మాజీ భార్య తనను వేధింపులకు గురి చేస్తోందంటూ ప్రముఖ మలయాళ నటుడు బాలా ఇప్పటికే పోలీసులకు ఫిర్యాదు చేశాడు. ఆమెతో పాటు మరో యూట్యూబర్‌పై కొచ్చి పోలీసులను ఆశ్రయించారు. అయితే అతని మాజీ భార్య ఎలిజబెత్ ఉదయన్‌ నటుడిపై తీవ్రమైన ఆరోపణలు చేస్తోంది. తనను బాలా వేధించడంతో పాటు అత్యాచారం చేశాడంటూ ఎలిజబెత్ ఉదయన్‌ సోషల్ మీడియా వేదికగా ఆరోపించింది. తాజాగా ఈ వివాదంపై నటుడు బాలా ఓ వీడియోను రిలీజ్ చేశారు. ఈ విషయంపై మాట్లాడుతూ ఫేస్‌బుక్‌లో వీడియో పోస్ట్ చేశారు. అంతకుముందే నటుడి భార్య కోకిల సైతం తన భర్తపై చేసిన వ్యాఖ్యలను వెనక్కి తీసుకోవాలని ఎలిజబెత్‌ను కోరుతూ ఓ వీడియో రిలీజ్ చేసింది.బాలా వీడియోలో మాట్లాడుతూ.."దయచేసి మమ్మల్ని ఒంటరిగా వదిలేయండి. ఈ వివాదంపై ఇది నా చివరి వీడియో కావాలని కోరుకుంటున్నా. ప్రియమైన ఎలిజబెత్.. మీ కుటుంబం పట్ల నాకు గౌరవం ఉంది. ప్రస్తుతం మీరు డిప్రెషన్‌తో బాధపడుతున్నారు. ఇప్పుడు మీకు కావాల్సింది సోషల్ మీడియా అటెన్షన్ కాదు.. ఈ సమయంలో మీకు వైద్యం చాలా అవసరం. మీ కుటుంబంలో ఎవరైనా డాక్టర్‌ ఉన్నట్లయితే సరైన వైద్యం తీసుకోండి. లేదంటే మీ సోదరులు, తల్లిదండ్రులతో కలిసి వైద్యుని వద్దకు కెళ్లండి. తనపై తప్పుడు ప్రచారం మానేయండి. ఈ వివాదానికి ఇక్కడితో ముగింపు పలకండి. లేని పక్షంలో ఎలాంటి చర్యలు తీసుకోవడానికి వెనుకాడను' అంటూ పోస్ట్ చేశారు.కాగా.. నటుడు బాలా.. డాక్టర్ ఎలిజబెత్ ఉదయన్‌ను 2021లో వివాహం చేసుకున్నారు. అయితే కొన్ని సంవత్సరాల తర్వాత మనస్పర్థలు రావడంతో ఈ జంట విడిపోయారు. అయితే ఈ విషయంలో కొందరు ఎలిజబెత్‌కు మద్దతుగా నిలుస్తుండగా.. మరికొందరు ఆమె తీరును తప్పుబడుతున్నారు. మీవల్లే ఎలిజబెత్ ‍‍అలా ప్రవర్తిస్తోందని నటుడు బాలాపై కొందరు విమర్శలు చేస్తున్నారు.

ప్రముఖ మలయాళ నటుడు, డైరెక్టర్ బాలా పోలీసులను ఆశ్రయించారు. తన మాజీ భార్య ఎలిజబెత్ ఉదయన్‌ వేధింపులకు గురి చేస్తున్నారంటూ ఫిర్యాదు చేశారు. తనతో పాటు తన భార్య కోకిలపై యూట్యూబర్ అజు అలెక్స్‌తో కలిసి సోషల్ మీడియాలో దుష్ప్రచారం చేస్తున్నారని కొచ్చి సిటీ పోలీస్ కమిషనర్ కార్యాలయంలో కంప్లైంట్ ఇచ్చారు. ఎలిజబెత్ తనను రూ. 50 లక్షలు డిమాండ్ చేసిందని పోలీసులకు వివరించారు. ఆ డబ్బులు ఇవ్వడానికి నిరాకరించడంతోనే తనపై విష ప్రచారం చేస్తోందని పోలీసులకిచ్చిన ఫిర్యాదులో పేర్కొన్నారు.తన ప్రతిష్టకు భంగం కలిగేలా సోషల్ మీడియాలో అసత్య ప్రచారం చేస్తున్నారని నటుడు బాల ఆరోపిస్తున్నారు. యూట్యూబర్ అజు అలెక్స్ ఛానెల్‌లో తనపై అభ్యంతరకరమైన వీడియోలను పోస్ట్ చేయడం ప్రారంభించారని బాల తన ఫిర్యాదులో పేర్కొన్నాడు. సెప్టెంబర్ 8, 2023లోనే ఎలిజబెత్‌తో తాను విడిపోయినట్లు బాలా పోలీసులకు వెల్లడించారు. కేవలం డబ్బు కోసం తనపై అసత్య ఆరోపణలు చేస్తున్నారని బాలా మండిపడ్డారు.ఫిర్యాదు అనంతరం బాలా మీడియాతో మాట్లాడుతూ..' కొందరు సోషల్ మీడియా ద్వారా నన్ను, నా కుటుంబాన్ని వేధిస్తున్నారు. ఇదో వెబ్ సిరీస్‌లా సాగుతోంది. నేనేమైనా రేపిస్టునా?, ఒక మహిళపై ఏడాదిన్నర పాటు అత్యాచారం ఎలా చేయగలను? నాకు ఇప్పటికే సర్జరీ జరిగింది. నా శస్త్రచికిత్స సమయంలో ఎలిజబెత్ ఎక్కడ ఉందో ఎవరికీ తెలియదు. ఏడాదిన్నర తర్వాత వచ్చి ఆమె నాపై ఆరోపణలు చేస్తోంది' అని బాల అన్నారు. ఓ వ్యక్తితో కలిసి ఆమె తమపై సోషల్ మీడియాలో అభ్యంతరకర వ్యాఖ్యలు చేస్తున్నారని ఆయన భార్య కోకిల మీడియాకు తెలిపారు. సోషల్ మీడియాలో తన కుటుంబాన్ని టార్గెట్ చేస్తున్నారని వాపోయారు.

ప్రముఖ మలయాళ నటి పార్వతి ఆర్ కృష్ణ అలాంటి వారికి సీరియస్ వార్నింగ్ ఇచ్చింది. సామాజిక మాధ్యమాల్లో తన ఫోటోలను దుర్వినియోగం చేయడానికి ప్రయత్నించే వారిపై చట్టపరమైన చర్యలు తీసుకుంటానని హెచ్చరించింది. ఇటీవల తన ఫోటో షూట్‌కు సంబంధించిన ఫోటోలను కొందరు యూట్యూబ్ ఛానెల్ నిర్వాహకులు మిస్‌యూజ్‌ చేయడంపై ఆమె స్పందించింది. తనకు సంబంధించిన గ్లామరస్ ఫోటోషూట్ చిత్రాలను ‍అసభ్యకరమైన రీతిలో ప్రదర్శిస్తే చర్యలు తప్పవని వెల్లడించింది. ఈ విషయంపై ఇన్‌స్టా వేదికగా ఓ వీడియోను రిలీజ్ చేసింది.వీడియోలో పార్వతి ఆ కృష్ణ మాట్లాడుతూ.. 'నాపై వచ్చిన ఒక తీవ్రమైన సమస్యపై మాట్లాడేందుకుందుకే ఈ రోజు నేను ఈ వీడియో చేస్తున్నా. నా వృత్తిలో భాగంగా నేను తరచుగా ఫోటోషూట్‌లలో పాల్గొంటాను. ఎక్కడైనా కానీ నా అందాన్ని ప్రదర్శించడంలో చాలా జాగ్రత్తగా ఉంటాను. నా బీచ్ ఫోటోషూట్ సమయంలోనూ ఎక్కడ కూడా హద్దులు మీరి అందాలను ప్రదర్శించలేదు. కానీ యూట్యూబ్ ఛానెల్ వాళ్లు మాత్రం నా ఫోటోలను వారికిష్టమొచ్చినట్లు ఎడిట్ చేసి పోస్ట్ చేశారు. నా అనుమతి లేకుండా నా వీడియోలు, చిత్రాలను అసభ్యంగా చూపిస్తే మీ ఛానెల్ మూసేవరకు పోరాటం చేస్తా. ఇలాంటి సమస్యలపై ఇతరులు ఎందుకు స్పందించలేదో నాకు అర్థం కావడం లేదు. నా ఫోటోలను దుర్వినియోగం చేసేవారు నా ప్రశ్నలకు సమాధానం చెప్పాల్సిందే. నా వ్యక్తిగత జీవితంలోకి మీరు అడుగుపెడితే ఎలా ఉంటుందో రాబోయే రోజుల్లో చూస్తారు' అంటూ హెచ్చరించింది నటి. కాగా.. పార్వతి ఆర్ కృష్ణ పలు మలయాళ సినిమాల్లో హీరోయిన్‌గా నటించింది. View this post on Instagram A post shared by PARVATHY KRISHNA (@parvathy_r_krishna)

గతేడాది రిలీజైన మోస్ట్‌ వయలెంట్‌ చిత్రం మార్కో(Marco). ఉన్ని ముకుందన్(Unni Mukundan) హీరోగా నటించిన ఈ చిత్రం మలయాళంలో బ్లాక్‌బస్టర్‌గా నిలిచింది. కేవలం రూ. 30 కోట్ల బడ్జెట్‌తో తెరకెక్కించిన ఈ చిత్రం.. మలయాళంలోనే రూ.100 కోట్లకు పైగా వసూళ్లను సాధించింది. దీంతో బాక్సాఫీస్ వద్ద పలు రికార్డులు సృష్టించింది.అంతేకాకుండా మలయాళంతో(Malayalam Movie) పాటు తెలుగు, తమిళం, హిందీ భాషల్లో ఈ సినిమా అంచనాలకు మించి వసూళ్లు రాబట్టింది. దీంతో ఈ చిత్రం ఓటీటీ(OTT) విడుదల కోసం సినీ ప్రియులు ఎంతో ఆస‍క్తిగా ఎదురుచూస్తున్నారు. తాజాగా ఈ మూవీ ఓటీటీ రిలీజ్ డేట్‌ను మేకర్స్ రివీల్ చేశారు. వచ్చేనెల 14న లవర్స్ డే సందర్భంగా స్ట్రీమింగ్ చేయనున్నారు. ఈ విషయాన్ని మార్కో ఓటీటీ రైట్స్ దక్కించుకున్న సోనీ లివ్(Sony Liv) సోషల్ మీడియా వేదికగా ప్రకటించింది.మార్కో కథేంటంటే..?జార్జ్‌ (సిద్దిఖ్ఖీ) గోల్డ్‌ బిజినెస్‌ చేస్తుంటాడు. ఈ వ్యాపారంలో తనకు మించినవాళ్లు ఉండరు. సిండికేట్‌ ఏర్పాటు చేసి.. దాని లీడర్‌గా ‍వ్యవహరిస్తుంటారు. అతని తమ్ముడు విక్టర్‌(ఇషాన్‌ షౌకాత్‌) అంధుడు. కానీ చాలా టాలెంటెడ్‌. విక్టర్‌ స్నేహితుడు వసీమ్‌ను ఓ ముఠా చంపేస్తుంది. దానికి సాక్షి ఉన్నాడని విక్టర్‌ను కూడా ఆ ముఠా దారుణంగా హత్య చేస్తుంది. విదేశాలకు వెళ్లిన జార్జ్‌ మరో తమ్ముడు(జార్జ్‌ వాళ్ల నాన్న పెంచిన వ్యక్తి) మార్కో(ఉన్ని ముకుందన్‌)కు ఈ హత్య విషయం తెలిసి వెంటనే వచ్చేస్తాడు. తను ప్రాణంగా ఇష్టపడే సోదరుడు విక్టర్‌ హత్యకు కారణమైనవారిని వదిలిపెట్టనని చర్చిలోనే ప్రమాణం చేస్తాడు. అసలు విక్టర్‌ని హత్య చేసిందెవరు? ఎందుకు చేశారు? చివరకు మార్క్‌ వారిని ఎలా మట్టుపెట్టాడు?అనేదే మిగతా కథ. View this post on Instagram A post shared by Sony LIV (@sonylivindia)

మలయాళ స్టార్‌ హీరో మోహన్‌ లాల్‌ దర్శకుడిగా ఎంట్రీ ఇస్తోన్న చిత్రం 'బరోజ్‌: గార్డియన్‌ ఆఫ్‌ ట్రెజర్స్‌'. ఈ మూవీని తన డ్రీమ్ ప్రాజెక్ట్‌గా తెరకెక్కిస్తున్నారు. తన సొంత నిర్మాణ సంస్థ ఆశీర్వాద్ ఫిల్మ్స్ బ్యానర్‌పై ఈ మూవీని ఆయన నిర్మిస్తున్నారు. ఆంటోనీ పెరుంబావూర్ నిర్మాతగా ఉన్నారు. తాజాగా ఈ చిత్రానికి సంబంధించి హిందీ ట్రైలర్‌ను మేకర్స్‌ విడుదల చేశారు. ఇప్పటికే మలయాళంలో ట్రైలర్ విడుదలైన సంగతి తెలిసిందే.మైథలాజికల్‌ థ్రిల్లర్‌గా జీజో పున్నూసే రచించిన నవల ఆధారంగా బరోజ్‌ చిత్రాన్ని తెరకెక్కించారు. వాస్కోడిగామాలో దాగి ఉన్న నిధిని 400 ఏళ్లుగా కాపాడే జినీగా మోహన్‌ లాల్‌ కనిపించనున్నాడు. అయితే ఆ సంపదను ఆయన ఎందుకు రక్షిస్తున్నాడు. చివరగా దానిని ఎవరికి అందించాలని ఆయన ప్రయత్నం చేస్తాడనేది ఈ చిత్ర కథగా తెలుస్తోంది. ఈ మూవీని తొలిసారిగా 3డీ వర్షన్‌లో తెరకెక్కించారు. భారీ వీఎఫ్‌ఎక్స్‌తో నిర్మించిన ఈ చిత్రం పాన్‌ ఇండియా రేంజ్‌లో క్రిస్మస్‌ కానుకగా ఈ డిసెంబరు 25న విడుదల కానుంది. అయితే హిందీ వర్షన్ మాత్రం డిసెంబర్‌ 27న రిలీజ్ చేయనున్నట్లు మోహన్ లాల్ ట్వీట్ చేశారు. బాలీవుడ్‌లో పెన్ స్టూడియోస్ సహకారంతో ఈ చిత్రాన్ని విడుదల చేస్తున్నారు. కానీ వాస్తవంగా ఈ చిత్రాన్ని ప్రపంచవ్యాప్తంగా అక్టోబర్‌ 3న విడుదల చేయాలని ఇది వరకే ప్రకటించారు. కానీ, నిర్మాణంతర పనులు పెండింగ్‌ ఉండటం వల్ల విడుదల ఆలస్యమైంది. మలయాళంతో పాటు తెలుగు, తమిళం, కన్నడ, ఈ మూవీ రిలీజ్‌ కానుంది.The #Barroz3D Hindi trailer is here! Thrilled to present this magical adventure in Hindi, brought to you in collaboration with #Penstudios. The Hindi version hits theatres on December 27. https://t.co/3pgb0ku861#Barroz— Mohanlal (@Mohanlal) December 11, 2024

భారీ తారాగణం, వందల కోట్ల బడ్జెట్‌తో స్క్రీన్‌ను కమ్మేయకుండా మన జీవితాలకు రంగుల ఫ్రేమ్‌ను సెట్‌ చేస్తే? మనిల్లు లాంటి ఇల్లు.. మన ఫ్యామిలీ లాంటి ఫ్యామిలీ.. మన ఇరుగు పొరుగు అంతా కథలో పాత్రలయితే.. థియేటర్‌ దాటినా ఆ అనుభూతి వెంటాడుతుంది.. ఆత్మీయులందరినీ కూర్చోబెట్టి టైటిల్‌ కార్డ్స్‌ నుంచి ఎండ్‌ కార్డ్‌ దాకా సీన్‌ టు సీన్‌ చెప్పాలనిపిస్తుంది! ఎన్నేళ్లయింది ఇలాంటిది అనుభవంలోకి రాక..? ఈ మాట విన్నదేమో మన తెలుగు కథ.. వెండి తెరకు బలమై.. మంచి సినిమాలా వెలుగుతోంది!ఆ మలయాళం సినిమా చూశారా..? సహజత్వం.. కథా గమనం..! ఎంత అద్భుతంగా ఉందో కదా..! భారీ బడ్జెట్‌ లేకున్నా పెద్ద సక్సెస్‌ సినిమాలు ఇలా కూడా తీస్తారా..! అవును నిజమే.. ఫీల్‌ గుడ్‌ మూవీస్‌కు కేరాఫ్‌ మలయాళం చిన్న కథలు.. మెస్మరైజ్‌ చేసే టేకింగ్‌ నిజ జీవితాలకు దగ్గరగా ఉండే పాత్రలు సరే.. మాలీవుడ్‌ మూవీస్‌ గొప్పగానే ఉండొచ్చు మరి టాలీవుడ్‌ సినిమా సంగతేంటి ?పొరుగు సినిమాలు విపరీతంగా చూసి మన దగ్గర అసలు విషయం ఏమాత్రం లేదనుకుంటాం గానీ.. మల్లు సినిమాలను మించి అద్భుతమైన కథ, కథనాలతో ఈ మధ్య కాలంలో విడుదలైన తెలుగు చిత్రాలు సైలెంట్‌గా సక్సెస్‌ సాధిస్తున్నాయి. స్టార్‌ హీరోలు, స్టార్‌ డైరెక్టర్స్‌ సినిమాలను పక్కన పెడితే.. రొటీన్‌ ఫార్ములాలకు భిన్నంగా మనసుకు హత్తుకునే సినిమాలతో తెలుగుతెర పులకించిపోతోంది. వందల కోట్ల బడ్జెట్,భారీ తారాగణం, పెద్దపెద్ద సెట్టింగులు.. ఇవి ఉంటేనే సినిమా అనే రోజులు పోయాయి. మూస సినిమాలు చూసి బోరుకొట్టిన తెలుగు ప్రేక్షకులకు ఈ ఏడాది చిన్న సినిమాలు విందు భోజనమే పెట్టాయి. కుటుంబ కథా చిత్రాల నుంచి సస్పెన్స్ థ్రిల్లర్ వరకు ఈ తరహా సినిమాలు సిల్వర్‌ స్క్రీన్‌తో పాటు ఓటీటీలోనూ మంచి పేరు తెచ్చుకుంటున్నాయి. గొప్పగొప్ప సినిమాలన్నీ తమిళ, మలయాళం వాళ్లే తీస్తారు.. తెలుగు వాళ్ల దగ్గర అంత క్రియేటివిటీ లేదు అన్న విమర్శలకు చిన్న సినిమాలు తమ సక్సెస్‌తో సమాధానం చెబుతున్నాయి. పెద్ద సినిమాల కంటే చిన్న బడ్జెట్‌ సినిమాలే ఎక్కువగా ఫిల్మ్‌ ఇండస్ట్రీని డామినేట్‌ చేస్తున్నాయిఏడాదంతా చిన్న సినిమాల పండగే2024ను చిన్న సినిమాల నామ సంవత్సరంగా చెప్పుకోవచ్చు. అంబాజీపేట మ్యారేజ్‌ బ్యాండ్, ఆరంభం, పేకమేడలు, కమిటీ కుర్రోళ్లు, ఆయ్, వీరాంజనేయులు విహార యాత్ర, 35 చిన్న కథ కాదు, మత్తు వదలరా 2, సోపతులు, జనక అయితే గనక.. ఇవన్నీ ఈ ఏడాది మూవీ లవర్స్‌తో శభాష్‌ అనిపించుకున్న చిన్న సినిమాలే. ఐఎమ్‌బీ (ఐMఆ) రేటింగ్స్‌లో ఈ మూవీస్‌ అన్నీ టాప్‌ లిస్టులో ఉన్నవే. తెరపై కనిపించే నటీనటుల నుంచి తెర వెనుక పనిచేసే సాంకేతిక నిపుణుల వరకు అందరూ కలిసి ఈ చిన్న సినిమాలకు ప్రాణం పోశారు. ఊహాజనితమైన కథలు, పాత్రలకు భిన్నంగా నేటివిటీకి చాలా దగ్గరగా ఈ చిత్రాలు కనిపిస్తాయి. సామాన్య జన జీవితాలే ప్రధాన పాత్రలుగా తెరకెక్కిన ఈ చిత్రాలు మాలీవుడ్‌ సినిమాలను మైమరపిస్తున్నాయి. స్టార్‌ హీరోలు ఉన్న సినిమాలు మాత్రమే బాక్సాఫీస్‌ను డామినేట్‌ చేస్తాయన్న అభిప్రాయాన్ని చిన్న బడ్జెట్‌ సినిమాలు బ్రేక్‌ చేశాయి. ప్రేక్షకులను థియేటర్ల వైపు నడిపించడంలో చిన్న సినిమా దర్శకులు విజయం సాధిస్తున్నారు.కటౌట్‌ కాదు కంటెంట్‌ ముఖ్యంఒక సినిమా విజయానికి కలెక్షన్ల సునామీ ఒక్కటే గీటురాయి కాదు. కమర్షియల్‌గా నిర్మాతలకు కోట్లు కుమ్మరించలేకపోయినా కొన్ని సినిమాలు ప్రేక్షకుల గుండెలను తాకుతాయి. ఫీల్‌ గుడ్‌ మూవీస్‌గా నిలిచిపోతాయి. ఇలాంటి సినిమాల్లో ఉండేది కంటెంట్‌ మాత్రమే. హీరో హీరోయిన్లు, దర్శక నిర్మాతలు, చిత్ర తారాగణం వీటన్నింటికంటే కథ.. ఆ కథను దర్శకుడు నడిపించిన తీరే చిన్న సినిమాల సక్సెస్‌కు అసలు కారణం. హీరోల ఇమేజ్, దర్శకుల పాపులారిటీ కారణంగా పెద్ద సినిమాలు ఒక వేవ్‌ క్రియేట్‌ చేస్తాయి. ఇలాంటి సినిమాలు అభిమానులతో పాటు కొన్ని వర్గాలను మాత్రమే మెప్పిస్తాయి. ఈ తరహా సినిమాలు ప్రేక్షకులను ఎంతగా ఎంటర్‌టైన్‌ చేసినా చిన్న సినిమాలు మాత్రం మనసుకు హత్తుకుని మళ్లీ మళ్లీ చూసేలా చేస్తున్నాయి. కేవలం సినిమా కోసమే కథలు.. హీరోలను ఎలివేట్‌ చేయడం కోసమే పాత్రలు, పాటల కోసమే హీరోయిన్లు.. ఇలా దారి తప్పిన సినిమాను యువతరం దర్శకులు తమ సృజనాత్మకతను జోడించి గాడిన పెడుతున్నట్టుగా అనిపిస్తోంది. 2024లో విడుదలై సత్తా చాటిన చిన్న సినిమాలే ఇందుకు నిదర్శనం.మీకో కథ చెబుతా చూస్తారా..ఇన్నోవేటివ్‌ స్టోరీ టెల్లింగ్‌.. యువ దర్శకులకు బాగా తెలిసిన విద్య. సినిమాను అతుకుల బొంతలా కాకుండా ప్రేక్షకుడి మనసును తాకేలా కథలను రాసుకుని అంతే వినూత్నంగా తెరపై ప్రజెంట్‌ చేస్తున్నారు. ఈ ఏడాది సక్సెస్‌ రుచి చూసిన సినిమాలన్నింటిలోనూ ఇది కనిపిస్తోంది. నిజ జీవితాలకు దగ్గరగా, నేటివిటీ ఉండేలా ముఖ్యంగా ప్రేక్షకులు సినిమాలో లీనమైపోయేలా చిన్న సినిమాలు ఉంటున్నాయి. కథలో కొత్తదనం.. ప్రేక్షకులతో కనెక్ట్‌ అయ్యే పాత్రలు సినిమా సక్సెస్‌ను నిర్ణయిస్తున్నాయి. పెద్ద బడ్జెట్‌ చిత్రాలన్నీ స్టార్‌ పవర్‌ పైనా, హీరోల ఇమేజ్‌ పైనా ఆధారపడుతుంటే.. చిన్న చిత్రాలు మాత్రం మంచి కథలను మాత్రమే నమ్ముకుంటున్నాయి. సక్సెస్‌ఫుల్‌ డైరెక్టర్లుగా పేరున్న వారు కూడా ఈ మధ్య ఆడియన్స్‌ను మెప్పించడంలో తడబడుతుంటే యంగ్‌ అండ్‌ డైనమిక్‌ డైరెక్టర్స్‌ తమ ఇన్నోవేటివ్‌ స్టోరీ టెల్లింగ్‌తో వెండితెరపై భావోద్వేగాలను పండిస్తున్నారు. పల్లెటూరి స్నేహాలు వాటి చుట్టూ అల్లుకున్న జీవితాలు, కుల పట్టింపులు, స్థానిక రాజకీయాలు వీటన్నింటి మధ్య ఎమోషన్స్ ను చూపించిన ‘కమిటీ కుర్రోళ్లు’ మంచి సక్సెస్‌ సాధించింది. చిన్ననాటి స్నేహాన్ని, అమాయకత్వాన్ని, మమకారాన్ని హృద్యంగా చూపించిన సోపతులు ఫీల్‌ గుడ్‌ మూవీగా నిలిచిపోయింది. నివేదా థామస్, విశ్వదేవ్, ప్రియదర్శి నటించిన ‘35 చిన్న కథ కాదు’ సినిమా అన్ని వర్గాల ప్రేక్షకులతో మంచి మార్కులు వేయించుకుంది. కండోమ్‌ కంపెనీపై యుద్ధం ప్రకటించే వ్యక్తిగా సుహాస్‌ నటించిన ‘జనక అయితే గనక’ సినిమా మంచి రేటింగ్‌తో థియేటర్లతో పాటు ఓటీటీలోనూ పెద్ద చర్చనే రేపింది.ఓటీటీ మెచ్చితే అదే పెద్ద విజయంఓటీటీలు వచ్చిన తర్వాత ఎంటర్‌టైన్‌మెంట్‌ ముఖచిత్రమే మారిపోయింది. వివిధ భాషా చిత్రాలు అందుబాటులో ఉండటంతో కంటెంట్‌ వినియోగం కూడా పెరిగిపోయింది. భిన్న అభిరుచి గల ప్రేక్షకులు తమకు నచ్చిన కంటెంట్‌ను వీక్షించడం అలవాటు చేసుకున్నారు. అందుకే థియేటర్‌ రిలీజ్‌ కాకుండా ఓటీటీ ప్లాట్‌ఫామ్స్‌ ద్వారా చిన్న సినిమాలకు పెద్ద ఎత్తున వ్యూయర్‌షిప్‌ వస్తోంది. మంచి కథలతో వస్తున్న తెలుగు చిన్న సినిమాలు ఓటీటీ వేదికలపై సత్తా చాటుతున్నాయి. థియేటర్‌లో రిలీజ్‌ అయిన తర్వాత ఓటీటీలోకి ఆ సినిమా ఎప్పుడు వస్తుందా అని ప్రేక్షకులు ఎదురుచూసే రోజులు వచ్చాయి. మౌత్‌ టాక్‌తో పాటు సోషల్‌ మీడియా ప్రమోషన్స్‌ చిన్న సినిమాలను ఓటీటీల ద్వారా ప్రేక్షకులకు మరింత చేరువ చేస్తున్నాయి. దీంతో చిన్న చిత్రాలు పెద్ద సక్సెస్‌ను నమోదు చేసుకుంటున్నాయి.వైవిధ్యం.. విజయ రహస్యంకథలో వైవిధ్యం, కథనంలో కొత్తదనం.. మలయాళ సినిమా విజయ రహస్యం ఇక్కడే ఉంది. అందుకే దేశమంతా మాలీవుడ్‌ చిత్రాల గురించి గొప్పగా చెప్పుకుంటారు. టాలెంట్, క్రియేటివిటీ ఈ రెండూ సరిహద్దులు లేనివి. ప్రేక్షకులను మెప్పించే స్థాయిలో మంచి కథలు రాసే దర్శకులు, వాటిని అందంగా చిత్రీకరించే సాంకేతిక నిపుణులు అన్ని సినీ పరిశ్రమల్లోనూ ఉంటారు. సరైన అవకాశాలు, అభిరుచి ఉన్న నిర్మాతలు దొరికినప్పుడు ఆ కథలు మంచి చిత్రాలుగా ప్రేక్షకులకు చేరతాయి. టాలీవుడ్‌ సినిమాలను కంటెంట్‌ మాత్రమే శాసించడం మొదలుపెట్టి చాలా కాలమైంది. చ‌ద‌వండి: పెళ్లిలో మెరిసిన అల్లు అర్జున్, మెగాస్టార్.. ఫోటోలు వైరల్!చిన్న సినిమాల సక్సెస్‌ కూడా ఈ ఏడాదికి మాత్రమే పరిమితమైంది కాదు. పెద్ద సినిమాలు, హీరోల ఆధిపత్యాలు చలామణి అవుతున్న రోజుల్లో కూడా మంచి కథలతో వచ్చిన సినిమాలను ప్రేక్షకులు గుండెలకత్తుకున్నారు. ఈ నగరానికేమైంది, c/o కంచరపాలెం, మిడిల్‌ క్లాస్‌ మెమరీస్, బలగం, కలర్‌ఫోటో ఇలా భిన్న కథాంశాలతో కూడిన చిత్రాలెన్నో విజయం సాధించి చిన్న సినిమాను నిలబెట్టాయి. ఆ ట్రెండ్‌ను కొనసాగిస్తూ నేటి యువ దర్శకులు, సాంకేతిక నిపుణులు లోబడ్జెట్‌ సినిమాను తెలుగులో ట్రెండ్‌గా మార్చేశారు. అందుకే 2024 సినీ ప్రేమికులకు మంచి అనుభూతులను మిగిల్చింది.చిన్న సినిమాల వెనుక పెద్ద నిర్మాతలుస్టార్‌ హీరోలు, స్టార్‌ డైరెక్టర్లు, వందల కోట్ల వసూళ్లు ఈ రొటీన్‌ సినిమాటిక్‌ ఫార్ములా నుంచి నిర్మాతలు ఇప్పుడిప్పుడే బయటపడుతున్నారు. మంచి కథలతో ముందుకొచ్చే కొత్త దర్శకులను ప్రోత్సహిస్తున్నారు. ఈ మధ్య సక్సెస్‌ చూసిన చిన్న సినిమాల వెనుక పెద్ద ప్రొడ్యూసర్స్‌ ఉండటం విశేషం. ‘35 చిన్న కథ కాదు’ చిత్రానికి సురేష్‌ ప్రొడక్షన్స్‌ నుంచి నటుడు రానా ప్రమోట్‌ చేశారు. యంగ్‌ టాలెంట్‌ను ప్రోత్సహిస్తున్న అల్లు అరవింద్‌ గీతా ఆర్ట్స్‌ 2 బేనర్‌పై ఆయ్‌ చిత్రాన్ని నిర్మించారు. అంజి కె మణిపుత్ర దర్శకత్వం వహించిన ఈ సినిమా పెద్ద చిత్రాలతో పోటీపడి మరీ మంచి సక్సెస్‌ సాధించింది. మెగా ఫ్యామిలీకి చెందిన నిహారిక కొణిదెల ‘పింక్‌ ఎలిఫెంట్‌ పిక్చర్స్‌’ బ్యానర్‌పై ‘కమిటీ కుర్రోళ్లు’ నిర్మించి బిగ్‌ సక్సెస్‌ సాధించారు. తెలుగులో పెద్ద సినీ నిర్మాణ సంస్థగా ఉన్న మైత్రీ మూవీ మేకర్స్‌కు చిన్న సినిమా ‘మత్తు వదలరా 2’ సక్సెస్‌ మంచి కిక్‌ ఇచ్చింది. ఒకప్పుడు కొత్త దర్శకులు కథలు పట్టుకుని నిర్మాతల చుట్టూ తిరగాల్సి వచ్చేది. కానీ ఇప్పుడు కంటెంట్‌ ఉన్న దర్శకులను నిర్మాతలు వెతుక్కుంటూ వెళ్తున్నారు. మాస్‌ ఎంటర్‌టైన్‌ మెంట్‌ సినిమాలకు, స్టార్‌ హీరోల చిత్రాలకు మార్కెట్‌లో ఎప్పుడూ గిరాకీ ఉంటుంది. అయితే ఈ సినిమాలపై ప్రేక్షకులకు విపరీతమైన అంచనాలు ఉంటాయి. అంచనాలు తలకిందులైతే సీన్‌ మారిపోతుంది. అభిమానులు కూడా పెదవి విరిచే పరిస్థితి తలెత్తుతుంది. చిన్న సినిమాలతో ఈ సమస్య లేదనే చెప్పాలి. తక్కువ బడ్జెట్‌తో కొత్త సాంకేతిక నిపుణులతో తెరకెక్కే చిన్న చిత్రాలకు మినిమమ్‌ గ్యారెంటీ ఉంటోంది.ఇదొక గుడ్‌ సైన్‌‘అంబాజీపేట మ్యారేజ్‌ బ్యాండ్‌’ లాంటి చిన్న సినిమాను గీతా ఆర్ట్స్‌ పెద్ద ఎత్తున రిలీజ్‌ చేసింది. దీన్ని చిన్న సినిమాకు దక్కిన గౌరవంగా భావిస్తాను. ఒకప్పుడు చిన్న సినిమాను చిన్న ప్రొడ్యూసర్స్, కొత్త ప్రొడ్యూసర్సే తీయాలి అని ఉండేది. కాని ఇప్పుడు చిన్న సినిమాలను తీయడానికి, డిస్ట్రిబ్యూట్‌ చేయడానికి పెద్ద పెద్ద ప్రొడక్షన్‌ హౌసెస్‌ ముందుకొస్తున్నాయి. కొత్త కథకులను, కొత్త డైరెక్టర్స్‌ను ఎంకరేజ్‌ చేస్తున్నాయి. మంచి కథలకు డెఫినెట్‌గా ఇదొక గుడ్‌ సైన్‌!∙ దుష్యంత్, దర్శకుడురెస్పెక్ట్‌ దొరికింది‘వీరాంజనేయులు విహార యాత్ర’తో నాకొక రెస్పెక్ట్‌ దొరికింది. కుటుంబమంతా కలిసి చూడగలిగే హెల్దీ హ్యూమర్‌తో హెల్దీ ఫిల్మ్‌ తీయడం వల్లేమో మరి! ఇంకో మంచి విషయం ఏంటంటే.. ఇలాంటి సినిమా కథలను ప్రొడక్షన్‌ హౌస్‌లు వెదుక్కోవడం. ఇదివరకైతే స్క్రిప్ట్‌ పట్టుకుని ప్రొడక్షన్‌ హౌస్‌ల చుట్టూ తిరగాల్సి వచ్చేది. ఇప్పుడు ప్రొడక్షన్‌ హౌస్‌లే కథాబలమున్న స్క్రిప్ట్‌లను వెదుక్కుంటున్నాయి. వైవిధ్యమైన కథలు, ఆ కథల మీద గట్టి నమ్మకం, రాజీపడని తత్వం ఉంటే తప్పకుండా మంచి సినిమాలు వస్తాయని అర్థమైంది.అనురాగ్, దర్శకుడుతప్పకుండా ఆదరిస్తారుఇప్పుడున్న పరిస్థితుల్లో ఎంటర్‌టైన్‌మెంట్‌ స్క్రిప్ట్‌లు తక్కువగా వస్తున్నాయి. అందులోకి గోదావరి బ్యాక్‌డ్రాప్‌లో మన నేటివిటీని బేస్‌ చేసుకుని వినోదాన్ని పంచే స్క్రిప్ట్‌లు వంశీ, జంధ్యాల వంటి దర్శకుల తర్వాత పెద్దగా రావట్లేదని చెప్పొచ్చు. అందుకే మన నేటివిటీని యూజ్‌ చేసుకుని ప్రేక్షకులకు ఎంటర్‌టైన్‌మెంట్‌ ఇవ్వగలిగితే సినిమా హిట్‌ అవుతుందనిపించి.. ‘ఆయ్‌’ సినిమా తీశాను. ఫస్ట్‌ సినిమాకే పెద్ద బ్యానర్‌ దొరకడం, అది హిట్‌ అవడం నిజంగా అదృష్టం. ఇండస్ట్రీలో పది పన్నెండేళ్ల నా స్ట్రగుల్‌ మంచి రిజల్ట్‌నే ఇచ్చింది. చాలా హ్యాపీగా ఉంది. మన నేటివిటీ, నిజ జీవితంలో కనిపించే పాత్రలతో కథను పండించగలిగితే ప్రేక్షకులు తప్పకుండా ఆదరిస్తారని ప్రూవ్‌ అయింది. అంజి కె మణిపుత్ర, దర్శకుడుప్రయత్నాన్ని నమ్మారు..‘కమిటీ కుర్రోళ్లు’ వల్ల గనుక నిర్మాతలు నష్టపోతే ఇక భవిష్యత్తులో ఎవరూ చిన్న సినిమా మీద డబ్బు పెట్టడానికి ముందుకురారు అనే భయం ఉండింది. కథాబలంతో చిన్న సినిమా ఉనికి చాటాలనేదే నా ప్రయత్నం. నా ప్రయత్నంలోని నిజాయితీని నిర్మాతలు, ప్రేక్షకులు నమ్మారు. చిన్న సినిమాలకు ఆదరణ ఉంటుందని నిరూపించారు. యదు వంశీ, దర్శకుడుఫణికుమార్‌ అనంతోజు

ప్రముఖ మలయాళ సింగర్ అంజు జోసెఫ్ వివాహబంధంలోకి అడుగుపెట్టింది. ‍అయితే తన పెళ్లి చాలా సింపుల్‌గా చేసుకుంది. తన ప్రియుడు ఆదిత్య పరమేశ్వరన్‌ను ఆమె పెళ్లాడింది. సింగర్‌గా గుర్తింపు తెచ్చుకున్న అంజు జోసెఫ్ అలప్పుజా సబ్‌ రిజిస్ట్రార్ కార్యాలయంలో పెళ్లి చేసుకున్నారు.శుక్రవారం రిజిస్టర్ మ్యారేజ్ చేసుకున్న అంజు.. ఆ తర్వాత శనివారం అతిథుల కోసం వివాహా రిసెప్షన్ వేడుక నిర్వహించింది. ఈ వేడుకలో పలువురు సినీతారలు పాల్గొన్నారు. దీనికి సంబంధించిన వీడియోలు సోషల్ మీడియాలో వైరల్ అవుతున్నాయి. ప్రముఖ హీరోయిన్ ఐశ్వర్య లక్ష్మి కూడా ఈ రిసెప్షన్‌కు హాజరయ్యారు.కాగా.. అంజు జోసెఫ్ డాక్టర్ లవ్ చిత్రంలోని చిల్లానే పాటతో సింగర్‌గా మాలీవుడ్‌లో అడుగుపెట్టింది. ఆ తర్వాత ఆమె పలు మలయాళ సినిమాలో పదికి పైగా పాటలు పాడింది. తనదైన టాలెంట్‌తో అభిమానులను సంపాదించుకుంది. ఆమె తొలిసారిగా అర్చన 31 నాటౌట్ అనే చిత్రంలోనూ నటించింది. ‍అయితే గతంలో అంజు స్టార్ స్టార్ మ్యాజిక్ సీరియల్ డైరెక్టర్‌ అనూప్ జాన్‌ను వివాహం చేసుకున్నారు. కానీ ఆ తర్వాత ఇద్దరి మధ్య మనస్పర్థలు రావడంతో ఈ జంట విడాకులు తీసుకున్నారు. View this post on Instagram A post shared by Anju Joseph (@anjujosephofficial)

ప్రపంచవ్యాప్తంగా సినీ ప్రియులు ఎంతో ఆసక్తిగా ఎదురుచూస్తోన్న చిత్రం పుష్ప-2 ది రూల్. ఇప్పటికే రిలీజైన ట్రైలర్‌ సరికొత్త రికార్డులు సృష్టిస్తోంది. మరో వారం రోజుల్లో థియేటర్లను షేక్ చేయనున్నాడు పుష్పరాజ్. రిలీజ్ డేట్ దగ్గర పడుతుండడంతో మూవీ మేకర్స్‌ ప్రమోషన్స్‌తో ఫుల్ బిజీ అయిపోయారు. ఇటీవల చెన్నైలో కిస్సిక్‌ సాంగ్‌ రిలీజ్ చేసిన సంగతి తెలిసిందే.ఇక ఐకాన్ స్టార్‌కు తెలుగులో మాత్రమే కాదు.. మలయాళంలో ప్రత్యేకమైన ఫ్యాన్ బేస్ ఉంది. అల్లు అర్జున్‌ పుష్ప చిత్రానికి మలయాళంలో భారీ కలెక్షన్స్ రాబట్టిన సంగతి తెలిసిందే. పుష్ప-2 ప్రమోషన్లలో భాగంగా ఇవాళ కేరళలోని కొచ్చిలో భారీ ఈవెంట్‌ నిర్వహిస్తున్నారు. లివా మాల్‌లోని గ్రాండ్ హయత్‌లో ఈవెంట్ జరగనుంది.ఈ భారీ ఈవెంట్‌కు హాజరయ్యేందుకు ఐకాన్ స్టార్ కేరళకు వస్తున్న సందర్భంగా కొచ్చి అంతటా భారీ హోర్డింగ్స్‌ మెరిశాయి. పుష్ప-2 పోస్టర్లతో నగరమంతా నింపేశారు. అంతేకాదు ఎయిర్‌పోర్ట్‌ వద్ద ఐకాన్ స్టార్‌ కోసం ఫ్యాన్స్‌ ఎంతోమంది పోస్టర్లతో దర్శనమిచ్చారు. అయితే పచ్చని పొలాల్లో ఏర్పాటు చేసిన పుష్ప-2 వెల్‌కమ్‌ పోస్టర్‌ మాత్రం బన్నీ ఫ్యాన్స్‌ను తెగ ఆకట్టుకుంటోంది. అల్లు అర్జున్‌ పేరును ముద్దుగా మల్లు అర్జున్‌ అంటూ ఫ్యాన్స్‌ ఏర్పాటు చేసిన భారీ హోర్డింగ్‌ స్పెషల్ ‍అట్రాక్షన్‌గా నిలిచింది.కాగా.. సుకుమార్- బన్నీ కాంబోలో వస్తోన్న పుష్ప-2 డిసెంబర్ 5న ప్రపంచవ్యాప్తంగా థియేటర్లలో రిలీజ్ కానుంది. పుష్పలో మెప్పించిన శ్రీవల్లిగా మరోసారి రష్మిక ఫ్యాన్స్‌ను అలరించనుంది. ఇప్పటికే రిలీజైన ట్రైలర్‌, కిస్సిక్‌ సాంగ్‌ యూట్యూబ్‌ను షేక్ చేస్తున్నారు. ఓవర్‌సీస్‌లో టికెట్‌ బుకింగ్‌ ఓపెన్ కాగా.. రికార్డ్ స్థాయిలో టికెట్స్ అమ్ముడయ్యాయి. Kerala Allu Arjun fans waiting at kochi airport since afternoon 💥Expecting @alluarjun arrival in 15mins #PushpaRulesKeralam KOCHI WELCOMES ALLUARJUN pic.twitter.com/eNwfBwQ3k5— Allu Arjun Devotees 🐉 (@SSAADevotees) November 27, 2024 KERALA WELCOMES MALLU ARJUN 🔥🔥#PushpaRulesKeralam ❤️‍🔥❤️‍🔥#Pushpa2TheRule #Pushpa2TheRuleOnDec5th pic.twitter.com/NPj9CqPQBz— Pushpa (@PushpaMovie) November 27, 2024

టాలీవుడ్ యంగ్ హీరో కిరణ్ అబ్బవరం 'క' మూవీతో సూపర్ హిట్‌ను తన ఖాతాలో వేసుకున్నారు. సుజిత్- సందీప్ దర్శకత్వంలో వచ్చిన ఈ సినిమా బాక్సాఫీస్ వద్ద భారీ వసూళ్లు సాధించింది. తన్వీరామ్, నయన్ సారిక హీరోయిన్లుగా నటించిన ఈ చిత్రం దీపావళి సందర్భంగా థియేటర్లలో సందడి చేసింది. లక్కీ భాస్కర్‌, అమరన్‌ చిత్రాలతో పోటీపడి బాక్సాఫీస్ వద్ద హిట్‌ టాక్‌ను సొంతం చేసుకుంది. ఈ మూవీ సూపర్ హిట్ కావడంతో క టీమ్ సక్సెస్ మీట్ కూడా నిర్వహించింది.తెలుగులో సూపర్‌హిట్‌గా నిలిచిన క మూవీని తాజాగా మలయాళంలోనూ విడుదల చేయనున్నారు. ఈ మేరకు హీరో కిరణ్ అబ్బవరం పోస్టర్‌ను షేర్ చేశారు. మాలీవుడ్‌లో హీరో దుల్కర్ సల్మాన్ ప్రొడక్షన్‌ హౌస్ ద్వారా ఈ సినిమాను రిలీజ్ చేస్తున్నారు. దుల్కర్‌కు చెందిన వేఫేరర్‌ ఫిల్మ్స్‌ క మూవీ రైట్స్‌ను సొంతం చేసుకుంది. ఈ నెల 22న మలయాళంలో గ్రాండ్‌గా విడుదల చేస్తున్నారు. కాగా.. దుల్కర్ సల్మాన్ తెలుగులో లక్కీ భాస్కర్‌తో సూపర్ హిట్‌ కొట్టిన సంగతి తెలిసిందే.Nov 22nd ❤️@DQsWayfarerFilm #KA pic.twitter.com/bifoaytvs9— Kiran Abbavaram (@Kiran_Abbavaram) November 13, 2024

మలయాళ నటుడు బాల (బాలకుమార్) మూడో పెళ్లి చేసుకున్నాడు. పదిరోజుల క్రితం తన మాజీ భార్య అమృత సురేశ్ ఫిర్యాదు చేయడంతో ఆయన్ను పోలీసులు అరెస్ట్‌ చేశారు. తనతో పాటు కూతురు అవంతికను వేదించాడని ఆమె ఫిర్యాదు చేయడంతో ఆయన్ను అరెస్ట్‌ చేశారు. అయితే, ఈ కేసులో అరెస్ట్‌ అయిన 24గంటల్లో ఆయనకు బెయిల్‌ లభించింది. ఈ క్రమంలో తాజాగా మూడో పెళ్లి చేసుకుని అందరికీ షాకిచ్చాడు.'బాల' మలయాళ ఇండస్ట్రీలో మంచి గుర్తింపు ఉంది. 'కంగువ' సినిమా దర్శకుడు శివకు స్వయాన తమ్ముడు అవుతాడు. కొద్దిరోజుల క్రితమే బెయిల్‌ మీద బయటకొచ్చిన బాల.. మూడో పెళ్లి చేసుకుని తన భార్యతో కేరళలోని కలూర్‌ పావకులం ఆలయానికి వచ్చాడు. తమిళనాడుకు చెందిన తన బంధువు కోకిలను ఆయన వివాహం చేసుకున్నాడు. అయితే, ఇరుకుటుంబాల మధ్య మాత్రమే ఈ కార్యక్రమం జరిగింది. పెళ్లి గురించి బాల ఇలా చెప్పుకొచ్చాడు. కోకిల తన మామయ్య కూతురని వెళ్లడించాడు. తనను పెళ్లి చేసుకోవాలని ఆమెకు చిరకాల కోరిక ఉండేదని అన్నాడు. ఇలా ఆమె కోరిక నెరవేరిందని బాల చెప్పాడు. 'కష్ట సమయంలో కోకిల మాత్రమే నాకు మద్దతుగా నిలిచింది. నేను మళ్లీ పూర్తి ఆరోగ్యంగా తిరిగి రావడానికి ఆమె కారణం.' అని చెప్పాడు.బాల గతంలో రెండు పెళ్లిళ్లు చేసుకున్నారు. అతని మొదటి వివాహం 2010లో గాయని అమృత సురేష్‌తో జరిగింది. ఈ జంటకు అవంతిక అనే కుమార్తె ఉంది. వారు 2019లో విడాకులు తీసుకున్నారు. వృత్తిరీత్యా డాక్టర్ అయిన ఎలిజబెత్ ఉదయన్‌ను 2021లో రెండోసారి వివాహం చేసుకున్నాడు. 2023లో వారిద్దరూ విడివిడిగా జీవించడం ప్రారంభించారు. విడాకులు ఇచ్చి కూడా తనను వేదిస్తున్నాడని కేసు పెట్టిన మొదటి భార్య కోర్టులో న్యాయపోరాటం చేస్తుంది. కూతురు అవంతికతో పాటు తనను కూడా సోషల్‌మీడియాలో దారుణంగా తిడుతున్నాడని ఆమె పోలీసులకు ఫిర్యాదు చేసింది. అయితే, ఈ కేసు విచారణలో ఉంది.

మలయాళ చిత్రపరిశ్రమపై 'జస్టిస్ హేమ కమిటీ' ఇచ్చిన రిపోర్ట్‌తో దేశవ్యాప్తంగా అలజడి రేగింది. మలయాళ చిత్రపరిశ్రమలో పనిచేస్తున్న మహిళల పట్ల లైంగిక దాడులు జరుగుతున్నాయని ఆ రిపోర్ట్‌లో ఉంది. దీంతో చాలామంది ఈ అంశం గురించి తమ అభిప్రాయాన్ని పంచుకున్నారు. ఈ క్రమంలో తాజాగా నటి మల్లికా సుకుమారన్ రియాక్ట్‌ అయ్యారు. ఆపై మోహన్‌లాప్‌పై కూడా ఆమె పలు ఆసక్తికర వ్యాఖ్యలు చేశారు.నటి మల్లికా.. మలయాళ ప్రముఖ హీరో పృథ్వీరాజ్ సుకుమారన్‌కు అమ్మ అని తెలిసిందే.. సుమారు ఆమె 60కి పైగా సినిమాల్లో రాణించారు. కతర్‌ దేశంలో ఆమెకు ఆరు రెస్టారెంట్స్‌ ఉన్నాయి. ప్రస్తుతం పరిశ్రమకు దూరంగా వ్యాపారవేత్తగా ఆమె ఉన్నారు. అయితే, తాజాగా ఓ ఇంటర్వ్యూలో ఆమె ఇలా మాట్లాడారు. 'అమ్మ(అసోసియేషన్‌ ఆఫ్‌ మలయాళం మూవీ ఆర్టిస్ట్స్‌ అసోసియేషన్‌)లో విని మౌనంగా ఉండే వారు మాత్రమే ఇక్కడ ఇమడగలరు. నిరుపేద నటీనటులకు ఆర్థిక సహాయం అందించే చేయూత పథకంలో చాలా లోపాలు ఉన్నాయి. ఇదే విషయం ఒకసారి మా అబ్బాయితో కూడా చెప్పాను.పథకాలకు అర్హులైనవారు, వెనుకబడినవారు చాలామంది ఉన్నారు. నెలలో 15 రోజుల పాటు విదేశాలకు వెళ్తున్నవారికి చేయూత పథకాలు అందుతున్నాయి. ఇదీ ముమ్మాటికి నిజం. మందులు కొనుక్కోవడానికి డబ్బు లేని నటులు ఇండస్ట్రీలో చాలామంది ఉన్నారు. వారికి ఆపన్న హస్తం అందించాలి. మోహన్‌లాల్ అంత తెలివితక్కువవాడు కాదు. సంస్థలో కొన్ని తప్పులు దొర్లాయని అమ్మ మాజీ అధ్యక్షుడు మోహన్ లాల్‌కు కూడా బాగా తెలుసు. ఇక్కడ చాలా మంది తమ స్వంత ఇష్టాలకు నిర్ణయాలు తీసుకున్నారు. అమ్మ తొలినాళ్లలో కూడా చాలా తప్పులు జరిగాయి. దాన్ని అప్పట్లో నటుడు సుకుమారన్ (ఆమె భర్త) ఎత్తి చూపారు. చట్టబద్ధంగా ప్రతి విషయాన్ని సరిదిద్దుతామని చెప్పారు. ఇది కొందరికి ఈగోల గొడవతో ముగిసింది. సుకుమారన్ చనిపోయిన తర్వాతే వారికి అది అర్థమైంది.హేమ కమిటీ నివేదిక కుండబద్దలు కొట్టిన భూతంలా ఉందని మల్లికా అన్నారు. చిత్రపరిశ్రమకు చెందిన ఒక నటిపై దాడి కేసు విషయంలో ఈ ప్రభుత్వం ఏమేరకు న్యాయం చేసిందో చెప్పాలని ఆమె కోరారు. ఇండస్ట్రీలో అప్పుడప్పుడే నిలదొక్కుకుంటున్న ఆ హీరోయిన్‌ మీద హింస జరిగిన మాట వాస్తవమే అని అందరికీ తెలుసు. కానీ, ఒక్కరు నోరెత్తరని ఆమె అన్నారు. ఆ ఘటన జరిగి ఏడేళ్లు కావస్తుందని, ప్రభుత్వం ఎలాంటి చర్యలు తీసుకుందో చెప్పాలని ఆమె కోరారు. అన్యాయం జరిగిన వెంటనే చర్యలు తీసుకుంటే మళ్లీ జరగవు కదా అని మల్లిక ప్రశ్నించారు.

మలయాళ నటుడు బాల (బాలకుమార్) అరెస్ట్ అయిన కొన్ని గంటల్లోనే బెయిల్‌పై బయటకొచ్చారు. మాజీ భార్య అమృత సురేశ్ ఫిర్యాదు చేయడంతో బాలను సోమవారం నాడు పోలీసులు అరెస్ట్ చేశారు. విడాకుల తర్వాత బాలా తనతో పాటు కుమార్తెను కూడా వేధించాడని ఫిర్యాదులో పేర్కొంది. దీంతో కొచ్చిలోని కడవంతర పోలీసులు ఆయనను అదుపులోకి తీసుకుని అనంతరం కోర్టులో హజరుపరిచారు. వారిద్దరి వాదనలు విన్న తర్వాత పలు హెచ్చరికలతో బాలకు కోర్టు బెయిల్‌ మంజూరు చేసింది.బాలా అరెస్టు తర్వాత మాజీ భార్య అమృత కోర్టు విచారణలో భాగంగా తన కష్టాలను వివరించింది. తాను చెప్పలేని శారీరక, మానసిక హింసను ఎదుర్కొన్నానని నటుడు బాలపై ఆమె తీవ్రమైన వ్యాఖ్యలు చేసింది. '2019లో తన నుంచి విడాకులు తీసుకుని నేను దూరంగా ఉంటున్నాను. కూతురు అవంతికతో ప్రశాంతంగా జీవిస్తున్న నాకు అతని వేధింపులు మాత్రం తగ్గలేదు. నాతో పాటు అవంతికను కూడా ఇబ్బంది పెడుతున్నాడు. మా ఇద్దరి గురించి సోషల్‌మీడియాలో తీవ్రమైన వ్యాఖ్యలు చేస్తున్నాడు. కనీసం సొంత కూతురని కూడా చూడకండా తప్పుడు మాటలతో దూషిస్తున్నాడు. తను ఇప్పుడు స్కూల్‌కు కూడా వెళ్లడం ఇబ్బందిగా మారింది.హెచ్చరికతో పాటు బెయిల్‌జువైనల్ జస్టిస్ యాక్ట్ కింద అరెస్టు అయిన కొన్ని గంటల తర్వాత స్థానిక కోర్టు బాలకు బెయిల్ మంజూరు చేసింది. సోమవారం ఎర్నాకులం జ్యుడీషియల్ ఫస్ట్ క్లాస్ మేజిస్ట్రేట్ అతనికి షరతులతో కూడిన బెయిల్ మంజూరు చేసింది. అతని మాజీ భార్య అమృత సురేష్, వారి కుమార్తెపై సోషల్ మీడియాలో ఎలాంటి వ్యాఖ్యలు చేయవద్దని అతన్ని కోర్టు హెచ్చరించింది. భవిష్యత్‌లో విచారణాధికారులు పిలిచినప్పుడల్లా తదుపరి విచారణ కోసం బాలా తప్పనిసరిగా అందుబాటులో ఉండాలని కోర్టు తెలిపింది.'కంగువ' సినిమా నిర్మాతకు తమ్ముడుబాల తమిళ-మలయాళ సినిమాలు చేసే నటుడు. 'కంగువ' దర్శకుడు శివ ఇతడికి అన్నయ్య అవుతాడు. 2006 నుంచి బాల.. నటుడిగా కొనసాగుతున్నాడు. 2010లో సింగర్ అమృత సురేశ్‌ని పెళ్లి చేసుకున్నాడు. 2012లో వీళ్లకు పాప కూడా పుట్టింది. ఆ తర్వాత వీళ్లిద్దరి మధ్య మనస్పర్థలు మొదలయ్యాయి. 2019లో విడాకులు తీసుకున్నారు. బాల మరో పెళ్లి చేసుకుని ఆమెకు కూడా విడాకులు ఇచ్చేశాడు.

టాలీవుడ్‌ డైరెక్టర్‌ రామ్‌గోపాల్‌ వర్మ తెరకెక్కిస్తున్న 'శారీ' సినిమాతో ఆరాధ్య దేవి టాలీవుడ్‌లో ఎంట్రీ ఇస్తుంది. ఈ చిత్రం పాన్‌ ఇండియా రేంజ్‌లో విడుదల కానుంది. కేరళకు చెందిన 23 ఏళ్ల ఈ బ్యూటీ అసలు పేరు శ్రీలక్ష్మీ సతీష్. మలయాళీ మోడల్. చీరకట్టులో ఉన్న ఈ బ్యూటీ ఫోటోలను సోషల్‌ మీడియాలో చూసిన ఆర్జీవీ ఫిదా అయ్యాడు. అలా ఆమెకు ఏకంగా తన సినిమాలో హీరోయిన్‌గా ఛాన్స్‌ ఇచ్చాడు. ఇప్పటికే ఈ సినిమా చిత్రీకరణ కూడా పూర్తి చేసుకుంది. త్వరలో విడుదలకు సిద్ధంగా ఉంది. మొదట్లో చీరలో మాత్రమే కనిపించే ఆరాధ్య దేవి ఇప్పుడు గ్లామర్‌ ఫోటోలతో షేక్‌ చేస్తుంది. ఈ విషయంపై ఆమె తాజాగా ఇలా రియాక్ట్‌ అయింది.మొదట్ల ఛాన్సులు వచ్చినప్పటికీ గ్లామర్ పాత్రలు చేయకూడదని నిర్ణయించుకున్నానని, అయితే ఇప్పుడు తన అభిప్రాయాలు మారిపోయాయని సోషల్‌మీడియా ద్వారా ఆరాధ్యాదేవి చెప్పింది. గ్లామరస్‌తో పాటు ఎలాంటి పాత్రలకైనా తాను సిద్ధమేనని ప్రకటించింది. అలాంటి చిత్రాల కోసం ఎంతో ఆసక్తిగా ఎదురుచూస్తున్నానని ఆరాధ్య తెలిపింది. 'కాలం మారుతున్న కొద్దీ మన అభిప్రాయాలు మారుతాయంటూనే.. జీవిత అనుభవాలే మన నిర్ణయాలను మారుస్తాయని చెప్పుకొచ్చింది. గ్లామర్ అనేది చాలా వ్యక్తిగతమైనది. నాకు, అది వృత్తిలో భాగం. నటిగా వైవిధ్యంగా ఉండటం చాలా కీలకం. గ్లామరస్‌గా ఉన్నా, లేకపోయినా ఎలాంటి పాత్రకైనా నేను సిద్ధమే. ఉత్తమ పాత్రల కోసం ఎదురు చూస్తున్నాను. గ్లామర్ పాత్రలు చేయకూడదని గతంలో నిర్ణయించుకున్నాను. కానీ, 22 ఏళ్ల వయసులో నేను తీసుకున్న నిర్ణయాన్ని ఇప్పుడు మార్చుకుంటున్నా.' అని ఆరాధ్య పేర్కొంది.

మలయాళ చిత్రపరిశ్రమలో జస్టిస్ హేమ కమిటీ రిపోర్ట్‌తో దేశవ్యాప్తంగా అలజడి రేగింది. ఈ కమిటీ ఇచ్చిన నివేదక తర్వాత ఒక్కోక్కరుగా బయటకు వచ్చి తమకు జరిగిన అన్యాయాన్ని ప్రపంచానికి తెలుపుతున్నారు. దీంతో అదే తరహా కమిటీని తమ పరిశ్రమలోనూ ఏర్పాటు చేయాలని ఇప్పటికే తమిళ, కన్నడ, తెలుగు చిత్రపరిశ్రమలకు చెందిన సినీ నటీనటులు కోరుతున్నారు. ఇలాంటి సమయంలో ఒకప్పటి టాప్‌ హీరోయిన్‌ సిమ్రాన్‌ రియాక్ట్‌ అయ్యారు.పలువురు నటీమణులు తాము ఎదుర్కొన్న లైంగిక వేధింపుల గురించి ఇప్పుడు ఏకరువు పెడుతున్నారు. దీనికి అంతం ఎప్పుడో అనే ప్రశ్న తలెత్తుతోంది. తాజాగా నటి సిమ్రాన్‌ కూడా తానూ వేధింపుల బాధితురాలినేనని పేర్కొన్నారు. ఈ ఉత్తరాది భామ కోలీవుడ్, టాలీవుడ్‌లలో ఒకప్పుడు టాప్‌ హీరోయిన్‌గా రాణించారు. యువత కలల రాణిగా వెలుగొందిన సిమ్రాన్‌ వివాహానంతరం నటనకు దూరం అయినా, తాజాగా కీలక పాత్రల్లో నటిస్తున్నారు. అలా ఈమె ఆ మధ్య పేట చిత్రంలో రజనీకాంత్‌ సరసన నటించి రీ ఎంట్రీకి మార్గం వేసుకున్నారు.తాజాగా ఒక భేటీలో సిమ్రాన్‌ మాట్లాడుతూ.. ఇప్పుడు నటీమణుల వేధింపుల వ్యవహారం పెద్ద చర్చకే దారి తీస్తోందన్నారు. కాగా తానూ అలాంటి బాధితురాలినేనని చెప్పారు. ఒక యువతిపై లైంగిక వేధింపుల దాడి జరిగితే వెంటనే ఎందుకు చెప్పలేదని ప్రశ్నించడం దారుణమన్నారు. ఆ సంఘటన గురించి వెంటనే ఎలా చెప్పగలరు ? మన చుట్టూ ఎం జరుగుతుందో తెలుసుకోవడానికే చాలా సమయం పడుతుందన్నారు. సహనం పాటించి ఆలోచించి ఆ తరువాతనే రియాక్ట్‌ అవ్వగలం అని, అందుకు సమయం తప్పనిసరిగా అవసరం అన్నారు. చిన్న తనంలో ఇలాంటి సమస్యలను చాలాసార్లు ఎదుర్కొన్నానని, అయితే వాటి గురించి ఇప్పుడు చెప్పలేనని పేర్కొన్నారు.

కేరళతో మొదలుపెట్టి కోల్‌కతా దాకా... దేశంలో ఎక్కడ చూసినా మహిళలపై దాష్టీ కపు వార్తలే. ఇవన్నీ దేశంలో మహిళల స్థితిని ఎత్తిచూపుతున్నాయి. అదే సమయంలో రాజకీయాల నిర్లిప్తత, వ్యవస్థల వైఫల్యమూ కొట్టొచ్చినట్టు కనబడుతున్నాయి.మలయాళ చిత్ర పరిశ్రమ చీకటి కోణాలు కాస్తా హేమ కమిటీ రిపోర్టుతో బట్టబయలయ్యాయి. నటులు, దర్శకులు, సినీ రంగంలోని అన్ని వర్గాల ప్రతినిధులపై లైంగిక వేధింపుల ఆరోపణలు వెల్లువెత్తాయి. ఈ వార్తలను చూస్తే, ‘అయ్యో’ అనిపి స్తోంది. అధ్వాన్నమైన విషయం ఇంకోటి ఉంది. మహిళకు సమానత్వం, మర్యాద, స్వేచ్ఛ, భద్రత అన్న సిద్ధాంతాన్ని నమ్మిన ఒక్క రాజకీయ పార్టీ లేకపోవడం! ఇదే విషయం మిత్రుడైన ఓ రాజకీయ నేతతో చెబితే... ‘‘మహిళలపై దౌర్జన్యం విషయాల్లో వాళ్లు, వీళ్లు అని ఏమీ లేదు. సొంత ప్రయోజనాలే వారికి పరమావధి’’ అని సమాధానమిచ్చాడు. నిత్యంకించపరిచే వ్యాఖ్యలు వింటూండే మహిళ రాజకీయ నేతలు కూడా పార్టీ అగ్రనేతల హుకుంలకు కట్టుబడ్డారేమో తెలియదు కానీ... గట్టిగా మాట్లాడతారని ఆశించినవాళ్లు కూడా నోళ్లు మెదపలేని స్థితిలో ఉన్నారు. బాధితు లకు రక్షణగా ఉండటం కంటే పార్టీ ప్రయోజనాలే ముఖ్యమని అనిపించిందేమో వారికి!కోల్‌కతా ‘అభయ’కు న్యాయం దక్కుతుందని నాకైతే అనిపించడం లేదు. ఇలా చెప్పేందుకూ నాకు చాలా ఇబ్బందిగా ఉంది. ఈ కేసులో అక్కడి ఘోరకలి సమగ్రంగా ప్రపంచానికి తెలుస్తుందన్న నమ్మకమూ సన్న గిల్లుతోంది. కాలేజీ అధికారులు బాధితురాలి తల్లిదండ్రులకు చేసిన మూడు ఫోన్‌ కాల్స్‌ వివరాలు మీడియాలో విస్తృతంగా ప్రచారమయ్యాయి. దీన్నిబట్టే ఈ కేసు వివరాలపై గోప్యత ఎంతన్నది స్పష్టమైంది.ఆర్‌జి కర్‌ మెడికల్‌ కాలేజీ ప్రిన్సిపాల్‌గా సందీప్‌ ఘోష్‌ చలాయించిన అధికారాన్ని అర్థం చేసుకుంటే.. ఒళ్లు గగుర్పొడుస్తోంది. ఈయన వేధింపులు తట్టుకోలేక ఇద్దరు కాలేజీ ఇంటర్న్‌లు ఆత్మ హత్య చేసుకుందామని అనుకున్నారంటేనే అర్థం చేసుకోవచ్చు. కాలేజీ మాజీ అధికారి అఖ్తర్‌ అలీ ఆరోపణల ప్రకారం సందీప్‌ ఘోష్‌ మృత దేహాలతో వ్యాపారం చేసేవాడు. అవయవాల రాకెట్‌నూ నడిపేవాడు. ఈ నేపథ్యంలో బెంగాల్‌ ప్రభుత్వాన్ని అడగాల్సిన ప్రశ్న ఒకటి ఉంది. ఒక వ్యక్తిని కాపాడేందుకు ఇన్ని పనులు ఎందుకు చేస్తున్నారు? సందీప్‌ ఘోష్‌ తరఫున వాదించేందుకు ప్రభుత్వం న్యాయ వాదిని నియమించడం ఏమిటి?ఈ ఘటనను రాజకీయంగా వాడుకోలేదా? అందరూ వాడుకున్నారు. రాళ్లు రువ్వడంతో దేబాశీష్‌ చక్రవర్తి లాంటి పోలీసు కనుచూపు కోల్పోయే పరిస్థితి వచ్చింది. బీజేపీ, తృణమూల్‌ కాంగ్రెస్‌ మధ్య మాటా మాటా నడుస్తోంది. ఇందు కేనేమో... ఆందోళన చేస్తున్న వైద్యులు ఈ రెండు పార్టీల వారు ఎవరూ తమ పరిసరాల్లో లేకుండా జాగ్రత్త పడ్డారు. ‘అభయ’లాంటి ఘటన జరిగిన తరువాత చేసిన వ్యాఖ్యలు తప్పేనని తృణమూల్‌ పార్టీ హుందాగా తమ తప్పు ఒప్పుకుని ఉండాల్సింది. కొద్ది రోజులపాటు నిమ్మకు నీరెత్తినట్టుగా ఉండి... ఆ తరువాత ఒక్క పళంగా విరుచుకుపడింది. ఒకరి ద్దరు పార్టీ ప్రతినిధులు నోటికి ఏదొస్తే అది మాట్లా డేశారు. ఈ క్రమంలోనే ఓ ఎంపీని నా కార్యక్రమం నుంచి వెళ్లిపొమ్మని అడగాల్సి వచ్చింది. ముప్ఫై ఏళ్ల నా వృత్తి జీవితంలో నేను ఇలా ఎన్నడూ చేయలేదు. పశ్చిమ బెంగాల్‌ ఘటనకు బాధ్యత టీఎంసీదైతే... హేమ కమిటీ నివేదిక పుణ్యమా అని కేరళ సినీ రంగం లేవనెత్తుతున్న ప్రశ్నలకు అక్కడి లెఫ్ట్‌ ప్రభుత్వం సమాధానం చెప్పాలి. జస్టిస్‌ కె.హేమ కమిటీ తన నివేదికను సిద్ధం చేసేందుకు ఏకంగా ఐదేళ్ల సమయం పట్టింది. ఈ నివేదిక బయటపడటంతో చాలామంది మహిళా ఆర్టిస్టులు ఇప్పుడు పోలీసులకూ, టాస్క్‌ఫోర్స్‌కూ ఫిర్యాదు చేయడం మొదలుపెట్టారు. ఈ మలయాళ ‘మీ టూ’ ఉద్యమానికి నేతృత్వం వహిస్తున్న నటీమణులు రేవతి, పార్వతి చెప్పిన దాని ప్రకారం... ఈ కేసులో అటు రాజకీయ నేతలు, ఇటు సినిమా శక్తులు వాస్తవాలను తొక్కి పెట్టేందుకు ప్రయత్నిస్తున్నారు. ఈ రెండు వర్గాలూ కలిసిపోయే అవకాశమూ లేకపోలేదని వాళ్లు అంటున్నారు. హేమా కమిటీ నివేదికలోని 11 పేరాలను ప్రభుత్వం ఎందుకు తొలగించిందో ఇప్పటివరకూ ఎలాంటి వివరణ లేదు. గుజరాత్‌ ప్రభుత్వ పుణ్యమా అని బిల్కిస్‌ బానో రేపిస్టులు మెడలో పూలదండలతో జైల్లోంచి బయట కొచ్చారు. అభయ విషయంలో మమత ప్రభుత్వం మితిమీరిన అహంకారంతో వ్యవహరించింది. 2012 నాటి నిర్భయ ఘటనలో కాంగ్రెస్‌వాళ్లూ నానా చెత్తా మాట్లాడారు. ఇవన్నీ మనకు చెబుతున్నది ఏమిటి? రాజకీయ నేతలు పట్టించుకోవాలంటే, మహిళలు ఒక ఓటుబ్యాంకుగా సంఘటితం కావాలి.బర్ఖా దత్‌ వ్యాసకర్త సీనియర్‌ జర్నలిస్ట్‌(‘ది హిందుస్థాన్‌ టైమ్స్‌’ సౌజన్యంతో)

మలయాళ చిత్రపరిశ్రమలో క్యాస్టింగ్ కౌచ్ అంశంపై జస్టిస్ హేమ కమిషన్ ఇచ్చిన నివేదిక ఇపుడు అక్కడ ప్రకంపనలు రేపుతుంది. అనేక బాధిత నటీమణులు ముందుకు వచ్చి పలువురు హీరోలు, దర్శకనిర్మాతలపై లైంగిక ఆరోపణలు చేస్తున్నారు. ఈ క్రమంలో కేంద్రమంత్రి, నటుడు సురేష్‌ గోపి మీడియాపై తీవ్ర ఆరోపణలు చేశారు.మ‌ల‌యాళం సినిమా ఇండ‌స్ట్రీలో మీ టూ ఆరోప‌ణ‌లపై మంత్రి స్పందిస్తూ... కోర్టే స‌మాధానం ఇస్తుంద‌న్నారు. చిత్ర ప‌రిశ్ర‌మలో ఆరోప‌ణ‌లు మీడియాకు ఆహారంగా మారింద‌ని అన్నారు. ‘మీరు ఆ వార్త‌లతో డ‌బ్బులు సంపాదించ‌వ‌చ్చుకానీ ఓ పెద్ద వ్య‌వ‌స్థ‌ను నేల‌కూలుస్తున్నారు. మేక‌లు కొట్టుకునేలా చేసి, ఆ త‌ర్వాత మీలాంటి వాళ్లు వాటి ర‌క్తాన్ని తాగుతారు. ప్ర‌జ‌ల మెద‌ళ్ల‌ను మీడియా త‌ప్పుదోవ ప‌ట్టిస్తోంది’ అని సురేశ్ గోపి మండిపడ్డారు.తాను ప్రైవేట్ పర్యటనలో ఉన్నాన‌ని, మ‌ల‌యాళం మూవీ ఆర్టిస్టుల సంఘానికి(అమ్మ) చెందిన ప్ర‌శ్న‌లు కేవ‌లం ఆ ఆఫీసును విజిట్ చేసిన‌ప్పుడు మాత్ర‌మే అడ‌గాల‌ని ఆయ‌న పేర్కొన్నారు. ఇది ఉండగా మలయాళ సినీ పరిశ్రమలో నటీమణులతో పాటు ఇతర మహిళలపై లైంగిక వేధింపులకు సంబంధించి నిజానిజాలను నిగ్గుతేల్చేందుకు కేరళ ప్రభుత్వం 2019లో జస్టిస్‌ హేమ కమిటీ ఏర్పాటయ్యింది. ఈ కమిషన్ కేరళ సీఎం పినరయి విజయన్‌కు ఎప్పుడో నివేదిక సమర్పించగా.. తాజాగా ఇందులోని అంశాలు వెలుగుచూశాయి. మ‌ల‌యాళం ఫిల్మ్ ఇండ‌స్ట్రీలో లైంగిక వేధింపులు ఉన్న‌ట్లు హేమ క‌మిషన్‌ తెలిపింది.

హేమ కమిటీ ఇచ్చిన నివేదిక మలయాళ ఇండస్ట్రీని కుదిపేస్తోంది. ఇప్పటికే పలువురు నటీమణులు బహిరంగంగా తమకెదురైన వేధింపులను బయటపెడుతున్నారు. దీంతో మలయాళ మూవీ ఆర్టిస్ట్‌ల సంఘం(అమ్మా)పై పెద్దఎత్తున విమర్శలు వస్తున్నాయి. తాజాగా సలార్‌ నటుడు పృథ్వీరాజ్ సుకుమారన్‌ ఈ నివేదికపై స్పందించారు. ఈ విషయంలో అమ్మా పూర్తిగా విఫలమైందని విమర్శించారు. సినీ పరిశ్రమలోని సమస్యలను పరిష్కరించడంలో పూర్తిగా నిర్లక్ష్యం వహించారని ఆరోపించారు. ఇండస్ట్రీని ప్రక్షాళన చేసి దిద్దుబాటు చర్యలు చేపట్టాల్సిన అవసరముందని డిమాండ్ చేశారు.పృథ్వీరాజ్ సుకుమారన్ మాట్లాడుతూ.. "హేమ కమిటీతో మాట్లాడిన మొదటి వ్యక్తిని నేను. సినిమా పరిశ్రమలో మహిళలు ఎదుర్కొంటున్న సమస్యలను క్షుణ్ణంగా అధ్యయనం చేయాలి. వారికి సురక్షితమైన పనివాతావరణం సృష్టించే మార్గాలను కనిపెట్టడమే ఈ నివేదిక లక్ష్యం. హేమ కమిటీ నివేదిక తనకు ఎలాంటి ఆశ్చర్యం కలగలేదు. ఆ ఆరోపణలు నిజమని రుజువైతే ఎలాంటి చర్యలు తీసుకుంటారో చూడాలని అందరిలాగే నేను కూడా ఆసక్తిగా ఉన్నా. నివేదికలో పేర్కొన్న ఆరోపణలపై సమగ్ర విచారణ జరగాల్సిన అవసరం ఉంది. దోషులను కఠినంగా శిక్షించాలి. అదే విధంగా ఆరోపణలు తప్పు అని రుజువైతే తప్పుడు ఫిర్యాదులు చేసిన వారిని కూడా శిక్షించాల్సిందేనంటూ' సలార్ నటుడు కోరారు. ఈ విషయంలో నిందితుల పేర్లను విడుదల చేయాలనే నిర్ణయం కమిటీ సభ్యులదేనని స్పష్టం చేశారు.కాగా.. ఈ ఏడాది ఆడుజీవితం (ది గోట్‌ లైఫ్) మూవీతో సూపర్‌హిట్‌ను సొంతం చేసుకున్నారు. దుబాయ్ నేపథ్యంలో ఓ యధార్థం కథ ఆధారంగా ఈ సినిమాను తెరకెక్కించారు. అంతకుముందు సలార్‌ మూవీతో తెలుగు ప్రేక్షకులకు మరింత దగ్గరయ్యారు. ప్రభాస్‌ హీరోగా నటించిన ఈ చిత్రంలో పృథ్వీరాజ్‌ సుకుమారన్‌ తనదైన నటనతో అభిమానులను మెప్పించారు. ప్రస్తుతం బరోజ్ అనే చిత్రంలో నటిస్తున్నారు.

కుంచకో బోబన్‌, సూరజ్‌ వెంజరమూడు, శృతిరామచంద్రన్ ప్రధాన పాత్రల్లో నటించిన మలయాళ సర్వైవల్‌ కామెడీ చిత్రం గర్‌. ఈ సినిమాను జయ్‌ కె డైరెక్షన్‌లో తెరకెక్కించారు. జూన్‌ 14న థియేటర్లలో కేవలం మలయాళంలో మాత్రమే విడుదలైంది. బాక్సాఫీస్ వద్ద పాజిటివ్‌ టాక్‌ను సొంతం చేసుకుంది.తాజాగా ఈ చిత్రం ఓటీటీలో సందడి చేసేందుకు వచ్చేస్తోంది. ఈ విషయాన్ని ప్రముఖ ఓటీటీ సంస్థ డిస్నీ ప్లస్ హాట్‌స్టార్‌ వెల్లడించింది. ఈ నెల 20 నుంచి మలయాళంతో పాటు తెలుగు, తమిళ, కన్నడ భాషల్లోనూ అందుబాటులోకి రానుంది. ఓ జూలో సింహాం ఉన్న డెన్‌లోకి వెళ్లిన ఇద్దరు వ్యక్తులు ఎలా బయటపడ్డారనే కథాంశంతోనే ఈ సినిమాను తెరకెక్కించారు. ఈ చిత్రంలో రాజేశ్ మాధవన్, మంజుపిళ్లై, శోభితిలకన్, సెంథిల్ కృష్ణ కీలక పాత్రలు పోషించారు.

టాలీవుడ్ సంచలన డైరెక్టర్ రాంగోపాల్ వర్మ ఇటీవల కల్కి చిత్రంలో అతిథిపాత్రలో మెరిశారు. ప్రభాస్ హీరోగా నటించిన ఈ చిత్రం బ్లాక్‌బస్టర్‌గా నిలిచింది. అయితే తాజాగా ఆర్జీవీ మలయాళ సినిమా ఇండస్ట్రీపై ఆసక్తికర కామెంట్స్ చేశారు. గతంలో మలయాళ చిత్రాలు కేవలం అడల్ట్, రొమాంటిక్‌ కంటెంట్‌తో మాత్రమే వచ్చేవని అన్నారు.రామ్‌గోపాల్ వర్మ మాట్లాడుతూ..'ఒకప్పుడు మలయాళం సినిమా అంటే కేవలం అడల్ట్‌ కంటెంట్ మాత్రమేనని మనందరికీ తెలుసు. నేను విజయవాడలో ఇంజినీరింగ్ చేస్తున్న రోజుల్లో మలయాళ సినిమాలు చూడలేదు. ఎందుకంటే ఇతర సినిమాలతో పోలిస్తే ఎక్కువ అడల్ట్‌ కంటెంట్‌తో మాత్రమే వచ్చేవి. కానీ ఇప్పుడు మాత్రం మలయాళం నుంచి ఉత్తమ చిత్రాలు వస్తున్నాయి. అయితే ఆ సమయంలో మంచి సినిమాలు లేవని కాదు. బహుశా అప్పట్లో డిస్ట్రిబ్యూటర్లు ఏదైనా కారణాలతో అలాంటి సినిమాలు తీసుకొచ్చి ఉంటారేమో. వారిని ప్రభావితం చేసిన అనేక అంశాలు ఉండొచ్చు.' అని అన్నారు,ది కేరళ స్టోరీపై ప్రశంసలు..ది కశ్మీర్ ఫైల్స్, యానిమల్ లాంటి వివాదాస్పద చిత్రాలపై ఆర్జీవీ ప్రశంసలు కురిపించారు. తాను చూసిన ఉత్తమ చిత్రాలలో ది కేరళ స్టోరీ ఒకటని ఆయన తెలిపారు. అలాగే ప్రశాంత్ వర్మ చిత్రం హను-మాన్, నాగ్ అశ్విన్ తాజా బ్లాక్‌బస్టర్‌ కల్కి 2898 AD సినిమాలు అధ్బుతమని కొనియాడారు. శివ మూవీతో దర్శకుడిగా కెరీర్‌ ప్రారంభించిన ఆర్జీవీ టాలీవుడ్‌కు పలు సూపర్ హిట్ చిత్రాలను అందించారు.

ఇటీవల చాలామంది చీర కట్టులో స్విమ్మింగ్‌, స్కేటింట్‌ వంటివి చేసి ఆశ్చర్యపరుస్తున్నారు. మన భారతీయ వస్త్రధారణ మనకు నచ్చిన అభిరుచికి అనుకూలంగా మలుచుకోవచ్చని చేసి చూపిస్తున్నారు. అందుకోసమని పాశ్చాత్య బట్టలను ధరించాల్సిన పనిలేదని చాటి చెబుతున్నారు. మన భారత సంప్రదాయ వస్త్రాధారణకు ఉన్న ప్రాముఖ్యతను తెలయజెప్పుతున్నారు కూడా. అలానే ఈ మలయాళ కుట్టి చీరకట్టులో కేలరీల బర్న్‌ చేసే క్రీడలాంటి హులా హూప్స్‌ చేసి అందర్నీ ఆశ్చర్యపరిచింది. సోషల్‌మీడియ ఇన్‌ఫ్లుయెన్సర్‌ అయిన ఎష్నా కుట్టి మూసపద్ధతలను సవాలు చేస్తూ సాంప్రదాయ భారతీయ చీరకట్టులో చాకచక్యంగా హులా హూపింగ్‌ చేసి చూపించింది. ఎష్నా చీర ధరించి కూడా చాలా సునాయాసంగా, వేగవంతంగా హులా హూపింగ్‌ చేసింది. అధునిక అథ్లెటిజంని భారత సాంప్రదాయ చీరతో మిళితం చేసింది. పైగా భారతీయ మహిళలు సాధించలేనిది ఏదీ లేదని చాటి చెప్పింది. ఇక ఎష్నా ఇలా చీరకట్టులో హులా హూప్స్‌ చేయడానికి ప్రధాన కారణం శారీరక ఫిట్‌నెస్‌ కోసం చేసే ఈ క్రీడను మన సాంస్కృతికి వారసత్వానికి చిహ్నమైన చీరలో కూడా చెయ్యొచ్చు అని చెప్పేందుకేనని అంటోంది. ఆమె ఢిల్లీలో పెరిగినప్పటికీ..పుట్టుకతో ఆమె మళయాళీ. కానీ ఆమెకు మళయాళం రాదు. ఆమె తల్లి చిత్ర నారాయణ పాత్రికేయురాలు, తండ్రి విజయన్‌ కుట్టి డాక్యుమెంటరీ ఫిల్మ్‌ మేకర్‌. తాను ఈ హులాహూపింగ్‌ని పదేళ్ల ప్రాయం నుంచే నేర్చుకున్నట్లు తెలిపింది. ఇది తనకు ఎంతో ఇష్టమైన అభిరుచి అని చెప్పుకొచ్చింది. తన స్నేహితులు, తల్లిదండ్రలు మద్దతుతో హులా హూపింగ్స్‌ ట్రైనర్‌గా మారింది. అంతేగాదు పారిస్‌లో జరగనున్న ఒలింపిక్స్‌ 2024లో కూడా అథ్లెట్లకు మద్దతిస్తు పాల్గొనడం విశేషం. ఇక హులా హూప్స్ అనేది ఒక క్రీడా ఈవెంట్‌గా గుర్తించబడింది, దీనికి నిర్దిష్ట రూపం అవసరం. ముఖ్యంగా ఫిట్‌నెస్‌కి సంబంధించి కేలరీలను బర్న్ చేసే గొప్ప సాధనంగా చెప్పొచ్చు. కాగా, ఎష్నా జర్నీ భారతీయ యువతులకు స్ఫూర్తిదాయకం. మన సాంస్కృతిక వారసత్వాన్ని గౌరవిస్తూనే..అథ్లెటిక్స్‌ ఆసక్తిన కొనసాగించాలనుకునేవారికి ఓ కొత్త మార్గాన్ని చూపించింది. రాబోయే తరాలు ఎష్నాని ఆదర్శంగా తీసుకుని తాము రాణిస్తున్న రంగంలో భారతీయ సంప్రదాయ వస్త్రధారణకు పెద్దపీట వేసేలా మార్గం సుగమం చేసింది. (చదవండి: కఠినమైన డైట్‌, జిమ్‌ చెయ్యలేదు..కేవలం పరాఠాలతో బరువు తగ్గడమా..?)

నిమిషా సజయన్.. మలయాళ చిత్ర పరిశ్రమకు చెందిన ఈ నల్లకలువ తెలుగు వారందరికి కూడా పరిచయమే. చామనఛాయ, కుదురైన ఆకృతి, నటన తెలిసిన కళ్లు ఆమె ప్రత్యేకత. ముంబైలో పుట్టిపెరిగినా తన మూలాలు మాత్రం మలయాళంలోనే ఉన్నాయి. తన టాలెంట్‌తో సౌత్‌ ఇండియాలోని అన్ని భాషల్లోనూ నటిస్తుంది. 2017లో ఎంట్రీ ఇచ్చిన ఈ బ్యూటీ తక్కువ సమయంలోనే గుర్తింపు తెచ్చుకుంది. రీసెంట్‌గా జిగర్తాండ డబుల్ ఎక్స్, చిన్నా, నాయట్టు (కోట బొమ్మాళి పీఎస్) వంటి చిత్రాలతో టాలీవుడ్‌ వారికి బాగా దగ్గరైంది.తాజాగా ఈ బ్యూటీ కాస్మెటిక్ సర్జరీ చేపించుకున్నారని ప్రచారం జరుగుతుంది. నటి నిమిషా సజయన్ ప్రస్తుతం కాస్మెటిక్ సర్జరీ చర్చల అంశం మలయాళ పరిశ్రమలో చర్చ జరుగుతుంది. కెరీర్ ప్రారంభంలో ఆమెను చూసిన క్షణం నుంచి ప్రస్తుతం ఆమె ముఖం కొద్దిగా మారిపోయిందని వారు అంటున్నారు. దీనిపై కాస్మోటాలజిస్టుల అభిప్రాయం అందరినీ ఆకర్షిస్తోంది. ఇటీవల సోషల్ మీడియా ద్వారా దృష్టిని ఆకర్షించిన డాక్టర్ శిఖా, తాను కాస్మెటిక్ సర్జరీలు చేయించుకోలేదని చెప్పింది. నిమిషా ముఖంలో వచ్చిన మార్పులకు కారణాన్ని కూడా పంచుకున్నారు.నిమిషా సజయన్‌ మునుపటి కంటే ఇప్పుడు ఎక్కువ బరువు తగ్గిందని ఆమె తెలిపింది. రింగులుగా ఉన్న ఆమె జుట్టు స్ట్రెయిట్ చేయబడింది. ఆమె పెదవిలోనూ ఏమీ మార్పులేదు. తన మొహంలో కూడా ఎలాంటి మార్పూ లేదని తాను అనుకుంటున్నట్లు డాక్టర్ శిఖా వ్యాఖ్యానించారు. ప్రస్తుతం తన అందానికి ఫిదా అయిన చాలామంది నిమిషా సోషల్‌మీడియా ఖాతా కామెంట్ బాక్స్‌లో ప్రశంసిస్తున్నారు. సహజ సౌందర్యం ఉన్న గొప్ప నటి నిమిషా అని పలువురు వ్యాఖ్యానించారు. గత కొన్ని రోజులుగా నిమిషాపై సోషల్ మీడియాలో పెద్ద ఎత్తున సైబర్ ఎటాక్ జరుగుతోంది.మలయాళ ప్రముఖ నటుడు సురేష్ గోపి త్రిసూర్ ఎన్నికల్లో గెలవలేరని ఆమె పబ్లిక్ ఫోరంలోనే కామెంట్‌ చేసింది. అయితే, తాజాగా సురేష్ గోపీ విజయం సాధించారు. దీంతో పాత ప్రస్తావన పేరుతో ఆమెపై ట్రోల్స్ వచ్చాయి. దీంతో ఆమె సోషల్ మీడియా కామెంట్ బాక్స్‌ను ఆఫ్ చేసింది. View this post on Instagram A post shared by NIMISHA BINDU SAJAYAN (@nimisha_sajayan)

ఒక భాషలో మొదలైన పాట ఆ భాషలోనే ఆగిపోతుంది. అయితే ఈ పాట విషయంలో అలా జరగలేదు. మలయాళంలో మొదలైన పాట హిందీలోకి వచ్చింది. ఆ తరువాత బెంగాలీలోకి వచ్చి ఎండ్‌ అయింది.ఎక్కడా కృత్రిమత్వం అనిపించదు. హాయిగా వినాలనిపిస్తుంది. మ్యాటర్‌లోకి వస్తే... స్మితాదేవ్‌ అనే ఇన్‌స్టాగ్రామ్‌ యూజర్‌ ‘ఎడక్కడ్‌ బెటాలియన్‌’ అనే మలయాళ సినిమాలోని ‘ఎన్‌ జీవనే’ పాటను మూడు భాషల్లో చక్కగా పాడింది. స్మిత గొంతుకకు, ఆమె మల్టీ లింగ్వల్‌ టాలెంట్‌కు నెటిజనులు జేజేలు పలికారు.హిందీ సంగతి సరే, మలయాళీ పాటను సహజంగా పాడడం అనేది గొప్ప విషయం. అచ్చం మలయాళీ సింగర్‌ పాడినట్లుగా ఉంది’ అని ఒక నెటిజన్‌ స్పందించాడు. ‘ఈ పాట పుణ్యమా అని మళయాళం, బెంగాలీ భాషల ధ్వనిలోని కొన్ని అద్భుతమైన సారూప్యతలను గమనించే వీలు కలిగింది’ అంటూ స్పందించాడు ఒక విశ్లేషకుడు. ‘మీ పాట మ్యూజిక్‌ స్ట్రీమింగ్‌ ΄్లాట్‌ఫామ్‌లలో ఉండేలా చూడండి’ అని ఒక ఇన్‌స్టాగ్రామ్‌ యూజర్‌ అడిగాడు.

టాలీవుడ్‌లో ఇప్పుడ అనుపమ పరమేశ్వరన్‌ ట్రెండ్‌ కనిపిస్తుంది. వరుస సినిమాలతో తన జోరు కొనసాగిస్తుంది. ఇప్పటికే 'టిల్లు స్క్వేర్‌'తో బ్లాక్‌బస్టర్‌ హిట్‌ కొట్టిన ఈ బ్యూటీ ఇప్పుడు మరొక సినిమాతో ప్రేక్షకుల ముందుకు వచ్చేందుకు సిద్ధంగా ఉంది. ఈ సినిమాకు 'పరదా' అనే టైటిల్‌ను ఫిక్స్‌ చేశారు. 'సినిమా బండి' దర్శకుడు ప్రవీణ్‌ కండ్రేగులతో చేస్తున్న సినిమా నుంచి తాజాగా4 టైటిల్‌ టీజర్‌ విడుదలైంది.ఆనంద మీడియా బ్యానర్‌పై విజయ్ డొంకాడ నిర్మాణంలో రూపొందుతున్న ఈ సినిమా సరికొత్తగా అనిపిస్తుందని అనుపమ చెబుతుంది. ఇప్పటి వరకు ఎక్కడా చూడని కథతో వస్తున్నామని ఆమె చెప్పింది. మలయాళ నటి దర్శన రాజేంద్రన్‌తో పాటు సంగీత, రాగ్‌ మయూర్‌ తదితరులు కీలక పాత్రలు పోషిస్తున్నారు. వాస్తవంగా ఈ ప్రాజెక్ట్‌లో సమంత నటించాల్సింది. కానీ ఆమె ఆరోగ్యం సహకరించకపోవడంతో అనుపమకు ఈ ఛాన్స్‌ దక్కింది.

ఈ మధ్య కాలంలో సౌత్‌ ఇండియాలో బాగా వినిపించిన మ‌ల‌యాళం సినిమాల్లో 'మంజుమ్మ‌ల్ బాయ్స్' ఒక‌టి. రూ.20కోట్ల బ‌డ్జెట్‌తో నిర్మిత‌మైన ఈ స‌ర్వైవ‌ల్ థ్రిల్ల‌ర్ ఏకంగా రూ.250 కోట్ల పైచిలుకు వ‌సూళ్లు రాబ‌ట్టి సరికొత్త రికార్డు క్రియేట్‌ చేసింది. తెలుగులో కూడా ఇదే పేరుతో మైత్రీ మూవీ మేక‌ర్స్‌ విడుదల చేశారు.ఎవరూ ఊహించని విధంగా ఈ సినిమా భారీ విజయం సాధించింది. అయితే, తాజాగా ఈ చిత్ర నిర్మాతలపై కేసు నమోదైంది.​ ఎర్నాకుళం కోర్టు ఇచ్చిన ఆదేశాల ప్రకారం 'మంజుమ్మ‌ల్ బాయ్స్' నిర్మాతలైన సౌబిన్ షాహిర్, షాన్ ఆంటోనీ, బాబు షాహిర్‌ల మీద చీటింగ్‌​ కేసు నమోదు చేశారు. కొద్దిరోజుల క్రితం ఆ నిర్మాతలు తనని మోసం చేశారంటూ సిరాజ్‌ వలియతార న్యాయస్థానాన్ని ఆశ్రయించాడు. 'మంజుమ్మ‌ల్ బాయ్స్' సినిమా కోసం తాను రూ.7 కోట్లు పెట్టుబడిగా పెట్టానని సిరాజ్‌ ఫిర్యాదులో పేర్కొన్నాడు.సినిమా విడుదలయ్యాక వచ్చే లాభాల్లో 40 శాతం వాటా తనకు ఇస్తామని చెప్పడంతోనే పెట్టుబడి పెట్టినట్లు సిరాజ్‌ చెబుతున్నాడు. సినిమా భారీ విజయం అందుకున్న తర్వాత తనకు టచ్‌లో లేకుండా పోయారని ఆయన వాపోయాడు. లాభాల సంగతి పక్కనపెడితే తాను పెట్టిన రూ. 7 కోట్ల మొత్తాన్ని కూడా తిరిగి ఇవ్వలేదని ఆయన తెలిపాడు. పూర్తి విచారణ తర్వాత 'మంజుమ్మ‌ల్ బాయ్స్' నిర్మాతలపై కేసు నమోదు చేయాలని ఎర్నాకుళం కోర్టు ఆదేశించింది.2006లో జరిగిన వాస్తవ సంఘటనలను బేస్‌ చేసుకుని 'మంజుమ్మ‌ల్ బాయ్స్' చిత్రాన్ని చిదంబరం తెరకెక్కించారు. సౌబిన్ షాహిర్,శ్రీనాథ్ భాసి, గణపతి, ఖలీద్ రెహమాన్, జార్జ్ మ‌రియ‌న్ తదితరులు నటించిన ఈ సర్వైవల్‌ థ్రిల్లర్‌ సినిమా ఫిబ్రవరి 22న ప్రేక్షకుల ముందుకొచ్చింది.

మలయాళంలో ప్రముఖ దర్శకుడిగా జోషికి మంచి గుర్తింపు ఉంది. ఇప్పటి వరకు ఆయన సుమారు 80కి పైగా చిత్రాలకు దర్శకత్వం వహించారు. ఆయన కుమారుడు అభిలాష్  కూడా దుల్కర్ సల్మాన్ నటించిన కింగ్ ఆఫ్ కొత్త సినిమా ద్వారా డైరెక్టర్‌గా ఎంట్రీ ఇచ్చాడు. తాజాగా ఆయన నివాసంలో సుమారు కోటి రూపాయలు విలువ చేసే ఆభరణాలు చోరీ చేశారు. ఈ కేసులో  నిందితుడు మహ్మద్‌ ఇర్ఫాన్‌ను ఇటీవల పోలీసులు అరెస్ట్‌ చేశారు. దర్శకుడి ఇంట్లో భారీ చోరీకి పాల్పడిన ఇర్ఫాన్‌ గురించి పలు ఆసక్తికర విషయాలను పోలీసులు వెళ్లడించారు. బిహార్‌కు చెందిన ఇర్ఫాన్‌ ఒక గ్రామ సర్పంచ్​ భర్త అని పోలీసులు తెలిపారు. సీసీ టీవీ దృశ్యాల ద్వారా నిందితుడిని గుర్తించగా పరారీలో ఉన్న అతడిని  కర్ణాటక పోలీసుల సాయంతో ఉడిపి జిల్లాలో అరెస్ట్‌ చేశారు. సీసీ టీవీలో రికార్డ్‌ అయిన వీడియోలో ఇర్ఫాన్‌ ఉపయోగించిన కారు నంబర్‌ క్లియర్‌గా కనిపించడంతో అతన్ని పట్టుకోవడం సులభం అయిందని కొచ్చి నగర పోలీసు కమిషనర్ శ్యామ్​ సుందర్ తెలిపారు. ఆ కారు వెనుక భాగంలో గ్రామ సర్పంచ్​ అనే బోర్డు ఉన్నట్లు పోలీసులు గుర్తించారు. నిందితుడు ఇర్ఫాన్‌ పక్కా ప్లాన్‌తో ఇతర రాష్ట్రాల్లో తిరుగుతూ ధనవంతుల నివాసాలే టార్గెట్‌ చేస్తున్నాడు. దొంగతనంలో భాగంగా డబ్బులు, నగలు దొంగిలించి బిహార్‌లోని పేద ప్రజలకు పంచుతున్నాడని సమాచారం.. ఈ విషయం నిజమేనా అని ఓ విలేకరి పోలీసులను ప్రశ్నించగా.. అందుకు సరైన సమాధానం వారి నుంచి రాలేదు. తమ దృష్టిలో ఇర్ఫాన్‌ ఓ నిందితుడంటూ పోలీసులు పేర్కొన్నారు. ఇర్ఫాన్‌పై ఆరు రాష్ట్రాల్లో 19 కేసులు ఉన్నట్లు పోలీసులు గుర్తించారు. గతనెలలోనే జైలు నుంచి ఆయన విడుదలయ్యారని వారు తెలిపారు. ప్రస్తుతం ఇర్ఫాన్‌ నుంచి రూ. కోటీ 20 లక్షల రూపాయల విలువైన ఆభరణాలు స్వాధీనం చేసుకున్నట్లు పోలీసులు చెప్పారు. ప్రాథమిక దర్యాప్తు ప్రకారం నిందితుడు ఏప్రిల్ 20న కొచ్చికి వచ్చాడని తెలిపారు. నగరంలో విలాసవంతంగా ఉండే ప్రాంతాల గురించి ఆరా తీసి ప్లాన్‌ వేసినట్లు చెప్పారు.  అయితే ఈ దొంగతనం జరిగినప్పుడు జోషీ కుటుంబ సభ్యులు అందరూ కూడా ఇంట్లోనే ఉన్నారని పోలీసులు వెల్లడించారు. ఈ దొంగతనం తెల్లవారుజామున జరగడంతో వారు నిద్రలో ఉన్నట్లు సమాచారం.

సినీ ఇండస్ట్రీలో తీవ్ర విషాదం నెలకొంది. ప్రముఖ మలయాళ నిర్మాత గాంధీమతి బాలన్ (66) కన్నుమూశారు. 1980ల్లో అగ్ర నిర్మాతల్లో ఒకరైన ఆయన గాంధీమతి పేరుతో నిర్మాణ సంస్థను స్థాపించారు. అనారోగ్యంతో ఓ ప్రైవేట్ ఆస్పత్రిలో చేరిన ఆయన తుదిశ్వాస విడిచారు. ఈ విషయం తెలుసుకున్న మలయాళ సినీ ప్రముఖులు సంతాపం తెలియజేస్తున్నారు.  మలయాళంలో 'సుఖమో దేవి', 'పంచవడి పాలం' 'తూవనతుంబికల్', మూన్నం పక్కం, నంబరతి పూవు, సుఖమో దేవి, ఇదిరి నేరమ్ ఒతిరి కార్యం వంటి హిట్ చిత్రాలు నిర్మించారు. బాలన్ కేవలం ఇరవై ఏళ్ళ వయసులో నిర్మాతగా మలయాళ చిత్ర పరిశ్రమలోకి ప్రవేశించాడు. మలయాళంలో నిర్మాతగా దాదాపు 33 చిత్రాలు నిర్మించారు. కొన్నేళ్ల క్రితం బాలన్ తన కుమార్తెతో కలిసి సైబర్-ఫోరెన్సిక్ స్టార్టప్ కంపెనీని ప్రారంభించారు.  

'టిల్లు స్క్వేర్‌'తో హిట్‌ కొట్టిన అనుపమ పరమేశ్వరన్‌ నుంచి మరో కొత్త సినిమా రానుంది. మ‌ల‌యాళం సినిమా 'జాన‌కి వ‌ర్సెస్ స్టేట్ ఆఫ్ కేర‌ళ' పేరుతో త్వరలో ప్రేక్షకుల ముందుకు రానుంది. కోర్ట్ రూమ్ డ్రామాగా రూపొందుతోన్న ఈ మూవీ ద్వారా దాదాపు రెండేళ్ల విరామం అనంత‌రం మ‌ల‌యాళంలోకి రీఎంట్రీ ఇవ్వ‌బోతున్న‌ది అనుప‌మ ప‌ర‌మేశ్వ‌ర‌న్‌. ‘టిల్లు స్క్వేర్‌’లో గ్లామర్‌ పాత్రలో అదరగొట్టిన అనుపమ ఇప్పుడు కేర‌ళ రాష్ట్ర ప్ర‌భుత్వానికి వ్య‌తిరేకంగా పోరాడే పాత్రలో కనిపించనుంది.  ఇందులో జానకిగా అనుపమ ప్రేక్షకుల ముందుకు రానుంది.  లాయర్‌గా మ‌ల‌యాళ సీనియ‌ర్  నటుడు సురేశ్‌ గోపి నటిస్తున్నారు. తాజాగా ఈ సినిమాలోని తన పాత్రకు సంబంధించిన డబ్బింగ్‌ పనులు పూర్తి చేసుకున్న అనుపమ దర్శకుడితో ఉన్న ఫొటోను తాజాగా తన ఇన్‌స్టాలో పంచుకుంది. 'నా తదుపరి చిత్రానికి డబ్బింగ్‌ పూర్తైంది' అంటూ అందులో రాసుకొచ్చింది. కేరళ ప్ర‌భుత్వానికి వ్య‌తిరేకంగా న్యాయం కోసం పోరాడే జాన‌కి అనే యువ‌తిగా అనుప‌మ ప‌ర‌మేశ్వ‌ర‌న్ క‌నిపించ‌నుండగా.. ఆమె త‌ర‌ఫున‌ కేసును వాదించే లాయ‌ర్ పాత్ర‌లో సురేష్ గోపి న‌టిస్తున్నాడు. మ‌ల‌యాళంతో పాటు తెలుగులో కూడా ఈ సినిమా విడుదల కానుంది. ఈ చిత్రానికి ప్ర‌వీణ్ నారాయ‌ణ‌న్ ద‌ర్శ‌క‌త్వం వ‌హిస్తున్నాడు. ఈ సినిమాతో సురేష్‌ గోపి కుమారుడు మాధ‌వ్ సురేష్‌ ఎంట్రీ ఇస్తున్నట్లు వార్తలు వస్తున్నాయి.

అంజలి మీనన్‌ మహిళా దర్శకురాలిగా తనకంటూ ప్రత్యేక స్థానాన్ని సంపాదించుకున్నారు. గతంలో బెంగళూరు డేస్‌, మంచాడి గురు, ఉస్తాద్‌ హోటల్‌ వంటి వైవిధ్య భరిత కథా చిత్రాలను తెరకెక్కించారు. ఇటీవలే ఆమె దర్శకత్వం వహించిన వండర్‌ ఉమెన్‌ చిత్రం విడుదలై విమర్శకుల ప్రశంసలను అందుకుంది. తాజాగా అంజలి మీనన్‌ మరో చిత్రానికి సిద్ధమవుతున్నారు. ఈసారి తమిళ చిత్రానికి దర్శకత్వం వహించబోతున్నారు. కేఆర్‌జీ సంస్థ  ఈ మూవీని నిర్మించనుంది. ఈ సంస్థ తొలిసారిగా తమిళంలో చిత్ర నిర్మాణాన్ని ప్రారంభించింది. అంజలిమీనన్‌ సహా ప్రతిభావంతులైన పలువురు నవ దర్శకులను ప్రోత్సహించే విధంగా తమ సంస్థ పనిచేస్తుందని తెలిపింది. మంచి కథ అందించడమే లక్ష్యంగా తమ సంస్థ పనిచేస్తుందని మేకర్స్ పేర్కొన్నారు. ఆలోచింప జేసే కథ, కథనాలతో పాటు ప్రేక్షకులకు మంచి ఎంటర్‌టెయిన్‌మెంట్‌ ఇచ్చే కథా చిత్రాలను అందిస్తామని చెప్పారు. దర్శకురాలు అంజలిమీనన్‌ మట్లాడుతూ ప్రేక్షకులకు ఆసక్తిని కలిగించే మన సంస్కృతికి అద్దం పట్టే విధంగా ప్రపంచ స్థాయి కథా చిత్రాలను రూపొందిస్తామని చెప్పారు. ఈ చిత్రానికి సంబంధించిన పూర్తి వివరాలను త్వరలోనే వెల్లడించనున్నట్లు ఆమె పేర్కొన్నారు.  Happy to share news about the next film and our exciting association with @KRG_Studios @Karthik1423 @vjsub @yogigraj It’s a first step for me with தமிழ் and with all the blessings, I hope we can bring together a memorable movie. 🙏❤️ https://t.co/rkfsUzleeM — Anjali Menon (@AnjaliMenonFilm) February 20, 2024

మలయాళ మెగాస్టార్ మమ్ముట్టి నటించిన తాజా చిత్రం భ్రమయుగం. మలయాళంలో తెరకెక్కించిన ఈ సినిమా ఇటీవలే ప్రేక్షకుల ముందుకొచ్చింది. ఈ మూవీని రాహుల్‌ సదాశివన్‌ దర్శకత్వం తెరకెక్కించారు. సరికొత్త పీరియాడిక్ హారర్‌ థ్రిల్లర్‌గా వచ్చిన ఈ చిత్రానికి బాక్సాఫీస్ వద్ద విపరీతమైన రెస్పాన్స్ వస్తోంది. మలయాళంలో సూపర్‌ హిట్‌ టాక్‌ను సొంతం చేసుకుంది. బ్లాక్ అండ్ వైట్‌లో రూపొందించిన ఈ మూవీపై టాలీవుడ్‌ ప్రేక్షకుల్లో ఆస‍క్తి నెలకొంది.  దీంతో తెలుగు వర్షన్‌ కోసం ఆడియన్స్ ఎంతో ఆసక్తిగా ఎదురు చూస్తున్నారు. ఈ మూవీని తెలుగులోనూ రిలీజ్‌కు అంతా సిద్ధమైంది. ఫిబ్రవరి 23న సితార ఎంటర్‌టైన్‌మెంట్‌ బ్యానర్‌పై టాలీవుడ్ ప్రేక్షకుల ముందుకు తీసుకొస్తున్నారు. ఇప్పటికే ఈ సినిమాకు సంబంధించిన తెలుగులో టీజర్‌, ట్రైలర్‌ ‍రిలీజ్‌ కాగా.. ఆడియన్స్‌ నుంచి పాజిటివ్ రెస్పాన్స్ వచ్చింది. ఈ నేపథ్యంలో తెలుగు వర్షన్‌ విడుదల కోసం వెయిట్ చేస్తున్నారు. ఈ మూవీని త్వరలోనే కన్నడ, తమిళ, హిందీ భాషల్లోను విడుదల చేసేందుకు మేకర్స్ రెడీ అవుతున్నారు. ఈ చిత్రంలో అర్జున్ అశోకన్, సిద్దార్థ్‌, భరతన్, అమల్దా లిజ్‌ నటించారు. ఈ చిత్రానికి క్రిస్టో జేవియర్ సంగీతం‌ అందించారు.

మలయాళ హీరో షాన్‌ నిగమ్‌, కలైయరసన్‌, నిహారిక, ఐశ్వర్య దత్తా ప్రధాన పాత్రల్లో నటిస్తోన్న తాజా చిత్రం  మెడ్రాస్‌ కారన్‌. చాలా ఏళ్ల తర్వాత మెగా డాటర్ నిహారిక ఈ సినిమా ద్వారా రీ ఎంట్రీ ఇస్తోంది. ఈ చిత్రానికి వాలిమోహన్‌ దాస్‌ దర్శకత్వం వహిస్తున్నారు. ఇటీవల ఈ చిత్ర షూటింగ్‌ పూజా కార్యక్రమాలతో మొదలైంది. ఈ నిహారిక కొణిదెల కూడా హాజరయ్యారు. అయితే  ఈ సందర్భంగా ముఖ్య అతిథిగా హాజరైన దర్శకుడు పాన్‌రామ్‌ మాట్లాడుతూ దర్శకుడు వాలిమోహన్‌ దాస్‌ మంచి మిత్రుడు అని పేర్కొన్నారు. తాము ప్రతి చిత్ర షూటింగ్‌కు ముందు స్క్రీన్‌పై గురించి చర్చించుకుంటామని చెప్పారు. ఆయన మంచి ప్రతిభావంతుడని అన్నారు. ఈయన ఎదుగుదల తనకు చాలా ఆనందాన్ని కలిగిస్తుందన్నారు. షాన్‌ నిగమ్‌ అంటే తనకు చాలా ఇష్టమని చెప్పారు. నటుడు కలైయరసన్‌ తనకు మంచి స్నేహితుడని అన్నారు. ఈ టీమ్‌ కలిసి చిత్రం చేయడం సంతోషంగా ఉందన్నారు. మెడ్రాస్‌ కారన్‌ చిత్రం మంచి విజయాన్ని సాధించాలని మనస్ఫూర్తిగా కోరుకుంటున్నానని దర్శకుడు పొన్‌రామ్‌ అన్నారు. మెడ్రాస్‌ కారన్‌ మంచి యాక్షన్‌, డ్రామా కథా చిత్రంగా ఉంటుందని చిత్ర దర్శకుడు వాలిమోహన్‌దాస్‌ పే ర్కొన్నారు. చిత్ర షూటింగ్‌ చైన్నె, మదురై, కొచ్చి ప్రాంతాల్లో నిర్వహించనున్నట్లు చెప్పారు. దీనికి సంబంధించిన మరిన్ని వివరాలను త్వరలో వెల్లడించనున్నట్లు దర్శకుడు చెప్పారు.

మలయాళ నటి శ్వేతామీనన్ అందరికీ గుర్తే.. 2011లో ఘన విజయం సాధించిన శృంగార ప్రేమ కథా చిత్రం'రతి నిర్వేదం' ద్వారా ఆమె తెలుగులో కూడా పాపులారిటీ సంపాదించుకుంది. శ్వేతామీనన్ కీలక పాత్ర పోషించగా మలయాళంలో రూపొందిన ఈ చిత్రం తెలుగులోనూ ట్రెండ్‌ సెట్‌ చేసింది. శ్రీజిత్ విజయ్‌ కథానాయకుడిగా టి.కె.రాజీవ్‌కుమార్‌ ఈ చిత్రానికి దర్శకత్వం వహించారు. యధార్థ సంఘటనలతో పి.పద్మరాజన్ రచించిన నవల 'రతినిర్వేదం' 1978లో సినిమాగా తెరకెక్కి సూపర్ హిట్ అయింది. అదే టైటిల్‌తో 2011లో ఆ సినిమాను శ్వేతామీనన్‌తో రీమేక్ చేశారు.  శృంగార సన్నివేశాలతో నిండిపోయిన ఈ చిత్రంలో హాట్‌హాట్‌ అందాలతో  శ్వేత అలరించింది. 1991లో మలయాళ చిత్రంలో అడుగు అడుగు పెట్టిన ఆమె గతంలో కొన్ని రొమాన్స్‌ సీన్స్‌తో పాటు బికినీలో కూడా కనిపించింది. ఈ అంశంపై ఆమెకు తాజాగా పలు ప్రశ్నలు ఎదురయ్యాయి. ఇలాంటి పాత్రలలో మళ్లీ నటిస్తారా అని ఆమెకు ప్రశ్న ఎదురైంది. అందుకు ఆమె ధీటుగానే సమాధానం ఇచ్చింది. 'నేను ఏ పాత్రలో నటిస్తున్నానో తెలుసుకున్న తర్వాతే గ్రీన్‌ సిగ్నల్‌ ఇస్తాను. సినిమాకు అవసరం అనిపిస్తే బికినీలో నటించాల్సి వచ్చినా నేను నటిస్తాను. కథాంశం కోసం అవసరమైతే మరోక అడుగు ముందుకేసి నగ్నంగా నటించడానికి కూడా నేను సిద్ధంగా ఉన్నాను.' అని శ్వేతా మీనన్‌ 50 ఏళ్ల వయసులో ధీటుగా చెప్పింది.

మమ్ముట్టి ప్రధాన పాత్రలో నటిస్తున్న మలయాళ చిత్రం 'భ్రమయుగం'. రాహుల్‌ సదాశివన్‌ దర్శకత్వం వహిస్తున్నారు. చక్రవర్తి రామచంద్ర, ఎస్‌. శశికాంత్‌ నిర్మిస్తున్న ఈ సినిమా థియేటర్స్‌కి వచ్చే రోజు ఖరారైంది. తాజాగా ఈ సినిమాకు సంబంధించిన తెలుగు టీజర్‌తో పాటు ట్రైలర్‌ను కూడా చిత్ర యూనిట్‌ విడుదల చేసింది. భిన్నమైన హారర్‌ థ్రిల్లర్‌ కథతో రూపొందిన ఈ చిత్రంలో అర్జున్ అశోకన్, సిద్దార్థ్‌, భరతన్, అమల్దా లిజ్‌ నటించారు. మలయాళంతో పాటు తెలుగు, కన్నడ, మలయాళ, హిందీ భాషల్లో ఫిబ్రవరి 15న ఈ చిత్రాన్ని విడుదల చేయనున్నారు. ‘‘హారర్‌–థ్రిల్లర్‌ జానర్‌లో ప్రతిష్టాత్మకంగా రూపొందుతోన్న చిత్రమిది’’ అని చిత్రయూనిట్‌ పేర్కొంది. ఈ చిత్రానికి కెమెరామెన్‌గా షెహనాద్‌ జలాల్ ఉంటే సంగీతం క్రిస్టో జేవియర్‌ అందించారు. సౌత్‌ ఇండియాలో విభిన్నమైన నటుడిగా మమ్ముట్టికి ప్రత్యేకమైన స్థానం ఉంది. అందుకే ఆయనకు గతంలో జాతీయ అవార్డు కూడా దక్కింది. యాత్ర, యాత్ర-2 చిత్రాలతో ఆయన తెలుగువారికి మరింత చేరువయ్యారు. దివంగత నేత వైఎస్‌ రాజశేఖరరెడ్డి గారి పాత్రలో మమ్ముట్టి అద్భుతంగా ఒదిగిపోయారని ఆయన్ను తెలుగు రాష్ట్రాల్లోని ప్రజలు అభినందిస్తున్నారు.

మలయాళంలో మంచి గుర్తింపు తెచ్చుకున్న నటీమణుల్లో ఆర్య ఒకరు. బుల్లితెర నటిగా కెరీర్ ప్రారంభించిన ఆమె మలయాళంలో చాలా సినిమాల్లో నటించింది. అంతే కాకుండా మలయాళ బిగ్‌బాస్‌ సీజన్‌-2లో కంటెస్టెంట్‌గా పాల్గొంది. వీటితో పాటు బడాయి బంగ్లా, స్టార్ మ్యూజిక్  లాంటి రియాలిటీ షోలలో కనిపించింది. అయితే తాజాగా ఒక యూట్యూబ్ ఛానెల్‌కి ఇచ్చిన ఇంటర్వ్యూలో తన కెరీర్‌కు సంబంధించి పలు ఆసక్తికర విషయాలు పంచుకుంది. తన జీవితంలో ఎదుర్కొన్న సమస్యలు, ముఖ్యంగా తన భర్త రాహుల్ సుశీలన్‌తో విడిపోవడానికి గల కారణాలను వెల్లడించింది. ఐదేళ్ల తర్వాత  తొలిసారి తన విడాకులపై స్పందించింది.   బిగ్‌బాస్‌ కంటెస్టెంట్‌ ఆర్య మాట్లాడుతూ.. 'ఇప్పుడు నేను దాని గురించి ఆలోచిస్తున్నా. వదిలించుకోవడానికే అతను నన్ను బిగ్ బాస్‌కి పంపాడా అనే అనుమానం ఉంది. ముఖ్యంగా షోలో వెళ్లడానికి నాకు మద్దతు ఇచ్చిన వ్యక్తి.  నాకు ఓ కుమార్తె ఉంది. మా నాన్న చనిపోయి చాలా కాలం కూడా కాలేదు. బిగ్‌బాస్‌ వెళ్లమని ఆయనే నాకు సపోర్టు చేసి మరీ ఎయిర్‌పోర్టులో దింపారు. నాకు అక్కడ బిగ్‌బాస్‌లో ఉన్నన్ని రోజులు ఎవరితోనూ పరిచయం లేదు. నేను హౌస్‌ నుంచి వచ్చేలోగా నాకు దూరం కావాలనేది అతని ప్లాన్ అని తెలీదు. కానీ ఇది ఒక అవకాశం అని నేను భావిస్తున్నా' అని తెలిపింది.  కొవిడ్ వల్ల నేను  బిగ్ బాస్ నుంచి తిరిగి వచ్చి నా భర్తకు చాలాసార్లు కాల్ చేశా. కానీ లిఫ్ట్ చేయలేదు. దీంతో ఏం చేయాలో నాకు అర్థం కాలేదు. నాకు తెలిసిన ఏకైక నంబర్ అతనిదే.  అతను ఫోన్ తీయకపోవడంతో.. నేను అతని సోదరికి ఫోన్ చేశా. ఆమె జరిగిన విషయమంతా నాకు చెప్పింది. అతని మరో మహిళ వివాహేతర సంబంధంలో ఉన్నాడని నాకు అప్పుడే తెలిసింది. దీంతో అతన్ని కాల్చి చంపాలన్నా కోపం వచ్చింది. కానీ ఇప్పుడైతే అలాంటి కోపం లేదు. కానీ అతనికి ఏదైనా చెడు జరిగిందని తెలిస్తే మాత్రం సంతోషిస్తా.' అంటూ తన కోపాన్ని బయటపెట్టింది. ఆ సమయంలో అతను దుబాయ్‌లో ఉన్నందున.. కొవిడ్ వల్ల అతన్ని కలిసేందుకు వీలు కాలేదని ఆర్య తెలిపింది.  కాగా.. ఆర్య చివరిగా మలయాళ కామెడీ చిత్రం క్వీన్ ఎలిజబెత్‌లో నటించారు. ఈ చిత్రాన్ని ఎం పద్మకుమార్ తెరకెక్కించారు. ఈ చిత్రంలో శ్వేతా మీనన్, నరేన్, జానీ ఆంటోనీ, మీరా జాస్మిన్, నీనా కురుప్ ప్రముఖ పాత్రలు పోషించారు.  View this post on Instagram A post shared by Arya Babu (@arya.badai)  

మలయాళ మెగాస్టార్ మమ్ముట్టి  నటిస్తున్న తాజా చిత్రం 'భ్రమయుగం'.. డైరెక్టర్‌ రాహుల్‌ సదాశివన్‌ ఈ చిత్రాన్ని పాన్‌ ఇండియా రేంజ్‌లో తెరకెక్కిస్తున్నాడు. మమ్ముట్టి  ఇటీవల నటించిన ప్రయోగాత్మక సినిమా 'కాదల్‌: ది కోర్‌'తో  మెప్పించాడు. ఇందులో మమ్ముట్టి స్వలింగ సంపర్కుడి(గే)గా కనిపిస్తాడు. ఇలా విభన్నమైన అంశాలతో సినిమాలు తీసి సూపర్‌ హిట్లు కొడుతున్న ఆయన త్వరలో 'భ్రమయుగం' చిత్రం ద్వారా తెరపైకి రానున్నాడు. తాజాగా విడుదలైన భ్రమయుగం టీజర్‌ పూర్తిగా బ్లాక్‌ అండ్‌ వైట్‌లో ఉంది. ఈ సినిమా నుంచి వచ్చిన మొదటి పోస్టర్‌తో పాటు  అన్నీ అంశాలు చాలా ప్రత్యేకంగానే ఉన్నాయి. భిన్నమైన హారర్‌ థ్రిల్లర్‌ కథతో రూపొందిన ఈ చిత్రంలో అర్జున్ అశోకన్, సిద్దార్థ్‌, భరతన్, అమల్దా లిజ్‌ నటించారు. మలయాళంతో పాటు తెలుగు, కన్నడ, మలయాళ, హిందీ భాషల్లో ఇదే ఏడాదిలో ఈ సినిమా విడుదల కానుంది. కానీ ప్రస్తుతం మాత్రం మలయాళ టీజర్‌ను చిత్ర యూనిట్‌ విడుదల చేసింది.

మలయాళ బిగ్ బాస్ మూడో సీజన్‌లో ఫేమ్ తెచ్చుకున్న జంట ఫిరోజ్ ఖాన్, సజ్నా ఫిరోజ్. ప్రస్తుతం ఈ జంట విడాకులు తీసుకుంటున్నట్లు తెలుస్తోంది. విడిపోవడానికి కేవలం తన వ్యక్తిగత కారణాలేనని సజ్నా సోషల్ మీడియా ద్వారా వెల్లడించింది. ఈ విషయాన్ని తన యూట్యూబ్ ఛానెల్‌ ద్వారా తెలిపింది. విడాకుల గురించి తెలిసి.. తన అభిమానులు తన పట్ల పూర్తి భిన్నంగా వ్యవహరిస్తున్నారని ఆమె ఆరోపించింది. (ఇది చదవండి: యానిమల్ సక్సెస్.. క్రేజీ ట్యాగ్ కోల్పోయిన రష్మిక!) సజ్నా వీడియోలో మాట్లాడుతూ..'ఈ విషయం చెప్పాలంటే నాకు చాలా బాధగా ఉంది. మాతో సన్నిహితులు కూడా ఇది ఊహించి ఉండరు. కానీ ఫిరోజ్, నేను విడాకులకు సిద్ధమవుతున్నాం. ఈ విషయాన్ని పరస్పరం అంగీకరించాం. అయితే ఇది పూర్తిగా మా వ్యక్తిగత నిర్ణయమే. ఈ విషయం తెలిసిన కొందరు నాతో అనుచితంగా ప్రవర్తించారు. నా తమ్ముడిగా భావించే వ్యక్తి నుంచే చేదు అనుభవం ఎదురైంది' అని తెలిపింది. అయితే విడిపోయినప్పటికీ మా పిల్లల కోసం మాట్లాడతామని పేర్కొంది. ప్రస్తుతం పిల్లలు మా అమ్మ వద్ద ఉన్నారని.. మేం విడిపోయామన్న విషయం వారికి తెలియదని చెప్పుకొచ్చింది.  విడిపోయిన తర్వాత వచ్చిన మార్పులను సజ్నా వివరించింది. ప్రస్తుతం నా జీవితంలో ఒంటరిగా ప్రయాణిస్తున్నానని సజ్నా తెలిపింది. అయితే ఒకసారి నేను విడాకుల కోసం దాఖలు చేసిన తర్వాత దుబాయ్‌లో ఓ ఈవెంట్‌కి వెళ్లానని వెల్లడించింది. అక్కడ ఉన్న నా కుటుంబానికి చెందిన సోదరుడి లాంటి  వ్యక్తి నాతో చెడుగా ప్రవర్తించాడని చెప్పింది. వాడు నా వీపు మీద చెయ్యి వేసి అసభ్యంగా వ్యవహరించాడు. అతనికి చెడు ఉద్దేశాలు ఉంటే నేను అర్థం చేసుకోలేకపోయానని.. దీంతో ఏడుస్తూ కూర్చున్నానని ఆవేదన వ్యక్తం చేసింది. ఫిరోజ్, సజ్నాలకు ఇది రెండో వివాహం కాగా.. ఈ జంట  మలయాళంలో బిగ్ బాస్ కంటెస్టెంట్స్‌గా అడుగుపెట్టారు. ఈ  జంట షో మధ్యలోనే ఎలిమినేట్ అయ్యారు. ప్రస్తుతం సజ్నా టీవీ సీరియల్స్‌లో యాక్టివ్‌గా ఉంది. (ఇది చదవండి: ఈ విషయం చెప్పేందుకు సిగ్గుతో తలదించుకుంటున్నా: విశాల్) View this post on Instagram A post shared by SAJNANOOR (@itssajnanoor) View this post on Instagram A post shared by SAJNANOOR (@itssajnanoor)

మలయాళ బుల్లి తెర నటి డాక్టర్‌ ప్రియా గుండెపోటుతో కుప్పకూలి చనిపోయిన సంగతి తెలిసింది. నిండు గర్భిణి అయిన ఆమె సాధారణ చెకప్‌ కోసం ఆస్పత్రికి వచ్చినప్పుడే ఈ విషాద ఘటన చోటు చేసుకుంది. దీంతో వైద్యులు ఆపరేషన్‌  చేసి ఆమె కడుపులో ఉన్న శిశువుని బయటకు తీసి ఐసీయూలో ఉంచి చికిత్స అందిస్తున్నారు. నెలల నిండక మునుపే పుట్టడంతో వైద్యులు ఆ చిన్నారిని అబ్జర్వేషన్‌లో ఉంచి పర్యవేక్షిస్తున్నారు. గర్భంతో ఉన్నప్పుడు మహిళలకు గుండె సంబంధిత సమస్యలు తలెత్తుతాయా? ఎందువల్ల ఇలా జరుగుతుంది తదితరాల గురించే ఈ కథనం!. అధిక రక్తపోటు, ధూమపానం తదితరాలే గుండె జబ్బులకు ప్రధాన ప్రమాద కారకాలు. కానీ నిపుణల అభిప్రాయం ప్రకారం గుండె సంబంధ సమస్యలకు మరో ప్రధాన కారకం ఉంది. అదే గర్భధారణ సమయంలో వచ్చే ప్రీక్లాంప్సియా. ఈ ప్రీక్లాంప్సియా అనేది ప్రమాదకరమైన తీవ్ర రక్తపోటు పరిస్థితి. ఇది మహిళలకు గర్భం దాల్చిన 20 వారం నుంచి మొదలవుతుంది. ఈ ప్రీక్లాంప్సియా చరిత్ర ఉన్న స్త్రీలు గుండెపోటు లేదా స్ట్రోక్‌తో చనిపోయే ప్రమాదాలు ఎక్కువగా ఉంటాయి. గర్భస్రావమైన లేదా నెలలు నిండకుండానే ప్రసవించిన మహిళలకు ఈ ప్రమాదం మరింత ఎక్కువుగా ఉంటుందని పరిశోధనలు చెబుతున్నాయి. ప్రపంచవ్యాప్తంగా జరిగే డెలివరీలలో 8% వరకు క్లిష్టతరం కావడానికి ప్రధానం కారణం ఈ ప్రీక్లాంప్సియానే అని వైద్యలు చెబుతున్నారు. యూఎస్‌లో 15% అకాల ప్రసవాలకు ఈ పరిస్థితి వల్లేనని తెలిపారు వైద్యులు. ప్రీక్లాంప్సియా లక్షణాలు ఎలా ఉంటాయంటే.. తలనొప్పి మబ్బు మబ్బుగా కనిపించడం కంటిలో నల్లటి మచ్చలు కడుపులో కుడివైపు నొప్పి చేతులు, ముఖం వాచి ఉండటం ఊపిరి ఆడకపోవడం గర్భధారణ సమయంలో గుండె పదిలంగా ఉండాలంటే.. రక్తపోటును క్రమం తప్పకుండా చెక్‌ చేయించుకోవాలి ఆరోగ్యకరమైన, కాలానుగుణ ఆహారాన్ని తినడం వ్యాయామం చేయడం. ఇందులో మోస్తరు నుండి అధిక-తీవ్రత వర్కౌట్‌లు లేదా యోగా ఉంటాయి అధిక బరువు పెరగకుండా ఉండండి ఒత్తిడికి దూరంగా ఉండండి శరీరంలో సరైన రక్త ప్రసరణ ఉండేలా చూసుకోవడం తదితరాలను పాటిస్తే గర్భధారణ సమస్యలో ఈ గుండె సంబంధిత సమస్యల ఎదురవ్వవు.  (చదవండి: త​క్కువ వ్యాయామమే మంచి ఫలితాలిస్తుంది!పరిశోధనల్లో షాకింగ్‌​ విషయాలు)  

తిరువనంతపురం: ఇస్రో చైర్మన్‌ ఎస్‌.సోమనాథ్‌ ఆత్మకథ రాశారు. ‘నిలవు కుడిచ సింహగల్‌ (వెన్నెల గ్రోలిన సింహాలు)’ పేరిట మలయాళంలో రాసిన ఈ ఆత్మకథ త్వరలో రానుంది. యువతరానికి తన జీవితం స్ఫూర్తిగా నిలవాలనే ఈ ఆత్మకథ రాసినట్లు ఆయన వెల్లడించారు. అత్యంత నిరుపేద గ్రామీణ కుటుంబంలో పుట్టిన ఆయన ఇస్రో చైర్మన్‌ స్థాయికి ఎదిగిన తీరు, ఆ క్రమంలో ఎదురైన కష్టాలను ఆయన ఇందులో హృద్యంగా వివరించారు. చంద్రయాన్‌ మిషన్‌ విజయం తనను ఆత్మకథ రచనకు పురిగొల్పిందని చెప్పారాయన. ఇంజనీరింగ్‌ కాలేజీకి పాత డొక్కు సైకిల్‌ మీద వెళ్లిన వైనం తదితరాలను పుస్తకంలో పొందుపరిచారు.

ప్రముఖ మలయాళ సినీ నిర్మాత, మీడియా దిగ్గజం, వ్యాపారవేత్త KTC గ్రూప్ ఆఫ్ కంపెనీల వ్యవస్థాపకుడు పీవీ గంగాధరన్ (80) కన్నుమూశారు. వృద్ధాప్య సమస్యలతో కేరళలోని కోజికోడ్‌లోని ఆసుపత్రిలో  గత వారం రోజులుగా  చికిత్స పొందుతూ శుక్రవారం ఉదయం మరణించారు. కోజికోడ్‌లోని ఆయన ఇంటి వద్ద ప్రజలకు అంతిమ నివాళులు అర్పించేందుకు గంగాధరన్ భౌతికకాయాన్ని KTC గ్రూప్ కార్యాలయంలో, ఆ తరువాత టౌన్ హాల్‌లో ఉంచుతారు. రేపు (శనివారం అక్టోబర్ 14న) ఆయన అంత్యక్రియలు జరగనున్నాయి.  ఐదు దశాబ్దాలకు పైగా సినీ రంగానికి విశేష  సేవలందించిన గంగాధరన్‌ అస్తమయంపై  కేంద్ర మంత్రి అనురాగ్‌ ఠాకూర్‌ సహా పలువురు రాజకీయ ప్రముఖులు సినీ నటులు, ఇతర ప్రముఖులు సంతాపం ప్రకటించారు.  పీవీ గంగాధరన్  మలయాళ మీడియా సంస్థ మాతృభూమికి హోల్ టైమ్ డైరెక్టర్‌గా ఉన్నారు.  గృహలక్ష్మి ఫిలింస్ బ్యానర్‌పై పలు పాపులర్‌, అవార్డు  విన్నింగ్‌ చిత్రాలను నిర్మించారు. 1977లో సుజాతతో ప్రారంభించి, మలయాళంలో 22 చిత్రాలను నిర్మించారు. 'మనసా వాచా కర్మణా,' 'అంగడి,' 'అహింస,' 'చిరియో చిరి,' 'కట్టాతే కిలిక్కూడు,' 'వార్త,' 'ఒరు వడక్కన్ వీరగాథ,' 'అధ్వాత్యం,'  లాంటివి వున్నాయి. ఎక్కువ భాగం విమర్శకుల ప్రశంసలతోపాటు ప్రజాదరణ పొందాయి. ఆయన చివరి చిత్రం జానకి జానే, తన కుమార్తెల నిర్మాణ సంస్థ SCube ఫిల్మ్స్‌తో కలిసి దీన్ని నిర్మించారు. యాసిడ్ దాడి నుండి బయటపడినవారిపై  పార్వతి నటించిన ఉయారే చిత్రాన్నికూడా పీవీజీనే నిర్మించడం విశేషం. Saddened by the demise of Shri P.V Gangadharan ji, a pioneer among Malayalam filmmakers. In a career spanning more than 5 decades he was honoured with multiple national and state awards, which stand as a testimony to his outstanding contribution to filmmaking. His works will… pic.twitter.com/m1UL3U0sEL — Anurag Thakur (@ianuragthakur) October 13, 2023 > పీవీజీ అని పిలుచుకునే గంగాధరన్ సినీ, రాజకీయ రంగంలో తనకంటూ ప్రత్యేక గుర్తింపు తెచ్చుకున్నారు.  ప్రస్తుతం ఆల్ ఇండియా కాంగ్రెస్ కమిటీ సభ్యుడిగా కూడా ఉన్నారు. జాతీయ , రాష్ట్ర చలనచిత్ర అవార్డులతో పాటు,  వర్త, తూవల్ కొట్టారం వంటి చిత్రాలకు ఫిల్మ్‌ఫేర్ నుండి ప్రశంసలు అందుకున్నారు.  కనక్కినవ్ మూవీ 1997లో జాతీయ సమగ్రతపై ఉత్తమ ఫీచర్ ఫిల్మ్‌గా ప్రతిష్టాత్మక నర్గీస్ దత్ అవార్డును అందుకుంది.. 2000లో 'సంతాం' చిత్రానికి ఉత్తమ చిత్రంగా జాతీయ అవార్డు లభించింది. వీండుం చిల వీట్టుకార్యంగల్, అచ్చువింటే అమ్మ, నోట్‌బుక్ కూడా రాష్ట్ర చలనచిత్ర అవార్డులను అందుకున్నాయి. 2009లో ఆసియానెట్ నుండి లైఫ్‌టైమ్ అచీవ్‌మెంట్ అవార్డును  వీపీజీ గెలుచుకున్నారు.  కాగా 1943లో మాధవి సామి , పీవీ సామి దంపతులకు జన్మించిన  గంగాధరన్‌కు  భార్య షెరిన్ , ముగ్గురు కుమార్తెలు షెనుగ, షెగ్నా, షెర్గా ఉన్నారు. వీరు  2016లో SCubeని ప్రారంభించారు. Over the years I have only had people and family members rejecting my talents. PVG Sir is the only person who took me under his wings and supported my talents and accepted my skills. He is the reason I am connected to the Malayalam movie industry. RIP#obligation #gratitude pic.twitter.com/yB2tasXApq — Devas Chronicles (@Devas_Group) October 13, 2023

ఒకప్పుడు తన సినిమాలతో అభిమానులను అలరించిన నటి కనకలత. ఆమె సినిమాలతో పాటు సీరియల్స్‌లోనూ తనదైన నటనతో మెప్పించింది. మలయాళ చిత్రాలైన ప్రియం, అధ్యతే కన్మణి చిత్రాలతో ఆమెకు గుర్తింపు లభించింది. దాదాపు మూడు దశాబ్దాలకు పైగా మలయాళం, తమిళంలో ఇండస్ట్రీలో కొనసాగారు. (ఇది చదవండి: యాత్ర 2.. ఫస్ట్‌ లుక్‌ పోస్టర్‌ అవుట్‌.. ఒక్కటి గుర్తుపెట్టుకోండి!) అయితే ప్రస్తుతం కనకలత పరిస్థితి అత్యంత దయనీయ స్థితిలో ఉంది. ఆమెకు అల్జీమర్స్‌తో పాటు పార్కిన్సన్స్ వ్యాధి సోకింది. తాజాగా కనకలత అనారోగ్యం గురించి ఆమె సోదరి విజయమ్మ ఇటీవలే ఓ ఇంటర్వ్యూలో వెల్లడించారు. ఆగస్టు 2021లో ఆమె అనారోగ్యం బారిన పడినట్లు తెలిపింది. ప్రస్తుతం రోజుల తరబడి ఐసీయూలోనే చికిత్స పొందుతున్నారని పేర్కొంది.  ప్రస్తుతం ఆమె ఆహారం తీసుకునే పరిస్థితిలోనే లేరని సోదరి చెబుతోంది. కేవలం లిక్విడ్ ఫుడ్‌తోనే కాలం వెళ్లదీస్తున్నట్లు తెలిపింది. ఆమె తన రోజువారీ కాలకృత్యాలు సైతం మరచిపోతోందని.. డైపర్లు ఉపయోగించాల్సి వస్తోందని వివరించింది. తన పేరు కూడా గుర్తు లేదని ఆమె సోదరి వాపోయింది. ప్రస్తుతం విజయమ్మ, ఆమె మేనల్లుడు కనకలత వద్దే ఉంటున్నారు. కాగా.. 22 ఏళ్లకే పెళ్లి చేసుకున్న నటి 16 ఏళ్ల తర్వాత భర్త నుంచి విడిపోయింది. అయితే ఆమెకు ఎలాంటి సంతానం కలగలేదు.   (ఇది చదవండి: షారుక్‌ ఖాన్‌కు బెదిరింపులు.. మహారాష్ట్ర ప్రభుత్వం కీలక ఆదేశాలు!) ప్రస్తుతం ఆమెకు అసోసియేషన్ ఆఫ్ మలయాళం మూవీ ఆర్టిస్ట్స్ (అమ్మ) నుంచి నెలకు రూ. 5000 అందుతోంది. ఆమెకు సంస్థ బీమా కూడా ఉంది. ఆమె అసోసియేషన్ ఆఫ్ టెలివిజన్ మీడియా ఆర్టిస్ట్స్ (ATMA),  ఫిల్మ్ అకాడమీ ద్వారా ఆర్థిక సహాయం కూడా అందుకుంటోంది. కనకలత తన కెరీర్‌లో 360కి పైగా సినిమాల్లో నటించారు. ఆమె చివరిసారిగా పూక్కలం అనే చిత్రంలో కనిపించింది. నాటకాల ద్వారా తన సినీ జీవితాన్ని ప్రారంభించింది

బాల్యంలోనే సినిమాల్లో ఎంట్రీ ఇచ్చి.. నటిగా మంచి గుర్తింపు దక్కించుకుంది. సీరియల్స్‌తో పాటు సినిమాల్లోనూ నటించింది. టాలీవుడ్‌లో ఎంట్రీ ఇచ్చిన ఆమె వరుస సినిమాలతో అదరగొట్టింది. ఓ లేడీ ఓరియెంటెడ్ మూవీతో కూడా ప్రేక్షకులను ఆకట్టుకుంది. పై ఫోటోలో తన తండ్రి చేతిలో క్యూట్‌గా కనిపిస్తోన్న ఆ చిన్నారి తెలుగులో ‍స్టార్ హీరోయిన్. ఇంతకీ ఎవరో మీరు గుర్తు పట్టారా? (ఇది చదవండి: డబ్బుల కోసం పెళ్లి చేసుకుంటే ఇలానే ఉంటుంది: కంగనా కౌంటర్)  ఆ ఫోటోలోని క్యూట్ చిన్నారి ఎవరంటే.. మలయాళీ ముద్దుగుమ్మ నివేదా థామస్. నేచురల్ స్టార్ నాని జెంటిల్‌మెన్ మూవీతో హీరోయిన్‌గా టాలీవుడ్ ఎంట్రీ ఇచ్చిన భామ.. ఆ తర్వాత నిన్నుకోరి, జై లవ కుశ, 118, బ్రోచేవారెవరురా, వి, జూలియట్ లవర్ ఆఫ్ ఇడియట్, వకీల్ సాబ్ చిత్రాల్లో నటించింది. అంతేకాకుండా శాకిని డాకిని లాంటి లేడీ ఓరియంటెడ్ చిత్రంలో ప్రధాన పాత్ర పోషించింది. అంతకుముందే ఓరుతే వేరు భార్య చిత్రంలో మలయాళ ఇండస్ట్రీలో ఎంట్రీ ఇచ్చి.. తమిళంలోనూ చాలా సినిమాల్లో నటించింది. (ఇది చదవండి: అవతార్‌-2ను మించిన టికెట్‌ ధరలు.. ఆ సినిమాకు ఎందుకంత క్రేజ్!) కాగా.. ఈ ఏడాది ‘ఎంతడా సాజి’ అనే మలయాళ మూవీలో కనిపించిన భామ.. ప్రస్తుతం ఎలాంటి సినిమాలో నటించడం లేదు. అప్పుడప్పుడు సోషల్ మీడియాలో పోస్టులు పెడుతూ అభిమానులతో టచ్‌లో ఉంటోంది.  View this post on Instagram A post shared by Nivetha Thomas (@i_nivethathomas)

ఇటీవలే మహీ వీ రాఘవ దర్శకత్వంలో వచ్చిన వెబ్ సరీస్ సైతాన్. అయితే ఈ సిరీస్‌లో అంతా బోల్డ్ కంటెంట్‌తో సరికొత్త సంచలనం సృష్టించింది. గతంలో బోల్డ్ కంటెంట్ అనగానే చాలామందికి 'మీర్జాపుర్' గుర్తొస్తుందేమో. కానీ ఇప్పుడు దాన్ని తలదన్నే రీతిలో 'సైతాన్' తెరకెక్కించారు. ఎందుకంటే ఈ సిరీస్ లో బూతులు, అడల్ట్ సీన్స్ లెక్కకు మించి ఉన్నప్పటికీ.. ఎమోషన్ కూడా అదే స్థాయిలో వర్కౌట్ అయింది. దీంతో సిరీస్ సూపర్ హిట్ అయింది. అయితే ఈ సిరీస్‌లో బోల్డ్ సీన్లలో నటించిన నటి ఎవరో తెలుసా? ఇంతకు ముందు ఆమె ఎన్ని సినిమాలు చేసింది? అసలు ఆమె బ్యాక్‌ గ్రౌండ్‌ ఏంటనే దానిపై ఇప్పుడు నెట్టింట చర్చ నడుస్తోంది. ఆ వివరాలేంటో ఓ లుక్కేద్దాం పదండి.  (ఇది చదవండి: 'సైతాన్' దర‍్శకుడి వెంటపడుతున్న ఓటీటీలు!) మహీ వి రాఘవ వెబ్ సిరీస్‌ సైతాన్‌లో హీరో తల్లిగా సావిత్రి పాత్రలో నటించింది. ఆమె అసలు పేరు షెల్లీ నబుకుమార్ అలియాస్ షెల్లీ కిశోర్. ఆమె 1983 ఆగస్టు 18న దుబాయ్‌లో జన్మించింది. మలయాళంలో సీరియల్స్ చేస్తూ గుర్తింపు తెచ్చుకుంది. ఆమె కుంకుమపువ్వు సీరియల్‌తో ఫేమ్ తెచ్చుకుంది. మిన్నల్ మురళి, తంగ మీన్‌కల్ లాంటి మలయాళ చిత్రాల్లోనూ నటించింది. ఆమెకు 2006లో ఉత్తమ నటిగా అవార్డును కూడా అందుకుంది. ఇటీవల తెలుగులో వచ్చిన వెబ్ సిరీస్‌ సైతాన్‌లో ఆమె నటించింది. ఇందులో ముగ్గురు పిల్లలకు తల్లిగా ఆమె నటించింది. ఈ సిరీస్‌లో ఆమె నటన మరింత బోల్డ్‌గా కనిపించడంతో ఫ్యాన్స్ ఆమె గురించి ఆరా తీస్తున్నారు. ఈ సిరీస్‌తో ఒక్కసారిగా తెలుగులోనూ పాపులర్ అయిన షెల్లీ కిశోర్  ప్రస్తుతం మలయాళ చిత్రాల్లో నటిస్తూ బిజీగా ఉంది.  (ఇది చదవండి: అక్కడ ప్లేట్స్ కడిగిన స్టార్ హీరోయిన్.. కారణం అదే!) View this post on Instagram A post shared by Shelly.n.kumar (@shelly.n.kumar)

సినీ ఇండస్ట్రీలో ఇటీవల వరుస విషాదాలు చోటు చేసుకుంటున్నాయి. తాజాగా మలయాళ నటుడు, కమెడియన్ మముక్కోయ(77) కన్నుమూశారు. కేరళలోని కోజికోడ్‌లో ఓ ఆసుపత్రిలో చికిత్స పొందుతూ తుదిశ్వాస విడిచారు. సోమవారం రాత్రి మలప్పురం జిల్లాలోని ఫుట్‌బాల్ టోర్నమెంట్‌ కార్యక్రమంలో పాల్గొన్న ఆయన ఒక్కసారిగా కుప్పకూలిపోయాడు. ఆ తర్వాత ఆయనను ఆసుపత్రికి తరలించగా కోలుకోలేక ఇవాళ మృతి చెందారు. ఈ విషయాన్ని ప్రముఖ ట్రేడ్ అనలిస్ట్ శ్రీధర్ పిళ్లై ట్వీట్ చేశారు. (ఇది చదవండి:  సమంత డై హార్డ్ ఫ్యాన్‌.. ఏకంగా ఇంట్లోనే గుడి కట్టేస్తున్నాడు!) మలయాళ చిత్రసీమలో అత్యుత్తమ హాస్య నటులలో ఒకరిగా పేరు మాముక్కోయ సంపాదించారు. 1979లో థియేటర్‌లో తన నటనా వృత్తిని ప్రారంభించిన ఆయన 450కి పైగా మలయాళ చిత్రాలలో నటించారు. మాముకోయ నటనకు రెండు రాష్ట్ర అవార్డులను కూడా గెలుచుకున్నారు. ఆయన ఎక్కువగా కన్నడ, తమిళ, మలయాళ భాషల్లో నటించారు. తెలుగులో డబ్ అయిన దుల్కర్ సల్మాన్ నటించిన జనతా హోటల్, మోహన్‌ లాల్ నటించిన కనుపాప చిత్రాల్లో కీలక పాత్రలు పోషించారు.  #Mamukkoya (77), one of the finest comedy actors ever in Malayalam cinema passed away. Who can forget this Kozhikode man, the epicentre of laughter in so many films?#RIP pic.twitter.com/jrHlmXpv1m — Sreedhar Pillai (@sri50) April 26, 2023

జాతీయ అవార్డ్ గ్రహీత బ్లెస్సీ దర్శకత్వంలో పృథ్విరాజ్ సుకుమారన్ ప్రధాన పాత్రలో తెరకెక్కించిన చిత్రం 'ఆడు జీవితం'. ఈ సినిమాలో పృథ్విరాజ్ సుకుమారన్ హీరోగా నటించారు. మలయాళంలో ఈ పాన్‌ ఇండియా మూవీ తెరకెక్కించారు.ఈ చిత్రాన్ని ఇంగ్లీష్‌లో గోట్ లైఫ్ అనే పేరుతో విడుదల చేయనున్నారు. తాజాగా ఈ చిత్ర ట్రైలర్‌ను రిలీజ్ చేశారు మేకర్స్. ఇప్పటికే చిత్రీకరణ పూర్తి చేసుకున్న ఈ సినిమా త్వరలోనే ప్రేక్షకుల ముందుకు రానుంది. ట్రైలర్ చూస్తే మారుమూల గ్రామం నుంచి అరబ్ దేశానికి వెళ్లి ఇబ్బందులు పడే ఓ యువకుడి కష్టాలను తెరకెక్కించినట్లు తెలుస్తోంది. బానిస బతుకు అనుభవిస్తున్న వలస కూలీగా పృథ్విరాజ్ జీవించాడు. చిరంజీవి నటించిన ‘సైరా’లో ఓ పాత్ర కోసం పృథ్వీరాజ్‌ను సంప్రదించగా.. ఈ సినిమా కోసం విదేశాల్లో ఉండటంతో ఆ అవకాశాన్ని వదులుకున్నట్లు సమాచారం. ఇక ఈ చిత్రంలో అమలాపాల్‌ కథానాయికగా నటిస్తోంది. జాతీయ అవార్డు గ్రహీత బ్లెస్సీ దర్శకత్వం వహించిన ఈ చిత్రం థ్రిల్లింగ్ సర్వైవల్ అడ్వెంచర్‌గా కనిపిస్తోంది. ఆస్కార్ అవార్డు గ్రహీత ఏఆర్ రెహమాన్ సంగీతమందించారు. బెన్ని డానియల్‌ రాసిన నవల ‘ఆడు జీవితం’ ఆధారంగానే బ్లెస్సీ ఈ సినిమాను తీర్చిదిద్దారు. 

ప్రస్తుతం టాలీవుడ్‌లో ఓటీటీ సినిమాల సందడి కనిపిస్తోంది. తాజాగా మరో వెబ్ సిరీస్ అందుబాటులోకి రానుంది. దర్శకుడు వెంకటేశ్‌ మహా, సుహాస్‌, బిందు మాధవి, మడోనా సెబాస్టియన్‌, రవీంద్ర విజయ్‌, ఫణి ఆచార్య కీలక పాత్రల్లో నటిస్తున్న వెబ్‌సిరీస్‌ ‘యాంగర్‌ టేల్స్‌’. ప్రభల తిలక్‌ దర్శకుడు. ఇప్పటికే చిత్రీకరణ పూర్తి చేసుకున్న ఈ సిరీస్‌ మార్చి 9వ తేదీ నుంచి డిస్నీ+హాట్‌స్టార్‌ వేదికగా స్ట్రీమింగ్ కానుందని మేకర్స్ వెల్లడించారు.  ఈ సందర్భంగా సిరీస్‌కు సంబంధించిన ట్రైలర్‌ను విడుదల చేశారు. ఎన్నో ఆశలతో ఉన్న నలుగురు వారికి నచ్చని జీవితం ఎదురైతే వారి మానసిక సంఘర్షణ ఏంటి? దాని వల్ల వారి జీవితాల్లో చోటు చేసుకున్న పరిణామాలేంటి? అన్న ఆసక్తికర అంశాలతో ఈ సిరీస్‌ను తెరకెక్కించారు. నటుడు సుహాస్‌ ఈ సిరీస్‌ను నిర్మిస్తుండటం విశేషం.  

ఇతర కథానాయకులకు భిన్నమైన నటుడు విజయ్‌ సేతుపతి. ఈయనకు హీరోగా స్టార్‌ డమ్‌ ఉన్నా దాని పక్కన పెట్టి ఇమేజ్‌ అనే చట్రంలో ఇరుక్కోకుండా నచ్చిన, వచ్చిన అవకాశాలను వదలుకోకుండా నటిస్తుంటారు. ప్రస్తుతం విజయ్‌సేతుపతి గాంధీ టాకీస్, మేరీ క్రిస్మస్‌ చిత్రాల్లో హీరోగా నటిస్తున్నారు. అలాగే మైఖేల్, విడుదలై, జవాన వంటి చిత్రాల్లో ఇతర హీరోలతో కలిసి ప్రధాన పాత్రల్లో నటిస్తున్నారు. ఇకపోతే తెలుగు మెగాస్టార్‌ చిరంజీవి హీరోగా నటించిన సైరా నరసింహారెడ్డి చిత్రంలో కీలక పాత్రలోనూ, తమిళంలో సూపర్‌స్టార్‌ రజనీకాంత్‌కు విలన్‌గా పేట చిత్రంలో, కమలహాసన్‌కు విలన్‌గా విక్రమ్‌ చిత్రంలో, విజయ్‌కు ప్రతినాయకుడిగా మాస్టర్‌ చిత్రంలోనూ పోటీ పడి నటించి మెప్పించారు. కాగా తాజాగా మలయాళం సూపర్‌స్టార్‌ మమ్ముట్టితో కలిసి నటించడానికి సిద్ధం అవుతున్నట్లు సమాచారం. ఈ చిత్రానికి మణికంఠన్‌ దర్శకత్వం వహించనున్న విషయం తెలిసిందే. ఇందులోనూ విజయ్‌ సేతుపతి విలన్‌గానే కనిపిస్తారని సమాచారం. ఈ రేర్‌ కాంబినేషన్లో రూపొందనున్న చిత్రానికి సంబంధించిన అధికారిక ప్రకటన త్వరలో వెలువడే అవకాశం ఉంది.  

ఐకాన్‌ స్టార్‌ అల్లు అర్జున్‌ భార్య స్నేహారెడ్డికి సోషల్‌మీడియాలో ఉ‍న్న క్రేజ్‌ గురించి ప్రత్యేకంగా చెప్పాల్సిన పనిలేదు. కూతురు, కొడుకుతో కలిసి బన్ని చేసే అల్లరి ఫొటోలు, వీడియోలను స్నేహా రెడ్డి తరుచూ సోషల్‌ మీడియాలో షేర్‌ చేస్తుంటారు. ఇక ఈ మధ్య కాలంలో ఫోటోషూట్స్‌తో ఎక్కువగా వార్తల్లో నిలుస్తుంది స్నేహ. హీరోయిన్‌కి ఏ మాత్రం తగ్గని అందం, గ్లామర్‌తో నెటిజన్ల మనసు దోచుకుంటున్న ఈ అల్లువారి కోడలికి ఇన్‌స్టాగ్రామ్‌లో ఫాలోవర్స్‌ కూడా ఎక్కువే. ఈ క్రమలో సోషల్‌ మీడియాలో బాగా పాపులారిటీ దక్కించుకున్న స్నేహకు రీసెంట్‌గా సినిమాల్లో నటించే అవకాశం వచ్చిందట. మలయాళ ఇండస్ట్రీ నుంచి ఆమెకు ఓ ఆఫర్‌ వచ్చినట్లు ఫిల్మీ దునియాలో టాక్‌ వినిపిస్తుంది. అంతేకాకుండా ఇందులో మలయాళ స్టార్‌ హీరో నటించనున్నట్లు గుసగుసలు వినిపిస్తున్నాయి. మరి ఈ వార్తలో ఎంత వరకు నిజం ఉందన్నది తెలియాల్సి ఉంది. ఒకేవళ ఆమెకు సినిమాల్లో నటించే ఇంట్రెస్ట్‌ ఉంటే టాలీవుడ్‌ కాకుండా మాలీవుడ్‌ను ఎంచుకుంటుందా అనేదానిపై కూడా క్లారిటీ రావాల్సి ఉంది. చదవండి: బరువు పెరగడం ఓ సవాల్‌గా అనిపించింది: హీరోయిన్‌

మెగాస్టార్ చిరంజీవి నటించిన 'గాడ్‌ఫాదర్' థియేటర్లలో సందడి చేస్తోంది. అయితే ఈ సినిమా మలయాళంలో వచ్చిన లూసిఫర్‌కు రీమేక్‌గా వచ్చిన విషయం తెలిసిందే. దసరా కానుకగా ఈనెల 5న ప్రపంచవ్యాప్తంగా బిగ్‌ స్క్రీన్‌పై విడుదలైంది. మోహన్‌ రాజా తెరకెక్కించిన ఈ చిత్రంలో బాలీవుడ్ కండల వీరుడు సల్మాన్ ఖాన్ ప్రత్యేక పాత్రలో నటించారు. మొదటి వారంలోనే బాక్సాఫీస్ వద్ద మంచి వసూళ్లు సాధించింది. సౌత్‌ భాషలతో పాటు హిందీలో కూడా రిలీజైన గాడ్‌ ఫాదర్ మూవీకి పాజిటివ్ టాక్ వచ్చినా కలెక్షన్ల విషయంలో మాత్రం కాస్త వెనకబడినట్లే కనిపించింది. మలయాళంలో విడుదలైన లూసిఫర్‌తో పోల్చితే చాలా వ్యత్యాసం కనిపించింది.  (చదవండి: గాడ్‌ఫాదర్‌ ఫస్ట్‌డే కలెక్షన్స్‌ ఎలా ఉన్నాయంటే) కేవలం మలయాళంలో మాత్రమే విడుదలైన లూసిఫర్ ప్రపంచవ్యాప్తంగా దాదాపు రూ.160 కోట్ల గ్రాస్ వసూళ్లు రాబట్టింది. అయితే మెగాస్టార్ నటించిన గాడ్‌ఫాదర్ మూవీ అన్ని భాషల్లో చూసినా రూ.100 కోట్లు మాత్రమే దాటింది. అంటే లూసిఫర్‌తో పోలిస్తే కలెక్షన్ల పరంగా వెనుకంజలో ఉంది. గాడ్‌ఫాదర్ రిలీజైనప్పటి నుంచి మోహన్ లాల్ ఫ్యాన్స్ ట్రోల్స్ చేశారు. దానికి కారణం సినిమా ప్రమోషన్లలో పాల్గొన్న మెగాస్టార్ లూసిఫర్‌లో కొన్ని సీన్లు సరిచేస్తూ గాడ్ ఫాదర్ తీశామని మాట్లాడారు. అన్నట్లు గానే ఈ చిత్రానికి హిట్ టాక్ వచ్చినా కలెక్షన్లలో మాత్రం లూసిఫర్‌ను దాటలేకపోయింది.  ఈ సినిమాలో సత్యదేవ్, స్టార్ హీరోయిన్ నయనతార, బాలీవుడ్ స్టార్ సల్మాన్ ఖాన్ నటించారు. ఈ చిత్రాన్ని ఆర్బీ చౌదరి, ఎన్వీ ప్ర‌సాద్ సంయుక్తంగా నిర్మించారు. ఈ మూవీకి ఎస్ఎస్ తమన్  సంగీతమందించారు.  

మాలీవుడ్‌లో విషాదం నెలకొంది. ప్రముఖ మలయాళ దర్శకుడు అశోకన్(60) అనారోగ్యంతో కన్నుమూశారు. దీర్ఘకాలిక వ్యాధితో బాధపడుతున్న ఆయన కోచిలోని ఓ ప్రైవేట్‌ ఆస్పత్రిలో చికిత్స పొందుతూ ఆదివారం తుదిశ్వాస విడిచారు. ఆయన మరణాన్ని కేరళ  ఫిల్మ్ మేకర్స్ అసోసియేషన్ ధృవీకరించింది.  ఆయన అసలు పేరు రామన్ అశోక్ కుమార్. కామెడీ చిత్రాల ద్వారా మాలీవుడ్‌లో మంచిపేరు సంపాదించారు. (చదవండి: వందల ఎకరాలు, రాజభవనం.. కృష్ణంరాజు ఆస్తులు ఎన్ని కోట్లో తెలుసా!) మలయాళంలో వచ్చిన సైకలాజికల్ డ్రామా వర్ణం సినిమాతో దర్శకుడిగా అరంగేట్రం చేశారు. 1980ల్లో శశికుమార్ దగ్గర అసిస్టెంట్‌గా తన కెరీర్‌ను ప్రారంభించిన అశోకన్.. అతని రెండో చిత్రం 'ఆచార్యన్' క్రేజ్ తీసుకొచ్చింది.  మలయాళం కైరాలి టీవీలో ప్రసారమైన  'కనప్పురమున్' 2003లో ఉత్తమ టెలిఫిల్మ్‌గా రాష్ట్ర ప్రభుత్వ అవార్డును గెలుచుకుంది. అశోకన్ సింగపూర్‌కు మారడానికి ముందు ఇదే చివరి చిత్రం. అ తర్వాత వ్యాపారరంగంలోకి ప్రవేశించారు. ఆయనకు గల్ఫ్, కొచ్చిలో ఐటీ కంపెనీలు ఉన్నాయి. అశోకన్‌కు భార్య, కుమార్తె ఉన్నారు.

తమన్నా భాటియా మాలీవుడ్‌ ఎంట్రీ షురూ అయింది. బాలీవుడ్‌లో కథానాయికగా పరిచయం అయిన ఈ ఉత్తరాది భామకు అక్కడ ఆశించిన అవకాశాలు రాకపోవడంతో కోలీవుడ్‌పై దృష్టి సారించింది. ఇక్కడ కేడీ చిత్రంతో రంగప్రవేశం చేసింది. ఆ చిత్రం కూడా తమన్నాను నిరాశపరిచింది. అలాంటి సమయంలో తెలుగులో హ్యాపీడేస్‌ చిత్రంలో నటించే అవకాశం ఈ అమ్మడిని వరించింది. ఆ సినిమా సక్సెస్‌ ఆమె దశను మార్చేసింది. అదే సమయంలో తమిళ్‌లో సైతం కల్లూరి చిత్రం మంచి పేరును తెచ్చిపెట్టింది. ఆ తర్వాత కన్నడ చిత్ర పరిశ్రమలోనూ ప్రవేశించింది. ఇలా నాలుగు భాషల్లో కథానాయకగా నటిస్తూ అదే సమయంలో ఐటమ్‌ సాంగ్‌లోను ఇరగదీస్తూ మంచి క్రేజ్‌ సంపాదించుకుంది. 17 ఏళ్ల సినీ కెరియర్లో తమన్నా ఇన్నాళ్లకి మాలీవుడ్‌ రంగ ప్రవేశం చేయడానికి సిద్ధమవుతోంది. దీని గురించి ఆమె ఒక భేటీలో పేర్కొంటూ మలయాళంలో తొలిసారిగా అరుణ్‌ గోపి దర్శకత్వంలో దిలీప్‌ జంటగా నటించబోతున్నట్లు పేర్కొంది. నటనకు అవకాశం ఉన్న పాత్ర ద్వారా పరిచయం కావడం సంతోషంగా ఉందనే అభిప్రాయాన్ని వ్యక్తం చేసింది. ఈ చిత్రం ద్వారా మలయాళ సినీ ప్రేక్షకుల అభినందనలు పొందే ప్రయత్నం చేస్తానని తమన్నా పేర్కొంది. కాగా ప్రస్తుతం తెలుగులో గుర్తుందా శీతాకాలం, చిరంజీవితో భోళాశంకర్, హిందీలో బబ్లీ బౌన్సర్‌ చిత్రాల్లో నటిస్తోంది. వీటితోపాటు వెబ్‌ సిరీస్‌లోనూ నటిస్తున్న తమన్న తాజాగా తమిళంలో రజినీకాంత్‌ కథానాయకుడుగా నటిస్తున్న జైలర్‌ చిత్రంలో కీలకపాత్రలో నటిస్తోంది.సిద్ధమవుతోంది.   చదవండి: (గ్యాంగ్‌స్టర్‌గా విజయ్‌.. ఆమెతో ముచ్చటగా మూడోసారి?)

తమిళసినిమా: 2019లో విడుదలై కేరళ రాష్ట్ర ప్రభుత్వ అవార్డుతో పాటు జాతీయ అవార్డును గెలుచుకుని, ఆస్కార్‌ నామినేషన్‌ వరకు వెళ్లిన మలయాళ చిత్రం జల్లికట్టు. ఇది ఇప్పుడు కోలీవుడ్‌ ప్రేక్షకులను అలరిస్తోంది. లిజో జోస్‌ బెల్లిసేరి దర్శకత్వం వహించిన ఈ చిత్రంలో ఆంటోని వర్గీస్, సెంపన్‌ వినోద్‌ జోస్‌ తదితరులు ప్రధాన పాత్రలు పోషించారు. గిరీష్‌ గంగాధరన్‌ చాయాగ్రహణను, దీపు జోసెఫ్‌ సంగీతాన్ని అందించారు. దీనిని ఏఆర్‌ ఎంటర్‌టైన్‌మెంట్‌ పతాకం ద్వారా అమిత్‌కుమార్‌ అగర్వాల్‌ తమిళంలోకి అనువదించారు. ఈ చిత్రం అమేజాన్‌ ప్రైమ్‌ టైమ్‌లో స్ట్రీమింగ్‌ అవుతోంది. ఇది ఒక గేదె ఇతివృత్తంతో రూపొందించిన చిత్రం అని నిర్మాత తెలిపారు. ఒక కుగ్రామంలో కసాయిశాలకు అమ్మడానికి తీసుకొచ్చిన గేదె కట్లు తెంచుకుని పారిపోతుంది. దానిని పట్టుకోవడానికి ఆ గ్రామ ప్రజలంతా చేసే ప్రయత్నమే ఈ చిత్రం అని తెలిపారు. పలు ఆసక్తికరమైన అంశాలతో కూడిన ఈ చిత్రం ప్రేక్షకుల నుంచి విశేష ఆదరణ లభిస్తోందన్నారు.  

గోవిందుని అరవిందన్‌ సినిమాల్లోకి రాకముందు కార్టూనిస్టుగా పనిచేశారు. ఆయన కార్టూన్‌ స్ట్రిప్‌ ‘చెరియ మనుష్యారుమ్‌ వలియ లోకవుమ్‌’ (చిన్న మనుషులు పెద్ద ప్రపంచం) దశాబ్దానికి పైగా మలయాళ వారపత్రిక మాతభూమిలో వచ్చింది. దీన్ని ఆధారం చేసుకొనే తన మొదటి సినిమా ‘ఉత్తరాయణం’కు(1974) శ్రీకారం చుట్టారు. అప్పటికే నాటకరంగంలో కూడా చేస్తున్న కషి ఆయన్ని చిత్రసీమలోకి అడుగుపెట్టేలా పురిగొల్పింది. స్వాతంత్య్ర సమర కాలంలో ఒక సాధారణ యువకుడి ద్వైదీ భావాలనూ, వేర్వేరు పోరాట మార్గాలనూ, కొందరు మనుషుల అవకాశవాదాన్నీ అతిసహజంగా చిత్రించిన ఈ సినిమా మలయాళ పరిశ్రమలో కొత్తగాలిలా వీచింది. అప్పుడప్పుడే మలయాళ పరిశ్రమ ఉత్తరాదిన వీస్తున్న సమాంతర సినిమా పవనాలకు పరిచయం అవుతోంది. మున్ముందు జి.అరవిందన్‌గా సుప్రసిద్ధం కాబోతున్న గోవిందుని అరవిందన్‌(1935–1991) తర్వాతి సినిమాగా ‘కాంచనసీత’ ప్రారంభించారు. 1977లో వచ్చిన ఈ సినిమా చూస్తే గుప్పెడు మందితో, ఏ ఆర్భాటమూ హడావుడీ లేకుండా కూడా రామాయణాన్ని తెరకెక్కించవచ్చా అన్న సంభ్రమాశ్చర్యం కలుగుతుంది. తక్కువ మాటలు, శక్తిమంతమైన ప్రతీకలు, దశ్యబలంతో ఉత్తర రామాయణాన్ని ఒక వ్యక్తిగత కవితా అభివ్యక్తిగా మలిచారు. ఇంకా దీని విశేషం ఏమిటంటే– తారలనూ, అలవాటుగా చూస్తున్న నునుపైన తెలుపు శరీరాలనూ పక్కనపెట్టి రాముడితో దగ్గరి సంబంధం ఉందని చెప్పుకొనే ‘రామచెంచు’ తెగవాళ్లతోనే ప్రధాన పాత్రలను పోషింపజేయడం! దీనివల్ల ఛాందసవాదుల నుంచి దైవదూషణ స్థాయి వ్యతిరేకతనూ ఎదుర్కొన్నారు. కానీ వెనక్కి తగ్గ లేదు. సినిమా పట్ల ఆయన దక్పథం అంత బలమైనది. అందువల్లే మలయాళంలో సమాంతర సినిమాకు దారిచూపిన మొదటి వరుస చిత్రంగా కాంచనసీత చరిత్ర కెక్కింది. ఈ సినిమా షూటింగ్‌ అవిభాజ్య ఆంధ్రప్రదేశ్‌లో జరగడంతో తెలుగువారికి కూడా దీంతో మరింత సంబంధం ఏర్పడింది. అరవిందన్‌ తర్వాతి సినిమా 1978లో వచ్చిన ‘థంపు’. అంటే సర్కస్‌ డేరా. దీన్ని బ్లాక్‌ అండ్‌ వైట్‌లో తీయాలని పూనుకోవడానికి బహుశా జీవితపు నలుపూ తెలుపుల్నీ అత్యంత గాఢంగా చూపాలని కావొచ్చు. ఒక ఊరికి సర్కస్‌ వాళ్లు రావడంతో మొదలై, కొన్ని రోజులు చుట్టుపక్కల వాళ్లని ఊరించి, ఊగించి, తిరిగి ఏ ఆదరణా లేని దశకు చేరుకుని కొత్త ఊరిని వెతుక్కుంటూ పోయేదాకా కథ సాగుతుంది. ఏ కళకైనా అవధులు ఉన్నాయనీ, ఆకర్షణ ఎల్లవేళలా నిలిచేది కాదనీ చాటినట్టుగా ఉంటుంది. ఒక గొప్ప కళాకారుడు మాత్రమే కళకు పరిమితులు ఉన్నాయని గుర్తించగలడు. జీవిత రంగం నుంచి అందరమూ ఎప్పుడో ఒకప్పుడు నిష్క్రమించాల్సిన వాళ్లమేనన్న కఠోర సత్యాన్ని కూడా ఇది గుర్తు చేయొచ్చు. దాదాపుగా డాక్యుమెంటరీలా సాగే ఈ సినిమా సర్కస్‌ చూస్తున్న ప్రతి ఒక్కరి, ప్రతి ఒక్క హావభావాలను పట్టుకుంటుంది. మనుషుల మీద ఎంతో ప్రేమ ఉన్నవాళ్లు మాత్రమే ఇలాంటి సినిమాలు తీయగలరు. ఒక మనిషి మానసికంగా కుప్పగూలే పరిస్థితులు ఎలా వస్తాయన్నది చూపిన చిత్రం ‘పోక్కు వెయిల్‌’(సాయంసంధ్య–1981). చాలా నెమ్మదైన కథనం. కానీ ‘తీవ్రమైన నెమ్మదితనం’ అది. అందులోంచే ఉద్వేగాన్ని ఉచ్చస్థాయికి తీసుకెళ్తారు. సినిమా అనేది గిమ్మిక్కు కాదంటారు అరవిందన్‌. దీనితో ఏకీభావం ఉన్నవాళ్లకు ఇది గొప్ప అనుభవాన్ని ఇవ్వగలుగుతుంది. స్త్రీ పురుష సంబంధాలూ, ఆకర్షణల్లోని సంక్లిష్టతనూ, తదుపరి పర్యవసనాలూ, పశ్చాత్తాపాలనూ ఎంతో సున్నితంగా ఆవిష్కరించిన ‘చిదంబరం’(1985) ఆయన మాస్టర్‌పీస్‌. మొదటి సినిమా మినహా ఈ అన్నింటికీ మున్ముందు మలయాళంలో మరో ప్రసిద్ధ దర్శకుడిగా అవతరించనున్న షాజీ ఎన్‌.కరుణ్‌ సినిమాటోగ్రాఫర్‌గా పనిచేయడం గమనార్హం. 56 ఏళ్ల వయసులోనే అర్ధాంతరంగా కన్నుమూసిన అరవిందన్‌ ఉన్ని, కుమ్మట్టి, ఎస్తప్పన్, వస్తుహార లాంటి సినిమాలు తీయడంతోపాటు ఆరో ఓరల్, పిరవి లాంటి చిత్రాలకు సంగీత దర్శకత్వమూ వహించారు. ప్రతి సినిమాకూ ఎప్పటికప్పుడు నెరేటివ్‌ శైలిని మార్చుకుంటూ ప్రతిదాన్నీ ఒక కొత్త ప్రయోగంగా చేయడం ఆయన ప్రత్యేకత. ‘పాన్‌ ఇండియా’, ‘పాన్‌ వరల్డ్‌’ లాంటి మాటలు కేవలం వ్యాపార లెక్కలు. నిలిచిపోయే సినిమాలకు అవి కొలమానం కాకపోవచ్చు. కానీ ఇప్పుడు దేశంలో సినిమా ప్రేమికులు అత్యంత ఆసక్తి ప్రదర్శిస్తున్న సినీ పరిశ్రమ ఏదైనా ఉందంటే, అది మలయాళ చిత్రసీమే. ఒక నిబద్ధతతో వచ్చిన చిత్రాల ఒరవడిని అద్దుకున్న జీవితపు వాస్తవికతా, కథను చూడబుద్ధేసేట్టుగా చెప్పడంలో కమర్షియల్‌ సినిమా సాధించిన ఒక వేగపు లయా... ఈ రెండింటినీ మేళవించుకొని ఇండియా మొత్తాన్నీ తమవైపు తిప్పుకొంటోంది. దాని వెనక అరవిందన్‌ లాంటి వారి స్ఫూర్తి విస్మరించలేనిది. ప్రతి ఏడాదీ ప్రపంచ సినిమా జీవులు ఎంతో ఆసక్తి కనబరిచే ప్రతిష్ఠాత్మక కాన్‌ ఫిలిం ఫెస్టివల్‌ ఫ్రాన్స్‌లో ముగిసింది. మే 17 నుంచి 28 వరకు జరిగిన 2022 సంవత్సరపు ఈ ఉత్సవం మిరుమిట్లు గొలిపే తారల మధ్య ఎంతో వైభవోపేతంగా జరిగింది. భారతదేశం తరఫున క్లాసిక్‌ విభాగంలో అక్కడ ప్రదర్శనకు నోచుకున్న సినిమాలు రెండే రెండు. ఒకటి, సత్యజిత్‌ రే ‘ప్రతిద్వంది’ కాగా, రెండవది జి. అరవిందన్‌ ‘థంప్‌’. (కొత్త వెర్షన్‌లో థంపును థంప్‌గా మార్చారు.) రెండు నిరాడంబర సినిమాలు ఆ ఆర్భాటపు పండుగలో ప్రదర్శన జరగడం విరోధాభాసే కావొచ్చుగానీ అదే జీవితపు తమాషా కూడా!  

ఈమె పేరు.. శైలీ క్రిష్ణ్‌. 2011లో సంతోష్‌ శివన్‌ దర్శకత్వంలో వచ్చిన ‘ఉరుమి’ అనే సినిమాలో చిన్న పాత్రలో మెరిసింది. కానీ పెద్ద గుర్తింపేమీ రాలేదు. ఇప్పుడు అమెజాన్‌ ప్రైమ్‌ వెబ్‌ సిరీస్‌ ‘ది లాస్ట్‌ అవర్‌’ తో ఒక్కసారిగా లైమ్‌లైట్‌లోకి వచ్చింది. రూపంలో శైలీ.. 1985లో నేషనల్‌ జాగ్రఫిక్‌ మ్యాగజైన్‌ కవర్‌ మీద అచ్చయిన అఫ్గానిస్తాన్‌ రెఫ్యూజీ అమ్మాయి ‘షర్‌బత్‌ గులా’ను పోలి ఉంది అని సినీ, వెబ్‌ సిరీస్‌ విమర్శకులు కితాబూ ఇచ్చారు.   ► శైలీ  తల్లిదండ్రుల స్వస్థలం అనంత్‌నాగ్‌. అక్కడి నుంచి జమ్మూకశ్మీర్‌ రెఫ్యూజీ క్యాంప్‌కి తరలి రావాల్సి వచ్చింది. ఆ రెఫ్యూజీ క్యాంప్‌లోనే శైలీ పుట్టింది. ఆమెకు ఎనిమిదేళ్లు వచ్చే వరకూ రెఫ్యూజీ క్యాంపుల్లోనే పెరిగింది. తర్వాత శైలీ తండ్రికి బ్యాంక్‌లో ఉద్యోగం రావడంతో క్యాంపుల నుంచి ఓ ఇంటికి మకాం మార్చారు. అలా అద్దం ముందు నుంచి వెండి తెర మీదకు వచ్చేసింది మలయాళం సినిమా ‘ఉరుమి’తో. ► శైలీ మోడలింగ్‌ చేస్తున్న సమయంలో రవి వర్మన్‌ అనే సినిమాటోగ్రాఫర్‌కు ఆమె నచ్చి.. ఫొటో షూట్‌ చేశాడు. ఆ ఫొటోలను దర్శకుడు సంతోష్‌ శివన్‌కు చూపించాడు. అప్పుడు  సంతోష్‌ శివన్‌ తాను తీస్తున్న ‘ఉరుమి’లో స్క్రీన్‌ టెస్ట్‌గా శైలీకి చిన్న భూమికనిచ్చాడు. ► శైలీకి చిన్నప్పటి నుంచీ సినిమాలు అంటే ఇష్టం. రెఫ్యూజీ క్యాంపుల్లో ఉన్నప్పుడు రేడియోలో వచ్చే పాటలు వింటూ .. దూరదర్శన్‌లో ప్రతి ఆదివారం ప్రసారం అయ్యే సినిమాలు చూస్తూ నటన మీద ఆసక్తి పెంచుకుంది. ఆ ప్రభావంతో అద్దం ముందు నిలబడి తనే పాటలు పాడుకుంటూ.. డైలాగులు చెప్పుకుంటూ తనకు తోచినట్టు అభినయించేదట.  ► ఆ తర్వాత సంతోష్‌ శివనే తీసిన ‘మోహ’లోనూ నటించింది. 2021లో బెర్ముడా, జాక్‌ అండ్‌ జిల్‌ అనే మరో రెండు మలయాళ సినిమాల్లోనూ హీరోయిన్‌గా చేసింది.  ► తాజాగా ‘ది లాస్ట్‌ అవర్‌’తో వెబ్‌ దునియాలోకీ అడుగుపెట్టింది. ఆ సిరీస్‌లో శైలీది ప్రధాన భూమిక. అందులో ఆమె అందానికీ, అభినయానికీ ముగ్ధులవుతున్నారు వెబ్‌ వీక్షకులు. ► రెఫ్యూజీ క్యాంపుల్లో జీవితాలు ఎలా ఉంటాయో నాకు అనుభవం. అందుకే జీవితంలో ఏం జరిగినా పెద్దగా చలించను. జయాపజయాలను మనసు మీదకు తీసుకోను.  – శైలీ క్రిష్ణ్‌ 

మలయాళ స్టార్‌ హీరోయిన్‌ మంజు వారియర్‌ను వేధింపులకు గురి చేసిన కేసులో డైరెక్టర్‌ సనల్ కుమార్ శశిధరన్‌ని పోలీసులు అరెస్ట్‌ చేశారు. తిరువనంతపురంలో మే5న ఆయన్ను కేరళ పోలీసులు అదుపులోకి తీసుకున్నారు. వివకాల్లోకి వెళితే.. సనల్ కుమార్ దర్శకత్వంలో మంజు వారియర్‌ కయాట్టం అనే సినిమాలో నటించింది. అయితే సినిమా అయిపోయిన తర్వాత కూడా సనల్‌ కుమార్‌ అదే పనిగా తనకు మెసేజ్‌లు పంపిస్తూ వేధింపులకు గురిచేరాడని హీరోయిన్‌ ఆరోపించింది. పలుమార్లు వార్నింగ్‌ ఇచ్చినా తీరు మార్చికోకుండా వేధింపులు గురి చేస్తున్నాడంటూ మంజు వారియర్‌ పోలీసులకు ఫిర్యాదు చేసింది. దీంతో తిరువనంతపురంలో ఉన్న సనల్‌ కుమార్‌ ఇంటికి మఫ్టీలో వెళ్లిన పోలీసులు అతడిని అరెస్ట్ చేసి కొచ్చికి తరలించారు. ప్రస్తుతం ఈ వార్త మలయాళ చిత్ర పరిశ్రమలో సంచలనంగా మారింది. కాగా కేరళ ప్రభుత్వం నుంచి సనల్‌ కుమార్‌ అనేక అవార్డులను సొంతం చేసుకున్నాడు. అలాంటి డైరెక్టర్‌ ఇలాంటి నీచమైన పనులు చేయడం ఏంటని నెటిజన్లు సనల్‌కుమార్‌పై దుమ్మెత్తిపోస్తున్నారు. 

నేషనల్‌ క్రష్‌ రష్మిక మందన్నా ప్రస్తుతం వరుస సినిమాలతో ఫుల్‌ బిజీగా ఉంది. ఇటీవలె ఈ ముద్దుగుమ్మ 'సీతారామం' అనే ప్రాజెక్టుకు గ్రీన్‌ సిగ్నల్‌ ఇచ్చిన సంగతి తెలిసిందే. దుల్కర్ సల్మాన్, మృణాల్ ఠాకూర్ జంటగా హను రాఘవపూడి దర్శకత్వంలో తెరకెక్కుతున్న ఈ సినిమాను జయంతి మూవీస్ బ్యానర్ లో స్వప్న దత్ నిర్మిస్తుంది. ఈ సినిమాలో రష్మిక అఫ్రీన్‌ అనే కశ్మీరీ ముస్లీం అమ్మాయి పాత్రలో నటిస్తుండటంతో ఇక హీరోయిన్‌ రష్మికే అన్న కథనాలు వెలువడ్డాయి. తాజాగా ఇదే అంశంపై డైరెక్టర్ హను క్లారిటీ ఇచ్చారు. ఓ ఇంటర్వ్యూలో మాట్లాడిన ఆయన.. ఈ సినిమాలో రష్మిక హీరోయిన్‌  కాదు.. హీరో అనే చెప్పాలి అంటూ కామెంట్స్‌ చేశారు. పాత్రకు తగ్గట్లు రష్మిక ఎంతో కష్టపడిందని, ఆమె నటన చూసి ఆశ్చర్యపోయానని చెప్పుకొచ్చాడు. ప్రస్తుతం ఈ కామెంట్స్‌ నెట్టింట వైరల్‌గా మారాయి. 

కోజికోడ్‌: రాజకీయాలకు అతీతంగా ప్రవేశపెట్టిన స్వచ్ఛభారత్‌ వంటి కేంద్ర ప్రభుత్వ పథకాలకు ప్రచారం కల్పించడంలో మీడియాది కీలకపాత్ర అని ప్రధాని నరేంద్ర మోదీ కొనియాడారు. దేశ 75వ స్వాతంత్య్ర వేడుకలు జరుగుతున్న సందర్భంగా స్వాతంత్య్ర సమరంలో ఇప్పటిదాకా పెద్దగా వెలుగులోకి రాని ఘట్టాలను, స్ఫూర్తిదాయకమైన స్వాతంత్య్ర యోధుల జీవిత విశేషాలను ప్రచురించాలని మీడియాకు సూచించారు. ప్రముఖ మలయాళ పత్రిక మాతృభూమి శతాబ్ది ఉత్సవాలను మోదీ శుక్రవారం ప్రారంభించారు. ఏ దేశమైనా అభివృద్ధి చెందాలంటే మంచి పథకాల రూపకల్పనతో పాటు వాటి గురించి సమాజంలోని అన్ని వర్గాలకు తెలిసేలా చేయడం చాలా ముఖ్యమని ఈ సందర్భంగా అన్నారు. ఈ పాత్రను మీడియా అత్యంత సమర్థంగా పోషించిందన్నారు. ‘‘స్వాతంత్య్ర సమరంలో చిన్న గ్రామాలు, పట్టణాలూ పాల్గొన్నాయి. వాటి గురించి అందరికీ తెలిసేలా కథనాలు ప్రచురించి దేశ ప్రజలంతా ఆ గ్రామాలకు వెళ్లేలా చేయాలి’’ అని మీడియా సంస్థలకు ప్రధాని సూచించారు.   హోలీ శుభాకాంక్షలు న్యూఢిల్లీ: రాష్ట్రపతి రామ్‌నాథ్‌ కోవింద్, ఉపరాష్ట్రపతి వెంకయ్యనాయుడు, మోదీ దేశ ప్రజలకు హోలీ శుభాకాంక్షలు తెలిపారు. ఈ పండుగ ప్రజల జీవితాల్లో ఆనందాల్ని నింపాలని ఆకాంక్షిస్తున్నానని ట్విట్టర్‌లో మోదీ అన్నారు. కేంద్ర మంత్రులు అమిత్‌ షా, రాజ్‌నాథ్, ముక్తార్‌ అబ్బాస్‌ నఖ్వీ తదితరులు కూడా శుభాకాంక్షలు తెలిపారు.

Meera Jasmine Re Entry To Films Debuts On Instagram: ‘అమ్మాయే బాగుంది’చిత్రంతో టాలీవుడ్‌కు పరిచయమైన మలయాళీ బ్యూటీ మీరా జాస్మిన్‌. 'గుడుంబా శంకర్', 'భద్ర' వంటి చిత్రాలతో తెలుగులో పాపులర్‌ అయిన ఈ బ్యూటీ ‘పందెం కోడి’ ‘గోరింటాకు’, ‘ఆకాశ రామన్న’ సహా పలు మలయాళ చిత్రాల్లో నటించింది. కానీ ఆశించిన స్థాయిలో విజయాలు లభించలేదు. దీంతో కొన్నాళ్లకి దుబాయ్‌కి చెందిన సాఫ్ట్‌వేర్‌ ఇంజనీర్‌ అనిల్‌ జాన్‌ టైటాన్‌ని 2014లో పెళ్లి చేసుకుంది. అయితే మనస్పర్థల కారణంగా కొన్నాళ్లకు భర్త నుంచి విడిపోయిన మీరా జాస్మిన్‌.. మళ్లీ ఇన్నాళ్లకు తిరిగి సినిమాలు చేసేందుకు సిద్ధమైంది. ఇటీవలె సినిమాల్లో రీఎంట్రీ ఇచ్చేందుకు సిద్ధమైంది. ఇప్పటికే మకల్‌ అనే ఓ మలయాళ చిత్రంతో రీఎంట్రీ ఇస్తున్న ఈ బ్యూటీ ఇప్పుడు టాలీవుడ్‌లోనూ రీఎంట్రీ ఇవ్వనున్నట్లు సమాచారం. ఈ నేపథ్యంలోనే ఇన్‌స్టాగ్రామ్‌లోకి కూడా అడుగుపెట్టింది. సోషల్‌ మీడియాలోనూ యాక్టివ్‌గా ఉంటూ అభిమానులతో టచ్‌లో ఉండాలని భావిస్తుందట. అలా ఇన్‌స్టాలో ఆమె ఎంట్రీ ఇచ్చిందో లేదో ఆమెకు ఫాలోవర్ల సంఖ్య అమాంతం పెరిగిపోయింది. ఒక్క రోజులోనే సుమారు లక్షమంది ఆమెను ఫాలో అయ్యారు. 

Minnal Murali Wedding Invitation: మన జీవితంలో ప్రతి ఒక్కరికీ ముఖ్యమైన రోజులు కొన్ని ఉంటాయి. ఇక ఆ రోజులని ఎప్పటికీ గుర్తుండి పోవాలని ఏవేవో చేస్తుంటాం .అలాంటి రోజుల్లో ఒకటే పెళ్లి రోజు. ఇటీవల వివాహ వేడుకలను చూస్తే.. వధూవరులు తమ వివాహ వేడుక సంథింగ్ స్పెషల్ గా జీవితాంతం గుర్తుండిపోయేలా ప్లాన్ చేసుకుంటున్నారు. అందులో భాగంగానే ప్రీ వెడ్డింగ్ ఫోటో షూట్స్, వెరైటీ ఇన్విటేషన్, సంగీత్ ఇలా ఒక్కటేమిటి అన్నిట్లో ప్రత్యేకతని కోరుకుంటున్నారు. తాజాగా ఓ సినిమా క్యారెక్టర్ లోని పాత్రో పెళ్ళికొడుకు  ఉండి.. పెళ్లి కూతురితో కలిసి చేసిన వెడ్డింగ్ ఇన్విటేషన్ వీడియో సోషల్ మీడియా లో వైరల్ గా మారింది. ఇటీవల మలయాళంలో విడుదలైన  'మిన్నాళ్ మురళి' చిత్రం సూపర్ హిట్ గా నిలిచింది. అంతే గాక ఇది మలయాళంలో ప్రేక్షకులతో పాటు ఇతర భాషలోనీ సినీ ప్రేమికులకు కూడా విపరీతంగా నచ్చేసింది. ఈ సినిమా గురించి  చెప్పాలంటే మిన్నాళ్ మురళి.. ఇండియన్ సూపర్ మ్యాన్. ఈ వీడియోలో.. మిన్నాళ్ మురళీ క్యారెక్టర్‌ను అమితంగా ఇష్టపడిన ఓ వ్యక్తి తన వెడ్డింగ్ ఇన్విటేషన్ వీడియోలో తానే మిన్నాళ్ మురళిగా గెటప్ వేసు కొని తనకు కాబోయే భార్యను రౌడీల నుండి రక్షించి, తన దరికి ప్రమాదం రానివ్వకుండా ఎప్పుడు తన వెంటే ఉండి తనను కాపాడుకుంటూ ప్రేమలో పడేస్తాడు. ఈ వెడ్డింగ్ ఇన్విటేషన్ ప్రస్తుతం సోషల్ మీడియాలో తెగ చక్కర్లు కొడుతోంది. ఈ వీడియో చూసిన నెటిజన్లు వీడియో కాన్సెప్ట్ రూపొందించిన వాడిని క్రియేటివిటీకి ఫిదా అవుతున్నారు. వాట్ ఏ క్రియేటివిటీ అంటూ కితాబుల వర్షం కురిపిస్తున్నారు. View this post on Instagram A post shared by Athreya jibin (@photography_athreya)

ఓ భాషలో హిట్‌ అయిన కథలను మరో భాషలో రీమేక్‌ చేయడం సినీ పరిశ్రమల్లో మాములుగా జరిగేదే. కానీ ఓ భారతీయ సినిమా విదేశీ భాషల్లో రీమేక్‌ అవడం మాత్రం అరుదనే చెప్పాలి. అది ఓ సౌత్‌ ఇండియన్‌ మూవీ అవడం చాలా తక్కువ.  ఇప్పుడు మాలయాళం సూపర్‌ హిట్‌ సినిమా ‘దృశ్యం’ త్వరలో ఇండోనేషియా లాంగ్వేజ్‌లోకి వెళ్లనుంది. ఈ విషయాన్ని చిత్ర నిర్మాత ఆంటోనీ పెరుంబవూర్ సోషల్‌ మీడియా వేదికగా పంచుకున్నారు. ‘మోహన్‌లాల్‌ హీరోగా, జీతూ జోసెఫ్‌ దర్శకత్వంలో రూపొందిన ‘దృశ్యం’ ఇప్పటి వరకు 4 భారతీయ భాషలు, 2 విదేశీ భాషల్లో రీమేకైంది. ఇండియన్‌ లాంగ్వేజేస్‌తోపాటు చైనీస్‌, శ్రీలంకన్‌ భాష​ల్లో విడుదలై మంచి స్పందన సొంతం చేసుకుంది. ఇప్పుడు ఇండోనేషియా భాషలో నిర్మితం కానుంది. ఇలా మా సినిమా సరిహద్దులను చెరిపేస్తూ దూసుకుపోవడం ఎంతో సంతోషాన్నిస్తోంది’ అని ఆంటోని తెలిపాడు. ఈ చిత్రాన్ని ఇండోనేషియాలో జకార్తాలోని పీటీ ఫాల్కన్ అనే సంస్థ నిర్మించనుంది. చైనీస్‌లో రీమేక్‌ అయిన మొదటి మలయాళ చిత్రం ఇదే కావడం విశేషం.  చదవండి: ‘దృశ్యం 2’ అరుదైన రికార్డు, ఇండియన్‌ సినిమాల్లో అత్యధిక రేటింగ్‌ కాగా, ఈ సినిమాకి సీక్వెల్‌గా వచ్చిన ‘దృశ్యం 2’  ఓటీటీ ప్లాట్‌ఫామ్‌ అయిన అమెజాన్‌లో ఈ ఫిబ్రవరి విడుదలై ప్రేక్షకుల మన్ననలు పొందింది. ఈ చిత్రం కూడా తమిళం, తెలుగు, కన్నడ, హిందీ భాషల్లో రీమేక్‌లు అవుతోంది. View this post on Instagram A post shared by Antony Perumbavoor (@antonyperumbavoor)

సినిమా అంటే జనాలకు మాత్రమే రంగుల ప్రపంచమే కాదు.. అవతల నటించే వాళ్లకు కూడా. ‘ఎంత బలవంతులనైనా ఏదో ఒక టైంలో మానసికంగా కుంగుబాటుకు కచ్ఛితంగా గురిచేసేదే సినిమా’ అంటూ స్పీల్‌బర్గ్‌లాంటి దిగ్గజాలు చెప్పడం చూస్తుంటాం. అలా ఎన్నో కలలతో సినిమాల్లోకి అడుగుపెట్టిన సీనియర్‌ నటి శ్రీవిద్య జీవితం..విషాదంగా ముగియడం మీలో ఎంత మందికి గుర్తుంది?. ఇవాళ ఆమె జయంతి..  మలయాళం, తమిళ్‌, తెలుగు, కన్నడ, హిందీ.. ఇలా సుమారు 800కు పైగా సినిమాల్లో నటించారు శ్రీవిద్య. చైల్డ్‌ ఆర్టిస్ట్‌ నుంచి హీరోయిన్‌గా.. అటుపై సపోర్టింగ్‌ రోల్స్‌, అక్కా-చెల్లి, అమ్మ, అత్త క్యారెక్టర్‌లతో అలరించారు. ముఖ్యంగా ఆమె పండించే భావోద్వేగాలు ఇప్పటికీ జనాలకు గురుతు. అందుకే ఎమోషనల్‌ యాక్ట్రెస్‌గా ఆమెకు ఓ పేరు ముద్రపడింది. కేవలం నటనతోనే కాదు.. తన మధుర గాత్రంతో ఎన్నో పాటలు, డబ్బింగ్‌తోనూ దక్షిణాది ప్రేక్షకుల్ని రంజింపచేశారామె. ‘నటన’ కుటుంబంలో జననం 1953, జులై 24న మద్రాస్‌లో పుట్టారామె. తండ్రి కృష్ణమూర్తి సినిమాల్లో కమెడియన్‌గా స్థిరపడగా, తల్లి వసంతకుమారి కర్ణాటక క్లాసిక్‌ సింగర్‌(ఎంఎస్‌ సుబ్బలక్క్క్ష్మి, డీకే పట్టమ్మస్‌ సమకాలికురాలు). అయితే శ్రీవిద్య పుట్టిన కొన్నాళ్లకే తండ్రి పక్షవాతం బారినపడడంతో కుటుంబానికి ఆర్థిక సమస్యలు మొదలయ్యాయి. దీంతో వసంతకుమారి నానాకష్టాలు పడి సంపాదించింది. ఒకానొక టైంలో తనకు పాలు ఇచ్చే సమయం ఉండేది కాదన్న తల్లి మాటల్ని శ్రీవిద్య పలు ఇంటర్వ్యూలో సైతం గుర్తు చేసుకునేవాళ్లు. ‘బొటాబొటీ’ చదువు కొనసాగించిన  శ్రీవిద్య అందగత్తె కావడంతో అమెరికా నుంచి ఓ సైంటిస్ట్‌ సంబంధం వెతుక్కుంటూ వచ్చింది. అయితే డబ్బు లేదన్న కారణంతో ఆ సంబంధం అంతే స్పీడ్‌గా వెనక్కి వెళ్లిపోయింది. దీంతో కుటుంబానికి భారం కాకూడదన్న ఉద్దేశంతో తండ్రి పరిచయాలతో ఆమె నటనలోకి అడుగుపెట్టారు.   చైల్డ్‌ ఆర్టిస్ట్‌గా మొదలై..  1967 తమిళ సినిమా శివాజీ గణేషన్‌ హీరోగా ‘తిరువరుల్చెల్వర్‌’లో చైల్డ్‌ ఆర్టిస్ట్‌గా నటించారామె. ఆ తర్వాత మలయాళ సినిమా ‘కుమార సంభవం’తో, తెలుగులో దాసరి ‘తాతా మనవడు’తో అరంగ్రేటం చేసింది శ్రీవిద్య. దర్శకదిగ్గజం కే బాలచందర్‌ డైరెక్షన్‌లో వచ్చిన ‘నూట్రుక్కు నూరు’(1971) నటిగా ఆమెకంటూ ఓ గుర్తింపు తెచ్చిపెట్టింది. హీరోయిన్‌గా ‘ఢిల్లీ టు మద్రాస్‌’(1972) ఆమె మొదటి సినిమా. ఆ తర్వాత బాలచందర్‌ డైరెక్షన్‌లో వచ్చిన సినిమాల ద్వారా ఒక్కో మెట్టు పైకి ఎదుగుతూ వచ్చారామె.   మల్టీటాలెంటెడ్‌  అల్లరి క్యారెక్టర్‌లతో అలరించినా.. మెచ్యూర్డ్‌రోల్స్‌ చేసినా.. ఆ క్యారెక్టర్‌తో ఎమోషనల్‌గా ట్రావెల్‌ కావడం ఆమెకు ఉన్న నైజం. అందుకే హీరోయిన్‌గా ఫేడ్‌అవుట్‌ అయ్యాక ఆమెకు హుందా పాత్రలెన్నో వచ్చాయి. నటిగానే కాదు.. ప్లేబ్యాక్‌ సింగర్‌గానూ ఆమె అలరించారు. స్వతహాగా క్లాసికల్‌ సింగర్‌ కావడంతో ఆమె గాత్రం పాటలకు మరింత అందాన్ని తెచ్చిపెట్టేవి. అంతేకాదు పదుల సంఖ్యలో సినిమాలకు ఆమె డబ్బింగ్‌ కూడా చెప్పారు.   ‘ప్రేమ’ మోసం కెరీర్‌ తొలినాళ్లలో కమల్‌ హాసన్‌తో ఆమె నటించింది. ఆ టైంలో ఇద్దరి మధ్య ఎటాచ్‌మెంట్‌ ఎక్కువగా ఉండేది. ఒకానొక టైంలో కమల్‌తో పీకలలోతు ప్రేమలో కూరుకుపోయిందామె. అయితే అప్పటికే కమల్‌ వాణీ గణపతితో ప్రేమలో ఉండడంతో ఆమె పక్కకు తప్పుకోవాల్సి వచ్చింది. ఆ తర్వాత కొంతకాలానికి మలయాళంలో అసిస్టెంట్‌ డైరెక్టర్‌ అయిన జార్జ్‌ థామస్‌తో ప్రేమలో పడి.. తల్లిదండ్రుల మాట వినకుండా వివాహం చేసుకుంది. మతం మార్చుకుని నటనకు దూరమైంది. డబ్బు కోసం తిరిగి నటించాలన్న భర్త ఒత్తిడితో తిరిగి మేకప్‌ వేసుకుంది. ఆపై భర్త తీరును అర్థం చేసుకుని.. విడాకులిచ్చేసింది. నటన కొనసాగిస్తున్న టైంలో మలయాళ దర్శకుడు భరతన్‌తో కొన్నాళ్లపాటు ప్రేమాయణం కొనసాగించింది. అయితే భరతన్‌ మరొకరిని వివాహం చేసుకున్నాడు. దీంతో భరతన్‌ తన ఆస్తులు లాగేసుకుని తనను మోసం చేశాడంటూ శ్రీవిద్య కోర్టుకెక్కింది. చివరికి సుప్రీం కోర్టు తీర్పుతో విజయం సాధించి తన ఆస్తుల్ని దక్కించుకున్న ఆమె.. చెన్నై నుంచి తిరువంతపురానికి మకాం మార్చేసింది. అపూర్వ రాగంగల్‌-అపూర్వ సగోదరర్‌గల్‌ చనిపోయే ముందు దాకా..  2003లో అనారోగ్యం పాలైన ఆమెకు.. క్యాన్సర్‌ అని తేలింది.  ఆటైంలో మూడేళ్లపాటు ఆమె చికిత్స తీసుకుంది. ఆ టైంలోనూ ఆమెను వదల్లేదు. అంతేకాదు ఫోర్త్‌ స్టేజ్‌లో ఉన్న తాను బతకడం కష్టమనే విషయం అర్థమైయ్యింది ఆమెకు. అందుకే తన పేరు మీద ఒక్క పైసా కూడా ఉండొద్దన్నది నిర్ణయించుకుంది. మొత్తం ఆస్తిని సేవాకార్యక్రమాలకు ఇచ్చేయాలని నిర్ణయించుకుంది. అప్పటికే కేరళ ప్రభుత్వం స్కాలర్‌షిప్‌ ఆపేయడంతో పేద సంగీత, నృత్య కళాకారులైన విద్యార్థులు కష్టాలు పడుతున్నారు. అందుకని మలయాళ నటుడుని రిజిస్టర్‌గా నియమిస్తూ.. తన ఆస్తులను అప్పజెప్పింది. తద్వారా ఓ ఛారిటబుల్‌ సొసైటీ ఏర్పాటు చేయించి అర్హులైనవాళ్లకు స్కాలర్‌షిప్‌ అందించే ఏర్పాటు చేయించింది. మిగిలిన ఆస్తిని బంధువుల పేరిట రాసేసింది. తన అన్నల పిల్లలకు ఒక్కొక్కరి ఐదు లక్షలు, చివరికి తన ఇంట్లో పని వాళ్లు.. వాళ్ల ఇంటి సభ్యులకు ఒక్కొక్కరికి లక్ష చొప్పున జమ చేయించింది. మరికొంత ఆస్తిని సొంత వూరికి, ఇంకొంత సొమ్మును రెండో ఇల్లు తిరువనంతపురానికి దానం చేసింది. ఆ తర్వాత కీమో థెరపీకి వెళ్లిన ఆమె.. ఆ ట్రీట్‌మెంట్‌ టైంలోనే 2006, ఆగస్టు 17న యాభై మూడేళ్ల వయసులో ఆమె కన్నుమూసింది. ఆమె సేవానీరతికి గుర్తుగా తిరువనంతపురం ప్రజలు లాంఛనంగా ఆమె అంత్యక్రియల్ని ఘనంగా జరిపించారు. తల్లిగా ప్రత్యేకం నలభై ఏళ్లపాటు మలయాళం, తమిళంలో వందలకొద్దీ, తెలుగులో నలభై దాకా, కన్నడలో డజను, హిందీలో రెండు.. మొత్తం 800 దాకా సినిమాల్లో నటించారామె. ఇక సౌత్‌ సూపర్‌స్టార్‌ రజినీకాంత్‌ తొలి హీరోయిన్‌ శ్రీవిద్యే. ఆయన మొదటి సినిమా అపూర్వ రాగంగల్‌(1975) రజినీ జోడిగా. అయితే రజినీతో హీరోయిన్‌గానే కాదు.. అక్కగా, చెల్లిగా, తల్లిగా, అత్తగా.. ఇలా దాదాపు అన్ని క్యారెక్టర్‌లలో ఆమె నటించడం విశేషం. తల్లి క్యారెక్టర్‌లో శ్రీవిద్య అద్భుతమైన నటన కనబరిచేవారామె. ముగ్గురు మొనగాళ్లు, గాండీవం, చిన్నబ్బాయ్‌, వెంకటేష్‌కు తల్లిగా ‘బ్రహ్మపుత్రుడు’, ‘ధర్మచక్రం’ ఆమె మరిచిపోలేని నటనను అందించారు. సుమంత్‌ హీరోగా వచ్చిన ‘విజయ్‌ ఐపీఎస్‌’ తెలుగులో శ్రీవిద్య నటించిన చిట్టచివరి చిత్రం.                                                                                                                                                                                                                                                 -సాక్షి వెబ్‌డెస్క్‌

తిరువనంతపురం : ప్రముఖ మలయాళ గేయ రచయిత పూవచల్ ఖాదర్ (72) కన్నుమూశారు. కొద్ది రోజుల క్రితం కరోనా బారిన పడ్డ ఆయన చికిత్స పొందుతూ మంగళవారం తుదిశ్వాస విడిచారు. ఆయనకు భార్య, ఇద్దరు పిల్లలు ఉన్నారు. పూవచల్‌లోని జూమా మసీదులో ఖాదర్‌ అంత్యక్రియలు ఈ రోజు సాయంత్రం జరుగుతాయని కుటుంబసభ్యులు తెలిపారు. 1973లో విజయనిర్మల దర్శకత్వం వహించిన కవిత అనే చిత్రంతో రచయితగా ప్రస్థానం మొదలుపెట్టిన ఖాదర్‌.. నాలుగు దశాబ్దాల కెరీర్‌లో 350కి పైగా సినిమాలకు పాటలు రాశారు. నాధ నీ వరుమ్ కలోచ (చమరం), పండోరు కట్టిలోరన్ సింహామ్ (సందర్భం), పొన్వీన్ (తలవట్టం) మరియు ఎంటె జన్మమ్ నీయేదుత్తు (అత్తక్కలసం) వంటి పాటలు ఆయన కలంలో వచ్చినవే. మలయాళ పరిశ్రమలో ఇప్పటివరకు ఎన్నో సూపర్‌హిట్‌ చిత్రాలకు ఆయన పాటలు రాశారు. ముఖ్యంగా 70-80వ దశకంలో ఖాదర్‌ రాసిన దాదాపు అన్ని పాటలు సూపర్‌ డూపర్‌ హిట్లుగా నిలిచాయి. కెవి మహాదేవన్, ఇలయరాజా, శంకర్ గణేష్ వంటి ఎందరో ప్రముఖుల వద్ద పనిచేసిన ఖాదర్‌ ఎన్నో సినిమాలకు పాటలు రాశారు. ఖాదర్ మృతి పట్ల కేరళ ముఖ్యమంత్రి పినరయి విజయన్ సంతాపం తెలిపారు. మలయాళంలో అత్యధిక సినిమా పాటలు రాసి రికార్డు నెలకొల్పిన ఖాదర్‌ మృతి సినీ రంగానికి తీరని లోటని ఆయన పేర్కొన్నారు. చదవండి : MAA Elections: ప్రకాశ్‌రాజ్‌ వర్సెస్‌ మంచు విష్ణు! అభిమానికి బెల్లంకొండ ఫ్యామిలీ సర్‌ప్రైజ్‌

హైదరాబాద్‌ : కేరళా నర్సుల వివాదంపై మంత్రి కేటీఆర్‌ స్పందించారు. రాజ్యాంగం తెలుగు, తమిళ్‌, మళయాళం ఇలా మొత్తం 22 భాషాలను అధికారిక భాషలుగా గుర్తించదని చెప్పారు. తమకు సౌకర్యంగా ఉన్న భాషలో మాట్లాడుకోవడం భారతీయుల హక్కని ఆయన అన్నారు. ఫలానా భాషలోనే మాట్లాడాలని ఒత్తిడి చేయడం సరికాదన్నారు. ఈ మేరకు ఆయన ట్వీట్‌ చేశారు.  ఇదీ వివాదం ఢిల్లీలోని జిప్‌మర్‌లో పనిచేసే మలయాళీ నర్సులు తమ మాతృభాషలో మాట్లాడకూడదంటూ జూన్‌ 5న జిప్‌మర్‌ యాజమాన్యం సర్క్యులర్‌ జారీ చేసింది. కేరళా నర్సులు ఇకపై ఇంగ్లీష్‌ లేదా హిందీలో మాత్రమే సంభాషించాలంటూ ఆ సర్య్కులర్‌లో పేర్కొంది. దీనిపై మళయాళీ నర్సులు అభ్యంతరం వ్యక్తం చేశారు. ఇలా చేయడం తమ మాతృభాషను అవమానించడమే అవుతుందన్నారు. జిప్‌మర్‌ యాజమాన్యం జారీ చేసిన సర్క్యులర్‌ని  తీవ్రమైన చర్యగా అభివర్ణిస్తూ లిఖితపూర్వక క్షమాపణ చెప్పాలంటూ వారు డిమాండ్‌ చేశారు.  ఇక్కడ చదవండి: 'మా భాషను అవమానించారు.. క్షమాపణ చెప్పాల్సిందే' వెహికల్‌ ఇంజన్లకు ఇథనాల్‌ టెన్షన్‌ This directive reeks of language chauvinism 👇 India has 22 official languages & Malayalam, Telugu, Tamil, Hindi etc are included Every Indian should have the right to converse in a language of their choice & no one should infringe on that basic right pic.twitter.com/noIVoCZtBQ — KTR (@KTRTRS) June 6, 2021

ఢిల్లీ: ఢిల్లీలోని గోవింద్‌ బల్లబ్‌ పంత్‌ ఇన్‌స్టిట్యూట్‌ ఆఫ్‌ పోస్టు గ్రాడ్యుయేట్‌ మెడికల్‌ ఎడ్యుకేషన్‌ అండ్‌ రీసెర్చ్‌(జిప్‌మర్‌) వ్యవహరించిన తీరుపై ఢిల్లీ మలయాళీ నర్సుల సంఘం ఆగ్రహం వ్యక్తం చేసింది. జిప్‌మర్‌లో పనిచేసే మలయాళీ నర్సులు మలయాళం మాట్లాడకూడదని.. కేవలం ఇంగ్లీష్‌ లేదా హిందీలో మాత్రమే సంభాషించాలంటూ సర్య్కులర్‌ జారీ చేసింది. దీనిపై అభ్యంతరం వ్యక్తం చేసిన నర్సుల సంఘం ఇలా చేయడం మా భాషను అవమానించడం అవుతుందని.. ఇది తీవ్రమైన చర్యగా అభివర్ణిస్తూ వెంటనే లిఖితపూర్వక క్షమాపణ చెప్పాలంటూ డిమాండ్‌ చేశారు.  ఇక జూన్‌ 5న(శనివారం)జిప్‌మర్‌ ఆసుపత్రి ఈ సర్క్యులర్‌ జారీ చేసినట్లు తెలిసింది. మలయాళం మాట్లాడేందుకు వీల్లేదని.. కేవలం హిందీ, ఇంగ్లీష్‌లో మాత్రమే మాట్లాడాలని సర్య్కులర్‌లో పేర్కొన్నారు. అయితే జిప్‌మర్‌ అడ్మినిస్ట్రేషన్‌తో పాటు ఢిల్లీ ప్రభుత్వానికి ముందస్తు సూచన ఇవ్వకుండానే సర్య్కులర్‌ బయటికి వచ్చిందని అధికారులు తెలిపారు. విషయం తెలిసిన వెంటనే ఆ సర్క్యులర్‌ను విత్‌ డ్రా చేశామని వివరించారు. ఇదే విషయమై ఢిల్లీ యాక్షన్‌ కమిటీ ఆఫ్‌ మలయాళీ నర్సర్‌ ప్రతినిధి సీకే ఫమీర్‌ స్పందించాడు.  " ఈ విషయం మమ్మల్ని షాక్‌కు గురిచేసింది. జిప్‌మర్‌ జారీ చేసిన సర్క్యులర్‌ చూస్తుంటే మా భాషా స్వేచ్ఛకు ముప్పు ఉన్నట్లు భావిస్తున్నాము. వారు భాషను కించపరిచి మా రాష్ట్రాన్ని అవమానించారు. వెంటనే సర్క్యులర్‌ జారీ చేసిన సంబంధిత వ్యక్తి క్షమాపణలు చెప్పాల్సిన అవసరం ఉంది . అయితే జిప్‌మర్‌ అడ్మినిస్ట్రేషన్‌ విభాగం ఈ విషయం మాకు తెలియడం అనేది విషయాన్ని మరింత సీరయస్‌గా తయారు చేసింది. అధికారులకు కనీస సూచనలు లేదా వారి అనుమతి లేకుండానే సర్క్యులర్‌ జారీ చేసిన వ్యక్తిపై సీరియస్‌ యాక్షన్‌ తీసుకునే వరకు తాము ధర్నాను కొనసాగిస్తాం.'' అని చెప్పుకొచ్చారు. కాగా నర్సుల యూనియన్‌ ఆందోళనపై స్పందించిన జిప్‌మర్‌ మెడికల్‌ డైరెక్టర్‌ అనిల్‌ అగర్వాల్‌ మాట్లాడుతూ.. '' మాకు తెలియకుండా ఇచ్చిన సర్య్కులర్‌ను విత్‌డ్రా చేసుకున్నాం. ఆ సర్క్యులర్‌ జారీ చేసిన వ్యక్తిపై కఠిన చర్యలు తీసుకుంటాం. మీ ఆందోళనను విరమించి విధుల్లో చేరాలని కోరుతున్నాం'' అంటూ ఆదివారం ఒక ప్రకటన విడుదల చేశారు. చదవండి: Mumbai: తెలుగువారి కోసం కరోనా టీకా 

న్యూఢిల్లీ : న‌ర్స్లు ట్రీట్మెంట్ త‌రువాత సంగ‌తి ముందు మీరు మాట్లాడే లాంగ్వేజ్ను మార్చండి. మాట విన‌క‌పోతే మీపై క‌ఠిన చ‌ర్య‌లు తీసుకోవాల్సి వ‌స్తుంది అంటూ స‌ర్క్యుల‌ర్ జారీ చేయ‌డం క‌ల‌క‌లం రేపుతోంది.  ఢిల్లీ ప్ర‌భుత్వానికి చెందిన గోవింద్ బల్లాబ్ పంత్ ఇన్స్టిట్యూట్ ఆఫ్ పోస్ట్ గ్రాడ్యుయేట్ మెడికల్ ఎడ్యుకేషన్ అండ్ రీసెర్చ్ (జిప్మెర్)కు చెందిన న‌ర్స్ ల‌లో ఎక్కువ శాతం మంది మ‌ల‌యాళం భాష మాట్లాడుతున్నారు. దీనిపై ప‌లువురు పేషెంట్లు ఆరోగ్య‌శాఖ అధికారులకు ఫిర్యాదు చేశారు. పేషెంట్ల ఫిర్యాదుతో జీబీ పంత్ న‌ర్స్ యూనియ‌న్ అధ్య‌క్షుడు లిలాధ‌ర్ రామ్ చందాని న‌ర్స్ ల‌పై ఆగ్ర‌హం వ్య‌క్తం చేశారు. పేషెంట్ల‌కు ట్రీట్మెంట్ ఇచ్చే స‌మ‌యంలో న‌ర్స్ లు మ‌ల‌యాళంలో మాట్లాడుకుంటున్నారు. సిస్ట‌ర్లు ఏం మాట్లాడుకుంటున్నారో అర్ధం కాక పేషెంట్లు ఇబ్బంది ప‌డుతున్న‌ట్లు ఫిర్యాదులో పేర్కొన్నారు. కాబ‌ట్టి  న‌ర్స్ లు ఇక‌పై  హింది, ఇంగ్లీష్ భాష‌లు మాత్ర‌మే మాట్లాడాలి. లేదంటే క‌ఠిన చ‌ర్య‌లు తీసుకుంటామ‌ని హెచ్చ‌రించారు.   ఈ సంద‌ర్భంగా లిలాధ‌ర్ మాట్లాడుతూ.. పేషెంట్ల ఫిర్యాదుల కార‌ణంగా చ‌ర్య‌లు తీసుకోవాల్సి వ‌చ్చింది. అంతర్గతంగా, నర్సులు మరియు పరిపాలనలో ఎటువంటి సమస్య లేదు" అని అన్నారు. అయితే ఈ సర్క్యులర్ తో ఇతర నర్సింగ్ యూనియన్లు ఆగ్ర‌హం వ్య‌క్తం చేస్తున్నాయి. కాగా,మ‌న‌దేశంలో వివిధ ఆసుపత్రులలో చాలా మంది నర్సులు కేరళకు చెందినవారు. వారి మాతృభాష మలయాళం. త‌మ మాతృభాష‌. మ‌ల‌యాళ‌మ‌ని, మ‌ల‌యాళంలో మాట్లాడితే త‌ప్పేంట‌ని ప్ర‌శ్నిస్తున్నారు.  చ‌ద‌వండి : ‘గూగుల్‌ చేసిన పనికి క్షమాపణ చెప్పాల్సిందే’

తిరువనంతపురం: దక్షిణాది నటుడు, దివంగత రాజన్​ పి దేవ్​ కొడుకు ఉన్ని రాజన్​ అరెస్టయ్యాడు. భార్యను హింసించి, ఆత్మహత్యకు ఉసిగొల్పిన ఆరోపణల కింద ఉన్నిని నెడుమంగడ్​ పోలీసులు మంగళవారం అదుపులోకి తీసుకున్నారు. నిజానికి అతన్ని చాలారోజుల క్రితమే అరెస్ట్ చేయాల్సి ఉంది. అయితే కరోనా పాజిటివ్​ రావడంతో నెగెటివ్ రిపోర్ట్​​ వచ్చేదాకా పోలీసులు ఎదురు చూశారు. కాగా, ఉన్నిరాజన్​ కూడా నటుడే. కమెడియన్​గా, విలన్​గా దాదాపు ముప్ఫైదాకా మలయాళ చిత్రాల్లో నటించాడు. 2019లో ఉన్నికి ప్రియాంకకు వివాహం జరిగింది. ఆమె ఓ స్కూల్​లో టీచర్​గా పని చేస్తోంది. పెళ్లయిన కొన్నాళ్లకే అదనపు కట్నంతో పాటు గొంతెమ్మ కోర్కెలు కోరుతూ ప్రియాంకను భర్త ఉన్ని ప్రతీరోజూ హింసించేవాడని ప్రియాంక తల్లి ఆరోపిస్తోంది. అంతేకాదు ఓరోజు గొడవలో అడ్డువెళ్ళినందుకు తనపై కూడా దాడి చేశాడని ఆమె పోలీసులకు ఫిర్యాదు చేసింది. కాగా, ఆత్మహత్యకు ముందు ప్రియాంక కూడా పోలీసులకు కంప్లయింట్ చేసినట్లు తెలుస్తోంది. మే పదకొండున ఉన్ని ఇంట్లో గొడవ జరిగిందని, వెంటనే పుట్టింటికి ప్రియాంక ఇంటికి వచ్చేసింది. ఆ మరుసటిరోజే ఉరివేసుకుని ఆత్మహత్యకు పాల్పడింది. మలయాళ నటుడు రాజన్​ పి దేవ్​.. ఆది, దిల్​, ఒక్కడు, ఖుషి, గుడుంబా శంకర్​ లాంటి సినిమాలతో తెలుగు వారికి సుపరిచితుడే​. 200 సినిమాలకు పైనే నటించిన రాజన్​ పి దేవ్​.. 2009లో లివర్​ సంబంధిత అనారోగ్యంతో చనిపోయారు. తండ్రి చనిపోయాక జల్సాలకు అలవాటు పడ్డ ఉన్ని, కుటుంబ సభ్యులతో కలిసి డబ్బు కోసమే ప్రియాంకను వేధించినట్లు తెలుస్తోంది.

చెన్నై: కరోనా సెకండ్‌ వేవ్‌ కారణంగా సినిమాలు, టీవీ షూటింగ్‌లు నిలిపివేసిన విషయం తెలిసిందే. దీంతో బుల్లితెర షో బిగ్‌బాస్‌ కూడా పలుచోట్ల వాయిదా పడింది. అయితే సూపర్‌ స్టార్‌ మోహన్‌లాల్‌ వ్యాఖ్యాతగా వ్యవహరిస్తున్న మలయాళం బిగ్‌బాస్‌ మూడో సీజన్‌ ఇదివరకే ప్రారంభమైంది. దీంతో దీన్ని మధ్యలో ఆపేయకుండా షూటింగ్‌ కొనసాగిస్తున్నారు. లాక్‌డౌన్‌ నిబంధనలు ఉల్లంఘించి మరీ షో నిర్వహిస్తున్నారు. అయితే ఈ షోలో పని చేసే 8 మంది సిబ్బంది కరోనా బారిన పడినప్పటికీ షో వాయిదా వేయకుండా షూటింగ్‌ జరుపుతున్నారు. ఈ వ్యవహారం కాస్తా పోలీసుల దృష్టికి రావడంతో వారు చెన్నైలోని ఈవీపీ ఫిల్మ్‌సిటీలో బిగ్‌బాస్‌ సెట్‌కు వెళ్లి చిత్రీకరణను నిలిపివేశారు. హౌస్‌మేట్స్‌ను అక్కడ నుంచి హోటల్‌కు పంపించారు. బిగ్‌బాస్‌ సెట్‌ను మూసివేశారు. కాగా మలయాళ బిగ్‌బాస్‌ మూడో సీజన్‌ 14 మంది కంటెస్టెంట్లతో ప్రారంభమైంది. ఫిబ్రవరి నుంచి ఈ షో ప్రసారమవుతుండగా హౌస్‌లో ఇప్పటికే 95 రోజులు ముగిశాయి. ఇక ఇటీవలే ఈ షోను మరో రెండువారాల పాటు పొడిగించినట్లు వార్తలు వచ్చాయి. ఈ క్రమంలో లాక్‌డౌన్‌ నిబంధనలకు విరుద్ధంగా షూటింగ్‌ యధావిధిగా నిర్వహించడంతో తిరువళ్లూరు ఆర్డీవో ప్రీతి పర్కావి బుధవారం పోలీసులతో అక్కడికి వెళ్లి చిత్రీకరణను అడ్డుకున్నారు. కంటెస్టెంట్లతో సహా కెమెరామెన్లు, టెక్నీషియన్లు, ఇతర సిబ్బందిని పంపించి వేశారు. అనంతరం సెట్‌ను సీల్‌ చేసిట్లు అధికారులు తెలిపారు. తమిళనాడు ప్రభుత్వం షూటింగ్‌లపై నిషేధం విధించినప్పటికీ గుట్టుచప్పుడు కాకుండా చిత్రీకరణ జరిపిన నిర్వాహకులపై కేసు నమోదైనట్లు పేర్కొన్నారు. అయితే ఇంత జరిగినా బిగ్‌బాస్‌ కొనసాగుతుందని, జూన్‌ 4న గ్రాండ్‌ ఫినాలే జరగడం తథ్యం అని నిర్వాహకులు నిర్ణయం తీసుకున్నట్లు సమాచారం! చదవండి: కొత్త ఇంటికి మారిన బిగ్‌బాస్‌ భామ​ అరియానా

సినీ ఇండస్ట్రీలో మరో విషాదం చోటుచేసుకుంది. మలయాళంలో ఎన్నో సూపర్‌ హిట్‌ చిత్రాలకు స్క్రిప్ట్‌ రైటర్‌గా పనిచేసిన డెన్నిస్ జోసెఫ్ కన్నుమూశారు. గుండెపోటుతో ఆసుపత్రిలో చికిత్స పొందుతూ సోమవారం రాత్రి తుదిశ్వాస విడిచారు.  ఈ విషయాన్ని జోసెఫ్‌ కుటుంబసభ్యులు దృవీకరించారు. 1985లో ఈరన్ సంధ్య సినిమాతో సినీ ప్రస్థానం మొదలు పెట​ఇన జోసెఫ్‌ మమ్ముట్టి, మోహన్‌లాల్‌ వంటి స్టార్‌ హీరోలతో పనిచేశారు. జెసెఫ్‌ అందించిన కథలతో సినిమాలు రికార్డు స్థాయి విజయాలను సొంతం చేసుకున్న సంగతి తెలిసిందే. `మను అంకుల్ ' సినిమాతో బెస్ట్‌ స్క్రిప్ట్‌ రైటర్‌గా నేషనల్‌ అవార్డును కూడా సొంతం చేసుకున్నారు. ఆయన కెరియర్‌లో ఇప్పటివరకు సుమారు  45 చిత్రాలకు కథలందించారు. అదే విధంగా ఐదు చిత్రాలకు దర్శకత్వం కూడా వహించారు. జోసెఫ్‌ మృతితో మలయాళ చిత్ర పరిశ్రమ దిగ్ర్భాంతికి లోనైంది. ఆయన మరణం ఇండస్ట్రీకి తీరని లోటని మమ్ముట్టి, మోహన్‌లాల్‌ సహా పలువురు ప్రముఖులు విచారం వ్యక్తం చేశారు. ఆయన ఆత్మకు శాంతి చేకూరాలని ప్రార్థించారు.  చదవండి : కరోనా రక్కసికి బలైన టీఎన్‌ఆర్‌

తిరువ‌నంత‌పురం: ప్రముఖ మలయాళ గాయకుడు ఎంఎస్ న‌సీమ్  కన్నుమూశారు. గత కొంతకాలంగా అనారోగ్యంతో బాధపడుతున్న ఆయన ఓ ప్రైవేట్ ఆసుపత్రిలో చికిత్స పొందుతూ నేడు(బుధవారం)తుదిశ్వాస వదిలారు. దూర‌ద‌ర్శ‌న్‌, ఆకాశ‌వాణి, ఇత‌ర స్టేజ్ ప్రోగ్రామ్‌ల‌లో మొత్తం వెయ్యికి పైగా పాటలు పాడి తన శ్రావ్యమైన గొంతుతో ప్రేక్ష‌కుల‌ను మంత్ర‌ముగ్ధుల‌ను చేసేవారు.పలు స్టేజ్‌ షోలతో పాటు టెలివిజన్‌ షోలు కూడా నిర్వహించేవారు. రెండు సినిమాల్లో నసీమ్‌ పాడిన పాటలు ఎంతో ప్రజాధరణ పొందాయి. (మెరిల్‌ స్ట్రీవ్‌, గాల్‌ గాడోట్‌లతో పోల్చుకున్న కంగనా..) 1992,93,95,1997లో నసీమ్‌ ఉత్తమ గాయకుడిగా కేరళ సంగీత అకాడ‌మీ అవార్డును అందుకున్నారు. అంతేకాకుండా వరుసగా ఉత్తమ మినీ స్క్రీన్ సింగర్ అవార్డును సంపాదించుకున్నారు. అయితే నసీమ్‌కు 16 ఏళ్లు ఉన్నప్పుడే మొదటిసారి హార్ట్‌ స్ట్రోక్‌ వచ్చిందని, అప్పటినుంచి చికిత్స తీసుకుంటున్నారని ఆయన కుటుంబసభ్యులు తెలిపారు. నసీమ్‌కు భార్య, ఇద్దరు కుమార్తెలు ఉన్నారు.  కేరళలో నసీమ్‌ గాత్రానికి చాలామంది అభిమానులు ఉన్నారు.  కాగా నసీమ్‌ మృతి పట్ల కేరళ సీఎం  పిన‌ర‌యి విజ‌య‌న్ సహా పలువురు ప్రముఖులు సంతాపం వ్య‌క్తంచేశారు. (సుశాంత్ సింగ్ కజిన్‌ మంత్రి అయ్యాడు)

కోజికోడ్‌/వయనాడ్‌: రాజ్యసభ సభ్యుడు, మలయాళ దిన పత్రిక ‘మాతృభూమి’మేనేజింగ్‌ డైరెక్టర్‌ ఎం.పి. వీరేంద్ర కుమార్‌(83) గురువారం రాత్రి కన్నుమూశారు. ఆయన మృతికి రాష్ట్రపతి రామ్‌నాథ్‌ కోవింద్, ఉపరాష్ట్రపతి వెంకయ్య నాయుడు, ప్రధాని మోదీ, కాంగ్రెస్‌ నేత రాహుల్‌ గాంధీ తదితర ప్రముఖులు సంతాపం ప్రకటించారు. ఆయన కుటుంబానికి ప్రగాఢ సానుభూతి తెలిపారు. ఆయనకు భార్య ఉష, ముగ్గురు కుమార్తెలు, కుమారుడు ఉన్నారు. వయనాడ్‌ జిల్లా కల్పెట్టలో శుక్రవారం సాయంత్రం ఆయన అంత్యక్రియలు నిర్వహించారు. ప్రెస్‌ ట్రస్ట్‌ ఆఫ్‌ ఇండియా(పీటీఐ)కు మూడు పర్యాయాలు చైర్మన్‌గా పనిచేసిన వీరేంద్రకుమార్‌ ప్రస్తుతం పీటీఐ బోర్డు డైరెక్టర్‌గా కొనసాగుతున్నారు. 2003–2004 కాలంలో ఇండియన్‌ న్యూస్‌ పేపర్‌ సొసైటీకి ప్రెసిడెంట్‌గా కూడా ఆయన వ్యవహరించారు. కేంద్ర సాహిత్య అకాడెమీ అవార్డుకు ఎంపికైన ‘హైమవతభువిల్‌’వంటి 15కు పైగా పుస్తకాలను వీరేంద్ర రచించారు. పర్యావరణ పరిరక్షణకు కృషి చేసిన ఆయన 1987లో ఈకే నయనార్‌ మంత్రి వర్గంలో విద్యుత్‌ మంత్రిగా ఉన్నారు. రాష్ట్రంలోని అడవుల్లో చెట్ల నరికివేతపై నిషేధం విధిస్తూ తొలి ఉత్తర్వులు జారీ చేశారు. అవి వివాదమవడంతో రాజీనామా చేశారు.  కోజికోడ్‌ పార్లమెంట్‌ నియోజకవర్గం నుంచి ఎన్నికై ఐకే గుజ్రాల్, హెచ్‌డీ దేవెగౌడ కేబినెట్‌లలో బాధ్యతలు నిర్వహించారు.    

ఎన్నో విమర్శలను, ఆటుపోట్లను ఎదుర్కొన్న మలయాళ బిగ్‌బాస్‌ రియాలిటీ షో సంచలనాలను క్రియేట్‌ చేసింది. తొలి సీజన్‌ విజయవంతం కావడంతో బిగ్‌బాస్‌ నిర్వాహకులు రెండో సీజన్‌ను పట్టాలెక్కించారు. ప్రముఖ నటుడు మోహన్‌ లాల్‌ వ్యాఖ్యాతగా రెండో సీజన్‌ ఆదివారం ఘనంగా ప్రారంభమైంది. ఇందులో పాల్గొననున్న సెలబ్రిటీలను నెటిజన్లు అప్పుడే ఫాలో అవడం మొదలుపెట్టారు. అయితే మహిళలపై వివాదాస్పద వ్యాఖ్యలు చేసి అప్రతిష్టను మూటగట్టుకున్న రంజిత్‌ కుమార్‌ను బిగ్‌బాస్‌ యాజమాన్యం సెలక్ట్‌ చేయడంపై పలువురు భిన్నాభిప్రాయాలు వ్యక్తం చేస్తున్నారు. ఇంతకీ ఆయనెవరు? ఎందుకు రంజిత్‌ కుమార్‌పై వ్యతిరేకత ఉందో తెలుసుకుందాం.. జీన్స్‌ వేసుకుంటే ట్రాన్స్‌జెండర్లు పుడతారు.. కాలేజీ ప్రొఫెసర్‌గా పని చేసిన రంజిత్‌ కుమార్‌ ఓసారి కళాశాల ప్రాంగణంలో మాట్లాడుతూ... అమ్మాయిలు జీన్స్‌ ధరించడం పట్ల అభ్యంతరం వ్యక్తం చేశారు. జీన్స్‌ వేసుకుంటే ట్రాన్స్‌జెండర్‌లు పుడతారంటూ వివాదాస్పద వ్యాఖ్యలు చేశారు. దీంతో అక్కడి విద్యార్థులు నిరసనగా సభా ప్రాంగణం నుంచి వెళ్లిపోయారు. ఇలా తొలిసారిగా 2013లో మహిళలపై అనుచిత వ్యాఖ్యలు చేసి వార్తల్లో నిలిచారు. ఆ తర్వాత రంజిత్‌ కుమార్‌ ఓ టీవీ షోలో అర్థరహిత వ్యాఖ్యలు చేశారు. కొంతమంది తల్లిదండ్రులకు మానసిక సమస్యలతో ఉన్న పిల్లలు జన్మించడానికి  ప్రధాన కారణం పెద్దల డ్రెస్సింగ్‌ సెన్స్‌ అంటూ వ్యాఖ్యానించారు. మహిళలు గెంతులు వేయకూడదు.. ఇక మరోసారి రంజిత్‌ మరీ విడ్డూరమైన వ్యాఖ్యలు చేశారు. మహిళలు అస్సలు గెంతకూడదని హితవు పలికారు. పొరపాటుగా అయినా మహిళలు గెంతులు వేస్తే వారి గర్భాశయం ఉన్నచోట నుంచి జారిపోతుందని చెప్పుకొచ్చారు. ఇలా విపరీత వ్యాఖ్యలు చేసే రంజిత్‌ వైఖరిని కేరళ ప్రభుత్వం అప్పట్లో తీవ్రంగా ఖండించింది. అయితే ఈ వివాదాస్పద వక్త ప్రాంతీయ భాషలో పలు పుస్తకాలను కూడా రచించారు. ఏదైతేనేం.. టీవీ షో కు ప్రాణవాయువు టీఆర్పీ. బిగ్‌బాస్‌ వంటి కార‍్యక్రమాలకు టీఆర్పీ రావాలంటే వినోదం ఒక్కటే సరిపోదు. వివాదాలు, గొడవలు.. అన్నీ కలగలసి ఉండాలి. అందుకనే బిగ్‌బాస్‌ యాజమాన్యం రంజిత్‌ కుమార్‌ను ఏరికోరి తీసుకుందని స్పష్టమవుతోంది. మరి బిగ్‌బాస్‌ హౌస్‌ లోపలికి వెళ్లాక సంయమనం పాటిస్తాడో లేదా మళ్లీ నోరుజారుతారో చూడాలి! చదవండి: బిగ్‌బాస్‌ భామ పెళ్లికూతురాయెనే..

తిరువనంతపురం : ప్రముఖ మలయాళ టీవీ యాంకర్‌, సెలబ్రిటీ చెఫ్‌ జాగీ జాన్ అనుమానాస్పద స్థితిలో మృతిచెందారు.  కురవాన్‌ కోణంలోని తన నివాసంలో ఆమె శవమై కనిపించారు. సోమవారం జాగీ ఇంటికి వచ్చిన ఆమె స్నేహితులు ఈ విషయాన్ని పోలీసులు తెలిపారు. దీంతో ఘటన స్థలానికి చేరుకుని దర్యాప్తు చేపట్టారు. జాగీ మృతదేహాంపై ఎటువంటి గాయాలు లేవని తెలిపిన పోలీసులు.. అనమానస్పద మృతిగా కేసు నమోదు చేసుకున్నట్టు వెల్లడించారు.  ‘జాగీ తన తల్లితో కలిసి నివాసం ఉంటున్నారు. జాగీ మృతిచెందిన సమయంలో ఆమె తల్లి ఇంట్లోనే ఉన్నారు. అయితే ఆమె తల్లి మానసిక పరిస్థితి బాగా లేకపోవడంతో.. జాగీ ఎలా మృతి చెందారనే అంశంపై సరైన సమాచారం రాబట్టలేకపోయామ’ని పోలీసులు తెలిపారు.  కాగా,  38 ఏళ్ల జాగీ ఓ టీవీ చానల్‌లో వంటల పోగ్రామ్‌ నిర్వహిస్తున్నారు. బ్యూటీ షోలకు ఆమె జడ్జిగా వ్యవహరిస్తున్నారు. అలాగే ఆమె గాయనిగా, మంచి వక్తగా గుర్తింపు పొందారు. 

న్యూఢిల్లీ: ప్రముఖ మలయాళ కవి అక్కితమ్‌ అచ్యుతన్‌ నంబూద్రి ప్రతిష్టాత్మక జ్ఞానపీఠ్‌ అవార్డుకు ఎంపికయ్యారు. అక్కితమ్‌ను 55వ జ్ఞానపీఠ్‌ పురస్కారానికి ఎంపిక చేస్తున్నట్లు ఎంపిక కమిటీ శుక్రవారం ప్రకటించింది. ‘అక్కితమ్‌ అరుదైన సాహితీవేత్త. కలకాలం నిలిచిపోయే ఎన్నో రచనలు చేశారు. ఆయన కవిత్వం అపారమైన కరుణను ప్రతిబింబిస్తుంది. భారతీయ తాత్వికత, నైతిక విలువలకు, సంప్రదాయం, ఆధునికతకు వారధిగా ఆయన కవిత్వం నిలుస్తుంది. వేగంగా మారుతున్న సమాజంలో మానవ భావోద్వేగాలకు ఆయన కవిత్వం అద్దంపడుతుంది’  అని జ్ఞానపీఠ్‌ ఎంపిక బోర్డు చైర్మన్‌ ప్రతిభా శుక్రవారం ఒక ప్రకటనలో తెలిపారు.  మలయాళ సాహితీవేత్తల్లో ప్రముఖుడైన అక్కితమ్‌ కేరళలో 1926లో జన్మించారు. అక్కితమ్‌ కవితలతోపాటు నాటకాలు, విమర్శనాత్మక వ్యాసాలు, పిల్లల సాహిత్యం, కథలు, అనువాదాల్లోనూ తనదైన ముద్ర వేశారు. అక్కితమ్‌ ఇప్పటి వరకు 55 పుస్తకాలు రాశారు.  సాహిత్య అకాడమీ అవార్డు, కేరళ సాహిత్య అకాడమీ అవార్డు, కబీర్‌ సమ్మాన్‌ వంటి పురస్కారాలు అందుకున్నారు.

అదితీరావ్‌ హైదరీ తన యాక్టింగ్‌ కెరీర్‌ను మలయాళం సినిమాతోనే మొదలుపెట్టారు. ఆ తర్వాత హిందీ సినిమాల్లో నటిస్తూ పాపులారిటీ సంపాదించారు. ముఖ్యంగా ‘పద్మావత్‌’ ఆమెకు బ్రేక్‌ తెచ్చిందని చెప్పాలి. అలాగే మణిరత్నం దర్శకత్వంలో చేసిన ‘చెలియా’, ‘నవాబ్‌’ చిత్రాలూ మంచి పేరు తెచ్చాయి. ఒకవైపు హిందీ సినిమాల్లో నటిస్తూనే తెలుగు, తమిళ సినిమాలూ చేస్తున్నారు. పదమూడేళ్ల తర్వాత ఓ మలయాళ సినిమాలో నటించబోతున్నారు అదితీ. 2006లో మమ్ముట్టి హీరోగా వచ్చిన ‘ప్రజాపతి’ సినిమా ద్వారా మలయాళ తెరకు హీరోయిన్‌గా పరిచయమయ్యారు అదితీ. మళ్లీ 13 ఏళ్లకు నరానిపుళ షానవాస్‌ తెరకెక్కించబోయే ‘సూఫియుమ్‌ సుజాతయుమ్‌’ సినిమాలో అదితీరావ్‌ హీరోయిన్‌గా నటించబోతున్నారు. సంగీత ప్రధానంగా సాగే సినిమా ఇది. సుజాత పేరు అదితీ రావ్‌ పాత్రది అని ఊహించవచ్చు.

కెరీర్‌ ఆరంభించిన పదహారేళ్లకు త్రిష మలయాళంలో గత ఏడాది తొలి సినిమా (హే జ్యూడ్‌) చేశారు. ఈ ఏడాది మళ్లీ కేరళ ప్రేక్షకులను పలకరించనున్నారని సమాచారం. మోహన్‌లాల్‌ సరసన ఓ సినిమా చేయడానికి అంగీకరించారట. దాదాపు ఆరేళ్ల క్రితం మోహన్‌లాల్‌ హీరోగా ‘దృశ్యం’ వంటి సూపర్‌ హిట్‌ మూవీ అందించిన జీతూ జోసెఫ్‌ ఈ చిత్రానికి దర్శకుడు. ‘దృశ్యం’ తెలుగు, తమిళ, హిందీ భాషల్లో రీమేక్‌ అయిన విషయం తెలిసిందే. జీతు జోసెఫ్‌ తెరకెక్కించే కథలు అలా అన్ని భాషలకూ సరిపోతుంటాయి. తాజా చిత్రాన్ని మలయాళ, తమిళ భాషల్లో రూపొందించనున్నారట. నవంబరులో చిత్రీకరణ మొదలుపెట్టనున్నారని తెలిసింది. ఈ సినిమాకి సంబంధించిన ఎక్కువ శాతం షూటింగ్‌ ఫారిన్‌లో జరుగుతుందట. ఈజిప్ట్, యూకె, కెనడా లొకేషన్స్‌లో చిత్రీకరణ ప్లాన్‌ చేశారని మాలీవుడ్‌ టాక్‌. 

ప్రేమి విశ్వనాథ్‌ అంటే మనవాళ్లకు అంతగా తెలియకపోవచ్చు. కానీ, ‘కార్తీకదీపం’ సీరియల్‌ ‘దీప’ అనగానే ఇట్టే గుర్తుపట్టేస్తారు. నల్లటి రూపంతో చిన్నితెర మీద ప్రముఖ నటిగా వెలుగొందుతున్న ప్రేమి విశ్వనాథ్‌ పుట్టినిల్లు కేరళలోని ఎర్నాకులం.  మలయాళం టెలివిజన్‌లో ‘కరతముత్తు’ (తెలుగు కార్తీక దీపం) అనే సీరియల్‌ ద్వారా ప్రేమి అక్కడివాళ్లకు కార్తీకగా పరిచమయ్యింది. బ్లాక్‌బ్యూటీగా మనవారిచేత అభినందనలు అందుకుంటున్న దీప ఆఫ్‌స్క్రీన్‌లో ఫెయిర్‌గా ఉంటుంది. అంతే ఫెయిర్‌గా తన మనసులోని విషయాలను పంచుకుంటుంది.  సీరియల్‌లో ఈ పాత్రను మీరెలా ఒప్పుకున్నారు? సినిమానే కాదు టెలివిజన్‌ పరిశ్రమ కూడా గ్లామర్‌నే చూపిస్తుంది. ఫెయిర్‌గా ఉండే హీరోయిన్సే ఆన్‌ స్క్రీన్‌ మీద కనిపిస్తారు. అయితే, ఈ సీరియల్‌లోని ప్రధాన పాత్ర ఒంటి రంగు నలుపుగా ఉండటం ఇందులోని కాన్సెప్ట్‌. దాన్నే సవాల్‌గా తీసుకున్నాను. తెలుగు సీరియల్‌లో డాక్టర్‌ కార్తీక్‌ (నిరుపమ్‌ పరిటాల) భార్యగా నటించాను.  మీ గురించి తెలుసుకోవచ్చా?  మా అమ్మనాన్నలు విశ్వనాథ్, కాంచన. భర్త డా.టి.ఎస్‌.వినీత్‌ భట్‌. అతను ప్రముఖ ఆస్ట్రాలజర్‌. నేను లా చేశాను. కొచ్చిలో ఒక ప్రైవేటు సంస్థలో లీగల్‌ అడ్వైజర్‌గా పనిచేసేదాన్ని.  మా అన్నయ్య శివప్రసాద్‌ ఫొటోగ్రాఫర్, ఆర్టిస్ట్‌ కూడా. ఆ విధంగా నాకూ ఫొటోగ్రఫీ అబ్బింది. పెళ్లిళ్లకు ఫొటోలు తీసేదాన్ని. ఫొటోగ్రఫీ అంటే నాకు పిచ్చి. ముఖ్యంగా ప్రకృతి సౌందర్యాన్ని కెమెరాలో బంధించడం చాలా ఇష్టం. నేనో ట్రావెల్‌ ఏజెన్సీని కూడా నడుపుతున్నాను. ‘కరతముత్తు’ (మలయాళం సీరియల్‌) లో  కెమెరా ముందు నటించడానికి మా స్టూడియోలో కెమెరా ముందు చేసిన మోడలింగ్‌ బాగా ఉపయోగపడింది.  ‘దీప’ గురించి చెప్పండి.. ‘కరతముత్తు’ సీరియల్‌ 2013లో మలయాళం టెలివిజన్‌లో మొదలయ్యింది. ఆ తర్వాత తెలుగులో 2017లో రీమేక్‌ అయ్యింది. ‘కరతముత్తు’లో నా పాత్రకు ఎంత మంచి పేరు వచ్చిందో తెలుగులో దీప (కార్తీకదీపం) క్యారెక్టర్‌కి అంతే మంచి పేరొచ్చింది. ఈ సీరియల్‌ కోసం మేకప్‌కి, క్యాస్టూమ్స్‌కి  కనీసం రెండు గంటలు పడుతుంది. నా కుటుంబం, స్నేహితులకు నేను తెలిసినప్పటికీ నాకు ఇంతగా గుర్తింపు వచ్చింది మాత్రం సీరియల్‌ ద్వారానే. ఈ సీరియల్‌ ద్వారా ఏషియానెట్‌ టెలివిజన్‌ అవార్డ్, స్టార్‌ మా పరివార్‌ అవార్డ్స్‌ అందుకోవడం మర్చిపోలేని అనుభూతి.  ఫ్యూచర్‌ గురించి  ఫుల్‌ టైమ్‌ యాక్టర్‌గానే ఉంటాను. ఈ సీరియల్‌ ఉన్నంతవరకు ఇందులోనే కొనసాగుతాను. సీరియల్‌ రేటింగ్‌ పెరగడానికి స్టోరీ లైన్‌లో మార్పుల కోసం నేనూ చర్చలో పాల్గొంటుంటాను. కొత్త విషయాల గురించి తెలుసుకుంటుంటాను. ఆ తర్వాత అంటారా.. ఏదైనా వ్యాపారం కొనసాగిస్తాను. సినిమాల్లో యాక్ట్‌ చేయచ్చు. నేను డ్యాన్సర్‌ని కూడా. స్టేజ్‌ షోల మీద నృత్యప్రదర్శనలు కూడా ఇచ్చాను.   

విజయ్‌ దేవరకొండ, షాలినీ పాండే జంటగా సందీప్‌రెడ్డి వంగా దర్శకత్వంలో రూపొందిన ‘అర్జున్‌రెడ్డి’ సినిమా టాలీవుడ్‌లో ఎంత ఘనవిజయం సాధించిందో ప్రత్యేకించి చెప్పక్కర్లేదు. ఆల్రెడీ తమిళంలో ‘వర్మ’ అనే టైటిల్‌తో బాల దర్శకత్వంలో ఈ సినిమా తెరకెక్కుతోంది. విక్రమ్‌ తనయుడు ధృవ్‌ హీరో.  అలాగే షాహిద్‌ కపూర్‌ హీరోగా హిందీ ‘అర్జున్‌ రెడ్డి’  త్వరలో సెట్స్‌ పైకి వెళ్లనుంది. ఒరిజినల్‌ డైరెక్టర్‌ సందీప్‌రెడ్డి వంగానే ఈ చిత్రానికి దర్శకుడు. ఇప్పుడు తెలుగు ‘అర్జున్‌రెడ్డి’ సినిమా మలయాళంలో కూడా రీమేక్‌ కాబోతుందని వార్తలు వస్తున్నాయి. కానీ అధికారిక సమాచారం అందాల్సి ఉంది. ఒకవేళ ఈ వార్త నిజమైతే.. మల్లూ అర్జున్‌రెడ్డి ఎవరు? అనే విషయం పై మాలీవుడ్‌లో చర్చ జరగడం ఖాయం.

ఈ ప్రపంచంలో ఎవరు మన మేలు కోరుకున్నా కోరుకోకపోయినా మనం బాగుండాలని కోరుకునే ఏకైక వ్యక్తి ‘అమ్మ’. తప్పు చేసినా క్షమించే గుణం అమ్మకి ఉంటుంది. మరి.. అమ్మతో పెట్టుకుంటే అంతే సంగతులా? అని ఎందుకు అనాల్సి వచ్చిందంటే.. ఈ ‘అమ్మ’ వేరు. ‘అసోసియేషన్‌ ఆఫ్‌ మలయాళం మూవీ ఆర్టిస్ట్స్‌’ (అమ్మ). కేరళ నటీనటుల సంఘం అన్నమాట. కథానాయిక భావనపై జరిగిన లైంగిక దాడిలో జోక్యం ఉందనే కారణంగా నటుడు దిలీప్‌పై కేసు నమోదైన విషయం తెలిసిందే. దీనివల్ల ‘అమ్మ’లో దిలీప్‌ సభ్యత్వం రద్దయింది. బెయిల్‌ మీద బయటికొచ్చిన దిలీప్‌ని మళ్లీ అసోసియేషన్‌లో చేర్చుకోవాలని ‘అమ్మ’ అధ్యక్షుడు మోహన్‌లాల్, ఇతర సభ్యులు నిర్ణయం తీసుకోవడంపట్ల ఆగ్రహం వ్యక్తం చేసిన నటీమణుల్లో రమ్యా నంబీసన్‌ ఒకరు. బాధిత నటికి అండగా ఉండటం కోసం ‘అమ్మ’కు ఆమె రాజీనామా చేసిన వెంటనే రమ్యా నంబీసన్, రీమా కల్లింగల్‌ వంటి తారలు తామూ రాజీనామా చేశారు. ఆ తర్వాత అవకాశాలు తగ్గుటున్నట్లు అనిపించిందని ఇటీవల ఓ కార్యక్రమంలో పాల్గొన్న రమ్యా నంబీసన్‌ పేర్కొన్నారు. ‘‘అమ్మ’ నుంచి బయటికొచ్చాక అభద్రతాభావం ఏర్పడింది. అవకాశాలు తగ్గుతున్నాయని గ్రహించాను. అది మాత్రమే కాదు.. నేను షూటింగ్స్‌కి సరిగ్గా రానని, నిర్మాతలను ఇబ్బంది పెడతానని, అందుకని నన్ను తీసుకోకూడదనీ ప్రచారం చేస్తున్నారు. కానీ నేనెప్పుడూ ఎవర్నీ ఇబ్బందిపెట్టలేదు. ‘అమ్మ’ తీసుకున్న నిర్ణయాన్ని తోటి నటీమణులతో కలసి వ్యతిరేకించాను కానీ నేను ఏం మాట్లాడినా అది మొత్తం మగవాళ్లందర్నీ వ్యతిరేకిస్తున్నట్లు కాదు కదా. ఒక సమస్య ఉంది.. పరిష్కరించండి అన్నాం. అది తప్పా’’ అని రమ్యా నంబీసన్‌ అన్నారు. నిజమే కదా. నిర్భయంగా మాట్లాడితే లేనిపోని నిందలు వేయడం న్యాయమా?

నటీమణుల కాస్టింగ్‌ కౌచ్‌ ఉదంతాలు దాదాపు అన్ని భాషల ఇండస్ట్రీల్లో వెలుగు చూస్తున్నాయి. అయితే కేవలం హీరోయిన్లు, క్యారెక్టర్‌ ఆర్టిస్టుల విషయంలోనే కాదని, మేల్‌ ఆర్టిస్టులకు కూడా వేధింపులు తప్పటం లేదని ఓ యువనటుడు ఆరోపిస్తున్నాడు. మాలీవుడ్‌కు చెందిన నవజీత్ నారాయణ్ అనే టాలెంటెడ్‌ హీరో తనకు ఎదురైన అనుభవాన్ని వివరిస్తూ ఫేస్‌బుక్‌లో ఓ పోస్టు పెట్టాడు. ఓ చిత్రం సందర్భంగా దర్శకుడు తనతో అసభ్యంగా ప్రవర్తించిన తీరును అతను వివరిస్తూ ఆవేదన వ్యక్తం చేశాడు.  ‘కెరీర్‌ ప్రారంభంలో అవకాశాల కోసం స్ట్రగుల్‌ అవుతున్న రోజులవి. ఒకరోజు సినిమా ఛాన్స్‌ ఇప్పిస్తానని ఓ దర్శకుడు ఆఫీస్‌కు రమ్మన్నాడు. తీరా అక్కడికెళ్లాక గదిలోకి రమ్మని తేడాగా ప్రవర్తించాడు. నా తొడలపై చెయ్యేసి, ప్యాంట్‌ లోపలికి చెయ్యి పోనిచ్చాడు. నాకు చిర్రెత్తుకొచ్చి అతని మీద అరిచా. లాగి గూబ మీద ఒక్కటి పీకా. ఆపై ఆ దర్శకుడికి వార్నింగ్ కూడా ఇచ్చి అక్కడి నుంచి వచ్చేశా. తర్వాతే తెలిసింది అతనో హోమో సెక్సువల్‌ అని..  ఇండస్ట్రీలో మహిళలకే కాదు.. మేల్‌ ఆర్టిస్టులకు కూడా రక్షణ లేదు’ అంటూ పోస్ట్‌ చేశాడు. అయితే ఆ దర్శకుడు ఎవరన్న విషయం చెప్పేందుకు అతను నిరాకరించాడు.  మరోవైపు భోజ్‌పురి స్టార్‌ హీరో, పలు తెలుగు చిత్రాల్లో నటించిన రవికిషన్‌ కూడా గతంలో ఓ ఇంటర్వ్యూలో ఇలాంటి వ్యాఖ్యలే చేశారు. అయితే పురుషుల నుంచి కాకుండా మహిళల నుంచే మేల్‌ ఆర్టిస్టులకు వేధింపులు జరుగుతున్నాయని ఆయన చెప్పటం గమనార్హం. 

న్యూఢిల్లీ: మలయాళ టీవీ చానల్‌ ‘మాతృభూమి న్యూస్‌’కు చెందిన ప్రముఖ యాంకర్‌పై మత విద్వేషాలు రెచ్చగొడుతున్నారని కేరళ పోలీసులు ఎఫ్‌ఐఆర్‌ నమోదుచేయడాన్ని ఇండియన్‌ న్యూస్‌పేపర్‌ సొసైటీ(ఐఎన్‌ఎస్‌) ఖండించింది. ఇలాంటి చర్యలతో కేరళ ప్రభుత్వం అధికార దుర్వినియోగానికి పాల్పడుతోందని విమర్శించింది. ప్రజాస్వామ్య దేశంలో మీడియాపై ఇలాంటి దాడులు పత్రికా స్వేచ్ఛకు, స్వతంత్రంగా ఆలోచించి, మాట్లాడే సంస్కృతికి గొడ్డలిపెట్టుగా మారతాయని ఆందోళన వ్యక్తం చేసింది. ఎఫ్‌ఐఆర్‌ను రద్దుచేయాలని ప్రభుత్వానికి ఐఎన్‌ఎస్‌ విజ్ఞప్తి చేసింది.

బుల్లితెర నటిని దర్శకుడు లైంగికంగా వేధించిన ఘటన మళయాళ ఇండస్ట్రీని ఉలికిపడేలా చేసింది. ఉప్పం ములకుం సీరియల్‌ అక్కడ మోస్ట్‌ వ్యూయింగ్‌ సీరియల్‌. అందులో లీడ్‌ రోల్‌ పోషిస్తున్న నటి నిషా సారంగ్‌.. సీరియల్‌ దర్శకుడు ఆర్‌ ఉన్నికృష్ణన్‌పై లైంగిక ఆరోపణలు చేస్తున్నారు.డైరెక్టర్‌ ఉన్నికృష్ణన్‌ గత కొంత కాలంగా తనను వేధిస్తున్నాడని తాజాగా ఓ ఇంటర్వ్యూలో ఆమె ఆరోపించారు. ‘బూతు మెసేజ్‌లు పంపిన భరించా. సెట్స్‌లో అందరి ముందే నన్ను వేధించేవాడు. ఈ విషయం యూనిట్‌లో ఎవరిని అడిగినా చెబుతున్నారు. ఆ తర్వాత అసభ్యంగా తాకుతూ నీచంగా ప్రవర్తించేవాడు.  దీంతో గట్టిగా హెచ్చరించా. నా కూతురి వివాహం ఉండటంతో వ్యవహారం పెద్దది చేసుకోవటం నచ్చక గమ్మున ఉండిపోయా.  అయినా అతని తీరు మారలేదు. చివరకు ఫిర్యాదు చేయటంతో నాపై కక్ష గట్టాడు. అవార్డు పంక్షన్‌ కోసం విదేశాలకు వెళ్లొచ్చేసరికి సీరియల్‌ నుంచి నన్ను తొలగించి.. ఆ ప్లేస్‌లో వేరే వారిని తీసుకున్నాడు. ఈ విషయంపై అసోషియేషన్‌లో ఫిర్యాదు చేశా. తిరిగి నన్ను తీసుకున్నా అతని వేధింపులు మాత్రం ఆగవు. ఆ విషయం ఖచ్ఛితంగా చెప్పగలను. అతనిపై చర్యలు తీసుకునేదాకా నా పోరాటం ఆగదు’ అని నిషా చెబుతున్నారు.  ఇప్పటికే నటి భావన వేధింపుల వ్యవహారం , దీలీప్‌ సస్పెన్షన్‌ ఎత్తివేత వ్యవహారాలు ‘అసోషియేషన్‌ ఆఫ్‌ మళయాళం మూవీ ఆర్టిస్ట్స్‌’(అమ్మ-AMMA)ను కుదిపేస్తున్న విషయం తెలిసిందే. ఈ నేపథ్యంలో నిషా వేధింపుల వ్యవహారం వెలుగులోకి రావటంతో పలువురు ఆమెకు అండగా నిలుస్తున్నారు. మెగాస్టార్‌ మమ్ముటీతోపాటు వుమెన్‌ ఇన్‌ సినిమా కలెక్టివ్‌ సభ్యులు నిషాకు మద్ధతు ప్రకటించారు. ఉన్నికృష్ణన్‌ సీరియస్‌.. అయితే దర్శకుడు ఉన్నికృష్ణన్‌ బదులు.. మీడియా హౌజ్‌లో పని చేసే ఉన్నికృష్ణన్‌ చెన్నంపిల్లి అనే టెక్నీషియన్‌ పేరును కొన్ని వెబ్‌సైట్లు ప్రముఖంగా ప్రకటించాయి. దీంతో ఆయన సీరియస్‌ అయ్యారు. నిషా చెబుతున్న వ్యక్తి తాను కాదని, తప్పుడు కథనాలు ప్రచురిస్తే న్యాయపరమైన చర్యలు తీసుకుంటానని ఆయన హెచ్చరించారు.  

తిరువనంతపురం: నకిలీ నోట్ల స్కామ్‌లో ఓ బుల్లితెర నటిని పోలీసులు అరెస్ట్‌ చేశారు. మళయాళంలో పలు చిత్రాలతోపాటు సీరియళ్లలో రోల్స్‌ పోషించిన సూర్య శశికుమార్‌(36), ఆమె కుటుంబ సభ్యులు దొంగ నోట్లు తయారు చేస్తున్నట్టు తేలటంతో అదుపులోకి తీసుకున్నారు. మూడు రోజుల క్రితం దొంగ నోట్ల రాకెట్‌ను చేధించిన పోలీసులు.. ముగ్గురిని అరెస్ట్‌ చేసి ప్రశ్నించారు. వారిచ్చిన సమాచారంతో మంగళవారం కేరళ ఇడుక్కి జిల్లా కట్టపనాలో సూర్య శశికుమార్‌ ఇంట్లో పోలీసులు సోదాలు చేశారు. సుమారు రూ. 57లక్షలు విలువ చేసే 500 రూపాయల నకిలీ కరెన్సీ నోట్లను, ప్రింటర్‌ తదితర పరికరాలను పోలీసులు స్వాధీనం చేసుకున్నారు. సూర్య తల్లి రమాదేవి(56) ఈ గ్యాంగ్‌కు మెయిన్‌ హెడ్‌ గా వ్యవహరించినట్లు తేలింది. దీంతో సూర్యతోపాటు, తల్లి రమాదేవి, సోదరి శృతి(29)లను పోలీసులు అరెస్ట్‌ చేసి రిమాండ్‌కు తరలించారు.

ప్రాంతీయ భాషల్లో బిగ్‌బాస్‌ షో దూసుకెళ్తుంది. ప్రస్తుతం తెలుగు, తమిళంలో బిగ్‌బాస్‌ రెండో సీజన్‌ నడుస్తుండగా.. మళయాళంలో బిగ్‌బాస్‌ తొలి సీజన్‌ ఇటీవలే మొదలైంది. ఈ షోకు వ్యాఖ్యాతగా మళయాళ సూపర్‌స్టార్‌ మోహన్‌లాల్‌ వ్యవహరిస్తున్నారు. సాధారణంగా బిగ్‌బాస్‌ హౌస్‌లోకి అడుగుపెట్టే సెలబ్రిటీలకు ఎంత రెమ్యూనరేషన్‌ ఇస్తారో తెలుసుకోవాలనే ఆసక్తి కూడా సాధారణ ప్రజల్లో నెలకొంది. మళయాళం బిగ్‌బాస్‌ హౌస్‌లోకి అడుగుపెట్టిన 16మంది సెలబ్రిటీలకు భారీగానే పారితోషికాలు అందుతున్నాయని టాక్‌. బిగ్‌బాస్‌ నిర్వహకులు ప్రముఖ నటి శ్వేతా మీనన్‌కు హౌస్‌లో అందరికంటే ఎక్కువగా రెమ్యూనరేషన్‌ ఆఫర్‌ చేసినట్టు తెలుస్తోంది. ఆమె బిగ్‌బాస్‌ హౌస్‌లో కొనసాగినన్ని రోజులు రోజుకు లక్ష రూపాయలు ఇచ్చేలా ఒప్పందం చేసుకున్నట్టు సమాచారం. మాజీ మిస్‌ కేరళ, ప్రముఖ యాంకర్‌ రంజిని హరిదాస్‌, శ్వేతా మీనన్‌ తర్వాతి స్థానంలో నిలిచారు. రంజినికి రోజుకు 80వేల రూపాయలు అందజేస్తున్నారు. మిగత కంటెస్టెంట్‌ల రెమ్యూనరేషన్‌(రోజుకు) ప్రముఖ హాస్యనటుడు అనూప్‌ చంద్రన్‌-  71,000 నటి పర్ల్‌ మానే- 50,000 టీవీ నటి ఆర్చన సుశీలన్‌- 30,000 నటి హిమా శంకర్‌- 20,000 మిగతా కంటెస్టెంట్‌లు దీపన్‌, సాబు, మనోజ్‌ వర్మలు రోజుకు 10వేల వరకు తీసుకుంటున్నట్టు తెలుస్తోంది. కాగా మిగతా హౌస్‌ సభ్యులు శ్రీ లక్ష్మీ, దివ్య సన, సురేశ్‌, అదితి రాయ్‌, శ్రీనిష్‌ ఆరవింద్‌, బషీర్‌లు ఎంత తీసుకుంటున్నరనేది తెలియలేదు.  

నటిపై లైంగిక వేధింపులు.. అసోషియేషన్‌ ఆఫ్‌ మళయాళం మూవీ ఆర్టిస్ట్స్‌(అమ్మ-AMMA) నిర్ణయంపై రాజుకున్న వివాదం ఇప్పట్లో చల్లారేలా కనిపించటం లేదు. అసోషియేషన్‌ నష్టనివారణ చర్యలపై హీరోయిన్లు మాత్రం శాంతించటం లేదు. ‘వుమెన్‌ ఇన్‌ సినిమా కలెక్టివ్‌’ తరపున 15 మంది సీనియర్‌ నటీమణులు తాము ఎట్టిపరిస్థితుల్లో తిరిగి అమ్మలో చేరబోమని స్పష్టం చేశారు.  ఈ మేరకు ఓ ప్రకటనను విడుదల చేశారు.  ‘అమ్మపై నమ్మకం పోయింది. ఎట్టిపరిస్థితుల్లో అందులో చేరబోం. న్యాయం జరుగుతుందన్న భరోసా లేదు. ఇంక అసోషియేషన్‌ను నమ్మే ప్రసక్తే లేదు’ అంటూ.. వారంతా ప్రకటనలో పేర్కొన్నారు. నటి అక్కినేని అమలతోపాటు రంజనీ, సజిత మదంబిల్‌, కానీ కుస్రూతీ, శాంతి బాలచంద్రన్‌ తదితరులు అందులో ఉన్నారు. ‘ఇండస్ట్రీల్లో మహిళలను ఆటబొమ్మలుగా చూస్తున్నారని, అమ్మ వైఖరి అప్రజాస్వామ్యికంగా ఉంది. ఏకపక్ష నిర్ణయాలే అమలవుతున్నాయని, తమ తోటి నటి లైంగిక దాడికి గురైతే.. నిందితుడికి బాసటగా నిలిచే నిర్ణయం తీసుకుందని, సమాన వేతన చట్టం అమలు కావటంలేదని.. ఇలా 8 కారణాలతో కూడిన ఓ లేఖను డబ్ల్యూసీసీ అధికారిక ఫేస్‌బుక్‌లో పోస్టు చేశారు. మహిళల పట్ల వివక్షత పోయి.. సినిమా అంటే ప్రజలు ఓ మాధ్యమంగానే చూసే రోజులు రావాలని తాము కోరుకుంటున్నట్లు వారు లేఖలో తెలియజేశారు.  సంబంధిత కథనాలు...  అమ్మ నిర్ణయం.. హీరో వెనకడుగు నిర్ణయం నా ఒక్కడిదే కాదు: మోహన్‌లాల్‌

తిరువనంతపురం: తీవ్ర దుమారం రేపిన అసోసియేషన్‌ ఆఫ్‌ మళయాళం మావీ ఆర్టిస్ట్స్(అమ్మ) నిర్ణయంపై అధ్యక్షుడు మోహన్‌లాల్‌ ఎట్టకేలకు స్పందించారు. నటుడు దిలీప్‌ ఆ నిర్ణయం ఏకపక్షంగా తీసుకుంది కాదని ఆయన స్పష్టం చేశారు. లండన్‌లో ఉన్న ఆయన ఈమేరకు మీడియాకు శనివారం ఓ లేఖ రిలీజ్‌ చేశారు.  ‘‘‘అమ్మ’  మహిళా వ్యతిరేకి అన్న ఆరోపణలు సబబు కాదు. అసోషియేషన్‌లో ఏకీకృత విధానాలే అమలవుతుంటాయి. దిలీప్‌పై వేటు ఎత్తివేత నిర్ణయం నేనొక్కడినే తీసుకోలేదు. అది సభ్యులంతా సమీక్షించి తీసుకుంది. దీనివెనుక రాజకీయ ఒత్తిళ్లు ఉన్నాయన్నది నిజం కాదు’’ అంటూ ఓ పెద్ద వివరణతో కూడిన లేఖను మోహన్‌లాల్‌ విడుదల చేశారు. కాగా, అమ్మ అధ్యక్షుడిగా కొలువుదీరిన వెంటనే మోహన్‌లాల్‌ తీసుకున్న ఈ నిర్ణయం రాజకీయ దుమారం రేపింది. భావన ఉదంతం సమయంలో మోహన్‌లాల్‌ స్పందిస్తూ.. ఇండస్ట్రీలో ఆడపడుచులంతా తన అక్కచెల్లెళ్లతో సమానమని, వారికి ద్రోహం జరిగితే చూస్తూ ఉపేక్షించబోనని వ్యాఖ్యానించారు. అంతేకాదు దిలీప్‌ అరెస్ట్‌ అయిన వెంటనే అతని సభ్యత్వాన్ని రద్దు చేయాలని నిర్ణయించినట్లు ఆయనే స్వయంగా ప్రకటించారు. అయితే ఎనిమిది నెలల తర్వాత దిలీప్‌ బయటకు రావటం, తిరిగి సినిమాలు చేసుకుంటుండటంతో తిరిగి ఇప్పుడు నిషేధం ఎత్తేశారు. అయితే ఈ నిర్ణయం వెనుక కొందరు నేతల ప్రమేయం ఉందన్న ఆరోపణలు వినిపించాయి. పైగా అమ్మ సభ్యుల సంభాషణతో కూడిన ఓ ఆడియో క్లిప్‌ వాట్సాప్‌ వైరల్‌ అయి దుమారం రేపింది. రాజీనామాల పేరుతో హీరోయిన్లు బ్లాక్‌మెయిలింగ్‌కు దిగుతున్నారంటూ ఆ క్లిప్‌లో ఉంది. దీంతో వుమెన్‌ ఇన్‌ సినిమా కలెక్టివ్‌(డబ్ల్యూసీసీ) అమ్మపై మండిపడింది. ఈ నేపథ్యంలో పరిస్థితి మరింత ముదరక ముందే మోహన్‌లాల్‌ స్పందించారు.

మూవీ ఆర్టిస్ట్‌ అసోషియేషన్‌ నిర్ణయంపై మహిళా లోకం భగ్గుమంది. నటి భావనపై లైంగిక దాడి కేసులో హీరో దిలీప్‌ నిందితుడిగా ఉన్న విషయం తెలిసిందే. అయితే అతనిపై నిషేధం ఎత్తేస్తూ అసోసియేషన్‌ ఆఫ్‌ మళయాళం మావీ ఆర్టిస్ట్స్(అమ్మ) తీసుకున్న నిర్ణయం హీరోయిన్లలో ఆగ్రహం రగిల్చింది. బాధిత నటి భావనతోపాటు రిమా కలింగల్‌, రమ్య నంబిసన్‌, గీత్‌ మోహన్‌దాస్‌లు కూడా అమ్మకు రాజీనామా చేస్తున్నట్టు ప్రకటించారు. ఈ నిర్ణయం కేరళను షేక్‌ చేసేసింది.  ఈ నేపథ్యంలో అత్యవసర సమావేశం ఏర్పాటు చేయాలని వుమెన్‌ ఇన్‌ సినిమా కలెక్టివ్‌(డబ్ల్యూసీసీ) తరపున నటీమణులు రేవతి, పార్వతి, పద్మప్రియాలు అమ్మను కోరారు.  దిలీప్‌కు తిరిగి అమ్మ సభ్యత్వం ఇవ్వటంపై సమీక్షించాలని కోరారు. దీనికితోడు పలువురు మంత్రులు కూడా అమ్మ నిర్ణయాన్ని తప్పుబట్టారు. ఈ పరిణాల నేపథ్యంలో తాను తిరిగి సభ్యత్వం స్వీకరించబోనని హీరో దిలీప్‌ ప్రకటించాడు. ‘ జరుగుతున్న పరిణామాలు నన్ను బాధించాయి. ఈ వ్యవహారంలో నా పేరు ఉండటం దురదృష్టకరం. ఈ కేసులో నన్ను ఇరికించారు. ప్రస్తుత పరిణామాల నేపథ్యంలో నేను తిరిగి సభ్యత్వం తీసుకోలేను. నాపై ఆరోపణలు అబద్ధమని తేలి, నా నిర్దోషిత్వం రుజువయ్యాకే నేను తిరిగి అమ్మలో అడుగుపెడతా’ అంటూ అమ్మ కార్యదర్శి ఎడవేల బాబుకు దిలీప్‌ ఓ లేఖ రాశాడు. నటి భావన లైంగిక వేధింపుల ఘటన దేశవ్యాప్తంగా సంచలనం సృష్టించిన సంగతి తెలిసిందే. ఈ వ్యవహారంలో నటుడు దిలీప్‌ను అరెస్ట్‌ చేయడంతో అమ్మ అతనిపై నిషేధం విధించింది.​ అయితే ప్రస్తుతం అతను బెయిల్‌పై ఉండటం, పైగా సినిమాలు చేస్తుండటంతో అమ్మ(కొన్ని ఒత్తిళ్లు కూడా పని చేశాయన్న ఆరోపణలు వినిపిస్తున్నాయి)  అతనిపై నిషేధాన్ని ఎత్తివేసింది. ఈ నిర్ణయం కొందరు హీరోయిన్లకు మంటపుట్టించింది. దిలీప్‌ వల్ల గతంలో నేను ఎన్నో అవకాశాలు కొల్పోయాను.. కానీ అమ్మ​ ఏం చేయలేకపోయిందని భావన విమర్శించగా.. ఇలాంటి పరిస్థితుల్లో అమ్మలో కొనసాగడం అనవసరమంటూ మరో నటి రిమా ఆరోపించారు.

తెలుగు హీరోలు ప్రస్తుతం తమ మార్కెట్‌ను పెంచుకోవడానికి ప్రయత్నాలు చేస్తున్నారు. ఇప్పటికే అల్లు అర్జున్‌ తెలుగులోనే కాకుండా మలయాళంలో తనకంటూ ప్రత్యేక ఫాలోయింగ్‌ ఏర్పరుచుకున్నారు. మిగతా టాలీవుడ్‌ హీరోలు కూడా తమ చిత్రాలను ఇతర భాషల్లో రిలీజ్‌ అయ్యేలా ప్లాన్‌ చేసుకుంటున్నారు. యంగ్‌టైగర్‌ ఎన్టీఆర్‌ కూడా ప్రస్తుతం అదే కోవలో చేరారు. ఇప్పటికే ఎన్టీఆర్‌ నటించిన జనతా గ్యారేజ్‌ చిత్రం మాలీవుడ్‌ లో విడుదలై మంచి విజయాన్ని సొంతం చేసుకుంది.  గతేడాది బాబీ దర్శకత్వంలో  ఎన్టీఆర్‌ హీరోగా తెరకెక్కిన జై లవ కుశ చిత్రం ఘన విజయాన్ని సొంతం చేసుకుంది. ఎన్టీఆర్‌ ఆర్ట్‌ ప్రొడక్షన్‌పై నందమూరి కళ్యాణ్‌ రామ్‌ నిర్మించిన ఈ చిత్రంలో ఎన్టీఆర్‌ త్రిపాత్రాభియానంతో ఆకట్టుకున్నారు. తాజాగా ఈ చిత్రాన్ని మలయాళంలో రిలీజ్‌ చేయనున్నారు. ఎన్టీఆర్‌ నటించిన మూడు పాత్రల్లోకెల్లా రావణ పాత్రకు విశేషమైన స్పందన రావడంతో నిర్మాత బి ఉన్ని కృష్ణన్‌ ఆ పేరు వచ్చేలాగా ‘రావణసూరన్‌’గా ఈ చిత్రాన్ని విడుదల చేయనున్నారు. 

మలయాళ నటుడు పృధ్వీరాజ్‌ ప్రొడక్షన్‌ హౌస్‌ను స్టార్ట్‌ చేసిన సంగతి తెలిసిందే. సోనీ పిక్చర్స్‌ ఎంటర్‌టైన్‌మెంట్‌ సంస్థతో కలిసి ఆయన నిర్మిస్తోన్న సినిమా ‘9’. ‘100 డేస్‌ ఆఫ్‌ లవ్‌’ ఫేమ్‌ జెన్యూస్‌ మహ్మద్‌ దర్శకత్వంలో ఈ చిత్రం రూపొందుతోంది. సైన్స్‌ ఫిక్షన్‌ కమ్‌ హారర్‌ థ్రిల్లర్‌ బ్యాక్‌డ్రాప్‌లో తెరకెక్కుతున్న ఈ సినిమాలో పృధ్వీరాజ్‌ నటించనున్నారు. ప్రస్తుతం ఈ చిత్రంలోని ఓ కీలక పాత్ర కోసం కథానాయిక వామికాను తీసుకున్నారు. ఇందులో ‘ఇవ’ అనే మిస్టిరీయస్‌ క్యారెక్టర్‌ చేయనున్నారామె. ‘గోధా’ చిత్రం తర్వాత ఆమె మలయాళంలో నటిస్తున్న చిత్రం ఇదే. అన్నట్లు.. ఈ అమ్మడు తెలుగు తెరపై కూడా మెరిశారు. సుధీర్‌బాబు హీరోగా వచ్చిన ‘భలే మంచి రోజు’ చిత్రంలో వామికానే కథానాయిక.

టాలీవుడ్‌లో సంచలనం సృష్టించిన రియాల్టీ షో బిగ్‌బాస్‌. ఎన్టీఆర్‌​ వ్యాఖ్యతగా వ్యవహరించిన ఈ షో టాప్‌ టీఆర్పీలతో సత్తాచాటింది. ఈ కార్యక్రమంలో పాల్గొన్న సెలబ్రిటీలు తెలుగు ప్రేక్షకులకు మరింత చేరువయ్యారు. త్వరలో రెండో సీజన్‌ను కూడా ప్రారంబించేందుకు రెడీ అవుతున్నారు. అయితే మరో భాషలోనూ బిగ్‌బాస్‌ షోను ప్రారంభించేందుకు బిగ్‌బాస్‌​ టీమ్ రెడీ అవుతుంది‌.  తాజాగా మలయళంలో కూడా ఈ షో మొదలవతున్నట్టు సమాచారం. ఈ రియాల్టీ షోకు హోస్ట్‌గా మలయాళ సూపర్‌ స్టార్‌ మోహన్‌ లాల్‌ వ్యవహరిస్తారనే వార్తలు వినిపిస్తున్నాయి. మొదట్లో ఈ కార్యక్రమానికి  మమ్ముట్టి, రమేష్‌ గోపిలు హోస్ట్‌గా ఉంటారనే వార్తలు వచ్చాయి. అయితే బిగ్‌బాస్‌ టీమ్‌ మాత్రం మోహన్‌లాల్‌ వైపు మొగ్గు చూపుతున్నట్లు కనిపిస్తోంది. మలయాళంలో ఈ షో జూన్‌ చివరిలో ప్రారంభం కానుందనే వార్తలు వినిపిస్తున్నాయి. దీనిపై అధికారిక ప్రకటన వెల్లువడాల్సి ఉంది.

ఎవరైనా వాళ్ల జీవితం గుట్టుగా ఉండాలి అనుకుంటారు.ఎంత పాపులర్‌ అయినా పర్సనల్‌ లైఫ్‌ని ప్రైవేట్‌గా ఉంచుకోవాలనుకుంటారు.ఎంత పెద్ద హీరో అయినా.. ఎంత పెద్ద హీరోయిన్‌ అయినాగుట్టుగా ఉంచకూడదనుకునేది ఒకటి ఉంటుంది.అదే ఫ్యాన్స్‌.ఎంతమంది ఫ్యాన్స్‌ ఉంటే ఇండస్ట్రీలో అంత సక్సెస్‌ఫుల్‌.షకీలాకి చాలామంది ఫ్యాన్స్‌ ఉన్నారు.కానీ ఒక్కరూ బయటపడరు.అందుకే ‘సీక్రెట్‌ స్టార్‌’. చాలా రోజుల తర్వాత  ‘శీలవతి’ సినిమా చేస్తున్నారు. ఇది మీకు 250వ సినిమా. వెనక్కి తిరిగి చూసుకుంటే గర్వంగా చెప్పుకోవడానికి ఒక్క మూవీ కూడా లేదేమో? ఎగ్జాట్లీ. ఇన్ని సినిమాలు చేసినా ఆర్టిస్ట్‌గా నాకు తృప్తి లేదు. నటిగా నేను చాలా కేపబుల్‌. మంచి అవకాశాలిస్తే బాగా చేయగలను. కానీ రాలేదు. ఇలా చెబితే కొంతమంది డైరెక్టర్స్‌ ఫీలవుతారేమో. ‘మేం మంచి చాన్సులే కదా ఇచ్చాం’ అని వాళ్లనుకోవచ్చు. కానీ చేసినప్పుడు, భవిష్యత్తులో నా క్యారెక్టర్స్‌ చూసుకున్నప్పుడు నాకు శాటిస్‌ఫ్యాక్షన్‌ ఉండాలి కదా. ‘శీలవతి’లో మంచి పాత్ర చేశా. ఈ చిత్రదర్శకుడు సాయిరామ్‌ దాసరిని ఒక ఆడియో ఫంక్షన్‌లో కలిశాను. ‘మంచి రోల్‌ కోసం వెయిట్‌ చేస్తున్నా’ అని చెబితే ‘వెయిట్‌ చేయండి. మంచి స్క్రిప్ట్‌తో వస్తా’ అన్నాడు. అన్నట్లుగానే మంచి పాయింట్‌తో వచ్చాడు.       అసలు సినిమాల్లోకి ఎందుకు వచ్చారు? ఉన్నది ఉన్నట్లు చెబుతున్నా. నేను డబ్బు సంపాదించడానికే వచ్చాను. నా ఫ్యామిలీ కోసం ఆర్టిస్ట్‌ అయ్యాను. సంపాదించాను.        ఫ్యామిలీ అంటే ఎంతమంది? ఇద్దరు అక్కలు, ఆ తర్వాత ఇద్దరు అన్నయ్యలు, ఆ తర్వాత మరో అక్క (ఆవిడ చిన్నప్పుడే చనిపోయింది), తర్వాత నేను, నా తర్వాత తమ్ముడు, చెల్లెలు. అమ్మానాన్న. లార్జ్‌ ఫ్యామిలీ. మా అక్క పెళ్లి చేసుకున్నాక కూడా మా ఇంట్లోనే ఉండేది. ఒక అన్న డ్రగ్‌ అడిక్ట్‌. తమ్ముడు టెన్త్‌ ఫెయిల్‌. ఎవరూ సెటిల్‌ అయ్యే పరిస్థితి లేదు. మా   కష్టాలు పోగొట్టడానికి ఇంటి బాధ్యతను మోశాను.        మీకన్నా పెద్దవాళ్లు ఉండగా మీరే ఎందుకు బాధ్యత తీసుకున్నారు? నాకు ఫుడ్‌ అంటే బాగా ఇష్టం. ఒకసారి అమ్మ çపప్పుచారు పలచగా చేస్తే.. ‘ఏంటి? ఇలా ఉంది’ అనడిగాను. ‘నువ్వు సరిగ్గా  చదువుకుని ఉంటే నర్స్‌ అయ్యేదానివి. ఇదిగో ఇలా కష్టపడుతున్నాం’ అనేసరికి బాధగా అనిపించింది. నిజానికి నాకు చదువు అబ్బలేదు. కష్టాలన్నీ నా వల్లే అని అమ్మ అనడంతో ఏదైనా చేయాలనుకున్నాను. ఆ టైమ్‌లో ఎదురింటి వాళ్ల ద్వారా సినిమా ఆఫర్‌ వచ్చింది. డబ్బులు ఇస్తారా అని అడిగితే? ‘సెలెక్ట్‌ అయితే ఇస్తాం’ అన్నారు. సెలెక్ట్‌ అయ్యాను. అప్పట్లో (1990లలో) ఏడువేల ఐదువందల రూపాయలు ఇచ్చారు. మా ఇంటి అద్దె 700. అప్పటికి ఇంటి అద్దె కట్టి 23 నెలలైంది. అంత కష్టాల్లో ఉండేవాళ్లం.       షూటింగ్‌లో ఇచ్చే డ్రెస్సుల గురించి అభ్యంతరం చెప్పిన సందర్భాలున్నాయా? నాన్న నాతో పాటు షూటింగ్‌కి వచ్చినా, లొకేషన్లోకి వచ్చేవారు కాదు. నేను లోపలికి వెళ్లగానే కాస్ట్యూమ్స్‌ ఇచ్చేవారు. ‘ఇదేంటి ఇలా ఉన్నాయ్‌?’ అని అడిగితే.. ‘మీ నాన్నతో మేం మాట్లాడాంలే’ అనేవారు. డాడీతో మాట్లాడాక నేను మాట్లాడ్డానికి ఏముంటుంది? నోరు మూసుకుని ఆ బట్టలేసుకుని వాళ్లెలా చెబితే అలా చేసేదాన్ని. షూటింగ్‌ ఫినిష్‌ చేసి ఇంటికెళ్లేటప్పుడు ‘డాడీ.. మీతో వాళ్లు హిందీలో మాట్లాడుతున్నారు. మీరేమో అర్థం కాకుండా అన్నింటికీ తలూపుతున్నారు. నా దగ్గరేమో మీతో మాట్లాడానంటున్నారు. ఒకసారి నా కాస్ట్యూమ్స్, క్యారెక్టర్‌ గురించి అడగండి’ అనేదాన్ని. ‘సరే’ అనేవారు. అయితే మళ్లీ మామూలే. చివరికి ‘ఇది తప్పదు’ అని నా మైండ్‌ ప్రిపేర్‌ అయిపోయింది.       పోనీ మీకు వచ్చిన ‘ఇమేజ్‌’ తెలిశాక ‘సినిమా లు మానెయ్‌’ అని మీ అమ్మానాన్న  అనలేదా? అమ్మ ఎప్పుడూ అనలేదు. డాడీ మాత్రం రెండు సందర్భాల్లో అన్నారు. ‘కడవుళ్‌’ అనే తమిళ సినిమా కోసం ఓ మామిడి తోటలో పాములతో డ్యాన్స్‌ చేస్తున్నా. ‘ఒకవేళ ఆ పాములు కరిస్తే ఆ అమ్మాయి పరిస్థితి ఏంటి?’ అని ఎవరో డాడీతో అన్నారట. షూటింగ్‌కి ప్యాకప్‌ చెప్పాక డాడీ, నేనూ వెళుతున్నప్పుడు ‘ఇక సినిమాలు వద్దమ్మా’ అన్నారు. అప్పటికి నా సిస్టర్స్‌కి పెళ్లయింది. ‘నీక్కూడా పెళ్లి చేస్తాను. నువ్వూ సెటిల్‌ అయిపో’ అన్నారు. ఇది జరిగిన నెలకు మరో సాంగ్‌ షూట్‌లో పాల్గొంటూ పై నుంచి జారి పడ్డా. అప్పుడు కూడా డాడీ సినిమాలు మానేయమన్నారు. అయితే అప్పటికే ఇంట్లోవాళ్లకు కొన్ని కంఫర్ట్స్‌ చూపించేశాను. మళ్లీ వాళ్లను కష్టాల్లోకి దించడమా? అనిపించింది. అదే రోజు రాత్రి డాడీకి హార్ట్‌ ఎటాక్‌ వచ్చింది. దాంతో సినిమాలు ‘వదలకూడదు’ అని స్ట్రాంగ్‌గా నిర్ణయించుకున్నాను.        మీ ఫ్యామిలీ కోసం చాలా కష్టపడ్డారు. మరి వాళ్లు మీ ఫ్రొఫెషన్‌ని ఎంత రెస్పెక్ట్‌ చేస్తారు?   కుటుంబం కోసమే కష్టపడుతున్నాను కాబట్టి నన్నెంతో అభిమానిస్తారని నమ్మాను. కానీ నా నమ్మకాన్ని వమ్ము చేశారు. ఒక మలయాళం మేగజీన్‌ కోసం ఫ్యామిలీ ఫొటో అడిగితే.. మా అక్క వాళ్ల పిల్లలు వద్దని రాలేదు. మా తమ్ముడూ రాలేదు. నాకు దగ్గరగా ఉండే నా చెల్లెలూ రాలేదు. ఫొటోగ్రాఫర్‌ ఇంటికొచ్చిన పరిస్థితిలో నాకెలా ఉంటుందో ఊహించండి. ఫ్యామిలీ ఫొటో అంటే చివరికి నేను, మా అన్నయ్య కూర్చున్నాం. వాళ్లకు అవసరం ఉన్నప్పుడు నేను, నా పేరు కావాలి. కానీ నాకు ఫొటో అవసరం అయినప్పుడు వాళ్లు రాలేదు.       మీవాళ్లు మిమ్మల్ని ఓన్‌ చేసుకోకపోవడంతో పాటు మనీ వైజ్‌గా మోసం చేశారా? అవును. ఒకానొక దశలో సినిమాలు మానేసి, హ్యాపీగా సెటిలవుదామనుకున్నా. మా అమ్మగారు సరిగ్గా చదువుకోలేదు. చిన్నప్పుడు నన్ను స్కూల్లో చేర్పించింది మా అక్కే. తనంటే నమ్మకం. నా ఆర్థిక లావాదేవీలన్నీ మా అక్క చూసుకునేది. ఇక బ్రేక్‌ తీసుకోవాలనుకున్నాక డబ్బు గురించి అడిగితే.. ‘నో బ్యాలెన్స్‌’ అంది. నా డబ్బులన్నీ ఎవరికో ఇచ్చిందట. వాళ్లు ఇవ్వలేదట. అలా అనే చెప్పింది. అప్పుడు మళ్లీ జీరోతో స్టార్ట్‌ అయ్యాను. ఇప్పుడైతే దయనీయ స్థితిలో లేను కానీ, కొన్నేళ్లు పడిన శ్రమ మొత్తం బూడిదలో పోసిన పన్నీరైందని నా బాధ. షకీలాను ట్రెడిషనల్‌గా చూపించాలని ఒక్కరూ అనుకోలేదా? లేదా మీరూ రెడీగా లేరా?  నేనెప్పుడూ రెడీ. ఫుల్‌ ట్రెడిషనల్‌ క్యారెక్టర్‌ ఇచ్చి చూడమనండి. అప్పుడు తెలుస్తుంది.. ఆర్టిస్ట్‌గా నేనేంటో. అందుకే నేను ‘శీలవతి’, ‘కొబ్బరిమట్ట’ సినిమాల రిలీజ్‌ కోసం వెయిట్‌ చేస్తున్నా. షకీలాని గ్లామర్‌గానే చూస్తామని ఆడియన్స్‌ ఎప్పుడైనా అన్నారా? వాళ్లు ఏ పాత్ర చేసినా చూస్తారు. నా ఇండస్ట్రీయే నన్ను వేరే రకంగా చూస్తే నేనేం చేయాలి?       ఇప్పటివరకూ చాలాసార్లు ప్రేమలో పడ్డారట. షకీలాని లవర్‌గా చూస్తారు కానీ వైఫ్‌గా అంగీకరించడానికి ఎవరూ ఇష్టపడటంలేదా? తప్పంతా నాదే. నన్ను ప్రేమించినవాళ్లంతా ఫ్యామిలీని వదిలేసి నాతో వచ్చేయ్‌ అనేవారు. కానీ మా ఫ్యామిలీలో సంపాదించేవాళ్లు లేరు. నా స్వార్థం చూసుకుంటే మావాళ్లను ఎవరు చూస్తారు? ఇదొక్కటే నాకు ప్రాబ్లమ్‌గా ఉండేది. ఒకటే చెప్పేదాన్ని ‘ఐ లవ్‌ మై మదర్‌’ అని. అందుకోసం ఇప్పటికీ సెటిల్‌ అవ్వలేదు. అమ్మ చనిపోయాకా సెటిల్‌ కాలేకపోయాను. ఎంతమంది పిల్లలు తల్లిదండ్రుల కోసం ఇంతగా ఆలోచిస్తారు? నేను ఆలోచించానని గర్వంగా చెప్పుకుంటాను. నేను తల్లి కాలేదు. నా తల్లిని బాగా చూసుకున్నాను. తోడబుట్టినవాళ్లను అమ్మలా చూసుకున్నా.      అందరు అమ్మాయిల్లాగా పెళ్లి  చేసుకొని భర్త, పిల్లలతో హాయిగా ఉండాలని మీకు ఉండదా?  ఎందుకుండదండి? నేను ఆడదాన్ని కాదా? ముఖ్యంగా మూడేళ్లుగా చాలా ఒంటరితనం ఫీలవుతున్నా. ఇప్పుడైతే డిప్రెషన్‌లోనే ఉన్నాననాలి. ఒంటరిగా నిద్రపోవాలంటే భయమేస్తోంది? ఏదైనా జరిగితే ఎవరుంటారు? హాస్పిటల్‌కి వెళ్లాలంటే తోడు ఎవరొస్తారు? అని ఆలోచన వస్తుంది. నాకు ఓదార్పు కావాలి. తనివి తీరా ఏడవడానికి ఒక ‘భుజం’ కావాలి. ఒక భరోసా కావాలి. ప్రేమను షేర్‌ చేసుకోవటానికి ఒక పార్టనర్‌ కావాలి. నేనెవర్నీ మోసం చేయలేదు. అబద్ధాలు ఆడలేదు. నేనే నేరం చేయలేదు. నాకెందుకీ ఒంటరితనం? నా బాధలో న్యాయం ఉంది కదండీ.       ఎగ్జాట్లీ.. మీ నుంచి ఇంత విన్నాక మీకో ‘సోల్‌మేట్‌’ దొరికితే బాగుండు అని మాకూ అనిపిస్తోంది. మీ లైఫ్‌లో ఎవరో ఉన్నారట.. మిగతా ప్రేమల్లా ఇది కూడా రహస్యమేనా? అది జరిగితే అంతకన్నా ఆనందం ఏముంటుంది? మీవైపు నుంచి ఆలోచిస్తే మీరు చేసిన క్యారెక్టర్స్‌ మీకు కరెక్ట్‌గా అనిపించవచ్చు. కానీ గతంలో మీరు చేసిన కొన్ని సినిమాలు యంగ్‌స్టర్స్‌ చెడిపోయే విధంగా ఉన్నాయి. ఏమంటారు?  ఇలాంటి సినిమాలు స్టార్ట్‌ చేసిన మొదటి ఆర్టిస్ట్‌ని నేను కాదు కదా. సెక్స్‌ అన్నది ఎవరండి మొదలుపెట్టారు. షకీలాతో మొదలైందా? భూమి పుట్టినప్పటి నుంచి ఉంది కదండి. గ్లామర్‌ సినిమాలు నాతోనే మొదలయ్యాయా? అంతకుముందు లేవా? నా చిన్నప్పుడు నేను కూడా చూశాను. ఇప్పుడు ఇంటర్నెట్‌ వచ్చాక కొన్ని చోట్ల ఎక్స్‌ట్రా డబ్బులు తీసుకొని అలాంటి సినిమాలు చూపించడంలేదా? నా తమ్ముడు చూశాడని తెలిసి, ఒక్కసారి తన్నాను కూడా? నేనేం ఓపెన్‌గా చూపించలేదు కదా. నేను న్యూడ్‌గా కనిపించానా?  నేను మెసేజ్‌ ఇచ్చానని చెప్పి ఎవరినైనా మోసం చేశానా? ఇప్పుడు నేనలాంటి సినిమాలు చేస్తున్నానా? మరి.. యూట్యూబ్‌లో ఎన్నో ఉన్నాయి. చాలా దరిద్రంగా ఉన్నాయి. నేను యంగ్‌స్టర్స్‌ని చెడగొట్టానని ఎలా అనగలరు? నేను నా కోసం చేసుకున్నాను. నా ఖర్మ ఏంటంటే నాకన్నీ అలాంటి సినిమాలే ఇచ్చారు. నాకు సినిమాకు లక్ష రూపాయలు ఇస్తుంటే మా అమ్మానాన్న గురించి స్వార్థంగా ఆలోచించాను తప్పితే సమాజం గురించి ఆలోచించే పరిస్థితిలో లేను. నా కడుపు నింపుకుని, మావాళ్ల కడుపు నింపాలనుకున్నాను.        కష్టాలు పోగొట్టుకోవడానికి ‘శృంగార తార’ అని పేరు తెచ్చుకునే క్యారెక్టర్స్‌ చేయాల్సిన అవసరంలేదు కదా.. వేరే పాత్రలు చేసి ఉండొచ్చేమో? ఫస్ట్‌ మూవీ ‘ప్లే గర్ల్స్‌’ చేసినప్పుడు నేను టీనేజ్‌లో ఉన్నాను. ఆ సినిమా పేరు, నా క్యారెక్టర్‌ నాకు చెప్పలేదు. సిల్క్‌ స్మిత చెల్లెలి క్యారెక్టర్‌ చేయించారు. ఫలానా క్యారెక్టర్‌ చేస్తే కెరీర్‌ ఇలా టర్న్‌ అవుతుంది, ఇలాంటి ఇమేజ్‌ వస్తుందని ఊహించేంత వయసు లేదు. పరిస్థితులూ ఆలోచించనివ్వలేదు. అమ్మానాన్న చేయమన్నారు. చేశాను.  శరీరాన్ని బయటపెట్టే దుస్తులు వేసుకుని నలుగురిలో నటించడం, శృంగార సన్నివేశాలు చేయడం బిడియం అనిపించలేదా? ఇలా చెబితే ‘ఛ.. నిజమా?’ అని నమ్మరేమో. నాకిప్పటికీ సిగ్గేనండి. శరీరాన్ని ప్రదర్శించాలని ఏ ఆడదీ అనుకోదు. నా దురదృష్టమో ఏమో నాకలాంటి చాన్సులే వచ్చాయి. అందుకే నేను సెకండ్‌ టేక్‌ తీసుకోను. ఒకేసారితో సీన్‌ బాగా చేసేస్తే ‘పీడ వదిలిపోతుంది’ అనుకుంటూ కెమెరా ముందుకెళ్లేదాన్ని. ఒక్క టేక్‌లో చేయడం కోసం నేను గంటలు గంటలు ప్రాక్టీస్‌ చేసే దాన్ని. రెస్ట్‌ ఉండేది కాదు. నేను పని చేసిన డైరెక్టర్స్, కెమెరామేన్‌ ఎవరినైనా అడగండి.. నా లైఫ్‌లో నేను రెండో తీసుకున్నానా? అని. దేవుడి మీద కోపంగా ఉందా?  అప్పుడప్పుడు. ఈ ప్రపంచంలో నాకున్న ఏకైక బంధువు ఆ దేవుడే. అందుకే కోపం, ప్రేమ.. రెండూ తన పైనే. ‘నన్ను చూసుకో దేవుడా’ అని మొరపెట్టుకుంటుంటాను.      ఇలాంటి ప్రొఫెషన్‌ ఇచ్చినందుకేనా దేవుడంటే కోపం? ఆ విషయంలో దేవుడి మీద కోపం లేదండి. నేను డాక్టర్‌ అయినా కూడా నంబర్‌ వన్‌ డాక్టర్‌ అయ్యుండేదాన్నేమో. నేనేం  చేసినా నంబర్‌ వన్‌గా ఉండాలని ముందే బలంగా మైండ్‌లో ఫిక్స్‌ అయ్యాను. నాకు డబ్బు కావాలి. పాపులార్టీ కావాలి. ఈ రెండూ సంపాదించుకోవడం కోసం ఆ దేవుడు ఒక రూట్‌ ఇచ్చాడు. దానికి నేను చాలా హ్యాపీ. నా బాధంతా ఫ్యామిలీ కోసం ఇంత చేశామే, వాళ్లెందుకు నన్ను ఓన్‌ చేసుకోలేదని. ‘షకీలా ఏం తప్పు చేసింది’ అని వాళ్ల కళ్లు ఆ దేవుడు తెరిపించలేదు ఎందుకు? అనుకుంటాను.  – డి.జి. భవాని

సాక్షి, తిరువనంతపురం : టైటిల్‌తో వివాదంలో నిలిచిన చిత్రం ‘ఎస్‌ దుర్గ’ ఎట్టకేలకు విడుదలకు సిద్ధమైపోయింది. మార్చి 23న చిత్రం కేరళలో విడుదల కానుంది.  సెక్సీ దుర్గ, న్యూడ్‌.. కధేంటి? సోమవారం సాయంత్రం ఈ చిత్ర ప్రచార కార్యక్రమాలు ప్రారంభం అయ్యాయి. సీనియర్‌ దర్శకుడు ఆదూర్‌ గోపాలకృష్ణన్‌ చేతుల మీదుగా క్యాంపెయిన్‌ను చిత్ర దర్శకుడు సనాల్‌ కుమార్‌ శశిధరన్‌ మొదలుపెట్టాడు. చిత్రంలోని చిన్న చిన్న వీడియో బైట్‌లతో ఆయా వాహనాలు సినిమా గురించి రాష్ట్రం మొత్తం ప్రమోషన్‌ చేస్తాయి.  ఇక సెక్సీ దుర్గ టైటిల్‌తో తెరకెక్కిన ఈ చిత్రం ప్రపంచవ్యాప్తంగా పలు అవార్డుల వేడుకల్లో(లండన్‌, హాంకాంగ్‌ తదితర) ప్రదర్శితమై ప్రశంసలు అందుకుంది.  అయితే టైటిల్‌ కాస్త అభ్యంతరకరంగా ఉందంటూ ఇఫ్ఫీ వేడుకల జాబితా నుంచి ఆ చిత్రాన్ని తొలగించారు. ఈ వ్యవహారం దేశవ్యాప్తంగా దుమారాన్ని రేపింది. బోర్డు వ్యవహారాన్ని తప్పుబడుతూ పలు భాషల నటీనటులు చిత్ర మేకర్లకు అండగా నిలిచారు. ఆపై సినిమా పేరును ఎస్‌ దుర్గగా మారుస్తున్నట్లు నిర్మాతలు ప్రకటించారు. అయినప్పటికీ సెన్సార్‌ బోర్డు కూడా చిత్ర విడుదలకు అభ్యంతరం తెలిపింది. చివరకు ఆందోళనల నేపథ్యంలో తగ్గిన బోర్డు సినిమాకు  U/A సర్టిఫికెట్‌ ఇస్తూ రీలీజ్‌కు అనుమతించింది. అర్ధరాత్రి ఓ యువతి ఎదుర్కున్న పరిస్థితుల నేపథ్యంలో ఎస్‌ దుర్గ చిత్రం తెరకెక్కింది.

సోషల్‌ మీడియా ఎప్పుడు ఎవర్ని సెలబ్రిటీని చేస్తుందో ఊహించలేం! త్రిస్సూర్‌లో బీకాం ఫస్టియర్‌ చదువుతున్న మలయాళీ అమ్మాయి ప్రియా ప్రకాష్‌ వారియర్‌ ఇప్పుడు లేటెస్ట్‌ సెలబ్రిటీ! ఈ „ý ణమో, మరుక్షణమో ఆమె ఇన్‌స్టాగ్రామ్‌ ఫాలోవర్‌ల సంఖ్య 30 లక్షలకు చేరుకోబోతోంది! అసలు ప్రియ 87వ పోస్టింగ్‌ దగ్గరే ఆమె ఫాలోవర్లు సుమారు 20 లక్షల ఎనభై వేలు! ఇది మామూలు విషయమేం కాదు. జాతీయ అవార్డు గ్రహీత, మలయాళీ మూవీ స్టార్‌ మోహన్‌లాల్‌కి కూడా ఇన్‌స్టాగ్రామ్‌లో వెనుక ఇంతమంది అనుచరుల్లేరు. 7 లక్షల 14 వేల దగ్గర వాళ్ల అడుగులు ఆగిపోయాయి. అది కూడా ఆయన 2015లో నెట్‌లోకి ప్రవేశిస్తే.. ఇప్పటికి ఇంతమంది అయ్యారు.   మరో మలయాళీ స్టార్‌ మమ్ముట్టి తనయుడు, యువ నటుడు దుల్కర్‌ సల్మాన్‌కి కేరళలోనే కాకుండా, తమిళనాడులోనూ పెద్ద ఫాలోయింగ్‌ ఉంది. తెలుగు, íß ందీ చిత్రాల్లో కూడా హీరోగా చేస్తున్నాడు. ఇన్‌స్టాగ్రామ్‌లో ఇప్పటివరకు అతడి ఫాలోవర్స్‌ 10 లక్షల 90 వేలు.  అతడి పోస్టింగ్స్‌ 150.  బాహుబలి తర్వాత అనుష్కాశెట్టి ఇన్‌స్టాగ్రామ్‌ ఫాలోవర్స్‌ 20 లక్షలకు పెరిగారు. అయితే 463 వరకు ఆమె పోస్టింగ్‌లు ఉన్నాయి. ఆ మాత్రానికి ఈ మాత్రం ఫాలోయింగ్‌ ఎటూ ఉంటుంది. పైగా అనుష్క బిగ్‌ స్టార్‌. త్రిష పదిహేనేళ్లుగా ఇండస్ట్రీలోఉన్నారు. తెలుగు, తమిళ్, హిందీ చిత్రాలలో నటించారు. మలయాళంలో తొలిసారి ఆమె నటించిన ‘హే జ్యూడ్‌’ కొద్దిరోజుల క్రితమే విడుదలైంది. ఇన్‌స్టాగ్రామ్‌లో ఆమె ఫాలోవర్‌లు పది లక్షల 50 వేల మంది.   ఇక మోడల్‌ మిలింద్‌ సోమన్‌.. ఇన్‌స్టాగ్రామ్‌లో ఎప్పుడూ కుప్పలు తెప్పలుగా ఫొటోగ్రాఫ్స్‌ని అప్‌లోడ్‌ చేస్తుంటాడు. ఆయన ఫాలోవర్లు 2 లక్షల 49 వేల మంది. ఆయన పోస్ట్‌లు 488. తమిళ్‌ బిగ్‌బాస్‌ ఫేమ్‌ ‘ఓవియా’.. ఆ ‘షో’లో ఉన్నంత కాలం ఆమె ఇన్‌స్టాగ్రామ్‌ గ్రాఫ్‌ పెరుగుతూనే ఉంది. లక్షా 54 వేల మంది ఓవియాను ఫాలో అయ్యారు. వీళ్లందరిదీ ఫాలోవర్‌ల సంఖ్య తక్కువేం కాదు కానీ.. ప్రియ ఇన్‌స్టాగ్రామ్‌లో ఒక్క 24 గంటల్లోనే 6 లక్షల 6 వేల మంది ఫాలోవర్లు వచ్చి చేరడం రికార్డ్‌ అయింది. ఇలా ఇంత తక్కువ టైమ్‌లో ఫాలోవర్స్‌ని రాబట్టుకున్న వారిలో అమెరికన్‌ టీవీ స్టార్, మోడల్‌ కైలీ జెన్నర్‌ (8 లక్షల 6 వేలు), ఫుట్‌బాల్‌ క్రీడాకారుడు క్రిస్టియానో రొనాల్డో (6 లక్షల 50 వేలు) తర్వాత ప్రియే కావడం సెన్సేషన్‌ అయింది. ఇదంతా కూడా ‘ఒరు ఆదార్‌ లవ్‌’ అనే.. ఇంకా విడుదల కాని సినిమాలోని చిన్న లవ్‌ సీన్‌లో ప్రియ ‘కన్నుగీటే’ సీన్‌ కారణంగానే. ఇంటర్నెట్‌లో ఆ సన్నివేశం నిర్విరామంగా షేర్‌ అవుతూనే ఉంది, ప్రియ ఫాలోవర్‌ల సంఖ్యను పెంచుతూనే ఉంది. ప్రియ తొలి చిత్రం ఇది. ప్రస్తుతం ఆమె త్రిస్సూర్‌లోని ‘విమల కాలేజ్‌’లో చదువుతోంది.  మలయాళీ నటి అమలాపాల్‌ మలయాళంలో, తమిళంలో,  తెలుగులో కూడా బాగా పాపులర్‌. ఆమె ఇన్‌స్టాగ్రామ్‌ ఫాలోవర్‌లు  పది లక్షల 20 వేలు.  ఆమె ఇన్‌స్టాగ్రామ్‌ పోస్టులు 323.

సాక్షి, హైదరాబాద్‌ : మాలీవుడ్‌  యంగ్‌ హీరోయిన్‌ ప్రియా ప్రకాష్ వారియర్  నెట్టింట్లో  చేస్తున్న సందడి అంతా ఇంతా కాదు. టాలీవుడ్‌ హీరో అల్లు అర్జున్‌, బాలీవుడ్‌ హీరోలు, స్టార్‌ క్రికెటర్లను ఆకట్టుకుంటూ ఈ అమ్మడు దూసుకుపోతోంది. ఇక ఈ అమ్మాయి కొంటెగా  కన్నుగీటితూ.. సన్నగా  నవ్విన అర నవ్వులకు సోషల్‌ మీడియాలో కుర్రకారు హుషారు  ఒక రేంజ్‌లో ఉంది. ట్విటర్‌, ఎక్స్ ప్రెషన్స్, కామెంట్లు, జిప్ వీడియోలతో హోరెత్తిపోతోంది. ముఖ్యంగా ప్రముఖ క్రికెటర్లు గౌతం గంభీర్, రవి శాస్త్రి, విరాట్ కోహ్లీ, మహేంద్ర సింగ్ ధోనీతో పాటు, బాలీవుడ్‌ హీరోయిన్‌ కత్రినా కైఫ్‌లు ప్రియావైపు చూస్తున్నట్లు హాస్య ఫోటోలను ఎడిట్‌ చేసి టైమ్‌లైన్లను నింపేస్తున్నారు నెటిజన్లు. బాలీవుడ్‌ చర్రితలో కత్రినా కైఫ్‌ కూడా ఇంతటి అందమైన భావాలను అన్నిరకాల వ్యక్తీకరణలను పలికించలేపోయిందని ఓ ట్విటరాటీ వ్యాఖ్యానించడం విశేషం. కేరళలోని త్రిసూర్‌కు చెందిన ప్రియ నటిస్తున్న  ‘ఒరు అదార్ లవ్’లోని ‘మాణిక్య మలరయ పూవి’ అనే సాంగ్‌లో క్లిప్‌ ఫిబ్రవరి 9న ఆన్‌లైన్లో వైరల్‌ అయి మంగళవారం సాయంత్రానికి  యూ ట్యూబ్‌లో సుమారు 10,000,000 వీక్షణలను సంపాదించింది. ఈ వీడియో వైరల్‌ అయిన తర్వాత ట్విటర్‌, ఇన్‌స్టాగ్రామ్‌లలో ప్రియా ఫాలోవర్స్‌ అమాంతం పెరిగిపోయారు. కాగా త్వరలో విడుదల కాన్ను ప్రియ డెబ్యూ మూవీకి  ఓమర్‌  దర్శకత్వం వహించగా, ఓసుపచాన్ మూవీ హౌస్ పతాకంపై  ఓసేపచాన్ వాలాకుజ్హి నిర్మించారు. షాన్ రెహ్మాన్ ఈ చిత్రానికి సంగీతం అందించారు. pic.twitter.com/TesNiqPq9L — pysh (@TeaAnddBusquets) February 11, 2018 Cute expression kya bt hai Dil ko chu gya thaak 😍😍😍😍😍😍 pic.twitter.com/BsVvsPRmVf — Nitish thapliyal (@Nitishthapliya5) February 12, 2018 pic.twitter.com/tglRkpNEWu — 💛 (@ShiftedtoMars) February 11, 2018

నిత్యామీనన్‌ అరుదైన అమ్మాయి. ‘జెమ్‌’ అనుకోండి. అందం, యాక్టింగ్‌.. వీటి గురించి కాదు. ఆమె అభిప్రాయాలు బోల్డ్‌గా ఉంటాయి. అవునా! ఇదేం గొప్ప సంగతి? ఇప్పటి అమ్మాయిలంతా బోల్డ్‌గానే ఉంటున్నారుగా.  నిజమే అనుకోండి, జెండర్‌ విషయాల్లో నిత్య.. న్యాయంగా ఉంటారు. అంటే.. అబ్బాయిలందర్నీ పట్టుకుని తిట్టేయరు.. ‘వీళ్లింతే’ అని! అలాగే అమ్మాయిల్నీ కారణం లేకుండా వెనుకేసుకురారు. మలయాళం మూవీ ఇండస్ట్రీలో మగాళ్లదే రాజ్యం అయిపోయిందని ఈమధ్య నిత్య కో–స్టార్‌ పార్వతి అన్నప్పుడు.. మీడియా అంతా నిత్య చుట్టూ చేరింది. ‘నిజమేనా?’ అని! సినిమా పరిశ్రమలో ఆడవాళ్లకు ‘ఫ్రీడమ్‌ ఆఫ్‌ ఎక్స్‌ప్రెషన్‌’ ఉండడం లేదన్నది కూడా పార్వతి చేసిన ఒక కామెంట్‌. ‘ఆ.. నిజమే’ అన్నారు నిత్య. అలాగని ఆమె మగవాళ్లనేం తప్పు పట్టలేదు. ‘‘ఎక్కడ మాత్రం లేదు చెప్పండి మగవాళ్ల రాజ్యం?! ఇళ్లు, ఆఫీస్‌లు.. అలాగే సినిమా ఇండస్ట్రీ. మొత్తం సొసైటీనే ఇలా ఉన్నప్పుడు.. మనకున్న ఒకే చాయిస్‌.. ఉమెన్‌గా మన  ప్రత్యేకత ఏంటో నిరూపించుకోవడం, మన అభిప్రాయం తెలుసుకోవడం తమ అవసరంగా మగవాళ్లు భావించే పరిస్థితి తీసుకురావడం’’ అన్నారు నిత్య. ‘మిసాజనీ’ అనే మాటను కూడా నిత్య నవ్వుతూ కొట్టేస్తారు. మిసాజనీ అంటే.. స్త్రీ ద్వేషం. ‘‘పనిగట్టుకునైతే మగాళ్లు స్త్రీలను ద్వేషిస్తారని అనుకోను. పురుషాధిక్య సమాజం కదా. తీసిపడేయడం అనే ఆ హ్యాబిట్‌ అలా వచ్చేస్తుంటుంది.. మగాళ్లు ఎంత సభ్యతగా బిహేవ్‌ చేయాలనుకున్నా..’’ అంటోంది నిత్య. ప్రస్తుతం నిత్య ‘ప్రాణ’ అనే మలయాళం మూవీలో నటిస్తోంది. అందులోని థీమ్‌.. ఇదే.. భావ ప్రకటన స్వేచ్ఛ. ‘ఆ’ అనే తెలుగు సినిమాలో కూడా నిత్య నటిస్తోంది.  

సాక్షి, హైదరాబాద్‌ : తెలుగులో సత్తా చాటిన సినిమా ఫిదా. శేఖర్‌ కమ్ముల దర్శకత్వంలో ప్రముఖ నిర్మాత దిల్‌రాజు ఈ చిత్రాన్ని నిర్మించారు. తక్కువ బడ్జెట్‌తో తెరకెక్కిన ఈచిత్రం బాక్సాఫీస్‌ వద్ద భారీ కలెక్షన్లను వసూలు చేసి ఔరా అనిపించింది. వరుణ్‌తేజ్‌, సాయిపల్లవి నటన ప్రేక్షకులను మంత్రముగ్దులను చేశాయి. తెలంగాణ నేపథ్యం, భాష, యాసలతో సాయిపల్లవి అలరించింది. దీంతో ఈచిత్రానికి భారీ వసూల్లు వచ్చాయి.  తెలుగులో సత్తా చాటిన ఈచిత్రం దక్షిణాదిన మరో భాషలోకి అనువాదం అవుతోంది. మలయాళంలో చిత్రాన్ని విడుదల చేసేందుకు నిర్మాత దిల్‌రాజు ప్రయత్నాలు ముమ్మరం చేశారు. డబ్బింగ్‌ సైతం దాదాపు పూర్తి కావచ్చిందని సమాచారం. ఇందులో భాగంగా మలయాళం ట్రైలర్‌ను చిత్ర హీరో వరుణ్‌ తేజ్‌ తన ఫేస్‌బుక్‌ వాల్‌పై పోస్టు చేశారు. తర్వాతి చిత్రానికి తానే డబ్బింగ్‌ చెప్పుకుంటానని  వరుణ్‌ తెలిపాడు. సాయిపల్లవి ఇప్పటికే మలయాళం ప్రేక్షకులకు సుపరిచయం. ప్రేమమ్‌లో మలర్‌ పాత్ర ద్వారా మలయళ ప్రేక్షకుల మనసు దోచుకుంది.

సాక్షి, న్యూఢిల్లీ : టీమిండియా మాజీ కెప్టెన్‌ మహేంద్ర సింగ్‌ ధోని గారాల పట్టి జివా.. సోషల్‌ మీడియాకు కూడా ముద్దుల పట్టిగా మారింది. ఈ మథ్యే తండ్రితో కలిసి లడ్డూ తినే వీడియో సామాజిక మాధ్యమాల్లో హల్‌చల్‌ చేసింది. వచ్చీరానీ పదాలు.. చిట్టిచిట్టి మాటలతో ధోనీ అభిమానులను, క్రికెట్‌ ప్రియులను సైతం అలరిస్తోంది. తాజాగా మలయాళంలోని శ్రీకృష్ణుడిమీద విన్న భక్తి గీతాన్ని... తన ముద్దుముద్దు మాటలతో పాడుతోంది. ఇన్‌స్టాగ్రామ్‌లో పోస్ట్ అయిన ఈ వీడియోను ఇప్పటిదాకా లక్షన్నర మంది వీక్షించారు. వేల సంఖ్యలో అభిమానుల కామెంట్లు పెడుతున్నారు. మలయాళంలో జివా పాను విన్న వారంతా.. అధ్భుతంగా పాడిందని కితాబిచ్చారు.  కేరళ ధోనీ అబిమానులైతే.. ఇది పండుగ చేసుకోవాల్సిన విషయం అని కామెంట్లు పెడుతున్నారు.   @mahi7781 @sakshisingh_r ❤️❤️ A post shared by ZIVA SINGH DHONI (@zivasinghdhoni006) on Oct 24, 2017 at 5:26am PDT

సాక్షి, సినిమా : జిమిక్కి కమ్మల్‌.. ఇంటర్నెట్‌లో ఇప్పుడు ఈ పేరు ఓ సంచలనంగా మారిపోయింది. మాలీవుడ్‌ సీనియర్‌ హీరో మోహన్‌ లాల్‌ నటించిన వెలిపండిటే పుసక్తం చిత్రంలోని ఎంటెమ్మెడె జిమిక్కి కమ్మల్‌ పాట 22 మిలియన్‌ వ్యూవ్స్‌తో దూసుకుపోతుంది. కాలేజీ స్టూడెంట్లు, టెక్కీలు, సెలబ్రిటీలు ఇలా ఎవరూ చూసినా ఈ మాస్‌ పాటకు పూనకం వచ్చినట్లు స్టెప్పులేస్తూ తమ తమ వర్షన్‌లను వైరల్‌ చేసేస్తున్నారు. ఈ క్రమంలో కొందరు జిమ్మిక్కల్‌ కమ్మల్‌ డాన్స్‌ ఛాలెంజ్‌ను కూడా విసురుతున్నారు.  తాజాగా ఆ ఛాలెంజ్‌ను ఎవరు స్వీకరించారో తెలుసా? ఇంకెవరూ ఆ చిత్ర హీరో మోహన్‌లాలే. నిజానికి చిత్రంలో ఆ పాట కాలేజీ విద్యార్థులపై ఉంటుంది. కానీ, సాంగ్‌ చివర్లో మోహన్‌లాల్‌ లెక్చరర్‌గా సైకిల్‌ మీద ఎంట్రీ ఇస్తారు. ప్రస్తుతం పాటకు లభిస్తున్న స్పందనతో ఆయన ఛాలెంజ్‌ను స్వీకరించారు. పాట ఇంత హిట్‌ చేసిన అందరికీ కృతజ్ఞతలు ఆయన తెలియజేశారు. చిత్రంలోని నటీనటులతోనే ఈ పాటను కూడా రూపొందించారు.  ఇక పాట మధ్యలో మోటర్‌ బైక్‌ మీద వచ్చే మోహన్‌ లాల్‌ పాటకు చిందులేశారు. పంచెకట్టులో 57 ఏళ్ల ఈ కంప్లీట్‌ యాక్టర్‌ స్టెప్పులతో చింపేశారు. ఇప్పటికే ఈ వీడియో 4.5 మిలియన్ల వ్యూవ్స్‌ దాటిపోగా, ఫేస్‌బుక్‌లో 87 వేల మందికి పైగా షేర్‌ చేశారు. ఈ వీడియోను మీరూ ఓ లుక్కేస్కోండి.


 తిరువనంతపురం: 'దిలీప్‌ పలు చిత్రాల్లో నటించారు. కానీ, ఇదే ఉత్తమ స్క్రిప్ట్‌. ఎవ్వరూ ఊహించలేనంత భారీగా సిద్ధం చేసిన స్క్రిప్‌ట్‌ ఇది' అంటూ కేరళలో ప్రముఖ నటి కిడ్నాప్‌, లైంగిక వేధింపుల కేసులో అరెస్టయిన మలయాళ నటుడు దిలీప్‌ తరుపున న్యాయవాది కోర్టుకు తెలిపారు. ప్రస్తుతం విచారణ ఖైదీగా ఉన్న దిలీప్‌ బెయిల్‌ కోసం కోర్టును ఆశ్రయించారు.
 
 ఈ సందర్భంగా ఆయన తరుపు న్యాయవాది కోర్టులో వాదనలు చేస్తూ ఎలాంటి ఆధారం లేకుండానే తన క్లైంట్‌ను అరెస్టు చేయడమే కాకుండా రిమాండ్‌కు తరలించారని తెలిపారు. ఇది ముమ్మాటికీ వివక్ష పూరిత చర్యే అవుతుందంటూ కోర్టులో చెప్పుకొచ్చారు. అయితే, కోర్టు మాత్రం కనీసం రెండు రోజుల తర్వాత బెయిల్‌ పిటిషన్‌ నిర్ణయం తీసుకుంటామని, అప్పటి వరకు పోలీసుల విచారణకు అప్పగిస్తున్నామంటూ స్పష్టం చేసింది.


 తిరువనంతపురం: కేరళ నటి అపహరణ, వేధింపుల కేసులో మలయాళ సూపర్ స్టార్ దిలీప్‌ను పోలీసులు విచారించారు. నటి కేసు విషయమై నటుడు దిలీప్‌నకు ఇది వరకే సమన్లు జారీ అయిన విషయం తెలిసిందే. నటి కిడ్నాప్, లైంగిక వేధింపుల కేసులో తనను ఇరికించకుండా ఉండాలంటే రూ.1.5 కోట్లు ఇవ్వాలని నిందితుడు పల్సర్ సునీ డిమాండ్‌ చేసినట్లు దిలీప్ చెప్పారు. ఈ క్రమంలో సూపర్ స్టార్‌తో పాటు దర్శకుడు నదిర్షాను బుధవారం దాదాపు 12 గంటలపాటు పోలీసులు ప్రశ్నించారు. నటి కిడ్నాప్ కేసులో ప్రధాన నిందితుడైన పల్సర్ సునీ తనను బెదిరిస్తున్నాడని నటుడు దిలీప్ ఇటీవల ఆరోపించారు.
 
 ఇటీవల టీవీ చానెల్‌కు ఇంటర్వ్యూ ఇచ్చిన సందర్భంగా ఎవరైతే ఈ నటిపై లైంగిక వేధింపులకు పాల్పడ్డాడో ఆ వ్యక్తి, ఆమె మంచి మిత్రులని, చాలా క్లోజ్‌గా ఉండేవారని దిలీప్ వ్యాఖ్యానించాడు. కాగా, నటితో పాత గొడవల నేపథ్యంలో దిలీప్‌ ఈ పని చేయించారని అప్పట్లో వార్తలొచ్చాయి. కానీ తనకు అలాంటి ఉద్దేశం ఏమీ లేదని దిలీప్‌ తర్వాత వివరణ ఇచ్చారు. కేసు విషయంలో పోలీసులు అడిగిన అన్ని ప్రశ్నలకు సమాధానమిచ్చాను. అన్ని వివరాలను పోలీసులకు తెలిపానంటూ విచారణ అనంతరం నటుడు దిలీప్ మీడియాకు చెప్పారు.
 
 స్నేహం ఎవరితో చేయాలనే విషయంలో ముందుగానే జాగ్రత్త పడితే మంచిదన్న దిలీప్ వ్యాఖ్యలపై భావన స్పందించారు. గత సోమవారం దిలీప్ ఈ వ్యాఖ్యలు చేయగా నటి మాట్లాడుతూ.. 'ఆయన వ్యాఖ్యలు నన్నెంతో బాధ పెట్టాయి. ఇలా నాకు వ్యతిరేకంగా ఆధారం లేకుండా ఆరోపణలు చేస్తే చట్టపరమైన చర్యలు తీసుకునేందుకు కూడా వెనుకాడబోను' అంటూ హెచ్చరించారు. భావన కిడ్నాప్ కేసుతో సంబంధం ఉన్నందునే దిలీప్‌ను నిందితుడు పల్సర్ సునీ బ్లాక్ మెయిల్ చేస్తున్నారని ఆరోపణలు వెల్లువెత్తుతున్నాయి. ఈ క్రమంలో పోలీసులు నటుడు దిలీప్‌ను బుధవారం 12 గంటలపాటు ప్రశ్నించారు.
 
 గత ఫిబ్రవరి నెలలో కేరళలోని ప్రముఖ నటిపై ఆమె డ్రైవర్‌, మరో ఆరుగురు వ్యక్తులు కలిసి లైంగిక వేధింపులకు పాల్పడిన విషయం తెలిసిందే. త్రిశూర్‌ నుంచి కోచికి తిరిగొస్తున్న సమయంలో ఆమెను కిడ్నాప్‌ చేసి ఈ దురాఘతానికి పాల్పడగా అది పెద్ద దుమారం రేగింది. అప్పటినుంచి కేసు విచారణ కొనసాగుతోంది.


 తిరువనంతపురం: కేరళలో మాతృభాష మలయాళాన్ని అన్ని స్కూళ్లలో తప్పనిసరి సబ్జెక్టుగా చేస్తూ ఆ రాష్ట్ర ప్రభుత్వం ఆర్డినెన్స్‌ తీసుకొచ్చింది. ఆర్డినెన్స్‌ ప్రకారం రాష్ట్రంలోని అన్ని పాఠశాలల్లో (ప్రభుత్వ, ఎయిడెడ్, అన్‌ఎయిడెడ్, సీబీఎస్‌ఈ, ఐసీఎస్‌ఈ అనుబంధమున్న స్కూళ్లు, సెల్ఫ్‌ ఫైనాన్స్‌ ఇన్‌స్టిట్యూషన్స్‌) పదో తరగతి వరకు మలయాళంను తప్పనిసరిగా బోధించాలి.
 ఈ నిర్ణయం రానున్న విద్యాసంవత్సరం నుంచి అమల్లోకి రానున్నట్లు ముఖ్యమంత్రి విజయన్‌ మీడియాకు తెలిపారు. మలయాళం బోధించని పాఠశాలలను రద్దు చేస్తామని ప్రకటించారు. ఈ కొత్త నియమాన్ని పాటించని పాఠశాల ప్రధానోపాధ్యాయులపై రూ. 5 వేల జరిమానా విధిస్తామని చెప్పారు. కానీ ఈ విషయంలో ఇతర రాష్ట్ర విద్యార్థులు, విదేశీ విద్యార్థులకు మినహాయింపునిచ్చారు. ఈ ఆర్డినెన్స్‌కు ఆ రాష్ట్ర గవర్నర్‌ పి.సదాశివం ఆమోదం తెలిపారు.


 నటి హన్సికకు బాణి మార్చుకోక తప్పని పరిస్థితి అట. ఈ ఉత్తరాది ముద్దుగుమ్మ సక్సెస్‌ఫుల్‌ నటిగానే ముద్రవేయించుకుంది. ఈ మధ్య నటించిన మనిదన్, బోగన్‌ వంటి చిత్రాలు మంచి విజయాన్నే సాధించాయి. పైగా దర్శకుల నటిగానూ పేరు తెచ్చుకుంది. అయినా బోగన్‌ చిత్రం తరువాత నూతన చిత్రమేదీ చేతిలో లేదు. దీంతో కొత్త ప్రయత్నంగా మాలీవుడ్‌లో ట్రై చేసింది. అక్కడ మోహన్‌లాల్‌కు జంటగా విలన్‌ చిత్రంలో నటించే అవకాశాన్ని దక్కించుకుంది.
 
  తాజాగా కోలీవుడ్‌లో శశికుమార్‌కు జంటగా కొడివీరన్‌ చిత్రంతో పాటు యువ నటుడు విష్ణువిశాల్‌తో ఒక చిత్రంలో రొమాన్స్‌ చేయడానికి అంగీకరించింది. దీంతో మరిన్ని సెకెండ్‌ గ్రేడ్‌ కథానాయకులతో నటించే అవకాశాలు తలుపు తడుతున్నాయట. విజయ్, విశాల్, జయంరవి వంటి స్టార్‌ హీరోలతో నటించిన ఈ అమ్మడు చిన్న హీరోలతో నటించమని అడగడంతో కాస్త షాక్‌కు గురైందట.
 
 అయితే ఆ అవకాశాలను కూడా జారవిడుచుకుంటే మార్కెట్‌ మరీ డౌన్‌ అయిపోతుందని, ఆ తరువాత అలాంటి అవకాశాలు కూడా రావని ఆలోచనలో పడ్డ హన్సిక పెద్ద హీరోనా, చిన్న హీరోనా అన్నది సమస్య కాదని, తనకు కథే హీరో అన్న నిర్ణయానికి వచ్చి తన పాత్రకు ప్రాధాన్యత ఉంటే నటించడానికి రెడీ అంటోందట. ఇటీవల నయనతార కూడా తన పాత్రకు ప్రాముఖ్యత ఉంటేలా చూసుకుంటూ వర్తమాన హీరోలతో కూడా నటించేస్తోంది.
 
  తాజాగా నటి హన్సిక కూడా అదే బాణీలో పయనించి వచ్చిన అవకాశాలను సద్వినియోగం చేసుకుని కోలీవుడ్‌లో మళ్లీ ఒక రౌండ్‌ కొట్టాలని ఆశిస్తోందట. మరి ఈ బ్యూటీ నూతన పంథా ఎలాంటి ఫలితాన్ని స్తుందో చూద్దాం. మోహన్‌లాల్‌కు జంటగా నటిస్తున్న విలన్‌ చిత్రం పైనా హన్సిక చాలా నమ్మకాన్ని పెట్టుకుందట. ఆ చిత్రం విజయం సాధిస్తే అక్కడ మరిన్ని అవకాశాలు వస్తాయనే ఆశతో ఉందట.
  


 కొచ్చి: మలయాళ చిత్ర దర్శకుడు దిఫన్ చేతన్‌  (47) కన్నుమూశారు. గత కొద్ది నెలలుగా అనారోగ్యంతో బాధపడుతున్న ఆయన  సోమవారం   ఉదయం ఒక ప్రైవేట్ ఆసుపత్రిలో చికిత్స పొందుతూ తుది శ్వాస విడిచారు.
 ఏడు సినిమాలకు దర్శకత్వం వహించిన యువదర్శకుడు దిఫన్‌ అతి  చిన్నవయసులోనే  కన్నుమూయడం బాధకరమని చిత్ర పరిశ్రమ వర్గాలు సంతాపం ప్రకటించాయి.  పలువురు ప్రముఖులు  సోషల్‌  మీడియా ద్వారా ఆయన మృతిపట్ల  సంతాపాన్ని ప్రకటించారు.  ఆయన స్వస్థలం తిరువనంతపురంలో మంగళవారం అంత్యక్రియలు నిర్వహించనున్నారని తెలుస్తోంది.
 
 అసిస్టెంట్‌ దర్శకుడిగా కరియర్‌  మొదలు పెట్టి, 2003 లో  స్వతంత్ర దర్శకుడుగా మారిన దిఫన్‌​  ఆ తర్వాత ఏడు చిత్రాలకు దర్శకత్వం వహించారు..  రాజకీయ థ్రిల్లర్  ‘లీడర్ కింగ్ మేకర్ ' ద్వారా దర్శకుడిగా పరిచయమయ్యారు. అనంతరం దాదాపు ఆరు సంవత్సరాలు పాటు  దర్శకత్వానికి దూరంగా ఉన్నారు.  లాంగ్‌ గ్యాప్‌ తర్వాత   2009 లో  పృథ్విరాజ్‌ నటించిన "పుతియా ముఖం"   సినిమా ఆయనకు మంచి పేరు తెచ్చిపెట్టింది.  2012 "హీరో",  "సిమ్" సినిమాలకు దర్శకత్వం  వహించారు. 2014 లో రూపొందించిన బిజెపి రాజ్యసభ సభ్యుడు సురేష్ గోపితో "డాల్ఫిన్ బార్"  ను  రూపొందించారు.
 కాగా  దర్శకుడి ఆకస్మిక మరణంపై నటుడు  పృథ్వీరాజ్   ఫేస్‌బుక్‌ ద్వారా విచారాన్ని వ్యక్తం చేశారు. తన కరియర్‌ లో​ చాలా ముఖ్యమైన సినిమాలు తనకు అందించినందుకు  ఆయనకు ధన్యవాదాలు తెలిపిన పృథ్విరాజ్‌  ఆయన ఆత్మకు శాంతి కలగాలంటూ  పేర్కొన్నారు. దిఫన్‌ చివరి సినిమా సత్య ఇంకా విడుదల కావాల్సి ఉంది.
 
  
 
 Will miss you Diphan chetan! Thank you for giving me one of the most important films in my career. Rest in peace now..rest in peace! pic.twitter.com/hiIi4dxRc1
 — Prithviraj Sukumaran (@PrithviOfficial) March 13, 2017


 నేంద్రమ్‌పళమ్‌ చిప్స్‌.. సూపర్‌ ఉళున్ను వడ.. అబ్బో దడదడ అవియల్‌... అదరహో కేరళ కుట్టి... కేక అర్థం కావడంలేదు కదూ.. నేంద్రమ్‌పళమ్‌ అంటే అరటికాయ చిప్స్‌.. ఉళ్లున్ను వడ అంటే మినప గారెలు.. అవియల్‌ అంటే కొన్ని రకాల కూరగాయలతో చేసే కూర.. కేరళ కుట్టి అంటే అర్థమయ్యే ఉంటుంది.. కేరళ అమ్మాయి అని.
 ఇప్పటివరకూ చాలామంది కేరళ కుట్టీలు తెలుగు తెరకు వచ్చారు. ఇప్పుడు సీన్‌ రివర్శ్‌. తెలుగులో ఇరగదీస్తున్న కుట్టీలు కేరళ వెళుతున్నారు. అది మాత్రమే కాదండోయ్‌... మన నటులు కూడా వెళుతున్నారు. మరి.. వీళ్లందరికీ ‘మలయాళం మనసిలాగునుండో’? అదేనండి.. మలయాళం అర్థమవుతుందా అని. మనసిలవకపోతే ఏంటి? అయితే ఏంటి? కళాకారులకు భాషతో పనేంటి? ఇక్కడివాళ్లు అక్కడ.. అక్కడివాళ్లు ఇక్కడ... మనం ఆర్టికల్‌ చదువుతూ ఇక్కడ...
 
 యువరానర్‌... షి ఈజ్‌ ద లాయర్‌!
 పుట్టింది కలకత్తాలో... పేరొచ్చింది తెలుగు సినిమాల్లో. అమల తల్లిది ఐర్లాండ్‌.. తండ్రిది బెంగాల్‌. అక్కినేని ఇంటి కోడలిగా అడుగుపెట్టిన మరుక్షణమే... చక్కటి చీరకట్టు, బొట్టు, చెరగని చిరునవ్వుతో తెలుగింటి కోడలు అనే పదానికి బ్రాండ్‌ అంబాసిడర్‌ అనేట్టు నిలిచారు. నాగార్జునతో పెళ్లి తర్వాత అమల నటనకు ఫుల్‌స్టాప్‌ పెట్టేశారు. మళ్లీ ‘లైఫ్‌ ఈజ్‌ బ్యూటిఫుల్‌’తో సెకండ్‌ ఇన్నింగ్స్‌ స్టార్ట్‌ చేశారు.
 అయితే... ఈ ఇన్నింగ్స్‌లో భాషతో సంబంధం లేకుండా భావోద్వేగభరిత కథలకు ఓటేస్తున్నారు. ఇప్పుడామె ‘కేరాఫ్‌ సైరాభాను’ అనే మలయాళ సినిమా చేస్తున్నారు. సుమారు ఇరవైయేళ్ల తర్వాత అమల నటిస్తున్న మలయాళ చిత్రమిది. తల్లీకొడుకుల అనుబంధం నేపథ్యంలో రూపొందుతోన్న ఈ సినిమాలో అమల అక్కినేని లాయర్‌ పాత్రలో నటిస్తున్నారు. మలయాళ సీనియర్‌ హీరోయిన్‌ మంజూ వారియర్‌ టైటిల్‌ రోల్‌ పోషిస్తున్న ఈ లేడీ ఓరియెంటెడ్‌ సినిమాలో అమల పాత్ర ఆమెతో సమానంగా ఉంటుందని చిత్రబృందం తెలిపింది. గతంలో అమల రెండు మలయాళ సినిమాలు చేశారు. రెండూ హిట్టే. ‘కేరాఫ్‌ సైరాభాను’తో ముచ్చటగా మూడో హిట్‌ అందుకోవాలని ఆశిద్దాం.
 
 కమాండర్‌... బియాండ్‌ ద లాంగ్వేజ్‌!
 అల్లు అర్జున్‌ స్ట్రయిట్‌ మలయాళ సినిమా ఒక్కటీ చేయలేదు. కానీ, అక్కడి స్టార్‌ హీరోలతో సమానంగా బన్నీకి ఫ్యాన్‌ ఫాలోయింగ్, మార్కెట్‌ ఉన్నాయి. ఈ సై్టలిష్‌ స్టార్‌ ప్రతి సినిమా మలయాళంలో డబ్బింగ్‌ కావడం కామన్‌. ఎప్పట్నుంచో బన్నీ ఓ మలయాళ సినిమా చేయాలనే ఆలోచనలో ఉన్నారు. ఇప్పటికీ కార్యరూపం దాల్చలేదు. అన్నయ్య కంటే ముందు తమ్ముడు అల్లు శిరీష్‌ మలయాళ సినిమా చేస్తున్నారు.
 మోహన్‌లాల్‌ హీరోగా చేస్తున్న ‘1971: బియాండ్‌ బోర్డర్స్‌’లో ఇండియన్‌ ఆర్మీ ట్యాంక్‌ కమాండర్‌గా అల్లు శిరీష్‌ నటిస్తున్నారు. ఇందులో శిరీష్‌పై ఓ పాట కూడా చిత్రీకరించారు. సినిమా విడుదలకు ముందే కేరళలో ఎక్కడికి వెళ్లినా.. అల్లు అర్జున్‌ తమ్ముడిగా శిరీష్‌ను గుర్తుపడుతున్నారట! దాంతో అన్నయ్య అర్జున్‌లా నాకూ మలయాళంలో మంచి గుర్తింపు వస్తుందని ఆశిస్తున్నారు శిరీష్‌.
 
 ‘‘అన్నయ్య (అల్లు అర్జున్‌)పై కేరళ ప్రేక్షకులు చూపిస్తున్న ప్రేమ, ఆప్యాయత చూసి, మలయాళ సినిమాలు, ఆ కల్చర్‌తో నేను ప్రేమలో పడ్డాను. అందుకే, మలయాళ సినిమా ఛాన్స్‌ రాగానే అంగీకరించా. ‘1971: బియాండ్‌ బోర్డర్స్‌’ వంటి దేశభక్తి సినిమా చేసే ఛాన్స్‌ మళ్లీ వస్తుందనుకోవడం లేదు. మా యూనిట్‌లో తెలుగు ఆర్టిస్ట్‌ని నేనొక్కడినే. అందరూ ఫ్రెండ్లీగా చూసుకుంటున్నారు. మనతో పోలిస్తే వాళ్ల యాక్టింగ్‌ సై్టల్‌ డిఫరెంట్‌గా ఉంటుంది. మోహన్‌లాల్‌గారు మొదలుకుని మలయాళ ఆర్టిస్టులు, టెక్నీషియన్‌లు మన తెలుగులోకి వస్తున్నారు. నేను మలయాళ సినిమాలో నటించడం హ్యాపీ’’ అన్నారు అల్లు శిరీష్‌.
 
 స్నేహ.. ద గ్రేట్‌ మామ్‌!
 తెలుగమ్మాయి స్నేహ కూడా ఇప్పుడో మలయాళ సినిమా చేస్తున్నారు. మమ్ముట్టి హీరోగా నటిస్తున్న ఆ సినిమా పేరు ‘ద గ్రేట్‌ ఫాదర్‌’. ఇందులో హీరో వైఫ్‌గా, ఓ అమ్మాయికి తల్లి పాత్రలో స్నేహ నటిస్తున్నారట! ఆల్రెడీ స్నేహ పలు మలయాళ సినిమాలు చేశారు. గతంలో మమ్ముట్టితో రెండుసార్లు కలసి నటించారు. మరి, ఈ ‘గ్రేట్‌ ఫాదర్‌’ ప్రత్యేకత ఏంటంటే... తల్లైన తర్వాత స్నేహ చేస్తున్న తొలి చిత్రమిది. సినిమాలోనూ ఆమె తల్లిగానే నటిస్తున్నారు. చిన్న బ్రేక్‌ తర్వాత స్నేహ నటిస్తున్న సినిమా కావడంతో క్రేజ్‌ ఏర్పడింది. ఇందులో స్నేహ క్యారెక్టర్‌ చాలా పవర్‌ఫుల్‌గా ఉంటుందట! ‘ద గ్రేట్‌ ఫాదర్‌’ విడుదల తర్వాత స్నేహ కెరీర్‌ ఎలాంటి మలుపులు తీసుకుంటుందో ఎదురు చూడాలి. తమిళ హీరో ప్రసన్నతో వివాహానంతరం స్నేహ చెన్నైలో సెటిల్‌ అయ్యారు.
 
 ‘‘విహాన్‌ (స్నేహ కుమారుడు) జన్మించిన తర్వాత యాక్టింగ్‌ నుంచి చిన్న బ్రేక్‌ తీసుకున్నాను. మధ్యలో కొన్ని మంచి అవకాశాలు వచ్చినా అంగీకరించలేదు. దర్శకుడు హనీఫ్‌ ‘ద గ్రేట్‌ ఫాదర్‌’ స్క్రిప్ట్‌ వినిపించిన తర్వాత నో చెప్పలేకపోయాను. చాలా పవర్‌ఫుల్‌ మదర్‌ క్యారెక్టర్‌. ఓ తల్లిగా, ఈ సినిమాలో ప్రస్తావిస్తున్న సమస్య గురించి ప్రజల్లో అవగాహన కల్పించడం నా బాధ్యతగా భావించా.  ఈ మలయాళ సినిమాతో పాటు ఓ తమిళ సినిమా కూడా చేస్తున్నా. మంచి ఛాన్సులొస్తే తెలుగులోనూ నటిస్తా’’ అన్నారు స్నేహ.
 
 125 నాటౌట్‌... న్యూ ఇన్నింగ్స్‌!
 సెంచరీ ఎప్పుడో కొట్టేశారు శ్రీకాంత్‌. హీరోగా, విలన్‌గా, క్యారెక్టర్‌ ఆర్టిస్ట్‌గా 125కు పైగా సినిమాల్లో నటించారాయన. తెలుగు ఇండస్ట్రీతో పాతికేళ్ల అనుభవం ఆయనది. ఇప్పుడు నటుడిగా మళ్లీ కొత్త ఇన్నింగ్స్‌ స్టార్ట్‌ చేస్తున్నారు. మలయాళ ఫిల్మ్‌ ఇండస్ట్రీలో ఎంట్రీ ఇవ్వడానికి సిద్ధమవుతున్నారు. ఉన్నికృష్ణన్‌ దర్శకత్వంలో మోహన్‌లాల్‌ హీరోగా నటించనున్న సినిమాతో శ్రీకాంత్‌ మలయాళ తెరకు పరిచయం అవుతున్నారు.
 
 శ్రీకాంత్‌తో పాటు తమిళంలో మంచి హీరోగా పేరు తెచ్చుకున్న తెలుగబ్బాయి విశాల్‌ను కూడా కీలక పాత్రకు ఎంపిక చేశారు. భారీ బడ్జెట్‌తో యాక్షన్‌ అండ్‌ సస్పెన్స్‌ థ్రిల్లర్‌గా రూపొందనున్న ఈ సినిమా శ్రీకాంత్, విశాల్‌... ఇద్దరికీ మలయాళంలో మొదటిది. ఈ సినిమాతో మలయాళంలో ఎంట్రీ ఇస్తున్న మరో స్టార్‌ రాశీఖన్నా. తెలుగులో హీరోయిన్‌గా మంచి స్టార్‌ స్టేటస్‌ దక్కించుకున్న ఈ ఢిల్లీ డాల్, మోహన్‌లాల్‌ సినిమా కావడంతో ఓకే చెప్పారట. ఇందులోనే విశాల్‌కి జోడీగా హన్సిక నటించనున్నారని సమాచారం. ఒక్క సినిమాతో ఇంతమంది పరభాషా నటీనటులను మలయాళ తెరకు పరిచయం చేస్తున్న మోహన్‌లాల్‌పై అక్కడ సరదాగా జోకులు వేస్తున్నారు.
 
 ‘‘సినిమాలో ఆయా పాత్రలకు ప్రాముఖ్యత ఉంది కాబట్టే... తెలుగు, తమిళ స్టార్స్‌ శ్రీకాంత్, విశాల్‌ మా సినిమాలో నటించడానికి అంగీకరించారు. వాళ్ల స్క్రీన్‌ టైమ్‌ కూడా ఎక్కువే ఉంటుంది. అంతే కానీ, రెండు మూడు భాషల్లో సినిమా తీసే ఆలోచన మాకు లేదు. ఇది మల్టీ–లింగ్వల్‌ సినిమా కాదు. ప్రస్తుతం మలయాళంలో మాత్రమే తీస్తున్నాం. ఇతర భాషల్లో డబ్బింగ్‌ చెయ్యొచ్చా? లేదా? అనే నిర్ణయం తర్వాత తీసుకుంటాం’’ అని చెప్పారు చిత్ర దర్శకుడు బి. ఉన్నికృష్ణన్‌.
 
 గత ఏడాదే ఎంట్రీ ఇచ్చిన జగపతిబాబు
 ఫ్యామిలీ జానర్‌ కథానాయకునిగా పేరు తెచ్చుకుని, ఇప్పుడు విలన్‌గా జగపతిబాబు వీర విహారం చేస్తున్న విషయం తెలిసిందే. గత ఏడాదే ఆయన కేరళ తెరకు పరిచయమయ్యారు. మలయాళ సూపర్‌స్టార్‌ మోహన్‌లాల్‌ హీరోగా తెరకెక్కిన ‘పులి మురుగన్‌’లో జగపతిబాబు విలన్‌గా నటించారు.
 ఆయన పాత్ర పేరు ‘డాడీ గిరిజ’.  తెలుగులో ‘మన్యంపులి’గా విడుదలై ఇక్కడ మంచి విజయాన్ని సొంతం చేసుకుంది. కాగా, ‘పులి మురుగన్‌’ విడుదల తర్వాత జగపతిబాబు కేరళ వెళ్లినప్పుడు ఆయన పేరుతో కాకుండా ‘డాడీ గిరిజ’ అని పిలిచారట. ఈ విషయాన్ని స్వయంగా ఆయనే చెప్పారు. ‘‘పొరుగు రాష్ట్రంలో అభిమానులను సంపాదించుకోవడం చాలా హ్యాపీగా ఉంది’’ అని జేబీ అన్నారు. మాలీవుడ్‌ నుంచి ఆయనకు మంచి అవకాశాలు వస్తున్నాయట.
 
  – సత్య పులగం


 తిరువనంతపురం: మాతృభాషకు కేరళ ప్రభుత్వం పట్టకట్టేందుకు సిద్ధమైంది. ఇక నుంచి మళయాలం శాస్త్రీయ భాషంత గొప్పగా అభివృద్ధి చేయాలని కేరళ ముఖ్యమంత్రి పినరయి విజయన్‌ మంగళవారం అధికారులకు ఆదేశించారు. అన్ని పాఠశాలల్లో కచ్చితంగా మళయాలం బోధించాల్సిందేనని ఆయన స్పష్టం చేశారు.
 
 ‘మళయాలం శాస్త్రీయ భాషంత గొప్పగా అభివృద్ధి చెందాలి. శాస్త్రీయ, సాంకేతిక పరిజ్ఞానానికి సంబంధించిన పుస్తకాలను కూడా మళయాలం భాషలోనే రాయాలి. మళయాలంలోనే చదవాలి. మళయాలంను అధికారిక భాషగా గుర్తించి తప్పనసరిగా అమలుచేయాలని ఆదేశించినా అధికారిక కార్యకలాపాలు అంటూ అధికారులు ఇంకా ఆంగ్లాన్ని గురించే ఆలోచిస్తున్నారు. ఇక అలాంటిది కుదరుదు. అన్ని పత్రికా ప్రకటనలు, నోటీసులు కచ్చితంగా మళయాలంలోనే ఉండాలి’ అని ఆదేశించారు.


 కొచ్చి: సినీ నిర్మాతలు, థియేటర్ల యజమానులు, పంపిణీదారులు.. మలయాళ నటుడు దిలీప్‌ నాయకత్వంలో కేరళ ఫిలిం ఎగ్జిబిటర్స్‌ యునైటెడ్‌ ఆర్గనైజేషన్‌ (ఎఫ్‌ఈయూఓకే)ను ఏర్పాటు చేశారు. తన అసోసియేషన్‌లో వందకు పైగా థియేటర్ల యజమానులున్నారని, వారు తనకు పూర్తి మద్ధతు ఇచ్చారని దిలీప్ చెప్పారు. గత డిసెంబర్‌ లో ముఖ్యంగా క్రిస్మస్ సమయంలో ఒక్క సినిమా కూడా విడుదల కాలేదని ఎఫ్‌ఈయూఓకే అసోసియేషన్ ఆందోళన వ్యక్తం చేసింది. దాంతో కేరళ సినీ రంగానికి తీవ్ర నష్టం వచ్చిన విషయాన్ని ఈ సందర్భంగా నటుడు దిలీప్ గుర్తుచేశారు.
  
 'మలయాళ సినీ పరిశ్రమకు ఒక కొత్త అసోసియేషన్‌ ఏర్పాటు చేయాలని కేరళ ఫిల్మ్ ఎగ్జిబిటర్స్ ఫెడరేషన్ (కేఎఫ్‌ఈఎఫ్) గత డిసెంబర్‌లో సమ్మె చేశారు. పంపిణీదారులు, ప్రదర్శనకారుల మధ్య వాటాల నిష్పత్తిలో మార్పులు చేయాలన్నదే నిరసన ఉద్దేశం. అప్పుడు చివరకు ముఖ్యమంత్రి పినరయి విజయన్‌ చొరవతో సమ్మె విరమించాం. ఈ సమ్మె కారణంగా ఒకనెల పాటు 353 క్లాస్‌ వన్‌ థియేటర్లల్లో సినిమాలు ప్రదర్శించలేదు. కేరళ ఫిలిం ఎగ్జిబిటర్స్‌ యునైటెడ్‌ ఆర్గనైజేషన్‌ ఇప్పటికైనా ఏర్పడటం శుభపరిణామం. ఇకపై రాష్ట్రంలో థియేటర్లు మూతపడే అవకాశం లేదు. ఈ నూతన అసోసియేషన్‌కు మలయాళ స్టార్స్‌ మమ్ముట్టి, మోహన్‌లాల్‌ తమ మద్ధతు తెలిపారు' అని నటుడు ఎఫ్‌ఈయూఓకే అధ్యక్షుడు దిలీప్ వివరించారు.


 పాతికేళ్ల తర్వాత అక్కినేని అమల రీ-ఎంట్రీ ఇస్తున్నారు. అదేంటి.. ‘లైఫ్ ఈజ్ బ్యూటిఫుల్’తో సిల్వర్ స్క్రీన్‌పై మళ్లీ కనిపించారు కదా! అనుకుంటున్నారా? అది తెలుగులో. ఇప్పుడు రీ-ఎంట్రీ ఇస్తున్నది మలయాళంలో.
 
 ఆంటోనీ సోని దర్శకత్వం వహిస్తున్న లేడీ ఓరియెంటెడ్ సినిమా ‘కేరాఫ్ సైరాభాను’లో పోస్ట్ ఉమన్‌గా మంజూ వారియర్, లాయర్‌గా అమల నటిస్తున్నారు. గతంలో సురేశ్ గోపి, మోహన్‌లాల్ పక్కన హీరోయిన్‌గా నటించిన అమలకు ఇది మూడో మలయాళ సినిమా.
  


  నాలుగు కోట్లతో తీసిన సినిమా 50 కోట్ల రూపాయలు వసూలు చేస్తే అది సూపర్ డూపర్ హిట్ కింద లెక్క. మలయాళ ‘ప్రేమమ్’ ఈ కోవకే వస్తుంది. తమిళనాడులో రెండొందల రోజులకు పైగా ఆడిన మొదటి మలయాళ చిత్రంగా రికార్డ్ సాధించింది. ఇక, మలయాళంలో అయితే ఇప్పటివరకూ ఎక్కువ వసూళ్లు సాధించిన చిత్రాల్లో రెండోస్థానం సంపాదించింది.
  
  ఈ చిత్రం నాగచైతన్య, శ్రుతీహాసన్, మడొన్నా సెబాస్టియన్, అనుపమా పరమేశ్వరన్ ముఖ్య తారలుగా ‘ప్రేమమ్’ పేరుతో తెలుగులో రీమేక్ అయింది. చందూ మొండేటి దర్శకత్వంలో పీడీవీ ప్రసాద్ సమర్పణలో సితార ఎంటర్‌టైన్‌మెంట్స్ పతాకంపై సూర్యదేవర నాగవంశీ నిర్మించారు. ఈ చిత్రంలోని తొలి పాట ‘ఎవరే..’ను గురువారం హైదరాబాద్‌లో విడుదల చేశారు. శ్రీమణి రాసిన ఈ పాటను విజయ్ ఏసుదాస్ ఆలపించారు.
  
  ఈ సందర్భంగా నాగచైతన్య మాట్లాడుతూ- ‘‘ఇందులో నా పాత్ర మూడు దశలుగా సాగుతుంది. నా మనసుకు బాగా దగ్గరైన పాత్ర ఇది. యువతరంతో పాటు అన్ని వర్గాల ప్రేక్షకులకు నచ్చే అంశాలన్నీ ఉంటాయి’’ అని తెలిపారు. ‘‘ఈ నెల 24న పాటలను విడుదల చేయబోతున్నాం. సెప్టెంబర్‌లో సినిమా విడుదల చేసేందుకు సన్నాహాలు చేస్తున్నాం’’ అని నిర్మాత పేర్కొన్నారు. ఈ చిత్రానికి సంగీతం: గోపీ సుందర్, రాజేష్ మురుగేషన్, కెమేరా: కార్తీక్ ఘట్టమనేని
  


 మళయాళ నటుడు జినూ జోసెఫ్ శుక్రవారం అబుదాబి ఎయిర్ పోర్టులో అరెస్టయ్యారు. ఈ విషయాన్ని ఆయనే తన ఫేస్ బుక్ అకౌంట్లో శుక్రవారం మధ్యహ్నం పోస్ట్ చేశారు. న్యూయార్క్ నుంచి అబుదాబికి ఎతిహాద్ విమానంలో బయల్దేరిన జినూ నిద్రపట్టడంలేదని టీవీ ఆఫ్ చేయాలని కోరగా అందుకు క్రూ సిబ్బందిలో ఒకరు నిరాకరించారు.
 ఈ సందర్భంగా జినూ, సిబ్బంది మధ్య కొద్దిపాటి వాగ్వాదం చోటు చేసుకుంది. సిబ్బందితో జరిగిన సంభాషణను జినూ తన మొబైల్ లో వీడియో రికార్డ్ చేయడానికి ప్రయత్నించారు. దానిని సిబ్బంది అడ్డకోవడంతో వారి మధ్య చిన్నపాటి ఘర్షణ చోటు చేసుకుంది. జరిగిన సంఘటనపై సిబ్బంది ఫిర్యాదు చేయడంతో జినూను అరెస్టు చేసినట్లు తెలుస్తోంది.
 అబుదాబి ఎయిర్ పోర్టు పోలీసులు తనను అరెస్టు చేసినట్లు జోసెఫ్ ఆ తర్వాత ఫేస్ బుక్ లో పోస్టు చేశారు. ఎతిహాద్ ఎయిర్ సర్వీస్ సరిగా లేవని, ప్రయాణ సమయంలో సిబ్బంది తనపై వివిక్ష చూపారని , ఈ విషయాన్ని మిగతా అందరికీ షేర్ చేయాలని అందులో పేర్కొన్నారు.


 కొచ్చి: ప్రముఖ విలక్షణ నటుడు కళాభవన్ మణి(45) కన్నుమూశారు. కొంత కాలంగా లివర్, కిడ్నీ వ్యాధితో బాధపడుతున్న ఆయన చికిత్స పొందుతూ కొచ్చిలో తుది శ్వాస విడిచారు. ఈయన ఒక నటుడుగానే కాకుండా జానపద గీతాలను ఆలపించడంలో కూడా పేరు సంపాధించారు. మిమిక్రీ ఆర్టిస్టుగా కెరీర్ ప్రారంభించిన కళాభవన్.. దాదాపు దక్షిణ భారత దేశంలోని అన్ని భాషల చిత్రాల్లో ఆయన విలక్షణ పాత్రల్లో నటించి మెప్పించారు.
 
 విలనిజంలోనూ తనదైన కామెడీ ముద్రను కళాభవన్ వేశారు. ముఖ్యంగా తెలుగులో ఆయన నటించిన చిత్రం అనగానే గుర్తొచ్చేది జెమినీనే. జెమినీ సినిమాలో లడ్డా అనే క్యారెక్టర్తో విలక్షణ విలన్ పాత్ర పోషించిన ఆయన ఆ సినిమా అనగానే లడ్డానే గుర్తు చేసుకునేట్లుగా నటించారు. ముఖ్యంగా' నా పేరే లడ్డా.. జెమినీకంటే పేద్ద రౌడీని' అంటూ పలికించిన సంభాషణలు ఇప్పటికీ జనాల నోళ్లలో నానుతూనే ఉన్నాయి. కమేడియన్గా, విలన్గానే కాకుండా రంగస్థల నటుడిగా కూడా ఆయనకు మంచి పేరుంది. ఇక పలు మళయాల సినిమాల్లో హీరోగా కూడా నటించారు. తమిళ సినిమాల్లో కూడా నటించి అక్కడా అభిమానం సొంతం చేసుకున్నారు.
 ఆటోడ్రైవర్ నుంచి ప్రముఖ విలక్షణ నటుడి స్థాయికి....
 ఈయన పాపులర్ సింగర్ కూడా. సల్లాపం అనే చిత్రంలోని తన పాత్రకు అనూహ్యంగా గొప్ప పేరొచ్చి ఆయన ఒక్కసారిగా అందరి దృష్టిని ఆకర్షించారుఉ. 1999లో రాష్ట్ర ప్రభుత్వం తరుపున ఉత్తమ నటుడి అవార్డు కూడా అందుకున్నారు. జాతీయ అవార్డుల్లో పోటీ పడ్డారు. లివర్ సమస్యల కారణంగా ఆస్పత్రిలో చేరారు. 'నటుడు కళాభవన్ శనివారం కొచ్చిలోని అమృత ఆస్పత్రిలో చేరారు. పరిస్థితి విషమంగా ఉండటంతో ఐసీయూలో ఉంచాం. ఆదివారం రాత్రి 7.15గంటల ప్రాంతంలో తుది శ్వాస విడిచారు' అని వైద్యులు తెలిపారు. కేరళలోని చలక్కుడి అనే ప్రాంతానికి చెందిన కళాభవన్ నటుడు కాకముందు  ఆటో డ్రైవర్ గా చేసేవారు.


 పవన్ కళ్యాణ్, రామ్ చరణ్, అల్లు అర్జున్, ఎన్టీఆర్, ఇలా టాలీవుడ్ టాప్ హీరోలతో వరుస సినిమాలు చేసిన స్టార్ ప్రొడ్యూసర్ బండ్ల గణేష్ కొంత కాలంగా బ్రేక్ తీసుకున్నాడు. గత ఏడాది రిలీజ్ అయిన టెంపర్ సినిమా తరువాత గణేష్ ఒక్క సినిమా కూడా రిలీజ్ చేయలేదు. స్టార్ హీరోలంతా బిజీగా ఉండటంతో పాటు మంచి కథ కూడా దొరక్క పోవటంతో ఇండస్ట్రీగా దూరంగా ఉంటూ వస్తున్నాడు.
 
 ప్రస్తుతం టాలీవుడ్లో రీమేక్ సినిమాల సీజన్ నడుస్తుండటంతో గణేష్ కూడా ఓ సక్సెస్ ఫుల్ రీమేక్తో తిరిగి ఫామ్ లోకి రావాలని భావిస్తున్నాడు. అందుకే మలయాళంలో సూపర్ హిట్ అయిన 2 కంట్రీస్ సినిమా రైట్స్ను భారీ మొత్తానికి సొంతం చేసుకున్నాడు. దిలీప్, మమతా మోహన్దాస్లు జంటగా నటించిన ఈ సినిమాను తెలుగులో స్టార్ హీరోతో రీమేక్ చేయాలని ప్లాన్ చేస్తున్నాడు.


 ఇంటర్నేషనల్ ఇండియన్ ఫిల్మ్ అకాడెమీ - ఐఫా ఉత్సవం (సౌత్) 2016 వేడుక హైదరాబాద్‌లో అంగరంగ వైభవంగా సాగుతోంది. జియోనీ, రేనాల్ట్ సంస్థల సహ సమర్పణలో ఫార్చ్యూన్ సన్‌ఫ్లవర్ ఆయిల్ అందిస్తున్న ఈ ఉత్సవంకు గచ్చిబౌలిలోని ఔట్‌డోర్ స్టేడియమ్ వేదికగా నిలిచింది. తొలి రోజైన ఆదివారం తమిళ, మలయాళ సినీ పరిశ్రమలకు సంబంధించిన అవార్డుల ప్రదానం ఆర్భాటంగా జరిగింది.
  
  సోమవారం రాత్రి పొద్దుపోయే సమయానికి తెలుగు, కన్నడ సినీ పరిశ్రమల్లో ఉత్తమ చిత్రం, ఉత్తమ నటుడు, ఉత్తమ సంగీత దర్శకుడు తదితర అనేక విభాగాల్లో అవార్డుల ప్రదానం జోరుగా సాగుతోంది. అవార్డుల ప్రదానానికి ముందు అగ్ర నటీనటులు, సాంకేతిక నిపుణులు ఉల్లాసంగా గ్రీన్ కార్పెట్ మీదుగా నడుచుకుంటూ సభా ప్రాంగణంలోకి వచ్చారు. అగ్ర సంగీత దర్శకుడు దేవిశ్రీ ప్రసాద్ తన సంగీతంతో ప్రేక్షకుల్లో ఉత్సాహం నింపారు.
  
  రాత్రి 9:30 గంటలకు అవార్డుల వేడుక ప్రారంభమైంది. ముందుగా నటి కల్పన మృతికి సంతాపంగా సభికులందరూ ఒక నిమిషం మౌనం వ హించారు. అనంతరం తెలంగాణ రాష్ట్ర సినిమాటోగ్రఫీ శాఖ మంత్రి తలసాని శ్రీనివాస్ యాదవ్ ప్రారంభోపన్యాసం చేశారు. హీరోలు అల్లు శిరీష్, నవదీప్, హీరోయిన్ రెజీనా వ్యాఖ్యాతలుగా వ్యవహరించారు. ప్రభుదేవా, శ్రీయా, భరత్ కొన్ని తమిళ హిట్ పాటలకు డ్యాన్స్ చేశారు. అనంతరం నేపథ్య గాయని విభాగంలో ‘బాహుబలి’ చిత్రంలోని ‘ఒడి బాహుబలి’ పాట పాడిన ‘సత్యయామిని’కి నిర్మాతలు కేఎస్ రామారావు, సి.అశ్వినీదత్ అవార్డు అందించారు.
  
  ఉత్తమ నేపథ్య గాయకుడి అవార్డును ‘శ్రీమంతుడు’ చిత్రంలోని ‘జతకలిసే’ పాటకు సాగర్ అందుకున్నారు. ఉత్తమ గేయ రచయితగా ‘శ్రీమంతుడు’ చిత్రంలోని ‘రామ రామ’ పాటకు రామజోగయ్య శాస్త్రి పురస్కారం అందుకున్నారు. అక్కినేని స్మారక పురస్కారాన్ని నాగార్జున, అమల, నాగ సుశీల, సుమంత్ అందుకున్నారు. తెలుగు సినిమా అవార్డులతో పాటు కన్నడ చిత్రాలకు కూడా పురస్కారాలను అందించారు. కన్నడ సినిమా అవార్డులకు విజయ్ రాఘవేంద్ర, అకుల్ బాలాజీ వ్యాఖ్యాతలుగా వ్యవహరించారు.
  
  ఈ వేడుకలో చిరంజీవి, బాలకృష్ణ, నాగార్జున, వెంకటేశ్, మహేశ్‌బాబు, అల్లు అర్జున్, రామ్ చరణ్, రానా, నాని, వివేక్ ఒబెరాయ్ తదితర హీరోలతో పాటు దర్శకులు కె.రాఘవేంద్రరావు, కొరటాల శివ, వీర శంకర్, నిర్మాతలు నిమ్మనగడ్డ ప్రసాద్, కేఎల్ నారాయణ, ‘దిల్’ రాజు వంటి పలువురు ప్రముఖులు పాల్గొన్నారు.
  
  సినీ ప్రముఖులతో రోజంతా సదస్సు
  సోమవారం ఉదయం నుంచి సాయంత్రం దాకా హైదరాబాద్‌లో సినీ రంగంపై ‘ఫిక్కీ - ఐఫా’ సదస్సు సాగింది. ‘ఫెడరేషన్ ఆఫ్ ఇండియన్ ఛాంబర్స్ ఆఫ్ కామర్స్ అండ్ ఇండస్ట్రీ’ (ఫిక్కీ) నిర్వహించిన ఈ సదస్సు సినిమా, వినోద రంగాల్లో వ్యాపార అవకాశాల కల్పన అంశంపై ప్రధానంగా దృష్టి నిలిపింది. తెలంగాణ  ఐ.టి. శాఖ కార్యదర్శి జయేశ్ రంజన్, ప్రభుత్వ సలహాదారు బి.వి. పాపారావు సహా పలువురు ప్రభుత్వ అధికారులు ఈ సదస్సుకు విచ్చేశారు.
 
  సౌతిండియన్ ఫిల్మ్ చాంబర్ ఆఫ్ కామర్స్ ప్రతినిధులు, ఉత్తరాది నుంచి అగ్ర నిర్మాత రమేశ్ సిప్పీ, దర్శకుడు రాకేశ్ ఓం ప్రకాశ్ మెహ్రా తదితరులు ప్రత్యేకంగా హాజరయ్యారు. సదస్సులో ‘ప్రసాద్’ గ్రూప్ అధినేత ఎ. రమేశ్‌ప్రసాద్, అల్లు అరవింద్, డి. సురేశ్‌బాబు, ‘దిల్’ రాజు, శ్యామ్‌ప్రసాద్‌రెడ్డి, శరత్‌మరార్,  కె. రాఘవేంద్రరావు, తమ్మారెడ్డి భరద్వాజ్, గుణశేఖర్ తదితరులు పాల్గొన్నారు.
  
  వినోద పరిశ్రమకు కార్యస్థానంగా హైదరాబాద్, డిజిటల్ కంటెంట్, తెలంగాణలో ఫిల్మ్ టూరిజమ్ తదితర వివిధ అంశాలపై నిపుణులు చర్చించారు. ప్రసిద్ధ ఆడియోగ్రాఫర్ - ఆస్కార్ అవార్డు విజేత అయిన రసూల్ పూకుట్టి, విజువల్ ఎఫెక్ట్స్ నిపుణులు పి.సి. సనత్, యానిమేషన్ రంగానికి చెందిన రాజీవ్ చిలకా తదితరులు  ఈ చర్చల్లో పాల్గొన్నారు.
  


 హైదరాబాద్ : ప్రముఖ మలయాళ నటి కల్పన (50) కన్నుమూశారు. ఓ ప్రయివేట్ కార్యక్రమానికి హైదరాబాద్ వచ్చిన ఆమె తాను బస చేసిన హోటల్లో అపస్మారక స్థితిలో పడి ఉండటాన్ని గమనించి .... హుటాహుటీన జూబ్లీహిల్స్లోని అపోలో ఆస్పత్రికి తరలించారు. కాగా అప్పటికే ఆమె మృతి చెందినట్లు వైద్యులు ధ్రువీకరించారు. కల్పన గుండెపోటుతో మృతి చెందినట్లు వైద్యులు నిర్థారించారు.
  
 ప్రస్తుతం క్యారెక్టర్ ఆర్టిస్టుగా వెండితెరపై వెలుగుతున్న ఆమె సుమారు 300 చిత్రాల్లో నటించారు. మలయాళంతో పాటు తెలుగులో సతీ లీలావతి, బ్రహ్మచారి తదితర చిత్రాల్లో నటించిన కల్పన 'తనిచల్లా న్యాన్' చిత్రానికి ఉత్తమ సహాయ నటిగా పురస్కారాన్ని పొందారు . కాగా ప్రముఖ నటి ఊర్వశి ...కల్పనకు సోదరి. ఇందుకు సంబంధించి పూర్తి వివరాలు తెలియాల్సి ఉంది.


 చెన్నై : రేసుగుర్రం, శ్రీమంతుడు  చిత్రాలు భారీ విజయంతో  జోరుమీదున్న భామ శ్రుతి హాసన్. దీంతో   మరో తెలుగు సినిమా పాత్ర కోసం అపుడే కసరత్తు మొదలుపెట్టిందిట. శ్రీమంతుడు సినిమా తరువాత తెలుగులో చేస్తున్న ఈ  మలయాళ రీమేక్ లో శ్రుతి... లెక్చరర్ పాత్ర  పర్ఫెక్షన్ కోసం తెగ తాపత్రయపడుతోందిట.
 
 తెలుగు, తమిళం, హిందీ భాషల్లో ఏకధాటిగా సినిమాలు చేస్తున్న ఈ అమ్మడు  మలయాళంలో సూపర్ హిట్ అయిన 'ప్రేమమ్' తెలుగు రీమేక్‌కి సైన్  చేసింది.    'మంజు' అనే టైటిల్ దాదాపు  ఖరారైన ఈ  చిత్రంలో  శ్రుతి లెక్చరర్ పాత్రను పోషించబోతోంది. 'సాయి పల్లవి' అనే  క్యారెక్టర్‌కు  స్పెషల్ మేకోవర్ ప్లాన్ చేస్తోందని చిత్ర యూనిట్ వర్గాలు చెబుతున్నాయి.
 
 శ్రీమంతుడు తరువాత తెలుగులో చేస్తున్న ఈ చిత్రంలో  శ్రుతి హాసన్‌కు జోడిగా  అక్కినేని నాగ చైతన్య లీడ్  రోల్లో నటిస్తున్నాడు.  నాగ చైతన్య స్టూడెంట్గా శ్రుతి  లెక్చరర్గా కన్పించనున్నారు. దర్శకుడు చందు మొండేటి  తెరకెక్కించనున్న  ఈ సినిమా షూటింగ్  డిసెంబర్ మొదటివారంలో ప్రారంభం కానున్నట్టు తెలుస్తోంది.  అటు  మలయాళ  ' ప్రేమమ్'లో  సెకండ్ హీరోయిన్గా నటించిన  అనుపమ పరమేశ్వరన్  తెలుగులో కూడా యాక్ట్ చేస్తోంది.


 ఏ భాషలో సినిమా చేస్తే అదే తన మాతృభాష అన్నంతగా ఒదిగిపోయే తారలు అరుదుగా ఉంటారు. అలాంటివాళ్లలో శ్రీదేవి ఒకరు. దక్షిణ, ఉత్తరాది భాషల్లో తిరుగులేని తారగా ఒకప్పుడు వెండితెరను ఏలారు ఈ జగదేక సుందరి. అందుకే ఆమె సినిమాల్లో నటించడం మానేసినా, ఎవరూ మర్చిపోలేదు. దాదాపు పధ్నాలుగేళ్ల విరామం తర్వాత శ్రీదేవి ‘ఇంగ్లిష్ వింగ్లిష్’ ద్వారా రీ-ఎంట్రీ అయినప్పుడు అభిమానులు సంబరపడిపోయారు. ఆ తర్వాత తమిళంలో ‘పులి’ చిత్రంలో నటించారు శ్రీదేవి. తాజాగా ‘శ్రీశ్రీ దేవరాగం’ అనే మలయాళ చిత్రంలో నటించడానికి శ్రీదేవి గ్రీన్ సిగ్నల్ ఇచ్చారని సమాచారం.
 
 ఇది మలయాళ ప్రేక్షకులకు తీపి వార్త అనే చెప్పాలి. ఎండీ రాజేంద్రన్ దర్శకత్వంలో రూపొందనున్న ఈ చిత్రంలో శ్రీదేవిది అతిథి పాత్ర. ‘‘కథ గురించి శ్రీదేవితో మాట్లాడటం జరిగింది. ఆమె ఈ చిత్రంలో గెస్ట్ రోల్‌లో నటించేందుకు ఒప్పుకున్నారు’’ అని రాజేంద్రన్ పేర్కొన్నారు. 1969లో విడుదలైన ‘కుమార సంభవం’ మలయాళంలో శ్రీదేవికి మొదటి చిత్రం. 1996లో విడుదలైన ‘దేవరాగం’ అక్కడ ఆమెకు చివరి చిత్రం. సో... ఇప్పుడు 19 ఏళ్ల తర్వాత మలయాళ తెరపై శ్రీదేవి కనిపించనున్నారన్న మాట.
  
  


 తమిళ, తెలుగు, మలయాళ భాషల్లో మంచి నటిగా పేరు తెచ్చుకున్న కథానాయిక అమలాపాల్‌ను త్వరలో మనం బుల్లితెరపై చూడనున్నాం. చిత్ర దర్శకుడు విజయ్‌ను వివాహం చేసుకున్న అమలాపాల్ దాదాపుగా సినిమాలు తగ్గించేశారు.
  
  ఆమె నటించిన తమిళ చిత్రం ‘హైకూ’ ఇప్పుడు విడుదలకు సిద్ధంగా ఉంది. ఈ సినిమా తర్వాత మరే సినిమాకు ఆమె గ్రీన్ సిగ్నల్ ఇవ్వలేదు. ఇప్పుడు తన దృష్టిని బుల్లితెర వైపు మళ్లించారు. ఓ తమిళ చానల్‌లో రియాలిటీ షోకు న్యాయనిర్ణేతగా వ్యవహరించనున్నారు.
  
  డాన్స్ నేపథ్యంలో సాగే ఈ రియాలిటీ షోకు స్వతహాగా డాన్సర్ అయిన అమలాపాల్ అయితే బాగుంటుందని, నిర్వాహకులు అనుకున్నారట. కాన్సెప్ట్ కూడా నచ్చి, ఆమె వెంటనే అంగీకరించారట.
  


 హ్యూమర్ ప్లస్
 మా ఊళ్లో ఒకాయనుండేవాడు. పనేమీ చేసేవాడు కాదు. మూడు పూట్లా తిని ఆరు పూట్ల నిద్రపోయేవాడు. మాట్లాడుతూ మాట్లాడుతూ నిద్రలోకి జారుకునేవాడు. ఒక్కసారి నిద్రపోతూ కూడా మాట్లాడేవాడు. మర్రిచెట్టు కింద కూచుని వచ్చీపోయే వాళ్లకి తత్వబోధ చేసేవాడు. విన్నవాళ్లకి బుర్ర తిరిగిపోయేది. వినకపోతే కర్రతో బుర్రపై ఒకటిచ్చేవాడు. విన్నా వినకపోయినా జ్ఞాన బాధే.బాధలతోనే ఈ ప్రపంచం పుట్టిందని, బాధలతోనే అంతరిస్తుందని ఆయన సిద్ధాంతం.
 
 ఈయనతో బాధలు పడిపడి ఆయన భార్యకు ఒకరోజు పిచ్చెక్కింది. ఆమె మలయాళంలో బూతులు తిడుతూ దొరికినవన్నీ దొరికినట్టు ఉతకసాగింది. మనుషులకే బస్సులు లేక సర్వీస్ ఆటోలకు వేలాడుతున్న కాలంలో ఒక దెయ్యం రెండు రాష్ట్రాలు దాటి మా ఊరికొచ్చి ఈమెను పట్టుకోవడంలో ఆంతర్యమేమిటో చెట్టుకింద పండితులకి ఎవరికీ అర్థం కాలేదు.
  
 మనుషులు తమ బాధల్ని తీర్చుకోవటానికి ఇతరుల్ని బాధించినట్టు దెయ్యాలు కూడా బాధావిముక్తి కోసం ఇలాంటి క్రియాశీలక చర్యలకు దిగుతుంటాయని ఆమె భర్త వాదించాడు. ఈ మాట అన్న మరుక్షణం ఆ దెయ్యపు భార్య దుడ్డుకర్రని గిరగిర తిప్పి భర్త మోకాళ్లకు గురిచూసి కొట్టి మలయాళాన్ని ఎత్తుకుంది. ఇంతకూ ఆమె మాట్లాడుతున్నది మలయాళమో కాదో ఎవ్వరికీ తెలియదు. మా ఊళ్లో ఎవరికీ మలయాళం రాదు, వినలేదు. తెలుసుకోవాలనే కోరికుండాలే కానీ, దానికి దారులు అనేకముంటాయి.
 
 తాడిపత్రి బస్టాండులో టీ అమ్ముకునే నాయరుని ప్రవేశపెట్టారు. వాడు రావడం రావడమే టీ కెటిల్‌తో వచ్చి అందరికీ టీ అందించి, డబ్బులు వసూలు చేశాడు. డబ్బు వల్ల జ్ఞానమూ, జ్ఞానం వల్ల అజ్ఞానం సంభవిస్తాయని దెయ్యపు భర్త కొత్త సిద్ధాంతాన్ని ఎత్తుకున్నాడు. భర్త గొంతు వినగానే మలయాళ దెయ్యం విజృంభించింది. అనేకమంది కకావికలై పారిపోగా, కొంతమంది ధైర్యవంతులు ఆమెని నిలువరించడానికి ప్రయత్నించి విఫలమయ్యారు. ముందస్తు చర్యగా దెయ్యపు భర్త దుడ్డుకర్రకి అందకుండా చెట్టెక్కాడు.
 
 ఆమె ఉగ్రరూపం చూసి నాయరు తాడిపత్రి వైపుకి తిరిగి పిక్కబలం కొద్దీ పారిపోసాగాడు. ఈ హడావుడిలో టీ కెటిల్ కూడా మరిచిపోయాడు. ఎలాగోలా వాడిని వెనక్కి లాక్కొచ్చారు. ఆమె మాట్లాడింది మలయాళమే కానీ, తనకేమీ అర్థం కాలేదని నాయర్ చెప్పాడు. నిరూపితం కానప్పుడు ఏ భాషకీ శాస్త్రీయత ఉండదని చెట్టుపైన ఉన్న భర్త వాదించడానికి ప్రయత్నించాడు కానీ, ఎవరూ పట్టించుకోలేదు.
  
 ఇలా కాదని టవున్ నుంచి డాక్టర్‌ని తీసుకొచ్చారు. రోగితోనూ రోగంతోనూ నిమిత్తం లేకుండా ఆయన ప్రతివాడికి మూడు ఇంజెక్షన్లు వేస్తాడు. ఒకవేళ రోగాన్ని ఆయన పసిగడితే ఇంజక్షన్ల సంఖ్య పెరుగుతుంది. ఒకసారి పొరపాటున రోగితో పాటు వెళ్లిన సహాయకునికి కూడా మూడు సూది పోట్లు పొడిచాడు. వాడు కళ్లు తిరిగి పడిపోతే వాడి కులపోళ్లు వచ్చి ధర్నా చేశారు. చేతి చమురు వదిలించుకున్న పరిజ్ఞానంతో అప్పటినుంచి మనిషి ముఖకవళికల ఆధారంగా సూదిమొనను సవరిస్తాడు.
  
 దెయ్యపు స్త్రీ దగ్గరకెళ్లి నాడిని చూశాడు. గుండె శబ్దాన్ని విన్నాడు. ఎప్పటిలాగే సూది వేశాడు. ఆ తరువాత ఏం జరిగిందో డాక్టర్‌కి తెలియదు. కళ్లు తెరిచేసరికి తన ఆస్పత్రిలోనే ఉన్నాడు. ఇదంతా జరుగుతూ ఉండగా మా పెద్దమ్మ సీన్‌లోకొచ్చింది. ఆమె రిటైర్డ్ టీచర్. దెయ్యపు స్త్రీ దగ్గరికెళ్లి ఆప్యాయంగా అదుముకుంది. భర్తని చెట్టు దింపి చెంప పగలగొట్టింది.
  
 ‘‘నువ్వు వాగడమే కానీ, దాన్ని ఏనాడైనా నాలుగు మాటలు మాట్లాడనిచ్చావా? చివరికి తిట్టడానికి కూడా భాష మరిచిపోయింది. ఇప్పటికైనా నోర్మూసుకుని ఉంటే ఉంటావు, లేదంటే పోతావు’’ అని వెళ్లిపోయింది. కాలం ఎవడి అదుపాజ్ఞల్లో ఉండదు. మారుతూ ఉంటుంది. మా ఊళ్లో ఆడవాళ్లు ఇప్పుడు ఎంతలా మారారంటే మగాళ్లకి కూడా దెయ్యం పట్టించేంతగా.
 - జి.ఆర్.మహర్షి


 రేవతి మంచి నటి అని ఇప్పుడు ప్రత్యేకంగా చెప్పనవసరం లేదు. అలాగే ఆమెలో మంచి దర్శకురాలున్నారన్నది నిరూపణ అయ్యింది. హిందీలో ఫిర్ మిలేంగే, ముంబై కటింగ్ చిత్రాలను తెరకెక్కించిన రేవతి తాజాగా మూడవ చిత్రానికి సిద్ధం అయ్యారు. ఇది తన గత చిత్రాలకు పూర్తి భిన్నంగా ఉంటుందని ఆమె అంటున్నారు. తన తాజా చిత్రం గురించి రేవతి తెలుపుతూ దర్శకుడు బాలీవుడ్ దర్శకుడు జోయ్ అక్బర్ తెరకెక్కించిన జిందగి నా మిలేగా దుబారా తరహా చిత్రం చేయాలని భావించానన్నారు.
  
  అందుకే తగిన కథను తయారుచేశానని తెలిపారు. హిందీభాషకే పరిమితం కాకుండా తమి ళం, మలయాళం భాషా ప్రేక్షకులకు నచ్చే విధంగా ఈ స్క్రిప్ట్ ఉంటుందన్నారు. అందుకే చిత్రాన్ని ఈ మూడు భాషలలోను తెరకెక్కించనున్నట్లు వెల్లడించారు. ఈ తర హా చిత్రాన్ని తెరపై ఆవిష్కరించడానికి చాలా ప్రతిభ కావాలన్నారు. దాన్ని తాను పెంపొందించుకున్నానని అనుకుంటున్నట్లు పేర్కొన్నారు. ఇంకా పే రు నిర్ణయించని ఈ చిత్రానికి సంబంధించిన పూర్తి వివరాలను త్వరలోనే వెల్లడించనున్నట్లు రేవతి అన్నారు.
  


 తమిళసినిమా: ప్లీజ్ ఒక్క ఛాన్స్ ఇవ్వరూ....? ఖడ్గం చిత్రంలో సంగీత నటించిన సన్నివేశం గుర్తు కొస్తుందా? నిజ జీవితంలోను   చాలామంది నటీమణులు ఆ స్థాయి నుంచి వచ్చిన వారే. అందుకే జీవితాల్లోంచి పుట్టిందే సినిమా అంటారు. ఇక విషయానికొస్తే సరైన విజయం లేకపోతే ఎలాంటి హీరోయిన్ అయినా అవకాశాలు అడుక్కోవాల్సిందే. ప్రస్తుతం నటి మోనాల్ గజ్జర్ పరిస్థితి అలాంటిదే. ఆమె చిరునామా లేని నటేమి కాదు.
  
  తమిళం, తెలుగు, మలయాళం అంటూ పలు భాషల్లో హీరోయిన్‌గా నటించారు. ఆ మధ్య తెలుగులో అల్లరి నరేష్ సరసన సుడిగాడు వంటి సక్సెస్‌ఫుల్ చిత్రంలోను ఇటీవల తమిళంలో విక్రమ్‌ప్రభుకు జంటగా శిఖరం తొడు వంటి ప్రజాదరణ పొందిన చిత్రంలోనూ నటించారు. అయినా ప్రస్తుతం ఈ అమ్మడికి అవకాశాలు అంతంత మాత్రమే కారణం ఏమైనా మోనాల్ గజ్జర్ ప్రస్తుతం తమిళంలో నిలదొక్కుకోవాలని ఆశిస్తున్నారు. దీంతో మంచి అవకాశాల కోసం ఎదురు చూస్తున్నారు. అలా అవకాశాల వేటలో ప్రముఖ దర్శకుడు ఎ ఆర్ మురుగదాస్ ఆమె దృష్టిలో పడ్డారు.
  
   వెంటనే కోడంబాక్కం వచ్చి ఆయన్ని కలిసి మీ దర్శకత్వంలో నటించాలన్నది నా చిరకాల కోరిక అంటూ ఒక్క చాన్స్ ఇవ్వరూ! అంటూ అడిగేశారు. మీరు అవకాశం ఇస్తేచాలు పారితోషికం కూడా అక్కరలేదు అంటూ బోనస్ మాటలతో ఏఆర్ మురుగదాస్‌ను ఇంప్రెస్ చేసే ప్రయత్నం చేశారని తెలిసింది. అయితే ప్రస్తుతం హిందీ చిత్రంలో బిజీగా ఉన్న ఎ ఆర్ మురుగదాస్ తదుపరి తమిళ చిత్రంలో అవసరమైతే తప్పకుండా అవకాశం కల్పించే విషయం ఆలోచిస్తానని అన్నారట.
  


 వైవిధ్యమైన పాత్రలతో జాతీయ స్థాయిలో గుర్తింపు తెచ్చుకున్న మలయాళ నటుడు మోహన్‌లాల్.  ఆయన తాజాగా మలయాళ, సంస్కృత భాషల్లో ఓ సినిమా అంగీకరించారు. విశేషమేమిటంటే ఇందులో ఆయన ద్విపాత్రాభినయం చేస్తున్నారు.
 
 అదీ పదేళ్ల తర్వాత. ఇందులో మోహన్‌లాల్ భూస్వామిగా, స్వామీజీగా కనిపించనున్నారు.  ఓ ప్రసిద్ధ నవల ఆధారంగా నూతన దర్శకుడు హరిహర్‌దాస్ దర్శకత్వంలో  రూపొందనున్న ఈ సినిమా పేరు ‘కామమోహిత ం’.
  
  
  
  


  ప్రముఖ దర్శక, నటుడు సుందర్ సి మరోసారి కథానాయకుడిగా తెరపైకి రావడానికి సిద్ధం అవుతున్నారు. ఈయన ఇంతకుముందు నగరం మరు పక్కం, ఐందాంపడై తదితర చిత్రాలలో హీరోగా నటించారు. వాటిలో కొన్ని చిత్రాలు ఆశించిన విజయాలు సాధించకపోవడంతో దర్శకత్వంపై దృష్టి సారించారు. కలగలప్పు, తీయవిల్లై సెయ్యనుం కుమార, అరణ్మణై వంటి చిత్ర విజయాలతో దర్శకుడిగా పూర్వ వైభవం పొందారు. అయితే అరణ్మణై చిత్రంలో ప్రధాన పాత్ర పోషించిన సుందర్ సి ఇప్పుడు ఆ చిత్ర విజయంతో మరోసారి హీరోగా నటించడానికి సిద్ధమవుతున్నారు. మలయాళంలో చిన్న చిత్రంగా విడుదలై పెద్ద విజయాన్ని సాధించిన వెల్లిముంగా చిత్రాన్ని తమిళంలో రీమేక్ చేస్తూ హీరోగా నటించడానికి సిద్ధం అవుతున్నారు. ఈ చిత్రాన్ని తన భార్య నటి కుష్భు అల్కి పతాకంపై నిర్మించడానికి సన్నాహాలు చేస్తున్నారు.  
  


 ‘‘ఈ కథ వినగానే, ముందు రెండు భాషల్లో చేద్దామని నిర్మాత అన్నారు. ఆ తర్వాత మూడు భాషల్లో చేస్తే బాగుంటుందన్నారు. చివరికి నాలుగు భాషల్లో చేసేద్దామన్నారు. కథ ఆయనకు అంత బాగా నచ్చింది. ఈ చిత్రం ద్వారా మిగతా మూడు దక్షిణాది భాషలకు పరిచయం కావడం ఆనందంగా ఉంది’’ అని దర్శకుడు చంద్రమహేశ్ అన్నారు. హెచ్.హెచ్. మహాదేవ్, అంజనా మీనన్ జంటగా చంద్రమహేశ్ దర్శకత్వంలో పీవీ శ్రీరామ్ రెడ్డి నిర్మించిన చిత్రం ‘రెడ్ అలర్ట్’. ఈ చిత్రానికి సంబంధించిన ఓ పాటను హైదరాబాద్‌లో చిత్రీకరిస్తున్నారు.
  
  ఈ సందర్భంగా బుధవారం ఏర్పాటు చేసిన పాత్రికేయుల సమావేశంలో నిర్మాత మాట్లాడుతూ -‘‘నాలుగు భాషల్లో ఏకకాలంలో రూపొందించిన చిత్రం ఇది. మొత్తం 5 రాష్ట్రాల్లో షూటింగ్ చేశాం’’ అన్నారు. తెలుగు, తమిళ, కన్నడ, మలయాళ భాషల్లో రూపొందిన చిత్రానికి పాటలు స్వరపరచడం ఆనందంగా ఉందని రవివర్మ తెలిపారు. రచయిత శ్రీరామ్ చౌదరి, హీరో మహదేవ్, ఎడిటర్ గౌతంరాజు తదితరులు మాట్లాడారు. ఈ చిత్రానికి ఎగ్జిక్యూటివ్ నిర్మాత: కె. జైపాల్‌రెడ్డి, సమర్పణ: పి.ఎస్. త్రిలోక్‌రెడ్డి.
  


 యదార్థ సంఘటన ఆధారంగా మలయాళంలో రూపొందిన చిత్రం ‘బలరామ్ వర్సెస్ తారాదాస్’. మలయాళ సూపర్‌స్టార్ మమ్ముట్టి, కత్రినాకైఫ్ జంటగా ఐ.వి.శశి రూపొందించిన ఈ చిత్రాన్ని ‘ది డాన్’ పేరుతో తెలుగులో అనువదించారు నిర్మాత ఎం.వెంకట్రావ్. ఈ నెలలోనే విడుదల కానున్న ఈ చిత్రం గురించి నిర్మాత మాట్లాడుతూ -‘‘మలయాళంలో ఈ చిత్రం రికార్డుల్ని తిరగరాసింది. మలయాళం కంటే తెలుగు నేటివిటీకి దగ్గరగా ఉండే సినిమా ఇది. జెస్సీ గిఫ్ట్ సంగీతం, అనల్ అరసు పోరాటాలు ఈ చిత్రానికి ప్రత్యేక ఆకర్షణ. హాస్యం, రొమాన్స్ కలగలిసిన యాక్షన్ ఎంటర్‌టైనర్‌గా రూపొందిన ఈ చిత్రం అన్ని వర్గాల ప్రేక్షకులనూ ఆకట్టుకుంటుందని మా నమ్మకం’’ అని తెలిపారు. ఈ చిత్రానికి మాటలు: కేఎస్‌వికే కిశోర్, ఎన్వీ స్వామి, కెమెరా: సంజీవ్ శంకర్, కూర్పు: ముత్యాల నాని.
  


 మలయాళంలో నటిస్తున్నట్లు వస్తున్న వార్తల్లో వాస్తవం లేదని హన్సిక స్పష్టం చేశారు. కోలీవుడ్‌లో మోస్ట్ వాంటెడ్ హీరోయిన్ ఎవరంటే ముందుగా వచ్చేది హన్సిక పేరే. వరుస విజయాలతో దూసుకుపోతున్న ఈ బ్యూటీ తాజా చిత్రం అరణ్మణై విజయం ఈ ముద్దు గుమ్మ క్రేజ్‌ను మరింత పెంచింది. ప్రస్తుతం తెలుగులో కూడా విజయం కోసం ప్రయత్నిస్తున్న హన్సికకు బాలీవుడ్, మాలీవుడ్ అవకాశాలు వస్తున్నాయట. బాలీవుడ్‌లో నటించే ఆలోచనలేదని ఇప్పటికే స్పష్టం చేసిన ఈ అమ్మడు మలయాళ చిత్ర రంగప్రవేశం చేశారనే ప్రచారం జోరుగా సాగుతోంది. మలయాళంలో దిలీప్‌కు జంటగా శాంతం శివం అనే చిత్రంలో నటిస్తున్నట్లు జరుగుతున్న ప్రచారాన్ని హన్సిక ఖండించారు.  తాను మలయాళంలో నటిస్తున్నట్లు జరుగుతున్న ప్రచారంలో వాస్తవం లేదన్నారు. ప్రస్తుతం తాను ఆర్య సరసన మిగామన్, విశాల్‌కు జంటగా ఆంబళ, జయం రవితో రోమియో జూలియట్ చిత్రాల్లో నటిస్తున్నట్లు చెప్పారు.  
  


  సీనియర్ నటి, దర్శకురాలు లక్ష్మీ రామకృష్ణన్ హత్యా బెదిరింపులను ఎదుర్కొంటున్నారు. తమిళంలో పిరివోమ్ సందిప్పోమ్, తిరు తిరు తురు తురు, ఈరం, నాడోడిగళ్, బాస్ ఎన్గిర భాస్కరన్ తదితర చిత్రాల్లో ముఖ్య భూమికలను పోషించారు. మలయాళంలోనూ కొన్ని చిత్రాలు చేసిన లక్ష్మీరామకృష్ణన్ ఆరోహణం చిత్రం ద్వారా దర్శకురాలిగా మారారు.
  
  ప్రస్తుతం నెరింగవా ముత్తమిడాదే చిత్రాన్ని తెరకెక్కిస్తున్నారు. అదే విధంగా సొల్వ దెల్లాం ఉన్నై అనే టీవీ ప్రోగ్రామ్‌ను నిర్వహిస్తున్నారు. ఈ కార్యక్రమంలో జీవితంలో వేదనకు గురైన వారిని వేదికపైకి తీసుకొచ్చి వారి సమస్యలను చర్చించడమే ప్రదానాంశం. ఈ కార్యక్రమం వలన నటి లక్ష్మీ రామకృష్ణన్‌కు కొందరు వ్యక్తుల నుంచి హత్యా బెదిరింపులు వస్తున్నట్లు సమాచారం. టీవీ కార్యక్రమంలో లక్ష్మీమీనన్ వివాద స్పద అంశాలను చర్చకు తీసుకొస్తుండటమే ఇందుకు కారణంగా భావిస్తున్నారు. ఈ విషయమై నటి లక్ష్మీ రామకృష్ణన్ భర్త పోలీసు కమిషనర్‌కు ఫిర్యాదు చేసినట్లు తెలిసింది.
  


 చెన్నై: యువ నటి నజ్రియా పెళ్లిపీటలెక్కారు. తమిళంలో నేరం చిత్రం ద్వారా పరిచయం అయిన నటి మలయాళ నటి నజ్రియా నజీమ్. రాజారాణి, నయ్యాండి, తిరుమణం ఎనుమ్ నిఖా తదితర చిత్రాలతో నటిగా మంచి గుర్తింపు పొందిన ఈ కేరళ కుట్టికి మలయాళ యువ నటుడు, దర్శకుడు ఫాజిల్ కొడుకు అయిన పాహత్ ఫాజిల్‌తో వివాహం గురువారం కేరళలో ఘనంగా జరిగింది. అయితే బుధవారం తిరువనంతపురం సమీపంలోని కోవళంలో గల నక్షత్ర హోటల్లో వీరి మెహందీ వేడుక జరిగింది.
  
  ఈ కార్యక్రమంలో బంధువులు, అత్యంత సన్నిహితులు మాత్రమే పాల్గొన్నారు. నటి కావ్యా మాధవన్ మీరానందన్, మమ్ముట్టి కొడుకు దుల్కర్ సల్మాన్ తదితర సినీ సన్నిహితులు పాల్గొన్నారు. గురువారం మధ్యాహ్నం 12.30 గంటలకు తిరువనంతపురంలోని కల్యాణ మండపంలో పాహత్ ఫాజిల్, నజ్రియాల వివాహం ముస్లిం సంప్రదాయ బద్దంగా జరిగింది. ఈ వివాహానికి సన్నిహిత బంధు మిత్రులే పాల్గొన్నారు. దీంతో గట్టి పోలీసు బందోబస్తు ఏర్పాటు చేశారు.


 హర్షాతిరేకంలో మునిగి తేలుతున్నారు నటి అర్చన. నిజం చెప్పాలంటే ఈ తెలుగమ్మాయి సినిమాలు సక్సెస్ కోసం పోరాడుతున్నారు. అర్చనలో అన్ని రకాల పాత్రల్ని అవలీలగా పోషించగల సత్తా ఉంది. దాన్ని ఆమె నిరూపించుకున్నారు కూడా. హీరోయిన్‌గా, విలనీగా, క్యారెక్టర్ ఆర్టిస్ట్‌గా ఇలా పాత్రల్లోకి దూరి నటించడం అర్చనకు కొట్టిన పిండే అని చెప్పాలి. అంతేకాదు తెలుగు, తమిళం, కన్నడం అంటూ దక్షిణాది భాషలన్నింటిలోను నటిస్తూ బహుభాషా నటిగా పేరు తెచ్చుకున్న ఈ ముద్దుగుమ్మ ప్రస్తుతం కన్నడ, తమిళ భాషల్లో నటించిన రెండు చిత్రాలు విడుదల కోసం చాలా ఆతృతగా ఎదురు చూస్తున్నారు.
  
  అర్చన కన్నడంలో సూపర్‌స్టార్ మోహన్‌లాల్ సరసన మైత్రి చిత్రంలో నటించారు. గిరిరాజ్ దర్శకత్వం వహించిన ఈ చిత్రం త్వరలో విడుదలకు సిద్ధం అవుతోంది. ఈ చిత్రం గురించి అర్చన తెలుపుతూ మైత్రి చిత్రంలో మోహన్‌లాల్ భార్యగా నటించానని తెలిపారు. ఈ గృహిణి పాత్రతో మోహన్‌లాల్ సరసన నటించడం చాలా మంచి అనుభవం అని పేర్కొన్నారు. చాలా ఉన్నతమైన వ్యక్తిత్వం గల నటుడు మోహన్‌లాల్ అని చెప్పారు. ఇక తమిళంలో నాడోడి వంశం చిత్రంలో హీరోయిన్‌గా నటిస్తున్నట్లు చెప్పారు. ఇది పూర్తి యాక్షన్ డ్రామా కథా చిత్రం అని తెలిపారు.
  
  తన పాత్ర కూడా చాలా సీరియస్‌గా ఉంటుందన్నారు. అయితే తాను ఎలాంటి పాత్ర పోషించాలని ఆశించానో అలాంటి పాత్రను ఈ చిత్రంలో నటించే అవకాశం వచ్చిందన్నారు. చిత్రంతోపాటు సన్నివేశాల్లో చాలా ఎంజాయ్ చేస్తూ నటించానన్నారు. ఈ చిత్రం కూడా త్వరలో తెరపైకి రానుందని తెలిపారు. ఈ రెండు చిత్రాలు విడుదల కోసం చాలా ఆతృతతో ఎదురు చూస్తున్నట్లు పేర్కొన్నారు. తదుపరి తెలుగులో ఆనందిని అనే చిత్రం చేయనున్నట్లు తెలిపారు. రొమాంటిక్ డ్రామా చిత్రానికి నిర్ణయ దర్శకత్వం వహించనున్నారని అర్చన వెల్లడించారు.         


 తమిళం, తెలుగు, మలయాళం, కన్నడం తదితర నాలుగు భాషల్లో వకుడు పాండియర్‌గళ్ అనే చిత్రం తెరకెక్కుతోంది. సినీ నిలయ క్రియేషన్స్ ఎల్ ఎల్ పి పతాకంపై పి.వి.శ్రీరామ్‌రెడ్డి నిర్మిస్తున్న ఈ చిత్రానికి టాలీవుడ్ దర్శకుడు చంద్రమహేష్ దర్శకత్వం వహిస్తున్నారు. ఈయన తెలుగులో ప్రేయసిరావే వంటి పలు విజయవంతమైన చిత్రాలను తెరకెక్కించారు. ఆంధ్రప్రదేశ్ రాష్ట్ర ప్రభుత్వం అందించే ప్రతిష్టాత్మక నంది అవార్డు గ్రహీత అయిన చంద్రసిద్ధార్థ్ ఈ చిత్రం ద్వారా తమిళం, మలయాళం, కన్నడం భాషల్లో పరిచయమవుతున్నారు. మహదేవ్, కృష్ణ, అమర్, తేజ మొదలగు నలుగురు హీరోలుగా నటిస్తున్న ఈ చిత్రంలో అంజనామీనన్ హీరోయిన్‌గా పరిచయమవుతున్నారు.
 
 పాండియరాజన్, గంజాకరుప్పు, యోగిబాబు, మధుమిత్ర, సుమన్, టెలిఫోన్ రాజ్ తదితరులు ముఖ్యపాత్రలు పోషిస్తున్న ఈ చిత్రంలో సీనియర్ దర్శక, నిర్మాత కె.భాగ్యరాజ్ అతిథి పాత్రలో కనిపించనున్నారు. ఈ చిత్రం ఇటీవల చెన్నైలో ప్రారంభమైంది. చిత్ర వివరాలను దర్శకుడు తెలుపుతూ వినాయక చతుర్ధశి వేడుకలను చెన్నైలో భక్తి శ్రద్ధలతో జరుపుకుంటారని, అదే సమయంలో నలుగురు యువకులు చెన్నై సముద్రతీరం మెరీనాబీచ్‌ను చూడటానికి వస్తారని తెలిపారు.
 
 అలాంటి సమయంలో కొందరు ఉగ్రవాదులు వినాయక చవితి ఉత్సవాల్లో కల్లోలం సృష్టించడానికి ప్రయత్నిస్తారన్నారు. వారి ప్రయత్నం ఫలించిందా? మెరీనా తీర పర్యటనకు వచ్చిన వారేమయ్యారు? వంటి పలు ఆసక్తికర సంఘటనల సమాహారమే వకుడు పాండియర్‌గళ్ చిత్ర ఇతివృత్తంగా తెలిపారు. చిత్ర షూటింగ్‌ను చెన్నై పరిసర ప్రాంతాల్లో నిర్వహించనున్నట్లు దర్శకుడు వెల్లడించారు.


 కోచి: రాష్ట్రపతి భవన్ లో జరిగే ప్రమాణస్వీకార కార్యక్రమానికి నరేంద్రమోడీ ఆహ్వానించడంపై మలయాళ సూపర్ స్టార్ సురేశ్ గోపి ఆనందాన్ని వ్యక్తం చేశారు. నేను సాధించిన అన్ని అవార్డుల్లో కంటే మోడీ ఆహ్వానమే గొప్పదని సురేశ్ గోపి అన్నారు. 
  
 ఫలితాలు రాకముందే తనకు ఆహ్వానం పంపారని సురేశ్ గోపి తెలిపారు. ఎన్నికల్లో గెలుపుపై ఆయనకు ధీమాకు నిదర్శనమని మోడీపై సురేశ్ గోపి ప్రశంసలు కురిపించారు. రాష్ట్రపతి భవన్ జరిగే కార్యక్రమానికి తాను హజరవుతున్నానని సురేశ్ గోపి తెలిపారు. 
  
 ఎన్నికల సమయంలో పోటీ చేయనున్నట్టు సురేశ్ గోపి పేరు వినిపించింది. అయితే ఏ పార్టీ తరపున పోటీ చేయడానికి సురేశ్ గోపికి వీలు కాలేదు. మోడీ కోరుకుంటే కేబినెట్ లో చేరడానికి సిద్దమని సురేశ్ గోపి తెలిపారు. 


  రాజకీయాల కోసం నిద్రాహారాలు మాని కుస్తీ పడుతున్నారు నటి మేగ్నారాజ్. ప్రస్తుతం వేడెక్కుతున్న రాజకీయ వాతావరణంలో నటి మేగ్నారాజ్ రాజకీయ గొడవేమిటని అనుకుంటున్నారా? అయితే ప్రస్తు తం ఈ బ్యూటీ రాజకీయరంగ ప్రవేశం చేయకపోయినా భవిష్యత్తులో అలాంటిది జరిగే అవకాశం ఉందంటున్నారు ఆమె సన్నిహితులు. తమిళంలో ఉయిరే తిరు 420, నందా నందిత, కాదల్ సొల్ల వందేన్ తదితర చిత్రాల్లో హీరోయిన్‌గా నటించిన మేగ్నారాజ్ ప్రస్తుతం మలయాళం, కన్నడం చిత్రాలతో బిజీగా ఉన్నారు. మరో పక్క పొలిటికల్ సైన్స్ డిగ్రీ పొందడం కోసం నిద్రాహారాలు మాని కష్టపడి చదివేస్తున్నారట. త్వరలో పరీక్షలు మొదలు కానుండడంతో రాత్రుల్లో టీని తెగ తాగేస్తూ, చదువుతో కుస్తీ పడుతున్నారట. ఈ విషయంలో ఆమె కు తన స్నేహ బృందం ప్రోత్సాహం మెండుగా ఉందంటున్నారు. ఇంతకీ పొలి టికల్ సైన్స్ డిగ్రీ కోసం ఇంతగా నిద్రాహారాలు మాని పాటుపడటానికి కారణం మేగ్నా భవిష్యత్తులో రాజకీ య తెరంగేట్రం ఆలోచనేనని ఆమె స్నేహ బృందం పేర్కొంటోంది.
  


 నటి కావ్య మాధవన్ రెండో వివాహానికి సిద్ధమవుతున్నారు. కాశి, ఎన్ మన వానిల్, సాధు మిరండా చిత్రాల్లో మలయాళ నటి కావ్య మాధవన్ నటించారు. ప్రముఖ కథానాయకిగా రాణించిన ఈమె ఫిబ్రవరి 5, 2009న కువైట్ బ్యాంక్ అధికారి నిషాల్ చంద్రను వివాహమాడారు. తర్వాత నటనకు స్వస్తి చెప్పిన ఈమె తన భర్తతో విదేశాల్లో సెటిలయ్యారు.
 
 ఇలా ఉండగా వీరి మధ్య అభిప్రాయబేధాలు ఏర్పడ్డాయి. భర్తను విడిచి కేరళకు చేరుకున్న కావ్య, గత ఏడాది చట్ట బద్ధంగా విడాకులు తీసుకున్నారు. ఆ తర్వాత మళ్లీ మలయాళ చిత్రాల్లో నటిస్తూ వచ్చారు. ఈనేపథ్యంలో మలయాళ నటుడు దిలీప్‌ను కావ్య ప్రేమిస్తున్నట్లు ప్రచారం సాగింది. అయితే దీనిని ఆమె ఖండించారు. అయినప్పటికీ తన భర్త దిలీప్‌కు కావ్యకు మధ్య రహస్య సంబంధాలు ఉన్నట్లు తెలుసుకున్న మంజు వారియర్ దిలీప్‌ను విడిచి ఒంటరిగా జీవిస్తూ మళ్లీ నాట్య కార్యక్రమాల్లో పాల్గొంటున్నారు. మలయాళ చిత్రాల్లోనూ నటించడం ఆరంభించారు.
 
 ప్రస్తుతం నటనలో బిజీగా ఉన్న కావ్యను రెండో వివాహం చేసుకోవాలని ఆమె తల్లిదండ్రులు వత్తిడి తెస్తున్నారు. దీంతో కావ్య కేరళలో గల ప్రముఖ జ్యోతిష్యునితో కలిసి తన వివాహం గురించి అడిగినట్లు వచ్చే ఏడాది వివాహం చేసుకుంటే సమస్యలు ఏర్పడవని సదరు జ్యోతిష్యుడు చెప్పినట్లు సమాచారం.
  


  ఢిల్లీ మాజీ ముఖ్యమంత్రి షీలా దీక్షిత్‌పై ప్రముఖ మలయాళ నటి రీమా కళింగళ్ సెటైర్ వేయడం సంచలనం సృష్టిస్తోంది. కేరళ కాంగ్రెస్‌వాదులు ఆమె మీద గుర్రుగా ఉన్నారు. వివరాల్లోకెళితే తమిళంలో ఇవన్ యువతి తదితర చిత్రాల్లో నటించిన కేరళ కుట్టి రీమా కళింగళ్. ఈ బ్యూటీ మలయాళంలో రీతు, హ్యాపీ హజ్‌బెండ్ కమ్మత్ అండ్ కమ్మత్ చిత్రాల్లో నటించి ప్రముఖ హీరోయిన్‌గా వెలుగొందుతున్నారు. అలాంటి ఈ ముద్దుగుమ్మ తాజాగా, ఢిల్లీ మాజీ సీఎం, కేరళ గవర్నర్‌గా బాధ్యతల్ని చేపట్టనున్న షీలాదీక్షిత్‌పై తన ఫేస్‌బుక్‌లో వివాదాస్పద వ్యాఖ్యలు పోస్ట్ చేసి కలకలం పుట్టిస్తున్నారు. ఆ మధ్య ఢిల్లీలో వైద్య విద్యార్థినిపై అత్యాచారం దేశ వ్యాప్తంగా కలకలం సృష్టించింది. 
  
  ఆ సంఘటనపై షీలాదీక్షిత్ మాట్లాడుతూ స్త్రీలు రాత్రి వేళల్లో ఒంటరిగా తిరగకుండా రాత్రి ఏడు గంటల్లోపు ఇల్లు చేరుకోవాలని అన్నారు. షీలాదీక్షిత్ మంగళవారం కేరళ గవర్నర్‌గా బాధ్యతలు చేపట్టనున్నారు. ఇలాంటి పరిస్థితుల్లో నటి రీమా కళింగళ్ తన ఫేస్‌బుక్‌లో షీలా దీక్షిత్ మన రాష్ట్రానికి గవర్నర్‌గా రానున్నారు కాబట్టి ఇకపై కేరళ స్త్రీలందరూ రాత్రి 7 గంటల్లోపే ఇంటికి చేరుకోండి అని పేర్కొన్నారు. ఈ వ్యాఖ్యలు కేరళ రాష్ట్రంలో పెద్ద దుమారాన్నే రేపాయి. నటి రీమా కళింగళ్ షీలా దీక్షిత్‌ను ఎగతాళి చేస్తున్నారంటూ కేరళ కాంగ్రెస్ వాదులు  మండిపడుతున్నారు. అరుునా ఆమె మాత్రం వారి ఆగ్రహాన్ని పట్టించుకో లేదు.
  


 తమిళ సినిమా, న్యూస్‌లైన్: ప్రేమ అంటే ఏహ్యభావం పుడుతుందేమోనన్న భయమేస్తోందని చెబుతోంది నటి నజ్రియా నజీమ్. గ్లామర్ పేరుతో జుగుప్సాకరమైన సన్నివేశాల చిత్రీకరణను ఖండిస్తూ సంచలన హీరోయిన్‌గా పేరు తెచ్చుకున్న ఈ మలయాళి కుట్టికి మంచి అవకాశాలు తలుపులు తడుతున్నాయనే చెప్పాలి. ఎందుకంటే వచ్చే ఏడాది ప్రథమార్థం వరకు ఈ బ్యూటీ కాల్‌షీట్స్ డైరీ ఫుల్ అట. ప్రస్తుతం బాలాజీ మోహన్ దర్శకత్వంలో నటిస్తున్న నజ్రియా కొన్ని ప్రత్యేక విషయాలను వెల్లడించారు. అవేమిటో ఆమె నోటనే విందాం. 
  
 అదృష్టం అంతా ఒకేసారి నన్ను వరించిందని చెప్పాలి. నేను తొమ్మిదో తరగతి వరకు దుబాయ్‌లో చదివాను. దుబాయ్‌లో నాకు ఎల్‌కేజీ నుంచే స్నేహితులున్నారు. ఇప్పుడు వాళ్లందరినీ మిస్ అవ్వడం బాధగా ఉంది. ఆ తరువాత తిరువనంతపురంలో చదివాను. అక్కడి పాఠశాలలో ఎన్నో కట్టుబాట్లు, రెండు జడలు వేసుకోవాలి. యూనిఫామ్ దుస్తులు ధరించా లి వంటి షరతులతో ఏమిటో జీవితం అని ఫీలైన సందర్భం లేకపోలేదు. అలాంటి సమయంలో ఆదిరై, పార్వతి, అనామిక, మీనాక్షి వంటి స్నేహితురాలు లభించడం సంతోషకరమైన విషయం.
  
 అప్పటి నుంచి పాఠశాల జీవితం ఆనందమయమనే చెప్పాలి. యువి అనే నా మ్యూజిక్ ఆల్బమ్ యూ ట్యూబ్‌లో ప్రేక్షకులను అలరించింది. తిరువనంతపురంలోని కళాశాలలో బి.కాం చదవడానికి సిద్ధమయ్యాను. అయితే ఆ కళాశాలలో అడ్మిషన్‌కు మాత్రమే వెళ్లాను. ఆ తరువాత అటువైపు కన్నెత్తి చూడలేదు. ఇప్పటికి ఎవరైనా అధ్యాపకులు తారస పడితే తప్పకుండా కళాశాలకు రమ్మని అంటుంటారు. నటి మీరానందన్, మేగ్నారాజ్ కలిస్తే ఊరు చుట్టేస్తాం. ఎక్కడ మంచి హోటల్ ఉంటే అక్కడ చేరిపోతాం. మేగ్నారాజ్ చికెన్ ఐటెమ్స్ బాగా లాగించేస్తోంది. మీరానందన్ రకరకాల దోసెలు ఆరగిస్తుంది. నాకు మాత్రం ఈ రెండూ ఇష్టమే. 
  
 తమిళ చిత్రాలే ఎక్కువ
 నేను ఎక్కువగా చేస్తున్నది తమిళ చిత్రాలే. నేరం, రాజారాణి, నయ్యాండి చిత్రాలు ఇప్పటికే విడుదలయ్యాయి. తిరుమణం ఎన్నుమ్ నిక్కా చిత్రం త్వరలో విడుదల కానుంది. వచ్చే ఏడాది ఫిబ్రవరి వరకు నా కాల్‌షీట్స్ డైరీ పుల్ అయ్యింది. మరిన్ని నూతన అవకాశాలు వస్తున్నాయి. రాజారాణి చిత్రంలో నేనే డబ్బింగ్ చెప్పుకున్నాను. నటుడు ఆర్య ఎప్పుడే నవ్విస్తుంటారు. ఆర్య నా కిప్పుడు చాలా క్లోజ్ ఫ్రెండ్ అయ్యారు. నేనిప్పుడు సంపాదిస్తున్నానని అనవసరంగా ఏది పడితే అది కొనను. సినిమా రంగానికి రాకముందు నాకవసరం అయిన దాన్ని నాన్నే సమకూర్చేవారు. ఇప్పుడు కూడా ఏమి కావాలన్నా నాన్ననే అడుగుతా. నేను నటినైన తరువాత మంచి హ్యాండ్‌బ్యాగ్స్ ఖరీదైన సెల్‌ఫోన్లు కొనుక్కున్నాను. ఏ చిత్రం చూసినా ప్రేమ పాత్రలే. అయితే కథా కోణం మారుతుంది కాబట్టి అలాంటి పాత్రలు చేయడం నాకు బోర్ అనిపించడం లేదు. అయితే సినిమాల్లో ప్రేమించి, ప్రేమించి నిజ జీవితంలో ప్రేమ మీద ఏహ్యభావం కలుగుతుందేమోనన్న భయం మాత్రం కలుగుతోంది. ఎవరినైనా ప్రేమించాలనే కోరిక కలిగినా సినిమాల్లో అదే కథ చేస్తున్నాం, జీవితంలోనూ అది అవసరమా అనే భావం కలగకూడదుగా అంటోంది సంచలన నటి నజ్రియా.
  


 2003 డిసెంబర్ 25న కేరళలో ‘మనస్సినకరే’ అనే మలయాళ సినిమా విడుదలైంది. అందులో గౌరి అనే పాత్ర చేసింది ఓ అమ్మాయి. తొలి సినిమాకే ప్రశంసలు. ఉత్తమ నూతననటిగా ఏషియానెట్ టీవీ అవార్డు కూడా అందుకుంది ఆ అమ్మాయి. బహుశా... ఆమె అప్పుడనుకుని ఉండదు...  కథానాయికగా ఏళ్ల తరబడి కొనసాగుతానని, సూపర్‌స్టార్లతో జతకడతానని, వివాదాలకు కేంద్రబిందువునవుతానని. ఆమె ఎవరో ఈ పాటికే మీకు అర్థమై ఉండాలి. తనే... నయనతార. నేడు ఈ మలయాళ మందారం పుట్టిన రోజు. 29వ సంవత్సరంలో అడుగుపెడుతోన్న నయనతార జీవితం నిజంగా చీకటి వెలుగుల సమ్మిళితం.
  
  వ్యక్తిగత జీవితమే ఆమె కెరీర్‌కి ప్రతిబంధకంగా మారుతూ వచ్చిందని చెప్పాలి. పాత్రలకు అనుగుణంగా తన బాడీలాంగ్వేజ్‌ని ఎప్పటికప్పుడు మార్చుకోవడం నయనతార ప్రత్యేకత. ‘చంద్రముఖి’ సినిమాలో చాలా బబ్లీగా కనిపించిన నయన... కొన్నాళ్ల తర్వాత విశాల్‌తో నటించిన ‘శాల్యూట్’ సినిమా కోసం జీరో సైజ్‌కి వెళ్లారు. దక్షిణాది కథానాయికల్లో జీరో సైజ్‌లో కనిపించిన తార నయనతార మాత్రమే. గ్లామర్ పాత్రలే అధికంగా చేసిన నయన ‘శ్రీరామరాజ్యం’లో సీతగా రాణించి అందర్నీ ఆశ్చర్యపరిచారు. నటుడు శింబుతో చనువుగా ఉండే ఫొటోలు ఇంటర్‌నెట్‌లో హల్‌చల్ చేయడం, ప్రభుదేవాతో ప్రేమ వ్యవహారం పెళ్లి దాకా వెళ్లి పెటాకులవ్వడం ఇవన్నీ ఆమె జీవితంలో చేదు అనుభవాలు.
  
   ‘ఆర్యతో పెళ్లి’ అంటూ తమిళనాట మొన్నటివరకూ హల్‌చల్ చేసిన ఓ రూమర్ మళ్లీ నయనకు ఊపిరి తీసుకోకుండా చేసింది. అయినా... ఎప్పటికప్పుడు ఎగసిపడే కెరటంలా తారాలోకంలో దూసుకుపోతూనే ఉన్నారు నయనతార. ఇన్ని ఎత్తుపల్లాలనూ అధిగమించి ధైర్యంగా ఆమె ముందుకు సాగగలుగుతున్నారంటే.. అందుకు కారణం ఆమెలోని ప్రతిభే. అటు అగ్ర హీరోలతో, ఇటు కుర్రహీరోలతో సమాంతరంగా జతకడుతూ క్షణం ఖాళీ లేకుండా ముందుకు సాగిపోతున్నారు నయన. ప్రస్తుతం తెలుగులో శేఖర్‌కమ్ముల ‘అనామిక’ సినిమా, బి.గోపాల్-గోపీచంద్ సినిమా చేస్తూ బిజీగా ఉన్న నయన... తమిళంలో ఉదయనిధి స్టాలిన్‌తో ఓ చిత్రంలో నటిస్తున్నారు.
  


 బాలతారగా పరిచయమైన మలయాళి కుట్టి శరణ్యా మోహన్‌. సినిమా చెల్లెమ్మగా గుర్తింపు పొందింది. ప్రస్తుతం తమిళం, మలయాళం, తెలుగు, కన్నడ భాషలలో కథానాయకిగా నటిస్తోంది. అయితే చెల్లెమ్మ పాత్రల ముద్ర ఈ బ్యూటీని వెంటాడుతోంది. తన కొత్త సినిమాల విడుదల అనంతరం ఎవరూ చెల్లెమ్మా అనరంటోన్న శరణ్యామోహన్‌తో చిన్న భేటీ..
 
 ప్రశ్న : సినిమా చెల్లెమ్మ ముద్ర నుంచి ఎలా బయటపడాలనుకుంటున్నారు?
 జవాబు : నిజం చెప్పాలంటే ఈ ఇమేజ్‌ రాత్రికిరాత్రి వచ్చింది కాదు. ఇందుకు చాలా కఠినంగా శ్రమించాను. బాల నటిగా ఉన్నప్పుడు చెల్లెలిగా అంగీకరించిన వారు ఇప్పుడు హీరోయిన్‌గానూ తప్పక ఆదరిస్తారు. ఒక్క అమ్మాయి అందరికీ చెల్లెలుగా ఉండగలదు. చెల్లెలు ప్రేమించ… కూడదా? డ్యూయెట్లు పాడరాదా? అన్నయ్యలను అభిమానించనీయండి ఇతరులు ప్రేమిస్తారు.
 
  ప్రశ్న : ప్రస్తుతం చేస్తున్న చిత్రాలేమిటి?
 జవాబు : ప్రస్తుతం పూర్తిగా హీరోయిన్‌గానే నటిస్తున్నాను. తమిళంలో కాదలై తవిర వేరొండ్రుమిలై్ల. కోలాహలం చిత్రంలో ఎప్పుడూ గలగలా మాట్లాడుతూ చలాకీగా ఉండే అమ్మాయిగా నటిస్తున్నాను. ‘సుయం’ చిత్రంలో గ్రామీణ యువతి పాత్ర. ఈ చిత్రాల విడుదల తర్వాత నన్ను ఎవరూ చెల్లెమ్మా అనరు.
 
 ప్రశ్న : టాప్‌ హీరోలందరికీ చెల్లెలిగా నటించారు. ఇప్పుడు వారితో ఎలా జతకడతారు?
 జవాబు : బాలతారగా రజనీకాంత్‌తో కలసి నటించిన మీనా తర్వాత ఆయనతో జోడీ కట్టలేదా? సినిమాలో ఏదైనా సాధ్యమే. అలాగే నా విషయంలోనూ జరుగుతుంది.
 
  ప్రశ్న : మీకంటే వెనుక వచ్చిన నజ్రియా, అమలాపాల్‌, లకీష్మమీనన్‌ లాంటి వారు దూసుకుపోతుండడం ఈర్ష్య కలిగించలేదా?
 జవాబు : ఎందుకు ఈర్ష్యపడాలి. నాకంటే అందమైన అమ్మాయిలు సినిమాల్లోకి రాలేకపోతున్నవాళ్లు చాలా మంది ఉన్నారు. గురువాయురప్పన్‌ ఎవరికి ఎలా రాసి పెట్టి ఉన్నారో అలానే జరుగుతుంది.
 
 ప్రశ్న : ఇప్పటి వరకు మీపై ఒక్క వదంతీ రాలేదే?
 జవాబు : అందుకు మీడియా వాళ్లకు థ్యాంక్స్. సినిమా నేపథ్యం గురించి నాకు బాగా తెలుసు. బాలతారగా ఉన్నప్పటి నుంచే చూస్తున్నాను. ఎవరితో ఎంత వరకు సన్నిహితంగా ఉండాలో ఎవరినీ ఎంత దూరంలో ఉంచాలో తెలుసు.
 
  ప్రశ్న : అయితే ప్రేమ వ్యవహారం లేనట్లేనా?
 జవాబు : కొందరి పట్ల నేను ఆకర్షితురాలినయ్యాను. అయితే అది ప్రేమకు దారి తీస్తుందా? అనేది తెలియదు. అదే విధంగా వారెవరూ సినిమాకు చెందిన వాళ్లు కాదు.