ఉన్నత విద్య, వృత్తిపరమైన శిక్షణ అందించడంలో ప్రపంచ అగ్రగామి అయిన 'గ్రేట్ లెర్నింగ్' (Great Learning) తన కెరీర్ ప్రోగ్రెషన్ నివేదిక 2024-25ను విడుదల చేసింది. ఏఐ, డేటా సైన్స్, మెషిన్ లెర్నింగ్ ప్రోగ్రామ్‌ల నుంచి ఎంపిక చేసిన 1000 మంది పూర్వ విద్యార్థుల సమగ్ర సర్వే నుంచి ఈ నివేదికను సిద్ధం చేశారు. కెరీర్ ప్రారంభం నుంచి ఉన్నత స్థాయికి ఎదిగిన సీనియర్ నాయకులు ఇందులో ఉంటారు.నిరంతరం కృషి చేయడం ద్వారా.. కెరీర్ ఎలా పురోగతి చెందిందో.. నిపుణులు నాయకత్వ పాత్రలు, జీతం పెరుగుదల, ఉద్యోగావకాలను సాధించడం ఎలా అనే విషయాలు కూడా గ్రేట్ లెర్నింగ్ ఇందులో వెల్లడించింది. ప్రొఫెషనల్స్ కెరీర్ విషయంలో అప్‌స్కిల్లింగ్ పరివర్తనాత్మక ప్రభావం స్పష్టంగా కనిపిస్తుంది. ప్రతి ముగ్గురిలో ఇద్దరు విజయవంతంగా సక్సెస్ వైపు వెళ్తున్నారు.అప్‌స్కిల్లింగ్ ప్రభావంతో.. 80 శాతం మంది ప్రమోషన్లు, జీతం పెరుగుదల విషయంలో ప్రగతి సాధించారు. 74 శాతం మంది పదోన్నతి పొందారు. 69 శాతం మంది ఉన్న సంస్థలలోని ఉన్నత స్థానాలకు చేరుకున్నారు. లీడర్షిప్ పాత్రలలో ఉన్నవారి సంఖ్య కూడా గణనీయంగా పెరిగింది.డేటా సైన్స్, ఏఐ, మెషిన్ లెర్నింగ్ వంటి వాటిలో నైపుణ్యాలను సంపాదించడం వల్ల నిపుణులు నిర్వాహక, వ్యూహాత్మక నాయకత్వ పాత్రలలోకి ఎలా మారడానికి వీలు కల్పిస్తుందో ఇక్కడ స్పష్టంగా తెలుస్తోంది. ప్రొఫెషనల్స్ అప్‌స్కిల్లింగ్ తర్వాత జీతాల పెరుగుదల కూడా భారీగా ఉంది. అయితే సుమారు 87 శాతం మంది తక్షణ జీతాల పెంపు కంటే.. కెరీర్ వృద్ధికి కావాల్సిన నైపుణ్యాల పెంచుకోవడానికి ప్రాధాన్యత ఇస్తున్నట్లు చెబుతున్నారు.

కల్యాణ్‌ రామ్‌ (Kalyan Ram), విజయశాంతి (Vijayasanthi) కీలక పాత్రల్లో నటిస్తోన్న తాజా చిత్రం 'అర్జున్‌ సన్నాఫ్‌ వైజయంతి'. ఈ సినిమాకు ప్రదీప్‌ చిలుకూరి దర్శకత్వం వహిస్తున్నారు. ఈ చిత్రాన్ని అశోక క్రియేషన్స్, ఎన్టీఆర్ ఆర్ట్స్‌ బ్యానర్లపై అశోక్ వర్ధన్ ముప్పా, సునీల్ బలుసు నిర్మిస్తున్నారు. తాజాగా ఈ మూవీ టీజర్‌ను మేకర్స్ విడుదల చేశారు. ఈ సందర్భంగా హైదరాబాద్‌లో టీజర్ లాంఛ్ ఈవెంట్‌ను నిర్వహించారు.ఈ చిత్రంలో నటుడు బబ్లూ పృథ్వీరాజ్ కీలక పాత్రలో కనిపించనున్నారు. ఈ మూవీలో పోలీసు అధికారిగా ఆయన అభిమానులను అలరించనున్నారు. తాజాగా నిర్వహించిన టీజర్‌ లాంఛ్ ఈవెంట్‌కు బబ్లూ కూడా హాజరయ్యారు. ఈ సందర్భంగా ఈవెంట్‌లో తన కెరీర్ గురించి ఆసక్తికర విషయాలు వెల్లడించారు.బబ్లూ పృథ్వీరాజ్ మాట్లాడుతూ..'నేను సినిమా ఇండస్ట్రీలో గత 50 ఏళ్లుగా ఎన్నో కష్టాలు పడ్డాను. సినిమాల్లో ఎన్నో ఎత్తు, పల్లాలు చూశాను. కానీ ఇప్పుడు నా టైమ్ మారింది. సందీప్ రెడ్డి వంగా యానిమల్ మూవీ తర్వాత నా లైఫ్ మారింది. కానీ ఈ రోజు వరకు 250 నుంచి 300 వరకు సినిమాలు చేశాను. నా కెరీర్‌లో ఎన్నో రోల్స్ చేశాను. నా లైఫ్‌లో అత్యంత కష్టమైన పాత్ర మాత్రం ఈ సినిమాలోనే చేశా' అని ఆయన అన్నారు. కాగా.. తాజగా రిలీజైన అర్జున్‌ సన్నాఫ్‌ వైజయంతి టీజర్ చూస్తుంటే తల్లీ తనయుల అనుబంధం నేపథ్యంలో ఈసినిమాను తెరకెక్కించినట్లు తెలుస్తోంది. ఇందులో డైలాగ్స్ చూస్తుంటే మోస్ట్ పవర్‌ఫుల్ యాక్షన్‌ మూవీగానే రూపొందించినట్లు తెలుస్తోంది.

ముంబై: ఉద్యోగంతోపాటు, వ్యక్తిగత బాధ్యతలకు సమప్రాధాన్యం దృష్ట్యా మహిళలు కెరీర్‌లో నాయకత్వ బాధ్యతలకు దూరం అవుతున్నారు. నాయకత్వ బాధ్యతలు చేపట్టే విషయంలో తమకు తగినంత ప్రోత్సాహం ఉన్నప్పటికీ ఆ విషయంలో ముందడుగు వేయలేకపోతున్నట్టు నౌకరి సర్వేలో తెలిపారు. ‘మహిళా నిపుణులు అసుల ఏమి కోరుకుంటున్నారు?’ పేరుతో నౌకరీ సర్వే నివేదికను విడుదల చేసింది. మహిళా ఉద్యోగులు ఏం చెబుతున్నారు? → నాయకత్వ బాధ్యతల నిర్వహణ దిశగా తమకు ప్రోత్సాహం ఉందని 66 శాతం మంది తెలిపారు. అయినప్పటికీ 44 శాతం మంది మహిళలు ఈ బాధ్యతల నిర్వహణ పట్ల సుముఖంగా లేరు. ఉద్యోగం–వ్యక్తిగత జీవితానికి సమ ప్రాధాన్యం ఇవ్వడం కోసమే వారు నాయకత్వాన్ని వద్దనుకుంటున్నారు. ఈ బాధ్యతలు స్వీకరిస్తే కెరీర్‌ సాఫీగా సాగిపోకుండా, క్లిష్టమైన నిర్ణయాలు తీసుకోవాల్సి ఉంటుందని చెప్పారు. → అస్పష్టత, ప్రమోషన్లలో పక్షపాతం కారణాలతో 35 శాతం మంది, నాయకత్వానికి సంబంధించి పరిమిత కార్యక్రమాల నేపథ్యంలో 14% మంది, తమకు సరైన మార్గదర్శకులు లేరన్న కారణంతో 7 % మంది నాయకత్వ పాత్రను చేపట్టడానికి ముందుకు రావడం లేదు. → 50 పట్టణాల నుంచి సుమారు 70వేల మంది మహిళల అభిప్రాయాలను నౌకరీ తన సర్వే కోసం స్వీకరించింది. → పురుషులతో సమాన వేతనం కంటే కూడా నెలసరి సమయంలో సెలవుకు మహిళా ఉద్యోగుల ప్రాధాన్యం ఇస్తున్నారు. ఉద్యోగంలో తమ మొదటి ప్రాధాన్యం దీనికేనని 34 శాతం మంది చెప్పారు. కొత్తగా కెరీర్‌ ఆరంభించిన మహిళల్లో సగం మంది ఈ విషయంలో చర్చించడానికి అవకాశం లేదన్నారు. 75 శాతం మంది తాము పనిచేసే చోట ఈ తరహా విధానాల్లేవని తెలిపారు. → 2 ఏళ్లలోపు సర్విసు ఉన్న నిపుణుల్లో 75 శాతం మంది నాయకత్వ బాధ్యతల్లో సమ ప్రాధాన్యం కోరుకుంటుంటే, మూడింట ఒక వంతు మంది సీనియర్లు (15 ఏళ్లకు పైగా సర్విసు) వేతనాల్లో పారదర్శకత అవసరమని అంటున్నారు. → మహిళలు కెరీర్‌లో మరింత ముందుకు వెళుతున్న కొద్దీ వేతనాల్లో అసమానతలు పెరుగుతున్నట్టు ఈ నివేదిక తెలిపింది. రూ.2–5 లక్షల మధ్య వేతనాలు అందుకుంటున్న వారిలో 11% మంది స్త్రీ–పురుష ఉద్యోగుల మధ్య వేతన వ్యత్యాసాన్ని గుర్తిస్తుంటే.. రూ.50 లక్షల నుంచి ఏడాదికి రూ.కోటి వరకు వేతనం అందుకుంటున్న వారిలో 26 శాతం మందికి అది అనుభవమవుతోంది. → ముంబైలో 28%, బెంగళూరులో 27%, ఢిల్లీలో 24% చొప్పున వేతన వ్యత్యాసం ఉంది. అది కూడా బీఎఫ్‌ఎస్‌ఐ రంగంలో 28%, ఎఫ్‌ఎంసీజీ రంగంలో 27%, ఐటీలో 24% చొప్పున స్త్రీ–పురుష ఉద్యోగుల మధ్య వేతనాల్లో అంతరం ఉంది.

‘పెళ్లిపై నమ్మకం లేదు.పెళ్లి చేసుకోవడమంటే స్వేచ్ఛను కోల్పోవడమే. అలా బతకడం నాకే మాత్రం ఇష్టం లేదు. ఒక్కసారి వైవాహిక జీవితంలోకి ప్రవేశించిన తర్వాత సొంత ఆలోచనలకు, అభిప్రాయాలకు, ఆకాంక్షలకు, చివరకు అభిరుచులకూ అవకాశం ఉండదు. ఇలా ఎంతోమందిని చూశాను. అందుకే పెళ్లికి దూరంగా ఉన్నాను..’ ఇది 35 ఏళ్ల విజయ (పేరు మార్చాం) బలమైన అభిప్రాయం. ఆమె ప్రస్తుతం రంగారెడ్డి జిల్లా మొయినాబాద్‌ (Moinabad) సమీపంలోని ఓ కళాశాలలో లెక్చరర్‌గా పని చేస్తున్నారు. అక్కడే ఒక మహిళల హాస్టల్లో ఉంటున్నారు.చాలామంది మహిళలు ఇటీవలి కాలంలో వివాహ బంధం, దాంపత్య జీవితంపై పెద్దగా ఆసక్తి చూపడం లేదు. పాతికేళ్ల వయసు దాటినా పెళ్లి (Marriage) ఊసు ఎత్తేందుకు కూడా ఇష్టపడని వారి సంఖ్య క్రమంగా పెరుగుతోంది. విజయలా స్వతంత్రంగా జీవించాలనుకునే వారితో పాటు వృత్తిపరమైన బాధ్యతల వల్ల కొందరు, మంచి కెరీర్‌ (Career) కోసం ప్రయత్నించే క్రమంలో ఒత్తిడికి గురవుతూ మరికొందరు వివాహం విషయంలో నిరాసక్తతను ప్రదర్శిస్తున్నట్లు మోర్గాన్‌ స్టాన్లీ అధ్యయనం వెల్లడించింది. తమ జీవితాన్ని తమకు ఇష్టమైన విధంగా గడపడానికి వీలవుతుందనే భావనే ఇందుకు ప్రధాన కారణమని పేర్కొంది.ఒకవేళ పెళ్లి చేసుకున్నా పిల్లల్ని కనేందుకు ఇష్టపడటం లేదని తెలిపింది. భారత్‌ (India) సహా ప్రపంచ వ్యాప్తంగా ఈ సంస్థ సర్వే నిర్వహించింది. 2030 నాటికి ఒంటరి మహిళల సంఖ్య 45 శాతానికి పెరగవచ్చునని అంచనా వేసింది. వీరిలో 25–44 ఏళ్ల లోపు వయసున్న వారే అత్యధిక సంఖ్యలో ఉంటారని పేర్కొంది. వ్యక్తిగత అభివృద్ధి, తాము ఎంచుకున్న రంగాల్లో పురోగతికే యువతులు ప్రాధాన్యం ఇస్తున్నారని వివరించింది. మరోవైపు కుటుంబ బాధ్యతలూ ఇందుకు కారణమవుతున్నాయి.బాధ్యతలు పంచుకుంటూ.. కెరీర్‌ కోసంకష్టపడుతూ.. సాధారణంగా అమ్మాయిలు 25 ఏళ్లలోపే పెళ్లిళ్లు చేసుకుంటారు. కానీ ఇటీవలి కాలంలో అబ్బాయిలతో సమానంగా అమ్మాయిలు కూడా కుటుంబ బాధ్యతలను పంచుకుంటున్నారు. తల్లిదండ్రుల బాగోగులు చూసుకుంటున్నారు. తోబుట్టువుల కెరీర్‌ కోసం కష్టపడుతున్నారు. అదే సమయంలో జీవితంలో స్వేచ్చను కోరుకుంటున్నారు. అల్వాల్‌కు చెందిన సుజాత (పేరు మార్చాం.) ఒక ప్రైవేట్‌ సంస్థలో పని చేస్తున్నారు. ‘పదేళ్ల క్రితమే నాన్న చనిపోయారు. అప్పటి నుంచి తమ్ముడు, చెల్లి, అమ్మను చూసుకోవడం నా వంతైంది. చూస్తూండగానే 40 ఏళ్లు వచ్చేశాయి..’అంటూ నవ్వేశారు ఆమె.సుజాత లాగానే చాలామంది అమ్మాయిలు కుటుంబ బాధ్యతల నేపథ్యంలో వయసు దాటి పోయిందనే భావనతో వివాహ బంధానికి దూరమవుతున్నారు. కానీ కొంతమంది యువతుల్లో స్వేచ్ఛాయుత జీవితంపై ఆసక్తి పెరుగుతోంది. వారి ఆలోచనలు, అభిప్రాయాలు వైవాహిక జీవితానికి వ్యతిరేకంగా ఉంటున్నాయి. ఎల్‌బీనగర్‌ ప్రాంతానికి చెందిన శైలజ.. ‘పెళ్లి కంటే ఆర్ధిక స్వాతంత్య్రం ఎంతో ముఖ్యం. అది లేకుండా పెళ్లి చేసుకోవడం ఆత్మహత్యాసదృశం..’అంటూ వ్యాఖ్యానించడం గమనార్హం. ఆమె ప్రస్తుతం ఓ సాఫ్ట్‌వేర్‌ సంస్థలో పని చేస్తున్నారు. ఇప్పటికే 28 ఏళ్లు దాటాయి. అయినా ఒంటరిగానే ఉండిపోవాలని కోరుకుంటున్నారు. పిల్లలూ భారమేనా..! పెళ్లి చేసుకున్నప్పటికీ మరికొంతమంది మహిళలు పిల్లల్ని కనేందుకు వెనుకాడుతున్నారు. ‘ఈ రోజుల్లో పిల్లల్ని కనడం. పెంచడం ఎంతో ఖరీదైన విషయం. ఆ విషయంలో ఆచి తూచి నిర్ణయం తీసుకోవలసి ఉంటుంది..’ అని ఒక యువతి వ్యాఖ్యానించారు. నేను, నా స్వేచ్ఛ అనే భావన బలపడుతోంది దేశంలో అలాగే హైదరాబాద్‌లోనూ ఇలాంటి ట్రెండ్‌ కనిపిస్తోంది. మా అమ్మాయి పెళ్లిచేసుకోవడం లేదంటూ ఇటీవల కొందరు తల్లిదండ్రులు మా దగ్గరకు వచ్చినపుడు.. పెళ్లి ఎందుకు, ఆ అవసరం ఏమిటీ, పిల్లలు ఇతర బాదరాబందీ అంతా ఎందుకంటూ అమ్మాయిలు ప్రశ్నిస్తున్నారు. పెళ్లితో తమ స్వేచ్ఛ, కెరీర్‌ దెబ్బతింటుందని, ఒకవేళ వివాహానికి ఒప్పుకున్నా పిల్లలు వద్దనుకునే వాళ్లనే చేసుకోడానికి సిద్ధమని చెబుతున్నారు. కొంతమంది చదువు, ఉద్యోగాల రీత్యా ఇతర ప్రాంతాల్లో ఉంటూ స్వేచ్ఛా జీవితం గడిపాక.. ఇక కుటుంబం, సంతానం వంటివి వద్దనుకుంటున్నారు. మనం అనే ఉమ్మడి భావన పోయి నేను, నా స్వేచ్ఛ, నా కెరీర్‌ అనే భావన బలపడుతోంది. తల్లిదండ్రుల కోరిక మేరకు ఇలాంటి వారికి మేం కౌన్సెలింగ్‌ ఇస్తున్నాం. – పి.జ్యోతిరాజా, సైకాలజిస్ట్, శ్రీదీప్తి కౌన్సెలింగ్‌ సెంటర్‌నచ్చిన వరుడు, మెచ్చిన ఉద్యోగం కోసంఎదురుచూస్తూ.. మరోవైపు నచ్చిన వరుడు లభించకపోవడం కూడా కొంతమంది అమ్మాయిలకు శాపంగా మారుతోంది. ప్రత్యేకంగా కొన్ని సామాజిక వర్గాలకు చెందిన యవతులు ఈ పరిస్థితిని ఎదుర్కొంటున్నారు. మంచి విద్యార్హతలు, ఉద్యోగం, కెరీర్‌ అవకాశాలు, వ్యక్తిత్వం, అభిరుచులు తమకు నచ్చినట్లు ఉంటేనే పెళ్లికి అంగీకరిస్తున్నారు. అలాంటి అబ్బాయి లభించే వరకు నిరీక్షిస్తున్నారు. మరోవైపు విదేశీ సంబంధాల కోసం ఎదురుచూసే కుటుంబాల్లోనూ అమ్మాయిలకు పెళ్లిళ్లు ఆలస్యంగా జరుగుతున్నాయి. కొంతమంది సివిల్స్, గ్రూప్స్‌ వంటి పోటీ పరీక్షలకు ఏళ్ల తరబడి చదువుతున్నారు. లక్ష్యాన్ని సాధించేవరకు పెళ్లికి దూరంగా ఉండాలనే భావనతో ఐదారేళ్లకు పైగా గడిపేస్తున్నారు.అప్పటికే పెళ్లి వయసు దాటిపోతోంది.చ‌ద‌వండి: ఏం చేయాలో అర్థం కావ‌డం లేదు.. పారిపోవాల‌నిపిస్తోంది!భవిష్యత్తులో మరిన్ని సవాళ్లు!వచ్చే 10, 15 ఏళ్లలో వివాహ బంధానికి సంబంధించి మరింత ఎక్కువగా సవాళ్లు ఎదురుకావొచ్చు. ప్రస్తుతం 20 నుంచి 25 ఏళ్లు పైబడిన యువతుల్లో కొంతమంది పెళ్లి అంటే విముఖత వ్యక్తం చేస్తున్నారు. క్రమంగా ఈ ఆలోచన విధానం అమ్మాయిల్లో పెరుగుతోంది. వివాహం అనగానే బాధ్యతల్లో చిక్కుకుపోవడం, పిల్లల్ని కని వారి సంరక్షణలో, సంసార బాధ్యతల్లో మునిగిపోవడం అని అనుకుంటున్నారు. తమ స్వేచ్ఛకు, స్వతంత్రతకు భంగం వాటిల్లుతుందని భయపడుతున్నారు. ఉన్నత చదువులు చదివి, సమాజంలో మంచి ఉద్యోగం చేస్తున్నా.. మళ్లీ కుటుంబపరంగా ఎన్నో బరువు బాధ్యతలు మోయాల్సి రావడం కూడా ఇందుకు కారణమవుతోంది. అమ్మాయిల్లో పెళ్లి, పిల్లల పట్ల విముఖత పెరగడానికి పురుషుల మనస్తత్వాల్లో మార్పు రాకపోవడం కూడా ఒక కారణంగా భావించవచ్చు. – సి.వీరేందర్, సీనియర్‌ సైకాలజిస్ట్, యూ అండ్‌ మీ కౌన్సెలింగ్‌ సెంటర్‌

మంచి ఉద్యోగం అన్నది ప్రతిఒక్కరి కల. ప్రతి రంగంలోనూ ఎక్కువమందికి ఆసక్తిగా ఉన్న ఉద్యోగాలు కొన్ని ఉంటాయి. అలాంటి వాటిలో ఏ ఉద్యోగాలను ఎక్కువ మంది కోరుకుంటున్నారో తెలుసుకోవడానికి రెమిటీ (Remitly) అనే సంస్థ 186 దేశాల నుండి గూగుల్‌ (Google) శోధనలను విశ్లేషించి ఒక అధ్యయనం చేసింది. 2024లో "(ఉద్యోగం) ఎలా అవ్వాలి" (how to become) అని వ్యక్తులు ఎన్నిసార్లు సెర్చ్ చేశారు.. ప్రపంచవ్యాప్తంగా అత్యంత జనాదరణ పొందిన కెరీర్‌లను ఈ అధ్యయనం వెల్లడించింది.ప్రపంచవ్యాప్తంగా అత్యధికమంది శోధించిన ఉద్యోగం పైలట్ (pilot). దీని కోసం 4,32,000 కంటే ఎక్కువ శోధనలు ఉన్నాయి. చెక్ రిపబ్లిక్, ఈజిప్ట్,స్లోవేకియాతో సహా 25 దేశాల్లో ఇది అత్యుత్తమ కెరీర్ ఎంపిక. తర్వాత 3,93,000 శోధనలతో లాయర్ వృత్తి రెండవ స్థానంలో నిలిచింది. మునుపటి సంవత్సరాలతో పోలిస్తే ఆసక్తిలో బాగా పెరుగుదల కనిపించింది. ఇతర ఉన్నత ఉద్యోగాలలో పోలీసు అధికారి (2,72,000 శోధనలు), ఫార్మసిస్ట్ (2,72,630), నర్సు (2,48,720) ఉన్నాయి. గత రెండేళ్లలో పోలీసు వృత్తిపై ఆసక్తి 440 శాతం పెరిగింది.డిజిటల్ కెరీర్‌ప్రపంచవ్యాప్తంగా చాలా మంది కలలు కన్న సోషల్ మీడియా కెరీర్ యూట్యూబర్‌. యూట్యూబర్‌గా మారడం ఎలా అని 1,71,000 శోధనలు వచ్చాయి. యూకే, సింగపూర్, ఇండోనేషియాతో సహా 13 దేశాలలో అత్యధికంగా శోధించిన ఉద్యోగం ఇదే. అయితే 2022 నుండి ఈ కెరీర్‌పై ఆసక్తి 11% తగ్గింది. ఇతర డిజిటల్ కెరీర్‌ల విషయానికి వస్తే.. కంటెంట్ క్రియేటర్‌ 52,000 శోధనలను, సోషల్ మీడియా మేనేజర్ 36,000 శోధనలను పొందాయి. టెక్ ఫీల్డ్ కూడా ఆసక్తిని ఆకర్షిస్తోంది. కోడింగ్ 48,000 శోధనలతో అధిక ర్యాంక్‌ను పొందింది.డిమాండ్‌లో హెల్త్‌కేర్, పబ్లిక్ సర్వీస్ ఉద్యోగాలుహెల్త్‌కేర్ అనేది ఎక్కువమంది కోరుకునే కెరీర్ మార్గాలలో ఒకటి. 272,000 శోధనలతో ప్రపంచవ్యాప్తంగా అత్యధికంగా శోధించి హెల్త్‌కేర్ జాబ్‌ ఫార్మసిస్ట్. ఇది ముఖ్యంగా జపాన్‌లో జనాదరణ పొందింది. ఇతర టాప్ హెల్త్‌కేర్ కెరీర్‌లలో ఫిజికల్ థెరపిస్ట్ (2,44,000 శోధనలు), టీచర్ (1,75,000), డైటీషియన్ (170,000) ఉన్నాయి.పబ్లిక్ సర్వీస్‌లో 2,72,730 శోధనలతో పోలీసు అధికారి ఉద్యోగం అగ్రస్థానంలో ఉంది. తర్వాత నర్సింగ్, మిడ్‌వైఫరీ, అగ్నిమాపక విభాగాలు ఉన్నాయి. డాక్టర్ కావాలనే ఆసక్తి పెరిగినప్పటికీ, నర్సింగ్, మిడ్‌వైఫరీ కెరీర్‌ల గురించి ఇప్పటికీ ప్రపంచవ్యాప్తంగా ఎక్కువగా శోధిస్తున్నారు.క్రియేటివ్, స్పోర్ట్స్ కెరీర్‌లకూ ఆదరణకళలు, వినోద ప్రపంచంలో, దాదాపు 2,00,000 శోధనలతో అత్యధికంగా శోధించిన సృజనాత్మక వృత్తి నటన. ఇతర ప్రసిద్ధ ఎంపికలలో వాయిస్ యాక్టింగ్‌, డీజే, సింగింగ్‌ ఉన్నాయి. "ఫుట్‌బాల్ ఆటగాడిగా ఎలా మారాలి" అని 95,000 శోధనలతో స్పోర్ట్స్ కెరీర్‌పై ఎక్కువ మంది ఆస​క్తి కనబరిచారు. ఇది కాకుండా వ్యక్తిగత శిక్షకులు, కోచ్‌ల వంటి ఫిట్‌నెస్-సంబంధిత కెరీర్‌లు ఆదరణ పొందాయి.

తమ అలవాట్లు, సంప్రదాయ విరుద్ధ ధోరణులతో కార్పొరేట్‌ ప్రపంచంలో జెన్‌ జెడ్‌ వార్తల్లో నిలుస్తోంది. ‘కెరీర్‌ క్యాట్‌ఫిషింగ్‌’ అనే కొత్త ట్రెండ్‌తో హల్‌చల్‌ చేస్తోంది. యువత ఉద్యోగ ఆఫర్‌లను అంగీకరిస్తారు.. కానీ వారి యజమానులకు తెలియజేయకుండా వారి మొదటి రోజున ఆఫీసులో కనిపించకుండా పోతారు. సదరు ఆ వ్యక్తి ఎక్కడ ఉన్నాడో యజమానికి తెలియకోవడాన్ని ‘కెరీర్‌ క్యాట్‌ఫిషింగ్‌’ అంటారు.ఆన్‌లైన్‌ రెజ్యూమ్‌ ప్లాట్‌ఫామ్‌ ‘సివిజెనియస్‌’ నివేదిక ప్రకారం జెన్‌ జెడ్‌ ఉద్యోగులు జాబ్‌ ఆఫర్‌లను స్వీకరిస్తున్నప్పటికీ యజమానులకు తెలియజేయకుండా మొదటి రోజు హాజరు కావడంలో విఫలమవుతున్నారు. 27 ఏళ్లలోపు ఉద్యోగుల్లో ధిక్కారణ ధోరణి పెరుగుతుందని నివేదిక తెలియజేసింది.నెలల తరబడి ఉద్యోగాల వేట, సుదీర్ఘమైన అప్లికేషన్‌లు, ఎన్నో ఇంటర్వ్యూలకు హాజరు కావడం.. దీనికి సంబంధించి ఫ్రస్టేషన్స్‌ జెన్‌ జెడ్‌లో కనిపిస్తున్నాయి. ఆస్ట్రేలియాకు చెందిన ఇరవై సంవత్సరాల రాస్పిన్‌కు 32 లక్షల(సంవత్సరానికి) జాబ్‌ ఆఫర్‌ వచ్చినా ఆఫర్‌ను తిరస్కరించడం సోషల్‌మీడియాలో సెన్సేషన్‌గా మారింది. ‘ఈ జీతంతో నేను ఎలా బతకగలను? ఈ జీతంతో ఫుల్‌టైమ్‌ ఉద్యోగమా!’ అని ఆశ్చర్యపోతుంది ఆమె.ఇదీ చదవండి: ఐస్‌క్రీమ్‌ బాలేదు.. రూ.1200 నాకిచ్చేయండి: స్విగ్గీపై ఎంపీ ఫైర్‌ఈ ధిక్కారం ఒక తరం మార్పును నొక్కి చెబుతుంది. ఉద్యోగం లేదా జీవితం వారి అంచనాలకు అందని పరిస్థితి ఉన్నప్పుడు నిర్ద్వంద్వంగా తిరస్కరించే ధోరణి పెరగుతుంది. నచ్చని, అంచనాలకు తగని విధంగా ఉద్యోగం ఉన్నప్పుడు నిరుద్యోగిగా ఉండడానికే యువతలో ఎక్కువమంది ఇష్టపడుతున్నారు.

మనుషులు వెళ్లడానికి ఇష్టపడని ప్రదేశాలలో శ్మశానం ఒకటి అని చెబుతుంటారు. అయితే అసహజ మరణాలకు సంబంధించిన శవాలు శ్మశానానికన్నా ముందు చేరుకునే ప్రదేశం మార్చురీ. అక్కడ కొద్దిసేపు గడపాలంటేనే ఇబ్బంది పడేవాళ్లు, భయపడేవాళ్లు ఉంటారు. అలాంటిది పోస్ట్‌మార్టం గదిలో రోజూ ఉద్యోగం చేయడం అంటే ఎంతో ధైర్యం కావాలి. ఆ గుండె ధైర్యం రామ్‌ప్రసన్నలో ఉంది. తెనాలి ప్రభుత్వ ఆసుపత్రిలో పోస్ట్‌మార్టమ్‌ అసిస్టెంట్‌గా పనిచేస్తున్న రామ్‌ప్రసన్న... ‘ఆడవాళ్లు ఈ ఉద్యోగం చేయడం ఏమిటి!!’ అనే లింగవివక్షతతో కూడిన మాటలు... ‘చేయడానికి నీకు ఈ ఉద్యోగమే దొరికిందా!’లాంటి వెక్కిరింపులు ఎదుర్కొన్నా... ఒక్క అడుగు కూడా వెనక్కి తగ్గలేదు. వృత్తి జీవితంపై గౌరవాన్ని తగ్గించుకోలేదు... ఇచ్చోటనే...నిండా పాతికేళ్లు కూడా నిండని యువకుడి శవం. ‘బహుశా అమ్మ నా కోసం ఎదురు చూస్తూ ఉండి ఉండొచ్చు’ అని ఆలోచిస్తున్నట్లుగా కనిపిస్తుంది. భర్త వేధింపులు తట్టుకోలేక ఆత్మహత్య చేసుకున్న యువతి... తన పిల్లల్ని తలుచుకొని కళ్లనీళ్ల పర్యంతం అవుతున్నట్లు అనిపిస్తుంది. ‘ఇద్దరు ఆడపిల్లల పెళ్లి చేయాలి. వారి పెళ్లి చూడకుండానే వరద నన్ను మింగేసింది’... మధ్యతరగతి తండ్రి శవం అదేపనిగా రోదిస్తున్నట్లుగా ఉంటుంది. శవాలు మౌనంగా చెప్పే కథలు ఎన్నో విన్నది రామ్‌ప్రసన్న. అలా అని శ్మశాన వైరాగ్యంలాంటిది తెచ్చుకోలేదు. వృత్తిని వృత్తిలాగే ధైర్యంగా నిర్వహిస్తోంది.‘నాకు ఉద్యోగం వచ్చింది అనగానే సంతోషించిన వాళ్లు శవాల గదిలో అని చెప్పగానే నోరు తెరిచారు. ఆడపిల్లవు...అక్కడెలా చేస్తావంటూ అడిగేవాళ్లు. ఎక్కువ రోజులు ఉండలేవు. వచ్చేస్తావు అన్నవాళ్లూ ఉన్నారు. అందుకే ఆడవాళ్లు ఎవరూ రాని ఈ వృత్తిలో కొనసాగుతున్నా’ అంటుంది తెనాలిలోని జిల్లా ప్రభుత్వ ఆసుపత్రిలో పోస్ట్‌మార్టం అసిస్టెంట్‌ (శవపరీక్ష సహాయకురాలు)గా విధులు నిర్వర్తిస్తున్న రామ్‌ ప్రసన్న.ఆసుపత్రి వెనుక వైపు కాస్తంత దూరంగా ఉండే మార్చురీలోకి నిత్యం వచ్చే శవాలతోనే తన వృత్తిజీవితం ముడిపడివుంది. ఆత్మహత్యకు పాల్పడినవాళ్లు, రోడ్డు ప్రమాదాల మృతులు, నీళ్లలో కొట్టుకు వచ్చిన మృతదేహాలు... నిత్యం ఆసుపత్రికి వస్తూనే వుంటాయి. అన్నింటికీ శవపరీక్ష నివేదిక కీలకమని తెలిసిందే. సంబంధిత వైద్యుడు శవపరీక్ష చేస్తే అందుకు తగినట్టుగా మృతదేహాన్ని సిద్ధం చేయటం, వైద్యుడికి సహాయపడటం సహాయకురాలిగా రామ్‌ప్రసన్న ఉద్యోగం.భర్త ప్రోత్సాహంతో...ప్రమాదాల్లో రక్తమోడుతున్న మృతదేహాలూ, నీటిలో ఉబ్బిపోయినవీ, డీ కంపోజింగ్‌కు చేరువైనవి... చూడటమే కష్టం. నెలకు పదిహేను నుంచి ఇరవై వరకు వచ్చే ఇలాంటి మృతదేహాలను శవపరీక్షకు సిద్ధం చేయాలంటే ఎంత ధైర్యం కావాలి? సన్నగా, రివటలా ఉండే రామ్‌ప్రసన్న ఆ విధులను వస్త్రాలకు అతుకులు కుట్టినంత శ్రద్ధగా, అలవోకగా చేస్తోంది.రామ్‌ప్రసన్న దూరవిద్యలో బీఏ చేసింది. కూలి పనులకు వెళుతుండే భర్తకు తోడుగా తాను కూడా ఏదో ఒక ఉద్యోగం చేయాలనుకుంది. డీసీహెచ్‌ఎస్‌ నుండి వెలువడిన నోటిఫికేష¯Œ లో పోస్ట్‌మార్టమ్‌ అసిస్టెంట్‌ పోస్టు కనిపించటంతో దరఖాస్తు చేసింది. ఇంటర్వ్యూ కూడా పూర్తయ్యాక తెనాలి జిల్లా ప్రభుత్వ ఆసుపత్రిలో పోస్టింగ్‌ ఇచ్చారు. భర్త ఎలాంటి అభ్యంతరాలు చెప్పకుండాప్రోత్సహించాడు.భయం అనిపించలేదు... ఆసక్తిగా అనిపించింది!తెనాలి ప్రభుత్వ ఆసుపత్రి చరిత్రలో పోస్టుమార్టమ్‌ సహాయకులుగా ఇప్పటివరకు పురుషులే ఉండేవారు. శవపరీక్షకు ముందు మద్యం సేవించటం తప్పనిసరి అన్నట్టుగా ప్రవర్తించే వారు కొందరు. ఇలాంటి వారు మృతుల బంధువుల నుంచి మద్యానికి డబ్బులు వసూలు చేసేవారు. అలాంటి ఉద్యోగంలో ఇప్పుడు ఒక ఆడపిల్లను చూడడం చాలామందికి వింతగా ఉంది. ఆ ఆశ్చర్యం సంగతి ఎలా ఉన్నా మృతదేహాల రక్తసంబంధీకులకు ఇప్పుడు మద్యం కోసం పీడన లేదు. ‘ఈ ఉద్యోగంలోకి వచ్చాక తొలిసారి శవపరీక్షలో పాల్గొన్నాను. మరణానికి కారణాలు తెలుసుకోవటం ఆసక్తిగా అనిపించింది. భయం అనిపించలేదు. ఉద్యోగాన్ని అంకితభావంతో చేస్తున్నాను.’ అంటుంది రామ్‌ప్రసన్న. ‘మహిళలు ఇలాంటి ఉద్యోగాలు మాత్రమే చేయగలరు. ఇలాంటి ఉద్యోగాలు మాత్రమే చేయాలి’ అనే అప్రకటిత తీర్పులకు, పురుషాధిపత్య ధోరణులకు రామ్‌ప్రసన్న వృత్తిజీవితం, అంకితభావం చెంపపెట్టులాంటిది. ఈ ఉద్యోగం నాకు గర్వకారణంనేను చేస్తున్న ఉద్యోగంపై కొందరి సందేహాలు, భయాలు వింటే ఆశ్చర్యంగా అనిపిస్తుంది. నేను వేరే లోకంలో ఉద్యోగం చేయడం లేదు. గ్రహాంతర జీవులు, ప్రమాదకర వ్యక్తుల మధ్య ఉద్యోగం చేయడం లేదు. నిన్నటి వరకు వాళ్లు మనలాంటి మనుషులే. మన మధ్య ఉన్న వాళ్లే. ్రపాణదీపం ఆరిపోగానే వారిని పరాయి వాళ్లుగా చూసి భయపడడం తగదు. నేను భయపడుతూ ఉద్యోగం చేయడం లేదు. గర్వంగా చేస్తున్నాను. అంకితభావంతో చేస్తున్నాను.– రామ్‌ప్రసన్న – బి.ఎల్‌.నారాయణ, సాక్షి, తెనాలి

సాక్షి, అమరావతి: మన దేశంలో ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ(ఐఐటీ)లకు ఎంతో క్రేజ్‌ ఉంది. ఏటా లక్షలాదిమంది విద్యార్థులు ఐఐటీల్లో ప్రవేశాల కోసం పోటీ పడుతుంటారు. గ్రాడ్యుయేషన్‌ పూర్తయ్యాక రూ.కోట్లలో ప్యాకేజీలతో ప్లేస్‌మెంట్స్‌ సాధిస్తుంటారు. అయితే.. ఐఐటీల్లో గ్రాడ్యుయేషన్‌ పూర్తి చేసిన వారిలో సగం మంది కెరీర్‌లో విభిన్న అవకాశాలను అన్వేషించడంపై మొగ్గు చూపుతున్నారు. ఈ అంశం ఇటీవల ఢిల్లీ ఐఐటీ ఎగ్జిట్‌ సర్వేలో వెల్లడైంది. ఈ ఏడాది ఆగస్ట్‌లో డిగ్రీ పట్టా అందుకున్న 2,656 మంది విద్యార్థులపై ఎగ్జిట్‌ సర్వే నిర్వహించారు. పారిశ్రామిక రంగంపై 14 శాతం మంది దృష్టిఇదిలావుండగా.. దేశంలో ఐఐటీలతోపాటు ఇతర సబ్జెక్టుల్లో గ్రాడ్యుయేషన్‌ పూర్తి చేసిన వారిలో 14 శాతం మంది పారిశ్రామిక రంగంపై దృష్టి సారిస్తున్నట్టుగ్లోబల్‌ యూనివర్సిటీ ఎంట్రప్రెన్యూరియల్‌ స్పిరిట్‌ స్టూడెంట్స్‌ సర్వే–2023 వెల్లడించింది. 57 దేశాల్లో చేపట్టిన సర్వే ఫలితాలు ఈ ఏడాది అక్టోబర్‌లో వెలువడ్డాయి. భారత గ్రాడ్యుయేట్లలో అత్యధికులు పారిశ్రామిక రంగంపై దృష్టి సారించినట్టు సర్వే పేర్కొంది. ప్రపంచ దేశాలతో పోలిస్తే భారత విద్యార్థులు అత్యధిక ఎంట్రప్రెన్యూర్‌షిప్‌ ఆలోచనలు కలిగి ఉన్నారని ఈ సర్వే తేల్చింది. ఎగ్జిట్‌ సర్వే ఏం తేల్చిందంటే..» 53.1 శాతం అంటే 1,411 మంది అందివచి్చన ఉద్యోగ అవకాశాల్లో కొనసాగుతామని వెల్లడించారు.» 8.4 శాతం అంటే 224 మంది స్వయం ఉపాధి వైపు మొగ్గు చూపారు. 1.7 శాతం అంటే 45 మంది స్టార్టప్స్‌ కోసం పనిచేస్తామని వెల్లడించారు. 2.5 శాతం అంటే 66 మంది ఎంటర్‌ప్రెన్యూర్స్‌గా రాణించాలని నిర్ణయించుకున్నారు. » 13.5 శాతం అంటే 359 మంది ఉన్నత చదువుల్లో రాణించాలని నిర్ణయించుకున్నారు. 1.8 శాతం అంటే 47 మంది పీహెచ్‌డీ, పరిశోధన రంగాల్లో అవకాశాల కోసం అన్వేషిస్తామన్నారు.» 321 మంది (12.1) శాతం మంది సివిల్స్, ఇతర ప్రభుత్వ సర్వీసుల్లో రాణించేందుకు సన్నద్ధం అవుతామన్నారు. » 134 మంది విద్యార్థులు (5 శాతం మంది) మాత్రమే ఇంకా కెరీర్‌లో ఏం చేయాలో నిర్ణయించుకోలేదని వెల్లడించారు.

ముంబయి: మహారాష్ట్ర కొత్త సీఎంగా పదవి చేపట్టనున్న దేవేంద్ర ఫడ్నవీస్‌(54) రాజకీయాల్లో అంచెలంచెలుగా ఎదిగారు. కార్పొరేటర్‌ స్థాయి నుంచి ఒక్కొక్క మెట్టు ఎక్కుతూ మహారాష్ట్ర సీఎం స్థాయికి వచ్చారు. ఫడ్నవీస్‌ 1970 జులై 22న నాగ్‌పూర్‌లో జన్మించారు. ఫడ్నవీస్‌ తండ్రిపేరు గంగాధర్‌ ఫడ్నవీస్‌. జనసంఘ్‌లో, ఆ తర్వాత ఏర్పడిన బీజేపీలో గంగాధర్‌ ఫడ్నవీస్‌ పనిచేశారు. కార్పొరేటర్‌ టు మూడుసార్లు సీఎంవిధేయతకు ఫడ్నవీస్‌ మారుపేరు. వినమ్రతకు నిలువెత్తు ఉదాహరణ. ఫడ్నవీస్‌ దగ్గర పార్టీ ధిక్కార స్వరమనేది ఉండదు. రాజకీయాల్లో పలు రికార్డులు ఆయన సొంతం. నాగ్‌పూర్‌ మున్సిపల్‌ కార్పొరేషన్‌లో కార్పొరేటర్‌ స్థాయి నుంచి ఎదిగి ఇప్పటికే రెండుసార్లు ముఖ్యమంత్రి అయిన ఫడ్నవీస్‌ ముచ్చటగా మూడోసారి గురువారం (డిసెంబర్‌ 5)న సీఎంగా ప్రమాణస్వీకారం చేయనున్నారు. దేవేంద్ర ఫడ్నవీస్‌ 1989లో బీజేపీ విద్యార్థి విభాగమైన అఖిల భారతీయ విద్యార్థి పరిషత్‌ (ఏబీవీపీ)లో చేరారు.న్యాయశాస్త్రంలో డిగ్రీ, బిజినెస్‌ మేనేజ్‌మెంట్‌లో పీజీ చేశారు. విద్యార్థి నేతగా చురుగ్గా వ్యవహరిస్తూ తన 22వ ఏట నాగ్‌పుర్‌ నగరపాలక సంస్థ కార్పొరేటర్‌గా ఎన్నియ్యారు.1997లో నాగ్‌పూర్‌ అక్కడి మేయర్‌ పదవిని చేపట్టేప్పుడు ఆయన వయసు 27 ఏళ్లంటే ఆశ్చర్యం కలగక మానదు. అతిచిన్న వయసులో మేయర్‌ పదవి చేపట్టారు ఫడ్నవీస్‌. దేశంలో చిన్న వయసులో మేయర్‌ అయిన రెండోవ్యక్తి ఆయన.మోదీ,అమిత్‌షాలకు వీర విధేయుడు తొలిసారి 1999లో నాగ్‌పుర్‌ నైరుతి నియోజకవర్గం నుంచి ఎమ్మెల్యేగా పోటీచేసి విజయం సాధించారు. తాజాగా జరిగిన 2024 ఎన్నికలతో కలిపి ఇప్పటికి నాలుగుసార్లు అసెంబ్లీకి ఎన్నికయ్యారు. ప్రధాని నరేంద్రమోదీ, కేంద్ర హోంమంత్రి అమిత్‌షాలకు నమ్మకస్తుడిగా పేరు తెచ్చుకున్నారు.2014లో ఫడ్నవీస్‌ తొలిసారి సీఎం అయ్యారు. అయిదేళ్ల పదవీకాలాన్ని విజయవంతంగా పూర్తి చేసుకున్నారు. శరద్‌పవార్‌ తర్వాత అతి చిన్న వయసులో (44ఏళ్లకే) మహారాష్ట్ర సీఎం అయిన రికార్డు ఫడ్నవీస్‌ సొంతం. 2019లో రెండోసారి సీఎంగా ప్రమాణస్వీకారం చేసినప్పటికీ మిత్రపక్ష పార్టీగా ఉన్న శివసేన(ఉద్ధవ్‌) పార్టీ హ్యాండివ్వడంతో మూడు రోజులకే ఆ పదవి వదులుకోవాల్సి వచ్చింది.2024 నవంబర్‌లో జరిగిన అసెంబ్లీ ఎన్నికల్లో మహాయుతిని తన వ్యూహాలతో ఘన విజయం సాధించేలా చేసి మూడోసారి గురువారం సీఎంగా ప్రమాణస్వీకారం చేయనున్నారు.ఇదీ చదవండి: మహారాష్ట్ర సీఎంగా దేవేంద్ర ఫడ్నవీస్‌

న్యూఢిల్లీ: మహిళా వైద్యులు నైట్‌ డ్యూటీలు చేయొద్దన్న పశ్చిమ బెంగాల్‌ ప్రభుత్వ నిర్దేశాలను సుప్రీంకోర్టు తీవ్రంగా తప్పుబట్టింది. అలా చెప్పే అధికారం ప్రభుత్వానికి లేదని స్పష్టం చేసింది. ‘‘పైలట్లుగా, సైనికులుగా మహిళలు రాత్రి విధులు నిర్వహించడం లేదా? మీ నిర్దేశాలు మహిళా వైద్యుల కెరీర్‌పై ప్రభావం చూపుతాయి. రాత్రి విధుల్లో సమస్యలు ఎదుర్కోకుండా వారికి అవసరమైన భద్రత కలి్పంచడం ప్రభుత్వ బాధ్యత. అంతే తప్ప వాటిని మానుకోవాలని చెప్పడం సరికాదు’’ అంటూ సీజేఐ జస్టిస్‌ డి.వై.చంద్రచూడ్, న్యాయమూర్తులు జస్టిస్‌ జేబీ పార్డీవాలా, జస్టిస్‌ మనోజ్‌ మిశ్రా ధర్మాసనం మందలించింది. దాంతో సదరు నోటిఫికేషన్‌ను ఉపసంహరించుకుంటామని బెంగాల్‌ సర్కారు విన్నవించింది. కోల్‌కతాలో ఆర్‌జీ కర్‌ ప్రభుత్వాసుపత్రిలో ట్రైనీ వైద్యురాలు రాత్రి విధుల్లో ఉండగా హత్యాచారానికి గురవడం, ఈ ఉదంతం దేశవ్యాప్త ఆందోళనలకు దారితీయడం తెలిసిందే. దాంతో నెల రోజులకు పైగా మమత సర్కారు ఉక్కిరిబిక్కిరవుతోంది. ఈ నేపథ్యంలో మహిళా వైద్యుల భద్రత నిమిత్తం సలహాలు, సూచనలతో ‘రాతిరేర్‌ సాథి’ పేరిట ఇటీవల నోటిఫికేషన్‌ విడుదల చేసింది. వైద్యురాలి హత్యాచారోదంతంపై విచారణ సందర్భంగా మంగళవారం ఈ అంశం ధర్మాసనం దృష్టికి రావడంతో రాష్ట్ర ప్రభుత్వ తీరును ఆక్షేపించింది. ఆస్పత్రుల్లో వైద్యులు, ఇతర సిబ్బంది భద్రత నిమిత్తం కాంట్రాక్టు ప్రాతిపదికన ప్రైవేట్‌ సెక్యూరిటీని నియమించాలన్న నిర్ణయాన్ని కూడా తీవ్రంగా తప్పుబట్టింది. ‘‘వైద్యులకు భద్రతే లేని పరిస్థితి నెలకొని ఉంది. కనుక ప్రభుత్వాసుపత్రుల్లో పోలీసు సిబ్బందినైనా నియమించడం రాష్ట్ర ప్రభుత్వ కనీస బాధ్యత. వాటిలో యువ వైద్య విద్యార్థులు, ఇంటర్న్‌లు పని చేస్తున్నారు’’ అని గుర్తు చేసింది. మా లాయర్లకు బెదిరింపులు: సిబల్‌ ఈ కేసు విచారణను ప్రత్యక్ష ప్రసారం చేయొద్దని బెంగాల్‌ ప్రభుత్వం తరఫున సీనియర్‌ న్యాయవాది కపిల్‌ సిబల్‌ విజ్ఞప్తి చేశారు. అందుకు ధర్మాసనం నిరాకరించింది. ‘‘ఇది ప్రజాప్రయోజనాలు ముడిపడి ఉన్న కేసు. దీని విచారణ ఎలా జరుగుతోందో దేశ ప్రజలంతా తెలుసుకుని తీరాలి’’ అని స్పష్టం చేసింది. ప్రత్యక్ష ప్రసారం తమ లాయర్ల బృందానికి సమస్యలు సృష్టిస్తోందని సిబల్‌ వాదించారు. ‘‘ఇది విపరీతమైన భావోద్వేగాలతో కూడిన కేసు. మేం వాదిస్తోంది బాధితురాలి తరఫున కాదు గనుక మా బృందంలోని మహిళా లాయర్లకు యాసిడ్‌ దాడులు, అత్యాచారాలు చేస్తామంటూ బెదిరింపులు వస్తున్నాయి. పైగా మా క్లయింట్‌ (బెంగాల్‌ సర్కారు) గురించి ధర్మాసనం ఎలాంటి వ్యాఖ్యలు చేసినా లాయర్లుగా పేరుప్రఖ్యాతు లన్నీ మట్టిలో కలిసిపోతున్నాయి’’ అంటూ ఆందోళన వెలిబుచ్చారు. లాయర్లకు రక్షణ లభించేలా జోక్యం చేసుకుంటామని ధర్మాసనం హామీ ఇచి్చంది. ప్రత్యక్ష ప్రసారాన్ని మాత్రం ఆపే ప్రసక్తే లేదని స్పష్టం చేసింది. మమత రాజీనామాకు ఆదేశించాలంటూ దాఖలైన పిటిషన్‌ను ధర్మాసనం కొట్టేసింది. ఇదేమీ రాజకీయ వేదిక కాదంటూ సదరు న్యాయవాదికి తలంటింది.సీరియస్‌ అంశాలివి! వైద్యురాలి కేసులో దర్యాప్తు ప్రగతిపై సీబీఐ సమరి్పంచిన స్థాయీ నివేదికను సీజేఐ ధర్మాసనం మంగళవారం పరిశీలనకు స్వీకరించింది. అందులోని అంశాలు తమనెంతగానో కలచివేశాయంటూ ఈ సందర్భంగా ఆవేదన వెలిబుచి్చంది. ‘‘నివేదికలో సీబీఐ పేర్కొన్నవి చాలా సీరియస్‌ అంశాలు. వాటిని చదివిన మీదట మేమెంతో ఆందోళనకు లోనవుతున్నాం. అయితే వాటిని ఈ దశలో వెల్లడించలేం. అది తదుపరి దర్యాప్తుకు విఘాతం కలిగించవచ్చు’’ అని పేర్కొంది. ‘‘జరిగిన దారుణానికి సంబంధించి మృతురాలి తండ్రి కొన్ని విలువైన అంశాలను కోర్టు దృష్టికి తెచ్చారు. వాటిపైనా దర్యాప్తు చేయండి’’ అని సీబీఐకి సూచించింది. ఆర్‌జీ కర్‌ ప్రభుత్వాసుపత్రి ఆర్థిక అవకతవకల కేసు దర్యాప్తుపైనా స్థాయీ నివేదిక సమరి్పంచ్సాలిందిగా నిర్దేశించింది. విచారణను వచ్చే వారానికి వాయిదా వేసింది.పేరు, ఫొటో తొలగించండి హతురాలి పేరు, ఫొటో ఇప్పటికీ వికీపీడియాలో కనిపిస్తున్నట్టు సీబీఐ తరఫున వాదించిన సొలిసిటర్‌ జనరల్‌ తుషార్‌ మెహతా ధర్మాసనం దృష్టికి తీసుకొచ్చారు. దాంతో వాటిని తక్షణం తొలగించాలని వికీపీడియాను ధర్మాసనం ఆదేశించింది. ఈ విషయంలో తామిచి్చన గత ఆదేశాలకు కట్టుబడాలని స్పష్టం చేసింది. సమ్మె, ఆందోళనలు చేస్తున్న జూనియర్‌ వైద్యులు, ఇతర వైద్య సిబ్బందిపై ఎలాంటి క్రమశిక్షణ చర్యలూ చేపట్టబోమని బెంగాల్‌ ప్రభుత్వం ఈ సందర్భంగా హామీ ఇచి్చంది. వైద్యురాలిపై అఘాయిత్యం జరుగుతుండగా అక్కడ ఎవరెవరున్నదీ జూనియర్‌ వైద్యులకు తెలుసని వారి తరఫు న్యాయవాది ఇందిరా జైసింగ్‌ ధర్మాసనం దృష్టికి తెచ్చారు. ఆ సమాచారాన్ని సీబీఐకి సీల్డ్‌కవర్లో అందజేస్తామన్నారు. తక్షణం విధుల్లో చేరాల్సిందిగా డాక్టర్లకు ధర్మాసనం మరోసారి సూచించింది.

భారతదేశంలో ప్రతి సంవత్సరం సెప్టెంబర్ ఒకటి నుండి ఏడు వరకు జాతీయ పోషకాహార వారోత్సవాలు నిర్వహిస్తారు. సరైన పోషకాహారం, ఆరోగ్యం మధ్య విడదీయరాని సంబంధం ఉంది. ఆటగాళ్లకు ఆరోగ్యంతో కూడిన ఫిట్‌నెస్‌ ఎంతో ముఖ్యం. ప్రస్తుతం దేశంలో స్పోర్ట్స్ న్యూట్రిషనిస్ట్‌లకు అద్భుతమైన ఉద్యోగ, ఉపాధి అవకాశాలు ఉన్నాయి.క్రీడా మైదానంలో ఆటగాళ్లు అత్యుత్తమ ప్రదర్శన కనబరచాలంటే ఏ క్రీడా జట్టుకైనా స్పోర్ట్స్ న్యూట్రిషనిస్ట్ ఎంతో అవసరం. అథ్లెట్లు, వారి కోచ్‌లకు అనుసంధానంగా క్రీడా పోషకాహార నిపుణులు పని చేస్తుంటారు. అథ్లెట్ లేదా ఆటగాడి పనితీరు వారు తీసుకునే ఆహారంపై ఆధారపడి ఉంటుంది. ఈ దిశగా సూచనలు, సలహాలు అందించే ఆరోగ్య నిపుణులు రాష్ట్రానికి లేదా దేశానికి పతకాలు తీసుకురావడంలో ముఖ్యమైన పాత్ర పోషిస్తారు.స్పోర్ట్స్ న్యూట్రిషనిస్ట్ కావడానికి బీఎస్‌సీ (ఫుడ్ సైన్స్ అండ్ న్యూట్రిషన్) కోర్సు చేయాల్సి ఉంటుంది. 12వ తరగతి ఉత్తీర్ణులయ్యాక మెడికల్ స్ట్రీమ్‌లోకి వెళ్లేవారు లేదా న్యూట్రిషన్ లేదా డైటెటిక్స్‌లో బ్యాచిలర్ డిగ్రీ కలిగిన ఈ వృత్తిని ఎంచుకోవచ్చు. అలాగే ఫుడ్ సైన్స్ అండ్ న్యూట్రిషన్ లేదా డైటెటిక్స్ లేదా న్యూట్రిషన్‌లో బ్యాచిలర్ డిగ్రీ కోర్సు చేయడం ద్వారా స్పోర్ట్స్‌ న్యూట్రిషనిస్ట్‌గా ఉపాధి లేదా ఉద్యోగం పొందవచ్చు.నేషనల్ ఇన్‌స్టిట్యూట్ ఆఫ్ న్యూట్రిషన్ ఎంఎస్‌సీ (స్పోర్ట్స్ న్యూట్రిషన్) కోర్సును ఇందిరా గాంధీ నేషనల్ ఓపెన్ యూనివర్శిటీ (ఇగ్నో) అందిస్తోంది. డైటెటిక్స్ అండ్ ఫుడ్ సర్వీస్ మేనేజ్‌మెంట్ న్యూట్రిషనల్ బయోకెమిస్ట్రీలో మాస్టర్ ఆఫ్ సైన్స్ కోర్సును అన్నామలై యూనివర్సిటీ అందిస్తోంది. డైటెటిక్స్‌లో ఎంఎస్‌సీని కేరళ విశ్వవిద్యాలయం అందిస్తోంది.స్పోర్ట్స్ న్యూట్రిషనిస్ట్‌గా కెరీర్ ప్రారంభించడానికి, అకాడమీ ఆఫ్ న్యూట్రిషన్ అండ్ డైటెటిక్స్ లాంటి ప్రఖ్యాత సంస్థ నుండి సర్టిఫికేట్ పొందడం అవసరం. క్రీడా పోషకాహార నిపుణులు ప్రభుత్వ, ప్రైవేట్ రంగాలలో ఉపాధి, ఉద్యోగ మార్గాలను అందుకోవచ్చు.

ఆకాశంలో సగం అన్న పోవూరి లలిత కుమారి (ఓల్గా) మాటలు నిజమవుతున్నాయి. అన్ని రంగాల్లోనూ మహిళలు అభివృద్ధి చెందుతున్నారు. ప్రస్తుతం ఇండియా టెక్ వర్క్‌ఫోర్స్‌లో సుమారు 36 శాతం మంది స్త్రీలే ఉన్నారు. కానీ నాయకత్వ పాత్రల దగ్గరకు వచ్చేసరికి ఈ సంఖ్య తగ్గుతోంది. కార్యనిర్వాహక స్థాయిలో ప్రాతినిధ్యం వహిస్తున్న మహిళల శాతం 4 నుంచి 8 శాతం మాత్రమే.జనరేటివ్ ఆర్టిఫిషియల్ ఇంటెలిజెన్స్ (GenAI) ఈ సంఖ్యను మెరుగుపరచడంలో సహాయపడుతుంది. 2027 నాటికి గ్లోబల్ AI మార్కెట్ 320 నుంచి 380 బిలియన్లకు చేరుతుందని అంచనా. వృద్ధి 25 నుంచి 35 శాతానికి పెరుగుతుంది. జెన్ ఏఐ ఇందులో 33 శాతం ఆధిపత్యాన్ని చెలాయిస్తుందని సమాచారం.మహిళల ఎదుగుదలకు జెన్ ఏఐ గణనీయంగా సహాయపడుతుంది. వ్యవస్థలను అభివృద్ధి చేయడానికి.. విభిన్న బృందాలలో కీలకమైన బాధ్యతలు అందిపుచ్చుకోవడానికి ఇది ఎంతగానో ఉపయోగపడుతుంది.భారతదేశ సాంకేతిక రంగానికి వైవిధ్యం అవసరం. ఇది పక్షపాతాలను తొలగించడం, విభిన్న నైతికతలను కలుపుకోవడం ద్వారా సమర్థవంతమైన వ్యవస్థలను నిర్ధారిస్తుంది. టెక్ పరిశ్రమలో లింగ అసమతుల్యతను సరిచేయడానికి అవకాశాలను చేజిక్కించుకోవాలని బోస్టన్ కన్సల్టింగ్ గ్రూప్ మేనేజింగ్ డైరెక్టర్ 'శ్రీషా జార్జ్' (Sreyssha George) అన్నారు.నాస్కామ్ సీనియర్ వైస్ ప్రెసిడెంట్ అండ్ చీఫ్ స్ట్రాటజీ ఆఫీసర్ 'సంగీతా గుప్తా' మాట్లాడుతూ.. టెక్ పరిశ్రమలో జెన్ఏఐ ఆధిపత్యం చెలాయిస్తోంది. అవకాశాలను అందిపుచ్చుకోవడానికి మహిళలు కొన్ని సవాళ్ళను ఎదుర్కోవాలి. టెక్నాలజీని ఉపయోగించుకోవడం ద్వారా స్వంత విజయాన్ని పెంచుకోవడమే కాకుండా ఆయా రంగాల్లో ఆధిక్యత కూడా సాధ్యమవుతుందని అన్నారు.ఇదీ చదవండి: ఫలించిన ఆలోచన.. 150 రోజుల్లో రూ.268 కోట్లు - ఎవరీ 'రాహుల్ రాయ్'?కొత్త టెక్నాలజీకి మద్దతు ఇచ్చే, ప్రోత్సహించే వాతావరణాలను సృష్టించడం ద్వారా GenAI స్వీకరణ సాధ్యమవుతుంది. దీనికి కంపెనీలు కీలక పాత్ర పోషించాల్సి ఉంటుంది. వృద్ధి మార్గాలను అన్వేషించడం, అధికారిక & అనధికారిక మెంటర్‌షిప్ ప్రోగ్రామ్‌ల ద్వారా మార్గనిర్దేశం, నైతిక శిక్షణ అందించడం, సాధికారత, వైవిధ్యం సంస్కృతిని నిర్మించడం వంటి వాటికి జెన్ఏఐ దోహదపడుతుంది.

మైక్రోసాఫ్ట్ సీఈఓగా సత్య నాదెళ్ల ఈ ఏడాది పదేళ్లు పూర్తి చేసుకున్నారు. ఈ ఏడాది ప్రారంభంలో ప్రపంచంలోనే అత్యంత విలువైన పబ్లిక్ కంపెనీగా యాపిల్‌ను అధిగమించేలా మైక్రోసాఫ్ట్‌ను సత్య నాదెళ్ల విజయవంతంగా నడిపించారని బిజినెస్ ఇన్‌సైడర్ నివేదిక తెలిపింది.తనను విజయపథంలో నడపడానికి దోహదపడిన అంశాల గురించి సత్య నాదెళ్ల పలు సందార్భాల్లో వెల్లడించారు. వాటిలో 10 మేనేజ్‌మెంట్, కెరీర్ టిప్స్‌ ఇక్కడ ఇస్తున్నాం..ఏదీ లేనప్పుడు స్పష్టతను సృష్టించగలగడం ఏ నాయకుడికైనా ఉండాల్సిన అతి ముఖ్యమైన లక్షణం.విషయాలు ఎల్లప్పుడూ మన నియంత్రణలో ఉండవు. కాబట్టి మన చుట్టూ శక్తిని సృష్టించుకునే నైపుణ్యాలను పెంచుకోవాలి.నాయకుడనే వాడు మితిమీరిన నియంత్రిత ప్రదేశంలోనూ విజయాన్ని సృష్టించగలగాలి.ఎక్కువ వినండి, తక్కువగా మాట్లాడండి. సమయం వచ్చినప్పుడు నిర్ణయాత్మకంగా ఉండండి.విధుల్లో మానసిక భద్రతను పెంపొందించడంలో తాను పెద్దవాడినని సత్య నాదెళ్ల చెప్పారు. ఇది ప్రశ్నలు అడిగినందుకు, ఆందోళనలను పంచుకున్నందుకు లేదా తప్పులు చేసినందుకు ఉద్యోగులు శిక్షకు భయపడని వాతావరణాన్ని సృష్టిస్తుంది.సత్య నాదెళ్ల సహానుభూతిని మృదువైన నైపుణ్యంగా పరిగణించరు. వాస్తవానికి ఇది మనం నేర్చుకునే కఠినమైన నైపుణ్యమని ఆయన నమ్ముతారు.ఎవరూ "పరిపూర్ణ" నాయకుడు కారు. కానీ వారు తమ ఉద్యోగులకు మరింత స్పష్టత, శక్తి లేదా స్వేచ్ఛను ఎలా తీసుకురాగలరని ప్రశ్నించే వారు ఎల్లప్పుడూ మెరుగుపడతారు.మీ అత్యుత్తమ ప్రదర్శన ఇవ్వండి. మీ ప్రస్తుత బాధ్యతల నుంచి నేర్చుకుంటూ ఉండండి. 30 ఏళ్ల క్రితం మైక్రోసాఫ్ట్‌లో చేరినప్పుడు సీఈవో అవుతానని సత్య నాదెళ్ల ఎప్పుడూ అనుకోలేదు. తనకు ఇచ్చిన ఏ పాత్రలోనైనా రాణించడంపైనే దృష్టి పెట్టారు.అడాప్టబుల్‌గా ఉండండి. మైక్రోసాఫ్ట్ లో పనిచేసినంత కాలం, వేగంగా మారుతున్న సాంకేతిక పరిజ్ఞానానికి అనుగుణంగా తాను పనిచేసిన బృందాలు, తాను నిర్వహించిన విభాగాలను బట్టి నిరంతరం మారాల్సి వచ్చిందని సత్య నాదెళ్ల చెప్పారు.మీ లక్ష్యం.. మిమ్మల్ని నడిపించేది ఏమిటో తెలుసుకోండి. మనం ఉద్యోగాలలో ఎక్కువ సమయం గడుపుతున్నందున, పనికి లోతైన అర్థం గురించి ఆలోచించడం అవసరం.

1991లో సుభాష్‌ ఘాయ్‌ 'సౌదాగర్‌' సినిమాతో సినీ పరిశ్రమలోకి అడుగుపెట్టిన బాలీవుడ్ బ్యూటీ. స్టార్‌ హీరోలతో బ్లాక్ బస్టర్‌ చిత్రాల్లో నటించింది. షారుఖ్ ఖాన్, సల్మాన్ ఖాన్, అమీర్ ఖాన్, అజయ్ దేవగన్, జాకీ ష్రాఫ్, సన్నీ డియోల్, గోవిందతో లాంటి సూపర్ స్టార్‌లతో కలిసి పనిచేసింది. తక్కువ కాలంలోనే స్టార్‌ హీరోయిన్‌గా గుర్తింపు తెచ్చుకున్నప్పటికీ ఎక్కువ కాలం నిలవలేకపోయింది. ఎంత త్వరగా అయితే ఫేమ్ తెచ్చుకుందో.. అంతే వేగంగా కెరీర్ నాశనం చేసుకుంది. ఇంతకీ ఆ స్టార్‌ హీరోయిన్‌ తెలుసుకోవాలనుందా? అయితే ఓ లుక్కేయండి.కెరీర్ నాశనం.. 1990వ దశకంలో సూపర్‌ స్టార్‌గా పేరు తెచ్చుకున్న బ్యూటీ మనీషా కొయిరాలా.'గుప్త్', 'దిల్ సే', 'కచ్చే ధాగే' 'మన్'లాంటి కమర్షియల్ హిట్స్ సాధించింది. తక్కువ కాలంలోనే భారీ హిట్‌ సినిమాలు రావడంతో ఒక్కసారిగా బాలీవుడ్‌లో ఆమె పేరు మార్మోగిపోయింది. అయితే ఆ తర్వాత తన చేజేతులా కెరీర్ నాశనం చేసుకుంది. మద్యానికి బానిసై తన అవకాశాలను దెబ్బతీసుకుంది. మంచి ఆఫర్లు వచ్చినప్పటికీ బాక్సాఫీస్ వద్ద పరాజయం పాలు కావడంతో కెరీర్ ‍ముగింపు దశకు చేరుకుంది. కొద్ది కాలంలోనే ఆమె 50 చిత్రాలు ఫ్లాఫ్‌గా నిలిచాయి. అంతే కాకుండా 2012లో మనీషాకు క్యాన్సర్‌ రావడం ఆమెను కోలుకోలేని దెబ్బతీసింది. దాదాపు పదేళ్ల పాటు ఆ మహమ్మారితో పోరాడింది.పలువురితో ఎఫైర్స్‌మనీషా తన నటనా జీవితంలో రిలేషన్ పరంగా కూడా ఎక్కువగా వార్తల్లో నిలిచింది. మొదట ఆమె 'సౌదాగర్‌'లో హీరో వివేక్‌తో డేటింగ్‌లో ఉన్నట్లు వార్తలొచ్చాయి. ఆ తర్వాత నానా పటేకర్, డీజే హుస్సేన్‌ లాంటి వారితో ఎఫైర్‌తో వార్తల్లో నిలిచింది. అంతే కాకుంజా సెసిల్ ఆంథోనీ, ప్రశాంత్ చౌదరి, ఆస్ట్రేలియా రాయబారి క్రిస్పిన్ కాన్రాయ్, అజీజ్ ప్రేమ్‌జీ కుమారుడు తారిక్ ప్రేమ్‌జీ, రాజీవ్ ముల్చందానీ, సందీప్ చౌతా, క్రిస్టోఫర్ డెరిస్ ఇలా దాదాపు 12 మంది వ్యక్తులతో సంబంధాలు కొనసాగించినట్లు రూమర్స్‌ వచ్చాయి. కానీ చివరికీ మనీషా కొయిరాలా కూడా నేపాల్‌కు చెందిన సామ్రాట్ దహల్‌ను 2010లో వివాహం చేసుకుంది. వీరికి పెళ్లయిన రెండేళ్లకే విడిపోయారు. సినీ జీవితంతో పాటు నిజ జీవితంలో ఇబ్బందులు పడిన మనీషా ఇటీవల ఘనంగా రీ ఎంట్రీ ఇచ్చింది.సంజయ్ లీలా భన్సాలీ తెరకెక్కించిన వెబ్ సిరీస్‌తో ప్రేక్షకుల ముందుకొచ్చింది. ఇటీవలే నెట్‌ఫ్లిక్స్‌లో రిలీజైన హీరామండి: ది డైమండ్ బజార్ వెబ్ సిరీస్‌ విశేష అదరణ దక్కించుకుంది.

టెక్నాలజీ పెరుగుతున్న తరుణంలో చాలా మంచి ఉద్యోగాలు కోల్పోతున్నారు. ఉద్యోగాలు కోల్పోవడానికి ప్రధాన కారణం.. సాంకేతికతలలో ఉద్యోగులకు నైపుణ్యం లేకుండా పోవడమే అని తెలుస్తోంది. మారుతున్న టెక్నాలజీలకు అనుగుణంగా ఎవరైతే.. నైపుణ్యం పెంచుకుంటారో వారికే భవిష్యత్తు ఉంటుందని స్టేట్ ఆఫ్ అప్‌స్కిల్లింగ్ కన్స్యూమర్ సర్వే ద్వారా తెలిసింది.2023తో పోలిస్తే.. 2024లో ఉద్యోగులు తమ నైపుణ్యాలను పెంచుకుంటున్నట్లు తెలిసింది. కెరీర్‌లో ముందుకు వెళ్ళటానికి ఇది చాలా అవసరమని ఉద్యోగులకు అర్థమవుతోంది. 97 శాతం మంది మెరుగైన కెరీర్ అవకాశాల కోసం నైపుణ్యం ఒక ముఖ్యమైన అంశం అని భావిస్తున్నారు.డేటా సైన్స్, బిజినెస్ అనలిటిక్స్, ఆర్టిఫిషియల్ ఇంటెలిజెన్స్, మెషిన్ లెర్నింగ్, ప్రోగ్రామ్, ప్రాజెక్ట్ మేనేజ్‌మెంట్, క్లౌడ్ కంప్యూటింగ్, సైబర్ సెక్యూరిటీ, ప్రొడక్ట్ మేనేజ్‌మెంట్, సాఫ్ట్‌వేర్ డెవలప్‌మెంట్ వంటి వాటిలో నైపుణ్యం సంపాదిస్తున్నారు.ఎప్పటికప్పుడు మారుతున్న ల్యాండ్‌స్కేప్‌లో.. ఎదగాలంటే డేటా సైన్స్, ఏఐ, సైబర్‌సెక్యూరిటీ వంటి అభివృద్ధి చెందుతున్న రంగాలలో నైపుణ్యం అవసరమని సింప్లిలేర్న్ కో ఫౌండర్ అండ్ చీఫ్ ఆపరేటింగ్ ఆఫీసర్ కశ్యప్ దలాల్ పేర్కొన్నారు. కాబ్బటి ఉద్యోగులు తమ రంగంలో ఉన్నతమైన నైపుణ్యాలను తప్పకుండా పెంపొందించుకోవాలి.లింక్‌డ్‌ఇన్‌ ప్రకారం ప్రస్తుత కార్పోరేట్‌ లైఫ్‌లో టాప్‌ స్కిల్స్‌ ఉంటేనే ఉద్యోగాలు దొరుకుతున్నాయని తెలిపింది. మంచి కమ్యూనికేషన్‌తో పాటు కస్టమర్‌ సర్వీస్‌ గురించి అవగాహన ఉన్నవాళ్లకు డిమాండ్‌ ఎప్పటికీ తగ్గదని తెలిపింది. అలాగే టీంను నడిపించే నాయకత్వ లక్షణాలు/అనుభవం, కీలకమైన ప్రాజెక్టులను నిర్వహించిన సామర్థ్యం, వేర్వేరు టాప్‌ పొజిషన్లలో చేసిన నైపుణ్యం ఉన్నవారికి ఢోకా లేదని తెలిపింది.నెంబర్లను విశ్లేషించి వ్యూహాలను మార్చుకునే అనలిటిక్స్‌ స్కిల్‌, ఎలాంటి బృందంతోనైనా పని చేసే కలుపుగోలు మనస్తత్వం, దేన్నయినా విక్రయించే టాలెంట్‌, సమస్యలను వెంటనే పరిష్కరించగలిగే ట్రబుల్‌ షూటింగ్‌ పరిజ్ఞానం అలాగే లోతైన పరిశోధన అభ్యర్థులను అగ్రస్థానంలో ఉంచుతుందని తెలిపింది. (Image Source : LinkedIn Learning)

తమన్నా నటించిన తాజా వెబ్‌సిరీస్‌ ‘ఆఖరి సచ్‌’. 2018లో ఢిల్లీలో బూరారిప్రాంతంలో ఒకే కుటుంబానికి చెందిన పదకొండుమంది ఆత్మహత్య చేసుకున్నారు. ఈ సంఘటనలతో ‘ఆఖరి సచ్‌’ రూపొందింది. తమన్నా, అభిషేక్‌ బెనర్జీ, శివిన్‌ నారంగ్, రాహుల్‌ బగ్గా లీడ్‌ రోల్స్‌లో రాబీ గ్రేవాల్‌ దర్శకత్వం వహించారు. ఈ నెల 25 నుంచి డిస్నీ ప్లస్‌ హాట్‌స్టార్‌లో స్ట్రీమింగ్‌ కానుంది. ఈ సందర్భంగా తమన్నా మాట్లాడుతూ– ‘‘ఇందులో అన్య అనే ఇన్వేస్టిగేటివ్‌ పొలీసాఫీసర్‌ పాత్రలో నటించాను. ‘ఆఖరి సచ్‌’ కథ విన్నప్పుడు నేను షాక్‌ అయ్యాను. ఈ సిరీస్‌ నాకు చాలా స్పెషల్‌. ఎందుకంటే నా కెరీర్‌లో తొలిసారిగా ఓ పొలీసాఫీసర్‌ పాత్రలో నటించాను. అలాగే నా కంఫర్ట్‌జోన్‌ దాటి చాలా ఎమోషన్స్‌తో కూడు కున్న అన్య పాత్రలో నటించాను’’ అని చెప్పుకొచ్చారు తమన్నా.

మనకు ఊహ తెలిసిన దగ్గర నుంచి పెద్దయ్యాక ఇది అవ్వాలి, అది అవ్వాలి అని రకరకాల కలలు కంటాము. ఎంతో ఇష్టమైన కలను నిజం చేసుకునేందుకు ఎదురైన అడ్డంకులన్నింటిని దాటుకుని సాధిస్తాం. హమ్మయ్య చేరుకున్నాం అని కాస్త సంతోషపడేలోపు అనుకోని కుదుపులు  కెరీర్‌ను పూర్తిగా నాశనం చేస్తాయి. తిరిగి కోలుకోలేని దెబ్బకొడతాయి. అచ్చం ఇలానే జరిగింది అన్షుక పర్వాణి జీవితంలో. తనకెంతో ఇష్టమైన కెరీర్‌ను వదిలేసినప్పటికీ... యోగా ఇచ్చిన ధైర్యంతో యోగానే కెరీర్‌గా మలుచుకుని సెలబ్రెటీ యోగా ట్రైనర్‌గా రాణిస్తోంది పర్వాణి. ముంబైకి చెందిన అన్షుక పర్వాణి విద్యావంతుల కుటుంబంలో పుట్టింది. అన్షుకకు చిన్నప్పటినుంచి ఆస్తమా ఉంది. అయితే మందులు మింగడం అంటే ఇష్టం ఉండేది కాదు. దీంతో డాక్టర్స్‌ అయిన తాతయ్య, నాయనమ్మలు... ‘‘రోజూ స్విమ్మింగ్‌ చేస్తుంటే నీ ఊపిరి తిత్తులు బలంగా మారతాయి’’ అని ప్రోత్సహించేవారు. మందులు మింగే బాధ ఉండదని, అన్షుక ఎంతో ఆసక్తిగా స్విమ్మింగ్‌ నేర్చుకుని రోజూ ఈతకొట్టేది. ఈతలో పట్టుసాధించి జాతీయస్థాయి ఛాంపియన్‌ షిప్స్‌లో గోల్డ్‌మెడల్‌ గెలిచింది. స్విమ్మింగ్‌తోపాటు విమాన ప్రయాణం అన్నా అన్షుకకు చాలా ఇష్టం. ఈ ఇష్టంతోనే పైలట్‌ కావాలని కలలు కనేది. పైలట్‌ అయ్యి, ప్రపంచమంతా తిరిగిరావాలని... కష్టపడి కమర్షియల్‌ పైలట్‌ అయ్యింది. ► ఎగరలేకపోయింది అది 2008.. అన్షుక అనుకున్నట్టుగానే పైలెట్‌గా గాలిలో తేలిపోతున్న రోజులవి. ఒకరోజు బైక్‌ యాక్సిడెంట్‌లో అనుష్క కాళ్లు, తల, నడుముకు తీవ్ర గాయాలయ్యాయి. ఎటూ కదల్లేని పరిస్థితి. కొన్ని నెలలపాటు బెడ్‌కే పరిమితమైంది. దీంతో కమర్షియల్‌ పైలట్‌ ఉద్యోగానికి ఫిట్‌ కాదని జాబ్‌ నుంచి తొలగించారు. ఒకపక్క గాయాలతో గుచ్చుకుంటోన్న శరీరం, మరోపక్క విమానం నడపలేని పరిస్థితి అన్షుకను కలచివేసింది. ఇదే సమయంలో తల్లిదండ్రులు అండగా ఉండి, తమ సంపూర్ణ సహకారం అందించడంతో... ఫిజియోథెరపీ, యోగాలతో కొన్ని వారాలలోనే కోల్పోయిన మనోధైర్యాన్ని కూడదీసుకుంది. ఎలాగైనా లేచి నడవాలి అని నిర్ణయించుకుని ఆసనాలను కఠోరంగా సాధన చేసేది. తన తల్లి యోగా టీచర్‌ కావడం, చిన్నప్పటి నుంచి ఆస్తమాను ఎదుర్కోవడానికి యోగాసనాలు వేసిన అనుభవంతో ఎనిమిది నెలల్లోనే కోలుకుని తిరిగి నడవగలిగింది. ► యోగ శక్తిని తెలపాలని... యోగాతో సాధారణ స్థితికి వచ్చిన అన్షుక.. తిరిగి పైలట్‌గా బాధ్యతలు చేపట్టే అవకాశం ఉన్నప్పటికీ యోగాపై ఏర్పడిన నమ్మకం, ఆసక్తితో ‘యోగాను ఎందుకు కెరీర్‌గా ఎంచుకోకూడదు? ఎగరలేక కిందపడిపోయిన తనని తిరిగి లేచి నyì చేలా చేసిన ఈ యోగా శక్తిని అందరికీ తెలియచేయాలి’ అనుకుని.. తొమ్మిది నెలల పాటు యోగాలో శిక్షణ తీసుకుని సర్టిఫికెట్‌ అందుకుంది. యోగాను మరింత లోతుగా తెలుసుకునేందుకు ముంబై యూనివర్శిటీలో మాస్టర్స్‌ డిగ్రీ చేసింది. పీజీ చేస్తూనే వివిధ రకాల సంప్రదాయ యోగాలను సాధన చేసి ఔపోసన పట్టింది. ఈ క్రమంలోనే పైలట్స్, బాలే, జుంబాను నేర్చుకుని సర్టిఫికెట్‌ పొందింది. 2015లో బాంద్రాలో యోగా ఇన్‌స్టిట్యూట్‌ను నెలకొల్పింది. సంప్రదాయ యోగాసనాలకు కొన్ని టెక్నిక్స్‌ను జోడించడంతో మంచి ఫలితాలు వచ్చేవి. దీంతో అన్షుక యోగా సెంటర్‌ బాగా పాపులర్‌ అయ్యింది. ► అన్షుక యోగా స్టూడియో! యోగాపై పెరిగిన అవగాహనతో సెలబ్రెటీలు సైతం తమ ఫిట్‌నెస్‌కోసం యోగాను ఎంచుకుంటున్నారు. అన్షుక ట్రైనింగ్‌ బావుండడంతో.. మలైకా అరోరా, హూమా ఖురేషి, జాక్వెలిన్‌ ఫెర్నాండెజ్, కరీనా కపూర్, ఆలియాభట్, దీపికా పదుకోన్, రకుల్‌æప్రీత్‌ సింగ్, మిస్బా గుప్తా, అనన్య పాండే, జాహ్నవీ కపూర్, సోనాల్‌ చౌహాన్‌ వంటి సెలబ్రెటీలు అన్షుక దగ్గర యోగాలో శిక్షణ తీసుకున్నారు.   ఎంతమంది సెలబ్రెటీలకు యోగా ట్రైనర్‌గా పనిచేసినా నాకు ఎలాంటి ఒత్తిడీ ఉండదు. శిక్షణ ఇవ్వడమంటే ఇష్టం. ట్రైనింగ్‌ ఇస్తూ ఎంజాయ్‌ చేస్తున్నాను. ఎందుకంటే, నేను మనసా వాచా కర్మణ్యా పనిచేస్తున్నాను. ఎవరికైనా సలహాలు, సూచనలు ఇచ్చినప్పుడు అవి కచ్చితత్వంతోనూ, సత్యంతోనూ ఉంటేనే వాటికి విలువ ఉంటుంది. అందుకే నేను యోగాసనాలు వేసి, వేయించి, దాని శక్తిని అందరికీ తెలిసేలా చేస్తున్నాను. అందుకే నా శిక్షణకు ఆదరణ లభిస్తోంది.

బాలీవుడ్ భామ కృతి సనన్ గురించి పరిచయం అక్కర్లేదు. మహేశ్ బాబు హీరోగా నటించిన నేనొక్కడినే సినిమాతో టాలీవుడ్‌లో ఎంట్రీ ఇచ్చింది. ఆ తర్వాత నాగ  చైతన్య సరసన దోచేయ్ చిత్రంలో కనిపించింది. గతడేది వరుణ్ ధావన్‌తో కలిసి భేడియా చిత్రంతో ప్రేక్షకుల ముందుకొచ్చిన సంగతి తెలిసిందే. అయితే తాజాగా ప్రభాస్ సరసన నటించిన ఆదిపురుష్ ఈనెల 16న విడుదల కాబోతోంది. బాలీవుడ్ దర్శకుడు ఓం రౌత్ తెరకెక్కించిన ఈ చిత్రంలో కృతి సనన్ సీత పాత్రలో కనిపించనుంది.  (ఇది చదవండి: కొత్తింట్లోకి అడుగు పెట్టిన హిమజ, ఫోటో వైరల్‌ ) ఈ మూవీ ప్రమోషన్లలో భాగంగా కృతి సనన్ ఇటీవల ఓ ఇంటర్వ్యూకు హాజరైంది. తన కెరీర్‌కు సంబంధించి పలు ఆసక్తికర విషయాలను పంచుకుంది ముద్దుగుమ్మ. మోడలింగ్‌పై ఆసక్తితో దిల్లీ నుంచి ముంబయి చేరుకున్నట్లు కృతి సనన్ తెలిపింది. అయితే మొదట్లో  అవకాశాల కోసం చాలా అవమానాలు ఎదుర్కొన్నానని తెలిపింది.  సినిమాలు వెళ్లిపోదామనుకున్నా అయితే ఓ   ర్యాంప్‌షోలో కొరియోగ్రాఫర్‌ తనతో చాలా అసభ్యంగా ప్రవర్తించి అందరి ముందు అవమానించాడని తెలిపింది. ఆ బాధతో మోడలింగ్ వదిలేద్దామనుకున్నట్లు వివరించింది కృతి. ఇంటికొచ్చేస్తానంటూ ఏడుస్తూ అమ్మకి ఫోన్‌ చేశానని పేర్కొంది. ప్రతిచోటా సవాళ్లు ఉంటాయని.. వాటిని ఎదుర్కొని ముందుకు సాగితేనే విజయం సాధిస్తామని ఆ సమయంలో అమ్మ తనకు చెప్పిందని వెల్లడించింది.  తన వల్లే నేను ఇప్పుడు ఈ స్థాయిలో ఉన్నానని చెబుతోంది ఆదిపురుష్ భామ.  ( ఇది చదవండి: ఓవల్‌లో వాలిపోయిన ప్రేమజంట.. ఫోటోలు వైరల్!)

సాథ్ నిభానా సాథియా -2తో బుల్లితెరపై గుర్తింపు తెచ్చుకున్న నటి స్నేహా జైన్. ఆమె ప్రస్తుతం 'జనమ్ జనమ్ కా సాత్ షో'లో ప్రధాన పాత్రలో నటిస్తున్నారు. తాజాగా ఓ ఇంటర్వ్యూకు హాజరైన నటి తన కెరీర్‌ గురించి ఆసక్తికర విషయాలను పంచుకున్నారు. కెరీర్ తొలినాళ్లలో చాలా ఇబ్బందులు ఎదుర్కొన్నాని తెలిపారు. మొదట్లో సరైన అవకాశాలు ఎన్నోసార్లు మానసికంగా దెబ్బతిన్నానని చెప్పుకొచ్చింది.  స్నేహా ఇప్పటికే క్రైమ్ పెట్రోల్, కృష‍్ణదాసి, క్రైమ్ పెట్రోల్ డయల్ 100 లాంటి సిరీస్‌ల్లో కనిపించింది.  (ఇది చదవండి: రాధికా శరత్‌కుమార్‌కు గోల్డ్‌ రింగ్‌ గిఫ్టుగా ఇచ్చిన లారెన్స్‌) స్నేహా జైన్ మాట్లాడుతూ.. 'నాకు చిన్న చిన్న పాత్రలు వచ్చేవి. మొదట యాక్టింగ్ సర్టిఫికేట్ కోర్స్ చేశా. ఆ తర్వాత క్రాఫ్ట్ బాగా నేర్చుకునేందుకు థియేటర్ కోర్సు కూడా చేశా. నా పాత్రలు ప్రేక్షకులను మెప్పించేలా సిద్ధం చేసుకోవాలనుకున్నా. మొదట కొన్ని పాత్రలు నాకు మంచి గుర్తింపునిచ్చాయి. కెరీర్ ప్రారంభంలో నాకు స్నేహితుల పాత్రలు వచ్చినందున డైలాగ్‌ చెప్పే అవకాశం రాలేదు. టీవీ ఇండస్ట్రీలో అడుగుపెట్టాక ప్రారంభంలో చాలా ఇబ్బందులు పడ్డా. నాకు రోజుకు కేవలం రూ.2 వేలే ఇచ్చేవారు. నలుగురైదుగురు అమ్మాయిలతో కలిసి గదిని పంచుకునేదాన్ని. ఆ రోజులు నాకు జీవితమంటే చాలా నేర్పించాయి. ఇప్పటికీ నేను ఇంకా కష్టపడుతూనే ఉన్నా. ఈ పరిశ్రమలో అంతులేని పోరాటంగా భావిస్తున్నా.'అని  చెప్పుకొచ్చింది.  (ఇది చదవండి: బుల్లితెర నటి సూసైడ్ కేసు.. దర్యాప్తులో షాకింగ్ విషయాలు!)

బాలీవుడ్‌లో నటి ప్రియాంక చోప్రా పరిచయం అక్కర్లేని పేరు. ఇటీవలే స్పై థ్రిల్లర్ సిటాడెల్ వెబ్ సిరీస్‌తో అలరించింది. తాజాగా ఓ ఇంటర్వ్యూలో పాల్గొన్న ప్రియాంక కెరీర్ మొదట్లో ఎదుర్కొన్న ఇబ్బందులను వివరించింది.  కెరీర్ ప్రారంభంలో మానసికంగా చాలా ఇబ్బంది పడినట్లు చెప్పుకొచ్చింది.  ఇండస్ట్రీలో ఎవరితోనూ పరిచయాలు లేకపోవడంతో భయపడినట్లు తెలిపింది. (ఇది చదవండి: అవార్డులు కొల్లగొట్టిన ఆలియా భట్ మూవీ..!) ప్రియాంక చోప్రా మాట్లాడుతూ.. '20 ఏళ్ల వయసులోనే ఇండస్ట్రీలో అడుగుపెట్టా. మొదట్లో చాలా కష్టంగా అనిపించింది. ఈ పరిశ్రమలో నాకు ఎవరూ తెలియదు. చాలా భయపడేదాన్ని. ప్రతి చిన్న విషయాన్ని ఎంతో సీరియస్‌గా తీసుకునేదాన్ని. మానసికంగా ఇబ్బందులు పడ్డా. ఏదైనా సినిమా ఫెయిలైనా.. ఏదైనా అవకాశాన్ని కోల్పోయినప్పుడు ఆ బాధపడేదాన్ని. నేను చూసిన బిగ్గెస్ట్‌ స్టార్స్‌తో నటించాను. ఇప్పుడు వెనక్కి తిరిగి చూసుకుంటే ఎంతో సంతోషంగా ఉంది.' అని అన్నారు. కాగా.. అమెరికన్ సింగర్ నిక్ జోనాస్‌ను పెళ్లి చేసుకున్న ప్రియాంక ఓ కూతురు కూడా జన్మించింది. తన ముద్దుల కూతురికి మేరీ మాల్టా అని పేరు పెట్టింది.  (ఇది చదవండి: పొలిటీషియన్‌ను పెళ్లాడిన బుల్లితెర నటి.. దాదాపు పదేళ్ల తర్వాత!)

ఉద్యోగం ఊరకే ఎవరూ మానెయ్యరు. సవాలక్ష కారణాలు ఉండవచ్చు. ఉద్యోగం మానేయడం ఎంత తేలికో, తిరిగి ఉద్యోగంలో చేరడం అంత కష్టం. ఈ విషయాన్ని దృష్టిలో పెట్టుకొని మహిళలు తమ కెరీర్‌ను రీస్టార్ట్‌ చేయడానికి బెంగళూరు కేంద్రంగా ‘జాబ్స్‌ ఫర్‌ హర్‌’ ప్లాట్‌ఫామ్‌కు శ్రీకారం చుట్టింది నేహా బగరియా, ఆ ప్లాట్‌ఫామ్‌ను ‘హర్‌ కీ’ పేరుతో రీబ్రాండ్‌ చేసి రెండడుగులు ముందుకు వేసింది నేహా... రకరకాల కారణాల వల్ల ఉద్యోగాలు మానేస్తున్న మహిళలు ఎంతోమంది ఉన్నారు. కరోన కరకు కాలంలో ఉద్యోగం మానేసిన వారిలో మహిళలే ఎక్కువగా ఉన్నారు. అలా ఉద్యోగాలు మానేసిన వారు కెరీర్‌ రీస్టార్ట్‌ చేయడానికి తనవంతు ప్రయత్నం చేస్తోంది నేహా బగరియా. అమెరికాలోని వార్టన్‌ స్కూల్‌లో గ్రాడ్యుయేషన్‌ చేసిన నేహా హెచ్‌ ఆర్‌లో ఫైనాన్స్, మార్కెటింగ్‌ రంగాలలో పనిచేసింది. 2010లో తన కెరీర్‌కు బ్రేక్‌ వచ్చింది. తిరిగి మూడు సంవత్సరాల తరువాత ఉద్యోగంలో చేరింది. ‘కెరీర్‌ రీస్టార్ట్‌ చేయకపోతే ఎంతో నష్టపోయేదాన్ని’ అని తనలో తాను అనుకుంది. అదే సమయంలో ఉద్యోగాలు మానేసి ఇంటికే పరిమితమైన  ఎంతోమంది మహిళా ఉద్యోగులు గుర్తుకు వచ్చారు. వారు అనాసక్తతతోనో, వ్యతిరేకతతోనో ఉద్యోగాలు మానేసి ఉండరు. ఒకానొక నిర్దిష్టమైన సమయంలో తప్పనిసరి పరిస్థితులలో ఉద్యోగం మానేసి ఉంటారు. వారు తిరిగి ఉద్యోగంలో చేరాలకుంటున్నా దారి కనిపించి ఉండదు. ‘పురుషులతో పోల్చితే మహిళలకు ఉద్యోగ అవకాశాలు అనే కిటికీ చాలా చిన్నది’ అంటుంది నేహా. కొన్ని కంపెనీలు అప్పుడే కాలేజీ విద్యను పూర్తి చేసుకున్న అమ్మాయిలకే ఉద్యోగ అవకాశాలు ఇవ్వడానికి ప్రాధాన్యత ఇస్తున్నాయి. కుటుంబ బాధ్యతల వల్ల ఉద్యోగ విధులు సరిగ్గా నిర్వహించలేరేమో అనే భయం వల్ల పెళ్లయిన మహిళలకు ఉద్యోగం ఇవ్వడానికి వెనకాడుతున్నారు. అయితే అది అపోహే అని చరిత్ర చెబుతూనే ఉంది. దీన్ని దృష్టిలో పెట్టుకొని ‘జాబ్స్‌ ఫర్‌ హర్‌’ అనే ఆన్‌లైన్‌ పోర్టల్‌ స్టార్ట్‌ చేసింది నేహా. ఉద్యోగం మానేసిన ఎంతోమంది మహిళలు తిరిగి ఉద్యోగంలో చేరడానికి ఈ ప్లాట్‌ఫామ్‌ ఎంతో ఉపయోగపడింది. కంపెనీలకు, ఉద్యోగం కోసం ఎదురుచూస్తున్న మహిళలకు మధ్య వారధిగా మారింది. ‘తమను తాము తిరిగి నిరూపించుకోవాలనే పట్టుదల చాలామంది మహిళలలో కనిపించింది’ అంటుంది నేహా. ‘జాబ్స్‌ ఫర్‌ హర్‌’ ద్వారా ఉద్యోగంలో చేరిన మహిళలలో ముంబైకి చెందిన శ్రీప్రియ ఒకరు. ‘వ్యక్తిగత కారణాల వల్ల ఉద్యోగం మానేసిన నేను కాస్త ఆలస్యంగా అయినా తిరిగి ఉద్యోగం చేయాలనే నిర్ణయం తీసుకున్నాను. అయితే అది అంత సులువైన విషయం కాదని తెలిసిపోయింది. ఈ పరిస్థితులలో జాబ్స్‌ ఫర్‌ హర్‌ చుక్కానిలా కనిపించింది’ అంటుంది శ్రీప్రియ. కొంత కాలం తరువాత... ‘జాబ్స్‌ ఫర్‌ హర్‌’ వెంచర్‌ను ‘హర్‌ కీ’ పేరుతో రీబ్రాండ్‌ చేసింది నేహా. ‘హర్‌ కీ’కి కలారీ క్యాపిటల్, 360 వన్‌ ఎసెట్‌... మొదలైన సంస్థలు ఫండింగ్‌ చేశాయి. ‘ఉద్యోగం మానేసిన మహిళలలో ఎనభై శాతం మంది తిరిగి ఉద్యోగం చేయాలనుకుంటున్నారు. అలాంటి వారికి హర్‌ కీ కొత్త దారి చూపుతుంది’ అంటోంది ‘360 వన్‌ ఎసెట్‌’ సీనియర్‌ ఎగ్జిక్యూటివ్‌ వైస్‌ ప్రెసిడెంట్‌ నిధి గుమాన్‌.                      

ప్రతీ గ్రాడ్యుయేట్‌కు ఒక లెక్క ఉంటుంది..  4 సంవత్సరాల ప్రిపరేషన్, పరీక్షల తర్వాత, వారు ప్రపంచాన్ని ఎదుర్కోవడానికి  కెరీర్‌ను తయారు చేసుకోవడానికి సిద్ధమవుతారు. జాబ్‌ మార్కెట్‌ను ఛేదించే సామర్థ్యం తమకు ఉందని నమ్ముతారు. కానీ ప్రస్తుత వాతావరణంలో ’ఫ్రెషర్‌’  లేబుల్‌  చాలా మంది  గ్రాడ్యుయేట్‌లకు అడ్డంకి మారుతోంది. ఫ్రెషర్స్‌ వర్సెస్‌ ఎక్స్‌పీరియన్స్‌ సాధారణంగా సంస్థల యాజమాన్యాలు అప్పటికే నిరూపితమైన ట్రాక్‌ రికార్డ్‌లు కలిగిన సిబ్బందిని కోరుకుంటాయి. ఎందుకంటే నైపుణ్యం కలిగిన ఉద్యోగుల వల్ల కలిగే దీర్ఘకాలిక ప్రయోజనాలు ఫ్రెషర్‌ల వల్ల అయ్యే  తక్కువ నియామక ఖర్చుల కన్నా ఎక్కువ ఉంటాయి. గ్రాడ్యుయేషన్‌ పూర్తి చేసుకొని బయటకు వస్తున్న గ్రాడ్యుయేట్‌లు తరగతి గదిలో సంస్థాగత గత విధులు నేర్చుకోలేరు. అది  అనుభవం నుంచి మాత్రమే వస్తుంది. అందుకే గ్రాడ్యుయేట్‌లు కళాశాల నుంచి బయటకు వచ్చిన తర్వాత వారి మొదటి ఉద్యోగాలను పొందడం కష్టంగా భావించడంలో ఆశ్చర్యం లేదు. గ్లోబల్‌ అస్థిరత  అనిశ్చితి ఎక్కువగా ఉండటంతో పోస్ట్‌–పాండమిక్‌ జాబ్‌ మార్కెట్‌ లో కష్టతరమైన పరిస్థితులను ఫ్రెషర్లు ఎదుర్కొంటున్నారు. కంపెనీలు తమ ఆఫర్‌ లెటర్‌లను రద్దు చేస్తున్నాయి లేదా కొత్త, మరింత కఠినమైన నియామక పద్ధతుల నేపథ్యంలో తమ రిక్రూట్‌మెంట్‌ను ఆలస్యం చేస్తున్నాయి, దీనివల్ల వీరు అడ్డంకులు ఎదుర్కొంటున్నారు. నైపుణ్యమే.. విజయం.. ఫ్రెషర్లు కెరీర్‌ వేటలో ఉన్నప్పుడే మరింత ఎక్కువ నైపుణ్యత సాధించి, పోటీని దూరం చేయవచ్చు, ఆకర్షణీయమైన సామర్ధ్యాల పోర్ట్‌ఫోలియోను రూపొందించడం ద్వారా అడ్డంకులను దాటవేయవచ్చు. గ్రేట్‌ లెర్నింగ్‌ అనే సంస్థ ఇటీవలి నివేదిక ప్రకారం.. కెరీర్‌ ప్రారంభంలో నైపుణ్యం పెంచుకోవడంలో వ్యయ ప్రయాసలను పెట్టుబడి పెట్టే వారు తోటివారి కంటే రెండింతలు ఎక్కువ సంపాదిస్తారు. ఎక్కువ ఇంక్రిమెంట్‌లను పొందుతారు. మిగతా వారి కంటే చాలా ముందుగానే ఆర్థిక స్వాతంత్య్రం పొందుతారు. ఆధునిక జాబ్‌ మార్కెట్‌ నైపుణ్యం రీస్కిల్లింగ్‌ను చాలా ముఖ్యంగా పరిగణిస్తుంది. ఎంపిక జాగ్రత్త.. వ్యక్తిగత సామర్ధ్యాల గురించి ఒక అంచనాకు వచ్చిన తర్వాత దేనిని ఎంచుకోవాలో తెలుసుకోవడం చాలా ముఖ్యం. ప్రస్తుతం  ఫైనాన్స్‌  టెక్నాలజీ  పరిశ్రమలు అధిక జీతాలను అందించేవిగా పరిగణించబడుతున్నాయి. పెరుగుతున్న డిజిటలైజేషన్‌తో, ముఖ్యంగా డేటా సైన్స్, బ్లాక్‌చెయిన్‌  టెక్నాలజీ హాటెస్ట్‌ సెక్టార్‌లలో ఒకటిగా ఉద్భవించింది. గత 2022లో, డేటా సైన్స్‌లో నైపుణ్యాలను పెంపొందించడం వల్ల 2040 నాటికి వారి జీతం 57.9 ఎల్‌పిఎకి.. నైపుణ్యం లేని వారి తోటివారి కంటే 3 రెట్లకు చేరుకునే అవకాశం ఉందని గ్రేట్‌ లెర్నింగ్‌ అధ్యయనం వెల్లడించింది. అదేవిధంగా, 2022లో నైపుణ్యం పెంచుకునే మార్కెటింగ్‌ ప్రొఫెషనల్‌ 10 సంవత్సరాల వ్యవధిలో వారి తోటివారి కంటే 100 శాతం ఎక్కువ సంపాదిస్తారు. అలాగే ఆధునిక–యుగపు నైపుణ్యాలు కలిగిన సాఫ్ట్‌వేర్‌ ఇంజినీర్‌ నిపుణుడు  తోటివారి కంటే 4రెట్ల వరకు సంపాదించగలరు. నైపుణ్యం లేని ఒక ప్రొఫెషనల్‌ వారి పదవీ విరమణ కార్పస్‌ ఫండ్‌ ఏర్పాటు కోసం 60 సంవత్సరాల ఆగాల్సి వస్తే... నైపుణ్యం కలిగిన నిపుణులు 50 సంవత్సరాల వయస్సులోపే వారి పదవీ విరమణ నిధిని కూడబెట్టుకుంటారు. పేపర్‌ పులి కావద్దు... కేవలం కాగితంపై స్కిల్స్‌ థృవీకరణ పొందడం కంటే వాస్తవిక సామర్థ్యాన్ని పెంపొందించడంపై దృష్టి పెట్టాలి. పెట్టుబడి పెట్టిన సమయం, డబ్బుపై సాధ్యమైనంత ఎక్కువ రాబడిని సాధించడానికి,  పరిశ్రమకు సంబంధించిన పాఠ్యాంశాలను అందించే ప్లాట్‌ఫామ్‌ను ఎంచుకోవడం చాలా అవసరం.  ఈ ప్రయాణంలో  ఎదుర్కొనే సవాళ్లను పరిష్కరించడంలో ఇది  సహాయపడుతుంది. నియామక కంపెనీలతో అనేక అప్‌స్కిల్లింగ్‌ ప్లాట్‌ఫామ్‌లు  కనెక్షన్‌లను కలిగి ఉన్నాయి. నెట్‌వర్క్‌ పెంచుకోండి.. సామాజిక  వృత్తిపరమైన పరిచయాలను పెంచుకోవడం అవసరం. ఇది అప్‌స్కిల్లింగ్‌లో తరచుగా చాలా మంది పట్టించుకోని అంశం. పరిశ్రమ డొమైన్‌లో అభ్యర్థి తమ నైపుణ్యం  సెట్‌లను అప్‌డేట్‌ చేసిన తర్వాత, తదుపరి దశలో  తోటి అభ్యాసకుల ద్వారా పరిశ్రమతో కనెక్ట్‌ అవ్వడం అలాగే ఉపాధి–కేంద్రీకృత ఆన్‌లైన్‌ ప్లాట్‌ఫామ్‌లను తరచుగా పరిశీలించాలి. అలాగే  సృజనాత్మకతను,  వృత్తిపరమైన సంబంధాలను పెంపొందించుకోవడానికి సహాయపడే సోషల్‌ నెట్‌వర్క్‌ను రూపొందించుకోవాలి. ఒకే రకపు ఆలోచన కలిగిన నిపుణులతో పరస్పర చర్చలు చేయాలి. నైపుణ్యాలను కలిగి ఉండటం మాత్రమే సరిపోకపోవచ్చు; వాటిని ప్రదర్శించాలి  ఎందుకు మీరు అర్హత పొందారో  చూపించాలి: అందుబాటులో ఉన్న టూల్స్‌ ను నేర్చుకోవడం ద్వారా వాటి ప్రయోజనాన్ని పొందాలి. గ్రూపులు ఫోరమ్‌లలో చేరాలి. అలాగే వివిధ ఈవెంట్‌లలో పాల్గొనాలి.  సుస్థిరమైన సభ్యుల గ్లోబల్‌ నెట్‌వర్క్‌తో కనెక్ట్‌ కావాలి. పరిశ్రమకు సంబంధించిన ప్రోగ్రామ్‌లు, హ్యాకథాన్‌లు సమ్మిట్‌ల వంటి లైవ్‌ ప్రాజెక్ట్‌లలో పాల్గొనడం ద్వారా నెట్‌వర్కింగ్‌ను బలోపేతం చేసుకోవాలి. పోర్ట్‌ఫోలియో... ఓ గుర్తింపు. పోర్ట్‌ఫోలియో అనేది మీ గుర్తింపు,  మీరు వ్యక్తిగతంగా కాబోయే యజమానిని కలిసే ముందు అది మీ గురించి చెబుతుంది. అలాగే, ఆధునిక, సమకాలీనమైన మీ ప్రతిభ సామర్థ్యాలపై అంతర్గత వీక్షణను అందించగల  నిర్దిష్ట డాక్యుమెంటు గురించి చాలా జాగ్రత్తలు తీసుకోండి. మీ అనుభవాలను వివరించాలి. మీ విజయాలను ప్రదర్శించడానికి వెనుకాడకండి. ప్రాజెక్ట్‌లలో మీరు చూపించిన డైరెక్ట్‌ రిజల్టులను హైలైట్‌ చేయండి, పురోగతి  భావాన్ని, విజయం సాధించాలనే ఆరాటాన్ని ప్రదర్శించండి. మీరు ఎంచుకున్న నైపుణ్యాలతో సివిని ఎప్పటికప్పుడు అప్‌డేట్‌ చేయాలి. –హరికృష్ణన్‌ నాయర్, కో ఫౌండర్, గ్రేట్‌ లెర్నింగ్‌

ప్రముఖ సింగర్‌ స్మిత వ్యాఖ్యాతగా ‘నిజం విత్‌ స్మిత’ టాక్‌ షో ప్రారంభమైంది. ఈ షో ద్వారా సినీ, రాజకీయ ప్రముఖుల జీవితంలోని చోటు చేసుకున్న సంఘటనలు, వ్యక్తిగత విషయాలను చర్చించనున్నారు.  ఓటీటీ ప్లాట్‌ఫామ్‌ సోనీలివ్‌లో వేదికగా ప్రసారమయ్యే ఈ షో ప్రోమోలో మెగాస్టార్‌ చిరంజీవి, హీరోయిన్‌ సాయి పల్లవి, దగ్గుబాటి రానా, టీడీపీ అధినేత నారా చంద్రబాబు నాయుడుతో పాటు తదితరులు పాల్గొన్నట్లు చూపించారు. ఇక ఫిబ్రవరి 10న ఈ షో ప్రారంభం కాగా తొలి ఎపిసోడ్‌గా మెగాస్టార్‌ చిరంజీవి ఇంటర్య్వూను ప్రసారం చేశారు. చదవండి: ఫేం కోసం తప్పుడు ప్రచారం.. సింగర్‌ యశస్వి చీటింగ్‌ బట్టబయలు! ఇందులో చిరు తన వ్యక్తిగత, సినీ కెరీర్‌కు సంబంధించిన పలు ఆసక్తిర విషయాలను పంచుకున్నారు. టాలీవుడ్‌ ఇండస్ట్రీలో మెగాస్టార్‌గా సుస్థిర స్థానాన్ని సంపాదించుకున్న చిరంజీవి తన కెరీర్‌ ప్రారంభంలో ఎన్నో అవమానాలు ఎదుర్కొన్నానంటూ నాటి సంఘటనలను గుర్తు చేసుకున్నారు. ఈ మేరకు ఆయన మాట్లాడుతూ.. ‘నేను నటుడిగా ఈ స్థాయి చేరుకునే క్రమంలో ఎన్నో అవమానాలు పడ్డాను. అవకాశాల కోసం వెళితే హేళన చేశారు. కొన్ని సార్లు అయితే మానసిక క్షోభకు గురయ్యాను. ఆ బాధను ఎవరికి చెప్పుకోలేదు. దేవుడి ముందుకు నిలబడి నాకు నేను ధైర్యం చెప్పుకునేవాడిని. ఆ తర్వాత మళ్లీ అవకాశాల వేట మొదలు పెట్టేవాడిని’ అని చెప్పారు. అయితే ‘‘సినిమాల్లో నటించాలనే ఆశతో ఓ రోజు మద్రాస్‌కు వెళ్లాను. పాండీబజార్‌లోని ఫిలిం ఇన్‌స్టిట్యూట్‌కు వెళ్లా. అక్కడ ఓ వ్యక్తి నన్ను చూసి ‘ఏంటి ఫిలిం ఇన్‌స్టిట్యూట్‌లోకి వచ్చావా? సినిమాలు ట్రై చేద్దామనే! అతను చూడు ఎంత అందంగా ఉన్నాడో. అతడి కంటే నువ్వు అందగాడివా.. తెలిసిన వాళ్లు లేకపోతే అవకాశాలు దొరకడం కష్టం. ఇండస్ట్రలోకి రావాలంటే ఇక్కడ తెలిసిన వాళ్లు ఉండాలి. చదవండి: ఈసారి బిగ్‌బాస్‌ హౌజ్‌లోకి యాంకర్‌ రష్మీ? భారీగా పారితోషికం..! కాబట్టి నీ కల మర్చిపో’ అంటూ నన్ను హేళన చేస్తూ మాట్లాడాడు. ఆ మాటలు నన్ను బాధించాయి. ఇంటికి వెళ్లి దేవుడు ముందు కూర్చోని ఇలాంటి వాటికి బెదిరి వెనకడుగు వేయకూడదని గట్టిగా నిర్ణయించుకున్నాను. ఇక ఆ తర్వాత ఏడాది పాటు పాండీ బజార్‌ వైపు  వెళ్లలేదు’’ అంటూ చిరు చెప్పుకొచ్చారు. కాగా ఎలాంటి బ్యాక్‌గ్రౌండ్‌ లేకుండా ఇండస్ట్రీలో అడుగు పెట్టిన చిరు మొదట క్యారెక్టర్‌ ఆర్టిస్ట్‌గా, విలన్‌గా మెప్పించారు. అలా అంచెలంచెలుగా హీరోగా స్వయం కృషితో ఎదిగిన చిరు ప్రస్తుతం సినీరంగంలో గాడ్‌ఫాదర్‌గా అభిమానుల గౌరవ, అభిమానాలను అందుకుంటున్నారు. 

ముంబైకి చెందిన ఆష్తి మిల్లర్‌ను ‘ఆర్కిటెక్ట్‌’ అంటే మాత్రమే సరిపోదు. అలా అని ‘ఆర్ట్‌’కు మాత్రమే పరిమితం చేయలేము. ఇలస్ట్రేషన్, గ్రాఫిక్‌ డిజైన్‌లతో  తనప్రోఫెషనల్‌ కెరీర్‌కు కొత్త మెరుపు తీసుకువచ్చింది. అదే తన ప్రత్యేకశైలిగా మారింది... నేను చేసే వర్క్స్‌లో వీలైనన్ని వివరాలు ఉండేలా జాగ్రత్త పడతాను. దీంతో వీక్షకులు అందులో కొత్తదనాన్ని చూస్తారు. నా ఆలోచన విధానం ఏమిటో తెలిసిపోతుంది. నా మది ఎప్పుడూ రకరకాల ఐడియాలతో నిండిపోయి ఉంటుంది. వాటిలో నుంచి కొన్ని ఐడియాలను తీసుకొని పనిచేస్తాను. – మిల్లర్‌ ముంబైలోని ఆష్తి మిల్లర్‌ ఇల్లు క్రియేటివిటీకి సంబంధించిన విషయాలకు కేంద్రంగా ఉండేది. తల్లి ఫైన్‌ ఆర్టిస్ట్‌. తండ్రి ఆర్కిటెక్ట్‌. ఇంటినిండా ఆర్ట్‌కు సంబంధించిన ముచ్చట్లే! చిన్నప్పటి నుంచి తల్లిదండ్రులతోపాటు రకరకాల మ్యూజియమ్‌లు, ఆర్ట్‌గ్యాలరీలకు వెళుతుండేది మిల్లర్‌. అవి ఊరకే ఉండనిస్తాయా! తనలో సృజనాత్మకమైన ఆలోచనలను పెంపొందించాయి. సక్సెస్‌ఫుల్‌ ఆర్కిటెక్ట్‌గా తండ్రికి మంచి పేరు ఉంది. అయితే అది రాత్రికి రాత్రి వచ్చేందేమీ కాదు. ఎంతో కష్టపడ్డాడు. తండ్రి కష్టం తనకు ఆదర్శం అయింది. తండ్రి బాటలోనే ఆర్కిటెక్చర్‌ కోర్సు చదువుకుంది. ‘మిల్లర్‌ ఇంక్‌ స్టూడియో’ మొదలు పెట్టింది. ఈ స్టూడియో ద్వారా ప్రోఫెషనల్‌ కెరీర్‌ ‘ఆర్కిటెక్ట్‌’ను తన క్రియేటివిటీకి సంబంధించిన ఇలస్ట్రేషన్‌ అండ్‌ గ్రాఫిక్‌ డిజైన్‌లతో మిళితం చేసి యూనిక్‌ స్టైల్‌తో తిరుగులేని విజయం సాధించింది మిల్లర్‌. జాతీయ,అంతర్జాతీయ స్థాయిలో ప్రసిద్ధ బ్రాండ్‌లతో కలిసి పనిచేస్తోంది. మారథాన్‌లకు సంబంధించిన మెడల్స్‌ను యూనిక్‌ స్టైల్‌లో డిజైన్‌ చేయడంలో తనదైన ప్రత్యేకత సాధించుకుంది. ఒక ఫిన్‌టెక్‌ కంపెనీ బ్రాండ్‌కు సంబంధించి మనీఆర్ట్‌ సిరీస్‌ కోసం మిల్లర్‌ సృష్టించిన 14 లేయర్‌లతో కూడిన ఆర్ట్‌ వర్క్‌కు మంచి పేరు వచ్చింది. ప్రతి లేయర్‌లో వివిధ దేశాలకు చెంది కరెన్సీ, వివిధ భౌగోళిక ప్రాoతాలకు సంబంధించిన ఎలిమెంట్స్‌ ప్రతిఫలిస్తాయి. మిల్లర్‌ ఆర్ట్‌వర్క్స్‌ దేశవిదేశాల్లోని ప్రసిద్ధ గ్యాలరీలలో ప్రదర్శించబడ్డాయి. ‘మిల్లర్‌ ఆర్ట్‌వర్క్‌లో తాజాదనం కనిపిస్తుంది. సూటిగా మనసును తాకే ఆకర్షణీయత ఉంటుంది. ప్రపంచవ్యాప్తంగా ఎన్నో నగరాలలో ఎన్నో  కట్టడాలు ఉన్నాయి. వాటి వైవిధ్యాన్ని తన కళలోకి తీసుకురావడానికి ఎంతో అవకాశం ఉంది’ అంటుంది క్యూరెటర్‌ అమ్‌బ్రోగి. ‘మిల్లర్‌లోని ప్రత్యేకత ఏమిటంటే ఒకే సమయంలో భిన్నమైన విషయాల గురించి ఆలోచించడం. వాటిని సృజనాత్మకంగా సమన్వయం చేసుకోవడం. ఆమె ఆర్ట్‌వర్క్స్‌లో ఇంజనీరింగ్, ఆర్కిటెక్చర్, శిల్పం, చిత్రం మిళితమై కనిపిస్తాయి’ అంటున్నాడు ఆర్కిటెక్చరల్‌ సంస్థ పికార్ట్‌కు చెందిన ఆంథోనీ మార్కెస్‌.ఆంథోనితో కలిసి అర్బన్‌ మాస్టర్‌ ప్లాన్స్‌ నుంచి పర్సనల్‌ స్పేసెస్‌ వరకు ఎన్నోప్రాజెక్ట్‌లలో పనిచేసింది ఆష్తి మిల్లర్‌.‘మోర్‌ ఈజ్‌ బెటర్‌’ అనే ఫిలాసఫీని నమ్ముతున్న ఆష్తి మిల్లర్‌ తాజాగా ఫోర్బ్స్‌ ఇండియా ‘30 అండర్‌ 30’లో చోటు సంపాదించింది.

నార్త్‌ నుంచి వచ్చి ముందు సౌత్‌లో స్టార్‌ హీరోయిన్‌ అయ్యారు రకుల్‌ ప్రీత్‌సింగ్‌. తెలుగు, తమిళ భాషల్లో వరుస అవకాశాలతో దూసుకెళుతున్న ఈ బ్యూటీ ప్రస్తుతం తమిళంలో ‘ఇండియన్‌ 2’, ‘అయలాన్‌’లో నటిస్తున్నారు. కాగా హిందీలో ఆమె నటించిన ‘ఛత్రీవాలీ’ చిత్రం ఓటీటీలో విడుదలైంది. ఇందులో రకుల్‌ సురక్షితమైన శృంగారం గురించి పాఠాలు చెప్పే కెమిస్ట్రీ టీచర్‌గా నటించారు. ‘‘కొన్ని విషయాలను బహిరంగంగా మాట్లాడటానికి ఇష్టపడం. చదవండి: ‘మహానటి’ తర్వాత ఇంట్లో గొడవలు అయ్యాయి: సావిత్రి కూతురు అయితే మారుతున్న కాలానికి తగ్గట్టు మనం మారాలి. పిల్లలకు అవగాహన కల్పించాలి. అందుకే ఈ సినిమా చేశాను’’ అన్నారు. ఇక.. కెరీర్‌ ఆరంభంలో తనకు ఎదురైన అనుభవాల గురించి రకుల్‌ చెబుతూ.. ‘‘ఇండస్ట్రీలో నాకు బ్యాక్‌గ్రౌండ్‌ లేదు. ముంబైలో నేను కాండీవాలీలో ఉండేదాన్ని. కానీ నా ట్రైనర్‌తో కలిసి బాంద్రాలో ఒక కేఫ్‌లో కూర్చుని, ఏయే ఆఫీస్‌కి వెళ్లాలి? ఎన్ని ఆడిషన్స్‌ ఇవ్వాలి? అని ప్లాన్‌ చేసేదాన్ని. బాంద్రా, అంథేరీల్లో ఏమైనా ఆడిషన్స్‌ ఉంటే వెళ్లొచ్చని ఆ కేఫ్‌కి వెళ్లేదాన్ని. చదవండి: వారి వల్లే అనసూయ జబర్దస్త్‌ నుంచి బయటకు వచ్చిందా? బ్యాగులో కొన్ని డ్రెస్సులు పెట్టుకుని, కారులోనే మార్చుకునేదాన్ని. చాన్స్‌ వచ్చినట్లే వచ్చి చేజారేది. ఒక్కోసారి నాతో షూటింగ్‌ చేసి, వేరే హీరోయిన్‌ని తీసుకునేవారు. ఇదంతా నేను పోరాటం అనుకోలేదు. ఎందుకంటే కష్టపడకుండా ఈజీగా దక్కాలనుకునే మనస్తత్వం కాదు నాది. అందుకే ‘పోరాటం’ అనే పదం నాకు నచ్చదు. ఆ రోజు ఆత్మవిశ్వాసంతో అడుగులు వేశాను కాబట్టే ఈరోజు ఈ స్థాయికి చేరుకోగలిగాను’’ అన్నారు. 

ఆనీ ఎర్నౌకు 23 ఏళ్లు ఉండగా అవాంఛిత గర్భం వచ్చింది. దాంతో చట్టవిరుద్ధంగా అబార్షన్‌ చేయించుకోవాల్సి వచ్చింది. ఇది జరిగింది 1963లో. 1999లో ఈ అనుభవాన్ని ఆమె నవలగా రాసింది. 130 పేజీల ఈ నవల 2000 సంవత్సరంలో ‘హ్యాపెనింగ్‌’ పేరుతో వెలువడి సంచలనం రేపింది. కాల్పనిక సాహిత్యం రాసే ఫ్రెంచ్‌ రచయిత్రి ఆనీ ఎర్నౌ ఆ రకమైన సాహిత్యాన్ని వదిలిపెట్టి స్వీయ జీవితంలోని పరాభవాలు, ఆందోళనలు దాపరికం లేకుండా రాయడం కూడా సాహిత్యమేనని గ్రహించింది. 2022 సంవత్సరానికి ప్రతిష్టాత్మక నోబెల్‌ ప్రెయిజ్‌ గెలుచుకున్న ఆనీ ఎర్నౌ ఇంగ్లిష్‌లో రాయకున్నా ఈ బహమతి గెలుచుకున్న అతి కొద్దిమంది మహిళల్లో ఒకరు. ఆమె గురించి... ఆమె పుస్తకాల గురించి... ‘ఇది పురుషాధిక్య ప్రపంచం. దీనిని బోనెక్కించాల్సిన సమయం వచ్చినప్పుడు బోనెక్కించాల్సిందే’ అంటుంది 82 సంవత్సరాల ఫ్రెంచ్‌ రచయిత్రి ఆనీ ఎర్నౌ. తన జీవితంలో జరిగిన ఒక సంఘటన– చట్ట విరుద్ధంగా అబార్షన్‌ చేయించుకోవాల్సి రావడాన్ని– 1999లో ఫ్రెంచ్‌లో ‘ఇవెన్మో’ పేరుతో నవలగా రాస్తే మరుసటి సంవత్సరం అది ‘హ్యాపెనింగ్‌’ పేరుతో ఇంగ్లిష్‌లో అనువాదం అయ్యి వెలువడింది. ఆ సందర్భంగా ఆనీ ఎర్నౌ అన్న మాట అది.  ‘నా జీవితంలో నాకు జరిగింది రాయడం ఎందరో స్త్రీలకు గొంతునివ్వడమే’ అని ఆమె అంది. ‘నాకు అవాంఛిత గర్భం వచ్చినప్పుడు అది నా వ్యక్తిగతమైన విషయంగా మిగల్లేదు. బయటపడితే నా కుటుంబం మొత్తం సామాజిక నీతిలో విఫలమైందన్న విమర్శను మోయాల్సి వచ్చేది’ అంటుందామె. కాకతాళీయమే అయినా ఇండియాలో అబార్షన్‌ గురించి సుప్రీంకోర్టు స్త్రీలకు సంపూర్ణ హక్కులు ఇచ్చిన సందర్భంలోనే అబార్షన్‌ గురించి, స్త్రీల దైహిక వేదనల గురించి, మనో సంఘర్షణల గురించి, వారికి మాత్రమే ఎదురయ్యే అనుభవాల గురించి అది కూడా శ్రామిక వర్గ కోణం నుంచి విస్తృతంగా రాసిన ఆనీ ఎర్నౌకు నోబెల్‌ సాహిత్య బహుమతి లభించింది. ఇప్పటి వరకు 119 మంది నోబెల్‌ సాహిత్య బహుమతి లభిస్తే వారిలో కేవలం 16 మందే స్త్రీలు. ఆనీ ఎర్నౌ 17వ రచయిత్రి. బాల్యం నుంచి గుణపాఠాలే ఫ్రాన్స్‌లోని ఇవెట్తో అనే ఊళ్లో చిన్న పచారీ కొట్టు నడిపేవారు ఆనీ తల్లిదండ్రులు. తండ్రికి పట్టకపోయినా జీవితాలు మారాలంటే చదువు ముఖ్యం అని ఆమె తల్లి గట్టిగా భావించింది. దాంతో తమ స్థాయికి చెందకపోయినా కాస్త మంచిబడిలో ఆనీని చేర్పించింది. ఆ బడికి కలిగిన పిల్లలు వచ్చేవారు. ‘అక్కడే నాకు తొలిపాఠం తెలిసింది. శ్రామిక వర్గానికి దక్కే మర్యాదలు కూడా తెలిశాయి. నిన్ను నువ్వు చిన్నబుచ్చుకుంటూ బతకాల్సి రావడం కంటే ఘోరమైన విషయం లేదు. మన స్థాయికి మించిన విషయాల్లో అడుగు పెట్టకూడదని నాకు గట్టిగా అందిన సందేశం అందింది’ అంటుందామె. ఆమె తన స్వీయానుభవాల ఆధారంగా ‘ఏ గర్ల్స్‌ స్టోరీ’ (2016) అనే నవల రాసింది. ‘18 ఏళ్ల అమ్మాయి స్టూడెంట్స్‌ క్యాంప్‌లో లైంగిక అనుభవం పొందితే అది సంతోషకరంగా ఉండాలి. కాని ఇది తెలిసిన వెంటనే మగ విద్యార్థులు ఆ అమ్మాయిని గేలి చేశారు. ఆమె అద్దం మీద అసభ్యకరంగా రాసి వెక్కిరించారు. ఎన్నాళ్లు గడిచినా నైతికంగా పతనమైన భావనను కలిగించారు’ అని రాసిందామె.  చదువు ముగిశాక ఆమె టీచర్‌గా మారి ఆనీ ఎర్నౌ 2000 సంవత్సరంలో రిటైరయ్యి పూర్తికాలం రచయిత్రిగా రచనలు కొనసాగిస్తూ ఉంది. సూటిగా, సులభంగా ఆనీ ఎర్నౌ రచనా శైలి సూటిగా సులభంగా ఉంటుంది. నేరుగా పాఠకులకు అందేలా ఆమె వచనశైలి ఉంటుంది. నోబెల్‌ కమిటీ కూడా ఇదే మాట అంది. ‘ఆమె సాహిత్యం అత్యంత సాధారణ భాషలో అత్యంత పరిశుభ్రంగా ఉంటుంది’ అని అభిప్రాయపడింది. ఆనీ ఎర్నౌ రాసిన పుస్తకాల్లో ‘క్లీన్డ్‌ ఔట్‌’ (1974), ‘షేమ్‌’ (1997), ‘గెటింగ్‌ లాస్ట్‌’ (2001), ‘ది ఇయర్స్‌’ (2008) ముఖ్యమైనవి. 1988లో పారిస్‌లో ఉద్యోగం చేస్తున్న ఒక సోవియెట్‌ దౌత్యవేత్తతో ఆనీ ఎర్నౌ బంధం ఏర్పరుచుకుంది. అతడు ఆమె కంటే 12 ఏళ్లు చిన్నవాడు. కొంత కాలానికి ఆ బంధం ముగిసింది. ఆ సమయంలో తన భావోద్వేగాలను ‘గెటింగ్‌ లాస్ట్‌’ పేరుతో నవల రాసిందామె. అలాగే తన గురించి, ఫ్రాన్స్‌ సమాజం గురించి రెండో ప్రపంచ యుద్ధం నాటి నుంచి ఇటీవలి కాలం వరకూ జరిగిన ఘటనలను ‘ది ఇయర్స్‌’గా రాసింది. ఒక రకంగా ఇది స్వీయ చరిత్ర, ఫ్రాన్స్‌ చరిత్ర కూడా. స్త్రీ పక్షపాతి ఆనీ ఎర్నౌ తనను తాను ‘రచనలు చేసే మహిళ’గా చెప్పుకున్నా ఆమె స్త్రీ పక్షపాతి. స్త్రీవాద ఉద్యమానికి ప్రోత్సాహకురాలు. ‘రాజకీయాలు భ్రష్టుపట్టిన ఈ సమయంలో ఫెమినిస్టులే సరిహద్దులను ప్రశ్నిస్తూ కొత్త ఆలోచనలను చేస్తూ ఆశలు రేకెత్తిస్తున్నారు’ అంటుందామె. ఇటీవల జరిగిన మీటూ ఉద్యమం ఆమెకు చాలా సంతోషాన్నిచ్చింది. ‘తమతో ఎలాగైనా వ్యవహరించవచ్చనే స్థితిని స్త్రీలు ఇక మీద ఏ మాత్రం అంగీకరించరు’ అంటారామె. ‘నేను రాయగలను కాబట్టే నాకు వినూత్న అనుభవాలు ఎదురవుతున్నాయి’ అని చెప్పుకున్న ఆనీ రాయగలిగే మహిళలంతా తమ జీవన అనుభవాలను బెరుకు లేకుండా చెప్పడాన్ని ప్రోత్సహిస్తుంది. అప్పుడే స్త్రీలు, స్త్రీలతో ఉన్న సమాజం మరింత మెరుగ్గా అర్థమవుతాయి.                                                    స్వీయ అనుభవాలే రచనలు ఆనీ ఎర్నౌ ఏవో ఊహించి కథలు అల్లడం కన్నా తన జీవితంలో జరిగినవే రాయాలని నిర్ణయం తీసుకుంది. దాంతో ఆమె జ్ఞాపకాల రచయిత్రి అయ్యింది. మన జీవితంలో జరిగినదాన్ని రాయడం వల్ల మిగిలినవారు పోల్చుకోవడానికో, సహానుభూతి చెందడానికో అది ఉపయోగపడుతుంది అంటుందామె. మనుషులు వేరే చోట్ల ఉన్నా వారు భావోద్వేగాలు ఒకటే కదా. ఆనీ ఎర్నౌ రాసిన ‘హ్యాపనింగ్‌’ నవల ఒక కాలపు ఫ్రాన్స్‌లో స్త్రీల సంఘర్షణను సూటిగా నిలపడంతో ఆమెకు ప్రశంసలు వచ్చాయి. 1963లో ఆమె అబార్షన్‌ చేయించుకోవాల్సి వస్తే ఆ తర్వాత 12 ఏళ్లకు కాని ఫ్రాన్స్‌లో (అవివాహితులకు) అబార్షన్‌ను చట్టబద్ధం చేయలేదు. ‘అబార్షన్‌ హక్కు లేకపోవడం అంటే.. చట్టం, సంఘపరమైన నియమాలు వ్యక్తి స్వేచ్ఛను పూర్తిగా ధ్వంసం చేయడమే’ అంటుందామె. 

రాజానగరం(తూర్పుగోదావరి): చదివిన చదువు విద్యార్థికి ఉపయోగపడాలి. ఉపాధికి మార్గం చూపాలి. విజ్ఞానం పంచాలి. ఇందుకు భిన్నమైన పరిస్థితులు ఉండటంతో విద్యార్థులు చదువు పూర్తయ్యాక పట్టా చేత పట్టుకుని అయోమయంలో కొట్టుమిట్టాడుతున్నారు. ఏం చేయాలో పాలుపోని పరిస్థితి ఎదుర్కొంటున్నారు. అటు ఉద్యోగం పొందలేక ఇటు బయట ప్రపంచంలో మనలేక అవస్థలు పడుతున్నారు. చదవండి: మగవాళ్లకు మాత్రమే.. ఆడవారికి నో ఎంట్రీ.. ఎందుకంటే?  కొద్దిరోజులుగా ఈ పరిస్థితిలో మార్పు వస్తోంది. విద్యార్థికి ఎదురవుతున్న ఇటువంటి క్లిష్ట పరిస్థితిని చక్కదిద్దేందుకు విద్యా సంస్థలు మార్గాన్వేషణ చేస్తున్నాయి. స్కిల్‌ బోధన చేస్తున్నాయి. కొన్ని చోట్ల ఇంజినీరింగ్‌ విద్యార్థులకు ఇంటర్న్‌షిప్‌ ఇస్తూ ఉపాధి బాట చూపుతున్నాయి. నన్నయ విశ్వ విద్యాలయం ఈ విషయంలో చురుకైన పాత్ర పోషిస్తోంది. ఏటా లక్షలాది మంది విద్యార్థులు ఇంజినీరింగ్‌ కోర్సులు పూర్తి చేసి, బయటకొస్తున్నారు. వారిలో చాలామందిలో పరిశ్రమలకు అవసరమైన సామర్థ్యాలు కొరవడుతున్నాయి. ఫలితంగా  సరైన ఉపాధి అవకాశాలు పొందలేకపోతున్నారు. ఈ కొరతను నివారించి, తరగతి గదిలో నేర్చుకున్న పరిజ్ఞానం ఉపయోగపడేలా విద్యాసంస్థలు ఇప్పుడు బాట వేస్తున్నాయి. పరిశ్రమలకు అవసరమైన సామర్థ్యంతో కూడా అవగాహన కలిగించేందుకుగాను ఇంజినీరింగ్‌ విద్యార్థులకు ఈ ఇంటర్న్‌షిప్‌ ఎంతగానో తోడ్పడుతుంది. అంతేకాదు పరిశోధనలు చేసే విద్యార్థులకు కూడా ఇది ఉపయుక్తంగా ఉంటుందంటున్నారు అధ్యాపకులు. ఈ కారణంగానే ప్రతి విద్యార్థి తన కోర్సులో ఏదోఒక పరిశ్రమలో ఇంటర్న్‌షిప్‌ చేయాలని రాష్ట్ర ఉన్న విద్యామండలి నిబంధన కూడా పెట్టింది. ఈ నేపథ్యంలో ఇంటర్న్‌షిప్‌ అనేది ఇంజినీరింగ్‌ విద్యార్థులలో నైపుణ్యాలను పెంపొందించుకునేందుకు మార్గాన్ని చూపటంతోపాటు ఉపాధి అవకాశాలకు తొలి మెట్టుగా ఉపయోగపడుతుందనడంలో సందేహం లేదు. అందుకే కాలేజీల నుంచి ఇంటర్న్‌షిప్‌నకు మరో పరిశ్రమ లేదా సంస్థకు వెళ్లే విద్యార్థులు దీనిని సదవకాశంగా భావించాలని విద్యారంగ నిపుణులు సూచిస్తున్నారు. దీనిని క్యాజువల్‌గా పరిగణిస్తే భవిష్యత్‌కు ఇబ్బందికరమంటున్నారు. ఉపాధి పొందే అవకాశం   ♦ తరగతి గదిలో నేర్చుకున్న సాంకేతిక పరిజ్ఞానానికి మరింత పదును పెట్టి, వర్కుపై అవగాహన పెంచడం ఇంటర్న్‌షిప్‌ ప్రధాన ఉద్దేశం.   ♦ పరిశ్రమలు, కొన్నిరకాల సంస్థలు ఇంజినీరింగ్‌ విద్యార్థులకు ఈ అవకాశాన్ని అందిస్తున్నాయి.   ♦ తొలినాళ్లలోనే పని నేర్చుకునే వీలు కల్పిస్తున్నాయి.  ♦ ప్రాజెక్టులు రూపొందించడం, ఫీల్డ్‌ గురించి తెలుసుకోవడం, హార్డ్, సాప్ట్‌ స్కిల్స్‌ని అభివృద్ధి చేయడం వంటి వాటి కోసం ఇంటర్న్‌షిప్‌లో సమయాన్ని కేటాయిస్తారు. ఈ సమయంలో వారు చూపించే ప్రతిభాపాటవాలతో కొన్ని సంస్థలు వారికి ఉద్యోగ అవకాశాలు కూడా ఆఫర్‌ చేస్తుంటాయి.  ♦ వేసవిలో 10 నుండి 12 వారాలపాటు ఇంటర్న్‌ షిప్‌ చేయవలసి వస్తే ఇతర కాలాలలో ఆరు మాసాలకు లోబడి సమయాన్ని ఆయా సంస్థలు, పరిశ్రమలు నిర్ణయిస్తాయి.   ♦ ఈ సమయంలో గౌరవ వేతనాలను కూడా పొందే అవకాశాలుంటాయి.   ♦ అనుభవజ్ఞులతో పరిచయాలు ఏర్పడం, వారి అనుభవాలను షేర్‌ చేసుకోవడం జరుగుతుంటుంది.   ♦ విద్యార్థి ఉజ్వల భవిష్యత్తుకు ఇంటర్న్‌షిప్‌  ఎంతగానో దోహదపడుతుంది.   ♦ ఎంచుకున్న లక్ష్యాన్ని చేరుకునేందుకు, ఉన్నత అవకాశాలను పొందేందుకు కూడా తోడ్పడుతుంది.  ♦ ఏ ఉద్యోగానికైనా అనుభవం కొలమానికంగా ఉన్న నేపథ్యంలో ఇంటర్న్‌షిప్‌ అనుభవంగా సహకరిస్తుంది. పీహెచ్‌డీ చేసే వారికి బాగా ఉపయోగపడుతుంది   కంపెనీలు ఇచ్చే జాబ్‌ సెలక్షన్స్‌లో ఇంటర్న్‌షిప్‌ చేసిన వారికి ప్రాధాన్యత ఉంటుంది. అన్నిటికంటే ముఖ్యంగా ఎంటెక్‌ చేసి, పీహెచ్‌డీ చేయాలనుకునే వారికి ఇది ఎంతగానో దోహదపడుతుంది. ఆదికవి నన్నయ యూనివర్సిటీ, కాలేజ్‌ ఆఫ్‌ ఇంజినీరింగ్‌ నుంచి ఇప్పటి వరకు రెండు బ్యాచ్‌ల విద్యార్థులు చదువు పూర్తి చేసి బయటకు వెళ్లారు. ప్రస్తుతం 800 మంది ఇంజినీరింగ్‌ విద్యార్థులు చదువుతున్నారు. ఇక్కడ చదివిన విద్యార్థులకు ఐఐటీ, ఎన్‌ఐటీ, ఎన్టీఆర్‌ఐ, సీఐటీడీ వంటి సంస్థలలో ఇంటర్న్‌ఫిప్‌ చేసే అవకాశాలు వచ్చాయి.  – ఆచార్య ఎం.జగన్నాథరావు, వైస్‌చాన్సలర్, ఆదికవి నన్నయ యూనివర్సిటీ మార్గదర్శకాలను అనుసరించే.. ఉన్నత విద్యా మండలి మార్గదర్శకాలను అనుసరించి ఇంజినీరింగ్‌ విద్యార్థులంతా ఇంటర్న్‌షిప్‌ చేయవలసి ఉంటుంది. దీనిని ఆన్‌లైన్‌లోగాని, ఆఫ్‌లైన్‌లోగాని తప్పనిసరిగా చేయవలసిందే. ఇందుకోసం కంపెనీలు ఒక్కోసారి నోటిఫికేషన్స్‌ ఇస్తుంటాయి, వాటిని విద్యార్థులు చూసి, దరఖాస్తు చేసుకుంటారు. ఇంటర్న్‌షిప్స్‌ ఎక్కువగా సమ్మర్‌ హాలిడేస్‌లో చేస్తుంటారు.   – డాక్టర్‌ వి.పెర్సిస్, ప్రిన్సిపాల్, ‘నన్నయ’ కాలేజ్‌ ఆఫ్‌ ఇంజినీరింగ్‌ అనుభవాన్ని అందించింది ఎలక్రిక్టకల్‌ అండ్‌ ఇన్‌స్ట్రుమెంటేషన్‌లో మూడో సంవత్సరం చదువుతున్న నాకు ప్రాసెస్‌ కంట్రోల్‌ రంగంలో ప్రతిష్టాత్మక నేషనల్‌ ఇనిస్టిట్యూట్‌ ఆఫ్‌ టెక్నాలజీ( తిరుచిరాపల్లి)లో ఇంటర్న్‌షిప్‌ చేసే అవకాశం దక్కడం అదృష్టంగా భావిస్తున్నాం. నిజంగా ఇది మాకు వర్కుపై కొత్త అనుభవాన్ని అందించింది. తద్వారా లక్ష్యాన్ని సాధించాగలమనే ధీమాను ఇచ్చింది.   – కార్తీక్‌కుమార్‌రెడ్డి, వసంతకుమార్, మౌనిక 

Nithin Emotional Post On His 20 Years Cinema Journey: 'జయం' సినిమాతో హీరోగా తెలుగు ప్రేక్షకులకు పరిచయం అయ్యాడు యంగ్‌ హీరో నితిన్‌. దిల్‌, సై, ఇష్క్‌ వంటి తదితర సినిమాలతో మంచి బ్రేక్‌ తెచ్చుకున్నాడు. జయాపజయాలతో సంబంధం లేకుండా వరుస సినిమాలతో ప్రేక్షకులను అలరిస్తున్నాడు. ప్రస్తుతం మాచర్ల నియోజకవర్గం మూవీతో ఆగస్టు 12న ప్రేక్షకులను అలరించేందుకు సిద్ధంగా ఉన్నాడు. అయితే 2002లో 'జయం' సినిమాతో కెరీర్‌ ప్రారంభించిన నితిన్ 20 ఏళ్ల సినీ ప్రయాణాన్ని పూర్తి చేసుకున్నాడు. ఈ సందర్భంగా తన అభిమానులకు, దర్శక-నిర్మాతలకు సోషల్‌ మీడియా వేదికగా కృతజ్ఞతలు తెలిపాడు.  'డియర్‌ ఫ్రెండ్స్‌.. 20 ఏళ్ల కిందట నా మొదటి సినిమా అయిన జయంతో సినీ ప్రయాణాన్ని ప్రారంభించాను. దీన్ని ఎలా వర్ణించాలో మాటలు కూడా రావడం లేదు. నాలోని నటుడిని గుర్తించి నాకు జయం సినిమాలో అవకాశం ఇచ్చిన తేజ గారికి హృదయపూర్వక కృతజ్ఞతలు. అలాగే నా సినీ ప్రయాణంలో నాకు అండగా నిలిచిన దర్శకులు, నిర్మాతలు, నటులు, సాంకేతిక నిపుణులు, వ్యక్తిగత సిబ్బంది.. ఇలా నాతో పనిచేసిన అందరికీ ధన్యవాదాలు.  చదవండి: కొడుకు ఫొటోను షేర్‌ చేసిన కాజల్‌.. ఈసారి ముఖం కనిపించేలా మీరు లేకపోతే నేను ఎక్కడ ఉండేవాడినో. ఈ అందమైన ప్రయాణంలో నాకు ఎంతోమంది అండగా నిలిచారు. కెరీర్‌లో కష్టాలు ఎదురైనప్పుడు ఎంతో సహకరించారు. ఇన్నేళ్లుగా అభిమానిస్తూ, నాపై నమ్మకాన్ని ఉంచి నా వెన్నంటే ఉంటూ వచ్చిన నా అభిమానులకు ఎప్పటికీ రుణపడి ఉంటాను.' అని ట్విటర్‌లో ఎమోషనల్‌గా పోస్ట్‌ చేశాడు నితిన్‌.    ❤️❤️❤️ pic.twitter.com/WbhRMZMac3 — nithiin (@actor_nithiin) June 14, 2022

టాలీవుడ్​లో అతికొద్ది సమయంలోనే స్టార్​ హీరోయిన్​గా పేరు తెచ్చుకుంది కూల్​ బ్యూటీ రకుల్​ ప్రీత్​ సింగ్. ఈ ఫిట్​నెస్ బ్యూటీ ఇటీవల 'రన్‌ వే 24', జాన్‌ అబ్రహం అటాక్‌ చిత్రాలతో బాలీవుడ్‌ ప్రేక్షకుల‍్ని అలరించింది. 'రన్‌ వే 24' మూవీలో బిగ్​బీ అమితాబ్​ బచ్చన్​, అజయ్​ దేవగణ్​ వంటి స్టార్స్‌తో కలిసి నటించింది. ఇదిలా ఉంటే తాజాగా ఓ ఇంటర్వ్యూలో కెరీర్‌, ప్రేమపై పలు ఆసక్తికర విషయాలు తెలిపింది. ప్రతి ఒక్కరికీ వ్యక్తిగత జీవితం ఉంటుందని, అది చాలా సహజం అని చెప్పుకొచ్చింది.  'జాకీ భగ్నానీ నేను మంచి స్నేహితులం. మా అభిరుచులు కలవడంతో ప్రేమలో పడ్డాం. మా రిలేషన్‌షిప్ గురించి ఓకే అనుకున్నప్పుడే వీలైనంత త్వరగా ప్రపంచానికి తెలియజేయాలనుకున్నాం. ఎందుకంటే రిలేషన్‌ను బయటకు చెప్పకపోతే మా గురించే వచ్చే వార్తలు, పుకార్లతో ప్రశాంతంగా ఉండలేం. నిజానికి మా వ్యక్తిగత జీవితం గురించి కాదు, మేము చేసే వర్క్‌ గురించి అందరూ మాట్లాడుకోవాలి. ప్రతి ఒక్కరికీ పర్సనల్‌ లైఫ్ ఉంటుంది. ఒక రిలేషన్‌షిప్‌లో ఉండటం చాలా సహజం. మన లైఫ్‌లో పేరెంట్స్‌, బ్రదర్స్‌, సిస్టర్స్‌, ఫ్రెండ్స్‌ ఎలా ఉంటారో అలాగే మనకోసం ఒకరు ఉంటారు. సెలబ్రిటీలు కావడంతో మాపై అందరి దృష్టి ఎక్కువగానే ఉంటుంది. అది మాకిష్టం లేదు. అందుకే మేము బహిరంగంగా చెప్పేశాం.' అని రకుల్ తెలిపింది.  చదవండి: ఆ మాటే నాకు నచ్చదు: రకుల్​ ప్రీత్​ సింగ్​ వెబ్ సిరీస్‌గా మారిన అక్షయ్‌, రకుల్‌ చిత్రం..

Nivetha Pethuraj Comments On Heroine Career: యంగ్‌ హీరో శ్రీ విష్ణు నటించిన 'మెంటల్‌ మదిలో' చిత్రంతో టాలీవుడ్‌కు ఎంట్రీ ఇచ్చింది నివేదా పేతురాజ్. తర్వాత బ్రోచేవారెవరురా, ఐకాన్‌ స్టార్‌ అల్లు అర్జున్ 'అల వైకుంఠపురము' సినిమాతో తెలుగు ప్రేక్షకులకు మరింత దగ్గరైంది. 'పాగల్‌' వంటి తదితర మూవీస్‌లో కీలక పాత్రల్లో నటించి గుర్తింపు తెచ్చుకుంది. చేసింది తక్కువ సినిమాలే అయినా తెలుగు, తమిళ ఇండస్ట్రీల్లో నటిగా బాగానే  క్రేజ్‌ సంపాదించుకుంది. ఇటీవల 'బ్లడీ మేరీ' చిత్రంతోనూ ఆకట్టుకుంది. నివేదాకు పర్ఫార్మెన్స్‌ పరంగా మంచి మార్కులే పడ్డాయి. అయితే స్టార్‌ హీరోయిన్‌గా మాత్రం ఎదగలేకపోయింది. తాజాగా ఓ ఇంటర్వ్యూలో పాల్గొన్న నివేదా పలు ఆసక్తికర విషయాలు చెప్పుకొచ్చింది.  హీరోయిన్‌ కన్నా నటిగా అనిపించుకోవడం గర్వంగా ఉంటుంది. కథానాయికగా సినిమాలు చేయకపోతే కెరీర్‌ ఉండదేమో అని చాలా మంది భయపడుతుంటారు. నాకు అలాంటి భయం లేదు. నేను ఎలాంటి బౌండరీస్‌ పెట్టుకోలేదు. నటనకు ఇంపార్టెన్స్‌ ఉంటే ఎలాంటి రోల్స్‌ అయినా చేస్తాను. ఒకవేళ సినిమా ఆఫర్లు రాకుంటే ఏదైనా ఉద్యోగం చేసుకుంటా. అని తెలిపింది నివేదా పేతురాజ్‌. ఆమె నటించిన  'విరాట పర్వం' సినిమా జూలై 1న విడుదల కానుంది.  చదవండి: సినిమాల్లోకి రాకముందు నటి నివేదా ఏం చేసేదో తెలుసా?     var request = 'https://www.sakshi.com/knowwidget/kwstr_4491455922.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Akshay Kumar Completes 30 Years In Bollywood YRF Special Poster: బాలీవుడ్ స్టార్​ హీరో అక్షయ్‌ కుమార్‌ సినిమా కోసం ప్రాణం పెట్టి నటిస్తాడు. సన్నివేశం బాగా వచ్చేందుకు ఎలాంటి రియల్‌ స్టంట్స్‌ అయిన చేస్తాడు. అలా ఆయన చేసిన స్టంట్స్​ ఎన్నో ఉన్నాయి. అందుకే ఆయన్ను యాక్షన్‌ హీరో అని ముద్దుగా పిలుచుకుంటుంది బీటౌన్‌. ఇటీవల 'సూర్యవంశీ', 'ఆత్రంగి రే', 'బచ్చన్‌ పాండే' చిత్రాలతో ప్రేక్షకులను, అభిమానులను అలరించాడు అక్కీ. తాజాగా ఈ యాక్షన్​ హీరో హిందీ చిత్ర పరిశ్రమలో 30 వసంతాలు పూర్తి చేసుకున్నాడు.  అక్షయ్​ కుమార్​ తొలి చిత్రం 'సౌగంధ్' 1991లో విడుదలైంది. ప్రస్తుతం పరాక్రమవంతుడు పృథ్వీరాజ్ చౌహన్​ జీవిత కథ ఆధారంగా తెరకెక్కుతున్న 'పృథ్వీరాజ్'​ సినిమా కోసం సిద్ధమవుతున్నాడు. ఈ మూవీని 'యశ్ రాజ్​ ఫిలీంస్'​ బ్యానర్​పై ఆదిత్య చోప్రా నిర్మించారు. డాక్టర్​ చంద్రప్రకాష్​ ద్వివేది ఈ చిత్రానికి దర్శకత్వం వహిస్తున్నారు. అయితే అక్షయ్​ కుమార్​ సినీ ఇండస్ట్రీలో 30 సంవత్సరాలు పూర్తి చేసుకున్న సందర్భంగా యశ్​ రాజ్​ ఫిలీంస్​ అక్షయ్​కు ఊహించని సర్​ప్రైజ్​ ఇచ్చింది.  చదవండి: కశ్మీర్‌ ఫైల్స్‌ నా సినిమాను దెబ్బకొట్టింది: అక్షయ్‌ కుమార్‌ View this post on Instagram A post shared by Yash Raj Films (@yrf) అక్షయ్​ కుమార్​కు కానుకగా 'పృథ్వీరాజ్'​ సినిమా కొత్త పోస్టర్​ను ఆవిష్కరించింది. ఈ పోస్టర్​ను పృథ్వీరాజ్​ పాత్రలో ఉన్న అక్షయ్ ఫొటోతో పాటు ఆయన కెరీర్​లోని అన్ని చిత్రాలతో రూపొందించారు. ఈ కానుకకు అక్షయ్​ వీడియో రూపంలో కృతజ్ఞతలు తెలిపాడు. ఇందులో 'నా సినీ ప్రయాణం ప్రారంభమై 30 ఏళ్లు గడిచింది అంటే నమ్మలేకపోతున్నాను. నా తొలి చిత్రం సౌగంధ్​ 30 ఏళ్లు పూర్తి చేసుకోవడం చాలా మనోహరంగా ఉంది. నా సినీ కెరీర్​లో మొదటి షాట్​ ఊటీలో జరిగింది. అది కూడా యాక్షన్ షాట్​. ఈ పోస్టర్​కు ధన్యవాదాలు. ఇది నిజంగా నాకు చాలా ప్రత్యేకమైనది.' అని తెలిపాడు ఈ యాక్షన్​ హీరో అక్కీ. ప్రస్తుతం ఈ సర్​ప్రైజ్​ నెట్టింట తెగ వైరల్ అవుతోంది.  చదవండి: అక్షయ్ కుమార్ పాజిటివ్‌ మంత్ర.. సూర్యుడికి శుభాకాంక్షలు

ప్రపంచంలోనే అత్యంత ధనవంతుడిగా గుర్తింపు తెచ్చుకోవడం, ఆ వెంటనే కోట్లాది మంది యూజర్లు ఉన్న ట్విటర్‌ను నాటకీయ పరిస్థితుల్లో ప్రైవేటు కంపెనీగా మార్చడం. బస్సుల్లో ఊరెళ్లి వచ్చినట్టు రాకెట్లలో అంతరిక్ష ప్రయాణానికి ప్రణాళికలు రూపొందించం వంటి పనుల్తో టాక్‌ ఆఫ్‌ ది వరల్డ్‌గా మారిపోయాడు ఈలాన్‌ మస్క్‌. దీంతో ఈలాన్‌ మస్క్‌ ఎదుగుదలపై రకరకాల కథనాలు ప్రాచుర్యంలోకి వచ్చాయి. వాటికి ఎంతో ఓపిగ్గా బదులిచ్చాడు ఈలాన్‌ మస్క్‌. ధనవంతుల కుటుంబాలకు చెందిన పిల్లలు విచిత్రంగా చిత్రలేఖనం వంటి కళలకు స్కూల్స్‌కి వెళ్తుంటారు. చదువయ్యాక ఉద్యోగాలు చేయరు. వృధాగా గడిపేస్తుంటారు. ఇంత చేసినా ఒక్కోసారి ధనవంతుల కుటుంబాల నుంచి వచ్చే ఈలాన్‌ మస్క్‌ లాంటి వారయితే అనూహ్యమైన విజయాలను సాధిస్తుంటారు. ఇందుకు కారణం ఏంటి అంటూ నేరుగా ఈలాన్‌ మస్క్‌నే డోనా అనే టీనేజ్‌ ట్విటర్‌ యూజర్‌ ప్రశ్నించింది. కసి డోనా ప్రశ్నకు ఈలాన్‌ మస్క్‌ బదులిస్తూ.. డబ్బులేని వాళ్లతో పోల్చినప్పుడు అదున్నవాళ్ల దగ్గర  ఏదైనా సాధించాలనే కసి (మోటివేషన్‌) తక్కువగా ఉంటుందంటూ చెప్పాడు. నేను మొదటి స్టార్టప్‌ అయిన జిప్‌2ను 1995లో ప్రారంభించేప్పుడు నా దగ్గర స్టూడెంట్‌లోనుగా తీసుకున్న వంద డాలర్లు, ఒక కంప్యూటర్‌ మాత్రమే ఉందంటూ బదులిచ్చాడు. అవన్నీ కట్టు కథలే ఈ సంభాషణలోకి వచ్చిన ఇండియన్‌ యూజర్‌ ప్రణయ్‌ పటోల్‌ మాట్లాడుతూ... ఈలాన్‌ మస్క్‌ పుట్టుకతోనే ధనవంతుడనే తప్పుడు ప్రచారం బాగా జరుగుతోంది. ఈలాన్‌ మస్క్‌ తండ్రికి ఎమరాల్డ్‌ మైన్స్‌ ఉండేవంటూ లేని పోని కథలు చక్కర్లు కొడుతున్నాయి... అసలు ఈలాన్‌ మస్క్‌ తన కెరీర్‌ తొలి రోజుల్లో ఎలా పైకి వచ్చాడో మీకు తెలియదంటూ చెప్పాడు. నైట్‌క్లబ్‌గా మారిన ఇళ్లు ప్రణయ్‌ పటోల్‌ ట్వీట్‌కి ఈలాన్‌ మస్క్‌ సమాధానం ఇస్తూ కెరీర్‌ తొలి రోజులను గుర్తు చేసుకున్నారు.. ‘ మేము నివసిస్తు‍న్న ఇంటికి అద్దె చెల్లించే స్థోమత కూడా ఆ రోజుల్లో లేదు. దీంతో ఆ ఇంటి అద్దె చెల్లించే డబ్బుల కోసం, రాత్రి వేళ నేనుండే ఇంటిని నైట్‌ క్లబ్‌గా మార్చేవాడిని. ఎంట్రీకి 5 డాలర్లు వసూలు చేసేవాడిని’ అంటూ తన కెరీర్‌ తొలి రోజులను వివరించాడు ఈలాన్‌ మస్క్‌. సౌతాఫ్రికా నుంచి మొదలు దక్షిణాఫ్రికాలో పుట్టిన ఈలాన్‌ మస్క్‌ తన కలల ప్రపపంచాన్ని వెతుక్కుంటూ అమెరికాకి వలస వచ్చాడు. అక్కడ పెన్సిల్వేనియా యూనివర్సిటీ డిగ్రీ పట్టా పొందాడు. స్టాన్‌ఫోర్డ్‌ యూనివర్సిటీలో చదివేందుకు కాలిఫోర్నియా చేరుకుని అక్కడే తన సోదరుడు కింబల్‌తో కలిసి 1995లో వెబ్‌ సాఫ్ట్‌వేర్‌ స్టార్టప్‌ జిప్‌2ని నెలకొల్పాడు ఈలాన్‌ మస్క్‌. ఈ జిప్‌2ని కాంపాక్‌ సంస్థ 307 మిలియన్‌ డాలర్లకు 1999లో కొనుగోలు చేసింది.  అంచెలంచెలుగా జిప్‌2ను అమ్మగా వచ్చిన డబ్బుతో  బ్యాంక్‌.ఎక్స్‌ స్టార్టప్‌లో సహా వ్యవస్థాపకుడిగా మారాడు. 2000లో బ్యాంక్‌.ఎక్స్‌ను కాన్ఫినిటీలో విలీనం చేసి.. ఆ తర్వాత పేపాల్‌ను స్థాపించాడు. ఈ కొత్త స్టార్టప్‌ పేపాల్‌ సూపర్‌ సక్సెస్‌ అయ్యింది. దీన్ని 1.5 బిలియన్‌ డాలర్లకు ఈబేకు కొనుగోలు చేసింది. పేపాల్‌ను అమ్మగా వచ్చిన సొమ్ముతో 2002లో స్పేస్‌ఎక్స్‌, 2004లో టెస్లాలో పెట్టుబడులు పెట్టి సహా వ్యవస్థాపకుడు అయ్యాడు ఈలాన్‌ మస్క్‌, ఆ తర్వాత తన అద్భుత వ్యూహ చతురతతో ప్రపంచంలోనే అత్యంత ధనవంతుడిగా రూపాంతరం చెందాడు. ఇటీవల 44 బిలియన్‌ డాలర్లతో ట్విటర్‌ను కొనుగోలు చేశాడు. If being born to a well-off family is why @ElonMusk succeeded extravagantly in life then explain to me why all these rich kids go to art school, never get a job, and waste away — 𝕯𝖆𝖓𝖆 🌞 🕵️‍♀️#ShadowCrew (@daelmor) May 3, 2022 చదవండి: నేనేం రోబోను కాదు.. నాకూ ఫీలింగ్స్‌ ఉన్నాయి: ఎలన్‌ మస్క్‌

వారెన్‌ బఫెట్‌ పైనుంచి దిగిరాలేదు. గోల్డ్‌ స్పూన్‌ తో పుట్టలేదు. ఆయన వెనుక గాఢ్‌ ఫాదర్‌ ఎవరూ లేరు. కటిక పేదరికాన్ని చూశారు. ఆకలి కేకలు పెట్టారు. అన‍్నమో రామచంద్రా అని ఏడ్చారు. పేదరికంతో బాధపడ్డారు. అంతే. అంతవరకే పేదరికాన్ని తిడుతూ కూర్చోలేదు. అవకాశాల్ని వెతుక్కున్నారు. అవకాశాలు లేని చోట దాన్ని సృష్టించుకున్నారు. ఒక్కో క్షణాన్ని కరెన్సీ నోటుగా మార్చడం తెలుసుకున్నారు. ఇలా 91ఏళ్ల వయస్సులో 117 బిలియన్ల (రూ. 8.97 లక్షల కోట్లు) కంటే ఎక్కువ విలువైన బెర్క్‌షైర్ హాత్‌వే​కి  ఛైర్మన్, సీఈఓగా ఉన్న బఫెట్‌ అప్పుడప్పుడు యువతకు ఉపయోగపడేలా సలహాలు ఇస్తుంటారు. తాజాగా తన షేర్‌ హోల‍్డర్లకు లేఖ రాశారు. అందులో యువత జాబ్‌తో మంచి ఫ్యూచర్‌ ఎలా పొందవచ్చో తెలిపారు.  కంపెనీ షేర్‌హోల్డర్‌లకు తన తాజా వార్షిక లేఖలో ..బఫెట్ తన సుదీర్ఘ కెరీర్‌లో పనిని ఆస్వాదించినట్లు చెప్పారు.  ఇక ఉద్యోగాల కోసం ప్రయత్నిస్తున్న యూనివర్సిటీ విద్యార్థులు పలు అంశాలను గుర్తుంచుకోవాలని చెప్పారు. డబ్బులు కోసం ఎప్పుడూ పని చేయకండి. మీరు చేసే పనిని ఎంజాయ్‌ చేయండి. అలా చేస్తే మీకు కావాల్సిన డబ్బులు వాటంతట అవే వస‍్తాయి.  ఒకవేళ డబ్బులు ఎక్కువగా వస్తున్న జాబ్‌లో మీరు జాయిన్‌ అయితే.. డబ్బులు వస్తున్నాయి. కాబట్టి పనిని ఎంజాయ్‌ చేయలేరు. ఉన్న జాబ్‌ను కూడా సక్రమంగా చేయలేరు. అందుకే మంచి భవిష్యత్‌ కావాలంటే పనని ఎంజాయ్‌ చేయాలని సూచించారు.   బఫెట్‌ ఏం చేశారు. బఫెట్ తన తాత ముంగెర్కు చెందిన కిరాణా దుకాణంలో పని చేయడం ప్రారంభించారు. అయితే బఫెట్కు ఆ పని నచ్చకపోవడంతో సెక్యూరిటీలను విక్రయించే వ్యాపారంలోకి అడుగుపెట్టారు. బఫెట్‌ తాత ముంగెర్ లాయర్‌ వృత్తిని ప్రారంభించారు. అలా 1965లో ఇద్దరూ  కంపెనీ నిర్వహణ, ఆర్థిక విధానాలను నియంత్రించేలా బెర్క్‌షైర్ హాత్వే కంపెనీ కంట్రోల్‌ స్టేక్‌ను కొనుగోలు చేశారు. జనరల్ మోటార్స్, కోకా కోలా కంపెనీ,యాపిల్ వంటి మెగా కంపెనీలలో 700 బిలియన్లకు పైగా మార్కెట్ క్యాప్, హోల్డింగ్‌లతో ఆర్థిక దిగ్గజాలుగా ఎదిగారు. చదవండి: గేట్స్‌ ఫౌండేషన్‌కు బఫెట్‌ రాజీనామా

బాలీవుడ్​ డేరింగ్​ హీరోయిన్​, వివాదాల బ్యూటీ కంగనా రనౌత్ గురించి ప్రత్యేకంగా చెప్పనవసరం లేదు. సోషల్​ మీడియాలో కామెంట్స్​ చేస్తూ కాంట్రవర్సీ క్వీన్​గా రికార్డుకెక్కింది. ఏ అంశమైన తనదైన స్టైల్​లో ఎలాంటి భయం లేకుండా విమర్శలను సంధిస్తుంటుంది. అయితే బీటౌన్​ నటి, నిర్మాత ఏక్తా కపూర్​ ఎంతో మంచి వ్యక్తి అని కంగనా అభిప్రాయపడింది. ఏక్తా కపూర్​ నిర్మిస్తోన్న రియాల్టీ షో లాక్​ అప్​కి కంగనా హోస్ట్​గా వ్యవహరిస్తోన్న సంగతి తెలిసిందే. ఇటీవల జరిగిన ఓ ఇంటర్వ్యూలో పలు ఆసక్తికర విషయాలను పంచుకుంది.  ఈ ఇంటర్వ్యూలో కంగనా 'ఇండస్ట్రీలోకి అడుగుపెట్టినప్పుడు అంతగా పరిచయాలు లేకపోవడంతో అందరూ నన్ను ఏడిపించేవారు. ఇంగ్లీష్​ మాట్లాడటం రాదని, కొండ ప్రాంతాల నుంచి వచ్చానని అవమానించేవారు. ఇంకా కొందరైతే ఇండస్ట్రీ నీ లాంటి వారి కోసం కాదు, ఇక్కడి నుంచి వెళ్లిపో అని నా ముఖంపైనే చెప్పేవారు. కానీ, నా నిర్మాత ఏక్తా కపూర్​ అలా అన్లేదు. నా కెరీర్​ స్టాటింగ్​ టైంలో ఆమెతో కలిసిపనిచేశాను. ఆమె చాలా మంచి వ్యక్తి. నాకు ఫస్ట్​ హిట్​ను ఇచ్చింది కూడా ఆమె. నాకు ఎప్పుడు మద్దతు ఇస్తూనే ఉన్నారు.' అని తెలిపింది. 

న్యూఢిల్లీ: కాలేజీల నుంచి పట్టాలు పుచ్చుకుని కొలువుల కోసం చూస్తున్న ఫ్రెషర్లకు తీపికబురు. ఈ ఏడాది జనవరి–జూన్‌ మధ్య కాలంలో కంపెనీలు ఫ్రెషర్లను అధికంగా తీసుకోనున్నాయి. టీమ్‌లీజ్‌ ఎడ్యుటెక్‌ ‘కెరీర్‌ అవుట్‌లుక్‌ రిపోర్ట్‌’ ఈ వివరాలు వెల్లడించింది. క్రితం ఏడాది తొలి ఆరు నెలలతో పోలిస్తే ప్రస్తుత ఏడాది అర్ధ భాగంలో ఫ్రెషర్లను నియమించుకోవాలన్న ఉద్దేశం కంపెనీల్లో 30 శాతం ఎక్కువగా కనిపించినట్టు వివరించింది. 47 శాతానికి పైగా కంపెనీలు జూన్‌లోపు ఫ్రెషర్లను నియమించుకోనున్నట్టు తెలిపాయి. గతేడాది ఇది 17 శాతంగానే ఉన్నట్టు తెలిపింది. ‘‘కరోనా మహమ్మారి నేపథ్యంలో ఎన్నో సవాళ్లు నెలకొన్నప్పటికీ కంపెనీల్లో ఫ్రెషర్ల నియామకం పట్ల సానుకూలత పెరగడం సంతోషాన్నిస్తోంది’’ అని టీమ్‌లీజ్‌ ఎడ్‌టెక్‌ సీఈవో శంతనురూజ్‌ పేర్కొన్నారు. ఆర్థిక కార్యకలాపాలు ఊపందుకోవడం, వృద్ధిపై దృష్టి సారించడం ఈ సానుకూల ధోరణికి కారణాలుగా తెలిపారు. ఫ్రెషర్లతోపాటు అన్ని రకాల ఉద్యోగాలకు కలిపి చూస్తే నియామకాల ఉద్దేశం 50 శాతం పెరిగినట్టు ఈ నివేదిక తెలిపింది. ఈ ఏడాది తొలి ఆరు నెలల్లో ఫ్రెషర్లకు ఐటీ, ఈ కామర్స్, టెక్నాలజీ స్టార్టప్‌లు, టెలికమ్యూనికేషన్స్‌ రంగాల్లో అధిక కొలువులు రానున్నట్టు పేర్కొంది. వీటికి అధిక డిమాండ్‌ ‘‘డేటా అనలైటిక్స్, ఇన్వెస్ట్‌మెంట్‌ బ్యాంకింగ్, సైబర్‌ సెక్యూరిటీ, ఏఆర్‌/వీఆర్, కంటెంట్‌ రైటింగ్‌ ఉద్యోగాలకు ఎక్కువ డిమాండ్‌ నెలకొంది. డిజిటల్‌ మార్కెటింగ్‌ ఎగ్జిక్యూటివ్, ఆర్టిíఫిషియల్‌ ఇంటెలిజెన్స్‌ ఇంజనీర్, టెక్నికల్‌ రైటర్, ఫుల్‌ స్టాక్‌ డెవలపర్, సప్లయ్‌ చైన్‌ అనలిస్ట్‌ ఉద్యోగాలకూ డిమాండ్‌ ఉంటుంది. ఫ్రెషర్ల విషయానికొస్తే విశ్లేషణా సామర్థ్యాలు, ఇన్నోవేషన్, ఒత్తిడిని నియంత్రించుకోగలగడం, సమాచార నైపుణ్యాలు, భావోద్వేగాల నియంత్రణ, సానుకూల దృక్పథాలకు ప్రాధాన్యం ఇవ్వనున్నాయి’’ అని టీమ్‌లీజ్‌ ఎడ్యుటెక్‌ ప్రెసిడెండ్, సహ వ్యవస్థాపకుడు నీతి శర్మ తెలిపారు.    ఐటీలో 3.6 లక్షల కొలువులు ఐటీ రంగం ప్రస్తుత ఆర్థిక సంవత్సరంలో మొత్తం మీద 3.6 లక్షల మంది ఫ్రెషర్లకు ఉపాధి కల్పిస్తుందని మార్కెట్‌ ఇంటెలిజెన్స్‌ సంస్థ ‘అన్‌ఎర్త్‌ ఇన్‌సైట్‌’ సంస్థ పేర్కొంది. డిసెంబర్‌తో ముగిసిన మూడో త్రైమాసికంలో ఉద్యోగుల వలసల రేటు (అట్రిషన్‌) 22.3%గా ఉన్నట్టు తెలిపింది. సెప్టెంబర్‌ త్రైమాసికంలో 19.5% నుంచి పెరిగినట్టు పేర్కొంది. జనవరి–మార్చి త్రైమాసికంలో 24%కి పెరగొచ్చని.. వచ్చే ఏడాది (2022–23)లో ఇది 16–18%కి తగ్గుతుందని అంచనా వేసింది.

Happy Birthday Naga Shaurya: వరుస ఆఫర్లతో సక్సెస్‌పుల్‌గా కరియర్‌ను ట్రాక్‌లో నడిపిస్తున్న  టాలెంటెడ్‌ అండ్‌ హార్డ్‌ వర్కింగ్‌ టాలీవుడ్ యంగ్‌ హీరో నాగశౌర్య.'చందమామ కథలు' సినిమాతో ఇండస్ట్రీలో అడుగుపెట్టి 'ఊహలు గుసగుసలాడే' అంటూ అమ్మాయిల గుండెల్లో గిలిగింతలు పెట్టాడు. క్యూట్‌ లుక్స్‌తో, లవర్‌ బాయ్‌లా ఛలో అంటూ సూపర్‌ హిట్‌  కొట్టేశాడు. ఇటీవల ఎయిట్‌ ప్యాక్‌ బాడీతో అదరగొట్టి ‘లక్ష్య’న్ని మిస్‌ చేసుకున్నాడు. ఇపుడిక వరుడు కావలెను అంటూ ఓటీటీలో సందడి చేస్తున్నాడు. జనవరి 22 నాగశౌర్య పుట్టినరోజు  సందర్భంగా  ఈ లవర్‌బాయ్‌  గురించిన విశేషాలపై ఓ లుక్కేద్దామా! మాంచి ఒడ్డూ పొడుగుతో అందమైన నవ్వుతో టాలీవుడ్‌లో హీరోగా ఎంట్రీ ఇచ్చాడు నాగశౌర్య.   తొలి సినిమాతో ఎట్రాక్ట్‌ చేసి వరుస అవకాశాలు అందిపుచ్చుకున్నాడు. 'కల్యాణ వైభోగమే' 'దిక్కులు చూడకు రామయ్యా' 'జ్యో అచ్యుతానంద' 'ఒక మనసు' చిత్రాతో ఫ్యామిలీ ఆడియన్స్‌తో పాటు మాస్ ఆడియన్స్‌కి కూడా దగ్గరయ్యాడు. ఇక అక్కడినుంచి  వెనక్కి తిరిగి చూసుకోవాల్సిన అవసరం లేకుండా వరుస  అవకాశాలను దక్కించుకున్నాడు. ముఖ్యంగా  రష్మిక మందన్న హీరోయిన్‌గా నటించిన 'ఛలో' తో సూపర్ హిట్ అందుకున్న నాగశౌర్య  ఆ తరువాత దూకుడును మరింత పెంచాడు. నాగశౌర్య ఆంధ్రప్రదేశ్ లోని ఏలూరులో జన్మించాడు. సినీరంగంలో ప్రవేశానికి ముందుగా టెన్నిస్ ఆడేవాడట. విజయవాడలో ఉంటున్న రోజులనుంచి సినిమాలలో నటించాలనేకోరిక పుట్టింది. అలా తన డ్రీమ్స్‌ సాకారం కోసం హైదరాబాదు షిప్ట్‌ అయ్యాడు. ఐదు సంవత్సరాలు నటనలో  శిక్షణ కూడా తీసుకున్నాడు. ఇక సినిమాలు మన వల్ల కాదులే అనుకుంటున్న  టైంలో  అనూహ్యంగా 2011లో సినీ రంగంలోకి   ఎంట్రీ దొరికింది. అవసరాల శ్రీనివాస్ నిర్మిస్తున్న ఊహలు గుసగుసలాడే మూవీలో లీడ్‌ రోల్‌ పోషించే అవకాశాన్ని దక్కించుకున్నాడు. కమర్షియల్‌గా సక్సెస్‌ను అందుకున్నాడు. తరువాత దిక్కులు చూడకు రామయ్య, లక్ష్మీ రావే మా ఇంటికి,  2015లో జాదూగాడు, అబ్బాయితో అమ్మాయి  మూవీల ద్వారా నటుడిగా గుర్తింపు తెచ్చుకున్నాడు. 2016లో మెగా డాటర్‌ నీహారిక కొణిదెలకు జోడీగా ఒక మనసు, మాళవిక నాయర్  హీరోయిన్‌గా కళ్యాణ వైభోగమే సినిమాలతో ఆకట్టుకున్నాడు.  ఇక ఆ తరువాత వరుడు కావలెను, 'లక్ష్య'  సినిమాల్లో నటించాడు.  కానీ ఛలో మూవీ  అంతటి  రేంజ్ హిట్  దక్కలేదు. వరుస  ఆఫర్లు వస్తున్నా బ్లాక్‌ బ్టస్టర్‌  హిట్‌ కొట్టడంలో మాత్రం విఫలమవుతున్నాడు. అందుకే  ప్రస్తుత ట్రెండ్‌కు తగ్గట్టే  తన మూవీలను ఓటీటీ బాట పట్టించాడు.  ముఖ్యంగా  ఆర్చరీ నేపథ్యంలో తీసిన ‘లక్ష్య’ సినిమాకు బాక్సాఫీస్ వద్ద ఆశించిన ఫలితం దక్కలేదు. కండలు తిరిగిన బాడీతో కసరత్తు చేసినా లక్ష్య టార్గెట్‌ రీచ్‌ కాలేదు. నాగశౌర్య, రీతూవర్మ జంటగా నటించిన వరుడు కావలెను,  కేతికశర్మ హీరోయిన్‌గా నటించిన లక్ష్య మూవీలను ఓటీటీద్వారా విడుదల చేసితన అదృష్టాన్ని పరీక్షించు కుంటున్న సంగతి తెలిసిందే. ఈ  రెండు సినిమాలు గత ఏడాది చివరలో రిలీజయ్యాయి. మరోవైపు నాగశౌర్య బర్త్ డే స్పెషల్‌గా  అప్‌ కమింగ్‌ మూవీలపై  ఇవ్వనున్న అప్‌డేట్స్‌  కోసం ఫ్యాన్స్‌ వెయిట్‌ చేస్తున్నారు.

టాలీవుడ్‌ బెస్ట్‌ కపుల్‌గా పేరొందిన సమంత-నాగ చైతన్యల విడాకుల విషయం ఇప్పటికీ చర్చనీయాంశంగానే ఉంది. ఎంతో అన్యోన్యంగా ఉండే ఈ జంట అసలు విడాకులు ఎందుకు తీసుకుందని ఇంకా చాలా మంది మదిలో మెదిలే ప్రశ్న. అయితే ఈ విషయంపై ఎవరూ క్లారిటీ ఇవ్వలేదు. వీరి మూడేళ్ల పెళ్లి బంధానికి ముగింపు పలుకుతూ అక్టోబర్‌ 2న తాము భార్యభర్తలుగా విడిపోతున్నట్లు సోషల్‌ మీడియాలో ప్రకటించారు. అయితే అప్పటి నుంచి సమంతనే టార్గెట్‌ చేస్తూ కొందరు విపరీతంగా ట్రోల్‌ చేశారు. దీంతో విడాకుల తర్వాత సమంత కెరీర్‌ క్లోజ్‌ అవుతుందని అందరు ఊహించారు. ఆ ఊహలను పటాపంచలు చేస్తూ రెట్టించిన ఉత్సాహంతో వేగంగా ముందుకు దూసుకుపోతోంది సామ్‌. హాలీవుడ్‌, బాలీవుడ్‌ చిత్రాలతో పాటు పుష్పలో స్పెషల్‌ సాంగ్‌తో సమంత కెరీర్‌ తారాజువ్వలా పైకిపోతుంది.  ఈ క్రమంలో సమంత గురించి మెగా పవర్‌ స్టార్‌ రామ్‌ చరణ్ ఆసక్తిర వాఖ్యలు చేశాడు. రామ్‌ చరణ్‌, జూనియర్‌ ఎన్టీఆర్‌, డైరెక్టర్‌ రాజమౌళిల భారీ మల్టీ స్టారర్‌ ఆర్‌ఆర్‌ఆర్‌ సినిమా ప్రమోషన్స్‌లో బిజీగా ఉన్నారన్న సంగతి తెలిసిందే. ఈ సినిమా ప్రమోషన్స్‌ కోసం మీడియా సంస్థలకు వరుసబెట్టి ఇంటర్వ్యూలు ఇస్తున్నారు. ఈ సందర్బంగా సమంత గురించి చెప్పమని యాంకర్‌ రామ్‌ చరణ్‌ను ప్రశ్నించాడు. దానికి సమంత 'కమ్ బ్యాక్‌.. బిగ్గర్‌.. స్ట్రాంగర్‌..' అండూ మూడు ముక్కల్లో చెప్పాడు రామ్‌ చరణ్‌. అయితే ఈ మాటలు విన్న సామ్‌ తెగ సంతోషపడినట్లు తెలుస్తోంది. దీనికి  సంబంధించిన వీడియోను మూడు లవ్‌ సింబల్స్‌తో ట్విటర్‌లో షేర్‌ చేసింది.    ♥️♥️♥️ https://t.co/IqHN3aQ8Jw — Samantha (@Samanthaprabhu2) December 27, 2021 ఇదీ చదవండి: అల్లు అర్జున్‌ భార్యపై సమంత 'హాట్‌' కామెంట్స్‌ వైరల్‌

ఫైనాన్షియల్‌ సర్వీసెస్‌ సెక్టార్‌.. అర్హతలుంటే కొలువులు ఖాయం చేస్తున్న రంగం. ఎంట్రీ లెవల్‌ మొదలు ఎగ్జిక్యూటివ్‌ ఆఫీసర్ల వరకూ.. చక్కటి ఆఫర్లు అందిస్తోంది. ఇటీవల ఈ రంగం టెక్నికల్‌ నుంచి స్పెషలైజ్డ్‌ జాబ్‌ ప్రొఫైల్స్‌ వరకూ.. భారీగా నియామకాలు చేపడుతోంది! ఉద్యోగార్థులు.. సంబంధిత అర్హతలు, నైపుణ్యాలు పెంచుకుంటే.. కోరుకున్న కొలువు సొంతం చేసుకోవచ్చు. ఈ నేపథ్యంలో.. ఫైనాన్షియల్‌ సేవల రంగంలో తాజా రిక్రూట్‌మెంట్‌ ట్రెండ్స్‌.. కొలువులు..అర్హతలు, నైపుణ్యాలపై ప్రత్యేక కథనం.. కరోనా పరిణామాల్లో అంతా డిజిటలైజేషన్‌ బాట పట్టారు. దాంతో ఫైనాన్షియల్‌ సర్వీసెస్‌ రంగంలో కార్యకలాపాలు విస్తృతమవుతున్నాయి. ఈ సెక్టార్‌ పరిధిలోకి వచ్చే ట్రేడింగ్, స్టాక్‌ మార్కెట్, బీఎఫ్‌ఎస్‌ఐ, మ్యూచువల్‌ ఫండ్స్, ఈక్విటీ.. ఇలా అన్నింటిలోనూ కార్యకలాపాలు తిరిగి వృద్ధి చెందుతున్నాయి. ఫలితంగా ఫైనాన్షియల్‌ రంగంలో నియామకాలు ఊపందుకుంటున్నాయి. ఈ ఏడాది జనవరి నుంచి సెప్టెంబర్‌ వరకూ.. ఫైనాన్షియల్‌ సర్వీసెస్‌ సెక్టార్‌లోని సంస్థల్లో నమోదైన నూతన నియామకాల సంఖ్యే ఇందుకు నిదర్శనంగా చెప్పొచ్చు. అందుకే కొలువులు గత కొంత కాలంగా అనేక సంస్థలు స్టాక్‌ మార్కెట్లో ఐపీఓల బాటపట్టాయి. వెంచర్‌ క్యాపిటల్‌ సంస్థలు, ప్రయివేట్‌ ఈక్విటీ సంస్థలకు నిధులు భారీగా వస్తున్నాయి. ట్రేడింగ్‌ కార్యకలాపాలు ఊపందుకుంటున్నాయి. మరోవైపు సంస్థలు టెక్నాలజీ ఆధారంగా కార్యకలాపాలు నిర్వహించడంపై దృష్టిపెడుతున్నాయి. బ్యాంకింగ్‌ రంగం సైతం విస్తరిస్తోంది. ఇవన్నీ ఫైనాన్షియల్‌ సర్వీసెస్‌ సెక్టార్‌లో నియామకాల జోరుకు కారణాలుగా చెబుతున్నారు. వీటన్నింటి ఫలితంగా సంప్రదాయ డిగ్రీ అభ్యర్థులు మొదలు టెక్నికల్, ప్రొఫెషనల్‌ కోర్సుల ఉత్తీర్ణుల వరకూ..ఫైనాన్షియల్‌ రంగంలో ఉద్యోగాలు లభిస్తున్నాయి.  జూనియర్, మిడిల్‌ లెవల్‌ ఫైనాన్షియల్‌ సర్వీసెస్‌ సెక్టార్‌లో.. జూనియర్, మిడిల్‌ లెవల్‌లో భారీగా నియామకాలు జరుగుతున్నాయి. కరోనా ముందుకాలం నాటి ఆఫర్స్‌తో పోల్చుకుంటే.. సగటున 30 నుంచి 50 శాతం మేర కొత్త కొలువులు లభించాయి. జూనియర్‌ లెవల్‌లో 1 నుంచి 4ఏళ్ల అనుభవం ఉన్న వారిని, మిడిల్‌ లెవల్‌లో అయిదు నుంచి 13ఏళ్ల అనుభవం ఉన్న వారిని సంస్థలు నియమించుకుంటున్నాయి. బీఎఫ్‌ఎస్‌ఐ.. ఎవర్‌గ్రీన్‌ ఫైనాన్షియల్‌ సెక్టార్‌ అనగానే గుర్తుకొచ్చే బ్యాంకింగ్, ఫైనాన్షియల్‌ సర్వీసెస్, ఇన్సూరెన్స్‌(బీఎఫ్‌ఎస్‌ఐ) సెక్టార్‌లోని సంస్థలు.. రిక్రూట్‌మెంట్స్‌లో ఎవర్‌గ్రీన్‌గా నిలుస్తున్నాయి. 2020 సెప్టెంబర్‌తో పోలిస్తే.. 2021 సెప్టెంబర్‌ నాటికి బీఎఫ్‌ఎస్‌ఐ రంగంలో 43 శాతం అధికంగా నియామకాలు జరిగినట్లు నౌకరీ జాబ్స్‌ స్పీక్‌ ఇండెక్స్‌ గణాంకాలు తెలియజేస్తున్నాయి.  టాలెంట్‌ కొరత ఫైనాన్స్‌ రంగంలో భారీగా నియామకాలు జరుగుతున్నప్పటికీ.. కంపెనీలకు అవసరమైన టాలెంట్‌ కొరత నెలకొన్నట్లు చెబుతున్నారు. నైపుణ్యాలున్న మానవ వనరులను గుర్తించడంలో ఇబ్బందులు ఎదురవుతున్నాయని పలు కంపెనీలు, స్టాఫింగ్‌ సంస్థలు పేర్కొంటున్నాయి. ముఖ్యంగా స్టాక్‌ బ్రోకింగ్, వెల్త్‌ మేనేజ్‌మెంట్‌ సంస్థల్లో ఈ సమస్య కొంత ఎక్కువగా ఉంది.  వేతనాలు ఆకర్షణీయం నైపుణ్యాలున్న వారికి ఫైనాన్షియల్‌ రంగ సంస్థలు ఆకర్షణీయ ప్యాకేజీలు అందిస్తున్నాయి. జూనియర్‌ లెవల్‌లో సగటున రూ.8లక్షలు, మిడిల్‌ లెవల్‌లో రూ.12లక్షలు, సీనియర్‌ లెవల్‌లో రూ.18లక్షల వార్షిక వేతనం లభిస్తోంది.  ఫైనాన్షియల్‌ రంగం.. జాబ్‌ ట్రెండ్స్‌.. ముఖ్యాంశాలు ►   ఈ ఏడాది జనవరి నుంచి సెప్టెంబర్‌ మధ్యలో భారీగా నియామకాలు. ►   జూనియర్, మిడిల్‌ లెవల్‌లో 30 నుంచి 50 శాతం వరకూ పెరుగుదల. ►   జూనియర్‌ లెవల్‌లో రూ.8 లక్షలు, మిడిల్‌ లెవల్‌లో రూ.12లక్షలు, సీనియర్‌ లెవల్‌లో సగటున రూ.18 లక్షల వరకు వేతనాలు. ►   సైబర్‌ సెక్యూరిటీ, డేటాసైన్స్, ఏఐ–ఎంఎల్‌ నిపుణులకు డిమాండ్‌. రీసెర్చ్‌ అనలిస్ట్‌ ఫైనాన్షియల్‌ రంగంలో ముఖ్యంగా స్టాక్‌ బ్రోకింగ్, ఈక్విటీ, ట్రేడింగ్‌ సంస్థల్లో కీలకంగా నిలుస్తున్న జాబ్‌ ప్రొఫైల్‌.. రీసెర్చ్‌ అనలిస్ట్‌. ఆయా స్టాక్స్‌కు సంబంధించి రీసెర్చ్‌ చేసి ఫండ్‌ మేనేజర్లకు వాటి సానుకూలతలు, ప్రతికూలతల గురించి సూచించడం.. క్లయింట్ల కోసం ఈక్విటీ డెరివేటివ్స్, ఈక్విటీస్‌పై విశ్లేషణ వీరి ప్రధాన విధులు.ప్రస్తుతం మ్యూచువల్‌ ఫండ్‌ బ్రోకరేజ్‌ సంస్థలు.. ఎంబీఏ, స్టాటిస్టిక్స్, ఎకనామిక్స్‌లో పీజీ ఉత్తీర్ణులను రీసెర్చ్‌ అనలిస్టులుగా నియమించుకుంటున్నాయి.  ఫండ్‌ మేనేజర్‌ ఆయా ఫండ్స్‌లో ఇన్వెస్టర్ల డబ్బును పెట్టుబడిగా పెడుతుంటారు. అలాంటి సందర్భంలో సదరు సంస్థల ప్రస్తుత పనితీరు, ఆర్థిక ఫలితాలు, లాభనష్టాలు, డివిడెండ్స్‌.. భవిష్యత్‌లో ఆ సంస్థల పనితీరు ఎలా ఉండబోతోంది వంటి అంశాలను విశ్లేషించి.. ఇన్వెస్టర్లకు సలహాలు ఇవ్వాల్సి ఉంటుంది. నిర్దిష్ట ఫండ్‌లలో పెట్టుబడుల గురించి ఇన్వెస్టర్లను ఒప్పించడం వంటి కీలక విధులను నిర్వర్తించాల్సి ఉంటుంది. ఇన్వెస్ట్‌మెంట్‌ సంస్థలు.. ఎంబీఏ, సీఏ, ఫైనాన్షియల్‌ ప్లానింగ్, కామర్స్, ఎకనామిక్స్, స్టాటిస్టిక్స్‌ విభాగంలో పీజీ స్థాయి అర్హతలు ఉన్న వారికి ఆఫర్స్‌ ఇస్తున్నాయి.  ఇన్వెస్ట్‌మెంట్‌ మేనేజర్‌ సెక్యూరిటీ పోర్ట్‌ఫోలియోస్‌లో ఇన్వెస్టర్ల తరఫున పెట్టుబడుల నిర్వహణ.. ఇన్వెస్ట్‌మెంట్‌ మేనేజర్ల ప్రధాన విధి. వీరు నిత్యం సెక్యూరిటీస్‌ క్రయ విక్రయాలు, పోర్ట్‌ఫోలియో సమీక్ష, లావాదేవీల పరిష్కారం, సంబంధిత స్టాక్స్, పనితీరు, నియంత్రణ,క్లయింట్ల(ఇన్వెస్టర్లు)కు నివేదించడం వంటివి చేయాల్సి ఉంటుంది. సంస్థలు కామర్స్, ఫైనాన్స్, ఎకనామిక్స్‌తో బ్యాచిలర్, పీజీ ఉత్తీర్ణులకు ఉద్యోగావకాశాలు కల్పిస్తున్నాయి.  టెక్‌ నిపుణులకు అవకాశం ఫైనాన్షియల్‌ రంగంలోని సంస్థలు.. ఇన్వెస్ట్‌మెంట్‌ అనాలసిస్‌లో బిగ్‌ డేటా, ఆర్టిఫిషియల్‌ ఇంటెలిజెన్స్, మెషీన్‌ లెర్నింగ్‌ వంటి లేటెస్ట్‌ టెక్నాలజీని వినియోగిస్తున్నాయి. ఫలితంగా బీటెక్, ఎంటెక్‌ తదితర కోర్సుల ఉత్తీర్ణులకు ఈ రంగంలో కొలువులు లభిస్తున్నాయి. యాక్చుయరీ ఎగ్జిక్యూటివ్స్‌ పాలసీ మొత్తం, దాని ఆధారంగా చెల్లించాల్సిన ప్రీమియం, చెల్లించే సామర్థ్యం, వయసు తదితరాలు గణించి.. పాలసీకి అర్హతలు నిర్ణయించే వారే..యాక్చుయరీ ఎగ్జిక్యూటివ్స్‌. వీరికి బీమా సంస్థలు పెద్ద పీట వేస్తున్నాయి. ఇందుకు ప్రత్యేక నైపుణ్యాలున్న వారికి ప్రాధాన్యం ఇస్తున్నాయి. యాక్చుయేరియల్‌ సొసైటీ నిర్వహించే కోర్సుల ఉత్తీర్ణులకు ఆఫర్స్‌ ఖరారు చేస్తున్నాయి. అండర్‌ రైటర్స్‌ ఇన్సూరెన్స్‌ సంస్థల్లో మరో కీలకమైన కొలువు..అండర్‌ రైటర్స్‌. ఎవరైనా ఒక వ్యక్తి పాలసీ తీసుకోవాలనే ప్రతిపాదన చేసినప్పుడు.. దాన్ని పరిశీలించి, సదరు పాలసీకి ఆ వ్యక్తి సరితూగుతారో లేదో నిర్ణయించడం వీరి ప్రధాన విధి. ప్రత్యేక అర్హతలున్న వారికే సంస్థలు ఉద్యోగ అవకాశాలు కల్పిస్తున్నాయి. ఇన్సూరెన్స్‌ ఇన్‌స్టిట్యూట్‌ ఆఫ్‌ ఇండియా అందించే అసోసియేట్‌ డిప్లొమా ఉత్తీర్ణులకు బీమా సంస్థలు పెద్దపీట వేస్తున్నాయి.  రిస్క్‌ అనలిస్ట్స్‌ నాన్‌–లైఫ్‌ ఇన్సూరెన్స్‌ విభాగంలో.. పాలసీ చేయాలనుకున్న వస్తువులు లేదా నిర్మాణాలను పరిశీలించి.. వాటి జీవిత కాలాన్ని పరిగణనలోకి తీసుకొని రిస్క్‌ అనలిస్ట్‌లు నివేదికలు ఇస్తారు. సదరు నివేదిక ఆధారంగానే సంస్థ ప్రీమియం మొత్తాన్ని నిర్ణయిస్తుంది. క్లెయిమ్స్‌ ఎగ్జిక్యూటివ్స్‌ పాలసీ క్లెయిమ్‌ల పరిష్కారంలో వీరి పాత్ర కీలకం. ముఖ్యంగా పాలసీ వ్యవధి పూర్తి కాకుండానే ఏదైనా సంఘటన జరిగిందని.. ఆ కారణంగా బీమా చెల్లించాలనే విషయంపై తుది నిర్ణయం వీరిచ్చే నివేదికపైనే ఆధారపడి ఉంటుంది. క్లెయిమ్‌ ఎగ్జిక్యూటివ్స్‌.. సదరు బీమా మొత్తం కోసం వచ్చిన ప్రతిపాదనను పరిశీలించి, డ్యామేజ్‌ విలువను లెక్కిస్తారు. ఆ మొత్తానికి బీమా పరిష్కారం లభిస్తుంది.  బ్యాంకింగ్‌లో అవకాశాలు బ్యాంకింగ్‌ రంగంలో.. క్షేత్ర స్థాయిలో కస్టమర్లతో సంప్రదింపులు సాగించే కస్టమర్‌ సపోర్ట్‌ ఎగ్జిక్యూటివ్‌ మొదలు ఉన్నత స్థాయిలో చీఫ్‌ ఎగ్జిక్యూటివ్స్‌ వరకూ.. అనేక రకాల అవకాశాలు లభిస్తున్నాయి. బిజినెస్‌ బ్యాంకింగ్‌ మేనేజర్, కార్పొరేట్‌ బిజినెస్‌ సేల్స్‌ మేకర్, బ్రాంచ్‌ సర్వీస్‌ పార్ట్‌నర్, ఫైనాన్షియల్‌ రిపోర్టింగ్‌ ఆఫీసర్, రిస్క్‌ ఎగ్జిక్యూటివ్స్, ఫైనాన్షియల్‌ ప్లానర్‌ వంటి ఉద్యోగాలు బ్యాంకింగ్‌ రంగంలో అందుకోవచ్చు.  

దేశంలో కామర్స్‌ కోర్సులకు మంచి డిమాండ్‌ నెలకొంది. ముఖ్యంగా తెలుగు రాష్ట్రాల్లో ఇంటర్మీడియట్‌ సీఈసీ ఉత్తీర్ణులయ్యాక.. డిగ్రీ స్థాయిలో బీకామ్‌తోపాటు సీఏ, సీఎస్, సీఎంఏ వంటి ప్రొఫెషనల్‌ కోర్సుల్లో చేరుతుంటారు. వాస్తవానికి సీఈసీ విద్యార్థులు కామర్స్‌ సంబంధ కోర్సులు మాత్రమే కాకుండా.. బీబీఏ, బీఏ, ఐదేళ్ల ఇంటిగ్రేటెడ్‌ లా కోర్సుల్లోనూ ప్రవేశం పొందొచ్చు. ఈ నేపథ్యంలో.. ఇంటర్‌ సీఈసీ విద్యార్థులకు అందుబాటులో ఉన్న ఉన్నత విద్య కోర్సులు, కెరీర్‌ అవకాశాలపై ప్రత్యేక కథనం.. డిగ్రీ స్థాయి కోర్సులు బీకామ్‌: సీఈసీ ఇంటర్మీడియెట్‌ పూర్తిచేసిన విద్యార్థులు ఎక్కువ మంది చేరే కోర్సు.. బీకామ్‌. ఈ కోర్సు కాల వ్యవధి మూడేళ్లు. దీన్ని పూర్తిచేసిన అభ్యర్థులు.. ప్రభుత్వ/ప్రైవేటు బ్యాంకులు, ఫైనాన్స్‌ ఇన్‌స్టిట్యూషన్స్, మల్టీనేషనల్‌ కంపెనీలు, ప్రైవేట్‌ బిజినెస్‌/సంస్థల్లో అవకాశాలు అందుకోవచ్చు. బిజినెస్‌ అనలిస్టులు, ఇన్వెస్ట్‌మెంట్‌ అడ్వైజర్, బిజినెస్‌ రిస్క్‌ అడ్వైజర్, ఆపరేషన్స్‌ మేనేజర్, బిజినెస్‌ అనలిటిక్స్‌ ఎగ్జిక్యూటివ్, ఎకనామిస్ట్, మార్కె ట్‌ అనలిస్ట్, బిజినెస్‌ ఎకనామిక్‌ రైటర్, బడ్జెట్‌ అనలిస్ట్‌గా ఉద్యోగాలు పొందొచ్చు.  చదవండి: Andhra Pradesh: పేద విద్యార్థులకు... టాప్‌ వర్సిటీల్లో సీట్లు బీకామ్‌ కంప్యూటర్స్‌: ఇటీవల కాలంలో ఇంటర్‌ సీఈసీ ఉత్తీర్ణులు ఎక్కువగా చేరుతున్న కోర్సు.. బీకామ్‌ కంప్యూటర్స్‌. కార్పొరేట్‌ రంగంలో సాఫ్ట్‌వేర్‌ టెక్నాలజీ అప్లికేషన్స్‌ ఉపయోగించేందుకు వీలుగా ఈ కోర్సును రూపొందించారు. ఈకోర్సు విద్యార్థులు కామర్స్‌తోపాటే కంప్యూటర్‌ నైపుణ్యం కూడా సొంతం చేసుకుంటారు. బీకామ్‌ కంప్యూటర్స్‌ ఉత్తీర్ణులు వివిధ విభాగాల్లో కంప్యూటర్‌ ప్రోగ్రామర్, యాప్‌ డెవలపర్‌ వంటి ఉద్యోగాలు సొంతం చేసుకోవచ్చు. పీజీ స్థాయిలో ఎంకామ్‌ కంప్యూటర్స్‌లో చేరొచ్చు.  బీకామ్‌(హానర్స్‌): ఇటీవల విద్యార్థులను ఎక్కువగా ఆకట్టుకుంటున్న కోర్సు.. బీకామ్‌ హానర్స్‌. ఇది పలు ప్రభుత్వ/ప్రైవేటు కాలేజీల్లో అందుబాటులో ఉంది. ఇందులో చేరాలంటే..సీఈసీ ఇంటర్మీడియెట్‌ కనీసం 50శాతం మార్కులతో ఉత్తీర్ణులవ్వాలి. బీకామ్‌ హానర్స్‌లో.. అకౌంట్స్‌ అండ్‌ ఫైనాన్స్‌/ఇన్వెస్ట్‌మెంట్‌ మేనేజ్‌మెంట్‌/ఎకనామిక్స్‌/బ్యాంకిం గ్‌ అండ్‌ ఇన్సూరెన్స్‌/టాక్సేషన్‌/మార్కెటింగ్‌ /హెచ్‌ఆర్‌ వంటి స్పెషలైజేషన్లు ఉన్నా యి. బీకామ్‌ హానర్స్‌ పూర్తి చేసినవారికి మార్కెటింగ్, ఫైనాన్స్, కస్టమ్స్‌ డిపార్ట్‌మెంట్, కామ ర్స్, బ్యాంకింగ్, ఇంపోర్ట్‌ అండ్‌ ఎక్స్‌పోర్ట్‌ కంపెనీలు, రీసెర్చ్‌ అసోసియేట్స్‌లో ఉద్యోగ అవకాశాలు లభిస్తాయి.  బీఏ ఎకనామిక్స్‌: ఆర్థిక అంశాలపై ఆసక్తి ఉన్న కామర్స్‌ విద్యార్థులకు అందుబాటులో ఉన్న చక్కటి కోర్సు ఇది. ముఖ్యంగా ఇంటర్మీడియట్‌ స్థాయిలో ఎంఈసీ (మ్యాథమెటిక్స్, ఎకనామిక్స్, కామర్స్‌) సబ్జెక్టులు చదివినవారు మూడేళ్ల బీఏ ఎకనామిక్స్‌లో చేరితే ఉజ్వలంగా రాణించొచ్చు. వీరు బీఏ ఎకనామిక్స్‌ తర్వాత పీజీ స్థాయిలో ఎంబీఏ ఫైనాన్స్‌/ఎంఏ ఎకనామిక్స్‌లో చేరి.. అద్భుత అవకాశాలు అందుకునే వీలుంది. వీరికి ఫైనాన్స్‌ అండ్‌ బ్యాంకింగ్, స్టాక్‌ మార్కెట్, ఇంపోర్ట్‌ అండ్‌ ఎక్స్‌పోర్ట్‌ రంగం, ప్రభుత్వ ఎకనామిక్‌ డిపార్ట్‌మెంట్స్, పబ్లిక్‌ సర్వీస్‌ కమిషన్‌ జాబ్స్‌ వంటి ఉద్యోగాలు లభిస్తాయి. బ్యాచిలర్‌ ఆఫ్‌ బిజినెస్‌ అడ్మినిస్ట్రేషన్‌(బీబీఏ): బిజినెస్, మేనేజ్‌మెంట్‌ రంగంలో రాణించాలనుకునేవారికి బీబీఏ కోర్సు ఉపయుక్తంగా ఉంటుం ది. ముఖ్యంగా పోస్టు గ్రాడ్యుయేషన్‌ స్థాయిలో..ఎంబీఏ చేయాలనుకునే విద్యార్థులు డిగ్రీ స్థాయిలో బీబీఏ ఎంచుకోవడం మంచిది. మేనేజ్‌మెంట్‌ రంగంలో ఉన్నత స్థాయి కెరీర్‌ కోసం ఎంబీఏ చేయవచ్చు. బీబీఏ ఉత్తీర్ణులయ్యాక కార్పొరేట్‌ కంపెనీలతోపాటు వివిధ పరిశ్రమల్లో ఉద్యోగాలు పొందవచ్చు. మార్కెటింగ్, ఫైనాన్స్, సేల్స్, హెచ్‌ఆర్‌ మొదలైన విభిన్న విభాగాల్లో ఉద్యోగాలు పొందవచ్చు. ముఖ్యంగా సేల్స్‌ ఎగ్జిక్యూటివ్, రీసెర్చ్‌ అసిస్టెంట్, ఆఫీస్‌ ఎగ్జిక్యూటివ్, అసిస్టెంట్‌ మేనేజర్, హెచ్‌ఆర్‌ ఎగ్జిక్యూటివ్, బిజినెస్‌ కన్సల్టెంట్, ఇన్ఫర్మేషన్‌ సిస్టం మేనేజర్, ఆర్‌ అండ్‌ డీ ఎగ్జిక్యూటివ్, ఫైనాన్షియల్‌ అనలిస్ట్‌గా పనిచేయవచ్చు.  ప్రొఫెషనల్‌ కోర్సులు  చార్టర్డ్‌ అకౌంటెంట్‌(సీఏ): చార్టర్డ్‌ అకౌంటెన్సీ నిపుణులకు జాబ్‌ మార్కెట్‌లో ఎప్పుడూ డిమాండ్‌ ఉంటుంది. ఈ కోర్సులో ప్రధానంగా అకౌంటింగ్, ట్యాక్సేషన్‌పై దృష్టిసారిస్తారు. కామర్స్, అకౌంటెన్సీ, ట్యాక్సేషన్‌పై ఆసక్తి ఉన్న విద్యార్థులు.. ఇంటర్మీడియట్‌ తర్వాత సీఏ కోర్సులో ప్రవేశించవచ్చు. ఇన్‌స్టిట్యూట్‌ ఆఫ్‌ చార్టర్డ్‌ అకౌంటెన్సీ ఆఫ్‌ ఇండియా(ఐసీఏఐ) ఈ కోర్సును అందిస్తోంది. సీఏ కోర్సు ఫౌండేషన్, ఇంటర్మీడియట్, ఫైనల్‌.. ఇలా మూడు స్థాయిల్లో ఉంటుంది. చార్టర్డ్‌ అకౌంటెంట్లకు ప్రైవేట్, ప్రభుత్వ రంగాల్లో అవకాశాలు లభిస్తాయి. సీఏ కోర్సు పూర్తి చేసిన తర్వాత డైరెక్ట్‌ ట్యాక్స్, ఇన్‌డైరెక్ట్‌ ట్యాక్స్, ఆదాయపు పన్ను, కార్పొరేట్‌ పన్ను, వర్క్స్‌ అకౌంటెన్సీ, ఆడిటింగ్‌ మొదలైన కార్పొరేట్, ఆర్థిక విభాగాల్లో ఉన్నత స్థాయిలో పనిచేయవచ్చు. సీనియర్‌ సీఏల వద్ద పనిచేయడం ద్వారా అనుభవం పొందొచ్చు.  కంపెనీ సెక్రటరీ: కార్పొరేట్‌ ప్రపంచంలో ఉజ్వల కెరీర్‌ కోరుకునే కామర్స్‌ విద్యార్థులకు అందుబాటులో ఉన్న మరో చక్కటి కోర్సు.. కంపెనీ సెక్రటరీ(సీఎస్‌). ఈ కోర్సును ఇన్‌స్టిట్యూట్‌ ఆఫ్‌ కంపెనీ సెక్రటరీస్‌ ఆఫ్‌ ఇండియా(ఐసీఎస్‌ఐ) అందిస్తుంది. ఈ కోర్సు పూర్తి చేసినవారికి కార్పొరేట్‌ రంగం అవకాశాలను అందిస్తుంది. కంపెనీ సెక్రటరీలో.. ఫౌండేషన్‌ ప్రోగ్రామ్, ఎగ్జిక్యూటివ్‌ ప్రోగ్రామ్, ప్రొఫెషనల్‌ ప్రోగ్రామ్‌.. ఇలా మూడు స్థాయిలు ఉంటాయి. సరైన ప్రణాళికతో ముందుకెళితే ఇంటర్మీడియెట్‌ సీఈసీ తర్వాత మూడేళ్లలోనే సీఎస్‌ కోర్సును పూర్తిచేసుకోవచ్చు. కోర్సు పూర్తయ్యాక సీఈఓలు, ఎండీలకు సలహాలిచ్చే కంపెనీ సెక్రటరీగా అవకాశాలు దక్కించుకోవచ్చు. దాంతోపాటు అనుభవం, నైపుణ్యాల ఆధారంగా లీగల్‌ అడ్వైజర్, కార్పొరేట్‌ పాలసీ మేకర్, కార్పొరేట్‌ ప్లానర్, చీఫ్‌ అడ్మినిస్ట్రేటివ్‌ ఆఫీసర్‌ వంటి ఉన్నత స్థాయి ఉద్యోగాలు సొంతం చేసుకోవచ్చు.  ఇంటిగ్రేటెడ్‌ లా: కామర్స్‌ అభ్యర్థులు ఇంటర్మీడియట్‌ తర్వాత ఐదేళ్ల కాలపరిమితి గల ఇంటిగ్రేటెడ్‌ లా కోర్సులో చేరవచ్చు. జాతీయ స్థాయిలోని ప్రముఖ లా స్కూల్స్‌ బీఏ ఎల్‌ఎల్‌బీ, బీకామ్‌ ఎల్‌ఎల్‌బీ, బీఎస్సీ ఎల్‌ఎల్‌బీ వంటి కోర్సులను అందిస్తున్నాయి. వీటిల్లో ఇంటర్మీయెట్‌ తర్వాత క్లాట్‌లో ర్యాంకు ద్వారా ప్రవేశం లభిస్తుంది. న్యాయ విద్యలో.. కార్పొరేట్‌ లా, ట్యాక్స్‌ లా/సివిల్, క్రిమినల్‌ లా/బిజినెస్‌ అండ్‌ లేబర్‌ లా వంటి స్పెషలైజేషన్లు అందుబాటులో ఉన్నాయి.

‘‘వినోదాత్మకంగా తెరకెక్కిన చిత్రం ‘క్రేజీ అంకుల్స్‌’. కరోనా సమయంలో ఇలాంటి ఎంటర్‌టైన్‌మెంట్‌ మూవీ రాలేదు కాబట్టి మా చిత్రం అందరికీ నచ్చేలా ఉంటుంది. ప్రేక్షకులు రెండు గంటల పాటు హాయిగా నవ్వుకుంటారు’’ అని నటుడు రాజా రవీంద్ర అన్నారు. శ్రీముఖి, రాజా రవీంద్ర, మనో, భరణి ప్రధాన పాత్రల్లో నటించిన చిత్రం ‘క్రేజీ అంకుల్స్‌’. ఇ. సత్తిబాబు దర్శకత్వం వహించారు. గుడ్‌ సినిమా గ్రూప్స్, గ్రీన్‌ మెట్రో మూవీస్, శ్రీవాస్‌ 2 క్రియేటివ్స్‌ నిర్మించిన ఈ సినిమా ఈ నెల 19న  విడుదలవుతోంది. ఈ సందర్భంగా రాజా రవీంద్ర మాట్లాడుతూ– ‘‘జీవితంలో ఎలాంటి ఒత్తిడి లేకపోతేనే పిచ్చి ఆలోచనలు వస్తుంటాయి. అలాంటి ఓ పాయింట్‌ను వినోదాత్మకంగా చెప్పాం. ఈ సినిమాలో నా పాత్ర పేరు రాజు. రియల్‌ ఎస్టేట్‌ వ్యాపారం చేస్తుంటాను. యాభై ఏళ్లు దాటిన రాజుని మనవళ్లు, మనవరాళ్లు వచ్చిన తర్వాత భార్య సరిగ్గా పట్టించుకోదు. ఆ సమయంలో సోషల్‌ మీడియాలో అమ్మాయితో చాటింగ్‌ చేస్తాడు. ఓ చిన్న తప్పు కారణంగా ఎలాంటి సమస్యలొచ్చాయి? అనేదే కథ. విలన్‌ పాత్రలు చేయడం ఈజీ. కానీ కామెడీ చాలా కష్టం.. సరైన టైమింగ్‌ ఉండాలి. చిరంజీవిగారి ‘ఆచార్య’లో మంచి పాత్ర చేశాను. రవితేజ ‘రామారావు ఆన్‌ డ్యూటీ’, ‘రోజ్‌ విల్లా’తో పాటు సోహైల్‌ హీరోగా నటిస్తున్న సినిమాలోనూ నటిస్తున్నాను. నాకు సినిమా అంటే పిచ్చి. ఒకవేళ ఆర్టిస్టుగా అవకాశాలు రాకపోతే టీ, కాఫీలు ఇచ్చుకుంటూ ఇండస్ట్రీలోనే ఉండిపోతా’’ అన్నారు. 

ప్రపంచ క్రీడా వేదిక టోక్యో ఒలింపిక్స్‌లో మన క్రీడాకారులు చక్కటి ప్రతిభ చూపుతున్నారు. అంతర్జాతీయంగా పలు అంశాల్లో ముందు వరుసలో నిలుస్తున్నారు. అయినప్పటికీ నేటికీ చాలామంది తల్లిదండ్రులు ఆటలతో కెరీర్‌ కష్టమనుకుంటారు. అందుకే పిల్లలను ఇంజనీరింగ్, మెడిసిన్, సీఏ వంటి కోర్సుల వైపు పోత్సహించినట్టుగా.. క్రీడల వైపు ప్రోత్సహించడం లేదు. వాస్తవానికి ప్రతిభ ఉంటే.. స్పోర్ట్స్‌ రంగంలోనూ అద్భుతమైన కెరీర్‌ సొంతం చేసుకునే అవకాశం ఉంది. దేశంలో స్పోర్ట్స్‌ కోర్సులను అందించేందుకు ప్రత్యేకంగా ‘నేషనల్‌ స్పోర్ట్స్‌ యూనివర్సిటీ(ఇంపాల్‌)’ని∙ఏర్పాటు చేశారు. దీంతోపాటు మరెన్నో పబ్లిక్‌ ఇన్‌స్టిట్యూట్స్, స్పోర్ట్స్‌ కాలేజీలు పలు కోర్సులు అందిస్తున్నాయి. ఈ నేపథ్యంలో.. దేశంలో స్పోర్ట్స్‌ కోర్సులు, కెరీర్‌ అవకాశాలపై ప్రత్యేక కథనం...  మన యువత జాతీయ, అంతర్జాతీయ పోటీల్లో రాణిస్తూ.. క్రీడలను కూడా కెరీర్‌గా మలచుకోవచ్చని నిరూపిస్తోంది. పలువురు స్పోర్ట్స్‌తో పేరు ప్రఖ్యాతులతోపాటు, ప్రభుత్వ ఉద్యోగాలు సైతం సొంతం చేసుకుంటున్నారు. దేశంలో క్రికెట్‌కు ఉన్న క్రేజ్‌ అంతాఇంతా కాదు. క్రికెట్‌ ఒక్కటే కాదు.. హాకీ, బ్యాడ్మింటన్, వాలీబాల్, ఫుట్‌బాల్, బాస్కెట్‌బాల్, బాక్సింగ్, జిమ్నాస్టిక్స్, టేబుల్‌ టెన్నిస్, రెజ్లింగ్, సైక్లింగ్, చెస్, అథ్లెటిక్స్, కబడ్డీ వంటి క్రీడలపైనా ఆసక్తి ఎక్కువే. ఆయా క్రీడాకారులకు అంతర్జాతీయంగా అద్భుతమైన గుర్తింపు లభిస్తోంది. సచిన్‌ టెండూల్కర్, ఎంఎస్‌ ధోని, కోహ్లీ, సానియా మీర్జా, పీవీ సింధు, అభినవ్‌ బింద్రా, సుశీల్‌ కుమార్, విశ్వనాథ్‌ ఆనంద్, మేరీకోమ్‌ వంటి వారే అందుకు నిదర్శనం.  ప్రభుత్వ, ప్రైవేటు రంగాలు క్రీడాకారుడిగా రాణించాలంటే.. ఎంచుకున్న క్రీడలో ప్రతిభతోపాటు బలమైన సంకల్పం, పట్టుదల చాలా అవసరం. ⇔ ఒక వయసు దాటాక స్పోర్ట్స్‌ కెరీర్‌ ముగిసినట్టే అనుకుంటే పొరపాటే. ఎందుకంటే.. క్రీడాకారుడిగా కెరీర్‌ ముగిసిన తర్వాత కూడా అద్భుతమై రెండో ఇన్నింగ్స్‌ మొదలుపెట్టవచ్చు. ముఖ్యంగా స్పోర్ట్స్‌ కోచింగ్, అథ్లెటిక్‌ అడ్మినిస్ట్రేషన్, స్పోర్ట్స్‌ మెడిసిన్, స్పోర్ట్స్‌ ప్రమోషన్, స్పోర్ట్స్‌ సెకాలజీ, స్పోర్ట్స్‌ మార్కెటింగ్‌ వంటి అనుబంధ రంగాల్లో ప్రవేశించవచ్చు.  ⇔ స్పోర్ట్స్‌ ప్లేయర్, స్పోర్ట్స్‌ టీచర్, స్పోర్ట్స్‌ సైకాలజిస్ట్, స్పోర్ట్స్‌ జర్నలిస్ట్, స్పోర్ట్స్‌ కోచ్‌ అండ్‌ ఇన్‌స్ట్రక్టర్, స్పోర్ట్స్‌ వ్యాఖ్యాత, స్పోర్ట్స్‌ ఫొటోగ్రాఫర్, పర్సనల్‌ ట్రైనర్, ప్రొఫెషనల్‌ అథ్లెట్, ఫిజికల్‌ ఎడ్యుకేషన్‌ టీచర్, హెల్త్‌ అడ్వైజ్‌ ఆఫీసర్‌ వంటి విభాగాల్లో రాణించవచ్చు.  ⇔ స్కూల్‌ స్థాయిలో క్రీడల్లో ప్రతిభ చూపినవారికి ‘స్పోర్ట్స్‌ అథారిటీ ఆఫ్‌ ఇండియా’ ఆధ్వర్యంలోని వివిధ స్పోర్ట్స్‌ సంస్థలు, అకాడమీలు శిక్షణనిస్తున్నాయి. చురుకైన యువతకు చక్కటి శిక్షణ ఇచ్చి.. ప్రతిభావంతులైన క్రీడాకారులుగా తీర్చిదిద్దుతున్నారు.  డిప్లొమా నుంచి పీహెచ్‌డీ వరకూ క్రీడలకు సంబంధించి డిప్లొమా నుంచి పీహెచ్‌డీ వరకు పలు స్థాయిల్లో కోర్సులు అందుబాటులో ఉన్నాయి. ముఖ్యంగా » బీఎస్సీ–స్పోర్ట్స్‌ కోచింగ్‌ » బ్యాచిలర్‌ ఆఫ్‌ ఫిజికల్‌ ఎడ్యుకేషన్‌ అండ్‌ స్పోర్ట్స్‌(బీపీఈఎస్‌) » ఎంఎస్సీ స్పోర్ట్స్‌ కోచింగ్‌(రెండేళ్లు) » ఎంఏ స్పోర్ట్స్‌ సైకాలజీ(రెండేళ్లు) » ఎంఏ/ఎంఎస్సీ స్పోర్ట్స్‌ సైకాలజీ, ఎంపీటీ స్పోర్ట్స్‌ సైకోథెరఫీ, ఎంఎస్సీ/ఎంఫీల్‌/పీహెచ్‌డీ స్పోర్ట్స్‌ సైకాలజీ తదితర కోర్సుల్లో చేరే అవకాశముంది.  ప్రవేశం–అర్హతలు స్పోర్ట్స్‌ కోర్సుల్లో ప్రవేశానికి పలు అర్హతలు నిర్దేశించారు. ఇంటర్మీడియెట్‌ పూర్తి చేసి, సంపూర్ణ శారీరక ఆరోగ్యంతో ఉన్నవారు అండర్‌ గ్రాడ్యుయేషన్‌ స్థాయి కోర్సుల్లో చేరవచ్చు. యూజీ కోర్సులు పూర్తిచేసినవారు పీజీ కోర్సులకు వెళ్లవచ్చు. ఎంబీబీఎస్‌ తర్వాత స్పోర్ట్స్‌ మెడిసిన్‌లో డిప్లొమా/పీజీ డిప్లొమా చేయవచ్చు. అభ్యర్థుల అకడెమిక్‌ మెరిట్‌ ,టెస్టులు, క్రీడా ప్రతిభ ఆధారంగా ఆయా కోర్సుల్లో ప్రవేశాలు చేపడతారు.  పలు స్పోర్ట్స్‌ ఇన్‌స్టిట్యూట్‌లు ⇔ నేషనల్‌ స్పోర్ట్స్‌ యూనివర్సిటీ (ఇంపాల్‌); ⇔ నేషనల్‌ ఇన్‌స్టిట్యూట్‌ ఆఫ్‌ స్పోర్ట్స్‌(పటియాలా);  ⇔ఇందిరాగాంధీ ఇన్‌స్టిట్యూట్‌ ఆఫ్‌ ఫిజికల్‌ ఎడ్యుకేషన్‌ అండ్‌ స్పోర్ట్స్‌ సైన్స్‌ (న్యూఢిల్లీ); ⇔లక్ష్మీబాయి నేషనల్‌ ఇన్‌స్టిట్యూట్‌ ఆఫ్‌ ఫిజికల్‌ ఎడ్యుకేషన్‌ (గ్వాలియర్‌); ⇔లక్ష్మీబాయి నేషనల్‌ కాలేజ్‌ ఫర్‌ ఫిజికల్‌ ఎడ్యుకేషన్‌ (తిరువనంతపురం); ⇔టాటా ఫుట్‌బాల్‌ అకాడమీ (జంషెడ్‌పూర్‌); ⇔ నేషనల్‌ క్రికెట్‌ అకాడమీ (బెంగళూరు); ⇔ ఢిల్లీ యూనివర్సిటీ. నేషనల్‌ స్పోర్ట్స్‌ యూనివర్సిటీ మణిపూర్‌ రాజధాని ఇంపాల్‌లో ఏర్పాటు చేసిన ‘నేషనల్‌ స్పోర్ట్స్‌ యూనివర్సిటీ’ పలు కోర్సుల్లో ప్రవేశాలకు నోటిఫికేషన్‌ విడుదల చేసింది. కేంద్రంలోని యువజన, క్రీడా మంత్రిత్వ శాఖ ఆధ్వర్యంలోని సెంట్రల్‌ యూనివర్సిటీ ఇది. ఈ వర్సిటీ 2021–22 విద్యా సంవత్సరానికి వివిధ యూజీ/పీజీ కోర్సుల్లో ప్రవేశాలకు దరఖాస్తు కోరుతోంది.  ► బీఎస్సీ–స్పోర్ట్స్‌ కోచింగ్‌: నాలుగేళ్ల కాలపరిమితి గల బీఎస్సీ స్పోర్ట్స్‌ కోచింగ్‌ కోర్సులో ఆర్చరీ, అథ్లెటిక్స్, బ్యాడ్మింటన్, బాక్సింగ్, ఫుట్‌బాల్, హాకీ, షూటింగ్, స్విమ్మింగ్, వెయిట్‌ లిఫ్టింగ్‌ స్పెషలైజేషన్లు ఉన్నాయి. ఇంటర్మీడియెట్‌/తత్సమాన ఉత్తీర్ణులై ఉండాలి. ఇంటర్నెట్‌ బేస్డ్‌ ప్రోక్టర్డ్‌ టెస్ట్‌కు 50 శాతం, అభ్యర్థి క్రీడా ప్రతిభకు మరో 50 శాతం మార్కుల ఆధారంగా ప్రవేశం కల్పిస్తారు.  ► బ్యాచిలర్‌ ఆఫ్‌ ఫిజికల్‌ ఎడ్యుకేషన్‌ అండ్‌ స్పోర్ట్స్‌(బీపీఈఎస్‌): బీపీఈఎస్‌ కోర్సు కాలపరిమితి మూడేళ్లు. ఇంటర్మీడియెట్‌(10+2)లేదా తత్సమాన ఉత్తీర్ణత తప్పనిసరి. ఇంటర్నెట్‌ బేస్డ్‌ ప్రోక్టర్డ్‌ టెస్ట్‌లో 70 శాతం, క్రీడల్లో చూపిన ప్రతిభకు 30 శాతం వెయిటేజీ ఆధారంగా ప్రవేశం కల్పిస్తారు.  ► ఎంఎస్సీ స్పోర్ట్స్‌ కోచింగ్‌(రెండేళ్లు): బీఎస్సీ స్పోర్ట్స్‌ కోచింగ్‌/గ్రాడ్యుయేషన్‌ విత్‌ డిప్లొమా ఇన్‌ స్పోర్ట్స్‌ కోచింగ్, బీపీఈఎస్‌ విత్‌ డిప్లొమా ఇన్‌ స్పోర్ట్స్‌ కోచింగ్‌/ బీపీఈడీ లేదా తత్సమాన కోర్సుల్లో 50 శాతం మార్కులు తప్పనిసరి. ఇంటర్నెట్‌ బేస్డ్‌ ప్రోక్టర్డ్‌ టెస్ట్‌కు 100 మార్కులు, క్రీడా ప్రతిభకు 30 మార్కులు, వైవాకు 20 మార్కుల ఆధారంగా ప్రవేశం కల్పిస్తారు.  ► ఎంఏ స్పోర్ట్స్‌ సైకాలజీ(రెండేళ్లు): ఈ కోర్సులో ప్రవేశానికి అభ్యర్థి బీపీఈఎస్‌/ బీపీఈడీ/బీఏ(హానర్స్‌), బీఏ సైకాలజీ/స్పోర్ట్స్‌ సైకాలజీలో 50 మార్కులు తప్పనిసరి. ఇంటర్నెట్‌ బేస్డ్‌ ప్రోక్టర్డ్‌ టెస్ట్‌కు 100 మార్కులు,  వైవాకు 30 మార్కులు, క్రీడా ప్రతిభకు 20 మార్కుల వెయిటేజీ ఆధారంగా ప్రవేశం కల్పిస్తారు.  ముఖ్య సమాచారం ► ఎన్‌ఎస్‌యూ ఆన్‌లైన్‌ దరఖాస్తుకు చివరి తేదీ: 17 ఆగస్టు 2021 ► ఆన్‌లైన్‌ ఎంట్రన్స్‌ టెస్ట్‌: 10 సెప్టెంబర్‌ 2021 ► ఫిజికల్‌ ఫిట్‌నెస్, గేమ్‌ ప్రొఫిషియన్సీ టెస్ట్‌: సెప్టెంబర్‌ 22–24 ► పూర్తి వివరాలకు వెబ్‌సైట్‌: www.nsu.ac.in స్సోర్ట్స్‌ సైకాలజీకి క్రేజ్‌ క్రీడాకారుల్లో మానసిక ఒత్తిడిని తగ్గించేందుకు స్పోర్ట్స్‌ సైకాలజిస్టుల అవసరం ఎక్కువగా ఉంటుంది. ప్రస్తుతం మన దేశంలో సుశిక్షుతులైన స్పోర్ట్స్‌ సైకాలజిస్టులు కొరత నెలకొంది. దాంతో మన దేశ క్రీడా సంఘాలు అమెరికా,ఆస్ట్రేలియాకు చెందిన స్పోర్ట్స్‌ సైకాలజిస్టులను నియమించుకుంటున్నాయి. ప్రస్తుతం దేశంలో దాదాపు అన్ని యూనివర్సిటీలు ఎంఏ,ఎంఎస్సీ సైకాలజీ కోర్సులు అందిస్తున్నా.. స్పోర్ట్స్‌ సైకాలజీ కోర్సు మాత్రం చాలా తక్కువ యూనివర్సిటీల్లో ఉంది.వాటిలో చెప్పుకోదగ్గవి..  ►గురునానక్‌దేవ్‌ యూనివర్సిటీ(అమృత్‌సర్‌): ఎంఏ/ఎంఎస్సీ స్పోర్ట్స్‌ సైకాలజీ, ఎంపీటీ స్పోర్ట్స్‌ సైకోథెరఫీ.  ►తమిళనాడు ఫిజికల్‌ ఎడ్యుకేషన్‌ అండ్‌ స్పోర్ట్స్‌ యూనివర్సిటీ(చెన్నై): ఎంఎస్సీ/ ఎంఫిల్‌/ పీహెచ్‌డీ స్పోర్ట్స్‌ సైకాలజీ. ► రాజస్థాన్‌ సెంట్రల్‌ యూనివర్సిటీ:   ఎంఏ/ఎంఎస్సీ స్పోర్ట్స్‌ సైకాలజీ.  ►లక్ష్మీబాయి నేషనల్‌ ఇన్‌స్టిట్యూట్‌ ఆఫ్‌ ఫిజికల్‌ ఎడ్యుకేషన్‌(గ్వాలియర్‌):ఎంఏ స్పోర్ట్స్‌ సైకాలజీ.  

సైకో లవర్‌లా ప్రేమించిన అమ్మాయిని వేధించినా... కుటుంబం కోసం ప్రేమను త్యాగం చేసే ప్రియుడిగా కనిపించినా వెండితెర మెప్పు పొందడం అతనికే చెల్లించింది. రాజ్‌ మేరా నామ్‌ అంటూ రోమాంటిక్‌ హీరోగా అంతులేని పాపులిటీ సొంతం చేసుకున్నాడు. దీవానగా ప్రయాణం మొదలెట్టి ‘దిల్‌వాలే’గా ఎదిగి... డాన్‌గా, రా.వన్‌గా  కొత్త ఎత్తులకు చేరాడు. అసలు పేరు షారుఖ్‌ఖాన్‌ అయితే  బాలీవుడ్‌ బాద్షా, కింగ్‌ఖాన్‌ సర్వనామాలుగా మార్చుకున్నాడు. వెండితెరపై 29 ఏళ్లుగా ప్రేక్షకులను రంజిప చేస్తూ... ఈ  30వ ఏట పఠాన్‌గా మనల్ని అలరించబోతున్నాడు. 

‘ఏమాయ చేశావే’ సినిమాతో టాలీవుడ్‌లో ఎంట్రీ ఇచ్చి తెలుగు ప్రేక్షకులను సమంత మాయ చేసిందనే చెప్పాలి. సినీ పరిశ్రమలోకి ఎలాంటి బ్యాగ్‌ గ్రౌండ్‌, సపోర్ట్ లేకుండా  ఎంట్రీ ఇవ్వడమే కాకుండా హీరోయిన్‌ నుంచి స్టార్‌ హీరోయిన్‌ స్టేటస్‌ను సంపాదించింది ఈ చెన్నై బ్యూటీ. ప్రస్తుతం సౌత్‌లో తనకంటూ ప్రత్యేక గుర్తింపుతో పాటు ఫ్యాన్సును సంపాదించుకున్న సామ్‌ ఇటీవల వెబ్‌సిరీస్‌లోనూ అడుగు పెట్టి అక్కడ కూడా తన హవా కొనసాగిస్తోంది. తాజాగా ఒక ప్రముఖ ఆంగ్ల దినపత్రికకు ఇచ్చిన ఇంటర్వ్యూలో, సామ్ తన కెరీర్‌ ప్రారంభించి 11 సంవత్సరాలు కాగా అప్పటి నుంచి ఇప్పటి వరకు తనలో వచ్చిన మూడు ప్రధాన మార్పులను చెప్పుకొచ్చింది. సామ్‌ ఆ ఇంటర్వ్యూలో.. కెరీర్‌ పరంగా తాను చాలా అంటే చాలా కష్టపడి పనిచేసే వ్యక్తినని, అదే సమయంలో కాస్త అభ‌ద్ర‌తా భావం, అనేక స్వీయ సందేహాలు కూడా ఉన్నాయని వెల్లడించింది. నా సినీ కెరీర్‌లో ప్రారంభించి సంవత్సరాలు గడుస్తున్న కొద్ది వాటిని అధిగమించడం నేర్చుకుంటూ, అదే క్రమంంలో నా అభద్రతాభావాలను తగ్గించుకోవడమే గాక పెద్ద రిస్క్‌లు తీసుకుంటున్నట్లు తెలిపింది. ఇప్పుడు తనపై నమ్మకంగా ఉందని, ముందున్న భయాలు, అభద్రతాభావాలను పక్కన పెట్టేసి, పెద్ద రిస్క్‌ల‌నైనా తీసుకోవ‌డం లాంటి మూడు ప్రధాన మార్పులు త‌న‌లో వ‌చ్చాయ‌ని సామ్‌ చెప్పుకొచ్చింది.

ప్రస్తుత ప్రపంచంలో మనం ఏరంగంలోనైనా రాణించాలంటే కొత్తదనాన్ని కచ్చితంగా ఆహ్వానించాలని అంటోంది అందాల భామ హెబ్బా పటేల్‌.  కెరీర్‌ మొదట్లో నటించిన ‘కుమారి 21 ఎఫ్‌’ సినిమాతో తన అందం, నటనతో యువతను కట్టిపడేసిన హెబ్బా గత కొన్నాళ్లుగా కాస్త వెనుకపడింది. నితిని ‘భీష్మ’లో అలా తళుక్కున మెరిసి, రామ్‌ ’రెడ్‌’ చిత్రంలో ఐటెమ్‌ పాత్రలో కనిపించడం మినహా పెద్దగా చెప్పకునే పాత్రలేమీ చేయలేదు. దీనికి గతంలో తను చేసిన తప్పులే కారణమని చెప్పుకొచ్చింది. ఇక ఈ అమ్మడు ఆరంభంలో కుమారి 21 ఎఫ్‌ , ఈడోరకం ఆడోరకం, ఎక్కడికి పోతావు చిన్నవాడా.. చిత్రాలతో మంచి విజయాల్ని అందుకున్నప్పటికీ అనంతరం సినిమాల ఎంపికలో కొన్ని తప్పులు చేయడంతో కెరీర్‌ పరంగా వెనకబడింది. “24 కిస్సెస్‌’ సినిమా తర్వాత అతిథి పాత్రలు, ప్రత్యేక గీతాల్లో మాత్రమే కనిపించింది. అయితే ఒకానొక సమయంలో తన కెరీర్‌ గురించి భయమేసిందంటోంది హెబ్బా పటేల్‌. కానీ లాక్‌డౌన్‌ విరామ సమయంలో కెరీర్‌లో చేసిన తప్పుల్ని సమీక్షించుకున్నానని, ఇకపై కథల ఎంపిక విషయంలో ఆలోచించి నిర్ణయం తీసుకోనున్నట్లు​ తెలిపింది. ప్రస్తుతం నాలుగు సినిమాల్లో నటిస్తూ బిజీగా ఉన్నానని, భవిష్యత్తు ఆశాజనకంగా కనిపిస్తోందని ఆనందం వ్యక్తం చేసింది. ముఖ్యంగా ‘ఓదెల రైల్వేస్టేషన్‌’లో పోషిస్తున్న పల్లెటూరి అమ్మాయి పాత్ర ఎంతో సంతృప్తినిచ్చిందని అంటోంది ఈ ముద్దు గుమ్మ. ఇప్పుడ తను కోరుకున్న పాత్రలు లభిస్తున్నాయని తెలిపింది. చదవండి: న్యూస్‌ రీడర్‌గా రమా రాజమౌళి.. వీడియో వైరల్‌

సాక్షి,న్యూఢిల్లీ: కొంత విరామం తర్వాత మళ్లీ కెరియర్‌ ప్రారంభించాలనుకుంటున్న టెక్నాలజీ నిపుణుల కోసం ఐటీ దిగ్గజం కాగ్నిజెంట్‌  ’రిటర్న్‌షిప్‌ ప్రోగ్రాం’ ప్రారంభించింది. ఇది 12 వారాల పాటు ఉంటుంది. మారిన పరిస్థితులకు అనుగుణంగా ప్రతిభావంతులైన నిపుణులకు అవసరమైన శిక్షణ కల్పించడం, సలహాలివ్వడం, ఇతరత్రా అవసరమైన వనరులను సమకూర్చేందుకు ఈ ప్రోగ్రాం దోహదపడుతుందని కాగ్నిజెంట్‌ ఇండియా సీఎండీ రాజేష్‌ నంబియార్‌ తెలిపారు. మళ్లీ ఉద్యోగాల్లో చేరాలనుకునే ప్రొఫెషనల్స్‌లో చాలామంది మహిళలు కూడా ఉంటున్నారని, తొలి బ్యాచ్‌లో ఇంజినీరింగ్‌  మేనేజ్‌మెంట్‌ విధులపై ఆసక్తి ఉన్న వారికి చోటు కల్పిస్తున్నామని ఆయన పేర్కొన్నారు.  (సుప్రీం తీర్పు నిరాశపర్చింది : సైరస్‌ మిస్త్రీ )

నేను ప్రస్తుతం ఐటీలో జాబ్‌ చేస్తున్నాను. నాకు ఎంబీఏ చేయాలనుంది. ఏం చేయాలో చెప్పండి?                                                                                                                                      –నగేశ్‌ చాలామంది టెక్నికల్‌ కోర్సుల విద్యార్థులు తమకు ఉన్నత చదువులు చదవాలని ఉన్నా.. క్యాంపస్‌ ఎంపికల్లో ఆఫర్‌ రావడంతో అందులో చేరిపోతున్నారు. మంచి వేతనంతో పాటు సౌకర్యాలు అందిస్తుండటంతో అదే జాబ్‌లో కొనసాగుతుంటారు. కానీ కొంతకాలానికి ఉన్నత విద్య కోర్సు చదువుదాం అనే ఆలోచన మొదలవుతుంది. ఇప్పుడు చేస్తున్న జాబ్‌ను వదిలి మళ్లీ కోర్సులో చేరాలంటే.. కుటుంబం నుంచి మద్దతు లభించదు. చేతిలో ఉన్న ఉద్యోగం వదిలేయడం సరైన నిర్ణయం కాదని సన్నిహితులు సూచిస్తుంటారు. ఇవన్నీ సర్వ సాధారణమే! మీరు ఐటీ ప్రొఫెషన్‌లో ఉన్నారు. ఇంజనీరింగ్‌ నేపథ్యంతో సాఫ్ట్‌వేర్‌ జాబ్‌లో చేరి ఉంటే.. ఐదారేళ్ల అనుభవం తర్వాత మరింత ఉన్నత స్థాయికి వెళ్లేందుకు ఎంబీఏ ఉపయోగపడుతుంది. కాబట్టి మీకు ఐటీ జాబ్‌లో ఐదేళ్లు ఎక్స్‌పీరియన్స్‌ ఉన్నట్టయితే.. ఎంబీఏ చేయాలన్న మీ ఆలోచన సరైనదే. దీనిద్వారా మీరు కెరీర్‌లో మేనేజ్‌మెంట్‌ విభాగంలోకి ప్రవేశించవచ్చు. ప్రస్తుతం కొనసాగుతున్న కెరీర్‌లో మరింత ఉన్నతంగా ఎదిగేందుకు అవకాశం ఉంటుంది.  వాస్తవానికి చాలామంది ఇంజనీరింగ్‌ పూర్తికాగానే ఎంబీఏలో చేరిపోతున్నారు. నిపుణుల అభిప్రాయం ప్రకారం–బీటెక్‌ పూర్తికాగానే ఎంబీఏలో చేరడం వల్ల తమకు ఏ స్పెషలైజేషన్‌ నచ్చుతుందో సరిగా అంచనా వేయలేరు. దానివల్ల ఎంబీఏ చేసిన రెండేళ్ల కాలం నష్టపోతున్నారు. మరోవైపు ఎంతో విలువైన ఉద్యోగ అనుభవం అవకాశం కూడా కోల్పోతున్నారు.  మేనేజ్‌మెంట్‌ కోర్సుల్లో రెగ్యులర్‌ ఎంబీఏ, పీజీడీపీఎం, పీజీడీఎం వంటివి అందుబాటులో ఉన్నాయి. ఇవి ఫుల్‌టైమ్‌ టైమ్‌ కోర్సులు. వీటిని తప్పనిసరిగా విద్యా సంస్థకు వెళ్లి చదవాల్సిందే. అదేవిధంగా ఉద్యోగం చేస్తున్న వారికి అనువుగా ఎగ్జిక్యూటివ్‌ ఎంబీఏ అందుబాటులో ఉంది. ఇప్పటివరకు సాఫ్ట్‌వేర్‌ ఉద్యోగిగా అనుభవం పొందిన వారు ఎంబీఏతో మేనేజ్‌మెంట్‌ విభాగంలో ఎదగడానికి అవకాశం ఉంటుంది.  ఐటీ ప్రొఫెషన్స్‌లో ఉన్నవారికి అనువైన ఎంబీఏ స్పెషలైజేషన్స్‌.. ఎంబీఏ–ఐటీ లేదా టెక్నాలజీ మేనేజ్‌మెంట్‌ » ఎంబీఏ–ప్రాజెక్ట్‌ మేనేజ్‌మెంట్‌ » ఎంబీఏ–బిజినెస్‌ ప్రాసెస్‌ మేనేజ్‌మెంట్‌ » ఎంబీఏ–ఎంటర్‌ప్రెన్యూర్‌షిప్‌ మేనేజ్‌మెంట్, ఎంబీఏ–స్ట్రాటజీ మేనేజ్‌మెంట్‌ » ఎంబీఏ–కన్సల్టింగ్‌ మేనేజ్‌మెంట్,–ఎంబీఏ–ఫైనాన్స్‌ లీడర్‌షిప్‌ » ఎంబీఏ–ఆపరేషన్స్‌ మేనేజ్‌మెంట్‌ » ఎంబీఏ–ఇంటర్నేషనల్‌ బిజినెస్‌ మేనేజ్‌మెంట్‌. ఇలాంటి స్పెషలైజేషన్స్‌ను ఎంచుకోవచ్చు. 

ఇంటర్‌ పూర్తయిందా.. వెంటనే ఐటీ కొలువులో చేరాలనుందా.. కానీ,  ఉన్నత విద్య కూడా కొనసాగించాలనుకుంటున్నారా ?! మీలాంటి విద్యార్థులకు సరితూగే కొలువుల కోర్సే.. హెచ్‌సీఎల్‌ అందిస్తున్న టెక్‌బీ ఎర్లీ కెరియర్‌ ప్రోగ్రామ్‌. ఇందులో చేరితే అనుభవంతోపాటు కొలువూ సొంతమవుతుంది. ఉద్యోగం చేస్తూనే డిగ్రీ పట్టా అందుకునే అవకాశం కూడా ఉంటుంది. తాజాగా టెక్‌బీ కోర్సులో ప్రవేశాలకు  దరఖాస్తుల ప్రక్రియ ప్రారంభమైంది. ఈ నేపథ్యంలో.. సదరు కోర్సు ప్రత్యేకత, దరఖాస్తుకు కావాల్సిన అర్హతలు, ఎంపిక ప్ర్రక్రియ తదితరాల గురించి పూర్తి సమాచారం.. హెచ్‌సీఎల్‌ టెక్నాలజీస్‌ లిమిటెడ్‌.. గ్రాడ్యుయేట్లు, ఇంటర్‌ విద్యార్థులకు ఉపయో గపడేలా పలు ప్రోగ్రామ్స్‌ను అందిస్తోంది. తాజాగా హెచ్‌సీఎల్‌ ఐటీ ఇంజనీర్‌ కోర్సుకు నోటిఫికేషన్‌ విడుదలైంది. హెచ్‌సీఎల్‌ టెక్‌బీ.. ఇంటర్‌ పూర్తయిన వెంటనే ఫుల్‌టైమ్‌ జాబ్‌ చేయాలనుకొనే అభ్యర్థుల కోసం రూపకల్పన చేసిన ప్రోగ్రామ్‌. హెచ్‌సీఎల్‌లో ఎంట్రీ లెవల్‌ కొలువుల భర్తీకి అవసరమైన నైపుణ్యాలపై అభ్యర్థులకు 12 నెలల శిక్షణ ఇస్తారు. శిక్షణ పూర్తి చేసుకున్న అభ్యర్థులకు హెచ్‌సీఎల్‌లో ఫుల్‌ టైమ్‌ ఉద్యోగ అవకాశం కల్పిస్తారు. ఈ సమయంలో ఉద్యోగం చేస్తూనే అభ్యర్థులు బిట్స్‌–పిలానీ, సస్త్ర యూనివర్సిటీ ద్వారా ఉన్నత విద్యను అభ్యసించొచ్చు. టెక్‌బీ ప్రోగ్రామ్‌కు ఎంపికైన విద్యార్థులకు శిక్షణ కాలంలో నెలకు రూ.10000 స్టైపెండ్‌ చెల్లిస్తారు. అనంతరం పూర్తిస్థాయి ఉద్యోగులుగా నియమితులైన తర్వాత రూ.2లక్షల–2.20 లక్షల వార్షిక వేతనం అందుతుంది.  అర్హత ► 2019, 2020లో ఇంటర్‌ పూర్తి చేసుకున్న విద్యార్థినీ, విద్యార్థులు దరఖాస్తుకు అర్హులు. అలాగే 2021లో ఇంటర్‌ పూర్తి చేసుకోనున్న/ఫలితాల కోసం ఎదురుచూస్తున్న విద్యార్థులు సైతం దరఖాస్తు చేసుకోవచ్చు.  ► అభ్యర్థి ఇంటర్‌లో మ్యాథమెటిక్స్‌ లేదా బిజినెస్‌ మ్యాథమెటిక్స్‌ను చదివుండాలి.  ఫీజు ► ప్రోగ్రామ్‌ ఫీజు ట్యాక్స్‌లతో కలిపి రూ.2.20 లక్షల వరకు ఉంటుంది.  ► అభ్యర్థులకు బ్యాంకు రుణ సదుపాయం కల్పిస్తారు.  ► విద్యార్థులకు ఇబ్బంది తలెత్తకుండా ఆర్థిక ప్రోత్సాహం అందిస్తారు.  ► శిక్షణ సమయంలో 90 శాతం కంటే ఎక్కువ మార్కులు∙పొందిన వారికి 100 శాతం ఫీజు మాఫీ చేస్తారు. అలాగే 85–90 శాతం మార్కులు పొందిన వారికి 50 శాతం ఫీజు మాఫీ చేస్తారు.  శిక్షణ ► హెచ్‌సీఎల్‌ టెక్‌బీ ప్రోగ్రామ్‌.. అభ్యర్థులను హెచ్‌సీఎల్‌ ప్రాజెక్ట్స్‌పై పనిచేసేందుకు సన్నద్ధులను చేస్తుంది. ► ఫౌండేషన్‌ ట్రైనింగ్‌లో భాగంగా.. ప్రొఫెషనల్‌ ఐటీ ఉద్యోగిగా మారేందుకు అవసరమైన ఐటీ ఫండమెంటల్స్‌ను బోధిస్తారు.  ► అభ్యర్థులకు కంపెనీ లెర్నింగ్‌ మేనేజ్‌మెంట్‌ సిస్టమ్‌ యాక్సెస్‌ లభిస్తుంది. ఇందులో కంపెనీ విధులకు సంబంధించిన చర్చలు, ఆన్‌లైన్‌ అసెస్‌మెంట్లు, అసైన్‌మెంట్స్, కేస్‌ బేస్డ్‌ సబ్‌మిషన్స్‌ ఉంటాయి.  అభ్యర్థులు టెక్నాలజీ సర్వీసెస్‌కు సంబంధించిన ఐటీ సర్టిఫికెట్‌ పొందవచ్చు.  ఉద్యోగ వివరాలు ► శిక్షణను పూర్తి చేసకున్న అభ్యర్థులకు హెచ్‌సీఎల్‌లో ఫుల్‌ టైమ్‌ ఉద్యోగిగా అవకాశం కల్పిస్తారు. ► ఆఫర్‌ అందుకున్నవారు దేశంలోని హెచ్‌సీఎల్‌ క్యాంపస్‌ల్లో అప్లికేషన్‌ అండ్‌ సాఫ్ట్‌వేర్‌ డెవలప్‌మెంట్, ఇన్‌ఫ్రాస్ట్రక్చర్‌ మేనేజ్‌మెంట్‌ సపోర్ట్, డిజైన్‌ ఇంజనీర్‌ విభాగాల్లో విధులు నిర్వర్తించాల్సి ఉంటుంది. ► హెచ్‌సీఎల్‌ హెల్త్‌కేర్‌ బెనిఫిట్స్, మెడికల్‌ ఇన్సూరెన్స్, ఫ్యామిలీ ఇన్సూరెన్స్, హెల్త్‌ చెకప్స్‌ తదితర సౌకర్యాలు ఉంటాయి.  ► బెనిఫిట్‌ బాక్స్‌ ప్రోగ్రామ్‌ కింద డిస్కౌంట్స్, ఇతర ఆఫర్స్‌ను అందుకోవచ్చు.  ఉన్నత విద్య ► కెరీర్‌ రూపకల్పనలో విద్యది కీలకపాత్ర. దీన్ని గుర్తించిన హెచ్‌సీఎల్‌.. బిట్స్‌ పిలానీ, సస్త్రా యూనివర్సిటీ భాగస్వామ్యంతో టెక్‌బీ స్కాలర్స్‌కు ప్రత్యేక ఉన్నత విద్యా ప్రోగ్రామ్స్‌ను ఆఫర్‌చేస్తోంది.  బిట్స్, పిలానీ ► బిట్స్‌ పిలానీ సహకారంతో ఎంప్లాయిబిలిటీ ప్రోగ్రామ్స్‌ను అందిస్తోంది. వర్క్‌ ఇంటిగ్రేటెడ్‌ బీఎస్సీ ప్రోగ్రామ్‌ను హెచ్‌సీఎల్‌ సాంకేతిక అవసరాలకు అనుగుణంగా ప్రత్యేకంగా రూపొందించారు. ఈ కోర్సులకు సంబంధించిన తరగతులను హెచ్‌సీఎల్‌ క్యాంపస్‌లలో నిర్వహిస్తారు. ప్రోగ్రామ్స్‌కు సంబంధించిన ఫీజులో కొంత మొత్తాన్ని హెచ్‌సీఎల్‌ భరిస్తుంది. ఈ బీఎస్సీ ప్రోగ్రామ్‌ పూర్తి చేసుకున్న విద్యార్థులు ఉన్నత విద్యపై ఆసక్తి ఉంటే... ఇదే ఇన్‌స్టిట్యూట్‌లో ఎమ్మెస్సీ/ఎంటెక్‌ కోర్సుల్లో చేరే వీలుంది.  ► హెచ్‌సీఎల్‌ టెక్‌ బీ అభ్యర్థులు తంజావూర్‌లోని సస్త్ర డీమ్డ్‌ యూనివర్సిటీలో మూడేళ్ల బీసీఏలో చేరొచ్చు. ఈ కోర్సు పూర్తయ్యాక బిట్స్‌ పిలానీలో ఎమ్మెస్సీ/ఎంటెక్‌లో ప్రవేశం పొందే వీలుంది.  ► పూర్తి వివరాలకు వెబ్‌సైట్‌: https://www.hcltechbee.com 

పెద్దయ్యాక ఏమౌతావ్‌? పిల్లల్ని అడుగుతాం. వాళ్లకేం తెలుసు ఏమవ్వాలో?! ఏదో ఒకటి చెబుతారు. అవడానికి ఏమేం ఉన్నాయో.. ముందు మనం చెప్పాలి వాళ్లకు. శ్యామ్‌ చెబుతున్నాడు. యు కెన్‌ బి ఎనీ థింగ్‌’అంటూ.. పెద్దయ్యాక ఏమేం అవొచ్చో ‘ర్యాప్‌’ డ్యాన్స్‌తో చూపిస్తున్నాడు. శ్యామ్‌ని చూసి.. మిషెల్‌ ముగ్ధులైపోయారు.  శ్యామ్‌ వైట్‌కి ఆరేళ్లు. నల్లవాళ్లబ్బాయి. ర్యాప్‌తో సీన్‌లోకి వచ్చాడు! ‘ఆల్ఫాబెట్‌ ర్యాప్‌’ అని.. వాళ్ల డాడీ శ్యామ్‌ పాడి, ఆడిన ఆ వీడియోకి పేరు పెట్టాడు. ఆఫ్రికన్‌ స్టెయిల్‌లో చేతులు, తల ఆడిస్తూ ఎ ఫర్‌ ఆర్కిటెక్ట్, బి ఫర్‌ బయోకెమిస్ట్‌.. అని శ్యామ్‌ తీసిన దిద్దనక రాగాల ర్యాప్‌ను చూసి మిషల్‌ ఒబామా కూడా నవ్వును ఆపుకోలేకపోయారు! వాడి ఫీలింగ్స్, ఆ ఊగడం అది.  ‘‘నాకు తెలుసు. ఇవి ఒత్తిళ్లతో కూడిన కాలాలు. ఈ వీడియో నా ముఖంపై స్ట్రెస్‌ను పోగొట్టి నన్ను ఆహ్లాదపరిచింది. అందుకని మీకు షేర్‌ చేస్తున్నాను. మనమంతా మన కిడ్స్‌ కోసం ఒక్కక్షణం ఆగి ఆలోచించేలా చేస్తాడు శ్యామ్‌. భవిష్యత్తులో వాళ్లను ఎలా చూడాలని అనుకుంటున్నామో మనకో ఆలోచన ఉంటుంది. అయితే శ్యామ్‌ ‘ఎబిసి ర్యాప్‌’ వెర్షన్‌ వేరేలా ఉంది. తనేం అంటాడంటే.. ‘యు కెన్‌ బి ఎనీ థింగ్‌’ అంటాడు. అవును. పిల్లల్ని తమకు ఇష్టమైన కలను కనమని శ్యామ్‌ చెబుతున్నాడు’’ అని మిషెల్‌ సోషల్‌ మీడియాలో పోస్టు పెట్టారు.  శ్యామ్‌ కెమెరాను చూస్తూ నిలబడి పాడుతుంటాడు. తండ్రి బాబీ వైట్‌ కొడుకు వెనుక బల్ల ముందు కూర్చొని బీట్‌ ఇస్తుంటాడు. అదొక లయబద్ధమైన స్ఫూర్తి గీతం. రెండున్నర నిముషాల క్లిప్‌. ఇలా మొదలౌతుంది.  ముందు తండ్రి అతడిని అడుగుతాడు. పెద్దయ్యాక ఏమౌతావ్‌ అని. ఏమైనా అవ్వొచ్చు అంటాడు శ్యామ్‌! ‘అంటే?’ అని తండ్రి అడుగుతాడు. ఇక శ్యామ్‌ ప్రారంభిస్తాడు. యు కెన్‌ బి ఎ ‘ఎ’.. యు కెన్‌ బి యాన్‌ ఆర్కిటెక్ట్‌! క్యాచ్‌ ఎ బిల్డింగ్‌ టు కిస్‌ ద స్కై. (నువ్వు ఆర్కిటెక్ట్‌ అవొచ్చు. ఆకాశాన్ని కిస్‌ చెయ్చొచ్చు.) యు కెన్‌ బి ఎ ‘బి’. యు కెన్‌ బి ఎ బయోకెమిస్ట్‌. మేక్‌ మెడిసిన్స్‌.. సేవ్‌ లైవ్స్‌. (నువ్వు బయోకెమిస్ట్‌ కావొచ్చు. మందులు కనిపెట్టి, ప్రాణలను నిలపొచ్చు). యు కెన్‌ బి ఎ ‘సి’. కంప్యూటర్‌ సాఫ్ట్‌వేర్‌ డెవలపర్‌. (నువ్వు సాఫ్ట్‌వేర్‌ డెవలపర్‌ కావచ్చు. ప్రోగ్రామ్స్‌ రాయొచ్చు)... ఇలా ఎ టు జడ్‌.. ర్యాప్‌ సాగుతుంది. శ్యామ్‌ పాటకు, స్టెప్స్‌కి చక్కగా జోడీ కుదిరింది. కొరియోగ్రఫీ కూడా శ్యామ్‌దే! ఎ నుంచి జడ్‌ వరకు ఎలా చెప్పగలిగాడు అనిపిస్తుంది. కెమెరా వైపు చూస్తూ శ్యామ్‌ ర్యాప్‌ కొట్టడానికి టెలీ ప్రాంప్టరేం లేదు. గుర్తుపెట్టుకున్నాడు! ర్యాపింగ్‌ నైపుణ్యాలను మధ్యమధ్య కుమారుడికి కొంత అద్దాడు తండ్రి. ‘యు కెన్‌ బి ఎ ‘డి’. ఎ డెంటిస్ట్‌. బికాజ్‌ ఎవ్రీబడీ లవ్స్‌ టు స్మైల్‌ అన్నప్పుడు.. నవ్వినట్లుగా పెదవులను సాగదీయమని చెబుతాడు. ఇంగ్లిష్‌ ఆల్ఫాబెట్స్‌లో చివరికి వచ్చేసరికి ఎవరికైనా కొంచెం ప్రాబ్లమ్‌ ఉంటుంది. వీడియో చూస్తూ ఉన్నప్పుడు మనకూ అనిపిస్తుంది ఈ పిల్లాడు ఎక్స్, వై, జడ్‌లకు ఏం చెబుతాడో అని. జడ్‌ కి ‘జలస్‌లీ స్ట్రైవ్‌’ అంటాడు. అసూయతో రగిలిపోతూ కష్టపడి సాధించమని. ‘వై’కి యువర్‌ ఓన్‌ బాస్‌ అంటాడు. నువ్వే నీకు బాస్‌వి కమ్మని. ‘ఎక్స్‌’ ప్రత్యేకంగా చెప్పలేదు. సమ్‌ ‘ఎక్స్‌’.. ఏదైనా అవ్వు కానీ, సోమరిగా మాత్రం ఉండిపోకు అని చెబుతాడు. ర్యాప్‌ ముగియగానే తండ్రి ఆనందం పట్టలేక గట్టిగా పిడికిలితో బల్లను గుద్దుతాడు.  ఈ తండ్రీ కొడుకులది యు.ఎస్‌.లోని టెన్నెనీ రాష్ట్రంలోని మెంఫిస్‌. శ్యామ్‌ తన కడుపులో ఉండగా శ్యామ్‌ తల్లి పుస్తకాలు బాగా చదివారట. రెండేళ్ల వయసులోనే శ్యామ్‌ పుస్తకాలు చదివేందుకు ప్రయత్నించేవాడని కూడా ఈ ‘యు కెన్‌ బి ఎనీథింగ్‌’ ర్యాప్‌కి వచ్చిన స్పందనకు చూసి ఆ తల్లి ఉప్పొంగిపోతూ చెబుతున్నారు. స్టెఫానీ ఆమె పేరు. గత సెప్టెంబరులోనే శ్యామ్‌కు ఆరో ఏడు వచ్చింది. తండ్రి రాసి ఇచ్చిన ఏబీసీ ర్యాప్‌ను లిరిక్‌ లైన్స్‌ గుర్తుపెట్టుకుని పాడటానికి శ్యామ్‌ యాభైసార్లకు పైగా మననం చేసుకున్నాడు. ఇప్పటికింకా వైరల్‌ అవుతూనే ఉన్న ఈ వీడియోకు గత ఐదు రోజుల్లో యూట్యూబ్‌లో రెండు లక్షలకు పైగా వ్యూస్‌ వచ్చాయి. ఫేస్‌బుక్‌లో మూడు లక్షలసార్లు షేర్‌ అయింది. నువ్వు ఏమైనా అవొచ్చు అంటున్న శ్యామ్‌.. ఇంతకీ తను ఏమవ్వాలని అనుకుంటున్నాడు? ఆర్కెటెక్ట్‌ అవుతాడట. ఆకాశాన్ని చుంబించే భవంతులకు ప్లాన్‌లు గీయడం కోసం.  View this post on Instagram Robert Samuel raps about career choices for kids. A post shared by Sam (@rsamuelw3) on Oct 26, 2020 at 12:14pm PDT

శృంగవరపుకోట రూరల్‌: సమైక్యాంధ్ర విభజన తర్వాత ఏపీ విద్యార్థులకు విద్య, ఉద్యోగ కల్పన కోర్సుల వివరాలను తెలియజేసేందుకు సీఎం జగన్‌మోహన్‌ రెడ్డి చర్యలు చేపట్టారు. ‘ఏపీ కెరీర్‌ పోర్టల్‌.ఇన్‌’ను విద్యార్థులకు అందుబాటులోకి తెచ్చారు. ఏపీఎస్‌సీఈఆర్‌టీ, యూనిసెఫ్, ఆస్మాన్‌ ఫౌండేషన్‌ సహకారంతో దీనిని అమలుచేస్తున్నారు. ఏపీలో 9వ తరగతి నుంచి 12వ తరగతి వరకు చదువుతున్న సెకెండరీ స్థాయి విద్యార్థుల చదువులతో పాటు భవిష్యత్‌లో ఎంచుకోబోయే ఉపాధి కోర్సులను, వాటి ద్వారా పొందబోయే ఉద్యోగాల వివరాలను తెలియజేస్తున్నారు. రాష్ట్రంలోని 20 లక్షల మంది విద్యార్థుల బంగారు భవిష్యత్‌కు బాటలు చూపిస్తున్నారు.   శిక్షణ తరగతుల నిర్వహణ   పాఠశాల విద్యాశాఖ డైరెక్టర్‌ వాడ్రేపు చినవీరభద్రుడు, పాఠశాల శాఖ ప్రిన్సిపల్‌ సెక్రటరీ బి.రాజశేఖర్, ఎస్‌సీఈఆర్‌టీ డైరెక్టర్‌ జి.ప్రతాప్‌రెడ్డి ఆధ్వర్యంలో యూనిసెఫ్, ఆస్మాన్‌ ఫౌండేషన్, ఎస్‌సీఈఆర్‌టీ ప్రొఫెసర్ల ఆధ్వర్యంలో శిక్షణ తరగతులు నిర్వహిస్తున్నారు. గత రెండు రోజులుగా వెబ్‌నార్‌లో రాష్ట్రంలోని కళాశాలల ప్రిన్సిపాళ్లు, అధ్యాపకులు, సెకెండరీ పాఠశాలల ప్రధానోపాధ్యాయులు, ఉపాధ్యాయులు, 9, 10, ఇంటర్‌ విద్యార్థులు, తల్లిదండ్రులకు ఆన్‌లైన్‌లో శిక్షణ అందజేస్తున్నారు. కేరీర్‌ గైడెన్స్‌ ఇస్తున్నారు. కెరీర్‌ పోర్టల్‌లో నమోదు ఎలా?..  ‘ఏపీ కెరీర్‌ పోర్టల్‌.ఇన్‌’లో విద్యార్థి తమ చైల్డ్‌.ఇన్‌ఫో ద్వారా రిజిస్టర్‌ కావాలి. పాస్‌వర్డ్‌గా 123456 ఉంటుంది. నమోదు తొమ్మిది భాషల్లో చేసుకోవచ్చు. విద్యార్థి తమకు నచ్చిన భాషలో ఎంపిక చేసుకుని లాగిన్‌ అయ్యి.. డాష్‌కోడ్‌లో మై కెరీర్‌లో డెమోలో ప్రొఫైల్‌ నింపాలి. విద్యార్థి చదువు, కుటుంబ వివరాలు, ఫోన్‌ నంబర్‌తో సహా ఎంటర్‌ చేస్తే ఈ పోర్టల్‌లో నమోదు అయినట్లే. కోర్సుల సమాచారం ఇలా...   550 క్లస్టరర్లతో కూడిన 672 రకాల కోర్సులు, ఉపాధి, ఉద్యోగావకాశాల సమాచారం ఇందులో లభిస్తుంది. వ్యవసాయం/అందం/ఆరోగ్యం/వృత్తి నైపుణ్యం/64 కళలకు సంబంధించిన కోర్సులు/ బయలాజికల్, మెరైన్, రబ్బర్, ఆరి్టఫీషియల్, ఎనర్జీ, సో లార్‌ తదితర ఇంజినీరింగ్‌ కోర్సుల వివరాలు ఉంటాయి. ఒక్కో కోర్సుకు అయ్యే ఖర్చు, కోర్సు తర్వాత వాటి భవిష్యత్తు, జీతభత్యాలు, ఆంధ్రప్రదేశ్‌లోని కాలేజీలు, ఉపకార వేతనాలు పొందే వీలుంది. (ఉదాహరణకు సంతూర్, గ్లో అండ్‌ లవ్లీ, రమణ్‌కుమార్‌ ముంజల్, ఆర్‌కేఎం ఫౌండేషన్‌) వారి ఉపకార వేతనాలు ఆంధ్రప్రదేశ్‌ కెరీర్‌ పోర్టల్‌.ఇన్‌లో ఉంటాయి.   కోర్సులు, పరీక్షల వివరాలు..  వివిధ రకాల నోటిఫికేషన్లు, ఫీజులు, పరీక్షలు, కోర్సుల వివరాలు, చివరి తేదీ, వాటికయ్యే ఖర్చు, జీతం, ఉపకార వేతనాలు తదితర వివరాలు ఆంధ్రప్రదేశ్‌ కెరీర్‌ పోర్టల్‌.ఇన్‌లో ఉంటాయి. విద్యార్థులకు సువర్ణవకాశం..  9, 10 తరగతులు, ఇంటర్‌ చదువుతున్న విద్యార్థులకు కెరీర్‌ గైడెన్స్, లైఫ్‌స్కిల్స్‌పై రూపొందించిన చక్కని కార్యక్రమం ఇది. ప్రభుత్వ పాఠశాలల్లో 9, 10 తరగతులు పూర్తిచేసిన విద్యార్థులకు ఉపయోగకరమయ్యే కోర్సుల వివరాలతో కార్యక్రమాన్ని చక్కగా రూపొందించారు. దీన్ని సది్వనియోగం చేసుకుంటే భవిష్యత్తు బంగారమే.   – ఇందుకూరి అశోక్‌రాజు, జీవశాస్త్ర ఉపాధ్యాయుడు, భవానీనగర్, ఎస్‌.కోట మండలం ఉపాధి, ఉద్యోగావకాశాలు..  ఈ కెరీర్‌ పోర్టల్‌లో లైఫ్‌స్కిల్స్, కెరీర్‌ గైడెన్స్‌ అందుతుంది. సెకెండరీ స్థాయి విద్యార్థులు తమ భవిష్యత్‌ను తామే నిర్మించుకోవచ్చు. 672 రకాల ఉపాధి అవకాశాల్లో విద్యార్థులు నచ్చిన అవకాశం గురంచి పూర్తిస్థాయిలో తెలుసుకోవచ్చు. భవిష్యత్‌లో ఏం కాదల్చుకున్నామో విద్యార్థి దశలోనే గుర్తిస్తే ఉన్నత స్థానానికి ఎదగవచ్చు. – రహీం షేక్‌లాల్, సాంఘికశాస్త్ర ఉపాధ్యాయుడు,  జెడ్పీ హైసూ్కల్, ధర్మవరం   

విక్రమ్‌ప్రభు హీరోగా నటించిన ‘ఇదు ఎన్న మాయమ్‌’ (2015) చిత్రంతో తమిళంలో, రామ్‌ హీరోగా నటించిన ‘నేను.. శైలజ’ (2016) చిత్రంతో తెలుగులో హీరోయిన్‌ గా ఎంట్రీ ఇచ్చారు కీర్తీ సురేష్‌. ‘మహానటి’ చిత్రంతో తనలో అద్భుత నటి ఉందని నిరూపించుకున్నారు. ప్రస్తుతం తెలుగు, తమిళ భాషల్లో ఆమె కెరీర్‌ జోరుగా ఉంది. ఈ విషయం గురించి కీర్తీ సురేష్‌ మాట్లాడుతూ –‘‘నేనీ స్థాయికి చేరుకోవడానికి చాలా కష్టపడ్డాను. ప్రయోగాత్మక పాత్రలు చేస్తూ కెరీర్‌లో రిస్క్‌ తీసుకుని ధైర్యంగా ముందడుగు వేశాను. నేను ఓవర్‌నైట్‌ స్టార్‌ని కాలేదు. కానీ ఊహించనదాన్ని కన్నా తక్కువ సమయంలోనే ఇండస్ట్రీలో నాకు మంచి ఫేమ్‌ వచ్చిందని మాత్రం చెప్పగలను. అలాగే ఇంత తక్కువ సమయంలో జాతీయ అవార్డు (‘మహానటి’ చిత్రానికి) సాధిస్తానని కూడా ఊహించలేదు. నేను చేసిందల్లా శక్తివంచన లేకుండా నా పాత్రలకు న్యాయం చేయడమే’’ అన్నారు. ప్రస్తుతం రజనీకాంత్‌ హీరోగా రూపొందుతున్న ‘అన్నాత్తే’ చిత్రంలో ఓ కీలక పాత్ర చేస్తున్నారు కీర్తీ సురేష్‌. అలాగే ఇటు తెలుగు అటు తమిళంలో ఆమె నటించిన లేడీ ఓరియంటెడ్‌ సినిమాలు ‘మిస్‌ ఇండియా, గుడ్‌లక్‌ సఖి, పెంగ్విన్‌ ’ విడుదలకు సిద్ధమవుతున్నాయి.  

దుబాయ్‌: భారత ‘హిట్‌మ్యాన్‌’ రోహిత్‌ శర్మ టెస్టుల్లో కెరీర్‌ బెస్ట్‌ 17వ ర్యాంక్‌కు ఎగబాకాడు. అంతర్జాతీయ క్రికెట్‌ మండలి (ఐసీసీ) విడుదల చేసిన టెస్టు బ్యాట్స్‌మెన్‌ ర్యాంకింగ్స్‌లో అతను 36 స్థానాల్ని మెరుగుపర్చుకొని 17వ ర్యాంకుకు చేరుకున్నాడు. వైజాగ్‌ టెస్టులో అతను రెండు ఇన్నింగ్స్‌ల్లోనూ సెంచరీలతో భారత విజయంలో కీలకపాత్ర పోషించిన సంగతి తెలిసిందే. ఇతనికి జోడీగా ఆడిన మరో ఓపెనర్‌ మయాంక్‌ అగర్వాల్‌ ర్యాంకూ మెరుగైంది. అతను 38 స్థానాల్ని మెరుగుపర్చుకొని కెరీర్‌ బెస్ట్‌ 25వ ర్యాంకులో నిలిచాడు. కెప్టెన్‌ విరాట్‌ కోహ్లి రెండో స్థానంలోనే కొనసాగుతున్నప్పటికీ 900 రేటింగ్‌ పాయింట్ల దిగువన పడిపోయాడు. గతేడాది జనవరి నుంచి 900 పైబడిన రేటింగ్‌ పాయింట్లతో ఉన్న కోహ్లి ఖాతాలో ఇప్పుడు 899 పాయింట్లున్నాయి. టాప్‌ ర్యాంకులో ఉన్న స్టీవ్‌ స్మిత్‌ (937, ఆస్ట్రేలియా) కంటే 38 పాయింట్లు తక్కువ ఉన్నాయి. టెస్టు బౌలర్ల జాబితాలో మళ్లీ భారత స్పిన్నర్‌ అశ్విన్‌ టాప్‌–10లోకి చేరాడు. తొలి టెస్టులో 8 వికెట్లు తీయడం ద్వారా 4 స్థానాల్ని మెరుగుపర్చుకొని పదో ర్యాంకులో కొనసాగుతున్నాడు. ఐసీసీ ప్రపంచ చాంపియన్‌షిప్‌లో భాగమైన ఈ సిరీస్‌లో భారత్‌  తొలి టెస్టు విజయంతో 40 పాయింట్లను ఖాతాలో వేసుకొని మొత్తం 160 పాయింట్లతో ఉంది. విండీస్‌పై 2–0తో గెలవడం ద్వారా 120 పాయింట్లను పొందింది. అమ్మాయిల జట్టు పటిష్టంగా... ఐసీసీ మహిళల జట్ల వన్డే ర్యాంకింగ్స్‌లో భారత జట్టు నిలకడగా రెండో స్థానంలో ఉన్నప్పటికీ... పాయింట్ల పరంగా పటిష్టమైంది. 122 పాయింట్లతో ఇంగ్లండ్‌ మూడో స్థానంలో ఉండగా... 125 పాయింట్లతో భారత్‌ రెండో స్థానంలో ఉంది. ఆసీస్‌ అగ్రస్థానంలో కొనసాగుతోంది. టి20ల్లో కూడా కంగారూ జట్టుదే టాప్‌ ర్యాంకు కాగా... భారత్‌ ఐదో స్థానంలో ఉంది.  

‘‘నేను ఇప్పటివరకూ చేసినవి దాదాపు హోమ్లీ క్యారెక్టర్లే. అయితే ‘పహిల్వాన్‌’లో కొంచెం గ్లామరస్‌ రోల్‌ చేశా. హోమ్లీ రోల్సే కాదు.. ఏ పాత్ర అయినా చేస్తా’’ అన్నారు ఆకాంక్షా సింగ్‌. నాగార్జున సరసన ‘దేవదాస్‌’, సుమంత్‌తో ‘మళ్ళీరావా’, సుదీప్‌తో ‘పహిల్వాన్‌’ చిత్రాల్లో నటించిన ఆకాంక్షా సింగ్‌ చెప్పిన విశేషాలు. ► ‘మళ్ళీరావా’ నుంచి ‘పహిల్వాన్‌’ వరకూ నా సినిమాలను ప్రేక్షకులు ఆదిరించి, సపోర్ట్‌ చేశారు. నా ఇన్‌స్టాగ్రామ్‌ ఫాలోయర్స్‌లో ఎక్కువమంది హైదరాబాద్‌వారే కావడం హ్యాపీ జైపూర్‌లో పుట్టి పెరిగాను. తెలుగులో ఎక్కువ కాలం పని చేయాలని ఉంది. ‘బాహుబలి’లో అనుష్కగారి పాత్ర చూసి ‘దేవుడా.. ఇలాంటి పాత్ర చేసే అవకాశం ఇవ్వు’ అనుకున్నా.   ► పెళ్లి చేసుకున్నందు వల్ల నా కెరీర్‌కి ఇబ్బంది అనే ఆలోచనే లేదు. ఎంతో మంది పెళ్లి అయినా హీరోలుగానే చేస్తున్నారు.. పెద్ద ఫ్యాన్‌ ఫాలోయింగ్‌ ఉంటోంది. అలాంటప్పుడు పెళ్లి వల్ల కెరీక్‌కి ఇబ్బంది అని హీరోయిన్లనే ఎందుకు అడుగుతున్నారో నాకు అర్థం కావడం లేదు. సినిమా వేరు.. వ్యక్తిగత జీవితం వేరు. సినిమా రంగంలోనే కాదు ఏ రంగంలోనూ పెళ్లి అనేది కెరీర్‌కి అడ్డంకి కాదు. నా భర్త కునాల్‌ నటుడు కాదు. నిజం చెప్పాలంటే పెళ్లి తర్వాతే ఎక్కువగా పని చేస్తున్నా. దానికి కారణం ఆయన ప్రోత్సాహమే. ప్రస్తుతం తెలుగు, తమిళ ద్విభాషా సినిమాలో హాకీ ప్లేయర్‌ పాత్ర చేస్తున్నా.

చక్కగా చదువుకునే అమ్మాయిల్లో సెలబ్రిటీ కళ కనిపిస్తుంది. ఆల్రెడీ వాళ్లు చిరుప్రాయపు సెలబ్రిటీలు అయి ఉన్నా.. ‘ప్లస్‌ టూ’లో నైంటీ పర్సెంట్‌తో పాసయ్యారనో, మాస్టర్స్‌ డిగ్రీలో జాయిన్‌ అయ్యారనో తెలిస్తే ముచ్చటగా ఉంటుంది. చదువులో ఉన్న మహిమ అది. మాధవ్‌ శింగరాజు కాబోయే భర్తతో కన్నా, చేయబోయే డిగ్రీతోనే ఎక్కువ కనెక్ట్‌ అవుతారు ఆడపిల్లలు. భర్తొస్తే భార్య హోదా వస్తుందని, భార్య హోదా గుర్తింపు తెస్తుందని వాళ్లకేం ఉండదు. చదువు పూర్తి చేస్తే మంచి ఉద్యోగం తెచ్చుకోవచ్చని, కెరీర్‌ని చక్కగా తమకు ఇష్టమైనట్లు మలుచుకోవచ్చని ఉంటుంది. ఒకవేళ డిగ్రీ కంటే భర్తగారే ముందొచ్చినా, ఆ భర్తగారిని కూడా కెరీర్‌లో ఒక భాగంగానే చూస్తారు.. కెరీర్‌కి అడ్డంకి గానో, కెరీర్‌కి సపోర్ట్‌గానో. మంచి భర్త దొరకాలని ఈ జనరేషన్‌లో ఆడపిల్లలెవరూ ఆలయాలకు వెళ్లి రావడం లేదు. వచ్చేవాడు ఎలాంటి వాడో దేవుడికే తెలియనప్పుడు గుడికెళ్లి ప్రదక్షిణలు చేసే బదులు  కెమిస్ట్రీలో, మేథ్స్‌లో ఏం ప్రశ్నలు వస్తాయో ఇంట్లో కూర్చుని గెస్‌ పేపర్‌ తయారు చేసుకుంటే కొంత ఫలితం ఉంటుంది. ఊహించిన ప్రశ్నలే రాకున్నా, పూర్తిగా ఊహకు అందనివైతే రావు. భర్తగా ఎలాంటి వాడు వస్తాడో దేవుడే గెస్‌ చెయ్యలేనప్పుడు టెన్తో, ఇంటరో అయిన పిల్లేం గెస్‌ చేస్తుంది. చదువులో ఎంత ‘టెన్‌ బై టెన్‌’ గ్రేడ్‌ తెచ్చుకుంటే మాత్రం?! అక్క భర్తను అంతా దేవుడు అంటున్నా, ఆ భర్తలో ఎంత శాతం దేవుడున్నాడో అక్క చెప్పకపోయినా, తనకు తెలియందా! పెళ్లయి ఏళ్లవుతున్నా అక్క చెప్పులు గుమ్మం లోపలే అరగని ఆభరణాల్లా ఉండిపోయాయంటే అక్క ఆశలన్నిటినీ ఎటూ కదలనివ్వకుండా దేవుడులాంటి ఆ భర్తగారే భుజాలపై మోసుకు తిరుగుతున్నాడనే కదా. మోయడమే కనిపిస్తుంది లోకానికి. ‘‘నన్ను కిందికి దింపు ప్లీజ్‌.. నేనూ నడవగలను కదా’’ అని అక్క చేసే మూగ ఆక్రందనలు వినిపించవు. నడవడమే కాదు, తను పరుగెత్తగలదు, ఎగరగలదు. కాళ్లల్లో సత్తువ ఉంటుంది. రెక్కల్లో బలం ఉంటుంది. అయినా సరే.. దేవుడి లాంటి భర్త కదా.. అక్కను మోసుకునే తిరుగుతాడు! అంత మంచి భర్త పొరపాటున ఎక్కడొచ్చి పడతాడోనని భయము, బెంగ ఉండే ఆడపిల్లలు కనిపిస్తారేమో బహుశా గుళ్లలో.. ‘దేవుడి లాంటి భర్తను మాత్రం ఇవ్వకు దేవుడా’ అని వేడుకోడానికి. అమ్మ, నాన్న వినకపోతే దేవుడే కదా చెప్పుకోడానికి మిగిలేది. దేవుడి దగ్గర కూడా వాళ్ల ఫస్ట్‌ ప్రయారిటీ చదువు. ‘సీటొచ్చేటట్టు చెయ్‌ ప్లీజ్‌’ అని. లీస్ట్‌ ప్రయారిటీ భర్త. ‘ఇప్పట్లో పెళ్లి ముహూర్తాన్ని దగ్గరకు రానీయకు ప్లీజ్‌’ అని. చదువుకి, జీవితానికి అంత లింకు పెట్టేసుకుంటారు అమ్మాయిలు. చదువు.. వాళ్ల లవ్‌ ఇంట్రెస్ట్‌. బాలికల్ని చదివించని కాలంలో ‘మళ్లీ బాలురదే పైచేయి’ అని ఏటా రిజల్ట్స్‌ వచ్చేవి. బాలురు ఇప్పుడు ఏ ఫలితాల్లోనైనా మునుపటంత ధారాళంగా కనిపిస్తున్నారా? లేదు. బాలికల్ని కూడా చదివిస్తున్నాం కదా. చదువంటే తమకెంత ప్రాణమో చూపిస్తున్నారు. ప్రాణాలు గుండెల్లో ఉంటాయనుకుంటాం. ఆడపిల్లలకు పుస్తకాల్లోని పాఠాల్లో ఉంటాయి.చక్కగా చదువుకునే అమ్మాయిల్లో సెలబ్రిటీ కళ కనిపిస్తుంది. ఆల్రెడీ వాళ్లు చిరుప్రాయపు సెలబ్రిటీలు అయి ఉన్నా.. ‘ప్లస్‌ టూ’లో నైంటీ పర్సెంట్‌తో పాసయ్యారనో, మాస్టర్స్‌ డిగ్రీలో జాయిన్‌ అయ్యారనో తెలిస్తే ముచ్చటగా ఉంటుంది. చదువులో ఉన్న మహిమ అది. ఆ మహిమ అలా ప్రవహించి చదివే వాళ్ల ముఖాల్లోకీ వచ్చేస్తుంది. రకుల్‌ప్రీత్‌ సింగ్‌ ఇన్ని కోట్ల రూపాయల పారితోషికం తీసుకుంటారని తెలిస్తే ఏం అనిపించదు. రకుల్‌ప్రీత్‌ సింగ్‌ ‘జీసస్‌ అండ్‌ మేరీ కాలేజ్‌’లో మేథమేటిక్స్‌ చదివారట అని తెలిస్తే అందులోకి గ్లామర్‌ వచ్చేస్తుంది! రష్మికా మండన్నా మళ్లొకసారి విజయ్‌ దేవరకొండతో నటిస్తున్నారని తెలిస్తే ఏం అనిపించదు. ఆమె కూర్గ్‌ పబ్లిక్‌ స్కూల్లో చదివారని, సైకాలజీ–జర్నలిజం–ఇంగ్లిష్‌ లిటరేచర్‌లో డిగ్రీ చేశారంటే ‘ఇంట్రెస్టింగ్‌!’ అనిపిస్తుంది. చదువు కోసం కెరీర్‌లో, చేస్తున్న పెద్ద జాబ్‌లో బ్రేక్‌ తీసుకునే అమ్మాయిలు కొందరు ఉంటారు! ‘రియల్లీ గ్రేట్‌’ అనిపిస్తుంది. జాబ్‌నీ, చదువునీ బ్యాలెన్స్‌ చేసుకునే వాళ్లు ఇంకా గ్రేట్‌గా కనిపిస్తారు. ఇక ఇంటిని, ఆఫీస్‌ని బ్యాలెన్స్‌ చేసుకుంటూ చదువుకునే వాళ్లైతే గ్రేట్‌ అనే మాట సరిపోదు. సెల్యూట్‌ కొట్టాలి. ఎంత పేరు, ఎంత డబ్బు, ఎన్ని ఆభరణాలు, ఎంత మంచి భర్త ఉన్నా.. వాళ్లింకా ఏదో చదువుతున్నారంటే గౌరవం వచ్చేస్తుంది వాటన్నిటికీ. దివ్యమైన వెలుగేదో ఫోకస్‌ అవుతుంది వాటన్నిటిపైన. హిమాదాస్‌ స్ప్రింటర్‌. అస్సాం అమ్మాయి. 2000 సంవత్సరంలో పుట్టింది. 2018లో ఏషియన్‌ గేమ్స్‌లో గోల్డ్‌ మెడల్‌ కొట్టింది. ‘ధింగ్‌ ఎక్స్‌ప్రెస్‌’ అని పేరు. ధింగ్‌ ఆమె పుట్టిన ఊరు. వరల్డ్‌ యు20 ఛాంపియన్‌షిప్స్‌ ట్రాక్‌ ఈవెంట్‌లో బంగారు పతకం సాధించిన తొలి భారత క్రీడాకారిణి హిమాదాస్‌. దోహాలో ఈ సెప్టెంబరులోనో, అక్టోబరులోనో జరగబోతున్న వరల్డ్‌ ఛాంపియన్‌షిప్స్‌ పోటీల కోసం ప్రస్తుతం టర్కీలో ట్రైనింగ్‌ తీసుకుంటోంది. ఆమె అక్కడ ఉండగానే ఇక్కడ ఇంటర్‌ రిజల్ట్స్‌ వచ్చాయి. ఫస్ట్‌ క్లాస్‌లో పాసైంది.  500కి 349 మార్కులు వచ్చాయి. అస్సామీ లాంగ్వేజ్‌ పేపర్‌లో 80 శాతానికి పైగా స్కోర్‌ చేసింది హిమ. పరీక్షలు గత ఫిబ్రవరిలో జరిగాయి. అప్పటికే తను టర్కీలో ఉంది. పరీక్షలకు ప్రిపేర్‌ అవడం కోసం ట్రైనింగ్‌కి బ్రేక్‌ తీసుకుని వచ్చింది! ఇంట్లో ఉండి ప్రిపేర్‌ అయితే టైమ్‌ అంతా ప్రిపరేషన్‌కే అవుతుందని గౌహతి వెళ్లి అక్కడి ‘స్పోర్ట్స్‌ అథారిటీ ఆఫ్‌ ఇండియా’ హాస్టల్‌లో ఉండి చదువుకుంది. ఎగ్జామ్‌కీ, ఎగ్జామ్‌కీ మధ్య విరామాలలో వరల్డ్‌ ఛాంపియన్‌షిప్స్‌కి ప్రాక్టీస్‌ చేసింది. తిరిగి టర్కీ వెళ్లిపోయింది. గతేడాది కూతురు బంగారు పతకం సాధించుకొచ్చినప్పుడు కూడా ఇంత ఆనందంగా లేరు ఆమె తల్లిదండ్రులు. ఆమె ఫస్ట్‌క్లాస్‌లో పాసైందని తెలిసినప్పట్నుంచీ ఇంటిపైన మేఘాలలోనే వాళ్ల నివాసం!ఆడపిల్లలు చదువుతో ఇంత గౌరవాన్ని, గర్వాన్ని తెచ్చిపెడతారు కదా..  ఎందుకని మనం హఠాత్తుగా ‘ఇక దిగమ్మా’ అని మధ్యలోనే చదువు నిచ్చెనని పక్కకు తీసేస్తాం?! నిచ్చెన పైనుంచి దించి, భుజాలపైకి ఎక్కించడానికి మంచి కుర్రాడుంటే చూడమని ఎందుకు వాళ్లకూ వీళ్లకూ చెప్పడం మొదలుపెడతాం? బాధ్యతను నెరవేర్చడం! బాధ్యతగా నిచ్చెన వేశాం కదా, అలాగే బాధ్యతగా భుజాల్ని వెతుకుతాం. నిచ్చెన చివరివరకు ఆడపిల్లని ఎక్కనిస్తే భుజాలను వెతికే అవసరం ఉండదన్న ఆలోచనను మన బాధ్యత మనకు రానివ్వదేమో మరి. పిల్లలు తమ చదువుని  బాధ్యతగా కాక, ప్రాణంగా ఫీల్‌ అవుతున్నప్పుడు మన ప్రాణసమానం అయిన పిల్లల చదువుల్ని, ఆశల్ని ఎందుకు అర్ధంతరంగా ఎవరి భుజాలపైనో ఎక్కించాలని చూడడం! భుజాలపైకి ఎక్కితేనే కానీ కిచెన్‌లోని ఉప్పు డబ్బానో, షెల్ఫ్‌లోని పాల డబ్బానో అందదని ఆడపిల్లల్ని చదువు మాన్పించేస్తామా?!              ∙  

తన సంతోషాన్ని మాత్రమే వెతుక్కునే గుణం, నచ్చనివారికి చెడు జరగాలనే తలంపే విలనిజంలో ప్రధానంగా ఉంటుంది. విలన్‌గా నటనలో చాలా వేరియేషన్స్‌ ఉంటాయి. జీ తెలుగులో ప్రసారమవుతున్న ‘ముత్యాల ముగ్గు’ సీరియల్‌లో నందిక క్యారెక్టర్‌ ద్వారా తెలుగు బుల్లితెరపై విలనిజాన్ని చూపుతుంది నవ్య. కన్నడ టీవీ సీరియల్‌లో  రాణించి, తెలుగు సీరియల్‌ ద్వారా విలన్‌గా పరిచయమైన నవ్యారావు పంచుకున్న ముచ్చట్లు ఇవి. నా ఫ్రెండ్స్, బంధువులతో పాటు మా చెల్లెల్లు కూడా ‘ఎందుకు నెగిటివ్‌ రోల్స్‌ చేస్తావు. నిన్నందరూ బ్యాడ్‌ అనుకుంటారు తెలుసా’ అంటుంటారు. ఇలాంటి క్యారెక్టర్స్‌ వల్ల నటనలో మన ప్రతిభ ఏంటో తెలుస్తుంది. ఈ విషయం పదే పదే వారికి చెప్పలేక నవ్వేసి ఊరుకుంటాను. పాజిటివ్‌ రోల్స్‌ చేయాలని నాకూ ఉంది. అవకాశం వస్తే తప్పకుండా ఉపయోగించుకుంటాను.  రియాలిటీ షో ఎమ్‌కామ్‌ పూర్తయ్యాక ఓ రోజు కన్నడ టీవీలో ఒక జ్యువెలరీ షో కోసం యాంకర్స్‌ కావాలనే ప్రకటన చూశాను. నా ఫొటోలు, వివరాలు వారికి పంపించాను. సెలక్ట్‌ అయ్యాను. అలా టీవీలోకి వచ్చాను. దీని తర్వాత ఒక రియాలిటీ షోకి అవకాశం వచ్చింది. ‘అండమాన్‌లో పట్టణ ప్రజలు ఎలా ఉంటారు’ అనే టాపిక్‌ మీద ఆ షో నడిచింది. అక్కడ ఎవరి తిండి వారు వాళ్లే కష్టపడి సంపాదించుకోవాలి, ఫోన్‌ ఇతరత్రా సదుపాయాలేవీ ఉండవు. అలాంటి చోట పదిహేను రోజులు ఉండటం చాలా కష్టమైంది. కానీ, వర్క్‌ నచ్చటంతో అంత దూరమైనా లెక్క చేయలేదు. మంచి పేరొచ్చింది. ఆ తర్వాత కన్నడలో ఓ సీరియల్‌ చేశాను. ఆ తర్వాత తెలుగులో ‘ముత్యాల ముగ్గు’ సీరియల్‌కి అవకాశం వచ్చింది. అయితే, పాజిటివ్‌ రోల్‌ కోసం ఎదురుచూస్తున్న నాకు మళ్లీ నెగిటివ్‌ రోలే వరించింది. ముందు కొంచెం నిరుత్సాహ పడ్డాను. తర్వాత నా రోల్‌ ప్రాధాన్యత తెలిసి చాలా సంతోషించాను.  సరైన ఫీల్డ్‌ మా నాన్నగారు గణేష్‌ టీవీ సీరియల్‌ ఆర్టిస్‌. నేను ఈ ఫీల్డ్‌ రావాలని నాన్నగారు ఎప్పుడూ అనుకోలేదు. నేనూ ముందు ఆలోచించలేదు. చదువు తర్వాత లెక్చరర్‌గా స్థిరపడాలనేది నా ఆలోచన. అయితే, నాన్నగారు అనారోగ్యం కారణంగా చనిపోవడంతో సీరియల్‌ ఆఫర్స్‌ నాకు వచ్చాయి. అమ్మ, చెల్లి ఉన్నారు. నాన్న తర్వాత ఇంటి బాధ్యత నా మీద ఉంది. అందుకే ఆలోచించి సీరియల్‌కి ఓకే చేశాను. కన్నడ సీరియల్‌ తర్వాత ఆరునెలల పాటు ఖాళీగా ఉన్నాను. ఆ సమయంలో ఒక కంపెనీలో మార్కెటింగ్‌ మేనేజర్‌ జాబ్‌లో చేరాను. అక్కడకు వచ్చినవారు నన్ను కలిసి ‘మీరు ఫలానా సీరియల్‌లో నటించారు కదా!’ అని దానికి సంబంధించిన ప్రశ్నలు అడుగుతుండేవారు. చాలా ఇబ్బంది అనిపించేది. పనిచేసే చోట ఇలాంటి వాతావరణం ఉండకూడదు అనుకున్నాను. ‘ఏ ఫీల్డ్‌లో గుర్తింపు వచ్చిందో ఆ ఫీల్డ్‌లోనే కొనసాగడం మంచిది’ అని ఆ తర్వాత సీరియల్‌ ఒప్పుకున్నాను.  ముత్యాల ముగ్గు  ఈ సీరియల్‌ తెలుగువారికి నన్ను చాలా చేరువచేసింది. హీరోయిన్‌ కన్నా పది రెట్ల ఎక్కువ ప్రాముఖ్యం ఉన్న పాత్ర. నన్ను నేను ప్రూవ్‌ చేసుకోవడానికి ‘నందిక’ పాత్ర ఎంతో మేలు చేసింది. నా కెరియర్‌లో ఇదొక టర్నింగ్‌ పాయింట్‌. ఈ సీరియల్‌లో భూమి–అంబిక అక్కచెల్లెళ్లు. భూమి పల్లెటూరి అమ్మాయి, అంబిక సిటీ అమ్మాయి. భూమికి పూర్తి వ్యతిరేక పాత్ర నాది. నాకేదైనా, ఎవరైనా నచ్చారంటే వాళ్లు నాతోనే ఉండాలి. ఆ వస్తువు, ఆ మనిషి నాకే చెందాలి. అందుకోసం ఎంతదూరమైన వెళతాను. భూమి అంటే నాకు పడదు. నాకు నచ్చిన విరాట్‌ను తను పెళ్లి చేసుకుంటుంది. వాళ్లను విడదీసి విరాట్‌ను నేను సొంతం చేసుకోవాలి. ఎవరికి ఎలాంటి చెడు జరిగినా డోన్ట్‌ కేర్‌.. అన్నట్టుగా ఉంటుంది నా పాత్ర. నందికలో చాలా మధనం ఉంటుంది.   బ్యాడ్‌ మార్క్‌ పడకూడదు నెగిటివ్, పాజిటివ్‌ .. ఏ రోల్‌ చేసినా ఇక్కడ మన మీద ఒక్క బ్యాడ్‌ మార్క్‌ కూడా పడకూడదు. అంత జాగ్రత్తగా ఉండాలి. ఏ రోల్‌ వేసినా క్యాస్ట్యూమ్స్, మేకప్, హెయిర్‌స్టైల్‌ ద్వారా మెప్పించాలి. ఒకసారి ప్రాజెక్ట్‌కి ఓకే చేశాక మన బాధ్యత చాలా ఉంటుంది. ఇండస్ట్రీలో హార్డ్‌ వర్క్‌కే ఎక్కువ ప్రాధాన్యత. నేనెక్కడా యాక్టింగ్‌ నేర్చుకోలేదు. క్లాసులకు వెళ్లింది లేదు. మా నాన్నగారు ఈ ఫీల్డ్‌లో ఉండటం వల్ల స్వతహాగా నాకు యాక్టింగ్‌ వచ్చి ఉంటుంది. అలాగే, నా సీనియర్‌ ఆర్టిస్టుల నుంచీ నటనలో మరిన్ని మెళకువలు నేర్చుకుంటున్నాను.   – నిర్మలారెడ్డి

చిన్నికృష్ణుని చేతిలో ఎప్పుడూ వెన్నముద్ద ఉంటుంది. అందుకే ‘చేత వెన్నముద్ద’ అనే మాటతో ఆయన వర్ణన మొదలౌతుంది. శ్రీకృష్ణుని చేతిలో ఉన్నట్లే.. పుష్ప చేతిలోనూ ఎప్పుడూ వెన్న ఉంటుంది. అయితే అది వెన్నముద్ద కాదు. వెన్న లాంటి మనసు!  ఆమె పేరు పుష్ప, వయసు 31. బెంగుళూరులో సాఫ్ట్‌వేర్‌ ఉద్యోగి. ఆమె ఏటా యాభై నుంచి అరవై పరీక్షలు రాస్తుంటుంది. గడచిన పన్నెండేళ్లుగా ఇదే వరుస. ఆమె ఇన్నిన్ని పరీక్షలు రాస్తున్నది తన కెరీర్‌ కోసం కాదు. ఇంకా పెద్ద జీతం కోసం పెద్ద కంపెనీలో ఉద్యోగం ఆశించి కూడా కాదు. పరీక్షలు రాయలేని పిల్లల కోసం రాస్తోందామె. ఇప్పటికి ఏడు వందలకు పైగా పరీక్షలు రాసింది. ఏడాదికి యాభై నుంచి అరవై అంటే నెలకు సరాసరిన నాలుగు లేదా ఐదు పరీక్షలు రాయాల్సి ఉంటుంది. పరీక్షకు మూడున్నర గంటలు, పరీక్ష కేంద్రానికి ప్రయాణం చేసే టైమ్‌ అంతా కలుపుకుంటే ఆ రోజు ఆరేడు గంటలకు పైగానే కేటాయించాలి. పరీక్షల టైమ్‌ ఆఫీస్‌ టైమ్‌ ఒకే టైమ్‌లో ఉంటాయి. ఆమె స్వచ్ఛందంగా చేస్తున్న సేవను గుర్తించిన కంపెనీ పుష్పకు ఆ మేరకు వెసులుబాటు కల్పిస్తోంది. పరీక్ష రాయాల్సిన రోజు, పరీక్ష పూర్తయిన తర్వాత ఆఫీసుకు వెళ్లగలిగినట్లు షిఫ్ట్‌ మార్చుకోవడానికి అనుమతించింది. పుష్ప నిస్వార్థమైన సేవను గుర్తించిన భారత ప్రభుత్వం ఆమెను నారీ శక్తి పురస్కారంతో గౌరవించింది. పరీక్షకు రానివ్వని రోజు ‘‘అప్పుడు ఏడవ తరగతిలో ఉన్నాను. క్లాసులో మిగిలిన వాళ్లంతా పరీక్షకు సిద్ధమవుతున్నారు. నన్ను మాత్రం పరీక్ష రాయడానికి వీల్లేదన్నారు. మా అమ్మానాన్న స్కూలు ఫీజు కట్టని కారణంగా నన్ను పరీక్ష రాయవద్దని చెప్పేశారు టీచర్లు. నా జీవితంలో అత్యంత దుర్దినం అది. ఆ రోజు మా పొరుగింటి వాళ్లు ఫీజు కట్టి ఆ గండాన్ని గట్టెక్కించారు. మరో నాలుగేళ్లకు పియుసిలో ఉన్నప్పుడు కూడా దాదాపుగా అదే పరిస్థితి. అప్పుడు ఒక పోలియో వ్యాధిగ్రస్థుడు ఆర్థిక సహాయం చేయడంతో ఆ కష్టం నుంచి బయటపడ్డాను. సమాజం నుంచి తీసుకున్నాను, సమాజానికి తిరిగి ఇవ్వాలి. నేను చేయగలిగింది చేయాలని మాత్రమే అనుకున్నానప్పుడు. ఇలా పరీక్షలు రాయాలనే నిర్ణయం తీసుకోలేదు. ఒకసారి ఎన్‌జీవో నడుపుతున్న మా ఫ్రెండ్‌ విజువల్లీ చాలెంజ్‌డ్‌ స్టూడెంట్‌కి పరీక్ష రాస్తావా అని అడగడంతో 2007లో పరీక్ష రాశాను. అప్పటి నుంచి సెరిబ్రల్‌ పాల్సీ, విజువల్లీ చాలెంజ్‌డ్, ఇతర ఇబ్బందులు ఉన్న వాళ్లకు స్క్రైబ్‌గా (పరీక్ష రాయలేని వాళ్లకు, వాళ్లు చెప్తుంటే పరీక్ష రాసి పెట్టడం) చేస్తున్నాను. ఎక్కువగా టెన్త్‌క్లాస్‌ వాళ్లకు స్క్రైబ్‌గా ఉన్నాను. చాలా ప్రశ్నలకు ఆన్సర్‌లు కంఠతా వచ్చేశాయి. స్టూడెంట్స్‌ సమాధానం చెప్పడంలో మధ్యలో తడుముకుంటున్నా సరే నాకు సమాధానం సాగిపోతుంటుంది. నిత్య విద్యార్థిని కదా మరి’’ అన్నారు పుష్ప సంతృప్తిగా నవ్వుతూ. – మంజీర

ప్రయాణాలు ఎదుగుదలకు తోడ్పతాయి. కెరియర్‌లోనే కాదు, మనిషిగా కూడా ఎదుగుతాం! ఎదిగాక చేయవలసిన ప్రయాణాలు కొన్ని ఉంటాయి. అవి ఎంతో ఆసక్తికరంగా సాగుతాయి. ఆహ్లాదం కలిగిస్తాయి. ఆదర్శవంతంగా ఉంటాయి.పెద్దపెద్ద హోదాల్లోని మహిళలు కొందరుఎప్పుడూ ప్రొఫెషనల్‌ ట్రిప్పుల్లో ఉంటారు.  వాళ్ల ట్రిప్‌ స్టెయిల్‌లో మనకు పనికొచ్చే టిప్స్‌ ఇవి.  ఫర్జానా హక్‌ (ముంబై) హెడ్, యూరప్‌ టెలికామ్‌ బిజినెస్‌ యూనిట్‌గ్లోబల్‌ హెడ్, స్ట్రాటెజిక్‌ గ్రూప్‌ అకౌంట్స్, టి.సి.ఎస్‌.టాటా గ్రూప్‌లో ట్రైనీగా చేరి, ఉన్నతస్థాయికి ఎదిగిన ఫర్జానా ఏడాదికి 180 నుంచి 200 రోజులు ప్రయాణాల్లోనే ఉంటారు. ఎక్కువగా ఐరోపా దేశాలకు ప్రొఫెషనల్‌ ట్రిప్‌ కొట్టి వస్తారు. ప్రయాణ సమయంలో పుస్తకాలు చదవడం ఇష్టం. పుస్తకాల్లో ముఖ్యమైన పాయింట్స్‌ ఉంటే ఫ్లయిట్‌లోనే నోట్‌ చేసుకుంటారు. ఫర్జానా దగ్గర తాతగారు కానుకగా ఇచ్చిన ఇంకు పెన్ను  ఉంది. ఇప్పటికీ ఆ పెన్ను వాడుతున్నారు.అమ్మాయిలకిచ్చే సలహా : జర్నీని ఎంజాయ్‌ చెయ్యండి. ఫ్యామిలీకి, ఫ్రెండ్స్‌కి మీ లైఫ్‌లో ప్రాధాన్యం ఇవ్వండి. అవనీ బియానీ (ముంబై) కాన్సెప్ట్‌ హెడ్, ఫుడ్‌హాల్‌ ఈ రిటైల్‌ ఫుడ్‌ చెయిన్‌... అసలు బియానీ ఐడియాల వల్లే నడుస్తోంది. నెలలో కొన్నిరోజులైనా ఈమె బిజినెస్‌ ట్రిప్‌ ఉంటారు. ముఖ్యంగా లండన్, న్యూయార్క్, స్విట్జర్లాండ్‌లలో పనులు చక్కబెట్టుకొస్తుంటారు. బీచ్‌ లవర్‌. స్కీయింగ్‌ ఇష్టం. తెల్లవారక ముందే బయల్దేరే విమానాల ప్రయాణం బియానీకి అస్సలు ఇష్టం ఉండదు. కొన్ని మనుషులు, కొత్త ప్రదేశాలు ఆమె నిరంతర ఉల్లాస రహస్యం. ఐప్యాడ్‌ లేకుండా బియానీ అడుగు బయటపెట్టరు. అమ్మాయిలకిచ్చే సలహా : కొత్త రుచులకోసమైనా ప్రయాణాలు చేసి తీరవలసిందే. ప్రియా పాల్‌ (కోల్‌కతా) చైర్‌ పర్సన్, ది పార్క్‌ హోటల్స్‌నెలలో కనీసం 10 నుంచి 12 రోజులో విమానాల్లో చక్కర్లు కొడుతుంటారు! నవీ ముంబై, బెంగళూరు, చెన్నై, గోవా, హైదరాబాద్, ప్యారిస్, లండన్‌లలో ఆమెకు పని ఉంటుంది. ఎక్కువగా న్యూయార్క్‌ వెళుతుంటారు. అక్కడి ‘నోమాడ్‌’ లో దిగుతారు. ఏ ప్రాంతానికి వెళ్లినా అక్కడ మళ్లీ వెహికిల్స్‌ ఎక్కకుండా.. వీలైనంత వరకు బ్రేక్‌ఫాస్ట్‌కీ, లంచ్‌కీ, డిన్నర్‌కి, ఇంకా.. సైట్‌ సీయింగ్‌లకు నడిచే వెళ్లమని ఆమె సలహా ఇస్తారు.అమ్మాయిలకిచ్చే సలహా : మీరు ఉన్న చోటి నుంచి కొత్తగా ఎక్కడికైనా సరే నాలుగు అడుగులు వేసి రండి.   గుంజన్‌ సోనీ (బెంగళూరు) హెడ్, జబాంగ్‌ అండ్‌ సీఎంవో, మింత్రాఫ్యాషన్‌ పోర్టల్‌ హెడ్డుగా ఏడాదికి 200 రోజులు బిజినెస్‌ ట్రిప్పులోనే ఉంటారు. ఢిల్లీ, హాంకాంగ్, సింగపూర్, లండన్, యు.ఎస్‌. ఆమె తరచూ వెళ్లే ప్రదేశాలు. మీటింగ్‌ ఉన్న దేశంలో లేదా సిటీలో ఇరవై నాలుగు గంటల ముందే సోనీ సిద్ధంగా ఉంటారు. ఫ్రెండ్స్‌కి, కుటుంబ సభ్యులకు గుర్తుపెట్టుకుని మరీ గిఫ్టులు కొంటారు.అమ్మాయిలకిచ్చే సలహా : తప్పనిసరిగా ప్రయాణాలు చెయ్యాలి. అందువల్ల మన ప్రపంచం విస్తృతమౌతుంది. విష్పలరెడ్డి (న్యూఢిల్లీ) చీఫ్‌ పీపుల్స్‌ ఆఫీసర్, ఊబర్‌ ఇండియా అండ్‌ సౌత్‌ ఏషియాఎక్కువగా హైదరాబాద్, బెంగళూరు, శాన్‌ఫ్రాన్సిస్‌కోలకు ట్రావెల్‌ చేస్తుంటారు. కొండప్రాంతపు బీచ్‌లను ఇష్టపడతారు. వెళ్లిన చోట పని పూర్తి కాగానే తప్పనిసరిగా అక్కడి ఫ్రెండ్స్‌ని కలుస్తారు. లండన్‌ వెళ్లినప్పుడు బకింగ్‌హామ్‌ ప్యాలెస్‌ సమీపంలోని గోరింగ్‌ హోటల్‌లో స్టే చేస్తారు. ఒంటరిగా ప్రయాణం చేయడం ఇష్టం. ఏకాంతం లభిస్తుందట. అమ్మాయిలకిచ్చే సలహా : ఒంటరిగా ప్రయాణించడంలోని స్వేచ్ఛను అనుభూతి చెందండి. అవనీ దావ్దా  (ముంబై) మేనేజింగ్‌ డైరెక్టర్, గోద్రెజ్‌ నేచర్స్‌ బాస్కెట్‌ఏడాదిలో 40 రోజులు టూర్‌లోనే ఉంటారు. బెంగళూరు, పుణె, ఢిల్లీ, దుబాయ్, ఆస్ట్రేలియా, ఐరోపా దేశాలకు తిరుగుతుంటారు. ఆహార ఉత్పత్తులను విక్రయిస్తుండే కంపెనీకి ఎం.డీ. అయిన దావ్దాకు లండన్‌ వెళ్లినప్పుడు సెయింట్‌ జేమ్స్‌ కోర్ట్‌లో లంచ్‌గానీ, డిన్నర్‌ గానీ చేయడం ఇష్టం. మాయిశ్చరైజర్, సౌకర్యవంతంగా ఉండే కాలిజోళ్లను దగ్గర ఉంచుకోవడం మర్చిపోరు. టూర్‌లో రూమ్‌ సర్వీస్‌ని అస్సలు ఉపయోగించుకోరు. బయటికి వెళ్లే తిని వస్తారు. అమ్మాయిలకిచ్చే సలహా : ప్రయాణాలు మీ జీవితానికి సహజసిద్ధమైన పౌష్టికాహారాన్ని అందిస్తాయి.  అపూర్వ పురోహిత్‌ (ముంబై) ప్రెసిడెంట్, జాగరణ్‌ ప్రకాశన్‌ లిమిటెడ్‌మీడియా పరిశ్రమలో మూడు దశాబ్దాల అనుభవం ఉన్న అపూర్వ ప్రింట్, రేడియో, డిజిటల్‌ కంటెంట్‌ కోసం గత ఐదేళ్లలో దాదాపుగా ప్రతి వారం విదేశీయానంలోనే ఉన్నారు! యు.కె. సింగపూర్, హాంకాంగ్, న్యూఢిల్లీ బెంగళూరు.. ప్రధానంగా ఆమె ప్రయాణ ప్రదేశాలు. ఎప్పుడూ తను వాడే షాంపూ, కండిషన్‌ కూడా ఆమె బ్యాగ్‌లో ఉంటాయి. అమ్మాయిలకిచ్చే సలహా : కెరీర్, కుటుంబం.. ఈ రెండింటి లోనూ సక్సెస్‌ సాధించాలి. రాధా కపూర్‌ (ముంబై) ఫౌండర్‌ అండ్‌ ఎగ్జిక్యూటివ్‌ డైరెక్టర్, ఐ.ఎస్‌.డి.ఐ.ఐ.ఎస్‌.డి.ఐ. అంటే ఇండియన్‌ స్కూల్‌ ఆఫ్‌ డిజైన్‌ అండ్‌ ఇన్నోవేషన్‌. ఇక చెప్పేదేముందీ డిజైనింగ్‌ ఒక సృజనాత్మక అన్వేషణ. ప్రపంచమంతా తిరుగుతారు రాధ. ముఖ్యంగా ప్యారిస్, న్యూయార్క్‌ మీటింగులకు. ఫ్లయిట్‌ దిగాక పనుల్లో బిజీ అయిపోతారు కానీ, ఫ్లయిట్‌లో ఉన్నప్పుడు ఏమీ తినరు. ఫ్లయిట్‌ దిగాక పనులు అయ్యాక కానీ తన సొంత పనులు చూసుకోరు. యోగాకి మాత్రం టైమ్‌ అడ్జెస్ట్‌ చేసుకుంటారు. అమ్మాయిలకిచ్చే సలహా : ఎక్కువ తినకండి. స్లిమ్‌గా ఉండండి. ప్రయాణాలు చేస్తూ ఉండండి. ఉపాసన టాకు (న్యూఢిల్లీ) కో–ఫౌండర్, మొబీక్విక్‌ ఈ మొబైల్‌ పేమెంట్‌ కంపెనీ సారథి నెలలో కనీసం రెండుసార్లు జర్నీ చేస్తారు. కొన్నిసార్లు తన రెండేళ్ల బిడ్డను కూడా వెంట తీసుకెళతారు. తరచూ సింగపూర్, యు.కె., యు.ఎస్‌. వెళ్లొస్తుంటారు. ఆమె హ్యాండ్‌బ్యాగ్‌లో ఏ సమయంలోనైనా దువ్వెన, చార్జర్, ఎలర్జీ మందులు ఉంటాయి. వెళ్లిన చోట వీలుని బట్టి స్నార్కెలింగ్, హైకింగ్, సైక్లింగ్‌ చేస్తారు.  అమ్మాయిలకిచ్చే సలహా : మీ సంపాదనలో కొంత భాగాన్ని తప్పనిసరిగా టూర్‌ల కోసం తీసిపెట్టుకోండి. డాక్టర్‌ హర్ష బిజ్లానీ (ముంబై) మెడికల్‌ హెడ్, ది ఏజ్‌లెస్‌ క్లినిక్‌ అండ్‌ సెలబ్రిటీ స్కిన్‌ ఎక్స్‌పర్ట్‌ప్రయాణాలు చేయడమే కాదు, ప్రయాణించి వచ్చిన వారికి స్కిన్‌ మళ్లీ ‘గ్లో’అవడానికి సలహాలు ఇస్తుంటారు. విమానంలో ప్రయాణిస్తున్నప్పుడు తరచూ నీళ్లు తాగుతుండాలని, క్రమం తప్పకుండా తినాలని చెబుతారు. లాస్‌ ఏంజిల్స్, లండన్, న్యూయార్క్, సింగపూర్‌.. ఇలా అనేక దేశాల్లో కాన్ఫరెన్స్‌లకు వెళ్లొస్తుంటారు బిజ్లానీ. ఏడాదిలో 30 నుంచి 45 రోజులు ఆమెకు టూర్‌లు ఉంటాయి. వెళ్లినచోట కొత్త కొత్త రెస్టారెంట్‌లను కనిపెట్టడం, జిమ్‌కు వెళ్లడం ఆమె అలవాటు. అమ్మాయిలకిచ్చే సలహా : నిరంతరం ప్రయాణిస్తూ ఉండండి. ప్రపంచాన్ని శోధించండి. తెలుసుకునే ఆసక్తి ఉంటే తెలియని వాటి గురించి భయమే ఉండదు.ఇన్‌పుట్స్‌: సిఎన్‌ ట్రావెలర్‌ రాధికా ఘాయ్‌ (న్యూఢిల్లీ) కో–ఫౌండర్, చీఫ్‌ బిజినెస్‌ స్టాఫ్, షాప్‌క్లూస్‌.కామ్‌  ఏడాదికి 120 రోజులు ప్రయాణాల్లోనే ఉంటారు. ఈ వ్యవధిలో ఆకాశంలో ఆమె ప్రయాణించే దూరం 6 లక్షల 70 వేల మైళ్లు. సింగపూర్‌ ఆమెకు ఇష్టమైన డెస్టినేషన్‌. వెస్టిన్‌లో ఓ కప్పు కాఫీ తాగి, మీటింగ్స్‌ని ముగించుకుని మెరీనా బే శాండ్స్‌లో షాపింగ్‌ చేసి, డెంప్సీహిల్‌లోని ఏ రెస్టారెంట్‌లోనైనా లంచ్, డిన్నర్‌ చేయడం.. సింగపూర్‌లో ఆమెకు ప్రియమైన వ్యాపకాలు. పెద్దగా లగేజ్‌ తీసుకెళ్లరు. ఓ చిన్న సూట్‌కేస్‌లో అన్నీ సర్దేసుకుంటారు. స్నీకర్స్‌ (తేలికపాటి షూజ్‌) తప్పనిసరి. విమానంలో ప్రయాణిస్తున్నప్పుడు పుస్తకం చదువుతూ, కునుకుతీస్తారు.  అమ్మాయిలకిచ్చే సలహా : విహరించండి, విందులు ఆరగించండి. 

అసిస్టెంట్‌ ప్రొఫెసర్‌గా కెరీర్‌ ప్రారంభించాలనుందా! జూనియర్‌ రీసెర్చ్‌ ఫెలోషిప్‌తో పరిశోధనల వైపు అడుగులు వేయాలనుందా! ఈ రెండిటిలో మీ మార్గం ఏదైనా యూజీసీ నేషనల్‌ ఎలిజిబిలిటీ టెస్ట్‌ (నెట్‌)లో ప్రతిభ కనబరిస్తే  సరిపోతుంది. వచ్చే ఏడాది నుంచి నెట్‌ సిలబస్‌ సమూలంగా మారనుంది. నెట్‌ పరిధిలోని అన్ని సబ్జెక్టుల సిలబస్‌ను  మార్చి.. నూతన సిలబస్‌ను తీసుకొచ్చే దిశగా యూనివర్సిటీ గ్రాంట్స్‌ కమిషన్‌ (యూజీసీ) చర్యలు ప్రారంభించింది. ఈ నేపథ్యంలో నెట్‌లో జరగనున్న మార్పులపై విశ్లేషణ.. యూజీసీ వచ్చే ఏడాది నుంచి కొత్త సిలబస్‌తో నేషనల్‌ ఎలిజిబిలిటీ టెస్ట్‌ (నెట్‌) నిర్వహణకు సిద్ధమవుతోంది. ఈ దిశగా నూతన సిలబస్‌ రూపకల్పన ప్రక్రియను వేగవంతం చేసింది. ఇందులో భాగంగా సబ్జెక్టు నిపుణుల పేర్లను సిఫారసు చేయాలని యూనివర్సిటీలను కోరింది. ఇప్పటికే దేశంలోని చాలా యూనివర్సిటీలు, ఇన్‌స్టిట్యూట్‌లు.. సిలబస్, కరిక్యులంలో మార్పులు చేశాయి. ప్రస్తుతం తాజా మార్కెట్‌ పరిస్థితులకు అనుగుణంగా దాదాపు అన్ని కోర్సుల సిలబస్‌లోనూ కొత్త అంశాలు కనిపిస్తున్నాయి. దీంతో యూజీసీ సైతం నెట్‌ సిలబస్‌ను తాజా అకడమిక్‌ సిలబస్‌కు అనుగుణంగా మార్చాలని నిర్ణయించి, మార్పులకు శ్రీకారం చుట్టింది.  25 కమిటీల ఏర్పాటు ప్రస్తుతం నెట్‌ను 100  సబ్జెక్టుల్లో నిర్వహిస్తుండగా... ఇప్పటికే 25 సబ్జెక్టుల సిలబస్‌లో మార్పులను సూచించేందుకు ఆయా సబ్జెక్టుల నిపుణులతో 25 కమిటీలు ఏర్పాటు చేసింది. ఇవి ప్రస్తుతం అకడమిక్‌గా అమలవుతున్న సిలబస్‌ను అధ్యయనం చేసి.. చేయాల్సిన మార్పులను సిఫారసు చేస్తాయి. మిగిలిన సబ్జెక్టుల సిలబస్‌ రివ్యూ కమిటీల ఏర్పాటును మరో నెల లోపు  పూర్తిచేయనున్నట్లు సమాచారం.          వృత్తి విద్యలో భారీ మార్పులు! వృత్తి విద్యా కోర్సుల సిలబస్‌లో భారీ మార్పులు జరిగే అవకాశం ఉన్నట్లు తెలుస్తోంది. మేనేజ్‌మెంట్, ఎలక్ట్రానిక్‌ సైన్స్, ఎన్విరాన్‌మెంటల్‌ సైన్స్, ఇంటర్నేషనల్‌ అండ్‌ ఏరియా స్టడీస్, హ్యూమన్‌ రైట్స్‌ అండ్‌ డ్యూటీస్, టూరిజం అడ్మినిస్ట్రేషన్‌ అండ్‌ మేనేజ్‌మెంట్, కంప్యూటర్‌ సైన్స్‌ అండ్‌ అప్లికేషన్స్, ఫోరెన్సిక్‌ సైన్స్‌ పేపర్ల సిలబస్‌లో ఎక్కువ మార్పులు జరిగే అవకాశముంది. ఏడాదికి ఒకసారే! నెట్‌ నిర్వహణలోనూ మార్పులు జరిగే సూచనలు కనిపిస్తున్నాయి. యూజీసీ ప్రస్తుతం ఏటా రెండుసార్లు నెట్‌ నిర్వహిస్తోంది. అయితే, ఇక నుంచి ఏడాదికి ఒకసారే నిర్వహించాలనే యోచనలో ఉన్నట్లు తెలుస్తోంది. ప్రస్తుతం ఒక్కో సెషన్‌కు దాదాపు ఆరు లక్షల మంది దరఖాస్తు చేసుకుంటున్నారు. కానీ, పరీక్షకు హాజరయ్యే వారి సంఖ్య మాత్రం లక్ష నుంచి లక్షా పదివేల మధ్యే ఉంటోంది. దీంతో రెండుసార్లు నిర్వహించడం అనవసరమనే అభిప్రాయానికి యూజీసీ వచ్చినట్లు తెలుస్తోంది. బహుశా ఈ విధానం 2019 నుంచి అమల్లోకి వచ్చే అవకాశముంది. ఎన్‌టీఏ ద్వారా నిర్వహణ ప్రస్తుతం నెట్‌ నిర్వహణను సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ (సీబీఎస్‌ఈ) చేపడుతోంది. వచ్చే ఏడాది నుంచి ఈ బాధ్యతను నూతనంగా ఏర్పాటుచేస్తున్న నేషనల్‌ టెస్టింగ్‌ ఏజెన్సీ (ఎన్‌టీఏ)కి అప్పగించే అవకాశం కనిపిస్తోంది. ఇటీవల జాతీయ స్థాయిలో సింగిల్‌ టెస్టింగ్‌ విండో తరహాలో తెరపైకొచ్చిన ఎన్‌టీఏ.. వచ్చే ఏడాది జూలై నాటికి పూర్తి స్థాయిలో రూపుదిద్దుకోనుంది. తొలి ఆరుశాతంతోనే మెరిట్‌ ఇప్పటికే యూజీసీ రిజర్వేషన్లతో నిమిత్తం లేకుండా పరీక్షకు హాజరైన మొత్తం అభ్యర్థుల్లో (అన్ని వర్గాల నుంచి) మొదటి ఆరు శాతానికి సమానమైన వారిని ఉత్తీర్ణులుగా ప్రకటించాలని నిర్ణయించింది. ఉదాహరణకు లక్ష మంది పరీక్షకు హాజరైతే వారిలో తొలి ఆరు శాతం (అంటే ఆరువేల మంది) మందిని నెట్‌ ఉత్తీర్ణులుగా ప్రకటిస్తారు. వీరికే అసిస్టెంట్‌ ప్రొఫెసర్‌షిప్‌నకు అర్హత లభిస్తుంది. ఇలా తొలి ఆరు శాతంలో నిలిచిన అభ్యర్థులనే ఉత్తీర్ణులుగా ప్రకటించాలనే నిర్ణయాన్ని విద్యావేత్తలు సైతం హర్షిస్తున్నారు. ఈ నిర్ణయాన్ని యాజీసీ 2017, నవంబర్‌ సెషన్‌ నుంచి అమల్లోకి తెచ్చింది. తొలి ఆరు శాతంతో రూపొందిన మెరిట్‌ జాబితాలోని వారికి రిజర్వేషన్ల ప్రక్రియను అమలు చేయనుంది. ఇప్పటì వరకు సబ్జెక్టు వారీగా, అభ్యర్థుల సామాజిక వర్గాల వారీగా టాప్‌–15 శాతంలో నిలిచిన వారితో జాబితా రూపొందించి, వారిని అర్హులుగా ప్రకటిస్తూ వచ్చింది. జేఆర్‌ఎఫ్‌ ప్రక్రియ యథాతథం నెట్‌ అర్హతతో మొదటగా అసిస్టెంట్‌ ప్రొఫెసర్‌షిప్‌ అర్హత లభిస్తుంది. దీనికి సంబంధించిన ప్రక్రియలో మార్పులు చేస్తున్నప్పటికీ.. తర్వాత దశలో ఎంపిక చేసే జూనియర్‌ రీసెర్చ్‌ ఫెలోషిప్‌ అర్హుల ఎంపిక విధానం మాత్రం ప్రస్తుత తరహాలోనే కొనసాగుతుంది. ముఖ్య సమాచారం ♦ మొత్తం అన్ని పేపర్లలోనూ సిలబస్‌ మార్పులకు శ్రీకారం. ♦ ఇప్పటికే 25 సబ్జెక్టు కమిటీల ఏర్పాటు. ♦ వృత్తి విద్యా సబ్జెక్టుల్లో అధికంగా మార్పులు జరిగే అవకాశం. ♦ 2018 నుంచి ఏటా ఒక సారే నెట్‌ నిర్వహించే అవకాశం. యూజీసీ నెట్‌ పరీక్ష విధానం యూజీసీ నెట్‌ను మూడు పేపర్లలో నిర్వహిస్తారు. వివరాలు.. పేపర్‌–1 అన్ని సబ్జెక్టుల అభ్యర్థులకూ ఒకే విధంగా ఉంటుంది. ఇందులో టీచింగ్‌ ఆప్టిట్యూడ్‌/రీసెర్చ్‌ ఆప్టిట్యూడ్, రీజనింగ్‌ ఎబిలిటీ, కాంప్రెహెన్షన్, జనరల్‌ అవేర్‌నెస్‌  విభాగాల నుంచి ప్రశ్నలు ఉంటాయి. పేపర్‌–2, 3లు అభ్యర్థులు ఎంపిక చేసుకున్న సబ్జెక్టుల ఆధారంగా ఉంటాయి. వీటిలో ఆయా సబ్జెక్టులకు సంబంధించిన ప్రశ్నలు ఉంటాయి. ఓపెన్‌ కేటగిరీ అభ్యర్థులు కనీసం 40 శాతం మార్కులు; ఎస్సీ, ఎస్టీ, పీడబ్ల్యూడీ, ఓబీసీ (నాన్‌–క్రీమీలేయర్‌) అభ్యర్థులు కనీసం 35 శాతం మార్కులు సాధిస్తే షార్ట్‌లిస్ట్‌ జాబితా రూపకల్పన ప్రక్రియకు పరిగణనలోకి తీసుకుంటారు. ఆహ్వానించదగ్గ పరిణామం యూజీసీ నెట్‌ సిలబస్‌లో మార్పులు చేయాలనుకోవడం ఆహ్వానించదగ్గ పరిణామం. దీనివల్ల తాజా పరిస్థితులకు అనుగుణంగా బోధన, పరిశోధనా నైపుణ్యాలను పరీక్షించే అవకాశం లభిస్తుంది. ఇటీవల అభ్యర్థులు సైతం అకడమిక్‌గా కొత్త అంశాలను నేర్చుకుంటున్నారు. వాటిలో తమకున్న సామర్థ్యాన్ని బహిర్గతం చేసే అవకాశం కలుగుతుంది. – డాక్టర్‌ డి.ఎన్‌.రెడ్డి, యూజీసీ మాజీ సభ్యులు,  డైరెక్టర్‌ డాక్టర్‌ సీఆర్‌రావు ఏఐఎంఎస్‌సీఎస్‌.


 
 ఒత్తిడికి చిత్తవుతున్న యువతరం
 
 చదువు, కెరీర్, ప్రేమ వైఫల్యాలు, సోషల్‌ మీడియానే కారణం
 
 ఒంటరితనం.. ప్రతికూల ఆలోచనలతో తీవ్ర ఒత్తిడిలోకి..
 
 నిస్పృహలోకి వెళ్లి ఆత్మహత్యలకు పాల్పడుతున్న కొందరు
 
 ‘కాస్మోస్‌’ సంస్థ తాజా అధ్యయనంలో వెల్లడి
 
 దేశవ్యాప్తంగా 500 కళాశాలల్లో సర్వే
 
 బాధితుల్లో 18–25 ఏళ్ల మధ్య వయసు వారు.. 64%
 
 25–44 ఏళ్ల వయసు వారు 50%
 
 సాక్షి, హైదరాబాద్‌ : ‘‘సెంచరీలు కొట్టే వయస్సు మాదీ.. బౌండరీలు దాటే మనస్సు మాదీ..’’అని పాడు కోవాల్సిన యువతరం ఇప్పుడు తీవ్ర ఒత్తిడితో చిత్తవుతోందట. మార్కులు, ర్యాంకులు.. కెరీర్,  ఉద్యోగం.. టీనేజ్‌ లవ్, వైఫల్యాలు ఇలా సవాలక్ష సవాళ్లతో సతమతమవుతోందట. ఏకా గ్రత కోల్పోయి.. ఏ పనిమీదా మనసు లగ్నం చేయలేక.. ఒంటరితనం.. నెగెటివ్‌ ఆలోచనలు  చుట్టుముట్టి డిప్రెషన్‌కు లోనవుతోందట.
 
 ఒత్తిడి శ్రుతిమించితే కొందరు బలహీన మనస్కులు ఆత్మహత్యకు సైతం పాల్పడటం వంటి విపరిణామాలు చోటుచేసుకుంటున్నాయని తాజా  అధ్యయనంలో తేలింది. ఢిల్లీకి చెందిన ప్రముఖ మానసిక వైద్యశాల ‘కాస్మోస్‌’దేశవ్యాప్తంగా  500 కళాశాలల్లో నిర్వహించిన అధ్యయనంలో యువత ఒత్తిడితో కుంగిపోతున్నట్లు వెల్ల డైంది. ఈ జాబితాలో మన నగరానికి చెందిన సుమారు 20 కళాశాలలు ఉన్నాయి. ఇటీవలి కాలంలో  సామాజిక మాధ్యమాల్లో గంటల తరబడి గడుపుతున్న కుర్రకారు ఆత్మీయ సంబంధాలు,  స్నేహితులతో ఆటపాటలకు దూరమవుతూ ఒత్తిడి అనే ఉపద్రవంలో చిక్కుకుంటోందని మాన సిక శాస్త్రవేత్తలు చెబుతున్నారు.
 
 ప్రధానంగా 18–25 ఏళ్ల మధ్యనున్న యువతరంలో  ఏకంగా 64 శాతం మంది ఇలాంటి పరిస్థితితో బాధపడుతుండటంతో ఆందోళన కలిగిస్తోందంట ున్నారు. ప్రస్తుత పోటీ ప్రపంచంలో మంచి కళాశాలలో సీటు సాధించడం మొదలుకుని మార్కులు,  ర్యాంక్‌లు తెచ్చుకోవడం.. అత్యుత్తమ కెరీర్‌ ఎంచుకోవడం.. క్యాంపస్‌ సెలక్షన్స్‌లో  మంచి ఉద్యోగం సాధించడం.. ఆ మధ్యలో టీనేజ్‌ లవ్‌లు.. ప్రేమ వైఫల్యాల వంటి సవాళ్లు  యువతరాన్ని చుట్టుముడుతున్నాయని పేర్కొంటున్నారు.
 
 యువతలో ఒత్తిడికి కారణాలివే..
 
 సామాజిక మాధ్యమాల్లో గంటల తరబడి గడపడం.
 
 మార్కుల రేస్‌లో తల్లిదండ్రులు, కళాశాల యాజమాన్యాలు ఒత్తిడి చేయడం.
 
 తెలిసీతెలియని వయసులో డ్రగ్స్, తాగుడు, పోర్న్‌ సైట్స్‌ వంటివాటికి అలవాటుపడటం.
 
 టీనేజ్‌లో ఆకర్షణకు లోనుకావడం. వన్‌సైడ్‌ లవ్‌.
 
 మంచి కళాశాలలో సీటు సాధించలేకపోవడం.
 
 కెరీర్‌పరంగా ఒడిదుడుకులు. చదువును నిర్లక్ష్యం చేయడం.
 
 చదువుకు అనుగుణంగా ఉద్యోగం దొరక్కపోవడం.
 
 తాము ఎదుర్కొంటున్న సమస్యలపై ఇంట్లో వారి నుంచి సరైన మార్గదర్శనం లభిం చకపోవడం.
 
 
 25–44 ఏళ్ల మధ్య వయసు వారిలో ఇలా..
 ఇక 25–44 ఏళ్ల మధ్య వయసు ఉన్న వారిలో ఆర్థిక సమస్యలు, ఉద్యోగానికి సంబంధించి అధిక పని  ఒత్తిడి, కొన్నిసార్లు ఉద్యోగం కోల్పోవడం, దాంపత్య సమస్యలు, కుటుంబ సంబంధాలు విచ్ఛిన్నమవ్వడం వంటి కారణాలతో సుమారు 50 శాతం మంది ఒత్తిడితో సతమతమవుతున్నట్లు  సర్వేలో తేలింది.
 
 ఇలా చేస్తే ఒత్తిడిమాయం..
 
 సామాజిక మాధ్యమాల్లో రోజుకు అరగంటకు మించి గడపరాదు.
 
 చదువు, మార్కులు, ర్యాంకులు, కెరీర్‌ ఎంచుకునే విషయంలో పిల్లలపై తల్లిదండ్రులు, యాజమాన్యాలు ఒత్తిడి చేయరాదు.
 
 యువతరంతో తల్లిదండ్రులు, టీచర్లు స్నేహితుల్లా మెలిగి.. వారు ఎదుర్కొంటున్న మాన సిక సమస్యలను పరిష్కరించేందుకు తోడ్పాటును అందించాలి.
 
 దురలవాట్లు, డ్రగ్స్‌కు దూరంగా ఉండటం. చెడు స్నేహాలను వదిలేయడం.
 
 నెగెటివ్‌ ఆలోచనలకు దూరంగా ఉండాలి. ఎప్పుడూ పాజిటివ్‌గా ఆలోచించాలి.
 
 ఎంచుకున్న రంగం, కెరీర్‌లో అత్యుత్తమ విజయాలు సాధించిన వారి విజయగాథలను  తెలుసుకోవాలి. వాటి నుంచి స్ఫూర్తి పొందాలి.
 
 వివిధ రకాల ఆకర్షణలకు దూరంగా ఉండాలి.
 
 ప్రతి రోజూ వ్యాయామం, యోగా, నడక, మార్షల్‌ ఆర్ట్స్, ధ్యానం వంటిలో ఏదో ఒకదానికి నిర్ణీత  సమయం కేటాయించాలి.
 
 మానసిక విశ్రాంతికి అధిక ప్రాధాన్యతనివ్వాలి. ఆధ్యాత్మిక, సేవా కార్యక్రమాలు, గార్డెనిం గ్‌ వంటి కార్యకలాపాలతో బిజీగా ఉండాలి.
 
 ఇష్టమైన పుస్తకాలు చదవాలి.
 
 నలుగురితో సరదాగా మాట్లాడటం, నవ్వడం, నిర్ణీత వేళకు ఆహారం తీసుకోవడం, నిద్రపో వడం వంటి సూత్రాలను విధిగా పాటించాలి.  
 
 
 – డాక్టర్‌ అనిత,
 సైకియాట్రిస్ట్, అసోసియేట్‌ ప్రొఫెసర్, రిమ్స్‌


 కినలూర్‌ (కేరళ): కొంతకాలంగా భారత్‌లో క్రీడాముఖ చిత్రం మారుతోందని దేశ ప్రధాని నరేంద్ర మోదీ అన్నారు. మైదానాల్లో అద్భుత ప్రదర్శన కనబరుస్తుండటంతో పాటు చాలామంది క్రీడలను ఫుల్‌ టైమ్‌ కెరీర్‌గా మలుచుకుంటున్నారని ఆయన గుర్తుచేశారు.
 
 దిగ్గజ అథ్లెట్‌ పీటీ ఉషకు చెందిన స్కూల్‌ ఆఫ్‌ అథ్లెటిక్స్‌లో ప్రపంచ స్థాయి సింథటిక్‌ ట్రాక్‌ను ప్రధాని వీడియో కాన్ఫరెన్స్‌ ద్వారా ప్రారంభించారు.  ‘ఇంతకుముందు క్రీడలను కెరీర్‌గా తీసుకునే వాతావరణ దేశంలో ఉండేది కాదు. అయితే ఇప్పుడా అభిప్రాయం మారుతోంది. ప్రతిభావంతులకు సరైన సదుపాయాలను కల్పించాల్సిన అవసరం ఉంది’ అని మోదీ అన్నారు.


 లవ్‌ డాక్టర్‌ రిటర్న్స్‌
 
 రామ్‌గారూ.. నేను బి.టెక్‌ సెంకడ్‌ ఇయర్‌ చదువుతున్నాను. మా కాలనీలో ఒకతను అయిదు నెలలుగా నన్ను ఫాలో అవుతున్నాడు. నేను కాలేజ్‌కి వెళ్లేటప్పుడు నా వెనకే వస్తాడు. అతను నన్ను ఎందుకు ఫాలో అవుతున్నాడో ఇప్పటికీ అర్థం కాలేదు. అతనిది లవ్వా? ఆకర్షణా? తెలియదు. నాతో మాట్లాడాలని చాలా సార్లు ట్రై చేశాడు. కాని నాకు భయం వేసి మాట్లాడకుండా వెళ్లిపోయాను. అతని వల్ల నా చదువు దెబ్బతింటోంది. నాకు నా కెరీర్‌ ముఖ్యం. ఒక వేళ అతను నన్ను లవ్‌ చేస్తున్నట్లయితే నేను రిజెక్ట్‌ చేస్తే అతని కెరీర్‌ నా వల్ల పాడవుతుందని భయం వేస్తోంది. మీరే ఈ ప్రాబ్లమ్‌కి సొల్యూషన్‌ చెప్తారని ఎదురుచూస్తున్నాను.
 – ఆనందిత, ఇ–మెయిల్‌
 
 పొల్యూషన్‌ అమ్మా... పొల్యూషన్‌.... ఎక్కడ చూసినా పొల్యూషనే... వీధులంతా పొల్యూషనే... ఎక్కడబోతే అక్కడ పొల్యూషన్‌ ఫాలో అవుతోంది. ఏం చేయమంటావు చెప్పు. మురికి గుంట పక్క నుంచి వెళ్తుంటే ముక్కు మూసుకుంటాం. షేర్‌ ఆటోలో హోరెత్తించే పాటలు వినబడుతుంటే చెవులు మూసుకుంటాం. పొగలు కక్కుతున్న లారీ వస్తుంటే కళ్లూ, ముక్కు రెండూ మూసుకుంటాం. ఇన్ని పొల్యూషన్లకీ రియాక్షన్‌గా ఇంద్రియాలను మూసుకుంటున్నాం కదా! నిలువెత్తు పొల్యూషన్‌ నీ వెనకే వస్తుంటే హృదయం మూసుకోవడం మంచిది! ఏమంటావు... ఆ జింగిరీ కెరీర్‌ ఏమవుతుందో అని టెన్షన్‌ పడి నీ కెరీర్‌ని జింగిరీ చేసుకోవడం ఊ... హు... నాట్‌ ఓకే. మంచితనం అన్నిచోట్లా ప్రదర్శించవద్దు.... జీవితంలో దెబ్బతింటావు.
 
 నువ్వు బంగారంరా... నీకు ఇష్టం లేకపోయినా ఇంకొకరు తప్పు చేస్తున్నా నువ్వు చూపిస్తున్న బాధ్యత చాలా గొప్పది. అపకారికి ఉపకారం నెపమెన్నక చేయునది నా బంగారుకొండ ఆనందిత... కాని నిన్ను ఫాలో అయ్యేవాళ్ళని పట్టించుకునే బదులు, నువ్వు ఫాలో అవ్వాలనుకున్న కెరియర్‌ని పట్టించుకుంటే సంతోషంగా ఉంటావు. పిచ్చితల్లీ... అర్థం చేసుకోరా...! ‘నీలాంబరీ... ఆన్సర్‌ రాసి అలసిపోయాను. ఒక జింగిరి ఇవ్వు’... అన్నాను. ‘అంతగా అనాలనిపిస్తే నన్ను అనండి. అంతేకాని నా అరటిపండును జింగరీ అనకండి’ అని విసవిసా వెళ్లిపోయింది నీలాంబరి.
 - ప్రియదర్శిని రామ్‌ లవ్‌ డాక్టర్‌
 
 
 ప్రేమ, ఆకర్షణ, టీనేజ్‌ అనుబంధాల్లోని అయోమయం మిమ్మల్ని గందరగోళపరుస్తుంటే ప్లీజ్‌
 ఈ కింది అడ్రస్‌కు మాత్రం అస్సలు రాయకండి.
 లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1, బంజారా హిల్స్,
 హైదరాబాద్‌–34.  lovedoctorram@sakshi.com


 నగర పాలక పాఠశాలల్లో పోస్టులు 
  
 విజయవాడ సెంట్రల్‌ : 
 నగరపాలక సంస్థ పాఠశాలల్లో నిర్వహిస్తున్న కేరీర్‌ ఫౌండేషన్‌ కోర్సులను బోధించేందుకు అనుభవజ్ఞలైన ఉపాధ్యాయులు దరఖాస్తులు చేసుకోవాలని అదనపు కమిషనర్‌ పి.అరుణ్‌బాబు సూచించారు. 6 నుంచి 10వ తరగతి విద్యార్థులకు గణితం, భౌతిక శాస్త్రం, రసాయన శాస్త్రం, జీవశాస్త్రం, ఇంగ్లీష్‌ సబ్జెక్ట్స్‌ బోధించాల్సి ఉంటుందన్నారు. ఒక్కో పీరియడ్‌కు రూ.250 గౌరవ వేతనమని తెలిపారు. బీఎస్‌సి, బీఈడీ, ఎంఎస్‌సీ, బీటెక్‌ అర్హత కల్గినవారు దరఖాస్తులు చేసుకోవాల్సిందిగా తెలిపారు.  నగరపాలక సంస్థ ఉప విద్యాశాఖ అధికారి 98665 14224,  జిల్లా కన్వీనర్‌ 81421 16699 లేదా దగ్గర్లోని నగరపాలక సంస్థ ఉన్నత పాఠశాలల ప్రధానోపాధ్యాయుల్ని సంప్రదించాలని సూచించారు. 
  


 సాక్షి, సిటీబ్యూరో: నగరం వేదికగా మరో అందాల పోటీకి తెరలేచింది. ‘మిస్‌ క్వీన్‌ హైదరాబాద్‌’ పేరుతో ఈ పోటీ నిర్వహించనున్నట్టు సోమవారం నిర్వాహకులు ప్రకటించారు. అర్హతలు, నిబంధనలను అనుసరించి నగరానికి చెందిన యువతులు ఎవరైనా సరే ఈ పోటీలో పాల్గొనవచ్చునని తెలిపారు. సినిమా, మోడలింగ్‌ తదితర గ్లామర్‌ సంబంధిత రంగాల్లో రాణించే ఆసక్తి ఉన్న వారికి ఈ పోటీల అనంతరం మంచి కెరీర్‌ ఉంటుందన్నారు. ఇప్పటికే పోటీలకు ప్రాథమిక అర్హత సాధించిన యువతులు డిజైనర్‌ దుస్తుల్లో మెరిసిపోయారు. 


 ఎప్పుడూ షూటింగులేనా? ఖాళీ సమయాల్లో ఇంటి పనులేమైనా చేస్తారా? అసలు మీకు వంట చేయడం వచ్చా? అని త్రిషను అడిగితే.. ‘తినడం మాత్రం బాగా వచ్చు’ అని కూల్‌గా అంటారు. ‘‘మా ఇంట్లో కిచెన్ చూసి చాలా రోజులైంది. ఇక, గరిటె తిప్పే టైమ్ ఎక్కడుంది?’’ అని కూడా అంటున్నారు. కథానాయికగా దాదాపు పదమూడేళ్ల నుంచి వరుస సినిమాలతో త్రిష ఎప్పుడూ బిజీగానే గడిపారు. ఇప్పుడామెకు వంట చేసే అవకాశం లభించింది. అంటే.. అంత ఖాళీగా ఉన్నారా? అనుకోవద్దు.
 
 ఎందుకంటే.. వంట చేసేది ఇంట్లో కాదు, షూటింగులో. ప్రస్తుతం మాదేశ్ దర్శకత్వంలో త్రిష నటిస్తున్న హారర్ థ్రిల్లర్ ‘మోహిని’. ఈ చిత్రంలో చెఫ్‌గా నటిస్తున్నారామె. కెరీర్‌లో ఫస్ట్ టైమ్ ఈ పాత్రలో కనిపించనున్నారామె. పాత్రలో పర్‌ఫెక్షన్ కోసం షూటింగ్ ప్రారంభించడానికి ముందు చెఫ్స్ నుంచి సలహాలు తీసుకున్నారట. వంటతో పాటు ప్రేక్షకులను ఆమె ఉత్కంఠకూ గురి చేయనున్నారు. ఈ హారర్ థ్రిల్లర్‌లో దెయ్యంగానూ కనిపించనున్నారు.


  ధీర దత్
  
 పదేళ్లప్పుడు తనతో తను యుద్ధం.
 పీజీలో ప్రేమలోంచి బయట పడేందుకు యుద్ధం.
 జర్నలిస్ట్‌గా అవినీతి, అక్రమాలతో యుద్ధం.
 వ్యక్తిగతంగా విసుర్లు, విమర్శలతో యుద్ధం.
 ప్రస్తుతం ఆర్ణబ్ గోస్వామితో మాటల యుద్ధం!
 వార్ కరస్పాండెంట్ బర్ఖాదత్.. ఎప్పుడూ...
 ఏదో ఒక వార్ జోన్‌లో ఉంటూనే ఉంటారు.
 ఆ మాటే అని చూడండి...
 ‘అసలు వార్ జోన్‌లో లేని ఆడపిల్ల ఎవరో చెప్పండి’
 అని అడుగుతారు బర్ఖా.
 బర్ఖాదత్.. ధీర వనిత! ధీర దత్!!
 
 ఆడపిల్లకు అమ్మ ఒడి తప్ప ప్రపంచంలో వేరే ‘సేఫ్ జోన్’ లేదు. ఒడిలో ఉన్నంత వరకే అభయం. ఒడి దిగితే అరణ్యం. ఇల్లు, కాలేజ్, కెరియర్... చెడు చూపు ఏ వైపు నుంచి మెల్లిగా చెట్టు దిగి వస్తుందో చెప్పలేం. ఏ పుట్టలోంచి చల్లగా పాక్కుంటూ వస్తుందో కనిపెట్టలేం. ఏ పాతాళంలోంచి పువ్వులా పరిమళమై విరుస్తుందో, ఏ గగనంలోంచి నవ్వులా పరవశమై కురుస్తుందో అస్సలు ఊహించలేం.
    
 ప్రభాదత్‌కి ఇలాంటి భయాలేం లేవు. పిల్లని ఒడిలోంచి తోసేసింది! చెట్టు పుట్టా ఎక్కడం నేర్చుకో. కొండల్నీ గుట్టల్నీ తొలుచుకుంటూ వెళ్లిపో. నింగిలోకి విహంగమై ఎగిరిపో. ఎక్కడా.. నిలవకు, తడవకు, జడవకు. ఇదీ ఆ ఇంట్లో ఫస్ట్ చైల్డ్‌కి ఫస్ట్ లెసన్. ప్రభాదత్ జర్నలిస్ట్. బర్ఖాదత్ కూడా జర్నలిస్టే అయింది. తండ్రిలా ఆమె ఎయిర్ ఫోర్స్‌ని ఎంచుకోలేదు. అన్ని ఫోర్సులను రాత్రీపగలు మునివేళ్లపై నిలిపి ఉంచే మీడియా ఫోర్స్‌లోకి వచ్చేసింది. ఇప్పుడు ఇండియన్ మీడియాలోనే.. ఒక శక్తిమంతమైన క్షిపణి.. బర్ఘాదత్. ఆ క్షిపణి ఇప్పుడు.. సాటి జర్నలిస్ట్ ఆర్ణబ్ గోస్వామిపై నిప్పులు కురిపిస్తూ విరుచుకు పడడం దాదాపుగా ఒక యుద్ధవార్తే అయింది.
  
 ‘గ్రౌండ్ జీరో’ జర్నలిస్ట్!
 కేట్ ఆడీ, లిండ్సే హిల్సమ్, అలెక్స్ క్రాఫోర్డ్, ఆర్లా గ్యూరిన్, జీనా కోడర్, మార్తా గెల్హార్న్, బర్ఖాదత్... అంతా ఒకే బెంచ్ స్టూడెంట్స్. ఒకే కాలంలో కాకపోవచ్చు. యుద్ధ కాలాల్లో.. ‘గ్రౌండ్ జీరో’ (విస్ఫోటస్థలి) లోకి వెళ్లి పోయి అక్కడి నుంచి వార్తల్ని ప్రత్యక్షంగా అందించిన మహిళా జర్నలిస్టులు. దేశాల మధ్య యుద్ధం జరుగుతున్నప్పుడు, ఆ దేశాల మధ్యలోకి వెళ్లి యుద్ధాన్ని కవర్ చెయ్యడానికి గట్స్‌తో పని లేదు. జర్నలిజం మీద భక్తి ఉంటే చాలు. భక్తితో పాటు బర్ఖాకు జర్నలిజంపై ప్రేమ, గౌరవం ఉన్నాయి. వాటిని శంకిస్తే మాత్రం ఆమె అపరకాళే అవుతుంది. అయింది.
 ప్రో-పాకిస్థానీ పావురం?!
 ఆర్ణబ్ గోస్వామి సంగతి తెలిసిందే. ‘టైమ్స్ నౌ’ న్యూస్ రూమ్‌లో రంకెలేస్తూ, డిబేట్ కి వచ్చినవాళ్ల పీక నొక్కేస్తుంటాడు. అరవడం ఆయన యు.ఎస్.పి. (యునీక్ సెల్లింగ్ పాయింట్). జూలై 8న కశ్మీర్‌లో హిజ్బుల్ ముజాహిద్దీన్ తీవ్రవాది బర్హన్ వాని ఎన్‌కౌంటర్ జరిగిన తర్వాత టీవీలన్నీ ఎన్‌కౌంటర్‌పై డిబేట్ పెట్టాయి. ఆర్ణబ్ తన డిబేట్‌లో జర్నలిస్టుల్ని ఉతికేశారు. భారతదేశంలో ఉంటున్న ప్రో-పాకిస్థానీ జర్నలిస్టు పావురాల్ని జైల్లో పడేసి రెక్కలు కత్తిరించేయాలి అనేశారాయన! ఆ మాట ఎన్డీటీవీలో పనిచేస్తున్న బర్ఖాదత్‌కు తగిలింది. వెంటనే రియాక్ట్ అయ్యారు. ఆర్ణబ్ పని చేస్తున్న ఫీల్డులోనే తను పనిచేస్తున్నందుకు సిగ్గుపడుతున్నానని ఫేస్‌బుక్‌లో పోస్ట్ పెట్టేశారు. ఇప్పుడు ఈ ఇద్దరి మధ్యా మాటల వార్ నడుస్తోంది. ‘‘న్యూస్ రూమ్‌లో కూర్చొని చెత్తను పోగేసుకునే నీలాంటి వ్యక్తికి జనం మధ్య తిరిగి వాస్తవాలను చూస్తుండే జర్నలిస్టులను అనే అర్హత లేదు’’ అని ఆర్ణబ్‌పై విరుచుకుపడ్డారు బర్ఖాదత్. బర్హన్ ఎన్‌కౌంటర్ విషయంలో బర్ఖా మన సైనికుల్ని తప్పుపట్టే విధంగా మాట్లాడారన్నది ఆర్ణబ్ ఆరోపణ.
 
 పోరాటమే ఊపిరి
 రాజకీయ నాయకులతో యుద్ధం. అధికార యంత్రాంగంతో యుద్ధం. అవినీతి, అక్రమాలపై యుద్ధం. అప్పుడప్పుడు ఆర్ణబ్‌లాంటి వాళ్లతో యుద్ధం. ఆ యుద్ధంలో ఆమె గెలిచారా లేదా అన్నది కాదు, పోరాడారా లేదా అన్నదే ముఖ్యం. బర్ఖా పోరాట యోధురాలు. ఆమె దేశభక్తిపై అనుమానాలు రేకెత్తించడానికి, ఆమె శీల ప్రతిష్టను భంగపరచడానికి ఎన్నో ప్రయత్నాలు జరిగాయి. వాటన్నిటినీ తట్టుకుని నిలబడ్డారు బర్ఖా. రెండేళ్ల క్రితం ఆమెపై ఒక రూమర్ వచ్చింది. ఆమె రెండు పెళ్లిళ్లు చేసుకున్నారని, వాళ్లిద్దరూ కశ్మీర్ ముస్లింలని! బర్ఖా వాటిని పట్టించుకోలేదు.
  
 తనతో తను తొలి యుద్ధం!
 పట్టించుకోకుండా ఉండడానికి కూడా ఒకోసారి పెద్ద యుద్ధమే చెయ్యాల్సి వస్తుంది! ప్రత్యర్థులను, విరోధులను, పనిలేనివాళ్లను తన మాటలతో, తన నిర్లక్ష్యంతో, తన పరిణతితో తేలిగ్గా మట్టి కరిపించగల బర్ఖా.. బాల్యంలో ఒక్క విషయంలో మాత్రం తనతో తనే తలపడలేకపోయారు! అప్పుడు తనకు పదేళ్లు. పదేళ్లు కూడా ఉన్నాయో లేవో. ఆ సంఘటన మాత్రం బర్ఖాకు బాగా గుర్తుంది. అత్తయ్యలు, మామయ్యలు; పిన్నమ్మలు, బాబాయిలు; బంధువులు, స్నేహితులు, ఆ స్నేహితుల స్నేహితులు... పంజాబీ ఇళ్లల్లో సందడికి కొదవేముంది?
  ఆ బంధువుల్లో.. ఓ ‘మంచి మామయ్య’ బర్ఖాను ఒకరోజు ఆడుకుందాం రమ్మని తన గదికి తీసుకెళ్లి మీద చెయ్యి వేశాడు. బ్యాడ్ టచ్‌కీ, గుడ్ టచ్‌కీ తేడా తెలియని వయసు. కానీ ఆ టచ్‌లో అసహజత్వం ఉందని మాత్రం బర్ఖాకు అర్థమవుతోంది. మంచి మామయ్య ఏదో డర్టీ పని చేస్తున్నాడు. భయపడిపోయింది. అక్కడి నుంచి పరుగెత్తింది. ఆ తర్వాత ఆ మంచి మామయ్య దగ్గరికి వెళ్లలేదు. అమ్మకు చెప్పలేదు. నాన్నకు చెప్పలేదు. అలాగని ఆ ‘డర్టీ’ నుంచి తనూ బయటికి రాలేదు. తనేదో తప్పు చేసిన ఫీలింగ్! కొన్నేళ్ల పాటు ఆ ఫీలింగ్ బర్ఖాను వెంటాడింది. ఎంతవరకు అంటే... ఇంకో డర్టీ ఫెలో ఆమె జీవితంలోకి ప్రవేశించేంత వరకు.
 
 కాలేజ్‌లో... ప్రేమ వయెలెన్స్
 జామియా మిల్లియా ఇస్లామియా యూనివర్శిటీలో మూస్ కమ్యూనికేషన్ పీజీ కోర్సులో చేరింది బర్ఖా. అప్పటికామె పరిపూర్ణమైన స్త్రీ. తన జీవితం ఎలా ఉండాలన్న దానిపై ఆమెకు స్థిరమైన నిర్ణయాలు ఉన్నాయి. ఒక్కమాటలో... లోకం తెలిసిన పిల్ల. అప్పుడొచ్చాడు కో-స్టూడెంట్ ఒకడు. వచ్చి, ‘‘నిన్ను ప్రేమిస్తున్నాను’’ అన్నాడు. అంత లోకాన్ని చూసిన పిల్ల, అన్ని పుస్తకాలను చదివిన పిల్ల.. అతడి ప్రేమలో పడిపోయింది! తర్వాత అతడు బర్ఖాను సాధించడం మొదలు పెట్టాడు. ఓరోజు చెంప పగలగొట్టాడు. చెయ్యి మెలితిప్పాడు. కిందపడేసి, తలను నేలకేసి కొట్టాడు! ఇదంతా కాలేజ్‌లోనే. కాలేజ్‌లో డొమెస్టిక్ వయలెన్స్! ఎలాగో అతడిని వదిలించుకుంది. పీజీ అయ్యాక ఎన్డీటీవీ ఇంటర్వ్యూకి వెళితే.. అక్కడికి అతడు కూడా వచ్చాడు! కెమెరామెన్‌గా అప్లై చేశాడని తెలిసింది బర్ఖాకు. ‘అతడికి ఉద్యోగం ఇచ్చేపనైతే.. నేనిక్కడ ఉద్యోగం చెయ్యాల్సిన పని లేదు’ అని గట్టిగా చెప్పేసింది బర్ఖా. ఆమె కోసం అతడిని వద్దనుకుంది ఎన్డీటీవీ.
  
 ప్రతి ఆడపిల్లా ఒక యోధురాలు
 ఆడపిల్ల జీవితమే ఒక యుద్ధం అంటారు బర్ఖాదత్. ఆమె ఉద్దేశం.. పరిస్థితులు స్త్రీని యుద్ధ సైనికురాలిగా మార్చేస్తాయని. దేశాలకు యుద్ధాలు రావచ్చు రాకపోవచ్చు. హద్దుల్ని చెరిపేసుకుంటే, స్వేచ్ఛను కాపాడుకునే ప్రయత్నంలో స్త్రీ.. బాల్యంలో, యవ్వనంలో, ఆ తర్వాత కూడా యుద్ధం చేస్తూనే ఉండాల్సి వస్తుందని చెప్పడానికి బర్ఖా జీవితం ఒక నిదర్శనం.
 
 రచనలు
 బర్ఖాదత్  2015లో  ‘ది అన్‌క్వైట్ లాండ్’ అనే పుస్తకం రాశారు. భారతదేశపు తప్పొప్పులపై రిపోర్టర్‌గా బర్ఖా పరిశీలన, విశ్లేషణల సంకలనం ఈ పుస్తకం.  అంతకుముందు 2002 నాటి గుజరాత్ అల్లర్లపై ప్రముఖ ఇండో-అమెరికన్ జర్నలిస్టు రాసిన ‘గుజరాత్: ది మేకింగ్ ఆఫ్ ట్రాజెడీ’ పుస్తకంలో బర్ఖా.. ‘నథింగ్ న్యూ?: ఉమెన్ యాజ్ విక్టిమ్స్’ అనే విమర్శనాత్మక అధ్యాయం రాశారు.
  
 విమర్శలు, వివాదాలు
 2008లో ముంబై దాడుల ప్రత్యక్ష వార్తాసేకరణకు (లైవ్ కవరేజీకి) వెళ్లినప్పుడు బర్ఖాదత్ అక్కడి తాజ్‌మహల్, ఒబెరాయ్ ట్రైడెంట్ హోటళ్లలో బస చేసిన కొందరిని ఉగ్రవాదుల ఘాతుకాన్ని ప్రత్యక్షసాక్షులుగా టీవీలో చూపించి, వారి ప్రాణాలకు ముప్పు కలిగేలా రిపోర్టింగ్‌ను సంచలనాత్మకం చెయ్యడం ఆమెపై విమర్శలకు దారితీసింది. పనులు నడిపించడంలో మోరుమోసిన లాబీయిస్టు నీరా రాడియాతో  2జి స్ప్రెక్ట్రమ్ అమ్మకాలకు సంబంధించి సంభాషణ జరిపిన వారిలో బర్ఖా దత్‌కూడా ఉన్నట్లు సీబీఐ వెల్లడించడంతో బర్ఖా దత్ తను నిర్దోషినని నిరూపించుకోవలసి వచ్చింది.
  
 బర్ఖాదత్ - బాలీవుడ్ 
 బర్ఖాదత్ స్ఫూర్తితో బాలీవుడ్‌లో ‘లక్ష్య’, ‘ఫిరాక్’, ‘పీప్లీ లైవ్’, ‘నో వన్ కిల్డ్ జెస్సీకా’ చిత్రాలు వచ్చాయి. మలయాళంలో వచ్చిన ‘కీర్తిచక్ర’ చిత్రంలోని జర్నలిస్ట్ పాత్రకు కూడా బర్ఖానే ప్రేరణ.
 
 అవార్డులు: పద్మశ్రీ, అసోసియేషన్ ఫర్ ఇంటర్నేషనల్ బ్రాడ్‌కాస్టింగ్ అవార్డ్, ఇండియన్ న్యూస్ బ్రాడ్‌కాస్టింగ్ అవార్డ్, కామన్‌వెల్త్ బ్రాడ్‌కాస్టింగ్ అసోసియేషన్ అవార్డ్. 
 
 
 బర్ఖా దత్ (44), టీవీ జర్నలిస్ట్
 జననం   :      18 డిసెంబర్ 1971
 జన్మస్థలం      :      న్యూ ఢిల్లీ
 తల్లిదండ్రులు   :      ఎస్.పి.దత్ (ఎయిర్ ఇండియా అధికారి){పభాదత్  (హిందూస్థాన్ టైమ్స్ జర్నలిస్ట్)
 తోబుట్టువు     :      బహర్ దత్  (చెల్లెలు)   (సి.ఎన్.ఎన్.-ఐ.బి.ఎన్. జర్నలిస్ట్)
 చదువు   :      ఇంగ్లిష్ లిటరేచర్ (డిగ్రీ) ఢిల్లీ
 మాస్ కమ్యూనికేషన్ (రెండు పీజీలు) జామియా మిల్లియా, కొలంబియా
 కెరీర్ ప్రారంభం  :      ఎన్డీటీవీతో.
 ప్రస్తుతం  :      ఎన్డీటీవీలోనే న్యూస్ యాంకర్, కన్సల్టింగ్ ఎడిటర్
 ప్రతిష్ట     :      కార్గిల్ యుద్ధక్షేత్రంలో రిపోర్టింగ్, కెప్టెన్ విక్రమ్ బాత్రాతో ఇంటర్వ్యూ  (కశ్మీర్, పాకిస్థాన్, ఆఫ్ఘనిస్థాన్, ఇరాక్ యుద్ధక్షేత్రాల రిపోర్టింగ్)
 వైవాహిక స్థితి  :      అవివాహిత
  


 న్యూఢిల్లీః భారత స్వ్రాష్ క్రీడాకారిణి జోస్న చిన్నప్ప ఈ సారి ర్యాంకుల్లో కొంత మెరుగు పడింది. ఇంతకు ముందున్న ర్యాంకు కంటే రెండు స్థానాలకు ఎదిగి ఇప్పుడు 11వ స్థానంలో నిలిచింది. ప్రొషెషనల్ స్క్వాష్ అసోసియేషన్ (పీఎస్ఏ) తాజాగా విడుదల చేసిన క్రీడాకారుల ర్యాంకుల్లో జోస్న కొంతశాతం మెరుగు కనబరిచింది.
 
 గతవారం హాంకాంగ్ లో జరిగిన టోర్నీలో తనదైన ప్రతిభను ప్రదర్శించి ర్యాంకుల జాబితాలో స్క్వాష్ క్రీడాకారిణి జోస్న మరో మెట్టు ఎక్కగలిగింది. గతంలో 13వ ర్యాంకులో ఉన్న జోస్నతాజా జిబితాలో 11వ ర్యాంకును సాధించింది. తన ఇండియా టీమ్ మేట్ దీపికా పల్లికల్ కూడ తన స్థానంలో కాస్త మెరుగును కనబరిచి 18 వ ర్యాంకుకు ఎగబాకింది. అలాగే గాయంతో చికిత్స పొందుతున్న సౌరవ్ ఘోషల్ పురుషుల ర్యాంకుల్లో 17వ స్థానంలో ఉన్నాడు.


 ఫైనాన్షియల్ బేసిక్స్..
 రవి వయసు 23 ఏళ్లు. కొత్తగా ఉద్యోగంలో చేరాడు. వచ్చే సంపాదనలో కొంత పొదుపు చేయాలనుకున్నాడు. దాన్ని ఎక్కడ ఇన్వెస్ట్ చేయాలో ఆలోచిస్తున్నాడు. ఆ సమయంలో అతనికి తన చిన్ననాటి స్నేహితుడు ఖలీద్ తారసపడ్డాడు. రవి తన సందేహాలను ఖలీద్‌కు చెప్పాడు. ఖలీద్ అతనికి కొన్ని సూచనలు, సలహాలు ఇచ్చాడు. అవేంటో చూద్దాం...
  
 * ముందు ఎంత మొత్తంలో రిస్క్ భరించగలమో అంచనా వేసుకోవాలి. సాధారణంగా యుక్త వయసులోని వారు ఎక్కువ రిస్క్‌ను భరించగలరు.
 * రిస్క్‌ను భరించగలిగినప్పుడు.. దానికి అనుగుణంగా ఇన్వెస్ట్‌మెంట్ ప్రణాళికను తయారు చేసుకోవాలి.
 * ఇన్వెస్ట్‌మెంట్ ప్రణాళికలో ఈక్విటీ, ఫిక్స్‌డ్ ఇన్‌కమ్ సాధనాలకు ప్రాధాన్యమివ్వాలి. వీటితోపాటు కమోడిటీ మార్కెట్లో (బంగారం) కొంత ఇన్వెస్ట్ చేయాలి.
 * మనం సేవింగ్ చేయాలనుకుంటున్న మొత్తంలో 70-75 శాతం వరకు ఈక్విటీల్లో ఇన్వెస్ట్ చేయాలి. ఇందుకుగానూ ఈక్విటీ మ్యూచువల్ ఫండ్ పోర్ట్‌ఫోలియోను ఏర్పాటు చేసుకోవాలి. ఇది లార్జ్, మిడ్, స్మాల్ క్యాప్ ఓరియెంటెడ్‌గా ఉండాలి.
 * ఇక 25-20 శాతం మొత్తాన్ని ఫిక్స్‌డ్ ఇన్‌కమ్ ఆదాయ మార్గాల్లో ఇన్వెస్ట్ చేయాలి. ఇందుకు లిక్విడిటీ, స్థిరత్వం అనే అంశాలను ప్రాతిపదికగా తీసుకోవాలి.
 * పోర్ట్‌ఫోలియో డైవర్సిఫికేషన్ కోసం ఇకచివరగా మిగిలిన మొత్తాన్ని బంగారంలో పెట్టుబడిగా పెట్టాలి. చాలా మ్యూచువల్ ఫండ్స్ గోల్డ్ ఫండ్స్‌ను ఆఫర్ చేస్తున్నాయి.
 * ఇన్వెస్ట్‌మెంట్లను రెగ్యులర్‌గా చేయాలి. సిప్ పద్ధతిని అనుసరించడం ఉత్తమం.


 తల్లిదండ్రులు సమ్మతించినా అడ్డుపడుతున్న కులసంఘాలు
 బైక్ ర్యాలీకి సిద్ధమైన కార్యకర్తలను అదుపులోకి తీసుకున్న  మండ్య పోలీసులు
 ప్రేమికులకు మద్దతుగా ‘ప్రగతిపర వేదిక’
  
 బెంగళూరు: వారి ప్రేమకు మతాలు అడ్డంకి కాలేదు. 12 ఏళ్లుగా ప్రేమించుకుంటున్న ఆ ఇద్దరూ కెరీర్‌లో స్థిరపడ్డాక తల్లిదండ్రులను ఒప్పించి వివాహానికి సిద్ధమయ్యారు. ఇరు కుటుంబాలు వివాహానికి సమ్మతించడంతో ఆ కుటుంబాల్లో, ప్రేమికుల హృదయాల్లో ఆన ందోత్సాహాలు వెల్లివిరుస్తున్న వేళ కులసంఘాలు వారి ప్రేమకు అడ్డుపడుతున్నాయి. ఆ ప్రేమికులది నిజమైన ప్రేమకాదని, ప్రేమ పేరిట జరుగుతున్న లవ్‌జిహాది అని గోలపెడుతున్నాయి. వీరి పెళ్లి ఎట్టిపరిస్థితుల్లోనూ జరగరాదని మండ్యలోని ఒక్కలిగర సంఘానికి చెందిన కార్యకర్తలు శుక్రవారం మండ్య నగరంలో బైక్ ర్యాలీకి సన్నద్ధమయ్యారు. దీంతో ఆ ప్రేమజంట ఒక్కటయ్యేందుకు ‘మతం’ అడ్డుగోడగా మారుతోంది.
  
 
 12 ఏళ్ల ప్రేమ......
 మండ్య నగరంలోని అశోకనగర్‌లోని రెండవ క్రాస్‌లో నివాసం ఉంటున్న డాక్టర్ హెచ్,వి.నరేంద్రబాబు, గాందీనగరలో నివాసం ఉంటున్న బియ్యం వ్యాపారి ముఖ్తార్ ఆహ్మద్‌లు ఇద్దరు బాల్య స్నేహితులు. దాంతో నరేంద్రబాబు కుమార్తె అశితా, ముఖ్తార్ అహ్మద్ కుమారుడు షకిల్ చిన్నప్పటి నుంచి ఎంబీఎ వరకు కలిసి చదువుకున్నారు. ఈ నేపథ్యంలోనే వారిద్దరి మధ్య ప్రేమ చిగురించింది. ఇద్దరు 12 సంవత్సరాలుగా ప్రేమించుకుంటున్నారు. దాంతో ఇరు కుటుంబాల వారు ఇద్దరి పెళ్లికి కూడా ఒప్పుకొని ఈ నెల 17న మైసూరు నగరంలోని తాజ్ కన్వెన్షన్ హాల్‌లో పెళ్లి నిర్వహించడానికి అన్ని ఏర్పాట్లు చేసుకున్నారు. ఈ విషయం తెలుసుకున్న హిందూ సంఘటణ కార్యకర్తలు గత మంగళవారం యువతి ఇంటి ఎదుట ధర్నాకు దిగారు.
  
 ప్రేమ పేరిట హిందూ యువతిని ముస్లిం మతంలోకి మార్చి లవ్ జిహాదికి పాల్పడుతున్నారని ఆరోపిస్తూ ధర్నా నిర్వహించారు. అయితే ఇందులో లవ్ జిహాది లాంటిదేదీ లేదని, తమ బిడ్డలు వివాహానంతరం కూడా మతం మారబోరని ఇప్పటికే ఇరు కుటుంబాలు ప్రకటించాయి. అయినప్పటికీ మండ్యలోని కొన్ని సంఘాలు, ఒక్కలిగర సంఘం సభ్యులు ఈ వివాహాన్ని అడ్డుకోవాలని కోరుతూ బైక్ ర్యాలీకి సన్నద్ధమయ్యారు. ఈ నేపథ్యంలో బైక్ ర్యాలీకి బయలు దేరిన 15 మందికి పైగా కార్యకర్తలను పోలీసులు అదుపులోకి తీసుకున్నారు. ఇదిలా ఉండగా శనివారం మండ్య బంద్‌కు సైతం ఈ సంఘం సభ్యులు పిలుపునిచ్చాయి. ఇదే సందర్భంలో మండ్యలోని కొన్ని ప్రగతిపర సంఘాలు మాత్రం ఈ ప్రేమ జంట వివాహానికి మద్దతు తెలుపుతున్నాయి. ఈ ప్రేమ జంటకు తాము అండగా ఉంటామని చెబుతూ వారు సైతం మండ్యలో శుక్రవారం ర్యాలీని నిర్వహించారు.
  
 మమ్మల్నిలా వదిలేయండి...
 ఇక ఈ విషయంపై అశితా స్పందిస్తూ....‘మమ్మల్నిలా వదిలేయండి. మేమిద్దరం 12 ఏళ్ల నుంచి ప్రేమించుకుంటున్నాం. కెరీర్‌లో స్థిరపడ్డాక పెద్దలను ఒప్పించి పెళ్లి చేసుకుంటున్నాం. ఇందులో నిజమైన ప్రేమ తప్పితే మరే విషయం లేదు. మా పెళ్లైన తర్వాత అత్తగారింట్లో రమ్‌జాన్ జరుపుకుంటాను, పుట్టింట్లో రామనవమి జరుపుకుంటాను. ఇందులో ఎలాంటి మార్పు ఉండబోదు’ అని పేర్కొన్నారు.


 పరిపరి  శోధన
 
 పొగతాగే అలవాటుతో ఆరోగ్యానికి మాత్రమే కాదు, కెరీర్‌కూ సెగ తప్పదని తాజా అధ్యయనాల్లో తేలింది. పొగతాగే అలవాటు ఉన్నవారి కంటే పొగతాగని వారే కెరీర్‌లో ముందుకు దూసుకుపోతారని, పొగరాయుళ్లు తమ అలవాటు కారణంగా కెరీర్‌లో వెనుకబడిపోతున్నారని తమ అధ్యయనంలో తేలినట్లు స్టాన్‌ఫోర్డ్ వర్సిటీ శాస్త్రవేత్తలు ఇటీవల వెల్లడించారు.
 
 ఇదిలా ఉంటే, పొగరాయుళ్లకు ఉద్యోగాలు దొరకడం కూడా కష్టమవుతోందని తమ అధ్యయనంలో తేలినట్లు కాలిఫోర్నియా కాలేజీకి చెందిన స్కూల్ ఆఫ్ మెడిసిన్ పరిశోధకులు చెబుతున్నారు. ఒకవేళ అష్టకష్టాలు పడి ఉద్యోగం సంపాదించినా, పొగరాయుళ్ల ఆదాయం పొగతాగని వారి ఆదాయం కంటే తక్కువగానే ఉంటోందని వారు అంటున్నారు.
  
  
  
  


 డ్యూటిప్స్
 
 ఉద్యోగాలు చేసే మహిళలు కెరీర్‌లో ఎదగాలంటే, తొలుత తమ శక్తి సామర్థ్యాలను, లోపాలను నిష్పాక్షికంగా అంచనా వేసుకోవాలి.పనితీరులో మెరుగుదల కోసం శక్తి సామర్థ్యాలను పెంచుకునే ప్రయత్నాలు చేయాలి. పనితీరుకు ఇబ్బందికరంగా ఉంటున్న లోపాలను ఇతరులు గుర్తించకముందే దిద్దుకునే ప్రయత్నాలు చేయాలి.
 
 కెరీర్‌లో సాధించాలనుకుంటున్న లక్ష్యాలను స్పష్టంగా నిర్ధారించుకోవాలి. నిర్దేశిత లక్ష్యాలను చేరుకోవడానికి అనుగుణంగా మిమ్మల్ని మీరు తీర్చిదిద్దుకోవాలి.లక్ష్యసాధనకు ఆటంకం కల్పించే అలవాట్లు ఏవైనా ఉంటే, వాటిని వదిలించుకోవాలి. అవసరమైతే విద్యార్హతలను మెరుగుపరచుకోవాలి. అధ్యయనానికి తప్పనిసరిగా సమయాన్ని కేటాయించాలి.
 
  
  


 ఐఐఎం విద్యార్థులకు వైస్ అడ్మిరల్ సతీశ్ సోనీ సూచన
  విశాఖపట్నం: వేతన ప్యాకేజీలతో నిమిత్తం లేకుండా ఎంచుకున్న వృత్తిని గౌరవించాలని ఈస్టర్న్ నావల్ కమాండ్ వైస్ అడ్మిరల్ సతీశ్ సోని ఐఐఎం విద్యార్థులకు సూచించారు. ఇండియన్ ఇన్‌స్టిట్యూట్ ఆఫ్ మేనేజ్‌మెంట్(ఐఐఎం) విశాఖపట్నం ప్రథమ వ్యవస్థాపక దినోత్సవానికి ఆయన హాజరై విద్యార్థులను ఉద్దేశించి మాట్లాడారు.
 
 జీవితంలో ఉన్నత స్థానానికి చేరుకునేందుకు, సమాజాభివృద్ధికి పాటుపడేందుకు వేతనాలకై చూడకుండా వృత్తిని గౌరవించాలని చెప్పారు. నైపుణ్యాలు పెంపొందించుకునేందుకు, వ్యక్తిత్వ వికాసానికి హార్డ్‌వర్క్, సిన్సియారిటీ ఎంతో ముఖ్యమని తెలిపారు. తీర ప్రాంత రక్షణ, దేశ ఆర్థికాభివృద్ధిలో నేవీ కీలకపాత్ర పోషిస్తోందని చెప్పారు.


  
 హైదరాబాద్:  గానగంధర్వుడు డా. ఎస్పీ బాలసుబ్రహ్మణ్యం  అయిదు దశాబ్దాల  సుదీర్ఘ కరియర్కు  ముగింపు పలకబోతున్నారా?  పాటల పల్లకీలో ఊరేగుతూ 49 సం.రాల మైలురాయిని అధిగమించిన నేపథ్యంలో మీడియాతో ఆయన చేసిన వ్యాఖ్యలు ఇలాంటి అనుమానాన్ని రేకిత్తిస్తోంది.    పాటలకు న్యాయం  చేయలేను అని  అనిపించినపుడు పాటలు పాడటం  నిలివేయాలని భావిస్తున్నానంటూ బాలూ వ్యాఖ్యానించడం సంచలనం రేపింది.   పాటలు పాడేందుకు  భౌతికంగా,మానసికంగా తన బలం  సరిపోదన్నారు.  సామర్ధ్యం లేనపుడు.. పరిశ్రమను ఇంకా పట్టుకొని వేలాడం  సముచితం కాదని  పేర్కొన్నారు. జీవితంలో అన్ని అవకాశాలు అడగక్కుండానే వచ్చి వరించాయన్నారు. సుదీర్ఘ కాలం  సినీ కళామతల్లికి సేవ చేసే అదృష్టం కలిగడం చాలా సంతోషంగా ఉందని ఇక తనకు ఎలాంటి కోరికలు లేవని తెలిపారు.   రోజుకు 11గంటలకు పనిచేస్తూ.. ప్రతీరోజు ఒక సవాల్గా స్వీకరించానంటూ తన అనుభవాలను గుర్తు చేసుకున్నారు. 
  
 1966 లో శ్రీశ్రీశ్రీ మర్యాదరామన్న సినిమాతో తెలుగు సినీ నేపథ్యగాయకుడిగా తెరపైకి వచ్చిన ఆయన ప్రస్థానంలో ఎక్కడా వెనకడుగులేదు.  హీరోలకు, నటులకు అనుగుణంగా పరకాయ ప్రవేశం చేసి ఆకట్టు కోవడం ఆయన ప్రత్యేకత.  తన అద్భుతమైన గాత్రంతో తెలుగు వారి మదిలో బాలుగా మిగిలిన లెజెండ్  ఆయన. తెలుగు, తమిళం, మలయాళం, కన్నడ,తులు, హిందీ, ఇంగ్లీషు, లాంటి  దాదాపు 15   భాషల్లోగానస్వరాలను ప్రేక్షకులకు అందించి, ఎన్నో అభినందనలను, అవార్డు, రివార్డులను సొంతం చేసుకున్నారు. నటుడిగానూ, సంగీత దర్శకుడిగాను పనిచేసి ప్రేక్షకాభిమానుల అభిమానాన్ని చూరగొన్నారు.  బాలుకి 29 సార్లు నంది అవార్డులు, కలైమామణి, విశ్వగానయోగి, నాదనిధి, గానగంధర్వ వంటి బిరుదులను పొందారు.
 2001వ సంవత్సరంలో  పద్మశ్రీ,  2011వ సంవత్సరంలో పద్మభూషణ్ పురస్కారాలు ఆయను వరించాయి. ప్రముఖ హిందీ గాయకుడు మహ్మద్ రఫీ తన అభిమాన గాయకుడనీ,  ఆ లెజండ్రీ గాయకుడినుంచి  చాలా నేర్చుకున్నానన్నారు.   తనకు సినీ జీవితాన్ని ప్రసాదించిన గురువుగారు కోదండిపాణికి ఆజన్మాంతం రుణపడి వుంటానన్నారు.  అయితే ఇంజనీరింగ్ పూర్తి చేయకపోవడం, శాస్త్రీయ సంగీతాన్ని అభ్యసించకపోవడం తన జీవితంలో తీరని  లోటని బాలు పేర్కొన్నారు. 
  
  


 టింగురంగళ్లలా తయారయ్యే అందగాళ్లను చూస్తే చాలామందికి కాస్తంత అసూయగానే ఉంటుంది. అందగాళ్లను అంతా అబ్బురంగా చూస్తారు. అమ్మాయిలూ ఎక్కువగా వారి వెంటే పడతారు. ఇలాంటి సహజ పరిణామాలన్నీ అందగాళ్లకు కాస్తంత ఆనందాన్నే ఇస్తాయి. మరి, వాళ్లకు కష్టాలేమిటి అనుకుంటున్నారా? అందగాళ్లకు బయట ఫాలోయింగ్ ఎలా ఉన్నా, కెరీర్‌లో మాత్రం ఇబ్బందులు తప్పవని లండన్ వర్సిటీ కాలేజీకి చెందిన స్కూల్ ఆఫ్ మేనేజ్‌మెంట్, అమెరికాలోని మేరీలాండ్ వర్సిటీలకు చెందిన పరిశోధకులు చెబుతున్నారు.
 
 అందగాళ్ల పట్ల వాళ్ల బాస్‌లకు కాస్తంత బెదురు ఉంటుందని, వీలైనంతగా వాళ్లను అణగదొక్కడానికే ప్రయత్నిస్తారని అంటున్నారు. అయితే, అందగత్తెలైన మహిళలకు కెరీర్‌లో ఇలాంటి సమస్యలేవీ ఎదురుకావని కూడా వారు చెబుతున్నారు. బాస్‌ల అసూయ కారణంగానే అందగాళ్లు కెరీర్‌లో నష్టపోతారని, ఏడాదిపాటు జరిపిన తమ అధ్యయనంలో ఈ విషయం తేలిందని వెల్లడిస్తున్నారు.


 న్యూయార్క్ : ఆమె ఓ క్యాన్సర్  పేషెంట్.. వ్యాధి ముదిరి ఫోర్త్ స్టేజ్ లో ఉంది. కానీ అందమైన ఫోటోలతో, అద్భుతమైన మోడల్ గా అందరినీ దృష్టిని ఆకర్షిస్తోంది. క్యాన్సర్ వ్యాధి  బారినపడగానే  తీవ్రమైన భయాందోళనలకు లోను కావడం చాలామంది బాధితుల్లో  కనిపిస్తుంది.  తమకు తాము మరణశాసనం  రాసుకున్నట్టుగా కుంగిపోతారు. ముఖ్యంగా  వ్యాధి నివారణలో భాగమైన కీమో థెరపీ, దాని దుష్ప్రభావాలకు మరింత బెంబేలెత్తిపోతారు. కానీ  క్యాన్సర్  ఫోర్త్  స్టేజ్ లో ఉన్న ఓ మోడల్  ఇపుడు ప్రపంచంలోని క్యాన్సర్  వ్యాధి పీడితులకు   స్ఫూర్తిగా నిలిస్తోంది.   ఒకవైపు రోగం పీడిస్తున్నా ఆత్మవిశ్వాసంతో తన వృత్తిలో ముందడుగు వేయడం ఆకర్షిస్తోంది.  ఆమె ఆత్మవిశ్వాసాన్ని,ఆత్మసౌందర్యాన్ని పలువురు ప్రశంసిస్తున్నారు.
  
 డయానా  క్రిష్టియన్ (25)   మూడు సంవత్సరాల క్రితం లింఫోమియా బారిన పడింది.   న్యూయార్క్ నుండి  ఫ్యాషన్ బిజినెస్  లో  గ్రాడ్యుయేషన్  పూర్తి చేసిన వెంటనే  చిన్నవయసులోనే ఈ మహమ్మారి ఆమెను కూడా వణికించింది.  వ్యాధిని గుర్తించే సమయానికి దాదాపు నాలుగు దశకు చేరుకుంది. ఈ నేపథ్యంలో  కీమో థెరపీ, రెండుసార్లు  స్టెమ్ సెల్స్ ట్రాన్స్ ప్లాంటేషన్ ఆపరేషన్  మూలంగా పూర్తిగా నీరసించిపోయింది.   జుట్టుమొత్తం ఊడిపోయింది.
 
 అయినా తన రూపం చూసుకొని కంగిపోలేదు.  తన కరియర్ లో  ఎక్కడా వెనుకడుగు వేయలేదు.   చికిత్స అనంతరం తన  స్నేహితుడు  సహాయంతో  కొన్ని ఫోటోలు  తీసి ఒక పోర్ట్ ఫోలియె క్రియేట్ చేసుకుంది.  అలా ఆమె  పోర్ట్ ఫోలియోలోని ఫోటోలు పెద్దపెద్ద  కంపెనీల, ఫోటో గ్రాఫర్ల  దృష్టిని ఆకర్షించాయి. ఎలాంటి విగ్ గానీ,   స్కార్ఫ్ ధరించకుండానే ఫోటోలకు ఫోజులిస్తూ,   ర్యాంపై పై  నడుస్తే ధీశాలిగా నిలిస్తోంది.  దీంతోపాటు చాలా మేజర్ కంపెనీలకు తమ మోడలింగ్  చేస్తూ సూపర్ మోడల్ గా నిలిచింది.
  
 క్యాన్సర్ సోకినంత మాత్రాన ఎక్కడా అధైర్యపడకుండా, ఆత్మవిశ్వాసంతో ముందుకు సాగాలని ఈ సూపర్ మోడల్ డయానా పిలుపునిస్తోంది.  తన అనారోగ్యానికి దాచడం తనకు ఇష్టం లేదని,   తను ఎలా ఉన్నానో, వాస్తవంగా  ఎలా కనిపిస్తున్నానో అలాగే  ప్రపంచానికి తెలియాలని డయానా  పేర్కొంది.
 
  


 టాప్ స్టోరీ
 డేట్లు కుదరలేదు... కథ నచ్చలేదు... డబ్బుల లెక్క తేలలేదు...
 కారణాలు ఏవైనా కరీనా కపూర్ వదులుకున్న సినిమాలు చాలానే.
 అందులో ఓ అరడజనయితే, ఆమె మిస్ చేసుకున్న అద్భుతమైన హిట్లు.
 కరీనా ఖాతాలో మిస్సయిన ఆ ఆరు సినిమాల కథాకమామిషు...
  
 అంచనా తప్పింది!
 ‘ఊహూ.. ఇది వర్కవుట్ కాదు..’ అని బలంగా అనుకుని, ‘హమ్ దిల్ దే చుకే సనమ్’ చిత్రాన్ని తిరస్కరించారు కరీనా కపూర్. ఆ చిత్రం ద్వారా కరీనాను కథానాయికగా పరిచయం చేయాలనుకున్న దర్శకుడు సంజయ్ లీలా భన్సాలీ ఆమె నుంచి గ్రీన్ సిగ్నల్ రాకపోవడంతో ఐశ్వర్యారాయ్‌ని కథానాయికగా తీసుకున్నారు. కట్ చేస్తే... ఆ చిత్రం సూపర్ హిట్ అవడంతో పాటు పలు జాతీయ అవార్డులు కూడా సొంతం చేసుకుంది. ఐశ్వర్యా రాయ్ కెరీర్ సక్సెస్ ట్రాక్‌లోకి వెళ్లడానికి కారణంగా నిలిచిన చిత్రం ‘హమ్ దిల్ దే చుకే సనమ్’.
 
 ఒకవేళ ఈ చిత్రం అంగీకరించి ఉంటే ఓ ఏడాది ముందే తెరపై మెరిసేవారు. అలా కెరీర్ మొదట్లోనే ఓ సూపర్ హిట్ మూవీలో నటించే అవకాశాన్ని చేజార్చుకున్నారు కరీనా. కానీ, ఆమె పరిచయం అయిన ‘రెఫ్యూజీ’ కూడా మూమూలు సినిమాయేం కాదు. ఆ సినిమా కూడా మంచి విజయాన్ని సొంతం చేసుకుంది. కాకపోతే ‘హమ్ దిల్ దే చుకే సనమ్’తో పోలిస్తే మాత్రం రేంజ్ తక్కువనే చెప్పాలి.
  
 డబ్బే ప్రధానం!
 కరణ్ జోహార్ దర్శకత్వం వహించిన ‘కభీ ఖుషీ కభీ గమ్’ ఎవర్ గ్రీన్ ఫ్యామిలీ మూవీ అనిపించుకున్న విషయం తెలిసిందే. ఈ చిత్రంలో కరీనా నటనకు ముగ్ధుడైన దర్శకుడు కరణ్ జోహార్ తన తదుపరి చిత్రం ‘కల్ హో నా హో’లో కూడా ఆమెనే కథానాయికగా తీసుకోవాలనుకున్నారు. కానీ, ‘కభీ ఖుషీ కభీ గమ్’ ఘనవిజయం, అందుకు ముందు చేసిన రెండు, మూడు చిత్రాల విజయంతో కరీనా తన పారితోషికం పెంచేశారు. అ బ్యూటీ అడిగిన పారితోషికం కరణ్ జోహార్‌కి రీజనబుల్‌గా అనిపించక పోవడంతో ప్రీతీ జింతాను తీసుకు న్నారాయన. అందులో నటనకు అవకాశం ఉన్న పాత్ర చేసిన ప్రీతీకి మంచి పేరు వచ్చింది. ‘‘అంత మంచి పాత్ర వదులుకుని తప్పు చేశాను’’ అని ‘కాఫీ విత్ కరణ్’లో కరీనా పేర్కొన్నారు. జీవితాంతం ఆ పశ్చాత్తాపం ఉంటుందని ఆమె అన్నారు.
  
 ఫ్యాషన్... పరేషాన్!
 మధుర్ భండార్కర్ సినిమాలో అవకాశం అంటే కథానాయికలకు పండగే అనాలి. అవార్డులు దక్కించుకునే పాత్రలు ఇస్తారాయన. అందుకే మధుర్ అవకాశం ఇస్తే, ఏ కథానాయికా కాదనరు. కానీ, ‘ఫ్యాషన్’ చిత్రానికి అడిగినప్పుడు కరీనా కుదరదనేశారు. అలా చెప్పాల్సి వచ్చినందుకు ఆమె చాలా బాధపడ్డారు కూడా. కేవలం డేట్స్ ఖాళీ లేనందువల్లే ఆమె ఈ చిత్రాన్ని వదులుకున్నారు. కట్ చేస్తే... ఆ అవకాశం ప్రియాంకా చోప్రాకు దక్కింది. సినిమా సూపర్ హిట్ కావడంతో పాటు ఉత్తమ నటిగా ప్రియాంకకు జాతీయ అవార్డు కూడా దక్కింది. ఆ విధంగా బంగారం లాంటి అవకాశం వదులుకుని పరేషాన్ అయిపోయారు కరీనా.
  
 మరోసారి అంచనా తప్పింది!
 కెరీర్ ప్రారంభంలో సంజయ్ లీలా భన్సాలీ ఇచ్చిన  ‘హమ్ దిల్ దే చుకే సనమ్’ ఆఫర్‌ను కాదన్న కరీనా కపూర్ మరోసారి ఆయన చిత్రాన్ని తిరస్కరించారు. కరీనాతో ఒక్క సినిమా చేయాలనే ఆకాంక్షను నెరవేర్చుకోవడానికి ‘గోలియోం కీ రాస్‌లీలా: రామ్-లీలా’కి ఆమెను అడిగారు. కరీనా కూడా ఈ చిత్రంలో నటించ డానికి సుముఖత వ్యక్తపరిచారు. లుక్ టెస్ట్‌లో కూడా పాల్గొన్నారామె. కానీ, ఫైనల్ స్క్రిప్ట్ విన్న తర్వాత ఆమెకు కథ అంత అసంతృప్తిగా అనిపించ లేదట. దాంతో తప్పుకున్నారు. ఆ విధంగా ఆ లక్కీ చాన్స్ దీపికా పదుకొనేని వరించింది. ఈ చిత్రం సూపర్ డూపర్ హిట్ అయ్యింది. అలాగే, రణ్‌వీర్ సింగ్, దీపికాల కెమిస్ట్రీ కేక అని ప్రేక్షకులు కితాబులిచ్చేశారు.
  
 క్వీన్ కాలేకపోయారు
 కంగనా రనౌత్ కెరీర్‌ను మంచి మలుపు తిప్పిన చిత్రం ‘క్వీన్’. చేస్తే ఇలాంటి సినిమా చేయాలని ఇతర కథానాయి కలు సైతం అనుకున్న చిత్రం ఇది. ఈ చిత్రదర్శకుడు వికాస్ బెహల్ క్వీన్ పాత్ర కోసం ముందు కరీనానే అడిగారు. మరి... ఈ చిత్రాన్ని కరీనా ఎందుకు తిరస్కరించారనే కారణం బయటికి రాలేదు. ఆమె కుదరదన్న తర్వాత కంగనా రనౌత్‌ను ఎంపిక చేశారు. ఈ చిత్రం కంగనాను ఎంతో మందికి  హృదయరాణిగా మార్చేసింది.
  
 పెళ్లి కారణంగా మిస్సయిన హిట్ మూవీ
 ఇప్పుడు సినిమాల కన్నా పెళ్లే ముఖ్యం అంటూ కరీనా కపూర్ వదులుకున్న చిత్రం ‘దిల్ ధడక్‌నే దో’. రియల్ లైఫ్ కజిన్స్ రణ్‌బీర్ కపూర్, కరీనా కపూర్ లను ఈ చిత్రంలో కజిన్స్‌గా నటింపజే యాలని జోయా అనుకున్నారు. ఈ చిత్రకథ ఎక్కువ శాతం ఓ నౌకలో జరుగుతుంది. దాదాపు నెల రోజుల పాటు చిత్రబృందం మొత్తం ఆ నౌకలోనే ఉండాలనే నిబంధన కరీనాకి నచ్చలేదు. దాంతో ఆ చిత్రం నుంచి తప్పుకున్నారు. కరీనా ఎప్పుడైతే ఈ చిత్రాన్ని వదులకున్నారో అప్పుడు రణ్‌బీర్ కూడా కుదరదన్నారు. దాంతో కరీనా స్థానంలో ప్రియాంకా చోప్రాను, రణ్‌బీర్ పాత్రకు రణ్‌వీర్ సింగ్‌ను తీసుకున్నారు. ఈ ఏడాది జూన్‌లో విడుదలైన ఈ చిత్రం ఘనవిజయం సాధించింది. ఆ విధంగా కరీనా కెరీర్‌లో ఓ హిట్ మూవీ తగ్గింది.
  
 లేటెస్ట్‌గా... సెక్షన్ 84
 ఫీమేల్ ఓరియంటెడ్ మూవీస్‌లో నటించే అవకాశాలను కథానాయికలు అంత సులువుగా వదులుకోరు. కానీ, కరీనా వదులుకున్నారు. ఇటీవల ‘సెక్షన్ 84’ అనే లేడీ ఓరియంటెడ్ చిత్రానికి కరీనా కపూర్‌ను సంప్రతించారు దర్శకుడు రాజ్‌కుమార్ గుప్తా. కథ అంతగా అసంతృప్తిగా అనిపించకపోవడం వల్లే ఈ చిత్రం వదులుకు న్నానని కరీనా పేర్కొన్నారు.
 
 ఇందులో కథానాయిక మానసిక రోగి అని సమాచారం. ఒకవేళ కరీనా ఒప్పుకుని ఉంటే, గత నెల ఈ చిత్రం షూటింగ్ ఆరంభం అయ్యుండేది. ఆమె అంగీకరించకపోవడంతో ఆ స్థానంలో వేరే ఎవర్ని తీసుకోవాలనే డైలమాలో దర్శకుడు ఉన్నారట. ఒకవేళ ఈ చిత్రం కూడా హిట్టయితే అప్పుడు కరీనా ఏడు హిట్ సినిమాలు మిస్ చేసుకున్నట్లు అవుతుంది.


 ‘‘నిర్మాతగా పలు జయాపజయాలు చూశాను. విజయాలకు పొంగిపోలేదు.
 అపజయాలకు కుంగిపోలేదు’’ అని నిర్మాత యమ్మెస్ రాజు అన్నారు.
 ఈ దసరాతో ఆయన నిర్మాతగా ప్రవేశించి పాతికేళ్లయ్యింది.
 ఈ సందర్భంగా పాత్రికేయులతో తన కెరీర్, ఇతర విశేషాల గురించి ఎమ్మెస్ రాజు పంచుకున్న విశేషాలు...
 ఆయన మాటల్లోనే...
 తొలి సినిమా ‘శత్రువు’ను ప్యాషన్‌తో నిర్మించాను. ఆ తర్వాత నిర్మించిన ‘పోలీస్ లాకప్’ కూడా విజయం సాధించింది. మూడో సినిమా ‘స్ట్రీట్ ఫైటర్’ స్ట్రీట్‌కి తెచ్చేసింది. కానీ, అధైర్యపడలేదు.
 
 ఆ తర్వాత తీసిన ‘దేవి’ విజయం నాలో ఆత్మవిశ్వాసాన్ని కలిగించింది. ఓ టెక్నికల్ వండర్ చూపించాలనే ఆకాంక్షతో ‘దేవీపుత్రుడు’ తీశాను. ఆ చిత్రం నిరాశపరిచిన నేపథ్యంలో, జీవితంలో మళ్లీ సక్సెస్ వస్తుందా? అనుకున్నాను. నేను స్టోరీ, స్క్రీన్‌ప్లే తయారు చేసుకుని ‘మనసంతా నువ్వే’ నిర్మించాను. ఆ చిత్రం ఎంతటి విజయాన్ని సాధించిందో ప్రత్యేకంగా చెప్పక్కర్లేదు. ‘నీ స్నేహం’ కూడా ఫర్వాలేదనిపించుకుంది.
  
 వరుసగా మూడు సంచలన విజయాలు
 ‘ఒక్కడు’, ‘వర్షం’, ‘నువ్వొస్తానంటే నేనొద్దంటానా’... ఇలా వరుసగా మూడు బ్లాక్ బస్టర్స్ తర్వాత తీసిన ‘పౌర్ణమి’ నాకు అమావాస్య అయ్యింది (నవ్వుతూ). ఓ పాజిటివ్ మైండ్‌తో ‘ఆట’ తీస్తే, సక్సెస్ అయ్యింది. అప్పుడే కన్నడ చిత్రం ‘ముంగారు మళె’ని ‘వాన’గా నా దర్శకత్వంలోనే రీమేక్ చేశాను. క్లయిమ్యాక్స్ వల్లే కన్నడ చిత్రం ఆడిందనీ, మార్చొద్దనీ వేరేవాళ్లు అంటే, అలానే ఉంచేశాను. క్లయిమ్యాక్స్ వల్లే ఆ సినిమా పోయింది. అప్పుడనుకున్నా.. మన మనసుకు ఏది అనిపిస్తే అది చేయాలని.
  
 ఈ నాలుగేళ్లు విలువైనవి
 ‘మస్కా’ తర్వాత మా బేనర్లో మళ్లీ సినిమాలు తీయలేదు. ఈ నాలుగేళ్ల విరామాన్ని మా అబ్బాయి (సుమంత్ అశ్విన్) కెరీర్‌పై దృష్టి పెట్టడానికి వినియోగించాను. తెలుగు, హిందీ.. ఇలా భాషాభేదం లేకుండా అన్ని సినిమాలూ చూసి, అప్‌డేట్ అవుతుంటాను. ఆ అవగాహనతో మా అబ్బాయి ఎలాంటి సినిమాలు చేస్తే బాగుంటుందో ప్లాన్ చేశాను. ఇప్పటివరకూ తను ఆరు సినిమాల్లో హీరోగా నటిస్తే, నాలుగు సక్సెస్ అయ్యాయి. ఆ విధంగా తన కోసం కేటాయించిన ఈ నాలుగేళ్లు నాకు విలువైనవిగా అనిపిస్తున్నాయి. ఇటీవల విడుదలైన సుమంత్ అశ్విన్ ‘కొలంబస్’ సక్సెస్ బాటలో సాగడం ఆనందంగా ఉంది. ఈ చిత్రానికి నేనే కథ-స్క్రీన్‌ప్లే ఇచ్చాను. ఈ చిత్రవిజయానికి స్క్రీన్‌ప్లే ఓ కారణం అని అందరూ అంటున్నారు.
  
 కమల్, ఆమిర్ దారిలో మా అబ్బాయి...
 కమలహాసన్, ఆమిర్‌ఖాన్, అజిత్ వంటి హీరోలను తీసుకుంటే.. వాళ్లు ముందు సాఫ్ట్ రోల్స్ చేసి, ఆ తర్వాత పవర్‌ఫుల్ రోల్స్ చేశారు. తిరుగు లేని మాస్ హీరోలనిపించుకున్నారు. మా అబ్బాయి కూడా వీళ్ల బాటలో ఇప్పుడు తన వయసుకి తగ్గట్టుగా ప్రేమకథా చిత్రాలు, లవ్‌స్టోరీ నేపథ్యంలో సాగే ఫ్యామిలీ ఎంటర్‌టైనర్స్ చేస్తూ గ్రాఫ్ పెంచుకుంటాడు. భవిష్యత్తులో ఈ ముగ్గురి హీరోల్లా స్థిరపడతాడు.
  
 మహేశ్, ప్రభాస్ వెరీ సపోర్టివ్
 నా సంస్థలో మహేశ్‌బాబు చేసిన ‘ఒక్కడు’, ప్రభాస్ చేసిన ‘వర్షం’ సెన్సేషనల్ హిట్టయ్యాయి. ఇప్పుడు వాళ్లిద్దరూ అగ్రహీరోలుగా ఎదగడం చాలా ఆనందంగా ఉంది. మహేశ్, ప్రభాస్ నాకెప్పుడూ సపోర్టివ్‌గానే ఉంటారు. ఈ మధ్య మహేశ్‌ని కలిసినప్పుడు ‘ప్లాన్ చేయండి... సినిమా చేద్దాం’ అనడం ఆనందం అనిపించింది. వచ్చే ఏడాది మా సుమంత్ ఆర్ట్స్ బేనర్లో ఓ స్టార్ హీరోతో, మా అబ్బాయితో ఓ సినిమా నిర్మిస్తా. చిన్న క్లూ ఏమిటంటే ఆ స్టార్ హీరో మా బేనర్లో ఒక సినిమా చేశాడు. వివరాలు మాత్రం ప్రస్తుతానికి సస్పెన్స్.


 హైదరాబాద్: దాదాపు దశాబ్దకాలంపాటు (1970-1980) తెలుగు చిత్రసీమపై ఏడిద నాగేశ్వరరావు ప్రభావం అమోఘం. పూర్తిగా కళాభిరుచి ఉన్న సాంప్రదాయబద్ధమైన చిత్రాలను నిర్మించి విమర్శకులు ప్రశంసలను నాగేశ్వరరావు సొంతం చేసుకున్నారు. ముఖ్యంగా ఆయన నిర్మించిన శంకరాభరణం, స్వాతిముత్యం, స్వయంకృషివంటి చిత్రాలు ఆయనకే కాకుండా మొత్తం తెలుగు చిత్రసీమకే గొప్ప పేరు ప్రఖ్యాతులు తీసుకొచ్చాయి. పలు చిత్రాలు జాతీయ అవార్డులు సొంతం చేసుకోవడంతోపాటు నంది అవార్డులను కూడా సాధించాయి.
 
 అంతర్జాతీయ వేదికలపై ఆయన నిర్మించిన చిత్రాలు ప్రదర్శింపబడ్డాయి. కొన్ని చిత్రాలు రష్యా భాషలోకి కూడా అనువాదం అయ్యాయి. రంగస్థల నటుడిగా కెరీర్ను ప్రారంభించిన ఆయన చిత్ర నటుడిగా, డబ్బింగ్ ఆర్టిస్టుగా ప్రయాణం సాగించి చివరకు సినిమా నిర్మాతగా మారారు. నిర్మాణ రంగం నుంచి వైదొలగిన తర్వాత తెలుగు ఫిల్మ్ ప్రొడ్యూసర్ కౌన్సిల్ సెక్రటరీగా, నంది అవార్డుల కమిటీ చైర్మన్గా, నేషనల్ ఫిల్మ్ అవార్డు కమిటీ సభ్యుడిగా కూడా విజయవంతంగా బాధ్యతలు నిర్వర్తించారు.
  


  గాసిప్
  
 కెరీర్ బండి సక్సెస్ బాటలో వేగంగా సాగిపోవాలంటే? ఈ ప్రశ్నకు జవాబుగా ఎవరి నమ్మకాలు వారికి ఉంటాయి.కొందరు తమ ప్రతిభను నమ్ముకుంటారు. కొందరు వాస్తును నమ్ముకుంటారు. కొందరు విధిరాతను నమ్ముకుంటారు. పరిణితి చోప్రా మాత్రం ఒక జ్యోతిష్యుడి మాటను నమ్మిందట.
 
  ‘‘నువ్వు సన్నబడితే చాలు... గొప్ప అవకాశాలు వస్తాయి’’ అని ఆ జ్యోతిష్యుడు చెప్పాడట. ఇక అప్పటి నుంచి సన్నబడడంపై ప్రత్యేక  దృష్టి పెట్టింది పరిణితి. తాజాగా ‘జీరో క్లబ్’లో చేరడానికి పక్కా ప్లాన్ సిద్ధం చేసుకుంది. ‘‘బరువు ఎప్పుడూ నాకో సమస్య కాదు’’ అని గతంలో చెప్పిన పరిణితి ఇప్పుడు బరువు తగ్గించుకోవడం మీద ప్రత్యేక శ్రద్ధ పెట్టడం అందరినీ ఆశ్చర్యపరుస్తోంది. చక్కనమ్మ చిక్కినా అందమే అంటారు... మరి ఆ అందం ఈ ముద్దుగుమ్మ కెరీర్‌కు కలిసొస్తుందా లేదా? అనేది వేచి చూడాలి.
  


 న్యూఢిల్లీ: కొత్తగా కెరీర్ ప్రారంభించిన ఉద్యోగులకు మంచి కాలం రానుంది. వచ్చే మూడు (జూలై-సెప్టెంబర్ త్రైమాసికం) నెలల్లో ప్రారంభ స్థాయి ఉద్యోగుల డిమాండ్ అధికంగా ఉంటుందని టైమ్స్‌జాబ్స్.కామ్ తెలిపింది. ఈ డిమాండ్ ఏడాది మొత్తం కొనసాగుతుందని అంచనా వేసింది. 2011 నుంచి 0-2 ఏళ్ల అనుభవం ఉన్న ఉద్యోగుల డిమాండ్ వృద్ధి జూలై-సెప్టెంబర్ నెలల్లో సగటున 6 శాతంగా ఉందని పేర్కొంది. గత రెండే ళ్లలో వీరి డిమాండ్ సగటున 7 శాతం పెరిగిందని తెలిపింది. గత ఐదేళ్లలో జూలై-సెప్టెంబర్ నెలల్లో ప్రారంభ స్థాయి ఉద్యోగుల డిమాండ్ ఏమాత్రం తగ్గుదల కనిపించలేదని వివరించింది. పెద్ద పెద్ద కంపెనీలు జూలై-సెప్టెంబర్ నెలల్లోనే అధికంగా నియామకాలను చేపడతాయని తెలిపింది. ఇదే కాలంలో ఈ-కామర్స్ సంస్థలు కూడా అధిక నియామకాలను చేపట్టడానికి ఉత్సాహం చూపుతాయని పేర్కొంది. ఈ సమయంలో ప్రారంభ స్థాయి ఉద్యోగుల డిమాండ్ పెరుగుదలకు బోనస్ చెల్లింపులతోపాటు చాలా భారతీయ కంపెనీలు వాటి ఉద్యోగుల వేతనాల ఇంక్రిమెంట్ చెల్లింపులను సాధారణంగా ఏప్రిల్ నుంచి అమలుచేయడమే కారణం.


 గాసిప్
 నేహాశర్మ గుర్తుందా? ‘చిరుత’ సినిమాలో ‘ఏయ్ బాబూ... ఇలా రామ్మా’ అంటూ రామ్‌చరణ్ దగ్గర అహంకారాన్ని ప్రదర్శించే అమ్మాయిగా నటించింది. ఆ తర్వాత కూడా ఒకట్రెండు తెలుగు సినిమాలు చేసినా... అవి విజయం సాధించకపోవడంతో మెరుపులా మాయమైంది నేహా. ఏమయ్యిందబ్బా అని అందరూ అనుకుంటుండగానే బాలీవుడ్‌లో తేలింది. క్రూక్, తేరీ మేరీ కహానీ, యంగిస్తాన్ వంటి సినిమాల్లో అప్పుడప్పుడూ కనిపించింది కానీ పాపం కెరీర్ అనుకున్నంతగా లేదనే చెప్పాలి.
 
 ఇటీవలే ఆమెకి ‘హేరా ఫేరీ’ సినిమా మూడో భాగంలో నటించే చాన్స్ వచ్చింది. ఓకే అయితే చెప్పింది కానీ కామెడీ సినిమా కాబట్టి కాస్త లోలోపల ఫీలవుతోందని సమాచారం. ఇంతకు ముందు కూడా క్యా సూపర్ కూల్ హై హమ్, జయంతిభాయ్‌కీ లవ్‌స్టోరీ, యమ్లా పగ్లా దివానా 2 వంటి కామెడీ చిత్రాల్లో నటించింది. ఇప్పుడూ అలాంటి సినిమాయే రావడంతో ‘కామెడీయే కలిసొస్తున్నట్టుంది’ అంటూ కొన్ని ముంబై పత్రికలు రాసి పారేశాయ్. దాంతో నేహ కాస్త నొచ్చుకుందని వినికిడి!


  ‘‘మీరు ఎంత మంచి నటి అయినా, అపారమైన ప్రతిభావంతురాలైనా విజయం మీ వైపు ఉండకపోతే వృథాయే. తెలుగులో నా తొలి చిత్రమే విజయం తాలూకు రుచి చూపించింది. తమిళంలో మాత్రం ముందు చేదు అనుభవం ఎదురైంది. ఆ తర్వాతే అక్కడ కూడా విజయం సాధించా’’ అని సమంత అన్నారు. ఇటీవల ఓ సందర్భంలో సమంత తన కెరీర్‌ను విశ్లేషించుకున్నారు. కథానాయిక అయిన కొత్తలో జయాపజయాలకు చాలా విలువ ఇచ్చేదాన్నని ఆమె అన్నారు. దానివల్ల ఎక్కువ ఒత్తిడికి గురయ్యేదాన్నని చెబుతూ - ‘‘విజయం ఎప్పుడూ తియ్యగానే ఉంటుంది.
  
   కానీ, అపజయం భరించలేనంత చేదుగా ఉంటుంది. ఇప్పుడు ఈ రెండూ నాకు ఒకే విధంగానే అనిపిస్తున్నాయి. ఒకప్పుడు నా సినిమా ఏదైనా అపజయంపాలైతే చాలు, ‘ఎందుకిలా జరిగింది’ అని పదే పదే ప్రశ్నించుకునేదాన్ని. దానివల్ల నాతో పాటు నా కుటుంబ సభ్యులు కూడా చాలా బాధపడేవాళ్లు. ఆ తర్వాత నా తీరు మార్చుకున్నా. నటనను కేవలం వృత్తిగా చూస్తున్నా. ఇంటికి వరకూ తీసుకెళ్లడం లేదు. అప్పటి నుంచీ హాయిగా ఉంటోంది. నా గురించి పత్రికల్లో వచ్చే విమర్శలను పట్టించుకోవడం మానేశా. చివరికి వెబ్‌సైట్స్‌లో వచ్చే సినిమా సమీక్షలను కూడా పట్టించుకోవడం లేదు’’ అన్నారు.
  


 ‘‘15 ఏళ్లు... 260 చిత్రాలు... 400 పాటలు.. క్లుప్తంగా ఇదీ నా కెరీర్. మాస్, క్లాస్, మెలోడీ.. ఇలా అన్ని రకాల పాటలూ రాసే అవకాశం దక్కింది. ‘పటాస్’ చిత్రం కోసం రాసిన ‘టప్ప.. టప్పం.. పోరి..’ పాట నా కెరీర్‌కి మంచి బ్రేక్ అయ్యింది’’ అని గీత రచయిత తైదల బాపు చెప్పారు. శుక్రవారం తన పుట్టినరోజు సందర్భంగా విలేకరులతో ఆయన మాట్లాడుతూ -‘‘15 ఏళ్ల క్రితం పాటలు రాయాలనే ఆకాంక్షతో ఇంట్లో చెప్పకుండా హైదరాబాద్ వచ్చేశా.
 
 రచయితగా నా తొలి చిత్రం ‘6 టీన్స్’. అప్పట్నుంచీ ఎన్నో విజయవంతమైన పాటలు రాశాను. ‘పటాస్’ కారణంగా ఇప్పుడు పెద్ద సినిమాలకు రాస్తున్నాను. హీరోలు గోపీచంద్, రవితేజ, సుశాంత్‌ల చిత్రాలతో పాటు మరో ఆరు చిత్రాలకు రాస్తున్నా’’ అని చెప్పారు.


 వందల సంఖ్యలో కోర్సులు.. వేలల్లో కెరీర్ అవకాశాలు..  స్కిల్ ఉంటే లక్షల్లోనే వార్షిక పే ప్యాకేజీలు..  ఇంజనీరింగ్ నుంచి  ఇంటీరియర్ డిజైనింగ్ వరకు.. అన్నీ హాట్ కోర్సులుగా,  కెరీర్ డెస్టినేషన్‌‌సగా నిలుస్తున్నాయి..  21వ శతాబ్దంలో  ఏ రంగం చూసినా అవకాశాల హారమే..  కావల్సిందల్లా సరైన కెరీర్ ప్లానింగ్..  ఆపైన సబ్జెక్ట్ నాలెడ్‌‌జతోపాటు స్కిల్స్..  ఇంటర్మీడియెట్, పదో తరగతి పూర్తిచేసుకుంటున్న విద్యార్థుల భవిష్యత్ కెరీర్ ఎంపికకు ఇదే సరైన సమయం.. 
 
 ఈ దశలో సముచిత నిర్ణయం తీసుకోవాలి. సరితూగే కెరీర్ విషయంలో జాగ్రత్తగా  ప్రణాళికలు రూపొందించుకోవాలి.  ఇంటర్ , పదోతరగతి తర్వాత కోర్సు  ఎంపికలో, కెరీర్ సెలక్షన్‌లో విద్యార్థులు పరిగణనలోకి తీసుకోవాల్సిన 10 ముఖ్యాంశాలు మీ కోసం..
  
  
 1. ఆసక్తి
  
 కెరీర్ ప్రణాళికలో తొలి ప్రామాణికం.. వ్యక్తిగత ఆసక్తి. కెరీర్, కోర్సు ఎంపిక పరంగా అత్యంత ప్రధానమైన అంశమిది. ఆసక్తి లేకుండా కోర్సులో అడుగుపెడితే ఆశించిన ఫలితం అందుకోవడం కష్టం. సంపద్రాయ సంగీతం నుంచి సాఫ్ట్‌వేర్ రంగం వరకూ.. ప్రస్తుతం అన్ని రంగాలు బెస్ట్ డెస్టినేషన్స్‌గా నిలుస్తున్నాయి. కొత్త కోర్సులు అందుబాటులోకి వస్తున్నాయి. కాబట్టి ‘క్రేజీ కెరీర్’ అనే కోణానికే పరిమితం కాకుండా.. ఆసక్తి మేరకు కోర్సును ఎంచుకోవచ్చు. అదే ఆసక్తితో ఇష్టపడి చదివి ఉన్నత శిఖరాలు అధిరోహించొచ్చు. ఆసక్తి, ఇష్టం ఉంటే ఎంతటి క్లిష్టమైన సబ్జెక్టునైనా ఇట్టే ఒక పట్టుపట్టొచ్చు. లోతైన అధ్యయనంతో విషయాన్ని ఆకళింపు చేసుకొంటూ, పాషన్‌తో పనిచేస్తూ ఉన్నత స్థానాలు అందుకోవచ్చు. తమ తమ రంగాల్లో అత్యున్నత శిఖరాలు చేరుకున్న వారిని అడిగితే.. ఆయా పని పట్ల ఇష్టం ఉండ టం వల్లే అలుపుసొలుపూ లేని పనితీరుతో ముందుకుసాగిన ట్లు చెబుతారు. కాబట్టి కోర్సు, కెరీర్ ఎంపికలో ఆసక్తికి ఎక్కువ ప్రాధాన్యత ఇవ్వాలని నిపుణులు సూచిస్తున్నారు.
  
 2. ఆప్టిట్యూడ్
  
  కెరీర్ ఎంపిక విషయంలో ఆప్టిట్యూడ్‌ను పరిగణనలోకి తీసుకోవడం కూడా ఎంతో ముఖ్యం. కొంతమంది విద్యార్థుల్లో చిన్ననాటి నుంచే వారి దృక్పథం వారి చర్యల ద్వారా కనిపిస్తుంది. ఉదాహరణకు కొంతమంది పిల్లలు ఇంట్లో సైకిల్స్‌నో, స్కూటర్‌నో బాగు చేయడంలో ఆసక్తి చూపుతుంటారు. మరికొంత మంది ఇంట్లోని ఎలక్ట్రికల్ బోర్డులను, పాత రేడియోలు కనిపిస్తే విప్పి పరిశీలిస్తుంటారు. ఇంకొందరు తెల్లకాగితం కనిపిస్తే చాలు ఏదో ఒక బొమ్మ గీయడం చేస్తుంటారు. ఇలాంటి చర్యలు వారి దృక్పథాన్ని, సహజ ఆసక్తిని, ఆ పని చేయగలిగే సామర్థ్యాన్ని తెలియజేస్తుంటాయి. అంతేకాకుండా కొంతమంది విద్యార్థుల్లో చిన్నప్పటి నుంచే ఇంజనీరింగ్ చదవాలి లేదా డాక్టర్ కావాలి అనే స్పష్టమైన దృక్పథం ఉంటుంది. అలాంటి వారి విషయంలో ఆందోళన చెందక్కర్లేదు. కానీ ఆప్టిట్యూడ్‌ను బహిర్గతం చేయలేని విద్యార్థుల విషయంలో తల్లిదండ్రులు చొరవ తీసుకోవాలి. ఇప్పుడు ఎన్నో మార్గాల ద్వారా విద్యార్థుల ఆప్టిట్యూడ్‌ను తెలుసుకునే సాధనాలు అందుబాటులోకి వచ్చాయి. వీటిని వినియోగించుకోవాలి.
  
 3. ఆర్థిక అంశాలు
  
  కెరీర్ ఎంపికలో ఆర్థిక అంశాలను అంటే తమ కుటుంబ ఆర్థిక స్థితిని, ఎంచుకునే కోర్సులకు అయ్యే వ్యయ మొత్తాలను బేరీజు వేసుకోవడం కూడా ముఖ్యమే. ఈ విషయంలో తల్లిదండ్రులు కూడా ఒకటికి రెండుసార్లు ఆలోచించి అడుగులు వేయాలి. ఇతరులతో పోల్చుకోవడం సరికాదు. ఇప్పుడు ఇంజనీరింగ్ కోర్సులకు రూ.30 వేల నుంచి రూ.లక్ష వరకు వార్షిక ఫీజు చెల్లించాల్సిన స్థాయిలో ఇన్‌స్టిట్యూట్‌లు అందుబాటులో ఉన్నాయి. ఎక్కువ ఫీజులు చెల్లించాల్సిన ఇన్‌స్టిట్యూట్‌లు మాత్రమే మంచివనే ఆలోచన కూడా సరికాదు. ఇక్కడ గుర్తించాల్సిన విషయం స్వీయ సామర్థ్యం. అది ఉంటేనే లక్షల మొత్తాల్లో ఫీజు చెల్లించాల్సిన ఇన్‌స్టిట్యూట్‌లైనా, సాధారణ ఇన్‌స్టిట్యూట్‌లలోనైనా విద్యార్థులు రాణించగలరు. ఇదే సమయంలో విద్యార్థులకు ఆర్థికపరమైన ప్రోత్సాహకాలు అందుబాటులో ఉంటున్నాయి. ప్రతిభావంతులైన విద్యార్థులకు బ్యాంకు రుణాలు, స్కాలర్‌షిప్స్ వంటి సదుపాయాలు లభిస్తున్నాయి. అయితే తాము ఎంపిక చేసుకునే కోర్సుకు రుణాలు, స్కాలర్‌షిప్స్ పరంగా ఉన్న అవకాశాల గురించి ముందుగానే తెలుసుకుని ఆ మేరకు ముందుకు సాగాలి.
  
 4. ఉన్నత విద్య అవకాశాలు
  
  కోర్సులు, కెరీర్స్ ఎంపికలో అత్యంత ప్రధానమైన అంశం.. ఉన్నత విద్య అవకాశాలు. ప్రతి కోర్సులోనూ ఇప్పుడు ఉన్నత విద్య అవకాశాలున్నాయి. కానీ వాటిని అందించే ఇన్‌స్టిట్యూట్‌లు, సీట్ల పరిమితి వంటి వాటిని పరిగణనలోకి తీసుకోవాలి. ఇటీవల కాలంలో మార్కెట్ క్రేజ్ కోణంలో ఎన్నో కొత్త కోర్సులు బ్యాచిలర్ డిగ్రీ స్థాయిలోనే ఆవిష్కృతమవుతున్నాయి. వీటికి పీజీ స్థాయిలో స్పెషలైజేషన్లు ఉండట్లేదు. దీనివల్ల విద్యార్థులు సంబంధిత రంగంలో పరిపూర్ణత సాధించలేకపోతున్నారు. కాబట్టి ఉన్నత విద్యకు కోర్సుల పరంగా, ఇన్‌స్టిట్యూట్‌ల పరంగా ఉన్న అవకాశాలను పరిశీలించాలి. ఇవి పుష్కలంగా ఉన్నవాటికే ఓటు వేయడం మంచిదని నిపుణుల అభిప్రాయం.
  
 5. ఉపాధి వేదికలు
  
  కోర్సు, కెరీర్ విషయంలో స్పష్టత వచ్చిన తర్వాత ఉపాధి వేదికల పరంగానూ ముందుగానే ప్రణాళిక రూపొందించుకోవడం మేలు. మార్కెట్ డిమాండ్, పే ప్యాకేజ్ వంటి వాటి కోణంలో ఒక కోర్సును ఎంపిక చేసుకుంటే.. సంబంధిత రంగంలో భవిష్యత్తు అవకాశాలు; ఉపాధి మార్గాలపై దృష్టిసారించాలి. అంతేకాకుండా సదరు రంగం ప్రస్తుత ప్రగతి, సంబంధిత కోర్సు ముగిసే సమయానికి ఉండే అవకాశాలపై ఒక స్పష్టమైన అంచనాకు రావాలి. ఇందుకోసం సంబంధిత రంగ నిపుణుల సలహాలు, సూచనలు ఉపయోగపడతాయి.
  
 6. కోర్సు వ్యవధి
  
  విద్యార్థులు ఒక కోర్సును ఎంపిక చేసుకునే ముందు ఆలోచించాల్సిన మరో అంశం.. కోర్సు వ్యవధి. ముఖ్యంగా ఇంటర్మీడియెట్ విద్యార్థులకు ఇది ఎంతో అవసరం. కుటుంబ ఆర్థిక పరిస్థితులు, అకడమిక్ సర్టిఫికేషన్ కోణంలోనూ కోర్సు వ్యవధిని పరిగణనలోకి తీసుకోవడం ముఖ్యం. ఉదాహరణకు ఇటీవల కాలంలో ఇంటిగ్రేటెడ్ డిగ్రీ, పీజీ కోర్సులు అందుబాటులోకి వచ్చాయి. వీటి వల్ల కొంత సమయం ఆదా అవుతుంది. మరోవైపు కొన్ని కోర్సులు పీజీ, పీహెచ్‌డీ చేస్తే కానీ కెరీర్ ఆరంభానికి అవకాశం లభించదు. ఉదాహరణకు మెడికల్ కోర్సునే తీసుకుంటే ప్రస్తుత పోటీ ప్రపంచంలో పీజీ, సూపర్ స్పెషాలిటీ కోర్సులు చేస్తేనే గుర్తింపు లభిస్తోంది. ఇందుకోసం ఇంటర్మీడియెట్ తర్వాత దాదాపు పదేళ్ల సమయం పడుతోంది. అదే విధంగా సైన్స్ కోర్సులు కూడా పీజీ, పీహెచ్‌డీ చేస్తేనే మంచి భవిష్యత్తు. ఇలాంటి కోర్సుల వల్ల కెరీర్‌లో ఉన్నత శిఖరాలు అధిరోహించడం ఖాయం. కానీ మన సామాజిక ఆర్థిక పరిస్థితుల్లో ఎందరో విద్యార్థులు బ్యాచిలర్ డిగ్రీతోనే ఉద్యోగంలో అడుగు పెట్టాల్సిన అవసరాలు ఉంటున్నాయి. కాబట్టి ఈ అంశాన్ని కూడా విద్యార్థులు కోర్సు ఎంపికలో పరిగణనలోకి తీసుకోవాలి.
  
 7. అభ్యసన సామర్థ్యం
  
  అభ్యసన సామర్థ్యాన్ని పరిగణనలోకి తీసుకోవడం కూడా కెరీర్ ప్రణాళిక రూపకల్పనలో ముఖ్యమైన అంశం. ఇందుకోసం రెండు విషయాలను బేరీజు వేసుకోవాలి. అవి థియరీ ఓరియెంటేషన్, ప్రాక్టికల్ అప్రోచ్. ముఖ్యంగా పదో తరగతి విద్యార్థులు దీన్ని మరింత బాగా అనుసరించాలి. మ్యాథమెటిక్స్, సైన్స్ వంటి కోర్సుల్లో ప్రాక్టికల్ అప్రోచ్‌దే ప్రాధాన్యం. హిస్టరీ, ఎకనామిక్స్, ఇతర సోషల్ సెన్సైస్ విషయంలో థియరీ నైపుణ్యాలు లాభిస్తాయి. విద్యార్థులు తమకు ఈ రెండింటిలో దేనిలో ఎక్కువ నైపుణ్యం ఉందో గుర్తించి ఆ మేరకు ఇంటర్మీడియెట్‌లో గ్రూప్, ఆపై సంబంధిత కెరీర్ దిశగా ప్రణాళిక రూపొందించుకోవాలి. ఈ అభ్యసన సామర్థ్యాలను తెలుసుకునేందుకు హైస్కూల్ స్థాయిలో ఆయా సబ్జెక్ట్‌ల్లో చూపిన ప్రగతిని ప్రామాణికంగా తీసుకోవాలి. ఈ క్రమంలో ఉపాధ్యాయులతో మాట్లాడి తమ పిల్లల అభ్యసన సామర్థ్యం తెలుసుకోవడం మరింత ఉపకరించే అంశం.
  
 8. దీర్ఘకాలిక లక్ష్యాలు
  
  కెరీర్ ఎంపికలో మరో ప్రధాన అంశం.. విద్యార్థులు తమ దీర్ఘకాలిక లక్ష్యాలపై స్పష్టత ఏర్పరచుకోవడం. ఉన్నత విద్య, ఉద్యోగం సాధారణంగా విద్యార్థుల్లో లక్ష్యాలుగా నిలుస్తున్న అంశాలు. ఉన్నత విద్య కోణంలో అందుబాటులో ఉన్న అవకాశాలు; ఉద్యోగపరంగా దీర్ఘకాలిక లక్ష్యాలు, అందుకోసం అభ్యసించాల్సిన ఉన్నత చదువులు; వాటికి సంబంధించి తమ సమర్థత స్థాయి గురించి తెలుసుకోవాలి. ఉదాహరణ కు సాఫ్ట్‌వేర్ రంగంలో ఉన్నత శిఖరాలు లక్ష్యంగా పెట్టుకున్న విద్యార్థులు.. ఆ మేరకు బ్యాచిలర్, పీజీ స్థాయిలో అందుబాటులో ఉన్న కోర్సుల గురించి అవగాహన పెంచుకోవాలి. తమ లక్ష్యానికి అనుగుణంగా మెరుగుపరచుకోవాల్సిన స్కి ల్స్‌పై అవగాహనతో కెరీర్ ప్లానింగ్ రూపొందించుకోవాలి.
  
 9. హాబీలు..అందించే హోదాలు
  
  హాబీలు.. అంటే వ్యక్తులకు తమ ఇష్టం మేరకు ఉండే అలవాట్లు. సరదాకి, లేదా అలవాటుగా ఉండే ఈ హాబీలు కూడా కెరీర్ పరంగా సమున్నత హోదాలు అందించే మార్గాలు ఇప్పుడు ఎన్నో ఉన్నాయి. ఉదాహరణకు బొమ్మలు గీయడం హాబీగా ఉన్న విద్యార్థులు దానికి కొంచెం నగిషీలు దిద్దుకుంటే ఫైన్ ఆర్ట్స్, గ్రాఫిక్ డిజైనింగ్ వంటి రంగాల్లో ఉజ్వల భవిష్యత్తును సొంతం చేసుకోవచ్చు. అదే విధంగా క్రీడలంటే మక్కువ ఉన్న విద్యార్థులు క్రీడా రంగంలోనే కెరీర్ సొంతం చేసుకునే విధంగా స్పోర్ట్స్ మేనేజ్‌మెంట్ వంటి కోర్సులు అందుబాటులోకి వచ్చాయి. డ్యాన్సింగ్, యాక్టింగ్ వంటి హాబీలున్న విద్యార్థులకు కూడా ఇప్పుడు ఆయా విభాగాల్లో ప్రొఫెషనల్ స్కిల్స్ తద్వారా చక్కటి కెరీర్స్ అందించే కోర్సులు లభిస్తున్నాయి. కాబట్టి కెరీర్ ప్లానింగ్ విషయంలో హాబీలకు సముచిత స్థానం కల్పించాలి.
  
 10. ‘ఆసక్తి’కి ప్రత్యామ్నాయాలు
  
  కెరీర్ ప్లానింగ్‌లో తొలి ప్రాధాన్యత అంశం ‘ఆసక్తి’. అయితే.. మలి ప్రాధాన్యత అంశం ఆల్టర్నేటివ్స్ (ప్రత్యామ్నాయాలు) పై స్పష్టత. కారణం.. ప్రస్తుత పోటీ ప్రపంచంలో ఆసక్తి, లక్ష్యాలు, ఆర్థిక పరిస్థితులు అన్నీ అనుకూలంగా ఉన్నప్పటికీ కొన్ని సందర్భాల్లో నిరాశాజనక ఫలితాలు ఎదురుకావచ్చు. ఇలాంటి వాటిని దీటుగా ఎదుర్కొనే సమర్థతను పొందడంతోపాటు, తమ ఆసక్తికి సంబంధించిన కోర్సులు, కెరీర్స్‌కు ప్రత్యామ్నాయాలను ముందుగానే సిద్ధం చేసుకోవాలి. ఉదాహరణకు ఇంటర్మీడియెట్ బైపీసీ విద్యార్థుల్లో అధిక శాతం మందికి ఎంబీబీఎస్‌లో చే రాలనేది లక్ష్యం. సీట్లు పరిమితం. అంతేకాకుండా ఎంట్రెన్స్‌లు, ర్యాంకుల పరంగా విజయం సాధించకపోవచ్చు. కానీ ఇదే సమయంలో ఎంబీబీఎస్‌కు ప్రత్యామ్నాయంగా ఉన్న ఇతర వైద్య సంబంధ కోర్సులు (వెటర్నరీ సైన్స్, హోమియోపతి, ఆయుర్వేద, ఫిజియో థెరపీ) గురించి తెలుసుకుంటే మానసిక సంసిద్ధత వస్తుంది. అంతేకాకుండా ఈ ప్రత్యామ్నాయ కోర్సులు కూడా ఇప్పుడు ఎన్నో అవకాశాలు కల్పిస్తున్నాయనే విషయం తెలుస్తుంది.
  
  కెరీర్ ప్లానింగ్‌లో  అనుసరించాల్సిన అంశాలు
 
 పదో తరగతి నుంచే ప్రణాళిక రూపొందించుకోవాలి.
 స్వీయ సామర్థ్యం/నైపుణ్యాలు గుర్తించాలి.
 సబ్జెక్ట్ పరిజ్ఞానం ఆధారంగా ముందుకు సాగాలి.
 వ్యక్తిగత శైలికి అనుగుణంగా వ్యవహరించాలి.
 వ్యక్తిగత పరిమితులు గుర్తించి ఆ మేరకు ఉన్న అవకాశాలపై దృష్టి సారించాలి.
 వాస్తవ పరిస్థితులపై అవగాహన పెంచుకోవాలి
  
 అభిరుచి,  ఆసక్తులే ప్రధాన సాధనాలు
 
 కెరీర్ చాయిస్ విషయంలో అభిరుచి, ఆసక్తులే ప్రధాన సాధనాలని గుర్తించాలి. ఆ మేరకు అందుబాటులో ఉన్న అవకాశాలను పరిగణనలోకి తీసుకుంటూ.. కోర్సు అడ్మిషన్‌తో మొదలుపెట్టి లాంగ్ టర్మ్ లక్ష్యం ఆధారంగా ప్రణాళిక రూపొందించాలి. క్రేజ్ అనే విషయానికే ప్రాధాన్యం ఇవ్వకూడదు. ప్రస్తుతం ఎలాంటి రంగంలోనైనా అవకాశాలు విస్తృతం. అయితే భవిష్యత్తులో ఆయా రంగాల ప్రగతి ఎలా ఉండబోతుంది అనే తులనాత్మక పరిశీలనతో ముందుకు సాగాలి.
  - ఎస్.గంగాధర్, డెరైక్టర్, లాజిక్ సొల్యూషన్స్
  
 సోషల్ మీడియా సాధనంగా
  
  విద్యార్థులు తమ కెరీర్ ప్లానింగ్ విషయంలో సోషల్ మీడియాను సాధనంగా మలచుకుంటే మరింత పకడ్బందీ ప్రణాళికకు ఆస్కారం లభిస్తుంది. సోషల్ మీడియా ద్వారా ఆయా రంగాలకు చెందిన నిపుణులు, సీనియర్లు, ఉన్నత స్థానాల్లో ఉన్న వ్యక్తులను సంప్రదించి తగిన సలహాలు, సూచనలు స్వీకరిస్తే స్పష్టత లభిస్తుంది. ఇంటర్నెట్ ఆధారంగా ఆన్‌లైన్‌లో అందుబాటులో ఉన్న ఆప్టిట్యూడ్ అనలైజింగ్ టెస్ట్స్, సైకోమాటిక్ టెస్ట్‌లకు హాజరై విద్యార్థుల తమ వ్యక్తిగత సామర్థ్యాల స్థాయిని తెలుసుకుని ఆ మేరకు తమకు సరితూగే రంగం, తదనుగుణంగా కెరీర్ ప్లాన్ రూపొందించుకోవాలి.
  - ఎం. రామకృష్ణ, ఎండీ, జెడ్‌సీఎస్ కన్సల్టింగ్
  
 ఇంటర్మీడియెట్ విద్యార్థులు.. మరింత అప్రమత్తంగా
  
   కెరీర్ ప్లానింగ్ విషయంలో ఇంటర్మీడియెట్ విద్యార్థులు మరింత అప్రమత్తంగా ఉండాలి.ఎందుకంటే.. అప్పటికే మనసులో ఒక లక్ష్యం ఆధారంగా ఇంటర్మీడియెట్‌లో గ్రూప్‌లు ఎంచుకుంటారు. ఉదాహరణకు.. ఇంజనీరింగ్ ఔత్సాహికులు ఎంపీసీ, మెడికల్ ఔత్సాహికులు బైపీసీ, కామర్స్/మేనేజ్‌మెంట్ ఔత్సాహికులు సీఈసీ గ్రూప్‌లలో చేరుతున్నారు. ఇలాంటి విద్యార్థులు ఇంటర్మీడియెట్ తర్వాత కెరీర్ ప్లాన్‌పై ప్రత్యేక దృష్టి కేంద్రీకరించాలి.
 
 ఇంజనీరింగ్ లక్ష్యంగా పెట్టుకున్న ఎంపీసీ విద్యార్థులు బీటెక్ స్థాయిలో తమకు సరితూగే బ్రాంచ్‌పై ముందుగానే అవగాహన ఏర్పరచుకోవాలి. ఇదే సమయంలో ఇంజనీరింగ్‌కు దీటుగా లభిస్తున్న ఇతర అవకాశాలు (పీజీ,ీపీహెచ్‌డీ తదితర) వాటికి తమ అనుకూలత స్థాయి తెలుసుకోవాలి.
 
 మెడికల్ ఔత్సాహికులు కేవలం ఎంబీబీఎస్ కోణంలోనే ఆలోచించకుండా ఇతర ఆప్షన్స్‌పైనా దృష్టి సారించాలి. కామర్స్/మేనేజ్‌మెంట్ ఔత్సాహికులు బీకాం చదవాలా? లేదా సీఏ, సీఎస్ వంటి కోర్సులను ఎంచుకోవాలా? అనే విషయంలో స్పష్టత పొందాలి.
      
 హెచ్‌ఈసీ ఎంచుకున్న విద్యార్థులు తమ భవిష్యత్తు అవకాశాల గురించి ఆందోళన చెందనక్కర్లేదు. ఇప్పుడు ఆర్ట్స్, సోషల్ సెన్సైస్‌లోనూ విస్తృత అవకాశాలు అందుబాటులోకి వచ్చాయి. సోషల్ వర్క్, ఎన్‌జీఓ మేనేజ్‌మెంట్, రూరల్ డెవలప్‌మెంట్ వంటి విభాగాల్లో అనేక కోర్సులు, కెరీర్ అవకాశాలు లభిస్తున్నాయి. హెచ్‌ఈసీ అభ్యర్థులు తమ అభిరుచి, ఆసక్తికి అనుగుణంగా కోర్సు, కెరీర్ పరంగా ప్రణాళిక రూపొందించుకుంటే సాఫ్ట్‌వేర్ ప్రొఫెషనల్స్‌తో సమాన స్థాయిలో హోదాలు సొంతం చేసుకోవచ్చు.
  
  


 ‘అనగనగా ఓ రాజు, ఆ రాజుకు ఏడుగురు కొడుకులు, ఆ ఏడుగురు వేటకెళ్లారు’ గుర్తుందా ఈ కథ ప్రతి చిన్నారికి తన నాన్మమ్మ, తాతయ్యలు కచ్చితంగా ఇలాంటి కథలు చెప్పేవాళ్లు. కానీ ఉరుకుల పరుగుల నేటి కాలంలో ఇలాంటి కథలతో పాటు, కథలు చెప్పే వాళ్లు కనిపించడం లేదు. ఇందుకు కారణం ఒక్కటే నగర జీవితంలో కుటుంబాలు చిన్నవైపోతున్నాయి, దీంతో నాన్మమ్మ, తాతయ్యలు పిల్లల దగ్గర ఉండే పరిస్థితి కనిపించడం లేదు. ఇక కెరీర్ పరుగులో పడిపోయిన తల్లిదండ్రులకు తమ పిల్లలకు కథలను చెప్పగలిగేంత సమయం, ఓపిక రెండూ దొరకడం లేదు.
 
 అందుకే ఇప్పటి పిల్లల్లో చాలా మందికి వీడియోగేమ్స్, ఇంటర్నెట్‌లలో మునిగిపోతున్నారు తప్ప కథలంటే ఏమిటో తెలియడం లేదు. వీటి కారణంగానే చాలా మంది పిల్లలు పుస్తకాలకు పరిమితమైపోతున్నారు తప్ప వారిలో ఏమాత్రం సృ జనాత్మక పెరగడం లేదు. అయితే ఇప్పుడు పరిస్థితిలో కాస్తంత మార్పు వస్తోంది. బెంగళూరు వంటి మెట్రో నగరాల్లో స్టోరీ టెల్లింగ్ విభాగంలో నిపుణులు తయారవుతున్నారు. స్టోరీ టెల్లింగ్ క్లాసులకు కూడా ఉద్యాననగరిలో ఆదరణ పెరుగుతోంది.
  - సాక్షి, బెంగళూరు
  
  ‘స్టోరీ టెల్లింగ్’కి పెరుగుతున్న క్రేజ్....
 
  ఎప్పుడూ స్మార్ట్ ఫోన్లు, వీడియోగేమ్‌లు, ఇంటర్నెట్‌లతో కా లం గడిపే చిన్నారుల్లో సృ జనాత్మక శక్తి పూర్తిగా తగ్గిపోవడం తో పాటు వారిలో ఊబకాయం తదితర దీర్ఘకాలిక వ్యాధులు ప్రబలే అవకాశం ఉందని ఇప్పటికే అనేక సర్వేలు వెల్లడించా యి. ‘మీ పిల్లలు తెలివిగల వాళ్లు కావాలంటే వారికి రోజూ కథలు చెప్పండి’ అని ఆల్బర్ట్ ఐన్‌స్టీన్ చెప్పారంటే, చిన్నారుల జీవితాలను కథలు ఎంతగా ప్రభావితం చేయగలవో అర్ధం అవుతుంది. అందుకే ప్రస్తుతం బెంగళూరు వంటి మెట్రో నగరాల్లోని తల్లిదండ్రుల్లో ఇప్పుడిప్పుడే కాస్తంత మార్పు వస్తోంది. పిల్లలకు ప్రతి రోజూ కధలు చెప్పే సమయం దొరక్కపోయినా వారాంతాల్లో తప్పనిసరిగా ‘స్టోరీ టెల్లింగ్’ కార్యక్రమాలకు తీసుకెళుతున్నారు. అంతేకాదు పాఠశాలల్లో సైతం వారంలో కనీసం రెండు రోజులు స్టోరీ టెల్లింగ్ క్లాసులు ఉండే లా చూడాలని పాఠశాల యాజమాన్యాలకు తల్లిదండ్రుల వద్ద నుండి అభ్యర్థనలు కూడా వస్తున్నాయి. దీంతో నగరంలో స్టోరీ టెల్లింగ్ నిపుణులకు, ఈ తరహా కార్యక్రమాలకు రోజు రోజు కూ ఆదరణ పెరుగుతోంది. నగరంలోని రంగోలి మెట్రో ఆర్ట్ సెంటర్‌లో ప్రతి వారాంతంలో స్టోరీ టెల్లింగ్ కార్యక్రమాలు ఏర్పాటవుతున్నాయంటే ఈ తరహా కార్యక్రమాలు ఏ విధంగా క్రేజ్ పెరుగుతోందో మనం అర్ధం చేసుకోవచ్చు.
  
 ప్రయోజనాలెన్నెన్నో....
 
  కథలు వినడం వల్ల పిల్లల్లో జ్ఞాపకశక్తి పెరుగుతుంది. తరగతు ల్లో చెప్ప పాఠాల్లో దాదాపు సగం చిన్నారులకు గుర్తు ఉండవు. అదే ఒక కథలోని ప్రతీ సంఘటన పిల్లల మనసుల్లో బలంగా నాటుకుపోతుంది. ఇక ప్రతి రోజూ చిన్నారులకు కథలు చె ప్పడం వల్ల చిన్నారుల్లో ఊహాశక్తి పెరుగుతుందని సైకాలజిస్ట్ లు చెబుతున్నారు. కథ చెబుతూ పోతుంటే ఆ తర్వాత ఏం జరుగుతుందన్న విషయాన్ని చిన్నారులు ఊహిస్తూ ఉంటారు. ఇదే వారి మానసిక ఎదుగుదలకు కూడా ఎంతో ఉపయోగకరంగా నిలుస్తుందని నిపుణుల అభిప్రాయం. ఇక చరిత్రకు సం బంధించిన అంశాలను కథల్లా చెప్పడం ద్వారా భారతీయ సం స్కృతి, సాంప్రదాయాలను పిల్ల లకు తెలియజేయవచ్చు. పం చతంత్ర కథల ద్వారా బుద్ధికుశలత వల్ల ఎలాంటి అపాయం నుండైనా తప్పించుకోవచ్చని పిల్లలు తెలుసుకుంటారు. ఇక మాతృభాషతో పాటు ఇంగ్లీష్, హిందీ తదితర భాషల్లో పిల్లలకు కథలు చెబితే వారికి భాషా పరిజ్ఞానం కూడా పెరుగుతుంది.
 
 ఊహాజనిత లోకాన్ని కళ్లకు కట్టేలా...
 
  శ్రోతలను ఆకట్టుకునేలా కథలను చెప్పగలగడం ఓ ప్రత్యేకమైన కళ అంటారు నగరానికి చెందిన ప్రముఖ స్టోరీ టెల్లర్ ‘దీప్త’. కథల్లోని అంశాలకు తగ్గట్టు ఓ ఊహాజనిత లోకాన్ని కళ్లకు కట్టేలా కథలు చెప్పగలిగినపుడే శ్రోతలు ఆ కథలో పూర్తి గా నిమగ్నమవుతారు. ఇందుకోసం ఇప్పటి స్టోరీ టెల్లర్స్ చా లా మంది వారి హావభావాలను కథలతో కలిపి వ్యక్తీకరించడంతో పాటు పెయింటింగ్స్, పేపర్ కటింగ్స్, పాటలు వంటి వాటిని తమ మాధ్యమాలుగా వినియోగిస్తున్నారని దీప్త చెబుతున్నారు. ‘ఎంచుకున్న కథతో పాటు ఎత్తుగడ, ముగింపు అనే అంశాలు ఒక స్టోరీ టెల్లర్ నైపుణ్యాన్ని తెలియజేస్తాయి. ఇక కథలు అనగానే కేవలం చిన్నారులకు మాత్రమే పరిమితం అనుకుంటే పొరబడ్డట్టే. ఎన్నో ఒత్తిళ్లతో సతమతమయ్యే పెద్ద వారికి సైతం ఈ తరహా కథకాలక్షేపాలు ఎంతో ఉత్సాహాన్ని అందిస్తాయి. అమెరికా, సింగపూర్, దుబాయ్ వంటి దేశాల్లో ఇప్పటికే స్టోరీ టెల్లింగ్‌కి ఎక్కువ డిమాండ్ ఉంది. ఇక మన దేశంలోని మెట్రో నగరాల్లో కూడా ఇప్పుడిప్పుడే ఈ స్టోరీ టెల్లింగ్‌కి ఆదరణ పెరుగుతోంది. స్టోరీ టెల్లింగ్‌లో నైపుణ్యాన్ని సాధించగలిగితే మంచి అవకాశాలను సొంతం చేసుకోవచ్చు’ అంటున్నారు దీప్త.
 
  ఫిలిం ఫెస్టివల్స్‌లో అవకాశాలు కూడా....
 
  స్టోరీ టెల్లింగ్‌లో నైపుణ్యాన్ని సాధించగలిగితే జాతీయ అంతర్జాతీయ స్థాయి ఫిలిం ఫెస్టివల్స్‌లో కూడా అవకాశాలు వెతుక్కుంటూ వస్తాయి. అదెలాగంటే...సాధారణంగా ఫిలిం ఫెస్టివల్స్‌లో ప్రదర్శితమయ్యే సినిమాల కథను ముందుగా ప్రేక్షకులకు క్లుప్తంగా చెప్పాల్సి ఉంటుంది. స్టోరీ టెల్లింగ్‌లో శిక్షణ పొందిన వారికి ఇలా కథలను క్లుప్తంగా చెప్పడం అనేది చాలా సులువు. ఇక ఉద్యాననగరి చిల్డ్రన్ ఫిలిం ఫెస్టివల్, అంతర్జాతీయ ఫిలిం ఫెస్టివల్స్‌కు వేదికవుతూ ఉంటుంది కాబట్టి స్టోరీ టెల్లింగ్ నిపుణులు వీటిలో కూడా తమ ప్రతిభను చాటుకునేందుకు అవకాశం ఉంది.
  
  


 ముంబై: కుటుంబేతర మద్దతు లేకే మహిళలు వెనకపడిపోతున్నారని, వారు అభివృద్ధిలో పురుషుల కన్నా వెనుకంజలో ఉన్నారని ఓ సర్వే తేల్చింది. మధ్యవయసుకు వచ్చే సరికి వారికి కేవలం 20శాతం మద్దతు మాత్రమే లభిస్తుందని పేర్కొంది. ఫ్లెక్సీ కెరీర్స్ ఇండియా అనే  సోషల్ ఎంటర్ ప్రైజ్ సంస్ధ మొత్తం 2,456 మందిని తమ సర్వేలో భాగంగా ప్రశ్నించగా ఈ విషయం వెల్లడైందని వివరించింది.
  
 కుటుంబేతర మద్దతు విషయంలో పురుషులు బాగా ముందున్నారని, వారికి కెరీర్ ప్రారంభంలో 46శాతం, కెరీర్ మధ్యలో 55శాతం, బాగా పరిణతి చెందిన తర్వాత 57శాతం మద్దతు లభిస్తుండగా.. మహిళలకు మాత్రం పురుషులతో పోలిస్తే 35శాతం తక్కువ సపోర్ట్ లభిస్తుందని ఆ సంస్థ తేల్చింది.


 మనదేశంలో ప్రతి ఏటా కొన్ని లక్షల మంది విద్యార్థులు నాలుగేళ్ల ఇంజనీరింగ్ కోర్సు పూర్తిచేసుకుంటున్నారు. వీరిలో చాలామందికి తమ భవిష్యత్ కెరీర్‌పై స్పష్టత ఉండటం లేదు. ఉన్నత విద్యవైపు అడుగులు వేయాలా? ఉన్నతోద్యోగం వైపు దృష్టి సారించాలా?  ఈ రెండింటిలో ఏది మంచిది అనే సందేహంతో ఉంటారు. ఈ నేపథ్యంలో ఇంజనీరింగ్ పూర్తిచేసిన విద్యార్థులకు ఉండే ఉన్నత విద్యా, ఉద్యోగావకాశాలపై విశ్లేషణ..
  
 ఉన్నత విద్య
 
 ఎంటెక్
 బీటెక్ పూర్తయ్యాక ఉన్నత విద్యనభ్యసించాలంటే మనదేశంలో, విదేశాల్లో అనేక అవకాశాలున్నాయి. మనదేశంలో గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (గేట్) రాసి ఐఐటీలు, ఎన్‌ఐటీలు, వివిధ కేంద్రీయ విశ్వవిద్యాలయాలు, రాష్ట్ర విశ్వవిద్యాలయాల్లో ఎంఈ/ఎంటెక్ కోర్సులు అభ్యసించొచ్చు. ఈసారి ఐఐటీ- కాన్పూర్.. గేట్-2015ను నిర్వహిస్తోంది. ఏటా ఫిబ్రవరి మొదటి/రెండో వారంలో ఆన్‌లైన్‌లో పరీక్షను నిర్వహిస్తారు. ప్రస్తుతం గేట్ పరీక్షలు జరుగుతున్నాయి.
 
 గేట్ ఉత్తీర్ణతతో ఎంఈ/ఎంటెక్‌లో చేరితే ప్రతి నెలా రూ.12,400 స్కాలర్‌షిప్ కూడా పొందొచ్చు. ఆర్థిక ఇబ్బందులతో ఉన్నత విద్యకు దూరమయ్యేవారికి కొన్ని కార్పొరేట్ సంస్థలు, యూనివర్సిటీ గ్రాంట్స్ కమిషన్ (యూజీసీ), డిపార్ట్‌మెంట్ ఆఫ్ సైన్స్ అండ్ టెక్నాలజీ (డీఎస్‌టీ) వంటి సంస్థలు చేయూతనందిస్తున్నాయి. భారీ మొత్తాల్లో స్కాలర్‌షిప్‌లు, ఫెలోషిప్‌లు అందిస్తున్నాయి. మరిన్ని వివరాలకు www.ugc.ac.in, www.dst.gov.in  చూడొచ్చు. వివిధ బ్యాంకులు కూడా విద్యా రుణాలను అందిస్తూ బాసటగా నిలుస్తున్నాయి.
  
 విదేశీ విద్య
 బీటెక్ పూర్తిచేసిన విద్యార్థుల్లో ఎక్కువ మంది లక్ష్యం విదేశాల్లో ఉన్నతవిద్యనభ్యసించడమే అంటే అతిశయోక్తి కాదు. విదేశాల్లో చదవాలంటే జీఆర్‌ఈ, టోఫెల్ వంటి పరీక్షలు రాసి అందులో మంచి స్కోర్ సాధించాలి. తర్వాత ఆసక్తి ఉన్న స్పెషలైజేషన్‌ను ఎంపిక చేసుకుని చేరాలనుకుంటున్న యూనివర్సిటీకి ప్రత్యేకంగా దరఖాస్తు చేసుకోవాలి. ఈ క్రమంలో ముందుగానే పాస్‌పోర్ట్‌ను సిద్ధం చేసి ఉంచుకోవాలి. సంబంధిత యూనివర్సిటీలో ప్రవేశం ఖరారయ్యాక వీసాకు దరఖాస్తు చేసుకోవాలి. మరిన్ని వివరాలకు www.ets.org/toefl, www.ets.org/gre చూడొచ్చు.
  
 మేనేజ్‌మెంట్ కోర్సులు
 బీటెక్ పూర్తిచేసిన విద్యార్థుల్లో ఎక్కువ మంది చూపు మేనేజ్‌మెంట్ కోర్సులపైనే ఉంటుంది! కామన్ అడ్మిషన్ టెస్ట్ (క్యాట్), మేనేజ్‌మెంట్ ఆప్టిట్యూడ్ టెస్ట్ (మ్యాట్), జేవియర్ ఆప్టిట్యూడ్ టెస్ట్ (ఎక్స్‌ఏటీ), కామన్ మేనేజ్‌మెంట్ అడ్మిషన్ టెస్ట్ (సీమ్యాట్) వంటి ప్రవేశ పరీక్షలు రాసి బీస్కూళ్లలో ఎంబీఏ/పీజీడీఎం కోర్సులు అభ్యసించొచ్చు. అయితే మిగతా మేనేజ్ మెంట్ ఎంట్రెన్స్ టెస్టుల కంటే క్యాట్‌కు ఎక్కువ మంది విద్యార్థులు హాజరవుతుంటారు.
 
 ఎందుకంటే ప్రతిష్టాత్మక ఇండియన్ ఇన్‌స్టిట్యూట్స్ ఆఫ్ మేనేజ్‌మెంట్ (ఐఐఎం)ల్లో పీజీ మేనేజ్‌మెంట్ కోర్సులు అభ్యసించాలంటే క్యాట్‌లో స్కోర్ తప్పనిసరి. మన రాష్ట్రంలో ఎంబీఏ కోర్సులు అభ్యసించాలంటే ఇంటిగ్రేటెడ్ కామన్ ఎంట్రెన్స్ టెస్ట్ (ఐసెట్)లో ర్యాంకు సాధించాలి. దీని ద్వారా రాష్ట్రంలోని వివిధ యూనివర్సిటీల పరిధిలో ఉన్న కళాశాలల్లో ఎంబీఏ చదవొచ్చు.
  
 విదేశాల్లో మేనేజ్‌మెంట్ కోర్సులు అభ్యసించాలంటే గ్రాడ్యుయేట్ మేనేజ్‌మెంట్ అడ్మిషన్ టెస్ట్ (జీమ్యాట్) లాంటి పరీక్షల్లో మంచి స్కోరు సాధించాలి. విదేశాలనగానే చాలామందికి అమెరికా మాత్రమే గుర్తుకు వస్తుంది. ప్రస్తుతం ఆస్ట్రేలియా, యూరప్ దేశాల్లోనూ మంచి విశ్వవిద్యాలయాలున్నాయి. వాటిని కూడా విద్యార్థులు పరిశీలించి మంచి యూనివర్సిటీని ఎంపిక చేసుకోవాలి. ఇందుకోసం సంబంధిత యూనివర్సిటీల వెబ్‌సైట్లతోపాటు కెరీర్ ఓరియెంటెడ్ వెబ్‌పోర్టళ్లను చూడాలి.
  
 పీహెచ్‌డీ
 ఏ దేశమైనా అభివృద్ధిలో ముందుకు దూసుకెళ్లాలంటే ఆవిష్కరణలు జరగాలి. ఈ అవసరాన్ని గుర్తించిన కేంద్ర ప్రభుత్వం పరిశోధనలకు భారీ మొత్తంలో నిధులను కేటాయిస్తోంది. డిపార్ట్‌మెంట్ ఆఫ్ సైన్స్ అండ్ టెక్నాలజీ (డీఎస్‌టీ), డిపార్ట్‌మెంట్ ఆఫ్ బయోటెక్నాలజీ (డీబీటీ), యూనివర్సిటీ గ్రాంట్స్ కమిషన్ (యూజీసీ), కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్ (సీఎస్‌ఐఆర్) వంటి వాటి ద్వారా పరిశోధనలకు పెద్దపీట వేస్తోంది. అంతేకాకుండా ఐఐటీలు, ఎన్‌ఐటీలు, వివిధ కేంద్రీయ విశ్వవిద్యాలయాలు ఫ్యాకల్టీ కొరతతో సతమతమవుతున్నాయి.
 
 ఈ నేపథ్యంలో పీహెచ్‌డీ కోర్సులు అభ్యసిస్తే అద్భుతమైన కెరీర్‌ను సొంతం చేసుకోవచ్చు. వివిధ పరిశోధనశాలల్లో శాస్త్రవేత్తగా పనిచేయొచ్చు. అదేవిధంగా వర్సిటీల్లో ఫ్యాకల్టీగా విధులు నిర్వర్తించవచ్చు. ప్రతి ఏటా సీఎస్‌ఐఆర్ నిర్వహించే నేషనల్ ఎలిజిబిలిటీ టెస్ట్ (నెట్)లో జేఆర్‌ఎఫ్ సాధించి దేశవ్యాప్తంగా ఉన్న ప్రముఖ సంస్థల్లో పీహెచ్‌డీ చదువుతూ మొదటి రెండేళ్లు నెలకు * 25 వేల స్కాలర్‌షిప్ పొందొచ్చు. ఆ తర్వాత మూడో ఏడాది నుంచి సీనియర్ రీసెర్చ్ ఫెలోషిప్ హోదా కల్పిస్తారు. అంతేకాకుండా ప్రతినెలా * 28,000 స్కాలర్‌షిప్ లభిస్తుంది. ఇతర ఖర్చులకోసం ప్రతి ఏటా కాంటిన్‌జెన్సీ గ్రాంట్‌ను చెల్లిస్తారు. జేఆర్‌ఎఫ్, ఎస్‌ఆర్‌ఎఫ్ కలిపి మొత్తం ఐదేళ్లపాటు స్కాలర్‌షిప్ అందిస్తారు.
  
 ఉద్యోగాలు
 ఐఐటీలు, ఎన్‌ఐటీలు, ప్రముఖ విద్యా సంస్థల్లో బీటెక్ చదివినవారు మంచి ఉద్యోగావకాశాలు దక్కించుకుంటున్నారు. క్యాంపస్ ప్లేస్‌మెంట్స్‌లో ఏడాదికి లక్షల జీతాలతో ఎంపికవుతున్నారు. కానీ అంతగా పేరులేని కళాశాలల్లో చదివిన విద్యార్థులు సరైన ఉద్యోగావకాశాలను దక్కించుకోలేకపోతున్నారు. కోరుకున్న ఉద్యోగం పొందాలంటే అభ్యర్థికి కంపెనీలు ఆశిస్తున్న స్కిల్స్ ఉండడం తప్పనిసరి. కాబట్టి ప్రతి విద్యార్థి కమ్యూనికేషన్ స్కిల్స్, సాఫ్ట్ స్కిల్స్, ఇంటర్‌పర్సనల్ స్కిల్స్ వంటివాటిని పెంపొందించుకోవాలి.
  
 టీచింగ్
 కేంద్ర, రాష్ర్ట ప్రభుత్వాలు ఉన్నత విద్య అవసరాన్ని గుర్తించాయి. ఈ దిశగా ఎన్నో విశ్వవిద్యాలయాలను నెలకొల్పాయి. ప్రైవేటు రంగంలో అనుమతించిన విశ్వవిద్యాలయాలే కాకుండా, రానున్న ఐదేళ్లకాలంలో మరిన్ని విద్యా సంస్థలు ఏర్పాటు కానున్నాయి. వీటన్నింటిలో బోధన రంగంలో అపార అవకాశాలున్నాయి. ఒక విధంగా చెప్పాలంటే రానున్న కాలంలో ఎక్కువ ఉద్యోగాలు బోధన రంగంలోనే ఉంటాయన్నది నిర్వివాదాంశం. ఎంఈ/ఎంటెక్/పీహెచ్‌డీ పూర్తిచేస్తే అపార అవకాశాలు దక్కించుకోవచ్చు.
  
 ఇంజనీరింగ్ సర్వీసెస్ ఎగ్జామినేషన్
 ఇంజనీరింగ్ పట్టభద్రులకు.. చక్కటి అవకాశం ఇంజనీరింగ్ సర్వీసెస్ ఎగ్జామినేషన్. యూనియన్ పబ్లిక్ సర్వీస్ కమిషన్ (యూపీఎస్సీ) జాతీయ స్థాయిలో ప్రతి ఏటా నిర్వహించే.. ఈ పరీక్షలో విజయం సాధిస్తే.. ప్రభుత్వ రంగంలో గ్రూప్-ఏ, బీ ఆఫీసర్లుగా కెరీర్ ప్రారంభించే అద్భుత అవకాశం సొంతమవుతుంది. ఇంజనీరింగ్‌లో చేరిన మొదటి ఏడాది నుంచే ఈ పరీక్షకు సిద్ధమైతే సులువుగా విజయం సాధించొచ్చు. తద్వారా అత్యున్నత స్థాయికి చేరొచ్చు. ఈ పరీక్ష ద్వారా ఈ కింది విభాగాల్లో వివిధ పోస్టులను భర్తీ చేస్తారు.
  
 భర్తీ చేసే విభాగాలు..
 ⇒ ఇండియన్ రైల్వే సర్వీస్ అ ఇండియన్ రైల్వే స్టోర్ సర్వీస్
 ⇒ సెంట్రల్ ఎలక్ట్రికల్ అండ్ మెకానికల్ ఇంజనీరింగ్ సర్వీస్
 ⇒ ఇండియన్ నేవల్ ఆర్మమెంట్ సర్వీస్
 ⇒ సెంట్రల్ పవర్ ఇంజనీరింగ్ సర్వీస్
 ⇒ బోర్డర్ రోడ్స్ ఇంజనీరింగ్ అ ఇండియన్ ఆర్డినెన్స్ ఫ్యాక్టరీస్
 అర్హత: సంబంధిత బ్రాంచ్‌లో బీటెక్/బీఈ ఉత్తీర్ణత.
 వయోపరిమితి: ప్రకటనలో నిర్దేశించిన తేదీ నాటికి 21-30 ఏళ్లు.
 మొత్తం నాలుగు బ్రాంచ్‌ల్లో ఇంజనీరింగ్ సర్వీసెస్ ఎగ్జామినేషన్‌ను నిర్వహిస్తారు. అవి.. సివిల్ (కేటగిరీ-1), మెకానికల్ (కేటగిరీ-2), ఎలక్ట్రికల్ (కేటగిరీ-3) ఎలక్ట్రానిక్స్ అండ్ టెలికమ్యూనికేషన్ (కేటగిరీ-4).
 ఎంపిక: రాత పరీక్ష, పర్సనాలిటీ టెస్ట్ (ఇంటర్వ్యూ) అనే రెండు దశల ద్వారా అభ్యర్థుల ఎంపిక జరుగుతుంది. వెబ్‌సైట్: upsc.gov.in
 
 కొన్ని ప్రవేశ  పరీక్షలు
 
  గేట్
 దేశంలో ప్రతిష్టాత్మక ఇండియన్ ఇన్‌స్టిట్యూట్స్ ఆఫ్ టెక్నాలజీ (ఐఐటీలు), ఇండియన్ ఇన్‌స్టిట్యూట్ ఆఫ్ సైన్స్ (ఐఐఎస్‌సీ) -బెంగళూరు, నేషనల్ ఇన్‌స్టిట్యూట్స్ ఆఫ్ టెక్నాలజీ (నిట్‌లు)లు సహా ఏ ఇన్‌స్టిట్యూట్‌లోనైనా.. గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (గేట్) స్కోర్‌తో ఎంటెక్/పీహెచ్‌డీ కోర్సుల్లో ప్రవేశించొచ్చు. ప్రభుత్వ రంగ కంపెనీలు ప్రాథమిక స్థాయి నియామకాలకు గేట్ స్కోర్‌ను ప్రాతిపదికగా తీసుకుంటున్నాయి. ఎంటెక్‌లో సీటు, ఉద్యోగం.. ఈ రెండు లక్ష్యాలను.. సాధించే అవకాశాన్ని గేట్ కల్పిస్తోంది. ఐఐఎస్‌సీ, ఏడు ఐఐటీలు కలిసి సంయుక్తంగా గేట్‌ను నిర్వహిస్తున్నాయి.
  
 అర్హత: ఇంజనీరింగ్/టెక్నాలజీ/ఆర్కిటెక్చర్ (10+2 తర్వాత నాలుగేళ్లు)లలో బ్యాచిలర్స్ డిగ్రీ. లేదా మ్యాథ్స్/సైన్స్/ స్టాటిస్టిక్స్/కంప్యూటర్ అప్లికేషన్ లేదా తత్సమాన విభాగంలో మాస్టర్ డిగ్రీ/చివరి సంవత్సరం విద్యార్థులు కూడా దరఖాస్తు చేసుకోవచ్చు. లేదా నిర్దేశించిన విధంగా ఇంజనీరింగ్/టెక్నాలజీ విభాగంలో ఇంటిగ్రేటెడ్ మాస్టర్ డిగ్రీ లేదా ఏఎంఐఈ వంటి ప్రొఫెషనల్ ఇన్‌స్టిట్యూట్ నుంచి బీఈ/బీటెక్ పూర్తి చేసి ఉండాలి.
  
 రిక్రూట్‌మెంట్‌కు కూడా: ప్రతిష్టాత్మక సంస్థ ఆధ్వర్యంలో.. పారదర్శకతతో కూడిన నిర్వహణ కావడంతో పలు పబ్లిక్ సెక్టార్ కంపెనీలు ఎంట్రీలెవల్ రిక్రూట్‌మెంట్ కోసం గేట్ స్కోర్‌ను ప్రామాణికంగా తీసుకుంటున్నాయి. బార్క్, భారత అణుశక్తి శాఖలోని కొన్ని విభాగాలు, ఇండియన్ ఆయిల్ కార్పొరేషన్, నేషనల్ థర్మల్ పవర్ కార్పొరేషన్, పవర్ గ్రిడ్ కార్పొరేషన్, భారత్ హెవీ ఎలక్ట్రికల్స్ లిమిటెడ్‌లు.. గేట్ స్కోర్ ఆధారంగానే ఎంట్రీ లెవల్ ఉద్యోగులను భర్తీ చేసుకుంటున్నాయి. రిక్రూట్‌మెంట్స్ కోసం ఆయా సంస్థలకు వేర్వేరుగా దరఖాస్తు చేసుకోవాలి.
 
 గేట్ స్కోరును ప్రామాణికంగా తీసుకున్నప్పటికీ.. పూర్తి స్థాయిలో ఆ స్కోరు ఆధారంగానే అపాయింట్‌మెంట్ ఆర్డర్లు ఇవ్వడం లేదు. అధిక శాతం వెయిటేజీ మాత్రం ఇస్తున్నాయి. దాదాపు 75 శాతం వెయిటేజీని గేట్ స్కోరుకు ఇచ్చి మిగతా 25 శాతం వెయిటేజీని ఇంటర్వ్యూ/ గ్రూప్ డిస్కషన్‌లకు కేటాయిస్తున్నాయి. నోటిఫికేషన్ సమయంలో ఆ వివరాలను వెబ్‌సైట్‌లో పేర్కొంటాయి.
  వెబ్‌సైట్:  http://gate.iitk.ac.in/GATE2015/
  
 కామన్ అడ్మిషన్ టెస్ట్
 నిర్వహణ: ఇండియన్ ఇన్‌స్టిట్యూట్స్ ఆఫ్ మేనేజ్‌మెంట్ (ఐఐఎంలు)
 అర్హత: 50 శాతం మార్కులతో బ్యాచిలర్‌‌స డిగ్రీ ఉత్తీర్ణత. ఫైనల్ ఇయర్ చదువుతున్నవాళ్లూ అర్హులే.
 ఎంపిక: ఆన్‌లైన్ పరీక్ష, రిటెన్ ఎబిలిటీ టెస్ట్/అకడమిక్ రికార్‌‌డ/పని అనుభవం/గ్రూప్ డిస్కషన్/ఇంటర్వ్యూల ద్వారా..
 పరీక్ష: క్వాంటిటేటివ్ ఎబిలిటీ అండ్ డేటా ఇంటర్‌ప్రిటేషన్, వెర్బల్ ఎబిలిటీ అండ్ లాజికల్ రీజనింగ్ అంశాలపై ప్రశ్నలుంటాయి.
 ప్రవేశం: మనదేశంలో ఐఐఎంలే కాకుండా దాదాపు ప్రముఖ బిజినెస్ స్కూళ్లన్నీ క్యాట్ స్కోర్‌ను ప్రామాణికంగా తీసుకుంటున్నాయి. ఐఐటీలు, ఎన్‌ఐటీలు, సెంట్రల్ యూనివర్సిటీల్లో ప్రవేశానికి ఈ స్కోరే ప్రామాణికం.  వెబ్‌సైట్: www.catiim.in
  
 ఎంటర్‌ప్రెన్యూర్‌షిప్.. స్టార్టప్స్
 ఈ మధ్య కాలంలో అందరినోటా వినిపిస్తున్న పదాలు.. ఎంటర్‌ప్రెన్యూర్‌షిప్, స్టార్టప్స్. దేశంలోని ప్రముఖ విద్యా సంస్థలైన ఐఐటీలు, ఎన్‌ఐటీల్లో ప్రత్యేకంగా ఇంక్యుబేషన్ సెంటర్లు, ఎంటర్‌ప్రెన్యూర్‌షిప్ సెల్ (ఈ-సెల్)లు ఉన్నాయి. ఉద్యోగం కంటే సొంతంగా స్వయం ఉపాధిని పొందాలనుకునేవారికి ఇవి అండగా నిలుస్తున్నాయి. విద్యార్థుల ఆలోచనలు నచ్చితే వ్యాపారాభివృద్ధికి అవసరమైన ఫండింగ్‌ను కల్పిస్తున్నాయి. అంతేకాకుండా స్టార్టప్ ఏర్పాటుకు సహాయ సహకారాలు, విజయవంతం కావడానికి సూచనలు, సలహాలు అందించడంతోపాటు స్టార్టప్స్‌పై వర్‌‌కషాప్స్ కూడా నిర్వహిస్తున్నాయి. ఐఐటీలు, ఎన్‌ఐటీలే కాకుండా బిట్స్ పిలానీ క్యాంపస్‌లు, ఐఐఐటీ-హైదరాబాద్ వంటి ప్రముఖ విద్యా సంస్థలు కూడా స్టార్టప్స్‌కు మంచి ప్రోత్సాహం అందిస్తున్నాయి.
  
 ప్రస్తుతం జాబ్ మార్కెట్ బాగుంది!
 ప్రస్తుతం జాబ్ మార్కెట్ ఎంతో బాగుంది. ఇంజనీరింగ్ తర్వాత ఉన్నత చదువులకు వెళ్లాలనుకునేవారు ఎంటెక్ లేదా ఎంబీఏ కోర్సులను అభ్యసించొచ్చు. ఎంటెక్ చేయాలనుకుంటే ఇంజనీరింగ్ పూర్తికాగానే చేయడం మంచిది. ఎంబీఏ చేయాలనుకునేవారు కనీసం రెండేళ్లు ఉద్యోగం చేసి అనుభవం పొందిన తర్వాత తమ చదువును కొనసాగించొచ్చు. దేశంలో ప్రముఖ బీ-స్కూల్స్ సైతం వర్క్‌ఎక్స్‌పీరియన్స్ ఉన్నవారి కోసం ప్రత్యేక మేనేజ్‌మెంట్ కోర్సులను ఆఫర్ చేస్తున్నాయి. కోర్సులో భాగంగా కేస్ స్టడీస్‌కు వారి పని అనుభవం ఎంతగానో ఉపయోగపడుతుంది. ‘గేట్’ రాయడం ద్వారా ఉన్నత విద్య అవకాశాలతోపాటు ప్రభుత్వ రంగ సంస్థల్లో ఉద్యోగాలకూ దరఖాస్తు చేసుకోవచ్చు.
  - వి. ఉమామహేశ్వర్, ప్లేస్‌మెంట్ అండ్ ట్రైనింగ్ ఆఫీసర్, ఓయూ కాలేజ్ ఆఫ్ ఇంజనీరింగ్, హైదరాబాద్
  


 రవితేజ అంటేనే ఓ పవర్‌హౌస్. ఆయనెంత జోష్‌గా ఉంటారో, తన చుట్టూ ఉన్న వాతావరణాన్నీ అంతే జోష్‌గా ఉంచుతారు.  ఎంతో కష్టపడి... చాలా ఇష్టపడి...  ఈ స్థాయికి చేరుకున్నారు రవితేజ.  మీ విజయ రహస్యం ఏంటంటే... వర్క్... వర్క్... వర్క్ అని చెబుతారు. తన సినిమాల విడుదల సమయంలో  తప్ప మీడియాకు చాలా దూరంగా ఉంటారాయన. వ్యక్తిగత విషయాలు కూడా ప్రస్తావించడానికి ఆసక్తి చూపించరు.  ఆ కోణంలో ‘సాక్షి’ చేసిన చిరు ప్రయత్నమిది.
  
 ఎలాంటి సినిమా నేపథ్యం లేకపోయినా మీరు స్టార్‌గా ఎదిగారు. అది అందరికీ తెలుసు. కానీ, మీ కుటుంబం గురించి ఎప్పుడూ చెప్పరెందుకని? 
 (నవ్వేస్తూ...) వర్క్‌ను ఇంటికి తీసుకెళ్లను. ఇంటిని వర్క్ దగ్గరకు తీసుకు రాను. ఇంట్లో అందరం హ్యాపీ. వర్క్ చేస్తున్నప్పుడు నేను హ్యాపీ. నా ఫ్యామిలీ విషయాలు బయటకు చెప్పడానికి పెద్దగా ఇష్టపడను.
      
 కానీ... మీ ఫ్యాన్స్ తెలుసుకోవాలనుకుంటారు కదా?
 చెప్పక తప్పదంటారు... నాకో బాబు, పాప. మా ‘సార్’ పేరు మహాధన్ (నవ్వుతూ...). మూడో తరగతి. పాప పేరు మోక్షత. ఆరో తరగతి.
      
 మహాధన్ పేరు కొత్తగా ఉంది.. ఎవరు పెట్టారు?
 నేను పూజలు, పురస్కారాలకు దూరం. మా అమ్మకు దైవభక్తి ఎక్కువ. విష్ణు సహస్రనామంలో ‘మహాధన్’ అనే పదం ఉంటుందట. దాన్నే మా అబ్బాయి పేరుగా మా అమ్మ పెట్టింది.
      
 మీ పిల్లలకు సినిమాలంటే ఇష్టమేనా?
 ఎందుకుండదు? మావాడున్నాడే, వాడు నన్ను ఇమిటేట్ చేస్తుంటాడు. మావాడి ముందు నేను పనికి రాను. అసలు వాడితో పోల్చుకుంటే నేను చాలా అమాయకుణ్ణి. నా సినిమాలు చూసి, అచ్చం నాలా చేస్తుంటాడు.
     
 మామూలుగా మీ ఫ్యామిలీతో విహార యాత్రలకు వెళుతుంటారా?
 తప్పకుండా వెళతాను.
      
 మీ కుటుంబాన్ని ప్రత్యేకంగా ఎక్కడికైనా తీసుకెళ్లాలనుకుంటున్నారా?
 ఇప్పటి వరకు యూరోప్, అమెరికా తీసుకెళ్లలేదు. కొంచెం గ్యాప్ దొరికితే ముందు మా ట్రిప్ యూరోప్‌కే. అక్కడి వాతావరణం చాలా బాగుంటుంది. చాలా పాజిటివ్ కంట్రీ. అమెరికాలో డిస్నీల్యాండ్. పిల్లలకు కావాల్సినంత ఎంటర్‌టైన్‌మెంట్ ఉంటుంది.
    
 పిల్లల చదువు గురించి పట్టించుకుంటారా?
 అప్పుడప్పుడూ అడుగుతుంటాను. వాళ్లు కూడా ‘మాకు ఇన్ని మార్కులొచ్చాయి’ అని చూపిస్తుంటారు. మా అమ్మాయి అయితే వళ్లో కూర్చుని బోల్డన్ని కబుర్లు చెబుతుంది. నేను పిల్లలతో చాలా జోవియల్‌గా ఉంటాను.
     
 జనరల్‌గా మీకెలాంటి ప్రదేశాలంటే ఇష్టం?
 చల్లగా ఉండే ఏ ప్రదేశాలైనా ఇష్టమే. మామూలుగా బాగా చల్లగా ఉన్నప్పుడు చాలామంది పనిచేయడానికి ఇష్టపడరు. కానీ, నాకు ఎంత చల్లగా ఉంటే అంత ఎక్కువ పని చేయబుద్ధి అవుతుంది. నాకు సమ్మర్ అంటే చిరాకు.
  
 మీ లక్ష్యం ఏంటి?
 ఏమీ లేదు. ఈ రోజు ఏంటి? అని ఆలోచిస్తాను. మహా అయితే రేపేం చేయాలని ఆలోచిస్తాను. అంతేకానీ ఎల్లుండి గురించి ఆలోచించను. ఎప్పటి గురించో ఇప్పుడే ఆలోచించేస్తే మనశ్శాంతి ఉండదు. నేను నా మైండ్‌నీ, హార్ట్‌నీ వీలైనంత ఖాళీగా ఉంచుకుంటా. ప్రశాంతంగా జీవించాలన్నది నా కోరిక. అంతే!
    
 దేవుడున్నాడంటే ఒప్పుకుంటారా?
 ఒక శక్తి ఉందని నమ్ముతా. కానీ గుడికెళ్లి దేవుణ్ణి ఇబ్బంది పెట్టను.
      
 ఎప్పుడైనా బాధనిపిస్తే చాలామంది ఆధారపడేది దేవుడి మీదే! మరి మీరు?
 బాధను నాకు నేనుగా తగ్గించుకుంటా. ఏ భారమైనా మోసే దమ్ము ఈ గుండెకు ఉంది. ఎంతటి బాధనైనా సరే తేలికగా తీసుకుంటాను. అనవసరంగా హైరానా పడిపోయి, ఆరోగ్యం పాడు చేసుకోను. ఏం జరిగితే అది జరుగుతుందిలే అనుకుంటాను. మరి.. నా అదృష్టమేమో కానీ.. మొదటి నుంచీ నేనింతే!
 
 ఇప్పుడు సెటిలయ్యారు కాబట్టి, ఎన్నయినా చెబుతారు...?
 లేదు, లేదు. అసిస్టెంట్ డెరైక్టర్‌గా ఉన్నప్పుడు కూడా నేనింతే! ఆలోచిస్తూ.. కూర్చుంటే జీవితంలో ఏదీ సాధించలేం. ‘ఏం జరిగినా ప్రయత్నం మానకూడదు. ఏం చేసినా నమ్మి చేయాలి’ అనేది నా సిద్ధాంతం. ‘రవితేజ అదృష్టవంతుడు’ అని ఎవరైనా అంటే... నేను ఒప్పుకోనండి. ఎందుకంటే నా ఎదుగుదల విషయంలో 99 శాతం నా కష్టానికి దక్కితే అదృష్టానికి ఒక శాతమే దక్కుతుంది. నేను దేవుణ్ణి నమ్మను. నిజాయతీని నమ్ముతాను.
     
 ఒకప్పుడు చాలా కష్టపడ్డారు కదా... ఇప్పుడు రిలాక్స్ కావాలనిపిస్తోందా?
 అస్సలు లేదు. ‘రిలాక్స్, స్లో, పోస్ట్‌పోన్, నెగటివ్, డల్’ ఇలాంటి పదాలు వినడానికి నేను ఇష్టపడను. వాటిని గనక దగ్గర చేసుకుంటే... జీవితంలో మనం సాధించాలనుకున్నవాటికి దూరమైపోతాం. అందుకే నా డిక్షనరీ నుంచి ఇవన్నీ తీసేశా. చెబితే.. ఘాటుగా ఉంటుందేమో కానీ.. నా మరణమే నాకు రిలాక్సేషన్!
 
 నా సినిమా కెరీర్  ప్రారంభమైనప్పట్నుంచీ నాకు  అమితాబ్ బచ్చన్ అంటే చాలా ఇష్టం.  నేను ఆయన్ను ‘డాన్ శీను’ ఆడియో వేడుకకు రావాల్సిందిగా కోరినప్పుడు, వస్తానని మాటిచ్చారు. కానీ, చివరి నిమిషంలో రాలేకపోయారు. అమితాబ్ హీరోగా పూరి జగన్నాథ్ దర్శకత్వం వహించిన ‘బుడ్డా హోగా తేరా బాప్’ చిత్రం రూపొందిన విషయం తెలిసిందే.
 
 ఆ చిత్రం విడుదల సమయలో పూరి జగన్నాథ్ కార్యాలయంలో అమితాబ్‌ను కలిశాను. ఆ తర్వాత ఆ చిత్రం ప్రీమియర్ షోకు వెళ్లాం. అప్పుడు తీయించుకున్నది ఈ ఫొటో. అమితాబ్ లాంటి గ్రేట్ పర్సన్‌తో ఫొటో అంటే చిన్న విషయం కాదు. అందుకే, ఈ ఫొటోను పదిలంగా దాచుకున్నా.
  
  - డి. జి. భవాని


 విద్యార్థులకు లెఫ్టినెంట్ గవర్నర్ నజీబ్‌జంగ్ హితవు
 న్యూఢిల్లీ: కెరీర్‌ను కేవలం ధనసంపాదన కోణంలోనే చూడొద్దని, డాలర్లకోసం విదేశాలకు పరుగులు తీయొద్దని  లెఫ్టినెంట్ గవర్నర్, ఛాన్సలర్ నజీబ్‌జంగ్ హితవు విద్యార్థులకు హితవు పలికారు. సమాజ సువిశాల ప్రయోజనాల కోసం ముందుకు సాగాలన్నారు. ఢిల్లీ సాంకేతిక విశ్వవిద్యాలయం (డీటీయూ)లో బుధవారం జరిగిన స్నాతకోత్సవ కార్యక్రమంలో పాల్గొన్న సందర్భంగా ఆయన విద్యార్థులను ఉద్దేశించి ప్రసంగించారు.
 
 ఉన్నత విద్యకోసం వందలాదిమంది విద్యార్థులు విదేశాలకు వెళుతున్నారని, దేశాన్ని గాలికొదిలేస్తున్నారంటూ విచారం వ్యక్తం చేశారు. ఇటువంటి విద్యార్థులంతా వెనక్కి రావాలని ఆయన సూచిం చారు. ఇంకా అనేకమంది విద్యార్థులకు విదేశాలకు వెళ్లే అవకాశమే రావడం లేదన్నారు. దేశ పురోభివృద్ధికి పాటుపడాలన్నారు.
  
 సమయం కేటాయించండి
 ప్రభుత్వంతోపాటు తల్లిదండ్రులు, ఉపాధ్యాయులు విద్యార్థులపై వివిధ రూపాల్లో ఎంతో పెట్టుబడి పెట్టారని ఎల్జీ పేర్కొన్నా రు. ఈ విషయాన్ని గుర్తుంచుకుని విద్యార్థులు కొంత సమయాన్ని దేశం కోసం కేటాయిస్తారని తాను ఆశిస్తున్నట్టు తెలిపారు. కాగా స్నాతకోత్సవ కార్యక్రమంలో భాగంగా 72 మంది అండర్‌గ్రాడ్యుయేట్, గ్రాడ్యుయే ట్ విద్యార్థులకు ఎల్జీ పట్టాలను అందజేశా రు. అత్యుత్తమ ప్రతిభ కనబరిచిన నలుగురు విద్యార్థులకు పతకాలను అందజేశారు.
  
 నైతిక విలువల్ని పెంపొందించుకోవాలి
 అనంతరం ఈ కార్యక్రమానికి ముఖ్య అతిథిగా హాజరైన ఢిల్లీ మెట్రో రైల్ కార్పొరేషన్ (డీఎంఆర్‌సీ) మేనేజింగ్ డెరైక్టర్ మంగూసింగ్ విద్యార్థులను ఉద్దేశించి మాట్లాడుతూ నైతిక విలువలను పెంపొం దించుకోవాలని హితవు పలికారు. జీవి తంలో విజయపథంలో దూసుకుపోవాలని ఆకాంక్షించారు. డిగ్రీ పట్టా ప్రతి ఒక్కరికీ అవసరమేనని,  నైతిక విలువలు కూడా అంతకంటే ముఖ్యమని అన్నారు.
  
 వార్షిక నివేదికను సమర్పించిన వీసీ
 ఈ సందర్భంగా ఢిల్లీ సాంకేతిక విశ్వవిద్యాలయం (డీటీయూ) వైస్ ఛాన్సలర్ ప్రదీప్ కుమార్ డీటీయూ వార్షిక నివేదికను ఆహూతులకు చదివి వినిపించారు. 2013-14 విద్యా సంవత్సరంలో మొత్తం 13 నూతన ప్రాజెక్టులను ప్రారంభించామన్నారు. విద్యలో నాణ్యత పెంపుకోసం రూ. 12.5 కోట్ల మేర నిధులను వెచ్చించామన్నారు.


 దేశంలో ప్రైవేట్ రంగంలో నియామకాల ప్రక్రియ ఊపందుకుంటోంది. కార్పొరేట్ సంస్థలు వచ్చే ఆర్థిక సంవత్సరం (2015-16)లో భారీఎత్తున నియామకాలకు ప్రణాళికలు రూపొందిస్తున్నాయి. దాంతో కొత్త  సంవత్సరంలో కోర్సులు పూర్తి చేసుకోబోయే విద్యార్థులు ఉజ్వల అవకాశాలు అందుకోవచ్చంటున్నారు నిపుణులు. అయితే, కంపెనీలు తమ అవసరాలకు అనుగుణంగా విద్యార్థుల్లో ఎంప్లాయబిలిటీ స్కిల్స్ కోణంలో ఎన్నో అంశాలను పరిగణనలోకి తీసుకుంటున్నాయి. ఊరిస్తున్న  కొలువుల పరుగులో ముందుండేందుకు, ఉజ్వల కెరీర్‌ను సొంతం చేసుకునేందుకు నిపుణులు అందిస్తున్న సూచనలు, సలహాలు..
  
  ‘2015-16 ఆర్థిక సంవత్సరం.. అన్ని రంగాల్లో ఉద్యోగార్థులకు ఆశావహంగా నిలవనుంది. కారణం.. దేశంలోని కార్పొరేట్ కంపెనీలు తమ వ్యాపార విస్తరణ దిశగా అడుగులు వేస్తుండటమే. ఇప్పటికే టీసీఎస్, విప్రో, కాగ్నిజెంట్, ఇన్ఫోసిస్ తదితర సంస్థలు 2015-16 సంవత్సరానికి సంబంధించి తమ విస్తరణపై స్పష్టత ఇచ్చాయి. భారీ సంఖ్యలో నియామకాలు చేపడతామని పేర్కొన్నాయి. తాజా ప్రతిభావంతులను ఆకట్టుకునేందుకు క్యాంపస్‌లవైపు దృష్టి సారిస్తున్నాయి. తాజాగా ఐఐఎంలు సహా ప్రముఖ బీస్కూల్స్‌లో 2015 సమ్మర్ ఇంటర్న్‌షిప్ ఆఫర్స్ సంఖ్య పెరగడమే ఇందుకు నిదర్శనం. మరెన్నో సంస్థలు పూర్తి స్థాయి నియామకాల దిశగా ప్రాంగణ నియామ కాలు చేపడుతున్నాయి. సంస్థలు భారీ సంఖ్యలో అవకాశాలు అందిస్తున్నా.. నైపుణ్యాలు, కంపెనీ అవసరాల విషయంలో ఎక్కడా రాజీ పడట్లేదు. కాబట్టి ఔత్సాహికులు రెజ్యుమే నుంచి రియల్ టైమ్ నాలెడ్జ్ వరకు అన్ని విషయాల్లో ప్రతిభా పాటవాలు చూపితేనే ఆఫర్ లెటర్ చేతికందుతుంది. ఇందుకోసం అభ్యర్థులు దృష్టి సారించాల్సిన ముఖ్యాంశాలపై నిపుణుల సూచనలు..
  
 స్వీయ విశ్లేషణ
 
 ఇష్టమైన కెరీర్‌ను సొంతం చేసుకునే విషయంలో ముందుగా దృష్టి సారించాల్సిన అంశం.. స్వీయ విశ్లేషణ. భవిష్యత్ కెరీర్‌కు సంబంధించి అవగాహన పెంచుకోవాలి. తమ వాస్తవ నైపుణ్యాలు, సహజ ఆసక్తులు ఏంటో పరిశీలించాలి. అప్పుడే కోరుకుంటున్న ఉద్యోగంపై స్పష్టత వస్తుంది. ఫలితంగా ఎంపిక ప్రక్రియలో ముందుండేలా సంసిద్ధులయ్యేందుకు మార్గాలు కూడా తెలుస్తాయి. ముఖ్యంగా విద్యార్థుల అకడమిక్ నేపథ్యంతో సంబంధం లేకుండా సాఫ్ట్‌స్కిల్స్‌ను ముఖ్య నైపుణ్యంగా సాఫ్ట్‌వేర్ సంస్థలు పరిగణిస్తున్నాయి. కాబట్టి క్యాంపస్ రిక్రూట్‌మెంట్స్‌లో పాల్గొంటున్న సాఫ్ట్‌వేర్ సంస్థలు తమ వైపు మొగ్గు చూపేలా అభ్యర్థులు ముందుగానే సిద్ధం కావాలి. ఎంచుకున్న రంగంలో భవిష్యత్తులో ఏ మేరకు నిలదొక్కుకోగలమనే విషయంలోనూ దీర్ఘకాలిక ప్రణాళిక ఉండాలి.
  
 ఆసక్తి, అభిరుచులకు అనుగుణంగా
 
 ప్రస్తుతం క్యాంపస్ రిక్రూట్‌మెంట్ ప్రక్రియలో చిన్న తరహా కంపెనీలు మొదలు బహుళ జాతి సంస్థల వరకు అనేక రంగాలకు చెందిన చిన్నా,పెద్దా కంపెనీలు పాల్గొంటున్నాయి. దాంతో సహజంగానే విద్యార్థులు పేరున్న సంస్థలవైపు మొగ్గు చూపుతారనడంలో సందేహం లేదు. కానీ కెరీర్‌లో ఉన్నత శిఖరాలను అధిరోహించాలంటే.. ఆసక్తి, అభిరుచులకు పెద్దపీట వేయాలని నిపుణులు సూచిస్తున్నారు. అందుకు అనుగుణంగా కంపెనీలను, ఉద్యోగాలను ఎంపిక చేసుకోవడం మంచిది. అలా చేయాలంటే ఆయా కంపెనీలు నిర్వహించే ఎంపిక విధానాలపై అవగాహన పెంచుకొని సంసిద్ధులు కావాలి.
  
 బలాలు, బలహీనతలు
 
 అభ్యర్థులు తమకు సరితూగే రంగాన్ని ఎంచుకున్నాక  తక్షణమే దృష్టిపెట్టాల్సిన మరో ముఖ్యాంశం.. వ్యక్తిగత బలాలు, బలహీనతలు. తామెంచుకున్న రంగంలో రాణించేందుకు ఇప్పటికే తమకున్న నైపుణ్యాలు ఏవి, ఇంకా పొందాల్సిన నైపుణ్యాలు ఏంటి? అని ప్రశ్నించుకుంటూ.. తమ బలాలు, బలహీనతలపై విశ్లేషణ చేసుకోవాలి. ఫలితంగా భవిష్యత్తులో నిర్వహించే విధుల్లో మంచి పనితీరు ప్రదర్శించడానికి అవకాశం ఉంటుంది. ముఖ్యంగా తమ డొమైన్ ఆధారంగా కెరీర్ కోరుకునే అభ్యర్థులు ఈ విషయంలో మరింత శ్రద్ధ వహించాలి. తరగతి గదుల్లో నేర్చుకున్న పరిజ్ఞానం.. వాస్తవ పరిస్థితులు, కంపెనీల వాస్తవ అవసరాలకు మధ్య ఎంతో వ్యత్యాసం ఉంటుంది. ఈ తేడాలను గుర్తించి ముందడుగు వేయాలి.
  
 సెల్ఫ్ బ్రాండింగ్.. ఎంతో కీలకం
 
 ప్రస్తుత పోటీ ప్రపంచంలో నిలదొక్కుకోవాలంటే.. అత్యంత ఆవశ్యకమైన అంశం సెల్ఫ్ బ్రాండింగ్ లేదా సెల్ఫ్ మార్కెటింగ్. అంటే.. ఒక అభ్యర్థి ఇతరులతో పోల్చితే తనకున్న నైపుణ్యాలను మరింత మెరుగైన రీతిలో ఎదుటి వారికి తెలియజేయడం. అదే విధంగా తనలోని నైపుణ్యాల గురించి వీలైనంత ఎక్కువ మందికి తెలియజేసేలా వ్యవహరించడం. దీనికి అనువైన సాధనాలు.. సోషల్ మీడియా వెబ్‌సైట్స్. వీటి ద్వారా అభ్యర్థులు తమ నైపుణ్యాలను వెల్లడించి తద్వారా అవకాశాలను అందుకోవచ్చు.
  
 ఇంటర్న్‌షిప్స్.. జాబ్ ఆఫర్‌కు మార్గం
 
 వచ్చే ఆర్థిక సంవత్సరంలో కంపెనీలు చేపట్టే నియామకాల్లో విజయం సాధించేందుకు ప్రస్తుతం విద్యార్థులు చేయాల్సిన మరో ముఖ్యమైన పని.. ఇంటర్న్‌షిప్స్. ఇందుకోసం విద్యార్థులు తమ కోర్సుకు సరితూగే ఏదో ఒక సంస్థలో ఇంటర్న్‌షిప్స్ చేయడం ఉపయుక్తం. దీనివల్ల అకడమిక్స్‌తోపాటు సమాంతరంగా ఇండస్ట్రీ నాలెడ్జ్ కూడా లభిస్తుంది. కోర్సు పూర్తయ్యేనాటికి జాబ్ రెడీ స్కిల్స్ విషయంలో ఇతరుల కంటే ముందుండేందుకు ఎంతో ఆస్కారం ఉంటుంది. అంతేకాకుండా ఇంటర్న్‌షిప్స్‌లో మంచి పనితీరు కనబరిస్తే అదే సంస్థలో శాశ్వత నియామకం సొంతం చేసుకునే వీలుంది. ఐఐఎంలు, ఐఐటీలు, ఇతర ప్రముఖ ఇన్‌స్టిట్యూట్‌లలో క్యాంపస్ నియామకాలను పరిశీలిస్తే ఇంటర్న్‌షిప్ చేసిన సంస్థల నుంచి ఫైనల్ ఆఫర్ పొందిన వారి సంఖ్య 50 నుంచి 60 శాతం ఉంది. దీన్ని దృష్టిలో ఉంచుకుని విద్యార్థులు వచ్చే వేసవిలో సమ్మర్ ఇంటర్న్‌షిప్ చేసేందుకు ఉద్యుక్తులవడం ఎంతో ఉపకరిస్తుంది.
  
 క్యాంపస్ ప్లేస్‌మెంట్స్‌లో ఇలా
 
 ప్రస్తుతం దేశవ్యాప్తంగా పలు ఇన్‌స్టిట్యూట్‌లలో క్యాంపస్ ప్లేస్‌మెంట్స్ ఊపందుకుంటున్నాయి. ఇప్పటికే కొన్ని ప్రముఖ విద్యా సంస్థలలో ప్లేస్‌మెంట్స్ ముగిశాయి. మిగతావాటిలో నవంబర్, డిసెంబర్‌లల్లో పూర్తి స్థాయిలో జరగనున్నాయి. ఆయా కోర్సుల చివరి సెమిస్టర్‌లో ఉన్న విద్యార్థులకు నిర్వహిస్తున్న ఈ ప్లేస్‌మెంట్ ప్రక్రియలో విజయం సాధించాలంటే.. అభ్యర్థులు ఎన్నో అంశాలపై కసరత్తు చేయాలి. సదరు ఇన్‌స్టిట్యూట్‌కు వస్తున్న కంపెనీలు, తమ నేపథ్యానికి సరితూగే సంస్థలు, అవి ఆఫర్ చేస్తున్న ఉద్యోగాలు-నిర్వర్తించాల్సిన విధులు, ఎంపిక ప్రక్రియలో అవి నిర్దేశించే నిబంధనలు తదితర అంశాలపై పూర్తి అవగాహన ఏర్పరచుకోవాలి. అభ్యర్థులు ఈ అంశాలన్నింటిపైనా స్పష్టత ఏర్పరచుకున్నాక.. సదరు కంపెనీల నేపథ్యం, ప్రస్తుత పనితీరు, కంపెనీ మార్కెట్ వ్యవహారాలు, భవిష్యత్తు ప్రణాళికలపైనా సమాచారం సేకరించుకుంటే ఒక అడుగు ముందున్నట్లే. ఇది ఇంటర్వ్యూలో విజయానికి ఎంతో ఉపకరిస్తుంది.
  
 ఇంటర్వ్యూ.. ప్రశ్న- సమాధానం కాదు
 
 ఇంటర్వ్యూ అనగానే విద్యార్థుల్లో ఒక రకమైన బిడియం, ఆందోళన సహజం. చాలామంది ఇంటర్వ్యూ అంటే.. ప్రశ్న - సమాధానం అనే అభిప్రాయంతో ఉండటమే ఇందుకు కారణం. వాస్తవానికి ఇప్పుడు కంపెనీల దృక్పథం మారింది. విద్యార్థులకు ఆహ్లాదకర వాతావరణం కల్పిస్తున్నాయి. కొశ్చన్ అండ్ ఆన్సర్‌కు బదులు చిన్నపాటి డిబేట్ మాదిరిగా ఇంటర్వ్యూను నిర్వహిస్తున్నాయి. తద్వారా అభ్యర్థుల్లో విషయ పరిజ్ఞానం, కమ్యూనికేషన్ స్కిల్స్, ఇంటర్ పర్సనల్ స్కిల్స్.. ఇలా మరెన్నో నైపుణ్యాలను తెలుసుకుంటున్నాయి. ఇటు అభ్యర్థులు కూడా తమ అభిప్రాయాలను స్వేచ్ఛగా వ్యక్తీకరించేందుకు వీలు కలుగుతోంది. అయితే అభ్యర్థులు కొంత అప్రమత్తంగా ఉండాలి. తెలియని అంశాల గురించి చర్చకు తెరదీస్తే చిక్కుల్లో పడినట్లే. కాబట్టి ఇంటర్వ్యూలో చర్చ జరుగుతున్న తీరును, తద్వారా కంపెనీ ప్రతినిధులు కోరుకుంటున్న అంశాలను సునిశితంగా గమనించాలి. రాత పరీక్ష, సాంకేతిక పరీక్ష ద్వారా అభ్యర్థిలోని సబ్జెక్ట్ నాలెడ్జ్‌పై స్పష్టత పొందిన కంపెనీలు ఇంటర్వ్యూలో.. సామాజిక అంశాలపైనా చర్చించే అవకాశం ఉంటుంది. ఆయా అంశాలు తెలియకపోతే.. తెలియదని నిజాయతీగా ఒప్పుకోవాలి.
  
 సూటిగా రెజ్యుమే
 
 రెజ్యుమే.. ఉద్యోగ సాధన దిశగా తొలి ఆయుధం. ఎంపిక ప్రక్రియలో మలి దశకు పిలుపు అనేది రెజ్యుమేపైనే ఆధారపడి ఉంటోంది. కాబట్టి ఈ విషయంలోనూ జాగ్రత్తగా వ్యవహరించాలి. రెజ్యుమే అంటే.. రెండు, మూడు పేజీలు నింపాల్సిన రోజులు పోయాయి. తమ కెరీర్ ఆబ్జెక్టివ్, ఇప్పటివరకు సాధించిన విజయాలపై ఒక్క పేజిలో సూటిగా, స్పష్టంగా తెలియజేయాలి. సరళమైన భాషలో ఉండేలా రెజ్యుమేను రూపొందించాలి. ఇలా అన్ని దశల్లోనూ వ్యూహాత్మకంగా వ్యవహరిస్తే.. కోరుకున్న కొలువును దక్కించుకోవచ్చు.
  
 అభ్యర్థులు చేస్తున్న పొరపాట్లు
  
 ప్రస్తుత పోటీ ప్రపంచంలో కార్పొరేట్ కొలువులను సొంతం చేసుకోవాలనే ఉత్సాహంతో ఉన్న అభ్యర్థులు.. కొన్ని పొరపాట్లు చేసి అవకాశాలను చేజార్చుకుంటున్నారు. సాధారణంగా అభ్యర్థులు చేస్తున్న పొరపాట్లు..
      
  పే ప్యాకేజ్‌కు ఆకర్షితులు కావడం: ప్రస్తుతం పలువురు అభ్యర్థులు లక్షల రూపాయాల్లో లభిస్తున్న పే ప్యాకేజ్‌లను మాత్రమే పరిగణనలోకి తీసుకుంటున్నారు. ఈ క్రమంలో తమ సహజ ఆసక్తులను పట్టించుకోవడం లేదు. దీనివల్ల దీర్ఘకాలంలో నష్టం వాటిల్లుతుంది.
      
  లోపిస్తున్న స్పష్టత: అభ్యర్థుల కోణంలో కనిపిస్తున్న మరో ప్రధానమైన పొరపాటు స్పష్టత లేమి. తమ నేపథ్యం, దానికి అనుగుణంగా లభించే అవకాశాలు, భవిష్యత్తు లక్ష్యాలపై చాలామంది అభ్యర్థుల్లో అవగాహన లోపిస్తోంది. కానీ కంపెనీలు అభ్యర్థుల విషయంలో ఎంతో స్పష్టతతో వ్యవహరిస్తున్నాయి.
      
  విధుల గురించి అవగాహన లేమి: అభ్యర్థులకు తాము చేరదలచుకున్న సంస్థల విషయంలో స్పష్టత ఉన్నప్పటికీ.. ఉద్యోగ విధుల విషయంలో అవగాహన పొందలేకపోతున్నారు. కానీ నేటి పోటీ ప్రపంచంలో భవిష్యత్తులో నిర్వహించే బాధ్యతల విషయంలో ముందస్తు అవగాహన కూడా చాలా అవసరం.
      
  పుస్తక పరిజ్ఞానానికే పరిమితం కావడం: ఇది కూడా నేటి ఉద్యోగార్థులు చేస్తున్న మరో పొరపాటు. కేవలం పుస్తక పరిజ్ఞానానికే పరిమితమై.. రియల్‌టైం నాలెడ్జ్ పెంచుకునే దిశగా కృషి చేస్తున్న వారి సంఖ్య చాలా స్వల్పం. కంపెనీలు థియరిటికల్ నాలెడ్జ్‌తోపాటు రియల్ టైం నాలెడ్జ్ ఉన్నవారికే ప్రాధాన్యం ఇస్తున్నాయి.
      
 ‘కమ్యూనికేషన్’ స్కిల్స్ లేమి: కమ్యూనికేషన్ స్కిల్స్, సాఫ్ట్ స్కిల్స్ పెంచుకోవడంపైనా అభ్యర్థులు చూపిస్తున్న శ్రద్ధ తక్కువే. కానీ కార్పొరేట్ సంస్కృతిలో.. బృందాలతో కలిసి పనిచేయాల్సిన వాతావరణంలో వివిధ నైపుణ్యాలను పెంచుకోవడం ఎంతో అవసరం.
  
 మౌలిక రంగంలో మెరుగైన అవకాశాలు
 
 ప్రస్తుతం ఐటీతోపాటు పురోగమిస్తున్న రంగం.. మౌలిక రంగం. ప్రభుత్వ, ప్రై వేటు.. రెండు రంగాల్లోనూ పలు నిర్మాణ కార్యకలాపాలు విస్తరిస్తున్నాయి. ఈ రంగంలో నియామకాల సంఖ్య భారీగా పెరగనుంది. అభ్యర్థులు ఈ అవకాశాన్ని అందిపుచ్చుకోవాలి. కేవలం ఒక మేజర్‌కే పరిమితం కాకుండా.. అనుబంధ విభాగాల్లో నైపుణ్యం సాధిస్తే మరిన్ని అవకాశాలు లభిస్తాయి. ఉదాహరణకు సివిల్ ఇంజనీరింగ్ అభ్యర్థులు ఈ రంగంలో ఆవిష్కృతమవుతున్న నూతన సాఫ్ట్‌వేర్స్‌పై అవగాహన పొందితే ఎంతో ఉపయుక్తంగా ఉంటుంది.
  - జగదీశ్ రెడ్డి, హెడ్- హెచ్.ఆర్., జీఎంఆర్ ఇన్‌ఫ్రా
  
 ప్యూర్ సైన్స్‌లో డీప్ నాలెడ్జ్
 
 ఫార్మాస్యూటికల్, లైఫ్ సెన్సైస్ తదితర ప్యూర్ సైన్స్ సంస్థలలో కెరీర్ సొంతం చేసుకోవాలనుకునే అభ్యర్థులు నిరంతరం ఆయా అంశాలపై పరిజ్ఞానం పెంచుకోవాలి. ఈ రంగాల్లో నిరంతరం పరిశోధనలు జరుగుతూ కొత్త అంశాలు ఆవిష్కృతమవుతున్నాయి. వీటి గురించి ఎప్పటికప్పుడు తెలుసుకుంటుండాలి. అభ్యర్థులను నియమించుకునే క్రమంలో నాలెడ్జ్‌కు కంపెనీలు పెద్దపీట వేస్తాయి. అదే విధంగా విధుల్లో చేరిన అభ్యర్థులు కేవలం తమ విభాగానికే పరిమితం కాకుండా.. సంస్థలోని ఇతర విభాగాల పనితీరుపైనా అవగాహన పొందితే భవిష్యత్తు మరింత ఆశాజనకంగా ఉంటుంది.
  - అజ్దాన్ ఖాన్, వైస్ ప్రెసిడెంట్- హెచ్.ఆర్., సన్ ఫార్మాస్యూటికల్ ఇండస్ట్రీస్ లిమిటెడ్
  
 ఈ-కామర్స్.. టెక్నికల్ + జనరల్
 
 ఆన్‌లైన్ షాపింగ్ కార్యకలాపాల వెబ్‌సైట్లు విస్తరిస్తున్న నేపథ్యంలో నేటి యువత ఉపాధి అవకాశాలకు ప్రధాన వేదికగా ఈ-కామర్స్ రంగం నిలుస్తోంది. ఈ-కామర్స్ సంస్థల్లో టెక్నికల్, జనరల్ అన్ని విభాగాల్లోనూ ఉద్యోగావకాశాలు లభిస్తున్నాయి. కావాల్సిందల్లా సబ్జెక్ట్ నాలెడ్జ్‌తోపాటు కమ్యూనికేషన్ స్కిల్స్.
  - బి.ఎస్. సుమంత్,టెక్నికల్ రిక్రూటర్, లింక్డ్ ఇన్
  


 సాక్షి క్రీడా విభాగం
  ఏడేళ్ల క్రితం సానియా మీర్జా సింగిల్స్‌లో తన కెరీర్ అత్యుత్తమ ర్యాంక్ (27)ను అందుకుంది. అంతే... ఆ తర్వాత ఆమె ఆటతీరు గతి తప్పింది. దీనికి గాయాలు కూడా జత కావడంతో కెరీర్ అంతా తిరోగమనమే తప్ప చెప్పుకోదగ్గ ప్రదర్శన ఒక్కటీ నమోదు కాలేదు. సరిగ్గా చెప్పాలంటే తొలి రౌండ్‌లోనే పరాజయం, మహా అయితే రెండో రౌండ్‌లో వెనుదిరిగిన సానియా... ఇవే పతాక శీర్షికలుగా నిలిచాయి. ఈ దశలో ఆమె తీసుకున్న ఒక నిర్ణయం సానియా స్థాయిని పెంచేసింది. మరో దశాబ్ద కాలం పాటు టెన్నిస్ ప్రపంచంలో నిలబడేలా చేసింది. అదే డబుల్స్‌ను ఎంచుకోవడం. ముఖ్యంగా గత రెండేళ్లుగా సానియా సాధిస్తున్న విజయాలు ఒక్కసారిగా వరల్డ్ టెన్నిస్ సర్క్యూట్ దృష్టిని ఆకర్షించేలా చేశాయి.
 
  వేర్వేరు భాగస్వాములతో...
  డబుల్స్‌లో చెలరేగి ఆడుతున్న సానియా ఆ విభాగంలో ప్రత్యేకంగా శిక్షణ పొందలేదు. డబుల్స్‌కు కీలకమైన సర్వ్ అండ్ వ్యాలీ రెండింటిలోనూ ఆమె బలహీనమే. అయితే తన బలమైన ఫోర్‌హ్యాండ్‌తో పాటు పోరాటపటిమతోనే ఆమె తన లోపాలను అధిగమించగలిగింది. తన భాగస్వామిని ఎంచుకోవడంలో కూడా సానియా విజయాలకు బాట వేసింది. అయితే ఒకే భాగస్వామికి పరిమితం కాకుండా వేర్వేరు ప్లేయర్లతో కలిసి విజయాలు సాధించడం సానియా ప్రత్యేకతను చూపిస్తోంది. 12 మంది వేర్వేరు భాగస్వాములతో కలిసి సానియా తన కెరీర్‌లో 22 డబ్ల్యూటీఏ టైటిల్స్ సొంతం చేసుకోవడం విశేషం.
 
 అంటే...సహచరి ఎవరైనా తనదైన ముద్ర వేయడం, ఆధిక్యం కనబర్చడం సానియా ప్రతిభకు నిదర్శనం. ఇది సింగపూర్ టోర్నీ సెమీస్‌లో బాగా కనిపించింది. ఎలెనా వెస్నినా (రష్యా)తో కలిసి ఫ్రెంచ్ ఓపెన్ ఫైనల్ చేరిన ఆమె, ఆ తర్వాత బెథానీ మాతెక్‌తో మూడు టైటిల్స్ గెలిచింది. కారా బ్లాక్‌తో సానియా భాగస్వామ్యం మాత్రం అద్భుత విజయాలు అందించింది. వీరిద్దరు కలిసి ఐదు టోర్నీలలో టైటిల్స్ గెలుచుకోగా, మరో నాలుగింటిలో రన్నరప్‌గా నిలిచారు. వచ్చే ఏడాది నుంచి సానియా సు వీ సెయి (చైనీస్ తైపీ)తో కలిసి బరిలోకి దిగనుంది.
 
  అగ్రస్థానంలో...
  టెన్నిస్ డబుల్స్‌లో ఇప్పుడు భారత బెస్ట్ ప్లేయర్ ఎవరు అంటే తడుముకోకుండా సానియా మీర్జా అని సమాధానం చెప్పేయవచ్చు. పురుషుల డబుల్స్‌లో భారత్ తరఫున అత్యుత్తమ విజయాలు సాధించిన లియాండర్ పేస్ 30వ ర్యాంక్‌కు దిగజారగా, రోహన్ బొపన్న 28వ ర్యాంక్‌లో పోరాడుతున్నాడు. మహిళల డబుల్స్‌లో ఈ ఏడాది జూలైలో 5వ ర్యాంక్‌కు చేరిన ఆమె, ప్రస్తుతం ఎనిమిదో ర్యాంక్‌లో ఉంది.
 
 ర్యాంకింగ్ పాయింట్ల కోసం పురుషుల విభాగంలో భారత ఆటగాళ్లు ఆసియా క్రీడలకు దూరమైతే... సానియా అటు ఏషియాడ్‌లోనూ దేశం తరఫున ఆడి స్వర్ణం గెలవడం, ఇటు పాయింట్లు కాపాడుకొని డబ్ల్యూటీఏ ఫైనల్స్‌కు అర్హత సాధించగలడం ఆమె పట్టుదలకు నిదర్శనం.
 
  అదీ సాధిస్తే...
  సానియా మీర్జా అంటే వివాదాలే అని విమర్శించేవారికి ఆమె తాజా విజయాలే సమాధానం. సింగిల్స్‌తో పోలిస్తే డబుల్స్‌కు అంత విలువ ఉండదని కూడా చాలా మంది భావిస్తారు. కానీ 150కు పైగా దేశాల క్రీడాకారిణులు పోటీ పడే డబ్ల్యూటీఏ సర్క్యూట్‌లో ఆమె సాధించిన ఘన విజయాలను తక్కువ చేయలేం. సర్క్యూట్‌లో 2004 నుంచి చురుగ్గా కొనసాగుతున్న మీర్జా, ఈ పదేళ్లలో రెండుసార్లు (2005, 2008) మినహా ప్రతీ ఏడాది ఏదో ఒక టైటిల్ నెగ్గడం విశేషం.
 
 మిక్స్‌డ్ డబుల్స్‌లో మూడు గ్రాండ్‌స్లామ్ టైటిల్స్ సాధించిన సానియా మీర్జాకు మహిళల డబుల్స్‌లో మాత్రం ఆ లోటు మిగిలిపోయింది. 2011లో ఎలెనా వెస్నినాతో కలిసి ఫ్రెంచ్ ఓపెన్‌లో ఫైనల్ చేరడమే ఆమె అత్యుత్తమ ప్రదర్శన. ఇక 2012 ఒలింపిక్స్‌లో పలు వివాదాల అనంతరం మిక్స్‌డ్‌లో క్వార్టర్స్ చేరిన సానియా 2016లో ఆ పతకాన్ని కూడా అందుకోవాలని లక్ష్యంగా పెట్టుకుంది. 28 ఏళ్ల మీర్జా రాబోయే రోజుల్లో ఇదే జోరును కొనసాగిస్తే డబుల్స్ ప్రపంచంలో అత్యుత్తమ క్రీడాకారిణిలలో ఒకరిగా నిలవడం ఖాయం.


 కార్పొరేట్ కెరీర్‌గా ఐదేళ్ల క్రితం ఆవిర్భవించి... ఆకాశమే హద్దుగా అవకాశాలు కల్పిస్తూ.. నేటి యువత.. ‘హాట్ ఫేవరెట్ జాబ్స్’ జాబితాలో అగ్రస్థానంలో నిలుస్తున్న ఉద్యోగం.. డేటా సైంటిస్ట్. అంకెలు, సంఖ్యల పట్ల ఆసక్తి, విశ్లేషణ నైపుణ్యం.. విభిన్న గణాంకాలను క్రోడీకరించే సామర్థ్యం ఉన్నవారికి ఉన్నత శిఖరాలు అధిరోహిం చేందుకు వీలు కల్పించే కెరీర్. ‘డేటా సైంటిస్ట్’..  ఈ పదం వినడానికి, చదవడానికి కొంత గంభీరంగా ఉన్నప్పటికీ సాధారణ గ్రాడ్యుయేట్లు సైతం ఉజ్వలమైన కెరీర్‌ను సొంతం చేసుకోవచ్చనేది నిపుణుల అభిప్రాయం. ఇంటర్నెట్ యుగంలో ఆన్‌లైన్ వినియోగం విస్తృతమైన ప్రస్తుత పరిస్థితుల్లో.. సంస్థలకు తప్పనిసరిగా మారి, యువతకు పుష్కల అవకాశాలు కల్పిస్తున్న ‘డేటా సైంటిస్ట్’ కెరీర్‌పై ఫోకస్..
  
  డేటా సైంటిస్ట్ అంటే?
 
  కార్పొరేట్ ప్రపంచంలో వందల సంఖ్యలో సంస్థలు, ఆయా కంపెనీల నుంచి లెక్కకు మించి ఉత్పత్తులు. అన్నిటిలక్ష్యం ఒక్కటే. అదే.. వినియోగదారుల అవసరాలకు అనుగుణంగా వస్తు, సేవలు అందించడం ద్వారా వారి మనసులు గెలుచుకోవడం! ఇందుకోసం విభిన్న వర్గాల వినియోగదారులు, మారుతున్న వారి అవసరాలు, అభిరుచులకు సంబంధించిన సమాచారాన్ని సేకరించి,క్రోడీకరించి, వర్గీకరించడం.. వీటి ఆధారంగా విశ్లేషణలు, సూచనలు, సలహాల తో కూడిన నివేదికలను రూపొందించి సంస్థకు అందించడం.. ఇవి స్థూలంగా డేటా సైంటిస్ట్ ప్రధాన విధులు.
  
 ఈ-కామర్స్‌కు కీలకంగా
 
 ప్రస్తుతం ప్రపంచవ్యాప్తంగా ఈ-కామర్స్ జోరు కొన సాగుతోంది. వినియోగదారుల్లో అధిక శాతం మంది ఆన్‌లైన్ షాపింగ్ వైపు మొగ్గుచూపుతున్నారు. ఈ-కామర్స్ సంస్థలకు కస్టమర్ల గురించి నేరుగా తెలుసుకునే అవకాశం ఉండదు. ఆయా సంస్థల వెబ్‌సైట్లలో వినియోగదారులు స్వయంగా వెల్లడించే వివరాలు మాత్రమే సేవలందించే క్రమంలో కంపెనీలకు అందుబాటులో ఉంటాయి. ఈ క్రమంలోనే డేటా సైంటిస్ట్ సేవలు ఈ-కామర్స్ సంస్థలకు ఎంతో కీలకంగా మారాయి. డేటా సైంటిస్ట్‌లు వినియోగదారులు నమోదు చేసిన వివరాలను పరిశీలిస్తూ.. వాటి ఆధారంగా సంస్థకు అవసరమైన సమాచారాన్ని విశ్లేషించి అందిస్తారు. కస్టమర్స్‌ను కేటగిరీలుగా వర్గీకరించి ప్రతి కస్టమర్‌కు సంబంధించి సానుకూల, ప్రతికూల అంశాలను తెలియజేస్తారు. అంతేకాకుండా ఆన్‌లైన్ షాపింగ్‌లో వారు అనుసరిస్తున్న అన్ని అంశాలను పరిశీలిస్తారు. పేమెంట్ విధానాలు, చెల్లింపుల పరంగా గతంలో చేసిన పొరపాట్లు వంటివి. ఉదాహరణకు.. క్రెడిట్ కార్డ్ ద్వారా కొనుగోలు చేస్తున్న వినియోగదారులు చేస్తున్న తప్పులు, వాటివల్ల సంస్థకు కలిగే పర్యవసానాలను అంచనా వేస్తారు.
  
  లక్షల్లో కొలువులు
 
  ప్రపంచవ్యాప్తంగా డేటా సైంటిస్ట్ కొలువులు లక్షల్లోనే ఉన్నట్లు అంచనా. ఇంటర్నేషనల్ డేటా కార్పొరేషన్ నివేదిక ప్రకారం- ప్రపంచవ్యాప్తంగా 2016 నాటికి బిగ్ డేటా మార్కెట్ విలువ 23.8 బిలియన్ డాలర్లకు చేరుకోనుంది. మన దేశంలో వచ్చే పదేళ్లు ప్రస్తుతం కంటే 60 రెట్లు పెరగనుంది. మానవ వనరుల కోణం లోనూ దేశంలో వచ్చే రెండేళ్లలో లక్షల్లో డేటా సైంటిస్ట్‌ల అవసరం ఏర్పడనుంది. మెకిన్సే నివేదిక ప్రకారం- 2015 నాటికి ప్రపంచవ్యాప్తంగా 4.4 మిలియన్ డేటా సైంటిస్ట్‌ల అవసరం ఉంది.
  భారత్‌లో ఆ సంఖ్య రానున్న రెండేళ్లలో రెండు లక్షలకు పైమాటే.  జిగ్వాస్ అకాడమీ రిపోర్ట్ ప్రకారం- భారీ వేతనాలతోపాటు ఎంట్రీ
  లెవల్‌లోనే 12 లక్షల వార్షికాదాయం అందుకోవచ్చు. ఇప్పటికే ఈ విభాగంలో మానవ వనరుల డిమాండ్-సప్లయ్ మధ్య ఎంతో వ్యత్యాసం నెలకొంది. మొత్తం అవసరాల్లో 20 శాతం మంది మాత్రమే ప్రస్తుతం అందుబాటులో ఉన్నారు.
  
  అన్ని రంగాలు.. విభాగాల్లోనూ అవసరం
 డేటా సైంటిస్ట్‌ల అవసరం కేవలం టెక్నికల్ విభాగానికి లేదా వినియోగదారుల సమాచారం తెలుసుకోవడానికే పరిమితం కాదు. ఆయా సంస్థల్లో అంతర్గత విభాగాల్లో (ఉదా:హెచ్‌ఆర్, ఫైనాన్స్, మార్కెటింగ్) కూడా డేటా సైంటిస్ట్‌ల అవసరం ఉంటుంది. కంపెనీల్లో ఉద్యోగుల వివరాలు, ఇతర కార్యకలాపాలకు సంబంధించిన సమాచార క్రోడీకరణ, విశ్లేషణలో కూడా డేటా సైంటిస్ట్‌లదే కీలక పాత్ర. అదేవిధంగా బ్యాంకింగ్ రంగంలోనూ ఇటీవల కాలంలో డేటా సైంటిస్ట్‌లు ప్రాధాన్యతను పొందుతున్నా రు. అంతేకాకుండా జాతీయస్థాయిలో సాగుతున్న ఆధార్ నమోదులోనూ డేటా సైంటిస్ట్‌లు ప్రధాన పాత్ర పోషించారు. నమోదు చేసుకున్న వ్యక్తుల వివరాలను విభిన్న కేటగిరీలుగా(పాన్ కార్డ్ నెంబర్లు, రేషన్ కార్డ్ నెంబర్లు తదితర) ఒక చోట సంక్షిప్తం చేయడంలో విశేషంగా పనిచేశారు. అంటే.. వినియోగదారుల సంఖ్య అధికంగా ఉండే ప్రతి రంగంలో, విభాగంలో డేటా సైంటిస్ట్‌ల అవసరం ఉంటోంది.
  
 లక్షల్లో వేతనాలు
 డేటా సైంటిస్ట్‌లకు వేతనాలు కూడా భారీ స్థాయిలో ఉంటున్నాయి.  ఇతర ఐటీ ఉద్యోగాలతో పోల్చితే డేటా సైంటిస్ట్‌లు సగటున 30 నుంచి 40 శాతం మేర అధికంగా జీతాలు అందుకుంటున్నారు. ప్రారంభంలో డేటా సైంటిస్ట్‌గా కనీసం రూ. 8 లక్షల నుంచి రూ. 10 లక్షల వార్షిక వేతనం ఖాయం.
  
  అకడమిక్ అర్హతలివే
 
  డేటా సైంటిస్ట్‌గా కెరీర్ ప్రారంభించడానికి అకడమిక్‌గా మూడు ముఖ్యమైన అర్హతలు అవసరం. అవి.. మ్యాథమెటికల్ స్కిల్స్, స్టాటిస్టికల్ స్కిల్స్, కంప్యుటేషనల్ స్కిల్స్. అంతమాత్రాన ఇవి.. ఆయా విభాగాల్లో పీజీ, ఆపై స్థాయి డిగ్రీలు చేసినవారికే అనే అభిప్రాయం కూడా అపోహే. ఈ అంశాల్లో బ్యాచిలర్స్ డిగ్రీ స్థాయి నైపుణ్యాలతోనూ డేటా సైంటిస్ట్‌గా కెరీర్ సొంతం చేసుకోవచ్చు. అయితే అడ్వాన్స్‌డ్ డిగ్రీలు ఉంటే.. వేతనాలపరంగా కొంత ముందంజలో ఉంటారు. ఈ క్రమంలో పీజీ స్థాయిలో మ్యాథమె టిక్స్, స్టాటిస్టిక్స్ వంటి స్పెషలైజేషన్లు చేయడం ఉపయుక్తం అనేది నిపుణుల అభిప్రాయం. వీటితోపాటు స్టాటిస్టికల్ అనాలిసిస్ సిస్టమ్, ఏ్చఛీౌౌఞ వంటి సాఫ్ట్‌వేర్ ప్రోగ్రామ్‌లలో శిక్షణ పొందితే మరింత మెరుగైన కెరీర్ సొంతం చేసుకోవచ్చు.
  
 పెరుగుతున్న అవగాహన
 
 జాబ్ మార్కెట్ ట్రెండ్‌ను దృష్టిలో పెట్టుకుని అకడమిక్ స్థాయిలో పలు ఇన్‌స్టిట్యూట్‌లు డేటా సైన్స్ కోర్సులను అందిస్తున్నాయి. ఐఐఎంలు మొదలు మరెన్నో ప్రముఖ ఇన్‌స్టిట్యూట్‌లు డేటా సైన్స్, డేటా అనలిటిక్స్ సంబంధిత కోర్సులు ఆఫర్ చేస్తున్నాయి. అవి..
  
  ఐఐఎం - రాంచీ (http://www.iimranchi.ac.in)
  కోర్సు: ఎగ్జిక్యూటివ్ ప్రోగ్రామ్ ఇన్ బిజినెస్ అనలిటిక్స్ అండ్ బిజినెస్ ఇంటెలిజెన్స్.
  
  ఐఐఎం- కోల్‌కతా (https://www.iimcal.ac.in)
  కోర్సు: ఎగ్జిక్యూటివ్ ప్రోగ్రామ్ ఇన్ బిజినెస్ అనలిటిక్స్.
  
  ఐఎస్‌బీ- హైదరాబాద్ (http://www.isb.edu)
  కోర్సు: బిజినెస్ అనలిటిక్స్.
  
  ఐఐఎస్సీ- బెంగళూరు, (http://www.iisc.ernet.in)
  కోర్సు: బిజినెస్ అనలిటిక్స్‌లో పీజీ.
  
  వెల్లూర్ ఇన్‌స్టిట్యూట్ ఆఫ్ టెక్నాలజీ, (http://vit.ac.in)
  కోర్సు: విస్టా-డేటా సైంటిస్ట్ (విప్రోతో కలిసి సంయుక్తంగా)                     
  
  మనదేశంలోని కొన్ని డేటా సైన్స్ శిక్షణ సంస్థల వివరాలు..
  జిగ్వాస్ అకాడమీ- బెంగళూరు
  వెబ్‌సైట్: www.jigsawacademy.com
  
  ఇంటర్నేషనల్ స్కూల్ ఆఫ్ ఇంజనీరింగ్ - హైదరాబాద్
  వెబ్‌సైట్: www.insofe.edu.in/
  
  ఎడ్వాన్సర్ ఎడ్వెంచర్స్ - ముంబై
  వెబ్‌సైట్: www.edvancer.in
  
  అనలిటిక్స్ ట్రైనింగ్ ఇన్‌స్టిట్యూట్ - బెంగళూరు
  వెబ్‌సైట్: www.analyticstraining.in
  
 స్టాటిస్టిక్స్ అనుభవంతో మరిన్ని అవకాశాలు
  
 ప్రస్తుత సమాచార విప్లవం నేపథ్యంలో ప్రతి సంస్థలోనూ డేటా సైంటిస్ట్‌ల ఆవశ్యకత నెలకొంది. అదేవిధంగా ప్రభుత్వం కూడా డిజిటలైజేషన్ దిశగా కదులుతున్న నేపథ్యంలో రానున్న రెండు, మూడేళ్లలో మరిన్ని అవకాశాలు అందుబాటులోకి రాను న్నాయి. స్టాటిస్టిక్స్‌లో పరిజ్ఞానం, విశ్లేషణ నైపుణ్యాలు ఉంటే డేటా సైంటిస్ట్‌గా కెరీర్‌లో అద్భుతంగా రాణించొచ్చు. అన్నిటి కంటే ముఖ్యంగా కంప్యూటరైజేషన్ ద్వారా గిగా బైట్లలో ఉండే సమాచారం నుంచి నిర్దిష్ట అవసరాలకు అనుగుణంగా కచ్చితమైన సమాచారాన్ని అన్వేషించి, క్రోడీకరించే క్రమంలో ఎంతో ఓర్పు అవసరం. ఈ లక్షణాలు ఉంటే డేటా సైంటిస్ట్ కెరీర్ బాగుంటుంది.
  - ప్రొఫెసర్ ఎ. అప్పారావు, డెరైక్టర్,  సీఆర్ రావు అడ్వాన్స్‌డ్ ఇన్‌స్టిట్యూట్ ఆఫ్ మ్యాథమెటిక్స్,  స్టాటిస్టిక్స్ అండ్ కంప్యూటర్ సైన్స్
  
  సేవారంగంలో పుష్కల అవకాశాలు
 
 డేటా సైంటిస్ట్‌లకు బ్యాంకింగ్, ఈ-కామర్స్, టెలికాం, బీపీఓ తదితర కస్టమర్ సర్వీస్ సెక్టార్‌లలో పుష్కల అవకాశాలు లభిస్తున్నాయి. కారణం.. వీటన్నిటి కార్యకలాపాలు వినియోగ దారుల అభిరుచులకు చెందినవి కావడం. ఆ క్రమంలో వారికి సంబంధించిన విస్తృత సమాచారాన్ని వర్గీకరించి, క్లుప్తంగా క్రోడీకరించడం సంస్థ మనుగడకు ఎంతో ముఖ్యమైనది. వాటిపై శిక్షణ పరంగా నైపుణ్యాలు అందించే కోర్సులు, ట్రైనింగ్ ప్రోగ్రామ్‌లు డేటా సైన్స్‌లో ఉంటాయి. ప్రస్తుతం చాలా ఇన్‌స్టిట్యూట్‌లు బిజినెస్ అనలిటిక్స్‌లో భాగంగా డేటా సైన్స్‌లో కోర్సులు ఆఫర్ చేస్తున్నాయి. కానీ స్పెషలైజ్డ్ ప్రొఫెషనల్స్ విషయంలో డేటా సైన్స్‌ను కోర్ సబ్జెక్ట్‌గా శిక్షణ అందించాల్సిన అవసరం ఉంది.
  -డాక్టర్ క్రాంతి మిత్ర అడుసుమిల్లి,   సీనియర్ ప్రిన్సిపల్ డేటా సైంటిస్ట్
  


 నేరాలను, నేరస్థులను గుర్తించడంలో షెర్లాక్ హోమ్స్ చూపిన ప్రతిభాపాటవాలు మనల్ని అబ్బురపరుస్తాయి. కల్పిత పాత్రే అయినా డిటెక్టివ్ షెర్లాక్ హోమ్స్‌కు ప్రపంచవ్యాప్తంగా లెక్కలేనంత మంది అభిమానులున్నారు. నేరాలు ఘోరాలు, అవినీతి అక్రమాలు నానాటికీ పెరిగిపోతున్న ఆధునిక కాలంలో డిటెక్టివ్‌ల అవసరం కూడా అదేస్థాయిలో పెరుగుతోంది. ప్రస్తుత సమాజంలో అపరాధ పరిశోధకులకు విపరీతమైన డిమాండ్ నెలకొంది. అందుకే అపరాధ పరిశోధనను కెరీర్‌గా ఎంచుకుంటే అద్భుతమైన ఉద్యోగ, ఉపాధి అవకాశాలను, క్లయింట్ల అభిమానాన్ని సొంతం చేసుకోవచ్చు.  
  
 పరిశోధకులకు చేతినిండా పని
 
 అపరాధ పరిశోధకులకు డిటెక్టివ్ ఏజెన్సీలు, న్యాయ సేవా సంస్థలు, ఇన్సూరెన్స్ కంపెనీలు, కౌన్సిళ్లు, ప్రైవేట్, కార్పొరేట్ సంస్థల్లో అవకాశాలున్నాయి. కేసుల ముడి విప్పేందుకు న్యాయవాదులు, పోలీసులు కూడా డిటెక్టివ్‌ల సహాయం కోరుతుంటారు. విడాకులు, దత్తత, తప్పిపోయినవారిని గుర్తించడం, అనుమానాస్పద వ్యక్తులపై నిఘా పెట్టడం.. వంటి వ్యవహారాల్లో వీరి ప్రమేయం తప్పనిసరి. సమాజంలో అభద్రతాభావం, నేరాలు ఉన్నంతకాలం అపరాధ పరిశోధకులకు చేతినిండా పని దొరుకుతుంది. డిటెక్టివ్‌లో తమ వృత్తిలో పేరు తెచ్చుకోవాలంటే అన్ని అంశాల్లో ఎంతోకొంత పరిజ్ఞానం అవసరం. లా, సైకాలజీ, సోషియాలజీ, టోపోగ్రఫీ, ఆయుధాలు, కెమిస్ట్రీ, జియాలజీ, ఫిలాసఫీ, అనాటమీ వంటి సబ్జెక్టులపై అవగాహన పెంచుకోవాలి. ఇన్వెస్టిగేషన్ స్కిల్స్, పరిజ్ఞానం, అనుభవంతోపాటు సేవలను మార్కెట్ చేసుకొనే నైపుణ్యంపైనే డిటెక్టివ్‌ల విజయం ఆధారపడి ఉంటుంది.
  
 కావాల్సిన నైపుణ్యాలు: డిటెక్టివ్‌లకు మంచి పరిశీలన, విశ్లేషణ నైపుణ్యాలు ఉండాలి. కంప్యూటర్ స్కిల్స్ పెంచుకోవాలి. న్యాయ పరిజ్ఞానం అవసరం. నీతి నిజాయతీలకు కట్టుబడి ఉండే లక్షణం ముఖ్యం. మెరుగైన కమ్యూనికేషన్ స్కిల్స్ తప్పనిసరి. చేపట్టిన బాధ్యతలను పూర్తిచేసేందుకు ఆత్మవిశ్వాసం, పట్టుదల, ఓర్పు, సహనం అలవర్చుకోవాలి. వెర్బల్, రైటింగ్ స్కిల్స్ ఉండాలి. ఈ వృత్తిలో సవాళ్లు, ఒత్తిళ్లు అధికంగా ఉంటాయి. కొన్నిసార్లు ప్రాణాపాయ పరిస్థితులు కూడా ఎదురుకావొచ్చు. వీటిని దీటుగా ఎదుర్కొనే సామర్థ్యం ఉండాలి.
  
  అర్హతలు: డిటెక్టివ్‌గా మారేందుకు ప్రత్యేకంగా విద్యార్హతలు అంటూ లేవు. అయితే, కనీసం గ్రాడ్యుయేషన్ పూర్తిచేయడం మంచిది. క్రిమినాలజీ, ఫోరెన్సిక్ సైన్స్ వంటి కోర్సులు చేసినవారు అపరాధ పరిశోధకులుగా వృత్తిలో రాణించొచ్చు. క్లయింట్లను మెప్పించడానికి, మెరుగైన సేవలు అందించడానికి మార్కెటింగ్, సేల్స్, బిజినెస్ స్కిల్స్ ఉండాలి. డ్రైవింగ్ లెసైన్స్ ఉండడం తప్పనిసరి. డిటెక్టివ్‌గా మారాలనుకునేవారు మొదట ప్రైవేట్ ఇన్వెస్టిగేటర్ల వద్ద సహాయకులుగా చేరి, అనుభవం సంపాదించాలి. తర్వాత డిటెక్టివ్ ఏజెన్సీల్లో ఉద్యోగావకాశాలు పొందొచ్చు. సొంతంగా ఏజెన్సీని ఏర్పాటు చేసుకోవచ్చు. అసోసియేషన్ ఆఫ్ ప్రైవేట్ డిటెక్టివ్స్ అండ్ ఇన్వెస్టిగేటర్స్, కౌన్సిల్ ఆఫ్ ఇంటర్నేషనల్ ఇన్వెస్టిగేటర్స్, వరల్డ్ అసోసియేషన్ ఆఫ్ డిటెక్టివ్స్ వంటి సంస్థల వెబ్‌సైట్లలో ఔత్సాహికులకు అవసరమైన సమాచారం అందుబాటులో ఉంటుంది.
  
  వేతనాలు:  అపరాధ పరిశోధకులు తమ అనుభవం, పనితీరు ఆధారంగా ఆదాయం సంపాదించుకోవచ్చు. ప్రారంభంలో ఏడాదికి రూ.1.25 లక్షల నుంచి రూ.2.5 లక్షలు ఆర్జించే అవకాశం ఉంది. న్యాయ పరిజ్ఞానం ఉన్న డిటెక్టివ్‌లకు కార్పొరేట్ సంస్థల్లో రూ.5 లక్షల నుంచి రూ.10 లక్షల వార్షిక వేతన ప్యాకేజీ లభిస్తుంది. ఈ రంగంలో అనుభవాన్ని బట్టి సీనియర్ ఇన్వెస్టిగేటర్, టీమ్ మేనేజర్ స్థాయికి చేరుకోవచ్చు.
  
  కోర్సులను ఆఫర్ చేస్తున్న సంస్థలు:
  ఢిల్లీ యూనివర్సిటీ వెబ్‌సైట్: www.du.ac.in/du/
  డాక్టర్ బీఆర్ అంబేద్కర్ యూనివర్సిటీ-ఆగ్రా
  వెబ్‌సైట్: www.dbrau.ac.in
  యూనివర్సిటీ ఆఫ్ మైసూరు
  వెబ్‌సైట్: www.unimysore.ac.in
  నేషనల్ ఇన్‌స్టిట్యూట్ ఆఫ్ క్రిమినాలజీ అండ్ ఫోరెన్సిక్ సైన్స్. వెబ్‌సైట్: జ్ట్టిఞ://nicfs.nic.in/
  
  


 టాప్ స్టోరీ
  
 క్యాంపస్ రిక్రూట్‌మెంట్స్.. ఇంజనీరింగ్, మేనేజ్‌మెంట్ విద్యార్థుల కెరీర్‌లో అత్యంత కీలక ఘట్టం. కోర్సులో అడుగు పెట్టినప్పటి నుంచే క్యాంపస్ ప్లేస్‌మెంట్స్‌లో విజయం సాధించడమే లక్ష్యంగా శ్రమిస్తారు. మెచ్చిన కంపెనీలో కోరుకున్న కొలువు కోసం అహోరాత్రులు కష్టపడతారు. కోర్సు ఫైనల్ దశలో ఉన్న విద్యార్థులు తమ స్వప్నాన్ని సాకారం చేసుకునే సమయం వచ్చేసింది. 2014-15 విద్యా సంవత్సరానికి సంబంధించి దేశవ్యాప్తంగా పలు ఇన్‌స్టిట్యూట్‌లలో క్యాంపస్ రిక్రూట్‌మెంట్స్ ప్రక్రియ ప్రారంభమైంది. మరికొన్ని కాలేజీల్లో మరో నెల రోజుల్లో ప్లేస్‌మెంట్స్ మొదలుకానున్నాయి. ఇప్పటివరకు అందిన ఆఫర్స్‌ను పరిశీలిస్తే గతేడాదితో పోల్చితే ఈ సంవత్సరం పరిస్థితి ఆశాజనకంగా కనిపిస్తోంది. ఈ నేపథ్యంలో క్యాంపస్ రిక్రూట్‌మెంట్స్, లేటెస్ట్ ట్రెండ్స్‌పై నిపుణుల విశ్లేషణ..
 ప్రైవేటు ఇన్‌స్టిట్యూట్‌లు, యూనివర్సిటీల స్థాయిలో ఇప్పటికే క్యాంపస్ నియామక ప్రక్రియ మొదలైంది. ప్రఖ్యాత ఐఐఎంలు, ఐఐటీల్లో ఫైనల్ ప్లేస్‌మెంట్స్ ప్రక్రియ డిసెంబర్‌లో ప్రారంభం కానుంది. అయితే ఐఐటీలు, ఐఐఎంలలో ప్రీ ప్లేస్‌మెంట్స్, సమ్మర్ ప్లేస్‌మెంట్స్ పేరుతో మూడు నెలల క్రితమే అనేక కంపెనీలు ఆఫర్లు అందించాయి. ఈ ఆఫర్స్ పొందిన విద్యార్థులు ఆయా సంస్థల్లో కచ్చితంగా ఫైనల్ ప్లేస్‌మెంట్ సొంతం చేసుకుంటారనేది గత ఐదారేళ్ల గణాంకాల ద్వారా తెలుస్తోంది.
  
 ఐఐఎంలలో ప్రీ ప్లేస్‌మెంట్ ఆఫర్స్
 
 మేనేజ్‌మెంట్ ఎడ్యుకేషన్‌లో పేరుగాంచిన ఇండియన్ ఇన్‌స్టిట్యూట్స్ ఆఫ్ మేనేజ్‌మెంట్ క్యాంపస్‌లలో ప్రీ ప్లేస్‌మెంట్/సమ్మర్ ప్లేస్‌మెంట్ ఆఫర్స్ పరిస్థితి అత్యంత ఆకర్షణీయంగా ఉంది. 2014-15 బ్యాచ్‌కు సంబంధించి నిర్వహించిన ప్రీ ప్లేస్‌మెంట్‌లో ఐఐఎం లక్నో 100 శాతం రికార్డ్ సొంతం చేసుకుంది. దేశీయ, విదేశీ సంస్థలు రెండూ కలిపి మొత్తం 164 సంస్థలు అవకాశాలు కల్పించాయి. ఐఐఎం-అహ్మదాబాద్‌లో 2014-15 పీజీపీఎక్స్ ప్రోగ్రామ్‌లోని మొత్తం 381 విద్యార్థుల్లో 378 మందికి సమ్మర్ ప్లేస్‌మెంట్ ఆఫర్స్ లభించాయి. ఇతర ఐఐఎంలు.. బెంగళూరు, కోల్‌కతా, ఇండోర్, రాయ్‌పూర్‌లలోనూ ఇదే ప్రగతి నమోదైంది. ఇవి కేవలం ప్రీ ప్లేస్‌మెంట్ ఆఫర్స్ మాత్రమే అని.. ఫైనల్ ప్లేస్‌మెంట్స్ మరింత ఆశాజనకంగా ఉంటాయని నిపుణులు అంటున్నారు. వారి అంచనాల ప్రకారం- ఫైనల్ ప్లేస్‌మెంట్స్‌లో 20 నుంచి 80 శాతం వృద్ధి కనిపించే అవకాశముంది. కంపెనీల పరంగా చూస్తే సేల్స్ అండ్ మార్కెటింగ్, ఫైనాన్స్, కన్సల్టింగ్ సంస్థల సంఖ్య ఎక్కువగా ఉంది.
  
 ఇంజనీరింగ్‌లో ఇలా
 
 ఇంజనీరింగ్ కోర్సుల విషయానికొస్తే.. ఈ ఏడాది ఐఐటీల కంటే ఎన్‌ఐటీలలో ముందుగా క్యాంపస్ రిక్రూట్‌మెంట్ ప్రక్రియ ప్రారంభమైంది. ఈ ఇన్‌స్టిట్యూట్‌లలో ఇప్పటికే గూగుల్, అమెజాన్ వంటి ప్రముఖ కంపెనీలు రిక్రూట్‌మెంట్స్ ముగించాయి. అమెజాన్ డాట్ కామ్.. నిట్ అలహాబాద్, సూరత్‌కల్‌లలో రూ.25 లక్షలు చొప్పున వేతనాన్ని ఆఫర్ చేసింది. స్వదేశీ కంపెనీలలో కోడ్ నేషన్ సంస్థ నిట్ వరంగల్ విద్యార్థికి రూ.24 లక్షల ఆఫర్ ఇవ్వడం విశేషం. ఐఐటీల విద్యార్థులకు సమ్మర్ ఇంటర్న్స్ పేరుతో పలు సంస్థలు ఇంటర్న్‌షిప్ అవకాశం కల్పించాయి. ఆ సమయంలోనే ఆకర్షణీయమైన స్టైఫండ్‌ను సైతం అందించాయి. ఐఐటీ గువహటి విద్యార్థులకు రూ.1.44 లక్షల స్టైఫండ్ లభించింది. ఇక పూర్తి స్థాయిలో ఫైనల్ ప్లేస్‌మెంట్స్ మొదలైతే ఐఐటీ క్యాంపస్‌లలో రిక్రూట్‌మెంట్స్ వెల్లువెత్తడం ఖాయం.  
  
 కోర్ కంపెనీలు.. పబ్లిక్ సెక్టార్ సంస్థలు
 
 ఇంజనీరింగ్ ఇన్‌స్టిట్యూట్‌లలో ఇప్పటివరకు ముగిసిన ప్రాంగణ నియామకాల్లో ఎక్కువగా పాల్గొన్నది ఐటీ, ఐటీఈఎస్ రంగాలే. కోర్ సెక్టార్ కంపెనీలు (ఆటోమొబైల్, సివిల్, మెకానికల్, ఎలక్ట్రికల్) ఇంకా క్యాంపస్‌లలో కాలు పెట్టలేదు. ఇవి నవంబర్ చివరివారంలో లేదా డిసెంబర్‌లో క్యాంపస్ రిక్రూట్‌మెంట్స్ నిర్వహించే అవకాశముంది. ఇవి ముగిస్తే ఇంజనీరింగ్ విభాగాల్లో గతేడాదితో పోల్చితే కచ్చితంగా 50 శాతం ఎక్కువగా నియామకాలు జరుగుతాయని అంచనా. మరోవైపు ఈసారి ప్రాంగణ నియామకాల్లో ప్రభుత్వరంగ సంస్థలు కూడా పాల్పంచుకోనున్నాయి. మొత్తం ఖాళీల్లో 25 శాతం ఉద్యోగాలను క్యాంపస్ రిక్రూట్‌మెంట్స్ ద్వారా భర్తీ చేసుకోవచ్చని వీటికి ప్రభుత్వం సడలింపు ఇచ్చింది. ఆ మేరకు నాణ్యమైన మానవ వనరుల ఎంపికకు ప్రాంగణ నియామకాలను వేదికగా చేసుకుంటున్నాయి. ఈ క్రమంలో బీపీసీఎల్, ఓఎన్‌జీసీ తదితర సంస్థలు డిసెంబర్‌లో క్యాంపస్‌లకు రానున్నాయి. ముఖ్యంగా నిట్ క్యాంపస్‌లు, యూనివర్సిటీ క్యాంపస్ కళాశాలలవైపు ప్రభుత్వ రంగ సంస్థలు మొగ్గు చూపే అవకాశముంది.
  
 సన్నద్ధమవుతున్న సూపర్ డ్రీమ్ కంపెనీలు
 
 ప్రాంగణ నియామకాలకు సంబంధించి.. కంపెనీలను అవి అందించే వార్షిక వేతనాల ఆధారంగా విద్యార్థుల కోణంలో మూడు కేటగిరీలుగా(సూపర్ డ్రీమ్, డ్రీమ్, రెగ్యులర్) పేర్కొంటారు. ఏడాదికి రూ.10 లక్షలుపైగా అందించే సంస్థలను సూపర్ డ్రీమ్ కంపెనీలుగా; రూ.5 లక్షల నుంచి రూ.10 లక్షల మధ్యలో ఆఫర్ ఇచ్చే సంస్థలను డ్రీమ్ కంపెనీలుగా; రూ.5 లక్షల లోపు వేతనాలు ఇచ్చే సంస్థలను రెగ్యులర్ సంస్థలుగా పిలుస్తారు. ఈ క్రమంలో సూపర్ డ్రీమ్ కంపెనీలుగా పేరు పొందిన గూగుల్, మైక్రోసాఫ్ట్, అమెజాన్, ఫేస్‌బుక్, ఐబీఎం వంటి సంస్థలు డిసెంబర్‌లో నియామక ప్రక్రియను నిర్వహించనున్నాయి. ఐఐటీల్లో రిక్రూట్‌మెంట్స్ డ్రైవ్స్ నిర్వహించే సంస్థల సంఖ్య కూడా భారీగా పెరగనుంది. ఐఐటీ-గువహటిలో గతేడాది 120 సంస్థలు రాగా.. ఈసారి ఆ సంఖ్య 200కు చేరుకోనుంది. ఇదే పరిస్థితి ఇతర ఐఐటీల్లోనూ కనిపిస్తోంది.
  
 ఈ-కామర్స్ ఆకర్షణీయం
 
 ఇక కంపెనీల కోణంలోనూ ఫ్రెషర్స్ హైరింగ్ ఈ ఏడాది భారీగా జరగనుంది. అందుకు వేదిక ప్రాంగణ నియామకాలు. 2014-15 ఆర్థిక సంవత్సరంలో మొత్తం 55 వేల మందిని నియమిస్తామని పేర్కొన్న టీసీఎస్.. అందులో 25 వేల ఖాళీలను ఫ్రెషర్స్‌తో భర్తీ చేయనుంది. ఈ క్రమంలో ఇప్పటికే 40 శాతం మేరకు నియామకాలు పూర్తి చేసింది. త్వరలో మరిన్ని టైర్-2, టైర్-3 నగరాల్లోని కళాశాలల్లోనూ రిక్రూట్‌మెంట్స్ డ్రైవ్స్ నిర్వహించనుంది. మరో ఐటీ దిగ్గజం ఇన్ఫోసిస్ ప్రస్తుత ఆర్థిక సంవత్సరంలో 22 వేల మంది తాజా అభ్యర్థులను నియమించుకోవాలని యోచిస్తోంది. ఇలా మొత్తం మీద కంపెనీలు కూడా తాజా నియామకాలకు ప్రాధాన్యం ఇవ్వడంతో క్యాంపస్ రిక్రూట్‌మెంట్స్ గతేడాదితో పోల్చితే 50 శాతం మేర పెరగడం ఖాయంగా కనిపిస్తోంది. అలాగే తాజాగా  ఈ-కామర్స్.. అత్యంత ఆకర్షణీయంగా మారింది. అటు పరిశ్రమ పరంగా, ఇటు విద్యార్థుల కోణంలో గత కొన్నేళ్లుగా ఈ- కామర్స్ కంపెనీలు హాట్‌ఫేవరెట్‌గా నిలుస్తున్నాయి. ఈ సంస్థలు ఈ ఏడాది కూడా ప్రాంగణ నియామకాల్లో ముందంజలో ఉంటున్నాయి. ఇప్పటికే ముగిసిన రిక్రూట్‌మెంట్స్‌ను విశ్లేషిస్తే...  ఫ్లిప్‌కార్ట్, అమెజాన్, ఈబే-ఇండియా తదితర ఈ-కామర్స్ సంస్థలు గతేడాది కంటే 25 శాతం ఎక్కువ పే ప్యాకేజ్‌లు ఆఫర్ చేశాయి.
  
 మారుతున్న నియామక విధానాలు
 
 క్యాంపస్ సెలక్షన్స్ విషయంలో సంస్థలు కూడా తమ ఎంపిక ప్రక్రియలో మార్పులు చేస్తున్నాయి. ఈ ప్రక్రియలో భాగంగా నిర్వహించే పరీక్షలను ఆన్‌లైన్ విధానంలో చేపడుతున్నాయి. ముఖ్యంగా ఐటీ రంగంలోని సంస్థలు ఈ విధానాన్ని అమలు చేస్తున్నాయి. పెన్-పేపర్ టెస్ట్‌కు స్వస్తి పలికి ఆన్‌లైన్ టెస్ట్‌లను చేపడుతున్నాయి. దీంతో విద్యార్థులు ఏ విభాగానికి చెందినవారైనా.. కంప్యూటర్ పరిజ్ఞానం తప్పనిసరి అవసరంగా మారింది. కొన్ని కోర్ విభాగంలోని సంస్థలు ఇప్పటికీ పెన్-పేపర్ విధానంలోనే నియామక పరీక్షలు నిర్వహిస్తున్నాయి.
  
 కంపెనీలు కోరుకుంటున్న నైపుణ్యాలు
 
 ప్రాథమిక దశలో నిర్వహించే రాతపరీక్షలో ఎక్కువగా ఇంగ్లిష్ లాంగ్వేజ్ స్కిల్స్, క్వాంటిటేటివ్ ఆప్టిట్యూడ్, డేటా ఇంటర్‌ప్రిటేషన్ వంటి అంశాల నుంచే ప్రశ్నలు అడుగుతున్నారు. కోర్ సబ్జెక్ట్‌లో అడిగే ప్రశ్నల సంఖ్య తక్కువగా ఉంటోంది. అయితే కోర్ నాలెడ్జ్‌ను ఇంటర్వ్యూలో పరీక్షిస్తున్నారు. కాబట్టి విద్యార్థులు ఈ విషయాలపై పరిజ్ఞానం పెంచుకోవాలి. దాంతోపాటు ఆయా సంస్థల గత ప్లేస్‌మెంట్ పేపర్స్‌ను పరిశీలించడం ఉపయుక్తంగా ఉంటుంది.
  
 ఆఫర్ పొందిన వారికి శిక్షణ
 
 ఐటీ కంపెనీలు కేవలం కంప్యూటర్ సైన్స్, ఐటీ విభాగాలే కాకుండా.. కోర్ బ్రాంచ్‌లైన్‌మెకానికల్, సివిల్, ఎలక్ట్రికల్ విద్యార్థులను కూడా నియమించుకుంటున్నాయి. టీసీఎస్, విప్రో, ఇన్ఫోసిస్ ఆఫర్ లెటర్స్ పొందిన విద్యార్థులకు శిక్షణనందించేందుకు ప్రత్యేక ఆన్‌లైన్ వెబ్ పోర్టల్స్‌ను రూపొందించాయి. వాటి ద్వారా నిరంతరం విద్యార్థులకు అందుబాటులో ఉంటున్నాయి. ఫలితంగా ఆఫర్ లెటర్ పొందిన రోజు నుంచి అపాయింట్‌మెంట్ తేదీ నాటికి సంస్థ కార్యకలాపాలపై అభ్యర్థికి పూర్తి అవగాహన లభిస్తుంది.
  
 స్టార్టప్స్‌పై ఆసక్తి.. సీటీసీపై అనురక్తి
 
 ఐఐటీ-చెన్నైలో దాదాపు పది మంది విద్యార్థులు సొంత స్టార్టప్స్‌పై ఆసక్తితో సమ్మర్ ఇంటర్న్స్ వచ్చినా వదులుకున్నారు. ఈసారి నియామకాల్లో కనిపిస్తున్న మరో కోణం.. సీటీసీకి విద్యార్థులు ప్రాధాన్యం ఇవ్వడం. గతంలో చాలా మంది విద్యార్థులు తమ ఆసక్తికి అనుగుణంగా అడుగులు వేయగా.. ఈసారి మాత్రం సీటీసీ (పే ప్యాకేజ్)లను ప్రధాన ప్రామాణికంగా తీసుకోవడం గమనార్హం.
  
 ఆఫర్లు.. ఆశాజనకం
  
 ఈ ఏడాది క్యాంపస్ రిక్రూట్‌మెంట్స్ ఎంతో ఆశాజనకంగా ఉన్నాయి. సంస్థలు తమ కార్యకలాపాలు విస్తరించుకోవడంతోపాటు, ఫ్రెష్ టాలెంట్‌వైపు మొగ్గు చూపడమే దీనికి కారణం. బిట్స్ క్యాంపస్‌లలో రెండు రోజుల్లోనే 2,300 మంది విద్యార్థులకు ఆఫర్లు లభించడమే ఇందుకు నిదర్శనం. గత ఏడాదితో పోల్చితే ఈ ఏడాది 20 నుంచి 25 శాతం మేర నియామకాలు పెరుగుతాయని పరిశ్రమ వర్గాలు అంచనా వేస్తున్నాయి. ఈ మొత్తంలో ఐదు నుంచి పది శాతం వ్యత్యాసం ఉంటుందని భావించినా కూడా గత ఏడాది కంటే ఎక్కువ ఆఫర్లే ఆశించొచ్చు. ముఖ్యంగా ఐటీ, ఐటీఈఎస్ రంగాల్లో భారీ నియామకాలు జరగడం ఖాయం.
  -ప్రొఫెసర్ బాల సుబ్రమణియన్,  చీఫ్ ప్లేస్‌మెంట్ ఆఫీసర్, బిట్స్-పిలానీ
  
 అన్ని విభాగాల్లోనూ పెరిగిన అవకాశాలు
  
 ఈ ఏడాది క్యాంపస్ రిక్రూట్‌మెంట్స్‌లో అన్ని విభాగాల్లోనూ అవకాశాల సంఖ్య పెరిగింది. ఐటీ, కోర్ అనే కాకుండా ఇతర ఇంటర్ డిసిప్లినరీ బ్రాంచ్‌ల విద్యార్థులకు కూడా ఆఫర్లు లభిస్తున్నాయి. నిట్ వరంగల్‌లో బయోటెక్నాలజీ బ్రాంచ్‌కు చెందిన 45 మందికి, కెమికల్ విభాగంలో 29 మందికి ఆఫర్లు లభించడమే ఇందుకు నిదర్శనంగా పేర్కొనొచ్చు. ఇక.. పే ప్యాకేజ్‌ల పరంగా ఈ ఏడాది దేశీయంగా పే ప్యాకేజ్‌లు రూ.18 లక్షల నుంచి రూ.30 లక్షలు.. అంతర్జాతీయంగా పే ప్యాకేజ్‌లు రూ.50 లక్షల నుంచి రూ. కోటి అందే అవకాశముంది.
  -ప్రొఫెసర్ రవి కుమార్, డెరైక్టర్-ప్లేస్‌మెంట్ సెల్, నిట్ - వరంగల్
  
 ఔట్‌సోర్సింగ్, విస్తరణ విధానాలే కారణాలు
 
 ఐటీ, ఐటీఈఎస్ రంగంలో ఈ ఏడాది క్యాంపస్ రిక్రూట్‌మెంట్స్ పురోగమన దశలో పయనిస్తున్నాయి. దీనికి కారణం ఈ సంస్థల ఔట్‌సోర్సింగ్ కార్యకలాపాలు, కోర్ బిజినెస్ విస్తరణ విధానాలే కారణాలు. సంస్థలు అభ్యర్థుల నుంచి ముఖ్యంగా కోరుకునే స్కిల్స్.. కమ్యూనికేషన్, ఇంటర్ కల్చరల్, ఇంటర్ పర్సనల్ స్కిల్స్. వీటిని పెంచుకుంటే క్యాంపస్ రిక్రూట్‌మెంట్ ప్రక్రియలో విజయం సాధించడం సులభమే.
  - పీఎస్‌ఆర్‌పీ కిరణ్, సీనియర్ మేనేజర్, టాలెంట్ ఎక్విజిషన్ విప్రో టెక్నాలజీస్
  


 నయా టెక్నాలజీతో సిటీ పోటీపడుతోంది. ప్రపంచంలో ఎప్పటికప్పుడు అప్‌డేట్ అవుతున్న ఆధునిక సాంకేతికతను అందిపుచ్చుకునేందుకు సరైన వేదిక లేదని గ్రహించిన నగరవాసి వీవీ రాజా ‘లెర్నింగ్ సోషల్’కు అంకురార్పణ చేశారు. ఇప్పుడిది విద్యార్థులు, నిరుద్యోగులు, ఉద్యోగులు... ఇలా ఎంతో మందికి కెరీర్ లబ్ధిని కలిగిస్తోంది.
  
  
 సిటీ యువతే కాదు ఉద్యోగులూ కొత్తదనాన్ని కోరుకుంటున్నారు. ప్రపంచంతో పాటు తాము కూడా పరుగులు పెట్టేందుకు వడివడిగా అడుగులు వేస్తున్నారు. చదివిన చదువుకు వారు ఉద్యోగాలు చేసే కంపెనీల్లో పనికి ఏమాత్రం సంబంధం లేకపోవడంతో తొలినాళ్లలో చాలా ఇబ్బందులు ఎదుర్కొంటున్న యువత అది పరిష్కారమయ్యేందుకు తమను తాము మార్చుకునే దిశగా నడుస్తున్నారు. చదువులో ఇరగదీసి కమ్యూనికేషన్ ప్రాబ్లమ్స్‌తో ఉపాధి దొరకని యువతకు, ఉద్యోగం చేస్తూ ఆధునిక సాంకేతిక టెక్నాలజీని అందిపుచ్చుకోవడంలో వెనుకబడినవారికి ‘లెర్నింగ్ సోషల్’ చక్కని వేదికగా నిలుస్తోంది. నల్లగొండ జిల్లాలో ఓ రైతు కుటుంబంలో పుట్టి, సిటీలో స్థిరపడిన రాజు వనపాల నుంచి వచ్చిన ఈ ఆలోచన ఇప్పుడు ప్రపంచవ్యాప్తంగా ఎంతో మందికి బంగారు బాటను చూపిస్తోంది. సమాజంలో చోటుచేసుకుంటున్న నూతన ఒరవడిని ఇలా అందిపుచ్చుకోవచ్చని ఆన్‌లైన్ వేదికగా పాఠాలు నేర్పుతోంది. ఆయా రంగాల్లో పనిచేస్తున్న అనుభవజ్ఞులను ఇన్‌స్ట్రక్టర్‌లుగా తీసుకొని ఈ టెక్నాలజీ టీచింగ్ చేయడం వల్ల ఎంతో మంది ఉద్యోగులకు లబ్ధి కలుగుతోంది. బాస్ ఇచ్చిన పనికి రెట్టింపు చేసి పెడుతున్నారు. ఇది వారి కెరీర్ ఉన్నతికి ఎంతగానో ఉపయోగపడుతోంది. ప్రస్తుతం మార్కెట్లో డిమాండ్ ఉన్న డిజిటల్ మార్కెటింగ్, డాటా అనాలసిస్, డేటా సైన్స్, హడూప్, అనలిటిక్స్, రోబోటిక్స్, అడ్వాన్స్‌డ్ ఎక్సెల్.. ఇలా వివిధ కోర్సులతో పాటు ఉద్యోగులు ఎప్పటికప్పుడు అప్‌డేట్ అయ్యే టెక్నాలజీ చదువులను అందిస్తోంది. ఉద్యోగం చేసేవాళ్లకు కోచింగ్‌లకు వెళ్లే సమయం లేకపోవడంతో ఈ లెర్నింగ్ సోషల్ వైపు చూస్తున్నారు. ఇంటి వద్దనే ఉండి సాంకేతిక పాఠాలను నేర్చుకొని ఉద్యోగంలో ముందుకు దూసుకెళుతున్నారు.
  
 ‘డిజిటల్’ డిమాండ్...
 
 ప్రస్తుతం డిజిటల్ మార్కెటింగ్ ట్రెండ్ నడుస్తోంది. ఈ-మెయిల్, ఆన్‌లైన్, సోషల్ మీడియా ద్వారా అడ్వర్టైజింగ్ చేయడం ఎలా అనే దానిపై ఇప్పుడున్న యువతకు పెద్దగా అవగాహన లేదు. అందుకు తగ్గ శిక్షణ కేంద్రాలు కూడా కనిపించవు. లెర్నింగ్ సోషల్ ‘డిజిటల్ మార్కెటింగ్’ శిక్షణను ఇస్తోంది. ఆండ్రాయిడ్ టెక్నాలజీ, డేటా అనాలసిస్‌ను నేర్పుతోంది.
   వి.ఎస్
  
 ఎంతో మందికి లబ్ధి
 
 2006లో మూడు లక్షలతో ‘వే టు ఎస్‌ఎంఎస్’ ప్రారంభించి సక్సెస్ సాధించా. ఈ క్రమంలోనే 2012లో నాకు ఎదురైన సమస్యకు
  ఆన్‌లైన్‌లో అనలిటిక్స్ నేర్చుకోవాలనుకున్నా. సెర్చ్ చేశా. అయితే ఇన్‌స్ట్రక్టర్లు ఉన్న ఏ ఆన్‌లైన్ వేదికా దొరకలేదు. అప్పుడే లెర్నింగ్ సోషల్‌కు బీజం పడింది. విద్యార్థులు, నిరుద్యోగులు, ఉద్యోగులు... ఇలా అందరూ కెరీర్ పరంగా ఉన్నత స్థానాలకు చేరుకునేందుకు ఆన్‌లైన్‌లో ఆయా రంగాల్లో ప్రావీణ్యం పొందిన ఇన్‌స్ట్రక్టర్ల ద్వారా పాఠాలు చెప్పిస్తున్నా. ఇప్పటికే 300 మందికి పైగా
  ఇన్‌స్ట్రక్టర్లు పనిచేస్తున్నారు. సుమారు 70 వేల మందికి పైగా రిజిస్టర్ చేసుకున్నారు.  
  - వీవీ రాజా,
  లెర్నింగ్ సోషల్ వ్యవస్థాపకుడు
  


 గీతామాధురి... ఎంత ట్రెండీగా కనిపిస్తారో, అంత ట్రెడిషనల్. ఆమె పాడే పాటలు కూడా అంతే. క్లాస్‌గానూ పాడగలరు, మాస్‌గానూ మురిపించగలరు. చాలా షార్ట్‌టైమ్‌లోనే స్వీట్ సింగర్ అనిపించుకున్నారామె. నటుడు నందూని ఇటీవల పెళ్లాడిన గీతామాధురి కెరీర్ కబుర్లు... ఫ్యామిలీ ముచ్చట్లు...
  
 బిజీగా ఉన్నట్లున్నారు?
 ఓ వైపు పాటల్నీ, మరో వైపు మా వారినీ చూసుకోవాలి. మరి బిజీ గాక ఏముంటుంది చెప్పండి?
 
 ఎలా ఉందండీ వైవాహిక జీవితం?
 ఇంత ఆనందంగా ఉంటుందని మాత్రం ఊహించలేదు. నిజంగా బుజ్జి(నందు)తో నా జీవితం సప్తవర్ణాల ఇంద్రధనుస్సులా ఉంది. తను సినిమా వ్యక్తే అవ్వడం, ఇంట్లో మా అత్తగారికి కూడా ప్రోత్సహించే తత్వమే ఉండటంతో వ్యక్తిగతంగానే కాక, వృత్తిపరంగా కూడా సంతోషంగా ఉన్నాను.
 
 మీ ఇద్దరిలో ముందు ప్రపోజ్ చేసింది ఎవరు?
 ప్రేమ ప్రపోజల్ ఆయన తెచ్చారు. పెళ్లి ప్రపోజల్ నేను తెచ్చాను(నవ్వుతూ).
 
 మీ ఇద్దరూ కలిసి ఓ లఘుచిత్రంలో కూడా నటించినట్లున్నారు? ఇక ముందు కూడా నటిస్తారా?
 లేదండీ... అసలు అలాంటి ఉద్దేశమే నాకు లేదు. నందుతోనే నా జీవితం అనుకున్నప్పుడు ఏదో చిన్న చిన్న కోరికలుంటాయి కదా! అందుకే... తనతో కలిసి ఆ షార్ట్‌ఫిలిమ్ చేశాను. నటించాలంటే దానికి కొన్ని అర్హతలుండాలి. నాలో ఆ అర్హతలు లేవని నా అభిప్రాయం. నా వరకు నాకు పాటలే లోకం. అంతే..
 
 సరేకానీ... మీ ఆయన్ను మీరు ‘బుజ్జి’ అని పిలుస్తారా?
 అవునండీ... అంతకుముందు లేదు. ఎందుకోగానీ ఉన్నట్లుండి ‘బుజ్జీ...’ అని పిలవడం మొదలుపెట్టాను. అందరిముందు అలా పిలవడం మాత్రం ఇబ్బందిగానే ఉంది. తనకెలా ఉందో మరి!
 
 ఇంట్లో మీ ఇద్దరిలో పై చేయి ఎవరిది?
 నన్నడిగితే... ఆయనదే అని చెబుతాను. ఆయన్నడిగితే నా పేరు చెబుతారు. నిజానికి ఇద్దరిదీ. ఎందుకంటే... ఏ విషయం అయినా... ఇద్దరం కలిసి కూర్చుని డిస్కస్ చేసుకున్న తర్వాతే ఓ నిర్ణయానికొస్తాం. ఒకరినొకరు పూర్తిగా అర్థం చేసుకున్న తర్వాత పై చేయి, కింద చేయి అనే సమస్యలే ఉండవు!
 
 గాత్రంతో ప్రయోగాలు భలే చేస్తారే. ఎక్కడ నేర్చుకున్నారు?
 అవసరాలే నేర్పాయండీ. అలాంటి పాటలొచ్చాయి నాకు. తాగినట్లు పాడాల్సి వచ్చింది... పాడాను. ఏ మాత్రం ఎక్స్‌ప్రెషన్ లేకుండా పాడాల్సి వచ్చింది... పాడాను. రొమాంటిక్ ఎక్స్‌ప్రెషన్‌తో పాడాను. రొమాంటిక్ ఎక్స్‌ప్రెషన్‌తో హై పిచ్‌లో పాడాల్సి వచ్చింది... పాడాను. ఇలా... రకరకాలుగా పాడే అవకాశాలొచ్చాయి. అది నా అదృష్టమే కదా!
 
 క్లాసికల్ నేర్చుకున్నారా?
 మూడో తరగతి నుంచి టెన్త్ క్లాస్‌కు వచ్చేంత వరకూ కొచ్చర్లకోట పద్మావతిగారి వద్ద క్లాసికల్ నేర్చుకున్నాను. తర్వాత రామాచారిగారి దగ్గర కొన్నాళ్లు. ఆయన దగ్గర నేర్చుకున్నప్పుడే నాకు సంగీతంతో పాటు ఆత్మవిశ్వాసం కూడా వచ్చింది. నన్ను గాయనిగా సినిమాకు పరిచయం చేసింది రామాచారిగారే. ఆయన ‘ప్రేమలేఖ రాశా’ అనే సినిమాకు సంగీత దర్శకత్వం వహించారు. ఆ సినిమాలో ఓ పాటను నాతో పాడించారు. అదే టైమ్‌లో కీరవాణిగారికి పరిచయం చేశారు. అలా ‘ఖతర్నాక్’లో పాడే అవకాశం వచ్చింది.
 
 మీకు బాగా పేరు తెచ్చిన పాటలు?
 ‘వీడొక్కడే’లో ‘అబ్బో వీడేంటో...’ పాట నాకు తొలి బ్రేక్. ఇక ‘చిరుత’లోని ‘చమ్కా చమ్కా చమ్కీరే...’ పాట అయితే నాకు ఎక్కడలేని గుర్తింపు తెచ్చింది. ‘నచ్చావులే’ టైటిల్‌సాంగ్ పాడినందుకు నాకు అవార్డు వచ్చింది. ‘గోలీమార్’లోని ‘మగాళ్లు వట్టి మాయగాళ్లు’, ‘మిర్చి’లోని ‘డార్లింగే... ఓసి నా డార్లింగే’, ‘ఇద్దరమ్మాయిలతో’లో ‘టాపు లేచిపోద్ది’... ఇలా చెప్పుకుంటూ పోతే చాలానే ఉన్నాయి.
 
 గాయనిగా మంచి పేరు తెచ్చుకున్నారు కదా! ‘నంబర్‌వన్’ స్థానంపై మీ అభిప్రాయం?
 వేరే రంగాల గురించి నాకు తెలీదు. నా రంగం విషయానికొస్తే... ఇక్కడ అందరం నంబర్‌వన్‌లమే. ఎవరి అవకాశాలు వాళ్లకున్నాయి. నేను ఎక్కువ సినిమాలకు పాడుతున్నానంతే! అది నా అదృష్టం!
 
 మీ తోటి సింగర్స్‌లో ఎవరు బెస్ట్ అంటే ఏం చెబుతారు?
 ఎవరి ప్రత్యేకతలు వారికున్నాయండీ. సునీతగారు, ఉషగారు, కౌసల్యగారు, మాళవిక, శ్రావణభార్గవి, రీసెంట్‌గా పాడుతున్న సాహితి, లిప్సిక, రమ్య... ఇలా అందరూ బాగానే పాడుతున్నారు.
 
 సంగీత దర్శకత్వం చేసే ఉద్దేశం ఏమైనా ఉందా?
 అంత టాలెంట్ నాలో లేదు. అది మోర్ క్రియేటివ్ జాబ్. పాటలను ఎంజాయ్ చేయడం మాత్రమే నాకు తెలుసు! దట్సాల్!
 
  - బుర్రా నరసింహ
  


  గెస్ట్ కాలమ్
  
 కంపెనీ సెక్రటరీ.. వ్యాపార, వాణిజ్య రంగాల్లో దేశం శరవేగంగా పురోగతి సాధిస్తున్న నేపథ్యంలో చక్కటి కెరీర్‌కు అవకాశం కల్పించే కోర్సు. ప్రభుత్వ తాజా నిబంధనలు కూడా కెరీర్ పరంగా కంపెనీ సెక్రటరీలకు ఎన్నో అవకాశాలు కల్పించే విధంగా ఉన్నాయి. ఔత్సాహిక విద్యార్థులు దీన్ని అందిపుచ్చుకోవాలి. కంపెనీ సెక్రటరీ కోర్సు అంటే కామర్స్, మేనేజ్‌మెంట్ సంబంధితమని, ఆ నేపథ్యం ఉన్న వారికే అనుకూలమనే భావన సరికాదు. నిరంతర అధ్యయన దృక్పథం, పరిశీలనాత్మక దృష్టితో వ్యవహరిస్తే.. అన్ని అకడమిక్ నేపథ్యాల విద్యార్థులు సీఎస్ కోర్సులో రాణించగలరు అంటున్న ఇన్‌స్టిట్యూట్ ఆఫ్ కంపెనీ సెక్రటరీస్ ఆఫ్ ఇండియా (ఐసీఎస్‌ఐ) ఆల్ ఇండియా కౌన్సిల్ ప్రెసిడెంట్ ఆర్. శ్రీధరన్‌తో ఇంటర్వ్యూ..
  
 ప్రొఫెషనల్స్‌ను తీర్చిదిద్దడమే లక్ష్యం
 
 ఐసీఎస్‌ఐ ప్రెసిడెంట్‌గా తొలి ప్రాధాన్యం ఇచ్చే అంశం.. ఉద్యోగం లేదా ప్రాక్టీస్‌లో ఉన్నవారిని మరింత నిబద్ధతగా వ్యవహరించేలా చేయడమే. ఇక సీఎస్ విద్యార్థుల విషయానికొస్తే అకడమిక్ సామర్థ్యాలను మరింత పెంచడం మా లక్ష్యం. ఈ క్రమంలో కంపెనీస్ లా- 2013లో కంపెనీ సెక్రటరీ విధుల పరంగా పేర్కొన్న అన్ని నిబంధనలను కచ్చితంగా అమలయ్యేలా చేస్తాం.
  
 కంపెనీ సెక్రటరీ.. పెరుగుతున్న ప్రాధాన్యం
 
 కంపెనీ సెక్రటరీ ప్రొఫెషన్‌కు ప్రాధాన్యం దినదిన ప్రవర్థమానం అవుతోంది. రూ. 5 కోట్ల పెయిడ్-అప్ క్యాపిటల్ ఉన్న ప్రతి సంస్థ కంపెనీ సెక్రటరీని నియమించుకోవాలనే నిబంధన కారణంగా క్వాలిఫైడ్ కంపెనీ సెక్రటరీలకు డిమాండ్ పెరుగుతోంది. ఆయా సంస్థల్లో పూర్తిస్థాయిలో కంపెనీ సెక్రటరీ ఉద్యోగంతోపాటు, ప్రాక్టీసింగ్ కంపెనీ సెక్రటరీగా స్వయం ఉపాధికి కూడా ఎంతో అవకాశం ఉంది. కానీ ఏటా సర్టిఫికెట్లు అందుకుంటున్నవారి సంఖ్యతో పోల్చితే సీఎస్‌కు డిమాండ్ - సప్లయ్ మధ్య ఎంతో వ్యత్యాసం నెలకొంది. ఔత్సాహిక విద్యార్థులు ప్రొఫెషన్‌లో ప్రవేశించి చక్కటి కెరీర్ అందుకోవడానికి ఇదే సరైన సమయం.
  
 సంస్థల్లోనూ కీలక పాత్ర పోషించే సీఎస్‌లు
 
 మూడు దశల సీఎస్ కోర్సు పూర్తి చేసుకున్న క్వాలిఫైడ్ కంపెనీ సెక్రటరీలకు ఆయా సంస్థల కార్యకలాపాల్లోనూ ముఖ్య హోదాలు లభిస్తున్నాయి. ఈ క్రమంలో ఎంతో కీలకపాత్ర పోషించాల్సి ఉంటుంది. సదరు సంస్థ ప్రభుత్వ నిబంధనల ప్రకారం సెక్రటేరియల్ ప్రమాణాలు పాటించేలా చూడటం, ఆ మేరకు అవసరమైతే ఉన్నతాధికారులకు తగిన సిఫార్సులు చేయడం వంటి విధులు నిర్వర్తించాల్సి ఉంటుంది. కంపెనీ లా - 2013 ప్రకారం మొత్తం తొమ్మిది కీలక విధులు నిర్వర్తించాల్సిన బాధ్యత కంపెనీ సెక్రటరీలదే. ఇలా.. ఒక సంస్థలో సీఈఓ, ఎండీ తర్వాత ఆ స్థాయీ ప్రాధాన్యం సీఎస్‌లకు లభిస్తుంది. చీఫ్ ఫైనాన్షియల్ ఆఫీసర్ హోదాకు చేరుకోవచ్చు. అదేవిధంగా సెక్రటేరియల్ ఆడిట్, లేబర్ ఆడిట్, లీగల్ ఆడిట్ తదితర విభాగల్లోనూ సీఎస్‌లకు అవకాశాలు లభిస్తాయి. ఇదే సమయంలో రెస్పాన్సిబిలిటీ, అకౌంటబిలిటీ ఎక్కువగా ఉండే ఉద్యోగం కంపెనీ సెక్రటరీ. ఒకవైపు సంస్థలోని ఉన్నతాధికారులకు, మరోవైపు స్టేక్ హోల్టర్లు, నియంత్రణ సంస్థలకు మధ్య వారధిగా కీలక బాధ్యతలు నిర్వర్తించాల్సి ఉంటుంది.
  
 సెమినార్లు, వర్క్‌షాప్‌లతో అవగాహన
 
 వృత్తి పరంగా ఎంతో కీలకమైన కంపెనీ సెక్రటరీ కోర్సుపై విద్యార్థులకు ఆశించిన రీతిలో అవగాహన లేదనే మాట వాస్తవం. కోర్సుకు నమోదు చేసుకుంటున్న విద్యార్థుల సంఖ్య ఇటీవల కాలంలో పెరుగుతున్న ప్పటికీ ఆ సంఖ్య వాస్తవ అవసరాలకు సరితూగట్లేదు. ఈ క్రమంలో విద్యార్థుల్లో అవగాహన పెంచేందుకు సెమినార్లు నిర్వహించాలని నిర్ణయించాం. ఈ ఏడాది దేశవ్యాప్తంగా దాదాపు 400 సెమినార్లు నిర్వహించాలని నిర్దేశించుకున్నాం. అదేవిధంగా ఇప్పటికే కోర్సు పూర్తి చేసి అసోసియేట్, ఫెలో మెంబర్స్‌గా దాదాపు 35 వేల మందికిపైగా క్వాలిఫైడ్ కంపెనీ సెక్రటరీలు ఉన్నారు. వీరికి కూడా తాజా పరిస్థితులపై అవగాహన కల్పించేందుకు వర్క్‌షాప్‌లు నిర్వహించ నున్నాం.
  
 సీఏ, సీఎస్, సీఎంఏ మూడు.. వేర్వేరు ప్రాధాన్యత కలిగిన కోర్సులు
 
 చాలా మంది సీఏ, సీఎస్, సీఎంఏ కోర్సుల మధ్య పోలికలు, తేడాలు బేరీజు వేయాలని చూస్తున్నారు. కానీ ఇది సరికాదు. రెండు కోర్సులు వేర్వేరు ప్రాధాన్యతలు కలిగున్నాయి. కంపెనీ సెక్రటరీ కోర్సు పూర్తిగా సెక్రటేరియల్ ప్రాక్టీసెస్, కంపెనీ లా ఆధారంగా ఉంటుంది. చార్టర్డ్ అకౌంటెన్సీ కోర్సు ఆర్థికపరమైన అంశాలు (అకౌంటింగ్, ఆడిటింగ్) ఎక్కువగా ఉండే కోర్సు. ఉద్యోగ విధుల విషయంలోనూ రెండింటికీ వేర్వేరు ప్రాధాన్యాలు ఉన్నాయి. అంతేకాకుండా ప్రతి సంస్థకు కంపెనీ సెక్రటరీ, చార్టర్డ్ అకౌంటెంట్ ఇద్దరూ అవసరం. అదే విధంగా కాస్ట్ అండ్ మేనేజ్‌మెంట్ అకౌంటెన్సీ కోర్సుకు కూడా ప్రత్యేక ప్రాధాన్యత ఉంది. ముఖ్యంగా ఉత్పత్తి రంగ సంస్థల్లో కాస్ట్ అండ్ మేనేజ్‌మెంట్ అకౌంటెన్సీ ఉత్తీర్ణులకు చక్కటి అవకాశాలున్నాయి. మొత్తంమీద ఒక సంస్థను సమర్థంగా, ప్రగతి పథంలో పయనించేలా చేయడంలో సీఏ, సీఎస్, సీఎంఏ ఉత్తీర్ణులు ముగ్గురూ ముఖ్యమే.
  
 ఆ అభిప్రాయం అపోహ మాత్రమే
 
 కంపెనీ సెక్రటరీ కోర్సు.. కేవలం కామర్స్, లా, మేనేజ్‌మెంట్ అకడమిక్ నేపథ్యాలు ఉన్న విద్యార్థులకే అనుకూలం అనే అభిప్రాయం అపోహ మాత్రమే. తులనాత్మక పరిశీలన, విశ్లేషణ నైపుణ్యం ఉంటే అకడమిక్ నేపథ్యంతో సంబంధం లేకుండా ఎలాంటి విద్యార్థులైనా సులువుగా రాణించగల కోర్సు కంపెనీ సెక్రటరీ. కోర్సులో చేరాక నిర్దేశిత సిలబస్‌ను క్షుణ్నంగా అధ్యయనం చేయడంతోపాటు దానికి సంబంధించిన తాజా మార్పులపై అవగాహన పొందుతూ ముందుకు సాగాలి.
  
 సరైన సమయం..
 
 మూడు దశలు (ఫౌండేషన్, ఎగ్జిక్యూటివ్, ప్రొఫెషనల్)గా ఉండే కంపెనీ సెక్రటరీ కోర్సులో చేరడానికి సరైన సమయం అనేది విద్యార్థుల వ్యక్తిగత లక్ష్యాలు, అభిరుచులపై ఆధారపడి ఉంటుంది. ఇంటర్మీడియెట్ లేదా తత్సమాన కోర్సుతో ఫౌండేషన్ కోర్సులో; బ్యాచిలర్స్ డిగ్రీ అర్హతతో ఎగ్జిక్యూటివ్ ప్రోగ్రామ్‌లో పేరు నమోదు చేసుకోవచ్చు. ఏ దశలో చేరినా పూర్తి స్థాయిలో సమయం కేటాయించేట్లు ప్రణాళిక రూపొందించుకోవాలి.
  
 సీఎస్ కోర్సు ఔత్సాహికులకు సలహా..
 
 సీఎస్ కోర్సు ఔత్సాహికులు, క్వాలిఫైడ్ ప్రొఫెషనల్స్ కెరీర్‌లో గుర్తుంచుకోవాల్సిన రెండు ప్రధాన అంశాలు కఠోర శ్రమ, ఓర్పు. ఈ రెండూ ఉంటే విజయాలు వాటంతటే వరిస్తాయి. అదే విధంగా నిత్య నూతన ఆలోచన దృక్పథం కూడా ఈ రంగంలో విజయానికి ఎంతో కీలక సాధనం. దీంతోపాటు పరిస్థితులకు అనుగుణంగా తమను తాము తీర్చిదిద్దుకునే లక్షణాన్ని సొంతం చేసుకోవాలి.
  


 స్కిల్ గ్యాప్.. అంటే పరిశ్రమలు అభ్యర్థుల్లో కోరుకుంటున్న నైపుణ్యాలకు.. విద్యార్థుల్లో ఉంటున్న సాధారణ నైపుణ్యాలకు మధ్య అంతరం. నేడు ఏ కోర్సులు చదివిన విద్యార్థులకైనా జాబ్ మార్కెట్‌లో ఎన్నో ఉద్యోగావకాశాలు అందుబాటులో ఉన్నాయి. అయితే అభ్యర్థులు నైపుణ్యాల లేమితో ఉద్యోగాలను దక్కించుకోలేకపోతున్నారు. ఇప్పుడు ఇండస్ట్రీస్ ఆశిస్తున్న స్కిల్స్.. టెక్నికల్, మేనేజీరియల్, సాఫ్ట్ స్కిల్స్, కమ్యూనికేషన్ స్కిల్స్. వీటన్నింటినీ సొంతం చేసుకుంటేనే ఆకర్షణీయమైన కెరీర్ సొంతం చేసుకోవడం సాధ్యమవుతుంది. ఈ నేపథ్యంలో ఉద్యోగ సాధనలో అందరికంటే ముందు నిలవడానికి అందుబాటులో ఉన్న మార్గాలపై విశ్లేషణ..
  
 ఇంటర్న్‌షిప్స్
 
 అకడమిక్స్ స్థాయిలోనే పరిశ్రమ అవసరాలకు తగిన నైపుణ్యాలను ప్రత్యక్షంగా పొందగలిగే మార్గం ఇంటర్న్‌షిప్స్. అంటే.. ఒక విద్యార్థి తాను చదువుతున్న కోర్సుకు సంబంధించిన పరిశ్రమలో కొద్ది నెలలపాటు పని చేయడం ద్వారా నైపుణ్యాలు సొంతం చేసుకోవడం. దీంతో పాటు వాస్తవ పరిస్థితులపై అవగాహన పొందొచ్చు. ప్రస్తుతం ఈ ఇంటర్న్‌షిప్స్ అనే ప్రక్రియ కరిక్యులంలో భాగంగా లేనప్పటికీ.. కొన్న ప్రముఖ ఇన్‌స్టిట్యూట్‌లు, స్వయం ప్రతిపత్తి కలిగిన విద్యా సంస్థలు సొంతంగా ఇంటర్న్‌షిప్‌ను అమలు చేస్తున్నాయి. బీటెక్‌లో మూడో ఏడాది ముగిసిన తర్వాత సెలవుల సమయంలో, ఎంబీఏలో మొదటి సంవత్సరం తర్వాత సెలవుల్లో ఈ ఇంటర్న్‌షిప్ ప్రక్రియ ఉంటోంది. వీటినే సమ్మర్ ఇంటర్న్‌గా పేర్కొంటున్నారు. ఈ సమయంలో విద్యార్థులు తమ ఇన్‌స్టిట్యూట్‌తో ఒప్పందం ఉన్న పరిశ్రమల్లో రెండు లేదా మూడు నెలల నిర్దేశిత వ్యవధిలో ప్రాక్టికల్ ట్రైనింగ్ పొందే వీలుంటుంది. స్కిల్ గ్యాప్ సమస్యను తీవ్రంగా పరిగణిస్తున్న పరిశ్రమ వర్గాలు, సంబంధిత సంస్థలు కూడా ఇంటర్న్‌షిప్ సదుపాయాన్ని అందిస్తున్నాయి. ఇటీవల కాలంలో ఇంటర్న్‌షిప్స్‌ను ఆఫర్ చేసే సంస్థల సంఖ్య పెరుగుతోంది. ఉత్పత్తి రంగంలో ఈ ధోరణి కొంత తక్కువైనప్పటికీ.. ఐటీ, ఐటీఈఎస్ సంస్థలు ఇంటర్న్‌షిప్ ట్రైనీ అవకాశాలు బాగా కల్పిస్తున్నాయి. ఇన్ఫోసిస్, మైక్రోసాఫ్ట్, టీసీఎస్, కాగ్నిజెంట్ తదితర సాఫ్ట్‌వేర్ సంస్థలు ఇంటర్న్ ట్రైనీలను నియమించుకోవడంలో ముందుంటున్నాయి. వీటిల్లో శిక్షణ పొందడంతోపాటు ఆయా సంస్థల విధానాల ప్రకారం ఆర్థిక ప్రోత్సాహకాలు కూడా అందుకోవచ్చు. ఇంటర్న్‌షిప్ సమయంలో చొరవ, తమకు కేటాయించిన విభాగంలో ప్రతిభ ద్వారా ఆయా సంస్థల గుర్తింపు పొందితే.. ఇంటర్‌‌నషిప్ పూర్తయ్యాక ఉద్యోగాన్ని కూడా దక్కించుకోవచ్చు.
  
 ప్రాజెక్ట్ వర్క్స్
 
 విద్యార్థుల్లో క్షేత్ర స్థాయి నైపుణ్యాలను పెంపొందించే క్రమంలో మరో ముఖ్య సాధనం ప్రాజెక్ట్ వర్క్స్. ప్రస్తుత కరిక్యులం ప్రకారం ప్రతి ప్రొఫెషనల్ కోర్సులోనూ ఇది తప్పనిసరి. ఆయా కోర్సుల చివరి సెమిస్టర్‌లో చేయాల్సిన ఈ ప్రాజెక్ట్ వర్క్స్ ఫలితంగా విద్యార్థులకు సదరు సంస్థ, విభాగాలపై నైపుణ్యాలు సొంతమవుతాయి. ప్రాజెక్ట్ వర్క్‌లో విద్యార్థులు తాము ఎంచుకున్న అంశానికి సంబంధించి.. ఏదైనా ఒక సంస్థలో ఆరు నెలలపాటు పనిచేయాల్సి ఉంటుంది. ఈ సమయంలో తాము ఎంచుకున్న అంశంలో సమస్య ఎదురైతే.. దాని పరిష్కార మార్గాలు తెలుసుకుని పరిష్కరించాలి. ఈ ప్రాజెక్ట్ వర్క్ విధానం కూడా విద్యార్థులకు భవిష్యత్తు ఉద్యోగాలను ఖాయం చేసే మార్గంగా పేర్కొనొచ్చు. ప్రాజెక్ట్ వర్క్ వ్యవధిలో సదరు సంస్థలో చక్కటి పనితీరు కనబరిచి ఉన్నతాధికారుల గుర్తింపు పొందితే అదే సంస్థలో ఉద్యోగం పొందే అవకాశాలెన్నో. ప్రాజెక్ట్ వర్క్‌కు సంబంధించి మరో ప్రత్యామ్నాయం ఇండివిడ్యువల్/గ్రూప్ ప్రాజెక్ట్స్. సంస్థల్లో ప్రాజెక్ట్ వర్క్ అవకాశం పొందని విద్యార్థులు సొంతంగా ఒక సమస్యకు పరిష్కారం కనుగొనే విధంగా ప్రాజెక్ట్ చేయడం. ఈ ఇండివిడ్యువల్ ప్రాజెక్ట్స్ ద్వారా సమస్య-పరిష్కారాలను సంస్థల దృష్టికి తీసుకెళ్లొచ్చు. మీరు చెప్పిన పరిష్కార మార్గాలు నచ్చితే మీకు ఉద్యోగం దక్కినట్లే. ఇలా తమ ఇండివిడ్యువల్ ప్రాజెక్ట్స్‌ను సంస్థల దృష్టికి తీసుకెళ్లడానికి ఆయా రంగాలకు సంబంధించి నిర్వహించే సెమినార్లు, కాలేజ్ సావనీర్లు, క్యాంపస్ రిక్రూట్‌మెంట్ సెషన్స్‌ను వేదికలుగా ఉపయోగించుకోవాలి.  కానీ.. ఇటీవల చాలా మంది విద్యార్థులు ప్రాజెక్ట్ వర్క్, ప్రాజెక్ట్ రిపోర్ట్ అంటే మార్కుల సాధన, సర్టిఫికెట్‌లో పర్సంటేజీ సంఖ్య పెంపుదల సాధనంగానే భావిస్తున్నారు. ఇది సరికాదు. ప్రాజెక్ట్ వర్క్ అంటే తాము అప్పటి వరకు పొందిన థియరీ నాలెడ్జ్‌ను క్షేత్ర స్థాయిలో అన్వయించడంతోపాటు.. వాస్తవ పరిస్థితులపై సంపూర్ణ అవగాహన పొందేందుకు చక్కటి సాధనంగా వినియోగించుకోవాలి అంటున్నారు ఉస్మానియా యూనివర్సిటీ కాలేజ్ ఆఫ్ ఇంజనీరింగ్ ప్లేస్‌మెంట్ ఆఫీసర్ ప్రొఫెసర్ వి. ఉమామహేశ్వరరావు.
  
 అప్రెంటీస్‌షిప్స్
  
 అప్రెంటీస్‌షిప్ ట్రైనింగ్.. విద్యార్థులు తాము ఉత్తీర్ణత సాధించిన కోర్సుకు సంబంధించిన సంస్థలో నిర్దిష్ట కాలంలో పూర్తి స్థాయిలో పని చేయడం. ముఖ్యంగా వృత్తి విద్య కోర్సుల్లో అప్రెంటీస్‌షిప్ ట్రైనింగ్ ఎంతో కీలకమైన అంశం. అంతేకాకుండా స్కిల్ గ్యాప్‌నకు చక్కటి పరిష్కార మార్గం కూడా. నిర్ణీత వ్యవధిలోని అప్రెంటీస్ ట్రైనింగ్‌షిప్‌లో పూర్తి స్థాయిలో విధులు నిర్వర్తించడం ద్వారా క్షేత్ర స్థాయి అవసరాలపై అవగాహన పొందొచ్చు. అప్రెంటీస్‌షిప్ ప్రాధాన్యాన్ని గుర్తించిన కేంద్ర ప్రభుత్వం 1961లోనే అప్రెంటీస్ యాక్ట్ పేరిట చట్టాన్ని కూడా రూపొందించింది. దీని ప్రకారం సంస్థలు మొత్తం శ్రామిక శక్తిలో పది శాతం మేర అప్రెంటీస్ ట్రైనీలను నియమించుకోవాలి. అంతేకాకుండా శిక్షణలో స్టైఫండ్ చెల్లించాలని కూడా నిర్దేశించింది. ఇప్పటికే బీహెచ్‌ఈఎల్, ఓఎన్‌జీసీ, బీఈఎల్, గెయిల్ వంటి మహారత్న, మినీరత్న ప్రభుత్వ రంగ సంస్థలు; ప్రైవేటు రంగంలో వేల సంఖ్యలో.. ట్రేడ్ అప్రెంటీసెస్; గ్రాడ్యుయేట్ ఇంజనీర్ అప్రెంటీసెస్; టెక్నీషియన్ అప్రెంటీసెస్ వంటి హోదాల్లో ఐటీఐ నుంచి ఇంజనీరింగ్ గ్రాడ్యుయేట్ల నియామకాల వరకు క్రమం తప్పకుండా నోటిఫికేషన్లు జారీ చేస్తున్నాయి. నిర్ణీత వ్యవధి పూర్తయ్యాక నేషనల్ కౌన్సిల్ ఫర్ ఒకేషనల్ ట్రైనింగ్, సెంట్రల్ అప్రెంటీస్ కౌన్సిల్‌లు నిర్వహించే పరీక్షల్లో ఉత్తీర్ణత సాధించి ట్రేడ్ సర్టిఫికెట్లు పొందొచ్చు. కానీ.. ఇప్పటికీ అప్రెంటీస్‌షిప్ ట్రైనింగ్ అంటే విద్యార్థుల్లో అంతగా అవగాహన ఉండట్లేదు. దేశవ్యాప్తంగా ప్రతి ఏటా అప్రెంటీస్‌షిప్ సదుపాయం సంఖ్య 4.8 లక్షలు ఉంటే కేవలం 2.8 లక్షల మంది మాత్రమే దీన్ని వినియోగించుకుంటున్నారు. దీన్ని గుర్తించిన ప్రభుత్వం అప్రెంటీస్ చట్టానికి మార్పులు తీసుకొచ్చింది. ఈ క్రమంలో స్టైఫండ్ శాతాన్ని కూడా 40 శాతం మేర పెంచింది. టెక్నికల్ కోర్సులకే పరిమితమైన ట్రైనింగ్‌ను బీఏ, బీకాం, బీఎస్సీ ఉత్తీర్ణులకు కూడా అందించాలని నిర్ణయించింది.
  
 ఆన్ జాబ్ ట్రైనింగ్
  
 స్కిల్ గ్యాప్‌నకు సంబంధించి ఇటు విద్యార్థులు, అటు పరిశ్రమ వర్గాలకు చక్కటి వారధిగా నిలుస్తున్న అంశం ఆన్ జాబ్ ట్రైనింగ్. క్యాంపస్ రిక్రూట్‌మెంట్ డ్రైవ్స్ ద్వారా తాజా గ్రాడ్యుయేట్లను నియమించుకుంటున్న సంస్థలు.. వారికి తమ అవసరాలకు అనుగుణంగా సంబంధిత అంశాల్లో క్షేత్ర స్థాయి నైపుణ్యాలు అందించేందుకు చేపడుతున్న శిక్షణ కార్యక్రమమే ఆన్ జాబ్ ట్రైనింగ్. ముఖ్యంగా బీటెక్‌లో బ్రాంచ్‌తో సంబంధం లేకుండా అన్ని బ్రాంచ్‌ల విద్యార్థులను నియమిస్తున్న ఐటీ సంస్థలు ఆన్ జాబ్ ట్రైనింగ్‌కు ప్రాధాన్యమిస్తున్నాయి. సాధారణంగా మూడు నుంచి ఆరు నెలల పాటు ఉండే ఆన్ జాబ్ ట్రైనింగ్‌లో అభ్యర్థులకు.. వారు నియమితులైన విభాగాలకు సంబంధించి పూర్తి స్థాయి శిక్షణ ఇవ్వడంతోపాటు సంస్థలో ఇతర విభాగాలు, వాటి విధి విధానాలు, పనితీరు వంటి అంశాలపైనా అవగాహన కల్పిస్తారు. ఈ సదుపాయం కేవలం ఎంట్రీ లెవల్ ఉద్యోగులకే కాకుండా.. సంస్థలో అప్పటికే పనిచేస్తున్న ఉద్యోగుల విషయంలోనూ అమలు చేస్తున్నాయి. మిడ్ లెవల్ కెరీర్ ప్రొఫెషనల్స్‌కు సంబంధించి.. ఆయా ఉద్యోగులు పని చేస్తున్న విభాగాలు, రంగాల్లోని తాజా పరిణామాలు, అప్‌డేటెడ్ నైపుణ్యాలు అందించే విధంగా ఆన్ జాబ్ ట్రైనింగ్స్ ఉంటున్నాయి. ఫలితంగా ఉత్పాదకత పెరగడంతోపాటు, పోటీదారులకంటే ఒకడుగు ముందుండొచ్చనేది సంస్థల అభిప్రాయం. అభ్యర్థులు కూడా ట్రైనింగ్‌లో నేర్చుకున్న అంశాల ద్వారా మరింత మెరుగైన పనితీరు ప్రదర్శించి ఉన్నత స్థానాలకు చేరుకునేందుకు ఎన్నో అవకాశాలు లభిస్తాయి.
  
 సర్టిఫికేషన్లు ఎన్నెన్నో
  
 స్కిల్ డెవలప్‌మెంట్‌కు సంబంధించి ఇప్పుడు ఎన్నో సర్టిఫికేషన్ కోర్సులు అందుబాటులోకి వస్తున్నాయి. టెక్నికల్ కోర్సుల్లో సెంట్రల్ ఒకేషనల్ కౌన్సిల్, నేషనల్ కౌన్సిల్ ఫర్ ఒకేషనల్ ట్రైనింగ్, కేంద్ర కార్మిక శాఖ పరిధిలోని అడ్వాన్స్‌డ్ ట్రైనింగ్ ఇన్‌స్టిట్యూట్‌లలో.. విద్యార్థుల డొమైన్ అర్హతలకు ఆధారంగా పలు షార్ట్ టర్మ్ సర్టిఫికెట్ కోర్సులు అందుబాటులో ఉన్నాయి. అంతేకాకుండా నేషనల్ స్కిల్ డెవలప్‌మెంట్ కార్పొరేషన్ కూడా ఆయా రంగాలకు సంబంధించి- పరిశ్రమ వర్గాలతో ఒప్పందం ద్వారా శిక్షణ కార్యక్రమాలు నిర్వహించి వాటిని పూర్తి చేసుకున్న వారికి సర్టిఫికెట్లు అందిస్తోంది. వీటితోపాటు ఇటీవల కాలంలో కొన్ని ప్రైవేటు రంగ సంస్థలు కూడా ఆయా ఇన్‌స్టిట్యూట్‌లతో ఒప్పందాలు చేసుకుని స్కిల్ డెవలప్‌మెంట్ ట్రైనింగ్, సర్టిఫికెట్లు అందిస్తున్నాయి. ఈ క్రమంలో కొన్ని ప్రముఖ సంస్థలు అందిస్తున్న సర్టిఫికెట్ ప్రోగ్రామ్స్ వివరాలు..
  
 ఇన్ఫోసిస్: ఈ సంస్థ ఐటీ స్కిల్ డెవలప్‌మెంట్ కోసం సొంతంగా గ్లోబల్ ట్రైనింగ్ సెంటర్‌ను నిర్వహిస్తోంది.
  
 ఐటీసీ: రిటైల్ రంగంలో స్కిల్ డెవలప్‌మెంట్ కోసం ఐటీసీ సంస్థ- ఎన్‌ఐఎస్-స్పార్తా సంయుక్తంగా రిటైల్ మేనేజ్‌మెంట్ కోర్సును అందిస్తున్నాయి.
  
 ఫైనాన్షియల్ సర్వీసెస్‌లో ఐసీఐసీఐ బ్యాంకు, దేనా బ్యాంక్, బ్యాంక్ ఆఫ్ బరోడా మరికొన్ని బ్యాంకులు పలు ఇన్‌స్టిట్యూట్‌లతో కలిసి శిక్షణ కార్యక్రమాలు నిర్వహిస్తున్నాయి.
  
 ముంబై స్టాక్ ఎక్స్ఛేంజ్, నేషనల్ స్టాక్ ఎక్స్ఛేంజ్‌లు స్టాక్ మార్కెట్ నిర్వహణ సంబంధిత పలు షార్ట్ టర్మ్ సర్టిఫికెట్ కోర్సులను అందిస్తున్నాయి.
  
 డొమైన్‌తోపాటు మరెన్నో స్కిల్స్
  
 ఇటీవల కాలంలో సంస్థలు అభ్యర్థుల్లోని డొమైన్ నాలెడ్జ్‌కే పరిమితం కాకుండా ఇతర అంశాలు వాటిలోని నైపుణ్యాలపై ప్రత్యేక దృష్టి పెడుతున్నాయి. దృక్పథం, నైతికత వంటి వాటికి పెద్దపీట వేస్తున్నాయి. ఈ క్రమంలో.. ఇటీవల తాజాగా కాన్ఫెడరేషన్ ఆఫ్ ఇండియన్ ఇండస్ట్రీస్ (సీఐఐ) విడుదల చేసిన నివేదిక ప్రకారం ఆయా సంస్థలు కోరుకుంటున్న స్కిల్స్ శాతాల గణాంకాలు..
  
   ఇంటెగ్రిటీ అండ్ వ్యాల్యూస్: 30 శాతం
   రిజల్ట్  ఓరియెంటేషన్:21 శాతం
   బెటర్ ఆప్టిట్యూడ్: 12 శాతం
   కోర్ డొమైన్: 14 శాతం
   పీపుల్ స్కిల్స్ (కల్చరల్ డైవర్సిటీ, టీమ్ వర్క్, ఇంగ్లిష్ కమ్యూనికేషన్): 23 శాతం
  
 ఇంటర్న్‌షిప్స్.. వే టు ఎంప్లాయ్‌మెంట్
 
 కోర్సు వ్యవధిలో విద్యార్థులు చేసే ఇంటర్న్‌షిప్స్ వారి భవిష్యత్తు ఉపాధికి మార్గం నిలుస్తాయి. కానీ ఇప్పటికీ ఈ విషయంలో విద్యార్థుల్లో ఆశించిన అవగాహన ఉండట్లేదు. ఇన్‌స్టిట్యూట్‌ల స్థాయిలోనే వీటి ప్రాముఖ్యాన్ని తెలియజేసి ప్లేస్‌మెంట్ సెల్స్, ఇతర మాధ్యమాల ద్వారా అధ్యాపకులు, మేనేజ్‌మెంట్ వర్గాలు తమ విద్యార్థులు ఇంటర్న్‌షిప్ చేసే అవకాశాలను అందించాలి. ఇక విద్యార్థులు కూడా తమకున్న పరిచయాల ద్వారా ఇంటర్న్‌షిప్స్ చేసేందుకు ప్రాధాన్యం ఇవ్వాలి. అప్పుడు పూర్తి స్థాయిలో వాస్తవ పరిస్థితులపై అవగాహన కలుగుతుంది. కరిక్యులంలో భాగంగా లేని ఇంటర్న్‌షిప్ అనే పదం విద్యార్థుల రెజ్యుమేలో కనిపిస్తే కచ్చితంగా ఎంప్లాయర్స్‌ను ఆకర్షిస్తుంది. సదరు విద్యార్థికి ఇతరులకంటే ఎక్కువ వెయిటేజీ లభిస్తుంది.
 - బి. అశోక్ రెడ్డి, ప్రెసిడెంట్- కార్పొరేట్ అఫైర్స్ అండ్ ఇన్‌ఫ్రాస్ట్రక్చర్, సయంట్
  
 అప్రెంటీస్‌షిప్‌తో ప్రయోజనాలెన్నో
  
 టెక్నికల్ కోర్సుల విద్యార్థులకు అప్రెంటీస్‌షిప్ ట్రైనింగ్ ద్వారా ఎన్నో ప్రయోజనాలు లభిస్తాయి. పూర్తిస్థాయి ఉద్యోగుల మాదిరిగా విధులు నిర్వర్తించే అవకాశం ఉన్న అప్రెంటీస్‌షిప్ ట్రైనింగ్ సమయంలో సదరు విభాగాలపై పూర్తి నైపుణ్యాలు సొంతం చేసుకోవచ్చు. చాలా మందికి అప్రెంటీస్‌షిప్ ట్రైనింగ్, అది పూర్తయ్యాక నిర్వహించే ట్రేడ్ టెస్ట్ ప్రాధాన్యంపై అవగాహన ఉండట్లేదు. దీంతో మంచి అవకాశాలు చేజార్చుకుంటున్నారు. డెరైక్టరేట్ జనరల్ ఆఫ్ ఎంప్లాయ్‌మెంట్ ట్రైనింగ్, ఎన్‌ఎస్‌డీసీ, ఏటీఐ వెబ్‌సైట్లను వీక్షిస్తే అందుబాటులో ఉన్న అప్రెంటీస్‌షిప్ సదుపాయాలు, ప్రయోజనాలు, దరఖాస్తు విధానాల వివరాలు తెలుస్తాయి.
  - కె.ఎస్.ఆర్. ప్రదీప్, డిప్యూటీ డెరైక్టర్, ఆర్‌డీఏటీ, హైదరాబాద్.
  
  స్కిల్స్‌తోపాటు పెరిగే అవకాశాలు
 
  విద్యార్థులు ప్రాక్టికల్ స్కిల్స్ పెంచుకోవడానికి ప్రయత్నిస్తే.. అంతే స్థాయిలో ఉద్యోగావకాశాలు కూడా పెరుగుతాయి. ప్రాక్టికల్స్, ప్రాక్టికాలిటీ అనే పదాలు కేవలం ఇంజనీరింగ్, టెక్నికల్ కోర్సులకే పరిమితం కాదు. అన్ని కోర్సులు, రంగాల్లోనూ ఇప్పుడు ఎన్నో స్కిల్స్ అవసరమవుతున్నాయి. వీటిని గుర్తించి అకడమిక్ స్థాయి నుంచే సొంతం చేసుకునేలా వ్యవహరించాలి. మేనేజ్‌మెంట్‌కు సంబంధించి పీపుల్ స్కిల్స్, సాఫ్ట్ స్కిల్స్ ప్రధాన పాత్ర పోషిస్తున్నాయి.
 - వి. పాండురంగారావు, డెరైక్టర్, ఇన్‌స్టిట్యూట్ ఆఫ్ మేనేజ్‌మెంట్ టెక్నాలజీ -హైదరాబాద్
  
  ఎడ్యు న్యూస్
  
 ఇన్‌స్పైర్ స్కాలర్‌షిప్ - 2014
 ఇంటర్మీడియెట్ ఉత్తీర్ణులై ఉండి నేచురల్/బేసిక్ సెన్సైస్‌లో మూడేళ్ల బీఎస్సీ, బీఎస్సీ (హానర్స్), నాలుగేళ్ల బీఎస్, ఐదేళ్ల ఇంటిగ్రేటెడ్ ఎంఎస్సీ/ఎంఎస్ కోర్సులను అభ్యసిస్తున్న విద్యార్థులకు అందించే ‘స్కాలర్‌షిప్ ఫర్ హయ్యర్ ఎడ్యుకేషన్ (ఎస్‌హెచ్‌ఈ)’కు ప్రకటన వెలువడింది. వీటిని కేంద్ర ప్రభుత్వంలోని డిపార్ట్‌మెంట్ ఆఫ్ సైన్స్ అండ్ టెక్నాలజీ (డీఎస్‌టీ) అందిస్తోంది. ‘ఇన్నోవేషన్ ఇన్ సైన్స్ పర్‌స్యూట్ ఫర్ ఇన్‌స్పైర్డ్ రీసెర్చ్ (ఇన్‌స్పైర్)’ పేరుతో ఈ స్కాలర్‌షిప్స్‌ను ఇస్తారు.
  
  మొత్తం స్కాలర్‌షిప్స్: 10,000
  
  స్కాలర్‌షిప్: ఏడాదికి రూ.60,000తోపాటు సమ్మర్ రీసెర్చ్ ప్రాజెక్ట్ కోసం రూ.20,000 అందిస్తారు. ఇలా ఐదేళ్లపాటు స్కాలర్‌షిప్ ఇస్తారు.
  
  అర్హత:  వివిధ రాష్ట్ర బోర్డులు, సెంట్రల్ బోర్డ్ 2014లో నిర్వహించిన ఇంటర్మీడియెట్/10+2 పరీక్షల్లో ఆయా రాష్ట్రాల్లో టాప్ వన్ పర్సంట్ జాబితాలో నిలవాలి.  లేదా
  
  జేఈఈ మెయిన్/అడ్వాన్స్‌డ్/ఏఐపీఎంటీలో టాప్ 10,000 ర్యాంకుల్లో చోటు దక్కించుకుని ఉండాలి.
  
  కిశోర్ వైజ్ఞానిక్ ప్రోత్సాహన్ యోజన ఫెలోషిప్, నేషనల్ టాలెంట్ సెర్చ్ ఎగ్జామినేషన్ స్కాలర్‌షిప్, జగదీశ్ చంద్ర బోస్ నేషనల్ సైన్స్ టాలెంట్ సెర్చ్ స్కాలర్‌షిప్ విజేతలు, ఇంటర్నేషనల్ ఒలంపియాడ్‌లో పతకాలు గెలుచుకున్నవారు కూడా స్కాలర్‌షిప్‌కు దరఖాస్తు చేసుకోవచ్చు.
  
  ఇతర జాతీయస్థాయి ప్రవేశపరీక్షల్లో విజయం సాధించి ఇండియన్ ఇన్‌స్టిట్యూట్ ఆఫ్ సైన్స్ ఎడ్యుకేషన్ అండ్ రీసెర్చ్ (ఐఐఎస్‌ఈఆర్)లు, నేషనల్ ఇన్‌స్టిట్యూట్ ఆఫ్ సైన్స్ ఎడ్యుకేషన్ అండ్ రీసెర్చ్ (నైసర్), డిపార్ట్‌మెంట్ ఆఫ్ అటామిక్ ఎనర్జీ - సెంటర్ ఫర్ బేసిక్ సైన్స్‌లో విద్యనభ్యసిస్తున్నవారు కూడా అర్హులే.
  
 ప్రస్తుతం గుర్తింపు పొందిన యూనివర్సిటీ/కళాశాల/ఇన్‌స్టిట్యూట్‌లో నేచురల్/బేసిక్ సెన్సైస్‌లో బీఎస్సీ/ బీఎస్సీ (హానర్స్)/నాలుగేళ్ల బీఎస్/ఐదేళ్ల ఇంటిగ్రేటెడ్ ఎంఎస్/ఎంఎస్సీ కోర్సులు చదువుతుండాలి.
  
  దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి.
 
  ఆన్‌లైన్ దరఖాస్తులకు చివరి తేదీ: అక్టోబర్ 31, 2014
  వెబ్‌సైట్:www.inspire-dst.gov.in/
  
 ఏంజెలా మెర్కెల్ స్కాలర్‌షిప్
 
 జర్మనీలో నిర్దేశిత యూనివర్సిటీల్లో ఎల్‌ఎల్‌ఎం (యూరోపియన్ లా) చదవాలనుకునే భారతీయ విద్యార్థులకు అందించే జవహర్‌లాల్ నెహ్రూ అవార్డ్ ఫర్ ఇంటర్నేషనల్ అండర్‌స్టాండింగ్ - ఏంజెలా మెర్కెల్ స్కాలర్‌షిప్‌కు ప్రకటన వెలువడింది.
  
 స్కాలర్‌షిప్‌తో లభించేవి: సుమారు ఏడాది వ్యవధి ఉండే కోర్సులో భాగంగా నెలకు 750 యూరోల స్టైఫండ్, రానుపోను విమాన ఖర్చులకు ట్రావెల్ అలవెన్స్, స్టడీ అండ్ రీసెర్చ్ సబ్సిడీ కింద 460 యూరోలు, ఆరోగ్య, ప్రమాద బీమా. వీటితోపాటు రెండు నెలల జర్మన్ లాంగ్వేజ్ కోర్సులో భాగంగా ఉచిత నివాసం, ఫీజు మినహాయింపు, అలవెన్స్‌లు లభిస్తాయి.
  
 అర్హత: ప్రథమ శ్రేణి మార్కులతో బ్యాచిలర్స్ డిగ్రీ ఉత్తీర్ణత.
  
 ఎంపిక: జనవరి/ఫిబ్రవరి-2015లో న్యూఢిల్లీలో నిర్వహించే ఇంటర్వ్యూ ద్వారా..
  
 దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి. దరఖాస్తులకు చివరి తేదీ: అక్టోబర్ 1, 2014  
 
 వెబ్‌సైట్: www.daaddelhi.org/en/
  
 మైకాలో పీజీడీఎం - కమ్యూనికేషన్స్
 
 అహ్మదాబాద్‌లోని ముద్రా ఇన్‌స్టిట్యూట్ ఆఫ్ కమ్యూనికేషన్స్ (మైకా).. పోస్ట్‌గ్రాడ్యుయేట్ డిప్లొమా ఇన్ మేనేజ్‌మెంట్ ఇన్ కమ్యూనికేషన్స్ (పీజీడీఎం-సి) కోర్సులో ప్రవేశానికి దరఖాస్తులు ఆహ్వానిస్తోంది.
  
 అర్హత: 10+2+3 విధానంలో బ్యాచిలర్స్ డిగ్రీ ఉత్తీర్ణత.
  
 ఎంపిక: క్యాట్-2014/ఎక్స్‌ఏటీ-2014, 2015/మ్యాట్-2014 /సీమ్యాట్- 2014/ఏటీఎంఏ-2014 వంటి పరీక్షల స్కోర్ ఆధారంగా అభ్యర్థులకు అడ్మిషన్ టెస్ట్ నిర్వహిస్తారు. ఇందులో ఉత్తీర్ణులకు గ్రూప్ ఎక్సర్‌సైజ్, పర్సనల్ ఇంటర్వ్యూలు ఉంటాయి.
  
 దరఖాస్తు విధానం: ఆన్‌లైన్ ద్వారా..
  
 దరఖాస్తులకు చివరి తేదీ: జనవరి 15, 2015 వెబ్‌సైట్: www.mica.ac.in
  


 ఒక దేశ చరిత్రను తెలుసుకోవాలంటే అక్కడ లభించే ప్రాచీన ఆనవాళ్లను, కళాఖండాలను అధ్యయనం చేయాలి. తవ్వకాల్లో లభించే ఇలాంటి వాటిని ఒకచోట చేర్చి, పరిరక్షించేవారే.. మ్యూజియాలజిస్ట్‌లు. చరిత్రను సందర్శకుల కళ్లముందుంచే మ్యూజియాలజిస్ట్‌గా కెరీర్ ప్రారంభించాలనుకునే ఔత్సాహికులకు మనదేశంలో ఎన్నో కోర్సులు, ఉద్యోగ అవకాశాలు అందుబాటులో ఉన్నాయి.  
  
 ఎన్నో అవకాశాలు..
 
 ప్రభుత్వ రంగంలో ప్రదర్శనశాలల్లో, ప్రైవేట్ రంగంలో ఆర్ట్ గ్యాలరీల్లో మ్యూజియాలజిస్ట్‌లకు ఉద్యోగాలు దక్కుతున్నాయి. క్యూరేటర్, డెరైక్టర్, మ్యూజియం ఎడ్యుకేషనిస్ట్, మ్యూజియం కో-ఆర్డినేటర్, కన్సల్టెంట్ తదితర కొలువులు ఉన్నాయి. ఆసక్తి ఉంటే విద్యాసంస్థల్లో మ్యూజియాలజీ కోర్సులను బోధించే ఫ్యాకల్టీగా కూడా స్థిరపడొచ్చు.
  
 కావాల్సిన లక్షణాలు:
 
 మ్యూజియాలజిస్ట్‌లకు చరిత్రపై ఆసక్తి, అవగాహన ఉండాలి. చారిత్రక వస్తువులు శిథిలం కాకుండా శాస్త్రీయమైన పద్ధతిలో వాటిని పరిరక్షించాల్సి ఉంటుంది. ఇందుకు ఆధునిక సాంకేతిక పరిజ్ఞానాన్ని ఉపయోగించుకోవాలి. ఎప్పటికప్పుడు ప్రాచీన వస్తువుల సేకరణపై దృష్టి పెట్టాలి. వాటి ప్రాధాన్యతను గుర్తించగలగాలి. వృత్తిపరమైన నైపుణ్యాలను పెంచుకుంటూ ఉండాలి.
  
 అర్హతలు: భారత్‌లో మ్యూజియాలజీలో గ్రాడ్యుయేషన్, పోస్టు గ్రాడ్యుయేషన్, పీహెచ్‌డీ, అడ్వాన్స్‌డ్ డిప్లొమా, పీజీ డిప్లొమా కోర్సులు ఉన్నాయి. ఇంటర్మీడియెట్ అర్హతతో గ్రాడ్యుయేషన్‌లో చేరొచ్చు. తర్వాత పీజీ, పీహెచ్‌డీ కూడా పూర్తిచేస్తే ఉన్నత అవకాశాలు దక్కుతాయి.
  
 వేతనాలు: మ్యూజియాలజిస్ట్‌కు ప్రారంభంలో నెలకు రూ.15 వేల వేతనం అందుతుంది. సీనియారిటీని బట్టి వేతనం పెరుగుతుంది. ప్రభుత్వ రంగంలో సీనియర్ క్యూరేటర్ లేదా డెరైక్టర్‌కు నెలకు రూ.50 వేలకు పైగానే లభిస్తుంది.
  
 చరిత్రపై అవగాహన ఉండాలి!
 
 ‘‘మ్యూజియాలజీ లేదా మ్యూజియం స్టడీస్ కోర్సులు పూర్తిగా భిన్నమైనవి. చాలా తక్కువ మంది ఈ కోర్సులను అభ్యసిస్తున్నారు. భారతీయ చరిత్ర, సంప్రదాయం, ఇతిహాసాలు, పురాణాలపై అవగాహన ఉన్నవారు ఈ కోర్సులను అభ్యసిస్తే మంచి కెరీర్ సొంతమవుతుంది. కళలపై ఆసక్తి, కళాఖండాలను భద్రపరిచే లక్షణాలున్నవారు ఈ కోర్సులను చదువుతారు. లైబ్రేరియన్‌లు, చరిత్రకారులు తమ అవకాశాలను పెంచుకోవడానికి వీటిని అభ్యసిస్తున్నారు. ఈ కోర్సుల్లో ప్రధానంగా మ్యూజియాల నిర్వహణ, అడ్మినిస్ట్రేషన్‌తోపాటు సంబంధిత శాస్త్రీయ అంశాలను విద్యార్థులు నేర్చుకుంటారు. ఉస్మానియా యూనివర్సిటీలో ఎంఏలో ఒక సబ్జెక్ట్‌గా ఈ కోర్సును ఆఫర్ చేస్తున్నాం. ప్రత్యేకంగా పీజీ డిప్లొమా కోర్సును కూడా నిర్వహిస్తున్నాం. మ్యూజియాలజీ ఆసక్తికరమైన సబ్జెక్టే అయినప్పటికీ ఇందులో కెరీర్‌ను కొనసాగించాలంటే అమితమైన అంకితభావం తప్పనిసరి. చరిత్ర ఆనవాళ్లను తెలుసుకోవడానికి నిత్యం పరిశోధనలు జరుగుతూనే ఉన్నాయి. కొత్త విషయాలు వెలుగులోకి వస్తున్నాయి. ఈ నేపథ్యంలో మ్యూజియాలజీ నిపుణుల అవసరం తప్పనిసరి అవుతోంది. ఈ కోర్సులు అభ్యసించిన వారికి ప్రభుత్వ విభాగాల్లో ఉద్యోగాలుంటాయి. అలాగే ప్రైవేటుగా పరిశోధనలు చేసుకోవచ్చు’’
 
  - ప్రొ. ఎస్.మల్లేశ్, ప్రిన్సిపల్,
  యూనివర్సిటీ కాలేజ్ ఆఫ్ ఆర్ట్స్ అండ్ సోషల్ సెన్సైస్, ఉస్మానియా యూనివర్సిటీ
  
  


 ‘నా జీవితంలో ముఖ్యమైన నిర్ణయుం తీసుకున్నప్పుడల్లా... అందరూ దాన్ని తప్పుగా చూసేవారే గానీ... మద్దతిచ్చేవారే లేరు’ అంటూ తెగ బాధపడిపోతున్నాడు సూపర్‌స్టార్ ఆమిర్‌ఖాన్. ‘నాకిదో బాధాకరమైన పరిస్థితి. ఎప్పుడే కీలక నిర్ణయుం తీసుకున్నా... నువ్వు తప్పు చేస్తున్నావంటూ హెచ్చరిస్తారు.
 
 నాకు దగ్గరవారు,ముఖ్యమైనవారు... అందరిదీ ఇదే వూట. అయితే ఎవరేం చెప్పినా వింటా. తరువాత నా మనసేం చెబితే అదే చేస్తా. 25 ఏళ్ల విజయువంతమైన కెరీర్‌లో ఒక్కసారి వెనక్కు తిరిగి చూసుకొంటే... ఎంతో సంతోషం కలుగుతుంది’ అంటూ ఓ సెమినార్‌లో చెప్పుకొచ్చాడు ఆమిర్.
  
  


 ట్రిపుల్ ఐటీ స్నాతకోత్సవంలో టీసీఎస్ ఉపాధ్యక్షుడు ఎస్. రామదొరై  భవిష్యత్ ఇన్ఫర్మేషన్ టెక్నాలజీదే : కేటీఆర్
  
 హైదరాబాద్ : నిత్య విద్యార్థిగా ఉంటేనే కెరీర్‌లో రాణించగలరని టాటా కన్సల్టెన్సీ సర్వీసెస్(టీసీఎస్) ఉపాధ్యక్షుడు ఎస్.రామదొరై అన్నారు. పోటీ ప్రపంచంలో సవాళ్లను ఎదుర్కొనేందుకు సిద్ధమయ్యేలా యువత కెరీర్‌ను నిర్మించుకోవాలన్నారు. హైదరాబాద్ ట్రిపుల్‌ఐటీ 13వ స్నాతకోత్సవ సభకు హాజరైన రామదొరై మాట్లాడుతూ భారత్ సైన్స్‌పరంగా అభివృద్ధి చెందుతున్నా పరిశోధనల్లో చైనా కంటే వెనుకే ఉందన్నారు. రాబోయే రోజుల్లో భారత్ ‘రీసెర్స్ పవర్ హౌస్’గా ఆవిర్భవించనుందన్నారు. ఫార్మా, ఐటీ, బయోటెక్నాలజీ, ఆటోమోటివ్ రంగాలు 2015 నాటికి మరింత వృద్ధి చెందుతాయనే ఆశాభావం వ్యక్తంచేశారు.
 
 ఐటీ మంత్రి కె.తారకరామారావు మాట్లాడుతూ ఇన్ఫర్మేషన్ టెక్నాలజీలో భవిష్యత్‌లో లక్షలాది ఉద్యోగాలు రాబోతున్నాయని స్పష్టంచేశారు. అవకాశాలను అందిపుచ్చుకునేందుకు విద్యార్థులు దీటుగా సిద్ధం కావాలన్నారు. ఈ  కార్యక్రమంలో ట్రిపుల్ ఐటీ ఛైర్మన్ ప్రొఫెసర్ రాజరెడ్డి, డెరైక్టర్ పి.జె.నారాయణ తదితరులు పాల్గొన్నారు.  ఈ సందర్భంగా గ్రాడ్యుయేషన్, పోస్టు గ్రాడ్యుయేషన్, పీహెచ్‌డీ పూర్తిచేసిన సుమారు 375 మంది విద్యార్థినీ, విద్యార్థులు పట్టాలు అందుకున్నారు. వీరిలో ఏడుగురు విద్యార్థులు బంగారు పతకాలు సాధించారు. బెస్ట్ ఆల్ రౌండర్-2014గా ఎంపికైన బీటెక్(సీఎస్‌ఈ) విద్యార్థి చెట్లూర్ మాధవన్ మలోలన్ కు పసిడి పతకం బహూకరించారు.
  


 ‘‘కావ్యా... కప్పు కాఫీ ఇవ్వు. తలనొప్పిగా ఉంది’’ - అప్పుడే ఆఫీసు నుంచి వచ్చిన సాకేత్ సోఫాలో కూలబడుతూ అంటాడు.
 ‘‘ఆ పనేదో నువ్వు చెయ్యి... బాగా అలసిపోయి ఆఫీసు నుంచి వచ్చాను’’ - అసహనంగా అంటుంది కావ్య. ఇక అంతే! మాటల యుద్ధం మొదలవుతుంది.‘‘అసలు నిన్నెవరు ఉద్యోగం చేయమన్నారు? నీదో బోడి ఉద్యోగం, బోడి జీతం’’ - సాకేత్ రంకె వేస్తాడు.‘‘మీకొచ్చే కోటిరూపాయల జీతానికి నేను ఉద్యోగం చేయకుంటే ఎలా?’’ - వ్యంగ్యబాణం విసురుతుంది కావ్య. భార్యాభర్తలు ఇద్దరూ ఉద్యోగం చేస్తున్నప్పుడు ఇలాంటి సమస్యలు వస్తుంటాయి. ఇది మచ్చుకు మాత్రమే, ఇంకా చాలా ఉండొచ్చు. కెరీర్ వర్సెస్ హోమ్ బాధలు అన్నీ ఇన్నీ కావు. నిజానికి ఇది చాలా చిన్న సమస్య. ఈ విషయం తెలుసుకోకుంటే మాత్రం చా....లా పెద్ద సమస్య. ఈ సమస్యకు కొన్ని పరిష్కారాలు...
 
 ►  ఇంట్లో చేయాల్సిన పనులను సమానంగా పంచుకోండి. ఎవరికైనా అనారోగ్యంగా ఉంటే వారి పని మీరు చేయండి.
 ►    ఒకరు పని చేస్తుంటే మరొకరు టీవి చూడడమో, పాటలు వినడమో కాకుండా వారికి పనిలో మీ వంతుగా సహాయపడితే మరీ మంచిది.
 ►   ఆఫీసు పనిభారంతో ఇంటికి వచ్చి, అసహనంతో మాట తూలితే... వెంటనే సారీ చెప్పడం మరవకండి.
 ►    ఆఫీసును ఇంటి గుమ్మం దగ్గర, ఇంటిని ఆఫీసు గేటు దగ్గర వదలడానికి ప్రయత్నించండి.
 ►    పనిభారానికి రెండు కోణాలు ఉన్నాయి. అవి మన మీదే ఆధారపడి ఉంటాయి. ‘భారం’ అనుకుంటే పని భయపెడు తుంది. గమనించాల్సిన
   విషయం ఏమంటే, నిజానికి పని మనలో చురుకుదనాన్ని నింపుతుంది. చురుగ్గా ఉండడం ఆరోగ్యానికి మంచిదే కదా! అదే చురుకుదనాన్ని ఇంట్లో కూడా ప్రదర్శించండి.
 ►   ‘నాకో పండగ లేదు, పబ్బం లేదు... విందు లేదు, వినోదం లేదు... టైమంతా ఆఫీసు తినేస్తోంది’ అని అన్నిటికీ దూరంగా ఉంటారు కొందరు ఉద్యోగులు. ఈ వైఖరి ఇంటి మీద ప్రతికూల ప్రభావాన్ని చూపుతుందనే విషయాన్ని గుర్తుంచుకోవాలి. అందుకే నెలవారీ క్యాలెండర్ ఒకటి తయారు చేసుకోండి. సెలవు రోజుల్లో పిల్లలతో ఎక్కడికి వెళ్లాలి, ఏ సినిమాకు వెళ్లాలి, బంధువులను ఎవరిని కలవాలి...ఇలాంటి విషయాలను ఆ క్యాలెండర్‌లో రాసుకొని పాటించండి.
  


 సమాజానికి కళ్లు, చెవులు.. మీడియా.  మాటల కంటే దృశ్యాలే ఆయువుపట్టుగా ఉండే టీవీ ఛానళ్లలో కీలకమైన ఉద్యోగులు.. వీడియో జర్నలిస్ట్‌లు. మనదేశంలో అన్ని భాషల్లో వార్తా ఛానళ్ల సంఖ్య రోజురోజుకీ పెరుగుతుండడంతో డిమాండ్ అధికమవుతున్న కెరీర్.. వీడియో జర్నలిజం. సమాజానికి మేలు చేయాలన్న తపన  కలిగి, సవాళ్లను ఇష్టపడే నేటి యువతకు అనువైన కొలువు.. వీడియో జర్నలిస్ట్.
  
 అవకాశాలకు ఢోకా లేదు : భారత్‌లో వీడియో జర్నలిస్ట్‌లకు మంచి అవకాశాలు దక్కుతున్నాయి. ప్రాంతీయ, జాతీయ ఛానళ్లలో ఉద్యోగాలు లభిస్తున్నాయి. కొత్త ఛానళ్లు వస్తుండడంతో వీరికి డిమాండ్ పెరుగుతోంది. దీన్ని కెరీర్‌గా ఎంచుకుంటే.. అవకాశాలకు కొదవ ఉండదని నిపుణులు అంటున్నారు. ప్రతిభ, అనుభవం కలిగినవారికి ఎంతైనా చెల్లించేందుకు జాతీయ ఛానళ్లు ముందుకొస్తున్నాయి. వీడియో జర్నలిస్ట్‌ల ప్రధాన బాధ్యత.. దృశ్యాలను, డాక్యుమెంటరీలను చిత్రీకరించి, ఛానళ్లకు ఇవ్వాలి. ఈ రంగంలో అడుగుపెడితే ఆలోచనా పరిధి విస్తరిస్తుంది. కొత్త వ్యక్తులతో, ప్రముఖులతో పరిచయాలు ఏర్పడ తాయి. కొత్త ప్రాంతాలను చూసే అవకాశాలు లభిస్తాయి.  
 సవాళ్లు, ఇబ్బందులు:  
  
 ఈ రంగంలో ఎన్నో సవాళ్లు, ఇబ్బందులు ఉంటాయి. ప్రజల మధ్య క్షేత్రస్థాయిలో పనిచేయాల్సి ఉంటుంది. ఒక్కోసారి సుదీర్ఘ ప్రయాణాలు తప్పవు. అల్లర్లను చిత్రీకరించేటప్పుడు గాయాల పాలయ్యే ప్రమాదం ఉంటుంది. సమాజంలో వార్తలను పసిగట్టగల నైపుణ్యం ఉండాలి. బరువైన కెమెరాలను గంటలతరబడి మోయాల్సి ఉంటుంది.  పనివేళలతో సంబంధం లేకుండా అవసరాన్ని బట్టి పగలూరాత్రి విధులు నిర్వర్తించాలి. వీడియో జర్నలిస్ట్‌లు అన్ని రకాల వాతావరణ పరిస్థితుల్లో పనిచేసేలా మానసికంగా, శారీరకంగా దృఢంగా ఉండాలి. ఆరోగ్యాన్ని తప్పనిసరిగా కాపాడుకోవాలి.
    
 అర్హతలు: గ్రాడ్యుయేషన్ పూర్తయిన తర్వాత కెమెరా జర్నలిస్ట్ కోర్సులో చేరాలి. కెమెరా వినియోగం, జర్నలిజంపై శిక్షణ పొంది, స్థానిక వార్తా ఛానళ్లలో ట్రైనీగా చేరొచ్చు. అక్కడ తగిన అనుభవం సంపాదించి పేరున్న ఛానళ్లలో పూర్తిస్థాయి వీడియో జర్నలిస్ట్‌గా కెరీర్ ప్రారంభించొచ్చు.   
  
 వేతనాలు: వీడియో జర్నలిస్ట్‌గా వృత్తిలోకి అడుగుపెట్టిన ఫ్రెషర్లకు ప్రారంభంలో నెలకు రూ.10 వేల నుంచి రూ.15 వేల వేతనం ఉంటుంది. కనీసం ఐదారేళ్ల  అనుభవం సంపాదిస్తే నెలకు రూ.30 వేలకు పైగా అందుకోవచ్చు. ఛానల్ స్థాయిని బట్టి వేతనం లభిస్తుంది. లోకల్ ఛానళ్లలో ఎక్కువ వేతనాలు ఉండవు. జాతీయ ఛానళ్లలో అయితే ప్రతిభావంతులకు నెలకు లక్ష రూపాయలకు పైగానే అందుతుంది.   
  
 వీడియో జర్నలిస్ట్ కోర్సులను ఆఫర్ చేస్తున్న సంస్థలు:
  
 నేషనల్ ఇన్‌స్టిట్యూట్ ఆఫ్ ఫిల్మ్ అండ్ ఫైన్‌ఆర్ట్స్
  ఆసియన్ కాలేజీ ఆఫ్ జర్నలిజం.
 
  సృజనాత్మకతతో ఉజ్వల భవిత
 
  ‘‘వైవిధ్యంగా ఆలోచించే యువతకు ఎన్నో కోర్సులు అందుబాటులో ఉన్నాయి.  మీడియా రంగం విస్తరిస్తున్న నేపథ్యంలో జర్నలిజం, మాస్ కమ్యూనికేషన్‌లో అవకాశాలకు కొదవలేదు. వీడియో జర్నలిస్టులూ దానిలో భాగమే. శిక్షణలో ఆధునిక సాంకేతిక పరిజ్ఙానం చేరడంతో కెరీర్‌లో బహుముఖంగా ఎదిగేందుకు వీలుంది. టీవీ ఛానళ్లలో భారీగా అవకాశాలు దక్కుతున్నాయి. క్రియేటివిటీ ఆధారంగా వేతనం లభిస్తుంది’’
 
  -రేవతి దేవీమాధుర్, ఇన్‌ఛార్జి,
  ఆర్ట్స్‌గ్రూప్స్, విల్లామేరీ కళాశాల
  


 సాధ్యమైనంత వరకూ కెరియర్ ప్రారంభించిన తొలినాళ్లలో.. అంటే ఇరవైల నుంచీ పొదుపు చేయాలి.. ఖర్చులు తగ్గించుకోవాలి అంటూ పెద్దలు, ఆర్థిక నిపుణులు చెబుతుంటారు. చాలా మంది ఈ సలహాలను ఇలా విని అలా వదిలేస్తుంటారు. అయితే, ముందు నుంచే పొదుపు, ఇన్వెస్ట్‌మెంట్ చేయకపోతే ఏమవుతుంది అని ఓ మోస్తరు జీతాన్ని అందుకుంటూ, లగ్జరీలపై ఖర్చు పెడుతున్న ఇరవై రెండేళ్ల కుర్రాడికి సందేహం వచ్చింది. ఇదే కొశ్చన్‌ని ఆన్‌లైన్లో అడిగితే అనేక మంది దగ్గర్నుంచి ఆసక్తికరమైన సమాధానాలు వచ్చాయి.. అందులో కొన్ని..
  
 1. చక్రవడ్డీ ప్రయోజనం తగ్గుతుంది ..
 
 కెరియర్ తొలినాళ్ల నుంచీ పొదుపు చేయడం వల్ల చక్రవడ్డీల ప్రభావంతో రిటైర్మెంట్ నాటికి అధిక మొత్తాన్ని పోగు చేసుకోవచ్చు. అదే కెరియర్ చివర్లో మొదలుపెడితే.. ఈ ప్రయోజనం చాలా తక్కువగా ఉంటుంది.
  
 2. ఉద్యోగం ఊడితే అంతే ..
 
 మంచి జీతం వచ్చే ఉద్యోగం ఉన్నట్లుండీ పోతే.. అప్పటిదాకా పొదుపు చేసుకున్న మొత్తాలే ఆదుకుంటాయి. లేకపోతే అప్పులపాలవ్వాల్సి వస్తుంది. మరో ఉద్యోగం దొరకబుచ్చుకుని వాటిని తీర్చేదాకా జీవితం దుర్భరమవుతుంది.
  
 3. తిరోగమనం తప్పదు ..
 
 ఎప్పుడూ కూడా లైఫ్‌లో పురోగమించడానికే ప్రయత్నించాలి తప్ప తిరోగమించొద్దు. మితిమీరిన ఖర్చులతో పొదుపు ప్రాధాన్యాన్ని విస్మరిస్తే భవిష్యత్‌లో చిన్న చిన్న అవసరాల కోసం కూడా వెతుక్కోవాల్సి వస్తుంది. ఇంటికెళ్లాలంటే భయమేస్తుంది. ఇలాంటి పరిస్థితి రావొద్దంటే కచ్చితంగా ఆర్థిక క్రమశిక్షణ ఉండాల్సిందే.
  
 4. తర్వాత చూసుకుందాంలే అంటే కష్టమే..
 
 నలభై ఏళ్ల తర్వాత కూడబెట్టుకోవచ్చులే అనుకుంటే.. ఆదాయం ఆర్జించేందుకు ఇప్పుడున్న సత్తా అప్పుడు ఉండదు. ఖర్చులు పెరిగిపోతాయి.. ఆర్జన తగ్గిపోతుంది. అందుకే.. అప్పుడు కూడా తినడానికి కాస్త ఆహారం, ఉండటానికి ఒక చిన్న గూడు, కట్టుకోవడానికి దుస్తులకు ఢోకా ఉండకూడదంటే ఇప్పట్నుంచీ పొదుపు చేయాలి.
  
 5. ఇష్టం లేని ఉద్యోగాన్ని భరించక తప్పదు..
 
 వచ్చే ప్రతీ పైసాను ఖర్చు పెట్టేస్తుంటే .. రేపటికంటూ ఏమీ మిగలదు. ఫలితంగా ప్రతి నెలా జీతంరాళ్ల కోసం ఎదురుచూస్తూనే ఉండాలి. మరో చోట అవకాశం లేనప్పుడు.. ఆఫీసులో పరిస్థితి నరకప్రాయంగా మారినా ధైర్యం చేసి మనెయ్యలేక.. నచ్చని ఉద్యోగంలో తప్పనిసరిగా కొనసాగాల్సి వస్తుంది.
  
 6. భవిష్యత్ లక్ష్యాలు సాధించలేం..
 
 సొంత ఇల్లు, మంచి కారు కొనుక్కోవడం .. భార్యా, పిల్లలు కుటుంబంతో కలిసి టూర్లు తిరిగేయడం లాం టి ఆలోచనలు ఈ ప్రాయంలో రాకపోయినా.. ఏదో ఒక రోజు వస్తాయి. ఇలాంటివన్నీ తీరాలంటే చాలా డబ్బు కావాలి. అందుకే ఇప్పట్నుంచే దాచిపె ట్టాలి.
  
 7. వెనక్కి తిరిగి చూసుకుంటే..
 
 మన మీద మనం ఇన్వెస్ట్ చేసుకోవడం.. అంటే భవిష్యత్‌లో ఉపయోగపడే నైపుణ్యాలను అలవర్చుకోవడం, అందుకోసం పెట్టుబడి పెట్టడం ఈ దశలోనే కాస్త ఎక్కువగా సాధ్యపడుతుంది. ఎలాంటి ప్రతికూల పరిస్థితినైనా ఎదుర్కొనేందుకు ఇవే ఉపయోగపడతాయి. అలా కాకుండా కంటికి కనిపించినవన్నీ కొనేయడం..ఎడా పెడా విలాసాలంటూ ఖర్చు చేసుకుంటూ పోతే వెనక్కి తిరిగి చూసుకుంటే విచారించడం తప్ప ఏమీ ఉండదు.
  


 ‘‘లక్ష్యానికి ప్రేమ అడ్డంకి కాకూడదు’ అనే గొప్ప పాయింట్‌తో ఈ చిత్రాన్ని తెరకెక్కించాం. వినోదం ఇందులో మెండుగా ఉంటుంది’’ అని దర్శకుడు ఆర్వీ సుబ్రమణ్యం (సుబ్బు) చెప్పారు. ఇండియన్ ఐడల్ శ్రీరామచంద్రను హీరోగా పరిచయం చేస్తూ ఆర్వీ సుబ్రమణ్యం దర్శకత్వంలో రూపొందిన చిత్రం ‘ప్రేమ గీమా జాన్‌తా నయ్’. బార్బీ హండా కథానాయికగా నటించిన ఈ చిత్రానికి మద్దాల భాస్కర్ నిర్మాత. నేడు ఈ సినిమా ప్రేక్షకుల ముందుకు రానుంది. ఈ సందర్భంగా దర్శకుడు మాట్లాడుతూ -‘‘ఈవీవీగారి ‘ఆ ఒక్కటీ అడక్కు’ సినిమా చూశాక నాక్కూడా దర్శకత్వం వైపు ఆసక్తి మొదలైంది.
 
 ఆ అభిలాషతోనే 1997లో హైదరాబాద్‌లో అడుగుపెట్టాను. తర్వాత కొన్ని ప్రముఖ పత్రికల్లో జర్నలిస్ట్‌గా పని చేశాను. తర్వాత పరశురామ్ దగ్గర సోలో, సారొచ్చారు చిత్రాలకు దర్శకత్వశాఖలో పనిచేశా. నేను తయారు చేసుకున్న కథ నచ్చి, నిర్మాత మద్దాల భాస్కర్ నన్ను దర్శకునిగా పరిచయం చేశారు’’ అని తెలిపారు. ‘‘లక్ష్యం కోసం ప్రేమను సైతం పక్కన పెట్టేస్తాడు ఇందులో కథానాయకుడు. జీవితంలో గెలిచాక, మళ్లీ తన ప్రేమను గెలిపించుకుని విజేతగా నిలుస్తాడు.
 
 చాలా శక్తిమంతమైన పాత్ర ఇది. కథ రీత్యా ఈ పాత్రకు కొత్త ముఖం కావాలి. అది పాపులర్ ఫేస్ అయ్యుండాలి. అందుకే శ్రీరామచంద్రను తీసుకున్నాం. తను బాగా చేశాడు. తన కెరీర్‌కి ఈ సినిమా మంచి బ్రేక్ అవుతుంది. ధర్మవరపు సుబ్రమణ్యం ఆఖరి సినిమా ఇది. ఈ చిత్రాన్ని ఆయనకు అంకితమిస్తున్నాం’’ అని సుబ్బు చెప్పారు.


 ఇంటర్మీడియెట్.. ప్రతి విద్యార్థి జీవితంలో కీలక దశ.ఈ దశలో ఎంచుకున్న గ్రూపు  ఆధారంగానే భవిష్యత్తు కెరీర్ నిర్ణయం ఆధారపడి ఉంటుంది. క్రేజీ కెరీర్స్‌గా పేరొందిన ఇంజనీరింగ్, మెడికల్, మేనేజ్‌మెంట్ వంటి రంగాల్లో ప్రవేశించాలన్నా.. ఆయా రంగాల్లో నిష్ణాతులుగా మారి ఉన్నత శిఖరాలు అందుకోవాలన్నా.. పునాది ఇంటర్మీడియెట్‌లో ఎంపిక చేసుకున్న గ్రూప్‌లే! అందుకే ఈ గ్రూప్‌ల ఎంపికలో అత్యంత అప్రమత్తంగా వ్యవహరించాలి. పదో తరగతి ఫలితాలు వెల్లడైన నేపథ్యంలో.. ఇంటర్మీడియెట్‌లో విద్యార్థులు ఏ గ్రూప్‌ను ఎంచుకోవాలి.. ఏ నైపుణ్యాలున్న విద్యార్థులకు ఏ గ్రూప్ సరిపోతుంది?! ఏ గ్రూప్ ఎంచుకుంటే ఉన్నత విద్య, ఉద్యోగాల పరంగా ఎలాంటి అవకాశాలుంటాయి.. తదితర అంశాలపై నిపుణుల విశ్లేషణ.. 
  వాట్ ఆఫ్టర్ టెన్త్?!
  ఇంటర్మీడియెట్..
  ఇంటర్మీడియెట్‌లో ఏ గ్రూప్..!
  ఇంకేముంది..
  అయితే ఎంపీసీ..
  లేకపోతే బైపీసీ..
  నేటి విద్యార్థి లోకంలో, వారి తల్లిదండ్రుల్లో స్థిరపడిపోయిన అభిప్రాయం. ఈ రెండు గ్రూపుల్లో చేరితే భవిష్యత్తులో సత్వర ఉపాధి అవకాశాలు లభిస్తాయని.. ఇంజనీరింగ్ లేదా మెడికల్ ప్రొఫెషన్‌లో స్థిరపడొచ్చని నిశ్చితాభిప్రాయం! అయితే.. ఇంటర్మీడియెట్‌లో గ్రూప్ ఎంపికలో ఎంతో జాగ్రత్తగా వ్యవహరించాలంటున్నారు నిపుణులు. కేవలం కోర్సులకున్న క్రేజ్‌నే దృష్టిలో పెట్టుకుని గ్రూప్‌ల ఎంపిక సరికాదని సూచిస్తున్నారు. విద్యార్థుల సహజ ఆసక్తి, అభిరుచులకు అనుగుణంగా గ్రూప్‌ను ఎంచుకుంటే.. ప్రస్తుతం అనేక అవకాశాలు ఉన్నాయని నిపుణులు అంటున్నారు. అన్ని గ్రూపులకు ఆయా రంగాల్లో ఉద్యోగావకాశాలున్నాయని సూచిస్తున్నారు. ఈ క్రమంలో ఇంటర్మీడియెట్‌లో ఉన్న గ్రూప్‌లు.. వాటిలో రాణించేందుకు కావాల్సిన అకడెమిక్, పర్సనల్ స్కిల్స్..
  
 ఎంపీసీ
 
 మ్యాథమెటిక్స్, ఫిజిక్స్, కెమిస్ట్రీ సబ్జెక్ట్‌లు ప్రధానాంశాలుగా ఉండే ఎంపీసీ గ్రూప్‌లో చేరే విద్యార్థుల సంఖ్య మొత్తం విద్యార్థుల్లో దాదాపు 35 నుంచి 40 శాతం మధ్యలో ఉంటోంది. ఈ గ్రూప్‌లో ఉత్తీర్ణత ఆధారంగా ఎంసెట్‌లో అర్హత సాధించి.. భవిష్యత్తులో ఇంజనీరింగ్ కోర్సులో అడుగుపెట్టొచ్చు. ఈ గ్రూప్‌లో చేరే విద్యార్థులకు కొన్ని ప్రత్యేక లక్షణాలు ఉండాలి. ఎన్నో కాన్సెప్ట్‌లు, థియరీస్, ఫార్ములాలతో ఉండే ఈ గ్రూప్‌లో అకడెమిక్‌గా రాణించాలంటే.. గంటలకొద్దీ ప్రాక్టీస్ చేయగల నేర్పు, ఓర్పు ఎంతో అవసరం. అదేవిధంగా హార్డ్‌వర్క్‌తోపాటు స్మార్ట్‌వర్క్ తోడైతేనే ఇందులో రాణించడం సులువవుతుంది. వీటితోపాటు సూక్ష్మగ్రాహ్యక శక్తి, మెమొరీ స్కిల్స్ అత్యంత ప్రధానం. ప్రాక్టికల్ అప్రోచ్ బాగా ఉన్న విద్యార్థులే ఈ గ్రూప్‌లో రాణించగలరు. అప్పుడే ఎంపీసీ గ్రూప్‌తో ఆశించిన ఫలితాలు సాధ్యం. కోర్సు పూర్తయ్యాక ఇంజనీరింగ్‌లో ప్రవేశానికి నిర్వహించే ఎంసెట్‌తోపాటు.. యూనియన్ పబ్లిక్ సర్వీస్ కమిషన్ నిర్వహించే నేషనల్ డిఫెన్స్ అకాడెమీ, స్పెషల్ క్లాస్ రైల్వే అప్రెంటీస్ వంటి పోటీ పరీక్షలకు కూడా అర్హత లభిస్తుంది. కేవలం ఇంజనీరింగ్ కోర్సులే కాకుండా.. డిగ్రీ స్థాయిలో బీఎస్సీలోనూ పలు వినూత్న కాంబినేషన్లు అందుబాటులోకి వచ్చాయి. వీటి ద్వారా ఉన్నత విద్యనభ్యసించి మంచి కెరీర్ సొంతం చేసుకోవచ్చు.
  
 బైపీసీ.. ఆసక్తితోనే అడుగులు
 
 ఇంటర్మీడియెట్‌లో ఎంపీసీ తర్వాత విద్యార్థులు ఎక్కువగా చేరుతున్న కోర్సు బైపీసీ. భవిష్యత్తులో మెడికల్ సెన్సైస్, లైఫ్ సెన్సైస్‌లో కెరీర్‌కు ఈ కోర్సు ఎంతో దోహదపడుతుంది. అయితే, ఈ కోర్సులో చేరాలనుకునే విద్యార్థులకు సహజమైన ఆసక్తి ఉంటేనే అడుగుపెట్టడం మంచిది. ముఖ్యంగా పరిసరాల అధ్యయనం, ఆయా జీవరాసులకు సంబంధించిన విషయాలు తెలుసుకోవాలనే ఉత్సుకత బైపీసీ గ్రూప్ విద్యార్థులకు చాలా అవసరం. అకడెమిక్‌గా.. ఎంపీసీతో పోల్చితే ప్రాక్టికల్ అప్రోచ్ కోణంలోనూ సునిశిత పరిశీలన కీలక పాత్ర పోషిస్తుంది. నిరంతర అధ్యయనం, నేర్చుకున్న అంశాలను ప్రాక్టికల్‌గా అన్వయించే నేర్పు కూడా కావాలి. బైపీసీలో జీవసంబంధ అంశాలపై పరిజ్ఞానం పెంచుకుంటేనే అకడెమిక్‌గా ముందుండటం వీలవుతుంది. ఈ పరిజ్ఞానానికి ముఖ్య సాధనాలు ప్రాక్టికల్స్ మాత్రమే. తరగతి గదిలో నేర్చుకున్న పాఠాలను లేబొరేటరీల్లో ప్రాక్టికల్‌గా అన్వయించడం నిరంతర ప్రక్రియ. కేవలం థియరాటికల్ అప్రోచ్‌తో ముందుకెళ్లొచ్చు అనే అభిప్రాయం ఏ మాత్రం సరికాదు. ఈ దృక్పథం మార్కులు తెచ్చిపెట్టేందుకు దోహదపడినప్పటికీ.. భవిష్యత్తులో కెరీర్‌పరంగా అవసరమైన నైపుణ్యాలు అందించలేదు. బైపీసీలో చేరాలనుకునే విద్యార్థులు ఈ అంశాలన్నింటినీ పరిగణనలోకి తీసుకుని నిర్ణయం తీసుకోవాలి. బైపీసీ పూర్తిచేస్తే కేవలం ఎంబీబీఎస్, బీడీఎస్ తదితర మెడికల్ కోర్సులే కాకుండా.. మరెన్నో కొత్త కొత్త అవకాశాలు అందుబాటులోకి వస్తున్నాయి. ముఖ్యంగా బ్యాచిలర్ డిగ్రీ స్థాయిలోనే బయోటెక్నాలజీ, మైక్రో బయాలజీ, జెనెటిక్స్, మాలిక్యులర్ బయాలజీ వంటి కొత్త కాంబినేషన్లు ఉన్నాయి. వీటిద్వారా భవిష్యత్తులో మెడికల్ అనుబంధ రంగాలైన హెల్త్‌కేర్ ప్రొడక్ట్స్ మాన్యుఫ్యాక్చరింగ్ సంస్థలు, ఫార్మాస్యూటికల్ సంస్థల్లో అడుగుపెట్టొచ్చు.
  
 సీఈసీ- విశ్లేషణ నైపుణ్యాలు
 
 సీఈసీ.. కెరీర్ పరంగా కామర్స్, మేనేజ్‌మెంట్ రంగాల్లో భవిష్యత్తుకు పునాది. ఇటీవల కాలంలో క్రమేణా విద్యార్థి లోకంలో క్రేజ్ పెరుగుతున్న కోర్సు. అంకెలు, గణాంకాలు, దత్తాంశాలు నిండి ఉండే ఈ గ్రూప్‌లో చేరాలనుకునే విద్యార్థులకు ఆయా అంశాల విశ్లేషణ, విశదీకరణ నైపుణ్యాలు ఉండాలి. నిర్దిష్ట గణాంకాల నుంచి సమాచారాన్ని క్రోడీకరించి నివేదికలు రూపొందించే నైపుణ్యం.. కంప్యూటేషన్ స్కిల్స్ ఈ కోర్సు ఔత్సాహికులకు చాలా అవసరం. అంతేకాకుండా ప్రాబ్లమ్ సాల్వింగ్ స్కిల్స్, అకౌంట్స్, కామర్స్ వంటి సబ్జెక్టులకు సంబంధించి అప్లికేషన్ ఓరియెంటేషన్ అప్రోచ్ కూడా ఉండాలి. సైన్స్ గ్రూప్‌లతో పోల్చితే ఈ గ్రూప్‌లో ప్రాక్టికల్స్ ఉండవు. అయితే నేర్చుకున్న అంశాలపై ప్రాక్టికల్ నాలెడ్జ్ పొందేందుకు విద్యార్థులు స్వయంగా ప్రయత్నించాలి. అప్పుడే ఈ కోర్సుల్లో రాణించగలరు. సీఈసీ పూర్తి చేసిన విద్యార్థులు అటు మేనేజ్‌మెంట్, ఇటు కామర్స్ సంబంధిత రంగాల్లో కెరీర్స్ సొంతం చేసుకోవచ్చు. ఇంటర్మీడియెట్ అర్హతతోనే చార్టర్డ్ అకౌంటెన్సీ(సీఏ), ఐసీడబ్ల్యుఏ, కంపెనీ సెక్రటరీ వంటి ప్రొఫెషనల్ కోర్సుల్లో ఫౌండేషన్ దశలో అడుగుపెట్టొచ్చు. సీఈసీ అర్హతగా బీకాం పూర్తిచేయొచ్చు. తర్వాత ఐసెట్, క్యాట్, ఎక్స్‌ఏటీ వంటి ప్రవేశ పరీక్షలు రాసి ప్రముఖ సంస్థలలో మేనేజ్‌మెంట్ కోర్సుల్లో ప్రవేశం పొందొచ్చు.
  
 హెచ్‌ఈసీ.. సామాజిక అవగాహన
 
 సామాజిక - ఆర్థిక అంశాలపై అవగాహన, పరిశీలన నైపుణ్యాలున్న విద్యార్థులకు కచ్చితంగా సరిపడే కోర్సు హెచ్‌ఈసీ. అంతేకాకుండా జనరల్ నాలెడ్జ్, కరెంట్ అఫైర్స్ వంటి అంశాలపై ఆసక్తి ఉన్న విద్యార్థులకు మరింత కలిసొచ్చే కోర్సు ఇది. సమాజంలో నిత్యం ప్రతిబింబించే అంశాలైన ఆర్థిక, రాజకీయ అంశాలు, చరిత్ర సంబంధిత విషయాలతో కూడి ఉండే ఈ కోర్సులో చేరాలనుకునే విద్యార్థులకు అకడెమిక్‌గా సునిశిత పరిశీలన శక్తి అవసరమవుతుంది. విస్తృత స్థాయిలో ఉండే అంశాల నుంచి అవసరమైన మేర మాత్రమే గ్రహించగల నైపుణ్యాలు, నిర్దిష్ట అంశం నేపథ్యంపై అవగాహన, అదే అంశానికి సంబంధించి సమకాలీనంగా చోటు చేసుకుంటున్న సంఘటనలు, భవిష్యత్తు పరిణామాలను అంచనా వేయగల సామర్థ్యం కూడా ఈ కోర్సు ఔత్సాహికులకు ఎంతో అవసరం. కెరీర్ పరంగా ప్రభుత్వ విభాగంలో ఆయా ఉద్యోగాల భర్తీకి నిర్వహించే పోటీ పరీక్షల్లో విజయం సాధించేందుకు హెచ్‌ఈసీలో పరిజ్ఞానం ఎంతో తోడ్పడుతుంది. హెచ్‌ఈసీ పూర్తి చేసి బీఏలో అడుగుపెడితే.. ఆ కోర్సు అర్హతగా సివిల్ సర్వీసెస్, గ్రూప్స్ తదితర పోటీ పరీక్షలకు సులువుగా సన్నద్ధం కావచ్చు. అంతేకాకుండా బీఏ స్థాయిలో ఇప్పుడు కొత్తగా ఆవిష్కృతమవుతున్న కాంబినేషన్ల ఆధారంగా ప్రైవేటు రంగంలోనూ సరికొత్త అవకాశాలు అందుబాటులోకి వస్తున్నాయి. ముఖ్యంగా సోషల్ వర్క్, సోషియాలజీ, పబ్లిక్ పాలసీ తదితర గ్రూప్ సబ్జెక్ట్‌లు చదివిన వారికి కార్పొరేట్ సంస్థలు, స్వచ్ఛంద సంస్థల్లో కొలువులు ఖాయమవుతున్నాయి.
  
 ఎంపీసీ, సీఈసీ సమ్మేళనంగా ఎంఈసీ
 
 ఇటీవల కాలంలో ఆదరణ పొందుతున్న గ్రూప్.. ఎంఈసీ. మ్యాథమెటిక్స్, ఎకనామిక్స్, కామర్స్ ప్రధాన సబ్జెక్టులుగా ఉండే ఈ గ్రూప్.. భవిష్యత్తులో కామర్స్ విభాగంలో అడుగుపెట్టాలనుకునే విద్యార్థులకు బాగా కలిసొస్తున్న కోర్సు. ఒకే సమయంలో మ్యాథమెటికల్ స్కిల్స్, కంప్యూటేషనల్ స్కిల్స్, డేటా అనాలిసిస్  నైపుణ్యాలు అందించే ఈ కోర్సు సీఏ, ఐసీడబ్ల్యుఏ, సీఎస్ వంటి ప్రొఫెషనల్ కోర్సులకు చక్కటి పునాది. అయితే ఈ గ్రూప్ ఔత్సాహికులకు అప్లికేషన్ ఓరియెంటేషన్, ప్రాక్టికల్ అప్రోచ్ ప్రధానంగా అవసరమైన సహజ లక్షణాలు. సమయ నిబంధనలు లేకుండా కష్టించే తత్వం, నిరంతర అధ్యయనం చేయగల నేర్పు కూడా అవసరం. ఇవి ఉంటేనే ఈ కోర్సులో రాణించగలరు. భవిష్యత్తు పరంగా ఎంఈసీ తర్వాత ప్రొఫెషనల్ కోర్సులతోపాటు డిగ్రీ స్థాయిలో బీకాంలో ప్రవేశించొచ్చు. సీఈసీ విద్యార్థులకు లభించే అవకాశాలన్నీ వీరికి లభిస్తాయి.
  
  గ్రూప్ ఎంపికలో పరిగణనలోకి తీసుకోవాల్సిన అంశాలు
  వ్యక్తిగత ఆసక్తి, అభిరుచులు.
  
 సదరు గ్రూప్‌లో ఉండే సబ్జెక్ట్‌లు, వాటిలోని ప్రాథమిక అంశాలపై అవగాహన స్థాయి.
  
 దీర్ఘకాలిక లక్ష్యాలు.. ఎంపిక చేసుకోనున్న గ్రూప్ ద్వారా లభించే అవకాశాల విశ్లేషణ.
  
 సదరు గ్రూప్‌నకు సంబంధించిన రంగంలో ప్రస్తుత ఉపాధి అవకాశాలు.
  
 వాస్తవానికి పదో తరగతి పూర్తి చేసిన విద్యార్థులకు ఈ స్థాయిలో విశ్లేషణలు చేసుకునే మానసిక పరిపక్వత ఉండదు. దాంతో తల్లిదండ్రులే పిల్లల ఆసక్తుల ఆధారంగా వీటిని చేపట్టాలని నిపుణుల సలహా. ఈ ఆసక్తిని పిల్లల వ్యవహార శైలి ద్వారా గమనించొచ్చని సూచిస్తున్నారు.
  
  నిపుణుల సలహా
  సైన్స్ కోర్సుల్లో చేరే వారికి ప్రత్యేక నైపుణ్యాలు అవసరం
 
 ఇంటర్మీడియెట్‌లో సైన్స్, మ్యాథమెటిక్స్ గ్రూప్స్‌లో చేరే విద్యార్థులకు మిగతా గ్రూప్‌లతో పోల్చితే కొన్ని ప్రత్యేక లక్షణాలు ఉండాలి. అవి.. ప్రాక్టికల్ స్కిల్స్, అప్లికేషన్ ఓరియెంటేషన్. లేబొరేటరీల్లో గడిపేందుకు ఆసక్తి, ఓర్పు వంటి సహజ లక్షణాలు అవసరం. ఇవి ఉంటేనే ఎంపీసీ, బైపీసీ గ్రూప్‌లలో రాణించి.. భవిష్యత్తులో సమున్నత స్థానాలు అధిరోహించొచ్చు. ఎంపీసీ, బైపీసీ అంటే.. ఇంజనీరింగ్, మెడికల్ కోర్సులకు మాత్రమే పునాది అని భావించొద్దు. ఇప్పుడు అప్లైడ్ సెన్సైస్, లైఫ్ సెన్సైస్, అగ్రికల్చర్, వెటర్నరీ సెన్సైస్‌లోనూ ఎన్నో అవకాశాలు అందుబాటులో ఉన్నాయి. దీర్ఘకాలిక ప్రణాళికలతో ఈ రంగాల్లో పరిశోధనలు చేసి ఉన్నత అవకాశాలు సొంతం చేసుకోవచ్చు.
  - డాక్టర్‌॥సి.వి.ఎల్.ఎన్. మూర్తి, ప్రిన్సిపాల్, ఏపీ రెసిడెన్షియల్ డిగ్రీ కాలేజ్, నాగార్జునసాగర్.
  
 కొలువులు ఖాయం చేసే కామర్స్
  
 ఇంటర్మీడియెట్‌లో సీఈసీ గ్రూప్ ఎంపిక ద్వారా భవిష్యత్తులో కామర్స్ విభాగంలో ఉజ్వల భవిష్యత్‌ను సొంతం చేసుకోవచ్చు. ఇటీవల కాలంలో సీఏ, సీఎస్, ఐసీడబ్ల్యుఏ కోర్సుల పట్ల పెరుగుతున్న క్రేజ్, పబ్లిసిటీ ఆధారంగా చాలామంది విద్యార్థులు వీటిలో అడుగుపెట్టేందుకు సీఈసీని ఎంపిక చేసుకుంటున్నారు. ఇంటర్మీడియెట్‌లో ఉత్తీర్ణత సులభమే. కానీ ఈ కోర్సు అర్హతగా ప్రవేశం పొందే ప్రొఫెషనల్ కోర్సుల్లో రాణించాలంటే గంటలకొద్దీ శ్రమించగల ఓర్పు, నిరంతరం మార్పుచేర్పులు జరుగుతున్న వ్యాపార, వాణిజ్య రంగాలపై అవగాహన అవసరం. ఈ స్కిల్స్ లేక అనేకమంది విద్యార్థులు ఆయా ప్రొఫెషనల్ కోర్సుల మధ్యలోనే వెనుదిరుగుతున్నారు. అందువల్ల కేవలం క్రేజ్‌ను దృష్టిలో పెట్టుకోకుండా.. ఆసక్తి, అభిరుచులకు అనుగుణంగా భవిష్యత్తు లక్ష్యాలకు సరితూగే కోర్సులను ఎంచుకోవాలి.
  - టి.ఎల్.ఎన్. స్వామి, ప్రిన్సిపాల్, నిజాం కాలేజ్, హైదరాబాద్
  
 ప్రధానంగా ప్రాక్టికల్ అప్రోచ్
  
 ప్రస్తుత పోటీ ప్రపంచంలో మ్యాథ్స్, సైన్స్ మాత్రమే కాకుండా.. ఆర్ట్స్, హ్యుమానిటీస్ వరకు అన్ని విభాగాల్లో ప్రాక్టికల్ అప్రోచ్, అప్లికేషన్ ఓరియెంటేషన్‌లు కీలకంగా మారుతున్నాయి. కాబట్టి విద్యార్థులు ఏ గ్రూప్‌లో చేరాలనుకున్నప్పటికీ సంబంధిత సబ్జెక్టుల్లో నేర్చుకున్న అంశాలను సమకాలీన పరిస్థితులకు అనుగుణంగా అన్వయించే నైపుణ్యాలు సొంతం చేసుకోవాలి. చదివే ప్రతి అంశాన్ని వాస్తవ పరిస్థితులతో బేరీజు వేసే తులనాత్మక అవగాహన కూడా ఎంతో అవసరం. ఈ నైపుణ్యాలు ఏ అంశంలో ఎక్కువగా ఉన్నాయో స్వీయ విశ్లేషణ చేసుకుని ఆ గ్రూప్‌ను ఎంచుకోవడం భవిష్యత్తులో లాభిస్తుంది. సైన్స్ గ్రూప్‌ల విషయానికొస్తే యాక్టివిటీ బేస్డ్ లెర్నింగ్ స్కిల్స్ ఎంతో ఉపయోగపడతాయి. తల్లిదండ్రులు కూడా ఇప్పటివరకు తమ పిల్లలు ఆసక్తి చూపిన అంశాలేంటో గమనించి దానికి అనుగుణంగా ప్రోత్సహించాలి.
  - కె. శరత్ చంద్ర, కో-ఫౌండర్, బటర్‌ఫ్లై ఫీల్డ్స్
  
 ఇన్‌స్టంట్‌గా కాదు.. ఇంట్రెస్ట్ ఆధారంగా
  
 ఇంటర్మీడియెట్ గ్రూప్ ఎంపికలో.. ఆయా కోర్సుల ద్వారా లభించే ఉద్యోగావకాశాలకే ప్రాధాన్యం ఇవ్వకుండా.. సహజ ఆసక్తికి కూడా పెద్దపీట వేయాలి. అప్పుడే కెరీర్ గమ్యం దిశగా సరైన అడుగులు పడతాయి. కెరీర్ అంటే.. కేవలం ఇంజనీరింగ్, మెడికల్ అనే అపోహను వీడాలి. నేటి పోటీ ప్రపంచంలో అన్ని రంగాలు శరవేగంగా వృద్ధి చెందుతున్నాయి. ఫలితంగా కెరీర్‌పరంగా బహుముఖ అవకాశాలు అందుబాటులోకి వస్తున్నాయి. వీటన్నిటికీ పునాది ఇంటర్మీడియెట్‌లో ఎంచుకున్న గ్రూప్ మాత్రమే. కాబట్టి సుదీర్ఘ ప్రణాళిక, వ్యూహాలతో గ్రూప్‌ను ఎంచుకోవాలి. ఈ విషయంలో తల్లిదండ్రుల దృక్పథమూ మారాలి. తమ పిల్లల సహజ ఆసక్తులు ఏంటో గుర్తించి.. అందుకు తగ్గ  కోర్సులను ఎంచుకునే దిశగా ప్రోత్సహించాలి. అప్పుడు ఎలాంటి గ్రూప్ అయినా.. కోర్సు అయినా భవిష్యత్తులో చక్కటి అవకాశాలు లభిస్తాయి.
  - ఎం. రామకృష్ణ, ఎండీ, జడ్‌సీఎస్ కన్సల్టింగ్ లిమిటెడ్
  


 ‘జయం’ సినిమాలో నితిన్‌ని ‘వెళ్లవయ్యా వెళ్లూ...’ అంటూ ఆటపట్టించిన పరికిణీ పాప గుర్తుంది కదూ!?
 
  ఆ ఒక్క సినిమాతో తారాపథానికి దూసుకుపోయారు నటి సదా. శంకర్ దర్శకత్వంలో ‘అపరిచితుడు’ చేసి, హీరోయిన్‌గా పేరు తెచ్చుకున్న ఆమె ఆ తర్వాత సడన్‌గా కెరీర్‌లో వెనకబడ్డారు. ఇటీవలే ‘యమలీల-2’లో గెస్ట్ సాంగ్ చేసిన సదా భవిష్యత్ ప్రణాళికలేంటి?  కెరీర్ గురించి ఆమె విశ్లేషణేంటి?
  
  కొంత విరామం తర్వాత ‘యమలీల 2’లో ఐటమ్ సాంగ్ ద్వారా కనిపించనున్నారు.. ఈ పాట ఎలా ఉంటుంది?
 
  అది ఐటమ్ సాంగ్ కాదు. మామూలుగా ఏదైనా సినిమాలో ఒకే ఒక్క పాటకు డాన్స్ చేస్తే చాలు.. ఐటమ్ సాంగ్ అంటారు. ఈ సినిమాకి సంబంధించినంతవరకు ఈ పాటను అలా అనలేం. కథానుసారంగా వచ్చే పాట ఇది. నేను దేవకన్య గెటప్‌లో కనిపిస్తాను. నా కాస్ట్యూమ్స్, డాన్స్.. అన్నీ బాగుంటాయి.
  
  కొన్ని కొన్నిసార్లు.. ఒక పాట, ఒక సీన్ కూడా బ్రేక్ తీసుకు రావచ్చంటారు.. మీరేమంటారు?
 
  నేనో సినిమా ఒప్పుకున్న తర్వాత, నా పాత్రకు పూర్తి న్యాయం చేయగలనా? లేదా? అని మాత్రమే ఆలోచిస్తాను. ఈ సినిమా మనకు మంచి బ్రేక్ అవుతుందా? లేదా లాంటివి ఆలోచించను.
  
  ‘జయం’తో కెరీర్ ఆరంభించి, ఆ తర్వాత బాగానే సినిమాలు చేశారు. హఠాత్తుగా అవకాశాలు తగ్గడానికి కారణం?
 
  అది దర్శక, నిర్మాతలను అడగాలి. నా వరకు నేను చేసిన సినిమాలన్నిటికీ పూర్తి న్యాయం చేశాను. కాకపోతే, కొన్ని సినిమాలు ఆడకపోవడం దురదృష్టకరం. సినిమా పరిశ్రమలో నాకు ‘గాడ్‌ఫాదర్’ లేకపోవడంతో సినిమాల ఎంపిక విషయంలో కొన్ని తప్పులు చేశాను. అది మైనస్ అయ్యింది.
  
  ఇలా జరిగినందుకు పశ్చాత్తాపపడుతున్నారా?
 
  లేదు. ఎందుకంటే, ‘సదా డెరైక్టర్స్ ఆర్టిస్ట్’ అనిపించుకోగలిగాను. అది చాలు. తప్పులెవరైనా చేస్తారు. నా తప్పులు నాకు మైనస్ అయ్యాయే కానీ, ఎవరికీ కష్టం కలిగించలేదు. ఇంకో విషయం ఏంటంటే.. ఇప్పటివరకు నా కెరీర్‌లో నేనెవర్నీ ‘ఒక్క అవకాశం ఇవ్వండి’ అని అడగలేదు. వచ్చిన సినిమాలు చేశాను.
  
  మీరు ఎవరితోనూ స్నేహంగా ఉండకపోవడం కూడా మైనస్ అయ్యిందనుకోవచ్చా?
 
  వృత్తిపరమైన లాభం కోసం స్నేహం నటించలేను. ఎలాంటి పరిస్థితుల్లోనూ నా ఆత్మాభిమానం దెబ్బతినే పనులు చేయలేను. ఒకవేళ అవకాశాలు తగ్గడానికి ఇవే కారణం అయ్యుంటే, నేను బాధపడను. ఎందుకంటే, నా గౌరవాన్ని కాపాడుకోగలిగాననే తృప్తి మిగిలింది.
  
  దర్శకుడు శంకర్ సినిమాలో నటించిన కథానాయిక కెరీర్ అంతే సంగతులని చాలామంది అంటారు...?
 
  అలాంటి సెంటిమెంట్స్ నాకు లేవు. ‘జయం’తో తెలుగులో, ‘అపరిచితుడు’తో ఇటు దక్షిణాదితో పాటు అటు ఉత్తరాదిన కూడా మంచి గుర్తింపు తెచ్చుకోగలిగాను.
  
  బిజీగా సినిమాలు చేసేసి ఇప్పుడు ఖాళీగా ఉండటం బోరనిపించట్లేదా?
 
  ఆ దేవుడు నాకు కావాల్సినదాని కన్నా ఎక్కువే ఇచ్చాడు. అయినా సరే సంతృప్తి పడకపోతే, ఆయన క్షమించడు. నేనెప్పుడూ బిజీగా ఉండాలని, నెలకోసారి వెండితెరపై కనిపించాలనే ఆకాంక్ష లేదు.
  
  ఈ మధ్య వస్తున్న ఓ టీవీ షోలో న్యాయ నిర్ణేతగా వ్యవహరిస్తున్నారు కదా.. అసలు బుల్లితెరకు పచ్చజెండా ఊపడానికి కారణం ఏంటి?
 
  నాకు డాన్స్ అంటే చాలా ఇష్టం. ఆ నేపథ్యంలో సాగే కార్యక్రమం కాబట్టి, దానికి న్యాయ నిర్ణేతగా వ్యవహరించే చాన్స్ రావడంతో ఎగ్జయిటయ్యా. వెంటనే ఒప్పుకున్నాను.
  
  బుల్లితెర ఎలాంటి అనుభూతినిస్తోంది?
 
  నేను చేస్తున్నది పిల్లలకి సంబంధించిన షో. పిల్లలందరూ డాన్స్‌లో కనబరుస్తున్న ప్రతిభ చూస్తుంటే ఆశ్చర్యం వేస్తోంది. షూటింగ్‌లో సమయం ఎలా గడిచిపోతోందో కూడా తెలియడంలేదు.
  
  ఇంతకీ పెళ్లెప్పుడు చేసుకుంటారు? ప్రేమ పెళ్లి చేసుకుంటారా?
 
  పెళ్ళెప్పుడో ఆలోచించలేదు. జీవితంలో మనకెంతోమంది తారసపడతారు. వాళ్లల్లో మనకు నచ్చినవాళ్లుంటారు. కానీ, జీవిత భాగస్వామిని చేసుకోలేం. అందుకే, బెటర్ హాఫ్‌ని ఎంపిక చేసుకునే విషయంలో ఆచితూచి అడుగు లేస్తా. ఇతణ్ణి పెళ్లాడితే మన మిగతా జీవితం ఇంతకన్నా బ్రహ్మాండంగా ఉంటుందని అనిపిస్తే చాలు... కచ్చితంగా ఆ వ్యక్తిని పెళ్లాడతా. ప్రేమ వివాహాన్ని మా వాళ్లు ఎప్పుడూ వ్యతిరేకించరు.    
  
   - డి.జి. భవాని
  


  హైదరాబాద్: పదో తరగతి పూర్తయింది.. ఇంటర్ పాసయ్యారు.. ఆ తర్వాత ఏమిటి..? ఏ కోర్సు ఎంచుకుంటే కెరీర్ ఎలా ఉంటుంది..? వాటికి కావాల్సిన అర్హతలేమిటి..? భవిష్యత్తులో మంచి డిమాండ్ ఉండే రంగం ఏది..? ఇలాంటి గందరగోళంలో మునిగిపోయిన విద్యార్థులు, వారి తల్లిదండ్రులకు అత్యుత్తమ సూచనలు అందించేందుకు సాక్షి మీడియా గ్రూప్ ఆధ్వర్యంలో.. ‘సాక్షి కెరీర్ ఫెయిర్-2014’ మీ ముందుకు వస్తోంది. త్వరలో జరుగనున్న ఈ ఫెయిర్‌లో బుక్‌లెట్లు, డిస్‌ప్లే బోర్డులు, ప్రముఖ విద్యావేత్తలు, నిపుణులతో పాటు ప్రముఖ యూనివర్సిటీలు, కళాశాలల ప్రతినిధులు తమ సూచనలు, సలహాలతో విద్యార్థుల సందేహాలను తీర్చడంతోపాటు, మార్గనిర్దేశనం చేస్తారు.
 
 రాష్ట్రంలోని విద్యార్థులకు ఎంతగానో తోడ్పడుతున్న సాక్షి ‘భవిత’లో విస్తృత సమాచారాన్ని ఇచ్చే ప్రముఖ విద్యావేత్తలు, నిపుణులు ఈ ఫెయిర్‌లో పాల్గొని కెరీర్ ఆప్షన్లు, ఉన్నత విద్య, అర్హతలు వంటి వాటిపై విద్యార్థులతో నేరుగా మాట్లాడి.. సూచనలు ఇస్తారు. విద్యార్థులు, వారి తల్లిదండ్రులకు ఈ ఫెయిర్‌లోకి ఉచితంగా ప్రవేశం ఉంటుంది. ఈ ఫెయిర్‌లో స్టాల్‌లు ఏర్పాటు చేసేందుకు యూనివర్సిటీలు, కాలేజీలు, ఇనిస్టిట్యూట్‌లు, కెరీర్ అకాడమీలను ‘సాక్షి మీడియా గ్రూప్’ ఆహ్వానిస్తోంది. ఈ స్టాల్‌లను బుక్ చేసుకొనేందుకు 9505551099 నంబర్‌పై సంప్రదించవచ్చు.
  
  


  మా ఆయన బంగారం
 
  తన కంటే నా గురించే ఎక్కువగా ఆలోచిస్తుంటారు అభిషేక్. ఆయన నాకు స్ఫూర్తినిచ్చే శక్తిలాంటి వారు. నాకు ఎప్పుడూ అండగా ఉంటారు. వృత్తిజీవితానికి ఎంత ప్రాధాన్యత ఇస్తామో, వ్యక్తిగత జీవితానికి అంతే ప్రాధాన్యత ఇవ్వాలని చెబుతుంటారు. ఏదైనా విషయంలో గందరగోళానికి గురై ‘ఏంచేయాలి?’ అని ఆలోచిస్తున్నప్పుడు ఆయన చక్కని పరిష్కారాన్ని చూపుతారు. సమస్యలను పరిష్కరించే మంత్రదండమేదో అతని చేతిలో ఉందని అనిపిస్తుంది.
  - ఐశ్వర్యారాయ్ బచ్చన్


 జర్నలిజంను కెరీర్‌గా ఎంచుకోవాలనుకునే వారికి చక్కటి వారధిగా నిలుస్తోంది.. ఇండియన్ ఇన్‌స్టిట్యూట్ ఆఫ్ మాస్ కమ్యూనికేషన్ (ఐఐఎంసీ). మాస్ కమ్యూనికేషన్ విభాగానికి సంబంధించి బోధన, శిక్షణ, పరిశోధన రంగాల్లో దేశంలోనే అత్యంత ప్రాముఖ్యత  ఉన్న ఇన్‌స్టిట్యూట్.. ఐఐఎంసీ.
 
 న్యూఢిల్లీ ప్రధాన క్యాంపస్‌గా పనిచేసే ఐఐఎంసీకు ఐజ్వాల్ (మిజోరం), అమరావతి (మహరాష్ట్ర), దెన్‌కనల్ (ఒడిషా), జమ్మూ (జమ్మూ-కాశ్మీర్), కొట్టాయం (కేరళ)లలో రీజనల్ సెంటర్లు ఉన్నాయి. ఐఐఎంసీ 2014-15 విద్యా సంవత్సరానికి వివిధ కోర్సుల్లో ప్రవేశం కోసం నోటిఫికేషన్ విడుదల చేసింది. కోర్సుల వివరాలు..
 
  - పోస్ట్‌గ్రాడ్యుయేట్ డిప్లొమా కోర్స్ ఇన్ ఇంగ్లిష్ జర్నలిజం (న్యూఢిల్లీ, ఐజ్వాల్, దెన్‌కల్, అమరావతి, జమ్మూ, కొట్టాయం క్యాంపస్‌లు)
  - పోస్ట్‌గ్రాడ్యుయేట్ డిప్లొమా కోర్స్ ఇన్ హిందీ జర్నలిజం (న్యూఢిల్లీ క్యాంపస్)
  - పోస్ట్‌గ్రాడ్యుయేట్ డిప్లొమా కోర్స్ ఇన్ రేడియో అండ్ టెలివిజన్ జర్నలిజం (న్యూఢిల్లీ క్యాంపస్)
  - పోస్ట్‌గ్రాడ్యుయేట్ డిప్లొమా కోర్స్ ఇన్ అడ్వర్‌టైజింగ్ అండ్ పబ్లిక్ రిలేషన్స్ (న్యూఢిల్లీ క్యాంపస్)
  - పోస్ట్‌గ్రాడ్యుయేట్ డిప్లొమా కోర్స్ ఇన్ జర్నలిజం-
  ఒడియా (దెన్‌కల్ క్యాంపస్)
 
 ప్రవేశం:
 రాతపరీక్ష, ఇంటర్వ్యూ/గ్రూప్‌డిస్కషన్ అనే రెండు దశల ఆధారంగా ప్రవేశం కల్పిస్తారు. ఈ క్రమంలో రాత పరీక్ష, ఇంటర్వ్యూ/గ్రూప్ డిస్కషన్ దశలకు 85:15 నిష్పత్తిలో మార్కులు కేటాయిస్తారు.
 
 రాత పరీక్ష ఇలా:
 రాత పరీక్ష కోసం నిర్దిష్ట విధానం అంటూ ఏమీ ఉండదు. ఎంచుకున్న కోర్సును బట్టి పరీక్షలో అడిగే అంశాల్లో మార్పు ఉంటుంది. జర్నలిజం కోర్సులకు నిర్వహించే రాత పరీక్షలో జనరల్ అవేర్‌నెస్, ఆప్టిట్యూడ్, మెంటల్ మెకప్, లాంగ్వేజ్ కెపాబిలిటీ, అనలిటికల్ అండ్ కాంప్రెహెన్షనల్ స్కిల్స్ వంటి అంశాలు ఉంటాయి.
 
  అడ్వర్‌టైజింగ్ కోర్సుకు సంబంధించి జనరల్ అవేర్‌నెస్, ఆప్టిట్యూడ్, మెంటల్ మెకప్, లాంగ్వేజ్ కెపాబిలిటీ, అనలిటికల్ అండ్ కాంప్రెహెన్షన్ స్కిల్స్, బ్రాండ్ అవేర్‌నెస్ అండ్ రీకాల్, సోషల్ కాన్సియెస్, లేటరల్ థింకింగ్ కెపాబిలిటీస్ వంటి అంశాల నుంచి ప్రశ్నలు ఇస్తారు.
  
 డిస్క్రిప్టివ్, ఆబ్జెక్టివ్:
 ప్రశ్నపత్రం ఇంగ్లిష్/హిందీ భాషల్లో మాత్రమే ఉంటుంది. పరీక్షను డిస్క్రిప్టివ్, ఆబ్జెక్టివ్ విధానంలో నిర్వహిస్తారు. నిర్దేశించిన విధంగా పద పరిమితి/స్థల పరిమితిలో మాత్రమే సమాధానాలను రాయాలి. డిస్క్రిప్టివ్‌కు సంబంధించి సమకాలీనంగా ప్రాధాన్యం ఉన్న అంశాల నుంచి ప్రశ్నలు ఇస్తారు. ఉదాహరణకు-ఫారెన్ డెరైక్ట్ ఇన్వెస్ట్‌మెంట్ ఇన్ రిటైల్ ట్రేడ్, డెరైక్ట్ బెనిఫిట్ ట్రాన్స్‌ఫర్ స్కీమ్, పార్లమెంటరీ ఎలక్షన్స్-ఫ్యూచర్ ఆఫ్ ఇండియా వంటివి. వీటికి నిర్దేశించిన మేరకు 150, 100 పదాల్లో సమాధానాలను రాయాలి.
 
  వార్తల్లోని వ్యక్తులు/సంఘటనలపై అడిగే ప్రశ్నలకు నాలుగు/మూడు/రెండు వాక్యాల్లో సంక్షిప్త సమాధానాలు ఇవ్వాలి. ఆబ్జెక్టివ్ విధానంలో భాషా సామర్థ్యాన్ని పరీక్షించే ప్రశ్నలు అడుగుతారు. అడ్వర్‌టైజింగ్ కోర్సులకు నిర్వహించే రాత పరీక్షలో ఏదైనా సన్నివేశం ఇచ్చి దాని ఆధారంగా జంగిల్ రాయమనడం వంటి ప్రశ్నలు ఇస్తారు. ఎంచుకున్న కోర్సును బట్టి పరీక్ష విధానంలో మార్పు ఉంటుంది.
  
 ప్రోత్సాహకాలు:
 ప్రవేశం పొందిన విద్యార్థులకు ‘హాఫ్ ఫ్రీషిప్స్’, ‘రతి అగర్వాల్ స్కాలర్‌షిప్’ వంటి ఆర్థిక ప్రోత్సహకాలు కూడా అందుబాటులో ఉంటాయి. అంతేకాకుండా సెలవుల నిమిత్తం సొంత పట్టణాలకు వెళ్లే విద్యార్థులు రైలు, విమాన చార్జీల్లో రాయితీని కూడా పొందొచ్చు.
  
  నోటిఫికేషన్ సమాచారం:
  - అర్హత: ఏదైనా డిగ్రీ. చివరి సంవత్సరం పరీక్షలు రాస్తున్న విద్యార్థులు కూడా అర్హులే.
  - దరఖాస్తు: ఆఫ్‌లైన్, ఆన్‌లైన్ రెండు విధాలుగా దరఖాస్తు చేసుకోవచ్చు. వెబ్‌సైట్ నుంచి దరఖాస్తును డౌన్‌లోడ్ చేసుకోవచ్చు లేదా నిర్దేశిత చిరునామాతో పోస్ట్ ద్వారా కూడా పొందొచ్చు.
  - దరఖాస్తు ఫీజు: రూ. 1,200 (ఎస్సీ/ఎస్టీ/ఓబీసీ/పీహెచ్ అభ్యర్థులకు రూ. 1,100)
  - దరఖాస్తుకు చివరి తేదీ: మే 5, 2014.
  - రాత పరీక్ష తేదీలు: మే 31, జూన్ 1.
 ఇంటర్వ్యూలు: జూన్ చివరి వారం/జూలై మొదటి వారం
 వివరాలకు: www.iimc.nic.in


  వేదిక
 వృత్తిని బట్టి వ్యక్తిత్వాన్ని అంచనా వేయొద్దు. నా విషయంలో నా తల్లిదండ్రులు చేసిన పొరపాటు అలాంటిదే. నేను ఇంటర్ చదువుతుండగా పెళ్లి ప్రయత్నాలు మొదలుపెట్టారు. మొదట వచ్చిన సంబంధంలో అబ్బాయి చదువుకోలేదని మావాళ్లు ఒప్పుకోలేదు.
 
 రెండో సంబంధం అబ్బాయి  చాన్నాళ్ల నుంచి పట్నంలో ఉన్నాడు...ఎలాంటి చెడు అలవాట్లుంటాయోనని వద్దన్నారు. ఇంతలో మా బంధువులబ్బాయి ఏదో చిన్న వ్యాపారం చేసుకుంటూ బాగానే సంపాదిస్తున్నాడని, అబ్బాయి కూడా బాగానే ఉంటాడని మా మేనత్త చెప్పింది.
  
 కానీ అబ్బాయికి స్నేహితులెక్కువనీ, ఖర్చు కూడా ఎక్కువని మా నాన్న ఒప్పుకోలేదు. ఒక్కగానొక్క  బిడ్డను కావడంతో మావాళ్ళు అన్ని విషయాల్లో చాలా జాగ్రత్తగా నిర్ణయాలు తీసుకొనేవారు. ఇంతలో నాన్న స్నేహితుడు ఒక  సంబంధం తీసుకొచ్చారు. అబ్బాయి సిఐగా పనిచేస్తున్నాడనగానే మా నాన్న ఎగిరి గంతేశారు. ‘పోలీసంటే పెళ్లి తర్వాత మనమ్మాయి గురించి పూర్తిగా మరచిపోవచ్చు. ఎంచక్కా పోలీసాయన చేతిలో పెడితే ఏ గొడవా ఉండదు’ అన్నారు.
  
 అబ్బాయి ఎలా ఉంటాడు, ఎక్కడ పనిచేస్తున్నాడు, ఎంత జీతం వస్తుంది, కుటుంబం వివరాలు ఏమిటన్నది  కనుక్కున్నారు. తర్వాత ఒక్క నిమిషం కూడా ఆగలేదు...హడావిడిగా పెళ్లి చేసేశారు. పెళ్లయిన కొత్తలో అంతా బాగానే ఉంది. ఉన్నట్టుండి ఆయనకి పక్కజిల్లాకి ట్రాన్స్‌ఫర్ అయింది. ఒకోరోజు ఇంటికి వచ్చేవారు కాదు. అదేంటంటే...డ్యూటీ అనేవారు.
 
 ఒకసారి క్యాంపు పని అని చెప్పి నాలుగురోజులు రాలేదు. ఆ సమయంలో ఒక కానిస్టేబుల్ వచ్చి ‘సార్ ఉన్నారా మేడమ్...’ అన్నాడు.  క్యాంపుకెళ్లారని చెప్పగానే ‘క్యాంపు ఏమిటి మేడమ్! సార్ సెలవులో ఉన్నారు కదా!’ అన్నాడు. అప్పుడిక అనుమానం వచ్చి ఆయన గురించి ఆరా తీయడం మొదలుపెట్టాను. ఆయనకు చాన్నాళ్ల నుంచి ఒకమ్మాయితో అక్రమసంబంధం ఉంది.
  
 నాకేం చేయాలో అర్థం కాలేదు. ఇదే పని మరొక వ్యక్తి చేసుంటే వెంటనే పోలీసులను ఆశ్రయించేదాన్ని. కానీ, పోలీసు వృత్తిలో ఉండి కూడా ఇలాంటి ఘోరాలు చేస్తే ఇంకెవరికి చెప్పాలి. పదిమందికీ రక్షణ కల్పించాల్సిన వాళ్ల గురించి చెడుగా చెప్పడానికి మనసు రావడంలేదు. కానీ, చేస్తున్న వృత్తుల్ని చూసి మోసపోకండని నలుగురి కళ్లు తెరిపించే ప్రయత్నం చేయాలని ఉంది.
  
 నాకు అసలు విషయం అర్థమైనట్లు ఇంకా నా భర్తకు తెలియదు. తెలిస్తే...నాకు భయపడి తను చేస్తున్న తప్పుని సరిదిద్దుకుంటారని నేను అనుకోవడం లేదు. అందుకే నా చదువుని కొనసాగింద్దామనుకుంటున్నాను. ఈ ‘వేదిక’ ద్వారా ఆడపిల్లల తల్లిదండ్రులకు నేను చెప్పేదేమిటంటే...అబ్బాయి ఫలానా ఉద్యోగం చేస్తున్నాడు కాబట్టి బుద్ధిమంతుడై ఉంటాడనే అపోహల్లో ఉండకండి!
  -  ఓ సోదరి, ఖమ్మం


 జేఈఈ మెయిన్
 ఇండియన్ ఇన్‌స్టిట్యూట్ ఆఫ్ టెక్నాలజీ (ఐఐటీ)లు, నేషనల్ ఇన్‌స్టిట్యూట్ ఆఫ్ టెక్నాలజీ (ఎన్‌ఐటీ)లు, ఇతర కేంద్ర ప్రభుత్వ సంస్థల్లో బీఈ/బీటెక్/బీఆర్క్/బీప్లానింగ్ కోర్సుల్లో ప్రవేశాలకు జాయింట్ ఎంట్రెన్స్ ఎగ్జామ్ నిర్వహిస్తారు. ఐఐటీల్లో ప్రవేశం పొందాలంటే జేఈఈ మెయిన్‌తోపాటు జేఈఈ అడ్వాన్స్‌డ్ పరీక్షలోనూ ర్యాంక్ సాధించాలి.
  
 అర్హత: 2012, 2013లో కనీసం 45 శాతం మార్కులతో (ఎస్సీ, ఎస్టీలకు 40 శాతం) ఇంటర్ ఎంపీసీ ఉత్తీర్ణులు మాత్రమే అర్హులు. 2014 మార్చిలో పరీక్ష రాసి ఫలితాల కోసం ఎదురుచూస్తున్నవారూ అర్హులే.
  
 వయోపరిమితి: అక్టోబర్ 1, 1989 తర్వాత జన్మించినవారు అర్హులు. ఎస్సీ, ఎస్టీ, శారీరక వికలాంగులకు వయో పరిమితిలో ఐదేళ్లు సడలింపు ఉంటుంది.
  
 ప్రవేశం కల్పిస్తున్న సంస్థలు: 30 ఎన్‌ఐటీలు, 5 కేంద్ర ప్రభుత్వ సంస్థలతోపాటు కొన్ని రాష్ట్రాలు, కొన్ని ప్రైవేటు విద్యా సంస్థలు కూడా మెయిన్ ర్యాంకింగ్‌ను పరిగణనలోకి తీసుకొంటున్నాయి. ఇవేకాకుండా ఇండియన్ ఇన్‌స్టిట్యూట్ ఆఫ్ సైన్స్ (బెంగళూరు), ఇండియన్ ఇన్‌స్టిట్యూట్ ఆఫ్ స్పేస్ సైన్స్ అండ్ టెక్నాలజీ (తిరువనంతపురం) జేఈఈ మెయిన్ ర్యాంక్ ఆధారంగా యూజీ కోర్సుల్లో ప్రవేశం కల్పిస్తున్నాయి.
  
 పరీక్ష విధానం: పరీక్ష రెండు పేపర్లుగా ఉంటుంది. బీఈ/బీటెక్ కోర్సుల కోసం పేపర్-1 రాయాలి. ఇది ఆన్‌లైన్/పెన్-పేపర్ విధానాల్లో ఉంటుంది. బీఆర్క్/బీప్లానింగ్ కోర్సుల కోసం పేపర్-2 రాయాలి. ఇది కేవలం పేపర్- పెన్ ఆధారిత పరీక్ష. పేపర్-1లో మ్యాథ్స్, ఫిజిక్స్, కెమిస్ట్రీలపై మల్టిపుల్ చాయిస్ విధానంలో ప్రశ్నలుంటాయి. మూడు విభాగాలపై సమాన స్థాయిలో ప్రశ్నలుంటాయి. పేపర్-2లో మ్యాథమెటిక్స్, ఆప్టిట్యూడ్ టెస్ట్, డ్రాయింగ్ టెస్ట్ ఉంటాయి. ఒక్కో పేపర్ పరీక్ష కాల వ్యవధి మూడు గంటలు.
  
 ప్రవేశం: ర్యాంక్ ఆధారంగా. ఈ క్రమంలో జేఈఈ మెయిన్ ర్యాంక్‌కు 60 శాతం వెయిటేజ్, ఇంటర్ మార్కులకు 40 శాతం వెయిటేజ్ ఇచ్చి మెరిట్ లిస్ట్ తయారుచేస్తారు.
  
 ఆన్‌లైన్ పరీక్ష తేదీ: ఏప్రిల్ 9, 11, 12, 19
  
 వెబ్‌సైట్: http://jeemain.nic.in
  
 జేఈఈ అడ్వాన్స్‌డ్
 16 ఇండియన్ ఇన్‌స్టిట్యూట్ ఆఫ్ టెక్నాలజీలతోపాటు ఇండియన్ స్కూల్ ఆఫ్ మైన్స్ - ధన్‌బాద్‌లో బీఈ/బీటెక్ కోర్సుల్లో ప్రవేశించాలంటే జేఈఈ అడ్వాన్స్‌డ్‌లో ర్యాంకు సాధించాలి. జేఈఈ అడ్వాన్స్‌డ్‌కు అర్హత సాధించాలంటే జేఈఈ మెయిన్ పేపర్-1లో మొదటి 1,50,000 మంది ర్యాంకర్‌లలో చోటు దక్కించుకోవాలి. ప్రవేశం పొందాలంటే జేఈఈ అడ్వాన్స్‌డ్ ర్యాంక్‌తోపాటు ఆయా రాష్ట్రాల ఇంటర్ బోర్డ్ పరీక్షల్లో టాప్-20 పర్సంటైల్‌లో నిలవాలి.
  
 వయో పరిమితి: అక్టోబర్ 1, 1989 తర్వాత జన్మించి ఉండాలి.
  
 పరీక్ష విధానం: జేఈఈ అడ్వాన్స్‌డ్‌లో మొత్తం రెండు పేపర్లు ఉంటాయి. ఒక్కో పేపర్ వ్యవధి మూడు గంటలు. మ్యాథ్స్, ఫిజిక్స్, కెమిస్ట్రీలపై మల్టిపుల్ చాయిస్ విధానంలో ప్రశ్నలుంటాయి. అభ్యర్థి విషయావగాహన శక్తిని, తార్కిక, విశ్లేషణాత్మక సామర్థ్యాన్ని పరీక్షించేలా ప్రశ్నలు అడుగుతారు.
 
 దరఖాస్తు విధానం: ఆన్‌లైన్ ద్వారా
 
 దరఖాస్తుల ప్రారంభం: మే 4 నుంచి మే 9 వరకు
  
 పరీక్ష తేదీ: మే 25, 2014,
 వెబ్‌సైట్: www.jeeadv.iitd.ac.in
  
 ఎంసెట్
 ఆంధ్రప్రదేశ్‌లోని ప్రభుత్వ/ప్రైవేట్ కళాశాలల్లో బీఈ/బీటెక్, ఎంబీబీఎస్, బీడీఎస్, బీఏఎంఎస్, బీహెచ్‌ఎంఎస్, బీఎన్‌వైఎస్, బీఎస్సీ (అగ్రికల్చర్), బీవీఎస్సీ, బీఎస్సీ (హార్టికల్చర్), బీఫార్మసీ ఫార్మ్ డీ వంటి కోర్సుల్లో ప్రవేశానికి ఎంసెట్ నిర్వహిస్తారు.
  
 అర్హత: ఇంజనీరింగ్ విభాగానికి 45 శాతం (ఎస్సీ, ఎస్టీలకు 40 శాతం) మార్కులతో ఇంటర్ ఎంపీసీ, మెడికల్ విభాగానికి 50 శాతం మార్కులతో ఇంటర్ బైపీసీ, ఇంగ్లిష్ ఉత్తీర్ణత.
  
 పరీక్ష: ఇంజనీరింగ్ విభాగంలో పరీక్ష రాసేవారికి మ్యాథ్స్, ఫిజిక్స్, కెమిస్ట్రీలపై 160 ప్రశ్నలుంటాయి. మ్యాథ్స్ నుంచి 80, ఫిజిక్స్, కెమిస్ట్రీల నుంచి 40 ప్రశ్నల చొప్పున అడుగుతారు. మెడికల్/అగ్రికల్చర్ విభాగంలో.. ఫిజిక్స్, కెమిస్ట్రీ, బోటనీ, జువాలజీలపై ప్రశ్నలుంటాయి. ప్రతి భాగంలో 40 ప్రశ్నల చొప్పున మొత్తం ప్రశ్నలు 160. ప్రశ్నలన్నీ ఆబ్జెక్టివ్ విధానంలో ఉంటాయి. వ్యవధి మూడు గంటలు.
  
 అపరాధ రుసుంతో ఆన్‌లైన్ దరఖాస్తులకు చివరి తేదీ: ఏప్రిల్ 18, 2014
  
 పరీక్ష తేదీ: మే 22, 2014, వెబ్‌సైట్: www.apeamcet.org
  
 సీవోఎంఈడీకే
 కర్ణాటకలోని ప్రైవేట్ ఇంజనీరింగ్ కళాశాలల్లో బీఈ కోర్సుల్లో ప్రవేశానికి  కన్సార్టియం ఆఫ్ మెడికల్, ఇంజనీరింగ్ అండ్ డెంటల్ కాలేజెస్ ఆఫ్ కర్ణాటక (సీవోఎంఈడీకే) యూజీఈటీ నిర్వహిస్తోంది.
  
 అర్హత: 45 శాతం మార్కులతో ఇంటర్ ఎంపీసీ ఉత్తీర్ణత.
  
 పరీక్ష: ఫిజిక్స్, కెమిస్ట్రీ, మ్యాథ్స్‌లపై మొత్తం 180 ప్రశ్నలు ఉంటాయి.
 ఆన్‌లైన్ దరఖాస్తులకు చివరి తేదీ: ఏప్రిల్ 12, 2014
  
 పరీక్ష తేదీ: మే 11, 2014,
 వెబ్‌సైట్: www.comedk.org
  
 బిట్‌శాట్
 పిలానీ, హైదరాబాద్, గోవాలో ఉన్న బిర్లా ఇన్‌స్టిట్యూట్ ఆఫ్ టెక్నాలజీ అండ్ సైన్స్ క్యాంపస్‌ల్లో ఇంజనీరింగ్ ప్రోగ్రామ్స్‌లో ప్రవేశానికి బిట్‌శాట్ నిర్వహిస్తారు.
  
 అర్హతలు: 75 శాతం మార్కులతో ఇంటర్ ఎంపీసీ ఉత్తీర్ణత. ఒక్కో సబ్జెక్టులో కనీసం 60 శాతం మార్కులుండాలి.
  
 పరీక్ష: మూడు గంటల వ్యవధిలో కంప్యూటర్ బేస్డ్ విధానంలో జరిగే పరీక్షలో ఫిజిక్స్, కెమిస్ట్రీ, ఇంగ్లిష్ ప్రొఫిషియన్సీ, లాజికల్ రీజనింగ్, మ్యాథమెటిక్స్‌లపై మొత్తం 150 ప్రశ్నలుంటాయి. ప్రశ్నలన్నీ మల్టిపుల్ చాయిస్ విధానంలో ఉంటాయి. తప్పు సమాధానాలకు నెగెటివ్ మార్కులుంటాయి.
 
 ఎంపిక: మెరిట్ ఆధారంగా..
 పరీక్ష తేదీలు: మే 14 నుంచి మే 29 వరకు
  
 వెబ్‌సైట్: www.bitsadmission.com
  
 ఎస్‌ఆర్‌ఎం ఇంజనీరింగ్ ఎంట్రెన్స్ ఎగ్జామ్
 కాంచీపురంలో ఉన్న ఎస్‌ఆర్‌ఎం యూనివర్సిటీ బీటెక్ కోర్సులో ప్రవేశానికి ప్రతిఏటా ప్రవేశ పరీక్ష (ఎస్‌ఆర్‌ఎంఈఈ)ను నిర్వహిస్తోంది.
 
 అర్హతలు: 70 శాతం మార్కులతో ఇంటర్ ఎంపీసీ ఉత్తీర్ణత.
  
 ఎంపిక: ఎస్‌ఆర్‌ఎంఈఈ ర్యాంక్ ఆధారంగా.
  
 పేపర్-పెన్సిల్ పరీక్ష తేదీ: ఏప్రిల్ 27, 2014
  
 కంప్యూటర్ బేస్డ్ పరీక్ష: ఏప్రిల్ 17 నుంచి ఏప్రిల్ 22 వరకు
  
 వెబ్‌సైట్: www.srmuniv.ac.in
  
 వీఐటీ ఇంజనీరింగ్ ఎంట్రెన్స్ ఎగ్జామ్
 విశ్వవిద్యాలయ హోదా పొందిన వెల్లూర్ ఇన్‌స్టిట్యూట్ ఆఫ్ టెక్నాలజీ.. బీటెక్ కోర్సుల్లో ప్రవేశానికి వీఐటీఈఈఈను నిర్వహిస్తోంది.
 అర్హతలు:  60 శాతం మార్కులతో ఇంటర్ ఎంపీసీ ఉత్తీర్ణత.
  
 పరీక్ష: కంప్యూటర్ బేస్డ్ విధానంలో ఉంటుంది. మ్యాథ్స్, ఫిజిక్స్, కెమిస్ట్రీల్లో 120 మల్టిపుల్ చాయిస్ ప్రశ్నలు అడుగుతారు. ప్రతి ప్రశ్నకు ఒక మార్కు. నెగెటివ్ మార్కులు లేవు. పరీక్ష వ్యవధి రెండున్నర గంటలు.
 
 ఎంపిక: వీఐటీఈఈఈ ర్యాంక్ ఆధారంగా.
 
 పరీక్ష తేదీలు: ఏప్రిల్ 9 నుంచి ఏప్రిల్ 20 వరకు
  
 వెబ్‌సైట్: www.vit.ac.in
  
 నాటా
 దేశంలోని ప్రముఖ ఆర్కిటెక్చర్ కళాశాలల్లో బ్యాచిలర్ ఆఫ్ ఆర్కిటెక్చర్ (బీఆర్క్) కోర్సుల్లో ప్రవేశాలకు నాటా (నేషనల్ ఆప్టిట్యూడ్ టెస్ట్ ఇన్ ఆర్కిటెక్చర్) రాయాలి. దీన్ని న్యూఢిల్లీలోని కౌన్సిల్ ఆఫ్ ఆర్కిటెక్చర్ ప్రతి ఏటా నిర్వహిస్తోంది.
  
 అర్హత: మ్యాథ్స్ ఒక సబ్జెక్ట్‌గా 50 శాతం మార్కులతో ఇంటర్మీడియట్ (10+2) ఉత్తీర్ణత.
  
 పరీక్ష విధానం: పరీక్ష రెండు భాగాలుగా ఉంటుంది. మొదటి భాగం పేపర్ బేస్డ్ డ్రాయింగ్ టెస్ట్ కాగా, రెండో భాగం ఆన్‌లైన్ టెస్ట్. పరీక్షలో అభ్యర్థి డ్రాయింగ్ స్కిల్స్, పరిశీలన దృక్పథం, సెన్స్ ఆఫ్ ప్రొపర్షన్, యాస్థటిక్ సెన్సివిటీ, క్రిటికల్ థింకింగ్ ఎబిలిటీని పరీక్షిస్తారు.
  
 ఆన్‌లైన్ దరఖాస్తులకు చివరి తేదీ:  ఆగస్టు 31.
  
 పరీక్ష తేదీలు: మొదటి దశ  మార్చి 14 - మే 25 వరకు, రెండో దశ జూన్ 1 - ఆగస్టు 31 వరకు.
  
 వెబ్‌సైట్: www.nata.in
  


 ఏఐపీఎంటీ
 దేశవ్యాప్తంగా ఉన్న ప్రఖ్యాత వైద్య, దంత కళాశాలల్లో ఎంబీబీఎస్, బీడీఎస్ కోర్సుల్లో ప్రవేశానికి సీబీఎస్‌ఈ నిర్వహించే పరీక్ష.. ఆలిండియా ప్రీ-మెడికల్/ప్రీ డెంటల్ టెస్ట్. ఇందులో వచ్చిన ర్యాంకు ఆధారంగా దేశవ్యాప్తంగా ఉన్న వైద్య, దంత కళాశాలల్లో 15 శాతం సీట్లను భర్తీ చేస్తారు. ఆంధ్రప్రదేశ్, జమ్మూకాశ్మీర్ సెంట్రల్ పూల్‌లో చేరనందువల్ల ఈ రాష్ట్రాల విద్యార్థులు అర్హులు కాదు. అయితే ఈ ఏడాది నుంచి ఆర్మ్‌డ్ ఫోర్సెస్ మెడికల్ కళాశాల - పుణె, బెనారస్ హిందూ యూనివర్సిటీ ఏఐపీఎంటీ ర్యాంక్ ఆధారంగా ప్రవేశాలు కల్పిస్తున్నందువల్ల మన రాష్ట్ర విద్యార్థులు పరీక్ష రాయొచ్చు. ప్రవేశం ఈ రెండింటికి మాత్రమే పరిమితం.
  
 అర్హతలు: 50 శాతం మార్కులతో ఫిజిక్స్, కెమిస్ట్రీ, బయాలజీ, ఇంగ్లిష్ సబ్జెక్టులతో 10+2 ఉత్తీర్ణత,  
 
 వయోపరిమితి: డిసెంబర్ 31 నాటికి 17 ఏళ్లు నిండి ఉండాలి. 25 ఏళ్లు మించరాదు.
 
 పరీక్ష విధానం: మూడు గంటల వ్యవధిలో నిర్వహించే పరీక్షలో మొత్తం 180 మల్టిపుల్ చాయిస్ ప్రశ్నలు ఉంటాయి. ప్రశ్నలన్నీ ఫిజిక్స్, కెమిస్ట్రీ, బయాలజీ (బోటనీ, జువాలజీ)ల నుంచి అడుగుతారు.
 
 పరీక్ష తేదీ: మే 4, 2014, వెబ్‌సైట్: www.aipmt.nic.in  
  
 సీఎంసీ-వెల్లూర్
 దేశంలోనే మరో ప్రతిష్టాత్మక విద్యా సంస్థ.. క్రిస్టియన్ మెడికల్ కాలేజ్(సీఎంసీ)-వెల్లూర్. ఎంబీబీఎస్‌లో ప్రవేశానికి ప్రతి ఏటా ప్రవేశపరీక్ష నిర్వహిస్తోంది.
  
 అర్హత: 60 శాతం మార్కులతో ఫిజిక్స్, కెమిస్ట్రీ, బయాలజీ, ఇంగ్లిష్ సబ్జెక్టులతో 10+2 ఉత్తీర్ణత.
  
 వయోపరిమితి: డిసెంబర్ 31 నాటికి 17 ఏళ్లు నిండి ఉండాలి.
  
 ఎంపిక: మొదటి దశలో కంప్యూటర్ బేస్డ్ టెస్ట్ నిర్వహిస్తారు. రెండు గంటల వ్యవధిలో నిర్వహించే పరీక్షలో ఫిజిక్స్, కెమిస్ట్రీ, బయాలజీల నుంచి ప్రశ్నలడుగుతారు. ప్రతి సబ్జెక్టు నుంచి 60 ప్రశ్నలుంటాయి.  దీంతోపాటు జనరల్ ఎబిలిటీ టెస్ట్‌ను కూడా నిర్వహిస్తారు. ఇందులో సాధించిన ర్యాంకు ఆధారంగా ఇంటర్వ్యూకు పిలుస్తారు.
 
 పరీక్ష తేదీ: మే 23, 2014
 
 వెబ్‌సైట్: www.cmch-vellore.edu
  
 శ్రీరామచంద్ర యూనివర్సిటీ
 చెన్నైలో ఉన్న శ్రీరామచంద్ర యూనివర్సిటీ ఎంబీబీఎస్, బీడీఎస్ కోర్సుల్లో ప్రవేశానికి ప్రతి ఏటా ప్రవేశపరీక్షను నిర్వహిస్తోంది.
 
 కోర్సులు: ఎంబీబీఎస్, బీడీఎస్
 
 అర్హత: 50 శాతం మార్కులతో ఇంటర్ బైపీసీ ఉత్తీర్ణత.
 
 వయోపరిమితి: నిర్దేశిత తేదీనాటికి 17 ఏళ్లు నిండి ఉండాలి.
 
 ఎంపిక: ప్రవేశపరీక్ష ద్వారా, దరఖాస్తులకు చివరి తేదీ: మే 15, 2014
  
 ప్రవేశపరీక్ష: జూన్ 1, 2014
 
 వెబ్‌సైట్: www.sriramachandra.edu.in
  
  సీవోఎంఈడీకే
  సీవోఎంఈడీకే నిర్వహించే ప్రవేశ పరీక్ష  ద్వారా ఎంబీబీఎస్ కోర్సులో ప్రవేశం పొందొచ్చు. అర్హత: 50 శాతం మార్కులతో ఇంటర్ బైపీసీ ఉత్తీర్ణత.
 
  పరీక్ష విధానం: ఫిజిక్స్, కెమిస్ట్రీ, బయాలజీ, ఇంగ్లిష్‌లపై 240 ప్రశ్నలు అడుగుతారు.
  
 ఆన్‌లైన్ దరఖాస్తులకు చివరి తేదీ: ఏప్రిల్ 12, 2014
 
 పరీక్ష తేదీ: మే 11, 2014
  
 వెబ్‌సైట్: www.comedk.org
  
 జిప్‌మర్ - పుదుచ్చేరి
 మన రాష్ట్రం నుంచి ఎక్కువ మంది విద్యార్థులు హాజరయ్యే పరీక్షల్లో ఒకటి.. జిప్‌మర్ ఎంబీబీఎస్ ఎంట్రెన్స్ ఎగ్జామ్. పుదుచ్చేరిలో ఉన్న ఈ కేంద్ర ప్రభుత్వ సంస్థ ప్రతి ఏటా ఎంబీబీఎస్ కోర్సులో ప్రవేశాలకు పరీక్ష నిర్వహిస్తోంది. వివరాలు..
  
 అర్హత: 50 శాతం (ఎస్సీ, ఎస్టీలకు 40 శాతం) మార్కులతో ఇంటర్ (ఫిజిక్స్, కెమిస్ట్రీ, బయాలజీ/బయోటెక్నాలజీ, ఇంగ్లిష్) ఉత్తీర్ణత.
  
 వయోపరిమితి: 17 ఏళ్లు నిండి ఉండాలి.
  
 పరీక్ష విధానం: రెండున్నర గంటల వ్యవధిలో ఆన్‌లైన్‌లో మల్టిపుల్ చాయిస్ విధానంలో నిర్వహించే పరీక్షలో మొత్తం 200 ప్రశ్నలు ఉంటాయి. ఇంగ్లిష్, బోటనీ, జువాలజీ, ఫిజిక్స్, కెమిస్ట్రీల నుంచి ప్రశ్నలు అడుగుతారు. ప్రతి సరైన సమాధానానికి ఒక మార్కు. నెగెటివ్ మార్కులు లేవు. ఆన్‌లైన్
 
 దరఖాస్తులకు చివరి తేదీ: మే 2, 2014
  
 పరీక్ష తేదీ: జూన్ 8, 2014, వెబ్‌సైట్: http://jipmer.edu.in
  
 డీవై పాటిల్ మెడికల్ ఎంట్రెన్స్ ఎగ్జామ్
 పుణెలో ఉన్న డాక్టర్ డీవై పాటిల్ విద్యాపీఠ్ ఎంబీబీఎస్, బీడీఎస్ కోర్సుల్లో ప్రవేశానికి దేశవ్యాప్తంగా ప్రవేశపరీక్షను నిర్వహిస్తోంది. వివరాలు..
  
 అర్హత: 50 శాతం మార్కులతో (ఎస్సీ, ఎస్టీలకు 40 శాతం) ఇంటర్ బైపీసీ ఉత్తీర్ణత.
 
 ఎంపిక: ప్రవేశపరీక్ష ద్వారా. పరీక్షలో మొత్తం 200 ప్రశ్నలుంటాయి. ఫిజిక్స్, కెమిస్ట్రీ, బోటనీ, జువాలజీల నుంచి ప్రశ్నలు అడుగుతారు. పరీక్ష వ్యవధి మూడు గంటలు.
 
 దరఖాస్తు విధానం: దరఖాస్తును వెబ్‌సైట్ నుంచి డౌన్‌లోడ్ చేసుకోవచ్చు.
 
 దరఖాస్తులకు చివరి తేదీ: మే 10, 2014
  
 పరీక్ష తేదీ: మే 24, 2014,
 
 వెబ్‌సైట్: www.dypatil.ac.in
  
 ఎంజీఐఎంఎస్- వార్ధా
 మహారాష్ట్రలో వార్ధాలో ఉన్న మహాత్మాగాంధీ ఇన్‌స్టిట్యూట్ ఆఫ్ మెడికల్ సెన్సైస్ (ఎంజీఐఎంఎస్) ఎంబీబీఎస్‌లో ప్రవేశాలకు ప్రతి ఏటా పరీక్షను నిర్వహిస్తోంది.
  
 అర్హత: మొదటి ప్రయత్నంలోనే 50 శాతం మార్కులతో ఇంటర్ బైపీసీ ఉత్తీర్ణత.
  
 వయోపరిమితి: నిర్దేశిత తేదీనాటికి 17 ఏళ్లు మించరాదు.
  
 ఎంపిక: ప్రవేశపరీక్ష ఆధారంగా..
  
 పరీక్ష తేదీ: ఏప్రిల్ 20, 2014, వెబ్‌సైట్: www.mgims.ac.in
  
 ఆల్ ఇండియా ప్రీ వెటర్నరీ టెస్ట్
 వెటర్నరీ కౌన్సిల్ ఆఫ్ ఇండియా (వీసీఐ) ప్రతి ఏటా జాతీయ స్థాయిలో ఆల్ ఇండియా ప్రీ-వెటర్నరీ టెస్ట్(ఏఐపీవీటీ)ను నిర్వహిస్తోంది. ఈ పరీక్ష ద్వారా దేశవ్యాప్తంగా ఉన్న వెటర్నరీ(జమ్మూ-కాశ్మీర్ మినహా) కళాశాలల్లో బ్యాచిలర్ ఆఫ్ వెటర్నరీ సైన్స్ అండ్ యానిమల్ హస్బెండరీ (బీవీఎస్సీ - ఏహెచ్) కోర్సులో 15 శాతం సీట్లను భర్తీ చేస్తారు.
  
 అర్హత: 50 శాతం మార్కులతో ఇంటర్ బైపీసీ, ఇంగ్లిష్ ఉత్తీర్ణత.
  
 పరీక్ష విధానం: ఏఐపీవీటీని ఆబ్జెక్టివ్ పద్ధతిలో నిర్వహిస్తారు. మొత్తం 200 ప్రశ్నలు ఉంటాయి. ఫిజిక్స్ 60 ప్రశ్నలు, కెమి్రస్ట్రీ 60 ప్రశ్నలు, బయూలజీ (బోటనీ అండ్ జువాలజీ) 80 ప్రశ్నలు. వీటికి మూడు గంటల్లో సమాధానాలను గుర్తించాలి. ప్రతి సరైన సమాధానానికి మూడు మార్కులు. తప్పు సమాధానాలకు నెగెటివ్ మార్కులుంటాయి.
  
 పరీక్ష తేదీ: మే 10, 2014.
  
 వివరాలకు: www.vci.nic.in
  
 మణిపాల్ మెడికల్ ఎంట్రెన్స్ టెస్ట్
 కర్ణాటకలోని మణిపాల్ యూనివర్సిటీ ఎంబీబీఎస్, బీడీఎస్, బీఫార్మ్ కోర్సుల్లో ప్రవేశాలకు ప్రతి ఏటా జాతీయస్థాయిలో ఆన్‌లైన్ పరీక్షను నిర్వహిస్తోంది.
 
 అర్హత: 55 శాతం మార్కులతో ఇంటర్ బైపీసీ.
  
 పరీక్ష విధానం: రెండున్నర గంటల వ్యవధిలో ఆన్‌లైన్‌లో నిర్వహించే పరీక్షలో 200 ప్రశ్నలుంటాయి. ప్రశ్నలన్నీ మల్టిపుల్ చాయిస్ విధానంలో ఉంటాయి. ఫిజిక్స్ నుంచి 50 ప్రశ్నలు, కెమిస్ట్రీ నుంచి 50 ప్రశ్నలు, బయాలజీ నుంచి 70 ప్రశ్నలు, ఇంగ్లిష్ అండ్ జనరల్ ఆప్టిట్యూడ్‌ల నుంచి 30 ప్రశ్నలు అడుగుతారు.
  
 ఆన్‌లైన్ పరీక్ష తేదీలు: ఏప్రిల్ 14 - మే 15 వరకు
  
 వెబ్‌సైట్: www.manipal.edu
  
 అమృత విశ్వవిద్యాపీఠం
 కోయంబత్తూరు, కోచిల్లో క్యాంపస్‌లున్న అమృత విశ్వవిద్యాపీఠం  ప్రతి ఏటా ఎంబీబీఎస్ కోర్సులో ప్రవేశానికి ప్రవేశపరీక్షను నిర్వహిస్తోంది.
  
 అర్హత: ఒకే ప్రయత్నంలో 60 శాతం మార్కులతో 10+2 బైపీసీ, ఇంగ్లిష్ ఉత్తీర్ణత.
  
 వయోపరిమితి: డిసెంబర్ 31 నాటికి 17 ఏళ్లు నిండి ఉండి 23 ఏళ్లు మించరాదు.
  
 దరఖాస్తు విధానం: ఆన్‌లైన్ ద్వారా
  
 ఆన్‌లైన్ దరఖాస్తులకు చివరి తేదీ: ఏప్రిల్ 25, 2014
  
 ప్రవేశ పరీక్ష తేదీ: మే 18, 2014
  
 వెబ్‌సైట్: www.amrita.edu
  


 కామన్ లా అడ్మిషన్ టెస్ట్ (క్లాట్)
 ఇంజనీరింగ్ కోర్సులకు జేఈఈ మెయిన్, అడ్వాన్స్‌డ్; మేనేజ్‌మెంట్ కోర్సులకు క్యాట్, ఈ కోవలోనే లా కోర్సులకు క్లాట్. దేశవ్యాప్తంగా 14 న్యాయ విద్యాలయాలు, యూనివర్సిటీల్లో ఐదేళ్ల ఇంటిగ్రేటెడ్ బీఏ ఎల్‌ఎల్‌బీ, బీఎస్సీ ఎల్‌ఎల్‌బీ, బీబీఏ ఎల్‌ఎల్‌బీ, బీకాం ఎల్‌ఎల్‌బీ, బీఎస్‌డబ్ల్యు ఎల్‌ఎల్‌బీ కోర్సుల్లో ప్రవేశానికి క్లాట్‌ను నిర్వహిస్తారు.
  
 అర్హతలు: 45 శాతం (ఎస్సీ, ఎస్టీలకు 40 శాతం) మార్కులతో 10+2 ఉత్తీర్ణత.
  
 వయోపరిమితి: జూలై 1, 2014 నాటికి 20 ఏళ్ల లోపు వయసును కలిగి ఉండాలి.
  
 పరీక్ష: రెండు గంటల వ్యవధిలో జరిగే పరీక్షలో మొత్తం 200 ప్రశ్నలు ఉంటాయి. ఒక్కో ప్రశ్నకు ఒక్కో మార్కు చొప్పున మొత్తం మార్కులు 200. ఇంగ్లిష్, జనరల్ నాలెడ్జ్ అండ్ కరెంట్ అఫైర్స్, ఎలిమెంటరీ మ్యాథమెటిక్స్, లీగల్ ఆప్టిట్యూడ్, లాజికల్ రీజనింగ్‌లపై ప్రశ్నలుంటాయి.
 ఎంపిక: క్లాట్ ర్యాంకు ఆధారంగా..
  
 దరఖాస్తు విధానం: ఆన్‌లైన్ ద్వారా
  
 దరఖాస్తులకు చివరి తేదీ: ఏప్రిల్ 15, 2014, పరీక్ష తేదీ: మే 11, 2014
  
 వెబ్‌సైట్: www.clat.ac.in
  
 ఆలిండియా లా ఎంట్రెన్స్ టెస్ట్ (ఏఐఎల్‌ఈటీ)
 ఐదేళ్ల బీఏ ఎల్‌ఎల్‌బీ (ఆనర్స్) కోర్సులో ప్రవేశానికి ఢిల్లీలోని నేషనల్ లా యూనివర్సిటీ ఏటా ఏఐఎల్‌ఈటీని నిర్వహిస్తోంది.
  
 సీట్లు: 80,
 అర్హతలు: 50 శాతం మార్కులతో 10+2 ఉత్తీర్ణత.
  
 వయోపరిమితి: జూలై 1, 2014 నాటికి 21 ఏళ్ల లోపు ఉండాలి.
  
 పరీక్ష: గంటన్నర వ్యవధిలో నిర్వహించే పరీక్షలో మొత్తం 150 ప్రశ్నలు ఉంటాయి. ఒక్కో ప్రశ్నకు ఒక్కో మార్కు చొప్పున 150 మార్కులుంటాయి. ఇంగ్లిష్, జనరల్ నాలెడ్జ్ (కరెంట్ అఫైర్స్, జనరల్ సైన్స్, హిస్టరీ, జాగ్రఫీ, సివిక్స్, ఎకనామిక్స్), లీగల్ ఆప్టిట్యూడ్, రీజనింగ్, ఎలిమెంటరీ మ్యాథమెటిక్స్‌ల నుంచి ప్రశ్నలడుగుతారు.
  
 ఎంపిక: ప్రవేశ పరీక్షలో సాధించిన మెరిట్ ఆధారంగా..
  
 దరఖాస్తు విధానం: ఆన్‌లైన్/ఆఫ్‌లైన్ విధానాల్లో.
  
 దరఖాస్తులకు చివరి తేదీ: ఏప్రిల్ 7, 2014
  
 ప్రవేశపరీక్ష తేదీ: మే 4, 2014
  
 వెబ్‌సైట్: http://nludelhi.ac.in
  
 లా స్కూల్ అడ్మిషన్ టెస్ట్ (ఎల్‌శాట్) -ఇండియా
 ఐదేళ్ల బీఏ ఎల్‌ఎల్‌బీ ప్రోగ్రామ్‌లో ప్రవేశానికి నిర్వహించే ఎల్‌శాట్ ప్రామాణిక పరీక్ష విధానాన్ని అమెరికాకు చెందిన లా స్కూల్ అడ్మిషన్ కౌన్సిల్(ఎల్‌ఎస్‌ఏసీ) రూపొందించింది.
  
 అర్హత: 45 శాతం మార్కులతో 10+2 ఉత్తీర్ణత.
  
 పరీక్ష విధానం: పేపర్-పెన్సిల్ విధానంలో నిర్వహించే పరీక్షలో ఎనలిటికల్ రీజనింగ్, లాజికల్ రీజనింగ్ (1, 2), రీడింగ్ కాంప్రహెన్షన్‌లపై మల్టిపుల్ చాయిస్ విధానంలో ప్రశ్నలుంటాయి. పరీక్ష వ్యవధి రెండు గంటల 20 నిమిషాలు.
  
 దరఖాస్తు విధానం: ఆన్‌లైన్ ద్వారా
  
 దరఖాస్తులకు చివరి తేదీ: ఏప్రిల్ 30, 2014
  
 పరీక్ష తేదీ: మే 18, 2014
  
 వెబ్‌సైట్: www.pearsonvueindia.com/isatindia
  
 లా కామన్ ఎంట్రెన్స్ టెస్ట్ (లాసెట్)
 మన రాష్ట్రంలో ఐదేళ్ల ఎల్‌ఎల్‌బీ కోర్సులో ప్రవేశానికి ఏటా లాసెట్‌ను నిర్వహిస్తారు.
  
 అర్హత: 45 శాతం మార్కులతో 10+2 ఉత్తీర్ణత.
  
 వయోపరిమితి: డిసెంబర్ 31 నాటికి 20 ఏళ్లు మించరాదు.
  
 పరీక్ష విధానం: గంటన్నర వ్యవధిలో నిర్వహించే పరీక్షలో మొత్తం 120 ప్రశ్నలుంటాయి. ఒక్కో ప్రశ్నకు ఒక్కో మార్కు చొప్పున మొత్తం మార్కులు 120. పరీక్షలో మూడు భాగాలు ఉంటాయి. అవి.. జనరల్ నాలెడ్జ్ అండ్ మెంటల్ ఎబిలిటీ (30 ప్రశ్నలు), కరెంట్ అఫైర్స్ (30 ప్రశ్నలు), ఆప్టిట్యూడ్ ఫర్ ది స్టడీ ఆఫ్ లా (60 ప్రశ్నలు).
  
 దరఖాస్తు విధానం: ఆన్‌లైన్ ద్వారా
  
 దరఖాస్తులకు చివరి తేదీ: ఏప్రిల్ 26, 2014
  
 పరీక్ష తేదీ: జూన్ 8, 2014, వెబ్‌సైట్: www.aplawcet.org
  


 విద్యార్థి జీవితంలో అత్యంత కీలకమైన దశ ఇంటర్మీడియెట్. కెరీర్‌కు పునాది పడేది ఇక్కడే. దేశవ్యాప్తంగా ఏటా లక్షలాది మంది విద్యార్థులు ఇంటర్మీడియెట్‌ను పూర్తిచేసుకొని ఉన్నత విద్య దిశగా అడుగులేస్తున్నారు. మన రాష్ట్రంలో వీరి సంఖ్య దాదాపు 10 లక్షలు. ఇంటర్ ఉత్తీర్ణులైన వారికి లెక్కలేనన్ని అవకాశాలు అందుబాటులో ఉన్నాయి. ఇంటర్ తర్వాత ఇంజనీరింగ్, మెడిసిన్, బీడీఎస్, బీఫార్మసీ, ఫార్మ్‌డీ, అగ్రికల్చర్, వెటర్నరీ సైన్స్, ఫిషరీసైన్స్, బీఆర్క్, హోటల్ మేనేజ్‌మెంట్, లా వంటి కోర్సుల్లో ప్రవేశం పొందాలంటే ప్రవేశపరీక్షలనే మైలురాళ్లను దాటాలి. ఈ నేపథ్యంలో ఇంటర్ తర్వాత.. ముఖ్యమైన ప్రవేశపరీక్షలను తెలుసుకుందాం.
  
 ఎయిమ్స్ - న్యూఢిల్లీ
 1956లో పార్లమెంట్ చట్టం ద్వారా ఏర్పడిన ఆల్ ఇండియా ఇన్‌స్టిట్యూట్ ఆఫ్ మెడికల్ సెన్సైస్ (ఎయిమ్స్) దేశంలోనే ప్రతిష్టాత్మక విద్యాసంస్థగా పేరుగాంచింది. దీనికి న్యూఢిల్లీలో ప్రధాన క్యాంపస్ ఉంది. ఈ ఏడాది నుంచి కొత్తగా మరో ఆరు ఎయిమ్స్‌ల్లో ప్రవేశాలు కల్పించనున్నారు. అవి.. పాట్నా (బీహార్), భోపాల్ (మధ్యప్రదేశ్), జోధ్‌పూర్ (రాజస్థాన్), రిషికేశ్ (ఉత్తరాఖండ్), భువనేశ్వర్ (ఒడిశా), రాయ్‌పూర్ (ఛత్తీస్‌గఢ్). వీటిల్లో ఎంబీబీఎస్ కోర్సులో ప్రవేశానికి ప్రవేశపరీక్ష నిర్వహిస్తారు.
  
 మొత్తం సీట్లు: ఎయిమ్స్ - ఢిల్లీలో 72, మిగిలినవాటిలో ఒక్కోదానిలో 100 చొప్పున సీట్లుంటాయి.
 
 అర్హతలు: ఫిజిక్స్, కెమిస్ట్రీ, బయాలజీ, ఇంగ్లిష్ సబ్జెక్టుల్లో కనీసం 60 శాతం (ఎస్సీ, ఎస్టీలకు 50 శాతం) మార్కులతో ఇంటర్ ఉత్తీర్ణత.
  
 వయోపరిమితి: డిసెంబర్ 31 నాటికి 17 ఏళ్లు నిండి ఉండాలి.
  
 పరీక్ష విధానం: ఆన్‌లైన్/ఆఫ్‌లైన్ విధానాల్లో నిర్వహిస్తారు. మూడున్నర గంటల వ్యవధిలో నిర్వహించే పరీక్షలో మొత్తం 200 ప్రశ్నలు ఉంటాయి. ప్రశ్నలన్నీ మల్టిపుల్ చాయిస్ విధానంలో అడుగుతారు. ఫిజిక్స్ (60 ప్రశ్నలు), కెమిస్ట్రీ (60 ప్రశ్నలు), బయాలజీ (బోటనీ అండ్ జువాలజీ 60 ప్రశ్నలు), జనరల్ నాలెడ్జ్ (20)లపై ప్రశ్నలు ఉంటాయి. ప్రతి సరైన సమాధానానికి ఒక మార్కు. అదేవిధంగా తప్పుగా గుర్తించిన సమాధానాలకు నెగెటివ్ మార్కులుంటాయి. ఒక్కో ప్రశ్నకు సరైన సమాధానాలకిచ్చే మార్కుల్లోంచి 1/3 మార్కులను తగ్గిస్తారు.
  
 ఎంపిక: ప్రవేశ పరీక్షలో సాధించిన ర్యాంక్ ఆధారంగా..
  
 మన రాష్ట్రంలో పరీక్ష కేంద్రం: హైదరాబాద్
  
 పరీక్ష తేదీ: జూన్ 1, 2014, వెబ్‌సైట్: www.aiims.edu
  


  ‘ఫాలో యువర్ ప్యాషన్.. చూజ్ యువర్ కెరీర్...’ చదువు పూర్తి చేసుకుని ఉద్యోగం వేటలో ఉన్న చాలామంది యువతీయువకులకు వినిపించే గైడ్‌లైన్ ఈ వాక్యం. దిశానిర్దేశం చేసే పెద్దలైనా, సలహాలిచ్చే స్నేహితులైనా ఇదే మాట చెబుతారు. అలాగే ఎవరికి వారు కూడా ఇలాగే చేయాలనుకుంటారు. కానీ అందరికీ సాధ్యమయ్యే విషయం కాదిది. దానికి ఎన్నో కారణాలు ఉండవచ్చు. ఆసక్తి ఉన్న రంగంలో కెరీర్‌ను కొనసాగించడానికి తమ పరిస్థితులు సహకరించలేదని చాలామంది చెబుతుంటారు. అయితే ఎలాంటి పరిస్థితులు ఎదురైనా తమ ఆసక్తులను అభిమానంతో అనుసరించి అందులో కెరీర్‌ను కొనసాగించగలిగేవారు కూడా చాలామంది ఉంటారు. అలాంటివారి స్ఫూర్తితో ఆసక్తి ఉన్న రంగంలో ఉపాధిని సంపాదించుకున్నాడు అఖిల్ ఖత్రీ. అతడి కథ ఇది...
  
  ‘ఫాలో యువర్ ప్యాషన్.. చూజ్ యువర్ కెరీర్...’ ఈ గైడ్‌లైన్‌ను తన గుండె గదుల్లో రాసుకున్నాడు అఖిల్. చదివింది ఎంబిఏ హెచ్‌ఆర్ మేనేజ్‌మెంట్. ఆసక్తి ఉన్నది ఫొటోగ్రఫీలో. చిన్నప్పటి నుంచి కెమెరా దొరికితే చాలు, ఫోటో తీయడంలో చక్కటి క్రియేటివిటీ ప్రదర్శించేవాడు. ఆ క్రియేటివిటీ కూడు పెట్టదు... అనే అభ్రిపాయాన్ని ఏర్పరిచాయి పరిస్థితులు. దీంతో శ్రద్ధగా ఎంబిఏ చదువుకుని, హైదరాబాద్‌లోని డెలాయిట్ ఆఫీసులో హెచ్‌ఆర్ మేనేజర్‌గా ఉద్యోగం సంపాదించాడు.
 
 మంచి ఉద్యోగం, ఐదంకెల జీతంతో అఖిల్  రాజీ పడిపోయే దశలో మనసులో ఉన్న ఫొటోగ్రఫీ ప్యాషన్ ఉండబట్టనీయలేదు. పాతికేళ్ల లోపు వయసులో వందలాదిగా క్లిక్ చేసిన ఫొటోలను ప్రతిరోజు తట్టిచూసుకునేవాడు. ఈ దశలో లభించిన చక్కటి అవకాశం అఖిల్‌కు తనకు ఆసక్తి ఉన్న రంగంలో ఉపాధిని కల్పించే మార్గంగా మారింది. ఒక అమెరికన్ వనిత ఆన్‌లైన్‌లో ప్రచురించే మ్యాగజీన్‌లో అఖిల్ తీసిన ఫొటోలు అచ్చయ్యాయి. వాటికి మంచి స్పందన వచ్చింది. ప్రొఫెషనల్ ఫొటోగ్రాఫర్‌గా తన మ్యాగజీన్‌కు కంట్రిబ్యూట్ చేయవచ్చునని ఆమె అఖిల్‌కు ఆఫర్ ఇచ్చింది. దీంతో హెచ్‌ఆర్ మేనేజర్ అనే పరిధి నుంచి బయటకు వచ్చి తన కెమెరాకు పనిచెప్పాడు అఖిల్. ఎలాగూ తనకు ప్యాషన్‌గా ఉన్న రంగంలో చేస్తున్న ప్రయత్నం కాబట్టి.. అఖిల్‌కు కొత్తశక్తి వచ్చి చేరింది.
 
 ఈ శక్తితో బెంగళూరులో వెడ్డింగ్, ఫ్యాషన్ ఈవెంట్‌లకు ఫొటోలు తీసే స్టూడియోను ఒకటి నెలకొల్పాడు. ఉన్నత విద్యార్హతతో, మంచి ఉద్యోగాన్ని వదిలి ఇలా ఫొటోగ్రాఫర్ కావడం గురించి కొంతమంది అఖిల్ విషయంలో సానుభూతి వ్యక్తం చేశారట. సెటైర్లు వేశారట. అయితే వాటిని లెక్కచేయక... ఫొటోగ్రఫీ ప్యాషన్ ఇస్తున్న మజాను ఆస్వాదించానని అఖిల్ అంటాడు. అలాగే తన ఆసక్తిని వ్యాపారంగా మార్చుకోవడంలో కూడా ఇతడు విజయవంతం అయ్యాడు.
 
 అఖిల్ తీసే ఫొటోలకు మంచి గుర్తింపు వచ్చింది. వెడ్డింగ్, ఫ్యాషన్ ఈవెంట్లకు వాటి స్థాయిని బట్టి ఆరు వేల నుంచి 25 వేల రూపాయల వరకూ ఛార్జ్ చేస్తూ ఈ మొత్తాన్ని తన రోజువారి సంపాదనగా మార్చుకున్నాడు. తెలిసినవాళ్లు, స్నేహితులు ‘అన్‌సేఫ్’ అంటూ నిరుత్సాహ పరిచిన ప్రొఫెషన్‌లో తాను ఈ సక్సెస్‌ను సాధించడానికి కారణం తన తల్లిదండ్రులు, భార్య ఇచ్చిన ప్రోత్సాహమేనని అఖిల్ ఉద్వేగంగా చెబుతాడు.
  
  ఉన్నత విద్యార్హతతో, మంచి ఉద్యోగాన్ని వదిలి ఇలా ఫొటోగ్రాఫర్ కావడం గురించి కొంతమంది అఖిల్ విషయంలో సానుభూతి వ్యక్తం చేశారట. సెటైర్లు వేశారట. అయితే వాటిని లెక్క చేయక.. ఫొటోగ్రఫీ ప్యాషన్ ఇస్తున్న మజాను ఆస్వాదించానని అఖిల్ అంటాడు.