నాంపల్లి: చిరునవ్వుల అరుణవ్‌ ఊపిరాగింది. ఇరు కుటుంబాల ఆశల కిరణం ఆరిపోయింది. లిఫ్టులో ఇరుక్కుని చావుబతుకుల నడుమ కొట్టుమిట్టాడుతూ నిలోఫర్‌ ఆస్పత్రిలో చికిత్స పొందుతున్న ఆరేళ్ల బాలుడు అరుణవ్‌ శనివారం ఉదయం 11.30 గంటల సమయంలో మృతి చెందాడు. అరుణవ్‌ను బతికించడానికి నిలోఫర్‌ వైద్యులు శత విధాలా ప్రయతి్నంచినా ఫలితం దక్కలేదు. మెదడుకు ఆక్సిజన్‌ సరఫరా నిలిచిపోవడంతో బాలుడు మృతి చెందినట్లు నిలోఫర్‌ ఆస్పత్రి సూపరింటెండెంట్‌ డాక్టర్‌ ఎన్‌.రవికుమార్‌ ప్రకటించారు. బాలుడి మృతదేహాన్ని పోస్టుమార్టం నిమిత్తం ఉస్మానియా మార్చురీకి తరలించి బంధువులకు అప్పగించారు. ఎంతో అల్లారుముద్దుగా పెంచుకుంటున్న ఒక్కగానొక్క కుమారుడు ఆరేళ్లకే కన్నుమూయడంతో అజయ్‌కుమార్‌ దంపతులు కన్నీరుమున్నీరుగా విలపిస్తున్నారు. కుటుంబ సభ్యులు శోక సంద్రంలో మునిగిపోయారు. అత్తను చూసేందుకు వచ్చి.. గోడేఖీ ఖబర్‌ ప్రాంతానికి చెందిన అజయ్‌కుమార్‌ దంపతులకు ఒకే ఒక సంతానం. మగ పిల్లాడు పుట్టడంతో ఎంతో అల్లారు ముద్దుగా పెంచుకున్నారు. అజయ్‌కుమార్‌ సోదరి, అరుణవ్‌ మేనత్త జయశ్రీ అలియాస్‌ ఆయేషా శాంతినగర్‌లో నివాసం ఉంటున్న ఇమ్రాన్‌తో ప్రేమ వివాహం చేసుకున్నారు. సోదరి ప్రేమ వివాహం చేసుకోవడంతో చాలా రోజులు అజయ్‌కుమార్‌ కుటుంబం జయశ్రీ అలియాస్‌ ఆయేషాతో దూరంగా ఉంటోంది. ఆయేషాకు ఇటీవల తన పుట్టింటితో బంధం మళ్లీ చిగురించింది. మాట్లాడుకోవడాలు, వచి్చపోవడాలు జరుగుతున్నాయి. ఇందులో భాగంగానే బాలుడు అరుణవ్‌ శుక్రవారం తన తాతయ్యతో కలిసి శాంతినగర్‌లోని మేనత్త ఇంటికి వచ్చి లిఫ్టులో ఇరుక్కుపోయాడు. అపస్మారక స్థితిలో ఆస్పత్రిలో చికిత్స పొందుతూ శనివారం ఉదయం తుదిశ్వాస విడిచాడు. రెండు కుటుంబాల మధ్య చిగురించిన బంధంలో బాలుడి మరణం విషాదాన్ని నింపింది.

సాక్షి, హైదరాబాద్: మాసబ్‌ట్యాంక్‌ శాంతినగర్‌లోని ఓ అపార్ట్‌మెంట్‌లో లిఫ్ట్‌లో ఇరుక్కున్న బాలుడు ఆర్నవ్‌ (6) పరిస్థితి విషమంగా ఉన్నట్లు సమాచారం. నీలోఫర్‌ వైద్యులు బాలుడిని ఐసీయూలో ఉంచి చికిత్సనందిస్తున్నారు.పోలీసులు వివరాల మేరకు.. శుక్రవారం మాసబ్‌ ట్యాంక్‌కు చెందిన ఓ అపార్ట్‌మెంట్‌ లిఫ్ట్‌లో అర్నవ్‌ ఇరుక్కుపోయాడు. మూడో ఫ్లోర్‌ నుంచి కిందకు దిగే క్రమంలో లిఫ్ట్‌ ఆగిపోయింది. దీంతో లిఫ్ట్‌- స్లాబ్‌ల మధ్య ఇరుక్కున్న బాలుడు కేకలు వేశాడు. కేకలు విన్న అపార్ట్‌మెంట్‌ వాసులు పోలీసులకు సమాచారం అందించారు. అగ్నిమాపక, డీఆర్‌ఎఫ్‌ సిబ్బంది సైతం ఘటనా స్థలికి చేరుకున్నారు. లిఫ్ట్‌-స్లాబ్‌ల మధ్య ఇరుక్కున్న బాలుడిని నాలుగు గంటల పాటు శ్రమించి వెల్డింగ్‌ మిషన్‌ల సాయంతో లిఫ్ట్‌ డోర్‌లు తొలగించి బయటకు తీశారు. అనంతరం, అత్యవసర చికిత్స నిమిత్తం నీలోఫర్‌ ఆస్పత్రికి తరలించారు. ప్రస్తుతం, బాలుడి పరిస్థితి విషమంగా ఉందని, వెంటిలేటర్‌పై ఉంచి చికిత్స అందిస్తున్నట్లు నీలోఫర్‌ వైద్యులు తెలిపారు.

కొండ్ర ప్రాంత వాగుల్లో ఎత్తయిన ప్రాంతం నుంచి వాలుకు ఉరకలెత్తుతూ ప్రవహించే సెలయేళ్లు సందర్శకులకు కనువిందు చేస్తూ మనోల్లాసం కలిగిస్తుంటాయి. అయితే, ఆయా కొండల్లో వ్యవసాయమే జీవనాధారంగా బతికే రైతులకు మాత్రం ఈ సెలయేళ్లలో నీరు ఏ మాత్రం ఉపయోగపడదు. పొలాలు ఎత్తులో ఉండటమే కారణం. విద్యుత్‌ మోటార్లతో వాగుల్లో నిటిని రైతులు తోడుకోవచ్చు. అయితే, చాలా కొండ ప్రాంతాల్లో విద్యుత్‌ సదుపాయం ఉండదు. డీజిల్‌ ఇంజన్లు పెట్టుకునే స్థోమత రెక్కాడితే గాని డొక్కడని అక్కడి చిన్న, సన్నకారు రైతులకు అసలే ఉండదు. కళ్ల ముందు నీరున్నా ఆ పక్కనే కొద్ది ఎత్తులో ఉన్న తమ పొలాల్లో పంటలకు పెట్టుకోలేని అశక్తత ఆ రైతుల పేదరికాన్ని పరిహసిస్తూ ఉంటుంది. ఏజన్సీవాసులకు శాశ్వతంగా మేలు జరిగేలా వాగుల్లో పారే నీటిని విద్యుత్తు అవసరం లేకుండా ఎత్తిపోసేందుకు తన శక్తిమేరకు ఏదైనా ఉపాయం ఆలోచించాలని గ్రామీణ ఆవిష్కర్త పంపన శ్రీనివాస్‌(47) లక్ష్యంగా పెట్టుకున్నారు. కాకినాడ జిల్లా కైకవోలు ఆయన స్వగ్రామం. చదివింది ఐటిఐ మాత్రమే అయినా, లక్ష్యసాధన కోసం అనేక ఏళ్ల పాటు అనేక ప్రయోగాలు చేస్తూ చివరికి విజయం సాధించారు. వాగుల్లో నుంచి నీటిని విద్యుత్‌ లేకుండా పరిసర పొలాల్లోకి ఎత్తిపోయటంలో ఆయన సాధించిన విజయాలు రెండు: 1. పాతకాలపు ర్యాం పంపు సాంకేతికతను మెరుగుపరచి వాగుల్లో ర్యాం పంపులను ఏర్పాటు చేయటం. 2. హైడ్రో లిఫ్ట్‌ అనే కొత్త యంత్రాన్ని ఆవిష్కరించటం.హైడ్రో లిఫ్ట్‌ ఆవిష్కరణవాగులో 4–5 అడుగుల ఎత్తు నుంచి చెంగు చెంగున కిందికి దూకే నీటిని ఒడిసిపట్టి పరిసర పంట పొలాల్లోకి ఎత్తి΄ోసే ‘హైడ్రో లిఫ్ట్‌’ అనే వినూత్న యంత్రాన్ని శ్రీనివాస్‌ సొంత ఆలోచనతో, సొంత ఖర్చుతో ఆవిష్కరించారు. ఈ గ్రామీణ ఆవిష్కర్త రూపొందించిన చిన్న నమూనా ప్రొటోటైప్‌) యంత్రాన్ని ఉమ్మడి తూ.గో. జిల్లా దివిలికి సమీపంలోని ముక్కోలు చెక్‌డ్యామ్‌ వద్ద విజయవంతంగా ట్రయల్‌ రన్‌ నిర్వహించారు. దీని పనితీరును నిపుణులు ప్రశంసించారు. ఇది మూడు అడుగుల పొడవు, ఒక డయామీటర్‌తో ఉంది. దీని చుట్టూతా అంగుళం బ్లేడ్లు వాలుగా అమర్చి వుంటాయి. నీటి ఉధృతికి లేదా వరదకు దుంగలు, రాళ్లు కొట్టుకొచ్చినా కదిలి΄ోకుండా ఉండేలా ఇనుప చట్రంలో ఈ చక్రాన్ని అమర్చారు. హైడ్రో లిఫ్ట్‌తో కూడిన ఈ చట్రాన్ని చెక్‌డ్యామ్‌ కింది భాగాన ఏర్పాటు చేశారు. సెకనుకు 20 లీటర్ల చొప్పున ఈ చక్రంపై పడేలా నీటి ప్రవాహం ఉంటే సెకనుకు 1 లీటరు నీటిని పొలంలోకి ఎత్తి΄ోయటానికి వీలవుతుందని శ్రీనివాస్‌ తెలి΄ారు. నీటి ప్రవాహ వేగం తక్కువగా వున్నా నిమిషానికి 40 సార్లు (ఆర్‌పిఎం) ఇది శక్తివంతంగా తిరుగుతోంది. ఈ బాక్స్‌ షాఫ్ట్‌నకు అమర్చిన పిస్టన్‌ 300 ఆర్‌పిఎంతో నడుస్తుంది. చిన్న హైడ్రో లిఫ్ట్‌తో ఎకరానికి నీరునిమిషానికి 60 లీటర్ల నీటిని వాగులో నుంచి 20 అడుగుల ఎత్తుకు (40 అడుగుల ఎత్తుకైతే నిమిషానికి 40 లీటర్లు) తోడే శక్తి ఈ ప్రోటోటైప్‌ హైడ్రో లిఫ్ట్‌కు ఉంది. ఈ నీరు పారగడితే ఎకరంలో కూరగాయల సాగుకు సరిపోతుందని, డ్రిప్‌ ఏర్పాటు చేసుకుంటే ఎకరానికి సరిపోతుందని శ్రీనివాస్‌ తెలిపారు. దీని తయారీకి రూ. 35 వేలు ఖర్చవుతుందని, వాగులో ఇన్‌స్టాల్‌ చేయటానికి అదనంగా ఖర్చవుతుందన్నారు. వాగు నీటి ఉధృతిని బట్టి, అధిక విస్తీర్ణంలో సాగు భూమి నీటి అవసరాలను బట్టి హైడ్రో లిఫ్ట్‌ పొడవు 9–16 అడుగుల పొడవు, 2–4 అడుగుల డయామీటర్‌ సైజులో తయారు చేసుకుంటే అధిక పరిమాణంలో నీటిని ఎత్తిపోయవచ్చునని శ్రీనివాస్‌ వివరించారు. గత అక్టోబర్‌లో ఉమ్మడి తూర్పుగోదావరి జిల్లాలో శోధాయాత్రలో భాగంగా పల్లెసృజన అధ్యక్షులు పోగుల గణేశం బృందం ఈ హైడ్రో లిఫ్ట్‌ పనితీరును పరిశీలించి మెచ్చుకున్నారన్నారు. పల్లెసృజన తోడ్పాటుతో పేటెంట్‌ కోసం దరఖాస్తు చేయబోతున్నాన్నారు. ప్రభుత్వం ఆర్థిక తోడ్పాటునందించి పెద్ద హైడ్రో లిఫ్టులను తయారు చేసి పెడితే కొండ ప్రాంతవాసుల సాగు నీటి కష్టాలు కొంతైనా తీరుతాయి. ర్యాం పంపుతో పదెకరాలకు నీరుఎత్తు నుంచి లోతట్టు ప్రాంతాలకు పారే వాగు నీటిని ఒడిసిపట్టే ర్యాం పంపు సాంకేతికత ఇప్పటికే అందుబాటులో ఉంది. ఏజన్సీవాసుల నీటి కష్టాలు తీర్చేందుకు విద్యుత్‌ అవసరం లేకుండా పనిచేసే ఈ ర్యాం పంపును మెరుగైన రీతిలో వినియోగంపై శ్రీనివాస్‌ తొలుత కృషి చేశారు. వివిధ సంస్థల తోడ్పాటుతో కొన్ని చోట్ల ర్యాం పంపులు ఏర్పాటు చేశారు. అయితే, ర్యాం పంపు సాంకేతికతకు ఉన్న పరిమితులు కూడా ఎక్కువేనని శ్రీనివాస్‌ గ్రహించారు. ర్యాం పంపు అమర్చాలి అంటే.. వాగులో 4 నుండి 6 అడుగుల ఎత్తు నుంచి నీరు కిందికి పారే చిన్నసైజు జలపాతం ఉండాలి. ఆ నీటిని ప్రవాహానికి ఎదురుగా పొడవాటి ఇనుప గొట్టాన్ని అమర్చి, ఆ గొట్టం ద్వారా ఒడిసిపట్టిన నీటిని పిస్టన్ల ద్వారా ఎత్తిపోసేందుకు ఏర్పాట్లు చేస్తారు. ఒక్కో ర్యాం పంపు బెడ్‌పైన రెండు పిస్టన్లు అమర్చుతారు. ఒక పిస్టన్‌ను కాలితో లేదా చేతితో రెండు మూడు సార్లు కిందికి నొక్కితే చాలా ఇక వాటంతట అవే రెండు పిస్టన్లు ఒకదాని తర్వాత మరొకటి, పైకి కిందకు లేచి పడుతూ ఉంటాయి. అలా పిస్టన్లు పనిచేయటం వల్ల నీరు వత్తిడి ద్వారా పక్కనే ఏర్పాటు చేసిన ఒక నాన్‌ రిటర్న్‌ వాల్వ్‌కు అమర్చిన పైపు ద్వారా పంట పొలాలకు నీరు ఎత్తి΄ోస్తారు. రెండున్నర అంగుళాల పైపు ద్వారా నీరు వెళ్తుంది. ర్యాం పంపు నెలకొల్పడానికి రూ. 2.5–3.5 లక్షలు ఖర్చవుతుంది. ఒకసారి పెట్టుబడి పెడితే రోజుకు కనీసం 10 ఎకరాలకు నీటిని పారించవచ్చు. విద్యుత్తు అవసరం లేదు. పిస్టన్లకు ఆయిల్‌ సీల్స్‌ లాంటి విడి భాగాలు ఏవీ ఉండవు కాబట్టి, నిర్వహణ ఖర్చేమీ ఉండదు. ర్యాం పంప్‌ల తయారీకి సెంటర్‌ ఫర్‌ డెవలప్‌మెంట్‌ రీసెర్చ్‌ (సీడీఆర్‌), టాటా ట్రస్టు విసిఎఫ్, సిసిఎల్‌ తదితర సంస్థలు ఆర్థిక సహాయాన్నందించాయి. ర్యాం పంపుల పరిమితులు అయితే, కనీసం 8–10 అడుగుల ఎత్తు నుంచి కిందికి నీరు పారే చోట్ల మాత్రమే ర్యాం పంపును నిర్మించగలం. ఇందుకు అనుకూలమైన చోట్లు చాలా తక్కువే ఉంటాయి. దీన్ని నెలకొల్పడానికి సిమెంటు కాంక్రీటుతో పునాదిని నిర్మించాలి. బండ రాళ్లు అనువైన రీతిలో ఉంటేనే సివిల్‌ వర్క్‌ చేయడానికి అనుకూలం. అందువల్ల కాంక్రీట్‌ వర్క్‌ కొన్నిచోట్ల విఫలమవుతూ ఉంటుంది. ర్యాం పంపులకు ఉన్న ఈ పరిమితుల దృష్ట్యా తక్కువ ఎత్తు నుంచి నీరు పారే చోట్ల నుంచి నీటిని ఎత్తిపోసే కొత్త యంత్రాన్ని తయారు చేస్తే ఎక్కువ భూములకు సాగు నీరందించవచ్చన్న ఆలోచన శ్రీనివాస్‌ మదిలో మెదిలింది. అలా పుట్టిన ఆవిష్కరణే ‘హైడ్రో లిఫ్ట్‌’. ఇటు పొలాలకు నీరు.. అటు ఇళ్లకు విద్యుత్తు!రంపచోడవరం, చింతూరు, పాడేరు ఐటిడిఏల పరిధిలో కొండలపై నుంచి వాగులు, వంకలు నిత్యం ప్రవహిస్తున్నాయి. వాగు నీటి ప్రవాహ శక్తిని బట్టి వాగు ఇరువైపులా ఉన్నటు భూమి ఎత్తు, స్వభావాన్ని బట్టి తగినంత రూ. 15–20 లక్షల ఖర్చుతో 9–16 అడుగుల వరకు పొడవైన హైడ్రో లిఫ్ట్‌ను ఏర్పాటు చేసుకోవచ్చు. దీని ద్వారా 6 అంగుళాల పంపుతో విద్యుత్‌ లేకుండానే వాగు ఇరువైపులా 50 నుంచి 100 ఎకరాల భూమికి సాగు నీరు అందించవచ్చు. అంతేకాకుండా, ఒక్కో వాటర్‌ వీల్‌ ద్వారా 15 కెవి విద్యుత్‌ను తయారు చేసి సుమారు 20–30 కుటుంబాలకు అందించవచ్చు. ప్రభుత్వ గ్రామీణాభివృద్ధి, సైన్స్‌ అండ్‌ టెక్నాలజీ, గిరిజనాభివృద్ధి శాఖలు, స్వచ్ఛంద సేవా సంస్థలు హైడ్రో లిఫ్ట్‌ పద్ధతిని ప్రోత్సహిస్తే నా వంతు కృషి చేస్తా. – పంపన శ్రీనివాస్‌ (79895 99512), గ్రామీణ ఆవిష్కర్త, కైకవోలు, పెదపూడి మండలం, కాకినాడ జిల్లా – లక్కింశెట్టి శ్రీనివాసరావు, సాక్షి, ప్రతినిధి కాకినాడ

‘పిల్లలు స్కూల్‌ను నడుచుకుంటూ వెళ్లి... పరిగెత్తుకుంటూ ఇంటికొస్తారు’ అని ΄త రోజుల్లో అనుకునేవారు. ఇప్పుడు చాలామంది పిల్లలు నడవడం లేరు. బస్, ఆటో, వ్యాన్‌ వస్తుంది. లేదా నాన్నో, అమ్మో, ఇంటి కారో దింపుతుంది. మళ్లీ పికప్‌ చేసుకుంటుంది. అయితే ఇలా కాకుండా చాలామంది పిల్లలు తమ సొంతగా స్కూలుకు వెళ్లాల్సి ఉంటుంది. వీళ్లు సైకిల్‌ తొక్కుకుంటూ వస్తారు. లేదా షేర్‌ ఆటో ఎక్కి వస్తారు. లేదా ఆర్టీసి బస్‌ ఎక్కి వస్తారు. నడవడం ఇష్టం ఉన్నవాళ్లు నడుస్తారు. కాని కొందరు మాత్రం ‘అంకుల్‌... లిఫ్ట్‌’ అని రోడ్డు మీద నిలబడి టూవీలర్‌ ఎక్కి దిగుతారు. ఉదయం స్కూలు మొదలయ్యే టైమ్‌లో, సాయంత్రం స్కూల్‌ విడిచే టైములో అమ్మాయిలు, అబ్బాయిలు ‘లిఫ్ట్‌’ అడగడం చాలాఊళ్లలో కనపడుతుంది. పల్లెటూళ్లలో, సిటీల్లో కూడా ఇలాంటి పిల్లలు ఉంటారు. వీరిని చూసిన వాహనదారులు ‘΄ాపం చిన్నపిల్లలు కదా’ అని లిఫ్ట్‌ ఇస్తారు. ఈ లిఫ్ట్‌ ఇచ్చేవాళ్లు మంచివాళ్లైతే సరే. చెడ్డ వాళ్లయితేనో? అందుకే పోలీసులు స్కూలు పిల్లలను లిఫ్ట్‌ అడిగి రాక΄ోకలు చేయవద్దని గట్టిగా హెచ్చరిస్తున్నారు. అందుకే ఇక్కడున్న విషయం మీరు చదివి, మీ అమ్మానాన్నలకు, స్కూల్‌ టీచర్లకు కూడా చూపించండి.రోడ్డు మీద అపరిచితులను లిఫ్ట్‌ అడగకూడదు. ఎందుకంటే వాళ్లు హెల్మెట్‌లో ఉంటారు. వెనుక కూచున్న మీకు ఇవ్వడానికి వాళ్ల దగ్గర హెల్మెట్‌ ఉండదు. వాళ్లు పొరపాటున యాక్సిడెంట్‌ చేస్తే వాళ్లకు ఏమీ కాక΄ోయినా మీకు దెబ్బలు తగులుతాయి.లిఫ్ట్‌ అడిగితే వచ్చే ప్రమాదాలు:లిఫ్ట్‌ ఇచ్చే వాళ్లకు డ్రైవింగ్‌ లైసెన్స్‌ లేకపోతే ప్రమాదం. వాహనానికి ఇన్సూరెన్స్‌ లేకపోతే ప్రమాదం. వారు మద్యం సేవించి ఉంటే బండిని పడేసే చాన్సులే ఎక్కువ.లిఫ్ట్‌ ఇచ్చే వాళ్లు నేరస్తులైతే? మీకై మీరు ఎక్కిన బండిని వారు వేగంగా నడుపుతూ మిమ్మల్ని కిడ్నాప్‌ చేస్తే? ఆ ప్రమాదం ఎప్పుడూ ఉంటుంది. అప్పుడు బండి మీద నుంచి ఎలా దిగి బయటకు పడాలో మీకు తెలియదు. భయంలో బుర్ర పని చేయదు.లిఫ్ట్‌ ఇచ్చేవాళ్లు ‘బ్యాడ్‌ టచ్‌’ చేసే వారైతే. మీరు భయంతో వాళ్ల బ్యాడ్‌ టచ్‌ను స్టాప్‌ చేయక΄ోతే మరుసటి రోజు అదే సమయానికి వాళ్లు లిఫ్ట్‌ ఇవ్వడానికి వస్తారు. మెల్లగా మీ ఫోన్‌ నంబర్‌ తీసుకుని పరిచయం పెంచుకుంటారు. ఆ తర్వాత స్కూల్‌కి కాకుండా మరెక్కడెక్కడికో మిమ్మల్ని తీసుకెళతారు.ఇటీవల డ్రగ్స్‌ ఎక్కువయ్యాయి. పోలీసుల నిఘా ఎక్కువైంది. వాహనదారులు సేఫ్టీ కోసం మీ స్కూల్‌ బ్యాగ్‌లో ప్యాకెట్‌ ఉంచి మిమ్మల్ని ఎక్కించుకుని డ్రాప్‌ చేయవచ్చు. ఆ సమయంలో దొరికితే ఇంకా ప్రమాదం.

రాజస్థాన్‌లోని నీమ్ కా థానా జిల్లాలో మంగళవారం రాత్రి హిందుస్థాన్ కాపర్ లిమిటెడ్‌లో ప్రమాదం సంభవించింది. సంస్థకు చెందిన 14 మంది అధికారులు, విజిలెన్స్ బృందం సభ్యులు గనిలో చిక్కుకున్నారు.ఉద్యోగులను గని లోపలికి, బయటికి తరలించేందుకు ఉపయోగించే వర్టికల్ షాఫ్ట్ పనిచేయకపోవడంతో ఈ ప్రమాదం చోటుచేసుకుంది. మైనింగ్ అధికారి ఒకరు తెలిపిన వివరాల ప్రకారం గనిలో చిక్కుకున్న అధికారులను బయటకు తీసుకువచ్చే పనులు ముమ్మరంగా జరుగుతున్నాయి.పోలీసులు తెలిపిన వివరాల ప్రకారం కోలిహన్ గని వద్ద విజిలెన్స్ బృందం కంపెనీ సీనియర్ అధికారులతో కలిసి తనిఖీలు చేసేందుకు వందల మీటర్ల మేర గనిలోకి దిగింది. వారు పైకి వస్తున్న సమయంలో షాఫ్ట్ (కేజ్) వైర్‌ తెగిపోయింది. దీంతో గని లోపల తనిఖీ చేయడానికి వెళ్లిన 14 మంది అధికారులు లోపలే చిక్కుకుపోయారు.సమాచారం అందుకున్న వెంటనే ఖేత్రికి చెందిన బీజేపీ ఎమ్మెల్యే ధరంపాల్ గుర్జార్ ఘటనా స్థలానికి చేరుకున్నారు. ఘటనా స్థలంలో పలువురు అధికారులతో పాటు ఏడు అంబులెన్స్‌లు ఉన్నాయి. అధికారులను బయటకు తీసుకువచ్చే పనిలో రెస్క్యూ టీమ్ నిమగ్నమైంది. ప్రస్తుతానికి ప్రాణనష్టం గురించి ఎలాంటి సమాచారం లేదు.

నిజామాబాద్: కోటగల్లి షాపింగ్ కాంప్లెక్స్ లో దారుణం చోటుచేసుకుంది..  కోటగల్లి షాపింగ్ కాంప్లెక్స్ లిఫ్టులో బుధవారం హెచ్‌డిఎఫ్‌సి బ్యాంక్ సెక్యూరిటీ గార్డు ఇరుక్కుపోయి రెండు కాళ్లు బయట బాడీ లోపల ఉండిపోవడంతో గంటకు పైగా ప్రాణపాయ స్థితిలో కొట్టుమిట్టాడు. ఈ ప్రమాదంలో సెక్యూరిటీ గార్డ్ మహేందర్ గౌడ్ రెండు కాళ్ళు బయట..బాడీ లిఫ్ట్ లో ఇరుక్కుపోడంతో కాళ్లు చేతులు విరిగి కొన ఊపిరి ఉండడంతో హుటాహుటిన నిజామాబాద్ ప్రభుత్వ ఆసుపత్రికి తరలించారు.

పెంపుడు కుక్క విషయంలో తలెత్తిన వివాదం.. ఓ మాజీ ఐఏఎస్‌ అధికారి, మహిళ మధ్య తీవ్ర గొడవకు దారి తీసింది. అపార్ట్‌మెంట్‌లోని లిఫ్ట్‌లోకి పెంపుడు కుక్కను తీసుకురావడంతో దాని మాజమాని, మరో నివాసితుడికి వాగ్వాదం జరిగింది. ఇరువురు విచక్షణ మరిచి తగువులాడుకున్నారు. ఏకంగా చెంప దెబ్బలు కొట్టుకున్నారు. ఈ ఘటన ఉత్తర ప్రధేశ్‌లోని గ్రేటర్‌ నోయిడాలోవెలుగుచూసింది. దీనికి సంబంధించిన దృశ్యాలు లిఫ్ట్‌లోని సీసీటీవీ కెమెరాలో రికార్డయ్యాయి. వివరాలు.. నోయిడాలోని 108 సెక్టర్‌ పార్క్ లారేట్ సొసైటీలోని ఓ అపార్ట్‌మెట్‌లోని ఓ మహిళ కుక్కను పెంచుకుంటోంది. ఆమె ఆ కుక్కను ఇటీవల అపార్ట్‌మెంట్‌లోని లిఫ్ట్‌లోకి తీసుకెళ్లింది. అయితే ఓ మాజీ ఐఏఎస్‌ అధికారి ఒకరు అందుకు అంగీకరించలేదు. కుక్క విషయంతో రిటైర్డ్‌ అధికారి, మహిళ మద్య తీవ్ర వాగ్వాదం తలెత్తింది. లిఫ్ట్‌లో కుక్కను తీసుకొచ్చిన ఫోటోను తీస్తుండగా మహిళ అతని ఫోన్‌ లాక్కుంది. వెంటనే సదరు అధికారి కూడా మహిళ ఫోన్‌ లాక్కున్నాడు. ఇది ఇరువురి మధ్య ఘర్షణకు దారితీసింది. చెంపదెబ్బల వర్షం ఈ గొడవలో వ్యక్తి మహిళను చెంపదెబ్బ కొట్టినట్లు కనిపిస్తోంది. ఆమె కూడా వ్యక్తిని అడ్డుకొని దాడి చేసినట్లు తెలుస్తోంది. అంతేగాక మహిళ తనపై జరిగిన దాడి విషయాన్ని భర్తకు చెప్పడంతో ఆయన కూడా గొడవలోకి ప్రవేశించాడు. ఇతర నివాసితులు లిఫ్ట్‌లోకి రాకుండా మహిళ అడ్డుకోవడంతో ఆమె భర్త వ్యక్తిపై చెంపదెబ్బల వర్షం కురిపించాడు. చివరికి అపార్ట్‌మెంట్‌ సెక్యూరిటీ సిబ్బంది కల్పించుకొని ఇద్దరిని వీడదీయడంతో గొడవ సద్దుమణిగింది. దీనికి సంబంధించిన వీడియో సోషల్‌ మీడియాలో వైరల్‌గా మారడంతో పోలీసులు అపార్ట్‌మెంట్‌ వద్దకు చేరుకొని సీసీటీవీ ఫుటేజీని పరిశీలించారు. అయితే తమపై ఎలాంటి చర్యలు తీసుకోవద్దని ఇరువర్గాలు పోలీసులకు లిఖితపూర్వకంగా రాసి ఇచ్చాయి. కానీ ఈ కేసులో దర్యాప్తు కొనసాగిస్తున్నట్లు పోలీసులు తెలిపారు.  చదవండి: ఆసుపత్రిలో బెడ్స్‌ కొరత.. మాజీ ఎంపీ కొడుకు కన్నుమూత Fight Over taking a Dog 🐕 inside Lift (Obviously in Noida). First Retired IAS Officer beat 👊 a Women Then her Husband beat 👊 that IAS Officer Dog 🐕 Enjoyed Both 🤗😅#UttarPradesh #NationalUnityDay #SardarVallabhbhaiPatel #राष्ट्रीय_एकता #SardarPatelJayanti… pic.twitter.com/H1J18BEEVO — Dr Jain (@DrJain21) October 31, 2023 పెరుగుతున్న గొడవలు పెంపుడు కుక్కులను  లిఫ్ట్‌లలోకి తీసుకెళ్లవచ్చా అనే విషయంపై దేశవ్యాప్తంగా పెంపుడు జంతువుల యజమానులు, అపార్ట్‌మెంట్ నివాసితుల మధ్య  చాలా కాలంగా వివాదం నడుస్తుంది. ఇటీవలి కాలంలో ఇలాంటి సమస్యలపై గొడవలు పెరుగుతున్నాయి. నోయిడాలోని అనేక అపార్ట్‌మెంట్‌లు పెంపుడు కుక్కలను లిఫ్ట్‌లోకి తీసుకెళ్లడాన్ని నిషేధించాయి. అయితే వాటి మాజమానులు మాత్రం అలాంటి ఆదేశాలు చట్టబద్దమైనవి కావని వాదిస్తున్నారు.. గతేడాది సైతం అపార్ట్‌మెంట్‌ లిఫ్ట్‌లో ఆరేళ్ల చిన్నారిని కరిచినందుకు పెంపుడు కుక్క మాజమానికి గ్రేటర్‌నోయిడా అడ్మినిస్ట్రేషన్‌ రూ. 10 వేల జరిమానా విధించింది.

కేతేపల్లి: నల్లగొండ జిల్లా కేతేపల్లి మండల పరిధిలోని మూసీ ప్రాజెక్టుకు ఇన్‌ఫ్లో పెరిగింది. దీంతో మంగళవారం అధికారులు ప్రాజెక్టు ఒక గేటును ఎత్తి దిగువకు నీటిని వదిలారు. హైదరాబాద్‌ నగరంతో పాటు మూసీ ఎగువ ప్రాంతాల్లో అక్కడక్కడ కురుస్తున్న వర్షాలతో మూసీ ప్రాజెక్టుకు 892 క్యూసెక్కుల వరదనీరు వస్తోంది. మూసీ గరిష్ట నీటిమట్టం 645 అడుగులు కాగా.. ప్రస్తుత నీటిమట్టం 644.10 అడుగులు ఉంది. దీంతో అధికారులు ఒక క్రస్టు గేటును ఒక అడుగు మేర ఎత్తి 609 క్యూసెక్కుల నీటిని దిగువకు వదిలారు. ఆయకట్టులో పంటల సాగు కోసం ప్రాజెక్టు కుడి, ఎడమ ప్రధాన కాల్వల ద్వారా 509 క్యూసెక్కుల నీటిని విడుదల చేస్తున్నారు. మూసీ రిజర్వాయర్‌లో పూర్తిస్థాయి నీటినిల్వ సామర్థ్యం 4.46 టీఎంసీలు కాగా.. ప్రస్తుతం 4.22 టీఎంసీల నీరు నిల్వ ఉందని అధికారులు తెలిపారు.

సాక్షి, హైదరాబాద్‌: ఇటీవల కాలంలో బహుళ అంతస్తుల భవనాలు పెరిగాయి. గేటెడ్‌ కమ్యూనిటీల్లో 20 ఫోర్లకు పైనే నిర్మిస్తున్నారు. అపార్ట్‌మెంట్లలోనే కాకుండా ఇల్లు, కార్యాలయం, షాపింగ్‌ మాల్స్, ఫ్యాక్టరీలు ఇలా ఎక్కడయినా.. మెట్లపైనుంచి నడిచివెళ్లే వారికంటే.. లిఫ్ట్‌ ఎక్కడుందా అని వెతికేవారే ఎక్కువ. బహుళ అంతస్తుల భవనాల్లో ఇళ్లలో ఉండేవారు, కార్యాలయాల్లో పనిచేసేవారు వయసుతో సంబంధం లేకుండా దాదాపు ప్రతినిత్యం లిఫ్ట్‌లు వాడుతూనే ఉన్నారు. అయితే ఇటీవల లిఫ్ట్‌లు పనిచేయక అందులో ఇరుక్కుని ఇబ్బందులు ఎదుర్కొంటున్న ఘటనలు పెరుగుతున్నాయి. ఆగస్టు 3న ఢిల్లీలోని నోయిడా సెక్టార్‌ 137లో జరిగిన ఓ ఘటనలో 70 ఏళ్ల వృద్ధురాలు 45 నిమిషాలపాటు లిఫ్ట్‌లో ఇరుక్కుని తీవ్ర ఆందోళనకు గురయ్యారు. చివరకు ప్రాణాలు కోల్పోయారు. లిఫ్ట్‌ వాడకం అన్నది నిత్య జీవితంలో భాగమైంది. అయితే లిఫ్ట్‌ వాడకం, దాని నిర్వహణ తదితర అంశాలపై లోకల్‌ సర్కిల్స్‌ సంస్థ దేశవ్యాప్తంగా 329 జిల్లాల్లో 42 వేల మందిని సర్వే చేసింది. ఇందులో 61 శాతం మంది పురుషులు, 39 శాతం మంది మహిళలు పాల్గొని వారి అభిప్రాయాలు వెల్లడించారు. ఈ సర్వేలో పలు ఆసక్తికర అంశాలు వెల్లడయ్యాయి. గత మూడేళ్లలో తమ గృహ సముదాయంలో లేదా కార్యాలయంలో తాము కానీ, తమ కుటుంబ సభ్యులు కానీ లిఫ్ట్‌లో ఇరుక్కుని ఇబ్బందిపడ్డారని 58 శాతం మంది అభిప్రాయం వెల్లడించారు.   లిఫ్ట్‌ల నిర్వహణపై ప్రభుత్వం కచ్చితమైన నిబంధనలు నిర్ణయించాలా?   కచ్చితమైన నిబంధనలు రూపొందించాలి 76 శాతం మంది   అలా చేయడం వల్ల సమస్యలు పెరుగుతాయి... అమలు కూడా సాధ్యం కాదు 24 శాతం మంది  

ఉజ్బెకిస్థాన్‌లోని తాష్కెంట్‌లో దారుణం జరిగింది. ఓల్గా లియోన్టీవా(32) అనే మహిళ ప్రమాదవశాత్తు లిఫ్ట్‌లో ఇరుక్కుని ప్రాణాలు కోల్పోయింది. లిఫ్ట్‌లో ఇరుక్కున్న మహిళ మూడు రోజుల పాటు సహాయం కోసం దిక్కులు పిక్కటిల్లేలా అరిచినా ఎక్కడి నుంచి సహాయం అందలేదు. దీంతో చివరికి ప్రాణాలు కోల్పోయింది. భవంతి 9వ ఫ్లోర్‌లో ఈ ఘటన జరిగిందని పోలీసులు తెలిపారు.  తొమ్మిది ఫ్లోర్ల భవంతి నుంచి ఓల్గా లియోన్టీవా కిందకు దిగడానికి బయలు దేరింది. లిఫ్ట్‌లోకి ఎక్కే ప్రయత్నంలో ఆమె దానిలో ఇరుక్కుపోయింది. ఎంత ప్రయత్నించినా బయటకు రాలేకపోయింది. ఎంత అరిచినా ఎవరూ గుర్తించకపోవడంతో సహాయం అందలేదు. జులై 24న ఈ ఘటన జరగగా.. ఆమె ఇంటికి రాకపోవడంతో కుటుంబ సభ్యులు పోలీసులకు సమాచారం అందించారు. గాలింపు చేపట్టిన పోలీసులు.. బాధితురాలు లిఫ్ట్‌లో ఇరుక్కుని చనిపోయినట్లు గుర్తించారు. చైనాలో తయారు చేసిన లిఫ్ట్‌గా గుర్తించిన పోలీసులు.. అది పనిచేయకపోవడమే కారణంగా గుర్తించారు. ఎలాంటి కరెంట్ కట్‌లు లేవని తేల్చారు. ఇలాంటి ఘటనే ఇటలీలోనూ ఇటీవల జరిగింది. కరెంట్ కట్ అయిన కారణంగా లిఫ్ట్ పనిచేయలేదు. దీంతో అందులో ఉన్న ఓ వ్యక్తి మృతి చెందాడు.      ఇదీ చదవండి: నైగర్‌లో సైనిక తిరుగుబాటు.. ఫ్రాన్స్ దేశస్తులు తిరుగు టపా..  

విజయనగర్‌కాలనీ(హైదరాబాద్‌): లిఫ్ట్‌ ఇచ్చిన పాపానికి ఓ వ్యక్తిని చంపుతామని బెదిరించి అందినకాడికి దోచుకున్న సంఘటన ఆసిఫ్‌నగర్‌ పోలీస్‌స్టేషన్‌ పరిధిలో చోటు చేసుకుంది. ఏసీపీ ఆర్‌.జి.శివమారుతి తెలిపిన కథనం మేరకు వివరాలిలా ఉన్నాయి. చంద్రాయణగుట్టకు చెందిన కె.జయంత్‌ ప్రైవేటు స్కూల్‌ టీచర్, ఈ నెల 6న సాయంత్రం రాజేంద్రనగర్‌ నుంచి మెహిదీపట్నం వైపు బైక్‌పై వెళుతున్నాడు. పీవీ ఎక్స్‌ప్రెస్‌ వే పిల్లర్‌ నెంబర్‌ 294 వద్ద ఆగాపురాకు చెందిన మహ్మద్‌ షాహిద్‌ అలియాస్‌ సైఫ్‌ అనే వ్యక్తి తన తల్లికి యాక్సిడెంట్‌ అయ్యిందని అర్జంట్‌గా వెళ్లాలని మోహిదీపట్నం వరకు లిఫ్ట్‌ అడిగి ఎక్కాడు. మెహిదీపట్నం పిల్లర్‌ నెంబర్‌ 28 వద్దకు రాగానే పక్కనే ఉన్న గల్లీలో దించాలని కోరాడు. అప్పటికే అక్కడ ఉన్న షాహిద్‌ స్నేహితులు షేక్‌ అక్రమ్, మహ్మద్‌ నసీర్‌ ముగ్గురు కలిసి జయంత్‌ను భోజగుట్ట స్మశానవాటిక వద్దకు తీసుకెళ్లారు. కొట్టి చంపుతామని బెదిరించి అతని వద్ద ఉన్న రూ.40 వేలు లాక్కున్నారు. అతని ఫోన్‌ నంబర్‌ తీసుకుని బెదిరించి పలు దఫాలుగా గూగుల్‌ పే ద్వారా రూ.51 వేలు బదిలీ చేయించుకున్నారు. ఈ నెల 13న బాధితుడు ఆసిఫ్‌నగర్‌ పోలీసులకు ఫిర్యాదు చేయడంతో కేసు నమోదు చేసిన పోలీసులు సీసీ పుటేజీ ఆధారంగా గురువారం నిందితులను అరెస్ట్‌ చేశారు. సమావేశంలో ఆసిఫ్‌నగర్‌ ఇన్‌స్పెక్టర్‌ జీహెచ్‌.శ్రీనివాస్, డిటెక్టివ్‌ ఇన్‌స్పెక్టర్‌ నాగేశ్వర్‌ రెడ్డి, ఎస్‌.ఐ. కె.శ్రీనివాసతేజ, క్రైమ్‌ సిబ్బంది టి.రవీంద్రనాథ్, బి.విద్యాసాగర్, జె.అచ్చిరెడ్డి, జి.రాహుల్, బి.సంతోష్‌ తదితరులు పాల్గొన్నారు.   (చదవండి: చంపేసి శవాన్ని సొంతూరుకు సాగనంపి..)

నోయిడా: బహుళ అంతస్తుల భవంతి లిఫ్ట్‌లో ఆరేళ్ల విద్యార్థిపై పెంపుడు శునకం దాడి ఘటనలో కుక్క యజమానిపై ఎఫ్‌ఐఆర్‌ నమోదైంది. చిన్నారి చేతికి గాయం కావడంతో చికిత్సకయ్యే ఖర్చంతా భరించాలని, మరో రూ.10,000 పరిహారంగా చెల్లించాలని ఆయనను గ్రేటర్‌ నోయిడా అథారిటీ ఆదేశించింది. గ్రేటర్‌ నోయిడా(పశ్చిమం)లోని విలాసవంత లా రెసిడెన్షియా సొసైటీలో మంగళవారం ఈ ఘటన జరిగింది. సొసైటీలో ఉండే ఒకావిడ తన కొడుకుతో కలిసి లిఫ్ట్‌లో వెళ్తుండగా అప్పుడే ఒకతను తన కుక్కతో సహా లిఫ్ట్‌లోకి వచ్చాడు. వచ్చీరాగానే బాలుడిని కుక్క కరిచేసింది. దీంతో సీసీటీవీ ఫుటేజీ సాక్ష్యంతో ఐపీసీ సెక్షన్‌ 289 కింద కేసు నమోదుచేసినట్లు పోలీసులు చెప్పారు. ‘కుక్కను అదుపుచేయడంలో మీరు విఫలమయ్యారు’ అని అతడికి పంపిన నోటీసులో గ్రేటర్‌ నోయిడా అథారిటీ ఆరోగ్యవిభాగాధిపతి డాక్టర్‌ ప్రేమ్‌చంద్‌ పేర్కొన్నారు. రూ.10వేలు, చికిత్స ఖర్చు ఏడు రోజుల్లో చెల్లించకపోతే చట్టప్రకారం చర్యలు తప్పవని హెచ్చరించారు.

వైరల్‌: మంచి కంటే చెడునే తొందరగా మనిషి దృష్టిని ఆకర్షిస్తుంది. అందునా సోషల్‌ మీడియాలోనూ అదే తరహా కంటెంట్‌పై ఎక్కువగా చర్చ నడుస్తుంటుంది కూడా. అలా చేశారు.. ఇలా చేశారు అంటూ డెలివరీ బాయ్‌లు/ఏజెంట్‌ల గురించి రకరకాల కథనాలు వైరల్‌ అవుతుంటాయి. ఎంతసేపు నెగెటివ్‌ విషయాలేనా? అప్పుడప్పుడు మంచిపై కూడా ఓ లుక్కేద్దాం. తారిఖ్‌ ఖాన్‌ అనే వ్యక్తి.. లింకెడ్‌ఇన్‌లో ఈమధ్య ఓ పోస్ట్‌ షేర్‌ చేశారు. ఎలివేటర్‌లో ఉండగా ఓ ఫుడ్‌ డెలివరీ ఏజెంట్‌ ఆయన దృష్టిని ఆకర్షించారట. అతని కాళ్లకు చెప్పులు, షూస్‌ లేకుండా కనిపించాడట. ఎందుకలా వచ్చావ్‌? అని అడిగితే.. దారిలో చిన్నయాక్సిడెంట్‌ అయ్యిందని, చెప్పులు ఎక్కడో పడిపోయాయని, పైగా కాలికి గాయంతో వాపు వచ్చిందని, అందుకే వేసుకోలేదని చెప్పాడు ఆ డెలివరీబాయ్‌.  అలాంటప్పుడు పని ఆపి కాసేపు విశ్రాంతి తీసుకోవచ్చు కదా అని అతనికి సూచించాడు తారిఖ్‌. దానికి అతను నవ్వుతూ.. ‘నాకంటూ ఓ కుటుంబం ఉంది సార్‌. ఆ కుటుంబాన్ని పోషించుకోవాలి కదా’’ అంటూ లిఫ్ట్‌ బయటకు వెళ్లిపోయాడు. పోతూ పోతూ మర్యాదపూర్వకంగా శుభసాయంత్రం సార్‌ అని చెప్పివెళ్లిపోయాడు అని తారిఖ్‌ ఆ పోస్ట్‌లో పేర్కొన్నారు.  కష్టపడి పనిచేయడానికి, అవసరమైన వేళలో నన్ను నేను ముందుకు వెళ్లడానికి ఇతనిలాంటి వ్యక్తులే నాకు స్ఫూర్తి అంటూ తారిఖ్‌ ఖాన్‌ లింకెడ్‌ఇన్‌లో ఆ పోస్ట్‌ షేర్‌ చేశారు. అంతేకాదు.. అతనికి సాయం కూడా అందించాడు.  సదరు కంపెనీ కూడా ఆ డెలివరీ బాయ్‌ లాంటి వాళ్ల కష్టాన్ని గుర్తించాలని కోరాడు తారిఖ్‌. అతనికి ఎవరైనా సాయం చేయాలని అనుకుంటే.. తనకు సందేశం పంపాలని, ఆ డెలివరీ ఏజెంట్‌ పేటీఎం నెంబర్‌ ఇస్తానని చెప్పాడు తారిఖ్‌. ఎక్కడ జరిగిందో క్లారిటీ లేకపోయినా.. ఈ ఘటన ఇప్పుడు సోషల్‌ మీడియా దృష్టిని విపరీతంగా ఆకట్టుకుంది.

హైదరాబాద్, బిజినెస్‌ బ్యూరో: లిఫ్టులు, ఎస్కలేటర్స్‌ తయారీలో ఉన్న జాన్సన్‌ లిఫ్ట్స్‌.. వాచ్‌ పేరుతో ఐవోటీ ఆధారిత వైర్‌లెస్‌ సాఫ్ట్‌వేర్‌ పరికరాన్ని అభివృద్ధి చేసింది. లిఫ్ట్‌ స్థితిని ఎప్పటికప్పుడు పర్యవేక్షించడమేగాక సమస్య తలెత్తితే ఈ పరికరం వెంటనే గ్రహించి డేటా సెంటర్‌కు సమాచారం చేరవేస్తుంది. సాంకేతిక సిబ్బంది రంగంలోకి దిగి సమస్యను త్వరగా పరిష్కరించేందుకు వాచ్‌ ఉపయోగపడుతుందని కంపెనీ ప్రకటించింది. చదవండి: ఒకటికి మించి బ్యాంక్‌ అకౌంట్లు ఉన్నాయా? ఇలాగైతే సమస్యలు తప్పవ్‌!

ముంబై: స్కూల్‌ లిఫ్ట్‌లో ఇరుక్కొని 26 ఏళ్ల మహిళా టీచర్‌ మృతి చెందింది. ఈ విషాద ఘటన మహరాష్ట్ర రాజధాని ముంబై నగరంలో శుక్రవారం చోటుచేసుకుంది. పోలీసులు తెలిపిన వివరాల ప్రకారం..నార్త్‌ ముంబై శివారు ప్రాంతమైన మలాడ్‌లోని సెయింట్‌ మేరీస్‌ ఇంగ్లీష్‌ హైస్కూల్‌లో జెనెల్‌ ఫెర్నాండేజ్‌ టీచర్‌గా విధులు నిర్వహిస్తుంది. శుక్రవారం మధ్యాహ్నం 1 గంట సమయంలో ఆరో అంతస్తులో క్లాస్‌ పూర్తి చేసుకున్న జెనెల్‌.. రెండో అంతస్తులోని స్టాఫ్‌ రూమ్‌కు వెళ్లేందుకు లిఫ్ట్‌ కోసం వేచి ఉంది. లిఫ్ట్‌లోకి ఎక్కి రెండో ఫ్లోర్‌ బటన్‌ నొక్కింది. అయితే లిఫ్ట్‌ పపైకి వెళ్లడం గమనించిన జెనెల్‌ అప్పటికీ లిఫ్ట్‌ తలపులు మూసుకోకపోవడంతో వెంటనే బయటకు వచ్చేందుకు ప్రయత్నించింది. బయటకు వస్తుండగా ఆమె బ్యాగ్‌ లిఫ్ట్‌లో చిక్కుకుంది. బ్యాగ్‌ను తీసుకునేందుకు టీచర్‌ ప్రయత్నించగా.. లిఫ్ట్‌లో ఆమె తల ఇరుక్కుపోయింది. లిఫ్ట్‌ డోర్స్‌ మధ్యలో చిక్కుకొని జెనెల్‌ తల నుజ్జునుజ్జైంది. ఈ దృశ్యాలన్నీ సీసీటీవీ ఫుటేజీలో రికార్డయ్యాయి. తీవ్రంగా గాయపడిన టీచర్‌ కేకలు విన్న పాఠశాల అధికారులు, సహోద్యోగులు ఆమెకు సాయం చేసేందుకు పరుగెత్తుకొచ్చారు. సుమారు 20 నిమిషాలు కష్టపడి లిఫ్ట్‌లో ఇరుక్కుపోయిన యువతిని బయటకు తీశారు. వెంటనే ఆమెను గోరేగావ్‌లోని ప్రైవేట్‌ ఆసుపత్రికి తరలించగా అప్పటికే మృతిచెందినట్లు వైద్యులు ప్రకటించారు. ఈ ఘటనపై సమాచారం అందుకున్న పోలీసులు ప్రమాదవశాత్తు మృతిగా కేసు నమోదు చేసుకొని దర్యాప్తు ప్రారంభించారు. ఈ దుర్ఘటనపై మృతురాలి భర్తకు సమాచారం అందించారు పోలీసులు. ఫెర్నాండెజ్ ఈ ఏడాది జూన్‌లోనే ప్రైమరీ విభాగంలో అసిస్టెంట్ టీచర్‌గా  చేరింది. మృతురాలి బంధువుల్లో ఒకరు కూడా అదే పాఠశాలలో ఉపాధ్యాయుడిగా పనిచేస్తున్నారు. చదవండి: ఘోర ప్రమాదం.. ఆరుగురు మృతి.. 40 మందికి గాయాలు

యజమాని ముందే ఒక పెంపుడు కుక్క చిన్నారిపై దాడి చేసింది. ఈ ఘటన ఘజియాబాద్‌లోని హౌసింగ్‌ సొసైటి లిఫ్ట్‌లో చోటు చేసుకుంది. అందుకు సంబంధించిన వీడియో ఒకటి నెట్టింట హల్‌చల్‌ చేస్తుంది. ఆ వీడియోలో సదరు పెంపుడు కుక్క యజమాని చూస్తుండగానే ఒక బాలుడిపై కుక్క దాడి చేస్తుంది. దీంతో ఆ చిన్నారి బాధతో విలవిలాడుతూ లిఫ్ట్‌ ముందుకు వచ్చి నిలబడతాడు. కానీ ఆ యజమాని కనీసం ఆ బాలుడిని ఓదార్చడం గానీ, సాయం చేయడం గానీ చేయకుండా బండరాయిలా నుంచొని ఉంది. పైగా తన కుక్కకు ఏమైన జరిగిందేమోనని చూస్తుందే తప్ప ఆ బాలుడిని ఓదార్చే పని చేయదు. దీంతో ఆకాష్‌ ఆశోక్‌ గుప్తా అనే నెటిజన్‌ ఈ ఘటనకు సంబంధించిన వీడియోని ట్విట్టర్‌లో పోస్ట్‌ చేస్తూ.. ఆ లిఫ్ట్‌లో వారిద్దరే ఉన్నారని, ఎవ్వరూ చూడలేదని ఇంతలా నైతిక విలువలు లేకుండా ప్రవర్తిస్తారా? అని ఆగ్రహంతో ప్రశ్నించారు. దీంతో ఘజియాబాద్‌ పోలీసులు వెంటనే స్పందించి....ఆ బాలుడి తల్లిదండ్రుల ఫిర్యాదు మేరకు తాము కేసు నమోదు చేసినట్లు సోషల్‌ మీడియా వేదికగా వెల్లడించారు. దీంతో నెటిజన్లు ఇలా దయాదాక్షిణ్యం లేకుండా ప్రవర్తించిన  మహిళలను వదిలిపెట్టకూడదు...కఠినంగా శిక్షించాలి అంటూ ఫైర్‌ అయ్యారు.  a pet dog bites a kid in the lift while the pet owner keeps watching even while the pet owner the kid is in pain! where is the moral code here just cos no one is looking? . . p.s: @ghaziabadpolice Location: Charms Castle, Rajnagar Extension, Ghaziabad Dtd: 5-Sep-22 | 6:01 PM IST pic.twitter.com/Qyk6jj6u1e — Akassh Ashok Gupta (@peepoye_) September 6, 2022 "दिनांक 05.09.22 को राजनगर एक्सटेंशन स्थित एक सोसाइटी की लिफ्ट में एक कुत्ते द्वारा अपने मालिक की मौजूदगी में बच्चे को काट लेने के वायरल वीडियो के सम्बन्ध में बच्चे के पिता की तहरीर पर थाना नंदग्राम पर अभियोग पंजीकृत करते हुए अग्रिम विधिक कार्यवाही की जा रही हैं" बाइट-सीओ सिटी-2 pic.twitter.com/dvLwBXyUaT — GHAZIABAD POLICE (@ghaziabadpolice) September 6, 2022 (చదవండి: మావగారిపై చేయిజేసుకున్న మహిళా పోలీసు: వీడియో వైరల్‌)

సాక్షి, అమరావతి: ఆంధ్రప్రదేశ్‌లో నిరంతరాయంగా విద్యుత్ సరఫరా కానుంది. మరోవైపు పరిశ్రమలకు విద్యుత్ కోతల వేళలు ఉపసంహరించుకుంటున్నట్లు ప్రభుత్వం గుడ్‌ న్యూస్‌ చెప్పింది. మే 9 నుంచి పరిశ్రమలకు పవర్ హాలిడే ఉపసంహరణ కొనసాగుతోందని ప్రభుత్వం తెలిపింది. అలాగే ఈ నెల 16వ తేదీ నుంచి పరిశ్రమలకు పూర్తి స్థాయిలో విద్యుత్ సరఫరా ఇస్తున్నట్లు పేర్కొంది. దేశవ్యాప్తంగా ఉన్న బొగ్గు కొరత వలన కొద్దిరోజుల పాటు పరిశ్రమలకు విద్యుత్ పంపిణీ లో సమస్యలు తలెత్తాయని, ప్రస్తుతం పరిస్థితి మెరుగుపడటంతో అన్ని రంగాల వినియోగదారులకు నిరంతరాయంగా విద్యుత్ సరఫరా చేయనున్నట్లు ఏపీ ప్రభుత్వం తెలిపింది.

సాక్షి, హైదరాబాద్‌/రంగారెడ్డి జిల్లా:  రాష్ట్ర రాజధానికి తాగునీటిని అందించిన ఉస్మాన్‌సాగర్, హిమాయత్‌సాగర్‌ జలాశయాల పరిరక్షణ కోసం గతంలో జారీ చేసిన 111 జీవోను ప్రభుత్వం రద్దు చేసింది. ఆ రిజర్వాయర్ల ద్వారా నగరానికి సరఫరా అయ్యే తాగునీరు అతి తక్కువ అని, ఇకపై వాటిపై ఆధార పడాల్సిన అవసరం లేదని పేర్కొంది. అయినా జలాశయాల పరిరక్షణకు చర్యలు తీసుకుంటామని ప్రకటించింది. ఈ మేరకు సీఎస్‌ సోమేశ్‌కుమార్‌ బుధవారం జీవో నంబర్‌ 69 జారీ చేశారు. ఈ జలాశయాల పరిరక్షణకు చేపట్టాల్సిన చర్యలపై మార్గదర్శకాలు రూపొందించేందుకు ఉన్నతస్థాయి కమిటీని ఏర్పాటు చేస్తున్నట్టు తెలిపారు.  అప్పట్లో పరిరక్షణ కోసం.. హైదరాబాద్‌ నగరాన్ని మూసీ వరదల నుంచి రక్షించేందుకు, అదే సమయంలో తాగునీటిని అం దించేలా నిజాం హయంలోనే ఉస్మాన్‌సాగర్, హిమాయత్‌సాగర్‌ జలాశయాలను నిర్మించారు. అప్పటి నుంచీ హైదరాబాద్‌కు ప్రధాన నీటి వనరులుగా ఉన్న ఈ రిజర్వాయర్ల పరిరక్షణ కోసం 1996లో ఉమ్మడి రాష్ట్ర ప్రభుత్వం జీవో 111ను జారీ చేసింది. జలాశయాలకు చుట్టూ 10 కిలోమీటర్ల పరిధిలోని 84 గ్రామాల పరిధిలో ఉన్న 1,32,000 ఎకరాల విస్తీర్ణంలో.. పరిశ్రమలు, హో టళ్లు, వాణిజ్య సముదాయాలు, నివాసాలు, నిర్మా ణాలపై నియంత్రణలు విధించింది. కొన్నేళ్లుగా నగరం విపరీతంగా విస్తరించడం, తాగునీటి కోసం కృష్ణా, గోదావరి జలాలను తరలించడం నేపథ్యంలో.. 111 జీవో ఎత్తివేయాలన్న డిమాండ్‌ మొదలైంది. ఈ జీవోను సమీక్షిస్తామని టీఆర్‌ఎస్‌ సర్కారు కూడా పలుమార్లు ప్రకటించింది. తాజా గా జీవో ఎత్తివేస్తూ ఉత్తర్వులు జారీ అయ్యాయి.  సీఎస్‌ ఆధ్వర్యంలో కమిటీ..  ప్రభుత్వ ప్రధాన కార్యదర్శి నేతృత్వంలో ఏర్పాటైన కమిటీలో.. మున్సిపల్, ఆర్థిక, నీటిపారుదల శాఖల ప్రత్యేక ప్రధాన కార్యదర్శులు, వాటర్‌ బోర్డు ఎండీ, కాలుష్య నియంత్రణ బోర్డు మెంబర్‌ సెక్రటరీ, హెచ్‌ఎండీఏ డైరెక్టర్‌ (ప్లానింగ్‌) సభ్యులుగా ఉంటారు. ఈ కమిటీ ఏయే అంశాలను పరిశీలించి నివేదిక ఇవ్వాలన్న దానిపై విధివిధానాలనూ ప్రభుత్వం ఖరారు చేసింది. రెండు రిజర్వాయర్ల పరిరక్షణ, కాలుష్య నివారణకు అవసరమైన చర్యలను సూచించాలని.. ప్రధాన మౌలిక సదుపాయాల కల్పనకు విధానాలు రూపొందించాలని ఆదేశించింది. మురుగు, వరద కాల్వల నిర్మాణం, అవసరమైన నిధుల సమీకరణ, లేఅవుట్లు, భవన నిర్మాణాల అనుమతికి విధించాల్సిన నియంత్రణలు, న్యాయపరమైన అంశాలను పరిశీలించాలని పేర్కొంది. సాధ్యమైనంత త్వరగా నివేదిక ఇవ్వాలని సూచించింది.  84 గ్రామాలకు విముక్తి: సబిత 111 జీవో ఎత్తివేస్తూ ప్రభుత్వం ఉత్తర్వులు జారీ చేయటంపై సీఎం కేసీఆర్‌కు విద్యాశాఖ మంత్రి సబిత ధన్యవాదాలు తెలిపారు. ప్రజలకిచ్చిన మాట ప్రకారం ఇటీవల కేబినెట్‌లో తీర్మానం చేసి, 69 జీవో విడుదల చేయటంతో 84 గ్రామాల ప్రజలకు శాశ్వత విముక్తి లభించిందన్నారు. జంట జలాశయాలు కలుషితం కాకుండా ప్రత్యేక చర్యలు తీసుకుంటూ, ప్రభుత్వ ప్రధాన కార్యదర్శి నేతృత్వంలో కమిటీ వేయటం శుభ పరిణామమన్నారు.    111 జీవో ఎత్తివేస్తామని గత నెల 15న సీఎం కేసీఆర్‌ అసెంబ్లీలో ప్రకటించడంతోనే ఈ ప్రాంతాల్లో ఒక్కసారిగా భూముల ధరలకు రెక్కలొచ్చాయి. ప్రభుత్వం నుంచి స్పష్టత రావడంతో కొనుగోలుదారులు, రియల్టర్లు భూములు కొనేందుకు ఎగబడ్డారు. మరోవైపు ఇప్పటికే సంపన్న వర్గాలు, పారిశ్రామికవేత్తలు, ప్రముఖులు, ప్రజాప్రతినిధులు జీవో 111 ప్రాంతాల్లో తక్కువ ధరకే భారీగా భూములు కొనుగోలు చేసి.. ఫామ్‌హౌజ్‌లు, రిసార్టులుగా మార్చుకున్నారు. వేల ఎకరాలు వారి చేతుల్లోనే ఉన్నట్టు అంచనా. అనధికారిక లేఅవుట్లు కూడా పెద్ద సంఖ్యలోనే ఉన్నాయి. ఇప్పడు వీటి ధరలు చుక్కలను తాకనున్నాయి. మరోవైపు ఇప్పటివరకు కోట్లు పలికిన గచ్చిబౌలి, కొండాపూర్, కోకాపేట, నార్సింగి తదితర ప్రాంతాల్లో భూముల ధరల్లో కొంతకాలం స్తబ్దత నెలకొనే అవకాశం ఉందని రియల్‌ఎస్టేట్‌ వర్గాలు చెప్తున్నాయి.  1.32 లక్షల ఎకరాలు రెడీ... గ్రేటర్‌ హైదరాబాద్‌ విస్తీర్ణం 217 చదరపు కిలోమీటర్లుకాగా.. 111 జీవో పరిధిలోని భూమి విస్తీర్ణం 538 చదరపు కిలోమీటర్లు కావడం గమనార్హం. జీవో 111 కింద 84 గ్రామాల్లోని 1,32,600 ఎకరాల భూములు ఉన్నాయి. ఇందులో 32 వేల ఎకరాల ప్రభుత్వ భూమి కూడా ఉంది. ఆంక్షల ఎత్తివేతతో ఈ భూములన్నీ అందుబాటులోకి రానున్నాయి.   27 ఏళ్లుగా పోరాటాలు  తమ అభివృద్ధి అడ్డంకి మారిందని, హైదరాబాద్‌ను ఆనుకుని ఉన్నా భూములకు ధరలేకుండా పోయిందంటూ 111 జీవో పరిధిలోని గ్రామాల ప్రజలు 27 ఏళ్లుగా ఆందోళన వ్యక్తం చేస్తూనే ఉన్నారు. జీవోను రద్దు చేయాలంటూ అన్ని గ్రామాల సర్పంచులు రెండుసార్లు మూకుమ్మడిగా తీర్మానాలు చేసి పంపారు. ఇన్నేళ్ల తర్వాత గండిపేట, శంకర్‌పల్లి, శంషాబాద్, మొయినాబాద్, చేవెళ్ల, కొత్తూరు మండలాల ప్రజలకు ఊరట కలిగింది.  భారీగా కంపెనీలు, నిర్మాణాలు.. జీవో ఎత్తివేత ద్వారా నిర్మాణాలపై ఆంక్షలు తొలగిపోవడంతో ఈ ప్రాంతంలో భారీగా పెట్టుబడులు రానున్నాయి. ఐటీ హబ్‌గా అవతరించిన గచ్చిబౌలికి ఈ ప్రాంతాలు చేరువలో ఉండటంతో ఐటీ కంపెనీల స్థాపనకు అవకాశం ఏర్పడనుంది. ఈ ప్రాంతాలకు బహుళ అంతస్తుల నిర్మాణాలు, జాతీయ, అంతర్జాతీయ కంపెనీలు వస్తాయని.. భూముల ధరలు, ఉపాధి అవకాశాలు భారీగా పెరుగుతాయని అంటున్నారు.  కోర్టును ఆశ్రయిస్తాం జంట జలాశయాల ఎగువన విల్లాలు, గేటెడ్‌ కమ్యూనిటీలు, రిసార్ట్స్, పబ్స్, బార్లు, బహుళ అంతస్తుల భవంతులు, హోటళ్లు, పరిశ్రమలు ఏర్పాటైతే జలాశయాలు కాలుష్యకాసారంగా మారుతాయి. మరో మూసీలా మారే ప్రమాదం పొంచి ఉంది. జీవో 111 తొలగింపులో అనేక న్యాయపరమైన చిక్కులు కూడా ఉన్నాయి. ఈ అంశంపై కోర్టును ఆశ్రయిస్తాం.  – సజ్జల జీవానందరెడ్డి, లుబ్నా సార్వత్‌  పర్యావరణవేత్తలు  

ఎవరెస్ట్‌ వరకూ వెళ్లాలంటే ఎవరైనా టూర్‌ ప్లాన్‌ చేసుకుంటారు. నలుగురితో కలిసి వెళతారు. ఆమె ఒక్కతే వెళ్లాలనుకుంది. అదీ లిఫ్ట్‌ అడుగుతూ వెళ్లాలనుకుంది. అలా ఒక్కరే ప్రయాణ ఖర్చులు లేకుండా దొరికిన వాహనంతో పర్యటించడాన్ని ‘హిచ్‌ హైకింగ్‌’ అంటారు. ఐదుగురు పిల్లల తల్లి నాజిరా నౌషాద్‌ సాహసంతో ఈ పని చేసి ‘ఈ దేశం స్త్రీలకు సురక్షితమైనదే’ అని సందేశం ఇస్తోంది. ఇది వింత సంగతి. ఘనంగా చెప్పుకోవలసిన సంగతి. లారీల్లో లిఫ్ట్‌ అడుగుతూ (హిచ్‌ హైకింగ్‌) కేరళ నుంచి ఒక ఒంటరి మహిళ ట్రావెల్‌ చేయగలదా? చేయగలదు అని నిరూపించింది నాజిరా నౌషాద్‌. ఫిబ్రవరి 9న బయలు దేరి కేరళ నుంచి నేపాల్‌లోని ఎవరెస్ట్‌ బేస్‌ క్యాంప్‌ వరకూ వెళ్లిరావడానికి 50 రోజుల లక్ష్యం పెట్టుకుని ఆ లక్ష్యాన్ని విజయవంతంగా పూర్తి చేసింది. కేరళలోని కుట్టనాడ్‌లోని మన్‌కొంబు నాజిరా ఊరు. అది సముద్ర మట్టానికి 10 అడుగుల దిగువ. అక్కడి నుంచి బయలుదేరి సముద్రమట్టానికి 17,500 అడుగుల పైన ఉన్న ఎవరెస్ట్‌ బేస్‌క్యాంప్‌కు హిచ్‌ హైకింగ్‌ చేయాలని నిశ్చయించుకుంది నాజిరా. అలా చేయడంలో ఎంతో రిస్క్‌. ఒంటరి స్త్రీల మీద ఏ అఘాయిత్యం అయినా జరగొచ్చు. ‘లారీ డ్రైవర్ల మీద చాలా అపప్రథలు ఉన్నాయి. కాని నేను చూసిన లారీడ్రైవర్లు ఎంతో స్నేహపాత్రంగా ఉన్నారు. నా లక్ష్యం చేరుకోవడానికి సాయం చేశారు’ అంటుంది నాజిరా. షి కెన్‌ ట్రావెల్‌ అలోన్‌ ‘ఒంటరిగా స్త్రీ ప్రయాణించగలదు’ అనే స్లోగన్‌తో 33 ఏళ్ల నాజిరా ఈ యాత్ర మొదలెట్టింది. ఆమె భర్త ఒమన్‌లో ఉద్యోగం చేస్తాడు. ఆమెకు ఐదుగురు పిల్లలు. నాజిరా ట్రావెల్‌ వ్లోగర్‌. అంటే యాత్రా కథనాలను సోషల్‌ మీడియాలో పంచుకుంటూ ఉంటుంది. ఆమెకు ఫాలోయెర్స్‌ ఉన్నారు. నాలుగేళ్ల క్రితం భర్త ఇండియా వచ్చినప్పుడు కారులో వాళ్లు టూరు చేశారు. అప్పుడే ఆమెకు తాను కూడా ప్రయాణాలు చేసి సోషల్‌ మీడియాలో పంచుకోవాలనిపించింది. ‘గత సంవత్సరం మరో ఇద్దరు మహిళలతో కలిసి లదాఖ్‌ వరకు యాత్ర మొదలెట్టాను రోడ్డు మార్గం ద్వారా. కాని 20 రోజులకే వారు వెనక్కు వెళ్లిపోయారు. నేను మాత్రం యాత్ర కొనసాగించాను. వెనక్కు తిరిగి వచ్చి ‘నేను చూసిన దేశం’ అనే పుస్తకం రాసి ప్రచురించింది. ఆ తర్వాత నెల రోజులకే కేవలం షిప్‌ చార్జీలు జేబులో పెట్టుకుని లక్షద్వీప్‌కు వెళ్లింది. 10 దీవులను 25 రోజుల్లో తిరిగి వచ్చింది. తన ఫాలోయెర్స్‌ ఇళ్లల్లో లేదా స్థానికుల ఇళ్లలో రిక్వెస్ట్‌ చేసి బస చేసేది. ఇప్పుడు ఈ ఎవరెస్ట్‌ యాత్ర చేసింది. మన దేశం సురక్షితమే ‘మన దేశం స్త్రీ పర్యాటకులకు సురక్షితమే అని చెప్పడమే నా ఉద్దేశ్యం. మన దేశాన్ని మనం చూడకుండా విదేశాలకు వెళ్లి అక్కడ భద్రత ఉంది అని చెప్పడం కరెక్ట్‌ కాదు’ అంటుంది నాజిరా. వీపుకు ఒక బ్యాక్‌ప్యాక్‌ తగిలించుకుని ఫిబ్రవరి 9న ఆమె కేరళలో బయలుదేరింది. పిల్లల్ని చూడటానికి ఇంట్లో తల్లి ఉంటుంది. ‘పిల్లల్ని అలా వదిలి బయలుదేరడం అందరికీ నచ్చదు. కాని మాటలు అనేవారిని నేను పట్టించుకోను’ అంటుంది నాజిరా. కేరళ నుంచి లారీలు, ట్రక్కులు పట్టుకుంటూ ఫిబ్రవరి 21కి ఆమె ఢిల్లీ చేరుకుంది. మరో లారీ దొరికే వరకు దిగిన ఊరులో ఏదో ఒక ఇంటి తలుపు తట్టి ఆ ఇంట్లో బస చేస్తూ వెళ్లింది. ఢిల్లీ నుంచి ఉత్తరప్రదేశ్‌లోని సొనౌలీ చేరుకుని అక్కడి నుంచి నేపాల్‌లోని లుల్కాకు విమానంలో వెళ్లింది. రికార్డు జర్నీ ఎవరెస్ట్‌ బేస్‌క్యాంప్‌కు వెళ్లాలంటే లుల్కా నుంచి ట్రెక్‌ చేయాలి. అంటే కాలినడకన వెళ్లాలి. 2860 మీటర్ల ఎత్తున్న లుల్కా నుంచి 5364 మీటర్ల ఎత్తున్న బేస్‌క్యాంప్‌కు నడవాలంటే 8 రోజులు పడుతుంది. ‘కాని నేను ఐదురోజుల్లో చేరుకున్నాను. ఒక మహిళ ఇంత వేగంగా చేరుకోవడం రికార్డు’ అంటుంది నాజిరా. ఈ దారిలో ఆమె ప్రయాణించడానికి గైడ్‌ను మాట్లాడుకుంది. బేస్‌క్యాంప్‌ దగ్గర ఆమె దిగిన ఫొటో నిజంగానే ఒక సాహస చిహ్నం. కొంతమంది మరొకరు అనుకరించడానికి వీలులేని సాహసాలు చేస్తారు. నాజిరాను ఎంతమంది స్ఫూర్తిగా తీసుకోగలరు? అంత రిస్క్‌ ఎవరు చేయగలరు? కాని చేయాలనుకుంటే ఒక విజేత అంతకు ముందు దారి వేసింది అని చెప్పడానికి నాజిరా ఉంది. నాజిరా ఈజ్‌ గ్రేట్‌.    

హైదరాబాద్‌లో ఓ ఆపార్ట్‌మెంట్‌ తీసుకున్న నిర్ణయం వివాస్పదంగా మారింది. అపార్ట్‌మెంట్‌ నిర్మాణాలు, మెయింటనెన్స్‌లపై సరికొత్త ప్రశ్నలను ఈ ఘటన లేవనెత్తింది. ప్రస్తుతం ఇంటర్నెట్‌ వేదికగా వందల కొద్ది వ్యక్తులు ఈ విషయంపై స్పందిస్తున్నారు.  వివాదానికి కారణం హర్షవడ్లమాని అనే ట్విట్టర్‌ యూజర్‌ జనవరి 12న నగరంలో ఓ అపార్ట్‌మెంట్‌ లిఫ్టు దగ్గర అంటించి నోటీస్‌ పోస్టర్‌ని ట్విట్టర్‌లో పోస్ట్‌  చేశారు. ఆ నోటీసులో ఇంటి పని చేసేవాళ్లు, డెలివరీ బాయ్స్‌, డ్రైవర్లు మెయిన్‌ లిఫ్టు ఉపయోగిస్తే రూ.300 జరిమానా విధిస్తామని పేర్కొన్నారు. Cyberabad, 2022. pic.twitter.com/4XrldTlEel — Harsha Vadlamani (@Hrsha) January 12, 2022 ఇది సరికాదు.. కేటీఆర్‌ స్పందించాలి ఇంట్లో పని చేసేవాళ్లు, డ్రైవర్లు, డెలివరి బాయ్స్‌ పట్ల సదరు అపార్ట్‌మెంట్‌ వాసులు వివక్ష చూపిస్తున్నారంటూ నెటిజన్లు మండిపడుతున్నారు. మనుషులందరు ఒకటే అని కానీ ఇలాంటి నిర్ణయాలు ఈ రోజుల్లో కూడా అమలు చేస్తున్నారా ? అంటూ ఆగ్రహం వ్యక​‍్తం చేస్తున్నారు. సాటి మనుషుల పట్ల ఇలా వ్యవహరించిన వారిపై చట్ట పరంగా చర్యలు తీసుకోవాలంటూ డిమాండ్‌ చేస్తున్నారు. పని వాళ్లు వండిన తిండి తింటూ వారిని ఇలా అవమానించడం సరికాదంటున్నారు. వెంటనే ప్రభుత్వ అధికారులకు, పోలీసులకు ఫిర్యాదు చేయాలంటున్నారు. మరికొందరైతే ఏకంగా ఈ విషయంలో జోక్యం చేసుకోవాల్సిందిగా మంత్రి కేటీఆర్‌ ట్యాగ్‌ చేస్తూ ట్వీట్‌ చేస్తున్నారు.  @cyberabadpolice @cpcybd should take action against the society, this is discrimination. — Bhushan (@kakollu_bhushan) January 12, 2022 @KTRTRS Sir pls take action. — Tejaaaa (@iamteja_8) January 12, 2022 మేము ఇలాగే చేస్తున్నాం పని మనుషులు లిఫ్ట్‌ ఉపయోగిస్తే రూ.300 ఫైన్‌ విధించే నిర్ణయంపై నెటిజన్లు దుమ్మెత్తి పోస్తుంటే.. మరికొందరు ఆ నిర్ణయం తీసుకోవడానికి గల కారణాలను వివరిస్తున్నారు. కరోనా వైరస్‌ భయం కారణంగా అపార్ట్‌మెంట్‌లో రాకపోకలు, కదలికపై ఆంక్షలు అమలు చేస్తున​‍్నట్టు చెబుతున్నారు. మెయిన్‌ లిఫ్టు వాడకంపై ఆంక్షలు ఉండటం సరైనదే అని.. ఎక్కువగా ఫోకస్‌ అయ్యే పని వాళ్లు, డెలివరీ పర్సన్స్‌, డ్రైవర్లు తదితరుల కోసం సర్వీసు లిఫ్టు అందుబాటులో ఉంటుందని బదులిస్తున్నారు. మరికొందరు తమ అపార్ట్‌మెంట్‌లో రెండు లిఫ్టులు ఉంటే ఒకటి కోవిడ్‌ రిస్క్‌​ ఎక్కువగా ఉండే వృద్ధులకు, మరొకటి మిగిలిన వాళ్లు ఉపయోగిస్తున్నామని వివరిస్తున్నారు. రిస్క్‌ ఎక్కువగా ఉన్నప్పుడు కఠిన నిర్ణయాలు తప్పడం లేదన్నట్టుగా మాట్లాడుతున్నారు.  @cyberabadpolice @cpcybd should take action against the society, this is discrimination. — Bhushan (@kakollu_bhushan) January 12, 2022 భవిష్యత్తులో ఇవి తప్పవా? కోవిడ్‌ మహమ్మారి వచ్చిన తర్వాత ప్రపంచ వ్యాప్తంగా అనేక రంగాల్లో మార్పులు చేర్పులు చోటు చేసుకున్నాయి. మాస్క్‌, శానిటైజర్‌, ఫిజికల్‌ డిస్టెన్స్‌ వంటివి నిత్య జీవితంలో భాగమయ్యాయి. వర్క్‌ ఫ్రం హోం, హైబ్రిడ్‌ వర్క్‌లాంటి పని విధానాలు వచ్చాయి. కోవిడ్‌ ఎండెమిక్‌గా ఉండిపోయే అవకాశం ఉందని ఇప్పుడే శాస్త్రవేత్తలు హెచ్చరిస్తున్నారు. దీంతో కరోనా ఉన్నంత కాలం అపార్ట్‌మెంట్లు, గేటెడ్‌ కమ్యూనిటీ, హౌసింగ్‌ సొసైటీల్లో ఈ సమస్య పదే పదే ఉత్పన్నం అవుతుందంటున్నారు. ఇరు వర్గాల వాదనల్లో వాస్తవం ఉందంటున్నారు. ఈ సమస్యకు పరిష్కారంగా అపార్ట్‌మెంట్ల నిర్మాణంలోనే సర్వీస్‌ లిఫ్టులు, శానిటైజర్‌ ఛాంబర్స్‌, డెలివరీ గేట్‌వే తదితర ఏర్పాట్లు తప్పవా ? అనే చర్చ రియల్టీ వర్గాల్లో నడుస్తోంది.  చదవండి: గృహ విక్రయాలు, లాంచింగ్స్‌లో హైదరాబాద్‌ రికార్డ్‌

యాషెస్‌ సిరీస్‌లో భాగంగా ఇంగ్లండ్‌పై వరుసగా మూడు టెస్టుల్లో విజయం సాధించి ఫుల్‌ జోష్‌లో ఉన్న ఆస్ట్రేలియా ఆటగాళ్లు మెల్‌బోర్న్‌ హోటల్‌ రూంలో సంబరాలు చేసుకున్నారు. ఈ నేపథ్యంలోనే స్మిత్‌ కూడా వారి సంబరాలకు సంబంధించిన ఫోటోలను ఇన్‌స్టాగ్రామ్‌లో పంచుకోవాలనుకున్నాడు. అయితే అనుకోకుండా తాను ఎక్కిన లిఫ్ట్‌ డోర్‌ ఇరుక్కుపోయింది.  దీంతో ఈ వైస్‌ కెప్టెన్‌ సాంకేతిక కారణాలతో 55 నిమిషాల పాటు లిఫ్ట్‌లో గడపాల్సి వచ్చింది. తన సహచర క్రికెటర్‌ మార్నస్‌ లబుషేన్‌ స్మిత్‌ను బయటికి తీసే ప్రయత్నం చేసినప్పటికి లాభం లేకపోయింది. చివరికి లిఫ్ట్‌ టెక్నిషియన్‌ వచ్చి స్మిత్‌ను క్షేమంగా బయటికి తీశాడు. ఈ మొత్తాన్ని స్మిత్‌ తన ఇన్‌స్టాగ్రామ్‌లో ఫన్నీవేలో చెప్పుకొచ్చాడు.   చదవండి: Ashes Series 2021-22: ఆస్ట్రేలియా స్టార్‌ క్రికెటర్‌కు కరోనా.. '' లిఫ్ట్‌ ఎక్కిన తర్వాత నేను వెళ్లాల్సిన ఫ్లోర్‌ వచ్చినప్పటికి డోర్స్‌ ఓపెన్‌ కాలేదు. దీంతో బయట ఉన్న మార్నస్‌ లబుషేన్‌కు సమాచారం అందించాను. ఒకవైపు నేను ఓపెన్‌ చేయడానికి ప్రయత్నించగా.. అటువైపు లబుషేన్‌ కూడా ప్రయత్నించాడు.  మా ప్రయత్నాలు ఫలించకపోవడంతో లిఫ్ట్‌ ఆపరేటర్‌ వచ్చి నన్ను కాపాడాడు. పోయిన ప్రాణం తిరిగివచ్చింది అనుకున్నా ఆ క్షణంలో.. ఇక 55 నిమిషాల పాటు లిఫ్ట్‌లో నరకం అనుభవించా. ఆ తర్వాత రూమ్‌లోకి వచ్చి రెస్ట్‌ తీసుకున్నా'' అంటూ రాసుకొచ్చాడు. ఇక యాషెస్‌ టెస్టు సిరీస్‌లో ఆస్ట్రేలియా దుమ్మురేపుతుంది. వరుసగా మూడు టెస్టుల్లో భారీ విజయాలు అందుకున్న ఆసీస్‌ ఐదు టెస్టుల సిరీస్‌లో 3-0తో ఆధిక్యంలో ఉంది. ఇరుజట్ల మధ్య నాలుగో టెస్టు జనవరి 5 నుంచి 9 వరకు సిడ్నీ వేదికగా జరగనుంది. చదవండి: Year End 2021: నిజంగానే అపురూపం.. ఆటల్లో ఎన్నో అద్భుతాలు, మరెన్నో.. such incredible content from the big man stuck in a lift pic.twitter.com/5XtZasAMWk — Abi Slade (@abi_slade) December 30, 2021

సాక్షి, పంజగుట్ట(హైదరాబాద్‌): మానవత్వంతో లిఫ్ట్‌ ఇచ్చిన పాపానికి ఓ కానిస్టేబుల్‌ మెడలోని చైన్‌ను దొంగిలించిన సంఘటన పంజగుట్ట పోలీస్‌స్టేషన్‌ పరిధిలో చోటు చేసుకుంది. పోలీసులు తెలిపిన మేరకు.. సన్‌సిటీలో నివాసం ఉండే ఈశ్వర్‌ ప్రసాద్‌ ఏఆర్‌ కానిస్టేబుల్‌.  ఈ నెల 12న రాత్రి 8:30 సమయంలో విధులు ముగించుకుని ఇంటికి వస్తుండగా గ్రీన్‌ల్యాండ్స్‌ వద్ద ఓ యువతి లిఫ్ట్‌ అడగగా ఆమెకు లిఫ్ట్‌ ఇచ్చాడు. రాత్రి 9 గంటలకు ఆమెను పంజగుట్టలో దింపి ఇంటికి వెళ్లిపోయాడు. ఇంట్లో స్నానం చేసే సమయంలో తన బంగారు గొలుసు మాయమైనట్లు తెలుసుకున్నాడు. పంజగుట్ట పోలీసులకు ఫిర్యాదు చేయగా కేసు నమోదు చేసుకుని దర్యాప్తు చేస్తున్నారు. కాగా నిందితురాలు మహంకాళి పోలీస్‌స్టేషన్‌ పరిధిలో కూడా ఇలానే దొంగతనం చేసేందుకు యత్నించగా అక్కడి పోలీసులు ఆమెను మంగళవారం అదుపులోకి తీసుకున్నారు. విచారణ చేయగా పంజగుట్టలో కానిస్టేబుల్‌ వద్ద కూడా చైన్‌ కొట్టేసినట్లు తెలిపింది. కాగా ఆమె ట్రాన్స్‌జెండర్‌గా పోలీసులు గుర్తించారు. బెంగళూరుకు చెందిన అంజూన్‌ అని నిర్ధారించారు. అంజూన్‌ బెంగళూరు నుండి హైదరాబాద్‌కు వచ్చి దొంగతనాలు చేసి తిరిగి వెల్లిపోతుందని పోలీసులు తెలిపారు. ఈ మేరకు కేసు నమోదు చేసుకుని దర్యాప్తు చేస్తున్నారు. 

పక్కనే మెట్లు ఉన్నా.. లిఫ్ట్‌ను ఉపయోగించే వారే ఎక్కువ. మరి, ఒక్కసారైనా.. లిఫ్ట్‌లోని బటన్స్‌ను పరిశీలించారా? వాటి పేర్లు, ఉపయోగాలను తెలుసుకునే ప్రయత్నం చేశారా? తెలుసుకోవడానికి ఏముంది? మహా అయితే, డోర్‌ క్లోజ్, డోర్‌ ఓపెన్, అలారమ్, అంతస్తులను సూచించే నంబర్‌ బటన్స్‌.. అంతే కదా! అని అనుకుంటే పొరపాటు. ప్రపంచంలోని అన్ని రకాల లిఫ్ట్‌ బటన్స్‌ గురించి తెలిపేలా జపాన్‌లోని ఓ పరిశ్రమ లిఫ్ట్‌ టూర్‌ నిర్వహిస్తోంది. ఇందుకోసం 1,048 బటన్స్‌తో కూడిన ఓ పెద్ద లిఫ్ట్‌ బటన్‌ డిస్‌ప్లే వాల్‌ ఏర్పాటు చేసింది. వాల్‌పై కనిపించే బటన్‌ నొక్కి, దాని పేరు, ఉపయోగం తెలుసుకోవచ్చు. ఎక్కువమంది ‘నెవర్‌ ప్రెస్‌’ బటన్‌ నొక్కారు. ఈ బటన్‌ లిఫ్ట్‌ను మధ్యలోనే ఆగిపోయేలా చేస్తుంది. తిరిగి పనిచేయాలంటే.. లాక్‌ ఓపెన్‌ చేసి, రీస్టార్ట్‌ చేయాల్సిందే. అయితే, అన్నింటిలోనూ ఈ బటన్‌ ఉండదు. భద్రత కోసం కొంతమంది వీఐపీలు వారి ఇళ్లల్లో వీటిని ఏర్పాటు చేయించుకుంటారట. ఇందుకోసం అధికారులకు సరైన కారణం, పత్రాలు కూడా సమర్పించాలి. ఇలా ఎంతోమంది లిఫ్ట్‌ బటన్స్‌పై సరైన అవగాహన లేక.. ప్రమాదాలకు గురవుతున్నారు. వీటిని అరికట్టడానికి ఈ టూర్‌ ఎంతగానో ఉపయోగపడుతుంది. బాగుంది కదూ! మీరు కూడా ఈ టూర్‌కు వెళ్లాలనుకుంటే.. కాస్త వేచి చూడాల్సిందే. ఎందుకంటే, వచ్చే ఏడాది జూన్‌ వరకు ఈ టూర్‌ టికెట్స్‌ అన్నింటినీ జపాన్‌లోని వివిధ స్కూల్‌ యాజమాన్యాలు బుక్‌ చేసుకున్నాయి. చదవండి: ఇక చంద్రుడి మీద డుగ్గు డుగ్గు.. ‘నాసా’ కొత్త తరహా బుల్లెట్టు

సాక్షి, బంజారాహిల్స్‌(హైదరాబాద్‌): సినిమా హీరోలా తాను కూడా ఓ అమ్మాయిని ముద్దు పెట్టుకోవాలనుకున్న ఓ బాలుడు లిఫ్ట్‌లో ఒంటరిగా ఉన్న బాలికతో అసభ్యంగా ప్రవర్తించిన ఘటన జూబ్లీహిల్స్‌ పోలీస్‌ స్టేషన్‌ పరిధిలో చోటు చేసుకుంది. మైనర్‌ బాలుడిని విచారించగా తాను కొన్ని సినిమాలను చూశానని, ఓ హీరో ఆ సినిమాలో హీరోయిన్‌ను ముద్దు పెట్టుకునే సీన్‌ తనకు బాగా నచ్చిందని, తనలా నేను కూడా ఎప్పటికైనా చేయాలనే ఆలోచనతో ఇలా చేశానని చెప్పడంతో పోలీసులు షాక్‌ అయ్యారు.   వివరాల్లోకి వెళ్తే.. జూబ్లీహిల్స్‌ రోడ్‌ నెం.10లోని వెంకటగిరి సమీపంలో ఉన్న ఓ అపార్ట్‌మెంట్‌ వద్ద వాచ్‌మెన్‌ కుమారుడు(14) అదే అపార్ట్‌మెంట్‌లోని 3వ తరగతి చదువుతున్న ఎనిమిదేళ్ల బాలికను ఆరో అంతస్తులో ఎవరో పిలుస్తున్నారంటూ మంగళవారం సాయంత్రం బాలికను లిఫ్ట్‌లోకి రప్పించి ముద్దు పెట్టుకున్నాడు. లిఫ్ట్‌ ఆరో అంతస్తుకు వెళ్లే వరకు ఆ బాలిక పట్ల అసభ్యంగా ప్రవర్తించాడు. తన వద్ద ఉన్న ఫోన్‌తో బాధిత బాలిక తల్లికి ఫోన్‌ చేసింది. అప్రమత్తమైన తల్లి అక్కడికి చేరుకొని తన కూతురిని ఇంటికి తీసుకెళ్లింది. జరిగిన ఘటనపై జూబ్లీహిల్స్‌ పోలీసులకు ఫిర్యాదు చేయడంతో పోలీసులు బాలుడిని ఐపీసీ సెక్షన్‌ 354, పోక్సో యాక్ట్‌ కింద కేసు నమోదు చేసి జువైనల్‌ హోంకు తరలించారు. జూబ్లీహిల్స్‌ పోలీసులు కేసు దర్యాప్తు చేస్తున్నారు.   చదవండి: Banjarahills: భార్యను చంపి.. గడ్డిలో చుట్టేశాడు

లక్నో: ఓ ఆస్పత్రిలో దాదాపు 24 ఏళ్లుగా మూసి ఉన్న ఎలివేటర్‌ని రెండు మూడు రోజుల క్రితం తెరిచారు. అయితే అనూహ్యంగా దానిలో వారికి ఓ అస్థిపంజరం కనిపించి భయభ్రాంతులకు గురి చేసింది. విషయం పోలీసులు తెలియడంతో వారు అక్కడకు చేరుకుని దర్యాప్తు ప్రారంభించారు. ఈ సంఘటన ఉత్తరప్రదేశ్‌లో చోటు చేసుకుంది. ఆ వివరాలు..  ఉత్తరప్రదేశ్‌ బస్తి జిల్లా కైలీ ప్రాంతంలో 1991 సంవత్సరంలో 500 పడకలతో ఓపెక్‌ ఆస్పత్రిని ప్రారంభించారు. ఈ క్రమంలో ఆస్పత్రిలో ఉన్న ఎలివేటర్‌ పాడు కావడంతో ఆరు సంవత్సరాల తర్వాత అనగా 1997లో మూసి వేశారు. అప్పటి నుంచి క్లోస్‌ చేసి ఉన్న ఈ ఎలివేటర్‌ని 24 ఏళ్ల తర్వాత అనగా ఈ ఏడాది సెప్టెంబర్‌ 1న తెరిచారు. ఈ క్రమంలో దానిలో వారికి ఓ అస్థిపంజరం దర్శనమిచ్చి భయభ్రాంతులకు గురి చేసింది. (చదవండి: ‘దృశ్యం’ సీన్‌: పోలీస్‌స్టేషన్‌లో అస్థిపంజరం) ఈ విషయం పోలీసులకు తెలియడంతో వారు ఆస్పత్రి వద్దకు చేరుకుని దర్యాప్తు ప్రారంభించారు. ప్రస్తుతం ఫోరెన్సిక్‌ సిబ్బంది ఈ మిస్టరీని ఛేదించే పనిలో ఉన్నారు. ఈ అస్థిపంజరం పురుషుడిదిగా గుర్తించారు. ఇక పోలీసులు గత 24 ఏళ్లుగా ఈ ప్రాంతంలో నమోదైన మిస్సింగ్‌ పర్సన్స్‌ ఫిర్యాదులను పరిశీలిస్తున్నారు. (చదవండి: ముగ్గురు భార్యలు.. 3 అస్థిపంజరాలు: వీడిన మిస్టరీ) ప్రస్తుతం పోలీసులు పని చేయని లిఫ్ట్‌లోకి ఈ వ్యక్తి ఎందుకు వెళ్లాడు... అతడే లోపలికి వెళ్లాడా.. లేక ఎవరైనా అతడిని హత్య చేసి ఆ తర్వాత మృతదేహాన్ని తీసుకువచ్చి.. దీనిలో పడేశారా.. లేక పొరపాటున సదరు వ్యక్తి లిఫ్ట్‌లో ఇరుక్కుపోయి.. ఊపిరాడక చనిపోయి ఉంటాడా అనే కోణాల్లో దర్యాప్తు చేస్తున్నారు. డీఎన్‌ఏ రిపోర్ట్‌ వస్తే దీనికి సంబంధించి మరిన్ని వివరాలు తెలుస్తాయంటున్నారు పోలీసులు. (చదవండి: ఈ బుడ్డోడు సూపర్‌.. అస్థిపంజరంతో కలిసి) ఈ సందర్భంగా బస్తి జిల్లా ఎస్పీ మాట్లాడుతూ.. దీనికి సంబంధించి ఎవరైనా రాతపూర్వక ఫిర్యాదు ఇస్తే.. మేం కేసు నమోదు చేస్తాం. ప్రస్తుతం పోలీసులు పలు కోణాల్లో ఈ కేసును దర్యాప్తు చేస్తున్నారు. ఈ మగ అస్థిపంజరం వెనక ఉన్న మిస్టరీని పరిష్కరించడానికి జిల్లాలోని 24 పోలీసు స్టేషన్ల పోలీసులు పని చేస్తున్నారు అని తెలిపారు. 

సాక్షి, మియాపూర్‌:  అపార్ట్‌మెంట్‌లోకి దూరి అక్కడ ఆడుకుంటున్న ఐదేళ్ల బాలికను లిఫ్టులోకి తీసుకెళ్లి అసభ్యకరంగా ప్రవర్తించిన ఘటన మియాపూర్‌ పోలీస్‌ స్టేషన్‌ పరిధిలో చోటుచేసుకుంది. బాధితులు, పోలీసులు తెలిపిన ప్రకారం.. రాజస్థాన్‌లోని గోరక్‌పూర్‌కు చెందిన గోరక్‌ ప్రసాద్, రేణుక పదేళ్ల నుంచి మియాపూర్‌ హాఫీజ్‌పేట్‌లోని మార్తాండనగర్‌ కాలనీలోని ఓ అపార్ట్‌మెంట్‌లో నివాసముంటూ ఇంటిరీయర్‌ పనులు చేస్తూ జీవనం కొనసాగిస్తున్నారు. వీరికి ముగ్గురు కూతుళ్లు, ఇద్దరు కుమారులు. మూడో కుమార్తె(5) సోమవారం మధ్యాహ్నం దుకాణంలో చాక్లెట్‌ తీసుకొని అపార్ట్‌మెంట్‌ ముందు ఆడుకుంటోంది. ఓ గుర్తు తెలియని వ్యక్తి అపార్ట్‌మెంట్‌లోకి వచ్చి చిన్నారిని అపార్ట్‌మెంట్‌ లిఫ్టులోకి తీసుకెళ్లి అసభ్యకరంగా ప్రవర్తించాడు. చిన్నారి ఏడ్చుకుంటూ తల్లిదండ్రులకు విషయం చెప్పింది. ఈ దృశ్యాలు సీసీ కెమెరాలో రికార్డు కావడంతో పోలీసులు కేసు నమోదు చేసుకొని దర్యాప్తు చేస్తున్నారు. వ్యక్తి కోసం గాలిస్తున్నట్లు చెప్పారు.

సాక్షి, హైదరాబాద్‌: సచివాలయంగా వినియోగిస్తున్న బీఆర్‌కేఆర్‌ బిల్డింగ్‌లో శుక్రవారం ఓ లిఫ్టు ఏడుగురు అధికారులను ఉక్కిరిబిక్కిరి చేసింది. ఏకంగా 40 నిమిషాల పాటు రెండు అంతస్తుల మధ్యలో నిలిచిపోవటంతో గందరగోళం నెలకొంది. అంతసేపు లిఫ్టు ఆగిపోవటంతో అధికారులు తీవ్ర ఆగ్రహం వ్యక్తం చేశారు. ఆ లిఫ్టు కంపెనీపై ప్రభుత్వ ప్రధాన కార్యదర్శి సోమేశ్‌కుమార్‌కు ఫిర్యాదు చేశారు. ప్రస్తుతం నిర్మిస్తున్న ప్రభుత్వ కొత్త భవనాల్లో ఎక్కువగా ఇదే కంపెనీ లిఫ్టులు ఏర్పాటు చేస్తున్నారని, బీఆర్‌కేఆర్‌ భవనాన్ని సచివాలయంగా మార్చిన నేపథ్యంలో ఏడాది క్రితమే ఈ లిఫ్టు ఏర్పాటు చేశారని, ఇలాంటి నాసిరకం లిఫ్టులను ఇకపై కొత్తగా నిర్మించే భవనాల్లో అనుమతించవద్దని ఆ ఫిర్యాదులో పేర్కొన్నట్టు తెలిసింది. శంషాబాద్‌–అరాంఘర్‌ మధ్య ఆరువరుసల రోడ్డుకు సంబంధించి శుక్రవారం ప్రభుత్వ ప్రధాన కార్యదర్శి సోమేశ్‌కుమార్‌ సచివాలయంలో సమావేశం ఏర్పాటు చేశారు. దీనికి రోడ్లు, భవనాల శాఖకు చెందిన నలుగురు అధికారులు, కేంద్ర ఉపరితల రవాణా శాఖకు చెందిన ముగ్గురు అధికారులు హాజరు కావాల్సి ఉంది. సీఎస్‌ కార్యాలయానికి వెళ్లేందుకు వారు మధ్యాహ్నం రెండు గంటల సమయంలో లిఫ్టు ఎక్కారు. మొదటి–రెండో అంతస్తు మధ్యలోకి రాగానే సాంకేతిక కారణాలతో లిఫ్టు నిలిచిపోయింది. అది ఎంతసేపటికీ పనిచేయకపోవటంతో దాదాపు 40 నిమిషాల తర్వాత బలవంతంగా తలుపులు తెరిపించి చిన్న నిచ్చెన ద్వారా లోపల ఇరుక్కున్న వారిని అతికష్టంమీద బయటకు తీశారు. సాధారణంగా సమస్యలు తలెత్తితే లిఫ్టులు తదుపరి అంతస్తుకు వెళ్లి తలుపులు తెరుచుకునే సాంకేతికత ప్రస్తుతం అందుబాటులో ఉంది. కానీ ఏడాది క్రితమే ఏర్పాటు చేసిన ఈ లిఫ్టు అలా కాకుండా మధ్యలో నిలిచిపోవటం, కొంతసేపు ఫ్యాన్‌ కూడా ఆగిపోవటంతో లోపల ఉన్న అధికారులు ఉక్కిరిబిక్కిరయ్యారు.   

బంజారాహిల్స్‌: నిత్యజీవితంలో తనకు ఎదురైన సమస్యనే అనుభవంగా మార్చుకొని కొత్త ఆవిష్కరణకు శ్రీకారం చుట్టాడు. జూబ్లీహిల్స్‌ భారతీయ విద్యాభవన్‌ పబ్లిక్‌ స్కూల్‌ (విద్యాశ్రమం)లో 8వ తరగతి చదువుతున్న సింగం రవికర్‌రెడ్డి సత్తా చాటాడు. ఇన్‌స్పైర్‌ (2019– 20) రాష్ట్రస్థాయి వైజ్ఞానిక ప్రదర్శనలో ప్రతిభ కనబరిచి జాతీయ స్థాయికి ఎంపికయ్యాడు. తన అమ్మమ్మ రంగలక్ష్మి అనారోగ్యం కారణంగా మంచానికే పరిమితమై ఇబ్బందులకు గురవుతున్న దయనీయ పరిస్థితిని గమనించాడు రవికర్‌రెడ్డి. అన్నం తింటే బాత్రూంకు వెళ్లాల్సి వస్తోందని.. తనను పట్టుకోవడానికి ఇద్దరు ముగ్గురు అవసరమవుతున్నారని ఆమె బాధపడుతూ భోజనం చేయడమే మానేసింది. ఈ నేపథ్యంలో బ్రెయిన్‌డెడ్‌ అయి మృతి చెందింది. ఇవన్నీ ఆ చిన్నారిని ఆలోచనలో పడేశాయి. ఇబ్బందులను తొలగించి రోగులను సులువుగా బాత్రూంకు తీసుకెళ్లే యంత్రాన్ని తయారు చేయాలనుకున్నాడు. నెల రోజుల పాటు శ్రమించి సరికొత్త ఆవిష్కరణకు శ్రీకారం చుట్టాడు. ‘ఈజీ లిఫ్ట్‌ అండ్‌ ట్రాన్స్‌ఫర్‌ ఆఫ్‌ పేషెంట్స్‌’ పేరుతో యంత్రాన్ని తయారు చేసి ఇన్‌స్పైర్‌లో ప్రదర్శించాడు. ఈ యంత్రం సహాయంతో రోగులకు సులువుగా సేవలు చేయొచ్చని, వేరొకరి అవసరం లేకుండా కాలకృత్యాలు తీర్చుకునేందుకు సహాయకారిగా ఉపయోగపడుతుందని రవికర్‌రెడ్డి చెప్పాడు. ఈ ఆవిష్కరణలో బీవీబీపీ స్కూల్‌ ప్రిన్సిపాల్‌ అరుణశ్రీ, ఇతర ఉపాధ్యాయుల ప్రోత్సాహం ఎంతో ఉందన్నాడు.

సాక్షి, హైదరాబాద్‌ : మంత్రి కొప్పుల ఈశ్వర్‌ లిఫ్టులో ఇరుక్కుపోయారు. సిబ్బంది తీవ్రంగా శ్రమించిన అనంతరం 30 నిమిషాల తర్వాత సురక్షితంగా బయటపడ్డారు. వివరాలు.. శుక్రవారం సైఫాబాద్‌లోని ఓ కార్యక్రమానికి హాజరయ్యారు మంత్రి కొప్పుల ఈశ్వర్. కార్యక్రమం ముగించుకుని తిరిగివస్తూ అక్కడి లిఫ్ట్‌లోకి ఎక్కారు. అయితే ఆ లిఫ్ట్‌ మధ్యలోనే ఆగిపోయింది. అందులోనుంచి మంత్రిని బయటకు తీసుకువచ్చేందుకు సిబ్బంది తీవ్రంగా శ్రమించారు. దాదాపు 30 నిమిషాలు కష్టం అనంతరం లిఫ్ట్‌ లాక్‌ ఓపెన్‌ అయింది. దీంతో మంత్రి సురక్షితంగా బయటపడ్డారు. చదవండి :  తెలంగాణాలో అమెజాన్‌ భారీ పెట్టుబడులు  

బరువులెత్తగలవా.. ఓ నారీ బరువులెత్తగలవా? అంటే.. బరువులెత్తగలనే అంటారు దిశా పటానీ. ఏంటీ.. ‘చెట్టులెక్కగలవా.. ఓ నరహరి..’ పాట గుర్తొస్తోందా? ఆ పాట గురించి పక్కన పెట్టి, దిశా గురించి చెప్పుకుందాం. ఈ బాలీవుడ్‌ బ్యూటీకి ఫిట్‌నెస్‌ మీద శ్రద్ధ ఎక్కువ. ఆమె సోషల్‌ మీడియాలో దాదాపు అన్నీ ఫిట్‌నెస్‌ పోస్ట్‌లే ఎక్కువగా కనిపిస్తుంటాయి. ఎక్కువ బరువులు మోస్తూ ఎప్పటికప్పుడు తన రికార్డ్‌ను తానే దాటేస్తుంటారు. తాజాగా 75 కేజీల బరువును ఎత్తారామె. ఆ వీడియోను పంచుకుంటూ, ఇదంతా నాకు ‘జస్ట్‌ పీస్‌ ఆఫ్‌ కేక్‌’ (ఇవన్నీ నాకు కేక్‌ వాక్‌ లాంటివి అనే ఉద్దేశంలో) అన్నారామె. ఇటీవలే సల్మాన్‌ ఖాన్‌తో ‘రాధే’ సినిమాలో నటించారు. ఆ సినిమా విడుదల కోసం ఎదురు చూస్తున్నారు దిశా పటానీ. ప్రస్తుతం ‘కేటీనా’ అనే సినిమాలో నటిస్తున్నారు.

ముంబై : డోర్లు మూసుకుపోయిన లిఫ్ట్‌లోకి వరద నీరు చేరుకోవటంతో ఇద్దరు సెక్యూరిటీ గార్డులు మృతి చెందారు. ఈ సంఘటన ముంబైలో బుధవారం చోటుచేసుకుంది. పోలీసులు తెలిపిన వివరాల మేరకు.. ముంబై, కాలా పానీ జంక్షన్‌లోని నతానీ రెసిడెన్సీ‌ బిల్డింగ్‌లో జీమీర్‌ సోహన్‌, శెహజాద్‌ మీమన్‌లు సెక్యూరిటీ గార్డులుగా పని చేస్తున్నారు. గత కొద్దిరోజులుగా కురుస్తున్న వర్షాల కారణంగా వారు ఉంటున్న బిల్డింగ్‌ బేస్‌మెంట్‌ ఫ్లోర్‌లో నీళ్లు చేరసాగాయి. అది తెలియని ఇద్దరూ వాటర్‌ ట్యాంక్‌ మోటర్‌ ఆన్‌ చేయటానికి బేస్‌మెంట్‌కు వెళ్లారు. మెల్లమెల్లగా వరద నీళ్లు బేస్‌మెంట్‌ను నింపటం గమనించి, వచ్చిన లిఫ్ట్‌లోనే వెనక్కు వెళ్లటానికి ప్రయత్నించారు. పై ఫ్లోర్‌కు వెళ్లటానికి లిఫ్ట్ నెంబర్లు నొక్కారు. ( వెలుగుచూస్తున్న కైలాస్‌ నాయక్‌ లీలలు..) అయితే డోర్లు క్లోజ్‌ అయ్యాయి కానీ, లిఫ్ట్‌ పైకి పోలేదు. ఎమర్జన్సీ అలారం మోగించారు. అలారం విన్న బిల్డింగ్‌లోని కొందరు అక్కడికి చేరుకుని వారిని బయటకు లాగే ప్రయత్నం చేసినప్పటికి, లాభం లేకపోయింది. ఆ వెంటనే వారు అగ్నిమాపక శాఖకు సమాచారం అందించారు. అగ్నిమాసక సిబ్బంది అక్కడికి చేరుకుని లిఫ్ట్‌ను కత్తిరించి ఇద్దర్నీ బయటకు తీశారు. అయితే అప్పటికే వరద నీటిలో మునిగిపోయిన ఆ ఇద్దరు ఊపిరాడక చనిపోయారు.

సాక్షి, హైదరాబాద్‌: నగరంలోని అపార్ట్‌మెంట్‌వాసులకు ‘‘లిఫ్ట్‌ బటన్‌’’ కాటేస్తుంది. ఫ్లాట నుంచి గడపదాటకుండానే కరోనా బారిన పడుతున్నారు. కరోనా వైరస్‌ వ్యాప్తి తగ్గినట్లే కనిపిస్తున్నా... వైరస్‌ ఏ రూపంలో, ఏ మూల నుంచి దాడి చేస్తుందో ? తెలియని పరిస్థితి నెలకొంది. ఫ్లాట్‌ నుంచి  బయటికి వెళ్లేటప్పుడు అన్ని జాగ్రత్తలు  తీసుకుంటున్నా... అపార్ట్‌మెంట్‌కు వచ్చే వారికి కట్టడి లేకపోవడం ప్రమాదకరంగా తయారైంది. రోగనిరోధక శక్తిని బట్టి కొందరికి  వైరస్‌ సోకినా కరోనా లక్షణాలు కనబడవు. పైకి మాత్రం ఆరోగ్యంగానే కనిపిస్తారు. ఆలాంటి వారు అపార్ట్‌మెంట్‌కు వచ్చి లిఫ్ట్‌ వినియోగించడం ఫ్లాట్‌వాసుల పట్ల ప్రాణాంతకరంగామారుతోంది. కరోనా వ్యాధిగ్రస్తుడు లిఫ్ట్‌ బటన్‌ నొక్కి వెళ్లి పోగా ఆ తర్వాత లిఫ్ట్‌ బటన్‌ నొక్కే వారందరికీ  వైరస్‌ సోకుతుంది. ఈ తరువాత వారి ద్వారా కుటుంబ సభ్యులకు, అ తర్వాత మిగితా ఫ్లాట్స్‌ వారు క్రమనంగా కరోనాబారిన పడుతున్న సంఘటనలు అనేకం.  లోహంపై ప్రభావం  అపార్‌మెంట్స్‌లలో లిఫ్ట్‌ బటన్‌ ప్రాణాంతకరంగా  మారుతోంది. కరోనా సోకిన వ్యక్తి దగ్గినపుడు అతడి ముక్కు, నోటి నుంచి వచ్చిన చిన్న తుంపర్ల ద్వారా  వైరస్‌ వ్యాపిస్తోంది. చిన్నగా దగ్గినా మూడు వేలకు పైగా తుంపర్లు బయటికి వస్తాయి. ఇవి మిగతావారిపై, చుట్టూ ఉన్న బట్టలు,  వస్తువులు, ఇతర ఉపరితలాలపై పడతాయి కొన్ని చిన్న అణువులు ఇంకా గాల్లోనే ఉండిపోతాయి. కరోనా వైరస్‌లపై జరిగిన కొన్ని అధ్యయనాల్లో పూర్తిగా క్రిమిరహితం చేయనంతవరకూ అవి లోహం, గ్లాస్, ప్లాస్టిక్‌ మీద తొమ్మిది రోజుల వరకూ  జీవించి ఉంటాయని, వాటిలో కొన్ని బయట కనిష్ట ఉష్ణోగ్రతల్లో 28 రోజుల వరకూ సజీవంగా ఉంటాయిని తెలుస్తోంది.  దీంతో లిఫ్ట్‌  వినియోగం కూడా ప్రమాదకరంగా తయారైంది.  35 శాతం కుటుంబాలు  హైదరాబాద్‌ మహా నగరంలోని సుమారు 35 శాతం పైగా కుటుంబాలు అపార్ట్‌మెంట్స్‌లో నివసిస్తున్నట్లు అంచనా. నగరంలో  ఇండిపెండెంట్‌ గృహం కొనడానికి కానీ, అద్దెకు ఉండటానికి గాని సామాన్యులు, మధ్య తరగతి వారికి అందుబాటులో లేని కారణంగా ఆపార్ట్‌మెంట్‌ ఫ్లాట్స్‌పైనే ఆసక్తి కనబర్చుతుంటారు. కరోనా విశ్వ రూపం ప్రదరిస్తుండటంతో ఆదిలో అపార్ట్‌మెంట్‌లో రాకపోకలకు కట్టడి చర్యలు చేపట్టినా.. ఆ తర్వాత గాలికి వదిలేశారు.లాక్‌డౌన్‌ సడలింపు కొన్ని రంగాలు అన్‌లాక్‌గా మారడంతో  అపార్ట్‌మెంట్స్‌కు రాకపోకలు అధికమయ్యాయి.దీంతో పలు అపార్ట్‌మెంట్‌వాసులు  కరోనా  బారిన పడుతున్నారు. కరోనా మృతుల్లో అపార్ట్‌మెంట్‌లలో నివసిస్తున్నవారే అధికంగా ఉన్నట్లు తెలుస్తోంది.   బయటపడని వైనం  అపార్ట్‌మెంట్స్‌లోని ఫ్లాట్స్‌లో నివాసం ఉండే వారిలో ఎవరి ప్రపంచం వారిది. ఇరుగు పోరుగు వారికి వరుసలు పెట్టి పిలువడం లాంటి పలకరింపులు  దేవుడేరుగు కానీ, ఎదురు పడితే కనీస పలకరింపులు కూడా ఉండవు. ఎవరు ఎక్కడి నుంచి  వస్తున్నారు...ఎప్పుడు ఎవరూ ఎక్కడి వెళ్తున్నారు తెలియదు. ఎవరికైనా  ఆరోగ్యంలో ఏమైనా మార్పు కనిపిస్తే..అనుమానం ఉంటే ప్రయివేటు ఆసుపత్రికి వెళ్లి టెస్ట్‌లు చేయించుకోవడం.. పాజిటివ్‌ వస్తే గుట్టుచప్పుడు కాకుండా హోమ్‌ ఐసోలేషన్‌కు పరిమితం కావడం సర్వసాధరణమైంది. కనీసం  పక్క ఫ్లాట్‌ వారికి కూడా తెలియకుండా జాగ్రత్త పడుతూ మేకపోతు గాంభీర్యం నటిస్తుంటారు. రోగనిరోధక శక్తితో కొందరు హోమ్‌ ఐసోలేషన్‌తోనే కోలుకుంటుండగా, మరికొందరు పరిస్ధితి విషమించి ఆసుపత్రికి వెళ్లడమో లేదా... ఫ్లాట్‌లోనే  మృత్యువాత పడటం పరిపాటిగా తయారైంది.   

సాక్షి, ఖమ్మం : తెలంగాణ కరోనా వైరస్‌ ప్రభావం రోజురోజుకూ పెరుగుతోంది. వైరస్‌ కట్టడికి ప్రభుత్వం ఎన్ని చర్యలు చేపట్టినా  ఏమాత్రం నియంత్రణలోకి రావడంలేదు. ప్రాణాంతక పురుగు ఏ మూల నుంచి దాడి చేస్తోందోనని ప్రజలు భయాందోళనకు గురవుతున్నారు. మొదట్లో కేవలం జీహెచ్‌ఎంసీ పరిధిలోనే వ్యాప్తి చెందిన కరోనా రోజులు గడుస్తున్నా కొద్దీ జిల్లాలకు, పల్లెలకు పాకుతోంది. ఈ క్రమంలోనే ఖమ్మం పట్టణం సమీపంలో ఆపార్టమెంట్‌లో కరోనా కలకలం రేపింది. ఓ వ్యక్తి తెలియక చేసిన తప్పిదానికి ఓ అపార్ట్‌మెంట్‌లోని అందరికీ వైరస్‌ పాకింది. తొలుత లిఫ్ట్‌ బటన్‌ నొక్కిన వారంరికీ వచ్చిందని, ఈ తరువాత వారి ద్వారా అపార్ట్‌మెంట్‌లోని 20 ఫ్లాట్స్‌లో ఉన్న వారందరికీ వైరస్‌ పాకినట్లు స్థానికుల ద్వారా తెలిసింది. బాధితులకు వైద్యులు చికిత్స అందిస్తున్నారు. (క్వారంటైన్ నిబంధనలు: తెలంగాణ సర్కార్‌ కీలక నిర్ణయం)

బీజింగ్‌ : చేతికి కట్టిఉన్న సేఫ్టీ లీష్‌ (తీగ లాగా ఉండే ‘సేఫ్టీ లీష్’‌ను పిల్లలు తప్పిపోకుండా, ఎవరైనా ఎత్తుకుపోకుండా ఉండేందుకు తల్లిదండ్రులు‌ దీని ఓ కొనను పిల్లలకు మరో కొనను తమకు కట్టుకుంటారు) కారణంగా ఓ చిన్నారి తీవ్ర ఇబ్బందికి గురైంది. లిఫ్ట్‌ తలుపుల మధ్య సేఫ్టీ లీష్‌ చిక్కుకుని కొన్ని క్షణాలు నరకం అనుభవించింది. చైనాలోని హ్యూబే ప్రావిన్స్‌లో చోటు చేసుకున్న ఈ సంఘటన ఆలస్యంగా వెలుగు చూసింది. వివరాల్లోకి వెళితే.. డాయి సిటీకి చెందిన ఓ బాలిక గత గురువారం ఓ మహిళతో కలిసి బయటకు వచ్చింది. ఓ భవనంలోకి అడుగుపెట్టగానే బాలిక వెంటనే అక్కడి లిఫ్ట్‌లోకి వెళ్లింది. ఆ వెంటనే లిఫ్ట్‌ క్లోజ్‌ అయింది. ( వైరల్‌ వీడియో: ఇద్దరిపై చిరుత పంజా! ) లిఫ్టులో ఇరుక్కుపోయిన చిన్నారి అయితే చేతికి ఉన్న సేఫ్టీ లీష్‌‌ లిఫ్ట్‌ తలుపుల మధ్య చిక్కుకోవటంతో బాలిక లిఫ్ట్‌తో పాటు ఠక్కున పైకి వెళ్లిపోయింది. ఏం జరుగుతోందో అర్థంకాని పరిస్థితిలో చిన్నారి ఉక్కిరిబిక్కిరి అయింది. పైన ఉన్న లిఫ్ట్‌ తలుపుల కొనలకు అతుక్కుపోయింది. కొన్ని క్షణాల పాటు గాల్లోనే ఉండిపోయింది. కొద్ది సేపటి తర్వాత సేఫ్టీ లీష్‌ లూజ్‌ అవటంతో కిందకు పడింది. బతుకుజీవుడా అంటూ బయటకు వెళ్లడానికి లిఫ్ట్‌లో ఉన్న ఫ్లోర్‌ నెంబర్స్‌ నొక్కుతూ ఉండిపోయింది.

సాక్షి, హైదరాబాద్‌ : తండ్రి కూతురు లిఫ్ట్‌లో ఇరుక్కుని నరకయాతన పడిన సంఘటన హైదరాబాద్‌లోని మణికొండలో చోటు చేసుకుంది. ల్యాంకో హిల్స్‌లో నివాసం ఉంటున్న ఓ వ్యక్తి ఆదివారం తన  కూతురుతో కలిసి లిఫ్ట్‌ ఎక్కాడు. అయితే సాంకేతిక లోపం కారణంగా లిఫ్ట్‌ ఆగిపోయింది. సహాయం కోసం 40 నిమిషాల పాటు అతడు ఆర్తనాదాలు చేశాడు. అయినా ఎవరూ రాకపోవడంతో స్వయంగా లిప్ట్‌ తలుపులు తెరిచేందుకు విశ్వప్రయత్నాలు చేశాడు. చివరకి తన ప్రయత్నం ఫలించి తలుపులు తెరచుకోవడంతో లిఫ్ట్‌ నుంచి కూతురితో క్షేమంగా బయటపడ్డారు. ఆ దృశ్యాలు ఆక్కడి సీసీ కెమెరాలో రికార్డు అయ్యాయి.

సాక్షి, ముంబై: ఆర్థిక సంక్షోభంలో చిక్కుకున్న యస్‌ బ్యాంకులో పునరుద్ధరణ  చర్యలు చకా చకా జరిగిపోతున్నాయి. ఇప్పటికే ఆర్‌బీఐ పునరుద్ధరణ ప్రణాళిక ప్రతిపాదనలను ఆమోదించిన  కేంద్ర కేబినెట్‌ తదుపరి చర్యల్ని కూడా అంతే వేగంగా  పూర్తి చేస్తోంది. దీనిలో భాగంగా ఇప్పటికే పాలనాధికారిగా బాధ్యతలు నిర్వహిస్తున్న ప్రశాంత్‌ కుమార్‌ను సీఈవో, ఎండీగా ఎంపిక చేసింది. ఈ మేరకు ప్రభుత్వం శనివారం (మార్చి 14)న వెల్లడించింది. అంతేకాదు శుక్రవారం రాత్రి జారీ చేసిన నోటిషికేషన్‌​ ప్రకారం పునరుద్ధరణ  ప్రణాళిక అమల్లోకి వచ్చిన నేపథ్యంలో మార్చి 18,  సాయంత్రం 6 గంటల నుంచి తాత్కాలిక నిషేధం రద్దు అవుతుంది. అంటే యస్‌ బ్యాంకు ఖాతాదారుడు రూ. 50వేల కు మించి నగదు ఉపసంహరించుకునే వెసులుబాటు కలుగుతుంది. పీఎన్‌బీ మాజీ నాన్‌ ఎగ్జిక్యూటివ్‌ చైర్మన్‌ సునీల్‌ మెహతా యస్‌ బ్యాంకు నాన్‌ ఎగ్జిక్యూటివ్‌ చైర్మన్‌గా బాధ్యతలు చేపట్టనున్నారు. అలాగే మహేష్‌ కృష్ణమూర్తి, అతుల్‌ భేడా నాన్‌ఎగ్జిక్యూటివ్‌ డైరెర్టర్లుగా వ్యవహరించ నున్నారు. ఇదివరకే ఆర్థిక మంత్రి నిర్మలా సీతారామన్‌ ప్రకటించిన దాని ప్రకారం యస్‌ బ్యాంక్‌పై ప్రస్తుతం అమలు చేస్తున్ననిషేధాన్ని(మారటోరియం)ఎత్తివేసిన వారం రోజుల్లోగా వీరంతా బాధ్యతలు స్వీకరించ నున్నారు. తద్వారా యస్‌ బ్యాంకుకు కొత్త డైరెక్టర్ల బోర్డు ఏర్పాటు కానుంది.  కాగా యస్‌ బ్యాంక్‌పై ఆంక్షలతోపాటు, ఖాతాదారుల నగదు ఉపసంహరణపై నెల రోజుల పాటు నిషేధాన్ని ఆర్‌బీఐ విధించింది. అలాగే  స్టేట్‌ బ్యాంక్‌ మాజీ సీఎఫ్‌వో, డిప్యూటీ ఎండీగా పనిచేసిన ప్రశాంత్‌ను యస్‌ బ్యాంక్‌ పాలనాధికారిగా రిజర్వ్‌ బ్యాంక్‌ నియమించిన సంగతి తెలిసిందే. 

సాక్షి, హైదరాబాద్‌: ఆ యువకుడు ‘లిఫ్ట్‌ ప్లీజ్‌’ అంటూ హైదరాబాద్‌ నుంచి బయలుదేరి ఏకంగా దేశంలోని ప్రధాన నగరాలను చుట్టి వచ్చేశాడు. డబ్బుల అవసరం లేకుండానే రెండు దఫాల్లో సుమారు 12 వేల కి.మీ. మేర పర్యటించి చరిత్ర సృష్టించాడు నగరానికి చెందిన గ్రాఫిక్‌ డిజైనర్‌ వంగవేటి కరుణాకర్‌. 29 రోజుల పాటు సాగిన తన సుదీర్ఘ పర్యటనలో మహోన్నతమైన భారతీయ ఆత్మను సమున్నతంగా ఆవిష్కరించాడు. వైవిధ్యభరితమైన సంస్కృతులు, జీవన విధానాలు ఎన్నెన్ని ఉన్నా అంతిమంగా భారతీయులంతా ఒక్కటేనని నిరూపించాడు. దేశంలో  ఎక్కడికి వెళ్లినా అతిథిలా ఆదరించి అక్కున చేర్చుకుంటారని నిరూపించాడు. ట్రావెలింగ్‌పై మక్కువతో ప్రపంచమంతా పర్యటించాలనే చిన్నప్పటి తన కలను సాకారం చేసుకునే తొలి అడుగు పడిందంటున్నాడు కరుణాకర్‌. ఆయన ఫ్రీ ట్రావెలింగ్‌ ఎలా సాగింది.. తనకు ఎదురైన అనుభవాలేమిటి? తదితర అంశాలపై ‘సాక్షి’ ప్రత్యేక కథనం.   అలా మొదలైంది..  ‘లిఫ్ట్‌ ప్లీజ్‌’ అంటే ఏ వాహనదారైనా ఐదారు కి.మీ వరకు తీసుకెళ్తాడు. కానీ ఊళ్లకు ఊళ్లు.. రాష్ట్రాలు దాటించడం సాధ్యం కాదు. దేశ సరిహద్దుల వరకు వెళ్లలేం కదా. అటు నేపాల్‌లోని ఖాట్మండూ. ఇటు పాక్‌ సమీపంలోని అనూబ్‌ఘర్‌ వరకు కేవలం ఇతరుల సహాయంతో  చేరుకోలేం కదా. కానీ అలాంటి సాహసోపేతమైన పర్యటనే చేశాడు కరుణాకర్‌. ఏ మాత్రం పరిచయం లేని వ్యక్తుల సహాయంతో రోడ్డు మార్గంలో రకరకాల వాహనాలపై వెళ్లాడు.  అలా  వెళ్లే క్రమంలో కేవలం ఒక్క కి.మీ. తీసుకెళ్లినవారూ ఉన్నారు. 500 కి.మీ. వరకు దాటించినవారూ ఉన్నారు. నగరంలోని కృష్ణానగర్‌లో ఉన్న తన ఇంటి నుంచి ఓ బైక్‌ లిఫ్ట్‌ తీసుకొని బయలుదేరితే  దారిలో ట్రక్కు, లారీ, కారు, సైకిల్, ఒంటెబండి.. ఇలా ఏ వాహనంలో చోటు లభిస్తే ఆ వాహనంలో  వెళ్లాడు కరుణాకర్‌. సాహసమే ఊపిరిగా..   ప్రయాణం అంటేనే డబ్బులతో ముడిపడిన విషయం. అవి లేకుండా  ప్రయాణం చేయడం సాహసమే. ‘మొదట మా ఊరికి వెళ్లాను. మాములుగా అయితే ఖమ్మం సమీపంలోని మా ఊరికి హైదరాబాద్‌ నుంచి 6 గంటల సమయం పడుతుంది. లిఫ్ట్‌ తీసుకొని వెళ్లడంతో 9  గంటలు పట్టింది. కానీ తిరుగు ప్రయాణంలో 5 గంటల్లోనే  చేరుకున్నాను. ఈ అనుభవం నాకు గొప్ప దైర్యాన్ని ఇచ్చింది. ఆ స్ఫూర్తితోనే పర్యటన మొదలైంది అని చెబుతున్నాడు కరుణాకర్‌. అక్టోబర్‌లో 15 రోజుల పాటు రాజస్థాన్‌ ప్రయాణం చేశాడు. ఈ ప్రయాణంలో చుట్టూ పొలాల మధ్యలో ఉన్న ఓ ఇంట్లో, ఓ పంజాబీ ఫ్యామిలీ ఆతిథ్యం స్వీకరించడం గొప్ప అనుభూతిగా మిగిలింది. అహ్మదాబాద్‌కు, ఉదయపూర్‌ మధ్యలో రాత్రి 2గంటల సమయంలో ప్రయాణం చేయాల్సివచ్చినప్పుడు ఓ ఆర్టీఓ అధికారి లిఫ్ట్‌ ఇచ్చాడు. ఈ ట్రిప్‌లో కార్లు, బైక్‌లు, ట్రక్కులు, ట్రాక్టర్‌లు, ఒంటెల బండ్లు, సైకిల్, బస్సు, అన్ని రకాల వాహనాల్లో వెళ్లాడు.    రెండు దఫాలుగా..  కరుణాకర్‌ భారత యాత్ర రెండు దఫాలుగా సాగింది. మొదట హైదరాబాద్‌– రాజస్థాన్‌ వరకు వెళ్లి వచ్చాడు. 15 రోజుల్లో మొత్తం3,500 కి.మీ చుట్టొచ్చాడు. ముంబై, జోధ్‌పూర్, ఉదయ్‌పూర్, బికనీర్, అనూబ్‌ఘర్, శ్రీగంగానగర్, జైపూర్‌ మీదుగా తిరిగి హైదరాబాద్‌ చేరుకున్నాడు. 

హస్తినాపురం: ఓ చిన్నారితో విధి ఆటాడింది. అభం శుభం తెలియని పాపను పొట్టన పెట్టుకుంది. ఆడుకుంటూ ప్రమాదవశాత్తు లిఫ్టులో ఇరుక్కుపోయి ఎనిమిదేళ్ల బాలిక మృతి చెందింది. ఈ హృదయ విదారక సంఘటన శుక్రవారం ఎల్‌బీనగర్‌ పోలీస్‌ స్టేషన్‌ పరిధిలోని హస్తినాపురం నార్త్‌ ఎక్స్‌టెన్షన్‌ కాలనీలో జరిగింది. స్థానికులు, ప్రత్యక్ష సాక్షుల కథనం ప్రకారం... హస్తినాపురం నార్త్‌ ఎక్స్‌టెన్షన్‌ కాలనీలో నివాసముంటున్న చంద్రశేఖర్‌ కుమార్తె లాస్య(8) సరూర్‌నగర్‌ మండలం నాదర్‌గుల్‌ గ్రామంలోని ఢిల్లీ పబ్లిక్‌ స్కూల్‌లో ఒకటో తరగతి చదువుతోంది. సెలవులు కావడంతో శుక్రవారం మధ్యాహ్నం దాదాపు రెండు గంటల ప్రాంతంలో ఇంటి కింద ఆడుకుంది. పైకి వెళ్లేందుకు లిఫ్టులోకి వెళ్లిన చిన్నారి ప్రమాదవశాత్తు అందులో ఇరుక్కుపోయింది. తీవ్రంగాగాయపడిన పాప కేకలు వేయడంతో హుటాహుటిన వచ్చిన తండ్రి కష్టపడి బాలికను బయటకు తీశారు. చికిత్స నిమిత్తం ఆసుపత్రికి తరలించగా అప్పటికే మృతి చెందినట్లు డాక్టర్లు చెప్పారు. దీంతో కన్నీరు మున్నీరైన తల్లిదండ్రులను ఓదార్చడం ఎవరితరం కాలేదు.  నాసిరకం లిఫ్టులతోనే ప్రమాదాలు..   చిన్నారి మృతిపై బాలల హక్కుల సంఘం గౌరవాధ్యక్షుడు అచ్యుతరావు ఓ ప్రకటనలో విచారం వ్యక్తం చేశారు.  కొందరు భవన నిర్మాణదారులు నాసిరకం లిఫ్టు›లు ఏర్పాటు చేస్తుండడంతోనే తరుచూ ఇలాంటి ప్రమాదాలు జరుగుతున్నాయన్నారు. అపార్ట్‌మెంట్లలో బ్రాండెడ్‌ లిఫ్టులనే అమర్చాలని, నాణ్యమైన వాటినే ఏర్పాటు చేసేలా మున్సిపల్‌ అధికారుల చర్యలు తీసుకోవాలని కోరారు. చిన్నారి మృతి ఘటనపై పోలీసులు సుమోటోగా కేసు నమోదు చేసి లిఫ్టు బిగించిన నిర్మాణదారుడిపై చర్యలు తీసుకోవాలని డిమాండ్‌ చేశారు. 

హిమాయత్‌నగర్‌: ఎమ్మెల్యే క్వార్టర్స్‌ నిర్మించి పట్టుమని 6 నెలలు కూడా గడవకముందే అప్పుడే సమస్యలు తలెత్తుతున్నాయి. రాష్ట్ర మంత్రే లిఫ్ట్‌లో అరగంట పాటు ఇరుక్కుపోయారు. ఈ ఘటన శుక్రవారం హైదర్‌గూడలోని ‘ఎంఎస్‌–3’(ఎమ్మెల్యే క్వార్టర్స్‌)లో చోటుచేసుకుంది. వివరాలు.. రాష్ట్ర బీసీ సంక్షేమ శాఖ మంత్రి గంగుల కమలాకర్‌ 8వ అంతస్థులోని 810 ఫ్లాట్‌ (క్వార్టర్‌)లో నివాసముంటున్నారు. శుక్రవారం మధ్యాహ్నం 12 గంట ల ప్రాంతంలో తన అనుచరులు, వ్యక్తిగత సిబ్బందితో కలసి రేషన్‌ డీలర్ల సమావేశానికి హాజరయ్యేందుకు ఫ్లాట్‌ నుంచి బయలుదేరారు. లిఫ్ట్‌లోకి వెళ్లిన తర్వాత కిందకి వెళ్లే బటన్‌ నొక్కడంతో లిఫ్ట్‌ డోర్లు మూసుకుపోయాయి. లిఫ్ట్‌ ఎటూ కదలకపోవడం, డోర్లు కూడా తెరుచుకోకపోవడంతో ఆందోళన చెందిన మంత్రి సిబ్బంది క్వార్టర్స్‌ నిర్వహణాధికారులకు ఫిర్యాదు చేశారు. దీంతో సిబ్బంది అక్కడకు చేరుకుని అరగంట పాటు నానా శ్రమ పడి గడ్డపార, స్కూ డ్రైవర్‌ ఉపయోగించి డోర్లు తెరిచారు. ఈ ఘటనపై ఎమ్మెల్యే క్వార్టర్స్‌ అధికారులపై మంత్రి తీవ్ర ఆగ్రహం వ్యక్తం చేశారు.  పరిమితికి మించిన బరువు వల్లే లిఫ్ట్‌ నిలిచిపోయిందని ఎమ్మెల్యే క్వార్టర్స్‌ సెక్షన్‌ అధికారి సునీల్‌ తెలిపారు. మంత్రితోపాటు ఆయన అనుచరులు, సిబ్బంది మొత్తం 13 మంది వరకు ఆ సమయంలో లిఫ్ట్‌ ఎక్కడం వల్ల ఇలా జరిగిందన్నారు.

ఇస్తాంబుల్‌: ఐదేళ్ల బాలిక సమయస్ఫూర్తితో లిఫ్ట్‌లో తన తమ్ముడి ప్రాణాలను రక్షించిన సంఘటన ప్రస్తుతం ట్విట్టర్‌లో హల్‌చల్‌ చేస్తోంది. ఈ వీడియో చూసిన వారందరూ ఆ అమ్మాయిని పొగడ్తలతో ముంచెత్తుతున్నారు. ఈ వీడియో చూస్తే మీరూ మెచ్చుకోకుండా ఉండరేమో. ఇస్తాంబుల్‌లో ఇద్దరు చిన్నారులు తన సోదరుడితో కలిసి లిఫ్ట్‌లోకి ప్రవేశించారు. ఆ సమయంలో బాలుడి కాలికి ఓ తాడు చుట్టుకొని ఉండగా దానిని గమనించకుండా అలాగే లిఫ్ట్‌లోకి వెళ్లారు. వెంటనే లిఫ్ట్‌ తలుపులు మూసుకోని పైకి వెళ్తుంటే తాడు చుట్టుకొని బాలుడు సైతం  పైకి వెళ్లాడు. ఇదంతా గమనించిన సోదరి కంగారు పడకుండా వెంటనే బాలుడి కాళ్లు పట్టుకొని కిందకు లాగి, తన చేతిని తాడు మధ్యలో ఉంచింది. మరో చేతితో అత్యవసర బటన్‌ను నొక్కింది. అనంతరం నెమ్మదిగా తన తమ్ముడిని తాడు నుంచి కిందకు లాగింది. ఈ దృశ్యమంతా లిఫ్ట్‌లోని  సీసీ టీవిలో రికార్డు అయ్యింది. ఈ వీడియో చూసిన నెటిజన్లు ‘‘క్లిష్ట పరిస్థితుల్లో చిన్నారి చూపించిన సమయస్ఫూర్తి గొప్పది’’ అంటూ కామెంట్‌ చేయగా ‘మరొకరు సోదరుడిని రక్షించడానికి  అక్క చూపిన ధైర్య సాహసాలు గొప్పవి’ అంటూ పొగిడారు.  Horrifying moment! Sister stayed calm and saved the boy who got hang by toy rope inside an elevator in Istanbul, Turkey. Please watch your children when using elevator. pic.twitter.com/NmZ2x5VwyE — People's Daily, China (@PDChina) August 1, 2019

చెన్నై ,టీ.నగర్‌: లిఫ్ట్‌ ఇచ్చేందుకు నిరాకరించిన యువకుడిని హత్య చేశారు. వివరాలు.. అరక్కోణం సమీపంలోని కీళ్‌ ఆవదం కాలనీకి చెందిన దక్షిణామూర్తి (32) చెన్నైలోని ప్రైవేటు సెల్‌ఫోన్‌ సంస్థలో పనిచేస్తున్నాడు. అదే ప్రాంతానికి చెందిన బంధువు నాగరాజ్‌తో బైక్‌పై ఆదివారం అన్వాదికాన్‌పేటైకు వెళ్లాడు. మదురా మాదిమంగళం బస్టాప్‌ వద్ద బైక్‌ నిలిపి దక్షిణామూర్తి పెరుగు కొనేందుకు దుకాణానికి వెళ్లాడు. నాగరాజ్‌ బైక్‌ సమీపంలో నిలుచుని ఉన్నాడు. ఆ సమయంలో బస్టాప్‌లో నిలుచున్న ఇద్దరు యువకులు తమను బైక్‌లో అన్వాదికాన్‌పేటైలో వదిలిపెట్టాలని కోరారు. ఇందుకు నాగరాజ్‌ నిరాకరించాడు. ఈలోగా అక్కడికి వచ్చిన దక్షిణామూర్తితో ఇద్దరు యువకులు గొడవకు దిగారు. ఆగ్రహించిన ఇద్దరు యువకులు కత్తితో దక్షిణామూర్తిపై దాడి చేశారు. ఆ తర్వాత అటువైపుగా బైక్‌పై వచ్చిన ఉలియనల్లూరు ప్రాంతానికి చెందిన వెంకటేశన్‌పై దాడి చేసి అతని బైక్‌ను లాక్కుని ఇద్దరు యువకులు పరారయ్యారు. తీవ్రంగా గాయపడిన దక్షిణామూర్తి మృతిచెందాడు. దీనికి నిరసనగా మృతుడి బంధువులు, స్నేహితులు కీళ్‌ ఆవదం కాలనీ ప్రాంతం నుంచి అన్వాదికాన్‌పేటైకు వెళ్లే రోడ్డుపై రాస్తారోకో చేశారు. వారిని పోలీసులు సముదాయించి అక్కడి నుంచి పంపివేశారు.

మేడ్చల్‌: లిఫ్ట్‌లో తల ఇరుక్కుని ఓ బాలుడు మృతి చెందిన సంఘటన మేడ్చల్, బాలాజీనగర్‌లో మంగళవారం చోటు చేసుకుంది. పోలీసుల కథనం మేరకు వివరాలిలా ఉన్నాయి. ప్రకాశం జిల్లాకు చెందిన బాలచంద్రయ్య బాలాజీనగర్‌లోని తిరుమల నిలయం అపార్ట్‌మెంట్‌లో వాచ్‌మెన్‌గా పని చేస్తున్నాడు. అతని కుమారుడు హేమంత్‌కుమార్‌(10) స్థానిక రోజరి కాన్వెంట్‌ స్కూల్‌లో 5వ తరగతి చదవుతున్నాడు. మంగళవారం సాయంత్రం స్కూల్‌ నుంచి వచ్చిన హేమంత్‌ ఆడుకుంటూ లిఫ్ట్‌ వద్దకు వెళ్లాడు. లిఫ్ట్‌ డోర్‌ తెరుచుకోవడంతో తల లోపలికి పెట్టి చూస్తుండగా అదే సమయంలో లిఫ్ట్‌ ఆన్‌ కావడంతో మధ్యలో చిక్కుకున్న అతను అక్కడికక్కడే మృతి చెందాడు. మేడ్చల్‌ పోలీసులు ఘటనా స్థలాన్ని సందర్శించి ఆధారాలు సేకరించారు.   మృతదేహాన్ని పోస్టుమార్టం నిమిత్తం మార్చురీకి తరలించారు. కేసు నమోదు చేసుకుని దర్యాప్తు చేస్తున్నారు.

విశాఖపట్నం : అమె టిప్‌టాప్‌గా తయారవుతుంది. బ్యూటీపార్లర్‌లో పనిచేస్తున్నానని చెబుతుంది. మగవాళ్లను లిఫ్ట్‌ అడిగి, పరిచయం పెంచుకుంటుంది. తరువాత దొంగతనాలకు పాల్పడుతుంది. అటువంటి కి‘లేడీ’ని ఎంవీపీ క్రైం పోలీసులు శనివారం అరెస్టు చేశారు. అనకాపల్లికి చెందిన గౌరి నగరంలోని సీతంపేట జీవీఎంసీ పాఠశాల సమీపంలో నివసిస్తుంది. ఆమె గతంలో భర్తతో గొడవపడి విడాకులు తీసుకుంది. ఆమెకు ముగ్గురు పిల్లలున్నారు. విలాసాలకు అలవాటు పడిన గౌరి దొంగతనాలకు పాల్పడుతోందని పోలీసుల విచారణలో తేలింది. శివాజీపాలెంలో నివసిస్తున్న పూసపాటి గోపాలకృష్ణ వర్మ (60) గతంలో కార్పొరేటర్‌గా పనిచేశారు. అతను కారులో వెళ్తుండగా మార్గమధ్యలో గుత్తుర్తి గౌరి (29) లిఫ్టు అడిగింది. దీంతో లిఫ్టు ఇచ్చిన వర్మ ఆమెతో కలిసి ఎంవీపీ కాలనీలో గల ఒక రెస్టారెంట్‌కి వెళ్లారు. కొంతసేపటికి వర్మ వాష్‌రూమ్‌కి వెళ్లగా అక్కడే ఉన్న కారు తాళాలు తీసుకుని గౌరి కారుతో సహా పరారైంది. దీంతో వర్మ ఎంవీపీ పోలీసులకు ఫిర్యాదు చేశారు. కేసు నమోదు చేసిన పోలీసులు ఎంవీపీ క్రైం ఎస్‌ఐ సూరిబాబు పర్యవేక్షణలో టి.తులసీభాస్కర్, పి.నరేష్‌కుమార్, పీడీవీ ప్రసాద్‌ కలిసి గౌరిని అరెస్టు చేసి కారు స్వాధీనం చేసుకున్నారు. ద్వారకాజోన్‌ క్రైం సీఐ వి.బాబ్జీరావు పర్యవేక్షణలో కేసు దర్యాప్తు చేస్తున్నారు.

సుల్తాన్‌బజార్‌: రాష్ట్రంలోనే పేరొందిన ఉస్మానియా జనరల్‌ ఆసుపత్రిలో లిఫ్ట్‌ పనిచేయకపోవడంతో డయాలసిస్‌ కోసం వచ్చిన రోగులు తీవ్ర ఇబ్బందులకు గురవుతున్నారు. ఈ లిఫ్ట్‌ వాడకంలోకి వచ్చిన రెండు నెలల గడవక ముందే రెండోసారి మరమ్మతుకు గురికావడంపై విమర్శలు వెల్లువెత్తుతున్నాయి. నిత్యం వందలాది రోగులకు చికిత్సలు అందించే యురాలజీ, డిమిడ్‌ విభాగాలు ఆపరేషన్‌ థియేటర్లు ఉన్న భవనంలో లిఫ్ట్‌ పని చేయకపోవడంతో డయాలసిస్‌ సెంటర్‌కు వెళ్లేందుకు రోగులు గత కొంత కాలంగా ఇబ్బందులు పడుతున్నారు. ఈ నేపథ్యంలో మూడో అంతస్తు వరకు ఇటీవల మరో లిఫ్ట్‌ను ఏర్పాటు చేశారు. అయితే రెండు నెలలు గడవక ముందే లిప్ట్‌  మరమ్మతులకు గురికావడంతో మళ్లీ సమస్య మొదటికి వచ్చింది. రెండో అంతస్తు వరకు కిడ్నీ వ్యా«ధిగ్రస్తులకు లిఫ్ట్‌లో తీసుకువెళ్లి అక్కడి నుంచి మూడో అంతస్తుకు వీల్‌ఛైర్‌లో తరలిస్తుండడంతో రోగులు, సిబ్బందికి ఇబ్బందులు తప్పడం లేదు. కొత్తదైనా ఇబ్బందులే.. ఉస్మానియా క్యూక్యూడీసీ భవనంలోని 3వ అంతస్తుకు రోగులను తీసుకువెళ్లేందుకుగాను 2017 జనవరిలో మరో లిఫ్ట్‌ ఏర్పాటుకు టీఎస్‌ఎంఎన్‌ఐడీసీ శ్రీకారం  చుట్టింది. దాదాపు రూ. 30లక్షలతో లిఫ్ట్‌ నిర్మాణ పనులు ప్రారంభించగా, కాంట్రాక్ట్‌ దక్కించుకున్న సంస్థ దాదాపు ఏడాదిన్నరపాటు పనులను సాగదీసింది. గత నవంబర్‌ 12న పనులు పూర్తికావడంతో డీఎంఈ డాక్టర్‌ రమేశ్‌రెడ్డి దీనిని ప్రారంభించారు. ప్రారంభమైన రెండునెలల్లోనే రెండోసారి మరమ్మతుకు గురికావడం అధికారుల టీఎస్‌ఎంఎన్‌ఐడీసీ పనితీరును చెప్పకనే చెబుతుంది. టీఎస్‌ఎంఎన్‌ఐడీసీ ఎలక్ట్రికల్‌ విభాగం అధికారుల నిర్లక్ష్యం కారణంగా పనులు నాసిరకంగా జరగడంతోనే రెండు నెలలకే లిప్ట్‌ పనిచేయకుండా పోయిందని ఆరోపణలు వెల్లువెత్తుతున్నాయి. రూ. 30 లక్షలతో ఏర్పాటు చేసిన ఈ లిప్ట్‌ రెండునెలల్లో రెండు సార్లు రిపేరీ కావడం పట్ల అధికారుల నిర్లక్ష్యం స్పష్టమవుతుందని పలువురు పేర్కొంటున్నారు. ఇప్పటికైనా లిప్ట్‌ను బాగుచేసి డయాలసిస్‌ రోగులకు అందుబాటులోకి తేవాలని కోరుతున్నారు. 

ముంబై : మానవత్వం మరిచిన ఓ మహిళ.. నాలుగేళ్ల చిన్నారిని దారుణంగా హింసించిన ఘటన ముంబైలో చోటు చేసుకుంది. వివరాలు.. రిజ్వానా బేగం అనే మహిళ నాలుగేళ్ల చిన్నారిని అత్యంత దారుణంగా కొడుతూ హింసించింది. నొప్పికి తాళలేక ఆ చిన్నారి కేకలు పెడుతున్నప్పటికి రిజ్వానా మనసు కరగలేదు. అంతటితో ఆగక చిన్నారి కేకలు బయటకు వినపడకుండా ఉండేందుకుగాను ఏకంగా ఆ చిన్నారిపై కూర్చుంది రిజ్వానా. ముంబై సబర్బన్‌ ట్రాంబే ప్రాంతంలోని ఓ అపార్ట్‌మెంట్‌ లిఫ్ట్‌లో ఈ దారుణం చోటుచేసుకుంది. రిజ్వానా బాలికను కొడుతున్న దృశ్యాలు లిఫ్ట్‌లోని సీసీటీవీలో రికార్డయ్యాయి. వీటి ఆధారంగా ముంబై పోలీసులు రిజ్వానాను అరెస్ట్‌ చేశారు. బాలిక చెవి రింగులు దొంగతనం చేయడం కోసమే రిజ్వానా ఈ దాడికి పాల్పడినట్లు పోలీసులు తెలిపారు. రిజ్వానా దగ్గర నుంచి బాలికకు చెందిన చెవి రింగులను స్వాధీనం చేసుకున్నారు. HORIBLE #crime! Rizwana Begum the woman in the CCTV footage brutally assaulted a 4-yr-old girl in the lift. She later sat on the girl & prevented people to rescue her too. @MumbaiPolice has arrested her. Hope she’s dealt severely for this inhuman behaviour. @ChemburChapters pic.twitter.com/rpA6NsT31h — #PotholeWarriors4SafeMumbai🇮🇳🕳🛵👷‍♂️🚧💡🕯👍🌴 (@PotholeWarriors) November 15, 2018

సాక్షి, హైదరాబాద్‌: కల్వకుర్తి ఎత్తిపోతల పథకం లిఫ్ట్‌–3లో ఐదో పంపు వెట్‌ రన్‌ విజయవంతమైంది. లిఫ్ట్‌–3లో ఇప్పటికే నాలుగు పంపులు పని చేస్తుండగా, ఐదో పంప్‌ వెట్‌ రన్‌ను ప్రాజెక్టు ఇంజనీర్లు ఆదివారం పూర్తి చేశారు. కల్వకుర్తి ఎత్తిపోతలలో మూడు లిఫ్టులున్నాయి. లిఫ్ట్‌–1, లిఫ్ట్‌–2లో మూడేసి చొప్పున పంపులు ఇప్పటికే పని చేస్తున్నాయి. ఒక్కో పంపు 800 క్యూసెక్కుల నీటిని ఎత్తిపోయగలదు. కల్వకుర్తి కింది 0.35 టీఎంసీల సామర్థ్యం గల ఎల్లూరు రిజర్వాయర్, 0.55 టీఎంసీల సామర్థ్యం గల సింగోటం రిజర్వాయర్‌లను లిఫ్ట్‌–1 పంపులతో నింపుతున్నారు. లిఫ్ట్‌–2 ద్వారా 2.14 టీఎంసీల సామర్థ్యమున్న జొన్నల బోగడ రిజర్వాయర్‌ నిండుతోంది. ఇక లిఫ్ట్‌–3 ద్వారా 0.98 టీఎంసీల గుడిపల్లి గట్టు రిజర్వాయర్‌ నిండుతోంది. కానీ, ఐదో పంపు సిద్ధం కాకపోవడం వల్ల పూర్తి సామర్థ్యం మేరకు నీటి ఎత్తిపోత జరగడం లేదు. ఇప్పుడు ఐదో పంపు రన్‌ విజయవంతమైనందున పూర్తిగా నీటిని వినియోగించుకోవచ్చు. వర్షాలు బాగా కురుస్తుండటంతో శ్రీశైలం నుంచి అవసరమైన మేర నీరు తీసుకునే అవకాశం ఏర్పడింది. కల్వకుర్తి ప్రాజెక్టు కింది 3.5 లక్షల ఎకరాల ఆయకట్టుకు నీరివ్వడంతో పాటు ప్రాజెక్టు పరిధిలోని సుమారు 500 చెరువులను నింపాలని అధికారులు ప్రణాళిక రచించారు. లిఫ్ట్‌–3 ఐదో పంపు రన్‌ విజయవంతంగా నిర్వహించిన ఇంజనీర్లను రాష్ట్ర నీటి పారుదల శాఖ మంత్రి హరీశ్‌రావు అభినందించారు.

పాపం పోనీ అని లిఫ్ట్‌ ఇవ్వటం ఆ వ్యక్తి పాలిటే శాపంగా మారింది. హఠాత్తుగా ఊడిపడ్డ ట్రాఫిక్‌ అధికారి చలాన్‌ రాసి చేతిలో పెట్టాడు. ముంబైకి చెందిన  నితిన్‌ నాయర్‌ అనే వ్యక్తి తనకు ఎదురైన అనుభవాన్ని ఫేస్‌బుక్‌లో ఓ పోస్టు రూపంలో తెలియజేశాడు. జూన్ 18న ముంబై ఐరోలి సర్కిల్‌లో నితిన్ వెళ్తున్నాడు. ఆ సమయంలో వర్షం భారీగా పడుతుండటం, పైగా రవాణా సదుపాయం లేకపోవటంతో ముగ్గురు వ్యక్తులు కష్టపడుతుండటం అతని కంట పడింది. వెంటనే వారిని తన కారులో ఎక్కించుకున్నాడు. ఇది గమనించిన ట్రాఫిక్ పోలీస్ ఆఫీసర్ వెంటనే నితిన్ వద్దకు వచ్చి రూ. 1500 చలాన్ రాసిచ్చాడు. అంతేకాదు నితిన్ డ్రైవింగ్ లైసెన్స్ లాక్కుని ఛలాన్‌ కట్టి వాహనం తీసుకెళ్లాలని సూచించాడు. అయితే ఆ టైమ్‌లోనూ నితిన్‌ సాయం చేయటం మానలేదు. వారిని వారి వారి గమ్యస్థానంలో వదిలి మరుసటి రోజు కోర్టుకు వెళ్లి ఫైన్ కట్టి బయటపడ్డాడు. తన అనుభవాన్ని నితిన్ ఫేస్‌బుక్‌లో పోస్ట్ చేశాడు. నితిన్‌కు ఎదురైన చేదు అనుభవాన్ని చూసి నెటిజన్లు అవాక్కవుతున్నారు. సెక్షన్ 66/192 ప్రకారం అజ్ఞాత వ్యక్తులకు లిఫ్ట్ ఇవ్వడం నేరమని, అందుకే అజ్ఞాత వ్యక్తులకు లిఫ్ట్‌ పేరుతో సాయం చేసి తనలా బుక్‌ కాకండని సూచిస్తూ ఆ పోస్టును పెట్టాడు. ప్రస్తుతం ఆ పోస్టు సోషల్‌ మీడియాలో వైరల్‌ అవుతోంది.

సాక్షి, విజయవాడ : పౌర సరఫరాలశాఖ కార్యాలయంలో లిఫ్ట్‌లో టీడీపీ నేతలు ఇరుక్కుపోవడం కలకలం రేపింది. పావుగంటపాటు నేతలు లిఫ్ట్‌లో ఉండిపోవడంతో తీవ్ర ఆందోళనకు గురయ్యారు. టీడీపీ నేతలు బుడ్డా రాజశేఖర్‌రెడ్డి, మీనాక్షి నాయుడు తదితరులు లిఫ్ట్‌లో ఇరుక్కుపోయారు. 15 నిమిషాలు లిఫ్ట్‌లోనే వారు బిక్కుబిక్కుమంటూ గడిపారు. చివరకు సెక్యూరిటీ సిబ్బంది రంగంలోకి దిగి.. ఎట్టకేలకు లిఫ్ట్‌ డోర్‌ తెరిచి నేతలను బయటకు తీసుకొచ్చారు. ఆంధ్రప్రదేశ్‌ పౌరసరఫరాల శాఖ చైర్మన్‌గా చల్లా రామకృష్ణారెడ్డి శనివారం బాధ్యతలు స్వీకరించారు. ఈ కార్యక్రమానికి డిప్యూటీ సీఎం కేఈ కృష్ణమూర్తి,  మంత్రులు ప్రతిపాటి పుల్లారావు, కాలువ శ్రీనివాసులు హాజరయ్యారు. వీరితోపాటు పలువురు టీడీపీ నేతలు కూడా ఈ కార్యక్రమానికి వచ్చారు. ఈ కార్యక్రమానికి హాజరయ్యేందుకు టీడీపీ నేతలు బుడ్డా రాజశేఖర్‌, మీనాక్షి నాయుడు, మరికొందరు నేతలు లిఫ్ట్‌ ఎక్కారు. వారు లిఫ్ట్‌ ఎక్కిన తర్వాత సాంకేతిక లోపంతో అది మధ్యలోనే ఆగిపోయింది. దీంతో 15 నిమిషాలపాటు నేతలు లిఫ్ట్‌లోనే బిక్కుబిక్కుమంటూ గడిపారు. శ్వాస అందక ఒక దశలో ఉక్కిరిబిక్కిరి అయ్యారు. ఈ క్రమంలో లిఫ్ట్‌లోని నేతలు ఫోన్‌ ద్వారా బయట ఉన్నవారికి సమాచారం అందించడంతో.. సెక్యూరిటీ సిబ్బంది రంగంలోకి దిగింది. లిఫ్ట్‌ డోర్‌ను తొలగించి.. వారిని బయటకు తీసుకురావడంతో నేతలు ఊపిరి పీల్చుకున్నారు.

బీజింగ్‌ : చైనాలో ఓ బాలుడు చేసిన బిత్తిరి చర్య ఇప్పుడు సోషల్‌ మీడియాలో హల్‌ చల్‌ చేస్తోంది. ఈ వీడియో చూస్తే మీరు కూడా నవ్వకుండా ఉండరు. ‘బాగైందంటూ.. భుజాలు ఎగురేస్తారు’.  ఎవడు తీసుకున్న గొయ్యిలో వాడే పడ్డట్లుంది ఆ బాలుడి చేసిన పని. లిఫ్ట్‌లో ఒంటరిగా వెళ్తున్న ఆ బాలుడికి ఓ తీట పని చేయాలని తోచింది. లిఫ్ట్‌ బటన్స్‌ను ఇతరులు కూడా ఉపయోగిస్తారనే ఉద్దేశంతో వాటిపై టాయిలెట్‌ పోసాడు. తీరా ఆ బటన్స్‌ను తానే ఉపయోగించాల్సి వచ్చింది. తాను దిగాల్సిన ఫ్లోర్‌ వచ్చే సరికి బటన్స్‌ వాటంతటవే పని చేయడంతో లిఫ్ట్‌ ఒక్కసారిగా స్ట్రక్‌ అయింది. దీంతో లిఫ్ట్‌ డోర్‌ తెర్చుకోవడం.. మూసుకోవడంతో ఆ కుర్రాడు భయంతో అరవడం మొదలెట్టాడు. చివరకు తానే ఆ బటన్‌లను ప్రెస్‌ చేసి బయటకి వచ్చాడు. ఇతరులకు కీడు చేయాలనుకుంటే తనకే కీడు జరుగుతుందనే  కర్మ సిద్దాంతం రుజువైంది. ఈ తతంగం అంతా అందులోని సీసీ టీవీలో రికార్డు అయింది. ఈ వీడియోను సోషల్‌ మీడియాలో అప్‌లోడ్‌ చేయగా వైరల్ అయింది.

షాంఘై : స్మార్ట్‌ ఫోన్‌ జీవితంలో ఒక భాగం అయిపోయింది. చేతిలో ఫోన్‌ ఉటే చాలు.. పక్కన ఏం జరుగుతోందన్న విషయాన్ని కూడా జనాలు గమనించడం లేదు. స్మార్ట్‌ మాయలో కొట్టుకుతున్న కుర్రకారు.. కొన్ని సందర్భాల్లో ప్రాణాలను కూడా పోగొట్టుకుంటున్నారు. ఇటువంటి ఘటనే చైనాలోని షాంఘైలో జరిగింది. స్మార్ట్‌ ఫోన్‌ మాయలో ఏం జరుగుతోందో కూడా పట్టించుకోక.. చివరకు అత్యంత దారుణ స్థితిలో కాలును కోల్పోయింది.  షాంఘైలోని ఒక ప్రయివేటు సంస్థలో ఉద్యోగం చేస్తున్న 28 ఏళ్ల యువతి ఆఫీస్‌ అయిపోయాక ఇంటికి వెళ్లే క్రమంలో లిఫ్ట్‌ దగ్గరకు వచ్చింది. అంతలోనే స్మార్ట్‌ ఫోన్‌ చూసుకుంటూ.. అడుగులు ముందుకు వేసింది. మొబైల్‌ చూసుకుంటూనే... లిఫ్ట్‌లోపలకు అడుగులు వేసింది. అయితే అప్పటికే లిఫ్ట్‌ డోర్లు మూసుకుపోతున్నాయి. ఈ విషయాన్ని గమనించని యువతి అలాగే లోపలకి వెళ్లింది. ఈ క్రమంలో ఆమె ఒక కాలు బయట ఉండగానే లిఫ్ట్‌ వేగంగా కదిలింది. లిఫ్ట్‌ వేగం అందుకోవడంతో.. ఆమె కాలు.. అక్కడే పచ్చడి అయిపోయింది. ఈ ఘటన మొత్తం సీసీటీవీలో రికార్డవడంతో.. వెలుగులోకి వచ్చింది. 

హైదరాబాద్‌ : మాదాపూర్‌లోని ఎన్‌సీసీ కార్పొరేట్ కార్యాలయంలో విషాదం చోటుచేసుకుంది. లిఫ్ట్ ఫెయిల్ అవడంతో ఇద్దరు సాంకేతిక సిబ్బంది మృతిచెందారు. 11వ అంతస్తులో లిఫ్ట్‌ను నిలిపి గొలుసుతో వేలాడ దీసి మరమ్మతులు చేస్తుండగా గొలుసు తెగిపోయింది. దీంతో లిఫ్టు కిందకు పడిపోవడంతో అందులో ఇరుక్కుని వారిద్దరు మృతి చెందారు. సేఫ్టీ బెల్టులు లేకపోవడం వల్లనే ఈ ఘటన జరిగినట్లు తెలుస్తోంది. మృతులను జాన్‌సన్‌ కంపెనీకి చెందిన లిఫ్ట్‌ మెకానిక్‌లు రంగారెడ్డి జిల్లా మొయినాబాద్ మండలంలోని చిలుకూరుకు చెందిన రమేష్(21), ఖమ్మం జిల్లా కూసుమంచికి చెందిన నాగరాజు(28)గా గుర్తించారు.పోలీసులు కేసు నమోదు చేసుకుని దర్యాప్తు చేస్తున్నారు.

మొబైల్‌.. ఇప్పుడు హస్తాలంకార భూషణంగా మారిపోయింది. చిన్నాపెద్దా, ఆడమగా అన్నా తేడా లేకుండా.. స్మార్ట్‌ఫోన్‌ చూస్తూ పనులు చేస్తున్నాం. ఇంట్లో ఉన్నా.. ప్రయాణాల్లో ఉన్నా... ఎక్కడున్నా కళ్లు మాత్రం స్మార్ట్‌ ఫోన్‌ స్క్రీన్‌ మీదే. ఇదిగో ఇక్కడ మీరు చూస్తున్న యువతి కూడా అచ్చం మనలాంటిదే.  పేరు తెలియదు కానీ.. చైనాలోని నాన్‌జింగ్‌ సిటీలో నివసిస్తోంది. సఆఫీస్‌ నుంచి ఇంటికి తిరిగి వెళ్లేందుకు పార్కింగ్‌ ప్లేస్‌కు వచ్చింది. అక్కడ కూడా కార్‌ పార్కింగ్‌ను గమనించకుండా.. స్మార్ట్‌ స్క్రీన్‌ మీద వేళ్లు టకటకలాడిస్తూ.. ముం‍దుకు నడుస్తోంది. చైనాలోని కార్యాలాయాల్లో పార్కింగ్‌ మొత్తం అడ్వాన్స్‌డ్‌ స్థాయిలో ఉంటుంది. అండర్‌గ్రౌండ్‌లో కార్లను వరుసగా.. ఒకదానిమీద ఒకటి పేరుస్తారు. అవసరమైన కారును లిఫ్ట్‌ సహాయంతో బయటకు తెస్తారు. ఆ సమయంలో కార్‌ లిఫ్ట్‌ దగ్గర చాలా జాగ్రత్తగా ఉండాలి. ఫొన్‌ చూసుకుంటున్న యువతి.. ఆ ధ్యాసలోనే కార్‌ లిఫ్ట్‌లోకి వెళ్లిపోయింది. లిఫ్ట్‌ డోర్లకు ఆటోమేటిక్‌ లాకింగ్‌ సిస్టం ఉండడంతో యువతి అక్కడే ఆగిపోయింది. ఇంతలో లిఫ్ట్‌ కిందకు దిగడం.. అదే సమయంలో.. వెంటనే ఎదురుగా కారు రావడం.. ఆమెను ఢీ కొట్టడం వేగంగా జరిగిపోయాయి. ప్రాణం పోయినంత పనైనా.. ప్రస్తుతం ఆసుపత్రిలో చికిత్స పొందుతోంది. సీసీటీవీలో రికార్డయిన ఈ వీడియో సోషల్‌ మీడియాలో విపరీతంగా వైరల్‌ అవుతోంది.

‘మసక్కలీ మసక్కలీ’ పాట వినే ఉంటారు. వినకపోతే యూట్యూబ్‌లో ఒకసారి వినేయండి. అనిల్‌ కపూర్‌ కూతురు సోనమ్‌ కపూర్‌ ఉంటుంది ఆ పాటలో. అనిల్‌ కపూర్‌ గుర్తున్నాడుగా. ముప్పై ఏళ్ల నాటి ‘మిస్టర్‌ ఇండియా’ ఫేమ్‌. అలాంటి సూపర్‌ డూపర్, పవర్‌ఫుల్, డేరింగ్, డాషింగ్‌ డాడీకి ఇంత వణికింగ్‌ కూతురు పుట్టిందేం?! మేడమ్‌కి లిఫ్ట్‌ అంటే భయం. ‘పోకిరి’ సినిమాలో ఇలియానాకి లిఫ్ట్‌ అంటే ప్రేమ. ఎందుకంటే లవ్‌సీన్‌ అంతా అక్కడే స్టార్ట్‌ అయింది కాబట్టి. ఈవిడకి మహేశ్‌బాబులాంటి హీరోని ఇచ్చినా లిఫ్ట్‌లో మాత్రం షూటింగ్‌ వద్దని చెబుతోందట! ఓ పక్క వాళ్ల నాన్న మొత్తుకుంటూనే ఉన్నాడు. ‘‘ఇలాగైతే ఏం పైకొస్తావే! బాలీవుడ్‌లో మెట్లెక్కాలంటే తిరుమల మెట్ల కంటే టఫ్‌. నా మాట విని లిఫ్ట్‌ ఎక్కు. తొందరగా పైకి రా’’ అని ఎంత మొత్తుకున్నా లిఫ్ట్‌ ఎక్కే భయం దిగట్లేదట! 

ఏదైనా పండగకి అల్లుడు ఇంటికొస్తున్నాడంటే చాలు.. మామగారి ఇంట్లో ఒకటే భయం.. ఎక్కడ అల్లుడికి మర్యాదల్లో లోటు వస్తుందో.. ఎప్పుడు అలిగి కూర్చుంటాడో అని ఎక్కడలేని రాచమర్యాదలు చేస్తుంటారు.. ఎన్ని మర్యాదలు చేసినా అప్పుడప్పుడు అల్లుడు అలకపాన్పు ఎక్కడం సహజమేననుకోండి.. మన దేశంలోనైనా.. విదేశాల్లోనైనా అల్లుడు ఎక్కడైనా అల్లుడే కదా.. అయితే సరిగ్గా ఇదే కోవకు చెందిన చైనాలోని ఓ మామ తన అల్లుడు ఆరంతస్తుల పైన ఉన్న ఇంటిలోకి ఎక్కలేకపోతున్నాడని ఏకంగా సొంత లిఫ్ట్‌నే ఏర్పాటు చేయించాడు.. చైనాలోని చోగింగ్‌లో ఒక అపార్ట్‌మెంట్‌ ఉంది. క్సాంగ్‌ అనే వ్యక్తి ఆ అపార్ట్‌మెంట్‌లోని ఆరో అంతస్తులో నివాసం ఉంటున్నాడు. తనకి ఏ అవసరం వచ్చినా మెట్లు దిగి కిందకు వచ్చి పనిచూసుకుని తిరిగి అదే మెట్లు ఎక్కి ఇంటికెళ్లేవాడు. అయితే గతేడాది తన ఏకైక ముద్దుల కూతురుకి ఘనంగా వివాహం చేశాడు. తన అల్లుడిని కూడా ఇల్లరికం తెచ్చుకున్నాడు. ఇక అప్పటి నుంచి సదరు మామకి అల్లుడి పోరు ప్రారంభమైంది.. తాను రోజూ ఆ మెట్లు ఎక్కిదిగలేకపోతున్నాను మొర్రో అంటున్నాడు మామ మీద కస్సుబుస్సులాడుతున్నాడు.. అల్లుడి కోపాన్ని తట్టుకోలేక క్సాంగ్‌ ఏదోఒకటి చేయాలని నిర్ణయించుకున్నాడు. అల్లుడిని ఇంట్లో నుంచి పంపించేస్తే తన కూతురు ఇబ్బందులు పడుతుందని ఆ ధైర్యం చేయలేకపోయాడు. దీంతో అల్లుడి కోసం అపార్ట్‌మెంట్‌కి పక్కన సొంతంగా లిఫ్ట్‌ ఏర్పాటు చేయాలని నిర్ణయించాడు. గతేడాది నిర్మాణాన్ని ప్రారంభించి ఇటీవలే దాన్ని విజయవంతంగా పూర్తిచేశాడు కూడా.. ప్రస్తుతం ఈ లిఫ్ట్‌ సోషల్‌ మీడియాలో వైరల్‌ అవుతోంది. దీంతో ఇది కాస్తా ప్లానింగ్‌ అధికారుల చెవిన పడింది. ఎప్పుడో దశాబ్దాల క్రితం నిర్మించిన ఈ అపార్ట్‌మెంట్‌కి నిబంధనల ప్రకారం లిఫ్ట్‌ అవసరం లేదు. ఒకవేళ అపార్ట్‌మెంట్‌ వాసులకు అవసరం అనిపిస్తే స్థానిక అధికారుల నుంచి అనుమతితో సొంత ఖర్చులతో లిఫ్ట్‌ ఏర్పాటు చేసుకోవచ్చు. దీంతో వీటన్నింటినీ లెక్కచేయకుండా అల్లుడి కోపాన్ని తగ్గించేందుకు క్సాంగ్‌ ఎలాంటి అనుమతులు తీసుకోకుండా లిఫ్ట్‌ నిర్మాణాన్ని పూర్తిచేశాడు. దీనిపై అక్కడి అధికారులు సైతం గుర్రుగా ఉన్నారు. 

రాజమహేంద్రవరం క్రైం/చీరాల రూరల్‌: మంగళవారం వేర్వేరు ఘటనల్లో లిఫ్ట్‌లు ఇద్దరి ప్రాణాలు తీశాయి. ఏపీలోని తూర్పుగోదావరి జిల్లా రాజమహేంద్రవరంలో జరిగిన ఘటనలో.. లక్ష్మీవారపు పేట చక్రవర్తి అపార్ట్‌మెంట్‌లోని లిఫ్ట్‌ కొంతకాలం క్రితం మరమ్మతుకు గురైంది. ఇది తెలియని పశ్చిమగోదావరి జిల్లా తణుకు మండలం, కాల్ధారికి చెందిన యర్రంశెట్టి గంగరాజు (60) లిఫ్ట్‌ కదులుతుండగానే గేట్లు తెరుచుకోవడంతో లిఫ్ట్‌ ఆగి ఉందని లిఫ్ట్‌లోకి వెళ్లాడు. అక్కడ ఖాళీ ప్రదేశం ఉందన్న విషయం తెలియక కాలు పెట్టడంతో కింద పడిపోయి అక్కడికక్కడే మృతి చెందాడు.   లిఫ్ట్‌లో ఇరుక్కుపోయి పూజారి.. అలాగే ప్రకాశం జిల్లా చీరాలలో జరిగిన ఘటనలో.. అపార్టుమెంట్‌లోని లిఫ్ట్‌లో ప్రమాదవశాత్తు తల ఇరుక్కుపోవడంతో పూజారి మృతి చెందాడు. పాపరాజుతోట ప్రాంతంలో వేమూరి లక్ష్మీనారాయణ (55), భారతి దంపతులు ఉంటున్నారు. లక్ష్మీనారాయణ.. మేనల్లుడి పెళ్లికార్డులు బంధువులకు ఇచ్చేందుకు మంగళవారం తన మేనకోడలు లీలారాణితో కలసి ఆంధ్రాబ్యాంకు సమీపంలోని శ్రీరంగ సదన్‌ అపార్టుమెంట్‌కు వెళ్లాడు. ఇద్దరూ మూడో అంతస్తులోని బంధువు శ్రీనివాసరావును కలిసేందుకు లిఫ్ట్‌ ఎక్కారు. లిఫ్ట్‌ మొదటి గేటు మూసి రెండో గేటు మూసే క్రమంలో లీలారాణి లిఫ్ట్‌ బటన్‌ నొక్కింది. దీంతో లిఫ్ట్‌ పైకి వెళ్లడంతో లక్ష్మీనారాయణ తల లిఫ్ట్‌ గేటుకు గోడకు మధ్యలో ఇరుక్కుపోయింది. లిఫ్ట్‌ వేగానికి తల ఛిద్రమై తీవ్ర రక్తస్రావమై అక్కడికక్కడే మృతి చెందాడు. 


 లక్నో: ఉత్తర ప్రదేశ్‌  జిల్లా కోర్టులోని లిఫ్ట్‌ అకస్మాత్తుగా కూలిపోయింది. ఈ  ప్రమాదంలో 12మందికి  గాయాలయ్యాయి. సోమవారం ఉదయం ఈ ప్రమాదం సంభవించింది.
 
  వజీర్‌గంజ్‌ జిల్లా కోర్టులో  ఈ ప్రమాదం చోటు చేసుకుంది. కోర్టు ఆవరణలోని లిఫ్ట్‌  సడెన్‌గా కూలిపోవడంతో  భయాందోళణ  వాతావరణం  నెలకొంది.  వైర్లు తెగిపడటంతో అయిదవ అంతస్తునుంచి  లిఫ్ట్‌  కూలిపోయింది. ఈ ఘటనలో సుమారు 12మందిగాయపడ్డారు. వీరిని స్థానిక ఆసుపత్రికి తరలించారు. ఈ ఘటనపై మరిన్ని వివరాలు  అందాల్సిఉంది.
 
 
  


 కలెక్టర్‌ కార్తికేయ మిశ్రా
 సీతానగరం (రాజానగరం) : పురుషోత్తపట్నం ఎత్తిపోతల పథకం ద్వారా గోదావరి నీటిని ఈ నెల 15న ముఖ్యమంత్రి చంద్రబాబు నాయుడు విడుదల చేస్తారని కలెక్టర్‌ కార్తికేయ మిశ్రా తెలిపారు. స్థానిక ప్రభుత్వ డిగ్రీ కళాశాల వద్ద ఏర్పాటు చేసిన హెలిప్యాడ్‌ను, పురుషోత్తపట్నం ఎత్తిపోతల పథకం పనులు, గండికోట వద్ద నీటి డెలివరీ ఫాయింట్‌, పురుషోత్తపట్నం నుంచి సీతానగరం, నాగంపల్లి మీదుగా అచ్చయ్యపాలెం, గండికోట మార్గాలను ఆదివారం ఆయన పరిశీలించారు. ఏర్పాట్లు ముమ్మరంగా చేయాలని సంబంధిత శాఖల అధికారులను ఆదేశించారు. 
 పైలాన్‌ ఏర్పాటుపై అసహన వ్యక్తం
 పైలాన్‌ ఏర్పాటుపై కలెక్టర్‌ అసహనం వ్యక్తం చేశారు. ఎత్తిపోతల పథకానికి కాస్త దూరంలో విద్యుత్‌ స్తంభాల వద్ద ఏర్పాటు చేసిన పైలాన్‌ను తక్షణమే తొలగించి, వేరే ప్రాంతంలో ఏర్పాటు చేయాలని ఆదేశించారు. రిమోట్‌ ద్వారా స్విచ్‌ ఆన్‌ చేసి మొదటి దశ నీరు విడుదల చేసేందుకు అవసరమైన అన్ని పనులు పూర్తి చేయాలని అధికారులకు సూచించారు. వర్షం కురిసే అవకాశం ఉన్నందున టెంట్లు, షామియానాలు ఏర్పాటు చేయాలని  ఆదేశించారు. అనంతరం ఆయన విలేకరులతో మాట్లాడుతూ సీఎం సీతానగరం నుంచి పథకం వద్దకు కాన్వాయ్‌ ద్వారా చేరుకుని నీరు విడుదల చేస్తారని చెప్పారు. అనంతరం సీతానగరం చేరుకుని గండికోట వద్ద పోలవరం ఎడమ కాలువలో పథకం నీరు డెలివరీ పాయింట్‌ను పరిశీలిస్తారని తెలిపారు. అక్కడి నుంచి జగ్గంపేటలో నిర్వహించే సభకు వెళ్తారని చెప్పారు. కలెక్టర్‌ వెంట రాజమహేంద్రవరం అర్బన్‌ ఎస్పీ ఎస్‌.పి.బి.రాజకుమారి, సబ్‌ కలెక్టర్‌ వి.విజయరామరాజు, అసిస్టెంట్‌ కలెక్టర్‌ ఆనంద్, జలవనరుల శాఖ ఎస్‌ఈ ఎస్‌.సుగుణాకరరావు, ఈఈ శ్రీనివాసరెడ్డి, ఆర్‌అండ్‌బీ ఎస్‌ఈ సి.ఎస్‌.ఎన్‌.మూర్తి, విద్యుత్‌ శాఖ డీఈ రాజబాబు, ఏడీఈ కె.రత్నాలరావు, ప్రభుత్వ ఆస్పత్రి సూపరింటెండెంట్‌ టి.రమేష్‌ కిషోర్, అడిషనల్‌ ఎస్పీ ఆర్‌.గంగాధర్, డీఎస్పీలు జి.శ్రీనివాసరావు, కె.రామకృష్ణ, తహసీల్దార్‌ కె.చంద్రశేఖరరావు, టి.గోపాలకృష్ణ, కె.పోశయ్య, దేవి, ఎంపీడీఓ డి.శ్రీనివాస్‌ తదితరులు ఉన్నారు.


 -మరో పట్టిసీమ కానున్న పురుషోత్తపట్నం ఎత్తిపోతలు
 – ఇంకా పనులు పూర్తికాకున్నా 15న నీరు తోడేందుకు సన్నాహాలు 
 – కిలోమీటర్‌ మేర భూమిపైనే పైపులు 
 – ప్రారంభ దశలోనే మురారి, మల్లేపల్లి బ్రిడ్జిలు
 – తాత్కాలిక ఏర్పాట్లకు అధికారుల యత్నాలు 
 – నేడు ప్రాజెక్టు పనుల పరిశీలనకు సీఎం చంద్రబాబు
 సాక్షి, రాజమహేంద్రవరం / సీతానగరం : ‘పోలవరం ప్రాజెక్టు కుడి కాలువపై నిర్మించిన పట్టిసీమ ఎత్తిపోతల పథకంలాగే ఎడమ కాలువపై ఏర్పాటు చేస్తున్న పురుషోత్తపట్నం ఎత్తిపోతల పథకం కూడా పూర్తి కాకముందే సీఎం చంద్రబాబు జాతికి అంకితం చేయనున్నారా? ఎక్కడికక్కడ తాత్కాలిక ఏర్పాట్లతో నీరు పారించాలని అధికారులు సన్నాహాలు చేస్తున్నారా?’ అంటే అవుననే సమాధానాలు వస్తున్నాయి. పనులు పూర్తి చేయకుండానే ఈ నెల 15న అనుకున్న ప్రకారం ప్రాజెక్టును సీఎం చంద్రబాబు ప్రారంభించేందుకు అధికారులు సన్నాహాలు చేస్తున్నారు. ప్రాజెక్టు పూర్తి కాకుండానే పట్టిసీమను ప్రారంభించి జాతికి అంకితం చేసినట్లుగా ఇప్పుడు పురుషోత్తపట్నం ప్రాజెక్టును కూడా ప్రారంభించనున్నారు. ప్రాజెక్టు పనులు ఈ నెల 15కి పూర్తి అయ్యే పరిస్థితి కనపడడంలేదు. అయితే అనుకున్న తేదీ ప్రకారం ఎలాగైనా ప్రారంభించేందుకు యంత్రాగం హడావుడిగా తాత్కాలిక ఏర్పాట్లు చేస్తోంది.
 హడావుడితో నాణ్యతకు తిలోదకాలు
 గోదావరి నుంచి పురుషోత్తపట్నం వద్ద పంప్‌హౌస్‌ల ద్వారా నీటిని తోడి 10.10 కిలోమీటర్ల దూరంలోని పోలవరం కాలువకు పంపించి అక్కడ నుంచి ఏలేరు ప్రాజెక్టుకు, ఆయకట్టును నీటిని అందించే లక్ష్యంతో రూ.1,638 కోట్లతో ఎత్తిపోతల పనులు ప్రారంభించారు. ఏలేరు జలాశయం నుంచి విశాఖకు గోదావరి నీటిని అందించేందుకు పురుషోత్తపట్నం స్టేజ్‌ -1, స్టేజ్‌ -2గా పనులు విభజించి చేపడుతున్నారు. స్టేజ్‌ -1లో పంప్‌హౌస్‌ వద్ద పది పంపులను ఏర్పాటు చేసి ఒకో పంప్‌ ద్వారా 350 క్యూసెక్కులు నీటిని తోడాలని ప్రతిపాదించారు. ఆ లెక్కన మొత్తం 3,500 క్యూసెక్కుల నీటిని తోడవచ్చు. స్టేజ్‌ -2లో రామవరంలో పోలవరం 50వ కిలోమీటరు వద్ద పంప్‌హౌస్‌ నిర్మించి 8 పంపుల ద్వారా 175 క్యూసెక్కుల చొప్పున మొత్తం 1,400 క్యూసెక్కుల నీటిని ఏలేరులోకి 13.12 కిలోమీటర్ల మేర రెండు లైన్లలో ఏర్పాటు చేసే పైపులైన్ల ద్వారా పంపింగ్‌ చేయాల్సి ఉంది. అలాగే 57.885 కిలో మీటరు కృష్ణవరం వద్ద క్రాస్‌ రెగ్యులేటరు నిర్మించి గ్రావిటీ ద్వారా నీటిని అందించేందుకు ప్రతిపాదించారు. ఆగస్టు 15కి నీటిని అందిస్తామని ప్రభుత్వం, ఇరిగేషన్‌ అధికారులు చెబుతుండగా పనులు మాత్రం పూర్తి కాలేదు. జగ్గంపేట మండలంలో ఒక వరస పైపులైన్‌ ద్వారా నీటిని పంపాలని చూస్తున్నారు. హడావుడి పనులతో నాణ్యతకు తిలోదకాలు ఇచ్చారు. పోలవరం కాలువ ద్వారా రామవరం వద్ద స్టేజ్‌ -2కు నీరు చేరేందుకు మురారి, మల్లేపల్లి వద్ద వంతెనలు పూర్తి కావాల్సి ఉంది. ఈ వంతెనల పనులు ప్రారంభ దశలో ఉన్నాయి. ఇవి పూర్తయితే కానీ నీరు పారేందుకు వీలులేదు. బ్రిడ్జి వద్ద తాత్కాలికంగా రోడ్డు కింద తూములు ఏర్పాటు చేసి నీరు పారించాలని అధికారులు భావిస్తున్నారు. తాత్కాలిక ఏర్పాట్లతో హడావుడిగా పనులు చేస్తే ముప్పు తప్పదని నిపుణులు హెచ్చరిస్తున్నారు. 
 భూమిపైకి లేచిన పైపులు..
 10 పంపుల నుంచి ఐదు వరసలలోని తరలించేందుకు పైపులను అమర్చాల్సి ఉంది. మొదటి ఫేజ్‌లో రెండు వరసల మేర భూమిలో  పైపులు వేశారు. అయితే గత నెల 18న ఈపథకంలో భాగంగా వేసిన 150 పైపులు భూమిలో నుంచి పైకి లేచాయి. దాదాపు కిలో మీటరు మేర లేచిన పైపుల్లో  కొన్ని చోట్ల జాయింట్లు విడిపోయాయి. పైపులు వేయడానికి తీసిన గోతుల్లో ఈ మధ్య కురిసిన వర్షాలు, గోదావరిలో వరద వల్ల నీరు ఊరుతుండడంతో పైపులు పైకి ఉబికి వచ్చాయి. ఈ నెల 15 కల్లా నీరు తోడాలన్న ఉద్దేశంతో నాణ్యతా ప్రమాణాలు పట్టించుకోకుండా పైపులు అమర్చారు. పైపులు అమర్చే ముందు కాలువలో ఇసుక వేయలేదు. ఫలితంగా రామవరపు ఆవ వద్ద భూమిలో నీరు ఊరడంతో భూమిలోని పైపులు పైకి లేచాయి.
 ప్రారంభానికి తాత్కాలిక ఏర్పాట్లు...
 కాలువలో ఇసుక నింపి పైప్‌లైన్‌ వేయాల్సి ఉండగా, 15 కల్లా నీటిని విడుదల చేయాలనే ఉద్దేశంతో పనులలో తీసుకోవలసిన నాణ్యతా చర్యలను మమ అనిపించి, పైప్‌లైన్‌ వేశారని పలువురు ఆరోపించారు. పైకి లేచిన పైపులను యంత్రాల ద్వారా తీవ్ర ఒత్తిడితో కిందకు నొక్కినా ప్రయోజనం లేకపోయింది. ఒక వరస మేర కిలోమీటరు పొడవున పైప్‌లైన్‌ భూమి పైనే ఉంచి, ప్రారంభోత్సవానికి అడ్డంకి లేకుండా చేయడానికి ప్రయత్నాలు ముమ్మరంగా జరుగుతున్నాయి. సీఎం చంద్రబాబు ప్రాజెక్టును ప్రారంభించిన తర్వాత రెండు మోటార్లను ఆఫ్‌ చేసి పైప్‌లైన్‌ను సరిచేయవచ్చని అధికారులు భావిస్తున్నారు. 


 విశాఖపట‍్నం: విశాఖ నగరంలోని మధురవాడలో ఆదివారం ఉదయం దారుణం చోటుచేసుకుంది. తారకరామారావునగర్ లో  కోటాస్‌ రెసిడెన్సీ అపార్ట్ మెంట్ లిఫ్ట్ లో చిక్కుకుని పిట్ట స్వాతి (9) అనే బాలిక మృతిచెందింది. సాంకేతిక లోపం తలెత్తినందు వల‍్లే బాలిక లిఫ్టులో ఇరుక్కుని మృతిచెందిందని అపార్ట్‌ మెంట్‌ వాసులు చెబుతున్నారు. వాచ్‌మెన్‌ కూతురైన స్వాతి లిఫ్టులో వెళుతుండగా లిఫ్టు ఒక‍్కసారిగా కిందికి పడిపోయింది. దాంతో బాలిక మృతిచెందినట్లు సమాచారం. పూర్తి వివరాలు తెలియాల్సి ఉంది.


 –2013 భూసేకరణ చట్ట ప్రకారం పరిహారం ఇచ్చిన తర్వాతే పనులన్న రైతులు
 సీతానగరం (రాజానగరం) : మండలంలోని రామచంద్రపురం వద్ద పురుషోత్తపట్నం ఎత్తిపోతల పథకం పనులను రైతులు అడ్డుకున్నారు. హైకోర్టు సూచించిన ప్రకారం భూసేకరణ చట్టం ప్రకారం పరిహారం ఇచ్చాకే పనులు చేయాలని రైతులు డిమాండ్‌ చేశారు. మంగళవారం ఉదయం 9 గంటలకు రామచంద్రపురం వద్ద గల తొర్రిగడ్డ పంపింగ్‌ స్కీమ్‌ ఎడమ కాలువ వద్ద ఎత్తిపోతల పథకం పనులు చేయడానికి పొక్లెయిన్‌ తరలివచ్చింది. కాలువ వద్ద పనులు చేయడానికి సిద్ధపడగా సమాచారం అందుకున్న రైతులు హుటాహుటిన తరలివెళ్లి పనులను అడ్డుకున్నారు. తొర్రిగడ్డ ఎడమ కాలువలో రామచంద్రపురం దూళ్ళపాటి డ్యామ్‌ వద్ద ఎత్తిపోతల పథకం పైప్‌లైన్‌ వేయడానికి పొక్లెయిన్‌తో తవ్వకాలు ప్రారంభించారు. రామచంద్రపురానికి చెందిన రైతులు కలగల బాలకృష్ణ, చల్లమళ్ల గాంధీ, కోడేబత్తుల దొరాజీ, చల్లమళ్ల ధర్మరాజు, చల్లమళ్ల విజయ్‌కుమార్‌ చౌదరి, కోడేబత్తుల శ్రీనివాసరావు, కోడేబత్తుల పెంటయ్య, ప్రసాద్‌తోపాటుగా అధిక సంఖ్యలో రైతులు తరలివెళ్ళి పనులను అడ్డుకున్నారు. సమాచారం అందుకున్న మెగా ఇంజనీరింగ్‌ కంపెనీ అధికారులు ఘటనా స్థలికి తరలివచ్చారు. పొక్లెయిన్‌తో ప్రభుత్వ భూములలో పనులు చేస్తున్నామని, కాలువ వద్ద పైప్‌లైన్‌కు చెందిన పైప్‌లు ఏర్పాటు చేస్తే, ఖరీఫ్‌కు సాగునీటికి అంతరాయం కలగదని తెలిపారు. దీంతో రైతులు తీవ్ర ఆగ్రహం వ్యక్తం చేస్తూ రామచంద్రపురం వద్ద పనులు చేయడానికి మేము ఎంతమాత్రం సుముఖంగా లేమని, హైకోర్టు తీర్పుననుసరించి 2013 భూసేకరణ చట్టం ప్రకారం పరిహారంతోపాటుగా వివిధ ప్రయోజనాలు కల్పించాకే ఇక్కడ పనులు చేయడానికి అంగీకరిస్తామని తెలిపారు. దీనితో పొక్లెయిన్‌ తీసుకుని అక్కడ నుంచి అధికారులు నిష్క్రమించారు.


 - వైఎస్సార్‌ సీపీ యువజన విభాగం అధ్యక్షుడు జక్కంపూడి రాజా
 - కోర్టును ఆశ్రయించి, న్యాయం పొందిన రైతులు అభినందనీయులు
 - ప్రభుత్వం కళ్ళు తెరవాలని హితవు
 సీతానగరం (రాజానగరం) : ఎత్తిపోతల పథకాల పేరుతో రాష్ట్ర ప్రభుత్వం దోపిడీకి పాల్పడుతోందని వైఎస్సార్‌ కాంగ్రెస్‌ పార్టీ యువజన విభాగం రాష్ట్ర అధ్యక్షుడు జక్కంపూడి రాజా ఆరోపించారు. సీతానగరం మండలం ఇనుగంటివారిపేటలో శుక్రవారం పర్యటించిన ఆయన విలేకర్లతో మాట్లాడారు. పట్టిసీమ ఎత్తిపోతల పథకం పేరుతో ప్రభుత్వ పెద్దలు అందినకాడికి వేలాది కోట్లు దోచుకున్నారన్నారు. పురుషోత్తపట్నం ఎత్తిపోతల పథకం పేరుతో తిరిగి దోపిడీకి పాల్పడుతున్నారని దుయ్యబట్టారు. ఒకవైపు పోలవరం ప్రాజెక్ట్‌ పూర్తవుతుందంటూనే మరోపక్క ఎత్తిపోతల పథకం ఏర్పాటు చేస్తున్నారని, సీఎం జేబులు నింపుకోవడానికే ఈ పథకాలని ఆరోపించారు. పోలవరం పూర్తయితే ఎత్తిపోతల పథకాలు దేనికని ప్రశ్నించారు. ఎత్తిపోతల పథకం పైపులైన్‌ మార్గంలో భూములు కోల్పొయే రైతులను అధికారులు, ప్రజాప్రతినిధులు భయాందోళనలకు గురి చేసి సంతకాలు చేయించారని విమర్శించారు. కొంతమంది రైతులు హైకోర్టును ఆశ్రయించి, న్యాయం పొందారన్నారు. 2013 భూసేకరణ చట్టం ప్రకారం భూములు తీసుకోవాలని హైకోర్టు తీర్పు ఇచ్చిందని, తద్వారా రైతులు విజయం సాధించారని కొనియాడారు. ప్రజా శ్రేయస్సు కోసం పాటుపడాల్సిన ప్రభుత్వం ప్రజలకు, రైతులకు వ్యతిరేకంగా పని చేస్తోందని, అధికార పార్టీ నేతలు ప్రజాధనాన్ని దోచుకుంటున్నారని ఆగ్రహం వ్యక్తం చేశారు. ఇప్పటికైనా ప్రభుత్వం రైతుల శ్రేయస్సును దృష్టిలో ఉంచుకుని 2013 భూసేకరణ చట్టం ప్రకారం రైతులకు పరిహారం అందించాలని, ఆ చట్టం ప్రకారం వర్తించాల్సిన అంశాలను అమలు చేయాలని రాజా కోరారు. కార్యక్రమంలో పార్టీ మండల కన్వీనర్‌ పెదపాటి డాక్టర్‌బాబు, రైతు విభాగం రాష్ట్ర కార్యదర్శి, రాష్ట్ర సేవాదళ్‌ కార్యదర్శి వలవల రాజా, చళ్ళమళ్ళ సుజీరాజు, జిల్లా కార్యదర్శి వలవల వెంకట్రాజు, ఎస్సీ సెల్‌ మండల అధ్యక్షుడు అంబటి రాజు తదతరులు పాల్గొన్నారు.


 –వైఎస్సార్‌ సీపీ సీజీసీ సభ్యురాలు విజయలక్ష్మి డిమాండ్‌
 –రేపటి నుంచి పార్టీలకు అతీతంగా రిలే దీక్షలు
 -స్పందించకుంటే 8 నుంచి ఆమరణ దీక్ష
 కోరుకొండ (రాజానగరం) : మండల కేంద్రమైన కోరుకొండలో రైతులు, ప్రజల భూముల రిజిస్ట్రేషన్‌ నిలిపివేసి, ప్రజలను ఇబ్బందులకు గురి చేస్తున్నారంటూ అన్నవరం దేవస్థానం ఈఓ కాకర్ల నాగేశ్వరరావుపై వైఎస్సార్‌ సీపీ సీజీసీ సభ్యురాలు జక్కంపూడి విజయలక్ష్మి తీవ్రస్థాయిలో ధ్వజమెత్తారు. బుధవారం కోరుకొండ శ్రీ లక్ష్మీనరసింహ స్వామి వారి దేవాలయానికి వచ్చిన ఈఓ వద్దకు రైతులు, ప్రజలతో పాటు విజయలక్ష్మి వెళ్ళారు. గ్రామంలో గత కొన్నేళ్ళుగా అనుభవిస్తున్న పొలాలు, ఇళ్ల స్థలాలు రిజిస్ట్రేషన్‌ కాకుండా చేయడంతో రైతులు, ప్రజలు దిక్కుతోచని స్థితిలో ఉన్నారని, వారికి న్యాయం చేయాలని  డిమాండ్‌ చేశారు. ఇప్పటికి సుమారు 11 వందల ఎకరాలకు పైగా రిజిస్ట్రేషన్లు కాకుండా నిలిపివేయడంతో అనేక మంది మంచాన పడ్డారని, వారి ఉసురు అన్నవరం దేవస్థానానికి, స్థానిక నియోజకవర్గ ప్రజాప్రతినిధికి, రాష్ట్ర ప్రభుత్వానికి తప్పక తగులుతుందని అన్నారు. బాధిత రైతులు, ప్రజల తరఫున ఈ నెల 3 నుంచి రిలే నిరాహార దీక్షను పార్టీలకు అతీతంగా చేపడతామని, అధికారులు స్పందించకపోతే మార్చి 8న ఆమరణ నిరాహార దీక్ష చేపడతామని హెచ్చరించారు. దీంతో ఈఓ మాట్లాడుతూ 11 వందల ఎకరాలలో 350 ఎకరాలకు రికార్డులు దొరికాయని, వాటికి రిజిస్ట్రేషన్లు జరిపేలా చర్యలు తీసుకుంటామని తెలిపారు. దీనికి అభ్యంతరం తెలిపిన విజయలక్ష్మి 11 వందల ఎకరాలకూ రిజిస్ట్రేషన్లు చేయడానికి అనుమతి వెంటనే ఇవ్వాలని డిమాండ్‌ చేశారు.  వైఎస్సార్‌ సీపీ రైతులు, ప్రజలకు అండగా నిలుస్తుందన్నారు. ఎమ్మెల్యే పెందుర్తి వెంకటేష్‌ రైతులు, ప్రజల బాధలను పట్టించుకోవడం లేదని ఆరోపించారు. ఈ కార్యక్రమంలో వైఎస్సార్‌ సీపీ నాయకులు, రైతులు అయిల శ్రీను, తోరాటి శ్రీను, తాడి హరిశ్చంద్రప్రసాద్‌రెడ్డి, బొరుసు బద్రి, గరగ మధు, సలాది వెంకటేశ్వరరావు, వాకా నరసింహరావు, నీరుకొండ యుధిష్టర నాగేశ్వరరావు, మారిశెట్టి తేజోవీరన్ననాయుడు, ముద్దా అణు, వుల్లి గణనాథ్‌ తదితరులు పాల్గొన్నారు. 


 పురుషోత్తపట్నం ఎత్తిపోతల పథకానికి ఆది నుంచీ అవాంతరాలు
 సంతకాలకు దూరంగా çసగం మంది
 సీతానగరం: పురుషోత్తపట్నం ఎత్తిపోతల పథకం నిర్మాణానికి ఆది నుంచీ అవాంతరాలు ఎదురవుతూనే ఉన్నాయి. అంతా సాఫీగా సాగిపోతోందని ... రైతులంతా పూర్తి అంగీకారంగా ఉన్నారని ‘దేశం’ నేతలు ... అధికారులు ఓ వైపు చెబుతున్నా ఇంకోవైపు సగం మంది రైతుల నుంచి కూడా అంగీకార పత్రాలు చేతికి రాకపోవడంతో ప్రభుత్వ వర్గాల్లో ఆందోళన నెలకొంది. పలు పథకాల్లో తమ భూములను కోల్పోయామని, ఉన్న కొద్దిపాటి భూములు ఇచ్చేది లేదని ఎదురుతిరిగి పైప్‌లై¯ŒS మార్గంలో భూసేకరణ నిమిత్తం చేపట్టిన సర్వేలను అడ్డుకున్నారు. రాజకీయ ఒత్తిడితో, అధికారుల బెదిరింపులతో సగం మంది రైతులు ఒప్పంద పత్రాలపై సంతకాలు చేశారు. పథకంలో పురుషోత్తపట్నం, రామచంద్రపురం, వంగలపూడి, చినకొండేపూడి, నాగంపల్లి రైతులున్నారు. మొత్తం రైతులు 321 మంది ఉండగా, 203.62 ఎకరాలు భూసేకరణలో ఉంది. ఇప్పటికి 206 మంది రైతులు ఒప్పంద పత్రాలపై సంతకాలు చేశారు. తొలుత భూ సర్వేను రైతులు అడ్డుకుని నిలిపివేయడంతో జిల్లా కలెక్టర్‌ సమావేశం నిర్వహించి రైతులతో సంప్రదించగా భూసర్వే సక్రమంగా జరిగింది. పరిహారం విషయంలో పలు సమావేశాలు, చర్చలు అనంతరం రూ.28 లక్షలు అందిస్తామని, నాగంపల్లి రెవెన్యూలో రూ.24 లక్షలు అందించడానికి అధికారులు, ప్రజాప్రతినిధులు రైతులను ఒప్పించారు. దీంతో 206 మంది రైతులు ఒప్పంద పత్రాలపై సంతకాలు చేశారు. మిగిలిన 115 మంది రైతులు సంతకాలు చేయలేదు. వీరికి అధికారులు, ప్రజాప్రతినిధులు బుజ్జగింపు చర్యలు చేపట్టారని సమాచారం.
 రూ.28 లక్షలు నష్టదాయకమే...
 ప్రభుత్వం రైతులపై ఒత్తిడి తెచ్చి పరిహారం పెంచామని చెప్పి రూ.28 లక్షలు అందించడం కూడా కొంతమంది రైతులకు రుచించడం లేదు. మార్కెట్‌ ధర కూడా ప్రభుత్వం అందించడం లేదని, ఎకరానికి రూ.50 లక్షలు అందించాలని రైతులు డిమాండ్‌ చేస్తున్నారు. సగానికి పైగా ఒప్పంద పత్రాలపై సంతకాలు చేసిన రైతులకు పరిహారం మార్చి నెలాఖరుకు అందించే అవకాశం ఉంది. భూ సేకరణ చట్టం ప్రకారం రూ.28 లక్షలు వస్తుందని, అదనంగా ఫల వృక్షాలకు, బోరులకు ధర చెల్లించాల్సి  ఉంటుందని, రైతులకు పెంచి ఇచ్చింది ఏమీ లేదని రైతులు అభిప్రాయపడుతున్నారు.  
 కోర్టును ఆశ్రయించే దిశగా అడుగులు..
 ఒప్పంద పత్రాలపై సంతకాలు చేయని రైతులు త్వరలో కోర్టును ఆశ్రయించేందుకు కసరత్తు చేస్తున్నారు. తెలంగాణలో రెండు ప్రముఖ ప్రాజెక్టులకు స్టే తీసుకువచ్చిన తెలంగాణా న్యాయవాదులను రైతులు సంప్రదిస్తున్నట్టు తెలుస్తోంది. 
  
  


 పగిడ్యాల: జిల్లా కలెక్టర్‌ ఆదేశాల మేరకు ముచ్చుమర్రి ఎత్తిపోతల పథకం నుంచి కర్నూలు–కడప కాల్వకు నీటిసరఫరా  నిలపివేసినట్లు ఎత్తిపోతల పథకం ఈఈ రెడ్డిశంకర్‌ తెలిపారు. మళ్లీ కలెక్టర్‌ నుంచి ఆదేశాలు వచ్చే వరకు ఈ నిలిపివేత కొనసాగుతుందని శుక్రవారం ఆయన విలేకరులకు వెల్లడించారు.
  


 జిల్లా కలెక్టర్‌ విజయమోహన్‌
 కర్నూలు(అగ్రికల్చర్‌): సిద్ధాపురం ఎత్తిపోతల పథకం కాలువల తవ్వకం పనులను వేగవంతం చేయాలని జిల్లా కలెక్టర్‌ సీహెచ్‌ విజయమోహన్‌ అధికారులను ఆదేశించారు. ఇంతవరకు పనులు జరుగకపోవడదానికి కారణాలు తెలుసుకొని పరిష్కరించేందుకు రెవెన్యూ సిబ్బందితో 9 బృందాలు ఏర్పాటు చేశారు. బుధవారం కలెక్టర్‌ తన సమావేశ మందిరంలో నీటిపారుదల అధికారులు, భూసేకరణ అధికారులతో కాలువ పనుల పురోగతిపై సమీక్ష నిర్వహించారు. ప్రతి గ్రామంలో మిషన్లు ఏర్పాటు చేసి కాలువ తవ్వకం చేపట్టాలని తెలుగుగంగ ప్రాజెక్టు ఎస్‌ఈ రాఘవరెడ్డిని ఆదేశించారు.
  
  
 సిద్దేపల్లి, కరివెన, కృష్ణాపురం, తదితర గ్రామాలకు ఒక జూనియర్‌ ఇంజనీర్‌ను నియమించి నిరంతరం పర్యవేక్షించాలన్నారు. గ్రామం వారిగా  ఎన్ని క్యూబిక్‌ మీటర్లు తవ్వారు, ఇంకా ఎంత తవ్వాలనే దానిని పరిశీలించాలన్నారు.  పనులు చేపట్టేందుకు కాంట్రాక్టర్లు ముందుకు రాకపోయినా, ఽనిర్లక్ష్యం వహించినా షోకాజ్‌ నోటీసులు జారీ చేయాలని ఎస్‌ఈని ఆదేశించారు. రైతులందరికీ పరిహారం అందిందని, ఏ ఒక్కరూ పనులకు అడ్డు పడకుండా రెవెన్యూ అధికారులు చర్యలు తీసుకోవాలన్నారు. కర్నూలు ఆర్డీఓ హుసేన్‌సాహెబ్, స్పెషల్‌ డిప్యూటీ కలెక్టర్‌ సత్యం, తహసీల్దార్లు పాల్గొన్నారు.
  


 ముచ్చుమర్రి(పగిడ్యాల): మండల పరిధిలోని పాతముచ్చుమర్రిలో చేపట్టిన ఎత్తిపోతల   ప్రాజెక్ట్‌ను కృష్ణానది జలాల బోర్డు చీఫ్‌ ఇంజినీర్‌ విజయ్‌కుమార్‌ నాగ్‌పురే  శనివారం పరిశీలించారు. నాలుగు రోజుల క్రితం కృష్ణాబోర్డు కమిటీ బృందం సందర్శించి టెలిమెట్రీ డిశ్చార్జ్‌ మీటర్ల ఏర్పాటుపై జలవనరులశాఖ, కేసీ కాలువ నీటిపారుదల శాఖ అధికారులతో సమీక్షలు జరిపారు. అయితే ఆ రోజు చీకటిపడటంతో   టెలిమెట్రీ మీటర్ల ఏర్పాటుపై అవగాహనకు రాలేని బోర్డు చీఫ్‌ ఇంజినీర్‌ రెండో విడతగా శనివారం ప్రాజెక్ట్‌ను సందర్శించి క్రాస్‌ రెగ్యూలేటర్‌ వద్ద ఉండే డిశ్చార్జ్‌ పాయింట్‌ను, వాల్వ్‌ ప్రదేశాలను పరిశీలించారు.  కార్యక్రమంలో కృష్ణాబోర్డు సభ్యుడు చీఫ్‌ ఇంజినీర్‌ ఏ. బాలన్, డిప్యూటీ డైరక్టర్‌ ఆనంద్‌కుమార్, జలవనరుల శాఖ డీఈ ఆదిశేషారెడ్డి తదితరులు ఉన్నారు. 
  


 పగిడ్యాల (నందికొట్కూరు): ముచ్చుమర్రి ఎత్తిపోతల పథకం నుంచి వినియోగించే నీటిని లెక్కించేందుకు టెలిమెట్రి డిశ్చార్జ్‌ మీటర్లను అమర్చుతున్నట్లు కృష్ణా వాటర్‌ బోర్డు చీఫ్‌ ఇంజినీర్‌ విజయ్‌కుమార్‌ నాగపురి పేర్కొన్నారు. బుధవారం  ముచ్చుమర్రి ఎత్తిపోతల పథకాన్ని పరిశీలించారు. పంప్‌ల సామర్థ్యాలను జలవనరుల శాఖ ఎస్‌ఈ నారాయణస్వామి, ఈఈ రెడ్డిశేఖర్‌రెడ్డిలను అడిగి తెలుసుకున్నారు. కార్యక్రమంలో బోర్డు కమిటీ మెంబర్‌ అండ్‌ చీఫ్‌ ఇంజనీర్‌ ఏ. బాలన్, డిప్యూటీ డైరెక్టర్‌ ఆనంద్‌కుమార్, కేసీ కాలువ నీటిపారుదల శాఖ ఈఈ మల్లికార్జున, డీఈలు బాలాజీ, ఆదిశేషారెడ్డి పాల్గొన్నారు. 
  


 - సిద్దాపురం ఎత్తిపోతల పథకం పనులను అడ్డుకున్న బాధితుడు
 – ఎస్‌డీసీ, తహసీల్దార్‌ చొరవతో సమస్య పరిష్కారం
  
 బాపనంతాపురం(ఆత్మకూరురూరల్‌): పరిహారం ఇచేంత వరకు పనులు జరగనిచ్చేది లేదని సిద్దాపురం ఎత్తిపోతల పథకంలో భూమి కోల్పోయిన రైతులు అధికారులకు తెగేసి చెప్పారు. మండల పరిధిలోని బాపనంతాపురం వద్ద బుధవారం రైతులు తమ పొలాల్లో పంట కాల్వలు తీయడానికి వచ్చిన జేసీబీలను అడ్డుకున్నారు. గ్రామానికి చెందిన శివప్రసాద్, ప్రమీలమ్మలకు చెందిన భూమిలో పంటకాల్వ తవ్వాల్సి ఉంది. వీరి భూమిని ప్రభుత్వం సేకరించింది. శివప్రసాద్‌కు చెందిన 1.58 ఎకరాల సేకరణ భూమిలో 58 సెంట్లకు రావాల్సిన పరిహారాన్ని(దాదాపు రూ 3.5 లక్షలు)అదే సర్వే నంబర్‌లో ఉన్న మరో రైతు శివయ్య బ్యాంకు ఖాతాలో వేశారు. జరిగిన పొరపాటును వివరిస్తూ తగు ఆధారాలతో రెండేళ్లుగా శివప్రసాద్‌ నంద్యాలలో ఉన్న స్పెషల్‌ డిప్యూటీ కలెక్టర్‌ కార్యాలయం చుట్టూ తిరుగుతున్నాడు. అయినప్పటికీ అతనికి జరిగిన లోటును అధికారులు సరిదిద్దలేదు. దీంతో తమ పొలంలో కాల్వలు తీయడానికి వచ్చిన జేసీబీని అడ్డుకున్నాడు.
  
            విషయం తెలుసుకున్న స్థానిక ఎమ్మెల్యే బుడ్డా రాజశేఖరరెడ్డి బాధితుడితో ఫోన్‌లో మాట్లాడి పరిహారం సొమ్ము ముట్టేవరకు పొలంలో పనులు చేయనీయవద్దని తాను కలెక్టర్‌తో మాట్లాడతానని హామీ ఇచ్చారు. అయితే రెవెన్యూ అధికారులు పనులకు అడ్డు తగిలితే íపరిణామాలు తీవ్రంగా ఉంటాయని బెదిరించినట్లు బాధిత రైతు తెలిపాడు. స్పెషల్‌ డిప్యూటీ కలెక్టర్‌ సత్యం, ఆత్మకూరు తహసీల్దార్‌ రాజశేఖరబాబు హుటాహుటిన సంఘటనా స్థలానికి చేరుకుని రైతులను సమావేశ పరచి శివప్రసాద్‌. సరోజమ్మలకు రావాల్సిన మొత్తాన్ని తిరిగి ఇచ్చేందుకు చర్యలు తీసుకున్నారు. శివయ్యకు రావాల్సిన మరో చెక్‌ను బాధితులకు బదలాయించేందుకు అంగీకరించారు. మిగిలిన సొమ్మును నెలలోపు బాధిత రైతులకు ఇచ్చేలా శివయ్యతో అంగీకార పత్రం రాయించి ఇచ్చారు. 
  


  - ఈ విషయం చెబితే బాబు జీర్ణించుకోలేకపోతున్నారు
 - ప్రతి పక్ష పార్టీ ఎమ్మెల్యేలు మాట్లాడకుండా అడ్డుకుంటున్నారు
  – జిల్లాపై ప్రేమ ఉంటే ‘గుండ్రేవుల’తో పాటు పెండింగ్‌ ప్రాజెక్టులన్నీ పూర్తి చేయాలి 
 –   జేసీకి ప్రతిపక్ష నేతను గౌరవించే సంస్కారం తెలియదు
   – విలేకరుల సమావేశంలో వైఎస్‌ఆర్‌సీపీ నేతలు ధ్వజం
  
 కర్నూలు(ఓల్డ్‌సిటీ): రాయలసీమను సస్యశ్యామలం చేయాలని ముచ్చుమర్రి ఎత్తిపోతల పథకానికి శ్రీకారం చుట్టి నిర్మించిన ఘనత దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డిదేనని వైఎస్‌ఆర్‌సీపీ నేతలు అన్నారు.  ఈ విషయం మరచి టీడీపీ ప్రభుత్వం ముచ్చుమర్రి ఎత్తిపోతల పథకం తమ గొప్పతనంగా చెప్పుకోవడం సిగ్గుచేటన్నారు. ఎంత మభ్య పెట్టినా జిల్లా ప్రజలు నమ్మరని చెప్పారు.  జిల్లాపై ప్రేమ ఉంటే  ‘గుండ్రేవుల’తో పాటు పెండింగ్‌లో ఉన్న తొమ్మిది ఎత్తిపోతల పథకాలను పూర్తి చేయాలని  అధికారపార్టీకి డిమాండ్‌ చేశారు. ప్రతిపక్ష నేతను గౌరవించే కనీస సంస్కారం ఆ పార్టీ నేతలకు లేదని మండిపడ్డారు. మంగళవారం స్థానిక కృష్ణకాంత్‌ ప్లాజాలోని వైఎస్‌ఆర్‌ కాంగ్రెస్‌ పార్టీ జిల్లా కార్యాలయంలో పాణ్యం, నందికొట్కూరు ఎమ్మెల్యేలులు గౌరుచరితారెడ్డి, ఐజయ్య, పార్టీ రాష్ట్ర ప్రధానా కార్యదర్శి బీవై రామయ్య విలేకరులతో మాట్లాడారు.
  
  మాట్లాడే హక్కును కాలరాస్తున్నారు
 ప్రతిపక్షపార్టీ ప్రతినిధుల మాట్లాడే హక్కును చంద్రబాబు కాలరాస్తునా​‍్నరని పాణ్యం  ఎమ్మెల్యే గౌరుచరితారెడ్డి  చెప్పారు. తడకనపల్లిలో నిర్వహించిన  జన్మభూమి–మాఊరు కార్యక్రమంలో ఫలన విషయాలే మాట్లాడాలని తనను కట్టడి చేశారన్నారు. ముచ్చుమర్రి ఎత్తిపోతల పథకం ప్రారంభ సభలో నందికొట్కూరు ఎమ్మెల్యే ఐజయ్య  మైక్‌ కట్‌ చేయడం విచారకరమని, ఇది దళితులను అవమానించడమే అవుతుందన్నారు.  స్థానిక ఎమ్మెల్యేకు మాట్లాడేందుకు అవకాశం ఇవ్వనప్పుడు  జిల్లాకు సంబంధం లేని  జేసీ దివాకర్‌రెడ్డితో ఎలా మాట్లాడిస్తారని  ప్రశ్నించారు.  ప్రతిపక్ష నేత జగన్‌మోహన్‌రెడ్డిని  వాడు–వీడని జేసీ సంభోదించడం  తగదన్నారు.   జిల్లాలో  14 సీట్లు గెలవాలనే ఉద్దేశంతోనే అభివృద్ధి పనులు చేపడుతున్నామని ముఖ్యమంత్రి చెప్పడం వెనుక దాగి ఉన్న ఆయన స్వార్థాన్ని తెలియజేస్తుందన్నారు. ముచ్చుమర్రి పథకంతో 300 రోజులు నీళ్లొస్తాయని జిల్లా కలెక్టర్‌ చెప్పడం విడ్డూరంగా ఉందన్నారు. జిల్లాలో సాగునీటి సమస్య శాశ్వత పరిష్కారానికి గుండ్రేవుల రిజర్వాయర్‌ను పూర్తి చేయాలని ప్రభుత్వాన్ని కోరారు.
  
 నిజాలు బయట పడతాయని: ఐజయ్య, నందికొట్కూరు శాసన సభ్యుడు 
 ముచ్చుమర్రి ఎత్తిపోతల పథకానికి పునాది వేసిన వైఎస్‌ఆర్‌ పేరున ఉచ్ఛరిస్తే సీఎం జీర్ణించుకోలేకపోయారని, అందుకే తనను మాట్లాడకుండా అడ్డుకున్నారని నందికొట్కూరు  ఎమె​‍్మల్యే ఐజయ్య అన్నారు.  రాయలసీమలో వ్యవసాయ అభివృద్ధి కోసం అప్పటి ముఖ్యమంత్రి వైఎస్‌ రాజశేఖరరెడ్డి నిపుణులతో చర్చించి ముచ్చుమర్రి ఎత్తిపోతల పథకాన్ని రూపొందించారన్నారు. నాలుగు పంపులతో పనిచేయాల్సిన ఈ పథకాన్ని రెండు పంపులతోనే ప్రారంభించడం చంద్రబాబు తొందరపాటు చర్య అని అభివరి​‍్ణంచారు. జిల్లాపై ప్రేమ ఉంటే లింగాల, ఇస్కాల వంటి తొమ్మిది ఎత్తిపోతల పథకాలను పూరి​‍్త చేయాలని కోరారు.
  
 ఆరుసార్లు ఎమ్మెల్యే అయిన జేసీకి ఆ మాత్రం తెలియదా..
  ముచ్చుమర్రి ఎత్తిపోతల పథకం ప్రారంభోత్సవ కార్యక్రమంలో స్థానిక ఎమ్మెల్యేకు అవకాశం ఇవ్వకుండా అనంతపురం ఎమ్మెల్యే దివాకర్‌రెడ్డికి  మాట్లాడే అవకాశం ఇవ్వడం న్యాయమా అని వైఎస్‌ఆర్‌సీపీ రాష్ట్ర ప్రధాన కార్యదర్శి బీవై రామయ్య ముఖ్యమంత్రిని ప్రశ్నించారు. ఆరుసార్లు, ఎమ్మెల్యే ఒకసారి మంత్రి అయిన  దివాకర్‌రెడ్డి సంస్కారం మరచి ప్రతిపక్ష నేతను వాడువీడు అని సంభోదించడం తగదన్నారు. తక్షణమే తమ పార్టీ అధినేతకు క్షమాపణ చెపా​‍్పలని డిమాండ్‌ చేశారు. అలాగే   నోటిదురుసును కూడా తగ్గించుకోవాలని జేసీకి హితవు పలికారు.  కార్యక్రమంలో మాజీ ఎమ్మెల్యే కొత్తకోట ప్రకాశ్‌రెడ్డి, వైఎస్‌ఆర్‌సీపీ రాష్ట్ర సంయుక్త కార్యదర్శి తెర్నేకల్‌ సురేందర్‌రెడ్డి, రైతు విభాగం, లీగల్‌సెల్‌  రాష్ట్ర ప్రధాన కార్యదర్శులు వంగాల భరత్‌కుమార్‌రెడ్డి, కర్నాటి పుల్లారెడ్డి, యువజన విభాగం జిల్లా అధ్యక్షుడు పి.రాజావిష్ణువర్దన్‌రెడ్డి, నగర అధ్యక్షుడు పి.జి.నరసింహులు యాదవ్, మైనారిటీ, ఎస్సీసెల్‌  రాష్ట్ర కార్యదర్శులు ఎస్‌.ఎ.రహ్మాన్, సి.హెచ్‌.మద్దయ్య, మహిళా విభాగం అధ్యక్ష కార్యదర్శులు శౌరి విజయకుమారి, సలోమి, పార్టీ నాయకులు చంద్రమౌళి, రవికుమార్, రాజశేఖర్‌  పాల్గొన్నారు.


 గెలిచినప్పుడు కూడా ఇంత సంతోషంగా లేను
 – ముచ్చుమర్రి ఎత్తిపోతల ప్రారంభోత్సవం సందర్భంగా సీఎం చంద్రబాబు
 – గుండ్రేవుల అవసరమా? అలోచిద్దామని వ్యాఖ్య
 – జిల్లాలో ముఠా తగాదాలున్నాయని మండిపాటు
 – రూ.19 వేల కోట్ల పెట్టుబడులతో 21వేల మందికి ఉపాధి లభిస్తుందని వెల్లడి
  
 సాక్షి ప్రతినిధి, కర్నూలు: ‘‘ రోజూ నా కలలో కూడా ముచ్చుమర్రే గుర్తుకు వస్తోంది. ఇది నా పూర్వజన్మ సుకృతం. ముచ్చుమర్రి పర్యాటక ప్రదేశంగా మారాలి. రాయలసీమను రతనాల సీమగా మారుస్తా. కర్నూలు జిల్లాలోని సాగునీటి ప్రాజెక్టులన్నీ పూర్తి చేస్తా. జిల్లాలోని చెరువులన్నింటినీ నీటితో నింపుతాం’’ అని ముఖ్యమంత్రి నారా చంద్రబాబు నాయుడు వ్యాఖ్యానించారు. ముచ్చుమర్రి ఎత్తిపోతల పథకం ప్రారంభోత్సవంతో పాటు తడకనపల్లెలో పశువుల హాస్టల్‌ను సందర్శించి పలు అభివృద్ధి కార్యక్రమాలను ఆయన ప్రారంభించారు. ఈ సందర్భంగా సీఎం మాట్లాడుతూ.. జిల్లాలో రూ.19 వేల కోట్లతో అనేక పరిశ్రమలు వస్తున్నాయన్నారు. తద్వారా 21వేల మందికి ఉపాధి లభిస్తుందన్నారు. ఈ నెల రెండు లేదా మూడో వారంలో జైన్‌ ఇరిగేషన్‌ ప్రాజెక్టుకు శంకుస్థాపన జరగనుందని వివరించారు. నంద్యాలను సీడ్‌ హబ్‌ చేస్తామని ప్రకటించారు. అధికారంలోకి వచ్చినప్పుడు జిల్లాలో మొత్తం 27 ఎత్తిపోతల పథకాలు పనిచేయకుండా ఉన్నాయని.. వీటి కోసం రూ.500 కోట్ల నుంచి రూ.600 కోట్ల వరకూ వెచ్చించామన్నారు. 
  
 ఆలూరు బ్రాంచ్‌ కెనాల్‌ ద్వారా 630 ట్యాంకులకు నీళ్లు ఇచ్చేందుకు ఏర్పాట్లు జరుగుతున్నాయన్నారు. ముచ్చుమర్రితో కేసీ కెనాల్‌ ఆయకట్టును స్థిరీకరించామన్నారు. జిల్లాలో రాజకీయ తగాదాలు ఎక్కువగా ఉన్నాయని.. వీటికి స్వస్తి పలకాలని అధికార పార్టీ నేతలకు ఆయన హితవు పలికారు. శ్రీశైలం ప్రాజెక్టు ముంపు బాధితులకు తెలంగాణ తరహాలో శాశ్వత ఉద్యోగాలు ఇవ్వడం సాధ్యం కాదని తేల్చి చెప్పేశారు. అయితే, దీనిని అధ్యయనం చేద్దామన్నారు. ఇక కేసీ కెనాల్‌ వెంట రెయిన్‌గన్ల ద్వారా వ్యవసాయం చేసేందుకు అవకాశం కల్పిస్తామని సీఎం హమీనిచ్చారు.      
  
 గుండ్రేవుల అవసరమా?
 పట్టిసీమ ద్వారా డెల్టాకు గోదావరి నీటిని ఇచ్చి.. శ్రీశైలం నీటిని సీమకు తరలిస్తున్నామని సీఎం వివరించారు. ముచ్చుమర్రి ద్వారా శ్రీశైలంలో 798 అడుగుల నీటి మట్టం ఉన్న సమయంలో కూడా నీటిని తోడుకునేందుకు అవకాశం ఉందన్నారు. గుండ్రేవుల ప్రాజెక్టుకు అంతర్‌ రాష్ట్ర వివాదాలు ఉన్నాయని.. ఇప్పుడు ముచ్చుమర్రి ఎత్తిపోతల పథకం అమలు తర్వాత గుండ్రేవుల అవసరం ఉందా? లేదా అనే విషయాన్ని ఆలోచించాల్సి ఉందని సీఎం అభిప్రాయపడ్డారు. జిల్లాలోని పశ్చిమ ప్రాంతాలైన డోన్, పత్తికొండ, ఆలూరు ప్రాంతాలకు హంద్రీనీవా నీటిని కాలువల ద్వారా తరలిస్తామన్నారు. ఇందుకోసం ప్రాజెక్టు నివేదిక సిద్ధమవుతోందని తెలిపారు. సీమలో ఒకప్పుడు తుపాకులతో ఆడుకునేవారని.. ఇప్పుడు నీటితో జలకాలాటలు ఆడాలని వ్యాఖ్యానించారు. 854 నీటిమట్టం గురించి శ్రీశైలం డ్యామ్‌ వద్దకు వెళ్లి పోరాటం చేసేవారని.. ఇక మీరు గొడవలు చేసేందుకు అవకాశం లేదని రాజకీయ నేతలను ఉద్దేశించి అన్నారు. ఎస్‌ఆర్‌బీసీ, హంద్రీ నీవా, కేసీ కెనాల్‌ వంటి కాలువలన్నీ అనుసంధానించి ఎక్కడ అవససం ఉంటే అక్కడకు నీరు ఇచ్చేలా ఏర్పాటు చేయాల్సిన అవసరం ఉందన్నారు. నా దృష్టిలో ఉన్నది రెండే రెండు కులాలన్నారు. పేద వాళ్ల కులం, డబ్బులున్న వారి కులమని.. తనది పేద వాల్ల కులమన్నారు.
  
 రాయలసీమను అభివృద్ధి చేసేందుకు సీఎం అహర్నిశలు కృషి చేస్తున్నారని డిప్యూటీ సీఎం కేఈ కృష్ణమూర్తి పేర్కొన్నారు. తాను, సాగునీటిశాఖ ముఖ్యకార్యదర్శి, ఈఎన్‌సీ ఇంజనీరింగ్‌ గ్రాడ్యుయేట్స్‌ అని... అయితే, ఇంజనీరింగ్‌ చదవని ఇంజనీర్‌ సీఎం చంద్రబాబు అని మంత్రి దేవినేని ఉమా వ్యాఖ్యానించారు. ఇది ఒక చరిత్ర అని.. రైతుల కళ్లల్లో ఆనందం చూస్తున్నానని కలెక్టర్‌ సీహెచ్‌ విజయమోహన్‌ అన్నారు. ప్రాజెక్టును వేగంగా పూర్తి చేసినందుకు ఇంజనీరింగ్‌శాఖ అధికారులతో పాటు మెగా కంపెనీ ప్రతినిధులను సీఎం ప్రశంసించారు. 
  
 అధికార పార్టీ కార్యక్రమంలా...!
 వాస్తవానికి ఏదైనా ప్రభుత్వ కార్యక్రమం జరిగితే.. స్థానికంగా ఉన్న ఎమ్మెల్యే అధ్యక్షత వహించడం ఆనవాయితీ. అయితే, నందికొట్కూరు నియోజకవర్గం పగిడ్యాల మండలం ముచ్చుమర్రి ఎత్తిపోతల వద్ద జరిగిన కార్యక్రమంలో మాత్రం ప్రతిపక్ష పార్టీకి చెందిన స్థానిక ఎమ్మెల్యే ఐజయ్య ప్రసంగాన్ని మైక్‌ కట్‌ చేయడం ద్వారా అడ్డుకోవడంపై విమర్శలు వ్యక్తమవుతున్నాయి. ఒక రిజర్వ్‌డ్‌ నియోజకవర్గంలో ఎమ్మెల్యేను పక్కనపెట్టి ఇన్‌చార్జీకి అవకాశం ఇవ్వడంపై పలువురు మండిపడుతున్నారు. ఇది టీడీపీ కార్యక్రమమా? ప్రభుత్వ కార్యక్రమమా అని ప్రశ్నిస్తున్నారు. మొత్తం మీద స్థానిక ఎమ్మెల్యే ప్రసంగాన్ని స్వయంగా సీఎంతో పాటు ఇతర అధికార పార్టీ ఎమ్మెల్యేలు మైక్‌ గుంజుకుని మరీ అడ్డుతగలడం జిల్లాలో చర్చనీయాంశంగా మారింది.


 - కేసీకి ప్రత్యామ్నాయ నీటి వనరుగా ముచ్చుమర్రి
 - 2007లో శంకుస్థాపన చేసిన వైఎస్‌ఆర్‌
 - బాబు చేసిన తప్పును సరిచేసిన దివంగత నేత
 - తొమ్మిదేళ్లకు పూర్తయిన ఎత్తిపోతల పథకం 
 - నేడు జాతికి అంకితం చేయనున్న సీఎం
  
 కర్నూలు సిటీ: ముచ్చుమర్రి ఎత్తిపోతల పథకం..దివంగత నేత డాక్టర్‌ వైఎస్‌ రాజశేఖర్‌ రెడ్డి కల. కేసీ కెనాల్‌ నీరు అందక ఇబ్బందులు ఎదుర్కొంటున్న రైతుల కోసం 2007లో ఈ పథకానికి వైఎస్సార్‌ పురుడు పోశారు. కోర్టు ఆదేశాలతో ప్రభుత్వ దీనిని పూర్తి చేసింది. సోమవారం ఈ ప్రాజెక్టును సీఎం చంద్రబాబు నాయుడు జాతికి అంకితం చేయనున్నారు. ఈ సందర్భంగా..ప్రాజెక్టు రూపకల్పన..పూర్తయిన తీరుపై సమగ్ర కథనం..   
  
 కేసీ కెనాల్‌...జల రవాణా కోసం బ్రిటీష్‌ హయాంలో(1835లో) నిర్మించారు. రాయల సీమలో డొక్కల కరువు రావడంతో 1884లో దీనిని సాగునీటి కాలువగా మార్చారు. సీమలోనే పెద్ద కాలువగా పేరొందిన దీనికి 1969లో బచావత్‌ ట్రిబ్యునల్‌ 39.9 టీఎంసీల తుంగభద్ర నీటి వనరులను కేటాయించింది. కోట్ల విజయ భాస్కర్‌రెడ్డి బ్యారేజీ(సుంకేసుల) ద్వారా నది నీటి ప్రవాహం నుంచి 29.9 టీఎంసీలు, టీబీ డ్యాం నిల్వ నీటి నుంచి 10 టీఎంసీలు వాడుకోవాలనే ఆదేశాలిచ్చింది. ఈ కాల్వ కింద కర్నూలు, కడప జిల్లాలో మొత్తం 2.65 లక్షల ఎకరాల ఆయకట్టు ఉంది. కర్నూలు జిల్లాలో 234 కి.మీ, కడప జిల్లాలో 72 కి.మీ మేర కాల్వ  విస్తరించి ఉంది. కేటాయించిన మేరకు ఏ రోజుకు నీరు రాలేదు. ప్రతి ఏటా పంటలు ఎండిపోతూ రైతులు నష్టపోయే వారు. 
  
 వైఎస్‌ఆర్‌ సొంత ఆలోచనే ముచ్చుమర్రి..
  ఒకవైపు కేసీ నీరు అందక రైతులు నష్టపోతుంటే.. 2003లో అప్పటి సీఎంగా ఉన్న చంద్రబాబు నాయుడు కేసీ వాటాలోని 5 టీఎంసీల నీటిని అనంతపురం జిల్లాకు తరలించేందుకు జీఓ నంబర్‌1 జారీ చేశారు. ఆ తరువాత కూడా మరో 5 టీఎంసీలను మళ్లించాలంటూ అందులో మార్పు చేశారు. చంద్రబాబు చేసిన తప్పుతో కేసీ రైతులు పడుతున్న ఇబ్బందులను పాదయాత్ర సమయంలో వైఎస్సార్‌ చూసి చలించారు. అధికారంలోకి వచ్చాక.. 2006లో  కేసీకి ప్రత్యామ్నాయ మార్గాల ద్వారా శ్రీశైలం జలాలను అందించేందుకు అవకాశాలపై సర్వే చేయాలని నాటి కర్నూలు ప్రాజెక్ట్సు సీఈగా పని చేస్తున్న పి.ప్రభాకర్‌ రెడ్డి ఆదేశించారు. ఆ మేరకు సర్వే కూడా చేయించారు. ఇందు కోసం 2007 ఆగస్టు 31వ తేదీన రూ. 120 కోట్లు మంజూరు చేస్తూ జీవో నంబరు 196ను జారీ చేశారు. ఇందులో కేసీతోపాటు హంద్రీనీవాకు నీరు ఇచ్చేందుకు ప్రాజెక్టు నిర్మించాలని సూచించారు. శ్రీశైలం బ్యాక్‌ బాటర్‌ ఉంటే ముచ్చుమర్రి దగ్గర ఎత్తిపోతల పథకం పంప్‌ హౌస్‌ ఏర్పాటు చేసి..అక్కడి నుంచి పైపుల ద్వారా కేసీ ప్రధాన కాలువలోకి నీరు ఎత్తిపోసేందుకు రూ. 75.26 కోట్లు కేటాయించారు. ఇందుకు 2008 జూన్‌లో శంకుస్థాపన చేశారు. పనులను మోగా ఇంజినీరింగ్‌ ఇన్‌ఫ్రాస్ట్రక్చర్‌ లిమిటెడ్‌కు అప్పగించారు. శ్రీశైలంలో 790 అడుగుల నీటిమట్టం ఉన్నంత వరకు..   నీటిని తీసుకునేలా డిజైన్‌ చేశారు. ఈ పథకం ద్వారా 35 వేల ఎకరాలకు సాగు నీరు, కర్నూలు నగర వాసుల తాగు నీరు అందనుంది.  
  
 కోర్టు ఆదేశాలతో..
 కేసీ వాటా నీటి మళ్లింపుపై కొంత మంది ఆయకట్టుదారులు లోకాయుక్త, హైకోర్టును ఆశ్రయించారు. కోర్టు ఆదేశాలతో పెండింగ్‌లో ఉన్న ముచ్చుమర్రి ఎత్తిపోతల పనులు ఏడాది తిరిగే సరికి పంప్‌ చేసేంత వరకు చేయగలిగారు. మొత్తం నాలుగు పంప్‌లకుగాను, మూడింటిని ఏర్పాటు చేశారు. ప్రస్తుతానికి రెండు పంప్‌ల ద్వారానే నీటిని లిఫ్ట్‌ చేసేందుకు సిద్ధం చేశారు. మరో మెటార్‌ ఏర్పాటు చేయాల్సి ఉంది. కోర్టు ఆదేశాల మేరకు.. ఈఈ రెడ్డి శేఖర్‌ రెడ్డి, ఉన్నతాధికారుల సలహాలు, సూచనలు తీసుకోని కాంట్రాక్ట్‌ ఏజేన్సీ అయిన మెగా ఇంజినీరింగ్‌ ఇన్‌ఫ్రాస్టక్చర్‌ లిమిటెడ్‌ రాత్రింబవళ్లు లైట్లు వేసుకోని పనులు చేసింది. ముచ్చుమర్రి నుంచి మూడు స్టేజీల ద్వారా నీటిని ఆయకట్టుకు అందించనున్నారు. 81 కి.మీ దగ్గర కాలువలోకి వచ్చే చోట, 60, 40 కి.మీ దగ్గర లిఫ్ట్‌లు నిర్మించారు. ఈ నీరు కర్నూలు నగరం వరకు ఇప్పటికే వెనుకటికి వచ్చాయి. మనుముందు ఈ నీరే నగరవాసుల దాహాన్ని తీర్చనున్నాయి.
  
 చారిత్రాత్మక ప్రాజెక్టు
         – రెడ్డి శేఖర్‌రెడ్డి, ఈఈ, ముచ్చుమర్రి ఎత్తిపోతల పథకం
 ముచ్చుమర్రి ఎత్తిపోతల పథకం చారిత్రత్మాకమైనది. ఇలాంటి ప్రాజెక్టు పనులు చేయిండచంలో నా భాగస్వామ్యం ఉండడం చాలా సంతోషంగా ఉంది. ప్రభుత్వ ఆదేశాల మేరకు పనులు చేయించాం. ముందుగా అప్రోచ్‌ కాలువ, పంప్‌హౌస్‌ పనులు చేశాం. కాంట్రాక్టర్‌ సైతం చాలా ఉత్సాహకంగా పని చేశారు. ప్రస్తుతం మూడు పంప్‌లు పూర్తి చేశాం. ఈ నెల చివరిలోపు నాల్గోవ పంప్‌ కూడా సిద్ధం చేస్తాం.
  
  కొత్త పద్ధతి ద్వారా రాక్‌ను తొలగించాం
    – బి.ఉమా మహేశ్వరరెడ్డి, మెగా ఇంజినీరింగ్‌ కనస్ట్రక్చన్‌ లిమిటెడ్‌ వైస్‌ ప్రెసిడెంట్‌
 ముచుమర్రి ఎత్తిపోతల పథకం పనులు 2007–08 మొదలు పెట్టాం. వరదల వల్లతో 2009లో పూడిక చేరిపోయింది. తిరిగి 2015 సంవత్సరంలో పనులు మొదలు పెట్టాం. డీ వాటరింగ్, కంట్రోల్‌ బ్లాస్టింగ్‌కు అనుమతులు ఇవ్వడంతో పనులు ప్రారంభించి, రాష్ట్రంలో మొట్ట మొదటి సారిగా రాక్‌ను తొలగించేందుకు నూతన పద్ధతిని వినియోగించాం. రోజుకు 1200 మంది కార్మికులతో 30 వేల క్యుబిక్‌ మీటర్ల కాంక్రీట్, 2 వేల టన్నుల స్టీల్‌ పనులు చేశాం. ఈ ఏడాది మార్చి వరకు గడువు ఉంది. హంద్రీనీవాకు12 పంపులు, కేసీకి 4 పంపులు ఏర్పాటు చేస్తున్నాం. కేసీకి ప్రస్తుతానికి మూడు మోటర్లు బిగించాం. రెండు పంప్‌ల ద్వారా నీటిని ఎత్తిపోసేందుకు ఇటీవలే ట్రయల్‌ రన్‌ చేశాం. గడువులోపు అన్ని పనులు పూర్తి చేస్తాం. 


 – అమరావతిని ఫ్రీజోన్‌గా ప్రకటించాలి
 – సిద్ధేశ్వరం ప్రాజెక్టుతోనే సీమ సస్యశ్యామలం
 – బైరెడ్డి రాజశేఖరరెడ్డి
  
 నందికొట్కూరు: ముచ్చుమర్రి ఎత్తిపోతల పథకం దివంగత ముఖ్యమంత్రి వైఎస్‌ రాజశేఖరరెడ్డి భిక్షేనని రాయలసీమ పరిరక్షణ సమితి వ్యవస్థాపకుడు, రాష్ట్ర అధ్యక్షుడు బైరెడ్డి రాజశేఖరరెడ్డి అన్నారు. మంగళవారం మండల పరిధిలోని దామగట్ల గ్రామంలో మాజీ సర్పంచు బైరెడ్డి శ్రీనివాసరెడ్డి తన అనుచరులతో టీడీపీ నుంచి ఆర్‌పీఎస్‌లో చేరారు. ఈ సందర్భంగా ఏర్పాటు చేసిన విలేకరుల సమావేశంలో బైరెడ్డి మాట్లాడారు. ముచ్చుమర్రి ఎత్తిపోతల పథకానికి పునాదులు వేసి నిధులు కేటాయించింది వైఎస్‌ రాజశేఖర్‌రెడ్డేనన్నారు. ఆ పథకాన్ని ప్రారంభించేందుకు ముఖ్యమంత్రి చంద్రబాబునాయుడు, మంత్రి దేవినేని ఉమమహేశ్వరరావు ఆర్భాటాలు చేయడం సిగ్గుచేటన్నారు. సీఎం ముచ్చుమర్రి ఎత్తిపోతల పథకాన్ని ప్రారంభించేందుకు వచ్చే రోజే దీక్షకు దిగుతామన్నారు. కర్ణాటక జల దోపిడీని ఎలా అరికడతారో సమాధానం చెప్పాలన్నారు. అప్పట్లో పట్టిసీమ ప్రాజెక్టుతో రాయలసీమ సస్యశ్యామలం అవుతుందని చెప్పిన చంద్రబాబు ఇప్పుడు మళ్లీ ముచ్చుమర్రి ఎత్తిపోతల పథకం నుంచి కేసీకి నీరు అందిస్తే రాయలసీమ సస్యశ్యామలం అవుతుందని అంటున్నాడని ఏది నిజమో ప్రజలే  ఆలోచించాలన్నారు. సిద్ధేశ్వరం ప్రాజెక్టు నిర్మాణం చేపడితే నిఖర జలాలతో రాయలసీమంతా సాగునీరు వచ్చి అభివృద్ధి చెందుతుందని కర్ణాటక జలచౌర్యం అరికట్టేందుకు ప్రభుత్వం ఎందుకు ముందడగు వేయడంలేదని ప్రశ్నించారు. హొస్పేట్‌ డ్యాం నుంచి కేసీ కెనాల్‌కు రావాల్సిన వాటాకు ఉన్న హక్కులను భంగం కలిస్తే సహించే ప్రసక్తే లేదన్నారు. అమరావతిని ఫ్రీజోన్‌గా ప్రభుత్వం ప్రకటించి రాయలసీమ నిరుద్యోగులకు ఉద్యోగ అవకాశాలు కల్పించాలని డిమాండ్‌ చేశారు. కోస్తాపై ప్రేమ ఒలకబోస్తూ సీమపై కక్ష సాధింపునకు పాల్పడడం దారుణమన్నారు. 
  


 - ట్రయల్‌ రన్‌లో డిప్యూటీ సీఎం కేఈ కృష్ణమూర్తి
 
 పగిడ్యాల:  ముచ్చుమర్రి ఎత్తిపోతల పథకాన్ని మార్చిలో సీఎం చంద్రబాబు చేతులమీదుగా ప్రారంభిస్తామని డిప్యూటీ సీఎం కేఈ కృష్ణమూర్తి పేర్కొన్నారు. ఎత్తిపోతల పథకం నుంచి ట్రయల్‌ రన్‌ ద్వారా కేసీ కాలువకు నీటి విడుదలను డిప్యూటీ సీఎంతోపాటు,  ఎమ్మెల్యే వై. ఐజయ్య, కలెక్టర్‌ విజయమోహన్‌ ప్రారంభించారు. అనంతరం ఏర్పాటు చేసిన బహిరంగ సమావేశంలో కేఈ కృష్ణమూర్తి మాట్లాడుతూ..ఎత్తిపోతల పథకంలో ఇప్పటికి రెండు పంప్‌లను పూర్తి చేసి ట్రయల్‌రన్‌ నిర్వహించడం అభినందనీయమన్నారు. కేసీ కాలువకు నాలుగు పంప్‌ల ద్వారా నీరు ఇవ్వడం వల్ల  50 వేల ఎకరాలకు సాగునీరు అందుతుందని చెప్పారు. అలాగే హంద్రీనీవా కాలువ ద్వారా అనంతపురం, చిత్తూరు జిల్లాలకు 5 వేల క్యూసెక్కులు నీరు అందించనున్నట్లు తెలిపారు. ముచ్చుమర్రి ఎత్తిపోతల పథకం రాయలసీమ సస్యశ్యామం చేయబోతుందని కలెక్టర్‌ విజయ్‌మోహన్‌ అన్నారు. సిద్దాపురం, పులికనుమ ప్రాజెక్ట్‌లను కూడా త్వరలోనే పూర్తి చేయిస్తామని వెల్లడించారు. ఆర్డీవో రఘుబాబు, డీఎస్పీ సుప్రజ, సీఐ శ్రీనా«థ్‌రెడ్డి, టీడీపీ నియోజకవర్గ ఇన్‌చార్జ్‌ మాండ్ర శివానందరెడ్డి తదితరులు పాల్గొన్నారు. 
 
 వైఎస్‌ ఆశయం నెరవేరింది
 
 - ఎమ్మెల్యే ఐజయ్య
 ముచ్చుమర్రి ఎత్తిపోతల పథకం ట్రయల్‌ రన్‌ సక్సెస్‌ కావడంతో దివంగత ముఖ్యమంత్రి వైఎస్‌ రాజశేఖర్‌రెడ్డి ఆశయం నెరవేరిందని నందికొట్కూరు ఎమ్మెల్యే వై. ఐజయ్య పేర్కొన్నారు. ఈ పథకం 2006లో పురుడు పోసుకుందని.. 2016 చివరికి ఒక కొలిక్కి రావడం రాయలసీమ ప్రజల అదృష్టమన్నారు. ముచ్చుమర్రి ఎత్తిపోతల పథకాన్ని పూర్తి చేసేందుకు జిల్లా కలెక్టర్‌ చూపిన కృషిని మరువలేమన్నారు. ప్రస్తుతం రెండు పంప్‌లు ట్రయల్‌రన్‌కు సిద్ధంగా ఉన్నాయని.. మిగిలిన రెండు పంప్‌ల పనులను కూడా పూర్తి చేసి కేసీకాలుకు 4 పంప్‌ల ద్వారా నీరు అందించాలని డిమాండ్‌ చేశారు. అలాగే మల్యాల నుంచి కేసీ కాలువలోకి రెండు పంప్‌ల ద్వారా నీటి విడుదల యథాతథంగా కొనసాగించాలని ఉప ముఖ్యమంత్రిని  కోరారు. ముచ్చుమర్రి ప్రాజెక్ట్‌ను పూర్తి చేయాలని పలుమార్లు ప్రభుత్వంపై ఒత్తిడి చేశామని ఎమ్మెల్యే అన్నారు. అసెంబ్లీలోనూ ప్రస్తావించానని.. ఎట్టకేలకు ట్రయల్‌రన్‌ సక్సెస్‌ కావడంతో పగిడ్యాల, పాములపాడు, జూపాడుబంగ్లా మండలాలతో పాటు గడివేముల మండలంలోని రైతులకు ప్రయోజనం కలుగుతుందన్నారు. అనంతరం ఆయా గ్రామాల నుంచి వచ్చిన రైతులు ఉప ముఖ్యమంత్రి కే.ఈ. కృష్ణమూర్తి, ఎమ్మెల్యే వై. ఐజయ్య, కలెక్టర్‌ సీహెచ్‌ విజయ్‌మోహన్, టీడీపీ నియోజకర్గ ఇన్‌చార్జ్‌ మాండ్ర శివానందరెడ్డికి శాలువాలు కప్పి పూలమాలలతో సత్కరించారు. 
  
  


 - సక్సెస్‌ కావడంతో అధికారుల్లో సంతోషం
 పగిడ్యాల: జీఓ నంబరు 3కు ప్రత్యామ్నాయంగా శ్రీశైలం బ్యాక్‌వాటర్‌ నికర జలాలను వినియోగించుకునేందుకు ముచ్చుమర్రి వద్ద రూ. 75 కోట్ల వ్యయంతో చేపట్టిన  ఎత్తిపోతల పథకం ట్రయల్‌రన్‌ రెండవ రోజు శుక్రవారం కూడా కొనసాగింది. మధ్యాహ్నం 12 గంటల నుంచి 3, 4 మోటార్లను రన్‌ చేసి కృష్ణా జలాలను కేసీ కాలువలోకి రప్పించారు. నవంబర్‌ 30న నిర్వహించాల్సిన ట్రయల్‌రన్‌ మోటార్‌లో తలెత్తిన సాంకేతిక లోపం కారణంగా వాయిదా పడింది. ఆ లోపాన్ని గుర్తించేందుకు కాంట్రాక్టర్‌లు దాదాపు పదిహేను రోజులుగా శ్రమించారు. మోటార్‌లను సరఫరా చేసిన బీహెచ్‌ఎల్‌ కంపెనీకి చెందిన టెక్నికల్‌ ఇంజనీర్లు రోటర్‌లో ఉండే త్రైస్టర్‌ వైర్‌ పనిచేయడం లేదని గుర్తించి భోపాల్‌ నుంచి తెప్పించి అమర్చడంతోనే ట్రయల్‌రన్‌ సక్సెస్‌ అయినట్లు ఇంజనీరింగ్‌ అధికారులు వెల్లడించారు. అయితే బుధవారం ఎమ్మెల్యే వై. ఐజయ్య పనులు పరిశీలించి వెళ్లడం కొంత వరకు మేలు జరిగిందని సైట్‌ మేనేజర్‌ రాముడు తెలిపారు. ట్రయల్‌రన్‌ నిర్వహణ కోసం అధికారుల నుంచి ప్రభుత్వం నుంచి బాగా ఒత్తిడికి లోనయ్యామని వరుసగా 3, 4 మోటార్లు పనిచేయడం ఆనందంగా ఉందని అధికారులు, సాంకేతిక సిబ్బంది పేర్కొన్నారు. కార్యక్రమంలో జలవనరుల శాఖ ఈఈ రెడ్డిశేఖర్‌రెడ్డి, డీఈలు బాలాజీ, ఆదిశేషారెడ్డి, ఏఈలు, క్వాలిటీ కంట్రోల్‌ ఇంజినీర్లు, కంపెనీ సిబ్బంది తదితరులు పాల్గొన్నారు. 


 తాటిపాడు(జూపాడుబంగ్లా): తాటిపాడు గ్రామంలో ఏర్పాటు చేసిన జూపాడుబంగ్లా ఎత్తిపోతల పథకం–1 ట్రయల్‌ రన్‌ను బుధవారం టీడీపీ నియోజకవర్గ ఇన్‌చార్జ్‌ మాండ్ర శివానందరెడ్డి, ఎంపీపీ మంజులయాదవ్, జెడ్పీటీసీ సభ్యుడు రాయపుపెద్దరంగారెడ్డి ప్రారంభించారు. ఈ సందర్భంగా మాండ్ర శివానందరెడ్డి, డీఈ తిమ్మయ్యలు మాట్లాడుతూ జూపాడుబంగ్లా–1, 2 ఎత్తిపోతల పథకాలు పూర్తిస్థాయిలో రన్నింగ్‌ అయితే మండలంలోని తంగెడంచ, 80బన్నూరు, పారుమంచాల, పి.లింగాపురం, తరిగోపుల గ్రామాల్లోని 7,500 ఎకరాలకు సాగునీరు అందుతుందన్నారు. ప్రస్తుతం జూపాడుబంగ్లా–2 ఎత్తిపోతల పథకం పూర్తిస్థాయిలో రన్నింగ్‌ అవుతుండగా 2,750 ఎకరాలకు సాగునీటిని అందిస్తున్నట్లు డీఈ తిమ్మయ్య తెలిపారు. జూపాడుబంగ్లా–1 ఎత్తిపోతల పథకం కింద 49 డిస్ట్రిబ్యూటరీలకుగాను 35 పూర్తికాగా ఇంకా 15 పూర్తికావాల్సి ఉందన్నారు. పనులు పెండింగ్‌లో ఉన్నందున 1500ఎకరాలకు సాగునీటని అందించే అవకాశాలున్నాయన్నారు. వచ్చే ఖరీఫ్‌ సీజన్‌నాటికి జూపాడుబంగ్లా–1 ఎత్తిపోతల పథకం పనులు పూర్తిచేసి పూర్తిస్థాయిలో సాగునీటిని అందిస్తామని డీఈ వివరించారు. పెండింగ్‌లో ఉన్న ముచ్చుమర్రి ఎత్తిపోతల పథకం పనులను ఈనెలాఖరులోగా పూర్తిచేసి త్వరలో సీఎం చంద్రబాబు చేతులమీదుగా ప్రారంభించనున్నట్లు మాండ్ర తెలిపారు.  


 - రెండురోజుల్లో సాగునీరు అందిస్తాం
 - ఈఈ రెడ్డి శంకర్‌ వెల్లడి 
 జూపాడుబంగ్లా: తాటిపాడు సమీపంలో నిర్మించిన జూపాడుబంగ్లా ఎత్తిపోతల పథకం నుంచి రెండురోజుల్లో ఆయకట్టుకు సాగునీటిని అందిస్తామని ఈఈ రెడ్డిశంకర్‌ తెలిపారు. సోమవారం ఉదయం నుంచి ఎత్తిపోతల పథకం–2 విద్యుత్తు సబ్‌స్టేషన్, యంత్రాలపనితీరును పరిశీలించారు. డీఈ తిమ్మయ్య, ఏఈ రామకృష్ణ, షబ్బీర్‌ అధ్వర్యంలో మధ్యాహ్నం ట్రయల్‌రన్‌ నిర్వహించారు. సాయంత్రం ఆరుగంటల ప్రాంతంలో ఫుల్‌లోడ్‌తో అధికారులు ట్రయల్‌ నిర్వహించి చీకటిపడటంతో నిలిపివేసినట్లు తెలిపారు. ఫుల్‌లోడ్‌ ట్రయల్‌రన్‌ పూరైనవెంటనే ఎత్తిపోతల పథకం–2 కిందున్న 33 డిస్ట్రిబ్యూటరీ ఛానళ్ల ద్వారా 2,750 ఎకరాలకు సాగునీటిని అందించనున్నట్లు ఈఈ వెల్లడించారు. ఎత్తిపోతల పథకం నిర్వహణ బాధ్యతలు రెండేళ్ల వరకు కాంట్రాక్టర్‌ పర్యవేక్షిస్తారన్నారు. రైతులు విద్యుత్తు చార్జీలకోసం ఎలాంటి మొత్తాన్ని చెల్లించాల్సిన అవసరం లేదన్నారు. రెండేళ్లవరకు ఎలాంటి సమస్య తలెత్తినా కాంట్రాక్టర్‌తోనే చేయిస్తాని తెలిపారు. అనంతరం రైతులు నీటిసంఘాలుగా ఏర్పడి నీటిపన్నును వసూళ్లు చేసుకోవాల్సి ఉంటుందన్నారు. జూపాడుబంగ్లా–1 ఎత్తిపోతల పథకం పనులను సుజల కంపెనీవారు సకాలంలో పూర్తిచేయకపోవటంతో ఇతరులతో పనులు చేయిస్తున్నట్లు తెలిపారు. త్వరలో పనులు పూర్తిచేయించి వారంలోగా జూపాడుబంగ్లా–1 ఎత్తిపోతల పథకం నుంచి సాగునీటిని అందిస్తామని చెప్పారు. 
  


 జూపాడుబంగ్లా : తాటిపాడు సమీపంలో నిర్మించిన జూపాడుబంగ్లా ఎత్తిపోతల పథకం ట్రయల్‌రన్‌ను సోమవారం ఉదయం 10 గంటలకు నిర్వహించనున్నట్లు డీఈ తిమ్మయ్య ఆదివారం విలేకరులకు తెలిపారు. మూడు రోజుల క్రితం అధికారులు విద్యుత్తును సరఫరా చేశారన్నారు. ఎత్తిపోతల పథకం వద్దనున్న యంత్రాలను, విద్యుత్తు సరఫరాను పరిశీలించి ట్రయల్‌రన్‌ నిర్వహించనున్నట్లు తెలిపారు. ట్రయల్‌ రన్‌ ముగిసిన తర్వాత రైతుల పొలాలకు సాగునీటిని సరఫరాచేసే అవకాశాలున్నాయని డీఈ వెల్లడించారు. 
  


 
 ఎడారిని తలపిస్తున్న తుంగభద్ర
 
 – ఎత్తిపోతల పథకాలలకు నీరందక అన్నదాత అవస్థలు
 
 – పంట పొట్ట దశలో తీవ్రమైన నీటి  ఎద్దడి
 
 – నీరు ఇవ్వాలని కోరినా స్పందించని ప్రభుత్వం
 
 – నదీ తీరంలో ఎండుతున్న పంటలు
 
 – సుమారు రూ.150 కోట్ల పంట నష్టపోయే ప్రమాదం
 
  
 
 కర్నూలు సిటీ/నందవరం: వరుస కరువు అన్నదాతను ఉక్కిరిబిక్కిరి చేస్తోంది. గత రెండేళ్లుగా తీవ్ర వర్షాభావం నేపథ్యంలో తుంగభద్ర నదీ తీరంలో సాగు చేసిన పంటల భవిష్యత్‌ ప్రశ్నార్థకంగా మారింది. అధికారులు ముందుచూపు లేకుండా తీసుకున్న నిర్ణయాలతో ఎత్తిపోతల పథకాల కింద సాగు చేసిన పంట చేతికొచ్చే దశలో నీరు లేక ఎండిపోయే పరిస్థితి తలెత్తింది. ప్రధానంగా వరి, మిరప పైర్లు సాగు చేసిన రైతుల్లో ఆందోళన వ్యక్తమవుతోంది. సుమారు నెల రోజులుగా నదిలో నీటి ప్రవాహం లేకపోవడమే ఈ పరిస్థితికి కారణమవుతోంది. అయితే నదికి నీటిని విడుదల చేయించే విషయంలో అధికార పార్టీ నేతలు ఎలాంటి ఒత్తిళ్లు తీసుకు రాకపోవడం విమర్శలకు తావిస్తోంది.
 
  
 
 వారంలోపు నీరివ్వకపోతే పంట ప్రశ్నార్థకం
 
 జిల్లాలో 88 ఎత్తిపోతల పథకాలు.. తుంగభద్ర నదీ తీరంలో మొత్తం 20 ఎత్తిపోతల పథకాలు ఉన్నాయి. వీటి కింద 25వేల ఎకరాల ఆయకట్టు ఉంది. దీంతో పాటు మరో 30వేల ఎకరాల ఆయకట్టు నది నీటి ద్వారా సాగవుతోంది. ప్రస్తుతం నీటి ప్రవాహం లేకపోవడం వల్ల నది ఎడారిని తలపిస్తుంది. అధిక శాతం వరి, మిరప, చెరుకు, పత్తి, మొక్క జొన్న పంటలు సాగు చేశారు. ఈ పంటల సాగుకు ఎకరాకు రూ.20 వేలు నుండి రూ.30 వేలు వరకు పంటను బట్టి పెట్టుబడి పెట్టారు. ప్రస్థుతం వరి పంట కంకి దశలో ఉంది. ఈ దశలో నీరందకపోతే పంట దిగుబడి ప్రశ్నార్థకం అవుతుంది. మిగతా పంటల పరిస్థితీ అంతే. నదికి వారంలోపు నీరు రాకపోతే సుమారు రూ.150 కోట్ల రూపాయల పెట్టుబడులు గంగలో కలిసినట్లే. కేసీ వాటాగా ఉన్న 1.55 టీఎంసీల నీరు నదికి విడుదల చేయాలని జల వనరుల శాఖ ఇంజినీర్లు ఉన్నతాధికారులను ప్రాధేయపడుతున్నా ఎలాంటి స్పందన రాకపోవడం గమనార్హం.
 
  
 
 పైరు కంకి దశలో ఉంది
 
 తుంగభద్ర నది నీటిపై ఆధారపడి 15 ఎకరాల్లో వరి పంట సాగు చేసినా. అప్పు చేసి నది నుండి ప్రత్యేకంగా పొలం వరకు పైపులైను వేసుకున్నా. ఇందులో 7 ఎకరాలను కౌలుకు తీసుకుని వరి.. సొంతంగా మరో 8 ఎకరాల్లో వరి పంట వేసినా. పంట సాగుకు కౌలు కింద ఎకరాకు రూ.40 వేలు, సొంత పొలం కింద ఎకరాకు రూ.20 వేలు చొప్పున ఖర్చయింది. పంట కంకి దశలో ఉంది. ఇప్పుడు నీరందిస్తేనే గింజ గట్టిపడుతుంది. నదిలో నీరు లేకపోవడంతో దిక్కుతోచని పరిస్థితి ఉంది.
 
 – భీమారెడ్డి, రైతు, చిన్నకొత్తిలి
 
   
 
 పెట్టుబడులకు అప్పులు చేసినా
 
 నందవరం ఎత్తిపోతల పథకం కింద 12 ఎకరాల్లో పత్తిన సాగు చేసినా. ప్రస్తుతం నదిలో నీరు లేదు. చెలమలు తవ్వినా చుక్క నీరు కనిపించట్లేదు. ఈ పథకం కింద దెబ్బతిన్న పైపులైన్‌ను పట్టించుకునే వారే లేరు. రూ.1.50 లక్షలు అప్పు చేసి పెట్టుబడి పెట్టినా. అయితే నీరందక పంట ఎండిపోతోంది. పైరుకు నీరందిస్తే కనీసం పెట్టుబడి అయినా దక్కుతుంది.
 
 – నాగరాజు, రైతు, నందవరం
 
  
 
 టీబీ డ్యాం నుంచి నీరివ్వాలని కోరాం
 
 తుంగభద్ర డ్యాం నుంచి కేసీ వాటా నీరు ఇవ్వాలని ప్రభుత్వానికి నివేదిక ఇచ్చాం. ఇటీవల విజయవాడ సమావేశంలో కూడా ఇదే విషయాన్ని గట్టిగా చెప్పాం. నీటి విడుదలపై ఉన్నతాధికారులు నిర్ణయం తీసుకోవాల్సి ఉంది.
 
 – ఎస్‌.చంద్రశేఖర్‌ రావు, జల వనరుల శాఖ ఎస్‌ఈ
 
  


 కాకినాడ ప్రైవేటు ఆస్పత్రిలో కూలిన లిఫ్ట్
 
  కాకినాడ క్రైం: తూర్పుగోదావరి జిల్లా కాకినాడలో ఉప ముఖ్యమంత్రి, హోంమంత్రి నిమ్మకాయల చినరాజప్పకు మంగళవారం త్రుటిలో ప్రమాదం తప్పింది. లిఫ్ట్ కూలడంతో మంత్రి చినరాజప్పతో పాటు మరో ఇద్దరికి గాయాలయ్యాయి. నెక్కింటి సీఫుడ్‌‌సలో విషవాయువు లీకై అస్వస్థతకు గురైన బాధితులను పరామర్శించేందుకు మంగళవారం కాకినాడలోని ఓ ప్రైవేటు ఆస్పత్రికి చినరాజప్ప వచ్చారు.
 
 బాధితులను పరామర్శించిన అనంతరం ఆయన తిరిగి వెళ్తూ ఆస్పత్రి లిఫ్ట్ ఎక్కారు. ఇంతలో తీగలు తెగిపోవడంతో లిఫ్ట్ కుప్పకూలింది. ఈ ఘటనలో చినరాజప్ప నడుముకు స్వల్వగాయమైంది. ఆయనతో పాటు లిఫ్ట్ ఎక్కిన ఒక కానిస్టేబుల్ కాలు విరగ్గా, మరో ఫొటోగ్రాఫర్‌కు కాలి ఎముక చిట్లిందని వైద్యులు తెలిపారు. కాగా, తన ఆరోగ్యంపై ఆందోళన చెందాల్సిన పనిలేదని చినరాజప్ప తెలిపారు.


 – వైఎస్‌ఆర్‌సీపీ రైతు విభాగం రాష్ట్ర సంయుక్త కార్యదర్శి పిట్టం ప్రతాప్‌రెడ్డి 
  
 కర్నూలు (ఓల్డ్‌సిటీ): ముచ్చుమర్రి ఎత్తిపోతల పథకాన్ని ప్రభుత్వం వెంటనే పూర్తి చేయాలని వైఎస్‌ఆర్‌సీపీ రైతు విభాగం రాష్ట్ర సంయుక్త కార్యదర్శి పిట్టం ప్రతాప్‌రెడ్డి డిమాండ్‌ చేశారు. బుధవారం పార్టీ జిల్లా కార్యాలయంలో ఆయన విలేకరులతో మాట్లాడారు. రాయలసీమకు ప్రాణప్రదమైన ముచ్చుమర్రి ఎత్తిపోతలపై పాలకులు ప్రసంగాలు చేయడం మినహా ఆచరణలోకి తేవడం లేదని ఆవేదన వ్యక్తం చేశారు. ఈ ప్రాజెక్టు సీమ రైతాంగానికి వెన్నెముకలాంటిదని అభివర్ణించారు. చిత్తశుద్ధితో ముచ్చుమర్రి ఎత్తిపోతల ప్రాజెక్టు పూర్తిచేస్తే కర్నూలు, కడప జిల్లాల లక్షా డెభ్బైఐదు వేల ఎకరాలు (స్థిరీకరించిన ఆయకట్టు) సస్యశ్యామలం అవుతుందన్నారు.
  


 హైదరాబాద్: సికింద్రాబాద్ గాంధీ ఆస్పత్రిలో దారుణం చోటుచేసుకుంది. బాత్‌రూం డోర్ అనుకొని లిఫ్ట్ డోర్ ఓపెన్ చేసిన ఓ రోగి తల్లి సెల్లార్ గుంతలో పడి తీవ్రగాయాలతో చికిత్స పొందుతూ మృతిచెందింది.  మెదక్ జిల్లాకు చెందిన పోచమ్మ  పెద్ద కొడుకు గాంధీ ఆస్పత్రిలో అడ్మిట్ కావడంతో.. వారం రోజుల క్రితం చూడటానికి ఆస్పత్రికి వచ్చింది. గ్రౌండ్‌ఫ్లోర్‌లోని ఆర్థోవార్డులో చికిత్స పొందుతున్న కొడుకు వద్ద ఉన్న పోచమ్మ కాలకృత్యాలు తీర్చుకోవడానికి బాత్‌రూం డోర్ అనుకొని లిఫ్ట్ డోర్ తెరిచి అందులో పడిపోయింది.
 
 గుర్తించిన తోటి రోగుల బంధువులు ఆమెను సెల్లార్ గుంతలోనుంచి బయటికి తీసి వైద్యులకు సమాచారం అందించారు. తీవ్రంగా గాయపడిన పోచమ్మ వారం రోజులుగా చికిత్స పొందుతూ గురువారం సాయంత్రం మృతిచెందింది. ఆస్పత్రి వర్గాల నిర్లక్ష్యం వల్లే ఆమె మృతిచెందిందని పోచమ్మ బంధువులు ఆరోపిస్తున్నారు.


 -సీఈ జలంధర్‌
  
 పాతముచ్చుమర్రి (పగిడ్యాల): ముచ్చుమర్రి ఎత్తిపోతల పథకం నుంచి కేసీకెనాల్‌కు నవంబర్‌ నెల 15వ తేదీ నుంచి నీరు విడుదల చేస్తామని జలవనరుల శాఖ సీఈ జలంధర్‌ తెలిపారు. శుక్రవారం ముచ్చుమర్రి ఎత్తిపోతల పథకం పనుల పురోభివృద్ధిని ఆయన పరిశీలించారు. అనంతరం ఆయన విలేకరులతో మాట్లాడుతూ..తాత్కాలిక సబ్‌స్టేషన్‌ పనులు పూర్తయిన వెంటనే కేసీ కాలువకు, హంద్రీనీవా కాలువకు ఏకకాలంలో నీటి విడుదల చేస్తామన్నారు. కేసీ కాలువకు అనుసంధానం ఉన్న నాలుగు పంప్‌ల పనులు తుది దశకు చేరుకున్నాయన్నారు. హంద్రీనీవా çసుజల స్రవంతి కాలువకు సంబంధించి 8 పంపుల పనులు శరవేగంగా సాగుతున్నాయన్నారు. మరో నాలుగు పంపులు బ్యాక్‌వాటర్‌లో మునిగిపోయినందున పనులు చేపట్టలేకపోయామన్నారు. కేసీ ఆయకట్టు రైతులకు సాగునీటి ఇబ్బందులు లేకుండా ఉండేందుకు మల్యాల ఎత్తిపోతల పథకం నుంచి  రెండు పంప్‌ల ద్వారా నీటిని విడుదల చేసేందుకు సిద్ధంగా ఉన్నామన్నారు.  హంద్రీనీవా సుజల స్రవంతి అప్రోచ్‌ చానెల్‌కు లైనింగ్‌ పనులు చేసేందుకు రూ. 1300 కోట్లకు ప్రతిపాదనలు తయారు చేసి ప్రభుత్వానికి పంపామన్నారు. కార్యక్రమంలో సీఈ నారాయణస్వామి, ఈఈ రెడ్డిశేఖర్‌రెడ్డి, డీఈ ఆదిశేషారెడ్డి, ఏఈలు సాంబశివుడు, కిశోర్‌ తదితరులు ఉన్నారు. 
  


 ముచ్చుమర్రి ఎత్తిపోతల పథకం పనులు నత్తనడకన సాగుతున్నాయి. మంత్రులు, జిల్లా అధికారులు చేస్తున్న ప్రకటనలకు జరుగుతున్న పనులకు చాలా వ్యత్యాసం ఉంది. నవంబర్‌లో మూడు పంపులతో ట్రయల్‌రన్‌, డిసెంబర్‌లో  ప్రాజెక్టును జాతికి అంకితం ప్రకటన గడువులోపు నెరవేరేలా కనిపించడం లేదు. ఇప్పటి వరకు పంపుల అమరిక, అప్రోచ్‌ చానల్‌ కాలువ పనులు కూడా పూర్తికాలేదు
 పగిడ్యాల:  శ్రీశైలం బ్యాక్‌వాటర్‌ నికర జలాలను వినియోగంలోకి తీసుకోరావడానికి దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి  ముచ్చుమర్రి ఎత్తిపోతల పథకం నిర్మాణానికి శ్రీకారం చుట్టారు. అయితే, ఆయన అకాల మరణంతో పనులు ముందుకు సాగడం లేదు. 16 పంప్‌ల సామర్థ్యంతో ప్రారంభమైన ఎత్తిపోతల పనులో​‍్ల ప్రస్తుతం 8 పంప్‌లకు సంబంధించిన అర్త్‌ వర్క్‌ పనులు తుది దశకు చేరుకోగా మరో నాలుగు పంప్‌ల పనులు అసంపూర్తిగా శ్రీశైలం బ్యాక్‌వాటర్‌లో ముంపునకు గురయ్యాయి. ప్రాజెక్ట్‌ పనుల పురోభివృద్ధిని పరిశీలించేందుకు వచ్చిన భారీ నీటిపారుదల శాఖ మంత్రి దేవినేని ఉమామహేశ్వరరావు,  రాష్ట్ర ఉపముఖ్యమంత్రి కేఈ కృష్ణమూర్తి గత ఆగష్టు 15 నాటికి పూర్తి చేసి జాతికి అంకితం చేస్తామని అధికారిక ప్రకటన చేశారు. తర్వాత జిల్లా కలెక్టర్‌   గత నెలలో ముచ్చుమర్రి ఎత్తిపోతల పనులను పరిశీలించి నవంబర్‌ పదిహేను నాటికి కేసీ కాలువకు మూడు పంపుల ద్వారా ట్రయల్‌రన్‌ నిర్వహిస్తామని డెడ్‌లైన్‌ విధించారు. అంతేకాదు హంద్రీనీవా సుజల స్రవంతి కాలువకు డిసెంబర్‌ పదిహేను నాటికి 8 పంప్‌లతో నీటిని సరఫరా చేసి ప్రాజెక్ట్‌ను జాతీకి అంకితమివ్వాలని కాంట్రాక్టర్‌లకు, పర్యవేక్షక నీటిపారుదల శాఖ అధికారులకు ఆదేశాలు ఇచ్చి వెళ్లారు. అయితే, ప్రస్తుతం ఇక్కడ జరుగుతున్న పనులను పరిశీలిస్తే ప్రాజెకు​‍్ట పూర్తిస్థాయిలో రూపుదిద్దుకోవాలంటే మరో ఏడాదికి పైగా పడుతుందనే అనుమానాలు వ్యక్తమవుతున్నాయి. 
 పనుల్లో కనిపించని పురోగతి
  ముచ్చుమర్రి పంప్‌హౌస్‌ నుంచి సిద్ధేశ్వరం వరకు  6 కిలో మీటర్ల పొడువు ఉండే అప్రోచ్‌ చానెల్‌ కాలువ పనులు పూర్తి కాలేదు.  2 కిలోమీటర్ల పనులు బ్యాక్‌వాటర్‌లో మిగిలిపోయాయి. ప్రస్తుతం పంప్‌హౌస్‌ వద్ద పంప్‌ల అమరిక పనులు, 220/33 కేవీ సబ్‌స్టేషేన్‌ పనులు మాత్రమే కొనసాగుతున్నాయి. నవంబర్‌లో కేసీ కాలువకు నీటిని పంపింగ్‌ చేసేందుకు కనీసం నాలుగు పంప్‌ల అమరిక కూడా  పూర్తి కాలేదు.  మూడు పంప్‌లను కూర్చోబెట్టేందుకు అన్ని సిద్ధం చేశామని క్రేయిన్‌ ద్వారా పంప్‌లను దింపుతామని సైట్‌ మేనేజర్‌ కలెక్టర్‌కు భరోసా ఇచ్చారు. అయితే పని ప్రదేశంలో రెండు పంప్‌లకు సంబంధించిన పరికరాలు మాత్రమే అందుబాటులో ఉన్నాయని ఇంకా మోటర్లు రాలేదని విశ్వసనీయ సమాచారం. 
  
 తాత్కాలిక సబ్‌స్టేషన్‌ పనుల్లో నాణ్యత కరువు:
  కొణిదేల 11/33 కేవీ విద్యుత్‌ సబ్‌స్టేషన్‌ నుంచి ముచ్చుమర్రి పంప్‌హౌస్‌ వరకు పంట పొలాల మధ్య స్తంభాల ఏర్పాటులో నాణ్యత పాటించడం లేదని తెలుస్తోంది.  స్తంభం నాటిన గుంతలో సిమెంట్‌ మిశ్రమంతో కూడిన కంకర బెడ్‌ వేయకుండా మట్టితోనే సరిపెడుతున్నారు. భవిష్యత్‌లో గాలివానకు ఈ విద్యుత్‌ స్తంభాలు కూలిపోయే ప్రమాదం ఉందని రైతులు అభ్యంతరాలను వ్యక్తం చేస్తున్నారు. 
  
 కేసీకి నీరు కలే : శ్రీనివాసులు, సర్పంచ్, పాతముచ్చుమర్రి
 ఈ ఏడాది కేసీ ఆయకట్టు రైతుల పరిస్థితి దారుణంగా ఉంటుంది. నవంబర్‌ పదిహేనుకు ముచ్చుమర్రి ఎత్తిపోతల పథకం నుంచి మూడు పంప్‌ల ద్వారా ట్రయల్‌ రన్‌ నిర్వహిస్తామని కలెక్టర్‌ చెప్పారు. ప్రాజెక్టు దగ్గర చూస్తే పనులు ముందుకు సాగడం లేదు. మరో ఏడాది పట్టే అవకాశం ఉంది. 
   రైతులను మోసం చేస్తున్నారు: పుల్యాల నాగిరెడ్డి, మాజీ జెడ్పీటీసీ సభ్యులు. 
 పగిడ్యాల వచ్చేనెలలో కేసీ కాలువకు ముచ్చుమర్రి ఎత్తిపోతల పథకం నుంచి నీటి విడుదల కష్టమే. ఎందుకో మరి అధికారులు అసత్యప్రచారం చేస్తున్నారు. ప్రస్తుతానికి తుంగభద్ర నీరు విడుదల చేసి రైతులను ఆదుకోవాలి. 
  
 మా ప్రయత్నం మేము చేస్తున్నాం: రెడ్డిశేఖర్‌రెడ్డి, ఈఈ:
  కలెక్టర్‌ ఆదేశాలు మేరకు పనులు పూర్తి చేసేందుకు శ్రమిస్తున్నాం. బిల్డింగ్‌ కట్టుకోవాలంటేనే దాదాపు ఏడాది కాలం పడుతోంది. ఇంత పెద్ద ప్రాజెక్ట్‌ను ఏడాదికే పూర్తి చేయాలంటే ఎలా సాధ్యం. ఇంకా డెలివరీ పనులు జరగాలి, దేని సమస్యలు దానికి ఉన్నాయి. 
  


 –17 కిలో మీటర్ల లైన్‌కు ప్రత్యేక బృందాలు
 కర్నూలు(అగ్రికల్చర్‌): ముచ్చుమర్రి లిఫ్ట్‌ ఇరిగేషన్‌ నుంచి భూములకు నీళ్లు ఇచ్చేందుకు 220 కేవీ విద్యుత్‌ లైన్‌ ఏర్పాటుకు కలెక్టర్‌ సీహెచ్‌ విజయమోహన్‌ చర్యలు చేపట్టారు.   నన్నూరు, పూడిచెర్ల, కేతవరం, గార్గేయపురం, బ్రాహ్మణకొట్కూరు వరకు 17 కిలో మీటర్ల మేర హైటెన్షన్‌ లైన్‌ వేయాల్సి ఉంది.  పనులు యుద్ధప్రాతిపదికన చేపట్టాలని  విద్యుత్, రెవెన్యూ, వ్యవసాయశాఖ అధికారులకు ఉత్తర్వులు జారీ చేశారు.  ఇందుకు అవసరమైన భూసేకరణకు కూడా కలెక్టర్‌ ఆదేశాలు ఇచ్చారు. ఒక్కో పోల్‌కు 49 చదరపు గజాల స్థలం అవసరమవుతుంది. రైతులను ఒప్పించి భుములను తీసుకునేందుకు కలెక్టర్‌ తహశీల్దారు, మండల వ్యవసాయాధికారితో బృందాలను ఏర్పాటు చేశారు. పోల్‌కు అవసరమైన 49 చదరపు గజాల స్థలానికి పరిహారం కూడా ఇస్తారు. విద్యుత్‌ లైన్‌ వేసిన తర్వాత ముచ్చుమర్రి లిఫ్ట్‌ నుంచి నీళ్లు ఇచ్చే కార్యక్రమానికి శ్రీకారం చుడుతారు.
  


 పాములపాడు: మల్యాల ఎత్తిపోతల పథకం హంద్రీనీవా నుంచి కేసీకి సాగునీరు పంపింగ్‌ చేయనున్నట్లు ఎమ్మెల్యే ఐజయ్య తెలిపారు.  లింగాల గ్రామంలో ఆదివారం ఎమ్మెల్యే విలేకరులతో మాట్లాడుతూ నియోజకవర్గంలోని రైతులతో కలిసి తాను జిల్లా కలెక్టరును కలిశానన్నారు. మల్యాల ఎత్తిపోతల పథకంలోని హంద్రీనీవాలో రెండు పంపులు కేసీ కెనాల్‌లోకి మళ్లించాలని ఇటీవల కలెక్టరు, ఇరిగేషన్‌ అధికారులను కలిసి విన్నవించినట్లు తెలిపారు. ఇందుకు కలెక్టర్‌ సానుకూలంగా స్పందించారన్నారు. ఒక్కొక్క పంపు నుంచి 350 క్యూసెక్కుల చొప్పున నీరు పంపింగ్‌ చేస్తారని,  రైతులు ఆందోళన చెందవద్దన్నారు. 120 కిలో మీటరు వరకు కేసీ కెనాల్‌కు నీరందుతుందని రైతులు పంటలు సాగు చేసుకోవచ్చని పేర్కొన్నారు. ప్రస్తుతం శ్రీశైలం బ్యాక్‌ వాటర్‌తో ముచ్చుమర్రి ఎత్తిపోతల పథకం పంప్‌ హౌస్‌ పూర్తిగా మునిగి పోయిందని పనులు మళ్లీ ప్రారంభం కావాలంటే ఆలస్యమవుతుందన్నారు. కార్యక్రమంలో వైఎస్‌ఆర్‌సీపీ మండలాధ్యక్షుడు చౌడయ్య, నాయకులు అంబయ్య, నాగేశ్వరమ్మ తదితరులు ఉన్నారు.
  


 మిర్యాలగూడ : నాగార్జునసాగర్‌ ఎడమ కాల్వకు నీటిని విడుదల చేసి మూడు రోజులు గడిచాయి. కానీ, ఎడమ కాల్వపై ఉన్న ఎత్తిపోతల పథకాలకు మాత్రం ఇప్పటి వరకు నీటిని విడుదల చేయలేదు. మరమ్మతులు పూర్తయిన ఎత్తిపోతలకు నీటిని విడుదల చేసే అవకాశం ఉన్నా అధికారులు పట్టించుకోవడం లేదు. సాగర్‌ ఎడమ కాల్వ ఆయకట్టు పరిధిలో పంటలు ఎండిపోతున్నాయని అధికారులు, ప్రజాప్రతినిధులు రైతులతో సమావేశం ఏర్పాటు చేసి ఈనెల 25న నీటిని విడుదల చేశారు. ఎడమ కాల్వ పరిధిలో మొదటి జోన్‌ (పాలేరు రిజర్వాయర్‌ వరకు)కు విడతల వారిగా నీటిని విడుదల చేశారు. మొదటి జోన్‌ పరిధిలోని కాల్వ ద్వారా 2,81,570 ఎకరాలు, ఎడమ కాల్వపై ఉన్న 40 ఎత్తిపోతల పథకాల కింద 81,641 ఎకరాలకు మొత్తం 3,63,211 ఎకరాలకు నీటిని విడుదల చేశారు. దీంతో పాటు ఏఎంఆర్‌పీతో పాటు ఎడమ కాల్వ పరిధిలోని 93 చెరువులను నింపడానికి ఎన్‌ఎస్‌పీ అధికారులు నీటిని విడుదల చేశారు. కాగా, మొదటి విడుతలో పది రోజుల పాటు నీటిని విడుదల చేసిన తర్వాత మరో ఐదు విడుతల్లో 15 రోజుల్లో ఎనిమిది రోజు చొప్పున నీటిని విడుదల చేయాలని నిర్ణయించారు. అయితే మొదటి విడతలో ఎడమ కాల్వకు నీటిని విడుదల చేసి మూడు రోజులు గడిచాయి. కానీ, ఎత్తిపోతల పథకాలకు ఇప్పటి కూడా నీటిని విడుదల చేయలేదు. దీంతో లిఫ్ట్‌ల కింద ఉన్న రైతులు ఆందోళన చెంతున్నారు.  
  


 వేములపల్లి : మండల కేంద్రంలోని ఎడమకాల్వపై ఉన్న ఎల్‌–14 ఎత్తిపోతలకు కొందరు గండికొట్టి  స్థానిక చిన్నచెరువుకు అక్రమంగా నీటి తరలించారు. దీంతో ఆగ్రహించిన లిఫ్టు పరిధిలోని రైతులు శనివారం ఆందోళనకు దిగారు. ఈ సందర్భంగా పలువురు రైతులు మాట్లాడుతూ.. ఇప్పటికే వర్షాలు లేక పంటలు ఎండిపోతున్నాయని, వచ్చే కొద్దిపాటి నీటిని కూడా కొందరు వ్యక్తులు లిఫ్టుకు గండికొట్టి తరలించకపోవడం బాధాకరమన్నారు. ఈ విషయాన్ని ఎన్‌ఎస్‌పీ అధికారుల దృష్టికి తీసుకెళ్లినా పట్టించుకోవడం లేదని ఆరోపించారు.  లిఫ్టు పరిధిలో  సుమారు 2వేలపై చిలుకు ఎకరాల్లో పంటలు సాగు చేస్తున్నట్లు తెలిపారు. చెరువులోకి నీటిని తరలించేందుకు ఫీడర్‌ ఛానల్‌ ఉన్నప్పటికీ ఎత్తిపోతల ప్రహరీ పగులగొట్టి నీటిని తరలించడం సరికాదన్నారు.  అధికారులు స్పందించి గండిని పూడ్చడంతో పాటు బాధ్యులపై చర్యలు తీసుకోవాలని కోరారు. ఈ  కార్యక్రమంలో గున్‌రెడ్డి గోపాల్‌రెడ్డి, శ్యాంసుందర్, అనిల్, అనంతరెడ్డి, లక్ష్మయ్య, యాకూబ్‌తో పాటు పలు గ్రామాల రైతులు పాల్గొన్నారు.
  


 మిర్యాలగూడ : నాగార్జునసాగర్‌ ఎడమ కాలువపై ఉన్న ఎత్తిపోతల పథకాలకు నీటిని విడుదల చేయాలని వైఎస్‌ఆర్‌ కాంగ్రెస్‌ పార్టీ రాష్ట్ర కార్యదర్శి ఎండీ సలీం డిమాండ్‌ చేశారు. శనివారం స్థానికంగా ఏర్పాటు చేసిన విలేకరుల సమావేశంలో ఆయన మాట్లాడారు. సాగర్‌ ఎడమ కాలువకు నీటిని విడుదల చేసి మూడు రోజులు గడిచినా లిఫ్టులకు నీటిని విడుదల చేయడం లేదన్నారు. ఆరు విడుతలుగా సాగర్‌ ఎడమ కాలువ నీటిని విడుదల చేయడానికి ప్రభుత్వం నిర్ణయించగా మొదటి విడుతలో పది రోజులకు గాను మూడు రోజులు గడిచినా లిఫ్టుకు నీటిని విడుదల చేయడం లేదన్నారు. లిఫ్టులకు కింద సాగు చేసిన వరి పంటలు ఎండిపోతున్నాయని పేర్కొన్నారు. సమావేశంలో వేములపల్లి, మిర్యాలగూడ మండల పార్టీ అధ్యక్షులు పెదపంగ సైదులు, పిల్లుట్ల బ్రహ్మం తదితరులు పాల్గొన్నారు. 
  


 
   ఎమ్మెల్యే వై.విశ్వేశ్వరరెడ్డి
 
 వజ్రకరూరు: ఉరవకొండ నియోజకవర్గంలోని 80 వేల ఎకరాలకు హంద్రీనీవా కాలువ ద్వారా సాగు నీరు అందించాలని డిమాండ్‌ చేస్తూ ఈ నెల 29న తలపెట్టిన రాగులపాడు లిప్ట్‌ ముట్టడి కార్యక్రమాన్ని విజయవంతం చేయాలని ఎమ్మెల్యే వై.విశ్వేశ్వరరెడ్డి పిలుపునిచ్చారు. సోమవారం చిన్నహోతురు, పొట్టిపాడు గ్రామాల్లో ఆయన రైతులతో సమావేశమయ్యారు.
 ఈ సందర్భంగా ఆయన మాట్లాడుతూ  హంద్రీనీవా ఆయకట్టుకు సాగు నీటి సాధనకు ప్రతి ఒక్క రైతు నడుం బిగించాలన్నారు.  నాలుగేళ్ల నుంచి హంద్రీనీవాకు కృష్ణా జలాలు వస్తున్నా ఆయకట్టుకు మాత్రం నీరు అందించలేదని అన్నారు.  మన కళ్లేదుటే హంద్రీనీవా కాలువలో కృష్ణా జలాలు పారుతున్నా మనం ఏమీ చేయలేని నిస్సహాయస్థితిలో ఉన్నామన్నారు.  ఆయకట్టు సాగు నీటి సాధనకు ప్రభుత్వంపై పోరాడితే తప్ప సాగునీటిని సాధించలేమన్నారు.  ప్రభుత్వం వెంటనే సాగునీరు ఇవ్వాలని డిమాండ్‌ చేస్తూ తలపెట్టిన రాగులపాడు పంప్‌హౌస్‌ ముట్టడి కార్యక్రమానికి రైతులు పెద్దసంఖ్యలో తరలివచ్చి విజయవంతం చేయాలని ఆయన కోరారు.
 
 వెనుకబడిన ప్రాంతాలపై ఇంత నిర్లక్ష్యమా..?
 వెనుకబడిన ప్రాంతాల అభివృద్ధి పట్ల ప్రభుత్వానికి చిత్తశుద్ధి లేదని ఎమ్మెల్యే వై.విశ్వేశ్వరరెడ్డి విమర్శించారు.  ఒక పక్క నిధులు లేవంటూనే తాత్కాలిక సచివాలయంలో వాస్తు పేరుతో కోట్ల రుపాయలు ఖర్చు పెడుతున్నారని విమర్శించారు. రెండు సంవత్సరాల్లో కేంద్ర ప్రభుత్వం వెనుకబడిన జిల్లాలకు రూ. 750 కోట్లు ఇచ్చిందని, అయితే ఆ నిధులను రాష్ట్ర ప్రభుత్వం దారి మళ్లించిందని అన్నారు. ముఖ్యమంత్రి చంద్రబాబు నాయుడు విదేశీ పర్యటనలు మాని గ్రామాల్లో తిరిగితే వాస్తవ పరిస్థితులు తెలుస్తాయన్నారు.


 నెహ్రూనగర్‌(పగిడ్యాల): శ్రీశైలం బ్యాక్‌వాటర్‌ నికర జలాలను వినియోగించుకోవడానికి జీవో నంబరు 3కు ప్రత్యామ్నాయంగా చేపట్టిన ముచ్చుమర్రి ఎత్తిపోతల పథకం పనులను పూర్తి చేయడంలో ప్రభుత్వానికి చిత్తశుద్ధి లేదని వైఎస్సార్‌కాంగ్రెస్‌ పార్టీ జిల్లా అధ్యక్షుడు గౌరు వెంకటరెడ్డి విమర్శించారు. గురువారం మండల పరిధిలోని నెహ్రూనగర్‌ పుష్కర ఘాట్‌లో పుణ్య స్నానాలు చేశారు. అనంతరం ఆయన విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ కష్ణానది బ్యాక్‌వాటర్‌కు అతి సమీపంలో ఉండే నెహ్రూనగర్‌లో పుష్కర ఘాట్‌ను మంజూరు చేయకుండా కలెక్టర్‌ పూర్తిగా నిర్లక్ష్యం వహించారని పేర్కొన్నారు. దీంతో నాయకులే సొంత ఖర్చులతో ఘాట్‌ను నిర్మించుకుని భక్తులు పుణ్య స్నానాలు చేసేందుకు ఏర్పాట్లు చేయడం వలన వేలాది మంది భక్తులకు ఆర్థిక భారం తగ్గిందన్నారు. సీఎం చంద్రబాబు పుష్కరాల పేరుతో కోట్లాది రూపాయల ప్రజాధనాన్ని దుర్వినియోగం చేస్తున్నారన్నారు. శ్రీశైలం ప్రాజెక్ట్‌ నిర్మాణం కోసం రాయలసీమ ప్రాంతంలోని వందలాది గ్రామాల రైతులు తమ స్థిరచరాస్తులను త్యాగాలు చేసిన సంగతిని ముఖ్యమంత్రి చంద్రబాబునాయుడు మరువడం విచారకరమన్నారు. కేవలం కోస్తా ప్రాంత ప్రజల అభివద్ధి కోసమే పాటుపడుతూ రాయలసీమ ప్రాంతానికి తీరని ద్రోహాం చేస్తున్నారని ఆరోపించారు. రాయలసీమ ప్రాంతంలో నిర్మించిన ప్రాజెక్ట్‌లకు సాగు, తాగునీటికి ఇబ్బందులు లేకుండా చూడాల్సిన ప్రభుత్వం కోస్తా ప్రాంతానికే శ్రీశైలం జలాలను తరలించడంలోని ఆంతర్యమేమిటో ప్రజలకు సమాధానం చెప్పాలని ప్రశ్నించారు.    
  


 సాక్షి, అమరావతి : 
 కృష్ణా పుష్కరాల సందర్భంగా సీతానగరం ఘాట్‌ వద్ద ఏర్పాటు చేసిన బారికేడ్లు తొలగిస్తున్నారు.  భారీ అంచనాలతో కృష్ణా పుష్కరాల కోసం రాష్ట్ర ప్రభుత్వం రూ.1700 కోట్లు ఖర్చుచేస్తోంది. లక్షలాది మంది భక్తులు తరలివస్తారని అంచనా వేసింది. అందులో భాగంగా దుర్గా, కృష్ణవేణి, పున్నమి, సీతానగరం, పద్మావతి, తాళ్లాయపాలెం, అమరావతి, పవిత్రసంగమం ఘాట్‌లు ముఖ్యమైనవి. ఒక్కో ఘాట్‌కు సుమారు రూ.10 కోట్లు ఖర్చు చేసింది. ఘాట్‌ వద్ద రూ.15 లక్షలతో ఏర్పాటు చేశారు. పుష్కర ఘాట్లలలో సీతానగరం ఘాట్‌కు ఎక్కువ మంది భక్తులు పాల్గొంటారని భావించిన అధికారయంత్రాంగం ఉండవల్లి సెంటర్‌ నుంచి మూడులైన్ల బారికేడ్లను ఏర్పాటు చేసింది. కాని ఆ మేరకు యాత్రికులు రాకపోవడంతో ఘాట్‌ వద్ద ఏర్పాటు చేసిన బారికేడ్లను తొలగిస్తున్నారు. 
  


 విజయవాడ(భవానీపురం): 
 ఒక అపార్ట్‌మెంట్‌లో లిఫ్ట్‌ రోప్‌ తెగి ఎనిమిది మంది తీవ్రంగా గాయపడిన సంఘటన భవానీపురంలో చోటుచేసుకుంది. సేకరించిన వివరాల ప్రకారం పుష్కరాల సందర్భంగా విజయనగరం చిన్న వీధికి చెందిన 15 మంది శివాలయం సెంటర్లోని భవానీ టవర్స్‌లో ఒక ప్లాట్‌లో సోమవారం దిగారు. గాంధీనగర్‌లోని సబ్‌ రిజస్ట్రార్‌ యోగీంద్రనాథ్‌ ద్వారా భవానీ టవర్స్‌ బిల్డర్‌ బి.అమర్‌నాథ్‌కు చెందిన 5వ ఫ్లోర్‌లోని ఎఫ్‌ఎఫ్‌–2లో వారికి ఆశ్రయం ఇచ్చారు. 15 మంది బృందం కొంత లగేజ్‌ను తీసుకుని పుష్కర స్నానాలకు బయలుదేరారు. టవర్స్‌లో మూడు లిఫ్ట్‌లు ఉన్నాయి. ఎనిమిది మంది మధ్యలోని లిఫ్ట్‌లో, మిగిలినవారు మరో లిఫ్ట్‌లో ఎక్కారు. 5వ ఫ్లోర్‌ నుంచి లిఫ్ట్‌ ఒక్కసారిగా సెల్లార్‌లోకి దిగబడిపోయింది. ఎనిమిది మందిలో ఒకరికి రెండు కాళ్లు విరిగిపోయాయి. ఒక మహిళకు నడుముకు, మిగిలిన వారికి స్వల్ప గాయాలయ్యాయి. సమాచారం అందుకున్న భవానీపురం పోలీసులు సూర్యారావుపేటలోని సిటీ ఆర్థో హాస్పటల్‌కు బాధితులను తరలించారు. గాయపడిన వారిలో బరిడే సంపత్‌రావు, బొడ్డు సుభద్రాదేవి, బొడ్డు కాళీరావు, పులిపాటి వెంకటరాములు, పులిపాటి కమల, బండారి స్వర్ణకుమారి, వంకాయల అమృతేశ్వరి ఉన్నారు. లిఫ్ట్‌ మరమ్మతులు చేయించమని బిల్డర్‌ అమర్‌నాథ్‌కు చెప్పినా పట్టించుకోలేదని అపార్ట్‌మెంట్‌లోని వారు చెబుతున్నారు. అయితే ఆరుగురు ఎక్కాల్సిన లిఫ్ట్‌లో ఎనిమిది మంది, లగేజి ఉండటంతో ప్రమాదం జరిగి ఉంటుందని కొందరు అంటున్నారు.    
  


  ►మాంసం విక్రేతలకు ‘పచ్చ’జెండా
  ►తమ్ముళ్ల డీల్‌ సెట్‌
  
 విజయవాడ సెంట్రల్‌ :
 నగరంలో మాంసం విక్రయాల నిషేధానికి అధికారులు చెల్లుచీటి ఇచ్చేశారు. పవిత్ర కృష్ణా పుష్కరాలు అయినప్పటికీ మాసం అమ్ముకోవచ్చు. కబేళా కూడా పనిచేస్తోందంటూ కమిషనర్‌ జి.వీరపాండియన్‌ బుధవారం ప్రకటించారు. కృష్ణా పుష్కరాల సందర్భంగా  నగరంలో చేపలు మాంసపు ఉత్పత్తుల విక్రయాలను 9 నుంచి 25వ తేదీ వరకు నిషేధిస్తున్నామని ఇందుకు విరుద్ధంగా వ్యవహరిస్తే వ్యాపారుల పై కఠిన చర్యలు తీసుకుంటామని మొన్న హెచ్చరించారు. రెండు రోజులు గడిచే సరికి తూచ్‌...అన్నారు. దీని వెనుక పెద్ద కథే నడిచిందనే గుసగుసలు వినిపిస్తున్నాయి. 
 
 అసలు కథ ఇదీ
 మాంసం విక్రయాల నిషేధం నగరంలోని స్టార్‌ హోటల్‌ నిర్వాహకులకు మింగుడుపడలేదు. కృష్ణాపుష్కరాలకు మద్యం, మాంసం భారీఎత్తున విక్రయాలు జరుగుతాయని, ఇలాంటి సమయంలో నిషేధం విధిస్తే తమ ఆదాయం ఏం కానూ? అని టీడీపీ ప్రజాప్రతి నిధుల వద్ద పంచాయితీ పెట్టారు. ఎంపీ కార్యాలయంలో సర్వం తానై వ్యవహరించే ఓ చోట నేత రంగంలోకి దిగాడు. స్టార్‌ హోటళ్ల నిర్వాహకులతోపాటు చిన్న చితకా హోటళ్ల యజమానులు, మాంసం దుకాణ విక్రయదారులతో రాయ‘బేరాలు’ సాగించాడు. మంగళవారం రాత్రి డీల్‌ కుదిరింది. తెల్లవారే సరికి ఓ మంత్రి కమిషనర్‌తో మాట్లాడేశారు. మాంసం లేకపోతే హోటళ్ల యజమానులు  ఇబ్బంది పడతామంటున్నారు, వదిలేయమంటూ మంత్రి కమిషనర్‌ కు ఆదేశాలిచ్చారు. మాంసం విక్రయాలపై నిషేధం  శుభ్రంగా అటకెక్కింది. కబేళా యథావిధిగా పనిచేస్తోందని, వివిధ వర్గాల నుంచి వచ్చిన అభ్యర్థనలు పరిశీలించి ఈ నిర్ణయం తీసుకున్నట్లు కమిషనర్‌ చెబుతున్నారు. పారిశుధ్యానికి విఘాతం కల్గిస్తే వ్యాపారులపై చర్యలు తీసుకుంటానంటూ హెచ్చరికల కొసమెరుపు విసిరారు. 
 
 మంత్రి పేషీ హడావుడి
 సిటీలో చికెన్, మటన్, చేపలు ఇతరత్రా మాంసం రోజుకు సగటున 20 టన్నులు విక్రయం జరుగుతోందని అంచనా. సుమారు రూ.50 లక్షల నుంచి రూ.60 లక్షల వ్యాపారం సాగుతోంది. వేడుకలు, ఫంక్షన్ల సీజన్‌లో 50 శాతం అదనంగా వ్యాపారం ఉంటోంది. ఈక్రమంలో నాన్‌ వెజ్‌ విక్రయాలను నిషేధిస్తున్నట్లు కమిషనర్‌ ప్రకటించగానే ఓ మంత్రి పీఏ నగరపాలక సంస్థ అధికారులకు ఫోన్‌ చేసి ఎందుకు అలాంటి నిర్ణయం తీసుకున్నారో సార్‌ అడగమన్నారంటూ వివరాలు సేకరిం చారు. రెండు రోజుల్లో రంగంలోకి దిగిన తెలుగు తమ్ముళ్లు డీల్‌ సెట్‌ చేసేశారు. 
  


 వైఎస్సార్‌సీపీ జిల్లా అధ్యక్షుడు కన్నబాబు
 చినకొండేపూడి (సీతానగరం) : కమీషన్ల కోసమే టీడీపీ ప్రభుత్వం ఎత్తిపోతల పథకాలు ఏర్పాటు చేస్తోందని వైఎస్సార్‌ కాంగ్రెస్‌ పార్టీ జిల్లా అధ్యక్షుడు కురసాల కన్నబాబు అన్నారు. దివంగత మాజీ మంత్రి జక్కంపూడి రామ్మోహన్‌రావు 63వ జయంతి సందర్భంగా.. చినకొండేపూడిలో శనివారం ఏర్పాటు చేసిన ఉచిత మెగా వైద్య శిబిరంలో ముఖ్య అతిథిగా పాల్గొన్న ఆయన విలేకర్లతో మాట్లాడారు. 2018 నాటికి పోలవరం ప్రాజెక్ట్‌ను పూర్తి చేస్తామంటున్న రాష్ట్ర ప్రభుత్వం.. ఎత్తిపోతల పథకాలను ఎందుకు నిర్మిస్తోందో స్పష్టమైన వివరణ ఇవ్వాలని డిమాండ్‌ చేశారు. రూ.1500 కోట్ల పురుషోత్తపట్నం ఎత్తిపోతల పథకంతో ఎంతవరకూ లబ్ధి కలుగుతుందో తెలియజేయాలన్నారు. పట్టిసీమ, పురుషోత్తపట్నం ఎత్తిపోతల పథకాల పేరుతో దాదాపు రూ.3,500 కోట్లు దుర్వినియోగం చేస్తున్నారని ఆరోపించారు. దీనికి బదులు రూ.4 వేల కోట్లు ఖర్చు చేస్తే పోలవరం ప్రాజెక్ట్‌ స్పిల్‌వే పనులు పూర్తయ్యేవని, దీంతో కుడి, ఎడమ కాలువల ద్వారా నీరు వెళ్లేదని కన్నబాబు అన్నారు. స్పిల్‌వే పూర్తి చేయకుండా, ఈ రెండు ఎత్తిపోతల పథకాలపై ఇంత శ్రద్ధ ఎందుకు చూపుతున్నారని ప్రశ్నించారు. ఎత్తిపోతల పథకాలను నిర్మించడంతో కేంద్ర ప్రభుత్వానికి రాష్ట్ర ప్రభుత్వంపై నమ్మకం పోయిందన్నారు. నిధులు ఇస్తున్నట్టు కేంద్ర ప్రభుత్వం చెబుతోందని, కానీ రాష్ట్ర ప్రభుత్వం రూ.1800 కోట్లతో పట్టిసీమ ఎత్తిపోతల పథకం చేపట్టి, దివంగత ముఖ్యమంత్రి వైఎస్‌ రాజశేఖరరెడ్డి తవ్విన కాలువలు ఉపయోగించుకుని, కృష్ణా, గోదావరి నదులు అనుసంధానం చేసినట్టు గొప్పలు చెప్పుకుంటోందని ఎద్దేవా చేశారు. చాగల్నాడు నుంచి 35 వేల ఎకరాలకు నీరందించాల్సి ఉండగా, 8 వేల ఎకరాలకు మాత్రమే నీరందిస్తున్నారన్నారు. ఇసుక మేటలు వేయడంతో కాటవరం పంపింగ్‌ స్కీమ్‌ నిలిచిపోయిందని, దీనిని అడ్డం పెట్టుకుని కోట్లాది రూపాయలతో జేబులు నింపుకున్నారని కన్నబాబు ఆరోపించారు. కార్యక్రమంలో పార్టీ యువజన విభాగం రాష్ట్ర అధ్యక్షుడు జక్కంపూడి రాజా, రాజమహేంద్రవరం రూరల్‌ కో ఆర్డినేటర్‌ ఆకుల వీర్రాజు, రాష్ట్ర యువజన కార్యదర్శి ఎల్‌.రవి, రాష్ట్ర ప్రచార కమిటీ ప్రధాన కార్యదర్శి రావూరి వెంకటేశ్వరరావు, సేవాదళ్‌ రాష్ట్ర కార్యదర్శి సుంకర చిన్ని, పార్టీ మండల కన్వీనర్‌ పెదపాటి డాక్టర్‌బాబు పాల్గొన్నారు.
  


 
 
 వాగునీటిని సద్వినియోగం చేసుకోండి
 
 
 
 మాజీ మంత్రి సుదర్శన్‌రెడ్డి సూచన
 
 బోధన్‌ : నిజాంసాగర్‌ ప్రాజెక్టు చివరి ఆయకట్టుకు సాగు నీరందించాలనే లక్ష్యంతో పసుపు వాగుపై నిర్మించిన పెద్ద మావంది ఎత్తిపోతల పథకం నిర్వహణను నిర్లక్ష్యం చేయవద్దని మాజీ మంత్రి సుదర్శన్‌రెడ్డి నీటి పారుదల శాఖ అధికారులకు సూచించారు. వాగు నీటిని సద్వినియోగం చేసుకోవాలన్నారు. సోమవారం ఆయన పెద్దమావంది గ్రామ శివారులోని పసుపు వాగుపై తన హయాంలో నిర్మించిన ఎత్తిపోతల పథకాన్ని పరిశీలించారు. కాలువలో నీటి పారకాన్ని పరిశీలించి, నీటిపారుదల శాఖ అధికారులతో ఫోన్‌ ద్వారా మాట్లాడారు. ఎత్తిపోతల పథకం ప్రధాన పంప్‌హౌస్‌లో మూడు మోటార్లను నడిపిస్తే.. పథకం కింద స్థిరీకరించిన సుమారు 1,500 ఎకరాల ఆయకట్టుకు సాగు నీరందుతుందన్నారు. పథకాన్ని సక్రమంగా నిర్వహించాలని సూచించారు. 
 షుగర్‌ ఫ్యాక్టరీని తెరిపించాలి
 ఎడపల్లి : మాజీ మంత్రి సుదర్శన్‌రెడ్డి సోమవారం ఒడ్డేపల్లి గ్రామానికి వచ్చారు. ఆయనను రైతులు కలిసి సమస్యలు వివరించారు. బోధన్‌లోని నిజాం షుగర్‌ ఫ్యాక్టరీని తెరిపిస్తే నాలుగు మండలాల రైతులు లాభపడతారన్నారు. ఫ్యాక్టరీని తెరిపించడానికి కషి చేయాలని కోరారు. అలీసాగర్‌ లిఫ్ట్‌ ఇరిగేషన్‌ ద్వారా తాగునీటి అవసరాల నిమిత్తం చెరువులను నింపుకున్న అనంతరం నీటిని మండలంలోని కుర్నాపల్లి, ధర్మారం, మంగళ్‌పాడ్, ఎడపల్లి(పులి) చెరువులకు తరలిస్తే బాగుంటుందన్నారు. ఈ విషయాలను కలెక్టర్‌ దష్టికి తీసుకెళ్తానని సుదర్శన్‌రెడ్డి పేర్కొన్నారు. ఆయన వెంట గ్రంథాలయ సంస్థ జిల్లా చైర్మన్‌ శ్రీనివాస్‌యాదవ్, బిల్ల రామ్మోహన్‌ యాదవ్, నర్సింగ్, సరిదాస్‌ తదితరులున్నారు. 


 – ఆగస్టులోగా ముచ్చుమర్రి ఎత్తిపోతలను పూర్తిచేయండి
 – డిప్యూటీ సీఎం కేఈ కృష్ణమూర్తిని కోరిన ఎమ్మెల్యే ఐజయ్య
  
 పగిడ్యాల: ముచ్చుమర్రి ఎత్తిపోతల పథకం పనులను ఆగష్టులోగా పూర్తి చేసి కేసీ కాలువ కింద రెండో పంటకు నీరు విడుదల చేయించి జాతీకి అంకితం చేస్తామన్న డిప్యూటీ సీఎం కేఈ కృష్ణమూర్తి ఇచ్చిన మాట నిలబెట్టుకోవాలని నందికొట్కూరు ఎమ్మెల్యే వై.ఐజయ్య డిమాండ్‌ చేశారు. ఆదివారం మండలంలో భవన సముదాయాల ప్రారంభోత్సవానికి ఎమ్మెల్యే ముఖ్యఅతిథిగా హజరయ్యారు. ఈసందర్భంగా నూతనంగా నిర్మించిన మోడల్‌ పాఠశాలలో ఏర్పాటు చేసిన సమావేశంలో ఆయన మాట్లాడుతూ మహానేత వైఎస్‌ రాజశేఖరరెడ్డి జలయజ్ఞంలో భాగంగా ముచ్చుమర్రి వద్ద చేపట్టిన ఎత్తిపోతల పథకం పనులు 30 శాతం కూడా పూర్తి కాలేదన్నారు. అధికార పార్టీ మంత్రులు, ఎమ్మెల్యేలు ఆగష్టులోగా పూర్తి చేసి, జాతికి అంకితం చేస్తామని రైతులను మభ్యపెడుతూ కాలయాపన చేస్తున్నారే తప్పా.. పనుల్లో పురోభివృద్ధి కుంటుపడిందని ధ్వజమెత్తారు. రాయలసీమ రైతుల అభివృద్ధిని విస్మరించిన ముఖ్యమంత్రి చంద్రబాబునాయుడు పట్టిసీమ, అమరావతి అంటారే తప్పా.. పెండింగ్‌లో ఉండే సిద్ధాపురం, జూపాడుబంగ్లా, సెలిమిల్ల, లింగాల ఎత్తిపోతల పథకాలను పూర్తిచేయడంలో విఫలమయ్యారని ఆగ్రహం వ్యక్తం చేశారు. సంగమేశ్వరం వద్ద సిద్ధేశ్వరం అలుగు నిర్మాణం చేపడితే రాయలసీమ రైతులకు 80 టీఎంసీల నీరు లభిస్తుందని, దీంతో సీమ సస్యశ్యామలంగా మారుతుందని డిప్యూటీ సీఎం దృష్టికి తీసుకెళ్లారు. కార్యక్రమంలో వైఎస్‌ఆర్‌సీపీ మండల కన్వీనర్‌ రమాదేవి, నాయకులు చిట్టిరెడ్డి, డీలర్‌ నారాయణ, రామకృష్ణ తదితరులు పాల్గొన్నారు. 
  


 బంజారాహిల్స్ : లిఫ్ట్ ఇచ్చిన వాహనదారుడిని ఓ యువకుడు కొట్టి బైక్‌తో ఉడాయించిన ఘటన బంజారాహిల్స్ పోలీస్‌స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం... దర్గాలో నివసించే సబ్బా శేఖర్‌రెడ్డి బుధవారం రాత్రి 2.30 గంటల ప్రాంతంలో బంజారాహిల్స్ రోడ్ నంబర్ -12 నుంచి 13 వైపు మినిష్టర్ క్వార్టర్స్ రోడ్డులో తన బైక్ వెళ్తున్నాడు. మార్గమధ్యంలో ఓ యువకుడు లిఫ్ట్ కావాలని అడిగాడు.
 
 దీంతో శేఖర్‌రెడ్డి ఆ యువకుడికి లిఫ్ట్ ఇవ్వగా కొద్ది దూరం వెళ్లిన తర్వాత బైక్ ఆపించి శేఖర్‌ రెడ్డిపై దాడికి దిగాడు. తీవ్రంగా కొట్టాడు. అతన్ని కిందపడేసి బైక్‌తో ఉడాయించాడు. అదే రాత్రి తీవ్ర గాయాలతో శేఖర్ ఆస్పత్రిలో చేరాడు. గురువారం జరిగిన ఘటనపై పోలీసులకు ఫిర్యాదు చేశాడు. బంజారాహిల్స్ క్రైం పోలీసులు కేసు నమోదు చేసుకొని దర్యాప్తు చేస్తున్నారు.


 విశాఖ: దైవ దర్శనానికి వెళ్లిన సినీ హీరో అల్లు అర్జున్, దర్శకుడు బోయపాటి శ్రీను లిఫ్ట్లో ఇరుక్కుపోయారు. సింహాచలం వరాహ నరసింహస్వామి దర్శించుకునేందుకు వెళ్లిన వీరికి శుక్రవారం చేదు అనుభవం ఎదురైంది. దర్శన అనంతరం  అల్లు అర్జున్, బోయపాటి లిఫ్ట్ ఎక్కగా, సాంకేతిక లోపంతో సగంలో నిలిచిపోయింది. వీరితో పాటు అభిమానులు కూడా పరిమితికి మించి ఎక్కేయడంతో లిఫ్ట్ ఆగిపోయింది.
 దీంతో ఆలయ అధికారులు లిఫ్ట్ డోరు పగులగొట్టి వారిని బయటకు తీశారు. మరోవైపు సెక్యూరిటీ సిబ్బంది కల్పించుకుని అభిమానులను నిలువరించారు.  కాగా బన్నీ, బోయపాటి కాంబినేషన్లో వచ్చిన 'సరైనోడు' చిత్రం విజయవంతమైన విషయం తెలిసిందే. దీంతో వారు అప్పన్నకు మొక్కు చెల్లించుకునేందుకు వెళ్లారు. దర్శనం అనంతరం వారికి అర్చకులు తీర్థ ప్రసాదాలు అందచేశారు.


 ఓ మహిళ సమయ స్పూర్తితో.. సెకన్ల వ్వవధిలో ప్రాణాపాయ స్థితి నుంచి క్షేమంగా బయటపడింది ఓ శునకం. ఈ సంఘటన రష్యాలోని సెయింట్ పీటర్స్బర్గ్ నగరంలో చోటుచేసుకుంది. వివరాలు.. ఓ మహిళ తన కుమారుడితో లిఫ్ట్లోకి ప్రవేశించింది. సరిగ్గా డోర్లు మూసుకునే సమయంలో శునకం లోపలికి ప్రవేశించింది. అయితే లిఫ్ట్ లోపలవైపు కుక్క, బయటి డోర్ల మధ్యలో కుక్కను కట్టేసే తాడు కొక్కి ఇరుక్కుంది.
 
 లిఫ్ట్ బయటవైపు ఉన్న కుక్క యజమాని ఏమీ చేయలేని నిస్సహాయ స్థితిలో ఉన్నారు. లిఫ్ట్ కిందకు వెళ్లడంతో  కుక్క లిఫ్ట్ డోర్లకు దగ్గరగా చేరుకుని తాడు లాగడంతో ఉరివేసిన దానిలా పైకి లేస్తూ వెళ్లింది.లిఫ్ట్లోపల ఉన్న మహిళ సమయ స్పూర్తితో వ్యవహరించి స్టాప్ బటన్ నొక్కడంతో చిన్న గాయాలతోనే కుక్కు చావు అంచులవరకు వెళ్లి బయటపడింది. చివరకు డోర్ చివరన పై భాగంలో ఆగిపోయింది. లిఫ్ట్ లో ఉన్న సీసీటీవీలో ఈమొత్తం రికార్డయింది.ఒళ్లు గగుర్పొడిచేలా ఉన్న ఈ వీడియో సోషల్ మీడియాలో ఇప్పుడు హల్ చల్ చేస్తోంది.


 తప్పిన ప్రమాదం.. సురక్షితంగా కేంద్రమంత్రి నడ్డా, నేతలు
 సాక్షి, హైదరాబాద్: కేంద్ర వైద్య, కుటుంబ సంక్షేమ శాఖ మంత్రి జేపీ నడ్డా ఎక్కిన లిఫ్టు తెగిపడింది. బీజేపీ రాష్ట్ర కార్యాలయంలో శుక్రవారం ఆయన ఎక్కిన లిఫ్టులో పరిమితికి మించి పార్టీ నేతలు ఎక్కడంతో వైరు తెగి మొదటి అంతస్తు నుంచి గ్రౌండ్ ఫ్లోరులో పడింది. అయితే లిఫ్టులో ఎక్కిన వారంతా సురక్షితంగా బయటపడ్డారు. బీజేపీ రాష్ట్ర అధ్యక్షుడిగా కె.లక్ష్మణ్ బాధ్యతలు స్వీకరించిన సందర్భంగా హైదరాబాద్‌లోని నిజాం కాలేజీలో జరిగే అభినందన సభలో పాల్గొనేందుకు నడ్డా వచ్చారు. ఈ సందర్భంగా పార్టీ కార్యాలయానికి వచ్చి ఎక్కిన లిఫ్టు వైరు తెగింది. ఆ సమయంలో లిఫ్టులో ఎమ్మెల్సీ ఎన్.రామచందర్‌రావు, ఎమ్మెల్యే ఎన్‌వీఎస్ ప్రభాకర్, పార్టీ ప్రధానకార్యదర్శులు చింతా సాంబమూర్తి, ప్రేమేందర్ రెడ్డి తదితరులు ఉన్నారు.


 హైదరాబాద్: బీజేపీ కార్యాలయంలో కేంద్ర మంత్రి జేపీ నడ్డాకు తృటిలో పెను ప్రమాదం తప్పింది. దీంతో బీజేపీ నేతలు ఊపిరి పీల్చుకున్నారు.  ఓ కార్యక్రమంలో పాల్గొనడానికి కేంద్ర మంత్రి జేపీ నడ్డా హైదరాబాద్ కు వచ్చిన విషయం తెలిసిందే. శుక్రవారం సాయంత్రం బీజేపీ రాష్ట్ర ప్రధాన కార్యాలయంలో నుంచి బయటకు వస్తుండగా.. ఆయన ఉన్న లిఫ్ట్ తీగ తెగింది. దీంతో మొదటి అంతస్థులో ఉన్న లిఫ్ట్ ఒక్కసారిగా గ్రౌండ్ ఫ్లోర్ లో పడింది. ఆ సమయంలో ఆయనతో పాటు రాష్ట్ర నాయకులు ఎమ్మెల్యే ప్రభాకర్, ఎమ్మెల్సీ రాంచందర్ రావు ఉన్నారు. సామర్థ్యానికి మించి బరువు వేయడంతోటే ఈ ప్రమాదం జరిగినట్లు తెలుస్తోంది. మరిన్ని వివరాలు తెలియాల్సి ఉంది.


 హైదరాబాద్ : నాంపల్లి సెంట్రల్ క్రైం స్టేషన్ భవనంలోని లిఫ్టు మొరాయించటంతో అడిషనల్ పోలీస్ కమిషనర్ స్వాతి లక్రా కొద్దిసేపు ఇబ్బంది పడ్డారు. శనివారం మధ్యాహ్నం ఆమె గ్రౌండ్‌ఫ్లోర్‌కు వెళ్లేందుకు పైనుంచి లిఫ్టులో వస్తున్నారు. అదే సమయంలో మొదటి, రెండో ఫ్లోర్‌ల మధ్యలో లిఫ్టు ఆగిపోయింది. వెంటనే సిబ్బంది రంగంలోకి దిగారు. దాదాపు పది నిముషాల అనంతరం తిరిగి లిఫ్టును పని చేయించగలిగారు. దీంతో ఏసీపీ స్వాతి లక్రా సురక్షితంగా కిందికి చేరుకున్నారు.


 ఇరుక్కుపోయిన అర్జీదారులు         
 తెరచుకోని డోర్లు ఆందోళనతో కేకలు
 గ్రౌండ్ ఫ్లోర్‌కు వెళ్లి తెరుచుకున్న లిఫ్ట్
  
 చిత్తూరు (అగ్రికల్చర్): జిల్లా కలెక్టరేట్ ఆవరణలో ఏర్పాటు చేసిన లిఫ్ట్‌లో ‘మీకోసం ప్రజావాణి’ అర్జీదారులు ఇరుక్కుని నరకం చవిచూశారు. కలెక్టరేట్‌లోని లిఫ్ట్ కొంత కాలంగా సరిగా పనిచేయడంలేదు. ఒక్కోసారి లిఫ్ట్ గ్రౌండు ఫ్లోర్ నుంచి పైకి వెళ్లాల్సిందిపోయి లిఫ్ట్ కింది భాగంలో ఉన్న గుంతలో పడిపోవడం, పైకి వెళ్లేటప్పుడు మధ్యలో ఆగిపోవడం, లిఫ్ట్ తలుపులు తెరుచుకోక స్ట్రక్ అవుతుండడంతో ఇబ్బందులు ఎదుర్కొంటున్నారు. దీనిపై పలుసార్లు కలెక్టరేట్ సిబ్బంది, ప్రజలు అధికారులకు తెలియజేసినా పట్టించుకోవడం లేదు.
 
 
 ఈ నేపథ్యంలో సోమవారం ప్రజావాణికి విచ్చేసిన కొందరు అర్జీదారులు మెట్లు దిగలేక లిఫ్ట్‌ను ఆశ్రయించారు. వీరు లిఫ్ట్‌లోకి వెళ్లి కిందకు వెళ్లేందుకు స్విచ్ ఆన్ చేశారు. అయినా లిఫ్ట్ కదలకుండా స్ట్రక్ అయిపోయింది. అంతేగాక డోర్లు కూడా తెరుచుకోకపోవడంతో అందులోని ఉన్నవారు ఆందోళనకు గురై కేకలు వేస్తూ, డోర్లు బాదడం మొదలెట్టారు. అక్కడే ఉన్న ప్రజలు, కొందరు పాత్రికేయులు కలెక్టరేట్ సెక్యూరిటీకి తెలిపేందుకు వెళ్లగా అక్కడ ఎవరూ లేరు. దాదాపు 10 నిమిషాల పాటు డోర్లు తెరిచేందుకు అందరూ ప్రయత్నించడంతో ఆఖరుకు లిఫ్ట్ గ్రౌండు ఫ్లోర్‌కు వెళ్లి తెరుచుకోవడంతో అందులో ఉన్న వారంతా ఊపిరి పీల్చుకున్నారు.
  


 వృద్ధులు, వికలాంగులు సైతం రూ.100 టికెట్ కొనాల్సిందే
 సిబ్బందికి ఐడీ కార్డు తప్పనిసరి
 ఆలయ వేళలు రోజుకు 15 గంటలు
 లిఫ్టు పనివేళలు ఏడు గంటలే
 వ్యాపారుల ప్రయోజనాల కోసమే అధికారుల నిర్ణయం!
  
 విజయవాడ : ఇంద్రకీలాద్రిపై కొలువైన దుర్గమ్మను దర్శించుకునేందుకు వచ్చే భక్తులు దేవస్థానం ఏర్పాటు చేసిన లిఫ్టు ఎక్కాలంటే అనేక నిబంధనలను ఎదుర్కోవాల్సి వస్తోంది. అమ్మవారికి భక్తులు సమర్పించిన మొక్కుబడులు, కానుకల సొమ్ము నుంచి సుమారు రూ.50 కోట్లు వెచ్చించి మల్లికార్జున మహామండపాన్ని నిర్మించారు. దీనిలో సుమారు రూ.20 లక్షలు పెట్టి రెండు లిప్టులు ఏర్పాటు చేశారు. అయితే ఈ లిప్టును ఇప్పుడు భక్తులు వినియోగించుకునేందుకు అధికారులు అనేక నిబంధనలు విధిస్తున్నారు.
  
 వృద్ధులు, వికలాంగులపైనా కనికరం లేదా...
 సాధారణంగా వృద్ధులు, వికలాంగులు, గర్భిణులు కనపడితే వారికి సహాయం చేద్దామని భావిస్తాం. అయితే దేవస్థానం అధికారులు వారిపైనా కనికరం చూపడం లేదు. వృద్ధులు లిఫ్టు ఎక్కదలిస్తే వారు 65 ఏళ్లు దాటినట్లు ధృవపత్రం, వికలాంగులకు 40 శాతం కంటే ఎక్కువ అంగవైకల్యం ఉన్నట్లు ధృవపత్రం చూపించాలంటూ నిబంధనలు విధించారు.
 దీంతో పాటు రూ.100 టిక్కెట్ తీసుకోవాలని నిబంధనల్లో పేర్కొన్నారు. ఆ టిక్కెట్‌పై మరొకరిని అనుమతిస్తామని నిబంధనల్లో తెలిపారు. అలా కాకుండా ఉచితంగా కొండపైకి వెళ్లదలిస్తే.. సాధారణ భక్తులతో కలిసి ఉచిత బస్సులో కొండపైకి చేరుకుని అక్కడ నుంచి కొంత దూరం బ్యాటరీ కారులో వెళ్లి తరువాత కొద్దిదూరం నడిచి అమ్మవారి దర్శనానికి వెళ్లాలని దేవస్థానం అధికారులు సెలవిస్తున్నారు.
  
 వీఐపీ, వీవీఐపీలకైతే ఓకే...
 అమ్మవారి దర్శనానికి వచ్చే వీఐపీ, వీవీఐపీలను మాత్రం లిఫ్టులో అనుమతిస్తారు. అందుకు సంబంధిత అధికారుల అనుమతి తీసుకోవాల్సి ఉంటుంది. సాధారణ భక్తులను అనుమతించని అధికారులు.. ప్రజాప్రతినిధులు, వారి అనుచరగణానికి వీలు కల్పించేందుకే ఇటువంటి నిబంధనలు విధించారనే విమర్శలు వస్తున్నాయి. దేవస్థానం నిత్యం ఉదయం ఆరు నుంచి రాత్రి తొమ్మిది గంటల వరకు 15 గంటలపాటు పనిచేస్తుంటే.. లిఫ్టును మాత్రం మొక్కుబడిగా ఏడుగంటలే నడపాలని నిర్ణయించటం విచారకరం.
  
 కమిషనర్ ఆదేశాలు బేఖాతర్...
 ఇటీవల దేవాదాయ శాఖ కమిషనర్ వై.అనూరాధ దేవస్థానానికి వచ్చిన సందర్భంగా లిఫ్టును వినియోగించకపోవటంపై ఆగ్రహం వ్యక్తం చేశారు. భక్తులకు ఈ లిఫ్టును ఉపయోగించాలంటూ ఆదేశాలిచ్చారు. దుర్వినియోగం అవుతోందని భావిస్తే అందులో ఎక్కేవారి ఐడీ కార్డులు అడగాలని సూచించారు. దీన్ని ఆసరాగా చేసుకున్న అధికారులు సాధారణ భక్తులు ఎక్కటానికి వీల్లేకుండా నిబంధనలు విధించటంపై విమర్శలు వ్యక్తమవుతున్నాయి.
  
 వ్యాపారులకు లబ్ధి చేకూర్చేందుకే!
 భక్తులు లిఫ్టు మార్గంలో కొండపైకి వెళితే ఘాట్‌రోడ్డులోని దుకాణాల్లో పూజా సామగ్రి కొనుగోలు చేయకుండా నేరుగా అమ్మవారి దర్శనానికి వెళతారు. అందువల్ల వ్యాపారులు తమకు నష్టాలు వస్తున్నాయని గోల చేయడంతో అధికారులు ఈ నిబంధనలు విధించారని భక్తులు విమర్శిస్తున్నారు.


 లక్నో: అసెంబ్లీలో అత్యంత భద్రత మధ్య ఉన్న ఉత్తరప్రదేశ్ ముఖ్యమంత్రి అఖిలేశ్ యాదవ్, అతని భార్య డింపుల్ యాదవ్ శుక్రవారం లిఫ్టులో ఇరుక్కుపోయారు. విధాన సభ భవనంలో నిర్వహించిన బాల సంసద్(పిల్లల పార్లమెంట్) కార్యక్రమంలో పాల్గొన్న అనంతరం  తిరుగు ప్రయాణంలో ఈ ఘటన చోటు చేసుకుంది. ఊహించని పరిణామంతో పోలీసులు, భద్రతా సిబ్బంది ఆందోళనకు గురయ్యారు.
 గ్రౌండ్ ఫ్లోర్లో ఎదురు చూస్తున్న ఉన్నతాధికారులు.. అఖిలేష్, డింపుల్ ఎంతకీ రాకపోవడంతో కంగారు పడి సెక్యురిటీని అప్రమత్తం చేశారు. చివరికి లిఫ్టు మధ్యలోనే ఆగిపోయిందని తెలుసుకుని హుటాహుటిన మరమ్మతు చర్యలు ప్రారంభించారు. సుమారు 20 నిమిషాల తరువాత వారిద్దరిని అతి కష్టం మీద బయటకు తీసుకొచ్చారు. రాష్ట్ర అసెంబ్లీలో సాక్షాత్తు ముఖ్యమంత్రికే చేదు అనుభవం ఎదురవడం చర్చనీయాంశం అయింది.


 నెల్లూరు : నెల్లూరులోని రెయిన్‌బో ఆసుపత్రిలో ఆదివారం ఉదయం ప్రమాదవశాత్తూ లిఫ్ట్ నుంచి జారిపడి భాగ్యమ్మ(50) అనే మహిళ మృతిచెందింది. మృతదేహాన్ని గుట్టుచప్పుడు కాకుండా తరలించేందుకు ఆసుపత్రి సిబ్బంది ప్రయత్నించడంతో మృతురాలి బంధువులు ఆందోళనకు దిగారు. నష్టపరిహారం చెల్లించి న్యాయం చేయాలని డిమాండ్ చేశారు. మృతరాలి స్వగ్రామం అనంతసాగరం మండలం గోవిందమ్మపల్లి.


 హైదరాబాద్ : కంపెనీలో విధులు నిర్వహిస్తుండగా ప్రమాదవశాత్తు లిఫ్ట్ చైన్ తెగి యువకుడు దుర్మరణం చెందాడు. కూకట్‌పల్లి ఎస్‌ఐ వెంకన్న కథనం ప్రకారం... ఆదిలాబాద్ జిల్లా మంచిర్యాలకు చెందిన సంద్రి రవితేజ (18) మూసాపేట హబీబ్‌నగర్‌లో ఉంటూ ప్రశాంత్‌నగర్‌లోని రికా లైఫ్ స్టైల్ ప్రైవేట్ లిమిటెడ్ కంపెనీలో పని చేస్తున్నాడు. ఈ క్రమంలోనే బుధవారం మధ్యాహ్నం పని నిమిత్తం కంపెనీకి వెళ్లాడు.
 
 ఆఫీసుకు సంబంధించిన సరుకును లిఫ్ట్‌లో నుంచి దించుతుండగా 3వ అంతస్తులో ఉండగానే లిఫ్ట్ చైన్ తెగి లిఫ్ట్‌లో ఇరుక్కుపోయి ఆ యువకుడు అక్కడికక్కడే మృతి చెందాడు. విషయం తెలుసుకున్న కూకట్‌పల్లి పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. కంపెనీ యాజమాన్యంపై కేసు నమోదు చేసి దర్యాప్తు చేస్తున్నారు.


 ఉంగుటూరు (పశ్చిమగోదావరి జిల్లా) :  లిఫ్ట్ ఇస్తామని చెప్పి ఓ వ్యక్తిని కారు ఎక్కించుకొని అతని వద్ద ఉన్న రూ.1.70 లక్షలు, ఒక బంగారు ఉంగరాన్ని దోచుకున్నారు. ఈ సంఘటన పశ్చిమగోదావరి జిల్లా ఉంగటూరు మండలం ఎల్లమిల్లు రేవు వద్ద ఆదివారం చోటుచేసుకుంది. వివరాల ప్రకారం.. కృష్ణా జిల్లా హనుమాన్ జంక్షన్‌కు చెందిన హరినారాయణ అనే వ్యక్తి డబ్బు ఉన్న సూట్కేసుతో రోడ్డుపై నిల్చున్నాడు.
 
 కాగా ఇది గమనించిన కొంతమంది దుండగులు లిఫ్ట్ ఇస్తామని నమ్మబలికి కారు ఎక్కించుకున్నారు. మార్గమధ్యంలో అతని వద్ద నుంచి డబ్బు, బంగారాన్ని దోచుకుని అతన్ని వదిలేసి వెళ్లారు. దీంతో బాధితుడు పోలీసులను ఆశ్రయించాడు. పోలీసులు బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నారు.


 పశ్చిమగోదావరి: పాపం పోనిలే అని లిఫ్ట్ ఇస్తే..నిలువునా దోపిడీ చేశాడు. ఈ సంఘటన చేబ్రోలు దగ్గర ఆదివారం ఉదయం చోటు చేసుకుంది. దంపతులు ప్రయాణిస్తున్న కారును లిఫ్ట్ అడిగి ఓ గుర్తుతెలియని వ్యక్తి ఎక్కాడు. ఆ తర్వాత కొంత దూరం ప్రయాణించిన తర్వాత వారిని బెదిరించి  రూ. 8 లక్షలు దోపిడీ చేశాడు. బాధితుల ఫిర్యాదు మేరకు పోలీసులు కేసు నమోదే చేసి దుండగుడి కోసం గాలింపు చర్యలు మొదలు పెట్టారు. పూర్తి వివరాలు తెలియాల్సి ఉంది.


 గాంధీ ఆస్పత్రి (హైదరాబాద్) : గాంధీ ఆస్పత్రి ప్రధాన భవనంలో రోగుల కోసం వినియోగించే లిఫ్ట్ మంగళవారం మరో మారు మొరాయించింది. ఉన్నట్టుండి మధ్యలో లిఫ్ట్ ఆగిపోవడంతో లిఫ్ట్ లోపల ఉన్న రోగులు కంగారుపడ్డారు. అయితే సిబ్బంది వారిని సురక్షితంగా బయటకు తరలించారు.
 
 ఆస్పత్రిలో మొత్తం 18 లిఫ్ట్‌లు ఏర్పాటు చేయగా, ప్రస్తుతం ఇన్‌పేషెంట్ భవనంలోని నాలుగు లిఫ్ట్‌లు మాత్రమే పనిచేస్తున్నాయి. అవి కూడా తరుచూ మొరాయిస్తుండడంతో రోగులతోపాటు వైద్యులు, సిబ్బంది తీవ్ర ఇబ్బందులకు గురవుతున్నారు. లిఫ్ట్ మరమ్మత్తులకు నిధులు కేటాయించామని, త్వరలోనే పనులు చేపడతామని ఆస్పత్రి సూపరింటెండెంట్ వేంకటేశ్వర్లు తెలిపారు.


 తిరువొత్తియూరు: చెన్నై కొత్వాల్ చావడిలోని ఓ అపార్టుమెంటు లిప్టు అడుగుభాగంలో మహిళ మృతదేహాన్ని సోమవారం పోలీసులు కనుగొన్నారు. చెన్నై కొత్వాల్ చావడి సాధిక్ వీధికి చెందిన సాధిక్ వీధికి చెందిన వ్యక్తి డేవిడ్ సింగ్ (45). ఇతను షావుకారుపేటలో బొమ్మల హోల్‌సేల్ వ్యాపారం చేస్తున్నాడు. ఇతని భార్య రేణుక (40). శనివారం ఆలయానికి వెళ్లి వస్తానని చెప్పి వెళ్ళిన రేణుక తిరిగి ఇంటికి రాలేదు. ఈమె బంధువులు ఈమె కోసం అన్ని చోట్ల గాలించినప్పటికీ రేణుక ఆచూకి తెలియలేదు.
 
  దీనిపై కొత్వాల్ చావడి పోలీసులకు డేవిడ్‌సింగ్ ఫిర్యాదు చేశారు. పోలీసులు కేసు నమోదు చేసుకుని విచారణ చేపట్టారు. ఈ క్రమంలో రేణుక నివాసం వుంటున్న అపార్టుమెంటులో వున్న లిప్టు అడుగు నుంచి దుర్వాసన వెలువడింది. దీనిపై ఫిర్యాదు అందుకున్న పోలీసులు అక్కడికి చేరుకుని విచారణ చేయగా రెండు రోజులుగా లిప్టు పని చేయడం లేదని తెలిసింది.
 దీంతో కార్మికులను పిలిపించి లిప్టు తొలగించి చూడగా లిప్టు కింద శరీరం నలిగిన స్థితిలో రేణుక శవంగా పడి ఉంది. ఇది చూసిన అక్కడి వారు దిగ్భ్రాంతి చెందారు. రేణుక లిఫ్టుకు అడుగు భాగంలోకి ఎందుకు వెళ్లింది,  ఎలా మృతి చెందిందని పోలీసులు విచారణ చేస్తున్నారు.


 హైదరాబాద్: హైదరాబాద్ నగరంలోని కూకట్ పల్లిలోని ఓరియన్ ఫర్నీచర్ షాపులో శుక్రవారం సాయంత్రం భారీ అగ్నిప్రమాదం సంభవించింది. ఈ ఘటనలో లిఫ్టులో ఇరుక్కుపోయి షఫియుద్దీన్ అనే వ్యక్తి మృతి చెందాడు. సమాచారం తెలుసుకున్న ఫైర్ సిబ్బంది మంటలు ఆర్పే ప్రయత్నం చేస్తున్నారు. ఎంత ఆస్తి నష్టం అనే విషయం తెలియరాలేదు. ఈ ఘటనకు సంబంధించి ఇంకా పూర్తి వివరాలు తెలియాల్సి ఉంది.


 సాక్షి, హైదరాబాద్: సచివాలయంలోని 'బి' బ్లాక్‌లో సోమవారం ఉదయం లిఫ్ట్ ఆగిపోవడంతో కాసేపు గందరగోళం చెలరేగింది. ముఖ్యమంత్రికి గృహ నిర్మాణ దరఖాస్తులు ఇచ్చేందుకు నగరంలోని మీర్జాలగూడ నుంచి వచ్చిన 26 మంది మహిళలు లిఫ్ట్ ఎక్కారు. పరిమితికి మించి ఎక్కడంతో మధ్యలో ఆగిపోయింది. దీంతో కంగారుపడ్డ మహిళలు తలుపులు కొడుతూ రక్షించండి అంటూ పెద్దగా అరిచారు. వెంటనే స్పందించిన జీఏడీ అధికారిణి పద్మజ సంబంధిత టెక్నికల్ సిబ్బందిని పిలిపించి లిఫ్ట్ తలుపులు తెరుచుకునేలా చేశారు.


 లిఫ్ట్‌లో ఇరుక్కుపోయి ఊపిరాడక మృతి?
 ముంబై: పొవాయ్‌లోని 22-స్టోరేలో శనివారం సాయంత్రం జరిగిన అగ్ని ప్రమాదంలో ఏడుగురు మృతి చెందగా 18 మంది వరకు గాయపడ్డారు. చాందివలిలోని లేక్ ల్యూసెమ్ బిల్డింగ్‌లోని 14 ఫ్లోర్‌లో సాయంత్రం 5.30 గంటలకు మంటలు చెలరేగాయి. చూస్తుండగానే రెండు ఫ్లోర్లు పైకి ఎగబాకాయి. ‘ఈ ప్రమాదంలో ఓ మహిళ సహా ఏడుగురు మృతిచెందారు. 18 మంది గాయపడ్డారు. సాయంత్రానికి పరిస్థితి అదుపులోకి వచ్చింది.
 
 ప్రమాదంలో గాయపడిన వారందరినీ హీరానందినీ ఆస్పత్రికి తరలించాం. ఇద్దరి పరిస్థితి విషమంగా ఉంది’ అని అసిస్టెంట్ కమిషనర్ ప్రదీప్ సోనావనే తెలిపారు. గ్యాస్ లీక్ అవ్వడం వల్లే ప్రమాదం చోటు చేసుకుందని, లిఫ్ట్‌లో చిక్కుపోయి ఊపిరాడకే ఏడుగురు చనిపోయినట్లు ప్రాథమిక సమాచారం.


 న్యూఢిల్లీ: కేంద్ర హోం మంత్రి రాజ్‌నాథ్ సింగ్ ఓ లిఫ్టులో ఇరుక్కుపోయారు. తర్వాత ఓ స్టూలు ఎక్కి , పైకప్పు గుండా బయటపడ్డారు. రాజ్‌నాథ్ గురువారం ‘శౌర్య దివస్’లో పాల్గొనేందుకు ఢిల్లీలోని సీఆర్‌పీఎఫ్ భవన సముదాయానికి వచ్చారు. గ్రౌండ్‌ఫ్లోర్ నుంచి తొలి అంతస్తులోని ఆడిటోరియానికి లిఫ్టులో వెళ్తూ అందులో చిక్కుకుపోయారు.
 
 తనతోపాటు లిఫ్టులో చిక్కున్న తన ఓఎస్‌డీ బీకే సింగ్, హోం శాఖ సహాయ మంత్రి హరిభాయ్ చౌదురి, సీఆర్‌పీఎఫ్ చీఫ్ ప్రకాశ్ మిశ్రాలను ఖాళీ చేయించడానికి తానే చొరవ తీసుకున్నానని ఆయన తర్వాత జరిగిన కార్యక్రమంలో చెప్పారు. ‘బయటికి రావడానికి స్టూలు ఎక్కాల్సి వచ్చింది. తొలుత సీఆర్‌పీఎఫ్ డీజీ, తర్వాత చౌదరి బయటికి రావాలని, అందరినీ ఖాళీ చేయించాకే నేను రావాలని నిర్ణయించాను. ఇదంతా ఎందుకు చెబుతున్నానంటే.. ప్రతి ఒక్కరూ ఇతరుల క్షేమాన్ని దృష్టిలో ఉంచుకుని పని చేయాలని, మంచి ఆలోచనలతో పని చేయాలని’ అని చెప్పారు.
  


 హైదరాబాద్: తెలంగాణ రాష్ట్ర ఉప ముఖ్యమంత్రి మహమూద్ అలీ, హొం మంత్రి  నాయిని నర్సింహారెడ్డిలకు తృటిలో ప్రమాదం తప్పింది. వీరు ఇద్దరూ ఎల్.బీ. నగర్లోని ఒక ఆస్పత్రి ప్రారంభోత్సవానికి వెళ్లారు. ఆ ఆస్పత్రిలో లిప్ట్ ఒక్కసారిగా ఆగిపోయింది. దాంతో వారు లిప్ట్లోనే ఉండిపోయారు. వెంటనే సిబ్బంది వచ్చి లిప్ట్కు మరమ్మతులు చేయడంతో వారు బయటకు వచ్చారు.
  
 మంత్రి కారు టైరుకు పంక్చర్
 
 ఆస్పత్రి ప్రారంభోత్సవం ముగిసిన తరువాత హొం మంత్రి నాయిని నరసింహా రెడ్డి సబ్ జైలుకు వెళుతుండగా కారు టైర్కు పంక్చర్ అయింది. దాంతో ఆయన కొద్దిసేపు నడిరోడ్డుపై నిలబడవలసి వచ్చింది. రోడ్డు పక్కన ఉన్న షాపులో టైర్కు పంక్చర్ వేయించిన తరువాత ఆయన  వెళ్లిపోయారు.


 లిఫ్ట్ నెపంతో తీసుకెళ్లి అకృత్యం
 
 అత్తాపూర్: మానవ మృగాలు రెచ్చిపోయాయి... లిఫ్ట్ అడిగిన పాపానికి ఓ గృహిణిని నిర్మానుష్య ప్రాంతానికి తీసుకెళ్లి లైంగికదాడికి పాల్పడ్డారు. రాజేంద్రనగర్ పోలీసుస్టేషన్ పరిధిలో జరిగిన ఈ ఘటన ఆలస్యంగా వెలుగులోకి వచ్చింది.  పోలీసుల కథనం ప్రకారం..  ఎల్బీనగర్‌కి చెందిన గృహిణి(26) ఈనెల 28న తన తల్లి అనసూయ,  కూతురు శ్రావణి(8)తో కలిసి అత్తాపూర్ చింతల్‌మెట్‌లోని కల్లు దుకాణానికి వచ్చింది. తల్లిని, కూతురిని ఇంటికి పంపేసి తాను మాత్రం అక్కడే ఉంది.  సాయంత్రం కల్లు దుకాణం నుంచి బయటకు వచ్చిన ఆమె ఇంటికి వెళ్లేందుకు రోడ్డు పక్కన నిలబడింది.
 
 అదే సమయంలో అటుగా బైక్‌వెళ్తున్న ఫర్వీద్ (26)ను లిఫ్ట్ అడిగింది. అతను ఆమెను బైక్‌పై ఎక్కించుకొని మిరాలం చెరువు వైపు తీసుకెళ్లాడు. తన స్నేహితులు వాజిద్(45), ఫసి(28)లకు ఫోన్ చేసి చెరువు వద్దకు రమ్మన్నాడు. ముగ్గురూ కలిసి నిర్మానుష్య ప్రాంతంలో ఆమెపై లైంగికదాడికి పాల్పడి పారిపోయారు. కాగా, బాధితురాలు సోమవారం రాజేంద్రనగర్ ఇన్‌స్పెక్టర్ వెంకట్‌రెడ్డిని కలిసి దుండగులు తనపై అఘాయిత్యానికి పాల్పడ్డారని ఫిర్యాదు చేసింది. కేసు నమోదు చేసిన పోలీసులు ముగ్గురినీ అదుపులోకి తీసుకొని విచారిస్తున్నారు.
  
  


 ఎక్కడికైనా వేగంగా వెళ్లాలనుకున్నప్పుడు అడక్కఅడక్క నత్తను ఎవరైనా లిఫ్ట్ అడుగుతారా? ఈ కప్ప అడిగింది. అనుభవమైతే కానీ అసలు విషయం అర్థం కాదుగా.. ఓ 5 నిమిషాలు నత్తపై అలాగే ఉంది. అసలే నత్తనడక. అందుకే అంత సమయంలోనూ అది కేవలం 30 సెంటీమీటర్లు మాత్రమే నడిచిందట. దీంతో దీనివల్ల కాదనుకుని.. కప్ప నత్తపై నుంచి దిగి తన కాళ్లకు పనిచెప్పిందట. ఇండోనేసియాలోని సాంబాస్‌లో చోటుచేసుకున్న ఈ సన్నివేశాన్ని ఫొటోగ్రాఫర్ హెండీ క్లిక్‌మనిపించారు.
  


 నవ్వింత
 ఈమధ్య మా రాంబాబు గాడిలో స్థితప్రజ్ఞత మరీ ఎక్కువైపోయింది. ఏం చెప్పినా అందులోంచి తాత్వికతను తవ్వి తీస్తున్నాడు.
  మొన్న నేనూ వాడూ ఆఫీసులోకి ప్రవేశించాక ఒక్కటంటే ఒక్క అడుగు దూరంలో లిఫ్ట్ మిస్సయ్యింది. సినిమాకు వెళ్లాక మన ముందు వాడికి టికెట్టు దక్కి, మనకు చిక్కనప్పటి బాధ ఆవరించి... నిరాశతో ‘అబ్బా’ అన్నాను. ‘‘హు... జీవితంలోనే లిఫ్ట్ దొరకలేదు. ఆఫ్టరాల్ ఈ లిఫ్ట్ మిస్సయితే బాధేముందిలేరా’’ అన్నాడు వాడు. ‘‘ఇందాకే కదరా, బస్సు మిస్సయితే ఎవరో బైకువాడు లిఫ్ట్ ఇచ్చాడు అన్నావ్’’ అని అడిగా.
  ‘‘కానీ బస్సులో నా స్వీట్‌హార్ట్ వెళ్తోంది కదా. బైకు లిఫ్టు దొరికిందని ఆనందించనా, బస్సు మిస్సయిందని విచారించనా?’’
     
 ఊరెళ్దామని ఓరోజు రాత్రి ఎనిమిదింటికి వెళ్లాల్సిన రైలును పట్టుకోడానికి బయల్దేరాం మేం. కానీ నిమిషమున్నర వ్యవధిలో రైలు కాస్తా పాముల వాడి చేతుల్లోంచి పారిపోయే పాములా జారిపోయింది. పారిపోవడంతో సరిపెట్టిందా... చివరి బోగీ వెనక నల్లటి బ్యాక్‌గ్రౌండ్ మీద ‘ఎక్స్’ అనే అక్షరంతో వెక్కిరించింది. ‘ఆన్సర్‌షీటు మీద నీ జవాబు తప్పురా అనే మార్కే సదరు ఎక్స్’ - అంటాడు వాడు. ఎందుకైనా మంచిదని వాణ్ణి ఊరడిద్దామని ‘‘పోతే పోనీలేరా... ఇంకో రైల్లో వెళదాం లే’’ అన్నాను. ‘‘తప్పిపోయిన రైలుకు రిజర్వేషనైన టికెటుంటుంది. అయినా మిస్సవ్వక తప్పదు. ఇప్పుడెక్కాల్సిన రైలుకు రిజర్వేషనుండదు. అయినా ఎక్కక తప్పదు.
 
 అదేరా జీవితం’’  అన్నాడు వాడు. నిజమేననిపించింది. ‘‘నా బాధల్లా రైలు మిస్సయినందుకు కాదురా. మన చేతిలో టికెటు ఉన్నా, అధికారికంగా రిజర్వేషన్ చేయించుకుని సుఖంగా వెళ్లాల్సిన బెర్త్ అక్కడే ఉన్నా... దాని మీద ఎవడో తాను ఊహించని విధంగా, హాయిగా ప్రయాణిస్తుంటాడు. అధికారికంగా మనకు దఖలు పడాల్సిన సుఖాన్ని ఇంకెవడో అయాచితంగా అనుభవిస్తాడు. ఇదే జీవితం’’ అన్నాడు వాడు. అక్కసు లేదా అసూయ అనండి, మానవసహజమైన వాడి వైఖరికీ, ప్రవర్తనకూ సాటి మనిషిగా పూర్తిగా మద్దతుపలికాన్నేను.
     
 ఈమధ్యే రాంబాబు గాడికి మొదటిసారి హార్ట్‌ఎటాక్ వచ్చింది. హాస్పిటల్‌లో ఉన్నప్పుడు పరామర్శకు వెళ్లడం కుదరలేదు. వాడు కాస్త కోలుకున్నాక క్రమం తప్పక మార్నింగ్ వాక్ చేస్తున్నప్పుడు వాడితో జాయిన్ కావడం మొదలు పెట్టాను. ఈ క్రమంలో అప్పుట్లో మిస్ అయిన పరామర్శనూ, ఓదార్పునూ, ధైర్యాన్నీ ఒకే డోసులో ఇద్దామని-
  ‘‘పోన్లేరా... మైల్డ్ స్ట్రోకే కదా. మొదటి స్ట్రోకు వచ్చాక అన్ని జాగ్రత్తలూ తీసుకుంటే దాదాపు నలభై ఏళ్లు బతికారు ఏఎన్నార్. మామూలువాళ్ల కంటే ఇలా స్ట్రోక్ వచ్చాక జీవితాన్ని క్రమబద్ధం చేసుకున్నవాళ్లే సుదీర్ఘకాలం జీవించార్రా’’ అంటూ మంచి ఆరోగ్యకరమైన జీవితం కావాలంటే మామూలు వాళ్లైనా సరే అర్జెంటుగా గుండెపోటు తెచ్చుకోవడం చాలా అవసరం, అదెంతో మంచిది అన్నంత ఇన్‌స్పైరింగ్‌గా ఓ లెక్చర్ ఇచ్చా.
  రోడ్డు మీద మేము వాకింగ్ చేస్తున్న సమయంలోనే ఓ ఆయిల్ ట్యాంకర్ వెళ్తూ కనిపించింది. దాన్ని చూడగానే మళ్లీ మా రాంబాబుగాడిలో తాత్వికత నిద్రలేచింది.
  
 ‘‘హు... ఈ గుండే... దానితో నడిచే ఈ జీవితమూ ఆయిల్ ట్యాంకర్ వంటివేరా’’ అన్నాడు వాడు. నేను బిత్తరపోతూ అదేంట్రా అన్నాను.
  ‘‘చూశావా విచిత్రం... ఆయిల్ ట్యాంకర్ నిండా అనేక గ్యాలన్ల ఇంధనం ఉంటుంది. కానీ ఆ వాహనానికి గుండె కాయలాంటి చిన్న ట్యాంకర్‌లో ఉండే పెట్రోలు నిండుకుంటే అంతటి ఆయిల్ ట్యాంకరూ ఆగిపోతుంది. అలాగని నేరుగా ట్యాంకరులోని ఇంధనాన్ని వాహనానికి ఉన్న ట్యాంకులో పోసుకోడానికి వీలు కాదు. మన గుండె కూడా అంతేగదరా. దాని నాలుగ్గోడల నిండా ఎప్పుడూ రక్తం ఉండనే ఉంటుంది. అలాంటి గుండె కూడా మెదడుకు తన ఆధార్ కార్డూ, తన రేషన్ కార్డూ గట్రా చూపించి తన కోటా రక్తాన్ని మాత్రమే తాను వాడుకోవాలి. అన్ని అవయవాలకూ రక్తం సరఫరా చేసే దానికే రక్తం అందకపోతే, ఎంతటి  మనిషైనా అంతటితో పోవాల్సిందే కదా. ఇది కూడా టికెట్టుండీ రెలైక్కలేకపోవడం, మన స్వీట్ హార్ట్ బస్సులో ఉండీ, బస్సెక్కలేకపోవడం లాంటిదే కదరా. జ్ఞానాన్ని నేర్చుకోవాలనే గుణం ఉండాలిగానీ... గుండెపోటూ గురువవుతుంది, ఆయిల్ ట్యాంకరూ అవధూత అవుతుంది. మిస్సయిన బస్సూ మహాతత్వ సారాన్ని బోధిస్తుంది’’ అంటూ పెద్ద పెద్ద మహాయోగులూ, యోగగురువులూ ఇచ్చేలాంటి స్పీచ్ ఇచ్చాడు వాడు.
  - యాసీన్


 - సామర్లకోట రైల్వేస్టేషన్‌లో మొరాయించిన లిఫ్టు
 - 15 నిమిషాల పాటు ప్రయాణికుల అవస్థలు
 సామర్లకోట : అది సామర్లకోట రైల్వే స్టేషన్.. విశాఖ- నిజాముద్దీన్ లింక్ ఎక్స్‌ప్రెస్ అప్పుడే మూడోప్లాట్‌ఫాంపైకి వచ్చింది. ఆ రైలు నుంచి దిగిన ప్రయాణికులు మొదటి ప్లాట్‌ఫాంపైకి చేరుకునేందుకు అక్కడ ఉన్న లిఫ్టు ఎక్కారు. అయితే అది కాస్తా మధ్యలో నిలిచిపోయింది. దీంతో వారు నరకయాతన అనుభవించారు. సాయంత్రం 5.35కు లిఫ్టులోకి చేరిన వారు 5.50కి తెరుచుకోవడంతో ఊపిరి పీల్చుకున్నారు.
 
 లిఫ్టు నిలిచిపోవడంతో ప్రాణాలు పోయినంత పని అయ్యిందని ఎన్ అప్పారావు, సత్యవతి, హర్షితలు ‘సాక్షి’కి చెప్పారు. గతంలో రెండు సార్లు ఒకటో నంబర్ ప్లాట్‌ఫాంపై ఉన్న లిఫ్టు ఇలానే మొరాయించడంతో ఉన్నతాధి కారులు సుమారు నెల రోజుల పాటు లిఫ్టును నిలిపి మరమ్మతులు చేయించారు.


 ఆదిలాబాద్ రిమ్స్ : రిమ్స్ అధికారుల నిర్లక్ష్యం మరోసారి భయటపడింది. రిమ్స్ ఆస్పత్రిలో ఉన్న లిఫ్ట్ శనివారం రాత్రి సమయంలో ఒక్కసారిగా ఆగిపోయింది. దీంతో అందులో ఉన్న బాధితుడు సుమారు రెండు గంటల పాటు నరకం అనుభవించాడు. వివరాల్లోకి వెళ్తే... ఇచ్చోడకు చెందిన కరుణాకర్  అనారోగ్యంతో  బాధపడుతున్న తన భార్య విజయమాలను తీసుకొని శనివారం ఉదయం రిమ్స్‌కు తీసుకొచ్చాడు. సాయంత్రం 6 గంటల సమయంలో రెండో అంతస్థుకు వెళ్లేందుకు లిఫ్ట్ ఎక్కాడు. ఒక్కసారిగా లిఫ్ట్ మధ్యలో ఆగిపోయింది. ఏమైందో తెలి యని అయోమయంలో బాధితుడు అలాగే ఉండిపోయాడు. సుమారు రెండు గంటల పాటు అందులోనే గడిపాడు. రిమ్స్‌లోనే ఉన్న బంధువు లు ఫోన్ చేయడంతో అసలు విషయం తెలిసింది.
 
 తాను లిఫ్ట్‌లో ఉండిపోయానని చెప్పడంతో స్థానికుల సహాయంతో మెకానిక్‌లను పిలిపించి లిఫ్ట్ ఓపెన్ చేయించారు. ఈ విషయం తెలుసుకున్న కరుణాకర్ భార్య విజయమాల లిఫ్ట్ దగ్గరకు వచ్చి గంటపాటు వేచిచూడడంతో భయాందోళనకు గురై సృహ కోల్పోయి పడిపోయింది. దీంతో ఆమెను ఎమ్మర్జెన్సీ వార్డుకు తరలించగా వైద్యులు పరీక్షలు చేసి మమూలు స్థితి కి తీసుకొచ్చారు. కాగా కనీసం రిమ్స్‌లో ఉన్న నాలుగు లిఫ్ట్‌లో రెండే పనిచేస్తున్నాయని, అందులో కూడా సిబ్బందిని ఉంచకపోవడంతో రిమ్స్‌కు వచ్చే వారికి ఇబ్బందులు తప్పడం లేదు.
 
 కేవలం ఉదయం మా త్రమే ఒక సిబ్బంది లిఫ్ట్ పనిచేస్తుండగా.. మధ్యాహ్నం నుంచి ఎవ్వరు ఉండడం లేదని, రాత్రి సమయంలో తీవ్ర ఇబ్బందులు పడాల్సి వస్తోందని స్థానికులు పేర్కొంటున్నారు. 24 గంటల పాటు లిఫ్ట్‌లో సిబ్బందిని అందుబాటులో ఉంచాలని పలువురు కోరుతున్నారు.


 భారీషాప్టు.. ఇనుప తీగలు.. పైకి, కిందికి నిట్టనిలువునా కదలికలు. మనం ఇప్పుడు చూస్తున్న లిఫ్టు(ఎలివేటర్) 160 ఏళ్లుగా ఇలాగే ఉంది. ఆకారంలో కొద్దిగా మార్పు వచ్చినా, అద్దాల గదితో భవనానికి వెలుపల కట్టినా దాదాపుగా అన్నిలిఫ్టుల టెక్నాలజీ మాత్రం ఇదే. అయితే, త్వరలోనే ఇక సరి కొత్త ‘అయస్కాంత’ లిఫ్టులు రాబోతున్నాయి. వీటికి తీగలుండవు. దేనికీ అతుక్కుని ఉండవు. గోడకు కొద్ది దూరంలో గాల్లో తేలుతూనే నడుస్తాయి. పైకి, కిందికే కాకుండా పక్కలకు కూడా కదులుతాయి.
 
 కుదుపులు అసలే ఉండవు. ఒకే షాఫ్టుపై వరుసగా నాలుగైదు లిఫ్టులూ కదులుతాయి. సెకనుకు ఐదారు మీటర్లు దూసుకెళతాయి కాబట్టి లిఫ్టుల కోసం క్యూలు కట్టాల్సిన పని కూడా ఉండదు. నిమిషానికో లిఫ్టు మన ముందొచ్చి ఆగుతుంది. ‘మల్టి’ అనే ఈ వినూత్నలిఫ్టును జర్మనీకి చెందిన‘థెసైన్‌క్రప్’ గ్రూపు కంపెనీ రూపొంది స్తోం ది. జర్మనీలోని రోట్‌వీల్‌లో ప్రత్యేకంగా నిర్మిస్తున్న భవనంపై 2016లో ఈ లిఫ్టును పరీక్షించనున్నారు. సుమారుగా 300 మీటర్లు ఎత్తు ఉండే భవనాలకు ఇలాంటి లిఫ్టులు బాగుంటాయని, చిన్న భవనాలకు సరిపోయే డిజైన్లనూ రూపొందిస్తామని కంపెనీవారు చెబుతున్నారు.  
  
 ఇంతకూ ఎలా పనిచేస్తుందంటే...: ‘మాగ్నటిక్ లెవిటేషన్(మాగ్లేవ్)’ టెక్నాలజీ ఆధారంగా ఈ లిఫ్టు పనిచేస్తుంది. భవనం గోడపై లిఫ్టు మార్గంలో పెద్ద షాఫ్టు ఉంటుంది. దానిపై శక్తిమంతమైన అయస్కాంతాలు ఉంటాయి. అదేవిధంగా లిఫ్టుగదిపై బయటివైపూశక్తిమంతమైన అయస్కాంతాలు ఉంటాయి. ఈ రెండూ ఏర్పర్చే అయస్కాంత క్షేత్రం వల్ల లిఫ్టుపై గురుత్వాకర్షణ ప్రభావం తగ్గిపోయి అది గోడపై కొద్దిఎత్తులో గాలిలో కిందపడకుండానే నిలబడుతుం ది. లిఫ్టుమార్గంలోని షాఫ్టు చుట్టూ మ్యాగ్నటైజ్డ్ కాయిల్, దాని నుంచి లిఫ్టు క్యాబిన్‌లకు విద్యుత్ అందే ప్రత్యేక మల్టీలెవల్ బ్రేక్ సిస్టమ్ ఉంటాయి. గాలి లో ఉండడం వల్ల లిఫ్టుకు ఘర్షణ ఉండదు కాబట్టి.. కొద్దిపాటి శక్తితోనే వేగం గా, సులభంగా కదులుతుంది. ప్రస్తుతం జపాన్‌లో ఈ టెక్నాలజీతో రైళ్లు నడుపుతున్నారు. చైనాలో మాగ్లేవ్ రైలు గతేడాది పరుగులు పెట్టింది.
  


 సామర్లకోట : లిఫ్ట్‌లో ఉండగా విద్యుత్ సరఫరా నిలిచిపోవడంతో 12 మంది ప్రయాణికులు సామర్లకోట రైల్వే స్టేషన్‌లో సుమారు రెండు గంటల పాటు నానా అవస్థలూ పడ్డారు. వీరిలో నలుగురు చిన్నారులు కూడా ఉన్నారు. వివరాలిలా ఉన్నాయి. విశాఖ-సికింద్రాబాద్ జన్మభూమి ఎక్స్‌ప్రెస్ రైలు మంగళవారం ఉదయం 8.30 గంటల సమయంలో సామర్లకోట చేరింది. అందులోనుంచి కాకినాడకు చెందిన 12 మంది ప్రయాణికులు దిగారు. ఒకటో నంబర్ ప్లాట్‌ఫారానికి వెళ్లేందుకు.. వారు మూడో నంబర్ ప్లాట్‌ఫారంపై ఉన్న లిఫ్ట్ ద్వారా ఓవర్‌బ్రిడ్జి పైకి చేరారు. అక్కడ నుంచి కిందకు దిగేందుకు ఒకటో నంబర్ ప్లాట్‌ఫారంపై ఉన్న లిఫ్ట్ ఎక్కారు. అది కిందకు దిగుతుండగా అకస్మాత్తుగా విద్యుత్ సరఫరా నిలిచిపోయి, మధ్యలోనే లిఫ్ట్ ఆగిపోయింది.
  
  దీంతో అందులో ఉన్నవారు హడలెత్తారు. విషయం తెలుసుకున్న రైల్వే అధికారులు అరగంట తరువాత అక్కడకు చేరుకున్నారు. సుమారు 30 నిమిషాలపాటు ప్రయత్నించి గేట్లు తెరచి, లిఫ్ట్ పైభాగంలో ఓపెన్ చేశారు. దీంతో లోపలికి గాలి, వెలుతురు ప్రసరించడంతో ప్రయాణికులు ఉపిరి పీల్చుకున్నారు. 10.40 గంటల సమయానికి వారిని లిఫ్ట్ పైభాగం నుంచి సిబ్బంది బయటకు తీశారు. తాగునీరు, ఆహారం అందజేశారు. లిఫ్ట్ నుంచి బయటకు వచ్చిన ప్రయాణికులకు రైల్వే డాక్టర్ వైద్య పరీక్షలు నిర్వహించారు. స్టేషన్ మేనేజర్ సీహెచ్ సుబ్రహ్మణ్యం, ఆర్పీఎఫ్ ఎస్సై రవిశంకర్‌సింగ్‌లు ప్రయాణికుల క్షేమ సమాచారం అడిగి తెలుసుకున్నారు.
  
  ఇది నిర్లక్ష్యమే..
  సామర్లకోట స్టేషన్‌లో నెల రోజుల క్రితం కూడా ఇదేవిధంగా లిఫ్ట్ నిలిచిపోయింది. మళ్లీ అటువంటి సంఘటనే చోటుచేసుకుందని, రైల్వే అధికారుల నిర్లక్ష్యమే దీనికి కారణమని ఈ సందర్భంగా ప్రయాణికులు ఆరోపించారు. నిలిచిపోయిన లిఫ్ట్‌లో గుండె జబ్బు ఉన్నవారుంటే పరిస్థితి ఏమిటని కాకినాడకు చెందిన జ్యోతి, హరిక, నిర్మల, శ్రీదేవి,  మోహినీ, చరణ్‌తేజ్, అభిషేక్, ఎస్.శ్రీనివాసులు ప్రశ్నించారు. చిన్న పిల్లలతో లిఫ్ట్ ఎక్కామని, రెండు గంటల పాటు నరకయాతన అనుభవించామని చెప్పారు. అద్దాలతో లిఫ్ట్ ఏర్పాటు చేస్తే ఇటువంటి సంఘటనలు జరిగినప్పుడు వెంటనే గమనించి, తక్షణ చర్యలు తీసుకునే వీలుంటుంది. దీనిపై అధికారులు దృష్టి సారించాలని ప్రయాణికులు కోరుతున్నారు.
  
  ప్రైవేటు ఆస్పత్రిలో జారిపడిన లిఫ్ట్
  కాకినాడ క్రైం : కాకినాడ టూటౌన్ నూకాలమ్మ గుడి సమీపంలోని ఓ ప్రైవేటు ఆస్పత్రిలో లిఫ్ట్ మూడో అంతస్తు నుంచి అకస్మాత్తుగా జారిపడింది. అందులో ఉన్నవారు స్వల్పగాయాలతో బయటపడ్డారు. ఐదో అంతస్తులో ఉన్న ఆస్పత్రి యజమాని ఇంట్లో పూజా కార్యక్రమానికి ఆస్పత్రి సిబ్బంది మంగళవారం రాత్రి వెళ్లారు. అనంతరం కిందకు దిగేందుకు ఐదుగురు లిఫ్ట్ ఎక్కారు. మూడో ఫ్లోర్‌లో మరో పదిమంది కూడా ఎక్కారు. వాస్తవానికి అందులో ఆరుగురు మాత్రమే ఎక్కే వీలుంది. అయితే రోగులను స్ట్రెచర్‌తో తీసుకెళ్లేందుకు వీలుగా లోపల విశాలంగా ఉండడంతో సామర్థ్యానికి మించి జనం ఎక్కారు. అంత బరువు తట్టుకోలేక లిఫ్ట్ రోప్ ఒక్కసారిగా తెగిపోయింది. దీంతో అది మూడో అంతస్తు నుంచి అమాంతం కిందకు జారి పడింది. ఈ ప్రమాదంలో ఒక మహిళ తీవ్రంగా, మరికొంతమంది స్వల్పంగా గాయపడ్డారు. టూ టౌన్ పోలీసులు సంఘటనా స్థలాన్ని పరిశీలించారు. ఫిర్యాదు లేకపోవడంతో దీనిపై కేసు నమోదు చేయలేదని తెలిపారు.
  


 హైదరాబాద్: తెలంగాణ ఐటీ శాఖామంత్రి కేటీఆర్, పెద్దపల్లి ఎంపీ బాల్క సుమన్ లు ఓ లిఫ్ట్ లో ఇరుక్కుపోయారు. బేగంపేటలోని వరుణ్ మోటార్స్ లో జరిగిన కార్యక్రమంలో పాల్గొన్న కేటీఆర్ లిఫ్ట్ లో కిందికి దిగుతుండగా మూడవ ఫ్లోర్ లోని లిఫ్ట్ స్తంభించింది. దాంతో వరుణ్ మోటార్స్ సిబ్బంది, కేటీఆర్ అంగరక్షకులు ఆందోళనకు లోనయ్యారు. 
  
 సుమారు 5 నిమిషాలపాటు కేటీఆర్, బాల్క సుమన్ తోపాటు మరికొంతమంది లిఫ్ట్ లో చిక్కుకుపోయారు.  సిబ్బంది లిఫ్ట్ బాగు చేసి మూడవ ఫ్లోర్ లోకి పంపించారు. ఆతర్వాత మూడవ ఫ్లోర్ నుంచి ఆయన అంగరక్షకులు క్షేమంగా కిందకి తీసుకురావడంతో వరుణ్ మోటార్స్ నిర్వాహకులు, ఇతర సిబ్బంది ఊపిరి పీల్చుకున్నారు. వరుణ్ మోటార్స్ కంపెనీలో ఓ కొత్త కారును కేటీఆర్ ఆవిష్కరించినట్టు సమాచారం.


 బంజారాహిల్స్: జీన్స్‌ప్యాంటు.. టీషర్ట్.. ఖరీదైన చెప్పులు.. హై టెక్ స్టైల్..జూబ్లీహిల్స్ రోడ్ నంబర్-45లో శుక్రవారం రాత్రి 11 గంటల సమయంలో ఓ యువతి సన్నగా నవ్వుతూ లిఫ్ట్ అడిగింది. మాదాపూర్ నుంచి బెంట్లీ కారు లో వస్తున్న యువకుడు కారు ఆపి లిఫ్ట్ ఇచ్చా డు. కానీ కారు ఎక్కింది అందమైన యువతి కాదని హిజ్రా అని తేలింది.
 
 వివరాలు.. ముం బయికి చెందిన సీమ అందమైన లేడీ గెటప్‌లో జూబ్లీహిల్స్ ప్రాంతంలో రాత్రి సమయాల్లో తిరుగుతూ ఖరీదైన కార్లలో వచ్చే వారిని లిఫ్ట్ అడిగి అందిన కాడికి దోచుకుంటుంది. శుక్రవారం రాత్రి మాదాపూర్ వైపు నుంచి వస్తున్న యువకుడ్ని లిఫ్ట్ అడగడంతో కారులో ఎక్కించుకున్నాడు.
 
 మాటల్లోపెట్టి ఆ యువకుడి బంగారు గొలుసును, జేబులోని పర్సు ను తన బ్యాగ్‌లో వేసుకుంది. కొద్ది దూరం వెళ్లగానే డ్రంక్ అండ్ డ్రైవ్ జరుగుతున్న ప్రాం తంలో పోలీసులను చూసి సీమ కారు దూకి పారిపోయేందుకు యత్నించింది. అప్పటికే మెడలో గొలుసు లేదని చూసుకున్న ఆ యువకుడు దొంగ దొంగ అంటూ అరిచాడు.
  
 పోలీసులు అప్రమత్తమై పారిపోతున్న యువతిని వెంబడించారు.  నేరుగా వెళ్లి జూబ్లీహిల్స్ గుట్టలో దాక్కుంది. టార్చ్‌లైట్లతో పోలీసులు గంట పాటు గాలించగా రాళ్లల్లో ఓ మూలన నక్కి కూర్చొంది. ఆమెను ఎవరంటూ ప్రశ్నించగా ముసుగు తొలగించి పేరుచెప్పగానే అంతా అవాక్కయ్యారు. ఆమె కాదని హిజ్రా అని తెలుసుకొని నోళ్లు వెల్లబెట్టారు. వెంటనే జూబ్లీహిల్స్ పోలీసులకు అప్పగించగా కేసు నమోదు చేసుకొని దర్యాప్తు చేస్తున్నారు.
  


 కాకినాడ ఆస్పత్రిలో దుర్ఘటన
 కాకినాడ: తన చదువు కన్నవారికి భారం కాకూడదని భావించి డబ్బు సంపాదించాలని పనికి వెళ్లిన బాలుడు కాన రాని లోకాలకు వెళ్లాడు. పుస్తకాలు కొనుక్కోవడానికి పనిలో చేరిన అతడిని లిఫ్ట్ రూపంలో మృత్యువు కబళించింది. ఈ సంఘటన కాకినాడలో గురువారం జరిగింది. స్థానిక జగన్నాథపురం రామారావుపేటకు చెందిన మోసా రాంబాబు లారీ క్లీనర్‌గా పనిచేస్తూ కుటుంబాన్ని పోషిస్తున్నాడు. అతడి పెద్ద కుమారుడు అశోక్ మెకానిక్‌గా పనిచేస్తుండగా, చిన్న కుమారుడు రమేష్ (14) ఎంఎస్‌ఎన్ చార్టీస్ హైస్కూల్‌లో తొమ్మిదో తరగతి చదువుతున్నాడు.
 
 పుస్తకాలు కొనుక్కునేందుకు అవసరమైన డబ్బు తానే సంపాదించాలనుకున్నాడు. స్థానికంగా ఉన్న ఓ ప్రైవేటు ఆస్పత్రిలో క్యాంటీన్ కాంట్రాక్టర్ దగ్గర 15 రోజుల కిందట పనిలో కుదిరాడు. గురువారం మధ్యాహ్నం 3.30 గంటల సమయంలో రమేష్ నాలుగో అంతస్తులో ప్రమాదవశాత్తు  లిఫ్ట్‌కు, లిఫ్ట్ గోడకు మధ్య ఇరుక్కుపోయాడు. రక్తపు చుక్కలు నేలపై పడడం గమనించిన ఆస్పత్రి సిబ్బంది పరిశీలించగా, లిఫ్ట్‌కు, గోడకు మధ్య ఇరుక్కున్న రమేష్ అప్పటికే ప్రాణాలు వదిలాడు. లిఫ్ట్ మెకానిక్‌లు రమేష్ మృతదేహాన్ని బయుటకు తీశారు. ఆస్పత్రి యూజవూన్యం వల్లే  రమేష్ మృతి చెందాడని బంధువులు ఆందోళనకు దిగారు. అతడి కుటుంబాన్ని ఆదుకుంటావుని ఆస్పత్రి యూజవూన్యం హామీ ఇవ్వడంతో శాంతించారు.


 హైదరాబాద్: తమ అభిమాన మంత్రులు బాధ్యతలు స్వీకరిస్తుంటే అభినందించడానికి సచివాలయానికి వచ్చిన వారిని అనుకోని ఒక సంఘటన కంగారు పెట్టించింది. సచివాలయంలోని జే బ్లాక్‌లో ఉదయం ఆంధ్రప్రదేశ్ మంత్రులు మాణిక్యాలరావు, పీతల సుజాత బాధ్యతలు స్వీకరించారు. ఆ సందర్భంగా వారి అభిమానులు పెద్దసంఖ్యలో అక్కడికి చేరుకున్నారు. అక్కడ ఉన్న మూడు లిఫ్టుల్లో 2 మంత్రులకు, వీఐపీలకు, ఒకటి సందర్శకులకు కేటాయించారు. మంత్రుల కార్యక్రమం పూర్తయిన తర్వాత ఎనిమిదో అంతస్తు నుంచి కిందికి రావడానికి దాదాపు 15 మంది సందర్శకుల లిఫ్ట్ ఎక్కారు.
 
 రెండు ఫ్లోర్లు దిగిన తర్వాత 6, 5 అంతస్తుల మధ్య లిఫ్ట్ ఆగిపోయింది. లిఫ్ట్‌లో ఉన్న వాళ్లు తమకు తెలిసిన వాళ్లకు ఫోన్లు చేసినా తక్షణం ఎవరూ స్పందించలేదు. దీంతో మొరాయించిన లిఫ్ట్‌లో అరగంటకు పైగా ఊపిరాడని పరిస్థితిలో వారంతా బిక్కుబిక్కుమంటూ గడిపారు.ఎలాగో అలా లోపలి వైపు తలుపు బలవంతంగా తెరవగలిగినా, బయటవైపు తలుపులు తెరుచుకోలేదు. ఇంతలో లిఫ్ట్‌లో ఉన్న ఒకరు సహచరుడికి విషయం చెప్పడంతో ఆయన పోలీసులకు సమాచారం అందించారు. అక్కడికి చేరుకున్న పోలీసులు మెకానిక్‌ను రప్పించి తలుపులు తెరిపించారు. దీంతో లోపలివాళ్లంతా బతుకుజీవుడా అంటూ బయటపడ్డారు.


 హైదరాబాద్ : నిజామాబాద్ టీఆర్ఎస్ ఎంపీ కవిత నివాసంలో ప్రమాదవశాత్తూ లిప్ట్ కూలి మాజీ ఎమ్మెల్యే రత్నం స్వల్పంగా గాయపడ్డారు. దాంతో ఆయన్ని ఆస్పత్రికి తరలించారు. రత్నంతో పాటు పలువురు గాయపడినట్లు తెలుస్తోంది. వీరంతా లిప్ట్ లో ఉండగా ఒక్కసారిగా లిప్ట్ కూలినట్లు సమచారం. ఇందుకు సంబంధించి పూర్తి వివరాలు తెలియాల్సి ఉంది.
 
 
  


     *యువతిలా లిప్ట్ అడిగి..
      *సాఫ్ట్‌వేర్ ఇంజనీర్‌పై అభాండాలు
      *స్థానికులు అప్రమత్తమయ్యేలోపు పరుగులు
      *బంజారాహిల్స్‌లో ఓ హిజ్రా వెరైటీ తెగింపు
  
  బంజారాహిల్స్ : సాధారణంగా హిజ్రాలు.. సార్/ మేడం టెన్ రూపీస్ ఉంటే ఇవ్వండి..అమ్మా దానం చేయండని అడుక్కుంటుంటారు. దుకాణాల వద్ద, కాలేజీల వద్ద, రైళ్లు, బస్టాండ్లలో జబర్దస్తీ చేసి వసూలు చేస్తారు. ఈసమయంలో పలుమార్లు ఘర్షణలు కూడా జరుగుతుంటాయి.  అయితే బంజారాహిల్స్‌లో ఓ హిజ్రా ఖతర్నాక్ ప్లాన్ వేసింది. లిప్ట్ అడిగి బండెక్కి ఓ సాఫ్ట్‌వేర్ ఇంజనీర్‌ను ముప్పుతిప్పలు పెట్టాలనుకొని చివరకు అడ్డంగా దొరికిపోయింది.
 
 ఈ వెరైటీ ఘటనకు సంబంధించి వివరాలిలా ఉన్నాయి..సాప్ట్వేర్ ఇంజనీర్ శ్రీనివాస్ మంగళవారం ఉదయం బైక్‌పై హైటెక్‌సిటీకి వెళ్తున్నాడు. బంజారాహిల్స్ రోడ్‌నెం.12 కమాన్ వద్దకు రాగానే స్కార్ఫ్ ధరించిన ఓ యువతి లిప్ట్ అడగ్గా..ఆపడంతో వెనుక కూర్చుంది. బంజారాహిల్స్ ట్రాఫిక్ పోలీసుస్టేషన్ వద్దకు రాగానే ఆమె బైక్‌ను ఆపమనడంతో శ్రీనివాస్ వెంటనే బైక్ నిలిపేశాడు. అంతే క్షణాల్లో బైక్ తాళం చెవులు తీసుకొని ‘తనను ఈ యువకుడు మోసం చేశాడు. లైంగిక వాంఛ తీర్చుకొని డబ్బులివ్వకుండా వెళ్తున్నాడని’ అరుపులు పెట్టింది.
 
 షాక్ తిన్న శ్రీనివాస్..‘ఇదంతా అబద్దం. బైక్‌కు అడ్డొచ్చి లిప్ట్ అడగడంతో ఎక్కించుకున్నా. ఈమెకు నాకు ఎలాంటి సంబంధం లేదని’ చెప్పాడు. శ్రీనివాస్ అమాయకత్వాన్ని గమనించిన స్థానికులు సదరు యువతి మోసానికి పాల్పడి అందినకాడికి లాక్కునేందుకు యత్నిస్తుందని గుర్తించారు. పోలీసులకు సమాచారమిస్తే తన గుట్టురట్టవుతుందని భావించిన సదరు యువతి తప్పించుకునే యత్నం చేయగా స్థానికులు పట్టుకొని ముఖానికి కట్టుకున్న స్కార్ఫ్ తొలగించారు. తీరా చూస్తే ఆమె యువతి కాదు..హిజ్రా అని తెలుసుకొని నోళ్లెళ్లబెట్టారు. పోలీసులు వచ్చేలోపే సదరు హిజ్రా తప్పించుకొని అక్కడ్నుంచి ఉడాయించింది.
 
 
  


 
     15 మంది చిక్కుకుపోయిన వైనం
 
      ఆపరేటర్ చాకచక్యంతో తప్పిన ప్రమాదం
 
       తొలగించి రక్షించిన పోలీసులు
 
  అఫ్జల్‌గంజ్, న్యూస్‌లైన్: ఉస్మానియా ఆసుపత్రి పాత భవనంలోని లిఫ్టు హఠాత్తుగా మధ్యలో నిలిచిపోయింది. అందులో చిక్కుకుపోయిన రోగులు, వారి సహాయకులు, సిబ్బంది తీవ్ర భయాందోళనకు గురయ్యారు. సుమారు రెండు గంటల పాటు లిఫ్టులో ఊపిరాడక నరకయాతన అనుభవించారు. సోమవారం ఉదయం 11 గంటలకు ఈ సంఘటన జరిగింది.
 
 రెండో అంతస్తు నుంచి కిందకు వస్తున్న ఈ లిఫ్టులో ఆసుపత్రి వైద్యులు సాంబిరెడ్డి, హెల్త్ ఇన్‌స్పెక్టర్ ప్రవీణ్, ఆయా లక్ష్మీ, లిఫ్టు ఆపరేటర్ సత్యనారాయణలతో పాటు నిలోఫర్ ఆసుపత్రి నుంచి వచ్చిన గర్భిణి శ్రీదేవి, అత్తాపూర్‌కు చెందిన సురేష్ కేతాన్, రమేష్ కేతాన్‌లతో పాటు మొత్తం 15 మంది ఉన్నారు. లిఫ్టు కిందకు వస్తున్న క్రమంలో హఠాత్తుగా లిఫ్టు వైరు తెగిపోయింది.
 
 ఇది గమనించిన లిఫ్టు ఆపరేటర్ సత్యనారాయణ అప్రమత్తమై  సమయ స్ఫూర్తిగా వ్యవహరించడంతో పెను ప్రమాదం తప్పినప్పటికీ మధ్యలో నిలిచిపోయింది. లిఫ్టు ఒక వైపు కొంచెం ఒరిగి ఉండటంతో అందులో చిక్కుకున్న రోగులు, వారి సహాయకులు పెద్ద పెట్టున అరుపులు, కేకలు పెట్టారు. సుమారు అరగంటసేపు ఎవరూ వీరిని పట్టించుకోకపోవడంతో తీవ్ర భయాందోళనలకు గురయ్యారు. లిఫ్టు నుంచి సెల్‌ఫోన్లకు సిగ్నళ్లు అందకపోవడంతో ఈ సమాచారాన్ని చేరవేసేందుకు అష్టకష్టాలు పడ్డారు.
 
 చివరకు రమేష్ కేతాన్ సెల్‌ఫోన్ నుంచి అతని స్నేహితుడైన జిఎల్ బిరానియాకు మెసేజ్ అందడంతో.. విషయం పోలీసులకు, ఫైర్ సిబ్బందికి తెలిపి ఉస్మానియా ఆసుపత్రికి చేరుకున్నాడు. పోలీసులు, లిఫ్టు మెకానిక్‌లు గ్రిల్స్ తొలగించి అందులో చిక్కుకుపోయిన వారిని నిచ్చెన సహాయంతో కిందకు దింపడంతో రోగుల సహాయకులు, వారి బంధువులు ఆసుపత్రి వర్గాలు ఊపిరి పీల్చుకున్నాయి. ఆసుపత్రి వర్గాల నిర్లక్ష్యం వల్లే ఈ ఘటన సంభవించిందని రమేష్ కేతాన్ ఆవేదన వ్యక్తంచేశారు.


 చిత్తూరు (క్రైమ్),న్యూస్‌లైన్ : లిఫ్ట్ అడిగితే కారులో బంధించి ఆభరణాలు దోచుకున్నారని వీ.కోటకు చెందిన ఉపాధ్యాయురాలు డయల్ యువర్ ఎస్పీకి ఫిర్యాదు చేశారు. బుధవారం ఉదయం ఎస్పీ బంగ్లాలో డయల్ యువర్ ఎస్పీ కార్యక్రమం నిర్వహిం చారు. వీ.కోటకు చెందిన ఉపాధ్యాయురాలు అదే మండలంలోని లింగాపురం పాఠశాలలో పనిచేస్తోంది. ఈనెల 14వ తేదీన బంద్ కారణంగా బస్సులు రాకపోవడంతో వీ.కోట బస్టాప్ వద్ద కారును ఆపి లిఫ్ట్ ఇవ్వాలని కోరింది. కారు ఎక్కి కొంతదూరం వెళ్లేసరికి అం దులోని ముగ్గురు వ్యక్తులు ఆమె నోట్లో గుడ్డకుక్కి బంగారు ఆభరణాలు దోచుకుని మార్గమధ్యంలో వదిలేసి వెళ్లిపోయారు.
 
 అదేరోజు ఆమె వీ.కోట పోలీస్‌స్టేషన్‌లో ఫిర్యాదు చేశారు. పోలీసులు కేసు కూడా నమోదు చేయలేదని బాధితురాలు ఎస్పీకి ఫిర్యాదు చేశారు. కార్వేటినగరానికి చెందిన కానిస్టేబుల్ సిద్ద య్య లంచాలు ఇవ్వాలని, అదే స్టేషన్‌లో పనిచేసే మరో కానిస్టేబుల్ రాజ్‌కుమార్ మహిళల పట్ల అసభ్యంగా ప్రవర్తిస్తున్నాడని, బంగారుపాళ్యం మండలం దొరచెరువు వద్ద ఏకాంబరనాయుడు డాబా నడుపుతూ ఆయిల్ స్మగ్లింగ్‌కు పాల్పడుతున్నాడని ఫిర్యాదులు వచ్చాయి. మదనపల్లె చిప్పిలి ప్రాంతంలో పేకాట జోరుగా సాగుతోందని మహిళలు ఫిర్యాదు చేశారు. తన భర్తపై కొంతమంది దాడిచేసి గాయపరిచినా పోలీసులు పట్టించుకోలేదని గంగవరానికి చెందిన మహిళ తెలి పింది.
 
 చిత్తూరులో సమైక్యవాదుల ముసుగులో కొంతమంది కోర్టు ఎదురుగా ఉన్న వీధిలో రోడ్డుపై సీసాలు పగులగొట్టి ఇబ్బందులకు గురిచేస్తున్నారని ఫిర్యాదు అందింది. సదుం ఎంపీడీవో కార్యాలయం పరిసరాల్లో వెంకటప్ప సారా అమ్ముతున్నాడని ఆ ప్రాం త వాసులు ఫిర్యాదు చేశారు. చిత్తూరు నుంచి తిరుపతికి బదిలీ చేయడంతో డ్యూటీ చేయడానికి ఇబ్బంది పడుతున్నామని హోమ్‌గార్డు ఫిర్యాదు చేశారు. పుంగనూరులో తన భర్త రమణారెడ్డి వ్యభిచార గృహానికి వెళుతున్నాడని, తననూ ఆ వృత్తిలోకి రావాలని వేధిస్తున్నాడని ఓ మహిళ  ఫిర్యాదు చేసింది. ఇసుక అక్రమ రవాణా, సారా విక్రయాలు, బెల్టుషాపుల ఆగడాలు, వరకట్న వేధింపులు తదితరాలతో కలిసి 25 మొత్తం ఫిర్యాదులందాయి.