చండీగఢ్‌: పంజాబ్‌లోని ఖానౌరీ బోర్డర్‌లో ఆమరణ నిరాహార దీక్ష చేస్తున్న రైతు నేత జగ్జీత్ సింగ్ దల్లెవాల్ ఆరోగ్యం క్షీణించింది. మరోవైపు కేంద్రం పంజాబ్‌ రైతుల డిమాండ్లపై చర్చించేందుకు ముందుకు వచ్చింది. ఈ నేపధ్యంలో జగ్జీత్ సింగ్ దల్లెవాల్ వైద్య సహాయం తీసుకునేందుకు అంగీకరించారు. అయితే తాను ఆమరణ నిరాహార దీక్ష విరమించబోనని ప్రకటించారు. ఈ విషయాన్ని రైతు నేత సుఖ్జీత్ సింగ్ హర్డోజండే మీడియాకు తెలిపారు. ఆయన మాట్లాడుతూ నవంబర్ 26 నుండి నిరవధిక నిరాహార దీక్ష చేపట్టిన దల్లెవాల్ ఆరోగ్యం క్షీణించిన నేపధ్యంలో ఆయన వైద్య సహాయం తీసుకునేందుకు అంగీకరించారని తెలిపారు.రైతు నేత దల్లెవాల్ ఆమరణ నిరాహార దీక్ష(Hunger strike) 54వ రోజుకు చేరుకుందని, రైతులకు పంటలకు కనీస మద్దతు ధర (ఎంఎస్‌పీ)పై చట్టపరమైన హామీ లభించేంత వరకు జగ్జీత్ సింగ్ నిరవధిక నిరాహార దీక్షను విరమించబోనని స్పష్టం చేశారన్నారు. ఉపవాస దీక్ష సమయంలో అతని ఆరోగ్యం క్షీణించిందని, దాదాపు 20 కిలోగ్రాముల బరువు తగ్గారని, ఈ నేపధ్యంలో వైద్య సహాయాన్ని తీసుకునేందుకు ముందుకు వచ్చారని జండే తెలియజేశారు.మరోవైపు జగ్జీత్ సింగ్ దల్లెవాల్ పరిస్థితి విషమంగా ఉందని వైద్యులు ప్రకటించారు. అయితే తొలుత ఆయన వైద్య సహాయం తీసుకునేందుకు నిరాకరించారు. తాజాగా జాయింట్ సెక్రటరీ ప్రియా రంజన్(Joint Secretary Priya Ranjan) నేతృత్వంలోని కేంద్ర వ్యవసాయ మంత్రిత్వ శాఖ అధికారుల ప్రతినిధి బృందం దల్లెవాల్‌ను కలుసుకుని, యునైటెడ్ కిసాన్ మోర్చా, కిసాన్ మజ్దూర్ మోర్చా ప్రతినిధులతో సమావేశం నిర్వహించింది. ఇదే సమయంలో ఖనౌరి సరిహద్దు వద్ద మరో 10 మంది రైతులు ఆమరణ నిరాహార దీక్షకు కూర్చున్నారు. దీంతో మొత్తం నిరాహార దీక్ష చేస్తున్న రైతుల సంఖ్య 121కి చేరింది.ఫిబ్రవరి 14న చండీగఢ్‌(Chandigarh)లో పంజాబ్ రైతుల సమావేశమయ్యేందుకు కేంద్ర ప్రభుత్వం పిలుపునివ్వడంతో దల్లెవాల్ వైద్య సహాయం తీసుకునేందుకు అంగీకరించారు. పంటలకు కనీస మద్దతు ధర కల్పించడంపై చట్టపరమైన హామీని డిమాండ్ చేస్తున్న ఆందోళనకారులతో కేంద్రం తిరిగి చర్చలు జరపనుంది. దీంతో ఈ పంజాబ్‌ రైతుల సమస్యలపై ప్రతిష్టంభన తొలగిపోనున్నదని రైతులు భావిస్తున్నారు. ఇది కూడా చదవండి: Jammu and Kashmir: వణికిస్తున్న అంతుచిక్కని వ్యాధి.. 15 మంది మృతి

సాక్షి, అమరావతి: రాష్ట్ర విభజన తర్వాత వైద్య సదుపాయాలు మృగ్యమైన ఆంధ్రప్రదేశ్‌లో అధికారం చేపట్టిన తెలుగుదేశం పార్టీ వైద్యారోగ్యశాఖను నిర్విర్యం చేసింది. పేదల ఆరోగ్యాన్ని ఫణంగా పెట్టి నారావారి నైవైద్యంగా మలచుకుంది. ప్రభుత్వాస్పత్రులను నరకానికి నకళ్లుగా మార్చింది. వైద్య పరీక్షల పేరిట ప్రైవేటు సంస్థలకు పందేరం చేసింది. ఈఎస్‌ఐ మందుల కుంభకోణానికి పాల్పడింది.   ఎన్నికల మేనిఫెస్టోలో వైద్య ఆరోగ్య విధానం పేరిట చంద్రబాబు మొత్తం 14 హామీలు ఇచ్చి ఏ ఒక్కటీ నెరవేర్చలేదు. జిల్లాకు ఒక నిమ్స్‌ ఆస్పత్రి నిర్మాణాన్ని గాలికి వదిలేసింది. ఏకంగా ప్రభుత్వాస్పత్రిలో నెలలు నిండని శిశువును ఎలుకలు కొరికిన వైనం రాష్ట్ర వైద్యారోగ్యశాఖకు తీరని మచ్చగా మిగిలింది.     2014–19 మధ్య ప్రభుత్వాస్పత్రులంటేనే ప్రజలు బెంబేలెత్తిపోయారు. ప్రస్తుతం వైఎస్‌ జగన్‌మోహన్‌రెడ్డి హయాంలో వైద్యారోగ్యశాఖ స్వర్ణయుగాన్ని చూస్తోంది. ప్రభుత్వ ఆస్పత్రుల్లో నాడు–నేడు ద్వారా సకల వసతులూ సమకూరాయి. అర్బన్, విలేజ్‌ హెల్త్‌క్లినిక్‌లు బలోపేతమయ్యాయి. ఫ్యామిలీ డాక్టర్‌ విధానంతో ఇంటింటికీ వైద్యసేవలు అందుతున్నాయి. ఆరోగ్యసురక్ష ద్వారా ప్రత్యేక శిబిరాలు నిర్వహించి ఆరోగ్యాంధ్రను సర్కారు ఆవిష్కరించింది. కరోనా సంక్షోభాన్ని దీటుగా ఎదుర్కొంది. ప్రభుత్వాస్పత్రుల్లో ప్రత్యేకంగా ఆక్సిజన్‌ ప్లాంట్లు నెలకొ ల్పింది. వైద్యారోగ్యశాఖలో నెలకొన్న  నాటి.. నేటి పరిస్థితులను ఓసారి పరిశీలిస్తే..   చంద్రబాబు హయాంలో..  ఆరోగ్యశ్రీకి పేరుమార్చి తూట్లు   నిరుపేద ప్రజలకు ప్రైవేట్, కార్పొరేట్‌ ఆస్పత్రుల్లో ఉచితంగా మెరుగైన వైద్య సేవలందించాలనే సదుద్దేశంతో మహానేత వైఎస్‌ రాజశేఖరరెడ్డి ప్రవేశపెట్టిన ఆరోగ్యశ్రీ పథకానికి చంద్రబాబు నాయుడు ప్రభుత్వం తూట్లు  పొడిచింది. ‘‘ఆరోగ్యశ్రీలో కొత్త వ్యాధులను చేర్చి ప్రైవేట్‌ ఆస్పత్రుల్లో ఉచిత పరీక్షలు, చికిత్సలు ఆపరేషన్‌ల సౌకర్యం కల్పిస్తాం.’ అని మేనిఫెస్టోలో ప్రకటించిన బాబు కల్ల»ొల్లి మాటలతో ప్రజలను వంచించారు. 2007లో వైఎస్సార్‌ హయాంలో 942  వ్యాధులను ఆరోగ్యశ్రీ పరిధిలోకి తెచ్చి ప్రారంభిస్తే చంద్రబాబు ప్రభుత్వం రోగాల సంఖ్యను ఎన్టీఆర్‌ వైద్యసేవగా పేరు మార్చి 1,059కి అంటే కేవలం 117 వ్యాధులను మాత్రమే పెంచింది. అయినా వాటికి ప్రైవేటు, కార్పొరేట్‌ ఆస్పత్రుల్లో చికిత్స సరిగా అందని దుస్థితి ఉండేది.   108 ఊపిరి తీశారు  108, 104 సేవలను బలోపేతం చేస్తామని ఇచ్చిన హామీని బాబు పట్టించుకోలేదు. సంచార వైద్యవాహనాల నిర్వహణను గాలికి వదిలేశారు. ఒక్క కొత్త వాహనమూ కొనుగోలు చేయలేదు. ఫలితంగా అత్యవసర సమయంలో వైద్యం అందక ఎన్నో ప్రాణాలు గాలిలో కలిసిపోయాయి. రాష్ట్రవ్యాప్తంగా 679 మండలాలు ఉంటే కేవలం 336 అంబులెన్సులు (108) మాత్రమే ఉండేవి. అంటే మండలానికి ఒక్క సంచార వాహనం కూడా లేని దుస్థితి ఉండేది.  కేవలం 292 ‘104’ మొబైల్‌ మెడికల్‌ యూనిట్‌ (ఎంఎంయూ) వాహనాలు ఉండేవి.  తూతూ మంత్రంగా పోస్టుల భర్తీ  వైద్య శాఖలో ఉన్న ఖాళీలన్నింటినీ భర్తీ చేస్తామని 2014 మేనిఫెస్టోలో ప్రకటించిన టీడీపీ 2014–19 మధ్య పట్టుమని 10 వేల పోస్టులు కూడా భర్తీ చేసిన పాపాన పోలేదు. ఆ ఐదేళ్లలో వైద్య శాఖలో కేవలం 4,469 పోస్టులు భర్తీ చేశారు. ఆస్పత్రుల్లో పెరిగిన జనాభా అవసరాలకు తగ్గట్టుగా వైద్యులు, సిబ్బంది లేరని సూపరింటెండెంట్‌లు, విభాగాధిపతులు ప్రభుత్వానికి ఎన్ని లేఖలు రాసినా అవి బుట్టదాఖలే అయ్యాయి. ప్రాథమిక ఆరోగ్య కేంద్రాల్లో ఒక్క మెడికల్‌ ఆఫీసర్‌ మాత్రమే అందుబాటులో ఉండేవారు. దీంతో ఆ ఒక్క డాక్టర్‌ సెలవుపై వెళితే అక్కడ రోగుల పరిస్థితి అగమ్యగోచరంగా ఉండేది. మందులు కావాలంటే బయట కొనుగోలు చేయాల్సిన పరిస్థితి ఉండేది.  నిమ్స్‌ స్థాయి ఆస్పత్రుల ఊసే లేదు  అన్ని జిల్లా కేంద్రాల్లో ఒక సూపర్‌ స్పెషాలిటీ హాస్పిటల్‌ (నిమ్స్‌ స్థాయి) నిర్మిస్తామని హామీ ఇచ్చిన బాబు గద్దెనెక్కాక ఆ ఊసే ఎత్తలేదు. 2014లో కేంద్రంలో అధికారంలో ఉన్న బీజేపీతో పొత్తులో ఉండి రాష్ట్రంలో కొత్త ప్రభుత్వ వైద్య కళాశాలల ఏర్పాటుకు  ఎటువంటి చొరవా చూపలేదు.  ప్రైవేట్‌ ఆస్పత్రులను ప్రోత్సహించి తన అనుయాయుల జేబులు నింపడానికి బాబు పెద్ద పీట వేశారు. దీంతో వైద్య విద్యను అభ్యసించాలన్న నిరుపేద, మధ్యతరగతి కుటుంబాల విద్యార్థుల కలలు కల్లలుగానే మిగిలిపోయాయి.    వైఎస్‌ జగన్‌ పాలనలో..  ఆరోగ్యశ్రీకి పునరుజ్జీవం   టీడీపీ ప్రభుత్వంలో పూర్తిగా కునారిల్లిన ఆరోగ్యశ్రీ పథకానికి 2019లో అధికారం చేపట్టిన వైఎస్సార్‌సీపీ ప్రభుత్వం పునరుజ్జీవం పోసింది. కేవలం 1,059గా ఉన్న రోగాల సంఖ్యను 3,257కు పెంచింది. రూ.5 లక్షలలోపు వార్షికాదాయం ఉన్న కుటుంబాలన్నింటినీ వైఎస్సార్‌ ఆరోగ్యశ్రీ పథకం పరిధిలోకి తెచ్చింది. చికిత్స వ్యయం పరిమితిని రూ.25 లక్షలకు పెంచింది. పేద, మధ్య తరగతి ప్రజల ఆరోగ్యానికి పూర్తి భరోసా క ల్పించింది. నెట్‌వర్క్‌ ఆస్పత్రులను విస్తృతంగా పెంచింది. అన్ని ఆస్పత్రుల్లో చేరిన వెంటనే వైద్యసేవలు అందేలా చర్యలు చేపట్టింది. ప్రత్యేక కౌంటర్లు ఏర్పాటు చేసి ఆరోగ్యశ్రీ ట్రస్టు కేర్‌ తరఫున ఉద్యోగులను నియమించింది.  53 వేలకుపైగా పోస్టుల భర్తీ   వైఎస్సార్‌ సీపీ అధికారంలోకి వచ్చాక  వైద్య శాఖలో 53 వేలకు పైగా పోస్టుల భర్తీ చేసింది.  రూ.16,852 కోట్లతో నాడు–నేడు కార్యక్రమం ద్వారా ప్రభుత్వ వైద్య రంగాన్ని బలోపేతం చేసింది. గిరిజన ప్రాంతాల్లో ఐదు మల్టీ సూపర్‌ స్పెషాలిటీ ఆస్పత్రుల ఏర్పాటుకు చర్యలు చేపట్టింది. కాంప్రహెన్సివ్‌ క్యాన్సర్‌ కేర్‌ విధానం అమలుకు శ్రీకారం చుట్టింది.  గ్రామాల్లో 10,032 వైఎస్సార్‌ విలేజ్‌ క్లినిక్‌లు ఏర్పాటు చేసింది.  12 రకాల వైద్యసేవలు, 14 రకాల పరీక్షలు అందుబాటులోకి తెచ్చింది.  దేశంలోనే తొలిసారిగా ఫ్యామిలీ డాక్టర్‌ కాన్సెప్ట్‌ అమలు చేసింది. నెలకు రెండుసార్లు గ్రామాలకు  వైద్యులు వెళ్లేలా చర్యలు చేపట్టింది. ప్రభుత్వాస్పత్రుల్లో జీఎంపీ, డబ్ల్యూహెచ్‌వో ప్రమాణాలు కలిగిన 105 రకాల మందులు ఉచితంగా అందిస్తోంది.   సంచార వైద్యానికి ప్రాధాన్యం   2019లో వైఎస్సార్‌ సీపీ అధికారంలోకి రాగానే సంచార వైద్యానికి అధిక ప్రాధాన్యమిచ్చింది. ప్రతి పల్లెకు వైద్య వాహనాలు వెళ్లేలా చర్యలు చేపట్టింది.  679 మండలాలు ఉంటే 689 వాహనాలు(108) సమకూర్చింది. ఫ్యామిలీ డాక్టర్‌ విధానం ప్రవేశపెట్టి   మొత్తం 910 ( 104) కొత్త వాహనాలు కొనుగోలు చేసింది.   2020 జూలై 1న 412 కొత్త అంబులెన్సులను సీఎం వైఎస్‌ జగన్‌  ప్రారంభించారు. గిరిజన ప్రాంతాల కోసమే ప్రత్యేకంగా రూ.4.76 కోట్లతో 20 కొత్త అంబులెన్స్‌లు కొన్నారు.   అంబులెన్స్‌ల కొనుగోలుకు రూ.136.05 కోట్లు, వీటి నిర్వహణ  ఏటా రూ.188 కోట్ల  ఖర్చుచేస్తున్నారు.    జిల్లాకు ఓ వైద్య కళాశాల   వైఎస్సార్‌ సీపీ ప్రభుత్వం అధికారంలోకి వచ్చాక జిల్లాకు ఓ వైద్యకళాశాల నిర్మాణానికి చర్యలు చేపట్టింది. ఒకేసారి ఏకంగా 17 కళాశాలల నిర్మాణాన్ని ప్రారంభించింది. మచిలీపట్నం, ఏలూరు తదితర చోట్ల ఐదు నిర్మాణాలు పూర్తి చేసి ఈ విద్యాసంవత్సరం నుంచి తరగతులూ ప్రారంభించింది. మరో ఐదు వచ్చే విద్యా సంవత్సరంలో ప్రారంభించడానికి వేగంగా అడుగులు వేస్తోంది.  మిగిలిన ఏడు 2025–26లో ప్రారంభించేలా ప్రణాళికలు రచిస్తోంది.   ఫ్యామిలీ డాక్టర్‌ విధానం, విలేజ్‌ హెల్త్‌ క్లినిక్‌ల బలోపేతం, ఆరోగ్య సురక్ష ద్వారా ప్రత్యేక శిబిరాలు నిర్వహించి ఆరోగ్యాంధ్ర దిశగా అడుగులు వేస్తోంది.  

ఒక ఇంటి ఆరోగ్యం వల్ల సమాజమే ఆరోగ్యవంతమవుతుంది. సమాజం బాగుంటే రాష్ట్రం సౌభాగ్యవంతమవుతుంది. మనిషి ఆరోగ్యంగా ఉంటే ఆలోచనలూ ఆరోగ్యవంతంగా ఉంటాయి. ఈ బృహత్తర ఆలోచనే సీఎం జగన్‌ను వైద్య రంగాన్ని అత్యద్భుతంగా తీర్చిదిద్దేలా చేయించింది. పేదలు వైద్యం కోసం అప్పులపాలు కాకూడదన్న లక్ష్యంతో వైద్య రంగంలో సరికొత్త విప్లవానికి బాటలు వేశారు. కార్పొరేట్‌ స్థాయి వైద్య సౌకర్యాలను రూపాయి ఖర్చు లేకుండా ప్రజలకు అందిస్తున్నారు. రాష్ట్రంలో 10,032 డాక్టర్‌ వైఎస్సార్‌ విలేజ్‌ హెల్త్‌ క్లినిక్స్‌ గ్రామీణ ఆరోగ్య సౌభాగ్యాన్ని ప్రసాదిస్తున్నాయి. ఇదే బాటలో పట్టణ ప్రాంతాల్లో అర్బన్‌ హెల్త్‌ క్లినిక్స్‌ చాలినన్ని మందులు, వైద్య పరీక్షలు, సరిపడా వైద్య సిబ్బందితో ఆత్మీయంగా వైద్య సేవలు అందిస్తున్నాయి. ఇవన్నీ ఒకెత్తయితే.. ఆరోగ్యశ్రీ ద్వారా రూ.25 లక్షల వరకు వైద్య సేవలను ఉచితంగా పొందే అద్భుత వరాన్ని సీఎం జగన్‌ మాత్రమే అందిస్తున్నారు. అందుకే ఇది పేదల పక్షపాత ప్రభుత్వం.    సాక్షి, అమరావతి: దేశ వ్యాప్తంగా రోజు రోజుకూ వైద్య ఖర్చులు పెరుగుతున్నాయి. దేశంలో సగటున కార్పొరేట్, ప్రైవేట్‌ ఆస్పత్రుల్లో సగటున బెడ్‌ చార్జీ రూ.50 వేల పైమాటే. అంత సొమ్ము వెచ్చించి పేదలు, దిగువ మధ్యతరగతి ప్రజలు వైద్యం పొందాలంటే సాధ్యమయ్యే పనేనా? కానీ ఆంధ్రప్రదేశ్‌లో మాత్రం ఏకంగా రూ.25 లక్షల వరకు ప్రభుత్వం వైద్య ఖర్చు భరిస్తోంది. దేశంలో సగటున బెడ్‌ ఛార్జ్‌ రూ.50 వేలు అవుతుందనే అంశాన్ని ఇటీవల ఇన్వెస్ట్‌మెంట్‌ ఇన్ఫర్మేషన్, క్రెడిట్‌ ర్యాకింగ్‌ ఏజెన్సీ (ఐసీఆర్‌ఏ) ఓ అధ్యయనంలో వెల్లడించింది. తొమ్మిది ప్రముఖ చైన్‌ ఆస్పత్రుల్లో రెవెన్యూపై ఐసీఆర్‌ఏ అధ్యయనం చేపట్టింది. ఈ క్రమంలో నిరుపేద, మధ్యతరగతి కుటుంబాల ప్రజలు జబ్బు చేసి ప్రైవేట్‌ ఆస్పత్రుల్లో చికిత్సలు చేయించుకోవాలంటే అప్పులపాలవ్వక తప్పదు. అప్పులు పుట్టని పరిస్థితుల్లో దేవుడిపై భారం వేసి కాలం వెళ్లదీయాల్సిన దుస్థితి నెలకొంటోంది. ఏపీలో పేద, మధ్య తరగతి కుటుంబాలను సీఎం జగన్‌ ప్రభుత్వం కొండంత అండగా ఉంటోంది. ఈ వర్గాలు వైద్య పరంగా ఏ ఇబ్బంది ఎదుర్కోకుండా వారి ఆరోగ్యాలకు భరోసాగా ఉంటోంది. దురదృష్టవశాత్తు ఏదైనా జబ్బు చేసినా ఇటు ప్రభుత్వాస్పత్రుల్లో, అటు ప్రైవేట్‌లో పూర్తి ఉచితంగా వైద్య సేవలు అందించి బడుగు బలహీనవర్గాలు ఆర్థికంగా చిన్నాభిన్నం కాకుండా కాపాడుతోంది.    టెరిషరీ కేర్‌ అభివృద్ధితో రెట్టింపు భరోసా   ఓ వైపు ఆరోగ్యశ్రీ ద్వారా పూర్తి ఉచితంగా వైద్య భరోసా కల్పిస్తూనే.. మరోవైపు ప్రభుత్వ వైద్య రంగంలో వైద్య సదుపాయాలను బలోపేతం చేసే కార్యక్రమాన్నీ సీఎం జగన్‌ చేపట్టారు. వైద్య రంగంలో కీలకమైన టెరిషరీ కేర్‌పై ప్రత్యేక దృష్టి పెట్టారు. టెరిషరీ కేర్‌లో పేదలకు ఆధారమైన పెద్దాస్పత్రుల్లో మానవ వనరులను పూర్తి స్థాయిలో సమకూర్చడంతో పాటు, అధునాతన వైద్య పరికరాలను అందుబాటులోకి తెచ్చారు.  రాష్ట్రంలోని 26 జిల్లాలకు ప్రభుత్వ రంగంలో సూపర్‌ స్పెషాలిటీ వైద్య సేవలను చేరువ చేస్తూ రూ.8 వేల కోట్లకు పైగా నిధులతో 17 కొత్త వైద్య కళాశాలల ఏర్పాటుకు శ్రీకారం చుట్టారు. వీటిలో 5 కాలేజీలు ఇప్పటికే ప్రారంభమయ్యాయి. కొత్త వైద్య కళాశాలల ఏర్పాటు నేపథ్యంలో అప్పటి వరకూ జిల్లా, ఏరియా ఆస్పత్రులు ఉన్న చోట నిపుణులైన వైద్యులతో బోధనాస్పత్రులు అందుబాటులోకి వస్తున్నాయి. ఒక్కో బోధనాస్పత్రిలో 600 వరకూ పడకలు అందుబాటులోకి రానున్నాయి. ఇప్పటికే 10 చోట్ల కొత్తగా బోధనాస్పత్రులు కార్యకలాపాలు కొనసాగుతున్నాయి. మిగిలిన ఏడు చోట్ల వచ్చే ఏడాది బోధనాస్పత్రులు అందుబాటులోకి రానున్నాయి. కిడ్నీ, గుండె, క్యాన్సర్‌ సహా ఇతర సూపర్‌ స్పెషాలిటీ వైద్య సేవలు పేదలకు చేరువ అవుతున్నాయి.  95 శాతం కుటుంబాలకు ఆరోగ్యశ్రీ ‘రక్ష’  దేశంలో ఏ రాష్ట్రంలో లేనట్టుగా ఏపీలో ఏకంగా 95 శాతం కుటుంబాలకు సీఎం జగన్‌ ప్రభుత్వం వైఎస్సార్‌ ఆరోగ్యశ్రీ పథకాన్ని వర్తింపజేస్తోంది. వైఎస్సార్‌సీపీ ప్రభుత్వం అధికారంలోకి వచ్చాక రూ.5 లక్షల లోపు వార్షికాదాయం ఉన్న కుటుంబాలన్నింటినీ పథకం పరిధిలోకి తెచ్చారు. రాష్ట్రంలోని నిరుపేద, మధ్యతరగతి కుటుంబాలన్నింటికి పథకం రక్షణగా నిలుస్తోంది. ఏకంగా రూ.25 లక్షల వరకూ విలువైన వైద్య సేవలను పూర్తి ఉచితంగా ప్రభుత్వం లబ్ధిదారులకు అందిస్తోంది. రాష్ట్రంతో పాటు, హైదరాబాద్, బెంగళూరు, చెన్నై వంటి నగరాల్లోని 2,331 నెట్‌వర్క్‌ ఆస్పత్రుల్లో 3,257 ప్రొసీజర్‌లలో లబ్దిదారులకు ఉచిత వైద్య సేవలు అందుతున్నాయి. అన్ని రకాల క్యాన్సర్‌లతో పాటు, గుండె మార్పిడి, కార్డియాలజీ, న్యూరో సంబంధిత ఖరీదైన చికిత్సలన్ని పథకం పరిధిలో ఉంటున్నాయి. 2019 నుంచి ఇప్పటి వరకూ 44,78,319 మందికి ఏకంగా రూ.13 వేల కోట్ల విలువైన వైద్యాన్ని పూర్తి ఉచితంగా ప్రభుత్వం అందించింది. ఇక్కడితో ఆగకుండా చికిత్స అనంతరం బాధితులకు అండగా నిలుస్తూ వైఎస్సార్‌ ఆరోగ్య ఆసరా కింద విశ్రాంత సమయానికి భృతి రూపంలో ఆర్థికంగా చేయూతగా నిలుస్తున్నారు. ఇప్పటి వరకూ 23 లక్షల మంది రోగులకు ఏకంగా రూ.1366 కోట్ల మేర సాయాన్ని అందించారు.    గతంలో ఎన్నడూ ఎక్కడా లేనంతగా లబ్ధి    ప్రస్తుతం నిరుపేద, సామాన్య కుటుంబాలకు చెందిన ప్రజలు చేతి నుంచి డబ్బు పెట్టి వైద్యం చేయించుకోవాలంటే సాధ్యపడని పరిస్థితి. దురదృష్టవశాత్తూ క్యాన్సర్, గుండె సంబంధిత జబ్బుల బారిన పడితే ప్రైవేట్‌ ఆస్పత్రుల్లో రూ.లక్షల్లో డబ్బు కట్టాల్సిందే. ఈ పరిస్థితుల్లో గతంలో ఎన్నడూ లేనట్టుగా రాష్ట్ర ప్రభుత్వం ఆరోగ్యశ్రీ సేవలు విస్తరించి ప్రజలకు భరోసాగా నిలవడం శుభపరిణామం. గతంలో కేవలం రేషన్‌ కార్డులు ఉన్న వాళ్లు మాత్రమే ఆరోగ్యశ్రీ ద్వారా లబ్ధి పొందేవారు. రేషన్‌ కార్డు లేని మధ్యతరగతి కుటుంబాలు వైద్యానికి చేతి నుంచి డబ్బు ఖర్చు పెట్టుకోవాల్సిన పరిస్థితి. ఇప్పుడు మధ్యతరగతి ప్రజలకూ ఉచితంగా వైద్యం లభించడం గొప్ప మార్పు.  – డాక్టర్‌ అంబటి నాగ రాధాకృష్ణ యాదవ్, విజయవాడ 

సాక్షి, హైదరాబాద్‌: ఉబర్, ఓలా, జొమాటో, స్విగ్గీ, అర్బన్‌ కంపెనీ లాంటి యాప్‌ ఆధారిత సంస్థల్లో పనిచేస్తున్న డ్రైవర్లు, బాయ్‌లకు రూ. 5 లక్షల ప్రమాద బీమా సౌకర్యంతోపాటు రాజీవ్‌ ఆరోగ్యశ్రీ ద్వారా రూ. 10 లక్షల వరకు ఉచిత వైద్య సాయం కల్పిస్తామని ముఖ్యమంత్రి రేవంత్‌రెడ్డి హామీ ఇచ్చారు. కొన్ని నెలల క్రితం హైదరాబాద్‌లో ఫుడ్‌ డెలివరీ కోసం వెళ్లినప్పుడు కుక్క తరమడంతో కంగారులో భవనం పైనుంచి పడి మరణించిన ఓ డెలివరీ బాయ్‌ కుటుంబానికి ముఖ్యమంత్రి సహాయ నిధి నుంచి రూ. 2 లక్షలు అందించాలని అధికారులను ఆదేశించారు. క్యాబ్‌ సంస్థలు నిర్వహిస్తున్న తరహాలో ఓ యాప్‌ను టీ–హబ్‌ ద్వారా సిద్ధం చేసి అవకాశం ఉన్న వారికి ఉపాధి కల్పించనున్నట్లు తెలిపారు. ఎన్నికల ప్రచారంలో భాగంగా రాహుల్‌గాంధీ తెలంగాణలో పర్యటించినప్పుడు నవంబర్‌ 27న కొందరు ఫుడ్‌ డెలివరీ బాయ్‌లతో భేటీ కావడం తెలిసిందే. అప్పుడు వారి సమస్యలను అడిగి తెలుసుకున్న రాహుల్‌... తెలంగాణలో కాంగ్రెస్‌ ప్రభుత్వం ఏర్పాటు కాగానే ఆయా సమస్యల పరిష్కారం కోసం చర్యలు తీసుకుంటామని హామీ ఇచ్చారు. ఈ నేపథ్యంలో ఏఐసీసీ ప్రొఫెషనల్స్‌ కాంగ్రెస్‌ చైర్మన్‌ ప్రవీణ్‌ చక్రవర్తిని ఈ మేరకు ఆదేశించారు. దీంతో ముఖ్యమంత్రి రేవంత్‌రెడ్డి శనివారం సాయంత్రం నాంపల్లి ఎగ్జిబిషన్‌ గ్రౌండ్స్‌లో ఓలా, ఉబర్‌ ద్వారా పనిచేసే ఆటో డ్రైవర్లతోపాటు క్యాబ్‌ డ్రైవర్లు, ఫుడ్‌ డెలివరీ బాయ్‌ల సమస్యలను తెలుసుకోవడానికి ప్రత్యేకంగా భేటీ అయ్యారు. ఆయా సంస్థల్లో పనిచేస్తున్న బాయ్‌లతో స్వయంగా మాట్లాడి వారి సమస్యలను తెలుసుకున్నారు. సామాజిక బాధ్యతలో భాగంగా ఆయా సంస్థల్లో పనిచేస్తూ రక్షణ లేకుండా ఇబ్బందులు పడుతున్న వారికి రక్షణ కల్పించేందుకు చర్యలు తీసుకోనున్నామని వెల్లడించారు. అసంఘటిత రంగ కార్మికుల ఉపాధి, సామాజిక భద్రతకు చర్యలు తీసుకుంటామని రాహుల్‌ గాంధీ మాట ఇచ్చారని... ఆ క్రమంలో విధాన నిర్ణయం తీసుకుంటామన్నారు. ఇందుకోసం రాజస్తాన్‌లో చేసిన చట్టాన్ని అధ్యయనం చేసి వచ్చే బడ్జెట్‌ సమావేశాల్లో అంతకంటే మెరుగైన విధంగా చట్టం తయారీకి బిల్లు ప్రవేశపెడతామని చెప్పారు.  కార్మికుల సంక్షేమంపై దృష్టిపెట్టని సంస్థలపై చర్యలు..  ‘సంస్థలు కూడా లాభాపేక్ష మాత్రమే చూడకుండా కార్మికులు, ఉద్యోగుల సంక్షేమంపై దృష్టి పెట్టాలి. సిబ్బంది సంక్షేమాన్ని విస్మరించే ఎంత పెద్ద సంస్థలపైనైనా చర్యలు తీసుకోవడానికి వెనుకాడబోం. నాలుగు నెలల క్రితం ఓ స్విగ్గి డెలివరీ బాయ్‌ కుక్క తరిమితే భవనం పైనుంచి పడి మృతి చెందాడు. అప్పటి ప్రభుత్వం నుంచి ఏదైనా సాయం అందుతుందేమోనని చూశా. కానీ ఆ ప్రభుత్వం ఏమీ చేయలేదు. ప్రభుత్వాలు ఇలాంటి ఘటనలు జరిగినప్పుడు మానవత్వంతో వ్యవహరించాలి. అందుకే ఆ కుటుంబం వివరాలు సేకరించి సీఎం సహాయనిధి నుంచి మృతుని కుటుంబానికి రూ. 2 లక్షలు అందించాలని అధికారులకు ఆదేశాలు ఇస్తున్నా’అని రేవంత్‌రెడ్డి పేర్కొన్నారు. ఈ నెల 28 నుంచి జనవరి 6 వరకు నిర్వహించే ప్రజాపాలన గ్రామసభల్లో పూర్తి వివరాలతో దరఖాస్తు చేసుకోవాలని క్యాబ్‌ డ్రైవర్లు, ఫుడ్‌ డెలివరీ బాయ్‌లకు సీఎం సూచించారు. డిజిటల్, మాన్యువల్‌ రూపంలోనైనా దరఖాస్తులు ఇవ్వొచ్చన్నారు. ప్రజావాణిలో వచ్చిన దరఖాస్తులను అన్నింటినీ పరిష్కరిస్తామని సీఎం హామీ ఇచ్చారు. ఈ కార్యక్రమంలో మంత్రులు పొన్నం ప్రభాకర్, శ్రీధర్‌బాబు, ఏఐసీసీ సెక్రటరీలు రోహిత్‌ చౌదరి, మన్సూర్‌ అలీఖాన్, మాధుయాష్కీ, టీపీసీసీ వర్కింగ్‌ ప్రెసిడెంట్‌ మహేష్‌కుమార్‌ గౌడ్‌ పాల్గొన్నారు.     ఆటోవాలాలు ఆందోళన పడొద్దు మంత్రి పొన్నం ప్రభాకర్‌ ఆరు గ్యారంటీల అమల్లో భాగంగా మహాలక్ష్మి పథకం కింద మహిళలకు ఆర్టీసీ బస్సుల్లో కల్పించిన ఉచిత ప్రయాణ సౌకర్యం వల్ల తమ ఉపాధి దెబ్బతింటోందని ఆటోవాలాలు ఆందోళన చెందాల్సిన అవసరం లేదని మంత్రి పొన్నం ప్రభాకర్‌ పేర్కొన్నారు. ఆటోవాలాలతోనూ త్వరలో చర్చించి వారికి ఇబ్బంది లేని రీతిలో తీసుకోవాల్సిన చర్యలపై నిర్ణయం తీసుకుంటామని హామీ ఇచ్చారు. క్యాబ్, ఫుడ్‌ డెలివరీ బాయ్స్‌తో సమావేశం అనంతరం పొన్నం ప్రభాకర్‌ విలేకరులతో మాట్లాడారు. ఈ పథకం వల్ల ఆటోవాలాల ఉపాధి పడిపోదని, బస్సులు దిగాక ఇతర ప్రాంతాలకు వెళ్లాలంటే ప్రయాణికులు మళ్లీ ఆటోలనే కదా ఆశ్రయించాల్సిందని అన్నారు. 

పచ్చటి ఉద్దానం కంట వెచ్చగా జారిన కన్నీటి బొట్లు.. దశాబ్దాలుగా గుండెలు పిండేసే కిడ్నీ బాధలు ఇక్కడెన్నో.. ఐదో తనం కోల్పోయిన తల్లులు, అమ్మనాన్నలకు దూరమైన పిల్లలు అడుగడుగునా కనిపిస్తారు. ఇక్కడ మనుషులకు కన్నీరు శాశ్వత నేస్తం. ఈ ఊళ్లకు ఉమ్మడి ఆస్తి కష్టం. ఈ కిడ్నీ వ్యాధి ఊళ్లకు ఊళ్లను తినేసింది. పరిస్థితి ఎక్కడికి వెళ్లిపోయిందంటే ఎంతకాలం రాసుంటే అంతకాలం బతుకుతాం, అప్పులు చేసి అనే వైరాగ్య పరిస్థితికి ఇక్కడి బాధితులు వెళ్లిపోయారు. నెలనెలా వేలకు వేలు ఖర్చుపెట్టి వైద్య పరీక్షలు, కిడ్నీ వైద్యం చేయించుకోలేక స్థానికంగా దొరికే మందు బిళ్లలో, ఆకులతోనో సరిపెట్టుకునేవారు. ఇది నిన్నటి వరకు ఉన్న పరిస్థితి. ఇప్పుడు ఈ చీకటి బతుకులకు సీఎం వైఎస్‌ జగన్‌ చరమగీతం పాడుతున్నారు. నాడు ప్రతిపక్ష నేత హోదాలో ఇచ్చిన హామీ మేరకు.. మూడు దశాబ్దాల సమస్యకు చెక్‌ చెబుతూ శాశ్వత పరిష్కారం చూపారు. రూ.742 కోట్లతో వైఎస్సార్‌ సుజలధార మంచినీటి ప్రాజెక్టు, రూ.85 కోట్లతో 200 పడకల డాక్టర్‌ వైఎస్సార్‌ కిడ్నీ రీసెర్చ్‌ ఆస్పత్రిని ఏర్పాటుచేశారు. ఈ రెండింటినీ ప్రారంభించే మహోన్నత ఘట్టాన్ని గురువారం సీఎం జగన్‌  ఆవిష్కరించనున్నారు.  సాక్షి ప్రతినిధి, శ్రీకాకుళం/సాక్షి, అమరావతి/వజ్రపుకొత్తూరు రూరల్‌/వజ్రపుకొత్తూరు/మందస: శ్రీకాకుళం జిల్లా ఉద్దానం ప్రాంత ప్రజలను నాలుగు దశాబ్దాలుగా పీల్చిపిప్పి చేస్తున్న కిడ్నీ సమస్య సృష్టిస్తున్న కల్లోలం అంతాఇంతా కాదు. ఏళ్ల తరబడి నుంచి చాపకింద నీరులా ఈ ప్రాంతాన్ని కబళిస్తోంది. ఇక్కడున్న జనాభాలో 21 శాతానికి పైగా కిడ్నీ వ్యాధితో బాధపడుతున్నారంటే పరిస్థితి ఎంత తీవ్రంగా ఉందో అర్థంచేసుకోవచ్చు. ఇప్పటికే 15­వేల మంది చనిపోయినట్లు అంచనా. ఒక అం­చనా ప్రకారం.. జిల్లాలో 112 గ్రామాలు కిడ్నీ బారినపడి విలవిల్లాడుతున్నాయి. సాధారణంగా రక్తంలో సీరం క్రియాటిన్‌ 1.2 మిల్లీగ్రామ్‌/డెసీలీటర్‌ కంటే ఎక్కువగా ఉంటే కిడ్నీ సరిగా పనిచేయడంలేదని అర్థం. కానీ, ఉద్దానం ప్రాంతంలో సీరం క్రియాటిన్‌ లెవెల్స్‌ చాలామందిలో 25 మిల్లీ­గ్రామ్‌/డెసీలీటర్‌ మేరకు ఉంది. క్రియాటినిన్‌ 5 దాటితే డయాలసిస్‌ తప్పనిసరి. ఇటువంటి వారిలో వ్యాధి తీవ్రత పెరుగుతుంది. వీరంతా విశాఖపట్నం వెళ్లాల్సి వచ్చేది. వారానికి రెండుసార్లు కూడా వెళ్లేవారున్నారు. ఇలా రోజుకు 500కి.మీ. దూరం ప్రయాణించాల్సి వచ్చేది. రవాణా, వైద్య ఖర్చులు తలకుమించిన భారంగా మారాయి. ఎంతోమంది డబ్బుల్లేక, వైద్యం చేసుకోలేక ప్రాణాలను కోల్పోయే­వారు. మరో­వైపు.. ఈ మహమ్మారిని పాలకులెవరూ పట్టి­ంచుకోలేదు. ఏళ్లుగా ఇక్కడి బీల నేలలో తెగిపడిన తాళిబొట్లు ఏ నేతనూ కదిలించలేదు. హామీలిచ్చిన వారు కొందరు, అన్నీ చేసేశామని ప్రచారం చేసుకున్న వారు ఇంకొందరు. ఇలాంటి ఆపత్కాలంలో ప్రతిపక్షనేత హోదాలో జగన్‌ కిడ్నీ బాధితులకు సాంత్వన చేకూర్చే కబురు చెప్పారు. చెప్పినట్లుగానే ఇప్పుడు ఆపన్నహస్తం అందిస్తున్నారు. డబ్బుల్లేక అల్లాడుతున్న అభాగ్యులకు నెలనెలా చేతిలో రూ.10వేలు పెడుతున్నారు. ఎక్కడో ఉన్న వంశధారను ఉద్దానానికి తీసుకొచ్చారు. తగ్గిపోతున్న ఉద్దానం ఆయష్షు రేఖకు ఊపిరిలూదుతున్నారు. అంతేకాదు.. రూ. వందల కోట్లతో మంచినీటి ప్రాజెక్టును.. కిడ్నీ పరిశోధనా ఆస్పత్రిని ఏర్పాటుచేశారు.   గతమంతా పరిశోధనలకే పరిమితం..   నిజానికి.. ఉద్దానంలో కిడ్నీ వ్యాధి ఆనవాళ్లు 1990 దశకంలో కన్పించాయి. కానీ, 2000లో సోంపేటకు చెందిన ఇండియన్‌ మెడికల్‌ అసోసియేషన్‌ వైద్యులు వై.కృష్ణమూర్తి, పి.శివాజీ కవిటి ప్రాంతంలో కిడ్నీ­వ్యా««ధి కేసులను గుర్తించారు. 2002 నుంచి వారే వ్యాధి తీవ్రత ఏ స్థాయిలో ఉందనే అంశంపై పరిశోధన ప్రారంభించారు.   ♦ 2004లో నాటి సీఎం వైఎస్‌ రాజశేఖరరెడ్డి హయాంలో కేజీహెచ్‌ హెచ్‌ఓడీ డాక్టర్‌ రవిరాజ్‌తో కవిటి ప్రాంతంలో పరిశోధన వైద్య శిబిరాలు ప్రారంభించారు.   ♦  2008 మే 24న నెఫ్రాలజిస్ట్‌ డాక్టర్‌ గంగాధర్, హైదరాబాద్‌ నిమ్స్‌ ఆర్‌ఎంఓ శేషాద్రి ఉద్దానంలో పర్యటించారు. అదే ఏడాది నాటి రాష్ట్ర నీటి విశ్లేషణ పరిశోధనా సంస్థ ఇక్కడ నీటి నమూనాలను తీసుకెళ్లింది.   ♦ 2009లో న్యూయార్క్‌కు చెందిన కిడ్నీ వ్యాధుల నిపుణుడు డాక్టర్‌ శివప్రసాద్‌ ఈ ప్రాంతంలో పర్యటించి రోగుల ఆహార అలవాట్లు, నీరు, రక్తం తదితర నమూనాలను పరిశోధనకు తీసుకెళ్లారు.   ♦ 2011లో డాక్టర్‌ రవిరాజ్, డాక్టర్‌ వెలగల శ్రీనివాస్, డాక్టర్‌ కల్యాణ్‌చక్రవర్తి, ఎ.వేణుగోపాల్‌ అనే నెఫ్రాలజీ నిపుణుల బృందం ఉద్దానం ఎండో­మిక్‌ నెఫ్రోపతి (యూఈఎన్‌) పేరిట ఓ అధ్యయనం చేసింది. ♦  2011లో న్యూయార్క్‌కు చెందిన స్టోనీబ్రూక్స్‌ యూనివర్సిటీ నుంచి డాక్టర్‌ అనూప్‌ గంగూలీ, డాక్టర్‌ నీల్‌ ఓలిక్‌ల నేతృత్వంలో ఓ బృందం వివిధ గ్రామాల ఆహారపు అలవాట్లు తెలుసుకుని రక్త, మూత్ర నమూనాలు తీసుకెళ్లింది.  ♦  2011లో హైదరాబాద్‌కు చెందిన పరిశోధకురాలు సీఐఎస్‌ఆర్‌ సుజాత ఈ ప్రాంతంలో నీటిని తీసుకెళ్లి దాని ద్వారా ఏఏ మార్పులు వస్తున్నాయో పరిశీలించారు.  ♦ ఆ తర్వాత 2012లో జపాన్‌ బృందం, అమెరికన్ల బృందం పర్యటించింది.    ♦ 2012 అక్టోబరు 1న నేషనల్‌ ఇన్‌స్టిట్యూట్‌ ఆఫ్‌ కమ్యూనికల్‌ డిసీజెస్‌ బృందం పరిశీలించింది. 2013లో ఆంధ్రా యూనివర్సిటీ నుంచి పోతు­రాజు అనే రీసెర్చ్‌ స్కాలర్‌ పరిశోధన చేశారు.    ♦ 2017 నుంచి భారతీయ వైద్య పరిశోధనా మండలి డాక్టర్‌ వివేక్‌ ఝా నేతృత్వంలో ప్రస్తుతం పరిశోధన సాగుతోంది.   ♦ అయితే, ఇప్పటివరకు, శాస్త్రవేత్తలు, వైద్య నిపుణులు ఇక్కడి కిడ్నీ వ్యాధులకు కచ్చితమైన మూలకారణాన్ని గుర్తించలేకపోయారు.   ♦ కొన్ని అధ్యయనాలు ఈ వ్యాధి నీటిలో అధిక సెలీనియం లేదా సీసం కారణంగా ఉండవచ్చని అనుమానించాయి. మరికొందరు దీనికి నేల స్వభావమే కారణమై ఉండొచ్చని నివేదించారు. ఉష్ణోగ్రత, తక్కువ నీటి వినియోగం, అధిక పెయిన్‌ కిల్లర్స్‌ వాడకం, జన్యుపరమైన లోపాలు కూడా వ్యాధికి కారణమని అధ్య­యనాలు చెబుతూ ఉన్నాయి. కానీ, ఈ అధ్యయనాలు ఏవీ సరైన స్పష్టత ఇవ్వలేకపోయాయి.   ♦ మరోవైపు.. రాష్ట్ర ప్రభుత్వం జార్జ్‌ ఇన్‌స్టిట్యూట్‌ ఫర్‌ గ్లోబల్‌ హెల్త్, టెక్నాలజీ ఎడ్యుకేషన్‌ అండ్‌ రీసెర్చ్‌ ఇన్‌స్టిట్యూట్‌ (టీఆర్‌ఐ), ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌ (ఐసీఎంఆర్‌)తో 2019లో సంయుక్తంగా సమగ్ర పరిశోధనలు నిర్వహించి వ్యాధిని గుర్తించేందుకు అవగాహన ఒప్పందం (ఎంఓయూ)పై సంతకం చేసింది. కిడ్నీ బాధితులపై ఆగ్రహంతోఊగిపోయిన బాబు..  చంద్రబాబు అధికారంలో ఉన్నప్పుడు ఏనాడూ ఉద్దానంలోని కిడ్నీ బాధితుల గురించి పట్టించుకోలేదు. తిత్లీ తుపాను సమయంలో మొక్కుబడిగా పర్యటించినప్పటికీ వారికెలాంటి భరోసా ఇవ్వలేదు సరికదా..  తుపా­ను­తో సర్వం కోల్పోయిన బాధితులు తమ గోడు చెప్పుకునేందుకు వస్తే ఆగ్రహంతో ఊగిపోయారు.‘నాకు 40 ఏళ్ల అనుభవం ఉంది.. నాకు అడ్డొస్తే బుల్డోజర్‌తో తొక్కేస్తా.. తొక్క­తీస్తా.. తోలు తీస్తా’ అని వ్యాఖ్యానించారు. కొంతమందిపై కేసులు కూడా పెట్టా­రు.  డ్రామాలకే పవన్‌ పరిమితం..  ఇక పవన్‌కళ్యాణ్‌ అయితే 2017లో దీక్ష పేరుతో పెద్ద డ్రామా ఆడారు. టీడీపీతో కలిసి ఐదేళ్లు చెట్టాపట్టాలు వేసుకున్నా దానికొక పరిష్కారం చూపలేదు. ఎవరైనా అడిగితే.. అంతా తానే చేశానని, కిడ్నీ బాధల నుంచి విముక్తి కల్పిస్తానని హడావుడి చేయడం తప్ప నిజానికి ఆయన చేసిందేమీ లేదు. కిడ్నీ బాధితులకు ఇది పెద్ద ఊరట   ఉద్దానంలో కిడ్నీ బాధితులకు కిడ్నీ రీసెర్చ్‌ సెంటర్‌ పెద్ద ఊరట కలిగిస్తుంది. వీరికోసం ముఖ్యమంత్రి వైఎస్‌ జగన్‌మోహన్‌రెడ్డి రెండు ప్రధాన కార్యక్రమాలు చేపట్టడం గొప్ప విషయం. సూపర్‌ స్పెషాలిటీ ఆస్పత్రి ఏర్పాటుచేయడంతోపాటు వంశధార నది నుంచి మంచినీటిని అందించేందుకు చర్యలు చేపట్టడం, అది కూడా హామీ ఇ చ్చిన ఐదేళ్లలో పనులు పూర్తిచేయడం చరిత్రాత్మకం. ఆస్పత్రి పరంగా మూలాల శోధనకు ప్రాధాన్యత ఇవ్వడం, పరిశోధనతోనే కిడ్నీ ఇబ్బందులకు పరిష్కారం దొరుకుతుంది.  – డాక్టర్‌ ప్రధాన శివాజీ, రిటైర్డ్‌ ప్రభుత్వ వైద్యుడు, సోంపేట వైఎస్‌ జగన్‌ సీఎం అయ్యాక తీసుకున్న చర్యలు వైఎస్‌ జగన్‌ అధికారం చేపట్టిన తర్వాత కిడ్నీ రోగులకు అండగా ఉండేందుకు పింఛన్‌ పెంచారు. అప్పటివరకు రూ.3,500 ఉన్న పింఛన్‌ను రూ.10వేలకు పెంచారు. వ్యాధి తీవ్రత ఆధారంగా రెండు రకాలుగా పింఛన్లు అందజేస్తున్నారు. 5కు పైబడి సీరం క్రియాటిన్‌ ఉన్న వారికి రూ.5వేలు, డయాలసిస్‌ రోగులకు రూ.10వేల పింఛన్‌ ఇస్తున్నారు. ఈ లెక్కన ప్రస్తుతం రూ.10వేలు చొప్పున 792 మందికి.. రూ.5 వేలు చొప్పున 451 మందికి పింఛన్లు ఇస్తున్నారు. అవసరమైతే ఎంతమందికైనా మంజూరు చేసేందుకు ప్రభుత్వం సిద్ధంగా ఉంది.   ♦ ప్రస్తుతం టెక్కలి, పలాస, సోంపేట, కవిటి, హరిపురం ఆసుపత్రుల్లో డయాలసిస్‌ సెంటర్లు ఉన్నాయి. 63 మెషిన్లతో 68 పడకలపై డయాలసిస్‌ అందిస్తున్నారు. ♦ సోంపేట సీహెచ్‌సీ డయాలసిస్‌ సెంటర్‌లో 13 పడకలుండేవి. వాటిని 21కి పెంచారు.   ♦ కవిటి సీహెచ్‌సీ డయాలసిస్‌ సెంటర్‌లో 10 పడకలు ఉండగా, 19కి పెంచారు.    ♦ హరిపురంలో కొత్తగా 10 పడకలతో డయాలసిస్‌ సెంటర్‌ ఏర్పాటుచేశారు. రెండు కంటైన్డ్‌ బేస్డ్‌ సర్విసెస్‌ డయాలసిస్‌ యూనిట్లను ఏర్పాటుచేశారు.    ♦ ఇవికాక.. కొత్తగా గోవిందపురం, కంచిలి, అక్కుపల్లి, బెలగాంలో 25 మెషిన్లతో డయాలసిస్‌ సెంటర్లు మంజూరయ్యాయి.   ♦ ఇచ్ఛాపురం సీహెచ్‌సీ, కంచిలి పీహెచ్‌సీలో 25 మెషిన్లతో డయాలసిస్‌ సెంటర్ల ఏర్పాటుకు ప్రభుత్వం అనుమతి చ్చింది.    ♦ టీడీపీ హయాంలో డయాలసిస్‌ రోగులకు 20 రకాల మందులే అందుబాటులో ఉండేవి. ఇప్పుడు 37 రకాల మందులను అందుబాటులో ఉంచారు. అవసరమైతే ఇంకా మందులు కొనుగోలు చేసే వెసులుబాటును ప్రభుత్వం కల్పించింది.   ♦ కిడ్నీ రోగులకు నిరంతరం వైద్య పరీక్షల కోసం సెమీ ఆటో ఎనలైజర్స్, ఎలక్ట్రోలైట్‌ ఎనలైజర్స్, యూరిన్‌ ఎనలైజర్స్‌ను ఉద్దానం పరిధిలో ఉన్న 29 ల్యాబ్‌లలో అందుబాటులో ఉంచారు.   ♦ కిడ్నీ సమస్యలను ప్రాథమిక దశలోనే గుర్తించి, బాధితులకు మెరుగైన వైద్యం అందించడం ద్వారా మరణాలను నియంత్రించేందుకు నిరంతర స్క్రీనింగ్‌ను ప్రభుత్వం చేపడుతోంది. వైఎస్సార్‌ విలేజ్‌ హెల్త్‌ క్లినిక్‌లలో పనిచేసే కమ్యూనిటీ హెల్త్‌ ఆఫీసర్‌ (సీహెచ్‌ఓ)­­లకు ప్రత్యేకంగా ఒక యాప్‌ను రూపొందించారు. ఇప్పటివరకూ ఉద్దానం ప్రాంతంలోని 2.32లక్షల మందిని స్క్రీన్‌ చేయగా 19,532 మందిలో సీరమ్‌ క్రియాటిన్‌ 1.5 ఎంజీ/­డీఎల్‌ కన్నా ఎక్కువగా ఉన్నట్లు గుర్తించారు. వీరందరికీ వైద్య సాయం అందించారు.   ♦ టీడీపీ హయాంలో జిల్లా నెఫ్రాలజీ విభాగమే లేదు. వైఎస్సార్‌సీపీ ప్రభుత్వం వచ్చాక శ్రీకాకుళం రిమ్స్‌లోనెఫ్రాలజీ విభాగం ఏర్పా­టు­­చేశారు. ఇద్దరు అసిస్టెంట్‌ ప్రొఫెసర్లను నియమించారు. ప్రతి శనివారం పలాస సీహెచ్‌సీకి వెళ్లి రోగులకు వైద్యం అందిస్తున్నారు.   ♦ కిడ్నీ బాధితులకు అత్యంత నాణ్యమైన కార్పొరేట్‌ వైద్యాన్ని పూర్తి ఉచితంగా చేరువలో అందించడం కోసం రూ.85 కోట్ల అంచనాలతో పలాసాలో రీసెర్చ్‌ సెంటర్‌తోపాటు 200 పడకలతో సూపర్‌స్పెషాలిటీ ఆస్పత్రిని నిర్మించారు. ఇందులో రూ.60 కోట్లు ఆస్పత్రి నిర్మాణానికి, రూ.25 కోట్లు అధునాతన వైద్య పరికరాలు, ఇతర వనరుల కల్పనకు  కేటాయించారు. రూ.742కోట్లతో భారీ రక్షిత మంచినీటి పథకం ఉద్దానం ప్రాంతంలో కిడ్నీ వ్యాధులకు ప్రధాన కారణం తాగునీరుగా భావిస్తున్న నేపథ్యంలో నిపుణుల సూచనల మేరకు వంశధార నదీ జలాలను భూ ఉపరితల తాగునీరుగా అందిం­చేందుకు రూ.742 కోట్లతో వైఎస్సార్‌ సుజలధార ప్రాజెక్టును సీఎం జగన్‌ మంజూరు చేశారు. దీనికింద ఇచ్ఛాపురం, పలాస నియోజకవర్గాల పరిధిలో ఉన్న ఏడు మండలాల్లోని 807 గ్రామాలకు ఇంటింటికీ కుళాయిల ద్వారా నిరంతరం స్వచ్ఛమైన తాగునీరు అందించనున్నారు. ఈ మంచినీటి పథకానికి 2019 సెపె్టంబరు 6న సీఎం జగన్‌ శంకుస్థాపన చేశారు. 2050 నాటికి ఆ ప్రాంతంలో పెరిగే జనాభా అంచనాతో ఒక్కొక్కరికి రోజుకు వందలీటర్ల చొప్పున అందేలా ఈ పథకాన్ని రూపొందించారు. భవిష్యత్‌లో శ్రీకాకుళం జిల్లాలోని పాతపట్నం, మెలియాపుట్టి మండలాల్లోని 170 గ్రామాలకు కూడా ఈ పైపులైన్‌ ద్వారా అదనంగా తాగునీరు అందించే వీలుగా ఈ పథకాన్ని డిజైన్‌ చేశారు. నిజానికి.. ఉద్దానం సమీపంలో ఉన్న బాహుదా, మహేంద్రతనయ నదుల నుంచి తక్కువ ఖర్చుతోనే రక్షితనీటి సరఫరాకు అవకాశమున్నా వేసవిలో ఆ నదులు ఎండిపోతే ఇక్కడి ప్రజలు బోరు నీటిని తాగక తప్పదన్న భావనతో జగన్‌ సర్కార్‌ ఆ ప్రతిపాదనను మొదట్లోనే పక్కన­పెట్టింది. ఏడాది పొడవునా నీరు అందుబా­టులో ఉండాలన్న ఉద్దేశంతో ఖర్చు ఎక్కువైనా ఈ ప్రాంతానికి 104 కిలోమీటర్ల దూరంలోని హిరమండలం రిజర్వాయర్‌ నుంచి నీటి తరలింపునకు పూనుకుంది. ఈ ప్రాంతం మొత్తానికి ఏడాది పొడవునా తాగునీటి అవసరాలకు ఒక టీఎంసీ కన్నా తక్కువ నీరు అవసరం ఉండగా.. హిరమండలం రిజర్వాయర్‌లో కనీస నీటిమట్టం స్థాయిలోను 2.67 టీఎంసీల నీరు అందు­బాటులో ఉంటుంది. ఇక్కడ నుంచి మూడు భారీ మోటార్ల ద్వారా 32 కిలోమీటర్ల దూరంలోని మెలియాపుట్టి మండల కేంద్రం వద్దకు చేరుతుంది. అక్కడ నీటిని శుద్ధిచేసి ఉద్దానానికి సరఫరా చేస్తారు.   ఇదీ కిడ్నీ పరిశోధనా కేంద్రం స్వరూపం..   ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌ సహకారంతో ఈ పరిశోధనా కేంద్రాన్ని ఏర్పాటుచేశారు.  ♦ ఇందులో.. మొదటి అంతస్తులో అత్యాధునిక సౌకర్యాల­తో ఓపీ విభాగం, రీనల్‌ ల్యాబ్, పాలనా విభాగం, మీటింగ్‌ హాల్, మెడిసిన్‌ స్టోర్సు ఉన్నాయి.  ♦ రెండో అంతస్తులో నెఫ్రాలజీ విభాగం, పేమెంట్‌ రూములు, కీలకమైన డయాలసిస్‌ విభాగాన్ని ఏర్పాటుచేశారు. ♦ మూడో అంతస్తులో ఆపరేషన్‌ థియేటర్‌ కాంప్లెక్స్, సీఎస్‌ఎస్‌ డి, అదనపు వసతులతో ఉన్న పే రూములు, ప్రీ, పోస్ట్‌ ఆపరేటివ్‌ వార్డులు, ఐసోలేషన్‌ గది, బ్లడ్‌ బ్యాంకు ఉన్నాయి    ♦ నాలుగో అంతస్తులో యూరాలజీ వార్డు, పే రూ­ములు, రీసెర్చ్‌ లేబొరేటరీలు ఏర్పాటుచేశారు.  సూపర్‌ స్పెషాలిటీ వైద్యసేవలు..   ఈ కేంద్రంలో అందించే వైద్యసేవల్ని పరిశీలిస్తే యూరాలజీ, రేడియాలజీ, ఎనస్తీషియా, నెఫ్రాలజీ, వ్యాస్కులర్‌ సర్జన్, పల్మనాలజీ, కార్డియాలజీ, పాథాలజీ, మైక్రోబయాలజీ, బయో కెమిస్ట్రీ లాంటి సూపర్‌ స్పెషాలిటీస్‌ సేవలు.. జనరల్‌ సర్జన్, జనరల్‌ మెడిసిన్‌ సేవలు అందిస్తారు. ఈ ఆస్పత్రిలో 41 మంది సూపర్‌ స్పెషలిస్టులు, స్పెషలిస్టులు, వైద్యాధికారులను రెగ్యులర్‌ ప్రాతిపదికన నియమిస్తూ రాష్ట్ర ప్రభుత్వం జూలై 3న ఉత్తర్వులు జారీచేసింది. వీరితోపాటు స్టాఫ్‌ నర్సు పోస్టులు 60, ఇతర సహాయ సిబ్బంది పోస్టులు కలిపి 154 పోస్టులను కొత్తగా మంజూరు చేసి భర్తీ చేపట్టారు. మరోవైపు.. ఇందులో  ప్రపంచస్థాయి, అత్యాధునిక సాంకేతిక పరిజ్ఞానంతో కూడిన యంత్ర పరికరాలను రాష్ట్ర ప్రభుత్వం ఇప్పటికే సిద్ధంచేసింది. గత 20 రోజులుగా వీటితో ఇప్పటికే రోగులకు చికిత్స చేస్తున్నారు. ఎక్స్‌రే (300ఎంఎ), సిటీస్కాన్, అల్ట్రా సౌండ్‌ మెషిన్, ఆటోమెటిక్‌ టిష్యూ ప్రాసెసర్, క్రయోస్టాట్, ఆటోమేటిక్‌ బయో కెమిస్ట్రీ ఎనలైజర్, సి–ఆర్మ్‌ మిషన్, ఈఎస్‌డబ్ల్యూ మిషన్, ఆటోమేటిక్‌ ఓటి టేబుల్స్, –80 నుంచి –40 సెంటీగ్రేడ్ల డీప్‌ ఫ్రీజర్లు, వెంటిలేటర్లు ఇప్పటికే సిద్ధంచేశారు. జీవితంపై ఆశ కలిగింది..  కూలీ పనిచేసే నాకు భార్య, ఇద్దరు పిల్లలు ఉన్నారు. ఆరేళ్ల క్రితం కిడ్నీ వ్యాధి బారినపడ్డాను. అప్పట్లో సరైన వైద్యం అందక డయాలసిస్‌ కోసం మరొకరి సాయంతో విశాఖపట్నం వెళ్లాల్సి వచ్చేది. బోలెడంత డబ్బు ఖర్చేయ్యేది. ఇక్కడ సరైన వైద్య సదుపాయాల్లేక మా కళ్ల ముందే మా స్నేహితులు, బంధువులు ఎందరో మృత్యువాత పడ్డారు. ఎవ్వరూ ప­ట్టించుకునే వారు కాదు. వైఎస్‌ జగన్‌ ముఖ్యమంత్రిగా బాధ్యతలు చేపట్టాక ఆయన ద­యవల్ల ప్రతినెలా రూ.10 వేలు పింఛన్‌ అందుకుంటున్నాను. విశాఖకు వెళ్లే పని తప్పింది. పలాసలోనే డయాలసిస్, మందులు అందుతున్నాయి. పెద్ద ఆసుపత్రిని కూడా సిద్ధం చేశా­రు. ఇప్పుడు జీవితంపై ఆశ కలుగుతోంది. సీఎంకు ఉద్దానం వాసులంతా రుణపడి ఉంటా­రు.   – గేదెల కోదండరావు, చినడోకులపాడు గ్రామం, వజ్రపుకొత్తూరు మండలం, శ్రీకాకుళం జిల్లా ప్రభుత్వం మాలాంటి వారికి ప్రాణం పోస్తోంది చికిత్స కోసం నాకు లక్షల రూపాయలు ఖర్చేయ్యేవి. వైఎస్సార్‌  కాంగ్రెస్‌ పార్టీ ప్రభుత్వం మమ్మల్ని ఆదుకుంది. 108 అంబులెన్స్‌లో ఇంటి దగ్గర నుంచి తీసుకెళ్లి, డయాలసిస్‌ అయ్యాక మళ్లీ ఇంటి వద్ద  దిగబెడుతున్నారు. రూ.10వేలు పింఛను కూడా అందుతోంది. పౌష్టికాహారం, పండ్లు, మందులు కొనడానికి ప్రభుత్వం సహకరిస్తోంది. నాలాంటి ఎంతోమందికి జగన్‌ ప్రభుత్వం ప్రాణం పోస్తోంది.   – నర్తు సీతారాం, లోహరిబంద, మందస మండలం, శ్రీకాకుళం జిల్లా ఇంటింటికీ కుళాయి ఇచ్చారు..జగనన్న చల్లగా ఉండాలి మా ప్రాంత వాసుల కష్టాల తీర్చేందుకు.. కిడ్నీ మహమ్మారి బారినపడిన ఉద్దానం వాసుల్ని రక్షించేందుకు జగనన్న మంజూరు చేసిన వైఎస్సార్‌ సుజలధార ప్రారంభానికి సిద్ధమయ్యిందనే విషయం తెలియగానే చాలా ఆనందం అనిపించింది. రోజూ కిడ్నీ వ్యాధులకు భయపడి 20 లీటర్ల క్యాన్లను కొనుగోలు చేస్తున్నాం. జగనన్న దయవల్ల ఇంటింటికీ కుళాయిలను ఇప్పటికే అమర్చారు. మా ప్రాంత వాసుల కష్టాలు తీరుస్తున్న జగనన్న చల్లగా ఉండాలి.  – కర్ని సుహాసిని, గృహిణి,  అమలపాడు, వజ్రపుకొత్తూరు మండలం

‘‘ముక్కుపచ్చలారని ఏ చిన్నారి కూడా గుండె సంబంధిత వ్యాధులతో బాధపడ­కూడదు. వ్యాధిబారిన పడ్డ నా బిడ్డను కాపాడుకోలేకపోయాననే వేదన ఏ ఒక్కరూ పడకూడదు. ఇందుకు ఎంత ఖర్చయినా ప్రభుత్వమే భరించాలి. ఆ బాధ్యత నాది’’.. .. అంటూ చిన్నపిల్లల గుండె సంబంధిత చికిత్స­లను ఆరోగ్యశ్రీలో చేర్చి వివిధ ప్రముఖ ఆసుపత్రు­ల్లో వైద్య సహాయం అందించేలా దివంగత వైఎస్‌ రాజశేఖర్‌రెడ్డి కృషిచేశారు. 2003లో ఆయన చెప్పిన ఈ మాటలను కార్యరూపం దాల్చేలా 2004లో నిర్ణయం తీసుకుని పసిగుండెలకు సాంత్వన చేకూర్చారు. ఇప్పుడాయన వారసుడిగా సీఎం జగన్‌ మరో అడుగు ముందు­కేసి చిన్నపిల్లల గుండె సంరక్షణ కోసం ప్రత్యేకంగా ఓ ఆస్పత్రినే నిర్మించాలని సంకల్పించారు. మరెక్కడా ఇలాంటి సమస్యల కోసం ప్రత్యేకంగా ఓ ఆసుపత్రి లేకపోవడంతో చిన్నా­రుల సంపూర్ణ ఆరోగ్యం కోసం సీఎం వారిపట్ల ప్రత్యేక శ్రద్ధ తీసుకుని దీనికి బీజం వేశారు. అనుకున్నట్లుగానే అత్యాధునిక వైద్య సదుపా­యాలతో శ్రీపద్మావతి చిన్నపిల్లల హృదయాల­యానికి తిరుపతిలో విజయవంతంగా అంకురార్పణ చేశారు. (వడ్డే బాలశేఖర్, శ్రీపద్మావతి చిన్నపిల్లల హృదయాలయం నుంచి సాక్షి ప్రతినిధి) వైఎస్సార్‌సీపీ అధికారంలోకి వచ్చీరాగానే సీఎం వైఎస్‌ జగన్‌ ప్రజారోగ్య వ్యవస్థను పట్టాలెక్కించి పరుగులు పెట్టించారు. పిల్లలకు ప్రభుత్వరంగంలో సూపర్‌ స్పెషాలిటీ వైద్యసేవల బలోపేతంపైనా దృష్టిసారించారు. ఇందులో భాగంగా టీటీడీ సహ­కారంతో తిరుపతి­లో చిన్న పిల్లల కోసం ప్రత్యేకంగా శ్రీపద్మావతి హృదయాలయాన్ని ప్రారంభించారు. ఇప్పుడు పిల్లల గుండె చికిత్స కో­సం బెంగళూరు, హైదరాబాద్, చెన్నై­లకు వెళ్లే పనిలేకుండా పోయింది.  1,980 మంది చిన్నారులకు పునర్జన్మ ఇక ఈ రెండేళ్లలో 14,800 ఓపీ సేవలు ఈ ఆస్పత్రిలో నమోదయ్యాయి. వీరిలో పుట్టుకతో వచ్చిన గుండె సమస్యలతో బాధపడుతున్న పిల్లలకు ఓపెన్‌ హార్ట్, కీ హోల్, వంటి ఇతర సర్జరీలు పెద్దఎత్తున నిర్వహించారు. మరికొందరికి మెడికల్‌ మేనేజ్‌మెంట్‌ చేశారు. ఇలా 1,980 మందికి పైగా చిన్నారులకు పునర్జన్మను ప్రసాదించారు. వీరిలో మెజారిటీ శాతం నిరుపేద, మధ్యతరగతి కుటుంబాల వారే. ఆరోగ్యశ్రీ కింద వీరికి పూర్తి ఉచితంగా వైద్యసేవలన్నింటినీ అందించారు. ఈ క్రమంలో ఆరోగ్యశ్రీ కింద 2,052 ప్రొసీజర్లు రెండేళ్లలో నమోదయ్యాయి. చిన్నారులతో పాటు, పెద్దలకు సైతం గుండె మార్పిడి ఆపరేషన్లను చేపట్టారు. ఇప్పటివరకూ ఏడు గుండె మార్పిడి ఆపరేషన్లు ఇక్కడ నిర్వహించారు. ఒక్కో ఆపరేషన్‌కు రూ.10 లక్షల వరకూ ఖర్చుకాగా ఆ మొత్తాన్ని ప్రభుత్వమే భరించింది. గుండె మార్పిడి, ఇతర చికిత్స­ల కోసం సీఎంఆర్‌ఎఫ్‌ కింద కూడా అదనంగా సహాయం అందింది. 75 పడకలున్న ఈ ఆస్పత్రిలో 15 మంది నిష్ణాతులైన వైద్యులు సేవలు అందిస్తున్నారు. అడ్వాన్స్‌ క్యాథ్‌ల్యాబ్, మెడికల్‌ ల్యాబ్, ఎక్స్‌రే, ఈసీజీ పరికరాలతో పాటు, ఆపరేషన్‌ థియేటర్లు ఇక్కడ అందుబాటులో ఉన్నాయి. ఈ ఆసుపత్రికి తిరుపతి బస్టాండ్, రైల్వేస్టేషన్‌ నుంచి సులభంగా ఆటోలో వెళ్లొచ్చు. రిజిస్ట్రేషన్‌ ప్రక్రియకు ఆధార్, ఆరోగ్యశ్రీ కార్డులు తీసుకెళ్లాల్సి ఉంటుంది. అలాగే.. బాధితులతో వచ్చే అటెండర్లలో ఒకరు ఇక్కడ ఉండొచ్చు. ఇక ఈ ఆసుపత్రి ఇటీవలే ఉత్తమ పీడియాట్రిక్‌ కార్డియాక్‌ సెంటర్‌గా గుర్తింపు పొందింది. ఆసియా టుడే రీసెర్చ్‌ అండ్‌ మీడియా సంస్థ ప్రైడ్‌ ఆఫ్‌ నేషన్‌గా ఈ అవార్డును ప్రకటించగా తెలంగాణ గవర్నర్‌ తమిళిసై చేతుల మీదుగా పద్మావతి చిన్నపిల్లల హృదయాలయం డైరెక్టర్‌ డా.శ్రీనాథరెడ్డి దానిని అందుకున్నారు. త్వరలో మరో సూపర్‌ స్పెషాలిటీ.. మరోవైపు.. తిరుపతి జిల్లా అలిపిరి వద్ద శ్రీ పద్మావతి చిన్నపిల్లల సూపర్‌ స్పెషాలిటీ ఆసుపత్రిని కూడా నిర్మిస్తున్నారు. రూ.450 కోట్ల వ్యయంతో, అత్యాధునిక ప్రమాణాలతో దీనిని ఏర్పాటుచేస్తున్నారు. హెమటో ఆంకాలజి, మెడికల్‌ ఆంకాలజి, సర్జికల్‌ ఆంకాలజి, న్యూరాలజి, కార్డియాలజీ, నెఫ్రాలాజి, గ్యాస్ట్రో ఎంట్రాలజి లాంటి 15 రకాల సూపర్‌స్పెషా­లిటీ విభాగాల్లో చిన్నారులకు వైద్యసేవలు, చికిత్సలు త్వరలోనే అందుబాటులోకి రానున్నాయి. ఇదే తరహాలో విశాఖపట్నం, గుంటూరు, విజయవాడల్లోను పీడియాట్రిక్‌ సూపర్‌ స్పెషాలిటీ ఆస్పత్రుల ఏర్పాటుకు చర్యలు తీసుకోవాలని ఇటీవల వైద్యశాఖ అధికారులను సీఎం జగన్‌ ఆదేశించారు.  ఈ ఫొటోలోని సుర్ల శివ, పార్వతి దంపతులది పార్వతిపురం మన్యం జిల్లా నర్సిపురం. ఎనిమిది నెలల క్రితం వీరికొక కొడుకు ప్రన్షు పుట్టాడు. చిన్నారికి ఆరోగ్యం బాగోకపోవడంతో విశాఖలోని ఓ కార్పొరేట్‌ ఆస్పత్రికి తీసుకెళ్లారు. చిన్నారి గుండెలో రంధ్రంతో పాటు.. చెడు, మంచి రక్తం కలుస్తున్నాయని వైద్యులు పిడుగులాంటి వార్త చెప్పారు. ఆపరేషన్‌కు రూ.25 లక్షలు ఖర్చవుతుందన్నారు. అంత స్థోమత ఆ దంపతులకు లేదు. అదే సమయంలో తిరుపతిలో శ్రీపద్మావతి చిన్నపిల్లల హృదయాలయంలో చికిత్స గురించి తెలిసిన వాళ్లు చెప్పారు. వెంటనే అక్కడ తీసుకెళ్లగా చిన్నారికి పరీక్షలు చేసి ఒక్కరూపాయి కూడా ఖర్చుకాకుండా ఆరోగ్యశ్రీ కింద స్టెంట్లు వేశారు. చిన్నారి కోలుకుని బరువు పెరిగాక గుండె రంధ్రానికి కూడా ఇక్కడే ఉచితంగా ఆపరేషన్‌ చేయనున్నారు. ‘ఇక నాకు పిల్లలు పుట్టే అవకాశంలేదు. బాబుకు ఏదైనా జరిగితే ఎలా అని నేను ఏడవని రోజులేదు. ఈ రోజు నా బిడ్డ ప్రాణాలతో ఉన్నాడంటే అది ఒక్క సీఎం జగన్‌ వల్లే’.. అంటూ పార్వతి భావోద్వేగంతో కన్నీరు పెట్టుకుంది.  ఈ ఫొటోలోని అన్నమయ్య జిల్లా మంగపట్నంకు చెందిన గంగాదేవి వ్యవసా­య కూలీ. మంచం మీద నిద్రపోతున్న చిన్నారి ఈమె కుమారుడు.. పేరు దేవాన్‌‡్ష. ముగ్గురు ఆడపిల్లల  అనంతరం కలిగిన మగ సంతానం. అయితే, పుట్టుకతోనే గుండె సమస్య వచ్చిపడింది. రెక్కాడితే కానీ డొక్కాడని వీరికి ఆపరేషన్‌ చేయించే స్థోమతలేదు. గంగాదేవి కుమారుడి ప్రాణాలను ఆరోగ్యశ్రీ, హృదయాలయం రూపంలో ప్రభుత్వం ఆదుకుంది. తాముంటున్న ప్రాంతానికి కొద్దిదూరంలోని తిరుపతిలో ఆపరేషన్‌ చేస్తున్నారని తెలిసి బాబును ఇక్కడికి తీసుకొచ్చింది. ఏ సిఫార్సు, చేతి నుంచి ఒక్క రూపాయి ఖర్చులేకుండా చిన్నారికి ఆపరేషన్‌ పూర్తయింది. ‘కుటుంబ పోషణే భారమైన మాకు కొడుకు ఆరోగ్య సమస్యతో పెద్ద చిక్కొచ్చి పడింది. కానీ, కష్టకాలంలో రాష్ట్ర ప్రభుత్వం నా బిడ్డకు ఉచితంగా ఆపరేషన్‌ చేయించింది’.. అని అంటున్న గంగాదేవి ముఖంలో సంతోషం వెల్లివిరిసింది.  ..ఈ ఇద్దరు చిన్నారుల తరహాలోనే పుట్టుకతో తీవ్రమైన గుండె సమస్యలున్న వందల మంది చిన్నారులకు శ్రీపద్మావతి చిన్న పిల్లల హృదయాలయం అక్కున చేర్చుకుని పునర్జన్మను ప్రసాదించింది. 11 అక్టోబరు 2021 అక్టోబరు 11న సీఎం వైఎస్‌ జగన్‌మోహన్‌ రెడ్డి తన మానసపుత్రికను ప్రారంభించారు. ఆస్పత్రికి వచ్చే నిరుపేద, మధ్య తరగతి కుటుంబాలకు డాక్టర్‌ వైఎస్సార్‌ ఆరోగ్యశ్రీ పథకం కింద ఒక్క రూపాయి ఖర్చులేకుండా ప్రభుత్వం ఆపన్న హస్తం అందిస్తోంది. విజయవంతంగా గుండె ఆపరేషన్లు నిర్వహిస్తూ అభాగ్యుల పాలిట వరంగా నిలుస్తున్న హృదయాలయాన్ని ‘సాక్షి’ పరిశీలించి రోగుల కుటుంబాలను పలకరిస్తే.. ఒకొక్కరిదీ ఓ కన్నీటి గాధ ఆవిష్కృతమైంది. సీఎం జగన్‌ నాకు పునర్జన్మనిచ్చారు గుంటూరులో ప్రైవేట్‌ ఆస్పత్రిలో పనిచేస్తుంటాను. నాకు గుండె సంబం­ధిత సమ­స్య­లుండటంతో హైదరాబాద్, గుంటూరు ఇలా చాలాచోట్ల చూపించుకున్నా. గుండె మార్పిడి చేయాలన్నారు. గతనెల 24న గుండె మార్పిడి చేశారు. ఈ ఆపరేషన్‌కు రూ.10 లక్షల పైనే ఖర్చవుతుందన్నారు. అయితే, నాకు ఒక్క రూపాయి కూడా ఖర్చుకాలేదు.  మొత్తం ప్రభుత్వమే భరించింది. సీఎం జగన్‌ నాకు పునర్జన్మ ప్రసాదించారు.  – ఎస్‌. సుమతి, వెల్దుర్తి, పల్నాడు జిల్లా నెలకు 120 సర్జరీలు..మొదట్లో ఇక్కడ నెలకు  30 ఆపరేషన్ల వరకూ చేసేవాళ్లం. ప్రస్తుతం నెలకు 100 నుంచి 120 చేస్తున్నాం. పెద్దల్లో కూడా పుట్టుకతో వచ్చిన స్ట్రక్చరల్‌ గుండె సమస్యలతో పాటు, గుండె మార్పిడి ఆపరేషన్లు చేస్తున్నాం. 15 మంది నిపుణులైన వైద్యులు, ఇతర సిబ్బంది, అత్యాధునిక వైద్య పరికరాలున్న ఈ తరహా ఆస్పత్రి ప్రైవేట్‌లో కూడా ఎక్కడా ఉండదు. ఆస్పత్రి నిర్వహణ కోసం టీటీడీ పుష్కలంగా నిధులు అందిస్తోంది. ఇక పేద ప్రజలకు ఉచితంగా చికిత్సలు చేయడానికి ప్రభుత్వం ఆరోగ్యశ్రీ రూపంలో పూర్తిస్థాయిలో సహకారం అందిస్తోంది. త్వరలో అలిపిరిలో పీడియాట్రిక్‌ సూపర్‌స్పెషాలిటీ ఆస్పత్రి కూడా అందుబాటులోకి వస్తుంది. – డాక్టర్‌ శ్రీనాథరెడ్డి, డైరెక్టర్, శ్రీపద్మావతి చిన్న పిల్లల హృదయాలయం

సాక్షి, అమరావతి: ఏపీ తరహాలోనే దేశవ్యాప్తంగా జనరిక్‌ పశు ఔషధ కేంద్రాలను ఏర్పాటుచేయనున్నట్లు కేంద్రం అధికారికంగా ప్రకటించింది. మూగజీవాల ఆరోగ్య పరిరక్షణకు పెద్దపీట వేస్తూ అమలుచేస్తున్న సంస్కరణల్లో భాగంగా ప్రభు­త్వం ఇటీవలే వైఎస్సార్‌ పశు ఔషధ నేస్తం పథకానికి శ్రీకారం చుట్టింది. పశు పోషకులకు నాణ్యమైన బ్రాండెడ్‌ మందులను కారుచౌకగా అందించడం ద్వారా వా రికి ఆర్థిక భారం తగ్గించడం, మరోవైపు నిరుద్యోగ యువతకు ఉపాధి కల్పించడం ఈ పథకం ఉద్దేశం. అన్ని ప్రాథమిక పశు వైద్యశాలలు, పాలిక్లినిక్స్, డిస్పెన్సరీ ప్రాంగణాల్లో ఈ వైఎస్సార్‌ జనరిక్‌ పశు ఔషధ కేంద్రాలను ఏర్పాటుచేయాలని సంకల్పించి జనరిక్‌ మందుల తయారీదారులతో పశుసంవర్ధక శాఖ అవగాహనా ఒప్పందం చేసుకుంది.   విజయవాడలో తొలిసారిగా..  పైలెట్‌ ప్రాజెక్టుగా విజయవాడలోని పశుసంవర్థక శాఖ డైరెక్టర్‌ కార్యాలయ ప్రాంగణంలో దేశంలోనే తొలి జనరిక్‌ పశు ఔషధ కేంద్రాన్ని ఈ ఏడాది మార్చి 23న రాష్ట్ర ప్రభుత్వం ప్రారంభించింది. రూ.4.63 లక్షల అంచనా వ్యయంతో ఈ కేంద్రాలను ఏర్పాటుచేస్తుండగా, యూనిట్‌ కాస్ట్‌లో కేవలం 25 శాతాన్ని  లబ్ది దారులు భరిస్తే చాలు.. రాష్ట్ర ప్రభుత్వం 75% సబ్సిడీని భరిస్తోంది. వీటి ద్వారా నిర్వాహకులతో పాటు కనీసం ముగ్గురు నుంచి నలుగురికి ఉపాధి లభిస్తుంది. ఈ ఔట్‌లెట్లలో ప్రపంచ ఆరోగ్య సంస్థ ధ్రువీకరించిన 70కు పైగా జీఎంపీ క్వాలిటీ బ్రాండెడ్‌ మందులను అందుబాటులోకి తీసుకొచ్చింది. వీటి ధరలు బహిరంగ మార్కెట్‌ ధరల కంటే 35–85% తక్కు వగా ఇక్కడ లభిస్తుండడంతో పశు పోషకులతో పాటు పెంపుడు జంతువులను పెంచుకునే వారి నుంచి అనూహ్య స్పందన లభిస్తోంది. ప్రతీరోజూ 300 మందికి పైగా వినియోగదారులు ఈ కేంద్రం సేవలను వినియో గించుకుంటుండగా, రోజుకు రూ.20 వేలకు పైగా అమ్మకాలు జరుగుతున్నాయి. పైలెట్‌ ప్రాజెక్టు విజ యవంతం కావడంతో మలివిడతలో రాష్ట్రవ్యాప్తంగా మరికొన్ని కేంద్రాల ఏర్పాటుకు రాష్ట్ర ప్రభుత్వం సన్నాహాలు చేస్తోంది. దశల వారీగా రూ.14.17 కోట్లతో రాష్ట్రవ్యాప్తంగా ఉన్న 300 ప్రాథమిక పశు వైద్యశాల (పీవీసీ) ప్రాంగణాల్లో ఏర్పాటుచేయాలని లక్ష్యంగా నిర్దేశించుకుంది. ఇటీవల రాష్ట్రాల పశుసంవర్థక శాఖ మంత్రులతో జమ్మూకశ్మీర్‌లో నిర్వహించిన జాతీయ స్థాయి పశుసంవర్ధక శాఖ వర్కుషాపులో రాష్ట్ర పశుసంవర్థక శాఖ మంత్రి డాక్టర్‌ సీదిరి అప్పలరాజు, డైరెక్టర్‌ డాక్టర్‌ రెడ్నం అమరేంద్రకుమార్‌లు ఏపీలో సీఎం జగన్‌ ఆలోచనల మేరకు పశుపోషకులకు ఆర్థిక భారం తగ్గించేందుకు దేశంలోనే తొలిసారి జనరిక్‌ పశుఔషధ కేంద్రాలను ఏర్పాటుచేస్తున్నామని వివరించారు. రాష్ట్రస్థాయిలో వీటిని విస్తరించేందుకు ఆర్థిక చేయూతనివ్వాలని కేంద్రానికి విజ్ఞప్తి చేశారు.   సీఎం జగన్‌ కృషికి కేంద్ర బృందం కితాబు  సదస్సులో పాల్గొన్న కేంద్ర పశుసంవర్థక శాఖ మంత్రి పురుషోత్తమ్‌ రూపాలాతో పాటు కేంద్ర అధికారుల బృందం రాష్ట్ర ప్రభుత్వ కృషిని, సీఎం జగన్‌ చొరవను ప్రత్యేకంగా అభినందించారు. ఇదే స్ఫూర్తి తో దేశవ్యాప్తంగా ఏర్పాటుచేస్తే ఎలా ఉంటుందో పరిశీలించాలని అధికారులను కేంద్రమంత్రి ఆదేశించడమే కాక.. ప్రధాని దృష్టికి కూడా తీసుకెళ్లగా ఆ యన కూడా అంగీకారం తెలిపారు. దీంతో కేంద్ర బృందం శుక్రవారం మరోసారి భేటీ అయింది. కేంద్రం ఆహ్వానంతో అమరేంద్రకుమార్‌ వైఎస్సార్‌ పశు ఔషధ నేస్తం పథకం లక్ష్యాలను వివరించారు. ఇదే తరహాలో దేశవ్యాప్తంగా ఏర్పాటుచేయాలని సమావేశంలో నిర్ణయం తీసుకున్నారు. దీంతో విధి విధానాల రూపకల్పనకు కేంద్రం కసరత్తు ప్రారంభించింది. రాష్ట్రంలో మలి విడతలో ఏర్పాటుచేయ తలపెట్టిన జనరిక్‌ పశు ఔషధ కేంద్రాలకు అవసరమైన ఆర్థిక చేయూతనిచ్చేందుకు అంగీకరించింది. 

ఉద్యమం కోసం అడవుల బాట పట్టిన ‘అన్న’లకు అనారోగ్యం తీవ్రంగా బాధిస్తోంది. దశాబ్దాలుగా అడవుల్లో ఎన్నో విపత్కర పరిస్థితులు లెక్క చేయక గడిపిన ఎందరో నాయకులు ఇప్పుడు అనేక జబ్బులతో ఇబ్బందులు పడుతున్నారని తెలుస్తోంది. ఓవైపు మారిన వాతావరణ పరిస్థితులు, మరోవైపు అడవుల్లో సరైన వైద్య సాయం అందక, కొన్నిసార్లు మందులకు తీవ్ర కొరతతో కొట్టుమిట్టాడుతున్నట్టు సమాచారం. వైద్యం కోసం అడవులు వదిలితే ఎక్కడ పోలీస్‌ బలగాలకు చిక్కుతామన్న భయంతో తప్పని పరిస్థితుల్లో అడవుల్లోనే ఉండి చివరకు ప్రాణాలు కోల్పోతున్నారు. కరోనా సమయంలో ఎలాగోలా బతికి బయటపడినా.. పోస్ట్‌ కోవిడ్‌ సమస్యలు ఇప్పుడు వారిని మరింతకుంగదీస్తున్నట్టు తెలుస్తోంది. అగ్రనేత ఆర్కే అనారోగ్యంతోనే..  అనారోగ్య కారణాలతోనే మావోయిస్టు అగ్రనాయకులైన ఆర్కే, హరిభూషణ్‌లు సైతం మృతిచెందారు. అలాగే ఇటీవలే మావోయిస్టు పొలిట్‌ బ్యూరో సభ్యుడు, సెంట్రల్‌ కమిటీ సభ్యుడు కటకం సుదర్శన్‌ మృతి చెందిన విషయం తెలిసిందే. ఇదే తరహాలో మావోయిస్టు కేంద్ర కమిటీతోపాటు తెలంగాణ రాష్ట్ర కమిటీకి చెందిన వారిలోనూ దాదాపు 30కి పైగా మావోయిస్టు కీలక నేతలు  అనారోగ్య సమస్యలతో బాధపడుతున్నారని గతంలో అరెస్టయిన మావోయిస్టు నేతలు చెబుతున్నారు.  మంచానికే పరిమితమైన గణపతి? మావోయిస్టు ఉద్యమం పేరు చెబితే వెంటనే గుర్తుకు వచ్చే పేర్లలో ఒకటైన ముప్పాల లక్ష్మణ్‌రావు అలియాస్‌ గణపతి ఆరోగ్యం ప్రస్తుతం ఆందోళనకరంగా ఉన్నట్టు తెలుస్తోంది. మావోయిస్టు మాజీ జనరల్‌ సెక్రెటరీ, ప్రస్తుతం సెంట్రల్‌ కమిటీ సభ్యుడిగా అత్యంత కీలక నేతగా ఉన్న గణపతి వయస్సు 73కు చేరింది. బీపీ, షుగర్, మోకాళ్ల నొప్పులు, అల్జీమర్స్‌తో బాధపడుతున్న గణపతి ప్రస్తుతానికి మంచానికే పరిమితమైనట్టు విశ్వసనీయ సమాచారం. సెంట్రల్‌ కమిటీలో కీలక సభ్యుడు అయిన గాజర్ల రవి సైతం కీళ్ల నొప్పులు, కిడ్నీ సంబంధ జబ్బులతో బాధపడుతున్నట్టు తెలిసింది. సెంట్రల్‌ కమిటీలోని రామచంద్రారెడ్డి, మొడెం బాలకృష్ణ, పోతుల కల్పన, దండాకరణ్యం స్పెషల్‌ జోన్‌ కమిటీలోని నూనె నర్సింహారెడ్డి అలియాస్‌ జంపన్న వెన్ను నొప్పితో , తెలంగాణ డివిజనల్‌ కమిటీ సభ్యుడు అప్పాసి నారాయణ అలియాస్‌ రమేశ్‌ అధిక రక్తపోటు, గుండె జబ్బుతో బాధపడుతున్నట్టు విశ్వసనీయ సమాచారం. ఇతర కీలక నాయకులు సైతం చాలా మంది షుగర్‌ , బీపీ, కీళ్ల నొప్పులు ఇతర సమస్యలతో సతమతవుతున్నట్టు తెలుస్తోంది.  స్థానికుల నుంచి సహకారం తగ్గుతోందా?  మరోవైపు మావోయిస్టు ప్రభావిత ప్రాంతాల్లో గతంలో మాదిరిగా స్థానికుల నుంచి మద్దతు తగ్గుతోందనీ, అందుకే సకాలంలో మందుల రవాణా, ఇతర సహాయ సహకారాల్లో జాప్యమవుతోందన్న చర్చ నడుస్తోంది. అయితే వైద్య కోసం వచ్చే మావోయిస్టులకు మందులు, వైద్య చికిత్స అందకుండా కేంద్ర, రాష్ట్ర ప్రభుత్వాలు చేస్తున్న ఫాసిస్టు దాడి ఫలితంగానే మావోయిస్టుల మరణాలు జరుగుతున్నాయని మావోయిస్టు పార్టీ ఆరోపిస్తోంది. కటకం సుదర్శన్‌ మృతిపై ప్రకటన జారీ సందర్భంగా మావోయిస్టు కేంద్ర కమిటీ మీడియా ప్రతినిధి అభయ్‌ ఇవే ఆరోపణలు చేశారు.  జనజీవన స్రవంతిలోకి వస్తే  మేం చూసుకుంటామంటున్న ఖాకీలు  పోలీసు అధికారుల వాదన మాత్రం ఇందుకు భిన్నంగా ఉంది..అనారోగ్యంపాలైన మావోయిస్టుల జనజీవన స్రవంతిలోకి వస్తే మెరుగైన వైద్య సేవలందిస్తామని తాము బహిరంగంగా, మీడియా ద్వారా విజ్ఞప్తి చేస్తున్నామని పేర్కొంటున్నారు. మావోయిస్టు నాయకులు, కేడర్‌ లొంగిపోతున్న సందర్భాల్లో, అరెస్టుల సందర్భంగా నిర్వహించే పత్రికా సమావేశాల్లోనూ లొంగిపోతే సరైన వైద్యం అందిస్తామని పోలీస్‌ ఉన్నతాధికారులు విజ్ఞప్తి చేస్తున్నారు.  

సాక్షి ప్రతినిధి, గుంటూరు: బాధితులకు సాయం చేసినా ఎల్లో మీడియా సహించలేకపోతోంది! రాష్ట్ర ప్రభుత్వంపై బురద చల్లడమే ఏకైక లక్ష్యంగా నిత్యం దుష్ప్రచారాలకు తెగిస్తోంది. ముఖ్యమంత్రి వైఎస్‌ జగన్‌మోహన్‌రెడ్డి సోమవారం పల్నాడు జిల్లా క్రోసూరులో జగనన్న విద్యా కానుక కిట్లు పంపిణీ కార్యక్రమంలో పాల్గొన్న సంగతి తెలిసిందే. సీఎం జగన్‌ హెలిప్యాడ్‌ నుంచి సభాస్థలికి  కాన్వాయ్‌లో వస్తుండగా అచ్చంపేట మండలం ముత్యాల గ్రామవాసి పువ్వాడ సాయి, అతడి తల్లి తమ సమస్యను చెప్పుకునేందుకు ప్రయత్నించారు. వారిని చూసిన ముఖ్యమంత్రి తన వద్దకు తీసుకురావాలని అధికారులను ఆదేశించారు. అయితే  ముఖ్యమంత్రి పట్టించుకోకుండా బస్సులో ముందుకు వెళ్లిపోయారంటూ ఎల్లో మీడియా అబద్ధాలకు తెగించింది. సోషల్‌ మీడియాలో తప్పుడు ప్రచారం చేసింది. నిజానికి బాధితుల సమస్యను తెలుసుకున్న ముఖ్యమంత్రి జగన్‌ తక్షణమే స్పందించారు. చెయ్యి విరిగిన సాయి చికిత్స కోసం రూ.లక్ష ఆర్థిక సాయం అందించడంతోపాటు ఫిజియోథెరపీ అందించాలని ఆదేశించారు. ఈ మేరకు నరసరావుపేట కలెక్టర్‌ కార్యాలయంలో అదేరోజు సాయంత్రం పువ్వాడ సాయి కుటుంబ సభ్యులకు తక్షణ సాయం రూ.లక్ష అందించారు. ముఖ్యమంత్రి ఆదేశాల మేరకు అత్యాధునిక వైద్య చికిత్స అందించేలా అధికారులు చర్యలు తీసుకున్నారు. వివిధ సమస్యలతో ముఖ్యమంత్రి జగన్‌ను కలసిన మరో 21 మందికి తక్షణ సాయంగా రూ.32.50 లక్షలు ఆరి్థక  సాయం అందించడంతోపాటు అవసరమైన వారికి వైద్య సేవలు అందించేలా చర్యలు చేపట్టారు. దీనిపై బురద చల్లుతూ సామాజిక మాధ్యమాల్లో దు్రష్పచారాలకు పాల్పడుతున్న వారిపై చర్యలు తీసుకునేందుకు అధికారులు సన్నద్ధం అవుతున్నారు.  

అరసవల్లి(శ్రీకాకుళం జిల్లా): శ్రీకాకుళం జిల్లా పర్యటనకు వచ్చిన సీఎం జగన్‌  మరోసారి తన ఉదార స్వభావాన్ని చాటుకున్నారు. దీర్ఘకాల వ్యాధులతో బాధ పడుతున్న పలువురికి మెరుగైన వైద్యం, తక్షణ సాయం అందేలా ఆదేశించారు. నౌపడ సభా వేదిక నుంచి హెలిప్యాడ్‌కు వెళ్తున్న సమయంలో టెక్కలి మండలానికి చెందిన లాయిపండా వెంకటరావు తన కుమారుడు కార్తీక్‌ (9) ‘తొసిల్‌­జు­మాబ్‌–సోజియా’ అనే ఎముకల వ్యాధితో ఆరేళ్లుగా బాధ పడుతు­న్నాడ­ని సీఎంకు చెప్పారు. వైద్య ఖర్చులకు ఇంటిని కూడా అమ్మేశానన్నారు. సీఎం స్పందిస్తూ మెరుగైన వైద్యం అందేలా చూడాలని, తక్షణ సాయంగా రూ.5 లక్షలు ఇవ్వాలని కలెక్టర్‌ శ్రీకేష్‌ బి.లాఠ్కర్‌ను ఆదేశించారు. వీరి విషయం ఫాలోఅప్‌ చేయాలని సీఎంవో కార్యదర్శి ధనంజయరెడ్డికి సూచించారు. శ్రీకాకుళం జిల్లాకు చెందిన కొండటెంబురు గ్రామానికి చెందిన అన్నపూర్ణ తన కూతురు రాజశ్రీ పుట్టకతోనే పక్షవాతం బారిన పడిన విషయాన్ని సీఎం జగన్‌ దృష్టికి తీసుకొచ్చారు. తమ కుటుంబాన్ని ఆర్థికంగా ఆదుకోవాలని విజ్ఞప్తి చేశారు. దీనిపై చలించిపోయిన సీఎం జగన్‌ సీఎం రిలీఫ్‌ పండ్‌ నుంచి రూ. లక్షల మంజూరు చేశారు.  శ్రీకాకుళం జిల్లా లింగాలవలస గ్రామానికి చెందిన అప్పారావు తన కుమారుడు దిలీప్‌ కుమార్‌ పుట్టకతోనే దివ్యాంగుడనే విషయాన్ని సీఎం జగన్‌ దృష్టికి తెచ్చారు. ఎస్సీ కమ్యూనిటీకి చెందిన తమ ఆర్థిక పరిస్థితి కూడా అంతంత మాత్రమేని సీఎం జగన్‌కు విన్నవించారు. దీనికి సీఎం రిలీఫ్‌ పండ్‌ నుంచి రూ. 2లక్షల మంజూరు చేశారు సీఎం జగన్‌.  విజయనగరం జిల్లా సారథికి చెందిన వంజరాపు రామ్మూర్తి కుమారుడు రవికుమార్‌ (33) ఊపిరితిత్తుల వ్యాధి వల్ల ఆక్సిజన్‌ సిలెండర్ల మీదే బతుకుతున్నాడని స్థానిక సామాజిక కార్యకర్త పాలూరి సిద్ధార్థ బాధితుని తరఫున సీఎంను కోరారు. తక్షణ సాయంగా రూ.లక్ష అందివ్వాలని, ప్రతి నెలా రూ.10 వేలు íపింఛన్‌ మంజూరు చేసేలా విజయనగరం జిల్లా కలెక్టర్‌ నాగలక్ష్మిని ఆదేశించాలని సీఎంఓ కార్యదర్శి ధనంజయరెడ్డికి సూచించారు. బాధితులు సీఎం వైఎస్‌ జగన్‌మోహన్‌రెడ్డికు కృతజ్ఞతలు తెలిపారు. చదవండి: Fact Check: సీతకొండపై బాబు బొంకు!.. అబద్ధాలతో ట్వీట్

గుంటూరు మెడికల్‌: ఆధునిక జీవన శైలి వల్ల ప్రస్తుతం ప్రజలు యుక్త వయసులోనే మూలవ్యాధి(పైల్స్‌/మొలలు) బారిన పడుతున్నారు. ఎక్కువగా కాలేజీ విద్యార్థులు, ఉద్యోగులు దీనివల్ల బాధపడుతున్నట్టు వైద్య నిపుణులు గుర్తించారు. ఈ రోగులు ఎక్కువగా కూర్చోలేరు. అలాగని తిరగనూ లేరు. గుంటూరు జీజీహెచ్‌ జనరల్‌ సర్జరీ వైద్య విభాగానికి ప్రతిరోజూ పది మంది పైల్స్‌ సమస్యతో చికిత్స కోసం వస్తున్నారు. గుంటూరు జిల్లాలో 120 మంది జనరల్‌ సర్జన్లు, పది మంది గ్యాస్ట్రో ఎంట్రాలజిస్టులు ఉన్నారు. ఒక్కో వైద్యుడి వద్దకు ప్రతిరోజూ సగటున ఇద్దరు మొలల బాధితులు చికిత్స కోసం వస్తున్నట్టు సమాచారం. హెమోరాయిడ్స్‌గా పిలిచే ఈ వ్యాధిపై అవగాహన కల్పించేందుకు ప్రపంచ వ్యాప్తంగా ప్రతి ఏడాదీ నవంబర్‌ 20న వరల్డ్‌ పైల్స్‌ డేని నిర్వహిస్తున్నారు. సరైన వైద్యం తీసుకుంటే మూలవ్యాధిని సమూలంగా నయం చేయొచ్చని వైద్యులు చెబుతున్నారు.   కారణమేంటంటే..   మల విసర్జన సరిగా జరగకపోవడాన్ని మలబద్ధకం అంటారు. ఇది ఎక్కువగా ఉండేవారిలో అన్నవాహిక చివరి భాగంలో మల ద్వారానికిపైన పురీషనాళం వద్ద రక్తనాళాల్లో వాపు చోటుచేసుకుంటుంది. దీనినే మూల వ్యాధి అంటారు. కొందరిలో మలద్వారం దగ్గర  సిరలు బలహీనంగా ఉండటం వల్ల కూడా ఈ వ్యాధి వస్తుంది. వంశ పారంపర్యంగానూ వచ్చే ఆస్కారం ఉంది. వ్యాయామం లేకపోవడం, అధిక బరువు, ఆహారపు అలవాట్లు, పీచు పదార్థాలు తక్కువగా తీసుకోవడం వల్ల ఈ వ్యాధి వచ్చే అవకాశం ఎక్కువగా ఉంటుంది. మహిళల్లో గర్భిణిగా ఉన్నప్పుడు వచ్చే ఆస్కారం ఉంది. ఒకేచోట ఎక్కువ సేపు కూర్చొని పనిచేయడం, మానసిక ఒత్తిడి, మద్యపానం, నీరు తక్కువగా తాగడం, మాంసాహారం, జంక్‌ ఫుడ్‌ ఎక్కువగా తీసుకునే వారిలో పైల్స్‌ లక్షణాలు అధికంగా కనిపిస్తాయి. మల ద్వారం చుట్టూ దురదగా ఉండడం, మల విసర్జన సమయంలో వాపు, ఉబ్బు తగలడం, అధిక రక్తస్రావం దీని లక్షణాలు.    చికిత్స, జాగ్రత్తలు   ► ప్రస్తుతం మూలవ్యాధికి అధునాతన చికిత్సలు అందుబాటులో ఉన్నాయి. స్టాప్లర్, లేజర్, హాల్స్‌వంటి విధానాల వల్ల ఎక్కువ నొప్పి, గాయం లేకుండా మూలవ్యాధిని నయం చేయొచ్చు.   ► మొలలు సోకిన వారు  పీచు ఎక్కువగా ఉండే ఆహారం తీసుకోవాలి. ద్రవ పదార్థాలను ప్రత్యేకంగా నీళ్లను తరచూ తాగాలి. పండ్లు, ఆకు కూరలు, కాయగూరలు అధికంగా తీసుకోవాలి. ఎక్కువగా శ్రమపడి ఒత్తిడి కలిగేలా మల విసర్జన చేయకూడదు. కారం, మాసాలాలు, పచ్చళ్లు, వేపుళ్లు, దుంప కూరలకు దూరంగా ఉండాలి. 90 శాతం మందులతోనే నయం పైల్స్‌ బాధితులకు గుంటూరు జీజీహెచ్‌లో అత్యాధునిక వైద్య సేవలు అందుబాటులో ఉన్నాయి. ఉచితంగా ఆపరేషన్లూ చేస్తున్నాం. నూటికి 90 శాతం మూలవ్యాధి మందులతోనే నయమవుతుంది. కేవలం పది శాతం మందికి మాత్రమే శస్త్రచికిత్స అవసరం అవుతుంది. ఆపరేషన్‌కూ అత్యాధునిక పద్ధతులు ఉన్నాయి. లేజర్‌ చికిత్స ద్వారా అతి తక్కువ కోత, కుట్లతో శస్త్రచికిత్స చేయొచ్చు.    – షేక్‌ నాగూర్‌బాషా, గ్యాస్ట్రో ఎంట్రాలజీ అసిస్టెంట్‌ ప్రొఫెసర్, గుంటూరు జీజీహెచ్‌

పంజాబ్‌ కాంగ్రెస్‌ మాజీ అధ్యక్షుడు, మాజీ క్రికెటర్‌ నవజోత్‌ సింగ్‌ సిద్ధూకు సుప్రీంకోర్టు ఏడాది జైలు శిక్ష విధించిన విషయం తెలిసిందే. 1988 నాటి కేసులో కోర్టు ఆయనుకు శిక్ష విధించింది. ఈ నేపథ్యంలో కోర్టు తీర్పుపై సిద్ధూ గురువారం స్పందిస్తూ.. కోర్టు తీర్పును గౌరవిస్తానని, పోలీసులకు లొంగిపోతానని అన్నారు.  ఇంతలోనే శుక‍్రవారం సిద్ధూ మాట మార్చారు. ఆరోగ్య కారణాల రీత్యా లొంగిపోవడానికి మరికొన్ని వారాల సమయం కావాలని నవజోత్‌ సింగ్ సిద్ధూ కోరారు. దీంతో, సిద్ధూ తరఫున ప్రముఖ న్యాయవాది అభిషేక్‌ మను సింఘ్వీ సుప్రీంకోర్టును ఆశ్రయించనున్నారు. ఈ మేరకు సింఘ్వీ.. సీజేఐ ఎన్వీ రమణను కలవాలని ఏఎం ఖన్వీల్కర్‌ సూచించారు.  ఇక, కేసు రివ్యూ పిటిషన్‌పై సుప్రీంకోర్టు న్యాయమూర్తులు జస్టిస్‌ ఏఎం ఖన్వీల్కర్‌, జస్టిస్‌ ఎస్‌కే కౌల్‌తో కూడిన ధర్మాసనం గురువారం తీర్పు వెలువరించిన విషయం తెలిసిందే. కాగా, సుప్రీంకోర్టు ఆదేశాలు ఇంకా తమకు అందలేదని, శుక్రవారం ఉదయం ఛండీగఢ్‌ కోర్టు నుంచి పాటియాలా పోలీస్‌స్టేషన్‌కు వస్తాయని అధికారులు తెలిపారు. అనంతరం సమన్లను సిద్ధూకి అందించి లొంగిపోవాలని కోరుతున్నామని పోలీసులు చెప్పారు. అరెస్టు చేసిన వెంటనే సిద్ధూను వైద్య పరీక్షల కోసం స్థానిక ఆసుపత్రికి తరలిస్తామని స్పష్టం చేశారు. Will submit to the majesty of law …. — Navjot Singh Sidhu (@sherryontopp) May 19, 2022 ఇది కూడా చదవండి: లాలూ ప్రసాద్‌ యాదవ్‌, కుటుంబ సభ్యులకు షాక్‌ ఇచ్చిన సీబీఐ

సాక్షి, అమరావతి: రాష్ట్రంలో కోవిడ్‌ కట్టడి చర్యలకు ప్రవాసాంధ్రులు సాయం అందించారు. సుమారు రూ.4,28, 08,885 విలువైన వైద్య పరికరాలను ఏపీఎన్‌ఆర్‌టీఎస్‌ సంస్థ ద్వారా ప్రభుత్వాస్పత్రులకు అందించారు. సోమవారం తాడేపల్లిలోని ఏపీఎన్‌ఆర్‌టీఎస్‌ ప్రధాన కార్యాలయంలో జరిగిన పంపిణీ కార్యక్రమంలో టీటీడీ మాజీ చైర్మన్‌ వైవీ సుబ్బారెడ్డి, బ్రాహ్మణ కార్పొరేషన్‌ చైర్మన్, ఎమ్మెల్యే మల్లాది విష్ణు, ఏపీఎన్‌ఆర్‌టీఎస్‌ అధ్యక్షుడు వెంకట్‌ ఎస్‌ మేడపాటి, సీఈవో కె.దినేష్‌కుమార్, భవకుమార్‌ తదితరులు పాల్గొన్నారు. ఈ సందర్భంగా సుబ్బారెడ్డి మాట్లాడుతూ రాష్ట్రానికి అవసరమైన వైద్య పరికరాల వివరాలను స్టేట్‌ కోవిడ్‌ కమాండ్‌ కంట్రోల్‌ సెంటర్‌తో సమన్వయం చేసుకుంటూ ప్రవాసాంధ్రుల నుంచి వాటిని సేకరించడంలో ఏపీఎన్‌ఆర్‌టీఎస్‌ విశేష కృషి చేస్తోందంటూ కొనియాడారు. ముఖ్యమంత్రి వైఎస్‌ జగన్‌మోహన్‌రెడ్డి మార్గదర్శకత్వంలో ఏపీఎన్‌ఆర్‌టీఎస్‌ పనిచేస్తోందని  వెంకట్‌ మేడపాటి అన్నారు. ఏపీకి  వైద్య పరికరాలను పంపాలనుకునే వారికి వివిధ దేశాల్లో ఉన్న తమ కోఆర్డినేటర్లు సాయం అందిస్తున్నట్లు వివరించారు.  ఇప్పటివరకు రాష్ట్రంలోని 70 ఏరియా, పెద్దాస్పత్రులకు వైద్య సామగ్రి పంపిణీ జరిగిందన్నారు. ఆక్సిజన్‌ ప్లాంట్ల నిర్మాణానికి సిద్ధార్థ మెడికల్‌ కాలేజీ, గుంటూరు మెడికల్‌ కాలేజీలకు చెందిన పూర్వ విద్యార్థి సంఘాలు ముందుకు రావడం హర్షణీయమన్నారు.   చదవండి : ఆపదలో ఉన్న మహిళలను కాపాడే అస్త్రం దిశ యాప్: సీఎం జగన్

ఇటీవల హైదరాబాద్‌కు చెందిన ఒక బాలుడు అరుదైన వ్యాధితో బాధపడ్డాడు. చికిత్సకు రూ.16 కోట్లు అవుతుందని వైద్యులు చెప్పారు. దీంతో అంత డబ్బు ఎలా తేవాలని, ఎవరిని అడగాలని, తమ చిన్నారిని ఎలా బతికించుకోవాలని ఆ తల్లిదండ్రులు ఎంతగానో కలత చెందారు. అప్పుడు వారిని దేవుడిలా ఆదుకుంది ‘క్రౌడ్‌ఫండింగ్‌’. దీంతో ఆన్‌లైన్‌లో సమకూరిన నిధులతో వారు తమ చిన్నారిని బతికించుకున్నారు. ఆ కుటుంబంలో మళ్లీ సంతోషం నింపిన ఆ ‘క్రౌడ్‌ఫండింగ్‌’ అంటే ఏమిటో తెలుసుకుందాం..    సాక్షి, హైదరాబాద్‌: గతంతో పోలిస్తే.. దాతల సంఖ్య పెరిగింది. ఐటీ సంబంధిత సంస్థల్లో పనిచేసే యువకులు చారిటీ అంటే సై అంటున్నారు. దీంతో ఆపన్నులు–దాతలకు మధ్య వారధిలాంటి మాధ్యమాలు కూడా పెరుగుతున్నాయి. వీటిలో ప్రాచుర్యంలో ఉన్న వారధి ఆన్‌లైన్‌ ఫండ్‌ రైజింగ్‌ పేజెస్‌/ క్రౌడ్‌ ఫండింగ్‌. అన్ని అవసరాలకూ ఇవి ఉపయోగపడుతున్నప్పటికీ.. ముఖ్యంగా అనారోగ్యంతో బాధపడుతున్న రోగులకు అధికంగా లబ్ధి చేకూరుతోంది. దీంతో ఖరీదైన చికిత్సలు అవసరమైన అభాగ్యులకు ఇవి వరంలా మారాయి.  వ్యక్తిగతంగా చేస్తే సందేహాలు   మన వారెవరైనా ప్రాణాంతక వ్యాధితో బాధపడుతూ చికిత్సకు అవసరమైన డబ్బు మన దగ్గర లేనప్పుడు ఆన్‌లైన్‌ పేజ్‌లు తయారుచేసుకుని దాతల నుంచి విరాళాలు సేకరించవచ్చు. అలా ఓ రోగి తరపున పేజ్‌ సృష్టించిన వ్యక్తిని క్యాంపెయిన్‌ ఆర్గనైజర్‌గా వ్యవహరిస్తారు. వ్యక్తిగతంగా పేజ్‌ తయారు చేసుకుంటే దాతలు సందేహించొచ్చు  కాబట్టి అప్పటికే ఈ తరహా పేజ్‌లకు సపోర్ట్‌ చేసేందుకు కొన్ని క్రౌడ్‌ ఫండింగ్‌ వేదికలు అవతరించాయి. ఇవి కొంత రుసుము తీసుకుని బాధితుడి తరపున చారిటీ క్యాంపెయిన్‌ నిర్వహిస్తాయి. వాటినే క్రౌడ్‌ ఫండింగ్‌ ప్లాట్‌ఫామ్‌లంటారు.   జాగ్రత్తగా...చేయూత  చికిత్స కోసం నిజంగా అవసరమైన వారిని మాత్రమే తమ వేదికను వినియోగించుకునేందుకు అవకాశం ఇవ్వడం.. మరోవైపు దాతలిచ్చే విరాళాలు దుర్వినియోగం కాకుండా చూడటం అనే ఈ రెండు బాధ్యతలనూ క్రౌడ్‌ ఫండింగ్‌ వేదికలు నిర్వర్తిస్తాయి. దీని కోసం వీరు పలు జాగ్రత్తలు తీసుకుంటారు. అవసరార్థులకు చెందిన ఆధార్, పాన్‌ తదితర గుర్తింపు కార్డులతోపాటు సోషల్‌ మీడియా ప్రొఫైల్స్‌ని కూడా క్షుణ్నంగా తనిఖీ చేస్తారు. క్యాంపెయిన్‌ చేసేవారికీ లబ్ధిదారులతో ఉన్న అనుబంధం, రోగి ఐడీ, వ్యాధి, చికిత్స తాలూకు ధ్రువపత్రాలు, చికిత్సకు అయ్యే అంచనా వ్యయం.. వగైరా వివరాలు కచ్చితంగా సేకరిస్తారు. చికిత్స అందిస్తున్న సంబంధిత ఆసుపత్రి, వైద్యులతో కూడా రెగ్యులర్‌గా టచ్‌లో ఉంటారు. ఈ సంస్థల ప్రధాన కార్యాలయాలు ఎక్కడెక్కడో ఉన్నప్పటికీ హైదరాబాద్‌ సహా పలు నగరాల్లో శాఖలు ఉన్నాయి.   సిటీ ఆస్పత్రులతో ఒప్పందాలు  మేము హైదరాబాద్‌ నుంచి వివిధ చికిత్సల కోసం 12 వేల క్యాంపెయిన్స్‌ నిర్వహించాం. బాధితులకు రూ.105 కోట్లు అందించాం. పుణెకు చెందిన వేదికా షిండా అనే బాలికకు అవసరమైన జీన్‌ రీప్లేస్‌మెంట్‌ థెరపీ కోసం సేకరించిన రూ.14.3 కోట్లే ఇప్పటిదాకా సేకరించిన వాటిలో అత్యధిక మొత్తం. ఇందులో 1.34 లక్షల మంది దాతలు పాల్గొన్నారు. రెయిన్‌బో, గ్లోబల్, కిమ్స్‌ తదితర 25 ప్రముఖ ఆసుపత్రులతో ఒప్పందం కుదుర్చుకుని పనిచేస్తున్నాం. మా ద్వారా సాయం కోరాలంటే  Milaap.org వెబ్‌సైట్‌ను సందర్శించాలి లేదా  facebook@milaap.orgకు మెయిల్‌ చేయాలి. –అనోజ్‌ విశ్వనాథన్, ప్రెసిడెంట్, మిలాప్‌   సెకనుకో విరాళం సెకనుకో విరాళం అనే స్థాయిలో విరాళాలు మా వేదిక ద్వారా అందుతున్నాయి. ఇప్పటిదాకా మేం రూ.1,500 కోట్ల ఫండ్‌ రైజింగ్‌కు తోడ్పడ్డాం. హైదరాబాద్‌ నుంచి కోవిడ్‌ సెకండ్‌ వేవ్‌లో రెండువేలకు పైగా అభ్యర్థనలు వచ్చాయి. 150 ఆస్పత్రులతో కలిసి పనిచేశాం. తాజాగా హైదరాబాద్‌కి చెందిన మూడేళ్ల బాలిక ఆయాన్ట్‌ గుప్తాకు అవసరమైన స్పైనల్‌ మస్క్యులర్‌ అట్రోపీ టైప్‌1 చికిత్స కోసం రూ.14.84 కోట్లు సేకరించాం. చికిత్స నిధుల కోసం www.impactguru.com/users/start&fundraiser ను సంప్రదించవచ్చు. –పీయూష్‌ జైన్, సీఈఓ, ఇంపాక్ట్‌గురు.కామ్‌  సెలబ్రిటీలూ స్పందించారు..  మా అబ్బాయి ఆయాన్ష్‌కు అయ్యే చికిత్సలో భాగంగా అందించాల్సిన ఒక ఇంజెక్షన్‌ ఖరీదు రూ.16 కోట్లు అని తెలియగానే అంత మొత్తం ఎలా తేవాలో తెలియక ఆందోళన చెందాం. అయితే ఆస్పత్రి సహకారంతోపాటు ఇంపాక్ట్‌ గురు క్రౌడ్‌ ఫండింగ్‌ చేయూతతో ఖరీదైన ఇంజెక్షన్‌ను మా అబ్బాయికి ఇప్పించగలిగాం. దీని కోసం 62,450 మంది దాతలు స్పందించడం మర్చిపోలేని విషయం. వీరిలో సెలబ్రిటీలు, క్రికెటర్లు కూడా ఉన్నారు.  –యోగేష్‌ గుప్తా                        చదవండి: ఇదిగో మేమున్నాం.. మీకేం కాదు.. 

సాక్షి, విశాఖపట్నం: కోవిడ్ సమయంలో మిత్ర దేశాల నుంచి భారత్‌కు అత్యవసర సేవలు అందుతున్నాయి. ముఖ్యంగా సింగపూర్ తదితర మిత్ర దేశాలు సముద్ర సేతు పేరుతో అత్యవసర మందులు, వైద్య పరికరాలు అందిస్తున్నాయి. అందులో భాగంగా  ఐఎన్ఎస్ జలస్వ నౌక 18 క్రయోజనిక్ ఆక్సిజన్ ట్యాంకులు, 3650 ఆక్సిజన్ సిలిండర్లు, 39 వెంటిలేటర్లతో ఆదివారం విశాఖలోని తూర్పు నౌకాదళ కేంద్రానికి చేరింది. వీటితో పాటు కోవిడ్ మందులు కూడా మిత్ర దేశాలు అందించాయి. సముద్ర సేతు 2లో భాగంగా ఈ సేవలు భారత్‌కు చేరాయి. చదవండి: మాకు కరోనా లేదు... పరీక్షలు చేయొద్దు

వాషింగ్టన్‌: కరోనా సెకండ్‌ వేవ్‌పై జరుగుతున్న యుద్ధంలో భారత్‌కు బాసటగా నిలుస్తున్నామని అమెరికా అధ్యక్షుడు బైడెన్‌ చెప్పారు. భారత్‌కు గణనీయమైన సాయం అందిస్తున్నామని తెలిపారు. ప్రాణాధార ఔషధాలు, కీలకమైన వైద్య పరికరాలు పంపిస్తున్నామని అన్నారు. ఇప్పటిదాకా అమెరికా నుంచి భారత్‌కు ఆరు విమానాల్లో ఔషధాలు, పరికరాలు వచ్చాయి. ఇందుకు యునైటెడ్‌ స్టేట్స్‌ ఏజెన్సీ ఫర్‌ ఇంటర్నేషనల్‌ డెవలప్‌మెంట్‌(యూఎస్‌ఏఐడీ) నిధులు సమకూర్చింది. ఔషధాలతోపాటు ఆక్సిజన్‌ సిలిండర్లు, ఎన్‌95 మాస్కులు భారత్‌కు చేరుకున్నాయి. తాను ఇటీవలే భారత ప్రధానమంత్రి నరేంద్ర మోదీతో మాట్లాడానని చెప్పారు. కరోనా వ్యాక్సిన్ల ఉత్పత్తికి అవసరమైన ముడి సరుకులు అందజేయాలని మోదీ కోరారని, ఈ మేరకు వాటిని పంపించామని వివరించారు. బైడెన్‌ తాజాగా వైట్‌హౌస్‌లో మీడియాతో మాట్లాడారు. భారత్‌కు ఎంతో సహాయం చేస్తున్నామని ఉద్ఘాటించారు. జూలై 4 నాటికి అమెరికా వద్ద ఉన్న అస్ట్రాజెనెకా వ్యాక్సిన్లలో 10 శాతం వ్యాక్సిన్లను ఇతర దేశాలకు పంపిస్తామన్నారు. కరోనాను ఎదుర్కొనే విషయంలో ప్రస్తుతం భారత్‌కు తోడుగా ఉండాల్సిన అవసరం చాలా ఉందని శ్వేతసౌధం ప్రెస్‌ సెక్రెటరీ జెన్‌ సాకీ చెప్పారు. ఔషధాలు, పరికరాలు, ప్రాణ వాయువు సిలిండర్లతో కూడిన మరికొన్ని విమానాలను భారత్‌కు పంపుతామన్నారు.  

సాక్షి, అమరావతి: రాష్ట్రవ్యాప్తంగా ప్రభుత్వాస్పత్రులకు వైద్యసేవలకు వెళ్లే గర్భిణులు ఇకపై ఆటో కోసమో, బస్సు కోసమో ఎదురు చూడాల్సిన పనిలేదు. వీళ్లకోసం రాష్ట్ర ప్రభుత్వం త్వరలోనే ఇంటివద్దకే వాహనాన్ని పంపించే ఏర్పాట్లు చేస్తోంది. ఆపదలో ఉన్న వారి కోసం ఇప్పటికే 108 వాహనాలు పనిచేస్తున్నాయి. పల్లెల్లో మందులివ్వడానికి 104 వాహనాలున్నాయి. ప్రసవానంతరం తల్లీబిడ్డలను ఇంటికి తీసుకెళ్లేందుకు తల్లీబిడ్డ ఎక్స్‌ప్రెస్‌ వాహనాలు నడుస్తున్నాయి. అయితే.. గర్భిణులు ప్రసవానికి ముందు ఆస్పత్రులకు వెళ్లి వైద్యపరీక్షలు చేయించుకోవాలంటే రవాణా సౌకర్యం లేదు. దీనికోసం ఇప్పుడు కొత్తగా వాహనాలను ప్రభుత్వం సిద్ధం చేస్తోంది.  తొలిదశలో 170 వాహనాలు  గర్భిణులు 9 నెలల కాలంలో విధిగా నాలుగు దఫాలు వైద్యపరీక్షలకు వెళ్లాలి. దీన్నే యాంటీనేటల్‌ చెకప్స్‌ అంటారు. ఈ సమయంలో ప్రతి గ్రామంలో ఉన్న గర్భిణులకు ఇంటివద్దకే వాహనాలను పంపిస్తారు. గర్భిణి ఎప్పుడు వైద్యసేవలకు వెళ్లాలో స్థానికంగా ఆశా వర్కర్‌కు, ఏఎన్‌ఎంకు అవగాహన ఉంటుంది. వీళ్లు ఆ సమయానికి మెడికల్‌ ఆఫీసర్‌కు ఫోన్‌చేసి, వాహనాన్ని ఇంటివద్దకే రప్పించి దాన్లో ఆస్పత్రికి పంపిస్తారు. వైద్యపరీక్షలు పూర్తయ్యేవరకు వాహనం అక్కడే ఉండి తిరిగి ఇంటివద్దకు చేరుస్తుంది. దీనికోసం తొలుత 5 జిల్లాల్లో 170 వాహనాల ఏర్పాటుకు టెండర్లు పిలిచేందుకు వైద్య ఆరోగ్యశాఖ అధికారులు యత్నిస్తున్నారు. అనంతరం అన్ని జిల్లాలకు ఈ పథకాన్ని విస్తరిస్తారు. గర్భిణులకు ఉచితంగా రవాణా సదుపాయం కల్పించే వాహనాలు ప్రాథమిక ఆరోగ్యకేంద్రం వైద్యాధికారి ఆధ్వర్యంలో ఉంటాయి. ఏఎన్‌ఎం లేదా ఆశా కార్యకర్త ఎవరైనా డాక్టరుకు ఫోన్‌ చేయగానే ఆ గర్భిణి ఇంటివద్దకే వాహనాన్ని పంపిస్తారు. గర్భిణి ప్రయాణానికి వీలుగా ఉండేలా తుపాన్‌ వాహనాన్ని ఎంపిక చేసినట్టు తెలిసింది. తొలుత ఈ ఐదు జిల్లాల వాహనాలకు కలిపి ఏడాదికి రూ.10 కోట్లు వ్యయం అవుతుందని అంచనా వేశారు.  3 లక్షల మంది గర్భిణులకు లబ్ధి  రాష్ట్రంలో ఏటా 7 లక్షలకు పైగా ప్రసవాలు జరుగుతుండగా, అందులో 3 లక్షలమంది ప్రభుత్వాస్పత్రులకు వస్తున్నారు. వీళ్లలో ఎక్కువగా గ్రామీణ ప్రాంతాల వారే. రవాణా సౌకర్యం లేక వైద్యపరీక్షలకు వెనుకాడుతున్నారు. ఉచిత రవాణా కల్పిస్తే ప్రతి ఒక్కరు వైద్యపరీక్షలకు వచ్చే అవకాశం ఉంది. క్రమం తప్పకుండా పరీక్షలు చేయించుకోవడం, సమస్యలున్నప్పుడు మందులు తీసుకోవడం వల్ల సుఖప్రసవాలు జరగడమే కాకుండా మాతాశిశు మరణాలు కూడా తగ్గే అవకాశం ఉంటుంది.   

సాక్షి, అమరావతి: దేశవ్యాప్తంగా మాతృ మరణాలు (ప్రసవ సమయంలో తల్లుల మృతి) గణనీయంగా తగ్గుతున్నాయి. సహస్రాబ్ధి లక్ష్యాల్లో భాగంగా జాతీయ స్థాయిలో లక్ష ప్రసవాలకు తల్లుల మృతుల సంఖ్యను 70కి తగ్గించాలని లక్ష్యంగా నిర్ణయించారు. తాజాగా ఎస్‌ఆర్‌ఎస్‌ (శాంపిల్‌ రిజిస్ట్రేషన్‌ సర్వే) స్పెషల్‌ బులెటిన్‌లో జాతీయ సగటున ప్రతి లక్ష ప్రసవాలకు 113 మంది తల్లులు మృతి చెందుతున్నట్టు వెల్లడైంది. అయితే జాతీయ సగటు కంటే చాలా రాష్ట్రాల్లో ఈ సంఖ్య ఎక్కువగా ఉండడం  కలవరపెడుతోంది. అస్సాం, ఉత్తరప్రదేశ్, మధ్యప్రదేశ్‌ వంటి రాష్ట్రాల్లో ఇప్పటికీ భారీగా మాతృ మరణాలు సంభవిస్తున్నాయి. 2016–18కి గానూ విడుదల చేసిన  ప్రత్యేక బులెటిన్‌లో లక్ష ప్రసవాలకు ఏపీలో 65 మాతృ మరణాలు సంభవిస్తున్నట్టు వెల్లడైంది. మాతృ మరణాలకు ప్రధాన కారణాలు ఇవే.. ► ప్రసవానంతరం అధిక రక్తస్రావంతో 38 శాతం మంది.. ► సెప్సిస్‌ (ప్రసవ సమయంలో విషపూరితం కావడం) కారణంగా ► శాతం మంది..  అధిక రక్తపోటు (హైపర్‌ టెన్షన్‌) వల్ల 5 శాతం మంది.. ► అబార్షన్లు జరగడం వల్ల 8 శాతం మంది.. ► రకరకాల గర్భకోశ వ్యాధుల వల్ల 5గురు..  ► ఇతర కారణాల వల్ల 34 శాతం మంది మృత్యువాత పడుతున్నారు. ఏపీలో తల్లులకు భరోసా ఇలా.. ► ప్రతి నెలా 9వ తేదీన గర్భిణులకు వైద్య పరీక్షలు నిర్వహించి హైరిస్కు గర్భిణులను గుర్తించి, ప్రత్యేకంగా ఓ ఆశ కార్యకర్త లేదా ఒక ఏఎన్‌ఎంను నియమించడం ► ప్రతి పీహెచ్‌సీలోనూ సేఫ్‌ డెలివరీ కేలండర్‌ ఏర్పాటు చేయడం. ఆరు రోజుల ముందే వారిని ఆస్పత్రిలో చేర్పించడం ► 108 డ్రైవరు నంబరు ఆమెకు ఇవ్వడం..డ్రైవరుకు గర్భిణి నంబరు ఇచ్చి ఫోన్‌ చేసి మరీ తీసుకురావడం ► ఎంఎస్‌ఎస్‌ యాప్‌ ద్వారా ప్రతి పీహెచ్‌సీ పరిధిలోనూ హైరిస్కు గర్భిణులను గుర్తించి వారికి సుఖప్రసవాలు అయ్యేలా చేయడం ► ప్రతి 15 రోజులకు ఒకసారి మాతృ మరణాలపై కలెక్టర్ల స్థాయి సమీక్ష నిర్వహించడం గణనీయంగా తగ్గించేందుకు కృషి  ఆంధ్రప్రదేశ్‌లో మాతృ మరణాలను 74 నుంచి 65కు తగ్గించాం. ఈ సంఖ్య మరింతగా తగ్గించేందుకు చర్యలు తీసుకుంటున్నాం. ఏజెన్సీ ప్రాంతాల్లోనూ మాతృ మరణాలు తగ్గడం మంచి పరిణామం.   – డా. గీతాప్రసాదిని, ప్రజారోగ్య సంచాలకులు 

నరసాపురం: పదో తరగతి చదివి కోవిడ్‌తో సహా అన్ని వ్యాధులకు చికిత్స చేస్తున్న ఓ ప్రైవేట్‌ ఆసుపత్రి నిర్వాహకుడి మోసాన్ని డీఎంఅండ్‌హెచ్‌వో వెలుగులోకి తెచ్చారు. ఈ ఘటన పశ్చిమగోదావరి జిల్లా నరసాపురంలో జరిగింది. నరసాపురం బ్రాహ్మణ సమాఖ్య భవనం రోడ్డులో ఉన్న గాబ్రేల్‌ ఆసుపత్రిలో నిబంధనలకు విరుద్ధంగా వైద్యం చేస్తున్నారంటూ వచ్చిన ఫిర్యాదులపై డీఎంఅండ్‌హెచ్‌వో డాక్టర్‌ సునంద శనివారం తనిఖీ చేశారు. డాక్టర్‌ స్థానంలో ఉన్న ఆసుపత్రి నిర్వాహకుడు సతీష్‌ (35)ను సర్టిఫికెట్‌లు, అనుమతులు చూపాలని కోరారు. తనకు పీఎంపీ, ఆర్‌ఎంపీ సర్టిఫికెట్‌ కూడా లేదని, పదో తరగతి వరకు చదివానని సతీష్‌ చెప్పడంతో వెంటనే ఆసుపత్రిని సీజ్‌ చేసి అక్కడ ఉన్న హైపవర్‌ యాంటీ బయోటిక్‌ మందులను స్వాధీనం చేసుకున్నారు. సతీష్‌పై పోలీసులకు ఫిర్యాదు చేయాలని అధికారులను ఆదేశించారు. విషయం తెలుసుకున్న అక్రమ వైద్యం చేస్తున్న పీఎంపీ, ఆర్‌ఎంపీలు కొందరు తమ వైద్యశాలలు మూసేసి పరారయ్యారు.    

సాక్షి, అమరావతి: పేద రోగులకు అందించే మందులను ముందుగా పరిశీలించి.. వాటి నాణ్యత నిర్ధారించాకే ఆస్పత్రులకు సరఫరా చేయాలని ప్రభుత్వం సంకల్పించింది. ప్రజలకు కావాల్సిన అన్ని మందులను ప్రభుత్వాస్పత్రుల్లో అందుబాటులో ఉంచాలనే సీఎం వైఎస్‌ జగన్‌మోహన్‌రెడ్డి లక్ష్యానికనుగుణంగా అధికారులు ముందుకు కదులుతున్నారు. గతంలో తూతూమంత్రంగా ర్యాండం పద్ధతిలో సరఫరా అయ్యే మందుల్లో కొన్నిటికి మాత్రమే పరీక్షలు చేసేవారు. నాణ్యతను నిర్ధారించి, నాసిరకం అని తేల్చేసరికే రోగులు మందులను వాడుతుండేవారు. దీంతో ఉన్న జబ్బులు నయం కాకపోవడంతోపాటు కొత్త జబ్బుల బారిన పడేవారు. ఇప్పుడలా కాకుండా ప్రాథమిక ఆరోగ్య కేంద్రాల (పీహెచ్‌సీలు) నుంచి బోధనాస్పత్రుల వరకూ ప్రతి మందునూ నాణ్యత నిర్ధారించాకే సరఫరా చేయాలని రాష్ట్ర మౌలిక వైద్య సదుపాయాల అభివృద్ధి సంస్థ నిర్ణయించింది. మందులకు సంబంధించిన ప్రతి బ్యాచ్‌ను ఎన్‌ఏబీఎల్‌ (నేషనల్‌ అక్రిడిటేషన్‌ బోర్డ్‌ ఫర్‌ టెస్టింగ్‌ అండ్‌ కాలిబ్రేషన్‌ లేబొరేటరీస్‌) గుర్తింపు ఉన్న లేబొరేటరీల్లో నిర్ధారించి ఆస్పత్రులకు సరఫరా చేసేలా చర్యలు తీసుకుంటున్నారు. ప్రస్తుతం మూడు లేబొరేటరీల్లో నిర్ధారణ పరీక్షలు జరుగుతుండగా.. వీటి సంఖ్యను ఐదుకు పెంచనున్నారు. సగటున నెలకు 300 బ్యాచ్‌లకు సంబంధించిన మందుల నాణ్యతను నిర్ధారించేలా చర్యలు తీసుకుంటున్నారు. అంటే.. ఏడాదికి 3600 బ్యాచ్‌లకు సంబంధించిన మందులకు పరీక్షలు చేశాకే ప్రజల్లోకి పంపిస్తారు. అదేవిధంగా సగటున 400 రకాల మందులు ప్రభుత్వాస్పత్రులకు సరఫరా అవుతుండగా.. ఈ సంఖ్య మరికొద్ది రోజుల్లో 600కు చేరనుంది. ఈ నేపథ్యంలోనే లేబొరేటరీల సంఖ్యను పెంచుతున్నారు. మందులు లేబొరేటరీకి చేరిన 26 రోజులలోగా నాణ్యతను నిర్ధారించి.. సరఫరా చేసేలా చర్యలు తీసుకుంటారు.  ప్రతి మందుకూ నాణ్యత నిర్ధారణ పరీక్షలు ఇకపై ర్యాండం పద్ధతిలో మందుల నాణ్యత నిర్ధారణ జరగడానికి వీల్లేదు. ప్రతి మందుకూ నాణ్యత పరీక్షలు చేశాకే సరఫరా చేస్తాం. దీనికోసం పక్కాగా చర్యలు తీసుకుంటున్నాం. ప్రతి పేద రోగికి నాణ్యమైన మందులు అందించడమే మా సంస్థ లక్ష్యం. ముఖ్యమంత్రి ఆదేశాల మేరకు అత్యవసర మందులన్నీ అందుబాటులో ఉండేలా చర్యలు చేపడుతున్నాం.  – విజయరామరాజు, ఎండీ, రాష్ట్ర మౌలిక వైద్య సదుపాయాల అభివృద్ధి సంస్థ 

సాక్షి, సూర్యాపేట: బ్రెయిన్‌ ట్యూమర్‌తో బాధపడుతున్న సూర్యాపేటకు చెందిన చిన్నారికి వైద్య ఖర్చులకోసం మున్సిపల్‌ శాఖ మంత్రి కేటీఆర్‌ సోమవారం భరోసా ఇచ్చారు.  సూర్యాపేట ఇందిరమ్మ కాలనీకి చెందిన వల్ధాసు ఉపేందర్‌ ఎనిమిది సంవత్సరాల కూతురు భూమిక  కొద్ది రోజుల క్రితం అనారోగ్యం బారిన పడింది. దాంతో సూర్యాపేటలోని హాస్పిటల్‌లో చికిత్స నిర్వహించినా ప్రయోజనం లేకుండా పోయింది. దాంతో హైదరాబాద్‌ తీసుకెళ్లడంతో బ్రెయిన్‌ ట్యూమర్‌ అని తేలింది. వైద్య ఖర్చులకు రూ.ఎనిమిది లక్షల ఖర్చు అవుతుందని డాక్టర్లు చెప్పారు. ట్రైలర్‌ వృత్తే జీవనాధారంగా కాలం వెళ్లదీస్తున్న పాప తల్లిదండ్రులు విషయం తెలిసి రోదిస్తున్నారు. ఆర్థికసాయం అందించాలని దాతలను వేడుకోవడంతో సూర్యాపేటకు చెందిన వారి మిత్రుడు శైలేంద్రాచారి పాప పరిస్థితిని ట్విట్టర్‌లో కేటీఆర్‌కు తెలిపారు. దాంతో ఆయన వెంటనే స్పందించారు. పాపకు సంబంధించినవారిని వెంటనే తన ఆఫీస్‌కు రమ్మని ఆహ్వానించారు. దీంతో పాప తల్లిదండ్రులు ఆనందం వ్యక్తం చేశారు.   

సాక్షి, హైదరాబాద్‌ : ప్రభుత్వ ఆసుపత్రులకు ఇదో పరీక్ష. డెంగీ రోగులకు పరీక్షలు చేయడంలో విఫలమవుతున్నాయి. రాష్ట్రంలో డెంగీ నిర్ధారణ పరీక్షల నిర్వహణపై నీలినీడలు కమ్ముకున్నాయి. సరిపడా డెంగీ నిర్ధారణ కిట్లు లేక పాట్లుపడుతున్నాయి. రెండు, మూడు రోజులు ఆగాలని వైద్య సిబ్బంది చెబుతుండటంతో జనం గగ్గోలు పెడుతున్నారు. ప్రభుత్వం డెంగీపై అప్రమత్తంగా ఉండాలని చెబుతున్నా, వైద్య ఆరోగ్య శాఖ అధికారులు మాత్రం కిట్లు సమకూర్చకుండా నిమ్మకు నీరెత్తినట్లుగా వ్యవహరిస్తున్నారు. నివేదికలతో ప్రభుత్వాన్ని పక్కదారి పట్టిస్తున్నారు.   అవసరం 10 లక్షలు...అందుబాటులో 1.35 లక్షల మందికే  వైరల్‌ జ్వరాలు విజృంభిస్తుండటం, ఒక్కోసారి 103–104 డిగ్రీల జ్వరం వస్తుండటంతో రాష్ట్రవ్యాప్తంగా జనం ఆందోళన చెందుతున్నారు. వైరల్‌ జ్వరాలు, డెంగీ అనుమానిత కేసులు పెద్ద ఎత్తున నమోదవుతున్నాయి. వైద్యవిధాన పరిషత్‌ పరిధిలోని 31 జిల్లా, 87 ఏరియా ఆసుపత్రులకు రోజూ లక్షలాదిమంది తరలివస్తున్నారు. పడకలు కూడా దొరకని పరిస్థితి. ఉస్మానియా, వరంగల్‌ ఎంజీఎం, హైదరాబాద్‌లోని తెలంగాణ డయాగ్నొస్టిక్‌ సెంటర్‌కూ రోగులు పెద్దఎత్తున తరలివస్తున్నారు. వేలాది ప్రైవేటు ఆసుపత్రుల నుంచి కూడా డెంగీ నిర్ధారణ కోసం లక్షలాది మంది వస్తున్నారు. రాష్ట్రంలో దాదాపు 10 లక్షలమందికి డెంగీ నిర్ధారణ పరీక్షలు చేయాల్సి ఉండగా, వైద్య విధానపరిషత్‌ ఆసుపత్రులు, బోధనాసుపత్రుల్లో కేవలం 1.35 లక్షలమందికి మాత్రమే సరిపడా కిట్లున్నాయి. అందులో ప్రాథమిక నిర్ధారణ కోసం నిర్వహించే ర్యాపిడ్‌ టెస్టు కిట్లు 73 వేలుండగా, పూర్తిస్థాయి నిర్ధారణ కోసం నిర్వహించే ఎలీసా కిట్లు కేవలం 62 వేలమందికి సరిపోను మాత్రమే ఉన్నాయి. ఎలీసా పరీక్షల కోసం రెండు, మూడు రోజులపాటు ఆగాలని ప్రభుత్వ ఆసుపత్రుల సిబ్బంది చెబుతుండటంతో బాధితులు ఉస్సూరుమంటూ వెనుదిరుగుతున్నారు.  వైద్య విధాన పరిషత్‌ యంత్రాంగం విఫలం  వైద్య విధాన పరిషత్‌కు ఇన్‌చార్జి కమిషనర్‌గా హైదరాబాద్‌ కలెక్టర్‌ మాణిక్‌రాజ్‌ కొనసాగుతున్నారు. రెండు విధులతో ఆయన జిల్లా, ఏరియా ఆసుపత్రులపై దృష్టి సారించడంలేకపోతున్నారు. కనీసం ఆయా ఆసుపత్రుల యంత్రాంగంతో సమీక్ష నిర్వహించలేని పరిస్థితి. ఆయన కంటే కిందిస్థాయిలో ఉండే అధికారులు కూడా డెంగీ నిర్వహణ, పర్యవేక్షణలో విఫలమయ్యారన్న ఆరోపణలు ఉన్నాయి.   ఎలీసా కిట్లు ఏడే.. ముఖ్యమంత్రి కేసీఆర్‌ జిల్లాకూ అధికారులు డెంగీ నిర్ధారణ కిట్లు తక్కువగానే ఇచ్చారు. ర్యాపిడ్‌ టెస్టు కిట్లను గజ్వేల్‌ ఏరియా ఆసుపత్రికి 500, దుబ్బాక ఆసుపత్రికి 150, తూప్రాన్‌ ఆసుపత్రికి 250 మాత్రమే ఇచ్చారు. సిద్ధిపేట జిల్లా ఆసుపత్రికి కేవలం ఏడే ఎలీసా కిట్లు ఇచ్చారు. ర్యాపిడ్‌ పరీక్ష కిట్టు ద్వారా ఒక్కో యూనిట్‌ ఒక్కరికి, ఎలీసా కిట్టు ఒక్కోటి 96 మందికి పరీక్ష చేయడానికి వీలుంది. నీలోఫర్‌ ఆసుప త్రికి 70 ఎలీసా కిట్లు మాత్రమే ఇచ్చారు. అయితే, ఇక్కడికి రోజూ కనీసం 2 వేల మందికి పైగా పిల్లలు వస్తున్నారు. హైదరా బాద్‌లోని ఫీవర్‌ ఆసుపత్రికి రోజూ 2,500 మంది రోగులు వస్తుంటారు. అక్కడ కేవలం 3,936 మందికి సరిపోయే 41 ఎలీసా కిట్లు అందుబాటులో ఉన్నాయి. ఖమ్మం జిల్లా ఆసుపత్రికి ఐదు ఎలీసా కిట్లు మాత్రమే ఉన్నాయి. ఆలస్యానికి కారణమిదే..  డెంగీ పరీక్షలు నిర్వహించడంలో ఆలస్యానికి కారణం కిట్ల కొరత కాదు. అవసరమైనన్ని కిట్లు అందుబాటులో ఉంచుతున్నాం. అవసరమైనప్పుడు తెప్పిస్తున్నాం. అయితే, ఎలీసా పరీక్షకు నిర్వహించే ఒక్కో కిట్టు ధర రూ.25 వేలు. ఒక్కో కిట్టు ద్వారా 96 మందికి పరీక్షలు చేయడానికి వీలుంది. కొద్దిమంది కోసం ఒక్కసారి కిట్టు విప్పితే మిగతావారి కోసం దాన్ని దాచి ఉంచలేం. కాబట్టి 96 రక్త నమూనాలు వచ్చే వరకు ఆగుతున్నాం.  -చంద్రశేఖర్‌రెడ్డి, ఎండీ,టీఎస్‌ఎంఎస్‌ఐడీసీ 

సాక్షి, అమరావతి: రాష్ట్రవ్యాప్తంగా బోధనాసుపత్రుల్లో రోగుల సహాయకులకు కూడా ఉచితంగా భోజనం అందించాలని రాష్ట్ర ప్రభుత్వం నిర్ణయించింది. ఇన్‌పేషెంట్లుగా చేరిన వారికి ప్రభుత్వమే ఉచితంగా ఆహారం (డైట్‌) అందిస్తున్నా వారి సహాయకులు మాత్రం భోజనం కోసం ఇబ్బందులు ఎదుర్కొంటున్నారు. ఈ నేపథ్యంలో వారి అవస్థలు తొలగించేందుకు ఇన్‌పేషెంట్ల సహాయకులకు కూడా ఉచితంగా భోజనం సమకూర్చనున్నారు. మధ్యాహ్నం, రాత్రి రెండు పూటలా ఉచితంగా భోజనం అందించేందుకు వైద్య విద్య  సంచాలకులు కసరత్తు ప్రారంభించారు. ఇస్కాన్‌ (ఇంటర్నేషనల్‌ సొసైటీ ఫర్‌ కృష్ణా కాన్షియస్‌నెస్‌)తో చర్చించి  రెండు మూడు రోజుల్లో ఓ నిర్ణయానికి రానున్నారు.  ఆర్థిక భారం నుంచి ఉపశమనం.. ఇస్కాన్‌ ఇప్పటికే హైదరాబాద్‌లోని నీలోఫర్, గాంధీ, ఉస్మానియా, ఎంఎన్‌జే క్యాన్సర్‌ ఆస్పత్రుల్లో రోగుల సహాయకులకు ఉచితంగా భోజనం సమకూరుస్తోంది. అదే తరహాలో ఏపీలోనూ అమలు చేసే అంశాన్ని పరిశీలించాలని వైద్య విద్య సంచాలకులను వైద్య ఆరోగ్యశాఖ ముఖ్య కార్యదర్శి డా.కె.జవహర్‌రెడ్డి ఆదేశించారు. రోగులతో పాటు వారి సహాయకులకు కూడా ఆహారం అందచేయడం ద్వారా వైద్య చికిత్స కోసం ప్రభుత్వాసుపత్రులకు వచ్చే కుటుంబాలపై ఆర్థిక భారాన్ని తగ్గించాలని ప్రభుత్వం భావిస్తోంది. ప్రస్తుతం అనంతపురం ప్రభుత్వాసుపత్రిలో పుట్టపర్తి సత్యసాయి ట్రస్ట్‌ ఉచితంగా భోజనం సమకూరుస్తుండగా కాకినాడలోని రంగరాయ బోధనాసుపత్రిలో హరేరామ హరేకృష్ణ ఫౌండేషన్‌ ఆహారాన్ని అందిస్తోంది. ఇలా కొన్ని ఆస్పత్రుల్లో స్వచ్ఛంద సంస్థలు ఉచితంగా భోజనం అందిస్తున్నా అన్ని చోట్లా ఈ సదుపాయం లేదు. ఈ నేపథ్యంలో ప్రస్తుతం భోజనం సమకూరుస్తున్న సంస్థలను అలాగే కొనసాగిస్తూ మిగతా ఆస్పత్రులకు భోజనం అందించడం లేదంటే అన్నీ ఒకరికే అప్పగించాలా? అనే అంశాన్ని ఇస్కాన్‌తో చర్చించిన అనంతరం నిర్ణయించనున్నట్టు వైద్య విద్య అధికారులు తెలిపారు. రోజూ 10 వేల మందికిపైగా ప్రయోజనం రాష్ట్రవ్యాప్తంగా 11 బోధనాసుపత్రుల్లో సుమారు 12 వేల వరకు పడకలున్నాయి. సగటున రోజూ 11,500 మంది ఇన్‌పేషెంట్లుగా చేరుతుంటారు. వారి కోసం సహాయకులు కూడా వస్తుంటారు. ఉచిత భోజనం సమకూర్చడం వల్ల నిత్యం 10 వేల మందికిపైగా రోగుల సహాయకులకు మేలు జరుగుతుంది. రోగి సహాయకులు పాస్‌ చూపిస్తే డిస్‌చార్జి అయ్యే వరకు రెండు పూటలా భోజనం అందిస్తారు. వీలైనంత త్వరలోనే ఇది కార్యరూపం దాల్చనున్నట్లు అధికార వర్గాలు వెల్లడించాయి. బోధనాసుపత్రుల తరువాత ఈ సేవలను 14 జిల్లా ఆస్పత్రులకు కూడా విస్తరించాలని ప్రభుత్వం భావిస్తోంది. 

సాక్షి, హైదరాబాద్‌: మెడికల్‌ డివైజెస్‌ పార్కు ఏర్పాటు పనులు ఊపందుకున్నాయి. పార్కులో మౌలిక సౌకర్యాల కల్పన శరవేగంగా సాగుతోంది. వైద్య ఉపకరణాల తయారీ రంగానికి రాష్ట్రాన్ని చిరునామాగా మార్చేందుకు రాష్ట్ర ప్రభుత్వం సంగారెడ్డి జిల్లా అమీన్‌పూర్‌ మండలం సుల్తాన్‌పూర్‌లో ‘మెడికల్‌ డివైజెస్‌ పార్కు’ను ఏర్పాటు చేసింది. ఇప్పటికే 14 వైద్య ఉపకరణాల తయారీ పరిశ్రమలకు భూకేటాయింపులు కూడా జరిగాయి. నిర్మాణంలో ఉన్న పరిశ్రమలు వచ్చే ఏడాది నాటికి ఉత్పత్తి ప్రారంభిస్తాయని అంచనా. పార్కు నిర్మాణానికి వీలుగా సుల్తాన్‌పూర్‌ పరిధిలోని 174, 70 సర్వే నంబర్ల పరిధిలో 557.32 ఎకరాలను కేటాయించింది. ఔటర్‌రింగు రోడ్డుకు సమీపంలో ఉన్న ఈ ప్రదేశాన్ని అభివృద్ధి చేసే బాధ్యతను టీఎస్‌ఐఐసీ చేపట్టింది. 2017 జూన్‌లో పరిశ్రమల శాఖ మంత్రి హోదాలో టీఆర్‌ఎస్‌ కార్యనిర్వాహక అధ్యక్షుడు కేటీఆర్‌ పార్కు అభివృద్ధి పనులకు శంకుస్థాపన చేశారు. పార్కును రెండు దశల్లో ఏ, బీ బ్లాకులుగా అభివృద్ధి చేయనున్నారు. ఔటర్‌ రింగు రోడ్డు నుంచి పార్కు వరకు అప్రోచ్‌ రోడ్డు నిర్మించేందుకు రూ.9 కోట్లు విడుదల చేసిన ప్రభుత్వం ఇప్పటివరకు పార్కులో మౌలిక సౌకర్యాల కల్పనకు రూ.35 కోట్ల మేర ఖర్చు చేసింది. రూ.20 కోట్లతో పార్కు అభివృద్ధి పనులు కొనసాగుతున్నాయి.  కొండలను పిండి చేసి..  పార్కు ఆవరణలో ఇతర పరిశ్రమల ఏర్పాటుకు కూడా పెట్టుబడిదారులు ముందుకు వస్తుండటంతో 272 ఎకరాల్లో మెడికల్‌ డివైజెస్, 226 ఎకరాల్లో ఇతర పరిశ్రమలు ఏర్పాటు చేసేలా డీపీఆర్‌లో అధికారులు మార్పులు చేశారు. మరో 47 ఎకరాలను మహిళా పారిశ్రామికవేత్తలను ప్రోత్సహించేందుకు ‘ఫిక్కీ లేడీస్‌ ఆర్గనైజేషన్‌’కు కేటాయించారు. వంద, 60 అడుగుల వెడల్పుతో 5.50 కిలోమీటర్ల పొడవైన రోడ్లు నిర్మించారు. సెంట్రల్‌ లైటింగ్, హై టెన్షన్‌ విద్యుత్‌ సరఫరా లైన్లు, డ్రైనేజీ వ్యవస్థల నిర్మాణ పనులు చివరిదశలో ఉన్నాయి. ట్రాన్స్‌కో విభాగం 33/11 కేవీ విద్యుత్‌ సబ్‌స్టేషన్‌ను నిర్మించింది. నీటి అవసరాల కోసం రూ.10 కోట్లు కేటాయిం చాల్సిందిగా రాష్ట్ర ప్రభుత్వానికి టీఎస్‌ఐఐసీ ప్రతి పాదనలు సమర్పించింది. పార్కుకు కేటాయించిన ప్రాంతంలో 150 ఎకరాలు మాత్రమే చదునుగా ఉండగా, మిగతా భూమి కొండలు, గుట్టలతో నిండి ఉంది. దీంతో కొండలను పిండి చేయాల్సి రావ డంతో ఖర్చు కూడా పెరుగుతున్నట్లు టీఎస్‌ఐఐసీ వర్గాలు వెల్లడించాయి. రెండంకెల వృద్ధి రేటు లక్ష్యంగా... దేశంలో వైద్య ఉపకరణాల తయారీ రంగం శైశవదశలో ఉన్న నేపథ్యంలో బహుళ జాతి కంపెనీల ఉత్పత్తులు దిగుమతి అవుతున్నాయి. దేశంలో మూడు బిలియన్‌ డాలర్ల మేర అమ్మకాలు జరుగుతుండగా రెండంకెల వృద్ధి రేటుతో 2023 నాటికి 11 బిలియన్‌ డాలర్లకు చేరుతుందని అంచనా. ఈ నేపథ్యంలో స్థానికంగా వైద్య ఉపకరణాల తయారీ రంగాన్ని ప్రోత్సహించేందుకు రాష్ట్ర ప్రభుత్వం ‘లైఫ్‌ సైన్సెస్‌ పాలసీ 2015–2020’లో భాగంగా మెడికల్‌ డివైజెస్‌ పార్కు ఏర్పాటును ప్రతిపాదించింది. ఇప్పటివరకు మెడికల్‌ డివైజెస్‌ పార్కులో 14 వైద్య ఉపకరణాల తయారీ పరిశ్రమకు భూమిని కేటాయించింది. ఈ పరిశ్రమల ద్వారా రూ.3,631.97 కోట్ల పెట్టుబడులతోపాటు 1,588 మందికి ఉపాధి లభిస్తుందని అంచనా. 2019 చివరిలోగా భూ కేటాయింపు పొందిన పరిశ్రమలు ఉత్పత్తిని ప్రారంభించే భఃవిధంగా నిర్మాణ పనులు కొనసాగిస్తున్నాయి. క్రషర్ల తొలగింపునకు నోటీసులు మెడికల్‌ డివైజెస్‌ పార్కుకు కేటాయించిన సర్వే నంబరు 174లో గతంలో నాలుగు మైనింగ్‌ కంపెనీలకు క్రషర్ల ఏర్పాటుకు అనుమతులు ఇచ్చారు. ప్రస్తుతం పార్కులో అభివృద్ధి పనులు శరవేగంగా కొనసాగుతున్నా, సాంకేతిక కారణాలను సాకుగా చూపుతూ ఖాళీ చేసేందుకు క్రషర్ల యజమానులు నిరాకరిస్తున్నారు. ఇప్పటికే రెండు యూనిట్లను మూసివేయించిన టీఎస్‌ఐఐసీ.. మరో రెండు యూనిట్ల మూసివేతకు కూడా నోటీసులు జారీ చేసింది.  

సాక్షి, అమరావతి: రాష్ట్ర పాలనకు కేంద్రంగా ఉండే సచివాలయంలోనే మందులకు దిక్కులేని పరిస్థితి నెలకొని ఉంది. గత రెండు మాసాలుగా మధుమేహం నివారణ (షుగర్‌)కు ఇచ్చే మాత్రలు లేకపోవడంతో ఉద్యోగులు, వారి కుటుంబసభ్యులు తీవ్ర అవస్థలు పడుతున్నారు. ఈ మందులను రాష్ట్ర మౌలిక వైద్యసదుపాయాల అభివృద్ధి సంస్థ (ఏపీఎంఎస్‌ఐడీసీ) సరఫరా చేయాలి. కానీ గడిచిన రెండు మాసాలుగా మధుమేహం నివారణ మందులు సరఫరా చేయలేదు. సచివాలయ ఉద్యోగులు, వారి కుటుంబసభ్యులు, ఎమ్మెల్యేలు, ఎమ్మెల్సీలు అందరికీ ఇక్కడి నుంచే మందులు సరఫరా అవుతాయి. సచివాలయ ఉద్యోగులు 2 వేల మంది ఉండగా, వారికే సకాలంలో సరఫరా చేయలేకపోతున్నారు. చాలా మంది ఉద్యోగులు సచివాలయంలోని డిస్పెన్సరీకి వెళ్లడం, మందులు లేవని చెప్పడంతో వెనుదిరిగి వస్తున్నారు. ఈ మందులతో పాటు మరికొన్ని యాంటీబయోటిక్స్, బీకాంప్లెక్స్, విటమిన్‌ మాత్రలు కూడా అందుబాటులో లేవని చెబుతున్నారని ఉద్యోగులు ఆవేదన వ్యక్తం చేశారు. ఉమ్మడి ఆంధ్రప్రదేశ్‌లో హైదరాబాద్‌ సచివాలయంలోని డిస్పెన్సరీలో ఎప్పుడూ మందులు లేవని చెప్పేవారు కాదని, కానీ ఇక్కడ మాత్రం ఎప్పుడు మందులు ఉంటాయో, ఎప్పుడు ఉండవో అర్థం కాని పరిస్థితి నెలకొందని ఆరోపిస్తున్నారు. అలాగే సచివాలయం ఏర్పాటు చేసి మూడేళ్లు పూర్తయినా ఇప్పటివరకూ రక్తపరీక్షలు కూడా చేయలేని పరిస్థితి నెలకొని ఉందని ఉద్యోగులు వాపోయారు. ఏ రక్తపరీక్ష చేయించుకోవాలన్నా బయటికి వెళ్లి చేయించుకోవాల్సి వస్తోందని, ఇది చాలా ఇబ్బందిగా ఉందని రెవెన్యూ విభాగానికి చెందిన ఓ అధికారి వాపోయారు. ఇప్పటివరకు లేబొరేటరీ కూడా ఏర్పాటు చేయలేక పోవడం దారుణమని, అంబులెన్సు కూడా అందుబాటులో ఉండదన్నారు. ఎవరైనా ఉద్యోగులు 108కు ఫోన్‌ చేస్తే తూళ్లూరు నుంచి గాని, మరెక్కడనుంచో ఇక్కడకు రావాలని, దీనికి బాగా సమయం పడుతోందని పేర్కొన్నారు.   

మహబూబాబాద్‌: అమెరికాలో మరో తెలుగు యువకుడిపై దుండగులు దారుణానికి ఒడిగట్టారు. మహబూబాబాద్‌కు చెందిన పూస సాయికృష్ణ (26) అనే యువకుడిపై కాల్పులు జరిపారు. తీవ్ర రక్తస్రావంతో డెట్రాయిట్‌లోని ఓ ఆసుపత్రిలో సాయికృష్ణ మృత్యువుతో పోరాడుతున్నారు. జనవరి 4న జరిగిన ఈ దుర్ఘటన ఆలస్యంగా వెలుగులోకి వచ్చింది. మహబూబాబాద్‌ జిల్లా కేంద్రానికి చెందిన సాయికృష్ణ.. 2015లో ‘ట్రిపుల్‌–ఈ’లో మాస్టర్స్‌ చేసేందుకు అమెరికా వెళ్లారు. 2016 డిసెంబర్‌ నుంచి మిచిగాన్‌ రాష్ట్రంలో ఐబీఎస్‌ఎస్‌ కన్సల్టింగ్‌ కంపెనీలో ఇన్ఫొటైన్‌మెంట్‌ టెస్ట్‌ ఇంజనీర్‌గా పనిచేస్తున్నారు. జనవరి మూడు రాత్రి 11.30 (స్థానిక కాలమానం ప్రకారం) గంటల సమయంలో ఈ దుర్ఘటన జరిగింది. విధులు నిర్వహించుకుని తిరిగి వస్తున్న సమయంలో అటకాయించిన దొంగలు బలవంతంగా కార్లో ఎక్కి.. కొంతదూరం తీసుకువెళ్లారు. నిర్జన ప్రదేశంలోకి వెళ్లాక సాయికృష్ణ పర్స్‌ లాక్కుని కార్లోంచి తోసేశారు. అనంతరం ఆయనపై కాల్పులు జరిపి వెళ్లిపోయారు. తీవ్ర రక్తస్రావంతో చల్లని చలిలోనే సాయికృష్ణ పడిఉన్నారు. అటుగా వెళ్తున్న కొందరు బాధితుడిని చూసి పోలీసులకు సమాచారం అందించారు. తీవ్ర గాయాలపాలైన సాయికృష్ణకు డెట్రాయిట్‌లోని ఓ ఆసుపత్రిలో చికిత్సనందిస్తున్నారు. పరిస్థితి తీవ్రంగా ఉందని.. నాలుగైదు ఆపరేషన్లు చేయాల్సిన అవసరం ఉందని తెలిసింది.  షాక్‌లో కుటుంబం  సాయికృష్ణ తండ్రి పూస ఎల్లయ్యకు జనవరి 4 అర్ధరాత్రి అమెరికాలోని ఆసుపత్రి నుంచి ఫోన్‌ వచ్చింది. ‘మీ కుమారుడు కారు ప్రమాదంలో గాయపడ్డాడు. ఆయనకు చికిత్స అవసరం. రక్తం ఎక్కించాలి. అత్యవసరంగా ఆపరేషన్‌ చేయాలి. మీరు అనుమతిస్తే వైద్యం చేస్తాం’అనేది ఫోన్‌ సారాంశం. ఒక్కగానొక్క కుమారుడికి ప్రమాదం జరిగిందన్న సమాచారం ఎల్లయ్య దంపతులను షాక్‌కు గురిచేసింది. తమ కుమారుడి పరిస్థితి గురించి రాష్ట్ర ప్రభుత్వం, అమెరికా ప్రభుత్వంతో మాట్లాడాలని తల్లిదండ్రులు శైలజ, ఎల్లయ్య కోరారు. అసలేం జరిగిందో అర్థం కావడం లేదని వారు ఆవేదన వ్యక్తం చేశారు. అయితే సాయిపై కాల్పులు జరిగాయన్న సంగతి అతని తల్లిదండ్రులకు తెలియదు.  మానవత్వం పరిమళించె..  సాయికృష్ణ ఉన్నత చదువుల కోసం అమెరికా వెళ్లినందుకు ఆయనకు ఇన్సూరెన్స్‌ లేదు. దీంతో వైద్య ఖర్చులను (ఇన్సూరెన్స్‌ లేకపోతే అమెరికాలో వైద్యం చాలా ఖరీదు) భరిం చేందుకు సాయి మిత్రులు వినోద్, నాగేందర్‌లు ‘సపోర్ట్‌ సాయికృష్ణ’ఉద్యమాన్ని ప్రారంభిం చారు. ‘గోఫండ్‌మి.కామ్‌’వెబ్‌సైట్‌ ద్వారా 17 గంటల్లోనే 1,06,379 డాలర్లను (దాదాపు రూ.74లక్షలు) సేకరించారు. 2.5 లక్షల డాలర్లు సేకరించడమే తమ లక్ష్యమని వీరు తెలిపారు.   

కృష్ణాజిల్లా, నూజివీడు : పట్టణంలోని జీఎంహెచ్‌ (అమెరికన్‌ ఆస్పత్రి)లోని ఎక్స్‌రే యూనిట్‌ సిబ్బంది ఒకరి ఎక్స్‌రే రిపోర్ట్‌ మరొకరికి ఇవ్వడంతో లేని టీబీ రోగానికి ఐదు నెలల పాటు మందులు మింగిన మహిళ ఉదంతమిది. ముసునూరు మండలం సూరేపల్లికి చెందిన కోకిలపాటి రజని (27) ఈ ఏడాది మే 30వ తేదీ అస్వస్థతగా ఉంటే వైద్యం కోసంపట్టణంలోని అమెరికన్‌ ఆసుపత్రికి వెళ్లింది. అక్కడ వైద్యులు పరిశీలించి ఊపిరితిత్తులు ఎక్స్‌రే తీయించడంతో పాటు కొన్ని రక్తపరీక్షలు సైతం చేయించి నెమ్ము, టీబీ లక్షణాలున్నాయని చెప్పగా, డబ్బులు పెట్టుకోలేమని రజని చెప్పడంతో ప్రభుత్వాస్పత్రికి వెళితే ఉచితంగా ఇస్తారని తెలిపారు. దీంతో ఏరియా ఆసుపత్రిలోని టీబీ యూనిట్‌ వద్దకు వెళ్లగా వాళ్లు ఎక్స్‌రే చూసి టీబీ మందులు ఇచ్చేశారు. ఆ మందులు ఆమె వాడుతుండగా తీవ్ర స్థాయిలో నీరసానికి గురవ్వడం జరుగుతుండటంతో ప్రతి రోజూ గ్రామంలోనే సెలైన్‌ పెట్టించుకుంటూ నెట్టుకొస్తోంది. పరిస్థితి మరింత తీవ్రమవుతుండటంతో ఏరియా ఆసుపత్రిలో పనిచేసే వైద్యులు శ్రీకాంత్‌ వద్దకు ఈ నెల 8న వచ్చి తన బాధ చెప్పుకోవడంతో ఆయన మళ్లీ ఎక్స్‌రే తీయించగా టీబీ ఏమీ లేదని తేలింది. అమెరికన్‌ ఆసుపత్రిలో తీసిన ఎక్స్‌రేను మంగళవారం డాక్టర్‌కు చూపించారు. ఆయన పరిశీలిం చి ఆ ఎక్స్‌రే బి.గోపయ్య అనే వ్యక్తిదని, దానిపై బి.గొప్పయ్య అని ఉందని చెప్పారు. అమెరికన్‌ ఆసుపత్రిలోని ఎక్స్‌రే యూనిట్‌ సిబ్బంది తప్పిదానికి రజనీ అవస్థపడాల్సివచ్చింది. బాధితురాలు పోలీసుస్టేషన్‌లో ఫిర్యాదు చేయాలని నిర్ణయించుకుంది. టీబీ యూనిట్‌లోనూ నిర్లక్ష్యమే.. ఎక్స్‌రే రిపోర్టు తీసుకువచ్చినప్పుడు దానిని క్షుణ్ణంగా పరిశీలించడంతో పాటు కళ్లె పరీక్ష చేసి నిర్ధారించాల్సిన టీబీ యూనిట్‌ సిబ్బంది కూడా ఇక్కడ పూర్తి నిర్లక్ష్యంగా వ్యవహరించారు. అందరి నిర్లక్ష్యానికి రజనీ నాలుగు నెలలుగా తీవ్ర అనారోగ్య సమస్యలు ఎదుర్కొంది.

మధుమేహం, హృద్రోగాలు, ఊబకాయం, కేన్సర్, కిడ్నీ జబ్బులు, థైరాయిడ్‌ సమస్యలు, విటమిన్‌ డి, బి12 లోపం, విషజ్వరాలు.. వంటి ఆధునిక వ్యాధుల నియంత్రణకు, నిర్మూలనకు.. సంపూర్ణ ఆరోగ్య సాధనకు సేంద్రియ పద్ధతుల్లో పండించిన సిరిధాన్యాలు, కషాయాలు వంటి దేశీయ ఆహారమే దివ్యౌషధాలని ప్రముఖ స్వతంత్ర ఆహార, ఆరోగ్య శాస్త్రవేత్త, అటవీ వ్యవసాయ నిపుణులు  డా. ఖాదర్‌వలి(మైసూరు) అంటున్నారు.  ఔషధ విలువలతో కూడిన సిరిధాన్యాలు, కషాయాలతో అన్ని రకాల వ్యాధులను జయించడంతోపాటు సంపూర్ణ ఆరోగ్యం పొందవచ్చంటున్నారు. ప్రపంచ ఆహార దినోత్సవం సందర్భంగా ఈ నెల 7,8 తేదీల్లో ఆయన తెలంగాణలో పర్యటించనున్నారు. తెలంగాణ విశ్రాంత ఇంజినీర్ల సంఘం, రైతునేస్తం ఫౌండేషన్‌ సంయుక్త ఆధ్వర్యంలో జరిగే సభల్లో ప్రసంగించిన అనంతరం సభికుల ప్రశ్నలకు డా. ఖాదర్‌ సమాధానాలిస్తారు. ఈ నెల 7(ఆదివారం)న మ. 2 గం.–5.30 గం. వరకు సికిందరాబాద్‌లోని హరిహరకళాభవన్‌లో ప్రసంగిస్తారు. 8(సోమవారం)న ఉ. 9.30 గం.–మ. 12.30 గం. వరకు హనుమకొండలోని ఆర్ట్స్‌ కాలేజీ ఆడిటోరియం(సుబేదారి, హనుమకొండ)లో, అదే రోజు సా. 3 గం.–6 గం. వరకు కరీంనగర్‌లోని వైశ్య భవన్‌(గాంధీరోడ్, కరీంనగర్‌)లో డా. ఖాదర్‌ ప్రసంగిస్తారని తెలంగాణ విశ్రాంత ఇంజినీర్ల సంఘం ప్రధాన కార్యదర్శి మేరెడ్డి శ్యాంప్రసాద్‌రెడ్డి, రైతునేస్తం ఫౌండేషన్‌ చైర్మన్‌ యడ్లపల్లి వెంకటేశ్వరరావు ఒక ప్రకటనలో తెలిపారు. ప్రవేశం ఉచితం. అందరూ ఆహ్వానితులే. 

న్యూయార్క్‌ : జపాన్‌కు చెందిన తసుకు హొంజొ, అమెరికన్‌ శాస్త్రవేత్త జేమ్స్‌ అలిసన్‌లకు మెడిసిన్‌లో 2018 సంవత్సరానికి గాను ప్రతిష్టాత్మక నోబెల్‌ ప్రైజ్‌ లభించింది. క్యాన్సర్‌ చికిత్సలో పరిశోధనకు గాను వీరికి అత్యున్నత పురస్కారం దక్కిందని నోబెల్‌ కమిటి పేర్కొంది. క్యాన్సర్‌ కణాలను నిరోధించేలా శరీరంలో వ్యాధి నిరోధక శక్తిని బలోపేతం చేయడంపై వీరు సాగించిన పరిశోధన క్యాన్సర్‌కు వ్యతిరేకంగా సాగుతున్న పోరాటంలో మైలురాయి వంటిదని, వీరు ప్రతిపాదించిన ఇమ్యూన్‌ చెక్‌పాయింట్‌ సిద్ధాంతం క్యాన్సర్‌ చికిత్సలో గుణాత్మక మార్పులకు శ్రీకారం చుట్టిందని కమిటీ వ్యాఖ్యానించింది. క్యాన్సర్‌ను ఎలా ఎదుర్కోగలమనే మన దృక్కోణాన్ని సైతం వీరి పరిశోధన సమూలంగా మార్చివేసిందని పేర్కొంది.యూనివర్సిటీ ఆఫ్‌ టెక్సాస్‌కు చెందిన ఎండీ అండర్సన్‌ క్యాన్సర్‌ సెంటర్‌లో ప్రొఫెసర్‌ అయిన అలిసన్‌ సాగించిన పరిశోధనా ఫలితాలు దీటైన క్యాన్సర్‌ చికిత్సకు మార్గం సుగమం చేశాయని నోబెల్‌ కమిటీ తెలిపింది. ఇక జపాన్‌లోని క్యోటో యూనివర్సిటీ ప్రొఫెసర్‌ హొంజొ చేపట్టిన పరిశోధనలు సైతం సమర్ధవంతమైన క్యాన్సర్‌ చికిత్సకు ఊతమిచ్చాయని పేర్కొంది. హొంజొ 34 సంవత్సరాలుగా క్యోటో యూనివర్సిటీ ప్రొఫెసర్‌గా సేవలందిస్తున్నారు.

కీమోథెరపీ వంటి సంప్రదాయ చికిత్సలకూ లొంగని కేన్సర్లను నానోవైద్యంతో అదుపులోకి తేవచ్చునని అంటున్నారు వేన్‌ స్టేట్‌ యూనివర్సిటీ శాస్త్రవేత్తలు. ఆక్సిజన్‌ సరఫరా తగ్గినా, పెరుగుదలను ప్రోత్సహించే కణాలు చేరినా కేన్సర్‌ కణితులు కీమోథెరపీకి ప్రతిస్పందించవని ఇప్పటికే గుర్తించారు. ఈ అంశాలను ఆధారంగా చేసుకుని నానోకణాలను ప్రయోగిస్తే మాత్రం భిన్నమైన ఫలితాలు వస్తాయని అరుణ్‌ అయ్యర్, సమరేశ్‌ సాహులతో కూడిన శాస్త్రవేత్తల బృందం నిరూపించింది.  నానోకణాలు నేరుగా ఆక్సిజన్‌ తక్కువగా ఉన్న కణాలను, కణితి పెరుగుదలకు కారణమవుతున్న రోగ నిరోధక వ్యవస్థ కణాలను లక్ష్యంగా చేసుకుని పనిచేస్తాయని, అంతేకాకుండా సాధారణ పరిస్థితుల్లో కేన్సర్‌ కణితులను నాశనం చేసే రోగ నిరోధక వ్యవస్థ కణాలను ప్రోత్సహిస్తాయని అరుణ్‌ వివరించారు. అంతేకాకుండా నానో కణాలు ఎలాంటి దుష్ప్రభావాలు లేకుండా కణితిని గుర్తిస్తాయని, కణితి గుర్తింపు, దశ నిర్ధారణ, శస్త్రచికిత్స ప్రణాళికలను సిద్ధం చేసుకోవడం వంటి అంశాలన్నింటికీ ఇది ఉపయోగకరంగా ఉంటుందని చెప్పారు. పైగా నానో కణాలను జోడించడం వల్ల కీమోథెరపి మరింత సమర్థంగా, తక్కువ దుష్ఫలితాలతో పనిచేస్తుందని చెప్పారు. ప్రస్తుతం తాము రీనల్‌ సెల్‌ కార్సినోమాకు సంబంధించి కొన్ని ప్రయోగాలు చేసినప్పటికీ ఇతర కేన్సర్ల విషయంలోనూ ఈ పద్ధతి సమర్థంగా పనిచేస్తుందని భావిస్తున్నట్లు తెలిపారు.  

వెల్దుర్తి(తూప్రాన్‌): ప్రసవం కోసం వచ్చిన ఓ గిరిజన మహిళకు వైద్యం చేయడానికి ఇబ్బందిగా ఉందంటూ అర్ధరాత్రి దాటాక పీహెచ్‌సీ సిబ్బంది చేతులెత్తేశారు. దీంతో చేసేదేమీలేక గర్భిణిని తోడుగా వచ్చిన ఇద్దరు మహిళలు తమ భుజాలపై ఆమెను మోసుకుని బస్టాండ్‌ వైపు తీసుకెళ్లారు. అదే సమయంలో గణేష్‌ శోభాయాత్ర నిర్వహిస్తున్న స్థానిక యువకులు గమనించి గర్భిణిని మొదట స్థానికంగా ఓ ప్రైవేట్‌ ఆస్పత్రిలో చేర్పించారు. అనంతరం 108కు సమాచారం అందించి మెదక్‌ ఏరియా ఆస్పత్రికి తరలించారు.   సభ్యసమాజం తలదించునేలా జరిగిన ఈ ఘటన మెదక్‌ జిల్లా వెల్దుర్తి మండల కేంద్రంలో చోటుచేసుకుంది. మండలంలోని ఉప్పులింగాపూర్‌ పంచాయతీ పరిధిలోని గిరిజనతండాకు చెందిన లాలావత్‌ జ్యోతిని కుటుంబ సభ్యులు కాన్పుకోసం ఆదివారం ఉదయం 11 గంటల ప్రాంతంలో వెల్దుర్తిలోని ప్రభుత్వ ప్రాథమిక ఆస్పత్రికి తీసుకువచ్చారు. రాత్రి పురిటి నొప్పులు అధికమవడంతో స్టాఫ్‌నర్స్‌ కవిత కాన్పు చేయడానికి ప్రయత్నించింది.  రాత్రి 12 గంటల వరకూ ప్రసవం కాకపోవడంతో ఇక్కడి నుండి ఏరియా ఆస్పత్రికి తీసుకెళ్లాలని సిబ్బంది, గర్భిణి కుటుంబీకులకు తెలిపారు. అయితే అం త రాత్రి సమయంలో ఎక్కడికి Ððవెళ్లాలని, మీరే ఎలాగైనా కాన్పు చేయండని వేడుకున్నా  బలవంతంగా బయటకు పంపించారంటూ బాధిత మహిళ కుటుంబసభ్యులు తెలిపారు.  విచారణ చేపట్టిన అధికారులు..  గర్భిణిని బయటకు గెంటివేసిన ఘటనపై జిల్లా వైద్యాధికారులు స్పందించారు. ఈ ఘటనపై విచారణ చేపట్టి నివేదిక అందించాలన్న జిల్లా వైద్యాధికారి వెంకటేశ్వర్‌రావు ఆదేశాల మేరకు నార్సింగి ప్రభుత్వ ఆస్పత్రి వైద్యుడు, వెల్దుర్తి ఆస్పత్రి ఇన్‌చార్జి మురళీధర్‌ సోమ వారం వెల్దుర్తి పీహెచ్‌సీని సందర్శించారు. ఘటనకు సంబంధించి వివరాలను సిబ్బందిని అడిగి తెలుసుకున్నారు. గర్భిణులను అత్యవసర పరిస్థితుల్లో వేరే ఆస్పత్రికి తరలించే బాధ్యత సిబ్బందిపైనే ఉంటుందని ఈ విషయంలో నిర్లక్ష్యం వహిస్తే చర్యలు తప్పవని హెచ్చరించారు.  మధ్యాహ్నం ఒంటిగంట వరకు కూడా పీహెచ్‌సీ వైద్యుడు రాకపోవడంపై అధికారులు ఆగ్రహం వ్యక్తం చేశారు. విధుల పట్ల నిర్లక్ష్యం వహించే వారిపై శాఖాపరమైన చర్యలు తప్పవని హెచ్చరించారు.  కాగా, 108 వాహనంలో మెదక్‌ ఆస్పత్రిలో సోమవారం ఉదయం 3 గంటల సమయంలో ప్రసవం అయింది. ప్రస్తుతం తల్లి, శిశువు ఆరోగ్యంగా ఉన్నారు.

కేన్సర్‌ చికిత్సకు వాడే మందులతో బోలెడన్ని దుష్ప్రభావాలు ఉంటాయని అందరికీ తెలుసు. అందుకే ఈ దుష్ప్రభావాలను వీలైనంత తగ్గించేందుకు జరుగుతున్న ప్రయత్నాల్లో యూనివర్సిటీ ఆఫ్‌ కోపెన్‌హాగన్‌ శాస్త్రవేత్తలు విజయం సాధించారు. అతి సంక్లిష్టమైన ప్రొటీన్ల నిర్మాణాన్ని నియంత్రించడం ద్వారా అతితక్కువ చెడు ప్రభావాలను చూపగల కేన్సర్‌ మందుల తయారీకి వీరు మార్గం సుగమం చేశారు. ప్రొటీన్లతో కేన్సర్‌కు మాత్రమే కాకుండా అనేకానేక ఇతర వ్యాధులకు సమర్థమైన చికిత్స అందించవచ్చునని చాలాకాలంగా తెలిసినప్పటికీ సంక్లిష్ట నిర్మాణం కారణంగా ఇప్పటివరకూ అది సాధ్యం కాలేదు. ఈ నేపథ్యంలో ప్రొఫెసర్‌ జెన్సిన్‌ నేతృత్వంలోని శాస్త్రవేత్తల బృందం కొన్ని పరిశోధనలు చేపట్టింది. హిస్‌–ట్యాగ్‌ అకైలేషన్‌ అని పిలిచే ఈ పద్ధతిలో ప్రొటీన్లకు నిర్దిష్టమైన పరమాణువులను అతికించడం సాధ్యమవుతుంది. ఈ రకమైన ప్రొటీన్లు కేవలం కేన్సర్‌ కణాలకు మాత్రమే అతుక్కుంటాయి. ఆరోగ్యకరమైన వాటిని వదిలేస్తాయి. ఫలితంగా దుష్ప్రభావాలు తక్కువగా ఉంటాయన్నమాట. ఈ కొత్త పద్ధతిని ఉపయోగిస్తే కొత్తరకమైన ప్రొటీన్‌ ఆధారిత మందుల తయారీ రోగనిర్ధారణ కూడా సులువు అవుతుందని అంచనా. ఉదాహరణకు ప్రతీదీప్తినిచ్చే పరమాణువులను ప్రొటీన్లకు అతికిస్తే శరీరంలో అది ఎక్కడికెళ్లిందో సులువుగా చూడవచ్చునని జెన్సిన్‌ తెలిపారు. రోగ నిరోధక వ్యవస్థకూ మధుమేహానికీ లంకె...! తిండి ద్వారా ఊబకాయమొస్తే రోగ నిరోధక వ్యవస్థ కూడా మీ సాయానికి రాదని వైద్యశాస్త్రం చెబుతుంది. తెల్ల రక్తకణాలు నేరుగా అడిపోస్‌ కొవ్వుకణజాలంలోకి చేరిపోయి మంట/వాపులకు కారణమవుతున్నాయని, ఇది కాస్తా చివరకు మధుమేహానికి దారితీస్తుందని కూడా శాస్త్రవేత్తలకు తెలుసు. ఎలా జరుగుతుందన్న విషయాన్ని మాత్రం వాండర్‌బిల్ట్‌ యూనివర్సిటీ స్కూల్‌ ఆఫ్‌ మెడిసిన్‌ శాస్త్రవేత్తలు తాజాగా తెలుసుకోగలిగారు. కొవ్వులు ఎక్కువగా ఉన్న ఆహారాన్ని అందించి ఎలుకలపై ప్రయోగాలు జరిపినప్పుడు సీడీ 8 + తెల్ల రక్తకణాలు చైతన్యవంతమవుతున్నాయని, కొవ్వులు దహనమయ్యే ప్రక్రియలో విడుదలయ్యే ఐసోలెవుగ్లాన్‌డిన్స్‌ రసాయనాలతో సీడీ 8 + కణాలు బ్యాక్టీరియా, వైరస్, అనారోగ్య కణాలపై దాడులు చేస్తాయని ఈ పరిశోధనల్లో పాల్గొన్న శాస్త్రవేత్త వ్యాట్‌ మెక్‌డోనెల్‌ తెలిపారు. అయితే ఇవే కణాలు కొవ్వు కణజాలంలో మాత్రం మంట/వాపులకు కారణమవుతుందని అన్నారు. ఇది కాస్తా ఇన్సులిన్‌ పనితీరుపై ప్రభావం చూపుతుందని, ఫలితంగా మధుమేహం వస్తుందని వివరించారు. ఐసోలెవుగ్లాన్‌డిస్‌ రసాయనాల ఉత్పత్తిని నియంత్రించే మందులను తయారు చేయడం ద్వారా  ఇన్సులిన్‌ నిరోధకతను అధిగమించేందుకు అవకాశముంటుందని తమ పరిశోధన చెబుతోందని చెప్పారు. జాబిల్లిపై షికారుకు టూరిస్ట్‌ రెడీ... అంతరిక్ష విహార యాత్రకు రంగం సిద్ధమైపోయింది. ఈలాన్‌ మస్క్‌ నేతృత్వంలోని స్పేస్‌ ఎక్స్‌ త్వరలో జాబిల్లిపైకి పంపే బిగ్‌ ఫాల్కన్‌ రాకెట్‌లో ప్రయాణించేందుకు ఓ అజ్ఞాత వ్యక్తి సిద్ధంగా ఉన్నాడు. అన్నీ సవ్యంగా సాగితే ఇంకొన్ని నెలల్లో తొలి ప్రయోగం జరుగుతుందని అంచనా. ఈ తొలి అంతరిక్ష యాత్రికుడు ఎవరన్న ప్రశ్నకు మస్క్‌ నేరుగా సమాధానం ఇవ్వలేదు. ట్విట్టర్‌లో జపాన్‌ జాతీయ పతాకాన్ని పోస్ట్‌ చేసి ఆ దేశపు వ్యక్తి అని సూచించారు. ఆ తరువాత స్పేస్‌ ఎక్స్‌ ఇంకో ట్వీట్‌ చేస్తూ ఇప్పటివరకూ జాబిల్లిని చుట్టివచ్చిన వారు కేవలం 24 మంది మాత్రమేనని, 46 ఏళ్లు గడిచినా 25వ వ్యక్తి చందమామను చేరకపోయేందుకు అనేక కారణాలున్నాయని వివరించారు. రాకెట్‌ తయారీకి అనుమతులు లభించడంతోపాటు, ప్రాజెక్టు పూర్తి చేయడంలో ఉన్న ఇబ్బందుల వల్ల ప్రయోగం కొంచెం అటు ఇటు కావచ్చునని సూచించారు. దాదాపు 350 అడుగుల ఎత్తున్న బిగ్‌ ఫాల్కన్‌ రాకెట్ల ద్వారా ముందుగా జాబిల్లిపైకి.. ఆ తరువాత కొన్నేళ్లకు అంగారకుడిపైకి మనుషులను పంపుతానని ఈలాన్‌ మస్క్‌ ఏడాది క్రితమే ప్రకటించారు.

కర్నూలు(హాస్పిటల్‌): ఔషధాలు అక్కరకు రాకుండా పోయాయి. ఒకటి కాదు, రెండు కాదు..ఏకంగా రూ.4 కోట్ల విలువైన మందులు కాలం తీరిపోయి (ఎక్స్‌పైరీ) వృథాగా పడివున్నాయి. వీటిని కర్నూలు సెంట్రల్‌ డ్రగ్‌ స్టోర్‌లో గుట్టలుగుట్టలుగా పడేశారు. ప్రభుత్వ అడ్డగోలుతనం, ఉన్నతాధికారుల కమీషన్ల వ్యవహారానికి ఇవి నిలువుటద్దంలా నిలుస్తున్నాయి. రాష్ట్ర ఉన్నతాధికారులు కమీషన్లకు కక్కుర్తి పడి నాలుగేళ్లుగా డిమాండ్‌కు మించి పంపుతుండడం, ఇదే తరుణంలో ప్రభుత్వ ఆసుపత్రులు డిమాండ్‌కు మించి తీసుకోలేకపోతుండడంతో మందులు సెంట్రల్‌ డ్రగ్‌స్టోర్‌లో పేరుకుపోయాయి. కాలం తీరిన వీటిని నాశనం చేసేందుకు అధికారులు ఇప్పుడు ఓ కమిటీ వేయడం గమనార్హం.  జిల్లాలో కర్నూలు ప్రభుత్వ సర్వజన వైద్యశాల, నంద్యాల జిల్లా ఆసుపత్రి, ఎమ్మిగనూరు ఏరియా ఆసుపత్రి, ఆదోనిలో ఎంసీహెచ్‌ ఆసుపత్రి, జిల్లా ఆసుపత్రితో పాటు 18 కమ్యూనిటీ హెల్త్‌ సెంటర్లు, 86 ప్రాథమిక ఆరోగ్య కేంద్రాలు, 40కి పైగా ముఖ్యమంత్రి ఆరోగ్యకేంద్రాలు ఉన్నాయి. ప్రతి ఏటా కర్నూలు సర్వజన వైద్యశాలకు ఒక్క దానికే రూ.4 కోట్లు, మిగిలిన ఆసుపత్రులకు రూ.4 కోట్ల విలువైన మందులు అవసరమవుతాయి. రాష్ట్ర ప్రభుత్వం ఆంధ్రప్రదేశ్‌ మెడికల్‌ సర్వీస్‌ అండ్‌ ఇన్‌ఫ్రాస్ట్రక్చర్‌ డెవలప్‌మెంట్‌ కార్పొరేషన్‌ (ఏపీఎంఎస్‌ఐడీసీ) ద్వారా మందులు, సర్జికల్స్‌ కొనుగోలు చేసి జిల్లా కేంద్రాల్లోని సెంట్రల్‌ డ్రగ్‌ స్టోర్‌లకు పంపిస్తోంది. అక్కడి నుంచి ప్రభుత్వ ఆసుపత్రులకు ప్రత్యేక వాహనంలో తరలిస్తుంటారు. ప్రభుత్వ ఆసుపత్రుల్లో మందులు దుర్వినియోగం చేస్తున్నారంటూ టీడీపీ అధికారంలోకి వచ్చిన తర్వాత ఈ–ఔషధి విధానాన్ని తీసుకొచ్చింది. ప్రభుత్వ ఆసుపత్రుల్లో అవసరమైన మందులు, సర్జికల్స్‌ ఇండెంట్‌ను వారు ఎప్పటికప్పుడు ఆన్‌లైన్‌లో ప్రభుత్వానికి పెడుతూ ఉండాలి. ఆయా ఆసుపత్రుల డిమాండ్‌ను బట్టి మందులను కేటాయిస్తూ ఉంటారు. ఏ ఆసుపత్రికి ఎంత డిమాండ్‌ ఉందనే విషయం ఉన్నతాధికారులకు తప్ప సెంట్రల్‌ డ్రగ్‌ స్టోర్‌కు కూడా సరైన సమాచారం ఉండదు. ఈ మేరకు రాజధాని ప్రాంతం నుంచే మందులను ఉన్నతాధికారులు కొనుగోలు చేసి, ప్రభుత్వ ఆసుపత్రులకు పంపిస్తున్నారు. అవసరానికి మించి కొనుగోలు  రాష్ట్ర విభజన అనంతరం టీడీపీ అధికారంలోకి వచ్చాక 2014లో మూడు నెలల ఇండెంట్‌కు బదులు తొమ్మిది నెలల మందులను ఒకేసారి పంపించారు. అప్పటి నుంచి అధిక శాతం మందులను కొనుగోలు చేసి పంపిస్తూనే ఉన్నారు. వీటిని పెట్టేందుకు అవసరమైన స్థలం లేక ఏపీఎంఎస్‌ఐడీసీ ఈఈ కార్యాలయంలోని అధికారుల గదుల్లోనూ ఉంచారు. ఇటీవల  ఎన్‌ఎస్, ఆర్‌సీ సెలైన్‌ బాటిళ్లు జిల్లాకు మూడు నెలలకు సంబంధించి 34,000 డిమాండ్‌ ఉండగా.. ప్రభుత్వం ఏకంగా లక్షకు పైగా పంపింది. ఇలా వచ్చిన మందుల్లో అధిక శాతం కాలపరిమితికి దగ్గరగా ఉన్నవే కావడం గమనార్హం.   కాలపరిమితి తీరిన మందుల విలువ రూ.4 కోట్లు  రాష్ట్ర ప్రభుత్వ ఉన్నతాధికారులు నాలుగేళ్లుగా కమీషన్లకు ఆశపడుతూ కొనుగోలు చేసిన మందుల్లో అధిక శాతం వినియోగం కాకపోవడంతో కాలం తీరిపోయాయి. ఇందులో బి.కాంప్లెక్స్, ఐరన్, కాల్షియం, డైక్లోఫెనాక్, పారాసిటమాల్, సీపీఎం, ప్యాంటిడిన్, పాంటాప్రోజోల్‌ లాంటి 120 రకాల నిత్యావసర మందులూ ఉన్నాయి. ప్రస్తుతం ఇవే మందుల కొరత ప్రభుత్వ ఆసుపత్రుల్లో తీవ్రంగా ఉండటం గమనార్హం. చేతులు కాలాక ఆకులు పట్టుకున్న చందంగా ఈ విషయం ఉన్నతాధికారులకు తెలిసింది. వెంటనే ఆ మందులను నాశనం చేయాలని జిల్లా అధికారులకు చెప్పినట్లు సమాచారం. దీంతో మందులను ఎలా నాశనం చేయాలనే విషయమై కమిటీ వేశారు. ఇకపోతే పీహెచ్‌సీలకు పంపిన మందుల్లో కాలపరిమితి తీరిన వాటిని అక్కడే నాశనం చేస్తున్నారు.   మందులను నాశనం చేసేందుకు కమిటీ  కొన్నేళ్లుగా కాలపరిమితి తీరిన మందులు సెంట్రల్‌ డ్రగ్‌స్టోర్‌లో ఉన్నాయి. వీటి విలువ దాదాపు  రూ.4 కోట్ల దాకా ఉంటుందని అంచనా. వీటిని నాశనం చేసేందుకు నాతో పాటు డీఎంహెచ్‌వో, ప్రభుత్వ ఆసుపత్రి సీఎస్‌ఆర్‌ఎంవో, నంద్యాల డీసీహెచ్‌లతో కమిటీ వేశాం. ఈ విషయమై ఉన్నతాధికారులకు సమాచారం పంపించాం.  –విజయభాస్కర్, ఏపీఎంఎస్‌ఐడీసీ ఈఈ  

సాక్షి, న్యూఢిల్లీ : వైద్య విద్యా కోర్సుల్లో ప్రవేశాలకు నిర్వహించే ప్రక్రియలో జీవో 550లోని పేరా 5(2)ను రద్దు చేస్తూ హైకోర్టు ఇచ్చిన ఉత్తర్వులను సుప్రీంకోర్టు కొట్టేసింది. 2018–19 విద్యా సంవత్సరానికి సంబంధించి ఇప్పటికే జరిగిన ప్రవేశాలను కదపరాదని స్పష్టం చేసింది. మాన్యువల్‌గా కౌన్సెలింగ్, స్లైడింగ్‌ అమలు చేసినంతవరకు జీవో 550 సరైనదేనని, అయితే దీన్ని ఆన్‌లైన్‌ కౌన్సెలింగ్‌ ద్వారా సహేతుకంగా అమలు చేయలేరని సుప్రీంకోర్టు పేర్కొంది. వచ్చే ఏడాది కౌన్సెలింగ్‌కు సంబంధించి తగు మార్పులు చేసుకునేందుకు ఏపీ, తెలంగాణ ప్రభుత్వాలు, ఎన్టీఆర్‌ ఆరోగ్య విశ్వవిద్యాలయం, కాళోజీ ఆరోగ్య విశ్వవిద్యాలయాలకు అవకాశం ఇచ్చింది. వైద్య విద్యా కోర్సుల్లో ప్రవేశానికి నిర్వహించే కౌన్సెలింగ్‌లో ఓపెన్‌ కేటగిరీ సీటును వదులుకుని రిజర్వేషన్‌ కోటాలో మెరుగైన సీటును దక్కించుకున్నప్పుడు ఓపెన్‌ కేటగిరీలో ఖాళీ చేసిన సీటును అదే రిజర్వేషన్‌కు చెందిన మరో విద్యార్థితో భర్తీ చేయాలని నిర్దేశించే జీవో 550లోని పేరా 5(2)ను ఉమ్మడి హైకోర్టు ఇటీవల పక్కనపెట్టింది. ఈ ఉత్తర్వులను సవాలు చేస్తూ 16 మంది విద్యార్థులతోపాటు ఆంధ్రప్రదేశ్, తెలంగాణ ప్రభుత్వాలు, ఎన్టీఆర్, కాళోజీ ఆరోగ్య విశ్వవిద్యాలయాలు సుప్రీంకోర్టులో పిటిషన్‌ దాఖలు చేశాయి. గురువారం ఈ పిటిషన్లను విచారించిన జస్టిస్‌ అరుణ్‌ మిశ్రా, జస్టిస్‌ ఇందిరా బెనర్జీతో కూడిన ధర్మాసనం శుక్రవారం పై విధంగా ఆదేశాలు జారీ చేసింది. అయితే ఈ ఆదేశాలను మరోసారి పరిశీలించి రాతపూర్వకంగా సోమవారం వెలువరిస్తామని ధర్మాసనం స్పష్టం చేసింది.  హైకోర్టు తీర్పును తప్పుపట్టిన ధర్మాసనం న్యాయమూర్తి జస్టిస్‌ అరుణ్‌ మిశ్రా మౌఖిక ఆదేశాలు జారీ చేస్తూ ‘హైకోర్టు ఈ సమస్యను సరిగా అర్థం చేసుకోలేకపోయింది. ఓపెన్‌ కేటగిరీ సీటును వదులుకుని రిజర్వేషన్‌ కేటగిరీలో సీటు తీసుకున్నప్పుడు ఖాళీ అయిన ఓపెన్‌ కేటగిరీ సీటును రిజర్వేషన్‌ అభ్యర్థులతో భర్తీ చేయడానికి సంబంధించిన డేటాను హైకోర్టు సరైన రీతిలో విశ్లేషించలేదు. ఈ విధానంలో రిజర్వేషన్లు 50 శాతం మించలేదని స్పష్టమవుతోంది. ఇక జీవో 550లోని పేరా 5 మ్యాన్యువల్‌ కౌన్సెలింగ్‌లో మాత్రమే సాధ్యమవుతుంది. కానీ ఆన్‌లైన్‌లో సీటు ఎంపిక, ఖాళీ, ఖాళీని అదే రిజర్వేషన్‌ కలిగిన అభ్యర్థితో భర్తీ చేయడం తదితర ప్రక్రియలన్నీ ఏకకాలంలో అమలుచేయడం కష్టసాధ్యం. అందువల్ల ఈ ఏడాది జరిగిన ప్రవేశాలకు అంతరాయం కల్పించరాదు. వచ్చే ఏడాది జీవో 550ని అమలు చేసుకోవడానికి ప్రభుత్వం అవసరమైన పక్షంలో తగిన మార్పులు చేసుకోవచ్చు’ అని పేర్కొన్నారు. విచారణలో తెలంగాణ ప్రభుత్వం తరఫున న్యాయవాదులు ఉదయ్‌కుమార్‌ సాగర్, పాల్వాయి వెంకటరెడ్డి, విద్యార్థుల తరఫున రమేశ్‌ అల్లంకి, ఎ.సత్యప్రసాద్, ఏపీ తరఫున గుంటూరు ప్రభాకర్, ఎన్టీఆర్‌ హెల్త్‌ యూనివర్సిటీ తరఫున ఎం.ఎన్‌.రావు పాల్గొన్నారు.  

సాక్షి, హైదరాబాద్‌: తక్కువ ఫీజుకే విదేశాల్లో మెడిసిన్‌ సీటు ఇపిస్తానని వందల మంది విద్యార్థుల నుంచి కోట్లు రూపాయలు వసూలు చేసిన వ్యక్తిని  సీసీఎస్‌ పోలీసులు అరెస్టు చేశారు. పోలీసులు తెలిపిన వివరాలు... ఆంధ్రప్రదేశ్‌ చిత్తూరు జిల్లా వీకోట మండలం పాముగాని గ్రామానికి చెందిన కిషన్‌రెడ్డి గత పది సంవత్సరాల నుంచి దిల్‌సుఖ్‌నగర్‌లో ఇగ్గి మల్టీసర్వీస్ పేరుతో ఫిలిప్పీన్స్ లోని సీడీయూ యూనివర్సిటీలలో మెడిసిన్ సీటు ఇప్పిస్తానని విద్యార్థుల నుంచి 30 లక్షల రూపాయలు వరకు వసూలు చేశాడు. ముందుగా లక్ష రూపాయలు విద్యార్థు నుంచి వసూలు చేసి యూనివర్సిటీకు కట్టి అడ్మిషన్లు ఇప్పిస్తాడు. తాము ఫీజు కట్టినా కట్టలేదని యూనివర్సిటీల నుంచి ఫోన్లు  రావడంతో కిషన్‌రెడ్డిని విద్యార్థుల తల్లిదండ్రులు నిలదీశారు. తాము చెల్లించిన డబ్బును తిరిగి ఇవ్వాలని కోరారు. డబ్బులు వెనక్కి ఇచ్చేది లేదు ఎవరికీ చెప్పకుంటారో చెప్పుకోవాలంటూ బెదిరింపులకు పాల్పడ్డాడు. తమ పిల్లల చదువులకు సంబంధించిన ఒరిజినల్‌ సర్టిఫికెట్లు అతడి వద్ద ఉండటంతో ఏం చేయాలో పాలుపోక విద్యార్థుల తల్లిదండ్రులు సీసీఎస్ డీసీపీ అవినాష్ మహంతికి ఫిర్యాదు చేశారు. పోలీసులు కేసు నమోదు చేసి తప్పించుకుని తిరుగుతున్న కిషన్‌రెడ్డిని వారం రోజుల క్రితం అరెస్ట్ చేసి కోర్టులో హాజరుపరిచారు. తమ పిల్లల ఒరిజినల్ సర్టిఫికెట్స్ అన్నీ అతని వద్దే ఉన్నాయని ఒరిజినల్ సర్టిఫికెట్స్ తమకు ఇప్పించాలని డీసీపీని తల్లిదండ్రులు కోరారు. తమ పిల్లలకు జరిగిన అన్యాయాన్ని మరెవరికి జరగకుండా అతడిని కఠినంగా శిక్షించాలని విద్యార్థి తల్లిదండ్రులు పోలీసులకు విజ్ఞప్తి చేశారు. మెడిసన్ సీట్ల పేరుతో వందల కోట్ల రూపాయలు వసూలు చేసి స్థిరాస్తులు కూడబెట్టుకున్న వాటిని జప్తు చేసి  నష్టపోయిన వారికి ఇవ్వాలని పోలీసులకు విన్నవించుకున్నారు.

సాక్షి, ముంబై : ఐరన్‌, విటమిన్‌ ట్యాబ్లెట్లు వికటించడంతో ముంబైలోని గోవంది మురికివాడలోని ఓ పాఠశాలలో 12 సంవత్సరాల బాలిక మరణించగా, 197 మంది చిన్నారులు ఆస్పత్రిపాలయ్యారు. కడుపునొప్పి, వాంతులతో బాధపడుతున్న161 మంది చిన్నారులను గట్కోపర్‌లోని రాజవాది ఆస్పత్రికి తరలించగా, 36 మంది చిన్నారులను గోవంది శతాబ్ధి ఆస్పత్రికి తరలించారని డాక్టర్‌ ప్రదీప్‌ జాదవ్‌ తెలిపారు. స్కూల్‌లో ఇచ్చిన ఐరన్‌, విటమిన్‌ ట్యాబ్లెట్‌ను వేసుకున్న చందాని షేక్‌ అనే బాలిక గురువారం రాత్రి రక్తపు వాంతులు చేసుకుని మృత్యువాత పడిందని చిన్నారి తల్లితండ్రులు వెల్లడించారు. అయితే పోస్ట్‌మార్టం నివేదిక వచ్చిన తర్వాతే బాలిక మృతికి కారణాలు వెలుగులోకి వస్తాయని వైద్యులు తెలిపారు. తమ ఆస్పత్రిలో చికిత్స పొందుతున్న చిన్నారుల పరిస్థితి ప్రస్తుతం నిలకడగా ఉందని రాజవాది ఆస్పత్రి సూపరింటెండెంట్‌ డాక్టర్‌ విద్యా ఠాకూర్‌ తెలిపారు.

ఆత్మకూర్‌ (ఎస్‌), (సూర్యాపేట): గ్రామానికి కీడు సోకిందని ప్రజలందరూ తమ ఇళ్లకు తాళాలు వేసి వన వాసానికి వెళ్లిన ఘటన సూర్యాపేట జిల్లా ఆత్మకూర్‌ (ఎస్‌) మండలం శెట్టిగూడెంలో ఆదివారం చోటుచేసుకుంది. గ్రామంలో నెల రోజులుగా కొందరు జ్వరాల బారిన పడుతున్నారు. కార్పొరేట్‌ ఆస్పత్రుల్లో వైద్యం చేయించుకున్నా తగ్గడం లేదు. అంతేకాకుండా వైద్యశాఖ ఆధ్వర్యంలో శిబిరాలు ఏర్పాటు చేసి వైద్యం అందించినా తగ్గుముఖం పట్టడం లేదు. దీంతో గ్రామానికి కీడు సోకిందని.. గ్రామాన్ని ఖాళీ చేసి వెళ్లాలని పెద్ద మనుషుల సమక్షంలో నిర్ణయించుకున్నారు. ఈ మేరకు ఆదివారం ఊరంతా తమ ఇళ్లకు తాళాలు వేసి తెల్లవారుజామునే గ్రామ శివారులో ఏర్పాటు చేసిన నిప్పును కొనుక్కుని వనవాసానికి వెళ్లారు. దీంతో గ్రామంలో వీధులన్నీ బోసిపోయి కనిపించాయి.

తమిళసినిమా(చెన్నై): దశాబ్ధాలుగా తన అద్బుత సంగీతంతో కోట్లాది మందిని అలరిస్తున్న ‘మేస్ట్రో’ ఇళయరాజా సంగీతం ఇకపై వివిధ జబ్బులను నయం చేయడంలోనూ కీలకంగా మారనుంది. వెయ్యికిపైగా చిత్రాలకు సంగీతాన్ని అందించిన ఘనత ఆయనది. వీనులవిందైన ఇళయరాజా సంగీతాన్ని వైద్యానికి ఉపయోగపడేలా మార్చేందుకు సింగపూర్‌కు చెందిన ప్రముఖ మౌంట్‌ ఎలిజబెత్‌ ఆస్పత్రి నిర్వాహకులు కృషి చేస్తున్నట్లు సమాచారం. ఇందుకోసం ఇళయరాజా రూపొందించిన సంగీత ఆల్బమ్‌లపై వారు పరిశోధనలు చేస్తున్నారు. ఇళయరాజా కూడా ఇందుకోసం కొన్ని ప్రత్యేక బాణీలను సమకూర్చుతున్నట్లు సమాచారం. ఉత్తమ సంగీత దర్శకుడిగా మూడుసార్లు జాతీయ అవార్డు అందుకున్న ఇళయరాజాను కేంద్ర ప్రభుత్వం ఈ ఏడాది పద్మవిభూషణ్‌ పురస్కారంతో గౌరవించిన విషయం తెలిసిందే.    

అరటి శుభ సూచకం అని అందుచేత అరటిని శుభకార్యాలలో తప్పకుండా వినియోగిస్తారు. దీనివెనుక ఒక ఇతిహాస సంబంధమైన కథ కూడా ఉంది. ఒకప్పుడు దూర్వాస మహాముని సాయంసంధ్యవేళ కూడా ఆదమరచి నిద్రపోతున్నప్పుడు ఆయన భార్య (కదలీ) సంధ్యావందనం సమయం కావడంతో ఆయనను నిద్ర నుండి మేలుకొల్పుతుంది. దుర్వాసుడి నేత్రాలనుండి వచ్చిన కోపాగ్నికి ఆవిడ భస్మరాశిగా మారిపోతుంది. కొన్నిరోజుల తరువాత దుర్వాస మహర్షి మామగారు తన కూతురు గురించి అడగగా ఆవిడ తన కోపాగ్ని వల్ల భస్మరాశి అయిందని చెప్పి, తన మామ గారి ఆగ్రహానికి గురికాకుండా ఉండేందుకు, ఆమెను చెట్టుగా మార్చి, శుభప్రదమైన కార్యాలన్నింటిలో కదలీఫలం (సంస్కృత పదానికి తెలుగు అర్థం అరటి) రూపంలో వినియోగించబడుతుంది అని వరాన్ని ఇస్తాడు.  అరటి ఆకులను రకరకాల పనులకు ఉపయోగిస్తారు, ముఖ్యంగా భోజనం చెయ్యడానికీ, పెళ్ళిళ్ళలో మండపాల అలంకరణకు వాడతారు. ఆంజనేయస్వామిని ఆరాధించేవారు అరటితోటలో లేదా అరటిచెట్టు కింద స్వామి వారి విగ్రహాన్ని/ప్రతిమను/ పటాన్ని ఉంచి పూజిస్తే ఆయన తొందరగా అనుగ్రహిస్తాడని ప్రతీతి. అరటికి అంటుదోషం, ఎంగిలి దోషం అంటవు. అందుకే అన్ని దేవతల పూజలలోనూ అరటిని నివేదించవచ్చు. కుజదోషం ఉన్నవారు అరటిచెట్టుకు చక్కెర కలిపిన నీరు పోసి, తడిసిన ఆ మట్టిని నొసట బొట్టుగా ధరిస్తే ఉపశమనం కలుగుతుందంటారు. అరటినారతో తయారు చేసిన వత్తులతో దీపారాధన చేయడం వల్ల కొన్ని సత్ఫలితాలు కలుగుతాయంటారు. సంతానం లేనివారు అరటిచెట్టును పూజిస్తే మంచిదని చెబుతారు.  అరటిని ఆనారోగ్యానికి ఔషధంగా వాడతారు. దీనిలో అత్యధికంగా ఉండే పొటాషియం బీపీ, అధిక ఒత్తిడిని తగ్గిస్తుంది. శరీరంలోని విషపదార్థాలను తొలగిస్తుంది. మానసిక ఒత్తిడితో బాధపడేవారు అరటిపండ్లు తినడం వల్ల ఒత్తిడి తగ్గుతుందని, నిద్రలేమితో బాధపడేవారు రాత్రిపూట పాలు, అరటిపండు తీసుకుంటే నిద్ర బాగా పడుతుందని, అరటిపండు శరీర కండరాల్ని ఆరోగ్యంగా ఉంచుతుందనీ వైద్యనిపుణులు చెబుతారు. జీర్ణసంబంధమైన సమస్యలకూ అరటిపండు మంచి ఔషధంలా పనిచేస్తుంది. జబ్బుపడినవాళ్లు దీన్ని తింటే తొందరగా కోలుకుంటారు. 

ఎర్రగుంట్ల (వైఎస్సార్‌ కడప): ఎర్రగుంట్ల ప్రభుత్వ ఆస్పత్రిలో శ్రీ దేవగుడి శంకర్‌రెడ్డి సుబ్బారామిరెడ్డి మెమోరియల్‌ ట్రస్ట్‌ ఆధ్వర్యంలో నారాయణ ఆస్పత్రి సూపర్‌ స్ఫెషాలిటీ వైద్యులు ఆదివారం ఉచిత మెగా వైద్య శిబిరం ఏర్పాటు చేశారు. అయితే రోగులను పరీక్షించి, మందులను బయట కొనుక్కోవాలని చీటీలు రాసిచ్చారు. ఈ పరిస్థితిలో మంత్రి ఆదినారాయణరెడ్డి వైద్య శిబిరాన్ని సందర్శించారు. మందులు రాసిచ్చిన విషయాన్ని రోగులు మంత్రి దృష్టికి తీసుకెళ్లారు. దీనికి ఆది స్పందిస్తూ మందులు ఇవ్వకపోవడంపై ఆగ్రహం వ్యక్తం చేశారు. వెంటనే మందులు తెప్పించాలని ఆదేశించారు. అప్పటికే చాలా మంది రోగులు చీటీలతో వెళ్లిపోయారు. ఈ శిబిరాన్ని మంత్రి ఆది సతీమణి అరుణ, తనయుడు సుధీర్‌రెడ్డి ప్రారంభించారు. కార్యక్రమంలో నారాయణ ఆస్పత్రి గుండె, చర్మ, ఆర్థోఫెడిక్‌ తదితర వ్యాధుల వైద్య నిపుణులు రోగులను పరీక్షించారు. మందులు ఇవ్వకుండా చీటీలు రాసివ్వడంపై చాలా మంది రోగులు నిరాశకు గురయ్యారు. మంత్రి ఆదేశాలతో ఎర్రగుంట్లలోని ఓ ప్రైవేట్‌ మెడికల్‌ షాపు నుంచి మందులు తెప్పించి ఉన్న రోగులకు పంపిణీ చేశారు. కార్యక్రమంలో మంత్రి ఆది సోదరుడు జయరామిరెడ్డి, మున్సిపల్‌ చైర్మన్‌ ముసలయ్య, మార్కెట్‌ యార్డు చైర్మన్‌ జెక్కు చెన్నకృష్ణారెడ్డి, కౌన్సిలర్‌ మహమ్మద్‌ గౌస్‌ పాల్గొన్నారు.

రైతులకు మంచి ఆదాయాన్నిచ్చే ఔషధ పంటల్లో అశ్వగంధ ముఖ్యమైనది. తెలుగురాష్ట్రాలతోపాటు మరో 4 రాష్ట్రాల్లో అశ్వగంధ సాగులో ఉంది. పంటకాలం 150–180 రోజులు. ఆగస్టు మొదటి వారం వరకు దీన్ని విత్తుకోవచ్చు. అశ్వగంధ వేర్లు, కాండం, ఆకుల్లో ఔషధ గుణాలుంటాయి. అయితే వాణిజ్యపరంగా వేర్లకే గిరాకీ ఉంటుంది. మీటరు ఎత్తు వరకు పెరుగుతుంది. వేర్లు లేత పసుపుతో కూడిన తెలుపు రంగులో చిరుచేదుగా ఉంటాయి. నరాల బలహీనతను నివారించడానికి, వ్యాధి నిరోధక శక్తిని పెంచడానికి, అల్సర్ల నివారణకు ఉపయోగిస్తారు. అశ్వగంధ వేర్ల చూర్ణం నిద్రలేమిని నివారిస్తుంది. నీరు నిల్వ ఉండని నేలలు, పొడి వాతావరణం అనుకూలం.  ఉదజని సూచిక 7.5–8.0 మధ్య ఉండాలి. వర్షాధార పంటగా సాగుకు తేలికపాటి నల్లరేగడి నేలలు, నీటి వసతి ఉంటే ఇసుక నేలలు లేదా తేలికపాటి ఎర్రనేలలు అనుకూలం. జవహర్‌–20, రక్షిత, నాగరి రకాలు విత్తుకోవచ్చు. తెలంగాణ జిల్లాలకు హైదరాబాద్‌ బోడుప్పల్‌లోని కేంద్రీయ ఔషధ, సుగంధ మొక్కల సంస్థ(సీమాప్‌) అందించే పోషిత రకం వంగడం అనుకూలం. ఎకరాకు నారు పద్ధతిలో 2 కిలోలు, వెదజల్లే పద్ధతిలో 7–8 కిలోలు అవసరం. 5 రెట్లు ఇసుకతో కలిపి వెదజల్లాలి. నారును వరుసల మధ్య 25–30 సెం.మీ., మొక్కల మధ్య 8–10 సెం.మీ. ఉండేలా నాటుకోవాలి. అశ్వగంధకు తీవ్రమైన తెగుళ్లేవీ రావు. కాయలు ఎరుపు రంగులోకి మారినప్పుడు లేదా ఆకులు పూర్తిగా ఎండిపోయినప్పుడు మొక్కలను పీకి వేర్లను సేకరించాలి.  వేర్లను 7–10 సెం.మీ. ముక్కలు చేసి నీడన ఆరబెట్టుకోవాలి. ఎండిన వేర్లను గ్రేడింగ్‌ చేసుకొని నిలువ ఉంచుకుంటే రైతులకు మంచి ధర లభిస్తుంది. ఎకరాకు 250–300 కిలోల ఎండు వేర్లు, 80 కిలోల విత్తనం వస్తుంది. ఎకరాకు ఖర్చు రూ. 15 వేల వరకు ఉంటుంది. జాతీయ ఔషధమొక్కల బోర్డు, తెలంగాణ ఔషధ మొక్కల బోర్డు(94910 37554) ఎకరా సాగుకు రూ. 4,392 వరకు సబ్సిడీ అందిస్తున్నాయి. మార్కెట్‌ ధరను బట్టి రూ. 35,000–45,000 వరకు నికరాదాయం రావచ్చు. మధ్యప్రదేశ్‌లోని నీమచ్, మాండ్‌సర్‌ మార్కెట్లు అశ్వగంధ కొనుగోలుకు ప్రసిద్ధి. స్థానికంగా కూడా మార్కెటింగ్‌ అవకాశాలున్నాయి. (రాజేంద్రనగర్‌లోని శ్రీకొండా లక్ష్మణ్‌ తెలంగాణ రాష్ట్ర ఉద్యాన విశ్వవిద్యాలయం ఆవరణలోని ఉద్యాన కళాశాల పరిశోధక విద్యార్థులు ఎస్‌. వేణుగోపాల్, బి. అనిత అందించిన సమాచారం)  

న్యూఢిల్లీ: వేల కోట్ల రూపాయల భారీ పెట్టుబడులతో దేశీ ఆన్‌లైన్‌ షాపింగ్‌ ముఖచిత్రాన్ని మార్చేస్తున్న దిగ్గజ ఈ–కామర్స్‌ సంస్థలు తాజాగా ఆన్‌లైన్‌లో ఔషధాల అమ్మకాలపై దృష్టి సారించాయి. ఇప్పటికే ఈ రంగంలో ఉన్న సంస్థలను కొనేయడమో లేదా పెట్టుబడులు పెట్టడమో, వాటాలు తీసుకోవటమో చేసే పనిలో పడ్డాయి. అమెజాన్, ఫ్లిప్‌కార్ట్‌ వంటి దిగ్గజాలతో పాటు బిగ్‌బాస్కెట్, స్విగ్గీ వంటి సంస్థలూ బరిలోకి దిగడంతో ఆన్‌లైన్‌ ఫార్మా రంగంలో పోటీ మరింత తీవ్రం కానుంది.   దేశీయంగా ఔషధాల అమ్మకాలు 2020 నాటికల్లా 55 బిలియన్‌ డాలర్లకు చేరగలదని అంచనా. ఆలిండియా ఆర్గనైజేషన్‌ ఆఫ్‌ కెమిస్ట్స్‌ అండ్‌ డ్రగ్గిస్ట్స్‌ (ఏఐవోసీడీ) గణాంకాల ప్రకారం 2017లో రూ. 1,19,641 కోట్ల (17.5 బిలియన్‌ డాలర్లు) విలువ చేసే ఔషధాలు అమ్ముడయ్యాయి. ఈ ఏడాది జూన్‌లో రూ.10,215 కోట్ల (1.49 బిలియన్‌ డాలర్లు) విలువ చేసే ఔషధాలు దేశీయంగా అమ్ముడయ్యాయి. గతేడాది ఇదే నెల గణాంకాలతో పోలిస్తే ఇది 8.6 శాతం అధికం. మిగతా వ్యాపారాలతో పోలిస్తే ఫార్మాలో పెద్దగా డిస్కౌంట్ల ఊసుండదు. దీంతో మార్జిన్లు భారీగానే (సుమారు 20–30 శాతం దాకా) ఉంటాయి. కొన్ని స్టార్టప్‌లు డిస్కౌంట్లు, ఆఫర్లతో ఆన్‌లైన్‌ ఫార్మసీలు ప్రారంభించినప్పటికీ... ఈ విభాగం ఇంకా ప్రారంభ దశలోనే ఉంది. ఈ అంశాలే ఈ–కామర్స్‌ దిగ్గజాలను ఈ రంగంవైపు ఆకర్షిస్తున్నాయి. ఆన్‌లైన్‌ ఫార్మా సంస్థలతో అమెజాన్‌ చర్చలు ప్రస్తుతం దేశీయంగా మెడ్‌ప్లస్, 1ఎంజీ, మెడ్‌లైఫ్, ఫార్మీజీ, మైరా, అపోలో, నెట్‌మెడ్స్‌ వంటి సంస్థలు కార్యకలాపాలు నిర్వహిస్తున్నాయి. వీటిలో మెడ్‌ప్లస్‌ వంటి 3–4 సంస్థలతో అమెజాన్‌ చర్చలు జరిపినట్లు సమాచారం. దేశీయంగా రెండో అతి పెద్ద ఫార్మసీ చెయిన్‌ అయిన మెడ్‌ప్లస్‌పై అమెజాన్‌ ప్రత్యేక దృష్టి పెట్టినట్లు తెలుస్తోంది. మెడ్‌ప్లస్‌కు ఆన్‌లైన్‌ ఫార్మసీతో పాటు దేశవ్యాప్తంగా 1,400 స్టోర్స్‌ కూడా ఉన్నాయి. ఒకవేళ ఈ డీల్‌ సాకారమైతే... ఈ స్టోర్స్‌ని అమెజాన్‌ డెలివరీ సెంటర్లుగా కూడా ఉపయోగించుకోవచ్చు. తద్వారా కార్యకలాపాలను మరింత భారీగా విస్తరించవచ్చు. అమెజాన్‌ నిర్దిష్టంగా ఎంత మేర వాటాలు కొనుగోలు చేసేదీ తెలియనప్పటికీ.. మెడ్‌ప్లస్‌తో ఇప్పటికే రెండు దఫాలుగా చర్చలు జరిగినట్లు సంబంధిత వర్గాలు తెలిపాయి. మెడ్‌ప్లస్‌లో వ్యవస్థాపకుడు మధుకర్‌ గంగాడికి దాదాపు 90% వాటాలున్నాయి. 2006లో ప్రారంభమైన మెడ్‌ప్లస్‌.. ప్రస్తుతం 12 రాష్ట్రాల్లో కార్యకలాపాలు సాగిస్తోంది. మెడ్‌ప్లస్‌ ఆదాయాలు 2014–15లో రూ. 1,361 కోట్లు, 2015–16లో రూ. 1,726 కోట్లుగా ఉన్నాయి. రెండేళ్లలో లాభాలు రూ. 7–9 కోట్లుగా ఉన్నాయి. మెడ్‌లైఫ్‌పై ఫ్లిప్‌కార్ట్‌ దృష్టి.. అమెజాన్‌కు పోటీదారైన దేశీ ఈ–కామర్స్‌ దిగ్గజం ఫ్లిప్‌కార్ట్‌ కూడా ఆన్‌లైన్‌ ఫార్మాలో ప్రవేశించేందుకు చకచకా పావులు కదుపుతోంది. అల్కెమ్‌ ల్యాబ్స్‌ వ్యవస్థాపకులు నిర్వహించే మెడ్‌లైఫ్‌ సంస్థతో   చర్చలు జరిపినట్లు తెలుస్తోంది. పేర్లు వెల్లడించనప్పటికీ.. రెండు భారీ ఈ–కామర్స్‌ సంస్థలతో చర్చలు జరిపినట్లు, ప్రస్తుతానికి ఇవి ప్రాథమిక స్థాయిలోనే ఉన్నట్లు మెడ్‌లైఫ్‌ వర్గాలు పేర్కొనడం ఇందుకు ఊతమిస్తోంది. ఇక ఫుడ్‌ డెలివరీ సేవల్లో ఉన్న బెంగళూరు సంస్థ స్విగ్గీ .. ఔషధాల డెలివరీ సర్వీసులు కూడా ప్రారంభించేందుకు సిద్ధమవుతోంది. దీనికి ఈ–ఫార్మసీలతో భాగస్వామ్యాలు కుదుర్చుకోవాలని భావిస్తోంది. అటు ఆన్‌లైన్‌లో నిత్యావసర సరుకులు విక్రయించే బిగ్‌బాస్కెట్‌ సంస్థ.. కొత్తగా ఫార్మాను కూడా తమ లిస్టులో చేర్చుకోవడంపై కసరత్తు చేస్తున్నట్లు తెలుస్తోంది. ఏఐవోసీడీ ఆందోళన.. ఆన్‌లైన్‌లో ఔషధాల అమ్మకాలను తీవ్రంగా వ్యతిరేకిస్తున్న ఏఐవోసీడీ ఆగస్టు 1 నుంచి 14 దాకా నిరసన ప్రదర్శనలు చేపట్టేందుకు సిద్ధమవుతోంది. ఒకవేళ ప్రభుత్వం గానీ తమ డిమాండ్లను పట్టించుకోకపోయిన పక్షంలో రోజు కేవలం ఎనిమిది గంటలు మాత్రమే షాపులు తెరిచేలా వర్క్‌–టు–రూల్‌ విధానాన్ని అమలు చేస్తామని ఏఐవోసీడీ హెచ్చరిస్తోంది. ఇందులో 8.5 లక్షల మంది కెమిస్టులు, ఫార్మాసిస్టులు సభ్యులుగా ఉన్నారు.   పిల్‌ప్యాక్‌ కొనుగోలుతో అమెజాన్‌ సంచలనం.. అమెరికాలో పిల్‌ప్యాక్‌ అనే ఆన్‌లైన్‌ ఫార్మా కంపెనీని దాదాపు 1 బిలియన్‌ డాలర్లకు అమెజాన్‌ కొనుగోలు చేయడం అక్కడి ఫార్మా మార్కెట్‌ను కుదిపేసింది. ఈ డీల్‌ వార్తతో అమెరికా ఫార్మసీ/డ్రగ్‌స్టోర్‌ పరిశ్రమ మార్కెట్‌ క్యాప్‌ ఏకంగా 13 బిలియన్‌ డాలర్ల మేర పతనమైంది. ఇలాంటి భారీ సంచలనాన్నే భారత్‌లోనూ పునరావృతం చేసేందుకు అమెజాన్‌ కసరత్తు చేస్తోంది. నిజానికి అమెజాన్‌కి ఆన్‌లైన్‌ ఫార్మా వ్యాపారం కొత్తేమీ కాదు. 1998లో డ్రగ్‌స్టోర్‌డాట్‌కామ్‌ అనే సంస్థను ఏర్పాటు చేసింది. కానీ, 2000లో టెక్నాలజీ సంస్థలు కుదేలవడంతో.. ఇది మూతబడింది. ఆకర్షణీయమైన భారత మార్కెట్లో అవకాశాలను అందిపుచ్చుకునేందుకు అమెజాన్‌ మళ్లీ రంగంలోకి దిగుతోంది.    

పశ్చిమగోదావరి , భీమవరం (ప్రకాశం చౌక్‌): పేదల ఆరోగ్యం కోసం, ఉత్తమ వైద్య సేవలందించేందుకు దివంగత మహానేత వైఎస్‌ రాజశేఖరరెడ్డి రూపొం దిం చిన 104 పథకానికి ‘చంద్రన్న సంచార చికిత్స’గా పేరుమార్చిన తెలుగుదేశం పాలకులు పథకం అమలులో నిర్లక్ష్యంగా వ్యవహరిస్తున్నారు. 104 వాహనంలో గ్రామాలకు చేరుకుని అక్కడే పేదలకు వైద్య సేవలతో పాటు మందులు అందజేసేలా పథకాన్ని రూపొందించారు. వైఎస్‌ హ యాంలో 104 సేవలు ప్రతి గ్రామంలో పూర్తిస్థాయిలో అందాయి. ఆయన మరణాంతరం పథకం అరకొర సేవలతో నడుస్తోంది. 2014లో రాష్ట్రంలో తెలుగుదేశం ప్రభుత్వం గద్దెనెక్కిన తర్వాత పథ కం పేరును ‘చంద్రన్న సంచార చికిత్స’గా మా ర్చారు. అయితే ఈ సేవలు గ్రామీణులకు పూర్తిస్థాయిలో అందడం లేదు. నెలలో ఒక్కసారి గ్రామానికి వచ్చి పేదలకు సేవలు అందించే 104 వాహనాల్లో కనీసం మందులు కూడా ఉండటం లేదు. దీంతో గ్రామీణులు ఇబ్బందులు పడుతున్నారు. బీపీ (రక్తపోటు), షుగర్‌ మందులు కొరత సర్వసాధారణంగా మారిపోయింది. దీంతో 104 వాహనాల వద్దకు వచ్చిన వృద్ధులు మందులు లేక నిట్టూరుస్తూ వెనుదిరుగుతున్నారు. రెండు నెలల నుంచి.. జిల్లాలో 104 వాహనాలు 21 ఉన్నాయి. రెండు నెలలుగా ఆయా వాహనాల్లో బీపీ (ఎథనోలాల్‌) మందులు, బి.కాంప్లెక్స్‌ మందులు లేవు. ప్రతి గ్రామంలో బీపీ బాధితులు అధిక సంఖ్యలో ఉన్నారు. దీంతో ప్రతి గ్రామంలో వాహనం వద్దకు 50 నుంచి 70 మంది వరకు బీపీ మందుల కోసం వస్తున్నారు. బీపీ మందుల్లో కచ్చితంగా ఉండాల్సిన ఎథనోలాల్‌ మందులు రెండు నెలలుగా లేకపోవడంతో రోగులు ఇబ్బందులు పడుతున్నారు. 104 సిబ్బంది ప్రతిపాదనలు పంపినా ఇప్పటికీ సరఫరా కాలేదు. దీంతో రోగులకు వీరు అందించలేకపోతున్నారు. దీంతో పాటు బి.కాంప్లెక్స్‌ మందులు కూడా 104 వాహనాల్లో లేవు. మహానేత వైఎస్సార్‌ హయాంలో 108, 104 పథకాలు సమర్థవంతంగా నిర్వహించారని, ఆయన మరణాంతరం పథకాల అమలుపై ప్రభుత్వాలు అలసత్వం వహిస్తున్నాయని వృద్ధులు వాపోతున్నారు. వారంలో సరఫరా చేస్తాం 104 వాహనాల్లో అందుబాటులో లేని బీపీ రకం, బి.కాంప్లెక్సు మందుల కోసం ప్రతిపాదనలు పంపించాం. వారంలో అన్ని వాహనాల్లో మందులు ఉంచి కొరత లేకుండా చర్యలు తీసుకుంటాం.   – డీఎం వీఎస్‌ఎన్‌మూర్తి, 104 జిల్లా మేనేజర్‌

విశ్లేషణ ప్రాణం కాపాడే మందుల ధరలు ప్రజలకు అందుబా టులో ఉంచడానికి. జాతీయ ఔషధ ధరల అథారిటీ గరిష్ట ధరలను నిర్ణయించాలి. నిర్ణీత ధరకు మించి అమ్మితే ప్రభుత్వం కఠిన చర్యలు తీసుకోవాలి. అథారిటీ ధరలు నిర్ణయించడం లేదు. జాబితాలో నిజంగా అత్యవసరమైనవి చేర్చడం లేదు. నిర్లిప్తత, నిష్క్రియాపరత్వం వల్ల ప్రయివేటు వైద్యవర్తకుల దోపిడీకి అవకాశం వచ్చింది. ఒక అభా గ్యుడికి గుండెపోటు వస్తే ఫరీదాబాద్‌ ప్రయివేటు ఆస్పత్రిలో చేర్చారు. స్టెంట్‌ అమర్చాలన్నారు. ఆస్పత్రి వారే స్టెంట్‌ను  లక్షా 26 వేల రూపాయలకు అమ్మారు. స్టెంట్‌ ప్యాకెట్‌ బాక్స్‌పై గరిష్ట ధర లేదు. ఎందుకని అడిగితే ప్రభుత్వం స్టెంట్‌ను ఔషధంగా ప్రభుత్వం పరిగణించదు కనుక నియంత్రణ లేదట. జాతీయ ఔషధ ధరల అథారిటీ సేకరించిన వివరాల మేరకు జాబితాలో లేని వస్తువులు, మందులకు ధరలు వేయి శాతం నుంచి రెండువేల శాతం  వరకూ పెంచేస్తున్నారు. మరో వైపు కార్డియో వాస్క్యులార్‌ రోగాలు పెరుగుతూ అయిదేళ్లలో ఆంజియోప్లాస్టీ చికిత్సలు రెట్టింపు అయ్యాయి. స్టెంట్‌ పేర రోగులను నిలు వునా దోచుకుంటున్నారు. ఇదో పెద్ద కుంభకోణం. ఏ స్టెంట్‌  కొనమనాలో వైద్యశాల యజమానులు డాక్ట ర్లను ఆదేశిస్తారు. డాక్టర్‌ చెప్పారని ఎంత ధరైనా పెట్టి కొంటారు. మార్కెట్‌లో మంచి స్టెంట్‌ ఎంచుకునే స్వేచ్ఛ గుండె రోగులకు లేదా? ప్రయివేటు వైద్య వర్తకుల స్టెంట్‌ దోపిడీని అరికట్టేందుకు జాతీయ అత్యవసర మందుల జాబితాలో ఈ స్టెంట్‌లు చేర్చా లని ఆదేశించాలని కోరుతూ ప్రజాప్రయోజన వాజ్యాన్ని బీరేందర్‌ సాంగ్వాన్‌ ఢిల్లీ హైకోర్టులో 2014లో దాఖలు చేశారు. ఆర్టీఐ ద్వారా సాధించిన సమాచార పత్రాల ఆధారంగా ఈ పిల్‌ను రూపొం దించారాయన. ఈఎస్‌ఐ కార్పొరేషన్‌ తమ ఆస్పత్రుల్లో స్టెంట్‌ ఇంప్లాంట్‌ చేసే సౌకర్యాలు లేవనే నెపంతో రోగు లను ప్రయివేటు వైద్యశాలలకు పంపుతోంది. కేంద్ర ప్రభుత్వ ఆరోగ్య పథకం సీజీహెచ్‌ఎస్‌ ధరలను లేదా ఎయిమ్స్‌ ధరలను మాత్రమే వసూలు చేయాలని నియమాలు ఉన్నట్టు అధికారులు అంటున్నారు. ఎంత మంది రోగులను ప్రయివేటు ఆస్పత్రులకు పంపారు? వారు ఎంత ధర వసూలు చేశారు?  నిర్ణీత ధరలు ఏవి? అని సమాచార హక్కుచట్టం కింద అడిగారు. కోట్ల రూపాయలు ప్రయివేటు ఆస్పత్రులకు చెల్లించే బదులు సొంత ఆస్పత్రుల్లో కావలసిన చికిత్సలు అందించే ఏర్పాట్లు చేయరు. కార్పొరేట్‌ ఆస్పత్రులకు దోచుకునే అవకాశం ఇస్తున్నారు. దీని వల్ల ఏటా రూ.1500 కోట్ల చొప్పున 2013 నుంచి 2016 దాకా చెల్లించవలసి వచ్చిందని ఈఎస్‌ ఐసీలో పనిచేసిన ఒక డాక్టర్‌ వివరించారు. ఔషధం స్రవించే స్టెంట్‌లను ఇండియాలో 600 నుంచి 2971 డాలర్ల ధర దాకా అమ్ముతున్నారని, అమెరికాలో ఈ స్టెంట్‌లను అంతకు సగం కన్నా తక్కువ ధరకు అంటే సగటున 1200 డాలర్లకు అమ్ముతున్నారని అమెరికన్‌ హెల్త్‌ అసోసియేషన్‌ పరిశోధనా పత్రంలో వివరించారు. ఈఎస్‌ఐసీవారు సాధారణంగా సీజీహెచ్‌ఎస్‌ రేటునే చెల్లిస్తారని చెప్పారు. నిజానికి ప్రైవేటు ఆసుపత్రులవారు ఎయిమ్స్‌ లేదా, సీజీహెచ్‌ఎస్‌ రేట్లకన్నా రెండున్నర రెట్లు ఎక్కువ ధరకు వసూలు చేస్తున్నారని, అయినా ఎవరూ పట్టించుకోవటం లేదని ఆర్టీఐ వేసిన ఒక డాక్టర్‌ విమర్శించారు. ఎయిమ్స్‌ రేటు లేదా సీజీహెచ్‌ఎస్‌ రేటుతో పోల్చితే మార్కె ట్‌లో ప్రైవేటు ఆస్పత్రుల ధరలు చాలా ఎక్కువ. మార్కెట్‌ లో గరిష్ట ధర కన్న 15 శాతం తక్కువ చార్జి చేయాలని నియమాలు ఉన్నాయని అధికారులు వివరించారు. ఈఎస్‌ఐసీ వారు సాధారణంగా సీజీ హెచ్‌ఎస్‌ రేటునే చెల్లిస్తారని చెప్పారు. పాలనా విధా నాలను సరిచేయడంలో ఆర్టీఐ ప్రజలకు ఒక భూమి కను ఏర్పాటుచేస్తుంది. మొట్టమొదట స్టెంట్‌ రేటును నియంత్రించాలి. గరిష్ట ధర ఎంతో విస్తృతంగా ప్రజ లకు సులువుగా తెలియజేయాలి. ప్రయివేటు ఆసు పత్రుల గోడల మీద స్టెంట్‌ గరిష్ట ధర పెద్దగా రాసి ఉండాలి. అంతకు మించిన ధర ఇవ్వద్దనీ, వసూలు చేస్తే ఫలానా వారికి ఫిర్యాదు చేయాలని, మొబైల్‌ నంబర్, ఈ మెయిల్‌ అడ్రస్‌ కూడా పెద్దగా రాయాలి. ఈ విధంగా రాయని వైద్యశాలల లైసెన్సు రద్దు చేయాలి. కేవలం జాతీయ అత్యవసర ఔషధాల్లో ఒకటిగా స్టెంట్‌ను చేర్చకపోవడం, అత్యవసర వస్తు వుల ధరల అథారిటీ ధరలను నిర్దారించకపోవడం వల్ల కోట్లాది రూపాయల అవినీతి ప్రభుత్వ రంగం లోనూ, అదే స్థాయిలో అక్రమార్జన ప్రయివేటు ఆస్పత్రి రంగంలోనూ జరుగుతోంది. దోపిడీకి గుర య్యేది మాత్రం సామాన్య రోగులు, మధ్యతరగతి కుటుంబాల వారు. ఈ విధాన నిర్ణయాలు తీసుకోవ డంలో ఎంత ఆలస్యం అయితే అంత మేరకు రోగుల దోపిడీ జరుగుతూనే ఉంటుంది. వ్యాసకర్త కేంద్ర సమాచార కమిషనర్‌ మాడభూషి శ్రీధర్‌ professorsridhar@gmail.com

జిల్లేడులో రెండు రకాలు ఉంటాయి. వంగపూవు రంగు పూలు పూసే జిల్లేడు ఒకటి, తెల్ల పూల జిల్లేడు మరొకటి. ఇది హేరంబ గణపతికి ప్రతీక. తెల్ల జిల్లేడును శ్వేతార్కం అంటారు. వృక్షజాతిలో తెల్ల జిల్లేడు విశిష్టమైంది. ఇందులో విషం ఉంటుందని చాలామంది ఈ మొక్కలకు దూరంగా ఉంటారు. ముఖ్యంగా జిల్లేడు పాలు కళ్ళలో పడితే చూపు పోతుందని భయపడతారు. గమ్మత్తేమిటంటే ఈ మొక్కలో ఉన్న విషంతో ఆయుర్వేదంలో దివ్యమైన ఔషధాలు తయారు చేస్తున్నారు. ఈ తెల్ల జిల్లేడును దొరికించుకుంటే మహాశివుడు, విఘ్నాధిపతుల దయ మనమీద ప్రసరిస్తుందట. శ్వేతార్క మూలాన్ని వెలికి తీసి, మట్టిని కడిగివేసి, నీళ్లలో నానబెట్టి జాగ్రత్తగా పరిశీలించినట్టయితే ఆ వేళ్ల మీద గణపతి ఆకృతి కనిపిస్తుందని చెబుతారు. ఈ వేళ్ళు కొన్నిసార్లు ఆకృతిలో సైతం గణేశుని పోలి ఉంటాయి. అందుకే తెల్ల జిల్లేడును పరమ పవిత్రంగా భావించి, తులసి మొక్కలా ఇంట్లో నాటుతారు. ఈ మొక్క ఇంటిలో ఉంటే ధనధాన్యాలు పుష్కలంగా లభిస్తాయని, ఆలోచనల్లో పరిపక్వత వస్తుందని, ఎవరైనా హాని తలపెట్టినా అలాంటివి దుష్పభ్రావం చూపకుండా, వారి ప్రయోగాలే నశిస్తాయని ప్రతీతి. అయితే, ఇళ్ళలో జిల్లేడు మొక్కలు ఉండకూడదు అంటారు. నిజానికి శ్వేతార్కం లేదా తెల్ల జిల్లేడు మొక్క ఇంట్లో ఉంటే ఇక వారికి దారిద్య్రం అంటే ఏమిటో తెలీదని శాస్త్రం చెబుతోంది. జిల్లేడు మొక్కలు అధికంగా ఉన్న ఊళ్ళో పంటలు బాగా పండుతాయంటారు. ఒక్కమాటలో చెప్పాలంటే జిల్లేడు సిరిసంపదలకు చిహ్నం అని నమ్ముతారు. శ్వేతార్క మూలాన్ని చిన్నదిగా తీసుకుని భుజం మీద లేదా కంఠంలో ధరించడం వల్ల ఆరోగ్య రక్ష కలుగుతుంది. నరుల దిష్టి వంటి హాని కలగకుండా ఇది కాపాడుతుంది. ఇంటిలోగాని, వ్యాపారసంస్ధలలో గాని తూర్పు దిక్కు దోషాలు ఉన్నవారు, ప్రభుత్వ ఉద్యోగంలో ఇబ్బందులు ఉన్నవారు, నేత్రసమస్యలు ఉన్నవారు, తరచుగా ఆరోగ్య సమస్యలు ఉన్నవారు శ్వేతార్క గణపతిని పూజించటం గాని, శ్వేతార్క వేరుని తాయిత్తులలో ధరించటంగాని చేస్తే శుభప్రదం. ఎవరైతే శ్వేతార్క గణపతిని సాక్షాత్తూ గణపతిగా భావించి పూజలు చేస్తారో వారికి జ్ఞాన సంపద సురక్ష సుఖశాంతులు లభిస్తాయి. జాతకచక్రంలో సూర్యగ్రహ దోషాలు ఉన్నవారు, సూర్యుడు నీచలో ఉన్నవారు ఇంటికి నరదృష్టి ఉన్నవారు, వీధిపోటు ఉన్నవారు పండితుల్ని, పురోహితుల్ని సంప్రదించి, వారి సలహా మేరకు శ్వేతార్క గణపతిని ఇంట్లో ప్రతిష్టించుకునేందుకు సరైన ముహూర్తాన్ని నిర్ణయించుకోవాలి. కుదరని పక్షంలో వినాయక చవితి çరోజున ఈ శ్వేతార్క గణపతిని ప్రతిష్టించి పూజ చేసుకోవాలి.

సర్వజనాస్పత్రి...జిల్లాకే పెద్దదిక్కు. ఏ చిన్న జబ్బుచేసినా నిరుపేదలంతా పరుగున వచ్చేది ఇక్కడికే. అందుకే రోజూ ఓపీ 2,000 దాకా ఉంటుంది. అడ్మిషన్‌లో 1,300 మంది దాకా ఉంటారు. కానీ ఇది పేదాస్పత్రిగా మారిపోయింది. కనీసం మందులు అందజేయలేని దుస్థితిలో కొట్టుమిట్టాడుతోంది. వ్యయ ప్రయాసలకోర్చి ఇక్కడికొచ్చిన వారిని ప్రైవేటు ఫార్మసీల మెట్లెక్కిస్తోంది. మూడు నెలలుగా ఇదే పరిస్థితి నెలకొన్నా..    పట్టించుకోవాల్సిన ఉన్నతాధికారి తనకేం తెలియనట్లు వ్యవహరిస్తున్నారు..        ప్రశ్నిస్తే..మందులు పుష్కలంగా ఉన్నాయంటూ బుకాయిస్తున్నారు.    అనంతపురం న్యూసిటీ:  సర్వజనాస్పత్రిని మందుల కొరత పట్టిపీడిస్తోంది. మూడు నెలలుగా మందులు పూర్తి స్థాయిలో లేవు. దీంతో ఫార్మసీ సిబ్బంది రోగులకు అరకొరగా పంపిణీ చేస్తున్నారు. ఇదేమిటని ప్రశ్నిస్తే... స్టాక్‌ లేదని సమాధానం చెబుతున్నారు. ఆస్పత్రి యాజమాన్యం మాత్రం స్టాక్‌ పుష్కలంగా ఉందని సమాధానమిస్తోంది. రోగులు మాత్రం ప్రైవేట్‌గా కొనుగోలు చేయాల్సిన పరిస్థితి. ఆస్పత్రిలో రోగులు ఇబ్బందులు పడుతున్నా మంత్రులు, ఎమ్మెల్యే పట్టించుకున్న దాఖలాలు లేవు. కనీసం జిల్లా కలెక్టర్‌ అయినా స్పందించి చర్యలు తీసుకోవాలని ప్రజలు కోరుతున్నారు.  సాధారణ మాత్రలకే గతిలేదు ఆస్పత్రిలో సాధారణ మాత్రలు కూడా అందుబాటులో లేకుండాపోయాయి. రాన్‌టాక్, పాన్‌టాప్, బీ కాంప్లెక్స్, విటమిన్‌ సీ,డీ 2 సీసీ సిరంజీలు, గ్లౌవ్స్‌ కూడా లేవు. వీటి ధర చాలా తక్కువ. ఇలాంటి వాటిని సరఫరా చేయడంలో ఆస్పత్రి యాజమాన్యం విఫలమవుతోంది. ఇకఖరీదైన మందుల కథ దేవునికెరుకనే చెప్పాలి. వీటితో పాటు 70 రకాల యాంటీబయాటిక్స్‌ మందులు పూర్తి స్థాయిలో లేవని ఆస్పత్రి వర్గాలు చెబుతున్నాయి. అలాగే బీపీని అదుపులో ఉంచే ఆమ్మోడిపిన్‌తో పాటు ట్రెమడాల్, డైజోఫామ్‌ ఇంజెక్షన్, తదితర మందులు సరఫరా ఆగిపోయింది. ఆర్‌ఎల్‌ ఐవీ ప్లూయిడ్‌ లేదు.  ప్రైవేట్‌గా కొనుగోలు చేయాల్సిందే సర్వజనాస్పత్రికి వచ్చే రోగుల్లో 90 శాతం నిరుపేదలే. ఆస్పత్రిలో మందుల కొరత కారణంగా రూ.వందలు వెచ్చించి ప్రైవేట్‌గా కొనుగోలు చేయాల్సి వస్తోంది. ‘‘అత్యవసర కొనుగోలు’’ కింద డబ్బులు వెచ్చించి రోగులకు సరఫరా చేయవచ్చు. కానీ అలాంటి పరిస్థితి లేదు. ఇక.. ఎన్‌టీఆర్‌ వైద్యసేవ కేసుల పరిస్థితి మరీ దారుణంగా ఉంది. ఎన్టీఆర్‌ వైద్య సేవ కింద సర్జరీ చేయడంతో పాటు ఉచితంగా మందులు పంపిణీ చేస్తామని వైద్యులు చెబుతున్నారు. కానీ ఆస్పత్రిలో అలాంటి పరిస్థితే లేదు. వారుసైతం ప్రైవేట్‌గా కొనుగోలు చేస్తున్నారు.  మందులు సమృద్ధిగా ఉన్నాయే... ఆస్పత్రిలో మందుల కొరతా..? అలాంటి పరిస్థితే లేదే.. మందులు సమృద్ధిగానే ఉన్నాయి..  మందులు లేకపోతే ఎమర్జెన్సీ పర్జేసింగ్‌ కింద అందజేస్తున్నాం.–డాక్టర్‌ జగన్నాథ్, ఆస్పత్రిసూపరింటెండెంట్‌ 

బీజింగ్‌ : భారత్‌ నుంచి ఔషధ దిగుమతులను పెద్ద ఎత్తున ప్రోత్సహించడంతో పాటు వాటిపై సుంకాలను తగ్గిస్తూ ఆ దేశంతో ఒప్పందానికి వచ్చినట్టు సోమవారం చైనా వెల్లడించింది. అమెరికాతో వాణిజ్య సంబంధాలు క్షీణించిన క్రమంలో భారత్‌ నుంచి ముఖ్యంగా క్యాన్సర్‌ చికిత్సకు ఉపయోగించే మందులను భారీగా దిగుమతి చేసుకోవాలని చైనా నిర్ణయించింది. మరోవైపు భారత్‌తో వాణిజ్య సంబంధాల బలోపేతానికి చర్యలు చేపట్టే క్రమంలో చైనా ఈ నిర్ణయం తీసుకోవడం గమనార్హం. ఆసియా పసిఫిక్‌ వాణిజ్య ఒప్పందం (ఏపీటీఏ)కు అనుగుణంగా జులై 1 నుంచి భారత్‌, చైనాలు పలు ఉత్పత్తులపై దిగుమతి సుంకాలను తగ్గించాయి. ఈ గ్రూపులో బంగ్లాదేశ్‌, లావోస్‌, దక్షిణ కొరియా, శ్రీలంకలు కూడా సభ్యదేశాలుగా ఉన్నాయి. వ్యవసాయ, రసాయన ఉత్పత్తులు సహా 8549 ఉత్పత్తులపై టారిఫ్స్‌ను తగ్గించనున్నామని, భారత్‌ దాదాపు 3142 ఉత్పత్తులపై దిగమతి సుంకాలను తగ్గించనుందని చైనా స్పష్టం చేసింది.

సాక్షి, సిటీబ్యూరో: వర్షాకాలం సీజన్‌ ప్రారంభం కావడంతో దుక్కులు దున్నే సమయంలో పుట్టలు, ఏపుగా పెరిగిన గడ్డి నుంచి పాములు బయటికి వస్తున్నాయి. గ్రామీణ ప్రాంతాల రైతులు పాముకాటుకు గురవుతున్నారు. అత్యవసర పరిస్థితుల్లో ఆస్పత్రుల్లో చేరుతున్న  బాధితుల సంఖ్య రోజురోజుకూ పెరుగుతోంది. ఈ ఏడాది జనవరి నుంచి జూన్‌ వరకు ఉస్మానియా జనరల్‌ ఆస్పత్రికి 149 పాము కేసులు వచ్చాయి. ఇప్పటికే ముగ్గురు మృతి చెందడం గమనార్హం. పాము కాటుతో పాటు ఇతర విషపు పురుగులు కుట్టి ఆస్పత్రుల పాలవుతున్నవారి సంఖ్య కూడా భారీగానే ఉంటోంది. గ్రేటర్‌ శివారు ప్రాంతాల నుంచే కాకుండా రంగారెడ్డి, మహబూబ్‌నగర్, నల్లగొండ, భువనగిరి, మేడ్చల్, నిజామాబాద్, సంగారెడ్డి, మెదక్‌ జిల్లాల నుంచి బాధితులు ఎక్కువగా వస్తున్నారు. ఆయా జిల్లా కేంద్రాలు, ఏరియా ఆస్పత్రుల్లో పాముకాటు చికిత్సకు అవసరమైన యాంటీ స్నేక్‌ వీనం మందుతో పాటు వెంటిలేటర్‌ సపోర్ట్, నిష్ణాతులైన వైద్యులు అందుబాటులో లేకపోవడంతో అత్యవసర పరిస్థితుల్లో వారంతా ఉస్మానియాకు పరుగులు తీస్తున్నారు. పాము కాటును గుర్తించి, ఆస్పత్రికి తరలింపులో తీవ్రజాప్యం జరుగుతుండటంతో బాధితులు మృత్యువాతపడుతున్నారు.   మూడు గంటలు మించితే ప్రాణాపాయమే.. ప్రపంచవ్యాప్తంగా ఏటా సుమారు 50 లక్షల మంది పాము కాటుకు గురవుతున్నట్లు ఓ అంచనా. మన దేశంలో ఈ సంఖ్య రెండు లక్షల వరకు ఉంటుంది. దేశంలో దాదాపు 250 జాతుల పాములంటే వాటిలో 52 విషసర్పాలు ఉన్నాయి. మన ప్రాంతంలో కనిపించే పాముల్లో 5 జాతులు మాత్రం అత్యంత విషపూరితమైని. ఇవి కాటేసిన మూడు గంటల్లో మనిషి చనిపోతాడు. ప్రథమ చికిత్స చేస్తే ఆ 3 గంటల వ్యవధిలోనే చేయాలి. లేనిపక్షంలో ప్రాణాలకు ముప్పు తప్పదు. కాటువేసిన పాము విషపూరితమైనదా కాదా అని తెలుసుకోవాలంటే కరిచిన చోట ఎన్ని గాట్లున్నాయో పరిశీలించాలి. ఒకటి లేదా రెండు కాట్లు ఉంటే విషపూరితమైందని.. మూడు అంతకంటే ఎక్కువ ఉంటే విషరహితమైందిగా గుర్తించాలి. విషపూరిత సర్పం కాటువేస్తే గాయమైన ప్రాంతం నుంచి విషం శరీరంలోకి చేరుతుంది. అక్కడి నుంచి గుండెకు, గుండె నుంచి ఇతర శరీర భాగాలు, మెదడుకు రక్తం ద్వారా చేరుకుంటుంది. పాము విషం అన్ని శరీర భాగాలకు చేరడానికి మూడు గంటలు పడుతుంది. ఆలోపు చికిత్స చేయకుంటే మనిషి బతికే అవకాశాలు దాదాపు సన్నగిల్లిపోతాయి.  ఈ జాగ్రత్తలు పాటించాలి..    విషపూరిత సర్పం కరిచిన వెంటనే గాయంపై అంటే గుండె వైపు బలంగా తాడుతో కట్టాలి. సూదిలేని సిరంజీని తీసుకోని పాము కాటువేసిన గాయం దగ్గర పెట్టి రక్తాన్ని బయటకు లాగాలి. మొదట రక్తం కాస్త నలుపు రంగులో ఉంటుంది. అంటే అది విషతుల్యమైన రక్తమని అర్థం. ఇలా రెండు మూడు సార్లు చేస్తే ఆ వ్యక్తి స్పృహలోకి వస్తాడు. వాస్తవానికి పాము తన కోరల్లో ఉంచుకునే విషం 0.5 ఎంఎల్‌ నుంచి 2 ఎంఎల్‌ వరకు మాత్రమే. అలాగే కేవలం రూ.5 నుంచి రూ.10 విలువుండే నాజా 200 అనే 5ఎంఎల్‌ హోమియోపతి ఔషధం ఇంట్లో ఉంచుకోవాలి. దీనిని పాము కాటుకు గురైన వ్యక్తి నాలుకపై 10 నిమిషాలకోసారి మూడుసార్లు వేస్తే త్వరగా కోలుకుంటాడు. ఆ తర్వాత ఆస్పత్రికి తీసుకెళ్లి వైద్యం చేయించాలి.  

తూర్పుగోదావరి, రామచంద్రపురం: హెచ్‌ఐవీ వ్యాధితో జీవిస్తున్న వారికిది నిజంగా శుభవార్తే. ఇప్పటివరకు ప్రతినెలా లింక్‌ ఏఆర్‌టీ కేంద్రానికి వచ్చి మందులు తీసుకోవాల్సి వచ్చేది. అయితే ప్రభుత్వం ఈ విషయంలో వీరికి కొంత వెసులుబాటు కల్పించింది. ఇక నుంచి వీరు ప్రతి మూడు నెలలకు ఒకసారి మూడు నెలలకు సరిపడా మందులు అందించనున్నారు. ఈ మేరకు గురువారం పట్టణంలోని ఏరియా ఆసుపత్రిలో ఈ కార్యక్రమాన్ని జిల్లా అదనపు వైద్య ఆరోగ్య శాఖ అధికారి డాక్టర్‌ ఎం.పవన్‌కుమార్, రామచంద్రపురం ఏరియా ఆసుపత్రి సూపరింటెండెంట్‌ డాక్టర్‌ ప్రవీణ్‌ ఆధ్వర్యంలో ప్రారంభించారు. కార్యక్రమంలో ఏపీ సాక్స్‌ అసిస్టెంట్‌ డైరెక్టర్‌ జావేద్‌ లాల్‌బండ్, ఆసుపత్రి అభివృద్ధి కమిటీ చైర్మన్‌ పి.సత్యనారాయణ, జిల్లా ప్రోగ్రాం మేనేజర్‌ జి. ఆదిలింగం, జిల్లా ఎయిడ్స్‌ నియంత్రణ సంస్థ ఐసీటీసీ సూపర్‌వైజర్‌ ఎ.బుజ్జిబాబు పాల్గొన్నారు.

సాక్షి, హైదరాబాద్‌: పీజీ మెడిసిన్‌ సీట్లు ఇస్తానంటూ అనేక మంది వైద్యులను నిండా ముంచిన సూడో డాక్టర్‌ సంతోష్‌ రాయ్‌ కేసు దర్యాప్తులో కొత్త విష యాలు వెలుగులోకి వస్తున్నాయి. ఢిల్లీకి చెందిన ఇతనితో పాటు సహచరుడైన మనోజ్‌కుమార్‌ను సైబర్‌ క్రైమ్‌ పోలీసులు అరెస్టు చేసిన విషయం విదితమే. దాదాపు 16 ఏళ్లుగా మోసాలు చేస్తున్న సంతోష్‌ వ్యవ హారాలకు నాంది ఢిల్లీలోనే పడింది. 2002లో ఎస్‌ఆర్‌ఎం వర్సిటీని ఏర్పాటు చేసి పలు కోర్సుల పేర అడ్మిషన్లంటూ మోసాలకు తెరలేపాడు. కొన్ని వైద్య సంబంధ కోర్సుల్నీ ప్రవేశపెట్టాడు. అప్పట్లో 30 మంది నుంచి రూ.9 కోట్ల వరకు వసూలు చేసి జైలుకెళ్లాడు. అయినా మోసాలు కొనసాగిస్తూ ముఠాల ఏర్పాటుతో వ్యవస్థీకృత పంథాలోకి మారాడు. ఇటీవల సంతోష్‌పై 2 కేసుల్ని సైబర్‌ క్రైమ్‌ అధికారులు గుర్తించి అరెస్టు చేశారు. నగరానికి చెం దిన డాక్టర్‌ ఫాతిమా కుమార్తెకు పీజీ మెడిసిన్‌ సీటు పేరుతో రూ.81 లక్షలు తీసుకుని మోసం చేసిన కేసు సిటీలో ఉండగా, ఢిల్లీలో రాజేంద్రనగర్‌కు  చెందిన మరో వ్యక్తి నుంచి రూ.68 లక్షలు తీసుకున్నట్లు విచారణలో అంగీకరించాడు. ఇతని అరెస్టుని మీడియా ద్వారా తెలుసుకున్న ఇద్దరు బాధితులు సోమవారం బయటకు వచ్చారు. వైజాగ్‌ కి చెందిన ఓ డాక్టర్‌ తన నుంచి రూ.65 లక్షలు తీసుకున్నట్లు సైబర్‌ క్రైమ్‌ పోలీసులకు తెలపడంతో అక్క డి ఠాణాలో ఫిర్యాదు చేయాలని సూచించారు. బెంగళూరు నుంచి వచ్చి సిటీలో ఉద్యోగం చేస్తున్న మరో వైద్యుడు సైతం సైబర్‌ క్రైమ్‌ ఠాణాను సంప్రదించాడు. సంతోష్‌ అండ్‌ గ్యాంగ్‌ తన నుంచి రూ.40 లక్షలు తీసుకున్నట్లు వాపోయాడు. దీనిపై బెంగళూరులో కేసు నమోదు కానుంది. ఈ రెండు కేసుల్లో అక్కడి పోలీసులు సంతోష్‌ తదితరుల్ని పీటీ వారంట్‌పై అక్కడకు తరలించే అవకాశం ఉంది.   బ్యాంకు ఖాతాలన్నీ ఖాళీగానే... ఈ గ్యాంగ్‌ ఒక్కొక్కరి నుంచి రూ.50 లక్షల నుంచి రూ.కోటి వరకు వసూలు చేసింది. సాధారణంగా ఇంతటి భారీ మొత్తాలను మోసగాళ్లు ఖాతాల్లో డిపాజిట్‌ చేయించుకోవడమో, ట్రాన్స్‌ఫర్‌ చేయించడమో చేస్తుంటారు. కానీ వీరు బ్యాంక్‌ ఖాతాల జోలికిపోలేదు. వాటిని వాడితే పోలీసులకు ఆధారాలు లభిస్తాయనే ఉద్దేశంతో నగదు మాత్రమే తీసుకునేవారు. ఇతన్ని అరెస్టు చేసిన పోలీసులు 11 బ్యాంకు ఖాతా లను గుర్తించి ఫ్రీజ్‌ చేశారు. వీటిలో ఒక్క ఖాతాలోనే రూ.3 లక్షలు ఉన్నట్లు తేలింది. బాలీవుడ్‌ నిర్మాత అయిన సంతోష్‌ ఆ రంగంలో పెట్టుబడులు పెట్టి ఉం టాడన్న కోణంలోనూ అధికారులు దృష్టి పెట్టారు. ఈ సూడో గ్యాంగ్‌ కొన్ని బెదిరింపులకు పాల్పడినట్లు తెలిసింది. ఈడీ సహా ఇతర సంస్థలు దర్యాప్తు చేస్తు న్న ఆర్థిక నేరాల వివరాలు సంతోష్‌కు తెలిసేవి. అందులోని నిందితులతో సంప్రదింపులు జరిపి ఆయా కేసుల్ని సెటిల్‌ చేయిస్తానని లేకుంటే త్వరలో కఠిన చర్యలు తప్పవని బెదిరించేవాడు. ఈ కోవకు చెందిన బాధితుల్లో సిటీకి చెందిన వారూ ఉన్నట్లు పోలీసులు అనుమానిస్తున్నారు. ఈ కేసు ప్రాధాన్యత, పరిధి దృష్ట్యా లోతుగా విచారించడానికి సంతోష్‌ను 10 రోజులు కస్టడీకి ఇవ్వాల్సిందిగా సైబర్‌ క్రైమ్‌ పోలీసులు కోర్టులో పిటిషన్‌ దాఖలు చేశారు. 

బందిపోట్లు స్టెన్‌గన్‌లతో దోచుకుంటే స్టెతస్కోప్‌లతో వైద్యం చేసే డాక్టర్లు స్టెంట్‌ పోట్లతో రోగుల గుండెల్లో పొడిచారు. ఒక లాయర్‌ సాంగ్వాన్‌. ఫరీదాబాద్‌లో తన మిత్రుడికి కరొనరీ స్టెంట్‌ కావాలంటే వైద్యశాలకు వెళ్లాడు. రక్త ప్రసరణ సాఫీగా సాగడానికి వీలుగా తీగతో అల్లిన స్టెంట్‌ అనే వస్తువును మూసుకుపోయిన గుండెనాళాల్లో అమరుస్తారు. ఆ స్టెంట్‌  గరిష్ట ధర ఎంత అనడిగితే చెప్పేవాడే లేడు. మీరు కొన్న రశీదు ఇవ్వండి అంటే అదీ ఇవ్వడు. పోనీ నాకు ఈ ధరకు స్టెంట్‌ అమ్మినట్టు రశీదు ఇవ్వండి అంటే అదీ లేదు. ఆ నల్లకోటు లాయర్‌ ఈ తెల్లకోటు వ్యాపారుల దోపిడీమూలాలు కనుక్కోవడానికి పరిశోధన మొదలుపెట్టాడు. మనదేశంలో చికిత్స పేరుతో కొందరు డాక్టర్ల తెల్లకోటు చాటున ఆరులక్షల 70 వేల కోట్ల రూపాయల నల్ల దందా జరుగుతున్నదని తేల్చాడు సాంగ్వాన్‌. ఈ దేశంలో రూ. 3,300 కోట్ల దాకా కరొనరీ స్టెంట్ల పరిశ్రమ వర్థిల్లుతున్నది. అసలా రోగికి స్టెంట్‌ అవసరమా లేదా అనేది వేరే కుంభకోణం. స్టెంట్‌ ధర దానికదే ఒక భయంకరమైన కుంభకోణం. మనదేశంలో కార్డియోవాస్కులార్‌ సమస్యలతో, గుండెపోటు తదితర గుండె జబ్బులతో మృత్యుముఖంలోకి వెళుతున్న అయిదు కోట్ల మందికి బతకాలంటే స్టెంట్‌లు తప్పనిసరి అవసరమని డాక్టర్లు చెబుతున్నారు. ఈ డాక్టర్‌ కార్పొరేట్‌ అనైతిక వ్యాపార సంబంధాల వల్ల నిర్దేశిత లక్ష్యాలను సాధించడానికి నిరంతర కృషి చేయడం వల్ల జనించిన కృత్రిమ స్టెంట్‌  మార్కెట్‌ విపరీత లాభాపేక్షా దుర్బుద్ధిని మరింత పెంచింది. వీరు స్టెంట్‌ను అసలు ధర కన్న 654 శాతం ఎక్కువకు అమ్ముతున్నారు. మన వైద్యవస్తువులు ఔషధాల ధరలను నిర్ధారించే జాతీయ ఫార్మాసూటికల్‌ ప్రైసింగ్‌ అథారిటీ సంస్థ ఇన్నాళ్లూ ఏంచేసిందో తెలియదు కాని ఫిబ్రవరి 13, 2017 నాడు కోటింగ్‌ లేని అసలు స్టెంట్‌ ధర 7,260 రూపాయలకన్న మించరాదని చెప్పింది. లక్షలాది మంది హృద్రోగులు హృదయంలేని హృదయ సజ్జనుల (సారీ.. సర్జనుల) దోపిడీకి బలైన తరువాత, సాంగ్వాన్‌ వంటి సామాన్యులు ఆర్టీఐ ద్వారా పిల్‌ ద్వారా ఈ కుంభకోణాన్ని బయటికి తీసిన తరువాత తీరిగ్గా ఈ ధరానిర్ధారణాధికార సంస్థ ఈ రహస్యాన్ని ప్రకటించింది. ఔషధాన్ని స్రవించే అత్యాధునిక స్టెంట్‌ను కూడా 29 వేల 600 రూపాయల కన్నా ఎక్కువ ధరకు అమ్మకండిరా తెల్ల వ్యాపారుల్లారా అని చెప్పిందా? స్టెంట్‌ కొనుక్కున్న గుండె వ్యాపారులు ఇప్పటివరకు ఎంత చెల్లించారో లెక్కవేసుకోండి. అప్పటిదాకా రూ. 7,260ల స్టెంట్‌ను ఈ దొంగలు రూ. 45 వేలకు, రూ. 29,600ల అత్యాధునిక స్టెంట్‌ను లక్షా 20 వేలకు సగటున కొన్నేళ్ల పాటు అమ్ముకున్నారు. సాంగ్వాన్‌ కోర్టులో దాఖలు చేసిన పిటిషన్‌లో మెట్రో హాస్పిటల్‌ వారు 3.2  లక్షల రూపాయల కన్న ఎక్కువ వసూలు చేశారని పేర్కొన్నారు. సాంగ్వాన్‌ వరసగా ఆర్టీఐ పిటిషన్లు వేస్తూ మొత్తం 54 ఆస్పత్రుల వారు రకరకాల రేట్లు వేసి గుండెలో స్టెంట్‌ పేరుతో నెత్తురు తోడుకున్నారని వివరించారు. స్టెంట్లను కూడా అత్యవసర ఔషధాల జాబితాలో చేర్చి వాటి ధరలను ఇష్టం వచ్చినట్టు వైద్యశాలలు పెంచకుండా నిరోధించాలని ఢిల్లీ హైకోర్టులో పిల్‌ వేశారు. దీనిపై తగిన చర్య తీసుకోవాలని ఢిల్లీ హైకోర్టు భారత రసాయనిక, ఎరువుల మంత్రిత్వ శాఖను ఆదేశించింది. కాని కొన్ని నెలలయినా ఏ చర్యా తీసుకోలేదు. అక్టోబర్‌ 2015 నాడు ప్రభుత్వ నిర్లక్ష్యాన్ని సవాలు చేస్తూ కోర్టుధిక్కార పిటిషన్‌ వేయకతప్పలేదు. ఏడాది తరువాత, జూలై 2016లో ప్రభుత్వానికి వేడి తగిలి స్టెంట్‌లను ఆ జాబితాలో చేర్చింది.ఒక ఆర్టీఐ సవాల్, ఒక పిల్, ఒక ఫిర్యాదు, ఒక కోర్టు ధిక్కార పిటిషన్, వెరసి సుదీర్ఘ పోరాటం చేస్తే తప్ప ప్రభుత్వం అనే మత్తగజానికి చీమ కుట్టినట్టు కాలేదు. పంపిణీదారులు, వైద్యశాలలు, డాక్టర్లు కూడా తోడుదొంగలుగా మారి రోగులను విపరీతంగా దోచుకున్నారని ఆవేదనతో  ఆవేశంతో సాంగ్వాన్‌ అనే ఒక యువలాయర్‌ డాక్టర్లతో కలిసి సాగుతున్న ఈ దోపిడీని సవాల్‌ చేశాడు. ఒక్క డాక్టరు కూడా అడగలేకపోయాడా? తెలిసి నోరుమూసుకుంటే నేరంలో భాగస్వాములే. వారే చేతులుకలిపితే చెప్పేదేముంది? కార్పొరేట్‌ మేనేజర్లు ఇచ్చిన టార్గెట్‌ ప్రకారం స్టెంట్లు అమ్మక తప్పదనేవారిని ఏమనాలి? డాక్టర్లు అనా బ్రోకర్లు అనా? వైద్య వృత్తి పవిత్రతను దిగజార్చిందెవరు? వైద్యులు కాదా? - మాడభూషి శ్రీధర్‌ వ్యాసకర్త కేంద్ర సమాచార కమిషనర్‌  

పులిచెర్ల (కల్లూరు): ఆలయ ప్రారంభోత్సవంలో ఇచ్చిన ఉప్మా, పొంగలి తిని 80 మంది భక్తులు అస్వస్థతకు గురైన ఘటన చిత్తూరు జిల్లా పులిచెర్ల మండలం పాతపేట పంచాయతీ పూరేడువారిపల్లెలో చోటుచేసుకుంది. గ్రామంలో కొత్తగా నిర్మించిన రామాలయాన్ని శనివారం ప్రారంభించారు. గ్రామస్తులు, వారి బంధువులు పెద్ద సంఖ్యలో పాల్గొన్నారు. ఉదయం ఆలయం వద్ద భక్తులకు ఉప్మా, పొంగలి వడ్డించారు. మధ్యాహ్నం భోజనం ఏర్పాటు చేశారు. సాయంత్రం నుంచి ఒక్కొక్కరికి వాంతులు, విరోచనాలు ప్రారంభమయ్యాయి. దాదాపు 80 మంది అస్వస్థతకు గురికావడంతో 108కు సమాచారం అందించారు. రాత్రి మూడు గంటల సమయంలో మూడు అంబులెన్స్‌లలో కొందరు బాధితులను పీలేరు ప్రభుత్వాస్పత్రికి తీసుకెళ్లారు. బాధితుల సంఖ్య ఎక్కువ కావడంతో ఆదివారం ఉదయం పూరేడువారిపల్లెలోనే వైద్య శిబిరం ఏర్పాటు చేసి చికిత్స అందించారు. విందుకు వచ్చిన ఫించా, పాకాల, మొగరాల వాసులకు కూడా ఇదే పరిస్థితి ఉండడంతో చికిత్స కోసం సమీపంలోని ఆసుపత్రుల్లో చేరారు. విషయం తెలుసుకున్న వైఎస్సార్‌సీపీ రాష్ట్ర ప్రధాన కార్యదర్శి, పుంగనూరు ఎమ్మెల్యే పెద్దిరెడ్డి రామచంద్రారెడ్డి పీలేరు ప్రభుత్వాస్పత్రికి చేరుకుని బాధితులను పరామర్శించారు. ఆహారాన్ని పరీక్షిస్తున్నాం బాధితులకు మెరుగైన వైద్యం అందిస్తున్నాం. ఆహారం కలుషితం కావడానికి కారణాలు పరీక్షల్లో వెల్లడవుతుంది. పరీక్షల నిమిత్తం ల్యాబ్‌కు పంపాం. ప్రస్తుతం ఎవరికి ఎటువంటి ఇబ్బందీ లేదు. – ఆస్పత్రి పర్యవేక్షకుడు డాక్టర్‌ చంద్రశేఖర్‌

మన దేశంలోని విద్యార్థులకు మెడిసిన్‌ కోర్సుల పట్ల అత్యంత క్రేజ్‌. దాదాపు 60 వేల సీట్లకు 12 లక్షల మందికిపైగా పోటీ పడుతున్నారు అంటే పోటీ ఏ స్థాయిలో ఉందో అర్థం చేసుకోవచ్చు. మెడికల్‌ సీట్లు తక్కువ.. పోటీ ఎక్కువ! దాంతో నీట్‌లో మంచి ర్యాంకులు పొందిన కొద్ది మందికే  దేశంలో వైద్య కోర్సులుఅభ్యసించే అవకాశం లభిస్తోంది. దాంతో ఎలాగైనా ‘డాక్టర్‌’ కల నెరవేర్చుకోవాలనుకునే విద్యార్థులు విదేశాల వైపు దృష్టిసారిస్తున్నారు. ఎంబీబీఎస్‌ అబ్రాడ్‌ కోణంలో భారతీయ విద్యార్థులు ఎక్కువగా ఆసక్తి చూపుతున్న దేశాలు, ప్రవేశ విధానం, ఫీజులు, ఆయా దేశాల్లో పేరున్న యూనివర్సిటీల గురించి తెలుసుకుందాం.. చైనా మెడికల్‌ కోర్సుల పరంగా ఇటీవల కాలంలో భారతీయ విద్యార్థుల ఆదరణ పెరుగుతున్న దేశం చైనా.  కారణం.. ఇతర దేశాలతో పోల్చితే తక్కువ ఖర్చు, సరిహద్దునే ఉన్న దేశం. అన్నిటికంటే ముఖ్యంగా కరిక్యులం పరంగా క్లినికల్‌ ప్రాక్టీస్‌కు అధిక ప్రాధాన్యం ఉంది. ఇంగ్లిష్‌ మీడియం బోధన మరో కలిసొచ్చే అంశం. ఆరేళ్ల వ్యవధిలో ఉండే కోర్సు సమయంలో అయిదేళ్లు క్లాస్‌రూం బోధన, మరో ఏడాది ఇంటర్న్‌షిప్‌ తప్పనిసరి. ఫీజు ఏడాదికి గరిష్టంగా రూ.రెండున్నర లక్షలు ఉంటుంది. ఏటా ఆగస్ట్‌/సెప్టెంబర్‌లో క్లాసులు ప్రారంభమవుతాయి. చైనా ప్రభుత్వం ఏటా అంతర్జాతీయ విద్యార్థులను చేర్చుకునేందుకు అనుమతి పొందిన మెడికల్‌ కాలేజీల జాబితాను ప్రచురిస్తుంది. విద్యార్థులు ఆ కాలేజీల్లోనే చేరడం మేలు. ఇలాంటి కాలేజీలు దాదాపు 50 వరకూ ఉంటాయి. ఇంటర్‌/10+2 స్థాయిలో ఫిజిక్స్, కెమిస్ట్రీ, బయాలజీ చదివిన విద్యార్థులు చైనాలో మెడిసిన్‌ కోర్సుల్లో చేరేందుకు అర్హులు. యూనివర్సిటీస్‌/ఇన్‌స్టిట్యూట్స్‌: చైనా మెడికల్‌ యూనివర్సిటీ; దలైన్‌ మెడికల్‌ యూనివర్సిటీ; జియాంగ్జు యూనివర్సిటీ; టియాన్‌జిన్‌ మెడికల్‌ యూనివర్సిటీ, జిలిన్‌ యూనివర్సిటీ; నాన్జింగ్‌ మెడికల్‌ యూనివర్సిటీ; సూచో యూనివర్సిటీ; సౌత్‌ఈస్ట్‌ యూనివర్సిటీ; సదరన్‌ మెడికల్‌ యూనివర్సిటీ; యాంగ్‌ఝౌ యూనివర్సిటీ తదితరాలు.   వివరాలకు వెబ్‌సైట్‌: mbbs.cucas.edu.cn రష్యా రష్యా ప్రభుత్వం ఉన్నత విద్యకు రాయితీలు ఇస్తోంది. అంతేకాకుండా ఎక్కువ శాతం సంస్థలు ప్రభుత్వ ఆధ్వర్యంలోనే నడుస్తున్నాయి. దాంతో రష్యాలో చదువుకయ్యే ఖర్చు తక్కువగా ఉంటోంది. రష్యాలో ఎండీగా పిలిచే మెడికల్‌ గ్రాడ్యుయేట్‌ ప్రోగ్రామ్‌ వ్యవధి ఆరేళ్లు. ప్రవేశాలు ఆయా యూనివర్సిటీలను బట్టి జూలైలో జరుగుతాయి. మొదట దరఖాస్తు చేసుకున్న వారికి ప్రాధాన్యం లభిస్తుంది. అర్హత 10+2 (ఫిజిక్స్, కెమిస్ట్రీ, బయాలజీ). కోర్సు బోధన ఇంగ్లిష్, రష్యన్‌లో కొనసాగుతుంది. ఫీజు ఏడాదికి  రూ. రెండు లక్షలు నుంచి  రూ. నాలుగున్నర లక్షల మధ్యలో ఉంటుంది.        యూనివర్సిటీలు: రష్యన్‌ స్టేట్‌ మెడికల్‌ యూనివర్సిటీ, కర్స్క్‌ స్టేట్‌ మెడికల్‌ యూనివర్సిటీ, కజన్‌ స్టేట్‌ మెడికల్‌ యూనివర్సిటీ, ఐ.ఎం.షెనోవ్‌ మాస్కో మెడికల్‌ అకాడమీ, పీపుల్స్‌ ఫ్రెండ్‌షిప్‌ యూనివర్సిటీ ఆఫ్‌ రష్యా మొదలైనవి. వివరాలకు వెబ్‌సైట్‌: en.russia.edu.ru ఉక్రెయిన్‌ ఫీజులు అందుబాటులో ఉండటం, తక్కువ జీవన వ్యయంతోపాటు నాణ్యమైన విద్యను అందుకునే అవకాశం ఉండటంతో మన విద్యార్థులు ఇటీవల కాలంలో ఉక్రెయిన్‌లో మెడికల్‌ కోర్సుల్లో చేరేందుకు ఉత్సాహం చూపుతున్నారు. అంతేకాకుండా ఉక్రెయిన్‌ యూనివర్సిటీలకు యూరోపియన్‌ విశ్వవిద్యాలయాలతో ఉన్న అవగాహన కారణంగా ఎక్సే ్చంజ్‌ ప్రోగ్రామ్స్‌ ద్వారా ప్రయోజనం పొందొచ్చు. కోర్సును రూ.25 లక్షల నుంచి రూ.30 లక్షలలోపు పూర్తిచేసుకునే అవకాశం ఉండటం వంటి కారణాలు సైతం ఉక్రెయిన్‌ను బెస్ట్‌ డెస్టినేషన్‌గా నిలుపుతున్నాయి. డాక్టర్‌ ఆఫ్‌ మెడిసిన్‌గా పిలిచే ఎంబీబీఎస్‌ కోర్సు వ్యవధి ఆరేళ్లు. వార్షిక ఫీజు రూ.2.25 లక్షల నుంచి రూ.3 లక్షల వరకు ఉంటుంది. అర్హత 10+2 (ఫిజిక్స్, కెమిస్ట్రీ, బయాలజీ).  యూనివర్సిటీలు: ఇవానో–ఫ్రాంకివ్‌స్క్‌ నేషనల్‌ మెడికల్‌ యూనివర్సిటీ; లుగాన్స్క్‌ స్టేట్‌ మెడికల్‌ యూనివర్సిటీ, ఎం.గోర్కీ డొనెట్స్క్‌ నేషనల్‌ మెడికల్‌ యూనివర్సిటీ; ఖార్కివ్‌ నేషనల్‌ మెడికల్‌ యూనివర్సిటీ తదితర. వివరాలకు వెబ్‌సైట్‌: www.kmu.gov.ua జర్మనీ ప్రపంచంలోనే అంతర్జాతీయ ప్రమాణాలతో వైద్య విద్యను అందిస్తున్న దేశాల్లో ఒకటిగా నిలుస్తోంది జర్మనీ. వాస్తవానికి జర్మనీలో అన్నిరకాల కోర్సులకు ఫీజులు తక్కువ. అలాగే మెడిసిన్‌ కోర్సులను కూడా తక్కువ ఫీజులతోనే పూర్తిచేసుకునే వీలుంది. జర్మనీ యూనివర్సిటీలు 5 శాతం సీట్లను విదేశీ విద్యార్థుల కోసం కేటాయిస్తుండటం ఈ దేశం ప్రత్యేకత. అయితే జర్మనీలో వైద్య కోర్సుల్లో చేరాలంటే.. టెస్ట్‌ ఫర్‌ మెడికల్‌ స్టడీస్‌లో ఉత్తీర్ణత సాధించాల్సి ఉంటుంది. దాంతోపాటు జర్మన్‌ లాంగ్వేజ్‌ కాంపిటెన్సీ టెస్ట్‌ సర్టిఫికెట్‌ ఉండాలి. జర్మనీలో మెడికల్‌ కోర్సులను జర్మన్‌ భాషలో బోధిస్తారు. మెడికల్‌ కళాశాలలను డిసీజెస్‌ రీసెర్చ్‌ సెంటర్లతో అనుసంధానం చేయడం వల్ల విద్యార్థులకు చికిత్స పద్ధతులతోపాటు ఆయా వ్యాధులకు సంబంధించిన మూలాల గురించి తెలుసుకునే ప్రాక్టికల్‌ నైపుణ్యం లభిస్తుంది. జర్మనీ మెడికల్‌ ఎడ్యుకేషన్‌ విధానంలో మరో ప్రత్యేకత అండర్‌ గ్రాడ్యుయేట్‌ (ఎంబీబీఎస్‌), పోస్ట్‌ గ్రాడ్యుయేట్‌ (ఎండీ) అని తేడా లేకుండా ఇంటిగ్రేటెడ్‌గా యూజీ, పీజీ కోర్సును అందించడం. ఏడేళ్ల వ్యవధిలో మొత్తం కోర్సు ఉంటోంది. అంతేకాకుండా జర్మనీలో అధిక శాతం యూనివర్సిటీలు ప్రభుత్వ పరిధిలో ఉండటం, నిబంధనల ప్రకారం ప్రభుత్వ పరిధిలోని ఇన్‌స్టిట్యూట్‌లలో ట్యూషన్‌ ఫీజులు లేకపోవడం మరో విశేషం. మెడికల్‌ కోర్సులకు ప్రవేశాలు జూలైలో ఉంటాయి.  బెస్ట్‌ ఇన్‌స్టిట్యూట్స్‌: టెక్నికల్‌ యూనివర్సిటీ ఆఫ్‌ మ్యునిచ్, లడ్‌విగ్‌ మ్యాక్స్‌ మిలన్‌ యూనివర్సిటీ–మ్యునిచ్, ఆల్బర్ట్‌–లడ్‌విగ్స్‌ యూనివర్సిటీ, హంబోల్ట్‌ యూనివర్సిటీ ఆఫ్‌ బెర్లిన్, హంబర్గ్‌ యూనివర్సిటీ మొదలైనవి.  కిర్గిజిస్థాన్‌ కిర్గిజిస్థాన్‌లో తక్కువ ఖర్చుతో నాణ్యమైన విద్య పొందొచ్చు. ఆరేళ్ల వ్యవధిలో ఉండే ఎండీ పేరుతో పిలిచే ఎంబీబీఎస్‌ తత్సమాన కోర్సు పూర్తిచేసేందుకు అయ్యే వ్యయం రూ.11 లక్షల నుంచి రూ. 20 లక్షలలోపే. ఏటా ఆగస్టు/సెప్టెంబర్‌లో విద్యాసంవత్సరం ప్రారంభమవుతుంది. విశ్వవిద్యాలయాలు:  ఇంటర్నేషనల్‌ యూనివర్సిటీ ఆఫ్‌ కిర్గిజిస్థాన్, ఏషియన్‌ మెడికల్‌ ఇన్‌స్టిట్యూట్, ఓష్‌ స్టేట్‌ యూనివర్సిటీ,  కిర్గిజ్‌ స్టేట్‌ మెడికల్‌ అకాడమీ. జల్‌–అలాబాద్‌ స్టేట్‌ మెడికల్‌ యూనివర్సిటీ తదితర.   ఫిలిప్పీన్స్‌ తక్కువ ఖర్చుతో కోర్సు పూర్తిచేయొచ్చు. ఆరేళ్ల వ్యవధిలో ఉండే అండర్‌ గ్రాడ్యుయేట్‌ మెడికల్‌ కోర్సు ఫీజు 30 వేల డాలర్ల నుంచి 40 వేల డాలర్లు ఉంటుంది. యూనివర్సిటీలు: అవర్‌ లేడీ ఫాతిమా యూనివర్సిటీ; ఏఎంఏ ఎడ్యుకేషన్‌ సిస్టమ్‌–మనీలా; ఎమిలో అగ్వినాల్డో కాలేజ్‌–మనీలా మొదలైనవి. వెబ్‌సైట్‌: www.ched.gov.ph జార్జియా ఇక్కడ ప్రవేశం పొందాలనుకునే విద్యార్థులు కచ్చితంగా యూఎస్‌ఎంఎల్‌ఈ లేదా పీఎల్‌ఏబీ పరీక్షల్లో ఉత్తీర్ణత సాధించాలి. కోర్సు వ్యవధి ఆరేళ్లు. ఫీజు ఏడాదికి 4,500–6,500 డాలర్లు. సెప్టెంబర్‌ నుంచి నవంబర్‌ మధ్యలో ప్రవేశాలు ఉంటాయి. ప్రముఖ యూనివర్సిటీలు: జియోమెడి మెడికల్‌ యూనివర్సిటీ; టిబిల్సి మెడికల్‌ అకాడమీ; డేవిడ్‌ ట్విల్డియాని మెడికల్‌ యూనివర్సిటీ; కౌకాసస్‌ ఇంటర్నేషనల్‌ యూనివర్సిటీ తదితరం. వివరాలకు వెబ్‌సైట్‌: www.mes.gov.ge

న్యూఢిల్లీ : సమకాలీన ప్రపంచంలో చాలా మందిని వేధిస్తున్న వాటిలో బట్టతల కూడా ఒకటి. పలురకాల సంస్థలు బట్టతల సమస్యను పూర్తిగా తగ్గిస్తామని పేర్కొంటున్నాయి. దీంతో చాలామంది పురుషులు వాటివైపు ఆకర్షితులు అవుతున్నారు. అయితే, తాజా అధ్యాయనంలో బట్టతలకు పరిష్కారం దొరికింది. ఎముకలు పెళుసుబారడాన్ని నివారించే మందుకు బట్టతలను కూడా నివారించే శక్తి ఉందని పరిశోధకుల అధ్యాయనాల్లో తేలింది. బట్టతల సమస్యతో బాధపడుతూ ఈ మందును వినియోగించిన పురుషులకు కేవలం ఆరు రోజుల్లో రెండు మిల్లీమీటర్ల పాటు జుట్టు పెరిగినట్లు పరిశోధకులు పేర్కొన్నారు. అయితే, దీనిపై పూర్తి స్థాయిలో అధ్యాయనం చేయాల్సివుందని చెప్పారు. డబ్ల్యూఏవై-316606 అనే మందును ఉపయోగించినప్పుడు ఈ ఫలితం వచ్చిందని వెల్లడించారు. కాగా, ప్రస్తుతం బట్టతల నివారణకు రెండు రకాల డ్రగ్స్‌ మార్కెట్లో అందుబాటులో ఉన్నాయి. అయితే, వీటి వల్ల దుష్ఫలితాలు కూడా ఉంటుండటంతో ఎక్కువ మంది హెయిర్‌ ట్రాన్స్‌ప్లాంట్‌ చేయించుకుంటున్నారు.

ఎంసెట్‌ పరీక్ష రోజే ఈ అమ్మాయికి విపరీతమైన జ్వరం.... నీరసంతో నడిచేందుకు కూడా కష్టపడుతోంది. వెంటనే కళాశాల యాజమాన్యం ఆస్పత్రికి తీసుకెళ్లి వైద్యం చేయించి.. అక్కడి నుండి నేరుగా పరీక్షా కేంద్రానికి వెళ్లిందా అమ్మాయి. లక్ష్య సాధనపైనే గురిపెట్టిన ఆ విద్యార్థిని జ్వరాన్ని లెక్కచేయకుండా ఎంసెట్‌ పరీక్ష రాసింది. బాటనీలో 35.6 మార్కులు, జువాలజీలో 35.6, ఫిజిక్స్‌లో 31.8 మార్కులు, కెమిస్ట్రీలో 40 మార్కులు సాధించి రాష్ట్రంలోనే ఐదో ర్యాంకు సొంతం చేసుకుంది. తన మెడిసిన్‌ భవితకు బాటలు వేసుకుంది. ఆ అమ్మాయే కదిరికి చెందిన షేక్‌ జానుభీ రఫియా కుల్సుమ్‌. కదిరి: పట్టణంలోని వలీసాబ్‌రోడ్‌లో ఓ చిన్న వీధి. అక్కడ ఎస్‌జే రియాజ్‌ అనే మంచాల వ్యాపారి నివాసం ఉంటున్నాడు. ఈయన చదివింది పదో తరగతి వరకే. బైపాస్‌ రోడ్‌లో ఎంఎస్‌ లాడ్జి పక్కన మంచాలు అల్లి అక్కడే దుకాణంలో అమ్ముకుంటుంటాడు. రోజుకు సరాసరిన రూ.300 రావడం కూడా కష్టమే. ఆయన భార్య కౌసర్‌ గృహిణి. ఆమె 8వ తరగతి వరకు చదువుకుంది. వీరికి కూతురు రఫియా కుల్సమ్, కుమారుడు రిజ్వాన్‌ సంతానం. రిజ్వాన్‌ పట్టణంలోని వాల్మీకి పాఠశాలలో 7వ తరగతి చదువుతున్నాడు. కూతురు రఫియా కుల్సమ్‌ విజయవాడలోని శ్రీచైతన్య కళాశాలలో ఇంటర్‌ చదివింది. బుధవారం విడుదలైన ఎంసెట్‌ ఫలితాల్లో రాష్ట్ర స్థాయి(బైపీసీ)లో 5వ ర్యాంకు సాధించి జిల్లాలో టాపర్‌గా నిలిచింది. మొత్తం 160 మార్కులకు గాను 143 మార్కులు సాధించింది. ఇంటర్‌ లోనూ 1000కి 982 మార్కులు సాధించింది. పేదరికాన్ని లెక్క చేయక రఫియాను విజయవాడలో ఇంటర్‌ చదివించడం కోసం ఏడాదికి రూ. లక్ష చొప్పున రెండేళ్లకు రూ. 2 లక్షలు ఖర్చు చేసింది ఆ పేద కుటుంబం. ఇందుకోసం రియాజ్‌ అన్నదమ్ములందరూ తమ వంతు సహకారం అందించారు. నాన్న పడుతున్న కష్టాన్ని కళ్లారా చూసిన రఫియా కూడా చదువుల్లో ఎప్పుడూ టాపర్‌గా ఉండేది. పట్టణంలోని సెయింట్‌ మేరీస్‌ పాఠశాలలో 7వ తరగతి చదివేసమయంలో తన ప్రతిభతో అక్కడి ఉపాధ్యాయులను ఆకట్టుకుంది. అందుకే వారు ‘‘రఫియాను బాగా చదువుతుంది..బాగా చదివించండి..ఏమైనా ఆర్థికంగా ఇబ్బందులొస్తే మమ్మల్ని సంప్రదించండి’’ అని చెప్పారు. దీంతో ఆనందపడిపోయిన రిజాజ్‌ ఎంత కష్టమైనా కూతురును బాగా చదివించాలని నిర్ణయించుకున్నారు. పట్టణంలోని వాల్మీకి పాఠశాలలో 8 నుండి 10వ తరగతి వరకు చదివిన రఫియా.. పదో తరగతిలో 10కి 10 పాయింట్లు  సాధించింది. తల్లిదండ్రుల కష్టం నిరంతరం గుర్తు చేసుకుంటూ శ్రద్ధగా చదువుకుంది. నేడు స్టేట్‌ టాపర్‌గా నిలిచి అందరి ప్రశంసలు అందుకుంటోంది. 

సాక్షి, హైదరాబాద్‌ : రాష్ట్రంలో మొదటిసారి ఆన్‌లైన్‌లో నిర్వహిస్తున్న ఎంసెట్‌ పరీక్షలు బుధవారం ప్రారంభమయ్యాయి. బుధవారం నుంచి 7వ తేదీ వరకు (నీట్‌ ఉన్నందున 6వ తేదీ మినహా) ఈ పరీక్షలు జరుగుతాయి. ప్రతిష్టాత్మకమైన ఎంసెట్‌ పరీక్షల కోసం అధికారులు కట్టుదిట్టమైన ఏర్పాట్లు చేశారు. నిమిషం ఆలస్యమైనా పరీక్ష రాసేందుకు విద్యార్థులను అనుమతించడం లేదు. నిమిషం ఆలస్యమైనా పరీక్షా కేంద్రానికి అనుమతించబోమని ఇప్పటికీ అధికారులు ప్రకటించారు. ఎంసెట్‌ పరీక్షలకు తెలంగాణ, ఆంధ్రప్రదేశ్‌ల నుంచి 2,21,064 మంది విద్యార్థులు దరఖాస్తు చేసుకున్నారు. పరీక్షల నిర్వహణ కోసం రెండు రాష్ట్రాల్లోని 18 జోన్ల పరిధిలో 87 కేంద్రాలను ఏర్పాటు చేశారు. 2, 3 తేదీల్లో 75 కేంద్రాల్లో అగ్రికల్చర్‌ పరీక్ష... 4, 5, 7 తేదీల్లో 83 కేంద్రాల్లో ఇంజనీరింగ్‌ పరీక్షలు జరగనున్నాయి. అగ్రికల్చర్‌ పరీక్షలకు 73,106 మంది, ఇంజనీరింగ్‌ పరీక్షకు 1,47,958 మంది దరఖాస్తు చేసుకున్నారు. రెండు సెషన్లలో పరీక్షలు పరీక్ష తేదీల్లో రోజూ ఉదయం, మధ్యాహ్నం రెండు సెషన్లలో పరీక్షలు జరగనున్నాయి. ఒక్కో సెషన్‌లో 25 వేల మంది వరకు విద్యార్థులకు ఆన్‌లైన్‌ పరీక్ష నిర్వహించేలా ఎంసెట్‌ కమిటీ ఏర్పాట్లు చేసింది. ఉదయం సెషన్‌ 10 గంటల నుంచి ఒంటి గంట వరకు, మధ్యాహ్నం సెషన్‌ 3 గంటల నుంచి సాయంత్రం 6 గంటల వరకు నిర్వహించనున్నట్లు ఉన్నత విద్యా మండలి చైర్మన్‌ తుమ్మల పాపిరెడ్డి, ఎంసెట్‌ కన్వీనర్‌ యాదయ్య వెల్లడించారు. ఆన్‌లైన్‌ ఎంసెట్‌ పరీక్షల్లోనూ నిమిషం నిబంధనను అమలు చేస్తున్నామని, నిర్ధారిత సమయం కంటే నిమిషం ఆలస్యమైనా పరీక్షలకు అనుమతించేది లేదని వారు స్పష్టం చేశారు. పరీక్షా సమయం కంటే రెండు గంటల ముందు నుంచే విద్యార్థులను పరీక్ష కేంద్రాల్లోకి అనుమతిస్తామని తెలిపారు. ఈసారి కొత్తగా నిజామాబాద్, సిద్దిపేట, మహబూబ్‌నగర్‌లలోనూ పరీక్షా కేంద్రాలు ఏర్పాటు చేసినట్టు వెల్లడించారు. ఏపీ నుంచి 29,356 మంది ఎంసెట్‌ పరీక్షలకు ఆంధ్రప్రదేశ్‌ నుంచి 29,356 మంది విద్యార్థులు దరఖాస్తు చేసుకున్నారు. ఇందులో ఇంజనీరింగ్‌ పరీక్షకు 21,369 మంది, అగ్రికల్చర్‌ పరీక్షకు 7,987 మంది ఉన్నారు. పరీక్షలు ముగిసిన వెంటనే ‘కీ’లు ఐదు రోజుల పాటు ఆన్‌లైన్‌ పరీక్షలు జరుగుతున్నందున అన్ని పరీక్షలు పూర్తయ్యాక ప్రాథమిక ‘కీ’లను విడుదల చేసేలా ఎంసెట్‌ కమిటీ ఏర్పాట్లు చేస్తోంది. పరీక్షలు ముగిసే 7వ తేదీ రాత్రి లేదా 8న ‘కీ’లను విడుదల చేయనుంది. ఆన్‌లైన్‌ పరీక్షలు కావడంతో ప్రశ్నపత్రం ఇంటికి తీసుకెళ్లే అవకాశం లేదు. అందువల్ల ‘కీ’లను విడుదల చేసే సమయంలో.. సంబంధిత కోడ్‌ ప్రశ్నపత్రం, ‘కీ’ రెండింటినీ విడుదల చేస్తారు. ఇక ప్రాథమిక ‘కీ’లపై మూడు రోజుల పాటు అభ్యంతరాలు స్వీకరిస్తారు. మొత్తంగా ఈనెల 15వ తేదీ నాటికి ఫలితాలను, ర్యాంకులను ప్రకటించేలా చర్యలు చేపట్టారు.

సాక్షి, అమరావతి : ఉద్యోగులు, పెన్షనర్లు, వారి కుటుంబ సభ్యుల వైద్య పరీక్షల్లోనూ కోట్లు కొల్లగొట్టడానికి ప్రభుత్వం యంత్రాంగం పథకరచన చేసింది. ఇప్పటికే ప్రభుత్వాసుపత్రుల్లో రక్తపరీక్షల నిర్వహణను ఓ కార్పొరేట్‌ సంస్థకు అప్పగించి కమీషన్లు కొట్టేస్తున్న విషయం తెలిసిందే. ఇప్పుడు ఇదే తరహాలో ఉద్యోగులు, పెన్షనర్ల వైద్య పరీక్షల్లోనూ అలాగే కమీషన్లు జేబులో వేసుకునే ప్రయత్నం చేస్తున్నారు. ఐదు లక్షల మంది ఉద్యోగులు, మూడు లక్షల మంది పెన్షనర్లు, వారి కుటుంబ సభ్యులు మొత్తం 32 లక్షల మందికి అందించాల్సిన వైద్య పరీక్షల వ్యవహారంలో ఓ కంపెనీ నుంచి రూ. కోట్లు కమీషన్లు అధికారులకు ముట్టినట్టు తెలుస్తోంది. విజయవాడ బందరు రోడ్డులోని ఓ స్టార్‌ హోటల్‌లో దీనికి సంబంధించిన ఒప్పందం ఇటీవలే జరిగిందని, ఆరోగ్యశాఖ సలహాదారు, ఉన్నతాధికారులు ఇందులో పాల్గొన్నారని విశ్వసనీయ సమాచారం. కమీషన్ల బేరం కుదిరాక రాత్రికి రాత్రి టెండరు నిబంధనల్లో మార్పులు, చేర్పులు చేశారు.  కంపెనీకి అనుకూలంగా నిబంధనలు.. తమకు అనుకూలమైన ఆ కంపెనీకి వైద్య పరీక్షల నిర్వహణ అప్పగించేందుకు వీలుగా నిబంధనలు మార్చాక టెండరు డాక్యుమెంటును ఏపీఎంఎస్‌ఐడీసీ (రాష్ట్రమౌలిక వైద్యసదుపాయాల అభివృద్ధి సంస్థ) వెబ్‌సైట్‌లో అప్‌లోడ్‌ చేశారు. తర్వాత ప్రీ బిడ్‌ సమావేశం నిర్వహించారు. అక్కడకి వచ్చిన బిడ్డర్లకు కొత్తగా రూపొందించిన టెండర్‌ డాక్యుమెంటును ఇచ్చారు. మొదటి డాక్యుమెంట్‌లో గుండె వైద్య పరీక్షలు, దంతవైద్య పరీక్షలు నిర్వహణలో ఆయా సంస్థలకు మూడేళ్ల పూర్వ అనుభవం ఉండాలని ఉండగా కొత్త డాక్యుమెంటులో అది లేకపోవడాన్ని బిడ్డర్లు గుర్తించారు. అంతేగాక ప్రతి జిల్లాలో ఒక డయాగ్నొస్టిక్‌ సెంటర్‌ ఉండాలనే నిబంధన చేర్చారు. ఈ రెండు కూడా కమీషన్లు తీసుకున్న కంపెనీ కోసం మార్చినవే. దీంతో అధికారులతో బిడ్డర్లు వాగ్వాదానికి దిగారని తెలిసింది. కొత్త నిబంధనలు మార్చబోమని అధికారులు చెప్పడంతో సమావేశానికి వచ్చిన బిడ్డర్లు వెనక్కి వెళ్లిపోయారు. ఇక రెండు మూడు రోజుల్లో కమీషన్లు ఇచ్చిన సంస్థకు నిర్వహణా పనులు కట్టబెట్టేందుకు అధికారులు రంగం సిద్ధం చేశారు. వైద్య పరీక్షల నిర్వహణకు గాను సదరు కంపెనీకి ఏటా రూ. 70 కోట్ల చొప్పున మూడేళ్ల కాలానికి రూ. 210 కోట్లు చెల్లించనున్నట్టు తెలిసింది.  నాలుగేళ్లుగా కొలిక్కిరాని వైద్యం గడిచిన నాలుగేళ్లుగా ఉద్యోగులు, పెన్షనర్ల వైద్యానికి ఉన్న అడ్డంకులను తొలగించడంలో సర్కారు పూర్తిగా విఫలమైందనే ఆరోపణలు వినిపిస్తున్నాయి. వైద్యవిధానపరిషత్‌ పరిధిలో 5 వేల మంది ఉద్యోగులు ఉంటే వారిలో ఒక్కరికి కూడా ఇప్పటి వరకూ కనీసం హెల్త్‌కార్డులు ఇవ్వలేకపోయారు. అంతేగాక ఎయిడెడ్‌ కళాశాలల లెక్చరర్లు, గ్రంథాలయాల సిబ్బంది సహా పలు విభాగాల్లో పనిచేస్తున్న వారికి కార్డులు రాలేదు. ప్యాకేజీలు తక్కువగా ఉన్నాయన్న కారణంగా చాలా ఆస్పత్రులు ఇప్పటికీ నగదు రహిత వైద్యానికి నిరాకరిస్తున్న విషయం తెలిసిందే. ఈ పరిస్థితుల్లో మళ్లీ గుండె జబ్బు నిర్ధారణ పరీక్షలు, దంతవైద్య పరీక్షలు తొలగించి దారుణంగా దెబ్బకొడుతున్నారని, గుండె జబ్బుల పరీక్షలు చేయించుకునేవారే ఎక్కువ ఉండగా దాన్ని పరీక్షల నుంచి తొలగించడం అన్యాయమని ఉద్యోగులు ఆవేదన వ్యక్తం చేస్తున్నారు. మేం చెప్పినచోటే కళ్లద్దాలు కొనాలి ఉచితంగా కంటిపరీక్షలు, కళ్లద్దాలు ఇచ్చే పథకాన్ని ఓ ప్రైవేటు సంస్థకు ఇటీవలే అప్పజెప్పారు. కాగా ఇప్పుడు ఆరోగ్యశాఖలో కీలకపాత్ర పోషిస్తున్న ఓ వ్యక్తి.. కళ్లద్దాలు తాము చెప్పిన చోటే కొనుగోలు చేయాలని ఆ ప్రైవేటు సంస్థపై ఒత్తిడి తెస్తున్నట్టు తెలిసింది. ఆ సంస్థ ససేమిరా అంటున్నా.. కళ్లద్దాల సంస్థతో కమీషన్లు మాట్లాడుకున్న ఆ వ్యక్తి వినిపించుకోవడంలేదు. దీనిపై గతవారం రోజులుగా ఆ వ్యక్తి, ప్రైవేట్‌ సంస్థ ప్రతినిధుల మధ్య వాగ్వాదం నడుస్తున్నట్టు అధికారులు చెప్పారు. వివిధ రకాల టెండర్లు దక్కించుకున్న వారిపై సదరు వ్యక్తి పెత్తనం చేస్తూ.. తాను చెప్పినచోటే పరికరాలు కొనుగోలు చేయాలని పట్టుబడుతున్నారని చెబుతున్నారు.

న్యూఢిల్లీ: ప్రపంచాన్ని వణికిస్తున్న డెంగీ వ్యాధికి చెక్‌ పెట్టే ఆయుర్వేద ఔషధాన్ని భారత శాస్త్రవేత్తలు రూపొందించారు. ప్రపంచంలో డెంగీ నివారణ కోసం రూపొందించిన మొట్టమొదటిదిగా చెపుతున్న ఈ ఔషధం వచ్చే ఏడాది మార్కెట్‌లోకి రానుంది. ఆయుష్, ఐసీఎంఆర్‌ మంత్రిత్వ శాఖకు అనుబంధంగా పని చేసే ద సెంట్రల్‌ కౌన్సిల్‌ ఫర్‌ రిసెర్చ్‌ ఇన్‌ ఆయుర్వేదిక్‌ సైన్సెస్‌(సీసీఆర్‌ఏఎస్‌) శాస్త్రవేత్తలు ఈ ఔషధాన్ని రూపొందించారు. కర్ణాటకలోని బెల్గామ్‌లో ఉన్న సీసీఆర్‌ఏఎస్‌ ప్రాంతీయ పరిశోధనా కేంద్రంలో ఈ ఔషధం భద్రత, సామర్థ్యంపై ప్రయోగాత్మకంగా పరీక్షలు నిర్వహిస్తున్నారు. డబుల్‌ బ్లైండ్‌ ప్లాస్బో అనే కంట్రోల్డ్‌ క్లినికల్‌ ట్రయల్‌ ద్వారా ఈ పరీక్షలు నిర్వహిస్తున్నట్టు సీసీఆర్‌ఏఎస్‌ డైరెక్టర్‌ జనరల్‌ ప్రొఫెసర్‌ విద్యా కేఎస్‌ ధిమాన్‌ తెలిపారు. మానవులపై పరిశోధనలు చేసే ఈ పద్ధతికి అంతర్జాతీయంగా ఆమోదం ఉందని చెప్పారు. ఆయుర్వేదంలో వినియోగిస్తున్న 7 మూలికలతో   గత ఏడాది జూన్‌లో ఔషధాన్ని సిద్ధం చేశామని చెప్పారు. పైలట్‌ స్టడీలో 90 మంది రోగులకు ద్రవ రూపంలో ఔషధం ఇచ్చామని, ఇకపై నిర్వహించే క్లినికల్‌ ట్రయల్స్‌లో దీనిని ట్యాబ్లెట్‌ రూపంలో ఇస్తామని చెప్పారు. దోమల ద్వారా వ్యాప్తి చెందే డెంగీ వల్ల తీవ్రమైన జ్వరం, ఒళ్లు నెప్పులు, తీవ్ర తలనొప్పి, వాంతులు, చర్మ సంబంధ సమస్యలు మొదలైనవి వస్తాయి. ఏటా 40 కోట్ల మంది డెంగీ బారిన పడుతున్నారని ప్రపంచ ఆరోగ్య సంస్థ అంచనా. ప్రస్తుతం డెంగీకు ఎటువంటి మందు లేదు. డెంగీ లక్షణాల ఆధారంగా ముందస్తు నివారణ చర్యలు మాత్రమే చేపడుతున్నారు. దీంతో ప్రభుత్వాలు.. ఆరోగ్య సంస్థలు దీనికి అడ్డుకట్ట వేయడంపై దృష్టి సారించాయి.  

సాక్షి ప్రతినిధి, కాకినాడ : తూర్పు గోదావరి జిల్లా కేంద్రం కాకినాడలోని ప్రభుత్వ ఆసుపత్రి(జీజీహెచ్‌)లో మరణ మృదంగం మోగుతోంది. ఈ ఏడాది జనవరిలో 615 మంది, ఫిబ్రవరిలో 531, మార్చిలో 483 మంది ఈ ఆసుపత్రిలో చికిత్స పొందుతూ కన్నుమూశారు. ప్రధానంగా సెరిబ్రో వాస్క్యులర్‌ యాక్సిడెంట్‌ (మెదడులో రక్తనాళాలు చిట్లడం), హెమీప్లీజియా(పక్షవాతం)తో ఎక్కువ మంది మృత్యువాత పడ్డారు. ఇక్కడ అవసరమైన మందులు అందుబాటులో లేవు. ప్రభుత్వం మందుల సరఫరాను నిలిపివేసింది.  అరకొర బడ్జెట్‌  కాకినాడ ప్రభుత్వాసుపత్రిలో 1,065 పడకలు ఉన్నాయి. రోగుల ఆక్యుపెన్సీ 2,000 నుంచి 2,500 వరకు ఉంటోంది. అంటే ఒక్కో పడకపై ఇద్దరేసి రోగులు ఉండాల్సి వస్తోంది. నిత్యం రోగులతో కిటకిటలాగే ఈ ఆసుపత్రికి మందుల కోనుగోలు కోసం ప్రభుత్వం ఏటా రూ.1.82 కోట్లు మాత్రమే కేటాయిస్తోంది. ఆ మేరకే సెంట్రల్‌ డ్రగ్స్‌ స్టోర్‌ మందులను సరఫరా చేస్తోంది. కేటాయించిన రూ.1.82 కోట్లకు ఒక్కపైసా పెరిగినా మందులు సరఫరా చేయడం లేదు. ప్రభుత్వం కేటాయించిన బడ్జెట్‌ ఆరు నెలలకు కూడా సరిపోవడం లేదు. అత్యవసర మందులు, పరికరాలు లేక రోగుల ప్రాణాలు గాల్లో కలిసిపోతున్నాయి. ఆసుపత్రిలో 400 రకాల మందులు ఉండాలి. కానీ, ప్రస్తుతం కాకినాడ ఆసుపత్రిలో కేవలం 150 రకాల మందులే ఉండడం గమనార్హం. ఇవి కొద్దిరోజుల్లో అయిపోతున్నాయి. ఆ తర్వాత పరిస్థితి ఏమిటన్నది అధికారులకే అంతుబట్టడం లేదు. అత్యవసరమైన సక్షన్‌ ఆపరేటర్స్‌ (ఊపిరితిత్తుల నుంచి నీరు తీసే పరికరం), ఆక్సిజన్‌ ప్లో మీటర్ల కొరత కూడా వేధిస్తోంది.  మరణాలపై అధ్యయనమేదీ?  కాకినాడ జీజీహెచ్‌లో ప్రతినెలా వందల సంఖ్యలో రోగుల మరణాలు చోటుచేసుకుంటున్నా ప్రభుత్వం స్పందించడం లేదు. మరణాలపై అధ్యయనం జరగడం లేదు. అనారోగ్యంతో ఈ ఆసుపత్రిలో చేరితే క్షేమంగా ఇంటిరి తిరిగివెళ్తామన్న నమ్మకం లేకుండా పోయింది. ఇక్కడ ఏం జరుగుతోందో సమీక్ష చేసే నాథుడే లేడు. మందుల సరఫరా నిలిచిపోవడం వాస్తవమే  అత్యవసర మందుల సరఫరా నిలిచిపోయింది. ఆసుపత్రికి కేటాయించిన బడ్జెట్‌ అయిపోవడంతో సెంట్రల్‌ డ్రగ్స్‌ స్టోర్‌ మందుల సరఫరాను నిలిపివేసింది. ప్రస్తుతానికి ప్రత్యామ్నాయ మందులు అందిస్తున్నాం. ఆసుపత్రి అభివృద్ధి కమిటీ చైర్మన్‌ అనుమతితో ప్రైవేట్‌ మెడికల్‌ దుకాణాల్లో మందులు కొనుగోలు చేస్తాం’’  – ఎం.రాఘవేంద్రరావు, సూపరింటెండెంట్, కాకినాడ జీజీహెచ్‌

కొణిజర్ల (ఖమ్మం జిల్లా) : వైద్యులుగా పీజీ చదువు పూర్తి చేసి మరి కొద్దిరోజుల్లో తమ స్వంత స్థలాలకు వెళ్లి ఎందరికో బతుకును ఇవ్వాల్సిన మెడికోలను రోడ్డు ప్రమాదం రూపంలో మృత్యువు కబళించింది. కారు, కంటైనర్‌ లారీ ఢీకొని ఇద్దరు మమత వైద్య కళాశాలకు చెందిన పీజీ వైద్య విద్యార్థు«లు మృతి చెందిన ఘటన మండలంలోని తనికెళ్ల సమీపంలో శనివారం సాయంత్రం జరిగింది.  వైరా సీఐ మల్లయ్యస్వామి తెలిపిన వివరాలిలా ఉన్నాయి. గుంటూరు జిల్లా నరసరావుపేట సమీపంలోని శ్రీరామపురానికి చెందిన డాక్టర్‌ బండారు సిద్ధార్థ (27), పశ్చిమ గోదావరి జిల్లా తణుకు సమీపంలోని నలజర్ల గ్రామానికి చెందిన డాక్టర్‌ పులివర్తి  సూర్యకిరణ్‌ (31) ఖమ్మంలోని మమత మెడికల్‌ కళాశాలలో పీజీ విద్యను అభ్యసిస్తున్నారు. సూర్యకిరణ్‌ కార్డియాలజీలో ఎండీ డీఎం చదువుతుండగా, సిద్ధార్థ« అనస్తీషియా విభాగంలో పీజీ చేస్తున్నాడు. ఈ క్రమంలో శనివారం కళాశాలకు సెలవు దినం కావడంతో సరదాగా గడిపేందుకు వైరా వైపు కారులో వెళ్లి తిరిగి ఖమ్మం వస్తుండగా వైరా వైపు నుంచి వస్తున్న కంటైనర్‌ లారీ ఢీకొట్టింది.  ఈ ప్రమాదంలో కారు పూర్తిగా ధ్వంసం అయ్యింది. దీంతో డాక్టర్‌ సిద్ధార్థ ఘటనా స్థలంలోనే మృతి చెందాడు. సూర్యకిరణ్‌కు తీవ్ర గాయాలు కావడంతో మమత వైద్యశాలకు తరలించగా చికిత్స పొందుతూ మృతి చెందాడు. సూర్యకిరణ్‌కు గత ఏడాదే వివాహం జరిగింది. మృతుడి భార్య కూడా పీజీ వైద్య విద్యార్థిని. సిద్ధార్థ అవివాహితుడు. కారులో చిక్కుకున్న డాక్టర్‌ సిద్ధార్థ మృతదేహాన్ని అతి కష్టంగా జేసీబీ సాయంతో బయటకు తీయించారు. సీఐ మల్లయ్యస్వామి పర్యవేక్షణలో ఎస్‌ఐ సురేష్‌ కేసు నమోదు చేసి దర్యాప్తు చేస్తున్నారు.  

బాధను ఔషధం తొలగిస్తుంది. అయితే బాధకు ఒకే ఔషధం ఉండదు! ఇదే జీవితంలోని పెద్ద సందిగ్ధత. ఈ సందిగ్ధత కంటే బాధే నయం అనిపిస్తుంది కొన్నిసార్లు! ఇన్ని ఔషధాలేమిటి? ఇంత అయోమయం ఏమిటి? జాషువా పొల్లాక్‌ అంతర్జాతీయ వయెలినిస్ట్‌. యు.ఎస్‌. ఆయనది. ఇప్పుడు ఢిల్లీలో ఉంటున్నారు. జీవితంలో సమస్యల పరిష్కారాలకు ‘హార్ట్‌ఫుల్‌నెస్‌ వే’ అనే ఒక కొత్త మందును కనిపెట్టారు పొల్లాక్‌. దీనికి ఆయన చెప్పిన తేలికపాటి అర్థం ‘సంతృప్తి చెందడం’. రెండు రోజుల క్రితం ఈయన చండీఘర్‌ వచ్చినప్పుడు..‘సంతృప్తి చెందడం అంటే ఏమిటి? సరిపెట్టుకోవడమా?’ అని అడిగారు మనలాంటి వాళ్లు కొందరు ఆయన్ని. ‘కాదు, సంతృప్తి చెందడమే’ అన్నారు పొల్లాక్‌. అప్పుడిక జీవితంలో ఏ సమస్యా బాధించదట. సమస్య ఉంటుంది కానీ, బాధ ఉండదు. ఇదీ పొల్లాక్‌ వైద్యం. అర్థమవడం కొంచెం కష్టమే. ‘మెడిటేషన్‌ చేస్తే అర్థం చేసుకోవడం సాధ్యమే’ అంటాడు మళ్లీ పొల్లాక్‌. సమస్య కన్నా పెద్ద సమస్యలా అనిపిస్తాయి ఈ సాధనలన్నీ. వేదాంతిది ఒక వైద్యం. ఆధ్యాత్మిక వేత్తది ఒక వైద్యం. ఏ వైద్యమూ వద్దనే నాస్తికుడిది ఒక వైద్యం. ఇది సుఖంగా అనిపిస్తుంది.. వైద్యం చేయించుకోకుండా తిరగడం! మరి నొప్పీ? అదొక్కటే ఉంటే చాలదా.. వైద్యం నొప్పి కూడా ఎందుకు? ఇదొక ధోరణి. పొల్లాక్‌ ‘హార్ట్‌ఫుల్‌నెస్‌ వే’ కూడా మనల్ని అక్కడికే తీసుకెళుతుంది. వైద్యుడు లేని చోటుకు, వైద్యం అవసరం లేని చోటుకు! ‘‘జీవితంలో ఒకేచోట ఉండిపోండి. ఎక్కడున్నారో అక్కడే. అదే స్నేహితులు, అదే కుటుంబం, అదే ఉద్యోగం. నిస్పృహ వస్తుంది. రానివ్వండి. ధ్యానం ఉంది కదా.. దాంతో మీ గుండెనిండా సంతృప్తి నింపుకోండి. నిస్పృహ పోతుంది’’ అంటాడు పొల్లాక్‌!  అంటే మనకు మనమే వైద్యులం. పెరటి మొక్క వైద్యానికి పనికిరాదనేది మన ఫీలింగ్‌. ఇన్నర్‌ హీలింగ్‌కి కావలసింది మన నాడికి మన చెయ్యే. బహుశా ఇదే కావచ్చు ‘హార్ట్‌ఫుల్‌నెస్‌ వే’. 

నిజామాబాద్‌అర్బన్‌ : జిల్లా కేంద్ర ప్రభుత్వ ఆస్పత్రిలో ప్రస్తుతం కంటికి సంబంధించిన మందుల కొరత ఏర్పడింది. దీంతో రోగులకు ఇక్కట్లు ఎదురవుతున్నాయి.  బయట కొనుక్కోవాల్సిందిగా సూచిస్తూ వైద్యులు రోగులకు మందులను  రాసిస్తున్నారు. అయితే పేదలైన రోగులు మందులను బయట మెడికల్‌ షాపుల్లో కొనుక్కోలేక ఇబ్బందులు పడుతున్నారు. కంటి ఆపరేషన్‌ల అనంతరం రోగులకు ఇచ్చే యాంటీ బయాటిక్‌ మందులు దాదాపు 20 రోజులుగా అందుబాటులో లేవు. ఈ విషయమై ఆస్పత్రి సూపరింటెండెంట్‌ను సంప్రదించగా, తన దృష్టికి రాలేదన్నారు.  కంటి చుక్కలమందు కరువు..  ప్రభుత్వ జనరల్‌ ఆసుపత్రిలో ప్రతిరోజు 10 నుంచి 15 వరకు కంటి ఆపరేషన్లు జరుగుతాయి. కంటి ఆపరేషన్‌ అనంతరం రోగులకు కంటిలో ఇన్‌ఫెక్షన్‌ సోకకుండా ఉండేందుకు యాంటీబయాటిక్‌ మందులు అయిన గేటిక్విన్‌, గేట్‌–పిలను 30 రోజుల పాటు తప్పనిసరిగా వాడాల్సి ఉంటుంది. ప్రస్తుతం ఆస్పత్రిలో ఈ మందులు అందుబాటులో లేవు. దీంతో ఆపరేషన్‌ చేయించుకున్నవారు మందులను బయటనే మెడికల్‌ షాపుల్లో కొనుగోలు చేస్తున్నారు. కాగా ఆపరేషన్‌ చేయించుకున్న నాయికీబాయికి, మరికొందరికి సంబంధిత కంటి వైద్యుడు రెండు యాంటిబయాటిక్‌ చుక్కల మందులను రాసి ఇచ్చాడు. వీటిని బయట మెడికల్‌ షాపుల్లో మందులు కొనలేని పేదలు ఇబ్బందులు పడుతున్నారు. కొంతకాలంగా ఆస్పత్రికి మందుల సరఫరా లేదని వైద్య సిబ్బంది ద్వారా తెలిసింది.   నా దృష్టికి రాలేదు కంటి ఆపరేషన్‌ చేయించుకున్నవారికి అందించే మందులు కొరతగా ఉందని నా దృష్టికి రాలేదు. సమస్య ఉంటే తక్షణమే మందులను అందుబాటులో ఉంచుతాం. బయట కొనుక్కోవాల్సిందిగా రాయడం సరైంది కాదు. అవసరమైన మందులను మేమే కొనుగోలు చేసి ఉచితంగా అందిస్తాం. రోగులకు ఎలాంటి ఇబ్బందులు రాకుండా చూస్తాం. – రాములు, ఆసుపత్రి సూపరింటెండెంట్‌ 

తణుకు అర్బన్‌:తణుకు ఏరియా ఆస్పత్రిలో కార్పొరేట్‌ మందుల విక్రయాలు జోరుగా సాగుతున్నాయి. రాజకీయ ఒత్తిడో, మరే ఇతర కారణాలో కాని వైద్యాధికారుల కూడా చూసీచూడనట్టు వ్యవహరించడం అనుమానాలకు తావిస్తోంది.  గతేడాది నుంచి విజయవాడకు చెందిన ఉషా కార్డియాక్‌ ఆస్పత్రి ఆధ్వర్యంలో తణుకు ఏరియా ఆస్పత్రిలో ప్రతి మంగళవారం ఉచిత గుండె వైద్య శిబిరం నిర్వహిస్తున్నారు. దీనిలో భాగంగా ఈసీజీ, ఎకో వంటి గుండె పరీక్షలు ఉచితంగానే చేస్తున్నారు. మెరుగైన సేవలు అవసరమైన వారిని విజయవాడకు రావాల్సిందిగా సం బంధిత వైద్యులు సూచిస్తున్నారు. ఇంతవరకు బాగానే ఉన్నా పరీక్షలు నిర్వహించిన వైద్యుడు రాసిన మందులు కార్పొరేట్‌ సంస్థ ప్రతినిధుల వద్దే కొనాల్సిన పరిస్థితి ఏర్పడింది. ఎందుకంటే అవి మరే దుకాణంలో దొరకని దుస్థితి. దీంతో రోగులు వీరి వద్దే మందులు కొంటున్నారు. బయట దుకాణాల్లో 20 శాతం వరకు డిస్కౌంట్‌ ఇస్తారని, అయితే ఇక్కడ మాత్రం ఎమ్మార్పీకే మందులు విక్రయిస్తున్నారని రోగులు అంటున్నారు. తణుకు ఆస్పత్రిలో జరుగుతున్న ఈ మందుల విక్రయాలను మంగళవారం తణుకు డ్రగ్‌ ఇన్‌స్పెక్టర్‌ విక్రమ్‌ పరిశీలించారు. ఎంఓయూ ఉందంటూ తప్పుదోవ మందులు విక్రయించేందుకు తమకు మెమొరాండం ఆఫ్‌ అండర్‌ స్టాండింగ్‌ (ఎంఓయూ) ధ్రువీకరణ పత్రం ఉందని సదరు విక్రయాలు చేస్తున్న కార్పొరేట్‌ ఆస్పత్రి సిబ్బంది డ్రగ్‌ ఇన్‌స్పెక్టర్‌ విక్రమ్‌కు చెప్పారు. ఎంఓయూ చూపించమని విక్రమ్‌ అడగడంతో అందుబాటులో లేదని సదరు సిబ్బంది సమాధాన మిచ్చా రు. మందుల అమ్మకంపై గతంలోనే ‘సా క్షి’ కథనాలు ప్రచురించినా వైద్యాధికారులు స్పందించలేదు. రాజధాని ప్రాంతం నుంచి వచ్చిన కార్పొరేట్‌ ఆస్పత్రి కావడంతో తెరవెనుక ఏదైనా రాజకీయ హస్తం ఉందా అనే విమర్శలు లేకపోలేదు. రూ.లక్షకు పైగా అమ్మకాలు జిల్లాలో తణుకుతో పాటు ఏరియా ఆస్పత్రులు, కమ్యూనిటీ హెల్త్‌ సెంటర్‌లలో కూడా ఈ తరహా మందుల అమ్మకాలు సదరు కార్పొరేట్‌ సంస్థ నిర్వహిస్తున్నట్టు తెలుస్తోంది. తణుకులో వైద్య శిబిరానికి సుమారుగా 50 నుంచి 70 మంది వరకు వస్తున్నారు. రూ.లక్షకు పైగా మందుల విక్రయం జరుగుతున్నట్టు అంచనా. ఎంఓయూ ఉందంటున్నారు మందుల అమ్మకాలకు ఎంఓయూ ధ్రువీకరణ పత్రం పొందామని విజయవాడ ఉషా కార్డియాక్‌ ఆస్పత్రి వైద్య బృందం చెప్పారు. అయితే అది విజయవాడలో ఉందంటున్నారు. వచ్చే వారం ధ్రువీకరణ పత్రం తీసుకురమ్మని ఆదేశించాను. తీసుకురాని పక్షంలో శాఖాపరమైన చర్యలు తీసుకుంటాం.– విక్రమ్, తణుకు డ్రగ్‌ ఇన్‌స్పెక్టర్‌ ఎటువంటి ధ్రువీకరణ ఇవ్వలేదు ప్రభుత్వ ఆస్పత్రుల్లో ప్రైవేట్‌ మందుల విక్రయాలు జరపరాదు. ఇందుకోసం ఎవరికీ ఎటువంటి ఎంఓయూ ధ్రువీకరణ పత్రాలు జారీచేయలేదు. వచ్చే మంగళవారం జరిగే వైద్య శిబిరంలో మందుల విక్రయాలు మానకుంటే కఠిన చర్యలు తీసుకుంటాం.– డాక్టర్‌ కె.శంకరరావు, డీసీహెచ్‌ఎస్, ఏలూరు

వేసవి ప్రారంభంలోనే  ఉష్ణోగ్రతలు ప్రమాదభరితంగా మారాయి. బయటకు రావడం అలా ఉంచితే,.ఇళ్లలోనే ఉండలేని పరిస్థితి నెలకొంది. మరోవైపు వేసవిలో కుటుంబ సమేతంగా ప్రయాణాలు చేసే వారు ఎక్కువే. ఈ ఉష్ణోగ్రతల ప్రభావం దీర్ఘకాలిక వ్యాధులకు వాడే మందులపై పడి పనిచేయకుండా పోతాయని నిపుణులు హెచ్చరిస్తున్నారు. మందుల విషయంలో జాగ్రత్తలు తీసుకోవాలని సూచిస్తున్నారు. దీనిపై కథనం.. లబ్బీపేట(విజయవాడతూర్పు): గతేడాదితో పోలిస్తే సాధారణ ఉష్ణోగ్రతలు ఈ ఏడాది మరో 2 డిగ్రీలు అధికంగా నమోదవుతాయని వాతావరణ నిపుణులు హెచ్చరిస్తున్నారు. ఆ ప్రభావం గదిలోపల కూడా ఉంటుంది. సాధారణంగా 27 డిగ్రీల టెంపరేచర్‌ ఉండే నివాస గృహాల్లో ఎండ దెబ్బకి 30 డిగ్రీల సెల్సియస్‌ దాటిపోతుంది.ఆరు బయట 40 డిగ్రీలు, మూసివున్న డాబా గదుల్లో 45 డిగ్రీల వరకూ, అద్దాలుమూసి నిలిపి ఉంచిన కార్లు, వ్యాన్లలో 140 డిగ్రీల వరకూ ఉండే అవకాశాలు ఉంటున్నట్లు నిపుణులు హెచ్చరిస్తున్నారు. మండుతున్న ఉష్ణోగ్రతలు దీర్ఘకాలిక మందుల పనితీరుపై సూర్యుడి ప్రభావం చూపి షుగర్, బీపీ, కొలెస్ట్రాల్‌ స్థాయిలపై ప్రస్పుటంగా కనిపిస్తుందని నిపుణులు చెబుతున్నారు. ఇలా భద్రపర్చాలి ♦ మధుమేహం, రక్తపోటు, కొలెస్ట్రాల్‌ వంటి దీర్ఘకాలిక మందులు సాధారణంగా 25 నుంచి 30 డిగ్రీల ఉష్ణోగ్రతలో భద్రపర్చాలి. ముఖ్యంగా జానుమెట్, జార్డియాన్స్, కొమ్బిగ్‌లైజా, సిటాగ్లిప్టిన్, కార్ధేస్, ఆటర్వా స్టాటిన్, రాబెప్రజోల్, మేకోబాలమిన్‌ వంటి మందులు 30 డిగ్రీలలోపు, అమరిల్, విల్ధాగ్లిప్టిన్‌ , మెట్ఫార్మిన్, సారోగ్లిటజార ఆమ్లోడిపిన్, క్లిన్దపిన్,æ విటమిట్‌ ఇ, డి మందులు 25 డిగ్రీ టెంపరేచర్‌ లోపు భద్రపర్చాలి. ♦ ఇన్సులిన్‌ గుడ్డులో ఉండే ప్రోటీన్‌ వంటిదేనని, కొద్దిసేపు అదిక వేడిమికి గురైన గుడ్డును వేడిచేసే ఉడికినట్లు, ఇన్సులిన్‌ కూడా అదే విధంగా మారుతుందని నిపుణులు చెపుతున్నారు. అనంతరం ఫ్రిజ్‌ వంటి వాటిలో ఉంచి వాడినా ప్రయోజనం వుండదని చెపుతున్నారు. మందులు కొనుగోలు చేసే సమయంలోనే నిర్ధిష్ట ఉష్ణోగ్రతలు ఉన్న మందుల షాపుల్లో కొనుగోలు చేయాలని నిపుణులు సూచిస్తున్నారు. అధిక ఉష్ణోగ్రతలో ఉంచిన మందులు వాడటం వల్ల వ్యాధులు అదుపులో ఉండవని నిపుణులు సూచిస్తున్నారు. ♦ రిఫ్రిజిరేటర్‌లు లేని వారు మట్టికుండలో నీళ్లు పోసి, దానిలో ఇన్సులిన్‌ను భద్రపరుచుకోవచ్చు. ∙ప్రయాణాల్లో దీర్ఘకాలికమందులు, ఇన్సులిన్‌లను కూలెంట్‌ పౌచ్లలోనే తీసుకెళ్లడం మంచిది. తక్కువ ఉష్ణోగ్రతలో ఉంచినా కొన్ని మందులు పనిచేయవని నిపుణులు సూచిస్తున్నారు. ఇన్సులిన్‌ను కూలర్,జెల్‌ప్యాక్స్‌లోభద్రపరుచుకోవాలి ఇన్సులిన్‌ వాడుకునే వాళ్లు బాటిల్స్, ఇన్సులిన్‌ పెన్‌లను ఐస్‌బాక్స్‌ లేదా, ఐస్‌ ఉన్న ప్లాస్కోలో ఉంచుకోవాలి. వాటని ఇన్సులిన్‌ స్టాక్‌ను ఫ్రీజ్‌ డోర్‌ అడుగుభాగంలో పెట్టుకోవాలి. డీప్‌ ప్రీజర్‌లో ఉంచరాదు. ఏవీ అందుబాటులో లేకపోతే మట్టికుండలో చన్నీళ్లు పోసి, దానిలో భద్రపరుచుకోవచ్చు. అనుకోకుండా షుగర్‌ ఎక్కువుగా ఉంటున్నట్లయితే వేడికి ఇన్సులిన్‌ సరిగా పనిచేయక పోయి ఉండవచ్చు. అదే రకం కొత్త ఇన్సులిన్‌ బాటిల్‌ స్టోరేజ్‌ కరెక్ట్‌గా ఉన్నది వాడి చూడండి. బయటకు వెళ్లే టప్పుడు సరిపోను ఆహారం, గ్లూకోజ్‌ టెస్ట్‌స్ట్రిప్స్, మందులు రోజుకు సరిపడా తీసుకు వెళ్లడమే కాకుండా, అందుబాటులో ఉంచుకోవాలి. ఎండలో, కార్లో వదిలేసిన గ్లూకో మీటర్, స్ట్రిప్స్‌ సరిగా పనిచేయవు. సరైన ఉష్ణోగ్రతల్లో మందులు ఉంచడం చాలా ముఖ్యం.–డాక్టర్‌ ఎం.శ్రీకాంత్, డయాబెటాలజిస్ట్‌

ఈ చిత్రంలో కనిపిస్తున్న దంపతులు రామచంద్ర, విజయమ్మ. వీరిది కదిరి. కూలికెళితేనే పూటగడిచేది. ఈనెల 18న తమ ఆరేళ్ల కూతురు రేవతికి జబ్బు చేయడంతో సర్వజనాస్పత్రిలోని చిన్న పిల్లల వార్డులో అడ్మిట్‌ చేశారు. పరీక్షించిన వైద్యులు షుగర్‌ ఉందని తెలిపారు. రోజూ షుగర్‌ పరీక్ష చేసి ఇన్సులిన్‌ ఇవ్వాలని చెప్పారు. మొదట్లో ఐవీ ఫ్లూయిడ్స్‌ లేకపోవడంతో ప్రైవేట్‌గా రూ.700 కొనుగోలు చేశారు. ఇక షుగర్‌ టెస్ట్‌ కోసం ఉపయోగించే స్ట్రిప్స్‌ కూడా ఆస్పత్రిలో అందుబాటులో లేకపోవడంతో రామచంద్ర, విజయమ్మ దంపతులు రూ.800 వెచ్చించి ప్రైవేట్‌గా కొనుగోలు చేశారు. ఆస్పత్రిలో చేరినప్పటి నుంచి మందులు, ఖర్చులకు రూ.3,500 వరకు ఖర్చు అయ్యిందని ఆవేదన వ్యక్తం చేశారు. నెలకు తమ ఆదాయం రూ.8 వేలు మాత్రమేనని, ఇంకా ఇద్దరు పిల్లలున్నారని, నెలకు రూ.3500 ఖర్చు చేయాల్సి వస్తే తమలాంటి వారి పరిస్థితి ఏమిటని ప్రశ్నిస్తున్నారు.  అనంతపురం న్యూసిటీ:  సర్వజనాస్పత్రిని మందుల కొరత పట్టిపీడిస్తోంది. ఎప్పటికప్పుడు అప్రమత్తమై రోగులకు మందులందించేలా చర్యలు తీసుకోవాల్సిన యాజమాన్యం పట్టీ పట్టనట్లు వ్యవహరిస్తోంది. కాటన్‌ మొదలు కొని ఐవీ ఫ్లూయిడ్స్, క్యాన్‌లా, 2సీసీ సిరంజీలు,  సెఫిగ్జెమ్, ఆంపిసిల్లిన్, సిఫ్ట్రోఫ్లాక్సిన్, సీపీఎం, విటమిన్‌ సిరప్‌లు, షుగర్‌ స్ట్రిప్స్‌ లేవు. రెండు నెలలుగా ఇదే దయనీయమైన పరిస్థితి నెలకొంది. ప్రభుత్వం రోగుల కోసం కోట్లాది రూపాయలు వెచ్చిస్తున్నామని చెబుతున్నా.. అది మాటలకే పరిమితమవుతోంది.  కాటన్‌కూ కటకట..   రోగులకు ఫస్ట్‌ ఎయిడ్, ఇంజెక్షన్స్‌ వేయడం మొదలుకుని ప్రతి పనికీ కాటన్‌ (దూది) తప్పనిసరి. అటువంటి కాటన్‌ సరఫరా ఆగిపోయింది. చిన్నపిల్లల వార్డు, లేబర్, గైనిక్, ఆర్థో, మెడిసిన్‌ తదితర వార్డులో కాటన్‌ లేకపోవడంతో వైద్యులు, స్టాఫ్‌నర్సులు, రోగులు తీవ్ర ఇబ్బందులు పడుతున్నారు. రోగులకు కాటన్‌ను బయటి నుంచి తెప్పించే దారుణమైన పరిస్థితి నెలకొంది.  గర్భిణుల అవస్థలు   ఆస్పత్రిలో ప్రసవం చేయించుకునే గర్భిణులు రూ.వేలు ఖర్చు పెట్టుకోవాల్సిందే. ఐవీ సెట్ల నుంచి సెర్విప్రిమ్‌ జెల్‌లాంటివి బయట తెచ్చుకుంటున్నారు. సెర్విప్రిమ్‌జెల్‌ అనే మందు కాన్పు త్వరగా అయ్యేందుకు ఉపయోగిస్తారు. ఈ జెల్‌ ప్రైవేట్‌గా రూ.300 నుంచి రూ.500 వరకు ఉంటుంది. ఆస్పత్రిలో రోజూ 30 ప్రసవాలు జరుగుతాయి. అందులో 20 సాధారణ ప్రసవాలు జరుగుతాయి. సాధారణ ప్రసవాలకు జెల్‌ తప్పనిసరి. కానీ స్టాఫ్‌నర్సులు ఇండెంట్‌ పెడుతున్నా ఆస్పత్రి యాజమాన్యం పట్టించుకోవడం లేదు.  మూలుగుతున్న నిధులు సర్వజనాస్పత్రిలో ఎమర్జెన్సీగా మందులు కొనుగోలు చేసేందుకు రూ.5 కోట్ల నుంచి 7 కోట్ల వరకు నిధులు ఉన్నట్లు తెల్సింది. అత్యవసరానికి ఈ డబ్బులు వినియోగించవచ్చు. ఆస్పత్రి యాజమాన్యం ఇండెంట్‌ పెట్టామని చెబుతున్నా... రోజూ రూ.5 వేలు కొనే సౌలభ్యం ఉంది. ఇందులోనుంచైనా కాటన్‌ కొనుగోలు చేయవచ్చు. కానీ అటువంటి పరిస్థితి లేదు.  పోస్టునేటర్‌ వార్డులో అడ్మిషన్‌లో ఉన్న ఈమె చెన్నంపల్లికి చెందిన      పర్వీన. మూడ్రోజుల క్రితం మగబిడ్డకు జన్మనిచ్చింది. ఎస్‌ఎన్‌సీయూలోని వైద్యులు పరీక్షించి మూడు రకాల మందులు ప్రైవేట్‌గా తెచ్చుకోవాలని రాశారు. ఎందుకని ప్రశ్నిస్తే ఆస్పత్రికి మందులు సరఫరా కావడం లేదని వైద్యులు చెబుతున్నారు. ఇలా  ఆస్పత్రిలోని అన్ని విభాగాల్లోనూ ఇదే   పరిస్థితి నెలకొంది కొరత వాస్తవమే ఆస్పత్రిలో మార్చి నుంచి మందుల కొరత ఉన్న మాట వాస్తవమే. ఇప్పటికే మందుల కోసం ఇండెంట్‌ పెట్టారు. విజయవాడ నుంచి సరఫరా కావాల్సి ఉంది.  – డాక్టర్‌ వెంకటేశ్వర రావు,ఇన్‌చార్జ్‌ సూపరింటెండెంట్‌ 

సిరిసిల్లటౌన్‌:  కొనఊపిరితో కొట్టుమిట్టాడుతున్న వృద్ధురాలు చనిపోతే తమ ఇంటికి అరిష్టమని ఇంటి యజమానులు చెప్పడంతో బతికుండగానే ఓ అవ్వను కుటుంబ సభ్యులు శ్మశానానికి తరలించారు. రాజన్న సిరిసిల్ల జిల్లా కేంద్రంలో శనివారం ఈ ఘటన చోటుచేసుకుంది. బాధితురాలి కుటుంబ సభ్యుల కథనం ప్రకారం.. స్థానిక ప్రగతినగర్‌కు చెందిన గుంటుకు తులసవ్వ(85) భర్త వెంకటి చాలా ఏళ్ల క్రితమే చనిపోయాడు. తులసవ్వకు ఇద్దరు కూతుళ్లు. చిన్నకూతురు లలిత షోలాపూర్‌లో ఉంటుండగా పెద్దకూతురు శోభ వద్ద ఆమె ఉంటోంది. ప్రగతినగర్‌లో శ్రీనివాస్‌ అనే వ్యక్తి ఇంట్లో వీరు అద్దెకు ఉంటున్నారు. ఆర్నెల్లుగా తులసవ్వ అనారోగ్యం బారినపడగా పేదరికంలో ఉన్న కూతురు చేతిలో డబ్బు లేక సరైన వైద్యం చేయించలేకపోయింది. మూడురోజులుగా తులసవ్వ ఆరోగ్యం పూర్తిగా క్షీణించింది. దీంతో ఇంటి యజమాని శ్రీనివాస్‌.. శనివారం మధ్యాహ్నం వృద్ధురాలితోపాటు ఆమె కూతురును తన ఇంట్లోంచి బయటకు గెంటేశాడు. దీంతో వేరే దారిలేక కూతురు శోభ తల్లితోపాటు శ్మశానానికి చేరుకుంది. వీరి దీన స్థితిని చూసి చలించిపోయిన స్థానికులు పోలీసులకు సమాచారం చేరవేశారు. ఎస్సై శేఖర్‌ వెంటనే ఇంటి యజమాని శ్రీనివాస్‌కు కౌన్సెలింగ్‌ ఇచ్చారు. తీవ్ర అనారోగ్యంతో ఉన్న తులసవ్వను జిల్లాకేంద్రంలోని ప్రభుత్వ ఏరియా ఆస్పత్రికి తరలించి చికిత్స చేయిస్తున్నారు.

కొవ్వూరు: మనిషి ప్రాణాలు నిలబెట్టే ఔషధ విక్రయ కేంద్రాల నిర్వహణలో నిబంధనలకు పాతరేస్తున్నారు. జిల్లాలో చాలా చోట్ల ఫార్మసిస్టులు లేకుండానే మెడికల్‌ షాపులు నడుపుతున్నారు. అద్దె సర్టిఫికెట్స్‌పై అమ్మకాలు సాగిస్తున్నా పట్టించుకునే నాథుడు లేరు. కొన్ని దుకాణాల్లో అడ్డుఅదుపు లేకుండా కాలం చెల్లిన ఔషధాల విక్రయాలు సాగిస్తున్నట్టు ఆరోపణలున్నాయి. స్టాకు రిజిస్టర్లు లేకుండానే లావాదేవీలు నడుస్తున్నాయి. ప్రజల ప్రాణాలతో చెలగాటం ఆడుతున్నప్పటికీ ఔషధ తనిఖీ అధికారులకు పట్టడం లేదు. అడపాదడపా తనిఖీలు చేసి చేతులు దులుపుకుంటున్నారు. జిల్లావ్యాప్తంగా సుమారు 2,500 వరకు మెడికల్‌ షాపులున్నాయి. 450 హోల్‌సేల్‌ దుకాణాలున్నాయి. 14 బ్లడ్‌బ్యాంక్‌లు, మూడు బ్లడ్‌ స్టోరేజ్‌ కేంద్రాలు, మూడు మందుల తయారీ కంపెనీలు న్నాయి. ఫార్మసిస్టులు లేకపోవడం మూలంగా ఏ మందులో ఏఏ పదార్థాల మిశ్రమం ఏమిటి అనే దానిలో స్పష్టత లేకపోతే ఇబ్బందులు తలెత్తే అవకాశం ఉంది. ఏ రోగానికి ఏ మందులు వాడతారు. ఏవిధంగా వినియోగించాలన్నదీ తెలియాలంటే ప్రతి మెడికల్‌ షాపుల్లోను ఫార్మసిస్టులు తప్పనిసరిగా ఉండాలి. ఒక ఔషధానికి బదులు మరో ఔషధం ఇస్తే ప్రాణాలకే ప్రమాదం సంభవించే అవకాశం ఉంది. ఫార్మసిస్టులు లేకుండానే నిత్యం వందల కోట్ల మెడిసిన్స్‌ వ్యాపారం సాగుతోంది. నెలవారీగా మూమూళ్లు దుకాణదారుల నుంచి నెలవారీ మామూళ్లు గుంజుతున్నట్టు ఆరోపణలున్నాయి. ఒక్కో షాపు నుంచి నెలకి రూ.500 చొప్పున ఏడాదికి ఒక్కో షాపు ద్వారా రూ.6 వేలు మామూళ్లు ముట్టజెప్పుతున్నట్టు ఆరోపణలు వినిపిస్తున్నాయి. కొందరు కెమిస్ట్‌ అండ్‌ డ్రగ్గిస్ట్‌ అసోసియేషన్‌ నాయకులను ఔషధ తనిఖీ అధికారులు మధ్యవర్తులుగా ఉంచుకుని వసూళ్లకు పాల్పడుతున్నట్టు ఆరోపణలున్నాయి. ప్రతి మూడు నెలలకు ఒకసారి మామూళ్లు వసూలు చేస్తున్నట్టు సమాచారం. జిల్లావ్యాప్తంగా 2,500 దుకణాలున్నాయి. వీటి ద్వారా ఈ విధంగా లెక్కలు వేస్తే సుమారు నెలకి రూ.12.50 లక్షల వరకు మామూళ్లు ముడుతున్నట్టు సమాచారం. ఈ సొమ్మును పైస్థాయి నుంచి కిందిస్థాయి వరకు పంచుకుంటారని చెబుతున్నారు. మొక్కుబడిగా తనిఖీలు ప్రస్తుతం జిల్లాలో మెడికల్‌ దుకాణాల తనిఖీ అంతా మొక్కుబడి తంతుగానే సాగుతుంది. జిల్లాలో ఒక అసిస్టెంట్‌ డైరెక్టర్‌తో పాటు తణుకు, కొవ్వూరు, భీమవరం, జంగారెడ్డిగూడెం, ఏలూరులో డ్రగ్‌ ఇన్‌స్పెక్టర్‌ కార్యాలయాలున్నాయి. వీరిలో ప్రస్తుతం భీమవరం డ్రగ్‌ ఇన్‌స్పెక్టర్‌ పోస్టు ఖాళీగా ఉంది. ఒక్కో ఇన్‌స్పెక్టర్‌ నెలకి నలభై దుకాణాలు తనిఖీలు, ఐదు శాంపిల్స్‌ సేకరించాల్సి ఉంటుంది. రెండు శాంపిల్స్‌ ప్రభుత్వ పీహెచ్‌సీలు, సీహెచ్‌సీలు, కమ్యూనిటీ ఆసుపత్రుల నుంచి మూడు ట్రేడర్స్‌ నుంచి సేకరించాల్సి ఉంటుంది. శాంపిల్స్‌ నివేదికలు అందిన తర్వాత సంబంధిత కంపెనీలు, వ్యక్తులపైన చర్యలు తీసుకుంటారు. చాలా చోట్ల మెడికల్‌ దుకాణాల్లో ఫార్మసిస్టులే ఉండటం లేదు. వాస్తవంగా వైద్యులు రాసిచ్చిన ప్రిస్క్రిప్షన్‌కి అనుగుణంగా మందులు విక్రయాలు చేయాలి. కొనుగోలుదారులకు బిల్లు ఇవ్వాలి. కొన్ని దుకాణాల్లో నకిలీ మందులు, నాసిరకం మందులు విక్రయాలు సాగిస్తున్నప్పటికీ మొక్కుబడి తంతుగానే తనిఖీ చేస్తున్నట్టు ఆరోపణలు వెల్లువెత్తుతున్నాయి. నాసిరకం మందులను, ఫిజీషియన్‌ శాంపిల్స్‌ను చిల్లర విక్రయాల ద్వారా సొమ్ము చేసుకుంటున్నట్టు సమాచారం. మందుల షీట్‌పై ముద్రించిన తేదీని వాళ్ల వద్ద ఉంచుకుని రెండో వైపు కత్తిరించి ఇవ్వడం ద్వారా సొమ్ము చేసుకుంటున్నట్టు తెలిసింది. ఇటువంటి సందర్భాలు జిల్లాలో కోకొల్లలు. 

సాక్షి, ఆదిలాబాద్‌: సర్కారు దవాఖానాలకు ప్రభుత్వం నుంచి సరఫరా చేసే మందుల కోటా ప్రతీ ఏడాది మిగిలిపోయి ల్యాప్స్‌ అవుతున్నాయి. మరో పక్క ఆస్పత్రి అభివృద్ధి కమిటీలు అత్యవసరంలో 20 శాతం మందులు బయట నుంచి కొనుగోలు చేసే అవకాశాన్ని మాత్రం పూర్తి స్థాయిలో వినియోగించుకుంటున్నాయి. అయినప్పటికీ ధర్మాస్పత్రుల్లో సాధారణ మందులు కూడా లభించకపోవడం చోద్యంగా కనిపిస్తోంది. కోటాలో మందులు మిగిలిపోతాయి.. అత్యవసరం పేరిట ఆస్పత్రి వర్గాలు మందులు కొనుగోలు చేస్తాయి.. అయినా పేద రోగులకు మాత్రం ఆస్పత్రిలో సాధారణ మందులు కూడా లభించవు. దీంతో బయట మెడికల్‌లో పేద రోగులు కొనుగోలు చేయాల్సిన పరిస్థితి ఏర్పడుతోంది. డబ్బులు లేకనే చికిత్స, మందులు ఉచితంగా లభిస్తాయని రిమ్స్‌కు వస్తే ఈ పరిస్థితి ఎదురవుతోంది. జిల్లాలోని అన్ని ప్రభుత్వ ఆస్పత్రుల్లో ఇదే పరిస్థితి నిత్యం కనిపిస్తోంది. పేద రోగులకు చికిత్స, మందులు పూర్థి స్థాయిలో ఉచితంగా అందజేయాలన్న ప్రభుత్వ సంకల్పం నెరవేరడం లేదు. ప్రతీ ఏడాది ఇదే పరిస్థితి.. ఉమ్మడి ఆదిలాబాద్‌ జిల్లాలో 2016–17 ఆర్థిక సంవత్సరంలో డ్రగ్స్‌ రూ.14.66 కోట్లకు గాను రూ.10.95 కోట్లు వినియోగించారు. రూ.3.70 కోట్ల విలువైన డ్రగ్స్‌ ల్యాప్స్‌ అయ్యాయి. రూ.4.04 కోట్లు సర్జికల్‌ ఐటమ్స్‌గాను రూ.3.31 కోట్లు వినియోగించగా, రూ. 72.92 లక్షల విలువైన సర్జికల్‌ ఐటమ్స్‌ మిగిలిపోయాయి. వైద్య ఆరోగ్య, కుటుంబ సంక్షేమ శాఖ నుంచి తెలంగాణ రాష్ట్ర వైద్య సేవలు, మౌలిక సదుపాయాల అభివృద్ధి సంస్థ(టీఎస్‌ఎంఎస్‌ఐడీసీ) ద్వారా ఏప్రిల్‌లో మందుల కోటాను విడుదల చేస్తారు. ఉమ్మడి ఆదిలాబాద్‌ జిల్లాలోని రిమ్స్‌ ఆస్పత్రి, భైంసా, మంచిర్యాల, నిర్మల్‌ ఏరియా ఆస్పత్రులు (ఏహెచ్‌), ఆసిఫాబాద్, బెల్లంపల్లి, ఖానాపూర్, సిర్నూర్, ఉట్నూర్‌ కమ్యూనిటీ హెల్త్‌ సెంటర్లు(సీహెచ్‌సీ), నిర్మల్‌లోని మాతా శిశు సంరక్షణ ఆస్పత్రి(ఎంసీహెచ్‌), ఉమ్మడి జిల్లాలోని 72 పీహెచ్‌సీలు, పట్టణ ప్రాంతాల్లోని అర్బన్‌ హెల్త్‌ సెంటర్‌లకు ప్రతి ఏడాది మందుల కోటా టీఎస్‌ఎంఎస్‌ఐడీసీ నుంచే మంజూరు అవుతుంది. ఆదిలాబాద్‌ జిల్లా కేంద్రంలోని సెంట్రల్‌ డ్రగ్‌ స్టోర్‌ నుంచి ఉమ్మడి జిల్లాలోని అన్ని ఆస్పత్రులకు మందుల సరఫరా జరుగుతుంది. గత ఏడాది పరిస్థితే మళ్లీ జిల్లాలో కనిపిస్తోంది. ఈ ఏడాది కూడా కేటాయించిన మందుల కోటా మిగిలిపోతుండగా ఆస్పత్రుల్లో మాత్రం పేదలకు మందులు లభించని పరిస్థితి. ఈ తారతమ్యాన్ని పరిష్కరించడంలో అధికారులు వైఫల్యం చెందుతున్నారు. ప్రజలకు ఉపయోగపడే మందుల కోటాను పెంచాల్సి ఉంది. ఈ–ఔషధి, ఈ–ఆస్పత్రి పేరిట ప్రభుత్వం అనేక చర్యలు తీసుకుంటునప్పటికీ పేదలకు పూర్తి స్థాయిలో ఉచిత వైద్య చికిత్సలతోపాటు మందులు లభించినప్పుడే దానికి సార్థకత ఉంటుంది. మందుల కొనుగోలులో అక్రమాలు ప్రతి ఏడాది మూడు నెలలకు ఓసారి నాలుగు కోటాల్లో మందులను ఆస్పత్రులకు విడుదల చేస్తారు. ఏప్రిల్, జూలై, అక్టోబర్, జనవరిల్లో ఈ మందులను విడుదల చేస్తుంటారు. అత్యవసర పరిస్థితుల్లో ఆస్పత్రికి కావాల్సిన మందులు సెంట్రల్‌ డ్రగ్‌ స్టోర్‌లో అందుబాటులో లేని పక్షంలో ఆస్పత్రి అభివృద్ధి కమిటీలు కోటాపై 20 శాతం మందులు బయట నుంచి కొనే అవకాశం ఉంది. బయట నుంచి కొనే మందుల విషయంలో ఆస్పత్రిల్లో పలు అక్రమాలు చోటు చేసుకుంటున్నాయన్న ఆరోపణలు లేకపోలేదు. ఈ నేపథ్యంలో ఒక ఆస్పత్రికి డిమాండ్‌ ఉన్న మందులు, మరో ఆస్పత్రిలో అవే మందులు వృథాగా ఉంటే ఆ ఆస్పత్రి నుంచి ఈ ఆస్పత్రికి మందులను తరలించే చెయిన్‌ సిస్టమ్‌ ఉన్నప్పటికీ అది పూర్తి స్థాయిలో అమలు కాకపోవడంతోనే ఇలాంటి పరిస్థితి ఎదురవుతుంది. గిరిజనులు అత్యధికంగా ఉండే ఆసిఫాబాద్, ఖానాపూర్, ఉట్నూర్‌ వంటి ఆస్పత్రుల్లోనూ మందుల కోటా పెద్ద ఎత్తున మిగిలిపోతుండడం ఆశ్చర్యం కలిగిస్తోంది.  ఎంత అవసరమో అంతే కొంటాం.. సెంట్రల్‌ డ్రగ్‌ స్టోర్‌లో అందుబాటులో లేని మందులను బయట నుంచి కొనుగోలు చేయడం జరుగుతుంది. ఎంత అవసరమో అంత మేరకే కొంటాం. రిమ్స్‌ కొనుగోలు కమిటీ అనుమతి మేరకు మందులను కొనుగోలు చేస్తాం. కోటాపై 20 శాతం కొనుగోలు చేసేందుకు అనుమతి ఉంది. మందుల వినియోగం పై ప్రతి ఏడాది ఆడిట్‌ నిర్వహించడం జరుగుతుంది.  – డాక్టర్‌ అశోక్, రిమ్స్‌ డైరెక్టర్‌ 

హైదరాబాద్‌ గుడిమల్కాపూర్‌ ఎస్‌.బి.ఐ. కాలనీలో రెండంతస్థుల సొంత భవనంలో నివాసం ఉంటున్న అర్చన, ఫార్మా ఉద్యోగి అరవింద్‌కుమార్‌ దంపతులు గత ఐదారేళ్లుగా సేంద్రియ ఇంటిపంటలు సాగు చేసుకుంటున్నారు. ఉద్యాన శాఖ నుంచి సబ్సిడీపై సిల్పాలిన్‌ బెడ్స్‌ తీసుకొని టమాటా, వంకాయలు, అల్లంతోపాటు మునగ, బొప్పాయి చెట్లను పెంచుతున్నారు. పార్స్‌లీ, ఆరెగానో, తులసి, లెమన్‌గ్రాస్, కలబంద తదితర ఔషధ మొక్కలను సాగు చేస్తున్నారు. పెద్ద సిల్పాలిన్‌ బెడ్‌లో నాలుగేళ్లుగా ఎత్తుగా పెరిగిన మునగ చెట్టు వీరి కిచెన్‌ గార్డెన్‌కు తలమానికంగా నిలిచింది. మునగ కాయలతోపాటు ఆకులను కూడా కూరవండుకుంటున్నామని అర్చన తెలిపారు. ఉల్లి, వెల్లుల్లి వాడకుండా పార్స్‌లీ, ఆరెగానో తదితర ఆకులను ఉపయోగించి ఇంట్లోనే పిజ్జాలు తయారుచేసుకొని తింటుండడం విశేషం. 30 ఏళ్ల నాటి ఈ రెండంతస్థుల భవనానికి పిల్లర్లు వేయలేదు. గోడలపైనే నిర్మించారు. అందువల్ల గోడలపైనే 8 సిల్పాలిన్‌ బెడ్స్, కుండీలను ఏర్పాటు చేసుకొని ఐదారేళ్లుగా ఇంటిపంటలను సాగు చేసుకుంటున్నారు. 15 రోజులకోసారి జీవామృతం మొక్కలకు మట్టి ద్వారా, పిచికారీ ద్వారా కూడా ఇస్తున్నారు. రోజూ దేశీ ఆవుపాలు సరఫరా చేసే వ్యక్తే జీవామృతాన్ని సైతం ఇంటికి తెచ్చి ఇస్తున్నారు. మేడపైనే ఒక సిల్పాలిన్‌ బెడ్‌ను కంపోస్టు తయారీకి వాడుతున్నారు. టెర్రస్‌పైన ఇంటిపంటలు, షేడ్‌నెట్, ఇంటి చుట్టూ వెదురు తదితర మొక్కలు ఉండటం వల్ల తమ ఇంట్లో వేసవిలోనూ ఉష్ణోగ్రత 3–4 డిగ్రీల మేరకు సాధారణం కన్నా తక్కువగా ఉంటున్నదని అర్చన(98663 63723) సంతోషంగా చెప్పారు. అంటే.. ఇంటిపంటల కోసం శ్రద్ధతీసుకుంటే.. ఆరోగ్యంతోపాటు ఇంటి ఏసీ ఖర్చులు కూడా తగ్గాయన్నమాట! మునగాకు చిన్న – పోషకాలలో మిన్న మునగను తింటే అనేక పోషకాలను పుష్కలంగా తిన్నట్టే లెక్క. ఇదీ మునగ ఆకులో నిక్షిప్తమై ఉన్న పోషకాల జాబితా..   విటమిన్‌–సి: కమలాల్లో కన్నా 7 రెట్లు ఎక్కువ   విటమిన్‌–ఎ: క్యారెట్లలో కన్నా 4 రెట్లు ఎక్కువ   కాల్షియం: పాలలో కన్నా 4 రెట్లు ఎక్కువ   పొటాషియం: అరటి పండ్లలో కన్నా 3 రెట్లు ఎక్కువ   విటమిన్‌–ఇ: పాలకూరలో కన్నా 3 రెట్లు ఎక్కువ   మాంసకృత్తులు: పెరుగులో కంటే 2 రెట్లు ఎక్కువ   మునగాకును పప్పులో, సాంబారులో వేసి వండవచ్చు.   మునగాకు వేపుడు చేయవచ్చు.   మునగకాయలో కంటే ఆకుల్లో పోషకాలు ఎక్కువ మునగ పొడి చేసేదెలా? ► తయారు చేయటం తేలిక – వాడటం తేలిక ► లేత మునగాకును కడిగి, నీడలో ఆరబెట్టాలి ► గలగలలాడేలా ఆరిన మునగాకును పొడి చెయ్యాలి ► పొయ్యి మీద నుంచి దించిన తరువాత కూరలు, చారు వంటి వాటిల్లో వేయచ్చు. మునగలో ఉపయోగపడని భాగం లేదు ఆకులు – కూర, పోషకాల గని గింజ – మందు, నూనె, నీటి శుద్ధి కాయ – కూర    పువ్వు – మందు, చట్నీ బెరడు – మందు    బంక – మందు వేరు – మందు పెరటిలో మునగ చెట్టు ఉండగ – విటమిన్లు, టానిక్కులు కొనటం దండగ. మునగ చెట్లు పెంచుదాం – మునగాకు వాడకం పెంచుదాం. వివరాలకు.. కేరింగ్‌ సిటిజెన్స్‌ కలెక్టివ్‌(040–27610963) ఫొటోలు: ఇసుకపట్ల దేవేంద్ర, సాక్షి ఫొటో జర్నలిస్టు

సింహాచలం అప్పన్న గోశాలకు కూత వేటు దూరంలో విశాఖపట్నం కార్పొరేషన్‌ పరిధిలోని దారపాలెంలో సొంత ఇల్లు నిర్మించుకున్న దాట్ల వర్మ, శ్రీదేవి దంపతులు సేంద్రియ ఇంటిపంటల సాగులో ఆదర్శవంతమైన కృషి చేస్తున్నారు. వర్మ ప్రస్తుతం విజయనగరం ఆర్‌ అండ్‌ బి డిపార్ట్‌మెంట్‌లో టెక్నికల్‌ అధికారిగా పనిచేస్తున్నారు. నాలుగేళ్ల క్రితం సొంతిల్లు నిర్మించుకొని టెర్రస్‌ కిచెన్‌/మెడిసినల్‌ గార్డెన్‌ను ఏర్పాటు చేసుకున్నారు. 150కి పైగా ఖాళీ రంగు డబ్బాలలో మొక్కలు పెంచుతున్నారు. ఇంటిపంటల జీవవైవిధ్యానికి నిదర్శనం: ఆకుకూరలు, కూరగాయలు, ఔషధ మొక్కలు, పూలమొక్కలతో పచ్చగా కళకళలాడే వారి టెర్రస్‌ గార్డెన్‌ జీవవైవిధ్యంతో సుసంపన్నంగా ఉంటుంది. ఘనజీవామృతం, జీవామృతం, పశువుల ఎరువు(గెత్తం), వర్మీకంపోస్టు, అవసరం మేరకు కషాయాలను వాడుతూ వర్మ దంపతులు మక్కువతో ఇంటిపంటలు సాగు చేస్తున్నారు.  ఇంటి చుట్టూ నేలపైన, దగ్గర్లో తెలిసిన వారి ఖాళీ ఇంటి స్థలాల్లో కూరగాయలు, కందులు, పండ్ల మొక్కలను సాగు చేస్తూ.. పూర్తిగా ఇంటిపంటల ఆహారాన్నే తింటున్నారు. మేడపైన పుదీన, కొత్తిమీర, తోటకూర, పాలకూర తదితర ఆకుకూరలతోపాటు బీర, ఆనపకాయ, చిక్కుళ్లు, కంది,అరటి, వంకాయలు, బెండకాయలు, క్యాబేజి, టమోటా సాగు చేస్తున్నారు. ఇంటి చుట్టూ పెరట్లో పది రకాల పండ్ల చెట్లను పెంచుతున్నారు. హైదరాబాద్‌లోని ఇంటిపంట సాగుదారులు ఏర్పాటు చేసుకున్న ఫేస్‌బుక్‌ బృందం స్ఫూర్తితో ప్రధానంగా విశాఖ ప్రాంత ఇంటిపంట సాగుదారులకు సహాయ పడటానికి కొత్తవలసకి చెందిన కర్రి రాంబాబుతో కలిసి ఫేస్‌బుక్‌లో రైతుమిత్ర పేరిట బృందాన్ని ప్రారంభించారు. ఇంటిపంటలపై అవగాహన: సేంద్రియ ఇంటిపంటల పెంపకంపై ఆసక్తి ఉన్న విశాఖనగరవాసులు సెలవు రోజుల్లో మా ఇంటిని సందర్శిస్తూ ఉంటారు. వారికి తగిన సలహాలు, సూచనలు ఇచ్చి అవగాహన కల్పించడంతోపాటు కొన్ని మొక్కలు, విత్తనాలను కూడా ఇస్తున్నామని వర్మ, శ్రీదేవి(98661 38129) తెలిపారు. సింహాచలం అప్పన్న ఆలయ గోశాలలో జీవామృతాన్ని తయారు చేయించి, మనిషికి 5 లీటర్ల చొప్పున ఉచితంగా పంపిణీ చేయిస్తున్నారు. మరింత మందికి ఈ విధానాన్ని తెలియజేసేందుకు ఎప్పుడూ సిద్ధంగా ఉంటామని చెబుతున్నారు.  – అవసరాల గోపాలరావు, సాక్షి, సింహాచలం, విశాఖ జిల్లా

ఆయుష్‌ విభాగాలు నిర్వీర్యమవుతున్నాయి. ఈ వైద్య విధానాలకు కేంద్రం అత్యధిక ప్రాధాన్యమిస్తూ కేటాయిస్తున్న నిధులను రాష్ట్ర ప్రభుత్వం పక్కదారి పట్టిస్తోంది.  జిల్లా కేంద్రమైన కర్నూలు  ప్రభుత్వ సర్వజన వైద్యశాలలోని  ఆయుష్‌ విభాగంలో ఒక్క వైద్యుడూ లేకపోవడం..మందులు కొరత అందుకు నిదర్శనమనే ఆరోపణలు వినిపిస్తున్నాయి.   కర్నూలు(హాస్పిటల్‌): పెద్దాసుపత్రిలోని ఆయుష్‌ విభాగంలో రెగ్యులర్‌ హోమియో వైద్యుడిగా  ఉన్న డాక్టర్‌ వెంకటయ్య  2016 మే 19వ తేదీన బదిలీపై తెలంగాణాకు వెళ్లిపోయారు. అప్పటి నుంచి ఆయన స్థానంలో డాక్టర్‌ సుజాతను నియమించారు. హైదరాబాద్‌ నుంచి వచ్చిన ఆమె విధులకు సక్రమంగా హాజరయ్యేది కాదు. గత డిసెంబర్‌లో ఆమె గుడివాడకు డిప్యూటేషన్‌పై వెళ్లిపోయారు. అప్పటి నుంచి   బ్రాహ్మణకొట్కూరులో పనిచేస్తున్న డాక్టర్‌ భారతిని సోమ, బుధ, శుక్రవారాలు, ఆత్మకూరులో పనిచేస్తున్న డాక్టర్‌ జవహర్‌లాల్‌ను మంగళ, గురు, శనివారాల్లో డిప్యూటేషన్‌పై ఇక్కడ  పనిచేసేటట్లు అధికారులు ఆదేశాలు జారీ చేశారు. డాక్టర్‌ భారతి రెగ్యులర్‌గా వస్తున్నా కొంత కాలంగా డాక్టర్‌ జవహర్‌లాల్‌ సెలవుపై వెళ్లడంతో ఆయన స్థానంలో ఎవ్వరూ రావడం లేదు.  రోగులు మాత్రం ఆసుపత్రికి వచ్చి    వెనుతిరిగిపోతున్నారు.   డిస్పెన్సరీలో డాక్టర్లు  ఉంటారో..ఉండరోననే ఉద్దేశంతో ఇటీవల వారు రావడం కూడా మానేశారు. గతంలో ఇక్కడ రోజుకు 70 నుంచి 120 వరకు రోగులు చికిత్స కోసం వచ్చేవారు. ప్రస్తుతం ఆ సంఖ్య గణనీయంగా తగ్గిపోయింది. ఇక ఆయుర్వేద డిస్పెన్సరీలో 2017 జూన్‌లో డాక్టర్‌ పీవీ నాగరాజ బదిలీపై బనగానపల్లికి వెళ్లిపోయారు. అప్పటి నుంచి ఇక్కడ ఏ ఒక్కరినీ నియమించలేదు. పాణ్యంలో పనిచేస్తున్న డాక్టర్‌ గ్రేస్‌ సెలెస్టియల్‌ సోమ, బుధ, శుక్రవారాలు మాత్రమే వస్తూ రోగులను పరీక్షిస్తున్నారు. మిగిలిన రోజుల్లో వైద్యులు లేక రోగులు వెనక్కి తిరిగి వెళ్లిపోతున్నారు.  ఆయుర్వేదంలో మందులు ఖాళీ ఆయుర్వేద విభాగంలో మందులు ఖాళీ అయ్యాయి. ప్రభుత్వం వద్ద ఆయుష్‌నిధులు పుష్కలంగా ఉన్నా ఇక్కడ మాత్రం మందుల కొరత వేధిస్తోంది. ఉండాల్సిన మందుల్లో  10 శాతం కూడా లేవు. వచ్చిన రోగులకు వైద్యులు ప్రైవేటుకు మందులు రాయాల్సి వస్తోంది. రెండు విభాగాల్లో డాక్టర్లు లేకపోవడంతో ఇక్కడ పనిచేసే ఫార్మాసిస్టులే రోగులకు పెద్ద దిక్కుగా మారారు. రెండు నెలలుగా మందులు లేవు నాకు గ్యాస్ట్రబుల్, కీళ్లనొప్పులు, షుగర్‌ వ్యాధులు ఉన్నాయి. ఈ వ్యాధులకు నేను గతంలో ఆయుర్వేద వైద్యాన్ని వాడుతూ తగ్గించుకున్నాను. ఆ మందులే నాకు బాగా పనిచేసేవి. ప్రైవేటుగా మందులు కొనుగోలు చేసినా ఇక్కడ ఇచ్చినంతగా పనిచేసేవి కావు. అయితే రెండు నెలల నుంచి ఇక్కడ మందులు లేకపోవడంతో  వెనుదిరగాల్సి వస్తోంది.   –బి. నరసింహులు, రిటైర్డ్‌ సూపరింటెండెంట్, విద్యాశాఖ

లక్ష్మణచాంద(నిర్మల్‌): అందరికీ అవసరమయ్యే ఔషధాల పేర్లను ప్రభుత్వం మాతృభాలోనే ముద్రిస్తుంది. ఇప్పటికే ఈ ప్రక్రియ మొదలై ప్రభుత్వ ఆసుపత్రుల్లోకి తెలుగులో ముద్రించిన మందులు వస్తున్నాయి. తప్పిన ఆంగ్ల తిప్పలు.. చరిత్రలోనే నేటి వరకు ఔషధాల పేర్లు తెలుగులో ముద్రించిన దాఖలాలు లేవు. వైద్యులు మందుల చిట్టీపై ఆంగ్లంలో మందులు రాస్తే ఎవరికీ అర్థం కాని స్థితిలో ఉండేది. ప్రభుత్వం అందరికీ అర్థమయ్యలా రాయాలని వైద్యులకు ఆదేశాలు జారీ చేసింది. ఆ తర్వాత మందులు కూడా తెలుగులో ముద్రితమై వస్తుండడంతో ప్రజలు ఆనందం వ్యక్తం చేస్తున్నారు. రాష్ట్ర ప్రభుత్వ నిర్ణయంతో..  తెలంగాణ రాష్ట్ర ప్రభుత్వం ఇటీవల మందుల పేర్లు అన్ని తెలుగులోనే ముద్రించాలని నిబంధన విధించిం ది. మాత్రలు, మందు సీసాలపై తెలుగులోనే ఔ షధ ఫార్ములా ముద్రించారు. అందువల్ల వైద్యులు కూ డా తప్పనిసరిగా జనరిక్‌ నామం రాయకతప్పడం లేదు. వైద్య, ఆరోగ్యశాఖపై ప్రత్యేక దృష్టి వల్ల నూతన తెలంగాణ రాష్ట్రంలో టీఆర్‌ఎస్‌ ప్రభుత్వం వైద్య, ఆరోగ్య శాఖపై ప్రత్యేక దృష్టిని సారించింది. అన్ని ప్రభుత్వ ఆస్పత్రుల్లో మౌలిక వసతుల కల్పనతో పాటు ఇతరత్రా సౌకర్యాలను కల్పిస్తోంది. అలాగే ఔషధాల దుర్వినియోగం కాకుండా మందులను ఆన్‌లైన్‌లో నమోదు చేయిస్తోంది. తాజాగా ఔషధాల పేర్లు తెలుగులో ముద్రించడం ద్వారా కీలక సంస్కరణలకు శ్రీకారం చుట్టినట్లయిందని ప్రజలు పేర్కొంటున్నారు. 50 కంపెనీలు 500 రకాల ఔషధాలు.. ప్రభుత్వం ఇప్పటి వరకు అన్ని జిల్లాలోని జిల్లా ఆస్పత్రులకు, ప్రాథమిక ఆస్పత్రులకు 50 కంపెనీలకు చెందిన 500 రకాల మందులను సరఫరా చేస్తోంది. ఇందులో సాధారణ వ్యాధుల మందులతో పాటు ధీర్ఘకాలిక వ్యాధులను నయం చేసే మందులు, వివిధ రకాల సిరప్‌లు, ఆయింట్‌మెంట్‌లు ఉన్నాయి.  మందులపై అవగాహన పెరిగింది.. ఇంతకు ముందు మందుల పేర్లు ఆంగ్లంలో ఉండేవి. దీంతో మాలాంటి సామాన్యులకు అవేమీ అర్థం కాకపోయేవి. పలుకుదామంటే నోరు తిరిగేది కాదు. కానీ ప్రభుత్వం తెలుగులో మందుల పేర్లు ముద్రించడంతో మందులపై అవగాహన పెరిగింది. – మోహన్, తిర్పెల్లి సామాన్యులకు మేలు తెలంగాణ రాష్ట్ర ప్రభుత్వం తీసుకున్న నిర్ణయంతో సామాన్యులకు చాలా వరకు మేలు జరిగింది. తెలుగులో మందుల పేర్లు ముద్రించడంతో వారే మందుల తెలుసుకుంటున్నారు. – మనోజ్ఞ, వైద్యులు, లక్ష్మణచాంద 

సిద్దిపేటకమాన్‌: ‘ఈ–ఔషధి’ అమలులో సిద్దిపేట జిల్లా ప్రభుత్వ ఆస్పత్రి ఆదర్శంగా నిలుస్తోంది. ఆస్పత్రికి వచ్చే రోగులతో పాటు వారికి అందించే మందుల వివరాలను ఎప్పటికప్పుడు ఆన్‌లైన్‌లో నమోదు చేస్తుండటంతో అక్రమాలకు అడ్డుకట్ట పడుతోంది. ఇప్పటికే సిద్దిపేట జిల్లాలో 19వేల మంది రోగుల వివరాలను ఆన్‌లైన్‌లో నమోదు చేశారు.  అత్యాధునిక సేవలు సిద్దిపేట ప్రభుత్వ జిల్లా ఆస్పత్రి కార్పొరేట్‌ హంగులతో అత్యాధునిక సేవలు అందిస్తోంది. ఆస్పత్రికి నిత్యం వచ్చే వందలాది మంది రోగులను వైద్యులు పరీక్షించడంతో పాటు ఫార్మసీలో ఉచితంగా మందులు అందజేస్తున్నారు. అయితే, గతంలో రోగుల సంఖ్య, వారికి అందజేసే మందుల వివరాలను చేతిరాత ద్వారా రికార్డు చేసేవారు. ఈ పద్ధతి వల్ల రోగులు, మందుల వివరాలు సమాచారం పక్కాగా ఉండేది కాదు. దీంతో మందులు పక్కదారి పడుతున్నట్టు ప్రభుత్వం గుర్తించింది. ప్రస్తుతం ఆస్పత్రుల్లో వసతుల కల్పన, వైద్య సేవల మెరుగుదలపై రాష్ట్ర సర్కార ప్రత్యేక దృష్టి సారించిన నేపథ్యంలో రోగుల వివరాలను పక్కాగా నమోదు చేయడం, పారదర్శకంగా మందులను పంపిణీ చేయడానికి ఈ–ఔషది విధానాన్ని ప్రవేశపెట్టింది. ఈమేరకు జిల్లా ఆస్పత్రిలో ప్రత్యేక విభాగాన్ని ఏర్పాటు చేసి కంప్యూటర్లతో పాటు సిబ్బందికి శిక్షణ అందించారు. అంతేకాకుండా రోజువారి రోగులు, మందుల వివరాలను నమోదు చేసేందుకు ప్రత్యేక సాఫ్ట్‌వేర్‌ రూపొందించారు. ఈ విధానం 2017 మార్చి నుంచి అమలు చేస్తున్నారు. ఇప్పటి వరకు 19,112 మంది రోగుల వివరాలనుఈ–ఔషధిలో నమోదు చేయడం గమనార్హం. ఈ విధానంతో సిద్దిపేట జిల్లా ఆస్పత్రి రాష్ట్రస్థాయిలో ఆదర్శంగా నిలుస్తోంది.  రోజుకు 1200 ఓపీ సిద్దిపేట ప్రభుత్వ జిల్లా ఆస్పత్రికి నిత్యం వివిధ విభా గాల్లో సుమారు 1200 మంది రోగులు సేవలు పొం దుతున్నారు. గతంలో ప్రభుత్వ ఆస్పత్రిలో అన్ని వసతులు లేకపోవడంతో పాటు సేవలు కూడా అంతంత మాత్రంగా ఉండటంతో 500 వరకు మంది ఔట్‌ పేషె ంట్లు వచ్చేవారు. ఈ క్రమంలో మంత్రి హరీశ్‌రావు ప్రత్యేక చొరవతో ఇటీవల ఆస్పత్రిని అన్ని విధాల అ భివృద్ధి చేస్తున్నారు. అన్ని విభాగాల్లో వైద్యులను ని యమించడం, హైరిస్క్‌ కేంద్రం,డయాలసిస్‌ సెంటర్‌ ఏర్పాటు చేయడంతో రోగుల సంఖ్య పెరుగుతోంది. ఈ ప్రక్రియ కొనసాగుతుంది జిల్లా ప్రభుత్వ ఆస్పత్రిలో ఈ–ఔషధి ద్వారా రోగులు, మందుల వివరాలను ఎప్పటికప్పుడు ఆన్‌లైన్‌లో నమోదు చేస్తున్నాం. ఈ ప్రక్రియ ఎప్పటికీ కొనసాగుతుంది. గతంలో రికార్డులు రాసే విధానం ఉండటంతో మందులు పక్కదారి పట్టే అవకాశం ఉండేది. ఇప్పుడు ఆ సమస్య లేదు. – డా.నర్సింహం, జిల్లా ఆస్పత్రి సూపరింటెండెంట్‌  

సాక్షి, కాకినాడ: తూర్పుగోదావరి జిల్లా కాకినాడ నగరంలోని ప్రభుత్వ ఆసుపత్రిలో అగ్నిప్రమాదం జరిగింది. ఓపి డిస్పెన్సరీలో విద్యుత్ షార్ట్ సర్క్యూట్ వల్ల ప్రమాదం. ఈ సంఘటనలో మందులు, ఫర్నిచర్, ఏసీ అగ్నికి ఆహుతయ్యాయి. సంఘటన ఎలా జరిగిందన్న దానిపై ఆస్పత్రి అధికారులు దర్యాప్తు చేస్తున్నారు.

సాక్షి, శ్రీనగర్: రైలు వస్తుండగానే దాని ముందు నిల్చుని సెల్ఫీలు తీసుకోవాలన్న యత్నంలో ఇప్పటికే కొందరు వ్యక్తులు మృతిచెందారు. కొన్ని సందర్భాల్లో తీవ్ర గాయాలపాలవుతూ కాళ్లు, చేతులు కోల్పోతుంటారు. అయితే తాజాగా జమ్మూకశ్మీర్‌కు చెందిన మెడిసిన్ విద్యార్థి చేసిన డేరింగ్ ఫీట్‌పై తీవ్ర విమర్శలు వెల్లవెత్తుతున్నాయి. రైలు పట్టాలపై పడుకుని రైలు వెళ్తుండగా స్నేహితుడితో ఈ తతంగాన్ని వీడియో తీయించి సోషల్ మీడియాలో పోస్ట్ చేయడంతో వైరల్ అవుతోంది. ఆ యువకుడి చర్యలను పిచ్చి చేష్టలుగా మాజీ సీఎం ఒమర్ అబ్దుల్లా పేర్కొన్నారు. ఇలాంటివి చేయకూడదంటూ యువతను హెచ్చరించారు. పోలీసుల కథనం ప్రకారం.. కశ్మీర్‌లోని బిజ్బెహ్రా ప్రాంతానికి చెందిన 19 ఏళ్ల అదిల్ అహ్మద్ మెడిసిన్ ఫస్ట్ ఇయర్ చదువుతున్నాడు. అయితే అదిల్ ఇటీవల ఫేస్‌బుక్‌లో ఓ ప్రమాదకర వీడియో చూశాడు. తాను కూడా అలాగే చేయాలని ప్లాన్ చేసుకున్న అదిల్ తన స్నేహితుడు మొహమ్మద్ ఖాసీం(19)తో కలిసి రైల్వే ట్రాక్ వద్దకు వెళ్లాడు. తాను పట్టాలపై పడుకుంటానని, ఆ సమయంలో ట్రాక్‌పై రైలు వెళ్తుండగా వీడియో తీయాలని ఖాసీంకు సూచించాడు. రైలు వెళ్తుండగా పట్టాలపై అదిల్ ధైర్యంగా పడుకోవడం, రైలు వెళ్లిపోయాక తనకు ఏమీ కాలేదంటూ గంతులేయడాన్ని ఖాసీం వీడియో తీశాడు. ఆ వీడియోను సోషల్ మీడియాలో పోస్ట్ చేయగా ఇలాంటి పిచ్చి పనులు చేయవద్దంటూ పోలీసులు యువతను హెచ్చరించారు. తాను తప్పు చేశానని ఒప్పుకున్న అదిల్.. మరోసారి తాను ఇలాంటి పనులు చేయనని, ఎవరూ ఇలాంటి ప్రమాదకర స్టంట్లకు ఉపక్రమించవద్దని సూచించాడు.

తాటి బెల్లం ద్వారా ఒనగూడే ఔషధ గుణాలు, పోషక విలువలు ఎన్నో. అనాదిగా మన పెద్దలు వాడుతున్న ఆరోగ్యదాయకమైనది తాటి బెల్లం. ప్రజల్లో ఆరోగ్య స్పృహ పెరుగుతున్న నేపథ్యంలో ఇటీవల కాలంలో తాటి బెల్లానికి, ఆరోగ్య పానీయంగా తాటి నీరా వాడకానికి మళ్లీ ఆదరణ పెరుగుతోంది. తాటి బెల్లాన్ని సాధారణ పంచదార, బెల్లానికి బదులుగా వాడటం ఎంతో ఆరోగ్యదాయకమని వైద్యులు చెబుతున్నారు. అందువల్లే మధుమేహ రోగులు సైతం తాటి బెల్లాన్ని నిక్షేపంగా వాడుతున్నట్లు చెబుతున్నారు.   అయితే, ఈ బెల్లం తయారీకి అవసరమైన నీరా ఉత్పత్తి తాటి చెట్టుకు రోజుకు 5–6 లీటర్లకు మాత్రమే పరిమితం. తాటి నీరా కన్నా జీరిక నీరా రుచికరమైనది. తాటి బెల్లానికి దీటుగా ఔషధగుణాలు, పోషకాలు కలిగి ఉండే ‘జీరిక’ బెల్లాన్ని భారీ ఎత్తున ఉత్పత్తి చేసే దిశగా ప్రయత్నాలు ప్రారంభమయ్యాయి. తెలంగాణ రాష్ట్రంలోని కొన్ని జిల్లాల్లో ప్రజా ప్రతినిధులు ఇటీవల వేలాది జీరిక మొక్కలను నర్సరీల నుంచి సేకరించి తమ నియోజకవర్గాల్లో పంపిణీ చేస్తున్నారు. భారతీయ వ్యవసాయ పరిశోధనా మండలి ఇటీవల నల్లగొండ జిల్లా మల్లేపల్లిలో తాటి పరిశోధనా స్థానాన్ని మంజూరు చేసింది. ఈ కేంద్రంలో జీరిక చెట్లపై కూడా పరిశోధన ప్రారంభించటం మేలన్న అభిప్రాయం వ్యక్తమవుతోంది. అయితే, ఈ జీరిక చెట్ల మాదిరిగానే కనిపించే అలంకారప్రాయమైన మరో జాతి చెట్లు కూడా ఉన్నాయని, వీటిని కేవలం అందం కోసం లాండ్‌స్కేపింగ్‌లో వాడుతున్నారని.. నీరా కోసం జీరిక మొక్కలను నాటుకునే రైతులు అప్రమత్తంగా ఉండాల్సిన అవసరం ఉందని నిపుణులు హెచ్చరిస్తున్నారు. గిరిజనుల కల్పవృక్షం.. జీరిక జీరిక చెట్టును సుల్ఫి లేదా ఫిష్‌టైల్‌ పామ్‌ అని కూడా పిలుస్తారు. ఆంధ్రప్రదేశ్, ఛత్తీస్‌గఢ్, ఒడిశా రాష్ట్రాల సరిహద్దు ప్రాంతాల్లో గిరిజనులు సాంప్రదాయకంగా జీరిక నీరాను, కల్లును ఆరోగ్యపానీయంగా వాడుతున్నారు. తాటి చెట్ల నీరా/కల్లు కన్నా రుచికరమైనది కావడంతో జీరిక నీరా/కల్లుకు జగదల్‌పూర్, బస్తర్‌ ప్రాంతాల్లో గిరాకీ ఎక్కువగా ఉంది. ఇది గిరిజనులకు ముఖ్యమైన ఆదాయ వనరుగా కూడా ఉంది. నాటిన ఆరేళ్ల నుంచే నీరా దిగుబడి.. జీరిక మొక్క నాటిన ఆరేళ్ల నుంచి 25 ఏళ్ల వరకు.. ఒక్కో జీరిక చెట్టు నుంచి సగటున 30–40 లీటర్ల నీరాను సేకరిస్తున్నారు. భూసారం తదితర సానుకూలతల వల్ల కొన్ని చెట్ల నుంచి రోజుకు 50–60 లీటర్ల వరకు నీరాను సేకరిస్తూ, ఆరోగ్య పానీయంగా వినియోగిస్తున్నారు. బియ్యాన్ని ఉడికించి అన్నం వండుకోవడానికి నీటికి బదులు జీరిక నీరాను గిరిజనులు వినియోగిస్తుంటారు. తద్వారా కేన్సర్, తదితర జబ్బులు నయమవుతున్నాయని కూడా గిరిజన సంప్రదాయ వైద్యులు విశ్వసిస్తున్నారు. ఆ విధంగా జీరిక నీరా/కల్లు ఛత్తీస్‌గఢ్‌ – ఆంధ్రప్రదేశ్‌ సరిహద్దు జగదల్‌పూర్, మారేడుమిల్లి ప్రాంతాల్లో గిరిజనులకు ప్రధాన ఆదాయ వనరుగానే కాకుండా.. వారి ఆహార సంస్కృతిలో ప్రధాన భూమికను నిర్వహిస్తున్నది. అందువల్లనే గిరిజనులు జీరిక చెట్టును కల్పవృక్షంగా కొలుస్తారు. ఆడ పిల్లకు ఒక్కో చెట్టు చొప్పున పుట్టింటి వాళ్లు కానుకగా ఇచ్చే అలవాటు కూడా అక్కడ అనాదిగా ఉన్నది. ఈ కారణంగా ఒక్కో చెట్టు నుంచి ఏటా రూ. 30 వేల నుంచి 40 వేల వరకు గిరిజనులు ఆదాయం పొందుతుండటం విశేషం. మైదాన ప్రాంతాలకు జీరిక అనువైనదేనా? జీరిక చెట్లు ప్రస్తుతం ఆంధ్ర–ఒడిశా– ఛత్తీస్‌గఢ్‌ రాష్ట్రాల సరిహద్దుల్లోని ఎత్తయిన గిరిజన ప్రాంతాల్లో సహజసిద్ధంగా పెరుగుతున్నాయి. తాటి చెట్ల కన్నా 6–7 రెట్ల నీరా దిగుబడినిస్తున్నాయి. అయితే, మైదాన ప్రాంతాల్లో ఈ చెట్లు ఇదే మాదిరిగా అధికంగా నీరా దిగుబడిని ఇస్తాయా? లేదా? అన్నది వేచి చూడాలని డా. వైఎస్సార్‌ ఉద్యాన విశ్వవిద్యాలయానికి చెందిన తూర్పు గోదావరి జిల్లా పందిరిమామిడిలోని తాటి పరిశోధనా స్థానం సీనియర్‌ ఆహార శుద్ధి శాస్త్రవేత్త పి. సి. వెంగయ్య ‘సాగుబడి’ తో చెప్పారు. అనాదిగా జీరిక పెరుగుతున్న మారేడుమిల్లి తదితర ప్రాంతాలు సముద్ర తలం నుంచి 250 మీటర్ల ఎత్తులో ఉన్నాయి. ఈ విధంగా చూస్తే.. ఆంధ్రప్రదేశ్‌లో కొన్ని ప్రాంతాలతోపాటు తెలంగాణ రాష్ట్రంలో చాలా ప్రాంతాలు వీటి కన్నా ఎత్తయినవే. కాబట్టి, సముద్ర తీరానికి దగ్గరగా ఉన్న ప్రాంతాల్లో మినహా ఎత్తయిన మైదాన ప్రాంతాల్లో కూడా జీరిక సాగు లాభదాయకంగానే ఉండొచ్చని ఆయన చెబుతున్నారు. అయితే, జీరిక నీరా దిగుబడిపై వాతావరణం, భూములు.. ఇంకా ఇతర అంశాల ప్రభావం ఏమేరకు ఉంటుందో శాస్త్రీయంగా అధ్యయనం చేయాల్సి ఉంది. జగదల్‌పూర్‌లో రెండేళ్ల క్రితమే జీరికపై ప్రత్యేక పరిశోధనా స్థానం ఏర్పాటైంది. దీనిలో పరిశోధనలు ప్రస్తుతం శైశవ దశలోనే ఉన్నాయి. వెంగయ్య తమ పరిశోధనా స్థానంలో గత ఏడాది గిరిజనుల నుంచి సేకరించిన జీరిక మొక్కలను నాటారు. మైదాన ప్రాంతాల్లో కూడా నీరా దిగుబడి బాగా ఉందని రుజువైతే.. ఆరోగ్యదాయకమైన పానీయం నీరాతో పాటు ఔషధగుణాలుండే సహజ జీరిక బెల్లాన్ని కూడా భారీ మొత్తంలో ఉత్పత్తి చేసి, అశేష ప్రజానీకానికి అందుబాటులోకి తేవటం సాధ్యమవుతుందని వెంగయ్య అన్నారు. తాటి బెల్లంలో మాదిరిగా జీరిక బెల్లంలో కూడా గ్లైసెమిక్‌ ఇండెక్స్‌ తక్కువ కాబట్టి.. సాధారణ పంచదార/బెల్లానికి బదులు తాటి/జీరిక బెల్లాన్ని ఏ వయస్సు వారైనా, మధుమేహ రోగులు సైతం వాడొచ్చని ఆయన తెలిపారు. 100 లీటర్ల జీరిక నీరాతో 15 కిలోల బెల్లం తాటి నీరా కన్నా జీరిక నీరా రుచికరమైనది కూడా. జీరిక నీరాతో తాటి నీరాతో మాదిరిగానే 12–15% బెల్లం రికవరీ(100 లీటర్ల నీరాను ఉడికించితే 12–15 కిలోల బెల్లం ఉత్పత్తి) వస్తున్నదని వెంగయ్య జరిపిన ప్రాధమిక అధ్యయనంలో తేలింది. అయితే, ఔషధగుణాలు, ఖనిజలవణాలు, పోషకాల విషయంలో కూడా తాటి, జీరిక నీరాల మధ్య తేడా ఏమైనా ఉందా అనేది పూర్తిస్థాయిలో అధ్యయనం చేయాల్సి ఉన్నప్పటికీ.. పెద్దగా తేడా ఉండకపోవచ్చు అని వెంగయ్య (94931 28932) తెలిపారు. జీరిక చెట్ల వద్ద రాలిపడిన కాయల ద్వారా మొక్కలు మొలుస్తుంటాయి. గిరిజనులు వాటిని తెచ్చి మారేడుమిల్లి, రంపచోడవరం ప్రాంతాల్లో వారపు సంతల్లో విక్రయిస్తుంటారు. జీరిక చెట్ల కాయలు పెద్ద రేగు కాయల సైజులో ఉంటాయి. జీరిక చెట్లలో వైవిధ్యం, అవి పెరుగుతున్న భూములను బట్టి వాటి కాయల రంగులో తేడా కనిపిస్తోంది. ఈ కాయల నుంచి విత్తనాలను సేకరించి.. నర్సరీలో మొక్కలను పెంచుకొని నాటుకోవటం ఉత్తమమని నిపుణులు సూచిస్తున్నారు. – పంతంగి రాంబాబు, సాగుబడి డెస్క్‌

సాక్షి, హైదరాబాద్‌ :  మందుల్లో పాదరసాన్ని వినియోగించడం ఇప్పుడు ఆశ్చర్యం కాకపోవచ్చు.. కానీ 1,200 ఏళ్ల కిందటే ఈ ప్రక్రియ జరిగితే!!! ఆకు పసర్లు, మూలికలే మందులుగా ఉండే కాలంలో ఇంత పరిజ్ఞానం ఎలా సాధ్యమని ఆశ్చర్యపోతాం. కానీ 9వ శతాబ్దంలోనే సిద్ధ నాగార్జునుడు అనే వైద్య ప్రముఖుడు దీన్ని ఆచరించి చూపాడు. ఇది ఎక్కడో కాదు.. తెలంగాణ గడ్డమీదే. మహబూబ్‌నగర్‌ జిల్లా ఏలేశ్వరంలో జరిపిన తవ్వకాల్లో ఆయన వినియోగించిన పరిశోధనశాల వెలుగు చూసింది. అప్పట్లో ఆయన రాసిన రసేంద్ర మంగళం గ్రంథాన్ని ఉటంకిస్తూ పద్మనాయకుల హయాంలో రాసిన తాళపత్ర గ్రంథాల్లో ఈ విషయం వెల్లడైంది. ఇలా ఇదొక్కటే కాదు ప్రపంచానికి తొలి శాస్త్రీయ వైద్యాన్ని అందించిన ఆయుర్వేదంలో ఇలాంటి అద్భుతాలెన్నో. ఇవన్నీ పుక్కిటి పురాణాలుగా కొట్టేసే విషయాలు కాదు. ఆధారాలతో సహా ఉన్నాయన్న సంగతి అంతర్జాతీయ పురావస్తు సదస్సులో ప్రధానాకర్షణగా నిలిచింది. మర్రి చెన్నారెడ్డి మానవ వనరుల అభివృద్ధి సంస్థలో శుక్రవారం ప్రారంభమైన అంతర్జాతీయ సదస్సులో నేషనల్‌ ఇన్‌స్టిట్యూట్‌ ఆఫ్‌ ఇండియన్‌ మెడికల్‌ హెరిటేజ్‌లో సహాయ సంచాలకులు డాక్టర్‌ గోలి పెంచల ప్రసాద్‌ తన పరిశోధనల వివరాలను అందజేశారు. ఈ సందర్భంగా ప్రముఖ వైద్యులు, చరిత్రకారులు డాక్టర్‌ రాజారెడ్డి దీనికి అనుబంధంగా పలు విషయాలను వెల్లడించారు. వివరాలు వారి మాటల్లోనే.. అగ్గలాంగే గగ్గలమ్‌ ‘‘నేను చికిత్స చేసే క్రమంలో మందులతో జబ్బును తగ్గించేందుకు ప్రయత్నిస్తా. అవసరమైతే శస్త్రచికిత్స చేస్తా’’11వ శతాబ్దంలో చాళుక్యుల హయాంలో ప్రముఖ వైద్యుడిగా వెలుగొందిన అగ్గలయ్య మాట ఇది. ఈయన ఫిజీషియన్‌గా, సర్జన్‌గా అప్పట్లో వెలుగొందారు. ఏ వైద్యుడూ నయం చేయలేని జబ్బు మాయం చేస్తాడన్నది అప్పట్లో ఆయన ఘనతను చెప్పుకొనేవారట. ‘అగ్గలాంగే గగ్గలమ్‌’అంటూ ఆయనను పిలిచేవారు. ఈయన తొలుత ఓ గ్రామ పెద్దగా ‘గౌండ్‌’హోదాను, ఆ తర్వాత సామంత రాజు హోదాను దక్కిం చుకున్నారు. ఈ విషయాలు సైదాపూర్‌లో వెలుగుచూసిన ఓ శాసనం వెల్లడిస్తోంది. ఆయన ‘వైద్య రత్నాకర ప్రాణాచార్య’ బిరుదు కూడా అందుకున్నారు. నాటి ఓ జైన ఆలయానికి వైద్య రత్నాకర జినాలయం అనే పేరు పెట్టారు. ఆయన పేరుతో స్తూపంపై నాటి రాజు జయసింహ–2 శాసనమే చెక్కించారు. జ్వరాలయం.. ఓ మెడికల్‌ కాలేజీ ఒకటి, రెండు శతాబ్దాల్లో నాగార్జున కొండ వద్ద విహారే ముఖ్య జ్వరాలయం కొనసాగింది. ఇది నాటి మెడికల్‌ కళాశాల. అందులో జ్వరాలకు ప్రత్యేక విభాగం ఉండేది. 1920లో జరిగిన తవ్వకాల్లో వెలుగుచూసిన శాసనం దీన్ని పేర్కొంటోంది. 2, 3 శతాబ్దాల్లో సూర్యాపేట జిల్లా ఫణిగిరిలో కూడా ఇలాంటి అంశమే వెలుగుచూసింది. అక్కడ నిలబెట్టిన ధర్మ చక్రం ఓ వైద్యుడికి ఉన్న ప్రాధాన్యాన్ని తెలుపుతోంది. అత్యంత ఉన్నత స్థానంలో ఉన్నవారే ఆ స్థూపాన్ని నిలపాల్సి ఉంటుంది. నాటి రాజు ధేమసేన ఆస్థాన వైద్యుడుగా కొనసాగుతున్న రాజవైద్యుడితో దాన్ని నిలబెట్టించారు. నల్లగొండ జిల్లా రామన్నపేట సమీపంలోని తుమ్మలగూడెంలో లభించిన శాసనంలో విష్ణుకుండినులు–5కు చెందిన గోవిందవర్మన్‌ నాటి వైద్య అవసరాలకు మందుల కొనుగోలుకు గ్రాంటు విడుదల చేసిన అంశం చెక్కి ఉంది. అశోకుడి కాలంలో జంతువులకూ వైద్యం 12వ శతాబ్దంలో నాటి వైద్యుడు మేడవారి పేదలకు ఉచిత వైద్య సేవలు అందించినందుకు పరహిత బిరుదు పొందినట్టు శాసనంలో ఉంది. ఉచిత వైద్యం అందించిన వారికి భూమిని కూడా అందించినట్టు శాసనంలో పేర్కొన్నారు. 800 ఏళ్ల కిందట చోళ రాజు వీర రాజేంద్ర–2 ప్రజల వైద్య అవసరాల కోసం 15 పడకల ప్రసూతి ఆసుపత్రిని నిర్మించి అందులో ఒక ఫిజీషియన్, ఒక సర్జన్, చాలినంత మంది సిబ్బందిని వినియోగించినట్టు తిరుమక్కదల్‌ శాసనం వెల్లడిస్తోంది. ఇక అశోకుడి కాలంలో మనుషులకే కాకుండా జంతువులకు కూడా వైద్యం చేయించేందుకు ఏర్పాట్లు చేసినట్టు చారిత్రక ఆధారాలు వెల్లడిస్తున్నాయి.  

ఇది హేమంత ఋతువు... ఆకలి, జీర్ణశక్తి ఎక్కువగా ఉండే ఋతువు... శరీరానికి జీర్ణశక్తి అధికంగా ఉన్నప్పుడు తక్కువ శక్తినిచ్చే పదార్థాలు సరిపోవు. అధిక జీర్ణశక్తికి అనుగుణంగా ఆహారం తీసుకోవాలి. నూనెపదార్థాలు కలిగిన ఆహారం అందించాలి. అలాగని నూనె నేరుగా తీసుకోవడం వల్ల ఎక్కువ ప్రయోజనం ఉండదు... అధికంగా నూనె ఉండే నువ్వులను నేరుగా తీసుకోవడం వల్ల  జీర్ణశక్తి బావుంటుంది. పోషకాలు, ఖనిజాలు అధికంగా అందుతాయి. నువ్వులుంటే ఆనందాల పువ్వులు... ఆరోగ్యాల నవ్వులు... నువ్వుల అన్నం కావలసినవి:  బియ్యం – అర కేజీ;  నువ్వులు – 100 గ్రా.; జీడి పప్పులు – కొద్దిగా; కిస్‌మిస్‌ – కొద్దిగా; ఉల్లిపాయ – 1; వెల్లుల్లి – 2 రేకలు; పోపు కోసం:  పచ్చి మిర్చి – 4; పచ్చి సెనగపప్పు – టీ స్పూను; మినప్పప్పు – టీ స్పూను; ఆవాలు – టీ స్పూను; జీలకర్ర – టీ స్పూను; ఎండు మిర్చి – 4; నెయ్యి – తగినంత; ఉప్పు – తగినంత. తయారి:  ∙ముందుగా బియ్యం శుభ్రంగా కడిగి తగినన్ని నీళ్లు జత చేసి ఉడికించాలి ∙బాణలిలో నూనె లేకుండా నువ్వులు వేసి దోరగా వేయించి, చల్లారాక మిక్సీలో వేసి పొడి చేయాలి ∙బాణలిలో నెయ్యి వేసి కరిగాక జీడి పప్పులు, కిస్‌మిస్‌ వేసి వేయించి తీసేయాలి ∙అదే బాణలిలో పచ్చి సెనగపప్పు, మినప్పప్పు, ఆవాలు, జీలకర్ర, ఎండు మిర్చి వేసి వేయించాక ఉల్లి తరుగు జత చేసి దోరగా వేయించాలి ∙ఒక పాత్రలో అన్నం వేసి పొడిపొడిగా చేయాలి ∙నువ్వుల పొడి, వేయించిన డ్రైఫ్రూట్స్, వేయించిన పోపు, ఉప్పు వేసి బాగా కలపాలి ∙టొమాటో పచ్చడితో తింటే రుచిగా ఉంటుంది. నువ్వుల చపాతీ కావలసినవి:  గోధుమ పిండి – కప్పు; క్రీమ్‌ – కప్పు; గోరువెచ్చటి పాలు – 4 టేబుల్‌ స్పూన్లు; తెల్ల నువ్వులు – టేబుల్‌ స్పూను (నూనె లేకుండా బాణలిలో వేయించాలి); నల్ల నువ్వులు – టేబుల్‌ స్పూను; నెయ్యి – టీ స్పూను; ఉప్పు – తగినంత. తయారి:  ∙ముందుగా ఒక పాత్రలో గోధుమ పిండి, క్రీమ్, నల్ల నువ్వులు, తెల్ల నువ్వులు, ఉప్పు వేసి బాగా కలపాలి ∙పాలు జత చేస్తూ, చపాతీ పిండిలా కలిపి అర గంటసేపు పక్కన ఉంచాలి. (అవసరమనుకుంటే కొద్దిగా నీళ్లు జత చేయొచ్చు) ∙పిండిని ఉండలుగా చేసుకుని, నెయ్యి అద్దుతూ చపాతీలా ఒత్తాలి ∙స్టౌ మీద పెనం వేడయ్యాక ఒక్కో చపాతీని వేసి నేతితో కాల్చాలి ∙క్యాలీఫ్లవర్‌ కూరతో తింటే రుచిగా ఉంటాయి. నువ్వుల పులుసు కావలసినవి: నువ్వులు – 100 గ్రా. (బాణలిలో నూనె లేకుండా వేయించాలి); ఉల్లికాడలు – 2 (సన్నగా తరగాలి); చింతపండు – కొద్దిగా (నీళ్లలో నానబెట్టి, చిక్కగా పులుసు తీసి పక్కన ఉంచాలి);  ఉప్పు – తగినంత; పసుపు – కొద్దిగా; బెల్లం పొడి – టేబుల్‌ స్పూను; బియ్యప్పిండి – టేబుల్‌ స్పూను; పోపు కోసం:  ఆవాలు – అర టీ స్పూను; జీలకర్ర – అర టీ స్పూను; ఎండు మిర్చి – 5; ఇంగువ – చిటికెడు; కరివేపాకు – 2 రెమ్మలు; కొత్తిమీర – కొద్దిగా తయారి: ∙బాణలిలో నూనె కాగాక ఆవాలు, జీలకర్ర, ఎండు మిర్చి, ఇంగువ వేసి వేయించాలి ∙ఉల్లికాడలు జత చేసి కొద్దిగా వేయించాలి ∙చింతపండు పులుసు జత చేసి బాగా కలపాలి ∙రెండు గ్లాసుల నీరు, ఉప్పు, పసుపు, నువ్వుల పొడి వేసి ఉడికించాలి ∙బియ్యప్పిండిని చిన్న గ్లాసుడు నీళ్లలో ఉండలు లేకుండా కలిపి, ఉడుకుతున్న పులుసులో వేసి మరోమారు ఉడికించి దింపేయాలి ∙అన్నంలోకి చాలా రుచిగా ఉంటుంది. నువ్వుల స్వీట్‌ చట్నీ కావలసినవి:  నువ్వులు – 100 గ్రా.; చింతపండు – 100 గ్రా.; బెల్లం పొడి – 100 గ్రా.; ఉప్పు – తగినంత; పోపు కోసం:  ఎండు మిర్చి – 20; పచ్చి సెనగపప్పు – టేబుల్‌ స్పూను; మినప్పప్పు – టేబుల్‌ స్పూను; ఆవాలు – టీ స్పూను; జీలకర్ర – టీ స్పూను; ఇంగువ – అర టీ స్పూను; నువ్వుల నూనె – 2 టేబుల్‌ స్పూన్లు తయారి:  ∙ముందుగా బాణలిలో నూనె లేకుండా నువ్వులను దోరగా వేయించి తీసి చల్లారాక మిక్సీలో వేసి మెత్తగా పొడి చేయాలి ∙అదే బాణలిలో కొద్దిగా నూనె వేసి కాగాక పచ్చి సెనగ పప్పు, మినప్పప్పు, ఆవాలు, జీలకర్ర, ఇంగువ, ఎండు మిర్చి వరుసగా వేసి వేయించి తీసేసి, చల్లారాక మిక్సీలో వేసి మెత్తగా పొడి చేయాలి ∙చింతపండుకు కొద్దిగా నీళ్లు జత చేసి ఉడికించి, చల్లారాక చేతితో మెత్తగా చేసి, గింజలు, ఈనెలు పక్కకు తీసేయాలి ∙ఒక పాత్రలో ఈ పదార్థాలన్నిటినీ వేసి బాగా కలిపాక, మిక్సీలో మరోమారు వేసి అన్నీ కలిసేవరకు మిక్సీ పట్టి తీసేయాలి ∙బాణలిలో నువ్వుల నూనె వేసి గోరు వెచ్చనయ్యాక ఇంగువ వేసి కొద్దిగా వేడి చేసి, దింపేసి, తయారుచేసి ఉంచుకున్న పచ్చడిలో వేసి కలపాలి  దోసెలు, ఇడ్లీలు, గారెలలో చాలా రుచిగా ఉంటుంది. సెసేమ్‌  క్రిస్ప్స్‌ కావలసినవి:  కోడి గుడ్డు – 1 (తెల్లసొన మాత్రమే); పంచదార – 30 గ్రా.; మైదా పిండి – 30 గ్రా.; బటర్‌ – 20 గ్రా. (ఉప్పు లేని బటర్‌); నువ్వులు – 90 గ్రా. (దోరగా వేయించాలి); నెయ్యి – కొద్దిగా. తయారి:  ∙ఒక పాత్రలో కోడిగుడ్డు తెల్ల సొన వేసి బాగా గిలకొట్టాలి ∙పంచదార జత చేసి, కరిగే వరకు మరోమారు గిలకొట్టాలి ∙కరిగించిన బటర్‌ జత చేయాలి  జల్లించిన మైదా పిండి జత చేసి ఉండలు లేకుండా బాగా కలపాలి ∙వేయించిన నువ్వులు జత చేయాలి  బేకింగ్‌ ట్రేకి నెయ్యి పూయాలి ∙కలిపి ఉంచుకున్న మిశ్రమాన్ని స్పూనుతో కొద్దికొద్దిగా దూరం దూరంగా పరచాలి ∙ఫోర్క్‌ సహాయంతో గుండ్రంగా వచ్చేలా సరిచేయాలి ∙170 డిగ్రీల దగ్గర వేడి చేసి ఉంచుకున్న అవెన్‌లో ఉంచి సుమారు 10 నిమిషాల తరవాత తీసేయాలి ∙మరో రెండు నిమిషాలు ఉందనగా సెసేమ్‌ క్రిస్ప్స్‌ను తిరగేయాలి ∙రెండు నిమిషాలయ్యాక బయటకు తీసేయాలి ∙కొద్దిగా చల్లారాక అందించాలి. నువ్వులలో ఔషధ గుణాలు... సూర్యుడు ధనుస్సు నుంచి మకరంలోకి ప్రవేశించే కాలం ఉత్తరాయణ పుణ్యకాలం. ఈ మాసంలో చలి వెనుకబడి నెమ్మదిగా వే  పెరుగుతూ వస్తుంది. ఈ సమయంలో నువ్వులు తినడం ద్వారా వాతావరణంలో వచ్చే మార్పుల నుంచి శరీరాన్ని కాపాడుకోవచ్చు. మహారాష్ట్రలో ‘తిల్‌ గుడ్‌’ పేరుతో అందరూ ఒకరికి ఒకరు ఇచ్చి పుచ్చుకుంటారు. నువ్వులలో ఎన్నో ఔషధ గుణాలు ఉన్నాయి. ∙నువ్వుల ద్వారా లభించే క్యాల్షియమ్‌ పూర్తిగా జీర్ణమవుతుంది. వీటిలో 20 శాతం ప్రోటీన్లు ఉన్నాయి. నువ్వుల్లో ఉండే ఫైటో స్టెరాల్స్‌ వల్ల శరీరంలో కొలెస్ట్రాల్‌ ఉత్పత్తి తగ్గుతుంది. ∙నువ్వులు జీర్ణశక్తిని పెంచడంలోను, రక్తపోటును తగ్గించడంలోనూ ఉపయోగపడతాయి. ∙నువ్వులలో యాంటీ ఆక్సిడెంట్లు, అనేక ఖనిజ లవణాలు అధికంగా ఉంటాయి. అవన్నీ క్యాన్సర్‌ రాకుండా నిరోధిస్తాయి. ∙నువ్వులు ఎముకలను పటిష్టం చేయడం ద్వారా ఎముకలను గుల్లబరిచే ఆస్టియో పోరోసిస్‌ వ్యాధి రాకుండా కాపాడతాయి. కీళ్లను, రక్తనాళాలను శక్తివంతం చేసే లక్షణం నువ్వుల్లో ఎక్కువగా ఉంది. ∙కాలేయపు పనితనాన్ని మెరుగుపరుస్తాయి. 

భోగాపురం: అస్వస్థతతో ఉన్న వ్యక్తిని మార్గమధ్యంలో దించేసిన ఆర్టీసీ బస్సు డ్రైవర్, గుండెనొప్పితో బాధపడుతున్న వ్యక్తిని ఆస్పత్రికి తీసుకెళ్లేందుకు ఆలోచించిన ఆటో డ్రైవర్లు కలిసి ఒక నిండు ప్రాణం పోవడానికి కారకులయ్యారు. కళ్లముందే కన్నతండ్రి గుండెపట్టుకుని విలవిలలాడుతున్నా ఏమీ చేయలేని నిస్సహాయ స్థితిలో ఆ కుమారుడు పడిన వేదన వర్ణనాతీతం. చూసిన వారు అయ్యో పాపం అన్నారే తప్ప సాయం చేసేవారే కరువయ్యారు. విజయనగరం జిల్లా భోగాపురం వద్ద బుధవారం చోటు చేసుకున్న ఈ సంఘటన వివరాలిలా ఉన్నాయి. శ్రీకాకుళం బ్యాంకర్స్‌ కాలనీలో నివాసం ఉంటున్న పొన్నాడ అచ్యుత్‌ (50) ఎల్‌ఐసీ ఏజెంట్‌గా పనిచేస్తున్నాడు. ఆయన వారం రోజులుగా దగ్గుతో బాధపడుతున్నాడు. శ్రీకాకుళంలో వైద్యం చేయించినప్పటికీ తగ్గలేదు. దీంతో విశాఖపట్నంలోని ఓ ప్రైవేటు ఆస్పత్రికి వెళ్లేందుకు కుమారుడు విష్ణుతో బుధవారం ఆర్టీసీ బస్సు ఎక్కారు. భోగాపురం ఫ్లైఓవర్‌ వద్దకు వచ్చేసరికి అచ్యుత్‌ అస్వస్థతకు లోనయ్యాడు. ఛాతీ నొప్పి వస్తోందని కుమారుడికి చెప్పాడు. దీంతో విష్ణు వెంటనే ఆస్పత్రి ఏదైనా ఉంటే ఆపాలని కండక్టర్‌ను కోరాడు. అయితే చాకివలస కూడలి వద్దకు వచ్చేసరికి అచ్యుత్‌కు నొప్పి ఎక్కువ కావడంతో డ్రైవర్‌ బస్సు ఆపి దించేశాడు. ఛాతీ నొప్పితో విలవిలలాడుతున్న ఆయనను ఆస్పత్రికి తీసుకెళ్లేందుకు ఆటోవాలాలు తిరస్కరించారు. తర్వాత ఒక ఆటో డ్రైవర్‌ ఆస్పత్రికి తీసుకువెళ్లేందుకు ముందుకు వచ్చాడు. కొంచెం దూరం వెళ్లగానే తీవ్ర ఛాతీ నొప్పి రావడంతో ఎస్‌బీఐ బ్రాంచ్‌ వద్ద దించేశాడు. అంతే కన్నకొడుకు చేతిలోనే ఆ తండ్రి చనిపోయాడు. సంఘటన స్థలానికి కూతవేటు దూరంలోనే ప్రైవేటు ఆస్పత్రులున్నాయి. కిలోమీటరు దూరంలోనే సీహెచ్‌సీ ఉంది. బస్సు డ్రైవర్‌ బస్సును వెంటనే వెనక్కి తిప్పి సీహెచ్‌సీకి తీసుకెళ్లినా, ఆటో డ్రైవర్లు ఆలస్యం చేయకుండా వెంటనే ఆస్పత్రికి తీసుకువెళ్లినా ఒక నిండు ప్రాణాన్ని కాపాడేవారు. చుట్టూ ఎంతమంది ఉన్నా సాయం చేసేవారు లేకపోవడంతో నిండు ప్రాణం గాలిలో కలిసిపోయింది.

సాక్షి, విశాఖపట్నం: అమెరికన్ తెలుగు అసోసియేషన్ (ఆటా) రెండు తెలుగు రాష్ట్రాల్లో వరుసగా పలు సేవా కార్యక్రమాలు నిర్వహిస్తోంది. ఈ క్రమంలో తాజాగా విశాఖపట్నంలో మెడికల్ క్యాంపుతో పాటు స్వచ్ఛందంగా సామాజిక సేవలు అందించింది. ఆటా ఆధ్వర్యంలో నిర్వహించిన మెగా మెడికల్ హెల్త్ క్యాంపు సక్సెస్ అయింది. 200 మందికి పైగా పేషెంట్లకు ట్రీట్‌మెంట్ చేసి మెడిసిన్‌ అందజేశారు. అనారోగ్యం బారిన పడకుండా ఉండేందుకు పలు జాగ్రత్తలు వైద్యులు సూచించారు. కొందరు చిన్నారులకు ఆట వస్తువులు అందజేసి వారిలో నూతన ఉత్సాహాన్ని నింపారు. హెల్త్ క్యాంపులో స్థానికులు అడిగిన సందేహాలు విని డాక్టర్లు పలు సూచనలు, సలహాలిచ్చారు. కాగా, ఇటీవల తెలంగాణలోని రంగారెడ్డి జిల్లా తలకొండపల్లి మండలం పడ్కల్ గ్రామంలో మెడికల్ క్యాంపునకు విశేష స్పందన వచ్చింది. అదే విధంగా జోగులాంబ గద్వాల జిల్లా ఉండవల్లి మండలం చిన్నఆముదాలపాడులో పలు అభివృద్ధి కార్యక్రమాలను ఆటా బృందం నిర్వహించిన విషయం తెలిసిందే.

తలకొండపల్లి: ఆటా ఆధ్వర్యంలో నిర్వహించిన మెగా మెడికల్ క్యాంపునకు విశేష స్పందన వచ్చింది. రంగారెడ్డి జిల్లా తలకొండపల్లి మండలం పడ్కల్ గ్రామంలో ఆటా వారు బుధవారం మెడికల్ క్యాంపు నిర్వహించారు. ఆటా మెడికల్ క్యాంపునకు స్థానికులు భారీ సంఖ్యలో హాజరై.. హెల్త్ చెకప్ చేయించుకున్నారు. చిన్నా పెద్దా అనే తేడా లేకుండా అన్ని వయసుల వారు వైద్య శిబిరానికి వచ్చారు. డాక్టర్ల బృందం పేషెంట్లకు మెడిసిన్ పంపిణీ చేశారు.

సాక్షి, హైదరాబాద్‌: రవీందర్‌.. ఆర్టీసీ డ్రైవర్‌.. ఆరోగ్యం సరిగా లేకపోవడంతో కుటుంబ సభ్యులు ముషీరాబాద్‌లోని ఆర్టీసీ డిస్పెన్సరీకి తీసుకెళ్లారు.. డాక్టర్‌ కొన్ని టెస్టులు చేసి వ్యాధి నివారణకు మందులు రాశాడు.. మందులు కొనేందుకు కౌంటర్‌ వద్దకు వెళ్తే.. ‘మందులిక్కడ ఇవ్వం.. గాంధీనగర్‌లోని మెడ్‌ప్లస్‌ షాపులో కొనుక్కో’అన్నారు. అనారోగ్యం కారణంగా ఓపిక లేకపోయినా ఆటోలో గాంధీనగర్‌ వెళ్లి మందుకు కొనాల్సి వచ్చింది. ఇటీవలి వరకు మందులను డిస్పెన్సరీలోనే ఇచ్చేవారు. మరి ఇప్పుడెందుకిలా.. అదే ప్రైవేటీకరణ మాయ...!!!  డిస్పెన్సరీల ప్రైవేటీకరణ  ఆర్టీసీకి హైదరాబాద్‌ తార్నాకలో అన్ని వసతులున్న ఆస్పత్రి, నగరంలో 4 డిస్పెన్సరీలు, పూర్వపు జిల్లా కేంద్రాల్లో ఒక్కోటి చొప్పున డిస్పెన్సరీలు ఉన్నాయి. కొన్ని నెలల క్రితం వరకు తార్నాక ఆస్పత్రిలో ఫార్మసీని ఆర్టీసీనే నిర్వహించేది. కానీ.. మందులకు కొరత, సకాలంలో మందులు అందకపోవడం వంటి కారణాలతో ఫార్మసీని ప్రైవేటీకరించి మెడ్‌ప్లస్‌ సంస్థకు కేటాయించారు. మందులు సమకూర్చడం, కార్మికులకు ఇవ్వడం ప్రస్తుతం ఆ సంస్థే చూస్తోంది. తాజాగా ప్రైవేటీకరణను డిస్పెన్సరీలకూ వర్తింపచేయాలని నిర్ణయించారు. ఆదిలాబాద్, సంగారెడ్డి లాంటి 4 చోట్ల మినహా మిగిలిన డిస్పెన్సరీలను మెడ్‌ప్లస్‌ పరిధిలోకి తీసుకురానున్నారు. ప్రయోగాత్మకంగా కొన్నింటిని మొదలెట్టారు.   కార్మికుల గగ్గోలు..   కానీ మందులను ప్రైవేటు సంస్థ డిస్పెన్సరీల్లో అందుబాటులో ఉంచడం లేదు. సమీపంలోని తమ మెడికల్‌ షాపులకు అటాచ్‌ చేసి అక్కడే కొనాలని కార్మికులకు సూచిస్తోంది. దీంతో చికిత్సేమో డిస్పెన్సరీల్లో, మందులేమో దూరంగా ఉన్న మెడికల్‌ షాపుల్లో తీసుకోవాల్సిన పరిస్థితి ఏర్పడింది. అనారోగ్యంతో ఆస్పత్రికొచ్చే కార్మికులు ఈ పరిస్థితి వల్ల తీవ్రంగా ఇబ్బంది పడుతున్నారు. మందులు అందుబాటులో లేకపోతే మరోసారి రావాల్సి వస్తోందని గగ్గోలు పెడుతున్నారు. ముందునుంచి తాము ప్రైవేటీకరణను వ్యతిరేకిస్తున్నామని, డిస్పెన్సరీలు ప్రైవేటు సంస్థల చేతుల్లోకి వెళ్తే ఇష్టారాజ్య నిబంధనలతో కార్మికులను ముప్పుతిప్పలు పెడతాయని, ఈ విషయంలో సర్కారు జోక్యం చేసుకోవాలని ఎన్‌ఎంయూ నేత నాగేశ్వరరావు, ఈయూ నేత రాజిరెడ్డి పేర్కొన్నారు.  కారణం ఇదేనా..?  డిస్పెన్సరీలో ఫార్మసీ హక్కులు పొందిన ప్రైవేటు సంస్థ.. మెడికల్‌ షాపును ఏర్పాటు చేయాలంటే ఆర్టీసీకి అద్దె చెల్లించాలి. స్థానికంగా మందులు అందుబాటులో ఉంచినందుకు ఆ సంస్థకు ఆర్టీసీ సర్వీసు చార్జి చెల్లించాలి. కానీ సర్వీసు చార్జి, ఇతర ఖర్చులను వార్షిక వ్యయంలో పొందుపరిస్తే, గతేడాది కంటే ఖర్చులు పెరిగి ఆడిట్‌ అభ్యంతరాలొస్తాయని ఆర్టీసీ ఆందోళన చెందుతోంది. దీంతో అద్దె కోసం ప్రైవేటు సంస్థ, ‘ఆడిట్‌’కోసం ఆర్టీసీ వింతగా వ్యవహరిస్తున్నాయని ఆరోపణలున్నాయి. అయితే.. డిస్పెన్సరీకి కిలోమీటరు పరిధిలోనే మందుల సరఫరా ఉండాలని నిబంధన విధించామని, కానీ ప్రైవేటు సంస్థ దూరంగా ఉన్న సొంత మెడికల్‌ షాపుల్లో కొనాలని చెబుతున్నట్టు తెలిసిందని అధికారులంటున్నారు. కార్మికుల నుంచి ఫిర్యాదులొస్తే ప్రస్తుత విధానాన్ని మారుస్తామని చెబుతున్నారు.

సూర్యాపేట టౌన్‌: సూర్యాపేటకు చెందిన అపర్ణ మెడిసిన్‌ విభాగంలో ఎనిమిది బంగారు పతకాలను సాధించారు. మంగళవారం ఉత్తరప్రదేశ్‌ రాష్ట్రం ఆగ్రాలోని డాక్టర్‌ భీమ్‌రావ్‌ అంబేడ్కర్‌ యూనివర్సిటీలో జరిగిన స్నాతకోత్సవాల్లో భాగంగా రాష్ట్రపతి రామ్‌నాథ్‌ కోవింద్‌ చేతుల మీదుగా ఈ పతకాలు అందుకున్నట్టు విద్యార్థిని తండ్రి చలపతిరావు తెలిపారు. అపర్ణ ఉత్తరప్రదేశ్‌ రాష్ట్రంలోని కాన్పూర్‌లోని రామా మెడికల్‌ కళాశాలలో ఎంబీబీఎస్‌ చదువుతోంది. సర్జరీ, మెడిసిన్‌ విభాగాల్లో ఎనిమిది బంగారు పతకాలు సాధించిందన్నారు.  

ఆర్థోపెడిక్‌ కౌన్సెలింగ్‌ నా వయసు 26 ఏళ్లు. గత కొద్ది నెలలుగా నాకు రెండు మోకాళ్లలోనూ తీవ్రమైన నొప్పి వస్తోంది. ముఖ్యంగా మెట్లు ఎక్కుతున్నప్పుడు ఈ నొప్పి మరీ ఎక్కువగా బాధిస్తోంది. చాలా రకాల మందులు వాడాను. ఇప్పటికీ వాడుతూనే ఉన్నాను. ఇంత చిన్న వయసులోనే ఇలా కావడం నాకు ఆందోళన కలిగిస్తోంది. దీనివల్ల మున్ముందు శాశ్వతంగా సమస్య వస్తుందా? శాశ్వతమైన సమస్యకు దారితీస్తుందేమోనని భయంగా ఉంది. నాకు తగిన పరిష్కారం చూపండి. – మహాదేవ్, కోదాడ మీరు చెప్పిన లక్షణాలను బట్టి చూస్తే... మీకు మోకాలిచిప్ప ముందు భాగంలో ఉండే పటెల్లా అనే ఎముకపై ఒత్తిడి పడుతున్నట్లుగా అనిపిస్తోంది. చాలామంది యువకుల్లో కనిపించే సాధారణమైన సమస్య ఇది. కొందరిలో కొన్ని నెలల నుంచి కొన్నేళ్ల వరకు ఉంటుంది. ఏవైనా బరువులు ఎత్తినప్పుడు మోకాలి చిప్పపై పడే అదనపు భారం వల్ల ఈ సమస్య వస్తూంటుంది. అతిగా మెట్లు ఎక్కుతుండటం, ఎప్పుడూ బాసిపట్లు (స్వాటింగ్‌) వేసుకొని కూర్చోవడం వల్ల కూడా ఈ సమస్య రావచ్చు. ఇది తాత్కాలికమైన సమస్య. కాబట్టి అంతగా ఆందోళన పడాల్సిన అవసరం లేదు. మీరు ఆర్థోపెడిక్‌ సర్జన్‌ను సంప్రదించి, తగిన చికిత్స తీసుకోండి. ఇలాంటి సందర్భాల్లో నాటు వైద్యాలు వద్దు..! నా వయసు 42 ఏళ్లు. తొమ్మిదేళ్ల క్రితం నా కుడికాలికి ఫ్రాక్చర్‌ అయ్యింది. నా కుటుంబ సభ్యులు నాకు నాటువైద్యం చేయించారు. వాళ్లు నాలుగు నెలల పాటు బ్యాండేజీ వేసి ఉంచారు. అప్పుడు ఎలాంటి సమస్యా లేదు. అయితే ఏడాది క్రితం మళ్లీ నా ఎడమకాలు ఫ్రాక్చర్‌ అయ్యింది. ఈసారి కూడా నేను అక్కడికే వెళ్లాను. నాలుగు నెలల క్రితం మళ్లీ అక్కడికి వెళ్లాను. వాళ్లు పూర్తిగా నయమైందని చెబుతున్నారు. కానీ నాకు మోకాలు చాలా బిగుసుకుపోయినట్లుగా అయిపోయి, విపరీతమైన నొప్పి వస్తోంది. నేను మోకాలు వంచలేకపోతున్నాను. నడవలేకపోతున్నాను. ఈసారి నా చికిత్స ఎందుకు బాగా జరగలేదు? లోపల ఏదైనా ప్రమాదం జరిగిందా? – ప్రసాదమూర్తి, కర్నూలు ఎముకలకు ఒక విశిష్టమైన గుణం ఉంటుంది. అవి చాలావరకు తమ గాయాలను తామే మాన్పుకుంటాయి. ఎముకలకు ఉండే ఈ లక్షణమే జంతువులకు తోడ్పడుతుంది. అడవిలోని జంతువుల ఎముకలకు గాయాలైనప్పుడు అవి వాటంతట అవే మానుతుంటాయి. ఇక మనుషుల్లో చికిత్స ఎందుకు కావాలంటే... ∙ఎముకలు సరైన పొజిషన్‌లో ఉండి మానడానికి ∙మీకు వచ్చినట్లే కీళ్ల వద్ద బిగుసుకుపోకూడదని ∙మనం వీలైనంత త్వరగా తమ నార్మల్‌ దినచర్యలు చేపట్టాలని. నాటు వెద్యులు వైద్యం చేసినా ఎముకలు వాటంతట అవే స్వాభావికంగానే నయమయ్యే గుణం వల్ల ఫ్రాక్చర్స్‌ నార్మల్‌ అయిపోతుంటాయి. ఇక ఇప్పుడు మీకు అయిన గాయం మానిందా లేదా అని తెలుసుకోడానికి, కీలు బిగుసుకుపోయిన స్థితి మళ్లీ నార్మల్‌ కావడానికి, మరీ ముఖ్యంగా కీళ్లలో ఏదైనా ఫ్రాక్చర్‌ అయితే అవి మునుపటిలా తమ నునుపుదనాన్ని మళ్లీ పొందడానికి శస్త్రచికిత్స అవసరం కావచ్చు. మీకు వేసిన బ్యాండేజీ దీర్ఘకాలం పాటు ఉంచడం వల్ల కూడా కీలు బిగుసుకు పోయినట్లుగా అయి ఉండవచ్చు. అది బలహీనపడి ఉండవచ్చు. ఈసారైనా మీరు నాటువైద్యులను సంప్రదించకుండా వీలైనంత త్వరగా నిపుణులైన ఆర్థోపెడిక్‌ సర్జన్‌ను కలిసి, పూర్తిగా శాస్త్రీయపద్ధతుల్లో అన్ని పరీక్షలూ చేయించి, తగిన చికిత్స తీసుకోండి. మీరు చెప్పిన వివరాలను బట్టి మీకు పూర్తిగా నయమయ్యే అవకాశం ఉందనే అనిపిస్తోంది. ఎత్తు పెంచుతామనే ప్రకటనలను నమ్మకండి నా వయసు 22 ఏళ్లు. ప్రస్తుతం ఇంజనీరింగ్‌ చదువుతున్నాను. నా ఎత్తు ఐదడుగుల నాలుగు అంగుళాలు మాత్రమే. ఫ్రెండ్స్‌ మధ్యన పొట్టిగా కనిపిస్తున్నాను. దాంతో ఎంతో ఆత్మన్యూనతకు గురవుతున్నాను. ఎలాగైనా పొడవు పెరగాలన్నది నా ఉద్దేశం. ఎత్తు పెంచే అడ్వరై్టజ్‌మెంట్లు చూస్తున్నాను. ఆ ప్రకటనల్లో చూపించే మందులు వాడితే ఎత్తు పెరుగుతానా? దయచేసి నాకు తగిన సలహా ఇవ్వండి.– నిశాంత్, నరసరావుపేట మీ వయసులో ఉన్న వారి ఫీలింగ్స్‌ అలాగే ఉంటాయి. ఐదడుగుల నాలుగు  అంగుళాలంటే మీరు రీజనబుల్‌ ఎత్తు పెరిగినట్లే లెక్క. మీకంటే చాలా మంది పొట్టిగా ఉంటారు. తల్లిదండ్రుల నుంచి పొడవుకు సంబంధించిన జన్యువులు వస్తాయి. అయినప్పటికీ ఇందుకు ఎవరూ బాధ్యులు కాదు. ఎందుకంటే ఒక్కోసారి తల్లిదండ్రుల ఎత్తు కాకుండా తాతముత్తాతల ఎత్తు కూడా పిల్లలకు రావచ్చు. అప్పుడు తల్లిదండ్రులు మామూలు ఎత్తులో ఉన్నా తాతముత్తాతల పొట్టిదనం లేదా ఒడ్డూ పొడవూ పిల్లలకు రావచ్చు. ఇక దాంతోపాటు తినే ఆహారంలోని పోషకాలూ పిల్లల ఎత్తు పెరగడానికి దోహదం చేసే విషయం వాస్తవమే. అయితే ఎముకల చివర్లలో ఉండే గ్రోత్‌ ప్లేట్లలో పొడుగు పెరిగే అంశం వాళ్ల పదహారేళ్ల నుంచి పద్దెనిమిదేళ్ల వయసులో ఆగిపోతుంది. మీరు నాలుగేళ్ల కిందటే ఆ వయసు దాటిపోయారు కాబట్టి దీని గురించి ఆలోచించకండి.ఎత్తు పెంచుతామంటూ వచ్చే ప్రకటనల్లో కేవలం వాణిజ్యపరమైన ఉత్పాదనలే. వాటితో ఎలాంటి ప్రయోజనమూ ఉండదు. వాటితో ఎత్తూ పెరగలేరు. ప్రకృతిపరంగా మీరు ఇప్పుడున్న ఎత్తు భారతీయ ప్రమాణాల ప్రకారం ఏమంత తక్కువ కాదు కాబట్టి, ఇప్పుడు మీరు మంచి కెరియర్‌ గురించి ఆలోచించండి. ఎత్తు పెరగడం గురించి కాదు... వాణిజ్య ప్రకటనలు చూసి మోసపోకండి. డాక్టర్‌ కె. సుధీర్‌రెడ్డి, ఆర్థోపెడిక్‌ సర్జన్‌ ల్యాండ్‌మార్క్‌ హాస్పిటల్స్, కేపీహెచ్‌బీ, హైదరాబాద్‌

జమ్మికుంట రూరల్‌(హుజూరాబాద్‌): ఔషధ ప్రయోగంతో మతిస్థిమితం కోల్పోయిన కరీంనగర్‌ జిల్లా జమ్మికుంట మండలం కొత్తపల్లికి చెందిన అశోక్‌కుమార్‌కు మెరుగైన వైద్యం అందించాలని మంత్రి ఈటల రాజేందర్‌ ఆదేశించారు. ఔషధ ప్రయోగంతో తన కొడుకు మతిస్థిమితం కోల్పోయాడని తల్లి కమల పోలీసులకు ఫిర్యాదు చేసిన విషయం తెలిసిందే. ఈ క్రమంలో జిల్లా కలెక్టర్‌ సర్ఫరాజ్‌ అహ్మద్‌ ఆదేశాల మేరకు బుధవారం తహసీల్దార్‌ బావ్‌సింగ్‌ అశోక్‌ ఇంటికి వెళ్లి వివరాలు సేకరించారు. మంత్రి ఈటల తహసీల్దార్‌తో ఫోన్లో మాట్లాడి అశోక్‌కు మెరుగైన వైద్యం అందించేందుకు నగరంలోని నిమ్స్‌ కు తరలించాలని ఆదేశించారు. మరోవైపు అశోక్‌ను మొదట స్థానిక వైద్యుల వద్ద పరీక్షించి పరిస్థితిని బట్టి కోర్టు ద్వారా ఆస్పత్రికి తరలిస్తామని పోలీసులు వెల్లడించారు.   నాగరాజు మృతిపై విచారణ వేగవంతం ఔషధ ప్రయోగంతో ఆరు నెలల క్రితం చనిపోయిన జమ్మికుంట మండలం బిజిగిరిషరీఫ్‌ పరిధి నాగంపేటకు చెందిన వంగర నాగరాజు కేసు విచారణను సైతం పోలీసులు వేగవంతం చేశారు. నాగరాజు మృతికి ముందు ఏయే ఆస్పత్రుల్లో చికిత్స చేయించుకున్నాడనే కోణంలోనూ విచారణ చేపడుతున్నారు. మంగళవారం నాగరాజు కుమారుడితో కలిసి వరంగల్‌లోని పలు ఆస్పత్రుల్లో వివరాలు సేకరించినట్లు తెలిసింది. 

హైదరాబాద్, బిజినెస్‌ బ్యూరో: ఆన్‌లైన్‌లో మందులు విక్రయించే నెట్‌మెడ్స్‌... ఆఫ్‌లైన్‌లోకీ అడుగుపెట్టనుంది. పైలెట్‌ ప్రాజెక్ట్‌గా తొలుత సంస్థ ప్రధాన కేంద్రమైన చెన్నైలో స్టోర్‌ను ఏర్పాటు చేయనుంది. ఆ తర్వాతే దేశంలోని ప్రధాన నగరాలకు విస్తరించాలనే యోచనలో ఉన్నట్లు నెట్‌మెడ్స్‌ ఫౌండర్‌ ప్రదీప్‌ ధడా ‘సాక్షి’ స్టార్టప్‌ డైరీ ప్రతినిధితో చెప్పారు. నెట్‌మెడ్స్‌ బ్రాండ్‌ కిందే స్టోర్లను ఏర్పాటు చేస్తామని.. పెట్టుబడుల అంశం ఇంకా కొలిక్కి రాలేదని చెప్పారు. ఆయనింకా ఏమన్నారంటే.. 1914 నుంచి మా కుటుంబానికి చెన్నై కేంద్రంగా ధడా ఫార్మాస్యూటికల్స్‌ కంపెనీ ఉంది. 1996లో ఇది సన్‌ఫార్మాలో విలీనమైంది. చదువు పూర్తయ్యాక.. సొంతంగా టెక్నాలజీ కంపెనీ ప్రారంభించా. కుటుంబ వ్యాపార ఆలోచనల ప్రభావం ఎక్కువగా ఉండటంతో ఫార్మాను టెక్నాలజీతో అనుసంధానిస్తే మరింత వేగంగా కొనుగోలుదారులకు మందులను సరఫరా చేయెచ్చనిపించింది. ఫ్యామిలీతో చర్చించా. పెట్టుబడులకు ఒకే చెప్పడంతో 2015 జూన్‌లో 1.5 మిలియన్‌ డాలర్లతో చెన్నై కేంద్రంగా నెట్‌మెడ్స్‌.కామ్‌ను ప్రారంభించా. దీర్ఘకాలిక వ్యాధులకు అవసరమయ్యే మందులు... అది కూడా ద్వితీయ, తృతీయ శ్రేణి పట్టణాలను లక్ష్యంగా చేసుకొని సేవలందించడమే నెట్‌మెడ్స్‌ ప్రత్యేకత. 7 గిడ్డంగులు; 35 వేల రకాల మందులు.. ప్రస్తుతం మాకు 15 లక్షల మంది రిజిస్టర్‌ యూజర్లున్నారు. నెట్‌మెడ్స్‌లో 35 వేల రకాల మందులున్నాయి. ఎక్కువగా డయాబెటిస్, గుండె సంబంధిత దీర్ఘకాలిక వ్యాధులకు మందులుంటాయి. తయారీ సంస్థలు, డిస్ట్రిబ్యూషన్లతో ఒప్పందంవల్ల ధరలు 20% వరకు తక్కువగా ఉంటాయి. హైదరాబాద్, బెంగళూరు, ముంబై, అహ్మదాబాద్, కోల్‌కతా, చెన్నైలో గిడ్డంగులున్నాయి. కనిష్ట ఆర్డర్‌ రూ.1,750 ఉండాలి. మందుల డెలివరీ కోసం ఇండియా పోస్ట్‌తో ఒప్పందం చేసుకున్నాం. దేశంలో 19 వేల పిన్‌కోడ్స్‌ ఉండగా.. ఇందులో 12 వేల పిన్‌కోడ్స్‌కు నెట్‌మెడ్స్‌ సేవలందుబాటులో ఉన్నాయి. రూ.416 కోట్ల సమీకరణ..: ప్రస్తుతం సంస్థలో 350 మంది ఉద్యోగులున్నారు. ఇప్పటివరకు రూ.416 కోట్ల నిధులను సమీకరించాం. ఇటీవలే కంబోడియా ఇన్వెస్ట్‌మెంట్‌ కంపెనీ టన్‌కామ్, రష్యా పబ్లిక్‌ ఇన్వెస్ట్‌మెంట్‌ హోల్డింగ్‌ కంపెనీ సిస్టెమాలు రూ.90 కోట్ల పెట్టుబడి పెట్టాయి. 3 నెలల్లోనే తొలి రౌండ్‌లో భాగంగా పీఈ సంస్థ ఆర్బిమెడ్, ఎంఏపీఈ అడ్వైజరీ గ్రూప్‌ నుంచి రూ.326 కోట్ల నిధులను సమీకరించాం.  ఇందులో సగానికి పైగా నిధులు రావాల్సి ఉంది.. అని ప్రదీప్‌ వివరించారు. ఏపీ 2.5%; తెలంగాణ 3.5% మా మొత్తం ఆర్డర్లలో ద్వితీయ, తృతీయ శ్రేణి పట్టణాల వాటా 65 శాతం వరకుంటుంది. ప్రతి ఆర్డర్‌ మీద 5 శాతం కమీషన్‌ తీసుకుంటాం. ప్రతి ఏటా రెండంకెల వృద్ధిని సాధిస్తున్నాం. మా మొత్తం వ్యాపారంలో తెలంగాణ 3.5 శాతం, ఆంధ్రప్రదేశ్‌ 2.5 శాతం వాటా ఉంటుంది. వచ్చే 18 నెలల్లో కొత్తగా మరో 4 గిడ్డంగులను ప్రారంభించనున్నాం. త్వరలోనే పుణెలో వేర్‌హౌజ్‌ను ప్రారంభించనున్నాం. మిగిలిన 3 పాత నగరాల్లోనే వస్తాయి. మరో 4 నెలల్లో కొత్తగా 10 వేల మందులను జత చేయనున్నాం.

అరవయ్యేళ్ల కిందట కనుగొన్న ఒక మందు అప్పట్లో అనర్థం సృష్టించింది. ఫలితంగా ఆంక్షలకు గురైంది. అప్పట్లో ఆ మందు సృష్టించిన అనర్థం ఔషధ చరిత్రలోనే చీకటి అధ్యాయంగా పేరుమోసింది. కొన్నాళ్లకు అదే మందుకు మళ్లీ ఆమోదం లభించింది. జర్మన్‌ శాస్త్రవేత్తలు కనుగొన్న ‘థలిడోమైడ్‌’ అనే మందు 1957లో తొలిసారిగా మార్కెట్‌లోకి విడుదలైంది. అప్పట్లో దీనిని గర్భిణుల్లో తలెత్తే వేవిళ్ల బాధను నయం చేయడానికి వాడేవారు. ఎలాంటి ప్రిస్క్రిప్షన్‌ లేకుండానే దీనిని మందుల దుకాణాల్లో యథేచ్ఛగా అమ్మేవారు. అమ్మకాలు జోరందుకున్న కొద్ది నెలలకే దీని వల్ల తలెత్తిన అనర్థాలు వెలుగులోకి వచ్చాయి. ‘థలిడోమైడ్‌’ వాడిన మహిళలకు పుట్టిన శిశువులు అవయవ లోపాలతో పుట్టారు. అలా పుట్టిన వాళ్లలో అరవై శాతం మంది నెలల పసికందులుగా ఉన్నప్పుడే కన్నుమూశారు. ఈ మందు దుష్ప్రభావాల ఫలితంగా అవయవ లోపాలతో పుట్టిన శిశువుల్లో దాదాపు పదివేల మంది మాత్రమే బతికి బట్ట కట్టగలిగారు. శాస్త్రవేత్తల అధ్యయనంలో ఈ అనర్థాలన్నింటికీ కారణం థలిడోమైడేనని తేలడంతో అంతర్జాతీయ ఔషధ నియంత్రణ సంస్థలు దీనిపై నానా ఆంక్షలు విధించాయి. తర్వాతి కాలంలో జరిపిన పరిశోధనల్లో ఈ మందు కొన్ని రకాల క్యాన్సర్‌ను సమర్థంగా నయం చేయగలదని నిర్ధారించడంలో ఈ ఔషధానికి మళ్లీ ఆమోదం లభించింది. 

నెల్లూరు (బారకాసు): వైద్యం కోసం వెళ్లిన రోగికి ఆపరేషన్‌ చేసి.. అతడి కడుపులో కత్తెర వదిలేసి కుట్లు వేసిన ఘటన నెల్లూరు ప్రభుత్వాస్పత్రిలో సోమవారం వెలుగులోకి వచ్చింది. నెల్లూరు నగరానికి చెందిన ఎస్‌.చలపతి  కొంత కాలంగా చలపతి కడుపు నొప్పితో బాధపడుతున్నాడు. ఈ నేపథ్యంలో వైద్యం నిమిత్తం ఈనెల 2న నగరంలోని ప్రభుత్వ సర్వజన ఆస్పత్రికి వెళ్లాడు.  కడుపు లో టీబీ వల్ల చీము పట్టి పేగులు పాడయ్యాయని వైద్యులు గుర్తించారు. ఈనెల 3న జనరల్‌ సర్జన్‌ విభాగానికి చెందిన హెచ్‌ఓడీ డాక్టర్‌ పద్మశ్రీ, ఇతర వైద్యులు పద్మజారాణి, సాయిసుదీప్, వేణుగోపాల్‌ల బృందం ఆయ నకు శస్త్రచికిత్స చేసింది. ఆ సమయంలో డాక్టర్‌ పద్మజారాణి ఆపరేషన్‌కు ఉపయో గించే కత్తెరను రోగి కడుపులోనే వదిలేసింది. మిగిలిన వైద్యులు ఈ విషయం గమనించ కుండా కుట్లు వేసేశారు. దీంతో కోలుకోని చలపతి ఈనెల 27న ఆస్పత్రికి వచ్చి ఎక్స్‌రే తీయగా.. కడుపులో కత్తెర కన్పించడంతో వైద్యులు కంగుతిన్నారు. ఈ విషయం బయటకు పొక్కనివ్వకుండా  ఈ నెల 28న చలపతికి రెండోసారి ఆపరేషన్‌ చేసి కడుపులో ఉన్న కత్తెరను తొలగించారు.  దీనిపై ఆస్పత్రి ఇన్‌చార్జి సూపరింటెండెంట్‌ డాక్టర్‌ శ్రీహరిని వివరణ కోరగా.. దీనిపై పూర్తిస్థాయి విచారణ నిర్వహిస్తామని చెప్పారు.

కోడిగుడ్లతో కేన్సర్‌కు మందులు కూడా తయారు చేయొచ్చు అంటున్నారు జపాన్‌కు చెందిన శాస్త్రవేత్తలు. కోళ్ల జన్యువుల్లో కొన్ని మార్పులు చేసి వాటి గుడ్లలో ఇంటర్‌ ఫెరాన్‌ బీటా అనే రసాయనం తయారయ్యేలా చేశారు. దీన్ని హెపటైటిస్, కేన్సర్‌లతో పాటు మల్టిపుల్‌ స్కెలెరోసిస్‌ వంటి పలు వ్యాధుల చికిత్సలో ఉపయోగిస్తున్నారు. కొన్ని మైక్రోగ్రాముల ఇంటర్‌ ఫెరాన్‌ బీటా మందు ఖరీదు దాదాపు రూ.50 వేల వరకు ఉంది. నేషనల్‌ ఇన్‌స్టిట్యూట్‌ అడ్వాన్స్‌డ్‌ ఇండస్ట్రియల్‌ సైన్స్‌ అండ్‌ టెక్నాలజీ శాస్త్రవేత్త యోమిరీ షిమ్‌బమ్‌ కోడి గుడ్ల ద్వారా ఈ మందును ఉత్పత్తి చేస్తున్నారు. ప్రస్తుతం ఇంటర్‌ఫెరాన్‌ బీటా గుడ్లు పెట్టగల కోళ్లు మూడే ఉన్నాయి. వీటి గుడ్లను మరిన్ని పరిశోధనల కోసం ఫార్మా కంపెనీలకు విక్రయిస్తున్నట్లు శాస్త్రవేత్తలు తెలిపారు. సామాన్యులకు ఈ మందు అందుబాటులోకి వచ్చేందుకు మరికొంత కాలం పడుతుందని చెబుతున్నారు.

నార్వే : ఈ ఏడాది నోబెల్‌ అవార్డులు ప్రకటన మొదలైంది. తొలుత వైద్యరంగానికి నోబెల్‌ ప్రకటించారు. ఈ రంగంలో మొత్తం ముగ్గురుకి నోబెల్‌ పురస్కారం ప్రకటించారు. జెఫ్రీ సి.హాల్‌, హైకెల్‌ రోస్‌ బాష్‌, మైకెల్‌ డబ్ల్యూ యంగ్‌కు నోబెల్‌ అవార్డు అందించనున్నట్లు నోబెల్‌ అవార్డులను అందించే సంస్థ వెల్లడించింది. మానవ జీవక్రియల, మానసిక ఉద్వేగాల మార్పులను శరీరంలోని అణువులు ఏ విధంగా తమ ఆధీనంలో ఉంచుకుంటుందో వివరించినందుకు వీరికి ఈ అవార్డు ఇస్తున్నట్లు తెలిపింది. మొక్కలు, జంతువులు, మానవులు ప్రకృతిలో జరిగే మార్పులను ఎలా తమలో ఇముడ్చుకుంటూ జీవనం సాగిస్తున్నారో వీరి పరిశోధనలు వివరించాయి. నోబెల్‌ అవార్డు కింద వీరికి 9 మిలియన్‌ స్వీడిష్‌ క్రౌన్లు అంటే 1.1 మిలియన్‌ డాలర్లు అందనున్నట్టు నోబెల్‌ అసెంబ్లీ తెలిపింది. ప్రతి ఏడాది వైద్యరంగంలోనే తొలుత నోబెల్‌ అవార్డులను ప్రకటిస్తారు. 1901 నుంచి ఈ అవార్డుల ప్రదానం జరుగుతోంది. 


 - డ్రగ్‌ స్టోర్‌లలో ఔషధాలు ఫుల్‌.. ఆస్పత్రుల్లో నిల్‌ 
 - తన అనుమతి లేనిదే ఒక్క మాత్ర కూడా ఇవ్వొద్దన్న జనరల్‌ మేనేజర్‌
 - సెంట్రల్‌ డ్రగ్‌స్టోర్‌ ఫార్మాసిస్ట్‌లకు మౌఖిక ఆదేశాలు జారీ
 - హీమోఫీలియా రోగికి ఇంజక్షన్‌ ఇచ్చినందుకు కాకినాడలో ఫార్మాసిస్ట్‌కు మెమో
 - మందులు కావాలని డీఎంఈకి కడప రిమ్స్, గుంటూరు ఆస్పత్రుల అధికారుల మొర
  
 సాక్షి, అమరావతి: ఆకలితో కొందరు.. అరగక మరికొందరు అంటే ఇదే మరి! ఓవైపు ప్రభుత్వాసుపత్రులకు మందులు సరఫరా చేసే సెంట్రల్‌ డ్రగ్‌స్టోర్‌లలో మందుబిళ్లలు కోకొల్లలుగా ఉండగా మరోవైపు ఆస్పత్రుల్లో మందులు లేక రోగులు విలవిలలాడుతున్నారు. ఇదేమంటే మీ బడ్జెట్‌ అయిపోయింది.. మేం కొనుగోలు చేసిన మందులన్నీ మీకు ఇవ్వడానికా? అని ప్రశ్నిస్తున్నారు. తన అనుమతి లేకుండా ఒక్క మాత్ర కూడా ఆస్పత్రులకు ఇవ్వకూడదని రాష్ట్ర మౌలిక వైద్యసదుపాయాల అభివృద్ధి సంస్థ(ఏపీఎంఎస్‌ఐడీసీ) జనరల్‌ మేనేజర్‌ గుప్తా కచ్చితంగా చెప్పారని పలువురు ఫార్మసిస్ట్‌లు ‘సాక్షి’కి తెలిపారు.
  
 మందుల కోసం ఆస్పత్రులు పడిగాపులు
 రాష్ట్రంలోని అన్ని ఆస్పత్రులు మందులకోసం సెంట్రల్‌ డ్రగ్‌ స్టోర్‌ల వద్ద పడిగాపులు కాస్తున్నాయి. ఓవైపు జ్వరాల సీజన్‌ కావడంతో రోజు రోజుకూ ఔట్‌పేషెంటు రోగులు పెరుగుతున్నారు. మరోపక్కన ఈ ఔషధిలో కూడా బడ్జెట్‌ దాటిపోయినట్టు చెబుతూ ఒక్క మాత్ర కూడా అదనంగా ఇచ్చేది లేదని చెబుతున్నారు. నిత్యం వ్యాక్సిన్లు, ఇంజక్షన్లు ఇచ్చేందుకు అవసరమైన సిరంజిలు ఏ ఒక్క ఆస్పత్రిలోనూ స్టాకు లేవని ఆస్పత్రి వర్గాలు చెబుతున్నాయి.
  
 ఎండీసీ సెంటర్లు ఎత్తేసిన అధికారులు
 బోధనాసుపత్రులు, జిల్లా ఆస్పత్రులు, ఏరియా ఆస్పత్రుల్లో గతంలో ఉన్న ఎండీసీ (మెడికల్‌ డిస్ట్రిబ్యూషన్‌ సెంటర్స్‌)ను ఎత్తేశారు. ఎంత అత్యవసరమైనా రోగుల సంఖ్య, మందుల పరిమాణం గురించి మూడు నెలల ముందుగా సమాచారం ఇస్తేనే సరఫరా చేస్తామని చెబుతున్నారు. మరోవైపు సెంట్రల్‌ డ్రగ్‌స్టోర్‌లలో బఫర్‌ స్టాకు కింద నిల్వ చేసిన మందుల కాల పరిమితి ముగిసిపోతోందని కొందరు ఫార్మసిస్ట్‌లు ఆందోళన వ్యక్తం చేశారు.
  
 ఇంజక్షన్‌ ఇచ్చారని ఫార్మసిస్ట్‌కు మెమో
 పరిస్థితి ఎంత దిగజారిందో ఈ ఒక్క ఉదాహరణ చాలు. కాకినాడ సర్వజనాసుపత్రిలో హీమోఫీలియాతో ప్రాణాపాయ స్థితిలో ఉన్న ఓ పేషెంటుకు సూపరింటెండెంట్‌ అనుమతితో ఫార్మసిస్ట్‌ ఇంజక్షన్‌ ఇచ్చారు. ఇది తెలుసుకున్న ఏపీఎంఎస్‌ఐడీసీ జనరల్‌ మేనేజర్‌ మెమో జారీచేశారు. దీంతో మిగతా డ్రగ్‌ స్టోర్స్‌లలో ఉన్న ఫార్మసిస్ట్‌లు ప్రాణం మీదకు వచ్చినా ఒక్క ఇంజక్షన్‌ కూడా ఇవ్వడం లేదు.
  
 పలు బోధనాసుపత్రుల నుంచి డీఎంఈకి లేఖలు
 బోధనాసుపత్రుల్లోనే మందులు లేక అల్లాడుతున్నారు. ప్రధానంగా కొద్ది రోజులుగా సిరంజిలు లేవు. గుంటూరు, కడప రిమ్స్, ఒంగోలు రిమ్స్‌ లాంటి బోధనాసుపత్రుల్లో ఖరీదైన హీమోఫీలియా నియంత్రణకు వాడే ఇంజక్షన్లు లేవని సూపరింటెండెంట్‌లు ఇప్పటికే వైద్య విద్యా సంచాలకులకు లేఖలు రాశారు.  దీనిపై ఏపీఎంఎస్‌ఐడీసీ జనరల్‌ మేనేజర్‌ గుప్తాను వివరణ కోరేందుకు ప్రయత్నించగా ఆయన స్పందించలేదు.
  
 గ్రీన్‌ చానెల్‌కు రెడ్‌సిగ్నల్‌
 మందులకు సంబంధించి నిధులు గ్రీన్‌చానెల్‌లో ఉన్నాయని ప్రభుత్వం పదే పదే చెబుతున్నా 2016 డిసెంబర్‌ నుంచి ఇప్పటివరకూ కొత్తగా మందులు కొనేందుకు గానీ, కొన్న మందులకు గానీ ఒక్క పైసా చెల్లించలేదు. ఇప్పటిదాకా కొన్నవాటికే రూ.40 కోట్లు బకాయిలున్నట్టు అధికారులు చెబుతున్నారు. ప్రభుత్వం నుంచి నిధులు రాక మందుల కొనుగోలు బిల్లులు నిలిచిపోయాయని అధికార వర్గాలు తెలిపాయి. 
  
 రాష్ట్రవ్యాప్తంగా ప్రాథమిక ఆరోగ్యకేంద్రాలు : 1157 
 రాష్ట్రంలో సామాజిక ఆరోగ్య కేంద్రాలు: 192 
 ఏరియా ఆస్పత్రులు : 32
 8 జిల్లా ఆస్పత్రులు
 11 బోధన ఆసుపత్రులు


 ♦ టానిక్‌లు, మందు గోళీలపై ‘మన భాష’లో పేర్లు
 ♦ గ్రామీణ ప్రాంతాల ప్రజలు, నిరక్షరాస్యులకు తప్పనున్న తిప్పలు
 ♦ ప్రభుత్వ ఆస్పత్రుల్లో మందులు పక్కదారి పట్టకుండా పకడ్బందీ ఏర్పాట్లు
 
 రోగులకు సమస్య ఉండదు
 తెలంగాణ ప్రభుత్వం అధికారంలోకి వచ్చిన తర్వాత వైద్య, ఆరోగ్యశాఖలో పలు రకాల మార్పులకు శ్రీకారం చుట్టింది. ఇందులో భాగంగానే ప్రభుత్వ ఆస్పత్రులకు సరఫరా చేసే మందులపై తెలుగులో పేర్లు ముద్రిస్తున్నారు. తద్వారా గ్రామీణ ప్రాంతాల ప్రజలు, కనీస అక్షర జ్ఞానం ఉన్న వారికి సులువుగా మందుల పేర్లు అర్థమై ఎలా వాడాలో తెలిసిపోతుంది. దీంతో పాటు ప్రభుత్వ ఆస్పత్రులకు సరఫరా అయ్యే డ్రగ్స్‌ పక్కదారి పట్టే అవకాశం ఏమాత్రం ఉండదు. వీటిని ఎవరైనా బయటి మెడికల్‌ దుకాణాలకు విక్రయించినా సులువుగా గుర్తించొచ్చు.
 – డాక్టర్‌ రాంకిషన్, జిల్లా జనరల్‌ ఆస్పత్రి సూపరింటెండెంట్‌
 
 పాలమూరు : తెలుగు మందులు.. అన గానే ఇవేవో తెలుగు రాష్ట్రాల్లో తయారయ్యే మందులు కావు! ఇందులో కొన్ని ఇక్కడ తయారవుతాయి కావొచ్చు కానీ భాషతో ఈ మందులకేం సంబంధం లేదు!! గ్రామీణ ప్రాంతాలు, నిరక్షరాస్యుల ఇబ్బందులను తీర్చడంతో పాటు ప్రభుత్వ ఆస్పత్రులు, పీహెచ్‌సీలకు సరఫరా అయ్యే మందులు పక్కదారి పట్టకుండా ప్రభుత్వం నూతన విధానానికి శ్రీకారం చుట్టింది. ప్రభుత్వ ఆస్పత్రులకు సరఫరా చేసే ప్రతీ టానిక్‌ సీసా, టాబ్లెట్‌ సాషెట్‌పై ఆంగ్లంతో పాటు తెలుగులోనూ పేర్లు ముద్రిస్తున్నారు.
 
 ఇకపై పక్కాగా ప్రభుత్వం సరఫరా చేస్తున్న మందులను కొందరు ప్రైవేట్‌ మందుల దుకాణాలకు అమ్ముకుంటున్నారనే విమర్శలు ఉన్నాయి. వీటిపై ‘గవర్నమెంట్‌ సప్లై.. నాట్‌ ఫర్‌ సేల్‌’ అన్ని చిన్న అక్షరాలతో ఉన్నా ఇంగ్లిష్‌ టానిక్‌ సీసాలు, టాబ్లెట్‌ షీట్లపై తెలుగులో ఉన్న పేర్లు  తెలుగు మందులు దరికీ అర్థం కాదు కాబట్టి ప్రైవేట్‌ షాపుల్లో అమ్మకాలు యథేచ్చగా సాగేవి. ప్రస్తుతం మందుల పేర్లే కాకుండా హెచ్చరికను సైతం పెద్ద అ క్షరాలతో ‘తెలంగాణ ప్రభుత్వం ఉచిత సరఫరా.. అమ్మడానికి కాదు’ అని తెలుగులో ముద్రించారు. దీంతో సామాన్యులు సైతం ఇవి ఉచితంగా సరఫరా చేసే మందులు అన్ని గుర్తించడం సులువవుతోంది.
 
 ఆంగ్లం.. తెలుగు
 రాష్ట్ర ప్రభుత్వం కొన్ని రోజులుగా ప్రభుత్వ ఆస్పత్రులకు సరఫరా చేసే మందుల పేర్ల ముద్రణలో మార్పులు చేసింది. గతంలో ఆంగ్లంలోనే పేర్లు ఉండడంతో పెద్దగా చదువుకోలేని పల్లె వాసులకు పూర్తిగా అవగాహన ఉండేది కాదు. ఫార్మసిస్టులు చెప్పినా ఇంటికి వెళ్లాక వాడడంతో అయోమయంలో నెలకొనేది. ఆకుపచ్చ రంగు మాత్రలు ఉదయం.. తెలుపు రంగు మాత్రలు ఉదయం, రాత్రి వేసుకోవాలని నిరక్షరాస్యులకు అర్థమయ్యేలా సిబ్బంది చెప్పేవారు. ప్రస్తుతం ఆంగ్లంతో పాటు తెలుగులోనూ పేర్లు ముద్రిస్తుండడంతో కనీస అక్షర జ్ఞానం ఉన్న వారు సైతం సులువుగా గుర్తుపట్టే అవకాశం ఉంది. ఇదివరకు మాదిరిగా మాత్రలు మందులపై పేర్లు చదవడానికి రాక ఒకదానికి బదులుగా మరొకటి వేసుకునేపరిస్థితి ఇక ఉండబోదని ఫార్మసిస్టులు, వైద్యులు చెబుతున్నారు. 


 ►మన చుట్టూరానే ఎన్నో ఔషధాలు
 ►  చిన్న స్థాయి అనారోగ్యం నుంచి దీర్ఘకాలిక వ్యాధులకూ ఉపశమనం
 ► దశాబ్ద కాలంగా పెరుగుతున్న వినియోగం
 ► వినాయకుడి పూజలో అన్ని ఔషధాలే..!
 ►  రాష్ట్ర ఔషధ మొక్కల బోర్డు నివేదిక  
 
 సాధారణంగా ఏదైనా అనారోగ్యం తలెత్తితే.. ఏ అల్లోపతి వైద్యుడి దగ్గరికో వెళ్లి మందు బిళ్లలు వేసుకుంటాం. చికిత్స తీసుకుంటాం. కానీ మన చుట్టూ ఉన్న మొక్కలు, చెట్లలోనే ఎన్నో ఔషధ గుణాలు ఉన్నాయి. చిన్న అనారోగ్యం నుంచి దీర్ఘకాలిక వ్యాధుల వరకు ఉపశమనం కలిగించే వేలాది రకాల మొక్కలు, చెట్లు ఉన్నాయి. అసలు మన చుట్టూ ఉన్న మొక్కలు, చెట్లలో చాలా వరకు ఏదో ఒకరకమైన ఔషధ గుణాలను కలిగి ఉన్నాయని పరిశోధనల్లో తేలింది. ఇప్పటివరకు దేశంలోని మొత్తం 18 వేల రకాల వృక్షజాతుల్లో ఏడు వేల జాతుల వరకు ఔషధ గుణాలు కలిగి ఉన్నట్లు గుర్తించారు. ఆయుర్వేద, యునానీ, సిద్ధ, హోమియోపతి తదితర వైద్య విధానాల్లో వాటిని వినియోగిస్తున్నారు. – సాక్షి, హైదరాబాద్‌
 
 ‘ఔషధ’ సంప్రదాయం
 మన దేశ సంస్కృతిలోనే సంప్రదాయ వైద్య విధానం ఇమిడి ఉంది. అనాది నుంచి ప్రతి మొక్కలోని లక్షణాలను పరిశీలించి.. వాటిల్లోని ఔషధ గుణాలను గుర్తించారు. వైద్యం కోసం వినియోగించారు. కానీ అనంతరం అల్లోపతి వైద్యం బాగా విస్తరించింది. తిరిగి ఇటీవలి కాలంలో ఔషధ మొక్కల వినియోగంపై పరిశోధనలు, వినియోగం పెరుగుతున్నాయి. ముఖ్యంగా పండుగల సమయంలో వినియోగించే మొక్కలు, వాటి ఉత్పత్తుల్లో ఎన్నో ఔషధ లక్షణాలు ఉంటున్నట్లు పరిశోధనల్లో తేలింది.
 ముఖ్యంగా వినాయక చవితిలో వినియోగించే మొక్కలు, వాటి ఉత్పత్తులను పరిశీలిస్తే... ఆరోగ్య పరంగా ఎన్నో ప్రయోజనాలున్నాయని గుర్తించారు. భారత ఔషధ మొక్కల మండలి ఈ అంశాలను ధ్రువీకరించింది కూడా. వినాయక చవితిలో ఉపయోగించే 21 రకాల మొక్కలు, వాటి ఆకులు, ఉత్పత్తుల్లో ఉన్న ఔషధ లక్షణాలపై తెలంగాణ ఔషధ మొక్కల మండలి అవగాహన కల్పిస్తోంది. తాజాగా వీటిపై ఒక నివేదికను కూడా రూపొందించింది.
 
 జీవనోపాధి కూడా..
 ఔషధ మొక్కలు ఆరోగ్యపరంగా తోడ్పడడమే కాదు.. వాటి పెంపకం ఎంతో మందికి జీవనోపాధి కూడా కల్పిస్తోంది. ప్రపంచవ్యాప్తంగా ఎక్కువగా ఔషధ మొక్కల ఉత్పత్తులు మన దేశంలోనే ఉన్నాయి. దేశంలో 1,178 ఔషధ మొక్కలను ఎక్కువగా వినియోగిస్తున్నారు. వీటిలో దాదాపు 242 రకాల మొక్కల ఉత్పత్తులు ఏటా వందల టన్నుల్లో వినియోగమవుతున్నాయి. ఇక ఏటా 1.95 లక్షల టన్నుల మేర ఔషధ మొక్కల ఉత్పత్తులను విదేశాలకు ఎగుమతి చేస్తున్నారు. వీటి విలువ సుమారు రూ. 5,000 కోట్ల వరకు ఉండడం గమనార్హం.
 
 మన చుట్టూ ఉన్న ఔషధాలివే..
 ♦  మాచీ పత్రం (మాచిపత్రి): దద్దుర్లు, తలనొప్పి, వాత నొప్పులు, కళ్ల సంబంధ వ్యాధులు, చర్మ సంబంధ వ్యాధులు తగ్గించడానికి ఉపయోగపడుతుంది.
 ♦  బృహతీ పత్రం (వాకుడాకు): దగ్గు, జలుబు, జ్వరం, అజీర్ణం, మూత్ర వ్యాధులు, నేత్ర వ్యాధులను నయం చేయడానికి, దంత ధావనానికి పనికివస్తుంది.
 ♦   బిల్వ పత్రం (మారేడు): జిగట విరేచనాలు, జ్వరం, మధుమేహం, కామెర్లు, నేత్ర వ్యాధులు, శరీర దుర్గంధం తగ్గించడానికి ఉపయోగపడుతుంది.
 ♦   దూర్వాయుగ్మం (గరిక): గాయాలు, చర్మ వ్యాధులు, దద్దుర్లు, మూత్రంలో మంట, ముక్కు సంబంధ వ్యాధులు, ఉదర సంబంధ వ్యాధులు, అర్శమొలల నివారణకు వినియోగిస్తారు.
 ♦  దత్తూర పత్రం (ఉమ్మెత్త): సెగ గడ్డలు, స్తన వాపు, చర్మ వ్యాధులు, పేను కొరుకుడు, శరీర నొప్పులు, శ్వాసకోశ వ్యాధులు, రుతు సంబంధ వ్యాధుల నివారణకు ఉపయోగపడుతుంది. ఇది విషపూరితం కాబట్టి జాగ్రత్తగా వాడుకోవాల్సి ఉంటుంది.
 ♦  బదరీ పత్రం (రేగు): జీర్ణకోశ వ్యాధులు, రక్త సంబంధ వ్యాధులు, చిన్న పిల్లల వ్యాధుల నివారణకు, రోగ నిరోధక శక్తి పెంపుదలకు తోడ్పడుతుంది.
 ♦  అపామార్గ పత్రం (ఉత్తరేణి): దంత ధావనానికి, పిప్పి పన్ను, చెవిపోటు, రక్తం కారటం, అర్శమొలలు, ఆణెలు, గడ్డలు, అతి ఆకలి, జ్వరం, మూత్ర పిండాల్లో రాళ్లు తగ్గించడానికి ఉపయోగపడుతుంది.
 ♦  తులసీ పత్రం (తులసి): దగ్గు, జలుబు, జ్వరం, చెవిపోటు, పన్నునొప్పి, తుమ్ములు, చుండ్రు, అతిసారం, గాయాలు తగ్గించడానికి ఉపయోగపడుతుంది. ముఖ సౌందర్యం, వ్యాధి నిరోధక శక్తి పెంపొందించడానికి తోడ్పడుతుంది.
 ♦  చూత పత్రం (మామిడాకు): రక్త విరేచనాలు, చర్మ వ్యాధులు, ఇంట్లో క్రిమికీటకాల నివారణకు పనికివస్తుంది.
 ♦  కరవీర పత్రం (గన్నేరు): కణతులు, తేలుకాటు, ఇతర విష కీటకాల కాట్లు, దురద, కళ్ల సంబంధ వ్యాధులు, చర్మ సంబంధ వ్యాధుల వంటి వాటిని తగ్గించడానికి ఉపయోగపడుతుంది.
 ♦  విష్ణుకాంత పత్రం (విష్ణుకాంత): జ్వరం, కఫం, పడిశం, దగ్గు, ఉబ్బసం తగ్గించడానికి, జ్ఞాపకశక్తి పెంపొందించడానికి తోడ్పడుతుంది.
 ♦  దాడిమీ పత్రం (దానిమ్మ): విరేచనాలు, అతిసారం, దగ్గు, కామెర్లు, అర్శమొలలు, ముక్కు నుంచి రక్తం కారడం, కళ్ల కలక, గొంతునొప్పి, చర్మవ్యాధులు తగ్గించడానికి ఉపయోగపడుతుంది.
 ♦  దేవదారు పత్రం (దేవదారు): అజీర్తి, పొట్ట సంబంధ వ్యాధులు, చర్మ వ్యాధులు, కంటి సంబంధ వ్యాధులు తగ్గించడానికి వినియోగిస్తారు.
 ♦  మరువక పత్రం (మరువం): జీర్ణశక్తి, ఆకలి పెంపొందించేందుకు, జుట్టు రాలడాన్ని, చర్మవ్యాధులను తగ్గించేందుకు పనికి వస్తుంది. దీనిని సువాసన కోసం కూడా ఉపయోగిస్తారు.
 ♦  సింధువార పత్రం (వావిలి): జ్వరం, తలనొప్పి, కీళ్లనొప్పులు, గాయాలు, చెవిపోటు, చర్మ వ్యాధులు, మూర్చ వ్యాధి, ప్రసవం తరువాత వచ్చే ఇబ్బందులను తగ్గించడానికి ఉపయోగపడుతుంది.
 ♦  జాజి పత్రం (జాజి ఆకు): వాత నొప్పులు, జీర్ణాశయం వ్యాధులు, పెద్దపేగు వ్యాధులు, నోటిపూత, దుర్వాసన, కామెర్లు, చర్మవ్యాధులు తగ్గించడానికి తోడ్పడుతుంది.
 ♦  గండకీ పత్రం (దేవకాంచనం): మూర్ఛ వ్యాధి, కఫం, పొట్ట సంబంధ వ్యాధులు, నులి పురుగుల నివారణకు పనికివస్తుంది. ఈ ఆకులను ఆహారంగా కూడా ఉపయోగిస్తారు.
 ♦  శమీ పత్రం (జమ్మి): కఫం, మూల వ్యాధి, కుష్టు వ్యాధి, అతిసారం, దంత వ్యాధుల నివారణకు వినియోగిస్తారు.
 ♦  అశ్వత్థ పత్రం (రావి ఆకు): మలబద్ధకం, కామెర్లు, వాంతులు, మూత్ర వ్యాధులు, జ్వరాలు, నోటిపూత, చర్మవ్యాధుల నివారణకు... జీర్ణశక్తి, జ్ఞాపక శక్తి పెంపొందించడానికి తోడ్పడుతుంది.
 ♦  అర్జున పత్రం (తెల్లమద్ది): చర్మ వ్యాధులు, కీళ్ల నొప్పులు, జీర్ణాశయ, పెద్దపేగు సమస్యలు, గుండె జబ్బుల నివారణకు ఉపయోగపడుతుంది.
 ♦  అర్క పత్రం (జిల్లేడు): చర్మ వ్యాధులు, సెగ గడ్డలు, కీళ్ల నొప్పులు, చెవిపోటు, కోరింత దగ్గు, దంతశూల, విరేచనాలు, తిమ్మిర్లు, బోదకాలు వంటివాటిని తగ్గించడానికి తోడ్పడుతుంది. (తెలంగాణ ఔషధ మొక్కల మండలి వివరాల ప్రకారం..)
 
 మన సంస్కృతిలోనే వైద్యం
 ‘‘భారతదేశ సంస్కృతిలోనే సంప్రదాయ వైద్యం ఇమిడి ఉంది. మన పరిసరాల్లోనే మనకు ఎన్నో ఔషధాలు ఉన్నాయి. ఎలాంటి ఖర్చు లేకుండా ఔషధాలను పొందే అవకాశం ఉంది. ముఖ్యంగా వినాయక చవితి పూజల సందర్భంగా ఉపయోగించే మొక్కలు, ఆకులు, ఉత్పత్తులలో.. వర్షాకాలంలో వచ్చే సీజనల్‌ వ్యాధులను నివారించే ఎన్నో ఔషధాలు ఉండడం గమనార్హం.’’ – ఎ.వెంకటేశ్వర్లు, డిప్యూటీ డైరెక్టర్, తెలంగాణ రాష్ట్ర ఔషధ మొక్కల మండలి.


 • విదేశాల్లో మంచి గిరాకీ
 • జిల్లాలో పెరుగుతున్న సాగు విస్తీర్ణం
 • ముంబయ్‌, పూణేలకు గుంతకల్లు నుంచి రైళ్లలో తరలింపు
 • అక్కడి నుంచి విమానాల ద్వారా విదేశాలకు
 • జిల్లా నుంచి రోజుకు 8 నుంచి 10 టన్నుల వరకు రవాణా
 
 గుంతకల్లు: పప్పు, రసం, సాంబారు, తాలింపు, ఉప్మా, పులిహోరా... ఏదైనా సరే కరివేపాకు వేసి వండాల్సిందే. దక్షిణ భారతదేశ వంటకాలతో అంతగా పెనవెసుకుపోయిన కరివేపాకును ఇప్పుడు గల్ఫ్, యూరప్‌ దేశాల వారు మన నుంచి దిగుమతి చేసుకుని మరీ తమ రోజువారీ వంటల్లో వాడుతున్నారు. కరివేపాకు ఉత్పత్తిలో ఆంధ్రప్రదేశ్‌ రాష్ట్రం ఆసియా ఖండంలోనే మొదటిస్థానంలో ఉంది. ముఖ్యంగా అనంతపురం, గుంటూరు జిల్లాల్లో ఈ పంట ఎక్కువగా పండిస్తున్నారు. తెలంగాణలోని హైదరాబాద్‌ జిల్లాల్లోనూ ఈ పంట ఎక్కువగా ఉంది. ఈ మూడు జిల్లాల్లో పండే మొత్తం పంటలో 40 శాతం మన జిల్లాలోనే పండుతోంది. గల్ఫ్‌ దేశాలకు మానవ వనరులు అధికంగా అందిస్తున్న అనంతపురం జిల్లా అపార ఔషధ విలువలున్న కరివేపాకును వారికి అందించడంలోనూ ప్రథమ స్థానంలో నిలుస్తోంది.
 
 
 రోజూ 8 నుంచి 10 టన్నులు
 దేశ, విదేశాల్లోని పట్టణాలు, నగరాల్లో సూపర్, హైటెక్‌ మార్కెట్ల సంఖ్య పెరుగుతూ వస్తుండటం వల్ల కరివేపాకు వినియోగం పెరుగుతూ వస్తోంది. ఈ క్రమంలో దేశ, విదేశాలకు అనంతపురం జిల్లా నుంచి రోజూ దాదాపు ఎనిమిది నుంచి 10 టన్నుల కరివేపాకు రవాణా అవుతోంది. జిల్లాలో మొత్తం 3 వేల ఎకరాల్లో కరివేపాకు సాగవుతుండగా అందులో ఎక్కువ భాగం గుంతకల్లు, ఉరవకొండ, తాడిపత్రి నియోజకవర్గాల్లోనే ఉంది. ఇన్నాళ్లు స్థానిక మార్కెట్లకే పరిమితమైన కరివేపాకు నేడు దేశీయ నగరాలైన హైదరాబాద్, బెంగళూరు, ముంబై తదితర నగరాలతోపాటు గల్ఫ్‌ దేశాలైన సౌదీ అరేబియా, షార్జా, దుబాయ్, కతార్, ఒమన్‌ వంటి దేశాలతోపాటు ఫ్రాన్స్, జర్మనీ, బ్రిటన్‌ తదితర యూరప్‌ దేశాలకు ఎగుమతి అవుతోంది. హైదరాబాద్, ముంబై, పూనే వ్యాపారులు మన జిల్లాలో టన్నుల లెక్కన కొనుగోలు చేసి రైళ్ల ద్వారా తమ నగరాలకు చేరవేసుకుంటున్నారు. అక్కడి నుంచి కిలోల లెక్కన అట్టపెట్టెల్లో పెట్టి విమానాల్లో విదేశాల్లోని నగరాలకు ఎగుమతి చేస్తున్నారు. సాధారణంగా కరివేపాకు కోసిన తర్వాత మూడు రోజులు వాడిపోదు. ఆలోగా విదేశాలకు తరలించి అక్కడ శీతల గిడ్డంగుల్లో ఉంచి విక్రయిస్తున్నారు.
 
 
 ఎకరాకు రూ.80 వేల దాకా ఆదాయం
 కరివేపాకు లాభదాయకమైన వాణిజ్య పంట కావడంతో ఇటీవల ఎక్కువమంది రైతులు దీనివైపు మొగ్గు చూపుతున్నారు. కరివేపాకు పంటను ఏటా మూడు కోతలు కోసుకోవచ్చు. ఒకసారి విత్తు వేస్తే 30 ఏళ్ల వరకు పంట దిగుబడి వస్తూనే ఉంటుంది. ప్రకృతి తెచ్చే విపత్తుల వల్ల ఈ పంటకు పెద్దగా నష్టం కూడా ఉండదు. పెట్టుబడి, కూలీలు, ఇతర ఖర్చులు పోను ఎకరాకు నికరంగా రూ.60 నుంచి 80వేలు దాకా లాభం వస్తుందని వ్యవసాయాధికారులు చెబుతున్నారు.
 
 ఆయుర్వేదంలో ప్రత్యేక స్థానం
 వంటల్లో రుచి, వాసన రావడంతోపాటు ఔషధ గుణాలు కూడా ఉండటం వల్ల భారతీయులు కరివేపాకును వంటల్లో విస్తృతంగా వాడుతున్నారు. ఆయుర్వేదంలో అయితే దీనికి ఒక ప్రత్యేకస్థానం ఉంది. ఏదోక రూపంలో కరివేపాకును రోజూ తీసుకోవాలని ఆయుర్వేద వైద్యులు సూచిస్తున్నారు. ఈ ఆకును ఎండబెట్టి పొడి చేసి నిల్వ చేసుకుని ఎక్కువ కాలం వాడుకున్నా సహజ విలువలు కోల్పోదని చెబుతున్నారు.
 
 మంచి మార్కెట్‌ ఉంటుంది
 కరివేపాకు పంటకు స్థానికంగానే కాకుండా ఇతర ప్రాంతాల్లోనూ మంచి మార్కెట్‌ ఉంది. గుంతకల్లు నుంచి సుదూర ప్రాంతాలకు రోజూ రైలు సౌకర్యం ఉండటం వల్ల ఇతర రాష్ట్రాలకు పంపుతున్నాం. రైతులకు మంచి ఆదాయం రావడంతోపాటు మాకూ గిట్టుబాటు అవుతోంది. చాలామంది కూలీలు ఉపాధి పొందుతున్నారు.
 - బాషా, వ్యాపారి


 - అమరావతిలో మెడిసిటీ భవనానికి శంకుస్థాపన
  
 అమరావతి: ఏపీ ముఖ్యమంత్రి చంద్రబాబు నాయుడు గురువారం స్వల్ప అస్వస్థతకు గురయ్యారు. రాజధానిలో నిర్మించనున్న మెడిసిటీ భవనానికి చంద్రబాబునాయుడు  శంకుస్థాపన చేసి సభలో మాట్లాడుతుండగా ఆయన అనారోగ్యానికి గురయ్యారు. తుళ్లూరు మండలం దొండపాడులో మెడిసిటీకి శంకుస్థాపన అనంతరం ఆయన బహిరంగ సభలో మాట్లాడారు. విద్యా వైద్యానికి అమరావతిని హబ్‌గా మారుస్తామన్నారు. భవిష్యత్తులో అమరావతికి గల్ఫ్‌ దేశాల నుంచి పెద్ద ఎత్తున పెట్టుబడులు వస్తాయన్నారు. త్వరలో అమరావతి నుంచి యునైటెడ్‌ అరబ్‌ ఎమరైట్స్‌ (దుబాయి)కు విమాన సర్వీసులు ప్రారంభిస్తామన్నారు.
  
 బహిరంగ సభలో 20 నిమిషాల పాటు మాట్లాడిన అనంతరం ముఖ్యమంత్రి స్వల్ప అస్వస్థతకు గురయ్యారు. ప్రసంగాన్ని అర్ధాంతరంగా ముగించి కూర్చుండిపోయారు. రెండు నిమిషాల అనంతరం తేరుకొని యధావిధిగా కార్యక్రమాల్లో పాల్గొన్నారు. ముఖ్యమంత్రికి అలసటగా కనిపించడంతో సీఎంవో అధికారులు అప్రమత్తమయ్యారు. అక్కడే ఉన్న మంత్రి పుల్లారావు సీఎం ఆరోగ్య పరిస్థితిని అడిగి తెలుసుకున్నారు.


 అర్థంకాని మందులరాతలో ఆంతర్యమేమిటో?
 వైద్యలు రాసే మందుల చీటీతో అవస్థ 
 వైద్యశాఖ నిబంధనలు బేఖాతరు
 ఆస్పత్రి వద్ద దుకాణాలే దిక్కంటున్న పేషంట్లు 
 తణుకు అర్బన్‌ :
 వైద్యులు కలిపిరాతతో రాస్తున్న మందుల చీటీలు రోగులపాలిట శాపంగా మారాయి. మందుల చీటీతో మందుల దుకాణాలకు వెళ్లిన రోగులకు ఏ డాక్టర్‌ రాశారమ్మా మాకు అర్థం కావట్లేదనే సమాధానాలు వస్తుండడంతో రోగులు తీవ్ర ఇబ్బందులు పడుతున్నారు. 
 జిల్లాలో 1500కు పైగా వైద్యులు
 జిల్లాలో ప్రైవేటు ఆసుపత్రులు 450 ఉండగా ఇందులో కొన్ని కార్పొరేట్‌ ఆసుపత్రులు ఉన్నాయి. వీటన్నిటిలోను సుమారుగా 1300కు పైగా వైద్యులు వైద్య విధులు నిర్వర్తిస్తున్నట్టు అధికారులు చెబుతున్నారు. ఇక ప్రభుత్వ విభాగంలో వైద్య విధాన పరిషత్‌లో ఏలూరు జిల్లా ఆసుపత్రి, ఏరియా ఆసుపత్రులైన తణుకు, తాడేపల్లిగూడెం, జంగారెడ్డిగూడెంతో పాటు అదనంగా 14 కమ్యూనిటీ హెల్త్‌ సెంటర్‌లు ఉన్నాయి. వీటిలో 95 మంది వైద్యులు విధుల్లో ఉన్నారు. వైద్య ఆరోగ్యశాఖలోని 93 ప్రాథమిక ఆరోగ్య కేంద్రాలు, అర్బన్‌ హెల్త్‌ సెంటర్‌లలో మొత్తం 125 మంది వైద్యులు ఉన్నారు. వీరిలో తక్కువ మంది మాత్రమే పెద్ద అక్షరాలు విడివిడిగా రాస్తున్నారు. 
 వైద్యుల అనుబంధ మందుల దుకాణాల్లోనే..
 ప్రైవేటు వైద్యులు తమ ఆసుపత్రికి సంబంధించిన మందుల దుకాణంలోని ప్రతినిధికి మాత్రమే అర్థమయ్యేలా మందులు చీటీలో రాస్తున్నారని రోగులు ఆరోపిస్తున్నారు. బయట మందుల దుకాణాలకు చీటీ తీసుకువెళ్లినా వైద్యుడి చేతిరాత అర్థం కావడంలేదని ఆయనకు సంబంధించిన మందుల దుకాణంలోనే తీసుకోవాలని చెబుతున్నారని రోగులు చెబుతున్నారు. బయట దుకాణాల్లో అదే మందుపై ఎంఆర్‌పీపై 10 నుంచి 15 శాతం వరకు డిస్కౌంట్‌ ఇస్తున్నారని, అదే వైద్యులకు సంబంధించిన మందుల దుకాణంలో ఎంఆర్‌పీ ధరలకే అమ్మకాలు చేస్తున్నారని ఆరోపిస్తున్నారు. అసలే మందుల ధరలు భారీగా పెరిగిపోయిన రోజుల్లో వైద్యులు మందుల వ్యాపారం కూడా చేస్తున్నారని ఆరోపిస్తున్నారు. జిల్లా కేంద్రమైన ఏలూరుతో పాటు భీమవరం, తణుకు ప్రాంతాల్లో ఉన్న కార్పొరేట్‌ ఆసుపత్రుల్లో రోగులకు అవసరంలేని మందులు కూడా రాసి మందుల కొనుగోళ్ల శాతం పెంచుతున్నారనే ఆరోపణలు లేకపోలేదు. దీంతో పేద రోగులకు వచ్చే పెద్ద వైద్యానికి వైద్య పరీక్షలతో పాటు మందుల ఖర్చు కూడా భారంగా మారింది. 
 నిబంధనలకు పాతర
 మందుల చీటీలో కలిపిరాత కాకుండా పెద్దగా కనిపించేలా విడి అక్షరాలతో మందులు రాయాలని, అది కూడా ఏ పూట ఏ మందు వేసుకోవాలో రోగులకు వివరంగా అర్థమయ్యేలా మందుల చీటీ ఉండాలని న్యాయస్థానం గతంలో ఆదేశాలు జారీ చేసినట్టు వైద్యాధికారులు చెబుతున్నారు. కానీ ఈ నిబంధనలు ప్రైవేటు ఆసుపత్రుల్లో 10 శాతం కూడా అమలు కావడంలేదు. మెడికల్‌ కంపెనీల రిప్రజెంటేటివ్‌లతో కుదిరిన ఒప్పందాలతో ఆ మందులు దొరికే దుకాణాల పేరుతో ముద్రించిన చీటీల్లోనే ముందులు రాస్తుండడం, ఇటు ప్రైవేటు, అటు ప్రభుత్వ ఆసుపత్రుల్లో కూడా కనిపిస్తోందని రోగులు విమర్శిస్తున్నారు. 
  
  
 వైద్యుడు రాసిన మందులు అర్థంకావు
 వైద్యుడి రాసిన మందుల చీటీలో మందులు వారి మందుల దుకాణంలోనే అర్థం అవుతాయి. అంతేకాకుండా మెడికల్‌ రిప్‌లతో జరిగిన ఒప్పందాల కారణంగా ఆ మందులు ఉన్న మందుల దుకాణాల ప్రతినిధులకు మాత్రమే అర్థమయ్యేలా మందుల చీటీ రాస్తున్నారు. 
                    వై.శ్రీహరి, తణుకు
  
  
  
 విడి అక్షరాలతో రాయాలని ఆదేశిస్తాం 
 వైద్య ఆరోగ్య శాఖ పరిధిలోని ప్రైవేటు, ప్రభుత్వ వైద్యులకు ఇప్పటికే కలిపిరాతతో మందులు రాయకూడదని సర్కులర్‌ పంపించాం. మరొకసారి పరిశీలించి వైద్యులను విడి అక్షరాలతోనే మందులు రాయాల్సిందిగా హెచ్చరిస్తాం.
            డాక్టర్‌ డి.కోటేశ్వరి, డీఎంహెచ్‌వో, ఏలూరు
  
  
 విడి అక్షరాల్లోనే మందులు రాయాలి
 నిబంధనల ప్రకారం వైద్యులు ప్రిస్కెప్షన్‌లో పెద్దగా విడి అక్షరాలతో మందులు రాయాల్సి ఉంది. వైద్య విధాన పరిషత్‌లోని వైద్యులందరికీ నిబంధనలు పాటించాల్సిందిగా ఆదేశాలు జారీ చేస్తాం.
 డాక్టర్‌ కె.శంకరరావు, డీసీహెచ్‌ఎస్, ఏలూరు
  
  
  
  
  
  
  


 ఆస్పత్రి అభివృద్ధికి ప్రత్యేక కార్యాచరణ ప్రణాళిక
 ప్రత్యేకాధికారుల నియామకం
 కాకినాడ వైద్యం (కాకినాడ సిటీ):  నిరుపేదలకు మెరుగైన వైద్యసేవలందించేందుకు వైద్యులందరూ సమష్టిగా పని చేయాలని   కలెక్టర్‌ కార్తికేయ మిశ్రా కోరారు.  శనివారం కాకినాడ ప్రభుత్వాసుపత్రిలో సూపరింటెండెంట్‌ ఛాంబర్‌లో నిర్వహించిన ఆసుపత్రి అభివృద్ధి సొసైటీ (హెచ్‌డీఎస్‌), వార్డుల విభాగాధిపతుల సమావేశంలో మాట్లాడుతూ ఉభయ గోదావరి జిల్లాల నుంచి లక్షలాది మంది ప్రజలు జీజీహెచ్‌లో వైద్యం పొందేందుకు వస్తున్నారని, వీరికి సకాలంలో వైద్య చికిత్స అందేలా చర్యలు చేపట్టాలన్నారు. ఆస్పత్రిలో నెలకొన్న సమస్యలను తన దృష్టికి తీసుకొస్తే తక్షణమే ప్రభుత్వ దృష్టికి తీసుకెళతామన్నారు. పెరుగుతున్న జనాభాకనుగుణంగా ఆస్పత్రి అభివృద్ధి, వైద్య పరికరాలు, సౌకర్యాల కల్పనకు అవసరమైన నిధుల మంజూరు, విధాన పరమైన నిర్ణయాల అమలుకు కలెక్టర్‌గా తనవంతు సహకారం అందిస్తానన్నారు. ఆసుపత్రిలో అందుబాటులో ఉన్న వనరులను సక్రమంగా వినియోగించుకుంటూ సేవలను మరింత విస్త్రుతం చేయాలని కోరారు. సమాజంలో వైద్యులకు ఉన్న గుర్తింపు మరెవరికి లేదన్నారు. ప్రభుత్వ సేవకులుగా ప్రజలు మెచ్చేలా సర్వజనులకు వైద్యం అందించాల్సిన అవశ్యకత ఉందన్నారు. క్యాజువాలిటీకి రోగికి సంబంధిత వైద్య నిపుణులు పరిశీలించి చికిత్స అందించి, గంటలోపు అత్యవసర చికిత్స అందించి ఎమర్జెన్సీగా ఐసీయూ, వార్డులోకి తరలించేలా ఏర్పాట్లు చేయాలని ఆదేశించారు. ఆస్పత్రిలో విధులు నిర్వహిస్తున్న వైద్యులు, హౌస్‌సర్జన్లు, ఇంటర్న్‌లు,నర్సుల సమర్థ పనితీరుకు విధిగా ఈ బయోమెట్రిక్‌ హాజరు వి«ధానాన్ని అమలు చేయాలని ఆదేశించారు. ఈ విధానంలో సమస్యలుంటే తన దృష్టికి తీసుకురావాలని కోరారు. ఆస్పత్రిలో నెలకొన్న మౌలిక సదుపాయాలు, పారిశుద్ధ్య నిర్వహణ బాధ్యతలను నెలకోసారి పర్యవేక్షించాలని జేసీని ఆదేశించారు.
 మూడు నెలలకోసారి హెచ్‌డీసీ సమావేశం
 జీజీహెచ్‌లో ప్రతీ మూడు నెలలకోసారి తప్పకుండా ఆసుపత్రి అభివృద్ధి సొసైటీ సమావేశాన్ని ఏర్పాటు చేయాలని కలెక్టర్‌ ఆదేశించారు. హెచ్‌డీఎస్‌ ఎప్పుడు జరిగిందని ప్రశ్నించారు. మార్చి 3, 2016 సంవత్సరంలో జరిగిందని సిబ్బంది బదులివ్వడంపై ఆగ్రహం వ్యక్తం చేశారు. ఇది ఎంత మాత్రం మంచిపద్ధతి కాదన్నారు.ఇక నుంచి ప్రతీ మూడునెలలకు సమావేశం జరగాలని ఆదేశాశించారు. నెలకోసారి జేసీ సంబంధిత హెచ్‌ఓడీలతో సమావేశం ఏర్పాటు చేయాలని ఆదేశించారు.హెచ్‌డీఎస్‌లో  ఇతర సభ్యుల నియామకానికి చర్యలు తీసుకోవాలని సూచించారు.    
 ప్రత్యేకాధికారుల నియామకం
 జీజీహెచ్‌లో వైద్య చికిత్సల కోసం వస్తున్న రోగులకు సత్వరంగా వైద్య సేవలందించేందుకు జిల్లా కలెక్టర్‌ ప్రత్యేక చర్యలు చేపట్టారు. పరిపాలనా సౌలభ్యం, జవాబుదారీతనం పెంపొందింపు, సేవల సరళీకృతం కోసం ప్రత్యేకాధికారులను నియమించారు.ఆసుపత్రిలో ఉన్న సుమారు 21వార్డులకు ఉన్న 14 మంది విభాగాధిపతులకు బాధ్యతలు అప్పగించారు. ఎమర్జన్సీ వార్డులోని క్యాజువాలిటీకి ప్రత్యేకాధికారిగా సీఎస్‌ఆర్‌ఎంవో డాక్టర్‌ మూర్తి, శానిటేషన్‌కు అసిస్టెంట్‌ ఆర్‌ఎంవో డాక్టర్‌ ప్రసాద్,ఆపరేషన్‌ ధియేటర్, జీజీహెచ్‌లో ఉన్న 8 ఐసీయూలు, సెంట్రల్‌ ల్యాబ్‌ వంటి విభాగాలకు ఒక్కో ప్రత్యేకాధికారులను కలెక్టర్‌ నియమించారు.
 సమాచారం అందివ్వండి 
 రోగులకు మెరుగైన సేవలు అందించడం,వైద్య సదుపాయాల కల్పన కోసం ఆసుపత్రిలో లభిస్తున్న వైద్య సేవలు, యూనిట్ల,వైద్య పరికరాలు,వెంటిలేటర్లు, ఆక్సిజన్‌ సిలిండర్లు, డ్రగ్స్‌ కొరతపై తక్షణమే రిపోర్టు తయారు చేసి తనకందజేయాలని కలెక్టర్‌ ఆసుపత్రి సూపరింటెండెంట్‌ డాక్టర్‌ రాఘవేంద్రరావును ఆదేశించారు. 
 ఆదాయ వనరులను సద్వినియోగం చేసుకోవాలి
 ఆసుపత్రి ప్రాంగణంలో ఉన్న ఆదాయ వనరులను పూర్తిస్థాయిలో సద్వినియోగం చేసుకోవాలని ఆదేశించారు. ఏటా లక్షల్లో ఆదాయం వచ్చే సైకిల్‌ స్టాండ్‌ ఏర్పాటుకి ఉన్న అడ్డంకులు, రీటెండర్‌కు తక్షణమే చర్యలు తీసుకోవాలని జేసీ డాక్టర్‌ మలిఖార్జున్‌ని ఆదేశించారు. ఆసుపత్రికి ఆదాయం రాకుండా ఉన్న ఇతర వాటిపై సమగ్ర రిపోర్టు తయారు చేసి తనకందివ్వాలని ఆదేశించారు. 
 టెస్ట్‌లో జాప్యం తగదు
 రంగరాయ మెడికల్‌ కళాశాల ఆధ్వర్యంలో నిర్వహిస్తున్న సెంట్రల్‌ లేబోరేటరీస్‌లో వైద్యులు సిపారసు చేసిన రోగ నిర్థారణ పరీక్షలు తీవ్ర జాప్యం చేసుకోవడంపై కలెక్టర్‌ ఆ కళాశాల ప్రిన్సిపాల్‌ని ప్రశ్నించారు. టెస్ట్‌ల అనంతరం రిపోర్టు జారీ చేసేందుకు అయ్యే సమయాన్ని నిర్ణయించి , ఆవిధంగా రిపోర్టుల జారీకి చర్యలు తీసుకోవాలని ఆదేశించారు. నిర్లక్ష్యం వహిస్తే చర్యలు తప్పవన్నారు.
 పరికరాల పరిస్థితిపై రెండు వారాలకోసారి రిపోర్టు ఇవ్వాలి 
 రేడియాలజీలో ఉన్న పరికరాలతో పాటూ ఆసుపత్రిలో ఉన్న అన్ని రకాల వైద్య పరికరాలపై ప్రతీ పదిహేను రోజులకోసారి వాస్తవ పరిస్థితిని వివరిస్తూ రిపోర్టు అందజేయాలని ఆదేశించారు. నిర్లక్ష్యం ప్రదర్శిస్తే ఉపేక్షించబోమన్నారు.
 నిపుణులు అందుబాటులో ఉండాలి
 ప్రెగ్నెన్సీ మహిళల ఆరోగ్య భద్రతరీత్యా గైనిక్‌ వార్డులో వైద్య నిపుణులు అందుబాటులో ఉండాలని ఆదేశించారు. హైరిస్క్,క్రిటికల్‌ ప్రెగ్నెన్సీ  కేసులన్నీ జీజీహెచ్‌లోకి వస్తాయన్నారు.ఈ సమయంలో మిడ్‌వైఫ్‌లపైనే భారం వేయడం తగదని, నిపుణులు అందుబాటులో ఉండి తక్షణ చికిత్స అందించాలని కోరారు. ఈ సమావేశంలో జేసీ డాక్టర్‌ ఏ మల్లిఖార్జున్, అసిస్టెంట్‌ కలెక్టర్‌ ఆనంద్, జీజీహెచ్‌ సూపరింటెండెంట్‌ డాక్టర్‌ ఎం.రాఘవేంద్రరావు, ఆర్‌ఎంసీ ప్రిన్సిపాల్‌ డాక్టర్‌ మహాలక్ష్మిలతో పాటూ హెచ్‌ఓడీలు పాల్గొన్నారు.  


 ► ప్రభుత్వాస్పత్రుల్లో అందుబాటులో ఉండని మందులు
 ► గత్యంతరం లేక ప్రైవేటు మెడికల్‌ షాపుల్లో కొంటున్న రోగులు
 
 రాష్ట్రంలో ఆరోగ్య ఉప కేంద్రాలు  4,797
 ప్రాథమిక ఆరోగ్య కేంద్రాలు  683
 కమ్యూనిటీ ఆరోగ్య కేంద్రాలు  119
 జిల్లా ఆసుపత్రులు 7
 
 సాక్షి, హైదరాబాద్‌: అరకొర వైద్యం, అలసత్వాన్ని వీడని సిబ్బంది, అందుబాటులో ఉండని మందులు... వీటన్నింటికీ చిరునామా మన ప్రభుత్వాసుపత్రులు. రాష్ట్రంలో దాదాపు ఎక్కువ శాతం వైద్యశాలల పరిస్థితి ఇదే. రోగం వచ్చి ఆసుపత్రికి వెళితే.. సిబ్బంది ఉండరు. ఉన్నా.. వైద్యుడు రాసిన మందు గోలీలు అక్కడ ఉండవు. ఇదేంటని అడిగితే బయట తెచ్చుకోండి.. ఇక్కడలేవు అంటూ సమాధానమే వస్తోంది. వేల రూపాయలు పోసి మెడికల్‌ దుకాణాల్లో కొనలేక రోగులు అవస్థలు పడుతున్నారు. ఉన్నతాధికారుల నిర్లక్ష్యం కారణంగానే వర్షాకాలంలో మందులను అందుబాటులో ఉంచాల్సిన టీఎస్‌ఎంఎస్‌ఐడీసీ వాటిని సరిగా పంపిణీ చేయడం లేదనే ఆరోపణలున్నాయి.
 
 మందుల సరఫరా ఏదీ...
 వర్షాకాలం మొదలవడంతో దోమల వ్యాప్తి వల్ల ఎక్కువ మంది ప్రజలు మలేరియా జ్వరం బారినపడి ప్రభుత్వాస్పత్రులకు క్యూ కడుతున్నారు. కానీ అక్కడ సరిపడా మందులు దొరకకపోవడంతో బయట కొనుగోలు చేస్తున్నారు. అలాగే కలుషిత నీరు తాగడం వల్ల వాంతులు, వీరేచనాల బారినపడే వారికి అవసరమయ్యే మందులకూ కొరత నెలకొనడంతో రోగులు ప్రైవేటు దుకాణాల్లో మందులు కొనలేక అవస్థలు పడుతున్నారు. ఎప్పటికప్పుడు ఆస్పత్రులవారీగా కొరత ఉన్న సూది మందులు, మాత్రల పంపిణీ కోసం క్షేత్రస్థాయి సిబ్బంది కోరుతున్నా సరఫరా చేసే యంత్రాంగం పట్టించుకోవడంలేదు.
 
 కొరత ఉన్న మందులివీ..
 ♦ మలేరియా నివారణ, చికిత్సకు ఇచ్చే ప్రిమాక్విన్‌ (7.5/2.5) ట్యాబ్లెట్లు.
 ♦  చిన్నారుల్లో జ్వరాన్ని తగ్గించే పారాసిటమాల్‌ డ్రాప్స్‌. విరేచనాలతో వచ్చే జ్వరాన్ని తగించే డెక్స్‌ట్రోస్‌ ఇంజెక్షన్‌కూ ఇదే పరిస్థితి.
 ♦  పురిటి నొప్పులు అయ్యేందుకు వీలుగా గర్భిణులకు ఇచ్చే ఆక్సిటోసిన్‌ సూది మందు.
 ♦ శిశువులకు నెలన్నర, మూడున్నర నెలల వయసులో కచ్చితంగా ఇవ్వాల్సిన పోలియో నివారణ సూది మందు (ఇనాక్టివ్‌ పోలియో వ్యాక్సిన్‌). ప్రైవేటు ఆస్పత్రుల్లో దీని ధర రూ. 3 వేలు.
 ♦ విరేచనాలు తగ్గేందుకు ఇచ్చే జెంటామైసిన్, మెట్రోనిండజోల్‌ సూది మందులు.
 ♦ వాంతులను తగ్గించేందుకు సరఫరా చేసే ఒండన్‌ సెట్రోన్, ప్రొమెతజైన్‌ సూది మందులు.
 ♦ కడుపు నొప్పి తీవ్రతను తగ్గించేందుకు ఇచ్చే డైసైక్లోమైన్‌ హెచ్‌సీఎల్‌ సూది మందు.
 ♦ కాలిన గాయాలకు చేసే చికిత్సలో ఉపయోగించే సిల్వర్‌ సఫ్లాడైజిన్‌.
 
 సూది మందు లేదట...
 ఆత్మహత్య చేసుకునేందుకు నా కొడుకు గడ్డి మందు మింగడంతో ఆస్పత్రికి తీసుకొచ్చినం. కానీ ఆస్పత్రిలో మందులు లేవట. బయట కొంటే ఒక్కో ఇంజెక్షన్‌కు రూ. 200 అయింది. – రాతిపెల్లి సాంబయ్య, బోరు నర్సాపురం, మంగపేట, జయశంకర్‌ భూపాలపల్లి జిల్లా
 
 బయట తెచ్చుకోమన్నారు..
 జ్వరం మందులు ఆస్పత్రిలో లేవంటున్నారు. ఇదేంటని అడిగితే బయట తెచ్చుకోవాలని అంటున్నారు. – సిలువేరు మధు, చిప్పాయిగూడ, మంచాల మండలం, రంగారెడ్డి జిల్లా


 ముంబై : దేశమంతటా ఒకే పన్ను విధానం జీఎస్టీ జూలై 1 నుంచి అమల్లోకి వచ్చేసింది. అన్ని రకాల ఉత్పత్తులు మార్కెట్లో జీఎస్టీ ధరల్లోనే లభ్యమవుతున్నాయి. కానీ ఒక్క ఫార్మాస్యూటికల్‌ ఉత్పత్తులు మాత్రం పేషెంట్లకు మామూలు ధరల్లోనే లభ్యంకానున్నాయి. పేషెంట్లు తమకు అవసరమైన మందులను ఆగస్టు వరకు నాన్‌-జీఎస్టీ ధరల్లోనే కొనుగోలు చేసుకునేలా ఫార్మసీలు, రిటైల్‌ షాపులు అవకాశం కల్పిస్తున్నాయి.. ఫార్మసీల్లోకి, రిటైల్‌ షాపుల్లోకి కొత్తగా సరుకు వచ్చేంత వరకు పేషెంట్లకు ఈ నాన్‌-జీఎస్టీ ధరల్లోనే మందులు లభ్యం కానున్నాయని ఇండస్ట్రీ వర్గాలు చెబుతున్నాయి. మార్కెట్‌ ఇన్వెంటరీ అయిపోయేంత వరకు ఇది కొనసాగనుందని, సుమారు రెండు నెలల వరకు దీనికి సమయం పట్టవచ్చని  ఇండస్ట్రీ నిపుణులు చెప్పారు. ఆగస్టు నుంచి మార్కెట్లోకి వచ్చిన కొత్త స్టాక్‌లకు సమీక్షించిన ఎంఆర్పీలను అప్లయ్‌ చేస్తారని వారు పేర్కొన్నారు. జీఎస్టీ అమలుతో ఇన్సులిన్‌, క్రిటికల్‌-కేర్‌ ఉత్పత్తులు అంటే కిడ్ని, క్యాన్సర్‌లకు సంబంధించిన ధరలు కిందకి దిగొచ్చాయి.
  
 కానీ వీటిని అప్లయ్‌ చేయడానికి మరో రెండు నెలలు పట్టే అవకాశం కనిపిస్తోంది. జీఎస్టీ కింద ఇన్సులిన్‌ వంటి వాటికి 5 శాతమే పన్ను విధించగా.. అవసరమైన మందులపై మాత్రం 12 శాతం మేర జీఎస్టీ విధించారు. జీఎస్టీ అమలుతో కంపెనీల పన్ను చెల్లింపులు కూడా పెరుగనున్నాయి.  దీంతో ఎన్‌ఎల్‌ఈఎం డ్రగ్స్‌ ధరల్లో స్వల్పంగా 2.29 శాతం పెంపు ఉండనుంది. ఎన్‌ఎల్‌ఈఎం డ్రగ్స్‌లో చాలావరకు ప్రాణాలని కాపాడే మందులే ఉండటం గమనార్హం. ఫార్మా రిటైల్‌మార్కెట్లో ఇవి 25-30 శాతం స్థానాన్ని ఆక్రమించుకున్నాయి. సాధారణంగా మార్కెట్‌ ఇన్వెంటరీ రెండు నెలలకు ఉందని, ఆగస్టు నుంచి పాక్షికంగా కొత్త ధరలను అమల్లోకి తీసుకొచ్చి, సెప్టెంబర్‌ నుంచి పోస్టు-జీఎస్టీ ధరలను ఫార్మసీలు అమల్లోకి తీసుకొస్తాయని అంచనావేస్తున్నట్టు ఓ ఫార్మాస్యూటికల్‌ రీసెర్చ్‌ సంస్థ డైరెక్టర్‌ అమీష​ మసురేకర్‌ చెప్పారు. 


 ► దేశంలో ప్రభుత్వ వైద్య సేవలు అంతంత మాత్రమే
 ► వెయ్యి మందికి ఒక్క డాక్టర్‌ కూడా లేడు
 ► నర్సుల విషయంలోనూ అంతే..
 ► ఇతర దేశాలతో పోలిస్తే ఎంతో వెనుకబాటు
 
 వైద్యో నారాయణో హరి అన్నారు పెద్దలు. కానీ మన దేశంలో గ్రామీణ ప్రాంతాల్లో ఇప్పటికీ వైద్యం అందని ద్రాక్షగానే మారింది. చాలా దేశాల్లో ప్రభుత్వ ఆసుపత్రులే ఎక్కువ సేవలు అందిస్తుండగా, మన దేశంలో మాత్రం ప్రైవేట్, కార్పొరేట్‌ రంగానిదే సింహ భాగం.
 ప్రభుత్వ ఆసుపత్రులు ఉన్నా అరకొరగానే సేవలు అందిస్తున్నాయి. భారత్‌లో ఇప్పటికీ దారిద్యరేఖకు దిగువన ఉన్నవారే ఎక్కువే. ఒక రోజుకు వీరు ఖర్చు చేసే సామర్థ్యం పట్టణ ప్రాంతాల్లో రూ.47 కాగా, గ్రామీణ ప్రాంతాల్లో రూ.32 మాత్రమే. వీరంతా ప్రైవేట్‌ ఆసుపత్రులను ఆశ్రయించలేక, ప్రభుత్వ వైద్యశాలలో వసతులు లేక కొట్టుమిట్టాడుతున్నారు.
 
 అందని వైద్యం
 రోజురోజుకు అంటువ్యాధులతో పాటు ఇతర జబ్బులు మరింతగా ప్రబలుతున్నాయి. గుండె జబ్బులు,శ్వాసకోశ వ్యాధులు, మాతా, శిశు మరణాలు పెరిగిపోతున్నాయి. గుండె జబ్బులతో మృతి చెందుతున్న వారి సంఖ్యలో భారత్‌ మొదటి స్థానంలో ఉంది. వ్యాధులకు సరైన వైద్యం అందకపోవడం ప్రధాన కారణం. ప్రతి వెయ్యి మందికి యూఎస్‌లో 2.5 శాతం మంది డాక్టర్లు ఉండగా.. భారత్‌లో ఉంది 0.7 శాతమే. అంటే ప్రతి వెయ్యి మందికి దేశంలో ఒక్క వైద్యుడు కూడా లేడన్నమాట. అలాగే ప్రతి వెయ్యి మంది రోగులకు
 అందుబాటులో ఉన్న నర్సులు యూఎస్‌లో 9.8 శాతం మంది కాగా.. భారత్‌లో 1.7 శాతమే.


 గత పదేళ్లలో తెలుగు రాష్ట్రాల్లో క్లినికల్‌ ట్రయల్స్‌(అంచనా)
 2,00,000 మందిపై ఔషధ ప్రయోగం జరిగింది
 20,000 ఇతరత్రా దుష్ప్రభావాలు
 అవయవాలు పాడైన వారు 3,000
 చనిపోయిన వారి సంఖ్య 300
 
 ఈయన పేరు స్వామి చౌదరి. హైదరాబాద్‌లో ఉంటారు. ఆపదలో ఉన్నవారికి రక్తదానం చేస్తుంటారు. దీంతో ఓ రక్తదాన కేంద్రం వారికి ఆయన పేరు నోటెడ్‌ అయింది. ఆ కేంద్రం ద్వారా కొందరు ఏజెంట్లు స్వామిని సంప్రదించారు. డబ్బులిస్తామంటూ ఔషధ ప్రయోగానికి ఒప్పించారు. అలా ఇప్పటివరకు 15 సార్లు ఔషధ ప్రయోగం చేశారు. 39 ఏళ్లున్న ఈయనకు ఒకసారి గుండెపోటు వచ్చింది. కానీ చికిత్స చేయడానికి ఔషధ ప్రయోగ కేంద్రం వారు ముందుకు రాలేదు. దీంతో స్వామి హెచ్చార్సీని ఆశ్రయించాడు.
 
 ఆయనో జూనియర్‌ ఆర్టిస్టు. సినిమాల్లో చిన్నచిన్న క్యారెక్టర్లు వేసేవాడు. అవకాశాల్లేక పేదరికం బారిన పడ్డాడు. ఆరు నెలల కిందట కొందరు ఔషధ ప్రయోగ ఏజెంట్లు క్లినికల్‌ ట్రయల్స్‌ చేయించుకుంటే వారానికి రూ.10 వేలు ఇస్తామని, అలా మూడుసార్లు వస్తే రూ.30 వేలు ఇస్తామని ఆయనకు ఆశ చూపారు. అందుకు సమ్మతిస్తూ మియాపూర్‌ సమీపంలోని ఓ ల్యాబ్‌లో ప్రయోగానికి వెళ్లాడు. చివరకు ఆ ఔషధం వికటించి చనిపోయాడు.
 – బొల్లోజు రవి
 
 ...ఇలా ఒక్కరిద్దరు కాదు.. తెలుగు రాష్ట్రాల్లో వేలాది మంది క్లినికల్‌ ట్రయల్స్‌ మాఫియా గుప్పిట చిక్కి విలవిల్లాడుతున్నారు. డబ్బులు వస్తాయన్న ఆశతో ప్రాణాలను సైతం పణంగా పెట్టి దేహాలను అప్పగించేస్తున్నారు. వారి బలహీనతను ఆసరాగా చేసుకొని క్లినికల్‌ ట్రయల్స్‌ మాఫియా రెచ్చిపోతోంది. పేదలు, డబ్బు అవసరం ఉన్నవారిని టార్గెట్‌ చేసి వల విసురుతోంది. హైదరాబాద్, కరీంనగర్, వరంగల్‌ కేంద్రాలుగా ఈ అమానవీయ దందా సాగిస్తోంది. బాధితులు ప్రాణాలు కోల్పోతున్నా డోంట్‌కేర్‌ అంటోంది. ఒక అంచనా ప్రకారం గత పదేళ్లలో తెలుగు రాష్ట్రాల్లో ఇప్పటివరకు 2 లక్షల మందిపై ఔషధ ప్రయోగం జరిగితే.. అందులో సుమారు 300 మంది చనిపోయారు. మరో 3 వేల మందికి శరీరంలో వివిధ అవయవాలు పాడయ్యాయి.
 
 ఇంకో 20 వేల మంది ఇతరత్రా దుష్ప్రభావాలకు (సైడ్‌ ఎఫెక్ట్స్‌)కు గురయ్యారు. బాధితుల్లో సినీ ఇండస్ట్రీకి చెందిన జూనియర్‌ ఆర్టిస్టులు కూడా ఉండటం గమనార్హం. ప్రస్తుతం దేశంలో ఏటా లక్ష మందిపై క్లినికల్‌ ట్రయల్స్‌ జరుగుతుండగా.. వారిలో తెలంగాణ, ఆంధ్రప్రదేశ్‌కు చెందిన వారే అధికంగా ఉంటున్నట్లు సమాచారం. ఔషధ ప్రయోగానికి ముందు 23 పేజీల అంగీకారపత్రంపై సంతకం చేయాలి. ‘‘ఈ మందు నాపై ప్రయోగించడానికి నేను ఒప్పుకుంటున్నా. దానివల్ల ఎలాంటి హాని జరిగినా, సైడ్‌ ఎఫెక్ట్‌ వచ్చినా ల్యాబ్‌కు సంబంధం లేదు. చావుకు సిద్ధమయ్యే ఇందుకు ఒప్పుకుంటున్నా..’’ అన్నది ఆ అంగీకారపత్రం సారాంశం. దీంతో మందు ప్రభావంతో బాధితుల ప్రాణం పోయినా క్లినికల్‌ ట్రయల్స్‌ కేంద్రాలపై కేసు ఉండదు.
 
 ఏజెంట్లు.. 100 వాట్సాప్‌ గ్రూపులు
 దేశంలో ప్రైవేటు ఆధ్వర్యంలో 84 ఔషధ ప్రయోగ కేంద్రాలున్నాయి. అందులో హైదరాబాద్‌లో 9, మహారాష్ట్రలో 24, గుజరాత్‌లో 17 ఉన్నాయి. వీటికి కేంద్ర ప్రభుత్వ ఔషధ నియంత్రణ సంస్థ అనుమతి ఉన్నా చాలా కేంద్రాలు.. సరైన మార్గదర్శకాలు పాటించకపోవడంతో పేదల ప్రాణాలకు ముప్పు వాటిల్లుతోంది. నిబంధనల ప్రకారం ఆన్‌లైన్‌లో బాధితుల వివరాలు ఉంచాలి. కానీ అలా చేయడం లేదు. రికార్డులు కూడా నిర్వహించడం లేదు. ఔషధ ప్రయోగాలకు మనుషులను తెప్పించే బాధ్యతను కొందరు ఏజెంట్లకు అప్పగించారు. వారు 100 వాట్సాప్‌ గ్రూపులు నిర్వహిస్తూ.. డబ్బు ఎరజూపుతున్నారు.
 
 పేదలు, ఆర్థికంగా ఇబ్బంది ఎదుర్కొనే జూనియర్‌ ఆర్టిస్టులు, కార్మికులు, విద్యార్థులు, రోజువారీ కూలీలను టార్గెట్‌ చేస్తున్నారు. అలాగే బ్లడ్‌బ్యాంకు నిర్వాహకుల వద్ద ఫోన్‌ నంబర్లు తీసుకుని.. ఎక్కువ సార్లు బ్లడ్‌ ఇచ్చిన వారిని సంప్రదిస్తున్నారు. ఔషధ ప్రయోగ కేంద్రాలు కూడా మందు ప్రయోగించిన తర్వాత వారి నుంచి 350 మి.మీ. రక్తం తీసుకొని పరీక్ష చేస్తుంటాయి. ఇలా రక్తం ఇవ్వడం కూడా సేవలాంటిదేనంటూ ఆ కేంద్రాలు పలువురిని మోసపుచ్చుతున్నాయి.
 
 మూడు దశల్లో..
 పెద్దపెద్ద ఫార్మసీ కంపెనీలు తాము తయారు చేసిన ఔషధాలపై ప్రయోగం చేయాలంటూ క్లినికల్‌ ట్రయల్స్‌ కేంద్రాలకు కాంట్రాక్టు ఇస్తాయి. ఆ కేంద్రాలు మనుషులపై ప్రయోగాలు జరుపుతుంటాయి. ఒక ఔషధం మార్కెట్లో తెచ్చే ముందు మూడు దశల్లో పరీక్షిస్తారు. మొదటగా మందులో డ్రగ్‌ పరిమాణం, దాని తీవ్రత, సాంద్రతలపై పరీక్ష చేస్తారు. రెండో దశలో ఆ ఔషధాన్ని జంతువులపై ప్రయోగిస్తారు. మూడో దశలో మనుషులపై ప్రయోగిస్తారు.
 
 మనుషులపై ఇలా..
 మనుషులపై రెండు విధాల మందులను ప్రయోగించి పరీక్షిస్తారు. వాటిలో ఒకటి.. సాధారణ సైడ్‌ ఎఫెక్ట్స్‌ కలిగించేవి. వీటివల్ల ఒక్కోసారి సైడ్‌ ఎఫెక్ట్స్‌ సహా ఏమైనా జరగొచ్చు. ఇక రెండో రకం.. అత్యంత ప్రమాదకరమైన మందులు. వాటిని ప్రయోగిస్తే బతకొచ్చు లేదా మరణించవచ్చు. ఉదాహరణకు కేన్సర్‌కు ఒక మందు కనుగొంటే దాన్ని కేన్సర్‌ రోగిపైనే ప్రయోగిస్తారు. అలాంటి సందర్భాల్లో కేన్సర్‌తో బాధపడే రోగిని టార్గెట్‌ చేసుకుంటారు. అలాగే గుండె, కిడ్నీ, కాలేయం, మెదడులకు సంబంధించిన మందులు కూడా ఉంటాయి. వీటి ప్రయోగాల్లో మరణాలు ఎక్కువగా సంభవిస్తాయి.
 
 ఒకే నెలలో మూడుసార్లు..
 కొన్ని ఔషధ ప్రయోగ కేంద్రాలు ఒకే మనిషిపై ఒక నెలలో మూడు నాలుగుసార్లు ప్రయోగాలు చేస్తున్నాయి. మందు ఇచ్చిన ప్రతీసారి అతడి నుంచి 350 మి.మీ. రక్తం తీయాలి. ఈ లెక్కన మూడుసార్లు మందు ప్రయోగిస్తే నెలలోనే మూడుసార్లు రక్తం తీస్తున్నారు. దాంతోపాటు మూడు రకాల మందుల ప్రభావానికి గురవడంతో మరణిస్తున్నారు.
 
 ఏం చేయాలి.. ఏం చేస్తున్నారు..?
 క్లినికల్‌ ట్రయల్స్‌కు కేంద్ర ప్రభుత్వం అనేక నిబంధనలు విధించింది. కానీ ఔషధ ప్రయోగ సంస్థలు అవేవీ పట్టించుకోవడం లేదు. క్లినికల్‌ ట్రయల్స్‌కు ముందు సదరు వ్యక్తి కుటుంబ సభ్యుల నుంచి అంగీకారపత్రం తీసుకోవాలి. వారు ఒప్పుకుంటేనే క్లినికల్‌ ట్రయల్స్‌ చేయాలి.
 – కానీ రాష్ట్రంలో ఒక్క కేసులోనూ కుటుంబ సభ్యుల అంగీకారం తీసుకోవడం లేదు
 
 క్లినికల్‌ ట్రయల్స్‌కు ముందే.. అతడిపై ఏ మందు ప్రయోగిస్తున్నారో చెప్పాలి. దాంతో జరిగే ప్రమాదాలను వివరించాలి. ఎన్నిసార్లు మందు ప్రయోగిస్తారో చెప్పాలి. ఎన్నిసార్లు రక్తం తీస్తారో తెలియజేయాలి.
 – ఇవేవీ లేకుండానే బందీలుగా ఉంచి ఔషధ ప్రయోగాలు చేస్తున్నారు
 
 ఒక వ్యక్తి ఒక క్లినికల్‌ ట్రయల్స్‌లోనే పాల్గొనాలి
 – ఏజెంట్లు ఒకే వ్యక్తిపై ఒకేసారి రెండు మూడు ట్రయల్స్‌ చేయిస్తున్నారు.
 క్లినికల్‌ ట్రయల్స్‌కు ముందు సదరు వ్యక్తికి బలవర్ధకమైన ఆహారం ఇవ్వాలి. ఆరోగ్య పరీక్షలు చేయించాలి.
 – అవేవీ జరగడం లేదు
 క్లినికల్‌ ట్రయల్స్‌కు అంగీకరించిన వ్యక్తికి తప్పనిసరిగా ఆరోగ్య బీమా చేయించాలి.
 – ఎక్కడా చేయించడం లేదు
 ఎథికల్‌ కమిటీ ఆమోదం తర్వాతే ట్రయల్స్‌ జరగాలి. ఈ కమిటీలో న్యాయ, వైద్య, సామాజిక ఉద్యమకర్తలు ఉండాలి. వారు అంగీకరించాకే ట్రయల్స్‌ జరపాలి.
 – ఎథికల్‌ కమిటీలు నామమాత్రంగా మారాయన్న ఆరోపణలున్నాయి
 
 కరీంనగర్‌ జిల్లా జమ్మికుంట మండలం నాగంపేట్‌ గ్రామానికి చెందిన నాగరాజు బెంగళూరులోని ఒక ల్యాబ్‌లో క్లినికల్‌ ట్రయల్స్‌కు అంగీకరించాడు. గత నెలలో ఆయనపై క్లినికల్‌ ట్రయల్స్‌ చేశారు. ప్రయోగానికి వెళ్లి వచ్చాక ఈ నెల 2న అకస్మాత్తుగా చనిపోయాడు. ఆయన క్లినికల్‌ ట్రయల్స్‌కు వెళ్లిన విషయం కుటుంబీకులకు తెలియలేదు. చనిపోయాక అతని వద్ద లభించిన ఆధారాలను బట్టి క్లినికల్‌ ట్రయల్స్‌ జరిగినట్లు నిర్ధారణ అయింది.
 
 నోట్లోంచి రక్తం.. ఫిట్స్‌..
 గద్వాల జిల్లాకు చెందిన ఓ వ్యక్తి సినీ ఇండస్ట్రీలో పనిచేస్తున్నారు. అవకాశాల్లేక ఆర్థిక ఇబ్బందులు పడుతున్న ఆయన్ను కొందరు ఏజెంట్లు కలసి డబ్బు ఆశజూపి ఔషధ ప్రయోగానికి ఒప్పించారు. ఐదారేళ్లుగా అతనిపై క్లినికల్‌ ప్రయోగాలు చేశారు. ఇప్పటివరకు ఆరుసార్లు క్లినికల్‌ ట్రయల్స్‌ జరగడంతో ఇటీవల ఆయన నోట్లోంచి రక్తం పడింది. ఫిట్స్‌ వచ్చి కింద పడిపోయాడు.
 
 పేదలే టార్గెట్‌
     ఔషధ ప్రయోగాలకు ఆర్థిక స్తోమత ఉన్న ఏ ఒక్కరూ ఒప్పుకోరు. డబ్బు కోసం పేదలే ఇందుకు ముందుకు వస్తున్నారు. ఇది ఎంతో బాధాకరం. అయితే వారిపై రెండు మూడుసార్లు క్లినికల్‌ ట్రయల్స్‌ చేయడం నేరం. క్లినికల్‌ ట్రయల్స్‌ నిర్వాహకులు సరైన రికార్డులు నిర్వహించడం లేదు.
 – డాక్టర్‌ గంగాధర్, నెఫ్రాలజిస్ట్, నిమ్స్‌
 
 వివరాలు ఆన్‌లైన్‌లో పెట్టాలి
     నాపై 15 సార్లు క్లినికల్‌ ట్రయల్స్‌ జరిగాయి. దీంతో ఓసారి గుండెపోటు వచ్చింది. కానీ ఎవరూ పట్టించుకోలేదు. దీంతో వీటిపై ఉద్యమం చేస్తున్నాను. బాధితుల వివరాలన్నీ ఆన్‌లైన్‌లో పెట్టాలి.
 – స్వామి చౌదరి,క్లినికల్‌ ట్రయల్స్‌పై ఉద్యమకర్త


 విశ్లేషణ
 సిఫారసులు చేసేవారికి కమిషన్లు ఇవ్వడం, పుచ్చుకోవడం అనే తప్పుడు పద్ధతులు కొందరికే పరిమితం అనుకున్నా... అది ఐఎంఏ ఎదుర్కొనవలసి ఉన్న సమస్యే
 
 ముంబైలోని ఓ సుప్రసిద్ధ సింగిల్‌ స్పెషాలిటీ ఆసుపత్రి ఇటీవల తమ ఆవర ణకు దగ్గరగా ఒక భారీ ప్రకటనను పెట్టింది. ‘‘నిజాయి తీతో కూడిన అభి ప్రాయం. కమీషన్లు లేని డాక్టర్లు’’ అన్న ఆసియన్‌ హార్ట్‌ ఇన్‌స్టిట్యూట్‌ వారి ఆ ప్రకటన పెద్ద వివాదానికి దారితీసింది. వెంటనే వైద్య వృత్తి నిపుణులంతా నిలువునా చీలిపోయారు. ఆ ప్రకటనను తొలగించాలని ఇండియన్‌ మెడికల్‌ అసోసియేషన్‌ (ఐఎంఏ) కోరింది.
 
 ఫలానా చోట చూపించుకోవాలని రోగులకు సూచించిన జనరల్‌ ఫిజీషియన్‌కు ఆసు పత్రీ, డాక్టర్లకు వైద్య పరీక్షలు చేసే లేబొరేటరీ కమీషన్లు చెల్లిస్తాయనేది ఎప్పటి నుంచో అంద రికీ తెలిసిన బహిరంగ రహస్యం. కాకపోతే ఆ  ప్రకటన ఆ విషయాన్ని కూడా బయట పెట్టింది. నగదు రహిత బీమా ఉన్న రోగులకు హెచ్చించి వేసే బిల్లులను లెక్కలోకి తీసు కోకున్నా, వైద్య సదుపాయాలు మహా ఖరీ దైనవిగా మారడానికి ఈ కమీషన్లు ఒక కారణం.
 
 ఆ ప్రకటనను తొలగించకపోతే మెడికల్‌ కౌన్సిల్‌ ఆఫ్‌ ఇండియా (ఎంసీఏ)కు లేదా మహా రాష్ట్ర మెడికల్‌ కౌన్సిల్‌కు ఫిర్యాదు చేస్తామని ఐఎంఏ, ఆసియన్‌ హార్ట్‌ ఇన్‌స్టిట్యూట్‌కు రాసింది. ఆ ఆసుపత్రి అందుకు నిరాకరించడమేగాక, తమ ప్రకటనకు వైద్య వృత్తి నిపుణుల నుంచి పెద్ద ఎత్తున సానుకూల స్పందన లభిస్తున్నట్టు చెప్పు కుంది. మహారాష్ట్ర కౌన్సిల్‌కు, రాష్ట్ర ఆరోగ్య మంత్రికి ఒక లేఖను రాస్తూ ఆ ఆసుపత్రి... ఈ ఫీజు వాటాల పంపకం పద్ధతి (కట్‌ ప్రాక్టీస్‌) కారణంగా ఒక డాక్టర్‌ లేదా ఆసుపత్రి నిజా యితీగా తమ వృత్తిని నిర్వహించడం కష్టంగా మారుతోందని తెలిపింది.
 
 ఈ చర్చలలో రెండు పక్షాలున్నాయన్నది స్పష్టమే. ఒక పక్షం చేసే వాదన... వైద్య వృత్తి, విలువలతో కూడిన ఉన్నత ప్రమాణాలకు ప్రాముఖ్యాన్నిస్తూ నిస్వార్థంగానైనా వైద్య సహా యాన్ని అందిస్తుందని వైద్యులు చేసే ప్రమా ణాన్ని పాటించాలనడంతో సమానం. ఇక మరో పక్షం వాదన,.. వైద్య వృత్తిలోని ఎవరో కొందరు ఎక్కడో చేసే తప్పుడు పనులను ఆ ప్రకటన అతిశయీకరిస్తోందని, తద్వారా మొత్తంగా వైద్య వృత్తిపట్ల ఉండే సదభిప్రాయానికి, దాని ప్రతిష్టకు మచ్చను తెస్తోంది అని.  
 
 మీడియా కథనాలను, టాక్లింగ్‌ కరప్షన్‌ ఇన్‌ ఇండియన్‌ మెడిసిన్‌ అనే శీర్షికతో  ‘ద లాన్‌ సెట్‌’ వైద్య పత్రిక 2013లో ప్రచురించిన వ్యాసాన్ని, కథలు కథలుగా చెప్పుకునే ఆధా రాలను బట్టి చూస్తే ఈ రెండు పక్షాల నడుమ మధ్యే మార్గం కనపడటం కష్టం. ఈ చర్చను రేకెత్తించినందుకు ఆ ఆసుపత్రికి ధన్యవాదాలు తెలపాల్సింది పోయి, అది మహా తెలివిగా తమ ప్రచారం చేసుకుంటోందని ఆరోపిస్తున్నారు.
 
 ఆ ప్రకటన అతిగా సాధారణీకరించినదనీ, ఈ కమీషన్ల వ్యవహారంలో అందరు డాక్టర్లు, అన్ని ఆసుపత్రుల ప్రమేయం లేదనీ, ఈ తప్పుడు పద్ధతులు కేవలం కొందరికే పరిమి తమనీ అనుకుందాం. అయినా వైద్య వృత్తిలో విలువలకు హామీని కల్పించడం కోసం ఇది ఐఎంఏ ఎదుర్కొనవలసిన సవాలే అవుతుంది. అందుకు బదులుగా ఐఎంఏ అనవసర రాద్ధాం తం చేస్తోంది. ‘‘ఆ ప్రకటన చెప్పేది ఒక డాక్టర్‌ చేసే ప్రాథమికమైన పనే. ఇది, మేం డబ్బును దోచుకోం అని బ్యాంకులు ప్రకటించుకోవడం వంటిది’’ అని ఐఎంఏ అధ్యక్షుడు డాక్టర్‌ రవి వాంఖేడ్కర్‌ ది టైమ్స్‌ ఆఫ్‌ ఇండియాతో అన్న ట్టుగా... ఆ సంస్థ అసలా తప్పుడు పద్ధతులే జరగడం లేదన్నట్టు  నటించలేదు.
 
 ఔషధాల తయారీదారులు వైద్య వృత్తి నిపుణులకు ఇచ్చే ప్రోత్సాహకాలను గురించి, వైద్య ఉపకరణాల ధరలను అధికంగా నిర్ణయిం చడం, చివరికి లైసెన్స్‌ లేకుండా ఎముకలు, కీళ్లకు సంబంధించిన ఉపకరణాలను తయారు చేయడం వరకు ఇటీవల చాలా మీడియా కథ నాలు వెలువడ్డాయి. ప్రైవేటువే కాదు, ట్రస్టులు నడుపుతున్న ఆసుపత్రులు కూడా అధిక ధర లను వసూలు చేస్తుండటాన్ని మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ బట్టబయలు చేస్తూనే ఉంది.
 
 కమీషన్ల పద్ధతిని కాలం చెల్లినదిగా చేసేలా, అధికంగా పెంచిన బిల్లులతో రోగులు తీవ్ర కష్టాలకు గురికాకుండా చూసేలా, ప్రైవేటు రంగ వైద్యంపై ప్రజలు ఉంచుతున్న నమ్మకం ఆవిరైపోకుండా చూసేలా వైద్య వృత్తిలో ఉన్న వారు తమ పద్ధతులను మెరుగుపరచు కోవా లనైనా కనీసం ఐఎంఏ, ఎమ్‌సీఐలు కలసి చెప్పాల్సి ఉంది.
 
 వ్యాసకర్త సీనియర్‌ పాత్రికేయులు
 మహేష్‌ విజాపృకర్‌
 ఈ–మెయిల్‌ : mvijapurkar@gmail.com


 - అస్వస్థతకు గురైన మరో 19 మంది...
 - నాగరాజు మృతితో సర్వత్రా ఆందోళన
  
 సాక్షి, కరీంనగర్‌: బెంగళూరుకు చెందిన ఓ కంపెనీ ‘ఔషధ ప్రయోగం’ఎల్లలు దాటింది. తెలంగాణతో పాటు ఆంధ్రప్రదేశ్, మహారాష్ట్ర, కర్ణాటకలలో బాధితులు ఉన్నట్లు తెలుస్తోంది. కరీంనగర్‌ జిల్లా జమ్మికుంట మండలం బిజిగిరిషరీఫ్‌ పరిధి నాగంపేటలో వంగర నాగరాజు మృతితో జౌషధ ప్రయోగ ఘటనలు ఒక్కొక్కటిగా వెలుగు చూస్తున్నాయి. వంగర నాగరాజు చనిపోయిన తర్వాత కాగితాలు సర్దుతుండగా.. దొరి కిన పత్రాల ఆధారంగా ఆయన ఔషధ ప్రయోగం వల్లే మృతి చెందినట్లు నిర్ధారణ అయింది. ఇంట్లో లభించిన పత్రాలపై ఉన్న ఫోన్‌ నంబర్ల ఆధారంగా కుటుంబ సభ్యులు ఫోన్‌ చేయగా.. సదరు డాక్యుమెంట్లు పంపాలని కంపెనీ ప్రతినిధులు చెప్పారు. దీంతో వాటిని తీసుకొని నాగరాజు కుటుంబ సభ్యులు బెంగళూరు వెళ్లారు.
 
 తీరా అక్కడికి వెళ్లిన తర్వాత స్టడీ (అగ్రిమెంట్‌) మేరకు రూ.19,500లతోపాటు ట్రావెలింగ్‌ ఖర్చుల కింద మరో రూ.3 వేలు అదనంగా ఇస్తామని కంపెనీ ప్రతినిధులు చెప్పారని నాగరాజు కుటుంబ సభ్యులు వివరించారు. ఇందుకు ఒప్పుకోని వారు తమకు జరి గిన అన్యాయాన్ని ప్రశ్నిస్తే.. బౌన్సర్లతో బయటకు గెంటి వేయించడంతో వెను దిరిగారు. శుక్రవారం కరీం నగర్‌ జిల్లా జమ్మికుంట మండలం బిజిగిరిషరీఫ్‌ పరిధి నాగంపేట గ్రామానికి చేరుకున్న బాధితులు మీడియా ప్రతినిధులతో తమ గోడు వెళ్లబోసుకున్నారు. కుటుంబ సభ్యుడిని కోల్పోయిన తాము ఏమి చేయాలో పాలుపోవడం లేదని వాపోయారు. పేదరికం ఆసరాగా ఔషధ ప్రయోగాలకు పాల్పడుతూ అమాయకుల ప్రాణాలను బలి తీసుకుంటున్న కంపెనీపై చర్యలు తీసుకొని ప్రభుత్వం న్యాయం చేయాలని కోరుతున్నారు. 
  
 మరో 19 మంది పరిస్థితి సీరియస్‌
 నాగరాజుతోపాటు మరో 60 మందికి ఔషధ ప్రయోగం జరగగా, ఇందులో నాగరాజు మృత్యువాత పడ్డాడు. మరో 19 మంది అనారోగ్యానికి గురైనట్లు బెంగళూరు కంపెనీ వద్ద వలంటీర్లు చెప్పారని బాధితులు వివరించారు. ఇందులో కర్ణాటక, ఆంధ్రప్రదేశ్, మహారాష్ట్ర, మధ్యప్రదేశ్, తెలంగాణకు చెందిన వారు ఉన్నట్లు చెబు తున్నారు. ఈ 19 మందిని ఆస్పత్రిలో చేర్పిస్తే తప్ప వారు బతికి బయట పడే అవకాశాలు లేవని అనుమానం వ్యక్తం చేస్తున్నారు.
 
 ఇదే విషయమై ఫార్మా కంపెనీపై జమ్మికుంట పోలీసుస్టేషన్లో ఫిర్యాదు చేసిన బాధితులు 19 మంది వివరాలు చెప్పలేకపోతున్నారు. ఇదిలా వుంటే.. తెలుగు రాష్ట్రాల్లో మొత్తం 2 లక్షల మంది వలంటీర్లు సదరు ఫార్మా కంపెనీకి ఉంటారని తెలిసింది. దేశ వ్యాప్తంగా 84 ల్యాబ్‌లు ఉండగా మహా రాష్ట్రలో 24, గుజరాత్‌లో 18, తెలంగాణలో 9 ఉన్నా యి. 96 వేల ఫార్మసీ కంపెనీలు ఉన్నట్లు సమాచారం. మానవ ఔషధ ప్రయోగాలకు గురై మృతి చెందిన వ్యక్తుల కోసం పూణేకు చెందిన డాక్టర్‌ ఆనంద్‌రాయ్‌ అనే స్వచ్ఛ అధికార సంస్థ వ్యక్తి సుప్రీం కోర్టును ఆశ్రయించగా, ఒక్కో బాధితునికి రూ.76 లక్షల 40 వేలు పరిహారం ఇవ్వాలని కోర్టు తీర్పు ఇచ్చినా అది కాగితాలకే పరిమితం అవుతున్నాయని వలంటీర్లు చెబుతున్నారు. 
  
 ఇంటెలిజెన్స్‌ ‘ఆరా’..
 బెంగళూరుకు చెందిన ఓ ఫార్మా కంపెనీ దురాగతం నాగరాజు మృతితో బయటకి రాగా, దీనిపై పూర్తి స్థాయిలో విచారణ జరిపేందుకు ఇంటెలిజెన్స్‌ అధికారులు రంగంలోకి దిగారు. గురువారం, శుక్రవారం రెండు రోజుల్లో కరీంనగర్, హుజూరాబాద్, జమ్మికుంట, నాగంపేటలో విచారణ జరిపారు. నాగరాజు కుటుంబ సభ్యులను కలుసుకుని వివరాలు సేకరించారు.   


 న్యూయార్క్‌: ప్రాణాంతక బ్లడ్‌ కేన్సర్‌కు చికిత్సను అందించేందుకు గాను నూతన ఔషధాన్ని పరిశోధకులు అభివృద్ధి చేశారు. కేవలం డోక్సోరుబిసిన్‌ అనే ఈ నూతన ఔషధాన్ని మాత్రమే తీసుకోవడం లేదా కీమోథెరపీతో కలిపి తీసుకోవడం ద్వారా బ్లడ్‌ కేన్సర్‌కు మెరుగైన చికిత్స అందించవచ్చని వారు తెలిపారు. ఈ డ్రగ్‌ను అభివృద్ధి చేసిన పరిశోధకులు బృందానికి భారత సంతతికి చెందిన శాస్త్రవేత్త ముఖ్యపాత్ర పోషించారు. ఎక్యూట్‌ లింఫోబ్లాస్టిక్‌ లుకేమియా అనే కేన్సర్‌ కణాల వల్ల పిల్లలు, పెద్దలు కేన్సర్‌ బారిన పడతారని, ఇలా దీని బారిన పడిన 30 శాతం మంది రోగుల్లో ఫిలడేల్ఫియా అనే క్రోమోజోమ్‌ ఉంటుందని వారు వెల్లడించారు.
 
 ఈ ఫిలడేల్ఫియా క్రోమోజోమ్‌లు ఉన్న కేన్సర్‌ కణాలు మన డీఎన్‌ఏను రిపేర్‌ చేస్తాయని అన్నారు. వీటి కారణంగానే కేన్సర్‌ మందులకు లొంగదని వారు తెలిపారు. కావున ఇలా జరిగే డీఎన్‌ఏ రిపేర్‌ను నిలువరించేందుకు ఈ నూతన విధానాన్ని కనుగొన్నామని అమెరికాలోని ఉతాహ్‌ యూనివర్సిటీకి చెందిన పోస్ట్‌ డాక్టరల్‌ శ్రీవిద్య భాస్కరా వివరించారు. డీఎన్‌ఏను రిపేర్‌ చేసే ముఖ్యమైన రెండు ప్రోటీన్‌లపై తాము దృష్టి సారించడం ద్వారా డోక్సోరుబిసిన్‌ అనే ఔషధం చికిత్సకు సహకరిస్తుందని గుర్తించామని వెల్లడించారు. ఈ పరిశోధన ఫలితాలు జర్నల్‌ లుకేమియాలో ప్రచురితమయ్యాయి.


 ♦ త్వరలో ఆన్‌ డిమాండ్‌ మెడికల్‌ సేవల్లోకి జుగ్ను!
 ♦ 6 నెలల్లో ప్రారంభం; ముందుగా గుర్గావ్, చండీగఢ్‌లో
 ♦ ప్రస్తుతం ఆటో, డెలివరీ, గ్రాసరీ విభాగాల్లో సేవలు
 ♦ 50 లక్షల మంది కస్టమర్లు; రూ.35 కోట్ల ఆదాయం
 ♦ ‘స్టార్టప్‌ డైరీ’తో జుగ్ను వ్యవస్థాపక సీఈఓ సమర్‌ సింగ్లా
 
 హైదరాబాద్, బిజినెస్‌ బ్యూరో: జుగ్ను.. హైపర్‌ లోకల్‌ మార్కెట్లో పేరొందిన స్టార్టప్‌! ఆటోరిక్షా నుంచి మొదలైన జుగ్ను సేవలు లాజిస్టిక్, గ్రాసరీ, ట్యాక్సీ వరకూ విస్తరించాయి. ఇప్పుడీ జాబితాలో ఆన్‌–డిమాండ్‌ మెడిసిన్‌ స్టోర్‌ సేవలూ చేరనున్నాయి. జుగ్ను యాప్‌ ద్వారా మందులు బుకింగ్‌ చేస్తే.. దేశంలో ఎక్కడ మందులున్నా సరే 30 నిమిషాల్లో డెలివరీ చేయటమే తమ ప్రత్యేకత అంటున్నారు సంస్థ వ్యవస్థాపక సీఈఓ సమర్‌ సింగ్లా. ఇప్పటికే దేశమంతా విస్తరించిన జుగ్ను ఆటోరిక్షాలను మెడిసిన్‌ డెలివరీకి వినియోగిస్తామని చెప్పారు. ఆన్‌–డిమాండ్‌ మెడిసిన్‌ సేవలు చండీగఢ్, గుర్గావ్‌లో ప్రారంభించి.. ఆ తర్వాత దేశమంతటా విస్తరిస్తామని ‘స్టార్టప్‌ డైరీ’తో చెప్పారాయ. జుగ్ను సేవలు, విస్తరణ ప్రణాళికల గురించి మరిన్ని వివరాలు సమర్‌ సింగ్లా మాటల్లోనే..
 
 జుగ్ను సేవలివే..
 ‘‘2014 డిసెంబర్‌లో రూ.40 లక్షల పెట్టుబడితో చండీగఢ్‌ ప్రధాన కేంద్రంగా జుగ్ను సేవల్ని ప్రారంభించాం. ప్రస్తుతం జుగ్ను ఆటోస్, ఫటాఫట్, డోడో మూడు రకాల హైపర్‌లోకల్‌ సేవలందిస్తోంది. ఆటోస్‌ అంటే ఆటో రిక్షాలు, డోడో అంటే లాజిస్టిక్, ఫటాఫట్‌ అంటే గ్రాసరీ డెలివరీ. విభాగాల వారీగా చూస్తే..
 
 ♦ ప్రస్తుతం దేశంలోని 30 ప్రధాన నగరాలు, పట్టణాల్లో జుగ్ను ఆటోరిక్షా సేవలందుబాటులో ఉన్నాయి. 15 వేల మంది డ్రైవర్లు నమోదయ్యారు. రోజుకు 35 వేల డ్రైవ్స్‌.. 1.80 లక్షల కి.మీ. దూరం డ్రైవింగ్స్‌ జరుగుతున్నాయి.ప్రతి డ్రైవ్‌ మీద డ్రైవర్‌ నుంచి 10 శాతం కమీషన్‌ తీసుకుంటాం. ఏడాది ముగిసేలోగా ఆటోరిక్షాల సేవలను 100 నగరాలకు చేర్చాలని లక్ష్యించాం.
 
 ♦ 20 నగరాల్లో లాజిస్టిక్‌ సేవలందిస్తున్నాం. రోజుకు 5 వేల డెలివరీలు చేస్తున్నాం. ఇందులో 2 రకాల ఆప్షన్లుంటాయి. 1. బీ2బీ. అంటే రెస్టారెంట్‌ ఆర్డర్‌తో సంబంధం లేకుండా డెలివరీ మాత్రమే చేస్తాం. ప్రతి ఆర్డర్‌ డెలివరీ మీద 10% కమీషన్‌ తీసుకుంటాం. 2. బీ2సీ. ఇందులో ఆర్డర్‌తో పాటూ డెలివరీ రెండూ కూడా జుగ్నూస్‌ నుంచే జరుగుతాయి. ఆర్డర్‌ వేల్యూలో 5% కమీషన్‌తో పాటూ ప్రతి డెలివరీకి రూ.40 చార్జీ తీసుకుంటాం.
 
 ♦ ఫటాఫట్‌లో గ్రాసరీ సేవలను చండీగఢ్‌లో, ట్యాక్సీ విభాగం సేవల్ని గుర్గావ్‌లో మాత్రమే అందిస్తున్నాం. త్వరలోనే
 వీటిని కూడా దేశవ్యాప్తంగా విస్తరిస్తాం.
 
 టూకన్‌ పేరిట విదేశాల్లో సేవలు..
 జుగ్ను బ్రాండ్‌ పేరిట మన దేశంలో హైపర్‌ లోకల్‌ సేవల్ని, టూకన్‌ పేరిట విదేశాల్లో టెక్నాలజీ సేవల్ని అందిస్తున్నాం. లాజిస్టిక్, హోమ్‌ సర్వీసెస్, ఈ–కామర్స్, హెల్త్‌కేర్, బ్యూటీ అండ్‌ వెల్‌నెస్‌ విభాగాల్లో ఆటోమేటెడ్‌ బిజినెస్‌ ఆపరేషన్స్‌ సేవలందిస్తున్నాం. ఇది బీ2సీ, బీ2బీ ప్రొడక్ట్‌. ప్రస్తుతం 144 దేశాల్లో 26 వేల మంది కస్టమర్లున్నారు.
 
 50 లక్షల మంది కస్టమర్లు..
 ప్రస్తుతం జుగ్నులో అన్ని విభాగాల్లో కలిపి 50 లక్షల మంది కస్టమర్లుంటారు. ఇందులో హైదరాబాద్, విజయవాడ నుంచి 3 లక్షల మంది ఉంటారు. గత ఆర్ధిక సంవత్సరంలో రూ.100 కోట్ల గ్రాస్‌ మర్చండెస్‌ వ్యాల్యూ (జీఎంవీ)కి చేరుకున్నాం. ఈ ఏడాది రెండింతల వృద్ధిని లక్ష్యించాం. గత ఆర్ధిక సంవత్సరంలో రూ.35 కోట్ల టర్నోవర్‌ను చేరుకున్నాం. ఈ ఏడాది 25 శాతం వృద్ధిని లక్ష్యించాం.
 
 ఈ ఏడాది రూ.19 కోట్ల నిధుల సమీకరణ..
 ప్రస్తుతం మా సంస్థలో వెయ్యి మంది ఉద్యోగులున్నారు. రూ.2 కోట్ల పెట్టుబడులతో చండీగఢ్‌లోని గ్రాసరీ స్టార్టప్‌ సబ్‌కుచ్‌ ఫ్రెష్, బెంగళూరులోని రెస్టారెంట్‌ ఆఫర్‌ డిస్కవరీ స్టార్టప్‌ యెలో కంపెనీలను కొన్నాం. ఇప్పటిదాకా రూ.9.6 కోట్లు(15 మిలియన్‌ డాలర్ల) నిధులను సమీకరించాం. స్నో లియోపార్డ్, హోమ్‌గ్రోన్, పేటీఎం, రాకెట్‌షిప్‌ వంటివి ఈ పెట్టుబడులు పెట్టాయి. ఈ ఏడాది చివరికి రూ.19.33 కోట్లు (30 మి. డాలర్లు) సమీకరించనున్నాం. ఈ రౌండ్‌లో పాత ఇన్వెస్టర్లతో పాటూ కొత్త వాళ్లూ పాల్గొంటారు’’ అని సమర్‌ వివరించారు.
 అద్భుతమైన స్టార్టప్‌ల గురించి అందరికీ తెలియజేయాలనుకుంటే startups@sakshi.com కు మెయిల్‌ చేయండి...


 ► ఆంకాలజీ ఓపీలో పడిగాపులు
 ► ఫుట్‌పాత్‌లను ఆశ్రయిస్తున్న వైనం
 ► పట్టించుకోని వైద్యులు..సిబ్బంది
 ► పరికరాలున్నా అందని సేవలు
 
 తిరుపతి మెడికల్‌: శ్రీ వేంకటేశ్వర వైద్య విజ్ఞా న సంస్థ (స్విమ్స్‌) కేన్సర్‌ విభాగంలో రోగులకు పడిగాపులు తప్పడం లేదు. స్పెషాలిటీ వైద్య సేవలు అందుబాటులో ఉన్నా రోగులకవి చేరే పరిస్థితి లేదు. ఆసుపత్రిలోని వైద్య విభాగాల మధ్య సమన్వయం తీసుకురావడంలో విఫలం అవుతున్నారు. ప్రధానంగా కేన్సర్‌ విభాగంలో ఆంకాలజి, సర్జికల్‌ ఆం కాలజి, రేడియేషన్‌ ఆంకాలజి అనే మూడు ఉప విభాగాలున్నాయి.
 
 రూ.12 కోట్లతో పెట్‌ స్కానింగ్, రూ.14 కోట్లతో వ్యాధి నిర్థారణ పరికరాలు, రూ.1.2 కోట్ల విలువైన రెండు రేడియోథెరపీ పరికరాలు అందుబాటులో ఉన్నాయి.  80 పడకల సామర్థ్యముంది. రేడియేషన్‌ ఆంకాలజీకి ఆరోగ్యశ్రీ అనుమతి ఉంది. నిర్ధారించేందుకు ఖరీదైన పరికరాలున్నాయి. రేడియేషన్‌ థెరపీలోనూ ఆధునిక పరికరాలున్నాయి.  మూడు విభాగాలకూ  వైద్యాధికారులున్నారు. రెండు విభాగాల్లో ఐదుగురు రెసిడెన్స్‌ డాక్టర్లు (పీజీ), నలుగురు రేడియో థెరపీ టెక్నీషియన్లు ఉన్నారు. వీరితో పాటు నర్సులు .. సిబ్బంది 50 మంది వరకూ ఉన్నారు. రాయలసీమ పేదలు ఇక్కడికే వస్తుంటారు.
 
 ఇక్కడ సమస్యల్లా వైద్యులు అందుబాటులో ఉండరనేదే. ఇద్దరు విభాగాధిపతుల ఉదాశీనత ఫలితంగా రోగులకు కష్టమేర్పడుతోందని తెలుస్తోంది. సోమవారం  రేడియేషన్‌ థెరపీ కోసం 150 మందికి పైగా రోగులు  వెనుదిరిగారు. కారణం డాక్టర్లు లేకపోవడమే. వి«భాగాధిపతులు పట్టనట్టు వ్యవహరించడంతో సేవలకు ఇబ్బంది కలుగుతోందనేది విమర్శ.  తమకు పరిపాలనా విభాగంలో ప్రాధాన్యం ఇవ్వకపోవడంతో ఇద్దరు విభాగాధికారులు వైద్యసేవలు అందించేందుకు ఆసక్తి చూపడం లేదని తెలిసింది.  మరో ప్రాంతానికి బదిలీపై వెళ్లి పోయేందుకు ప్రయత్నిస్తున్న నేపథ్యంలో విధులకు సరిగ్గా రావడం లేదు. దీంతో కింది స్థాయి వైద్యులు, వైద్య సిబ్బంది కూడా నిర్లక్ష్యంగా సేవలందిస్తున్నారు.
 
 సరిపడని పడకలు
 రోజు రోజుకూ పెరుగుతున్న రోగుల సంఖ్యకు తగ్గట్టుగా పడకలు సరిపోవడం లేదు. 300 పడకలు కావాల్సి ఉంది.  గతంలో యాజమాన్యం ప్రభుత్వానికి నివేదిక కూడా పంపింది. 300 పడకలతో పాటు వంద మంది సూపర్‌ స్పెషాలిటీ డాక్టర్లు కావాలని కోరింది.  ప్రభుత్వం స్పందించక పోవడంతో ప్రత్యామ్నాయంగా టీటీడీకి చెందిన సత్రంలో 20 గదులను తీసుకుని రోజూ ప్రత్యేక వాహనంలో రోగులను తరలిస్తున్నారు.


 రెస్టారెంట్లు, హోటళ్లు
 రూ.20 లక్షలలోపు వార్షిక టర్నోవర్‌ కలిగిన రెస్టారెంట్లకు పన్ను ఉండదు. రూ.50 లక్షల వార్షిక టర్నోవర్‌ కలిగి ఉండి, నష్ట పరిహారం పథకాన్ని ఎంచుకునే రెస్టారెంట్లపై 5 శాతం లెవీ ఉంటుంది. రూ. 20 లక్షల కన్నా అధిక వార్షిక టర్నోవర్‌ కలిగిన నాన్‌–ఏసీ రెస్టారెంట్లపై 12 శాతం, మద్యం అమ్మకాల లైసెన్సు కలిగిన ఏసీ రెస్టారెంట్లపై 18 శాతం, ఐదు నక్షత్రాల హోటళ్లపై 28 శాతం పన్ను ఉంటుంది.
 
 ధరల్లో మార్పు ఉండనివి...
 పాలు, కూరగాయలు, పండ్లు, బ్రెడ్లు, బాస్మతీ బియ్యం, గోధుమ పిండి, తృణ ధాన్యాలు
 
 మినహాయింపు కలిగిన సేవలు
 విద్య, వైద్యం, ద్వితీయ శ్రేణి, లోకల్‌ రైళ్ల టికెట్లు
 
 స్వల్పంగా తగ్గేవి..
 సరకు రవాణా, ఏసీ రైలు ప్రయాణం, ఎకానమీ క్లాస్‌ విమాన ప్రయాణం, క్యాబ్‌ అగ్రిగేటర్‌ సేవలు, కొన్ని రాష్ట్రాల్లో సినిమా టికెట్లు. అయితే బిజినెస్‌ క్లాస్‌ విమాన టికెట్లు, కాంట్రాక్టు పనుల ధరలు మాత్రం స్వల్పంగా తగ్గొచ్చు లేదా ఇప్పటిలాగే ఉండొచ్చు.
 
 పెరిగేవి..
 రేస్‌ క్లబ్బుల్లో బెట్టింగ్‌. టెలికాం, ఆర్థిక సేవలపై పన్ను రేటు పెంచినా ఇన్‌పుట్‌ ట్యాక్స్‌ క్రెడిట్‌ వల్ల ధరలు ఇప్పటిలాగే ఉండొచ్చని ప్రభుత్వం చెబుతోంది.
 
 


 సేవలపై పన్ను రేట్లు ఆమోదించిన జీఎస్టీ మండలి
 - విద్య, వైద్యం మినహాయింపు.. టెలికంపై 18 %.. పెరగనున్న ఫోను బిల్లు
 - ఎకానమీ విమాన ప్రయాణం, ఏసీ రైలు ప్రయాణం మరింత చవక
 - నాన్‌ ఏసీ హోటల్స్‌పై 12, ఏసీ హోటల్స్‌ 18 శాతం..
 
 న్యూఢిల్లీ: జీఎస్టీ అమలులో భాగంగా ఇప్పటికే వస్తువులపై పన్ను రేట్లను నిర్ణయించిన జీఎస్టీ మండలి.. శుక్రవారం సేవలపై పన్ను రేట్లను ఖరారు చేసింది. విద్య, వైద్యం వంటి సేవల్ని పన్ను పరిధి నుంచి పూర్తిగా మినహాయించగా.. మిగతా సేవల్ని 5, 12, 18, 28 పన్ను శ్లాబుల్లోకి చేర్చుతూ నిర్ణయం తీసుకుంది. దీంతో జూలై 1  నుంచి టెలికం, బ్యాంకింగ్, బీమా సేవలు ప్రియం కానున్నాయి. బంగారంపై రాష్ట్రాల అభ్యంతరాల నేపథ్యంలో నిర్ణయాన్ని ప్రస్తుతానికి వాయిదా వేశారు. శ్రీనగర్‌లో నిర్వహించిన జీఎస్టీ మండలి రెండ్రోజుల భేటీ ముగింపు రోజైన శుక్రవారం ఆర్థిక శాఖ మంత్రి అరుణ్‌ జైట్లీ మాట్లాడుతూ.. ‘అన్ని సేవల్ని 5, 12, 18, 28 పన్ను శ్లాబుల్లోకి చేర్చాం. రవాణ సేవలపై(రైల్వేలు, విమాన ప్రయాణం) 5 శాతం పన్ను వసూలు చేయాలని నిర్ణయించామని తెలిపారు.
 
 ప్రస్తుతం కొనసాగుతున్న మినహాయింపు జాబితాకు కొత్తగా వేటినీ చేర్చలేదని, సేవల పనితీరు ఆధారంగా వాటిని వివిధ పన్ను శ్లాబుల్లో చేర్చామని జైట్లీ పేర్కొన్నారు. అన్ని సేవల్ని 5, 12, 18, 28 పన్ను శ్లాబుల్లో చేర్చామని అయితే ఎక్కువ సేవల్ని 18 శాతం పరిధిలో ఉంచినట్లు తెలిపారు.  ప్రస్తుతం ఏవైతే మినహాయింపు జాబితాలో ఉన్నాయో అవి అలాగే కొనసాగుతాయని, జీఎస్టీతో మరింత సమర్ధంగా పన్ను వ్యవస్థ అమలవడమే కాకుండా వినియోగదారుడి అనుకూలమని పేర్కొన్నారు. బంగారం, ఇతర ఖరీదైన లోహాలపై జూన్‌ 3న ఢిల్లీలో జరిగే సమావేశంలో నిర్ణయం తీసుకుంటామని జైట్లీ పేర్కొన్నారు. శుక్రవారం మరిన్ని వస్తువులపై జీఎస్టీ పన్ను రేట్ల వివరాల్ని వెల్లడించారు. జూలై 1 నుంచి జీఎస్టీ అమలు చేయాలని కేంద్ర ప్రభుత్వం కృతనిశ్చయంతో ఉన్న సంగతి తెలిసిందే.
 
 ఏఏ సేవలపై ఎంత పన్ను..
 ► రవాణా రంగం(రైల్వేలు, విమాన ప్రయాణం)పై 5 శాతం జీఎస్టీ.. వీటి ప్రధాన ఇంధనమైన పెట్రోలియంను ఇంకా జీఎస్టీ పరిధిలోకి తేనందున 5 శాతం శ్లాబులో చేర్చినట్లు జైట్లీ తెలిపారు.
 ► విమాన ప్రయాణంలో ఎకానమీ క్లాస్‌పై 5 శాతం, బిజినెస్‌ క్లాస్‌పై 12 శాతం పన్ను వసూలు. ఏసీ రైలు ప్రయాణంపై 5 శాతం పన్ను.
 ► నాన్‌ ఏసీ హోటల్స్‌పై 12 శాతం
 ► ఏసీ హోటల్స్, మద్యం సరఫరా చేసే ఏసీ హోటల్స్‌పై 18 శాతం ఏడాదికి రూ. 50 లక్షలు, అంతకంటే తక్కువ టర్నోవర్‌ ఉన్న రెస్టారెంట్లపై 5 శాతం జీఎస్టీ
 ► హోటల్స్, లాడ్జిల్లో  రోజువారీ టారిఫ్‌ రూ. 1000 కంటే తక్కువ ఉంటే పన్ను ఉండదు. రూ.2500–5000 మధ్య టారిఫ్‌కు 18 శాతం,
 ► విలాసవంతమైన, ఐదు నక్షత్రాల హోటల్స్‌పై 28 శాతం
 ► రేస్‌ క్లబ్బుల్లో బెట్టింగ్‌లు, సినిమాలపై 28 శాతం(ప్రస్తుతం సినిమాలపై చాలా రాష్ట్రాల్లో 40–45 శాతం పన్ను వసూలు చేస్తున్నారు. పన్ను తగ్గించడం వల్ల సినిమా టికెట్ల ధరలు తగ్గే అవకాశముంది)
 ► టెలికంపై 18 శాతం(ప్రస్తుతం ఫోన్‌ బిల్లు చెల్లింపులపై 15 శాతం వసూలు), ఆర్థిక సేవలపై(బ్యాంకింగ్, బీమా) 18 శాతం(ప్రస్తుతం వీటిపై 15 శాతం పన్ను వసూలు చేస్తున్నారు)
 ► ఈ కామర్స్‌ వెబ్‌సైట్లు(ఫ్లిప్‌కార్ట్, స్నాప్‌డీల్‌ వంటివి) సప్లయిర్స్‌కు నగదు చెల్లించకముందే 1 శాతం పన్ను ముందుగానే వసూలు చేయాలి.
 ► క్యాబ్‌ అగ్రిగేటర్స్‌(ఒలా, ఉబేర్‌) సేవలపై 5 శాతం.. ప్రస్తుతం 6 శాతం పన్ను చెల్లిస్తున్నాయి.
 ► వర్క్‌ కాంట్రాక్టులపై 12 శాతం
 ► వార్తాపత్రికల్లో ప్రకటనల కోసం స్థలాన్ని అమ్మితే 5 శాతం పన్ను (ప్రస్తుతం ఎలాంటి పన్ను వసూలు చేయడం లేదు)
 
 ధరలు పెంచితే కఠిన చర్యలు: జైట్లీ
 జూలై 1 నుంచి జీఎస్టీ బిల్లు అమలును సాకుగా చూపి ధరలు పెంచేందుకు ప్రయత్నిస్తే కఠిన చర్యలు తప్పవని కేంద్ర ఆర్థిక మంత్రి అరుణ్‌ జైట్లీ హెచ్చరించారు. జీఎస్టీ వ్యవస్థ అమల్లోకి రాగానే.. వస్తువుల్ని అధిక ధరలకు విక్రయించడాన్ని అడ్డుకునేందుకు ‘యాంటీ–ప్రాఫిటీరింగ్‌ ఏజెన్సీ’ ఏర్పాటు చేస్తామని చెప్పారు. కంపెనీల చిట్టాల్ని ఎప్పటికప్పుడు పరిశీలిస్తామని, జీఎస్టీ లబ్ధిని కంపెనీలు దుర్వినియోగం చేశాయా? లేక వినియోగదారులకు బదిలీ చేశాయా అన్న అంశాలపై నిరంతర నిఘా కొనసాగుతుందన్నారు.
 
 28 శాతం పన్ను శ్లాబులోకి వచ్చేవి
 చూయింగ్‌ గమ్స్, వైట్‌ చాకొలెట్స్, చాకొలెట్స్, కోకో చాకొలెట్స్, వేఫర్‌ చాకొలెట్స్, ఇన్‌స్టంట్‌ కాఫీ, కస్టర్డ్‌ పౌడర్, విద్యార్థులు వాడే రంగులు, పెయింట్స్, వార్నిష్‌లు, పెరŠూప్యమ్స్‌ , సౌందర్య ఉత్పత్తులు, సన్‌స్క్రీన్స్, షాంపూలు, హెయిర్‌ డైలు, షేవింగ్‌ లోషన్స్, డియోడరంట్స్, బాణాసంచా, వాష్‌ బేసిన్స్, కృత్రిమ ఫర్‌ ఉత్పత్తులు, కృత్రిమ పువ్వులు, విగ్గులు, రేజర్‌ బ్లేడ్‌లు, వంటకు వాడే కత్తులు, ఏసీలు, రిఫ్రిజిరేటర్లు, స్టోరేజ్‌ వాటర్‌ హీటర్స్, ఫొటోకాపీ యంత్రాలు, ఫ్యాక్స్‌ యంత్రాలు, ఇన్సులేటెడ్‌ కాపర్‌ తీగ, వాచీలు, రివాల్వర్లు, పిస్టల్స్, సిగరెట్‌ లైటర్లు..
 
 ఖరారు చేసిన వస్తు సేవల పన్ను రేట్లు
 5% టీ, కాఫీ(ఇన్‌స్టంట్‌ కానిది), వేరుశనగ, చేపలు, కిరోసిన్‌ లాంతరు, బయో గ్యాస్‌ ప్లాంట్, పవన విద్యుత్, కేన్‌ షుగర్, బీట్‌ షుగర్, రవాణా సేవలు, రూ.50లక్షల టర్నోవర్‌ గల రెస్టారెంట్లు, ఓలా, ఉబర్‌
 12% మొబైల్‌ ఫోన్లు, ఫౌంటేన్‌ పెన్‌ ఇంకు, టూత్‌ పౌడర్, అగరవత్తులు, పాల సీసా, బ్రెయిలీ పేపర్, రంగులేసే పుస్తకాలు, గొడుగులు, పెన్సిల్‌ షార్ప్‌నర్, ట్రాక్టర్లు, సైకిళ్లు, కాంటాక్ట్‌ లెన్సులు, కళ్లద్దాలు, వంటపాత్రలు, క్రీడా సామగ్రి, ఫిషింగ్‌ రాడ్లు, దువ్వెనలు, పెన్సిళ్లు, పెయింటింగ్‌లు, పండ్ల రసాలు, మాంసం, ఏసీ లేని రెస్టారెంట్లు
 18% హెల్మెట్లు, ఎల్పీజీ స్టవ్‌లు, అణు రియాక్టర్లు, గడియారాలు, ఆయుధాలు, ఎలక్ట్రానిక్‌ బొమ్మలు,ప్లాస్టిక్‌ బటన్లు, వెన్న, జున్ను, కండెన్స్‌డ్‌ మిల్క్, మద్యం లైసెన్సు ఉన్న ఏసీ రెస్టారెంట్లు, టెలికం, ఆర్థిక సేవలు
 28% శీతల పానీయాలు, పరిమళ ద్రవ్యాలు, ఆఫ్టర్‌ షేవ్‌ లోషన్లు, డియోడ్రెంట్స్,ఉన్ని, రేజర్‌ బ్లేడ్లు, కార్లు, రివాల్వర్లు, పిస్టల్స్, బెట్టింగ్, సినిమా హాళ్లు
 
 పన్ను రేట్లపై మరిన్ని వివరాలు
 ► కార్లను 28 శాతం పన్ను రేటులో ఉంచగా.. నాలుగు మీటర్ల పొడవు కంటే తక్కువ ఉండే చిన్నకార్లు, 1200సీసీ పెట్రోల్‌ ఇంజిన్‌ కెపాసిటీ కార్లపై 1% సెస్సు. చిన్న డీజిల్‌ కార్లు, 1500సీసీ కంటే తక్కువ ఇంజిన్‌ కార్లపై 3% సెస్సు విధిస్తారు. మధ్యతరహా కార్లు, ఎస్‌యూవీ, ఖరీదైన కార్లపై 15% సెస్సు. 1500సీసీ ఇంజిన్‌ కెపాసిటీ ఉన్న విలాసవంతమైన కార్లపై 15% సెస్సు.
 ► నిమ్మరసం, ఎరేటెడ్‌ డ్రింక్స్‌పై 28 శాతం పన్నుతో పాటు 12% సెస్సు, 350సీసీ ఇంజిన్‌ కెపాసిటీ ఉన్న మోటార్‌సైకిళ్లపై 28 శాతం పన్నుతో పాటు 3% సెస్సు అదనం. ప్రైవేటు ఎయిర్‌క్రాఫ్ట్, ఖరీదైన పడవలపైనా అదే పన్ను రేటు.
 ► పొగాకు, పొగాకు ఉత్పత్తులపై 28 శాతం పన్నుతో పాటు 61 నుంచి 204 శాతం వరకూ సెస్సు విధిస్తారు. ఇక పైప్స్, సిగరెట్స్‌ కోసం వాడే పొగాకు పదార్థాలపై 290 శాతం పన్ను. 65ఎంఎం పొడవు మించని ఫిల్టర్, నాన్‌ ఫిల్టర్‌ సిగరెట్లపై 5% సెస్సు, ఒక్కోదానిపై రూ.1.59 అదనం.  65ఎంఎం నుంచి 70 ఎంఎం పొడవు మించని నాన్‌ఫిల్టర్‌ సిగరెట్లపై 5% సెస్సు, రూ.2.87అదనం, ఫిల్టర్‌ సిగరెట్లపై 5% సెస్సు, రూ.2.12 అదనం. బ్రాండెడ్‌ గుట్కాలపై 72% సెస్సు (వీటన్నింటిని 28 శాతం పన్ను జాబితాలో చేర్చారు).


 బోస్టన్‌: శరీరానికి అవసరమైన మోతాదులో ఔషధాన్ని అందించే సరికొత్త బయో సెన్సర్‌ను శాస్త్రవేత్తలు అభివృద్ధిచేశారు. ఇది దేహానికి అవసరమైన ఔషధాలను ఎప్పటికప్పుడు పర్యవేక్షిస్తూ కావాల్సిన మోతాదులో ఔషధాన్ని అందిస్తుంది. ఒక్కో రోగికి ఒక్కో మోతాదులో ఔషధం అవసరం ఉంటుంది.
 
 ఒక రోగికి సరిపోయే ఔషధ మోతాదు.. మరో రోగికి అధికం కావచ్చు. దీన్ని అధిగమించేందుకు ఎంత మోతాదులో ఔషధం అవసరమో అంతే అందించే సాధనాన్ని (బయోసెన్సర్‌)ను అమెరికాలోని స్టాన్‌ఫోర్డ్‌ వర్సిటీ శాస్త్రవేత్తలు కనుగొన్నారు. ఇది 3 దశల్లో పనిచేస్తుందన్నారు. ‘రక్తంలోని ఔషధ స్థాయిని బయోసెన్సర్‌ పర్యవేక్షిస్తుంది. తర్వాత ఎంత మోతాదులో ఔషధం అవసరమో అనేది ఇందులోని నియంత్రణ వ్యవస్థ అంచనా వేస్తుంది’ అని అన్నారు. 


 డయాబెటిస్‌ను చాలా ప్రభావపూర్వకంగా నియంత్రించగల శక్తిమంతమైనదీ పండు. దాంతో ఇటీవల నేరేడు పండ్ల ధర కూడా బాగా పెరిగింది. నేరేడు అతిమూత్రవ్యాధికి మంచి మందు. అనేక రకాల చర్మవ్యాధులను నిరోధిస్తుంది ఈ పండు. ఒంటిపైన వచ్చే గడ్డలు, చర్మంపై వచ్చే తెల్లమచ్చలను తగ్గిస్తుంది. నేరేడు పండ్లు అనేక రకాల నోటి సమస్యలనూ తగ్గిస్తాయి. ఇది నోటిలో వచ్చే కురుపులు, పుండ్ల పాలిట సమర్థమైన ఔషధం. అంతేకాదు నేరేడు దంతాలు, చిగుర్ల ఆరోగ్యాన్ని కాపాడుతుంది. ఈ పండ్లు ఆస్తమా, బ్రాంకైటిస్‌ వంటి ఊపిరితిత్తుల సమస్యలను దూరం చేస్తాయి.
 
 ఎముకల రుగ్మతలైన రుమాటిక్‌ నొప్పులు, గౌట్‌ బాధలు నేరేడు తినడం వల్ల దూరమవుతాయి.  కడుపు, జీర్ణ వ్యవస్థకు సంబంధించిన అనేక సమస్యలను నేరేడు ప్రభావపూర్వకంగా తగ్గిస్తుంది. మలబద్దకం, నీళ్లవిరేచనాలు వంటి సమస్యలకు ఇది మంచి పరిష్కారం.
  వాంతులు, వికారం వంటి సమస్యలకు నేరేడు మంచి విరుగుడు.
 
 గుడ్‌ఫుడ్‌


 ► ప్రజారోగ్య వేదిక రాష్ట్ర కన్వీనర్‌ డాక్టర్‌ ఎంవీ రమణయ్య
 నెల్లూరు: మన రాష్ట్రంలో ప్రజారోగ్యం ఆందోళనలో ఉందని, పేదలకు సరైన వైద్యం అందడం లేదని ప్రజారోగ్య వేదిక రాష్ట్ర కన్వీనర్‌ డాక్టర్‌ ఎంవీ రమణయ్య పేర్కొన్నారు. స్థానిక జెట్టి శేషారెడ్డి విజ్ఞాన కేంద్రంలో ఆదివారం పతనం అంచున ప్రజారోగ్యం అనే సదస్సు నిర్వహించారు. ఈ సందర్భంగా ఆయన మాట్లాడుతూ పెట్టుబడిదారి దేశాలైన ఇంగ్లాండ్, అమెరికాలో సైతం వైద్యం ప్రభుత్వం ఆధ్వర్యంలోనే నడుస్తోందన్నారు.
 ఎంత పెద్ద అధికారి అయినా, ప్రజాప్రతినిధులైనా అక్కడ ప్రభుత్వ ఆస్పత్రిలోనే వైద్యం చేయించుకుంటున్నారని తెలిపారు. అయితే అందుకు విరుద్ధంగా మన దేశంలో వైద్యరంగానికి కేంద్ర, రాష్ట్ర ప్రభుత్వాలు నిధులను తగ్గిస్తున్నాయని ఆరోపించారు. డాక్టర్లు, నర్సింగ్‌ సిబ్బంది, పారా మెడికల్‌ సిబ్బంది పోస్టులను భర్తీ చేయకుండా, అత్యవసర మందులను ఏర్పాటు చేయకుండా, నాణ్యత కలిగిన వైద్యపరికరాలు అందుబాటులో ఉంచకుండా ప్రభుత్వ వైద్యాన్ని ప్రభుత్వమే నీరుగారుస్తోందని విమర్శించారు. కార్పొరేట్‌ వైద్యరంగానికి పెద్దపీట వేస్తూ వారికి రా యితీలు ఇస్తున్నారని తెలిపారు.
 ప్రజల్లో ప్రభుత్వ వైద్యశాలలు సరిగాలేవనే ప్రచారాన్ని ప్రభుత్వమే కల్పి స్తుందని విమర్శించారు. తద్వారా ప్రభుత్వ వైద్యశాలలను అపోలోలాంటి కార్పొరేట్‌ సంస్థలకు కట్టబెడుతున్నారన్నారు. ఇప్పటికైనా వైద్యం అనేది తమ హక్కు అని ప్రజలు డిమాండ్‌ చేయాలన్నారు. పీహెచ్‌సీలు, సీహెచ్‌సీలు, 24గంటల ఆస్పత్రులను బలోపేతం చేసి వైద్యరంగానికి అధిక నిధులు కేటాయించాలని డిమాండ్‌ చేశారు. స్థూల జాతీయ ఉత్పత్తిలో 5 శాతం నిధులను వైద్యరంగానికి కేటాయించాలని డిమాండ్‌ చేశారు.
 పారిశుద్ధ్యం పరిరక్షణ, స్వచ్ఛమైన తాగునీరు అందించడం, దోమల నిర్మూలన తదితర వాటి ద్వారా 90 శాతం జబ్బులను నిర్మూలించవచ్చన్నారు. సదస్సులో ఆ వేదిక జిల్లా కన్వీ నర్‌ శ్రీనివాసరావు, జనవిజ్ఞాన వేదిక, ఎస్‌ఎఫ్‌ఐ, డీవైఎఫ్‌ఐ, ఐద్వా తదితర ప్రజాసంఘాలకు చెందిన నేతలు పాల్గొని వైద్యం ప్రభు త్వ ఆధీనంలోనే ఉండాలని, అప్పుడే పేదవారికి న్యాయం జరుగుతుందని పేర్కొన్నారు.


 జలుబు చేస్తే మెడికల్ షాపు వద్దకు వెళ్లి డీకోల్డ్ టోటల్.. ఒళ్లు నొప్పులుగా ఉండే కాంబిఫ్లామ్ లాంటి మాత్రలు వేసుకోవడం చాలామందికి అలవాటు. అయితే, సామాన్య ప్రజల్లో కూడా ఎంతో ప్రాచుర్యం పొందిన ఈ రెండు మాత్రలు ప్రమాణాలకు ఆమడదూరంలో ఉన్నాయని, పూర్తిగా నాసిరకం అని కేంద్ర ఔషధ ప్రమాణాల నియంత్రణ సంస్థ (సీడీఎస్‌సీఓ) చెబుతోంది.కాంబిఫ్లామ్ మాత్రలను సనోఫి ఇండియా సంస్థ తయారు చేస్తుండగా, డీకోల్డ్ టోటల్‌ను రెకిట్ బెంకిజర్ హెల్త్‌కేర్ ఇండియా సంస్థ తయారు చేస్తోంది.
 
 సీడీఎస్‌సీఓ సంస్థ పలు రకాల ఔషధాలను గత నెలలో పరిశీలించింది. వీటితో పాటు సిప్లా తయారు చేసే ఓఫ్లాక్స్-100 డీటీ, థియో ఆస్థలిన్ టాబ్లెట్లు, కాడిలా వాళ్లు తయారుచేసే కాడిలోస్ సొల్యూషన్ కూడా ప్రమాణాలకు దూరంగానే ఉన్నట్లు ఆ పరీక్షలలో తేలింది. వీటిలో ఆఫ్లాక్స్-100 డీటీ అనేది యాంటీబయాటిక్ కాగా, థియో ఆస్థలిన్ మందును శ్వాసకోశ సమస్యలకు వాడతారు. అజీర్ణ సమస్యకు పరిష్కారంగా కాడిలోస్ ఉపయోగిస్తారు. వీటితో పాటు మరో 55 మందుల విషయంలో కూడా సీడీఎస్‌సీఓ హెచ్చరించింది.


 – కేఎంసీ ప్రిన్సిపాల్‌ డాక్టర్‌ జీఎస్‌ రామప్రసాద్‌
 కర్నూలు(హాస్పిటల్‌): నైతికత వైద్యానికి ప్రాణం వంటిందని కర్నూలు మెడికల్‌ కాలేజి ప్రిన్సిపల్‌ డాక్టర్‌ జీఎస్‌ రామప్రసాద్‌ అన్నారు. హౌస్‌సర్జన్‌ పూర్తి చేసుకున్న వైద్యవిద్యార్థులకు శనివారం ఏపీ మెడికల్‌ కౌన్సిల్‌ ఎథిక్స్‌ కమిటీ ఆధ్వర్యంలో సదస్సు నిర్వహించారు. వైద్యవృత్తిలో నైతిక విలువలపై ఎథిక్స్‌ కమిటీ చైర్మన్‌ డాక్టర్‌ మాధవీలత వివరించారు. ఈ సందర్భంగా ప్రిన్సిపాల్‌ డాక్టర్‌ జీఎస్‌ రామప్రసాద్‌ మాట్లాడుతూ.. బోధనాసుపత్రిలో అభ్యసిస్తున్నప్పుడే వైద్యవిద్యార్థులు ఎన్నో విషయాలు నేర్చుకుంటారన్నారు. వారి ప్రవర్తన, నడవడికలోనూ మార్పులు రావాలన్నారు. వారి నడవడిక సరిగ్గా లేకపోతే సర్టిఫికెట్లు ఇవ్వబోమన్నారు. వైద్యుడంటే హుందాగా ఉండాలన్నారు.
  
 రోగులతో మమేకమై ప్రవర్తించాలని, వారి బాధలను ఓపికతో వినాలని సూచించారు. వైద్యుని వద్దకు వచ్చే పేదలను అవహేళన చేస్తే ఆ భగవంతుడు పరిహాసం చేస్తాడని హెచ్చరించారు. ప్రస్తుత తరంలో రోగులు ఎప్పటికప్పుడు సామాజిక మాధ్యమాల ద్వారా వ్యాధులపై అవగాహన పెంచుకుంటున్నారని, ఈ సమయంలో వైద్యులు ఎల్లప్పుడూ అప్‌డేట్‌ కావాల్సి ఉంటుందన్నారు. ఏ స్థాయిలో ఉన్నా వైద్య విద్యార్థులు ఎప్పుడూ పాఠ్యపుస్తకాలకు ప్రాధాన్యత ఇవ్వాలన్నారు. వైద్యవృత్తి చేసేటప్పుడు ఇచ్చే ప్రతి సర్టిఫికెట్‌ గురించి తెలుసుకుని ఉండాలని, వాటి వివరాలను భద్రపరుచుకోవాలని సూచించారు. నకిలీ సర్టిఫికెట్లు ఇచ్చి ఇబ్బందులకు గురికావద్దని తెలిపారు. ప్రజల డబ్బులతో చదువుకున్నారు కాబట్టి వారికి నిబద్ధులై ఉండాలని సూచించారు. కార్యక్రమంలో ఆసుపత్రి సూపరింటెండెంట్‌ డాక్టర్‌ జె.వీరాస్వామి, వైస్‌ ప్రిన్సిపల్‌ డాక్టర్‌ ప్రభాకర్‌రెడ్డి, మెడిసిన్‌ ప్రొఫెసర్‌ డాక్టర్‌ చంద్రశేఖర్‌ పాల్గొన్నారు. 
  


 - పేదల వైద్యనికి జబ్బు
 – సర్వజనాస్పత్రిలో మందుల కొరత
 – చిన్నపాటి వ్యాధులకు మందుల్లేని వైనం
 – ప్రైవేట్‌ బాట పడుతున్న రోగులు   
 
 అనంతపురం మెడికల్‌ : నగరంలోని సర్వజనాస్పత్రికి వచ్చే చాలా మంది ఇలా అరకొర మాత్రలతోనే సరిపెట్టుకుంటున్నారు. చిన్న పాటి వ్యాధులకు కూడా మందులు అందుబాటులో లేని దయనీయ పరిస్థితి ఉండటంతో పేదలపై ఆర్థిక భారం పడుతోంది. దగ్గు నివారణకు వాడే ఆంబ్రాక్సిల్‌.. కడుపు నొప్పి తగ్గించేందుకు ఇచ్చే సైక్లోఫాం.. గుండె సంబంధిత వ్యాధులకు అవసరమయ్యే సార్బిట్రేడ్‌.. ఆయాసం నుంచి ఉపశమనం కోసం వాడే బుడెసునైడ్‌ నెబులైజింగ్‌ సొల్యూషన్, సాల్బుటమాల్‌.. రక్తస్రావం కాకుండా ఉండేందుకు ఉపయోగించి ఫ్యాక్టర్‌–9.. ఇలా చిన్నపాటి వ్యాధులకు కూడా మందుల్లేవ్‌. జిల్లాకే పెద్ద దిక్కుగా ఉన్న సర్వజనాస్పత్రిలో పది రోజులుగా ఇదే పరిస్థితి. అయినా అధికారులకు మాత్రం పట్టడం లేదు. ఫలితంగా ఎక్కడెక్కడి నుంచో వచ్చిన రోగులు పలు రకాల మాత్రలను బయట కొనుక్కుంటున్నారు.
 
 జిల్లాలో 80 ప్రాథమిక ఆరోగ్య కేంద్రాలు, 15 సీహెచ్‌సీలు ఉండగా గత ఆర్థిక సంవత్సరం మందుల వినియోగం ఆధారంగా ఈ ఏడాది బడ్జెట్‌ కేటాయింపులు చేశారు. గత ఏడాది చివర్లో జిల్లా వ్యాప్తంగా డెంగీ, మలేరియా వంటి వ్యాధులు ప్రబలడంతో అన్ని చోట్లా ఔట్‌పేషెంట్స్‌ సంఖ్య పెరిగిపోయింది. ఈ క్రమంలో బడ్జెట్‌ కూడా జనవరి నాటికే అయిపోయిన పరిస్థితి. అనంతపురం ప్రభుత్వ సర్వజనాస్పత్రికి 2016–17కి గానూ మందుల కోసం రూ.3.29 కోట్ల బడ్జెట్‌ ఉండగా అది అయిపోయింది. దీంతో ఫిబ్రవరిలో అదనంగా రూ.కోటి విడుదల చేశారు. ఉరవకొండ, రాయదుర్గం, గుత్తి, కదిరి, చెన్నేకొత్తపల్లి, పామిడి, శింగనమల వంటి సుమారు 40 ఆస్పత్రులకు సైతం అదనంగా రూ.60 లక్షల వరకు బడ్జెట్‌ విడుదలైంది. వీటితో పూర్తి స్థాయిలో మందులు అందుబాటులో ఉంచాల్సిన అధికారులు నిర్లక్ష్య ధోరణి అవలంభిస్తున్నారు.
 
 చాలా పీహెచ్‌సీలు, సీహెచ్‌సీల్లో కూడా మందుల కొరత ఉన్న నేపథ్యంతో పాటు వైద్యులు సరిగా చూడటం లేదన్న కారణంగా సర్వజనాస్పత్రికి రోగుల తాకిడి పెరుగుతోంది. ప్రస్తుతం ఇన్‌పేషెంట్స్‌ 850 మంది వరకు ఉంటుండగా ఔట్‌పేషెంట్స్‌ (ఓపీ) సుమారు 1500 వరకు ఉంటోంది. ఓపీకి వచ్చే కేసుల్లో సగం వరకు జ్వరం, దగ్గు, కడుపునొప్పి, గుండె సంబంధిత వ్యాధులవే ఉంటున్నాయి. ఈ క్రమంలో మందుల కొరత వేధిస్తోంది. జేఎన్‌టీయూ సమీపంలోని సెంట్రల్‌ డ్రగ్‌ స్టోర్‌ నుంచి మందులు అన్ని ఆస్పత్రులకు సరఫరా అవుతాయి. ఇక్కడ ఏవైనా మందులు లేకుంటే ‘నాన్‌ అవైలబులిటీ (ఎన్‌ఏ)’ సర్టిఫికెట్‌ ఇస్తే స్థానికంగా కొనుగోలు చేసే అవకాశం ఉంది. అయితే ఆస్పత్రుల నుంచి ‘ఎన్‌ఏ’ సర్టిఫికెట్‌ కావాలని అడుగుతున్నా సకాలంలో డ్రగ్‌ స్టోర్‌ నుంచి స్పందన రావడం లేదని తెలుస్తోంది. ఈ క్రమంలోనే రోజుల తరబడి మందులు అందుబాటులో ఉంచుకోని పరిస్థితి తలెత్తుతోంది. కొన్ని రకాల మందులు డ్రగ్‌ స్టోర్‌లో ఉంటున్నా ‘అనాలసిస్‌’ కాకపోవడంతో పంపిణీకి నోచుకోవడం లేదని సమాచారం.  
 
 రోగులపై ఆర్థికభారం :
 సర్వజనాస్పత్రికి ఒక్క అనంతపురం నగరం నుంచే కాకుండా చుట్టు పక్కల మండలాల నుంచి కూడా పెద్ద సంఖ్య రోగులు వస్తుంటారు. రానూపోనూ చార్జీల భారం ఉంటుంది. ఈ క్రమంలో ఇక్కడ మందులు కూడా సరిపడా ఇవ్వడం లేదు. దీంతో వారం రోజుల తర్వాత మళ్లీ రావాల్సిన పరిస్థితి. కొన్ని రకాల మందులు బయట కొనుగోలు చేస్తుండటంతో ఆర్థికంగా ఇబ్బందులు పడుతున్నారు. వాస్తవానికి 20 రకాల యాంటి బయాటిక్స్, 220 రకాల మందులు, సిరప్స్, సూదులు, సెలైన్‌ బాటిల్స్, సర్జికల్‌ మందుల కోసం ప్రతి ఆస్పత్రికి పడకల సామర్థ్యాన్ని బట్టి మందులు కేటాయిస్తున్నారు. అయితే అన్ని రకాలు అందుబాటులో ఉంచుకోవడంలో మాత్రం అధికారులు విఫలమవుతున్నారు.


 కరీంనగర్‌ హెల్త్‌ : నగరంలోని పాజిటివ్‌ హోమియోపతిని ప్రారంభించి రెండేళ్లు పూర్తిచేసుకున్న సందర్భంగా ఆదివారం నానో మెడిసిన్ లోగోను ఆవిష్కరించారు. ఈ కార్యక్రమానికి ముఖ్య అతిథిగా కరీంనగర్‌ ఎమ్మెల్యే గంగుల కమలాకర్‌ హాజరయ్యారు. ఈ సందర్భంగా ఆయన మాట్లాడుతూ రోజురోజుకు ప్రజలు హోమియో వైద్యంపై ఆకర్షితులవుతున్నారన్నారు.
 హోమియో వైద్యంతో రోగాలు పూర్తిగా నయమవుతాయన్నారు. నానో మెడిసిన్ తో వ్యాధి నిర్ధారణ చేస్తున్నారని, వ్యాధి నిర్ధారణైతే తక్కువ ఖర్చుతో రోగం పూర్తిగా నయమవుతుందన్నారు. డాక్టర్‌ డెవిడ్‌ మాట్లాడుతూ నానో మాత్రలతో వ్యాధి మూలాలతో నిర్ధరించబడుతుందని తెలిపారు. పాజిటీవ్‌ హోమియోపతిలో డయాబెటిక్, సొరియాసిస్, కీళ్లనొప్పులు, హెపటైటిస్‌ బీ, గ్యాస్ట్రిక్, ఆస్తమా వంటి ధీర్ఘకాలిక వ్యాధులను నయం చేయవచ్చని తెలిపారు. సిబ్బంది పి.జోయల్‌ ప్రసన్నకుమార్, మానస, సత్యనారాయణ తదితరులు పాల్గొన్నారు


 హైదరాబాద్‌: ఇంజనీరింగ్‌ (బీఈ/బీటెక్‌), అగ్రికల్చర్‌ అండ్‌ మెడికల్‌ కోర్సుల ప్రవేశాల కోసం నిర్వహించే ఎంసెట్‌-2017 షెడ్యూల్‌ విడుదలైంది. నోటిఫికేషన్ ఫిబ్రవరి 27వ తేదీన విడుదల చేస్తామని తెలంగాణ ఉన్నత విద్యా మండలి చైర్మన్ టి.పాపిరెడ్డి తెలిపారు.  
 
 మార్చి 3 నుంచి ఏప్రిల్ 3 వరకు ఆన్‌లైన్‌లో అప్లికేషన్లను స్వీకరిస్తారు. ఏప్రిల్ 7 నుంచి 20వ తేదీ వరకు అప్లికేషన్లో మార్పులు చేసుకోవచ్చు. ఐదు వందల రూపాయల అపరాధ రుసుముతో ఏప్రిల్ 12వ తేదీ వరకు,  వెయ్యి‌ రూపాయల అపరాధ రుసుముతో ఏప్రిల్ 21వ తేదీ వరకు,  ఐదువేల‌ రూపాయల‌ అపరాధ రుసుముతో ఏప్రిల్ 29వ తేదీ వరకు, పదివేల రూపాయల అపరాధ రుసుముతో మే 8వ తేదీ వరకు ఆన్‌లైన్‌ అప్లికేషన్ దరఖాస్తులు స్వీకరిస్తారు.
 
 హాల్‌టికెట్లను మే 1వ తేదీ నుంచి 9వ తేదీ మధ్య అభ్యర్థులు వెబ్‌సైట్ నుండి డౌన్ లోడ్ చేసుకోవచ్చు. మే 12వ తేదీన ఎంసెట్ పరీక్ష నిర్వహిస్తారు. ప్రిలిమినరీ కీ మే 13వ తేదీన విడుదల చేస్తారు. ప్రిలిమినరీ కీ పై ఆబ్జెక్షన్లు మే 18వ తేదీ వరకు స్వీకరిస్తారు. మే 22 వ తేదీన ఎంసెట్ పరీక్ష ఫలితాలు విడుదల చేస్తారు. ఎస్సీ, ఎస్టీ విద్యార్థులకు పరీక్ష ఫీజు 250 రూపాయలు, మిగితావారందరికి 500 రూపాయలుగా నిర్ణయించారు.
  


 వ్యాధులను నయం చేయడంలో గోమూత్రం, గోమయం (ఆవుపేడ) పాత్ర ఏమైనా ఉందా అనే విషయాన్ని నిర్ధారించడానికి పలువురు శాస్త్రవేత్తలు, ఆరోగ్య నిపుణులతో కూడిన కమిటీని నియమించాలని కేంద్ర ప్రభుత్వం నిర్ణయించింది. ఆవు పవిత్రమైనదని, దాని మూత్రం, పేడలతో అపార ప్రయోజనాలున్నాయని చెబుతున్న వర్గాల నుంచి వస్తున్న డిమాండ్ల మేరకు ఈ విషయంలో వాస్తవాలను శాస్త్రీయంగా రుజువు చేసేందుకు ఈ కమిటీని నియమిస్తామని కేంద్రం తెలిపింది. ఆవు మూత్రం, పేడ, పాలు, పెరుగు, నెయ్యి.. వీటన్నింటితో కూడిన 'పంచగవ్య'కు ఔషధ లక్షణాలు ఏమైనా ఉన్నాయా అన్న విషయాన్ని ఈ కమిటీ నిర్ధారించాల్సి ఉంటుంది. ఐఐటీ ఢిల్లీలోని సెంటర్ ఫర్ రూరల్ డెవలప్‌మెంట్ అండ్ టెక్నాలజీ (సీఆర్‌డీటీ) ఈ మొత్తం కార్యక్రమాన్ని సమన్వయం చేస్తుంది. 
  
 ఐఐటీ ఢిల్లీలో జరిగే జాతీయ వర్కింగ్ కమిటీ సమావేశంలో దీనిపై వివరంగా చర్చిస్తామని సీఆర్‌డీటీ అధిపతి ప్రొఫెసర్ వీరేంద్రకుమార్ తెలిపారు. స్టీరింగ్ కమిటీలో ఎవరెవరు ఉంటారన్న విషయాన్ని కేంద్ర శాస్త్ర సాంకేతిక మంత్రిత్వశాఖ త్వరలోనే తెలియజేస్తుందని ఆవు మూత్రం, పేడలపై దీర్ఘకాలంగా పరిశోధన చేస్తున్న విజయ్ తెలిపారు. పార్లమెంటు బడ్జెట్ సమావేశాలలో ఈ విషయం చర్చకు వచ్చినప్పుడు కేంద్ర శాస్త్ర సాంకేతిక శాఖ సహాయ మంత్రి వైఎస్ చౌదరి కమిటీ విషయాన్ని తెలిపారు. అయితే కమిటీ కోసం ప్రత్యేకంగా నిధులు మాత్రం ఏమీ కేటాయించలేదు. ఆర్ అండ్ డీ స్కీము కిందే దీనికి నిధులిస్తామన్నారు. 


 అన్ని ఐఐటీల్లో ప్రవేశానికీ ఇదే ప్రామాణికం
 న్యూఢిల్లీ: ఇంజనీరింగ్‌ ప్రవేశాలకూ దేశవ్యాప్తంగా ఒకే పరీక్ష (మెడిసిన్ కు నీట్‌ తరహాలో) నిర్వహించాలని కేంద్ర మానవ వనరుల శాఖ భావిస్తోంది. 2018–19 విద్యా సంవత్సరం నుంచే దీన్ని అమల్లోకి తేవాలని చూస్తోంది. విధివిధానాలు రూపొందించాలని ఆలిండియా కౌన్సిల్‌ ఫర్‌ టెక్నికల్‌ ఎడ్యుకేషన్  (ఏఐసీటీఈ)కి సూచించింది. ఇప్పటికే ఐఐటీల్లో ప్రవేశం కోసం దేశవ్యాప్తంగా నిర్వహిస్తున్న పరీక్షను కూడా ఇదే గొడుగు కిందకు తీసుకొచ్చే వీలుంది.
 విద్యావిధానంలో ఉన్నతస్థాయి సంస్కరణలు తీసుకురావాలని భావిస్తున్న కేంద్రం.. రాష్ట్ర ప్రభుత్వాలు, డీమ్డ్‌ వర్సిటీలనుంచి సలహాలు కోరే వీలుంది. దీనికితోడు విద్యార్థులు అనవసరంగా చాలా పరీక్షలకు హాజరవుతున్నందున వారిపై ఒత్తిడిని తగ్గించేందుకే ఈ నిర్ణయం తీసుకున్నట్లు హెచ్చార్డీ వర్గాలు తెలిపాయి. ఒకే ప్రవేశ పరీక్షను ఏడాదిలో పలుమార్లు నిర్వహించాలని.. దీనికి తోడు భిన్న భాషలను పరిగణనలోకి తీసుకోవాలని భావిస్తున్నారు.


 3వేల జన్  ఔషధి కేంద్రాలను తెరవనున్న కేంద్రం
 న్యూఢిల్లీ: దేశంలో రెచ్చిపోతున్న మెడిసిన్  మాఫియాకు అడ్డుకట్టవేసేందుకు కేంద్రం రంగంలోకి దిగింది. మార్చి చివరి కల్లా దేశవ్యాప్తంగా 3వేల జన్  ఔషధి కేంద్రాలను తెరిచి తక్కువధరకే నాణ్యమైన మందులను అందుబాటులోకి తెచ్చేందుకు ప్రయత్నాలు జరగుతున్నాయని రసాయన, ఎరువుల మంత్రి అనంత్‌ కుమార్‌ శుక్రవారం తెలిపారు. జాతీయ యువ సహకార సొసైటీ (ఎన్ వైసీఎస్‌) ఆధ్వర్యంలో నిర్వహించిన ఓ కార్యక్రమంలో పాల్గొన్న మంత్రి.. ‘దురదృష్టవశాత్తూ దేశంలోని వివిధ ప్రాంతాల్లో మెడిసిన్ మాఫియా ఆధిపత్యం నడుస్తోంది.
 ఇష్టమొచ్చిన రేట్లకు మందులను విక్రయిస్తూ.. సామాన్యుణ్ని ఇబ్బందులు పెడుతున్నారు. జెనరిక్‌ మందులతో పోలిస్తే జాతీయ, అంతర్జాతీయ కంపెనీలు బ్రాండెడ్‌ (పేటెంట్‌ హక్కులున్న) మందులకు అత్యధికంగా డబ్బులు తీసుకుంటున్నాయి. దీనికి అడ్డుకట్ట వేయాలి’ అని తెలిపారు. జెనరిక్‌ దుకాణాల్లో అమ్మే మందుల నాణ్యత ప్రపంచ ఆరోగ్య సంస్థ  ప్రమాణాలతో సరిపోతుందని, ధర కూడా చాలా తక్కువగా ఉంటుందన్నారు. ప్రభుత్వం తీసుకునే నిర్ణయంతో మెడిసిన్ మాఫియా నిశ్శబ్దంగా ఉండదన్నారు.


 
 శాక్స్‌ జాయింట్‌ డైరెక్టర్‌ రాజేంద్ర ప్రసాద్‌ 
 
 తాడితోట (రాజమహేంద్రవరం) : 
 ప్రభుత్వ ఆస్పత్రిలో మందుల కొరత లేకుండా చర్యలు తీసుకుంటామని రాష్ట్ర ఎయిడ్స్‌ నియంత్రణ మండలి (శాక్స్‌)S  జాయింట్‌ డైరెక్టర్‌ పి.రాజేంద్రప్రసాద్‌ పేర్కొన్నారు. ఆదివారం రాజమహేంద్రవరం ప్రభుత్వ ఆస్పత్రిలో నిర్వాహణ తీరును ఆయన పరిశీలించారు. అనంతరం విలేకరుల సమావేశంలో మాట్లాడుతూ రాష్ట్ర విభజన అనంతరం రాష్ట్రంలో మందుల కొరత ఏర్పడిందని, ఉద్యోగులకు మూడు నెలల పాటు జీతాలు చెల్లిచలేకపోయామన్నారు. దేశంలో  పోలియోను పూర్తి స్థాయిలో నిర్మూలించేందు పల్స్‌పోలియో చేపట్టినా గత ఏడాది హైదరాబాద్‌లోని నీటి కుంటలలోని నీటి పరీక్షించినపుడు పోలియో క్రిమి ఉన్నట్లు గుర్తించారని, అది వినియోగించిన సిరంజిల ద్వారా వచ్చినట్లు గుర్తించారని తెలిపారు. దేశంలో పోలియో లేకపోయినా పొరుగుదేశాల్లో ఉందని, అక్కడికి రాకపోకలు సాగించేవారి నుంచి వ్యాధి రాకుండా ఉండడానికే పల్స్‌ పోలియో నిర్వహిస్తున్నామన్నారు. రెండో విడత ఏప్రిల్‌ 2 న నిర్వహిస్తామన్నారు. ముఖ్యంగా ఆస్పత్రుల పనితీరు, శుభ్రత, రోగులకు సిబ్బంది అందిస్తున్న వైద్య సేవలు, మౌలిక వసతులు తదితర అంశాలను పరిగణలోకి తీసుకుని ప్రోత్సాహకాలు అందిస్తామన్నారు. జిల్లాలో రెండు రోజులు గా ఆస్పత్రులకు పరిశీలిస్తున్నామని శనివారం అమలాపురం, రామచంద్రపురాల్లో పరిశీలించామన్నారు. ఆదివారం రంపచోడవరం, రాజమహేంద్రవరం ప్రభుత్వ ఆస్పత్రులను పరిశీలించారు. 
 రాష్ట్ర వ్యాప్తంగా 1.20  లక్షల మంది హెచ్‌ఐవి రోగులు
 రాష్ట్ర వ్యాప్తంగా 1.2 లక్షల మంది హెచ్‌ఐవి రోగులు ఉన్నారని, వారిలో 40 వేల మందికి పింఛన్లు ఇస్తున్నామన్నారు. 70 వేల మంది దరఖాస్తులు పెండింగ్‌లో ఉన్నాయన్నారు.  ప్రస్తుతం హైదరాబాద్‌లో ఉన్న మెడికల్‌ స్టోర్స్‌ను విజయవాడకు తరలించడానికి ఏర్పాట్లు చేస్తున్నామన్నారు. రాజమహేంద్రవరం ప్రభుత్వ ఆస్పత్రిలో ఉన్న ఏఆర్‌టీ సెంటర్‌ నిర్వాహణ అధ్వానంగా ఉందన్నారు. 2012 నుంచి ఇక్కడ రికార్డులు సక్రమంగా నిర్వహించడం లేదని తమ పరిశీలనలో తేలిందన్నారు. ప్రస్తుతం మరో వైద్యుడిని ప్రత్యేకంగా సిబ్బందిని ఏర్పాటు చేసి ఏఆర్‌టీ సెంటర్‌లో రికార్డులు పూర్తి స్థాయిలో నిర్వహించేలా చర్యలు చేపట్టామన్నారు. క్వాలిటీ ప్రాసెసింగ్‌ సీనియర్‌ అధికారి ప్రభాకరరావు, కర్నూల్‌ ప్రభుత్వ ఆస్పత్రి డాక్టర్‌ భువన కుమార్, డీసీహెచ్‌ డాక్టర్‌ రమేష్‌ కిషోర్, ఆర్‌ఎంఓ డాక్టర్‌ పద్మశ్రీ  పాల్గొన్నారు.
  


 న్యూఢిల్లీ : 33 ముఖ్యమైన మెడిసిన్ల ధరలను డ్రగ్ ప్రైస్ రెగ్యులేటరీ తగ్గించేసింది. వీటి రిటైల్ ధరలు 30-50 శాతం తగ్గిస్తున్నట్టు నేషనల్ ఫార్మాస్యూటికల్ ప్రైసింగ్ అథారిటీ(ఎన్పీపీఏ) పేర్కొంది. తగ్గిన మెడిసిన్ ధరల్లో జలుబు, దగ్గు, యాంటీ బయోటిక్స్లతో పాటు పలు రకాల ముఖ్యమైన మందులున్నాయి. మ్యానుఫాక్చర్స్ నిర్ణయించిన ధరలను పాటించని కంపెనీలు, డ్రగ్స్ ఆర్డర్,2013 ప్రొవిజన్స్ కింద ఎక్కువ మొత్తంలో రెగ్యులేటరీ వద్ద డిపాజిట్ చేయాల్సి ఉంటుందని  ఓ నోటిఫికేషన్లో తెలిపింది.
  
 క్రిటికల్ వ్యాధులకు సాధారణంగా వాడుతున్న మందుల ధరలు తగ్గించే లక్ష్యంగా ఈ నిర్ణయం తీసుకున్నామని, మరికొన్ని కొత్త డ్రగ్లను కూడా ప్రైస్ రెగ్యులేషన్ కిందకు తీసుకొస్తామని అథారిటీ పేర్కొంది. 33 రకాల మందులను డ్రగ్ ప్రైస్ రెగ్యులేటరి రెండు కేటగిరీల్లో విభజించింది. 11 కొత్త రకం మందులను ప్రైస్ కంట్రోల్ కిందకు తీసుకొచ్చింది. సమీక్షించిన ఈ 33 మందుల వివరాలను నేషనల్ లిస్టు ఆఫ్‌ ఎసెన్సియల్ మెడిసిన్లు, 2015లోకి చేర్చింది.   
  


 – జిల్లాఎస్పీ ఆకే రవికృష్ణ
 కర్నూలు(ఓల్డ్‌సిటీ): యునాని వైద్య విధానాన్ని ప్రజలు ఆదరించాలని జిల్లా ఎస్పీ ఆకే రవికృష్ణ పిలుపునిచ్చారు. డాక్టర్‌ అబ్దుల్‌ హక్‌ యునాని కళాశాలలో రెండు రోజులుగా జరుగుతున్న యునాని మెడిసిన్‌ ఎక్స్‌పో–2017 ఎంతో ఆకట్టుకుంది. వైద్య విద్యార్థులు యునాని వైద్యంలో వివిధ జబ్బులకు ఉపయోగించే ప్రత్యేక పద్ధతులను సూచించే స్టాళ్లు ప్రదర్శించారు. ముగింపు కార్యక్రమానికి జిల్లా ఎస్పీ  హాజరై స్టాళ్లను తిలకించారు.   కార్యక్రమంలో   కళాశాల ప్రిన్సిపాల్‌ మహబూబ్‌ బాషా కళాశాల సూపరింటెండెంట్‌ డాక్టర్‌ జైనులాబద్దీన్‌ ఖాన్, ఆర్‌ఎం డాక్టర్‌ ఇక్బాల్‌హుసేన్, కరస్పాండెంట్‌ డాక్టర్‌ అమీర్‌అహ్మద్, ప్రోగ్రామ్‌ కన్వీనర్‌ డాక్టర్‌ కలీముర్రహ్మాన్, ఆర్గనైజర్‌ డాక్టర్‌ సర్‌ఫరాజ్‌ నవాజ్, అడ్వయిజర్‌ డాక్టర్‌ పి.ఎం.డి.జుబేర్‌. డాక్టర్‌ కరీమున్నిసా, డాక్టర్‌ మజరున్నిసా పాల్గొన్నారు.
  


 ప్రముఖ ఎండోక్రినోలజిస్ట్‌ డాక్టర్‌ బిపిన్‌సేథీ
 అందుబాటులో హృద్రోగ మరణాలు తగ్గించే మందు
 ఎఫ్‌డీఏ అనుమతి పొందిన ‘ఎంపాగ్లిఫ్లోజిన్‌’ ఔషధం
 
  హైదరాబాద్‌: సాధారణ రోగులతో పోలిస్తే టైప్‌–2 మధుమేహంతో బాధపడుతున్న రోగులకు హృద్రోగ ముప్పు ఎక్కువగా పొంచి ఉందని ప్రముఖ ఎండోక్రినోలజిస్ట్‌ డాక్టర్‌ బిపిన్‌సేథీ స్పష్టం చేశారు. వీరిలో గుండెపోటు, గుండె పనితీరు దెబ్బతినడం వంటి సమస్యలు రెండు నుంచి నాలుగు రెట్లు అధికమని తెలిపారు. ఈ మేరకు శుక్రవారం హైదరాబాద్‌లోని హోటల్‌ గ్రీన్‌పార్క్‌లో ఏర్పాటు చేసిన విలేకరుల సమావేశంలో ఆయన మాట్లాడారు. మారిన జీవన శైలి, పని ఒత్తిడి, ఆహా రపు అలవాట్ల వల్ల మధు మేహుల సంఖ్య రోజు రోజుకు మరింత పెరుగు తోందన్నారు. ప్రస్తుతం నమోదు అవుతున్న మధు మేహ బాధితుల మరణా లకు హృద్రోగ సమస్యే ప్రధాన కారణమని చెప్పారు. మధుమేహంతో భాధపడుతున్న రోగులు ‘ఎంపాగ్లిఫ్లోజిన్‌’అనే యాంటి డయాబెటిక్‌ మెడి సిన్‌ వాడటం వల్ల హుద్రోగ మరణాల ముప్పు 38 శాతం తగ్గిందని.. ఇటీవల 42 దేశాల్లో 7,000 మందిపై పరీక్షించగా ఇదే అంశం నిరూపితమైం దన్నారు.
 
 దీనికి యూఎస్‌ ఎఫ్‌డీఏ అనుమతితో పాటు అమెరికన్‌ డయాబెటిక్‌ అసోసియేషన్‌ అనుమతి కూడా లభించిందన్నారు. సాధారణ డయాబెటిక్‌ మందులతో పోలిస్తే ఈ టాబ్లెట్‌ ధర కొంత ఎక్కువని.. 10ఎంజీ, 25 ఎంజీలో లభిస్తుం దన్నారు. ఈ మందు వాడాలంటే మూత్రపిండాల పనితీరులో ఎలాంటి లోపం ఉండకూడదని స్పష్టం చేశారు. కిడ్నీల పనితీరు దెబ్బతిన్న రోగులకు ఈ మందు పనికిరాదని తెలిపారు. ప్రముఖ కార్డియాలజిస్ట్‌ డాక్టర్‌ దయాసాగర్‌ మాట్లాడుతూ.. టైప్‌–2 మధుమేహుల్లో అథెరొస్లెలే రోటిక్‌ అనే హృద్రోగ సమస్యలు తలెత్తుతున్నాయని తెలిపారు. రోజుకు కనీసం 30 నిమిషాలు వ్యాయామం చేయ డం, ఆహారాన్ని మితంగా తీసుకోవడం, మాంసం, మద్యం, ధూమపానం వంటి దురలవాట్లకు దూరంగా ఉండటం వల్ల ఈ వ్యాధుల భారీన పడ కుండా ఆరోగ్యాన్ని కాపాడుకోవచ్చన్నారు. స్వీయ నియంత్రణ పాటించక పోతే 2040 నాటికి మధు మేహుల సంఖ్య 123.3 మిలియన్లకు చేరుకునే ప్రమాదం ఉందని హెచ్చరించారు.
  


 – జిల్లాలో జోరుగా నకిలీ ఔషధాల విక్రయం
 – విక్రయాలు పెంచుకునేందుకు డాక్టర్లకు భారీ నజరానాలు, విదేశీ పర్యటనలు
 – తనిఖీలు లేకుండా డ్రగ్‌ ఇన్‌స్పెక్టర్లకు నెలవారీ మామూళ్లు
 – జీరో బిజినెస్‌తో భారీగా దండుకుంటున్న 'నకిలీ' మందుల విక్రయదారులు
 
 జిల్లాలో నకిలీ మందుల వ్యాపారం జోరుగా సాగుతోంది. కొందరు వైద్యులు కాసుల కక్కుర్తితో, విదేశీ పర్యటనల మోజుతో రోగులకు నాసిరకం మందులు రాసిస్తున్నారు. అనంతపురం, తాడిపత్రి, గుంతకల్లు, కదిరి, హిందూపురంతో పాటు పలు పట్టణాల్లో ఈ దందా సాగుతోంది. కొన్ని మెడికల్‌ స్టోర్ల నిర్వాహకులు కూడా 'నకిలీ' మందులతో జీరో బిజినెస్‌ చేస్తున్నారు. దీనివల్ల ఒకవైపు రోగుల ఆరోగ్యం గుల్లవడంతో పాటు మరోవైపు ప్రభుత్వ ఖజానాకు గండిపడుతోంది.
 
  (సాక్షిప్రతినిధి, అనంతపురం)
     కాంట్రాక్టు బేసిస్‌ మెడిసిన్‌ పేరుతో జిల్లాలో నకిలీ మందుల దందా పెద్దఎత్తున సాగుతోంది. మందుల తయారీ కంపెనీలు కొందరు వైద్యులతో నేరుగా సంబంధాలు పెట్టుకుని, వారు నడుపుతున్న ఆస్పత్రులకు నకిలీమందులను సరఫరా చేస్తున్నాయి. వీటికి ఎలాంటి బిల్లులూ ఉండవు. మరికొందరు వైద్యులు మందుల దుకాణాల యజమానులతో కుమ్మక్కై అధిక లాభాలు వచ్చే కొన్ని రకాల 'ఽనకిలీ మందులనే రోగులకు రాసిస్తున్నారు. ప్రతి ఫలంగా భారీ పర్సెంటేజీలు అందుకుంటున్నారు. ఈ వ్యవహారం డ్రగ్‌ కంట్రోల్‌ అధికారులకు తెలిసినా కాసుల కక్కుర్తితో దుకాణాలపై దాడులు చేయకుండా నిర్లిప్తత ప్రదర్శిస్తున్నారు.
 
 లక్ష రూపాయల విలువైన కాంట్రాక్ట్‌ బేసిస్‌ మందులు విక్రయిస్తే డాక్టర్లకు సదరు కంపెనీ ప్రతినిధులు రూ.20వేల దాకా ముట్టజెబుతున్నారు. వీటితో పాటు మూన్నెళ్లకోసారి ఖరీదైన బహుమతులు కూడా అందజేస్తున్నారు. ఏడాదికి రెండుసార్లు థాయ్‌లాండ్, దుబాయ్, మలేషియా, సింగపూర్, హాంకాంగ్, న్యూజిలాండ్, ఆస్ట్రేలియా లాంటి విదేశీ పర్యటనలకు పంపుతున్నారు. అలాగే దేశంలోని కొన్ని ప్రధాన నగరాల్లో సమావేశాల పేరుతో స్టార్‌ హోటల్స్‌లో విందులు ఏర్పాటు చేస్తున్నారు. వైద్యుల ఽ‘అండ’ కోసం కంపెనీలు ఇంత భారీగా వ్యయం చేస్తున్నాయంటే వారికి ఏ స్థాయిలో లాభాలు వస్తున్నాయో ఇట్టే తెలుస్తుంది.
 
 నకిలీ మందులివిగో..:
         తక్కువ ధరకు లభించే నాణ్యమైన మందులు మార్కెట్లో అందుబాటులో ఉన్నాయి. అయినప్పటికీ కొందరు కక్కుర్తి డాక్టర్లు నకిలీ బ్రాండ్లను రాసి పంపుతున్నారు. ఉదాహరణకు నొప్పి నివారణకు వాడే అసిక్లోఫినాక్‌ మందు స్థానంలో 'ఎ...ఆ...' అనే రెండురకాల కంపెనీల పేరుతో ఉన్న మందులు అంటగడుతున్నారు. జలుబు, అలర్జీ నియంత్రణకు వాడే సిట్రిజిన్‌ స్థానంలో ఓ...సె..., ఆ... పేర్లతో ఉండే మందులను, కడుపులో మంట నివారణకు వాడే ఫాంటాప్రిజోల్‌ స్థానంలో ' ఫా' పేరుతో ఉండే  మూడు రకాల నకిలీమందులను రాసిస్తున్నారు. ఇలా చాలా రకాల నకిలీ మందులు మెడికల్‌ స్టోర్ల నుంచి రోగులకు చేరుతున్నాయి.
 
 వీటిపై లాభాల శాతం అధికంగా ఉంటోంది. ఈ లాభాల్లో కొంత పర్సెంటేజీ వైద్యులకు ముట్టజెబుతున్నారు. కొన్ని ఆస్పత్రులలో మెడికల్‌ స్టోర్లు ఏర్పాటు చేసిన వారు ఆస్పత్రి కరెంటుబిల్లు, ఇతర ఖర్చులను భరిస్తున్నారు. రుగ్మతలతో డాక్టర్ల వద్దకు వచ్చే రోగులను డాక్టర్లు, మెడికల్‌స్టోర్‌ నిర్వాహకులు కలిసి నిలువు దోపిడీ చేస్తున్నారు. ఇదంతా తెలిసినా డ్రగ్‌ ఇన్‌స్పెక్టర్లు మాత్రం చర్యలు తీసుకోవడం లేదు. మెడికల్‌స్టోర్లలో ఎలాంటి తనిఖీలు చేయకుండా వారితో ‘సత్సంబంధాలు’ కొనసాగిస్తున్నారు.
 
 అర్హత లేనివారు మెడికల్‌ స్టోర్లలో..
 జిల్లాలో దాదాపు 2,500 మెడికల్‌ స్టోర్లు ఉన్నాయి. వీటిలో చాలా వరకు నిబంధనలకు విరుద్ధంగా నడుస్తున్నాయి. బీ ఫార్మసీ పూర్తి చేసిన వారి సర్టిఫికెట్లను అద్దెకు తీసుకుని మందుల దుకాణాల ఏర్పాటుకు అనుమతులు తెచ్చుకుంటున్నారు. రోగులకు ఔషధాలు అందజేసేందుకు కచ్చితంగా ఫార్మసిస్టులనే నియమించాలి.
 
 వీరు తెల్లటి ఆఫ్రాన్‌ ధరించి మందులివ్వాలి. జిల్లాలో చాలా వరకు మందుల దుకాణాల యజమానులు ఫార్మాసిస్టులను నియమించుకోకుండా పదో తరగతి, ఇంటర్మీడియట్‌ తప్పినవారి ద్వారా విక్రయాలు సాగిస్తున్నారు. వారికి అవగాహన లేక డాక్టరు రాసిన చీటిలోని మందులను కాక ఇతర వాటిని  ఇస్తున్నారు. వైద్యులు వాటిని చూసి తాము రాసిన మందులు ఒకటైతే...ఇచ్చింది వేరే ఔషధాలని తిప్పి పంపుతున్న సంఘటనలు నిత్యం చోటు చేసుకుంటున్నాయి. దీనికి తోడు  మందులకు బిల్లులు కూడా ఇవ్వడం లేదు. ఈ ఘటనలపై ఎవరికి ఫిర్యాదు చేయాలో తెలీక వినియోగదారులు దుకాణదారులతో గొడవపడి వెళ్లిపోతున్నారు. 


 శ్రీకాకుళం అర్బన్: జిల్లాలోని ప్రభుత్వాస్పత్రుల్లో అందుబాటులో లేని రక్తపోటు(బీపీ), మధుమేహ వ్యాధి (సుగర్), మూర్చ(ఫిట్స్) వ్యాధుల కు సంబంధించిన మందులు సరఫ రా చేయాలని ప్రభుత్వానికి ప్రతిపాదనలు పంపిస్తామని జిల్లా వైద్య ఆరోగ్యశాఖ అధికారి డాక్టర్ సనపల తిరుపతిరావు అన్నారు. జిల్లాలో అమలు జరుగుతున్న చంద్రన్న సంచా ర చికిత్స సేవలపై జిల్లా వైద్య ఆరోగ్యశాఖ కార్యాలయంలో వైద్యులతో సోమవారం సమీక్షించారు. మధుమేహ వ్యాధి నిర్ధారణకు అవసరమైన గ్లూకో స్లిప్స్, నీటి నమూనా పరీక్షలకు అవసరమైన రసాయనాల పంపిణీకి చర్యలు తీసుకుంటామన్నారు.
  
  జిల్లాలోని అన్ని ప్రాథిమి క ఆరోగ్య కేంద్రాల ల్యాబ్ టెక్నీయన్లకు నీటి నమూనా పరీక్షలపై శిక్షణ ఇస్తామన్నారు. సమావేశంలో ఫిరామల్ సంస్థ ప్రతినిధులు క్లినికల్ డోమైన్ చీఫ్ డాక్టర్ డి.సుధాకర్ పట్నాయక్, ప్రాంతీయ అధికారి కె.భాస్కర్, జిల్లా అధికారి కె.శంకరనారాయణ, చంద్రన్న సంచార చికిత్స సేవల జిల్లా నోడల్ అధికారి డాక్టర్ బి.జగన్నాథరావు, జబర్ కో-ఆర్డినేటర్ డాక్టర్ ఎం.ప్రవీణ్, డీఎంహెచ్‌వో ఏవో ధవళ భాస్కరరావు, జిల్లా ఆస్పత్రి సేవల సమన్వయ అధికారి బి. సూర్యారావు తదితరులు పాల్గొన్నారు.


 పేదలకు చౌక ధరలకు ఔషధాలు అందించేందుకు నెలకొల్పిన అన్నసంజీవని పథకం నిర్వహణ గాడి తప్పింది. జిల్లావ్యాప్తంగా 37 దుకాణాలను ఏర్పాటు చేసిన అధికారులు అరకొరగానే ఔషధాలను సరఫరా చేస్తున్నారు. అమ్మకాలు పడిపోవడంతో ఐకేపీ సిబ్బందికి, డ్వాక్రా మహిళలకు టార్గెట్లు పెడుతుండటంపై విమర్శలు వెల్లువెత్తుతున్నాయి. 
  
 ఆచంట : పేదలకు చౌక ధరలకే ఔషధాలు అందించేందుకు ప్రభుత్వం ఏర్పాటు చేసిన అన్నసంజీవని దుకాణాలు డ్వాక్రా మహిళల పాలిట శాపంగా మారాయి. ఒక పక్క పెద్ద నోట్ల రద్దుతో చిల్లరనోట్ల కోసం నానాఇబ్బం దులు పడుతుంటే.. మరోపక్క మందులు కొనాల్సిందేనంటూ ఒత్తిడి తీసుకువస్తున్నారు. అన్నిరకాల మందులు అందుబాటులో ఉంచి అమ్మకాలు పెంచుకోవాల్సిందిపోయి అడ్డదారుల్లో 
 అమ్మకాలకు ప్రభుత్వం వెంపర్లాడుతోందనే ఆరోపణలు వెల్లువెత్తుతున్నాయి. 
  
 జిల్లాలో 38 దుకాణాల ఏర్పాటు
 జిల్లాలోని పట్టణాలు, వివిధ మండలాల్లో మొత్తం 38 అన్న సంజీవని దుకాణాలు ఏర్పాటు చేశారు. ఏలూరు, తాడేపల్లిగూడెం, తణుకు, జంగారెడ్డిగూడెం ప్రాంతీయ ఆసుపత్రులు, నరసాపురం, భీమవరం, నిడదవోలులోని ప్రభుత్వాసుపత్రులు, పీహెచ్‌సీలతోపాటు ఆచంట, పోలవరం, బుట్టాయగూడెం తదితర మండలాల్లో ఈ దుకాణాలు ఏర్పాట య్యాయి. వీటి నిర్వహణ బాధ్యతను ఐకేపీ అధికారులకు అప్పగించారు. షాపుల నిర్వహణ మొక్కుబడిగా సాగడం.. రోగులకు అవసరమైన మందులు అందుబాటులో లేకపోవడంతో అమ్మకాలు పడిపోయాయి. దిద్దుబాటు చర్యలు చేపట్టాల్సిన అధికారులు అది విస్మరించి డ్వాక్రా సంఘాలకు మందులు అంటగడుతున్నారు. మండల కేంద్రాల్లో ఏర్పాటు చేసిన దుకాణాల్లో నెలకు రూ.2 లక్షల వరకూ అమ్మకాలు సాగించాలంటూ ఐకేపీ సిబ్బందికి లక్ష్యాలు విధించారు. ఏం చేయాలో పాలుపోని ఐకేపీ సిబ్బంది మందులు కొనుగోలు చేయాలంటూ గ్రామాల్లోని డ్వాక్రా సంఘాలపై ఒత్తిడి పెంచుతున్నారు. డ్వాక్రా సంఘాల్లో సభ్యులు రోగం లేకున్నా మందులు కొనాల్సిందేనంటూ హుకుం జారీ చేస్తున్నారు. 
  
 ఔషధాలు కొంటేనే రుణం
 ఒక్కో డ్వాక్రా సంఘంలో కనీసం పది మందికి తగ్గకుండా సభ్యులు ఉంటారు. ఒక్కొక్కరూ ప్రతి నెలా రూ.200 విలువైన మందులు కొనుగోలు చేయాలని ఐకేపీ అధికారులు ఒత్తిడి తెస్తున్నారు. అంటే ఒక్కో గ్రూపులో పదిమంది సభ్యులు ఉంటే కనీసం రూ.2 వేల విలువైన మందులు కొనుగోలు చేయాలి. ఈ విధంగా రోజుకు ఒకటి లేదా రెండు గ్రూపుల చేత మందులు కొనుగోలు చేయిస్తూ కొంతకాలంగా టార్గెట్లు చేరుకుంటున్నారు. మందులు కొంటున్నారో లేదో తెలసుకునేందుకు మరో మెలిక పెడుతున్నారు. మందులు కొన్నట్టు సంబంధిత దుకాణం నుంచి రశీదులు తెచ్చి కార్యాలయాల్లో చూపించాలని షరతు పెడుతున్నారు.  ఈ విధమైన బలవంతపు కొనుగోళ్ల వ్యవహారం జిల్లాలోని అన్ని మండలాల్లో చడీచప్పుడు కాకుండా కొంతకాలం నుంచి సాగిపోతోంది. ఎవరైనా ఎదురు ప్రశ్నిస్తే.. పైఅధికారులు నెలవారీ టార్గెట్లు పెడుతున్నారని నిర్వాహకులు చెప్పుకొస్తున్నారు. 
  
 సబ్బులు.. పేస్టులు.. టానిక్‌లూ
 అధికారుల ఒత్తిడితో ఔషధ దుకాణం వద్దకు వెళుతున్న డ్వాక్రా సంఘాల మహిళలకు దిక్కుతోచడం లేదు. రోగం లేకుండా ఏం మందులు కొనాలంటూ ఆవేదన వ్యక్తం చేస్తున్నారు. దుకాణానికి వెళ్లి తనకు ఎటువంటి ఆరోగ్య సమస్య లేదని చెబితే.. మీకోసం ప్రత్యేకంగా మెడికేటెడ్‌ టూత్‌పేస్టులు, సబ్బులు, బలానికి టానిక్‌లు, మల్టీవిటమి¯ŒS టాబ్లెట్లు అందుబాటులో ఉంచామంటూ రూ.200కు సరిపడా సరుకులు అంటగడుతున్నారని మహిళలు వాపోతున్నారు. ఈ వ్యవహారాన్ని ఎవరికైనా చెప్పుకుంటే వారికి రుణం నఇవ్వరేమోన భయపడిపోతున్నారు. ఒక పక్క డ్వాక్రా సంఘాలకు ఆర్థిక పరిపుష్టినిచ్చి వారి కాళ్లమీద వారిని నిలబెడతామని చెబుతున్న పాలకులు.. ప్రభుత్వ పథకాన్ని మనుగడలో ఉంచడం కోసం చిరుద్యోగుల చేతి చమురు వదిలిస్తోందన్న విమర్శలు వెల్లువెత్తుతున్నాయి. బలవంతపు కొనుగోళ్ల వ్యవహారానికి స్వస్తి చెప్పాలని డ్వాక్రా మహిళలు జిల్లా ఉన్నతాధికారులకు విజ్ఞప్తి చేస్తున్నారు. ఈ అంశంపై సంబంధిత శాఖ ఉన్నతాధికారిని ‘సాక్షి’ సంప్రదించగా టార్గెట్లు నిర్ణయించడం నిజమేననిన చెబుతూ.. తన పేరు మాత్రం రాయవద్దని కోరారు.
  


 కర్నూలు(హాస్పిటల్‌): గర్భస్థ శిశువుకు ఉండే లోపాలను ఆధునిక వైద్యం ద్వారా నయం చేయవచ్చని  ఫీటల్‌ మెడిసిన్‌ వైద్యురాలు డాక్టర్‌ గాయత్రి ఇండ్ల చెప్పారు. ఫాగ్సీ కర్నూలు, లోటస్‌ అల్ట్రాసౌండ్, ఫీటల్‌ కేర్‌ సెంటర్‌ ఆధ్వర్యంలో ఆదివారం స్థానిక ఓ హోటల్‌లో గర్భస్థ శిశువు లోపాలపై వైద్యవిజ్ఞాన సదస్సు నిర్వహించారు.  ఈ సందర్భంగా డాక్టర్‌ గాయత్రి ఇండ్ల మాట్లాడుతూ  స్కానింగ్, స్క్రీనింగ్‌ ద్వారా జన్యులోపాలను, ఇతర అవయవలోపాలను, బిడ్డ ఎదుగుదలను గుర్తించి చికిత్స చేయవచ్చన్నారు. గర్భస్థ శిశువుకు సైతం మల్టీస్పెషాలిటీ స్థాయిలో కేర్‌ అవసరమన్నారు. ఫీటల్‌ మెడిసిన్‌ స్పెషలిస్ట్, గైనకాలజిస్టు, పీడియాట్రిస్ట్, పీడియాట్రిక్‌ సర్జన్‌లు కలిసి గర్భస్థ శిశువుకు మెరుగైన వైద్యం అందించే అవకాశం ఉందన్నారు. ఇదే అంశంపై డాక్టర్‌ ఉమారామ్‌(చెన్నై), డాక్టర్‌ చిన్మయి, డాక్టర్‌ అమిత(హైదరాబాద్‌) ప్రసంగించారు.  కార్యక్రమంలో ఫాగ్సీ సెక్రటరీ డాక్టర్‌ మాణిక్యరావు, చిన్నపిల్లల శస్త్రచికిత్స నిపుణులు డాక్టర్‌ చలపతి, చిన్నపిల్లల వైద్యులు డాక్టర్‌ నవీద్‌ తదితరులు పాల్గొన్నారు. 


 కష్టార్జితమైన కరెన్సీని చెల్లుబాటు చేసుకోవడానికి నిరుపేద, మధ్యతరగతి జనం పడుతున్న యాతనలను మీడియా హోరెత్తిస్తుండగా ఆంధ్రప్రదేశ్‌లోని అనంతపురం జిల్లా గుంతకల్లు ప్రభుత్వ ఆసుపత్రిలో చోటుచేసుకున్న ఉదంతం మాన వతావాదులందరినీ కలవరపరుస్తుంది. తీవ్ర అనారోగ్యంపాలై, నడవలేని స్థితిలో ఉన్న శ్రీనివాసాచారి అనే వ్యక్తిని మొదటి అంతస్తులో ఉన్న వైద్యుడి దగ్గరకు తీసుకెళ్లడానికి ఆయన భార్య పడిన ఇక్కట్లు చూస్తే కడుపు తరుక్కుపోతుంది. శ్రీనివాసా చారిని సాధ్యమైనంత వేగంగా, క్షేమంగా వైద్యుని వద్దకు చేర్చడానికి అవసరమైన స్ట్రెచర్‌గానీ, చక్రాల కుర్చీగానీ సమకూర్చకపోవడంతో భర్తను రెక్క పట్టుకుని ఈడ్చుకెళ్లాల్సివచ్చింది. కుటుంబాన్ని పోషించుకోవడం కోసం ఎక్కడో హైదరాబాద్‌లో సెక్యూరిటీ గార్డుగా పనిచేస్తూ హఠాత్తుగా అనారోగ్యం చుట్టు ముట్టి తప్పనిసరై స్వస్థలానికి వచ్చాడాయన. గుంతకల్లు మారుమూల గ్రామ మేమీ కాదు. ఆ ఆసుపత్రి ఎలాంటి సౌకర్యాలూ లేని ప్రాథమిక ఆరోగ్య కేంద్రమూ కాదు.
 
  శ్రీనివాసాచారి భార్య అడిగింది గొంతెమ్మ కోర్కె అంతకన్నా కాదు. అత్యవసరంగా వైద్య సాయం అందాల్సిన రోగిని వెంటనే చేరేయమని మాత్రమే ఆమె వేడుకున్నారు. జనం కట్టే పన్నులతో నెలొచ్చేసరికి వేలాది రూపాయలు జీతాలు అందు కుంటున్నవారిలో ఒక్కరంటే ఒక్కరు అది తమ కర్తవ్యమని భావిం చలేకపోయారు. బాధ్యతలు, కర్తవ్యాల సంగతలా ఉంచి కనీసం మనుషులు గానైనా స్పందించాలనుకోలేదు. సిగ్గుతో తలొంచుకోవాల్సిన ఈ ఉదంతంపై 24 గంటలు గడుస్తున్నా... ముఖ్యమంత్రి చంద్రబాబు నాయుడుగానీ, ఆరోగ్యమంత్రి కామినేని శ్రీని వాస్‌గానీ స్పందించిన దాఖలాలు లేవు. అధికారుల విచారణ మొదలైంది.
 
 కానీ ఇవి కంటితుడుపు చర్యలుగానే మిగిలిపోతాయని, చివరకు జరిగేదేమీ ఉండదని గత అనుభవాలు చెబుతున్నాయి. సరిగ్గా ఏడాదిక్రితం గుంటూరులో ఏమైంది? అక్కడి ప్రధాన ఆసుపత్రిలోని ఐసీయూలో ఒక నవజాత శిశువును ఎలుకలు కొరికి చంపేశాయి. మొన్న మే నెలలో విజయవాడ ప్రభు త్వాసుపత్రిలో మరో నవజాత శిశువు చీమలు కుట్టి చనిపోయింది. ఈ రెండు ఘటనల సమయంలోనూ విచారణలు జరిగాయి. బాధ్యులపై చర్యలు తీసుకుం టామన్నారు. తీసుకున్నామని మరి కొన్నాళ్లకు చెప్పారు. కానీ జరిగిందేమిటి? గుంటూరు ఆసుపత్రి ఘటన సమయంలో కనీసం చంద్రబాబు, కామినేని నోరు విప్పారు. బాధపడుతున్నట్టు కనబడటానికి ప్రయత్నించారు. ఇకపై ఇలాంటివి జరగనివ్వబోమని చెప్పారు. కానీ వీటిని ఆపడం తమ శక్తికి మించిన పని అను కున్నారో, ఇలాంటివాటికి అలవాటు పడ్డారో... విజయవాడ ఘటన నాటికే వారి ద్దరూ మౌనం పాటించారు. ఆ తర్వాత సైతం ప్రభుత్వాసుపత్రులు నరకాలుగా మారి నిరుపేద రోగుల్ని హింసిస్తున్న తీరును ‘సాక్షి’ దినపత్రిక ధారావాహికంగా వెలువరించింది. అయినా కదలిక లేదు.   
 
 ప్రసూతి మరణాలు, నవజాత శిశు మరణాలపై ప్రపంచ బ్యాంకు నిరుడు వెలువరించిన నివేదిక మన దేశంలోని ఆసుపత్రుల గురించి ఎన్నో దిగ్భ్రాంతి కరమైన వాస్తవాలను వెల్లడించింది. ఆ రెండు అంశాల్లోనూ తెలుగు రాష్ట్రాలు వెనుకబడిన దేశాలైన కంబోడియా, డొమినికన్‌ రిపబ్లిక్‌లతో పోల్చినా తీసికట్టుగా ఉన్నాయని తేల్చింది. దిద్దుబాటు చర్యల్ని సూచించింది. వాటర్‌ ఎయిడ్‌ అనే మరో సంస్థ గత రెండేళ్లుగా తెలుగు రాష్ట్రాలతోపాటు యూపీ, మధ్యప్రదేశ్, ఒడిశా, కర్ణాటకల్లోని 12 జిల్లాలను ఎంచుకుని చేసిన సర్వేలో అత్యంత అధ్వా న్నమైన స్థితిలో ప్రభుత్వాసుపత్రులు ఉన్నాయని వెల్లడించింది. మరుగుదొడ్లు, మంచినీటి సదు పాయం వంటివి చాలా చోట్ల లేవని, కనీసం వాష్‌ బేసిన్లు కూడా ఏర్పాటు చేయ లేదని పేర్కొంది. ఇక స్ట్రెచర్‌లు, వీల్‌చైర్ల సంగతి చెప్పేదేముంది? అవసరమైన సిబ్బందిని తీసుకోకపోవడం, చాలా సేవలను ఔట్‌ సోర్సింగ్‌కు అప్ప జెప్పి పేద రోగులను వారి దయాదాక్షిణ్యాలకు వదిలేయడం గత కొన్నేళ్లుగా ఎక్కువైంది.
 
 శ్రీమంతులు, పలుకుబడి ఉన్నవారు, రాజకీయ నాయకులు జబ్బు చేస్తే కార్పొరేట్‌ ఆసుపత్రులకు పరుగెడతారు. ఆర్ధిక స్తోమత లేని శ్రీనివాసాచారి వంటి నిరుపేదలు ప్రభుత్వాసుపత్రులకు వెళ్తారు. అక్కడ జరుగుతున్నదేమిటో, పేద రోగులకు నిత్యం ఎదురవుతున్న ఇబ్బందులేమిటో ఎవరూ ఆరా తీయరు. గుంతకల్లు ఆసుపత్రిలో కనీసం ర్యాంపు ఉన్నది గనుక ఆ అభాగ్యుడి భార్య ఎంత కష్టాన్నయినా ఓర్చుకుని ఆయనను ఈడ్చుకెళ్లగలిగింది. సకాలంలో వైద్యుడి చెంతకు చేర్చగలిగింది. పై అంతస్తుకు వెళ్లేందుకు మెట్లు తప్ప గత్యంతరం లేక పోతే వారి పరిస్థితేమిటి? ఊహించడానికి కూడా భయం వేస్తుంది.
 
  ఆరోగ్య సమాజాన్ని సాధించిన దేశం అనేక విధాల అభివృద్ధి సాధిస్తుందని నిపుణులు చెబుతారు. జనాభా ఆరోగ్యంగా ఉన్నప్పుడు ఉత్పాదకత పెరుగు తుందని, అక్షరాస్యత వృద్ధి చెందుతుందని... అలాంటివి దేశ ఆర్థికాభివృద్ధికి తోడ్పడతాయంటారు. కానీ ఆరోగ్య రంగాన్ని మన దేశం పూర్తిగా నిర్లక్ష్యం చేస్తున్నదని ప్రపంచ ఆరోగ్య సంస్థ నిరుడు వెలువరించిన గణాంకాలు వెల్ల డించాయి. ఆరోగ్యం కోసం మన దేశం వెచ్చిస్తున్నది దేశీయ ఉత్పాదకత (జీడీపీ)లో కేవలం 1.6 శాతం మాత్రమే. ఇది కనీసం 5శాతం ఉంటే తప్ప ప్రయోజనం ఉండదు. మెక్సికోలాంటి చిన్న దేశంలో కూడా తలసరి ఆరోగ్య వ్యయం 1,045 డాలర్లుంటే మన దేశంలో అది 214 డాలర్లు మించడం లేదని ఆ గణాంకాలు తెలిపాయి. దాదాపు అయిదు దశాబ్దాల క్రితం ఆరోగ్యరంగంపై జీడీపీలో 2.5 శాతాన్ని వ్యయం చేసిన చైనా ఇప్పుడు దాన్ని రెట్టింపు కంటే ఎక్కువ చేసింది. వారిని చూసైనా మన ప్రభుత్వాలు బుద్ధి తెచ్చుకోవాలి. గుంతకల్లు ఉదంతంలో సిబ్బంది నిర్లక్ష్యంతోపాటు పర్యవేక్షణ లోపం కూడా కనిపిస్తోంది. కనీసం ఇప్ప టికైనా బాబు ప్రభుత్వం మేల్కొని సర్కారీ ఆసుపత్రుల ప్రక్షాళనకు పూనుకోవాలి. ఆరోగ్యరంగంపై అవసరమైన నిధుల్ని వెచ్చించడం, సిబ్బందిలో జవాబుదారీ తనాన్ని పెంచడం తక్షణావసరాలని గుర్తించాలి. వృ«థా మాటలతో పొద్దు పుచ్చడం మానుకోవాలి.


 సంబంధిత ఉద్యోగి సస్పెండ్
  సాక్షి, హైదరాబాద్: ఎయిడ్స్ రోగులకు మందులను నిల్వ చేసే నగరానికి చెందిన ఓ స్టోర్ నిర్వహణలో లోపాలున్నట్లు ఆరోగ్య కుటుంబ సంక్షేమశాఖ అధికారులు గుర్తించారు. ఈ మందులను నిల్వ చేసే స్టోర్‌లో కొన్ని అవకతవకలు జరిగినట్లు ఈ అధికారుల దృష్టికి వచ్చిన నేపథ్యంలో ఇటీవల స్టోర్‌ను పరిశీలించారు. ఈ పరిశీలనలో పలు అవకతవకలు జరిగినట్లు తేలడంతో స్టోర్ ఇన్‌చార్జిని సస్పెండ్ చేశారు. రాష్ట్రంలో ఎరుుడ్‌‌స వ్యాధిగ్రస్తులకు సరఫరా కోసం కేంద్ర ప్రభుత్వం మందులను రాష్ట్రానికి ఇస్తుంది.
 ఈ మందుల నిల్వ కోసం ఎల్‌బీ నగర్‌లో ప్రత్యేక స్టోర్‌ను నిర్వహిస్తున్నారు. అరుుతే ఈ స్టోర్ నిర్వహణ బాధ్యతలను ఒక కాంట్రాక్టు ఉద్యోగి చూస్తున్నారు. ప్రభుత్వం అందించిన మందులకు... ఈ స్టోర్ నుంచి సరఫరా చేసిన మందులకు తేడా ఉన్నట్లు అధికారులు గుర్తించారు. ఈ స్టోర్ నిర్వహణకు సంబంధించిన రికార్డులు సరిగా లేనట్లు పరిశీలనలో తేలడంతో స్టోర్ ఇన్‌చార్జిని సస్పెండ్ చేశారు. కాగా ఈ స్టోర్‌లో మందులు గోల్‌మాల్ అయ్యాయా? ఇంకేమైనా అవకతవకలు ఉన్నాయా? అనే విషయంపై అధికారులు పూర్తిస్థారుు విచారణ చేయాలని నిర్ణరుుంచారు. విచారణ తర్వాత అవకతవకలు జరిగినట్లు తేలితే సంబంధిత అధికారులపైనా చర్యలు తీసుకునే అవకాశం ఉంది.


 విషాన్ని తగువిధంగా ఉపయోగిస్తే అది ఔషధం అవుతుందన్న విషయం మరోమారు రుజువైంది. ఇది పూర్తిగా నిర్ధారణ జరిగి, మనుషులకు అందుబాటులోకి వస్తే కోట్లాది ఆర్థరైటిస్ రోగులకు ఉపశమనం కలుగుతుంది. ఇది ఆర్థరైటిస్‌తో బాధపడే అనేక మందికి నిజంగా శుభవార్తే.
  
  తేనెటీగ కుట్టినప్పుడు అది వెలువరించే విషపదార్థాలు ఆర్థరైటిస్‌ను తగ్గిస్తాయని చెబుతున్నారు వాషింగ్టన్ యూనివర్సిటీలోని స్కూల్ ఆఫ్ మెడిసిన్ నిపుణులు. ఆ విషంలోని పెప్టైడ్ వల్ల ఇది సాధ్యపడుతుందంటున్నారు వారు. ఈ పెప్టైడ్‌లో ‘మెలిటిన్’ అనే పదార్థం ఉంటుంది. అది కీళ్ల మధ్య షాక్ అబ్జార్బర్‌గా పనిచేయడంతో పాటు... ఎముక చివరన ఉండే ‘మృదులాస్థి’ శిథిలం కాకుండా కాపాడుతుందట.
  
   ప్రస్తుతం ఎలుకల మీద ప్రయోగాలు చేసి, ఈ విషయాన్ని నిర్ధారణ చేశారు నిపుణులు. ఇంకా మానవుల్లో ఈ ప్రయోగాలు జరగాల్సి ఉంది. ఇది కేవలం వయసు పెరగడం వల్ల వచ్చే ఆర్థరైటిస్‌తో బాధపడేవారికి మాత్రమే గాక... ఆటల్లో, ప్రమాదాల్లో గాయపడేవారికీ మేలు చేకూరుస్తుందంటున్నారు పరిశోధకులు.


 ధర్మవరం రూరల్‌ : ఆల్‌ టైం మందుల పంపిణీ మిషన్‌ను రోగులు సద్వినియోగం చేసుకోవాలని డిప్యూటీ డీఎంహెచ్‌ఓ యుగంధర్‌ తెలిపారు.    శనివారం మండల పరిధిలోని దర్శనమల పీహెచ్‌సీలో ఈ కేంద్రాన్ని ఆయన ప్రారంభించారు. అనంతరం ఆయన మాట్లాడుతూ వైద్యులు అందుబాటులో లేని సమయంలో ఏఎన్‌ఎంల సహాయంతో బటన్‌ నొక్కి రోగులు మందులను తీసుకెళ్లవచ్చన్నారు. నంబర్ల ఆధారంగా ఏ మందులు కావాలో వాటికి సంబంధించిన నంబర్లు నొక్కితే మందులు బయటకు వస్తాయన్నారు. జిల్లాలో రాయదుర్గం నియోజవర్గంలోని నాగలాపురం, దర్శనమల పీహెచ్‌సీలో మిషన్లు ఏర్పాటు చేసినట్లు చెప్పారు. డాక్టర్‌ చెన్నారెడ్డి, వైద్య సిబ్బంది తదితరులు పాల్గొన్నారు.


 గుంటూరు: గుంటూరు ప్రభుత్వ సమగ్ర ఆస్పత్రిలో గైనిక్ పీజీ ద్వితీయ సంవత్సరం చదువుతున్న డాక్టర్ సంధ్య ఆదివారం ఆత్మహత్యాయత్నం చేశారు. స్థానిక కన్నావారితోటలో ఓ గదిలో ఉంటున్న ఆమె మత్తు ఇంజక్షన్లు తీసుకుని ఆత్మహత్యకు యత్నించడంతో గదిలోని తోటి విద్యార్థులు ఆమెను జీజీహెచ్‌కు తీసుకొచ్చారు. ప్రాణాపాయ స్థితిలో ఉన్న సంధ్యకు ఐసీయూలో చికిత్స అందిస్తున్నారు.
 
 ఆమె భర్త డాక్టర్ రవి పిల్లల వైద్య నిపుణుడిగా మిర్యాలగూడలో వైద్య సేవలందిస్తున్నారు. వీరికి పది నెలల క్రితం వివాహమైంది. హైదరాబాద్‌కు చెందిన సంధ్య పీజీ వైద్య విద్య అభ్యసించేందుకు గుంటూరు వచ్చారు. కొంతకాలంగా బోధనా సిబ్బంది వేధింపులకు గురిచేయడం వల్లనే ఆమె ఆత్మహత్యాయత్నం చేసినట్లు సమాచారం. ఈ వేధింపుల గురించి డాక్టర్ సంధ్య కుటుంబ సభ్యులకు ఫిర్యాదు చేసినట్లు సమాచారం.


 - కలెక్టర్‌ స్పందించకపోతే ఏం చేయాలి 
 –సమస్యను ప్రిన్సిపల్‌ సెక్రటరీ దృష్టికి తీసుకెళ్తా
 –కర్నూలు ఎంపీ బుట్టా రేణుక
  
 కర్నూలు(హాస్పిటల్‌): ప్రభుత్వ ఆస్పత్రుల్లో సిబ్బందిని నియమించకుండా వైద్యంపై ప్రభుత్వం నిర్లక్ష్యంగా వ్యవహరిస్తోందని కర్నూలు పార్లమెంటు సభ్యురాలు బుట్టా రేణుక ఆరోపించారు. బుధవారం  కర్నూలు ప్రభుత్వ సర్వజన వైద్యశాలలోని చిన్నపిల్లల వార్డును ఆమె సందర్శించారు. తాను గతంలో ఇచ్చిన రూ.23లక్షల ఎంపీ ల్యాడ్స్‌తో కొనుగోలు చేసి వెంటిలేటర్లను పరిశీలించారు. అక్కడ చికిత్స పొందుతున్న పిల్లల ఆరోగ్య పరిస్థితిని, వారికి అందుతున్న వైద్యం గురించి వైద్యులను అడిగి తెలుసుకున్నారు. అనంతరం ఆమె ప్రాంతీయ కార్డియోథొరాసిక్‌ సర్జికల్‌ సెంటర్‌ను సందర్శించారు. ఈ విభాగంలో ఏర్పాటైన అత్యాధునిక వసతులు, సౌకర్యాలను చూసి సంతృప్తి వ్యక్తం చేశారు. ఈ సందర్భంగా ఆమె మాట్లాడుతూ.. కార్డియోథొరాసిక్‌ విభాగంలో కార్పొరేట్‌ స్థాయి వసతులు, సౌకర్యాలు ఉన్నాయని, వైద్యులు, పారామెడికల్‌ సిబ్బంది కొరత, మందుల కొరత వేధిస్తోందన్నారు. ఈ కారణంగా ఇక్కడి వైద్యులు రోగులకు పూర్తిస్థాయిలో న్యాయం చేయలేకపోతున్నారని ఆవేదన వ్యక్తం చేశారు. ఆసుపత్రిలో ఎన్‌టిఆర్‌ వైద్యసేవ నిధులు రూ.10కోట్లకు పైగానే ఉన్నా మందులు కొనేందుకు జిల్లా కలెక్టర్‌ త్వరగా స్పందించడం లేదని, అందుకే ఈ విషయాన్ని ప్రిన్సిపల్‌ సెక్రటరీ దృష్టికి తీసుకెళ్లి పరిష్కరించేందుకు కృషి చేస్తానన్నారు.
 ప్రధానికి ఆహ్వానం..
  కర్నూలు మెడికల్‌ కాలేజి డైమండ్‌జూబ్లీ ఉత్సవాలకు ప్రధాన మంత్రి నరేంద్రమోదీని ఆహ్వానిస్తామని ఎంపీ బుట్టా రేణుక తెలిపారు. రాష్ట్రంలోని అన్ని ప్రభుత్వ ఆసుపత్రుల కంటే కర్నూలు పెద్దాస్పత్రిలో ఉత్తమమైన సేవలు అందుతున్నాయని కొనియాడారు. ఆసుపత్రి అభివృద్ధికి తన వంతు ఎలాంటి సహాయం చేయడానికైనా సిద్ధంగా ఉన్నానని తెలిపారు. నందికొట్కూరు ఎమ్మెల్యే ఐజయ్య మాట్లాడుతూ ఆసుపత్రిలో వైద్యులు బాగా పనిచేస్తున్నారని, పారిశుద్ధ్యం సైతం బాగానే ఉందన్నారు.  ప్రభుత్వం, అధికారుల నిర్లక్ష్యంతో రోగులు మందులు లేక ఇబ్బందులు పడుతున్నారన్నారు. అనంతరం ఎంపీ బుట్టా రేణుకను వైద్యులు ఘనంగా సన్మానించారు. కార్యక్రమంలో ఆసుపత్రి సూపరింటెండెంట్‌ డాక్టర్‌ జె.వీరాస్వామి, కార్డియాలజి విభాగాధిపతి డాక్టర్‌ పి. చంద్రశేఖర్, కార్డియోథొరాసిక్‌ విభాగాధిపతి డాక్టర్‌ ప్రభాకర్‌రెడ్డి, ఆర్‌ఎంవోలు వై. శ్రీనివాసులు, వై. ప్రవీణ్‌కుమార్‌ తదితరులు పాల్గొన్నారు. 
  
 ప్రభుత్వ నిర్లక్ష్యంతోనే మహేశ్వరి మృతి..
 కార్డియోథొరాసిక్‌ విభాగంలో సిబ్బందిని ఏర్పాటు చేయడంలో ప్రభుత్వం నిర్లక్ష్యం వహించడం వల్లే గత ఆదివారం ఆపరేషన్‌ థియేటర్‌లోనే తన మేనకోడలు మహేశ్వరి మృతి చెందిందని  టి. వెంకటేశ్వర్లు అనే వ్యక్తి ఆవేదన వ్యక్తం చేశారు. ఈ విషయమై ఆయన బుధవారం ఆసుపత్రికి వచ్చిన ఎంపీని కలిసి విన్నవించారు. బ్రాహ్మణకొట్కూరుకు చెందిన క్రిష్ణుడు కుమార్తె అయిన బి. మహేశ్వరికి రెండేళ్ల క్రితం భర్త వదిలేశాడని, ఆమెకు ఇద్దరు కవల ఆడపిల్లలు ఉన్నారని తెలిపారు. ఆమెకు గుండెలో రంధ్రాలు ఉండటంతో ఈ నెల 13వ తేదిన ఆసుపత్రిలో చేర్చామని, 16వ తేదీన గుండె ఆపరేషన్‌ చేశారన్నారు. కానీ ఆమె ఆపరేషన్‌ థియేటర్‌లోనే చనిపోయిందని ఆవేదన వ్యక్తం చేశారు. ఈ విభాగంలో అవసరమైన సిబ్బంది లేరని, హైదరాబాద్‌ నుంచి పిలిపించి ఆపరేషన్లు చేస్తున్నారని తెలిపారు. వెంటనే సిబ్బందిని నియమించి రోగులకు మేలు చేయాలని ఆయన ఎంపీ బుట్టా రేణుకను కోరారు. 
  
 కాంట్రాక్టు కార్మికులకు కొత్త వేతనాలివ్వాలి
 ఆసుపత్రిలో పనిచేస్తున్న శానిటేషన్, సెక్యూరిటి గార్డులకు, పెస్ట్‌ కంట్రోల్, పారామెడికల్‌ సిబ్బందికి రాష్ట్ర ప్రభుత్వం విడుదల  చేసిన జీవో నెం.151 ప్రకారం కొత్త వేతనాలు ఇప్పించేలా చర్యలు తీసుకోవాలని ఎంపీ బుట్టా రేణుకకు ఏఐటీయుసి నాయకులు వినతి పత్రం అందజేశారు. వినతి పత్రం ఇచ్చిన వారిలో ఏఐటీయుసి జిల్లా ప్రధాన కార్యదర్శి ఎస్‌. మునెప్ప, జిల్లా కార్యదర్శి పి. ప్రభాకర్, నగర అధ్యక్ష, కార్యదర్శులు బి. వెంకటేష్, పి. రామకృష్ణారెడ్డి తదితరులు ఉన్నారు. 
  


 –చౌకగా మందులు లభిస్తున్నా ఆదరణ కరువు
 –అవగాహన కల్పించని వెలుగు సిబ్బంది
 –మూతదిశగా ‘అన్న సంజీవని’ దుకాణాలు
  
 కర్నూలు(హాస్పిటల్‌): అన్న సంజీవని(జెనరిక్‌ మందులు) దుకాణాలు ఆపదలో ఉన్నాయి. చవకగా లభించే జనరిక్‌ మందుల గురించి ప్రజలకు తెలియకపోడంతో వాటిని కొనుగోలు చేసేవారు కరువవుతున్నారు. చాలా మంది వైద్యులు అన్న సంజీవని ఔషదిపై దుష్ప్రచారం చేస్తున్నట్లు ఆరోపణలున్నాయి. దీనికితోడు వెలుగు సిబ్బంది సరైన ప్రచారం కల్పించకపోవడంతో జిల్లాలో చాలా చోట్ల ఇవి మూతపడే స్థితికి చేరుకున్నాయి. మొదట్లో వీటిని మండల మహిళా సమాఖ్యలు నిర్వహించినా, నష్టాల్లో ఉండటంతో అందులోని సభ్యులతో నిర్వహిస్తున్నారు. అయినా పెద్దగా ప్రయోజనం ఉండటం లేదు. 
 నష్టాల్లో దుకాణాలు..
 జిల్లాలో డీఆర్‌డీఏ–వెలుగు ఆధ్వర్యంలో ప్యాపిలి, బేతంచర్ల, కోడుమూరు, పత్తికొండ, ఆలూరులలో అన్న సంజీవని దుకాణాలు ఉన్నాయి. ఇవేగాక మెప్మా ఆధ్వర్యంలోనూ కర్నూలు ప్రభుత్వ సర్వజన వైద్యశాలలో రెండు, నంద్యాల, ఆదోని, నందికొట్కూరులలో మరో మూడు దుకాణాలు ఏర్పాటు చేశారు. మెప్మా ఆధ్వర్యంలోని దుకాణాలు కాస్త మెరుగ్గా పనిచేస్తున్నా డీఆర్‌డీఏ ఆద్వర్యంలో నడిచేవి చాలా వరకు నష్టాల్లో ఉన్నాయి. వీటిని ఏర్పాటు చేసిన మండల మహిళా సమాఖ్య, పొదుపు సంఘాల మహిళలకు మందులపై అవగాహన లేకపోవడం, మందుల కొనుగోళ్లు, అమ్మకాలపై అక్కడ పనిచేసే ఫార్మాసిస్టులకు తెలియకపోవడం కూడా నష్టాలు రావడానికి కారణాలుగా తెలుస్తోంది. ఇక స్థానిక వైద్యులు సహకరించకపోవడంతో ఇవి మూతదశకు చేరుకున్నాయి. 
  
 ఇదీ దుకాణాల పరిస్థితి...
 –కర్నూలు ప్రభుత్వ సర్వజన వైద్యశాలలో రెండు దుకాణాలు పట్టణ మహిళా సమాఖ్యలు నిర్వహిస్తున్నాయి. అయితే ఇందులో అధిక శాతం బ్రాండెడ్‌ జనరిక్స్‌కు బదులు ప్రాపగండ మందులు విక్రయిస్తున్నారు. ఈ కారణంగా రోగులకు మరింత చవకగా లభించాల్సిన మందులు అందడం లేదన్న విమర్శలు ఉన్నాయి. 
 – ప్యాపిలిలోని దుకాణం ఊరి చివర ఉంది. దీంతో ఇది ఆదరణకు నోచుకోలేదు. బేతంచర్లలో పాతబస్టాండ్‌ ప్రాంతంలో ఉన్న  దుకాణం మాత్రం ఫరవాలేదనిపిస్తోంది. 
 –కోడుమూరులో ఏర్పాటు చేసిన దుకాణంలో సిబ్బందికి జీతాలు కూడా ఇవ్వలేని పరిస్థితి నెలకొంది.   
 –ఆలూరులో ఏర్పాటు చేసిన అన్న సంజీవని బాగానే నడుస్తోంది 
 –పత్తికొండలోని దుకాణం పరిస్థితి దారుణంగా ఉంది. రోజుకు రూ.500ల నుంచి రూ.1000లు కూడా వ్యాపారం జరగని పరిస్థితి. దీంతో ఇక్కడ పనిచేసే సిబ్బందికి జీతాలు కూడా ఇవ్వడం లేదని ఆరోపణలున్నాయి. 
  
   అవగాహన కల్పిస్తున్నాం
 అన్న సంజీవనిపై ఎంపీడీవో ఆధ్వర్యంలో ప్రచారం నిర్వహించాం. ర్యాలీలతోపాటు, కరపత్రాలు పంపిణీ చేశాం. అన్న సంజీవని దుకాణాల్లో మందులు నాణ్యమైనవి, చవకగా లభిస్తాయి. స్థానిక వైద్యులు ప్రజలకు అవగాహన పెంచాలి. –నర్సమ్మ, అన్న సంజీవని ఇన్‌ఛార్జి
  


 కర్నూలు(హాస్పిటల్‌): వైద్యరంగంలో మత్తు మందు వైద్యుడు పోషించే  పాత్ర ఎంతో కీలకమని కర్నూలు మెడికల్‌ కాలేజి ప్రిన్సిపల్‌ డాక్టర్‌ జీఎస్‌ రామప్రసాద్‌ అన్నారు. ప్రపంచ అనెస్తీషియా దినోత్సవాన్ని పురస్కరించుకుని ఏపీ అనెస్తీషియాజిస్ట్స్‌ అసోసియేషన్‌ కర్నూలు బ్రాంచ్‌ ఆధ్వర్యంలో ఆదివారం రాత్రి స్థానిక  సూరజ్‌గ్రాండ్‌లో వైద్య విజ్ఞాన సదస్సు నిర్వహించారు. కార్యక్రమాన్ని జ్యోతి వెలిగించి ప్రారంభించిన అనంతరం డాక్టర్‌ రామప్రసాద్‌ మాట్లాడుతూ.. కర్నూలు మెడికల్‌ కాలేజిలో అనెస్తీషియా విభాగం సేవలు ఎనలేనవన్నారు. అసోసియేషన్‌ జిల్లా అధ్యక్షులు డాక్టర్‌ కైలాష్‌నాథ్‌రెడ్డి, కార్యదర్శి డాక్టర్‌ శాంతిరాజు మాట్లాడుతూ.. మత్తుమందు ఆవిర్భావం నుంచి ఎన్నో విప్లవాత్మక మార్పులు చోటుచేసుకున్నాయన్నారు. కర్నూలు నగరం రాష్ట్రంలో మెడికల్‌ హబ్‌గా రూపుదిద్దుకుంటుందని అన్నారు. సింహపురి మెడికల్‌ కాలేజి అనెస్తెటిస్ట్‌ డాక్టర్‌ రాజగోపాల్‌రెడ్డి ప్రసంగించారు. అంతకు ముందు ఉదయం కర్నూలు మెడికల్‌ కాలేజి నుంచి రాజవిహార్‌ వరకు ర్యాలీ నిర్వహించారు. ర్యాలీని ఆసుపత్రి సూపరింటెండెంట్‌ డాక్టర్‌ జె.వీరాస్వామి ప్రారంభించారు. కార్యక్రమంలో నగరంలోని మత్తు మందు డాక్టర్లు పాల్గొన్నారు. 
  


 –ఓ ఇంట్లో రూ.15లక్షల విలువ చేసే మందులు
 –రెక్కి నిర్వహించి పట్టుకున్న డ్రగ్స్‌ అధికారులు
 కర్నూలు(హాస్పిటల్‌): జిల్లా కేంద్రమైన కర్నూలులో భారీగా శ్యాంపిల్‌ మందులు లభించాయి. ఔషధ నియంత్రణ అధికారులు పకడ్బందీగా ఓ ఇంటిపై దాడి చేసి రూ.15లక్షల విలువ చేసే మందులను స్వాధీనం చేసుకున్నారు. తమ వీధిలోని ఓ ఇంట్లో ఇలాంటి అక్రమ వ్యాపారం చేస్తున్నారని తెలుసుకుని కాలనీవాసులు విస్తుపోయారు. కర్నూలు నగరంలోని కృష్ణానగర్‌కు చెందిన దామోదర్‌ గతంలో కడప జిల్లాలో మెడికల్‌ షాప్‌ నిర్వహించేవాడు. మందుల  క్రయవిక్రయాల్లో లాభాలను బాగా తెలుసుకున్న అతను వైద్యులకు ఇచ్చే ఫిజీషియన్‌ శ్యాంపిల్స్‌పై కన్నేశాడు. వాటిని చెన్నై, కోయంబత్తూరు, మధురై ప్రాంతాలతో పాటు స్థానికంగా కొందరు మెడికల్‌ రెప్‌ల నుంచి ఫిజీషియన్‌ శ్యాంపిల్స్‌ను కొనుగోలు చేసేవాడు. వాటిని స్థానిక బళ్లారిచౌరస్తాలోని సంపత్‌నగర్‌లోని ఓ ఇంట్లో ఉంచి వ్యాపారం చేసేవాడు. వీటిని అధిక శాతం గ్రామీణ ప్రాంతాల్లో వైద్యసేవలు అందించే ఆర్‌ఎంపీలకు విక్రయించేవాడు. ఇతని వద్ద నుంచి కర్నూలు జిల్లాతో పాటు మహబూబ్‌నగర్‌ జిల్లాలోని ఐజ, అలంపురం, గద్వాల, వనపర్తి తదితర ప్రాంతాల నుంచి ఆర్‌ఎంపీలు వచ్చి కొనుగోలు చేసి వెళ్లేవారు. 
  
 పక్కా ప్రణాళికతో..
 పదిరోజుల క్రితం స్థానిక కర్నూలు మెడికల్‌ కాలేజి ఎదురుగా ఉండే బాలాజి మెడికల్స్‌లో కర్నూలు అర్బన్‌ డ్రగ్‌ ఇన్స్‌పెక్టర్‌ అబిల్‌ అలీషేక్‌ కొన్ని ఫిజీషియన్‌ శ్యాంపిల్స్‌ను స్వాధీనం చేసుకున్నారు. ఇక్కడ లభించిన సమాచారాన్ని బట్టి అవి ఎక్కడ నుంచి వస్తున్నాయో తెలుసుకున్నారు. ఈ మేరకు డ్రగ్‌ ఇన్‌స్పె‍క్టర్లు మందులు కొనే ఆర్‌ఎంపీల అవతారం ఎత్తారు. శనివారం మధ్యాహ్నం దామోదర్‌కు ఫోన్‌ చేసి మందులు కావాలని కోరారు. దీంతో అతను నమ్మి సంపత్‌నగర్‌కు వచ్చి మందులు విక్రయించాడు. వెంటనే విషయం తెలిపి మందులను స్వాధీనం చేసుకున్నారు. మధ్యాహ్నం 2 గంటల నుంచి మరునాడు తెల్లవారుజామున 4 గంటల వరకు శ్యాంపిల్‌ మందుల పంచనామా చేశారు. స్వాధీనం చేసుకున్న వాటిలో 500 రకాల మాత్రలు, సిరప్‌లు, సోప్‌లు, పౌడర్లు, ఓఆర్‌ఎస్‌ ప్యాకెట్లు ఉన్నాయి. 
  
 శ్యాంపిళ్లు అమ్మే వైద్యులపై నిఘా..!
 తమ వద్దకు చికిత్సకు వచ్చే రోగులకు మందుల కంపెనీలు ఇచ్చే ఫిజీషియన్‌ శ్యాంపిళ్లను వైద్యులు ఉచితంగా ఇవ్వాలి. కానీ కర్నూలు నగరంలో కొందరు వైద్యులు ఈ శ్యాంపిల్‌ మందులను సైతం రోగులకు అమ్ముకుంటున్నట్లు అధికారులకు ఫిర్యాదులు అందాయి. ఇలా శ్యాంపిళ్లు అమ్మే వైద్యులు, ఆర్‌ఎంపీలపై ఔషధ నియంత్రణ శాఖ అధికారులు నిఘా పెట్టినట్లు సమాచారం. దీంతో పాటు పలు ప్రైవేటు ఆసుపత్రుల్లో అనుమతి లేకుండా రక్తాన్ని సేకరిస్తున్నారని, లైసెన్స్‌లు లేకుండా ఔషధ విక్రయాలు చేస్తున్నారని ఫిర్యాదులు వెళ్లాయి. ఇలాంటి విషయాలపై ఎవరికైనా సమాచారం తెలిస్తే తమకు7382934390 అనే నెంబర్‌కు ఫోన్‌ చేయాలని డ్రగ్‌ ఇన్‌స్పెక్టర్‌ అబిద్‌ అలీ షేక్‌ తెలిపారు. 
  


 –లక్ష్యాలను నిర్దేశించుకోవాలి
 - గ్లోబల్‌ డాక్టర్లుగా ఎదగాలి
 - ​ఫ్రెషర్స్‌ డే వేడుకల్లో డీఐజీ రమణకుమార్‌
  
 కర్నూలు(హాస్పిటల్‌): వైద్య విద్యార్థులకు ప్రణాళిక ఎంతో ముఖ్యమని కర్నూలు రేంజ్‌ డీఐజి బీవీ రమణకుమార్‌ అన్నారు. శుక్రవారం కర్నూలు మెడికల్‌ కాలేజిలో ఫ్రెషర్స్‌ డే వేడుకలు ఘనంగా నిర్వహించారు. ముఖ్యఅతిథిగా ఆయన మాట్లాడుతూ ఐఏఎస్‌ కంటే డాక్టర్‌ కావడమే కష్టమని, అది సాధించిన వైద్యవిద్యార్థులందరూ అభినందనీయులన్నారు. ఎంసెట్‌లో ర్యాంకు సాధించిన తర్వాత రిలాక్స్‌ అవుతున్నారని, అంతటితో ఆగకుండా నిత్యం లక్ష్యాలు ఏర్పాటు చేసుకుని సా«ధించుకుంటూ ముందుకు సాగాలన్నారు. ధర్మరక్షక్‌ వంటి గొప్ప వైద్యులను ఆదర్శంగా తీసుకుని చిన్న చిన్న లక్ష్యాలతో ముందుకు సాగాలని సూచించారు. ప్రతి ఒక్కరూ చిన్న డాక్టర్‌గా మిగిలిపోకుండా గ్లోబల్‌ డాక్టర్‌గా అయ్యేందుకు కృషి చేయాలన్నారు. కర్నూలు మెడికల్‌ కాలేజిలో చదివిన వారు జాతీయ, అంతర్జాతీయ స్థాయిలో రాణించిన విషయం మరువకూడదన్నారు.
  
 నిమ్స్‌ మాజీ డైరెక్టర్‌ డాక్టర్‌ ధర్మరక్షక్‌ మాట్లాడుతూ తాను 44 ఏళ్ల క్రితం ఇదే కళాశాలలో విద్యాబుద్ధులు నేర్చుకున్నానని గుర్తు చేసుకున్నారు. ప్రతి ఒక్కరూ వ్యక్తిగత, సామాజిక, వృత్తిపరమైన క్రమశిక్షణను అలవరచుకోవాలని సూచించారు. సీనియర్లను గౌరవించాలని, వారి నుంచి నేర్చుకునే ప్రయత్నం చేయాలన్నారు. అలాగే పేదలకు సేవ చేయాలన్నారు. అనంతరం కళాశాల ప్రిన్సిపల్‌ డాక్టర్‌ జీఎస్‌ రామప్రసాద్, ఆసుపత్రి సూపరింటెండెంట్‌ డాక్టర్‌ జె.వీరాస్వామి మాట్లాడుతూ..వైద్యవృత్తిని ప్రేమించాలన్నారు. నిరంతరం జ్ఞానసముపార్జన చేసుకుంటూ ఉంటేనే వైద్యునిగా సమాజంలో రాణిస్తారని చెప్పారు. కళాశాలలోని అత్యాధునిక సౌకర్యాలను సద్వినియోగం చేసుకోవాలని తెలిపారు. అనంతరం విద్యార్థినీ విద్యార్థుల సాంస్కృతిక కార్యక్రమాలు అలరించాయి. కార్యక్రమంలో ప్రాంతీయ ప్రభుత్వ కంటి వైద్యశాల సూపరింటెండెంట్‌ డాక్టర్‌ నరేంద్రనాథ్‌రెడ్డి, రిటైర్డ్‌ ప్రిన్సిపల్‌ డాక్టర్‌ వై. భాస్కర్, వైస్‌ ప్రిన్సిపల్‌ డాక్టర్‌ శ్రీదేవి, డాక్టర్‌ ప్రభాకర్‌రెడ్డి, మెడిసిన్‌ప్రొఫెసర్‌ డాక్టర్‌ చంద్రశేఖర్‌ తదితరులు పాల్గొన్నారు. 
  


 శంషాబాద్ అంతర్జాతీయ విమానాశ్రయం అధికారులు పెద్ద మొత్తంలో అనుమతి లేని మందులను స్వాధీనం చేసుకున్నారు. సింగపూర్ నుంచి వచ్చిన శ్రీధర్‌రెడ్డి అనే ప్రయాణికుడికి చెందిన లగేజీని తనిఖీ చేయగా రూ.60 లక్షల విలువైన అనుమతి లేని విదేశాల్లో తయారైన మెడిసిన్స్ దొరికాయి. ఈ మేరకు అతడిని అదుపులోకి తీసుకుని విచారిస్తున్నారు. శ్రీధర్‌రెడ్డి హైదరాబాద్ వాసి అని సమాచారం.
 
  


 
 ప్రజల ప్రాణాలతో చెలగాటం
 
 విచ్చల విడిగా శాంపిల్స్‌ విక్రయాలు 
 
 మెడికల్‌ షాపుల్లో నకిలీ,  కాలం చెల్లిన మందులు 
 
 గ్రామీణ ప్రజలకు అంటగడుతున్న వైనం..
 
 జగిత్యాల అర్బన్‌ : ‘ధర్మపురి మండలం చిన్నాపూర్‌ గ్రామానికి చెందిన కోరెపు శంకర్‌కు జ్వరం రావడంతో పట్టణంలోని జంబిగద్దె ప్రాంతంలోని ఓ ఆస్పత్రికి చికిత్స కోసం వచ్చాడు. అయితే సదరు వైద్యుడు పరీక్షలు అన్ని నిర్వహించి మందులు రాసి ఇచ్చాడు. శంకర్‌ మెడికల్‌ షాపుకు వెళ్లగా కొన్ని మంచి మందులు ఇచ్చి, మిగతావి శాంపిల్స్‌ ఇచ్చి వెనుక ఉన్న ‘నాట్‌ఫర్‌సేల్‌’ లేబుల్‌ తీసేశాడు. అతను ఇంటికి వెళ్లి మందులు వేసుకోగా, విరేచనాలై అస్వస్థతకు గురయ్యాడు.’
 ‘జగిత్యాల పట్టణంలోని విద్యానగర్‌కు చెందిన వెంకటేశ్వర్‌రావు కోర్టు సమీపంలోని ఓ మెడికల్‌ షాపులో మందులు కొనుగోలు చేశాడు.  ఇంటికి వెళ్లి చూసుకోగా అవి అప్పటికే కాలం చెల్లినవి అని గుర్తించాడు’ అమాయకులు, గ్రామీణ ప్రజలే లక్ష్యంగా జగిత్యాల పట్టణంలో మందుల షాపుల యజమానులు మాయాజాలం చేస్తున్నారు. నకిలీ, కాలంచెల్లిన మందులు అంటగడుతూ అందినకాడికి దండుకుంటున్నారు. 
  కాసులకు కక్కుర్తి పడి గ్రామీణప్రాంతాలకు చెందిన విద్యార్థుల, ప్రజల అనవసరపు ఆపరేషన్లు చేసి అందినంత దోచుకున్న వైద్యులు అనైతిక చర్యలకు పాల్పడి జైలు పాలైన సంగతి తెలిసిందే. కొందరు వైద్యులు తమ వృత్తని వ్యాపారం చేస్తూ దోచుకున్నట్లుగానే మెడికల్‌ షాపుల యజమానులు ఇప్పుడు ప్రజల ప్రాణాలతో చెలగాటమాడుతున్నారు. నకిలీ, మెడికల్‌ ఏజెన్సీలు ఇచ్చే శాంపిల్స్‌ అంటగడుతున్నారు.  
 ఆర్‌ఎంపీల వద్ద స్టాక్‌ 
 మెడికల్‌ శాంపిల్స్, కాలం చెల్లిన మందుల దందా ఎక్కువగా ఆర్‌ఎంపీలే చేస్తున్నట్లు ఆరోపణలు విన్పిస్తున్నాయి. మెడికల్‌ ఏజెన్సీల రిప్రజెంటేటివ్‌లు తమ వద్దకు వచ్చే శాంపిల్స్‌ను ఆర్‌ఎంపీలకు తక్కువ ధరకు అమ్ముతున్నారు. ఆర్‌ఎంపీలు ఈ మందులనే గ్రామీణులకు ఇచ్చి డబ్బులు వసూలు చేస్తున్నారు. బహిరంగంగానే ఈ దందా జరుగుతున్నా జిల్లా డ్రగ్‌ అధికారులు తమకేమీ తెలియనట్లు ఉంటున్నారు. ఫిర్యాదులు అందినపుడు, పత్రికల్లో కథనాలు వచ్చినపుడు మాత్రం మూకుమ్మడిగా ఒకరోజు తనిఖీలు నిర్వహించి చేతులు దులుపుకుంటున్నారు. ఇటీవల ‘సాక్షి’లో కథనం రాగా పాతబస్టాండ్‌లోని ఓ ఆస్పత్రి, పలు మెడికల్‌షాపుల్లో తనిఖీలు చేపట్టారు. కానీ ఒక్కరిపైనా చర్య తీసుకోలేదు. గతంలో టవర్‌సర్కిల్‌ ప్రాంతంలో ఓ మెడికల్‌ రిప్రజెంటేటివ్‌ ఇంట్లో మందులు దొరికాయి. తర్వాత ఆ అంశం కూడా అటకెక్కింది.  
 లక్షల్లో వ్యాపారం 
 ప్రధాన పట్టణంగా గుర్తింపు పొందిన జగిత్యాలలో శాంపిల్స్‌ దందా, నకిలీ మందులు, కాలం చెల్లిన మందుల దందా ఎక్కువగా జరుగుతోంది. లాట్ల రూపంలో మెడికల్‌ శాంపిల్స్‌ తెప్పిస్తూ కంపెనీల ప్రచారం చేపిస్తామంటూ గ్రామీణ ప్రాంతాల్లోని ఆర్‌ఎంపీలను మచ్చిగ చేసుకుని వారి ద్వారా ప్రజలకు అంటగడుతున్నారు.  
  కానరాని డ్రగ్‌ ఇన్‌స్పెక్టర్ల తనిఖీలు 
 జిల్లా డ్రగ్‌ అధికారుల నియంత్రణ లేకపోవడం, తనిఖీలు చేపట్టకపోవడంతో జగిత్యాల పట్టణంలో మెడికల్‌ షాపుల యజమానులు ఆడిందే ఆటగా మారింది. నకిలీ మందులు, శాంపిల్స్‌ విక్రయిస్తున్నా, కాలం చెల్లిన మందులను అమ్ముతున్నా పట్టించుకునేవారు కరువయ్యారు. పొరపాటున ఎప్పుడైనా డ్రగ్‌ ఇన్‌స్పెక్టర్లకు నకిలీ, కాలం చెల్లిన మందులు దొరికినా వారు ‘మామూలు’గానే తీసుకుంటున్నట్లు ఆరోపణలు వినిపిస్తున్నాయి. దీంతో జగిత్యాల పట్టణంలోని పలు మెడికల్‌షాపులో మందుల మాయాజాలం దందా విచ్చలవిడిగా సాగుతోంది.  


 ⇒ ‘దివిస్‌’లో 109 రకాల ఔషధ మొక్కల పెంపకం
 ⇒ హిమాలయాల్లో మాత్రమే పెరిగే మెుక్కలు సైతం లభ్యం
 ⇒ కశ్మీర్‌ ప్రాంతంలో లభించే రుద్రాక్ష చెట్లు కూడా..
 ⇒ సంరక్షణ, వాటి ప్రత్యేకతలు వివరించడానికి ప్రత్యేక నిపుణులు
 
 హిమాలయాల్లో మాత్రమే పెరిగే మెుక్కలు.. కశ్మీర్‌ ప్రాంతంలోనే లభించే రుద్రాక్షలు.. భద్రాద్రి రాముడు, శివుడికి ఇష్టమైన పుష్పం.. సుగంధద్రవ్యాల తయారీకి వినియోగించే అరుదైన ప్లాంట్స్‌.. ఇలా 109 రకాల ఔషధ మెుక్కలు. ఇవన్నీ లభించేది మరెక్కడో కాదు.. చౌటుప్పల్‌ మండలం లింగోజిగూడెంలోని దివీస్‌ లాబోరేటరీస్‌ కంపెనీలో. పరిశ్రమకు చెందిన 5 ఎకరాల్లో 109 రకాల ఔషధ మెుక్కలు పెంచుతున్నారు.
 
 ‘జగదేకవీరుడు.. అతిలోకసుందరి’ సినిమా చూసే ఉంటారు. ఓ చిన్నారి కాలిలో చలనం పోతుంది. బాలికను పరీక్షించిన ఓ ఋషి హిమాలయాల్లో మాత్రమే లభించే ఓ అరుదైన మొక్కను తెచ్చి, దాని పత్రాల నుంచి రసం తీసి రాస్తే ఫలితం ఉంటుందని చెబుతాడు. దీంతో హీరో అక్కడికి వెళ్లడం.. ఆకు తేవడం.. పసరు తీసి రాయడం.. ఆ తర్వాత బాలిక యథాస్థితికి రావడం తెలిసిందే. అటువంటి అరుదైన మొక్క కావాలంటే ఇప్పుడు ఏ హిమాయాలకు వెళ్లనక్కర్లేదు. చౌటుప్పల్‌ మండలం లింగోజిగూడెంలోని దివీస్‌ లేబోరేటరీస్‌లోని ఔషధ వనానికి పోతే అలాంటి మెుక్క లభిస్తుంది. హిమాలయాల్లో మాత్రమే పెరిగే మొక్క ఒక్కటే కాదు.. అలాంటి అరుదైన 109 రకాల మొక్కలకు దివీ ఔషధ వనంలో జీవం పోస్తున్నారు.  
 
 చౌటుప్పల్‌:
 ఆయుర్వేదం దివ్య ఔషధం. మన సాంప్రదాయ వైద్యంలో ఆయుర్వేదానికి ప్రత్యేక స్థానం ఉంది. కొన్ని రకాల చెట్లు, మొక్కలు,  ఆకులు, కాయలు, పండ్లు, బెరడు, కాండం ఇలా ప్రతి భాగం ఒక్కో రకమైన ఔషధ విలువలను కలిగి ఉంటాయి. వాటిని వినియోగించి రోగాల నుంచి విముక్తి పొందడమే ‘ఆయుర్వేద’ వైద్యం. వాటిని కొన్ని రసాయనిక పదార్థాలతో మేళవించి, ప్రత్యేక పదార్థాలను తయారు చేసే, వినియోగించడమే ‘అల్లోపతి’ వైద్యం. అటువంటి వివిధ రకాల ఔషధాలు, సుగంధద్రవ్యాల తయారీకి వినియోగించే అరుదైన మొక్కలను చౌటుప్పల్‌ మండలం లింగోజిగూడెంలోని దివీస్‌ లాబోరేటరీస్‌ కంపెనీలో పెంచుతున్నారు. కంపెనీ 500ఎకరాల్లో ఉండగా, ఇందులో 250ఎకరాల్లో చెట్లను పెంచుతున్నారు. ఇందులో రావి, యూకలిప్టస్, కానుగ, ఫిల్టోఫామ్, ఉసిరి, నేరేడు, గుల్‌మోహర్, బాదం, వేప, సుబాబుల్, గన్నేరు, పూల మొక్కలు పెంచుతున్నారు.
 5 ఎకరాల్లో...
 కంపెనీ ఆవరణలోని 5ఎకరాల్లో దివి ఔషధ వనం పేరుతో 109రకాల ఔషధ మొక్కలను గత రెండున్నరేళ్లుగా పెంచుతున్నారు. ప్రస్తుతం 300లకుపైగా ఔషధ మొక్కలు వనంలో జీవం పోసుకుంటున్నాయి. దేశం నలుమూలల నుంచి ఎన్నో వ్యయప్రయాసలకోర్చి, మొక్కలను కొనుగోలు చేసి తెచ్చి ఇక్కడ పెంచుతున్నారు. మొక్కల సంరక్షణకు, వాటి పేర్లు, పండ్లు, ఆకుల ప్రత్యేకతలను వివరించడానికి ఔషధ మొక్కలపై అవగాహన ఉన్న నిపుణులను కూడా నియమించారు. ఇందులో హిమాలయాల్లో మాత్రమే లభించే 9రకాల సుగంధ ద్రవ్యాల మొక్కలతో పాటు, కశ్మీర్‌ ప్రాంతంలో మాత్రమే లభించే రుద్రాక్ష చెట్లను కూడా ఇక్కడ పెంచుతున్నారు. కృష్ణతులసి, జమ్మి, బిలంబి, లవంగ, కర్పూర, సబ్జతులసి, రుద్రజడ, మెంతి వంటి అరుదైన రకాలతో పాటు   కూరల్లో వినియోగించే బిర్యాని ఆకు, లవంగ ఆకువంటి మొక్కలను కూడా పెంచుతున్నారు.
  


 కోదాడఅర్బన్‌: ఎంసెట్‌–3 మెడిసిన్‌ విభాగంలో 252 ర్యాంకు సాధించిన పట్టణానికి చెందిన వెంపటి సత్యనారాయణ కుమార్తె గాయత్రిని శుక్రవారం కోదాడ వాసవీవనితాక్లబ్‌ ఆధ్వర్యంలో ఘనంగా సన్మానించారు. ర్యాంక్‌ సాధించేందుకు గాయత్రి చేసిన కృషిని వారు ఈ సందర్భంగా అభినందించారు. ఈ కార్యక్రమంలో క్లబ్‌ డిస్ట్రిక్‌ గవర్నర్‌ పబ్బా గీత, క్లబ్‌ అధ్యక్ష, కార్యదర్శులు బొగ్గారపు రేఖారాణి, యాదా రాణి, క్రాంతికుమారి, శ్రీదేవి, గీత, రాధిక, సుశీల, ఉమ, అనురాధ, నళినిశ్రీ, మణి, శిరీష, నాగమణి, పందిరి సత్యనారాయణ తదితరులు పాల్గొన్నారు.
  


 మెదక్‌/పాపన్నపేట: రాష్ట్ర ప్రభుత్వం మూడు సార్లు ఎంసెట్‌ పరీక్షలు నిర్వహించినప్పటికీ ఆ విద్యార్థులు ఆత్మస్థైయిర్యం కోల్పోకుండా మెట్టు మెట్టు పైకెక్కుతూ ర్యాంకుల పంట పండించారు. మెదక్‌ పట్టణానికి చెందిన తొడుపునూరి పల్లవి గురువారం వెలువడిన ఎంసెట్‌ (మెడిసిన్‌)3లో రాష్ట్రస్థాయిలో 246వ ర్యాంకు సాధించింది. పట్టణానికి చెందిన సురేష్‌-మధురాణి దంపతుల రెండవ కూతురైన పల్లవి హైదరాబాద్‌లోని శ్రీచైతన్యలో టెన్త్, ఇంటర్‌ చదివింది.
 ఇంటర్‌లో 979/1000 సాధించింది. కాగా మొదటి ఎంసెట్‌-1లో 786వ ర్యాంకు, ఎంసెట్‌-2లో 997ర్యాంకు, ఎంసెట్‌-3లో 246వ ర్యాంకును పల్లవి సాధించింది. ఈ సందర్భంగా పల్లవిని కుటుంబ సభ్యులతోపాటు రైస్‌ మిల్లర్స్‌ అసోసియేషన్‌ జిల్లా అధ్యక్షుడు తొడుపునూరి చంద్రపాల్, ద్వారకా చారిటబుల్‌ ట్రస్టు చైర్మన్‌ మ్యాడం బాలకృష్ణ అభినందించారు. ఈ సందర్భంగా పల్లవి మాట్లాడుతూ న్యూరాలజిస్ట్‌ కోర్సు చదివి రోగులకు సేవచేస్తానని తెలిపింది.
 పాపన్నపేట మండలంలో...
 పాపన్నపేట మండలం కొడుపాక గ్రామానికి చెందిన సారికశర్మ ఎంసెట్‌లో 798వ ర్యాంకు సాధించింది. ఏడుపాయల దుర్గమ్మ ఆలయంలో పూజారిగా పనిచేసే శంకరశర్మ కూతురు సారికశర్మ టెన్త్‌ మెదక్‌ సిద్ధార్థ్‌ పాఠశాలలో, ఇంటర్‌ హైదరాబాద్‌లోని శ్రీచైతన్యలో పూర్తిచేసింది. గురువారం విడుదల చేసిన ఎంసెట్‌ ఫలితాల్లో సారిక 798ర్యాంకు సాధించింది. అలాగే మండలంలోని పొడ్చన్‌పల్లి గ్రామానికి చెందిన మన్యం స్నేహ 1429వ ర్యాంకు సాధించింది.


 నల్లగొండ టూటౌన్‌: జిల్లా కేంద్రంలోని ఐదు సెంటర్లలో ఆదివారం జరిగిన మెడిసిన్, డెంటల్‌ ఎంసెట్‌ – 3 పరీక్ష ప్రశాంతంగా ముగిసింది. మొత్తం 2160 మంది విద్యార్థులకు గాను 1427 మంది విద్యార్థులు పరీక్షకు హాజరయ్యారు. పది గంటలలకు ఒక్క నిమిషం ఆలస్యమైనా పరీక్షకు అనుమతించకపోవడంతో విద్యార్థులు చివరి సమయాల్లో పరీక్షా కేంద్రాలకు వద్దకు పరుగులు తీశారు. కాగా ఎన్జీ కళాశాల కేంద్రానికి ఒక్క నిమిషం ఆలస్యంగా వచ్చిన మిర్యాలగూడ మండలం గోపసముద్రం తండాకు చెందిన స్వాతిని అధికారులు పరీక్షకు అనుమతించకపోవడంతో కన్నీరుమున్నీరై వెనుదిరిగింది. పరీక్షా కేంద్రాలను అదనపు జేసీ వెంకట్రావు, ఆర్డీఓ వెంకటాచారి, ఎంసెట్‌ – 3 ప్రత్యేక పరీశీలకుడు, అంబేద్కర్‌ ఓపెన్‌ యూనివర్సిటీ కో–ఆర్డినేటర్‌ ధర్మానాయక్, ఎన్జీ కళాశాల ప్రిన్సిపాల్‌ డాక్టర్‌ ఆర్‌.నాగేందర్‌రెడ్డిలు తనిఖీ చేశారు.
  
  
  


 
 పీడీ కంపెనీల మందులే అధిక విక్రయం
 
 లాభాలు చూస్తున్న కొందరు వైద్యులు, మందుల దుకాణదారులు
 
 ఫారిన్‌ ట్రిప్పులు, నజరానాలతో ఆకట్టుకుంటున్న ఆయా కంపెనీలు
 
  
  
 ‘పది కొంటే మరో పది ఉచితం.. మా మందులు అధికంగా రోగులకు రాసి, ఎక్కువ వ్యాపారం చేస్తే ఫారిట్‌ ట్రిప్, నగదు బహుమతి..’ ప్రస్తుతం ఔషధ కంపెనీలు వ్యవహరిస్తున్న తీరిది. ‘ఇదేదో బాగుందే.. రోగి జేబు గుల్లయితే మనికేంటి.. కానిచ్చేద్దాం’ అన్న రీతిలో కొందరు వైద్యులు, మందుల దుకాణదారులు ఉన్నారు.
 – కంబాలచెరువు (రాజమహేంద్రవరం)
  
  
 వీరి ఆర్జన దండిగా ఉండడంతో.. చివరకు రోగి జేబుకు చిల్లుపడుతోంది. ఒకవేళ ఆ మందులను బయట ఎక్కడైనా కొందామంటే అవి దొరకవు. వాటిని ఏ వైద్యుడు రాశారో, అతని ఆస్పత్రిలోని మందుల దుకాణంలో మాత్రమే లభిస్తాయి. జిల్లాలో ఈ రకమైన దందా ఎక్కువగా సాగుతోంది. జిల్లా వైద్య, ఆరోగ్య శాఖాధికారులకు చిక్కకుండా వీరు వ్యాపార లావాదేవీలు చేస్తున్నారు. ఒకవేళ పట్టుబడితే వైద్య లైసెన్సు రద్దు చేయడమే కాక, జైలు శిక్ష కూడా తప్పదు. వ్యాధులను నయం చేసేందుకు ఇటీవల కాలంలో మందులు ఇబ్బడిముబ్బడిగా మార్కెట్‌లో వచ్చాయి. ఆయా ఔషధ కంపెనీలు అదే స్థాయిలో పోటీపడుతూ, వ్యాపారాన్ని వివిధ మార్గాల్లో వృద్ధి చేసుకుంటున్నాయి. లాభం అధికంగా ఉండడంతో వైద్యులతో పాటు మందుల దుకాణాల్లోను పీడీ మందులనే ఎక్కువగా రోగులకు అంటగడుతున్నారు. ప్రముఖ కంపెనీలు ఎలాంటి ఆఫర్లు ఇవ్వకపోవడంతో.. వ్యాపారులు పీడీ కంపెనీల మందులనే ఎక్కువగా కొనుగోలు చేస్తున్నారు.
  
 పీడీ కంపెనీ అంటే..?
 ప్రొపగండ ఫర్‌ డిస్ట్రిబ్యూషన్‌(పీడీ) అంటే.. నేరుగా కంపెనీ నుంచి హోల్‌సేల్‌ లైసెన్సుదారుడు తెచ్చుకుని, విక్రయించే మందులు. ఇవి జిల్లాలో సుమారు 50 కంపెనీలు వాటిని సరఫరా చేస్తున్నాయి. ఈ మందుల కంపెనీలు వైద్యులనే టార్గెట్‌గా పెట్టుకుని, ఏడాదికి లక్షల రూపాయల్లో కాంట్రాక్టు కుదుర్చుకుంటున్నాయి. ఆ ఏడాదికి ఆ కంపెనీ చెప్పిన టార్గెట్‌ను ఆ వైద్యుడు పూర్తిచేస్తే, ఫారిన్‌ ట్రిప్‌లు, భారీ నజరానాలు ఇస్తున్నాయి. దీంతోపాటు పది బాక్సులు కొంటే, మరో పది ఉచితంగా ఇస్తున్నాయి. సగానికి సగం లాభం వస్తుండడంతో ఆ వైద్యులు.. రోగికి ఆ మందులనే అంటగడుతున్నారు. అవసరం లేకున్నా ఇష్టం వచ్చినట్టు మందులు రాసిచ్చేస్తున్నారు. కేవలం ఆ ఆస్పత్రిలోనే అవి దొరకుతాయి. రోగికి ఆ మందులు అవసరమైతే మళ్లీ అక్కడకే రాకతప్పదు.
  
 ఔషధ నియంత్రణ శాఖ నిఘా!
 దీనిపై కన్నేసిన ఔషధ నియంత్రణ శాఖ అధికారులు.. ఫారిన్‌ట్రిప్‌లు, నజరానాల విధానంపై దృష్టి సారించారు. ఈ నేపథ్యంలోనే దేశంలో పలు ప్రాంతాల్లో కొందరు వైద్యులు ఇలా దొరికితే, వారి లైసెన్సు రద్దు చేశారు. అంతేకాక కొందరికి జైలుశిక్షలు కూడా పడ్డాయి. వీటిపై అప్పట్లో మీడియాలో కథనాలు వచ్చాయి. ఈ నేపథ్యంలో ఆ ఔషధ కంపెనీల ప్రతినిధులతో పాటు వైద్యులూ రూటు మార్చుకున్నారు. నేరుగా నగదు తీసుకోవడం లేదా అందుకు సరిపడా మందులు స్వీకరిస్తున్నారు. మరో పద్ధతి కూడా ఇటీవల ప్రారంభించారు. ఆ పీడీ కంపెనీ పేరిట వైద్య శిబిరం నిర్వహించి, రోగులకు ల్యాబ్‌టెస్ట్‌లు, ఇతర వైద్యసేవల రూపంలో ఆ వైద్యుడికి లబ్ధి చేకూరుస్తున్నారు. కాగా ప్రైవేట్‌ ఆస్పత్రులు డీఎంహెచ్‌ఓ పరిధిలో ఉంటాయి. ప్రైవేట్‌ ఆస్పత్రులు, ల్యాబ్‌లను నిత్యం తనిఖీ చేయాలి. పీడీ మందుల విక్రయం జిల్లాలో అధికంగా సాగుతున్నా, వాటిని రోగులకు అంటగడుతున్నా వైద్య, ఆరోగ్య శాఖ అధికారులు నోరు మెదపడం లేదన్న విమర్శలు వినిపిస్తున్నాయి.
  
 దృష్టి సారిస్తాం
 ఆస్పత్రులకు వచ్చే రోగులకు వ్యాధి నయం చేసే మందులు రాయడం వైద్యుడు పని. వాటిని సక్రమంగా రాయకుండా, ప్రజలను దోచుకోవడం తప్పు. పీడీ మందుల విషయం ఇప్పటివరకూ మా దృష్టికి రాలేదు. వెంటనే వాటిపై దృష్టి సారిస్తాం. జిల్లాలోని అన్ని ఆస్పత్రుల్లో తనిఖీ చేపడతాం. వైద్యులెవరైనా అలా చేస్తే చర్యలు చేపడతాం.
 –చంద్రయ్య, డీఎంహెచ్‌ఓ, కాకినాడ
  
 పీడీ మందుల నాణ్యత తనిఖీ
 జిల్లాలో సుమారు 50 పీడీ కంపెనీల మందులు సరఫరా అవుతున్నాయి. మందు ఒకటే, కంపెనీయే వేరు. హోల్‌సేల్‌ విక్రయదారుల దుకాణాల్లో తనిఖీలు నిర్వహించాం. శాంపిల్స్‌ను ల్యాబ్‌ రిపోర్టుకు పంపాం. కొన్ని స్టాండర్డ్స్‌కు అనుగుణంగానే ఉన్నట్టు నివేదికలు వచ్చాయి. వాటి నాణ్యత, లైసెన్సు వరకు మాత్రమే మా పరిధి ఉంటుంది. ఆస్పత్రులు, డాక్టర్లపై మాకు అధికారం లేదు.
 – పి.శ్రీరామమూర్తి, ఔషధ నియంత్రణ శాఖ ఏడీ, రాజమహేంద్రవరం 
  
  


 
 నెల రోజుల్లో నిర్మాణం ప్రారంభించకుంటే గోదాంల అనుమతి రద్దు
 
  హన్మకొండ : విద్య, వైద్య రంగాలపై సంబంధిత అధికారులు ప్రత్యేక శ్రద్ధ కనబర్చాలని జిల్లా ప్రజాపరిషత్‌ చైర్‌పర్సన్‌ గద్దల పద్మ సూచించారు. హన్మకొండలోని జిల్లా ప్రజాపరిషత్‌ కార్యాలయంలో సోమవారం స్థాÄæూ సంఘాల సమావేశం జరిగింది. మూడో స్థాÄæూ సంఘం జెడ్పీ వైస్‌ చైర్మన్‌ చెట్టుపల్లి మురళీధర్‌ అధ్యక్షతన జరగగా  వ్యవసాయ, ఉద్యా న, పశుసంవర్థక, మత్స్య, పట్టు పరిశ్రమ శాఖలపై సమీక్షించారు. ఐదో స్థాÄæూ సంఘం సంగెం జెడ్పీటీసీ సభ్యురాలు గుగులోతు వీరమ్మ అధ్యక్షతన జరగగా మహిళా, శిశు సంక్షేమ కార్యక్రమాలపై సమీక్షించారు. పర్వతగిరి జెడ్పీటీసీ సభ్యురాలు మాదాసి శైలజ అధ్యక్షత జరిగిన ఆరో స్థాÄæూ సంఘం సమావేశంలో సాంఘిక, గిరిజన, వెనుకబడిన తరగతులు, వికలాంగుల సంక్షేమం, షెడ్యూల కులాల అభివృద్థి పనుల ప్రగతిపై సమీక్షించారు. ఇంకా 2, 4, 7వ స్థాÄæూ సంఘాల సమావేశం జెడ్పీ చైర్‌పర్సన్‌ గద్దల పద్మ అధ్యక్షతన జరిగింది.
  
 ప్రిన్సిపాల్‌ను వేధిస్తున్న ఉపాధ్యాయులు
 ఖానాపురం మోడల్‌ స్కూల్‌లో ఉపాధ్యాయులు ప్రిన్సిపాల్‌ను వేధిస్తున్నారని, ఉపాద్యాయుల తీరుతో విద్యార్థులు టీసీలు తీసుకుని వెళ్లిపోతున్నారని జెడ్పీటీసీ సభ్యుడు ఎడ్ల జగన్మోçßæన్‌రెడ్డి డీఈఓ రాజీవ్‌ దృష్టికి తీసుకెళ్లారు. దీనికి స్పందించిన డీఈఓ రాజీవ్‌ ఆ పాఠశాలలోని ఓ ఉపాధ్యాయుడు, ప్రిన్సిపాల్‌ మ ధ్య బేదాభిప్రాయాలున్నాయని వివరించారు. ఈ మే రకు ఆటంకాలు కలిగిస్తున్న ఉపాధ్యాయులపై చర్య లు తీసుకోవాలని జెడ్పీటీసీ కోరారు. ఖానాపురం మండలంలోని ఐటీడీఏ స్కూళ్లలో విద్యార్థుల సంఖ్య ను మించి ఉపాధ్యాయులున్నారని చెప్పారు. దుగ్గొం డి ఎంఈఓ పని తీరు బాగాలేదని జెడ్పీ చైర్‌పర్సన్‌ గద్దల పద్మ డీఈఓకు చెప్పారు. మధ్యాహ్న భోజన పథకానికి సకాలంలో బియ్యం సరఫరా చేయడం లేదని నర్సింహులపేట జెడ్పీటీసీ సభ్యుడు ధర్మారపు వేణు సమావేశం దృష్టికి తీసుకువచ్చారు. నర్మెట ప్రాథమిక ఆరోగ్య కేంద్రంలో వైద్యాధికారి అందుబాటులో ఉండడం లేదని జెడ్పీ చైర్‌పర్సన్‌ వైద్య, ఆరోగ్య శాఖ అధికారులపై ఆగ్రహం వ్యక్తం చేశారు. జెడ్పీ సీఈఓ ఎస్‌.విజయ్‌గోపాల్‌ కల్పించుకుని నర్మెటలో రెగ్యులర్‌గా ఉండే డాక్టర్‌ను నియమించాలని సూచించారు. మద్దూరు ప్రాథమిక ఆరోగ్య కేంద్రం అధ్వానంగా తయారైందని, ఎన్నిసార్లు చెప్పినా అధికారులు పట్టించుకోవడం లేదని మద్దూరు జెడ్పీటీసీ సభ్యురాలు నాచగోని పద్మ అసహనం వ్యక్తం చేశారు. అలాగే, జిల్లాలో మంజూరైన గోదాంల నిర్మాణం పనులు కొనసాగడం లేదని పీఆర్‌ అధికారులు సమావేశం దృష్టికి తీసుకు వచ్చారు. సర్పంచ్‌లు ఈ పనులు చేయాల్సి ఉండగా ముందుకు రావడం లేదని అధికారులు తెలిపారు. దీనికి స్పందిన స్థాయి సం ఘం మంజూరైన గ్రామంలో నెల రోజుల్లో గోదాంల నిర్మాణం పనులు మొదలు పెట్టకపోతే వాటిని రద్దు చేసి ఆసక్తి కనబరిచే గ్రామాల్లో నిర్మాణానికి మంజూ రు ఇవ్వాలని సమావేశం తీర్మానించారు. సమావేశంలో జెడ్పీ సీఈఓ ఎస్‌.విజయ్‌గోపాల్, డిప్యూటీ సీఈఓ అనిల్‌కుమార్‌రెడ్డి, వ్యవసాయ శాఖ జేడీ ఉషాదయాళ్, ఉద్యాన శాఖ డీడీ సునీతతో పాటు ఆయా శాఖల అధికారులు పాల్గొన్నారు.  


 సాక్షి, సిటీబ్యూరో: కొందరు వైద్యులు సామాజిక బాధ్యతను మరిచిపోయి సంపాధనే ధ్యేయంగా వ్యవహరిస్తున్నారని జస్టిస్‌ బి.సుదర్శన్‌రెడ్డి అన్నారు. మానవత్వాన్ని మరచి అనారోగ్యంతో ఆస్పత్రికి వచ్చిన నిరుపేదలను నిర్లక్ష్యం చేస్తున్నారన్నారు. శనివారం హోటల్‌ ఆవాసలో జరిగిన కార్డియాలజీ సొసైటీ ఆఫ్‌ ఇండియా తెలంగాణ చాప్టర్‌ వార్షిక సదస్సుకు ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ ప్రస్తుతం అన్ని వృత్తుల్లో చెడు ఉన్నట్లే వైద్య వృత్తిలోనూ చెడు ఉందన్నారు.
 మానవతా దృక్ప«థంతో అందించాల్సిన వైద్య సేవలను వ్యాపారంగా మార్చి “వైద్యో నారాయణోహరి’ అన్న పదానికి విలువ లేకుండా చేస్తున్నారని ఆవేదన వ్యక్తం చేశారు. మందులతో తగ్గని మొండి రోగాలను సైతం ఆత్మీయ పలకరింపు, స్పర్శతో తగ్గించే అవకాశం ఉందని, వైద్యపరంగా ఇది ఎన్నోసార్లు నిరూపితమైందన్నారు. అయితే కొందరు వైద్యులు రోగులు చెప్పిన విషయాన్ని పూర్తిగా వినకపోవడమే కాకుండా కనీసం బీపీ చెక్‌చేయకుండా, నాడీ పట్టి చూడకుండా మందులు రాసేస్తున్నారని, రోగుల ఆగ్రహానికి గురవడ మే కాకుండా న్యాయపరమైన సమస్యలను ఎదుర్కొంటున్నారన్నారు.
 జబ్బులు, చికిత్సలు, మందులపై రోగుల్లో అవగాహన పెరిగిందన్న విషయాన్ని వైద్యులు గుర్తుంచుకోవాలన్నారు. నగరవాసులకు మాత్రమే గుండెజబ్బులు రావడం లేదని, మారుమూల ప్రాంతాల్లోని నిరుపేదలు కూడా గుండె జబ్బుతో బాధపడుతున్నారన్నారు. అయితే వీరిలో చాలా మంది చికిత్సకు నోచుకోలేక పోతుండటం దారుణమన్నారు. సామాజిక బాధత్యగా ప్రతి వైద్యుడు నెలలో ఒక్కరోజైనా గ్రామీణ ప్రాంతాలకు వెళ్లి రోగులకు చికిత్సలు అందించాలని సూచించారు.
 కార్డియాలజీ సొసైటీ ఆఫ్‌ ఇండియా టి.చాప్టర్‌ అధ్యక్షుడు జె.శివకుమార్‌ మాట్లాడుతూ సదస్సులో భాగంగా ప్రైమరీ యాంజియోప్లాస్టీ చికిత్సలపై 300 మంది కార్డియాలజిస్టులకు అవగాహన కల్పిస్తున్నట్లు చెప్పారు. కార్యక్రమంలో  డాక్టర్‌ నరసరాజు,  డాక్టర్‌ శ్రీధర్‌రెడ్డి పెద్ది, డాక్టర్‌ సీతారామ్, డాక్టర్‌ శ్రీధర్‌ కస్తూరి తదితరులు పాల్గొన్నారు.