచ్చింది.. దీంతో ఈ ఏడాది సెప్టెంబర్‌ 20 నుంచి అక్టోబర్‌ 20 వరకు హెల్మెట్‌ ధరించని కేసులు 1,947 నమోదు కాగా.. అక్టోబర్‌ 22 నుంచి నవంబర్‌ 17 మధ్య 1,650 కేసులు నమోదయ్యాయి. అంటే 15 శాతం మేర కేసులు తగ్గాయన్న మాట.  ⇔ ఓవర్‌ స్పీడ్‌ ఉల్లంఘనలకు జరిమానా రూ.1,000 నుంచి రూ.10 వేల వరకు పెంచడంతో ఈ కేసులు 10 శాతం తగ్గిపోయాయి. జరిమానా పెంచక మునుపు వెయ్యికి పైగా కేసులు నమోదయ్యేవి. ఇప్పుడు 900 వరకు మాత్రమే నమోదవుతున్నాయి. పదే పదే ఉల్లంఘిస్తే జైలే  జరిమానాల పెంపుతో సత్ఫలితాలు వస్తున్నాయి. ట్రాఫిక్‌ నిబంధనల ఉల్లంఘనల సంఖ్య తగ్గిపోతోంది. వచ్చే ఏడాది రాష్ట్రంలో రోడ్డు ప్రమాదాలు 20 శాతం తగ్గించేందుకు ప్రణాళిక రూపొందించుకుంటున్నాం. పదే పదే నిబంధనలు ఉల్లంఘించే వారిని గుర్తించి జైలుకు పంపేలా ఆలోచన చేస్తున్నాం. -ప్రసాదరావు, రవాణా శాఖ అదనపు కమిషనర్‌

లండన్‌: సాధారణంగా మన దగ్గర నో పార్కింగ్‌ ఏరియాలో వాహనాలను ఆపితే ఏం చేస్తారు. ట్రాఫిక్‌ అధికారులు ఓ క్రేన్‌ తీసుకువచ్చి.. వాహనాలను తీసుకుని వెళ్లి పోతారు. ఆ తర్వాత మనం ఫైన్‌ కట్టి వాటిని విడిపించుకుంటాం. సాధారణంగా జరిగేది ఇదే. కానీ లండన్‌కు చెందిన ఓ నడి వయసు జంట మాత్రం ఇలా చేయలేదు. కారు తీసుకెళ్లడానికి వీలు లేకుండా రోడ్డుకు చెరో వైపు బైఠాయించి అధికారులను అడ్డుకున్నారు. ఇక చేసేదేం లేక వారి కారును వారికి తిరిగి అప్పగించారు అధికారులు. వివరాలు.. నార్త్‌ లండన్‌కు చెందిన పీటర్‌ ఫెన్నెల్‌ కొద్ది రోజుల క్రితం ట్రాఫిక్‌ రూల్స్‌ని అతిక్రమించాడు. డబుల్‌ యెల్లో లైన్స్‌ మీద తన కారును పార్క్‌ చేశాడు. దాంతో అధికారులు అతడికి 300 పౌండ్ల జరిమానా విధించారు. (చదవండి: ఒకే బైక్‌.. 71 కేసులు !) కానీ అతడు ఫైన్‌ కట్టడకపోవడంతో అధికారులు ఇంటికి వచ్చి కారును తీసుకెళ్లేందుకు ప్రయత్నించారు అధికారులు. దాంతో ఆగ్రహించిన ఫెన్నెల్‌ దంపతులు చెరో వైపున నడి రోడ్డు మీద కూర్చున్నారు. ఫెన్నెల్‌ రోడ్డు మధ్యలో ఓ స్టూల్‌ వేసుకుని దాని మీద కూర్చుని ల్యాప్‌టాప్‌ ఒడిలో పెట్టుకుని ఆఫీస్‌ పని చేసుకున్నాడు. మరో వైపు అతడి భార్య కూడా ఇలానే చేసింది. ఇలా దాదాపు ఐదు గంటలపాటు ఈ డ్రామా కొనసాగింది. చివరకు చేసేదేం లేక అధికారులు అతడి కారును తిరిగి అప్పగించారు. అనంతరం వారితో కలిసి శాండ్‌విచ్‌ తిని కాఫీ తాగి వెళ్లి పోయారు అధికారులు. ఈ సంఘటన కాస్త వైరల్‌ కావడంతో ఉన్నతాధికారులు ఫెన్నెల్‌ మీద చర్యలు తీసుకుంటామని తెలిపారు. 

డెహ్రాడూన్‌: ట్రాఫిక్‌ నిబంధనలు ఉల్లంఘిస్తే పోలీసులు ఫైన్‌ వేస్తారు. లేదంటే వాహనాన్ని సీజ్‌ చేసి స్టేషన్‌కు తరలిగిస్తారు. కానీ, ఉత్తరాఖండ్‌ ట్రాఫిక్‌ పోలీసులు హెల్మెట్‌ ధరించని ఓ వ్యక్తితో అమానుషంగా ప్రవర్తించారు. బైక్‌ తాళం చెవిని అతని మొహంపై పెట్టి బలంగా నెట్టేశారు. దీంతో ఆ కీ అతని నుదురులోకి చొచ్చుకుపోయి తీవ్ర రక్తస్రావమైంది.  ఉధమ్‌సింగ్ నగర్ జిల్లాలోని రుద్రపూర్‌లోని ఈ ఘటన జరిగింది. ఈఘటనకు సంబంధించిన వీడియో ఆధారంగా ముగ్గురు ట్రాఫిక్‌ సిబ్బందిని పై అధికారులు సస్పెండ్‌ చేశారు. అయితే, వాహనదారుడిపై పోలీసుల దాడి విషయం బయటపడటంతో స్థానికులు ఆగ్రహం వ్యక్తం చేశారు. రహదారిపై బైఠాయించి నిరసన తెలిపారు. ఎమ్మెల్యే రాజ్‌ కుమార్‌ జోక్యంతో పరిస్థితులు చక్కబడ్డాయి. స్థానికులు నిరసన విరమించారు. పోలీసుల దాడిలో గాయపడ్డ వాహనదారుడు ఆస్పత్రిలో చికిత్స పొందుతున్నాడు. అతని పరిస్థితి మెరుగ్గానే ఉందని ఆస్పత్రి వర్గాలు తెలిపాయి.

సాక్షి, సిటీబ్యూరో: లాక్‌డౌన్‌ వేళ ట్రాఫిక్‌ నియమ, నిబంధనలను అతిక్రమిస్తూ యథేచ్ఛగా నగర రహదారులు, కాలనీల్లో రయ్యురయ్యమంటూ దూసుకెళుతున్న వాహన చోదకులను సిటిజన్లు సెల్‌ఫోన్లతో క్లిక్‌మనిపిస్తున్నారు. లాక్‌డౌన్‌కు ముందు నెలవారీగా మూడు వేల వరకు సామాజిక మాధ్యమాల ద్వారా ఉల్లంఘనల ఫొటోలను సైబరాబాద్‌ (10.309), రాచకొండ (703) ఫేస్‌బుక్, ట్విట్టర్‌లకు పోస్టు చేస్తే... గత 40 రోజుల నుంచి ఏకంగా 11,012 ఫిర్యాదులు రావడం పోలీసులకే ఆశ్చర్యం కలిగించింది. ఏ ప్రాంతం, ఏ సమయం తదితర వివరాలతో ఆ ఫొటోలను నిక్షిప్తం చేస్తుండడంతో ట్రాఫిక్‌ పోలీసులు కూడా అది ఏ ఉల్లంఘన కింద వస్తుందో ఎంత జరిమానా విధించారనే విషయంతో కూడిన ఈ–చలానా ఐడీ వివరాల్ని సదరు ఫిర్యాదుదారుడికి పంపిస్తున్నారు. దీంతో ట్రాఫిక్‌ నిబంధనలుఅతిక్రమించేవారి ఫొటోలు తీసి మరీ పోస్టు చేసేస్తున్నారు.  సెల్‌ఫోన్‌తో క్లిక్‌.. ఫేస్‌బుక్‌లో పోస్ట్‌ రహదారులపై ప్రయాణించేటప్పుడు మరో వాహనదారుడెవరైనా ట్రాఫిక్‌ ఉల్లంఘనకు పాల్పడితే వెంటనే స్పందిస్తున్నారు. సెల్‌ఫోన్‌తో దానిని చిత్రీకరించి సైబరాబాద్, రాచకొండ ట్రాఫిక్‌ విభాగానికి పంపుతున్నారు. ఇందుకు ఫేస్‌బుక్, ట్విట్టర్, వాట్సాప్‌ లాంటి సామాజిక మాధ్యమాల్ని వినియోగిస్తున్నారు. చిత్రంతోపాటు ఉల్లంఘనకు సంబంధించిన వివరాల్ని నమోదు చేస్తే చాలు పోలీసులు వెంటనే స్పందిస్తున్నారు. ఫిర్యాదుదారులకు సైబరాబాద్, రాచకొండ ట్రాఫిక్‌ ఈ–చలానా విభాగం నుంచి తిరుగు సమాధానం వెళ్తోంది. ఏ ఉల్లంఘనకు ఎంత జరిమానా విధించారనే విషయంతో కూడిన ఈ–చలానా ఐడీ వివరాల్ని తెలియజేస్తున్నారు. కేసు నమోదు చేసిన సమాచారాన్ని వెల్లడిస్తున్నారు. ఒకవేళ కేసు నమోదు చేయకపోతే అందుకు గల కారణాన్నీ వివరిస్తున్నారు. ఇలా చేస్తుండటం వల్ల తమ ఫిర్యాదుకు స్పందన ఉంటోందనే నమ్మకాన్ని వారికి కల్పిస్తున్నారు. దీనికితోడు స్వయంగా పోలీసులే ఉల్లంఘనలకు పాల్పడిన చిత్రాల్ని పోస్ట్‌ చేసినా జరిమానాలు విధిస్తున్నారు. లాక్‌డౌన్‌ వేళ సిటిజన్లు తమ సెల్‌ఫోన్‌లతో ఫొటోలు తీసి ఆయా ట్రాఫిక్‌ విభాగాలను సామాజిక మాధ్యమాల ద్వారా పంపుతుండటంపై సర్వత్రా హర్షం వ్యక్తం అవుతోంది. 

యశవంతపుర: ట్రాఫిక్‌ నిబంధనలు అతిక్రమించిన బైక్‌ చోదకుడిపై 70 కేసులు నమోదు కాగా జరిమానా రూ. 15 వేలు విధించిన సంఘటన బెంగళూరులో జరిగింది. గురువారం రాజాజీనగర ట్రాఫిక్‌ పోలీసులు మహలక్ష్మీ లేఔట్‌ శంకరనగర బస్టాండ్‌ వద్ద హెల్మెట్‌ లేకుండా వెళ్తున్న బైక్‌ చోదకుడు మంజును పోలీసులు ఆపారు. బైక్‌ నంబర్‌ కేఏ 41–ఇజి6244 ఆధారంగా అతడికి హెల్మెట్‌ లేని కారణంగా జరిమానా విధించాలని పోలీసులు పరిశీలించారు. జరిమానా రశీదు ఏకంగా రెండు మీటర్ల పొడవుతో జరిమానా బిల్లు వచ్చింది. దీంతో పోలీసులు అవాక్కయ్యారు. ఏడాదిగా అతడిపై 70 కేసులు నమోదైనట్లు పెద్ద స్లిప్‌ వచ్చింది. తాజా కేసులో మొత్తం 71 కేసులు అతడిపై నమోదయ్యాయి. హెల్మెట్‌ లేకుండా, త్రిబుల్‌ రైడింగ్, సిగ్నల్‌ జంపింగ్‌ కేసులు ఉన్నాయి. కెమెరాలు పట్టేస్తాయి : బెంగళూరు నగరంలో ఏర్పాటు చేసిన కెమెరాలు ట్రాఫిక్‌ నిబంధనలు ఉల్లంఘిస్తే ఎప్పటికైనా దొరకడం ఖాయమని చెబుతున్నాయి. ఏడాదిగా తప్పించుకు తిరుగుతున్న ఓ బైక్‌ చోదకుడి తాజాగా దొరకడమే ఇందుకు నిదర్శనం. పోలీసులు లేరని సిగ్నల్‌ జంప్‌ చేసినా కెమెరాలో దొరికిపోతారు. ఈ కెమెరాలో ఫొటోలు తీసి కంట్రోల్‌ రూమ్‌కు పంపుతాయి. దీంతో పోలీసులు కేసులు నమోదు చేయవచ్చని స్పష్టం చేస్తోంది. వాహనదారులు ట్రాఫిక్‌ నియమాలు ఉల్లఘించకుండా వాహనాలను జాగ్రత్తగా నడపాలని పోలీసులు విజ్ఞప్తి చేస్తున్నారు.  

సాక్షి, న్యూఢిల్లీ : దేశంలో సెప్టెంబర్‌ ఒకటవ తేదీ నుంచి అమల్లోకి వచ్చిన కొత్త ట్రాఫిక్‌ నిబంధనలపై సోషల్‌ మీడియా తనదైన రీతిలో స్పందిస్తోంది. ట్రాఫిక్‌ నిబంధనల ఉల్లంఘనలపై భారీగా చలాన్లను పెంచడాన్ని తీవ్రంగా దూషిస్తోంది. చలాన్లను చెల్లించిన తర్వాత రోడ్డుపై అడుక్కుతినాల్సిన పరిస్థితి వచ్చిందంటూ ఒకరు బాలీవుడ్‌ చిత్రం ‘సంజూ’లో రణీబీర్‌ కపూర్‌ రోడ్డుపై అడుక్కుంటున్న దృశ్యాన్ని పోస్ట్‌ చేశారు. అప్పటి వరకు జల్సాగా రోడ్లపై బలాదూర్‌ తిరిగిన ఓ యువకుడు ట్రాఫిక్‌ చలాన్లను చెల్లించాక బస్టాండ్‌లో వచ్చిపోయే బస్సుల వెంట తిరిగుతూ నూనె డబ్బులు అమ్ముతున్న దశ్యం అంటూ మరో బాలీవుడ్‌ చిత్రంలోనే ఓ ఫొటోను పోస్ట్‌ చేశారు. ట్రాఫిక్‌ చలాన్లను చెల్లించేందుకు రుణాల కోసం బ్యాంకుల ముందు బారులు తీరిన ప్రజలంటూ తమదైన శైలిలో ట్వీట్ల మీద ట్వీట్లు చేస్తున్నారు.  చదవండి: ట్రాఫిక్‌ జరిమానాలు సగానికి తగ్గించారు ఆటోమొబైల్‌ కంపెనీల అమ్మకాలు భారీగా పడిపోవడానికి కారణం యూత్‌ కొత్త కార్ల కొనుగోలుకు మొగ్గుచూపకుండా ఊబర్, ఓలా క్యాబ్‌ల పట్ల ఆకర్షితులవడమేనంటూ కేంద్ర ఆర్థిక మంత్రి నిర్మలా సీతారామన్‌ చేసిన వ్యాఖ్యలను కూడా వారు వదిలి పెట్టలేదు. ఇంతకుముందు సంగతేమోగానీ సెప్టెంబర్‌ ఒకటవ తేదీ నుంచి పెంచిన చలాన్లు అమల్లోకి వస్తాయని ప్రకటించిన నాటి నుంచి వాహనాల కొనుగోలు భయంకరంగా పడిపోయిందని పలువురు సెటైర్లు వేశారు. రోడ్లు, ట్రాఫిక్‌ లైన్లు అన్ని సవ్యంగా ఉన్నప్పుడు ట్రాఫిక్‌ నిబంధనలను కచ్చితంగా అమలు చేయాలని, అందుకు భారీ వడ్డింపులే మార్గమని ఆలోచిస్తే బాగుండేదని కూడా సోషల్‌ మీడియా యూజర్లు సూచిస్తున్నారు.  రోడ్డుపై ఎన్ని గుంతలు ఉంటే గుంతకు రోజుకు వెయ్యి రూపాయల చొప్పున మున్సిపాలిటీకి, తెల్లటి, నల్లటి ట్రాఫిక్‌ చారికల్‌ సవ్యంగా లేకపోతే లైన్‌కు ఐదు వందల రూపాయల చొప్పున ట్రాఫిక్‌ విభాగానికి ముందుగా చలాన్లు విధించండని, ఆ తర్వాతనే వాహనదారుల జోలికి రావడమే సమంజసమని పలువురు సూచించారు. 

సాక్షి, విజయవాడ తూర్పు : వాహన చోదకులు ట్రాఫిక్‌ రూల్స్‌ పాటించాలని, లేదంటే కఠిన చర్యలు తీసుకుంటామని ట్రాఫిక్‌ ఇన్‌స్పెక్టర్‌ శివశంకర్‌ హెచ్చరించారు. నిబంధనలు పాటించకుండా వాహనాలు నడిపే పలువురిని అదుపులోకి తీసుకుని కేసులు నమోదు చేశారు. ఈ మేరకు సోమవారం నగరంలోని పలు కూడళ్లల్లో స్పెషల్‌ డ్రైవ్‌ నిర్వహించారు. నిబంధనలు పాటించని వాహన చోదకులను అదుపులోకి తీసుకున్నారు. మోటారు వాహనాల చట్టం ప్రకారం 257 కేసులు నమోదు చేసి వారి వద్ద నుంచి రూ.1.05 లక్షలు అపరాధ రుసుం వసూలు చేశారు. వారి వాహనాలు సీజ్‌ చేశారు. అలాగే, తనిఖీల్లో పట్టుబడ్డ వారికి మంగళవారం బందరు రోడ్డులోని వ్యాస్‌ కాంప్లెక్స్‌లో ట్రాఫిక్‌ నిబంధనల ఉల్లంఘనల వలన కలిగే అనర్థాల గురించి షార్టు ఫిల్మ్‌లు ప్రదర్శించి కౌన్సెలింగ్‌ ఇచ్చారు. ఈ సందర్భంగా ఎస్‌ఐ శివశంకర్‌ మాట్లాడుతూ వాహన చోదకులు ట్రాఫిక్‌ రూల్స్‌ తప్పనిసరిగా పాటించాలన్నారు. లేదంటే కఠిన చర్యలు తీసుకుంటామని స్పష్టం చేశారు. ఇటీవల సుప్రీంకోర్టు రోడ్డు ప్రమాదాల కేసులను తీవ్రమైనవిగా పరిగణించాలని సూచించిందని తెలిపారు. అందులో భాగంగా తనిఖీలు ముమ్మరం చేశామని చెప్పారు. వాహన చోదకులు కూడా ట్రాఫిక్‌ నిబంధనలు పాటించాలని సూచించారు. నగరంలో సగటున రోడ్డు ప్రమాదాలలో రోజుకు ఒకరు మృతి చెందుతున్నారని, వీరిలో టూ వీలర్‌ నడుపుతున్న వారు ఎక్కువగా ఉన్నారని తెలిపారు. కాబట్టి ప్రతి ఒక్కరు వాహనాలు నడిపే సమయంలో తగు జాగ్రత్తలు తీసుకుని ట్రాఫిక్‌ నియమాలు పాటించి సురక్షితంగా గమ్యస్ధానాలకు చేరుకోవాలన్నారు. ఈ కార్యక్రమంలో ట్రాఫిక్‌ ఇన్‌స్పెక్టర్‌ రావి సురేష్‌రెడ్డి, ట్రాఫిక్‌ సిబ్బంది పాల్గొన్నారు. 

ముంబై: ట్రాఫిక్‌ ఉల్లంఘనలపై ఉక్కుపాదం మోపేందుకు కేంద్ర ప్రభుత్వం ఇటీవల నూతన మోటారు వాహన చట్టాన్ని అమల్లోకి తీసుకొచ్చిన సంగతి తెలిసిందే. పలు రాష్ట్రాల్లో సెప్టెంబర్‌ 1 నుంచి కొత్త మోటారు వాహన చట్టం అమల్లోకి వచ్చింది. దీంతో ట్రాఫిక్‌ ఉల్లంఘనలకు సంబంధించిన చలాన్లు భారీమొత్తంలో పెరిగాయి. ఈ చట్టం అమలులోకి రావడంతో ఢిల్లీ శివారులోని గురుగ్రామ్‌లో డ్రంక్‌ అండ్‌ డ్రైవ్‌ చేసిన పలువురు వాహనదారులకు ఒక్కరోజే ఏకంగా రూ. 59వేల వరకు జరిమానాలు విధించారు. ఈ నేపథ్యంలో బీజేపీ మిత్రపక్షం శివసేన ట్రాఫిక్‌ జరిమానాలపై ఆందోళన వ్యక్తం చేసింది. ట్రాఫిక్‌ ఉల్లంఘనలపై భారీ జరిమానాలు విధించడంలోని ఆంతర్యమేమిటని కేంద్ర ప్రభుత్వాన్ని ప్రశ్నించింది. ట్రాఫిక్‌ ఉల్లంఘనలపై ఈస్థాయిలో జరిమానాలు విధిస్తే.. సామాన్య ప్రజలు ఎలా భరిస్తారని ప్రశ్నించింది. కొత్త మోటారు వాహన చట్టానికి తాను వ్యతిరేకం కాదని, కానీ జరిమానాలు సామాన్య ప్రజలు భరించలేనివిధంగా చాలా ఎక్కువగా ఉండటాని తాము వ్యతిరేకిస్తున్నామని శివసేన అధికార పత్రిక సామ్నా తన సంపాదకీయంలో పేర్కొం‍ది. ‘కొత్త చట్టంలో ట్రాఫిక్‌ నిబంధనల ఉల్లంఘనలకు దాదాపు పదిరెట్లు ఎక్కువగా జరిమానాలు పెంచారు. కొత్త చట్టం ఆహ్వానించదగిందే. కానీ మన దేశంలో నిరుపేదలకు అంత భారీస్థాయి జరిమానాలు భరించే స్తోమత ఉందా?’ అని సామ్నా పేర్కొంది. నితిన్‌ గడ్కరీ ప్రవేశపెట్టిన ఈ చట్టంలో పెద్దమొత్తంలో జరిమానాలు ప్రతిపాదించడంతో తీవ్ర విమర్శలు వస్తున్నాయని తెలిపింది. ఇప్పటికైనా కేంద్ర రవాణా మంత్రిత్వశాఖ భారీగా పెంచిన జరిమానాలపై పునరాలోచన చేయాలని విజ్ఞప్తి చేసింది. రోడ్ల మీద అనేక గుంతలు ఉన్నాయని, ఆ గుంతల వల్ల ప్రమాదాలు జరుతున్నాయని, ఈ గుంతలు సరిచేసి.. రహదారులను చక్కగా తీర్చిదిద్దిన అనంతరం కొత్త చట్టాన్ని అమల్లోకి తీసుకొస్తే బాగుండేదని సామ్నా అభిప్రాయపడింది. రోడ్లను సరిచేసేవరకు కొత్త చట్టం అమలును నిలిపేయాలన్న గోవా కాంగ్రెస్‌ డిమాండ్‌ను ఈ సందర్భంగా ‘సామ్నా’ తన సంపాదకీయంలో ప్రస్తావించింది.  

సాక్షి, సిటీబ్యూరో: సాధారణ ప్రజలు ట్రాఫిక్‌ ఉల్లంఘనలకు పాల్పడితే జరిమానా పడుతుంది. ఇదే పని పోలీసులు చేస్తే ఇప్పటి వరకు వారికి ఫైన్‌తో పాటు తాఖీదులు, తీవ్రమైన వాటికి పాల్పడితే బదిలీ అనివార్యం అవుతోంది. త్వరలో అమలులోకి రానున్న సవరణలతో కూడిన మోటారు వాహనాల చట్టం ఫలితంగా పోలీసులపై ఈ భారం మరింత పెరగనుంది. హోంగార్డు నుంచి ఉన్నతాధికారి వరకు ఎవరైనా ట్రాఫిక్‌ నిబంధనల్ని ఉల్లంఘిస్తే... కొత్త చట్టంలో చేర్చిన సెక్షన్‌ 210–బీ ప్రకారం వారికి రెట్టింపు వడ్డన ఉంటుంది. అంటే సాధారణ ప్రజలకు ఆ ఉల్లంఘనలకు ఎంత జరిమానా విధిస్తారో... వీరికి ఆ మొత్తానికి రెట్టింపు వేస్తారు. దీనిపై నగర ట్రాఫిక్‌ చీఫ్‌ అనిల్‌కుమార్‌ అధికారులు, సిబ్బందికి అవగాహన కల్పిస్తున్నారు. ఈ మేరకు గురువారం ఆయన ఓ లేఖ రాశారు. ట్రాఫిక్‌ ఉల్లంఘనలకు సంబంధించి ఇప్పటి వరకు దాదాపు 371 మంది పోలీసు సిబ్బంది, అధికారులకు ఉన్నతాధికారులు చార్జ్‌మెమోలు జారీ చేశారు. వీరిలో 30 మందిని హెడ్‌–క్వార్టర్స్‌ సహా వివిధ విభాగాలకు ఎటాచ్‌ చేస్తూ వేటు వేశారు. మరోపక్క పోలీసులకు సంబంధించిన అధికారిక, వ్యక్తిగత వాహనాలపై ఉన్న జరిమానాలను తక్షణం చెల్లించాల్సిందిగా ఆదేశాలు జారీ చేశారు. రహదారి భద్రతకు సంబంధించి అంశాలు, నిబంధనల్ని క్షేత్రస్థాయిలో ట్రాఫిక్, శాంతిభద్రతల అధికారులే అమలు చేస్తుంటారు. ఇలాంటి అధికారాలు ఉన్న వారే తప్పులు చేస్తే ప్రజల్లో చులకన భావం ఏర్పడుతుందని ఉన్నతాధికారులు భావిస్తున్నారు. ఈ నేపథ్యంలో ఇప్పటికే నగరంలోని హెల్మెట్‌ నిబంధన పక్కా చేసినప్పుడు కమిషనరేట్, సెంట్రల్‌ క్రైమ్‌ స్టేషన్‌ (సీసీఎస్‌) వద్దకు ద్విచక్ర వాహనాలపై వచ్చే ప్రతి అధికారి/సిబ్బంది కచ్చితంగా దీనిని ధరించాల్సిందేనని ఉన్నతాధికారులు స్పష్టం చేశారు. లేని పక్షంలో ఆయా వాహనాలను లోపలకు అనుమతించవద్దంటూ ఉత్తర్వులు జారీ చేశారు. ఎంవీ యాక్ట్‌లోకి కొత్తగా వచ్చిన 210–బీను అనుసరిస్తూ ఈ విధానాలను మరింత విస్తరిస్తూ నిర్ణయం తీసుకున్నారు. నగర పోలీసు విభాగంలో పని చేస్తున్న పది వేల మందికి పైగా సిబ్బంది నిత్యం ఇళ్ల నుంచి పోలీసుస్టేషన్‌/ కార్యాలయం మధ్య, వ్యక్తిగత/అధికారిక పనుల నిమిత్తం రాకపోకలు సాగిస్తుంటారు. ఇలా వీరు రాకపోకలు సాగిస్తున్న నేపథ్యంలో అత్యధిక శాతం యూనిఫాంలోనే ఉంటున్నారు. ఈ సిబ్బంది/అధికారులు వినియోగిస్తున్న వాటిలో ప్రైవేట్‌ వాహనాలతో పాటు ప్రభుత్వం అందించినవీ ఉంటున్నాయి. ఇలాంటి సందర్భాల్లో యూనిఫాంలో ఉన్న పోలీసులతో పాటు పోలీసు వాహనాలు ఉల్లంఘనలకు పాల్పడితే తేలిగ్గా గుర్తించి వారికి రెట్టింపు జరిమానా విధించవచ్చు. అదే ఓ అధికారి మఫ్టీలో తన ప్రైవేట్‌ వాహనం వినియోగించి ఉల్లంఘనలకు పాల్పడితే వారిని ఎలా గుర్తిస్తారని నగర వాసులు ప్రశ్నిస్తున్నారు. పోలీసులు చేస్తున్న ఉల్లంఘనలకు సంబంధించి పక్కా ఆధారాలు ఉంటేనే ఉన్నతాధికారులు చర్యలు తీసుకుంటున్నారు. మొత్తం నాలుగు రకాల సాధనాల ద్వారా ఇవి పోలీసులకు చేరుతున్నాయి. ప్రాథమికంగా క్షేత్రస్థాయిలో విధుల్లో ఉంటున్న సిబ్బంది తమ చేతిలో ఉండే కెమెరాల ద్వారా చిత్రీకరిస్తున్నారు. దీంతో పాటు బషీర్‌బాగ్‌లోని కమిషనరేట్‌లో ఉన్న ట్రాఫిక్‌ కమాండ్‌ అండ్‌ కంట్రోల్‌ సెంటర్‌ నుంచీ ఫొటోలు తీస్తున్నారు. ఈ రెంటితో పాటు సోషల్‌మీడియాలో సర్క్యులేట్‌ అవుతున్న వాటిని, పత్రికల్లో ప్రచురితం/ప్రసారం అయిన ఫొటోలను పరిగణలోకి తీసుకుంటున్నారు. ఇలా సేకరించిన ఫొటోలను కమాండ్‌ అండ్‌ కంట్రోల్‌ సెంటర్‌ సిబ్బంది అధ్యయనం చేస్తున్నారు. ఆ సమయంలో వాహనాన్ని నడిపింది ఎవరు? అనేది నిర్థారించిన తర్వాత ప్రాథమికంగా సదరు పోలీసులను నుంచి జరిమానా వేస్తున్నారు. ఈ నేపథ్యంలోనే ఇకపై ప్రతి హోంగార్డు నుంచి ఉన్నతాధికారి వరకు ప్రతి ఒక్కరూ బాధ్యతగా ఉండి ట్రాఫిక్‌ ఉల్లంఘనలకు పాల్పడకుండా వ్యవహరించాలని అనిల్‌కుమార్‌ కోరారు. 

సాక్షి, హైదరాబాద్‌: హెల్మెట్‌ లేకపోయినా ఏం పరవాలేదు అని డ్రైవింగ్‌ చేస్తున్నారా.. మద్యం తాగి వాహనం నడుపుతున్నారా.. ఆ.. ఏముంది వందో రెండు వందలో జరిమానా కడితే సరిపోతుంది అని ఆలోచిస్తున్నారా?.. ఇకపై మీ పప్పులుడకవు. ఎందుకంటే వేలకు వేలు జరిమానా కట్టాల్సిందే. అంతేగాకుండా కొన్ని నిబంధనలు పాటించకుంటే ఏకంగా డ్రైవింగ్‌ లైసెన్స్‌ కూడా రద్దు చేస్తారు. ఇంకా ఉంది.. ఓవర్‌ లోడింగ్‌ ప్రయాణికులను ఎక్కించుకుంటే ఒక్కో ప్రయాణికునికి రూ.1000 చొప్పున ముక్కుపిండి మరీ వసూలు చేస్తారు. ఈ మేరకు వచ్చే ఆదివారం (సెప్టెంబర్‌ 1) నుంచి ‘మోటారు వాహనాల సవరణ చట్టం–2019’ అమల్లోకి రానుంది. దీనికి సంబంధించి కేంద్ర రవాణాశాఖ బుధవారం రాత్రి నోటిఫికేషన్‌ జారీ చేసింది. ఇకపై నిబంధనలు పాటించకుంటే జరిమానాలు 100 నుంచి 500 శాతం పెరగనున్నాయి. ప్రధానంగా 25 ఉల్లంఘనలకు సంబంధించిన జరిమానాలు భారీగా పెరుగుతున్నాయి. ఈ చట్ట సవరణలో ఉన్న మరో కీలకాంశం ఏమిటంటే.. ఇకపై ట్రాఫిక్‌ జరిమానాల మొత్తం ఏటా 10 శాతం చొప్పున పెరుగుతూ ఉంటుంది.  గురువారం నోటిఫికేషన్‌ అందుకున్న రాష్ట్ర రవాణాశాఖ, వాటిని రాష్ట్రంలో అమలు చేసేందుకు కసరత్తు ప్రారంభించింది. శనివారం గాని, వినాయకచవితి సెలవు ముగిసిన త ర్వాత మంగళవారం గాని ఉత్తర్వు జారీ కానుందని రవాణాశాఖ అధికారి ఒకరు వెల్లడించారు.  గోల్డెన్‌ అవర్‌ నిధి..  ప్రమాదాలు చోటుచేసుకున్నప్పుడు ‘గోల్డెన్‌ అవర్‌’ గా పరిగణించే మొదటి గంట అత్యంత కీలకం. ఈ సమయంలో వైద్యం అందితే మరణాల సంఖ్య గణనీయంగా తగ్గుతుంది. అందుకే ‘గోల్డెన్‌ అవర్‌’లో క్షతగాత్రులకు ఉచిత చికిత్స అందించేలా నిబంధన తీసుకొచ్చారు. దీని కోసం కేంద్రం ప్రత్యేకంగా ‘మోటారు వెహికిల్‌ యాక్సిడెంట్‌ ఫండ్‌’ ఏర్పాటు చేయనుంది. దీని ద్వారానే ఆయా ఆస్పత్రులకు చికిత్సకైన ఖర్చులు చెల్లిస్తారు. దేశంలో ఉన్న ప్రతి రోడ్‌ యూజర్‌కు నిబంధనలకు లోబడి ఈ ఫండ్‌ ద్వారా బీమా ఉంటుంది. కొత్త నిబంధనల ప్రకారం వాహనాల రిజిస్ట్రేషన్‌తోపాటు డ్రైవింగ్‌ లైసెన్స్‌ పొందడానికి ఆధార్‌ తప్పనిసరి. అలాగే ప్రమాదాలకు సంబంధించి వివిధ సందర్భాల్లో ప్రభుత్వాలు ఇస్తున్న పరిహారం భారీగా పెరగనుంది. గుర్తుతెలియని వాహనాలు ఢీకొని ఎవరైనా చనిపోతే ప్రభుత్వం ప్రస్తుతమిస్తున్న రూ.25 వేల పరిహారం రూ.2 లక్షలకు, క్షతగాత్రులకు ఇస్తున్న రూ.12,500 నుంచి రూ.50 వేలకు పెంచారు. రోడ్డు ప్రమాదాల్లో క్షతగాత్రులకు సహకరించే వ్యక్తులు తమ వివరాలను అటు పోలీసులు, ఇటు వైద్యాధికారులకు చెప్పాల్సిన అవసరం లేకుండా నిబంధన పొందుపరిచారు.  తల్లిదండ్రులూ బాధ్యులే..  ప్రమాణాలకు అనుగుణంగా లేని వాహనాలను రీకాల్‌ చేసే అధికారం ప్రభుత్వాలకు ఉంటుంది. అలాంటి వాహనాలకు ఉత్పత్తి చేసిన కంపెనీలకు గరిష్టంగా రూ.500 కోట్ల వరకు జరిమానా విధించే ఆస్కారం లభిస్తుంది. మైనర్లు వాహనం నడుపుతూ చిక్కితే ఆ చర్య తమకు తెలియకుండానో, తాను వారిస్తున్నా జరిగిందని తల్లిదండ్రులు/సంరక్షకుడు నిరూపించుకోవాలి. లేదంటే వారికీ జైలు శిక్ష, జరిమానా తప్పవు. మైనర్లు వాహనాలు నడుపుతూ లేదా ఉల్లంఘనలకు పాల్పడుతూ చిక్కితే వారి తల్లిదండ్రులకు రూ.25 వేల జరిమానా, మూడేళ్ల జైలు శిక్ష తప్పదు. ఆ మైనర్‌పైనా చట్ట ప్రకారం చర్యలు ఉంటాయి. వాహనం రిజిస్ట్రేషన్‌ శాశ్వతంగా రద్దు అవుతుంది. లా ఎన్‌ఫోర్స్‌మెంట్‌ ఏజెన్సీలుగా పరిగణించే ట్రాఫిక్‌ అధికారులు, పోలీసులు ఉల్లంఘనలకు పాల్పడితే సాధారణ వ్యక్తులకు విధించే జరిమానాకు రెట్టింపు విధిస్తారు.   పెండింగ్‌ చలాన్లు.. చకచకా..  మరో 3 రోజుల్లో కొత్తగా పెంచిన జరిమానాలు అమల్లోకి రానుండటంతో పెండింగ్‌ ఈ–చలాన్లను వాహన చోదకులు భారీగా క్లియర్‌ చేస్తున్నారు. సాధారణ రోజుల్లో ఈ–చలాన్‌ చెల్లింపులు రోజుకు రూ.50 లక్షల వరకు ఉంటాయి. అయితే గడిచిన 4 రోజుల చెల్లింపులు పరిశీలిస్తే రూ.65 లక్షలు, రూ.68 లక్షలు, రూ.2.08 కోట్లు, రూ.2.38 కోట్లుగా ఉండి రికార్డు సృష్టిస్తున్నాయి.  

సాక్షి, వేటపాలెం (ప్రకాశం): మీ పిల్లలకు వాహనాలిస్తున్నారా? మైనర్‌ అయి ఉండి పోలీసులకు పట్టుబడితే ఇకపై మీరు జైలుకెళ్లాల్సి ఉంటుంది. మద్యం తాగి వాహనం నడుపుతూ పోలీసులకు పట్టుబడితే నామమాత్రపు జరిమానా చెల్లించి బయటపడొచ్చని అనుకుంటున్నారా? ఇక మీదట డ్రంక్‌ అండ్‌ డ్రైవ్‌లో పట్టుబడితే మాత్రం భారీ జరిమానాతో పాటు జైలుకెళ్లాల్సిందే. రోడ్డుపై ప్రయాణిస్తున్న సమయంలో అంబులెన్సుకు దారి ఇవ్వకపోతే ఇకపై భారీ జరిమానా చెల్లించుకోవాల్సిందే. ఇలా ట్రాఫిక్‌ నిబంధనలు ఉల్లంఘించే వారికి వచ్చే నెల 1 నుంచి భారీగా జరిమానాలు పోలీసులు విధించనున్నారు. మోటారు వాహనాల చట్టం ప్రకారం ట్రాఫిక్‌ నిబంధనలు ఉల్లంఘిస్తే భారీ జరిమానాలతో పాటు జైలుశిక్ష అనుభవించాల్సి ఉంటుంది. ఈ మేరకు మోటారు వాహనాల చట్ట సవరణ బిల్లును కేంద్ర మంత్రివర్గం ఇటీవల ఆమోదించింది. ఇప్పటి వరకు విధించే జరిమానాలు కొన్ని రెట్టింపు కాగా, మరికొన్ని మూడు, నాలుగు రెట్లు పెంచుతూ కేంద్ర ప్రభుత్వం నిర్ణయం తీసుకుంది. చిన్న పిల్లలకు వాహనాలు ఇస్తే పిల్లల తల్లిదండ్రులకు లేదా సంరక్షకులకు రూ. 25 వేల జరిమానాతో పాటు మూడేళ్ల జైలుశిక్ష విధించే అవకాశం ఉంది. దీంతోపాటు డ్రైవింగ్‌ లైసెన్స్‌ రద్దు చేసే అవకాశమూ ఉంది. ఒకవేళ పిల్లలు ప్రమాదం చేస్తే తల్లిదండ్రులు, సంరక్షకులను దోషులుగా నిర్ధారిస్తారు. రోడ్డుపై వెళ్లే అంబులెన్సుకు దారి ఇవ్వకపోతే రూ. 10 దివేల జరిమానా చెల్లించాలి. వాహనం నడిపేటప్పుడు ట్రాఫిక్‌ నిబంధనలు ఉల్లంఘించే వారికి భారీగా జరిమానాలు విధించేలా నూతన బిల్లును కేంద్ర ప్రభుత్వం రూపొందించింది. ఇటీవల జిల్లాలో డ్రంక్‌ అండ్‌ డ్రైవింగ్‌ కేసులు గణనీయంగా పెరుగుతున్నాయి. మరోవైపు హైవేలపై జరుగుతున్న ప్రమాదాల సంఖ్య పెరుగుతుండటం ఆందోళన కలిగిస్తోంది. ప్రధానంగా ట్రాఫిక్‌ నిబంధనలు పాటించకపోవడం, మద్యం మత్తులో జరిగే ప్రమాదాలు తరచూ చోటు చేసుకుంటున్నాయి. అయితే ట్రాఫిక్‌ నిబంధనల ఉల్లంఘనపై భారీ ఎత్తున జరిమానాలు విధించేందుకు అటు పోలీసులు, ట్రాఫిక్‌ అధికారులతో పాటు రవాణా శాఖ అధికారులు సిద్ధమయ్యారు. డ్రైవింగ్‌ లైసెన్స్‌ లేకుండా వాహనం నడిపితే రూ.10 వేలు జరిమానా చెల్లించాల్సి ఉంటుంది. అంతే కాకుండా డ్రైవింగ్‌ లైసెన్స్‌ ఉల్లంఘనకు పాల్పడే వాహనదారులకు రూ. 1లక్ష వరకు జరిమానా విధించే అధికారం ఆయా శాఖల అధికారులకు ఉంది. రోడ్డుపై పరిమితికి మించి వేగంగా దూసుకెళ్లే వాహనదారులకు రూ. 1000 నుంచి రూ. 2 వేల వకు జరిమానా విధించాలని నిబంధనల్లో పేర్కొన్నారు. వాహన బీమా లేకుండా వాహనం నడిపితే రూ. 2వేలు , సీటుబెల్టు లేకుండా వాహనం నడిపితే వెయ్యి రూపాయల జరిమానాతో పాటు మూడు నెలలు డ్రైవింగ్‌ లైసెన్స్‌ రద్దు చేస్తారు. హెల్మెట్‌ లేకుండా ప్రయాణం చేసినా రూ. 1000 జరిమానాతో పాటు మూడు నెలలు డ్రైవింగ్‌ లైసెన్స్‌ రద్దు చేస్తారు. ట్రాఫిక్‌ సిగ్నల్స్‌ ఉల్లంఘిస్తే రూ. 500 జరిమానా మద్యం తాగి వాహనం నడుపుతూ పట్టుబడితే రూ. 10 వేలు జరిమానాతో పాటు జైలుశిక్ష అనుభవించాలి. రవాణా చేసే వాహనాలు ఓవర్‌ లోడుతో పట్టుబడితే రూ. 20 వేలు చెల్లించేలా నిబంధనల్లో మార్పు చేశారు. అధికారులే ఉల్లంఘిస్తే జరిమానాలు రెట్టింపు అవుతాయని నిబంధనల్లో పేర్కొన్నారు. ఈ నిబంధనలు అమల్లోకి వస్తే ప్రమాదాలు తగ్గుతాయని భావిస్తున్నారు.

సాక్షి, కరీంనగర్‌: కరీంనగర్‌లో వాహనాల సంఖ్య వేగంగా పెరుగుతోంది. అంతే వేగంగా ట్రాఫిక్‌ ఉల్లంఘనలు పెరుగుతున్నాయి. త్వరగా గమ్యస్థానాలకు చేరుకోవాలని నిబంధనలను లెక్కచేయడంలేదు. అతివేగం నియంత్రణకు పోలీసులు ఈ చలాన్‌ ద్వారా జరిమానా విధిస్తున్నా ఉల్లంఘనలు మాత్రం తగ్గడంలేదు. ఒకవైపు జరిమానా చెల్లిస్తూనే మరోవైపు ‘నో రూల్స్‌’ అంటూ ఇష్టారాజ్యంగా వాహనాలు నడుపుతున్నారు. ట్రాపిక్‌ పోలీసులు ప్రత్యేక డ్రైవ్‌ చేపడుతున్నా అవకాశం దొరికితే చాలు రూల్స్‌ అతిక్రమిస్తున్నారు. తమను ఎవరూ చూడడం లేదని అనుకుంటూన్నారు. కానీ నిఘా నేత్రాలు ఉల్లంఘనలను కెమెరాల్లో బంధిస్తున్నాయి. దీంతో ప్రతినెలా జరిమానా వీపరితీంగా పెరిగిపోతున్నాయి. కరీంనగర్‌ కమిషనరేట్‌ పరిధిలో 8 నెలల్లోనే రూ.10,27,09,200 జరిమాన వసూలవడమే ఇందుకు నిదర్శనం. కేసుల రకాలు కేసులు జరిమానాలు(రూ.) రాంగ్‌రూట్‌ డ్రైవింగ్‌/ జిగ్‌జాగ్‌ డ్రైవింగ్‌  29,142 89,48,200 ఒవర్‌లోడు కేసులు 23 10,800 సెల్‌ఫొన్‌ డ్రైవింగ్‌ కేసులు 650 6,50,000 మైనర్‌ డ్రైవింగ్‌ కేసులు 128 64,300 ట్రిపుల్‌ రైడింగ్‌ కేసులు 2,340 2,88,000 నంబర్‌ప్లేట్‌ మార్పు కేసులు 1,326 3,17,900 ఈ చలాన్‌తో జరిమానాల వేగం...  రాష్ట్ర వ్యాప్తంగా పలు దశల్లో ఈచలాన్లు అమలు చేశారు. మొదట హైదారాబాద్‌లో అమలు చేయగా అక్కడ విజయవంతం కావడంతో 2018, డిసెంబర్‌ 23 నుంచి కరీంనగర్‌లో ఈ చలాన్‌ విధానం ప్రారంభించారు. గతంలో ట్రాఫిక్‌ ఉల్లంఘనలకు పాల్పడే వారిని అక్కడిక్కడే పట్టుకుని జరిమానా నేరుగా వసూలు చేసేవారు. దీనితో ఇటు వాహనాదారులు, అటు పోలీసులు కూడా ఇబ్బంది పడేవారు. కొన్నిసార్లు వాహనదారుడి వద్ద నగదు లేకపోవడంతో వాహనాన్ని పట్టుకుని రావడం, వాటిని భద్రపరచడం పోలీసులు తలకుమించి భారంగా మారేది. జరిమానాల విషయంలో కూడా పోలీసులు పలు ఆరోపణలు ఎదుర్కొన్నారు. వీటన్నంటికీ చెక్‌ పెడుతూ ఈ చలాన్‌ అమలు చేయడం ప్రారంభించారు. ఈపద్ధతితో అక్కడిక్కడే జరిమానా చెల్లించాల్సిన అవసరం లేకపోవడం, వాహనాలను వాహనాదారులు తీసుకుని వెళ్లడం చేయడం వల్ల వాహనాదారులు వీలు చూసుకుని ఆన్‌లైన్‌లో జరిమానాలు చెల్లిస్తున్నారు. ఉల్లంఘనలే.. ఉల్లంఘనలు..  కరీంనగర్‌లో ట్రాఫిక్స్‌ రూల్స్‌ ఉల్లంఘనలు వీపరితంగా పెరిగిపోయాయి. వాహనదారులు ట్రాఫిక్‌ నిబంధనలపై అవగాహన లేకుండా రోడ్లపైకి వస్తున్నారు. యథేచ్ఛగా ఉల్లంఘనలకు పాల్పడుతున్నారు. కరీంనగర్‌లో అత్యధికంగా రాంగ్‌రూట్‌ డ్రైవింగ్‌ , జిగ్‌జాగ్‌ డ్రైవింగ్‌ కేసులు ఎక్కువగా నమోదవుతున్నాయి. ఈ చలాన్‌ పద్ధతి అమలు చేసిన నాటి నుంచి 2019, జులై 31 వరకు 29,142 కేసులు నమోదు కాగా జరిమానాల రూపంలో భారీగా రూ.89.49 లక్షల జరిమానాల చెల్లించారు. తర్వాత స్థానం ట్రిపుల్‌ రైడింగ్‌ కేసులు ఉన్నాయి. ఇవి 2,340 కేసులు నమోదు కాగా రూ.28.08 లక్షల జరిమానా చెల్లించారు. హెల్మెట్‌ లేకుండా నమోదు అవుతున్నా కేసులు కూడా అధికంగా ఉంటున్నాయని ట్రాఫిక్‌ పోలీసులు పేర్కొంటున్నారు. సరాసరి రోజుకు సుమారు 150 వరకూ నో హెల్మెట్‌ కేసులు నమోదు అవుతున్నాయని తెలిపారు. కరీంనగర్‌ ట్రాఫిక్‌ పోలీసులు పరిధిలో 2018 డిసెంబర్‌ నుంచి 2019 జులై వరకూ 2,104 కేసులు నమోదు కాగా వీటిలో 966 జరిమానాలు విధించారు. 1,085 మందికి జైలు శిక్ష అమలు చేశారు.  వీటిని బట్టి వాహనాలు ఇష్టారాజ్యంగా నడుపుతూ జరిమానాలు చెల్లించడానికి ఇబ్బందులు పడడం లేదని తెలుస్తోంది. నిబంధనలు ఎలా ఉన్నా జరిమానాలు చెల్లిసున్నాం కదా అన్న ధోరణి పెరిగిపోతోందని నిపుణులు పేర్కొంటున్నారు. పెరిగిన మైనర్‌ డ్రైవింగ్‌.. హైదారాబాద్‌ తర్వాత అత్యధిక మైనర్‌ డ్రైవింగ్‌ కేసులు నమోదు అవుతోంది కూడా కరీంనగర్‌లోనే. హైస్కూల్‌ స్థాయిలో వాహనాలు నడుపు తూ పోలీసులకు చిక్కుతున్నారు. దీనికి పోలీసు లు కేసులు నమోదు చేస్తే వారి భవిష్యత్‌ నాశమ వుతుందనే వదిలేస్తున్నారు. అయితే ఇదే అలుసుగా వాహనాలపై మైనర్లు దూసుకుపోతు న్నా రు. నగరంలో మైనర్లు అధిక వేగంతో దూసు కుని పోతున్నారని పలువురు పేర్కొంటున్నారు.  నిబంధనలు ఉల్లంఘిస్తే చర్యలు నగరంలో చాలా మంది ట్రాపిక్‌ నియమాలను పాటించకుండా వెళ్తున్నారు. ద్విచక్రవాహనంపై ముగ్గురు వెళ్లడం, రాంగ్‌రూట్‌లో వెళ్లడం, నో పార్కింగ్‌ ప్రాంతాలు వాహనాలు నిలపడం చెస్తున్నారు. ఇలాంటి ఘటనలను ట్రాపిక్‌ పోలీసులు కెమోరాల్లో బంధించి వాహనాల నంబర్‌ ప్లేట్లు కనిపించేలా ఫొటోలు తీస్తున్నారు. తర్వాత వాటిని ఈ చలాన్‌కు జతపరుస్తారు. వారం రోజుల వ్యవధిలోనే ఉల్లంఘించిన ట్రాపిక్‌ నియమ నిబంధనలు పేర్కొంటూ ఇంటికి రశీదు పంపతున్నారు. నెల రోజులోపు జరిమానా చెల్లించకుంటే వాహనం పట్టుబడినప్పుడు సీజ్‌ చేస్తున్నారు. అనంతరం జరిమానాలు చెల్లించి వాహనాన్ని తీసుకుని వెళ్లాలి. నిబంధనలు పాటించాలి ట్రాఫిక్‌ నిబంధనలు పాటించడం ద్వారా ప్రమాదాలు నివారించడంతోపాటు ఎలాంటి జరిమానాలు లేకుండా సాఫిగా వెళ్లొచ్చు. ఇతరులకు కూడా ఇబ్బంది లేకుండా భద్రంగా ఇంటికి చేరుకోవచ్చు. వాహనాదారులు ట్రాఫిక్‌ నిబంధనలపై అవగాహన పెంచుకోవాలి. నిబంధనలు పాటించని వాహనాదారుల, ట్రాపిక్‌ ఉల్లంఘనలకు జరిమానాలు విధిస్తాం.   – తిరుమల్, ఇన్‌స్పెక్టర్, ట్రాఫిక్‌ పోలీస్‌స్టేషన్, కరీంనగర్‌

సాక్షి, సిటీబ్యూరో: స్వాతంత్య్ర దినోత్సవ వేడుకల నేపథ్యంలో గురువారం గవర్నర్‌ అధికారిక నివాసమైన రాజ్‌భవన్‌లో ప్రత్యేక కార్యక్రమాలు జరుగనున్నాయి. ఈ నేపథ్యంలో సాయంత్రం 4.30 గంటల నుంచి నుంచి రాత్రి 8 గంటల వరకు రాజ్‌భవన్‌ రూట్‌లో ట్రాఫిక్‌ రద్దీగా ఉంటుంది. సోమాజిగూడలోని రాజీవ్‌గాంధీ విగ్రహం నుంచి ఖైతరాబాద్‌ చౌరస్తా వరకు రాజ్‌భవన్‌ రోడ్డు రెండువైపుల రహదారి రద్దీ ఉంటుంది, దీంతో ఈ రూట్‌లో ఆ సమయంలో వెళ్లే వాహనాదారులు ప్రత్యామ్నాయ రూట్లలో వెళ్లడం మంచిందని అదనపు సీపీ (ట్రాఫిక్‌) అనిల్‌కుమార్‌ సూచించారు. ఈ దారిలోట్రాఫిక్‌ ఆంక్షలు విధించడంతో పాటు కార్యక్రమానికి హాజరయ్యే ప్రముఖులు, అతిథులకు ప్రత్యేక పార్కింగ్, ప్రవేశాలు కల్పించినట్లు తెలిపారు.  ♦ వీవీఐపీలు ముఖ్యమంత్రి, సీఎంలు, డిప్యూటీ సీఎంలు, హైకోర్టు చీఫ్‌ జస్టిస్, శాసన మండలి ఛైర్మన్, స్పీకర్, కేంద్ర మంత్రి, క్యాబినెట్‌ మంత్రులు హాజరవుతారు. వీరి వాహనాలు గేట్‌ నెం.1 నుంచి రాజ్‌భవన్‌లోకి వెళ్లి, గేట్‌–2 నుంచి బయటకు రావాలి. ఆ తరువాత ఈ వాహనాలను రాజ్‌భవన్‌ కేటాయించిన పార్కింగ్‌ స్థలంలో పార్కు చేయాలి.   ♦ పింక్‌ కారు పాస్‌ కలిగిన ఇతర అతిథులు, గేట్‌ నెం.3 నుంచి లోపలికి వెళ్లి, లోపలే పార్కు చేయాలి. అదే గేట్‌ నుంచి బయటకు వెళ్లాలి. వైట్‌ కారు పాసు కల్గిన వారు గేట్‌ నెం.3 వద్ద ఆగి, ఆయా వాహనాలను ఎంఎంటీఎస్‌ పార్కింగ్‌ లాట్, ఎంఎంటీఎస్‌ సమీపంలోని పార్క్‌ హోటల్, మెట్రో రెసిడెన్సీ నుంచి నాసర్‌ స్కూల్‌ వరకు సింగిల్‌ లైన్, లేక్‌ వ్యూ గెస్ట్‌ హౌస్‌ ఎదురుగా సింగిల్‌ లైన్‌లో పార్కింగ్‌ చేసుకోవాలి. 

సాక్షి, సిటీబ్యూరో: పంద్రాగస్టు వేడుకల నేపథ్యంలో పోలీస్‌ విభాగం అప్రమత్తమైంది. గోల్కొండ కోటపై డేగకన్ను వేసింది. కశ్మీర్‌ పరిణామాల నేపథ్యంలో నిఘా విభాగాల హెచ్చరికలతో ఈసారి భద్రత మరింత కట్టుదిట్టం చేసింది. కోటతో పాటు చుట్టపక్కల ప్రాంతాలు, రహదారులను నిత్యం పర్యవేక్షించేందుకు ప్రత్యేక ఏర్పాట్లు చేస్తోంది. ఆయా మార్గాల్లో ఇప్పటికే ఉన్న ట్రాఫిక్, కమ్యూనిటీ సీసీ కెమెరాలకు తోడు తాత్కాలిక ప్రాతిపదికన అదనపు కెమెరాలు ఏర్పాటు చేసింది. గోల్కొండ కోటలో ప్రతి అణువూ రికార్డు అయ్యేలా చర్యలు తీసుకుంది. మొత్తమ్మీద 120 అదనపు సీసీ కెమెరాలు ఏర్పాటు చేసి బషీర్‌బాగ్‌ పోలీసు కమిషనరేట్‌లోని కమాండ్‌ అండ్‌ కంట్రోల్‌ సెంటర్‌ (సీసీసీ)కు అనుసంధానించింది. దీంతో పాటు స్థానిక పోలీస్‌ స్టేషన్, గోల్కొండ కోట వద్ద ఉన్న కంట్రోల్‌ రూమ్‌లోనూ దృశ్యాలను చూసేలా ఏర్పాటు చేసింది. కోటతో పాటు చుట్టుపక్కల ప్రాంతాల్లోని పరిస్థితుల్ని ఎప్పటికప్పుడు బేరీజు వేస్తూ అనుకోని సవాళ్లు ఎదురైతే వ్యూహాత్మకంగా ఎదుర్కోవడానికి ఈ నిఘా ఉపకరించనుంది. సీసీసీలో ఉండే మ్యాప్‌ల ద్వారా గోల్కొండ కోట చుట్టుపక్కల మార్గాలనూ అధ్యయనం చేసే అవకాశం ఉంది. వీటిని ఎప్పటికప్పుడు గమనిస్తుండే సీసీసీలోని అధికారులు అవసరానికి తగ్గట్టు స్థానిక పోలీసుల్ని అప్రమత్తం చేయడంతో పాటు అదనపు బలగాలను మోహరించేందుకు ఉపయోగించనున్నారు. ఈ తాత్కాలిక సీసీ కెమెరాల పనితీరుపై సీసీసీ అధికారులు సోమవారం ట్రయల్‌ రన్‌ నిర్వహించి సంతృప్తి వ్యక్తం చేశారు. పంద్రాగస్టు వేడుకలు జరిగే గోల్కొండ కోటతో పాటు గవర్నర్‌ అధికార నివాసమైన రాజ్‌భవన్‌కు నగర పోలీసులు పటిష్ట భద్రత ఏర్పాట్లు చేస్తున్నారు. వేడుకల ఏర్పాట్లపై నగర పోలీసు కమిషనర్‌ అంజనీకుమార్‌ అన్ని విభాగాలతో సమీక్షలు నిర్వహిస్తున్నారు. గోల్కొండ కోట, పరేడ్‌గ్రౌండ్స్‌కు వచ్చే సందర్శకులు తమ వెంట హ్యాండ్‌బ్యాగ్‌లు, కెమెరాలు, టిఫిన్‌ బాక్సులు, వాటర్‌బాటిళ్లు తదితర తీసుకురావడం నిషేధించారు. ఈ మేరకు అంజనీకుమార్‌ మంగళవారం ఉత్తర్వులు జారీ చేశారు. అత్యవసరమై ఎవరైనా తీసుకొచ్చినా కచ్చితంగా సోదా చేయాలని నిర్ణయించారు. నిఘా వర్గాల హెచ్చరికల నేపథ్యంలో నగర వ్యాప్తంగా గస్తీ ముమ్మరం చేశారు. అడుగడుగునా నాకాబందీ, తనిఖీలు నిర్వహిస్తున్నారు. జనసమ్మర్థ ప్రాంతాలతో పాటు బస్సులు, రైళ్లల్లోనూ పోలీసులు సోదాలు నిర్వహిస్తున్నారు. లాడ్జిలు, అనుమానిత ప్రాంతాలపై డేగకన్ను వేశారు. నగర వ్యాప్తంగా పెద్ద ఎత్తున మఫ్టీ పోలీసులను మోహరించారు. గోల్కొండ కోటలోకి దారితీసే ప్రతి ద్వారం దగ్గరా డోర్‌ఫ్రేమ్, మెటల్‌ డిటెక్టర్లను ఏర్పాటు చేసి తనిఖీ చేయనున్నారు.  900 మంది సిబ్బంది...    వేడుకల నేపథ్యంలో గోల్కొండ కోట, పరేడ్‌గ్రౌండ్స్‌ వద్ద ట్రాఫిక్‌ విభాగం పటిష్ట ఏర్పాట్లు చేస్తోంది. గురువారం జరగనున్న స్వాతంత్య్ర దినోత్సవ వేడుకలకు 900 మంది ట్రాఫిక్‌ పోలీసులు బందోబస్తు విధులు నిర్వర్తించనున్నారు. ఆయా ప్రాంతాల్లో జరిగే కార్యక్రమాల్లో ముఖ్యమంత్రి కేసీఆర్‌ పాల్గొననున్నారు. ముందుగా సికింద్రాబాద్‌ పరేడ్‌ గ్రౌండ్‌కు వెళ్లి అక్కడి నుంచి ముఖ్యమంత్రి గోల్కొండలో జరిగే వేడుకలకు వెళ్లే అవకాశం ఉంది. వేడుకలు జరిగే సమయాలలో ట్రాఫిక్‌ ఆంక్షలు, ట్రాఫిక్‌ మళ్లింపు, ట్రాఫిక్‌ నిలిపివేత వంటివి ఆయా రూట్లలో చేపడుతున్నట్లు నగర పోలీసు కమిషనర్‌ అంజనీకుమార్‌ మంగళవారం తెలిపారు. గోల్కొండ కోటలో జరిగే వేడుకలకు పెద్ద సంఖ్యలో వీఐపీలు, ప్రజలు హాజరవుతున్నారని అందుకు తగ్గట్టుగా ట్రాఫిక్‌ వెళ్లేందుకు కావాల్సిన ఏర్పాట్లు పూర్తి చేస్తున్నారు. వీఐపీల కోసం ఏ,బీ,సీ,డీ,ఈ,ఎఫ్‌ విభాగాలుగా చేసి ప్రభుత్వం నుంచి పాసులు జారీ అవుతున్నాయి. ఆయా పాసులు కల్గి ఉన్న వారికి పాస్‌ వెనకాల పార్కింగ్‌ స్థలం, గోల్కొండలో జరిగే వేడుకలకు వచ్చే మార్గం వంటి సూచనలు కూడా ఉన్నాయి. పార్కింగ్‌ స్థలాల నుంచి వేడుకల వరకు దూరం ఎక్కువగా ఉంటే అక్కడి పరిస్థితులను బట్టి బస్సులను కూడా ఆయా విభాగాలు ఏర్పాటు చేయనున్నాయి. వర్షం పడితే ఇబ్బందులు ఎదురుకాకుండా వచ్చే వారి కోసం కావాల్సిన గొడుగులను జీహెచ్‌ఎంసీ అందుబాటులోకి తేనుంది. పాస్‌లు కలిగిన వారు పోలీసులకు స్పష్టంగా కన్పించే విధంగా దాన్ని కారుకు ముందుభాగంలో ఎడమవైపు అద్దాలకు అంటించుకోవాలని, విధి నిర్వహణలో ఉండే పోలీసులకు సహకరించి వేడుకలను విజయవంతం చేయాలని కోరుతున్నారు. వేడుకలు పూర్తయిన తరువాత వారికి సూచించిన మార్గంలో బయటకు వెళ్లాల్సి ఉంటుంది. ట్రాఫిక్‌ ఆంక్షలు ఇలా.. ♦ గురువారంఉదయం7 గంటల నుంచి మధ్యాహ్నం 12 గంటల వరకు రాందేవ్‌గూడ నుంచి గోల్కొండ కోటకు వెళ్లే రోడ్డును మూసివేస్తారు. ఏ,బీ,సీ స్టిక్కర్స్‌ ఉన్న వాహనాలకు మాత్రమే ఉదయం 7:30 గంటల నుంచి 10 గంటల వరకు ఈ రూట్‌లోకి అనుమతిస్తారు.   ♦ సికింద్రాబాద్, బంజారాహిల్స్, మాసబ్‌ట్యాంక్, మోహిదీపట్నం వైపు నుంచి వచ్చే ఏ,బీ,సీ పాస్‌ కలిగిన వాహనాలను వయా రేతిబౌలి జంక్షన్, నాలా నగర్‌ జంక్షన్‌ నుంచి లెఫ్ట్‌ టర్న్‌ తీసుకొని, బాలిక భవన్, ఆంధ్రా ఫ్లోర్‌ మిల్స్, ప్లైఓవర్, లంగర్‌హౌస్, టిప్పు ఖాన్‌ బ్రిడ్జి, రాందేవ్‌గూడ రైట్‌ టర్న్‌తో మాకై దర్వాజ నుంచి గోల్కొండ పోర్ట్‌కు చేరుకోవాలి. పరేడ్‌ గ్రౌండ్‌లో జరిగే వేడుకల సందర్భంగా టివోలి జంక్షన్‌ వద్ద ట్రాఫిక్‌ను బ్రూక్‌బాండ్, ఎన్‌సీసీ జంక్షన్‌ వైపు మళ్లిస్తారు. ఈ ఆంక్షలు ఉదయం 8 నుంచి 10 గంటల వరకు అమలులో ఉంటాయి.    సీఎస్‌ పరిశీలన గోల్కొండ: సీఎం కాన్వాయ్‌ వచ్చే మార్గంలో ఎలాంటి అవాంతరాలు లేకుండా ఏర్పాట్లు చేయాలని ప్రభుత్వ ప్రధాన కార్యదర్శి ఎస్‌కే జోషి అధికారులకు సూచించారు. మంగళవారం గోల్కొండ కోటలో డీజీపీ మహేందర్‌రెడ్డి, ఇతర పోలీస్‌ అధికారులతో కలిసి సీఎం కాన్వాయ్‌ రీహార్సల్స్‌ను పర్యవేక్షించా రు. అనంతరం ఆయన అధికారులకు పలు సూచనలు చేశారు. కాన్వాయ్‌ వచ్చే మార్గానికి ఇరువైపులా భద్రతా సిబ్బందికి తప్ప మిగతా ఎవరూ ఉండకూడదన్నారు. అనంతరం ముఖ్యమంత్రి భద్రతా విభాగం అధిపతి ఎం.కె.సింగ్‌ ఆధ్వర్యంలో జరిగిన పతావిష్కరణ రిహార్సల్స్‌ చూసి సంతృప్తి వ్యక్తం చేశారు. జిల్లా కలెక్టర్‌ మాణిక్‌రాజ్, జీహెచ్‌ఎంసీ కమిషనర్‌ దానకిశోర్, నగర పోలీస్‌ కమిషనర్‌ అంజనీకుమార్, సెక్యూరిటీ విభాగం అధికారులు పాల్గొన్నారు. 

సాక్షి, సిటీబ్యూరో: హెల్మెట్‌ లేకుండా బైకులు నడుపుతున్న వారిపై  సైబరాబాద్, రాచకొండ ట్రాఫిక్‌ పోలీసులు దృష్టిసారించారు. నగర శివారు ప్రాంతాల్లో జరుగుతున్న రోడ్డు ప్రమాదాల్లో 60శాతం మంది హెల్మెట్‌ లేకపోవడంతోనే గాయపడుతున్నారని గణాంకాలు చెబుతుండడంతో ప్రత్యేక బృందాలను రంగంలోకి దించారు. ఈ ఏడాదిలో జూలై వరకు 12,96,580 మంది వాహనదారులకు చలాన్‌లు వేశారు. మొత్తం రూ.12,92,09,600 జరిమానా విధించారు. తనిఖీలు చేస్తున్నా, ప్రత్యేక డ్రైవ్‌లు నిర్వహిస్తున్నా హెల్మెట్‌ ధరించకుండా వెళ్లేవారు పెద్ద సంఖ్యలోనే కనిపిస్తుండడంతో రెండు కమిషనరేట్ల ట్రాఫిక్‌ ఉన్నతాధికారులు ఫోకస్‌ పెట్టారు. ప్రత్యేక బృందాల్లోని పోలీసులు విద్యాసంస్థలు, ట్రాఫిక్‌ జంక్షన్లు, ప్రధాన మార్గాల్లో ఉండి హెల్మెట్‌ ధరించని ఫొటోలు కెమెరాల్లో బంధించి ఈ–చలాన్‌లు ఇంటికి పంపుతున్నారు. కొన్నిసార్లు స్పాట్‌లోనే పట్టుకొని జరిమానాలు విధించడంతో పాటు రెండుసార్లు కౌన్సెలింగ్‌ నిర్వహిస్తున్నారు. ఒక్కో ఉల్లంఘన ఎలాంటి పరిణామాలకు దారితీస్తుందనే విషయాలను వీడియో ప్రజంటేషన్‌ ద్వారా చూపిస్తున్నారు. రెండోసారి కౌన్సెలింగ్‌కు హాజరైనట్లు శిక్షణ కేంద్రం ఎస్సై ధ్రువీకరించాకే వారి వాహనాలను తిరిగి ఇస్తున్నారు. హెల్మెట్‌ ధరించకుండా బైకులు నడుపుతూ మైనర్లు చిక్కితే వాహనాలను స్వాధీనం చేసుకొని తల్లిదండ్రులకూ కౌన్సెలింగ్‌ నిర్వహిస్తున్నారు. మరోసారి ద్విచక్ర వాహనాన్ని నడపనివ్వమంటూ లిఖిత పూర్వకంగా రాయించుకుంటున్నారు.   నేరమని తెలిసీ...  ద్విచక్ర వాహనదారుల్లో కొందరు హెల్మెట్‌లు ధరించకుండా నిర్లక్ష్యంగా వాహనాలు నడుపుతున్నారు. బైక్‌ నడుపుతూ సెల్‌ఫోన్‌లో మాట్లాడుతున్నారు. ఇవన్నీ మోటార్‌ వాహన చట్టం ప్రకారం నేరం. సుప్రీంకోర్టు మార్గదర్శకాల ప్రకారం వీటన్నింటిపై ట్రాఫిక్‌ పోలీస్‌ అధికారులు చర్యలు తీసుకుంటున్నారు. ప్రతి ఉల్లంఘనకు జరిమానాతో పాటు పాయింట్లు ఖాతాలోకి వెళ్తాయని, వీటి ద్వారా జైలు శిక్షలు పడతాయంటూ హెచ్చరిస్తున్నారు. ఉల్లంఘనులకు సంబంధించి తాము పట్టుకున్న ప్రతి వాహనం వివరాలను రవాణా శాఖ సర్వర్‌లోని రికార్డులకు అనుసంధానిస్తున్నామని వివరిస్తున్నారు. ఇప్పటికే 10 పాయింట్లు దాటేసిన వారి వివరాలు పోలీసుల దగ్గర ఉన్నాయి. 12 పాయింట్లు చేరుకున్నాక వారి డ్రైవింగ్‌ లైసెన్స్‌ తాత్కాలికంగా రద్దవుతుందని, అలాగే జైలు శిక్ష పడుతుందని హెచ్చరిస్తున్నారు. ఇలాంటి వారిని ట్రాఫిక్‌ పోలీసుల దగ్గరున్న ట్యాబ్‌ ద్వారా గుర్తిస్తున్నారు. లైసెన్స్‌ నంబర్‌ నమోదు చేస్తే వాహన చోదకుల చరిత్ర తెరపై కనిపిస్తుందని ట్రాఫిక్‌ పోలీసులు వివరించారు. తద్వారా తదుపరి చర్యలు తీసుకుంటున్నామని ఇరు కమిషనరేట్ల ట్రాఫిక్‌ ఉన్నతాధికారులు విజయ్‌కుమార్, దివ్యచరణ్‌ తెలిపారు. చలాన్‌లు ఇలా... (జనవరి–జూలై)    కమిషనరేట్‌   చలాన్‌లు   జరిమానా(రూ.ల్లో) సైబరాబాద్‌   8,42,653 8,38,35,600  రాచకొండ     4,53,927   4,53,74,000

రోడ్డు ప్రమాదాల నివారణలో భాగంగా కేంద్ర, రాష్ట్ర ప్రభుత్వాలు ట్రాఫిక్‌ నిబంధనలు కఠినతరం చేసినా.. కొందరు వాహనదారుల్లో మార్పు రావడంలేదు. వారు చేసే చిన్న చిన్న తప్పిదాల మూలంగా.. ఎందరో అమాయకుల ప్రాణాలు గాలిలో కలుస్తున్నాయి. మద్యం మత్తులో.. సెల్‌ఫోన్లలో మాట్లాడుతూ.. స్థాయికి మించి ఎక్కించుకొని డ్రైవింగ్‌ చేస్తూ ప్రమాదాలకు కారణమవుతున్నారు. దీంతో వారి వాహనాలతోపాటు ఎదురుగా వచ్చే వాహనాల్లోని అమాయకులు విగతజీవులుగా మారుతున్నారు. ఈ ప్రమాదాల్లో ఇంటి పెద్ద దిక్కును.. తోబుట్టువులను.. బంధువులను.. మరెందరినో కోల్పోవడమేగాక..  ఆ కుటుంబాలు పుట్టెడు దుఃఖంలో మునిగిపోతున్నాయి. సాక్షి, మహబూబ్‌నగర్‌ : కొందరు వాహనదారుల నిర్లక్ష్యం కారణంగా రోడ్డు ప్రమాదాలు నిత్యకృత్యంగా మారాయి. మోటార్‌ బైక్‌లు, ఆటోలు,ట్రాక్టర్లు, లారీలు,తదితర వాహణాలు నడుపుతున్న వారు నిర్లక్షంగా డ్రైవ్‌ చేయడంతో రోడ్డుపై వెళ్లే అమాయక ప్రజలు బలవుతున్నారు. వీరితో పాటు డ్రైవ్‌ చేస్తున్న వారు సైతం తమ ప్రాణాలను కాపాడుకోలేక పోతున్నారు. ఒక్కో సారి తీవ్ర గాయాలతో ఇట్టే ప్రాణాపాయం నుంచి బయటపడుతున్నారు. రోడ్డుపైకి ఎక్కిన వాహనాలను నడుతున్న సమయంలో కనీస అవగాహనతో నడపక పోవడంతో ప్రమాదాలు చోటు చేసుకుంటున్నాయి. నిబంధనలకు విరుద్ధంగా ఆటోలు  రవాణా శాఖ నిబంధనలకు విరుద్ధంగా ఆటోలను నడుపుతున్నారు. ఆటోల్లో సామర్థ్యానికి మించి ప్రయాణికులను ఎక్కించుకోవడం వలన ప్రమాదాల సమయంలో ప్రాణనష్టం ఎక్కువగా సంభవిస్తుంది. అంతేగాక డ్రైవింగ్‌ చేయడానికి సైతం వీలు లేకుండా డ్రైవింగ్‌ సీటు పక్కను అటు ఇటుగా నలుగురిని సైతం ఎక్కించుకోవడంతో రోడ్డుపై సక్రమంగా డ్రైవ్‌ చేయలేని పరిస్థితి ఉంటుంది. ఒక్కో ఆటోలో 15 నుంచి 20 మందికి పైగా ప్రయాణికులను చేరవేస్తున్న ఆటోలు నిత్యం అనేకంగా కనిపిస్తున్నాయి. అదేవిధంగా వ్యవసాయ పనులకు సంబందించి వివిధ గ్రామాల నుంచి సంబంధిత వ్యవసాయ క్షేత్రాలకు కూలీలను చేరవేస్తున్న ఆటోలు కూడా ఇదే రీతిలో రాకపోకలు కొనసాగిస్తున్నాయి. విద్యాసంస్థల విద్యార్థులను చేరవేస్తున్న ఆటోలు, బస్సుల పరిస్థితి ఇలాగే ఉంది. ఆటోలో కిక్కిరిసిన ప్రయాణికులకు తోడు భారీ శబ్దంతో కూడిన లౌడ్‌ స్పీకర్ల వినియోగం, మద్యం సేవించి నడపడం, డ్రైవింగ్‌ సమయంలో మొబైల్‌ మాట్లాడడం, తదితర కారణాలతో రోడ్డు ప్రమాదాలు జరుగుతున్నాయి. అంతేగాక పట్టాణాల్లో ప్రయాణికుల కోసం రోడ్డుపై ఎక్కడపడితే అక్కడ ఆకస్మికంగా బ్రేక్‌ వేయడంతో వెనకే వస్తున్న వాహనదారులు ఆటోను ఢకొట్టి ప్రమాదాలకు గురవుతున్న సంఘటనలు చోటుచేసుకుంటున్నాయి. మొబైల్‌ మాట్లాడుతూ డ్రైవింగ్‌ ఇటీవల మోటార్‌ బైక్‌లతో పాటు అన్ని రకాల వాహనాలను నడుపుతున్న వారు మొబైల్‌ ఫోన్‌లను మాట్లాడుతు డ్రైవ్‌ చేస్తున్నారు.మరికొందరయితే వాట్సాప్‌లలో చాట్‌ చేస్తూ మరీ డ్రైవింగ్‌ చేస్తున్నారంటే పరిస్థితిని ఊహించవచ్చు. సురక్షితమైన ప్రయాణానికి చిరునామాగా చెప్పుకుంటున్న ఆర్‌టీసీ బస్సు డ్రైవర్లు సైతం ఇలాగే వ్యవహరిస్తున్నారంటే అతిశయోక్తి కాదు. పెరుగుతున్న రోడ్డు ప్రమాదాలు డ్రైవింగ్‌ నిర్లక్ష్యం వలన పెరుగుతున్న ప్రమాదాల సంఖ్య రోజురోజుకు పెరుగుతుంది. తాజాగా కొత్తపల్లి వద్ద ఆటోను లారీ డీకొన్న సంఘటనలో 13 మంది మృత్యువాత పడిన విషయం విధితమే. ఇంతకు ముందు కూడా కావేరమ్మపేట వద్ద జాతీయరహదారిని దాటుతున్న ఆటోను లారీ ఢీకొట్టడంతో ఆరుగురు అక్కడికక్కడే మృతిచెందారు. రోడ్లు, వేగం, తదితర వాటిపై అంతగా అవగాహన లేకుండా వాహనాలను డ్రైవ్‌ చేయడంతో కూడా రోడ్డు ప్రమాదాల సంఖ్య పెరుగుతుంది. మైనర్లు సైతం బైక్‌లు, వాహనాలు నడుపతుండడం పట్ల రోడ్డుపై వెళ్లే ప్రజలు కలవరపడుతున్నారు. రవాణా శాఖ, పోలీస్‌ శాఖ అధికారులు ఎంతమాత్రం పట్టించుకోవడం లేదన్న విమర్శలు తీవ్రంగా ఉన్నాయి. ఎప్పటికప్పడు తనిఖీలు చేస్తూ ట్రాఫిక్‌ నియంత్రణపై దృష్టి సారిస్తూ, వాహనాల రాకపోకలను సమీక్షిస్తే కొంతమేరకైనా ప్రమాదాలను నియంత్రించే పరిస్థితి ఉంటుందని ప్రజలు విజ్ఞప్తి చేస్తున్నారు. కొత్తపల్లి వద్ద రోడ్డు ప్రమాదానికి గురైన ఆటో (ఫైల్‌) 

మద్యం మత్తులో ఇష్టారాజ్యంగా వాహనాలు నడుపుతూ ప్రమాదాలకు కారణమవుతున్నారు. తెలిసీతెలియని తనంలోని మైనర్లకు తల్లిదండ్రులే బైక్‌ ఇచ్చి జనం ప్రాణాలకు మీదుకు తెస్తున్నారు. రహదారిపై డ్రైవింగ్‌ రూల్స్‌ పాటించకుండా వన్‌వేలో వెళ్లడం, హెల్మెట్, సీటు బెల్టు పెట్టుకోకుండా వాహనాలు నడపడంతో ప్రమాదాలకు కారణమవుతున్న నేపథ్యంలో కేంద్రం కొత్త చట్టం అమల్లోకి తెచ్చింది. తాగి వాహనంతో రోడ్డెక్కితే, మైనర్లకు వాహనాలు నడిపితే కారకులకు పెనాల్టీల వాతలు పెట్టడానికి నిబంధనలు కఠినం చేసింది. ఈ ఏడాది ఇప్పటి వరకు జిల్లాలో డ్రంక్‌ అండ్‌ డ్రైవ్‌ కింద 6,578 కేసులు నమోదు చేశారంటే పరిస్థితి అర్థం చేసుకోవచ్చు. ఇకపై ఇలాంటి వారికి భారీగా పెనాల్టీ కిక్‌ ఇవ్వనున్నారు.  సాక్షి, నెల్లూరు: ట్రాఫిక్‌ రూల్స్‌ బ్రేక్‌ చేస్తే.. పెనాల్టీలతో కిక్‌ దింపనున్నారు. మద్యం తాగి వాహనాలు నడిపే వారి మత్తు దిగిపోయేలా కేంద్ర ప్రభుత్వ మోటారు వాహన చట్టానికి సవరణ తెచ్చింది. ఇందుకు అవసరమైన బిల్లుకు ఇటీవల పార్లమెంట్‌లో ఆమోదం లభించింది. ఈ చట్ట సవరణ ద్వారా వాహన చోదకులకు భరోసా కల్పించడంతో పాటు ప్రమాదాలకు కారణమయ్యే అంశాల విషయంలో కూడా తీసుకునే చర్యలను కఠిన తరం చేసింది. ఇక జరిమానాలతో పాటు ట్రాఫిక్‌ నిబంధన అతిక్రమణ అంశంలో ‘సమాజసేవ’ చేయాలనే శిక్షను కూడా ఈ చట్ట సవరణతో అమల్లోకి తెస్తున్నారు. రోడ్డు ప్రమాద బాధితుల రక్షణార్థం చేసే వైద్య సహాయ చర్యలను సదుద్దేశంతో పరిగణించే అంశాన్ని చట్టంలో పొందు పరిచారు. ఈ విధంగా సహాయం చేసే వారికి పోలీసు, కోర్టు, వేధింపులు లేకుండా ఈ చట్ట సవరణ దోహద పడుతోంది. మైనర్లు వాహనాలు నడిపితే నేరమే  ఇకపై జరిగే రోడ్డు ప్రమాదాలకు రోడ్ల నిర్మాణం లోపమే కారణమైతే సదరు రోడ్డు నిర్వహణ శాఖ నుంచి పరిహారాన్ని వసూలు చేస్తారు. మైనర్లు వాహనాలు నడిపితే పెద్ద నేరంగా పరిగణలోకి తీసుకుంటున్నారు. అందుకు రూ.25 వేలు జరిమానాను విధించడమే కాకుండా ప్రమాదాలు సంభవిస్తే దానికి మూల్యాన్ని కారకుడైన మైనర్‌ తల్లిదండ్రులు లేదా గార్డియన్‌తో పాటు వాహన యజమాని కూడా చెల్లించాల్సి వస్తుంది. వాహన ప్రమాదాల్లో పరిహారం కోసం దాఖలు చేసుకొనే వ్యాజ్యాలను  ఇకపై ప్రమాదం జరిగిన ఆరు నెలల్లో దాఖలు చేసుకోవాల్సి  ఉంటుంది. గుర్తు తెలియని వాహనాల ప్రమాదంలో సంభవించే మరణాల కుటుంబాలకు క్షత్రగాత్రులకు పరిహారాన్ని చెల్లించే ఈ చట్టంలో పొందు పరిచారు. ఈ పథకం కింద మరణానికి రూ.2 లక్షలు, క్షత్రగాత్రులకు రూ.25 వేల నుంచి రూ.50 వేల వరకు పరిహారం దక్కేలా చర్యలు చేపడతారు. కొత్తగా వాహన ప్రమాద నిధిని ఏర్పాటు చేస్తున్నారు. ప్రత్యేక పన్నులు, సీజ్‌ల ద్వారా ఈ నిధిని సమకూర్చుతారు. ఈ నిధి ద్వారా వాహన ప్రమాద బాధితులకు వినియోగిస్తారు. ఇలా అనేక మార్పులతో పాటు నిబంధనలు ఉల్లంఘనలకు జరిమానాలను విపరీతంగా పెంచుతూ ఈ దిగువ సవరణలు చేశారు. జిల్లాలో కొనసాగతున్న స్పెషల్‌ డ్రైవ్‌  నేర నియంత్రణ, రోడ్డు ప్రమాదాల నివారణపై జిల్లా ఎస్పీ ఐశ్వర్య రస్తోగి ప్రత్యేక దృష్టి సారించారు. వాహన తనిఖీలు నిర్వహించాలని సిబ్బందిని ఆదేశించారు. కొంతకాలంగా జిల్లా వ్యాప్తంగా అన్నీ పోలీస్‌స్టేషన్ల పరిధిలో పోలీస్‌ అధికారులు వాహన తనిఖీలు ముమ్మరం చేశారు. ట్రాఫిక్‌ నిబంధనలు ఉల్లంఘనులపై భారీగా జరిమానాలు విధించడంతో పాటు నిబంధనలపై అవగాహన కార్యక్రమాలు నిర్వహిస్తున్నారు. రోడ్డు ప్రమాదాల్లో అధిక శాతం మద్యం మత్తులో జరుగుతుండటంతో డ్రంక్‌ అండ్‌ డ్రైవ్‌పై స్పెషల్‌ డ్రైవ్‌ కొనసాగిస్తున్నారు. పోలీసులు చేపట్టిన చర్యలు సత్ఫలితాలిస్తున్నాయి. ప్రమాదాలు తగ్గుముఖం పట్టాయి. ఈ ఏడాది ఇప్పటి వరకు ఎంవీ యాక్ట్‌ కింద 1,23,309 కేసులు నమోదు చేయగా, అందులో డ్రంక్‌ అండ్‌ డ్రైవ్‌ కింద 6,578 కేసులు నమోదు చేశారు.  జిల్లాలో కేసుల వివరాలు సంవత్సరం    ఎంవీ యాక్ట్‌     డ్రంక్‌ అండ్‌ డ్రైవ్‌ 2017         1,33,402            1,172 2018         2,53,978            4,260 2019         1,23,,309           6,015 (ఇప్పటి వరకు)

సాక్షి, హైదరాబాద్‌: ‘వేగం కంటే గమ్యం ముఖ్యం’రోడ్డు భద్రతలో ప్రధాన నినాదం ఇది. దీనికి భిన్నంగా యు వత దూసుకుపోతోంది. వేగమే ముఖ్యమనుకొని నిబంధనలను ఉల్లంఘిస్తున్నారు. ప్రాణాల రక్షణకు ప్రాధాన్యమివ్వడంలేదు. వేల రూపాయల జరిమానాలు చెల్లిస్తున్నారే తప్ప.. నిబంధనలను పాటించడంలేదు. 33 జిల్లాల్లో రోజూ నమోదవుతున్న గణాంకాలు పరిస్థితి తీవ్రతకు అద్దంపడుతున్నాయి. ఓవర్‌ స్పీడ్, రాంగ్‌ పార్కింగ్, సీటు బెల్టు ధరించకపోవడం, డ్రైవింగ్‌లో మొబైల్‌ మాట్లాడటం, గూడ్స్‌ వాహనాల్లో ప్రయాణికులను ఎక్కించుకోవడం తదితర కేసులు రోజురోజు కూ పెరుగుతున్నాయి. ఈ ఏడాది జనవరి నుంచి జూన్‌ వరకు 12,46,420 కేసులు నమోదయ్యాయి. రోజుకు సగటున 6,924 కేసులకుపైగా నమోదవుతున్నాయి. ఈ ఆరునెలల్లో మొత్తం రూ.58.86 కోట్ల జరిమానా చెల్లించారు. అంటే రోజుకు రూ.3.22 లక్షలు కడుతున్నారన్నమాట. అయినా పరిస్థితిలో మార్పు రాకపోగా ఇవి అధికమవుతుండటం గమనార్హం. ఇలా రోడ్డు నిబంధనలు అతిక్రమిస్తున్నవారిలో అధిక శాతం విద్యావంతులు, యువత, ఉద్యోగులు ఉన్నారని పోలీసులు చెబుతున్నారు. చలానాలు కట్టే వాహనాల్లో ఎక్కువగా కార్లు, బైకులు ఉంటున్నాయని పోలీసులు తెలిపారు.  డ్రైవింగ్‌ టెస్ట్‌ పెట్టి లాభమేంటి? ఏ వాహనమైనా రోడ్డు మీదకు రావాలంటే డ్రైవింగ్‌ పరీక్షలు పాస్‌ కావాల్సిందే. లెర్నింగ్‌ లైసెన్స్‌ (ఎల్‌ఎల్‌ఆర్‌) కోసం దరఖాస్తు చేసుకునేటప్పుడే అభ్యర్థులకు పరీక్ష నిర్వహిస్తారు. అందులో రోడ్డు ప్రమాదాల నివారణ, రోడ్డు చిహ్నాలు, పాటించాల్సిన నిబంధనలను గుర్తు పట్టి సమాధానాలు రాయాల్సి ఉంటుంది. అడ్డదారిలో డ్రైవింగ్‌ లైసెన్స్‌లు పొందే వారిలో ఉల్లంఘనులు అధికం. ఎల్‌ఎల్‌ఆర్‌ టెస్టును పకడ్బందీగా అమలు చేస్తేనే ఇలాంటి ఉల్లంఘనలు, ప్రమాదాలు తగ్గుతాయని రవాణా రంగ నిపుణులు అభిప్రాయపడుతున్నారు. 12 పెనాల్టీ పాయింట్ల సిస్టమ్‌ అటకెక్కినట్లేనా? హైదరాబాద్‌ నగర పరిధిలో రెండేళ్ల క్రితం మొదలుపెట్టిన ట్రాఫిక్‌ ఉల్లంఘన 12 పెనాల్టీ పాయింట్ల సిస్టమ్‌ మంచి ఫలితాలనే ఇచ్చింది. తరచూ ట్రాఫిక్‌ ఉల్లంఘనలకు పాల్పడుతున్న వారి డ్రైవింగ్‌ లైసెన్సుతోపాటు వాహన రిజిస్ట్రేషన్‌ సర్టిఫికేట్‌(ఆర్‌సీ)ని కూడా రద్దు చేసేందుకు అధికారులు సిద్ధమయ్యారు. రెండేళ్లలో ట్రాఫిక్‌ ఉల్లంఘనలకు పాల్పడి 12 పాయింట్లకు చేరుకుంటే.. వారి వాహన రిజిస్ట్రేషన్‌ సర్టిఫికెట్‌ను రద్దు చేయాలని అధికారులు భావించారు. కానీ, దీని అమలులో పలు సాంకేతిక, చట్టపరమైన సమస్యలు తలెత్తడంతో దీన్ని అధికారులు తాత్కాలికంగా పక్కనబెట్టారు. ఈ విధానాన్ని తిరిగి ప్రారంభిస్తే.. ఉల్లంఘనలు తగ్గి ప్రాణనష్టాన్ని నివారించవచ్చని పలువురు అభిప్రాయపడుతున్నారు.    

నల్లకుంట: నగరంలోని వివిధ ప్రాంతాల్లో ట్రాఫిక్‌ రూల్స్‌ అతిక్రమణకు సంబంధించి 77 పెండింగ్‌ చలానాలు ఉన్న ఓ ద్విచక్ర వాహనం నల్లకుంట ట్రాఫిక్‌ పోలీసులు చిక్కింది. వివరాల్లోకి వెళితే.. స్పెషల్‌ డ్రైవ్‌లో భాగంగా సోమవారం నల్లకుంట ట్రాఫిక్‌ పోలీసులు ఎస్సై రమేష్‌ నేతృత్వంలో ఫీవర్‌ ఆస్పత్రి చౌరస్తా సమీపంలో వాహన తనిఖీలు చేపట్టారు. అదే సమయంలో జుజ్జువారపు సువర్ణరాజు తన బుల్లెట్‌ (టీఎస్‌ 07ఎఫ్‌హెచ్‌ 1245) వాహనంపై శంకరమఠం నుంచి ఫీవర్‌ ఆస్పత్రి వైపు వెళ్తుండగా పోలీసులు ఆపారు. తమ వద్ద ఉన్న ట్యాబ్‌లో ఆ బండి నెంబర్‌తో చెక్‌ చేయగా ఆ వాహనంపై మొత్తం 77 చలానాలు పెండింగ్‌లో ఉన్నాయి. ఆ చలానాలకు సంబంధించి బకాయిలు రూ.12,725 ఉండటంతో ఎస్సై రమేష్‌ ద్విచక్రవానహనాన్ని స్వాధీనం చేసుకుని స్టేషన్‌కు తరలించారు. ఈ విషయాన్ని సీఐ రాజేంద్ర కులకర్ణికి తెలియజేయడంతో ఆయన   నగర పోలీసు కమిషనరేట్‌కు సమాచారం ఇచ్చారు. పెండింగ్‌ చలానాలు క్లియర్‌ చేస్తే వాహనాన్ని అప్పగిస్తామని ఎస్సై చెప్పారు. కాగా .. పెండింగ్‌ చలానాల్లో ఎక్కువగా హెల్మెట్‌ లేకుండా వాహనం నడిపినందుకే ఉండటం గమనార్హం. ఇంతగా ట్రాఫిక్‌ వాయిలెన్స్‌కు పాల్పడిన  సదరు వాహనదారుడికి ఏమైనా శిక్ష విధిస్తారా, లేక లైసెన్స్‌ రద్దు చేస్తారా అనేది వేచి చూడాల్సి ఉంది.

సాక్షి, జంగారెడ్డిగూడెం(పశ్చిమ గోదావరి) : ఇకపై ట్రాఫిక్‌ నిబంధనలు ఉల్లంఘించే వారికి భారీగా ఫైన్‌ మోత మోగనుంది. మోటార్‌ వాహనాల చట్టం ప్రకారం, ట్రాఫిక్‌ నిబంధనలు ఉల్లంఘిస్తే భారీగా జరిమానా, శిక్ష రెండూ అనుభవించాల్సి ఉంటుంది. ఈ మేరకు మోటారు వాహనాల చట్ట సవరణ బిల్లును కేంద్ర మంత్రివర్గం ఆమోదించింది. ఇప్పటి వరకు విధించే జరిమానాలన్నీ కొన్ని రెట్టింపు కాగా, మరికొన్ని రెండు మూడు రెట్లు పెంచుతూ మంత్రివర్గం తీర్మానించింది. ఇకపై చిన్నపిల్లలకు (మైనర్‌లకు) వాహనాలు ఇస్తే పిల్లల తల్లితండ్రులకు, సంరక్షులు లేదా వాహనం ఇచ్చిన వ్యక్తికి రూ. 25వేల జరిమానాతో పాటు మూడు సంవత్సరాల జైలు శిక్ష విధిస్తారు. డ్రైవింగ్‌ లైసెన్సు కూడా రద్దు చేసే అవకాశముంది. వారి పిల్లలు ప్రమాదం చేస్తే తల్లితండ్రులు, సంరక్షకులను దోషులుగా నిర్ధారిస్తారు. అంబులెన్స్‌కు దారి ఇవ్వకపోతే రూ. 10వేల రూపాయలు ఫైన్‌ కట్టాల్సి ఉంటుంది. వాహనాలు నడిపేటప్పుడు ట్రాఫిక్‌ నిబంధనలు ఉల్లంఘించే వారికి భారీగా జరిమానాలు విధించేలా నూతన బిల్లును కేంద్ర ప్రభుత్వం రూపొందించింది. డ్రైవింగ్‌ చేసేందుకు అనర్హులై వాహనం నడిపితే రూ. 10వేలు జరిమానా చెల్లించాలి. ఇక డ్రైవింగ్‌ లైసెన్సు ఉల్లంఘనలకు పాల్పడే వాహనదారులకు రూ.లక్ష వరకు జరిమానా విధిస్తారు. రోడ్లపై అతివేగంతో దూసుకెళ్లే వాహనదారులకు రూ. 1000 నుంచి రూ. 2000 జరిమానా విధించాలని నిబంధనల్లో పేర్కొన్నారు. బీమా లేకుండా వాహనం నడిపితే రూ. 2 వేలు జరిమానా చెల్లించాలి.  సీటు బెల్టు ధరించకపోతే రూ. 1000 జరిమానాతో పాటు మూడు నెలలు డ్రైవింగ్‌ లైసెన్సు రద్దు చేస్తారు. హెల్మెట్‌ లేకుండా ప్రయాణించినా రూ. 1000 జరిమానాతో పాటు మూడు నెలలు డ్రైవింగ్‌ లైసెన్సు రద్దవుతుంది. ట్రాఫిక్‌ సిగ్నల్స్‌ ఉల్లంఘిస్తే రూ. 500 జరిమానా విధిస్తారు. అధికారుల ఆదేశాలు పాటించకుంటే గతంలో రూ.500 పెనాల్టీ విధించేవారు. ఇప్పుడు దానిని రూ. 2 వేలకు పెంచారు. డ్రైవింగ్‌ లైసెన్సు లేకుండా వాహనాన్ని నడిపితే రూ. 5 వేలు, మితిమీరిన వేగంతో ప్రమాదకరంగా నడిపితే రూ. 5 వేలు, మద్యం సేవించి వాహనం నడిపితే రూ.10 వేలు జరిమానా కట్టాల్సి ఉంటుంది. రవాణా చేసే వాహనాలు ఓవర్‌ లోడింగ్‌ చేస్తే రూ. 20 వేలు పెనాల్టీ చెల్లించేలా నిబంధనలు మార్పు చేశారు. ఇలాంటి నిబంధనలు స్వయంగా సంబంధిత అధికారులే ఉల్లంఘిస్తే జరిమానాలు రెట్టింపవుతాయి. దీనికి కేంద్ర కేబినేట్‌ ఆమోదం తెలిపింది. ఈ నిబంధనలు అమల్లోకి వస్తే జిల్లాలో రోడ్డు ప్రమాదాలు తగ్గుతాయి. ఇటీవల కాలంలో జిల్లాలో డ్రంక్‌ అండ్‌ డ్రైవ్‌లు బాగా పెరిగాయి. ఈ నేపథ్యంలో బిల్లు ఆమోదం పొందితే ఇలాంటి కఠిన నిబంధనలతో తాగి వాహనాలు నడిపే వారి సంఖ్య తగ్గుతుంది. 

గత జనవరిలో అత్తాపూర్‌లో వేగంగా వెళుతున్న బైక్‌ ముందు వెళుతున్న కారును ఢీకొట్టింది. అయితే ద్విచక్రవాహనదారుడు హెల్మెట్‌ ధరించడంతో చిన్న చిన్న గాయాలతో క్షేమంగాబయటపడ్డాడు’మే నెలలో బాలానగర్‌లో వేగంగా వెళుతున్న బైక్‌ ముందున్న కారును ఢీకొట్టడంతో ప్రశాంత్‌ అనే యువకుడు అక్కడికక్కడే మృతి చెందాడు. తలకుతీవ్ర గాయం కావడంతో ఘటనాస్థలిలోనే దుర్మరణం చెందాడు. హెల్మెట్‌ ధరించి ఉంటే అతడి ప్రాణాలు కూడా దక్కేవి’ సాక్షి, సిటీబ్యూరో: సైబరాబాద్‌ పోలీసు కమిషనరేట్‌ పరిధిలో నమోదైన ట్రాఫిక్‌ ఉల్లంఘనల్లో సగానికి పైగా హెల్మెట్‌ లేకుండా డ్రైవింగ్‌ చేస్తున్న కేసులే. రోడ్డు ప్రమాదాల నియంత్రణకు పోలీసులు కఠిన చర్యలు తీసుకుంటున్నా వాహనదారుల్లో మాత్రం మార్పు రావడం లేదు. ఈ ఏడాది జనవరి నుంచి మే నెలవరకు సైబరాబాద్‌ ట్రాఫిక్‌ పోలీసులు 10,48,934 ఈ–చలాన్లు జారీ చేయగా, అందులో 5,72,237(54.55 శాతం)  కేసులు హెల్మెట్‌ లేకుండా వాహనాన్ని నడిపినవే కావడం గమనార్హం. మొత్తం ఈ–చలాన్ల ద్వారా రూ.38,18,96,205 జరిమానా విధించగా, అందులో దాదాపు రూ.8 కోట్లు హెల్మెట్‌ లేని ద్విచక్ర వాహనదారులకు విధించినదే.  ప్రాణాలు పోతున్నా మారరు.. సైబరాబాద్‌ కమిషనరేట్‌ పరిధిలో ఈ ఏడాది జనవరి నుంచి మే నెలవరకు జరిగిన 1090 రోడ్డు ప్రమాదాల్లో 600 వరకు ఘటనలకు (55 శాతం) ద్విచక్ర వాహనదారులే కారణం. ఆయా ప్రమాదాల్లో 281 మంది మృతి చెందగా, వారిలో 182 మంది బైక్‌ రైడర్లే(64.7 శాతం) ఉండటం ఆందోళన కలిగిస్తోంది. వీరిలోనూ పలువురు హెల్మెట్‌ ధరించనందునే తలకు తీవ్రగాయాలై అక్కడికక్కడే దుర్మరణం పాలయ్యారు. హెల్మెట్‌ ధరించిన వారు కొద్దిపాటి గాయాలతో బయటపడ్డారు. ‘హెల్మెట్‌ లేకుండా బైక్‌ నడిపినప్పుడు రోడ్డు ప్రమాదం జరిగితే  తలకు గాయాలై కొద్ది సెకన్లపాటు స్పృహ కోల్పోవడం, తలనొప్పి, అయోమయం, తల తేలికగా ఉన్నట్లు అనిపించడం, దృష్టి మసకబారడం, చెవిలో హోరున శబ్దం, రుచి తెలియకపోవడం, బాగా ఆలసటగా ఉన్నట్లు అనిపించడం, ప్రవర్తనలో మార్పులు, జ్ఞాపకశక్తి, దృష్టి కేంద్రీకరణలో మార్పులు కనిపిస్తాయ’ని వైద్యులు పేర్కొన్నారు.  తీవ్ర గాయా లైతే తలనొప్పి, వాంతులు, వికారం, ఫిట్స్, మాట ముద్దగా రావడం, ఏదైనా అయోమయం లో బలహీనత లేదా తిమ్మిర్లు, ఆలోచనలకు చేతు లు సమన్వయం లోపించడం, తీవ్రమైన అయో మయం వంటి లక్షణాలు కనిపిస్తాయంటున్నారు. ఇక హెల్మెట్‌ పెట్టుకున్నా కింద బెల్ట్‌ సక్రమంగా పెట్టుకోకుంటే ప్రమాద సమయాల్లో ఊడిపోయితలకు గాయాలవుతున్నాయి. పూర్తి స్థాయిలో సక్రమంగా ధరించినప్పుడే ప్రమాదవేళరక్షణ లభిస్తుందని ట్రాఫిక్‌ పోలీసులు పేర్కొంటున్నారు.  సెల్‌..హెల్‌.. డ్రైవింగ్‌ చేస్తున్న సమయంలో ఫోన్‌కాల్‌ వస్తే బండి నడుపుతూనే మాట్లాడటానికి వాహనచోదకులు ప్రాధాన్యత ఇస్తున్నారు. ఇలా ఐదు నెలల్లో 4341 మంది ట్రాఫిక్‌ పోలీసుల కెమెరాలకు చిక్కారు. అలాగే ట్రిపుల్‌ రైడింగ్‌ చేస్తూ ప్రాణాలు మీదకు తెచ్చుకుంటున్నారు. ఈ ఐదు నెలల్లో ఏకంగా 24,396 కేసులు నమోదయ్యాయి. దీనికితోడు మైనర్‌ డ్రైవింగ్‌ కేసులూ భారీగా పెరుగుతున్నాయి. మాదాపూర్‌ జోన్‌లో 784, బాలానగర్‌ జోన్‌లో 186, శంషాబాద్‌ జోన్‌లో 185 మైనర్‌ డ్రైవింగ్‌ కేసులు నమోదు  కావడం గమనార్హం. ఇక డ్రైవింగ్‌ లైసెన్స్‌ లేకుండా బైక్‌ నడిపిన 6,955 మందికి ట్రాఫిక్‌ పోలీసులు ఈ–చలాన్‌లు జారీ చేశారు.  తప్పించుకోలేరు... ట్రాఫిక్‌ జంక్షన్లలోని సీసీటీవీ కెమెరాలు, ట్రాఫిక్‌ పోలీసులు చేతిలోని కెమెరాలకు చిక్కకుండా ఉండేందుకు అసంపూర్తి, అసమగ్ర నంబర్‌ ప్లేట్లతో రోడ్లపై చక్కర్లు కొడుతున్న వాహనాలపై కఠిన చర్యలు తీసుకుంటున్నారు. స్పాట్‌ ఈ–చలాన్‌లు జారీ చేసి వారి భరతం పడుతున్నారు. ఇలా ఈ ఐదు నెల్లో ఏకంగా 16,239 నంబర్‌ ప్లేట్‌ సరిగా లేని వాహనాలకు జరిమానా విధించారు. ఐటీ కారిడార్‌తో పాటు బాలానగర్, శంషాబాద్‌ జోన్‌లలో ట్రాఫిక్‌ నిబంధనలు అతిక్రమించిన 28,810 ఆటోవాలాలకు ఈ–చలాన్‌లు జారీ చేసినట్లు సైబరాబాద్‌ ట్రాఫిక్‌ ఉన్నతాధికారులు తెలిపారు. పరిమితికి మించి ప్రయాణికులు ఎక్కించుకున్న 1,310 వాహనాలకు కూడా జరిమానా విధించామన్నారు.  డ్రంకన్‌ డ్రైవర్లకు జైలే... మద్యం తాగి వాహనం నడుపుతున్న డ్రంకన్‌ డ్రైవర్లను కట్టడి చేసేందుకు కట్టుదిట్టమైన చర్యలు తీసుకుంటున్నారు. గత ఐదు నెలల్లో 8987 డ్రంకన్‌ డ్రైవర్లపై కేసులు నమోదుచేశారు. వీరిలో 2,418 మందికి ఒకటి నుంచి పది రోజుల పాటుజైలు శిక్ష పడింది. జరిమానా విధిస్తున్నా మారడం లేదు... వాహనచోదకులు ఎక్కువగా హెల్మెట్‌ లేకుండా బైక్‌ నడిపేందుకు ఆసక్తి చూపుతున్నారు. జరిమానాలు విధించినా తీరు మార్చుకోవడం లేదు. ఫలితంగా రోడ్డుప్ర మాదాలు జరిగితే తలకు తీవ్రగాయాలై మృత్యువాత పడుతున్నారు. వీరిలో యువతే ఎక్కువగా ఉంటుండడంతో కళాశాలల్లో రోడ్డు ప్రమాదాలకు దారి తీసే పరిస్థితులపై అవగాహన కార్యక్రమాలు నిర్వహిస్తున్నాం. ట్రాఫిక్‌ ఉల్లంఘనులపై కఠిన చర్యలు తీసుకుంటున్నాం.–విజయ్‌ కుమార్, సైబరాబాద్‌ ట్రాఫిక్‌ డీసీపీ 

సాక్షి, చెన్నై : ‘ పోలీసులూ...తస్మాత్‌ జాగ్రత్త’ అంటూ చెన్నై కమిషనర్‌ ఏకే విశ్వనాథన్‌ ఆదివారం హెచ్చరికలు జారీ చేశారు. హెల్మెట్‌ ధరించకుండా వెళ్లే పోలీసులకు జరిమానా విధించాలని, మద్యం మత్తులో వాహనం నడిపే పోలీసులపై కేసులు నమోదు చేయాలని ట్రాఫిక్‌ విభాగానికి ఆదేశాలు జారీ చేశారు. మద్యం మత్తులో పట్టుబడే పోలీసుల వివరాలతో నివేదికను కమిషనరేట్‌కు పంపిస్తే, క్రమశిక్షణ చర్య తీసుకుంటామని ప్రకటించారు. రాష్ట్రంలో పెరుగుతున్న ప్రమాదాల సంఖ్య çకట్టడి లక్ష్యంగా ద్విచక్ర వాహనదారులకు హెల్మెట్‌ తప్పనిసరి చేసిన విషయం తెలిసిందే. గతంలో మద్రాసు హైకోర్టు హుకుం జారీ చేయడంతో వాహన చోదకుల నెత్తిన హెల్మెట్లు కొంతకాలం దర్శనం ఇచ్చాయి. ఈ సమయంలో ధరలు ఆకాశాన్ని అంటినా హెల్మెట్లను కొనుగోలు చేయకతప్పలేదు. ఇందుకు కారణం పోలీసులు జరిమానా మోత మోగించడమే. కొంతకాలం హెల్మెట్‌ తప్పనిసరి అన్న నినాదం మిన్నంటినా, క్రమంగా హెల్మెట్‌ లేకుండా వాహనాలు నడిపే వారి సంఖ్య పెరిగింది. మళ్లీ వ్యవహారం కోర్టుకు వెళ్లడంతో వాహనం నడిపేవారే కాదు, వెనుక సీట్లో కూర్చున్న వాళ్లూ హెల్మెట్‌ తప్పనిసరిగా ధరించాల్సిందేనని న్యాయమూర్తులు ఆదేశాలు ఇచ్చారు. దీంతో హెల్మెట్‌ గురించి ప్రజల్లో అవగాహన పెంపొందించి చైతన్యం తీసుకొచ్చే విధంగా కమిషనర్‌ విశ్వనాథన్‌ నేతృత్వంలో కార్యక్రమాలు సాగాయి. అలాగే, చెన్నైలో అనేక ప్రాంతాల్ని, ప్రధాన మార్గాల్ని కలుపుతూ హెల్మెట్‌ జోన్స్‌ ప్రకటించారు. ఈ మార్గాల్లో హెల్మెట్‌ తప్పనిసరి చేసి, కొరడా ఝుళిపించారు. చివరకు ఈ ప్రయత్నం కూడా కొన్నాళ్లే అన్నట్టుగా సాగింది. దీంతో హెల్మెట్‌ ధరించే వారి సంఖ్య క్రమంగా తగ్గింది. పోలీసులు సైతం హెల్మెట్లు ధరించడం లేదన్న వాదన తెరపైకి వచ్చింది. వ్యవహారం మరో మారు మద్రాసు హైకోర్టుకు చేరగా, గత వారం విచారణ సమయంలో పోలీసులు న్యాయమూర్తుల ఆగ్రహానికి గురి కావాల్సి వచ్చింది. హెల్మెట్‌ ధరించాల్సిందే.. గత వారం విచారణ సమయంలో న్యాయమూర్తులు పోలీసులకు తీవ్ర హెచ్చరికలు చేయడంతో పాటుగా అక్షింతలు వేసే విధంగా స్పందించారు. అలాగే, హెల్మెట్‌లు ధరించని వాహన చోదకులు లైసెన్స్‌లు ఎందుకు రద్దు చేయ కూడదని ప్రశ్నించారు. వాహనం నడిపే వాళ్లు, వెనుక సీట్లు ఉన్న వాళ్లు హెల్మెట్‌ తప్పనిసరిగా ధరించాల్సిందేనని, అలా ధరించని వారి వాహనాలు సీజ్‌ చేయాలన్నట్టుగా కోర్టు స్పందించింది. కోర్టు తీవ్ర హెచ్చరికలు, ఆగ్రహం నేపథ్యంలో ఇక, హెల్మెట్‌ కొరడా ఝుళిపించేందుకు తగ్గట్టుగా పోలీసులు సిద్ధమయ్యారు. వాహన చోదకులతో కఠినంగా వ్యవహరించేందుకు నిర్ణయించారు. ఇందులో భాగంగా ముందుగా తమ సిబ్బందికి సైతం హెల్మెట్‌ తప్పనిసరి చేస్తూ ఆదేశాలు ఇవ్వడమే కాదు, హెల్మెట్‌ ధరించని పోలీసులకు సైతం జరిమానా విధించే విధంగా కమిషన్‌ ఉత్తర్వులు ఇవ్వడం విశేషం. అధికారులతో కమిషనర్‌ సమాలోచన.. కమిషనరేట్‌ ఆదివారం పోలీసు అధికారులతో ఏకే విశ్వనాథన్‌ భేటీ అయ్యారు. గంటన్నర పాటుగా సాగిన భేటీ అనంతరం ట్రాఫిక్‌ విభాగానికి ›ప్రత్యేక ఆదేశాలతో కూడిన ఉత్తర్వులు జారీ అయ్యాయి. చెన్నై కమిషనరేట్‌ పరిధిలో పనిచేస్తున్న ప్రతి పోలీసులు ఇక, హెల్మెట్‌ ధరించి ద్విచక్ర వాహనాలు నడపాలని ఆదేశించారు. హెల్మెట్‌ లేకుండా ఎవరైనా పోలీసులు రోడ్డెక్కినా, అట్టి వారికి జరిమానా విధించాలన్నారు. నిబంధనలు అన్నది అందరికీ వర్తిస్తుందని, సోమవారం నుంచి హెల్మెట్‌ ధరించని పోలీసులకు జరిమానా విధించే విధంగాముందుకు సాగాలని ఆదేశించారు. విధి నిర్వహణ నిమిత్తం వెళ్తున్నా, సొంత పని మీద వెళ్తున్నా, తప్పనిసరిగా హెల్మెట్‌ ధరించాల్సిందేనని హుకుం జారీ చేశారు. అలాగే, ఎవరైనా పోలీసు మద్యం తాగి వాహనం నడుపుతూ పట్టుబడ్డ పక్షంలో కేసులు నమోదు చేయాలని ఆదేశించారు. ఇలా పట్టుబడే వారి వివరాలను నివేదిక రూపంలో కమిషనరేట్‌కు పంపించాలని, దీని ఆధారంగా మద్యం తాగి వాహనాలు నడిపే పోలీసుల మీద శాఖ పరమైన చర్యలు తీసుకోవడం జరుగుతుందని హెచ్చరించారు. ట్రాఫిక్‌ విభాగం  ఈ ఆదేశాలు, ఉత్తర్వులను తప్పనిసరిగా అనుసరించాలని, జరిమానా విధింపు, కేసుల నమోదులో వెనక్కు తగ్గ వదని హుకుం జారీ చేశారు. కాగా, పోలీసులకే జరిమానా మోత మోగించే విధంగా ఆదేశాలు జారీ చేసి ఉన్న నేపథ్యంలో ఇక, సామాన్యులు నెత్తిన హెల్మెట్‌ లేకుండా వాహనాలు నడిపిన పక్షంలో, జరిమాన కొరడా మరింతగా మోగడం ఖాయం. ఈ దృష్ట్యా, ప్రతిఒక్కరూ హెల్మెట్‌ ధరించడం శ్రేయస్కరం.

బాపట్లటౌన్‌: రవాణాశాఖాధికారులు పట్టించుకోకపోవడంతో కొందరు వాహన చోదకులు నిబంధనలకు విరుద్ధంగా ఇష్టారాజ్యంగా వ్యవహరిస్తున్నారు. వాహనాలను ఉరుకులు పరుగులు పెట్టిస్తూ ప్రయాణికులను భయభ్రాంతులకు గురిచేస్తున్నారు. తత్ఫలితంగా ఇటీవల కాలంలో రోడ్డు ప్రమాదాలు అధికమయ్యాయి. మైనర్లు, లైసెన్స్‌ లేని వారు వాహనాలు నడుపుతున్నా నియంత్రించడంలో రవాణా, పోలీస్‌ శాఖలు విఫలమయ్యాయని ప్రజలు ఆరోపిస్తున్నారు. ఆటోలు, ట్రాక్టర్లలో పరిమితికి మించి మరీ ప్రయాణికులను ఎక్కిస్తూ వాహనాలను నడుపుతున్నారు. ప్రయాణికులు తప్పనిసరి పరిస్థితుల్లో ప్రయాణం చేయాల్సివస్తోంది. దీంతో అనుకోకుండా ఏదైనా ప్రమాదం జరిగితే ఎంతో విలువైన ప్రాణాలు కోల్పోవడం ఖాయం. పరిమితిని మించిన ప్రయాణాలు అరికడితే ప్రమాదాలను చాలావరకు నియంత్రించవచ్చు.  అవగాహన సదస్సులు సరే...ఆచరణేది? ఇటీవల నిర్వహించిన రహదారి భద్రతా వారోత్సవాల్లో ప్రతి ఒక్కరూ తప్పనిసరిగా లైసెన్స్‌లు పొందిన తర్వాతే వాహనాలు నడపాలని, పాఠశాల బస్సులు నడిపే డ్రైవర్లు నిబంధనల ప్రకారం నడుచుకోవాలని, అధికలోడుతో వాహనాలు నడిపితే సీజ్‌ చేస్తాం అని చెప్పిన అధికారులు ఆ తర్వాత వాటి గురించి పట్టించుకున్న దాఖలాలు ఎక్కడా కనిపించలేదు. నిబంధనలకు విరుద్ధంగా వాహనాలను నడిపే వారిపై అధికారులు ఎలాంటి చర్యలు తీసుకోవడం లేదు. డ్రైవింగ్‌ పూర్తిగా రాని వారికి కూడా అధికారులు లైసెన్స్‌లు ఇస్తున్నారనే విమర్శలు వినిపిస్తున్నాయి. ప్రమాదాలు జరిగినప్పుడు అధికారులు అక్కడకు చేరుకుని హడావుడి చేయటం తప్ప  తగు చర్యలు తీసుకోవడం లేదని పలువురు ఆరోపిస్తున్నారు. మైనార్టీ తీరని వారు కూడా వాయువేగంగా బైక్‌లపై దూసుకెళ్తున్నారు. ట్రిపుల్‌ రైడింగ్‌ కూడా రోడ్లపై కనిపిస్తూనే ఉంది. చర్యలు తీసుకోవాల్సిన మోటారు వాహనాల తనిఖీ అధికారులు, పోలీస్‌ అధికారులు చూసీచూడనట్లుగా వ్యవహరిస్తున్నారు. దీంతో ఆటోవాలాలు, ట్రాక్టర్ల వాళ్లు సామారŠాధ్యనికి మించి ప్రయాణికులను ఎక్కించుకుంటూ ప్రమాదాల బారిన పడుతున్నారు.  ఆటోలో వెనుక డోర్‌పై నిలబడి ప్రయాణిస్తున్నప్రజలు   గజిబిజిగా నంబర్‌ ప్లేట్లు  ద్విచక్ర వాహనాలపై నంబర్‌ ప్లేట్లు ఎవరికిష్టమొచ్చినట్లు వారు వేయించడం  వలన ఆ బండి నంబర్‌ చూసేవారికి అర్ధం కావడం లేదు. మరికొంత మంది నంబర్‌పై ఉన్న మోజుతో కొన్ని నంబర్లు పెద్దవిగానూ, మరికొన్ని నంబర్లు చిన్నవిగా వేస్తున్నారు. ప్రమాదాలు జరిగినప్పుడు చూసే వారిని తప్పుదోవ పట్టిస్తున్నారు. దీని వలన రోడ్డు ప్రమాదాల్లో మరణించిన వారి కుటుంబాల వారు నంబర్‌ను సరిగా గుర్తించని కారణంగా బీమా రాని సందర్భాలు అనేకం ఉన్నాయి. ఇంకొందరు నంబర్‌ప్లేట్లపై సినీహీరోల బొమ్మలు వేసి, నంబర్‌ను చిన్నగా రాయిస్తున్నారు. ఈ విషయాలు రవాణా, పోలీస్‌ శాఖాధికారులకు తెలియంది కాదు. అయితే కట్టుదిట్టమైన చర్యలు తీసుకోకపోవడం వలనే అనర్ధాలు చోటుచేసుకుంటున్నాయనే ఆరోపణలు సర్వత్రా వ్యక్తమవుతున్నాయి.  త్వరలో స్పెషల్‌ డ్రైవ్‌  నిర్వహిస్తాం నిబంధనలకు విరుద్ధంగా వాహనాలు నడుపుతున్న వాహన చోదకులపై చర్యలు తీసుకుంటూనే ఉన్నాం. గత 20 రోజుల వ్యవధిలో సుమారు 70 వాహనాలను సీజ్‌ చేశాం. త్వరలో స్పెషల్‌ డ్రైవ్‌ నిర్వహించి అన్ని ప్రాంతాల్లో ఏకకాలంలో తనిఖీలు నిర్వహించి వాహనచోదకులపై చర్యలు తీసుకుంటాం. – జి.రామచంద్రరావు, ఎంవీఐ కేసులు నమోదుచేసి కోర్టుకు పెడుతున్నాం  లైసెన్స్‌ లేకుండా, పరిమితికి మించి ప్రయాణికులను ఎక్కించుకుం టున్న వాహనచోదకులపై కేసులు నమోదుచేసి కోర్టుకు పెడుతున్నాం. ఆటోడ్రైవర్లకు అవగాహన సదస్సులు నిర్వహిస్తున్నాం. ప్రతిరోజు ఉదయం, సాయంత్రం వాహనాల తనిఖీ కార్యక్రమాన్ని ముమ్మరం చేసి ప్రమాదాలను నివారించేందుకు కృషిచేస్తాం.                   – జి.రవికృష్ణ, ఎస్‌ఐ

సాక్షి, హైదరాబాద్‌ : ట్రాఫిక్‌ నిబంధనలు ఎందుకు పాటించడంలేదని ప్రశ్నిస్తూ ప్రజాప్రతినిధిని ఓ యువతి వీడియో తీస్తే.. మమ్మల్నే వీడియో తీస్తావా అంటూ ప్రజాప్రతినిధి కూతురు కూడా ఫోన్‌తో చిత్రీకరిస్తున్న ఓ వీడియో ఇప్పుడు సామాజిక మాధ్యమాల్లో వైరల్‌గా మారింది. నిజాంపేటలో ఎంపీటీసీ సురేష్‌ యాదవ్‌ సర్వీస్‌ రోడ్డుకు అడ్డంగా కారును పార్క్‌ చేశారు. అయితే అదే రోడ్డుగుండా వెలుతున్న సాఫ్ట్‌వేర్‌ ఇంజినీర్‌ రిషికా రోడ్డుపైనే కారును పార్క్‌ ఎందుకు చేశారంటూ నిలదీసింది.  నీ ఇష్టమొచ్చింది చేసుకో, అసలు నువ్వెందుకు ఈ రూట్లో వచ్చావు, నీకు వేరే దారే లేదా అంటూ సురేష్‌ యాదవ్‌ దబాయించాడు. అంతేకాకుండా సురేష్‌ యాదవ్‌ కూతురు కూడా వీడియో తీస్తూ యువతిని ఇట్స్‌ నాట్‌ యువర్‌ ప్రాపర్టీ, నువ్వేం పోలీసువు కాదంటూ ర్యాష్‌గా మాట్లాడింది. అయితే ఈ ఘటనపై రిషికా ట్విట్టర్‌లో పోస్ట్‌ చేయడంతో సైబరాబాద్‌ పోలీసులు స్పందించారు. ఎంపీటీసీ కారుకు చలానా విధించారు. గురువారం జరిగిన ఈ సంఘటనకు సంబంధించి వీడియో ఇప్పుడు సామాజిక మాధ్యమాల్లో వైరల్‌ అవుతోంది.

విజయవాడ, గుడ్లవల్లేరు(గుడివాడ): రకరకాల పనులపై ఇంటినుంచి తమతమ వాహనాల్లో ప్రజలు బయటకు వెళుతుంటారు. అలా వెళ్లిన వారిలో చాలామంది ప్రమాదాలు జరిగి మృత్యువాతకు గురవుతున్నారు. మరికొందరు దివ్యాంగులుగా మారుతున్నారు. బాధిత కుటుంబాల్లో చీకట్లు నెలకొంటున్నాయి. ట్రాఫిక్‌ నిబంధనలు పాటిస్తూ వాహనాలను ఫిట్‌గా ఉంచుకుంటే ప్రయాణాలు సుఖవంతంగా జరుగుతాయి. క్షేమంగా గమ్యస్థానాలకు చేరుకుంటారు. ప్రయాణాల్లో నిబంధనలు పాటించడం లేదన్న ఆరోపణలు రవాణా శాఖాధికారుల నుంచి వస్తున్నట్లే రవాణాలో తమకు రక్షణ ఉండటం లేదని ప్రయాణికుల నుంచి విమర్శలు వెల్లువెత్తుతున్నాయి. బైకిస్టులు, వాహన చోదకులు అప్రమత్తంగా లేకపోవడంతో ప్రమాదాలు చోటు చేసుకుంటున్నాయి. స్కూల్‌ పిల్లలను ఎక్కించే బస్సులు కండీషన్‌లో లేవనే ఆరోపణలు తల్లిదండ్రుల నుంచి వెల్లువెత్తుతున్నాయి. ప్రయాణాల్లో కొన్ని నిబంధనలను పాటిస్తే ప్రమాదాలను అదుపు చేసుకోవచ్చు. స్కూల్‌ బస్సుకు నిబంధనలు పాటించాలి ఏపీ మోటారు వాహనాల నియమావళి ప్రకారం 1989లో 185 (జి)ప్రకారం పరిమితికి మించి విద్యార్థులను ఎక్కించుకోరాదు. 60 ఏళ్ల వయసు దాటినవారు డ్రైవింగ్‌ చేయకూడదు. పర్మిట్‌ నిబంధనలను ఉల్లంఘించరాదు. నిబంధనలు ఉల్లంఘిస్తే మోటారు వాహన చట్టం సెక్షన్‌ 86 ప్రకారం జరిమానా, పర్మిట్‌పై చర్య కూడా ఉంటుంది. డ్రైవింగ్‌లో సెల్‌ మాట్లాడితే ప్రమాదమే సెల్‌ఫోన్‌లో మాట్లాడుతూ వాహనం నడిపితే మోటారు వాహన చట్టం 184 ప్రకారం రూ.వెయ్యి జరిమానా విధిస్తారు. లేదా సీఎంవీ రూల్‌ 21 ప్రకారం డ్రైవింగ్‌ లైసెన్స్‌ తాత్కాలికంగా రద్దు చేస్తారు. సెల్‌లో మాట్లాడుతూ ఏ వాహనాన్ని డ్రైవ్‌ చేసినా ఇవే చర్యలుంటాయి. హెల్మెట్‌తో ప్రాణానికి రక్ష వాహన చోదకుడు హెల్మెట్‌ ధరించి ఉంటే ప్రమాదాల సమయంలో ప్రాణానికి హాని తక్కువగా ఉంటుంది. మోటారు వాహనాల చట్టం సెక్షన్‌ 129 ప్రకారం హెల్మెట్‌ తప్పనిసరిగా ధరించాలి. లేకుంటే సెక్షన్‌ 177 ప్రకారం జరిమానా రూ.వంద విధిస్తారు.    అతి వేగం ప్రమాదం అతివేగం అత్యంత ప్రమాదకరం. అతివేగం వల్ల వాహనం నడిపే వ్యక్తితో పాటు ఎందరో అభాగ్యులు ప్రమాదాల బారిన పడతారు. ఎన్నో కుటుంబాలు చిన్నాభిన్నం అవుతాయి. మోటారు వాహనాల చట్టం సెక్షన్లు 112, 183(1)ప్రకారం జరిమానాతో పాటు జైలు శిక్ష కూడా విధిస్తారు. మద్యం సేవించి నడిపితే మృత్యు కౌగిలే.. మద్యం సేవించి వాహనం నడిపితే మృత్యువాత పడాల్సిందే. మద్యం సేవించిన సమయంలో చిన్న మెదడు పని చేయకపోవడం వల్ల ఎదుట వచ్చే వాహనాలను గుర్తించే శక్తి తగ్గుతుంది. ప్రమాదాలు జరిగే అవకాశాలు ఎక్కువ ఉంటాయి. మద్యం సేవించి వాహనం నడిపితే వాహన చట్టం సెక్షన్‌ 185 ప్రకారం ఆరు నెలల జైలుశిక్ష విధిస్తారు. సిగ్నల్‌ అధిగమిస్తే చర్యలు ర్యాష్‌ డ్రైవింగ్‌ చేస్తూ సిగ్నల్‌ జంపింగ్‌ చేస్తే నేరం. ఈ దుందుడుకు చర్య వల్ల సిగ్నల్‌ ఇచ్చిన వైపు నుంచి వచ్చే వాహన చోదకులు ప్రమాదాలకు గురవుతారు. ఇలా చేస్తే వాహన చట్టం సెక్షన్‌ 184 ప్రకారం ఆరు నెలల వరకు జైలుశిక్ష లేదా రూ. వెయ్యి జరిమానా విధిస్తారు. వాహనం నడపాలంటే ఇవి తప్పనిసరి వాహనం నడుపుటకు రిజిస్ట్రేషన్‌ సర్టిఫికెట్, డ్రైవింగ్‌ లైసెన్స్, పొల్యూషన్‌ సర్టిఫికెట్, ఇన్సూరెన్స్‌ సర్టిఫికెట్‌ తప్పనిసరిగా ఉండాల్సిందే. రిజిస్ట్రేషన్‌ లేకుంటే మోటారు వాహన చట్టం సెక్షన్లు 39, 192 ప్రకారం జరిమానా ఉంటుంది. డ్రైవింగ్‌ లైసెన్స్‌ లేకుంటే మోటారు సెక్షన్‌ 3, 4, 180, 181 ప్రకారం జరిమానా లేదా జైలుశిక్ష తప్పదు. పొల్యూషన్‌ సర్టిఫికెట్‌ లేని వాహన చోదకునికి సెక్షన్‌ 190 (2) ప్రకారం రూ.వెయ్యి జరిమానా విధిస్తారు. ఇన్సూరెన్స్‌ లేకపోతే సెక్షన్‌ 196 (ఎ) ప్రకారం మూడు నెలల జైలశిక్ష లేదా రూ.వెయ్యి జరిమానా ఉంటుంది. సీట్‌బెల్ట్‌తో ప్రయాణం సురక్షితం కారులో సీట్‌బెల్ట్‌ పెట్టుకుని ప్రయాణిస్తే గమ్యస్థానానికి సురక్షితంగా చేరవచ్చు. డ్రైవింగ్‌ సీట్‌లో ఉన్నవారే కాకుండా ఫ్రంట్‌ సీట్‌లో కూర్చున్నవారు కూడా బెల్ట్‌ పెట్టుకుంటే మంచిది. సీఎంవీ రూల్‌ 138 (3) ప్రకారం విధిగా సీట్‌బెల్ట్‌ ధరించాల్సిందే. సీట్‌బెల్ట్‌ ధరించనిచో మోటారు వాహన చట్టం సెక్షన్‌ 177ప్రకారం రూ.వెయ్యి జరిమానా తప్పదు.

సుల్తాన్‌బజార్‌ (హైదరాబాద్‌): వివిధ ట్రాఫిక్‌ ఉల్లంఘనలకు పాల్పడి 27 పెండింగ్‌ చలనాలు కట్టకుండా ఉన్న ఓ వ్యక్తికి చెందిన ద్విచక్ర వాహనాన్ని సుల్తాన్‌బజార్‌ పోలీసులు సీజ్‌ చేసారు. ఆదివారం విస్తృత తనిఖీలలో భాగంగా సుల్తాన్‌బజార్‌ పోలీసుస్టేషన్‌ పరిధిలోని హానుమాన్‌టేకిడి క్రాస్‌రోడ్స్‌ వద్ద ఇన్‌స్పెక్టర్‌ సుబ్బారామిరెడ్డి నేతృత్వంలో ఎస్సైలు మధుసూధన్, నర్సింగ్‌రావులు వారి సిబ్బందితో వాహనాల తనిఖిలు నిర్వహిస్తున్నారు. హుస్సేనీహాలం, దూద్‌బౌలికి చెందిన మిర్జా రజాఅలీ(42), టీఎస్‌ 12 ఎబి 8383 నెంబర్‌ గల ఫ్యాషన్‌ ప్రో ద్విచక్రవాహనంపై వెళ్తున్నాడు. అతని వాహనాన్ని ఆపిన పోలీసులు అతని బండిపై ఉన్న చలానా చిట్టాను చూసి ఆశ్చర్యపోయారు. రూ.4650 గల 27 పెండింగ్‌  చలానాలు ఉండడంతో వాహనాన్ని స్వాధీనం చేసుకుని కేసు నమోదు చేశారు. సోమవారం మిర్జా ఈ సేవలో చలానాలు చెల్లించడంతో అతని వాహనాన్ని పోలీసులు రిలీజ్‌ చేశారు.

తూర్పుగోదావరి, రాజమహేంద్రవరం సిటీ: ట్రాఫిక్‌ నిబంధనలు ఉల్లంఘించిన వారికి సీసీ కెమెరాల సహాయంతో జరిమానాలు విధించేందుకు పోలీసులు ప్రణాళిక సిద్ధం చేస్తున్నారు. నగరంలో పలు కూడళ్లలో నిఘా వ్యవస్థను పటిష్టపరుస్తూ అత్యాధునికి సీసీ కెమెరాలు ఏర్పాటుచేసే పనులు జోరుగా సాగుతున్నాయి. ఈ కెమెరాలు ఏర్పాటు తరువాత ట్రాఫిక్‌ నిబంధనలు ఎవరు ఉల్లంఘించినా క్షణాల్లో సీసీ కెమెరాల్లో నమోదై జరిమానా కట్టేందుకు ఈ చలానా అందుకోవాల్సిందే. రాష్ట్ర  ప్రభుత్వం హైస్పీడ్‌ సీసీ కెమెరా వ్యవస్థను ఏర్పాటు చేసే లక్ష్యంతో నగరంలో పలు ప్రాంతాలకు 325 సీసీ కెమెరాలు మంజూరు చేసింది. తొలి విడతగా నగరంలో ప్రధాన కూడళ్లలో 95 కెమెరాల ఏర్పాటుకు అన్ని చర్యలు చేపట్టింది పోలీస్‌శాఖ. ఇప్పటికే నగరంలో ఏర్పాటు చేయాల్సిన ప్రాంతాల్లో కెమెరా అమర్చేందుకు అవసరమైన స్తంభాలు సిద్ధం చేస్తున్నారు. ఒక్కొక్క స్తంభానికి నాలుగు కెమెరాల ఏర్పాటు చేయనున్నారు. ఈ నిఘా వ్యవస్థ వల్ల పాత నేరస్తులతో పాటు చోరీకి గురైన వాహనాలను గుర్తించవచ్చని, అలాగే నిబంధనలు అతిక్రమించిన వారితో పాటు, ఆ వాహన చోదకుని ఫొటో, వాహనం నంబర్‌ ప్లేట్‌ ఫొటో ఇలా నిఘా వ్యవస్థ ఏర్పాటుకు అర్బన్‌ పోలీసులు రంగం సిద్ధం చేశారు. ఇకపై వాహన చోదకులు జాగ్రత్తగా వ్యవహరించి వాహనాల అధిక స్పీడు, రాంగ్‌రూట్, లైన్‌ దాటడం వంటి తప్పిదాలు చేయకుండా వాహనాలు నడపాల్సి ఉంటుందని అడిషనల్‌ ఎస్పీ రమణ్‌కుమార్‌ తెలిపారు.

రోడ్డు ప్రమాదాలకు కారణం నిర్లక్ష్యం...తొందరపాటు...మితిమీరిన వేగమే. ఒక్క క్షణం దీనిపై యువత ఆలోచించాలి. హెల్మెట్, సీట్‌ బెల్ట్‌ తప్పక ధరించాలి. ట్రాíఫిక్‌ రూల్స్‌ పాటించాలి. హైదరాబాద్‌లో రోడ్డు ప్రమాదాల నివారణకు వాహనాలు 40 కిలోమీటర్లు మించి వేగంతో వెళ్లరాదని సూచిస్తున్నాం’ అని హోం మంత్రి మహమూద్‌ అలీ స్పష్టం చేశారు. సోమవారం సరూర్‌నగర్‌లో రహదారి భద్రతా వారోత్సవంలో ఆయన మాట్లాడారు. సాక్షి, సిటీబ్యూరో: దేశవ్యాప్తంగా జరుగుతున్న రోడ్డు ప్రమాదాల్లో 70 శాతం యువతే ప్రాణాలు కోల్పోతుండటం బాధాకరమని రాష్ట్ర హోంశాఖ మంత్రి మహమూద్‌ ఆలీ అన్నారు. దేశాభివృద్ధిలో కీలకపాత్ర పోషించాల్సిన యువత  ట్రాఫిక్‌ నిబంధనలు పాటించాలని సూచించారు. రాచకొండ పోలీసుల ఆధ్వర్యంలో సరూర్‌నగర్‌ ఇండోర్‌ స్టేడియంలో సోమవారం జరిగిన 30వ రహదారి భద్రతా వారోత్సవాల్లో భాగంగా నిర్వహించిన మెగా ట్రాఫిక్‌ అవగాహన కార్యక్రమంలో హోంమంత్రి మహమూద్‌ ఆలీ  పాల్గొన్నారు. మోటార్‌ సైకిల్‌ ర్యాలీతో ప్రారంభమైన ఈ కార్యక్రమంలో రాష్ట్ర రోడ్డు సేఫ్టీ ఆథారిటీ డైరెక్టర్‌ టి.కృష్ణ ప్రసాద్, లా అండ్‌ అర్డర్‌ అడిషనల్‌ డీజీ జితేందర్, రాచకొండ సీపీ మహేష్‌ భగవత్, సినీ నటుడు కళ్యాణ్‌ రామ్, ట్రాపిక్‌ డీసీపీ దివ్యచరణ్‌ పాల్గొన్నారు. అనంతరం  హోంమంత్రి మాట్లాడుతూ శాంతి భద్రతల పరిరక్షణఖు రాష్ట్ర ప్రభుత్వం ప్రత్యేకంగా రూ.707 కోట్లు ఖర్చు చేస్తుందన్నారు. అభివృద్ధి చెందిన దేశాల తరహాలో రహదారి భద్రతకు ప్రత్యేక చర్యలు తీసుకుంటున్నామన్నారు. పోలీసుల పనితీరుతో నేరాలు తగ్గుముఖం పట్టాయన్నారు. హైదరాబాద్‌లో రోడ్డు ప్రమాదాల నియంత్రణకు వాహనాలు 40 కిలోమీటర్లు మించి వెళ్లరాదని సూచించారు. ప్రజలు ఎక్కువగా గుమికూడే ప్రాంతాల్లో ‘రోడ్డు ప్రమాదాల వీడియో’లను ప్రదర్శించాలని సూచించారు. ‘మోటార్‌ వెహికల్‌ యాక్ట్‌ కింద 2014లో 71 లక్షల కేసులు నమోదు కాగా 2018లో 1.30 కోట్ల కేసులు నమోదైనట్లు తెలిపారు. రాష్ట్ర రోడ్డు సేఫ్టీ ఆథారిటీ డైరెక్టర్‌ టి.కృష్ణ ప్రసాద్‌ మాట్లాడుతూ ప్రతి ఒక్కరూ ట్రాఫిక్‌ నియమాలు పాటిస్తే ప్రమాదాలు జరగవన్నారు. ధ్వంసమైన రోడ్లు, బ్లాక్‌స్పాట్స్‌ను గుర్తించి మరమ్మతులు చేపట్టామన్నారు. అతివేగం, డ్రంకన్‌ డ్రైవ్‌ కారణంగానే ఎక్కువగా రోడ్డు ప్రమాదాలు జరుగుతున్నాయని చెప్పారు.  ప్రజల సంక్షేమాన్ని దృష్టిలో ఉంచుకునే ట్రాఫిక్‌ పోలీసులు జరిమానాలు వసూలు చేస్తారన్నారు. రాచకొండ కమిషనరేట్‌ పరిధిలోని విద్యాసంస్థలు తమ సంస్థలో ఎవరూ రోడ్డు ప్రమాదం బారిన పడలేదని నివేదిక ఇస్తే అవార్డు అందజేస్తామని సీపీ మహేష్‌ భగవత్‌ తెలిపారు. రాచకొండలో ట్రాఫిక్‌ పోలీసులు సమర్థంగా పనిచేస్తున్నారని కొనియాడారు.  ప్రాణం కంటే మించినది లేదు... ‘డ్రైవింగ్‌ చేసేటప్పుడూ హెల్మెట్‌ ధరించాలి. సీట్‌బెల్ట్‌ పెట్టుకోవాలి. ట్రాఫిక్‌ సిగ్నల్స్‌ వద్ద ఆగాలి. రాంగ్‌ రూట్‌లో డ్రైవింగ్‌ చేయవద్దు. ఇలా ట్రాఫిక్‌ నిబంధనలన్నీ ప్రతి ఒక్కరికి తెలుసు. అయితే చిన్నపాటి నిర్లక్ష్యం ఎంతో మంది కుటుంబాలకు శోకసంద్రాన్ని మిగిల్చింద’ని సినీ నటుడు కళ్యాణ్‌రామ్‌ అన్నారు.  2014, 2018లో తాను అన్న య్య, నాన్నను కోల్పోయానని, ప్రాణం కంటే మించింది ఏదీ లేదన్నారు.రహదారిపై వెళ్లేటప్పు డు ట్రాఫిక్‌ నియమాలు పాటించాలని, సిగ్నల్‌ దగ్గర ఒక్క నిమిషం ఆగి వెళ్లడం వల్ల సమయం మించిపోదన్నారు. ప్రజల బాగోగుల కోసమే పోలీసులున్నారని, వారికి సహకరించాలని కోరారు.   ఆలోచింపచేసిన వీడియోలు...   హెల్మెట్‌ ధరించకపోవడం, సిగ్నల్‌ జంపింగ్, అతివేగం వల్ల జరిగిన కొన్ని రోడ్డు ప్రమాదాల వీడియోలను రాచకొండ ట్రాఫిక్‌ పోలీసులు ప్రదర్శించారు. హెల్మెట్‌ ధరించిన బైకర్‌కు ప్రమా దం జరిగినప్పుడు గాయాలు కాని వీడియోలను ప్రదర్శించారు. అభి బృందం రోడ్డు ప్రమాదాలపై చేసిన నాటకం విద్యార్థులను ఆలోచింపచేసింది. 

విశాఖపట్నం  ,అనకాపల్లిటౌన్‌: ట్రాఫిక్‌ నిబంధనలు  పాటిం చడం వల్ల రోడ్డు  ప్రమాదాలు నివారించవచ్చని డీఎస్పీ ఎస్‌.వి.వి. ప్రసాదరావు అన్నారు. స్థానిక నెహ్రూచౌక్‌ వద్ద 30వ జాతీయ రోడ్డు భద్రతావారోత్సవాలను  ఎస్పీ అట్టాడ బాబూజీ సోమవారం ప్రారంభించారు. ఈ సందర్భంగా నెహ్రూచౌక్‌ నుంచి పెరుగుబజారు మీదుగా  ర్యాలీ నిర్వహించారు. అనంతరం జరిగిన సమావేశంలో డీఎస్పీ మాట్లాడారు. ద్విచక్రవాహన చోదకులు హెల్మెట్,  కారు డ్రైవర్లు సీటుబెల్ట్‌ తప్పనిసరిగా ధరించాలన్నారు. డివిజన్‌ పరిధిలో ట్రాఫిక్‌ అడ్వయిజరీ కమిటీని ఏర్పాటు చేయనున్నట్టు తెలిపారు. అనకాపల్లి పట్టణంలో పార్కింగ్‌ క్రమబద్ధీకరణకు ప్రత్యేక చర్యలు తీసుకుంటామని చెప్పారు. ఈ వారోత్సవాలు  10వతేదీ వరకు కొనసాగుతాయని తెలిపారు. వెహికల్‌ ఇన్‌స్పెక్టర్‌ ఎం.బుచ్చిరాజు మాట్లాడుతూ మానవ తప్పిదాల వల్లే 80 «శాతం రోడ్డు ప్రమాదాలు  జరుగుతున్నాయని  తెలిపారు.  ట్రాఫిక్‌ సీఐ కిరణ్‌కుమార్‌ మాట్లాడుతూ   అతివేగం, సెల్‌ఫోన్‌ డ్రైవింగ్, సిగ్నల్‌ జంపింగ్, వన్‌వే ప్రయాణం, మద్యం సేవించి వాహనాలు నడపడం వల్ల ప్రమాదాలు జరుగుతున్నాయన్నారు.   పట్టణ సీఐ ఎస్‌.తాతారావు మాట్లాడుతూ  మైనర్లు వాహనాలు నడిపి ప్రమాదాల బారినపడితే  వారి తల్లిదండ్రులపై కేసులు నమోదు చేస్తామన్నారు. ప్రభుత్వ ఉద్యోగులు మద్యం సేవించి వాహనాలు నడిపితే అపరాధ రుసుంతో పాటు జైలు శిక్ష కూడా విధిస్తామని చెప్పారు. ఈ కార్యక్రమంలో ఎస్‌ఐలు అప్పన్న, శ్రీనివాసరావు, వెహికల్‌ ఇన్‌స్పెక్టర్లు శ్రీనివాసరావు, ఉషా తదితరులు పాల్గొన్నారు.  

గోపాలపట్నం(విశాఖ పశ్చిమ): విశాఖ విమానాశ్రయంలో ట్రాఫిక్‌ నియంత్రణలో భాగంగా విమానాశ్రయ భద్రతా సిబ్బంది కఠినంగా వ్యవహరించక తప్పడం లేదు. ఇక్కడ వీఐపీలు, వీవీఐపీల పేరిట ఇష్టానుసారంగా కార్లు పార్కింగ్‌ చేసిన వారు అపరాధ రుసుం చెల్లించాల్సిందేనని హెచ్చరిస్తున్నారు.  విమానాశ్రయ డైరెక్టర్‌ ప్రకాష్‌రెడ్డి ఆదేశాల మేరకు శుక్రవారం భద్రతా సిబ్బందితో అధికారులు చర్యలు చేపట్టారు. విమానాశ్రయం ముందు పార్కింగ్‌ చేసిన వారి వాహనాలకు కళ్లాలు వేశారు. దీంతో ఆ కార్లను డ్రైవర్లు స్టార్ట్‌ చేసినా.. ముందుకు కదలలేదు. ఇదేంటని వెతికితే బెట్లు కట్టిన కార్ల చక్రాలకు చట్రాలు బిగించేసి ఉన్నాయి. ఇలా నిబంధనలకు విరుద్ధంగా పార్కింగ్‌ చేసిన  చాలా వాహనాలకు రూ. 3 వేల నుంచి రూ.5వేల వరకు జరిమానా విధించారు. ఓ తెలుగు మహిళా నాయకురాలు కారుకు ఎంపీ స్టిక్కర్‌ అతికించుకుని వస్తే అదేదో ఎంపీ కారని భద్రతా సిబ్బంది భావించారు. అయితేనేం నిబంధనలకు వ్యతిరేకంగా పార్కింగ్‌ చేశారని ఆ కారు చక్రానికి తాళం వేసేశారు. రూ.3 వేలు చెల్లిస్తే గానీ కదలనీయలేదు. మరో చోట ఓ పోలీసు అధికారి వెంట వచ్చిన మరో వ్యక్తి కారును జరిమానా వేశారు. ఇలా.. విమానాశ్రయంలో పార్కింగ్‌ క్రమబద్ధీకరణ కట్టుదిట్టం చేయడానికి నిర్మోహమాటంగా భద్రతా సిబ్బంది చర్యలు చేపడుతున్నారు.  

సాక్షి, సిటీబ్యూరో: హైదరాబాద్‌ నగరంలో ‘ఇంటి వద్దకే ఫుడ్‌ డెలివరీ’ చేసే కంపెనీల వాహన చోదకులు ఇకపై జాగ్రత్తగా ప్రయాణం చేయాల్సి ఉంటుంది. ఎందుకంటే ఆయా కంపెనీల వాహన చోదకులు ట్రాఫిక్‌ నిబంధనలు అతిక్రమిస్తూ ఇబ్బందులకు గురి చేస్తున్నారంటూ ప్రజల నుంచి ఫిర్యాదులు వస్తుండటంతో సైబరాబాద్‌ పోలీసులు చర్యలకు ఉపక్రమించారు. ఇందులో భాగంగా ఫుడ్‌ డెలివరీ సంస్థలైన స్విగ్గి, జోమాటో, ఉబర్‌ ఈట్స్‌ తదితర సంస్థలకు చెందిన అధికారులతో గచ్చిబౌలిలోని సైబరాబాద్‌ పోలీసు కమిషనరేట్‌ కార్యాలయంలో సీపీ వీసీ సజ్జనార్‌ అధ్యక్షతన ఆదివారం ‘సెన్సిటైజేషన్‌ కమ్‌ సేఫ్టీ’ సమావేశం నిర్వహించారు.ఫుడ్‌ డెలివరీ వాహనాల ప్రమేయమున్న ప్రజల భద్రత, రోడ్డు భద్రత, శాంతిభద్రతలకు సంబంధించిన సమస్యలపై జరిగిన ఈ సమావేశంలో ట్రాఫిక్, శాంతిభద్రతలు, హైదరాబాద్‌ ట్రాఫిక్‌ పోలీసులు పాల్గొన్నారు.   తీరు మార్చుకోవాల్సిందే... మద్యం తాగి వాహనం నడపడం, ర్యాష్‌ డ్రైవింగ్, వ్యతిరేక దశలో డ్రైవింగ్, సిగ్నల్‌ జంపింగ్, హారన్లు ఇష్టారీతిన మోగించడం, సెల్‌ఫోన్‌ మాట్లాడుతూ డ్రైవింగ్, నంబర్‌ ప్లేట్‌ టాంపరింగ్‌ తదితర చర్యలతో ప్రజల్లో ఫుడ్‌ డెలివరీ వాహనచోదకులు ఆందోళన కలిగిస్తున్నారు. మొదటిసారి కావడంతో ఇవి మీ దృష్టికి తీసుకొస్తున్నామని, తీరు మార్చుకోకపోతే ట్రాఫిక్‌ పాయింట్‌ సిస్టమ్‌తో కఠిన చర్యలు తీసుకుంటామని కంపెనీ ప్రతినిథులను సైబరాబాద్‌ సీపీ వీసీ సజ్జనార్‌ హెచ్చరించారు. ట్రాఫిక్‌ ఉల్లంఘనలకు పాల్పడే డ్రైవర్లపై ఆయా కంపెనీలు దృష్టి సారించి తగిన చర్యలు తీసుకోవాలని సూచించారు. అలాగే డ్రైవర్లను తీసుకునే సమయంలో వారి పూర్వపరాలు, కస్టమర్‌ డాటా నిర్వహణ, డ్రైవర్లకు ట్రాఫిక్‌ నిబంధనలపై అవగాహన, ప్రజా సమస్యల పరిష్కరానికి ప్రత్యేక వ్యవస్థను ఏర్పాటు చేసుకోవాలని కోరారు. అయితే ట్రాఫిక్‌ నిబంధనలు తరచూ అతిక్రమించే వారిపై నిఘా వేసి తగిన చర్యలు తీసుకుంటామని కంపెనీ ప్రతినిధులు పోలీసులకు హామీ ఇచ్చారు. సొసైటీ ఫర్‌ సైబరాబాద్‌ సెక్యూరిటీ కౌన్సిల్, సైబరాబాద్‌ ట్రాఫిక్‌ పోలీసులు ఈ సమావేశానికి ఆహ్వనించడం పట్ల ఆనందం వ్యక్తం చేశారు. భవిష్యత్‌లో ప్రజలకు ఇబ్బంది కలిగించే తమ కంపెనీ వాహన డ్రైవర్లపై కఠినంగా ఉంటామన్నారు. సమావేశంలో సైబరాబాద్‌ ట్రాఫిక్‌ డీసీపీ విజయ్‌ కుమార్, ట్రాఫిక్‌ అడిషనల్‌ డీసీపీలు ప్రవీణ్‌కుమార్, అమర్‌కాంత్‌ రెడ్డి, హైదరాబాద్‌ ట్రాఫిక్‌ అడిషనల్‌ డీసీపీ భాస్కర్‌ పాల్గొన్నారు. 

సాక్షి, సిటీబ్యూరో: ట్రాఫిక్‌ జంక్షన్ల వద్ద రెడ్‌లైట్‌ ఉండగానే రయ్యిమని దూసుకెళ్లే వాహనచోదకులు...ఇప్పుడు అలా వెళ్లాలంటే ఒకటికి పదిసార్లు ఆలోచిస్తున్నారు. ట్రాఫిక్‌ పోలీసులు లేరు కదా అనుకునే వారిని ‘సీసీటీవీ’ కెమెరాలు హడలెత్తిస్తున్నాయి. ఆటోమేటిక్‌ రెడ్‌లైట్‌ కెమెరా, ట్రాఫిక్‌ కానిస్టేబుళ్లు ఆపరేట్‌ చేసే స్పీడ్‌ లేజర్‌ గన్‌లు, డిజిటల్‌ కెమెరా, ట్యాబ్‌లు ట్రాఫిక్‌ ఉల్లంఘనుల పట్ల తమ పని తాము చేసుకుపోతున్నాయి. ఫలితంగా నేరుగా ఇంటికే ఈ చలాన్లు అందుతున్నాయి. 15 రోజుల్లో ఫైన్‌ కట్టకపోతే లీగల్‌ నోటీసులు, అయినా స్పందించకపోతే చార్జిషీట్‌ దాఖలవుతున్నాయి. కొన్ని సార్లు ఏకంగా జైలుకు వెళ్లాల్సి వస్తోంది. ఫలితంగా జంక్షన్ల వద్ద ట్రాఫిక్‌ నిబంధనలు అతిక్రమించేవారి సంఖ్య తగ్గుముఖం పడుతోంది. సిగ్నల్‌ జంపింగ్‌ ఉల్లంఘనుల సంఖ్య గతేడాది 12,034 కాగా, ఈ ఏడాది 11,423కు తగ్గిందక?్షవదుకు జంక్షన్ల వద్ద సీసీటీవీ కెమెరాలు, ట్రాఫిక్‌ కానిస్టేబుళ్ల కెమెరాల ప్రభావమే కారణంగా గుర్తించారు.   ‘స్పీడ్‌’ పట్టుకుంటున్నా తగ్గని వేగం... ఔటర్‌ రింగ్‌ రోడ్డులో వాహన వేగం పరిమితిపై సూచన బోర్డులు కనిపిస్తాయి. ఉదహరణకు 40 కి లోమీటర్ల వేగంతో వెళ్లాల్సిన ప్రాంతంలో 60 కిలోమీటర్ల వేగంతో దూసుకెళితే ఈ స్పీడ్‌ లేజర్‌ గన్‌లు ఇట్టే పసిగడతాయి. ఈ ఏడాది జనవరి నుంచి డిసెంబర్‌ 20 వరకు  1,19,933 మందికి ఈ చలా న్లు జారీ అయ్యాయి. గతేడాది పరిమితికి మించి వేగంతో వెళ్లిన వారు రాచకొండ పరిధిలోని ఓఆర్‌ఆర్‌లో 45,212 మంది ఉండగా ఈ ఏడాది వారి సంఖ్య ఏకంగా 1,19,933కు పెరగడం గమ నార్హం. అతివేగం కారణంగా ఓఆర్‌ఆర్‌లో ఈ ఏ డా ది 34 రోడ్డు ప్రమాదాలు జరగగా 20 మంది దు ర్మరణం పాలయ్యారు. 34 మంది గాయపడ్డా రు. అయినా వాహనదారుల్లో మార్పు రావడం లేదు. జంపింగ్‌ ఈ ప్రాంతాల్లోనే... ఉప్పల్‌ రింగ్‌ రోడ్డు, ఎల్‌బీనగర్‌ జంక్షన్‌తో పాటు వివిధ ప్రాంతాల్లో సిగ్నల్‌ జంపింగ్‌ కేసులు ఎక్కువగా నమోదవుతున్నాయి. ఉప్పల్‌ రింగ్‌ రోడ్డు నుంచి తార్నాక వచ్చే మార్గంలో రాంగ్‌ సైడ్‌ డ్రై వింగ్‌ చేస్తూ సంఘటనలు ఎక్కువగా ఉన్నాయి. జంక్షన్‌లతో పాటు రోడ్డుపై నో పార్కింగ్‌ జోన్‌లో నిలిపిన వాహనాలను కానిస్టేబుళ్లు కెమెరాలో బంధించి...ఆ ఫొటోలను ఆయా పోలీసు స్టేషన్‌ల నుంచి అప్‌లోడ్‌ చేసి ఈ చలాన్‌కు పంపుతున్నారు. ఈ ఏడాది  7,93,441 ఈ–చలాన్‌లు జారీ చేయగా, వీటిలో ఎక్కువగా రాంగ్‌సైడ్‌ డ్రై వింగ్, నో పార్కింగ్‌ జోన్‌లో ఉన్న వాహన కేసులే ఉన్నాయి. ఒకప్పుడు 80 శాతం వరకు ట్రాఫిక్‌ పోలీసులు పనిచేస్తే, 20 శాతం టెక్నాలజీని ఉపయోగించుకునేవారు. ఇప్పుడు 80 శాతం టెక్నాలజీతోనే పనులు చేస్తున్నామని ట్రాఫిక్‌ పోలీసులు పేర్కొన్నారు. అయితే రోడ్డు ప్రమాదాలు తగ్గాలంటే వాహనదారుల్లోనే మార్పురావాల్సిన అవసరం ఉందని వారు అభిప్రాయపడుతున్నారు.

శంషాబాద్‌ రూరల్‌ (రాజేంద్రనగర్‌): శంషాబాద్‌ పట్టణానికి చెందిన రమేష్‌ నిత్యం ద్విచక్రవాహనంపై తన అవసరాల నిమిత్తం స్థానికంగా తిరుగుతుంటాడు. ఇటీవల బెంగళూరు జాతీయ రహదారిని దాటే క్రమంలో అతడు హెల్మెట్‌ ధరించని కారణంగా పలుమార్లు ట్రాఫిక్‌ చలాన్లు చెల్లించాల్సి వచ్చింది. ఈ చలాన్ల నుంచి తప్పించుకోవడానికి తన మదిలో ఓ ఆలోచన తట్టింది. వాహనానికి వెనక ఉన్న నంబర్‌ ప్లేటుపై ఒక అంకెను తొలగించాడు. ఇంకేముంది.. ఇప్పుడు తలపై హెల్మెట్‌ లేకున్నా దర్జాగా రోడ్లపై నిబంధనలు ఉల్లంఘిస్తూ తిరుగుతున్నాడు. ఇది ఒక రమేష్‌ విషయమే కాదు. శంషాబాద్‌ పట్టణంలో నిత్యం చాలామంది వాహనదారులు ఇదే తరహాలో ట్రాఫిక్‌ నిబంధనలపై నీళ్లు చల్లుతూ చలాన్ల నుంచి తప్పించుకుంటున్నారు. ట్రాఫిక్‌ నిబంధనల ప్రకారం ద్విచక్ర వాహనదారులు విధిగా హెల్మెట్‌ ధరించాలి. నాలుగుచక్రాల వాహనదారులు సీటు బెల్టు ధరించాలి. డ్రైవింగ్‌ సమయంలో సెల్‌ఫోన్‌లో మాట్లాడకూడదు. ఈ నిబంధనలను ఉల్లంఘిస్తే ట్రాఫిక్‌ పోలీసులు గుర్తించి చలాన్లు విధిస్తుంటారు. శంషాబాద్‌ పట్టణంలో బెంగళూరు జాతీయ రహదారిపై రెండు చోట్ల ప్రధాన కూడళ్ల వద్ద వాహనాలను పోలీసులు నియంత్రిస్తుంటారు. దీంతోపాటు ఇక్కడ నిత్యం ట్రాఫిక్‌ పోలీసులు నిబంధనలను ఉల్లంఘించే వారిపై నిఘా వేస్తుంటారు. ఇందులోభాగంగా.. ట్రాఫిక్‌ సిబ్బంది చేతిలో ఉన్న కెమెరాతో ఉల్లంఘనుల వాహనాల ఫొటోలను తీసి వాటి ఆధారంగా చలాన్లు విధిస్తున్నారు. అయితే, చలాన్లను తప్పించుకునేందుకు, తమ వాహనాల వివరాలు తెలియకుండా.. అక్రమార్కులు నంబర్‌ ప్లేట్లపై అంకెలను తొలగించి లేదా తారుమారు చేసి యథేచ్ఛగా తిరుగుతున్నారు. ఈనేపథ్యంలో దర్జాగా తప్పించుకుంటున్నారు. దీంతో ఉల్లంఘనదారులకు విధించే చలాన్లను వాహనదారుల చిరునామాలకు పంపించలేకపోతున్నారు.   వాహనదారుల పాట్లు పట్టణంలోని పలు కాలనీలకు చెందిన వాహనదారులు వివిధ పనుల నిమిత్తం ప్రధాన వీధుల్లో వా హనాలపై తిరుగుతుంటారు.ముఖ్యంగా పట్టణం జాతీయ రహదారికి రెండు వైపులా ఉండడం.. ప్రభుత్వ కార్యాలయాలు, పోలీస్‌స్టేషన్, కూరగాయల మార్కెట్‌కు వెళ్లే వారు జాతీయ రహదారి దాటాల్సి ఉంటుంది. ఏ చిన్న పని ఉన్నా ద్విచక్రవాహనాన్ని వినియోగించక తప్పడం లేదు. కొద్దిదూరం కోసం హెల్మెట్‌ పెట్టుకోవడం ఎందుకని చాలామంది మామూలుగానే వాహనంపై వెళ్తున్నారు. జాతీయ రహదారిపై ప్రధాన కూడళ్ల వద్ద ఉన్న ట్రాఫిక్‌ పోలీసులు ఇలాంటి వారి ఫొటోలు తీసి చలాన్లు విధిస్తున్నారు. వీటితో విసిగిపోతున్న వాహనదారులు చలాన్ల నుంచి తప్పించుకోవడానికి కొత్తదారులు వెతుకుతున్నారు. నంబరు ప్లేట్లపై అంకె లేదా అక్షరం తొలగించడం.. పూర్తిగా నంబర్‌ కనిపించకుండా ప్లేట్లుపై స్టిక్కర్లు అతికించడం, నంబరు ప్లేటును మడతపెట్టడం తదితర పనులు చేస్తున్నారు.  నిందితులను గుర్తించడం కష్టమే.. ట్రాఫిక్‌ చలాన్ల నుంచి తప్పించుకోవడానికి వాహనదారులు నంబరు ప్లేట్లపై మార్పులు చేస్తుండగా.. వీరి ముసుగులో నేరస్తులు తప్పించుకునే అవకాశాలు మెండుగా ఉన్నాయి. ఏదైనా నేరం చేయడానికి వాహనాలపై వచ్చిన నిందితులు ఇలాగే నంబర్లు కనిపించకుండా జాగ్రత్త పడితే.. ఆయా కేసులను ఛేదించడం పోలీసులకు ఇక సవాల్‌గానే మారుతుంది. అయితే, వాహ నాల నంబర్‌ ప్లేట్లపై అంకెలు, అక్షరాలు తొలగించిన వాహనదారులు నిత్యం పోలీసుల ఎదుటే తిరుగుతున్నా వారు దృష్టిసారించడం లేదనే ఆరోపణలు వినిపిఉ్తన్నాయి. మరోవైపు శంషాబాద్‌ పట్టణంలో పార్కిగ్‌ సమస్య జఠిలంగా మారింది. నో పార్కింగ్‌ ఏరియాలో, ప్రధాన వీధుల వెంబడి నిలిపే వాహనాల ఫొటోలను సేకరించి పోలీసులు చలాన్లు విధిస్తుండగా.. నంబర్లు సరిగా లేని వాహ నదారులు యథేచ్ఛగా తప్పించుకుంటున్నారు.    వాహనాన్ని సీజ్‌ చేస్తాం వాహనాలకు నంబరు ప్లే ట్లు నిబంధనల మేరకు ఉండాలి. నంబర్‌ ప్లేట్లపై అంకెలు, అక్షరాలు తొల గించిన వాహనదారులను గుర్తించి చర్యలు తీసుకుంటున్నాం. తనిఖీల్లో వాహనాలు పట్టుబడితే సీజ్‌ చేస్తాం. నిబంధనల మేరకు నడుచుకోకపోతే చర్యలు తప్పవు.  – జి.నారాయణరెడ్డి,ట్రాఫిక్‌ సీఐ, శంషాబాద్‌ 

సాక్షి, సిటీబ్యూరో: ‘‘ట్రాఫిక్‌ నియమాలను తొంబై తొమ్మిది సార్లు ఉల్లంఘించినా ఇబ్బంది రాకపోవచ్చు. ఆ ధోరణి మారకుంటే వందోసారైనా మూల్యం చెల్లించుకోక తప్పదు’’ ట్రాఫిక్‌ నిబంధనల ఉల్లంఘనుల విషయంలో అధికారులు పదేపదే చెప్పే మాట ఇది. ఈ మూల్యం ఉల్లంఘనకు పాల్పడిన వాహన చోదకుడు చెల్లించడం ఒక ఎత్తు.. ఏ పాపం ఎరుగని ఎదుటి వ్యక్తిపై ప్రభావం చూపితే ఆ కుటుంబం పడే బాధ, వ్యధ మరో ఎత్తు. ప్రస్తుతం నగరంలో నిత్యం అనేక కుటుంబాలు ఈ క్షోభను అనుభవిస్తున్నాయి. ఉల్లంఘనుల దృష్టిలో ‘పొరపాటు’గా అనుకున్న అనేక సంఘనలు బాధితుల కుటుంబాల్లో చీకట్లు నింపుతున్నాయి. ఇలాంటి ‘పొరపాట్ల’లో రాంగ్‌ రూట్, నో ఎంట్రీ మార్గాల్లోకి వాహనాలతో రావ డం ప్రధానమైంది. వీటికితోడు మైనర్‌ డ్రైవింగ్, సెల్‌ఫోన్‌ డ్రైవింగ్, అడ్డదిడ్డంగా ఆటోలు తిప్పడం వంటి ఉల్లంఘనలు సైతం ఎదుటి వారి ప్రాణాల మీదికి తెస్తున్నాయి. ఇలాంటి సంఘటనలతో నగరంలో పదేపదే చోటుచేసుకుంటున్న ప్రమాదాల నివారణకు ట్రాఫిక్‌ పోలీసులు చర్యలు చేపట్టారు.   ఒకరి నిర్లక్ష్యానికి మరో కుటుంబం బలి రోడ్డుపై ప్రయాణిస్తూ కాస్తదూరం ముందుకు వెళ్లి ‘యూ టర్న్‌’ తీసుకోవడంలో నిర్లక్ష్యం చూపుతున్న వాహనచోదకులు.. అది వన్‌వేగా కనిపిస్తున్నా.. రాంగ్‌ రూట్‌ అని తెలిసినా పట్టించుకోకుండా దూసుకుపోతున్నారు. ‘నో ఎంట్రీ’ మార్గాల్లో ఇలాగే ప్రవర్తిస్తున్నారు. బైకర్ల నుంచి భారీ వాహనాల డ్రైవర్లు సైతం నో ఎంట్రీల్లోకి వచ్చేస్తున్నారు. ఇలాంటి సందర్భాల్లో వాహనచోదకులు చిన్న చిన్న ప్రమాదాలకు గురవడంతో పాటు అనేక దారుణమైన సంఘటనలకూ కారణమవుతున్నారు. కొన్ని సందర్భాల్లో ఇలాంటి రాంగ్‌రూట్‌/ నిర్లక్ష్య డ్రైవింగ్‌ ఎదుటి వారి ఉసురు తీయడంతో పాటు వారి కుటుంబాన్నే కకావికలం చేస్తున్నాయి. 2013లో ముషీరాబాద్‌ ఏఎస్సై సత్యనారాయణ ఉసురు తీసిన మరణమే దీనికి నిదర్శనం. మూడు కేటగిరీలుగా ఉల్లంఘనలు రహదారి నిబంధనల ఉల్లంఘనలను ట్రాఫిక్‌ విభాగం అధికారులు మూడు కేటగిరీలు పరిగణిస్తారు. వాహన చోదకుడికి ప్రమాదకరంగా మారే వి మొదటిది కాగా, ఎదుటి వ్యక్తికి నష్టం కలిగిం చేవి రెండోది. వాహనచోదకుడితో పాటు ఎదుటి వ్యక్తికీ ముప్పు తెచ్చేవి మూడో కేటగిరీకి చెందినవి. ప్రస్తుతం నగర ట్రాఫిక్‌ అ«ధికారులు ఈ మూ డో కేటగిరీపై దృష్టి పెట్టారు. పదేపదే ప్రమాదాలకు కారణమవుతున్న ఏడు రకాలైన అంశాలను గుర్తించారు. వీరిపై అనునిత్యం స్పెష ల్‌ డ్రైవ్స్‌ చేయడానికి నాలుగు ప్రత్యేక బృందాల ను రంగంలోకి దింపారు. అదనపు సీపీ (ట్రాఫిక్‌) అనిల్‌కుమార్‌ పర్యవేక్షణలోనే ఇవి పనిచేస్తున్నాయి.   కొన్ని చర్యలు తీసుకున్నా.. ‘మూడో కేటగిరీ’ ఉల్లంఘనలకు చెక్‌ చెప్పడానికి ఇప్పటికే నగర ట్రాఫిక్‌ విభాగం అధికారులు అనేక చర్యలు తీసుకుంటున్నారు. సిటీలోని అనేక జంక్షన్లతో పాటు కొన్ని కీలక ప్రాంతాల్లో ‘రాంగ్‌ రూట్, నో ఎంట్రీ’ ఉల్లంఘనలు ఎక్కువగా ఉంటున్నాయి. వీటిని పరిగణలోకి తీసుకున్న ట్రాఫిక్‌ పోలీసులు ఆయా చోట్ల బారికేడ్లు ఏర్పాటు చేసినా ఉల్లంఘనుల్ని పూర్తి స్థాయిలో అడ్డుకోలేకపోతున్నారు. దీంతో కెమెరాలతో కానిస్టేబుళ్లు, హోంగార్డులను మోహరిస్తున్నారు. వీరు ఈ తరహా ఉల్లంఘనలకు పాల్పడే వారి వాహనాలను ఫొటోలు తీసి, ట్రాఫిక్‌ కమాండ్‌ అండ్‌ కం ట్రోల్‌ రూమ్‌ ద్వారా ఈ–చలాన్‌ పంపుతున్నారు. అయితే అన్ని వేళల్లో ఈ పాయింట్లలో సిబ్బంది లేకపోవడంతో ఉల్లంఘనులు రెచ్చిపోయి ప్రాణాలు తీసుకోవడం/తీయడం చేస్తున్నారు.   రంగంలోకి నాలుగు బృందాలు ట్రాఫిక్‌ ఉల్లంఘనులకు పూర్తి స్థాయిలో చెక్‌ చెప్పాలని ట్రాఫిక్‌ చీఫ్‌ అనిల్‌కుమార్‌ నిర్ణయించారు. ఇందులో భాగంగా నగర వ్యాప్తంగా తనిఖీల కోసం నాలుగు ప్రత్యేక బృందాలను నియమించారు. ప్రస్తుతం స్థానిక పోలీసుల ఆధీనంలో పనిచేస్తున్న టీమ్స్‌ అన్ని తరహా ఉల్లంఘనలు, రెగ్యులేషన్‌పై దృష్టి పెడతాయి. అయితే, ఈ ప్రత్యేక బృందాలు మాత్రం కేవలం ఏడు రకాలైన ఉల్లంఘనల్నే పరిగణలోకి తీసుకుని డ్రైవ్స్‌ చేస్తాయి. ఇన్‌స్పెక్టర్‌ నేతృత్వంలో పనిచేసే ఒక్కో బృందంలో ఎస్సై, ఏఎస్సై, హెడ్‌–కానిస్టేబుల్, ఇద్దరు కానిస్టేబుళ్లు, ఇద్దరు హోంగార్డులు ఉంటారు. ప్రతిరోజు ట్రాఫిక్‌ చీఫ్‌ ఆదేశాల మేరకు వీరు నగరంలోనే ఏ ప్రాంతంలో అయినా తనిఖీలు చేస్తారు. ఏ ఠాణా పరిధిలో డ్రైవ్‌ చేస్తుంటే అక్కడి స్థానిక ఎస్సై వీరికి సహకరిస్తారు. బుధవారం నుంచే ఈ టీమ్స్‌ రంగంలోకి దిగి తొలిరోజు 66 కేసులు నమోదు చేశాయి.

ఖమ్మంక్రైం: సిగ్నల్స్‌ వద్ద మార్కింగ్‌ లేకపోవడం.. దుకాణాల ఎదుట వాహనాలు నిలిపేందుకు స్థలం లేకపోవడం.. వాహనదారులు, ప్రయాణికులు ఎవరు ఎటు వెళ్తున్నారో తెలియని గందరగోళం. నిత్యం వేలాది వాహనాలు నగరంలోకి వచ్చిపోతుండడంతో ట్రాఫిక్‌ వ్యవస్థ పద్మవ్యూహాన్ని తలపిస్తోంది. ప్రధాన కూడళ్లలో మరీ దారుణంగా మారిందనే ఆరోపణలు వెల్లువెత్తుతున్నాయి. దీనికితోడు ట్రాఫిక్‌ పోలీసులు కొత్తగా ప్రవేశపెట్టిన ఈ–చలానా విధానంతో వాహనదారులు ఉక్కిరిబిక్కిరి అవుతున్నారు. వారి తీరుతో జేబులు గుల్ల చేసుకుంటున్నారు.   నగరంలో అస్తవ్యస్తంగా మారిన ట్రాఫిక్‌ను నియంత్రించేందుకు పోలీసులు ఐదు సెక్టార్లుగా విభజించారు.  ఒకటో సెక్టార్‌ గాంధీ చౌక్‌ నుంచి త్రీటౌన్‌ ప్రాంతం, రెండో సెక్టార్‌ వన్‌టౌన్‌ పరిధిలోని స్టేషన్‌ రోడ్‌ నుంచి, మూడో సెక్టార్‌ వైరారోడ్‌ నుంచి జెడ్పీసెంటర్‌ వరకు, నాలుగో సెక్టార్‌ జెడ్పీసెంటర్‌ నుంచి శ్రీశ్రీ విగ్రహం వరకు, ఐదో సెక్టార్‌ ఎన్టీఆర్‌ విగ్రహం నుంచి బైపాస్‌ రోడ్డు వరకు విభజించారు. వీటిలో ప్రధాన కూడళ్లు అయిన గాంధీచౌక్, కాల్వొడ్డు, వైరా రోడ్, కిన్నెర పాయింట్, మయూరి సెంటర్‌ ప్రాంతాల్లో నిత్యం వాహనదారులు, పాదచారులు నరకం చూడాల్సిందే. ట్రాఫిక్‌ పోలీస్‌స్టేషన్‌కు కూతవేటు దూరంలో ఉన్న కూరగాయల మార్కెట్‌ వద్ద ట్రాఫిక్‌ సమస్య ఉన్నా పట్టించుకునేవారు కరువయ్యారు.  కస్బాబజార్‌లో పలు వస్త్ర దుకాణాల వద్ద, అజీజ్‌ గల్లీ ప్రాంతంలో సైతం ఇదే సమస్య. ముఖ్యంగా అత్యంత రద్దీ ప్రాంతమైన కిన్నెర పాయింట్, కమల మెడికల్‌ ప్రాంతంలో సాయంత్రం 5 గంటల తర్వాత అక్కడి పాయింట్‌లో విధులు నిర్వర్తించాల్సిన కానిస్టేబుళ్లు ఉండడం లేదని, దీంతో ట్రాఫిక్‌ సమస్య ఆ ప్రాంతంలో మరింత తీవ్రంగా మారిందనే ఆరోపణలు వినిపిస్తున్నాయి. వాస్తవానికి పాయింట్ల వద్ద ఉదయం 8 నుంచి రాత్రి 9 గంటల వరకు సిబ్బంది విధులు నిర్వర్తించాలి. కానీ.. ప్రధాన పాయింట్ల వద్ద సిబ్బంది సరిగా విధులు నిర్వర్తించడం లేదనే విమర్శలు వినిపిస్తున్నాయి. ప్రస్తుతం 60 మంది ట్రాఫిక్‌ సిబ్బంది ఉండగా.. అందులో 20 మంది వరకు ఇతర విధులు నిర్వర్తిస్తున్నారు. దీనిపై ఉన్నతాధికారుల పర్యవేక్షణ సైతం కొరవడిందనే ఆరోపణలు వినిపిస్తున్నాయి.    భయభ్రాంతులకు గురిచేస్తున్న సిబ్బంది  ఇటీవల కాలంలో ఈ–చలానా, క్యాష్‌లెస్‌ లావాదేవీల పేరుతో హైదరాబాద్‌ స్థాయిలో ట్రాఫిక్‌ పోలీసులు జరిమానా విధానాన్ని ప్రవేశపెట్టారు. వారు చేపట్టిన కార్యక్రమం మంచిదే అయినప్పటికీ ఖమ్మం వంటి నగరంలో దీనిపై 90 శాతం మంది వాహనదారులకు అవగాహన లేదు. ఈ విధానాన్ని ఇక్కడ ప్రారంభించిన మొదటి రోజు పత్రికల్లో వార్తలు వచ్చాయి తప్ప దీనిపై వాహనదారులకు ట్రాఫిక్‌ పోలీసులు ఎటువంటి అవగాహన కల్పించిన దాఖలాలు లేవు. కొందరు సిబ్బందికి డిజిటల్‌ కెమెరాలు ఇచ్చి విధి నిర్వహణకు పంపిస్తుండడం.. వారు ఒక్కసారిగా రోడ్లపై వెళ్తున్న ద్విచక్ర వాహనదారుల ఫొటోలు తీయడంతో ఏమీ అర్థంకాక వాహనదారులు భయభ్రాంతులకు గురవుతున్నారు. ముఖ్యంగా అసలు ఫొటోలు తీస్తున్న సిబ్బందికి కూడా ఈ ఫొటోలు ఎందుకు తీయాలి.. ఈ–చలానా అంటే ఏమిటో కూడా సరిగా తెలియదనే విమర్శలు వినిపిస్తున్నాయి. కాగా.. ట్రాఫిక్‌ సిగ్నల్స్‌ను అతిక్రమించడం, హెల్మెట్‌ ధరించకపోవడం, సెల్‌ఫోన్‌ మాట్లాడుతూ వాహనం నడపడం వంటి వాటిని ట్రాఫిక్‌ పోలీసులు ఫొటోలు తీసి.. నేరుగా వాహనదారుడి సెల్‌కు జరిమానా ఎంత కట్టాలి అనే దానిపై మెసేజ్‌ పంపిస్తారు.    పార్కింగ్‌ ఏర్పాటు గాలికి..  హైదరాబాద్‌ స్థాయిలో ఈ–చలానా ప్రవేశపెట్టిన పోలీసులు.. హైదరాబాద్‌ స్థాయిలో కాకుండా కనీసం ఖమ్మం కమిషనరేట్‌ స్థాయిలో వాహనాల పార్కింగ్‌ కోసం ఏళ్లు గడిచినా సరైన స్థలం చూపించలేదు. నిత్యం నగరానికి సుమారు 1.50 లక్షల వాహనాలు వచ్చి పోతుంటాయి. వీటిలో 20వేలకు పైగా ఆటోలు ఉండగా.. మిగతావి ఇతర వాహనాలు ఉన్నాయి. ఆటోలకు అడ్డాలు లేకపోవడంతో నిత్యం రోడ్లపైనే వాటిని నిలుపుతుండడంతో ట్రాఫిక్‌ సమస్య ఎదురవుతోంది. ఆస్పత్రికి.. వ్యాపార సముదాయాలకు వెళ్లాలనుకున్నా.. తమ వాహనాలను ఎక్కడ పార్కింగ్‌ చేయాలో తెలియక సతమతమవు తున్నారు. ఇంత జరుగుతున్నా పార్కింగ్‌ స్థలాల గురిం చి ట్రాఫిక్‌ పోలీసులు పట్టించుకోకపోవడం గమనార్హం.    వాహనదారులకు వివరించాలి..  అలాగే ఈ–చలానాపై వాహనదారులకు అవగాహన కల్పించడం ఎంతోముఖ్యం. ఈ–చలానా అంటే ఏమి టి? ఎందుకు ఈ–చలానా ద్వారా జరిమానాలు విధిస్తారు? అనే దానిపై తమకు కూడా అవగాహన కల్పించాలని పలువురు వాహనదారులు కోరుతున్నారు. ఆ తర్వాతే దీనిని పూర్తిస్థాయిలో అమలుచేస్తే బాగుం టుందని వాహనదారులు, ప్రజలు చెబుతున్నారు. 

సాక్షి, సిటీబ్యూరో: మీరు బైక్‌పై తిరుగుతున్నారా.. ఎప్పుడన్నా హెల్మెట్‌ పెట్టుకోవడం మరిచిపోయారా..! ఎవరు చూస్తార్లే.. అని డ్రైవింగ్‌ చేస్తూ సెల్‌ఫోన్‌ మాట్లాడుతున్నారా..! అయితే, ఒక్కసారి ‘ఈ–చలాన్‌’ చెక్‌ చేసుకోండి. మీ వాహనంపై ఎన్ని చలాన్‌లు జారీ అయ్యాయో చూసుకోండి. లేదంటే నగరంలో ఏదో ఒకచోట పోలీసులు మీ బండిని స్వాధీనం చేసుకుంటారు. ఆపై కోర్టులో అభియోగపత్రం దాఖలు చేస్తారు. దాంతో మీరు కోర్టు చుట్టూ తిరగాల్సిదే. పోలీసులు లేని ప్రాంతంలో హెల్మెట్‌ లేకుండా తిరిగినా.. సెల్‌ఫోన్‌ డ్రైవింగ్‌ చేసినా సీసీ కెమెరాల్లో గుర్తించి మరీ చలాన్‌లు జారీ చేస్తున్నారు. ఇలాంటి సంఘటనే ఒకటి గురువారం ట్రాఫిక్‌ పోలీసుల కంటబడింది. హెల్మెట్‌ లేకుండా వాహనం నడుతున్న ఓ వ్యక్తిని ఆపితే ఏకంగా 136 ఈ చలాన్‌లు ఉన్నట్టు తేలింది. వివరాల్లోకి వెళితే.. నారాయణగూడ ట్రాఫిక్‌ పోలీసులు గురువారం సాయంత్రం హిమాయత్‌నగర్‌ ‘వై జంక్షన్‌’ వద్ద వాహనాలను తనిఖీ చేస్తున్నారు. అదే సమయంలో అటుగా హెల్మెట్‌ లేకుండా ద్విచక్ర వాహనం నడుపుకుంటూ వచ్చిన వ్యక్తిని ఆపారు. ఈ ఉల్లంఘనపై చలాన్‌ జారీ చేస్తూనే.. సదరు బైక్‌పై ఉన్న పెండింగ్‌ చలాన్లు తెలుసుకోవడానికి ‘పీడీఏ మిషన్‌’లో బండి నెంబర్‌ (టీఎస్‌10ఈడీ9176) నమోదు చేశారు. మిషన్‌ నుంచి వచ్చిన ప్రింట్‌ ఔట్‌ చూసి పోలీసులకే కళ్లు తిరిగాయి. ఆ ద్విచక్ర వాహనంపై 28 నెలల్లో 136 సార్లు జారీ అయిన ఈ–చలాన్లు పెండింగ్‌లో ఉన్నాయి. చెల్లించాల్సిన పెనాల్టీ మొత్తం రూ.31,590కి చేరినట్లు అందులో ఉంది. వీటిలో జరిమానాల మొత్తం రూ.26,900 కాగా.. సర్వీస్‌ చార్జి మరో రూ.4690 ఉంది. ఆ ద్విచక్ర వాహనం కేకే ప్రకాష్‌ పేరుపై రిజిస్ట్రర్‌ అయింది. 2016 జూన్‌ 9న తొలిసారిగా హెల్మెట్‌ లేకుండా సెల్‌ఫోన్‌ మాట్లాడుతూ.. డ్రైవింగ్‌ చేయడంతో రూ.1100 చలాన్‌ జారీ చేశారు. అప్పటి నుంచి గురువారం వరకు మొత్తం 136 ఈ–చలాన్లు జారీ అయ్యాయి. వీటిలో కేవలం ఆరు మాత్రం సెల్‌ఫోన్‌ డ్రైవింగ్‌కు సంబంధించినవి కాగా.. మిగతా 127 హెల్మెట్‌ లేకుండా వాహనం నడపడం వల్ల జారీ చేసినవి. మిగిలినవి నో పార్కింగ్‌ ఏరియాలో వాహనం నిలిపిన ఉల్లంఘనకు సంబంధించినవి. ఈ పెండింగ్‌ చలాన్లలో కేవలం ఒక్కటి మాత్రమే సైబరాబాద్‌ పోలీసులు జారీ చేయగా మిగిలినవన్నీ సిటీకి సంబంధించినవే. క్యాష్‌లెస్‌ ఎన్‌ఫోర్స్‌మెంట్‌ చర్యల్లో భాగంగా ప్రస్తుతం ట్రాఫిక్‌ పోలీసులు ఉల్లంఘనుల నుంచి స్పాట్‌లో జరిమానా వసూలు చేయట్లేదు. కేవలం ఈ–చలాన్‌ మాత్రమే జారీ చేస్తూ ఈ–సేవ, మీ–సేవ కేంద్రాలు, బ్యాంకులు, ఆన్‌లైన్‌లో వీటిని చెల్లించే వెసులుబాటు కల్పించారు. అయితే, ఈ వాహన చోదకుడు హెల్మెట్‌నే కాదు.. ఈ–చలాన్ల చెల్లింపునూ మర్చిపోవడంతో పెండింగ్‌ జాబితా చాంతాడంత అయింది. ఈ వాహనాన్ని స్వాధీనం చేసుకున్న ట్రాఫిక్‌ పోలీసులు కోర్టులో అభియోగపత్రం దాఖలు చేయడానికి సన్నాహాలు చేస్తున్నారు. దీనికి ముందు అతగాడికి ట్రాఫిక్‌ ట్రైనింగ్‌ ఇన్‌స్టిట్యూట్‌లో కౌన్సిలింగ్‌ సైతం ఇవ్వనున్నారు.  

సాక్షి, అమరావతి బ్యూరో :    పటమటకు చెందిన విశాల్‌ తన ద్విచక్ర వాహనంలో ప్రయాణిస్తూ 73 సార్లు ట్రాఫిక్‌ నిబంధనలను ఉల్లంఘించాడు. ట్రాఫిక్‌ సిగ్నల్స్‌ను బేఖాతరు చేసిన ప్రతిసారీ అతనికి ట్రాఫిక్‌ పోలీసులు ఈ–చలానాలు పంపుతానే ఉన్నారు. ఇప్పటి వరకు ఒక్క రూపాయి కూడా అపరాధ రుసుం చెల్లించలేదు.సత్యనారాయణపురంలో ఉండే సురేష్‌ 63 సార్లు ట్రాఫిక్‌ సిగ్నల్స్‌ను పాటించకుండా కారు నడుపుతూ నిబంధనలను బేఖాతరు చేశాడు. పోలీసులు ఈ–చలానాలను పంపారు. కానీ ఒక్క సారీ అపరాధ రుసుం కట్టలేదు.  ఇలాంటి విశాల్, సురేష్‌లు నగరంలో మరో పది వేల మందికి పైడి ఉన్నారంటే మీరు నమ్ముతారా? నమ్మి తీరాల్సిందే అంటున్నారు ట్రాఫిక్‌ పోలీసులు. ఉమ్మడి రాష్ట్రం విభజన తర్వాత నూతన రాజధానిలో భాగమైన బెజవాడలో  నాలుగేళ్లుగా ట్రాఫిక్‌ నిబంధనలను ఉల్లంఘిస్తున్న ఘనులపై కొరడా ఝళిపించేందుకు ట్రాఫిక్‌ పోలీసులు సిద్ధమవుతున్నారు. ఇప్పటి వరకు ఎలాంటి అపరాధ రుసుం చెల్లించకుండా వాహనాలను ఇష్టానుసారం నడుపుతున్న వాహనచోదకులను కట్టడి చేయనున్నారు. విజయదశమి తర్వాత స్పెషల్‌ డ్రైవ్‌ కార్యక్రమం చేపట్టి అప్పటికీ దారికి రాని వాహనచోదకుల వాహనాలను సీజ్‌ చేయాలని ట్రాఫిక్‌ పోలీసులు నిర్ణయించారు.  దసరా తర్వాత చిక్కులు తప్పవంటున్నారు ట్రాఫిక్‌ ఉన్నతాధికారులు. నాలుగేళ్లలో 23 లక్షల మందిపై కేసులు.. రాజధానిగాలో అంతర్భాగమయ్యాక బెజవాడలో 2014 నుంచి 2018 సెప్టెంబరు నెల వరకు 23,07,318 మంది వాహనదారులు ట్రాఫిక్‌ నిబంధలను ఉల్లంఘించారు. దీంతో వీరందరిపై కేసులు నమోదు చేస్తూ ట్రాఫిక్‌ పోలీసులు ఈ–చలానాలను పంపుతూ వచ్చారు. ఇందులో 12,83,998 మంది స్పందించి ఈ–చలానాల్లో పేర్కొన్నట్లుగా దాదాపు రూ.20 కోట్లకుపైగా అపరాధ రుసుం చెల్లించారు. మిగిలిన 10,23,320 మంది వాహనచోదకుల నుంచి స్పందన లేకుండా పోయింది. వీరిలో 200 మందికిపైగా వాహనచోదకులు తరచూ నిబంధనల్ని ఉల్లంఘిస్తున్న ఘటనలు సీసీ కెమెరాల్లో నిక్షిప్తమైంది. ఒక్కొక్కరూ 10 నుంచి 70 సార్లుకుపైగా నిబంధల్ని ఉల్లంఘించడం గమనార్హం. మిగిలిన వారు మాత్రం ఎక్కువ సార్లు నిబంధనల్ని బేఖాతరు చేయకపోయినా అపరాధ రుసుం మాత్రం కట్టకుండా మిన్నకుండిపోయారు. వీరంతా కూడా దాదాపు రూ.20 కోట్ల వరకు ఫైన్‌ కట్టాల్సిఉన్నట్లు అధికారిక లెక్కలు చెబుతున్నాయి. వారం రోజులు స్పెషల్‌ డ్రైవ్‌.. ఒకరికంటే ఎక్కువ మంది ద్విచక్ర వాహనాల్లో ప్రయాణిస్తున్నా.. అతివేగంగా వాహనాన్ని నడుపుతున్నా.. హెల్మెట్‌ లేకపోయినా.. నిబంధనల్ని ఉల్లంఘిస్తున్నా.. ఇప్పటి వరకు చూసీచూడనట్లు వ్యవహరించిన ట్రాఫిక్‌ పోలీసులు ఇకపై కొరడా ఝళిపించనున్నారు. అయితే దసరా పండుగ వరకు వారందరికీ ఒక అవకాశం ఇవ్వాలని నిర్ణయించారు. అప్పటిలోగా ట్రాఫిక్‌ రూల్స్‌ను బ్రేక్‌ చేసినా వాహనదారులు అపరాధ రుసుం చెల్లించాలని విజ్ఞప్తి చేస్తున్నారు. అయినా చెల్లించని వాహనాలను సీజ్‌ చేస్తామని.. అవసరమైతే కేసులు నమోదు చేస్తామని హెచ్చరిస్తున్నారు. విజయదశమి తర్వాత ఒక వారం రోజులపాటు నగరవ్యాప్తంగా స్పెషల్‌ డ్రైవ్‌ చేపట్టబోతున్నారు. కాబట్టి ట్రాఫిక్‌ నిబంధనల ఉల్లంఘనదారులు తస్మాత్‌ జాగ్రత్త. 

కడప కార్పొరేషన్‌: ట్రాఫిక్‌ నిబంధనలను ఉల్లంఘించే వాహనాలకు ముకుతాడు వేయాల్సిందే. అడ్డదిడ్డంగా పార్కింగ్‌ చేస్తే జరిమానా వసూలు చేయాల్సిందే. మద్యం తాగి వాహనం నడిపితే మత్తు దించాల్సిందే...వీటిని ఎవరూ కాదనలేరు. అవగాహనతో కూడిన జరిమానాలు వేస్తే జనం హర్షిస్తారుగానీ  జరిమానాలే పరమావధి కాకూడదు. నెలలో ఇన్ని డ్రంకన్‌ డ్రైవ్‌ కేసులు పెట్టాలి, ఇన్ని చలానాలు రాయాలని ఒత్తిడి తెస్తుంటే పోలీసులు తమ టార్గెట్లు అందుకోవడానికి వక్రమార్గాలు అన్వేషిస్తున్నారు. తమ లక్ష్యసాధన కోసం  వైన్‌షాపుల వద్ద కాపుకాసి, మద్యం తాగి వాహనం ఎక్కే వారిని పట్టుకొని డ్రంకన్‌ డ్రైవ్‌ కేసులు నమోదు చేస్తున్నారు. ఇలాంటి వాటివల్లే డ్రంక్‌ అండ్‌ డ్రైవ్‌ కేసుల నమోదులో వైఎస్‌ఆర్‌ జిల్లా రాష్ట్రంలోనే ప్రథమ స్థానంలో ఉంది. 2016లో 1701 కేసులు పెట్టి రూ.2.52కోట్లు ఆదాయంఆర్జించిపెట్టిన ఆర్టీఏ, పోలీసు అధికారులు 2017 సంవత్సరంలో 6230 కేసులు పెట్టి రూ.7.43కోట్లు జరిమానాలు వేశారు. 2018లో కేవలం మూడు మాసాల్లోనే 7,208 కేసులు పెట్టి  రూ.6.43 కోట్లు ఫైన్లు వేశారంటే పోలీసుల ఉత్సాహం ఎలా ఉందో అర్థం చేసుకోవచ్చు. ప్రభుత్వం వద్ద, ఉన్నతాధికారుల వద్ద మెప్పు పొందడానికి ఇలా ప్రజల నడ్డి విరుస్తున్నారనేది ఈ లెక్కల ద్వారా తేటతెల్లమవుతోంది.కడప నగరానికి సిటీ కల్చర్‌ ఇంకా అలవాటు కాలేదు. చుట్టు ప్రక్కల గ్రామాల నుంచి వేలాదిమంది ప్రజలు నిత్యం కూలీ పనుల నిమిత్తం  వచ్చి రాత్రికి ఇంటికెళ్లిపోతుంటారు. వారికి ట్రాఫిక్‌ రూల్స్‌పై అవగాహన ఉండదు కాబట్టి అలాంటి వారే ఈ కేసుల్లో ఎక్కువగా పట్టుబడుతున్నారు. ఓ వైపు ప్రభుత్వం మద్యాన్ని హెల్త్‌ డ్రింగ్‌గా ప్రచారం చేస్తూ ఏరులై పారిస్తోంది. విచ్చలవిడిగా మద్యం లైసెన్సులు ఇచ్చి ఎక్సైజ్‌ శాఖకు టార్గెట్‌(లక్ష్యం) విధించి మద్యం ద్వారా ఆదాయం సంపాదిస్తోంది. ఇదే క్రమంలో ఆర్‌టీఏ, పోలీసు శాఖలకు కూడా నెలకు ఇన్ని డ్రంక్‌ అండ్‌ డ్రైవ్‌ కేసులు, ఈ చలానాలు వేయాలని  టార్గెట్లు విధిస్తున్నారు. ఇవిగాక రాంగ్‌ పార్కింగ్, సెల్‌ఫోన్‌  డ్రైవింగ్, త్రిబుల్‌ రైడింగ్, హెల్మెట్‌ ధరించకపోవడం, సీట్‌ బెల్టు పెట్టుకోకపోవడం వంటి వాటిపై కెమెరాలతో రికార్డు చేసి  పోలీసులు చలానాలు వేస్తున్నారు. వీటి వల్ల ప్రభుత్వానికి కోట్లాది రూపాయలు ఆదాయం వస్తుండటంతో ఎక్కువ టార్గెట్లు పెట్టి నెలనెలా సమీక్షలు నిర్వహించి వాహనదారులను జేబులు ఖాళీ చేస్తున్నారు. రాష్ట్ర, జాతీయ రహదారుల్లో వాహనాలు వేగంగా Ðð వెళ్తుంటాయి కాబట్టి  ప్రమాదాలు జరిగే అవకాశం ఉందని  చలానాలు వేస్తే ప్రజల ప్రాణాలకు రక్షణ కల్పించడానికే ఇలా చేస్తున్నారని అనుకోవచ్చు. నగరాలు, పట్టణాల్లో ఉండే ట్రాఫిక్‌కు 20–30 కిలోమీటర్లు స్పీడ్‌ వెళ్లలేని చోట కూడా ఫైన్లు వేయడమంటే ఆదాయం పెంచుకోవడానికిగాక మరేంటని సామాన్యులు ప్రశ్నిస్తున్నారు. సౌకర్యాలు అరకొరే... అయినా జిల్లాలోని పట్టణాల్లో ఇప్పటికీ మెరుగైన రోడ్డు సౌకర్యాలు అందుబాటులోకి రాలేదు, ట్రాఫిక్‌ పో లీసులు ట్రాఫిక్‌ క్రమబద్ధీకరణ, పార్కింగ్‌ స్థలాల ఏర్పాటు వంటి వాటిని ఎప్పుడో మర్చిపోయారు. ఫైన్లు వేయడమే వారికి పరమావధిగా మారిపోయింది. విదేశాల్లో అయితే డ్రైవింగ్‌ లైసెన్స్‌ లేనిదే వాహనం విక్రయించేందుకు అవకాశం ఉండదు. కానీ ఇక్కడ లైసెన్స్‌ లేకపోయినా యథేచ్ఛగా వాహనాలు విక్రయించవచ్చు. దీంతో లక్షల సం ఖ్యలో వాహనాలు రోడ్లపైకి వస్తున్నాయి.వీటికి  సరిపడా రోడ్లు విస్తరణ కాలేదు సరికదా అటూ, ఇటూ గుంతలతో ఇబ్బందులు తప్పడం లేదు. మద్యాన్ని ఏరులై పారించమని ఎక్సైజ్‌ శాఖకు, ఫైన్లు వేయమని ఆర్‌టీఏ, పోలీసుశాఖకు,  కేసులు రాయాలని విద్యుత్‌ శాఖకు, పన్నులు పెంచుకోవాలని మున్సిపాలిటీలకు లక్ష్యాలు(టార్గెట్లు) విధించి వసూళ్లు చేస్తున్న ప్రభుత్వం పెరుగుతున్న పెట్రో«ల్, గ్యాస్‌ «ధరలు, నిత్యావసర ధరలకు కళ్లెం వేయడంలో ఈ టార్గెట్లు పెట్టకపోవడం పట్ల ప్రజలు తీవ్ర స్థాయిలో మండిపడుతున్నారు. లక్షల్లో్ల పేరుకుపోయిన బకాయిలు ఈ చలానా వేసిన 15 రోజుల్లోపు రుసుం చెల్లించాలి. 16వ రోజు నుంచి పెండింగ్‌లోకి వెళ్లిపోతుంది. అదే వాహనానికి రెండోసారి ఈ చలానా వస్తే.. మొదటిసారి పెండింగ్‌లో ఉన్న రుసుం కూడా కనిపిస్తుంది. హైదరాబాద్‌లాంటి నగరాల్లో అయితే ఈ చలానా ద్వారా ఫైన్‌ వేసిన విషయం ఫోన్‌ నంబర్లకు మెసేజ్‌ వస్తుంది. ఇక్కడ ఆ పరిస్థితి లేకపోవడంతో వాహనదారులకు తమకు ఈ చలానాలో జరిమానా వి«ధించారన్న విషయం పోలీసులు ఆపినప్పుడుగానీ తెలియడం లేదు. దీంతో ఈ చలా నా బకాయిలు లక్షల్లో పేరుకుపోయినట్లు సమాచారం. వాటిని వసూలు చేయడానికి ఒక వాహ నం, ఏఎస్‌ఐ, ముగ్గరు కానిస్టేబుళ్లను ప్రత్యేకంగా ఒక బృందాన్ని కేటాయించి వసూళ్లు చేస్తున్నారు. తెల్లారి లేచింది మొదలు వీరికి చలానాలు రాబట్టడమే పని.  ఈ చలానాలో వారి బండినంబర్లు తనిఖీ చేయడం, వాహనం తమ వద్దనే ఉంచుకొని డబ్బులు కట్టి రసీదు తీసుకురమ్మని చెప్పడం నిత్యకృత్యంగా మారింది. సా ధారణంగా  రెండు, మూడుసార్లు ఈ చలానా డబ్బు చెల్లించకపోతే ఆ వాహనం కనిపిస్తే పోలీసులు సీజ్‌ చేస్తారు. కానీ కడపలో పోలీసులు మా త్రం ఒకసారి చెల్లించకపోయినా  వాహనం ఆపి, దాన్ని వారి వద్దనే ఉంచుకొని డబ్బు కట్టి రమ్మని చెబుతున్నారు. అతని వద్ద డబ్బు ఉందా, లేదా అప్పటికప్పుడు కట్టమంటే ఏం చేస్తాడన్న ఆలోచ న లేకుండా వ్యవహరిస్తున్నారు. ఈ చలానా వేసిన విషయం నాకు తెలీదు, రేపు చెల్లిస్తానని  చెప్పినా వినిపించుకోకపోవడంతో వాహనదారులు ఇదేం న్యాయం, ఇప్పటికిప్పుడు చెల్లించమంటే ఎలా అని పోలీసులతో వాగ్వాదానికి దిగుతున్నారు. అపరాధ రుసుములు ఇలా... మోటారు వెహికల్‌ యాక్టు కింద నిబంధనలు ఉల్లంఘించిన అన్ని రకాల వాహనాలకు కింద చూపిన విధంగా అపరాధ రుసుము విధించే అవకాశం ఉంది. లైసెన్స్‌ లేకుండా వాహనం నడిపితే రూ. 500, రిజిస్ట్రేషన్‌ లేకుంటే రూ. 2వేలు, ఇన్సూరెన్స్‌ లేకపోతే రూ.1000, మైనర్‌ డ్రైవింగ్‌కు రూ.500, వన్‌వే, నో ఎంట్రీలో ప్రవేశిస్తే రూ.200, ఫిట్‌నెస్‌ సర్టిఫికెట్‌ లేకపోతే రూ.2వేలు, హెల్మెట్‌ ధరించకపోతే రూ.100, దివ్యాంగులు అనుమతి లేకుండా ద్విచక్రవాహనం నడిపితే రూ.200, ర్యాష్‌ డ్రైవింగ్‌కు రూ.1000, సెల్‌ఫోన్‌లో మాట్లాడుతూ వాహనం నడిపితే రూ.1000, హారన్‌ లేకపోతే రూ.100, లైన్‌ క్రాసింగ్‌కు రూ.100, సిగ్నల్‌ జంపింగ్‌కు రూ.1000, సిగరెట్‌ త్రాగుతూ డ్రైవింగ్‌ చేస్తే రూ.100,  ట్రిపుల్‌ రైడింగ్‌కు రూ.1200, వాహన యజమానికి కాకుండా ఇతర వ్యక్తులు డ్రైవింగ్‌ చేస్తే రూ.1000, మితిమీరిన వేగానికి, భీమా లేకపోతే వెయ్యి రూపాయల చొప్పున అపరాధ రుసుము విధించే అవకాశం ఉంది. ప్రమాదకరంగా, ఇతరుల ప్రాణాలకు హాని  కలిగించే రీతిలో వాహనం నడిపినా, పర్మిట్‌ లేకపోయినా కోర్టులో హాజరుకావాల్సి ఉంటుంది.

శ్రీకాకుళం సిటీ : నగరంలో ట్రాఫిక్‌ ఆంక్షలపై జిల్లాస్థాయి అధికారులు ఇంకా ఒక నిర్ణయానికి రాలేదు. ట్రాఫిక్‌ అధికారులు వ్యవహరిస్తున్న తీరుపై ప్రజలు గుర్రుగా ఉన్నారు. నగరంలోని ప్రధాన కూడళ్ల వద్ద రోడ్డు వెడల్పు కార్యక్రమం చేపడుతున్నారు. మరోవైపు రోడ్డును ఆనుకుని ఉన్న షాపులు, దుకాణాల తొలగింపు చర్యలు చేపడుతున్నారు. నగరంలో ఆర్టీసీ కాంప్లెక్స్, అంబేడ్కర్‌ కూడలి, డే అండ్‌ నైట్‌ కూడలి, ఆర్ట్స్‌ కళాశాల రోడ్డు నిత్యం ఎంతో రద్దీగా ఉంటుంది. ఈ నేపథ్యంలో శుక్రవారం ముందస్తు సమాచారం ఇవ్వని అధికారులు అంబేడ్కర్‌ కూడలి వద్ద నుంచి ఆర్ట్స్‌ కళాశాల వరకూ రహదారిపై ట్రాఫిక్‌ పోలీసులు ఆంక్షలు విధించడంతో ప్రజలు, వాహనదారులు, విద్యార్థులు, రోగులు పలు ఇబ్బందులు ఎదుర్కొంటున్నారు. అలాగే అటు రామకృష్ణానగర్, శాంతినగర్‌ కాలనీల వద్ద కూడా పోలీసులు బారికేడ్‌లను ఏర్పాటు చేసి రాకపోకలను అడ్డుకున్నారు. ఎంపీ కార్యాలయానికి వెళ్లే రహదారికి కూడా ఈ నిబంధనలు తప్పలేదు. ఆర్ట్స్‌ కళాశాలకు వెళ్లే రహదారిలో బ్యాంకులు, ఆర్‌సీఎం కళాశాల, ఆసుపత్రులు, కళాశాలలు, ప్రైవేటు పాఠశాలలు, వాణిజ్య సముదాయాలుతో నిత్యం కిటకిటలాడుతుంది. ముందస్తు సమాచారం లేకుండా ట్రాఫిక్‌ ఆంక్షలు విధించడంతో అటువైపు వచ్చే వాహనదారులు, ప్రజలను ట్రాఫిక్‌ పోలీసులు అడ్డుకున్నారు. దీంతో ట్రాఫిక్‌ పోలీసులతో వాహనదారులు, ప్రజలు, విద్యార్థులు వాగ్వాదానికి దిగారు. ట్రాఫిక్‌ ఎస్సై నాగరాజు తీరుపై ప్రజలు, వాహనదారులు బాహాటంగానే దుయ్యబట్టారు. రోడ్డు పనులు, ట్రాఫిక్‌ మళ్లింపు తదితర విషయాలపై ముందస్తు సమాచారం ఇచ్చి ప్రజలు, వాహనదారులను అప్రమత్తం చేస్తే ఇలాంటి ఇబ్బందులు ఉండవని చెబుతున్నారు. 

నిత్యం నెత్తురోడుతున్న రహదార్లు చూసి, ఏటా దాదాపు లక్షన్నరమంది రోడ్డు ప్రమాదాల్లో కన్నుమూస్తున్న తీరు గమనించి కఠిన చర్యలు అవసరమన్న అభిప్రాయం అందరిలోనూ ఏర్పడిన తరుణంలో కేంద్ర ప్రభుత్వం మోటారు వాహనాల చట్టం సవరణ బిల్లును రాజ్యసభ ముందుం చింది. నిరుడు ఏప్రిల్‌లో ఈ బిల్లు లోక్‌సభ ఆమోదం పొందినప్పుడే రాజ్యసభలో కూడా ప్రవేశ పెట్టారు. అయితే సభ్యుల సూచనతో సెలెక్ట్‌ కమిటీకి పంపారు. ఆ కమిటీ  చేసిన సిఫార్సులను పరిగణనలోకి తీసుకుని ఇప్పుడీ బిల్లు పెట్టారు. రోడ్డు ప్రమాదాలకు సంబంధించిన గణాంకాలు చూస్తే భయాందోళనలు కలుగుతాయి. రోడ్డు ప్రమాద మృతుల సంఖ్యలో ప్రపంచంలోనే మనది ద్వితీయ స్థానం. దేశంలోని అసహజ మరణాల్లో వీటి శాతం 44. సగటున రోజుకు 17మంది రోడ్డు ప్రమాదాల్లో మరణిస్తున్నారని, వీరిలో సగానికి పైగా మంది 18–35 ఏళ్ల మధ్యవయస్కులని గణాంకాలను విశ్లేషిస్తే అర్ధమవుతుంది. ప్రస్తుతం అమల్లో ఉన్న మోటారు వాహనాల చట్టం 1988 నాటిది. అప్పుడు వాహనాల సంఖ్య తక్కువ. ఇప్పటితో పోలిస్తే జనాభా కూడా తక్కువ. 1988లో రోడ్డు ప్రమాద మృతుల సంఖ్య 49,218 అయితే ఇప్పుడది 1,46,377కి చేరుకుంది. మోటారు వాహనాల చట్టానికి సవరణలు చేస్తామని 2002 మొదలుకొని కేంద్రంలో ఉన్న ప్రతి ప్రభుత్వమూ చెబుతూనే వచ్చింది.   ప్రమాదాల విషయంలో ప్రభుత్వాల నిర్లక్ష్యం అంతా ఇంతా కాదు. ఉద్దేశపూర్వకంగా ప్రజా రవాణా వ్యవస్థ పీకనొక్కుతూ జనం సొంత వాహనాలపై ఆధారపడక తప్పని స్థితి కల్పిస్తున్నవి ప్రభుత్వాలే. తగినన్ని బస్సులు అందుబాటులో ఉంచకపోవటం, అవి కూడా సమయానికి రాక పోవడం వగైరా కారణాల వల్ల పనులపై బయటికెళ్లేవారు, ఉద్యోగాలు చేసేవారు, విద్యార్థులు తప్ప నిసరిగా సొంత వాహనాలు సమకూర్చుకోవాల్సి వస్తోంది. మన రహదార్ల నిర్వహణ సక్రమంగా లేదని తెలిసినా, అవి భారీ సంఖ్యలో వాహనాలను భరించేంత ప్రామాణికమైనవి లేదా విశాలమై నవి కాదని తెలిసినా ప్రభుత్వాలు వాహనాల అమ్మకాలపై నియంత్రణ పెట్టవు. పైపెచ్చు వాహ నాలు కొనేవారికి బ్యాంకులు రుణాలిస్తుంటాయి. కాలం చెల్లిన వాహనాలు తిరుగుతున్నా, అవి కాలుష్యాన్ని వెదజల్లుతున్నా పట్టించుకునేవారుండరు. ప్రస్తుతం తీసుకొచ్చిన మోటారు వాహనాల చట్టం సవరణ బిల్లులో కొన్ని మంచి అంశాలున్నాయి. ట్రాఫిక్‌ నిబంధనలు ఉల్లంఘించి పిల్లలకు వాహనాలు అప్పజెబితే వాహన యజమానులు లేదా ఆ పిల్లల సంరక్షకులు కూడా బాధ్యులవు తారు. వాహనాన్ని తమకు తెలియకుండా తీసుకెళ్లారని లేదా తీసుకెళ్లకుండా ఆపడానికి ప్రయత్నిం చామని వారు రుజువు చేసుకుంటేనే మినహాయింపు ఉంటుంది. నిబంధనలు ఉల్లంఘించిన పిల్లల్ని జువెనైల్‌ చట్టం కింద విచారిస్తారు. వారు నడిపిన వాహనానికున్న రిజిస్ట్రేషన్‌ను రద్దు చేస్తారు. తాగి వాహనం నడిపిన వారికి ఇప్పుడున్న జరిమానా రూ. 2,000నూ రూ. 10,000కు పెంచారు. నిర్లక్ష్యంగా డ్రైవింగ్‌ చేస్తే ఇకపై రూ. 5,000 జరిమానా చెల్లించాల్సి ఉంటుంది.  పరిమి తులకు మించిన వేగంతో వెళ్తే ఇది రూ. 2,000 వరకూ ఉంటుంది. అయితే కేవలం భారీ జరిమా నాలు మాత్రమే సమస్యను చక్కదిద్దలేవు. రోడ్డు ప్రమాదాలు జరిగినప్పుడు బాధితులకు సాయం చేయడానికి ప్రయత్నించినవారికి ఇకపై కేసుల బెడద ఉండదు. పోలీసులకు లేదా వైద్య సిబ్బందికి తమ పేరు వెల్లడించాలో లేదో వారే నిర్ణయించుకోవచ్చు. ఓలా, ఉబర్‌ వంటి క్యాబ్‌ సర్వీసు సంస్థలు మహిళా ప్రయాణికుల భద్రతకు బాధ్యత వహించాల్సి ఉంటుంది. క్యాబ్‌ సర్వీసుల్ని ఐటీ చట్టం పరిధిలోకి కూడా తీసుకొస్తారు. డ్రైవింగ్‌ లైసెన్స్‌కు సంబంధించిన పరీక్ష, లెర్నర్స్‌ లైసెన్స్‌ జారీ వగైరాలు ఇకపై ఆన్‌లైన్‌లోనే ఉంటాయి. ఒక రాష్ట్రంలో తీసుకున్న డ్రైవింగ్‌ లైసెన్స్‌ రద్దయిన పక్షంలో వేరే రాష్ట్రంలో లైసెన్స్‌ తీసుకుని దర్జాగా వాహనాలు నడిపేవారికి ఇందువల్ల చెక్‌ చెప్పినట్ట వుతుంది. పరిమితికి మించి వాహనాల్లో ప్రయాణికులను ఎక్కించిన పక్షంలో అదనంగా ఉన్న ఒక్కొక్క ప్రయాణికుడికి వెయ్యి చొప్పున డ్రైవర్‌ జరిమానా చెల్లించాల్సి ఉంటుంది. ఇది హాస్యాస్ప దమైన నిబంధన. రవాణా సదుపాయాలు అంతంతమాత్రంగా ఉండే గ్రామీణ ప్రాంతాలను నిర్లక్ష్యం చేస్తున్న ప్రభుత్వాలు అక్కడివారు తమ తంటాలు తాము పడుతుంటే జరిమానాలతో వేధించాలని చూడటం విడ్డూరం. అయితే సవరణ బిల్లు కీలకమైన రహదారి భద్రతపై పెద్దగా దృష్టి పెట్టిన దాఖలాలు లేవు. సవరణ బిల్లులో 92 క్లాజులుంటే అందులో మూడు క్లాజులు మాత్రమే రహదారి భద్రతకు సంబం ధించినవి. రహదార్ల భద్రత గురించి తరచు మాట్లాడే పాలకులు సవరణ బిల్లులో దానికంత ప్రాముఖ్యత ఇవ్వకపోవటం ఆశ్చర్యం కలిగిస్తుంది. 50 కన్నా ఎక్కువ రోడ్డు ప్రమాదాలు చోటు చేసుకున్న ప్రాంతాలను ‘బ్లాక్‌ స్పాట్‌’లు గుర్తించి అక్కడ దిద్దుబాటు చర్యలు తీసుకుంటున్నామని ఉపరితల రవాణా మంత్రి నితిన్‌ గడ్కరీ చెబుతున్నారు. మంచిదే. కానీ ఇంజనీరింగ్‌ లోటు పాట్లున్నట్టు రుజువైతే సంబంధిత అధికారులపై తీసుకునే చర్యలేమిటన్న ఊసు లేదు. చట్టానికి ప్రతిపాదించిన 68 సవరణల్లో అధిక శాతం కార్పొరేట్‌ సంస్థలకు మేలు కలిగేలా, రాష్ట్రాల అధికా రాలను కత్తిరించేలా రూపొందించారన్న విపక్షాల విమర్శల్లో వాస్తవం ఉంది. అంతర్రాష్ట్ర రవా ణాలో ప్రైవేటు రంగ ప్రమేయాన్ని పెంచటం, రవాణా రంగంలో పబ్లిక్, ప్రైవేటు భాగస్వామ్యం రాష్ట్రాల్లోని ప్రజా రవాణా వ్యవస్థపై తీవ్ర ప్రభావాన్ని చూపుతుంది. తరచు పెరుగుతున్న పెట్రోల్, డీజిల్‌ చార్జీల వల్లే రోడ్డు రవాణా సంస్థలు కుదేలవుతున్నాయి. ఇప్పుడు ప్రైవేటు రంగ ప్రమే యాన్ని పెంచితే అవి మరింతగా నష్టాల్లో కూరుకుపోతాయి. క్రమేపీ మూతబడే స్థితి ఏర్పడు తుంది. కేవలం రాష్ట్రాల పరిధిలో రవాణా వ్యవస్థ ఉండటమే మొత్తం సమస్యలకు మూల కారణ మన్న అభిప్రాయం సరికాదు. ఈ లోటుపాట్లన్నిటినీ సరిదిద్దాల్సిన అవసరం ఉంది.

వనపర్తి క్రైం : ట్రాఫిక్‌ నిబంధనలను ఉల్లఘించిన ప్రతిఒక్కరి చేత మొక్కలు నాటించి, హరితహారంలో భాగస్వాములు చేయాలనే ఉద్దేశంతో ఎస్పీ రెమా రాజేశ్వరి ఆదేశాల మేరకు సోమవారం వనపర్తి జిల్లా పోలీస్‌శాఖ ఆధ్వర్యంలో హరితహరం కార్యక్రమం చేపట్టారు. పోలీస్‌స్టేషన్‌లో పాత నేరస్తులు, డ్రంకెన్‌ డ్రైవ్, ట్రాఫిక్‌ నియమాలు ఉల్లంఘించిన వారిని హరితహారంలో భాగస్వాములు చేస్తూ మొక్కలు నాటడంపై పోలీసులు ప్రచారం నిర్వహిస్తున్నారు. రాష్ట్ర ప్రభుత్వం ప్రతిష్టాత్మకంగా చేపట్టిన నాలుగో విడత తెలంగాణకు హరితహారం కార్యక్రమాన్ని గత నెలలో రాష్ట్రవ్యాప్తంగా ప్రారంభించారు. అంతరించిపోతున్న అడవులను పెంచాలనే ఉద్దేశంతో హరితహరం కార్యక్రమం ఏర్పాటు చేసిన విషయం తెలిసిందే. ఈ లక్ష్యాన్ని సాధించడానికి జిల్లా పోలీస్‌శాఖ తనవంతు సామాజిక బాధ్యతగా చెట్లు నాటే కార్యక్రమాన్ని జిల్లావ్యాప్తంగా ప్రారంభించింది.  సంస్కరణల పాలసీ..  పోలీస్‌ విభాగం యొక్క ‘సంస్కరణల పాలసీ‘లో భాగంగా నేర చరిత గల వారిలో సత్ప్రవర్తనతో మార్పు తీసుకురావడానికి చేసే ప్రయత్నంలో భాగంగా వారిని పోలీస్‌స్టేషన్లకు రప్పించి, వారిచేత మొక్కలు నాటే కార్యక్రమం నిర్వహించబోతుంది. ఇక మీదట వారు నేరం చేయకుండా ఉండటానికి ఈ కార్యక్రమం సత్ఫలితాన్ని ఇస్తుందని పోలీస్‌ శాఖ భావిస్తుంది. నేరస్తుల చేత మొక్కలు నాటించడం వల్ల వారిలో ఎంతమార్పు వచ్చిందని పోలీస్‌శాఖ గుర్తిస్తుంది. అయితే ప్రధానంగా  నేర ప్రాంతాల్లో ఇలాంటి కార్యక్రమాలు ప్రధాన పాత్ర పోషిస్తూ సానుకూలమైన పున:ప్రారంభ కార్యక్రమాలు సమాజానికి సహాయపడుతాయని జిల్లా పోలీస్‌శాఖ ఉన్నతాధికారులు భావిస్తున్నారు. కమ్యూనిటీ ఔట్‌రీచ్‌ ప్రోగ్రాం  జిల్లావ్యాప్తంగా అన్ని పోలీస్‌స్టేషన్లు, పోలీస్‌ నివా స గృహాలు, సీఐ, ఇతర పోలీస్‌ కార్యాలయాల్లో కలిపి కొన్ని లక్షల మొక్కల పెంపకం చేపట్టాలని జిల్లా పోలీస్‌ శాఖ లక్ష్యంగా పెట్టుకుంది. ఇందులో భాగంగా ‘కమ్యూనిటీ ఔట్‌రీచ్‌ ప్రోగ్రాం ద్వారా పౌరులని భాగస్వాములు చేస్తూ విస్తృత సామాజి క సమస్యలు, నేరాలకు దారితీసే మావన అక్రమ రవాణా, బాల్యవివాహాలు, బాలకార్మిక వ్యవస్థ, మద్యపానం వంటి అవగాహన కార్యక్రమాలు హ రితహారంలో ఒక భాగంగా నిర్వహించాలని పోలీస్‌శాఖ నిర్ణయించింది. పలు కేసుల్లో నేరస్తులుగా ఉన్న వారిని, రౌడీషీటర్, అనుమానితులను హరి తహారంలో భాగస్వాములను చేస్తూ జిల్లా వ్యాప్తం గా కార్యక్రమాలు నిర్వహించనున్నారు.  అన్ని పోలీస్‌స్టేషన్లలో మొక్కలు  వనపర్తి జిల్లాలోని అన్ని పోలీస్‌స్టేషన్లలో విడలవారీగా నేరస్తుల చేత మొక్కలు నాటే కార్యక్రమాన్ని జిల్లా పోలీస్‌శాఖ చర్యలు చేపట్టింది. ఎవరైనా ట్రాఫిక్‌ నియమాలను ఉల్లంఘించినట్లయితే వారి ఫొటో  తీసి 9705320420 నంబర్‌కు వాట్సాప్‌ ద్వారా పంపినట్లయితే వారిని హరితహారంలో భాగస్వాములను చేయాలని భావిస్తుంది. రెండో సారి ఉల్లంఘించినట్లయితే కేసులు నమోదు చేస్తామని ఎస్పీ రెమా రాజేశ్వరి తెలిపారు.  

మైసూరు : పలుమార్లు ట్రాఫిక్‌ ఉల్లంఘనకు పాల్పడిన ఓ స్కూటర్‌ యజమానికి రాచనగరి పోలీసులు షాకిచ్చారు. ఏకంగా రూ. 63,500 ఫైన్‌ కట్టమని నోటీసు జారీ చేశారు. దీంతో సదరు వాహనదారుడు స్కూటర్‌ విక్రయించినా అంత ధర రాదు, వాహనం మీరో ఉంచుకోండి అంటూ అక్కడి నుంచి వెళ్లిపోయిన సంఘటన శుక్రవారం చోటుచేసుకుంది. వివరాలు... కర్ణాటకలోని మైసూరు నగరానికి చెందిన మధుకుమార్‌ కొన్నాళ్లుగా ట్రాఫిక్‌ నియమాలను ఉల్లంఘించినట్లు గుర్తించారు. శుక్రవారం ఉదయం ట్రాఫిక్‌ పోలీసులు తనిఖీ నిర్వహిస్తుండగా  కే.ఏ.09 హెచ్‌డి.4732 నంబర్‌ కలిగిన స్కూటర్‌ను గుర్తించారు. అప్పటి నంచి లెక్క కట్టగా 635 కేసులు ఆ స్కూటర్‌పై నమోదు కావడంతో పోలీసులు ఏకంగా లెక్కకట్టి రూ. 63,500 ఫైన్‌ కట్టమని రశీదు ఇచ్చారు. దీంతో నివ్వెరపోయిన సదరు స్కూటర్‌ యజమాని వాహనం అమ్మినా అంత ధర రాదని, వాహనం మీరో ఉంచుకోండి అంటూ అక్కడి నుంచి వెళ్లిపోయాడు. దీంతో పోలీసులు ఏమి చేయాలో దిక్కుతోచక నిలబడిపోయారు.

సిటీజనులు పాయింట్లతో పరేషాన్‌ అవుతున్నారు. ట్రాఫిక్‌ ఉల్లంఘనలకు పాల్పడితే లైసెన్స్‌ ఎక్కడ రద్దవుతుందోనని ఆందోళన చెందుతున్నారు. నగర పోలీసులు ప్రవేశపెట్టిన ట్రాఫిక్‌ పెనాల్టీ పాయింట్ల విధానం ఫలితాలిస్తోంది. నగరవాసుల్లో మార్పు స్పష్టంగా కనిపిస్తోంది. ఏడాదిలో కేవలం ముగ్గురే 12 పాయింట్ల పరిమితిని దాటడంతో వారి లైసెన్స్‌లు రద్దు చేసిన పోలీసులు... 25 స్టేషన్ల పరిధిలో ఏకంగా 4.47 లక్షల పాయింట్లు విధించారు. ఈ విధానం ప్రారంభించి బుధవారం నాటికి ఏడాది పూర్తవుతున్న సందర్భంగా ‘సాక్షి’ ప్రత్యేక కథనం.  సాక్షి, సిటీబ్యూరో: నగర రహదారులపై తీవ్రమైన ట్రాఫిక్‌ ఉల్లంఘనలకు పాల్పడే వారికి పెనాల్టీ పాయింట్స్‌ విధించే ప్రక్రియ ప్రారంభమై ఏడాది పూర్తయింది. గతేడాది ఆగస్టు 1న ప్రారంభమైన ఈ విధానంలో ఇప్పటి వరకు మొత్తం 4.47 లక్షల పాయింట్లు విధించారు. ఇది పూర్తిగా సాంకేతికంగా అమలవుతోంది. ఎలాంటి అవకతవకలకు, పొరపాట్లకు ఆస్కారం లేకుండా ట్రాఫిక్, ఆర్టీఏ అధికారులు ఏర్పాట్లు చేశారు. దేశంలోనే తొలిసారిగా ప్రారంభమైన ఈ విధానం ప్రాథమికంగా హైదరాబాద్, సైబరాబాద్, రాచకొండ కమిషనరేట్లలో అమలులోకి వచ్చింది. వాహనచోదకులు ఎక్కువ పాయింట్లు పొందాలన్నది తమ అభిమతం కాదని, కేవలం వారిలో క్రమశిక్షణ పెంపొందించేందుకే ఆర్టీఏ సహకారంతో ఈ విధానం అమలు చేస్తున్నామని పోలీసులు చెబుతున్నారు. గడిచిన ఏడాది కాలంలో 12 పాయింట్లు పూర్తి చేసుకున్న ముగ్గురి డ్రైవింగ్‌ లైసెన్సులు రద్దు కాగా... మరో 21 మంది దీనికి దగ్గర్లో ఉన్నట్లు పేర్కొన్నారు. పెనాల్టీ పాయింట్స్‌ విధానం మొత్తం వాహనచోదకుడి డ్రైవింగ్‌ లైసెన్స్‌ ఆధారంగా జరుగుతుంది. పోలీసులు ఓ ఉల్లంఘనుడిని పట్టుకున్నప్పుడు అతడి లైసెన్స్‌ నెంబర్‌ సేకరించడం ద్వారా దాన్ని తమ ట్యాబ్, పీడీఏ మెషిన్‌లో ఎంటర్‌ చేస్తారు. దాని ద్వారా అతడి లైసెన్స్‌పై పెనాల్టీ పాయింట్స్‌ నమోదయ్యేలా చూస్తున్నారు. ఈ–చలాన్‌ విధానంలో వాహనచోదకుడి లైసెన్స్‌ నెంబర్‌ తెలుసుకునే అవకాశం లేకపోవడంతో ప్రస్తుతానికి పెనాల్టీ పాయింట్స్‌ను స్పాట్‌ చలాన్‌లకే వర్తింపజేస్తున్నారు. మరోపక్క ఈ–చలాన్‌ విషయంలోనూ వీటిని చెల్లించేప్పుడు ఉల్లంఘనలకు పాల్పడిన సమయంలో వాహనం ఎవరు నడిపారన్నది? తెలుసుకునే ప్రయత్నం చేయాలని భావిస్తున్నారు. ఫలితంగా భవిష్యత్తులో వాహనం ఆధారంగా దాని యజమానికీ పాయింట్లు విధించాలని యోచిస్తున్నారు.   కొన్నింటికి మినహాయింపు...   గతేడాది ఆర్టీఏ విభాగం జారీ చేసిన ఉత్తర్వుల ప్రకారం హెల్మెట్‌/సీట్‌బెల్ట్‌ ధరించకపోవడం నుంచి వాహనం నడుపుతూ ఎదుటి వ్యక్తి మృతికి కారణం కావడం వరకు మొత్తం 24 రకాలైన ఉల్లంఘనలకు కనిష్టంగా ఒకటి నుంచి గరిష్టంగా 5 వరకు పెనాల్టీ పాయింట్స్‌ విధించే ఆస్కారం ఉంది. 24 నెలల కాలంలో 12 పాయింట్స్‌ వస్తే సదరు వాహనచోదకుడి డ్రైవింగ్‌ లైసెన్స్‌ను ఆర్టీఏ అధికారులు సస్పెండ్‌ చేస్తారు. తొలినాళ్లల్లో నగర పోలీసులు అన్నింటికీ పాయింట్స్‌ విధించారు. అయితే ఈ 24 రకాలైన ఉల్లంఘనల్లోనూ అనేక సందర్భాల్లో కొన్నింటిలో వాహచోదకుడి ప్రమేయం ఉండనివిగా, ఎదుటి వ్యక్తికి, వాహనచోదకుడికి ఎలాంటి ముప్పు కలిగించనివిగా గుర్తించారు. దీన్ని దృష్టిలో పెట్టుకున్న ఉన్నతాధికారులు పొల్యూషన్‌ అండ్‌ కంట్రోల్‌ సర్టిఫికెట్‌ లేకపోవడం, వాహనానికి ఇన్సూరెన్స్‌ లేకపోవడం, ఫిట్‌నెస్‌ సర్టిఫికెట్‌ లేకపోవడం వంటి ఉల్లంఘనలకు పెనాల్టీ పాయింట్స్‌ విధించవద్దని ఆదేశాలు జారీ చేశారు. ఈ నేపథ్యంలోనే అత్యంత ప్రమాదకరమైన, ప్రమాదాలు/మరణాలకు కారకంగా మారే ఉల్లంఘనలకే వీటిని విధిస్తున్నారు. 24 నెలలు...12 పాయింట్లు   ప్రాథమికంగా రెండేళ్ల కాలాన్ని పెనాల్టీ పాయింట్స్‌కు గడువుగా నిర్దేశించుకున్నారు. ఈ కాలంలో పెనాల్టీ పాయింట్స్‌ 12కు చేరితే డ్రైవింగ్‌ లైసెన్స్‌ ఏడాది రద్దవుతుంది. మళ్లీ కొత్త లెక్కింపు ప్రారంభమవుతుంది. ఒకవేళ అది మళ్లీ పునరావృతమైతే మూడేళ్లు లైసెన్స్‌ రద్దు చేస్తారు. ఈ ప్రక్రియ మొత్తం ఆటోమేటిక్‌గా జరిగిపోతుంది. లెర్నింగ్‌ లైసెన్స్‌ వారికి ఈ పాయింట్లు 5 వస్తే చాలు... లైసెన్స్‌పై వేటు పడుతుంది. గడిచిన ఏడాది కాలంలో మొత్తం 4.47 లక్షల పెనాల్టీ పాయింట్స్‌ విధించారు. కాచిగూడ, ఫలక్‌నుమా, ఎస్సార్‌నగర్‌ ప్రాంతాలకు చెందిన ముగ్గురు ద్విచక్ర వాహన చోదకులకు 12 పాయింట్స్‌ పూర్తయ్యాయి. దీంతో వీరి లైసెన్సుల్ని సస్పెండ్‌ చేయించారు. వీరిలో ఇద్దరిపై 14 పాయింట్లు, మరొకరిపై 18 పాయింట్స్‌ నమోదైన్నట్లు అధికారులు తెలిపారు. మరో 21 మంది వాహన చోదకులపై ఇప్పటికే 12 పాయింట్స్‌ నమోదయ్యాయి. వీరిలో ఎవరికైతే మరొక్క పాయింట్‌ పడుతుందో వారి లైసెన్స్‌ సస్పెండ్‌ అవుతుందని అధికారులు చెప్పారు. ఇలా వచ్చిన పాయింట్లను తగ్గించుకొని ఉపశమనం పొందే మార్గమూ ఉంది. ప్రభుత్వ గుర్తింపు పొందిన సంస్థల్లో రహదారి నిబంధలనలు, ప్రమాదాల నివారణ అంశాలపై నిర్వహించే తరగతులకు హాజరైతే అప్పటి వరకు లైసెన్స్‌ హోల్డర్‌ ఖాతాలో ఉన్న పాయింట్ల నుంచి మూడు తగ్గిస్తారు. అయితే 24 నెలల కాలంలో రెండుసార్లు మాత్రమే ఇలాంటి ఆస్కారం ఉంది. ఉల్లంఘనలు, పాయింట్లు ఇలా... ⇔ ఆటోలో డ్రైవర్‌ సీటులో అదనంగా ప్రయాణికుల్ని ఎక్కించుకుంటే: 1 ⇔ సరుకు రవాణా వాహనాల్లో ప్రయాణికుల్ని తరలిస్తే: 2 ⇔ హెల్మెట్, సీట్‌బెల్ట్‌ లేకుండా వాహనం నడిపితే: 1 ⇔ రాంగ్‌రూట్‌లో వాహనం నడిపితే: 2 ⇔ నిర్దేశిత వేగాన్ని మించి గంటకు 40 కి.మీ లోపు వేగంతో వెళ్తే: 2 ⇔ నిర్దేశిత వేగాన్ని మించి గంటకు 40 కి.మీ కంటే ఎక్కువ వేగంతో వెళ్తే: 3 ⇔ రాష్‌ డ్రైవింగ్‌/సెల్‌ఫోన్‌ డ్రైవింగ్‌/సిగ్నల్‌ జంపింగ్‌: 2 ⇔ డ్రంకన్‌ డ్రైవింగ్‌/రేసింగ్‌/ఓవర్‌ స్పీడింగ్‌: 3 ⇔ మద్యం తాగి ఫోర్‌వీలర్‌/లారీ/సరుకు రవాణా వాహనం నడిపితే: 4 ⇔ మద్యం తాగి ప్రయాణికులుండే ఆటో/క్యాబ్‌/బస్సులు నడిపితే: 5 ⇔ జిగ్‌జాగ్‌ డ్రైవింగ్‌/సౌండ్, ఎయిర్‌ పొల్యూషన్‌/నో పార్కింగ్‌: 2 ⇔ ఇన్సూరెన్స్‌ లేకుండా వాహనం నడిపితే: 2 ⇔ అనుమతి పత్రం లేకుండా ప్రమాదకర వస్తువులు తరలిస్తే: 2 ⇔ ఎదుటి వారి భద్రతకు ప్రమాదం వాటిల్లేలా/గాయపడేలా నడిపితే: 2 ⇔ నిర్లక్ష్యంగా డ్రైవింగ్‌ చేసి ఎదుటి వారి మృతికి కారణమైతే: 5 ⇔ వాహనం నడుపుతూ చైన్‌ స్నాచింగ్, దోపిడీలకు పాల్పడితే: 5   సిటీజనుల్లో ‘12’ భయం...   ఓ వాహనచోదకుడికి పెనాల్టీ పాయింట్స్‌ విధింపు ప్రారంభమైన తర్వాత అతడికి ఉండే గడువు కేవలం 24 నెలలు మాత్రమే. ఒకటో పాయింట్‌ పడిన తర్వాత రెండేళ్లలో 12 పాయింట్ల విధింపు పూర్తయితే అతడి డ్రైవింగ్‌ లైసెన్స్‌ సస్పెండ్‌ అవుతుంది. ఈ భయం నగవాసుల్లో పట్టుకుంది. తొలిసారి ఉల్లంఘనకు పాల్పడి... పెనాల్టీ పాయింట్‌ పడిన వారు రెండోసారి అలాంటి పొరపాటు చేయడానికి వెనకాడుతున్నారు. ఆ తర్వాత నుంచి వీలైనంత వరకు రహదారి నిబంధనలు పక్కాగా పాటిస్తున్నారు. ఏడు పెనాల్టీ పాయింట్స్‌ దాటితే వాహనం స్వాధీనం చేసుకొని ట్రాఫిక్‌ ట్రైనింగ్‌ ఇన్‌స్టిట్యూట్స్‌లో (టీటీఐ) కౌన్సిలింగ్‌కు హాజరు కావడాన్ని నగర ట్రాఫిక్‌ పోలీసులు పక్కా చేశారు. ఇలా ఇప్పటికే 1,600 మందికి ఈ ప్రక్రియను చేపట్టారు. గడిచిన ఏడాదిలో ఉల్లంఘనల నమోదు తీరును పరిశీలిస్తే ‘అనుభవం’ తర్వాత వాహనచోదకుల్లో మార్పు స్పష్టంగా కనిపిస్తోందని ట్రాఫిక్‌ పోలీసులు గుర్తించారు. అత్యధిక కేసుల్లో ఒక్క పాయింట్‌ పడిన తర్వాత గరిష్టంగా రెండో పాయింట్‌ మాత్రమే పడుతోందని, ఆపై ఉల్లంఘనులు జాగ్రత్తగా వ్యవహరిస్తూ వీలున్నంత వరకు రోడ్డు నిబంధనలు పాటిస్తున్నారని అధికారులు పేర్కొంటున్నారు. ఆ లైసెన్స్‌తో చిక్కితే జైలే...   పెనాల్టీ పాయింట్స్‌ విధానం అమల్లోకి వచ్చిన తర్వాత మార్పు స్పష్టంగా కనిపిస్తోంది. అనేక మంది ఉల్లంఘనలకు పాల్పడకుండా జాగ్రత్తగా ఉంటున్నారు. అయినప్పటికీ ట్రాఫిక్‌ నిబంధనల అమలు విషయంలో అవగాహన పెరగాల్సిన అవసరం ఉంది. ట్రాఫిక్‌ విభాగం అధికారుల వద్ద ఉండే పీడీఏ మెషిన్లు ఆర్టీఏ సర్వర్‌తోనూ అనుసంధానించి ఉంటాయి. దీంతో ఏఏ లైసెన్సులు సస్పెన్షన్‌కు గురయ్యాయి? అనేది తక్షణం తెలుస్తుంది. వాహన చోదకుల్లో ఎవరైనా సస్పెండ్‌ అయిన డ్రైవింగ్‌ లైసెన్స్‌/దాని ప్రతిని వినియోగించి వాహనం నడుపుతుంటే ఆ విషయాన్ని క్షేత్రస్థాయిలో తనిఖీలు చేసే పోలీసులు పీడీఏ మెషిన్ల ద్వారా తేలిగ్గా గుర్తిస్తారు. అలాంటి వారిపై చట్ట ప్రకారం తదుపరి చర్యలు తీసుకొని కోర్టులో హాజరు పరుస్తారు. ఇలాంటి ఉల్లంఘనకు పాల్పడిన వారికి గరిష్టంగా మూడు నెలల వరకు జైలు శిక్షపడే ఆస్కారం ఉంది.– ఎల్‌ఎస్‌ చౌహాన్, ట్రాఫిక్‌ డీసీపీ–1

చిత్తూరు: ఓసారి ఈ చిత్రం చూడండి. ట్రాఫిక్‌ నిబంధనలు పాటించండి, హెల్మెట్‌ వేసుకోండి అని ట్రాఫిక్‌ పోలీసులు ఓ వైపు చెబుతూనే ఉన్నా జనాలకు మాత్రం ఈ తరహా పైత్యం ఇంకా తగ్గలేదు. చిత్తూరు నగరం మురకంబట్టులో ఓ బైక్‌ మీద ఐదుగురు వెళుతూ  సాక్షి కెమెరాకు చిక్కారు. మరి ఇలా వెళితే ప్రమాదాలు జరగవా? ఏ చిన్న తేడా వచ్చినా వీరి ప్రాణాలతో పాటు ఎదురుగా వచ్చే ప్రాణాలకూ ముప్పే కదా? -ఫోటో: ఎన్‌.మురళి, చిత్తూరు

రోడ్డు ప్రమాదాల నివారణకు అత్యంత కీలకంగా భావిస్తోన్న మోటారువాహనాల సవరణ బిల్లు 2017, లోక్‌సభలో ఆమోదం పొందినప్పటికీ రాజ్యసభలో ప్రతిపక్షాలు అడ్డుకున్నాయి. రాష్ట్రప్రభుత్వాల అధికారాలను ఈ బిల్లు నియంత్రిస్తోందనీ, కార్పొరేట్‌ కంపెనీలకు అనుకూలమైందన్న ఆరోపణలతో విపక్షాలు ఈ బిల్లుని అడ్డుకున్నాయి. అయితే విచ్చలవిడిగా జరుగుతోన్న రోడ్డు ప్రమాదాలను నియంత్రించే కీలకమైన అంశాలు ఈ బిల్లులో పొందుపరిచారు.  యేడాదికి 1.46 లక్షల ప్రమాదాలతో ప్రపంచంలోనే ప్రథమస్థానంలో ఉన్న భారతదేశం 2020 కల్లా రోడ్డు ప్రమాదాలను 50 శాతం తగ్గించాలని ఐక్యరాజ్యసమితి సూచించింది.  ఈ బిల్లు ఆమోదం పొందితే ప్రమాదాల అంచున సాగే ప్రయాణాలకు ఫుల్‌ స్టాప్‌ పడుతుందని అంతా ఆశిస్తున్నారు. ట్రాఫిక్‌ అతిక్రమణలకు విధించే ఫైన్‌లు మొదలుకొని, ప్రమాదాలకు కారణమైన మైనర్ల విషయంలో వాహన యజమానులను సైతం బాధ్యులను చేసేలా ఈ బిల్లుని తయారుచేశారు.  ఈ బిల్లులో ఏముంది? 1. వాహన రిజిస్ట్రేషన్‌కీ, డ్రైవింగ్‌ లైసెన్స్‌కీ ఆధార్‌ తప్పనిసరి.  2. వాహనాలు ఢీ కొట్టి పారిపోయిన దుర్ఘటనల్లో ప్రభుత్వమే బాధితులకు నష్టపరిహారంగా ప్రస్తుతం చెల్లిస్తోన్న 25,000 రూపాయలను 2 లక్షలకు పెంచారు. 3. ప్రమాదాలకు మైనర్లు కారణమైన సందర్భంలో వాహనయజమాని కానీ, సదరు మైనరు సంరక్షకులుగానీ బాధ్యత వహించాల్సి ఉంటుంది. ఒకవేళ సంరక్షకులకు గానీ,  వాహన యజమానులకు గానీ ఈ ప్రమాదం తెలియకుండా జరిగినట్టు, లేదా తాము నివారించే ప్రయత్నం చేసామని నిరూపించుకుంటే తప్ప వారే మైనర్ల ప్రమాదాలకు బాధ్యత వహించాల్సి ఉంటుంది. అది వారికి తెలిసి జరిగినట్టయితే మోటారు వాహనం రిజిస్ట్రేషన్‌ రద్దుఅవుతుంది. జువైనల్‌ చట్టం ప్రకారం నేరస్తులను విచారిస్తారు. 4. ప్రమాదంలో ఉన్న వారిని ఆదుకునే వారికి ఈ బిల్లు రక్షణకల్పిస్తోంది. ప్రమాదాలు జరిగినప్పుడు బాధితులకు తోడ్పడిన వారిని నేరంలో భాగం చేయకుండా ఇది నివారిస్తుంది. బాధితులను ఆసుపత్రిలో చేర్చినప్పుడు సైతం వారు కోరితే వారి వివరాలను పోలీసులు, ఆసుపత్రి వర్గాలు గోప్యంగా ఉంచాల్సి ఉంటుంది. 5. మత్తుపానీయాలు సేవించి వాహనాలు నడిపిన వారికి ఇప్పుడు విధించే ఫైన్‌ని 2000 నుంచి 10,000 రూపాయలకు పెంచారు. 6. ఇష్టమొచ్చినట్టు రాష్‌గా వాహనాలు నడిపితే విధించే జరిమానాను 1000 రూపాయల నుంచి 5000 రూపాయలకు పెంచారు. 7. లైసెన్స్‌ లేకుండా వాహనాలు నడిపిన నేరానికి యిప్పుడు విధిస్తోన్న 500 రూపాయల జరిమానాను 5000 రూపాయలకు పెంచారు.  8. అతివేగంగా వాహనాలు నడిపినందుకు ప్రస్తుతం విధిస్తున్న 400 రూపాయల ఫైన్‌ని 1000, 2000 వరకు పెంచారు.  9. సీటు బెల్టు పెట్టుకోకుండా వాహనం నడిపితే ప్రస్తుతం 100 రూపాయలు ఫైన్‌ వేస్తున్నారు. దాన్ని 1000 రూపాయలకు పెంచారు.  10. ఫోన్‌లో మాట్లాడుతూ వాహనాన్ని నడిపితే ప్రస్తుతం 1000 రూపాయల ఫైన్‌ వేస్తున్నారు. అది 5000లకు పెంచారు.  11. మోటారు వాహనాల యాక్సిడెంట్‌ ఫండ్‌లో ఇన్సూరెన్స్‌ ని కూడా చేర్చారు.   12. దివ్యాంగులకు అవసరమైన రీతిలో వాహనాల నిర్మాణాన్ని తప్పనిసరిచేసారు. 13. నాణ్యతలేని రోడ్లను వేసినందుకు కాంట్రాక్టర్లు సైతం ప్రమాదాలకు బాధ్యత వహించాల్సి ఉంటుంది.  14. రోడ్డు ప్రమాదాల్లో ఆరునెలల లోపే బాధితులు నష్టపరిహారం కోసం దరఖాస్తు చేసుకోవాల్సి ఉంటుంది.  15. ప్రమాదాల్లో మరణాలకు థర్డ్‌ పార్టీ ఇన్సూరెన్స్‌ పరిమితిని 10 లక్షలు, తీవ్రమైన గాయాలకు 5 లక్షల చొప్పున చెల్లించాలని 2016 చట్టం పేర్కొంది. ఇప్పుడు   2017 మోటారు వాహనాల బిల్లు ఈ పరిమితిని ఎత్తివేసింది.  16. కాలం తీరిన డ్రైవింగ్‌ లైసెన్స్‌ని తిరిగి నమోదుచేయించుకోవడానికి గతంలో ఉన్న నెల రోజుల గడువుని యేడాదికి పెంచారు.  17. ఉండాల్సిన స్థాయిలో వాహనం మోటారు నాణ్యత లేనట్టు భావిస్తే ఆయా వాహనాలను ప్రభుత్వమే తిరిగి రప్పించుకోవచ్చు. తక్కువ నాణ్యత కలిగిన వాహనాలు తయారు చేసినందుకుగాను 500 కోట్ల రూపాయల వరకు జరిమానా విధించే అవకాశం ఈ బిల్లులో కల్పించారు. - సాక్షి నాలెడ్జ్‌ సెంటర్‌

సాక్షి, హైదరాబాద్‌: ‘డ్రైవింగ్‌లో ఉండగా దేవుడితో మాట్లాడాలనుకుంటున్నారా? అయితే బండి పక్కకు ఆపి, ప్రశాంతమైన చోటు వెదుక్కుని ఆయనతో మాట్లాడండి. ఒకవేళ దేవుడిని చూడాలనుకుంటే డ్రైవింగ్‌లో ఉండగా మొబైల్‌లో మెసేజ్‌లు పెడుతుంటే నేరుగా ఆయనకు దగ్గరకు వెళ్లిపోవచ్చు’ ఇది ఒక వాహనం వెనుక భాగంలో రాసివున్న సందేశం. ఈ ఫోటోను హైదరాబాద్‌ నగర పోలీసు అధికారిక ట్విటర్‌ పేజీలో పోస్ట్‌ చేశారు. పోలీసులకు ఈ ఫొటో పోస్ట్‌ చేయాల్సిన అవసరం ఏముందని అనుకుంటున్నారా? సెల్‌ఫోన్ల వినియోగం పెరగడంతో వాహనదారుల్లో చాలా మంది నిర్లక్ష్యంగా వ్యవహరిస్తున్నారు. మొబైల్‌ ఫోన్లలో మునిగిపోతూ రహదారి భద్రత, ట్రాఫిక్‌ నిబంధనలను గాలికొదిలేస్తున్నారు. వాహనాలు నడిపే సమయంలో సెల్‌ఫోన్లలో మాట్లాడుతూ, ఛాటింగ్‌ చేస్తూ, మెసేజ్‌లు పంపుతూ.. చెవుల్లో ఇయర్‌ఫోన్స్‌ పెట్టుకుని ప్రమాదాల బారిన పడుతున్నారు. ఒక్కోసారి ప్రమాదాలకు కారణమవుతున్నారు. ఈ నేపథ్యంలో వాహనదారులను అప్రమత్తం చేసేందుకు హైదరాబాద్‌ నగర పోలీసులు నిరంతరం చైతన్య కార్యక్రమాలు నిర్వహిస్తున్నారు. ఇందులో భాగంగా సోషల్‌ మీడియాను వేదికగా చేసుకుని వీడియోలు, ఫొటోలు షేర్‌ చేస్తున్నారు. ఇలా వచ్చిందే ఈ ఫొటో. కాబట్టి సెల్‌ఫోన్‌ వాడుతూ వాహనాలు నడపకండి, ప్రమాదాలు కొనితెచ్చుకోకండి.

మర్రిపాలెం(విశాఖ పశ్చిమ): నిబంధనలు పాటించని ఆటోలను రవాణా అధికారులు అదుపులోకి తీసుకున్నారు. పరిమితికి మించిన ప్రయాణికులతో ప్రయాణాలు, రాంగ్‌ రూట్‌లో రాకపోకలతో పట్టుబడిన 52 ఆటోలను సీజ్‌ చేశారు. ట్రాఫిక్‌ నిబంధనలు ఉల్లంఘించిన ఆటోల తనిఖీల కోసం జిల్లా వ్యాప్తంగా 9 ప్రత్యేక బృందాలను ఉప రవాణా కమిషనర్‌ డాక్టర్‌ ఎస్‌.వెంకటేశ్వరరావు నియమించారు. ఈ బృంద సభ్యులు శుక్రవారం నగరంతో పాటు గాజువాక, అనకాపల్లి, నర్సీపట్నం రవాణా కార్యాలయాల పరిధిలో తనిఖీలు చేపట్టారు. రాకపోకలు సాగిస్తున్న ప్రతీ ఆటోను క్షుణ్ణంగా తనిఖీ చేశారు. నిబంధనలు పాటించని 52 ఆటోలను సీజ్‌ చేశారు. ఉప రవాణా కమిషనర్‌ డాక్టర్‌ ఎస్‌.వెంకటేశ్వరరావు స్వయంగా తనిఖీల్లో పాల్గొని కేసులు నమోదు చేశారు. ఈ సందర్భంగా ఆయన మాట్లాడుతూ ఆటోల్లో ప్రయాణికుల రక్షణ, భద్రతకు ప్రాధాన్యమిచ్చేందుకు తనిఖీలు జరుపుతున్నామని డీటీసీ స్పష్టం చేశారు. పరిమితికి మించి ప్రయాణికులతో ఆటోలు రాకపోకలు చేయడం చట్టరీత్యా విరుద్ధమన్నారు. మోటార్‌ వాహనాల చట్టంలోని నిబంధనలు పాటించని ఆటో డ్రైవర్ల మీద చర్యలు ఉంటాయన్నారు. వాహనానికి రిజిస్ట్రేషన్‌ పత్రం, ఫిట్‌నెస్, పర్మిట్, బీమా, పొల్యూషన్, ఆటోడ్రైవర్‌కు బ్యాడ్జి నంబర్‌ తప్పక కలిగి ఉండాలన్నారు. తనిఖీలు మరింత ముమ్మరం చేయనున్నట్టు ప్రకటించారు.

సాక్షి, సిటీబ్యూరో: ఒక నిమిషం పాటు ఒక సిటీ బస్సు రోడ్డు మధ్యలో నిలిస్తే  ఏమవుతుందో  తెలుసా...కనీసం అరకిలోమీటర్‌ వరకు  వాహనాలు నిలిచిపోతాయి. 10 నిమిషాల పాటు ట్రాఫిక్‌ రద్దీ నెలకొంటుంది. అలాంటిది ఒకేసారి 1000 బస్సులు వేర్వేరు చోట్ల రోడ్డు మధ్యలో నిలిచిపోతే ఎలా ఉంటుంది. కచ్చితంగా మొత్తం అన్నిచోట్లా కలిపితే...500 కిలోమీటర్ల మేర ట్రాఫిక్‌ స్తంభించినట్లవుతుంది. విలువైన పనిగంటలు వృథా అవుతాయి. ఉదయాన్నే విధులకు హాజరుకావలసిన సిటీజనులు రోడ్లపైనే పడిగాపులు కాయాల్సి వస్తుంది. సిటీ బస్సుల అడ్డగోలు నిర్వహణ, విచక్షణా రహితమైన  డ్రైవింగ్, యథేచ్ఛగా ట్రాఫిక్‌ నిబంధనల ఉల్లంఘన కారణంగా నగరంలో ఉదయం, సాయంత్రం అదే పరిస్థితి నెలకొంటోంది. ఒక్క మాటలో చెప్పాలంటే  గ్రేటర్‌లో ప్రతి రోజు తిరిగే 3550 బస్సులు ఒకరకమైన ట్రాఫిక్‌ టెర్రర్‌ను సృష్టిస్తున్నాయి. ఇష్టారాజ్యంగా తిరిగే మరో లక్ష ఆటో రిక్షాలు ఈ ట్రాఫిక్‌ టెర్రర్‌కు మరింత ఆజ్యం పోస్తున్నాయి. ‘సాక్షి’ క్షేత్రస్థాయి పరిశీలనలో ఈ విషయాలే వెల్లడయ్యాయి. యథేచ్చగా ‘బే’ఖాతరు... నగరంలో సుమారు 2 వేల బస్టాపులు, మరో 500 బస్‌బేలు ఉన్నాయి. ఇవి కాకుండా రెతిఫైల్, దిల్‌సుఖ్‌నగర్, సనత్‌నగర్, కోఠి, కాచిగూడ, ఫలక్‌నుమా, తదితర ప్రాంతాల్లో బస్‌స్టేషన్‌లు ఉన్నా యి. బస్‌స్టేషన్‌లలో నిలిచే బస్సులు మినహాయించి మిగతా వాటిలో 80 శాతం రోడ్లపైనే ఆపేస్తున్నారు. బస్టాపులు, బస్‌బేలకు దూరంగా  రోడ్డు మధ్యలో ఆపుతున్న  అడ్డదిడ్డంగా నడిపేబస్సులు వల్ల  ట్రాఫిక్‌ ఎక్కడికక్కడ ఆగిపోతుంది.వాహనాల రాకపోకలు, ఇరుకు రోడ్ల కారణంగా నిత్యం రద్దీగా ఉండే సికింద్రాబాద్‌ రెతిఫైల్‌ బస్‌స్టేషన్, రైల్వేస్టేషన్, గురుద్వారా, తదితర ప్రాంతాల్లో అడ్డగోలుగా తిరిగే బస్సులు ఆ ట్రాఫిక్‌ రద్దీని మరింత విషవలయంగా మారుస్తున్నాయి. ఉదాహరణకు రెతిఫైల్‌ వద్ద ‘యు’ టర్న్‌ తీసుకొనేందుకు అవకాశం లేదు. కానీ బస్సులన్నీ అక్కడే యూటర్న్‌ తీసుకోవడం వల్ల తీవ్రమైన రద్దీ నెలకొంటోంది. ఉప్పల్‌ నల్లచెరువు నుంచి ఉప్పల్‌ క్రాస్‌ రోడ్డు వరకు రెండు వైపులా ఆరు బస్టాపులు ఉన్నాయి. ఈ బస్టాపుల్లో కాకుండా రోడ్డు మధ్యలో నిలిపివేయడం వల్ల  రెండు వైపులా  బోడుప్పల్‌ చౌరస్తా నుంచి ఉప్పల్‌ రింగ్‌ రోడ్డు వరకు కనీసం 3 కిలోమీటర్‌ల మేర ట్రాఫిక్‌ స్తంభించిపోతుంది. హబ్సిగూడ, తార్నాక, సికింద్రాబాద్, హిమాయత్‌నగర్, దిల్‌షుఖ్‌నగర్, కోఠీ, ఆబిడ్స్, తదితర అన్ని ప్రాంతాల్లో బస్‌బేలు, బస్టాపులు ఉన్నప్పటికీ రోడ్లపైనే  దర్జాగా  ఆపేస్తున్నారు.  ఎక్కేదెలా దిగేదెలా.... ఏ బస్సు ఎక్కడ ఎప్పుడు  ఆగుతుందో తెలియదు.ఎప్పుడు కదులుతుందో తెలియదు. దీంతో  ప్రయాణికులు బస్సెక్కాలన్నా, దిగాలన్నా    కష్టంగానే  ఉంటుంది. బస్టాపులో నించున్న ప్రయాణికులు వాహనాలను దాటుకొని   రోడ్డు మధ్యలో ఉన్న బస్సును చేరుకోవాలి. కానీ అప్పటికే ఆ బస్సు ఆగి. ముందుకు కదులుతుంది. బస్సు దగిన వాళ్లు ట్రాఫిక్‌ మధ్యలోంచి రోడ్డు చివరకు రావడం కూడా  దుస్సాధ్యంగా  మారింది. మరోవైపు  ఒకటెనుక ఒకటి వరుసగా వచ్చే  నాలుగైదు బస్సులు ఒకేసారి రోడ్డు మధ్యలోనే ఆగిపోవడం వల్ల  వాహనదారులకు పట్టపగలే  చుక్కలు కనిపిస్తున్నాయి.    బస్టాపులో  బస్సు నిలిపి  ప్రయాణికులను ఎక్కించుకొనేందుకు అవకాశం  ఉన్నప్పటికీ చాలా మంది  డ్రైవర్లు  ఏ మాత్రం  లెక్కచేయకుండా ఇష్టారాజ్యంగా రోడ్లపైనే  ఆపేస్తున్నారు.అడ్డగోలు డ్రైవింగ్‌ కారణంగా  ప్రతిరోజు లక్షలాది మంది  వాహనదారులు, ప్రజలు  తీవ్ర ఇబ్బందులకు గురవుతున్నప్పటికీ  సంస్థాగతమైన  క్రమశిక్షణాచర్యలు తీసుకోవడంలో  ఆర్టీసీ ఘోరమైన ఉదాసీనతను  ప్రదర్శిస్తోంది. దీంతో నగరంలో ట్రాఫిక్‌ సమస్య మరింత నరకప్రాయంగా మారింది.  ఉదయం  7 నుంచి 10 గంటల వరకు సాయంత్రం  5 నుంచి రాత్రి  8 గంటల వరకు  ట్రాఫిక్‌  భయానకంగా మారుతుంది.  అమీర్‌పేటలో ఇలా.. కేసులంటే లెక్కలేదు... బస్‌బేల్లో బస్సులు ఆపకపోవడం వల్ల అనేక చోట్ల అవి ఆటోరిక్షాలకు అడ్డాలుగా మారాయి. బస్‌బేల్లో ఆటోలు ఉండడం వల్లనే  బస్సులు  రోడ్లపైన ఆపుతున్నట్లు ఆర్టీసీ అధికారులు చెబుతున్నారు.కానీ  బస్సులను సక్రమంగా బస్టాపుల్లో,బస్‌బేల్లో నిలపకపోవడం వల్లనే  ఆటోలు  పాగా వేస్తున్నాయని  పోలీసులు, ప్రయాణికులు అభిప్రాయపడుతున్నారు. ట్రాఫిక్‌ ఉల్లంఘనలపై ప్రతి నెలా సగటున 1000 నుంచి 1500 కేసులు నమోదవుతున్నాయి. వీటిలో విచక్షణారహితమైన పార్కింగ్, రోడ్డు మధ్యలో నిలిపే బస్సులే  60 శాతం ఉన్నాయి.35 శాతం సిగ్నల్‌ జంపింగ్‌ కేసులు ఉంటే మరో  5 శాతం వరకు సెల్‌ఫోన్‌ లో మాట్లాడుతూ డ్రైవింగ్‌ చేసిన కేసులు ఉన్నాయి. ఇవి కేవలం పోలీసులు నమోదు చేసినవి. కానీ పోలీసుల దృష్టిలో పడకుండా ఇష్టారాజ్యంగా నిబంధనలు ఉల్లంఘించే నడిపే డ్రైవర్లు, బస్సులు ప్రతి రోజు వెయ్యికి పైగా ఉంటాయని అంచనా.  అమలుకు నోచని క్యూరెయిలింగ్‌... ముంబయి తరహాలో  సిటీ బస్సుల రాకపోకలపైన నియంత్రణ, ప్రయాణికులకు మెరుగైన రవాణా సదుపాయాన్ని కల్పించే లక్ష్యంతో క్యూ రెయిలింగ్‌ల ఏర్పాటు కోసం జరిపిన  అధ్యయనం అటకెక్కింది.నగరంలోని  కూకట్‌పల్లి,ఈఎస్‌ఐ,కేపీహెచ్‌బీ,ఎన్‌ఎండీసీ,సరోజినీదేవి ఆసుపత్రి,నానల్‌నగర్,బాపూనగర్,లకిడికాఫూల్, నాంపల్లి, గృహకల్ప,లోతుకుంట,బోయిన్‌పల్లి,తదితర చోట్ల బస్‌బేలను ఏర్పాటు చేయాలని ప్రతిపాదించారు. ఇప్పటి వరకు ఒక్క అడుగు కూడా ముందుకు పడలేదు. బస్‌బేల పరిస్థితి ఇది... నగరంలో తిరిగే బస్సులు  : 3550 వివిధ మార్గాల్లో ఉన్న బస్టాపులు : 2000 బస్‌షెల్టర్లు : 1307 ప్రస్తుతం  ఉన్న బస్‌ బేలు  : 500 జీహెచ్‌ఎంసీ  ప్రతిపాదించిన బస్‌బేలు  :220 క్యూరెయిలింగ్‌ కోసం ప్రతిపాదించినవి : 14 కొత్తగా కట్టించిన బస్‌బేలు : లేవు

తాండూరు : వారం రోజులుగా పోలీసుశాఖ వాహనదారులపై కొరడా జులిపించింది. పోలీసు శాఖ నూతనంగా ప్రవేశపెట్టిన ఈ కేసుల (ఆన్‌లైన్‌) నమోదును అందుబాటులోకి తీసుకొచ్చింది. దీంతో తాండూరు సబ్‌ డివిజన్‌ పరిధిలోని రెండు సర్కిళ్లలో ఉన్న పోలీస్‌స్టేషన్లలో పోలీసు అధికారులు మంగళవారం ఒకే రోజు 100 ఈ కేసులు నమోదు చేశారు. బుధవారం రోజు తాండూరు మున్సిపల్‌ కోర్టులో ఈ కేసులు నమోదైన వారికి న్యాయమూర్తి ట్రాఫిక్‌ రూల్స్‌ సంబంధించిన చట్టం ప్రకారం వాహనదారులకు జరిమానాలు విధించారు. తాండూరు పోలీస్‌స్టేషన్‌ పరిధిలో ఇప్పటి వరకు 500లకు పైగా ఈ కేసులు నమోదు చేసి రాష్ట్రంలో మొదటి పోలీస్‌స్టేషన్‌గా రికార్డు సాధించింది.   కేసుల నమోదులోపోటీ పడుతున్న సీఐలు  తాండూరు సబ్‌ డివిజన్‌ పరిధిలో ఉన్న రెండు సర్కిళ్లలో విధులు నిర్వహిస్తున్న సీఐల మధ్య ఈ పెట్టి కేసుల పోటీ కొనసాగుతోంది. ఒకరికి మించి ఒకరు తమ సత్తా చాటుకునేందుకు వాహనదారులపై కొరడా జులిపిస్తున్నారు. పట్టణ సీఐ ప్రతా పలింగం, రూరల్‌ సీఐ సైదిరెడ్డిల మధ్య ఇప్పటికే ఉద్యోగరీత్యా విభేదాలున్నాయి. అధికారుల మధ్య సాగుతున్న అంతర్గత యుద్ధంలో ఈ పెట్టి కేసు నమోదులతో రికార్డు సాధించిన స్థానికంగా అధికారులు వాహనదారులపై అడ్డగోలుగా  కేసు లు నమోదు చేయడంతో విమర్శలు వస్తున్నాయి.   

‘పోలీస్‌ అయినా...సాధారణ పౌరులైనా ట్రాఫిక్‌ నిబంధనల విషయంలో ఒక్కటే. ఎవరు తప్పు చేసినా శిక్ష తప్పదు’ అంటున్నారు పోలీస్‌ ఉన్నతాధికారులు. ఈమేరకు ట్రాఫిక్‌ రూల్స్‌ పాటించని 371 మంది పోలీస్‌ సిబ్బంది, అధికారులకు చార్జ్‌ మెమోలు జారీ చేశారు. వీరిలో 30 మందిని హెడ్‌–క్వార్టర్స్‌ సహా వివిధ విభాగాలకు ఎటాచ్‌ చేస్తూ చర్యలు తీసుకున్నారు. సాక్షి, సిటీబ్యూరో: సెల్‌ఫోన్‌ డ్రైవింగ్‌ చేస్తూ మీడియాకు చిక్కిన పంజగుట్ట ఎస్సై నర్సింహ్మ నాయక్‌పై ఆదివారం వేటు పడింది. అతడిని సిటీ ఆర్మ్‌డ్‌ రిజర్వ్‌ హెడ్‌–క్వార్టర్స్‌కు ఎటాచ్‌ చేస్తూ కొత్వాల్‌ అంజినీ కుమార్‌ ఉత్తర్వులు జారీ చేశారు. వారం రోజుల క్రితం రాంగ్‌ రూట్‌లో వాహనం నడిపిన ఓ పోలీసు డ్రైవర్‌ అంశాన్ని స్వయంగా గుర్తించిన డీజీపీ ఉల్లంఘనకు జరిమానా విధించడంతో పాటు బాధ్యుడికి తాఖీదు జారీ అయ్యేలా చర్యలు తీసుకున్నారు. నిబంధనలు ఉల్లంఘించిన సాధారణ ప్రజలకు జరిమానా మాత్రమే పడుతోంది. ఇదే పని పోలీసులు చేస్తే వారికి ఫైన్‌తో పాటు తాఖీదులు, తీవ్రమైన వాటికి పాల్పడితే వేటు తప్పట్లేదు. కొన్నాళ్ల క్రితం ప్రారంభించిన ఈ విధానాన్ని నగర పోలీసులు పక్కాగా అమలు చేస్తున్నారు. ఇప్పటి వరకు దాదాపు 371 మంది పోలీసు సిబ్బంది, అధికారులకు ఉన్నతాధికారులు చార్జ్‌మెమోలు జారీ చేశారు. వీరిలో 30 మందిని హెడ్‌–క్వార్టర్స్‌ సహా వివిధ విభాగాలకు ఎటాచ్‌ చేస్తూ చర్యలు తీసుకున్నారు. మరోపక్క పోలీసులకు సంబంధించిన అధికారిక, వ్యక్తిగత వాహనాలపై ఉన్న జరిమానాలను తక్షణం చెల్లించాల్సిందిగా సీపీ ఆదేశాలు జారీ చేశారు.  అమలు చేయాల్సిన వారే తప్పు చేస్తే... రహదారి భద్రతకు సంబంధించి అంశాలు, నిబంధనలను క్షేత్రస్థాయిలో అమలు చేసే ట్రాఫిక్, శాంతిభద్రతల అధికారులే తప్పులు చేస్తే ప్రజల్లో చులకన భావం ఏర్పడుతుందని ఉన్నతాధికారులు భావిస్తున్నారు. ఈ నేపథ్యంలో నగరంలోని హెల్మెట్‌ నిబంధన పక్కా చేసినప్పుడు కమిషనరేట్, సెంట్రల్‌ క్రైమ్‌ స్టేషన్‌ (సీసీఎస్‌)కు ద్విచక్ర వాహనాలపై వచ్చే ప్రతి అధికారి/సిబ్బంది కచ్చితంగా హెల్మెట్‌ ధరించాల్సిందేనని ఉన్నతాధికారులు స్పష్టం చేశారు. లేని పక్షంలో ఆయా వాహనాలను లోపలకు అనుమతించవద్దంటూ ఉత్తర్వులు జారీ చేశారు. ఈ విధానాన్ని మరింత విస్తరిస్తూ కొన్నాళ్ల క్రితం చర్యల నిర్ణయం తీసుకున్నారు. యూనిఫాంలో ఉంటే సీరియస్‌... నగర పోలీసు విభాగంలో పని చేస్తున్న పది వేల మందికి పైగా సిబ్బంది నిత్యం ఇళ్ల నుంచి పోలీసుస్టేషన్‌/కార్యాలయం మధ్య, వ్యక్తిగత/అధికారిక పనుల నిమిత్తం రాకపోకలు సాగిస్తుంటారు. ఈ సందర్భంగా అత్యధిక శాతం యూనిఫాంలోనే ఉంటున్నారు. ఈ సిబ్బంది/అధికారులు వినియోగిస్తున్న వాటిలో ప్రైవేట్‌ వాహనాలతో పాటు ప్రభుత్వవాహనాలూ ఉంటున్నాయి. ఇలాంటి సందర్భాల్లో యూనిఫాంలో ఉన్న పోలీసులతో పాటు పోలీసు వాహనాలు ఉల్లంఘనలకు పాల్పడటాన్ని ఉన్నతాధికారులు సీరియస్‌గా తీసుకుంటున్నారు. వీరిలో మార్పు తీసుకురావడానికి కౌన్సిలింగ్‌ నిర్వహించిన అధికారులు ఆ తర్వాత కొన్నాళ్ల పాటు తాఖీదులు జారీ చేయడం మొదలుపెట్టారు. అయినా మార్పు రాని వారిపై మరింత కఠినంగా వ్యవహరిస్తున్నారు. పక్కా ఆధారాలతో... పోలీసుల ఉల్లంఘనలకు సంబంధించి పక్కా ఆధారాలు ఉంటేనే ఉన్నతాధికారులు చర్యలు తీసుకుంటున్నారని ట్రాఫిక్‌ పోలీసులు ‘సాక్షి’కి తెలిపారు. మొత్తం నాలుగు రకాల సాధనాల ద్వారా వీటిని సేకరిస్తున్నామని తెలిపారు. ప్రాథమికంగా క్షేత్రస్థాయిలో విధుల్లో ఉంటున్న సిబ్బంది తమ చేతిలో ఉండే కెమెరాల ద్వారా చిత్రీకరిస్తున్నారు. దీంతో పాటు బషీర్‌బాగ్‌లోని కమిషనరేట్‌లో ఉన్న ట్రాఫిక్‌ కమాండ్‌ అండ్‌ కంట్రోల్‌ సెంటర్‌ నుంచీ ఫొటోలు తీస్తున్నారు. ఈ రెంటితో పాటు సోషల్‌మీడియాలో సర్క్యులేట్‌ అవుతున్న వాటిని, పత్రికల్లో ప్రచురితం/ప్రసారం అయిన ఫొటోలను పరిగణలోకి తీసుకుంటున్నారు. ఇలా సేకరించిన ఫొటోలను కమాండ్‌ అండ్‌ కంట్రోల్‌ సెంటర్‌ సిబ్బంది అధ్యయనం చేస్తున్నారు. ఆ సమయంలో వాహనాన్ని నడిపింది ఎవరు? అనేది నిర్థారించిన తర్వాత ప్రాథమికంగా సదరు పోలీసులను నుంచి జరిమానా వసూలు చేసి, ఆపై చార్జ్‌మెమో జారీ చేస్తున్నారు. ఉల్లంఘన తీవ్రతను బట్టి కొందరు అధికారులపై బదిలీ/ఎటాచ్‌మెంట్‌ వేటు కూడా వేస్తున్నారు. 

సాక్షి, సిటీబ్యూరో:  ట్రాఫిక్‌ నిబంధనలు ఉల్లంఘిస్తున్నారా..రోడ్డు భద్రత నిబంధనలను బేఖాతరు చేశారా...తస్మాత్‌ జాగ్రత్త.  ఆర్టీఏ అధికారులు, ట్రాఫిక్‌ పోలీసులే కాదు. మీ మొబైల్‌ ఫోన్‌ కూడా  మిమ్మల్ని హెచ్చరిస్తుంది. మీకు తెలియకుండానే ఉల్లంఘించే నిబంధనలపైన పోలీసులు నమోదు చేసే కేసులు ఎప్పటికప్పుడు  మీ మొబైల్‌కు చేరిపోతాయి. డ్రంకన్‌ డ్రైవ్, ఇతర ఉల్లంఘనల్లో  మీ వాహనంపైన  రవాణాశాఖ నమోదు చేసే ‘పెనాలిటీ  పాయింట్స్‌’  ఎప్పటికప్పుడు మీ స్మార్ట్‌ఫోన్‌లోనే చేసుకోవచ్చు. రోడ్డు నిబంధనలపై పదే పదే  తప్పులు చేయకుండా  వాహనదారులను నిరంతరం అప్రమత్తం చేసేందుకు రూపొందించిన ‘ఆర్టీఏ –ఎం వాలెట్‌’  మొబైల్‌ యాప్‌ను రవాణాశాఖ మరింత ఆధునీకరించింది. అన్ని రకాల పౌరసేవలను ఒక్క యాప్‌తో  పొందే సదుపాయాన్ని కల్పించింది. రెండేళ్ల క్రితం  ప్రవేశపెట్టిన  ఈ  అప్లికేషన్‌కు  వాహనదారుల నుంచి అనూహ్య ఆదరణ లభిస్తోంది. 20.38 లక్షల మంది ఈ యాప్‌ను డౌన్‌లోడ్‌ చేసుకోవడం విశేషం. ఈ నేపథ్యంలో ఏడాది క్రితం  ట్రాఫిక్‌  ఈ చలానాలను  ఆర్టీఏ – ఎం వాలెట్‌ నుంచి పొందడంతో  పాటు ఆన్‌లైన్‌లో  చలానాలు చెల్లించే  సదుపాయాన్ని ప్రవేశపెట్టిన అధికారులు తాజాగా ‘పెనాల్టీ పాయింట్స్‌’ కూడా తెలుసుకొనే అవకాశం కల్పించారు. వాహనదారుల డ్రైవింగ్‌ లైసెన్సు మనుగడలో  ఉన్నదీ లేనిదీ కూడా  చెప్పేస్తుంది. పోలీసులు, ఆర్టీఏ అధికారులు నమోదు చేసే కేసులను  తప్పించుకునే అవకాశం లేకుండా  ‘ఆర్టీఏ –ఎం వాలెట్‌’ ఒక హెచ్చరికలా పని చేస్తుంది. గూగుల్‌ ప్లే స్టోర్‌ నుంచి ఒక్కసారి ఈ యాప్‌ను డౌన్‌లోడ్‌ చేసుకుంటే చాలు  మీ బండి జాతకం మొత్తం తెలిసిపోతుంది. మీకు బండి నడిపే అర్హత  మీకు ఉందో లేదో చెప్పేస్తుంది. అరచేతిలో సమస్తం ♦ మొదట్లో  డ్రైవింగ్‌ లైసెన్సులు, వాహనాల రిజిస్ట్రేషన్‌ డేటాను  వినియోగదారులు తమ మొబైల్‌ ఫోన్‌లోకి డౌన్‌లోడ్‌ చేసుకొనే సదుపాయాన్ని కల్పిస్తూ  రవాణాశాఖ 2016 మార్చి 30న  ‘ఆర్టీఏ–ఎం వాలెట్‌’ యాప్‌ను ప్రవేశపెట్టింది. కొద్ది రోజులకే లక్షలాది మంది వాహనదారులు ఈ యాప్‌ను ద్వారా తమ డాక్యుమెంట్‌లను డౌన్‌లోడ్‌ చేసుకున్నారు. ప్రస్తుతం   20, 38000 మంది  ఆర్టీఏ ఎం వాలెట్‌ సేవలను వినియోగించకుంటున్నారు. ఈ నేపథ్యంలో ఈ యాప్‌ను మరింత సేవలకు విస్తరించేందుకు  రవాణాశాఖ చర్యలు చేపట్టింది. ♦ ట్రాఫిక్‌ చలానాల నమోదు వివరాలతో పాటు  ఆన్‌లైన్‌ చెల్లింపులకు అవకాశం కల్పించారు.   ♦ ‘వాహనం ఇన్సూరెన్స్‌’ స్టేటస్‌ను కూడా  తెలుసుకోవచ్చు. ♦ ట్రాఫిక్‌ ఉల్లంఘనలపై  నమోదయ్యే పెనాల్టీ పాయింట్స్‌ ఆప్షన్‌ను కూడా  ప్రవేశపెట్టారు.   ♦ లెర్నింగ్‌ లెసెన్సులు, పర్మనెంట్‌ డ్రైవింగ్‌ లైసెన్సులు, వాహనాల కొత్త రిజిస్ట్రేషన్‌ల కోసం, డ్రైవింగ్‌ లైసెన్సు రెన్యువల్‌  కోసం ఆర్టీఏ ఎం వాలెట్‌ నుంచి నేరుగా స్లాట్‌ నమోదు చేసుకోవచ్చు. ఆన్‌లైన్‌ ద్వారా  ఫీజులు చెల్లించవచ్చు.   ♦ వరుసగా 12 పాయింట్‌లు నమోదైనప్పుడు, లేదా ఇతర కారణాల వల్ల  ఆర్టీఏ అధికారులు డ్రైవింగ్‌ లైసెన్సులను సస్పెండ్‌ చేసినా ఆ వివరాలు  ఈ యాప్‌లో కనిపిస్తాయి. డ్రైవింగ్‌ లైసెన్సు స్టేటస్‌  తెలిసిపోతుంది. ♦ టీ యాప్‌ ఫొలియోతో అనుసంధానం ♦ ప్రస్తుతం ప్రభుత్వం  అన్ని రకాల పౌరసేవలను  ఒకే యాప్‌ ద్వారా అందజేసేందుకు  ప్రవేశపెట్టిన  ‘ టి యాప్‌ ఫొలియో (ఎఫ్‌ఓఎల్‌ఏఓ) తో  ఆర్టీఏ ఎం వాలెట్‌ను అనుసంధానం చేశారు. ఈ యాప్‌ ద్వారా కూడా  ఆర్టీఏ సేవలను పొందవచ్చు.

సాక్షి, సిటీబ్యూరో: ‘నాకు థాంక్స్‌ చెప్పొద్దు. అవకాశం వచ్చినప్పుడు మీరు ఓ ముగ్గురికి సహాయం చెయ్యండి. వారిలో ఒక్కొక్కరినీ మరో ముగ్గురి చొప్పున చెయ్యమని చెప్పండి’.. స్టాలిన్‌ సినిమాలో తన వద్ద సాయం పొందిన వారితో చిరంజీవి చెప్పే డైలాగ్‌ ఇది.. ‘మాకు సారీ చెప్పవద్దు. మరోసారి ఇలాంటి పొరపాటు చెయ్యకండి. ఈ షార్ట్‌ఫిల్మ్‌లను కనీసం మూడు గ్రూపుల్లో షేర్‌ చెయ్యండి. అందులోని వారినీ అలానే చెయ్యమనండి’..  కౌన్సెలింగ్‌కు హాజరైన ఉల్లంఘనులతో టీటీఐ అధికారులు చెబుతున్న మాట ఇది. నగర ట్రాఫిక్‌ విభాగం ఆధీనంలోని గోషామహల్‌ ట్రాఫిక్‌ ట్రైనింగ్‌ ఇన్‌స్టిట్యూట్‌ (టీటీఐ) అధికారులు మంగళవారం నుంచి ఓ వినూత్న విధానానికి శ్రీకారం చుట్టారు. ట్రాఫిక్‌ నిబంధనలపై ఉల్లంఘనులతో పాటు  సోషల్‌ మీడియాల్లోని సభ్యులకు అవగాహన కలిగేలా షేరింగ్‌ విధానం ప్రారంభించారు. సిగ్నల్‌ జంపింగ్‌ చేయవద్దని, హెల్మెట్‌ వినియోగించమంటూ ఇటీవల రూపొందించిన షార్ట్‌ఫిల్మస్‌ను ప్రజల్లోకి తీసుకువెళ్లడానికి ఉల్లంఘనుల్నే ప్రచారకర్తలుగా వినియోగించుకుంటున్నారు. ఆ రెండింటిపై లఘు చిత్రాలు... ట్రాఫిక్‌ విభాగం అధికారులు ఉల్లంఘనలను ప్రధానంగా మూడు కేటగిరీలుగా పరిగణిస్తారు. వాహనచోదకుడికి ప్రాణహాని కలిగించేవి, ఎదుటి వ్యక్తికి ముప్పుగా మారేవి, వాహనచోదకుడితో పాటు ఎదుటి వ్యక్తి ప్రాణాలు తీసేవి. సిగ్నల్‌ జంపింగ్‌ ఉల్లంఘన అత్యంత ప్రమాదకరమైన మూడో కేటగిరీ కిందికు వస్తుంది. దీని వల్ల అనేక జంక్షన్లలో ట్రాఫిక్‌ జామ్స్‌ సైతం ఏర్పడి ఎన్నో పని గంటలు, ఇంధనం వృథా అవుతున్నాయి. దీంతో పాటు నగరంలో ఏటా జరుగుతున్న రోడ్డు ప్రమాదాల్లో మృత్యువాతపడుతున్న, క్షతగాత్రులుగా మారుతున్న వారిలో ద్విచక్ర వాహనచోదకులే ఎక్కువగా ఉంటున్నారు. హెల్మెట్‌ వినియోగించకపోవడమే దీనికి ప్రధాన కారణంగా ట్రాఫిక్‌ అధికారులు నిర్ధారించారు. ఈ నేపథ్యంలో సిగ్నల్‌ జంపింగ్, హెల్మెట్‌ వినియోగంపై అవగాహన కల్పిం చేందుకు రెండు షార్ట్‌ఫిల్మ్స్‌ రూపొందించారు.  ఇప్పటి వరకు పరిమితంగా... సెలబ్రిటీలతో సందేశం ఇప్పిస్తేనే ప్రజలకు హత్తుకుంటుందనే ఉద్దేశంతో టాలీవుడ్‌ తారలు లావణ్య త్రిపాఠి, నేహ శెట్టి, ఆకాష్‌ పూరిలతో ఈ ఫిల్మŠస్‌ రూపొందించారు. ఈ లఘు చిత్రాలను ట్రాఫిక్‌ విభాగం చీఫ్‌ అనిల్‌ కుమార్‌ గత శుక్రవారం ఆవిష్కరించారు. సోమవారం వరకు ఈ రెండు చిత్రాలు ట్రాఫిక్‌ పోలీసుల అధికారిక ఫేస్‌బుక్, వెబ్‌సైట్స్‌తో పాటు యూ ట్యూబ్‌ల్లో మాత్రమే అందుబాటులో ఉంచారు. అవగాహన శిబిరాలు ఏర్పాటు చేసే చోట వీటిని ప్రదర్శించనున్నారు. సినిమా హాళ్లల్లో ప్రదర్శింపజేయడానికి సెన్సార్‌ సర్టిఫికెట్‌ జారీ కావాల్సి ఉంది. ప్రస్తుతం ఇవి ఎక్కువ సంఖ్యలో వాహనచోదకులకు చేరట్లేదని భావించిన అధికారులు వీటిని విస్తృతంగా సోషల్‌ మీడియాలోకి తీసుకువెళ్లడం ద్వారా నగర వాసులు... ప్రధానంగా యువతకు దగ్గర చేయవచ్చని నిర్ణయించారు.  తీవ్రమైన ఉల్లంఘనుల ఫోన్లకు.. మంగళవారం నుంచి ‘షేరింగ్‌’ విధానానికి శ్రీకారం చుట్టారు. మద్యం తాగి వాహనాలు నడపటం, లైసెన్స్‌ లేకు ండా వాహనాలు నడపటం, మైనర్‌ డ్రైవింగ్‌ తదితర తీవ్రమైన ఉల్లంఘనలకు పాల్పడిన వారిని ట్రాఫిక్‌ పోలీసులు పట్టుకున్న వెంటనే జరిమానా విధించి పంపేయరు. వారి నుంచి వాహనాలు స్వాధీనం చేసుకునే అధికారులు టీటీఐలో కౌన్సిలింగ్, న్యాయస్థానంలో హాజరు, శిక్ష తదితరాలు పూర్తయిన తర్వాతే వాహనాలను రిలీజ్‌ చేస్తారు. వీరు టీటీఐలో కౌన్సిలింగ్‌కు వచ్చినప్పుడు అక్కడి అధికారులు ఈ షార్ట్‌ఫిల్మŠస్‌ ప్రదర్శిస్తున్నారు. సెషన్‌ ముగిసిన తర్వాత వారిలో స్మార్ట్‌ఫోన్స్‌ ఉన్న వారి వాట్సాప్‌కు ఈ రెండు లఘు చిత్రాలను షేర్‌ చేస్తున్నారు. ప్రతి ఉల్లంఘనుడు కనీసం మూడు గ్రూపుల్లో ఇవి షేర్‌ చేసేలా ప్రోత్సహిస్తున్నారు. స్వచ్ఛందంగా అంగీకరిస్తేనే రహదారి భద్రతలో అత్యంత కీలకమైన ఎడ్యుకేషన్‌లో భాగంగానే ఈ నిర్ణయం తీసుకున్నాం. నిబంధనలపై అవగాహన పెంచడానికి ఉద్దేశించిన రెండు షార్ట్‌ఫిల్స్‌ ను ఉల్లంఘనులకు వాట్సాప్‌ ద్వారా షేర్‌ చేస్తున్నాం. వారు మరో మూడు గ్రూపుల్లోకి పంపేలా ప్రోత్సహిస్తున్నాం. ఆ గ్రూపుల్లోని సభ్యులతోనూ ఇలానే షేర్‌ చేయించేలా కోరమని చెబుతున్నాం. ఇదంతా ఉల్లంఘనులు స్వచ్ఛందంగా అంగీకరిస్తే మాత్రమే చేస్తున్నాం. ఎవరైనా తాము ఎవరికీ షేర్‌ చేయమనో, అసలు తమకే షేర్‌ చెయ్యవద్దనో కోరితే వీటిని పంపడం లేదు.     – టీటీఐ అధికారులు 

గుంటూరు: ట్రాఫిక్‌ నిబంధనలపై ప్రజలకు మరింతగా అవగాహన కల్పించాల్సిన అవసరం ఉందని అర్బన్‌ ఎస్పీ సీహెచ్‌ విజయారావు సూచించారు. నిబంధనలు పాటించే వాహన చోదకులకు గులాబీ పూలు, స్వీట్లు అందజేసి అభినందించాలన్నారు. అలా చేస్తే తోటి వాహనదారుల ఆలోచనా విధానంలో త్వరగా మార్పు వచ్చే అవకాశాలు ఉన్నాయని వివరించారు. అర్బన్‌ జిల్లా పరిధిలోని పోలీస్‌ అధికారులతో తన కార్యాలయంలో ఎస్పీ విజయరామారావు మంగళవారం ప్రత్యేకంగా సమావేశమయ్యారు. ఈ సందర్భంగా ఆయన మాట్లాడుతూ రోడ్డు భద్రతా వారోత్సవాలను పటిష్టంగా కొనసాగించి ప్రజల్లో ట్రాఫిక్‌ నిబం ధనలు తదితర అంశాలపై అవగాహన పెంపొందించాలని చెప్పారు. గుంటూరు నగర పరిధిలో ఇస్టానుసారంగా వాహనాలు నడుపుతున్న కారణంగా ప్రమాదాలు చోటు చేసుకుంటున్న నేపధ్యంలో అన్ని రకాల ముందస్తు చర్యలు తీసుకోవడంతో పాటు ట్రాఫిక్‌ నిబం ధనలు పాటించని వారిపై కఠినంగా వ్యవహరించి కేసులు నమోదు చేయడంతో పాటు మైనర్లు నడిపే వాహనాలను సీజ్‌ చేయాలని స్పష్టం చేశారు. నిబంధనలు పాటించే వారిని ప్రోత్సహించడంతో పాటు  డ్రంకెన్‌ డ్రైవ్‌ కారణంగా ఇప్పటికే ఎందరో ప్రాణాలు కోల్పోయారని, ఎన్నో కుటుంబాలు చిన్నాభిన్నం అవుతున్న  ఘటనలను ప్రజలకు వివరించి వారిలో చైతన్యం తీసుకు వచ్చేలా కృషి చేయాలని చెప్పారు. అదనపు ఎస్పీలు వై.టి. నాయుడు, సుబ్బరాయుడు, డీఎస్పీలు సరిత, మూర్తి, శ్రీనివాసరావు, వెంకటరెడ్డి, సీఐలు, ఎస్‌ఐలు పాల్గొన్నారు. రోడ్డు నిబంధనలు కచ్చితంగా పాటించాలి నగరంపాలెం(గుంటూరు): సురక్షిత ప్రయాణానికి లారీ డ్రైవర్లు రహదారి భద్రతా నిబంధనలు కచ్చితంగా పాటించాలనీ జిల్లా ఉప రవాణా కమిషనర్‌ జి.సి.రాజరత్నం సూచిం చారు. 29వ జాతీయ రహదారి భద్రతా వారోత్సవాల్లో భాగంగా మంగళవారం ఆటోనగర్‌లోని లారీ యజమానుల సంఘ కార్యాలయంలో రవాణా శాఖ ఆధ్వర్యంలో రహదారి భద్రతపై నిర్వహించిన సదస్సు డీటీసీ రాజరత్నం ప్రసంగించారు. గత ఏప్రిల్‌ నుంచి మార్చి చివరి నాటికి జిల్లాలో 592 రహదారి ప్రమాదాలు జరిగాయని తెలిపారు. వాటిలో 372 ప్రమాదాలు లారీల కారణంగానే జరి గాయని వివరించారు. డ్రైవర్ల అజాగ్రత్త, అతివేగం, ఓవర్‌లోడింగ్‌ వల్ల ప్రమాదాలు జరుగుతున్నాయని వివరించారు. జిల్లా వ్యాప్తంగా రవాణా శాఖ ఆధ్వర్యంలో నిరంతరం తనిఖీలు జరుగుతాయని, నిబంధనలు పాటించిన డ్రైవర్లపై కేసులు నమోదు చేస్తామని హెచ్చరించారు. ఎంవీఐ శివనాగేశ్వరరావు మాట్లాడుతూ డ్రైవింగ్‌ చేసేటప్పుడు సెల్‌ఫోన్‌లో మాట్లాడితే ఏకగ్రత లోపించి ప్రమాదాలు జరిగే అవకాశం ఉందన్నారు. ఎంఎంవీఐ నాగలక్ష్మి మాట్లాడుతూ లారీ డ్రైవర్లు అధిక శాతం మద్యం తాగి వాహనాలు నడుపుతున్నారని పేర్కొన్నారు. సదస్సు అనంతరం లారీ డ్రైవర్లుతో రహదారి భద్రతా నిబంధనలు పాటిస్తామని రవాణా శాఖ అధికారులు ప్రతిజ్ఞ చేయించారు. లారీ యజ మానుల సంఘం అధ్యక్షుడు సుబ్బారెడ్డి పాల్గొన్నారు. ట్రాఫిక్‌ సిబ్బందికి టోపీలు పంపిణీ గుంటూరు: ట్రాఫిక్‌ విధులు నిర్వహించే సిబ్బంది వేసవిలో అప్రమత్తంగా వుంటూ విధులు నిర్వహించాలని రూరల్‌ ఎస్పీ సీహెచ్‌ వెంకటప్పల నాయుడు సూచించారు. రోడ్డు భద్రతా వారోత్సవాల్లో భాగంగా మంగళవారం తన కార్యాలయంలో ట్రాఫిక్‌ సిబ్బందికి టోపీలు, కళ్లజోళ్లు అందజేశారు. ఈ సందర్భంగా ఎస్పీ వెంకటప్పల నాయుడు మాట్లాడుతూ ఈ నెల 30 వరకు కొనసాగే వారోత్సవాల్లో హెల్మెట్‌ ప్రాముఖ్యత, డ్రవర్లకు, విద్యార్థులకు రోడ్డు భద్రత గురించి అవగాహన కల్పిస్తున్నామన్నారు. డ్రంకెన్‌ డ్రైవ్, ఓవర్‌ లోడింగ్‌ వాహనాలపై స్పెషల్‌ డ్రైవ్, అర్హులైన వారికి ఎల్‌ ఎల్‌ ఆర్‌ మేళాలను కొనాసాగిస్తామని వివరించారు. అదనపు ఎస్పీ వరదరాజు, రిజర్వ్‌ ఇన్స్‌పెక్టర్‌ హృదయరాజు పాల్గొన్నారు.

బెంగళూరు ట్రాఫిక్‌ అంటే అదొక పద్మవ్యూహమే. లక్షలాది వాహనాలు, మనుషులతో కిక్కిరిసిన రోడ్లు అమ్మో అనిపిస్తాయి. దీనికి వాహనదారుల్లో అవగాహన లేకపోవడమూ ఒక కారణమనాలి. చిన్నప్పటి నుంచే బాలల్లో ట్రాఫిక్‌ పై చైతన్యం కల్పించడం ఉత్తమమని భావించిన రవాణా, విద్యాశాఖలు ఆ దిశగా కదిలాయి. జయనగర: సిలికాన్‌ సిటీలో ట్రాఫిక్‌ ని ర్వహణ అనే అంశాన్ని పాఠ్యాం శంలో చేర్చాలని రాష్ట్ర ప్రభుత్వం ఆలోచిస్తోంది. 2019–20 విద్యాసంవత్సరం నుంచి ఇది అమల్లోకి వచ్చే అవకాశం ఉంది. బెంగళూరులో వాహన సంచారం– ట్రాఫి క్‌ సమస్య నిర్వహణ అనే విషయాన్ని పాఠ్యాంశంలో చేర్చడం పరిశీలించాలని రవాణాశాఖ ఇటీవల ప్రాథమికోన్నత విద్యాశాఖకు ప్రతిపాదన అందించింది. ఈ నేపథ్యంలో విద్యాశాఖ దీనిపై లోతుగా ఆలోచిస్తోంది. కానీ ప్రస్తుత విద్యా సంవత్సరం పూర్తికాగా, నూతన విద్యాసంవత్సరం ప్రారంభదశలో ఉంది. అంతేగాక 2018–19 పాఠ్యపుస్తకాల ముద్రణకు ప్రభుత్వం ఇప్పటికే ఆదేశించగా, ఈ దశలో నూతన విషయాన్ని పాఠ్యాంశంలో చేర్చడం సాధ్యం కాదు. దీంతో 2019–20 విద్యాసంవత్సరం నుంచి బెంగళూరు ట్రాఫిక్‌ అంశాన్ని పాఠ్యాంశాల్లో చేర్చాలని ప్రభుత్వం తీర్మానించింది. ఉద్యానగరం విస్తారంగా అభివృద్ధి చెందడంతో నగరంలో ప్రతి ఒక్కరూ కూడా ట్రాఫిక్‌ సమస్యను ఎదుర్కొంటున్నారు. ఇలాంటి పరిస్థితుల్లో రోడ్డు భద్రత గురించి విద్యార్థులను ఏవిధంగా జాగృతం చేయాలి అనే దాని పట్ల రవాణాశాఖ సలహాలు అందజేసింది. వాటికి అనుగుణంగా ఈ విషయాన్ని పాఠ్యపుస్తకాల్లో చేరుస్తున్నారు. 2019–20 నుంచి అందుబాట్లోకి వస్తుందని బుధవారం రాష్ట్ర ప్రాథమిక విద్యాశాఖ మంత్రి తన్వీర్‌సేఠ్‌Š‡ తెలిపారు. పాఠ్యాంశంలో చేర్చే విషయాలు.... ♦ రోడ్డు ట్రాఫిక్‌ సిగ్నల్స్, నియమాలు ♦ ట్రాఫిక్‌ నిబంధనల ఉల్లంఘన, జరిమానా గురించి సమాచారం ♦ వేగ నియంత్రణ, ఓవర్‌టేక్, పాదచారుల సురక్షత గురించి సమాచారం ♦ రోడ్డు ప్రమాదం సంభవించే సమయంలో అత్యవసరంగా సంప్రదించే సంస్థల వివరాలు ఉంటాయి.   ♦ ఈ పాఠ్యాంశాలను బోధించే ఉపాధ్యాయులను ఎంపికచేసి ఢిల్లీలో ఉన్నతస్థాయి శిక్షణ తరగతులకు పంపుతారు. అక్కడ మాస్టర్‌ శిక్షణ పొందిన ఉపాధ్యాయులు ఇక్కడకు వచ్చి ఇతర ఉపాధ్యాయులకు రోడ్డు భద్రత గురించి శిక్షణనందిస్తారు.

చిక్కడపల్లిలో నివసించే రాజు కొత్త వాహనం కొన్నాడు. స్నేహితులు అడగడంతో మందు పార్టీ ఇచ్చాడు. పార్టీ ముగిశాక కొత్త టూ వీలర్‌పై ఇంటికి వెళ్తూ డ్రంకెన్‌ డ్రైవ్‌లో పట్టుబడ్డాడు. 3 రోజుల తర్వాత కోర్టుకు వెళ్లి రూ.2,500 జరిమానా కట్టి బండి తెచ్చుకున్నాడు. మద్యం సేవించి వాహనం నడపరాదన్న విషయం తెలిసి మరీ అతను జేబుకు చిల్లు పెట్టుకున్నాడు. రాష్ట్రంలో నిత్యం ఇలాంటి వాహనదారులు మోటారు వాహన చట్ట ఉల్లంఘనలు, ట్రాఫిక్‌ నిబంధనల అతిక్రమణలకు పాల్పడుతూ తగిన ‘మూల్యం’ చెల్లిస్తున్నారు. సాక్షి, హైదరాబాద్‌: రాష్ట్రంలో నిత్యం వేలాది మంది వాహనదారులు యథేచ్ఛగా ట్రాఫిక్‌ నిబంధనలు ఉల్లంఘిస్తున్నారు. లైసెన్స్‌ లేకుం డా వాహనాలు నడపడం మొదలు మద్యం సేవించి బండ్లు నడపడం వరకు వివిధ రకాల నేరాలకు పాల్పడుతున్నారు. అటువంటి వారి ని దారికి తెచ్చేందుకు అధికారులు రాజధాని హైదరాబాద్‌ సహా రాష్ట్రవ్యాప్తంగా తనిఖీలు చేపడుతూ జరిమానాలను వడ్డిస్తున్నారు. రాష్ట్రవ్యాప్తంగా ఏటా వసూలవుతున్న ఈ జరిమానాల విలువ రూ.300 కోట్లు దాటింది. ప్రధానంగా హైదరాబాద్‌ కమిషనరేట్‌తోపాటు సైబరాబాద్, రాచకొండ కమిషనరేట్ల పరిధిలో ట్రాఫిక్‌ ఉల్లంఘనులు భారీగా జరిమానాలు కడుతున్నారు. హైదరాబాద్‌ కమిషనరేట్‌ పరి ధిలో రోజుకు రూ.5 లక్షల నుంచి రూ.6 లక్షల (ఏటా సుమారు రూ.22 కోట్లు) జరిమానాలు చెల్లిస్తున్నారు. సైబరాబాద్, రాచకొండ పరిధి లో రూ.3 లక్షల నుంచి రూ.4 లక్షల చొప్పున (ఏటా సుమారు రూ.28 కోట్లు) జరిమానాలు కడుతున్నారు. మిగిలిన జిల్లాలు, కమిషనరేట్ల పరిధిలో రోజుకు రూ.85 వేల నుంచి రూ.లక్ష వరకు జరిమానాలు చెల్లిస్తున్నారు. ఇలా 24 యూనిట్లలో ఏటా రూ.87.64 కోట్లు జరిమానాల రూపంలో వాహనదారులు మూల్యం చెల్లిస్తున్నారు. ఇవి కాకుండా వారాంతంలో 3 రోజులపాటు జరిగే డ్రంకెన్‌ డ్రైవ్‌ తనిఖీల ద్వారా వాహనదారులు చెల్లిస్తున్న మూల్యం ఏటా రూ.10 కోట్లు దాటిపోతోంది. ఇవి కేవ లం ట్రాఫిక్‌ పోలీసులకు చెల్లిస్తున్న జరిమానా లే. దీనికితోడు శాంతిభద్రతల విభాగం పోలీసులు చేసే ప్రత్యేక డ్రైవ్‌లు, సాధారణ తనిఖీ ల్లో భాగంగా మొత్తం పోలీసుశాఖకు రూ.6 కోట్ల నుంచి రూ.7 కోట్లు జరిమానాల రూపం లో వాహనదారులు చెల్లిస్తున్నారు. అదే విధం గా రవాణశాఖ అధికారులు నిత్యం వాహనాల తనిఖీ, నిబంధనల ఉల్లంఘనులకు వేసే జరి మానాలు ఏకంగా రూ.150 కోట్లు దాటింది. జరిమానాలు మరింత పెరిగే అవకాశం..   హైదరాబాద్, సైబరాబాద్, రాచకొండ కమిషనరేట్ల పరిధిలో ఆన్‌లైన్‌ చలాన్లు పూర్తిస్థాయిలో అందుబాటులోకి వచ్చినా జిల్లాలు, నూతనంగా ఏర్పడ్డ కమిషనరేట్లలో ఇంకా మాన్యువల్‌గానే చలాన్లు రాస్తున్నారు. అయితే త్వరలో ప్రతీ జిల్లా కేంద్రంతోపాటు ఆ జిల్లా పరిధిలోని ప్రధాన పట్టణాల్లో సీసీటీవీల ద్వారా ఆటోమేటిక్‌ ట్రాఫిక్‌ చలాన్‌ వ్యవస్థ అందుబాటులోకి రానుంది. అలాగే డ్రంకెన్‌ డ్రైవ్‌ టెస్టులు సైతం జిల్లా హెడ్‌క్వార్టర్స్‌లోని పోలీసులు మా త్రమే చేస్తున్నారు. పూర్తిస్థాయిలో పరికరాలు అందుబాటులోకి వస్తే ప్రతి పోలీస్‌స్టేషన్‌ పరిధిలో పోలీసులు తనిఖీలు చేపట్టనున్నారు. దీంతో మందుబాబులు చెల్లించే జరిమానాలు సైతం మరింత పెరిగే అవకాశం ఉంది. వాహనాల వివరాలు ♦  రాష్ట్రవ్యాప్తంగా నిత్యం రోడ్లపై తిరిగే వాహనాల సంఖ్య 82 లక్షలు ♦ వాటిలో అన్ని రకాల అనుమతులు ఉన్న వాహనాలు 55 శాతం నుంచి 60 శాతం ♦ రాష్ట్రవ్యాప్తంగా నెలకు సగటున జరిమానాల బారినపడుతున్న వాహనాల సంఖ్య 18–20 లక్షలు ♦ రోజూ రోడ్డెక్కుతున్న కొత్త వాహనాల సంఖ్య 6–7 వేలు   స్వీయ నియంత్రణ లేకపోవడమే... లక్షల రూపాయల విలువైన వాహనాలు కొనుగోలు చేసే వాహనదారులు వాటి రిజిస్ట్రేషన్లు, బీమా, ఇతరత్రా వ్యవహారాల్లో మాత్రం నిర్లక్ష్యం వహిస్తున్నారు. దీని కారణంగా అటు ట్రాఫిక్‌ పోలీసులకు, ఇటు రవాణాశాఖ అధికారులకు జరిమానాలు చెల్లించుకుంటున్నారు. అదే విధంగా రోడ్లపై వాహనాలు నడిపే సందర్భాల్లో స్వీయ నియంత్రణ పాటించకుండా విపరీతమైన వేగం, నిర్లక్ష్యం కారణంగా చలాన్ల రూపంలో కోట్ల రూపాయల జరిమానాలు కడుతున్నారు.

సాక్షి, హైదరాబాద్‌: పాఠశాల విద్యార్థులకు ఎటువంటి ఇబ్బందులు రాకుండా ట్రాఫిక్‌ను దారి మళ్లిస్తామని గోల్కొండ ఎస్సై రాంలాల్‌ తెలిపారు. ఈ నెల 28, 29వ తేదీల్లో పాఠశాలకు సెలవు ఉందని వదంతులు రావడంతో గుర్తింపు పొందిన ప్రైవేటు పాఠశాలల యాజమాన్యాల అసోసియేషన్‌ హైదరాబాద్‌ శాఖ ప్రతినిధి సయ్యద్‌ ఆసిఫ్‌ ఎస్సై రాంలాల్‌ను కలిశారు. పాఠశాలలకు సెలవులనే విషయంపై వివరణ ఇవ్వాలని విజ్ఞప్తి చేశారు. అయితే పాఠశాలలకు సెలవు లేదని, పాఠశాలలకు చెందిన బస్సులను ప్రత్యేకమార్గాల ద్వారా వారి పాఠశాలలకు పంపుతామన్నారు. లంగర్‌హౌస్‌ నుంచి రాందేవ్‌గూడ మీదుగా వచ్చే వాహనాలకు లంగర్‌హౌస్‌ నుంచి గోల్కొండకు వచ్చే వాహనాలను మోతిదర్వాజ గుండా పంపుతామన్నారు.  

తప్పు చేస్తే జరిమానా విధించడం పరిపాటి. కానీ నగరి పోలీసులు మాత్రం జరిమానా బదులు హెల్మెట్‌ అందజేస్తున్నారు. ఊరికే కాదండోయ్‌.. జరిమానాగా విధించిన మొత్తానికే.. నగరి: ద్విచక్ర వాహనదారులు హెల్మెట్‌ ధరించి వాహనాలు నడపాలని ఎన్నిసార్లు పోలీసులు చెబుతున్నా కొందరు వాటిని పెడచెవిన పెడుతున్నారు. దీంతో జరిమానాలు భారీగా పెంచేశారు ట్రాఫిక్‌ పోలీసులు. అయితే పట్టుబడ్డప్పుడు చూసుకోవచ్చులే అనే నిర్లక్ష్యంతో కొందరు హెల్మెట్‌ ధరించకుండానే వాహనాలు నడుపుతున్నారు. ఈ క్రమంలో చిత్తూరుజిల్లా నగరి పట్టణ పరిధిలో హెల్మెట్‌ లేకుండా వాహనాలు నడిపే వారిపై ఆదివారం పోలీసులు దృష్టి సారించారు. ఓంశక్తి ఆలయం సమీపంలోని బైపాస్‌ సర్కిల్‌ వద్ద హెల్మెట్‌ లేకుండా వాహనాలు నడిపే వారిని ఆపి జరిమానా కింద హెల్మెట్‌ను అందజేశారు. రూ.500 జరిమానాకు బదులుగా రూ.535కే హెల్మెట్‌ ఇవ్వడంతో వాహనదారులు జరిమానాకు బదులుగా హెల్మెట్లను కొనుగోలు చేసుకున్నారు. వాహనాలపై సుదూరం ప్రయాణించేవారు క్షేమంగా వెళ్లి తిరిగి ఇళ్లకు చేరుకోవాలన్న ఉద్దేశంతోనే ఇలాంటి కార్యక్రమాలు నిర్వహిస్తున్నామని ఎస్‌ఐ విక్రమ్‌ తెలిపారు.


 ► ఉప రాష్ట్రపతి వెంకయ్య పర్యటన నేపథ్యంలో
 సాక్షి, హైదరాబాద్ : ఉప రాష్ట్రపతి వెంకయ్యనాయుడు శనివారం నుంచి మూడు రోజుల పాటు నగరంలో పర్యటించనున్న నేపథ్యంలో ఆయా తేదీలు, సమయాల్లో ఆయా ప్రాంతాల్లో ట్రాఫిక్‌ ఆంక్షలు విధిస్తూ కమిషనర్‌ మహేంద ర్‌రెడ్డి శుక్రవారం ఉత్తర్వులు జారీ చేశారు. శనివారం ఉదయం 9.00 నుంచి 10.15 గంటల వరకు బేగంపేట విమానాశ్రయం–విద్యానగర్‌ మధ్య, 10.45 నుంచి 11.30 గంటల వరకు విద్యా నగర్‌–ఉప్పల్‌ ఇండస్ట్రియల్‌ పార్క్‌ మధ్య, మధ్యాహ్నం 12.00 నుంచి 1.15 గంటల వరకు ఉప్పల్‌ ఇండస్ట్రియల్‌ పార్క్‌–రాజ్‌భవన్‌ మధ్య, సాయంత్రం 4.45 నుంచి 5.30 గంటల వరకు రాజ్‌భవన్‌–బంజారాహిల్స్‌ రోడ్‌ నెం.12 మధ్య మార్గాల్లో ఆంక్షలు అమలులో ఉంటాయి.
 ఆది, సోమవారాల్లో ఇలా..
 ఆదివారం ఉదయం 9.45 నుంచి 10.30 గంటల వరకు బంజారాహిల్స్‌ రోడ్‌ నెం.12–బేగంపేట ఎయిర్‌ పోర్ట్‌ మధ్య, సాయంత్రం 4.30 నుంచి 5.15 గంటల వరకు బంజారాహిల్స్‌ రోడ్‌ నెం.12–శిల్పకళా వేదిక మధ్య, సాయంత్రం 5.45 నుంచి 6.30 గంటల వరకు శిల్పకళా వేదిక–బంజారాహిల్స్‌ రోడ్‌  నెం.12 మధ్య మార్గాల్లో ట్రాఫిక్‌ ఆంక్షలు అమలు చేస్తారు. సోమవారం ఉదయం 7.30 నుంచి 8.30 గంటల వరకు బంజారాహిల్స్‌ రోడ్‌ నెం.12–బేగంపేట విమానాశ్రయం మధ్యలో ట్రాఫిక్‌ ఆంక్షలు  విధించారు. వీటిని దృష్టిలో పెట్టుకుని వాహనచోదకులు సహకరించాలని పోలీసులు కోరారు. 


 హైదరాబాద్‌ సిటీ:  తెలంగాణ ప్రదేశ్‌ యూత్‌ కాంగ్రెస్‌ ఆదివారం 10కే, 5కే, 2కే రన్‌ నిర్వహిస్తున్న నేపథ్యంలో ఉదయం 6 నుంచి 8 వరకు హుస్సేన్‌సాగర్‌ చుట్టూ ట్రాఫిక్‌ ఆంక్షలు విధించారు.
 
 ♦ వీవీ విగ్రహం (ఖైరతాబాద్‌ చౌరస్తా) వైపు నుంచి ఫ్లైఓవర్, నెక్లెస్‌ రోటరీ వైపు వచ్చే వాహనాలను షాదన్‌ కాలేజ్, నిరంకారి భవన్‌ వైపు మళ్లిస్తారు.
 
 ♦ తెలుగుతల్లి చౌరస్తా వైపు నుంచి వచ్చే ట్రాఫిక్‌ను హెలీప్యాడ్‌ లైన్‌ నుంచి మింట్‌ కాంపౌండ్‌ మీదుగా పంపిస్తారు.
 
 ♦ ఇక్బాల్‌ మీనార్‌ నుంచి అప్పర్‌ ట్యాంక్‌బండ్‌ వైపు వచ్చే ట్రాఫిక్‌ను సచివాలయం ఓల్డ్‌ గేట్‌ నుంచి తెలుగుతల్లి ఫ్లైఓవర్‌ మీదికి పంపిస్తారు.
 
 ♦ లిబర్టీ నుంచి అప్పర్‌ ట్యాంక్‌బండ్‌ వైపు వెళ్ళే ట్రాఫిక్‌ను జీహెచ్‌ఎంసీ కార్యాలయం నుంచి బీఆర్‌కేఆర్‌ భవన్, తెలుగుతల్లి చౌరస్తా, ఇక్బాల్‌ మీనార్‌ (యూ టర్న్‌) మీదుగా తెలుగుతల్లి ఫ్లైఓవర్‌ పైకి పంపిస్తారు.
 
 ♦ కర్బాలా వైపు నుంచి ట్యాంక్‌బండ్‌ మీదుగా అంబేడ్కర్‌ విగ్రహం వైపు వచ్చే ట్రాఫిక్‌ను చిల్ట్రన్స్‌ పార్క్‌ నుంచి డీబీఆర్‌ మిల్స్, లోయర్‌ ట్యాంక్‌బండ్‌ మీదుగా మళ్లిస్తారు.
 
 ♦ నల్లగుట్ట నుంచి సంజీవయ్యపార్క్‌ వైపు వచ్చే ట్రాఫిక్‌ను కర్బాలా మీదుగా పంపిస్తారు.
 
 ♦ డీబీఆర్‌ మిల్స్‌ నుంచి ట్రాఫిక్‌ను అప్పర్‌ ట్యాంక్‌బండ్‌ మీదికి అనుమతించరు.


 
 ట్రాఫిక్‌ ఉల్లంఘనులకు పాయింట్ల విధానంతో చెక్‌
 
 రెండేళ్లలో 12 పాయింట్లు వస్తే లైసెన్స్‌ రద్దు.. ఉత్తర్వు జారీ
 
 సాక్షి, హైదరాబాద్‌: ట్రాఫిక్‌ నిబంధనలు ఉల్లంఘించి రయ్‌.. రయ్‌.. అంటూ దూసుకుపోయారో జాగ్రత్త! ఇప్పటివరకు పెనాల్టీలతో సరిపుచ్చిన అధికారులు ఇక ఏకంగా లైసెన్సునే రద్దు చేయబోతున్నారు. ఇందుకు కొత్త విధానం అమల్లోకి వచ్చింది. పెనాల్టీలతోపాటు ఆ నేరాన్ని బట్టి పాయింట్లు కేటాయిస్తారు. వాటి సంఖ్య 12కు చేరితే లైసెన్సు రద్దవుతుంది. అదే లెర్నింగ్‌ లెసెన్సు ఉన్నవారికి ఆ పాయింట్ల సంఖ్యను ఐదుకు పరిమితం చేశారు. అంతకుమించితే వారి తాత్కాలిక లైసెన్సు కూడా రద్దవుతుంది.
 గత సంవత్సరం సెప్టెంబర్‌లో ఈ మేరకు నోటిఫికేషన్‌ జారీ చేసిన ప్రభుత్వం ఇప్పుడు దాన్ని అమలులోకి తెచ్చింది. ఈ మేరకు సోమవారం ఉత్తర్వు జారీ చేసింది. చలానా కట్టేస్తే సరిపోతుందనే ధీమాతో పదేపదే నిబంధనలు ఉల్లంఘించేవారికి ఇక ఈ కొత్త విధానంతో ముకుతాడు పడుతుందని రవాణా శాఖ అధికారులు భావిస్తున్నారు. నిబంధనల ఉల్లంఘనతో భారీ ప్రమాదాలు జరుగుతున్న నేపథ్యంలో నిర్లక్ష్యంగా వ్యవహరించే వాహనదారుల విషయంలో ఇక కఠినంగా ఉండబోతున్నారు.
 అమెరికా, బ్రిటన్‌లాంటి దేశాల్లో ఈ విధానం చక్కటి ఫలితాలు ఇస్తుండటంతో రాష్ట్ర ప్రభుత్వం కూడా దాన్ని అమల్లోకి తేవాలని గతంలోనే నిర్ణయించి కసరత్తు చేసింది. రోడ్డు భద్రత చట్టం ద్వారా దేశవ్యాప్తంగా నిబంధనల విషయంలో కచ్చితంగా వ్యవహరించాలని అటు కేంద్రం నిర్ణయించిన విషయం తెలిసిందే. రూ.వేలల్లో పెనాల్టీలు, లైసెన్సు రద్దు, వాహనాల జప్తు లాంటివి ఇందులో ఉండబోతున్నాయి. ఇది అమల్లోకి రాకముందే రాష్ట్ర ప్రభుత్వం పాయింట్ల విధానానికి శ్రీకారం చుడుతోంది.
 
 సీసీ కెమెరాలే ఆయుధం
 ప్రస్తుతం ట్రాఫిక్‌ కూడళ్లలోని సీసీ కెమెరాల ఆధారంగా వాహనదారుల ఉల్లంఘనలను గుర్తించి ట్రాఫిక్‌ పోలీసులు ఈ–చలానాలు పంపుతున్నారు. త్వరలో మరిన్ని ప్రాంతాల్లో కొత్తగా సీసీ కెమెరాలను ఏర్పాటు చేయబోతున్నారు. దీంతో కూడళ్లలోనే కాకుండా సాధారణ ప్రాంతాల్లో నిబంధనలను ఉల్లంఘించినా కెమెరా కంటికి చిక్కటం ఖాయం. దాని ఆధారంగా ఆయా వాహనాల రిజిస్ట్రేషన్‌ నంబర్‌కు పాయింట్లు కేటాయిస్తారు. వాటిని రవాణా శాఖ డేటాబేస్‌ ఎప్పటికప్పుడు లెక్క కడుతూ ఉంటుంది. రెండేళ్ల (24 నెలలు) సమయాన్ని గడువుగా చేసుకుని ఈ పాయింట్ల సంఖ్యను బేరీజు వేస్తారు. 24 నెలల కాలంలో పాయింట్ల సంఖ్య 12కు చేరితే ఏడాది పాటు లైసెన్సు రద్దు చేస్తారు. మళ్లీ కొత్త ఖాతా మొదలవుతుంది. మళ్లీ 24 నెలల్లో 12 పాయింట్లు వస్తే రెండేళ్లపాటు తదుపరి పునరావృతమైతే మూడేళ్లపాటు లైసెన్సును రద్దు చేస్తారు.
 
 పాయింట్లు ఇలా తగ్గించుకోవచ్చు
 ప్రభుత్వ గుర్తింపు పొందిన సంస్థలో వాహనా ల నిబంధనలు, ప్రమాదాల నివారణ అంశా లపై నిర్వహించే అవగాహన తరగతులకు హాజరైతే అప్పటివరకు వాహనదారుడి ఖాతాలో నమోదైన పాయింట్ల నుంచి మూడు పాయింట్లను తగ్గించుకునే అవకాశం ఉంటుంది. అయితే రెండేళ్లలో రెండుసార్లు మాత్రమే ఈ అవకాశం ఉంటుంది.
 
 ఉల్లంఘన                                                                                            పాయింట్లు
 ఆటోలో డ్రైవర్‌ సీటులో అదనంగా ప్రయాణికులను ఎక్కించుకుంటే                      1
 సరుకు రవాణా వాహనాల్లో ప్రయాణికులను ఎక్కించుకుంటే                              2
 హెల్మెట్, సీటు బెల్టు ధరించకుండా వాహనాలు నడిపితే                                    1
 రాంగ్‌ రూట్‌లో వాహనం నడిపితే..                                                                  2
 నిర్దేశిత వేగాన్ని మించి గంటకు 40 కి.మీ. లోపు వేగంతో వెళ్తే                            2
 నిర్దేశిత వేగాన్ని మించి గంటకు 40 కి.మీ కన్నా ఎక్కువ వేగంతో వెళ్తే                 3
 ప్రమాదకరంగా వాహనం నడపడం/సెల్‌ మాట్లాడుతూ నడపడం/సిగ్నల్‌ జంపింగ్‌    2
 మద్యం తాగి బైక్‌ నడిపితే, రేసింగ్స్, మితిమీరిన వేగంతో దూసుకుపోతే..                3
 మద్యం తాగి ఫోర్‌ వీలర్, లారీ, సరుకు రవాణా వాహనం తాగి నడిపితే                   4
 మద్యం తాగి ప్రయాణికులుండే బస్సులు, క్యాబ్, ఆటోలను తాగినడిపితే                5
 ఇబ్బంది కలిగేలా నడిపితే/శబ్ద, వాయు కాలుష్యానికి కారణమైనా/అనుమతిలేని చోట పార్క్‌ చేసినా..    2
 బీమా పత్రం లేకుండా వాహనాలు నడిపితే                                                         2
 అనుమతి పత్రం లేకుండా ప్రమాదకర వస్తువులు తరలిస్తే                                     2
 ర్యాష్‌ డ్రైవింగ్‌/ఎదుటివారి భద్రతకు ప్రమాదం వాటిల్లేలా/గాయపరిచేలా నడిపితే       2
 నిర్లక్ష్యంగా నడిపి ఎదుటివారి మృతికి కారణమైతే..                                              5
 వాహనం నడుపుతూ చైన్‌ స్నాచింగ్, దోపిడీ.. తదితర నేరాలకు పాల్పడితే             5


 సాధారణంగా ఎవరైనా వాహనాలు నడుపుతూ సరైన పత్రాలు లేక పట్టుబడితే వారికి రవాణాశాఖ మంత్రులు ఏం చెబుతారో అందరికీ తెలుసు. డ్రైవింగ్ చేసేవాళ్లతో తప్పనిసరిగా లైసెన్స్ ఉండాలని, ఇన్సూరెన్స్ తో పాటు ఇతర పత్రాలు లేకపోతే ఇబ్బందులు తప్పవని సలహాలిస్తారు. అయితే స్కాట్లాండ్లో రవాణాశాఖ మంత్రి హుంజా యూసఫ్ కు చేదు అనుభవం ఎదురైంది. ట్రాఫిక్ పోలీసుల తనిఖీలలో భాగంగా మంత్రి నడుపుతున్న కారును ఆపి చెక్ చేశారు. దీంతో ఆయన వద్ద ఇన్సూరెన్స్, ఇతర పత్రాలు సరైనవి కావని తేలింది. అక్కడి ట్రాఫిక్ చట్టాల ప్రకారం ఇతరుల వాహనాలు నడపాలంటే అందుకు తగిన పర్మిషన్ లెటర్, కొన్ని పత్రాలు డ్రైవింగ్ చేసే వ్యక్తి వద్ద తప్పనిసరిగా ఉండాలి.
 
 గత వారం(డిసెంబర్ 2న) డింగ్ వాల్ సమీపంలో స్కాట్లాండ్ పోలీసులు రాత్రి 7 గంటల సమయంలో తనిఖీలు చేయగా a835 అనే నంబర్ ఉన్న కారును మంత్రి యూసఫ్ నడుపుతున్నారు. మంత్రి కారును ఆపి తనిఖీ చేయగా ఆయన వద్ద ఆ కారు నడిపేందుకు సరైన పత్రాలు లేవని తేలింది. ఈ విషయంపై మీడియా ఆయనను ప్రశ్నించగా.. తన వద్ద అన్ని డాక్యుమెంట్లు ఉన్నాయని, అందుకే తాను వాహనాన్ని డ్రైవ్ చేశానని చెప్పుకొచ్చారు. ఇతరుల వాహనాలు నడిపేందుకు కావలసిన అన్ని విషయాలు తనకు తెలుసునని చెప్పారు. చివరికి విచారణలో ఆయన ఇన్సూరెన్స్ సర్టిఫికెట్ ప్రాసెస్ పూర్తికాలేదని తేలింది. దీంతో ట్రాఫిక్ పోలీసులు నిర్ణయించిన ఫైన్ మొత్తాన్ని చెల్లించారు. ఇన్సూరెన్స్ కవరేజ్ లో పూర్తి సమాచారం అప్ డేట్స్ చేసుకుంటానని మంత్రి యూసఫ్ వివరించారు.


 ⇒ ‘మెట్రో’ పనుల నేపథ్యంలో అమీర్‌పేట వద్ద ట్రాఫిక్ మళ్లింపులు
 ⇒ బుధవారం నుంచి వచ్చే మంగళవారం వరకు అమలు
 
 హైదరాబాద్: మెట్రో రైలు ప్రాజెక్టు నిర్మాణాల నేపథ్యంలో నగరంలోని అమీర్‌పేట బిగ్‌బజార్ కేంద్రంగా ట్రాఫిక్ మళ్లింపులు విధిస్తూ అదనపు సీపీ (ట్రాఫిక్) జితేందర్ మంగళవారం ఉత్తర్వులు జారీ చేశారు. బుధవారం నుంచి వారం రోజుల పాటు అమలులో ఉండే వీటిని దృష్టిలో పెట్టుకుని వాహనచోదకులు సహకరించాలని ఆయన కోరారు.
 
 ట్రాఫిక్ మళ్లింపు దారులు ఇవే..
 ⇒ ఖైరతాబాద్, పంజగుట్ట వైపు నుంచి అమీర్‌పేట వైపు వచ్చే భారీ వాహనాలు, ఆర్టీసీ బస్సుల్ని షాలిమార్ ‘టి’ జంక్షన్ నుంచి ముందుకు వెళ్లడానికి అనుమతించరు. వీటిని బిగ్‌బజార్ వెనుక వైపు నుంచి పంపిస్తారు.
 ⇒ కృష్ణానగర్, ఇందిరానగర్, శ్రీనగర్‌కాలనీ వైపుల నుంచి షాలిమార్ ‘టి’ జంక్షన్ మీదుగా అమీర్‌పేట వైపు వచ్చే వాహనాలను (భారీ వాహనాల మినహా) జీహెచ్‌ఎంసీ పార్క్, శ్రీనగర్‌కాలనీ క్రాస్‌రోడ్, పార్క్ వ్యూ జీఎస్ కన్‌స్ట్రక్షన్స్ బిల్డింగ్, గౌతమ్ చికెన్ సెంటర్, ఇమేజ్ హాస్పటల్ లైన్ మీదుగా పంపిస్తారు.
 ⇒ ఎర్రగడ్డ, ఎస్సార్‌నగర్, అమీర్‌పేట వైపు నుంచి ఖైరతాబాద్, పంజగుట్ట వైపు వెళ్ళే వాహనాలను బిగ్‌బజార్ నుంచి షాలిమార్ ‘టి’ జంక్షన్ వరకు ఒకే మార్గంలో రెండు వైపులకూ వెళ్లే వాహనాలను అనుమతిస్తారు.
 ⇒ ఈ మళ్లింపుల ప్రభావం సిటీ బస్సు రూట్ నంబర్లు 218, 225, 9, 9 ఎం, 9 ఎక్స్, 9/ఎఫ్, 189 ఎం, 19/ఎఫ్, 158, 113, 19 జే, 19 ఎం, 185, 19 కె/జె రూట్ బస్సులపై ఉంటుందని ట్రాఫిక్ అదనపు సీపీ జితేందర్ తెలిపారు.


 
 గ్రామీణ ప్రాంత ఆటోలు నగరంలోకి నిషేధం
 
  ట్రాఫిక్‌ అవగాహన సదస్సులో డీఎస్పీ
 
 నెల్లూరు (క్రైమ్‌) : వాహనదారులు విధిగా నిబంధనలు పాటించాల్సిందేనని లేకపోతే చర్యలు తప్పవని ట్రాఫిక్‌ డీఎస్పీ నిమ్మగడ్డ రామారావు ఆటోడ్రైవర్లను హెచ్చరించారు. శుక్రవారం  స్థానిక ఏబీఎం కాంపౌండ్‌లో ఆటో, సిటీ బస్సు డ్రైవర్లకు ట్రాఫిక్‌ అధికారులు అవగాహన సదస్సు నిర్వహించారు. డీఎస్పీ రామారావు మాట్లాడుతూ నగరంలో ట్రాఫిక్‌ క్రమబద్ధీకరణకు అవసరమైన అన్నీ చర్యలు చేపట్టామన్నారు. నిర్దేశిత ప్రాంతాల్లోనే ఆటోలు, సిటీ బస్సులు నిలపాలన్నారు. ఎక్కడపడితే అక్కడ వాహనాలు నిలిపితే కేసులు నమోదు చేస్తామన్నారు. ఆటోడ్రైవర్లు విధిగా వాహనాలకు సంబంధించిన పత్రాలను, డ్రైవింగ్‌ లైసెన్సులను తమ వద్ద ఉంచుకోవాలన్నారు. తనిఖీల సమయంలో వాటిని అధికారులకు చూపించాలని, లేకుంటే వాహనాలను సీజ్‌ చేస్తామన్నారు. నగరంలో ట్రాఫిక్‌ రద్దీని తగ్గించేందుకు అనేక చర్యలు చేపట్టామని, అందులో భాగంగా గ్రామీణ ప్రాంత ఆటోలను నగరంలోకి నిషేధించామన్నారు. కొన్నిచోట్ల ఇష్టానుసారంగా నడిరోడ్లపైనే స్టాండ్లు పెడుతున్నారని, దీని వల్ల ట్రాఫిక్‌కు తీవ్ర అంతరాయం కలుగుతుందన్నారు. ఆటోస్టాండ్లు రోడ్డుకు దూరంగా ఖాళీ ప్రదేశాల్లో ఏర్పాటు చేసుకోవాలన్నారు. మెరుగైన ట్రాఫిక్‌ను అందించేందుకు తాము తీసుకుంటున్న చర్యలకు ప్రజలు సహకరించాలని కోరారు. ఈ సమావేశంలో నార్త్‌ ట్రాఫిక్‌ ఎస్‌ఐలు సీహెచ్‌ కొండయ్య, టి.మాలకొండయ్య, ఆర్‌ఎస్‌ఐలు జి. శ్రీహరిరెడ్డి, ఎం. కృష్ణయ్య, ఆటో, సిటీబస్సు డ్రైవర్లు పాల్గొన్నారు.  
  
  


 లండన్‌: ట్రాఫిక్‌ నిబంధనలను ఉల్లంఘించేవారిపై తీసుకునే చర్యలను యూకే ప్రభుత్వం కఠినతరం చేసింది. డ్రైవింగ్‌ చేస్తూ ఫోన్‌ మాట్లాడటం, మెసెజ్‌లు చేయడం, ఈ మెయిల్‌ పంపడం వంటి చర్యలకు పాల్పడే వారికి కఠినమైన తీసుకునేందుకుగానూ నూతన నిబంధనలను తేనుంది. వచ్చే ఏడాది నుంచి అమలు చేయనున్న ఈ నూతన నిబంధనల ప్రకారం ఫోన్‌ వాడుతూ డ్రైవింగ్‌ చేస్తూ పట్టుబడిన వారికి 200 పౌండ్స్‌ జరిమానా విధించనున్నట్లు యూకే రవాణా మంత్రి క్రిస్‌ గ్రెలింగ్‌ తెలిపారు.
 
 ఫోన్‌ వాడుతూ పట్టుబడితే వారి డ్రైవింగ్‌ లైసెన్స్‌పై ఆరు పాయింట్లు చేరుతాయని, ఇలా వారి పాయింట్లు 12కు చేరితే సదరు వ్యక్తి లైసెన్స్‌ రద్దు చేయనున్నట్లు వెల్లడించారు. ఈ నిబంధనలు ఇంగ్లాండ్, స్కాట్లాండ్, వేల్స్‌లో వర్తించనున్నాయన్నారు. రెండు సార్లు ఇలా పట్టుబడితే వారి లైసెన్సును ఆరు నెలలు రద్దు చేయడమేకాకుండా కనీసం 1,000 పౌండ్ల జరిమానా విధించనున్నామని ఆయన వివరించారు. త్వరలోనే ఈ నిబంధనలను అమలు చేయనున్నామని, ఈ నిబంధనల ప్రభావం కచ్చితంగా ఉంటుందని భావిస్తున్నామని గ్రెలింగ్‌ తెలిపారు.


 పెద్దకొత్తపల్లి : వాహనాలు నడిపే వారు ట్రాఫిక్‌ నిబంధనలను తప్పనిసరిగా పాటించాలని ఎస్‌ఐ సైదయ్య సూచించారు. ఆదివారం నాయినిపల్లి మైసమ్మ జాతరకు వెళ్లే వాహనాలను పెద్దకార్పుపాముల రోడ్డు వద్ద ఆయన తనిఖీ చేశారు. డ్రైవింగ్‌ లైసన్స్, రిజిస్ట్రేషన్, ఇతర పత్రాలు లేకుండా వాహనాలు నడపడం చట్టరీత్యా నేరమని సూచించారు. ఈ సందర్భంగా పలువురికి జరిమానాలు విధించారు. తనిఖీలో సిబ్బంది కష్ణ, వెంకటేశ్వర్లు, డానీ తదితరులు ఉన్నారు. 


  స్పెషల్ డ్రైవ్‌తో హడలెత్తించిన ఎస్పీ దుగ్గల్
  23 కేసులు నమోదు, భారీగా జరిమానా
  
 ఆదిలాబాద్ క్రైం : ట్రాఫిక్ నిబంధనలు కఠినంగా అమలు చేసేందుకు ఎస్పీ విక్రమ్‌జిత్ దుగ్గల్ స్వయంగా బరిలోకి దిగారు. బుధవారం జిల్లా కేంద్రంలోని కలెక్టర్ చౌరస్తాలో ఎస్పీ స్వయంగా స్పెషల్ డ్రైవ్ నిర్వహించి హడలెత్తించారు. పెద్ద ఎత్తున పోలీసులు మోహరించి సాయంత్రం 5 గంటల నుంచి 6 గంటల వరకు వాహనాలు తనిఖీ చేశారు. హెల్మెట్ ధరించని ద్విచక్ర వాహనదారులకు జరిమానా విధించారు. లెసైన్సు, వాహన ధ్రువపత్రాలు, ఇన్సురెన్స్‌లేని వాహనాలకు జరిమానా విధించడంతోపాటు అసలే పత్రాలు లేని 23 వాహనాలపై కేసులు నమోదు చేశారు. ఈ సందర్భంగా ఎస్పీ మాట్లాడుతూ.. జిల్లా వ్యాప్తంగా నిబంధనలు కఠినంగా అమలు చేయాలని ఆదేశించారు. ట్రాఫిక్ నియమాలు పాటించి, రోడ్డు ప్రమాదాలను నివారించే చర్యల్లో భాగస్వాములు కావాలని కోరారు.
  
 వాహనాలు అతివేగంగా నడపకూడదని, ఎదురుగా వాహనాలు వచ్చే సమయంలో ఓవర్‌టేకింగ్ చేయకూడదని సూచించారు. హెల్మెట్ ధరించడం తప్పని సరిచేస్తూ భారీ జరిమానాలు విధించేందుకు స్పెషల్‌డ్రైవ్‌లు నిర్వహిస్తామన్నారు. వాహనదారులకు అవగాహన సదస్సులు నిర్వహిస్తున్నట్లు తెలిపారు. తనిఖీల్లో పట్టణ సీఐలు వెంకటస్వామి, సత్యనారాయణ, ఎస్సైలు వేణుగోపాల్‌రావు, రాజలింగు, శ్రీనివాస్ ఉన్నారు. 
  


 ► మోటారు సవరణ బిల్లుకు కేబినెట్ ఆమోదం
 ► హిట్ అండ్ రన్ కేసుల్లో రూ. 2 లక్షలు
 ► డ్రంకెన్ డ్రైవింగ్‌కు రూ.10 వేలు
 ► సీటు బెల్టు పెట్టుకోకుంటే రూ. వెయ్యి...
 ► హెల్మెట్ లేకుంటే రూ. 2 వేలు, మూడు నెలలు లైసెన్స్ రద్దు
 ► మోటారు సవరణ బిల్లుకు
 ► కేంద్ర కేబినెట్ ఆమోదం
  
 న్యూఢిల్లీ: దేశంలో రోడ్డు భద్రత, రవాణా రంగంలో భారీ సంస్కరణలకు కేంద్రం తెరలేపింది. ట్రాఫిక్ నిబంధనలను ఉల్లంఘించే వారికి భారీ జరిమానాలు విధిస్తూ రూపొందించిన మోటారు వాహనాల (సవరణ) బిల్లు-2016కు ప్రధాని మోదీ నేతృత్వంలోని కేంద్ర కేబినెట్ బుధవారం ఆమోదం తెలిపింది. డ్రంకెన్ డ్రైవింగ్ కేసుల్లో రూ.10 వేలు, హిట్ అండ్ రన్ కేసుల్లో రూ. 2 లక్షల జరిమానాను ప్రతిపాదించారు. 18 రాష్ట్రాల రవాణా మంత్రుల సిఫార్సుల మేరకు ఈ బిల్లును రూపొందించినట్లు కేంద్ర రోడ్డు రవాణా, జాతీయ రహదారుల శాఖ మంత్రి నితిన్ గడ్కారీ చెప్పారు. గతంలో రాష్ట్రాలు అభ్యంతరాలు వ్యక్తంచేయడంతో ఈ బిల్లు ఎంతో కాలంగా పెండింగ్‌లో ఉండింది.
  
 బిల్లులోని ముఖ్యాంశాలు
  ఓవర్ స్పీడ్‌కు రూ.1,000-4,000 వరకు జరిమానా ఇన్సూరెన్స్ లేకుండా వాహనం నడిపితే రూ.2 వేలు పెనాల్టీ, 3 నెలల జైలు హెల్మెట్ లేకుండా వాహనం నడిపితే రూ. 2వేల జరిమానా, 3 నెలలపాటు లెసైన్స్ రద్దు జువెనైల్స్ అతిక్రమణకు వారి సంరక్షకుడు/యజమానికి రూ.25వేల జరిమానా, మూడేళ్ల జైలు. ఆ వాహన రిజిస్ట్రేషన్ రద్దు. ట్రాఫిక్ నిబంధనల ఉల్లంఘనకు జరిమానా రూ.100 నుంచి  రూ.500కు పెంపు. అధికారుల ఆదేశాలను బేఖాతరుచేస్తే కనీస జరిమానా రూ. 2వేలు. లెసైన్స్ లేకుండా వాహనాన్ని నడిపితే రూ.5వేల జరిమానా.
  అర్హత లేకుండా వాహనం నడిపితే కనీస జరిమానా రూ.10 వేలు ప్రమాదకర డ్రైవింగ్‌కు జరిమానా రూ.1,000 నుంచి రూ.5వేలకు పెంపు  తాగి వాహనం నడిపితే రూ.10 వేల జరిమానా లెసైన్స్ నిబంధనలను ఉల్లంఘించే క్యాబ్ లాంటి వాహనాల వారికి  రూ. లక్ష వరకు జరిమానా ఎక్కువ లోడ్‌తో వెళ్లే వాహనాలకు రూ.20వేలు సీటు బెల్ట్ పెట్టుకోకుంటే రూ.వెయ్యి హిట్ అండ్ రన్ కేసుల్లో జరిమానా రూ.25వేల నుంచి రూ.2 లక్షలకు పెంపు. ప్రమాద మృతులకు రూ.10 లక్షల వరకు పరిహారమివ్వాలి. అక్టోబర్ 1, 2018 నుంచి వాహనాలకు ఆటోమేటెడ్ ఫిట్‌నెస్ పరీక్ష నిర్వహించాలి.
 
  దేశవ్యాప్తంగా రిజిస్ట్రేషన్ ప్రక్రియలో ఏకరూపత తెచ్చేందుకు వాహన్, సారథి వేదికల ద్వారా జాతీయ డ్రైవింగ్ లెసైన్స్ రిజిష్టర్‌ను, జాతీయ వాహనాల రిజిస్ట్రేషన్‌ను తీసుకురావాలి. దివ్యాంగులకు రవాణాలో ఉన్న ప్రతిబంధకాలకు ఈ బిల్లులో పరిష్కారాలను చూపారు. డ్రైవింగ్ లెసైన్స్ జారీ, వారికి అనువుగా వాహనాల మార్పునకు అనుమతి. మోటారు వాహనాల చట్టంలో  68 సెక్షన్లకు సవరణలు ప్రతిపాదించారు. కొత్తగా 28 సెక్షన్లు చేర్చాలని సూచించారు. రోడ్డు ప్రమాదాలను 50% తగ్గించాలని లక్ష్యంగా పెట్టుకున్నట్లు మంత్రి గడ్కారీ చెప్పారు.


 సాక్షి, సిటీబ్యూరో: నగరంలోని వివిధ ప్రాంతాల్లో ఆది–సోమవారాల్లో బోనాల ఉత్సవాలు జరుగనున్నాయి.  లోయర్‌ ట్యాంక్‌బండ్‌లోని కట్టమైసమ్మ దేవాలయం, అంబర్‌పేటలోని మహంకాళి దేవాలయం వద్ద జరిగే ఉత్సవాల నేపథ్యంలో ఆయా ప్రాంతాల్లో ట్రాఫిక్‌ ఆంక్షలు విధిస్తూ కొత్వాల్‌ మహేందర్‌రెడ్డి శుక్రవారం ఉత్తర్వులు జారీ చేశారు.  లోయర్‌ ట్యాంక్‌ బండ్‌ వద్ద ఆదివారం ఉదయం 7 నుంచి రాత్రి 10 వరకు, సోమవారం సాయంత్రం 4 నుంచి రాత్రి 10 వరకు ఆంక్షలు అమలులో ఉంటాయి.
 
 ♦ ఇక్బాల్‌ మినార్‌ నుంచి తెలుగుతల్లి ఫ్లైఓవర్‌ వైపు వచ్చే వాహనాలను లోయర్‌ ట్యాంక్‌బండ్‌ మీదుగా మళ్లిస్తారు.
 ♦ డీబీఆర్‌ మిల్స్, కవాడిగూడ వైపు నుంచి వచ్చే వాహనాలను తహశీల్దార్‌ కార్యాలయం మీదుగా పంపిస్తారు.
 ♦ ఆర్టీసీ క్రాస్‌ రోడ్స్‌ వైపు నుంచి వచ్చే వాహనాలను దోమలగూడ, హిమాయత్‌నగర్, ఇందిరాపార్క్, డీబీఆర్‌ మిల్స్‌ మీదుగా పంపుతారు.
 ♦ ఉప్పల్‌ నుంచి అంబర్‌పేట వైపు వచ్చే ఇతర జిల్లాలు, రాష్ట్రాల బస్సుల్ని తార్నాక, అడిక్‌మెట్, విద్యానగర్, ఫీవర్‌ హాస్పిటల్, ఏవై మండలి, నింబోలీఅడ్డా, చాదర్‌ఘాట్‌ మీదుగా మళ్లిస్తారు.
 ♦ ఇదే మార్గంలో వచ్చే సిటీ బస్సుల్ని గాంధీ స్టాట్యూ, సీపీఎల్‌ అంబర్‌పేట, అంబర్‌పేట ‘టి’ జంక్షన్, ఛే నంబర్‌ మీదుగా పంపిస్తారు.
 ♦ సోమవారం మధ్యాహ్నం ఒంటి గంట నుంచి అర్ధరాత్రి వరకు దిల్‌సుఖ్‌నగర్‌ వైపు నుంచి సికింద్రాబాద్‌ వైపు వెళ్ళే సిటీ బస్సుల్ని అలీ కేఫ్, జిందా తిలిస్మాత్, తిలక్‌నగర్‌ మీదుగా పంపిస్తారు.
 ♦ ఉప్పల్‌ వైపు నుంచి అంబర్‌పేట వైపు వెళ్ళే సాధారణ ట్రాఫిక్‌ను రాయల్‌ జ్యూస్‌ కార్నర్‌ నుంచి డీడీ కాలనీ, సిండికేట్‌ బ్యాంక్‌ మీదుగా పంపిస్తారు.
 
  


 ♦ రోడ్డు ప్రమాదాల నివారణకు సహకరించాలి
 ♦ ఇసుక అక్రమ రవాణా చేస్తే చోరీ కేసులు
 ♦ జిల్లాలో ఎస్పీ విస్తృత పర్యటన
 
 జిల్లాలో శుక్రవారం ఎస్పీ విశ్వప్రసాద్  విస్తృతంగా పర్యటించారు. బోధన్, బాన్సువాడ, మద్నూర్, బిచ్కుంద, నిజాంసాగర్ పోలీసు స్టేషన్లను తనిఖీ చేశారు.  రికార్డులు, క్రైం రిపోర్టులు పరిశీలించారు. ఆటోడ్రైవర్లు నిబంధనలు ఉల్లంఘించొద్దని, ఇసుకను అక్రమంగా తరలించొద్దని సూచించారు.
  బాన్సువాడ : ఆటో డ్రైవర్లు ట్రాఫిక్ నిబంధనలు ఉల్లంఘిస్తే చర్యలు తీసుకుంటామని ఎస్పీ విశ్వప్రసాద్ హెచ్చరించారు. పరిమితికి మించి ప్రయాణికులను ఆటోల్లో తరలించవద్దని సూచించారు. శుక్రవారం బాన్సువాడ పోలీస్ స్టేషన్‌ను ఆకస్మికంగా తనిఖీ చేశారు. ఈ సందర్భంగా  ఆయన విలేకరులతో మాట్లాడుతూ ఇసుకను అక్రమంగా రవాణా చేస్తే వారిపై చోరీ కేసులు నమో దు చేస్తామని హెచ్చరించారు. ఇసుక ప్రభుత్వ ఆస్తి అని, దానిని కొల్లగొట్టడం నేరమని, అలాంటి వారిపై కఠిన చర్యలు తప్పవమని హెచ్చరించారు.
 అనుమతి లేకుండా ట్రాక్టర్లు, లారీల్లో రవాణా చేసిన వారిపై 379 ఐపీసీ ప్రచారం చర్యలు తీసుకుంటామని తెలిపారు. ఇసుక అక్రమ రవాణా దారులతో పోలీసు అధికారులు కానీ సిబ్బంది మిలాఖాత్ అయితే శాఖాపరమైన చర్య లు తీసుకుంటామని పేర్కొన్నారు. జిల్లా కేంద్రంలో మహారాష్ట్ర ముఠాకు చెందిన దొంగలు దోపిడీలకు పాల్పడేందుకు యత్నిస్తున్నాయని, వారిని త్వరలోనే పట్టుకుంటామన్నారు. సమావేశంలో బోధన్ డీఎస్పీ వెంకటేశ్వర్లు, ఎస్సై సంపత్ పాల్గొన్నారు.
  సరిహద్దుల్లో నేర నియంత్రణకు చర్యలు
 బోధన్ రూరల్ : జిల్లా సరిహద్దు ప్రాంతాల్లో నేరాల నియంత్రణకు పటిష్ఠ చర్యలు చేపడతామని ఎస్పీ పి.విశ్వప్రసాద్ తెలిపారు. జిల్లా సరిహద్దుల్లోని సాలూ ర, సలాబాత్‌పూర్‌లలో పోలీసు చెక్‌పోస్టుల ఏర్పాటుకు ప్రతిపాదనలు పంపిస్తామని పేర్కొన్నారు. బోధన్‌టౌన్ పోలీసుస్టేషన్‌ను ఆయన తనిఖీ చేశారు. ఈ సందర్భంగా ఆయన మాట్లాడుతూ పీపుల్స్ ఫ్రెండ్లీ పోలీసింగ్ వ్యవస్థను అమలు చేస్తూ క్రైం రేటును తగ్గించేందుకు కృషి చేస్తామని తెలిపారు. జిల్లాలో రోడ్డు ప్రమాదాలను తగ్గించేందుకు ప్రమాదాలు ఎక్కువ జరిగే రోడ్లను కేటగిరీల వారీగా బ్లాక్ స్పాట్‌లుగా గుర్తిస్తామన్నారు. హైవేలపై ప్రమాదాల నియంత్రణకు ప్రతి 50 కిలోమీటర్లకు ఒక పోలీస్ స్టేషన్ ఏర్పాటుకు ప్రభుత్వం చర్యలు తీసుకుంటుందని ఆయన తెలిపారు. త్వరలో కిందిస్ధాయి బదిలీలు చేపడతామన్నారు. ఆయన వెంట సీఐలు వెంకన్న, శ్రీనివాసులు ఉన్నారు.
  రోడ్డు ప్రమాదాల నివారణకు సహకరించాలి
 నిజాంసాగర్ : జాతీయ రహదారులతో పాటు ప్రధాన రహదారులపై రోడ్డు ప్రమాదాల నివారణకు ప్రతి ఒక్కరు సహకరించాలని ఎస్పీ విశ్వప్రసాద్ అన్నారు. ఆర్‌అండ్‌బీ, ఆర్టీవో, రెవెన్యూ శాఖల సహకారంతో రోడ్డు ప్రమాదాలను నివారిస్తామన్నారు. మూలమలుపులు, బ్రిడ్జిలు, ప్రధాన చౌరస్తాల వద్ద స్పీడ్‌బ్రేకర్లు, సిగ్నల్స్ ఏర్పాటు కోసం రోడ్లను సర్వే చేస్తున్నామన్నారు. నిజాంసాగర్ పోలీస్‌స్టేషన్‌ను ఎస్పీ తనిఖీ చేశారు. ఈ సందర్భంగా ఆయన మాట్లాడుతూ హెల్మెట్ లేకుండా ద్విచక్ర వాహనాలను నడిపే వారిపై కేసులు నమోదు చేస్తామన్నారు. పోలీసులకు క్వార్టర్స్ నిర్మాణానికి ప్రభుత్వం నిధులు మంజూరు చేసిందని ఎస్పీ తెలిపారు. బోధన్ డివిజన్ పరిధిలోని 2 సర్కిల్ కార్యాలయాలతో పాటు మద్నూర్, రెంజల్ పోలీస్‌స్టేషన్లల్లో క్వార్టర్స్ నిర్మాణానికి నిధులు వచ్చాయని చెప్పారు. ఆయన వెంట బాన్సువాడ రూరల్  సీఐ రమణారెడ్డి, ఏఎస్సై గాంధీగౌడ్ ఉన్నారు.
  మద్నూర్ పోలీస్‌స్టేషన్ తనిఖీ
 మద్నూర్ : ఎస్పీ విశ్వప్రతాప్ శుక్రవారం మద్నూర్ పోలీసుస్టేషన్‌ను తనిఖీ చేశారు. స్టేషన్‌లో క్రైం రిపోర్టును అడిగి తెలుసుకున్నారు. పెండింగ్ కేసులపై ఆరాతీశారు. మండలంలో పెట్రోలింగ్ నిర్వహిస్తూ దొంగతనాలు, రోడ్డు ప్రమాదాలను నివారించాలని ఎస్సై కాశీనాథ్‌కు సూచించారు. ఆయన వెంట బోధన్ డీఎస్పీ వెంకటేశ్వర్లు, సీఐ సర్ధార్‌సింగ్ ఉన్నారు.
  బిచ్కుంద పోలీస్ స్టేషన్..
 బిచ్కుంద : ఎస్పీ విశ్వ ప్రసాద్ శుక్రవారం బిచ్కుంద పొలీస్ స్టేషన్‌ను సందర్శించారు. రికార్డులు పరిశీలించి కేసుల వివరాలు, పొలీస్ స్టేషన్, పొలీసుల సమస్యలను సీఐ సర్దార్‌సింగ్‌ను అడిగి తెలుసుకున్నారు. విధి నిర్వహణలో ఎలాంటి నిర్లక్ష్యం వహించరాదని, దొంగతనాలు నివారించడానికి నిత్యం గ్రామాల్లో, మండల కేంద్రాల్లో పెట్రోలింగ్ నిర్వహించాలని సూచించారు.


 చార్మినార్, మీర్‌చౌక్ ట్రాఫిక్ పోలీసు స్టేషన్ల పరిధిలో ట్రాఫిక్ నిబంధనలు ఉల్లంఘించిన 12 మందికి జైలు శిక్ష పడిందని నగర ట్రాఫిక్ అదనపు డీసీపీ సత్యనారాయణ తెలిపారు. నిబంధనలు కఠినతరం కావడంతో వాహనదారులంతా అప్రమత్తంగా ఉండాలన్నారు. చార్మినార్ ట్రాఫిక్ పోలీస్‌స్టేషన్ పరిధిలో ఎలాంటి డ్రై వింగ్ లైసెన్స్ లేకుండా ఆటోలను నడుపుతున్న నలుగురికి జరిమానాతో పాటు జైలు శిక్ష పడిందన్నారు.
  
 అలాగే, మీర్‌చౌక్ పోలీస్‌స్టేషన్ పరిధిలో డ్రై వింగ్ లైసెన్స్ లు లేకుండా ఆటోలను నడపుతున్న ఏడుగురిపై రెండోసారి కేసులు నమోదు కావడంతో నాంపల్లిలోని ఆరో మెట్రోపాలిటన్ మెజిస్ట్రేట్ కోర్టు మూడు రోజుల జైలు శిక్షతో పాటు రూ.700 జరిమానా విధించిందని వివ రించారు.
  
 
 పాతబస్తీలో ఇప్పటి వరకు 2,100 మంది వాహనదారులు లైసెన్స్ లేకుండా వాహనాలతో పట్టుబడ్డారని...25 వేల మంది వాహనదారులు హెల్మెట్ లేకుండా దొరికారని..3 వేల మంది ఎలాంటి డ్రై వింగ్ లైసెన్స్ లేనివారు పట్టుబడ్డారన్నారు. ద్విచక్ర వాహనాలపై వెళ్లే వారెవైరె నా తప్పనిసరిగా హెల్మెట్ ధరించాల్సిందేనన్నారు.
  


  గ్రేటర్ హైదరాబాద్ వాహనదారులు ఇకముందు మరింత అప్రమత్తంగా ఉండాలి. ప్రమాదాల నివారణ కోసం తీసుకుంటున్న చర్యల్లో భాగంగా నిబంధనలను కఠిన తరం చేయబోతున్నారు. ద్విచక్ర వాహన దారులు మరింత జాగ్రత్తగా ఉండాల్సిన అవసరం ఏర్పడుతోంది. ద్విచక్ర వాహనంపై వెనుక కూర్చున్న వ్యక్తులూ హెల్మెట్ తప్పని సరి చేయబోతున్నారు.
  
  ట్రాఫిక్ నిబంధనలను ఉల్లంఘిస్తున్న వారిపై ఇప్పటి వరకు జరిమానా విధించడంతో సరిపుచ్చుతున్నారు. ఇకనుంచి అలా కాకుండా లెసైన్స్ రద్దు చేసే విధానాన్ని త్వరలోనే అమలులోకి తేనున్నారు. అతి వేగంగా నడపడం, ట్రాఫిక్ సిగ్నల్ ఖాతరు చేయకుండా వెళ్లడం, ఓవర్ లోడ్, డ్రంకెన్ డ్రైవ్, సెల్ ఫోన్ మాట్లాడుతూ నడపడం... వీటిల్లో ఏది ఉల్లంఘించినా డ్రైవింగ్ లెసైన్స్ రద్దు చేయనున్నారు.
  
  ఇలా నిబంధనలను ఉల్లంఘించిన వారి వివరాలను రవాణా శాఖ కు సమర్పించి నిర్ణీత కాలం పాటు డ్రైవింగ్ లెసైన్స్ సస్పెండు చేయించే విధంగా చర్యలకు హైదరాబాద్ ట్రాపిక్ పోలీసులు ఉపక్రమిస్తున్నారు. డ్రైవింగ్ లెసైన్స్ సస్పెన్షన్ లో ఉన్నప్పుడు వాహనాలను నడిపినట్టు తేలితే నడిపిన వ్యక్తిపై కోర్టులో అభియోగపత్రాలు సమర్పిస్తారు. దానికి గరిష్టంగా మూడు నెలల జైలు శిక్ష తప్పదు.
  
  ఇటీవలి కాలంలో జరిగిన ప్రమాదాలను అధ్యయనం చేసిన తర్వాత టూ వీలర్ల విషయంలో  వెనుక కూర్చున్న వారే ఎక్కువగా మృత్యు వాత పడటం గమనించిన తర్వాత ఇక నుంచి వెనుక కూర్చొని ప్రయాణించే వారికీ హెల్మెట్ తప్పని సరి చేయాలని నిర్ణయించినట్టు హైదరాబాద్ నగర ట్రాఫిక్ కమిషనల్ జితేందర్, రవాణా శాఖ కమిషనర్ సందీప్ సుల్తానియా శుక్రవారం మీడియా సమావేశంలో ఇలాంటి పలు విషయాలను వెల్లడించారు.
  


 కాన్ బెర్రా: ఇటీవలే విడుదలై బాక్సాఫీసు వద్ద భారీ వసూళ్లు సాధిస్తున్న 'స్టార్ వార్స్' మూవీ అభిమాని ఉత్సాహం అతనికే ఇబ్బందులు తెచ్చిపెట్టింది. పోలీసులతో మాటలు పడటంతో పాటు చివరికి జరిమానా కట్టాల్సి వచ్చింది. కోలండ్రా సమీపంలోని సన్షైన్ తీరంలో ఈ ఘటన జరిగింది. స్టార్ వార్స్ సెవెన్త్ సిరీస్ ఇటీవలే ప్రపంచవ్యాప్తంగా విడుదలైన విషయం అందరికీ తెలిసిందే. స్టార్ వార్స్ మూవీ చూడటానికి బుధవారం రాత్రి 11 గంటలకు క్వీన్స్లాండ్స్కు చెందిన మైఖేల్ కీలే ఫుల్ జోష్ మీద బైకుపై వెళ్తున్నాడు. అయితే, ఆ అభిమాని సంతోషం ఎక్కువసేపు నిలవలేదు. కొద్దిదూరం వెళ్లాక పోలీసులు ఆ యువకుడిని ఆపేశారు. ఎందుకు ఆపేశారో అతనికి అర్థం కాలేదు. బైక్పై మూవీకి బయలుదేరేటప్పుడు లైట్ సాబెర్ స్టిక్ ని వెంట తీసుకెళ్లాడు. బైక్ నడుపుతూ మైకెల్ ఓ చేతిలో లైట్ సాబెర్ స్టిక్ పట్టుకున్నాడు.
 
 ఇక్కడ ట్విస్ట్ ఏంటంటే.. బైక్ నడిపిన వ్యక్తికి ఫైన్ వేయాలా వద్దా అని పోలీసులు ఏకంగా 20 నిమిషాల పాటు ఆలోచించారు. ట్రాఫిక్ రూల్స్లో ఆ విషయంపై జరిమానాకు సంబంధించి వివరాలు లేవు. చివరికి ఆ యువకుడికి భారత కరెన్సీలో రూ.18,196 ఫైన్ వేశారు. పోలీసుల వ్యవహారంతో మైఖేల్ ఆశ్చర్యానికి లోనయ్యాడు. చేతిలో వెలిగే లైట్ స్టిక్ కానీ, లేదా అనధికారికంగా ఏ ఇతర వస్తువులు తీసుకెళ్లినా ఫైన్ వేసే అధికారం ఉన్నట్లు పోలీసులు చెబుతున్నారు. లైట్ సాబెర్ స్టిక్ ఆన్ చేసి బైకుపై వెళ్తూ వీడియో తీయించుకున్నాడని పోలీసులు తెలిపారు.  ట్రాఫిక్ రూల్స్ తెలియని పోలీసులు, రూల్స్లో లేకున్నప్పటికీ తనకు జరిమానా విధించారని బైకిస్ట్ ఆరోపించాడు. ఆ సమయంలో కేవలం ఒక్క కారు మాత్రమే రోడ్డుపై వెళ్తోందని పేర్కొన్నాడు. ఫైన్ విషయాన్ని టిక్కెట్టుపై కూడా రాశారు. దీంతో ఈ వివరాలను తన ఫేస్బుక్ పేజీలో పోస్ట్ చేశాడు.


 న్యూఢిల్లీ: ఆప్ ప్రభుత్వం న్యూఢిల్లీలో కొత్తగా ప్రతిపాదించిన సరి-బేసి ట్రాఫిక్ రూల్స్ ఎవరైనా ఉల్లంఘిస్తే రూ.2 వేలు జరిమానా కట్టాల్సిందేనని సీఎం అరవింద్ కేజ్రీవాల్ పేర్కొన్నారు. గురువారం ఉదయం న్యూఢిల్లీలో ఆయన మీడియాతో మాట్లాడారు. అయితే, 12 ఏళ్లలోపు పిల్లలతో ఉండి వాహనాలు డ్రైవ్ చేసే మహిళలు, సీఎన్జీ కార్లు వాడేవాళ్లు, వీఐపీలు ఈ రూల్స్ పాటించాల్సిన అవసరం లేదని తెలిపారు. సరి-బేసి విధానం ఢిల్లీ సీఎం వాహనానికి  అయినా నిబంధనలు వర్తిస్తాయని పేర్కొన్నారు.
 
 కేజ్రీవాల్ పేర్కొన్న 'సరి-బేసి' ట్రాఫిక్ రూల్స్ :
 
 15 రోజుల ట్రయల్ రన్లో భాగంగా ప్రవేశపెట్టనున్న సరి-బేసి ట్రాఫిక్ రూల్స్... రాష్ట్రపతి, ఉప రాష్ట్రపతి, గవర్నర్లు, చీఫ్ జస్టిస్ ఆఫ్ ఇండియా, లోక్సభ స్పీకర్, రాజ్యసభ చైర్మన్, కేంద్ర మంత్రులు, ప్రతిపక్ష నేతలు, సుప్రీంకోర్టు జడ్జీలు, డిప్యూటీ స్పీకర్, ఏవైనా అత్యవసర వాహనాలను మాత్రమే అనుమతిస్తున్నట్లు ప్రకటించారు.
 ఈ జాబితాలో ద్విచక్ర వాహనాలు, రక్షణశాఖ వాహనాలు, పైలట్ కార్లు, సీడీ నంబర్ ప్లేట్లు ఉండే ప్రత్యేక భద్రతా బలగాల వాహనాలకు కూడా సరి-చేసి ఫార్ములా వర్తించదని కేజ్రీవాల్ వివరించారు.
 ఈ 15 రోజులకు గానూ అవసరమైన నిమిత్తం ఎమర్జన్సీ వాహనాలు, పీసీఆర్ లు దీని పరిధిలోకి రావు.
 ప్రభుత్వ నిర్ణయం విజయవంతమైతే ఈ విధానాలను మరింత విస్తృతం చేసే యోచనలో ఉన్నట్లు తెలుస్తోంది.
 ప్రజలకు ఎటువంటి ఇబ్బందులు కలగకుండా చేసేందుకు అదనంగా న్యూఢిల్లీలో మరో 6వేల బస్సులు రోడ్డెక్కనున్నాయి.
 న్యూఢిల్లీలో రిజిస్ట్రేషన్ అయిన 19 లక్షలకు పైగా నాలుగు టైర్ల వాహనాలున్నాయి. నూతన విధానం వల్ల రోజులో సగం వాహనాలు మాత్రమే తిరుగుతాయి.


 బంజారాహిల్స్: మెట్రో పనుల కారణంగా హైదరాబాద్ నగరం జూబ్లీహిల్స్ పరిధిలోని పలు ప్రాంతాల్లో ట్రాఫిక్ ఆంక్షలు విధిస్తున్నట్లు పోలీసులు ప్రకటించారు. ఈ నెల 17వ తేదీ నుంచి 20 వరకు, వచ్చే నెల 1 నుంచి 30 వరకు జూబ్లీహిల్స్ రహదారుల్లో అర్ధరాత్రి 12 నుంచి ఉదయం 5 గంటల వరకు ట్రాఫిక్ మళ్లింపు ఉంటుందని తెలిపారు.
 
 ఈ నెల 17 నుంచి 20 వరకు వెంకటగిరి నుంచి వచ్చే వాహనాలను జూబ్లీహిల్స్ రోడ్ నెం. 10 నుంచి రోడ్ నెం. 36 వైపు మళ్లించనున్నారు. అలాగే వచ్చే నెల 1 నుంచి 30 వరకు మాదాపూర్ వైపు నుంచి జూబ్లీహిల్స్ వైపు వచ్చే వాహనాలను ఉషాకిరణ్ చౌరస్తా నుంచి జూబ్లీహిల్స్ క్లబ్ మీదుగా ప్రధాన రహదారిలో ఉన్న నాగదేవతా టెంపుల్ వైపు మళ్లిస్తారు.


 హైదరాబాద్: బంజారాహిల్స్ రోడ్ నంబర్ 10లో వాహనాల ప్రవేశంపై పోలీసులు ట్రాఫిక్ ఆంక్షలు విధించారు. బసవతారకం కేన్సర్ ఆస్పత్రి చౌరస్తా నుంచి జహిరానగర్ మీదుగా స్టార్ ఆస్పత్రి, కార్వీ, రెయిన్‌బో ఆస్పత్రి, సిటీ సెంటర్‌మాల్ చౌరస్తా వరకు సోమవారం నుంచి వాహనాలను అనుమతించరని బంజారాహిల్స్ ట్రాఫిక్ ఇన్‌స్పెక్టర్ ఉమామహేశ్వర్‌రావు తెలిపారు. వాహనదారులు ప్రత్యామ్నాయ మార్గాల నుంచి వెళ్లాలని ఈ సందర్భంగా ఆయన సూచించారు.
 
 వైట్‌టాపింగ్ రోడ్డు వేస్తున్న దృష్ట్యా ఒక వైపు రోడ్డును మూసి వేయాల్సి వస్తుందన్నారు. ఈ నెల 15 వరకు ఆ రోడ్డులో వైట్‌టాపింగ్ పనులు జరుగుతాయని ఆయన వివరించారు. అయితే సిటీ సెంటర్ మాల్ నుంచి రెయిన్‌బో ఆస్పత్రి, కార్వీ మీదుగా జహిరానగర్ వరకు వైట్‌టాపింగ్ పనులు పూర్తయిన దృష్ట్యా ఆదివారం నుంచి వాహనదారులను అనుమతించినట్లు చెప్పారు.


 - నగరంలో ఏటా పెరుగుతున్న రోడ్డు ప్రమాదాలు
 - ప్రాణాలు కోల్పోతున్న వేలాదిమంది జనం
 - రాత్రి తొమ్మిది తర్వాతే ప్రమాదాల సంఖ్య అధికం
 - నేషనల్ క్రైమ్ రికార్డు బ్యూరో రిపోర్టులో వెల్లడి
 సాక్షి, సిటీబ్యూరో: గ్రేటర్ నగరం ప్రమాదాలకు నిలయంగా మారుతోంది. నిత్యం ఏదో ఒకచోట రహదారులు రక్తసిక్తమవుతూనే ఉన్నాయి. ఏటికేడు ప్రాణాలు కోల్పోతున్నవారి సంఖ్య పెరుగుతూనే ఉంది. ట్రాఫిక్ నిబంధనలు పాటించాలని పోలీసులు ఎంతగా ప్రచారం చేస్తున్నా...చర్యలు చేపడుతున్నా ఫలితం శూన్యం. నేషనల్ క్రైమ్ రికార్డు బ్యూరో(ఎన్‌సీఆర్‌బీ) విడుదల చేసిన 2014 గణాంకాల ప్రకారం నగరంలో 2013 కంటే రోడ్డు ప్రమాదాలు పెరిగాయని స్పష్టమైంది. 2013లో 2439  రోడ్డు ప్రమాదాలు జరిగితే, 2014లో ఆ సంఖ్య 2908కు ఎగబాకి ఎనిమిదో స్థానానికి చేరింది. మొత్తమ్మీద ఏడాదిలో 19.2 శాతం పెరుగుదల నమోదైంది.
 
 చెన్నైలో 9,465 ప్రమాదాలు, ఢిల్లీలో 7,191 ప్రమాదాలు, బెంగళూరులో 5215 ప్రమాదాలు, భోపాల్‌లో 4,807 ప్రమాదాలు, కోల్‌కతాలో 4789 ప్రమాదాలు, నాసిక్‌లో 3367 ప్రమాదాలు, జైపూర్‌లో 3,085 ప్రమాదాలు జరిగాయని గణాంకాలు చెబుతున్నాయి. ఇతర నగరాలతో పొల్చుకుంటే హైదరాబాద్‌లో రోడ్డు ప్రమాదాల సంఖ్య తక్కువగానే కనిపిస్తున్నా... 2013 కంటే సంఖ్య పెరగడం ఆందోళనకర అంశం. 2014లో జరిగిన రోడ్డు ప్రమాదాల్లో 361 మంది పురుషులు, 50 మంది మహిళలు మృత్యువాతపడ్డారు. 2,561 మంది క్షతగాత్రులయ్యారు. ఇక ఎన్‌సీఆర్‌బీ రిపోర్టు ప్రకారం నగరంలో రాత్రి తొమ్మిది గంటల తర్వాతే అధిక ప్రమాదాలు చోటుచేసుకున్నాయి. ఆ సమయంలో వాహనాల నియంత్రణ కొరవడడం...ర్యాష్ డ్రైవింగ్, ట్రాఫిక్ ఉల్లంఘనలే ఇందుకు కారణమని,  2013లో రాత్రి తొమ్మిది నుంచి 12 గంటల మధ్యలో 634 రోడ్డు ప్రమాదాలు చోటుచేసుకున్నాయని రిపోర్టు వెల్లడించింది.
  
 పాదచారుల క్రాసింగ్ వద్దే ఎక్కువగా...
 నగరంలో ఎక్కువగా పాదచారులు రోడ్డు దాటుతున్న సమయాల్లోనే ప్రమాదాలు ఎక్కువగా చోటుచేసుకున్నాయి. పాఠశాలలు, కాలేజీలు, విద్యాసంస్థల సమీపంలో 26 మంది పురుషులు చనిపోతే, ఒక మహిళ దుర్మరణం చెందింది. నివాస ప్రాంతాలకు సమీపంలో 41 మంది పురుషులు మరణిస్తే, ఎనిమిది మంది యువతులు మృతి చెందారు. ప్రార్థన స్థలాల వద్ద ఏడుగురు పురుషులు దుర్మరణం చెందితే, ఒక మహిళ ప్రాణాలు కోల్పోయింది. సినిమా హాల్‌ల సమీపంలో ఆరుగురు పురుషులు, ఫ్యాక్టరీ, ఠమొదటిపేజీ తరువాయి పారిశ్రామిక ప్రాంతాల్లో ఇద్దరు పురుషులు మృతి చెందారు. పెడిస్ట్రియల్ క్రాసింగ్ వద్ద అత్యధికంగా 48 మంది మగవాళ్లు చనిపోతే, ఎనిమిది మంది మహిళలు దుర్మరణం చెందారు. ఇతర ప్రాంతాల్లో 231 మంది పురుషులు, 32 మంది మహిళలు అసువులు బాశారు. కాగా, కోల్‌కతాలో అత్యధికంగా 214 మంది, చెన్నైలో 206 మంది, ఢిల్లీలో 137 మంది, ముంబైలో 131 మంది, విశాఖపట్టణంలో 123 మంది, భోపాల్‌లో 82, విజయవాడలో 75 మంది, రాంచీలో 62 మంది చనిపోయారు. ఆ తర్వాతి స్థానం తొమ్మిదిలో 56 మందితో హైదరాబాద్ ఉంది.
  
 ‘ఢీ’సెంబరే...
 నూతన ఏడాదికి స్వాగతం పలికే డిసెంబర్ మాసంలోనే మన సిటీలో అత్యధికంగా 515 రోడ్డు ప్రమాదాలు చోటుచేసుకున్నాయి. ఆ తర్వాత అక్టోబర్‌లో 235 మంది, జనవరి, మార్చినెలల్లో 233 మంది, జూలైలో 228 మంది, సెప్టెంబర్‌లో 226 మంది, జూన్‌లో 218 మంది, ఏప్రిల్‌లో 215 మంది, నవంబర్‌లో 213, ఆగస్టులో 199, మేలో 198, ఫిబ్రవరిలో 195 రోడ్డు ప్రమాదాలు చోటుచేసుకున్నాయి. అయితే డిసెంబర్ నెలను పరిశీలిస్తే చెన్నైలో అత్యధికంగా 825 రోడ్డు ప్రమాదాలు జరగగా, ఢిల్లీలో 601 ప్రమాదాలు చోటుచేసుకున్నాయి. 515 రోడ్డు ప్రమాదాలతో మూడో స్థానంలో హైదరాబాద్ ఉంది.
  
 అదుపు తప్పుతున్న అనుభవం...
 రోడ్డు ప్రమాదాలు అనగానే సాధారణంగా బైక్‌లపై రయ్...మంటూ దూసుకెళ్లే యువకులే గుర్తుకొస్తారు. అయితే తాజాగా ఎన్‌సీఆర్‌బీ నివేదికను చూస్తే...మన నగర రహదారులపై 30 నుంచి 45 సంవత్సరాలున్నవారే ఎక్కువగా ప్రమాదాల బారిన పడి మృత్యువాత పడుతున్నారు. గతేడాది ఈ వయసు గల పురుషులు 503 మంది, 93 మంది మహిళలు దుర్మరణం చెందారు. 45 నుంచి 60 ఏళ్ల వయస్సుగలవారు 596, 18 నుంచి 30 ఏళ్ల వయసు గలవారు 554 మంది మృతిచెందారు.  60 సంవత్సరాలు దాటినవారు 253 మంది, 14 ఏళ్లలోపు పిల్లలు 57 మంది ఉన్నారు.
  
 ఫుట్‌పాత్‌లు పడగొట్డడం వల్లే...
 మనవాళ్లు రోడ్ల అందాలకే ప్రియార్టీ ఇస్తున్నారు. విస్తరణ సమయంలో  ఫ్లైఓవర్లు వేస్తున్నారు. ఉన్న ఫుట్‌పాత్‌లను పడగొడుతున్నారు. పాదచారుల కోసం ఎటువంటి వ్యవస్థ లేదు. కొన్ని ఫుట్ ఓవర్ బ్రిడ్జిలు నగరంలో కనిపిస్తున్నా వాటిని ఎవరూ ఉపయోగించడం లేదు.పాదచారుల రక్షణ చూడకపోతే ప్రమాదాలు జరుగుతాయి. రాష్ డ్రైవింగ్, డ్రంకన్ డ్రైవింగ్ చేస్తున్న వారు కరెక్ట్‌గానే నడిపినా...ఎక్కడ క్రాస్ చేయాలో తెలియని పాదచారులు అడ్డు రావడంతో ఈ ప్రమాదాలు పెరుగుతున్నాయి.
 - కాంతిమతి కన్నన్, రైట్ టూ వాక్ ఫౌండేషన్
  
 నివారణ చర్యలు తీసుకుంటున్నాం
 ట్రాఫిక్ పోలీసు శాఖ వంతుగా రోడ్డు ప్రమాదాల నివారణకు అన్ని చర్యలు తీసుకుంటోంది. అన్ని ప్రాంతాల్లో డ్రంకన్ డ్రైవ్ చేపడుతున్నాం. మద్యం తాగి వాహనాలు నడుపుతున్న వారిపై కఠిన చర్యలు తీసుకుంటున్నాం. ట్రాఫిక్ నిబంధనలు అతిక్రమించేవారికి జరిమానాలు విధిస్తున్నాం. ట్రాఫిక్‌పై అవగాహన కలిగించే దిశగా వివిధ కార్యక్రమాలు చేపడుతున్నాం. హెల్మెట్ తప్పనిసరి అనే నిబంధనను అమలు చేస్తున్నాం. రాబోయే రోజుల్లో మరిన్ని చర్యలు తీసుకోవడంతో పాటు వాహనచోదకుల్లో అవగాహన పెంపొందించే దిశగా చర్యలు తీసుకుంటాం.  
 - జితేందర్, అదనపు సీపీ, హైదరాబాద్ ట్రాఫిక్


 ముంబై: రోడ్డు ప్రమాదంలో గాయపడి, కోలుకున్న బిజెపి ఎంపి, ప్రముఖ సినీ నటి హేమమాలిని తొలిసారిగా నోరు విప్పారు.    శస్త్రచికిత్స అనంతరం ఆసుపత్రి నుంచి డిశ్చార్జయ్యి ఇంటికి చేరిన మరునాడు ఆమె  సోషల్ మీడియాలో స్పందించారు. రోడ్డు ప్రమాదంలో చిన్నారి చనిపోవడానికి ఆ పాప తండ్రే కారణమని హేమమాలిని బుధవారం తన ట్విట్టర్ లో వ్యాఖ్యానించారు. ఆయన ట్రాఫిక్ నిబంధనలు పాటించి ఉంటే ప్రమాదం జరిగి ఉండేదికాదని  ఆరోపించారు.
 
 'చిన్నారి మరణం నన్ను చాలా బాధపెట్టింది. ఆ  పాప తండ్రి ట్రాఫిక్  నియమాలను పాటించి ఉంటే ఆ చిన్నారి బతికి ఉండేదని హేమమాలిని ట్విట్ చేశారు.  అంతేకాకుండా సెన్సేషన్ కోసం పాకులాడే  మీడియా ఈ ఘటనను అనసరంగా రాద్ధాంతం  చేసిందని  మడిపడ్డారు.  మానవత్వాన్ని మరిచి ప్రవర్తించిన అలాంటి వారిపట్ల  విచారం వ్యక్తం చేయడం తప్ప ఏమీ చేయలేనన్నారు. తన క్షేమం కోసం, ఆరోగ్యం కోసం ఆరాటపడిన అభిమానులు, ఆప్తులందరికీ  ఆమె ప్రత్యేక ధన్యవాదాలు తెలిపారు. ఈ ప్రమాదం  మూలంగా తనపై అభిమానులకు ఎంత ప్రేమ ఉందో స్పష్టమైంని, ఇందుకు తనకు చాలా సంతోషంగా ఉందని హేమమాలిని పేర్కొన్నారు.
 
 కాగా  ఆగ్రా నుంచి జైపూర్‌ వెళుతుండగా రాజస్థాన్‌లోని దౌసా దగ్గర హేమమాలిని ప్రయాణిస్తున్న మెర్సిడెస్‌ కారును మారుతి ఆల్టో కారు ఢీ కొట్టింది. ఈ ప్రమాదంలో నాలుగేళ్ల పాప చనిపోగా, హేమమాలినితో పాటు  ఐదురుగు గాయపడ్డారు . ఈ కేసులో హేమమాలిని డ్రైవర్ ను పోలీసులు అరెస్ట్ చేశారు.  మరోవైపు   ప్రమాదం జరిగినపుడు హేమ తమను పట్టించుకోలేదని, సమయానికి పాపను  ఆసుపత్రికి తరలించి ఉంటే  బతికేదని చిన్నారి తండ్రి ఆవేదన వ్యక్తం చేసిన సంగతి తెలిసిందే.


 చెన్నై, సాక్షి ప్రతినిధి: తమిళనాడు వాసులకు ట్రాఫిక్ రామస్వామి సుపరిచితమే. ట్రాఫిక్ నిబంధనలకు విరుద్ధంగా వెలిసే బోర్డులు, ఫ్లెక్సీలు తదితర ప్రచార సాధనలను తొలగిం చడం ద్వారా రాష్ట్రంలో ఆయన బహుళ ప్రాచుర్యం పొందారు. అమ్మ ఫ్లెక్సీలను సైతం నిర్దాక్షణంగా తొలగించిన నేపథ్యంలో ఇటీవల ఆయనను పోలీసులు అరెస్ట్ చేయడం కలకలం రేపింది. కోర్టు సైతం రామస్వామికి అనుకూలంగా వ్యాఖ్యానించడమేగాక పోలీసుశాఖపై అక్షింతలు వేసింది. బెయిల్‌పై బయటకు వచ్చిన రామస్వామి వచ్చీరాగానే మళ్లీ రోడ్లపైకి చేరుకుని ఫ్లెక్సీల తొలగింపులో నిమగ్నమయ్యారు.
 
 రాజకీయాలకు అతీతంగా ఆయన చేసే సామాజిక సేవకు ప్రజల నుంచి మద్దతు లభిస్తున్నందున పోలీసులు పలుమార్లు ఇరుకున పడుతున్నారు. ఈ రకంగా 82 ఏళ్ల వృద్ధుడైన రామస్వామి ప్రజలకు సుపరిచితుడుగా మెలుగుతున్నారు.
  
 విపక్షాల సభ్యుడిని నేనే: రామస్వామి
 ఆర్కేనగర్ నుంచి పోటీచేసేందుకు విపక్షాలన్నీ వెనకడుగు వేస్తున్న తరుణంలో వారందరి ఉమ్మడి అభ్యర్థిగా తాను రంగంలోకి దిగుతున్నట్లు మక్కల్ పాదుగాప్పు కళగం అధ్యక్షులు, సామాజిక కార్యకర్త ట్రాఫిక్ రామస్వామి గురువారం ప్రకటించారు. టీఎన్‌సీసీ అధ్యక్షులు ఈవీకేఎస్ ఇళంగోవన్, డీఎంకే అధినేత కరుణానిధి, డీఎండీకే అధ్యక్షులు విజయకాంత్, పీఎంకే అగ్రనేత డాక్టర్ రాందాస్, ఎండీఎంకే అధినేత వైగో తదితరులను కలిసి మద్దతు కోరనున్నట్లు ఆయన చెప్పారు. జయకు జైలు శిక్షతో ఖాళీ అయిన తిరుచ్చిరాపల్లి జిల్లా శ్రీరంగం నియోజకవర్గంలో ఈఏడాది ఫిబ్రవరి 13వ తేదీన జరిగిన ఉప ఎన్నికలలో సైతం రామస్వామి పోటీ చేశారు. ఆ ఎన్నికలో 1167 ఓట్లు సాధించి ఓటమిపాలయ్యారు.
  
 3న కాంగ్రెస్, సీపీఎంల సమావేశం:
 ఆర్కేనగర్‌లో పోటీపై నిర్ణయం తీసుకునేందుకు వచ్చేనెల 3వ తేదీన టీఎన్‌సీసీ సమావేశం అవుతోంది. కాంగ్రెస్ రాష్ట్ర వ్యవహారాల ఇన్‌చార్జ్ ముకుల్ వాస్నిక్ ఈ సమావేశంలో పాల్గొని రాష్ట నేతల సమక్షంలో నిర్ణయం తీసుకుంటారు. అలాగే సీపీఎం సైతం ఆర్కేనగర్‌లో పోటీపై 3వ తేదీన సమావేశం కానుంది.  ఉప ఎన్నికను బహిష్కరిస్తున్నట్లు డీఎంకే ఇప్పటికే ప్రకటించింది. ప్రధాన పార్టీలన్నీ పోటీకి సుముఖంగా లేని తరుణంలో అమ్మ ఎన్నిక ఏకగ్రీవం అవుతుందని అందరూ ఆశించారు. అయితే ఎవరేమన్నా ట్రాఫిక్ రామస్వామి పోటీ నుండి తప్పుకునే అవకాశం లేదు. ఈ కారణంగా ఆర్కేనగర్ ఉప ఎన్నికలో జయకు ఏకైక ప్రత్యర్థిగా ట్రాఫిక్ రామస్వామి మరో గుర్తింపును దక్కించుకోనున్నారు.


 - ఆందోళన కలిగిస్తున్న  రోడ్డు ప్రమాదాలు
 - నియంత్రణకు ఆంక్షల కొరడా తీస్తున్న పోలీసులు
 విజయవాడ సిటీ : రోడ్డు ప్రమాదాల నియంత్రణకు పోలీసులు కసరత్తుచేపట్టారు. ట్రాఫిక్ నిబంధనలను కఠిన తరం చేయడంతోపాటు ప్రమాదాలకు కారణమైన వారిని జైలుకు పంపించేందుకు ఏర్పాట్లు చేస్తున్నారు. డ్రైవర్ల నిర్లక్ష్యం వల్లే ఎక్కువ ప్రమాదాలు జరుగుతున్నాయని గుర్తించారు. ఇక నుంచి ప్రమాదానికి కారణమైన వారి డ్రైవింగ్ లెసైన్సును సస్పెండ్ చేయించేందుకు సిఫార్సుచేయనున్నారు. విజయవాడ నగర పోలీస్ కమిషనరేట్ పరిధిలోని రహదారులు రక్తమోడుతున్నాయి. నెలకు సగటున 27 మంది వరకు రోడ్డు ప్రమాదంలో మృత్యువాత పడుతున్నారు. అంతే సంఖ్యలో తీవ్రంగా గాయపడి ఆస్పత్రులపాలవుతున్నారు. వీరిలో ఎక్కువ మంది ద్విచక్ర వాహనచోదకులే కావడం గమనార్హం. అస్తవ్యస్త రహదారులు, నైపుణ్యం లేని డ్రైవింగ్, వాహన చోదకుల నిర్లక్ష్యం, ట్రాఫిక్ నిబంధనలు పాటించకపోవడం వంటి కారణాల వల్లే ప్రమాదాలు జరిగి, అనేక కుటుంబాలు చిన్నాభిన్నమవుతున్నాయి. తగిన నైపుణ్యం లేకుండా డ్రైవర్లు నిర్లక్ష్యంగా వాహనాలు నడపడం ప్రమాదాలకు మరో కారణం. ఇవేకాక మృత్యువాత పడిన వారిలో అధిక శాతం మంది ట్రాఫిక్ నిబంధనలకు విరుద్ధంగా వాహనాలు నడుపుతున్నట్టు పోలీసు అధికారులు గుర్తించారు. ప్రమాదాల సంఖ్యను తగ్గించే చర్యల్లో భాగంగా ఆంక్షల కొరడా ఝళిపించేందుకు కమిషనరేట్ అధికారులు సిద్ధమవుతున్నారు.
 
 డ్రైవింగ్ లెసైన్స్ సస్పెన్షన్
 నిర్లక్ష్యంగా వాహనాలు నడిపి రోడ్డు ప్రమాదాలకు కారణమయ్యే వారి లెసైన్స్ సస్పెన్షన్‌కు సిఫారసు చేయాలని పోలీసు అధికారులు నిర్ణయించారు. ఇందుకోసం రవాణాశాఖ అధికారులతో సంప్రదింపులు జరుపుతున్నారు. ఇదే సమయంలో జరిమానాలకు బదులు జైలుశిక్ష విధించేలా న్యాయస్థానాలతో సంప్రదింపులకు చర్యలు చేపడుతున్నారు. గతంలో మాదిరి రోడ్డు ప్రమాదాల్లో పెద్ద వాహనాల డ్రైవర్లపై కేసులు నమోదు చేయకుండా తప్పు చేసిన వారిపైనే కేసులు నమోదు చేయనున్నారు. మానవతా దృక్పథంతో కేసులు నమోదు చేయడం వల్ల రోడ్డు ప్రమాదాల సంఖ్య నానాటికి పెరుగుతుందనేది పోలీసు అధికారుల అభిప్రాయం. నడిచి వెళ్లేవారు నిబంధనలు పాటించకున్నా కేసులు నమోదు చేయడంతో పాటు విచారణలో మృతులు, క్షతగాత్రులు తప్పు చేసినట్టు రుజువైతే వారిపైనే కేసులు నమోదు చేస్తారు.
 
 ఇక విచారణ బాధ్యత ఎస్‌హెచ్‌వోదే..
 రోడ్డు ప్రమాదాలు జరిగిప్పుడు ఇక నుంచి పోలస్ స్టేషన్ అధికారి(ఎస్‌హెచ్‌వో) క్షేత్రస్థాయి విచారణ జరపాలని కమిషనరేట్ అధికారులు ఆదేశాలు జారీ చేశారు. రోడ్డు ప్రమాద మృతి కేసులే కాకుండా తీవ్రంగా గాయపడిన సందర్భాల్లో ఎస్‌హెచ్‌వో వెళ్లి ప్రమాదానికి దారితీసిన పరిస్థితులపై పూర్తిగా విచారణ చేయాలి. ప్రమాదం జరిగిన తీరు, ప్రమాద కారణాలు, తప్పు చేసిన వారెవనే విషయాలపై పూర్తి స్థాయి విచారణ జరిపిన తర్వాతనే కేసులు నమోదు చేస్తారు. ఎట్టి పరిస్థితుల్లోను దిగువస్థాయి అధికారులతో కాకుండా స్టేషన్ ఉన్నతాధికారులు మాత్రమే విచారణ చేయాలంటూ ఆదేశాలు జారీ అయ్యాయి.


 సాక్షి, కర్నూలు: వాహన చోదకులూ.. జర జాగ్రత్త. ట్రాఫిక్ నిబంధనలు బేఖాతరు చేశారో ఇక అంతే సంగతులు. నిఘా కళ్లు మీమ్మల్ని వెంటాడబోతున్నాయి. కెమెరా కన్ను ప్రతిపక్షణం పహారా కాయబోతోంది. అసాంఘిక శక్తుల ఆటకట్టించడమే కాదు.. అక్రమాక్కుల ఆగడాలను కట్టడి చేయడమే ధ్యేయంగా కర్నూలు పోలీసు యంత్రాంగం సన్నద్ధమవుతోంది. నిబంధనలకు విరుద్ధంగా వాహనాలు నడిపితే.. వాహనదారుని చిరునామాకే ఈ-చలాన్(జరిమానా) పంపేందుకు ట్రాఫిక్ పోలీసులు చర్యలు చేపడుతున్నారు. సో.. బీ కేర్ ఫుల్.
  
 ఈ-నిఘా ఎలాగంటే!
 కర్నూలు నగర పరిధిలో పోలీసులు ప్రారంభించిన ఈ-నిఘా వ్యవస్థ సర్వత్రా చర్చనీయాంశమవుతోంది. ఇప్పటికే నగరంలో ట్రాఫిక్ అనుబంధ సమస్యలను పరిష్కరించేందుకు 30 ప్రాంతాల్లో 120 కెమెరాలను  ఏర్పాటు చేశారు. ఈ క్రమంలోనే ఇకపై నిబంధనలు ఉల్లఘించిన వారిపై కొరడా ఝళిపించేందుకు రంగం సిద్ధమవుతోంది. సిగ్నల్స్ చూడకుండా రయ్.. రయ్‌మంటూ దూసుకెళ్లే వాహనాలకు ముకుతాడు వేయనున్నారు. నిర్విరామంగా పనిచేసే ఈ కెమెరాల్లో రికార్డు అయిన దృశ్యాల ఆధారంగా ఉల్లంఘనులను గుర్తించనున్నారు.
  
 ఇంటికే ఈ-చలాన్
 ఇప్పటి వరకు ట్రాఫిక్ పోలీసులు రహదారులపై నిలబడి అనుమానం వచ్చిన వాహనాలను ఆపి రికార్డులను పరిశీలించి.. ఏవైనా పత్రాలు సరిగా లేకపోతే ఆ మేరకు జరిమానా విధించి డబ్బులు వసూలు చేసేవారు. అయితే కొందరు అధికారులకు ఈ విధులు వరంగా మారాయి. వాహనదారులకు రసీదులు ఇవ్వకుండా వారి నుంచి వసూలు చేసిన మొత్తాలను తమ జేబుల్లో నింపుకుంటున్నట్లు ఆరోపణలు అనేకం. ఈ పరిస్థితిలో మార్పు తీసుకొచ్చేందుకు ఉన్నతాధికారులు నిర్ణయించారు. ట్రాఫిక్ పోలీసుల కళ్లు గప్పి నిబంధనలు ఉల్లంఘించే వాహనదారులను.. కెమెరాల్లో నిక్షిప్తమైన దృశ్యాల ద్వారా గుర్తించి వాహనాల రిజిస్ట్రేషన్ నంబర్ల ఆధారంగా వారి చిరునామాలకే ఈ-చలాన్లు పంపడానికి సన్నాహాలు చేస్తున్నారు. అలాగే అధికారులను ఇకపై కేవలం చలాన్ రాయడానికే పరిమితం చేసి.. జరిమానాను ఆన్‌లైన్ చెల్లింపుల ద్వారా వసూలు చేయాలని నిర్ణయించినట్లు తెలుస్తోంది.
  
 జిల్లాలో కీలకం కానున్న ఈ-నిఘా వ్యవస్థ
 ఈ-నిఘాను సమర్థంగా అమలు చేసి కెమెరాల వ్యవస్థను పటిష్టం చేయడానికి ప్రణాళిక సిద్ధమవుతోంది. కర్నూలు జిల్లా పరిధిలో 6 పోలీసు సబ్ డివిజన్లు ఉన్నాయి. వీటి ద్వారా శాంతిభద్రతల పర్యవేక్షణ జరుగుతోంది. దీంతో పాటు ఆంధ్ర-కర్ణాటక సరిహద్దులోని కర్నూలులో ఎప్పటికప్పుడు తనిఖీలు ముమ్మరం చేయడం ద్వారా నిఘా వ్యవస్థను పటిష్టం చేసుకోవాల్సిన బాధ్యత వీరిపై ఉంది. లక్ష్యాలు ఎక్కువగా ఉండడం.. ఉన్న సిబ్బందితోనే అన్ని పనులు చేయాల్సి రావడంతో పోలీసు శాఖపై ఒత్తిడి అధికమవుతోంది.
 
 ఇది నేరాల దర్యాప్తు, నియంత్రణపైనా తీవ్ర ప్రభావం చూపుతున్న దృష్ట్యా కర్నూలు పోలీసు ఉన్నత వర్గాలు ప్రత్యేక ప్రణాళికలకు శ్రీకారం చుట్టాయి. నేరాల్లో ఆధారాల సేకరణకు ఎక్కువ సమయం తీసుకుంటుండడం, ఇదే అదునుగా నేరాగాళ్లు తప్పించుకుంటున్నారన్న అపవాదు ఉండడంతో సులభంగా ఆధారాలను సేరకించేందుకు అవసరమైన మార్గాలను ఆన్వేషిస్తోంది. ఈ క్రమంలోనే రాష్ట్రంలోనే తొలిసారి జిల్లావ్యాప్తంగా ఈ-నిఘా వ్యవస్థను సంపూర్ణంగా అమలు చేసే దిశగా కసరత్తు ముమ్మరమైంది.


 - సామాన్యులే టార్గెట్
 - పెద్దల జోలికి పోని వైనం
 - ఎమ్మెల్యే బొండా కొడుకు నిర్వాకంతో వెల్లడైన పోలీస్ నైజం
 విజయవాడ సిటీ : పోలీసు కమిషనరేట్ అధికారులవి ఉత్తరకుమార ప్రగల్భాలేనని మరోసారి తేటతెల్లమైంది. ట్రాఫిక్ నిబంధనల అమలులో ఎంతటివారైనా ఉపేక్షించేది లేదంటూ సామాన్యులపై ఉక్కుపాదం మోపే అధికారులు.. ఉన్నత వర్గాలు, అధికార పార్టీ నేతల విషయంలో అంటీముట్టనట్లుగా వ్యవహరిస్తున్నారు. నిత్యం రద్దీగా ఉండే బందరు రోడ్డు, ఏలూరు రోడ్డుపై సెంట్రల్ ఎమ్మెల్యే బొండా ఉమామహేశ్వరరావు కుమారుడు ఆదివారం నిబంధనలకు విరుద్ధంగా ర్యాలీ నిర్వహించి హల్‌చల్ చేస్తే నిలువరించే ప్రయత్నాలు కూడా చేయకపోవడమే ఇందుకు నిదర్శనం. పైగా పీవీపీ స్క్వేర్ సమీపంలో ట్రాఫిక్ విధులు నిర్వర్తించే సిబ్బంది ఇతర వాహనాలను నిలిపేసి మరీ రాంగ్‌రూట్‌లో వచ్చిన బొండా కుమారుడి వాహనాలకు  దారివ్వడం చర్చనీయాంశంగా మారింది. అసలే కిస్తీలు కట్టలేని స్థితిలో అల్లాడుతున్న తమను ఈ-చలానాలు ఆర్థికంగా కుంగదీస్తున్నాయంటూ ఆటో డ్రైవర్ల వేడుకోళ్లను  పరిగణనలోకి కూడా తీసుకోని పోలీసులు.. ఇలాంటి వారి విషయంలో మాత్రం నిమ్మకు నీరెత్తినట్టుగా ఉండడం విమర్శలకు దారితీసింది.
 
 సామాన్యుడిపై కొరడా
 రాజధాని నేపథ్యంలో పెరిగిన ట్రాఫిక్ రద్దీని దృష్టిలో ఉంచుకుని ఫిబ్రవరి నుంచి నిబంధనల అమలుపై పోలీసులు దృష్టిసారించారు. నిబంధనలకు విరుద్ధంగా నడిచే వాహనాలకు ఈ-చలానాలు, ట్రాఫిక్ ఎన్‌ఫోర్స్‌మెంట్ పేరిట నడ్డి విరుస్తున్నారు. ద్విచక్ర వాహనదారులు చిన్నపాటి పొరపాటు చేసినా నేరుగా ఇంటికి ఈ-చలానా పంపి జరిమానా వసూలు చేస్తున్నారు. ఇదే సమయంలో ధ్రువీకరణ పత్రాల తనిఖీ పేరిట ఎన్‌ఫోర్స్‌మెంట్ దాడులు ముమ్మరం చేశారు. నగరంలో పదేపదే వస్తున్న ఈ-చలానాలు కట్టలేని స్థితిలో పలువురు వాహనచోదకులు ఇబ్బందులు పడుతున్నారు. కొందరు ఈ-చలానాలు కట్టలేక మిన్నుకుండిపోతుండడంతో పోలీసులు పి.డి.ఎం. (పర్సనల్ డివైజ్ యంత్రం)తో తనిఖీలు చేపట్టారు. తద్వారా పాత కేసులను తిరగదోడి జరిమానా చెల్లించని వాహనాలను డంపింగ్ యార్డుకు తరలిస్తున్నారు. అసలే అంతంతమాత్రం ఆదాయం ఉన్న సామాన్యుల వాహనాలను డంపింగ్ యార్డులకు తరలించి పోలీసులు ఘనకార్యం చేసినట్టు చెప్పుకొంటున్నారు.  నిబంధనలు అమలు చేస్తే ఆటోలు సీజ్ చేయాల్సి ఉంటుందని ఆటోడ్రైవర్లను బెదిరించడం విమర్శనాత్మకంగా మారింది.
 
 పెద్దోళ్లకు మినహాయింపులు
 నిబంధనల విషయంలో సామాన్యులపై కొరడా ఝళిపిస్తున్న పోలీసులు పెద్దల విషయంలో మాత్రం భిన్నంగా స్పందిస్తున్నారు. ఖరీదైన కార్లు, ప్రైవేటు ట్రావెల్స్ నిబంధనలు ఉల్లంఘించి నడుస్తున్నా కనీసం పట్టించుకోవడం లేదు. రాత్రి 8 గంటల సమయంలో రద్దీగా ఉండే కంట్రోల్ రూమ్ వద్ద రోడ్డుపై ట్రావెల్స్ బస్సులు నిలిపేసి ప్రయాణికులను ఎక్కిస్తున్నారు. ఇతర వాహనాలు వెళ్లేందుకు కనీసం చోటు కూడా ఉండడం లేదు.  ప్రైవేటు ట్రావెల్స్ అధికార పార్టీ నేతలకు చెందినవి కావడం వల్ల పోలీసులు అటువైపు కన్నెత్తి  చూడడం లేదని జనం అంటున్నారు. ఖరీదైన కార్లు కూడా నిత్యం నిబంధనల ఉల్లంఘనకు పాల్పడుతున్నాయి. వన్‌వే, సిగ్నల్ జంపింగ్ వంటి నిబంధనలకు వీరు పాల్పడుతున్నారు. పైగా అనేక కార్లు ఏ విధమైన ధ్రువీకరణ పత్రాలు లేకుండానే నడుపుతున్నా పోలీసులు చూసీ చూడనట్లుగా వ్యవహరిస్తున్నారు.  బార్ అండ్ రెస్టారెంట్ల వద్ద సామాన్యులను మాత్రమే ఆపి తనిఖీలు చేస్తున్నారు.


 ► వాహనచోదకులకు ఊరట
 ► అపరాధ రుసుం చెల్లింపు సులభతరం
 ► తుదిమెరుగులు దిద్దుతున్న అధికారులు
 ► పక్షం రోజుల్లో అమల్లోకి..
  
 ట్రాఫిక్ నిబంధనలు ఉల్లంఘించిన వాహనచోదకులు జరిమానాలు ఇకమీదట ఆన్‌లైన్‌లో చెల్లించవచ్చు. ఇందుకు నగర పోలీసులు ఏర్పాట్లు చేస్తున్నారు.
  
 విజయవాడ సిటీ : నగరంలో ట్రాఫిక్ నిబంధనలు ఉల్లంఘించే వాహనదారుల వద్ద  పోలీసుల చేతివాటానికి చెక్ పెట్టిన కమిషనరేట్ అధికారులు.. వాహనదారుల అపరాధ రుసుం చెల్లింపు ప్రక్రియను సులభతరం చేసే ప్రయత్నాల్లో ఉన్నారు. వారు సమయం వృథా చేసుకోకుండా ఆన్‌లైన్‌లో చెల్లింపు విధానాన్ని ప్రవేశపెట్టనున్నారు. ఇది పక్షం రోజుల్లో అమల్లోకి రానున్నట్టు కమిషనరేట్ అధికారులు చెబుతున్నారు. సిబ్బందికి నేరుగా జరిమానా చెల్లించే అవకాశం లేకుండా చేసేందుకే ఈ విధానాలను రూపొందించారు.
 
 ఇప్పుడిలా..
 ప్రమాదకర డ్రైవింగ్, వన్‌వే ఉల్లంఘనలు, సెల్‌ఫోన్ డ్రైవింగ్ వంటి ట్రాఫిక్ నిబంధనలు ఉల్లంఘించే వారి ఫొటోలను చిత్రీకరించి ఈ-చలాన్లు జారీ చేస్తున్నారు. కమిషనరేట్ పరిధిలో రోజుకు సగటున 500 ఈ-చలాన్లు జారీ అవుతున్నాయి. డ్రైవింగ్ లెసైన్స్, ఆర్‌సీ పుస్తకాలు, పొల్యూషన్, ఇన్సూరెన్స్ తదితర నిబంధనలు ఉల్లంఘించే వారికి వెహికల్ చెక్ రిపోర్టు (వీసీఆర్) జారీ చేసి వాహనం సీజ్ చేసి మహిళా పోలీసు స్టేషన్ వద్దనున్న డంపింగ్ యార్డ్‌కు తరలిస్తున్నారు. ఇలా రోజుకు 150 వాహనాలు వస్తున్నాయి.
 
 ఈ తరహా నిబంధనలు ఉల్లఘించే వారు ప్రస్తుతం బందరురోడ్డులోని కె.ఎస్.వ్యాస్ కాంప్లెక్స్‌లోని ట్రాఫిక్ కంట్రోల్ బూత్‌కి వెళ్లి అపరాధ రుసుం చెల్లించాలి. అక్కడి వరకు వెళ్లి క్యూలో నిలబడి ఈ-చలానా రుసుం చెల్లించాలంటే ఒకరోజు పని మానుకోవాలి. ఇది వీలుపడని స్థితిలో పదేపదే నిబంధనల ఉల్లంఘనలకు పాల్పడి వాహనం సీజ్ చేసే పరిస్థితి తెచ్చుకుంటున్నారు. ఇలా సీజ్ చేసిన వాహనానికి సంబంధించిన యజమాని విధిగా అక్కడికి వెళ్లి జరిమానా చెల్లించి బండిని విడిపించుకోవాల్సి వస్తోంది.  
 
 ఆన్‌లైన్‌లో..
 మరో పక్షం రోజుల్లో అమల్లోకి రానున్న ఆన్‌లైన్ విధానంలో వాహనదారులు సమయం వృథా కాకుండానే అపరాధ రుసుం చెల్లించే వెసులుబాటు ఉంటుంది. నగర ట్రాఫిక్ పోలీసులు నిబంధనల ఉల్లంఘనలపై ఈ-చలాన్ల జారీతో పాటు పోలీసు వెబ్‌సైట్‌లో కూడా ప్రదర్శిస్తున్నారు.  వెబ్‌సైట్‌లోని ఈ-చలానా విధానంలోకి వెళ్లి వాహనం నంబరు కొడితే నిబంధనల ఉల్లంఘన తెలిసిపోతుంది. ఆ పక్కనే జరిమానా చెల్లింపు (పేమెంట్) ఆప్షన్ పొందుపరుస్తున్నారు.
 
 అక్కడ క్లిక్ చేస్తే నగదు చెల్లింపు విధానాలు ఉంటాయి. ఆన్‌లైన్, డెబిట్, క్రెడిట్ కార్డుల్లో దేనినైనా ఉపయోగించి జరిమానా చెల్లించొచ్చు. ఇందుకు నామమాత్రపు రుసుం వసూలు చేస్తారు.   సీజ్ చేసినవాటికి కూడా ఈ విధంగానే జరిమానా చెల్లించి డంపింగ్ యార్డ్ నుంచి వాహనం సులువుగా పొందే అవకాశం ఉంది.


 సాక్షి, ముంబై: నవీముంబైలో ట్రాఫిక్ నియమాలను ఉల్లంఘిస్తున్న వారికి ఈ- చలాన్‌ను జారీ చేసేం దుకు నవీముంబై మున్సిపల్ కార్పొరేషన్ (ఎన్‌ఎంఎంసీ) రోడ్లపై ఏర్పాటు చేసిన సీసీటీవీ కెమెరాల సేవలు నిలిచిపోయాయి. కార్పొరేషన్ దీనికి సం బంధించిన బిల్లులను ఇంటర్నెట్ సర్వీస్ ప్రొవైడర్ (ఐపీఎస్)కు చెల్లించడంలో విఫలమైంది. దీంతో నవీముంబై నగర రోడ్లపై పర్యవేక్షణ కొరవడింది. నవీముంబైలోని ముఖ్య కూడళ్లలో 262 హై డెఫినేషన్ కెమరాలను రిలయన్స్ కమ్యూనికేషన్ వారు అమర్చారు. అన్ని కెమరాలకు ఇంటర్నెట్ కనెక్షన్ ఇచ్చి కంట్రోల్ రూంకు అనుసంధానం చేశారు. అయితే కార్పొరేషన్ ఈ సేవలకు గాను కంపెనీకి డబ్బులు చెల్లించకపోవడంతో సదరు కంపెనీ ఈ సేవలను నిలిపివేసింది.
  
 సీసీ టీవీ కంట్రోల్ రూం అధికారులు అందజేసిన వివరాల మేరకు.. ఈ సేవలను అందించిన రిలయన్స్ కమ్యూనికేషన్స్‌కు.. కార్పొరేషన్ దాదాపు రూ.45 లక్షలను బకాయి పడింది. వీటి చెల్లింపుల జాప్యంతో రిలయన్స్ ఎనర్జీ ఈ సేవలను నిలిపివేసింది. దీంతో ఒక్క కెమె రా కూడా పని చేయడం లేదు. ఈ నేపథ్యంలో నవీ ముంబై నగర రోడ్లపై ఎలాంటి నిఘా లేకుండా పోయిందని అధికారి విచారం వ్యక్తం చేశారు. ట్రాఫిక్ వ్యవస్థను క్రమబద్ధీకరించేందుకు ఈ ఏడా ది ఆగస్టు ఒకటో తేదీ నుంచి సీసీటీవీ కెమెరాలను అందుబాటులోకి తెచ్చారు. వీటివల్ల ట్రాఫిక్ నియమోల్లంఘన చేస్తున్నవారిపై సత్వరమే చర్యలు తీసుకునేందుకు అధికారులకు వీలు కలిగింది. కాగా, ఇప్పటివరకు 200 మంది ట్రాఫిక్ నిబంధనలను ఉల్లంఘిస్తూ ఈ కెమెరాలకు చిక్కారు. వీరిపై పోలీ సులు కేసులు నమోదు కూడాచేశారు.
  
 ఇందు లో 70 మంది వాహనదారులు జరిమానాలు చెల్లించారు. అయితే నియమాలు ఉల్లంఘించిన వాహన దారు లు జరిమానాలను నగరంలోని ఆయా ట్రాఫిక్ కార్యాల యాలలో చెల్లించవచ్చు లేదా నవీముంబై ట్రాఫిక్ పోలీస్ వెబ్‌సైట్‌ను ఆశ్రయిం చి కూడా వీరు జరిమానాలు చెల్లించవచ్చు. ప్రస్తుతం కెమెరాలు పనిచేయక పోవడంతో ఈ-చలాన్ జారీ చేసే వ్యవస్థ కూడా నిలిచిపోయిందని, అత్యవసర సమయంలో స్పందించడం కూడా కష్టంగా మారిందని ట్రాఫిక్ అధికారి ఒకరు ఆవేదన వ్యక్తం చేశారు. ఈ నిఘా నేత్రాల సేవలు నిలిచిపోవడంతో ట్రాఫిక్ నిబంధనలు ఉల్లంఘిస్తున్న వారి సంఖ్య 50 శాతం పెరిగిపోయిందని అధికారి పేర్కొన్నారు. 


  రోడ్డుపై వేగంగా కారు నడపాలని, ట్రాఫిక్ రూల్స్ బ్రేక్ చేసి అడ్డదిడ్డంగా దూసుకుపోవాలని అనిపిస్తుందా? నిజంగా అలా చేస్తే గనక.. ట్రాఫిక్ పోలీసులు భారీ జరిమానాలు వడ్డిస్తారు. ప్రమాదాలు జరిగి మనకు దెబ్బలు తగలడమో, అవతలివారికి తగిలితే జైలుకు పోవడమో ఖాయం. అదే ఫోన్‌లో అయితే? మన కారు.. మన ఇష్టం. నచ్చిన వేగంతో మెచ్చిన రోడ్డుపై అడ్డదిడ్డంగా దూసుకుపోవచ్చు. హెవీ ట్రాఫిక్‌లో ప్రత్యేకమైన రంగుల్లోనే ఉన్న వాహనాలు ఢీకొడుతూ స్పోర్ట్స్ కారుతో నడిరోడ్డుపై వీరవిహారం చేయొచ్చు.
 
 లేదా కామ్‌గా, చాకచక్యంగా డ్రైవ్ చేయొచ్చు. దీనికి టిల్ట్ లేదా టచ్.. రెండు ఆప్షన్లూ ఉన్నాయి. అందువల్ల మనం ఉన్న పొజిషన్‌కు అనుగుణంగా ఈ గేమ్ తనకు తాను టిల్ట్(రొటేట్) అవుతుంది. ఈ ఉచిత ఆప్ ఐఫోన్, ఐపాడ్, ఐపాడ్‌టచ్ యూజర్లకు మాత్రమే అందుబాటులో ఉంది. కావాలంటే ఆపిల్ ఆప్ స్టోర్ నుంచి డౌన్‌లోడ్ చేసుకోవచ్చు.
  


  న్యూఢిల్లీ: వాహనాల అతివేగం ప్రాణాలు హరిస్తోంది. గాల్లో వెళ్తుండగానే.. క్షణాల్లో ప్రమాదం జరిగి ప్రాణాలు గాల్లో కలిసిపోతున్నాయి. మితిమీరిన వేగంతో మోటారుసైకిళ్లు, వాహనాలు నడపడం వల్ల రోజు రోజుకు రోడ్డు ప్రమాదాల సంఖ్య పెరిగిపోతోంది. వేగం కారణంగా జరిగే ప్రమాదాలతో యువకుల భవిష్యత్ అంధకారంగా మారుతోంది. కుటుంబాల్లో విషాదం మిగుల్చుతోంది. వాహనాలు నడిపేటప్పుడు జాగ్రత్త వహించాలని రవాణా శాఖ అధికారులు సూచిస్తున్నారు. నిర్లక్ష్యం.. వేగంగా వాహనాలు నడపడం, ట్రాఫిక్ నిబంధనలు పాటించకపోవడం వల్లే ఎక్కువగా ప్రమాదాలు జరుగుతున్నాయని తెలుస్తోంది. రవాణా శాఖ రూపొందించిన సూచనలు పాటిస్తే చాలా వరకు ప్రమాదాలను నివారించవచ్చు. ఎవరి గమ్య స్థానాలకు వారు సురక్షితంగా చేరుకోవచ్చు. డ్రైవింగ్ చేసే సమయంలో వేగంకన్న ప్రాణమే మిన్న సూత్రాన్ని మదిలో ఉంచుకుంటే ప్రమాదాలకు చెక్ పెట్టవచ్చు.
  
  సూచనలు..
  గుండ్రని జంక్షన్ వద్ద వాహనాల వేగం తగ్గించాలి. ఎడమ వైపు తిరగడానికి వలయంలోని బయటలైన్‌లో వెళ్లాలి. గుండ్రని జంక్ష న్ నుంచి బయటకు రావడానికి ఎడమ వైపు సిగ్నల్ చూడాలి. జంక్షన్ నుంచి బయటకు వెళ్లే వాహనాలకు ప్రాధాన్యం ఇవ్వాలి. బ్లైండ్ స్పాట్ : వాహన చోదకుడు మిర్రర్ ముందు భాగంలో కానీ.. రివర్స్ వ్యూ మిర్రర్‌లో కానీ చూడలేని ప్రదేశాన్ని బ్లైండ్‌స్పాట్ అంటారు. ఇతర వాహనాల బ్లైండ్ స్పాట్‌లో మీ వాహనం నడుపవద్దు. అలాంటి ప్రదేశాల వద్ద మలుపు తిరుగుతున్నప్పుడు లేదా లైన్ మలుగుతున్నప్పుడు ఒక్కసారి తల తిప్పి గమనించాలి.వాహనాన్ని వెనుకకు నడపడానికి..: చిన్న రోడ్డు నుంచి మెయిన్ రోడ్డులోకి వాహనాన్ని రివర్స్ చేయవద్దు.  సాధ్యమైనంత వరకు డ్రైవర్ సీటు వైపు రివర్స్ చేయాలి. వెనుక ప్రదేశాన్ని మిర్రర్‌లో గమనించాలి.వర్షం, పొగ మంచు : వర్షం, పొగ మంచులో వాహనాన్ని నెమ్మదిగా నడపాలి. రోడ్లు స్పష్టంగా కనిపించకపోతే డిమ్‌లైట్లు ఉపయోగించాలి.
  
  దూరం పాటించాలి..
  డ్రైవర్ ప్రమాదాన్ని గుర్తించి బ్రేక్ వేయడానికి కొంత సమయం పడుతుంది. దీనిని రియాక్షన్ టైం అంటారు. బ్రేక్ వేసిన తర్వాత వాహనం నిలుపడానికి కొంత సమయం పడుతుంది. ఈలోపు వాహనం కొంత ముందుకు వెళ్తుంది. వాహనం వేగం పెరిగినకొద్దీ నిలబడే దూరం పెరుగుతుంది. అందువల్ల ముందు వెళ్తున్న వాహనం నుంచి తగినంత దూరంలో ఉండాలి. రద్దీ రోడ్లపై వాహనాన్ని వేగంగా నడుపవద్దు. ముందు వెళ్లే వాహనం అకస్మాత్తుగా వేగం తగ్గించినా లేదా ఆగినా ప్రమాదం జరుగకుండా నివారించడానికి వాహనాల మధ్య కొంత దూరం పాటించాలి.వర్షం మొదలైన మొదటి అరగంట సమయంలో రోడ్డు మీద ఉన్న ఆయిల్, గ్రీస్, మట్టి వర్షం నీటితో కలిసి జారుడు ఉంటుంది. వాహనం చాలా నమ్మెదిగా నడపాలి.కల్వర్టులు, వంతెనలపై వర్షపు నీరు ప్రవహిస్తునప్పుడు వాహనాన్ని నిలిపివేతయాలి.తక్కువ లోతునీళ్లలో వాహనం నడిపేటప్పుడు లోడ్ గేర్ ఉపయోగించి ఇంజన్‌స్పీడ్ పెంచి రోడ్డుకు మధ్యలో వెళ్లాలి.
  
  రాత్రివేళల్లో డ్రైవింగ్..
  ఎదురుగా వాహనం వచ్చినప్పుడు హెడ్‌లైట్లు డిమ్ చేయాలి.ఓవర్‌టెక్ చేసేటప్పుడు హెడ్‌లైట్లు బ్రైట్, డిమ్ చేసి ముందు వాహన డ్రైవర్‌కు సంకేతం ఇవ్వాలి. హైవే రోడ్ల మీద వాహనం పార్క్ చేయరాదు.  చీకటి ప్రదేశంలో నిలిపిన, వెనుక భాగాన లైట్లు లేని వాహనాలను గమనించండి. ఒకే లైటు ఉన్న నాలుగు చక్రాల వాహనాలతో జాగ్రత్తగా ఉండాలి. వెనుక వచ్చే వాహనం ఓవర్‌టెక్ చేసేందుకు దారి ఇవ్వడానికి ఎడమ ఇండికేటర్ లైట్‌ను ఉపయోగించాలి. కుడిపక్క ఇండికేటర్ వాడరాదు.రోడ్డు మీద వాహనం నిలిపినప్పుడు పార్కింగ్ లైట్ వేయాలి. డ్రైవర్ ప్రతీ నాలుగు గంటలకు ఒకసారి వాహనం నిలిపి విశ్రాంతి తీసుకోవాలి.
  
  ద్విచక్ర వాహనదారులు..
  వాహనం వేగం తగ్గించడానికి లేదా ఆపడానికి ముందు, వెనుక బ్రేక్ ఒకేసారి సున్నితంగా ఉపయోగించాలి.    నూనె మరకలు, నీళ్లు, ఇసుక, బురద తదితర జారుడు స్వభావం ఉన్న రోడ్లపై వాహన వేగం తగ్గించాలి. ఇలాంటి రోడ్లపై బ్రేక్ వేస్తే జారి పడే అవకాశం ఉంటుంది.
  


 మణికొండ: గండిపేట్‌లో ఆదివారం బైక్‌రేసింగ్‌లకు పాల్పడుతూ పోలీసులకు చిక్కిన పాతబస్తీకి చెందిన 80 మంది యువకులు, వారి తల్లిదండ్రులకు నార్సింగ్‌లోని కేవీఎంఆర్ ఫంక్షన్‌హాల్‌లో కమిషనర్ ఆనంద్ ఆధ్వర్యంలో సోమవారం కౌన్సెలింగ్ నిర్వహించారు. ఈ సందర్భంగా కమిషనర్ మాట్లాడుతూ, మరోసారి రేసింగ్‌కు పాల్పడి పోలీసులకు దొరికితే జైలుకు పంపిస్తామని హెచ్చరించారు.   అతివేగంగా వాహనాలను నడపటం, రేసింగ్‌లకు పాల్పడటం వల్ల ప్రమాదాలు జరిగి మీ ప్రాణం పోగొట్టుకోవడమే కాకుండా కుటుంబసభ్యులకు తీరని దుఃఖాన్ని మిగులుస్తారన్నారు.  
 
 నగరం, సైబరాబాద్ కమిషనరేట్ల పరిధిలో ట్రాఫిక్ రూల్స్‌ను బ్రేక్ చేయటం కొందరికి ఫ్యాషన్‌గా మారిందని, తొమ్మిదిసార్లు తప్పించుకున్నా.. పదోసారి పోలీసులకు చిక్కక తప్పదన్నారు. అప్పుడు పడే బాధ గతంలో తప్పించుకున్నప్పటి సరదాకన్నా తీవ్రంగా ఉంటుందన్నారు.  నగరశివార్లలో ఇంజినీరింగ్ కళాశాలలు ఎక్కువగా ఉండటంతో పాటు పోలీసుల నిఘా తక్కువగా ఉం టుందని శివార్లలో బెట్టింగ్‌లకు పాల్పడుతున్నారని, ఇకముం దు అలాంటి వాటిపై పూర్తిస్థాయి నిఘా ఏర్పాటు చేస్తామని కమిషనర్ అన్నారు.  
 
 ఇకపై పోలీసులకు చిక్కిన వారికి మో టారు వాహన చట్టం, బెట్టింగ్‌లకు పాల్పడుతున్నందున గ్యా బ్లింగ్ చట్టం, అతివేగంగా వాహనాలు నడిపి ఇతరులకు ఇ బ్బంది కలిగిస్తున్నందున ట్రాఫిక్ చట్టాన్ని అమలు చేసి జైలుకు పంపిస్తామని ెహ చ్చరించారు. మైనర్లకు వాహనాలిచ్చే తల్లిదండ్రులపైనా కేసులు నమోదు చేస్తామన్నారు.  రేసర్లను పట్టుకున్నందుకు నార్సింగ్ సీఐ ఆనంద్‌రెడ్డి, రాజేంద్రనగర్ ఏసీపీ ముత్యంరెడ్డిలను ఆయన   ప్రత్యేకంగా అభినందించారు.  
  
 గతేడాది 1100 మంది మృతి: అవినాష్ మహంతి,ట్రాఫిక్ డీసీపీ
  
 సైబరాబాద్ పోలీస్ కమిషనరేట్ పరిధిలో గతేడాది రోడ్డు ప్రమాదాల్లో 1100 మంది చనిపోయారని కౌన్సెలింగ్‌లో పాల్గొన్న ట్రాఫిక్ డీసీపీ అవినాష్‌మహంతి తెలిపారు.   దేశవ్యాప్తంగా ప్రతీ సంవత్సరం 1.50 లక్షల మంది మృత్యువాత పడుతున్నారన్నారు. ప్రతి ఒక్కరూ ట్రాఫిక్ నియమాలను పాటిస్తేనే ప్రమాదాలను అరికట్టడం సాధ్యమన్నారు. ఎవరైనా రేసింగ్‌లలో పాల్గొని జైలుకెళ్తే వారి జీవితం వృథా అవుతుందన్నారు.  కార్యక్రమంలో శంషాబాద్ డీసీపీ రమేశ్‌నాయుడు,  రాజేంద్రనగర్ ఏసీపీ ముత్యంరెడ్డి, నార్సింగి సీఐ ఆనంద్‌రెడ్డిలతో పాటు నార్సింగ్ పోలీసులు పాల్గొన్నారు.
  
 జాగ్రత్త పడతాం: తల్లిదండ్రులు
  
 మాపిల్లలు బయట ఏం చేస్తున్నారనే విషయం ఇప్పటి వరకు తమకు తెలియదని, రాబోయే రోజుల్లో ఇలాంటి రేసింగ్‌లు, సంఘవ్యతిరేక కార్యకలాపాలకు పాల్పడకుండా చూసుకుంటామని యువకుల తల్లిదండ్రులు తెలిపారు.  మొదటిసారి తప్పు చేశారు...రంజాన్ పండగ ఉన్నందున వారందరినీ వదలివేయాలని వేడుకున్నారు. యువకులు సైతం ఇకముందు ఇలాంటి కార్యక్రమాల్లో పాల్గొనమని హామీ ఇచ్చారు.  దీంతో మరోసారి తప్పు చేయమని వారితో ప్రమాణం చేయించి వాహనాలతో పాటు వారిని పోలీసులు వదిలేశారు.
  
  వాట్స్‌ఆప్‌తో వర్తమానం
  ఆధునిక సాంకేతిక పరిజ్ఞానం వాడుకున్న రేసర్లు
  
  రాజేంద్రనగర్: ఆధునిక సాంకేతిక పరిజ్ఞానాన్ని వాడుకొని బైక్‌రేసర్లు గత రెండు నెలలుగా తమ కార్యకలాపాలు గుట్టుచప్పుడు కాకుండా కొనసాగించారు. ఎట్టకేలకు నార్సింగ్ పోలీసులకు చిక్కిన ఈ రేసర్లు వినియోగిస్తున్న సాంకేతిక పరిజ్ఞానం చూసి పోలీసులే అవాక్కయ్యారు. వాట్స్‌ఆప్, ఫేస్‌బుక్, యూట్యూబ్‌ల ద్వారా రేసింగ్‌లకు పాల్పడటంతో పాటు బెట్టింగ్స్ కూడా నిర్వహిస్తూ ఆశ్చర్యానికి గురి చేశారు. 12 ఏళ్ల బాలుడు సైతం ఈ రేసింగ్స్‌లో పాల్గొని తన సత్తా చాటడం పోలీసులను విస్మయానికి గురిచేసింది. సైకిల్‌ను సైతం లేపలేని వయస్సులో బైక్‌ను సునాయాసంగా గాల్లోకి లేపుతూ విన్యాసాలు చేయడం ఔరా అనిపించింది. పోలీసులకు పట్టుబడ్డ 80 మందిలో 15 ఏళ్ల వయస్సులోపు వారే పదుల సంఖ్యలో ఉండటం గమనార్హం. ఈ సందర్భంగా రేసర్‌లను ‘న్యూస్‌లైన్’ ఆరా తీయగా వారు పలు ఆసక్తికర విషయాలు వెల్లడించారు.
 
 ఫేస్‌బుక్, యూట్యూబ్, వాట్స్‌ఆప్‌లలో...
 
 బైక్‌రేసర్‌లు సాంకేతిక పరిజ్ఞానాన్ని బాగా వినియోగిస్తున్నారు. ఫేస్‌బుక్‌లలో చాటింగ్‌లు, యూట్యూబ్‌లలో తాము చేసిన విన్యాసాలను అప్‌లోడ్ చేస్తున్నారు.  అలాగే ప్రతి ఆదివారం ఎక్కడ? ఎన్ని గంటలకు కలవాలి తదితర విషయాలను ఒక్క రోజు ముందు వాట్స్‌ఆప్‌లో షేర్ చేసుకుంటున్నారు.  ఈ విధంగా రేసింగ్ విషయం తమ వారికి తప్ప మరెవ్వరికీ తెలియకుండా జాగ్రత్త పడుతున్నారు.
 
 మొదట ఇద్దరు యువకులు....
  
 ప్రతి ఆదివారం యువకులంతా బైక్‌రేసింగ్‌కు నిర్మానుష్యంగా ఉండే ప్రాంతాన్ని ఎంచుకుంటున్నారు. ఇద్దరు యువకులు ముందుగా ఆ ప్రాంతానికి వెళ్తారు. అక్కడి పరిస్థితులను అధ్యయనం చేసి వెంటనే వాట్స్‌ఆప్ ద్వారా తమ గ్రూపు సభ్యులకు వచ్చేయమని మెసేజ్ పంపుతారు. నిమిషాల వ్యవధిలో గ్రూప్ సభ్యులంతా చేరుకొని బైక్‌రేసింగ్‌లకు పాల్పడుతున్నారు.
  


 ట్రాఫిక్ నిబంధనలను కచ్చితంగా అమలు చేద్దామని ప్రయత్నించినందుకు ఓ కానిస్టేబుల్ ప్రాణాలు పోయాయి!! ఈ దారుణ సంఘటన ఢిల్లీలో జరిగింది. పశ్చిమ ఢిల్లీలోని జకీరా ఫ్లైఓవర్ దగ్గర నో ఎంట్రీ జోన్ లోకి ప్రవేశిస్తున్న కారును అడ్డుకునేందుకు కానిస్టేబుల్ మానా రామ్ వెళ్లగా, సదరు కారు డ్రైవర్ అతడిని 150 మీటర్ల పాటు ఈడ్చుకెళ్లడమే కాదు.. చివరకు కారు చక్రాల కింద తొక్కించి అతడి మృతికి కారణమయ్యాడు. మానా రామ్కు భార్య, చెల్లెలు, రెండున్నరేళ్ల బిడ్డ ఉన్నారు. 2009  నుంచి ఇప్పటివరకు ఢిల్లీ రోడ్ల మీద మరణించిన ట్రాఫిక్ పోలీసులలో అతడు తొమ్మిదో వాడు.
 
 ఆ కారు నో ఎంట్రీలోకి వెళ్తుండగా మానారామ్ ధైర్యంగా దాని బోనెట్ మీదకు దూకి ఆపేందుకు ప్రయత్నించాడు. కారు డ్రైవర్ అతడిని పడేసేందుకు కారును అటూ ఇటూ తిప్పుతూ ముందుకెళ్లాడు. 150 మీటర్లు అలాగే తీసుకెళ్లిన తర్వాత.. అతడిమీదనుంచి కారు పోనిచ్చాడు. తర్వాత కారుతో సహా పారిపోయిన ఆ డ్రైవర్ రమణ్ కాంత్ను పోలీసులు అరెస్టు చేశారు.


 ఈమధ్య మా పోలీస్ బావను కొత్తగా ట్రాఫిక్ విభాగానికి మార్చారు. అప్పట్నుంచీ... ఎవరు కనిపించినా ట్రాఫిక్ రూల్స్ గురించి గంభీరంగా ఉపన్యాసాలు ఇస్తున్నాడు. పైగా ట్రాఫిక్ నిబంధనలను పాటించాల్సిన అవసరాలను మన పూర్వీకులంతా ప్రాచీన బాల సాహిత్య గాథల్లో పొందుపరిచారంటూ ఉద్బోధిస్తున్నాడు. ఆయన చెప్పిన కథల్లో మచ్చుకు కొన్ని...
     
  అప్పట్లో ఓ కుందేలూ, తాబేలూ పరుగుపందెం వేసుకున్నాయట. కుందేలు  వేగంగా పరుగులు పెట్టిందట. తాబేలు  వెనకబడి ఉండటం చూసి కాసేపు విశ్రాంతి తీసుకుందామని అనుకుందట. చెట్టుకింద అలా నిద్రలోకి జారిపోయిందట. ఈలోపు తాబేలు మెల్లిమెల్లిగా  గమ్యాన్ని చేరుకుని విజయం సాధించిందట. అవతలివారిని తక్కువగా అంచనా వేయకూడదన్న నీతి మనందరికీ తెలిసిందే కదా. కానీ ఈ కథకు మా బావ చెప్పే భాష్యం వేరే ఉంది. నిజానికి కుందేలు దూకుడుగా పరుగులు తీసిన మాట వాస్తవమే గానీ... వేగం ఎక్కువై దాని తలకు దెబ్బ తగిలిందట. చాలాసేపు స్పృహ కోల్పోయిందట. కానీ తాబేలు తన నేచురల్ డిప్పనే హెల్మెట్‌గా ధరించి ఉండటంవల్లనూ, నిదానమే ప్రధానమని గ్రహించడం వల్లనూ రేసు గెలిచిందన్నది మా బావ ఉవాచ.
     
  మరో కథ...
  అప్పట్లో ఓ చెరువు దగ్గర ఓ తాబేలూ, రెండు హంసలూ చాలా స్నేహంగా ఉండేవట. క్రమంగా చెరువు ఎండిపోతుండటంతో హంసలు రెండూ దూరంగా ఉన్న మరో సరస్సుకు వలసపోదామని నిర్ణయించుకున్నాయట. తానూ వస్తానందట తాబేలు. తాబేలును తమతో తీసుకెళ్లడం ఎలా అని సందేహించిన హంసలు ఓ ప్లానేశాయట. హంసలు రెండూ ఓ కర్రను రెండు చివరలా కరచి పట్టుకున్నాయట. కర్ర మధ్య భాగాన్ని తాబేలు కరచిపట్టుకుందట. ఇలా ఆ మూడూ సమీపంలోని సరస్సుకు ఎగిరి వెళ్తున్న సమయంలో ఓ ఊళ్లోని ప్రజలంతా ఈ దృశ్యాన్ని ఆశ్చర్యంగా చూస్తున్నారట. ఎందుకు గుమిగూడారంటూ అడగడానికి నోరు తెరచిన తాబేలు కిందపడిందట. ఈ కథ ఇంతవరకూ చెప్పి... ఎప్పుడూ ఎవరూ వినని ట్రాఫిక్ నీతుల్ని వివరించాడు మా పోలీస్ బావ.
  
  మొదటి మాట... తాబేలు కర్రను కరచి పట్టుకోవడం అంటే... ఇప్పుడు మనం కార్ సీటును కరచిపట్టుకుని ఉండేలా సీటుబెల్టు పెట్టుకోవడం లాంటిదట. ఏదో అడగడానికి తాబేలు నోరు తెరచింది. అంటే అది తన సహజ సీట్‌బెల్టును విప్పేయడంతో సమానమట. అందుకే ఈ ప్రమాదం జరిగిందట.  పనిలో పనిగా మరో మాటా చెప్పాడు. రెండు హంసలూ, ఒక తాబేలూ కలిసి ఇలా ప్రయాణం చేయడం త్రిబుల్ రైడింగ్‌తో సమానమట. కాబట్టి త్రిబుల్స్ వెళ్లడం పరమ డేంజర్ అని కూడా ఈ కథ నుంచి అన్యాపదేశంగా గ్రహించవచ్చన్నది ఈ కథలోని ఉపనీతి అట. అసలు నీతితో పాటు ఈ బైప్రాడక్ట్ నీతినీ బైపాస్ చేయకూడదన్నది మా బావ ‘ఉప’దేశం.
  
   ఇంకో కథ...
  ఒక రోజున కొందరు పనివారు ఓ కొయ్యదుంగను చీల్చుతున్నారట. ఇంతలో భోజనాల వేళ అయ్యిందట. చీల్చిన దుంగలు కలిసిపోకుండా ఉండటానికి ఈ రెండు  దుంగల మధ్యన ఒక ఉలిని పిడిలా అమర్చి వెళ్లారట ఆ పనివాళ్లు. ఈలోపు ఒక కొంటె కోతి వచ్చి చీల్చిన దుంగల మధ్యన తన తోకను వేలాడుతుండేలా ఉంచి, పిడిలా అడ్డం పెట్టిన ఉలిని లాగేసిందట. దాంతో చీల్చిన దుంగులు రెండూ దగ్గరగా కలిసిపోయి, వాటి మధ్యన తన తోక నలిగిపోవడంతో కోతికి ఎంతో నొప్పెట్టిందట.  ఇందులోంచి మా బావ వెలికితీసిన నీతి ఏమిటంటే... రెండు దుంగల మధ్యన తోకను వేలాడేలా ఉంచడం అంటే రోడ్డు నడిమధ్యన నిర్లక్ష్యంగా నడవడం  లాంటిదట. ఒకవేళ కోతేగానీ తోకను నేరుగా దుంగల మధ్యన కాకుండా... ఏ ఎడమ పక్కగానో ఉంచి ఉంటే, తోక  గాయపడకుండా ఉండేదట. ఎవరైనా తమ తలాతోకా వంటి శరీర భాగాలను రోడ్డుకు ఎడమపక్కనే ఉండేలా జాగ్రత్తపడాలట.
     
  ఈమధ్య వీలైనంతవరకు మేమంతా మా బావకు దొరకకుండా జాగ్రత్త పడుతున్నాం. పైగా మేమంతా తప్పనిసరిగా హెల్మెట్ ధరించాలని నిర్ణయించుకున్నాం. అయితే ఈ హెల్మెట్ ధారణ మా బావ ఉపదేశాల మూలంగా మాకు జ్ఞానోదయం కలగడం వల్ల మాత్రం కాదు. ఆయన మమ్మల్ని గుర్తుపట్టకుండా తప్పించుకోవడం కోసం! ఈ విషయమూ మా బావకూ తెలిసిపోయింది. కారణం ఏదైతేనేం... ఇన్‌డెరైక్ట్ రీజన్స్ వల్లనైనా తన ఉపదేశాలను పాటిస్తున్నందుకు ఆనందించాడాయన.
  - యాసీన్


 కడప అర్బన్, న్యూస్‌లైన్ : ప్రజలు ట్రాఫిక్ నిబంధనలు పాటించేలా అల వాటు చేస్తామని ఎస్పీ అశోక్‌కుమార్ ధీమా వ్యక్తంచేశారు. బుధవారం సాయంత్రం కడప ట్రాఫిక్ పోలీస్‌స్టేషన్‌ను ఎస్పీ ఆకస్మికంగా తనిఖీ చేశారు. ఈ సందర్భంగా ఎస్పీ విలేకరులతో మాట్లాడుతూ కార్పొరేషన్, ఆర్‌అండ్‌బీ, ఆర్టీఏ అధికారులతో తాము సమావేశమై ట్రాఫిక్‌కు ఇబ్బంది కలిగించే అంశాలన్నింటిపై చర్చలు జరిపామన్నారు.
  
  రాబోయే ఆరు నెలల్లో కడపతోపాటు ప్రొద్దుటూరు, రాజంపేట, రాయచోటి, పులివెందుల, జమ్మలమడుగు పట్టణాల్లో ట్రాఫిక్‌ను క్రమబద్ధీకరిస్తామన్నారు. ప్రొద్దుటూరు మున్సిపాలిటీ వారు కూడళ్లలో సిగ్నల్స్ ఏర్పాటు చేయడంతోపాటు సీసీ టీవీలను కూడా ఏర్పాటు చేసేందుకు ముందుకొచ్చారన్నారు. అలాగే కడపలో కూడా సీసీ టీవీలు పెట్టాలని ప్రతిపాదనలు పంపించామన్నారు. కార్యక్రమంలో ట్రాఫిక్ సీఐ యు.సదాశివయ్య, వన్‌టౌన్ సీఐ మహబూబ్‌బాష, అర్బన్ సీఐ శ్రీనివాసులు, రూరల్ సీఐ రాజగోపాల్‌రెడ్డి, ట్రాఫిక్ సిబ్బంది పాల్గొన్నారు.
  


 లాహోర్: పాకిస్థాన్ క్రికెట్ జట్టు మాజీ కెప్టెన్ వసీం అక్రమ్కు జరిమానా విధించారు. క్రికెట్లో స్లో ఓవరేట్ తదితర కారణాలతో జరిమానాలు వేయడం మామూలే. అయితే క్రికెట్ నుంచి రిటైరయిన అక్రమ్కు జరిమానా విధించింది లాహోర్ పోలీసులు. అక్రమ్ ట్రాఫిక్ నిబంధనల్ని ఉల్లంఘించడంతో 500 రూపాయిలు జరిమానా వేసినట్టు ట్రాఫిక్ పోలీసులు చెప్పారు.
 
 లాహోర్ నగరంలో పంజాబ్ యూనివర్సిటీ క్యాంపస్ సమీపంలో పరిమితికి మించిన వేగంతో అక్రమ్ కారు దూసుకెళ్లింది. అక్కడ 60 కిలో మీటర్లకు మించి వెళ్లకూడదనే నిబంధన ఉండగా, 78 కిలోమీటర్ల వేగంతో వెళ్లాడు. ట్రాఫిక్ పోలీసులు అక్రమ్ కారును ఆపి జరిమానా వేశారు. పాక్ మాజీ కెప్టెన్ మారు మాట్లాడకుండా జరిమానా చెల్లించి వెళ్లిపోయాడు. ఇదిలావుండగా ఇటీవల లాహోర్లోనే పాక్ టెస్టు బ్యాట్స్మన్ ఉమర్ అక్మల్ ట్రాఫిక్ నిబంధనలు ఉల్లంఘించడమే గాక పోలీసు అధికారిపై దాడికి దిగాడు. పోలీసులు అతగాడిపై మూడు సెక్షన్ల కింది కేసు నమోదు చేసి అరెస్ట్ చేశారు. అనంతరం అక్మల్ బెయిల్పై విడుదలయ్యాడు.


 గుమ్మడిపూండి, న్యూస్‌లైన్: ట్రాఫిక్ నిబంధనలు పాటించి ప్రాణాలు కాపాడుకోవాలని పొన్నేరి డీఎస్పీ ఉషారాణి సూచించారు. పొన్నేరి పోలీసుల ఆధ్వర్యంలో శుక్రవారం ట్రాఫిక్ నిబంధనలపై కరపత్రాలను పంపిణీ  చేశారు. ఈ కార్యక్రమాన్ని ఆమె ప్రారంభించారు. ఈ సందర్భంగా ఆమె మాట్లాడుతూ ప్రస్తుత మోటార్ వాహనాల వాడకం పెరిగిందని,  అతివేగం, ట్రాఫిక్ నిబంధనల ఉల్లంఘనలు ప్రమాదాలకు ప్రధాన కారణమన్నారు. 
  
  అందుకే ట్రాఫిక్ నిబంధనలపై అవగాహన కల్పించేందుకు ఈ వారోత్సవాలను నిర్వహిస్తున్నామన్నారు. చిన్న వయస్సు పిల్లలు సైతం మోటార్ సైకిల్స్ నడుపుతూ ఎలాంటి ట్రాఫిక్ నిబంధనలు తెలియక ప్రమాదాల బారిన పడుతున్నారని చెప్పారు. ప్రతి ఒక్కరూ ట్రాఫిక్ నిబంధనలు తెలుసుకొంటే ప్రమాదాలను నివారించవచ్చునని తెలిపారు. 
  
    అనంతరం పొన్నేరి అంబేద్కర్ సెంటర్, బస్టాండ్ సెంటర్, పళవేర్కాడు, బస్టాండ్, అన్నా విగ్రహం సెంటర్, రైల్వేస్టేషన్ రోడ్డుల్లో పోలీసులు కరపత్రాలను పంచారు. అలాగే షాపులు, హోటల్స్, అంగళ్లవద్ద కరపత్రాలు ప్రజలకు ఇచ్చి ట్రాఫిక్ నిబంధనలను వివరించారు.  ఈకార్యక్రమంలో పొన్నేరి సిఐ రమేష్‌కుమార్, ఎస్‌ఐ రాజేంద్రన్‌తో పాటు పలువురు పోలీసు అధికారులు పాల్గొన్నారు.