తన పేరు బుజ్జి నా జూనియర్. హ్యాపిడేస్‌ సినిమాలో లాగా తనని మొదటిసారి చూడగానే ప్రేమించా. వెంటనే తనకి చెప్పా. మా ఇంట్లో ఇలాంటివి ఒప్పుకోరు. నాకు పెళ్లి సంబంధాలు చూస్తున్నారు అని చెప్పింది. కానీ నేను మాత్రం తనని వదులుకోలేకపోయా. నా చదువు పూర్తవగానే జాబ్‌లో జాయిన్‌ అయ్యాను. అలా ఒక సంవత్సరం గడిచిపోయింది. ఒకరోజు తన నుంచి కాల్‌ వచ్చింది. ఓ ప్రాజెక్ట్‌లో హెల్ప్‌ కావాలి అని. అలా తను నాకు మళ్లీ దగ్గరైంది. అప్పుడే తన మనసులో మాటని నాతో పంచుకుంది. నువ్వంటే నాకిష్టమే. కానీ మంచి జాబ్‌లో స్థిరపడితే మా ఇంట్లో వాళ్లని ఒప్పిస్తా అంది. అప్పటికి నా జీతం 16 వేలు మాత్రమే. సో ఇంకా మంచి జాబ్‌ కోసం కోచింగ్‌ సెంటర్‌లో జాయిన్‌ అయ్యాను. ఉద్యోగం సంపాదించి వాళ్లింటికి వెళ్లి మా ప్రేమ గురించి చెప్పి ఒప్పించాలనుకున్నా. అందుకే బాగా కష్టపడేవాడ్ని. ఈ గ్యాప్‌లో తనతో పెద్దగా ఫోన్‌లో మాట్లాడుకునే టైం దొరికేది కాదు. దీంతో మా ఇద్దరి మధ్యా గొడవలు వచ్చేవి.  ఎంత గొడవపడినా మళ్లీ తనే కాల్‌చేసి మాట్లాడేది. కానీ ఓరోజు మా మధ్య చాలా పెద్ద గొడవ జరిగింది. నా ఓప్కి నశించి తనమీద గట్టిగా అరిచేశా. అంతే ..నీమీద ఉన్న నమ్మకం అంతా పోయింది నువ్వు నాకొద్దు. నీ ప్రేమా వద్దు అని చెప్పి వెళ్లిపోయింది. అరిచింది నా బుజ్జిపైనే కదా ఎప్పటిలానే తనే మళ్లీ కాల్‌ చేస్తుంది అనుకున్నా. కానీ నా మాటలు తనని ఎంత గాయపరిచాయో అప్పుడు అర్థమైంది. కాల్‌ చేసేది కాదు. నేను ఫోన్‌ చేసినా మాట్లాడేది కాదు. కొన్నిరోజులకి నాకు పెళ్లి అని తన నుంచి కాల్‌ వచ్చింది. ముందుగా నేను నమ్మలేదు. ఏదో కోపంగా అంటుంది అనుకున్నా .తర్వాత వాళ్ల ఫ్రెండ్స్‌ చెప్పాకా ఒక్కసారిగా నా గుండె ఆగిపోయినంత పనైంది. తనకి పెళ్లి అని తెలిసినప్పటినుంచి కన్నీళ్లతో నిద్రలేని రాత్రులు గడుపుతున్నా. చివరిగా తను నాతో అన్న ఒకే ఒక్కమాట..నన్ను ప్రశాంతంగా బతకనివ్వు అని. ఇప్పడు జాబ్‌ చేయడం మానేశా. కోచింగ్‌ కూడా వదిలేశా. వచ్చే నెలలో తన పెళ్లి. తను ఎక్కుడున్నా ఎవరితో ఉన్నా సంతోషంగా ఉండాలి.  --హరీష్‌ రాజు, నెల్లూరు  

నేను తొమ్మిదవ తరగతి చదువుతున్న రోజుల్లో మా ఇంటి పక్క ఇంట్లో ఓ అమ్మాయి ఉండేది. తను ఏడవ తరగతి చదువుతుండేది. ఒకే ఊరు కనుక కలిసి ఆడుకుంటూ ఎప్పుడూ సరదాగా ఉండేవాళ్లం. నేను మా ఇంట్లో అమ్మకు సహాయం చేసే వాడిని, తను నాకు సహాయం చేసేది. అలా మా మధ్య ఇష్టం చాలా పెరిగింది. తనెప్పుడూ నా కోసమే ఆలోచించేది. తనంటే ఇష్టంగా ఉండేవాడిని కానీ, ప్రేమ అని అనుకోలేదు. తను నా మీద పెంచుకుంటున్న ఇష్టం అందరూ గమనించారు! నేను తప్ప. ఆమె మా పేర్లు ఫ్లేమ్స్‌ వేసుకుని, ఆ పేపరు బ్యాగులో ఉంచుకుంది. నాకు సంబంధించిన కొన్ని వస్తువులు జాగ్రత్తగా దాచుకునేది. అవన్నీ గమనించిన వాళ్ల ఇంట్లో వాళ్లు తనని నా నుండి దూరం పెట్టారు. అప్పుడు అర్థమైంది నాకు, తనని నేను ఇష్టపడతున్నానని. ఇక అప్పటినుంచి తనకు దూరంగా ఉండటం నరకంలా ఉండేది. ఎక్కడికి వెళ్లినా నా పక్కనే కూర్చునేది. ఊర్లో అందరూ మేము భార్యాభర్తలం అనుకునేలా ఉండేది. కొద్ది రోజులకి తనని నాతో పూర్తిగా మాట్లాడకుండా చేశారు. వాళ్ల పిన్ని ఆ అమ్మాయిని కొట్టి నాకు దూరం చేసింది.  అలా రెండేళ్లు మేము దూరంగా ఉన్నాం. తర్వాత మళ్లీ మాట్లాడింది. కానీ, ఇక మీదట మేము అందరిలో కలిసి ఉండకూడదు అని నిశ్చయించుకున్నాం. ఎవరికీ తెలియకుండానే మాట్లాడుకునేవాళ్లం. అందుకు వాళ్ల చెల్లెలు కూడా మాకు హెల్ప్‌ చేసింది. మెసేజెస్‌, కాల్స్‌ చేసుకునేవాళ్లం. మాకు ఆస్తిలేని కారణంగా తనని దూరం చేశారు. వాళ్ల మామయ్యకు ఇచ్చి పెళ్లి చేయటానికి ఖాయం చేశారు. తను అప్పటినుంచి ఏడుస్తూ ఉండేది. ఇష్టం లేదని చెప్పినా ఇంట్లో వాళ్లు ఒప్పుకోలేదు. నా వయసు 19 తనను తీసుకుని వెళ్లలేను. అలా అని ఆపలేను. చచ్చిపోవాలనుకున్నా. తను కూడా అలానే అనుకుంది. ఆస్తి, వయసు కారణంగా నా ప్రేమ నాకు దూరం అయింది. ఒకసారి అడిగా నేనంటే అంత ఇష్టమా అని తను లాగిపెట్టి కొట్టింది. ‘నేను నీకు పిచ్చిదానిలా కనిపిస్తున్నానా? ఎందుకు అలా అడిగావు. ఇంకెప్పుడూ అలా అడగకు. నువ్వంటే నాకు చాలా ఇష్టం! ఇలా అడుగుతావని నేనెప్పుడూ అనుకోలేదు. నా ప్రాణం ఉన్నంత వరకు నిన్ను మర్చిపోను. నా ప్రాణం పోయేటప్పుడు నిన్ను తలుచుకుని చచ్చిపోతాను. ఎప్పటికీ నీ కోసమే ఆలోచిస్తూ బ్రతుకుతాను’ అంది. ఒక్కసారిగా నన్ను పట్టుకుని ఏడ్చింది. నాకు ఏం మాట్లాడాలో కూడా అర్థం కాలేదు. ఒక అమ్మాయిని పట్టుకోవటం అదే మొదటిసారి. నా లైఫ్‌లో ఆరోజుని ఎప్పటికీ మర్చిపోలేను. నేను అడిగా ‘మరి నాతో వచ్చేయొచ్చు కదా’ అని. తను రాను అంది. ఏం అంటే ‘మా ఇంట్లో వాళ్లకి నేనంటే చాలా ఇష్టం. నా మూలంగా వాళ్లు అవమానపడకూడదు.’ అంది. ‘మరి నన్ను ఎందుకు ఇష్టపడ్డావు’ అన్నాను. ‘ నా లైఫ్‌ అంతే! ఈ జన్మకు ఇలా అవ్వాలని రాశాడేమో దేవుడు’ అంది. చాలా బాధగా అనిపించింది. అప్పుడు తనో కోరిక కోరింది. ‘నన్ను పెళ్లి చేసుకుంటావా’ అని. ‘అదేంటీ?’ అన్నా. ‘ఎవరికీ తెలియకపోయినా నువ్వు నా వాడివి అనే ఫీలింగ్‌ నాకు చాలు. నువ్వు నన్ను చేసుకో’ అంది. తన బర్త్‌డే రోజు బొట్టు పెట్టించుకుంది. ‘నా బర్త్‌ డే అని కాకుండా నువ్వు బొట్టు పెట్టిన రోజుగా గుర్తుంచుకుంటా’ అని ఏడ్చింది. ‘ఇలానే ఉండిపోవాలని ఉంది. ఇంకో జన్మంటూ ఉంటే నీతో ఉండాలని ఆ దేవుడ్ని కోరుకుంటున్నా’ అని అక్కడినుంచి వెళ్లిపోయింది. ప్రేమంటే ఎదుటి వ్యక్తి కళ్లల్లోనే తెలుస్తుంది. తన కళ్లు ఎప్పుడూ నన్ను ప్రేమిస్తున్నాయని నాకు చెబుతాయి. తన కళ్లు చూస్తే ఆ కళ్లు నా కోసం బాధపడుతున్నాయని నాకు అర్థం అవుతుంది. ఇంకో లైఫ్‌ ఉంటే నువ్వు నాతో లైఫ్‌ లాంగ్‌ ఉండాలని కోరుకుంటున్నా. నువ్వు ప్రేమించే నీ ప్రేమని, ఐ మిస్‌ యూ బంగారం!  - స్వామి లేదా worldoflove@sakshi.comకు మెయిల్‌ చేయండి

అతడి పేరు సుభాష్‌! మా ఇంటి పక్కనే వాళ్ల ఇళ్లు. మా రెండు కుటుంబాల మధ్య మంచి రిలేషన్‌ ఉంది. ఒక రకంగా చెప్పాలంటే దూరపు బంధుత్వం కూడా. తను నాకు బావ వరుస అవుతాడు. చాలా స్నేహంగా ఉండేవాళ్లం చిన్నప్పటినుంచి. ఇంటర్‌ ఫైనల్‌ ఇయర్‌లో ఉన్నపుడు నాకు ప్రపోజ్‌ చేశాడు. నేనప్పుడు ఓకే చెప్పలేదు. డిగ్రీ ఇద్దరం ఒకే కాలేజ్‌లో చేరాము. నెలకోసారైనా నాకు ఐ లవ్‌ యూ చెప్పేవాడు. తెలిసిన వ్యక్తి, మంచి వాడు, పైగా రెండు కుటుంబాల మధ్య మంచి రిలేషన్‌ ఉంది! కాబట్టి, పెళ్లికి ఒప్పుకుంటారని నేను డిగ్రీ ఫస్ట్‌ ఇయర్‌ సెకండ్‌ సెమ్‌లో ఓకే చెప్పాను. నాతో చాలా ప్రేమగా ఉండేవాడు. ఓ వ్యక్తినాపై ఇంతలా ప్రేమ చూపించడం నాకు బాగా నచ్చేది. చూస్తుండగానే మా ప్రేమలో ఏడేళ్లు ఇట్టే గడిచిపోయాయి. ఈ ఏడేళ్లలో ఎన్నో మార్పులు. నాకు, అతడికి మధ్య ఎన్నో కలవని పాయింట్లు ఉన్నాయి. రోజురోజుకు అతడిపై ప్రేమ తగ్గుతూ వచ్చింది. ఇక మీదట అతడితో కలిసి ఉండటం కుదరదనిపించింది. ఇదే విషయం అతడికి చాలాసార్లు చెప్పి చూశాను. ‘ నేను నీతో కలిసి ఉండలేను’ అని. దానికి అతడు చాలా సీరియస్‌ అయ్యేవాడు, బాగా తిట్టేవాడు. కొన్ని రోజుల తర్వాత క్షమాపణలు చెప్పి, ‘ నువ్వు కుదరదంటే నేను చచ్చిపోతాను’ అనేవాడు. అయినా పట్టువదలకుండా అతడికి నచ్చజెప్పటానికి ప్రయత్నించేదాన్ని. ‘మనిద్దరి దార్లు వేరు.. ఎప్పటికీ కలవవు’ అని. పట్టించుకునేవాడు కాడు. మేమిద్దరమూ పెళ్లి చేసుకోవాలనుకున్న విషయం మా ఇంట్లో వాళ్లకు కూడా తెలుసు. నేను మా ఇంట్లో ఈ విషయం చెప్పటానికి ప్రయత్నించినపుడు వాళ్లు కూడా నా మాట వినలేదు. అతడితో బ్రేకప్‌ చెప్పి, మా రిలేషన్‌కు ఓ ఎండ్‌కార్డ్‌ వేద్దామని చేస్తున్న ప్రయత్నం ఎప్పటికి ఫలిస్తుందో.   - శీ విధ్య, సూర్యాపేట లేదా worldoflove@sakshi.comకు మెయిల్‌ చేయండి

కాలేజీకి వెళ్లి చదువు కోవడం..  ఇంట్లో పని చేయడం తప్ప ఏమీ తెలియని నా జీవితంలోకి అనుకోకుండా ఓ అమ్మాయి వచ్చింది. ఎప్పుడూ గొడవ పడే మేము ఫ్రెండ్స్‌గా మారడానికి ఎక్కువ  సమయం పట్టలేదు. నేను ఏ అమ్మాయి గురించి మాట్లాడినా గొడవ పడేది. అప్పుడే అర్థం అయింది.. తను నన్ను ప్రేమిస్తోందని. తన పుట్టినరోజుకు ముందు రోజు నాకు ప్రపోజ్‌ చేసింది. అప్పుడు నాకు పెద్దగా ఏమీ అనిపించలేదు కానీ, హాలిడేస్‌కు తను ఇంటికి వెళుతుంటే నాకు ఏడుపొచ్చింది. ఆ రోజు అర్థమైంది! తనని నేను ప్రేమిస్తున్నానని.  ‘నేను ఎక్కడికీ వెళ్లను బుజ్జి! మళ్లీ వస్తాగా’ అని తను వెళ్లిపోతుంటే చాలా బాధ. ఆ రోజు నుండి ఈ రోజు వరకు తను వచ్చి వెళ్లిన ప్రతీసారి బాధ పడుతూనే ఉన్నా. ఎందుకంటే ఎంత సేపు చూసినా తను నన్ను వదిలి వెళ్లే చివరి నిమిషం చాలా బాధిస్తోంది.  అందరి లవ్ స్టోరీలో లాగే మా లవ్‌లో కూడా గొడవలు వచ్చాయి. కానీ, అపుడు మేము విడిపోలేదు. అడ్జస్ట్‌ అవుతూనే వచ్చాము. కానీ మా ప్రేమ పెళ్లి వరకు తీసుకు వెళ్లాలంటే మనీ, క్యాస్ట్ ప్రాబ్లమ్స్‌గా మారాయి. క్యాస్ట్ మార్చలేం కదా అందుకే మనీ అయినా ఉండాలనుకున్నాం.  మాది  ఒక పూర్ ఫ్యామిలీ! ఎంత పూర్ అంటే తనతో ఒక నైట్ ఫోన్ కాల్ మాట్లాడాలంటే వన్ డే హోటల్ సర్వర్‌గా పనిచేసే వాడిని. తనకి ఒక రింగ్ కొనాలని రెండు నెలలు బార్లో సర్వర్‌గా పని చేశా. తను రిచ్ గాళ్‌! ఎలా అయినా మా ఫ్యామిలీ, నేనూ డెవలప్ అవ్వాలనుకున్నాం. మా డాడీని ఒప్పించి చిన్న బిజినెస్ స్టార్ట్ చేశాం. ఎలాగో డెవలప్ అయ్యాం. ఇక నేను మంచి జాబ్ చేయాలనుకున్నపుడు! ‘సాఫ్ట్‌వేర్‌ జాబ్ ట్రై చెయ్’ అని చెప్పింది. ఎందుకంటే కొద్ది టైంలో ఎక్కువ శాలరీ రావాలంటే సాఫ్ట్‌వేర్‌ ఫీల్డ్ కరెక్ట్ అనుకున్నాం. తనని సీఏ చేయమని చెప్పా. నాకా ఒక ముక్క ఇంగ్లీష్ రాదు! సాఫ్ట్‌వేర్‌ ఫీల్డ్ ఎలా? అనుకున్నా అప్పుడే వాళ్ల అక్కకి పెళ్లి చూపులు స్టార్ట్ అయ్యాయి. తరువాత తనకి, సో! త్వరగా కోర్స్ చేసి మంచి జాబ్ తెచ్చుకోవాలి. ఆరు నెలల్లో చేయాల్సిన కోర్స్  ఒక నెలలో చేసి జాబ్ ట్రైల్స్‌కు ఫిబ్రవరి 14న వెళ్లా. నాకు తన దగ్గరకి వెళ్లాలని ఉండేది. తనకేమో నేను జాబ్ కోసం వెళ్లాలని ఉండేది.  జాబ్‌కోసం సెర్చ్ చేస్తున్న టైంలో తనకి ఎగ్జామ్స్. నేను ఇంటర్వ్యూకి సెలెక్ట్ అయ్యా! ఎంతో కష్టపడి ఇంటర్వ్యూ ఫైనల్ రౌండ్‌కు వెళ్లా. మా ఇద్దరి మధ్యా చిన్న గొడవ వల్ల సరిగా ఏకాగ్రత ఉంచలేక ఫైనల్ రౌండ్లో జాబ్ మిస్ అయింది.  చదవకుండా టైం వేస్ట్ చేస్తోందని తనని తిట్టా. కానీ, మామూలే మళ్లీ చదవకుండా ఉండే సరికి కోపంలో బాగా తిట్టి, ‘నెల రోజులు వెయిట్ చెయ్‌ అమ్ము! గొడవ పడటానికి కరెక్ట్ టైం కాద’ని చెప్పా. వన్ మంత్ మాట్లాడలేదు. నాకు జాబ్ వచ్చేసింది! ఫుల్ హ్యాపీతో తనకి చెప్పా. అంతే ఏమైందో తెలీదు. ఆ వన్ మంత్ తను చాలా బాధ పడి నాపై ద్వేషం పెంచుకుంది. ‘నేను నీ సెకండ్ ఆప్షన్! నేను ఉంటే జాబ్ తెచ్చుకోలేవా’ అని వెళ్లి పోయింది. తనే తిరిగి వస్తుందిలే అనుకున్నా. కానీ  రాలేదు . తను వస్తుందని 4 సంవత్సరాలుగా వెయిట్ చేస్తూనే ఉన్నా. ‘తప్పకుండా వస్తావ్ కదా అమ్ము .. నీకోసం ఎదురు చూస్తూనే వుంటా . మిస్‌ యూ అమ్ము.. లవ్  యు బంగారం ...లవ్ యూ ఫరెవర్ బంగారం.. - బుజ్జి లేదా worldoflove@sakshi.comకు మెయిల్‌ చేయండి

తొండంగి కొమ్మనాపల్లి గ్రామానికి చెందిన నులక తాటి సతీష్‌, కృష్ణా జిల్లా వీర్లుపాడు మండలం జయంతి గ్రామానికి చెందిన పడిగెల అఖిల మధ్య మూడేళ్ల క్రితం ప్రేమ చిగురించింది. చిట్టచివరకు కోర్టు కేసులు,జైలు తదితర పరిణామాలను అధిగమించి చట్టప్రకారం ఒక్కటైంది ఆ జంట.  సతీష్‌ది కొమ్మనాపల్లిలో కూలీ పని చేసుకుని జీవించే చిన్న కుటుంబం. ఆశించిన స్థాయిలో పని లేకపోవడంతో ఆర్థిక సమస్యలతో నాలుగేళ్ల క్రితం హైదరాబాద్‌ వలస వెళ్లారు. చిక్కడ్‌పల్లి ప్రాంతంలో అపార్ట్‌మెంట్‌ వాచ్‌మన్‌గా అతడి తండ్రి దాసు పనిచేయటంతో కుటుంబం అంతా అక్కడే నివాసం ఉంది. ఇంటర్‌ వరకూ చదువుకున్న సతీష్‌ మాదాపూర్‌లోని సాఫ్ట్‌వేర్‌ కంపెనీలో ఆఫీస్‌బాయ్‌గా చేరాడు. అదే అపార్ట్‌మెంట్‌లో కృష్ణాజిల్లా వీర్లుపాడు మండటం జయంతి గ్రామానికి చెందిన పి.అయ్యప్ప వాచ్‌మన్‌గా పనిచేస్తున్నాడు. దీంతో అతడి కుటుంబం కూడా అక్కడే నివాసం ఉంటోంది. ఆఫీస్‌ బాయ్‌గా ఉన్న సతీష్‌ వస్తూపోతూ ఉండడంతో అయ్యప్ప కుమార్తె అఖిలకు, అతడికి మధ్య స్నేహం ఏర్పడింది. 2017నాటికి అది కాస్తా ప్రేమగా మారింది. అదే ఏడాది జనవరి 20న వారిద్దరూ ప్రేమ బాసలు చేసుకున్నారు. కాలక్రమంలో వారి వ్యవహారం పెద్దలకు తెలిసింది. కులాలు వేరు కావటంతో అఖిల తండ్రి ఆమెను స్వగ్రామం జయంతికి పంపించారు. సుమారు ఆరునెలల అనంతరం ఫోన్ల ద్వారా మాట్లాడుకున్నారు. ఆగస్టులో వారిద్దరూ ఎవరికీ చెప్పకుండా చెన్నై వెళ్లారు. దీంతో అఖిల తల్లిదండ్రులు స్వగ్రామం పరిధి పోలీస్‌ స్టేషన్‌లో సతీష్‌పై మైనర్‌ అయిన తన కుమార్తెను కిడ్నాప్‌ చేశాడని ఫిర్యాదు చేశాడు. దీంతో పోలీసులు ఫోక్సో చట్టం కింద కేసు నమోదు చేశారు. ఈ నేపథ్యంలో సతీష్‌ తల్లిదండ్రులుకు సతీష్‌, అఖిల చెన్నైలో ఉన్నారని తెలియడంతో ఫోన్లో వారికి నచ్చచెప్పారు. దీంతో సతీష్‌, అఖిల ఇద్దరూ తొండంగి మండలంలోని స్వగ్రామం కొమ్మనాపల్లికి వచ్చారు. సతీస్‌ తల్లిదండ్రులు వీరిద్దరినీ ఒంటిమామిడి పోలీస్‌స్టేషన్‌కు తీసుకెళ్లారు. అప్పటికే అఖిల తండ్రి సతీష్‌పై ఫిర్యాదు చేసిన నేపథ్యంలో అయ్యప్పను కూడా రప్పించారు. మైనర్‌ కావటంతో పోలీసులు అఖిలను అయ్యప్పతో పంపించారు. కేసుకు సంబంధించి వీర్లుపాడు పోలీస్‌స్టేసన్‌నుంచి ఒంటిమామిడి పోలీస్‌ స్టేషన్‌కు అప్పగించారు. అప్పటికే సతీష్‌పై కేసు నమోదు చేయడంతో ఫోక్సో చట్టం కింద అరెస్టు చేశారు. కోర్టు ఉత్తర్వుల మేరకు నందిగామ సబ్‌జైలులో సతీష్‌ సుమారు 63రోజులు ఉన్నాడు. అనంతరం బెయిల్‌పై బయటకు వచ్చి కోర్టు వాయిదాలకు తిరుగుతున్నాడు. కాలం గడుస్తోంది. సతీష్‌ మళ్లీ హైదరాబాద్‌లో ఉద్యోగంలో చేరాడు.అఖిల నందిగామలో టైలరింగ్‌ నేర్చుకుంటోంది. ఈ నేపథ్యంలో ఫేస్‌బుక్‌ ద్వారా సతీష్‌ నెంబర్‌ సేకరించిన అఖిల ఫోన్‌ చేసి తన ప్రేమను కొనసాగించింది. ఈ ఏడాదితో మైనార్టీ తీరి జనవరి నాటికి మేజర్‌ కావడంతో సతీష్‌ను పెళ్లిచేసుకునేందుకు నందిగామ నుంచి అన్నవరం చేరుకుంది. అన్నవరంలో హిందూ సాంప్రదాయం ప్రకారం పెద్దల సమక్షంలో ఇద్దరూ ఒక్కటయ్యారు. 2017లో తన ప్రియురాలు తనకు ప్రపోజ్‌ చేసిన రోజైన జనవరి 20నే వివాహం చేసుకున్నట్లు సతీష్‌ తెలిపాడు.   లేదా worldoflove@sakshi.comకు మెయిల్‌ చేయండి

2008లో నేను బీటెక్‌లో జాయిన్‌ అయ్యాను! అప్పుడే మొదటిసారి ఈడీసీ ల్యాబ్‌లో ఆద్యను చూశాను. ఆమె అందరితో చాలా ఫ్రెండ్లీగా ఉండేది. అది చూసి నాకు కూడా తనతో ఫ్రెండ్షిప్‌ చేయాలనిపించేది. నేను చాలా షైగా ఉండేవాడిని. సో తనతో మాట్లాడటానికి, ఫ్రెండ్షిప్‌ చెయ్యడానికి చాలా రోజులు పట్టింది. సెకండ్‌ ఇయర్‌కి వచ్చేసరికి కొంచెం క్లోజ్‌ అయ్యాం. కానీ, తన మీద లవ్ ఉందని నాకు తెలియలేదు. వేరే ఎవరైనా నా కన్నా తనతో క్లోజ్‌గా ఉంటే బాగా కుళ్లు వచ్చేది. సెకండ్‌ ఇయర్ సెకండ్‌ సెమ్‌లో ఉన్నప్పుడు, మా ఫ్రెండ్ ఒకడు తనకి లవ్ ప్రపోజ్‌ చేశాడు. తను కూడా ఒప్పుకుంది. ఫస్ట్ నేను హ్యాపీగా ఫీల్ అయ్యా. వాళ్లిద్దరూ నా ఫ్రెండ్స్ కాబట్టి. కానీ ఉండేకొద్దీ వాళ్లిద్దరూ బాగా క్లోజ్‌గా ఉండటం, అన్నీ షేర్ చేసుకోవడం అన్నీ చూసి నేను తట్టుకోలేకపోయాను. అప్పుడే అర్ధం అయ్యింది! నేను తనని లవ్‌ చేస్తున్నా అని. ఎందుకో తెలీదు వాళ్ళ లవ్‌ ఒక నెలలోనే బ్రేకప్‌ అయింది. ఆ తర్వాత తన ఫ్యామిలీలో కొన్ని విషాద సంఘటనలు జరిగాయి. వాటి వల్ల తను మెంటల్‌గా ఇబ్బందికి గురయ్యింది. తనకి నేను చాలా ధైర్యం ఇవ్వాలనుకున్నా. కానీ, కాలేజ్‌కి కూడా సరిగా వచ్చేది కాదు. నా ఫ్రెండ్ లాగా నేను మాటకారిని కూడా కాదు. థర్డ్‌ ఇయర్‌ చివర్లో తను కోలుకుంది. వాళ్ల ఫ్యామిలీ కూడా మా ఇంటి వెనక లైన్లోకి షిప్టు అయ్యారు. థర్డ్‌ ఇయర్‌ తర్వాత సమ్మర్ హాలిడేస్‌లో తను కొన్ని కోర్సెస్‌లో జాయిన్‌ అయ్యింది. అది తెలిసి నేను కూడా తను ఉన్నచోటే జాయిన్ అయ్యాను. ఆ రోజులు నా జీవితంలో గోల్డెన్ డేస్. తనతో చాలా సేపు కలసి ఉండేవాడిని. ఇంటికి కలిసి వెళ్లేవాళ్లం. చాలా ఫాస్ట్‌గా రెండు నెలలు గడిచిపోయాయి. అప్పుడే తనకి నా లవ్‌ గురించి చెప్పాను. మెసేజ్‌లో, డైరెక్ట్‌గా చెప్పే అంత ధైర్యం నాకు లేదు. అది చెప్పిన తర్వాత ఒక రెండు రోజులు నేను తనని డైరెక్ట్‌గా చూడలేకపోయా. తను నార్మల్‌గానే ఉంది. కానీ, నాకు మాత్రం ఏదో తెలియని ఫీలింగ్. నన్ను తను ఎప్పుడు ఒక పిల్లోడి లాగా, అమాయకుడిలాగా, ఫ్రెండ్‌ లాగానే చూసింది. కానీ నేనంటే చాలా కేరింగ్‌గా ఉండేది. చాలా వాల్యూ అండ్‌ ఇంఫార్టెన్స్‌ ఇచ్చేది. అందుకే తను అంటే నాకు చాలా అభిమానం. అవునని లేదా కాదని ఏమీ చెప్పలేదు. మేము అలానే కంటిన్యూ అయ్యాము. నేను తనని లవ్ చేస్తున్నా అని, నన్ను బాగా టీజ్‌ చేసేది.  తను అలా చేస్తుంటే  నేను కూడా ఎంజాయ్ చేసేవాడిని. తను నాతో చాలా సీక్రెట్స్ షేర్‌ చేసుకునేది. అలా మా క్లాస్‌కి సంబంధించి ఎదో ఒకటి షేర్ చేసుకునేది. దాన్ని నేను నా క్లోజ్‌ ఫ్రెండ్‌ ఒకడికి ఒకసారి మాటల్లో చెప్పాను. వాడు దాన్ని ఒక గొడవ నుండి బయట పడటానికి వాడుకున్నాడు. దాని వల్ల తను నాతో చాలా రోజులు మాట్లాడలేదు. లాస్ట్‌ డేస్‌లో మళ్లీ మాట్లాడింది. అప్పుడు నాకు చాలా సంతోషం వేసేది. దాన్ని అలానే కంటిన్యూ చేసి తనని పెళ్లి చేసుకోవాలనుకున్నాను. కానీ, కాలేజ్‌ అయిపోయిన ఒక రెండు నెలల తర్వాత ఎదో విషయం మళ్లీ ఎవరికో చెప్పానని మాట్లాడటం ఆపేసింది. చాలా బాధ పడ్డాను. తర్వాత మాట్లాదిద్ది అనుకున్నా. కానీ, 8 సంవత్సరాలు అవుతున్నా ఇప్పటి వరకు మాట్లాడలేదు. ఎన్నో సార్లు మెసేజ్‌ చేసినా నో రిప్లై. నేను ఫారెన్‌ వెళ్లి సెటిల్‌ అయ్యాను. అయినా తన పుట్టినరోజు అప్పుడు న్యూ ఇయర్‌కి మెసేజెస్‌ చేస్తూనే ఉన్నాను. కానీ నో రెస్పాన్స్‌. తన రిప్లై కోసం ఎంత తపించానో నాకు తెలుసు. తను పెళ్లి చేసుకున్న విషయం తెలిసి నేను కూడా పెళ్లి చేసుకున్నా. కానీ, తనను నేను ఇంకా మిస్ అవుతున్నాను, ఒక మంచి ఫ్రెండ్‌లాగా తనతో మళ్లీ మాట్లాడాలని ఉంది కానీ ఏమీ చెయ్యలేకపోతున్నా. తనంటే నాకు చాలా ఇష్టం. తన క్యారెక్టర్‌ అంటే ఇష్టం! నా పట్ల తను చూపించే ప్రేమ, కేరింగ్‌ అంటే ఇష్టం. తనని ఎంత ఇష్టపడ్డా, ఎప్పుడూ లిమిట్స్ దాటలేదు నేను, బస్‌లో కూడా అవకాశం వచ్చినా పక్కన కూర్చునే వాడిని కాదు. అందరూ తనని ఏం అనుకుంటారో అని. తనని చూడటం, తనతో మాట్లాడటం...ఇవే నాకు చాలా మ్యాజికల్‌ ఫీలింగ్స్ ఇచ్చేవి. తనని మిస్‌ అవ్వడమే నా జీవితంలో నేను ఎప్పటికి తిరిగి పొందలేనిది, ఎప్పటికి బాధ పడే విషయం. ఆమె ముందు అన్నీ చిన్నవే అనిపిస్తుంది, ఆద్య నన్ను ఒక్కసారి అయినా లవ్‌ చేసిందో లేదో తెలీదు. కానీ, నేను ఇంకా బెటర్‌గా హ్యాండిల్‌ చేసి ఉండాల్సింది. ఇప్పుడు ఏం అనుకున్నా తను, ఆ రోజులు మళ్లీ తిరిగి రావు.  - చంద్రకాంత్‌ లేదా worldoflove@sakshi.comకు మెయిల్‌ చేయండి

‘ప్రేమ ఎంత మధురం ప్రియురాలు అంత కఠినం’  ఆడవాళ్లను ఉద్ధేశించి ఓ సినీకవి రాసిన పాట ఇది. ఈ పాట విన్నప్పుడల్లా నా మనసులో మరో పాట మెదిలేది! ‘ ప్రేమ ఎంత మధురం చెలికాడు అంత కఠినం’ అని. ఓ మగాడి బాధకు ఆడది ఎంత కారణమవుతుందో.. ఓ ఆడదాని బాధకు మగాడు కూడా అంతే కారణం అవుతాడు. నా కష్టాలకు నిలువెత్తు రూపం భార్గవ్‌! ఎంబీఏ చదువుతున్నపుడు పరిచయమయ్యాడు. తనది ఎంఎస్‌సీ! ఇద్దరం ఒకే క్యాంపస్‌లో చదువుకునేవాళ్లం. మా కాలేజ్‌లో జరిగే ఈవెంట్స్‌లో చురుగ్గా పార్టిసిపేట్‌ చేసేవాడు. డ్యాన్స్‌ చేసేవాడు, డ్రామాలువేసేవాడు. అతడంటే ఇష్టం పెరగటానికి అవికూడా ఓ కారణం అని చెప్పొచ్చు. ఓ సాంఘీక నాటకం వేయటానికి నన్ను అప్రోచ్‌ అయ్యారు. నాకు యాక్టింగ్‌ రాదన్నా వినలేదు! పట్టుబట్టి మరీ లాక్కెళ్లారు. క్లాసులు జరుగుతున్నా ఓ గంట పాటు రిహార్సల్స్‌  చేసేవాళ్లం. అప్పుడే మా ఇద్దరి మధ్యా స్నేహం బలపడింది. నాటకం వేయటం అయిపోయినా మా స్నేహం కొనసాగింది. తరచు ఫోన్‌లలో మాట్లాడుకునే వాళ్లం. ఓ రోజు ఫోన్‌లో మాట్లాడుకుంటున్నపుడు ‘ఐ లవ్‌ యూ’ చెప్పాడు. అతనంటే నాకూ ఇష్టం కాబట్టి సరే అన్నాను. ఓ 6నెలలు ఫోన్‌లలోనే గడిపాం. తర్వాత అప్పుడప్పుడు సరదాగా బయటకు వెళ్లే వాళ్లం. ఇద్దరి చదువులు పూర్తయి కాలేజీనుంచి బయటపడ్డాం.. ఆ  తర్వాతి నుంచి నా కష్టాలు మొదలయ్యాయి. తనకు బుద్ధిపుట్టినప్పుడల్లా నాకు ఫోన్‌చేసేవాడు. ఇంట్లో ఉండటం వల్ల అతడి ఫోన్‌ను తీయటం సరిగా కుదిరేది కాదు. బాగా తిట్టేవాడు! ఎంత చెప్పినా నా పరిస్థితి అర్థం చేసుకునేవాడు కాదు. ఓ రోజు ఫోన్‌ చేసి ‘బయటకు వెళదాం రా!’ అన్నాడు. ఇంట్లో పరిస్థితి చెప్పి రావటం కుదరదన్నా. తిట్టాడు, తర్వాత ‘ నా మీద నీకు ప్రేమ తగ్గిపోయింది’ అంటూ ఏడ్చినంత పనిచేశాడు. నాకు బాధేసింది.. తర్వాత భయమేసింది. ఫోన్‌ పెట్టేసి ఆలోచనల్లో పడ్డా. ఓ రోజు ఫోన్‌ చేశాడు.. నేను వెంటనే ఫోన్‌ తీశా ‘నీకూ నాకు సెట్‌ అవ్వదు. విడిపోదాం’ అని ఫోన్‌ పెట్టేశాడు. నేను ఫోన్‌ చేసినా తీయలేదు. ఇలా నెల రోజులు.. చాలా బాధపడ్డా. ఓ రోజు రాత్రి 11 గంటలకు బాగా తాగి నాకు ఫోన్‌ చేశాడు. ‘ సారీ! ఆ రోజు నేను జోక్‌ చేశా. నువ్వంటే నాకు ప్రాణం, నిన్నెలా వదులుకుంటా’ అన్నాడు. నా మతి పోయింది! ఏం మాట్లాడుతున్నాడో అతడికైనా అర్థం అయ్యుండదు.. దాదాపు ఒంటి గంట వరకు నాన్‌స్టాప్‌గా మాట్లాడాడు. ఫోన్‌ పెట్టేద్దామంటే ఏమనుకుంటాడో అన్న భయం. చెవులు చిల్లులు పడ్డాయి.. కళ్లు మంటలు పుట్టాయి. అతన్ని ప్రేమించినందుకు నా మీద నాకే జాలేసింది. నేను ఎంత బిజీగా ఉన్నా అతడి ఫోన్‌ వస్తే మాత్రం తీసేదాన్ని. కొద్దిసేపు నవ్వుతూ మాట్లాడేవాడు.. తర్వాత కోపం.. ఏడుపు.. ఫోన్‌లోనే నవరసాలు పండించేవాడు. అతనితో ఫోన్‌ మాట్లాడటం కమల్‌ హాసన్‌ సినిమా చూసినట్లు ఉండేది. ఓ సైకోలాగా నన్ను ప్రతీరోజు టార్చర్‌ చేసేవాడు. మొన్న డిసెంబర్‌ 31నుంచి నాతో కాంటాక్ట్‌లో లేడు. విచారిస్తే బాగా తప్పతాగి ఎవరితోనో గొడవపడితే బాగా కొట్టారంట, ఆసుపత్రిలో ఉన్నాడు. ఆ విషయం తెలియగానే నా ముఖంలో ఓ క్వచ్ఛన్‌ మార్క్‌! పీడాపోయిందని సంతోషించాలా? బాధపడాలా?  - నవ్య లేదా worldoflove@sakshi.comకు మెయిల్‌ చేయండి

మాది కృష్ణాజిల్లా గుడివాడ నియోజకవర్గంలోని గుడ్ల వాలేరు గ్రామం. మా గ్రామంలో నాది తూర్పు వీధి, నేను మా ఊళ్లోని పడమర వీధికి చెందిన అరుణశ్రీ అనే అమ్మాయిని ప్రేమించాను. ఈ విషయాన్ని రెండేళ్ల క్రితమే పెద్దలకు చెప్పాం. అయితే వాళ్లు ముందు అంగీకరించలేదు. ‘నీకు ఉద్యోగం లేదు. ఎలా జీవిస్తారు’ అంటూ ప్రశ్నించేవారు. బతకడానికి ఎన్నో మార్గాలున్నాయని, ఇష్టమైన అమ్మాయితో వివాహం చేస్తేనే నేను సంతోషంగా ఉంటానని నచ్చచెప్పేవాడిని. అయినా పెద్దలు సుముఖత వ్యక్తం చేయలేదు. వివాహం చేసుకుంటే అరుణశ్రీనే చేసుకుంటానని.. లేదంటే వివాహం అవసరం లేదని తేల్చిచెప్పేశాను. ఇంతలోనే నాకు ఆర్టీసీలో ఉద్యోగం వచ్చింది. దీంతో పెద్దలు జోరుగా పెళ్లి సంబంధాలు చూసేపనిలో పడ్డారు. నేను ముందుగా చెప్పిన విషయాన్ని పెద్దలకు స్పష్టం చేశాను. ‘మా సంతోషం ముఖ్యమా.. లేదా మీకు ఆర్ధిక అసమానతలంటూ కాలయాపన చేస్తారా?’ అని.. పదే పదే అడిగాను. దీంతో ఇరువురి పెద్దలు ఆర్ధిక అసమానతలతో పాటు అన్ని విషయాలను పక్కన పెట్టారు. దీంతో 2019 మేలో పెద్దల సమక్షంలో ప్రేమ వివాహం చేసుకున్నాము. మేము పెద్దల గౌరవానికి, వాళ్ల మనోభావాలకు, సంప్రదాయాలకు భంగం వాటిల్లకుండా ఎంతో అన్యోన్యంగా జీవనం సాగిస్తున్నాం. -  గుడి రాజేష్‌ కుమార్‌, డిపో మేనేజర్‌, ఆర్టీసీ, అలిపిరి డిపో కులాంతర వివాహమని ఆమె ఇంట్లో ఒప్పుకోలేదు డాక్టర్‌ పెంచలయ్య దంపతులు మాది నెల్లూరు జిల్లాలోని చేజర్ల మండలం. నాన్న వెంకటయ్య, అమ్మ సుబ్బమ్మ వ్యవసాయ కూలీలు. మా ఆవిడ చిట్టి! అనంతపురం జిల్లా వజ్రకరూర్‌కు చెందిన అంజనయ్య, మాణిక్యమ్మల కుమార్తె. 1986లో తిరుపతిలోని మెడికల్‌ కళాశాలలో ఎంబీబీఎస్‌ చదివే సమయంలో చిట్టి బీఎస్సీ నర్సింగ్‌ చదివేది. ఆ సమయంలో మా ఇద్దరి మధ్యా ఏర్పడిన పరిచయం ప్రేమగా మారింది. ఇద్దరి ఇష్టాలు కలవడంతో పెళ్లి చేసుకోవాలని నిర్ణయించుకున్నాం. కానీ, కులాంతర వివాహమని ఆమె ఇంట్లో ఒప్పుకోలేదు. నాలుగు సంవత్సరాలు ఆగి, ఆ తర్వాత మళ్లీ అడిగి చూశాం. మాపై నమ్మకంతో పెద్దలు పెళ్లికి అంగీకరించడంతో లవ్‌ అండ్‌ అరెంజెడ్‌ మ్యారేజ్‌ జరిగింది. పెళ్లి జరిగిన సంవత్సరం తర్వాత ఇద్దరం ప్రభుత్వ కొలువులు సాధించాం. మాకు ఇద్దరు పిల్లలు. బాబు డాక్టర్‌ తేజ్‌దీప్‌ ఎంఎస్‌ జనరల్‌, పాప దీప్తి నాలుగో సంవత్సరం ఎంబీబీఎస్‌ చదువుతోంది. ప్రేమికులకు ఒకరిపై ఒకరికి నమ్మకం ఉండాలి. ఈ కాలంలో ప్రేమ, వ్యామోహం, ఆకర్షణకు తేడా కొందరు పిల్లలకు తెలియడం లేదు. - డాక్టర్‌ పెంచలయ్య, డీఎంఅండ్‌హెచ్‌ఓ లేదా worldoflove@sakshi.comకు మెయిల్‌ చేయండి

అది 2005! నేను 8వ తరగతిలోకి అడుగు పెట్టాను. మా క్లాస్‌లో కొత్తగా ఓ అమ్మాయి చేరింది. తను ఆగష్టు 15న పాట పాడింది. మొదటి సారిగా తను పాడుతుంటే నేను వినడం. ఎంత స్వీట్ వాయిసో తనది! మళ్లీ మళ్లీ వినాలనిపించింది. రెండు జడలు వేసుకుని చాలా క్యూట్‌గా ఉండేది. స్కూల్ వెనకే వాళ్ల ఇల్లు. రోజు స్కూల్ అయిన వెంటనే తనని ఫాలో చేసేవాడిని. సెలవులు అయితే చాలు సైకిల్ వేసుకుని వాళ్ల వీధిలో తిరగటమే నా పని. నా ప్రేమ సంగతి ఆమెకు చెప్పాలంటే భయం. టెన్త్‌లో తను జాయిన్ అయిన ట్యూషన్‌లోనే నేనూ జాయిన్ అయ్యా. ఎప్పుడూ ఆమెను అలా చుస్తూ ఉండి పోయే వాడ్ని తప్ప ధైర్యం చేసి చెప్పలేకపోయా. నా బెస్ట్ ఫ్రెండ్ ఒకతను తనకి ప్రపోజ్ చేశాడు. ఇప్పుడు ప్రేమించే వయసు కాదని చెప్పి పంపింది. తన కళ్లను చూసినప్పుడల్లా తను నన్నే చూస్తోందని అనుకునే వాడ్ని. అలా టెన్త్ కూడా అయిపోయింది. తరువాత మేము వేరే వేరే కాలేజీలలో చేరటంతో దూరం పెరిగి పోయింది. కానీ, తను గుర్తుకు రాని రోజు లేదు. ఎప్పుడు తన ధ్యాసే. డిగ్రీ థర్డ్  ఇయర్లో ఉన్నపుడు తనకు పెళ్లి అయి పోయింది.ఇప్పటికీ అనుకుంటూ ఉంటా‘ ఒకవేళ తనకి చెప్పి ఉంటే నా ప్రేమను అంగీకరించి ఉండేదేమో?’ అని!(ఆ ఊహే బాగుంది లేకుంటే, నేను చెప్పి తను కాదని ఉంటే తట్టుకోలేకపోయేవాడ్ని). - మణికంఠ లేదా worldoflove@sakshi.comకు మెయిల్‌ చేయండి

2012లో బీటెక్‌ ఫేయిలై నేను ఇంటి దగ్గర ఉన్నా. ఏమీ తోచేది కాదు.. ఇంట్లో వాళ్లు నన్ను తిట్టని తిట్టులేదు. బాగా ఇబ్బంది పడ్డరోజులవి. ఇంట్లో దిక్కుతోచక ఓ బట్టల షాపులో పనికి కుదిరా. ఉదయం వెళితే.. రాత్రి పదయ్యేది ఇంటికి వచ్చేసరికి. పైగా తక్కువ జీతం! కానీ, తప్పలేదు. నాకు ఏపనైనా ఎక్కువ రోజులు చేయటం ఇష్టముండేదికాదు. అందుకే రోజురోజుకు నాకు పని మీద శ్రద్ధ తగ్గుతూ వచ్చేది. నాతోపాటు పనిచేసే ఓ అమ్మాయి పని మానేయటంతో పనిభారం కూడా పెరిగింది. దీంతో నేను పని మానేయాలని ఫిక్స్‌ అయ్యా!. అలాంటి సమయంలో షాపులో సేల్స్‌గర్ల్‌గా చేరిందో అమ్మాయి! పేరు సుహాసిని. చూడ్డానికి చాలా అందంగా ఉండేది. కానీ, నేను అంతగా తనవైపు చూసేవాడిని కాదు. అప్పుడప్పుడు అవసరం ఉన్నపుడు మాట్లాడేవాడ్ని. ఓసారి అర్జంటు ఎగ్జామ్‌ ఫీజు కట్టడానికి కొంత డబ్బు కావాల్సి వచ్చింది. ఎవరిని అడగాలో తెలియలేదు. షాపులో ఇదివరకే బాకీ ఉంది. అడగటానికి ఇబ్బందిపడ్డా! ధైర్యం చేసి అడిగా. ఓనర్‌ ఊర్లో లేడు! ఇవ్వటం కుదరదన్నాడు మేనేజర్‌. కొద్దిగా మనసు చివుక్కుమంది.  ఏదో ఆలోచిస్తున్నాను. ఇంతలో ఎవరో పిలుస్తున్నట్లు అనిపించింది. పక్కకు చూశా..‘ మీకు అభ్యంతరం లేకపోతే నా దగ్గర కొంత డబ్బుంది తీసుకోండి! తర్వాత ఇద్దరు గానీ’ అంది. ఓ పక్క అవసరం.. మరోపక్క మొహమాటం.. అవసరమే గెలిచింది. ‘వీలైనంత తొందరగా తిరిగిచ్చేస్తాను’ కాస్త బొంగురుపోయిన గొంతుతో అన్నాను. ‘పర్లేదు! మీకు వీలైనప్పుడే ఇ‍వ్వండి’ అంది నవ్వుతూ. నాకప్పటినుంచి తనంటే గౌరవం పెరిగింది. నా చేతికి డబ్బు రాగానే తన డబ్బు తిరిగిచ్చేశాను. నాకే కాదు తను నా కళ్లముందే చాలా మందికి సహాయం చేసింది. తనపై ఉన్న గౌరవం కాస్తా! ఆరాధనగా మారింది. కొన్ని నెలలు తనను మూగగా ఆరాధించా. ఓసారి సుహాసిని ఇంటికి వెళ్లే సమయంలో నేను కూడా తన వెంట వెళ్లాను. ప్రేమిస్తున్న సంగతి చెప్పేశా! తను ఆలోచించుకుని చెబుతా అంది. మరుసటి రోజు తన కోసం ఎదురు చూస్తూ ఉన్నా. తనురాలేదు. వరుసగా మూడు రోజులు గడిచిపోయాయి. నాకు భయం వేసింది! నా ప్రేమ సంగతి చెప్పి తనను ఇబ్బంది పెట్టాననిపించింది. నా బాధకు అడ్డులేకుండా పోయింది. ఆలోచనలతో రాత్రిళ్లు నిద్రకూడా పట్టలేదు. మరసటి రోజు నీరసంగానే షాపుకు వెళ్లా. కొద్దిసేపటి తర్వాత తను వచ్చింది. నా పెదవులపైకి చిరునవ్వులు తెచ్చింది. కొద్దిగా కోపం కూడా వచ్చింది. ఏం అయ్యుంటుందోనన్న భయం నా కోపాన్ని చంపేసింది. ‘‘ఏం జరిగింది! మూడు రోజులు ఎందుకురాలేదు. నా ప్రేమ సంగతి నీకు చెప్పి ఇబ్బంది పెట్టినందుకు సారీ! ఇకమీదట నిన్ను ఇబ్బంది పెట్టను’ అన్నాను కొంచెం బాధగా. ‘అదేం లేదు! మా అమ్మకు ఒంట్లో బాగోలేకపోతే ఇంటి దగ్గర ఉండాల్సి వచ్చింది.’ చెప్పింది. ఆ మాటలు నాలో కొండంత ధైర్యం నింపాయి. వెంటనే నా ప్రేమ సంగతి అడగాలనిపించింది. కానీ, బాగోదని ఆగిపోయా. అప్పుడు తనే‘ ప్రేమ! గీమా అంటే మా ఇంట్లో కుదరదు. మా వాళ్లతో మాట్లాడి ఒప్పించండి.’ అంది. ఇది చాలు అనుకున్నా! మా ఇంట్లో వాళ్లను ఒప్పించి, వాళ్లింటికి తీసుకెళ్లాను. ఇది వరకే మా నాన్నకు వాళ్లతో పరిచయం ఉండటంతో మంచి ఉద్యోగం వస్తే పెళ్లి చేయటానికి అభ్యంతరం లేదన్నారు. సబ్జెక్టులు కంప్లీట్‌ చేయటం, ఉద్యోగంలో చేరిపోవటం అంతా చకచకా జరిగిపోయింది. 2019 నవంబర్‌లో మాకు ఎంగేజ్‌మెంట్‌ జరిగింది. మార్చిలో పెళ్లి చేసుకోబోతున్నాం. నాకు ఎంత సంతోషంగా ఉందో మాటల్లో చెప్పలేను. - నవీన్‌ కుంట, నంద్యాల లేదా worldoflove@sakshi.comకు మెయిల్‌ చేయండి

నేను డిగ్రీ మొదటి సంవత్సరం చదువుతున్న రోజుల్లో అభిని చూశాను. తను మా సీనియర్‌! చాలా అందంగా ఉండేవాడు. చూడగానే నచ్చేశాడు. ప్రతిరోజూ కాలేజీలో అతడ్ని చూసేదాన్ని. రోజులు గడుస్తున్న కొద్దీ అతడిమీద చాలా ఆశలు పెంచుకున్నాను. నా ప్రేమ సంగతి అతని చెబుదామని లెక్కలేనన్ని సార్లు అనిపించింది! ధైర్యం చాలక  ఆగిపోయాను. తను కనిపించని రోజు చాలా బాధగా ఉండేది. వేసవి సెలవుల్లో అయితే ఇంకా కష్టంగా. అందరు సెలవుల కోసం ఎదురుచూస్తే.. నేను సెలవులు ఎప్పుడు అయిపోతాయా! అభిని ఎప్పుడు చూస్తానా అని ఎదురుచూసేదాన్ని. నేను సెకండ్‌ ఇయర్‌, తను థర్డ్‌ ఇయర్‌. తనతో ఒక్కసారైనా మాట్లాడే అవకాశం వస్తుందా అని ఎదురుచూస్తున్నాను. ఓ రోజు తనే నా దగ్గరకు వచ్చి మాట్లాడాడు. మాట్లాడింది రెండు మాటలే అయినా చాలా సంతోషంగా అనిపించింది. చూస్తుండగానే అతడి ఫైనల్‌ ఇయర్‌ ఎండింగ్‌కు వచ్చింది. ఫేరెవల్‌ పార్టీలో చివరిసారిగా అతడ్ని చూశాను. తర్వాత చూడలేదు. ఐదేళ్లు గడిచిపోయింది. అయినా అతడ్ని మర్చిపోలేకపోతున్నా. ప్రతిరోజూ అతడు గుర్తుకువస్తూనే ఉంటాడు. తను ఎక్కడ ఉన్నా హ్యాపీగా ఉండాలని కోరుకుంటున్నా. వచ్చే జన్మకైనా నా ప్రేమ ఫలిస్తుందని ఆశిస్తూ.. - సణ్ముఖి, గోపల్లె చదవండి : అయ్యో! వాలెంటైన్స్‌ రోజు.. ఫీల్‌ పోయింది.. నేనెంత పిచ్చిపని చేశానో అర్థమవుతోంది లేదా worldoflove@sakshi.comకు మెయిల్‌ చేయండి

కొన్ని సంవత్సరాల క్రితం నాకు ఇష్టం లేకపోయినా మా అమ్మానాన్నల బలవంతంమీద ఓ మాట్రిమొనియల్‌ సైట్‌లో నా వివరాలు నమోదుచేశా. ఆ మాట్రిమొనియల్‌ సైట్‌లోనే వరుణ్‌తో నాకు పరిచయం ఏర్పడింది. పరిచయం పెరిగే కొద్ది అతడిపై ప్రేమ పుడుతుందని భావించా. అయితే ఆ సమయంలో మానసికంగా నా ఆరోగ్యం అంతగా బాగోలేదు. నా బెస్ట్‌ ఫ్రెండ్స్‌తో కూడా ఈ విషయాలు మాట్లాడలేని పరిస్థితి ఏర్పడింది. దీంతో అతడిని సరిగా పట్టించుకునేదాన్ని కాదు. అతడు మాత్రం నాకు తరచు ఫోన్‌ చేస్తుండేవాడు. ప్రేమగా మాట్లాడుతుండేవాడు. నాకు ఇష్టం లేకపోయినా ఇబ్బంది పడుతూనే మాట్లాడేదాన్ని. అతడి వైపునుంచి నాపై ఆశలు పెరుగుతూపోయాయి. నాకు మాత్రం అతడిమీద ఇష్టం కలగలేదు. దీంతో నాకు పెళ్లి ఇష్టం లేదని చెప్పి, వరుణ్‌తో మాట్లాడటం మానేశాను. అయితే పూర్తిగా సంబంధాలు తెంచుకున్న రెండు సంవత్సరాల తర్వాత అతడిపై ఇష్టం​ మొదలైంది. ఇప్పుడు ఆలోచిస్తుంటే నేనెంత పిచ్చిపని చేశానో అర్థమవుతోంది. తప్పు చేశానన్న భావనలోంచి బయటపడలేకుండా ఉన్నా. ఎలాగైనా అతడ్ని కలిసి క్షమాపణ చెప్పాలనిపిస్తోంది. దానికి తోడు మా వాళ్లు వేరే వ్యక్తితో పెళ్లి చేయాలని చూస్తున్నారు. నాకు మాత్రం వరుణ్‌ను పెళ్లి చేసుకోవాలని ఉంది. అర్థం కాని విషయం ఏంటంటే అతడింకా పెళ్లి చేసుకోకుండా అలానే ఉన్నాడా? ఇప్పుడు నేను ఫోన్‌ చేస్తే ఎలా స్పందిస్తాడు? ఇలాంటి ప్రశ్నలే నా మెదడును తినేస్తున్నాయి. ఎలాగైనా అతడితో మాట్లాడాలని ఉంది.  - శైలజా, చిత్తూరు చదవండి : ఆ రోజునే పెళ్లి చేసుకుంటాం! లేదా worldoflove@sakshi.comకు మెయిల్‌ చేయండి

2006 నా లైఫ్‌ను మార్చేసిన సంవత్సరం. అవి నేను ఇంటర్‌ చదువుత్నురోజులు. చాలా అల్లరిగా.. ఎప్పుడూ నవ్వుతూ ఉండేవాడిని. నేనప్పటివరకు ఏ అమ్మాయినీ లవ్‌ చేయలేదు. ఓ రోజు లంచ్‌ బ్రేక్‌లో.. క్లాస్‌ రూంలో ఓ ఇద్దరు ఫ్రెండ్స్‌ చాలా గట్టిగా మాట్లాడుకుంటున్నారు. ఏంట్రా మీ గోల అని నేను వెళ్లి అడిగాను. వాళ్లు ఒక అమ్మాయికోసం అని చెప్పారు. ‘ఏవర్రా అమ్మాయి’ అని అడిగా. వాళ్లు ఓ పేరు చెప్పారు. ‘ఆ అమ్మాయి నాకు తెలియదు రా!’ అన్నాను. ‘చూపిస్తాము ఆగు’ అన్నారు. అమ్మాయి కోసం వేయిట్‌ చేస్తున్నాం. అప్పుడు వచ్చింది.. నా లైఫ్‌లోకి ఒక అమ్మాయి. అలా గేట్‌ వైపు చూశాను.  అప్పుడే సైకిల్‌ దిగి నడుచుకుంటూ వస్తోంది. ఆమె కళ్లు కారు లైట్లలా ఉన్నాయి.  ఆ ఒక్క క్షణంలో నా మనసును దోచేసింది. ఇంకేం ఉంది! నా లైఫ్‌ పట్టాలు ఎక్కింది. ఇక ప్రతీరోజు తననే చూస్తూ, తను నవ్వితే నాలో తెలియని ఆనందం. ఫైనల్‌గా క్లాస్‌లోని కొందరు వెర్రి వాళ్లు నేనా అమ్మాయికి లైన్‌ వేస్తున్నానని చెప్పేశారు. అదేంటో నా లక్‌! తను ఆ రోజునుంచి నన్ను అబ్జర్వ్‌ చేస్తూ నావైపు చూస్తూ ఉండేది. అలా ఓ సంవత్సరం గడిచిపోయింది. ఇంటర్‌ సెకండ్‌ ఇయర్‌ స్టార్ట్‌ అయింది. నా మనసులోని మాట తనకు చెప్పలేకపోయా. తనే ధైర్యం చేసి ‘నన్ను లవ్‌ చేస్తున్నావా’ అని అడిగింది. కానీ, నేను పూర్‌ ఫ్యామిలీ, తనకి ప్రపోజ్‌ చేసే ధైర్యం చేయలేకపోయా. కానీ, తను చాలా సార్లు నా ప్రేమను తెలిపే చాన్స్‌లు ఇచ్చింది. నేనే ఉపయోగించుకోలేకపోయా. ఇంటర్‌ అయిపోయింది. తను డిగ్రీ, నేను బీటెక్‌ జాయిన్‌ అయ్యాను. అప్పటికీ నేను వాళ్ల కాలేజీకి వెళ్లే వాడిని తనను చూడటానికి. అయినా నా ప్రేమను తనకు చెప్పలేకపోయా. నా లైఫ్‌లో మర్చిపోలేని అమ్మాయి తను. 2012లో బీటెక్‌ అయిపోయింది. బెంగళూరులో జాబ్‌లో జాయిన్‌ అయ్యాను. తర్వాత తెలిసింది! తనకు పెళ్లి అయిపోయిందని. ఇప్పటికీ తను నా మనసులో ఉంది.  - సందీప్‌, ఒంగోలు లేదా worldoflove@sakshi.comకు మెయిల్‌ చేయండి

తన పేరు కౌసల్య! మెడిసిన్‌ చదువుతున్నపుడు మా మధ్య ప్రేమ చిగురించింది. మెడిసిన్‌ అయిపోయిన తర్వాత వేరు వేరు హాస్పిటల్లలో డాక్టర్లుగా జాయిన్‌ అయ్యాం. తరచూ ఫోన్‌లో మాట్లాడుకునే వాళ్లం. ఎంత బిజీగా ఉన్నా.. వారంలో కనీసం మూడు సార్లైనా కలుసుకునేవాళ్లం. మా ప్రేమలో నాలుగు సంవత్సరాలు ఇట్టే గడిచిపోయాయి. చిన్నచిన్న గొడవలు, అలకలు, సర్దుకుపోవడాలు మామూలైపోయాయి. అయినా మా మధ్య ప్రేమ తగ్గలేదు. ఇద్దరివీ వేరువేరు కులాలు! పెద్ద వాళ్లను ఒప్పించటానికి కష్టపడాల్సి వస్తుందనుకున్నాం. అనుకున్నట్లుగానే జరిగింది. తన ఇంట్లో వాళ్లు పెళ్లికి ఒప్పుకున్నా. మా ఇంట్లో ససేమీరా! అన్నారు. నిత్యం మా వాళ్లతో గొడవలు పడేవాడ్ని. మా ఇంట్లో మా పెళ్లికి ఒప్పుకోవటం లేదని కౌసల్య వాళ్ల ఇంట్లో తెలిసినప్పటినుంచి వాళ్లలో మార్పు వచ్చింది. నేను వాళ్ల ఇంటికి వెళ్లినపుడు సరిగా పలకరించేవారు కాదు. నేను మాత్రం పట్టించుకునేవాడిని కాదు. నెల రోజుల తర్వాత మా ఇంట్లో కూడా పెళ్లికి ఒప్పుకున్నారు. నా ఆనందానికి హద్దులు లేకుండా పోయాయి. వెంటనే తనకు ఫోన్‌ చేసి విషయం చెప్పా. తను మొదట నమ్మలేదు! నిజమని తెలిసి సంతోషించి. ఇంట్లో వాళ్లకు చెప్పి ఫోన్‌ చేస్తానంది. నేను తన ఫోన్‌ కోసం ఎదురు చూస్తూ ఉన్నా. కానీ గంటలు గడుస్తున్నా తన నుంచి ఫోన్‌ రాలేదు. నేను ఫోన్‌ చేస్తుంటే తియ్యటం లేదు. రాత్రి పడుకోబోయేముందు ఓ సారి ట్రై చేద్దామని ఫోన్‌ చేశా. తను ఫోన్‌ ఎత్తింది. నా మాటలకు సరిగా స్పందించ లేదు. ఏమైందని అడిగా.. ఏం లేదంది. చెప్పమని పట్టుబట్టే సరికి చెప్పింది. తన మాటలు విని నేను షాక్‌ అయ్యాను. ఈ పెళ్లి తన ఇంట్లో వాళ్లకు ఇష్టం లేదంట. ఎందుకంటే మా అమ్మానాన్నలకు ఇష్టం లేకుండా కౌసల్యను పెళ్లిచేసుకుంటే. అత్తారింట్లో వేధింపులు తప్పవని వాళ్లు భయపడుతున్నారు. నేను వాళ్లకు నచ్చజెప్పే ప్రయత్నం చేశాను. పెళ్లైన తర్వాత వేరు కాపురం పెడతానని కూడా మాటిచ్చాను. ఏం చెప్పినా వినే పరిస్థితిలో వాళ్లు లేరు. కొన్ని రోజులకే కౌసల్యకు వేరే వ్యక్తితో పెళ్లి చూపులు ఏర్పాటు చేశారు. నేను తనని ఇంటికి తీసుకొస్తానని మా అమ్మానాన్నకు చెప్పా. వాళ్లు ఒప్పుకోలేదు. కౌసల్య అమ్మానాన్నలు ఒప్పుకుంటేగానీ, పెళ్లి జరగదని తెగేసి చెప్పారు. తన మనసులో ఏం ఉందో అడిగా.. తను మాత్రం నేనేం చేసినా తనకు ఓకే అంది. ఆ మరుసటి రోజే రిజిస్ట్రర్‌ ఆఫీసులో పెళ్లి చేసుకున్నాం. రెండు ఇళ్లకు దూరంగా ఇళ్లు తీసుకుని కాపురం పెట్టాం. సంవత్సరం గడిచింది. కౌసల్య ఇంట్లో వాళ్లు మాతో కలిసిపోయారు. కానీ, మా ఇంట్లో వాళ్లు సీరియస్‌గానే ఉన్నారు. మేము విడిపోయి పెద్దవాళ్లను సంతోషపెట్టగలమనే నమ్మకం నాకు లేదు. పిల్లల సంతోషం పెద్దలకు ముఖ్యం కానప్పుడు వారి గురించి ఎందుకు ఆలోచించాలి అనిపించింది. అందుకే అలా చేశా. మా వాళ్లు అర్థం చేసుకుంటారని ఆశిస్తున్నా.. - గోకుల్‌ రమణ, గుత్తి

2008 డిసెంబర్‌ నెలలో సైన్స్‌ ఫేయిర్‌ కోసమని నాగలాండ్‌ బయలుదేరాం. విజయవాడనుంచి మా ప్రయాణం మొదలైంది. మూడు రోజుల పాటు ట్రైన్‌లో ప్రయాణిస్తే కానీ, మేము వెళ్లాల్సిన చోటుకు చేరుకోలేము. మొదటిసారి అన్ని రోజులు ప్రయాణించటం చాలా కొత్తగా ఉంది. సాయంత్రమే ట్రైన్‌ బయలుదేరింది. ఎవరి సీట్లు వాళ్లకు కేటాయించారు. ఓ రోజు ఆలోచిస్తూనే స్తబ్ధుగా గడిచిపోయింది. మరుసటి రోజునుంచి కొత్త స్నేహాలు మొదలయ్యాయి. ఆడ,మగ తేడాలేకుండా అందరం కలిసిపోయి బాగా మాట్లాడుకునేవాళ్లం. నాకు మామూలుగానే సిగ్గు ఎక్కువ. అయినప్పటికి కొంచెం ధైర్యం చేసి అందరితో కలిసిపోయాను. సాయంత్రం సరదాగా కబుర్లు చెప్పుకున్నాం, అంత్యాక్షరి ఆడుకున్నాం. అప్పుడే ఓ అమ్మాయి మాట, పలుకు, పాట నన్ను బాగా ఆకట్టుకున్నాయి. అప్పటివరకు నేను తన ముఖంవైపు నేరుగా చూడలేదు. అప్పుడు చూడాలనిపించి చూశా! చూడగానే నా మనసు దోచేసింది. అప్పటినుంచి ఆమె మాటలు కూడా నాకు తియ్యటి పాటల్లా వినిపించటం మొదలయ్యాయి. ఎందుకో ఒకరకమైన ఆకర్షణకు గురయ్యాను. ఏ పనీ లేకపోయినా తనకోసమే ఆమె బోగిలోకి వచ్చేవాడిని, అటు ఇటు తిరిగేవాడిని. మొత్తానికి తను కూడా నన్ను చూడటం మొదలుపెట్టింది. మరసటి రోజు సాయంత్రం మళ్లీ అందరు గ్రూపుగా అయ్యారు. సరదాగా మాట్లాడుకోవటం, పాడుకోవటం చేశారు. నేను తన ఎదురుగా కూర్చుని ఉన్నా. నేను పాడాల్సిన టైం వచ్చింది. ‘ నాలోనె పొంగెను నర్మదా.. నీళ్లలో పూసిన తామర.. అంతట్లో మారెను రుతువులా! పిల్లా నీ వల్ల’ తనవైపు చూస్తూ పాడాను. తను నవ్వింది! బాగుందని పొగిడింది. థాంక్స్‌ కూడా చెప్పింది.. కళ్లతో.. అది నాకు మాత్రమే అర్థమైంది. నాగాలాండ్‌లో ఉన్నన్ని రోజులు ఇద్దరం కలిసే ఉండేవాళ్లం. అయినా ఏదీ మాట్లాడుకునే వాళ్లం కాదు. అలా పది రోజులు! టెన్‌ బ్యూటిఫుల్‌ డేస్‌ తనతో ఉన్నాను. సైన్స్‌ ఫేయిర్‌ అయిపోయి తిరిగి వస్తున్నపుడు చాలా బాధేసింది. ఆ రోజు రాత్రి డిసెంబర్‌ 31.. ట్రైన్‌లోనే న్యూ ఇయర్‌ వేడుకలు జరుపుకున్నాం. అప్పట్లో మా దగ్గర ఫోన్లు ఉండేవి కావు. ఉన్నా ఏం లాభం ఈ పదిరోజుల్లో ఏ రోజూ మేము మాట్లాడుకోలేదు! ఏం చేస్తాం. మళ్లీ అందరూ ఓ చోట గ్రూపుగా అయ్యారు. పాటలు, ఆటలు మొదలుపెట్టారు. తనిప్పుడు నా ఎదురుగా ఉంది. ఇద్దరం ఒకరినొకరు చూసుకుంటున్నాం. ఎందుకో సందర్భం కాకపోయినా ఓ పాట‘ అదే నువ్వు! అదే నేను అదే గీతం పాడనా..’ తన కళ్లలో భావాల్ని నేను కనిపెట్టలేకపోయాను. అది బాధో! ప్రేమో!.. ఏదో తెలియదు కానీ, నా కళ్లు కొద్దిగా చెమర్చాయి. రాత్రి నిద్ర పట్టలేదు. తనను కలిసి కనీసం వెళ్లొస్తానని కూడా చెప్పలేకపోయాను. పొద్దున లేచే సరికే తను దిగిపోయింది. నా గుండెలో కలుక్కుమన్న భావన. మాట్లాడలేకపోయానని నన్ను నేను చాలా తిట్టుకున్నా. ఇది జరిగి దాదాపు 12 సంవత్సరాలు అవుతోంది. తన జ్ఞాపకాలు ఇంకా పచ్చిగానే ఉన్నాయి. తన మనసులో నా స్థానం ఏంటన్న ప్రశ్న ఇప్పటికీ నన్ను తొలుస్తూనే ఉంది. - విఘ్నేశ్‌, రాయచోటి

డిగ్రీ అయిపోగానే జర్నలిజం చేయటానికి హైదరాబాద్‌లోని ఓ కాలేజ్‌లో చేరాను. జర్నలిజం అంటే నాకు చిన్నప్పటినుంచి ఇష్టం. కాలేజ్‌కు దగ్గరలో ఓ హాస్టల్‌లో ఉండేదాన్ని. క్లాసులు స్టార్ట్‌ అయిన కొద్ది రోజుల వరకు నాకెవరూ ఫ్రెండ్స్‌ అవ్వలేదు. నెల తర్వాత అందరితో నాకు మంచి బాండ్‌ ఏర్పడింది. ముఖ్యంగా రాజీవ్‌తో! అతడు నా బెస్ట్‌ ఫ్రెండ్‌. అన్ని విషయాల్లో తోడుగా ఉండేవాడు. పర్సనల్‌ విషయాలను సైతం షేర్‌ చేసుకునేవాళ్లం. అయినప్పటికి ఎప్పుడూ హద్దులు దాటలేదు. కించపర్చుకునేలా మాట్లాడుకోలేదు. అతనంటే నాకు అభిమానం, గౌరవం ఏర్పడింది. అతడికి కూడా నేనంటే అంతే మర్యాద. చూస్తుండగానే రోజులు ఇట్టే గడిచిపోయాయి. ఉద్యోగాలు ఇద్దరినీ దూరం చేశాయి. ఎంత దూరం ఉన్నా మేము రెగ్యులర్‌గా ఫోన్‌లోనో, సోషల్‌ మీడియాలోనో టచ్‌లో ఉండేవాళ్లం. ఉద్యోగంలో చేరిన కొద్దిరోజులకే నాకు పెళ్లి జరిగింది. అతడ్ని కూడా పెళ్లికి పిలిచా! రాలేదు. తర్వాత చాలా రోజులు అతడితో నేను టచ్‌లో లేను. ఓ సంవత్సరం తర్వాత అతడే నాకు కాల్‌ చేశాడు. ఇక అప్పటినుంచి మేము టచ్‌లో ఉంటున్నాం. ఓ సారి మాటల సందర్భంలో ‘‘ఇంకెన్నాళ్లని ఇలా ఉంటావ్‌. పెళ్లి చేసుకోవా’’ అని అడిగా. అందుకు తను నన్ను ఎదురు ప్రశ్నించాడు‘‘ నువ్వెందుకు పెళ్లి చేసుకున్నావ్‌?’’ అని. నేను షాక్‌ అయ్యాను. వెంటనే తేరుకుని‘‘  నాకు పెళ్లి చేసుకోవాలని ఉండింది. అందుకే చేసుకున్నాను’’ అని చెప్పా. దానికి అతడు ‘‘ నాకు పెళ్లి చేసుకోవాలని లేదు. నేను చేసుకోను’’ అన్నాడు. అతడి మాటల్లో ఏదో బాధ తొంగిచూసింది. నాకప్పుడర్థమైంది! రాజీవ్‌ నన్ను ప్రేమిస్తున్నాడని. అతడు ఇన్ని రోజులు చూపించిన అభిమానం, గౌరవం నాపై ప్రేమ అని తెలిసి నా మనసులో ఏదో మూల బాధకలిగింది. ఫోన్‌ పెట్టేసి బాగా ఏడ్చాను. అతను చాలా మంచి వాడు. తను ప్రేమకు దూరమవ్వటానికి నేనే కారణమని తట్టుకోలేకపోతున్నా. అప్పుడు అతడి ప్రేమను అర్థం చేసుకోలేకపోయా. ధైర్యం చేసి తను కూడా చెప్పలేకపోయాడు. బెస్ట్‌ ఫ్రెండ్‌ ప్రేమిస్తున్నాడని తెలిసి ఏం చేయాలో అర్థం కావటం లేదు. - మౌనిక, బళ్లారి

ఓ రెండు కళ్లు నన్ను సంకెళ్లలా ఎటూ కదలనీయకుండా కట్టిపడేస్తాయని నేనెన్నడూ అనుకోలేదు. బస్‌లో మొదటిసారి తన కళ్లల్లోకి సూటిగా చూసేవరకు. ఆమె చూపు మరల్చినా నేనుమాత్రం ఆమె వైపు నుంచి నా చూపు తిప్పుకోలేకపోయాను. కొద్దిసేపటి తర్వాత ఎవరో పిలిచినట్లై వెనక్కుతిరిగాను. వెనకాల మా మామయ్య.. ‘ఏంట్రా ఊరికేనా?’ అడిగాడు. అవునని చెప్పా. మామయ్య నాతో మాట్లాడుతున్నా.. అవేవీ నాకు వినిపించటంలేదు. నా ధ్యాసంతా ఆమెమీదే ఉంది. ‘ ఊరొచ్చింది, ముందుకు పద’ అంటు దారి తీశాడు మామయ్య. నేను ఆమెకోసం వెతికాను. తను కూడా పుట్‌బోర్డు దగ్గరకు నడిచింది. అంటే తనది కూడా ఈ ఊరే అనుకున్నా మనసులో. తను ముందు నడుస్తుంటే మామయ్యతో పాటు నేను ఆమె వెకనాల నడుస్తున్నా. తన ఇళ్లు కూడా మామయ్యవాళ్ల ఇంటి దగ్గరే. సాయంత్రం వరకు తన కోసం వాళ్ల ఇంటివైపు చూస్తూ ఉన్నా! కానీ, ఆమె బయటకు కూడా రాలేదు.  ఆ రాత్రి నిద్రపట్టలేదు. ఆమె గురించే ఆలోచిస్తూ ఉన్నాను. తన పేరు భాను అని తెలుసుకోవటానికి రెండు రోజులు పట్టింది. కొద్దిరోజుల తర్వాత తనతో పరిచయం పెంచుకున్నాను. ప్రతిరోజూ బాగా మాట్లాడుకునే వాళ్లం. మా మధ్య స్నేహం పెరిగింది. ఆ రోజు ఊర్లో జాతర జరుగుతోంది. ఊరంతా చాలా సందడిగా ఉంది. వాళ్లిళ్లు మా ఇళ్లు బంధువులతో నిండిపోయాయి. మే​ము కలుసుకోవటానికి, మాట్లాడుకోవటానికి కుదరలేదు. ఆ రాత్రి ఊర్లో ఆర్కేస్ట్రా జరిగింది. అక్కడికి తను కూడా వచ్చింది. ఆ రాత్రి భానును చూస్తూ పాటలు వినడం కొత్తగా ఉంది. తను కూడా నన్ను చూస్తోందన్న సంతోషం మరింత కొత్తగా ఉంది. ‘ కొంటె చూపుతో.. ఓ కొంటె చూపుతో .. నా మనసు మెల్లగా చల్లగా దోచావే..’ అంటూ మనసులో పాట పాడుకున్నా. నేను ఊర్లో ఉన్నన్ని రోజులు ఇట్టే గడిచిపోయాయి. భానుతో స్నేహం మరింత పెరిగింది. తనను వదిలి రావాల్సి వచ్చినపుడు చాలా బాధేసింది! అక్కడినుంచి కదలేకపోయాను. పోయిన సంక్రాంతి సెలవుల్లో నా ప్రేమ కథ మొదలైంది. తర్వాత ఆ ఊరు వెళ్లలేదు. ఈ సారి వేసవి సెలవులకు నా ప్రేమను ఆమెకు తెలియజేస్తా! కచ్చితంగా ఒప్పుకుంటుందని... - వినయ్‌, కొత్తపేట

నాకు మా మామయ్య ఆది నారాయణ అంటే చాలా ఇష్టం. ఆయన చిన్న కూతురు దుర్గ శ్రీ అంటే చెప్పలేని ప్రేమ. తను ఇప్పుడు ఇంటర్ మొదటి సంవత్సరం చదువుతోంది. కొన్ని సంవత్సరాల క్రితం నేను తనకి ప్రపోజ్‌ చేశాను. నేను ప్రపోజ్‌ చేయగానే నా వైపు చాలా కోపంగా చూసింది. ‘నువ్వంటే నాకూ ఇష్టమే! కానీ, మా నాన్నని అడుగు’ అంది. నాకు మా మామయ్యను నేరుగా అడిగేంత ధైర్యం లేదు. ఆయనను అడిగితే ఏం అంటాడేమోనని భయమేసింది. ఒక సారి మా మామయ్య పెద్ద అల్లుడు శ్రీను అన్నతో అడిగించాను. అప్పుడు మామయ్య అన్నాడట ‘వాడంటే నాకూ ఇష్టమే’ అని. ఈ విషయమే అన్న నాకు చెప్పాడు. ఇక నా ఆనందానికి అవధులు లేవు. తను కూడా నా ప్రేమని అంగీకరించింది. మా ఇంట్లో మా పేరెంట్స్ కూడా మా ఇద్దరి పెళ్లికి ఒప్పుకున్నారు. తనకి ఓ వాలెంటైన్స్‌ డేన చాక్లెట్‌ ఇస్తే వద్దు అంది. ‘ఎందుకు వద్దు’ అని అడిగాను. అప్పుడు ఇలా అంది ‘ప్రతి ప్రేమికుల దినోత్సవం రోజున ఒక 5గురు అనాథ పిల్లలకి భోజనం పెడదాం’ అని. అప్పుడు నేను తనని హగ్‌ చేసుకుని ‘చాలా మంచి ఆలోచన’ అని చెప్పి ‘అలానే చేద్దాం’ అన్నాను. అప్పటినుండి ప్రతి వాలెంటైన్స్‌ డేకు ఐదుగురు అనాథ పిల్లలకి భోజనం పెట్టేవాళ్లం. ఈ వాలెంటైన్స్‌ డేన కూడా అలానే చేస్తాం.  - సుబ్బు, పెద్ద దేవరంపాడు‍ చదవండి : ప్రేమను వ్యక్తపర్చడానికి ఇదే మంచి మార్గం!  ప్రేమలో ఉన్న వారికి కచ్చితంగా గుర్తొచ్చేవి!

సరిగ్గా ఆరు సంవత్సరాల క్రితం మొదలైంది నా తొలిప్రేమ. తన పేరు లక్ష్మీ ప్రియ, మా దగ్గరి బంధువు! మరదలవుతుంది వరుసకు. మా ఇంట్లో ఫంక్షన్‌ జరుగుతుంటే మొదటిసారి చూశాను ప్రియని. చూడగానే నచ్చేసింది. తనతో మాట్లాడాలని, పరిచయం పెంచుకోవాలని ఉండేది. పెళ్లికాని అమ్మాయితో చనువుగా మాట్లాడితే బంధువులు ఏమనుకుంటారోనని ఆగిపోయేవాడిని. కానీ, వీలైనన్ని ఎక్కువసార్లు ఆమెను చూడటానికి ప్రయత్నించేవాడిని. ఎవరికీ అనుమానం రాకుండా ఫాలో అయ్యేవాడిని. నేను ఫాలో అవుతున్నట్లు ప్రియకు తెలిసిపోయింది. తనకూడా నన్ను చూసేది. ‘‘ఫంక్షన్లకు ఎంతో మంది బంధువులు వస్తుంటారు.. పోతుంటారు.. సన్నీగాడు లోకల్‌’ అనుకున్నా మనసులో. ధైర్యం చేసి మొదటిమాట మాట్లాడా‘ మీ అమ్మ పిలుస్తోంది’ అని. ఆ తర్వాత మరింత ధైర్యం తెచ్చుకుని మరో మూడు ముక్కలు మాట్లాడా. మొదటిది తను టీ నా చేతికిచ్చినపుడు‘‘ థాంక్స్‌’’ అని.. రెండోది భోజనాల సమయంలో అన్నం ఎక్కువగా వడ్డిస్తోంటే.. ‘చాలు’ అని.. చివరగా ఫంక్షన్‌ అయిపోయి ఇంటికి వెళుతూ.. ‘వెళ్లోస్తాను’ అంటే సరేనని. ప్రియ వెళ్లిపోయిన తర్వాత నా మనసు మనసులో లేదు. ప్రతీరోజు తనగురించే ఆలోచించేవాడిని. అలాంటి సమయంలో ఓ రోజు తననుంచి ఫోన్‌ వచ్చింది. నేను మొదట గుర్తు పట్టలేదు. తర్వాత ప్రియ అని తెలిసి, ఊపిరి ఆడనంత పనైంది. ఎలాగోలా మాట్లాడటం మొదలుపెట్టాను. ఆ తర్వాతి నుంచి ప్రతిరోజూ నేను ఫోన్‌ చేసేవాడిని. కొద్దిరోజులకే మా మధ్య స్నేహం బలపడింది. మా రెండు కుటుంబాల ఫంక్షన్లనో తరచూ కలుసుకునేవాళ్లం. నా ప్రేమను ఎలా చెప్పాలా అనుకుంటున్న సమయంలో తనే నాకు ‘ఐ లవ్‌ యూ’ చెప్పింది. ఇక నా ఆనందానికి అవధులు లేకుండా పోయాయి. ప్రేమలో నాలుగు సంవత్సరాలు ఇట్టే గడిచిపోయాయి. ఈ నాలుగు సంవత్సరాలలో ఆర్థికంగా మా కుటుంబం బాగా వెనకబడిపోయింది. అక్కపెళ్లి చేయటంతో అప్పుల్లో కూరుకుపోయాం. వడ్డీలు కట్టడానికి ఉన్న పొలంలో చాలా భాగం అమ్మాల్సి వచ్చింది. బంధువులందరికీ ఈ విషయం తెలిసిపోయింది. తలో రకంగా అనుకోవటం మొదలుపెట్టారు. నేను ఎంబీఏ పూర్తిచేసి ఉద్యోగ ప్రయత్నాల్లో పడ్డాను. ప్రియతో మాట్లాడటం తగ్గించేశాను. తను కూడా పెద్దగా నా గురించి పట్టించుకునేది కాదు! నేను ఫోన్‌ చేయకపోతే’ ఎందుకు ఫోన్‌ చేయలేదు’ అని అడిగేది కూడా కాదు. ఫోన్‌ చేసినపుడు మాత్రం బాగానే మాట్లాడేది. ఓ రోజు దూరపు చుట్టం ఒకరు మా ఇంటి కొచ్చాడు. మాటల సందర్భంలో ప్రియను తన కొడుక్కిచ్చి పెళ్లి చేయాలనుకుంటున్నట్లు చెప్పాడు. తను నన్ను కాదని వేరే వాడ్ని చేసుకోదనుకుని పెద్దగా పట్టించుకోలేదు. మేము మాట్లాడుకుంటున్నపుడు ఈ విషయాన్ని ప్రస్తావించలేదు. కొన్ని రోజుల తర్వాత తనకు పెళ్లి నిశ్చయమైనట్లు తెలిసింది. తనను అడిగితే అలాంటిదేమీ లేదంది. ఆ కొద్దిరోజులకే ప్రియ నిశ్చితార్థానికి మా కుటుంబానికి పిలుపొచ్చింది. నా దిమ్మతిరిగిపోయింది. షాక్‌నుంచి తేరుకోవటానికి చాలా సమయం పట్టింది. వెంటనే తనకు ఫోన్‌ చేశాను. స్విచ్ఛాఫ్‌ వచ్చింది. నిశ్ఛితార్థం అయిపోయిన తర్వాత ఫోన్‌ కలిసింది. నిశ్చితార్థం గురించి అడిగా..సరిగా స్పందించలేదు. క్యాన్సిల్‌ చేసుకోమన్నాను. ‘‘ నీతో కలిసి రోడ్డుమీద అడుక్కుతినమంటావా’’ అంది. నాకేం అర్థం కాలేదు. ఏంటని అడిగా.. ‘‘ ఉన్న ఆస్తి పోయింది. నువ్వే ఇప్పుడు ఉద్యోగం కోసం రోడ్లు పట్టుకు తిరుగుతున్నావు. నేను మీ ఇంట్లో అడుగుపెట్టి సంతోషంగా ఎలా ఉండగలను. నన్ను అర్థం చేసుకో! ఇకపై ఫోన్లు చేయటం మానేయ్‌’’ అని ఫోన్‌ కట్‌ చేసింది. నా మనసు ముక్కలైంది. - సన్నీ, హైదరాబాద్‌

నేను మా ఊర్లో స్కూలింగ్‌ కంప్లీట్‌ చేసి, ఉన్నత చదువుల కోసం వేరే ప్రాంతానికి వెళ్లాను. ఒక రెండు సంవత్సరాల తర్వాత మా ఫ్రెండ్స్‌ ద్వారా నాతో స్కూల్లో చదువుకున్న అమ్మాయి ఫోన్‌ నెంబర్‌ తీసుకుని మాట్లాడటం మొదలుపెట్టాను. అలా చాలా రోజులు మాట్లాడుకున్నాం. తను నాకు మంచి ఫ్రెండ్‌ అయింది. నాకు చాలా హ్యాపీగా అనిపించింది. కోపంగా ఉన్నా.. బాధ అనిపించినా తనతోనే పంచుకునేవాడిని. తనతో మాట్లాడకుండా ఒక రోజైనా ఉండేవాడిని కాదు. నాలైఫ్‌లో జరిగిన ప్రతీచిన్న విషయాన్ని తనతో పంచుకునే వాడిని. తను నాతో మాట్లాడకపోతే మరుసటి రోజు నేను తనని తిట్టేవాడిని. తనునాకు చాలా సపోర్టివ్‌గా ఉండేది. చాలా కేరింగ్‌గా ఉండేది. నేనంటే తనకు ఇష్టం.. తనంటే కూడా నాకు చాలా ఇష్టం. నాకు నా మరదలితో ఎంగేజ్‌మెంట్‌ అయింది. అప్పటికి కూడా తనతో చాలా క్లోస్‌గా ఉండేవాడిని. మా ఇద్దరి ఆలోచనలు ఒకేలా ఉండేవి. నేను తనని ముద్దగా సెల్ఫీ అని పిలిచేవాడిని. నా ఎంగేజ్‌మెంట్‌కి, పెళ్లికి మధ్యకాలంలో మరింత క్లోజ్‌ అయ్యాం. మ్యారేజ్‌ తర్వాత మాట్లాడుకోవటం మంచిది కాదని చెప్పేవాడిని. తను మాత్రం ఎంగేజ్‌మెంట్‌కు ముందు ఎలా ఉండేవాళ్లమో అలానే ఉండాలి అనేది. తనతో మాట్లాడటం మా భార్యకు నచ్చనం లేదు. తనకు తెలియకుండా మాట్లాడుతూ ఉండేవాడ్ని. కానీ, తను మాత్రం ప్రతీదానికి అలగటం నువ్వు మారిపోయావ్‌ అని గొడవ పెట్టడం చేసేది. ఏం జరిగినా తను ఓ స్క్రిప్ట్‌ రెడీ చేసుకుని పెట్టుకుని అలగటం మొదలుపెట్టేది. తను చేసేది నాకు కోపం వచ్చి గట్టిగా అరిచేవాడిని. మూడు నెలలక్రితం కూడా అదే జరిగింది. తను ఏమనుకుందో ఏమో నాతో మాట్లాడటం మానేసింది. నేను తనను చాలా మిస్‌ అవుతున్నా. ఎక్కడ ఉన్నా తను సంతోషంగా ఉండాలని కోరుకుంటున్నా.. .. నీ చిన్నా

తన పేరు లక్ష్మి! ప్రైవేట్‌ జాబ్‌ చేసేది. మా ఇద్దరి ఇళ్లు పక్కపక్కనే. దీంతో మేము బాగా మాట్లాడుకునేవాళ్లం. కానీ, ఎప్పుడు కూడా లవ్‌ చేస్తున్నానని తనకు చెప్పలేదు. అప్పుడప్పుడు ‘ఐ లవ్‌ యూ’ అని లిప్‌ మూవ్‌మెంట్‌ ఇచ్చేవాడిని. అది చూసి ఏమీ అనేది కాదు. తర్వాత తను జాబ్‌ మానేసింది. అలా కొన్ని నెలల తర్వాత ఓ రోజు ‘నీ తో ఓ విషయం చెప్పాలి’ అన్నాను తనతో. ఆ  వెంటనే ‘నేను నిన్ను ప్రేమిస్తున్నాను’ అని చెప్పేశాను. ‘ఏంటి వినబడలేదు! ఏమంటున్నారు’ అని నాతో మూడు సార్లు ఐ లవ్‌ యూ చెప్పించుకుంది. తర్వాత తను అన్న మాటకు నీరసం వచ్చింది. ‘ ఇది చెప్పటానికి ఇంత టైం పట్టిందా. ఎంత ఎదురుచూస్తున్నానో’ అంది. తను ప్రతి రోజూ చాల చక్కగా తయారయ్యేది. నాకు బొట్టుబిళ్లలంటే చాలా ఇష్టం. చాలా ప్యాకేట్లు ఇచ్చేవాడిని. తనతో ఏ రోజూ కూడా తప్పుగా ప్రవర్తించలేదు. బయట ఎక్కడికీ వెళ్లలేదు. ఒకరోజు మా ఫ్యామిలీల మధ్య గొడవైంది. దాంతో తను నాతో మాట్లాడటం మానేసింది. ‘నీకు నాకు మధ్య గొడవలేమీ లేవు కదా!’ అన్నా నేను. ‘వద్దు! ఇంట్లో తెలిస్తే ప్రాబ్లం అవుతుంది’ అని మాట్లాడేది కాదు. అలా నన్ను చూస్తూ ఉండేది అంతే. మా ఇంటి పనిమనిషికి మా ప్రేమ విషయం తెలుసు. గొడవలు అయినపుడు మా విషయం మా వాళ్లకు చెప్పేసిందనుకుంటా! నా మీద నిఘా పెట్టారు. ఈ లోపు వాళ్ల ఫాదర్ రిటైర్ అయ్యాక సడన్‌గా వేరే ఏరియాకు  షిఫ్ట్ అయ్యారు. నేను ఫాలో అవుదాం అని బయటకు వెళ్తుంటే అమ్మ చూసి ‘ఎక్కడికి.. తర్వాత వెళ్లొచ్చు! వచ్చి కూర్చో’ అంది. అలా వాళ్లు ఎక్కడికి వెళ్లారో తెలియలేదు. తనని మిస్ అయ్యా. చాలా వెతికాను! కొన్ని నెలలకి వాళ్లు ఉండే హౌస్ దొరికింది. నన్ను చూసి ఎంతో సంతోషించి నవ్వింది. ఎలా ఉన్నారని అడిగింది. ఈ లోపు వాళ్ల చెల్లి వచ్చేసింది. వాళ్ల వాళ్లని పిలిచింది. తను ‘శేషు ప్లీజ్ వెళ్లిపో!’ అంది. నేను ఇంటికి వచ్చేశా. తరువాత ఎన్నో సార్లు వాళ్ల వీధిలోకి వెళ్లా. ఎప్పుడూ బయట ఉండేది కాదు. అలా ఒకరికి ఒకరం ఇష్టపడ్డా ఫ్యామిలీల వల్ల వేరయ్యాం. తను ఎక్కడవుందో తెలియదు. మ్యారేజై ఉంటుంది. ‘శేషు! నీ నవ్వు, నువ్వు ఏమిటో.. ఎందుకో..’ అని తను దీర్ఘం తీస్తూ అనే మాటలు ఇప్పటికి మర్చిపోలేదు. ఎక్కడ ఉన్నా నువ్వు సంతోషంగా ఉన్నావని అనుకుంటున్నా. .. నీ శేఖర్‌ చదవండి : ప్రేమ ప్రయోగం నా కొంపముంచింది!

నేను డిగ్రీ చదువుతున్న రోజులు. ఇంటర్‌ తర్వాత డిగ్రీకి మా ఊరు నుంచి టౌన్‌కు డైలీ అప్‌ అండ్‌ డౌన్‌ చేయాల్సి వచ్చింది. కొత్తలో బస్‌స్టాండ్‌లోకి.. ముఖ్యంగా నలుగురు ముందుకు రావాలంటే చాలా ఇబ్బంది పడేవాన్ని. అలా రోజులు గడిచిపోతున్నాయి. నాకు చిన్నప్పటినుంచి హీరో సూర్య అంటే చాలా ఇష్టం. అతడి సినిమాలు బాగా చూసేవాడ్ని. సూర్య సన్‌ఆఫ్‌ కృష్ణన్‌ సినిమాను డీవీడీలో ఎన్ని సార్లు చూశానో లెక్కేలేదు. ముఖ్యంగా అందులోని ట్రైన్‌ సీన్‌ నన్ను బాగా ఆకట్టుకుంది. నాకప్పుడు అనిపించింది.. ఓ అమ్మాయి వైపు చూడగానే ప్రేమలో పడతామా అని! ఆలోచించాను.. మరీ ఎక్కువగా ఆలోచించి జుట్టుపీక్కోవటం ఇష్టంలేక ఓ నిర్ణయానికి వచ్చాను. ఎవరైనా ఓ అందమైన అమ్మాయి మీద ప్రయోగం చేద్దామనుకున్నాను. అప్పుడప్పుడు మా బస్సులో కనిపించేది ఓ అమ్మాయి.. మా కంటే సీనియర్‌! అప్పుడు తను ఎంబీఏ ఫైనల్‌ ఇయర్‌ చదువుతోంది. ఆమె అయితే బాగుంటుంది అనుకున్నాను. అవకాశం కోసం ఎదురు చూస్తున్న సమయంలో ఓ రోజు బస్సులు ఆలస్యంగా వచ్చాయి. వెంటవెంటనే రెండు బస్సులు రావటంతో అందరూ ముందుగా కదిలే బస్సు ఎక్కి వెళ్లిపోయారు. వేళ్ల మీద లెక్కపెట్టే మందిమి మాత్రమే రెండో బస్సులో ఉన్నాము. అందులో ఆమె కూడా ఉంది. వెన్నెల రాత్రిలో.. బస్సులోకి చల్లగా వీస్తోంది గాలి. అంతా ఓ కళలా ఉంది! తను ఎడమ వైపు ఉండే సీట్లో నా ముందుగా కూర్చుంది. ఆమె వైపే చూస్తూ ఉండిపోయాను. ఎంత సేపు చూస్తూ ఉన్నానో నాకు తెలియదు.. గంట ఇట్టే గడిచిపోయింది. అంతలోనే నేను దిగాల్సిన స్టాప్‌ వచ్చింది. అయిష్టంగానే దిగివెళ్లిపోయాను కానీ, తనంటే అప్పటినుంచి ఇష్టం ఏర్పడింది. ఇక ప్రతి రోజూ తన కోసం బస్సు వెతికే వాడ్ని. తను రోజూ వచ్చే బస్సుకే నేను కూడా ఎక్కేవాడ్ని. ఒక వేళ తను ఆ బస్సుకు రాకపోతే! మధ్యలో బస్సు దిగి ఆమె వస్తుందనే నమ్మకం ఉన్న వేరే బస్సు ఎక్కేవాడ్ని. తను కనిపించపోతే ఏదోలా ఉండేది. కొన్ని నెలల తర్వాత నేను తనని చూస్తూన్నానని తనుకు కూడా తెలిసిపోయింది. ఎవరా! అని నన్ను చూడటం మొదలుపెట్టింది. నేను కొద్దిగా ధైర్యం చేసి తన సీటు పక్కగా నిలబడటం, లేదా ఆమె దగ్గరిగా ఉండే సీట్లో కూర్చోవటం చేసేవాడ్ని. కొన్ని రోజుల తర్వాత తను కనిపించలేదు. ఎందుకని ఆరా తీస్తే! ఫైనల్‌ సెమిస్టర్‌ ఎక్షామ్‌ అని.. ఆ తర్వాతినుంచి తను రాదని తెలిసింది. అంతే! నా మనసు మనసులో లేదు. రాత్రిళ్లు నిద్ర కూడా సరిగా పట్టేది కాదు. నాకు మొదటిసారి మా హీరో మీద కోపం వచ్చింది.. ప్రేమ ప్రయోగం నా కొంపముంచిందనిపించింది. ఓ వారంరోజుల తర్వాత తను కనిపించింది. అదే తనని చివరి సారి చూడటం. తను కనిపించని రోజులు నేను పడ్డ బాధ ఆ దేవుడికే తెలుసు ఆ బాధనుంచి కోలుకోవటానికి చాలా రోజులు పట్టింది. ఇంకెప్పుడూ ప్రేమ ప్రయోగాల జోలికి పోకూడదనిపించింది. - శేషు, చెన్నై

2017లో డిగ్రీ కంప్లీట్‌ చేసి గవర్నమెంట్‌ జాబ్‌కి ప్రిపేర్‌ అవుతున్నా. అప్పుడే ఆర్‌ఆర్‌బీ పోస్టులు పడితే అప్లై చేసి కోచింగ్‌ తీసుకుంటున్నాను. కోచింగ్‌ సెంటర్‌లో చేరినపుడు స్టడీ.. హోమ్‌ తప్ప ఇంకేమీ ఉండేది కాదు. ఆ ఇన్‌స్టిట్యూట్‌లో చాలా మంది నాకు ప్రపోజ్‌ చేశారు. బట్‌ పెద్దగా పట్టించుకునేదాన్ని కాను. ఓ రోజు మధ్యాహ్నం ఒక అబ్బాయి నాతో మాట్లాడటానికి ట్రై చేశాడు. సైన్స్‌ బుక్‌ గురించి అడుగుతున్నాడు.. మా ఫ్రెండ్‌ రెస్పాండ్‌ అవుతోంది‘ మేము తీసుకోలేదు.. వేరే వాళ్ల దగ్గర జిరాక్స్‌ ఉంది తీసుకోండి’ అంది. తర్వాత తను నాకు సైట్‌ కొడుతున్నాడని తెలిసింది. ఓ రోజు ఎఫ్‌బీ, ఇన్‌స్టాగ్రామ్‌ ఐడీలు అడిగాడు. ఇవ్వాలా? వద్దా? అనుకున్నా.. తను ఫ్రెండ్లీగా అడుగుతున్నాడేమో అనుకుని చెప్పేశా. తర్వాతి రోజు ఇన్‌స్టాగ్రామ్‌లో నాకు మెసేజ్‌ చేశాడు. ‘హాయ్‌’  అని. అలా పరిచయం మొదలైంది. ఎంతో రెస్పెక్ట్‌ఫుల్‌గా మాట్లాడేవాడు. కొన్ని రోజుల తర్వాత ప్రపోజ్‌ చేశాడు. నేనపుడు ఒప్పుకోలేదు. తను ఏప్రిల్‌లో ప్రపోజ్‌ చేస్తే నేను డిసెంబర్‌లో ఓకే చెప్పాను. ప్రేమించుకున్నప్పటికి ఎప్పుడు కూడా మేము బయట తిరగలేదు! కాల్స్‌, చాటింగ్స్‌ అంతే.. తనకు డిసెంబర్‌లో జాబ్‌ వచ్చి వెళ్లిపోయాడు. మా మధ్యలో అంత స్ట్రాంగ్‌ బాండింగ్‌ ఉండేది కాదు. ఏదో మాట్లాడుకున్నామా అంతే! అలా మా రిలేషన్‌లో గొడవలు కూడా అయ్యేవి. ఒకసారి ఓ నెల రోజులు ఏమీ మాట్లాడుకోలేదు. తర్వాత మాట్లాడుకున్నాం. ఇంట్లో వాళ్లు నాకు సంబంధాలు చూడటం మొదలుపెట్టారు. తనకు చెప్పా! పెద్దగా రియాక్ట్‌ కాలేదు. ‘ అనవసరమైన విషయాలు నాకెందుకు చెబుతున్నావ్‌!’ అన్నాడు ఒకసారి. ఆ రోజునుంచి నేను తనతో మ్యాచెస్‌ గురించి చెప్పటం మానేశాను. కొన్ని రోజులకు నాకు పెళ్లి ఫిక్స్‌ అయింది. పెళ్లి కుదిరిన రెండురోజులకు తనకి మెసేజ్‌ చేశా. శుభాకాంక్షలు చెప్పాడు. ఏమీ అనలేకపోయా! తర్వాతి రోజు నాతో‘ మ్యారేజ్‌ క్యాన్సిల్‌ చేస్కో! నువ్వు నాకు కావాలి.’ అనటం మొదలుపెట్టాడు. ఇన్ని రోజులు ఏమైంది అనుకున్నా మనసులో. నిజానికి తనంటే నాకు కూడా ఇష్టమే.. తనే చాలా నార్మల్‌గా ఉండేవాడు మా రిలేషన్‌లో. నేను కూడా అలాగే ఉండేదాన్ని. ‘నేనిపుడు ఏమీ చేయలేను! ఇప్పుడంతా అయిపోయింది. మా వాళ్లు అబ్బాయి వాళ్లకు డౌరీ కూడా ఇచ్చేశారు. అందరికీ చెప్పేసుకున్నారు. నాకసలు ఈ పెళ్లి ఇష్టంలేదు. కానీ, మా వాళ్లు బలవంతపెట్టేసరికి ఒప్పుకోవల్సి వచ్చింది’  తనకు అంతా క్లియర్‌గా చెప్పేశాను. అతను చాలా ఏడ్చాడు! సూసైడ్‌ అటెంప్ట్‌ కూడా చేశాడు. కానీ, నా పెళ్లి అయిపోయింది. నేనిప్పుడు ఢిల్లీలో ఉంటున్నా. ఓ రోజు ఓ ఈవెంట్‌ ఉంటే ఊరికి వచ్చాను. ఆ విషయం తెలుసుకుని ఆ ఈవెంట్‌కు వచ్చేశాడు. నేను ఆటో దిగేసరికి అక్కడ ఉన్నాడు. ‘అతనేంటి ఇక్కడ’ అని షాక్‌ అయ్యాను. ‘నీతో కొంచెం మాట్లాడాలి! బైక్‌ ఎక్కు బయటకు వెళదాం’ అన్నాడు. నేను వినిపించుకోలేదు. అతన్ని వెళ్లిపోమని చెప్పి లోపలికి నడిచా. సాయంత్రం వరకు అక్కడే ఉన్నాడు. మా స్నేహితులు వార్నింగ్‌ ఇద్దామనుకున్నారు. మేము బయటకు వచ్చేలోపు వెళ్లిపోయాడు. చాలాసార్లు కాల్‌ చేశాడు. ఏంటో అని నేను లిఫ్ట్‌ చేశా. ‘నాకు నువ్వు కావాలి. నువ్వులేకుండా ఉండలేను’ అని చెప్పుకుంటుపోయాడు. నేను నచ్చచెప్పటానికి ఎంతో ట్రై చేశా. వాడికి తెలుసు.. వాడంటే నాకు చాకు చాలా ఇష్టం అని. ఆ రోజు మాకు గొడవ కాకుండా ఉండిఉంటే ఈ రోజు ఇలా ఉండేది కాదేమో.. వాడు ఇప్పుడు ఇస్తున్న ప్రాధాన్యత, చూపిస్తున్న ప్రేమ అప్పుడు చూపించి ఉంటే అసలు ఈ పెళ్లి జరగకపోయేది. మ్యారేజ్‌ గురించి చెప్పినా ఎందుకు రెస్పాండ్‌ అవ్వలేదని అడిగా. ‘నాకు నీపై నమ్మకంరా నువ్వు వేరే మ్యారేజ్‌ చేసుకోవని, అందుకే రియాక్ట్‌ కాలేదు. సరే నా తప్పు ఒప్పుకుంటున్నా. ఇప్పుడు పెళ్లి చేసుకుందాంరా! మీ ఆయనకు విడాకులు ఇచ్చేయ్‌’ అన్నాడు. వాడిని చూస్తుంటే ఏం చేసుకుంటాడో అని భయం వేస్తోంది. ‘ సరే చేసుకుందాం. నువ్వేమీ చేసుకోకు’ అన్నా. అప్పటినుంచి పిచ్చిపిచ్చిగా చేయటం మానేశాడు. నేను ఇప్పటికీ చెబుతూనే ఉన్నా మన మ్యారేజ్‌ జరగదురా అని కానీ తను అస్సలు అర్థం చేసుకోవటం లేదు. డైలీ ఏదో ఒకటి చేసుకుంటున్నాడు.. ఏడుస్తున్నాడు. ఎప్పుడైనా వీడియో కాల్‌ చేస్తే! చాలా ఎమోషనల్‌ అయిపోతాడు. వాడికి ఎలా నచ్చచెప్పాలో అర్థంకావటం లేదు. పోనీ మొత్తానికే వదిలేద్దామనుకుంటే ఏమన్నా చేసుకుంటాడేమోనని భయం. ఏమైనా అంటే ‘నువ్వు నా దానివి అంతే’ అంటాడు. తను కోరుకున్న చిరునామా తనది కాదని చెప్పినా అర్థంకాదు. నేను మా భర్తతో దిగిన ఫొటోలు ఎఫ్‌బీలో చూసినపుడు కోపం కట్టలు తెంచుకుంటుంది. ఆ ఫొటోలు తీసేదాకా ఊరుకోడు. వాడికి కోపం ఎక్కువే.. ప్రేమ ఎక్కువే. చాలా సార్లు చెప్పా‘ నీకు మంచి జాబ్‌ ఉంది. పెళ్లైన అమ్మాయిని చేసుకోవల్సిన అవసరం ఏముంది. చక్కగా వేరే అమ్మాయిని చేసుకో.. నువ్వు అనుకుంటున్నవి ఏవీ జరగవు’అని. నాకు పెళ్లైందన్న మాట వింటేనే అతడికి చాలా కోపం వస్తుంది. ‘ నా దృష్టిలో నీకు ఇంకా పెళ్లి కాలేదు. నువ్వు ఆ టాపిక్‌ తీయకు’ అంటాడు. ‘ ఈ ప్రేమ మనం ప్రేమించుకునే సమయంలో చూపించాల్సింది. ఇప్పుడుకాదు’ అంటే. ‘ అపు​డు నువ్వు నాతోనే ఉంటావనుకున్నా’ అని అంటాడు. ఏది ఏమైనా వాడికి ఇంకా అర్థం కావటం లేదు. రీసెంట్‌గా మిర్రర్‌ పగులగొట్టి చెయ్యి మొత్తం కోసుకున్నాడు. అర్థం చేసుకోవట్లేదు. నా మాట అస్సలు వినటం లేదు. ఈ విలువలు కట్టుబాట్లు తెంచుకుని నీ కోసం రాలేనురా! నన్ను క్షమించు.. దయచేసి నాపై కాకుండా నీ కెరీర్‌పై దృష్టి పెట్టు. నీకు మంచి వైఫ్‌ వస్తుంది. ఇదంతా నీకు అర్థం కావాలని కోరుకుంటున్నా.  .. నీ లవ్‌లీ స్వీటీ

నేను హైదరాబాద్‌లో ఓ ఇంట్లో అద్దెకి ఉండేవాన్ని. ఆ ఇంట్లో నేను పై పోర్షన్‌లో ఉండేవాన్ని.. క్రింద ఉన్న ఓ పోర్షన్‌లో ఓ అమ్మాయి ఉండేది. తను అప్పుడే ఎంబీఏ జాయిన్‌ అయ్యింది. నేను కాంట్రాక్టు వర్క్ మీద బాన్సువాడకి పోయాను. అప్పడు తను చేసిన కాల్‌తో మా మధ్య పరిచయం ఏర్పడింది. చిన్న పరిచయం కాస్తా స్నేహంగా మారింది. మొదట్లో నేను వద్దనుకున్నా కానీ, ఆమె చూపించే ప్రేమకి నేను కూడా పడిపోయాను. ఈ లోపు ఎలా మారిందో తెలియదు కానీ స్నేహం కాస్తా నా వైపు నుంచి ప్రేమగా మారింది. అలా 3 సంవత్సరాలు గడిచిపోయాయి. ఎంతగా అంటే తెలియకుండానే రోజులు గడిచిపోయాయి. మా కబుర్లకు గంటలు కూడా సెకన్లలా గడిచిపోయేవి. తనకి దేవాలయాలు అంటే చాలా ఇష్టం! నన్ను అన్ని టెంపుల్స్‌కి తిప్పేది. నాతో చేయించని పూజలు లేవు. ఒకరిని విడిచి ఒకరం ఉండలేని అనుబంధం మా మధ్య ఏర్పడింది. తెలియకుండానే ఒకరంటే ఒకరికి ప్రాణమైపోయాం. ఏ దేవుడు మమ్మల్ని విడదీయలేడు అనుకున్నా. నా రోజు తన మాటతోనే మొదలవుతుంది.. ముగుస్తుంది. ఎంత బిజీగా ఉన్నా.. నాకు ఐ లవ్‌ యూ, గుడ్ నైట్ చెప్పనిదే పడుకునేది కాదు. మేమిద్దరం రహస్యంగా పెళ్లి చేసుకుందామని చాలా సార్లు అనుకున్నాం. ఒకసారి టెంపుల్‌కి వెళ్లాం. కానీ, వేరే కారణం వల్ల తిరిగి వచ్చేశాము. నా ఫోన్ కలువకుంటే తను మా ఫ్రెండ్స్‌కి చేసేది. అంతగా ఇష్టపడేది. తను మా ఇంట్లో వాళ్లతో.. మా బంధువులందరితో మాట్లాడేది. నన్నే పెళ్లి చేసుకుంటానని అందరికీ చెప్పేది. ఎంగేజ్మెంట్ రింగ్ కూడా అలానే దాచుకున్నాను. ఎంగేజ్మెంట్ అయ్యాక వేరే అబ్బాయిని ఎలా పెళ్లి చేసుకుంటానని తనే అన్నది. అవన్నీ మరచిపోని అనుభూతులు. తన ఎంబీఏ కంప్లీట్ అయ్యాక కొన్ని రోజులకి తనకు జాబ్ వచ్చింది. జాబ్‌లో జాయిన్ అయిన తర్వాత జాబ్‌ చేయటం ఇష్టం లేదంది. ‘మొదట్లో ఎక్కడైనా అలానే ఉంటది’ అని చెప్పి నేనే పంపించాను. అదే నేను చేసిన మిస్టేక్.. తన మీద నమ్మకం చాలా ఉండేది. ఆఫీస్‌కు పోయినప్పటి నుండి ఇంటికి వెళ్ళేదాక ఎప్పుడు టైం దొరికినా కాల్ చేసేది. ప్రశాంతంగా సాగిపోతున్న నా ప్రేమ కథలోకి వచ్చిందో ప్రమాదం. ఆఫీస్‌లో పని చేస్తున్న ఓ పెళ్లైన వ్యక్తితో తనకు పరిచయం ఏర్పడింది.  ఆ అమ్మాయి అంత వయస్సు ఉన్న కూతురు.. ఒక అబ్బాయి ఉన్నాడు. కానీ, అతడి ఫ్యామిలీ హైదరాబాద్‌లో ఉండదు. అదే తనకి కలిసి వచ్చింది. వాళ్ల మధ్య ఏ బంధం లేదని తను చెబితే నమ్మాను. నేను కూడా అసలు అలా అనుకోలేదు కొన్ని రోజులు. కానీ తను ఫస్ట్‌లో తండ్రి లాంటి వ్యక్తి అంది. పోను పోనూ వాళ్ల మధ్య బంధం దగ్గర అవుతూ.. మా మధ్య బంధం దూరం అవుతూ వచ్చింది. నేను ఫోన్ చేసిన ప్రతీసారి కాల్ వెయిటింగ్ అని వచ్చేది. అడిగితే అమ్మ అనేది. నా కాల్ కట్ చేసి ఆఫీస్‌లో బిజీగా ఉన్నా అని మెసేజ్ పెట్టడం.. ఆఫీస్ అయ్యాక అతడి కార్‌లో పోతూ మెట్రోలో పోతున్నా అని చెప్పేది. ఆ వ్యక్తి ఇల్లు ఆఫీస్ దగ్గరే.. అయినా ఆమె కోసం ఎక్కడో దూరంగా వున్న తన ఇంటి దగ్గర డ్రాప్ చెయ్యటం చేసేవాడు. నేను అడిగితే మెట్రోలో పోతున్నా అనటం నాకు అనుమానాన్ని తెచ్చాయి. కొన్ని పరిణామాలతో నాలో అనుమానాలు బలపడ్డాయి. తను నాతో ఉన్నా కూడా ఆ వ్యక్తితో ఫోన్ మాట్లాడేది. నెంబర్‌ చూపించమంటే తీసేసేది. ఎందుకంటే వేరే ఫ్రెండ్ అని చెప్పేది. నన్ను కాదని ఆ వ్యక్తితో సినిమాలకి షాపింగ్‌లకి పోవడం నాలో భరించలేని బాధని తెచ్చాయి. ఓసారి ఇద్దరూ నా కంట పడ్డారు. సరే అని వదిలేసాను. తర్వాత అడిగాను ‘మీరిద్దరూ ఆఫీస్‌లో ఉండేటోళ్లు కదా మళ్లీ ఎందుకు అక్కడ ఆగటం?’ అని. తనకు చాలా సార్లు చెప్పి చూశాను. కానీ, తను వినలేదు. ‘అలా ఎందుకు చేస్తున్నావ్?’ అని అడగటమే నేను చేసిన తప్పు. ఆ వెంటనే నన్ను దూరం పెట్టడం స్టార్ట్‌ చేసింది. నా నెంబర్‌ కూడా బ్లాక్ చేసింది. అసలు నేనేమి తప్పు చేశానో నాకే అర్థమవ్వట్లే.. అసలు తను ఎందుకు అలా చేస్తుందో, తను చేసేది తప్పని తనకి ఎందుకు అర్దమవ్వట్లే. ఆ వ్యక్తికి అయినా అది తప్పని అనిపించట్లేదా? తను ఆ వ్యక్తి మాయలో పడటం నాకు ఇంకా బాధగా ఉంది. భరించరాని నరకంలా ఉంది. ప్రేమంటే స్థాయి, అంతస్తులు చూసి లెక్కలేసుకోవడం కాదు. ఏమీ లేకున్నా, ఏమీ ఆశించకుండా నేనున్నాను అనే భరోసా ఇవ్వడం. కానీ, నీకోసం పడే ఈ బాధ కూడా నాకు మధురంగానే ఉంది. తనని వదిలి వస్తాను అని హామీ ఇస్తానంటే జీవితాంతం నీ కోసం ఎదురు చూస్తూనే ఉంటాను. లేదంటే ఇక నువ్విచ్చిన ఈ మధురస్మృతులతోనే జీవితం గడిపేస్తాను.. - నీ నాని

 ‘ప్రేమ’ .. ఈ పదం వినటానికి బాగుంటుంది! అనుభవించేదాకా తెలీదు ఆ ఎదలోని చిక్కులు. ఆ చిక్కుముడుల్ని విప్పినపుడే ఆ ప్రేమ ఫలిస్తుంది. కాదని లాగావో అదింకా చిక్కుపడిపోతుంది. చాలా ఓపికగా నేను ఆ ముడుల్ని విప్పాననే అనుకుంటున్నా. దాని ఫలితమే నా ప్రేమ.. నేను డిగ్రీ మొదటి సంవత్సరం చదువుతున్న రోజులవి. రోజూ కాలేజీకి వెళ్లడం, రావడం, ఫ్రెండ్స్‌తో ఎంజాయ్‌ చేయటం, చదువుకోవటం.. ఇదే నాలోకం. అయితే ఒకరోజు అనుకోకుండా ఓ పెళ్లికి బంధువుల ఇంటికి నేనొక్కదాన్నే వెళ్లాల్సివచ్చింది. ఆ పెళ్లిలోనే పరిచయమయ్యాడు హరీష్‌. అతని రాకతో నా జీవితం చాలా పెద్ద మలుపు తిరిగిందనే చెప్పాలి. అతను నాకు వరసకు బావ అవుతాడు. చిన్నప్పటినుంచి పరిచయమున్నా. అతనితో ఎక్కువగా మాట్లాడేదాన్ని కాదు. కానీ, అతనికి నేనంటే ఎప్పటినుంచో ఇష్టమని ఆ రోజే తెలిసింది. పెళ్లిలో అతను అందరితో కలిసిపోవటం అందరినీ బాగా చూసుకోవటం, పెళ్లి బాధ్యతంతా తనదే అయినట్టు నడుచుకోవటంతో అతనిపై నాకు మంచి అభిప్రాయం కల్గింది. ఫంక్షన్‌ అయ్యేసరికి చాలా ఆలస్యం అవడంతో అతను నన్ను ఇంటి దగ్గర దింపటానికి వచ్చాడు. ఆ జర్నీలోనే అతడు నాకు ప్రపోజ్‌ చేశాడు. ముందుగా నేను ఆశ్చర్యపోయాను. కానీ, నాక్కూడా అతని ప్రవర్తన నచ్చింది. తెలిసిన వ్యక్తే కావడంతో ఓకే చెప్పేశా. ఇక అప్పటినుంచి అన్నీ తానే అయ్యాడు. చాలా ప్రేమగా చూసుకునేవాడు. కొన్ని రోజుల తర్వాత ఒకమ్మాయిని పరిచయం చేసి తను నా క్లోజ్‌ ఫ్రెండ్‌ అని చెప్పాడు. తన పేరు స్వాతి! నేను తనతో బాగా మాట్లాడేదాన్ని. తనూ నాతో అలాగే మాట్లాడేది. కానీ, మాటిమాటికీ.. మా బావ అలా.. మీ బావ ఇలా.. నువ్వు బాగా చూసుకోవాలి.. నీకేం తెలీదు అని చెప్తూ ఉండేది. మొదట్లో ఏం అనిపించకపోయినా, తర్వాతర్వాత కోపం వచ్చేది. మా బావ గురించి నాకు తెలీకపోవడమేంటి? రెండు సంవత్సరాలనుంచి తనతో ఉంటున్నా కదా అనిపించేది. అయినా అంతగా పట్టించుకునేదాన్ని కాదు. గడుస్తున్న కొద్దీ మా బావంటే తనకూ ఇష్టమని నాకు తెలిసింది. కానీ, ఆ విషయం బావకి తెలీకపోవడటంతో ఆమెకే ఎక్కువ ప్రిపరెన్స్‌ ఇచ్చేవాడు. నాకు నచ్చేది కాదు. ఏమైనా అంటే తను నా ఫ్రెండ్‌ అనేవాడు. ఆమె మాత్రం మేము విడిపోవడానికి చేయాల్సిన పనులన్నీ చేసేది. కానీ, నా ప్రేమ ముందు అవేవీ నిలబడలేదేమో. నా బాధ చూడలేక ఆ దేవుడే మా బావని తనకు దూరం చేశాడేమో అనిపిస్తుంది.. కాకపోతే ఏంటి? దాదాపు విడిపోయేదాకా వెళ్లిన మేము, స్వాతి వాళ్ల నాన్న వల్ల ఒక్కటయ్యాం. వాళ్ల నాన్నకి నేనెవరో తెలీకపోవచ్చు. కానీ, తన కూతురి జీవితం బాగుండాలని చేసిన ఒక పని వల్ల నా జీవితం నిలబడింది. తన తండ్రికిచ్చిన మాట వల్ల తనూ సంతోషంగా ఉంది. నేను నా బావతో సంతోషంగా ఉన్నా.. మొదట్లో ఆమె మాట్లాడకపోతే ఎంతో బాధపడిన బావే.. మెల్లిమెల్లిగా తన పనిలో పడిపోయాడు. నన్ను మొదటికన్నా ఇంకా ఎక్కువ ప్రేమగా చూసుకుంటున్నాడు. మా ఇంట్లో వాళ్లని కూడా మా పెళ్లికి ఒప్పించాడు. ఇక మిగిలింది మా పెళ్లిరోజే అందుకే అంటారేమో.. ఎప్పుడు ఏది జరగాలనుంటే అది జరుగుతుంది. ఆవేశపడకుండా కాస్త వేచి చూడటం ఉత్తమం.. - దీప్తి, జగిత్యాల

 నా పేరు అఖిల. మా ఫ్యామిలీ ఫ్రెండ్స్‌ ద్వారా ఒక అబ్బాయిని కలిశా. మా డాడీ, వాళ్ల డాడీ ఎంత ఫ్రెండ్లీగా ఉంటారో మేం కూడా అలానే ఉండేవాళ్లం. నాకు తనంటే చాలా ఇష్టం. తనకి కూడా నేనంటే చాలా చాలా ఇష్టం. ఎప్పుడు ఫ్యామిలీ టుగెదర్‌ జరిగినా నాతోనే ఉండేవాడు. నన్ను చాలా బాగా ప్యాంపర్‌ చేసేవాడు. మా విషయం ఇంట్లో తెలిసి రెండు కుటుంబాల మధ్య దూరం పెరిగింది. సంవత్సరం అయ్యాక తను కాల్‌ చేశాడు. కానీ రెగ్యులర్‌గా మాట్లాడుకునేవాళ్లం కాదు. నాకు నమ్మకం ఉండేది ఎప్పటికైనా తను నాకోసం వస్తాడని.  అలా ఐదేళ్లయ్యాక మళ్లీ తను కనిపించాడు. వాళ్ల ఫ్రెండ్‌ ద్వారా తన నెంబర్‌ తీసుకున్నా. నేనే మెసేజ్‌ చేశా. తర్వాత తను చాలా క్యాజువల్‌గా మాట్లాడాడు. తనకి నేనంటే ఇష్టం లేదేమో అని నేను ఫోన్‌ చేయడం మానేశా. పది రోజులయ్యక తన నుంచి కాల్‌ వచ్చింది. నేను కూడా తన లాగే చాలా కూల్‌గా మాట్లాడా. తనకి అర్థమైపోయింది. నేనేదో నిన్ను ఏడిపిద్దాం అనుకుంటే నువ్వు కూడా నాలానే చేస్తున్నావేంటి అని నాతో గొడవపడ్డాడు. మా ప్రేమను ఇంట్లో ఒప్పుకోరు అని తెలుసు కానీ తనలా నన్ను ప్రేమించేవాడు దొరకడని మాత్రం చెప్పగలను. తనతో ఉంటే ఈ లోకాన్నే మర్చిపోతా. అంత ప్రేమ కురిపిస్తాడు. పెద్ద వాళ్లకి ఇష్టం లేకుండా మేం పెళ్లి చేసుకోలేం. అలా అని ఇష్టంలేని వ్యక్తితో నా జీవితాన్ని ముడిపెట్టలేను. మా ప్రేమను అర్థం చేసుకోండి నాన్నా.  --అఖిల (చిన్నారి)

తనని మొదటిసారి డిగ్రీ ఫస్ట్‌ ఇయర్‌లో చూశాను. చూడగానే నచ్చేసింది. తను కూర్చునే బెంచ్‌కి ఎదురుగా కూర్చొని తననే చూస్తూ ఉండేవాడిని. రెండు సంవత్సరాలు అలా గడిచిపోయాయి. మా ఫ్రెండ్‌ బర్త్‌డే పార్టీలో తనతో మొదటిసారి మాట్లాడాను. తర్వాత మాట్లాడాలని ఉన్నా ధైర్యం చేయలేకపోయా. డిగ్రీ లాస్ట్‌ ఇయర్‌ లాస్ట్‌ డే చూశా తనని ఓ టెంపుల్‌లో. తర్వాత రెండేళ్లకి ఓ బస్టాప్‌లో ఎదురుపడింది. నన్ను చూడగానే నవ్వుతూ పలకరించింది. తనే మాట్లాడింది కదా అని నేను ఆరోజు కాల్‌ చేశా. ఆరోజు నుంచి రోజూ ఫోన్‌లో మాట్లాడుకునేవాళ్లం.  అలా మూడేళ్లు గడిచాయి. కానీ ఒక్కసారి కూడా డైరెక్ట్‌గా కలవలేదు. ఓరోజు ఫోన్‌ చేసి నాకు పెళ్లి కుదిరింది అని చెప్తూనే నువ్వంటే నాకిష్టం కానీ మా ఫ్యామిలీని బాధపెట్టలేను అంది. నేను కూడా ఆలోచించి తన నిర్ణయాన్ని కాదనలేదు. ఫ్రెండ్స్‌లా ఉండాలని డిసైడ్‌ అయ్యాం. అలానే ఉంటున్నాం కూడా. తనని అప్పుడప్పుడు చాలా మిస్‌ అవుతుంటా. ఇప్పటికీ నువ్వంటే అదే ప్రేమ. కానీ ఒక్కసారి కూడా నిన్ను డైరెక్ట్‌గా కలిసి మాట్లాడలేదు అనే చిన్న బాధ మాత్రం ఉంది. మిస్‌ యూ... --ఉదయ్‌ (పేరు మార్చాం), కామారెడ్డి

నా పేరు శ్రీనివాసులు. మాది నెల్లూరు.  నేను వృత్తిరీత్యా సివిల్ కాంట్రాక్టర్. ఒక రోజు పని మీద ఒక ఊరికి వెళ్ళాను. అక్కడ ఒక అమ్మాయిని చూశాను. తను చాలా అందంగా ఉండేది. తను ఎదుటివారి పట్ల చూపించే గౌరవం చాలా నచ్చింది.  అలా అమ్మాయిని చూస్తూ చూస్తూ నేను ప్రేమలో పడ్డాను. వాళ్ళ ఇంటి దగ్గర్లోనే మేము కూడా ఇల్లు అద్దెకు తీసుకున్నాం. ఇక అప్పటి నుంచి వాళ్లతో పరిచయం పెరిగింది.  అప్పుడప్పుడు వాళ్లింటికి వెళ్లడం వాళ్ళతో మాట్లాడడం జరిగేది. ఒక రోజు నేను దైర్యం చేసి తన ఫోన్ నెంబర్ అడిగాను, కానీ తను ఇవ్వలేదు. ఎలాగోలా నెంబర్ తెలుసుకున్నాను. ఇక అప్పటి నుంచి తనతో ప్రతి రోజు మాట్లాడే వాడిని.  మా ప్రేమ విషయం ఇంట్లో తెలిసిపోయింది అయినా తను నాతో మాట్లాడకుండా ఉండేది కాదు. అలా మా ప్రేమ ఆరు నెలల పాటు సంతోషంగా సాగింది.  తర్వాత వాళ్ళ బంధువుల అమ్మాయి మా ఇద్దరి గురించి చెడ్డగా ఊరిలో ప్రచారం చేసింది. అయినా కూడా తను నాతో మాట్లాడకుండా ఉండేది కాదు. అలా ఒక రెండు నెలల పాటు చాలా హ్యాపీగా ఉన్నాం.  తర్వాత ఏం జరిగిందో తెలియదు గానీ తను నాకు ఫోన్ చేయడం మానేసింది. కొన్ని రోజులకు నా ఫోన్ చేసి నాకు పెళ్లి కుదిరింది నాకు ఫోన్ చేయవద్దు అని చెప్పింది. తను ఎక్కడున్నా సంతోషంగా ఉండాలని మనస్ఫూర్తిగా కోరుకుంటున్నాను. నిన్ను ఎక్కడ  ఎప్పుడు చూసినా నీ ముఖం పై చిరునవ్వు ఉండాలని కోరుకుంటున్నాను. నిరంతరం నీ కోసం నేను ఎదురు చూస్తూనే ఉంటాను.  ప్రేమతో    -- నీ శ్రీనివాస్

నా పేరు మహేశ్‌. ఓ కోచింగ్‌ సెంటర్‌లో చూశాను అమృతని (పేరు మార్చాం) చూడటానికి చాలా యావరేజ్‌గా ఉంది కానీ నాకెందుకో చాలా బాగా నచ్చింది. నాకు అప్పటికే చాలా ప్రపోజల్స్‌ వచ్చాయి. మా కోచింగ్‌ సెంటర్లో కూడా కొంతమంది అమ్మాయిలు నన్ను ఇష్టపడేవాళ్లు అలా అందరినీ సిస్టర్‌ అని పిలిచేవాడ్ని, ఒక్క అమృతని తప్పా. అప్పుడే అర్థమైంది నా ఫ్రెండ్స్‌కి. అలా నన్ను బాగా ఆటపట్టించేవాళ్లు.  తను కూడా నాతో బాగా మాట్లాడేది. కోచింగ్‌ అయ్యాక ఫోన్‌ నెంబర్స్‌ తెలుసుకొని మాట్లాడుకునేవాళ్లం. ఒకరోజు తనే మెసేజ్‌ చేసి తన లవ్‌ ప్రపోజ్‌ చేసింది. ఇక నా ఆనందానికి అవధుల్లేవు. అలా మొదలైన మా ప్రేమ ఐదు సంవత్సరాలు చాలా సాఫీగా సాగింది. మా విషయం ఒకరోజు వాళ్లింట్లో తెలిసి అమృతని బాగా కొట్టారు. నాకు కాల్‌ చేసి వాళ్లింటికి పిలిచారు. చాలా టెన్షన్‌తో వెళ్లాను ఏం జరుగుతుందో అని. ఒకరిని విడిచి ఒకరు ఉండలేము అనుకుంటే పెళ్లి చేసుకోండి మీ ఇంట్లో ఒప్పించి రా అన్నారు వాళ్ల నాన్న. చాలా సంతోషంగా ఇంటికి వెళ్లా ఇంక నా సైడ్‌ నుంచి ఒప్పిస్తే సరి అని. కానీ మా అమ్మ అస్సలు ఒప్పుకోలేదు. ఒకవేళ కాదని పెళ్లిచేసుకుంటే తన చనిపోతానంది. ఇంక నాకు ధైర్యం చాలలేదు. ఇంట్లో జరిగిన విషయాన్నంతా వాళ్ల నాన్నకి కాల్‌ చేసి చెప్పాను. ఆయన చాలా సింపుల్‌గా ఇక నుంచి మా అమ్మాయిని కలుసుకునే ప్రయత్నం చేయొద్దు అని చెప్పి నన్ను అమృతని వార్న్‌ చేశారు. కట్‌ చేస్తే..తనకి పెళ్లి జరిగింది. మా అమ్మ తర్వాత అమ్మగా అనుకున్న అమృత నాకు దూరమైంది. తను నాకు దూరమై 18 నెలలు అవుతుంది ఈ మద్యకాలంలో నేనెంత క్షోభను అనుభవించానో నాకు మాత్రమే తెలుసు. అమ్మప్రేమను వదులుకోలేక అమ్మాయి ప్రేమను చంపుకోవాల్సి వచ్చింది. అప్పడు తెలియలేదు ఇది నన్ను ఇంత దహిస్తూ ఉంటుందని. చివరగా..నువ్వు ఎక్కుడున్నా సంతోషంగా ఉండాలని మనస్ఫూర్తిగా కోరుకుంటున్నా --మహేశ్‌, కాకినాడ.

నేను తనని చూసిన క్షణం నుంచి నా గుండెలో ఆమెనే నిలుసుకున్నా. ఆమెను చూడకుండా ఉండలేని స్థితికి వచ్చాను. కానీ నా ప్రేమ విషయం ఆమెకు చెప్పే ధైర్యంలేక ఆలస్యం చేయడం వల్ల వాళ్ల తల్లిదండ్రులు తనికి పెళ్లిచేశారు. ఆ క్షణమే చచ్చిపోవాలనుకున్నా. కానీ అమ్మానాన్నలకు నేను ఒక్కడినే. నేను చనిపోతే వాళ్లను ఎవరు చూసుకుంటారు అని ఆగిపోయా. కొన్నాళ్లకు మా బంధువుల అమ్మాయికి నేనంటే ఇష్టం అని తెలిసింది. నాకు ప్రేమ దక్కలేదు,కానీ నన్ను ప్రేమించే వాళ్లు నాకు దొరకడం అదృష్టం కదా . ప్రేమించిన వాళ్లు దూరమైతే పడే బాధేంటో నాకు తెలుసు అందుకే తనని పెళ్లిచేసుకున్నా. హ్యాపీ ఫ్యామిలీ మధ్యలో గ్యాప్‌ చెప్పలేదు కదా.. నేను ప్రేమించిన అమ్మాయి నాకు ఎదురుపడింది. మళ్లీ నాలో ఆశలు మొదలయ్యాయి. 03-01-1984 తేదీన న్యూఇయర్‌ గ్రీటింగ్‌ ఇచ్చి స్నేహం మొదలుపెట్టాను. ఆమె పేరు కూడా నాకు తెలీదు అప్పటివరకు. ఆమె పేరు కూడా అడిగే ధైర్యం లేక ఆమె వెళ్లే టైప్‌ ఇనిస్టిట్యూట్‌కి వెళ్లి తెలివిగా ఆమె చేసే టైమ్ లో ఆమె చేసే మిషన్ పై ఎవరు అని రిజిస్టార్ లో వెదికి తెలుసుకున్నా. తనకి  పెళ్లి అయినా మళ్ళీ ఎలా వచ్చింది అని మీకు డౌట్ కదా ..ఆమె డిగ్రీ చదువు కోసం వాళ్ళ అమ్మ గారింటికి వచ్చింది. అలా మా మధ్య స్నేహం చిగురించి 25 సంవత్సరాలు. స్నేహితులుగానే మా కుటుంబం, వారి కుటుంబం ఎంతో అన్యోన్యంగా ఉండేది. ఎన్నో సినిమాలు, పుణ్యక్షేత్రాలు కలిసి వెళ్లేవాళ్లం. కొన్నాళ్ల తర్వాత వారి కుటుంబం ఇళ్లు మారాల్సి వచ్చింది. ఇప్పటికీ ఫోన్‌లో ఇరువురి కుటుంబాల మధ్య అదే స్నేహం,అదే ఆప్యాయత. --నాగ్‌, హైదరాబాద్‌ 

తన పేరు ఏంజిల్‌ (నేను అలానే పిలుస్తాను). ఎంసెట్‌ కౌన్సిలింగ్‌లో చూశా నా ఏంజిల్‌ని.  తొలిచూపు ప్రేమంటే అప్పటి వరకు నమ్మని నేను తనని చూడగానే ఫిక్స్‌ అయ్యా ఈ అమ్మాయే నా దేవత అని. సాయంత్రం వరకు జరిగింది కౌన్సిలింగ్‌ ప్రాసెస్‌ అంతా. తనతో పాటు వాళ్ల ఫ్రెండ్‌ లిల్లి ఉంది. వెళ్లేటప్పుడు అడిగా నా ఏంజిల్‌ నెంబర్‌ ఇవ్వమని. కొంచెం ఆలోచించి నెంబర్‌ ఇచ్చింది. ఆ తర్వాత ప్రతీరోజు చాట్‌ చేసేవాళ్లం. కొన్నాళ్లకు నాకో నిజం తెలిసింది ఏంటంటే..నేను చాట్‌ చేస్తున్నాది నా ఏంజిల్‌తో కాదు, లిల్లీతో అని. చాలా కోపమొచ్చింది లిల్లీపై. ఎందుకు ఇలా చేశావని అడిగితే తన దగ్గర్నుంచి సమాధానం రాలేదు. తర్వాత నా ఏంజిల్‌ నుంచి కాల్‌ వచ్చింది. ఐస్‌క్రీమ్‌ పార్లర్‌లో కలుద్దాం అని. అప్పటివరకు చాలా కోపంగా ఉన్న నాకు ఏంజిల్‌ మాటలు చల్లని జలపాతాల్లా అనిపించాయి. వెళ్లాను నా ఏంజిల్‌తో పాటు లిల్లీ కూడా అక్కడికి వచ్చింది. తనపై చాలా కోపంగా ఉన్నానని అర్థమయ్యినట్లుంది. రాగానే ఇ‍ద్దరూ నాకు సారీ చెప్పారు. ఎందుకు ఇలా చేశావ్‌ అని లిల్లీని గట్టిగా నిలదీశాను. నేనే ఇలా చేయమన్నాను అంది నా ఏంజిల్‌. ఆశ్చర్యంతో ఎందుకు అని అడిగాను. ఇప్పటి వరకు చాలా మంది ప్రపోజ్‌ చేశారు. నువ్వు కూడా చూడగానే నెంబర్‌ అడిగావ్‌ అంటే ఖవ్చితంగా ప్రపోజ్‌ చేస్తావ్‌ అని డౌట్‌ వచ్చింది అందుకే నువ్వు ఎలాంటివాడివో తెలుసుకుందాం అని మా ఫ్రెండ్‌తో చాట్‌ చేయించా అంది. నాకేం అర్థం కాలేదు. కానీ నా గురించి తెలుసుకోవాలని చాట్‌ చేసింది అంటే ఎక్కడో నామీద మంచి అభిప్రాయం ఉందనే కదా అని లోలోపలే నవ్వుకున్నా. తర్వాత నా ఏంజిల్‌తో కాల్స్‌, చాటింగ్‌ అలా రోజులు గడిచాయి. నాతో ఏంజిల్‌ చాలా సరదాగా మాట్లాడుతుంది. ఇద్దరం కలిసి ఎన్నో​ సినిమాలకు వెళ్లాం. ఇంక లేట్‌ చేయకుండా నా మనసులో చెప్పాలని డిసైడ్‌ అయ్యా. ఒకరోజంతా ఎలా ప్రపోజ్‌ చేస్తే బావుంటుందని తెగ ప్రాక్టీస్‌ చేశా. తర్వాతి రోజు తనకి కాల్‌ చేసి ప్రపోజ్‌ చేశా. వెంటనే కాల్‌ కట్‌ చేసింది. ఏం అయ్యిందో అర్థం కాలేదు కానీ రెండు గంటల తర్వాత ఒక ఎస్‌ఎంఎస్‌ వచ్చింది. నువ్వంటే నాకు చాలా ఇష్టం అని. నా లైఫ్‌లో ఫస్ట్‌ టైం అనిపించింది ఏదో సాధించానని.  ఆరోజు నుంచి నా జీవితం మరింత అందంగా అనిపిస్తుంది.  --సాండీ, గుంటూర్‌  

 నా పేరు రాజు. మాది హైదరాబాద్‌. 2006లో పనిమీద నెలరోజులు ఓ గ్రామానికి వెళ్లాల్సి వచ్చింది. అక్కడ నేనుండే ఇంటి పక్కన అమ్మాయికి,నాకు అస్సలు పడేది కాదు. ప్రతీ విషయంలో నాతో గొడవ పడేది. అలా మొదటి 15 రోజులు గడిచిపోయాయి. ఆ ఊర్లో జరిగిన ఓ పండుగకి నేను కూడా వెళ్లా. నేను స్వతహాగా డాన్సర్‌ని కావడంతో ఆ వేడుకలో  డాన్స్‌ చేశా. ఆ అమ్మాయి వాళ్ల బంధువులతో సహా అక్కడికి చేరుకుంది. వాళ్లంతా నన్ను బాగా మెచ్చుకున్నారు. ఎందుకో తెలీదు ఆ రోజు తర్వాత నుంచి తను నాతో గొడవ పడటం మానేసింది. నన్ను చూసి నవ్వుతూ పలకరించింది. సమయం దొరికినప్పుడల్లా  నాతోనే గడిపేది. అది లవ్‌ అని తెలియడానికి ఎక్కువ సమయం పట్టలేదు. అనుకోకుండానే మా ప్రేమకథ మొదలయ్యింది.  నా పని పూర్తవడంతో నేను మళ్లీ హైదరాబాద్‌ తిరిగి వచ్చేశాను. అప్పుడు తను ఎంత బాధపడిందో..ఇంట్లో మా విషయం చెప్పాను. అన్నయ్య తప్పా ఎవరూ నో చెప్పలేదు. వాళ్లింట్లో కుల పిచ్చి చాలా ఎక్కువ. ఎట్టి పరిస్థితుల్లోనూ ఒప్పుకోరు. తనకి సంబంధాలు చూడటం మొదలుపెట్టారని తెలిసి హైదరాబాద్‌లోనే ఓ గుళ్లో పెళ్లిచేసుకుందాం అని డిసైడ్‌ అయ్యాం. దానికి తగ్గ ఏర్పాట్లన్ని మా ఫ్రెండ్స్‌ చూసుకున్నారు. తీరా తను బస్‌ ఎక్కే టైంకి వాళ్ల అన్నయ్య చూశాడు. విషయం మొత్తం వాళ్లింట్లో తెలిసి చాలా పెద్ద రచ్చ జరిగింది. మా ఇంట్లోనూ చాలా గొడవలు జరిగాయి. వాళ్లింట్లో వాళ్లను ఒప్పించడానికి చాలా ప్రయత్నించాను. ఫలితం శూన్యం.   తర్వాత కొన్నాళ్లకు నాకు ఇష్టం లేకుండానే మా బంధువుల అమ్మాయితో ఎంగేజ్‌మెంట్‌ జరిగింది. విషయం తెలిసి తను చాలా ఏడ్చింది. తనతో మాట్లాడటానికి వాళ్ల కాలేజీకి కూడా వెళ్లాను.  నాతో మాట్లాడటానికి ఒప్పుకోలేదు. నాకు పెళ్లయ్యింది. కానీ తను నాకు ఇప్పటికీ గుర్తొస్తూనే ఉంటుంది. ఫస్ట్‌ లవ్‌ కదా..మరిచిపోలేకపోతున్నా. రెండేళ్లకి తనకి కూడా పెళ్లయ్యింది. ఆ తర్వాత తనని చూసింది లేదు. అనుకోకుండా ఒక ఫ్రెండ్‌ ద్వారా తన నెంబర్‌ దొరికింది. కాల్‌ చేశా. నా గొంతు గుర్తుపట్టి నెంబర్‌ బ్లాక్‌ లేసింది. కొన్నిరోజులకి తనే కాల్‌ చేసింది. నన్ను ఎందుకు వదిలేసి వెళ్లిపోయావురా అన్నప్పడు మానసికంగా చచ్చిపోయా ఆ క్షణం. ఆరోజు నేనేమీ చేయలేకపోయాను. కానీ ఒకటి గుర్తుపెట్టుకో. నీకు ఎప్పుడు ఎలాంటి ప్రాబ్లమ్‌ వచ్చినా నేనున్నాను నీకు. త్వరలోనే నీ పేరు మీద ఓ అనాధశ్రమం పెడుతున్నా.  --రాజు (హైదరాబాద్‌)

అవి నేను డిగ్రీ చదివేరోజులు. తను నా జూనియర్‌ పేరు ప్రియా. మా ఇద్దరికి ఒకరంటే ఒకరికి చాలా ఇష్టం. కానీ పెద్దగా ఎప్పుడూ వ్యక్తపరచలేదు. నా ఎక్జామ్స్‌ అయిపోయాక నేను మా ఊరు వెళ్లాను. అప్పట్లో ఫోన్లు అంతగా లేవు. తనతో మాట్లాడాలని ఉన్నా ఏం చేయలేని పరిస్థితి. తన ఙ్ఞాపకాలతో అలా రోజులు గడిచేవి. ఓరోజు తనని చూడాలనిపించి హైదరాబాద్‌ వెళ్లాను. తను అక్కడి నుంచి వేరే హాస్టల్‌ మారిందని తెలిసింది. హైదరాబాద్‌లో అడ్రస్‌ పట్టుకోవడం చాలా కష్టం అని ఆరోజు అర్థమైంది. చాలా తిరిగి తిరిగి..తను ఉండే హాస్టల్‌ దగ్గరికి వెళ్లాను. నన్ను చూడగానే షాక్‌ అయ్యింది. నీ గురించే ఆలోచిస్తుంటే నువ్వే వచ్చేశావేంటి అని చాలా సర్‌ప్రైజ్‌గా ఫీల్‌ అయ్యింది. మనం ఎవరినైనా ఇష్టపడుతున్నప్పడు వాళ్లను మనస్ఫూర్తిగా తలుచుకుంటే నిజంగానే అది అవతలి వాళ్లు కూడా ఫీల్‌ అవుతారు అని ఆ క్షణం అనిపించింది. కొన్నాళ్ల తర్వాత నాకు పెళ్లి ఫిక్స్‌ అయ్యింది. ఏం చేయమంటావ్‌ అని అడిగింది. ఆ టైంకి నాకు జాబ్‌ లేదు. ఏ ఉద్యోగం లేకుండా మీ అమ్మాయిని పెళ్లిచేసుకుంటా అని అడగటం కరెక్ట్‌ కాదనిపించింది. అందుకే నేనేం చేయలేను, నువ్వు ఆ అబ్బాయినే పెళ్లిచేసుకో అన్నాను. వెంటనే కాల్‌ కట్‌ చేసింది. మూడ్నెళ్ల తర్వాత తన నుంచి కాల్‌ వచ్చింది. ఇంకో గంటలో నా పెళ్లి వచ్చి నన్ను తీసుకెళ్లు అని. నేను అప్పుడు బెంగుళూరులో జాబ్‌ సర్చింగ్‌లో ఉన్నాను. గంటలో రావడం అసాధ్యం. ఒకవేళ వచ్చినా ప్రియాని తీసుకెళ్లి తన ఫ్యామిలీని దూరం చేయలేను. తన  పెళ్లి జరిగిపోయింది. ప్రియా ఇప్పుడు సింగపూర్‌లో ఉందని తెలిసింది. తనకి సారి చెప్పాలనే బాధ ఇప్పటికీ నన్ను దహిస్తూనే ఉంటుంది. ప్లీజ్‌ ప్రియా..ఒక్కసారి కాల్‌ చెయ్‌.నీ కాల్‌ కోసం  8 ఏళ్లుగా ఎదురుచూస్తున్నా. నువ్వు ఎక్కుడున్నా సంతోషంగా ఉండాలని కోరుకుంటూ ప్రేమతో నీ అంజి --అంజిరెడ్డి (కోదాడ)

 నేను ఎప్పుడూ ఎవరితోనూ ఎక్కువగా మాట్లాడే వాడిని కాదు. ఫ్రెండ్స్‌ కూడా తక్కువే. నా ధ్యాస ఎప్పుడూ చదువు మీదే ఉండేది. హైదరాబాద్‌లో ఎంసీఏ పూర్తిచేశాక..ఏదైనా బిజినెస్‌ స్టార్ట్‌ చేయాలి అనుకున్నా. ఇప్పుడున్న టెక్నాలజీ రంగంలో ఏ బిజినెస్‌ అయినా ప్రమోట్‌ చేసుకోవాలంటే సోషల్‌ మీడియా చాలా మంచి ఫ్లాట్‌ఫామ్‌గా భావించి ఫేస్‌బుక్‌, ట్విట్టర్‌, ఇన్‌స్టాగ్రామ్‌ అకౌంట్స్‌ క్రియేట్‌ చేసుకున్నా.చాలా మంది బిజినెస్ ఆడ్స్‌ కోసం టీవీ చానెల్ వాళ్ళను సంప్రదిస్తారు , లేదా సోషల్ మీడియా ద్వారా చేరువవుతారు. ఇంకొంత మంది తమ వెబ్‌సైట్‌ డిజైన్ కోసం ఏదైనా సాఫ్ట్‌వేర్‌ కంపెనీని సంప్రదిస్తారు. వాళ్ళ అందరి కోసం నేను ఒక ఫేస్‌బుక్‌ పేజీని  సైన్స్ & టెక్నాలజీ పేరుతో ప్రారంభించాను.  అలా నేను సోషల్ మీడియాలో  లీనం అయ్యాను. సరిగ్గా  నాలాంటి ఆలోచనలు ఉన్న అమ్మాయి  ఫేస్‌బుక్‌ ద్వారా పరిచయం అయ్యింది. తను కూడా నాలాగే ఓ బిజినెస్‌పేజీని రన్‌ చేస్తుండేది. ఆమెతో పెద్దగా మాట్లాడేది కాదు కానీ తను పెట్టే ప్రతీ పోస్ట్‌కు లైక్, కామెంట్‌ చేసేవాడిని. ఎవరైనా నెగటివ్‌ కామెంట్‌ పెడితే నేను హీరోలాగే వాళ్లను తిట్టేవాడ్ని. అప్పుడప్పుడు మాట్లాడేది. నేనంటే తనకు కూడా ఇష్టమేమో అని తనకి లవ్‌ ప్రపోజ్‌ చేశా. నువ్వు జస్ట్‌ ఫేస్‌బుక్‌ ఫ్రెండ్‌వి. ఏదో సరదాగా మాట్లాడితే ఇంక లవ్‌ అయిపోతుందా అనేసరికి కాస్త డిప్రెషన్‌లోకి వెళ్లాను. నేను ఎవరితోనూ పెద్దగా మాట్లాడను.తను నాతో మాట్లాడేసరికి అదే ప్రేమనుకున్నా. ఇప్పడు నేను సోషల్ మీడియాను పక్కన పెట్టి జాబ్ కోసం ట్రై చేస్తున్నా. ప్రేమ అంటేనే చాలా భయం వేస్తుందిప్పుడు. --వెంకట హరిచరణ్‌ (హైదరాబాద్‌)

చిన్నప్పటినుంచి నేను, సౌమ్య (పేరు మార్చాం) ఒకే స్కూల్‌లో చదువుకున్నాం. 9వ తరగతిలో ఉన్నప్పుడూ నువ్వంటే ఇష్టమని, నేను నిన్ను లవ్‌ చేస్తున్నా అంది. తనంటే నాకు కూడా చాలా ఇష్టం. అలా మా ప్రేమ ఇంటర్‌ వరకు హ్యాపీగా సాగింది. ఒకరోజు మా గురించి వాళ్ల అక్కకి ఎవరో చెప్పారు. దీంతో చాలా గొడవలు జరిగాయి. ఆ మరుసటి రోజే తను మా ఇంటికి వచ్చింది. తనకు ఎలాగోలా సర్ది చెప్పి వాళ్లింటికి పంపాను. తర్వాత సౌమ్యని కాలేజీ మాన్పించేశారని తెలిసింది. ఈ గొడవల వల్ల అలా జరిగిందేమో, కొన్ని రోజులకి అంతా మామూలైపోతుందిలే అనుకున్నా. కానీ అదే సంవత్సరం సౌమ్యకి పెళ్లి సంబంధాలు చూడటం, పదిహేను రోజుల్లో పెళ్లి..ఇలా అన్నీ వెంటవెంటనే జరిగిపోయాయి. అప్పుడు నాకు 17 సంవత్సరాలు. ఏం చెయ్యాలో కూడా తెలియని పరిస్థితి. తన ఇష్టంతో సంబంధం లేకుండా పెళ్లి చేశారు అని చాలా బాధపడ్డా.  ఐదేళ్ల తర్వాత స్కూల్‌ ఫ్రెండ్స్ గెట్‌ టుగెదర్‌లో తనని చూడగానే కన్నీళ్లు ఆగలేదు. నా వల్లే తనకి ఈ పరిస్థితి వచ్చింది కదా అని నా మీద నాకే కోపమొచ్చింది. తను ఎప్పటికీ సంతోషంగా ఉండాలని కోరుకుంటూ నీ శివ రాథోడ్‌. --శివ రాథోడ్‌ 

ఓ ఫంక్షన్‌లో చూశా తనని. చూడగానే నచ్చింది. ఎవరా అని ఆరా తీయగా తను మా మమయ్య కూతురు సంధ్య అని తెలిసింది. మా కుటుంబాల మధ్య నెలకొన్న గొడవల కారణంగా నా చిన్నప్పటి నుంచే మామయ్య వాళ్లతో మాకు మాటల్లేవు. సంధ్యని చూడటం అదే మొదటిసారి. తొలిచూపులోనే నచ్చేసింది.  సంవత్సరం అయ్యాక తన నుంచి కాల్‌ వచ్చింది. బావా నువ్వంటే నాకిష్టం అంది. నేను కూడా నా ప్రేమను వ్యక్తపరిచాను. మా కబుర్లకు గంటలు కూడా సెకన్లలా గడిచిపోయేవి. అలా ఐదు సంవత్సరాలు చాలా సంతోషంగా గడిచాయి. నిన్ను చూడాలనిపిస్తుంది బావా అనగానే క్షణాల్లో తన ముందు వాలిపోయేవాడ్ని. అంతా సరదాగా గడిచిపోతుందనుకున్న  సమయంలో తనలో మార్పు కనిపించింది. నన్ను కావాలనే దూరం పెట్టడం, ఫోన్‌ చేస్తే మాట్లాడకపోవడం లాంటివి చేసేది. ఇలా ఎందుకు చేస్తున్నావ్‌ అని అడిగితే..నాకు పెళ్లి ఫిక్స్‌ అయ్యింది. ఇక నాతో మాట్లాడకు అంది. మామయ్య వాళ్లింటికి వెళ్లా. సంధ్యాని నాకిచ్చి పెళ్లి చేయండి. మేమిద్దం ప్రేమించుకుంటున్నాం అని చెప్పాను. నీకు ఏముందని ఇవ్వాలి రా నా కూతుర్ని అని చాలా అవమానించారు. ఆ టైంలో నాకు జాబ్‌ లేదు. తండ్రి కోణంలో ఆయన కోపం సరైందే అనుకున్నా. సంధ్యని కలిశా. నీకు నామీద నమ్మకం ఉంటే నాతో వచ్చెయ్‌ అన్నా. నీకసలు జాబ్‌ లేదు. నీతో వచ్చి ఏం చెయ్యాలి? ఇప్పుడు మా అమ్మానాన్న చూసిన అబ్బాయికి గవర్నమెంట్‌ ఉద్యోగం ఉంది. తను కానిస్లేబుల్‌, ఒక జాబ్‌ సెక్యురిటీ ఉంది. నీతో వస్తే అడుక్కుతినాల్సిందే అంది. తను మాట్లాడిన మాటలకి నా గుండె ఆగినంత పనైంది. ప్రేమించే అమ్మాయే ఇలా మాట్లాడితే ఆ బాధ ఎంత దారుణంగా ఉంటుందో ప్రత్యక్షంగా అనుభవించాను. సంధ్య చేసిన గాయాల నుంచి బయటపడటానికి చాలా కాలం పట్టింది. తనకి పెళ్లయ్యింది. ఎంతో కష్టపడి సివిల్స్‌ రాశా. ఎస్‌ఐ ఉద్యోగం వచ్చింది. ఏమీ లేనప్పుడు తను నా పక్కన ఉంది. ఇప్పుడు నాకు జాబ్‌ వచ్చాక తను నాతో లేదు అని బాధపడని రోజు లేదు. ఉద్యోగరీత్యా ఒకరోజు ఓ ఏరియాలో పెట్రోలింగ్‌కి వెళ్లా. మా పీఎస్‌లో పనిచేసే కానిస్టేబుల్‌ సురేశ్‌ వాళ్ల ఇళ్లు అక్కడే కావడంతో నన్ను కాఫీ తాగడానికి వాళ్లింటికి పిలిచాడు. సరే అని వెళ్లా. ఆశ్చర్యం ఏంటంటే నేను ప్రేమించిన సంధ్య వాళ్ల భర్త సురేశే కావడం. తనని చూడగానే షాక్‌ అయ్యా. సురేశ్‌ నన్ను ..మా సబ్‌ ఇన్‌స్పెక్టర్‌ సర్‌ అని  సంధ్యకి పరిచయం చేశాడు. అవమాన భారంతో నన్ను తలెత్తి చూడలేకపోయింది. ఆరోజు ఏ జాబ్‌ కోసం నన్ను వదులుకుందో.. నేడు దాని కంటే పైస్థాయిలో నేనున్నాను. ప్రేమంటే స్థాయి, అంతస్తులు చూసి లెక్కలేసుకోవడం కాదు. ఏమీ లేకున్నా, ఏమీ ఆశించకుండా నేనున్నాను అనే భరోసా ఇవ్వడం. - అనిల్‌కుమార్‌ (జహీరాబాద్‌)

నేను పీజీ చదువుతున్న రోజుల్లో కీర్తిని (పేరు మార్చాం) ప్రేమించాను. ఆర్నెళ్లు తన చుట్టూ తిరిగాను. నా గురించి వాళ్ల ఫ్రెండ్స్‌ ఏం చెప్పారో తెలియదు కానీ నన్ను పట్టించుకోవడం మానేసింది. అప్పుడు అడిగా..ఎందుకిలా చేస్తున్నావ్‌ అని. నాకు ఇవన్నీ ఇష్టంలేదు, నాతో మాట్లాడకు అంది. నా ఫ్రెండ్స్‌ అందరితో బాగానే మాట్లాడేది. నాతో మాత్రం అస్సలు మాట్లాడకుండా, నేను మాట్లాడినా పట్టించుకునేది కాదు. చాలా బాధపడ్డా. ఇంక​ తనని  డిస్రబ్‌ చేయోద్దని డిసైడ్‌ అయ్యా. మా ఫైనల్‌ ఇయర్‌ ఎగ్జామ్స్‌ వచ్చాయ్‌. తర్వాత బెంగుళూరులో మంచి కంపెనీలో నాకు ఉద్యోగం దొరికింది.  ఓరోజు ఏదో అన్‌నౌన్‌ నెంబర్‌ నుంచి కాల్‌ వచ్చింది. ఎవరా అని ఫోన్‌ తీశా. కీర్తి అంది. ఒక్క క్షణం ఏం మాట్లాడలేక నా గొంతు మూగబోయింది. అప్పుడు ఎందుకు మాట్లాడలేదు అని అడిగా. భయం వేసింది, కాలేజీలో ఎవరైనా ఏమైనా అనుకుంటారేమో అని చెప్పింది. మరి ఇప్పుడు భయం లేదా అని అడిగా. లేదు అంది. అలా మాటలు పెరిగాయి. నా ప్రేమ మళ్లీ నాకు దగ్గరైందనుకొని చాలా సంతోషించా. ప్రతీరోజు కీర్తితో మాట్లాడకుండా నారోజు మొదలయ్యేది కాదు. ఇంతలో ఏమైందో ఏమో తెలీదు కానీ పది రోజుల నుంచి కీర్తి నుంచి ఫోన్‌ లేదు. నేను కాల్‌ చేస్తే..ఇంకోసారి నాకు ఫోన్‌ చేయకు, నేను నీతో మాట్లాడను అని చెప్పింది. అసలు ఏం అయ్యిందో, కీర్తి ఎందుకు ఇలా చేస్తుందో అర్థం కావడం లేదు. తన ఆలోచనల నుంచి దూరంగా బెంగుళూరులో ఉద్యోగం చేసుకుంటూ నా మానాన నేనుంటే తనే పలకరించింది. మనసుల మధ్య దూరాన్ని తన మాటలతో దగ్గరయ్యేలా చేసింది. ఇప్పుడు తను లేకుండా నేనుండలేను అనుకునేలా తనకి అడిక్ట్‌ అయ్యా. మళ్లీ నాకు దుఃఖాన్ని మిగిల్చి ఒంటరి చేశావా కీర్తి... నాగేశ్‌ (పలమనేరు)

నా పేరు సునీల్‌. కాలేజీలో చదువుతున్న రోజుల్లో ఓ అమ్మాయితో ప్రేమలో పడ్డాను. నా ప్రేమను మా అమ్మానాన్న ఒప్పుకోకపోవడంతో పిచ్చివాడిలా సుసైడ్‌కి కూడా ప్రయత్నించాను. విధి ఆడిన నాటకంలో మా ప్రేమ..పెళ్లి పట్టాలెక్కలేదు. కొన్నాళ్లకు తనకు వేరే వ్యక్తితో పెళ్లయ్యింది. ఆరోజే నిర్ణయించుకున్నా. ఇంక నా జీవితంలో పెళ్లి అనే పదానికి చోటివ్వకూడదని. ఉద్యోగరీత్యా నేను మలేషియా వెళ్లాల్సి వచ్చింది. మా కంపెనీలోకి కొత్తగా జాయిన్‌ అయ్యింది ఓ అమ్మాయి. తనకు పెళ్లయ్యింది. కానీ కొన్ని కారణాల వల్ల భర్తతో విడిపోయి..ఇద్దరు పిల్లలతో జీవితాన్ని కొనసాగిస్తుంది. ఎందుకో తెలీదు కానీ తను వచ్చాక నాలో కొత్త ఆశలు చిగురించాయి. వాళ్ల పిల్లల్ని కూడా నాకు పరిచయం చేసింది. తన మీద నాకున్న ఇష్టాన్ని వ్యక్తపరిచాను. కానీ  తన నుంచి ఎలాంటి రియాక్షన్‌ లేదు. నా ప్రపోజల్‌ను ఒప్పుకోలేదు. అలా అని నో కూడా చెప్పలేదు. ఇప్పటికీ ఇద్దరం మునుపటిలానే మాట్లాడుకుంటున్నాం. ఏదో ఒకరోజు నా ప్రపోజల్‌ను ఒప్పుకుంటుందనే నమ్మకం నాకుంది. తనుంటే నా జీవితం మరింత అందంగా మారనుందన్న నమ్మకంతో ఎదురుచూస్తున్నా.. --సునీల్ ‌( మలేషియా)

నా పేరు రాజు. నవ్య,నేను 14 ఏళ్లుగా ప్రాణానికి ప్రాణంగా ప్రేమించుకున్నాం. తనకి నేనంటే పిచ్చి ఇష్టం. నన్ను చాలా బాగా చూసుకునేది. మేం ఇద్దరం కలిసి తిరగని ప్రాంతం లేదు. షాపింగ్‌, సినిమాలు ఇలా కలిసే తిరిగేవాళ్లం. మా అమ్మ చనిపోయినప్పుడు ..నవ్య నాకు కాల్‌ చేసి ఇప్పట్నుంచి నేనే మీ అమ్మనంది. మాటల వరకే కాదు, నిజంగానే తను నన్ను అమ్మలా చూసుకుంది. అమ్మలేని బాధను దూరం చేయడానికి నన్నెంతో ప్రేమగా చూసుకునేది. నాకు ఇష్టమైనవన్నీ తనే స్వయంగా వండిపెట్టేది. ఇద్దరికీ ఒకరంటే ఒకరికి చాలా ఇష్టం. ఆ ప్రేమతోనే ఇద్దరం రహస్యంగా గుళ్లో పెళ్లి చేసుకున్నాం. ఆ తర్వాత అంతా బాగానే ఉందనుకుంటున్న టైంలో మా విషయం వాళ్లింట్లో తెలిసింది. తనను ఏం చేశారో, ఏం మాయమాటలు చెప్పారో తెలీదు కానీ 10 రోజుల్లోనే నన్ను వదిలేసింది. నాతో మాట్లాడటం లేదు. నా నెంబర్‌ బ్లాక్‌ చేసింది. నా మీద పోలీస్‌స్టేషన్‌లో ఎఫ్‌ఐఆర్‌ కేసు పెట్టారు. నా తప్పేంటో నాకే తెలియడం లేదు. ఇదంతా తనతో ఎందుకు చేయిస్తున్నారో తెలియడం లేదు. అసలు వాళ్లింట్లో తనను ఎంత బాధపెడుతున్నారో అని భయంగా ఉంది. ఏ తప్పు చేయని నాపై తప్పుడు కేసులు పెట్టారు. సరే తను నాతో సంతోషంగా ఉండదని వాళ్ల పేరేంట్స్‌ ఎలా డిసైడ్‌ చేస్తారు? మరి తనకు సంబంధాలు చూసి ఆ అబ్బాయితో సంతోషంగా ఉంటుందని వాళ్లు నాకు హామీ ఇవ్వగలరా? వాళ్ల పేరేంట్స్‌ ఆడిన నాటకంలో మేం ఇద్దరం బలిపశువులమయ్యాం. - రాజు (రాజమండ్రి)

ప్రాణంగా ప్రేమించాను. తనే జీవితం అనుకున్నాను. తన కోసం ఎవరినైనా ఎదురించాలి. తనతోనే జీవితం పంచుకోవాలనుకున్నా. కానీ తను నన్ను మోసం చేసి వెళ్లిపోయింది. తనను మొదటిసారి చూసినప్పుడే అనుకున్నా తను నా జీవితంలో ఉంటే ఎంత బావుండు అని. తననే చూస్తూ ఉండిపోయా. తన కళ్లు నన్ను మరింత ఆకర్షించాయి. కాసేపటికి తను వెళ్లిపోయింది. కానీ నా మనసు మాత్రం​తన చుట్టే తిరిగేది.  తన ఊహల్లో విహరిస్తున్న నాకు మళ్లీ తను ఎదురుపడింది. తను ఉండేది మేం ఉంటున్న వీధిలోనే అని తెలిసి చాలా సంతోషించా. ఓరోజు తనతో మాట కలిపా. సీరియస్‌గా చూసి వెళ్లిపోయింది. రోజూ నేను వెళ్లే దారిలోనే తను కూడా కాలేజీకి వెళ్తుంది అని తెలిసి..నా మొదటి క్లాస్‌ ఎగ్గొట్టి మరీ తన కోసం నిరీక్షించేవాడిని. ఫలితంగా కొద్ది రోజులకు ఫోన్‌నంబర్లు మారాయి. మాటలు పెరిగాయి. దూరం తగ్గింది. తనకి నేనంటే చాలా ఇష్టమని తను ప్రపోజ్‌ చేయగానే ఆనందంతో ఎగిరి గంతులేశా. అలా సరదాగా ఏడాది గడిచింది. నేను ఉన్నత చదువుల కోసం హైదరాబాద్‌ వెళ్లాను. అప్పటినుంచి తన  ప్రవర్తనలో చాలా మార్పు కనిపించింది. కాల్‌ చేస్తే లిఫ్ట్‌ చేసేది కాదు, మళ్లీ ఫోన్‌ చేస్తే కాల్‌వెయిటింగ్‌ వచ్చేది. కొత్త సిమ్‌కార్డులు కొనేది. నేను కలవడానికి వెళ్లినప్పుడు అవి దాచిపెట్టేది. ఏదో నెంబర్‌నుంచి మెసేజ్‌ వస్తే ఎవరు అని అడిగా. అన్నయ్య అని బదులిచ్చింది. ఆ నెంబర్‌కు నేను కాల్‌చేశా. నన్ను తన అన్నయ్యగా ఆ వ్యక్తికి చెప్పిందని తెలిసి మనసు విరిగిపోయింది.   తర్వాత మరో వ్యక్తి అర్ధరాత్రిపూట కాల్ చేసి బయటకు వెళ్దాం అన్నాడు. ఎవరు అని ప్రశ్నిస్తే తన నుంచి సమాధానం లేదు. ఎదురింటి వ్యక్తి అని తర్వాత తెలిసింది. అతనికి నన్ను అన్నయ్యగా పరిచయం చేసింది. నాకోసం హైదరాబాద్‌ వెళ్తున్న అని ఎదురింటి వ్యక్తితో చెప్పి ..మొదట నన్ను అన్నయ్యగా చెప్పిన వ్యక్తితో కలిసి వారం రోజులు హైదరాబాద్‌ తిరిగి వాళ్లింట్లోనే ఉందని తర్వాత తెలిసింది. తను ఇన్ని చేసినా..నా మనసు మాత్రం తననే కోరుకుంది. కానీ తను మాత్రం​నన్ను దారుణంగా మోసం చేసి నువ్వు నాకొద్దు అని చెప్పి వెరెవరినో పెళ్లిచేసుకుని వెళ్లిపోయింది. తను చేసిన మోసాన్ని భరించలేకపోయా. ఉన్న ఉద్యోగం వదిలేశా. పిచ్చోడిలా చీకటి గదిలో రోజుల తరబడి కూర్చుని ఏడ్చా... ఇప్పుడు నన్ను ఇష్టపడ్డ మనిషిని పెళ్లి చేసుకున్నా. తన పేరు వినిపించిన ప్రతిసారి పాత గాయం నొప్పెడుతూనే ఉంది.  -సంతోష్‌ 

ప్రేమ... అదొక అందమైన పదం. మనం నిజంగా ఒక వ్యక్తిని ప్రేమించి ఉంటే మనస్సలో వాళ్లకి  తప్ప వేరే వాళ్లకి  చోటివ్వలేం. అంత నిజాయితీ మన ప్రేమలో ఉంటే దేవుడు కూడా మన ప్రేమను ఓడించలేడు. ఇది నిజం.. నేను ఒకబ్బాయిని ప్రేమించాను. అతను కూడా నన్ను చాలా ప్రేమించాడు. కానీ కొన్ని పరిస్థితుల కారణంగా మా ఇంట్లో వాళ్లని అడగలేకపోయాడు. వాళ్లింట్లో అతనికి పెళ్లి ఒత్తిడి ఎక్కువైంది. చేసేది లేక ఇక బయటికి వెళ్లి పెళ్లి చేసుకుందాం అన్నాడు. కానీ నాకు అలాంటివి ఇష్టం లేక మససు చంపుకున్నాను. తల్లిదండ్రుల మనసు బాధపెట్టి మనం సంతోషంగా ఉండలేమనేది నా అభిప్రాయం. తర్వాత వాళ్ల అమ్మానాన్న చూసిన అమ్మాయిని పెళ్లి చేసుకున్నాడు. తను నా నుండి దూరమయ్యాక ఏడవని రోజు లేదు. బాధపడని క్షణం లేదు. కొన్నేళ్లకి తను మళ్లీ వచ్చాడు. నా నుంచి ఇన్నేళ్లు దూరంగా ఎలా ఉండగలిగావ్‌ అని గట్టిగా అరవాలనిపించింది. అప్పుడు చెప్పాడు. తను పెళ్లిచేసుకున్న అమ్మాయి ఒక ప్రమాదంలో చనిపోయిందని. తర్వాత మా ఇంట్లో వాళ్లందరినీ ఒప్పించి నన్ను పెళ్లిచేసుకున్నాడు. తను నన్ను వదిలేసి వెళ్లినప్పుడు అనిపించింది. నా ప్రేమలో నిజాయితీ ఉంది. ఏదో ఒకరోజు తను కచ్చితంగా నా దగ్గరకొస్తాడని. నా నమ్మకమే నిజమైంది. పరిస్థితుల కారణంగా ఆరోజు మేము దూరం కావాల్సి వచ్చింది. ఇప్పుడు అవే పరిస్థితుల వల్ల మేము ఒకటయ్యాం. ఒకటే చెప్పాలనుకుంటున్నా. మన ప్రేమలో నిజాయితీ ఉంటే ఎవరూ విడదీయలేరు. నిజంగా ఒక వ్యక్తిని ప్రేమిస్తాన్నామంటే ఎంత మంది వచ్చినా, వాళ్లని మరిచిపోలేం. ఎందుకుంటే అదే ప్రేమ కాబట్టి. - సావళ్ల పుష్ప  

డిగ్రీ అయిపోయాక గవర్నమెంట్‌ జాబ్స్‌కి ప్రిపేర్‌ అవుతున్న సమయంలో ఆర్‌ఆర్‌బీ పోస్టులు పడటంతో ఓ కోచింగ్‌ సెంటర్లో జాయిన్‌ అయ్యాను. చదువు, ఇళ్లు తప్పా ఇంకేమీ తెలియదు. ఇన్‌స్టిట్యూట్‌లో నాకు చాలా మంది ప్రపోజ్‌ చేశారు. కానీ నేను అవన్నీ పట్టించుకునేదాన్ని కాదు. ఒకరోజు లంచ్‌ టైంలో నాతో మాట్లాడటానికి ట్రై చేశాడు. ఏదో బుక్‌ కావాలనే సాకుతో మాట్లాడుతున్నాడు. లైట్‌ తీసుకున్నా. తర్వాత అప్పుడప్పుడు హాయ్‌, హలో చెప్పుకునేవాళ్లం. ఒకరోజు వచ్చి నా ఫేస్‌బుక్‌, ఇన్‌స్టాగ్రామ్‌ ఐడీ అడిగాడు. ఫ్రెండ్లీగానే అనుకొని నేను చెప్పా. తర్వాత ఫేస్‌బుక్‌లో మెసేజ్‌లు చేసేవాడు. చాలా క్యాజువల్‌గా మాట్లాడుకునేవాళ్లం. ఒకరోజు ప్రపోజ్‌ చేశాడు. తను చాలా మంచివాడు. ఎలాంటి బ్యాడ్‌ హ్యాబిట్స్‌ లేవు, నేనంటే చాలా ఇష్టం. ఇంకేముంది..తను వద్దని చెప్పడానికి నా దగ్గర ఒక్క కారణం కూడా లేదు. అలా తన ప్రపోజల్‌కి కొన్ని నెలల తర్వాత గ్రీన్‌ సిగ్నల్‌ ఇచ్చా.  కానీ మేం పెద్దగా మాట్లాడుకునేవాళ్లం కాదు. అప్పుడప్పుడు చాటింగ్‌, లేదా కాల్స్‌. ఒక్కసారి కూడా బయటికి వెళ్లలేదు. ఈ గ్యాప్‌లోనే తనకు మంచి జాబ్‌ వచ్చి చెన్నై వెళ్లిపోయాడు. అందరిలాగే మా రిలేషన్‌లోనూ చిన్నచిన్న గొడవలు అయ్యేవి. కొన్నిసార్లు రోజుల పాటు మాట్లాడకుండా ఉన్న పరిస్థితులు కూడా ఉన్నాయి. ఇంతలో మావాళ్లు నాకు పెళ్లి సంబంధాలు చూడటం మొదలుపెట్టారు. విషయం తనకు చెప్పా. పెద్దగా రెస్పాన్స్‌ ఏమీ లేదు. అసలు పట్టించుకునేవాడు కాదు. పైగా ఇలాంటి అనవసరమైన విషయాలు చెప్పి నా టైం వేస్ట్‌ చేయకు అని కసిరేవాడు. చాలా బాధేసేది. ఎవరికి చెప్పాలో అర్థమయ్యేది కాదు. రెండు నెలల తర్వాత నాకు ఓ సంబంధం ఫిక్స్‌ చేశారు మా పేరేంట్స్‌. విషయం చెప్పా. మళ్లీ అదే వెటకారం. కంగ్రాట్స్‌, హ్యాపీగా పెళ్లి చేసుకో అన్నాడు. నా గుండె పగిలినంత బాధ. ప్రేమించే వ్యక్తితో..నాకు వేరే వాళ్లతో పెళ్లి ఫిక్స్‌ అయ్యింది అని చెబితే కూడా బాధ్యతారాహిత్యంగా వ్యవహరించిన తనని ఏం అనాలి? నాకు ఏం చేయాలో అర్థం కాలేదు. ఈ పెళ్లి నాకు వద్దు అని గట్టిగా అరవాలనిపించేది. ఏమీ చేయలేని నిస్సహాయత. పెళ్లికి మావాళ్లు అన్ని ఏర్పాట్లు చేస్తున్నారు. ఇంతలో తన నుంచి కాల్‌ వచ్చింది. ఈ పెళ్లి క్యాన్సిల్‌ చేసుకో. నాకు నువ్వు కావాలి అని. ఈ విషయం నాకు పెళ్లి సంబంధాలు చూస్తున్నప్పుడూ రియాక్ట్‌ అయ్యుంటే పరిస్థితి వేరేలా ఉండేది. పెళ్లికి ఇంకా కొన్ని రోజులుండగా ఇలా చెబితే నేనేం చేయాలి?అప్పటికే పెళ్లి ఏర్పాట్లన్నీ అయిపోయాయి. ఇరు కుటుంబాల్లో నెలకొన్న సంతోషాన్ని, పరువును దూరం చేయడం ఇష్టంలేక..పెళ్లికి సిద్ధపడ్డాను. నా మ్యారేజ్‌ అయ్యాక తనే నన్ను మర్చిపోతాడులే అనుకున్నా. ఎందుకంటే తను అన్నింటినీ లైట్‌ తీసుకుంటాడు అనుకున్నా.  పరిస్థితులు మారాయి. నా పెళ్లి జరిగి మూడు నెలలైనా నన్ను మర్చిపోలేదు. నా కోసం పిచ్చివాడిలా మారాడని ఫ్రెండ్స్‌ ద్వారా తెలిసి..ఏడ్వటం తప్పా ఇంకేమీ చేయలేను. మా ఊర్లో తెలిసిన బందువుల ఇంట్లో ఫంక్షన్‌ ఉంటే వెళ్లాను. తను అక్కడికి వచ్చాడు. నీతో మాట్లాడాలి. బైక్‌ ఎక్కు అన్నాడు. తనకి నశ్చచెప్పడానికి ట్రై చేశా. తను నా మాట వినలేదు. నేనే అక్కడ్నుంచి వెళ్లిపోయా. తర్వాత తెలిసిందేమంటే తను ఆ రోజంతా అక్కడే నాకోసం వెయిట్‌ చేశాడని. చాలా సార్లు తనని కన్విన్స్‌ చేయడానికి ట్రై చేశా. తను మాత్రం అస్సలు వినట్లేదు. నా భర్తతో కలిసి దిగిన ఫోటోలు సోషల్‌ మీడియాలో పెడితే చాలు..తన కోపం కట్టలు తెచ్చుకుంటుంది. కోపంతో పిచ్చోడిలా బిహేవ్‌ చేస్తూ సూసైడ్‌కి కూడా ప్రయత్నించాడు. తను ఇలా చేస్తాడని అస్సలు ఊహించలేదు. ఇప్పటికీ నాతో వచ్చెచ్‌ పెళ్లిచేసుకుందాం అంటాడు. ప్రేమ మా జీవితాలతో ఎలా చెలగాటం ఆడుతుందో చూడండి. తన కోసం ఆరోజు నేనెంత ప్రాధేయపడ్డా, బతిమిలాడా...కానీ తను మాత్రం ఎంతో నిర్లక్ష్యంగా మాట్లాడాడు. ఇప్పడు నాకు వేరే అబ్బాయితో పెళ్లయ్యింది. విలువలు, కట్టుబాట్లను తెంచుకొని నీకోసం నేను రాలేనురా నన్ను క్షమించి. నా నిస్సహాయతను అర్థం చేసుకో. నా మీద ప్రేమ చంపేసుకో. నీకు నా కన్నా మంచి అమ్మాయి భార్యగా రావాలని కోరుకుంటున్నా. దయచేసి  నీ జీవితంలో ఇంకో అమ్మాయికి చోటివ్వు.  --- ఇట్లు నీ స్వీటి 

బావా అనే పదంలో ఉండే ప్రేమ, అనుభూతే వేరు. చిన్నప్పటి నుంచి ఒకరంటే ఒకరికి ఇష్టం. నా స్టడీ అయిపోయింది. ఉద్యోగం వచ్చాక ఇంట్లో చెప్పి పెళ్లి చేసుకుందాం అనుకున్నాం. అలా జాబ్‌ సెర్చింగ్‌లో ఉండగా కొన్ని రోజులు బావని దూరం పెట్టాను. ఆ దూరం మమ్మల్ని ఇలా విడదీస్తుందని కల్లో కూడా ఊహించలేదు. మా ఇద్దరి జీవితంలో తుఫానులా వచ్చింది ఒక అమ్మాయి. తను నా చిన్ననాటి స్నేహితురాలు. తనకు కూడా తెలుసు బావకి నేనంత ఇష్టమో, నాకు బావంటే ఎంత ఇష్టమో. అన్నీ తెలిసి కూడా తను నా బావను ఇష్టపడింది. ఇద్దరూ రిలేషన్‌లో ఉన్నారని మా ఫ్రెండ్స్‌ చెప్పారు. అయినా  నేనే నమ్మలేదు. ఎందుకంటే నా బావ మీద నాకున్న నమ్మకం. ఆ నమ్మకంతోనే బావతో పెళ్లి గురించి మా ఇంట్లో చెప్పాను. మొదట్లో ఒప్పుకోకపోయినా నా బలవంతంతో ఒప్పుకునేలా చేశాను అంత ఇష్టం నాకు బావంటే. అలాంటిది బావ నన్ను మోసం చేసి వెళ్లిపోయాడని తెలిసి తట్టుకోలేకపోయా. ఎంతో నరకం అనుభవించా ఇప్పటికీ అనుభవిస్తున్నా.   మా అమ్మ చనిపోయినప్పుడు తను నాకు బాసటగా నిలిచాడు. అమ్మ లేని బాధను దూరం చేసేంత ప్రేమ కురిపించాడు. ఇప్పుడు నన్ను పిచ్చిదాన్ని చేసి వెళ్లిపోయాడు. ఎందుకు? నా ప్రేమలో లోటుందా? బావా...నువ్వు నన్ను మోసం చేసి ఆ అమ్మాయిని పెళ్లిచేసుకొని వెళ్లిపోయినా నీమీద నాకు కోపం రావట్లేదు ఎందుకు? నిన్ను మర్చిపోలేక వేరే వాళ్లను పెళ్లిచేసుకోలేక ఇటు నాన్నని బాధపెడుతున్నా. ఇష్టం లేకున్నా..బాధనంతా గుండెల్లో పెట్టుకొని బతకాలా? ఎవరికోసం బతకాలి? తనే నా సర్వస్వం అనుకున్నా. అందరిలో తననే చూసుకున్నా. కానీ తను మాత్రం​ అందరిలా నన్ను చూశాడు. నా ప్రేమతో ఆడుకున్నాడు. నా మనసుతో ఆడుకున్నాడు. చిన్నప్పటి నుంచి నువ్వే నా ప్రాణం అని భావించా. అలాంటి నన్ను మోసం చేయాలని ఎలా అనిపించింది బావా? --అఖిల (పేర్లు మార్చాం)

తన పేరు మౌనిక (పేరు మార్చాం). టెన్త్‌  క్లాస్‌లో తనతో ప్రేమలో పడిపోయా. అది ప్రేమో ఏమో కూడా తెలియని వయసు. కానీ తనంటే చాలా ఇ‍ష్టం. ఆ తర్వాత ఆరేళ్లలో తను నా ప్రేమని అంగీకరించడం, అలా వన్‌సైడ్‌ లవ్‌ కాస్తా టూ సైడ్‌ లవ్‌గా మారింది. తర్వాత ఏం జరిగిందో తెలీదు కానీ మళ్లీ నన్ను ఒంటరి వాడ్ని చేసి వెళ్లిపోయింది. తన ఙ్ఞాపకాలతో రోజులు కూడా సంవత్సరాలుగా గడిచేవి. అలాంటి నా జీవితంలో మళ్లీ  ప్రేమ  చిగురించేలా చేసింది మానస (పేర్లు మార్చాం). మా ఆఫీస్‌లో నా సీనియర్‌ తను. నేను ఉద్యోగంలో చేరిన ఆర్నెళ్ల తర్వాత కానీ తనతో మట్లాడే అవకాశం రాలేదు. ఎలాగోలా తన నెంబర్‌ సంపాదించా. మెసేజ్‌లతో ప్రారంభమై.. తర్వాత రెగ్యులర్‌గా ఫోన్‌ చేసేవాడ్ని. నువ్వంటే నాకిష్టం అని చెప్పాలనిపించేది. కానీ ఏదో సందిగ్దత. తనకి నా ప్రేమను ఎలా వ్యక్తపరచాలో ఆలోచించేలోపే తనకి ఎవరేం చెప్పారో తెలీదు కానీ నన్ను దూరం పెట్టడం మొదలుపెట్టింది. నిన్ను ఫ్రెండ్ కన్నా ఎక్కువ ఊహించుకోలేను నీకు వేరే ఉద్దేశం ఉంటే మనం మాట్లాడుకోకూడదు అని చెప్పేసి మాట్లాడటం ఆపేసింది.. కాని తనకి ఎలా చెప్పాలో అర్దం కావడం లేదు నేను తన కోసం ఏదైనా చేస్తా అని. నా జీవితంలో  తనను తప్ప వేరే వాళ్ళని ఊహించుకోలేను. తన కోసం ఎన్ని రోజులైనా ఎదురుచూస్తాను. ఎప్పటికైనా తను నన్ను అర్థం చేసుకోవాలని కోరుకుంటూ ఓ ప్రేమ పిపాసి

కాలేజీలో చేరిన కొత్తలో ఓ రోజు... మా క్లాస్‌లోకి అడుగుపెట్టింది హెచ్‌ఆర్‌ఎమ్‌ లెక్షరర్‌. ఆమెను చూడగానే నా చిన్ననాటి స్నేహితురాలు? గుర్తుకు వచ్చింది. ఆమె వయసు నా కంటే 2,3 సంవత్సరాలు అటుఇటుగా ఉంటుంది. దీంతో ఆమె మీద అభిమానం మొదలైంది. ఆ రోజు క్లాస్‌లో హోం వర్కు ఇచ్చి మరుసటి రోజు రాసుకుని రమ్మంది. ఆమె మీద ఉన్న అభిమానంతో ఓ స్పైరల్‌ బైండింగ్‌ బుక్‌లోని పేపర్‌ చించిమరీ హోంవర్కు రాశాను. మరుసటి ఆమె అందరి దగ్గరా హోంవర్కు పేపర్లును కలెక్ట్‌ చేస్తోంది. నేను నా పేపర్‌ను ఆమెకిచ్చాను. ఆమె దాన్ని చూడగానే ‘ఏం బాబు! ఇంతకంటే మంచి పేపర్‌ దొరకలేదా?’ అంటూ ఆ పేపర్‌ను నా ముఖాన కొట్టినంత పనిచేసింది. నా ఈగో దెబ్బతింది! ‘ఏదో అభిమానం కొద్ది ఖరీదైన పుస్తకంలోని పేపర్‌ చించి రాస్తే.. నా ముఖాన కొడుతుందా’ అని ఆమె మీద అలిగాను. ఇందులో ఆవిడ తప్పుకుడా ఏం లేదు.. ఎందుకంటే ఇక్కడ ఆ పేపర్‌ అంచులు కుక్కలు చింపిన ఇస్తర్లలా ఉన్నాయి. అందుకే ఆమె కొప్పడ్డది. ఓ రోజు ఆమె క్లాసులు చెబుతుంటే నా లోకంలో నేను ఉన్నాను. ఇది గమనించిన ఆమె నన్ను పిలిచి ‘ ఏం బాబు! క్లాసు బోరుకొడుతోందా?’ అని అడిగింది. ఆమె అలా హఠాత్తుగా అడిగే సరికి నా గుండె జారిపోయినంతపనైంది. అందరిముందు బుక్కయ్యానన్న ఫీలింగ్‌. వెంటనే ‘లేదు మేడమ్‌’ అని చెప్పి క్లాసు మీద శ్రద్ధ చూపించాను. అప్పటినుంచి నాలో భయం, చిరుకోపం మొదలైంది. ఆమె క్లాసంటే కళ్లప్పగించి మరీ వినేవాడిని, ఆమె నన్ను టార్గెట్‌ చేస్తుందేమోనని కళ్లు కూడా పక్కకు తిప్పకుండా ఆమె వైపు చూసేవాడిని. ఓ రోజు క్లాసులోకి అడుగుపెట్టి పోడియం దగ్గరకు వెళ్లగానే ఆమె నన్ను పైకి లేపింది. నేను షాక్‌!. ఏవో క్వశ్చన్లు అడిగింది. ఏదో చెప్పటానికి ట్రై చేశా.. అరకొరగా చెప్పా. ఆ వెంటనే ఆమె ‘ బాగా చెప్పావ్‌! క్లాప్స్‌ కొట్టండమ్మా’ అంది మా క్లాస్‌ మేట్స్‌ని. ‘నేనేమి చెప్పానో నాకు కూడా అర్థం కాలేదు. ఈమెకు ఏం అర్థం అయ్యింది?’ అనుకున్నా మనసులో. అలా ఓ రెండు సార్లు అడిగింది. అప్పటినుంచి ఆమె చెప్పిన క్లాసులను శ్రద్ధగా వినేవాడిని, నేర్చుకునేవాడిని. అయితే క్లాసులో ఒక్కొక్కరిగా అందర్ని క్వచ్చన్లు అడిగి నన్ను మాత్రం అడిగేది కాదు. ఆ రోజునుంచి ఆమె మీద నాకు ఏదో తెలియని ఇది మొదలైంది. ఆమె క్లాసు చెప్పటానికి రాకపోతే ఏదో వెలితిగా అనిపించేది. ఆమె కారణంగా నాకు హెచ్‌ఆర్‌ సబ్జెక్టు ఇష్టమైన సబ్జెక్టుగా అయిపోయింది. యాధృచ్ఛికమో, దేవుడిలీలో వారంలో చాలా రోజులు మేము వేసుకున్న డ్రెస్‌ కలర్లు మ్యాచ్‌ అయ్యేవి. కాలేజ్‌ క్యాంపస్‌లో ఆమె ఎక్కడన్నా ఎదురైతే నా గుండె వేగంగా కొట్టుకునేది. అప్పుడప్పుడు మా కళ్లు కలుసుకునేవి. ఓ రోజు మార్కెటింగ్‌ క్లాస్‌ జరుగుతోంది. అప్పుడు తనొచ్చింది. హ్యాపీగా ఫీలయ్యా! చేతిలోంచి ఏదో కార్డు తీసి సార్‌కు ఇస్తోంది. ఏంటా అని చూస్తే పెళ్లి పత్రిక.. నేను షాక్‌! ఏదో తెలియని బాధమొదలైంది. ఆమెకు పెళ్లవుతుందని కాదు! నా నుంచి తను దూరం అయిపోతుందని. మరుసటి రోజు నీరసంగా క్లాస్‌కు వచ్చాను. మాటల సందర్భంలో ఆ పెళ్లి వాళ్ల అక్కదని తెలిసింది. చాలా సంతోషించాను. సైడ్‌ లుక్స్‌తో కాలం ఇట్టే గడిచిపోయింది. రెండేళ్లు పూర్తయ్యాయి. థర్డ్‌ ఇయర్‌ మొదలైంది. ఎన్నో జ్ఞాపకాలు, మరెన్నో తీపి గుర్తులు.. థర్డ్‌ ఇయర్‌ ఫస్ట్‌ సెమ్‌ పూర్తవుతున్నపుడు తను మా కాలేజీనుంచి వేరే కాలేజీకి వెళ్లిపోయింది. (గమనిక : ఇది నా వైపు నుంచి నేను ఊహించుకున్న ప్రేమ కథ) - వెంకీ, కర్నూలు లేదా worldoflove@sakshi.comకు మెయిల్‌ చేయండి

9వ తరగతి చదువుతున్నపుడు మా క్లాసులోకి కొత్తగా ఓ తమిళమ్మాయి వచ్చింది. తను ఏమంత అందంగా లేదు, నాకు అప్పట్లో ప్రేమ అంటే ఏంటో తెలియదు. ఓసారి బయట గొడవలలో ఆ అమ్మాయి అన్నతో గొడవ పడ్డాము. వాళ్ల అన్నతో గొడవపడినందుకు తను నాతో గొడవపెట్టుకుంది. అలా అలా ఎప్పుడూ క్లాస్లో గొడవపడే వాళ్లము. నేను లెక్కలు బాగా చేసేవాడిని. అందువల్ల నేను గ్రూప్ లీడర్‌గా ఉండే వాడిని. ఆ అమ్మాయి నా గ్రూప్లో మెంబర్. అలా మా మధ్య ఫ్రెండ్షిప్ మొదలయింది. 10వ తరగతిలో వేరే అమ్మాయి నాతో క్లోజ్‌గా ఉంటే తను నన్ను తిట్టేది. రోజు నా కోసమే త్వరగా స్కూల్కు వచ్చేది. అలా స్కూల్ లైఫ్ అయిపోయింది. అప్పట్లో ఫోన్స్ వాడకం లేకపోవడం వలన మా మధ్య ఎలాంటి పరిచయం లేకుండా పోయింది. ఇంటర్లో తను ఏదో సిటీలో.. నేను మా ఊరిలో చదువుకున్నాము. ఆ తర్వాత నేను బీటెక్ సిటీలోని మంచి కాలేజ్‌లో జాయిన్ అయ్యాను. క్లాస్‌లో మొదటి రోజు మొదటి బెంచ్లో ఒక అమ్మాయి కూర్చుని ఉంది. వెనుక నుండి చూడడానికి తను ఆచ్చం నా స్కూల్ ఫ్రెండ్లానే ఉంది. పలకరించడానికి వెళ్లాను కానీ తను వేరు. అలా నా బీటెక్ లైఫ్‌లో మొదటిగా ఒక అమ్మాయితో పరిచయం.. అదీ నా స్కూల్ ఫ్రెండ్ ఆలోచనలతో మొదలయింది. 7 సంవత్సరాల తరువాత టెన్త్‌ క్లాస్ వాళ్లము గెట్‌టుగెదర్‌ అయ్యాం. కానీ తను రాలేదు. ఇంకొక అమ్మాయి ద్వారా ఆ అమ్మాయి నెంబర్ దొరికింది. పలకరించడానికి కాల్ చేశా! తను నా కాల్ ఆన్సర్ చేసి ‘నేను బిజీగా ఉన్నా’ అని రిజెక్ట్ చేసింది. తరువాత రోజు తనే కాల్ చేసి సారీ అంది. బాగోగులు తెలుసుకున్నాం. అప్పటి నుండి నాలుగు నెలలు బాగా చాట్, కాల్స్ చేసుకునేవాళ్లము. ఒక రోజు తను పంపిన ప్రశ్న" వచ్చే జన్మలో నాతో నీకు ఎటువంటి రిలేషన్ కావాలి " దానికి నేను ‘ఫ్రెండ్’ అని సమాధానం ఇచ్చాను. అదే ప్రశ్న తనకు పంపి తన సమాధానం అడిగితే " భర్త " అని సమాధానం పంపింది. తన మీదున్న ఆసక్తి లేదా ఇష్టమో తెలియదు వెంటనే నా సమాధానం " దానికి వచ్చే జన్మ వరకు ఎదురుచూడాలా? " అని అడిగాను. తను " ఐ లవ్ యూ " అని మెసేజ్ పంపింది. నేను ‘లవ్ యు టూ’ అని రిప్లై పెట్టాను. అలా మొదలైన మా రిలేషన్ చిన్న గొడవలు పెద్ద పెద్ద గొడవలుగా మారి ఇద్దరం విడిపోయే వరకు వచ్చి.. మళ్లీ ఒకరికొకరు ఎదురు పడితే అన్ని విషయాలు మరచిపోయి జీవితంలో ముందుకు వెళ్లే వాళ్లము. అలా ఇద్దరం 11  సంవత్సరాలు ప్రేమలో గడిపాము. తను నా కోసం చాలా మారింది. నన్ను మా అమ్మలా చూసుకునేది. నా కోపాన్ని ముందే పసిగట్టేది. నాకు ఇష్టం లేని పని తనకు ఎంత ఇష్టమైనదైనా చేసేది కాదు. ఎప్పుడు నా ఆలోచనలతో నాతో మాత్రమే ఫోన్లో మాట్లాడేది. రోజులో చివరి మాటా నాతోనే మొదటి మాటా నాతోనే. ఇద్దరం మంచి పోజిషన్‌లో సెటిల్ అయ్యాము. నేను బిజినెస్‌లో.. తను జాబ్లో. హ్యాపీగా లైఫ్ వెళ్తున్న సమయంలో మా ఇంట్లో పెళ్లి చూపులు అరెంజ్ చేశారు. వెంటనే మా అమ్మకు మా విషయం మొత్తం చెప్పాను . తను వేరే కులం అని, వేరే ప్రాంతం అని ఒప్పుకోలేదు. చాలా సార్లు చెప్పిచూశా.. గొడవ పడినా మా ఇంట్లో వాళ్లు మారలేదు. అప్పుడు కూడా తనకు విషయాలు చెప్తూ ఫోన్లో మాట్లాడేవాడిని. నా బిజినెస్‌లో కష్టం వచ్చిన ప్రతిసారి తను నా పక్కన నిలబడి నాకు ఒక సపోర్ట్ ఇచ్చేది. ఇంటిలో గొడవలు, బిజినెస్ టెన్సన్స్.. తనకు జాబ్ టెన్సన్స్. ఇద్దరి వయసులు పెళ్లికి దగ్గరగా వస్తున్నాయి. ఇంట్లో వాళ్లు ఫోర్స్ చేస్తున్నారు. ఎంత చెప్పినా ఇంట్లో ఒప్పుకోలేదు. ఒకసారి ఆమెను కలిసి విషయం చెప్పి పట్టుకుని ఏడ్చేశా.  నా లైఫ్‌లో 22  సంవత్సరాల తరువాత నేను ఏడవడం చూసి తను ఏమనుకుందో తెలియదు . తరువాత తను, నన్ను నా ఫ్యామిలీ కోసం త్యాగం చేసింది. నా నెంబర్ బ్లాక్ చేసింది, ఎంత ప్రయత్నించినా తను నాతో మాట్లాడలేదు. కానీ ఫ్రెండ్స్ ద్వారా తెలుసుకుంటే తను 23  రోజులు రూమ్ నుండి బయటకు రాకుండా ఏడుస్తూ గడిపిందని. మూడు నెలలు తను నా ఆలోచనలతో రోజులు గడిపిందని తెలిసింది. నా ఫ్యామిలీ ఆనందం కోసం నన్నే త్యాగం చేసిన అమ్మాయిని కోల్పోయి నేను జీవితంలో ఓడిపోయాను. ప్రతి రోజు తన ఆలోచనలు, తన జ్ఞాపకాలే. బహుశా ప్రేమలో ఆనందం కన్నా బాధ ఎక్కువ ఉంటుందనడానికి మా జీవితాలు ఒక ఉదాహరణ. నా ప్రాణం ఉన్నంత వరకు తను ఎప్పటికి నా ప్రియురాలే తనే నా మొదటి ప్రేమ.. చివరి ప్రేమ. ఇట్లు నా" సిరి "ని అందుకోలేని దురదృష్టవంతుడు.. రాజు లేదా worldoflove@sakshi.comకు మెయిల్‌ చేయండి

నేను 2010లో 10వ తరగతి మా మావయ్య వాళ్ల ఇంట్లో ఉండి చదువుకున్నా. మావయ్యకి ఒక అమ్మాయి ఉంది. తన పేరు రేణుక తను నా కన్నా 2 ఏళ్లు చిన్నది. తనంటే నాకు చాలా ఇష్టం! నేనంటే కూడా తనకి చాలా ఇష్టం. మేము ఎప్పుడూ గొడవ పడుతూనే ఉండేవాళ్లం. నా 10వ తరగతి అయిపోయాక నేను మా ఊరికి వెళ్లిపోయా. వాళ్ల ఇంటి నుంచి వచ్చినప్పటి నుంచి నాకు నా మరదలే గుర్తొచ్చేది. తనకి ఎలాగైనా నా ప్రేమ గురించి చెప్పాలనుకున్నా. ఒక రోజు వాళ్ల ఇంటికి వెళ్లా. ’నీతో మాట్లాడాలి’ అని అన్నా. తను ‘ఏంటి చెప్పు!’ అంది. నాకు ధైర్యం చాలలేదు.. చాలా భయం వేసింది. మేము భోజనం చేసే టైమ్‌లో నా దగ్గర ఉన్న కీ పాడ్‌ సెల్‌ ఫోన్‌లో ఐ లవ్‌ యూ సింబల్స్‌ చూపించా. అది చూసి నా మరదలు ‘ఏంటి’ అని నవ్వింది. నేను కొంచెం ధైర్యం చేసి ‘నేను నిన్ను ప్రేమస్తున్నాను’ అని చెప్పేశా. తను ఏం మాట్లాడలేదు. ఆ రోజు నేను మా ఇంటికి వెళ్లిపోయాను. రెండురోజుల తర్వాత తను నాకు ఫోన్ చేసింది! వాళ్ల నాన్న ఫోన్ నుండి. ఆ రోజు నాకు ఇప్పటికీ గుర్తుంది 2010 నవంబర్‌ 15. ఆ రోజు తను ఫోన్ చేసి ‘నువ్వంటే నాకు చిన్నప్పటి నుంచి చాలా ఇష్టం’ అని చెప్పింది. ఇక చూడు నా ఆనందానికి హద్దే లేకుండా పోయింది. ఆ రోజు అంతా నిద్ర కూడా పట్టలేదు. తన గురించే ఆలోచిస్తూ ఉండిపోయా. అలా రెండు సంవత్సరాలు గడిచిపోయింది. 2012లో నేను పాలిటెక్నిక్‌ మూడో సంవత్సరం. తనేమో పదో తరగతి చదువుతోంది. అప్పుడే మా విషయం ఇంట్లో తెలిసిపోయింది. ఆ రోజు చాలా పెద్ద గొడవ అయ్యింది. మా మావయ్య నా మరదలని కొట్టాడు కూడా. ఇంట్లో ఎంత తిట్టినా, కొట్టినా నేనే కావాలని చెప్పేసింది. ‘పెళ్లంటూ చేసుకుంటే బావనే చేసుకుంటా’ అని చెప్పింది. ఆ రోజు నుంచి వాళ్ల ఇంటికి వెళ్లడం మానేశా. ఓ సంవత్సరంనర్ర పాటు మేము ఒకరినొకరం కలవలేదు, మాట్లాడుకోలేదు. మా ప్రేమ గురించి మా ఇంట్లో.. వాళ్ల ఇంట్లో మా బంధువులందరికీ తెలిసిపోయింది. 2013లో పాలిటెక్నిక్‌ కంప్లీట్‌ అయ్యాక నాకు జాబ్ వచ్చింది. జాబ్ చేస్తూ ఆ అమ్మాయిని తలుచుకుంటూ అలా రోజులు గడిచిపోయాయి. తను ఇంటర్ కాలేజ్‌లో జాయినయ్యింది. ఒకరోజు తను నాకు ఫోన్ చేసింది. వాళ్ల ఫ్రెండ్ మొబైల్ నుంచి. ఆ రోజు మేము చాలా మాట్లాడుకున్నాం. వాళ్ల ఇంట్లో ఏమంటున్నారో చెప్పింది. ‘తనకి ఇష్టమైన వాళ్లనే ఇచ్చి పెళ్లి చేస్తా’ అని వాళ్ల నాన్న అన్నాడని చెప్పింది. నాకు చాలా ఆనందం వేసింది. అప్పటినుంచి మేము మళ్లీ డైలీ ఫోన్ కాల్స్, మెసేజ్‌లు చేసుకునే వాళ్లం. నేను డైలీ వాళ్ల కాలేజీ దగ్గరకు వెళ్లి కలిసేవాడిని. అలా ఓ సంవత్సరం గడిచిపోయింది. 2015లో నేను ఇంటిదగ్గరలో జాబ్ చేస్తే వాళ్ల నాన్నకి ఎక్కువుగా కనిపిస్తూ ఉంటానని హైదరాబాద్‌లో జాబ్ చూసుకుని వెళ్లిపోయా. అలా మూడు సంవత్సరాలు గడిచిపోయింది. 2018 నా మరదలు డిగ్రీ అయిపోయింది. తనకు క్యాంపస్ ఇంటర్వ్యూలో జాబ్ వచ్చింది. విప్రో కంపెనీ హైదరాబాద్‌లో. నేను చాలా హ్యాపీగా ఫీల్ అయ్యాను. తను హైదరాబాద్ వచ్చేసింది. మేము డైలీ మీట్ అయ్యేవాళ్లం. ఫోన్ కాల్స్, మెసేజెస్ ఇలా మేము చాలా దగ్గరైపోయాం.  - రాజు, కాకినాడ లేదా worldoflove@sakshi.comకు మెయిల్‌ చేయండి

నేను బీటెక్‌ పూర్తి చేసిన తర్వాత ఇంటి దగ్గర ఉన్నాను. అప్పుడు మా నాన్న గారికి యాక్సిడెంట్ అయితే హాస్పిటల్ ఉన్నాను. ఒక వారం రోజులు అక్కడే ఉన్నాను. నేను మా అమ్మ, నాన్నమ్మ అక్కడే ఉన్నాం. అప్పుడే ఫేసుబుక్‌లో ఒక మెసేజ్ వచ్చింది ‘హాయ్’ అని, నేను కూడా ‘హాయ్’ అని రిప్లై ఇచ్చాను. తనకి నేను తెలిసిన వారిలా చాట్ చేశాడు. నేను మా బాబాయిని అడిగాను.. ఇలా ఎవరో చాట్ చేస్తున్నారని. తను నీకు వరసకి బావ అవుతాడని చెప్పాడు. మన వాళ్లే కదా అని చాట్ చేశాను. చాటింగ్ తరవాత కాల్స్.. అలా అలా చాలా మాట్లాడుకున్నాము. తను నాకు ప్రపోస్‌ చేశాడు. నాకు అలాంటి ఆలోచన లేదన్నాను. నాకు చదువు, మా ఫ్యామిలీతో హ్యాపీగా ఉండటం అదే తెలుసు. తను నన్ను పెళ్లి చేసుకుంటానన్నాడు. నాకు కొంత టైం కావాలి అన్నాను. ఒక రోజు నాన్న గారిని హాస్పిటల్ తీసుకుని వెళ్లాం. తను ఆ రోజు మా దగ్గరకు వచ్చాడు. అదే ఫస్ట్ టైం తనని చూడటం! చూడగానే తను నాకు నచ్చారనిపించింది. మా ఇంట్లో చెప్పాను. కులాలు కూడా ఒక్కటే అవ్వటం వల్ల మా ఇంట్లో ఒపుకున్నారు. ‘మా ఇంట్లో ఒప్పుకోవాలంటే మంచి జాబ్ తెచ్చుకోవాలి. అప్పుడే మా ఇంట్లో చెప్తాను’ అన్నాడు. అవును కదా మంచి పొజిషన్‌లో ఉంటే అందరికీ మంచిది కదా అని అనుకున్నాను. తను జాబ్ కోసం హైదరాబాద్ వెళ్లాడు. కానీ తనకి జాబ్ రాలేదు. నాకు హైదరాబాద్‌లో జాబ్ వచ్చింది. నేను హైదరాబాద్ వెళ్లాను. రోజులు గడుస్తున్నా తనకి జాబ్ రాలేదు. మా ఇంట్లో నాకు మంచి సంబంధాలు వస్తున్నాయి. ‘తనకి జాబ్ లేదు కదా! ఈ సంబంధం చేసుకో’ అని మా నాన్నమ్మ ఫోర్స్ చేసింది. అప్పుడే తనకి నాకు తెలిసిన ఆఫీసులోనే జాబ్ ఇప్పించాను. మా ఇంట్లో ‘పెళ్లి చూపులకు వచ్చి వెళ్లు’ అని ఫోర్స్ చేశారు. నేను ఆ విషయం తనకి చెప్పాను. ఒకసారి వెళ్లిరా .. అని చెప్పాడు. కానీ తనకు జాబ్ చేసే దగ్గర ఒక అమ్మాయి పరిచయం అయింది. తను నన్ను అవాయిడ్ చేయడం మొదలు పెట్టాడు. కానీ నాకు నాకు తెలియదు వాళ్లు లవ్ చేసుకుంటున్నారని. నేను అడిగాను ‘ఎందుకు బావ నన్ను అవాయిడ్ చేస్తున్నావ్! అని అప్పుడు నన్ను చాలా తిట్టాడు. పెళ్లి చూపులకి ఎందుకు వెళ్లావ్ అని. కానీ, నిజం ఏమిటంటే తను వెళ్లమంటేనే నేను వెళ్లాను. మా ఇంట్లో టైం అడిగి వచ్చాను. అది తను నమ్మలేదు. నన్ను వదిలించుకోవడానికే ఇదంతా చేశారని నాకు తెలిసింది.  నాకు తనంటే చాలా ఇష్టం తన కోసం ఏమైనా చేస్తా అని తెలుసు. అందుకేనేమో తను త్వరగా ఆ అమ్మాయిని వాళ్ల ఇంట్లో చెప్పి 15రోజులకే పెళ్లి చేసుకున్నారు. నాకు చచ్చిపోవాలనిపించింది. చాలా ఏడ్చాను, కానీ తను చాలా హ్యాపీగా ఉన్నాడు. అబ్బాయిని ప్రాణం కన్నా ఎక్కువగా ప్రేమించాను. అదే నా ఫస్ట్ లవ్ కూడా. కానీ ఎప్పుడు తను హ్యాపీగా ఉండాలని ఆ దేవుడిని కోరుకుంటున్నాను. - బుజ్జి, గుంటూరు లేదా worldoflove@sakshi.comకు మెయిల్‌ చేయండి

ఉన్నత చదువుల కోసం స్వగ్రామాన్ని వదిలి విశాఖపట్నంలో చదువుకుంటున్న రోజులవి. 2010 అక్టోబర్ 10న అమ్మ డబ్బులు పంపితే తీసుకోవడానికి ఆర్టీసీ బస్టాండుకు వెళ్లా. అక్కడే తనని మొదటిసారి చూశా. తనకి, నాకు సుమారు 50 అడుగులకుపైగా దూరం. తన కళ్లు నన్ను ప్రత్యేకంగా ఆకర్షించాయి. నేను కూడా తననే చూస్తూ ఉండిపోయా. కాసేపటికి తను వెళ్లిపోయింది. తన వెంటే వెళ్దాం అనుకున్నా. కానీ కుదరలేదు. అలా అప్పటికి తనని మిస్ అయ్యా. కానీ తన ఊహల నుండి దూరం కాలేకపోయా. దాదాపు పది రోజులు గడిచింది. మళ్లీ నేను బస్సులో ఉండగా.. తను ఎదురుగా బస్సు కోసం చూస్తోంది. అప్పుడూ తను నన్ను చూసింది. తన కళ్లు నన్ను వెంటాడుతూనే ఉన్నాయి. మరో నాలుగు రోజులకి అంటే అక్టోబర్ 24న మేం ఉంటున్న వీధిలో కనిపించింది. నాకోసమే వచ్చిందేమో అనుకున్నా. కానీ తను ఉండేది మా వెనుక వీధిలోనేనని తెలిసింది. ఆలస్యం చేయడం ఇష్టం లేక వెంటనే పేరు అడిగి తెలుసుకున్నా. పేరు కాస్త పాతగానే ఉండడంతో ఓ... అన్నా. అంతే నా వైపు సీరియస్‌గా చూసింది. నేను సర్ది చెప్పేలోగా వెళ్లిపోయింది. తన వెంటే వెళ్లా. తను రోజూ ఆ దారిలోనే కాలేజీకి వెళ్తోందని తెలిసి.. నా మొదటి క్లాస్ ఎగ్గొట్టి మరీ తనకోసం ఎదురు చూసేవాణ్ని. తర్వాత కొద్ది రోజులకు ఫోన్ నెంబర్లు మారాయి, మాటలు పెరిగాయి. నిజానికి తనంటే నాకు ఎంత ఇష్టమో తనకి నేనంటే అంతకంటే ఇష్టమని చెప్పింది. తనే ప్రపోజ్ చేసింది. ఆ క్షణం కోసమే ఎదురు చూస్తున్న నేను ఏమాత్రం ఆలస్యం చేయకుండా ఓకే చెప్పా. అలా ఏడాది గడిచింది. నేను పైచదువుల కోసం హైదరాబాద్ వచ్చా. అప్పటి నుండి తన ప్రవర్తనలో చాలా మార్పు వచ్చింది. కాల్ చేస్తే లిఫ్ట్ చేసేది కాదు. ఎప్పుడూ కాల్ వెయిటింగ్. కొత్త కొత్త సిమ్ కార్డులు తీసుకునేది. కలిసినప్పుడు ఆ సిమ్ కార్డులు తీసి తన పర్సులో పెట్టేది. ఒక సారి ఏదో నెంబర్‌ నుండి మెసేజ్ వస్తే ‘ఎవరు’ అని అడిగా ‘అన్నయ్య’ అని చెప్పింది. ఆ నెంబర్‌కు కాల్ చేశా. నన్ను తన అన్నయ్యగా ఆ వ్యక్తికి చెప్పిందన్నాడు. మనసు విరిగిపోయింది. తర్వాత మరో వ్యక్తి అర్ధరాత్రిపూట కాల్ చేసి బయటకు వెళ్దాం అన్నాడు. ఎవరు అని ప్రశ్నిస్తే సమాధానం లేదు. ఎదురింటి వ్యక్తి అని తర్వాత తెలిసింది. చివరికి నేను హైదరాబాద్లో ఉంటే నాకోసం హైదరాబాద్ వెళ్తున్నా అని తన ఎదురింటి వ్యక్తికి చెప్పింది. కానీ నన్ను అన్నయ్యగా పరిచయం చేసిన వ్యక్తితో కలిసి హైదరాబాద్ మొత్తం తిరిగి వారం రోజులు వాళ్లింట్లోనే ఉందని తర్వాత తెలిసింది. అయినా తనే కావాలనుకున్నా. చివరికి నువ్వు నాకొద్దు అంటూ వేరొకరిని పెళ్లి చేసుకుని వెళ్లిపోయింది. నాకు కన్నీరు మిగిల్చింది. తను చేసిన మోసాన్ని భరించలేకపోయా. ఉన్న ఉద్యోగం వదిలేశా. పిచ్చోడిలా చీకటి గదిలో రోజుల తరబడి కూర్చుని ఏడ్చా. ఇప్పుడు నన్ను ఇష్టపడ్డ మనిషిని పెళ్లి చేసుకున్నా. తన పేరు వినిపించిన ప్రతిసారి పాత గాయం నొప్పెడుతూనే ఉంది.. గొంతు మెలిపెడుతూనే ఉంది. - సంతోష్‌, విజయవాడ లేదా worldoflove@sakshi.comకు మెయిల్‌ చేయండి

నేను ఆరవ తరగతి కంప్లీట్‌ చేసుకుని ఏడవ తరగతికి స్కూల్‌ మారాను. 2008లో మొదటిసారి స్కూల్లోకి అడుగుపెట్టాను. అలా స్కూల్లోకి అడుగుపెట్టిన మొదటిసారి నేను చూసిన అమ్మాయి తను. 2012లో నా టెన్త్‌ క్లాస్ కంప్లీట్‌ అయ్యేవరకు నేను మాట్లాడలేదు. చివరి రోజు తనతో మాట్లాడిన మాటలు ‘ఎగ్జామ్‌ ఎలా రాశావ్‌?’ అని. తను బాగా రాశానని చెప్పింది. తనను ఆ రెండు మాటలు అడగటానికి చాలా ధైర్యం తెచ్చుకుని వెళ్లాను. నాలో ఉన్న ప్రేమను మాత్రం చెప్పలేకపోయాను. తర్వాత నా పదో తరగతి క్లాస్‌మేట్స్‌తో ఎవరితోనూ నేను టచ్‌లో లేను. నాలుగేళ్ల తర్వాత మా స్కూల్‌ ఫ్రెండ్‌ ‘ఫేస్‌బుక్‌లో తన ఐడీ చూసి రిక్వెస్ట్‌ పంపించు’ అని ఐడియా ఇచ్చాడు. 2011- 2012లో మా స్కూల్‌ రీయూనియన్‌ అయ్యాము. అలా మళ్లీ తనని కలుసుకున్నా. అప్పుడు కూడా మాట్లాడలేదు.  తన మొబైల్‌ నెంబర్‌ తీసుకుని మా ఫ్రెండ్‌ దగ్గర నుంచి హాయ్‌ అని మెసేజ్‌ చేస్తే తను ఇచ్చిన రిప్లై ఇప్పటికీ మర్చిపోలేను. ‘హాయ్‌ పవర్‌ స్టార్‌’ అని తను రిప్లై ఇచ్చింది. తర్వాత ఓ రెండు నెలలు బాగా మాట్లాడుకున్నాం. నా ప్రేమను ఎలాగైనా తనకు చెప్పాలని మెసేజ్‌ చేశా. తను నా ప్రేమను ఒప్పుకోలేదు. అలా అని ఎవర్నీ ప్రేమించలేదు. అమ్మానాన్న చూసిన అతన్ని చేసుకుంటా అంది. నేను తనకు ఇష్టం లేకపోయినా ప్రేమించు అని బ్యాడ్‌గా బిహేవ్‌ చేశా. తను నాకు దూరమై 3 సంవత్సరాలు గడిచింది. తను దూరమైన తర్వాత నాకు అర్థమైంది. నేను ప్రేమించటం.. తను నన్ను ప్రేమించాలని అనుకోవటం నా తప్పు. ఇద్దరూ ప్రేమించుకునే అవకాశం దేవుడు కొందరికి మాత్రమే ఇస్తాడు. అలాంటి వాళ్లు చాలా లక్కీ.. తను చెన్నైలో ఉంటుంది. 2017లో వరదలు వచ్చినపుడు తనకోసం వెళ్లాను. ఓ రెండు రోజులు తిరిగాను. తను కనిపించలేదు. తెచ్చుకున్న డబ్బు అయిపోయింది. ఆమె కోసం తీసుకెళ్లిన ఫుడ్‌ అక్కడున్న వాళ్లకు ఇచ్చేశాను. వాళ్లతో కలిసి అక్కడే నేనూ తిన్నాను. తర్వాత తనని నేను కలవలేదు. తను లేదని నేను ఎప్పుడూ బాధపడలేదు! తనెప్పుడూ నాతోనే ఉంది. - జగదీశ్వర్‌రెడ్డి లేదా worldoflove@sakshi.comకు మెయిల్‌ చేయండి

నా మరదలు అంటే నాకు చిన్నప్పటి నుంచి మహా ఇష్టం. ఆమె గుణం మంచిది! అందుకే ఇష్టపడేవాడ్ని. మేము పెద్దగా మాట్లాడుకోలేదు కానీ ఫంక్షన్స్‌కు వెళ్లినపుడు ఆమెని చూసేవాడిని. కాలం గడిచింది. ఆమె డిగ్రీ చేసే టైంలో ఫోన్లో మాట్లాడేవాడిని. సంతోషంగా అనిపించేది. ఆమె గురించి ఇంకా ఎక్కువ తెల్సింది. ఇంకా ఇష్టపడ్డాను. నాకు పెళ్లి సంబంధాలు చూసే సమయం అది. నా మరదలిని చేసుకోవటం నాకు ఇష్టం. కానీ, ఆమెకి నేను అంటే ఇష్టమో కాదో తెలీదు. మా మధ్య వయస్సు కూడా పది సంవత్సరాలు వ్యత్యాసం ఉంది. ఇంకోటి ఆమె ఇంకా చదువుతూనే ఉంది. వాళ్లకి మాకు కూడా అప్పట్లో అంత మంచి సంబంధాలు లేవు. అందుకే ఆ అమ్మాయి నా జీవితంలోనుంచి మిస్ అయిపోయింది.   కొంత కాలానికి గాని నాకు అర్ధం కాలేదు! జీవితంలో ఒక విలువైన ముత్యాన్ని కోల్పోయా అని. ఇప్పటికి ఆమెతో మాట్లాడే అవకాశం ఉంది. కానీ నా ప్రేమను మాత్రం ఆమెకి వ్యక్తపర్చలేను. అమ్ములు నిన్ను నా మనసులో నుంచి.. హృదయంలో నుంచి ఎప్పటికీ తీసివేయలేను. అది నా వల్ల కాదు. అతి ప్రేమ వల్ల నిన్ను ఇబ్బంది పెట్టి బాధ పెట్టాను. నన్ను క్షమించి అర్ధం చేసుకో. నాకు ఇక ఎవరూ లేరు. నీ స్థానం భర్తీ చేసేవాళ్లు కూడా లేరు.  - ప్రేమ్‌ సాగర్‌, ఖమ్మం చదవండి : నా మీద కేసు పెట్టింది.. భయంగా ఉంది షాకింగ్‌ న్యూస్! చాలా కూల్‌గా చెప్పింది! లేదా worldoflove@sakshi.comకు మెయిల్‌ చేయండి

మేమిద్దరం దాదాపు 14ఏళ్లనుంచి ప్రేమించుకుంటున్నాము. తను నన్ను చాలా ఇష్టపడింది. నన్ను చాలా బాగా చూసుకునేది. మేమిద్దరం కలిసి తిరగని ప్రదేశమంటూ ఏదీ లేదు. షాపింగ్‌లు, సినిమాలు, బీచ్‌లు ఎక్కడికిపడితే అక్కడికి వెళ్లేవాళ్లము. అమ్మ చనిపోయినపుడు నాకు ఫోన్‌ చేసి ‘నేనే మీ అమ్మను’ అని చెప్పింది. అప్పటినుంచి తనంటే నాకు ప్రాణం. తను లేకుండా నేను అసలు ఉండలేకపోయేవాడిని. నా కోసం చాలా రిస్క్‌లు చేసింది. ఇద్దరం ఇష్టపడి పెళ్లి కూడా చేసుకున్నాం. సడెన్‌గా ఓ రోజు మా ఇద్దరి సంగతి మా వాళ్లకు తెలిసిపోయింది. ఆ అమ్మాయికి ఏం చెప్పారో తెలియదు కానీ, పదిరోజుల్లో నన్ను వదిలేసింది. నా ఫోన్‌ నెంబర్‌ బ్లాక్‌ చేసింది. నాతో మాట్లాడటం మానేసింది. నన్ను మానసికంగా కృంగదీసింది. నిద్ర మాత్రలు వేసుకుంటేనే కానీ, నిద్రరాని పరిస్థితి ఏర్పడింది. ఏం జరిగిందో నాకేమీ అర్థంకావటం లేదు. దానికి తోడు నామీద కేసుకూడా పెట్టింది. ఎఫ్‌ఐఆర్‌ నమోదు చేశారు. కేసు నడుస్తోంది. నేనేమి తప్పు చేశానో నాకు తెలియటం లేదు. నా బాధ ఏమిటంటే రేపు వేరే వ్యక్తిని పెళ్లి చేసుకుంటే. ఆ వ్యక్తికి మా పెళ్లి విషయం తెలిస్తే తనను ఏం చేస్తాడోనని భయంగా ఉంది. ఏం చేయాలో దిక్కుతోచని స్థితిలో ఉన్నా. వాళ్ల పేరెంట్స్‌ ఆడిన గేమ్‌లో బలిపశువునయ్యాను.  - రాజు, రాజమండ్రి. చదవండి : షాకింగ్‌ న్యూస్! చాలా కూల్‌గా చెప్పింది! ప్రేమ ఓకే! పెళ్లికి ఇంట్లో ఒప్పుకోరు.. లేదా worldoflove@sakshi.comకు మెయిల్‌ చేయండి

2016 అక్టోబర్‌ 12న ఓ వాట్సాప్‌ మెసేజ్‌ ద్వారా తనతో పరిచయం ఏర్పడింది. తను నా ఫ్రెండ్‌ వాళ్ల కజిన్‌ సిస్టర్‌. ఉద్యోగం కోసం నా ఫ్రెండ్‌ తనకు నా ఫోన్‌ నెంబర్‌ ఇచ్చి కాంటాక్ట్‌ అవ్వమంది. అందుకే తను నాకు మెసేజ్‌ చేసింది. వాట్సాప్‌లో తన డీపీ చూడగానే తనతో ప్రేమలో పడిపోయా. బహుశా అది లవ్‌ ఆట్‌ ఫస్ట్‌ సైట్‌ అనుకుంటా. ఇలా డైలీ మెసేజ్‌లు, ఫోన్‌కాల్స్‌తో మా పరిచయం ప్రేమగా మారింది. ఓ రోజు నేను తనకు ప్రపోజ్‌ చేశా. తను నా ప్రేమను అంగీకరించింది. ఓ సంవత్సరం పాటు డీప్‌ లవ్‌లో ఉన్నాము. లేట్‌ నైట్‌ చాటింగ్స్‌, ఫోన్లు మాట్లాడుకునేవాళ్లం. ఓ రోజు నేను మా పేరెంట్స్‌కు మా ప్రేమ విషయం చెప్పేశాను. మా వాళ్లు ఒప్పుకున్నారు. మా పేరెంట్స్‌ వెళ్లి తన పేరెంట్స్‌తో మాట్లాడారు. అయితే వాళ్లు ఒప్పుకోలేదు. మేము మా పేరెంట్స్‌కు తెలియకుండా మ్యారేజ్‌ చేసుకోవాలని డిసైడ్‌ అయ్యాము. తను ఎప్పుడైనా నన్ను పెళ్లి చేసుకోవటానికి రెడీగా ఉండేది. కానీ, నేను కొద్దిగా టైం తీసుకుని పెళ్లి చేసుకుందాం అని కన్విన్స్‌ చేస్తూ వచ్చాను. అలా 2019 ఆగస్టు వరకు టైం వేస్ట్‌ చేశాను. తను సడెన్‌గా నా మెసేజ్‌లకు, కాల్స్‌కు రిప్లై ఇవ్వటం మానేసింది. నేను తన రిప్లై కోసం ఓ రెండు, మూడు రోజులు ఎదురుచూశాను. కానీ, లాభం లేకపోయింది. నేను వేరే రాష్ట్రంలో ఉద్యోగం చేస్తున్న కారణంగా తనని నేరుగా కలవటం వీలుకాలేదు. ఓ వారం తర్వాత తనని కలిశాను. ‘ఏంటి ప్రాబ్లమ్‌’ అని తనని అడిగా.’ అప్పుడు తను ‘నాకు ఎంగేజ్‌మెంట్‌ ఫిక్స్‌ అయింది.’ అని షాకింగ్‌ న్యూస్‌ను కూడా చాలా కూల్‌గా చెప్పింది. ఆ నిమిషం నేనేం చేయాలో అర్థం కాలేదు. తనను కన్విన్స్‌ చేయటానికి చాలా ట్రై చేశాను. తను ఒప్పుకునే పరిస్థితిలో లేదు. ఫోన్‌ నెంబర్‌ మార్చేసింది. నేరుగా వాళ్ల ఇంటికి వెళితే.. తన పేరెంట్స్‌​ నన్ను తనతో మాట్లాడనివ్వటం లేదు. గత డిసెంబర్‌ 12న తన ఎంగేజ్‌మెంట్‌ అయింది. ఇప్పటికీ నేను తనని ప్రేమిస్తున్నాను. ఈ బాధనుంచి నేనెలా బయటపడాలో అర్థం కావటం లేదు. అమ్మాయిలు మారిపోవటానికి ఒక్కక్షణం కూడా పట్టదు. తను మాత్రం చాలా హ్యాపీగా ఎంగేజ్‌మెంట్‌ చేసుకుంది. నా గురించి ఒక్క నిమిషంకూడా ఆలోచించలేదు. నేను మాత్రం తన ప్రేమలోనుంచి బయటకు రాలేకపోతున్నా. ఇప్పటికైనా తను నాకోసం వస్తుందనే నమ్మకంతో.. - శ్రీకాంత్‌రెడ్డి, కడప లేదా worldoflove@sakshi.comకు మెయిల్‌ చేయండి

నేను 2011నుంచి 2017వరకు హైదరాబాద్‌లో జాబ్‌ చేసేవాడిని. అలా చేస్తున్న టైంలో ఫేస్‌బుక్‌ రవి, లాస్య గ్రూపులో ఒక పోస్ట్‌పై ఓ అమ్మాయి కామెంట్‌ చేసింది. ఆ ఫ్రోఫైల్‌ చూసి నేను ‘హాయ్‌’ అని మెసేజ్‌ పెట్టా. కొద్దిసేపటికే తను కూడా ‘హాయ్‌’ అని రిప్లై ఇచ్చింది. అలా మా మధ్య పరిచయం ఏర్పడింది. అప్పటినుంచి బాగా మెసేజ్‌లు చేసుకునేవాళ్లం. తర్వాత తను ఫోన్‌ నెంబర్‌ ఇచ్చింది. తర్వాతినుంచి మెసేజ్‌లు, కాల్స్‌ చేసుకునేవాళ్లం. ఒకరి ఫోటోస్‌ ఒకరం పంపుకున్నాం. ఒకరోజు కలుద్దామని అనుకున్నాం. తను పురానాపూల్‌ దగ్గర ఉంటుంది, నేను కేపీహెచ్‌పీలో ఉంటాను. ఇద్దరం జూపార్క్‌లో కలుసుకున్నాం. తర్వాతినుంచి ఇద్దరి మధ్యా ప్రేమ మొదలైంది. నేను నా లవ్‌ని చెప్పాను. మొదట్లో తను నో చెప్పినా.. తర్వాత ‘‘ఓన్లీ ప్రేమ మాత్రమే.. పెళ్లికి ఇంట్లోవాళ్లు ఒప్పుకోరు! ప్లీజ్‌’’ అంది. నేను సరే అన్నాను. అలా మేము చాలా హ్యాపీగా ఓ సంవత్సరం ప్రేమించుకున్నాం. తనప్పుడు డిగ్రీ సెకండ్‌ ఇయర్‌ చదివేది. తన చదువు పూర్తయిన తర్వాత ఇంట్లో వాళ్లు పెళ్లి చేస్తామని అన్నారంట. పెళ్లి చేసుకుందామని బ్రతిమలాడినా కూడా వినలేదు! ఏడ్చాను కూడా. ‘ మన కులాలు వేరు మా ఇంట్లో తెలిస్తే గొడవలు అయిపోతాయి.’ అని చెప్పింది. 2017లో తను మ్యారేజ్‌ చేసుకుంది. సంవత్సరానికి ఒకసారి ఫోన్‌ చేస్తుంది. ఎలా ఉన్నావ్‌ అని అడుగుతుంది. పెళ్లికి ముందు తను చూపిన ప్రేమ జన్మలో మర్చిపోలేను. తను చాలా చాలా మంచిది. ఇప్పుడు హ్యాపీగా ఉంది అదిచాలు నాకు. నేను నా జాబ్‌లో బిజీ అయిపోయాను.‘‘ నాకు ఫోన్‌ కానీ, వాట్సాప్‌ కానీ చేయోద్దు. మా హబ్బీ చూస్తే నాకు డేంజర్‌’ అంది. సో నేను తనను ఇబ్బంది పెట్టదలుచుకోలేదు. ఎందుకంటే తనంటే నాకు చాలా ఇష్టం. ఆమె హ్యాపీగా ఉంది అది చాలు.  - రామ్‌, పుట్టపర్తి లేదా worldoflove@sakshi.comకు మెయిల్‌ చేయండి

నేను, తను చిన్నప్పుడు 5వ తరగతి వరకు కలిసి చదువుకున్నాము. నేను తనతో తప్ప అందరితో మాట్లాడేవాడిని. తను కూడా నాతో అంతగా మాట్లాడేది కాదు.. ఏదో ఒక సందర్భంలో మాట్లాడేవాళ్లం. అలా ఉండగా తరువాతి సంవత్సరం తను వేరే స్కూల్‌కు వెళ్లిపోయింది. నాతో మాట్లాడే నలుగురు నా పక్కనే ఉన్నా ఏదో తెలియని వెలితి ఉండేది. సరిగ్గా తొమ్మిది సంవత్సరాల తరువాత నేను బీటెక్ రెండవ సంవత్సరంలో ఉన్నపుడు తన కోసం ఫేస్‌బుక్‌లో వెతికి చూశాను. తన ఐడీ దొరికింది కానీ, రిక్వెస్ట్‌ పంపడానికి రెండు నెలలు పట్టింది. రిక్వెస్ట్ పంపిన చాలా రోజుల తర్వాత ఒక రోజు తను ఆక్సెప్ట్‌ చేసినట్లు నోటిఫికేషన్‌ వచ్చింది. రెండు వారాల తర్వాత మెసేజ్ చేయడానికి ధైర్యం వచ్చింది. తన దగ్గరినుంచి కూడా రిప్లై వచ్చింది. అలా వారానికి ఒకసారి మెసేజ్ చేసేవాడిని. ఓ రోజు తన నెంబర్ అడిగితే ‘ఎందుకు? ఫేస్‌బుక్‌ ఉందిగా’ అని తను నెంబర్‌ ఇవ్వలేదు. కొన్ని రోజుల తరువాత ఎగ్జామ్స్‌ ఉండడం వలన వేరే కారణం చెప్పి! ‘నేను ఫేస్‌బుక్‌లోకి రాను’ అని నా సెల్ నెంబర్ తనకిచ్చి ‘మెసేజ్ చేయాలనిపిస్తే చేయ్‌!’ అని చెప్పా. పది రోజుల తరువాత వాట్సాప్‌లో మెసేజ్ చేసింది. అలా రెండు సంవత్సరాలు ప్రతిరోజూ వాట్సాప్‌ ద్వారా మాట్లాడుకునేవాళ్లం. అనుకోకుండా కొన్ని రోజులు తను మెసేజ్ చేయడం మానేసింది. రెండు సార్లు అడిగాను ‘ఊరికే చేయలేదు. ఇంకో వాట్సాప్‌ వాడుతున్నా’ అని ఆన్‌లైన్‌ నుంచి వెళ్లిపోయేది. ‘సరే! ఇక నిన్ను డిస్ట్రబ్‌ చేయను’ అని చెప్పాను. ఈ జనవరి 2వ తేదికి మేము మాట్లాడక రెండు సంవత్సరాలు గడిచిపోయింది. తను నన్ను వదిలి వెళ్లిపోయినప్పుడు మొదలైన వెలితి చదువు అయిపోయి ఉద్యోగం వచ్చినా అలానే ఉంది. ఈ రెండు సంవత్సరాలలో నేను నిన్ను డైరెక్ట్‌గా చూడకపోయినా భవిష్యత్‌లో ఎప్పుడన్నా చూస్తే నీ ముఖంలో చిరునవ్వుతో ఉంటావని కోరుకుంటున్నాను. ఇట్లు విజయ్ లేదా worldoflove@sakshi.comకు మెయిల్‌ చేయండి

అది 2016 సంవత్సరం! నేను హైదరాబాద్‌లో అప్పుడే ఓ కొత్త కంపెనీలో జాబ్‌లో జాయిన్‌ అయ్యాను. చాలా ఏళ్లనుంచి నేను హైదరాబాద్లో ఉ‍న్నా! అప్పడే ఓ కంపెనీ నుంచి వేరే కంపెనీకి మారిపోయాను. మా కంపెనీలో కొత్తగా ఫ్రెషర్స్‌ జాయిన్‌ అయ్యారు. నా ఎదురుగా ఓ అమ్మాయి కూర్చునేది. తన పేరు అనూష క్రిష్ణ, తన పేరు తెలుసుకోవటానికి నాకు వారం రోజులు పట్టింది. నిజంగా చెప్పాలంటే తొలిచూపులోనే తనను చూసి ప్రేమలో పడిపోయా! అంతలా నచ్చేసింది. ఆ అమ్మాయిని చూడటానికి కావాలనే సీటులోనుంచి పైకి లేచేవాడిని. అలా రోజులు గడుస్తూనే ఉన్నాయి. ఒక రోజు వేరే వాళ్ల ద్వారా తన నెంబర్‌ సంపాదించా. నెంబర్‌ అయితే దొరికింది కానీ, ఫోన్‌ చేయాలంటే భయం. ధైర్యం తెచ్చుకుని రాత్రి 11:30కి తనకు మెసేజ్‌ చేశా ‘హాయ్‌’ అని.. రిప్లై లేదు. తను పడుకుందనుకుంటా. తను మరుసటి రోజు ఆఫీసుకు రాగానే స్కైప్‌లో మెసేజ్‌ చేశా. నైట్‌ డిస్ట్రబ్‌ చేసుంటే సారీ అని. అంతే తను తిట్టేసింది.. ‘ ఎవడు నిన్ను ఆ టైంలో మెసేజ్‌ చేయమన్నాడు.’ అంది. నా ముఖం మాడిపోయింది. ఆరోజు ఆఫీసు అయిపోగానే నేను రూంకు వెళదామని బస్‌లో ఉండగా తన నుండి మెసేజ్‌ వచ్చింది.‘ సారీ! అలా అన్నందకు. అయినా ఆ టైంలో మెసేజ్‌ చేయోచ్చా.’ అని. ఇక నా ఆనందానికి అవధులు లేకుండా పోయాయి. ఇక అప్పటినుంచి మా ఇద్దరి మధ్యా రోజులు క్షణాల్లా గడిచిపోయాయి. నాకైతే ఆ ధ్యాసలో పడి ఓ సంవత్సరం ఇంటి ముఖమే చూడలేదు. తనకి అంతలా అడిక్ట్‌ అయిపోయా. పరిచయం అయినా ఓ వారానికి తనకు ప్రపోజ్‌ చేశా. తను సీరియస్‌గా తీసుకోలేదు. రోజులు గడుస్తున్న తన పైన ప్రేమ పెరుగుతోందే తప్ప తగ్గలేదు. ఏమైందో ఏమో సడెన్‌గా అవాయిడ్‌ చేయటం మొదలుపెట్టింది. అది నేను తట్టుకోలేకపోయా. ఆఫీసులోనే సూసైడ్‌ అటెంప్ట్‌ చేసుకున్నా. ఆఫీసులో అందరూ వచ్చారు నన్ను చూడటానికి. అనూష మాత్రం రాలేదు. ఇంత చేసినా నాపైన తనకు ప్రేమ కలగలేదు. ఎందుకంటే నాకు ఇదివరకే మా ఇంట్లో వాళ్లు ఇష్టం లేని పెళ్లి చేశారు. అది తనకు చెప్పి కన్‌విన్స్‌ చేద్దామనేలోపే జరగాల్సిన నష్టం జరిగిపోయింది. తన వల్ల జాబ్‌ వదులుకున్నా. నా జీవితం నాశనం అయింది. అయినా తననే కావాలనుకుంటున్నా. కానీ, తన మనసు కరగలేదు. అమ్మలా చూసుకుందామనుకున్నా. తన వల్ల జీవితమే లేకుండా పోయింది. అన్నీ పోయాక నాకు అర్థమైంది. ఆ అమ్మాయి మాత్రం ఏదీ పట్టనట్లు జీవితాన్ని హ్యాపీగా గడిపేస్తోంది. ఇంత జరిగాక ఒకటే అనిపించింది. అమ్మానాన్న కోసం ఇష్టంలేని అమ్మాయి మెడలో తాళి కట్టానని. ప్రాణం కంటే ఎక్కువగా ప్రేమించిన అమ్మాయి వల్ల జీవితం నాశనం చేసుకున్నా. నిజమైన ప్రేమకు ఎప్పటికైనా ఓటమి తప్పదు. - బాలు, చిత్తూరు లేదా worldoflove@sakshi.comకు మెయిల్‌ చేయండి

2014లో ఓ పెళ్లికి వెళ్లా! అక్కడ ఓ అమ్మాయి చాలా చలాకీగా తిరుగుతూ కనపడింది. ఎవరు అని అడిగితే.. వరుసకు నాకు మరదలు అవుతుందని చెప్పారు. ఆ తర్వాత తనను ఆటపట్టించటం మొదలుపెట్టా. అలా పెళ్లి అయిపోయే వరకు తన వెంట తిరగటం, తనని ఆటపట్టించటం చేసేవాడిని. ఫంక్షన్‌ అయిపోయింది. నేను తన నెంబర్‌ అడుగుదామనుకున్నాను. కానీ, తను ఏమనుకుంటుందోనని అడగటం మానేశాను. ఆ తర్వాత ఇంటికి వచ్చేశా. ఇంటికి వచ్చిన తర్వాత కూడా ఆమెకు చెప్పలేదు. రెండు రోజుల తర్వాత ఒక కాల్‌ వచ్చింది. ‘హాయ్‌ బావా!’ అని వినపడింది. ‘ఎవరు’ అని అడిగా. నేను షాక్‌ అయ్యాను! తనే. ‘ ఈ నెంబర్‌ నీకు ఎలా తెలిసింది. ఎవరిచ్చారు.’ అని అడిగా. మా బంధువులు తనకు బంధువులు అట, వరుసకు అక్క అవుతదంట. తన దగ్గర ఈ నెంబర్‌ తీసుకుంది. అప్పటినుంచి ప్రతి రోజూ ఫోన్‌లో మాట్లాడుకునే వాళ్లం, మెసేజ్‌లు చేసుకునే వాళ్లం. ఓ రోజు ‘ఐ లవ్‌ యూ’ అని మెసేజ్‌ పెట్టా. తను ‘ ఏప్రిల్‌ కాదు కదా బావ!’ అని రిప్లై ఇచ్చింది. ఆ తర్వాత‘ ఏప్రిల్‌ ఫూల్‌ అవటానికి ప్రేమ ఏంటి బావ. మన మధ్య ఉన్నది జస్ట్‌ ఫ్రెండ్షిప్‌ మాత్రమే’ అంది. ఏం మాట్లాడాలో నాకు అర్థం కాలేదు. తర్వాతనుంచి మెసేజ్‌లు చేయటం మానేశా. ఆ తర్వాత తనతో ఏమీ చెప్పలేకపోయా. తనకు మ్యారేజ్‌ అయింది. ఇది ఈ రవి గాడి ప్రేమ కథ! - రవి, వైజాగ్‌ చదవండి : అది తెలిసినా ఆమెతో ప్రేమలో పడ్డా! ఆమె ఎప్పటికీ నాకు ప్రాణం! అందుకోసమే.. లేదా worldoflove@sakshi.comకు మెయిల్‌ చేయండి

మాది సిద్దిపేట జిల్లా! 2003లో ఓ అమ్మాయిని ప్రేమించాను, ఆ అమ్మాయి కూడా నన్ను ప్రేమించింది. ఒకరితోఒకరం ఎంతో అన్యోన్యంగా ఉండేవాళ్లం. అందరు ప్రేమికుల్లానే మమ్మల్ని కూడా సమస్యలు వెంటాడాయి. మా పెళ్లికి పెద్దలు ఒప్పుకోలేదు. మా ఇంట్లో వాళ్లు ఒప్పుకోకపోయే సరికి నేను ఆత్మహత్య చేసుకోవటానికి ప్రయత్నించా. అయితే కొద్ది కాలానికే తనకు వేరే వ్యక్తితో పెళ్లైంది. ఆ తర్వాతి నుంచి ఎవర్నీ ప్రేమించకూడదని డిసైడ్‌ అయ్యా. 2014లో ఓ పని మీద మలేషియా వెళ్లాను. అక్కడే నాకు మంచి ఉద్యోగం కూడా దొరికింది. 2017లో కొత్తగా ఓ అమ్మాయి మా ఆఫీసులో చేరింది. మేమిద్దరం ఒకే డిపార్ట్‌మెంట్‌లో పనిచేస్తుండటం వల్ల ఇద్దరి మధ్యా చనువు పెరిగింది. తనకు ఇది వరకే పెళ్లై విడాకులు కూడా అయ్యాయి. ఇద్దరు పిల్లలు కూడా ఉన్నారు. అది తెలిసినా కూడా నేను తనతో ప్రేమలో పడ్డా. తను దానికి ఒప్పుకోలేదు. ఒంటరిగా ఉండటానికే సుముఖత వ్యక్తం చేసింది. తను మా ఆఫీసు వదలి వెళ్లిపోయింది. అయినా తనతో టచ్‌లోఉన్నా. ఇదివరకటికంటే క్లోజ్‌గా ఉంటున్నాం. ఆమె తన పిల్లలను నాకు పరిచయం చేసింది. వాళ్లు చూడముచ్చటగా ఉన్నారు. తను నా ప్రపోజల్‌ను అంగీకరించలేదు. అలాగని తిరష్కరించనూ లేదు. తనెప్పుడూ ఓ మాట అనేది‘ భవిష్యత్‌ ఏంటో మనకు తెలీదు’ అని. ప్రతీరోజూ ఈ మాటను నేను వల్లెవేసుకుంటున్నాను. భవిష్యత్తులో తను అంగీకరిస్తుందో లేదో తెలియదు. కానీ, తను ఒప్పుకుంటుందనే నమ్మకంతోటే ఉన్నా. ఈ కొత్త సంవత్సరం నేను అనుకున్నట్లు నా జీవితంలో సంతోషాలను నింపుతుందా లేక, నా జీవితమే ముగుస్తుందా.. - సునీల్‌ కుమార్‌, మలేషియా లేదా worldoflove@sakshi.comకు మెయిల్‌ చేయండి

తను నా మరదలు అనడం కన్నా.. నా ఆరాధ్య దేవత.. నా ప్రాణం అనొచ్చు. చిన్ననాటి నుండి తనంటే నాకు అమితమైన ఇష్టం! కానీ, అది ప్రేమ అని 8వ తరగతిలో కానీ తెలియలేదు. అది 2005వ సంవత్సరం ఏప్రిల్ నెల.. ఎర్రటి ఎండా కాలంలో తనపై నా ప్రేమ గాలులు చల్లగా వీస్తున్న రోజులు. తనకి నా ప్రేమ విషయాన్ని ఎలా చెప్పాలా అని సతమతమవుతున్నా. ఆలోచనలతోటే రోజులు గడిచిపోతున్నాయి. కానీ, నా గుండెల్లో తన గుడిని నిర్మించానన్న విషయం తనకు ఎలా చెప్పాలి అన్న ఆలోచనలతోనే సమయం గడిచిపోతోంది. 2008లో మా పదో తరగతి పూర్తి చేసుకుని ఇంటర్ మీడియట్లోకి ప్రవేశించాము. తను చదువుతున్న కాలేజీలోనే చదవాలని అనుకున్నాను. కానీ కుదరలేదు. పక్క కాలేజీలో జాయిన్ అయ్యాను. ఎలాగైనా నా ప్రేమ విషయం తనకు చెప్పాలని డిసైడ్ అయి 2009 జనవరిలో తనకు చెప్పాను. తనకు కూడా నాపై అంతే  ప్రేమ ఉందని తెలుసుకుని చాలా సంతోషించాను. అలా 2012 వరకు మా ప్రేమ ప్రయాణం కొనసాగింది. కానీ, విధి మరోలా ఆలోచించింది. మేమిద్దరం కలిసి బ్రతకటం ఆ దేవుడికి ఇష్టం లేదేమో మమ్మల్ని విడదీశాడు.  తనకు వేరే వ్యక్తితో పెళ్లి అయిపోయింది. కారణాలు ఏమైనా కానీ తనంటే ఇప్పటికీ.. ఎప్పటికీ నాకు ప్రాణం! అందుకోసమే ఈ మధ్య తన కోసం ఒక కవిత రాశాను.           నీ ఇష్టానికి వ్యతిరేకంగా వేసిన ఆ మూడు ముళ్లను తెంపుకుని.. అతి కష్టం మీద వేసిన ఆ ఏడు అడుగులు దాటుకుని..  నీవు మెచ్చిన నీ బావతో నూరేళ్ల బతకడానికి ఎప్పుడు వస్తావు.. మోడు వారిన నా జీవితంలోకి ఓ ఉషోదయాన వెలుగులు నింపడానికి తప్పకుండా వస్తావు కదూ..  ప్రేమతో నీ ప్రేమకై ఎదురు చూసే నీ బావ - శివ శంకర్ లేదా worldoflove@sakshi.comకు మెయిల్‌ చేయండి

మాది మధ్య తరగతి కుటుంబం! నేనప్పుడు పదో తరగతి చదువుతున్నా. నేను స్కూల్‌కు వెళ్లే దారిలోనే వాళ్ల ఇళ్లు కూడా ఉండేది. తను కూడా మా ఊరే! నేను పదిలో ఉన్నపుడు తన ఇంటర్‌ అయిపోయింది. నేను స్కూల్‌కి వెళ్లే టైంకు నా బస్‌ కోసం ఎదురు చూసేవాడు. అలా ఓ సంవత్సరం ఒకరినొకరు చూసుకుంటూనే ఉన్నాం. అలా ఓ సంవత్సరం అయిపోయింది. ఈ సంవత్సరంలో ఒకసారి కూడా మేము మాట్లాడుకోలేదు. కానీ, మా కళ్లు చాలా మాట్లాడుకునేవి. తనకి డిఫెన్స్‌లో జాబ్‌ వచ్చింది. నేను అప్పుడు ఇంటర్‌ సెకండ్‌ ఇయర్‌లో ఉన్నా. తను జాబ్‌ వచ్చి మధ్యప్రదేశ్‌కు వెళ్లిపోతున్నాడు. అపుడు తను నాకు డేర్‌ చేసి నెంబర్‌ ఇచ్చాడు. అప్పటినుంచి మేము ఫోన్‌లో ఎక్కువగా మాట్లాడుకునేవాళ్లం. అలా మా మధ్య తెలియకుండానే ఐదేళ్లు గడిచిపోయాయి. తను ఎప్పుడు ఇంటికి వస్తాడా.. ఎప్పుడు తనని చూస్తానా అని చాలా వేయిట్‌ చేసేదాన్ని. అప్పటివరకు సాఫీగా సాగిపోతున్న మా జీవితం ఒక్కసారిగా తల్లక్రిందులైంది. వాళ్ల ఇంట్లో మా లవ్‌ మ్యాటర్‌ తెలిసిపోయింది. వాళ్ల పేరెంట్స్‌ మా పెళ్లికి ఒప్పుకోలేదు. ఎంత చెప్పి చూసినా వాళ్లు వినలేదు. అయినా మేము మాట్లాడుకోవటం మానుకోలేదు. ఎప్పటికైనా ఒప్పుకుంటారని చిన్న ఆశ. మా ఇంట్లో మా అమ్మకు మాత్రమే ఈ విషయం తెలుసు. తర్వాత తను కూడా నా నెంబర్‌ బ్లాక్‌ చేశాడు. నేను వేరే నెంబర్‌ నుంచి కాల్ చేసినా లిఫ్ట్‌ చేసేవాడు కాదు. ఒక రోజు మా ఫ్రెండ్‌ నెంబర్‌ నుండి కాల్‌ చేశాను. అప్పుడు లిఫ్ట్‌ చేశాడు. ‘‘ నన్ను వదిలేయ్‌! నీకే మంచిది. లేకపోతే నువ్వే చాలా బాధపడతావు. నేను మా ఇంట్లో వాళ్లని కాకుండా నిన్ను పెళ్లి చేసుకోలేను.’’ అని చెప్పి ఫోన్‌ కట్‌ చేశాడు. నేను మళ్లీ చాలా సార్లు కాల్‌ చేశాను. కానీ, నో రిప్లై. నేను బీటెక్‌ ఫైనల్‌ ఇయర్‌లో ఉన్నపుడు అతనికి వేరే అమ్మాయితో పెళ్లైంది. ఆ విషయం తెలిసాక నేను చాలా బాధపడ్డాను. మా అమ్మతో చెప్పి ఏడ్చేదాన్ని. అలా ఏడుస్తూనే నా బీటెక్‌ కంప్లీట్‌ చేశాను. నన్ను చేసుకోకపోయినా పర్లేదు తను హ్యాపీగా ఉంటే చాలు అనుకునేదాన్ని. కానీ, లోపల చాలా బాధపడ్డాను. నా ఫ్యామిలీ గురించి ఆలోచించి ఇంకా బ్రతికేఉన్నా. వాళ్ల ఆశలన్నీ నా మీదే పెట్టుకుని ఉన్నారు. మా లవ్‌ విషయం ఇంత వరకు మా నాన్నకు తెలియదు. తనది కూడా మా ఊరే కాబట్టి ఎప్పడైనా భార్యతో చూసినపుడు నాకు చాలా బాధవేసేది. నేను ఉండాల్సిన స్థానంలో వేరే అమ్మాయి ఉందేఅని. బీటెక్‌ అయిపోయిన వెంటనే క్యాంపస్‌ సెలక్షన్‌లో నాకు మంచి జాబ్‌ వచ్చింది. జాబ్‌, నా ఫ్యామిలీ ఇదే నా లైఫ్‌ అయిపోయింది. నాకు సడెన్‌గా ఒక రోజు తన నుండి ఫోన్‌ వచ్చింది. నేను లిఫ్ట్‌ చేసి మాట్లాడాను. ‘ నేను నీకు చాలా మోసం చేశాన్‌రా! నువ్వు నాకు కావాలి. నిన్ను పెళ్లి చేసుకోనందకు దేవుడు నాకు తగిన శాస్తి చేశాడు.’ అని ఏడ్చాడు. నేను ఏమైందని అడిగా.  ‘ నా వైఫ్‌ నన్ను వదిలి పుట్టింటికి వెళ్లిపోయింది. తన క్యారెక్టర్ అసలు మంచిది కాదు. మా పేరేంట్స్‌ చెప్పారని పెళ్లి చేసుకున్నా. సరేరా నాక నువ్వు కావాలి. మనం పెళ్లి చేసుకుందాం.’ అని అన్నాడు. నాకు ఏం చెప్పాలో అర్థం కాక కాల్‌ కట్‌ చేశా. తను నాకు మళ్లీ కాల్‌ చేశాడని మా అమ్మకు చెప్పలేదు.  ఎందుకంటే అతను వేరే అమ్మాయిని చేసుకున్నపుడు నా కంటే తనే ఎక్కువగా బాధపడింది. ఒక పక్క తనకు అలా అయ్యిందనే బాధ, ఇంకో పక్క తనని పెళ్లి చేసుకుంటే మా పేరేంట్స్‌కు చెడ్డపేరు వస్తుంది. ఏం చేయాలో అర్థం కావటం లేదు. లాస్ట్‌కు నా లవ్‌ స్టోరీ ఎలా ఎండ్‌ అవుతుందో నాకే అర్థం కావటం లేదు. కానీ, నేను మాత్రం ఈ సారి మా అమ్మని బాధపెట్టాలని అనుకోవటం లేదు. ఈ విషయం మా అమ్మకు చెప్పి మా అమ్మ ఏం చెయ్యాలని చెప్తే అదే చెయ్యాలని డిసైడ్‌ అయ్యా. నేను చేస్తోంది కరెక్టో రాంగో నాకు తెలియడంలేదు. మా పేరేంట్స్‌ను ఇబ్బంది పెట్టకూడదని డిసైడ్‌ అయ్యా. నా జీవితం మా పేరేంట్స్‌ మీద ఆధారపడి ఉంది.  - అనిత, కడప లేదా worldoflove@sakshi.comకు మెయిల్‌ చేయండి

ఇంటర్‌లో జాయినైన కొత్తలో ఒకరోజు నేను, నా  ఫ్రెండ్  బస్‌ స్టాప్‌లో ఉన్నాం. అప్పుడు నా ఫ్రెండ్ చెప్పింది ‘ఎవరో ఒకతను ఇటే చూస్తున్నాడు. మనల్ని ఫాలో కూడా అవుతున్నట్లు అనిపిస్తోంది’ అని. ‘అవును! నేను గమనించనే లేదు. ఈసారి చూపించు’  అన్నాను. తర్వాత తను మరచిపోయింది. నేను అడగలేదు! ఒకరోజు నా ఫ్రెండ్ రాలేదు. నేను ఒక్కదాన్నే బస్‌ స్టాప్‌లో ఉన్నా. బస్సు ఎప్పుడు వస్తుందా అని ఎదురు చూస్తున్నా.. ఇంతలోనే ఎవరో వెనుకనుండి ‘ఏమండీ!’ అనే పిలుపు వినిపించింది. వెనుకకు తిరిగి చూశా. ‘మీ పేరు ఏంటండీ! ఏ ఊరు’ అని అడిగాడు. నేను ఏమీ మాట్లాడలేదు. బస్‌ వచ్చేసింది. ఒకరోజు నా ఫ్రెండ్ కాలేజీకి వచ్చింది. అప్పుడు చూపించింది.‘ అతను మన ఎదురుగా ఉన్నాడు చూడు! అతనే నిన్ను రోజు ఫాలో అయ్యేవాడు’  అని చెప్పింది. నన్ను ఊరు పేరు అడిగిన అతను ఇతను ఒక్కటే అని నేను గుర్తుపట్టలేదు.. ఒకరోజు మళ్లీ నా ఫ్రెండ్ రాలేదు. ఆ రోజు నా ఫ్రెండ్ ఇంటి పేరు నా పేరు కలిపి నన్ను పిలిచాడు. ఎవరా!  అని చూసేసరికి నా ఫ్రెండ్ చూపించిన అతను. నా పేరు ఎలా తెలిసింది అని ఒకటే భయం. నా గుండెల్లో వేగం పెరిగింది. అక్కడినుంచి కొంచెం ముందుకు వచ్చి నిలబడ్డాను. నా ఫ్రెండ్‌ని కదా చూసేవారు.. ఇదేంటి! తను రాకపోయినా నన్ను చూస్తున్నాడు. ఎందుకిలా అని డౌట్ వచ్చి నా కజిన్‌కి చెప్పాను. అప్పుడు నా  కజిన్ అతనికి వార్నిగ్ ఇచ్చింది. అయినా తను రోజు నన్ను ఫాలో అయ్యేవాడు. నేను ఎక్కడికి వెళ్తే అక్కడే కనిపించేవాడు. ఆ రోజు మొదలు రోజూ నేను గమనించడం మొదలు పెట్టాను. ఎవరు ఇతను నా ఫ్రెండ్ కోసం కాదా! నాకోసమా అని ఒకటే సందేహం. నేను బస్‌ స్టాప్‌కి రాగానే నా ఎదురుగా ఉండే షాప్‌లోకి వెళ్లి ఇటే చూసేవాడు. నా బస్‌ వెనుకాల ఫాలో అయ్యేవాడు. రాను రాను తను కనిపించకపోతే ఎదురుచూసే పరిస్థితి. ఏదో వెలితి.. ఎక్కడ ఉన్నారా అని చూసేదాన్ని. కనిపించగానే అస్సలు చూసేదాన్ని కాను.  ఫస్ట్‌లో భయం వేసేది. తరువాత మంచి ఫీల్ కలిగేది. ఎందుకంటే తను నన్ను ఎప్పుడూ ఇబ్బంది పెట్టలేదు. వెనకే ఫాలో అవుతూ నేను ఇంటికి చేరుకునే వరకు వచ్చేవారు. నేను ఎవరితో ఐతే వార్నింగ్ ఇప్పించానో వాళ్లనే పరిచయం చేసుకుని నా డీటెయిల్స్ మొత్తం తెలుసుకున్నాడు. నా కజిన్‌కి బాగా ఫ్రెండ్ అయిపోయాడు. నా కజిన్ అతడి గురించి చెప్తుంటే నాకు తెలీకుండానే నేను ప్రేమ పెంచుకున్నాను. ఒకరోజు మా ఇంట్లో నాకు సంబంధం ఒకటి  తీసుకువచ్చారు. రెండు రోజులలో పెళ్లి చూపులు అన్నారు. వెంటనే నిశ్చితార్ధం అన్నీ మూడు రోజులలో జరిగిపోయాయి. ఈ విషయం నా కజిన్ ద్వారా తెలుసుకుని నాకు ఫోన్‌ చేశాడు. హలో అన్నా.. అతడి నోట మాట రాలేదు. అదే మొదటిసారి అతనితో మాట్లాడటం. ‘నీకు మ్యారేజ్ సెటిల్ అయిందని విన్నాను’ అని అడిగారు. నేను ఏమీ చెప్పలేదు. ‘పోనీ నేనంటే ఇష్టమా’ అని అడిగాడు. అయినా నా సమాధానం ఏమీ లేదు. ‘సరే ఐతే! నువ్వు ఎక్కడ ఉన్నా సంతోషంగా ఉండాలి’ అని ఫోన్ పెట్టేశాడు. నా మనసులో ఏదో బాధ! ఏమీ చేయలేని పరిస్థితి. ఎంగేజ్‌మెంట్‌ అయిన తర్వాతి రోజు  కాలేజ్‌కు వెళ్లాను. ఆ రోజు కూడా కాలేజీకి వచ్చాడు. ఎప్పుడు లేనిది..  కాలేజీ క్లాస్ దగ్గరికి వచ్చి నా పేరు చెప్పి బయటకి పంపించమన్నాడు. నాకోసం ఎవరూ రారు.. ఎవరా ??? అని వెళ్లి చూసేసరికి అతను. అతని ఫ్రెండ్ అప్పుడు చూశాను దగ్గరినుండి. ఏదో తెలియని బాధ నాలో. ‘ఏమీ నిర్ణయంచుకున్నావు’ అని తను చెప్పకనే చెప్పారు కళ్లతో. ఫస్ట్ టైం తనతో మాట్లాడాను ఎదురుగా.. ‘మా ఇంట్లో అడగండి’ అని చెప్పాను. ఏమీ మాట్లాడకుండా వెంటనే అక్కడి నుండి వెళ్లిపోయారు. అదే రోజు సాయంత్రం కాలేజీ నుండి ఇంటికి వెళ్లే సమయంలో వాళ్ల వదిన నన్ను వాళ్ళ ఇంటికి తీసుకెళ్లి ‘మాది చాలా పెద్ద కుటుంబం! నువ్వు ఈ క్షణం వచ్చేయ్‌! పెళ్లి చేసేస్తాం. తరువాత మీ ఇంట్లో తెలిసినా మా కుటుంబం గురించి తెలిసి వాళ్లు ఏమీ అనరు. కట్టు బట్టలతో వచ్చేయ్‌’ అన్నారు. అప్పుడు కూడా మా ఇంట్లో చెప్పి ఒప్పిస్తాను అన్నాను కానీ వచ్చేస్తాను అనలేదు. కానీ ఇంట్లో చెప్తే ఒప్పుకుంటారా అనే సందేహం! ఎలా చెప్పేది. అక్కడి నుండి బయలుదేరి ఇంటికి వెళ్లేలోపు ఎన్నో ఆలోచనలు. ఏడుపు వచ్చేస్తుంది. ఇంటికి చేరుకున్నా. ఒక్కసారిగా ఏడుపు తన్నుకొచ్చింది ఏడ్చేశాను. అందరూ ఏంటి అని  కంగారు పడ్డారు. విషయం చెప్పాను. ఇంట్లో అందరూ షాక్! నాన్నగారు ‘వాళ్లది చాలా మంచి కుటుంబం! కానీ, నిచ్చితార్ధం అయ్యాక ఎలా’  అన్నారు. కానీ, నాకు ఏడుపు ఆగటం లేదు. అంతే అందరూ ఆలోచించుకుని ఒక నిర్ణయానికి వచ్చారు. ఒక్కసారిగా నిశ్చితార్ధం క్యాన్సిల్ చేశారు. మా ఇంట్లో అందరికి ఇష్టం లేకున్నా వాళ్లకి నో చెప్పేశారు. ఒక నెల గ్యాప్‌లో ఈ  సంబంధం ఖాయం చేశారు. మా పెద్దవాళ్ల అంగీకారంతో మా మ్యారేజ్  జరిగింది. రోజూ నన్ను ఫాలో అయ్యే అతనే నా భర్త! ఒకప్పుడు తనను చూస్తే భయపడేదాన్ని! ఇప్పుడు తనే నా సర్వస్వం తనే నాకు తోడు, నీడ తనే నాకు అన్నీ. ఒక్కసారిగా ఎంత ఛేంజ్‌. నా భర్త సంతోషానికి అవధులు లేవు లైఫ్‌లో అన్నీ సాధించినంత సంతోషం ఒక సంవత్సరానికే ఒక బాబు! నా కొడుకుని, నన్నూ ఒకేలా చూసుకునే వారు నన్ను కూడా ఒక కిడ్‌లా చూసుకునేవారు. తొమ్మిది సంవత్సరాలు గడిచాయి ఎంతో సంతోషంగా. కానీ, ఆ  సంతోషం క్షణంలో ఆవిరై పోయింది. నా భర్త తిరిగిరాని లోకానికి వెళ్లి పోయాడు. నన్ను, నా కొడుకుని ఒంటరి వాళ్లని చేసి వెళ్లిపోయాడు. - తరుణి, కాకినాడ లేదా worldoflove@sakshi.comకు మెయిల్‌ చేయండి

నేను బీ ఫార్మసీ కోసం ఓ కాలేజ్‌లో అయిష్టంగానే కాలు మోపా. కానీ, మా కాలేజ్‌లో ర్యాంక్‌ పరంగా నేను టాప్‌. అంతే కాదు, నేను మా క్లాస్‌ సీఆర్‌ ఎలక్షన్లో 50 ఓట్లతో ఏకగ్రీవంగా ఎన్నికయ్యా. దీలీప్‌ అనే మా ఫ్రెండ్‌ ద్వారా తన అల్లరి గురించి విన్నా. ఆ రోజు మా క్లాస్‌కి ఫేస్‌బుక్‌ గ్రూప్‌ ఒకటి క్రియేట్‌ చేశారు. ఆ గ్రూప్‌లో ఫ్రెండ్‌కు ఫ్రెండ్‌ ద్వారా ఆడ్‌ అయిన తను వెంటనే నాకు ఫ్రెండ్‌ రిక్వెస్ట్‌ పెట్టింది. ఇక అప్పటినుంచి రాత్రి రెండు వరకు చాటింగ్‌ చేసుకునే వాళ్లం. తను నాకు ఫ్రెండ్‌ రిక్వెస్ట్‌ పెట్టక ముందు ఆమె పేరుతో ఓ ఫేక్‌ ఫేస్‌బుక్‌ ఐడీ క్రియేట్‌ చేసి మా ఫ్రెండ్‌కి రిక్వెస్ట్‌ పెట్టా. వాడితో ఆడుకుందామని. ఆ తర్వాత తను పరిచయం అయ్యాక తప్పు తెలుసుకుని ఇద్దరికీ నిజం చెప్పా. ఆ సంఘటనతో మా పరిచయం మరింత పెరిగింది. ఆ పరిచయం కాస్తా నా వైపు నుంచి ప్రేమగా మారింది. ఓ రోజు ధైర్యం చేసి ఆమెకు నా ప్రేమ విషయం చెప్పేశా. అంతే! ఆ వారం రోజులు మా ఇద్దరికీ మాటలు లేవు. తర్వాత ఓ పోలీస్‌ క్యాంపు ద్వారా మళ్లీ ఇద్దరం కలిశాం. పరిచయం మరింత పెరిగింది. అది ఎంతలా అంటే! చాట్‌నుంచి ఫోన్ల వరకు వచ్చింది. ఇద్దరం కలిసి క్లాస్‌కు బంక్‌ కొట్టి ఫోన్‌లో మాట్లాడుతూ ఉండేవాళ్లం. ఒకసారి ఇద్దరం ఓ గుడికి కూడా వెళ్లాం. నా పుట్టినరోజు నాడు 12 గంటలకు ఫోన్‌ చేసి విష్‌ చేసింది. వాలుమ్‌తే(కొరియన్‌లో ఐ లవ్‌ యూ) అని చెప్పింది. నా ఆనందానికి అవధులు లేవు. కానీ, మరుసటి రోజు తను ఫోన్‌ చేసి ‘ అది కేవలం నీ పుట్టిన రోజు నాడు సంతోష పెడదామని చెప్పా’ అంది. నా మదిలో ఓ కొంటె తలుపు తను సిగ్గుపడుతోందిలే అని. ఇంతలో మా ఫస్ట్‌ ఇయర్‌ ఎక్షామ్స్‌ దగ్గర పడ్డాయి. నేను టాపర్‌ను అయ్యేసరికి రాత్రి నేను చదివి తనకు వివరించేవాడ్ని.  ఒక రోజు మా మధ్య గొడవ జరిగింది. ఆ గొడవ చినికి చినికి గాలివానలా మారింది. తను పాపం సారీ చెప్పటానికి ఫోన్‌ చేసింది. నేను ఆ టైంలో తాగేసి ఉన్నా. మత్తులో తనను తిట్టేశా. అంతే అప్పుడు బ్రేక్‌ అయిన మా బంధం ఇప్పటికీ కలవలేదు. నేను అప్పటినుంచి మందుకు బానిసయ్యా. క్లాస్‌కు కూడా తాగేసి వెళ్లటం, సార్లతో ర్యాస్‌గా ప్రవర్తించటం  చేసేవాడిని. దీంతో ఓ ఆరు నెలలు సస్పెండ్‌ అయ్యా. ఫన్నీ గాయ్‌ని కాస్తా ఫ్రస్టేటెడ్‌ గాయ్‌గా మారాను. అలా నాలుగు సంవత్సరాల నుంచి వేయిట్‌ చేస్తున్నా. తన కోసం మా ప్రేమ కథను చిన్న కథలా ఓ సినిమా తీయబోతున్నాను. ఇంకో మూడు నెలల్లో నా ఫైనల్‌ ఇయర్‌ అయిపోతుంది. ఇక నా కనులు తన రూపును చూడలేవు.. నా మనసు తన నవ్వును, నా చెవులు తన మాటలను వినలేవు. నా ఈ అలుపెరుగని ప్రేమ కథకు ముగింపు పడనుంది. ఈ సందర్భంగా నా బాధలో, నవ్వులో తోడుగా ఉన్న నా ఫ్రెండ్స్‌కు ధన్యవాదాలు. ఫైనల్‌గా నేను నీకో మాట చెప్పాలనుకుంటున్నా మన మొదటి ఎఫ్‌బీ పరిచయం, ఆ తర్వాత చాట్‌, కాల్స్‌, ట్రూత్‌ ఆర్‌ డేర్‌ గేమ్‌,  టెంపుల్‌కు వెళ్లటం, చిలకజోష్యం, ఎక్షామ్స్‌, సీనియర్‌తో నీ గొడవ, వాష్‌ రూంలో గొడవ, నేను నీ బర్త్‌డేకి నేనిచ్చిన టెడ్డీ, నా బర్త్‌డేకి నువ్విచ్చిన గిఫ్ట్‌, గురు సినిమాకు వెళ్లి సినిమా చూడకుండా ఇంటర్‌వెల్‌ వరకు నీతో మాట్లాడుతూ గడిపిన రోజు, నేను నీకు చేసిన ప్రపోజల్‌, ఇచ్చిన లవ్‌ లెటర్‌, టెంప్టేషన్‌ ఆల్మండ్‌, నీ ఫ్రెండ్‌గా నాకు పరిచయం అయిన మన జూనియర్‌, తనతో ముచ్చట్లు, ఫైనల్‌గా మన గొడవ... అన్నీ అలా నా కళ్లముందు మెదులుతూనే ఉన్నాయి. ఇంకొన్ని రోజులే నేను నిన్ను చూసేది. గుర్తు చేసుకుంటే నా కళ్లు తడుస్తున్నాయ్‌.  ఐ లవ్‌ యూ ఫరెవర్‌.. మహి  - శ్రీకాంత్‌  లేదా worldoflove@sakshi.comకు మెయిల్‌ చేయండి

మాది నెల్లూరు! నేను వైజాగ్‌ వెళ్లినపుడు తను పరిచయం అయింది. మేము చాలా మందిమి కలిసి అరకు ట్రిప్‌ వెళ్లాము. బాగా ఎంజాయ్‌ చేశాము. నేను మాత్రమే ఆ అమ్మాయిని చూస్తూ ఉండిపోయాను. ఎంతసేపు చూసినా చూడాలనిపిస్తూ ఉంది. తను కూడా నేను తనని చూడటం గమనిస్తూ ఉంది. తను చూసినపుడు నేను పక్కకి తిరిగిపోతున్నా. మొత్తానికి ఆ అమ్మాయితో మాట్లాడాను. తన పేరు చెప్పమన్నాను కానీ, తను చెప్పలేదు. ఎలాగోలాగ తన ఫ్రెండ్స్‌ని అడిగి తన పేరు తెలుసుకున్నాను. ట్రిప్‌ అయిపోయింది! అరకునుంచి వచ్చేశాము. మళ్లీ రేపు కలుద్దామని వెళ్లిపోయాను. నేను రూమ్‌కు వచ్చేశాను. పది గంటలకు నా ఫోన్‌ రింగ్‌ అయింది. ఎత్తాను.. ఓ ఆడ గొంతు ‘మీ పేరు సాయి కదా?’ అని అడిగింది. నేను అవును అన్నాను. ‘మీరు ఎవరు’ అని అడిగాను. ‘నేను తెలియదా నీకు?’ అని అడిగింది. తెలియదు అన్నాను. ‘బాగా ఆలోచించు’ అని అంది. గుర్తుకు వచ్చింది. ‘మీ పేరు అనిత’ అని అడిగాను. అవునంది! తన పేరు ఎలా తెలిసిందని అడిగింది. ‘ నా పేరు, నెంబర్‌ ఎలా తెలిసిందో చెప్పండి ముందు’ అన్నాను. ‘ఎలాగోలా తెలుసుకున్నాను మీకెందుకు’ అంది. నేను ‘సరే చెప్పండి! ఎందుకు కాల్‌ చేశారు’ అని అడిగాను. ‘ఏం లేదు ఊరికే చేశాను’ అంది. సరే ఉంటానని చెప్పి కాల్‌ కట్‌ చేశాను. మళ్లీ కాల్‌ రింగ్‌ అయింది! కట్‌ చేశాను.. మళ్లీ రింగ్‌ అయింది! కట్‌ చేశాను. మళ్లీ రింగ్‌ అయింది! అప్పుడు కాల్‌ లిఫ్ట్‌ చేశాను. ‘ఎందుకు కాల్‌ కట్‌ చేస్తున్నారు’ అని అడిగింది. ‘ ఊరికే చేశానన్నారు కదా! అందుకే కట్‌ చేశా.’అన్నాను. తను కోప్పడింది. నేను సారీ చెప్పాను. తర్వాత ఎందుకు ఫోన్‌ చేశావని అడిగాను. ‘ మీరు రేపు ఎక్కడికి వెళుతున్నారు’ అని అడిగింది. తెలియదు అన్నాను. ‘రేపు మా ఫ్రెండ్స్‌మి ఆర్కే బీచ్‌కు వెళుతున్నాము! వస్తారా?’ అని అడిగింది. మా ఫ్రెండ్స్‌ని అడిగి చెప్తానన్నాను. వస్తే గనుక తన నెంబర్‌ కాల్‌ చేయమంది. సరే అన్నాను. ఎలాగోలా మా ఫ్రెండ్స్‌ను ఒప్పించాను. అందరం కలిసి ఆర్కే బీచ్‌కు వెళ్లాము. బాగా ఎంజాయ్‌ చేశాము. అలా నాలుగు రోజులు ఎంజాయ్‌ చేశాము. వైజాగ్‌ మొత్తం తిరిగి ట్రిప్‌ కంప్లీట్‌ చేశాము. మేమిద్దరం తిరగని చోటు లేదు, తిరగని వీధిలేదు. మర్చిపోలేని జ్ఞాపకాలవి. ఆ తర్వాత తను ఇంటికి వెళ్లిపోవటానికి రెడీ అయింది. వెళ్లబోయే ముందు నన్ను పలకరించింది. నేను ‘సరే వెళ్లు!’ అన్నాను. ‘ఏంటి అలా మాట్లాడుతున్నావు?’ అని అడిగింది.  ‘మరి ఇంకెలా మాట్లాడాలి’  అన్నాను. సరే వెళుతున్నాను’ అంది కోపంగా. బై అని చెప్పి వెళ్లబోయింది. నేను ఆగమనన్నాను. ఎందుకంటూ సీరియస్‌గా చూసింది. నాకు ఏం చెప్పాలో అర్థం కాలేదు. ‘ అనితా! నేను నీకో మాట చెప్పాలి.’ అన్నాను. ఆ వెంటనే‘ ఐ హేట్‌ యూ’ అన్నాను. తను షాక్‌ అయింది. ‘అదేంటి అలా అన్నావు’ అంది. నేను నీ వల్ల ఇన్ని రోజులు హ్యాపీగా ఉన్నా! మరి ఇప్పుడు నువ్వు వెళ్లిపోతుంటే ఇంక ఏమనాలి చెప్పు! ’ అన్నాను. అక్కడే ఉండిపోమన్నాను. కుదరదంది. ఇంటికి పోయిన తర్వాత కాల్‌ చేస్తానంది. వెళ్లిపోయింది. చాలా రోజుల తర్వాత కాల్‌ చేసింది! వేరే నెంబర్‌ నుంచి. ‘ఎవరు’ అని అడిగితే పేరు చెప్పింది. నాకు ఎలా రియాక్ట్‌ అవ్వాలో అర్థం కాలేదు. ‘ఇప్పుడు గుర్తుకు వచ్చానా?’ అని అడిగాను. కాలేజ్‌ ఉండటం వల్ల ఇన్ని రోజులు కుదర్లేదని, మొబైల్‌ పోవటం వల్ల ఇప్పుడు చేస్తున్నానని చెప్పింది. కుశల ప్రశ్నల తర్వాత ఎక్కడ ఉన్నావని అడిగితే కటక్‌లో అని చెప్పింది. ఎందుకని ప్రశ్నించాను. మళ్లీ ఎప్పుడు కలుద్దామని అడిగాను.  రెండేళ్లు గడిచిపోయింది. చాలా మాట్లాడుకున్నాం, బాగా దగ్గరయ్యాం. తను మా లవ్‌ మ్యాటర్‌ ఇంట్లో చెప్పేసింది. ఇద్దరి కులాలు ఒకటే అవ్వటం వల్ల కొంచెం లేటుగానైనా ఒప్పుకున్నారు. ఇంకో రెండు నెలల్లో మా పెళ్లి. ఐ లవ్‌ యూ అనితా! ఐ లవ్‌ యూ!  - సాయి, నెల్లూరు లేదా worldoflove@sakshi.comకు మెయిల్‌ చేయండి

నేను చిన్నప్పటినుంచి హాస్టల్‌లో ఉండేవాడిని. అయితే అక్కడ ఉండలేక ఎనిమిదవ తరగతి చదువుతున్నపుడు హాస్టల్‌నుంచి వచ్చేశా. కొత్తగా ఒక జిల్లా పరిషత్‌ హైస్కూల్‌లో చేరా. రోజూ ఇంటికి వెళ్లి వచ్చేవాడిని. అక్కడ అంతా కొత్తపరిచయాలు. అప్పుడే నాకో అమ్మాయి బాగా నచ్చింది. పేరు శ్రవంతి! ఆ అమ్మాయి చాలా అందంగా ఉంటుంది. అసలు ఆ అమ్మాయికి సైట్‌ కొట్టని వారు లేరు. నేను కొద్దిగా బాగా చదువుతాను. అందువల్ల నాతో అందరికీ అవసరం ఉంటది. అలా అమ్మాయి ఫ్రెండ్‌ ఒక రోజు నన్ను మ్యాథ్స్‌ హోమ్‌ వర్క్‌ బుక్‌ అడిగింది. నేను శ్రవంతి మీద ప్రేమతో ఆ అమ్మాయికి ఇచ్చాను. ఇలా రోజురోజుకు మా పరిచయం పెరుగుతూ పోయింది. ఒక రోజు ధైర్యం చేసి నేను తనకిచ్చే పుస్తకంలో ఇద్దరి పేర్లు రాసి లవ్‌ సింబల్‌ వేసి ఇచ్చాను. అది తను చూసి మరుసటి రోజు సార్‌ దగ్గరకు వెళుతున్నానని భయపెట్టింది.  అప్పుడు నేను రివర్స్‌ గేమ్‌ ఆడాను. తనే ఆ పేరు రాసిందని. అప్పుడు తను ఒక్కసారిగా షాక్‌ అయ్యింది. నేను ధైర్యం చేసి తను ఇంటికి వెళ్లే దారిలో ఐ లవ్‌ యూ చెప్పా. తను మాత్రం ‘నేను నీకు బుక్‌ రాసి చెప్తా’ అంది. నేను ఒప్పుకోలేదు.  పట్టుదలగా అప్పుడే తనతో ఐ లవ్‌ యూ టూ చెప్పించుకున్నా. ఇక నాకైతే అప్పుడు గాల్లో తేలిపోయినట్లు అనిపించింది. ఇద్దరం పదవ తరగతికి వచ్చాం. ఇద్దరి మధ్యా ఎన్నో గుర్తులు.. ఎన్నెన్నో మాటలు. క్లాస్‌లో తను చూసే చూపులు. ఎనిమిది సంవత్సరాలు గడిచిపోయింది. ఇప్పటికీ మర్చిపోలేను. తర్వాత ఇద్దరం ఒకే కాలేజ్‌లో జాయిన్‌ అవుదామనకున్నాం. కానీ, నా తప్పు వల్ల తను చెప్పిన కాలేజ్‌లో చేరలేకపోయా. టెన్త్‌లో నాకు ఒక విషయం మాత్రం బాగా అర్థం అయింది. అమ్మాయి ప్రేమిస్తే ప్రాణం ఇస్తుందని. ఒక రోజు నేను మాట్లాడకపోతే తను క్లాస్‌లోనే ఏడ్చేసింది. ఆ రోజు నుండి ఆ అమ్మాయి అంటే నాకు బాగా నచ్చింది. మేము అనుకున్న కాలేజ్‌లో నేను చేరకపోయేసరికి తను మధ్యలోనే వచ్చేసింది. ఇక అమ్మాయికి మ్యారేజ్‌ చేశారు. నేనిప్పటికీ ఆ అమ్మాయిని మర్చిపోలేకపోతున్నా.  -రఫి,కువైట్‌ లేదా worldoflove@sakshi.comకు మెయిల్‌ చేయండి

మాది విశాఖ జిల్లా నర్సీపట్నం పక్కన ఒక విలేజ్. నేను డిగ్రీ చదువుతున్నప్పుడు డైలీ కాలేజ్‌కి బస్‌లో వెళ్లేవాడిని. రోజూ లాగానే ఆ రోజు కూడా కాలేజ్ అయిపోయాక బస్‌లో ఇంటికి వెళ్తున్నా. నా పక్కన సీట్‌లో ఇద్దరు అమ్మాయిలు కూర్చుని ఉన్నారు. అందులో ఒక అమ్మాయి వాళ్ల ఊరు వచ్చిందని దిగిపోయింది. దిగుతున్నపుడు తన ఫొటోస్ బ్యాగ్ నుండి కింద పడిపోయాయి. నేను అవి చూసి తన ఫ్రెండ్‌కు ఇవ్వటానికి ఆమెను పిలిచాను. నేను నిజంగా సర్‌ప్రైజ్‌ అయ్యాను. తను చాలా అందంగా ఉంది. కొంత సేపు తనని అలానే చూస్తూ వుండిపోయాను. తనే గట్టిగా పిలిచి ‘ఏమైంది’ అని అడిగి నవ్వుకుంది. నేను తన ఫ్రెండ్ ఫొటోస్ చూపించి ‘నీ పక్కన కూర్చున్న అమ్మాయి ఫొటోస్’ అని అన్నాను. తను అవి తీసుకుని థాంక్స్ చెప్పి వెళ్లిపోయింది. ఆ రోజంతా తనే గుర్తుకు వచ్చింది. ఆ తర్వాత రోజు సండే కాలేజెస్ సెలవు! సోమవారం తనకోసం చాలా వెతికాను కానీ, కనిపించలేదు. ఒక వారం రోజుల తర్వాత మళ్లీ బస్‌లో కనిపించింది. తనతో మాట్లాడాలని అనిపించేది. కానీ, ఎందుకో భయం వేసి మాట్లాడలేకపోయాను. ఆ తర్వాత తను నాకు కనిపించలేదు. ఒకరోజు నా ఫ్రెండ్ తన లవర్ కోసం బస్ స్టాప్‌లో ఎదురుచూస్తుంటే నేను వాడికి తోడుగా ఉన్నాను. వాడు తన లవర్‌తో మాట్లాడుతుంటే నేను కొంచెం దూరంగా వెళ్లి నుంచున్నాను. నా ఫ్రెండ్ లవర్‌తో పాటు నేను బస్‌లో చూసిన అమ్మాయి కూడా వచ్చింది. ఇద్దరిదీ ఒకే ఉరంట. వరసకి అక్కాచెల్లెళ్లు అవుతారంట. కానీ నా ఫ్రెండ్ నాకు విలేజ్‌లో బావ అవుతాడు. నేను వాడిని కావాలనే తన ముందు అన్నయ్యా అని పిలిచే వాడిని. అప్పటి నుండి నేను కూడా నా ఫ్రెండ్‌తో పాటు వాళ్ల కోసం వెయిట్ చేసేవాడిని. నా ఫ్రెండ్ వాడి లవర్ ఒకే సీట్‌లో కూర్చునేవారు. తప్పక తను నా పక్కన కూర్చునేది. కానీ ఏమీ మాట్లాడేది కాదు. వాళ్ల ఊరికి బస్‌లు ఉండవు. ఊరికి ఐదు కిమీ దూరంలో బస్ దిగేసి ఆటోకి వెళ్లాలి. ఉదయం టైమ్‌లో నేను నా ఫ్రెండ్ త్వరగా వాళ్లు బస్ ఎక్కే ఊరు వెళ్లి వాళ్ల కోసం వెయిట్ చేసేవాళ్లం. అలా తనతో పాటు బస్‌లో వెళ్లి రావటం నాకు అలవాటైంది. తను ఒక్క రోజు కనిపించకపోయినా వాళ్ల సిస్టర్‌ని ఏదో ఒక విధంగా తన గురించి అడిగే వాడిని. వాళ్ల సిస్టర్(నా ఫ్రెండ్ లవర్)కి నాపైన డౌట్ వచ్చి వాడిని అడిగితే నేను తనని లవ్ చేస్తున్నట్టు చెప్పేశాడు. కానీ తను వాళ్ల సిస్టర్‌కి చెప్పలేదు. ఆ రోజు జనవరి ఒకటవ తేది! నా చెల్లి అపుడు పదవ తరగతి చదువుతోంది. వాళ్ల ఫ్రెండ్ పుట్టినరోజంటే నేను మా చెల్లిని తీసుకుని వాళ్ల ఊరు వెళ్లాను. లక్కీగా చెల్లి వాళ్ల ఫ్రెండ్ ఊరు నేను లవ్ చేస్తున్న అమ్మాయి ఊరు ఒకటే. తను కనిపిస్తుందేమోనని చాలా సంతోషంతో వెళ్లాను. చెల్లిని వాళ్ల ఫ్రెండ్ ఇంట్లో దింపేసి తను కనిపించేంత వరకు ఆ ఊరంతా ఒక రౌండ్ వెయ్యాలని అనుకున్నాను. చెల్లి వాళ్ల ఫ్రెండ్ ఇంటికి వెళ్లాము. అక్కడ నేను షాక్ అయ్యాను. చెల్లి ఫ్రెండ్ వాళ్ల సిస్టర్ నా లవర్ ఒక్క అమ్మాయే. నేను చాలా ఆనందపడ్డా. చెల్లికి థాంక్స్ చెప్పుకున్నా. అక్కడ చాలా సేపు ఉన్నాము. తను నాకు డ్రింక్ తెచ్చి ఇస్తూ ‘తీసుకో అన్నయ్యా’ అంది. నాకు కళ్లల్లో నీళ్లు తిరిగాయి. 5 నిమిషాల తర్వాత అక్కడ నుండి చెల్లిని తీసుకుని వచ్చేశాను. ఆ తర్వాత తనకి కనిపించలేదు. ఒకవేళ కనిపించినా తప్పించుకుని తిరిగేవాడిని. తను నా ఫ్రెండ్‌ని అడిగిందంట నేను ఎందుకు కనిపించటం లేదని. ‘నువ్వు అన్నయ్య అన్నావు కదా! అందుకే వాడు చాలా బాధ పడుతున్నాడు’ అన్నాడంట తనతో. ఆ తర్వాత మేము ఒకరికి ఒకరం ఎదురుపడలేదు. ఒక నెల రోజుల తర్వాత నేను కాలేజ్ అయ్యాక ఫ్రెండ్స్‌తో కలిసి ఫస్ట్ షో సినిమాకి వెళ్లాను. సినిమా అయిపోయాక బస్ కోసం వెయిట్ చేస్తున్నాను. తనకి ఆ రోజు ప్రాక్టికల్స్ అంట చాలా లేట్ అయిపోయారు. తను వాళ్ల ఫ్రెండ్ వచ్చారు. బస్‌లు చాలా  సేపు రాలేదు. వాళ్లు చాలా కంగారు పడుతున్నారు. బస్‌లు వస్తున్నాయి కానీ, అస్సలు కాలు పెట్టడానికి కూడా ఖాళీ ఉండేది కాదు. మా ఫ్రెండ్స్ అందరూ వెళ్లిపోయారు. కానీ నేను తనకి బాగా లేట్ అయ్యింది కదా తను వెళ్లిన తరువాత వెళ్దాం అని ఉండిపోయాను. బస్ వచ్చింది! నేను ముందుగా ఎక్కి సీట్‌లో కూర్చున్నాను. తన ఫ్రెండ్‌ని పిలిచి నేను కూర్చున్న సీట్లో కూర్చోమని చెప్పి నేను ఇంకొక దగ్గర నుంచున్నాను. వాళ్ల పక్కన ఇంకొకరు కూర్చోవటానికి ప్లేస్ ఉంది. కానీ, నేను కూర్చోలేదు నుంచున్నా. బస్ స్టార్ట్ అయిన తరువాత కొందరు అబ్బాయిలు వచ్చి వాళ్ల సీట్లో కూర్చోవటానికి చూస్తున్నారు. అప్పుడు తను వాళ్ల ఫ్రెండ్‌తో చెప్పి, నన్ను సీట్లో కూర్చోవటం కోసం పిలిపించింది. నాకు పరిస్థితి అర్థమై కూర్చున్నాను. కానీ ఎవరితోనూ మాట్లాడలేదు. మొబైల్‌లో సాంగ్స్ వింటున్నా. అపుడు వాళ్ల ఫ్రెండ్ ‘అన్నయ్యా! సాంగ్స్ మేము కూడా వింటాము.’ అని చెప్పింది. అపుడు నేను నా మొబైల్ వాళ్లకి ఇచ్చేసి సైలెంట్‌గా కూర్చున్నా. టైమ్ 9:30 అయ్యింది. వాళ్ల ఊరికి ఆటోలు వుంటాయో ఉండవో అని నేను కూడా తనతో పాటు తను దిగే స్టాప్‌లో దిగిపొయాను. ఎందుకైనా మంచిదని నా ఫ్రెండ్‌కి కాల్ చేసి బైక్ తెప్పించాను. తను ఆటో కోసం వెయిట్ చేస్తోంది. నేను వేరే చోట నుంచొని ఉన్నాను. కాసేపటికి నా ఫ్రెండ్ వచ్చాడు. చాలా టైమ్ తర్వాత ఆటో వస్తే తను ఎక్కింది. నేను నా ఫ్రెండ్ ఆటోని ఫాలో అవుతూ వెళ్లాము. ఊరిలో తను దిగేవరకు ఉన్నాము. తరువాత ఒకరోజు నాకో నెంబర్‌నుంచి కాల్ వచ్చింది. తీరా చూస్తే అది తనే. చాలా రోజుల నుండి నా కోసం చూస్తుంది కానీ నేను కనిపించలేదు అని చెప్పింది. నేను చాలా సంతోష పడ్డాను. ఆఖరికి వాళ్ల చెల్లికి జరిగిందంతా చెప్పి నా నెంబర్ మా చెల్లి దగ్గర తీసుకుని కాల్ చేసిందంట. ఆ రోజు చాలా మాట్లాడుకున్నాము. అప్పటినుండి అప్పుడప్పుడు కాల్స్. డైలీ బస్‌లో మీట్ అవ్వటం చేసేవాళ్లం. తన ఇంటర్ ఎక్షామ్స్‌ అయిపోయాయి. సమ్మర్‌లో తననుండి ఒక్క కాల్ కూడా రాలేదు. నాకు పిచ్చెక్కేది. సమ్మర్ నాకు చాలా కష్టంగా గడిచింది. తర్వాత మళ్లీ కాలేజీలు స్టార్ట్ అయ్యాయి. తనని కలిసి అడిగాను ‘ఇన్ని రోజులు ఎందుకు ఫోన్ చేయలేదు’ అని. అప్పుడు తను చెప్పింది ‘మా ఫోన్ పాడైంది. నెంబర్స్ పోయాయ్! అందుకే కాల్ చేయడానికి అవ్వలేదు’ అని. అప్పుడు తను తన కొత్త నెంబర్ నాకిచ్చింది. అప్పటి నుండి మేము డైలీ ఫోన్‌లో మాట్లాడుకునేవాళ్లం. ఒకరోజు ధైర్యం చేసి తనను ప్రేమిస్తున్న విషయం చెప్పేశాను. తను లవ్‌పైన ఇంట్రెస్ట్ లేదని చెప్పింది. అయినా కానీ నేను తనతో మాట్లాడేవాడిని చాలా రోజుల తర్వాత తను నా ప్రేమను ఒప్పుకుంది. అప్పటినుండి మా ప్రేమ, నా లైఫ్ చాలా సంతోషంగా ఉండేది. అలా మా ప్రేమ నాలుగు సంవత్సరాలు కొనసాగింది. మా ప్రేమ విషయం తను వాళ్ల అమ్మకు కూడా చెప్పింది. వాళ్ల అమ్మ కూడా మా ప్రేమను ఒప్పుకుంది. డిగ్రీ అయిపోయిన తర్వాత నేను పీజీ చేయడం కోసం వైజాగ్ వెళ్ళిపోయాను. ఆ తర్వాత ఒకరోజు తను  కాల్ చేసి ‘నాకు ఇంట్లో పెళ్లి సంబంధాలు చూస్తున్నారు. ఏం చేయమంటావు’ అని అడిగింది. ‘ఓ రెండు సంవత్సరాలు వేయిట్‌ చెయ్! ఈ లోపు నా చదువు పూర్తవుతుంది. జాబ్ రాగానే పెళ్లి చేసుకుంటాను’ అని చెప్పాను. కానీ తను ‘ఇంట్లో ఒత్తిడి చేస్తున్నారు. ఈ సంవత్సరమే చేసుకోవాలి’ అని చెప్పింది. కానీ ఇంట్లో బాధ్యతల వల్ల చేసుకోలేనని చెప్పాను. ఎందుకంటే నేను నా చెల్లి పెళ్లి చేయాలి. ఆ తర్వాత నేను చేసుకోవాలి. అలా కాదని నేనే ముందు పెళ్లి చేసుకుంటే మా ఫ్యామిలీ ఇబ్బందులు పడాల్సి వస్తుందని తనతో చెప్పాను. కానీ తను ఆ టైంలో నన్ను అర్థం చేసుకోలేదు. నాకు ఏం చేయాలో అర్థం అయ్యేది కాదు. అప్పుడు నేను ఏమీ చేయలేని పరిస్థితిలో ఉండిపోయాను. వారం రోజుల తర్వాత కాల్ చేసి ‘నాకు మ్యారేజ్ ఫిక్స్ అయిపోయింది. రెండు నెలల్లో మ్యారేజ్’ అని చెప్పింది. నేను ఏమీ చేయలేక అలా ఉండి పోయాను. తన పెళ్లి అయిపోయింది. ఇప్పుడు నాకు మంచి జాబ్ వచ్చింది. జీతం వచ్చే జాబ్‌ ఉంది కానీ, జీవితం ఇచ్చే ప్రేమ లేదు. నేను తనను చాలా మిస్ అవుతున్నాను. తను ఎక్కడున్నా హ్యాపీగా ఉండాలి. అదే నేను కోరుకునేది మిస్ యు బుజ్జి ఐ మిస్ యు సో మచ్! ఐ లవ్ యు... నిన్ను ఎంతగానో ప్రేమించే - సతీష్ లేదా worldoflove@sakshi.comకు మెయిల్‌ చేయండి

చాలా కాలం క్రితం మా కుటుంబం ఓ మూడేళ్లు అనంతపురంలో ఉండింది. అప్పుడు నేను 8నుంచి 10వ తరగతి వరకు శారదా మున్సిపల్ గర్ల్స్‌ హైస్కూల్‌లో చదివాను. చాలా కష్టపడి చదివేదాన్ని. చదువే నాలోకం. 8వ తరగతిలో రంగప్ప సార్‌ ట్యూషన్‌లో చేరాను. చాలా బిడియం, అమాయకత్వం, మగ పురుగును చూడటం కూడా తప్పు అనుకునేదాన్ని. నన్నో అబ్బాయి నాకు తెలియకుండా డైలీ చూసేవాడు. తొమ్మిదిలో ట్యూషన్‌ మానేసినా పదిలో మళ్లీ నా కోసమే చేరాడు. నేను చాలా యాక్టివ్‌గా ఉండేదాన్ని. మా స్కూల్‌ తరపున డ్రాయింగ్‌, సింగింగ్‌, అన్ని కాంపిటీషన్స్‌కు వెళ్లేదాన్ని.  అతను కూడా నేను వెళ్లే ప్రతీ కాంపిటీషన్‌కు వచ్చేవాడు. వాళ్లది బాయ్స్‌ స్కూల్‌. అతను నన్ను డీప్‌గా ప్రేమిస్తున్నాడని నా ఫ్రెండ్స్‌ చెప్పేవరకు నాకు తెలియదు. ట్యూషన్‌ సోఫా మీద నా పేరు వందలసార్లు దిద్దేవాడు. ఎప్పుడైనా అతను నా దగ్గరగా నిలబడినప్పుడు నేను చూస్తే చాలు అమ్మాయిలందరూ నన్ను ‘ చూసింది, చూసింది’ అని కామెంట్లు చేసేవారు. ఆ వెంటనే నేను తప్పు చేసినట్లు తలదించుకుని స్టడీస్‌పై శ్రద్ధ పెట్టేదాన్ని. సెలవులొస్తే మా వీధి చివర నిలబడి నేను కనపడేవరకు ఎదురు చూసేవాడు. నాకప్పుడు తెలియదు అతను నా కోసమే నిలబడ్డాడని. టెన్త్‌ ఫైనల్‌ ఎక్షమ్స్‌​ అప్పుడు మా ఇద్దరి సెంటర్లు వేరు వేరు. పరీక్షల్లో ఏం రాసేవాడో కానీ, సైకిల్‌ మీద వచ్చేటప్పుడు , వెళ్లేటప్పుడు ఫాలో అయ్యేవాడు. లాస్ట్‌ డే రోజు నేను మిస్‌ అయ్యానని రొప్పుకుంటూ వచ్చాడు. నాకు ఎన్నో లెటర్స్‌ రాశాడంట నాకు వినిపించాలని. హాలిడేస్‌లో మేము హైదరాబాద్‌ షిప్ట్‌ అయ్యాము. అతన్ని ఒక్కసారి కూడా చూడలేదు, మాట్లాడలేదు. కానీ, రీసెంట్‌గా స్వప్న మూవీలో లవ్‌ లెటర్స్‌ సాంగ్‌ చూశాక చాలా బాధపడ్డా. నేనెంత నిజమైన ప్రేమను మిస్‌ అయ్యానోనని. నేను దూరం అయ్యాక ఎలా తట్టుకున్నాడో, అసలు ఉన్నాడా అని అనుమానం. ఇది జరిగి 30 ఏళ్లు గడుస్తున్నా నా హార్ట్‌లో నిలిచిపోయే రిలేషన్‌. ఎక్కడున్నా నీకు సారీ చెప్పాలని, ఆ లెటర్స్‌ చదవాలని, నిన్ను చూడాలని ఉంది. - శ్రీ గౌరీ, అనంతపురం లేదా worldoflove@sakshi.comకు మెయిల్‌ చేయండి

నేను నా స్కూల్‌ డేస్‌నుంచి ఎవరితోనూ ఎక్కువగా మాట్లాడేదాన్ని కాదు. చాలా సైలెంట్‌. ఇంటర్‌ కాలేజ్‌ అంతా వైజాగ్‌ గర్ల్స్‌ హాస్టల్‌లోనే. ఆ తర్వాత డిగ్రీలోకి వచ్చిన తర్వాత మధ్యలో తను పరిచయం అయ్యాడు. తనొక షార్ట్‌ ఫిల్మ్‌ డైరెక్టర్‌! నిజానికి నేనే తనకి మెసేజ్‌ చేశా. అలా మేము బాగా మాట్లాడుకునేవాళ్లం. తను నాతో రిలేషన్‌ కావాలని అడిగాడు. నేను సరే అన్నాను. అలా నాకు తెలియకుండానే నేను తనని చాలా ప్రేమించా. చాలా సార్లు తనకు చెప్పాలనుకున్నా. కానీ, భయం వేసింది. ఏమైనా అనుకుంటాడేమో అని అప్పుడు చెప్పలేదు. కానీ, తనకు నేను ప్రేమిస్తున్నానని తెలుసు! కావాలని నన్ను దూరం పెట్టాడు. తను గతంలో ఓ అమ్మాయిని ప్రేమించాడు. ఇప్పటికీ ఆ అమ్మాయిని మర్చిపోలేకపోతున్నాడు. ఈ విషయాలు అన్నీ తెలిసికూడా నేను తనని ప్రేమించా. తను ఎప్పుడూ హ్యాపీగా ఉండాలని అనుకునేదాన్ని. తను నన్ను ప్రేమించకపోయినా పర్లేదు గానీ, నాతో మాట్లాడితే చాలని అనుకునేదాన్ని. కానీ, తను నాతో మాట్లాడటం మానేశాడు. తనకోసం ఏడవని రోజు లేదు. తన ఫొటో చూసుకుని, పాత మెసేజ్‌లు చదువుతూ అలా బ్రతికేస్తున్నా. తనంటే అంత పిచ్చి నాకు. ఈ జన్మలో కాకపోయినా వచ్చే జన్మంటూ ఉంటే తను ప్రేమించే అమ్మాయి నేనే కావాలని కోరుకుంటున్నాను. నేను నిన్ను ఈ జన్మలో మర్చిపోను. - గీత, విశాఖపట్నం చదవండి : అమ్మ కోసం ఆమెను వదులుకున్నా! కానీ.. అతడికి ఫోన్‌ చేస్తే మేము చస్తాం! లేదా worldoflove@sakshi.comకు మెయిల్‌ చేయండి

మొదటిసారి తనను ఒక కోచింగ్‌ సెంటర్‌లో చూశాను. తను యావరేజ్‌గా ఉన్నా ఎందుకో చూడగానే నచ్చేసింది. అక్కడ నన్ను ఇష్టపడేవారు ఎక్కువ ఉన్నా.. నేనెవరినీ పట్టించుకునేవాడినికాదు. అందరినీ చెల్లీ అంటూ పలకరించేవాడిని. కానీ, తనను మాత్రం పేరు పెట్టి పిలిచేవాడిని. అలా పిలవడంతోనే నా ప్రేమ విషయం అక్కడ ఉన్న అందరికీ తెలిసి పోయింది. తను కూడా నాతో చాలా బాగా మాట్లాడేది. అలా మొదలైన మా పరిచయం కోచింగ్‌ అయిపోగానే ఫోన్‌ నెంబర్లు తీసుకుని మాట్లాడేవరకు వచ్చింది. అలా ఒకరోజు తనే నాకు మెసేజ్‌ చేసి ప్రపోజ్‌ చేసింది. ఇక నా ఆనందానికి అవధులు లేవు. అలా మొదలైన మా ప్రేమ కథ ఐదేళ్లు కొనసాగింది. ఒక రోజు వాళ్ల ఇంట్లో మా ప్రేమ విషయం తెలిసి తనను కొట్టారు. వాళ్ల నాన్న తనతో నాకు ఫోన్‌ చేయించారు. నేను వెంటనే వాళ్లింటికి వెళ్లాను. వాళ్లు మర్యాదగానే ‘నీకు నచ్చితే! మీరు ఒకరినిఒకరు ఒదిలి ఉండలేకపోతే పెళ్లి చేసుకోండి. ఇంటి దగ్గర ఒప్పించి రా’ అని నాకు చెప్పారు. దీంతో నేను మా వాళ్లను ఒప్పించే పనిలో పడ్డా. మా అమ్మకి అస్సలు ఇష్టం లేకపోవడంతో అదే విషయం వాళ్ల నాన్నకు కాల్‌ చేసి చెప్పా. ఆయన సింపుల్‌గా ‘సరే! ఇకనుంచి మా అమ్మాయిని మళ్లీ కలుసుకునే ప్రయత్నం చెయ్యెద్దు.’ అని చెప్పి తనను బెదిరించాడు. దాంతో క్లోజ్‌ అయిందనుకున్న నా ప్రేమ కథ తను మళ్లీ ఫోన్‌ చేసి‘ బ్రతికున్నంతకాలం ఇలానే ఉందాం!’ అని చెప్పేసరికి మళ్లీ మొదలైంది. అప్పటినుంచి మామూలుగా ఫోన్‌లలో మాట్లాడుకునేవాళ్లం. అలా మా ప్రేమ వ్యవహారం తను పెళ్లి చేసుకోవటంతో ముగిసింది. నేను మా అమ్మ తర్వాత అమ్మ అనుకున్న తను పెళ్లి అయ్యాక మళ్లీ ఫోన్‌ కూడా చేయకపోవటంతో నా బాధకు అవధులు లేకుండాపోయాయి. 18 నెలలుగా నాలో నేను ఎంత కుమిలిపోతున్నానో చెప్పలేను. తను నా నుండి విడిపోయినప్పటికి నాతో మాట్లాడతానని చెప్పింది. కానీ, తను ఇప్పుడు ఎక్కడ ఉందో కూడా నాకు తెలియదు. కనీపెంచిన అమ్మను కాదనలేక నేను తనను వదులుకున్నా. ఇప్పుడు నేను మనో వేధనతో బాధపడుతున్నా. నరకం చూస్తున్నా. తనని మర్చిపోలేక, వేరే వాళ్లు నన్ను ఇష్టపడి ప్రపోజ్‌ చేసినా.. నా మనసు అంగీకరించక దూరం పెడుతూ వస్తున్నా. కానీ, నాకు మరో అమ్మవు అవుతావనుకున్న నువ్వు ఇలా మధ్యలో వదిలేస్తావనుకోలేదు బంగారం. నువ్వెక్కడున్నా సుఖసంతోషాలతో ఉండాలని మనస్ఫూర్తిగా కోరుకుంటున్నా.  - సురేష్‌ లేదా worldoflove@sakshi.comకు మెయిల్‌ చేయండి

2014 నుంచి తనను ఇష్టపడ్డా. ఈ స్మార్ట్ యుగంలో కూడా లవ్ లెటర్ ఇచ్చా. ఎందుకంటే మన మనసులో ఉన్న భావాలు తేలికగా, అందంగా చెప్పడానికి ప్రేమ లేఖ ఉత్తమమైనది. 2015లో లెటర్ ద్వారా నా ప్రేమను తెలియ జేస్తే! ఆ లెటర్ కాస్తా ఆ అమ్మాయితో సహా వాళ్ల అక్కలు కూడా చూశారు. ఈ కాలంలో కూడా ఈ లెటర్ ఏంది అని కామెడీ చేశారు. తర్వాత నేను ఏంటీ? ఏం చేస్తాను? అని ఎంక్వైరీ చేశారు. ఓ వైపు  చదువుతూ ఇంటి ఆర్థిక పరిస్థితులకు తగ్గట్టు తాపీ మేస్త్రీ పని చేస్తున్న నన్ను హేళన చేస్తూ ‘ఛీ తాపీ పని చేస్తాడా’ అన్నట్టు చూశారు! కొందరితో అన్నారు కూడా. అలా అన్న మరు క్షణమే నాకు అర్థమైంది. తనకు దగ్గర కావాలంటే నేను చేసే పని మారాలి అని. నాకు తెలిసిన అన్నయ్య వాళ్లతో చెన్నై షిప్ యార్డులో సూపర్‌ వైజర్‌గా చేరా. కానీ, తనను విడిచి దూరంగా ఉండలేక నెల రోజులకే తిరిగి వచ్చేశా. ఈ మధ్యలో సరిగ్గా జూలై 26న తన పుట్టినరోజున ప్రపోస్ చేశా.. ఒప్పుకుంది. 2016లో నా డిగ్రీ పూర్తయింది. ఆ వెంటనే ఎన్ఎసీ(నాక్‌) హైదరాబాద్‌లో మూడు నెలలు ట్రైనింగ్‌ తీసుకుని అపర్ణ కన్స్ట్రక్షన్లో జాబ్ సెలెక్ట్ అయ్యా. కొద్ది రోజుల తర్వాత తనే ఫోన్ చేసి ఎలా ఉన్నావ్? ఏంటి? అని అడిగింది. తను నాకు ఫోన్ చేయడాలు, మళ్లీ నేను తనకు చేయడాలు. వాళ్ల అక్కలు గమనించి ఇంట్లో చెప్పారు. ‘అతడికి నువ్వు ఫోన్‌ చేస్తే మేము చస్తాం!’ అని బెదిరించారు. అప్పటి నుండి మా ప్రేమ ముగిసింది. ఆ క్షణం నుండి నేను నాలో లేను. ఓ ఆరు నెలలు తను కూడా బాగా డిస్ట్రబ్‌ అయిందట.. తిండి తినలేదట. నాకు తెలిసిన కొందరు చెప్పారు. కొన్నాళ్లకు నన్ను మరచిపోయింది. ఒక రోజు నా దగ్గరకు వచ్చి ‘నన్ను మరచిపో’ అని చెప్పి వెళ్లిపోయింది. నేను మాత్రం తన జ్ఞాపకాలను నెమరేసుకుంటూ జీవితాన్ని గడుపుతున్నా. చావడానికి కూడా సిద్ధ పడ్డా కానీ, నా ఫ్యామిలీ గురించి ఆలోచించినపుడు చావాలనుకున్న కారణం చాలా చిన్నగా అనిపించింది. - శ్రీనివాస్‌, తాండూరు లేదా worldoflove@sakshi.comకు మెయిల్‌ చేయండి

నేను బొబ్బిలిలో డిప్లొమా చదువుతున్న రోజుల్లో మా ఫ్రెండ్‌ వాళ్ల  ఫ్రెండ్ ఒక అమ్మాయి ఫేస్‌బుక్‌లో నాకు పరిచయం అయ్యింది. స్నేహం బలపడి, క్రమేపి తను నా బెస్ట్ ఫ్రెండ్‌ అయ్యింది. ఆ అమ్మాయి వాళ్ల నాన్న వాళ్లింట్లో వాళ్లని అస్సలు పట్టించుకునేవారు కాదు. తను ఎప్పుడూ ఆ బాధలు నాతో చెప్తూ బాధ పడుతూ ఉండేది. ఒకరోజు ఆ బాధల్ని పోగొట్టి తన జీవితంలో సంతోషం చూడాలని తనకి ప్రపోజ్ చేశా. వెంటనే తను ఒప్పుకుంది. తను ఒప్పుకున్న మూడు నెలలకే నాకు గవర్నమెంట్‌ జాబ్‌ వచ్చింది. అలా మా  ప్రేమ కొనసాగుతున్న తరుణంలో  మాకు సంబంధించిన కొన్ని విషయాలు తెలుసుకుంటే ఆశ్చర్యానికి లోనయ్యాము. తన క్యాస్ట్, తన బ్లడ్ గ్రూప్, తన చేతివాటం(లెఫ్ట్ హ్యాండ్), తన జన్మ నక్షత్రం, రాశి, ఒకే ఊరు అన్నీ ఒకేలా నాలానే ఉన్నాయి. మేము 6 సంవత్సరాలు కలిసి ఉన్నా ఎప్పుడూ ఎటువంటి సినిమాలకి, పార్క్‌లకు వెళ్లలేదు. అలా అని ఇప్పుడు ఉన్నట్టు అడ్వాంటేజ్ కూడా తీసుకోలేదు. దానికి కారణం నిజమైన ప్రేమ ఎప్పటికైనా గెలుస్తాదని ఇద్దరం గట్టిగా నమ్మాం. అలా అనే ఇద్దరి ఇంట్లో నాలుగు నెలల క్రితం చెప్పాం. మా ఇంట్లో ఒప్పుకోగానే వాళ్ల ఇంటికి మా అమ్మానాన్నలని తీసుకుని వెళ్లా. ఇద్దరికీ ఏప్రిల్లో పెళ్లి చేసేస్తాం అని అన్నారు వాళ్ల నాన్న. ఇక మా ఆనందానికి అవధులు లేవు. కానీ రెండు నెలల తర్వాత ‘ ఇద్దరి జాతకాలు సెట్ అవ్వలేదంట.. మేము మా అమ్మాయికి వేరే సంబంధం చూసేస్తాం’. అని చెప్పి వెళ్లిపోయారు. ఆ అమ్మాయిని అడిగితే ‘మా అమ్మ నేను ఎంత అడిగినా వినట్లేదు వేరే సంబంధం తెచ్చేశారు. ఏం చేస్తాం చెప్పు!’ అని చెప్పి నా నెంబర్‌ బ్లాక్ చేసేసింది. వాళ్ల నాన్నకి నాకంటే ఇంకా బెస్ట్ ఎక్కడ దొరికాడో?.. గవర్నమెంట్‌ ఉద్యోగిని, స్మోకింగ్, డ్రింకింగ్ అలవాటు లేదు. ఒకే ఊరు! తన కూతురు ఇంటి పక్కనే ఉంటాది. మొన్న సచివాలయం పరీక్షల్లో ఆ అమ్మాయికి జాబ్ వచ్చింది. పోస్టింగ్ నేను జాబ్ చేస్తున్న పక్క ఊరే. నన్ను దాటుకుని రోజు వెళుతుంది. తనను చూస్తుంటే కంట్లో నీళ్లు వస్తున్నాయి. - రాజు, విజయనగరం లేదా worldoflove@sakshi.comకు మెయిల్‌ చేయండి

మాది వైజాగ్‌! చిన్నప్పటినుంచి సినిమాలంటే ఇష్టం ఉండటంతో చదువు మధ్యలోనే ఆపేసి హైదరాబాద్‌ వచ్చేశా. రావటం అయితే వచ్చా కానీ, ఇక్కడ నాకు ఎవరూ తెలియదు. ఎలాగైనా హైదరాబాద్‌లోనే ఉంటూ ఏదైనా పని చేసుకుంటూ సినిమాలకు ట్రై చేద్దామనుకున్నా. జాబ్‌లో జాయిన్‌ అయి దగ్గరలోనే రూం తీసుకున్నా. అలా మూడు నెలలు గడిచిపోయింది. అప్పటివరకు రూం, ఆఫీసు తప్ప వేరే ప్రపంచం నాకు తెలియదు. ఒకరోజు డ్యూటీనుంచి వచ్చిన తర్వాత అమ్మ ఫోన్‌ చేస్తే రూం బయట నిలబడి మాట్లాడుతున్నా. నా ముందునుండి ఓ అమ్మాయి వెళుతోంది. అచ్చం దివినుంచి దిగివచ్చిన దేవకన్యలా ఉంది. ఆమెనే చూస్తూ ఉండిపోయాను. అలా చూస్తుండగానే తను మా గల్లీ దాటిపోయింది. ఊహల్లోంచి తేరుకున్న నేను తనెవరో, ఎక్కడ ఉంటుందో తెలుసుకోవాలని వెంటనే తనకోసం పరుగుతీశా. తను, తన ఫ్రెండ్‌తో కలిసి మార్కెట్‌లోకి వెళ్లింది. నేను తన వెంటే వెళ్లా. ఎలాగైనా తను ఎక్కడ ఉంటుందో తెలుసుకోవాలని నా ఆత్రుత. మార్కెట్‌లోంచి బయటకు వెళుతుంటే నేను వెనకాలే ఫాలో అయ్యాను. తన ఫ్రెండ్‌ మధ్యలో బై చెప్పి వెళ్లిపోయింది.  తను మాత్రమే నడుస్తోంది. వెనకాలే నేను. ఒకసారి వెనక్కు తిరిగి చూస్తే బాగుండు అనుకుని వేయిట్‌ చేస్తున్నా. తను మాత్రం ఏమీ పట్టించుకోకుండా వెళ్లిపోయింది. ఇంతలో నా మొబైల్‌ రింగ్‌ అయింది. ఆ సౌండ్‌కు తను వెనక్కు తిరిగి చూసింది. నా చేతిలో ఉన్న ఫోన్‌ జారిపోయి కింద పడింది. తను నవ్వుకుంటూ వెళ్లిపోయింది. అప్పుడు జారింది నా ఫోన్‌ ఒక్కటే కాదు.. నా మనసు కూడా. మళ్లీ తన వెనకాలే ఫాలో అయ్యాను. మొత్తానికి తన అడ్రెస్‌ కనుక్కున్నా. హఠాత్తుగా రూంకు తలుపువేయలేదన్న సంగతి గుర్తుకువచ్చింది. వెంటనే పరిగెత్తబోయాను. కానీ, తీరా చూస్తే ఆ అమ్మాయి ఇళ్లు మా ఇంటి పక్కనే ఉంది. ఒక్క క్షణం నాకేమీ అర్థం కాలేదు. తనను ఎలా పరిచయం చేసుకోవాలో అర్థం కాక నైట్‌ అంతా నిద్రపట్టలేదు. డైరెక్ట్‌గా మాట్లాడటం అంటే నాకు చాలా భయం. వాళ్ల ఫ్రెండ్స్‌ని ఎవరైనా ఆమె నెంబర్‌ అడుగుదామంటే నాకు ఎవరూ తెలియదు. ఉదయం ఆఫీసుకు కాల్‌ చేసి ఫీవర్‌ ఉందని లీవ్‌ పెట్టా. మార్నింగ్‌ తను కాలేజ్‌కు వెళ్లే సమయంలో ఇంటి బయట నిలబడి వేయిట్‌ చేస్తున్నా. ఇంతలో తను బయటకు వచ్చింది. నా గుండె వేగం పెరిగింది. భయం మొదలైంది. వెయ్యికోట్లు దొంగతనం చేసి దొరికిపోయినా సరే ఇలాంటి టెన్షన్‌ వద్దు. ఇదేం ఫీలింగ్‌రా బాబు అనుకున్నా. ఇంతలో తన ఫ్రెండ్‌ వచ్చింది. తనతో నీ ఎఫ్‌బీ ఐడీ ‘పల్లవి, పల్లవి కదా?’ అంది. తను అవునంది. ‘మరి డీపీ ఏంటి ప్రభాస్‌ది పెట్టావు’  అని అడిగింది. దాహంగా ఉన్నోడికి ఒక్కసారిగా బీర్‌ కేస్‌ దొరికినట్లు అయ్యింది. ఇక వెంటనే రూంలోకి వెళ్లి, మొబైల్‌లో ఎఫ్‌బీ ఓపెన్‌ చేశా. బాగా వెతికి, వెతికి తన ఐడీ కనుక్కున్నా. ఆనందం తట్టుకోలేకపోయా. వెంటనే రిక్వెస్ట్‌ పెట్టా. ఎప్పుడు ఆక్సెప్ట్‌ చేస్తదా అని చూడటం మొదలుపెట్టా. మధ్యాహ్నం ఒకటి అయింది కానీ తను ఆక్సెప్ట్‌ చేయలేదు. అసలు ఆక్సెప్ట్‌ చేస్తదా చేయదా అని టెన్షన్‌. ఇంతలో ఎఫ్‌బీ నోటిఫికేషన్‌ వచ్చింది. అది తన ఆక్సెప్ట్‌ అయ్యుండాలని దేవుడ్ని ప్రార్థించటం మొదలుపెట్టా. ఆ దేవుడు కనికరించాడో ఏమో  నా నోటిఫికేషన్‌ ఆ అమ్మాయి ఆక్సెప్ట్‌ చేసింది. వెంటనే లేట్‌ చేయకుండా హాయ్‌ అనిపెట్టా. చూసింది కానీ, తను రిప్లై ఇవ్వలేదు. మళ్లీ హాయ్‌ అని పెట్టా. మళ్లీ చూసింది కానీ, రిప్లై ఇవ్వలేదు. ఏదో ఒకటి అవుతదని మళ్లీ హాయ్‌ అని పెట్టా. మళ్లీ రిప్లై ఇవ్వకపోవటంతో డల్‌గా ఉన్నా. ఇంతలో మెసేజ్‌ వచ్చింది. అది తనే.   నేను రిప్లై ఇచ్చా. అలా కొంతసేపు నార్మల్‌గా మాట్లాడి ‘నేను మా పక్కింట్లో ఉంటా’ అని చెప్పా. ‘హా! తెలుసు’ అంది. ఇక నా మైండ్‌ బ్లాక్‌ ‘ నిన్న నా వెనకాల మార్కెట్‌ మొత్తం తిరిగావుగా’ అంది. నాకేం అర్థం కాలేదు. ‘నువ్వు ఎఫ్‌బీలో మెసేజ్‌ పెట్టాలనే మా ఫ్రెండ్‌తో నా ఎఫ్‌బీ ఐడీ చెప్పించా.’  షాక్‌ మీద షాక్‌! ఏమీ అర్థం కాలేదు. ‘నువ్వు నిన్నటి నుంచే చూస్తున్నావు. నేను నిన్ను మూడు నెలల నుంచి చూస్తున్నాను. ఐ లవ్‌ యూ’ అంది. తన నెంబర్‌ పెట్టి సాయంత్రం ఆరు గంటలకు ఫోన్‌ చేయమంది. అప్పుడు అర్థమైంది! అమ్మాయిలు ఎంత ప్రేమ ఉన్నా అబ్బాయిలు చనువు తీసుకునే వరకు బయటపడరని. ఈవినింగ్‌ కాల్‌ చేసి మాట్లాడా. తన మాట తీరు, తను ఉండే పద్దతి అన్నీ నాకు బాగా నచ్చాయ్‌. చాలా దగ్గర అయ్యాం. హైదరాబాద్‌లో ఉన్న అన్ని ప్రదేశాలు తిరిగాం. ఒకరిని విడిచి ఒకరం ఉండలేకపోయేంతగా అయ్యాం. అలా ఓ సంవత్సరంనర తర్వాత ఓ రోజు మా విషయం వాళ్ల ఇంట్లో చెబుదాం అంది. నేను ధైర్యం చేసి వాళ్ల అమ్మతో చెప్పేశా. తను ఒకే అంది. అంతా హ్యాపీ ఇక నేను మా ఇంట్లో ఒప్పించటమే ఉంది. సరే నేను మా ఇంట్లో మాట్లాడతా అని ఇంటికి వెళ్లా. వాళ్లకు చెప్పా! ఒక్కడినే కొడుకును కాబట్టి వాళ్లు ఒప్పుకున్నారు. ఈ హ్యాపీ న్యూస్‌ తనకు చెప్పటానికి ఫోన్‌ చేశా. తను లిఫ్ట్‌ చేయగానే ఒక మాట అంది. ఆ మాట ఇప్పటికీ ఎప్పటికీ మర్చిపోలేనిది. మీ కులం ఏంటని తను అడిగింది. నేను చెప్పా!. సరే తర్వాత చేస్తా అని తను ఫోన్‌ కట్టేసింది. ఐదు రోజులు గడిచించి తను ఫోన్‌ చేయటం లేదు. నేను ఫోన్‌ చేస్తే లిఫ్ట్‌ చేయలేదు. మెసేజ్‌లు చేస్తే రిప్లై కూడా ఇవ్వటం లేదు. ఏం చేయాలో అర్థం కాలేదు. ఓ వైపు నాన్నకు బాగోలేక 20 రోజులు అక్కడే ఉండాల్సి వచ్చింది. ఈ ఇరవై రోజులు తనతో మాట్లాడకుండా, చూడకుండా నలిగిపోయా. బాధని ఎవరితో చెప్పుకోవాలో కూడా తెలియలేదు. నాన్నకు తగ్గిన తర్వాత వెంటనే హైదరాబాద్‌ బయలు దేరాను. ఓ వైపు భయం తనకు ఏమైనా అయ్యిందేమోనని, వాళ్ల నాన్న ఏమన్నా అన్నాడా అని. ఇంటి దగ్గరకు వెళితే ఎవరూ లేరు. ఫోన్‌ చేస్తే లిఫ్ట్‌ చేయటం లేదు. ఇంతలో తను వేరే అబ్బాయితో చేతిలో చేయి వేసుకుని నడుచుకుంటూ వస్తుంటే అది చూసి ఒక్కసారిగా నా ప్రాణం పోయినట్లు అయ్యింది! అవ్వటం ఏంటి నిజంగానే పోయింది. ఏం మాట్లాడకుండా రూంలోకి వెళ్లా. ఏం చేయాలో తెలియక అలా ఉండిపోయా. ఇంతలో ఒక మెసేజ్‌​ వచ్చింది. అందులో నన్ను రాత్రికి కలవమని ఉంది. నేను రాత్రి వెళ్లి కలిశాను. ఎందుకు అలా చేశావ్‌ అని అడిగేలోపేత ను ఇలా అంది. ‘‘ మా నాన్నకు క్యాస్ట్‌ ఫీలింగ్‌ ఎక్కువ. నీకు, నాకు సెట్‌ అవ్వదు. నిన్ను లవ్‌ చేశానని తెలిస్తే నన్ను చంపేస్తాడు. ఉదయం నువ్వు చాశావుగా! తను మా బావ. మా ఇద్దరికీ పెళ్లి చేయాలనుకుంటున్నారు. నేనంటే తనకు చాలా ఇష్టం. తను నన్ను బాగా చూసుకుంటాడనే నమ్మకం నాకుంది. ప్లీజ్‌ నన్ను వదిలేయ్‌!’ అని వెళ్లిపోయింది. ఎందుకు నన్ను మోసం చేశావని అడిగే సమయం కూడా ఇవ్వలేదు. నువ్వే నా ప్రాణం, నీతోనే నా లైఫ్‌ అన్న మాటలు ఏమయ్యాయో నాకు అర్థం కాలేదు. అమ్మాయిలు ఎంత తొందరగా లవ్‌ చేస్తారో అంతే తొందరగా మర్చిపోతారని అర్థం అయ్యింది. తను దూరమైన తన పేరు నా గుండెలమీద పచ్చబొట్టులా మిగిలిపోయింది.  - అజయ్‌, హైదరాబాద్‌ లేదా worldoflove@sakshi.comకు మెయిల్‌ చేయండి

2006లో అనుకోకుండా ఓ పని మీద నెల రోజులు వేరే ఊరుకి వెళ్లవలసి వచ్చింది. అక్కడ అంతా బాగానే ఉంది. 15రోజులు ఎలాగో గడిచి పోయాయి. నేను పని చేసే యింటి పక్కన ఒక అమ్మాయికి నాకు అసలు పడకపోయేది. ప్రతీ విషయంలో నాతో గొడవ పడేది. నేను స్వతహాగా డ్యాన్సర్‌ని కూడా. పని అయిపోయాక డ్యాన్స్ చేయడం అలవాటు. ఓ రోజు ఆ ఊర్లో ఉత్సవం జరిగింది. తన ఇల్లంతా బంధువులతో నిండి పోయింది. రోజూలాగే ఆ రోజు కూడా నేను డ్యాన్స్ చేస్తున్నా. నేను డ్యాన్స్ చేస్తుంటే అనుకోకుండా తన బంధువులు చూడటానికి వచ్చారు. వాళ్లతో పాటు తను కూడా వచ్చింది. వాళ్లంతా నన్ను మళ్లీ డ్యాన్స్ చేయమని అడిగారు. సరే అని నేను చేశాను. ఎప్పుడూ నాతో గొడవ పడే ఆ అమ్మాయి నా డ్యాన్స్ చూసి చాలా హ్యాపీగా ఫీల్ అయ్యింది. తన బంధువులు కూడా నాతో ‘చాలా బాగా చేశావు’ అన్నారు. ఏమైందో తెలియదు కానీ మరుసటి రోజునుంచి తను నన్ను చూసి నవ్వేది. నేను కూడా నవ్వేవాడిని. అది లవ్ అని తెలియడానికి ఎక్కువ సమయం పట్టలేదు. అలా అనుకోకుండా మా ప్రేమ కథ స్టార్ట్‌ అయ్యింది. డైలీ తను నాకు ఒక చిన్న పిల్లాడికి అమ్మ అన్నం కలిపి పెట్టినట్లు ముద్దలు కలిపి పెట్టేది. అలా మిగితా 15రోజులు గడిచిపోయాయి. నేను మళ్లీ హైదరాబాద్ తిరిగి వచ్చేశాను. అప్పుడు తను ఎంత ఏడిచిందో నేను కూడా అంతలా ఏడ్చాను. మా ఇద్దరి కులాలు వేరు, వేరు. ఒకసారి వాళ్ల అమ్మని వేరే విధంగా అడిగాను ‘మీ అమ్మాయికి పెళ్లి చేయటానికి ఎలాంటి వాడు కావాలి?’ అని. తను వాళ్ల కులం తప్ప వేరే వాళ్లకు ఇచ్చి పెళ్లి చేయనని చెప్పింది. ఆ అమ్మాయి మాత్రం నేను లేకుండా ఉండలేను అని చెప్పింది. హైదరాబాద్‌కు తిరిగొచ్చాక మా ఇంట్లో విషయం చెప్పాను! ఓకే అన్నారు. ఒక మా అన్నయ్య తప్ప. అప్పుడు నా ఫ్రెండ్స్ నాకు తనకు శంషాబాద్ సిద్దుల గుట్ట శివాలయంలో పెళ్లి చేయటానికి అంతా రెడీ చేశారు. తను బస్ ఎక్కే టైంకి తన బ్రదర్ పట్టుకున్నాడు. తను రాలేదు. కానీ, నా ఫ్రెండ్స్ మళ్లీ తనని తన ఊరికి వెళ్లి తీసుకుని వద్దాం అని వెళ్లాం. అప్పుడు వాళ్ల బ్రదర్ నా లవ్‌ మ్యాటర్‌ వాళ్ల ఇంట్లో చెప్పాడు. పెద్ద గొడవ మొదలైంది. నేను అక్కడినుంచి హైదరాబాద్‌ తిరిగొచ్చేశాను. తర్వాత మా అన్న నాకు వేరే సంబంధం చూశాడు. వద్దని చెప్పినా వినలేదు. ఎంగేజ్‌మెంట్ అయిపోయింది. తను నాకు ఫోన్‌ చేసి చాలా ఏడ్చింది! నేను కూడా ఏడ్చాను. ఫైనల్లీ నాకు మ్యారేజ్‌ అయిపోయింది. కానీ, నాకు మాత్రం తను ప్రతీ నిమిషం గుర్తుకు వచ్చేది. తనకోసం మళ్లీ వాళ్ల యింటికి వెళ్లాను. కానీ, తనతో మాట్లాడలేదు. మళ్లీ ఇంకోసారి తన కాలేజ్‌ దగ్గరకు వెళ్లాను! ప్రయోజనం లేకపోయింది. 2009లో తనకి మ్యారేజ్‌ అయ్యింది. ఇక తనని చూడలేదు. మళ్లీ అనుకోకుండా ఒక రోజు తన ఫోన్‌ నెంబర్‌ దొరికింది. ఫోన్‌ చేసినా రిప్లై ఇవ్వలేదు. వెంటనే నా నెంబర్‌ బ్లాక్‌ చేసింది. తను సంతోషంగా ఉందని తెలిసింది. నేను కూడా హ్యాపీగా ఫీలయ్యా. అనుకోకుండా మళ్లీ తను నాకు మెసేజ్‌ చేసింది. తను కూడా నేను ఎలా ఉన్నానో తెలుసుకోవడానికి ఫోన్‌ చేసింది. అప్పుడప్పుడు ఫోన్‌ చేసి ‘ఎందుకు వదిలేసి పోయావురా?’ అన్నప్పుడు నాకు చచ్చిపోవాలనిపించేది. నేను కోరుకునేది ఒక్కటే! నా వల్ల తనకు ఎలాంటి సమస్య రావద్దని. అందుకే నేను తనకు ఎలాంటి మెసేజ్‌ కానీ కాల్‌ కానీ చేయటం లేదు. తను చేస్తే తప్పకుండా రిప్లై ఇస్తాను. లైఫ్‌లాంగ్‌ నీకు ఎలాంటి ప్రాబ్లెమ్ వచ్చినా నేను నీతో ఉంటాను. త్వరలో నీ పేరుతో ఒక అనాధాశ్రమం పెట్టాలనే కోరిక ఉంది. తప్పకుండా పెడతాను. నువ్వు హ్యాపీగా ఉంటే అదే చాలు అమ్మ.  - ఇట్లు... నీ రాజు లేదా worldoflove@sakshi.comకు మెయిల్‌ చేయండి

నేను ఎప్పుడూ ఎవరితోనూ ఎక్కువగా మాట్లాడే వాడిని కాదు. అందరు అబ్బాయిల్లాగా అమ్మాయిల వెంట పడే వాడ్ని కాదు. ఎప్పుడు చదువు మీద ధ్యాస ఉండేది. అలా డిగ్రీ డిస్టింక్షన్లో పాస్ అయ్యాను. తరువాత ఐసెట్ ద్వారా ఎంసీఏ హైదరాబాద్‌లో పూర్తి చేశాను. నేను నా సెమిస్టర్ ఎక్షామ్స్‌ అప్పుడు మాత్రమే కాలేజీకి వెళ్లేవాడిని. అప్పుడు కూడా నేను కాలేజీకి వెళ్లకున్నా ఎంసీఏ ఫస్ట్ క్లాస్‌లో పూర్తి చేశాను. ఎంసీఎ పూర్తి చేసిన తర్వాత అందరి లాగా ఏదో ఒక​ సాఫ్ట్‌వేర్‌ కంపెనీలో జాబ్ చేయాలనుకోలేదు. సొంతంగా బిజినెస్ స్టార్ట్ చేద్దామని సోషల్ మీడియాను ఎంచుకున్నాను. అలా నేను సోషల్ మీడియాలో లీనం అయ్యాను. నాలాంటి ఆలోచనలు ఉన్న అమ్మాయి ఫేస్‌బుక్‌ ద్వారా నాకు పరిచయం అయింది. నేను ఎప్పుడూ మెసేజెస్ పెట్టేవాడిని కాదు. ఆ అమ్మాయి కూడా నా లాగే ఫేస్‌బుక్‌లో ఓ సొసైటీకి సంబంధించిన పేజీని రన్‌ చేస్తుండేది. ఆమె ఎప్పుడూ సొసైటీ మీద ఎక్కువ దృష్టి పెట్టేది. అలా నేను ఆమె ప్రతి పోస్ట్‌కు లైక్స్‌, కామెంట్స్ పెట్టేవాడిని. ఎవరైనా నెగటివ్‌గా కామెంట్స్ పెడితే నేను హీరోలాగ వాళ్లకు రిప్లై ఇచ్చేవాడిని. ఆమె నన్ను ఇష్టపడుతుందనే భ్రమలో నేను నా బిజినెస్, జాబ్ మీద దృష్టి పెట్టలేదు. ఒక రోజు నా మనస్సులోని మాట ఆమెకు చెప్పాను. అప్పుడు ‘ నువ్వు జస్ట్ ఫేస్‌బుక్‌ ఫ్రెండ్‌వు మాత్రమే’ అని రిప్లై ఇచ్చింది. ఆమె నన్ను కాదనేసరికి నేను పూర్తిగా డిప్రెషన్‌లోకి వెళ్లాను. నాకు అందరిలాగా ఫ్రెండ్స్ ఎక్కువగా లేకపోవడం వల్ల డిప్రెషన్‌లోంచి బయటపడలేకపోయాను. ఇప్పుడు నేను సోషల్ మీడియాను పక్కన పెట్టి జాబ్ కోసం ట్రై చేస్తున్నా. ఇప్పుడు ప్రేమ అంటేనే చాలా భయం వేస్తోంది. - వెంకట హరి చరణ్‌ చదవండి : ప్రేమ కోసమై పనిలో పడనే పాపం పసివాడు!! పిచ్చి పిల్ల.. చెడా మడా తిట్టేశా! లేదా worldoflove@sakshi.comకు మెయిల్‌ చేయండి

పీజీ చదివే మొదటి సంవత్సరం! అన్నయ్యా అని ఆప్యాయంగా పలకరించింది. నేను కూడా ఏ కల్మషం లేకుండా తనతో మాట్లాడా. పరిచయం బాగా పెరిగింది. తనతో కలిసి గుడికి వెళ్లటం, అలా వెళ్లిన ప్రతీసారి ఎవడో ఒకడు నా చెప్పులు కొట్టేయటం జరిగేది. అలా గడిచిపోతోంది కాలం. క్రమక్రమంగా నాకు తెలియకుండా తనతో! ప్రేమ అని చెప్పలేను కానీ, ఏదో ఒక ధృడమైన, ప్రవిత్రమైన అనుబంధం ఏర్పడుతోందని అనిపించింది. మొదటి సంవత్సరం సంక్రాంతి సెలవులకు తనని ట్రైన్‌ దాకా వదలమని అడిగింది. నేను వెల్లడానికి ప్రయత్నించా, ట్రైన్‌ వెళ్లాక స్టేషన్‌లోకి చేరుకున్నా. తను వెళ్లిపోయింది. నా కళ్లలో నాకు తెలియకుండానే కన్నీళ్లు వచ్చేశాయి. ఎందుకో అర్థం కాలేదు. ఆ విషయం తన ఫ్రెండ్‌ చూసి తనతో చెప్పింది. నాకోసం ఏడ్చావా అని అడిగితే అలా ఏం లేదని అబద్ధం చెప్పా. అప్పటినుంచి తను నన్ను రిసీవ్‌ చేసుకునే విధానం మారింది. నా కోసం తన హాస్టల్‌నుంచి భోజనం తేవటం, నాతోపాటు బస్‌లో రావటానికి ప్రయత్నించటం, నాతో ఎక్కువ సేపు మాట్లాడటానికి ప్రయత్నించటం లాంటివి చేసేది. ఇవన్నీ చూశాక తను నన్ను ప్రేమిస్తోందని అర్థం అయింది. ఆ విషయం తనను అడిగితే మా స్నేహం దెబ్బతింటుందని అడగలేదు. సెకండ్‌ ఇయర్‌లో డిసెంబర్‌ 31 రోజు రాత్రంతా మేల్కొని నాకు లెటర్స్‌ రాసింది. తన ఫ్రెండ్‌తో ఇచ్చి పంపింది. నాకు అర్థమై దూరం వెళుతున్నా అర్థం చేసుకోదు, వినదు, మొండితనం, అమాయకత్వం, ప్రేమ, కోపం, బాధ, అన్నీ చూపించేది. నేను పీజీకి ముందే ఓ అమ్మాయిని ప్రేమించాను. తను వేరే కాలేజీ. ఆమె కూడా నన్ను ప్రేమిస్తున్నా కుటుంబ కారణాల వల్ల చెప్పుకోలేక పోయాం. కానీ, అర్థం చేసుకుని అలాగే ఉన్నా. కాలేజీలో నన్ను ప్రేమిస్తున్న అమ్మాయికి లావణ్యతో మా ప్రేమ విషయం చెప్పించాను. అది కూడా తనను నానుంచి దూరం చేయటానికి! అపద్ధం చెబుతున్నా అనుకుంది. నాలో కోపం కట్టలు తెచ్చుకుంది. ఈ పిచ్చి పిల్ల ఇంకా ప్రేమ పెంచుకుంటుందని చెడామడా తిట్టేశా!అయినా వినలేదు. నా ఫ్రెండ్స్‌తో నాపై బ్యాడ్‌ ఇంప్రెషన్‌ వచ్చేలాగా చేశా! అయినా వినలేదు. నా కోసం ఐదు సంవత్సరాలు వేయిట్‌ చేస్తానంది. పిచ్చింది! ఎంత పిచ్చిదో కదా! ఈ కాలంలో నేను దేవుళ్లని చూడలేదు కానీ, తను మాత్రం నా జీవితంలోకి వచ్చిన దేవత, పవిత్ర జ్వాల తనని మోసం చేయాలనిపించలేదు. తనకు నేను సరికానివాడను. తనకు మంచి భర్త, భవిష్యత్‌ కావాలని దూరం అయ్యాను. అంతే తప్ప ఎలాంటి దురుద్దేశ్యం లేదు. తొమ్మిది సంవత్సరాలు అవుతున్నా. ఇప్పటికీ, ఎప్పటికీ నా దేవతను ఆరాధిస్తూ ఉన్నాను! ఉంటాను. నిన్ను దూరం చేసుకున్నందుకు, ఇబ్బంది పెట్టినందుకు నీ పాదాల ‘‘సాక్షి’’గా నన్ను క్షమించు అచ్చులు. - శ్రీనివాస్‌  లేదా worldoflove@sakshi.comకు మెయిల్‌ చేయండి

అవి నేను డిగ్రీ చదివే రోజులు. తను నాకంటే వన్‌ ఇయర్‌ జూనియర్! పేరు దియా. మా ఇద్దరికీ ఒకరంటే ఒకరికి ఇష్టం. నా ఎక్షామ్స్‌ అయిపోవడం వల్ల నేను కాలేజీ నుండి వచ్చేశాను. తను ఫైనల్ ఇయర్ అవడం వల్ల అక్కడే ఉంది. ఆ టైంలో మొబైల్‌లు లేవు. నేను హైదరాబాద్‌ వచ్చాను. తను కోదాడలో ఉంది. రోజూ తన జ్ఞాపకాలే.. తనతో ఉన్న ఫీలింగ్స్‌తో గడిపేవాడిని. ఒక రోజు తనని కలుద్దామని వెళ్లాను. తను ఉండే చోటుకి వెళితే రూమ్ ఛేంజ్‌ అయిందని తెలిసింది. బాగా తిరిగి, తిరిగి అడ్రస్ కనుక్కున్నాను. తలుపు తట్టగానే తను డోర్‌ ఓపెన్ చేసింది. అక్కడ నన్ను చూసి షాక్ అయింది. ‘మార్నింగ్ నుండి అనుకుంటున్నాను. నువ్వు వస్తావని’ అన్నది. అపుడు అనిపించింది! లవ్ అంటే ఇదే కదా అని. తన డిగ్రీ కంప్లీట్ అయింది. వాళ్ల ఇంట్లో తనకి మ్యారేజ్‌ చేద్దామని డిసైడ్ అయ్యారు. తను నాకు కాల్ చేసింది. నాకు మ్యారేజ్‌ సెట్ అయింది ఏం చేయమంటావ్ అని. ‘నాకు జాబ్ లేదు, అందుకే నేను నిన్ను పెళ్లి చేసుకోలేను’ అని అన్నాను. కాల్ కట్ చేసి మూడు నెలల తరవాత కాల్ చేసింది. ‘నాకు ఇంకో గంటలో పెళ్లి నన్ను తీసుకెళ్లు’ అని చెప్పింది. నేను అప్పుడు బెంగళూరులో ఉన్నాను. తనకి మ్యారేజ్‌ అయిపోయింది. నా ఫోన్ పోయిందని, వేరే నెంబర్‌ తీసుకున్నాను. తను సింగపూర్‌ వెళ్లిపోయింది. నా ఓల్డ్ నెంబర్ ఒక అమ్మాయి ఆక్టివేట్‌ చేసుకుంది. ఆ అమ్మాయికి నేను కాల్ చేసి చెప్పాను. ఏదో ఒక రోజు తను నాకు కాల్ చేస్తుంది. నా న్యూ నెంబర్‌ తనకు ఇవ్వమని. తను సరేనని ఒప్పుకుంది. తన కాల్ కోసం ఎనిమిది సంవత్సరాల నుండి వేయిట్‌ చేస్తున్నాను. ఎక్కడ ఉన్నా తను హ్యాపీగా ఉండాలి.  ప్రేమతో...              అంజి చదవండి : మిస్సింగ్‌ యూ నాగ్‌, వచ్చే జన్మకైనా.. పేరేంటి! ఫోన్‌ నెంబర్‌ కూడా చెబుతా.. లేదా worldoflove@sakshi.comకు మెయిల్‌ చేయండి

నేను డిగ్రీలో జాయిన్‌ అయిన కొత్తలో జీవితంలో ఏదో సాధించాలని బాగా ప్లాన్‌లు వేసుకున్నా. ప్రతిరోజూ కాలేజీకి వెళ్లేదాన్ని. అప్పుడే మా క్లాస్‌లో ఓ అబ్బాయిని చూశా. తన చిరునవ్వు నన్ను కట్టిపడేసింది. కళ్లు తిప్పుకోలేకపోయా. లవ్‌ యాట్‌ ఫస్ట్‌ సైట్‌ అంటే అదేనేమో. నాకు తెలియకుండా తన చిరునవ్వుకు అడిక్ట్‌ అయ్యా. ఇక తనని చూడకుండా ఒక్కరోజు కూడా ఉండేదాన్ని కాదు. తన కోసమే కాలేజ్‌కు వెళ్లేదాన్ని. తనకు ఎంత అడిక్ట్‌ అయ్యానంటే! తనను చూడకుండా ఉన్న రోజు మొత్తం చాలా డల్‌గా అనిపించేది. నేనెప్పుడూ అతడితో మాట్లాడింది లేదు. నేను అతన్ని చూస్తున్నట్లు అతడికి అర్థం అయినట్లుంది. తను కూడా నన్ను చూసేవాడు. తను నన్ను ఎప్పుడైనా చూస్తే చాలా సంతోషించేదాన్ని. ఆ రోజంతా పండగలా ఉండేది. ఏదైనా బాధవస్తే తనను గుర్తు చేసుకునేదాన్ని. ఒక రోజు తను కాలేజ్‌కు లేట్‌గా రావటం వల్ల క్లాస్‌లో ఉన్న సారు! తన గురించి అడిగాడు. అప్పుడు తెలిసింది అతడి పేరు. పేరు పాతగా ఉన్నా నాకు ప్రాణం అయిపోయాడు. ఫస్ట్‌ ఇయర్‌ గడిచిపోయింది. ఎలాగైనా నా ప్రేమను చెప్పాలని అనుకున్నా.  సెకండ్‌ ఇయర్‌ స్టార్ట్‌ అవ్వగానే ఓ హ్యాండ్‌ కర్ఛీఫ్‌లో ‘ఐ లవ్‌ యూ బంగారం’ అని పేయింట్‌ చేసి, అందరూ ల్యాబ్‌కు పోయిన తర్వాత నేను నా ఫ్రెండ్‌ ఆ కర్చీఫ్‌ను అతని బ్యాగ్‌లో పెట్టాం. తను దసరా తర్వాత చూశాడు. తను చూసినట్లుగా హ్యాండ్‌లో పెట్టుకుని తిరిగాడు. నా ఆనందానికి అవధులు లేకుండా పోయాయి. మళ్లీ ఒకసారి లవ్‌ సింబల్‌ ఉన్న కీ చైన్‌ పెట్టాను. అది కూడా చూశాడు. ఇలా కుదరదని ఎఫ్‌బీలో రిక్వెస్ట్‌ పెట్టా. ఆక్సెప్ట్‌ చేసి మాట్లాడాడు. తనతో నా ప్రేమ విషయం చెప్పా. నేను ఎంత లవ్‌చేస్తున్నానో కూడా చెప్పా. అతనప్పుడు  ‘ అరే! నేను నిన్ను మోసం చేయటం ఇష్టం లేదురా. ఎందుకంటే నువ్వు చాలా మంచి అమ్మాయివి. నేను ఐదేళ్లనుంచి ఓ అమ్మాయిని ప్రేమిస్తున్నాను. తనకోసమే ఎదురు చూస్తున్నా’ అని అన్నాడు. నేను తట్టుకోలేకపోయా. గుండె పగిలిపోయినంత పనైంది. చచ్చిపోదామనుకున్నా కానీ, అమ్మకి ఒక్కదాన్నే కదా అని డేర్‌ చేయలేకపోయా. చాలా ఏడ్చా. ఆ తర్వాత అతన్ని ఇబ్బంది పెట్టలేదు. అలా మూడేళ్లు గడిచిపోయింది. మళ్లీ నేనే ఎఫ్‌బీలో మెసేజ్‌ చేశా ‘మనం మంచి స్నేహితులుగానైనా ఉందాం’ అని. ఎందుకంటే తనతో ఆ స్నేహం చాలు అనిపించింది. ఆ తర్వాతినుంచి నేనెప్పుడూ నా ప్రేమ విషయం ఎత్తలేదు. తనకు తెలుసు నేను తనని ఎంతలా ప్రేమిస్తున్నానో. చాలా సార్లు నా ప్రేమ విషయంలో బాధపడ్డాడు. నాతో అన్ని విషయాలు షేర్‌ చేసుకునేవాడు. ఫ్యామిలీ, లవ్‌ ప్రాబ్లమ్స్‌ అన్ని. మేమిప్పుడు మంచి మిత్రుల్లా ఉంటున్నాం. నాకిప్పుడు పెళ్లైంది. నేనిప్పుడు కోరుకునేది ఒక్కటే! తను ఎక్కడ ఉన్నా సంతోషంగా ఉండాలని. మిస్సింగ్‌ యూ నాగ్‌, వచ్చే జన్మకైనా నీ ప్రేమను పొందాలని కోరుకుంటూ.. యువర్స్‌ గుడ్‌ ఫ్రెండ్‌ - మౌనీ లేదా worldoflove@sakshi.comకు మెయిల్‌ చేయండి

మాది ఒంగోలు! ఎంఎస్‌సీ కౌన్సిలింగ్‌​కోసం గుంటూరు వచ్చాను. అప్పుడు చూశాను తనని. లవ్‌ యాట్‌ ఫస్ట్‌ సైట్‌. తనను చూసిన మొదటిసారే నా కోసమే తను పుట్టిందనిపించింది. నన్ను చూసిన కొత్తలో ‘ఎవడు వీడు నన్ను చూస్తున్నాడు’ అని వాళ్ల ఫ్రెండ్స్‌కు చెప్పింది. అలా కౌన్సిలింగ్‌ అయిపోయే వరకు తను నన్ను అబ్జర్వ్‌ చేస్తూ ఉంది. నేను కూడా తనని అలా చూస్తూ ఉండిపోయా. సాయంత్రం తను తిరిగి వెళ్లిపోయేటప్పుడు తన ఫ్రెండ్‌ను ఆమె పేరేంటని అడిగాను. అప్పుడామె‘ ఆమె పేరేంటి, ఫోన్‌ నెంబర్‌ కూడా చెబుతా’ అని అంది. కొద్దిసేపు ఆలోచించి ఓ నెంబర్‌ ఇచ్చింది. నా ఏంజిల్‌ అనుకుని కొన్ని రోజులు మాట్లాడుతూ ఉన్నాను. కానీ, ఓ రోజు నేను చాటింగ్‌ చేస్తోంది ఏంజిల్‌తో కాదు ఆమె ఫ్రెండ్‌ లల్లితో అని తెలిసింది. నాకు చాలా కోపం వచ్చింది. ఓ రోజు నా ఏంజిల్‌ కాల్‌ చేసింది కలవాలని. నేను వెంటనే తన కోసం ఐస్‌ మ్యాజిక్‌కు వెళ్లాను. తను, లల్లి ఇద్దరూ వచ్చారు. ఫస్ట్‌ సారీ చెప్పి ‘నేనే తనని నీతో మాట్లాడమని చెప్పాను.’ అంది. ‘ఎందుకిలా చేశారు’ అని అడిగితే ‘చూడగానే లవ్‌ అంటారేంటి? నాకు మా బావ ఉన్నాడు.’ అని చెప్పింది. నేను చాలా బాధపడ్డాను. అప్పుడు ‘కనీసం ఫ్రెండ్‌గానైనా నాతో మాట్లాడండి’  అని అడిగాను. సరే అని చెప్పి‘ సరే అన్నాను కదా అని ఎప్పుడు పడితే అప్పుడు ఫోన్‌ చేయకండి! కుదిరినపుడు ఈవినింగ్‌ చేయండి.’ అంది. సరే అన్నాను. తర్వాత మా ఫ్రెండ్షిప్‌ ఇద్దరం కలిసి పార్కులకు, సినిమాలకు వెళ్లేదాక కంటిన్యూ అయ్యింది. ఆ రోజు డేర్‌ చేసి నా లవ్‌ ప్రపోజ్‌ చేద్దామని ఫిక్స్‌ అయ్యా. ఓ రోజు కాలేజ్‌కి లీవ్‌ పెట్టి నా రూంలో ఆలోచిస్తున్నాను. తనకు ప్రపోజ్‌ చేయాలని చాలా టెన్షన్‌! ఒక వేళ ప్రపోజ్‌ చేస్తే మా స్నేహం దెబ్బతింటుందేమోనన్న భయం. ఫైనల్‌గా డిసైడ్‌ అయి ప్రపోజ్‌ చేశా ‘నువ్వంటే నాకు చాలా ఇష్టం’ అని. వెంటనే తను ఫోన్‌ పెట్టేసింది. నాకు చాలా బాధ వేసింది. ఏమీ అర్థం కాలేదు. కాల్‌ చేస్తే కట్‌ చేసింది. ఓ రెండు గంటల తర్వాత నాకు మెసేజ్‌ వచ్చింది. ‘నువ్వంటే నాకు ఇష్టం’ అని. అప్పుడు అనిపించింది ఏదో గెలిచానని, మనకు ఇక తిరుగులేదనేంత హ్యాపీ. ఆ రోజును నేను ఎప్పటికీ మర్చిపోలేను. - శాండీ, ఒంగోలు లేదా worldoflove@sakshi.comకు మెయిల్‌ చేయండి

మాది నెల్లూరు జిల్లా! నేను వృత్తిరీత్యా సివిల్ కాంట్రాక్టర్.  ఓసారి పని మీద వేరే ఊరికి వెళ్లాను. అక్కడ ఒక అమ్మాయిని చూశాను. తను చాలా అందంగా ఉంది. అంతేకాకుండా ఎదుటివారి పట్ల తను చూపించే గౌరవం నాకు చాలా నచ్చింది. అలా ఆ అమ్మాయిని చూస్తూ చూస్తూ ప్రేమలో పడ్డాను. వాళ్ల ఇంటి దగ్గర్లోనే మేము కూడా ఇల్లుని అద్దెకు తీసుకున్నాము. ఇక అప్పటి నుంచి వాళ్లతో పరిచయం పెరిగింది. అప్పుడప్పుడు వాళ్లింటికి వెళ్లడం వాళ్లతో మాట్లాడడం జరిగేది. ఒక రోజు నేను దైర్యం చేసి తన ఫోన్ నెంబర్ అడిగాను. కానీ, తను ఇవ్వలేదు. ఎలా గోలా నెంబర్ తెలుసుకున్నాను. ఇక అప్పటినుంచి తనతో ప్రతి రోజూ మాట్లాడే వాడిని. కొద్దిరోజులకు తను కూడా నన్ను ఇష్టపడటం మొదలుపెట్టింది.  ఆ తర్వాత మా ప్రేమ విషయం వాళ్ల ఇంట్లో తెలిసిపోయింది. అయినా తను నాతో మాట్లాడకుండా ఉండేది కాదు. అలా మా ప్రేమ ఆరు నెలల పాటు సంతోషంగా సాగింది. ఆ ఊరిలో వాళ్ల బంధువు అమ్మాయి ఒకరు మా ఇద్దరి గురించి చెడ్డగా ప్రచారం చేసింది. అయినా కూడా తను నాతో మాట్లాడకుండా ఉండేది కాదు. అలా ఒక రెండు నెలల పాటు నాతో చాలా సంతోషంగా ఉండేది. తర్వాత ఏం జరిగిందో తెలియదు గానీ తను నాకు ఫోన్ చేయడం మానేసింది. నేను తనకు ఫోన్ చేస్తే ‘నాకు పెళ్లి కుదిరింది. ఇక ఇప్పటినుంచి ఫోన్ చేయవద్దు’ అని చెప్పింది. తను ఎక్కడున్నా సంతోషంగా ఉండాలని మనస్ఫూర్తిగా కోరుకుంటున్నాను. నిన్ను ఎప్పుడన్నా,ఎక్కడన్నా చూసినా నీ ముఖంలో చిరునవ్వు ఉండాలని కోరుకుంటున్నాను. అలాగే తన పుట్టినరోజు జనవరి 28. కనీసం ఆ రోజైనా తనని చూడాలని అనుకుంటున్నాను. నిరంతరం నీ కోసం నేను ఎదురు చూస్తూనే ఉంటాను.  ప్రేమతో... నీ శ్రీనివాస్ చదవండి : ఓ వైపు అమ్మ.. మరో వైపు ప్రేమ! ఆస్తి లేదు, అమ్మ లేదు! పిల్లనియ్యం.. లేదా worldoflove@sakshi.comకు మెయిల్‌ చేయండి

అనుకోని అతిధిలా ఒక రాంగ్ నెంబర్ ద్వారా దీప్తి నాకు పరిచయం అయింది. చిన్నతనంలోనే బాధ్యతలు మీదపడి హైదరాబాద్ వచ్చి ఉద్యోగం చేసుకుంటున్న నా ఒంటరి జీవితంలోకి సునామిలా దూసుకువచ్చింది. మా మధ్య ఎప్పుడైతే ప్రేమ చిగురించిందో ఆ క్షణంనుండి నా జీవితం అంతా సంతోషంతో నిండిపోయింది. అప్పటివరకు నన్ను పట్టించుకునేవాళ్లు లేరు. తను వచ్చాక నన్ను ఒక చిన్నపిల్లాడిలా చూసుకుంది.  తనకి నామీద ఉన్న ప్రేమ చూసి ఎన్నిజన్మలైనా నా జీవితంలో తను మాత్రమే ఉండాలనుకున్నాను. తను ఎటైనా వెళ్తుంటే బాధగా అనిపించేది. ఇంటికి వెళ్లడానికి తనని బస్ ఎక్కించడానికి వెళ్లినపుడు కిటికీలోనుంచి తను నాకు వెళ్లొస్తా అని కళ్లతో చెప్తుంటే వెనక్కి వచ్చి ఏడ్చేవాన్ని.  అంత ప్రేమ ఉండేది మా మధ్యలో. అంత ఆనందంగా సాగుతున్న నా జీవితంలో ఒక రోజు అమ్మ ఫోన్ చేసి పెళ్లిసంబంధం వచ్చింది ఇంటికి రమ్మంది. ఇంతకుముందు చాలాసార్లు పిల్ల నచ్చలేదని చెప్పేవాన్ని. కానీ ఈసారి అమ్మ ‘నేను చెప్పిన అమ్మాయిని చేసుకోకపోతే చనిపోతా’ అంది. ఇది దీప్తికి తెలిస్తే తను తట్టుకోలేదు. కానీ, తనకి అర్థం అయ్యేలా చెప్పాను! తను అర్థం చేసుకుంది. క్రమంగా మాట్లాడటం తగ్గించేసింది. తను నాకు చాలా సార్లు చెప్పేది ‘మా ఫ్యామిలీ కూడా మన పెళ్లికి అస్సలు ఒప్పుకోదు. పరువే ముఖ్యం వాళ్లకి’ అని. అమ్మని కాదని తనని చేసుకుని అమ్మ ప్రాణం తీయలేను. అమ్మ చెప్పిన అమ్మాయిని చేసుకుని దీప్తి ప్రాణం తీయలేను. కానీ, తను అర్థం చేసుకుని ఒప్పుకుంది. వేరే అమ్మాయిని పెళ్లి చేసుకున్నాను. 25 సంవత్సరాలు కనిపెంచిన అమ్మే నన్ను అర్థంచేసుకోలేదు. 3 సంవత్సరాలు ప్రేమించిన అమ్మాయి నన్ను అర్థంచేసుకుంది. నాకోసం పల్లెటూరు నుండి హైదరాబాద్ వచ్చిన అమ్మాయి ఈరోజు ఒక కార్పోరేట్ సంస్థలో ఉద్యోగం చేస్తోంది. నాకు చాలా గర్వంగా ఉంది. తను నాకు వేసిన శిక్ష తను ఎప్పటికి నాకు కనపడకూడదని. అటు పెళ్లి చేసుకున్న అమ్మాయి చదువు కోసం దూరంగా ఉంది. అయినా నాకు బాధలేదు ఎందుకంటే తన జ్ఞాపకాలన్నీ నాతో ఉన్నాయి. చచ్చేదాక తనే నా ప్రపంచం. తనకోసం చస్తూ బ్రతుకుతున్నాను. మరుజన్మ అంటూ ఉంటే నీ రుణం తీర్చుకుంటా. ఒక్కసారి కనిపించవా నీకు క్షమాపణలు చెప్పాలి. - సాయి కిరణ్‌ లేదా worldoflove@sakshi.comకు మెయిల్‌ చేయండి

ఐటీఐ చదువుతున్న సమయంలో ఓ అమ్మాయి ప్రవర్తన, ముక్కుసూటి తనం నన్ను ఆకర్షించడంతో లవ్‌లో పడ్డాను. మా కులాలు వేరుకావటంతో నేను తనకు నా లవ్‌ గురించి చెప్పలేదు. నా ఫ్యామిలీ ఆర్థిక పరిస్థితి గురించి అలోచించి కూడా వెనకడుగు వేశాను. అలా రెండు సంవత్సరాలు గడిచిపోయాయి. నా చదువు అయిపోయింది. తనను చూసిన ప్రతి సారి నా మనస్సులో తెలియని అలజడి. తనకు మ్యారేజ్‌ అయిన తర్వాత ఇక ఎవరినీ ప్రేమించకూడదని డిసైడ్ అయ్యా. కానీ, నన్ను ఓ అమ్మాయి ప్రేమించటం మొదలుపెట్టింది. ఈసారి మా కులాలు కలిశాయి. 2015లో తను నాకు ప్రపోజ్ చేసింది. తను వరసకు నాకు మేనకోడలు అవుతుంది. వాళ్ల అమ్మ అక్క అవుతుంది. పుట్టినప్పటినుంచి తనను శివగాని పెళ్లాం అనేది వాళ్ల అమ్మ. ‘నా బిడ్డను నీకే ఇస్తా’ అని అందరికీ చెప్పేది. కానీ ఒకే ఊరు కావటం వల్ల, ఆ అమ్మాయిని పుట్టినప్పటి నుంచి చూశాను. కాబట్టి నాకు తను నచ్చేది కాదు. 2015లో తను నాకు ‘మామ ఐ లవ్ యూ’ అని ప్రపోజ్ చేయడంతో నా ఆలోచనలు రివర్స్ అయ్యాయి. నా పరిస్థితిని బట్టి ప్రేమిచడం కన్నా, ప్రేమించబడటం గొప్ప అనుకుని ఓకే అనేశా. తను నేను ఒక్క రోజు కనిపించకపోయినా ఏడ్చేది. ఇలా 3 సంవత్సరాలు మా ప్రేమ ప్రయాణం సాగింది. వాళ్ల అమ్మ కూడా మాకే సపోర్ట్ కదా అని మేమిద్దరం ప్రేమించుకున్నాం. కానీ, వాళ్ల అమ్మ మనసు మారింది. మా వాళ్లు నన్ను మ్యారేజ్ చేసుకోమని బలవంతం చేశారు. నేను నా మనసులో ఉన్న మాట చెప్పాను. మొదట ఒప్పుకోలేదు! తర్వాత నా పరిస్థితి దృష్ట్యా ఒప్పుకున్నారు. నా కోసం వాళ్ల అమ్మను అడిగారు. వాళ్ల అమ్మ ‘మా ఆయనను అడిగి చెబుతాను’ అన్నది. మేమిద్దరం ప్రేమించుకుంటున్న సంగతి వాళ్ల ఇంట్లో తెల్వదు. తనే చెప్పొద్దంది. నేను తనని ఇబ్బంది పెట్టడం ఇష్టం లేక చెప్పలేదు. అప్పుడు వాళ్ల అమ్మ‘ ఆస్తి లేదు, అమ్మ లేదు. మేము మీకు పిల్లను ఇయ్యం’ అని చెప్పింది. ఈ విషయం మా వాళ్లు నాకు చెబితే నేను తనని అడిగాను. దానికి తన సమాధానం విని నేను షాక్‌ అయ్యాను. ‘మా వాళ్లకు ఇష్టం లేకపోతే నేను ఏమీ చేయలేను. నువ్వు వేరే అమ్మాయిని పెళ్లి చేసుకో’ అన్నది. ఏం చేయాలో నాకు అర్థం కాలేదు. నా ధైర్యం మా పెద్ద అక్క! నాకు అన్నీ తనే. మా పెద్దక్క తర్వాతే ఎవరైనా అనే నమ్మకం. అందుకే ఆ బాధ కూడా నన్ను పెద్దగా ఇబ్బంది పెట్టలేదు. జస్ట్ మూడు నెలల క్రితం తనకు మ్యారేజ్ అయింది. నేను తప్ప మా వాళ్లందరూ తన పెళ్లికి వెళ్లారు. నా ధైర్యం, నిజాయితీ వల్ల లవ్‌లో ఉన్నపుడు ఎటువంటి తప్పూ చేయలేదు. నా ఫ్యామిలీని బాధ పెట్టకూడదని ధైర్యంగా ఉన్నా. ప్రస్తుత సమాజంలో ప్రేమ అనేది ఆస్తులపై ఆధారపడి ఉందని అర్థమైంది????. కొద్ది రోజుల తర్వాత ఓ రోజు ఐటీఐ ఫ్రెండ్ ఒకడు 8 సంవత్సరాల తర్వాత నాకు ఫోన్ చేశాడు. మాటల సందర్భంలో అతడి ప్రేమ గురించి అడిగా. పెళ్లి చేసుకున్నామని చెప్పాడు. ఇద్దరి కులాలు వేరు, వేరు. నేను ఆశ్చర్య పోయా. ఎలా చేసుకున్నారని అడిగా. ‘లవ్ అండ్ అరెంజ్‌డ్‌ మ్యారేజ్’ అన్నాడు. ‘అమ్మాయి వాళ్లు ఎలా ఒప్పుకున్నారు’ అన్నా. ఆ అమ్మాయి 7 సంవత్సరాలు కష్ట పడి పెళ్లికి ఒప్పించిందని చెప్పాడు. నా కళ్లు చెమ్మగిల్లాయి. ఆ అమ్మాయి ఎన్ని కష్టాలు పడి తన ప్రేమని దక్కించుకుందో అని ఆలోచించాను. నా ఫ్రెండ్‌తో మాట్లాడుతూనే ఆలోచించటం మొదలుపెట్టా. రెండు ఫ్యామిలీల సమక్షంలో గుడిలో పెళ్లి జరిగిందని చెప్పాడు. నేను కంగ్రాట్స్ చెబుతూ వారి ఫొటో వాట్సాప్ చేయమన్నా. నా ఫ్రెండ్‌ ఫొటో వాట్సాప్ చేశాడు. నా లవ్ గుర్తుకొచ్చిన ప్రతిసారి మా ఫ్రెండ్ వాళ్ల ఫొటో చూసి అందరు అమ్మాయిలు ఒకేలా ఉండరు. నిజాయితీ పరులు కూడా ఉన్నారు అనుకున్నా.  ఇప్పుడు హ్యాపీగా మ్యారేజ్ సెర్చ్‌లో ఉన్నా. ఇక నా ప్రయత్నం ఆ దేవునికే వదిలేశా. - శివ, మహబూబ్‌నగర్‌ లేదా worldoflove@sakshi.comకు మెయిల్‌ చేయండి

తను, నేను ఒక పెళ్లిలో కలిశాము. అతను చాలా మంచి వాడు. నేను అతన్ని కలిసిన మొదటిరోజునే అతని క్యారెక్టర్‌ నన్ను ఆకట్టుకుంది. అతను, మా అన్న బెస్ట్‌ ప్రెండ్స్‌. అతనికి మంచి జాబ్‌ఉంది. లైఫ్‌ను బాగా లీడ్‌ చేస్తున్నాడు. కానీ, అతను ఎప్పుడూ మూడీగా ఉండేవాడు. నేను మొదట్లో అతన్ని పట్టించుకోలేదు. అతను మాత్రం నన్ను బాగా గమనించేవాడు. నేను లైట్‌ తీసుకున్నాను. ఆ పెళ్లిలో నాతో మాట్లాడటానికి చాలా ట్రై చేశాడు. పెళ్లిలో ప్రతిపనీ చేసేవాడు. పెళ్లి అయిపోయాక నాతో మాట్లాడటానికి ఇంటికి కూడా వెళ్లకుండా రాత్రి మొత్తం వేయిట్‌ చేశాడు. అతనికి నేనంటే ఇష్టమని, నాతో మాట్లాడటానికి ట్రై చేస్తున్నాడని నాకప్పుడు ఏమీ తెలియదు. తర్వాత ఏమనుకున్నాడో ఏమో అక్కడినుంచి వెళ్లిపోయాడు. పెళ్లిలో చాలా తంటాలు పడ్డాడు. ఓ వారం తర్వాత నా మరదలు నా ఫోన్‌ నుంచి అతనికి ఫోన్‌ చేసింది. ఇక అప్పటినుంచి మా పరిచయం చాలా దూరం వెళ్లింది.  అతను తన ప్రొఫెషనల్‌ లైఫ్‌తో చాలా బిజీగా ఉంటాడు. కానీ, నాకోసం ఎక్కువగా టైం కేటాయించేవాడు. నాకు తన ప్రేమ విషయం చెప్పాడు. ఇదివరకే పెళ్లి అయిందని కూడా చెప్పాడు. నాకప్పుడు చాలా బాధవేసింది. తనకు ఇష్టం లేకుండా పెళ్లి జరిగిందని తెలిసింది. అతను నాతో ఒక్క అబద్ధం కూడా చెప్పలేదు. అతని నిజాయితీ, కేరింగ్‌ నాకు బాగా నచ్చాయి. నన్ను చాలా బాగా చూసుకునేవాడు. నా అవసరాలను ముందుగానే తెలుసుకుని అన్నీ సమకూర్చేవాడు. అతను నన్ను పెళ్లి చేసుకోవాలని వాళ్ల ఇంట్లో వాళ్లందరికి చెప్పాడు. కానీ, వాళ్లు ఒప్పుకోలేదు. ఆ విషయం మా ఇంట్లో వాళ్లకు తెలిసేలా చేశారు. తనతో నా జీవితం ముగిసిపోయిందని అనుకున్నా కానీ, అతన్ని వదులుకోలేకపోయాను. మళ్లీ మాట్లాడుకోవటం మొదలైంది. అందరినీ వదిలేసి నాకోసం వచ్చాడు. కానీ, నాతో మాట్లాడొద్దని అన్నా. అతను అది తట్టుకోలేకపోయాడు. పురుగుల మందు తాగి ఆత్మహత్యకు ప్రయత్నించాడు. నాకు కాల్‌ చేసి చనిపోతున్నా అని చెప్పాడు. అతన్ని బ్రతికించుకోవాలని ఉన్నా నేను దూరంగా ఉన్నా. నా మీద నాకు అసహ్యం వేసి చెయ్యి కోసుకున్నా. తర్వాత వాళ్ల ఇంట్లో వాళ్లకు ఫోన్‌ చేసి చెప్పాను. కానీ, నేను లేని జీవితం వద్దని ట్రీట్‌మెంట్‌ చేయించుకోవటానికి మొండికేశాడు..... కొన్ని రోజులకు అతను కోలుకున్నాడు. మళ్లీ మేము హ్యాపీగా లైఫ్‌ లీడ్‌ చేస్తున్నాం. - కిరణ్మయి లేదా worldoflove@sakshi.comకు మెయిల్‌ చేయండి

బీటెక్‌ నా కెరీర్‌ను, లైఫ్‌ను మార్చేసింది. ఇంటర్‌ వరకు నేను ఊర్లో ఉండి చదువుకున్నాను. నాకు చదువు కాకుండా ఇంకేమీ తెలియదు. ఇంటర్‌నెట్‌, ఎఫ్‌బీ కూడా తెలియదు. చదువే నా ప్రపంచం. నా బీటెక్‌ ఫస్ట్‌​ ఇయర్‌లో హాస్టల్‌లో జాయిన్‌ అయ్యాను. మొదటిసారి హాస్టల్‌ నాకు చాలా బాగా అనిపించింది. నేను వేరే వాళ్లతో అంత తొందరగా మాట్లాడలేకపోయేదాన్ని. అదే సమయంలో నా మొబైల్‌లోకి ఫన్‌చాట్‌ మెసేజ్‌ ఒకటి వచ్చింది.  అప్పటినుంచి నేను ఫన్‌చాట్‌ను ఉపయోగించేదాన్ని. దాంట్లో ఎఫ్‌బీలాగా మెసేజ్‌లు వచ్చేవి. అప్పుడే పరిచయం అయ్యాడతను. నాకు తనొక మంచి పర్సన్‌ అనిపించి నా మొబైల్‌ నెంబర్‌ ఇచ్చాను. తర్వాత తనే కాల్స్‌, మెసేజ్‌లు చేసేవాడు. అలా నాలుగు సంవత్సరాలు నాకు డైలీ ఫోన్లు, మెసేజ్‌లు చేసేవాడు. ఏదైనా ప్రాబ్లమ్‌ అనిపిస్తే తనే ధైర్యం చెప్పేవాడు. నేను నాలుగు సంవత్సరాలు అతనితో మాట్లాడాను కానీ, తను ఎలా ఉంటాడని నాకు తెలియదు. నేను అతన్ని ఫొటోలో కూడా చూడలేదు! చూడకుండానే లవ్‌ చేశాను. ఎంతలా అంటే తనతో మాట్లాడకుండా ఒక్కరోజు కూడా ఉండలేకపోయేదాన్ని. ఇది నేనతనికి చెబితే‘ నేను నిన్ను సిస్టర్‌లానే అనుకున్నా’ అని చెప్పి అవాయిడ్‌ చేయటం మొదలుపెట్టాడు. నెంబర్లన్నీ మార్చేశాడు. బీటెక్‌ అయిపోయిన తర్వాత అతడికి బెంగళూర్‌లో జాబ్‌ వచ్చింది. ఇక అన్నిట్లలో నన్ను బ్లాక్‌ చేశాడు. తన కోసం నేను పిచ్చిదానిలా రోడ్లమీద తిరిగాను. నా లవ్‌ ఆక్సెప్ట్‌ చేయకపోయినా పర్లేదు. తనను ఒకసారి చూద్దామని అనుకున్నా ఆ ఛాన్స్‌ కూడా రాలేదు. తన కోసం తిరిగితిరిగి నా స్టడీస్‌, కెరీర్‌ అన్నీ వదిలేశా. తను ఇప్పుడు హ్యాపీగానే ఉన్నాడు. నేను మా పేరెంట్స్‌ కోసం వేరే అబ్బాయిని పెళ్లి చేసుకున్నా. ఇప్పటికీ అతన్ని మర్చిపోలేక, బ్రతికున్నా చచ్చిన శవంలా జీవిస్తున్నా. ఏడేళ్లు కావస్తోంది. ఒక్కసారి కూడా అతడ్ని చూడలేకపోయాననే బాధతో ప్రాణంపోతోంది. నేను అతడ్ని చూడకపోయినా ప్రాణం పోయేవరకు మర్చిపోలేను. -సౌమ్య  లేదా worldoflove@sakshi.comకు మెయిల్‌ చేయండి

నేనప్పుడు 8వ తరగతి చదువుతున్నా! తను 6వ తరగతి. నాకు తనమీద అప్పుడే ప్రేమ కలిగింది. తనకు నా ప్రేమ విషయాన్ని చెప్పటానికి 5 సంవత్సరాలు పట్టింది. కానీ, ఆ అమ్మాయి ఒప్పుకోలేదు. చాలా తిట్టింది. కాలేజీలో ఉన్నపుడు ఒక అమ్మాయి నన్ను ప్రేమిస్తున్నానంది. నేను కాదని నా ప్రేమ విషయం తనతో చెప్పాను. నా మనసులో ఆ అమ్మాయిని తప్ప వేరే ఎవరినీ ఉహించుకోలేనని అన్నాను. తన పైన ఉన్న ధ్యాసతో సరిగా చదువుకోలేదు. ఆ అమ్మాయిని ఎలాగైనా ఒప్పించాలని నా స్నేహితుడు చాలా ప్రయత్నించాడు. ఇదిలా ఉండగా ఒక రోజు తనకు పెళ్లి సంబంధం కుదిరిందని తెలియగానే చాలా ఏడ్చాను. అప్పటికి ఆ అమ్మాయికి 18 సంవత్సరాలు కూడా నిండలేదు. తన పెళ్లికి ఇంకా 3 నెలలు సమయం ఉందనగా వెళ్లి తనని అడిగాను ‘నేనంటే ఇష్టమా.. లేదా’ అని. అప్పుడు తను ఇష్టమే అని చెప్పింది. ఆ మాట వినగానే ఎక్కడలేని సంతోషం! మాటల్లో చెప్పలేని అనుభూతి. ఇష్టం అయితే ఇన్నిరోజులు ఎందుకు చెప్పలేదని అడిగాను. అప్పుడు ఆ అమ్మాయి చెప్పింది ‘నువ్వంటే ఇష్టమే కానీ, ఈ విషయం ఇంట్లో తెలిస్తే పరువు పోతుంది’ అని ఆగాను. అలాగే వాళ్ల ఫ్యామిలీకి కూడా ఊర్లో రాజకీయంగా చాలా పేరుంది. తర్వాత తనకి పెళ్లయింది. తనని మర్చిపోలేక నేను చాలా బాధపడ్డాను. మందు, సిగరెట్ తాగటం బాగా అలవాటైంది. ఇది గమనించిన మా ఇంట్లో వాళ్లు నన్ను హైదరాబాద్‌లో ఉన్న మా బావ (చెల్లి వాళ్ల భర్త ) ఇంటికి పంపించారు. అక్కడ ఒక ప్రైవేట్‌ కంపెనీలో జాబ్ చేస్తూ తనని మర్చిపోలేక చాలా బాధపడ్డాను. అలా 3 సంవత్సరాలు గడిచిపోయాయి. ఇంట్లో వాళ్లు నాకు పెళ్లి సంబంధాలు చూడటం మొదలుపెట్టారు. నాకు పెళ్లి సంబంధం చూసింది కూడా మా ఊర్లోనే. మా ప్రేమ విషయం ఆ అమ్మాయికి తెలుసు. అయినా కూడా నాతో పెళ్లికి ఒప్పుకుంది. నా గురించి తెలిసి కూడా నాతో పెళ్లికి ఒప్పుకున్న ఆ అమ్మాయి కోసం పెళ్లికి ముందే నాకున్న చెడు వ్యసనాలు అన్నీ మానేశాను. ఇప్పుడు మాకు పెళ్లి జరిగి 3 సంవత్సరాలు అయిపోయింది. మాకు ఒక బాబు. మా బాబు పేరు కూడా నేను ప్రేమించిన అమ్మాయి పేరు కలిసి వచ్చేలా పెట్టాను. అయినా కూడా నా భార్య ఏమీ అనలేదు. అప్పుడు తెలిసింది. నా భార్య నన్ను ఎంతగా ప్రేమిస్తుందో అని. నేను కోల్పోయిన ప్రేమను నా భార్య నాకు అందిస్తోంది. ఇలాంటి భార్య నాకు దొరకడం నిజంగా నా అదృష్టం. మా ఊరు వెళ్లిన ప్రతీసారి నేను ప్రేమించిన అమ్మాయి వాళ్ల ఇంటివైపు వెళ్తుంటే ఏదో తెలియని అనుభూతి కలుగుతోంది. ఇన్ని తెలిసినా నా భార్య నన్ను అర్థం చేసుకుంది. నిజంగా నా భార్య(భార్గవి) చాలా గ్రేట్! ఐ లవ్‌ యూ భార్గవి. - గోపాల్‌  లేదా worldoflove@sakshi.comకు మెయిల్‌ చేయండి

నేను హైదరాబాద్‌లోనే నా గ్రాడ్యుయేషన్‌ పూర్తి చేశాను. కానీ, నాకు మా హాస్టల్‌, కాలేజీ తప్ప ఇంకేమీ తెలియదు. ఎందుకంటే మా ఆర్థిక పరిస్థితులు నాకు బాగా తెలుసు. అందుకని చాలా సైలెంట్‌గా ఉండేదాన్ని. ఆ తర్వాత నేను ఓ కోచింగ్‌ సెంటర్‌లో జాయిన్‌ అయ్యాను. అక్కడ లాస్ట్‌ బెంచ్‌లో కూర్చునేదాన్ని. జాయిన్‌ అయిన రోజు నాకు ఇద్దరు మంచి ఫ్రెండ్స్‌ పరిచయం అయ్యారు. మా బెంచ్‌ వెనకాలే ఓ అబ్బాయి కూర్చునే వాడు. మొదట్లో పట్టించుకోకపోయే వాళ్లం. మా అల్లరి మాకు ఉండేది. కానీ, కొన్ని రోజులకు నాకంటే ముందే మా ఫ్రెండ్స్‌కు తెలిసి పోయింది. ఆ అబ్బాయి నన్ను చూస్తున్నాడని. నా ఫ్రెండ్స్‌ ఆ విషయం నాకు చెప్పారు. కానీ, చాలా చాలా లైట్‌గా తీసుకున్నా. ఇంట్లో సమస్యలు, ఇంకా నేను చాలా ఆనందంగా, హ్యాపీగా ఉన్నాను. లేనిపోనివన్నీ ఎందుకని మిన్నకుండిపోయా. మా కోర్సులో అతడి వైపు చూడని వాళ్లు లేరు. మా కంటే ఏజ్‌లో పెద్ద వాళ్లు కూడా తనను చూసేవాళ్లు. ఒక మూడు రోజులు నేను క్లాస్‌కు వెళ్లలేదు. అప్పుడు తను చాలా ఏడ్చాడంట. క్లాస్‌ వినకుండా హాస్టల్‌కు వెళ్లిపోయేవాడంట. నేను ఇవన్నీ తను ఎదురుగా ఉన్నపుడు అస్సలు పట్టించుకోలేదు. కానీ, తను ఎక్షామ్‌ రాయటానికి ఇంటికి వెళ్లాడు. చాలా ఏడ్చాను. మా ప్రెండ్స్‌తో కాల్‌ చేయించాను! తను లిఫ్ట్‌ చేయలేదు. మళ్లీ ఎక్షామ్‌ రాసి వచ్చాక అసలు నేను తన కోసం ఒక్కదాన్నే వెనక బెంచీలో కూర్చునే దాన్ని. తను నాకోసం ఒక్కడే కూర్చునే వాడు. ఒక రోజు మా ఇంట్లో సమస్యలు మా ఫ్రెండ్‌కు చెప్పి చాలా ఏడ్చాను. తను ఏమనుకున్నాడో ఏమో మా మధ్య చాలా గ్యాప్‌ పెరిగింది. తను చూసినా చూపులు నాకు ఇప్పటికీ గుర్తున్నాయి. మా ఫ్రెండ్‌కు చెప్పా! వాళ్లు అతని నెంబర్‌ తీసుకుని నాకిచ్చారు. నేను ఫోన్‌ చేస్తే అక్కా అన్నాడు. అర్థం కాలేదు. అంత ప్రేమగా చూసిన చూపులు అబద్ధం అంటే నమ్మలేకపోతున్నా. నా కోసం ఏడ్చిన మనిషి అలా అన్నాడని ఎవర్ని నమ్మాలో ఎవర్ని నమ్మకూడదో అర్థం కాలేదు.ఇప్పుడు మా ఇంట్లో సంబంధాలు చూస్తున్నారు. తన గురించి తెలిసి అలాంటివన్నీ మర్చిపొమ్మని చెబుతున్నారు. కానీ, ఎందుకో మర్చిపోలేకపోతున్నా. దీని వల్ల నా లైఫ్‌లో జాబ్‌, ఫ్రెండ్స్‌ అందరికీ దూరం అయ్యాను. ఒంటరిగా  ఉంటున్నా. నన్ను నన్నులా ఇష్టపడ్డ తనని మనసులో ఉంచుకుని ఇంకొకరితో జీవితాన్ని పంచుకోవటానికి మనసు ఒప్పుకోవటం లేదు. ఎందుకో కానీ, తప్పదు. అమ్మానాన్నల సంతోషం కోసం చేసుకుంటా. - సునీత లేదా worldoflove@sakshi.comకు మెయిల్‌ చేయండి

మాది చాలా మిడిల్‌ క్లాస్‌ ఫ్యామిలీ. నాన్నది చిన్న ఉద్యోగం. అమ్మ బట్టలు కుట్టేది. నేను డిప్లమా జాయిన్‌ అయ్యాను. అప్పుడే మా ఇంటి ఎదురింట్లో బసంతిని చూశాను. కొత్తగా వచ్చారు వాళ్లు. తను స్కూల్‌ చదువుతోంది. రాజకీయంగా పలుకుబడి ఉన్న కుటుంబం. వాళ్ల అమ్మ వార్డు మెంబర్‌. ఒకటే కాలనీ అవ్వటంతో పరిచయం ఏర్పడింది. తన మాటలు నన్ను బాగా ఇంప్రెస్‌ చేశాయి. ఆ వయసుకు అంత మెచ్యూరిటీ ఉండటం అసాధ్యం. అంత తెలివి గలది. నాలో ప్రేమ చిగురించింది. నా చదువు పాడుచేసుకోవటం నాకు ఇష్టంలేదు. అందుకే ఏమీ అనలేదు. కానీ, నా నెంబర్‌ తను సంపాదించింది. నాకు కాల్స్‌ చేసి ఏడిపించేది. కొంతకాలానికి నాకు దొరకిపోయింది. ఇదిలా ఉండగా అప్పుడే మా ఇంట్లో ఒక కష్టం వచ్చింది. కుటుంబం అంతా కృంగిపోయాం. అప్పుడు తన ఫోన్‌ వచ్చింది. నేను మూడిగా మాట్లాడేసరికి ‘ఏమైంది బంగారం’ అని అడిగింది. ఒక్కసారిగా కంగు తిన్నాను. ఎందుకలా అన్నావని అడిగితే అనకూడదా అని అంది.  నేను ఫిక్స్‌ అయ్యా! తర్వాత కొద్దిరోజులకు ప్రపోజ్‌ చేశా. అప్పుడు తను టెన్త్‌ క్లాస్‌. తనను డిస్ట్రబ్‌ చేయటం ఇష్టంలేక క్యాజువల్‌గా ఉన్నా. కానీ, తనే నాకు ఫోన్‌ చేసి సడెన్‌గా ఓకే చెప్పింది. అలా మొదలైంది మా ప్రేమ. డాక్టర్‌ అవ్వాలని వాళ్ల నాన్న కోరిక. చాలా కష్టపడి చదివింది. ఆరు నెలల తర్వాత మా మధ్య పెద్ద గొడవ జరిగింది! తప్పు నాదే. ఆరునెలలు సారీ చెబుతూనే ఉన్నా తను పట్టించుకోలేదు. తనకు ఎక్షామ్స్‌ దగ్గర పడేసరికి నేను డిస్ట్రబ్‌ చేయలేదు. డెంటల్‌ డాక్టర్‌గా సీట్‌ వచ్చింది. అప్పటినుంచి తను నాతో మాట్లాడటం మొదలుపెట్టింది.  అప్పుడే నేను డిప్లమా కంప్లీట్‌ చేశా. చిన్న ఉద్యోగం. తను ఇది సరిపోదు అంది. కష్టపడ్డాను. కొంచెం మంచి ఉద్యోగం సంపాదించా. కానీ, ఇంకా ఏదో కావాలి. కలవారి కుటుంబం వాళ్లది. బ్యాక్‌గ్రౌండ్‌ లేకపోయినా మంచి ఉద్యోగం ఉంటే ఒప్పించగలను అంది. విదేశాలకు వెళ్లే ప్రయత్నం చేశా. తన బీడీఎస్‌ కూడా అయిపోవచ్చింది. నాకు ఉద్యోగం రాలేదు. ఇంతలో తను మాట్లాడటం మానేసింది. ఏంటి అని అడిగితే ఇంట్లో సంబంధాలు చూస్తున్నారని చెప్పింది. ‘అదేంటి సడెన్‌గా’ అని అడిగాను. ‘నీ గురించి ఇంట్లో చెప్పాను ఒప్పుకోలేదు’ అంది. నా కోసం పోరాడుతుంది అనుకున్నా. కానీ, ఇంట్లో వాళ్లను కష్టపెట్టి పెళ్లిచేసుకోవటం ఇద్దరికీ ఇష్టంలేదు. నేను నీ పెళ్లి వరకుపోరాడుతా అన్నా. తను బదులు చెప్పలేదు. నా ప్రయత్నం నేను మానలేదు. ఇంతలో తన ఫ్రెండ్‌ ఫోన్‌ చేసింది. ‘అన్నా! నువ్వు మోస పోయావ్‌ అన్నా’ అంది. ‘ఏమైంది’ అని అడిగా. ‘తను మా క్లాస్‌లో ఇంకో అబ్బాయిని ప్రేమిస్తోంది. అందుకే నిన్ను వదిలేసింది’ అని చెప్పింది. నేను నమ్మలేదు. అబద్దం చెబుతుందేమోనని అనుకున్నా. కానీ, నిజం తెలియాలంటే సాయంత్రం కాలేజ్‌ దగ్గరకు రమ్మంది. సరే అని వెళ్లాను. తను చెప్పింది. నిజమే తను ఇంకో అబ్బాయితో మాట్లాడుతోంది. నేనేమీ అనలేదు. ‘రా! బైక్‌ ఎక్కు, వెళదాం’ అన్నాను. ఎప్పుడూ నా బైక్‌ ఎక్కే అమ్మాయి వాళ్ల నాన్న వస్తున్నారని చెప్పింది. సరే అని నేను ఎదురుచూశా. ఆ అబ్బాయి బస్‌ ఎక్కిన తర్వాత తను కూడా వేరే బస్‌ ఎక్కి వెళ్లిపోయింది. ఏమిటిది అంటూ ఫోన్‌ చేశా. ‘నాన్న ఇంకో బస్‌ స్టాప్‌లో దిగమన్నారు’  అని పెట్టేసింది. బస్‌ను ఫాలో అయ్యాను. నా మీద నాకే అసహ్యం వేసింది. నేనేం చేస్తున్నానా అని. వెంటనే ఫాలో అవ్వటం మానేసి ఇంటికి వెళ్లిపోయా. తను నిజమే చెబుతుందని నాకు నమ్మకం. ఇంటి దగ్గర వేయిట్‌ చేశా. తను ఆటోలో దిగింది. ఫోన్‌ చేశా! డాడీ వేరే చోట దించి వెళ్లిపోయారని చెప్పింది. అప్పుడర్థమైంది నేనెంత మోసపోయానో. ప్రేమ చంపుకోలేక బ్రతిమాలాను. విషయం నాకు తెలుసని మాత్రం చెప్పలేదు. రెండు నెలల తర్వాత కోపం వచ్చి అడిగేశాను. తను వేరే వ్యక్తిని ప్రేమించటం నిజమేనని ఒప్పుకుంది. తప్పుచేయోద్దని బ్రతిమాలాను. ఈ విషయం గురించి దెప్పిపొడవనని ఒట్టుకూడా వేశాను. అయినా కూడా తను మారలేదు. తను నాకిచ్చిన బహుమతులన్ని తిరిగిచ్చేశాను. కానీ, తనను మాత్రం ఇచ్చేయలేకపోయాను. తను అంతలా మోసం చేసినా నేను వదులుకోలేకపోయా. నా ప్రేమ అలాంటిది. చంపేద్దామన్నంత కోపం. తనకేమైనా అయితే తట్టుకోలేను. అందుకే డాక్టర్స్‌ బ్లేడ్‌ తీసుకుని తన క్లీనిక్‌కు వెళ్లి నా చెయ్యి కోసుకున్నా. తను భయపడి నన్నే పెళ్లి చేసుకుంటానంది. తను ఆ మాట చెబితే అందులో భయం మాత్రమే కనిపించింది, ప్రేమలేదు. అయినా తన మనసు మారుతుందని ఎదురు చూశాను. మళ్లీ రొటీన్‌. ఆమెను ప్రేమించిన అబ్బాయి నా విషయం తెలిసి, నాకు క్షమాపణ చెప్పి తప్పుకున్నాడు. అయినా తను మారలేదు. నాకు ప్రతిక్షణం నరకంలా ఉంది. నా సమయమంతా తనను బ్రతిమాలుకుంటూ నా ప్రేమ నిరూపించుకోవటానికే సరిపోయింది. ఈ విషయాలన్నీ చెప్పి తన పరువు తీయలేక ఎవ్వరికీ చెప్పలేదు. ఎవర్నీ బాధపెట్టడం ఇష్టంలేక. ఫోన్‌ చేయటం మానేశాను. విదేశంలో జాబ్‌ వచ్చింది. ఇప్పుడైనా నా గురించి ఆలోచిస్తుందేమోనని ఫోన్‌ చేశాను. వాళ్ల నాన్నను ఇంటికి పంపి వార్నింగ్‌ ఇచ్చింది. పొలిటికల్‌ బ్యాక్‌గ్రౌండ​ వల్ల మా ఇంట్లో వాళ్లు భయపడ్డారు. తను తిరిగి రాదని నాకు అర్థం అయ్యింది. ఇప్పుడు తన పెళ్లి అయిపోయింది. ఎంత మర్చిపోవాలని ప్రయత్నించినా ఏదో ఒక జ్ఞాపకం నన్ను తొలిచివేస్తోంది. ఎవరికీ చెప్పుకోలేను. చెప్పి బాధపెట్టలేను. ప్రతి క్షణం తనతో నా బంధం ముడిపడి ఉంది. ప్రతిక్షణం ఈ టైంలో తను ఏం చేసేది, ఏం చెప్పేది, ఎలా మాట్లాడేది అని గుర్తుకువచ్చేవి. పది సంవత్సరాలు ప్రేమించుకున్నాం కదా!.. కాదు, కాదు ప్రేమించాను కదా. తను నన్ను ఎందుకు వదలి వెళ్లిందో అర్థం కావటం లేదు. ఈ బాధనుంచి ఆ దేవుడు నన్ను త్వరగా బయటకు తేవాలని ప్రార్థిస్తున్నాను. సహనం అవధి దాటితే ప్రాణానికి ముప్పు అని తెలుసు. మా ఇంటి పరిస్థితులు నా చెల్లి పెళ్లి నాకు అడ్డుకాకపోతే ఇప్పుడు నా ఈ కథ తను పంపి ఉండేది. ఆ పోస్ట్‌ని నా ఆత్మ చదివి ఉండేది.  - బాషా, విజయవాడ లేదా worldoflove@sakshi.comకు మెయిల్‌ చేయండి

ప్రస్తుతం ఉన్న తరంలో ప్రేమించడం, ప్రేమించి పెళ్లి చేసుకోవడం అనేది తరచుగా జరుగుతోంది. అందులో కొన్ని ప్రేమ జంటలు మాత్రమే పెళ్లి వరకు వెళ్లి జీవితాంతం కలిసి ఉంటున్నాయి. కానీ, కొన్ని మాత్రం పెళ్లి వరకు రావడం లేదు. దానికి కారణం కొన్ని వాళ్లే అవ్వడం, మరి కొన్ని వాళ్ల తల్లిదండ్రులు ఒప్పుకోకపోవడం. అలా తల్లితండ్రులు ఒప్పుకోకపోవడం వల్ల కొన్ని ప్రేమ జంటలు వాళ్ల తల్లిదండ్రులను బాధపెట్టలేక, ఇష్టం లేని పెళ్లిళ్లు చేసుకున్న వాళ్లు కూడా ఉన్నారు. ఇప్పుడు నేను చెప్పబోయే కథ కూడా అలాంటిదే. నా పేరు అంజలి. మాది ఒక చిన్న కుటుంబం. నా తండ్రి ఒక ఉపాధ్యాయుడు. నేను, నాకు ఒక తమ్ముడు. మా తండ్రి ఉపాధ్యాయుడు కావడం వల్ల చిన్నతనం నుండి పద్ధతిగా, చదివే లోకంగా ఉండేలా మమ్మల్ని పెంచాడు. మేము కూడా మా తండ్రి గారి బాటలోనే మంచి ఉద్యోగం చెయ్యాలి, మా తండ్రి పేరు నిలబెట్టాలని, సమాజంలో ఆయనకి ఉన్న గౌరవాన్ని కాపాడాలనే ఉద్దేశంతోనే పెరిగాం.   అలాగే ఉన్నాం. నేను నా డిగ్రీ పూర్తి చేసుకున్నాక, పీజీ కొరకు ఒక మంచి కళాశాలలో మా తండ్రి గారు అడ్మిషన్ తీసుకున్నారు. నేను కళాశాలలో చేరడానికి కావలసిన ధ్రువపత్రాలను సమర్పించడం కోసం ఆ కళాశాలకి మొదటి సారిగా వెళ్లాను. నాకు ఆ కళాశాల కొత్తది కాబట్టి ఎక్కడికి వెళ్లి ఆ పత్రాలను ఇవ్వాలో ఏం చెయ్యాలో అర్థం కాలేదు. ఇక అక్కడే అటు ఇటు తిరుగుతూ ఎవరిని అడగాలో తెలియని సందేహంతో ఉన్నాను. ఇంతలో ఎవరో సహాయం కోసం పిలిచినట్టుగా, ఒక అబ్బాయి నా దగ్గరికి వచ్చి ‘మీరు ఈ కళాశాలకు కొత్తగా వచ్చినట్టున్నారు..! ఏదో సందిగ్ధంలో ఉన్నట్టున్నారూ...!! మీరు ఏమీ అనుకోకపోతే నేను మీకు ఏ విధంగా సహయపడగలను’ అని అన్నాడు. తను అలా అడిగే సరికి కొంచెం సందేహంతోనే నేను వచ్చిన పని ఏంటో చెప్పేశాను. తను నా గురించి ఆ నిమిషం ఏం అనుకున్నాడో నాకు తెలియదు కానీ, దగ్గర ఉండి మరీ నా పని మొత్తం పూర్తి చేపించాడు. నా పని పూర్తి కాగానే తనకి ధన్యవాదాలు చెప్పాలని తన దగ్గరికి వెళ్లే లోపు తన స్నేహితుడు వచ్చి పిలిచే సరికి అతను మాట్లాడకుండానే వెళ్లిపోయాడు. ఆ అబ్బాయిని నేను మొదటి సారిగా చూడడం అక్కడే!! చూడగానే మంచి వాడిలానే అనిపించాడు. తనలోని ఇతరులకి సహాయం చేసే ఆ గుణం, మాటల్లో చెప్పకున్నా ఎదుటి వారి భావోద్వేగాలను అర్థం చేసుకునే అతని స్వభావం నన్ను అతని వైపు ఆకర్షితురాలిని చేశాయి. ఆలాంటి వ్యక్తికి ధన్యవాదాలు చెప్పలేదు కదా! అతని పేరు కూడా అడగనందుకు కొంచెం బాధగా కూడా అనిపించింది. కానీ, ఏదో ఒక రోజు అతనిని మళ్లీ కలుస్తా అనే నమ్మకంతో వెళ్లిపోయాను. ఇక నేను యధావిధిగా కళాశాలకు వెళ్లడం ప్రారంభించాను. అనుకోకుండా ఒక రోజు కళాశాలలో అతనిని చూశాను. తనని చూడగానే నాలో ఏదో తెలియని కల్లోలం అంతేకాకుండా మళ్లీ కలిశాను అనే సంతోషం కలిగింది. వెంటనే తన దగ్గరికి వెళ్లి మాట్లాడాను. తను నన్ను చూడగానే గుర్తు పట్టాడు. తను చేసిన సహాయానికి ధన్యవాదాలు చెప్పి మాట్లాడాను. అప్పుడే తన పేరు సిద్దార్థ్ అని, అదే కళాశాలలో పీజీ పూర్తి చేసుకుని ఒక మంచి కంపెనీలో ఉద్యోగంలో చేరాడని, సర్టిఫికెట్స్ కోసం ఆ కళాశాలకు వచ్చాడని తెలిసింది. ఇక తను వచ్చిన పని అయిపోయింది అని వెళ్తూ మీరు ఏమి అనుకోకపోతే మీ నంబర్ ఇస్తారా అని అడిగాడు. నేను నా నెంబర్ ఇవ్వడంతో మెల్ల మెల్లగా మా ఇద్దరి మధ్యా పరిచయం చాటింగులు, టాకింగుల ద్వారా పెరగసాగింది. తను కూడా అప్పుడప్పుడు నన్ను కలుస్తూ ఉండేవాడు. తన మాటల్లో ప్రవర్తనలో తనకి నాపై ఉన్న ప్రేమ కనిపించేది. అలా అలా మా ఇద్దరి మధ్యా స్నేహం కాస్తా ప్రేమగా మారింది. ఒకసారి తను నన్ను గుడికి తీసుకెళ్లాడు. అక్కడ ఆ దేవుడి సాక్షిగా తను నన్ను ప్రేమిస్తున్న విషయం చెప్పి ‘‘నీతో ఏడు అడుగులు వేసి, ఏడు జన్మల వరకు తోడుగా, నీ నీడనై నీ వెంటనే ఉంటాను, నన్ను పెళ్లి చేసుకుంటావా.!?’ అని అడిగాడు. తను అలా అడగగానే నాకు ఏమి చెప్పాలో తోచలేదు. నేను వెంటనే సిద్దార్థ్‌తో ‘నువ్వంటే నాకు ఇష్టమే కానీ, మనం పెళ్లి చేసుకోవాలంటే మన తల్లితండ్రులు ఒప్పుకోవాలి కదా! అందుకే నువ్వు మీ ఇంట్లో ఒప్పించు నేను మా ఇంట్లో ఒప్పిస్తా’ అని చెప్పాను. అందుకు తను సంతోషంగా ఒప్పుకున్నాడు. అనుకున్నట్టుగానే తను తన ఇంట్లో వాళ్లని ఒప్పించాడు. నేను నా ఇంట్లో ఒప్పిద్దాం అని మా నాన్న గారికి జరిగింది అంతా చెప్పి ఒప్పించే ప్రయత్నం చేశాను. కానీ తను ఒప్పుకోలేదు. అంతేకాకుండా తను నాకు ఒక మంచి పెళ్లి సంబంధం తెచ్చానని, అతనినే పెళ్లి చేసుకోవాలని చెప్పాడు. ఇక నాకు ఏమి చెయ్యాలో అర్థం కాక సిద్దార్థ్ దగ్గరికి వెళ్లి జరిగింది అంతా చెప్పాను. ‘మా తండ్రిని కాదని నేను నీతో ఏడు అడుగులు వెయ్యలేను. అలా అని నిన్ను వదులుకోను’ అని అన్నాను. దానికి సిద్దార్థ్ ‘మన పరిచయం 2 సంవత్సరాలే కావచ్చు, కానీ మీ ఇద్దరికీ ఉన్న తండ్రి కూతుళ్ల అనుబంధం ముందు మన ప్రేమ ఎందుకూ సరిపోదు.  నువ్వు వెళ్లి మీ నాన్న చూసిన అతనినే పెళ్లి చేసుకో’ అన్నాడు. ఆ మాటలు విన్నాక నా గుండె ఒక్క క్షణం ఆగిపోయింది. ఇక తనతో ఏమీ మాట్లాడకుండా బాధతో అక్కడి నుండి వెళ్లిపోయి సిద్దార్థ్ చెప్పినట్టుగా మా తండ్రిని బాధ పెట్టడం ఇష్టంలేక ఆ పెళ్లికి ఒప్పుకున్నాను. నేను ఒప్పుకోవడం ఆలస్యం అంతలోనే పెళ్ళిచూపులు పెట్టించారు. అందరు అమ్మాయిల లాగానే ఇష్టం లేని పెళ్లి చేసుకుంటున్నాననే అనే బాధతోనే వెళ్లి పెళ్లి చూపుల్లో కూర్చున్నాను. అక్కడ నేను ఊహించనిది జరిగింది. అదేంటంటే ఆ అబ్బాయి మరెవరో కాదు "సిద్దార్థ్". నేను నా తండ్రి గౌరవ మర్యాదల కోసం, తనని భాదపెట్టలేక సిద్దార్థ్‌ని వద్దు అనుకుని ఇష్టం లేని పెళ్లి చేసుకోవడానికి ఒప్పుకున్నానని, నాకు నచ్చిన వాడినే ఇచ్చి పెళ్లి చెయ్యాలని నా తండ్రి సిద్దార్థ్ తల్లిదండ్రులతో మాట్లాడి ఒప్పించాడు. ఇక నేను ఊహించని మలుపుతో సిద్దార్థ్‌తో నా పెళ్లి నిశ్చయం అయింది. తండ్రి కోసం నేను నా ప్రేమని వదులుకుంటే నాకోసం మా నాన్న నా ప్రేమని నాకు తిరిగిచ్చాడు. ఇష్టం అయిన వాళ్ల కోసం ప్రేమని ఇవ్వడంలో ఎంత సంతోషం ఉంటుందో, ఆ ప్రేమని వదులుకోవడంలో కూడా అంతే సంతోషం ఉంటుంది. - అంజలి లేదా worldoflove@sakshi.comకు మెయిల్‌ చేయండి

అసూయ ఓ స్లోపాయిజన్‌ లాంటిది. అది ఆవరించిన వ్యక్తిని వారికి తెలియకుండానే కొద్దికొద్దిగా నాశనం చేస్తుంది. నిత్యం అసూయతో రగిలిపోయే వ్యక్తి తనని తాను బాధించుకోవటమే కాకుండా ఇతరులను, ముఖ్యంగా తమను ఇష్టపడే వ్యక్తులను ఎక్కువగా కష్టపెడుతుంటారు. అది రిలేషన్‌లో ఉన్న వ్యక్తులకు సంబంధించిందైతే వారి జీవితం నిత్యం నరకం ప్రాయం అవుతుంది. అసూయ కలిగిన వ్యక్తులు ఎదుటి వ్యక్తి ప్రేమ మొత్తం తమకే చెందాలనే మొండిపట్టుదలతో చిన్న చిన్న విషయాలకు కూడా వారిని సాధిస్తుంటారు. పార్ట్‌నర్‌ ప్రతి కదిలికపై ఓ కన్ను వేసి వారి పొరపాట్లను కూడా భూతద్దంతో వెతికి చూపి హింసిస్తుంటారు. ఎప్పుడైతే బంధంలోకి అసూయ అడుగుపెడుతుందో అప్పుడు ఆ బంధం నాశనం అవుతుంది. అలా అవ్వకుండా ఉండాలంటే అసూయను ప్రారంభంలోనే గుర్తించి అరికట్టాల్సిన అవసరం ఉంది.  అసూయ మొదలవ్వగానే ఆ వ్యక్తి ఎదుటి వారితో తమకు సంబంధించిన విషయాలను పంచుకోవటం మానేస్తారు. మన బంధంలోకి అసూయ అడుగుపెట్టిందని చెప్పే మొదటి, ముఖ్యమైన లక్షణం ఇదే. ఎప్పుడైతే ఓ వ్యక్తి మనతో ఉన్నపుడు భద్రతగా, కంఫర్ట్‌గా ఫీలవుతారో అప్పుడే ఆ వ్యక్తి మనతో తమకు సంబంధించిన విషయాలను పంచుకోవటానికి ఇష్టపడతారు. అలా జరగకుంటే కొద్దిగా ఆలోచించాల్సిన విషయమే.  మనం ఎక్కువగా ఎదుటి వ్యక్తికి సంబంధించిన విషయాలపై దృష్టిపెడుతూ వారి ప్రతి కదలికను తెలుసుకుంటునట్లయితే అసూయకు బీజం పడిందని భావించాలి. మనం ఎక్కువగా ఎదుటి వ్యక్తి గురించి, వారి స్నేహాల గురించి ఆలోచిస్తుంటే అది మన బంధానికే గొడ్డలిపెట్టు అవుతుంది. మీ పార్ట్‌నర్‌ మిమ్మల్ని అవాయిడ్‌ చేస్తున్నట్లయితే అది అసూయగా గుర్తించాలి. ఎందుకంటే మనతో వారు కంఫర్ట్‌గా ఫీలవ్వకపోవటం, మనతో సరైన కమ్యూనికేషన్‌ లేకపోవటం వల్ల మనల్ని అవాయిడ్‌ చేయటం మొదలుపెడతారు.  జరగని, అనవసరమైన విషయాలను గురించి ఎక్కువగా ఆలోచిస్తూ జంట ఎల్లప్పుడూ గొడవ పడుతున్నట్లయితే  ఆ బంధంలో అసూయ ప్రవేశించిందని గుర్తించాలి. అసూయ మొదలవ్వగానే బంధం బలహీనపడి జంట మధ్య తరచూ గొడవలకు దారితీస్తుంది. లేదా worldoflove@sakshi.comకు మెయిల్‌ చేయండి

చిన్నప్పటినుంచి నా మరదలే నా భార్య అంటూ ఇంట్లో బయట అందరూ అనేవాళ్లు. అప్పుడు చాలా కోపంగా అనిపించేది. వీల్లేంటి నాతో ఇలా అంటున్నారని. తర్వాత చాలా కాలం తనను చూడలేదు. ఒకసారి వాళ్ల ఊరిలో ఫంక్షన్‌కు వెళ్లినపుడు చూశా. చాలా అందంగా కనిపించింది. నేను జాబ్‌లో జాయిన్‌​ అయిన తర్వాత ఓ రోజు తను మా ఊరు వచ్చింది. అప్పుడు నేను ‘నన్ను పెళ్లి చేసుకుంటావా?’ అని అడిగా. సమాధానం చెప్పకుండా వెళ్లిపోయింది. వెయిట్‌ చేయాలా అని అడిగితే తెలియదంది. తనకు నా మీద ఆ అభిప్రాయం లేదేమోనని ఊరుకున్నాను. ఆ తర్వాత మా అమ్మ అడిగింది ‘ తనను పెళ్లి చేసుకోరా! మీ ఇద్దరు బాగుంటారు’ అని. నేను చూద్దాంలే అమ్మా అని ఊరుకున్నా. ఒకసారి వాళ్ల ఊరు వెళ్లినపుడు ఎదురుపడి ఇద్దరం అలా నిలజడిపోయాం. ఇంతలో అక్క కొడుకు నిద్రలేచి ఏడుపు మొదలుపెట్టాడు. దీంతో అక్కా వాళ్లు మా దగ్గరకు వచ్చేశారు. అరే మాట్లాడే ఛాన్స్‌ మిస్సయిందే అని చాలా బాధపడ్డా. ఇవన్నీ మనకు సెట్టవ్వవులే అనుకుని ఊరికే ఉన్నా. ‘సంబంధం చూస్తే చేసుకుంటావా?’ అని చుట్టాలెవరో అడిగారు. నేను ‘ఇప్పుడే వద్దులే’ అని అన్నా.  ఇంతలో ఒకసారి అక్కకు కాల్‌ చేస్తే కలవలేదు. అప్పుడు మరదలు వాళ్ల ఇంటికి ఫోన్‌ చేస్తే తనే ఫోన్‌ తీసుకెళ్లింది. అక్కతో మాట్లాడి ఫోన్‌ కట్‌ చేశాక తనే కాల్‌ చేసింది. ‘ఏమి కాల్‌ చేశావు’ అని అడిగితే ‘ ఇప్పటివరకు నువ్వు చెప్తావని ఎదురు చూశా. ఎప్పుడో నాలుగేళ్ల క్రితం ఏమో తెలియదు అన్నానని ఇప్పుడు నువ్వేమీ చెప్పట్లేదు. నేనంటే నీకు ఇష్టం పోయిందా.’ అని అడిగింది. నాకు మాటలు రాలేదు. ‘మనం పెళ్లి చేసుకుందాం రా!’ అంది. ఎగిరి గంతేశా. నాన్నతో చెప్పా తనని చేసుకుంటానని. ఓకే చెప్పేశారు. త్వరలో తనతో నా కొత్త జీవితం ప్రారంభం కాబోతోంది. ఆ కలల్లోనే ఇప్పుడు తేలిపోతున్నా. - రామ్‌, శ్రీకాకుళం లేదా worldoflove@sakshi.comకు మెయిల్‌ చేయండి

అది 2011, నేనపుడు ఇంటర్‌ సెకండ్‌ ఇయర్‌ చదువుతున్నాను. ఒకరోజు నా మొబైల్‌కు ‘హాయ్‌! హౌ ఆర్‌ యూ’ అని మెసేజ్‌ వచ్చింది. నేను ‘ఎవరు’ అని రిప్లై ఇచ్చాను. ‘నవీన్‌’ అన్నాడు. అతనికి నా ఫ్రెండ్‌ వాళ్ల లవర్‌ నా ఫోన్‌ నెంబర్‌ ఇచ్చాడు. అలా ప్రతిరోజూ మెసేజ్‌లు, కాల్స్‌ చేసుకునేవాళ్లం. తన విషయాలు అన్నీ నాకు చెప్పేవాడు. ఒక రోజు తనను చూడాలనిపించి ఇంటికి రమ్మన్నాను. వాళ్ల ఫ్రెండ్‌ను తీసుకుని వచ్చాడు. అదే అతన్ని నేను మొదటిసారి చూడటం. కొద్ది సేపు అక్కడే ఉన్నాడు. మాట్లాడుకున్నాం. తర్వాత వెళ్లిపోయాడు. ఆ తర్వాత ‘లవ్‌ యూ’ అని మెసేజ్‌ చేశాడు. నేను సమాధానం చెప్పలేదు. కొద్దిరోజుల తర్వాత ఒప్పుకున్నా. తన మాటలు, ప్రవర్తన నాకు చాలా బాగా నచ్చాయి. ఇంటర్‌ ఎక్షామ్స్‌ అయిపోయిన తర్వాత తను ముంబై వెళ్లిపోయాడు. తన దగ్గరినుంచి ఏ మెసేజ్‌ కానీ, ఫోన్‌కాల్‌ కానీ రాలేదు. అతను వెళ్లిపోయిన తర్వాత నాకు అతనంటే చాలా ఇష్టం పెరిగింది. ఒక రోజు కాల్‌ చేశాడు. చాలా హ్యాపీగా ఫీలయ్యాను. రోజూ మెసేజ్‌లు, ఫోన్లతో బిజీగా ఉండేవాళ్లం. మా విషయం మా అమ్మకు తెలిసింది. నన్ను తిట్టింది! మా నాన్నకు కూడా చెప్పింది. అతని ఇంట్లో వాళ్లతో చెప్పమను పెళ్లి చేస్తామన్నారు. అతను రెండు సంవత్సరాలు టైం అడిగాడు. మా వాళ్లకు విసుగు వచ్చి సంబంధాలు చూడటం మొదలుపెట్టారు. ఆ విషయం అతనికి చెప్పాను‘ నిన్ను తప్ప ఎవరినీ చేసుకోను’అని.   అతనికి కూడా నేనంటే పిచ్చి ప్రేమ. ఇద్దరం రోజూ బాధపడేవాళ్లం. అతను వాళ్ల పేరెంట్స్‌కు చెప్పటానికి భయపడేవాడు. అతనికి వాళ్ల మరదల్ని ఇచ్చి పెళ్లిచేయాలనుకుంటున్నారని, ఈ సమయంలో మా ప్రేమ విషయం చెబితే ఒప్పుకోరని అన్నాడు. అతడి మీద కోపం వచ్చింది. దీంతో మా వాళ్ల కోసం వాళ్లు చూసిన అతడినే పెళ్లి చేసుకోవాలని డిసైడ్‌ అయ్యా. అతడిని దూరం పెట్టా. నన్ను మర్చిపోమని చెప్పా. చాలా ఏడ్చాడు. ‘రెండేళ్లు ఎదురుచూడు ప్లీజ్‌!’ అంటూ బ్రతిమాలాడు. మా అమ్మతో మాట్లాడాడు. ‘మీ వాళ్లను ఒప్పించు, లేకపోతే మా అమ్మాయికి వేరే అబ్బాయితో పెళ్లి చేస్తాము’ అంది. అతని మీద కోపంతో నన్ను నేను ఇబ్బంది పెట్టుకున్నా. ఇటు అతడ్ని దూరం చేసుకోలేక, మా వాళ్లను దూరం పెట్టలేక చాలా అవస్థలు పడ్డాను. తను ధైర్యం చేసి వాళ్ల ఇంట్లో వాళ్లకు విషయం చెప్పేశాడు. ‘ ఆ అమ్మాయే కావాలి! లేకపోతే చచ్చిపోతా’ అని అన్నాడు. వాళ్లు ఒప్పుకున్నారు. మా వాళ్లతో మాట్లాడారు. 2013లో మా పెళ్లి అయింది. ఇప్పుడు హ్యాపీగా ఉన్నాం. నిజమైన ప్రేమ ఎప్పటికీ ఓడిపోదు.  లవ్‌ యూ ఫరెవర్‌ లడ్డూ!  - రేణుక లేదా worldoflove@sakshi.comకు మెయిల్‌ చేయండి

నేను డిగ్రీ చదివేటప్పుడు ఆన్‌లైన్‌లో ఓ అబ్బాయి పరిచయం అయ్యాడు. ఆ అబ్బాయితో డీప్‌ లవ్‌లో ఉన్నాను. అతడిని పెళ్లి చేసుకుంటానంటే మా వాళ్లు వాళ్ల ఇంటికి వెళ్లారు. అప్పుడు తెలిసింది! వాడికి అప్పటికే పెళ్లై ఇద్దరు పిల్లలు కూడా ఉన్నారని. అక్కడ వీడియో తీసి ఇంటికి వచ్చాక నాకు చూపించారు. డిప్రెషన్‌లోకి వెళ్లిపోయాను. ఇంట్లో ఉండలేక ఎంబీఏ స్టార్ట్‌ చేశాను. అక్కడ రవి అనే అబ్బాయి పరిచయం అయ్యాడు. అతను నాకు ప్రపోజ్‌ చేసినా నేను ఒప్పుకోలేదు. తర్వాత తన పట్టుదల నచ్చి ఒప్పుకున్నాను. అప్పటికే లవ్‌ ఫెయిల్యూర్‌ అయిన నేను మరో సారి ప్రేమంటే భయం వేసింది. కానీ, ఈ అబ్బాయి నన్ను నేరుగా వాళ్ల ఇంటికి తీసుకెళ్లాడు. వాళ్ల అమ్మానాన్నలకు పరిచయం చేశాడు. డైలీ సీక్రెట్‌గా మాట్లాడుకునేవాళ్లం. మా అమ్మానాన్న రవితో నా పెళ్లికి ఒప్పుకుంటారనే నమ్మకం లేదు. ఎవరికీ తెలియకుండా పెళ్లి చేసుకుందామని నిశ్చయించుకున్నాం. ఓ గుళ్లో పెళ్లి చేసుకున్నాం. పెళ్లి తర్వాత ఎవరి ఇంటికి వాళ్లం వెళ్లిపోయాం. అలా ఓ నెలరోజులు గడిచిపోయాయి. డైలీ కాలేజ్లో కలిసేవాళ్లం. కానీ, రోజూలానే మామూలుగా ప్రవర్తించేవాళ్లం. ఓ రోజు మా అమ్మానాన్న నాకు మా మామయ్య వాళ్ల అబ్బాయితో పెళ్లి చేయటానికి మాట్లాడుకోవటం నేను విన్నాను. చాలా భయం వేసింది. మార్నింగ్‌ కాలేజ్‌కు వెళ్లి రవికి విషయం చెప్పేశాను. వెంటనే నేను మా నాన్నకు ఫోన్‌ చేసి‘ నేను ఒక నెల క్రితం పెళ్లి చేసుకున్నాను. ఇక ఇంటికి రాను.’ అని చెప్పి రవి ఇంటికి వెళ్లిపోయాను. మా అమ్మానాన్న చాలా బాధపడ్డారు. నన్ను వెతుక్కుంటూ రవి వాళ్ల ఇంటికి వచ్చేశారు. వాళ్లు మమ్మల్ని చూశాక కన్విన్స్‌ అయి ఒప్పుకున్నారు. గ్రాండ్‌గా రిసెస్పన్‌ కూడా ఇచ్చారు. ప్రేమించినపుడు మనకు అమ్మానాన్నల విలువ తెలియదు. కానీ, మనం తల్లిదండ్రులమైనపుడు వారి విలువ తెలిస్తుంది. నేను మా అమ్మానాన్నలను చాలా బాధపెట్టాను. ఇప్పటికీ నా తప్పును సరిదిద్దుకోవటానికి ప్రయత్నిస్తూనే ఉన్నా. - దివ్య లేదా worldoflove@sakshi.comకు మెయిల్‌ చేయండి

మాది కడప జిల్లాలోని ఒక మారుమూల గ్రామం. నా డిగ్రీ అయిపోయిన తరువాత నేను మా ఫ్రెండ్స్ గుంటూరుకి కోచింగ్ కోసం వెళ్లాము. అక్కడికి అమ్మాయిలు కూడా కోచింగ్‌కు వచ్చారు. నాకెందుకో చిన్నప్పటి నుంచి అమ్మాయిలు అంటే కొంచెం భయం ఉండేది. అందుకే నేను అమ్మాయిలతో ఎక్కువగా మాట్లాడే వాడిని కాదు. అలా కోచింగ్ తీసుకుంటున్న సమయంలో నన్ను ఒక అమ్మాయి చూసి ఇష్టపడింది. నా దగ్గరకి వచ్చి నన్ను లవ్ చేస్తున్నా అని చెప్పింది ఆ అమ్మాయి చాలా బాగుంది. నేను నమ్మలేదు! జోక్ చేస్తోందేమో అనుకున్నా. కానీ, ఆ అమ్మాయి నన్ను సిన్సియర్‌గా లవ్ చేస్తోందని ఆ అమ్మాయి ఫ్రెండ్స్ నాకు చెప్పారు. తర్వాత నేను ఆ అమ్మాయిని లవ్ చేయడం స్టార్ట్ చేశాను. అలా 3నెలలు హ్యాపీగా ప్రేమించుకున్నాం. నాకు హైదరాబాద్లో జాబ్ వచ్చి వెళ్లి పోయాను అక్కడికి వెళ్ళిన తర్వాత నాకు ఆ అమ్మాయి అనుక్షణం గుర్తుకు వచ్చేది. నాకు ఏం చేయాలో అర్థం అయ్యేది కాదు. ఆ అమ్మాయికి కూడా నెల్లూరులో జాబ్ వచ్చి అక్కడికి వెళ్లిపోయింది. ఫోన్లోనే మాట్లాడుకునే వాళ్లం. 2 నెలల తరువాత దసరా పండగ వచ్చింది. నేను మా ఇంటికి వెళ్లాను మా ఇంట్లో నా ప్రేమ విషయం చెప్పాను. వాళ్లు కూడా ఒప్పుకున్నారు. అప్పుడు ఆ అమ్మాయి ఫోన్ చేసి ‘పవన్ నేను దసరాకి మీ ఇంటికి వస్తాను. మీ అమ్మానాన్నని చూడాలి’ అని చెప్పింది. నాకు చాలా సంతోషంగా అనిపించింది. మా ఇంట్లో వాళ్లకి చెప్పిన తరువాత ఆ అమ్మాయి మా ఇంటికి వచ్చింది. మా ఇంట్లో 10రోజులు ఉంది. ఉన్నన్నాళ్లు అందరితో కలిసిపోయింది. తరువాత ఎవరి జాబ్ వాళ్లు చేసుకోవడం స్టార్ట్ చేశాం. నాకు ఆ అమ్మాయిని ఎప్పుడెప్పుడు పెళ్లి చేసుకోవాలా.. ఎప్పుడెప్పుడు తనతో లైఫ్ స్టార్ట్ చేయాలా అని చాలా కోరికలు ఉండేవి ఈ విషయం తనతో చెప్పాను. తను కూడా ఒప్పుకుంది. తరువాత తను ‘మా ఇంట్లో చెబుతాను. మనం పెళ్లి చేసుకుందాం’ అని చెప్పింది. తను వాళ్ల ఇంటికి వెళ్లిన తర్వాత. ఏమైందో ఏమో ‘నాకు ఇప్పుడే పెళ్లి చేసుకోవడం ఇష్టం లేదు. ఇంకా టైమ్ కావాలి’ అని అంది. నేను కూడా ఓకే చెప్పాను. కొన్ని రోజుల తరువాత ఏమైందో ఏమో నాకు ఫోన్ చేయడం తగ్గించింది. నేను ఫోన్ చేసినా కట్ చేసేది. నాకు చచ్చి పోవాలని అనిపించింది. సూసైడ్ అటెంప్ట్ చేశాను. మా ఫ్రెండ్స్ నన్ను బ్రతికించారు. ఏం పని చేయలేక అలాగే బాధ పడుతూ ఉండే వాడిని. 3నెలల తరువాత ఆ అమ్మాయి దగ్గరినుంచి ఫోన్ వచ్చింది. హ్యాపీగా ఫీల్ అయ్యి ఫోన్ లిఫ్ట్ చేసి మాట్లాడాను. తను ఏడుస్తుంటే ఎందుకని అడిగాను. ‘నేను నిన్ను మిస్ అవుతున్నాను. నిన్ను చూడాలి’ అని చెప్పింది. అలా మళ్లీ మా ఇద్దరి మధ్యా ప్రేమ కథ మొదలైంది. మళ్లీ కొన్ని రోజుల తరువాత ‘నువ్వంటే నాకు ఇష్టం లేదు’ అని చెప్పింది. అప్పుడు నా గుండె పగిలింది. ‘ఆ మాట వినడానికా నేను ఇంకా బ్రతికి ఉన్నది’ అనిపించింది. ‘ఎందుకు’ అని అడిగాను. ‘మా ఇంట్లో వాళ్లకి మనం​ పెళ్లి చేసుకోవటం ఇష్టం లేదు’ అని చెప్పింది. ఒకటి మాత్రం చెబుతాను! ప్రేమించేటప్పుడు గుర్తుకు రాని పేరెంట్స్ పెళ్లి విషయంలో ఎందుకు గుర్తుకు వస్తారో నాకు అర్థం కావడం లేదు. లైఫ్‌లో తనని వద్దు అనుకున్నా. తను ఎక్కడ ఉన్నా, ఎవరితో ఉన్నా హ్యాపీగా ఉండాలి. ఏ అమ్మాయి అయినా ప్రేమిస్తే కష్టం అయిన సుఖం అయిన పెళ్లి చేసుకోవడానికి ప్రయత్నం చేయండి. ప్రేమించి పెళ్లి చేసుకుందాం అని చెప్పి, తరువాత వద్దు అని అనకండి. ఎందుకంటే ప్రతి అబ్బాయి పెళ్లి చేసుకుందాం అని ప్రేమిస్తాడు. కానీ, ప్రేమించి మోసం చేస్తే ఆ బాధని తట్టుకోవడం చాలా కష్టం. - పవన్‌,కడప లేదా worldoflove@sakshi.comకు మెయిల్‌ చేయండి

2014లో నేనొక అమ్మాయిని చూశాను. అప్పుడు నేను బీఎస్‌సీ ఫైనల్‌ ఇయర్‌. తను ఓ ట్రైనింగ్‌ కోసం వచ్చింది. అప్పుడు తనతో నాకు పరిచయం ఏర్పడింది. తర్వాత కొన్ని రోజులకు నేను తనకు ప్రపోజ్‌ చేశా. ఓకే అంది. మా ఇద్దరి మధ్యా ఎన్నో గొడవలు అంతకుమించి ఎంతో ప్రేమ.. అలా 5ఏళ్లు గడిచిపోయాయి. ఈ ఐదేళ్లలో తను లేకపోతే నేను లేను అనేంతలా ప్రేమ చూపించింది. తనకు కూడా నేనంటే చాలా ఇష్టం. మా ఇద్దరి కులాలు ఒక్కటికాదు. అయినా నేను ఓ సంవత్సరం వేయిట్‌ చేసి తనను పెళ్లి చేసుకుంటానని అడిగా. తను సరే అంది. ఒకరోజు ఫోన్‌ చేస్తే ‘ నాకు మ్యారేజ్ ఫిక్స్‌ అయ్యింది. ఎంగేజ్‌మెంట్‌ కూడా అయ్యింది.’ అని చెప్పింది. అప్పటినుంచి నా గుండెలో బాధ మొదలైంది. ఆమెకు ఇష్టం లేకపోయినా తన ఫ్యామిలీ కోసం ఓకే చెప్పిందని తెలిసింది. అప్పుడు నేను ‘వచ్చేయ్‌ నాతో! పెళ్లి చేసుకుందాం.’ అని అన్నాను. తనేమో రానని చెప్పేసింది. ఇప్పటికీ తన గురించే ఆలోచన నా ప్లేస్‌లో వేరే వాడిని ఊహించుకోలేకపోతున్నా. నా ఊపిరి ఉ‍న్నంత వరకు నేను తనని మర్చిపోలేను. నువ్వు లేని నా జీవితం శూన్యం. నువ్వే నా ప్రపంచం.. నా ఆలోచన నువ్వు.. నువ్వు గుర్తురాని సెకండ్‌ లేదు. జాగ్రత్త బంగారం. ఐ మిస్‌ యూ.. నేను నిన్ను మర్చిపోవటమంటే చచ్చిపోవటమే. - క్రిష్ణ చదవండి : ఇలాంటోళ్లు రొమాన్సులో పిచ్చోళ్లు!  ఆమెకు అనుమానం..అందుకే వీలుచిక్కినప్పుడల్లా.. లేదా worldoflove@sakshi.comకు మెయిల్‌ చేయండి

ఆమె చూడ ముచ్చటగా ఉంటుంది. సప్తవర్ణ శోభితం.  ఇట్టే అల్లుకుపోయే వెన్నలాంటి మనసు. చలాకీగా ఉంటూ సమయస్ఫూర్తిగా వ్యవహరిస్తూ, తనపనేదో తాను చేసుకుంటూ ఉన్నంతలో సరిపెట్టుకునే తత్త్వం.  గుడికి వెళ్లడం, వాకింగ్ చేయడం ఆమె అలవాటు. తన పేరు బంగారు లక్ష్మి. 24కేరట్స్ బంగారమే ఆమె. అందుకే  నిన్ను ఇష్టపడ్డానంటూ  తారసపడ్డా. నువ్వంటే  ఇష్టం అని చెబుతూ మెల్లగా నా మనసులో మాట బయట పెట్టా. చిత్రం ఏమిటంటే, దగ్గరమ్మాయే. ఒక దశాబ్ద కాలంగా ఆమె తెలుసు. అయితే  ఎన్నోసార్లు ఎదురు పడ్డా, పలకరించడానికి కూడా బిడియపడుతూ వెళ్లిపోయేవాడిని. కానీ ఎందుకో ఆమెపై సడన్‌గా  ప్రేమ పుట్టింది.  దీనికి కారణం  ఒకరోజు ఆమె కలలో ప్రత్యక్షమయింది. అప్పటికే సమస్యలతో సతమతమవుతున్న నా  జుట్టు నిమురుతూ ‘ఢీలా పడ్డం కాదు.. ధైర్యంగా ఉండు. నీకు నేనున్నా’ అంటూ భరోసా ఇచ్చింది. చాలాసేపు కబుర్లు చెప్పి మాయమైంది. కళ్లు తెరిచి చూసేసరికి అది కలో, నిజమో  బోధ పడలే. అలా రోజూ కలలోకి రావడం, మైమరపించడంతో  ఉండబట్టలేకపోయా. ఎన్నో బాధలతో సతమయ్యే నాకు  ఆమె ఓ  స్వప్న దేవతగా వచ్చి, మురిపించడంతో ఆ బాధలనుంచి విముక్తి లభించినట్టు ఫీలయ్యా. ఏమిటి ఇలా జరుగుతోందంటూ మదనపడ్డా. ఆమెకు ఎలా చెప్పాలని పరితపించా. ఒకటి రెండుసార్లు ఫోన్ చేసి పలకరించాలని చూసినా ధైర్యం చాలలేదు. కానీ ఒకసారి ఆమెను దగ్గరి నుంచి చూడటంతో ఆమెపై నిజంగా ప్రేమ పుట్టింది. కలలో చూసినట్టే సరిగ్గా ఆమె పొందికగా ఉంది.  విశాలమైన నుదురు. ఆకర్షించే కనులు.. తొలిచూపులోనే కట్టి పడేసింది. ఆమెను భువిలోని ఓ దేవతగా ఆరాధిస్తూ, ఆమెకోసం జపిస్తూ, పరితపిస్తూనే ఉన్నా. ఏదైతే అది అయిందిలే అని, ఆమెకు ఫోన్ చేయడం, ఆమెతో మాటలు కలపడం. అలా అక్కడున్నన్నాళ్లు ఫోన్ సంభాషణ సాగింది. మెల్లిగా నా మనసులో మాట, తనపై నాకు ఉన్న ఇష్టం గురించి చెప్పడం జరిగిపోయాయి. కానీ అవతలనుంచి రెస్పాన్స్ రాలేదు.   ఆమెను గుడి దగ్గర కలవాలని చూశా. ఆమె వచ్చింది! కానీ, ఆమెతో మాట్లాడ్డానికి నా కాళ్లు చేతులు వణికిపోయాయి. ఆమెలో మాత్రం ఎక్కడా తొణికిసలాట లేనేలేదు. ఏదో తూతూ మంత్రంగా మాట్లాడేసి వెళ్లిపోయా. ఆ తర్వాత మెల్లిగా మాటలు కలవడం, పార్క్, గుడి ఇలా నడిచాయి.  ప్రేమను కొంచెం గుర్తించింది. కానీ  ఆమె ఎందుకో తటపటాయించింది. ఆమె కంఠం కూడా మధురం కావడంతో అడిగి మరీ పాటలు పాడించుకుని తన్మయత్వం చెందేవాడిని. ఏ చిన్న మంచి జరిగినా, దానికి ఆమె కారణమని మురిసిపోవడం.. ఆమెను లోకంగా భావించడం నా వంతయింది. కానీ ఆమెకు ఎక్కడో అనుమానం.. వీలుచిక్కినప్పుడల్లా దూరం చేసే ప్రయత్నం చేస్తోంది. తట్టుకోలేక విలవిల లాడిపోయా. ఆమెపై  బెంగ నన్ను నిలువనీయలేదు. దూరంగా జరగలేను. ఆమె నా  ఊపిరి.. ఆమె నామస్మరణే నా నిత్య విధి.. ఫలించేరోజు, దేవత కరుణించేరోజు కోసం నా నిరీక్షణ. కానీ, ఆమెలో ఎక్కడో జంకు.. నా ప్రేమను అంగీకరించినా, నన్ను డైలామాలో పెట్టేసింది. 3 దశాబ్దాలు అవుతున్నా సరే, ఆమె జ్ఞాపకాలు వెంటాడుతూనే ఉన్నాయి.     -  పూర్ణ, రాజనగరం లేదా worldoflove@sakshi.comకు మెయిల్‌ చేయండి

నేను నా మరదల్ని ప్రేమించాను. అప్పుడు తను పదవతరగతి చదువుతోంది. అప్పుడే తనకు ప్రపోజ్‌ చేశా. సైలెంట్‌గా వెళ్లిపోయింది! ఇష్టం లేదేమో అనుకున్నా. తనను డిస్ట్రబ్‌ చేయటం ఇష్టంలేక  7 సంవత్సరాలు వన్‌ సైడ్‌లవ్‌ చేశా. నాన్న గారు చనిపోవటంతో కుటుంబ బాధ్యతలు నా మీద పడ్డాయి. అందుకే తనకు ఇన్ని రోజులు దూరంగా ఉన్నాను. 2018 డిసెంబర్‌లో వాళ్ల అమ్మతో తనంటే నాకిష్టమని, పెళ్లి చేసుకుంటానని మాట్లాడాను. వాళ్లు ఒప్పుకున్నారు. కానీ, నెల రోజులు గడిచినా ఏం సంగతి చెప్పలేదు. ఆ తర్వాత ఆ విషయం వాళ్ల తమ్ముడికి చెప్పా. వాడు హ్యాపీగా ఫీలై వాళ్ల అక్క నెంబర్‌ ఇచ్చాడు. ‘లవ్‌ యూ! మనం పెళ్లి చేసుకుందాం’ అని మెసేజ్‌ చేశా. తను నా నెంబర్‌ బ్లాక్‌ చేసింది. నాకు ఏడుపొచ్చింది. తర్వాత కొన్ని రోజులు వేయిట్‌ చేశా. ఫిబ్రవరి 14న కొత్త నెంబర్‌ నుంచి మళ్లీ ప్రపోజ్‌ చేశా. తను రిప్లై ఇవ్వలేదు. కానీ, ఇప్పుడు నా నెంబర్‌ బ్లాక్‌ చేయలేదు. అలా మూడు నెలలు తనకు మెసేజ్‌లు చేశా. మెసేజ్‌లు చూస్తుంది కానీ, రిప్లై ఇవ్వటం లేదు. సడెన్‌గా మే 27 రాత్రి 12గంటలకు ‘ఐ లవ్‌ యూ టూ’ అని మెసేజ్‌ చేసింది. మార్నింగ్‌ మెసేజ్‌ చూసి నేను చాలా హ్యాపీగా ఫీలయ్యా. అలా ఆరు నెలలు హ్యాపీగా ఉన్నాం. ఏమైందో ఏమో ఓ రోజు ఫోన్‌ చేసి‘ నువ్వు నాకు వద్దు. లెట్స్‌ బ్రేకప్‌’ అంది. నా ప్రాణం పోయినంత పనైంది. తేరుకుని‘ ఏమైంది చెప్పు!’ అని అడిగాను. సమాధానం లేదు. తను పని చేసే కంపెనీలో మా ఫ్రెండ్స్‌ ఉన్నారు. వాళ్లని తన గురించి అడిగాను. వాళ్లు తన గురించి కొంచెం బ్యాడ్‌గా చెప్పారు. అక్కడ ఆఫీస్‌లో తనకు ఆల్‌రెడీ ఓ లవర్‌ ఉన్నాడు. అతడినే పెళ్లి చేసుకుంటుందంట. ఆ విషయం తననే అడిగా. అప్పుడు తను‘ అది నా ఇష్టం.. నువ్వు ఎవడ్రా అడగటానికి’ అంది. నా జీవితం అనుకున్న అమ్మాయి ఇలా మాట్లాడుతుందని అనుకోలేదు. ఆమెను మర్చిపోలేక రెండు సార్లు సూసైడ్‌ అటెంప్ట్‌ చేశా. ఫ్రెండ్స్‌ నన్ను బ్రతికించారు. అమ్మ కోసం బ్రతికున్నా. ఆమె సంతోషంగా ఉండాలని, తన లవర్‌తోనైనా పర్మినెంట్‌గా ఉండాలని కోరుకుంటున్నా. మిస్‌ యూ బంగారం.. నీ బావ.. - వెంకీ  లేదా worldoflove@sakshi.comకు మెయిల్‌ చేయండి

నేను ఒక రోజు పని మీద భీమవరం నుండి పాలకొల్లు వెళ్లాను. వచ్చేటప్పుడు ట్రైన్ ఎక్కడానికి పాలకొల్లు రైల్వేస్టేషన్‌కి వెళ్లాను. అక్కడ ఒక అమ్మాయి బెంచి మీద కూర్చుని ఉంది. చూడగానే ‘ఈ అమ్మాయిని ఎక్కడో చూసినట్లుందే’ అనిపించింది. ట్రైన్ ఎక్కాక ధైర్యం చేసి మాట్లాడాను. మాటల్లో తన పేరు అడిగాను! తులసి అని చెప్పింది. తనది కూడా భీమవరం. తనకి నా ఫోన్ నెంబర్ ఇచ్చాను. ఒక నెల రోజుల తరువాత ఫోన్ వచ్చింది. నేను ఫోన్ లిప్ట్ చెయ్యగానే ‘నేను తులసి’ అని అంది. నేను చాలా హ్యాపీగా ఫీల్ అయ్యాను. నేను అప్పుడు హైదరాబాద్లో జాబ్ చేస్తున్నాను. రోజూ ఫోన్లో మాట్లాడుకునేవాళ్లం. తను అప్పుడు డిగ్రీ చదువుతోంది. నేను ఒకరోజు తనని కలిసి పెళ్లి చేసుకుందామని అడిగాను. డిగ్రీ అయ్యాక చేసుకుందాం అంది. అలా 2 సంవత్సరాలు గడిచాయి. తర్వాతి నుంచి తను నాతో మాట్లాడటం తగ్గించేసింది. ఫోన్ చేస్తే లిప్ట్ చేయట్లేదు. తను వేరే అబ్బాయితో లవ్లో ఉన్నదని తెలిసింది. ఈ విషయం తనను అడిగితే అవునని చాలా సీరియస్‌గా చెప్పి ‘ఇంకెప్పుడూ నాకు ఫోన్ చెయ్యొద్దు’ అని అంది. నేను చాలా బాధపడ్డాను. ఏడ్చాను,మనసులో చెప్పలేనంత బాధ! ఏం చెయ్యాలో అర్థం కాలేదు. కొన్ని రోజులు తర్వాత ఒక కొత్త నెంబర్ నుంచి ఫోన్ వచ్చింది. ఫోన్ లిప్ట్ చేయగానే తన గొంతు విని మనసంతా బాధ. కానీ పైకి మాత్రం చాలా సీరియస్‌గా ‘చెప్పు’ అన్నాను. ముందు సారీ చెప్పింది. వాడెవడో గోల్డ్ డబ్బులు వాడుకుని తనను మోసం చేసాడంట, నాకు జాలేసింది. నేను ధైర్యం చెప్పి పెళ్లి చేసుకుందామని అడిగాను. సరే అంది. సడెన్‌గా ఒక రోజు ఫోన్ చేసి ‘నాకు పెళ్లి ఫిక్స్ అయ్యింది. అతడు చాలా బాగుంటాడు, కారు కూడా ఉంది! చేసుకోనా?’ అని అడిగింది. నా గొంతు మూగబోయింది. రెండు నిముషాలు నేను ఏమీ మాట్లాడలేదు. ఫోన్ కట్ అయ్యింది. 2016లో మళ్లీ కొత్త నెంబర్ నుంచి ఫోన్‌.. అదే గొంతు మళ్లీ సారీ చెప్పింది. మళ్లీ మోసపోయింది. ఆమె భర్తకి చాలా అప్పులు ఉన్నాయంట. చెప్పకుండా అబద్ధాలు ఆడి పెళ్లి చేసుకున్నాడంట. నేను తనకి ధైర్యం చెప్పి ఫోన్ కట్ చేశాను. తనకి ఇప్పుడు ఒక బాబు. తను ఎప్పుడూ సంతోషంగా ఉండాలని కోరుకుంటున్నాను. - నాని, భీమవరం లేదా worldoflove@sakshi.comకు మెయిల్‌ చేయండి

నా లవ్‌స్టోరీ నా పదహారవ ఏట మొదలైంది. ఆ అమ్మాయికి అప్పుడు 14 ఏళ్లు. మేము ఫ్రెండ్స్‌గా ఉన్నాము. నాకు క్రికేట్‌ అంటే పిచ్చి! పెద్ద క్రికేటర్‌ అవ్వాలని ఆశ. మా పేరెంట్స్‌ నన్ను బాగా చూసుకునేవాళ్లు. కానీ, నా దురదృష్టం కొద్ది నాన్న చనిపోయారు. దీంతో మాకు కష్టాలు మొదలయ్యాయి. కానీ, నా కష్టాలు చూసిన దేవుడు ఆర్మీలో జాబ్‌ వచ్చేలా చేశాడు. అప్పుడు నా వయసు 17. అది 2005.. అప్పుడు ట్రైనింగ్‌ కోసం వెళ్లాను. ఆ అమ్మాయి నన్ను మర్చిపోయింది. నా దగ్గర తన అడ్రెస్‌ ఉండటంతో ఆర్మీ ట్రైనింగ్‌లో ఉన్నానని ఓ లెటర్‌ రాశాను. నాకు రిప్లై వచ్చింది. చాలా సంతోషంగా ఫీల్‌ అయ్యాను. అలా మా లెటర్స్‌ వల్ల ప్రేమ చిగురించింది. నేను సెలవుల మీద ఊరికి వచ్చాను. ఆ అమ్మాయి చాలా దూరంగా ఉందని తెలిసింది. అయినా తనను వెతుక్కుంటూ వెళ్లి ప్రపోజ్‌ చేశాను. చాలా హ్యాపీగా ఫీల్‌ అయింది. లైఫ్‌లాంగ్‌ కలిసి ఉండాలని అనుకున్నాం. ఆర్మీజాబ్‌లో ఎన్నో కష్టాలు పడ్డాను. ఎన్ని ఇబ్బందులు ఉన్నా ఆ అమ్మాయిని మాత్రం వదల్లేదు. మా లెటర్స్‌ కాస్తా ఫోన్‌ అయ్యంది. డ్యూటీ చేసి నిద్రలేకుండా మాట్లాడాను. అలా పదకొండేళ్లు ప్రేమించుకున్నాం. 2015లో నేను స్పెషల్‌ ట్రైనింగ్‌లో ఉన్నాను. ఈ సారి కచ్చితంగా పెళ్లి చేసుకుందాం అని అంతకు ముందే తనకు చెప్పాను. ట్రైనింగ్‌లో ఉండి 30 రోజులు ఫోన్‌ చేయలేదు. ఆ తర్వాత కాల్‌ చేస్తే స్విచ్ఛాఫ్‌ అని వచ్చింది. మా ఫ్రెండ్‌ కాల్‌ చేశాడు ‘ఆ అమ్మాయికి పెళ్లైంది’ అని. చెప్పుకోలేని బాధ! ఏడ్చాను. ఒక నెల తర్వాత లీవ్‌ మీద వచ్చాను. కాల్‌ చేసి అడిగాను. కలవాలని అంది. ఒకే చెప్పాను. ఇద్దరం కలిసినపుడు పెళ్లి గురించి అడిగితే ‘అమెరికా సంబంధం అందుకే చేసుకున్నా. నువ్వు ఆర్మీ. అందుకే నీకంటే మంచి జాబ్‌లో ఉన్న వాడిని చేసుకున్నా.’ అంది. - కే ఆర్‌ రెడ్డి చదవండి : నన్ను ఎందుకిలా చంపుతున్నావ్‌! నాన్న మాట కాదనను.. నిన్ను వదులుకోను లేదా worldoflove@sakshi.comకు మెయిల్‌ చేయండి

నేను ఇంటర్‌ మీడియట్‌ చదివేటప్పుడు ఒక అమ్మాయిని ఇష్టపడ్డాను. కానీ, పిరికితనం కారణంగా డైరెక్ట్‌గా తనకు చెప్పలేకపోయాను. ఓ రోజు తనకు ఇన్‌ డైరెక్ట్‌గా నా ప్రేమ విషయం తెలిసేలా చేశాను. అయితే ఆ అమ్మాయికి ఆ విషయం అర్థం అయ్యిందో లేదో తెలియదు. ప్రతి రోజూ కాలేజీకి ఆ అమ్మాయి కోసమే వెళ్లే వాడిని. ఆ అమ్మాయి ఒక్కరోజు రాకపోయినా కాలేజ్‌లో ఉండలేకపోయేవాడిని. ఇంటర్‌ సెకండ్‌ ఇయర్‌ ఫైనల్‌ ఎక్షామ్‌ టైంలో ప్రపోజ్‌ చేద్దామని అనుకున్నాను. ప్రతి రోజూ ఎక్షామ్‌ సెంటర్‌కు వెళ్లేవాడిని కానీ, చెప్పలేకపోయేవాడిని. తను ఎదురుగా వచ్చేదలా.. చెప్పాలనుకుని చెప్పలేకపోయేవాడిని. ఒకరోజు తను నన్ను చూసింది. నేను తనను దాటి వెళ్లాక! ‘ ఆమె నన్ను చూసింది. అది చాలు’ అనుకున్నాను. ఎక్షామ్స్‌ అయిపోయాయి. నా ప్రేమ కథ ముగిసిపోయిందనుకున్నా. మూడు సంవత్సరాల తర్వాత తనే నాకు ఎఫ్‌బీలో మెసేజ్‌ చేసింది. చాలా హ్యాపీగా ఫీల్‌ అయ్యాను. అప్పుడు తనకు నా ప్రేమ సంగతి చెప్పేశాను. నేను తనను ప్రేమిస్తున్న సంగతి తనకు ఇంటర్‌లోనే తెలుసునని చెప్పింది. కొన్నాళ్లు మాట్లాడుకున్నాం.  అంతలో ఏమైందో ఏమో తెలియదు. నన్ను బ్లాక్‌ చేసేసి నాతో మాట్లాడటం ఆపేసింది. కొన్నాళ్ల తర్వాత తనే నన్ను అన్‌ బ్లాక్‌ చేసి మాట్లాడింది, మళ్లీ తనే బ్లాక్‌ చేసింది. తన కోసం సూసైడ్‌ అటెంప్ట్‌ చేశా. చివరినిమిషంలో బ్రతికా. మళ్లీ తనే మెసేజ్‌ చేసింది. నాకు పిచ్చెక్కిపోయింది.  ఎందుకు నన్ను ఇలా చంపుతున్నావ్‌! నువ్వు తప్ప నా లైఫ్‌లో ఇంకొకరిని ఊహించుకోలేను. ఎందుకు నన్ను దూరం పెడుతున్నావు. చచ్చేవరకు నీకోసమే ఎదురుచూస్తాను.  - ప్రసాద్‌, గుంటూరు చదవండి : నాన్న మాట కాదనను.. నిన్ను వదులుకోను అలా చేస్తే సమాజంలో తల ఎత్తుకు తిరగలేం! లేదా worldoflove@sakshi.comకు మెయిల్‌ చేయండి

మాది కరీంనగర్ జిల్లా. మా అక్క కూతరు ఫ్రెండ్‌తో నాకు పరిచయం ఏర్పడింది. ప్రతి రోజూ చిట్ చాట్ చేసుకునేవాళ్లం. అలా కొద్దిరోజులకే మా పరిచయం ప్రేమగా మారింది. ఒకరోజు మా ఫ్రెండ్ ‘ఇలా రోజూ చాట్ చేసుకోవడం బదులు. నువ్వు ఆమెను ప్రేమిస్తున్న సంగతి ధైర్యంగా చెప్పొచ్చుగా’  అని అన్నాడు. దానికి నేను ‘ ఆమెకు ప్రపోజ్‌ చేసి ఉన్న ఫ్రెండ్షిప్ లాస్ చేసుకోవడం ఎందుకు’ అని అన్నాను. దానికి నా ఫ్రెండ్ ‘నువ్వు చెప్పినా చెప్పకున్నా తను ఎలాగూ దూరం అవుతుంది కదా!’ అని అన్నారు. బాగా ఆలోచించి ఓ రోజు అర్థరాత్రి తనకు నా మనసులోని ప్రేమను సందేశం ద్వారా చెప్పాను. రెండు రోజుల వరకు ఎలాంటి రిప్లై లేదు. నేను కూడా రెండు రోజుల వరకు మళ్లీ మెసేజ్ చేయలేదు. మూడు రోజుల తర్వాత మెసేజ్ వచ్చింది. అప్పుడు నా ఆనందానికి అవధులు లేవు. అలా మూడు సంవత్సరాలు చాటింగ్ చేస్తూ గడిపాం. వాళ్ల చెళ్లి సహాయంతో.. మా బంధువుల ద్వారా పెళ్లి చూపులు అయిపోయాయి! అన్నీ ఓకే అనుకున్నాము. తర్వాత మాగురించి ఎవరో ఏమో చెప్పారని వాళ్ల నాన్న ఈ పెళ్లి వద్దు అన్నారు. ఆయనను ఒప్పించటానికి మేమిద్దరం చాలా  ప్రయత్నించాం. కానీ, మా ప్రయత్నాలు సఫలం కాలేదు. తను ‘మా నాన్న మాట నేను కాదనలేను! అలాగని నిన్ను వదులుకోను’ అని అంది. పరిస్థితుల కారణంగా ఆమె  పెళ్లి చేసుకుని వెళ్లిపోయింది. అప్పటి నుండి ఇప్పటి వరకూ ఎలాంటి విషయం తన గురించి తెలియదు. కానీ, తను బాగుందని తెలిసింది. తన పెళ్లి అయిన తర్వాత నేను కూడా చేసుకున్నాను. ఇద్దరం ఎవరికి వారు చాలా సంతోషంగా ఉన్నాం. ఒక్క సారైనా తనను చూడాలని కోరిక. మా ప్రేమ కథలో మరో ఆసక్తికరమైన విషయం ఏంటంటే! తను నేను మూడు సంవత్సరాల పాటు చాట్ చేసుకున్నామే తప్ప ఏ రోజూ ఫోన్‌లో మాట్లాడుకోలేదు. - సంపత్‌ లేదా worldoflove@sakshi.comకు మెయిల్‌ చేయండి

మా నాన్న మధ్యతరగతి వాడైనా విలువలతో బ్రతకడం చిన్నప్పటి నుంచి చూశాను . అదే విధంగా విలువలతో బ్రతకాలన్నదే నా జీవిత ఆశయం. అలా ఇంజనీరింగ్‌లో జాయిన్ అయ్యాను. రెండవ సంవత్సరంలో నాకు ఒక అమ్మాయి పరిచయం అయ్యింది. ఒకరిని ఒకరం ప్రాణానికి ప్రాణంగా ప్రేమించుకున్నాం. ఒకరు లేకపోతే ఇంకొకరు లేనట్టుగా బ్రతికాం. ఇప్పటికీ అలాగే ఉన్నాం. మేం స్నేహితులమని మా ఇద్దరి ఇళ్లలో కూడా తెలుసు. ఇలాగే వాళ్ల ఇంట్లో వాళ్లకి బాగా దగ్గరయ్యా. మా కులం వేరైనా వాళ్లు నన్ను బాగానే చూసుకునే వాళ్లు. అలాగే ఇద్దరం గ్రాడ్యుయేట్లము అయ్యాము. నాకు 50వేల రూపాయలతో ఉద్యోగం వచ్చింది. తను కష్టపడి బ్యాంక్ ఉద్యోగి అయ్యింది. ఇప్పటికీ ఒకరంటే ఒకరికి ప్రాణం. ఇంతలోనే మాకు సమస్య వచ్చింది. అది తన పెళ్లి చూపుల రూపంలో. నేను మా ప్రేమ గురించి వాళ్ల ఇంట్లో చెప్పమన్నాను. తను చెప్పింది! వాళ్ల అమ్మ ఒప్పుకోలేదు . ‘ప్రశాంత్ నా బిడ్డలాంటివాడు. నేను అతనితో మాట్లాడుతా’ అని నాతో మాట్లాడింది. ‘మేం నీకు మా పాపని ఇవ్వడం కుదరదు. నువ్వు ఎప్పటికీ మా బిడ్డలా తనకి స్నేహితునిగా ఉండిపో. తనని నీకు ఇస్తే ఈ సమాజంలో మేము తల ఎత్తుకుని తిరగలేని పరిస్థితి వస్తుంది’ అని అంది. నాకు వాళ్లని ఎదురించి పెళ్లి చేసుకోవడం ఇష్టం లేదు. అందులో వాళ్లకి ఇంకో అమ్మాయి ఉంది. మేము ఏమైనా తప్పు చేస్తే తనకి పెళ్లి  కాదేమో అని అనుకుంటున్నారు. వాళ్లని  ఏ విధంగా ఒప్పించాలో తెలియడం లేదు. కానీ తనకు నేను కావాలి, నాకు తను కావాలి. ఇంకా మాలో చిన్న ఆశ అలాగే ఉంది. ఏదో ఒకటి జరిగి మేము కలుస్తాం అని. తను నాకోసం నేను తన కోసం ఇప్పుడు బ్రతుకుతున్నా, ఏదో భయం మా మనసులో ఒకరికి ఒకరు కాకుండా పోతామేమో అని. ఒక పక్క మార్చిలో పెళ్లి చేసేందుకు వాళ్ల ఇంట్లో ప్రయత్నాలు మొదలు పెట్టారు. తనేమో నన్ను ‘నువ్వు ఏదో ఒకటి చెయ్యి, నేను దేనికైనా సిద్దం’ అంటుంది. కానీ వెళ్లిపోవడానికో.. లేకుంటే ఎవరితో అయినా తనని మా ఇంటికి తీసుకొని వద్దాం అంటే నా విలువలు అడ్డం వస్తున్నాయి. విలువలకి ప్రేయసికి మధ్యలో నలిగి, కుమిలి పోతున్నాను. - ప్రశాంత్ లేదా worldoflove@sakshi.comకు మెయిల్‌ చేయండి

నేను పది పాసై డిప్లమా జాయిన్‌ అవుతున్న రోజులు. సీట్‌ కోసం చాలా ట్రై చేశా. సమైకాంద్ర గొడవల కారణంగా సీట్‌ రావటం చాలా ఆలస్యం అయ్యింది. చివరికి శ్రీకాకుళం కాలేజీలో జాయిన్‌ అయ్యాను. ఫస్ట్‌ ఇయర్‌ హాస్టల్‌. కాలేజ్లో చేరిన ఓ మూడు నెలలకు ఒక మెసేజ్‌ వచ్చింది. అది మా అత్తయ్య కూతరు. నేను హాస్టల్‌లో ఉంటున్నానని తెలిసి తను నాకు మెసేజ్‌ చేసింది. తను తొమ్మిదవ తరగతి సరిగా చాటింగ్‌కూడా చేయటం రాదు. పది అయిపోయేలోగా చాటింగ్‌ చేయటం నేర్పించాను. పదవ తరగతి పాసవ్వగానే తనకు నేను ప్రపోజ్‌ చేశాను. నేను తనని పెళ్లి చేసుకుంటానని మా నాన్నకు కూడా చెప్పాను. మా నాన్న చాలా సంతోషంగా ఒప్పుకున్నారు. అలా నాలుగేళ్లు ఇద్దరం ప్రేమించుకున్నాం. డిగ్రీ ఫైనల్‌ ఇయర్‌ అవ్వగానే మా నాన్నగారు మరణించారు. అప్పటినుంచి నాకు కష్టాలు మొదలయ్యాయి. ఆ తర్వాత ఆమె ఇంట్లో వాళ్లు కూడా రివర్స్‌ అయిపోయారు. తనను నాకిచ్చి పెళ్లి చేయమని చెప్పారు. నేను ఎలాగైనా డబ్బు సంపాదించి తనను పెళ్లి చేసుకోవాలనే తపనతో ఉండేవాడిని. అలా ఉంటున్న సమయంలో నాకు బాధ్యత ఎక్కువ అయింది. టెన్షన్స్‌ మొదలయినా ఓర్చుకున్నాను. చివరికి పెళ్లి చేసుకుందాం అని వాళ్ల అమ్మకి కాల్‌ చేశాను. ‘నువ్వు ఎంత సంపాదించినా నీకు మాత్రం మా అమ్మాయిని ఇవ్వము’ అని చెప్పేసింది. చాలా ప్రయత్నాలు చేశాను ఒప్పించడానికి. చాలా కష్టపడ్డాను కానీ ఆఖరికి విడిపోవాల్సి వచ్చింది. ఏదేమైనా ఎప్పటికి మా అమ్మని తనలోనే చూసుకుంటాను. తను కూడా నన్ను డాడీ అని పిలుస్తుంది. ప్రేమ కోసం ఓడిపోయాం, విడిపోయాం కానీ మేమిద్దరం ఎప్పటికీ కలిసే ఉండాలని ఫిక్స్‌ అయ్యాం. మంచి స్నేహితుల్లాగా ఫ్రెండ్షిప్‌ అని మేము అనుకోవడం లేదు. మా ఫ్యామిలీస్‌ వల్ల మేము పడే బాధ మాకు తప్ప ఎవరికీ ఎప్పటికీ అర్థం కాదు. - కిరణ్‌ రూపక్‌, వైజాగ్‌ లేదా worldoflove@sakshi.comకు మెయిల్‌ చేయండి

మేమిద్దరం చిన్నప్పటినుంచి ఒకే స్కూల్‌లో చదివాము. ఎనిమిదవ తరగతి చదివేటప్పుడు మాట్లాడుకోవటం మానేశాము. తనంటే నాకు చాలా ఇష్టం. తను నాతో మాట్లాడకపోయినా దూరం నుంచి చూస్తూ నవ్వుకునేదాన్ని. దేవుడు మళ్లీ మమ్మల్ని ఎందుకు కలిపాడో తెలియదు కానీ, ఇంటర్‌ నుంచి మాట్లాడుకోవటమ మొదలుపెట్టాము. తనను నేను ఓ బెస్ట్‌ఫ్రెండ్‌లా చూసేదాన్ని. సంతోషం వేసినా.. దుఃఖం వచ్చినా మొదట అతడికే చెప్పేదాన్ని. తన మెసేజ్‌కోసం ప్రతి క్షణం వెయ్యి కళ్లతో ఎదురు చూసేదాన్ని. కాకపోతే తను ఎప్పుడు నాకు కాల్‌ కానీ, మెసేజ్‌​ కానీ, చేసేవాడు కాదు. తనకు ఏదైనా బాధకలిగితే చేసేవాడు. నేను ఉన్నానని ధైర్యం చెప్పేదాన్ని. తను చాలా మంచివాడు. అందరికి సహాయం చేసేవాడు. రోజులు ఎలా గడిచిపోయాయో.. తనతో ప్రతిక్షణం సంతోషంగా ఉండేది. మిగితా వాళ్లు మా గురించి తప్పుగా మాట్లాడుకునేవాళ్లు. కానీ, మేము పట్టించుకునేవాళ్లం కాదు. ఎందుకంటే తను నా బెస్ట్‌ ఫ్రెండ్‌. తర్వాత డిగ్రీ సెకండ్‌ ఇయర్‌లో నన్ను ప్రేమిస్తున్నానని చెప్పాడు. నేను నమ్మలేదు.. నిజంగా చెప్పుమని అడిగా. నువ్వులేకపోతే ఉండలేను అన్నాడు. అది అబద్దం అన్నాను. తర్వాత వాళ్ల ఫ్రెండ్‌ ఫోన్‌ చేసి ‘ నీ వల్ల వాడు పిచ్చివాడు అయిపోతున్నాడు’ అని అన్నాడు. మంచి మనిషి నా జీవితభాగస్వామి అవుతున్నందుకు నేను చాలా సంతోషపడ్డాను. కానీ, ఆ ఆనందం మూడు రోజుల ముచ్చటే అని అర్థం అయ్యింది. నేను అతన్ని‘మనం పెళ్లి చేసుకుందాం’ అని అడిగాను. తను ‘లవ్‌​ యూ టూ’ అని నాచేతికి రింగ్‌పెట్టాడు. నా ఆనందానికి హద్దులు లేవు. చాలా అదృష్టవంతురాలిని అనుకునేదాన్ని. తర్వాత చెప్పాడు అదంతా డేర్‌ అని. తను నన్ను ఓ ఫ్రెండ్‌లాగా చూశాడని. నా మనసు ముక్కలైపోయింది. మాట్లాడకూడదు అనుకునేదాన్ని. కానీ, నేను మాట్లాడకపోతే పిచ్చివాన్ని అయిపోతాను అన్నాడు. తర్వాత నా మనసు చంపుకుని మాట్లాడేదాన్ని. తనేమో ఒక లవర్‌లా మాట్లాడేవాడు. అడిగితే ఫ్రెండ్‌ అనేవాడు. తనవల్ల నా మనసులో ఇంకెవరికీ చోటివ్వలేకపోయాను. ప్రేమించిన మనిషి కాదంటుంటే తట్టుకోలేకపోయాను. సూసైడ్‌ చేసుకుందాం అనుకున్నా. మా అమ్మ గుర్తొచ్చి ఆగిపోయా. ప్రతిక్షణం చస్తూ బ్రతికేదాన్ని. తను ఒకసారి నన్ను హగ్‌చేసుకుని ఏడ్చాడు. తనకు అవసరం ఉన్నపుడు నేను కావాలి. నేను ఇప్పటికీ అతన్నే లవ్‌ చేస్తున్నా. తను సిల్లీగా పెట్టిన రింగ్‌ను ఇప్పటికీ తీయలేదు. చావైనా బ్రతుకైనా అతడితోనే. తన దృష్టిలో లవ్‌ అంటే ఓ తప్పు.. నా దృష్టిలో అదో నమ్మకం. మేము భవిష్యత్తులో కలిసుంటామో లేదో తెలియదు. నా చివరి శ్వాస వరకు తనకోసం ఎదురుచూస్తా.  - అలేఖ్య, తిరుపతి  లేదా worldoflove@sakshi.comకు మెయిల్‌ చేయండి

నాది నల్గొండ జిల్లాలో ఓ మారు మూల గ్రామం. నేను తను ఒకే స్కూల్‌లో చదువుకున్నాం! తను మా జూనియర్‌ ఆ సమయంలోనే మా మధ్య ప్రేమ పుట్టింది. ప్రతిరోజూ నన్ను చూసేది. అప్పుడు తెలియదు అది లవ్వా! లేక ఆకర్షణా అని. ఏదైతేనేం మా మధ్య ప్రేమ మొదలైంది. అలా నా పదవతరగతి అయిపోయింది. నేను కాలేజ్‌లో చేరాను. తను ఇంకా స్కూల్‌లోనే ఉంది. తనది నాది వేరువేరు ఊర్లు. తను నాకు డైలీ లెటర్లు పంపేది. అప్పట్లో ఫోన్లు లేవు కదా! ఓన్లీ లెటర్లు మాత్రమే. అలా మా ప్రేమ కంటిన్యూ అయ్యింది. ఇంటర్‌లో ఇద్దరం వేరువేరు కాలేజ్‌లు. అయినా మా మధ్య ప్రేమ కంటిన్యూ అయ్యింది. ఫైనల్‌గా  డిగ్రీలో తను మా కాలేజ్లో జాయిన్‌ అయ్యింది. రెండేళ్లు కలిసి చదువుకున్నాం. అలా ఫైనల్‌ ఇయర్‌కు వచ్చాం. పరీక్షలు అయిపోగానే ఆమెలో అలజడి మొదలైంది. నేను తనని పట్టించుకోనని. పరీక్షల తర్వాత ఐసెట్‌ ప్రిపరేషన్‌ కోసం నేను హైదరాబాద్‌ వచ్చేశాను. తను డైలీ నాతో ఫోన్‌లో మాట్లాడేది. అలా మా విషయం వాళ్ల ఇంట్లో తెలిసిపోయింది. తనను ఇంట్లోంచి బయటకు రానీయలేదు. తను ఇంట్లో, నేను హైదరబాద్‌లో.. అంతా టెన్షన్‌ టెన్షన్‌. తను వాళ్ల ఇంట్లో సంబంధాలు చూడటం మొదలుపెట్టారు. తను నన్ను తప్ప వేరే వాడిని చేసుకోనని తెగేసి చెప్పింది. నేను ఈ టెన్షన్‌లో ఐసెట్‌ కోచింగ్‌కు వెళ్లలేదు. ఫైనల్‌గా ఒకరోజు ఎవ్వరికీ తెలియకుండా హైదరాబాద్‌ వచ్చేసింది. తన కళ్లలో ఏదో తెలియని సంతోషం. అప్పుడు అర్థం అయ్యింది. అమ్మాయిలు లవ్‌ చేస్తే ఏమీ ఆలోచించరని. తనను తీసుకుని మా కజిన్‌ బ్రదర్‌ రూంకు వెళ్లా. వాడే మా మొదటి దేవుడు! ఎందుకంటే మమ్మల్ని ఏం అనకుండా తన రూంలో చోటిచ్చాడు. అప్పుడు నా దగ్గర మూడు వేలు మాత్రమే ఉన్నాయి. నాకు తెలుసు! తన దగ్గర ఏమీలేదని. ఉన్న రూ. 200లు బస్‌ చార్జస్‌కి అయిపోయాయని. తర్వాత తనని పేయింగ్‌ గెస్ట్‌గా హాస్టల్‌లో ఉంచాను. మా విషయం మా ఊర్లో పాకిపోయింది. ఫోన్లు రావటం మొదలైంది. అన్ని రకాల ఫంక్షన్‌లు అయిపోయినాయి. తర్వాత నాలుగురోజులకు మేము పెళ్లి చేసుకున్నాం. రూం కోసం వెళితే ఎవ్వరూ ఇ‍వ్వలేదు. ఏదో అలాగ ఒక చిన్న రూం తీసుకున్నాం. మా జర్నీ స్టార్ట్‌ అయ్యిందని అనుకున్నాం కానీ, అక్కడే పెద్ద సమస్య మొదలైంది. ఉన్న డబ్బుమొత్తం అయిపోయింది. నాకేమో ఇగో ప్రాబ్లమ్‌. ఎవర్నీ అడగను. ఏం చేయాలో తెలియని పరిస్థితి. అప్పుడే తను ఒక ఐడియా ఇచ్చింది. ‘ నా ఇయర్‌ రింగ్స్‌ అమ్మేసి డబ్బు తీసుకుందాం. అవసరానికి ఉంటాయ్‌’ అని చెప్పింది. ఆ పనికి నా మనసు ఒప్పుకోలేదు. ఎవరో తెలిసిన వాళ్ల ద్వారా తన ఇయర్‌ రింగ్స్‌ను ప్రైవేట్‌ ఫైనాన్స్‌లో పెట్టి కొంచెం లోన్‌ తీసుకున్నాం. ఆ డబ్బుతో మా జర్నీ స్టార్ట్‌ చేసుకున్నాం. తర్వాత జాబ్‌ సెర్చింగ్‌లో తనకి ఒక బిగ్‌ షోరూంలో సేల్స్‌ గాళ్‌గా జాబ్‌ వచ్చింది. నాకు జాబ్‌ రావటానికి ఓ నెలపట్టింది. ఏదో అలా జాబ్‌లో జాయిన్‌ అయ్యాను. ఒకరోజు కూడా లీవ్‌ పెట్టకుండా ఇద్దరం కష్టపడ్డాం. రెండు నెలల్లో లోన్‌ క్లోజ్‌ చేసి తన ఇయర్‌రింగ్స్‌ తనకు తెచ్చి ఇచ్చాను. అప్పుడే అర్థం అయ్యింది.. అర్థం చేసుకుంటే ప్రేమ పెళ్లిళ్లు ఫేయిల్‌ అవ్వవని. అప్పుడు చాలా మంది సహాయం చేయటానికి ముందుకు వచ్చారు. కానీ, మేము వద్దు అన్నాం. ఎందుకంటే కష్టం అంటే ఏమిటో తెలుసుకోవాలి అనుకున్నాం! ట్రై చేశాము.. సక్సెస్‌ అయ్యాము. అలా అలా క్రమక్రమంగా ప్లాన్‌లు చేసుకుంటూ మా జర్నీ కంటిన్యూ చేస్తున్నాం. ఇప్పుడు మాకిద్దరు పిల్లలు. కష్టాలు అందరికీ వస్తాయి. వాటిని ఎదుర్కొని ఫైట్‌ చేసే వాళ్లకే గెలుపు తోడుగా ఉంటది. చాలా మంది అంటూ ఉంటారు. లవ్‌ మ్యారేజెస్‌ ఫేయిల్‌ అవుతాయని. అలా ఏమీ అవ్వదు. ఒకరినిఒకరు అర్థం చేసుకుంటే ఏ బంధం ఫేయిల్‌ కాదు. అందులో ఉండే థ్రిల్‌ వేరు. అర్థం చేసుకుంటూ పోతే ప్రేమకు ఎప్పటికీ అంతం అనేది ఉండదు. - బొమ్మిశెట్టి శ్రీనివాస్‌, హైదరాబాద్‌  లేదా worldoflove@sakshi.comకు మెయిల్‌ చేయండి

అతనేమో చాలా హైట్‌, నేనేమో చాలా షార్ట్‌. అతనేమో చాలా కూల్‌! నాకేమో కోపం ఎక్కువ. తనేమో మాస్‌ బ్రాండ్‌ బాబు.. నేనేమో ఆవరేజ్‌. నా లవ్‌స్టోరీ లాస్ట్‌ సెప్టెంబర్‌లో స్టార్ట్‌ అయ్యింది. కాల్‌ సెంటర్‌లో అపుడే ఫ్రెషర్‌గా అడుగుపెట్టా. ఏమీ అర్థమయ్యేది కాదు. అప్పుడే అతను నా జీవితంలోకి అడుగుపెట్టాడు. నేను వచ్చిన వారం తర్వాత నన్ను చూశాడు. అప్పటికే అతని ఫ్రెండ్‌తో గొడవై నేను సారీ కూడా చెప్పించుకున్నాను. ఆ తర్వాత నుంచి నన్ను ఏడిపించడానికి చెయ్యని ప్రయత్నం లేదు. నేనేమో ఫ్రెషర్‌!  అతను ఎన్ని వేషాలు వేసినా తిప్పికొట్టేది. ఒకసారి అతడిని తిట్టాలని మైండ్‌లో బలంగా ఫిక్స్‌ అయ్యా. కానీ, ఆ రోజు అతను చాలా సైలెంట్‌గా ఉన్నాడు. అసలు అతడిని లవ్‌ చేయకూడదు అనుకున్నా. సీన్‌ రివర్స్‌ కావటంతో సడెన్‌గా అతడి ప్రేమలో పడిపోయాను. నన్ను వేరే ప్రాసెస్‌ డెస్క్‌కు వేయటంతో నా లైఫ్‌ అంతా ప్రశాంతంగా ఉంది. అనుకోకుండా ఒకరోజు అతను ప్రజెంటేషన్‌ ఇచ్చాడు. అప్పుడు నేను అతన్ని తప్పుగా అర్థం చేసుకున్నానని బాధపడ్డా. ఒకనెల వరకు అతడి మీదే నా ధ్యాస అంతా. ఒక రోజు వాట్సాప్‌లో సడెన్‌గా మెసేజ్‌ చేశా. నువ్వంటే నాకు చాలా ఇష్టం. నీ లాస్ట్‌ సీన్‌ అన్నీ చూస్తున్నా అని అన్ని విషయాలు బయటపెట్టా. అప్పటినుంచి అతను నాలాస్ట్‌ సీన్‌ చూడటం మొదలుపెట్టాడు. అలా దూరంగా ఉన్నా సోషల్‌ మీడియాతో చాలా దగ్గరయ్యాం. నాలుగు నెలల తర్వాత నేను అతడి దగ్గరకు వచ్చాను. మా మధ్య మాటలు లేవు. కానీ, చూపులు మాత్రం ఉన్నాయ్‌. ఎప్పుడు అతడి కోసమే నా కళ్లు ఎదురు చూసేవి. అలా సైలెంట్‌గా అతడ్ని లవ్‌ చేయటం ప్రారంభించాను. అతడికి నేనంటే ఇష్టం అని అనుకుంటున్నాను. అతను నాతో మాట్లాడటానికి ట్రై చేసినపుడల్లా నిర్లక్ష్యంగా వెళ్లిపోయేది. దీంతో అతను నాకు ఇష్టంలేదనుకుని నన్ను పట్టించుకోవటం మానేశాడు. అతనంటే నాకు పిచ్చి, ప్రాణం, నా బలహీనత, బలం, నా వల్ల అతడికి ఏమైనా అయితే తట్టుకోలేను. గడ్డం అంటేనే గిట్టని నాకు అతను పెంచే గడ్డం ఇష్టం. ఎందుకంటే ప్రేమలో ఉన్నా కాబట్టి. - గీత, కైకలూరు లేదా worldoflove@sakshi.comకు మెయిల్‌ చేయండి

మాది మిడిల్‌ క్లాస్‌ ఫ్యామిలీ. నాకు చదువు, కెరీర్‌ తప్ప ఇంకో ఆలోచన లేదు. ప్లానింగ్‌ ప్రకారం డిగ్రీ, పీజీ పూర్తి చేసి ఎంఎన్‌సీలో జాబ్‌ సంపాదించా. అలా హ్యాపీగా గడిచిపోతున్న నాలైఫ్‌లోకి ఒక అమ్మాయి వచ్చింది. నేను అపెండిక్స్‌ ఆపరేషన్‌ కోసం హాస్పిటల్‌లో జాయిన్‌ అయ్యాను. నా పక్క పేషెంట్‌ వాళ్ల అక్క తను. నాకు ఆమె చాలా బాగా నచ్చింది. వాళ్ల తమ్ముడితో మాటలు కలిపి తెలుసుకున్నా.. వాళ్లు మా కులమే అని. వాళ్లది కూడా మిడిల్‌ క్లాస్‌ ఫ్యామిలీ. ఇక నాకు అడ్డు లేదు అనుకున్నా. డైలీ వాళ్ల తమ్ముడి కోసం టిఫిన్‌ తీసుకొచ్చేది. మెల్లగా మాటలు కలిపా. డిశ్చార్జ్‌ రోజు నెంబర్లు మార్చుకున్నాం. ఇంటికి చేరుకున్నాక‘ ఇంటికి క్షేమంగా చేరుకున్నారా?’ అని మెసేజ్‌ వచ్చింది. అలా ఒక నెల మాటలతో గడిపాం. నాకు రోజు రోజుకు తనపై ప్రేమ పెరుగుతూ వచ్చింది. ఓ రోజు ఉండబట్టలేక ఫోన్‌లో నా ప్రేమ సంగతి చెప్పా. ‘ నువ్వు ఓకే అంటే మా పేరెంట్స్‌తో వచ్చి మీ పేరెంట్స్‌తో మాట్లాడతా’ అని. అప్పుడు తను ‘ నాకు ఇష్టం లేదు. ఆసక్తి ఉన్నపుడు తప్పక చెబుతా’ అని అంది. నేను ఊరుకోకుండా వాళ్ల ఊరికి వెళ్లి ఆమెను చూసి ‘ రెడ్‌ డ్రెస్‌లో నువ్వు చాలా బాగున్నావ్‌’ అని మెసేజ్‌ చేశా. తను భయపడి వాళ్ల మామయ్యకు చెప్పింది. అతన్ని కన్విన్స్‌ చేయటానికి చాలా ట్రై చేశాను కానీ, నా మాటవినలేదు. అలా కుదరదని మా బంధువులతో కలిసి వాళ్ల పేరెంట్స్‌ దగ్గరకు సంబంధం తీసుకెళ్లా. కానీ, ఆ విలేజ్‌కు హైదరాబాద్‌ చాలా దూరం అని పెళ్లికి ఒప్పుకోలేదు. దీంతో డిప్రెషన్‌లోకి వెళ్లిపోయా. అలా ఒక సంవత్సరం గడిచిపోయింది. తర్వాత మా చుట్టాల అమ్మాయితో నా పెళ్లి అయిపోయింది. కానీ, తను ఎక్కడ ఉన్నా సంతోషంగా ఉండాలని ఎప్పుడూ కోరుకుంటాను. - వెంకట్‌, హైదరాబాద్‌ లేదా worldoflove@sakshi.comకు మెయిల్‌ చేయండి

మా అక్కవాళ్ల ఊర్లో ఫంక్షన్‌ అప్పుడు మొదటిసారి తనని చూశా. మొదటి చూపులోనే పడిపోయా. ఎవరీ అమ్మాయని ఆలోచిస్తుంటే మా అక్క వచ్చి ‘ఏంట్రా! అలా చూస్తున్నావ్? మన వనపర్తి అత్తమ్మ కూతురు’ అని అనగానే నాలో ఏదో తెలియని అలజడి స్టార్ట్ అయ్యింది. తను నాతో క్లోజ్‌గా మాట్లాడటం స్టార్ట్ చేసింది. బావ, బావ అంటూ ఎప్పుడూ నా వెంటే తిరిగేది. మా బంధువులు కూడా ‘జంట చాలా బాగుంది. పెళ్లి చేసుకోండి!’ అని సరదాగా అనేవారు. ఫంక్షన్ అయిపోయినా కూడా నేను అక్కడే ఉన్నా కాబట్టి తను కూడా అక్కడే ఉంది. చాలా క్లోస్ అయ్యాం. ఇంక ఊరు వెళ్ల వలసిన టైం వచ్చింది. తను వెళ్తుంటే ఏదో తెలియని బాధ! ఏం చెయ్యాలో అర్థం కాలేదు, ధైర్యం చేసి నా ఫోన్ నెంబర్ ఇచ్చా! హ్యాపీగా తీసుకుంది. ఒకవారం తర్వాత ఫోన్లు స్టార్ట్ అయ్యాయి. ఒకసారి ధైర్యం చేసి లవ్ ప్రపోజ్ చేశా. ఈ మాట కోసం ఎప్పటి నుంచో ఎదురు చూస్తున్నా అని అనేసరికి నా ఆనందానికి అవధుల్లేవ్. అప్పటి నుంచి వనపర్తిలో కలవడం వాళ్ల ఇంటికి కూడా వెళ్లడం స్టార్ట్ అయ్యింది. మా అత్తమ్మ కూడా నన్ను చాలా ఆప్యాయతగా చూసుకునేది. నాకేమో నేను తప్పు చేస్తున్నానేమో అనిపించేది. ఆమె ఆప్యాయత చూసి. నాకు అమ్మ నాన్న లేకపోవడం వల్ల వాళ్ల ఇంట్లో చెప్తే పెళ్లికి ఒప్పుకుంటారో లేదో అని చాలా ఆలోచించే వాడిని. ఒక సారి ధైర్యం చేసి మా అత్తమ్మకు చెప్పాను. ‘మొదట మీ మామను, మీ అక్కాబావను ఒప్పించు. వాళ్లు ఒప్పుకుంటే నాకు ఓకే’ అంది. 3ఏళ్లు గడిచిపోయాయి. ఇలా అయితే కష్టం అని చెప్పి మా అక్కకు బావకు విషయం చెప్పేశా. వాళ్లు కూడా సంతోషంగా ఒప్పుకున్నారు. మా ఆలోచన కూడా అదే అని చెప్పారు. కానీ అందరిలాగే నా ప్రేమ కూడా ప్రాబ్లమ్‌లో పడింది. వాళ్ల నాన్న ఒప్పుకోలేదు. ‘అమ్మానాన్న లేనివాడికి ఇవ్వను. అందులో వాడు డ్రైవర్ పని చేస్తుంటాడు కాబట్టి అస్సలు ఇవ్వను’. అని తేల్చి చెప్పేశాడు. ఇంక ఏం చేస్తాం. అందరిలాగే పారిపోయి పెళ్లి చేసుకుందాం అనుకున్నాం. అప్పుడు మా బావ వాళ్ల నాన్న దగ్గరికి వెళ్లి ‘మావాడికి ధైర్యం ఎక్కువ! వాడికి బయటి ప్రపంచం చాలా తెలుసు. వాళ్లు పారిపోయారంటే దొరకడం చాలా కష్టం. అప్పుడు మీ పరువు పోతుంది, మా పరువు పోతుంది. వాళ్లకు పెళ్లి చేద్దాం’ అని ఒప్పించాడు. వాళ్లందరూ ఒప్పుకున్నారు. మా పెళ్లి చాలా గ్రాండ్‌గా జరిగింది. నా జీవితంలో నేను సాధించిన గొప్పవిజయం ఏదైనా ఉందంటే నా ప్రేమను సాధించుకోవడమే. - అన్ను మహేష్‌, వనపర్తి లేదా worldoflove@sakshi.comకు మెయిల్‌ చేయండి

అప్పుడు నేను తొమ్మిదవ తరగతి చదువుతున్నాను. అతను డిగ్రీ ఫైనల్‌ ఇయర్‌. మా ఇళ్లు రెండూ ఎదురెదురుగా ఉండేవి. నేను వాళ్ల ఇంటికి డైలీ క్యారంబోర్డు ఆడటానికి వెళ్లేదాన్ని. ఒకరోజు అతడు నాకు ప్రపోజ్‌ చేశాడు. నాకిష్టం లేదని చెప్పా. ఓకే చెప్పమంటూ నాకోసం ప్రాణంమీదకు తెచ్చుకున్నాడు. పిచ్చిగా చేస్తే మీ వాళ్లకు చెప్తా’  అని వార్నింగ్‌ ఇచ్చా. కొన్ని రోజుల తర్వాత నాకు తెలియకుండానే నేనతన్ని ఇష్టపడటం మొదలుపెట్టాను. అతను ఎక్కడికి వెళ్లినా నాకు చెప్పకుండా వెళ్లేవాడు కాదు. అలా రెండేళ్లు గడిచిపోయాయి. నేను నా ఫ్రెండ్‌ అతనితో సినిమాకు వెళ్లాము. తర్వాత కొన్ని రోజులకు అనుమానం స్టార్ట్‌ అయ్యింది. వాళ్లతో మాట్లాడకు.. వీళ్లింటికి వెళ్లకు అని ఇబ్బంది పెట్టేవాడు. ‘నాపైన నమ్మకం లేదా’ అని అడిగాను. అలా ఓ సంవత్సరం పాటు మాట్లాడుకోలేదు. తర్వాత అతనే సారీ చెప్పాడు. మళ్లీ మా ప్రేమ కంటిన్యూ అయ్యింది. నిన్నే పెళ్లి చేసుకుంటా లేకుంటే లేదు. జీవితాంతం ఇలానే ఉంటా అని చెప్పాడు. చాలా నమ్మాను. మా ప్రేమ గురించి వాళ్ల చెల్లెలితో కూడా చెప్పాడు. మా కులాలు వేరువేరు. వాళ్ల ఇంట్లో వాళ్లకు తెలిసింది. నాతో మాట్లాడటం మానేశాడు. కొన్ని నెలల తర్వాత మళ్లీ మాట్లాడటం మొదలుపెట్టాడు. మా వాళ్లు నన్ను పెళ్లి చేసుకోమని బలవంతం చేయటం మొదలుపెట్టారు. ఏం చేయాలి’ అని అడిగాను. కులాలు వేరు కదా ఒప్పుకోరని అన్నాడు. ‘మరి ఏం చేస్తావ్‌?’ అని అడిగా. తర్వాత చెప్తానన్నాడు. కొన్ని రోజుల తర్వాత ఫోన్‌ చేసి ‘నేను రెండు పెళ్లిళ్లు చేసుకుంటా. ముందు మా వాళ్లు చూసిన అమ్మాయిని చేసుకుంటా. తర్వాత నిన్ను పెళ్లి చేసుకుంటా’ అని చెప్పాడు. నో చెప్పా. ఇలాంటి వాడినా నేను ఇంతకాలం ప్రేమించింది అని చాలా బాధపడ్డాను. తన ఎంగేజ్‌మెంట్‌ అయిన తర్వాత నాకు చెప్పాడు. డిసెంబర్‌ 31న పెళ్లికి నన్ను తప్పకుండా రమ్మన్నాడు. నేను మ్యారేజ్‌కు వెళ్లా. అతడి కళ్లలో నా మీద ఇసుమంత కూడా ప్రేమ కనిపించలేదు. ఇష్టం వేరు ప్రేమ వేరు అని తెలుసుకున్నా. ప్రేమ, నమ్మకం లేకుంటే ఎన్ని సంవత్సరాలైనా జీవితం వృధా. ఇప్పుడు జాబ్‌ చేస్తున్నా. అతడికి పెళ్లై ఒక సంవత్సరం అవుతోంది. మళ్లీ ఫోన్‌ చేస్తున్నాడు ‘నువ్వు నా ప్రాణం రా! నాతో ఉన్న రోజులు గుర్తుకు వస్తున్నాయి. నేను నీతో ఉంటేనే హ్యాపీగా ఉంటాను’ అని చెబుతున్నాడు. నేనతనితో కలిసి ఉండాలనుకోవటం లేదు. ప్రేమను ఈ సృష్టిలోని ఏ వస్తువుతోనూ సరిపోల్చలేము. -  మౌనిక, హైదరాబాద్‌ లేదా worldoflove@sakshi.comకు మెయిల్‌ చేయండి

నేను పీజీలో ఉన్నపుడు ఒక అమ్మాయిని లవ్‌ చేశా. ఆరు నెలలు తనకోసం ఎదురు చూశా. నా గురించి తనకెవరో చెప్పారంటా. అప్పటినుంచి నన్ను దూరం పెట్టడం ప్రారంభించింది. తర్వాత అడిగా ‘ఎందుకు నన్ను దూరం పెడుతున్నావ్‌’ అని. అప్పుడు తను‘ నాకు ఇవన్నీ ఇష్టం ఉండవు.’ అని చెప్పింది. నాతో మాట్లాడటం మానేసింది. నాకు చాలా బాధేసింది. కానీ, మా ఫ్రెండ్స్‌తో బాగా మాట్లాడేది. సరే ఇంక ఆమెను ఇబ్బంది పెట్టడం ఎందుకని పరీక్షలకు ప్రిపేర్‌ అవ్వటం మొదలుపెట్టా. ఎక్షామ్స్‌ తర్వాత సమ్మర్‌లో బెంగళూరు వెళ్లాను. అక్కడ ఓ చిన్న కంపెనీలో జాబ్‌ చేసుకుంటున్నా. 9-8-2019 రోజు అన్‌నౌన్‌ నెంబర్‌నుంచి ఫోన్‌ వచ్చింది. ఎవరో అని మాట్లాడా! అది తను. ఎందుకు ఫోన్‌ చేశావు అని అడిగాను. ‘నువ్వు నాకు ప్రపోజ్‌ చేయగానే నాకు భయం వేసింది. అందుకే నేను కుదరదన్నాను’ అని చెప్పింది. ‘మరి ఇప్పుడు భయం లేదా’ అని అడిగాను. ఏంలేదని చెప్పింది. ఆరు నెలలుగా టైం దొరికినప్పుడల్లా కాల్‌ చేసేది. సడెన్‌గా ఓ పదిరోజులనుంచి ఫోన్‌ చేయటం లేదు. సరే అని నేనే తనకు ఫోన్‌ చేశా. అప్పుడు అంది ‘ ఇక మీదట నాకు ఫోన్‌ చేయకు. నేను నీతో మాట్లాడను’ అని చెప్పింది. తను ఎందుకలా చెప్పిందో నాకు ఇంతవరకు అర్థం కావటం లేదు.  -నాగేష్‌, పలమనేర్‌ చదవండి : వైకల్యం వారి ప్రేమకు అడ్డుకాలేదు పెళ్లి చేసుకోకపోతే బ్లాక్‌ మెయిల్‌ చేస్తావా?.. లేదా worldoflove@sakshi.comకు మెయిల్‌ చేయండి

2012 చివరి నెల అది. డిప్లమా ట్రైనింగ్‌లో జాయిన్‌ అయ్యాం. అదేరోజు అతడిని చూశాను. రోజూ బాగానే మాట్లాడేవాడు. సడెన్‌గా ఓ నెల తర్వాత లవ్‌ అన్నాడు. ఒప్పుకోకపోతే తట్టుకోలేను అన్నాడు. కుదరదు అని చెప్పడానికి కారణం లేక సరే అన్నాను. చాలా ప్రేమ చూపించేవాడు. నేను చాలా అదృష్టవంతురాలినని అనుకునే దానిని. చిన్నచిన్న అలకలు బుజ్జగింపులతో జీవితం హ్యాపీగా సాగిపోయేది. నా లైఫ్‌లో తను ఉంటే చాలు అనిపించేది. సడెన్‌గా ఏమైందో ఏమో తెలియదు, 2019 మేలో కాల్‌ చేసి ‘ నేను నిన్ను పెళ్లి చేసుకోకపోతే నన్ను బ్లాక్‌ మెయిల్‌ చేస్తావా? మా ఇంటికి వచ్చి గొడవ చేస్తావా?’ అని అడిగాడు. చాలా బాధగా అనిపించింది. ‘ఇన్ని రోజుల పరిచయంలో నన్ను అర్థం చేసుకుంది ఇంతేనా’ అనిపించింది. తర్వాత మాట్లాడటం తగ్గించేశాడు. తనకి వాళ్ల చుట్టాల అమ్మాయితో ఎంగేజ్‌మెంట్‌ అయిన సంగతి కూడా నాకు తెలియదు. చచ్చిపోవాలనిపించింది. ఎలా తట్టుకోవాలో అర్థం కాలేదు. 2019 నవంబర్‌ 21న తనకు మ్యారేజ్‌ అయిందని నాకు తెలిసింది. ఇంకా మర్చిపోవటానికి ట్రై చేస్తున్నా. ఇప్పుడు నాకు అన్నీ నా ఫ్యామిలీనే.. ఫ్యామిలీ బాధ్యతలను తీసుకున్నా. వాళ్లతో హ్యాపీగా ఉంటున్నా ఎక్కడో తెలియని బాధ. చివరిగా తనకో మాట చెప్పాలని ఉంది. ‘నువ్వు ఎక్కడ ఉన్నా.. ఎలా ఉన్నా హ్యాపీగా ఉండు బుజ్జి. నువ్వు ఎందుకిలా చేశావో నాకు ఇప్పటికీ అర్థం కావటం లేదు.’ - భవాని, తెనాలి చదవండి : ఎక్కడ ఉన్నా ఫోన్‌ చేయ్‌! లేకపోతే.. అతడో రౌడీ.. ఆమె ఓ సాఫ్ట్‌వేర్‌ ఇంజనీర్‌ లేదా worldoflove@sakshi.comకు మెయిల్‌ చేయండి

ఆన్‌లైన్‌లో ఒక అమ్మాయి పరిచయం అయింది. ఆ అమ్మాయి అంటే మొదట్లో అంతగా రియాక్ట్‌ అవ్వని నాకు.. తర్వాత తనంటే ఇష్టం మొదలైంది. ప్రతిరోజూ చాటింగ్‌ చేసుకునేవాళ్లం. అలా రోజు రోజుకు ఆ అమ్మాయి మీద ఇష్టం పెరిగింది. అలా కొన్ని రోజులకి ‘నువ్వంటే నాకు ఇష్టం’ అని చెప్పేశా. ఆ అమ్మాయి కూడా నన్ను ఇష్టపడింది. అలా కొన్ని రోజులు చాటింగ్‌, ఫోన్లలో మాట్లాడుకున్నాం. ఓ రోజు కలుద్దామని చెప్పాను. వస్తానని చెప్పి కొన్ని ప్రాబ్లమ్స్‌ వల్ల రాలేకపోయింది. అలా ఆ అమ్మాయితో చాలా కనెక్ట్‌ అయ్యాను. ఎంతలా అంటే తనని విడిచి ఉండలేను అనేంతగా. సడెన్‌గా ఓ పది రోజులు మెసేజ్‌లు, ఫోన్‌లు చేయలేదు. ఏమైందోనని భయపడ్డాను. 11వ రోజు మెసేజ్‌ చేసింది. తనకు యాక్సిడెంట్‌ అయ్యిందని చెప్పింది. నేను చాలా బాధపడ్డాను. లైఫ్‌లో ఎవరీకోసం అంత బాధపడలేదు. మళ్లీ కొన్ని రోజుల తర్వాత కొత్త నెంబర్‌ ఇచ్చింది. అలా చాలా మాట్లాడుకునే వాళ్లం. నాకు ఆ అమ్మాయి ప్రవర్తన నచ్చి పెళ్లిచేసుకుంటానని చెప్పాను. ఓకే చెప్పి, వాళ్ల ఇంట్లో వాళ్లతో కూడా మాట్లాడతానని అన్నది. కొన్ని రోజుల తర్వాత హైదరాబాద్‌లో కలుద్దామని అనుకున్నాం. సడెన్‌గా ఏమైందో ఏమో కొన్ని నెలలనుంచి మెసేజ్‌లు, కాల్స్‌ రావటం లేదు. వాట్సాప్‌ కూడా తీసేసింది. ఏమైందో ఏమో తెలియదు. ఆమె చెప్పిన అడ్రస్‌కు వెళ్లాను. అక్కడ కూడా లేదు. ఆమెకోసం పిచ్చోడిలా తిరుగుతున్నాను. తనంటే నాకు చాలా ఇష్టం. తను లేకుండా నేను బ్రతకలేను. నా మనసులో కట్టుకున్న మైనపు బొమ్మ తను. తనని కలవటానికి చాలా విధాల ట్రై చేస్తున్నాను. ఎన్ని రోజులైనా ఆమె కోసం ఎదురు చూస్తా. నా శరీరం కట్టెలో కాలేంతవరకు. ఎదురుచూస్తాను. నా బాధ ఎవరికీ చెప్పుకోలేక నాలో నేను ఎంత బాధపడుతున్నానో నాకు తెలుసు. నువ్వు ముద్దుగా పిలుచుకునే బావ కోసం ఒకసారి ఎక్కడ ఉన్నా ఫోన్‌ చేయ్‌! లేకపోతే ఎక్కడ ఉన్నావో చెప్పు నేను వస్తాను. అది ఎంత కష్టమైనా.. నీ బావ - అమన్‌ కుమార్‌, విజయవాడ లేదా worldoflove@sakshi.comకు మెయిల్‌ చేయండి

తను నా మరదలు! చాలా బ్యూటిఫుల్‌, తెలివైనది. అప్పుడు తను పదవ తరగతి చదువుతోంది, నేను డిగ్రీ. కొంచెం పెద్దవాడిని కానీ, పెద్ద ఏజ్‌ గ్యాప్‌ ఏమీ కాదు! దాదాపు 6 ఏళ్లు. బయటి వాళ్లను కాకుండా సొంత వాళ్లను చేసుకోవాలని నాకు చిన్నప్పటినుంచి ఉండేది. ఓ రోజు ఓ అందమైన అమ్మాయి మా ఇంటికి వచ్చింది. ఎవరో తెలియదు. బాగుంది అనుకున్నా! కానీ, లైట్‌ తీసుకున్నా. కొద్దిరోజుల తర్వాత తను నా మరదలని తెలిసింది. ఆ తర్వాత తన మీద పిచ్చి ప్రేమ పుట్టింది. నాకు తెలియకుండానే తన మీద గౌరవం పెరిగింది. ప్రేమ, ఆరాధన పెరిగాయి. తనను నాకివ్వమని దేవుడ్ని అడిగా. కొద్దిరోజుల తర్వాత ప్రపోజ్‌ చేశా. రిజెక్ట్‌ చేసింది. ఇలాంటివి తనకు ఇష్టం ఉండవని తెలిసికూడా మళ్లీ ప్రపోజ్‌ చేశా! తిట్టింది. సర్లే అని సైలెంట్‌ అయిపోయా.    ఆ తర్వాత కొన్ని రోజులకు తను ఫోన్‌ చేసింది. ‘ఏంటి? ఎందుకు నన్ను ఇలా ఇబ్బంది పెడుతున్నావ్‌’ అని. ఏం లేదని చెప్పా. అప్పుడు తను ‘నాకు ఏదో అయ్యింది. నువ్వు లేకుండా నేను బ్రతకలేను. ఐ లవ్‌ యూ’ అని. నేను గాల్లో తేలిపోయాను. డ్యాన్స్‌ చేశా. అలా మా ప్రేమ మొదలైంది. కొద్దిరోజుల తర్వాత చెప్పుడు మాటలను విని నన్ను వదిలి వెళ్లిపోయింది. నేను ఎంత బ్రతిమాలినా వినలేదు. నేను బాధతో వేరే దేశానికి వెళ్లిపోయా. తను నా మీద కోపంతో వేరే వాడు ప్రపోజ్‌ చేస్తే ఒప్పేసుకుంది. కేవలం నామీదున్న కోపంతో. అలా ఐదేళ్లు గడిచిపోయాయి. ఏదో బ్రతకాలని బ్రతుకుతున్నా. ఇంతలో వేరే దేశంలో ఉన్న నాకు ఓ ఫోన్‌ వచ్చింది. ‘హలో’ అన్నా. ‘నేను నీ మరదల్ని’ అంది తను. ఎందుకు ఫోన్‌ చేశావని తనను అడిగా. నిన్ను మర్చిపోలేకపోతున్నా. వేరే వాళ్లతో ఉన్నా. నువ్వు గుర్తుకు వస్తున్నావు. నిన్ను మర్చిపోలేక బ్రతుకుతున్నా’ అంది.    నాదీ అదే పరిస్థితి. కానీ, అప్పటికే తనకు ప్రపోజ్‌ చేసిన వ్యక్తితో పెళ్లి కుదిరింది. మేము విడిపోయి బ్రతకలేమని తెలిసినా పెద్దల గౌరవం కోసం తను ఆ పెళ్లి చేసుకుంది. మేము ఏడ్చాం. చచ్చిపోదామని అనుకున్నాం. కానీ, అలా చేసినా తను దూరం అవుతుందని, చావలేక, మందుకు బానిసై రోజూ చస్తూ బ్రతుకుతున్నా. ఇక్కడ నేను అక్కడ తను ఇద్దరం చస్తూ బ్రతుకుతున్నాం.. బ్రతుకుతాం.. అలా చచ్చేదాకా! - విజయ్‌, విజయవాడ లేదా worldoflove@sakshi.comకు మెయిల్‌ చేయండి

ప్రేమంటే అందరికి మర్చిపోలేని అనుభూతి. కానీ, నా జీవితంలో అదే ప్రేమ చేదును మిగిల్చింది. నేను ఎనిమిదవ తరగతి చదువుతున్నపుడు నేను ఒక అబ్బాయి నవ్వంటే ఇష్టపడేదాన్ని. తను నన్ను ప్రేమిస్తున్నాడని చెప్పాడు. కానీ, అది ప్రేమించే వయసుకాదు, అందుకే అతడి ప్రేమను  అంగీకరించలేదు. ఇక అప్పటినుంచి అతడు నాతో మాట్లాడటం మానేశాడు. నేను కూడా అతడితో మాట్లాడలేదు. తర్వాత మా స్కూల్‌ లైఫ్‌ కంప్లీట్‌ అయ్యింది. ఎనిమిదేళ్ల తర్వాత మళ్లీ ఒకసారి కలిశాం. టెన్త్‌ ఫ్రెండ్స్‌ గెట్‌టుగెదర్‌లో. మళ్లీ తను నాతో ‘నువ్వుంటే నాకు చాలా ఇష్టం. ఇప్పటివరకు నేను నిన్ను తప్ప వేరే అమ్మాయిని లవ్‌ చేయలేదు’ అని చెప్పాడు. అప్పుడు తను ఆర్మీలో జాబ్‌ చేస్తున్నాడు. నేను ఎంసీఏ చేస్తున్నాను. అతని లవ్‌ నిజం అనిపించింది. నేను తన లవ్‌ని అంగీకరించా. మా పేరేంట్స్‌ని కూడా ఒప్పించాం. మ్యారేజ్‌ కూడా చేసుకున్నాం. నేను తనతో ఉన్నది కొద్దినెలలే అయినా ఒక జీవితానికి సరిపడేంత నమ్మకాన్ని అనుభవించా. తర్వాత తెలిసింది తను కావాలనే నా మీద ప్రతీకారం తీర్చుకోవటానికి నన్ను పెళ్లి చేసుకున్నాడని. అప్పటినుంచి ప్రతిరోజూ గొడవలు జరిగేవి! బాగా కొట్టేవాడు. మా పేరెంట్స్‌తో మాట్లాడించేవాడు కాదు. ఓ సంవత్సరం పాటు అతడి వేధింపులు తట్టుకోలేక విడాకులు తీసుకున్నా. ఇప్పుడు జీవితంలో ఏమీ లేదు! అంతా జీరో. నమ్మించి ఎందుకలా మోసం చేయాలి. ప్రేమించి పెళ్లి చేసుకుని అతను నా జీవితంతో ఆడుకున్నాడు. ఎన్ని రోజులు ఏడిచానో నాకు మాత్రమే తెలుసు. నా బాధను ఎవరికీ చెప్పుకోలేని పరిస్థితి. ఎందుకంటే మాది కులాంతర వివాహం. ఇప్పుడు తను ఇంకో అమ్మాయిని పెళ్లి చేసుకుని హ్యాపీగా ఉన్నాడు. కానీ, నేను అలా చేయలేకపోతున్నాను. లవ్‌ చేసే అబ్బాయి మనకు కరెక్టా..  కాదా.. అని తెలుసుకుని లవ్‌ చేయండి! పెళ్లి చేసుకుని నాలా బాధపడకండి. - రాధ, ఖమ్మం లేదా worldoflove@sakshi.comకు మెయిల్‌ చేయండి

నేను ఓ అమ్మాయిని మనస్ఫూర్తిగా ప్రేమించాను. తను నా టెన్త్‌ క్లాస్‌మేట్‌. ఇద్దరం ఒకే ట్యూషన్‌కు వెళ్లేవాళ్లం. అప్పుడు నాకు ఏమీ అనిపించేది కాదు. ప్రతిరోజూ ఇద్దరం సరదాగా గొడవపడేవాళ్లం. అప్పుడు కూడా తెలియదు ఆ అమ్మాయి అంటే నాకు అంతఇష్టం అని. నా టెన్త్‌ క్లాస్‌ ముగిసింది. నేను ఓ ప్రైవేట్‌ కాలేజ్లో జాయిన్‌ అయ్యాను. తను వేరే కాలేజ్‌. అప్పుడు నాకు తెలియకుండానే తన మీద ప్రేమ మొదలైంది. ప్రతిసారీ ఏదో తెలియని హ్యాపీనెస్‌! వాళ్ల ఇళ్లు మా ఇంటి వెనుక. తనతో ఎన్నిసార్లు మాట్లాడినా ప్రేమ విషయం చెప్పటానికి ధైర్యం ఉండేది కాదు. అలా ఆరేళ్లు గడిచాయి. తనను ఇష్టపడుతూనే ఉన్నా. మొత్తానికి బీటెక్‌ కంప్లీట్‌ అయ్యింది. నేను ఒక చిన్న ప్రైవేట్‌ కాలేజీలో లెక్చరర్‌గా జాయిన్‌ అయ్యా. మొత్తానికి తన ఫోన్‌ నెంబర్‌ సంపాదించా. మెసేజ్‌లు చేస్తుండేవాడ్ని. మొదట్లో రిప్లై ఇచ్చేది కాదు. తర్వాత మెసేజ్‌లు చేయటం మొదలు పెట్టింది. కొన్ని నెలల తర్వాత ఆమెకు నేను ప్రపోజ్‌ చేశా. ఒకే చెప్పింది. లైఫ్‌లో ఏదో సాధించాననే ఫీలింగ్‌. చాలా హ్యాపీగా ఉండేవాళ్లం. అప్పటినుంచి ఒక నెల తర్వాత వాళ్లింట్లో సంబంధాలు చూడటం మొదలుపెట్టారు. కామన్‌ ప్రాబ్లమ్‌! కులం అడ్డొచ్చింది. మా కన్నా వాళ్లది కొద్దిగా తక్కువ కులం. వాళ్ల అమ్మ గారితో మాట్లాడి ఎలాగైతేనేం ఒప్పించగలిగా. తర్వాత ఈ విషయం మా ఇంట్లో తెలిసింది. పెద్ద గొడవ చేశారు. నువ్వు తనని చేసుకుంటే మేము చనిపోతాం అని. అయినా నేను భయపడలేదు. ఎందుకంటే అప్పటికి ఇద్దరం మేజర్స్‌. నేను ఏదో చిన్న జాబ్‌ చేసుకుంటున్నా. తను డిగ్రీ కంప్లీట్‌ చేసింది. తనని లైఫ్‌లాంగ్‌ హ్యాపీగా చూసుకోగలనన్న నమ్మకం వచ్చింది. తనకు ఈ విషయం చెప్పా. ఎక్కడికైనా పోయి పెళ్లి చేసుకుందాం అన్నా. తర్వాత మా ఇంట్లో వాళ్లు ఒప్పుకుంటారని చెప్పా. కానీ, తను దానికి ఒప్పుకోలేదు. నన్ను మర్చిపో అని ఈజీగా అనేసింది. తనకు వేరే అబ్బాయితో పెళ్లి అయిపోయింది. కానీ, తర్వాత ఒక మూడు నెలలు పిచ్చివాడిని అయిపోయా. తనను మర్చిపోలేకపోతున్నా. పగలు రాత్రి తేడా లేకుండా తన గురించే ఆలోచిస్తున్నా. తర్వాత హైదరాబాద్‌లో జాబ్‌ వచ్చి వెళ్లిపోయా. చాలా మ్యాచెస్‌ రిజెక్ట్‌ చేశా. ఈ మధ్యలో మళ్లీ తనకి మెసేజ్‌ చేశా. తను మెసేజ్‌ చేస్తుంది. కానీ, అది తప్పు అని నాకు తెలుసు! అందుకే తన నెంబర్‌ డిలేట్‌ చేశా! నా ఫోన్‌ నుంచి.. నా లైఫ్‌నుంచి!!! - బాబు, రాజమండ్రి  లేదా worldoflove@sakshi.comకు మెయిల్‌ చేయండి

తన పేరు చిన్ని! మా మ్యూచువల్‌ ఫ్రెండ్స్‌ ద్వారా పరిచయమైంది. ఫోన్‌లో బాగా మాట్లాడుకునేవాళ్లం. కానీ, ఆమెకు ఎదురుపడి మాట్లాడటానికి నేను చాలా సిగ్గుపడేవాడిని. నేను చాలా పొసెసివ్‌! నాది అని అనుకుంటే దేన్నీ వదలను. కానీ, తను ఎప్పుడు చూసినా గంటలు గంటలు వేరేవాళ్లతో మాట్లాడేది. అయినప్పటికి నాతో మాట్లాడకుండా ఉండలేదు. ఈ సమయంలోనే మా స్నేహం ప్రేమగా మారిపోయింది. దాదాపు 5నెలలనుంచి క్లోస్‌గా ఉంటున్నాం. ఈ మధ్యలో తను స్మార్ట్‌ఫోన్‌ కొన్నది కానీ, ఆ విషయం నాకు ఓ నెల తర్వాత చెప్పింది. అప్పటినుంచి తను నా చెయ్యి దాటిపోతోందని అనిపించింది. ఒక రోజు నాకో నిజం తెలిసింది. తను నాతోనే కాకుండా ఇంకో వ్యక్తితో మాట్లాడుతోందని. కొన్ని గంటలపాటు వీడియోకాల్స్‌ చేసేది. నేను తన ఫోన్‌ చూస్తానని అన్నీ డిలేట్‌ చేసేది. ఒక రోజు వాటిని డిలేట్‌ చేయటం మర్చిపోయింది. తనకు తెలియకుండా అతడికి ఫోన్‌ చేస్తే ‘మా ఇంట్లో ఒప్పించుకో నిన్ను చేసుకుంటాన’ని చెప్పిందంట. నేను ఆమెను అడిగితే ‘మేము మంచి ఫ్రెండ్స్‌! ఊరికే పెళ్లి చేసుకోమని అడుగుతున్నాడు. అందుకే ఇంట్లో అడుగు అన్నా.’ అని చెప్పింది. నేను ‘ఫ్రెండ్స్‌ మధ్య వీడియో కాల్స్‌ ఎందుకు’ అని అడిగా. ‘ఊరికే చేస్తున్నాడు’ అని అంది. ‘ ఊరికే ప్రేమించు అని అడిగితే ఒప్పుకుంటావా?’ అన్న ప్రశ్నకు తను సమాధానం చెప్పలేదు. తర్వాత ఏదో జరిగి వాడు మాట్లాడటం మానేశాడనుకుంటా. ఇంక ఎవరితోనూ మాట్లాడనని చెప్పింది. ‘మంచిదే ఇకపై నిజాయితీగా ఉందాం’ అనిచెప్పా. తను ఎఫ్‌బీలో ఇంకొకడితో చాటింగ్‌ మొదలుపెట్టింది. నన్ను అనుమానంగాడు అనుకోకండి. అమ్మాయిలు బాయ్స్‌తో మాట్లాడొచ్చు కానీ, కొన్ని లిమిట్స్‌ ఉంటాయి. ముక్కుముఖం తెలియని వ్యక్తితో నేను ప్రేమించిన అమ్మాయి కొన్ని గంటలు వీడియో కాల్స్‌ చేసి మాట్లాడటం అనేది నాకు కరెక్ట్‌ కాదు అనిపించింది. తనను తప్పుగా అనుకోలేదు. అయితే నిజాలు మాత్రం చెప్పటంలేదనిపించింది. ఇక తననుంచి దూరం అవుదామనుకున్నా. 8 నెలలు గడిచింది. నా వల్లకావటం లేదు. అమ్మాయిని ఓ అబ్బాయి మోసం చేస్తే అన్ని చట్టాలు వారికి అనుకూలం. కానీ, ఒక అమ్మాయి చేతిలో మోసపోయిన అబ్బాయిని అందరూ వెధవలా చూస్తారు. నేను ఆ వెధవల్లో ఒకడినే. థాంక్యూ సో మచ్‌ చిన్ని! నిన్ను ఎప్పటికీ మర్చిపోలేను.  - నాని, ఒంగోలు లేదా worldoflove@sakshi.comకు మెయిల్‌ చేయండి

నేను ఇంజనీరింగ్‌ చదివేటప్పుడు నాకు తెలిసిన ఫ్రెండ్‌ ద్వారా ఓ అమ్మాయి పరిచయం అయ్యింది. తను కూడా మా కాలేజీనే. ఫస్ట్‌ బుక్స్‌ కోసం హాయ్‌తో మొదలైన మా మెసేజ్‌లు ఆగలేదు. అలా ఫ్రెండ్స్‌లా చాలా క్లోజ్‌గా ఉండేవాళ్లం. తనంటే నాకు ఇష్టమో లేక ఆకర్షణో తెలీదు. చదువు ముఖ్యమనే భయంతో లవ్‌కు వాటికి దూరంగా ఉందాం అనుకున్నా. కానీ, ఏమైందో ఏమో ఓ రోజు ఉదయం నాకుగా నేను ఐ లవ్‌యూ అని తనకు మెసేజ్‌ చేశా. తను సరిగా రెస్పాండ్‌ అవ్వలేదు. అయితే నేను మా మధ్య స్నేహం ఎక్కడ దెబ్బతింటుందోనని ‘సారీ! జోక్‌ చేశా’ అని అబద్ధం చెప్పా. అలా కొన్ని రోజుల తర్వాత తను నన్ను ‘నిజంగా జోక్‌ చేశావా? ’అని అడిగింది. ‘అవును’ అన్నాను. అప్పుడు తను ‘ నేను మాత్రం దాన్ని సీరియస్‌గా తీసుకున్నా! ఐ లవ్‌ యూ’ అని చెప్పింది. ఈ సారి నేను సరిగా రెస్పాండ్‌ అవ్వలేదు. ఎందుకంటే మాది ఆకర్షణో.. ప్రేమో.. తెలీదు. అలా కొన్ని రోజులు ఎదురుచూసిన తర్వాత అర్థం చేసుకుని లవ్‌ను కన్ఫార్మ్‌ చేసుకున్నా. ఇప్పుడు పెళ్లి చేసుకుని హ్యాపీగా ఉన్నాం. ప్రేమ ఏదైనా ఫ్రెండ్‌షిప్‌తోనే మొదలవుతుంది. కొన్ని రోజుల జర్నీ తర్వాత ఒకరిమీద ఒకరికి ఓ అభిప్రాయం వస్తుంది. - నాని, తెనాలి  చదవండి : ఆమె ప్రేమ ముందు నేను ఓడిపోయా! ఆ కుటుంబం నన్ను నాశనం చేసింది లేదా worldoflove@sakshi.comకు మెయిల్‌ చేయండి

ఒక లవ్‌ ఫేయిల్యూర్‌ తర్వాత హైదరాబాద్‌లో జాబ్‌లో జాయిన్‌ అయ్యాను. తర్వాత మా ఫ్రెండ్‌ ద్వారా నాకు ఒక అమ్మాయితో పరిచయం అయ్యింది. అలా మా పరిచయం కాస్తా ప్రేమగా మారింది. బాగా డీప్‌ లవ్‌లో ఉన్నాం. చెప్పిన పని చేయకపోతే నాకు కొద్దిగా కోపం వస్తుంది. నాకు అమ్మాయి జాబ్‌ చేయాలని కోరుకునేవాడిని! ఫైనాన్షియల్‌ సపోర్ట్‌ కోసం. జాబ్‌ ట్రై చెయ్యమని చాలా సార్లు చెప్పాను. ప్రతి మూడు నెలలకు , నాలుగు నెలలకు జాబ్‌ మానేస్తుండేది. ఒక జాబ్‌లో స్టాండర్డ్‌గా ఉండమని చాలాసార్లు ఆమెకు చెప్పాను. కానీ, ఆ అమ్మాయి ఉండలేదు. నాకు కోపం వచ్చింది. మనం పెళ్లి చేసుకుంటే ఒక శాలరీతో ఎలా బ్రతకాలి అని ఎన్నో సార్లు చెప్పాను. కానీ, తను మారలేదు. నాకు కోపం వచ్చి లవ్‌ బ్రేకప్‌ చేద్దాం అని చెప్పాను. ఆ అమ్మాయి ప్రేమ ముందు నేను ఓడిపోయాను. నేను అడ్జస్ట్‌ చేసుకుని పెళ్లి చేసుకున్నా. మొదటి సంవత్సరంలో ఫైనాన్షియల్‌గా ఎన్నో ప్రాబ్లమ్స్‌. తనకు జాబ్‌ చేయటం ఇష్టంలేదని చెప్పేసింది. చాలా గొడవలు అయ్యాయి. చాలా బాధపడ్డా. జాబ్‌ చేయకపోవటం తప్ప తనలో ఏ తప్పు కనబడలేదు. ఓ ఇంటి ఇల్లాలుకు ఉండాల్సిన అన్ని లక్షణాలు ఆమెలో ఉన్నాయి. నేను అర్థం చేసుకున్నా! డబ్బు ఒక్కటే కాదు, లైఫ్‌లో అన్నీ ఉండాలని. సో నేను మంచి జాబ్‌ ట్రై చేసి, ఓ మంచి కంపెనీలో మంచి పొజిషన్‌లో ఉన్నా. ఇప్పుడు ఫైనాన్షియల్‌గా అన్నీ క్లియర్‌ అయ్యాయి. మనం మనకోసం కాకుండా ఎదుటి వ్యక్తికోసం కూడా ఆలోచించడమే జీవితం. థాంక్స్‌ లడ్డు.. హనీ! - రవికిషోర్‌, హైదరాబాద్‌ చదవండి : ఆ కుటుంబం నన్ను నాశనం చేసింది అది ఈ జనరేషన్‌కు బాగా అలవాటు! లేదా worldoflove@sakshi.comకు మెయిల్‌ చేయండి

నేను ఓ పల్లెటూరి అబ్బాయిని! 2016లో కడప జిల్లాలో డాక్టర్స్ కాలేజీలో టెక్నికల్ అసిస్టెంట్‌గా జాయిన్ అయ్యాను. డాక్టర్ కోర్స్ చదువుతున్న ఓ అమ్మాయి తరచూ నా వద్దకు వస్తూ మాట్లాడేది. నాకు అది ప్రేమ అని తెలియదు. ఫ్రెండ్ అనే ఉద్ధేశంతో మాట్లాడేవాడిని. ఒక రోజు ఇంటికి వెళ్తున్నా అని చెప్పి నా నెంబర్ తీసుకుని వెళ్లింది. అప్పటి నుంచి వాట్సాప్ చాట్ చేయటం మొదలుపెట్టింది. ఒక నెల తర్వాత ‘ నేను మళ్లీ కాలేజీకి వస్తున్నా. పికప్ చేసుకోవటానికి రా’ అని పిలిచింది. నేను వెళ్లాను. బైక్‌లో వస్తున్నపుడు నన్ను కౌగిలించుకుని ‘నేను నిన్ను ప్రేమిస్తున్నాను’ అని చెప్పింది. నాకు అది కొత్త ఫీలింగ్ కాబట్టి సరే అని ఒప్పుకున్నాను. తనకి మనీ ప్రాబ్లెమ్ ఉందని 2 రోజుల తర్వాత చెప్పింది. ‘నువ్వు నన్ను మా నాన్నలా చూస్కో రా! నువ్వంటే నాకు ప్రాణం’ అని అంది. ‘ సరే నేను నిన్ను చదివిస్తాను’ అని మాటిచ్చాను. 3 సంవత్సరాలు గడిచింది. మా ఇంట్లో అందరికి తనే ఫోన్ చేసి ‘నేను మీ అబ్బాయిని పెళ్లి చేసుకుంటాను’ అని చెప్పింది. వాళ్ల ఇంట్లో వాళ్లకి కూడా మనీ అవసరం అయినప్పుడు ఇచ్చే వాడిని. ఇలా ఉన్న నా జీవితంలో ఊహించని సంఘటనలు చూడాల్సి వచ్చింది. అది ఏమిటంటే ఒక రోజు తను రాత్రి ఫోన్ చేసి ‘నాకు నువ్వు వద్దు! ఇకమీదట ఫోన్ చేయకు’ అని చెప్పి కాల్ కట్ చేసింది. మేము అప్పటికే చాలా దగ్గరయ్యాం. ఎవరికీ తెలియకుండా పెళ్లి కూడా చేసుకున్నాం. ఇదంతా తను కావాలనే చేసింది. నన్ను తన గ్రిప్‌లో పెట్టుకుని, సడన్‌గా ఎందుకు విడిపోవాలి అనుకుంటోంది అని నాకు అనుమానం వచ్చింది. ‘నేనే ఫోన్ తీసి ఇచ్చానుగా నా ఫోన్ ఇచ్చేయ్‌!’ అని లాక్కొని వాట్సాప్ ఓపెన్‌ చేసి చెక్ చేశాను. తను డార్లింగ్ అని ఒక నెంబర్ సేవ్ చేసుకుని ఉంది. చాట్ మొత్తం చదివాను. అందులో ఈ అమ్మాయి ఒక అబ్బాయిని ప్రేమించమని బ్రతిమలాడుతూ మెసేజ్‌లు ఉన్నాయ్. ఎవరో అని ఆ నెంబర్‌కి కాల్ చేశాను. తీరా చూస్తే ఆయన వాళ్ల ప్రొఫెసర్! అతనికి పెళ్లి అయి ఒక బాబు కూడా ఉన్నారు. అతనికి కాల్ చేసి అడిగాను ఆయన ‘ తప్పు చేస్తున్నావని నేను ఆ అమ్మాయికి చాలా సార్లు చెప్పాను. ఇలాంటివి చేయకు బుద్దిగా చదువుకో అని వార్నింగ్‌ కూడా ఇచ్చాను.’ అని చెప్పారు. సార్ తప్పు లేదని తెలిసి. తనను అడిగాను ‘నాకు తను కావలి! అతనికి నీ కంటే ఎక్కువ డబ్బులు ఉన్నాయి’  అని అంది. వాళ్ల అమ్మకి కాల్ చేసి చెప్పాను. ‘మీ అమ్మాయి చాలా తప్పు చేస్తోంది’ అని అప్పుడు వాళ్ల అమ్మ ‘నా కూతురు ఎవరితో ఉంటే నీకెందుకు?’ అని చెప్పి ఫోన్‌ కట్ చేసింది. మొత్తం కుటుంబం అంతా నన్ను డబ్బుల కోసం ప్రేమ అనే ఎమోషన్‌తో నా జీవితం అంతా నాశనం చేశారు. నేను గడ్డం పెంచుకుని దేవదాస్‌లాగా తిరుగుతున్నాను. నా జీవితంలాగా మీ జీవితాలు అవ్వకూడదు. మీరు ప్రేమించే వారిని అంతా స్టడీ చేసిన తర్వాత ప్రేమని కన్ఫర్మ్ చేసుకుని మీ జీవితానికి కొత్త అడుగులు వేయాలని ఆశిస్తున్నాను. - చందు, తాడిపత్రి లేదా worldoflove@sakshi.comకు మెయిల్‌ చేయండి

నేను తనని ఒక ఫంక్షన్‌లో చూశా! చూడగానే నచ్చేసింది. అప్పుడు తను ఎవరో నాకు తెలియదు. తర్వాత మా పిన్ని వాళ్లు తనని చూపిస్తూ నా మరదలని చెప్పారు. మా మమ్మీ వాళ్ల అన్న కూతురు అని అ‍ప్పటి వరకు నాకు తెలియదు. మా ఫ్యామిలీ ఫ్రాబ్లమ్స్‌ వల్ల మా మామయ్య వాళ్లతో మాటలు ఉండేవి కావు. చిన్నప్పటినుంచి మా మామయ్యను చూడటం అదే మొదటిసారి. తను నా మరదలని తెలియగానే ఎగిరిగంతేయాలనిపించింది. నాకు అప్పటివరకు ఆమె పేరు కూడా తెలియదు. పేరేంటని డైరెక్ట్‌గా అడిగాను. అప్పుడు తను నన్ను చూస్తూ వింధ్య అని చెప్పింది. ‘నేను ఎవరో నీకు తెలుసా?’  అని అడిగాను. తెలుసంది. అలా మా మొదటి పరిచయం జరిగింది. ఫంక్షన్‌ అయిపోయింది. మేము ఎవరి ఇళ్లకు వాళ్లము వెళ్లిపోయాము. కానీ, నేను తనని మర్చిపోలేకపోయాను. అలానే ఒక సంవత్సరం గడిచిపోయింది. సడెన్‌గా ఒక రోజు  అన్‌నౌన్‌ నెంబర్‌నుంచి ఫోన్‌ వచ్చింది. ‘బావ నువ్వంటే నాకు చాలా ఇష్టం’ అంది. నాకు కూడా నువ్వంటే చాలా ఇష్టం అని చెప్పాను. అలా ఐదేళ్లు మా ప్రేమ హ్యాపీగా సాగిపోయింది. ఫోన్‌లో మాట్లాడుకునేవాళ్లం, కలిసే వాళ్లం. సడెన్‌గా తను నన్ను అవాయిడ్‌ చేయటం మొదలుపెట్టింది. ఫోన్‌ చేస్తే కట్‌ చేసింది. నా నెంబర్‌ బ్లాక్‌ చేసింది. అలా ఎందుకు చేస్తుందో తెలుసుకోవటానికి మా ఫ్రెండ్‌ను పంపించాను. ‘నాకు మ్యారేజ్‌ ఫిక్స్‌ అయ్యింది. తనను కాల్‌ చెయోద్దని చెప్పు’ అని అంది. అప్పుడు నా మనసు పగిలిపోయినంత పనైంది. వాళ్ల ఇంటికి వెళ్లి తనను నాకిచ్చి పెళ్లిచేయమని అడిగాను. దానికి వాళ్లు‘నీకేముందని నా కూతుర్ని నీకివ్వాలి. వాడికి కానిస్టేబుల్‌ జాబ్‌ ఉంది. మరి నీకేముందని ఇవ్వాలి’  అని అడిగారు. ఆ తర్వాత తనను కలిసి పారిపోయి పెళ్లి చేసుకుందాం అని అడిగాను. అందుకు తను ‘నేను రాను! అతడికి గవర్నమెంట్‌ జాబ్‌ ఉంది. నీకు జాబ్‌ లేదు ఏమీ లేదు.’ అంది. ఆ తర్వాత ఆమె పెళ్లి జరిగిపోయింది. 2015-2016లో సివిల్‌ ఎస్‌ఐ జాబ్‌ వచ్చింది. జాబ్‌ లేనప్పుడు తను నాతో ఉంది! జాబ్‌ వచ్చిన తర్వాత లేదు. కో ఇన్సిడెంట్‌ ఏంటంటే! వాళ్ల భర్త పనిచేసే పోలీస్‌ స్టేషన్‌కు నేను ఎస్‌ఐగా వెళ్లాను. ఒక రోజు వాళ్లు ఉండే ఏరియాకు పాట్రోలింగ్‌కు వెళితే ‘ సార్‌! మా ఇళ్లు పక్కనే. అక్కడ కాఫీ తాగి వెళదాం రండి’ అన్నాడు. నేను వెళ్లాను. ఇంటికి వెళ్లాక తెలిసింది తను నా మరదల్ని చేసుకున్న వాడని. మా సార్‌ అంటూ నన్ను తనకు పరిచయం చేయగానే ముఖం ఎత్తుకుని చూడలేకపోయింది. ఎంతైనా గాడ్‌ ఈజ్‌ గ్రేట్‌.. ఇప్పుడు గ్రూప్‌ 2 వచ్చింది. - అనిల్‌ కుమార్‌, జహీరాబాద్‌ లేదా worldoflove@sakshi.comకు మెయిల్‌ చేయండి

అవి నేను డిగ్రీ చదివే రోజులు. ఒకసారి మా మేనమామ పెద్ద కూతురు ఎంగేజ్‌మెంట్‌కు వెళ్లాం. అక్కడ మా చిన్న మరదల్ని చూశాను. ఆమె మాతో పాటు మా ఇంటికి రావటానికి ఇష్టపడింది. మేము ఆమెని కనీసం ఇంటికి రమ్మని కూడా పిలవలేదు. ‘మీ ఇంటికి వస్తాను’ అని అడిగినా మేము తనను పట్టించుకోలేదు. నాకు మాట్లాడాలని ఉన్నా మా పేరెంట్స్‌కు ఇష్టం లేదని మౌనంగా ఉండిపోయాను. నన్ను అప్పట్లో తను ఇష్టపడిందని అనిపించింది. కాలం గడిచింది. నేను డిగ్రీ తర్వాత పోస్ట్ గ్రాడ్యుయేషన్ పూర్తి చేశా. ఆమె కూడా డిగ్రీ చదివింది. ఆ తర్వాత నా పెళ్లి పెద్దలు చూసిన అమ్మాయితో జరిగింది. ఆమె కూడా పెళ్లి చేసుకుని విదేశంలో స్థిరపడింది. ఈ మధ్యలోనే ఒక పెళ్లికి ఆమె కూడా వస్తోందని తెలిసి చూడటానికి వెళ్లాను. మాములుగానే పలకరించింది. కొన్ని మాటలే  మాట్లాడుకున్నాం. కానీ నేను ఆమెని మర్చిపోలేకపోయా. ఏదో ప్రేమ ఆమె గురించి నన్ను ఆలోచించేలా చేస్తోంది. ఆమెతో ఉన్న కొన్ని నిముషాలు చాలా సంతోషంగా గడిచిపోయాయి. తర్వాత రోజు మళ్లీ తనను చూడాలనిపించి వాళ్ల ఇంటికి వెళ్లాను. ఒక పది సంవత్సరాల ముందు ఎలా మర్యాదగా, ప్రేమగా ఉందో ఇప్పుడు కూడా అలానే ఉంది. ఆమెతో ఉన్న కాసేపు చాలా సంతోషంగా అనిపించింది. నిజమైన ప్రేమలో ఎంత సంతోషం ఉందనేది అప్పుడే అర్థం అయింది.  ఇంక నా మనసు అక్కడే ఉండిపోయింది. ఎన్ని రోజులు అయినా బయటకి రాలేకపోతున్నా. మనల్ని నిజంగా ప్రేమించే వాళ్లని మనం ఇష్టపడేవా‍ళ్లని జీవితంలో ఎప్పుడూ వదులుకోకూడదు. అలా వదులుకుంటే మన జీవితంలో సంతోషమే ఉండదు. తను మళ్లీ నాతో మాట్లాడుతుందో లేదో తెలీదు. మళ్లీ నాకు కనపడుతుందో లేదో తెలీదు. కానీ...  ఐ  లవ్ యూ … మిస్సింగ్ యూ ఏ లాట్ …. అల్ ది బెస్ట్.  - పార్థు, కర్నూలు లేదా worldoflove@sakshi.comకు మెయిల్‌ చేయండి

నా ప్రేమ కథ ఇంజనీరింగ్‌ సెకండ్‌ ఇయర్‌లో మొదలైంది. తను డిప్లమా చదివి మా కాలేజ్‌కు వచ్చాడు. మా ఇద్దరికీ ఒక కామన్‌ ఫ్రెండ్‌ ఉండేవాడు. తను ఎప్పుడూ వాళ్ల ఫ్రెండ్‌ గురించి, వాళ్ల ఫ్రెండ్‌షిప్‌ గురించి గొప్పగా చెప్పేవాడు. అలా తనను చూడకుండానే నాకు ఒక పాజిటివ్‌ ఫీలింగ్‌ కలిగింది. ఆ తర్వాత అతడు మా కాలేజ్‌లోనే జాయిన్‌ అవ్వటం, నాకు పరిచయం అవ్వటం చకచకా జరిగిపోయాయి. అతడ్ని చూడగానే నాకు ఒక అందమైన ఫీలింగ్‌ కలిగేది. అతను నాకు జీవితాంతం తోడుగా ఉండాలని దేవుడ్ని ప్రార్థించేదాన్ని. నేను అనుకున్నట్లుగానే అతడు ఫోర్త్‌ సెమిస్టర్‌లో నాకు బాగా దగ్గరయ్యాడు. కాలేజ్‌ అయిపోయే సమయానికి ఇంకా బాగా క్లోజ్‌ అయ్యాం. కాలేజీ చివరి రోజు అతడికి ప్రపోజ్‌ చేయాలనిపించింది. కేరీర్‌లో ఎదగాలని, తనకు చాలా డ్రీమ్స్‌ ఉన్నాయని ఎప్పుడూ చెబుతుండేవాడు. అలా తను సెటిల్‌ అయ్యాక చెబుదామనుకున్నా. తను జాబ్‌ కోసం బెంగళూరు వెళ్లిపోయాడు. జాబ్‌ కోసం బెంగళూరు వెళ్లిపోతున్నానని చెప్పిన నిమిషం చాలా బాధగా అనిపించింది. కానీ, తను సెటిల్‌ అయితే అంతకంటే ఇంకేమ్‌ కావాలి అన్న ఆశతో ఆల్‌ ది బెస్ట్‌ చెప్పి, దగ్గరుండి సెండ్‌ ఆఫ్‌ చెప్పాను. ఆ తర్వాత జాబ్‌ కోసం హైదరాబాద్‌ వచ్చేశాను. తనకు బెంగళూరు వాతావరణం పడటం లేదని, ఉండలేనని చెప్పేవాడు. హైదరాబాద్‌కు షిఫ్ట్‌ అవ్వమని సలహా ఇచ్చాను. తను హైదరాబాద్‌కు రావటానికి ఒప్పుకున్నాడు. అంతా హ్యాపీగా జరిగిపోతోంది. దేవుడు నా వైపు ఉన్నాడు అనిపించింది. రెండేళ్ల తర్వాత అతడికి ఓ పెద్ద ఎమ్‌ఎన్‌సీలో జాబ్‌ వచ్చింది. ఇంటర్వ్యూకు వెళ్లే ముందు ఆల్‌ ది బెస్ట్‌ చెప్పటం నుంచి ఉద్యోగం వచ్చాక ఆ గుడ్‌ న్యూస్‌ నాకు చెప్పేదాక అన్నీ నేనే అయిపోయా. రోజూ ఆఫీసుకు వేళ్లేటప్పుడు, వచ్చేటప్పుడు, బ్రేక్‌ టైంలో కాల్‌ చేసి మాట్లాడేవాడు. చాలా కేర్‌ఫుల్‌గా చూసుకునేవాడు. నా గురించి అంత కేరింగ్‌గా ఉంటుంటే చాలా హ్యాపీగా ఉండేది. ఇంటికి వచ్చేవాడు. మా పేరెం‍ట్స్‌​తో బాగా మాట్లాడేవాడు. అంతా ఆనందంగా రోజులు గడుస్తున్నాయి. మా ఇంట్లో అడిగారు ‘ తనంటే ఇష్టం ఉంటే చెప్పు! వెళ్లి మాట్లాడదాం’ అని. ఇక నేను తనకు ప్రపోజ్‌ చేద్దాం అనుకున్నా. ఐ లవ్‌ యూ చెప్పకుండా ‘మన ఫ్రెండ్‌ లైఫ్‌ పార్ట్‌నర్‌ అయితే ఎంత బాగుంటుందో కదా?’ అని అడిగాను ఇన్‌ డైరెక్ట్‌గా. నాపైన చాలా కోపం వచ్చింది. ‘ఫ్రెండ్‌షిప్‌కు లవ్‌కు చాలా తేడా ఉంది. అది తెలియకుండా ఫ్రెండ్‌ని లవర్‌ అని ఎలా అంటార’ని నా మీద సీరియస్‌ అయ్యాడు. తన మనసులో నాకున్న విలువేంటని అడిగాను. ‘నీ మీద నాకు చాలా రెస్పెక్ట్‌ ఉంది. అన్నీ నీతో షేర్‌ చేసుకునేంతగా బెస్ట్‌ ఫ్రెండ్‌వి. నిన్ను పెళ్లి చేసుకుని లైఫ్‌ పార్ట్‌నర్‌ను చేసుకోలేను. భార్య వేరు బెస్ట్‌ ఫ్రెండ్‌ వేరు. ఆ తేడా తెలియకుండా ఏంటి ఇలా? ’ అని అడిగాడు. నా మనసు ముక్కలైంది. ఎన్నో ఆశలతో కట్టుకున్న నా కోట కూలిపోయింది. అతని గురించి ఆలోచిస్తూ పిచ్చిదాన్ని అయిపోయా. తనతో మాట్లాడితే నాకు మళ్లీ ఫీలింగ్స్‌ కలుగుతాయని మెల్లగా తనతో మాట్లాడటం మానేశా. ఎప్పుడు కాల్‌ చేసినా బిజీ అని చెప్పేదాన్ని. నాకు నేనే శిక్ష వేసుకున్నా. ఇప్పటికీ కలుస్తూనే ఉన్నాము కానీ, అతడితో మాట్లాడలేక మౌనంగా ఉండిపోతున్నాను. నేను ఎటూ తేల్చడం లేదని ఇంట్లో వాళ్లు సంబంధాలు చూడటం మొదలుపెట్టారు. ఇప్పటికైనా నా మనసు అర్థం చేసుకో కన్నా. ఐ లవ్‌యూ.. ఐ మిస్‌ యూ సో మచ్‌..!! - లీలావతి, హైదరాబాద్‌  లేదా worldoflove@sakshi.comకు మెయిల్‌ చేయండి

నేను స్కూల్లో చదువుతున్నపుడు చాలా మంది నాకు ప్రపోజ్‌ చేశారు. కానీ, ఆ వయసులో ఆకర్షణలు మామూలే అనుకుని వాళ్లతో మాట్లాడటం మానేసేదాన్ని. వాళ్లు కూడా ఆ తర్వాతి సంవత్సరం ఇంకో అమ్మాయికి ప్రపోజ్‌ చేసేవాళ్లు. నేను వాళ్ల గురించి ఎప్పుడూ పట్టించుకోలేదు. కానీ, ఓ అబ్బాయికి మాత్రం నేనంటే చాలా ఇష్టముండేది. అతడి ప్రవర్తనతో ఆ విషయం అర్థం అయ్యేది. దీంతో నా ఫ్రెండ్స్‌ ఆ అబ్బాయి ఫ్రెండ్స్‌ అతడ్ని ఏడిపించేవాళ్లు. అతడు మాత్రం ఎప్పుడూ నాకు ప్రపోజ్‌ చేయలేదు. నేను కూడా లైట్‌ తీసుకున్నా. నేను పదవతరగతి చదువుతున్నపుడు ఓ లెటర్‌ ద్వారా నాకు ప్రపోజ్‌ చేశాడు. నేను నమ్మలేదు! అదంతా కూడా ఆకర్షణే అని వాదించి, అతన్ని తిట్టి ‘ఐ హేట్‌ యూ’ చెప్పేశా. నేను అతన్ని పట్టించుకోలేదు. అలా ఏళ్లు గడిచాయి. అతడు కూడా నన్ను పలకరించటం మానేశాడు. మొత్తానికి నన్ను లైట్‌ తీసుకున్నాడు అనుకున్నా. నేను డిగ్రీ చదువుతున్నపుడు నేనో వ్యక్తిని ఇష్టపడ్డాను. అతడితో ఎప్పుడూ ఓ మాట చెప్పేదాన్ని ‘ మనం ముందు లైఫ్‌లో సెటిల్‌ అవుదాం. తర్వాత సరదాల గురించి ఆలోచిద్దాం’అని. అయితే అప్పుడప్పుడు నాకు పదవ తరగతిలో ప్రపోజ్‌ చేసిన అబ్బాయి గుర్తుకు వచ్చేవాడు. నాకు చాలా బాధవేసేది. జరిపోయిందేదో జరిగిపోయిందనుకునేదాన్ని. ఇన్‌డైరెక్ట్‌గా అతడి సారీ చెబుతుండేదాన్ని. ముఖాముఖీగా నేనెప్పుడూ సారీ చెప్పలేదు. ఇప్పుడు చెప్పాలనుకుంటున్నాను. అయామ్‌ రియల్లీ సారీ! - కిరణ్మయి,  కేరళ చదవండి : ఆమె నన్ను మోసం చేసింది.. కానీ.. అందుకే నేను, నా భార్య విడిపోయాం లేదా worldoflove@sakshi.comకు మెయిల్‌ చేయండి

మాది పులివెందుల దగ్గర పల్లె. నాకు నా మరదలంటే చిన్నప్పటి నుండి ఇష్టం. ఎంతలా అంటే ఆ అమ్మాయి స్కూల్‌కు వెళ్లే సమయానికి నేను కావాలనే పేపర్ చదవడానికి రోడ్ దగ్గరికి వెళ్లేవాడిని. మళ్లీ  ఇంటికి వచ్చేటప్పుడు నా సైకిల్ వేసుకుని వెళ్లేవాడిని. ఇంటి దగ్గర డ్రాప్ చెయ్యడానికి కాదండోయ్! కేవలం చూడడానికి మాత్రమే. అలా ఆ అమ్మాయి 10వ తరగతి అయిపోయే వరకు జరిగింది. టెన్త్‌ పరీక్షలు అయిపోయాయి. ఇంటర్‌ కడపకు వెళ్తోందనగా ఒకరోజు ఓ లెటర్ ఇచ్చింది. అందులో "నువ్వంటే నాకు ఇష్టం! హాలిడేస్ వచ్చాక హాస్టల్‌లో ఉన్న కాయిన్ ఫోన్ నెంబర్ ఇస్తాను" అని ఉంది. నేను కూడా సరే అన్నాను. ఆ క్షణంలో నాకు అందరిలాగా బయట తిరగాలని అనిపించలేదు. అప్పుడు నేను డిగ్రీ ఫస్ట్ ఇయర్. ఎలాగైనా చదివి, మంచి ఉద్యోగం సంపాదించి వాళ్ల నాన్నని అడుగుదాం అనిపించింది. తను కాలేజీకి వెళ్లిపోయింది. నేను హాలిడేస్ కోసం చూస్తూ ఉన్నా. వినాయకచవితికి వచ్చింది తను. నేనైతే ఆ అమ్మాయి కోసం ఉదయం టిఫిన్‌ తిని అక్కడికి దగ్గరలోని అరుగు మీద కూర్చునేవాడిని. అప్పుడప్పుడు అలా బయటికి వచ్చి వెళ్లేది. చూపులతోనే మాట్లాడుకునేవాళ్లం. అలా తినడం అక్కడే కూర్చుని వెయిట్ చెయ్యడం.. అలా 5 రోజులు గడిచిపోయాయి. నాతో మాట్లాడితే ఎంతో పొంగిపోయేవాడిని. ఎప్పుడు సెలవులు వచ్చినా అక్కడే కూర్చొని బయటికి ఎప్పుడు వస్తుందా అని ఎదురుచూస్తూ ఉండేవాడిని. ఏమైనా చెప్పాలనుకుంటే పేపర్‌లో రాసి ఇచ్చేది. మళ్లీ అది చదివాక చింపేసేయ్ అనేది. నేను అలాగే చింపేసే వాడిని. ఎందుకంటే తన మీద ఉన్న నమ్మకం. ఈ విషయం వాళ్ల నాన్నకు తెలిసింది. ఆయన నాకు వార్నింగ్ కూడా ఇచ్చాడు. అందుకే ఆ అమ్మాయిని ఏమైనా అంటాడేమో అని మాట్లాడటం తగ్గించా. నేను మాట్లాడటం లేదు కాబట్టి తను ఏమైందని అడిగేది. ఏం జరిగిందో వివరిస్తూ ఓ పేపర్లో రాసి తనకు ఇచ్చా. అప్పటినుంచి వాళ్ల నాన్న ముందే మాట్లాడేది. నేను ఎప్పుడూ 30 నిమిషాలు కంటిన్యూగా తనతో మాట్లాడలేదు. కానీ తనంటే చాలా ప్రేమ. కానీ నా డిగ్రీ సెకండ్‌ ఇయర్‌లో సరిగ్గా వినాయక చవితి నాడు ‘నువ్వంటే నాకు ఇష్టం లేదు’ అనేసింది. ఆ రోజు ఎంతగా ఏడ్చానంటే.. నా ముందు వెనక ఎవరు ఉన్నారన్న సంగతి పట్టించుకోకుండా అందరి ముందే ఏడ్చేశా. ఆ తర్వాత తన మీద కోపంతో ఎంబీఏ చేసి మంచి జాబ్ తెచ్చుకున్నా. ఒకవిధంగా చెప్పాలంటే ఆ అమ్మాయి అలా చేయడం వల్ల నేను ఇలా సెటిల్ అయ్యాను. ఆరోజు తనని కారణం కూడా అడగలేదు ‘నేనంటే ఎందుకు ఇష్టం లేదు’ అని. - గురునాథ్‌ లేదా worldoflove@sakshi.comకు మెయిల్‌ చేయండి

మాది కరీంనగర్‌ జిల్లా. నా చిన్నప్పటి క్లాస్‌మేట్‌ పేరు వినీత. తనంటే నాకు చాలా ఇష్టం. తను మా ఇంటి ఎదురుగా ఉండేది. మా ఇద్దరి ఫాదర్స్‌ ఒకే కంపెనీలో జాబ్‌ చేసేవారు. అనుకోకుండా వాళ్లు పనిచేస్తున్న కంపెనీ షట్‌డౌన్‌ అయ్యింది. తర్వాత వాళ్లు ఊరు వదిలి పెట్టి హైదరబాద్‌ వెళ్లిపోయారు. తను ఎక్కడఉందో అని చాలా వెతికాను. దాదాపు తొమ్మిదేళ్ల తర్వాత వాళ్ల నాన్న ఓ ఫంక్షన్‌కు వచ్చారు. అప్పుడు తన నెంబర్‌ తీసుకున్నా. తను అప్పుడు వేరే జిల్లాలో బీడీఎస్‌ చదువుతోంది. నెంబర్‌ తీసుకున్న వెంటనే తనకు కాల్‌ చేశా. ఆ ఆత్రుతలో తనను కలవటానికి ఆఫీసుకు లీవ్‌ పెట్టి మరీ అక్కడి వెళ్లాను. తనను చూశా! ఏదో చెప్పలేని సంతోషం. అలా చూస్తూ ఉండిపోయా. అలా రోజులు గడిచేకొద్ది నేను తనని కలవటానికి వెళ్లటం రొటీన్‌ అయ్యింది. ఈలోపు తను గ్రాడ్యుయేషన్‌ కంప్లీట్‌ చేసి హైదరబాద్‌ వచ్చేసింది. కొన్ని రోజుల తర్వాత నేను తనకు ప్రపోజ్‌ చేశా. మా కులాలు వేరు వేరు కావటంతో అందుకు తను స్పందించలేదు. కొన్ని రోజుల తర్వాత తను నాకు ఓకే చెప్పింది. ఇంక నా సంతోషానికి హద్దులు లేకుండా పోయాయి. నా చిన్ననాటి స్నేహితురాలు నా జీవిత భాగస్వామి అవుతోందని. అలా రోజులు గడిచాక మా ఇంట్లో వాళ్లు నాకు పెళ్లి సంబంధాలు చూడటం స్టార్ట్‌ చేశారు. నేను తనకు చెప్పి వాళ్ల ఇంట్లో వాళ్లతో మాట్లాడమన్నా. అదే సమయంలో వాళ్ల కజిన్‌ సిస్టర్‌ లవ్‌ మ్యారేజ్‌ చేసుకోవటం వలన వాళ్లను కంప్లీట్‌ ఫ్యామిలీ దూరం పెట్టేశారు. తనకి ఆ భయం పట్టుకుంది. చాలా నరకం అనుభవించాం ఇద్దరం. కొద్దిరోజుల తర్వాత మా డాడీ ఫ్రెండ్‌ కూతురితో నాకు పెళ్లి నిశ్చయం అయ్యింది! నాకు ఇష్టం లేకుండానే. నా పెళ్లికి గంటముందు కూడా తనతో మాట్లాడా.. ఏమైనా పాజిటివ్‌గా స్పందిస్తుందేమోనని. కానీ, అలా ఏమీ జరగలేదు. ఇద్దరం చాలా ఏడ్చాము. తర్వాత నాకు పెళ్లైంది. పెళ్లైన ఒక నెల తర్వాత నా భార్య మాకు సంబంధించిన పాత మెసేజ్‌లు చదివింది. నాకు తెలియకుండా నా వైఫ్‌ ఆ అమ్మాయికి కాల్‌ చేసి తిట్టింది. తర్వాత ఆమెతో మాట్లాడటం మానేశాను. అలా నాలుగు సంవత్సరాలు గడిచిపోయాయి. మా వైఫ్‌ వాళ్ల పేరెంట్స్‌ టార్చర్‌ వల్లే నేను నా భార్య విడిపోయాం. ఐదేళ్ల నుంచి కేసు కోర్టులో నడుస్తోంది . అనుకోకుండా ఓ రోజు వినీత పుట్టిన రోజు నాడు మా కామన్‌ ఫ్రెండ్‌ ఆమెను వాట్సాప్‌ గ్రూపులో ఆడ్‌ చేశాడు. నేను శుభాకాంక్షలు చెప్పినా నాకు సంతృప్తిగా అనిపించలేదు. ఫోన్‌ చేయాలా.. వద్దా.. అని డైలమాలో ఉండిపోయా. ఈవినింగ్‌ ఫోన్‌ చేసి విష్‌ చేశా. పది సంవత్సరాల తర్వాత ఫోన్‌ చేసినా తను నా వాయిస్‌ను గుర్తుపట్టింది. తనకి పెళ్లై ఒక పాప ఉంది. తను నా లైఫ్‌లో లేకపోయినా. అప్పుడప్పుడు తనతో మాట్లాడుతుంటే నా ప్రాబ్లమ్స్‌ అన్నీ మర్చిపోతున్నట్లు అనిపిస్తుంది. తను ఎక్కడ ఉన్నా హ్యాపీగా  ఉండాలని కోరుకునే వాడిలో నేను మొదటివాడ్ని.  - వంశీధర్‌ లేదా worldoflove@sakshi.comకు మెయిల్‌ చేయండి

బహుశా అది ఆగస్టు 15 అనుకుంటా! మా స్కూల్లో జెండా వందన కార్యక్రమం అవ్వగానే మా ఫ్రెండ్ నాతో ‘మా ఊరికి వెళ్దాము. మా స్కూల్లో ఇంకా బాగా చేస్తారు’ అని చెప్పి తీసుకెళ్ళాడు. మేము అక్కడికి వెళ్లాము. బస్‌స్టాప్ పక్కనే వాళ్ల స్కూలు ఉంది. బస్సు దిగగానే ఎదురుగుండా ఉన్న స్టేజి పైన డాన్స్ చేస్తూ ఓ అమ్మాయి కనిపించింది. డాన్స్‌ అయిపోయిన తర్వాత పాట పాడడానికి వచ్చింది. ఆమె పాడిన పాట అక్కడే నిలబడి శ్రద్ధగా విన్నాను. అయితే నేను వెళ్లక ముందు చాలా కార్యక్రమాల్లో పాల్గొన్నదంట. నాలుగు నుంచి అయిదు వరకు బహుమతులు ఆమెకే వచ్చాయి. చాలా బాగా డాన్స్ చేసింది, చాలా బాగా పాడింది! ఇవన్నీ చూసి ఈ అమ్మాయి నా కోసమే పుట్టిందని అనుకున్నాను. అయితే నన్ను తీసుకెళ్లిన మా స్నేహితుడిని ఆమె గురించి అడిగాను. ‘ఆమె పేరు రాధ, తను ఇప్పుడు ఏడవ తరగతి’ అని చెప్పాడు. అయితే నేను అడిగాను ‘ఇక్కడ ఏడవ తరగతి వరకే ఉంది కదా! మరి 8వ తరగతి, 9వ తరగతి, పదవ తరగతి ఎక్కడ చదువుకుంటుంది’ అని. అతను తెలీదని సమాధానం ఇచ్చాడు. నేను సరే అని ఊరుకున్నాను. అలా తన ఏడవ తరగతి అయిపోయింది. మళ్లీ పాఠశాలలు తెరుచుకున్నాయి. నా అదృష్టానికి తను నేను చదువుకున్న స్కూల్‌కే వచ్చింది. అప్పుడు మా ఫ్రెండ్ చెప్పాడు ‘నువ్వు అడిగావే ఆ అమ్మాయి రాధ! తను ఇప్పుడు ఈ స్కూల్‌కి వచ్చింది. ఇక్కడే పదవ తరగతి వరకు చదువుకుంటుందంట’ అన్నాడు. నాకు చెప్పలేనంత సంతోషం. ఇంకొక విషయం ఏమిటంటే రాధ, విమల మంచి స్నేహితులు. నాకు రాధ పరిచయం అయితే నా స్నేహితునికి విమల పరిచయమయ్యింది. నా స్నేహితుడికి విమలకి మధ్య కూడా ప్రేమ చిగురించింది. మొత్తానికి కొద్ది రోజులు గడిచేసరికి మా రెండు జంటలు ప్రేమలో ఉన్నాయి. అలా అలా నా పదవ తరగతి అయిపోయింది. ఒక సంవత్సరం పాటు ఇంటి దగ్గరే ఉండాల్సి వచ్చింది. ఈ సంవత్సరంలో తన పదవ తరగతి కూడా అయిపోయింది. నేను ఒక కాలేజీలో తను ఒక కాలేజీలో చేరిపోయాము. ఇలా మా ప్రేమ కాస్తా ఏడు సంవత్సరాల వరకు సాగింది. తరువాత విడిపోవడం కూడా జరిగింది. ఎలా అంటే వాళ్ల తమ్ముడు ఒకరోజు మమ్మల్ని చూసి వాళ్ల అమ్మకి చెప్పేశాడు. వాళ్ల అమ్మ తనకు సంబంధాలు చూడడం మొదలు పెట్టింది. ఇదిలా ఉండగా మా ఇంట్లో నుంచి కూడా నాకు ఎక్కడైనా పనికి వెళ్లమని ఒత్తిడి తెచ్చారు. అలా నేను ఒక కంపెనీలో పనికి చేరాను. కొద్ది రోజులకే తనకు పెళ్లి కూడా అయిపోయింది. పెళ్లి అయిన తర్వాత కూడా నాకు తన భర్త ఫోన్‌తో ఫోన్ చేసి మాట్లాడేది. కొద్ది రోజుల తర్వాత తన భర్త ఫోన్ నెంబర్ ఛేంజ్‌ చేసి కొత్త నెంబర్‌ తీసుకున్నాడు. ఆ నెంబర్ నాకు తెలియదు! ఎప్పటికైనా తను నాకు తప్పకుండా ఫోన్ చేస్తుందని నా నెంబర్‌ మార్చలేదు. 2007నుంచి ఇప్పటివరకు కూడా నేను నా నెంబర్‌ను మార్చలేదు. గత సంవత్సరం ఆగస్టు 15, 2018న నా ఫ్రెండ్‌ ప్రియురాలు విమల ఫేస్‌బుక్‌లో నాకు పరిచయం అయ్యింది. తను నన్ను అడిగింది ‘రాధతో మాట్లాడతావా?’ అని. నేను సరే అన్నాను. ఆమె రాధ ఫోన్‌ నెంబర్‌ మెసేజ్‌ చేసింది. మరుసటి రోజు ఆగస్టు 16, 2018 రాధ నాకు ఫోన్ చేసి స్వాతంత్రం వచ్చినంత పని చేసింది. నా ఆనందానికి అవధులు లేవు. తను కూడా చెప్పింది ‘ఎట్టి పరిస్థితిలోనూ నేను నిన్ను మళ్లీ కలుస్తాననుకున్నా. ఆ కోరిక నెరవేరింది’ అని. ‘అవును నిజమే కానీ, మనకు విమల దేవత! మనం తను చేసిన సహాయానికి ఎలా రుణం తీర్చుకోవాలో అర్థం కావట్లేదు’ అని అన్నాను. ఇప్పుడైతే వాళ్ల భర్త, వాళ్ల ఫ్యామిలీ అందరూ మాట్లాడుతున్నారు.  - మురళీ ​​​​​​ లేదా worldoflove@sakshi.comకు మెయిల్‌ చేయండి

నా పాఠశాల చివరి రోజులవి.. పాఠశాలతో బంధం తెగిపోతుందనుకున్నా. కానీ, నా జీవితంలో కొత్త బంధం మొదలైంది. మంచి నీళ్ల బావి దగ్గర అతడితో పరిచయం ఏర్పడింది. అతడికి నేనంటే చాలా ఇష్టం! నాకోసం బావి దగ్గర ఎప్పుడూ ఎదురు చూసేవాడు. ఇద్దరం కబుర్లు చెప్పుకుంటూ ఉండేవాళ్లం. అలా సెలవులు పూర్తయి కాలేజీ రోజులు మొదలయ్యాయి. నేను తను వేరువేరు కాలేజీలు. హాస్టల్‌లో ఉండేదాన్ని. నేను కాలేజీలో ఉన్నప్పటికి నా మనసంతా అతని దగ్గరే ఉండేది. ఎప్పుడు సెలవులు వస్తాయా! అతన్ని ఎప్పుడు కలవాలా అని వెయ్యికళ్లతో ఎదురు చూసేదాన్ని. తను కూడా నాలాగే ఎదురు చూసేవాడు. మా కాలేజీ వాళ్లను ‘మీకు సెలవులు ఎప్పుడు ఇస్తారు’ అంటూ అడిగేవాడు. ఇలా ఒకరి గురించి ఒకరం ఆలోచించుకుంటూ రోజులు గడిపేస్తున్నాం. తను తన ప్రేమ సంగతి చెప్పి 10 నెలలు గడుస్తోంది. తను చెప్పిన రోజే నా ప్రేమ విషయం అతనికి చెప్పాలని ఎంతో ఆనందంగా సంక్రాంతి సెలవులకు ఇంటికి వెళ్లాను. నా కళ్లు అతడికోసం వెతకసాగాయి! అతను కనిపించలేదు. నా స్నేహితురాలు కనిపిస్తే అతని గురించి అడిగాను. అతను నన్ను లవ్‌ చేస‍్తలేడు. నా బెస్ట్‌ఫ్రెండ్‌ని లవ్‌ చేస్తున్నాడని చెప్పింది. నా గుండె మీద బండరాయి వేసినంత పనైంది. ఆ బాధ భరించలేకచాలా ఏడ్చాను. ఇక నా జీవితంలో ప్రేమ అనేది ఉండకూడదని నిర్ణయించుకున్నా. అతన్ని చూస్తే శత్రువుని చూసిన ఫీలింగ్‌ కలిగేది. ఎంతంటే మేము కలిసే బోరు బావిని కూడా చూడటానికి ఇష్టపడకపోయేంతలా. అలా కొన్ని రోజులు గడిపిన తర్వాత నాకు తెలిసిన నిజం! అతను తన మీద నాకున్న ప్రేమను నా నోటినుంచి చెప్పించడానికి అలా అబద్ధం చెప్పించాడని. అతను చెప్పిన చిన్న అబద్ధం నా ప్రేమ ముగింపుకు కారణం..?? - గీత లేదా worldoflove@sakshi.comకు మెయిల్‌ చేయండి

మాది విజయనగరం జిల్లాలో ఒక చిన్న గ్రామం. నా చిన్నప్పటినుంచి మా ఇంటి దగ్గరలో ఉండే అమ్మాయంటే తెలియని ఇష్టం. కానీ, చిన్న వయసులోనే వాళ్లు మా ఊరు వదిలివెళ్లిపోయారు. 8 సంవత్సరాల తర్వాత ఊహించని విధంగా వాళ్లు మా మళ్లీ మా ఊరికి వచ్చారు. నేను అప్పుడు 10వ తరగతి చదువుతున్నాను. ఆ వయసులో తన మీద ఉన్న ఫీలింగ్స్‌ను ప్రేమ అని అనుకోలేకపోయా. నేను డిగ్రీ మొదటి సంవత్సరంలో చేరినపుడు తను పదవ తరగతి. తనను చూడాలనిపించి వాళ్ల ఇంటికి వెళ్లాను. తెలిసిన వాళ్లే కనుక ఇబ్బందిపడలేదు. నాకు చదువు మీద ఆసక్తి చాలా తక్కువ. కానీ, ఆ అమ్మాయి చాలా బాగా చదువుతుంది. తను ఇంటర్‌కు రాగానే ఓ రోజు ఫోన్‌ చేసి ‘నేనంటే నీకు ఇష్టమా’ అని భయపడుతూ అడిగాను. అప్పుడు తను ఏమీ చెప్పలేదు. కొద్దిరోజుల తర్వాత వాళ్ల ఇంటికి వెళ్లాను. అప్పుడు తను డైరెక్ట్‌గా అడిగింది ‘నేనంటే నీకు ఇష్టమా!’ అని. నేను అవునని చెప్పాను. తనకు కూడా నేనంటే ఇష్టం అని చెప్పింది. తనను పెళ్లి చేసుకోవటానికి కష్టపడి గల్ఫ్‌లో జాబ్‌ సంపాదించా. జాబ్‌లో జాయిన్‌ అయిన తర్వాత తనతో ఒకసారి మాట్లాడాను. తను చాలా హ్యాపీగా ఫీలయింది. నన్ను చూడాలనిపిస్తోందని అనే సరికి ఆరునెలల్లో ఇండియా వచ్చాను. వాళ్ల ఇంట్లో, మా ఇంట్లో మా ప్రేమ గురించి చెప్పాం. వాళ్లు కూడా ఒప్పుకున్నారు. ఇంకో మూడు, నాలుగు సంవత్సరాల్లో పెళ్లి కూడా చేస్తామన్నారు. చాలా ప్రేమగా ఉండేవాళ్లం. రోజూ ఫోన్‌లో చాలా సేపు మాట్లాడుకునే వాళ్లం. సంవత్సరం అయ్యేసరికి తను నాతో మాట్లాడటం తగ్గించేసింది. ఒక రోజు నువ్వంటే నాకు ఇష్టం లేదు’ అని చెప్పింది. ప్రాణం పోయినట్లు అనిపించింది. నేను మళ్లీ జాబ్‌కు వెళ్లిపోయాను. తన జ్ఞాపకాలతో గడిపేవాన్ని. ఆరునెలల తర్వాత మళ్లీ కాల్‌ చేశాను. తన మాటలను బట్టి తను వేరేవాళ్లను లవ్‌ చేస్తోందని అర్థం అయ్యింది. కానీ, తన మీద ఉన్న ప్రేమని చంపుకోలేకపోయాను. మా బ్రేకప్‌ అయి మూడు సంవత్సరాలు అవుతోంది. తనను తలుచుకోని రోజు లేదు. తన కోసం బాధపడని నిమిషం లేదు. ఒకరోజు వాళ్ల తమ్ముడికి కాల్‌ చేసి మాట్లాడుతున్నపుడు తను సడెన్‌గా ఫోన్‌ తీసుకుని మాట్లాడింది. ఆ రోజు నా సంతోషానికి అంతులేదు. ఆ రోజు మా కొలీగ్స్‌ అందరికీ చాలా పెద్ద పార్టీ ఇచ్చాను. అలా కొద్దిరోజులు తనకు కాల్‌ చేస్తూ ఉండేవాడ్ని. ఒకరోజు తను నాతో ఉండాలనిపిస్తోందని చెప్పింది. నేను మళ్లీ ఆక్సెప్ట్‌ చేశాను. ఎందుకంటే తనే నా ప్రాణం. ఇన్ని సంవత్సరాలు ఎదురుచూసింది తనకోసమే కాబట్టి.  మా బ్రేకప్‌ తర్వాత మా రెండు ఫ్యామిలీస్‌ మాట్లాడుకోలేదు. మాకు ఒకరంటే ఒకరికి ఇష్టం అని తెలిసి మళ్లీ మా ప్రేమను అంగీకరించారు. వాళ్ల నాన్న మా పెళ్లి గురించి మాట్లాడినపుడు కట్నం అడిగారని నాకు ఫోన్‌ చేసి చాలా బాధపడింది.  ‘నాకు ఎలాంటి కట్నం అవసరం లేదు! నాకు అలాంటివన్నీ ఇష్టం ఉండవు’ అని చెప్పా. వాళ్లు చాలా హ్యాపీగా ఫీల్‌ అయ్యారు. ఒకరులేకుండా మరొకరం బ్రతకలేము అనుకునే వాళ్లం. 18 నెలలు అలానే ఉన్నాం. కానీ, మధ్యలో ఒకరోజు తను గతంలో లవ్‌ చేసిన అబ్బాయితో ఇంకా టచ్‌లో ఉందని తెలిసింది. చాలా బాధపడ్డాను. తనని అడిగితే ‘ కాంటాక్ట్‌లో ఉండకతప్పలేదు. నా ఇంజనీరింగ్‌ కంప్లీట్‌ అయ్యేవరకు అవసరం ఉంటుంది. ఆ వెంటనే అతడి కాంటాక్ట్‌ డిలేట్‌ చేస్తాను. లేకపోతే కాలేజ్‌లో ఇబ్బంది పెడతాడు’ అని చెప్పింది. సరే అన్నాను. తను నాతో ఉంటే చాలు అని చెప్పాను. తన ఇంజనీరింగ్‌ అయిపోయాక అడిగాను తన కాంటాక్ట్‌ డిలేట్‌ చేయమని. తను నా మాట వినలేదు. రోజుకు ఒకరకంగా టార్చర్‌ చేసింది. నా ఫ్రెండ్స్‌ అందరూ తను నీకు కరెక్ట్‌ కాదు, వదిలేసెయ్‌ అని చెప్పారు. అయినా తన మీద ఉన్న ప్రేమ తగ్గేది కాదు. ఒక సైకోలాగా టార్చర్‌ చేసేది. అన్నిటిని తట్టుకున్నా. తనకు నేనంటే ఇష్టం లేదని చెప్పేటప్పుడు చాలా బాధపడేవాడ్ని. ఆ తర్వాత తను నన్ను పూర్తిగా అవాయిడ్‌ చేసింది. కొన్ని రోజుల తర్వాత తన కోసం మా అమ్మానాన్నలను ఎంత బాధపెడుతున్నానో అర్థం చేసుకున్నా. వాళ్లు చూసిన అమ్మాయిని పెళ్లి చేసుకున్నా. నా పెళ్లికి నెల రోజుల ముందు తను ఆ అబ్బాయిని పెళ్లి చేసుకుంది. అలా తను నన్ను లైఫ్‌లో రెండుసార్లు మోసం చేసింది. తను నన్ను మోసం చేసినందుకు ఎప్పుడో చనిపోవాలనుకున్నా. మనల్ని వద్దు అనుకునే వాళ్లకోసం చనిపోవటం కంటే, మనల్ని నమ్ముకున్న వాళ్లకోసం బ్రతకాలి అని తెలుసుకున్నాను. నేను పెళ్లి చేసుకున్న అమ్మాయి నేను ప్రేమించిన అమ్మాయికంటే ఎక్కువ ప్రేమగాఉంది.  - బాలు లేదా worldoflove@sakshi.comకు మెయిల్‌ చేయండి

నేను ఇంటర్‌ చదివేటప్పుడు ఒక అమ్మాయి నన్ను ఫిజిక్స్‌లో డౌట్‌ అడిగింది. నేను ప్రాబ్లమ్‌ సాల్వ్‌ చేశాను. అప్పుడు ప్రేమ అంటే ఏమిటో కూడా నాకు తెలియదు. మా మధ్య స్నేహం మొదలైంది. సినిమాలకు కూడా వెళ్లే వాళ్లం. ఆ సమయంలోనే ఆమెపై నాకు ప్రేమ మొదలైంది. ఓ సారి థియేటర్‌లో ఉండగా లవ్‌ చేస్తున్నానని ఆమెకు చెప్పాను. అప్పుడే తెలిసింది! తను కూడా నన్ను లవ్‌ చేస్తోందని. తను అప్పటివరకు చెప్పలేదు. ప్రేమలో రోజులు వేగంగా గడిచిపోసాగాయి. చూస్తుండగానే ఇంటర్‌ పూర్తయింది. తను వేసవి సెలవులకు వాళ్ల ఊరికి వెళ్లిపోయింది. ఆ టైంలో ఫోన్లు కూడా చాలా తక్కువ. అప్పుడప్పుడు మాట్లాడుకునేవాళ్లం. డిగ్రీకి ఇద్దరం వేరు వేరు కాలేజీల్లో చేరాం. తర్వాత ఇద్దరి మధ్యా సంబంధాలు తెగిపోయాయి. నేను పిచ్చివాడిలా ఆమెకోసం వేయిట్‌ చేశాను. నా లైఫ్‌ మొత్తం తనే అని ఎన్నో కలలు కన్నా. వాళ్ల గ్రామానికి కూడా వెళ్లాను. అప్పుడర్థం అయ్యింది తను మ్యారేజ్‌ చేసుకుని వెళ్లిపోయిందని. ప్రేమిస్తే మూవీ హీరోలో నన్ను నేను చూసుకున్నా. తను ఎలా ఉందో తెలుసుకుందామని వెళ్లాను. తను నన్నే కాదు లోకాన్నే విడిచిపోయిందని తెలిసింది. వాళ్ల ఇంట్లో వాళ్లకు పెళ్లి ఇష్టం లేదని చెప్పిందంటా. వాళ్లు బలవంతంగా పెళ్లి చేశారంట. తను నాకు చెప్పలేదు. తన ఇంటికి వెళ్లి అడిగాను. అక్కడ వాళ్ల నాన్నను చూసిన తర్వాత నా ప్రేమ కంటే ఆయన ప్రేమ ఎంతో ఎక్కువని అర్థం అయింది. నేను ఎలా ఉన్నానో వాళ్ల నాన్న కూడా అలాగే ఉన్నారు. ఆమెను తలుచుకుంటూనే బ్రతికాను. నాకు కూడా చచ్చిపోవాలనిపించేది. కానీ, తన జ్ఞాపకాలు నాతో ఉన్నాయి. అవి చాలు ఈ జీవితం మొత్తం గడపటానికి. అప్పుడు మా ఇంట్లో వాళ్లు నాకో సంబంధం చూశారు. నాకోసం కాకపోయినా నా ఫ్యామిలీ కోసం పెళ్లి చేసుకున్నా. పెళ్లికి ముందే నా ప్రేమ గురించి నా భార్యకు వాళ్ల ఇంట్లో వాళ్లకు చెప్పాను. ఫస్ట్‌ లవ్‌లో ఉన్న ఫీలింగ్‌ ఎప్పుడూ రాదు! ఒకసారి వస్తే అది చచ్చేదాక గుర్తుండిపోతుంది.  - వెంకటేశం‌, హైదరాబాద్‌ లేదా worldoflove@sakshi.comకు మెయిల్‌ చేయండి

మాది మిడిల్ క్లాస్ ఫ్యామిలీ. నాన్నగారు చిన్నప్పుడే చనిపోయారు. అన్నయ్య చదివించే వారు. నేను డిగ్రీ థర్డ్‌ ఇయర్ చదివే రోజుల్లో.. కాలేజ్ స్టార్ట్ అయి ఒక నెల రోజులు కావస్తోంది. నేను కాలేజ్‌కు వెళ్లా. ఆ రోజు కాలేజ్‌ అంతా రంగుల ప్రపంచంలా ఉంది. ఫ్రెషర్స్‌ జాయిన్‌ అవ్వటంతో కాలేజ్ కళకళలాడుతూంది. కొద్దిసేపటి తర్వాత క్లాస్‌ స్టార్ట్ అయ్యింది. సార్! చిన్న డౌట్ అన్న వాయిస్.. ఎవరో జూనియర్‌. కెమిస్ట్రీ  సార్ సమాధానం చెప్పారు. తను వెళ్లిపొయింది. అమ్మాయ్ మాత్రం సూపర్‌గా ఉంది. వెంటనే మా సార్ ‘ఈ క్లాస్‌లో ఒక్కరికీ డౌట్ రాదు! మహానుభావులు.. మళ్లీ సీనియర్లు’. అన్నారు. నేను క్లాస్‌లో చాలా సరదాగా ఉంటా. అప్పుడు నేను ‘సార్‌! మా బావకి అలా డౌట్ వచ్చే సబ్జెక్టులు పది ఉన్నాయ్ ’ అన్నా మా ఫ్రెండ్‌ని చూపిస్తూ. అందరు పగలబడి నవ్వారు. సార్‌ నన్ను మర్యాదగా బయటకు వెళ్లమన్నారు. ఎలాగో వెళ్లమన్నారు కదా అని బయట అటు ఇటు తిరగటం ప్రారంభించాను. ఎందుకో ఒక సారి ఆ అమ్మాయిని చూడాలనిపించింది. ప్రతి క్లాసు తిరిగా బైపీసీ ఫస్ట్‌ ఇయర్‌లో ఉంది. ఎందుకో ఆమెను చూడంగానే నాకు నచ్చింది. ప్రతి రోజు తను ఇంటి నుంచి బయలుదేరి కాలేజ్‌కి వచ్చే వరకు తనను ఫాలో అయ్యేవాడిని. చాలా థ్రిల్లింగా ఉండేది. తరువాత ఆరు నెలలు తన వెంటపడి ఓసారి ప్రపోజ్ చేశా! రిజెక్ట్‌ చేసింది. రోజూ ఆమె నామస్మరనే. మళ్లీ ఒక నెల తర్వాత లెటర్ రాసి ఇంకెప్పుడూ డిస్టర్బ్‌ చేయనని చెప్పా. అప్పటి వరకు ఫాలో చేసినందుకు స్వారీ చెప్పా. 2 డేస్ తరువాత నైట్ తనే కాల్ చేసింది. నువ్వంటే ఇష్టం అంది. కానీ, చిన్న కండీషన్ పెట్టింది. ‘మన లవ్‌ని మా అమ్మానాన్న ఒప్పుకోవాలి’ అంది. సరే అన్నా. ఆనందానికి అవధుల్లేవ్. కలిసి తిరిగాం. ఈ లోపు నా డిగ్రీ అయ్యింది. రోజూ కాల్‌ చేసుకునే వాళ్లం. ఈ లోపు మా ఫ్యామిలీలో గొడవలు, ఆర్థికంగా ఇబ్బందుల పాలయ్యాము. జాబ్ చేయాలి, తనని పెళ్లి చేసుకోవాలి. తన చదువు ఇంకా పూర్తి కాలేదు. నేను ఇంక సెటిల్‌ అవ్వలేదు. కానీ, తను చాలా మంచిది. తనకి కోపం తక్కువ. తను స్నేహ ఉల్లాల్‌లా ఉంటుంది. కొన్నాళ్లకి తనకి పెళ్లి సెట్ అయ్యింది. మా కులాలు వేరు, నేను ఆర్థికంగా వీక్. తనింట్లో ఒప్పుకోలా.. మా ఇంట్లో నేను చెప్పలా. మా ఊరిలో ఉంటే తనని చూడాలని ఉంటుందని హైదరాబాద్ వెళ్లి 3 నెలలు ఉండి వచ్చా. నాకు దగ్గర సంబంధం వచ్చింది. పెళ్లై 3 సంవత్సరాలు! ఒక బాబు. నా లవ్ ఓ ఙ్ఞాపకంగా ఇం​కా మిగిలే ఉంది. తను ఎక్కడ ఉన్నాహ్యాపీగా ఉండాలని కోరుకునే మొదటి వ్యక్తిని నేనే. తల్లి తండ్రులను గౌరవించే తన నిర్ణయానికి హాట్సాప్. - సాయి లేదా worldoflove@sakshi.comకు మెయిల్‌ చేయండి

ఎడారిలాంటి నా జీవితంలోకి ఓ అలలా చొచ్చుకు వచ్చిన నా దేవత విశిత. మా పరిచయం చాలా విచిత్రంగా జరిగింది! కేవలం 3 రోజుల మా పరిచయం మా రెండు మనసులను ఏకం చేసేసింది. దగ్గర అయ్యామనే మాటే కానీ, ఒకరి మనసులో మాట ఇంకొకరికి చెప్పుకోకుండానే మా బంధాన్ని కొనసాగించాం. మేము ఇద్దరం లైఫ్ లాంగ్ ఇలాగే ఉండాలని ఇంకా ఏవేవో కలలు కన్నాను. రోజూ గంటలు గంటలు ఫోన్లో మాట్లాడుకునే వాళ్లం. తను నాతో ఒక్క క్షణం మాట్లాడకపోయినా మనసంతా గందరగోళం అయ్యేది. కాలం గడిచే కొద్దీ రోజురోజుకు మా మధ్య దూరం పెరగసాగింది. ప్రతి రోజూ కాల్ చేసే నా దేవత నాతో మాట్లాడ్డం తగ్గించేసింది. ఇక ఆగలేక ఒకరోజు కాల్ చేసి గట్టిగా అడిగా తనని. అప్పుడు తను చెప్పిన సమాధానం ‘ఇంకెప్పుడూ నాకు కాల్ చేయకు. నువ్వంటే నాకు ఇష్టం లేదు.’ అని కాల్ కట్ చేసింది. ఆ క్షణం నా గుండె చప్పుడు ఆగిపోయినట్టు అనిపించింది. ఆ తర్వాత నేను ఎన్ని సార్లు ఫోన్ చేసినా మెసేజ్ చేసినా తన నుంచి మాత్రం ఏ సమాధానం వచ్చేది కాదు. రోజు రోజుకు నాలో ఏదో తెలియని గుబులు. ఒక్కొక్కసారి చనిపోవాలనిపించేది. ఒకటి రెండు సార్లు సూసైడ్ అటెంప్ట్‌ చేశా. కానీ, ఆ దేవుడికి నామీద దయలేదనుకుంటా! నేను చనిపోవాలనుకున్న ప్రతీసారి నా చావుని ఆ దేవుడు ఏదో ఒక విధంగా అడ్డుకుంటూనే ఉన్నాడు. నా దేవత ఎక్కడ ఉన్నా ఏం చేస్తున్నా తనే నా మదిలో మెదిలేదీ. ఒకప్పుడు తను నా పక్కన ఉంటే ఏదైనా సాధించవచ్చు అనుకున్నా. కానీ,  ఈ రోజు ప్రతీ క్షణం, ప్రతీ నిమిషం చస్తూ బ్రతికేస్తున్నా. ఒక విధంగా చెప్పాలంటే నేను బ్రతికి ఉన్నా చనిపోయినట్లే. నా కలలు అన్నీ కల్లలు చేసి, నా హృదయాన్ని సైతం ముక్కలు చేసేసి వెళ్లిపోయిన నా దేవత మీద నాకు కొంచెం కూడా కోపం లేదు. ఎందుకంటే తను నా ప్రాణం! తను నాతో లేకపోయినా తను ఎక్కడ ఉన్నా హ్యాపీగా ఉంటే చాలు. - పరుశురాం, హైదరాబాద్‌ లేదా worldoflove@sakshi.comకు మెయిల్‌ చేయండి

ప్రేమించిన వాళ్ల గొప్పతనాన్ని తెలుసుకోవడానికి ఒక్క క్షణం చాలు. ఆ ఒక్క క్షణంలో వాళ్ల ప్రేమ ఎంత గొప్పదో మనకి అర్థమవుతుంది. ఇలాంటి ఒక సంఘటన నా ప్రేమ కథలో కూడా జరిగింది. మాది 10 ఏళ్ల ప్రేమ అనుబంధం. అమ్మాయిని కనుక, ప్రేమించింది నా అత్త కొడుకుని అయినా ఎక్కడో ఏదో మూల భయం ఉండేది. అంటే తను నన్ను వదిలేస్తాడని కాదు! తన ప్రేమ నిజమైనదా కాదా.. నన్ను నిజంగానే ఇంతలా ప్రేమిస్తున్నాడా..? అని అనిపించేది. అందరి ప్రేమ కథల్లో ఉన్నట్టే మాకు చాలా గొడవలు జరిగేవి. కానీ, వెంటనే కలిసి పోయే వాళ్లం. చాలా మంది మమ్మల్ని చూసి ‘ఏంటి వీళ్లు! ఎంత గొడవపడినా ఆ తర్వాత వెంటనే కలిసిపోతారు. ఎలా సాధ్యం’ అని నన్ను అడిగిన సందర్భాలు కూడా చాలా ఉన్నాయి. అదే ప్రేమ గొప్పదనం. కానీ 2017 ఆగస్టులో తన ప్రేమ నా జీవితానికి ఎంత అవసరం అనేది అప్పుడే అర్థమైంది. ఆ సంఘటన ఏంటి అనేది నేను వివరించలేను కానీ, ఆ పరిస్థితి వల్ల నేను మానసికంగా చాలా డిస్టర్బ్ అయ్యాను. ఫిజికల్‌గా కూడా చాలా వీక్ అయ్యాను. సమస్య చాలా పెద్దది కావటంతో నా లైఫ్‌ ఎఫెక్ట్ అయింది. అలాంటి లైఫ్ అండ్ డెత్ ప్రాబ్లం అది. ఆ రోజు తను కావాలంటే నన్ను వదిలేయవచ్చు. కానీ, ఆ రోజు తను నాతో ఇలా అన్నాడు ‘ప్రేమించాను, ఏదైనా! ఏం జరిగినా.. చచ్చేదాకా నీతోనే ఉంటాను ’ అని. తను నాకోసం ఎంత గొప్పగా ఆలోచించాడు, తన ప్రేమను ఎంత గొప్పగా వ్యక్తపరిచాడు. నాకు ఆ రోజు అర్థమైంది. ఇలాంటి వాడినా నేను అవమానించేది అనిపించేది. ఆ రోజు నుంచి నేను చాలా బోల్డ్‌గా ఉండేదాన్ని. ఎందుకంటే తను నాకు చాలా ధైర్యం ఇచ్చాడు. నాలో ఉండే భయం ఆ రోజుతో పోయింది. నా వందేళ్ల జీవితం తనతోనే అని నాకు అర్థం అయింది. నిజమైన ప్రేమ గురించి మనం ఎప్పుడూ ఎదుటివారిని అడగకూడదు. వారిలో తప్పులు వెతుక్కోకూడదు మన ప్రేమలో నమ్మకం ఉంటే అదే మన ప్రేమని గెలిపిస్తుంది. లైఫ్‌లో నిజంగా లవ్ చేసి ఉంటే మనం ప్రేమించిన వారు మనకి కరెక్ట్ అని తెలిపే సందర్భాన్ని దేవుడు అందరికీ ఇస్తాడు. కానీ అది తెలుసుకో లేనివాళ్లు ప్రేమ అనే పదాన్ని వాడి చాలా ఇబ్బందులు పడేలా వాళ్ల జీవితాన్ని మలుచుకుంటున్నారు. అతన్ని ప్రేమిస్తున్నందకు నేను గర్వపడుతున్నాను. నేనతన్ని ఎప్పటికీ ప్రేమిస్తూనే ఉంటా. - తేజస్విని లేదా worldoflove@sakshi.comకు మెయిల్‌ చేయండి

నేను ఒక రాజకుమారిని మా ఇంట్లో.. ఏ అమ్మాయికైనా పుట్టిల్లంటే అంతేగా. నేను మా బావను ఇష్టపడ్డా. బావ బాగా చదువుతాడు, తెలివైనోడు అని మా ఇంట్లో వాళ్లు పెళ్లికి ఒప్పుకున్నారు. ప్రతి అమ్మాయిలానే ఎన్నో కలలతో జీవితాన్ని మొదలుపెట్టా. అందులో నాకు ఇష్టమైన బావతో. పెళ్లైన తర్వాత ఏదో వెలితి, సంతోషం లేదు. రెండు నెలలకు సూసైడ్‌ చేసుకోబోయాడు. ఆన్‌లైన్‌లో రమ్మీ గేమ్‌ ఆడి లక్షల్లో డబ్బుపోగొట్టుకున్నాడు. అప్పటివరకు నాకు తెలీదు తనకు ఇలాంటి అలవాట్లు ఉన్నాయని. మా అమ్మావాళ్లు, మా అత్తయ్యవాళ్లు కలిసి అప్పులు తీర్చారు. తను మారిపోతే చాలు హ్యాపీగా  ఉందాం అనుకున్నా. రెండోసారి, మూడో సారి అలా ఆడేశాడు. రెండుసార్లు అప్పులు తీర్చారు. అమ్మావాళ్లు ఇంక మారడు వచ్చేయ్‌ అన్నారు. మూడో సారి ఉరివేసుకున్నాడు. నేను ఊపిరి ఇస్తేగాని బ్రతకలేదు. తను మారితే మా జీవితం మారుతుందనుకున్నా కానీ, క్రిమినల్‌ మైండ్‌సెట్‌ ఎప్పటికీ మారదని తెలీలేదు. ఏళ్లు గడిచిపోతున్నాయి. బాబుకూడా పుట్టాడు. బాబును చూసైనా మారుతాడని బంధువులంతా చెప్పారు. ఎన్ని చేసినా, ఎన్ని కష్టాలు పెట్టినా బావ మీద ప్రేమతో నేను ఏమీ అనలేదు. చాలా భరించా మా లైఫ్‌కోసం. ఒకరోజు చెప్పాపెట్టకుండా నన్ను, బాబును వదిలిపెట్టి వెళ్లిపోయాడు. మూడేళ్లు గడిచిపోయింది. ప్రేమ అనేది భార్యకే కాదు భర్తకు కూడా ఉంటే ఆ బంధం హ్యాపీగా ఉంటుంది. మా బాబుకు ఐదేళ్లు మా అమ్మావాళ్లు నన్ను చదివించబట్టి నాలుగు రాళ్లు సంపాదిస్తున్నా. ఇప్పటికీ నేను రాకుమారినే మా అమ్మావాళ్లకు. మధ్యలో వచ్చినోడు మధ్యలోనే పోయాడు. ప్రేమను చూపించినా అర్థం చేసుకోలేని వాడికోసం నా జీవితం నాశనం అయ్యింది. నేనూ నా ఫ్యామిలీ హ్యాపీ. ప్రేమగా చూసుకునేవాళ్లకు దగ్గరకండి. నటించేవాళ్లకు కాదు. - స్వర్ణలేఖ లేదా worldoflove@sakshi.comకు మెయిల్‌ చేయండి

నేను నా చిన్నప్పటినుంచి అబ్బాయిలతో ఎక్కువగా మాట్లాడేదాన్ని కాదు. కానీ, ఒక రోజు నాకు తెలియకుండా మా అమ్మానాన్న నా పెళ్లి గురించి మాట్లాడుకుంటుండగా విన్నాను. మా పిన్ని తమ్ముడికిచ్చి చెయ్యాలని. కానీ, నేను అతన్ని ఒకటి, రెండు సార్లు చూశానంతే. ఫేస్ కూడా సరిగా గుర్తులేదు. కానీ, నాలో ఏదో తెలియని భావం మొదలైంది. మెల్లగా నాకే తెలియకుండా ఇష్టపడటం మొదలుపెట్టాను. ఆ తర్వాత అతను మా ఇంటికి వస్తాడని చాలా రోజులు ఎదురు చూశాను కానీ, రాలేదు. అప్పటికి తనకు ఉద్యోగం రాలేదు. ఆ తర్వాత ఒక సంవత్సరానికి ఉద్యోగం వచ్చింది. మా ఇంటికి వస్తాడని నేను అతని కోసం ఎదురుచూశాను. కొన్ని రోజులకు నా నిరీక్షణ ఫలించింది. అతను మా ఇంటికి ఓ రోజు సాయంత్రం వస్తాడని తెలిసింది. అతను వస్తున్నాడని తెలిశాక నా మనస్సు ఆనందంతో పొంగిపోయింది, ఉబ్బితబ్బుబ్బయ్యాను. అతను వచ్చాడు! కానీ, నేను ఏమీ మాట్లాడలేకపోయాను. కనీసం అతని ముఖంలోకి కూడా చూడలేకపొయాను. అతను వెళ్లిపోయాడు. చాలా ఏడ్చాను, మళ్లీ ఎప్పుడు చూస్తానో అని. ఆ తర్వాత కొన్ని రోజులకు వాళ్ల పేరెంట్స్ మా సంబంధం క్యాన్సిల్ చేసుకున్నారని తెలిసింది. తనకి నేను నచ్చలేదేమో అనుకున్నా. ఎంతలా ఏడ్చానో మాటల్లో చెప్పలేను. ఆ తర్వాత కొన్ని రోజులకు తేరుకుని నా దృష్టంతా స్టడీస్ మీద పెట్టాను. గతాన్ని మర్చిపోవాలని ఏకాగ్రతగా చదివాను. అయినప్పటికి కొన్ని సందర్బాలలో ఆ గతం నన్ను చాలా బాధపెట్టింది. అలా ఒక సంవత్సరం గడిచింది. పరీక్షలు పూర్తయ్యాక ఇంటికి వెళ్లాను. నాకు ఒక విషయం తెలిసింది. నేను ఇష్టపడ్డ వ్యక్తే నన్ను పెళ్లిచూపులు చూసుకోవడానికి వస్తున్నారని. నా ఆనందానికి అవధులు లేవు. అంతలోనే నిరాశ అలుముకుంది. అతనికి నేను నచ్చుతానో లేదోనని. ఆ తర్వాత అతని ఫోన్ నెంబర్ దొరికింది. నేను ఆ సస్పెన్స్ తట్టుకోలేక అతని నెంబరుకి కావాలనే నా ఫ్రెండ్‌కు మెసేజ్ చేస్తున్నట్లుగా మెసేజ్ చేశాను. తర్వాత నన్ను నేను పరిచయం చేసుకున్నా. కొన్నిరోజులకు ఇద్దరం బాగా దగ్గరయ్యాము. అతను నన్ను ఇష్టపడ్డాడు. మా ఫ్యామిలీస్ కూడా మా పెళ్లికి గ్రీన్ సిగ్నల్ ఇచ్చాయి. ఆ తర్వాత చకచకా మా పెళ్లి జరిగిపోయింది. మా పెళ్లి జరగడానికి ముఖ్యకారణం మా బాబాయ్. మా వెనుకే ఉండి పెళ్లి జరిపించాడు. అతని పేరెంట్స్‌ని కూడా ఒప్పించాడు. సో.. నా కథకి మా బాబాయే హీరో. - ధనలక్ష్మి, బెంగళూరు లేదా worldoflove@sakshi.comకు మెయిల్‌ చేయండి

అమ్మాయిలతో డైరెక్ట్‌గా మాట్లాడే ధైర్యం లేక ఫేస్‌బుక్‌లో పరిచయం చేసుకోవాలనే చిన్న ఆశతో ఎఫ్‌బీకి దగ్గరయ్యాను. అలా ప్రేయసి కోసం చూస్తున్న సమయంలో ఓ అమ్మాయితో పరిచయం అయ్యింది. ఆ పరిచయం కాస్తా నా వైపునుంచి ప్రేమగా మారింది. ఎంతగా అంటే తను మెసేజ్‌ చేయకపోతే ఉండలేనంతగా. అలా ఆ అమ్మాయికి ఒక రోజు నా ప్రేమ విషయం చెప్పాను. నా మీద ప్రేమ ఉన్నా కూడా వాళ్ల ఇంట్లో వాళ్లు ఒప్పుకోరని కుదరదని చెప్పింది. కానీ, కొన్ని రోజులకు ఓకే చెప్పింది. వాళ్ల పేరెంట్స్‌ను ఒప్పిస్తాననే నమ్మకం ఉండేది. ఇలా ఒక సంవత్సరం గడిచింది. నాతో పెళ్లి అవ్వదేమోనన్న భయం, వాళ్ల నాన్న ఇంట్లో పెట్టే టార్చర్‌ నానుంచి తనను దూరం చేస్తూ వచ్చాయి. అప్పుడు నా బీటెక్‌ ఎక్షామ్స్‌. తను నన్ను అవాయిడ్‌ చేయటం స్టార్ట్‌ చేసింది. పిచ్చిపట్టినట్లు ఉండేది. తన ఆలోచనలతో సెమ్‌ ఎక్షామ్స్‌ మొత్తం ఫేయిల్‌ అయ్యాను. అలా ఆ గొడవలతో ఫైనల్‌ ఇయర్‌ గడిచింది. ఏడు సబ్జెక్టులు మిగిలినపుడు కూడా నేను పెద్దగా బాధపడలేదు. ఆ అమ్మాయికి పెళ్లి సంబంధాలు చూస్తున్నారని తెలిసి మానసికంగా చనిపోయా. తాగుడుకు బానిసయ్యా. తనను ఎలాగైనా పొందాలనే ఆశమాత్రం చావలేదు. ఎన్నో విధాలుగా ప్రయత్నించాను. కానీ, తను నన్ను దూరం పెట్టింది. ఆ సమయంలో మా నాన్న దగ్గరినుంచి ఫోన్‌ వచ్చింది. వాళ్లను మోసం చేస్తున్నానని చాలా బాధపడ్డాను. ఎలాగైనా బీటెక్‌ పాసవ్వాలని నిశ్చయించుకున్నాను. సిటీలో బ్రతకాలంటే చిన్న జాబ్‌ అయినా ఉండాలి. నా క్వాలిఫికేషన్‌కు తగ్గ జాబ్‌ కోసం తిరిగినా లాభం లేకపోయింది. ఒక్కపూట తిని పడుకున్న రోజులు కూడా ఉన్నాయి. చివరిగా ఒక మార్కెటింగ్‌ కంపెనీలో సేల్స్‌ ఎగ్జిక్యూటివ్‌గా జాయిన్‌ అయ్యాను. జాబ్‌ చేస్తూనే చదివి బీటెక్‌ సబ్జెక్టులు పాసయ్యా. ఆ తర్వాత కాగ్నిజెంట్‌లో జాబ్‌ సంపాదించా. ఆ అమ్మాయి నన్ను వదిలేసిన బాధ నా లైఫ్‌లో తీరదు. అలాగని నా పేరెంట్స్‌ను బాధపెట్టలేను. ఇప్పుడు నేను బ్రతికున్నానంటే మా పేరెంట్స్‌ కోసమే. లవ్‌ యూ బంగారం. మిస్‌ యూ రా!... - భార్గవ్‌, హైదరాబాద్‌ లేదా worldoflove@sakshi.comకు మెయిల్‌ చేయండి

జూలై 6 రాత్రి 11 అవుతోంది. నేను ఆఫీస్ వర్క్ కొంచెం ఎక్కువగా వుందని ఇంట్లోనుంచి పని చేస్తున్నాను. పని అవగానే నిద్ర రాకపోవడంతో ఫేస్‌బుక్‌ ఓపెన్ చేసి చూస్తున్నా. ఇలా ఓపెన్ చేశానో లేదో వెంటనే మెసెంజర్‌లో మెసేజ్‌ వచ్చింది. ఎవరో ఒక అమ్మాయి పేరుతో ఉంది. హాయ్‌! అని మెసేజ్‌ వచ్చింది. రిప్లై ఇచ్చా! అప్పటినుంచి మెసేజ్‌లు చేయటం స్టార్ట్ చేసింది. నా గురించి అంతా చెప్పేస్తోంది. ఎవరు నువ్వు? అని అడిగా. తను చెప్పలేదు సరే నువ్వు ఎక్కడ ఉంటావు? నేను ఎలా తెలుసు? అని అడిగా. అప్పుడు తను చెప్పింది ‘నేను నువ్వు ఉండే ఏరియాలోనే ఉంటాను. నేను నిన్ను రోజూ చూస్తున్నాను. నీ పేరు తెలుసుకోవడానికి నాకు సంవత్సరం పట్టింది. రీసెంట్‌గా మీ బైక్‌పై ఫైన్ పడింది.’ అని చెప్పింది. ఆ విషయం తను చెప్పే వరకు నాకు కూడా తెలియదు నేను అప్పుడే చూశా. తను చలాన్‌ సైట్‌లో దాన్ని నాకు  స్క్రీన్ షార్ట్ తీసి పంపింది. ‘అలా నీ బైక్ నెంబర్ ఆర్టీఏ చలాన్‌ సైట్‌లో చూసి, నీ బైక్ రిజిస్ట్రర్ నేమ్‌తో ఎఫ్‌బీ, లింక్డ్‌ఇన్‌, ఇన్‌స్టాగ్రామ్‌ అన్నిటిలో చూసి కన్‌ఫర్మ్‌ చేసుకున్నాక ఎఫ్‌బీలో నీతో చాట్‌ చేస్తున్నా.’ అని చెప్పింది. నా గురించి, నా డైలీ ఆక్టివిటీస్‌, సమయాల గురించి చెబుతుంటే నేను షాక్‌ అయ్యాను. ‘నా వెనుక ఇంత జరుగుతోందా’ అని. నేను షాక్‌ అయ్యాను. అప్పుడు అనుకున్నా తను కూడా నేను ఉండే దగ్గరే ఉంటూ నన్ను గమనిస్తోందని. తను వెంటనే ‘నువ్వంటే నాకు చాలా ఇష్టం! ఐ లవ్‌ యూ.. లవ్ ఆట్‌ ఫస్ట్‌ సైట్‌.. నువ్వు నాకు కావాలి. నీ నుంచి నాకు ఏమీ వద్దు! నీ ప్రేమ ఒక్కటే చాలు నాకు, నీ ఎదపై పడుకుని నీతో మాట్లాడుతూ ఉంటే చాలు’ అని అంది. అంతా ఒక మాయగా ఉంది. నాకు ఏం చెప్పాలో అర్థం కాలేదు, కొంచెం ఆలోచించి చెప్పాను ‘మొదట నువ్వు ఎవరో చెప్పు. తర్వాత నేను ఆలోచించి చెప్తాను. నా నిర్ణయం ఏదైనా సరే లైఫ్ టైం నీకు ఒక ఫ్రెండ్‌లా మాత్రం వుండగలను’ అని చెప్పగానే తను చాలా థాంక్స్ అని చెప్పింది. ‘నువ్వు ఎవరు? ఎక్కడ ఉంటావు?’ అని మళ్లీ తనను అడిగాను. మళ్లీ మా వీధిలోనే ఉంటానంది. నాకు నమ్మకం లేక ఉండవు అని అన్నాను. అప్పుడు తను ‘మీరు బయటికి వస్తే మీరు ఏ డ్రెస్ వేసుకున్నారో, ఎక్కడ నిలుచున్నారో చెప్తాను’ అని అంది. అప్పుడు సమయం రాత్రి రెండు గంటలు అవుతోంది. నేను బయటికి వచ్చా. తను కరెక్ట్‌గా చెప్పింది. నాకు ఇంకా ఒక డౌట్ వచ్చి అడిగాను ‘అమ్మాయివి కాదు’ అని. వెంటనే నాకు వాయిస్ మెసేజ్‌ చేసింది. అపుడు కన్‌ఫర్మ్‌ అయ్యాను. తను అమ్మాయి! మా గల్లీలోనే ఉంటుంది అని. తనని ఎన్ని సార్లు అడిగినా తను చెప్పలేదు. ఎవరు చెప్పమంటే ఒకవారం టైం అడిగింది. సరే అన్నాను అలా చాట్‌ చేస్తూ, ఉదయం 5 అయింది. ’ నా కోసం గల్లీలో ఎవర్నీ అడగకండి! మా అక్కకి తెలిస్తే కోప్పడుతుంది. మా పరువు పోతుంది. నేనే మీకు ఒకవారంలో కన్‌ఫర్మ్‌గా చెప్తాను’ అని అంది. కానీ, నా మనసు ఆగక మరుసటిరోజు మార్నింగ్‌ నుంచే తన కోసం వెతకడం స్టార్ట్ చేశా. నా ఆఫీస్ టైమింగ్స్‌, తన ఆఫీస్ టైమింగ్స్‌ వేరు వేరు కావడం వల్ల నేను తనని చూడలేకపోయాను. బట్ తను మాత్రం నన్ను చూసేది వెంటనే నాకు మెసేజ్‌ చేసేది. మూడు రోజుల తర్వాత ఒక వాయిస్‌ మెసేజ్‌ వచ్చింది. ‘నాకు మీపై ఉన్న ప్రేమను ఆపుకోలేక ఒక సంవత్సరంనుండి వేయిట్‌ చేసి మీకు చెప్పాను. స్వారీ మిమ్మల్ని చాలా ఇబ్బంది పెడుతున్నాను. నన్ను క్షమించండి’ అని. నేను వెంటనే రిప్లై ఇచ్చా‘మీకు నచ్చినప్పుడే కలవండి. ఒక ఫ్రెండ్‌లా మీకు లైఫ్ టైం తోడుగా ఉంటాను’ అని చెప్పాను. అలా ఒక మూడు రోజులు మళ్లీ మామూలుగానే చాట్ చేసింది. అప్పుడు చెప్పింది తన గురించి. అలా అలా మాట్లాడుతూ తన ఫ్రెండ్‌ అంకిత గురించి కూడా చెప్పింది. ఇవన్నీ చెప్పినా తను తన గురించి మాత్రం చెప్పలేదు. నాకు కోపం వచ్చి గట్టిగా అడిగాను. తనకి తెలుసు నాకు కోపం చాలా ఎక్కువ అని. అందులోనూ నాకు చాలా ఇన్‌ఫ్లుయెన్స్‌ ఉంది. ఏదైనా చేస్తాడేమో అనే భయంతో ఇల్లు ఖాళీ చేసాము అని మెసేజ్‌ పెట్టింది. తన ఎఫ్‌బీ కూడా డిసబుల్‌ చేసింది. మళ్లీ తను నాకు మెసేజ్‌ చెయ్యలేదు. కానీ, నేను తన కోసం వెతకడం మాత్రం ఆపలేదు. తను చెప్పిన  పేరును ఎఫ్‌బీలో వెతికా కానీ ఎక్కడా దొరకలేదు. ఇలా అన్ని సోషల్‌ మీడియాలో వెతుకుతున్న ఎక్కడా దొరకలేదు. మళ్లీ ఒక నెల తర్వాత మెసేజ్‌ వచ్చింది. ‘హాయ్‌! హౌ ఆర్‌ యూ’ అని నేను రిప్లై ఇచ్చా! తనని అడిగా ‘ఎందుకు పోయావ్.. మళ్లీ ఎందుకు వచ్చావ్’ అని. అపుడు తను చెప్పింది ‘నీ లైఫ్‌ని డిస్ట్రబ్‌ చేస్తున్నా అనిపించింది. అందుకే దూరంగా వున్నాను. కానీ రోజూ కలలోకి వస్తున్నావ్. అందుకే ఉండలేకపోయాను. అందుకే మళ్లీ మెసేజ్‌ చేస్తున్నా అని. ఎలా ఉన్నావ్? ఎక్కడ వుంటున్నావ్? అని అడిగితే కూకట్‌పల్లి సెవెన్త్‌ ఫేస్‌. మీరు వెతకడం చూసి నాకు భయం వేసింది. అందుకే అక్కడ నుండి ఖాళీ చేసి వచ్చేశాం’ అని చెప్పింది. ‘ఇప్పుడైనా నీ గురించి చెప్తావా లేద మళ్లీ వెళ్లి పోతావా’ అని అడిగా. ‘ఇక ఎప్పుడూ నిన్ను విడిచి వెళ్లను.’ అని అంది. వాళ్ల అక్కతో కలిసి ఊరికి వెళుతున్నానని చెప్పింది. తను ఇంటికి వెళ్లాక కూడా డైలీ బాగానే చాట్‌ చేసింది. అప్పుడు చెప్పింది తన పేరు స్వాతి అని, వాళ్లది వైజాగ్ అని. ఇక తను డైలీ ఏం చేస్తుంది. ఎక్కడికి వెళ్లేది అన్నీ చెప్పేది. తన మాటల్లో తన ప్రేమ, సంతోషము అన్ని తన మెసేజ్‌లో తన వాయిస్ మెసేజ్‌లో తెలిసేవి. ఒక రోజు వాళ్ల బాబాయ్ ఇంటికి వెళ్లాం. అక్కడ మా అక్కను చూడటానికి మా నాన్న వాళ్ల అక్క కొడుకు వచ్చాడు! మా అక్కను చూడడానికి. కానీ, ఇలా అని మాకు ఎవరూ చెప్పలేదు. మా నాన్న ఇంటికి వెళ్ళాక మాకు చెప్పాడు. మా అక్కకు ఆ పెళ్లి చేసుకోడం ఇష్టం లేదు. ఎందుకంటే తనకి రెండో పెళ్లి. కానీ, మా నాన్న వినట్లేదు మా అక్కను ఆ అబ్బాయితో మాట్లాడు ఒకసారి అన్నారు. రేపు ఉదయం అన్నవరం గుడికి వెళ్లి మాట్లాడమన్నారు. అక్క, నేను మార్నింగ్‌ వెళ్తున్నాము. అక్క రాగానే స్టార్ట్‌ అవుతాం’ అని చెప్పింది. మరుసటి రోజు ఉదయం ‘అక్క వాళ్లు గుడికి వెళ్లారు. ఇప్పుడే దర్శనం అయింది.’ అని చెప్పింది. మధ్యాహ్నం రెండుకి మళ్లీ మెసేజ్‌ చేసింది. ‘అక్క చెప్పకుండా వెళ్లి పోయిందంట. మా బావ నాన్నకి కాల్ చేశాడు. నాన్న వాళ్లు వెతకటానికి వెళ్లారు. నన్ను హైదరాబాద్ వెళ్లమన్నారు. టిక్కెట్‌ కూడా వేశారు. నేను పది గంటలకి బస్‌ ఎ‍క్కుతాను. మార్నింగ్‌ పికప్‌ చేసుకో’ అని అంది. నేను సరే అన్నాను. తర్వాత ఇంక మెసేజ్‌ రాలేదు. మరుసటి రోజు ఈవెనింగ్ మెసేజ్‌ వచ్చింది. ‘అక్క మోసం చేసింది. సూసైడ్‌ చేసుకుంది. ఇప్పుడే క్రిమేషన్‌ అయింది.’ అని. నాకు చాలా బాధ వేసింది. బాధపడకని అన్నాను. తను ‘నాన్న హాస్పిటల్లో ఉన్నారు. తనకి గుండెపోటు వచ్చింది’ అని చెప్పింది. ఏమైనా సహాయం కావాలంటే కాల్‌ చెయ్యమని చెప్పాను. తను సరే అంది. డైలీ చాట్‌లో  అన్నీ చెప్పేది. మళ్లీ రెండు రోజుల తర్వాత మెసేజ్‌ చేసింది. వాళ్ల నాన్నను హాస్పిటల్‌నుంచి డిచార్జ్‌ చేస్తున్నారని చెప్పింది. తన ఆఫీస్‌లో సెలవులు ఇవ్వట్లేదని, వర్క ఫ్రంమ్‌ హోమ్‌ చెయ్యమంటున్నారని చెప్పింది. లాప్‌టాప్‌ కొనడానికి మార్నింగ్‌ వచ్చి పికప్‌ చేసుకుని ఈవినింగ్‌ బస్‌ ఎక్కించమని అడిగింది. ఫోన్‌ నెంబర్‌ అడిగితే ఇచ్చాను. మరుసటి రోజు ఉదయం. తన కాల్‌ కోసం ఎదురుచూశా రాలేదు. ఏమైందో ఏమో అనే టెన్సన్‌, బాధ అన్నీ నన్ను చాలా బాధించాయ్. ఇంక నాకు ఏం చెయ్యాలో అర్థం కాక తన కోసం వెతుకుతున్నా. కానీ, తను నాకు ఒక ‍ప్రామిస్‌ చేసింది. నిన్ను ఎప్పుడూ వదిలి వెళ్లను అని. ఒకవేళ నేను ఆన్‌లైన్‌లోకి రాకపోతే నీ మంచికోసమే అనుకో కానీ, నా ఈ జీవితం నీ కోసమే అని. ఏదో ఒక రోజు అన్నీ వదిలేసి నీ కోసమే వస్తాను అని. తను ఎందుకో మళ్లీ మళ్లీ ఇవ్వలేదు. ఏమైందో అని ప్రతీ క్షణం ఆలోచిస్తున్నాను. తను ఎక్కడ ఉన్నా. సరే సంతోషంగా ఉంటే చాలు అని కోరుకుంటూ తనకై ఎదురు చూస్తూ... మనసు గాయానికి తియ్యని తలుకువైనావు.. పెదవి పలికే ప్రతీ మాటలో నువ్వే నిలిచావు.. ఊహవైనావు, ఊపిరైనావు.  నీతో జీవితం పంచుకునే ఆవకాశం ఇవ్వకపోయినా జీవితాంతం గుర్తుంచుకునే జ్ఞాపకాలను ఇచ్చావు. ఈ జ్ఞాపకాలు ఉన్నంత వరకు మన ప్రేమ బ్రతికే ఉంటుంది... అదే నమ్మకంతో తన కోసం నా ఈ నీరీక్షణ... చివరి క్షణం వరకు ఎదురు చూస్తా.. నీకై పరితపించే నా జీవితంలోకి చిరుదీపమై వస్తావని.. - నీ అనిల్‌ లేదా worldoflove@sakshi.comకు మెయిల్‌ చేయండి

నేను ఇంటర్మీడియట్ చదివేటప్పుడు నాకు ఒక ఫ్యామిలీ పరిచయం అయ్యింది. నేను డిగ్రీ పూర్తి అయ్యేసరికి నాకు ఆ ఫ్యామిలీకి, బాగా పరిచయం ఏర్పడింది. ఆ ఇంట్లో ముగ్గురు అమ్మాయిలు ఉన్నారు. మొదటి అమ్మాయి నా క్లాస్‌మేట్ అందరూ మా ఇద్దరి మధ్య స్నేహం చూసి మమ్మల్ని ప్రేమికులనుకునేవారు. ఆ అమ్మాయి ఒకసారి తన మనసులో ప్రేమను నాతో చెప్పింది. నేను ‘మన ఇద్దరి మధ్య స్నేహం ఉంది. ప్రేమ లేదు! నిన్ను ఎప్పుడూ ఆ దృష్టితో చూడలేదు’ అని చెప్పా. ఆ అమ్మాయి నా స్నేహితుడిని ప్రేమించి పెళ్లి చేసుకుంది. అయితే హఠాత్తుగా మూడు సంవత్సరాల తర్వాత ఆ అమ్మాయి చెల్లెలు నాకు ఫోన్ చేసి ‘నువ్వంటే నాకు ఇష్టం! నీకు చెప్పాలని చాలా రోజులుగా అనుకుంటున్నా. కానీ, చెప్పలేకపోయాను.’ అని చెప్పి కాల్ కట్ చేసింది. ఆ తర్వాత రెగ్యులర్‌గా నాకు కాల్ చేసేది. నువ్వు లేకపోతే నేను బ్రతకలేను’ అంటూ మాట్లాడటం మొదలు పెట్టింది. అయినా నేను బయట పడలేదు. ఈ గోల ఎందుకని నేను హైదరాబాద్ వచ్చాను. ఆ అమ్మాయి నీతోనే ఉంట అని హైదరాబాద్ వచ్చి ఒక పత్రిక కార్యాలయంలో చేరింది. నాతోనే జీవితం పంచుకుంటా అని మాటలు చెప్పి.. గత ఫిబ్రవరిలో ‘నేను వేరే అబ్బాయిని పెళ్లి చేసుకోవాలనుకుంటున్నా’ అని నాకు ఒక మెసేజ్ పెట్టింది. నేను ఆమె కోసం ఎన్నో కలలు కన్నా. అవన్నీ ఆ క్షణం కళ్ల ముందు కనపడి కళ్ల వెంట నీళ్లు వచ్చాయి. ఇలాగ కూడా జరుగుతుందా అనిపించింది నాకు. రోజు 5 గంటలు చాటింగ్ చేసే ఈ అమ్మాయి ఇలా ఎలా చేసిందనుకున్నా. ఇంతలో వాళ్ల అమ్మ నుంచి ఫోన్ వచ్చింది. ‘నువ్వు మా అమ్మాయిని బ్లాక్ మెయిల్ చేశావంట’ అని అడిగింది. వాళ్ల అమ్మకు అన్ని విషయాలు చెప్పే ప్రయత్నం చేశాను. ఆమె కొంత వరకు అర్థం చేసుకుని ‘మా అమ్మాయిని వదిలేయ్! నువ్వంటే మా అమ్మాయికి ఇష్టం లేదు’ అని చెప్పింది. నేను ఆ షాక్ నుండి కోలుకోలేకపోయా. వాళ్ల అమ్మ నా మీద చీటింగ్ కేస్ పెట్టమని ఒత్తిడి తీసుకుని వచ్చింది. కానీ వాళ్ల కుటుంబం ముందు జరిగిన విషయాలు మొత్తం బయటపెట్టా. నేను తప్పు చేస్తే కేస్ పెట్టమని చెప్పాను. వాళ్లు వాళ్ల అమ్మాయితో మాట్లాడి ఒప్పించే ప్రయత్నం చేశారు. అమ్మాయి వినలేదు. వాళ్లు ఆ అమ్మాయితో మాట్లాడటం మానేశారు. వాళ్ల ఇంటికి రావద్దని చెప్పారు. నీకు మాకు సంబంధం లేదు అని చెప్పారు. ఇవన్నీ జరిగి నెలలు అవుతున్నా నేను ఆమె ప్రేమ నుంచి బయపడలేక మందుకు బానిసయ్యా. తాగి తనను మరిచిపోదామనుకున్నా. నా స్నేహితుడు నన్ను వారించి అలా చెయ్యకు ఆరోగ్యం పాడైపోతుందని చెప్పాడు. ఆమె చూపించిన ప్రేమానుబంధాలనుంచి బయట పడలేకపోతున్నా. ఏ రోజు అయినా నా గురించి ఆలోచన చెయ్యక పోతుందా? మా ఇద్దరి మధ్య జరిగిన సంభాషణలు, మా అనుభవాలు గుర్తుకు రాకపోతాయా? అని ఎదురు చూస్తూ బ్రతుకుతున్నా. ఆ అమ్మాయి అలా 10 సంవత్సరాల అనుబంధాన్ని చాలా ఈజీగా దూరం చేసుకోగలిగింది. అలా ఎలా చేయగలిగిందో నాకు ఇప్పటికీ అర్థం కాని ప్రశ్నగా మిగిలింది.  - శ్రీనివాస్‌ లేదా worldoflove@sakshi.comకు మెయిల్‌ చేయండి

నేను ఉన్నత చదువుల కోసం తమిళనాడులోని ఓ కాలేజీలో చేరాను. ప్రేమ అంటే ఏదో ఒక ఆకర్షణ అనుకున్నా నేను. కానీ, నా ఫైనల్‌ ఇయర్‌లో ఓ అమ్మాయిని చూసిన వెంటనే మనసుకు నచ్చేసింది. తను మా ఫ్రెండ్స్‌తో వెళ్లినపుడు చూశా. మొదటిసారి తనతో మాట్లాడాను. అప్పుడే తను, తను మాట్లాడే తీరు నాకు బాగా నచ్చింది. అలా నా మనసులో ఉన్న ఫీలింగ్స్‌ని మా ఫ్రెండ్‌ సహాయంతో తెలియజేశా. అందరు అమ్మాయిల్లా తను కూడా మొదట్లో నన్ను ఇగ్నోర్‌ చేసింది. కానీ, నేను ప్రపోజ్‌ చేసినపుడు కొన్ని కండీషన్స్‌తో నా లవ్‌ని ఆరు నెలల తర్వాత అంగీకరించింది. అప్పటినుంచి నేను ఏమి చేసినా తన కోసమే చేశాను. నా స్టడీస్‌ అయిపోయిన వెంటనే జాబ్‌లో జాయిన్‌ అయ్యా. తను కూడా నేను కావాలని, నాతోనే ఉండాలని కోరుకుంది. కానీ, అన్ని ప్రేమ కథలకు ఎక్కడ స్టాప్‌ పడుతుందో నాకూ అక్కడే పడింది. తనకు తన పేరెంట్స్‌ కావాలి, తన పేరెంట్స్‌కు నేను వద్దు. నేను వెళ్లి వాళ్ల డాడీతో మాట్లాడితే ఆయన ఒప్పుకోలేదు. వాళ్లు తమిళ్‌, నేను తెలుగు. ఆ అమ్మాయి కోసం నేను ఇండియా విడిచి వెళ్లా ! త్వరగా సెటిల్‌ అవ్వాలని. తను మాత్రం తన పేరెంట్స్‌కు నన్ను లవ్‌ చేశానని మాత్రం చెప్పలేదు. ఇద్దరి సపోర్ట్‌ ఉంటేనే ఆ లవ్‌ సక్సెస్‌ అవుతుంది. వాళ్లను ఒప్పించటం నా ఒక్కడి వల్ల అవ్వలేదు. 2016లో తను నన్ను వదలి వెళ్లిపోయింది. తన మెమోరీస్‌ మాత్రం నాతోనే ఉన్నాయి. ఎక్కడ ఉందో తెలియదు కానీ, సంతోషంగా ఉండాలని కోరుకుంటున్నా. ఎప్పుడూ నవ్వుతూ ఉండు రీతు. ఐ మిస్‌ యూ.. - వీర్రాజు, పిఠాపురం చదవండి : ఓ రోజు సడెన్‌గా ఫోన్‌ చేసి నేను కావాలంది ఫ్రెండ్‌గా ఉండలేను.. ఎన్ని రోజులైనా ఇలానే.. లేదా worldoflove@sakshi.comకు మెయిల్‌ చేయండి

నేను మా అత్త కూతుర్ని పెళ్లిచేసుకోవాలని మా మామ, నాన్నల కోరిక. కానీ, ఇప్పుడు వాళ్లు మా మధ్య లేరు. అందుకని నేను మా అత్త కూతురిని పెళ్లి చేసుకోవాలనుకున్నాను. ఆ అమ్మాయి కూడా నన్ను ఇష్టపడింది. ఇదిలా ఉండగా కొన్ని రోజుల తర్వాత వేరే అబ్బాయి తనకు పరిచయమైతే అతడ్ని కూడా లవ్‌ చేసింది. ఆ విషయం నాకు తెలిసి వాళ్లకు పెళ్లి చేస్తానని మాట ఇచ్చాను. వాళ్ల అమ్మతో నేను మాట్లాడతానని ఆ అమ్మాయికి చెప్పాను. పక్కపక్క ఇళ్లు అయినా కూడా రెండేళ్ల వరకు తనని చూడలేదు. కానీ, సడెన్‌గా ఒకరోజు నేను కావాలని ఫోన్‌ చేసింది. ఇంతలో నాకు మా ఇంట్లో వాళ్లు పెళ్లి చేయటానికి సంబంధాలు చూడటం మొదలు పెట్టారు. ఆ అమ్మాయి ఇప్పుడు రోజూ కాల్‌ చేస్తోంది. నేను లేకుండా లేనంటోది. అప్పుడు నాకు మా చెల్లి మాటలు గుర్తుకు వచ్చాయి. ‘ అన్నా! నువ్వు ఇష్టపడిన వాళ్లను చేసుకుంటే కొందరు మాత్రమే నీతో ఉంటారు. అందరికి నచ్చిన అమ్మాయిని పెళ్లి చేసుకుంటే అందరూ నీతో ఉంటారు’ అని. అప్పుడు ఆ అమ్మాయి నాకు వద్దని డిసైడ్‌ అయ్యా. ఆ అమ్మాయి కాల్‌ చేస్తే మా అత్త కోసం ఆమెతో మాట్లాడుతున్నాను. నేను హ్యాపీగా ఉన్నాను. ఆ అమ్మాయికి నా మీద ఆశ పోయేలా చేస్తున్నాను. నా చెల్లి మాటలు నన్ను మార్చాయి. ప్రేమ అంటే అందరూ కలిసి ఉండటం! ఇద్దరు వ్యక్తులు కాదు. - రాజేష్‌ చదవండి : ఫ్రెండ్‌గా ఉండలేను.. ఎన్ని రోజులైనా ఇలానే.. ఫ్రెండ్‌గా ఉండలేను.. ఎన్ని రోజులైనా ఇలానే.. లేదా worldoflove@sakshi.comకు మెయిల్‌ చేయండి

నేను బీటెక్‌లో జాయిన్‌ అయిన కొద్దిరోజులకు క్లాస్‌లో ఓ అమ్మాయిని చూశా. అప్పటివరకు ఏ అమ్మాయిని కూడా చూసేవాడిని కాదు. సడెన్‌గా ఆమె ఎదురు రావటంతో చూడాల్సి వచ్చింది. దాంతో ప్రతిరోజూ ఆమె కోసం క్లాస్‌ మొత్తం కలియ చూసేవాడిని. అలా కొద్ది రోజులు గడిచిపోయాయి. ఆమెతో మాట్లాడదామని చాలా ట్రై చేసినా మాట్లాడేవాడినికాదు. అసలు నేను క్లాస్‌లో ఎవరితోనూ మాట్లాడేవాడిని కాదు. అలా కొద్దిరోజులు గడిచిపోయాయి. మా ఫ్రెండ్‌ ఒకడు షార్ట్‌ ఫిల్మ్‌లో నటించమని అడిగాడు. నేనూ ఆశక్తి కొద్ది సరే అన్నాను. అప్పుడు నాలో నాకు కాన్ఫిడెన్స్‌ పెరిగింది. నేను కూడా సొంతంగా ఫార్ట్‌ ఫిల్మ్‌ చేద్దామనుకున్నా. కొద్దిరోజుల తర్వాత స్టోరీ రాసి మెయిన్‌ రోల్‌ లీడ్‌ నేనే చేశా. క్లాస్‌లో కొంతమందికి పరిచయం అయ్యా. అలా కొద్ది రోజుల తర్వాత మా క్లాస్‌ సీఆర్‌తో ఆ అమ్మాయి కొంచెం క్లోజ్‌గా ఉండేది. అదే టైంలో నాకు సీఆర్‌ క్లోజ్‌ అయ్యాడు. ఒకరోజు నా బర్త్‌డేకి పెట్టే ఖర్చుతో ఓల్డేజ్‌ హోమ్‌లో భోజనాలు పెట్టించాలని ఫిక్స్‌ అయ్యా. అదే విషయం సీఆర్‌కు చెప్పా. తను కూడా అనుకోకుండా అక్కడకు వచ్చింది. ఆమె నా ఫోన్‌ నెంబర్‌ తీసుకుని నాతో ఆడుకుంది. తర్వాత నాకు నిజం చెప్పింది. నేను నా స్టేటస్‌ ద్వారా నా ఇష్టాన్ని ఆమెకు చెప్పే వాడిని. ఓ రోజు అడిగింది ‘ అవి నా కోసమేగా’ అని. అవునన్నా. ‘నాకు ఇవన్నీ ఇష్టం ఉండవు. మనం ఫ్రెండ్స్‌ మాత్రమే’ అంది. ‘ఫ్రెండ్‌గా నేను ఉండలేను. ఎన్నిరోజులైనా ఇలానే ఉంటా’ అని చెప్పా. తర్వాత నన్ను అవాయిడ్‌ చేసింది. నా మీద కోపం ఎక్కువైంది. నేను క్లాస్‌కి కూడా సరిగా వెళ్లేవాడిని కాదు. వేరే కాలేజీలో కాంపిటీషన్స్‌​ ఉంటే అ‍క్కడికి వెళ్లాలని అనుకున్నా. ఒక్కడినే ఎందుకని తోడు కోసం మా క్లాస్‌లో ఒకడికి చెప్పా. వాడు అమ్మాయిలతో చర్చించాడు. ఆమె కూడా క్విజ్‌కు రావాలనుకుని వచ్చింది. ఆ రోజు మొత్తం కలిసి ఉన్నాం. అక్కడినుంచి కొంచెం క్లోజ్‌ అయ్యాం. థర్డ్‌ ఇయర్‌కు వచ్చేసరికి మరింత క్లోజ్‌ అయ్యాం. అప్పుడు మళ్లీ నా ప్రేమ ప్రస్తావన తెచ్చా. తను కొద్దిసేపు ఆలోచించి‘ నువ్వంటే నాకు ఇష్టమే కానీ, ఇంట్లో సమస్యల వల్ల చెప్పలేకపోయా. నేను దూరంగా ఉంటే నువ్వు మర్చిపోతావనుకున్నా. నా కోసం వెయిట్‌ చేస్తావనుకోలేదు.’ అంది. అప్పటినుంచి ఒకరిని విడిచి ఒకరం ఉండలేదు. - లోకేష్‌ లేదా worldoflove@sakshi.comకు మెయిల్‌ చేయండి

నేను ఇంటర్మీడియట్ చదువుతున్న రోజులవి. కో ఎడ్యుకేషన్ కాలేజి. తడబడుతున్న అడుగులతో క్లాస్ రూమ్‌లోకి అడుగు పెట్టగానే ఒక్కసారిగా శరీరమంతా కంపించింది. అప్పటివరకు కేవలం ఆడపిల్లలతో కలసి చదువుకున్న నేను! అబ్బాయిల మధ్య నుండి నడుస్తూ బెంచ్ దగ్గరకు వెళ్తుంటే ఎన్నో కిలోమీటర్లు నడుస్తున్నట్లుగా అనిపించింది. క్లాస్లో ప్రక్క బెంచ్లో ఒక పొడుగాటి అబ్బాయి. మొహం సరిగ్గా చూడలేదు. క్లాస్ అయిపోయాక బాయ్స్‌ అందరూ బయటకు వెళ్తుంటే వెనుకనుండి చూశాను. అందంగా ఉన్నాడనిపించింది. తిరిగి అతను లోపలికి వస్తుంటే అనుకోకుండా చూపు కలిసింది. ‘ఛ.. ఛ.. ఏమనుకుంటాడో’ అని చూపు తిప్పుకున్నాను. గమనించినట్టున్నాడు.. పలకరింపుగా నవ్వాడు. భయం వేసింది. ఇప్పట్లా హలో, హాయ్‌, ఒరేయ్, ఒసేయ్ తెలియని రోజులవి. ఇంటర్ సగం రోజులు అయితేనే గానీ కనీసం పలకరించుకోవడం కూడా జరగలేదు. ప్రతి రోజు క్లాస్‌లోకి రాగానే అతను వచ్చాడా? లేదా? అని చూడడం నాకు తెలియకుండానే అలవాటైపోయింది. అతను కూడా నాకు లానే నన్ను గమనించేవాడనుకుంటా. వెంటనే పలకరింపుగా అతని పెదవులు విచ్చుకునేవి. ఒక రోజు అతను కాలేజ్‌కి రాలేదు. ఏదో వెలితిగా అనిపించింది. మర్నాడు వచ్చాడు. కొద్దిసేపయ్యాక, ముందు రోజు క్లాస్‌లో చెప్పిన ఇంగ్లీష్ నోట్స్ ఇవ్వగలరా అని నెమ్మదిగా అడిగాడు. ఇచ్చాను. కానీ మనసులో భయం. నా బుక్ అతని దగ్గర ఉన్నట్టు ఎవరైనా చూస్తే బాగుండదేమో అని. మర్నాడు జాగ్రత్తగా తెచ్చి ఇచ్చేశాడు. తర్వాతనుంచి ఎక్కడైనా కన్పిస్తే పలకరింపుగా నవ్వేవాడు. తిరిగి నవ్వడానికి కూడా భయమే. అప్పుడప్పుడు మాట్లాడ్డానికి ట్రై చేసేవాడు. అంతకు మించి మా పరిచయం ముందుకు సాగలేదు.  సాగలేదు అనడం కరెక్ట్ కాదేమో.. నేనే కొనసాగించలేదేమో అని ఇప్పుడు అన్పిస్తుంది. అప్పటి సామాజిక పరిస్థితులు, నేను పెరిగిన వాతావరణం నన్ను అలా భయ పెట్టేవి. ఇంటర్మీడియట్ అయిపోతుండగా ఏదో బాధ. ఇక ఎవరి దారి వారిదే కదా అని. ఫైనల్‌ ఎక్షామ్స్‌ దగ్గర పడుతుండగా ఒకరోజు సడెన్‌గా, ‘మీరు ఏమీ అనుకోకపోతే మీ ఫొటో ఒకటి ఇస్తారా’ అని అడిగాడు. గుండె చాలా స్పీడ్‌గా కొట్టుకుంది. అంత ధైర్యంగా ఎలా అడిగాడబ్బా అనుకున్నా. మనసులో ఇవ్వాలనుంది. కానీ పిరికితనం. మా ఇద్దరి గురించి ఎవరైనా రూమర్స్ స్ప్రెడ్ చేస్తారేమో అని. కానీ అప్పటికే మా క్లాస్లో కొంతమంది కేవలం మా చూపుల పరిచయానికే ఒక కథ అల్లేశారని నాకు తర్వాత తెలిసింది. అయినా నాకు అంత ధైర్యం ఎలా వచ్చిందో ఒక ఫోటో ఇచ్చాను. స్పామ్‌ బుక్‌లో కూడా అతను 'మీ గురించి ఆలోచించే వారి గురించి మీరు మర్చిపోరని ఆశిస్తూ ' అని వ్రాశాడు. ఇన్ని సంవత్సరాలైనా ఇంకా ఆ కొటేషన్ నాకు గుర్తుండిపోయింది. నేను కూడా కొంచెం చొరవ చూపిస్తే మా పరిచయం కొంచెం ముందుకు సాగి వేరే విధంగా ఉండేదేమో కానీ, నా వల్లే కేవలం నా వల్లే మాది చెరో దారి అయిపోయిందని ఇప్పటికీ నాకు అన్పిస్తూ ఉంటుంది. సోషల్ మీడియా, సెల్ కెమెరాలు, ఫోన్ చేసుకోవడం తెలియని జనరేషన్ మాది. మొదటి పరిచయంలోనే క్లోజ్‌గా మూవ్‌ అవడం, మోకాళ్ల మీద కూర్చుని రోజా పువ్వులు ఇచ్చుకోడం అంటారా.. ఆ సమస్యే లేదు. కానీ, ఆ తెలిసీ తెలియని అమాయకత్వపు చూపులలో ఎన్నో అర్థాలు, ఎంతో ప్రేమ, ఎంతో బాధ, ఎంతో స్నేహపూరితమైన వాత్సల్యం అన్నీ కలగాపులగంగా గుర్తొచ్చినప్పుడు మనసులో తీయటి బాధ. - కుమారి లేదా worldoflove@sakshi.comకు మెయిల్‌ చేయండి

నేను తొమ్మిదవ తరగతిలో ఉండగా ఇంటి ముందు ఉండే అబ్బాయి ప్రపోజ్‌ చేశాడు. ఏమీ తెలియని వయసు.. ఆకర్షణ కారణంగా అతడికి ఓకే చెప్పేశా. అలా స్టడీస్‌ కొనసాగిస్తూ వచ్చాం. అదేంటో తెలియదు కానీ, నేను అతడ్ని ఓకే చేసినా అతడి మీద ఎలాంటి ఫీలింగ్స్‌ కలగలేదు. ఒకరోజు ఇద్దరికీ పెద్ద గొడవ జరిగింది. ఎంతలా అంటే లైఫ్‌లో మళ్లీ మేము కలువకూడదు అనుకునేంతలా. ఆ తర్వాత ఇద్దరం విడిపోయాం. చాలా హ్యాపీగా వెళ్లిపోతోంది లైఫ్‌. బీటెక్‌ జాయిన్‌ అయ్యాను. అప్పడు వేరే ఫ్రెండ్‌ ద్వారా ఒకతను పరిచయం అయ్యాడు. ఇద్దరం సేమ్‌ కాలేజ్‌. తను డిగ్రీ, నేనేమో బీటెక్‌. ఊహించని విధంగా ఇద్దరి ఇళ్లూ దగ్గరే.. పైగా ఇద్దరి పుట్టిన రోజులు ఒకే నెలలో. సడెన్‌గా ఒకరోజు ప్రపోజ్‌ చేశాడు. నేను రెండు రోజుల టైం అడిగాను. ఆ తర్వాత ఒప్పుకున్నా. తనని చూస్తే ఎంతో సంతోషంగా ఉండేది. మేమిద్దరం కలుసుకున్నది, మాట్లాడుకున్నది చాలా తక్కువసార్లు. అసలు ఏమీ చెప్పకుండా డిగ్రీ అయిపోగానే వెళ్లిపోయాడు. నాకు ఎప్పుడూ తన జ్ఞాపకమే. నా మనసు డిగ్రీ అబ్బాయి మీద ఉంటే నన్ను వదలి ఉండలేనని మొదట నాకు ప్రపోజ్‌ చేసిన అబ్బాయి నా దగ్గరకు వచ్చాడు. రెండేళ్ల తర్వాత ఇంట్లో వాళ్లకు చెప్పి.. నన్ను మొదట ప్రేమించిన అబ్బాయినే పెళ్లి చేసుకున్నా. తను బాగానే చూసుకుంటున్నాడు. నాకు తన మీద ఎలాంటి ఫీలింగ్స్‌ లేవు. ప్రతి రోజూ చస్తూ బ్రతుకుతున్నా. తను గుర్తుకు వస్తూనే ఉన్నాడు. అతడ్ని మర్చిపోవటానికి కెరీర్‌ను మంచిగా బిల్డప్‌ చేసుకోవటానికి ట్రై చేస్తున్నా. నేను పడుతున్న నరకం ఎవరూ పడకూడదు. మనల్ని ప్రేమించే వాళ్లకంటే మనం ప్రేమించే వాళ్ల దగ్గర ఉంటే హ్యాపీగా ఉంటాం. అది ఎంత కష్టమైనా. ఎందుకంటే మన మనసు వాళ్ల దగ్గర ఉంది కదా! - శ్రావణి చదవండి : విడిపోయి బ్రతకలేం! అర్థం చేసుకోండి అతడి కోసం లైఫ్‌లాంగ్‌ ఎదురుచూస్తా! లేదా worldoflove@sakshi.comకు మెయిల్‌ చేయండి

12 ఏళ్ల క్రితం మొదటిసారి తనను చూశాను. అది కూడా వెనుకనుంచి మాత్రమే. క్షణంలో 1000వ వంతు సమయంలోనే తను నచ్చేసింది. మా పక్కింట్లో ఉండే వాళ్ల అక్క ఇంటికి వచ్చింది తను. ఆ రోజు తన ఫేస్‌ చూడలేకపోయా. కానీ, తన గురించి ఆరా తీయటం మొదలుపెట్టా. అలా కొన్ని రోజుల తర్వాత తన ఫొటో చూశాను. అదే తన ఫేస్‌ మొదటిసారి చూడటం. అప్పుడే ఫిక్స్‌ అయ్యా. విచిత్రం ఏంటంటే! ఆ రోజు తను వచ్చింది నా కోసమే అంట. నేను తనను వెనుక నుంచి చూసి ఇష్టపడితే తను నన్ను చూడకముందే ఇష్టపడింది. అందుకే ఆరోజు అక్కడకు వచ్చింది. ఆ విషయం మాకు తెలియడానికి 4 ఏళ్లు పట్టింది. మా ఇంట్లో తెలియడానికి 10 ఏళ్లు పట్టింది. సినిమాటిక్‌గా ప్రేమలో పడ్డామే తప్ప ఎప్పుడూ ప్రపోజ్‌ చేసుకోలేదు. ప్రేమిస్తే చెప్పాలి అంటారు కానీ, చెప్తే కానీ, తెలియకపోతే అది ప్రేమ ఎలా అవుతుంది అంటాను నేను. అందుకే ప్రేమిస్తున్నానని చెప్పటం కన్నా.. ప్రేమను ఇచ్చిపుచ్చుకోవటమే మాకు తెలుసు. మాకు ఒకరిమీద ఒకరికి ఉన్న ప్రేమ, కోపం అన్నీ ఒక చూపుకే తేలిపోతాయి. వెయ్యేళ్లు మాట్లాడుకునే మాటల్ని ఒక సారి తన చెయ్యి పట్టుకుంటే నాకు తెలిసిపోయేవి. అలా ఉండేది మా కమ్యూనికేషన్‌ 12 ఏళ్ల ప్రయాణంలో తనని ఒకసారి కూడా పేరుతో పిలువ లేదు. తనకి నా పేరు గుర్తుందో లేదో మరి! ఎప్పుడు బొండాం.. బొండాం అని పిలుస్తుండేది. గోదావరిలో పడవ ప్రయాణంలా సాగిపోతున్న మా జీవితంలోకి ఒక పెద్ద సుడిగుండం.. వాళ్ల అమ్మగారు చనిపోవటం. అక్కడినుంచి మొదలయ్యాయి మా కష్టాలు.  పెళ్లి చేసుకో అని వాళ్ల ఇంట్లో వాళ్లు పెట్టే ఒత్తిడి ఎక్కువైంది. ఆ తర్వాత మా ఇంట్లో వాళ్ల ఇంట్లో మా ప్రేమ విషయం తెలిసి గొడవలు పడటం అన్నీ వెంట వెంటనే జరిగిపోయాయి. కానీ, మేము ఎప్పుడో ఫిక్సయి పోయాం. ఏం జరిగినా కలిసే ఉండాలని. కొన్ని రోజులకు మా ఇంట్లో ఒప్పుకున్నారు. వాళ్ల ఇంట్లో ఒప్పుకోలేదు. అప్పుడే తెలిసింది.. ప్రేమ, డబ్బు, సంతోషం కన్నా కులమే గొప్పదని. అయినా వెనక్కు తగ్గలేదు. ఎవరు ఎన్ని మాటలు అన్నా అలాగే ఓర్చుకున్నామే తప్ప ఎదురించలేదు. మేము వెళ్లిపోయి పెళ్లి చేసుకునే అవకాశం ఉన్నా అలా చేయలేదు. వాళ్లకి కూతురు కంటే కులం ఇష్టం. కానీ, మాకు మా ప్రేమతో పాటు వాళ్ల పేరెంట్స్‌ కూడా కావాలి. ఇదంతా జరిగి రెండేళ్లు అయ్యింది. వాళ్ల కోపంలో కానీ, మా ప్రేమలో కానీ, కొంచెంకూడా మార్పురాలేదు. మా 12 ఏళ్ల ప్రేమ పెద్దరికాన్ని దాటలేకపోయింది. వాళ్ల 25ఏళ్ల ప్రేమ కులం అనే గోడల్ని దాటలేకపోయింది. వాళ్ల కోసం ఆగిపోయాం.. మా కోసం ఒక్క అడుగు వేయలేరా. మేము మా ప్రేమను మర్చిపోవాలి అంటే ముందు మేము మా గతాన్ని మర్చిపోవాలి. ఆ గతంలో మీరు కూడా భాగమే కదా అంటే మిమ్మల్ని కూడా మర్చిపోవాలా? కష్టమే కదా. మిమ్మల్ని ఒప్పిస్తాం. మీరు ఒప్పుకునే వరకు ఎదురు చూస్తాం. మీరు ఒప్పుకుంటేనే పెళ్లి చేసుకుంటాం. అంతే కానీ, విడిపోయి మాత్రం బ్రతకలేము అర్థం చేసుకోండి. పేరులేని అమ్మాయిని ప్రేమించిన.. - బొండాం లేదా worldoflove@sakshi.comకు మెయిల్‌ చేయండి

నేను పది నెలల క్రితం మా ఫ్రెండ్‌తో కలిసి మా రిలేటివ్‌ ఎంగేజ్‌మెంట్‌కి వెళ్లాను. అక్కడ మొదటిసారి సాయి పవన్‌ను చూశాను. అతడ్ని చూడగానే నాకు నా మిగితా 60 ఏళ్ల జీవితం మొత్తం ఒకసారి కళ్లముందు కనపడింది. లవ్‌ యాట్‌ ఫస్ట్‌ సైట్‌ అంటే ఏమిటో అప్పుడే తెలిసింది. ప్రశాంతంగా ఉన్న నీళ్లలోకి ఒక రాయి వేసి డిస్ట్రబ్‌ చేసినట్లు.. చదువు, ఫ్రెండ్స్‌, ఫ్యామిలీ తప్ప ఇంకేమీ తెలియని నన్ను తన నవ్వు బాగా డిస్ట్రబ్‌ చేసింది. మొదట తను మేకప్‌ బాయ్‌​ అనుకున్నా. తర్వాత తెలిసింది తను పెళ్లి కొడుకు ఫ్రెండ్‌ అని. ఎంగేజ్‌మెంట్‌ అయిన తర్వాత తను నాకు కనిపించలేదు. పెళ్లికి ఇంకా ఓ నెల సమయం ఉంది. ఆ నెల రోజులు తనను చూడటం కోసం చాలా ఎదురు చూశాను. పెళ్లి రోజునే కరెక్ట్‌గా నాకు ఫైనల్‌ ఎక్షామ్‌ పడింది. అయినా సరే అతడికోసం ఎక్షామ్‌ అవ్వగానే ఫంక్షన్‌ హాల్‌కి వెళ్లాను. తను కనిపించాడు. చూస్తూనే నిలబడిపోయా. తన ఫ్రెండ్‌ తనతో నేను చూస్తున్నా అని చెప్పాడు. తను నెమ్మదిగా నన్ను చూడటం ఇప్పటికీ గుర్తుకు ఉంది. రెండు సార్లు చూశాడు. పెళ్లి రాత్రి అవ్వటం వల్ల నేను ఆ రాత్రి మొత్తం అక్కడే ఉన్నాను. తర్వాత తన వెనకే వెళుతున్నా నన్ను చూడలేదు. అవాయిడ్‌ చేయటం స్టార్ట్‌ చేశాడు. ఆ క్షణం నా మీద నాకు దిగజారిపోతున్నానేమోనన్న ఫీలింగ్‌ కలిగింది. మ్యారేజ్‌ అవ్వగానే తనతో మాట్లాడటానికి చాలా ట్రై చేశా! కుదర్లేదు. తర్వాత తను నాకు కనిపించలేదు. ఒక అమ్మాయిని అయ్యుండి నేను నీకోసం ఇంతలా ఎదురు చూస్తున్నా. నువ్వు మాత్రం నన్ను అవాయిడ్‌ చేస్తున్నావ్‌. నేను నీ కోసం నా లైఫ్‌ లాంగ్‌ ఎదురు చూస్తా.  ఐ మిస్‌ యూ సాయి!  - మధు, హైదరాబాద్‌ చదవండి : పెళ్లి చేసుకుందాం.. నువ్వు రాగలవా? ఆమె మీద అసహ్యం లేదు.. లేదా worldoflove@sakshi.comకు మెయిల్‌ చేయండి

సాఫ్ట్‌వేర్‌ కోచింగ్‌ కోసం హైదరాబాద్‌ వచ్చి హాస్టల్‌లో జాయిన్‌ అయ్యాను. ఓ రోజు చల్లని సాయంకాలం వేళ హాస్టల్‌పైకి వెళ్లాను. నా మొబైల్‌ ఫోన్‌ ట్రింగ్‌ ట్రింగ్‌ మని మ్రోగింది. ఏదో ఎస్‌టీడీ నెంబర్‌నుంచి ఫోన్‌. హాలో.. ఎవరు అని అడిగాను. ‘ హాలో​! ప్రసాద్‌ గారు’ అని ఒక అమ్మాయి గొంతు. ‘కాదండి’ అని అన్నాను.  అమ్మాయి : మీరెవరు? నేను : ఇంతకీ మీరెవరు? అమ్మాయి : మీరు ప్రసాద్‌ గారేనా నేను : కాదండీ బాబు! ఒకసారి నెంబర్‌ చెక్‌ చేసుకోండి ఆ అమ్మాయి నమ్మలేదు. ‘సరే! మీ పేరేంటి?’ అని అడిగింది. ‘ముందు మీ పేరు చెప్పండి’ అన్నాను. ‘ నా పేరు అమ్మాయి ’ అంది. ‘ అబ్బ ఛా! ఫోన్‌ పెట్టేయ్‌’ అన్నాను. కాల్‌ కట్‌ చేసింది. మళ్లీ కాల్‌ చేసింది. మళ్లీ ఫోన్‌ పెట్టేయమని గట్టిగా అరిచాను.  తర్వాత రోజు మళ్లీ అదే టైంకు ఫోన్‌! మళ్లీ ట్రింగ్‌ ట్రింగ్‌ మంది. ‘ హలో ఎవరు?’  ‘ హలో ప్రసాద్‌ గారేనా?’ ‘మళ్లీ నువ్వేనా ఏంటి? మళ్లీ మళ్లీ ఫోన్‌ చేస్తున్నావు’ ‘నిన్న ఫోన్‌ చేసింది నేను కాదు. నేను వేరే అమ్మాయిని’  ‘నిజం చెప్పు! నిన్న ఫోన్‌ చేసింది నువ్వే కదా?’ ‘కాదు’ ‘ మరి ప్రసాద్‌ అని ఎందుకు అడిగావు’  ‘అది వేరే అమ్మాయి.. అప్పుడు నేను కూడా ఉన్నాను’ ‘నేను ప్రసాద్‌ను కాదు’  ‘తెలుసు బాబు నాకు, ఎందుకు అంత చిరాకు. ఫోన్‌ చేసింది నేనే కదా. నాకే కదా బిల్లు’  ( అప్పుడే కొత్తగా మార్కెట్‌లోకి మొబైల్‌ ఫోన్‌ వచ్చింది. మొబైల్‌ ఫోన్‌లో మాట్లాడటం అంటే సరదా.) ‘ సరే చెప్పండి. నీ పేరు’ ‘ శాంతి. మరి నీ పేరు.’  ‘ రాజా’ అప్పటినుంచి మా మధ్య బంధం పెరిగింది. అలారం పెట్టుకుని ప్రతిరోజూ మాట్లాడుకునేవాళ్లం. మా ఇష్టాయిష్టాలు, అభిరుచులు కలిశాయి. ఒకరంటే ఒకరికి ఇష్టం ఏర్పడింది. ఓ రోజు కలుద్దామని అనుకున్నాం. ఓ డేట్‌ ఫిక్స్‌ చేసుకున్నాం. కానీ, నాకు జాబ్‌ రావటం వల్ల కలవలేకపోయాం. వేరేవేరే కారణాలతో అలా ఓ సంవత్సరం గడిచింది. మా మధ్య బంధం మరింత బలపడింది. ఆ తర్వాత శాంతి వాళ్ల ఇంట్లో తను ఫోన్‌ మాట్లాడుతున్న సంగతి తెలిసిపోయింది. ఓ రోజు నాకు ఫోన్‌ చేసింది. ‘ఇమీడియట్‌గా ఫోన్‌ నెంబర్‌ మార్చు. మా వాళ్లు నీ నెంబర్‌ తీసుకున్నారు.’ అని చెప్పింది. ఫోన్‌ నెంబర్‌ మార్చి కొత్త నెంబర్‌ ఇచ్చాను. ఒకసారి మాత్రమే మాట్లాడింది. చాలా రోజులు ఫోన్‌ చేయలేదు. ఏదో తెలియని బాధ మొదలైంది. నా మనసంతా శాంతి కోసమే తపించిపోయింది. తనను చూడాలని, మాట్లాడాలని, ఏం జరిగిందో తెలుసుకోవాలని అల్లాడిపోయాను. తర్వాత ఓ రోజు ఫోన్‌ చేసి ఇంట్లో వాళ్లు పెళ్లి సంబంధాలు చూస్తున్నారు. నన్ను వచ్చి మాట్లాడమని అంది. తన పేరు, ఊరు తప్ప ఇంకేమీ తెలియదు. ఫోన్‌లో మాట్లాడుకున్నాం. మనస్సులు కలిశాయి. కానీ, శాంతి వాళ్ళ ఇంటికి వెళ్లి వాళ్లను ఎలా ఒప్పించాలి. అది జరిగేపని కాదు. శాంతి మళ్లీ ఫోన్‌ చేసింది. ‘నిన్ను తప్ప ఇంకెవర్నీ పెళ్లి చేసుకోను. నువ్వు వచ్చి నన్ను తీసుకెళ్లు. లేదంటే చచ్చిపోతాను’అంది. నాకు అర్థం కాలేదు. ఏమీ ఆలోచించకుండా సరే అన్నాను. ప్రేమించడానికి రెండు మనస్సులు చాలు కానీ, పెళ్లికి రెండు కుటుంబాలు కావాలి. ఎలా? తను ఉన్న పరిస్థితుల్లో నేను తప్పకుండా వెళ్లాలి. నిర్ణయం తీసుకున్నాను. శాంతి ఫోన్‌ కాల్‌ కోసం ఎదురు చూశాను. ఫోన్‌ వచ్చింది. ‘పెళ్లి చేసుకుందాం. నీ కోసం వస్తాను. నువ్వు రాగలవా’ అన్నాను. వస్తానంది. ఇద్దరం ఒక డ్రెస్‌ కలర్‌ సెలెక్ట్‌ చేసుకున్నాం. మరుసటి రోజు విజయవాడ బస్‌స్టాండ్‌లో తన కోసం ఎదురు చూశాను. వస్తానన్న టైంకు రాలేదు. టైం గడిచిపోతోంది. టెన్షన్‌ పెరిగిపోతోంది. చాలా సమయం ఎదురు చూశాను. ఏమి చేయాలో అర్థం కాలేదు. శాంతికి ఫోన్‌ చేద్దామంటే ఫోన్‌ లేదు. ఎలా.. ఎలా.. చాలా సమయం తర్వాత. పర్పుల్‌ కలర్‌ పంజాబీ డ్రెస్‌ వేసుకుని వచ్చింది. నేను కూడా పర్పుల్‌ కలర్‌ షర్ట్‌ వేసుకున్నాను. నా దగ్గరకి వచ్చి రాజు అంది. నేను నువ్వు శాంతివా అన్నాను. తొందరగా వెళ్లిపోదాం పద అంది. సరే అని ఇద్దరం తిరుపతి బస్‌ ఎక్కాము. నా ఫ్రెండ్స్‌ సహకారంతో మా పెళ్లి ఆ ఏడుకొండల వెంకన్న స్వామి సమక్షంలో జరిగింది. తర్వాత ఇంట్లో వాళ్లను ఒప్పించాను. ఇప్పుడు హ్యాపీగా ఉన్నాము. ఒక వేళ నేను వెళ్లకపోయినా, తాను రాకపోయినా, లైఫ్‌లో ఒక మంచి అమ్మాయిని మిస్‌ అయ్యే వాడ్ని. అలా ఒకరిని ఒకరము చూసుకోకుండానే, మనస్సులు కలిసి పెళ్లి చేసుకున్నాము. ఇప్పుడు అందరూ మా జంట బాగుందంటున్నారు. మా ఇద్దరిని ఇలా కలిపిన దేవుడికి జీవితాంతం రుణపడి ఉంటాము. - రాజా, హైదరాబాద్‌ లేదా worldoflove@sakshi.comకు మెయిల్‌ చేయండి

నేను ఐదవ తరగతి చదువుతున్నపుడు మొదటిసారి తనని చూశాను. ఆ రోజు తను వేసుకున్న డ్రెస్‌ నాకిప్పటికీ గుర్తుంది. ఆమెను చూడగానే మనసు పారేసుకున్నా. తను తమిళనాడుకు చెందిన అమ్మాయి. ఆంధ్రలో ఉంటున్న వాళ్ల బంధువుల ఇంట్లో ఉండేది. తను మాతో కలిసి కూర్చునేది. తమిళనాడులోని వాళ్ల కుటుంబాన్ని ఎంత మిస్సవుతుందో చెప్పుకునేది. తను చాలా సున్నిత మనస్కురాలు. నాతో ఏడవ తరగతి వరకు చదువుకుంది. ఆ ఏజ్‌లో అది ప్రేమ అని చెప్పటానికి లేదు కానీ, తన మీద ఏదో మాటల్లో చెప్పలేని ఆరాధనా భావం. ఏడు తర్వాత మేము వేరుపడ్డాం. మా సెక్షన్లు వేరువేరు. పదవ తరగతి తర్వాత తనను చూడలేదు. చాలా రోజుల తర్వాత డిగ్రీలో తనను కలిశాను. ఏది ఏమైనా వేరే అమ్మాయి వంక నేను కన్నెత్తికూడా చూడలేదు. నాకంత ఆసక్తి కూడా ఉండేది కాదు. తన రూపం నా గుండెల్లో ముద్రపడిపోయింది. నా ప్రేమను ఆఖరికి నా క్లోజ్‌ ఫ్రెండ్స్‌కు కూడా చెప్పుకోలేదు. వయస్సు పెరుగుతున్న కొద్ది తన మీద నాకున్న భావాలు ఇంకా గట్టిపడసాగాయి.  తర్వాత ఆర్థిక పరిస్థితులు బాగోలేక జాబ్‌లో జాయిన్‌ అయ్యాను. తను కనిపించదని తెలిసినా నేను వాళ్ల ఇంటి వైపు నుంచి నడుచుకుంటూ వెళ్లే వాడిని. ఓ రోజు నాకు ఓ తెలియని నెంబర్‌ నుంచి ఫోన్‌ వచ్చింది. ఫోన్‌ ఎత్తి మాట్లాడాను. తనే ఫోన్‌ చేసింది. షాక్‌ అయ్యాను. కళో! నిజమో! అర్థం కాలేదు. సంతోషంతో ఉక్కిరిబిక్కిరి అయ్యాను. తను నా నెంబర్‌ ఎలా కనుక్కుందో నాకు తెలియదు. నాకు నమ్మకం ఉండింది. నిజమైన ప్రేమకు భగవంతుడు తప్పక దారి చూపిస్తాడని. డబ్బు సంపాదన కోసం నేను మలేషియా వెళ్లినప్పటికి ఫోన్‌లో టచ్‌లో ఉండేవాళ్లం. ఎన్నో ప్లాన్‌ వేసుకుని వెళ్లాను. కానీ, ఓ సంవత్సరం తర్వాత వెనక్కు వచ్చేశాను. దూరంగా ఉండేసరికి మా బంధం మరింత బలపడింది. నాకు మా ఇంట్లో, బంధువుల్లో, చుట్టుప్రక్కల అమాయకుడినని పేరుంది. అయితే తన ఇంట్లో సంబంధాలు చూస్తున్నారని తెలిసి పారిపోదామని అంది. మేము పారిపోయి పెళ్లి చేసుకున్నాం. దీంతో మా బంధువులు, ఫ్రెండ్స్‌ షాక్‌ అయ్యారు. కొద్దిరోజులకు వాళ్ల కుటుంబం మా పెళ్లిని అంగీకరించక తప్పలేదు. నేను చాలా సంతోషపడ్డాను.  పెళ్లి తర్వాత తన ఇష్టాలకు ఎప్పుడూ అభ్యంతరం చెప్పలేదు. కొన్నిసార్లు మా తల్లిదండ్రుల ఇష్టాలకు వ్యతిరేకంగా వెళ్లాను. కొన్ని రోజులు మా ఇంట్లో ఉండి తర్వాత వాళ్ల ఇంటికి వెళతానంది. నేను ఒప్పుకున్నాను. మూడు నెలలు గడిచిన తర్వాత ఓ రోజు వాళ్ల ఇంటికి వెళ్లాను. వాళ్లు ఇంట్లోకి రానివ్వలేదు. మరుసటిరోజు విడాకులు పంపింది. నాకు ఆస్తి, అంతస్తులు లేని కారణంగా తను నన్ను వదిలిపెట్టి వెళ్లిపోయింది. దీంతో నేను మళ్లీ దేశం విడిచిపెట్టివెళ్లిపోయాను. ఆ బాధనుంచి బయటపడలేకపోతున్నాను. కాలం మనసుకైన గాయాలను మాన్పుతుందని నా స్నేహితులు అన్నారు. కానీ, అలా జరగలేదు. నేనో పిచ్చోడిలా బ్రతుకుతున్నా. ప్రపంచం నానుంచి దూరం అయ్యింది. ఒంటరిగా కాలం వెల్లదీస్తున్నా. నాకు ఆమె మీద అసహ్యం లేదు. ఇప్పటికీ ప్రేమిస్తూనే ఉన్నా.  - ఇర్ఫాన్‌ రషీద్‌ ​​​​​​ లేదా worldoflove@sakshi.comకు మెయిల్‌ చేయండి

నేను ఇంటర్మీడియట్ వరుకు చాలా హ్యాపీగా ఉన్నాను. ఫ్రెండ్స్, మూవీస్ అని ఎంజాయ్ చేశాను.  డిగ్రీ ఫస్ట్ ఇయర్లో ఒక అమ్మాయిని చూశాను. ఏదో తెలియని క్రష్. ఆ అమ్మాయితో బాగా మాట్లాడేవాడిని. నేను చాలా అల్లరి చేసేవాడిని కాలేజీలో. అందుకేనేమో నేను బాగా నచ్చాను తనకి. నాతో రోజూ మాట్లాడేది. కాలేజీలో అందరూ మా మధ్యలో ఏదో ఉందని అనుకున్నారు. ఒక సారి ఉన్నట్టుండి మాట్లాడటం మానేసింది. నేను ఏమైందని అడిగాను! చెప్పలేదు. తర్వాత తెలిసింది మా క్లాస్లో ఒక అబ్బాయి అడిగాడట ‘నిన్ను ఆ అబ్బాయి లవ్ చేస్తున్నాడు కదా! నువ్వు ఒకే చెప్పావా?’ అని. అప్పుడు ఆ అమ్మాయి అంది ‘ ఆ అబ్బాయితో నేను ఫ్రెండ్లీగా ఉంటున్నాను అంతే’ అని. అప్పటినుంచి తను నాతో మాట్లాడటం మానేసింది! కాలేజీలో ఏమనుకుంటారో అని.  కానీ, ఆమెను మర్చిపోలేక పోయా. డిగ్రీ తర్వాత నేను జాబ్ కోసం హైదరాబాద్‌కు వచ్చాను. ఒక రోజు ఆ అమ్మాయి నుంచి కాల్ వచ్చింది.  ఎలా వున్నావని. అప్పుడు ఆమె పీజీ చదువుతోంది. తర్వాత ప్రతి వారం కాల్ చేసేది. ‘ఎలా ఉన్నావ్‌? జాబ్ ట్రైల్స్ ఎలా ఉన్నాయి?’ అని అడిగేది.  నాకు ఒక మంచి కంపెనీలో జాబ్ వచ్చింది. విత్ గుడ్ శాలరీ. అప్పుడు ఆ అమ్మాయికి చెప్పాను నేను లవ్ చేస్తున్నానని. ‘అదేంటి ఇప్పుడు చెప్పావు సడన్‌గా’ అని అడిగింది.  ‘జాబ్ వచ్చిన తర్వాత నీకు ప్రపోజ్ చేద్దాం అని వేయిట్‌ చేశాను. సో నేను ఇప్పుడు చెప్పాను’ అని అన్నాను. తను ఒక వారం తర్వాత ఒకే అని చెప్పింది. ఒక రెండు సంవత్సరాలు డీప్ లవ్లో ఉన్నాము. రెండు నెలలకు ఒక సారి కలసి వచ్చేవాడిని. ‘నాకు ఇంట్లో మ్యారేజ్ చేస్తున్నారు’ అని సడెన్‌గా బ్లాస్ట్ చేసింది. నేను షాక్! వాళ్ల బ్రదర్స్‌తో మాట్లాడాను. నో అని అన్నారు. ‘మాది పెద్ద ఫ్యామిలీ ఒప్పుకోరు’ అని అన్నారు. చాలా రిక్వెస్ట్ చేశాను కానీ ఒప్పుకోలేదు. ఒక రోజు ఆమె వాళ్ల నాన్నతో కూడా మా ప్రేమ విషయం చెప్పింది. ఆయన కూడా ఒప్పుకోలేదు. బయటకి వెళ్లి పెళ్లి చేసుకుందాం అని అన్నాను. కానీ, ఇంట్లో వాళ్లు ఒప్పుకుంటేనే మ్యారేజ్ చేసుకుంటాను.. లేకుంటే చేసుకోను అని చెప్పింది. అలా  తను మ్యారేజ్ చేసుకుని వెళ్లిపోయింది. లైఫ్ ఇక లేదని చాలా బాధ పడ్డాను. కానీ ఒక సంవత్సరం తర్వాత ఒక అమ్మాయి పరిచయం అయ్యింది. పెళ్లి చేసుంటానని నాకు ప్రపోజ్ చేసింది. తను నాకు కూడా చాలా బాగా నచ్చింది. ఇంట్లో చెబితే రెండు ఫ్యామిలీలు ఒప్పుకున్నాయి. ఇప్పుడు పెళ్లి చేసుకుని మంచి పోజిషన్లో ఉన్నాను. - కిశోర్‌  లేదా worldoflove@sakshi.comకు మెయిల్‌ చేయండి

అది 2003! అప్పుడప్పుడే ఇండియా క్రికెట్ వరల్డ్ కప్ ఓటమి బాధలోనుంచి బయటకొస్తున్న రోజులు. నేను ఆరవ తరగతి వరకు ఒక స్కూల్లో చదువుకుని ఏడవ తరగతికి వేరే స్కూల్లో చేరుదామని వెళ్లాను. అప్పుడు లంచ్ టైం! స్కూల్లో అందరు స్టూడెంట్స్ హడావుడిగా పరిగెత్తుతున్నారు. అందులో ఓ అమ్మాయి మీదకు నా చూపు వెళ్లింది. అప్పుడే నాకు జీవితంలో తొలిసారి ప్రేమంటే ఏంటో తెలిసింది(ఆ ఏజ్‌లో దాని ప్రేమ అంటారు అని కూడా సరిగ్గా తెలియదు). ఆ క్షణానే నా గుండెల్లో తన గుర్తు పడిపోయింది. తరువాతి రోజు నుంచి కొత్త స్కూల్కి వెళ్తుంటే చాలా సంతోషించా. ఎందుకంటే మళ్లీ ఆ అమ్మాయిని చూడొచ్చు కదా అని. కానీ, నాకు ఆ అమ్మాయి క్లాస్ ఏంటి, పేరేంటి అని ఎలాంటి వివరాలు తెలియవు. మొత్తానికి తరువాతి రోజు కొత్త స్కూలుకి వెళ్లాను. నన్ను మా మేడం క్లాస్‌కు పరిచయం చేసి, వెళ్లి అక్కడ కూర్చో అని ప్లేస్ చూపించింది. వెళ్లి కూర్చున్నాను. పక్కన చూస్తే అదే అమ్మాయి. వావ్ అనుకున్నా. దేవుడా! నువ్వు ఉన్నావు అనుకుని చాలా ఆనందపడ్డ మనసులో. ఆ రోజు మొత్తం అలా ఆ అమ్మాయినే చూస్తుండిపోయా. అలా అలా టెన్త్‌ క్లాస్ కూడా అయిపొయింది, ఈ నాలుగేళ్లు అమ్మాయితో బాగానే మాట్లాడేవాడిని కానీ, ఎప్పుడూ దైర్యం చేసి ‘నువ్వంటే ఇష్టం, పేమిస్తున్నాను’ అని చెప్పలేకపోయాను. అప్పట్లో నేను చాలా భయస్తుడిని అందుకే చెప్పలేకపోయా. ఇంటర్‌కు వచ్చాము! తాను వేరే కాలేజీ, నేను వేరే కాలేజీ. రెండేళ్లు మళ్లీ మాట్లాడటానికి కుదరలేదు. సరిగ్గా ఇంటర్ అయిపోయాక ఎంసెట్ ఎగ్జామ్ రాయడానికి హైదరాబాద్ బయలుదేరాను. బస్సులో వెళ్లడానికి బస్టాపుకి వెళ్లాను. అక్కడ తను కనిపించింది. తను కూడా ఎంసెట్ ఎగ్జామ్ రాయడానికి హైదరాబాద్ వెళుతోంది. ఇద్దరం ఒకే బస్సులో వెళ్లాము. రెండేళ్ల తరువాత మాట్లాడాను. మళ్లీ కాంటాక్ట్ నెంబర్‌ తీసుకోకుండానే మిస్ అయిపోయాను. తను గ్రాడ్యుయేషన్‌కు వేరే కాలేజీ, నేను వేరే కాలేజీ. ఆర్కుట్ రోజులు అవి. ఆర్కుట్లో తన కాంటాక్ట్ దొరికింది. ఇంకా అప్పుడప్పుడే ఎఫ్‌బీ వాడుతున్న రోజులు అవి. ఆర్కుట్లో, ఎఫ్‌బీలో చాట్ బాగానే చేసేవాడిని. కానీ, అప్పుడు కూడా దైర్యం చేసి చెప్పలేకపోయా. మొత్తానికి గ్రాడ్యుయేట్ అయిపోయింది. తను మాస్టర్స్ చదవడానికి ఫారిన్ వెళ్లింది. తన చదువు అయిపోయింది, పెళ్ళి కూడా అయిపోయింది. నేను కూడా ఇప్పుడు ఫారిన్లో జాబ్ చేస్తున్నా. ఇంకా పెళ్లి చేసుకోలేదు. ఇప్పటికీ ప్రతిరోజూ బాధపడుతుంటా ఈ పదహారేళ్లలో ఒకసారైనా దైర్యం చేసి చెప్పి ఉండాల్సింది ‘నువ్వంటే నాకిష్టం’ అని. - టింకు, భువనగిరి లేదా worldoflove@sakshi.comకు మెయిల్‌ చేయండి

నాది రాజమండ్రి. పోస్ట్‌ గ్రాడ్యుయేషన్‌ అయ్యాక జాబ్‌ కోసం నేను ఇంటినుంచి దూరంగా హైదరాబాద్‌ వచ్చా. ఒక చిన్న జాబ్‌లో జాయిన్‌ అయ్యా. అప్పుడే నేను ఓ అమ్మాయిని చూశా. లవ్‌ యాట్‌ ఫస్ట్‌ సైట్‌ అంటారు! అది నిజమో కాదో అప్పటి వరకు నాకు తెలీదు. కానీ, తనను చూడగానే నచ్చింది. తను చాలా సైలెంట్‌గా తన పని తాను చూసుకునేది. మిగిలిన వాళ్లమంతా చాలా బాగా ఫ్రెండ్స్‌ అయ్యాం. కొన్ని రోజుల తర్వాత తనతో మాట్లాడా. అప్పుడు తెలిసింది. తనకు వాళ్ల నాన్న, చెల్లెలు అంటే చాలా ఇష్టం అని, వాళ్ల కోసం ఏదైనా చెయ్యాలి అనే తన ఇంటెన్సన్‌. నాకు తన మీద ప్రేమను ఇంకా పెరిగేలా చేశాయి. రోజులు గడుస్తున్న కొద్దీ నేను అందరితో చాలా క్యాజువల్‌గా సరదాగా ఉండేవాడ్ని.   తన దగ్గర మాత్రం అలా ఉండేవాడ్ని కాదు. తను ఎంతో నెమ్మదిగా ఉంటుంది. తొలి ప్రేమలో కీర్తిరెడ్డిలాగా. నాకు తెలియకుండానే నేను తన దగ్గర చాలా నెమ్మదిగా నడుచుకునేవాడిని. నా ఫ్రెండ్స్‌కి తెలుసు తనంటే నాకు ఇష్టం అని. అలాగే తన ఫ్రెండ్స్‌కు కూడా తెలిసింది నేను తనను ప్రేమిస్తున్నానని. అప్పటినుంచి నాతో మాట్లాడటం మానేసింది. నేను కాల్‌ చేస్తే లిఫ్ట్‌ చేసేది కాదు. మెసేజ్‌ చేస్తే నో రిప్లై. అప్పుడే నాకు మంచి కంపెనీలో జాబ్‌ వచ్చింది. అప్పుడు ఫ్రెండ్స్‌ అంతా పార్టీ అడిగారు. తనను కూడా పిలిచా, చాలా బ్రతిమాలితే తను వచ్చింది. రాజుభాయ్‌ మూవీకి, తర్వాత రెస్టారెంట్‌కు అప్పుడే తనతో నేను కొంచెం ఎక్కువ సేపు టైం స్పెండ్‌ చేసింది. ఆ తర్వాత నేను నా జాబ్‌ చేసుకుంటూ తనను చూడటానికి డైలీ నా పాత ఆఫీసుకు వెళ్లే వాడిని. అలాగే తను కొన్ని కోర్సులు నేర్చుకోవటానికి అమీర్‌ పేట్‌ వచ్చేది. అక్కడ వేచి చూసే వాడ్ని. ఇబ్బంది పెట్టకూడదని దూరం నుంచే చూసే వాడ్ని. ఒకరోజు తన బస్‌లో వెళ్లి తన హాస్టల్‌ దగ్గర మాట్లాడా. ‘ నువ్వు నాతో ఎందుకు మాట్లాడటం లేదు’ అని అడిగా. దానికి తను ‘ ఇవన్నీ ఎందుకు. అందరూ ఏదో అనుకుంటారు’ అని చెప్పింది. ‘ నలుగురు ఏమనుకుంటారో నాకు తెలియదు. కానీ, నువ్వు అంటే నాకు ఇష్టం’ అని చెప్పా. తను ‘ఇవన్నీ జరగవు’ అని అంది. నేను తనను ఇబ్బంది పెట్టను అని చెప్పా. ఆ తర్వాత కొన్ని నెలలకు తనకు పెళ్లి ఫిక్స్‌ అయ్యిందని తెలిసింది. చాలా ఏడ్చాను. మా ఫ్రెండ్స్‌ అందరూ నన్ను నార్మల్‌ చేయటానికి చాలా ట్రై చేశారు. తను నన్ను పెళ్లికి పిలవదు అనుకున్నా. నాకు మ్యారేజ్‌ ఇన్విటేషన్‌ మెయిల్‌ చేసింది. నా లైఫ్‌లో ఎప్పుడూ ఏడ్చనంతగా ఓ అమ్మాయి కోసం ఏడ్చా. తర్వాత రోజు మ్యారేజ్‌కు రమ్మని నాకు కాల్‌ చేసింది. సడెన్‌గా ఏంటిది అని అడిగా. అప్పుడు తను చెప్పింది ‘ సడెన్‌గా కాదు! చాలా రోజుల నుంచి అనుకుంటున్నారు. అతను మా మామయ్య’ అని. ‘‘ నువ్వు నన్ను పెళ్లికి పిలువవు అనుకున్నా’ అని చెప్పా. అప్పుడు తనంది’ నువ్వు నా ఫ్రెండ్‌వి’ అని.  ఆ తర్వాత నేను తనకు ప్రపోజ్‌ చేశా. ఐ లవ్‌ యూ అని చెప్పా. స్వారీ కూడా. ఐ లవ్‌యూ అని తనతో చెప్పాలనుకున్నా! చెప్పా. అప్పుడు చెప్పటం కరెక్ట్‌ కాదు. అయినా చెప్పా. ఆ తర్వాత తన మ్యారేజ్‌కు ముందు రోజు వాళ్ల ఇంటికి వెళ్లి విష్‌ చేసి వచ్చా. అది నేను తనను చివరిసారి చూడటం. తర్వాత ఎప్పుడూ తనను కలవలేదు, మాట్లాడటానికి కూడా ట్రై చేయలేదు. జీవితంలో మనకోసం కూడా ఒకరు పుడతారని అంటారు. అది నిజం! తన మ్యారేజ్‌ అయిన ఐదు సంవత్సరాలకు ఒక అమ్మాయి మా ఆఫీసులో జాయిన్‌ అయ్యింది. తనలాంటి నడవడికతో ఉన్న ఆ అమ్మాయి నాకు చాలా మంచి ఫ్రెండ్‌ అయ్యింది. నేను తనకు చెప్పా మ్యారేజ్‌ చేసుకోవాలనుకుంటున్నానని. తను వాళ్ల ఇంట్లో అడగమంది. వాళ్ల పేరెంట్స్‌ని అడిగి పెళ్లి చేసుకున్నాం. ఇప్పుడు మాకు పెళ్లి జరిగి ఐదు సంవత్సరాలు. నాకు ఇద్దరు ఆడపిల్లలు. వాళ్లంటే నాకు చాలా ఇష్టం. నా ఫస్ట్‌ లవ్‌ తర్వాత నా వైఫ్‌తో, ఇప్పుడు నా ఇద్దరు కూతళ్లతో కలిపి మొత్తం నలుగురితో నాలుగు సార్లు లవ్‌లో పడ్డా. ఇప్పుడు నా కూతుళ్ల కన్నా ఎవ్వరూ నాకు అందంగా కనిపించరు.  - కిరణ్‌  లేదా worldoflove@sakshi.comకు మెయిల్‌ చేయండి

ప్రతి ఒక్కరి జీవితంలో ఏదో ఒక సందర్భంలో ఎవరో ఒకరు, ఎప్పుడో అప్పుడు పరిచయం అవుతారు. ఆ పరిచయాలు స్నేహాలుగా, ప్రేమలుగా మారి కొన్ని విజయం సాధిస్తే, మరి కొన్ని విఫలం అవుతాయి. ఎవరు ఎప్పుడు ఎందుకు పరిచయం అవుతారో తెలియదు కానీ, జీవితంలో మరిచిపోలేని బాధను మిగిల్చి వెళ్లిపోతారు. నేను ఇంటర్‌ మీడియట్ జాయిన్ అయిన రోజే నాతో పాటు ఒక అమ్మాయి కూడా జాయిన్ అయ్యింది. ఆమెను నేను లవ్ చేస్తానని కలలో కూడా అనుకోలేదు. అయితే నాకు కొద్దిగా మాట్లాడే ధైర్యం ఎక్కువ.. సూటిగా మాట్లాడే తత్వం. వెంటనే పరిచయం చేసుకున్నా. తన పేరు లతిక అని చెప్పింది. అలా కాల గమనంలో మా స్నేహం గాఢమైన స్నేహంగా మారిపోయింది. ఆమెకు ఎలా ఉండేదో తెలియదు కానీ తను నా వెంట ఉంటే ఈ ప్రపంచాన్నే మరిచిపోయే వాడిని. ‘నిన్ను ప్రేమిస్తున్నాను’ అని చెప్పే ధైర్యం ఉంది. కానీ, ఒకవేళ నన్ను తను అపార్థం చేసుకుంటుందేమో అన్న భయం. నిన్ను లవ్ చేయడం లేదు అంటే, ప్రేమతో పాటు స్నేహం కూడా చెడిపోతుంది. అందుకే మరో సంవత్సరం పాటు చెప్పకుండా ఉండిపోయా. తరువాత అందరం వీడ్కోలు తీసుకునే సమయం వచ్చింది. తను దూరం అవుతుంది అన్న ఆలోచనే నన్ను ఒక్క నిమిషం కూడా నిలువన్విలేదు! ఊపిరి ఆగిపోతున్నట్టు ఉంది. ఇక ఏదైనా సరే చెప్పాలి అని డిసైడ్ అయ్యాను. ఒక అరగంట తరువాత తనే నన్ను పిలిచింది. ‘ఏంటి అలా ఉన్నావ్‌?ఏమైంది? ’ అని అడిగింది. కొద్ది సేపు వరకు మౌనంగా ఉండిపోయా. ‘చెప్పు ఏమైంది?’ అని మళ్లీ అడిగింది. అప్పుడు చెప్పా ‘ఈ రోజుతో నువ్వు నాకు పూర్తిగా దూరం అవుతావు. ప్రతిరోజు నిన్ను కలవలేను, నీతో మాట్లాడలేను, నిన్ను చూడలేను.. నువ్వు లేకుండా నేను ఉండలేను.. ఏం చేయాలో అర్థం కావడం లేదు.. నువ్వు లేకుండా నేను లేను.’ అన్నాను. వెంటనే తను ‘ఎందుకు అలా అనిపిస్తుంది’ అని కొంటెగా నవ్వుతూ అడిగింది. ‘ఏమో తెలియదు’ అని అన్నాను. తల దించుకుని ఉన్నా. ఏమైందో తెలియదు. నేను అసలు అలా జరుగుతుందని ఊహించలేదు. మెరుపు వేగంలా  వచ్చి నన్ను గట్టిగా హత్తుకుంది. అంతే ఆ దెబ్బకు మరో మూడు సంవత్సరాల పాటు కలిసి డిగ్రీ చేశాం. ప్రతి ప్రేమ జంట ఎంత ఎంజాయ్ చేస్తారో ఆంతకు మించి ఎంజాయ్‌ చేశాం. ఒకరోజు సడెన్‌గా వచ్చి ‘నాకు వివాహం ఫిక్స్ అయ్యింది ఇక నుండి నన్ను మరచిపో’ అని వెళ్లిపోయింది. తనతో అదే చివరి క్షణం. అంత తేలికగా ఎలా వెళ్లిపోయిందో అర్థం కావడం లేదు.  ఒక అమ్మాయి అలా నిర్ధాక్షిణ్యంగా వదిలి వెళ్లిపోతే ఏ అబ్బాయి అయిన ఏం చేస్తాడు. రెండున్నర సంవత్సరాలు పిచ్చి పట్టినట్టుగా పిచ్చివాడిలా అయిపోయా. నాకు జీవితం మీద ఆశ లేని సమయంలో ఒక అమ్మాయి మళ్లీ నా జీవితంలోకి వచ్చింది. రెండున్నర సంవత్సరాల తరువాత బలవంతంగా నేను వెళ్లిన ఒక పెళ్లిలో పరిచయం అయింది. అది అనుకోని, ఊహించని పరిచయం. మళ్లీ నా జీవితంలో ఆనందాలు, సంతోషాలు. నా జీవితంలో అన్నీ ఊహించని పరిణామాలు. తను పరిచయం అవ్వటం, తనే నాపై ప్రేమను వ్యక్తం చేయడం. వాళ్ల అమ్మా, నాన్నలను కూడా ఒప్పిండడం.. మా పెళ్లి నిర్ణయం అన్నీ ఒకదాని వెంట ఒకటి అనుకోకుండా జరిగిపోయాయి. ఇప్పుడు మా వివాహ సమయం కోసం ఎదురు చూస్తున్నా. నాకు అర్థం అయిన విషయం ఏంటంటే! అబ్బాయిల జీవితం ఒక అమ్మాయితో ముడి పడి ఉంటుందని. ఓ అమ్మాయి నన్ను ప్రేమించి వదిలి వెళ్ళిపోయింది. మరో అమ్మాయి నన్ను మళ్లీ మనిషిని చేసి కాపాడింది. - అనూప్‌ లేదా worldoflove@sakshi.comకు మెయిల్‌ చేయండి

ఎలా వచ్చిందో తెలియదు కానీ, నా జీవితంలోకి వెలుగులా వచ్చింది తను. అప్పటికే లవ్‌ ఫేయిల్యూర్‌ అయి అంధకారంలో ఉన్న నన్ను తను వెలుగులోకి తీసుకొచ్చింది. నేను డిగ్రీ ఫైనల్‌ ఇయర్‌ అయిపోగానే ఫ్రెండ్స్‌తో కలిసి బీచ్‌కి వెళ్లి వచ్చా.  అయితే అక్కడ మొదలైంది నా లవ్‌ స్టోరీ. అప్పటి వరకు ఫ్రెండ్‌ అనుకున్నా తనని కానీ, ఆ చివరి నిమిషంలో నన్ను వదలి వెళ్లిపోయింది. తను వదలి వెళ్లిపోయిన తర్వాత నాకు అర్థం అయ్యింది. తనను నేను ప్రేమిస్తున్నానని. తను వెళ్లిపోయిన తర్వాత నాకు ఫోన్‌ కూడా చేయలేదు. కానీ, నేను తన లోకంలో తప్ప ఇక ఏ లోకంలో లేను. సడెన్‌గా అప్పుడు మెసేజ్‌ చేసింది. ఇక నా ఆనందానికి అవధులు లేవు. కానీ, ఆ ఆనందం ఎక్కువ రోజులు నిలువలేదు. తర్వాత తనతో రోజూ మాట్లాడేవాడిని. తన ఫోన్‌ మాట్లాడకుండా నాకు రోజు ముగిసేది కాదు. అది అలా వుండగా ఇక తనకి నేను ఫిబ్రవరి 14న ప్రపోజ్‌ చేద్దామనుకున్నా. తనకు కాల్‌ చేశాను. నా ప్రపోజల్‌తో తనకు షాక్‌ ఇద్దాం అనుకుంటే తనే నాకు పెద్ద షాక్‌ ఇచ్చింది. వేరే ఎవరో తనని లవ్‌ చేస్తున్నాడంట. అతడికి ఒకే చెప్తున్నానని అంది. ఇక ఆ క్షణం నాకు ఏడుపు ఆగలేదు. చచ్చిపోదాం అనుకున్నా. కానీ, మా అమ్మకు నేను ఒక్కడినే.. తను నా మీద పంచ ప్రాణాలు పెట్టుకుంది. అంతే చావును క్యాన్సిల్‌ చేశా. కానీ, తనతో మాట్లాడకుండా ఉండలేకపోయా. ఏం చెయ్యాలో అర్థం కాని పరిస్థితి. ఇక అక్కడ ఉండలేక జాబ్‌ చేసుకుందామని హైదరాబాద్‌ వచ్చేశా. కానీ, తనంటే ఇష్టాన్ని మాత్రం తగ్గించుకోలేకపోయా. సరే ఎప్పటికయినా అర్థం చేసుకుంటుందిలే అని ఒక చిన్న ఆశతో ఎదురు చూశాను. ఇక ఆ పరిస్థితిలో నేను కోలుకోలేని స్థితికి చేరిపోయా. అయినా ఎలా చెప్పను తనకు‘నువ్వంటే నాకిష్టం’అని. పగిలిన నా హృదయాన్ని అతికించి మరీ పగుల గొట్టిన తన గురించి ఏమని చెప్పాలి. అప్పటినుంచి తను నాకు పరిచయం చేసిన నవ్వులను ఎవరో నానుంచి లాక్కొని వెళ్లిపోయినట్లు అనిపించింది. తరువాత తను వాళ్ల లవర్‌ చెప్పినట్లు వింటూ నా నెంబర్‌ను బ్లాక్‌ చేసింది. నన్ను ఒక క్యారెక్టర్‌ లేని వాడ్ని చేసింది. ఇక ఆ క్షణం మొదలైన నా కన్నీటి ధార ఇంత వరకు ఆగలేదు. నన్ను అవాయిడ్‌ చేస్తోంది. నా కాల్స్‌ లిఫ్ట్‌ చెయ్యడం లేదు. ఒక రోజు తనను మర్చిపోవటానికి డ్రింక్‌ చేశాను. ఇక నా రాత అంతే! నేను ఎవరిని ఇష్టపడినా నాకు దూరమవుతుంటారని ఫిక్స్‌ అయ్యా. ఇక అందరితో కలవడం మర్చిపోయా. నా పనిలో నేను ఉన్నా కానీ, తనని మర్చిపోలేకపోయే వాడిని. తనని లవ్‌ చేసుంటే మర్చిపోయేవాడిని. కానీ, తనను మా అమ్మ అనుకున్నాను. కొంత కాలానికి తను మళ్లీ కాల్‌ చేసింది. చాలా హ్యాపీగా చాలా అంటే చాలా. అంతలోనే అనుమానం. మళ్లీ తను నానుంచి దూరంగా వెళ్లిపోతుందేమో అని భయం. అది గుర్తుకు రాగానే భయం వేసింది. అయిష్టంగానే మాట్లాడా కానీ, ఉన్న ప్రేమ దాచుకోలేకపోయా. నా ప్రేమను తనకు ఎలా చూపించాలో నాకు తెలియదు. అప్పుడు తను నన్ను ఓ మాట అడిగింది. ‘నేను లవ్‌ చేస్తున్న అబ్బాయి అంటే నీకు ఎందుకు కోపం’ అని..  నేను మౌనంగా ఉండిపోయా...  - దేవీ ప్రసాద్‌ లేదా worldoflove@sakshi.comకు మెయిల్‌ చేయండి

ఓ రాంగ్‌ కాల్‌ ద్వారా తను నాకు పరిచయం అయ్యింది. వాట్సాప్‌లో తొమ్మిది రోజులు చాట్‌ చేసుకున్నాం. ఫ్రెండ్స్‌ కూడాఅయ్యాం. పదవ రోజు ఆ అమ్మాయి ఫోన్‌ పోయింది. నేను కాల్‌ చేస్తుంటే స్విచ్ఛాఫ్‌ అని వచ్చింది. ఆ అమ్మాయి అడ్రస్‌ తెలీదు. కాలేజ్‌ తెలీదు. ఫొటో కూడా చూడలేదు. అలానే ఒక నెల పాటు కాల్‌ చేశా స్విచ్ఛాఫ్‌ అని వచ్చింది. తర్వాత నేను కాల్‌ చేయటం మానేశా. తర్వాత మా ఫ్రెండ్‌  ‘ఫేస్‌బుక్‌లో నెంబర్‌తో ట్రై చేయ్‌’ అని చెప్పాడు. ఎనిమిది నెలల తర్వాత ఫేస్‌బుక్‌లో తన నెంబర్‌ టైప్‌ చేసి సెర్చ్‌ చేశా. ఏదో అబ్బాయి ఫ్రోఫైల్‌ ఓపెన్‌ అయ్యింది. అబ్బాయి ఫ్రెండ్‌ లిస్ట్‌లో తన పేరు సెర్చ్‌ చేశా! తన ఫ్రోఫైల్‌ దొరికింది. డైరెక్ట్‌ మెసేజ్‌ చేశా. ఎనిమిది నిమిషాల తర్వాత రిప్లై వచ్చింది. ‘కొన్ని నెలల క్రితం ఇద్దరం చాట్‌ చేసుకున్నాం’ అని ఆమెకు గుర్తుచేశా. తన పేరు చెప్పి నువ్వేకదా అని అడిగా. ‘అవును పిచ్చోడా! నా మొబైల్‌ పోయింది. నీ మెసేజ్‌ కోసం చాలా ఎదురు చూస్తున్నా. నీ నెంబర్‌ తెలీదు కానీ, మనం మళ్లీ కలుసుకుంటామని నాకు నమ్మకం ఉంది. అలా డైలీ చాటింగ్‌, కాల్స్‌ చేసుకునేవాళ్లం. రెండు నెలల తర్వాత తనకి ప్రపోజ్‌ చేశా. 23 రోజుల తర్వాత ఓకే చెప్పింది. అలా రెండేళ్లు మా మధ్య ప్రేమ హాయిగా నడిచింది. ప్రతిరోజూ ఆనందమే. గొడవలు అవుతుండేవి కానీ, వెంటనే కాంప్రమైజ్‌ అయ్యేవాళ్లం. లేవగానే మాట్లాడుకునేవాళ్లం. ఎప్పుడు పడుకుంటామో తెలీదు. అప్పుడే నాకు కోడలు పుట్టింది. కోడలి ఫంక్షన్‌లో మా విషయం ఇంట్లో చెప్పేస్తా అన్నా. మా ఇంట్లో అందరికి తెలుసు. కానీ, మా నాన్నకు తెలీదు. ఫంక్షన్‌లో చెబుదాం అనుకున్నా. ఆ అమ్మాయి మా విషయం వాళ్ల అమ్మతో చెప్పింది. దీంతో వాళ్లు చస్తామని బెదిరించారు. వెంటనే పెళ్లి చూపులు పెట్టారు. నేను వాళ్ల అమ్మ దగ్గరకు వెళ్లా.. వాళ్లు ఒప్పుకోలేదు. ఆర్థికంగా మేము బాగా ఉన్నాం. తనకు వచ్చిన సంబంధం ఆస్ట్రేలియానుంచి అందుకే నన్ను రిజెక్ట్‌ చేశారు. పెళ్లి అయిపోయింది. నేను పిచ్చోడిని అయిపోయా. డైలీ డ్రింక్‌ అండ్‌ స్మోక్‌ అలా నాలుగు నెలలు గడిపేశా. తర్వాత ఓ రోజు తనని ఓ బైక్‌పై చూశా. తను చాలా సంతోషంగా ఉంది. నేను అప్పుడు డిసైడ్‌ అయ్యా. నన్ను నేను మార్చుకోవాలని. గతంలో నేను ఆర్మీలో చేరాలని అనుకున్నాను. కానీ, తనకోసం నా ఆశయాన్ని మార్చుకున్నా. మళ్లీ ఆర్మీ ఈవెంట్స్‌కు హాజరై క్వాలిఫై అయ్యా. తనకు ఆ విషయం తెలిసి నాకు ఫోన్‌ చేసింది. వెళ్లొద్దని ఏడ్చింది. ప్రైవేట్‌ జాబ్‌ చేసుకోమంది. తన మాట కాదనలేకపోయా. ప్రస్తుతం ఓ ప్రైవేట్‌ కంపెనీలో జాబ్‌ చేస్తున్నా. అమ్మాయి ప్రేమ శాశ్వతం కాదు. తన సంతోషమే మన సంతోషం అనుకోవాలి. తనను లైఫ్‌ లాంగ్‌ ప్రేమిస్తా. ట్రూ లవ్‌ నెవర్‌ ఎండ్స్‌.  - అజర్‌ లేదా worldoflove@sakshi.comకు మెయిల్‌ చేయండి

నేను సాఫ్ట్‌వేర్‌ ఇంజనీర్‌గా కాంగ్నిజెంట్‌లో పనిచేస్తున్నాను. ఖాళీగా ఉన్నపుడు ఫేస్‌బుక్‌, వాట్సాప్‌, ఇన్‌స్టాగ్రామ్‌ చూస్తుంటాను. ఓ రోజు నాకు ఫేస్‌బుక్‌లో ఫ్రెండ్‌ సజెషన్‌ వచ్చింది. ఆ ఫ్రెండ్‌ సజెషన్‌ను ఓపెన్‌ చేశాను. తనను చూసిన మొదటిచూపులోనే ఎలాగైనా తనను మ్యారేజ్‌ చేసుకోవాలనిపించింది. తనకు వెంటనే ఫ్రెండ్‌ రిక్వెస్ట్‌ పెట్టాను. తను నా ఫ్రెండ్‌ రిక్వెస్ట్‌ యాక్సప్ట్‌ చేయలేదు. నాకు మాత్రం తనతో మాట్లాడాలని, నా ఫీలింగ్స్‌ను తనతో షేర్‌ చేసుకోవాలని అనిపించింది. ఫేస్‌బుక్‌ మెసెంజర్‌ ఓపెన్‌ చేశాను. వినాయక చవితి రోజు హ్యాపీ వినాయక చవితి అని మెసేజ్‌ చేశాను. అప్పటినుంచి మెసేజ్‌లు చేయటం మొదలుపెట్టాను. తన బర్త్‌డే తెలుసుకున్నాను. తనకు పుట్టిన రోజు నాడు శుభాకాంక్షలు తెలిపాను. తన బర్త్‌ డే రోజు ఎవరెవరు శుభాకాంక్షలు తెలిపారో వారందరి మెసేజ్‌లను ఒక ఫొటోగా చేసింది. అది ఫేస్‌బుక్‌లో స్టోరీగా ఆడ్‌ చేసింది. అందులో నేనుంటానేమోనని పదిసార్లు చూశాను. కానీ, అందులో నేను లేను. అలా కంటిన్యూగా మెసేజ్‌లు చేయటం మొదలుపెట్టాను. తను నా మెసేజ్‌లు చూస్తుందో లేదో కూడా తెలియదు. కానీ, ఒక రోజు నేను పెట్టిన మెసేజ్‌కు ఒక లైక్‌ ఎమోజీ సింబల్‌ పంపింది. అప్పుడు నేను చాలా హ్యాపీగా ఫీల్‌ అయ్యాను. గట్టిగా ఏడ్చాను కూడా. తనంటే నాకు అంత ఇష్టం. ఆ తర్వాత రిప్లై ఇవ్వలేదు. మళ్లీ ఒక నెల తర్వాత నా మెసేజ్‌కు రిప్లై వచ్చింది. నాతో బాగా మాట్లాడింది. నాకేం తెలియదు అన్నట్లు చాట్‌ చేసింది. నేను డైరెక్ట్‌గా ‘మీరంటే నాకు ఇష్టం’ అని చెప్పాను. తను నన్ను ఏమీ అనలేదు. తను బీడీఎస్‌ కంప్లీట్‌ చేసి ఎండీఎస్‌కు ప్రిపేర్‌ అవుతోంది. అయితే ఒక రోజు తను లేట్‌గా లేచింది. ‘టిఫిన్‌ చేశావా’ అని అడిగాను. ‘లేదు ఇప్పుడు మెస్‌ ఉండదు’ అని చెప్పింది. ‘ఏమైనా ఆర్డర్‌ చేసుకోండి. లేకపోతే బయట తినండి’ అని అన్నాను. అలా అన్నందుకు తను అలిగింది. మళ్లీ రిప్లై ఇవ్వటం మానేసింది. తను రిప్లై ఇవ్వటం మానేసినా నేను నా ఫీలింగ్స్‌ చెప్పటం మాత్రం మానలేదు. నేను తనకు ఓ నెల మెసేజ్‌లు చేయను అని చెప్పాను. ఎందుకంటే తను ఇప్పుడు ఎండీఎస్‌ ఎంట్రన్స్‌ ఎక్షామ్‌కి ప్రిపేర్‌ అవుతోంది. ఆ ఎక్షామ్‌ డిసెంబర్‌ 20న అయిపోతుంది. మళ్లీ డిసెంబర్‌ 20 తర్వాత నా ఫీలింగ్స్‌ తనతో పంచుకుంటాను. ఎదో ఒక రోజు నన్ను అర్థం చేసుకుంటదని నా నమ్మకం. నేను తనను మ్యారేజ్‌ చేసుకోవాలనుకుంటున్నాను. తనంటే నాకు చాలా ఇష్టం. - క్రిష్ణ  లేదా worldoflove@sakshi.comకు మెయిల్‌ చేయండి