ఆస్ట్రేలియా స్టార్‌ ఆల్‌రౌండర్‌ గ్లెన్‌ మాక్స్‌వెల్‌ సంచలన నిర్ణయం తీసుకున్నాడు. అంతర్జాతీయ వన్డేలకు మాక్స్‌వెల్‌ వీడ్కోలు పలికాడు. ఫైనల్ వర్డ్ పాడ్‌కాస్ట్‌కు ఇ‍చ్చిన ఇంటర్వ్యూలో మాక్సీ తన నిర్ణయాన్ని వెల్లడించాడు. 2027 వ‌న్డే ప్ర‌పంచ‌క‌ప్‌ను దృష్టిలో పెట్టుకుని త‌న స్ధానంలో యువ ఆట‌గాళ్లకు అవకాశమిచ్చేందుకు ఈ నిర్ణయం తీసుకున్నట్లు 36 ఏళ్ల మాక్స్‌వెల్ వెల్లడించాడు.ఆసీస్ చీఫ్ సెల‌క్ట‌ర్ జార్జ్ బెయిలీతో చ‌ర్చించాకే 50 ఓవ‌ర్ల ఫార్మాట్ నుంచి త‌న త‌ప్పుకుంటున్న‌ట్లు ఈ స్టార్ ఆల్‌రౌండ‌ర్ తెలిపాడు. పదేపదే గాయాల బారిన పడడం కూడా మాక్సీ ఆకస్మిక రిటైర్మెంట్‌కు ఒక ప్రధాన కారణం కావచ్చు. ఇక ఈ విష‌యాన్ని క్రికెట్ ఆస్ట్రేలియా కూడా ధ్రువీక‌రించింది. 2012లో ఆస్ట్రేలియా త‌ర‌పున అరంగేట్రం చేసిన మాక్స్‌వెల్‌.. త‌న 13 ఏళ్ల వ‌న్డే కెరీర్‌లో ఎన్నో అసాధారణ ఘ‌న‌త‌ల‌ను అందుకున్నాడు. ముఖ్యంగా వ‌న్డే ప్ర‌పంచ‌క‌ప్‌-2023లో అఫ్గానిస్తాన్‌పై మాక్సీ ఆడిన ఇన్నింగ్స్ స‌ద‌రు క్రికెట్ అభిమానికి ఎప్ప‌టికీ గుర్తుండిపోతుంది. ఓ వైపు గాయంతో బాధ‌ప‌డుతూ ఒంటి కాలితో అఫ్గానిస్తాన్‌పై విరోచిత డ‌బుల్ సెంచ‌రీతో మాక్స్‌వెల్ చెల‌రేగాడు. ఆఖ‌రి వ‌ర‌కు క్రీజులో ఉండి త‌న జ‌ట్టును సెమీఫైన‌ల్‌కు మాక్స్‌వెల్ చేర్చాడు. ఇక తన వన్డే కెరీర్ లో 149 వన్డేలు ఆడిన మాక్స్ వెల్.. 4,000 పరుగులు సాధించాడు. అదేవిధంగా అత‌డు 77 వికెట్లు కూడా వ‌న్డేల్లో ప‌డ‌గొట్టాడు. 2015, 2019లో ఆస్ట్రేలియా ప్రపంచ కప్ విజయాలు సాధించడంలో గ్లెన్ మాక్స్‌వెల్ కీలక పాత్ర పోషించాడు. చివరగా ఆస్ట్రేలియా తరపున వన్డే మ్యాచ్‌ ఐసీసీ ఛాంపియన్స్‌ ట్రోఫీలో ఆడాడు. కాగా దాదాపు ఎనిమిదేళ్ల నుంచి టెస్టులకు కూడా దూరంగా ఉన్న మాక్స్‌వెల్‌.. ఇకపై కేవలం టీ20ల్లో మాత్రమే కొనసాగే ఛాన్స్‌ ఉంది.ONE OF THE GREATEST EVER MOMENTS IN WORLD CUP HISTORY. - Thank you, Glenn Maxwell. 🫡 pic.twitter.com/CJ21AI3CVE— Mufaddal Vohra (@mufaddal_vohra) June 2, 2025చదవండి: IPL 2025: శ్రేయ‌స్ అయ్య‌ర్‌కు భారీ షాకిచ్చిన బీసీసీఐ..

ఇంటర్నేషనల్ మాస్టర్స్ టీ20 లీగ్‌లో ఇండియా మాస్టర్స్‌ జోరుకు ఆస్ట్రేలియా కళ్లెం వేసింది. ఈ టోర్నీలో భాగంగా బుధవారం వడోదర వేదికగా ఆస్ట్రేలియాతో జరిగిన మ్యాచ్‌లో 95 పరుగుల తేడాతో భారత్‌ ఓటమి పాలైంది. ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా నిర్ణీత 20 ఓవర్లలో వికెట్‌ నష్టానికి 269 పరుగుల భారీ స్కోర్‌ సాధించింది. ఆసీస్‌​ బ్యాటర్లలో కెప్టెన్‌ షేన్‌ వాట్సన్‌, స్టార్‌ బ్యాటర్‌ బెన్‌ డంక్‌ విధ్వంసకర సెంచరీలతో చెలరేగారు.భారత బౌలర్లను ఊచకోత కోశాడు. బౌండరీల వర్షంతో వడోదర స్టేడియం తడిసిముద్దయింది. వీరిద్దరి అపడం ఎవరూ తరం కాలేదు. ఈ దిగ్గజ క్రికెటర్లు ఇద్దరూ రెండో వికెట్‌కు 236 పరుగుల ఆజేయ భాగస్వామ్యం నెలకొల్పారు. డంక్‌ 53 బంతుల్లో 12 ఫోర్లు, 10 సిక్సర్లతో 132 పరుగులు చేయగా.. వాట్సన్‌ 52 బంతుల్లో 12 ఫోర్లు, 7 సిక్స్‌లతో 110 పరుగులు చేశాడు. ఇక భారత బౌలర్లలో పవన్‌ నేగి ఒక్కడే ఓ వికెట్‌ పడగొట్టారు. మిగితా బౌలర్లందరూ దారుణంగా విఫలమయ్యారు.సచిన్‌ హాఫ్‌ సెంచరీ వృథా..అనంతరం 270 పరుగుల భారీ లక్ష్యంతో బరిలోకి దిగిన భారత్‌ నిర్ణీత ఓవర్లలో 174 పరుగులకు ఆలౌటైంది. భారత బ్యాటర్లలో కెప్టెన్‌ సచిన్‌ టెండూల్కర్‌ అద్బుతమైన హాఫ్‌ సెంచరీతో చెలరేగాడు. మాస్టర్‌ బ్లాస్టర్‌ క్రీజులో ఉన్నంతసేపు తన ట్రేడ్‌ మార్క్‌ షాట్లతో అభిమానులను అలరించాడు. సచిన్‌ కేవలం 33 బంతుల్లో 7 ఫోర్లు, 4 సిక్స్‌లతో 64 పరుగులు చేసి ఔటయ్యాడు. ఆతర్వాత యూసఫ్‌ పఠాన్‌ 25 పరుగులు చేయగా.. మిగితా ‍బ్యాటర్లంతా దారుణంగా విఫలమయ్యారు. ఆసీస్‌ బౌలర్లలో జేవియర్ డోహెర్టీ 5 వికెట్లు పడగొట్టగా.. క్రిస్టియన్‌, లాఫ్లీన్‌, నాథన్ రియర్డన్ తలా వికెట్‌ సాధించారు. కాగా ఈ టోర్నీలో భారత్‌కు ఇదే తొలి ఓటమి కావడం గమనార్హం. టీమిండియా తమ తదుపరి మ్యాచ్‌లో మార్చి 8న రాయ్‌పూర్‌ వేదికగా వెస్టిండీస్‌తో తలపడనుంది.చదవండి: మ్యాచ్‌ సమయంలో నిద్రపోయిన పాకిస్తాన్‌ స్టార్‌ బ్యాటర్‌𝐓𝐡𝐚𝐭’𝐬 𝐡𝐨𝐰 𝐲𝐨𝐮 𝐝𝐨 𝐢𝐭! 😎𝙎𝙖𝙘𝙝𝙞𝙣 𝙩𝙞𝙣𝙜𝙡𝙞𝙣𝙜 𝙨𝙥𝙞𝙣𝙚𝙨 𝙬𝙞𝙩𝙝 𝙩𝙝𝙖𝙩 𝙨𝙞𝙜𝙣𝙖𝙩𝙪𝙧𝙚 𝙨𝙩𝙧𝙖𝙞𝙜𝙝𝙩 𝙨𝙞𝙭! 🚀✨#IMLT20 #TheBaapsOfCricket #IMLonJioHotstar #IMLonCineplex pic.twitter.com/A11weJAGox— INTERNATIONAL MASTERS LEAGUE (@imlt20official) March 5, 2025

ఐసీసీ ఛాంపియ‌న్స్ ట్రోఫీ-2025లో సెమీస్ బెర్త్‌లు అధికారికంగా ఖారార‌య్యాయి. గ్రూపు-ఎ నుంచి భార‌త్‌, న్యూజిలాండ్, గ్రూపు-బి నుంచి ద‌క్షిణాఫ్రికా, ఆస్ట్రేలియా జ‌ట్లు సెమీఫైన‌ల్‌కు చేరుకున్నాయి. అయితే ఈ నాలుగు జ‌ట్లు సెమీస్‌కు చేరిన‌ప్ప‌టికి వాటి స్థానాలు ఇంకా ఖారారు కాలేదు.ఆదివారం న్యూజిలాండ్‌-భార‌త్ మ‌ధ్య జ‌రిగే ఆఖ‌రి లీగ్ మ్యాచ త‌ర్వాతే సెమీస్‌లో ఎవ‌రి ప్ర‌త్య‌ర్ధి ఎవ‌ర‌న్న‌ది తేల‌నుంది. కాగా మంగళవారం జరగనున్న తొలి సెమీఫైనల్లో భారత ఆడటం ఇప్పటికే ఖాయమైన సంగ‌తి తెలిసిందే. కానీ ప్ర‌త్య‌ర్ధి సౌతాఫ్రికా లేదా ఆస్ట్రేలియా నా అన్న‌ది నేడు ఖారారు కానుంది. ఈ క్ర‌మంలో చాంపియన్స్‌ ట్రోఫీ గ్రూప్‌ ‘బి’ నుంచి సెమీఫైనల్‌కు అర్హత సాధించిన దక్షిణాఫ్రికా, ఆస్ట్రేలియా జట్లు దుబాయ్‌కు పయనమయ్యాయి. రెండింటిలో ఒక జట్టు మైదానంలోకి దిగకుండానే మళ్లీ లాహోర్‌కు రావాల్సి ఉంటుంది. కివీస్‌తో చివరి పోరులో భారత్‌ విజయం సాధిస్తే ఆస్ట్రేలియాతో రోహిత్‌ సేన మంగళవారం తొలి సెమీఫైనల్‌ ఆడుతుంది.ఇదే జరిగితే దక్షిణాఫ్రికా జట్టు తిరిగి పాకిస్తాన్‌ చేరుకుంటుంది. ఒకవేళ కివీస్‌ చేతిలో ఓడితే టీమిండియా ప్రత్యర్థి దక్షిణాఫ్రికా కానుంది. కంగారూలు రెండో సెమీఫైనల్‌ కోసం పాకిస్తాన్‌కు తిరుగు పయనం కానున్నారు. కీలక సెమీఫైనల్‌కు ముందు దుబాయ్‌ మైదానంలో ప్రాక్టీస్‌ చేయడంతో పాటు అక్కడి పరిస్థితులను అర్థం చేసుకోవడానికి దక్షిణాఫ్రికా, ఆ్రస్టేలియా జట్లకు ఇది ఉపయోగపడనుంది.ఇక కివీస్‌తో ఆఖరి లీగ్‌ మ్యాచ్‌కు టీమిండియా అన్ని విధాల సిద్దమైంది. ఈ మ్యాచ్‌కు ముందు భారత కెప్టెన్‌ రోహిత్‌ శర్మ పూర్తి ఫిట్‌నెస్‌ సాధించాడు. ఈ ఆఖరి మ్యాచ్‌లో భారత్‌​ ఓమార్పుతో బరిలోకి దిగింది.తుది జట్ల వివరాలు (అంచనా) భారత్‌: రోహిత్‌ శర్మ (కెప్టెన్ ), శుబ్‌మన్‌ గిల్, కోహ్లి, శ్రేయస్‌ అయ్యర్, రిషబ్‌ పంత్, హార్దిక్‌ పాండ్యా, రవీంద్ర జడేజా, వాషింగ్టన్‌ సుందర్, హర్షిత్‌ రాణా, వరుణ్ చక్రవర్తి, అర్ష్ దీప్‌ సింగ్‌. న్యూజిలాండ్‌: మిచెల్‌ సాంట్నర్‌ (కెప్టెన్ ), డెవాన్‌ కాన్వే, రచిన్ రవీంద్ర, కేన్‌ విలియమ్సన్, డార్లీ మిచెల్, టామ్‌ లాథమ్, గ్లెన్‌ ఫిలిప్స్, బ్రేస్‌వెల్, జేమీసన్,హెన్రీ, రూర్కే.చదవండి:SA vs Eng: ఇంగ్లండ్‌కు ఘోర అవమానం.. బాధతో బట్లర్‌ బైబై

ఇంటర్నేషనల్ మాస్టర్స్ లీగ్-2025 టోర్నీలో వెస్టిండీస్ మాస్టర్స్ జట్టు శుభారంభం చేసింది. ముంబై వేదికగా ఆస్ట్రేలియా మాస్టర్స్‌తో జరిగిన మ్యాచ్‌లో వెస్టిండీస్ 7 వికెట్ల తేడాతో ఘన విజయాన్ని అందుకుంది. ఈ మ్యాచ్‌లో తొలుత బ్యాటింగ్‌ చేసిన ఆసీస్‌ నిర్ణీత 20 ఓవర్లలో 8 వికెట్ల నష్టానికి 216 పరుగులు చేసింది. ఆస్ట్రేలియా కెప్టెన్‌ షేన్‌ వాట్సన్‌(Shane Watson) విధ్వంసకర శతకంతో చెలరేగాడు.ఓపెనర్‌గా బరిలోకి దిగిన వాట్సన్‌ ప్రత్యర్ధి బౌలర్లను ఊచకోత కేశాడు. కేవలం 52 బంతుల్లో 9 ఫోర్లు, 9 సిక్స్‌లతో 107 పరుగులు చేసి ఆజేయంగా నిలిచాడు. అతడితో పాటు డానియల్‌ క్రిస్టియన్‌(32), కట్టింగ్‌(18) పరుగులతో రాణించారు. విండీస్‌ బౌలర్లలో యాష్లే నర్స్ మూడు వికెట్లు పడగొట్టగా.. జెర్మీ టేలర్‌, రామ్‌పాల్‌ తలా రెండు వికెట్లు సాధించారు.సిమ్మన్స్‌ ఊచకోత..అనంతరం 217 బంతుల్లో విండీస్‌ కేవలం మూడు వికెట్లు మాత్రమే కోల్పోయి 19.2 ఓవర్లలో చేధించింది. విండీస్‌ మాజీ ప్లేయర్‌ లెండిల్ సిమన్స్ తుపాన్‌ ఇన్నింగ్స్‌ ఆడాడు. భారీ లక్ష్య చేధనలో సిమన్స్‌ ఆకాశమే హద్దుగా చెలరేగాడు. కేవలం 44 బంతుల్లో 6 ఫోర్లు,8 సిక్సర్లతో 94 పరుగులు చేసి ఆజేయంగా నిలిచాడు. అతడితో పాటు డ్వేన్‌ స్మిత్‌(51) హాఫ్‌ సెంచరీతో మెరిశాడు. చాడ్విక్‌ వాల్టన్‌(11 బంతుల్లో 4 ఫోర్లతో23) మెరుపు ఇన్నింగ్స్‌ ఆడాడు. ఆసీస్‌ బౌలర్లలో బెన్ హిల్ఫెన్‌హాస్, మెక్‌గైన్‌, క్రిస్టియన్‌ తలా వికెట్‌ సాధించాడు. కాగా మంగళవారం ముంబై వేదికగా భారత్‌, ఇంగ్లండ్‌ జట్లు తలపడనున్నాయి. భారత్ ఇప్పటికే తొలి మ్యాచ్‌లో శ్రీలంకపై విజయం సాధించింది.చదవండి: PAK vs IND: ఛాంపియన్స్ ట్రోఫీలో 'పాక్‌' చెత్త ప్రదర్శన.. అతడిపై వేటు..!

మెల్‌బోర్న్‌: ప్రధాన ఆటగాళ్ల గాయాలకు తోడు... ఆల్‌రౌండర్‌ స్టొయినిస్‌ వన్డే ఫార్మాట్‌కు వీడ్కోలు పలకడంతో ఐసీసీ చాంపియన్స్‌ ట్రోఫీ ప్రారంభానికి ముందు ఆస్ట్రేలియా జట్టు తీవ్ర ఇబ్బందులు ఎదుర్కొంటోంది. ఈ నెల 19 నుంచి పాకిస్తాన్, యునైటెడ్‌ అరబ్‌ ఎమిరెట్స్‌ (యూఏఈ) వేదికగా చాంపియన్స్‌ ట్రోఫీ ప్రారంభం కానుండగా... క్రికెట్‌ ఆస్ట్రేలియా (సీఏ) ఈ టోర్నీ కోసం ఇప్పటికే జట్టును ప్రకటించింది. కాగా... ఇందులో రెగ్యులర్‌ కెప్టెన్‌ ప్యాట్‌ కమిన్స్‌తో పాటు మరో పేసర్‌ జోష్‌ హాజల్‌వుడ్‌ గాయాల కారణంగా అధికారికంగా టోర్నీ దూరం కాగా... పేస్‌ ఆల్‌రౌండర్ మిచిల్ మార్ష్ వెన్ను నొప్పి కారణంగా టోర్నీకి దూరమయ్యాడు. ఇక మరో పేస్‌ ఆల్‌రౌండర్‌ స్టొయినిస్‌ అనూహ్యంగా వన్డే ఫార్మాట్‌కు రిటైర్మెంట్‌ ప్రకటించాడు.ఈ నెల 12 వరకు జట్లలో మార్పులు చేసుకునేందుకు ఐసీసీ గడువు ఇవ్వగా... ఆ్రస్టేలియా జట్టు దాదాపు కొత్త జట్టును ఎంపిక చేయాల్సిన పరిస్థితి నెలకొంది. కమిన్స్‌ అందుబాటులో లేకపోవడంతో అతడి స్థానంలో స్టీవ్‌ స్మిత్, ట్రావిస్‌ హెడ్‌లో ఒకరు ఆసీస్‌ జట్టుకు సారథ్యం వహిస్తారని సీఏ వెల్లడించింది.‘కమిన్స్, హాజల్‌వుడ్, మార్ష్‌, అనుకోకుండా.. టోర్నీకి దూర‌మ‌య్యారు. ఐసీసీ నిర్వహిస్తున్న ప్రతిష్టాత్మక టోర్నీల్లో ఆ్రస్టేలియా జట్టుకు ప్రాతినిధ్యం వహించాలని ప్రతి ఒక్కరికీ ఉంటుంది’ అని ఆ్రస్టేలియా జాతీయ సెలెక్షన్‌ కమిటీ చైర్మన్‌ జార్జ్‌ బెయిలీ అన్నాడు.జ‌ట్టులోకి యువ ఆట‌గాళ్లు..ఇక ఛాంపియ‌న్స్ ట్రోఫీకి స‌మయం ద‌గ్గ‌ర‌పడుతుండడంతో టోర్నీకి దూర‌మైన ఆట‌గాళ్ల స్ధానాల‌ను భ‌ర్తీ చేసే ప‌నిలో క్రికెట్ ఆస్ట్రేలియా సెల‌క్ష‌న్ క‌మిటీ ప‌డింది. క‌మ్మిన్స్‌, హాజిల్‌వుడ్ స్ధానాల్లో యువ పేస‌ర్లు జేవియర్ బార్ట్‌లెట్, స్పెన్స‌ర్ జాన్స‌న్ పేర్ల‌ను జార్జ్‌ బెయిలీ నేతృత్వంలోని సెలక్షన్ కమిటీ పరిశీలిస్తున్నట్లు తెలుస్తోంది. వీరిద్దరూ ఇప్పటికే తమకు వచ్చిన అవకాశాలను సద్వినియోగపరుచుకున్నారు. ఆసీస్‌ తరపున కేవలం 2 మ్యాచ్‌లు మాత్రమే ఆడిన బార్టలెట్‌ 8 వికెట్లు పడగొట్టాడు. మ‌రోవైపు జాన్స‌న్ కూడా ఆసీస్ త‌ర‌పున రెండు వ‌న్డేలు ఆడి వికెట్ ఏమీ సాధించ‌లేదు. కానీ టీ20ల్లో మాత్రం అత‌డి పేరిట 14 వికెట్లు ఉన్నాయి. అదేవిధంగా మిచెల్ మార్ష్‌, స్టోయినిష్ స్ధానాల్లో కాపర్ కొన్నోలీ, బ్యూ వెబ్‌స్టర్‌ల‌ను ఎంపిక చేయాల‌ని క్రికెట్ ఆస్ట్రేలియా నిర్ణ‌యించుకున్న‌ట్లు తెలుస్తోంది.కాపర్ కొన్నోలీకి అంత‌ర్జాతీయ క్రికెట్‌లో పెద్ద‌గా అనుభ‌వం లేన‌ప్ప‌టికి దేశ‌వాళీ క్రికెట్‌లో మాత్రం అద్బుత‌మైన రికార్డు ఉంది. ఇటీవ‌లే ముగిసిన బిగ్‌బాష్ లీగ్‌లోనూ కొన్నోలీకి చోటు ద‌క్కింది. అత‌డికి బ్యాట్‌, బంతితో రాణించే స‌త్తాఉంది.మ‌రోవైపు తన టెస్టు అరంగేట్రంలోనే ఆకట్టుకున్న బ్యూ వెబ్‌స్టెర్‌ను కూడా ఈ మెగా టోర్నీకి ఎంపిక చేయాలని క్రికెట్ ఆస్ట్రేలియా భావిస్తున్నట్లు తెలుస్తోంది. ఈ మీడియం పేస్ ఆల్‌రౌండర్ భారత్‌తో జరిగిన ఐదో టెస్టులో సత్తాచాటాడు. ఆ తర్వాత బిగ్‌బాష్‌​ లీగ్‌లోనూ దుమ్ములేపాడు.ఛాంపియన్స్ ట్రోఫీకి ఆస్ట్రేలియా అప్‌డెటెడ్‌ జట్టు(అంచనా)అలెక్స్ కారీ, నాథన్ ఎల్లిస్, ఆరోన్ హార్డీ, సీన్ అబాట్, ట్రావిస్ హెడ్, జోష్ ఇంగ్లిస్, మార్నస్ లాబుషేన్‌, గ్లెన్ మాక్స్‌వెల్, మాట్ షార్ట్, స్టీవ్ స్మిత్ (కెప్టెన్‌), మిచెల్ స్టార్క్, జేవియర్ బార్ట్‌లెట్, ఆడమ్ జంపా, కాపర్ కొన్నోలీ, బ్యూ వెబ్‌స్టర్చదవండి: IND vs ENG: శ్రేయస్‌ అయ్యర్‌ వరల్డ్‌​ రికార్డు..

ఐసీసీ ఛాంపియ‌న్స్ ట్రోఫీ-2025(Champions Trophy 2025)కి ముందు ఆస్ట్రేలియాకు ఊహించని ఎదురు దెబ్బ త‌గిలింది. ఆ జ‌ట్టు స్టార్ ఆల్‌రౌండ‌ర్ మిచెల్ మార్ష్(Mitchell Marsh) వెన్ను గాయం కార‌ణంగా ఈ ఐసీసీ మెగా టోర్నీకి దూర‌మయ్యాడు. ఈ విష‌యాన్ని క్రికెట్ ఆస్ట్రేలియా ధృవీకరించింది. ఛాంపియ‌న్స్ ట్రోఫీకి ఆసీస్ సెల‌క్ట‌ర్లు ఎంపిక చేసిన జ‌ట్టులో మార్ష్‌కు చోటు ద‌క్కింది. ఇప్పుడు అత‌డి స్ధానాన్ని మ‌రో ఆల్‌రౌండ‌ర్‌తో సెల‌క్ట‌ర్లు భ‌ర్తీ చేయ‌నున్నారు.స్వ‌దేశంలో భార‌త్‌తో జ‌రిగిన టెస్టు సిరీస్ ఆరంభంలోనే త‌ను వెన్ను నొప్పితో బాధ‌ప‌డుతున్నాని క్రికెట్ ఆస్ట్రేలియాకు మార్ష్ తెలియ‌జేశాడు. దీంతో అతడిపై ఎక్కువ బౌలింగ్ లోడ్‌ను టీమ్ మెనెజ్‌మెంట్ ఉంచ‌లేదు. అటు బౌలింగ్‌లోనూ, ఇటు బ్యాటింగ్‌లోనూ మార్ష్ తీవ్ర నిరాశ‌ప‌రిచాడు.బోర్డర్-గవాస్కర్ ట్రోఫీలో ఏడు ఇన్నింగ్స్‌లలో కేవలం 73 పరుగులు చేశాడు. దీంతో సిడ్నీ వేదిక‌గా జ‌రిగిన ఆఖ‌రి టెస్టుకు టీమ్ మెనెజ్‌మెంట్ అత‌డిపై వేటు వేసింది. అత‌డి స్ధానంలో బ్యూ వెబ్‌స్టార్‌కు చోటు ఇచ్చాడు. ఈ టాల్ ఆల్‌రౌండ‌ర్ త‌న అరంగేట్రంలోనే ఆక‌ట్టుకున్నాడు. ఆ త‌ర్వాత బిగ్‌బాష్‌లోకి వెళ్లిన మార్ష్ కేవ‌లం ఒకే ఒక మ్యాచ్ ఆడాడు.ఛాంపియన్స్ ట్రోఫీకి ముందు కోలుకోవడానికి బిగ్‌బాష్ లీగ్ చివరి మూడు మ్యాచ్‌ల‌ను మార్ష్ దాటేశాడు. అయిన‌ప్ప‌టికి అత‌డు పూర్తి ఫిట్‌నెస్ సాధించడంలో విఫలమయ్యాడు. ఈ క్రమంలోనే అతడు ఛాంపియన్స్ ట్రోఫీ మొత్తానికి దూరమయ్యాడు."మిచెల్ మార్ష్ వెన్ను నొప్పి కారణంగా ఛాంపియన్స్ ట్రోఫీ జట్టు నుంచి తొలగించబడ్డాడు. ఇటీవల కాలంలో అతడి నడుము నొప్పి మరింత ఎక్కువైంది. దీంతో అతడిని జట్టు నుంచి తప్పించాలని ఆస్ట్రేలియా సెలక్షన్ ప్యానల్ నిర్ణయించింది. అతడు కోలుకోవడానికి కొన్ని వారాల సమయం పట్టనున్నట్లు" క్రికెట్ ఆస్ట్రేలియా ఓ ప్రకటనలో పేర్కొంది.కాగా మార్ష్‌​ ఐపీఎల్‌​ ఫస్ట్‌హాఫ్‌కు కూడా దూరమయ్యే సూచనలు కన్పిస్తున్నాయి. ఐపీఎల్‌-2025 మెగా వేలంలో లక్నో సూపర్ జెయింట్స్ అతడిని రూ.3.4 కోట్లకు కొనుగోలు చేసింది. ఇక ఛాంపియన్స్ ట్రోఫీ 2025 ఫిబ్రవరి 19 నుంచి ప్రారంభం కానుంది. కాగా మార్ష్ స్ధానాన్ని వెబ్‌స్టెర్‌తో భ‌ర్తీ చేసే అవ‌కాశ‌ముంది.ఛాంపియన్స్‌ ట్రోఫీకి ఆసీస్‌ జట్టు: పాట్ కమ్మిన్స్ (కెప్టెన్‌), అలెక్స్ కారీ, నాథన్ ఎల్లిస్, ఆరోన్ హార్డీ, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లాబుషేన్‌, గ్లెన్ మాక్స్‌వెల్, మాట్ షార్ట్, స్టీవ్ స్మిత్, మిచెల్ స్టార్క్, మార్కస్ స్టోయినిస్, ఆడమ్ జాంపాచదవండి: Virat Kohli: పన్నెండేళ్ల తర్వాత రీఎంట్రీ.. క్లీన్‌బౌల్డ్‌! దారుణ వైఫల్యం

మెల్‌బోర్న్‌:సోషల్‌మీడియా వాడకంపై ఆస్ట్రేలియా ఆంక్షలు విధించింది. తమ దేశంలో 16 ఏళ్లలోపు చిన్న పిల్లలు సోషల్‌ మీడియా వినియోగించడంపై నిషేధం విధిస్తూ చట్టం తీసుకువచ్చింది. ఇందుకు సంబంధించిన బిల్లును ఆస్ట్రేలియా దిగువసభ సుదీర్ఘచర్చ అనంతరం పాస్‌ చేసింది.పిల్లలు సోషల్‌మీడియా వాడకుండా నిషేధించడంపై దేశ ప్రధాని ఆంథోని అల్బనీస్‌ స్పందించారు.తమ దేశంలో పిల్లల భద్రత ప్రశ్నార్థకంలో పడకుండా సోషల్‌మీడియా ప్లాట్‌ఫాంలు అన్ని చర్యలు తీసుకోవాలని కోరారు. సోషల్‌మీడియా నిషేధం బిల్లు పాసవ్వడంతో ఫేస్‌బుక్‌,ఇన్‌స్టాగ్రామ్‌,టిక్‌టాక్‌లాంటి సోషల్‌మీడియా ప్లాట్‌ఫాంలలో ఇక నుంచి 16 ఏళ్ల లోపు పిల్లలు లాగిన్‌ అవడానికి వీల్లేదు.ఈ మేరకు ఆయా ప్లాట్‌ఫాంలు చర్యలు తీసుకోవాల్సి ఉంటుంది.లేదంటే ఆయా కంపెనీలు భారీ జరిమానాలు చెల్లించాల్సి ఉంటుంది.ఈ నిషేధాన్ని జనవరి నుంచి ట్రయల్‌ పద్ధతిలో అమలు చేయనున్నారు. వచ్చే ఏడాది నుంచి పూర్తిస్థాయి నిషేధం అమలులోకి రానుంది.

అద్బుత ప్ర‌ద‌ర్శ‌నల‌తో భార‌త్‌కు రెండు వ‌ర‌ల్డ్‌క‌ప్‌లు అందించిన ఘ‌న‌త అత‌డది. అంత‌ర్జాతీయ టీ20ల్లో ఆరు బంతుల్లో ఆరు సిక్స్‌లు కొట్టిన తొలి క్రికెట‌ర్ అత‌డు. 17 ఏళ్ల పాటు భార‌త క్రికెట్‌కు సేవ‌లు అందించిన ధీరుడు. క్యాన్స‌ర్‌తో పోరాడి మ‌రి గెలిచిన యోదుడు. జ‌ట్టు క‌ష్టాల్లో ఉందంటే అంద‌రికి గుర్తు వ‌చ్చే సేవియ‌ర్. అటు బ్యాట్‌తోనూ ఇటు బంతితోనూ మాయ చేసే మేజిషేయ‌న్‌. ఇప్ప‌ట‌కే మీకు ఆర్ధ‌మై పోయింటుంది ఇదింతా ఎవ‌రి కోస‌మో. అవును మీరు అనుకుంటుంది నిజమే. అతడే టీమిండియా దిగ్గజ క్రికెటర్ యువరాజ్ సింగ్‌.సాధార‌ణంగా త‌న వ్య‌క్తిగ‌త విష‌యాల‌ను బయట ఎక్కువ‌గా మాట్లాడని యువీ.. తాజాగా ఓ ఇంట‌ర్వ్యూలో ఆస‌క్తికర విష‌యాన్ని వెల్ల‌డించాడు. గ‌తంలో ఓ సినీ నటితో డేటింగ్‌ చేసినట్లు యువీ చెప్పుకొచ్చాడు. 2007-08లో బోర్డర్-గవాస్కర్ ట్రోఫీ ఆడేందుకు ఆసీస్‌కు వెళ్ల‌గా త‌న‌కు ఎదురైన అనుభ‌వాల‌ను ఈ పంజాబీ దిగ్గ‌జం గుర్తుచేసుకున్నాడు."2007-08లో టెస్టు సిరీస్ కోసం ఆసీస్ ప‌ర్య‌ట‌న‌కు వెళ్లాం. ఆ స‌మ‌యంలో నేను ఒక నటితో డేటింగ్‌లో ఉన్నాను. నేను ఆమె పేరు చెప్పాల‌నుకోవ‌డం లేదు. ఆ స‌మ‌యంలో ఆమె టాప్ హీరోయిన్‌లో ఒక‌రిగా ఉంది. ఆమె కూడా షూటింగ్ ప‌నిమీద అడిలైడ్‌కు వ‌చ్చింది. మేము అప్ప‌డు కాన్‌బెర్రాలో ఉన్నాం. కానీ నేను ఆమెతో ఫోన్‌లో ఒక మాట చెప్పాను. ఆసీస్ టూర్‌లో ఉన్నందున ఆట‌పై దృష్టి పెట్టాలనకుంటున్నాను, మనం ఎక్కువ‌గా క‌ల‌వ‌ద్ద‌ని ఆమెతో అన్నాను.కానీ ఆమె మాత్రం నా మాట వినకుండా కాన్‌బెర్రాకు వచ్చేసింది. నేను అప్పటికే తొలి రెండు టెస్టుల్లో పెద్దగా రాణించలేకపోయాను. కాబట్టి మూడో మ్యాచ్‌లో ఎలాగైనా మెరుగ్గా రాణించాలన్న పట్టుదలతో ఉన్నాను. ఆ సమయంలో ఆమెను కాన్‌బెర్రాలో చూసి ఆశ్చర్యపోయాను. ఇక్కడ ఏమి చేస్తున్నావు అని ప్రశ్నించాను. నేను మీతో సమయం గడపాలనుకుంటున్నాను ఆమె చెప్పింది. ఆ రోజు రాత్రి ఆమెను నేను కలిశాను. ఆమెతో చాలా విషయాలు మాట్లాడాను. నీవు నీ కెరీర్‌పై దృష్టి పెట్టు, నా కెరీర్‌పై కూడా నేను ఫోకస్ చేస్తానని చెప్పాను. ఎందుకంటే నేను ఆసీస్ పర్యటనలో ఉన్నాను. మాకు ఆ సిరీస్ చాలా ముఖ్యం. ఆ తర్వాత కాన్‌బెర్రా నుండి అడిలైడ్‌కి బయలు దేరుతున్నాము. ఆమె నా సూట్‌కేస్‌ను ప్యాక్ చేసింది. పొద్దున్న లేచే సరికి నా బూట్లు కన్పించలేదు. వెంటనే ఆమెను నా షూ ఎక్కడ ఉన్నాయి? అని అడిగాను, వాటిని కూడా ప్యాక్ చేసేశాను ఆమె చెప్పింది. మ‌రి నేను బస్సులో ఎలా వెళ్లాలి అని ఆమెను ప్ర‌శ్నించాను. నా స్లిప్ప‌ర్స్ ధ‌రించండి అని ఆమె స‌ల‌హా ఇచ్చింది. ఆమె మాట‌లు విన్న నేను ఓమైగాడ్ అంటూ షాకింగ్ రియాక్ష‌న్ ఇచ్చాను. త‌ప్ప‌నిస‌రి ప‌రిస్థితుల్లో ఆమె ద‌గ్గ‌ర ఉన్న పింక్‌ స్లిప్పర్లు వేసుకుని బ‌స్సు ద‌గ్గ‌ర‌కు వెళ్లాను.నా లగేజీ బ్యాగ్‌ను అడ్డుపెట్టుకుని కనిపించకుండా బ‌స్ ఎక్కాను. కానీ సహచరుల్లో కొందరు చూసేశారు. న‌న్ను చ‌ప్ప‌ట్లు కొడుతూ ఆట ప‌ట్టించారు. ఆ త‌ర్వాత ఎయిర్‌పోర్ట్‌లో వేరే చెప్పుల‌ను కొనుకున్నాను. మా హోట‌ల్ నుంచి విమానాశ్రయానికి పింక్ స్లిప్ప‌ర్స్‌ను ధ‌రించ‌వ‌లిసి వ‌చ్చింది" అని క్లబ్ ప్రైరీ ఫైర్ పోడ్‌కాస్ట్‌లో యువీ పేర్కొన్నాడు.

అంత‌ర్జాతీయ క్రికెట్‌లో ఏదైనా మ్యాచ్‌కు సాధ‌ర‌ణంగా ఇద్ద‌రూ ఫీల్డ్ అంపైర్‌ల‌తో పాటు ఓ థ‌ర్డ్ అంపైర్ కూడా బాధ్య‌త‌లు నిర్వ‌రిస్తారు. ఈ విష‌యం ప్ర‌తీ క్రికెట్ అభిమానికి తెలుసు. కానీ ఓ ఇంట‌ర్న‌నేష‌నల్ సిరీస్ థ‌ర్డ్ అంపైర్ లేకుండానే జ‌రుగుతోంది. అవును మీరు విన్న‌ది నిజ‌మే.ఎడిన్‌బ‌ర్గ్ వేదిక‌గా ఆస్ట్రేలియా-స్కాట్లాండ్ మ‌ధ్య జ‌రుగుతున్న మూడు మ్యాచ్‌ల టీ20 సిరీస్‌కు థ‌ర్డ్ అంపైర్ ఎవ‌రూ లేరు. థ‌ర్డ్ అంపైర్‌తో పాటు డీఆర్‌ఎస్‌ కూడా అందుబాటులో లేదు. థర్డ్ అంపైర్ అం‍దుబాటులో లేకపోవడంతో రనౌట్‌, స్టంపౌట్‌లపై ఫీల్డ్ అంపైర్‌లదే తుది నిర్ణయం.మూడో అంపైర్ లేకపోవడంతో రెండో టీ20లో ఆసీస్ బ్యాటర్ ఫ్రెజర్ మెక్‌గర్క్‌కు కలిసొచ్చింది. మెక్‌గర్క్ స్టంపౌట్ ఔటైనప్పటకి ఫీల్డ్ అంపైర్ నాటౌట్‌గా ప్రకటించిడంతో మెక్‌గర్క్ ఔటయ్యే ప్రమాదం నుంచి తప్పించుకున్నాడు.అయితే ఆస్ట్రేలియా వంటి వ‌ర‌ల్డ్‌క్లాస్ జ‌ట్టు ఆడుతున్న సిరీస్‌కు థ‌ర్డ్ అంపైర్ లేక‌పోవ‌డం అంద‌రిని విస్మ‌యానికి గురిచేస్తోంది. ప్ర‌స్తుతం ఇదే విష‌యం క్రీడా వ‌ర్గాల్లో తీవ్ర చర్చ‌నీయాంశ‌మైంది. ఇక వరుసగా రెండు టీ20ల్లో ఘన విజయం సాధించిన ఆసీస్‌.. మరో మ్యాచ్ మిగిలూండగానే 2-0తో సిరీస్ సొంతం చేసుకుంది.చదవండి: AUS vs SCO: జోష్‌ ఇంగ్లిస్‌ రికార్డు సెంచరీ.. ఆసీస్‌ సిరీస్‌ విజయం

భారత మహిళల ‘ఎ’ జట్టు ఆస్ట్రేలియా ప‌ర్య‌ట‌ను ఓట‌మితో ముగించింది. గోల్డ్‌కోస్ట్ వేదిక‌గా జ‌రిగిన ఏకైక అనధికారిక టెస్టు మ్యాచ్‌లో 45 ప‌రుగుల తేడాతో ఆసీస్‌తో చేతిలో భార‌త్ ఓట‌మి పాలైంది. 289 పరుగుల ల‌క్ష్యంతో బ‌రిలోకి దిగిన భార‌త్ 243 ప‌రుగుల‌కు ఆలౌటైంది. ఇండియా బ్యాట‌ర్ల‌లో ఉమ‌న్ ఛెత్రి 47 ప‌రుగులతో టాప్ స్కోర‌ర్‌గా నిల‌వ‌గా.. ప్రియా పునియా(36), శుభా సతీష్‌(45) ప‌రుగుల‌తో త‌మ వంతు ప్ర‌య‌త్నం చేశారు. ఆసీస్ బౌల‌ర్ల‌లో ఫ్లింటాఫ్‌, నాట్ త‌లా మూడు వికెట్టు ప‌డ‌గొట్టారు. అంత‌కుముందు ఆ్రస్టేలియా ‘ఎ’ త‌మ సెకెండ్ ఇన్నింగ్స్‌లో 92 ఓవర్లలో 260 పరుగులు చేసి ఆలౌటైంది. మ్యాడీ డార్క్‌ (197 బంతుల్లో 105 నాటౌట్‌; 4 ఫోర్లు) టాప్ స్కోరర్‌గా నిల‌వ‌గా.. డి బ్రోగే(58) ప‌రుగుల‌తో రాణించింది. భార‌త బౌల‌ర్ల‌లో మిన్నుమణి 6 వికెట్లు తీయగా, సయాలీ, ప్రియా మిశ్రా చెరో 2 వికెట్లు తీశారు. తొలి ఇన్నింగ్స్‌ ఆధిక్యం 28 పరుగులు కలుపుకొని భారత్‌ ముందు 289 పరుగుల లక్ష్యాన్ని నిర్దేశించింది. ఆ ల‌క్ష్యాన్ని ఛేదించ‌డంలో భార‌త్ విఫ‌ల‌మైంది.

టీమిండియా స్టార్‌ స్పిన్నర్‌ కుల్దీప్‌ యాదవ్ శుక్రవారం ప్రఖ్యాత మెల్‌బోర్న్ క్రికెట్ గ్రౌండ్ (MCG)ని సందర్శించాడు. ఈ సందర్భంగా ఏంసీజీలో ఏర్పాటు చేసిన దివంగత ఆసీస్‌ స్పిన్‌ దిగ్గజం షేన్ వార్న్ విగ్రహం ముందు కుల్దీప్‌ నివాళులర్పించాడు.ఇందుకు సంబంధించిన ఫోటోలను కుల్దీప్ తన ఇన్‌స్టాగ్రామ్‌లో ఖాతాలో షేర్ చేశాడు. షేన్ వార్న్ బౌలింగ్‌లో ఎప్ప‌టికి ఒక అద్భుతం అంటూ కుల్దీప్ క్యాప్ష‌న్‌గా ఇచ్చాడు. అదే విధంగా క్రికెట్ ఆస్ట్రేలియాతో మాట్లాడిన కుల్దీప్‌.. వార్న్‌తో త‌నకు ఉన్న అనుబంధాన్ని గుర్తు చేసుకున్నాడు."షేన్ వార్న్ నా ఆరాధ్య క్రికెట‌ర్‌. షేన్ నా హీరో. అత‌డితో నాకు చాలా మంచి అనుబంధం ఉంది. వార్నీని గుర్తుచేసుకునే ప్ర‌తీసారి నేను భావోద్వేగానికి లోనవుతాను. నా కుటుంబంలోని ఒకరిని నేను కోల్పోయినట్లు ఇప్ప‌టికీ అనిపిస్తుందని" కుల్దీప్ క్రికెట్ ఆస్ట్రేలియాతో పేర్కొన్నాడు. ఇక కుల్దీప్ యాద‌వ్ ప్ర‌స్తుతం విశ్రాంతి తీసుకుంటున్నాడు. అనంత‌రం అత‌డు దులీప్ ట్రోఫీలో ఆడ‌నున్నాడు. శుభ్‌మాన్ గిల్ నేతృత్వంలోని టీమ్ Aకు కుల్దీప్ ప్రాతినిథ్యం వ‌హించ‌నున్నాడు. ఆ త‌ర్వాత వ‌రుస టెస్టు సిరీస్‌ల‌తో కుల్దీప్ బీజీబీజీగా గ‌డ‌ప‌నున్నాడు. కాగా టీ20 వ‌ర‌ల్డ్‌క‌ప్‌-2024ను భార‌త్ సొంతం చేసుకోవ‌డంలో కుల్దీప్‌ది కీల‌క పాత్ర‌.

అంత‌ర్జాతీయ క్రికెట్‌లో ఆస్ట్రేలియా స్టార్ ఓపెన‌ర్ డేవిడ్ వార్న‌ర్ ప్ర‌యాణం ముగిసింది. ఇప్ప‌టికే వ‌న్డేల‌కు, టెస్టుల‌కు రిటైర్మెంట్ ప్ర‌క‌టించిన వార్న‌ర్‌.. ఇప్పుడు టీ20ల నుంచి త‌ప్పుకున్నాడు. టీ20 వ‌ర‌ల్డ్‌క‌ప్‌-2024లో అఫ్గానిస్తాన్‌- బంగ్లాదేశ్ మ్యాచ్ ఫలితంతో వార్న‌ర్ అంత‌ర్జాతీయ కెరీర్ ముగిసింది. ఇదివ‌ర‌కే టీ20 వ‌ర‌ల్డ్‌క‌ప్ అనంత‌రం త‌న రిటైర్ అవుతానని వార్న‌ర్ ప్ర‌క‌టించేశాడు. దీంతో త‌న చివ‌రి మ్యాచ్‌ను వార్న‌ర్ భార‌త్‌పై ఆడేశాడు. ఇక వార్న‌ర్ త‌న వారసుడిగా ఆసీస్ యువ సంచ‌ల‌నం జేక్ ఫ్రేజర్-మెక్‌గర్క్‌ను ప్ర‌క‌టించాడు. ప్ర‌స్తుతం క‌రేబియ‌న్ దీవుల్లో ఎంజాయ్ చేస్తున్న వార్న‌ర్‌ జేక్ ఫ్రేజర్-మెక్‌గర్క్‌తో కలిసి ఫోటోను సోష‌ల్ మీడియాలో షేర్ చేశాడు."ఇక నుంచి అంతా నీదే ఛాంపియ‌న్ అంటూ" వార్నర్ క్యాప్షన్‌గా ఇచ్చాడు. కాగా మెక్‌గర్క్‌కు టీ20 వరల్డ్‌కప్ ప్రధాన జట్టులో చోటు దక్కకపోయినప్పటికి బ్యాకప్ ఓపెనర్‌గా రిజర్వ్‌లో ఉన్నాడు. మెక్‌గర్క్ కూడా ప్రస్తుతం ఓపెనర్‌గా సత్తాచాటుతున్నాడు. ఐపీఎల్‌-2024లో ఢిల్లీ క్యాపిటల్స్‌కు ప్రాతినిథ్యం వహించిన ఫ్రెజర్.. 9 మ్యాచ్‌ల్లో 230 పరుగులు చేశాడు. ఇక పరిమిత ఓవర్ల క్రికెట్‌లో ట్రావిస్‌ హెడ్‌తో కలిసి మెక్‌గర్క్‌ ఆసీస్‌ ఇన్నింగ్స్‌ను ప్రారంభించే అవకాశముంది. ఇక ఆస్ట్రేలియా తరఫున 112 టెస్టులు, 161 వన్డేలు, 110 టీ20 మ్యాచ్‌లు ఆడిన వార్నర్‌.. ఆయా ఫార్మాట్లలో వరుసగా 8786, 6932, 3277 పరుగులు సాధించాడు. వార్నర్‌ ఇక పై ఫ్రాంచైజీ క్రికెట్‌లో కొనసాగనున్నాడు. David Warner passes the baton to Jake Fraser-McGurk 💛📸: David Warner pic.twitter.com/VwCFtjvIX0— CricTracker (@Cricketracker) June 25, 2024

టీ20 వ‌ర‌ల్డ్‌క‌ప్‌-2024లో ఆస్ట్రేలియా జైత్ర యాత్ర‌కు అఫ్గానిస్తాన్ బ్రేక్‌లు వేసింది. కింగ్స్‌టౌన్ వేదిక‌గా జ‌రిగిన మ్యాచ్‌లో ఆసీస్‌ను 21 ప‌రుగుల తేడాతో అఫ్గానిస్తాన్ చిత్తు చేసింది. దీంతో 2023 వ‌న్డే ప్ర‌పంచ‌క‌ప్‌లో ఓటమికి అఫ్గాన్ బ‌దులు తీర్చుకుంది. ఈ మ్యాచ్‌లో అఫ్గాన్ బౌల‌ర్లు అద్బుతమైన ప్ర‌ద‌ర్శ‌న క‌న‌బ‌రిచారు. 150 ప‌రుగుల నామ‌మాత్ర‌పు ల‌క్ష్యాన్ని అఫ్గాన్ బౌల‌ర్లు కాపాడుకున్నారు. ల‌క్ష్య చేధ‌న‌లో అఫ్గాన్ బౌల‌ర్ల దాటికి ఆసీస్ 127 ప‌రుగుల‌కే చాప‌చుట్టేసింది. అఫ్గాన్ మీడియం పేస‌ర్ గుల్బాదిన్ నైబ్ 4 వికెట్లతో ఆసీస్‌ ప‌త‌నాన్ని శాసించ‌గా.. న‌వీన్ ఉల్‌హ‌క్ మూడు వికెట్లు, ఒమ‌ర్జాయ్‌, ర‌షీద్ ఖాన్‌, న‌బీ ఒక్క వికెట్ సాధించారు. తొలుత బ్యాటింగ్ చేసిన అఫ్గాన్ నిర్ణీత 20 ఓవ‌ర్ల‌లో 6 వికెట్ల న‌ష్టానికి 149 ప‌రుగులు చేసింది. ఈ విజ‌యంతో అఫ్గాన్ త‌మ సెమీస్ ఆశ‌ల‌ను స‌జీవంగా ఉంచుకుంది. ఇక ఈ విజ‌యంపై మ్యాచ్ అనంత‌రం అఫ్గాన్ కెప్టెన్ ర‌షీద్ ఖాన్ స్పందించాడు. ఆసీస్ వంటి ప‌టిష్ట జ‌ట్టుపై విజ‌యం సాధించినందుకు చాలా సంతోషంగా ఉంద‌ని ర‌షీద్ తెలిపాడు."ఇది మాకు ఎప్పటికీ గుర్తుండిపోయే విజయం. ఆసీస్‌ వంటి పెద్ద జట్టుపై విజయం సాధించడం చాలా సంతోషంగా ఉంది. ఇది మా దేశం గర్వించదగ్గ సందర్భం. మాకు కూడా ఒక జట్టుగా చాలా గర్వంగా ఉంది. ప్రత్యర్ది బౌలింగ్ లైనప్‌ను బట్టి మా ప్లేయింగ్ ఎలెవన్‌ను ఎంపిక చేస్తున్నాము. అందుకే ప్రతీ మ్యాచ్‌లోనూ ఒకే ప్లేయింగ్‌ ఎలెవన్‌తో ఆడలేకపోతున్నాము. కింగ్స్‌ టౌన్‌ పిచ్‌పై 140 పరుగులు మంచి స్కోర్‌గా భావించవచ్చు. మాకు బ్యాటింగ్‌లో మంచి ఆరంభం వచ్చింది. కానీ మేము ఫినిషింగ్‌ మాత్రం సరిగ్గా చేయలేకపోయాం. ఆఖరికి ప్రత్యర్ధి ముందు 150 పరుగుల లక్ష్యాన్ని ఉంచాము. ఈ టార్గెట్‌ను ఎలాగైనా డిఫెండ్‌ చేసుకోవాలనే పట్టుదలతో బరిలోకి దిగాం. అందుకు తగ్గట్టే మా బాయ్స్‌ అదరగొట్టారు. మా జట్టు గురించి ఎంత చెప్పుకున్న తక్కువే. ఎక్కువ మంది ఆల్‌రౌండర్‌లను కలిగి ఉండటం జట్టుకు కలిసొచ్చింది. ఇక నైబ్ ఒక అద్బుతం. అతడి వల్లే ఇదింతా. నైబ్‌కు ఉన్న అనుభవాన్ని మొత్తం ఈ మ్యాచ్‌లో చూపించాడు. అదే విధంగా నవీన్‌,నబీ కూడా అద్బుమైన ప్రదర్శన కనబరిచారు. మా తదుపరి మ్యాచ్‌లో ఇదే జోరును కొనసాగిస్తామని పోస్ట్‌మ్యాచ్ ప్రేజేంటేషన్‌లో రషీద్ ఖాన్ పేర్కొన్నాడు.

టీ20 వ‌ర‌ల్డ్‌క‌ప్‌-2024లో పెను సంచ‌ల‌నం న‌మోదైంది. ఈ మెగా టోర్నీలో భాగంగా సూప‌ర్‌-8 మ్యాచ్‌లో ప‌టిష్ట ఆస్ట్రేలియాను అఫ్గానిస్తాన్ చిత్తు చేసింది. కింగ్‌స్ట‌న్ వేదిక‌గా జ‌రిగిన మ్యాచ్‌లో ఆసీస్‌పై 21 ప‌రుగుల తేడాతో అఫ్గానిస్తాన్ ఘ‌న విజ‌యం సాధించింది.ఈ విజ‌యంతో త‌మ సెమీస్ ఆశ‌ల‌ను అఫ్గానిస్తాన్ స‌జీవంగా ఉంచుకుంది. 150 ప‌రుగుల ల‌క్ష్యంతో బ‌రిలోకి దిగిన ఆస్ట్రేలియా.. అఫ్గానిస్తాన్ బౌల‌ర్ల దాటికి 127 ప‌రుగుల‌కే కుప్ప‌కూలింది. ఓ ద‌శ‌లో క్రీజులో మాక్స్‌వెల్ ఉన్న‌ప్పుడు ఆసీస్‌దే విజ‌యమ‌ని అంతా భావించారు. కానీ అఫ్గాన్ ఆల్‌రౌండర్ గుల్బాదిన్ నైబ్.. మాక్సీని ఔట్ చేసి మ్యాచ్ స్వ‌రూపాన్నే మార్చేశాడు. ఓవ‌రాల్‌గా ఈ మ్యాచ్‌లో నైబ్ త‌న 4 ఓవ‌ర్ల కోటాలో 20 ప‌రుగులిచ్చి నాలుగు వికెట్లు ప‌డ‌గొట్టాడు. నైబ్‌తో పాటు నవీన్‌ ఉల్‌ హక్‌ మూడు వికెట్లు పడగొట్టాడు. ఇక ఆసీస్ బ్యాట‌ర్ల‌లో గ్లెన్ మాక్స్‌వెల్‌(59) మిన‌హా మిగితా బ్యాట‌ర్లంతా దారుణంగా విఫ‌ల‌మ‌య్యారు. ఇక ఈ మ్యాచ్‌లో తొలుత బ్యాటింగ్‌ చేసిన అఫ్గానిస్తాన్‌ నిర్ణీత 20 ఓవర్లలో 6 వికెట్ల నష్టానికి 149 పరుగులు చేసింది. అఫ్గాన్‌ ఓపెనర్లు గుర్బాజ్‌(60), ఇబ్రహీం జద్రాన్‌(51) పరుగులతో రాణించారు. ఆసీస్‌ బౌలర్లలో కమ్మిన్స్‌ 3 వికెట్లు పడగొట్టగా.. జంపా రెండు, స్టోయినిష్‌ ఒక్క వికెట్‌ సాధించారు.

ఆస్ట్రేలియా స్టార్ పేస‌ర్, టెస్టు కెప్టెన్ ప్యాట్ క‌మ్మిన్స్ స‌రికొత్త చ‌రిత్ర సృష్టించాడు. టీ20 ప్రపంచకప్‌లో రెండు సార్లు హ్యాట్రిక్ నమోదు చేసిన తొలి బౌలర్‌గా కమ్మిన్స్ రికార్డులకెక్కాడు. టీ20 వరల్డ్‌కప్‌-2024లో భాగంగా కింగ్‌స్టౌన్ వేదికగా ఆఫ్ఘనిస్తాన్‌తో మ్యాచ్‌లో హ్యాట్రిక్ వికెట్లు పడగొట్టిన కమ్మిన్స్.. ఈ అరుదైన ఘనతను తన పేరిట లిఖించుకున్నాడు.తొలుత 18వ ఓవర్ వేసిన కమ్మిన్స్ ఆఖరి బంతికి అఫ్గానిస్తాన్ కెప్టెన్ రషీద్ ఖాన్‌ను ఔట్ చేశాడు. ఆ తర్వాత మళ్లీ 20 ఓవర్ వేసిన కమ్మిన్స్.. వరుస బంతుల్లోకరీం జనత్, గుల్బాదిన్ నైబ్‌లను ఔట్ చేసి హ్యాట్రిక్‌ను తన ఖాతాలో వేసుకున్నాడు.అంతకముందు ఇదే వరల్డ్‌కప్‌లో బంగ్లాదేశ్‌తో జరిగిన మ్యాచ్‌లోనూ కమ్మిన్స్ హ్యాట్రిక్ వికెట్లు పడగొట్టి సత్తాచాటాడు. దీంతో వరల్డ్‌కప్ చరిత్రలోనే రెండు సార్లు హ్యాట్రిక్ నమోదు చేసిన తొలి బౌలర్‌గా కమ్మిన్స్ నిలిచాడు. అదేవిధంగా మరో కొన్ని రికార్డులను కూడా కమ్మిన్స్ తన ఖాతాలో వేసుకున్నాడు.కమ్మిన్స్‌ సాధించిన రికార్డులు ఇవే..అంతర్జాతీయ టీ20ల్లో వరుసగా రెండు మ్యాచ్‌ల్లో హ్యాట్రిక్ నమోదు చేసిన తొలి బౌలర్‌గా కమ్మిన్స్ నిలిచాడు. ఇప్పటివరకు ఈ ఘనత ఎవరికీ సాధ్యం కాలేదు.అంతర్జాతీయ టీ20ల్లో రెండు సార్లు హ్యాట్రిక్ వికెట్లు పడగొట్టిన ఐదో బౌలర్‌గా కమ్మిన్స్ రికార్డులకెక్కాడు. ఈ జాబితాతో లసిత్ మలింగ (శ్రీలంక), టిమ్ సౌతీ (న్యూజిలాండ్‌), మార్క్ పావ్లోవిక్ (సెర్బియా), వసీం అబ్బాస్ (మాల్టా), పాట్ కమ్మిన్స్ (ఆసీస్‌) ఉన్నారు.

టీ20 వరల్డ్‌కప్‌-2024లో ఆస్ట్రేలియా స్పిన్నర్‌ ఆడమ్‌ జంపా అదరగొడుతున్నాడు. ఈ మెగా టోర్నీలో భాగంగా బుధవారం పసికూన నమీబియాతో జరిగిన మ్యాచ్‌లో జంపా అద్బుతమైన ప్రదర్శన కనబరిచాడు. ఈ మ్యాచ్‌లో నమీబియా బ్యాటర్లను జంపా తన మయాజాలంతో ముప్పుతిప్పులు పెట్టాడు. జంపా తన 4 ఓవర్ల ​కోటాలో 12 పరుగులిచ్చి 4 వికెట్లు పడగొట్టాడు. ఈ క్రమంలో జంపా ఓ అరుదైన రికార్డును తన పేరిట లిఖించుకున్నాడు.అంతర్జాతీయ టీ20ల్లో 100 వికెట్ల మైలు రాయిని అందుకున్న తొలి ఆస్ట్రేలియా బౌలర్‌గా జంపా రికార్డులకెక్కాడు. నమీబియా బ్యాటర​్‌ బెర్నార్డ్ స్కోల్ట్జ్‌ను అవుట్ చేయడంతో జంపా ఈ అరుదైన ఫీట్‌ను తన ఖాతాలో వేసుకున్నాడు. టీ20ల్లో ఇప్పటివరకు 83 మ్యాచ్‌లు ఆడిన జంపా.. 100 వికెట్లు పడగొట్టాడు. ఈ టోర్నీలో ఇప్పటివరకు మూడు మ్యాచ్‌లు ఆడిన జంపా 8 వికెట్లు పడగొట్టాడు. ఇక మ్యాచ్‌ విషయానికి వస్తే.. నమీబియాను 9 వికెట్ల తేడాతో ఆసీస్‌ చిత్తు చేసింది.తొలుత బ్యాటింగ్‌ చేసిన నమీబియా 17 ఓవర్లలో కేవలం 72 పరుగులకే ఆలౌటైంది. అనంతరం 73 పరుగుల స్వల్ప లక్ష్యాన్ని ఆసీస్‌ కేవలం ఒక వికెట్‌ మాత్రమే కోల్పోయి 5.4 ఓవర్లలో ఛేదించింది.

ఐపీఎల్‌-2024లో ఆస్ట్రేలియా యువ సంచ‌ల‌నం, ఢిల్లీ క్యాపిట‌ల్స్ ఓపెన‌ర్ జేక్ ఫ్రేజర్-మెక్‌గర్క్ అద్భుత‌మైన ప్ర‌ద‌ర్శ‌న క‌న‌బ‌రిచిన సంగ‌తి తెలిసిందే. ఢిల్లీ క్యాపిటల్స్ త‌ర‌పున ఓపెన‌ర్‌గా బ‌రిలోకి దిగిన మెక్‌గ‌ర్క్ టోర్నీ ఆసాంతం అద‌ర‌గొట్టాడు. ఈ ఏడాది సీజ‌న్‌లో 9 మ్యాచ్‌లు ఆడిన మెక్‌గ‌ర్క్‌.. 234.04 స్ట్రైక్ రేటుతో 330 ప‌రుగులు చేశాడు.ఈ క్ర‌మంలో అత‌డికి ఆస్ట్రేలియా టీ20 వ‌ర‌ల్డ్‌క‌ప్ జట్టులో చోటు ఇవ్వాల‌ని సెల‌క్ట‌ర్లు భావిస్తున్న‌ట్లు తెలుస్తోంది. కాగా ఇప్ప‌టికే టీ20 వ‌ర‌ల్డ్‌క‌ప్‌న‌కు 15 మంది స‌భ్యుల‌తో కూడిన త‌మ జ‌ట్టును ఆస్ట్రేలియా క్రికెట్ ప్ర‌క‌టించింది. ఈ జ‌ట్టులో మెక్‌గ‌ర్క్‌కు చోటు ద‌క్క‌లేదు.కనీసం రిజర్వ్ జాబితాలో కూడా జేక్ ఫ్రేజ‌ర్‌కు అవ‌కాశం ఇవ్వ‌లేదు. సెల‌క్ట‌ర్ల నిర్ణ‌యం అంద‌రిని ఆశ్చ‌ర్య‌ప‌రిచింది. అయితే ఆసీస్ సెల‌క్ట‌ర్లు ఇప్పుడు త‌మ మ‌న‌సును మార్చుకున్న‌ట్లు తెలుస్తోంది. జేక్ ఫ్రేజర్‌ను టీ20 వ‌ర‌ల్డ్‌క‌ప్‌న‌కు రిజ‌ర్వ్ ఆట‌గాడిగా ఎంపిక చేయాల‌ని ఆసీస్ సెల‌క్ష‌న్ క‌మిటీ నిర్ణయం తీసుకున్న‌ట్లు ఆసీస్ మీడియా వ‌ర్గాలు వెల్ల‌డించాయి.ఆసీస్ స్టార్ డేవిడ్ వార్న‌ర్‌కు బ్యాక‌ప్‌గా మెక్‌గ‌ర్క్‌ను ఎంపిక చేయ‌నున్న‌ట్లు వార్త‌లు వినిపిస్తున్నాయి. ఇక జాన్ 1 నుంచి పొట్టి ప్ర‌పంచ‌క‌ప్‌ ఆరంభం కానుంది. ఆసీస్ త‌మ తొలి మ్యాచ్‌లో జూన్ 5న ఒమెన్‌తో త‌ల‌ప‌డ‌నుంది.టీ20 ప్రపంచ క‌ప్‌న‌కు ఆస్ట్రేలియా జట్టుమిచెల్ మార్ష్ (కెప్టెన్‌), ఆష్టన్ అగర్, పాట్ కమిన్స్, టిమ్ డేవిడ్, నాథన్ ఎల్లిస్, కామెరాన్ గ్రీన్. జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, గ్లెన్ మాక్స్‌వెల్, మిచెల్ స్టార్క్, మార్కస్ స్టోయినిస్, మాథ్యూ వేడ్, డేవిడ్ వార్నర్, ఆడమ్ జంపా.

ఆస్ట్రేలియా యువ సంచలనం, ఢిల్లీ క్యాపిటల్స్‌ ఆటగాడు జేక్ ఫ్రేజర్-మెక్‌గుర్క్ తన ఐపీఎల్‌ అరంగేట్ర మ్యాచ్‌లోనే అదరగొట్టాడు. ఐపీఎల్‌-2024లో భాగంగా లక్నో సూపర్‌ జెయింట్స్‌తో మ్యాచ్‌తో క్యాష్‌రిచ్‌ లీగ్‌లోకి అడుగుపెట్టిన మెక్‌గుర్క్.. తన ఆట తీరుతో అందరని ఆకట్టుకున్నాడు. వార్నర్‌ ఔటయ్యాక క్రీజులోకి వచ్చిన మెక్‌గుర్క్ లక్నో బౌలర్లను ఊచకోత కోశాడు. జేక్ ఫ్రేజర్- తను ఎదుర్కొన్న రెండో బంతినే అద్భుతమైన సిక్స్‌గా మలిచాడు. క్రీజులో ఉన్నంత సేపు లక్నో బౌలర్లకు చుక్కలు చూపించాడు. ముఖ్యంగా లక్నో స్పిన్నర్‌ కృనాల్‌ పాండ్యాను ఓ ఆట ఆడేసుకున్నాడు. 13 ఓవర్‌ వేసిన పాండ్యా బౌలింగ్‌లో మెక్‌గుర్క్‌ హ్యాట్రిక్‌ సిక్స్‌లు బాదాడు. ఓవరాల్‌గా బంతులు ఎదుర్కొన్న ఈ యువ సంచలనం.. 2 ఫోర్లు ,5 సిక్స్‌లతో 55 పరుగులు చేశాడు. ఈ క్రమంలో ఎవరీ జేక్ ఫ్రేజర్-మెక్‌గుర్క్ నెటిజనక్లు తెగ వెతికేస్తున్నారు. ఎవరీ జేక్ ఫ్రేజర్-మెక్‌గుర్క్? 22 ఏళ్ల మెక్‌గుర్క్ ఏప్రిల్‌ 11, 2002న ఆస్ట్రేలియాలోని విక్టోరియాలో జన్మించాడు. జేక్ ఫ్రేజర్-మెక్‌గుర్క్ ఫస్ట్‌క్లాస్‌ క్రికెట్‌లో విక్టోరియాకు ప్రాతినిథ్యం వహిస్తున్నాడు. 2019లో ఫస్ట్‌క్లాస్‌ క్రికెట్‌లోకి జేక్ అడుగుపెట్టాడు. అదే ఏడాది లిస్ట్‌-ఏ క్రికెట్‌లో అడుగుపెట్టాడు. లిస్ట్‌-ఏ క్రికెట్‌లోకి అదరగొట్టడంతో అతడికి బిగ్‌బాష్‌లో లీగ్‌ ఆడే అవకాశం వచ్చింది. బిగ్‌బాష్‌ లీగ్‌-2020 సీజన్‌లో మెల్‌బోర్న్‌ రెనెగేడ్స్ తరపున టీ20ల్లో అరంగేట్రం చేశాడు. ఇప్పటివరకు తన కెరీర్‌లో 37 టీ20 మ్యాచ్‌లు ఆడిన మెక్‌గుర్క్ 645 పరుగులు చేశాడు. ఫస్ట్‌క్లాస్‌ క్రికెట్‌లో 550 పరుగులు, లిస్ట్‌-ఏ క్రికెట్‌లో 525 పరుగులు మెక్‌గుర్క్ చేశాడు. అయితే జేక్  గతేడాదిలో లిస్ట్‌-ఏ క్రికెట్‌లో వరల్డ్‌ రికార్డు సృష్టించాడు. ఆస్ట్రేలియా దేశీవాళీ వన్డే టోర్నీలో కేవలం 29 బంతుల్లోనే సెంచరీ సాధించి చరిత్ర సృష్టించాడు. తద్వారా లిస్ట్‌-ఏ క్రికెట్‌లో ఫాస్టెస్‌ సెంచరీ చేసిన ఆటగాడిగా అతడు రికార్డులకెక్కాడు. ఈ క్రమంలో ఈ ఏడాది వెస్టిండీస్‌తో జరిగిన వన్డే సిరీస్‌తో మెక్‌గుర్క్‌ ఆసీస్‌ తరపున అంతర్జాతీయ అరంగేట్రం చేశాడు. అంతర్జాతీయ క్రికెట్‌లో కూడా అతడు ఆకట్టుకున్నాడు.  ఈ క్రమంలో మెక్‌గుర్క్‌ ఐపీఎల్‌-2024 వేలంలో రూ. 50 లక్షల కనీస ధరతో తన పేరును నమోదు చేసుకున్నాడు. కానీ ఏ ఫ్రాంచైజీ కూడా అతడిని కొనుగోలు చేసేందుకు ఆసక్తి చూపలేదు. అయితే ఇంగ్లండ్‌ ఆటగాడు హ్యారీ బ్రూక్‌ వ్యక్తిగత కారణాలతో ఈ ఏడాది ఐపీఎల్‌ సీజన్‌ నుంచి తప్పుకోవడంతో మెక్‌గుర్క్‌కు క్యాష్‌రిచ్‌ లీగ్‌లో భాగమయ్యే అవకాశం దక్కింది. రూ. 50 లక్షల బేస్‌ ప్రైస్‌కు మెక్‌గార్క్‌ను ఢిల్లీ ‍క్యాపిటల్స్‌ సొంతం చేసుకుంది. బ్రూక్‌ స్ధానాన్ని ఈ యువ కెరటంతో ఢిల్లీ భర్తీ చేసింది. Maiden IPL FIFTY for Jake Fraser-McGurk on DEBUT! Hat-trick of sixes in this thoroughly entertaining knock 💥💥💥 Watch the match LIVE on @StarSportsIndia and @JioCinema 💻📱#TATAIPL | #LSGvDC pic.twitter.com/0hXuBkiBr3 — IndianPremierLeague (@IPL) April 12, 2024

న్యూజిలాండ్‌తో మూడో టీ20కు ముందు ఆస్ట్రేలియాకు ఎదురు దెబ్బ తగిలింది. ఆ జట్టు స్టార్‌ ఓపెనర్‌ డేవిడ్‌ వార్నర్‌ గాయం కారణంగా మూడో టీ20కు దూరమయ్యాడు. వార్నర్‌ ప్రస్తుతం తుంటి గాయంతో బాధపడుతున్నాడు. ఈ క్రమంలోనే రెండో టీ20కు విశ్రాంతి తీసుకున్న వార్నర్‌.. ఇప్పుడు మూడో టీ20 నుంచి సైతం తప్పుకున్నాడు. ఈ మెరకు క్రికెట్‌ ఆస్ట్రేలియా ఓ ప్రకటన విడుదల చేసింది. "వార్నర్‌ ఇంకా పూర్తి ఫిట్‌నెస్‌ సాధించలేదు. అతడు కోలుకోవడానికి కాస్త సమయం పడుతోంది. అయితే అతడు కచ్చితంగా ఇండియన్‌ ప్రీమియర్‌ లీగ్‌, టీ20 వరల్డ్‌కప్‌కు కచ్చితంగా అందుబాటులో ఉంటాడని" క్రికెట్‌ ఆస్ట్రేలియా ప్రకటనలో పేర్కొంది. కాగా కివీస్‌తో జరిగిన తొలి టీ20లో వార్నర్‌ మెరుపు ఇన్నింగ్స్‌ ఆడాడు. కేవలం 20 బంతుల్లోనే 32 పరుగులు చేశాడు. ఇక ఐపీఎల్‌లో ఢిల్లీ క్యాపిటల్స్‌కు వార్నర్‌ ప్రాతినిథ్యం వహిస్తున్న సంగతి తెలిసిందే. గతేడాది సీజన్‌లో రిషబ్‌ పంత్‌ గైర్హజరీలో ఢిల్లీ జట్టును డేవిడ్‌ భాయ్‌ ముందుండి నడిపించాడు. చదవండి: IND vs ENG: అయ్యో.. ట్రాప్‌లో చిక్కుకున్న రోహిత్‌ శర్మ! వీడియో వైరల్‌

స్వదేశంలో ఆస్ట్రేలియాపై చారిత్రత్మ​క విజయం సాధించిన భారత మహిళల జట్టు.. ఇప్పుడు అదే జట్టుతో వన్డే, టీ20 తలపడేందుకు సిద్దమవుతోంది. ఈ నేపథ్యంలో ఆస్ట్రేలియాతో జరిగే వైట్ బాల్ సిరీస్‌లకు భారత జట్లను బీసీసీఐ సోమవారం ప్రకటించింది. ఈ రెండు సిరీస్‌లలోనూ భారత జట్టును హర్మన్‌ ప్రీత్‌ కౌర్‌ నడిపించనుంది. ఇటీవల ఇంగ్లండ్‌తో జరిగిన టీ20 సిరీస్ ద్వారా అంతర్జాతీయ క్రికెట్‌లోకి అరంగేట్రం చేసిన బౌలర్ శ్రేయాంక పాటిల్‌కు తొలిసారి వన్డే జట్టులో చోటు దక్కింది.  అదే విధంగా ఇంగ్లండ్‌తో టీ20 సిరీస్‌లో అదరగొట్టిన లెఫ్టార్మ్ స్పిన్నర్ సైకా ఇషాక్‌కు కూడా ఆసీస్‌తో వన్డే, టీ20 జట్లలో సెలక్టర్లు అవకాశం కల్పించారు.  మరోవైపు 20 ఏళ్ల మన్నత్ కశ్య‌కు వన్డే, టీ20 జట్టుల్లో అవకాశం దక్కింది. డిసెంబర్‌ 28న వాంఖడే వేదికగా జరగనున్న తొలి వన్డేతో ఈ వైట్ బాల్‌ సిరీస్‌ ప్రారంభం కానుంది. కాగా ఆసీస్‌తో మూడు వన్డేలు, మూడు టీ20లు టీమిండియా ఆడనుంది. వన్డే సిరీస్‌ వాంఖడే వేదికగా జరగనుండగా.. టీ20 సిరీస్‌ డివై పాటిల్‌ స్టేడియంలో జరగనుంది. భారత మహిళల వన్డే జట్టు హర్మన్‌ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), జెమీమా రోడ్రిగ్స్, షఫాలీ వర్మ, దీప్తి శర్మ, యాస్తికా భాటియా (వికెట్ కీపర్), రిచా ఘోష్ (వికెట్ కీపర్), అమంజోత్ కౌర్, శ్రేయాంక పాటిల్, మన్నత్ కశ్యప్, సైకా ఇషాక్, రేణుకా సింగ్ ఠాకూర్, సాధు, పూజా వస్త్రాకర్, స్నేహ రాణా, హర్లీన్ డియోల్ భారత మహిళల టీ20 జట్టు హర్మన్‌ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), జెమీమా రోడ్రిగ్స్, షఫాలీ వర్మ, దీప్తి శర్మ, యాస్తికా భాటియా (వికెట్ కీపర్), రిచా ఘోష్ (వికెట్ కీపర్), అమంజోత్ కౌర్, శ్రేయాంక పాటిల్, మన్నత్ కశ్యప్, సైకా ఇషాక్, రేణుకా సింగ్ ఠాకూర్, సాధు, పూజా వస్త్రాకర్, కనికా అహుజా, మిన్ను మణి చదవండి: IPL 2024: పాండ్యా కోసం రూ. 100 ​కోట్లు చెల్లించిన ముంబై? బంగారు బాతు కదా!

ఆస్ట్రేలియా బిగ్ బాష్ లీగ్-2023లో అనూహ్య పరిణామం చోటు చేసుకుంది. గిలాంగ్ లోని సైమండ్స్ స్టేడియంలో ఆదివారం మెల్ బోర్న్ రెనిగేడ్స్ - పెర్త్ స్కార్చర్స్ మధ్య జరగాల్సిన మ్యాచ్‌ను పిచ్ సమస్య కారణంగా రద్దు చేశారు.  ఏమి జరిగిందంటే? ఈ మ్యాచ్‌లో టాస్‌ గెలిచిన మెల్ బోర్న్ రెనిగేడ్స్ తొలుత బౌలింగ్‌ ఎంచుకుంది. అయితే ఇన్నింగ్స్ రెండో బంతికే స్టీపెన్ (0)ను టామ్ రోజర్స్ వికెట్ల ముందు దొరకబుచ్చుకున్నాడు. వెంటనే మరో ఓపెనర్‌ కూపర్ కొన్నోలీ(6) కూడా పెవిలియన్‌కు చేరాడు. అయితే ఇన్నింగ్స్‌ ఆరంభం నుంచి బంతి  అనూహ్యంగా బౌన్స్‌ అవుతూ వస్తోంది. ఈ క్రమంలో పెర్త్‌ స్కాచర్స్‌ ఇన్నింగ్స్‌ ఆరో ఓవర్‌ వేసిన విల్‌ సదర్లాండ్‌ బౌలింగ్‌లో మొదటి మూడు బంతులు మరీ ఎక్కువగా బౌన్స్‌ అయ్యాయి.  బ్యాటర్లతో సహా వికెట్ కీపర్ క్వింటన్ డికాక్ కూడా ఆశ్చర్యం వ్యక్తం చేశాడు. ఈ క్రమంలో పెర్త్ స్కార్చర్స్ బ్యాటర్లు పరిస్థితిని అంపైర్‌లు  దృష్టికి తీసుకెళ్లారు. దీంతో అంపైర్లు.. ఇరు జట్ల సారథులతో చర్చించి మ్యాచ్‌ను అర్థాంతరంగా రద్దు చేస్తున్నట్టు ప్రకటించారు. అయితే ఈ మ్యాచ్‌కు ముందు రోజు రాత్రి గిలాంగ్ లో భారీ వర్షం కురిసింది. ఈ క్రమంలో కవర్స్ లీక్ అయ్యి నీరు పిచ్ పై చేరి ఉంటుందని, అందుకే బంతి ఎక్కువగా బౌన్స్‌ అయిందని క్రికెట్‌ నిపుణులు అభిప్రాయపడుతున్నారు. Here's the delivery that prompted the discussions. Quinton de Kock's reaction 🫢 #BBL13 pic.twitter.com/1Tbq5YRjnq — KFC Big Bash League (@BBL) December 10, 2023

స్వదేశంలో పాకిస్తాన్‌తో మూడు మ్యాచ్‌ల టెస్టు సిరీస్‌లో తలపడేందుకు టీమిండియా సిద్దమవుతోంది. డిసెంబర్‌ 14 నుంచి పెర్త్‌ వేదికగా పాకిస్తాన్‌- ఆసీస్‌ తొలి టెస్టు ప్రారంభం కానుంది. ఈ క్రమంలో తొలి టెస్టుకు 14 మంది సభ్యులతో కూడిన తమ జట్టును క్రికెట్‌ ఆస్ట్రేలియా ప్రకటించింది. ఈ జట్టుకు ప్యాట్‌ కమ్మిన్స్‌ సారథ్యం వహించనున్నాడు. అదే విధంగా యువ పేసర్‌ లాన్స్‌ మోరిస్‌కు చోటు దక్కింది. అంతేకాకుండా గాయం కారణంగా గత కొంతకాలంగా జట్టుకు దూరంగా ఉంటున్న వెటరన్‌ స్పిన్నర్‌ నాథన్‌ లియోన్ తిరిగి వచ్చాడు. లియోన్ తిరిగి రావడంతో యవ స్పిన్నర్‌ టాడ్‌ మర్ఫీకి తొలి టెస్టు జట్టులో చోటు దక్కలేదు. ఇక ఈ టెస్టు సిరీస్‌కు కోసం పాకిస్తాన్‌ ఇప్పటికే తమ జట్టును ప్రకటించింది. తొలి టెస్టుకు ఆస్ట్రేలియా జట్టు: పాట్ కమిన్స్ (కెప్టెన్‌), స్కాట్ బోలాండ్, అలెక్స్ కారీ, కామెరాన్ గ్రీన్, జోష్ హాజిల్‌వుడ్, ట్రావిస్ హెడ్, ఉస్మాన్ ఖవాజా, మార్నస్ లాబుషేన్‌, నాథన్ లియాన్, మిచ్ మార్ష్, లాన్స్ మోరిస్, స్టీవ్ స్మిత్, మిచెల్ స్టార్క్, డేవిడ్ వార్నర్ పాకిస్థాన్ టెస్టు జట్టు: షాన్ మసూద్ (కెప్టెన్‌), అమీర్ జమాల్, అబ్దుల్లా షఫీక్, అబ్రార్ అహ్మద్, బాబర్ ఆజం, ఫహీమ్ అష్రఫ్, హసన్ అలీ, ఇమామ్-ఉల్-హక్, ఖుర్రం షాజాద్, మీర్ హంజా, మహ్మద్ రిజ్వాన్ (వికెట్‌ కీపర్‌), మహ్మద్ వసీం జూనియర్, నోమన్ అలీ, సైమ్ అయూబ్, సల్మాన్ అలీ అఘా, సర్ఫరాజ్ అహ్మద్, సౌద్ షకీల్, షాహీన్ షా అఫ్రిది చదవండి: పాకిస్తాన్‌ క్రికెట్‌లో మరో కీలక పరిణామం.. సల్మాన్‌ భట్‌పై వేటు

ఆస్ట్రేలియా దేశీవాళీ టోర్నీ షెఫీల్డ్ షీల్డ్ 2023-24లో భాగంగా ఆడిలైడ్‌ వేదికగా విక్టోరియా- సౌత్‌ ఆస్ట్రేలియా జట్లు తలపడతున్నాయి. ఈ మ్యాచ్‌లో ఓ ఆసక్తికర సంఘటన చోటు చేసుకుంది. విక్టోరియా బ్యాటర్‌  పీటర్ హ్యాండ్‌కాంబ్ ఔటైనప్పటికీ మైదానం నుంచి బయటకు వెళ్లేందుకు సముఖత చూపలేదు. ఏం జరిగిందంటే? విక్టోరియా ఇన్నింగ్స్‌ 13 ఓవర్‌లో తొలి బంతిని సౌత్‌ ఆస్ట్రేలియా బౌలర్‌ బెన్‌ డగెట్‌ అద్బుతమైన అవుట్‌ స్వింగర్‌గా సంధించాడు. ఈ క్రమంలో హ్యాండ్‌కాంబ్ డిఫెన్స్‌ ఆడటానికి ప్రయత్నించగా.. బంతి ఎడ్జ్‌ తీసుకుని  థర్డ్ స్లిప్‌లో ఉన్న జేక్ లెమాన్‌ చేతికి వెళ్లింది. దీంతో బౌలర్‌తో పాటు సౌత్‌ ఆస్ట్రేలియా ఫీల్డర్లు సంబరాల్లో మునిగి తేలిపోయారు. అయితే హ్యాండ్‌కాంబ్ మాత్రం అది క్యాచ్‌ కాదు, నాటౌట్‌ అని మైదానం విడిచి వెళ్లనని పట్టుబట్టాడు. రిప్లేలో  క్లియర్‌గా క్యాచ్‌ను అందుకున్నట్లు తేలినప్పటికి హ్యాండ్‌కాంబ్ మైదానం నుంచి బయటకు వెళ్లకపోవడం అందరని ఆశ్చర్యపరిచింది. ఆఖరికి ఫీల్డ్‌ అంపైర్‌లు జోక్యం చేసుకుని అతడి దగ్గరకు వెళ్లి మాట్లాడి ఫీల్డ్‌ నుంచి బయటకు పంపారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. "ఇదేమి బుద్దిరా బాబు.. అదేమైనా గల్లీ క్రికెట్‌ అనుకున్నావా? అంటూ నెటిజన్లు కామెంట్లు చేస్తున్నారు. చదవండి: IND vs AUS: ఆస్ట్రేలియాతో మూడో టీ20.. చరిత్రకు అడుగు దూరంలో టీమిండియా

వన్డే ప్రపంచకప్‌-2023లో వరుస విజయాలతో దూసుకుపోతున్న ఆస్ట్రేలియాకు బిగ్‌ షాక్‌ తగిలింది. ఆ జట్టు స్టార్‌ ఆల్‌రౌండర్‌ గ్లెన్‌ మ్యాక్స్‌వెల్‌ గాయం కారణంగా నవంబర్‌ 4న ఇంగ్లండ్‌తో  జరగనున్న మ్యాచ్‌కు దూరమయ్యాడు. గోల్ఫ్ కార్ట్ వాహనం నుండి పట్టు తప్పి పడిపోవడంతో అతడి తలకు తీవ్ర గాయమైంది. ఆస్ట్రేలియా తన చివరి మ్యాచ్‌లో అక్టోబర్ 28న ధర్మశాల వేదికగా న్యూజిలాండ్‌తో తలపడిన సంగతి తెలిసిందే. అయితే తమ తర్వాతి మ్యాచ్‌కు నాలుగు రోజుల సమయం ఉండడంతో ఆసీస్‌ ఆటగాళ్లు ధర్మశాలలోనే ఉండి ఎంజాయ్‌ చేస్తున్నారు. ఈ క్రమంలోనే అతడు గోల్ప్‌ ఆడుతుండగా గాయ పడ్డాడు.  గోల్ఫ్ కార్ట్ వాహనం వెనుక నుండి జారి పడడంతో తలకు గాయమైనట్లు క్రికెట్‌ ఆస్ట్రేలియా వర్గాలు వెల్లడించాయి. దీంతో కంకషన్ ప్రోటోకాల్స్ రూల్స్‌ ప్రకారం మ్యాక్సీ దాదాపు ఐదు నుంచి ఆరు రోజులు పాటు వైద్యుల పర్యవేక్షణలో వుండనున్నాడు. కాగా మ్యాక్స్‌వెల్‌ ప్రస్తుతం బాగానే కోలుకుంటున్నాడని, సెమీఫైనల్స్‌కు అందుబాటులో ఉండే ఛాన్స్‌ ఉందని పలు రిపోర్టులు పేర్కొంటున్నాయి. ​​కాగా మ్యాక్సీ ప్రస్తుతం అద్భుతమైన ఫామ్‌లో ఉన్నాడు. నెదర్లాండ్స్‌తో జరిగిన మ్యాచ్ లో వరల్డ్ కప్ చరిత్రలోనే ఫాస్టెస్ట్ సెంచరీ(44 బంతుల్లో 106 పరుగులు) మ్యాక్స్‌వెల్‌ బాదాడు. చదవండి: CWC 2023: సూర్యకుమార్‌ యాదవ్‌కు దిమ్మతిరిగిపోయే షాకిచ్చిన అభిమాని

వన్డే ప్రపంచకప్ 2023లో హాట్ ఫేవరేట్‌గా బరిలోకి దిగిన ఆస్ట్రేలియా. తమ స్ధాయికి తగ్గ ప్రదర్శన చేయడంలో విఫలమవుతోంది. 5 సార్లు వరల్డ్‌ ఛాంపియన్స్‌ అయిన ఆసీస్‌ జట్టు.. పసికూన కంటే దారుణ ప్రదర్శన కనబరుస్తోంది. ఆస్ట్రేలియాతో వన్డే మ్యాచ్‌ అంటే వార్‌ వన్‌ సైడే అని భావించేవారు. కానీ ఇప్పడు పరిస్థితి మరోలా ఉంది. భారత్‌ చేతిలో తొలి మ్యాచ్‌లోనే ఓటమి పాలైన కంగారులు.. లక్నో వేదికగా దక్షిణాఫ్రికాతో జరిగిన రెండో మ్యాచ్‌లోనూ ఘోర పరభావం మూటకట్టుకుంది. సఫారీల దెబ్బకు ఆసీస్‌ జట్టు విలావిల్లాడింది. ఏకంగా 134 పరుగుల తేడాతో పరాజయం పాలైంది. 311 పరుగుల భారీ లక్ష్య చేధనలో కేవలం 177 పరుగులకే కుప్పకూలింది. వరల్డ్‌కప్‌ అంటే చెలరేగిపోయే ఆసీస్‌ ఎందుకు ఈ స్ధాయికి దిగజారింది? కంగారులు ఎక్కడ తప్పుచేస్తున్నారు? తర్వాత మ్యాచ్‌ల్లో కమ్మిన్స్‌ సేన తిరిగి పుంజుకుంటుందా వంటి విషయాలను ఓసారి చర్చిద్దాం. ఓపెనర్లు విఫలం​.. ఆస్ట్రేలియాకు బౌలింగ్‌ ఎంత బలమో.. బ్యాటింగ్‌ కూడా అంతే బలం. 300 పరుగుల టార్గెట్‌ కూడా ఆసీస్‌ బ్యాటింగ్‌ జోరు ముందు చిన్నబోయేది. అటువంటి ఆస్ట్రేలియా ఈ వరల్డ్‌కప్‌లో 200 పరుగుల మార్క్‌ను అందుకోవడానికి కూడా నానా కష్టాలు పడుతోంది. ఇందుకు ప్రధాన కారణం ఓపెనర్లు విఫలం. ఈ మెగా టోర్నీకి ఆసీస్‌ రెగ్యూలర్‌ ఓపెనర్‌ ట్రావిస్‌ హెడ్‌ గాయం కారణంగా దూరమయ్యాడు. హెడ్‌ లేని లోటు ఆసీస్‌ జట్టులో స్పష్టంగా కన్పిస్తోంది.  హెడ్‌ గైర్హాజరీలో ఆసీస్‌ ఇన్నింగ్స్‌ను మిచెల్‌ మార్ష్‌.. డేవిడ్‌ వార్నర్‌తో కలిసి ఆరంభిస్తున్నాడు. ఓపెనర్‌గా వస్తున్న మార్ష్‌ కనీసం ఒకట్రెండు ఓవర్లు కూడా క్రీజులో ఉండలేకపోతున్నాడు. భారత్‌తో మ్యాచ్‌లో డకౌట్‌గా వెనుదిరిగిన మార్ష్‌.. ప్రోటీస్‌పై కేవలం 7 పరుగులు మాత్రమే చేసి పెవిలియన్‌కు చేరాడు. మరో ఓపెనర్‌ డేవిడ్‌ వార్నర్‌ కాస్త పర్వాలేదనపిస్తున్నాడు. టీమిండియాపై 41 పరుగులతో రాణించిన వార్నర్‌.. దక్షిణాఫ్రికాపై మాత్రం 13 పరుగులకే తమ ఇన్నింగ్స్‌ను ముగించాడు. అయితే ఇది వార్నర్‌ నుంచి ఆశించిన ప్రదర్శన కాదు. తర్వాతి మ్యాచ్‌లో ఆసీస్‌ తిరిగి గాడిలో పడాలంటే ఓపెనింగ్‌ జోడిని మార్చాలిందే. మరో వికెట్‌ కీపర్‌ లేడా? ప్రస్తుత ఆస్ట్రేలియాతో జట్టులో సమర్థవంతమైన వికెట్‌ కీపర్‌ బ్యాటర్‌ లేడు. ఒకప్పుడు ఆడమ్‌ గిల్‌క్రిస్ట్‌, ఇయాన్‌ హీలీ వంటి వికెట్‌ కీపర్‌ బ్యాటర్లను ప్రపంచానికి పరిచయం చేసిన ఆసీస్‌.. ఇప్పుడు ఆ స్ధాయి కీపర్లను తయారుచేయలేకపోతుంది. వికెట్‌ కీపర్‌ అంటే.. వికెట్ల వెనుక మెరుగ్గా రాణిస్తే చాలు అన్నట్లు ఆస్ట్రేలియా క్రికెట్‌ జట్టు పరిస్థితి ఉంది. ప్రస్తతం ఆసీస్‌ జట్టులో రెగ్యూలర్‌ వికెట్‌ కీపర్‌గా అలెక్స్‌ కారీ కొనసాగుతున్నాడు. వికెట్లు వెనుక పర్వాలేదనపిస్తున్న కారీ.. బ్యాటింగ్‌ పరంగా తీవ్ర నిరాశపరిస్తున్నాడు. జట్టుకు కీలకమైన మిడిలార్డర్‌లో బ్యాటింగ్‌కు వస్తున్న అతడు సింగిల్‌ డిజిట్‌ స్కోర్లకు పరిమితమవుతున్నాడు. ఈ మెగా టోర్నీలో భారత్‌తో జరిగిన తొలి మ్యాచ్‌లో ఖాతా తెరవకుండానే కారీ పెవిలియన్‌కు చేరాడు.  దీంతో దక్షిణాఫ్రికాతో మ్యాచ్‌కు క్యారీ ఆసీస్‌ జట్టు మేనెజ్‌మెంట్‌ పక్కన పెట్టింది. అతడి స్ధానంలో జోష్‌ ఇంగ్లీష్‌ జట్టులోకి వచ్చాడు. జోష్‌ ఇంగ్లీష్‌ కూడా అదే తీరును కనబరిచాడు. 5 పరుగులకే తన ఇన్నింగ్స్‌ను జోష్‌ ముగించాడు. కచ్చితంగా వీరిద్దరి ప్రత్యామ్నాయం వెతకాల్సిన సమయం క్రికెట్‌ ఆస్ట్రేలియాకు అసన్నమైంది. ఫినిషింగ్‌ లేదు.. ఆస్ట్రేలియా అంటే విధ్వంసకర ఆటకు మారుపేరు. అటువంటిది ప్రస్తుత మెగా టోర్నీలో ఆసీస్‌ ఆటగాళ్ల బ్యాట్‌లు మూగబోయాయి. సిక్స్‌లు మాట పక్కన పెడితే ఫోర్లు కూడా కొట్టడానికి కష్టపడుతున్నారు. టాపర్డర్‌లో వార్నర్‌.. మిడిలార్డర్‌లో స్మిత్‌, లాబుషేన్‌ కొన్ని మంచి ప్రదర్శనలు చేస్తున్నారు. కానీ ఆసీస్‌కు ఫినిషింగ్‌ మాత్రం దొరకడంలేదు. వరల్డ్‌ క్రికెట్‌లో విధ్వంసకర ఆటగాళ్లగా పేరు గాంచిన గ్లెన్‌ మ్యాక్స్‌వెల్‌, గ్రీన్‌, స్టోయినిష్‌ తుస్సుమనిపిస్తున్నారు. తొలి మ్యాచ్‌లో గ్రీన్‌, మ్యాక్స్‌వెల్‌ దారుణంగా విఫలమయ్యారు. ఈ క్రమంలో సఫారీలతో మ్యాచ్‌కు గ్రీన్‌ స్ధానంలో స్టోయినిష్‌కు అవకాశం ఇచ్చారు. స్టోయినిష్‌ కేవలం 5 పరుగులు మాత్రమే చేసి ఔటయ్యాడు. మ్యాక్స్‌వెల్‌ది కూడా అదే పరిస్ధితి. బౌలింగ్‌లో పర్వాలదేనపిస్తున్న మ్యాక్సీ.. బ్యాటింగ్‌లో మాత్రం మెరుగైన ప్రదర్శన చేయలేకపోతున్నాడు.  ఈ హిట్టర్లు తిరిగి గాడిలో పడకపోతే ఈ మెగా టోర్నీలో ఆసీస్‌ ఇంటిముఖం పట్టకతప్పదు. జంపా ఫెయిల్‌.. ఆసీస్‌ బౌలింగ్‌ పరంగా కాస్త పర్వాలేదనపిస్తుంది. భారత్‌తో జరిగిన తొలి మ్యాచ్‌లో 3 పరుగులకే 3 వికెట్లు పడగొట్టి కష్టాలోక్కి నెట్టారు. ఆ తర్వాత ఆసీస్‌ బౌలర్లు తమ రిథమ్‌ను కోల్పోవడంతో టీమిండియా విజేతగా నిలిచింది. హాజిల్‌వుడ్‌, స్టార్క్‌, కమ్మిన్స్‌  వంటి తమ స్ధాయికి తగ్గట్టు ప్రదర్శన చేస్తున్నారు. కానీ కంగారుల ఫ్రంట్‌ లైన్‌ స్పిన్నర్‌ ఆడమ్‌ జం‍పా మాత్రం తీవ్ర నిరాశపరిస్తున్నాడు. వికెట్లు తీయడంలో విఫలమవుతున్న జంపా.. పరుగులు భారీగా సమర్పించుకుంటున్నాడు.  చెత్త ఫీల్డింగ్‌.. ఆస్ట్రేలియా క్రికెటర్లు మైదానంలో చాలా చురుగ్గా ఉంటారు. ఎన్నో అద్బుత క్యాచ్‌లను అందుకోవడం మనం చూశాం. కానీ దక్షిణాఫ్రికాతో జరిగిన మ్యాచ్‌లో ఆసీస్‌ ఫీల్డింగ్‌లో దారుణ ప్రదర్శన కనబరిచింది. 4 ఈజీ క్యాచ్‌లను ఆస్ట్రేలియా ఆటగాళ్లు డ్రాప్‌ చేశారు. అంతేకాకుండా మిస్‌ ఫీల్డ్‌లు కూడా చాలా చేశారు. శ్రీలంకతో.. ఆసీస్‌ తమ తదుపరి మ్యాచ్‌లో ఆక్టోబర్‌ 16న శ్రీలంకతో తలపడనుంది. ఈ మ్యాచ్‌లో ఆసీస్‌ విజయం సాధించాలంటే బ్యాటింగ్‌, బౌలింగ్‌, ఫీల్డింగ్‌ వంటి మూడు విభాగాల్లో తిరిగిపుంజుకోవాలి. అయితే శ్రీలంక బ్యాటింగ్‌ పరంగా దుమ్మురేపుతోంది.కాబట్టి శ్రీలంకనుంచి కూడా ఆసీస్‌కు గట్టిపోటి ఎదునుకానుంది. చదవండి: WC 2023: దక్షిణాఫ్రికా చేతిలో ఘోర ఓటమి.. 48 ఏళ్ల తర్వాత ఆస్ట్రేలియా చెత్త రికార్డు

అంతర్జాతీయ వన్డేల్లో ఆస్ట్రేలియా మళ్లీ నెంబర్‌ వన్‌గా జట్టుగా అవతరించింది. తాజాగా ఐసీసీ ప్రకటించిన వన్డే ర్యాంకింగ్స్‌లో ఆస్ట్రేలియా అగ్రస్ధానానికి చేరుకుంది. దక్షిణాఫ్రికాతో 5 టీ20 సిరీస్‌లో భాగంగా రెండో వన్డేలో విజయం సాధించిన ఆసీస్‌.. పాకిస్తాన్‌ను వెనక్కి నెట్టి టాప్‌ ర్యాంక్‌ను కైవసం చేసుకుంది. వన్డే ర్యాంకింగ్స్‌లో 121 రేటింగ్‌తో ఆసీస్‌ ఆగ్రస్ధానంలో కొనసాగుతుండగా.. పాకిస్తాన్‌ 120 రేటింగ్‌తో రెండో స్ధానంలో ఉంది. ఇక భారత జట్టు 114 రేటింగ్‌తో మూడో ర్యాంక్‌లో ఉంది. కాగా ఆసియాకప్‌ సూపర్‌-4లో భాగంగా భారత్‌-పాక్‌ మధ్య మ్యాచ్‌ ఆదివారం జరగనుండడంతో మళ్లీ ర్యాంక్‌లు తారుమారు అయ్యే ఛాన్స్‌ ఉంది. వార్నర్‌, లబుషేన్‌ సెంచరీలు ఇక ఈ మ్యాచ్‌ విషయానికి వస్తే..  దక్షిణాఫ్రికాపై 123 పరుగుల తేడాతో ఆస్ట్రేలియా ఘనవిజయం సాధించింది. తొలుత బ్యాటింగ్‌ చేసిన ఆసీస్‌ నిర్ణీత 50 ఓవర్లలో 8 వికెట్ల నష్టానికి 392 పరుగుల భారీ స్కోర్‌ నమోదు చేసింది. డేవిడ్‌ వార్నర్‌(106), లబుషేన్‌(124) సెంచరీలతో చెలరేగగా.. హెడ్‌(64), జోష్‌ ఇంగ్లీష్‌(50) హాఫ్‌ సెంచరీలతో రాణించారు. దక్షిణాఫ్రికా బౌలర్లలో స్పిన్నర్‌ షమ్సీ నాలుగు వికెట్లు సాధించగా.. రబాడ రెండు, మార్కో జానెసన్‌ వికెట్‌ పడగొట్టారు.  393 పరుగుల భారీ లక్ష్యంతో బరిలోకి దిగిన దక్షిణాఫ్రికా 41.5 ఓవర్లలో 269 పరుగులకు ఆలౌటైంది. ఆస్ట్రేలియా బౌలర్లలో ఆడమ్‌ జంపా నాలుగు వికెట్లతో చెలరేగాడు. చదవండి: కోహ్లితో ఎక్కువ మాట్లాడకండి.. అతడిని ఎలా అయినా ఔట్‌ చేయాలి: అక్తర్‌

ఆస్ట్రేలియా మాజీ కెప్టెన్‌ ఆరోన్‌ ఫించ్‌ అంతర్జాతీయ క్రికెట్‌కు రిటైర్మెంట్‌ ప్రకటించినప్పటికీ అడితో ఏ మాత్రం పవర్‌ తగ్గలేదు. ఫించ్‌ ప్రస్తుతం యూఎస్‌ మాస్టర్‌ లీగ్‌లో కాలిఫోర్నియా నైట్స్‌కు ప్రాతినిథ్యం వహిస్తున్నాడు. ఈ లీగ్‌లో భాగంగా సోమవారం న్యూజెర్సీ లెజెండ్స్‌తో జరిగిన మ్యాచ్‌లో ఫించ్‌ ఆకాశమే హద్దుగా చెలరేగిపోయాడు. ప్రత్యర్థి బౌలర్లను ఊచకోత కోశాడు.  కేవలం 31 బంతుల్లో 8 సిక్స్‌లు, 3 ఫోర్ల సాయంతో 75 పరుగులు చేసి ఆజేయంగా నిలిచాడు. ఈ మ్యాచ్‌లో ఫించ్‌ విధ్వంసకర ఇన్నింగ్స్‌ ఆడినప్పటికీ తన జట్టు మాత్రం 6 వికెట్ల తేడాతో ఓటమిపాలైంది. తొలుత బ్యాటింగ్‌ చేసిన కాలిఫోర్నియా నైట్స్‌ నిర్ణీత 10 ఓవర్లలో 3 వికెట్ల నష్టానికి 116 పరుగులు చేసింది. కాలిఫోర్నియా బ్యాటర్లలో ఫించ్‌తో పాటు మిలాంద్‌ కుమార్‌(27) పరుగులతో రాణించాడు. అనంతరం 117 పరుగుల లక్ష్యంతో బరిలోకి దిగిన న్యూజెర్సీ లెజెండ్స్‌ 4 వికెట్లు కోల్పోయి 9.4 ఓ‍వర్లలో ఛేదించింది. న్యూజెర్సీ బ్యాటర్లలో  టీమిండియా మాజీ ఆటగాడు యూసుఫ్ పఠాన్ సంచలన ఇన్నింగ్స్‌ ఆడాడు. కేవలం 11 బంతుల్లో 4 సిక్స్‌లు, 2 ఫోర్లతో 35 పరుగులు చేసి న్యూజెర్సీ విజయంలో కీలక పాత్ర పోషించాడు. అతడితో పాటు నమాన్‌ ఓజా(25) పరుగులతో రాణించాడు. చదవండి: MS Dhoni- Rohit: ఆరోజు రోహిత్‌ వద్దంటూ.. ధోని అతడి కోసం పట్టుబట్టాడు.. వెంటనే కోచ్‌ కూడా! మేమేం చేయలేకపోయాం.. Why we call him the Aaronator 👊 Take a bow @AaronFinch5 6️⃣6️⃣6️⃣6️⃣6️⃣#USMastersT10 #NJTvCK #SunshineStarsSixes#CricketsFastestFormat #T10League pic.twitter.com/NUdccQxuKq — US Masters T10 (@USMastersT10) August 21, 2023

భారత్‌ వేదికగా జరగనున్న వన్డే ప్రపంచకప్‌-2023 కోసం ఆస్ట్రేలియా తమ సన్నాహాకాలు మొదలు పెట్టింది. ఈ క్రమంలో వన్డే వరల్డ్‌కప్‌కు 18 మంది సభ్యులతో కూడిన ప్రిలిమనరీ(ప్రాథమిక) జట్టును క్రికెట్‌ ఆస్ట్రేలియా ప్రకటించింది. ఈ జట్టుకు ప్యాట్‌ కమ్మిన్స్‌ సారధ్యం వహించనున్నాడు. ఇదే జట్టు ప్రపంచకప్‌కు ముందు దక్షిణాఫ్రికా, భారత పర్యటనలకు వెళ్లనున్నట్లు క్రికెట్‌ ఆస్ట్రేలియా తెలిపింది. ఈ జట్టులో స్టార్‌ ఆటగాడు మార్నస్‌ లబుషేన్‌కు చోటు దక్కక పోవడం గమానార్హం. అదే విధంగా యువ ఆల్‌రౌండర్‌ ఆరోన్ హార్డీ,స్పిన్నర్‌ తన్వీర్‌ సంగాకు తొలిసారి  ఆసీస్‌ జట్టులో చోటు దక్కింది. దేశీవాళీ క్రికెట్‌లో అద్భుతంగా రాణిస్తున్న వీరిద్దరని వరల్డ్‌కప్‌ ప్రిలిమనరీ జట్టులో సెలక్టర్లు భాగం చేశారు. కాగా వన్డే ప్రపంచకప్‌కు ముందు కంగారు జట్టు 8 వన్డేలు ఆడనుంది. తొలుత దక్షిణాఫ్రికాతో ఐదు వన్డేల సిరీస్‌లో తలపడనున్న ఆస్ట్రేలియా.. అనంతరం టీమిండియాతో మూడు వన్డేలు ఆడనుంది. . సెప్టెంబర్‌ 22న మొహాలీ వేదికగా జరగనున్న తొలి వన్డేతో భారత్‌-ఆసీస్‌ సిరీస్‌ ప్రారంభం కానుంది.  కాగా ప్రపంచకప్‌లో భాగమయ్యే జట్లు తమ 15 మంది సభ్యుల వివరాలను సెప్టెంబర్‌5 లోపు ఐసీసీకి సమర్పించాలి.  ఈ నేపథ్యంలో ప్రోటీస్‌ పర్యటనకు వెళ్లే ముందు ఆసీస్‌ 15 మంది సభ్యులను ఖారారు చేసే అవకాశం ఉంది. ఇక ప్రపంచకప్‌లో ఆస్ట్రేలియా తమ తొలి మ్యాచ్‌లో ఆక్టోబర్‌ 8న టీమిండియాతో తలపడనుంది. వరల్డ్‌కప్‌కు ఆస్ట్రేలియా జట్టు :  పాట్ కమిన్స్ (కెప్టెన్‌), డేవిడ్ వార్నర్, స్టీవ్ స్మిత్, మిచెల్ స్టార్క్, సీన్ అబాట్, అష్టన్ అగర్, అలెక్స్ కారీ, నాథన్ ఎల్లిస్, కామెరాన్ గ్రీన్, ఆరోన్ హార్డీ, జోష్ హేజిల్‌వుడ్, జోష్ ఇంగ్లిస్, మిచెల్ మార్ష్, గ్లెన్ మాక్స్‌వెల్, తన్వీర్ సంఘా , ఆడమ్ జంపా, ట్రావిస్ హెడ్. చదవండి: IND vs WI: ఏంటి బ్రో ఆట మర్చిపోయావా..? ఐపీఎల్‌లోనే ఆడుతాడు! అక్కడ పనికిరాడు

40 రోజుల పాటు క్రికెట్‌ అభిమానులను అలరించిన యాషెస్‌ సిరీస్‌కు ఎండ్‌ కార్డ్‌ పడింది. లండన్‌ వేదికగా జరిగిన యాషెస్‌ ఐదో టెస్టులో ఆస్ట్రేలియాపై ఇంగ్లండ్ 49 పరుగుల తేడాతో విజయం సాధించింది. దీంతో ఐదు మ్యాచ్‌ల సిరీస్‌ 2-2తో సమమైంది. అయితే గత సిరీస్‌ను గెలిచిన ఆసీస్‌ వద్దే ‘యాషెస్‌’ ఉండిపోనుంది.  ఇక ఆఖరి రోజు 384 పరుగుల లక్ష్యాన్ని ఛేదించేందుకు ఓవర్‌నైట్‌ స్కోరు 135/0తో రెండో ఇన్నింగ్స్‌ను కొనసాగించిన ఆస్ట్రేలియా 94.4 ఓవర్లలో 334 పరుగుల వద్ద ఆలౌటైంది. ఆస్ట్రేలియా బ్యాటర్లలో ఉస్మాన్‌ ఖ్వాజా(72), డేవిడ్‌ వార్నర్‌(60), స్టీవ్‌ స్మిత్‌(54) పరుగులతో రాణించినప్పటికీ.. ఓటమి మాత్రం తప్పలేదు. ఇంగ్లండ్‌ బౌలర్లలో క్రిస్‌ వోక్స్‌ నాలుగు వికెట్లతో అదరగొట్టగా.. మొయిన్‌ అలీ మూడు, బ్రాడ్‌ రెండు వికెట్లు సాధించారు. కెరీర్‌లో చివరి వికెట్‌ ఇక ఇంగ్లండ్‌ పేసర్‌ స్టువర్ట్‌ బ్రాడ్‌ తన టెస్టు కెరీర్‌కు చిరస్మణీయ ముగింపు పలికాడు. తన కెరీర్‌లో చివరి టెస్టు మ్యాచ్‌ ఆడిన బ్రాడ్‌.. రెండు కీలక వికెట్లు పడగొట్టి తమ జట్టుకు అద్భుతమైన విజయాన్ని అందించాడు. క్రీజులో పాతుకుపోయిన ఆసీస్‌ బ్యాటర్‌ అలెక్స్‌ క్యారీని ఔట్‌ చేసి.. చారిత్రత్మక యాషెస్‌ సిరీస్‌ను సమం చేశాడు. ఆస్ట్రేలియా ఆఖరి రెండు వికెట్లు కూడా బ్రాడ్‌ సాధించినవే కావడం గమానార్హం. కాగా బ్రాడ్ ఫేర్‌వెల్‌ మ్యాచ్‌ చూడటానికి అతడి కుటంబ సభ్యులు స్టేడియంకి వచ్చారు. బ్రాడ్‌ తన కెరీర్‌ చివరి వికెట్‌ సాధించిగానే.. స్టాండ్స్‌లో ఉన్న అతడి కుటంబ సభ్యులు ఆనందంలో మునిగి తెలిపోయారు. కాగా అంతకుముందు ఇంగ్లండ్‌ రెండో ఇన్నింగ్స్‌లో 80 ఓవర్‌లోఆఖరి బంతిని బ్రాడ్‌ అద్భుతమైన సిక్సర్‌ మలిచాడు. అదే అతడి కెరీర్‌లో చివరి బంతి కావడం గమానర్హం. అదే విధంగా బౌలింగ్‌లో కూడా ఆఖరి బంతిని వికెట్‌తోనే ముగించడం విశేషం. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. రికార్డుల రారాజు.. కెరీర్‌లో 167 టెస్ట్‌లు, 121, వన్డేలు, 56 టీ20లు ఆడిన బ్రాడ్‌ ఎన్నో రికార్డులను నమోదు చేశాడు. టెస్ట్‌ల్లో అత్యధిక వికెట్లు (604) తీసిన బౌలర్ల జాబితాలో ఐదో స్థానంలో నిలిచిన బ్రాడ్‌ బౌలింగ్‌తో పాటు బ్యాటింగ్‌లోనూ పలు రికార్డులు నెలకొల్పాడు. టెస్ట్‌ల్లో బ్రాడ్‌ 244 ఇన్నింగ్స్‌లు ఆడి 3662 పరుగులు చేశాడు. ఇతని ఖాతాలో సెంచరీ (169), 13 హాఫ్‌ సెంచరీలు ఉన్నాయి. చదవండి: ENG vs AUS: ఆఖరి మజిలీలో ఇంగ్లండ్‌దే విక్టరీ.. విజయంతో బ్రాడ్‌ విడ్కోలు A fairytale ending for a legend of the game. Broady, thank you ❤️ #EnglandCricket | #Ashes pic.twitter.com/RUC5vdKj7p — England Cricket (@englandcricket) July 31, 2023

యాషెస్‌ సిరీస్‌-2023లో ఆస్ట్రేలియా బోణీ కొట్టింది. ఎడ్జ్‌బాస్టన్‌ వేదికగా జరిగిన తొలి టెస్టులో రెండు వికెట్ల తేడాతో ఆస్ట్రేలియా సంచలన విజయం సాధించింది. ఆసీస్‌కు కెప్టెన్‌ ప్యాట్‌ కమ్మిన్స్‌ (73 బంతుల్లో 44 నాటౌట్‌; 4 ఫోర్లు, 2 సిక్స్‌లు) అద్భుత ఇన్నింగ్స్‌తో తన జట్టును మరుపురాని విజయాన్ని అందించాడు.  అతడితో పాటు ఖ్వాజా కూడా ​కీలక ఇన్నింగ్స్‌ ఆడాడు. ఆసీస్‌, ఇంగ్లండ్‌కు బిగ్‌ షాక్‌ గెలుపు జోష్‌లో ఉన్న ఆసీస్‌కు, ఓటమి బాధలో ఉన్న ఇంగ్లండ్‌కు అంతర్జాతీయ క్రికెట్ మండలి (ఐసీసీ) మాత్రం బిగ్‌ షాకిచ్చింది. మ్యాచ్‌లో స్లో ఓవర్‌ రేటు మేయింటన్‌ చేసినందుకు ఇరు జట్ల ఆటగాళ్ల ‍మ్యాచ్‌ ఫీజ్‌లో 40 శాతం కొత విధించింది. నిర్ణీత సమయానికి రెండు ఓవర్లు తక్కువగా ఉన్నాయని నిర్ధారించిన మ్యాచ్‌ రిఫరీ ఆండీ పైక్రాఫ్ట్ ఈ నిర్ణయం తీసుకున్నాడు. ఐసీసీ ప్రవర్తనా నియమావళిలోని ఆర్టికల్ 2.22 ప్రకారం, ఆటగాళ్లకు నిర్ణీత సమయంలో బౌలింగ్ చేయడంలో విఫలమైతే.. ప్రతీ ఓవర్‌కు వారి మ్యాచ్ ఫీజులో 20 శాతం జరిమానా విధించబడుతుంది. 2 రెండు ఓవర్లు ఆలస్యమైంది కాబట్టి  40 శాతం జరిమానా విధించారు. అదే విధంగా ఐసీసీ వరల్డ్ టెస్ట్ ఛాంపియన్‌షిప్ ఆర్టికల్ 16.11.2 ప్రకారం.. ప్రతీ ఓవర్‌ లేటుకు వారి డబ్ల్యూటీసీ పాయింట్లలో ఒక పాయింట్‌ కొత విధిస్తారు. కాబట్టి ఇప్పుడు ఆస్ట్రేలియా, ఇంగ్లండ్‌ ఇరు జట్లు చెరో రెండు  ప్రపంచ టెస్ట్ ఛాంపియన్‌షిప్ పాయింట్లు కోల్పోయాయి. చదవండి: ICC CWC Qualifier 2023: అమెరికాకు మరో బిగ్‌ షాక్‌.. నేపాల్‌ సంచలన విజయం

టెస్టుల్లో ఆస్ట్రేలియా మళ్లీ నెంబర్‌ వన్‌ జట్టుగా అవతరించనుంది. ఎడ్జ్‌బాస్టన్‌ వేదికగా ఇంగ్లండ్‌తో జరిగిన యాషెస్‌ తొలి టెస్టులో విజయం సాధించిన ఆసీస్‌.. టీమిండియాను వెనుక్కి నెట్టి నెం1 ర్యాంక్‌ను కైవసం చేసుకోనుంది. టెస్టు ర్యాంకింగ్స్‌లో ప్రస్తుతం భారత్‌  121 పాయింట్లతో అగ్ర స్ధానంలో ఉండగా.. ఆసీస్‌ 116 పాయింట్లతో రెండో స్ధానంలో కొనసాగుతోంది. అయితే  ఇంగ్లండ్‌పై విజయం సాధించడంతో ఆసీస్‌ ఖాతాలో అదనంగా పాయింట్లు వచ్చి చేరున్నాయి. ఈ క్రమంలో భారత్‌ను ఆస్ట్రేలియా అధిగమించే ఛాన్స్‌ ఉంది. అయితే అంతర్జాతీయ క్రికెట్ మండలి (ఐసీసీ) మాత్రం ఇంకా టెస్టు ర్యాంకింగ్స్‌ను అప్‌డేట్‌ చేయలేదు. ఐసీసీ చివరగా మే3న  టెస్టు ర్యాంకింగ్స్‌ను అప్‌డేట్‌ చేసింది. కాగా వరల్డ్‌ టెస్టు ఛాంపియన్‌షిప్‌ 2023-25 సైకిల్‌లో ఆస్ట్రేలియాదే తొలి విజయం. డబ్ల్యూటీసీ 2023-25 పాయింట్ల పట్టికలో ఆసీస్‌ 12 పాయింట్లతో అగ్రస్ధానంలో ఉంది. ఇక మ్యాచ్‌ విషయానికి వస్తే.. ఆఖరి వరకు ఉత్కంఠభరితంగా సాగిన ఈ మ్యాచ్‌లో రెండు వికెట్ల తేడాతో ఆస్ట్రేలియా విజయం సాధించింది. కీలక సమయంలో ఆసీస్ కెప్టెన్ పాట్ కమిన్స్ 44 పరుగులతో అజేయంగా నిలిచి జట్టును గెలిపించాడు. ఉస్మాన్ ఖవాజా (65) కీలక ఇన్నింగ్స్ ఆడాడు. ఇంగ్లండ్ బౌలర్లలో స్టువర్డ్ 3, ఓలీ రాబిన్సన్ రెండు వికెట్లు పడగొట్టారు. ఈ విజయంతో ఐదు టెస్టుల సిరీస్‌లో 1-0 ఆధిక్యంలో నిలిచింది. చదవండి: IND vs WI: వెస్టిండీస్‌తో టీ20 సిరీస్‌.. శుబ్‌మన్‌ గిల్‌కు నో ఛాన్స్‌! రుత్‌రాజ్‌ రీ ఎంట్రీ Good morning Australia, we've got some pretty good news for you 😉#Ashes pic.twitter.com/kRgNnusl38 — Cricket Australia (@CricketAus) June 20, 2023

న్యూఢిల్లీ: జర్మనీ అధ్యక్షుడు ఒలాఫ్‌ షోల్జ్‌ ఈ నెల 25, 26వ తేదీల్లో భారత్‌లో పర్యటించనున్నారు. ఏడాది క్రితం అధ్యక్ష బాధ్యతలు చేపట్టిన షోల్జ్‌ భారత్‌ రానుండటం ఇదే మొదటిసారి. సీనియర్‌ అధికారులు, ఉన్నత స్థాయి వాణిజ్య ప్రతినిధి వర్గంతో 25న ఆయన ఢిల్లీకి చేరుకుంటారని విదేశాంగ శాఖ తెలిపింది. షోల్జ్, ప్రధాని మోదీ పలు ద్వైపాక్షిక, ప్రాంతీయ, అంతర్జాతీయ అంశాలపై చర్చలు జరుపుతారు. 26న బెంగళూరులో జరిగే కార్యక్రమాల్లో జర్మనీ అధ్యక్షుడు షోల్జ్‌ పాల్గొంటారు. అదేవిధంగా, ఆస్ట్రేలియా ప్రధాని ఆంథోనీ ఆల్బనీస్‌ కూడా మార్చి 8వ తేదీన భారత్‌లో పర్యటనకు రానున్నారు. రెండు దేశాల మధ్య వాణిజ్యం, పెట్టుబడులు, కీలక ఖనిజాలు తదితర అంశాలపై ఆయన ప్రధాని మోదీతో విస్తృత చర్చలు జరుపుతారు. ఇరువురు నేతలు కలిసి అహ్మదాబాద్‌లో జరిగే భారత్‌–ఆస్ట్రేలియా క్రికెట్‌ మ్యాచ్‌ను తిలకించనున్నారు. ఈ పర్యటనపై అధికారిక ప్రకటన వెలువడాల్సి ఉంది. 

ఈడెన్‌ గార్డెన్స్‌ వేదికగా టీమిండియాతో జరిన రెండో వన్డేలో నాలుగు వికెట్ల తేడాతో శ్రీలంక పరాజాయం పాలైంది. దీంతో అత్యంత చెత్త రికార్డును శ్రీలంక తమ పేరిట లిఖించుకుంది. అంతర్జాతీయ వన్డే మ్యాచ్‌ల్లో అత్యధిక పరాజయాలు చవిచూసిన జట్టుగా శ్రీలంక నిలిచింది. శ్రీలంక ఇప్పటివరకు 880 మ్యాచ్‌లు ఆడగా.. అందులో 437 వన్డేల్లో ఓటమిపాలైంది. తద్వారా ఈ చెత్త రికార్డును తమ ఖాతాలో వేసుకుంది. కాగా ఇప్పటివరకు ఈ చెత్త రికార్డు టీమిండియా పేరిట ఉండేది. భారత్‌ ఇప్పటి వరకు 436 వన్డేల్లో ఓటమి చవిచూసింది. తాజా ఓటమితో భారత్‌ను లంక జట్టు అధిగిమించింది. ఇక మూడో 419 ఓటములతో పాకిస్తాన్‌ మూడో స్థానంలో కొనసాగుతుంది. ఆస్ట్రేలియా రికార్డును సమం చేసిన భారత్‌ ఇక ఇదే మ్యాచ్‌లో టీమిండియా కూడా ఓ అరుదైన రికార్డు సాధించింది. లంకపై రెండో వన్డేలో గెలుపొందిన రోహిత్‌ సేన.. వన్డేల్లో ఒక ప్రత్యర్థి జట్టుపై అత్యధిక విజయాలు సాధించిన జట్టుగా ఆస్ట్రేలియాతో సంయుక్తంగా నిలిచింది. శ్రీలంకపై అత్యధికంగా 95 వన్డేల్లో భారత్‌ గెలవగా.. ఆస్ట్రేలియా కూడా న్యూజిలాండ్‌పై ఇప్పటివరకు 95 వన్డేల్లో విజయం సాధించింది. చదవండి: Virat Kohli: ఇషాన్‌తో కలిసి డాన్స్‌ అదరగొట్టిన కోహ్లి! వీడియో వైరల్‌

టీ20 ప్రపంచకప్‌-2022లో ఆస్ట్రేలియాతో మ్యాచ్‌కు ముందు ఆఫ్గానిస్తాన్‌కు భారీ షాక్‌ తగిలే అవకాశం ఉంది. ఆ జట్టు స్టార్‌ స్పిన్నర్‌ రషీద్‌ ఖాన్‌ గాయం కారణంగా ఈ మ్యాచ్‌కు దూరం కానున్నట్లు తెలుస్తోంది. ఈ మెగా ఈవెంట్‌లో భాగంగా మంగళవారం శ్రీలంకతో జరిగిన మ్యాచ్‌లో రషీద్‌ ఖాన్‌ గాయపడ్డాడు. ఈ మ్యాచ్‌లో బౌండరీ ఆపే  ప్రయత్నంలో రషీద్‌ ఖాన్‌ కాలికి గాయమైంది. వెంటనే ఫీల్డ్‌ను వదిలి రషీద్‌ ఫిజియో సాయంతో బయటకు వెళ్లాడు. ఇక ఈ మ్యాచ్‌లో ఆఫ్గానిస్తాన్‌ 6 వికెట్ల తేడాతో ఓటమిపాలైంది. ఈ  ఓటమితో మహ్మద్ నబీ బృందం టోర్నీ నుంచి నిష్క్రమించింది. ఈ మ్యాచ్‌లో రషీద్‌ 9 పరుగులతో పాటు రెండు వికెట్లు కూడా పడగొట్టాడు. ఇక ఇప్పటి వరకు ఈ టోర్నీలో  ఆడిన రెండు మ్యాచ్‌ల్లోనూ ఆఫ్గాన్‌ ఓటమిపాలైంది. ఆఫ్గాన్‌ ఆడాల్సిన మరో రెండు మ్యాచ్‌లు వర్షం కారణంగా రద్దయ్యాయి. ఇక తమ అఖరి మ్యాచ్‌లో ఆఫ్గానిస్తాన్‌ నవంబర్‌ 4న ఆస్ట్రేలియాతో తలపడనుంది. #SLvsBAN pic.twitter.com/J8Mw59RWgP — The sports 360 (@Thesports3601) November 1, 2022 చదవండి: వన్డే చరిత్రలో తొలి వికెట్‌ టేకర్‌.. ఆస్ట్రేలియా మాజీ బౌలర్‌ కన్ను మూత

వన్డే చరిత్రలో తొలి వికెట్‌ టేకర్‌.. ఆస్ట్రేలియా మాజీ ఫాస్ట్ బౌలర్ అలాన్ థామ్సన్ (76) కన్నుమూశారు. గత కొంత కాలంగా ఆనారోగ్యంతో బాధపడుతున్న థామ్సన్.. మంగళవారం తుది శ్వాస విడిచారు. ఈ విషయాన్ని అతని సోదరుడు ట్విటర్‌ వేదికగా ప్రకటించాడు. "మా అన్నయ్య, మాజీ ఆస్ట్రేలియా క్రికెటర్‌ అలాన్‌ థామ్సన్ మరణించారు. కొన్ని రోజులు కిందట అతనికి హిప్‌(తుంటి గాయం) సర్జరీ జరిగింది. కానీ అన్నయ్య ఆరోగ్య పరిస్థితి మెరుగపడలేదు. అఖరికి అలాన్‌ మమ్మల్ని విడిచి పెట్టి వెళ్లిపోయారు" అని అతడి సోదరుడు ట్విటర్‌లో పేర్కొన్నారు. కాగా విక్టోరియాకు చెందిన అలాన్‌ ఆస్ట్రేలియా తరపున ఒక వన్డే, నాలుగు టెస్టు మ్యాచ్‌ల్లో మాత్రమే ఆడారు. నాలుగు టెస్టుల్లో 12 వికెట్లు అలాన్‌ సాధించారు. అదే విధంగా అతని బౌలింగ్‌ యాక‌్షన్‌ కూడా అందరికంటే భిన్నంగా ఉంటుంది. అందుకే అతనిని ముద్దుగా "ఫ్రాగీ" అని పిలుచుకోనేవారు. ఇక ఫస్ట్‌ క్లాస్‌ క్రికెట్‌లో విక్టోరియా తరపున 44 ‍మ్యాచ్‌లు ఆడిన అలాన్‌.. 184 వికెట్లు పడగొట్టారు. వన్డే క్రికెట్‌ చరిత్రలో తొలి వికెట్‌ ప్రపంచ వన్డే క్రికెట్‌ చరిత్రలో 1971 జనవరి 5న ఇంగ్లండ్‌- ఆస్ట్రేలియా మధ్య తొలి మ్యాచ్‌ జరిగింది.  ఈ మ్యాచ్‌లో తొలి వికెట్‌ ఆసీస్‌కు ప్రాతినిద్యం వహించిన అలాన్‌ థామ్సన్ పడగొట్టారు. తద్వారా వన్డేల్లో తొలి వికెట్‌ సాధించిన బౌలర్‌గా అలాన్‌ నిలిచాడు. ఈ మ్యాచ్‌లో 8 ఓవర్లు బౌలింగ్‌ చేసిన అలాన్‌ 22 పరుగులిచ్చి ఒక్క వికెట్‌ సాధించారు. చదవండి: T20 WC 2022: బంగ్లాదేశ్‌తో కీలక మ్యాచ్‌.. టీమిండియా అభిమానులకు గుడ్‌ న్యూస్‌

టీ20 ప్రపంచకప్‌లో భాగంగా ఆఫ్గానిస్తాన్‌తో కీలక మ్యాచ్‌కు ముందు ఆస్ట్రేలియాకు బిగ్‌ షాక్‌ తగిలే అవకాశం ఉంది. ఆసీస్‌ కెప్టెన్‌ ఆరోన్‌ ఫించ్‌ గాయం కారణంగా ఆఫ్గానిస్తాన్‌తో మ్యాచ్‌కు దూరం కానున్నట్లు తెలుస్తోంది. కాగా సోమవారం ఐర్లాండ్‌తో జరిగిన మ్యాచ్‌లో ఫించ్‌ అద్భుతమైన ఇన్నింగ్స్‌ ఆడాడు. ఈ మ్యాచ్‌లో 44 బంతులు ఎదుర్కొన్న ఫించ్‌.. 5 ఫోర్లు, మూడు సిక్స్‌లతో 63 పరుగులు సాధించాడు. అయితే  ఈ మ్యాచ్‌ తొలి ఇన్నింగ్స్‌ అఖరిలో ఫించ్‌ తొడ కండరాలు పట్టేశాయి. అయినప్పటికీ బాధను భరిస్తూనే ఇన్నింగ్స్‌ను కొనసాగించాడు. అనంతరం సెకెండ్‌ ఇన్నింగ్స్‌లో ఫించ్‌ ఫీల్డ్‌లోకి రాలేదు. అతడి స్థానంలో వైస్-కెప్టెన్ మాథ్యూ వేడ్ బాధ్యతలు స్వీకరించాడు. ఇక తన గాయంకు సంబంధించిన అప్‌డేట్‌ను  మ్యాచ్‌ అనంతరం ఫించ్‌ వెల్లడించాడు. "ప్రస్తుతం చాలా నొప్పిగా ఉంది. నేను రేపు(మంగళవారం) స్కానింగ్‌ కోసం వెళ్తాను. గతంలో కూడా ఇదే గాయంతో బాధపడ్డాను. స్కాన్‌ రిపోర్ట్స్‌ బట్టి విశ్రాంతి తీసుకోవాలా వద్ద అన్నది ఆలోచిస్తాను" అని ఫించ్‌ పేర్కొన్నాడు. కాగా ఈ మ్యాచ్‌లో ఐర్లాండ్‌పై 42 పరుగుల తేడాతో ఆసీస్‌ ఘన విజయం సాధించింది. ఇక  నవంబర్‌ 4న ఆడిలైడ్‌ వేదికగా ఆఫ్గానిస్తాన్‌తో ఆస్ట్రేలియా తలపడనుంది. In a positive update, it was just precautionary for Tim David, who was kept out from fielding with hamstring tightness 🤞 https://t.co/SpUaVotkhk — Fox Cricket (@FoxCricket) October 31, 2022 చదవండి: T20 WC 2022: 'బాబర్‌ అజం స్వార్దపరుడు.. కేవలం రికార్డుల కోసం మాత్రమే'

ఆస్ట్రేలియాతో జరగనున్న టెస్టు సిరీస్‌ కోసం 15 మంది సభ్యులతో కూడిన జట్టును వెస్టిండీస్‌ క్రికెట్‌ బోర్డు ప్రకటించింది. ఈ సిరీస్‌కు యువ సంచలనం టాగెనరైన్ చంద్రపాల్‌ను సెలక్టర్లు ఎంపిక చేశారు. ఈ టాగెనరైన్ చంద్రపాల్‌ ఎవరో కాదు.. విండీస్‌ దిగ్గజ ఆటగాడు శివనారాయణ్ చంద్రపాల్ పెద్ద కుమారుడు. చందర్‌పాల్‌ ఫస్ట్‌ క్లాస్‌ క్రికెట్‌లో అదరగొట్టాడు. 2021-22 వెస్టిండీస్‌ ఫోర్‌డే ఛాంపియన్‌  షిఫ్‌లో అద్భుతమైన ప్రదర్శన కనబరిచాడు. ఈ టోర్నీలో ఎనిమిది ఇన్నింగ్స్‌లు ఆడిన టాగెనరైన్.. 439 పరుగలు చేసి అత్యధిక పరుగులు సాధించిన రెండవ ఆటగాడిగా నిలిచాడు. ఫస్ట్‌ క్లాస్‌ క్రికెట్‌లో 34.21 సగటుతో 2669 పరుగులు సాధించాడు. అతడు ఫస్ట్‌ క్లాస్‌ కెరీర్‌లో ఐదు సెంచరీలు కూడా ఉన్నాయి. ఈ ఏడాది ప్రారంభంలో స్వదేశంలో బంగ్లాదేశ్‌తో జరిగిన టెస్ట్‌  సిరీస్‌కు టాగెనరైన్ రిజర్వ్ బ్యాటర్‌గా ఎంపికయ్యాడు. ఇక ఆస్ట్రేలియా సిరీస్‌లో విండీస్‌ కెప్టెన్‌ క్రైగ్ బ్రాత్‌వైట్‌తో కలిసి ఓపెనింగ్ చేసే అవకాశం ఉంది. చదవండి: T20 WC 2022: కోహ్లి బ్యాటింగ్‌.. 'దేవుడే పాట పాడినంత మధురంగా'

బ్రెస్బేన్‌ వేదికగా వెస్టిండీస్‌తో జరిగిన రెండో టీ20లో ఆస్ట్రేలియా యువ ఆటగాడు టిమ్‌ డేవిడ్‌ మెరుపు ఇన్నింగ్స్‌ ఆడాడు. ఈ మ్యాచ్‌లో 20 బంతులు ఎదుర్కొన్న డేవిడ్‌.. 4 ఫోర్లు, 3 సిక్సర్లతో 42 పరుగులు సాధించాడు. కాగా డేవిడ్‌ కొట్టిన ఓ సిక్సర్‌ మ్యాచ్‌ మొత్తానికే హైలెట్‌గా నిలిచింది. ఆస్ట్రేలియా ఇన్నింగ్స్‌ 17 ఓవర్‌ వేసిన మెక్‌కాయ్‌ బౌలింగ్‌లో.. నాలుగో బంతిని డేవిడ్ డిప్‌ మిడ్‌ వికెట్‌ దిశగా 110 మీటర్ల భారీ సిక్స్‌ బాదాడు. ఇందుకు సంబంధించిన వీడియోను క్రికెట్‌ ఆస్ట్రేలియా ట్విటర్‌లో  షేర్‌ చేసింది. ఇక ఈ మ్యాచ్‌లో విండీస్‌పై ఆస్ట్రేలియా 31 పరుగుల తేడాతో ఘన విజయం సాధించింది. తద్వారా రెండు టీ20ల సిరీస్‌ను 2-0తో ఆసీస్‌ క్లీన్‌ స్వీప్‌ చేసింది. తొలుత బ్యాటింగ్‌ చేసిన ఆస్ట్రేలియా.. నిర్ణీత 20 ఓవర్లలో ఏడు వికెట్లు కోల్పోయి 178 పరుగులు చేసింది. ఆసీస్‌ బ్యాటర్లలో డేవిడ్‌ వార్నర్‌(41 బంతుల్లో 75), డేవిడ్‌(42) పరుగులతో అదరగొట్టారు. విండీస్‌ బౌలర్లలో జోషఫ్‌ మూడు వికెట్లు, మెక్‌కాయ్‌ రెండు, స్మిత్‌ ఒక్క వికెట్‌ సాధించారు. ఇక 179 పరుగుల లక్ష్యంతో బరిలోకి దిగిన విండీస్‌.. నిర్ణీత 20 ఓవర్లలో 8 వికెట్లు కోల్పోయి 147 పరుగులకే పరిమితమైంది. కరీబియన్‌ బ్యాటర్లలో చార్లెస్‌ 29 పరుగులతో టాప్‌ స్కోరర్‌గా నిలిచాడు. ఇక ఆస్ట్రేలియా బౌలర్లలో స్టార్క్‌ నాలుగు వికెట్లతో చెలరేగగా.. కమ్మిన్స్‌ రెండు, గ్రీన్‌, జంపా ఒ‍క్క వికెట్‌ పడగొట్టారు. చదవండి: Faf Du Plesis: 'మరో మూడు వారాల్లో పూర్తిగా తెలుసుకుంటారు'

ఆస్ట్రేలియా వేదికగా టీ20 ప్రపంచకప్‌-2022 ఆక్టోబర్‌ 15 నుంచి ప్రారంభం కానుంది. తొలుత రౌండ్‌ 1 మ్యాచ్‌లు జరగనుండగా.. ఆక్టోబర్‌ 22 నుంచి సూపర్‌-12 మ్యాచ్‌లు జరగనున్నాయి. కాగా ఈ మార్క్యూ ఈవెంట్‌ కోసం అన్ని ప్రధాన జట్లు సన్నద్దం అవుతున్నాయి.  ద్వైపాక్షిక సిరీస్‌లతో బిజీబిజీగా గడుపుతున్నాయి. కాగా ఈ మెగా ఈవెంట్‌లో టైటిల్‌ బరిలో నిలిచే మూడు ఫేవరేట్‌ జట్లను ఆస్ట్రేలియన్ మాజీ బ్యాటర్ మైఖేల్ బెవన్ ఎంచుకున్నాడు. వాటిలో అతిధ్య ఆస్ట్రేలియా, టీమిండియా, ఇంగ్లండ్‌ జట్లు ఉన్నాయి. ప్రస్తుత ఫామ్‌ దృష్ట్యా అన్ని జట్ల కంటే భారత్‌, ఇంగ్లండ్‌ జట్లు అద్భుతంగా ఉన్నాయని బెవన్ తెలిపాడు. "టీ20 ప్రపంచకప్‌-2022 టైటిల్‌ రేసులో భారత్‌, ఇంగ్లండ్‌, ఆస్ట్రేలియా నిలుస్తాయని నేను భావిస్తున్నాను. ప్రస్తుతం జట్లు ఫామ్‌ బట్టి చూస్తే టీమిండియా, ఇంగ్లండ్‌ ముందంజలో ఉన్నాయి. అదే విధంగా ఆస్ట్రేలియాను కూడా తక్కువగా అంచనా వేయకూడదు. ఆస్ట్రేలియా జట్టులో అద్భుతమైన ఆటగాళ్లు ఉన్నారు. వారు తమ ఫామ్‌ను కొనసాగిస్తే.. ఆసీస్‌కు కూడా టైటిల్‌ వచ్చే అవకాశం ఉంది. మరోవైపు ఈ మెగా ఈవెంట్‌ స్వదేశంలో జరగనుండడం ఆస్ట్రేలియాకు కలిసి వస్తుంది" అని బెవన్ పేర్కొన్నాడు. చదవండి: IND vs SA: శ్రేయస్‌ అయ్యర్‌ బుల్లెట్‌ త్రో.. డికాక్‌ అస్సలు ఊహించలేదుగా!

ఆస్ట్రేలియా వేదికగా జరగనున్న టీ20 ప్రపంచకప్‌-2022కు 15 మంది సభ్యులతో కూడిన తమ జట్టను స్కాట్లాండ్ క్రికెట్‌ బోర్డు గురువారం ప్రకటించింది. ఈ మెగా ఈవెంట్‌లో స్కాట్లాండ్ జట్టుకు రిచీ బెరింగ్టన్ సారధ్యం వహించనున్నాడు. అదే విధంగా టీ20 ప్రపంచకప్‌-2021 స్కాట్లాండ్ జట్టులో భాగంగా ఉన్న జోష్‌ డేవి,  వీల్‌ ఈ ఏడాది మెగా ఈవెంట్‌కు కూడా ఎంపికయ్యారు. కాగా గతేడాది టీ20 ప్రపంచకప్‌ గ్రూప్‌ దశలో అద్భుతమైన ప్రదర్శన కనబరిచిన స్కాట్లాండ్.. సూపర్‌-12 అర్హత సాధించింది. సూపర్‌-12లో కూడా స్కాట్లాండ్ పర్వాలేదనిపించింది.  ఇక ఈ ఏడాది మెగా ఈవెంట్‌లో స్కాట్లాండ్.. ఐర్లాండ్, వెస్టిండీస్,జింబాబ్వేతో గ్రూప్‌ దశలో తలపడనుంది. టీ20 ప్రపంచకప్‌కు  స్కాట్లాండ్ జట్టు: రిచర్డ్ బెర్రింగ్టన్ (కెప్టెన్‌), మైఖేల్ లీస్క్, జార్జ్ మున్సే, బ్రాడ్లీ వీల్, క్రిస్ సోల్, క్రిస్ గ్రీవ్స్, సఫ్యాన్ షరీఫ్, జోష్ డేవీ, మాథ్యూ క్రాస్, హంజా తాహిర్, కాలమ్ మెక్‌లియోడ్, మార్క్‌లెన్ ఎమ్‌గ్రాడ్, మార్క్‌లెన్ వాక్‌మ్రాడ్, వాలెస్, మైఖేల్ జోన్స్ చదవండి: Ind vs Aus: మిమ్మల్ని ఎవరూ పట్టించుకోరు.. మీ జీవితం​ బాగు చేసుకోండి! భువీ భార్య కౌంటర్

టీ20 ప్రపంచకప్‌-2022కు ముందు పాకిస్తాన్‌ క్రికెట్‌ బోర్డు కీలక నిర్ణయం తీసుకుంది. ఈ మెగా ఈవెంట్‌ కోసం​తమ జట్టు మెంటార్‌గా ఆస్ట్రేలియా క్రికెట్‌ దిగ్గజం మాథ్యూ హేడెన్‌ను పిసిబీ నియమించింది. కాగా గతేడాది టీ20 ప్రపంచకప్‌లో కూగా హేడెన్‌ పాకిస్తాన్‌ మెంటార్‌గా వ్యవహరించాడు. టీ20 ప్రపంచకప్‌-2021లో పాకిస్తాన్‌ అద్భుతంగా రాణించింది. అనూహ్యంగా సెమీఫైనల్‌లో ఆసీస్‌ చేతిలో ఓటమి చెంది టోర్నీ నుంచి నిష్క్రమించింది. ఇక ఈ ఏడాది టోర్నీలో పాక్‌ హెడ్‌ కోచ్‌  సక్లైన్ ముస్తాక్, ఇతర సహాయక సిబ్బందితో కలిసి హేడెన్‌ పనిచేయున్నాడు. కాగా అతడు ఆక్టోబర్‌ 15న పాకిస్తాన్‌ జట్టుతో చేరనున్నట్లు తెలుస్తోంది. టీ20 ప్రపంచకప్‌కు ముందు పాకిస్తాన్‌ స్వదేశంలో ఇంగ్లండ్‌తో టీ20 సిరీస్‌తో పాటు న్యూజిలాండ్‌ వేదికగా జరగనున్న ముక్కోణపు సిరీస్‌లో ఆడనుంది. ఇక ప్రస్తుతం జరుగుతోన్న ఆసియాకప్‌లో పాకిస్తాన్‌ ఫైనల్లో అడుగుపెట్టింది. సెప్టెంబర్‌11న దుబాయ్‌ వేదికగా జరగనున్న ఫైనల్లో శ్రీలంకతో పాక్‌ తలపడనుంది. చదవండి: Asia Cup 2022: తొలిసారి బౌలింగ్ చేసిన దినేష్ కార్తీక్.. వీడియో వైరల్‌!

ఆస్ట్రేలియా స్టార్‌ పేసర్‌ మిచెల్ స్టార్క్ అంతర్జాతీయ వన్డేల్లో అరుదైన ఘనత సాధించాడు. వన్డేల్లో అత్యంత వేగంగా 200 వికెట్లు తీసిన బౌలర్‌గా స్టార్క్ నిలిచాడు. శనివారం జింబాబ్వేతో జరిగిన మూడో వన్డేలో రియాన్‌ బర్ల్‌ వికెట్‌ పడగొట్టిన స్టార్క్‌.. తన వన్డే కెరీర్‌లో 200 వికెట్ల మైలు రాయిని అందుకున్నాడు. తద్వారా ఈ అరుదైన ఘనతను స్టార్క్‌ తన పేరిట లిఖించుకున్నాడు. కాగా అంతకుముందు ఈ రికార్డు పాకిస్తాన్‌ మాజీ బౌలర్‌ సక్లైన్ ముస్తాక్ (104 మ్యాచ్‌లు) పేరిట ఉండేది. తాజాగా స్టార్క్‌ కేవలం 102 మ్యాచ్‌ల్లోనే 200 వికెట్లు పడగొట్టి ముస్తాక్ రికార్డును బ్రేక్‌ చేశాడు. ఈ ఘనత సాధించిన జాబితాలో టాప్‌లో స్టార్క్‌ ఉండగా.. రెండు మూడు స్ధానాల్లో వరుసగా సక్లైన్ ముస్తాక్ (104 మ్యాచ్‌లు), ఆసీస్‌ దిగ్గజం బ్రెట్‌లీ(112 మ్యాచ్‌లు) ఉన్నారు. అదే విధం‍గా వన్డేల్లో అత్యంత వేగంగా 100 వికెట్లు పడగొట్టిన పేసర్‌గా కూడా స్టార్క్‌ అగ్రస్థానంలో కొనసాగుతున్నాడు. కాగా ఈ మ్యాచ్‌లో జింబాబ్వేపై మూడు వికెట్ల తేడాతో ఆస్ట్రేలియా ఓటమి పాలైంది. చదవండి: Aus Vs Zim 3rd ODI: సొంతగడ్డపై ఆస్ట్రేలియాను మట్టికరిపించిన జింబాబ్వే.. సంచలన విజయం

ఆస్ట్రేలియా వేదికగా జరగనున్న టీ20 ప్రపచంకప్‌-2022కు ముందు టీమిండియాకు గుడ్‌ న్యూస్‌. గాయం కారణంగా ఆసియా కప్‌-2022కు దూరమైన భారత స్టార్‌ పేసర్‌ జస్ప్రీత్‌ బుమ్రా ప్రస్తుతం కోలుకున్నట్లు తెలుస్తోంది. ఈ క్రమంలో జస్ప్రీత్‌ స్వదేశంలో ఆస్ట్రేలియా, దక్షిణాఫ్రికాతో జరగనున్న సిరీస్‌లతో పాటు టీ20 ప్రపచంకప్‌కు కూడా అందుబాటులో ఉండే అవకాశం ఉంది. వెన్ను నొప్పితో బాధపడుతున్న బుమ్రా బీసీసీఐ వైద్యుల పర్యవేక్షణలో బెంగళూరులోని జాతీయ క్రికెట్‌ అకాడమీలో వారం రోజులు పాటు గడిపాడు. అతడు తన గాయం నుంచి కోలుకోవడంతో తిరిగి స్వస్థలం ముంబైకు చేరుకున్నట్లు సమాచారం. "బుమ్రా తన గాయం నుంచి కోలుకోవడంతో పురోగతి సాధించాడు.  ఫిజియోలతో నిరంతరం మేము టచ్‌లో ఉన్నాం. మా జట్టు ప్రధాన ఫిజియో నితిన్ పటేల్ జాతీయ క్రికెట్‌ అకాడమీలో ఫిజియోలతో ఎప్పటికప్పడు బుమ్రా గాయం గురించి చర్చిస్తున్నాడు. బుమ్రా తిరిగి ఆస్ట్రేలియా లేదా దక్షిణాఫ్రికా సిరీస్‌లో ఆడనున్నాడని మేము భావిస్తున్నాం. అయితే అతడు టీ20 ప్రపంచకప్‌కు మాత్రం ఖచ్చితంగా అందుబాటులో ఉంటాడు" అని బీసీసీఐ అధికారి ఒకరు ఇన్‌సైడ్‌ స్పోర్ట్స్‌తో పేర్కొన్నారు. కాగా ఈ ఏడాది సెప్టెంబర్‌లో మూడు టీ20ల సిరీస్‌ నిమిత్తం ఆసీస్‌ జట్టు భారత్‌లో పర్యటించనుంది. అనంతరం ఆదే నెలలో దక్షిణాఫ్రికా జట్టు కూడా ఐదు టీ20ల సిరీస్‌ కోసం భారత గడ్డపై అడుగు పెట్టనుంది. చదవండి: Asia cup 2022: 'కోహ్లి మళ్లీ విఫలమయ్యాడు.. ఇదీ ఒక ఇన్నింగ్సేనా'

18 ఏళ్ల తర్వాత ఆస్ట్రేలియా గడ్డపై అడుగుపెట్టిన జింబాబ్వే ఓటమితో తమ ప్రయాణాన్ని ప్రారంభించింది. టౌన్స్‌ విల్లే వేదికగా జింబాబ్వేతో జరిగిన తొలి వన్డేలో 5 వికెట్ల తేడాతో ఆస్ట్రేలియా ఘన విజయం సాధించింది. తొలత బ్యాటింగ్‌ చేసిన జింబాబ్వే 47.3 ఓవర్లలో 200 పరుగులకు ఆలౌటైంది. ఆ జట్టు ఆల్‌రౌండర్‌ మాధేవేరే 72 పరుగులతో రాణించడంతో జింబాబ్వే ఆ మాత్రం స్కోర్ అయినా చేయగల్గింది. ఇక ఆసీస్‌ బౌలర్లలో యువ కామెరాన్ గ్రీన్ ఐదు వికెట్లతో చేలరేగగా.. జంపా మూడు, మార్ష్‌, స్టార్క్‌ తలా వికెట్‌ సాధించారు. అనంతరం 201 పరుగుల లక్ష్యంతో ఆస్ట్రేలియా 33.3 ఓవర్లలో 5 వికెట్లు కోల్పోయి చేధించింది. ఆసీస్‌ బ్యాటర్లలో డేవిడ్‌ వార్నర్‌(57) పరుగులతో టాప్‌ స్కోరర్‌గా నిలవగా.. స్మిత్‌ 48 పరుగులతో(నాటౌట్‌)గా నిలిచాడు. జింబాబ్వే బౌలర్లలో బర్ల్‌ మూడు వికెట్లు పడగొట్టగా..రజా, నగర్వ చెరో వికెట్‌ సాధించారు.  ఇక ఇరు జట్లు మధ్య రెండో వన్డే ఇదే వేదికగా ఆగస్టు 31న జరగనుంది. చదవండి: Asia Cup Ind Vs Pak: పాకిస్తాన్‌తో తొలి మ్యాచ్‌.. దినేష్‌ కార్తీక్‌కు నో ఛాన్స్‌!

ఆస్ట్రేలియా స్టార్‌ ఓపెనర్ డేవిడ్‌ వార్నర్‌ తొమ్మిదేళ్ల తర్వాత బిగ్‌బాష్‌ లీగ్‌లో అడుగుపెట్టనున్నాడు. ఈ మెరకు బిగ్‌బాష్‌ లీగ్‌ 12వ సీజన్‌ ముందు సిడ్నీ థండర్‌తో రెండు సంవత్సరాల ఒప్పందాన్ని వార్నర్‌ కుదుర్చుకున్నాడు. ఈ విషయాన్ని సిడ్నీ థండర్‌ ఆదివారం సోషల్‌ మీడియాలో వెల్లడించింది. వచ్చే ఏడాది జనవరిలో  దక్షిణాఫ్రికాతో టెస్ట్ సిరీస్ ముగిసిన అనంతరం వార్నర్‌ జట్టులో చేరనున్నాడని  సిడ్నీ థండర్‌ ఓ ప్రకటనలో పేర్కొంది. ఆట పట్ల పూర్తి అంకితభావంతో ఉంటా ఇక ఇదే విషయంపై వార్నర్‌ స్పందిస్తూ..  నా బిగ్‌బాష్‌ కెరీర్‌ను ప్రారంభించిన జట్టులోకి మళ్లీ తిరిగి రావడం నాకు సంతోషంగా ఉంది. నేను నా ఆట పట్ల పూర్తి అంకితభావంతో ఉంటాను.. ఒక ప్రొఫెషనల్‌ క్రికెటర్‌గా నా సీనియర్లు చూపిన మార్గం నుంచి స్ఫూర్తిని పొందుతూ ఎల్లవేళలా ఆటను ఆస్వాదిస్తూ ఉంటా. అదే విధంగా బిగ్‌బాష్‌ లీగ్‌ నుంచి భవిష్యత్తు ఆటగాళ్లను తయారు చేయడంతో నా వంతు పాత్ర పోషిస్తాను అని  పేర్కొన్నాడు. కాగా 2011 బిగ్‌బాష్‌ లీగ్‌ తొలి సీజన్‌లో వార్నర్‌ అరేంగట్రం చేసినప్పటికీ.. అంతర్జాతీయ షెడ్యూల్‌, తదితర కారణాల వల్ల ఇప్పటి వరకు కేవలం మూడు మ్యాచ్‌లు మాత్రమే ఆడాడు. వార్నర్‌ ఈ లీగ్‌లో చివరసారిగా 2014 సీజన్‌లో కనిపించాడు. ఇక బిగ్‌బాష్‌ లీగ్‌(2022-23) సీజన్‌ డిసెంబర్‌13 నుంచి ఫిబ్రవరి 4 వరకు జరగనుంది. మరో వైపు  డేవిడ్‌ భాయ్‌ యూఏఈ సరికొత్త టీ20లీగ్‌లో కూడా భాగం కానున్నట్లు తెలుస్తోంది. He's BACK. ⚡️@davidwarner31 signs with Sydney Thunder for two seasons ahead of #BBL12! ✍️ pic.twitter.com/pdEDcO6uLl — KFC Big Bash League (@BBL) August 20, 2022 చదవండి: IND vs ZIM: దీపక్‌ హుడా అరుదైన రికార్డు.. ప్రపంచంలోనే తొలి ఆటగాడిగా!

దివంగత ఆస్ట్రేలియా క్రికెటర్‌ ఆండ్రూ సైమండ్స్ జ్ణాపకారక్ధం టౌన్స్‌విల్లే సిటీ కౌన్సిల్ కీలక నిర్ణయం తీసుకుంది. టౌన్స్‌విల్లేలోని రివర్‌వే అంతర్జాతీయ క్రికెట్‌ గ్రౌండ్‌ పేరును ఆండ్రూ సైమండ్స్  స్టేడియంగా మార్చుతున్నట్లు శుక్రవారం ప్రకటించింది. కాగా సైమండ్స్ టౌన్స్‌విల్లేలోనే జన్మించాడు. సైమండ్స్ జూనియర్లను ఎంతో మందిని ఇదే స్టేడియంలో తీర్చిదిద్దాడని, అతడి పేరు శాశ్వతంగా నిలిచిపోవాలని ఈ నిర్ణయం తీసుకున్నట్లు టౌన్స్‌విల్లే సిటీ కౌన్సిలర్ మౌరీ సోర్స్ తెలిపారు. ఇక ఈ స్టేడియం వేదికగా ఇప్పటి వరకు హాంకాంగ్, పాపువా న్యూ గినియా మధ్య రెండు అంతర్జాతీయ మ్యాచ్‌లు మాత్రమే జరిగాయి. ఈ స్టేడియం వేదికగానే ఆగస్టు అఖరిలో ఆస్ట్రేలియా-జింబాబ్వే మధ్య మూడు మ్యాచ్‌ల వన్డే సిరీస్‌ జరగనుంది. ఆగస్టు 28న జరగనున్న తొలి వన్డేతో ఈ సిరీస్‌ ప్రారంభం కానుంది. కాగా ఈ ఏడాది మే లో జరిగిన రోడ్డు ప్రమాదంలో సైమండ్స్ మరణించిన సంగతి తెలిసిందే. 1998లో ఆస్ట్రేలియా తరపున సైమండ్స్‌ అంతర్జాతీయ అరంగేట్రం చేశాడు. తన కెరీర్‌లో 26 టెస్టులు, 198 వన్డేలు, 14 టీ20ల్లో ఆస్ట్రేలియాకు ప్రాతినిద్యం వహించాడు. 2003, 2007 వన్డే వరల్డ్‌ కప్‌ను ఆస్ట్రేలియా గెలుచుకోవడంలో సైమండ్స్‌ కీలక పాత్ర పోషించాడు. చదవండి: IND vs WI: మియామి బీచ్‌లో ఎంజాయ్‌ చేస్తున్న భారత ఆటగాళ్లు.. ఫోటోలు వైరల్‌

ఆస్ట్రేలియాలో బోనాల జాతర ఘనంగా జరిగింది. తెలంగాణ న్యూస్‌ సంస్థ ఆధ్వర్యంలో మెల్‌బోర్న్‌ సిటీ రాక్‌బ్యాంక్‌ ప్రాంతానికి చెందిన దుర్గా మాత దేవాలయంలో బోనాల ఉత్సవాలు జరిగాయి. ఈ ఉత్సవాల్లో మహిళలు అమ్మ వారికి  బోనాలు, తొట్టెల సమర్పించి మొక్కుల్ని చెల్లించుకున్నారు .  ఈ సందర్భంగా అమ్మవారి ఆలయంలో పోతురాజుల నృత్యంతో సందడి నెలకొంది. బోనాల పాటలకు మనదేశానికి చెందిన వివిధ రాష్ట్రాల భక్తులు నృత్యం చేయడం ప్రత్యేక ఆకర్షణగా నిలిచింది.  ప్రపంచ వ్యాప్తంగా ఎంతో ఘనంగా నిర్వహించే ఈ వేడుకల్ని ఆస్ట్రేలియా మెల్‌బోర్న్‌లో తెలంగాణ న్యూస్ సంస్థ నిర్వాహకులు మధు, రాజు వేముల, ప్రజీత్ రెడ్డి కోతి,దీపక్ గద్దెలు గత 7 సంవత్సరాలుగా నిర్వహిస్తున్నారు. ఈ ఏడాది సైతం అంగరంగ వైభవంగా బోనాల జాతర జరపడంపై భక్తులు.. నిర్వాహకులకు అభినందనలు తెలిపారు.

స్వదేశంలో జింబాబ్వే, న్యూజిలాండ్‌తో జరగనున్న వన్డే సిరీస్‌లకు 15 మంది సభ్యులతో కూడిన తమ జట్టును ఆస్ట్రేలియా ప్రకటించింది. అయితే ఈ సిరీస్‌లకు ఆ జట్టు స్టార్‌ పేసర్‌ పాట్ కమిన్స్‌కు సెలక్టర్లు విశ్రాంతి ఇచ్చారు. అదే విధంగా సీనియర్‌ స్పిన్నర్‌ ఆడమ్ జంపా తిరిగి జట్టులోకి వచ్చాడు. ఇక శ్రీలంక పర్యటనలో ఆసీస్‌ జట్టులో భాగమైన పలువురి ఆటగాళ్లను టీమ్ మేనేజ్‌మెంట్ పక్కన పెట్టింది. మిచెల్ స్వెప్సన్, జోష్ ఇంగ్లిస్, ఝే రిచర్డ్‌సన్, ట్రావిస్ హెడ్, మాథ్యూ కుహ్నెమాన్‌లకు జట్టులో చోటు దక్కలేదు. ఇక రెండు సిరీస్‌లు నార్త్ క్వీన్స్‌లాండ్‌లో జరగనున్నాయి. ఆగస్టు 28న జింబాబ్వేతో వన్డే సిరీస్ ప్రారంభం కానుండగా, సెప్టెంబర్ 6న న్యూజిలాండ్‌తో సిరీస్‌ మొదలుకానుంది. జింబాబ్వే, న్యూజిలాండ్‌తో వన్డే సిరీస్‌లకు ఆసీస్‌ జట్టు: ఆరోన్ ఫించ్ (కెప్టెన్‌), సీన్ అబాట్, అష్టన్ అగర్, అలెక్స్ కారీ, కామెరాన్ గ్రీన్, జోష్ హాజిల్‌వుడ్, మార్నస్ లాబుషేన్‌, మిచెల్ మార్ష్, గ్లెన్ మాక్స్‌వెల్, స్టీవ్ స్మిత్, మిచెల్ స్టార్క్, మార్కస్ స్టోయినిస్, డేవిడ్ వార్నర్ ఆడమ్ జాంపా Rate this Aussie ODI squad out of 10 pic.twitter.com/LRJpqFL9M6 — cricket.com.au (@cricketcomau) July 18, 2022 చదవండి: IND vs WI: టీమిండియాతో సిరీస్‌.. క్రికెట్‌కు గుడ్‌బై చెప్పిన విండీస్‌ వికెట్‌ కీపర్‌..!

ఆస్ట్రేలియా స్టార్‌ ఆల్‌రౌండర్‌ గ్లెన్‌ మాక్స్‌వెల్‌ దాదాపు ఐదేళ్ల తర్వాత టెస్టు జట్టులోకి రీ ఎంట్రీ ఇచ్చాడు. శ్రీలంకతో టెస్టు సిరీస్‌కు ఎంపికైన ట్రావిస్ హెడ్ గాయం కారణంగా జట్టుకు దూరం కావడంతో.. అతడి స్థానంలో మాక్స్‌వెల్‌ను క్రికెట్ ఆస్ట్రేలియా ఎంపిక చేసింది. ఇక ఇరు జట్ల  మధ్య రెండు మ్యాచ్‌ల టెస్టు సిరీస్ జూన్ 29న ప్రారంభం కానుంది. ఈ రెండు టెస్టులు కూడా గాలే వేదికగానే జరగనున్నాయి. ఇక మాక్స్‌వెల్‌ చివరి సారిగా 2017 సెప్టెంబర్‌లో బంగ్లాదేశ్‌పై ఆడాడు. 2013లో భారత్‌పై టెస్టుల్లో మాక్స్‌వెల్‌ అరంగేట్రం చేశాడు. ఇప్పటి వరకు 7 టెస్టులు ఆడిన మాక్స్‌వెల్‌ 339 పరుగులతో పాటు 8 వికెట్లు సాధించాడు. ఆస్ట్రేలియా టెస్ట్ జట్టు: పాట్ కమిన్స్ (కెప్టెన్‌), అష్టన్ అగర్, స్కాట్ బోలాండ్, అలెక్స్ కారీ, కామెరాన్ గ్రీన్, జోష్ హాజిల్‌వుడ్, గ్లెన్ మాక్స్‌వెల్, జోష్ ఇంగ్లిస్, ఉస్మాన్ ఖవాజా, మార్నస్ లాబుషేన్‌, నాథన్ లియోన్, మిచెల్ మార్ష్, స్టీవ్ స్మిత్ (విసి), మిచెల్ స్టార్క్, మిచెల్ స్వెప్సన్, డేవిడ్ వార్నర్ చదవండి: వార్నర్‌ అభిమానులకు గుడ్‌ న్యూస్‌.. త్వరలోనే కెప్టెన్సీపై జీవిత కాల నిషేధం ఎత్తివేత..!

కొలంబో వేదికగా ఆస్ట్రేలియాతో జరిగిన మూడో వన్డేలో ఆరు వికెట్ల తేడాతో శ్రీలంక ఘన విజయం సాధించిన సంగతి తెలిసిందే. అయితే ఈ మ్యాచ్‌లో ఓ ఆసక్తికర సన్నివేశం చోటు చేసుకుంది. ఫీల్డర్‌కు బదులు అం‍పైర్‌ క్యాచ్‌ పట్టడానికి ప్రయత్నించాడు. ఆస్ట్రేలియా ఇన్నింగ్స్‌లో ఆలెక్స్‌ క్యారీ షార్ట్‌ పిచ్‌ బాల్‌ను స్వ్కేర్‌ లెగ్‌ దిశగా ఆడాడు. కాగా స్క్వేర్-లెగ్‌లో అంపైర్‌గా ఉన్న కుమార్‌ ధర్మసేన క్యాచ్‌ అందుకోవడానికి ప్రయత్నించాడు. అయితే తను ఫీల్డర్‌ కాదని అంపైర్‌ అని గ్రహించి అఖరి క్షణంలో ధర్మసేన తన చేతులను వెనక్కి తీసుకున్నాడు. దీంతో మైదానంలో ఉన్న ఆటగాళ్లతో పాటు ప్రేక్షకులు అంతా ఒక్క సారిగా నవ్వుకున్నారు. కాగా ఈ ఘటనకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. దీంతో అంపైర్ పై నెటిజన్లు ఫన్నీ కామెంట్లు చేస్తున్నారు. ధర్మసేన ఇప్పుడు అంపైర్‌గా కాదు శ్రీలంక ఆటగాడిగా ఫీలవుతున్నారని కొందరు నెటిజన్లు కామెంట్ చేశారు. ఇక ఐదు మ్యాచ్‌ల సిరీస్‌లో శ్రీలంక 2-1తో ఆదిక్యంలో కొనసాగుతోంది. ఇరు జట్లు మద్య నాలుగో వన్డే కొలంబో వేదికగా మంగళవారం జరగనుంది. చదవండి: IND vs ENG 5th Test: రవిచంద్రన్ అశ్విన్ కు కరోనా పాజిటివ్.. తగ్గాకే ఇంగ్లండ్‌కు..! Kumar Dharmasena going for a catch in SL vs Aus Odi match pic.twitter.com/DYyxn6kEsy — Sportsfan Cricket (@sportsfan_cric) June 20, 2022

శ్రీలంకతో వన్డే సిరీస్‌కు ముందు ఆస్ట్రేలియాకు భారీ షాక్‌ తగిలే అవకాశం ఉంది. ఆ జట్టు స్టార్‌ ఆల్‌రౌండర్‌ మిచిల్‌ మార్ష్‌ గాయం కారణంగా వన్డే సిరీస్‌కు దూరమయ్యే అవకాశాలు కన్పిస్తున్నాయి. కొలంబోలో శ్రీలంకతో జరిగిన రెండో టీ20 సమయంలో మార్ష్ వెన్ను నొప్పితో బాధపడ్డాడు. దీంతో పల్లెకెలె వేదికగా జరిగిన మూడో టీ20కి మార్ష్ దూరమయ్యాడు. అయితే అతడు గాయం నుంచి కోలుకోవడానికి దాదాపు రెండు వారాలు సమయం పట్టనున్నట్లు తెలుస్తోంది. ఐదు మ్యాచ్‌ల వన్డే సిరీస్‌లో భాగంగా తొలి వన్డే  పల్లెకెలె వేదికగా జాన్‌ 14న జరగనుంది. మరోవైపు శ్రీలంకతో మూడు మ్యాచ్‌ల టీ20 సిరీస్‌ను 2-0తో ఆస్ట్రేలియా కైవసం చేసుకుంది. ఆస్ట్రేలియా వన్డే జట్టు: ఆరోన్ ఫించ్ (కెప్టెన్‌), అష్టన్ అగర్, అలెక్స్ కారీ, పాట్ కమిన్స్, కెమెరూన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లాబుషేన్‌, మిచెల్ మార్ష్, గ్లెన్ మాక్స్‌వెల్, స్టీవ్ స్మిత్, మిచెల్ స్టార్క్, మార్కస్ స్టోయినిస్ , డేవిడ్ వార్నర్ చదవండి: SL vs AUS: టీ20ల్లో చరిత్ర సృష్టించిన శ్రీలంక.. తొలి జట్టుగా..!

పల్లెకెలె: ప్రపంచ చాంపియన్‌ ఆస్ట్రేలియాతో చివరి టి20...177 పరుగుల లక్ష్య ఛేదనలో 17 ఓవర్లు ముగిసేసరికి శ్రీలంక స్కోరు 118/6... చివరి 3 ఓవర్లలో 59 పరుగులు కావాలి. కానీ కెప్టెన్‌ దసున్‌ షనక (25 బంతుల్లో 54 నాటౌట్‌; 5 ఫోర్లు, 4 సిక్స్‌లు) మెరుపు బ్యాటింగ్‌తో అసాధ్యం అనిపించినదాన్ని ఒక్కసారిగా సుసాధ్యం చేసేశాడు. వరుసగా 3 ఓవర్లలో 22, 18, 19 పరుగులు రాబట్టిన లంక 4 వికెట్ల తేడాతో విజయం సాధించింది. 19.5 ఓవర్లలో ఆ జట్టు 6 వికెట్లకు 177 పరుగులు చేసింది. టాస్‌ గెలిచి ముందుగా బ్యాటింగ్‌కు దిగిన ఆస్ట్రేలియా 20 ఓవర్లలో 5 వికెట్లకు 176 పరుగులు చేసింది. వార్నర్‌ (39; 6 ఫోర్లు), స్టొయినిస్‌ (38; 3 ఫోర్లు, 1 సిక్స్‌), స్మిత్‌ (37 నాటౌట్‌; 2 ఫోర్లు, 2 సిక్స్‌లు) రాణించారు. తొలి రెండు మ్యాచ్‌లు గెలిచిన ఆస్ట్రేలియా 2–1తో సిరీస్‌ను సొంతం చేసుకుంది. చదవండి: IND vs SA T20 Series: ఒడిశా ఎలా ఉంది?.. దక్షిణాఫ్రికా ఆటగాడి ఎపిక్‌ రిప్లై Hero of the match! 💪 What a knock by Dasun Shanaka 💥#SLvAUS #CheerForLions pic.twitter.com/n8ug04rQvh — Sri Lanka Cricket 🇱🇰 (@OfficialSLC) June 11, 2022

టీమిండియాతో టీ20 సిరీస్‌ ముందు క్రికెట్‌ ఐర్లాండ్‌ కీలక నిర్ణయం తీసుకుంది. తమ జట్టు స్పిన్-బౌలింగ్ కోచ్‌గా ఆస్ట్రేలియా మాజీ ఆటగాడు నాథన్ హౌరిట్జ్ ఐర్లాండ్ నియమించింది. హౌరిట్జ్ ఆస్ట్రేలియా తరపున 17 టెస్టులు, 58 వన్డేలు, 3 టీ20 మ్యాచ్‌లు ఆడాడు. 2002లో అంతర్జాతీయ అరంగేట్రం చేసిన హౌరిట్జ్ మూడు ఫార్మాట్లలో 128 వికెట్లు పడగొట్టాడు. ఫస్ట్‌ క్లాస్‌ క్రికెట్‌లో క్వీన్స్‌ల్యాండ్, న్యూ సౌత్ వేల్స్ జట్లకు హౌరిట్జ్ ప్రాతినిధ్యం వహించాడు. ఇక బిగ్‌బాష్‌ లీగ్‌లో కూడా అతడు బ్రిస్బేన్ హీట్, సిడ్నీ థండర్, మెల్బోర్న్ రెనెగేడ్స్ జట్ల తరపున ఆడాడు. ఇక అంతర్జాతీయ క్రికెట్‌ నుంచి తప్పుకున్న తర్వాత హౌరిట్జ్ క్వీన్స్‌ల్యాండ్ ఫైర్‌, బ్రిస్బేన్ హీట్ జట్లకు స్పిన్‌ బౌలింగ్‌ కోచ్‌గా పనిచేశాడు. ఇక ఐర్లాండ్‌ పర్యటనలో భాగంగా రెండు టీ20 మ్యాచ్‌లు ఆడనుంది. డబ్లిన్‌ వేదికగా జూన్‌ 26న తొలి టీ20 జరగనుంది. చదవండి: IND vs SA: దక్షిణాఫ్రికాతో టీ20 సిరీస్‌.. టీమిండియాకు భారీ షాక్‌..!

ఈ ఏడాది జూన్‌లో ఆస్ట్రేలియా జట్టు శ్రీలంకలో పర్యటించనుంది. ఈ పర్యటనలో భాగంగా ఆసీస్‌ మూడు టీ20లు, ఐదు వన్డేలు, రెండు టెస్టులు ఆడనుంది. ఈ క్రమంలో శ్రీలంకతో జరిగే ఆల్ ఫార్మాట్ టూర్‌కు క్రికెట్ ఆస్ట్రేలియా తమ జట్టును శుక్రవారం ప్రకటించింది. ఆ జట్టు స్టార్‌ బౌలర్‌, టెస్టు జట్టు తాత్కాలిక కెప్టెన్‌ ప్యాట్‌ కమ్మిన్స్‌కు శ్రీలంకతో టీ20 సీరీస్‌కు సెలెక్టర్లు విశ్రాంతి ఇచ్చారు. మరో వైపు టెస్టు జట్టులో ఓపెనర్‌ మార్కస్ హారిస్, పేసర్‌ మార్క్ స్టెకెటీకి చోటు దక్కలేదు. అదే విధంగా మిచెల్ స్టార్క్, జోష్ హేజిల్‌వుడ్, గ్లెన్ మాక్స్‌వెల్, డేవిడ్ వార్నర్, స్టీవ్ స్మిత్ వంటి స్టార్‌ ఆటగాళ్లు పరిమిత ఓవర్ల జట్టులోకి తిరిగి రావడంతో ఆసీస్‌ చాలా పటిష్టంగా కన్పిస్తోంది. అయితే పాక్‌ పర్యటనలో అద్భుతంగా రాణించిన బెన్ మెక్‌డెర్మాట్‌కు పరిమిత ఓవర్ల జట్టులో చోటు దక్కకపోవడం గమనార్హం. ఇక కొలంబో వేదికగా జూన్‌ 7న శ్రీలంక, ఆస్ట్రేలియా మధ్య తొలి టీ20 జరగనుంది. ఆస్ట్రేలియా టీ20 జట్టు: ఆరోన్ ఫించ్ (కెప్టెన్‌), సీన్ అబాట్, అష్టన్ అగర్, జోష్ హేజిల్‌వుడ్, జోష్ ఇంగ్లిస్, మిచెల్ మార్ష్, గ్లెన్ మాక్స్‌వెల్, జే రిచర్డ్‌సన్, కేన్ రిచర్డ్‌సన్, స్టీవ్ స్మిత్, మిచెల్ స్టార్క్, మార్కస్ స్టోయినిస్, మిచెల్ స్వీప్సన్, డేవిడ్ వార్నర్ ఆస్ట్రేలియా వన్డే జట్టు: ఆరోన్ ఫించ్ (కెప్టెన్‌), అష్టన్ అగర్, అలెక్స్ కారీ, పాట్ కమిన్స్, కెమెరాన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లాబుషేన్‌, మిచెల్ మార్ష్, గ్లెన్ మాక్స్‌వెల్, స్టీవ్ స్మిత్, మిచెల్ స్టార్క్, మార్కస్ స్టోనినిస్ స్వెప్సన్, డేవిడ్ వార్నర్ ఆస్ట్రేలియా టెస్ట్ జట్టు: పాట్ కమిన్స్ (కెప్టెన్‌), అష్టన్ అగర్, స్కాట్ బోలాండ్, అలెక్స్ కారీ, కెమెరూన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, ఉస్మాన్ ఖవాజా, మార్నస్ లాబుస్‌చాగ్నే, నాథన్ లియోన్, మిచెల్ మార్ష్, స్టీవ్ స్మిత్ , మిచెల్ స్టార్క్, మిచెల్ స్వెప్సన్, డేవిడ్ వార్నర్ చదవండి: IPL 2022: ఆల్ టైం ఐపీఎల్ ప్లేయింగ్ 11 ప్రకటించిన కైఫ్.. రైనాకు చోటు..!

మహిళల వన్డే ప్రపంచకప్‌-2022ను ఆస్ట్రేలియా కైవసం చేసుకుంది. ఇంగ్లండ్‌తో జరిగిన ఫైన్లలో 71 పరుగుల తేడాతో ఘన విజయం సాధించి, 7వ సారి వరల్డ్‌ ఛాంపియన్‌గా ఆస్ట్రేలియా నిలిచింది. కాగా ఆస్ట్రేలియా విజయంలో ఆ జట్టు ఓపెనర్‌ అలీసా హీలీ 170 పరుగులు సాధించి కీలక పాత్ర పోషించింది. ఇది ఇలా ఉంటే.. హీలీ భర్త, ఆస్ట్రేలియా స్టార్ పేసర్ మిచెల్ స్టార్క్ స్టాండ్స్ నుంచి ఆమెను ఉత్సాహపరిస్తూ కనిపించాడు.ఈ మ్యాచ్‌లో ఆమె సెంచరీ సాధించినప్పుడు చప్పట్లు కొడూతూ స్టార్క్‌ అభినందించాడు. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఇక 2020 మహిళల టీ20 వరల్డ్ కప్ ఫైనల్ మ్యాచ్‌కు కూడా మిచెల్ స్టార్క్ హాజరై హీలీను ఉత్సాహపరిచాడు. ఆమె ఆ మ్యాచ్‌లో 75 పరుగులు చేసి ఆస్ట్రేలియా టీ20 ప్రపంచకప్‌ సాధించడంలో కీలక పాత్ర పోషించింది.  ఇక మ్యాచ్‌ విషయానికి వస్తే.. టాస్‌ ఓడి బ్యాటింగ్‌కు దిగిన  ఆస్ట్రేలియా..  ఓపెనర్‌ అలీసా హీలీ (138 బంతుల్లో 170; 26 ఫోర్లు) చెలరేగడంతో నిర్ణీత 50 ఓవర్లల్లో 5 వికెట్ల నష్టానికి 356 పరుగుల భారీ స్కోర్‌ చేసింది.  హీలీతో పాటు రేచల్‌ హేన్స్‌ (68), మూనీ (62) పరుగులతో రాణించారు. ఇంగ్లండ్‌ బౌలర్లలో ష్రబ్‌సోల్‌ 3, ఎక్లెస్టోన్‌ ఓ వికెట్‌ పడగొట్టారు. అనంతరం 357 పరుగుల భారీ లక్ష్యంతో బరిలోకి దిగిన ఇంగ్లండ్‌..  43.4 ఓవర్లల్లో 285 పరుగులు మాత్రమే చేసి ఆలౌటైంది. నతాలీ స్కీవర్‌ 148 పరుగులతో ఒంటరిపోరాటం చేసినప్పటికీ ఇంగ్లండ్‌కు ఓటమి తప్పలేదు. ఆసీస్‌ బౌలర్లలో అలానా కింగ్‌ వికెట్లు,జెస్‌ జోనాస్సెన్‌ చెరో మూడు వికెట్లు పడగొట్టగా.. మెగాన్‌ షట్‌ రెండు వికెట్లు సాధించింది. ఇక ఫైనల్‌ మ్యాచ్‌లో 170 పరుగలు, అదే విధంగా ఈ మెగా టోర్నమెంట్‌లో 509 పరుగులు సాధించి అద్భుతంగా రాణించిన  హీలీకి  ప్లేయర్‌ ఆఫ్‌ది మ్యాచ్‌తో పాటు, ప్లేయర్‌ ఆఫ్‌ ది సిరీస్‌ అవార్డు దక్కింది.  చదవండి: IPL 2022: ఆర్సీబీకి గుడ్‌ న్యూస్‌.. విధ్వసంకర ఆటగాడు వచ్చేశాడు.. ఇ​క బౌలర్లకు చుక్కలే! View this post on Instagram A post shared by ICC (@icc)

టీమిండియా కెప్టెన్‌గా రోహిత్‌ శర్మ అద్భుతంగా రాణిస్తున్నాడు. అతడి సారథ్యంలో భారత్‌ ఇటీవల వెస్టిండీస్‌, శ్రీలంకతో టీ20,వన్డే సిరీస్‌లను సొంతగడ్డపై క్లీన్ స్వీప్ చేసింది. ఆ క్రమంలో రోహిత్ శర్మపై ఆస్ట్రేలియా మాజీ స్పిన్నర్ బ్రాడ్ హాగ్ ఆసక్తికర వాఖ్యలు చేశాడు. రోహిత్‌ తన కెప్టెన్సీ కెరీర్‌ను అద్భుతంగా ప్రారంభించాడని బ్రాడ్ హాగ్ కొనియాడాడు. అయితే ఆస్ట్రేలియా వంటి అగ్రశ్రేణి జట్లతో ఆడినప్పుడు రోహిత్‌ కెప్టెన్సీ స్కిల్స్‌ బయటపడతాయి అని అతడు తెలిపాడు.  ఈ ఏడాది ఆస్ట్రేలియాలో జరగనున్న టీ20 ప్రపంచకప్‌ రోహిత్‌కు అతి పెద్ద సవాల్‌ అని పేర్కొన్నాడు.  "త్వరలో ఆస్ట్రేలియాతో భారత్ నాలుగు టెస్టు మ్యాచ్‌ల సిరీస్‌ ఆడనుంది. అది రోహిత్‌  శర్మకు కఠిన  సవాల్‌కు మారనుంది. నేను అతనిని ఒత్తిడిలో చూడాలనుకుంటున్నాను. ఆ సమయంలో ఇప్పటి లాగే ప్రశాంతమైన బాడీ లాంగ్వేజ్‌ని కలిగి ఉంటాడా లేదా మనం  కోపాన్ని చూస్తామా. భారత్‌  స్వదేశంలో దక్షిణాఫ్రికాతో టీ20 సిరీస్‌, ఇంగ్లాండ్ పర్యటన, ఆస్ట్రేలియాలో టీ20 ప్రపంచ కప్‌లో పాల్గొనోంది. కాబట్టి రాబోయే అన్నీ టోర్నీలు రోహిత్‌ కఠినమైనవి" అని హాగ్ పేర్కొన్నాడు. చదవండి: IPL 2022: కేఎల్‌ రాహుల్‌ జట్టులోకి జింబాబ్వే స్టార్‌ బౌలర్‌!

అభిమానులు ఎంతగానో ఎదురుచూస్తున్న ఐపీఎల్-2022 మరి కొద్ది రోజుల్లో ప్రారంభం కానుంది. మార్చి 26 నుంచి క్యాష్‌ రిచ్‌ లీగ్‌కు తెరలేవనుంది. ఇక పుణే,లక్నో రూపంలో కొత్త జట్లు రావడంతో ఈ సీజన్‌కు సరికొత్త ప్రాధన్యత సంతరించుకొంది. అయితే ఐపీఎల్‌-2022 ఆరంభానికి ముందు ఫ్రాంచైజీలకు భారీ షాక్‌ తగిలింది. ఈ ఏడాది ఐపీఎల్‌ ఆరంభ మ్యాచ్‌లకు 26 మంది విదేశీ ఆటగాళ్లు దూరమయ్యే అవకాశం ఉంది. ఈ క్రమంలో ఏఏ ఆటగాళ్లు ఐపీఎల్‌ ప్రారంభ మ్యాచ్‌లకు దూరం కానున్నారో పరిశీలిద్దాం. ఢిల్లీ క్యాపిటల్స్‌ ఐపీఎల్‌ మెగా వేలంలో ఢిల్లీ క్యాపిటల్స్‌ స్టార్‌ ఆటగాళ్లను కొనుగోలు చేసింది. దీంట్లో చాలా మంది విదేశీ ఆటగాళ్లే. వారిలో ఆస్ట్రేలియా క్రికెటర్‌లు డేవిడ్ వార్నర్, మిచెల్ మార్ష్‌లు ఆరంభ మ్యాచ్‌లకు దూరం కానున్నారు. ఇక  దక్షిణాఫ్రికా- బంగ్లాదేశ్‌ సిరీస్‌ కారణంగా ముస్తాఫిజుర్ రెహ్మాన్,లుంగి ఎంగిడి కొన్ని మ్యాచ్‌లకు దూరం కానున్నారు. అదే విధంగా ప్రోటీస్‌ స్టార్‌ పేసర్‌ నార్ట్జే గాయం కారణంగా సీజన్‌ మొత్తానికి దూరమయ్యాడు. లక్నో సూపర్ జెయింట్స్ లక్నో సూపర్ జెయింట్స్ ఐపీఎల్‌లో కొత్త జట్టుగా అవతరించింది. ఈ జట్టుకు టీమిండియా స్టార్‌ క్రికెటర్‌ కేఎల్‌ రాహుల్‌ సారథ్యం వహించనున్నాడు. లక్నో కూడా వేలంలో విదేశీ స్టార్‌ ఆటగాళ్లను సొంతం చేసుకుంది. మార్కస్ స్టోయినిస్, జాసన్ హోల్డర్, కైల్ మేయర్స్,క్వింటన్ డి కాక్‌ వంటి  విదేశీ ఆటగాళ్లు దూరం కానున్నారు. వెస్టిండీస్‌తో జరిగిన తొలి టెస్టులో గాయపడిన మార్క్ వుడ్ అందుబాటులో ఉండటం కూడా ప్రశ్నార్థకంగా మారింది. పాకిస్థాన్‌తో జరిగే టీ20, వన్డే సిరీస్‌ల తర్వాతే మార్కస్ స్టోయినిస్ లక్నో జట్టులోకి రానున్నాడు. పంజాబ్ కింగ్స్ అంతర్జాతీయ సిరీస్‌ల కారణంగా  జానీ బెయిర్‌స్టో, కగిసో రబడ, నాథన్ ఎల్లిస్ ఐపీఎల్- ‌2022లో కొన్ని మ్యాచ్‌లకు దూరం కానున్నారు. ముఖ్యంగా స్టార్‌ పేసర్‌ రబడా ఒకటి నుంచి ఐదు మ్యాచ్‌లకు దూరమయ్యే అవకాశం ఉంది. రాయల్ ఛాలెంజర్స్ బెంగళూరు ఐపీఎల్- ‌2022 ఆరంభ మ్యాచ్‌ల్లో ముగ్గురు ఆస్ట్రేలియా ఆటగాళ్ల సేవలను ఆర్సీబీ కోల్పోతుంది. గ్లెన్ మాక్స్‌వెల్,హాజిల్‌వుడ్,  జాసన్ బెహ్రెన్‌డార్ఫ్ దూరం కానున్నారు. గుజరాత్ టైటాన్స్ గుజరాత్ టైటాన్స్ ఐపీఎల్‌లో అరంగేట్రం చేసింది.  గుజరాత్‌కు హార్దిక్ పాండ్యా సారథ్యం వహించనున్నాడు. దక్షిణాఫ్రికా ఆటగాడు డేవిడ్ మిల్లర్,  వెస్టిండీస్ బౌలర్ అల్జారీ జోసెఫ్ దూరం కానున్నారు.  బంగ్లాదేశ్‌తో జరిగే వైట్ బాల్ సిరీస్‌లో డేవిడ్ మిల్లర్ దక్షిణాఫ్రికా జట్టులో భాగమై ఉండగా, అల్జారీ జోసెఫ్ ప్రస్తుతం ఇంగ్లండ్‌తో టెస్టు సిరీస్‌లో వెస్టిండీస్ తరపున ఆడుతున్నాడు. సన్‌రైజర్స్ హైదరాబాద్ కేన్ విలియమ్సన్ నేతృత్వంలోని సన్‌రైజర్స్ హైదరాబాద్‌ జట్టు దక్షిణాఫ్రికా ఆటగాళ్లు మార్కో జాన్‌సెన్, ఐడెన్ మార్క్‌రామ్ సేవలను కోల్పోనుంది. అదే విధంగా ఆస్ట్రేలియా పేసర్‌ సీన్ అబాట్ కూడా దూరం కానున్నాడు. రాజస్థాన్ రాయల్స్‌ ఆరంభ మ్యాచ్‌లకు ప్రోటీస్ స్టార్‌ బ్యాటర్‌  రాస్సీ వాన్ డెర్ డస్సెన్ దూరం కానున్నాడు. బంగ్లాదేశ్‌తో వన్డే సిరీస్ కోసం దక్షిణాఫ్రికా జట్టులో డస్సెన్ భాగమై ఉన్నాడు. ఒక వేళ  టెస్ట్ సిరీస్‌కు ఎంపికైతే అతడు ఐదు మ్యాచ్‌లకు దూరమయ్యే అవకాశం ఉంది. కోల్‌కతా నైట్ రైడర్స్ గత ఏడాది ఫైనలిస్ట్ కోల్‌కతా నైట్ రైడర్స్‌ పాట్ కమిన్స్, ఆరోన్ ఫించ్ లేకుండానే ఆరంభ మ్యాచ్‌ల్లో బరిలోకి దిగనుంది. పాకిస్థాన్‌తో జరిగే టెస్ట్‌ సిరీస్ తర్వాత కమ్మిన్స్ జట్టులో చేరే అవకాశం ఉన్నప్పటికీ, ఫించ్ మాత్రం  వైట్ బాల్ సిరీస్‌లో భాగమై ఉన్నాడు.  ముంబై ఇండియన్స్ గాయం కారణంగా ఈ ఏడాది సీజన్‌కు ఇంగ్లండ్‌ పేసర్‌  జోఫ్రా ఆర్చర్‌ దూరం కానున్నాడు. అయితే ముంబై ఇండియన్స్ మాత్రం తొలి మ్యాచ్‌లో ఆడేందుకు పూర్తి స్థాయి జట్టును కలిగి ఉంది. చెన్నై సూపర్ కింగ్స్ ఆరంభ మ్యాచ్‌లకు దక్షిణాఫ్రికా ఆల్‌రౌండర్‌ డ్వైన్ ప్రిటోరియస్ దూరం కానున్నాడు.బంగ్లాదేశ్‌తో జరిగే వన్డే సిరీస్‌లో అతడు ప్రోటీస్‌ జట్టులో భాగమై ఉన్నాడు. చదవండి: IPL 2022- Mumbai Indians: ముంబై ఇండియన్స్‌కు భారీ షాక్‌.. స్టార్‌ ప్లేయర్‌ దూరం! అయితే..

Women's World Cup: వన్డే మహిళల ప్రపంచకప్‌లో భాగంగా ఆస్ట్రేలియా- పాకిస్తాన్‌ మ్యాచ్‌లో ఓ విచిత్ర సంఘటన చోటు చేసుకుంది. ఆస్ట్రేలియా బౌలర్‌ నికోలా కారీ 'మూన్‌బాల్' తో ప్రత్యర్ధి బ్యాటర్‌ను షాక్‌కు గురి చేసింది. పాక్‌ ఇన్నింగ్స్‌ 45వ ఓవర్‌ వేసిన కారీ బౌలింగ్‌లో..  బంతి చేతి నుంచి జారిపోయి బ్యాటర్ తలపై నుంచి హై ఫుల్ టాస్‌గా వెళ్లింది.  ఆ బంతిని ఆపడానికి వికెట్‌ కీపర్‌ అలిస్సా హీలీ ప్రయత్నించినప్పటికీ సాధ్యం కాలేదు. దీంతో అంపైర్‌ ఆ బంతిని నోబాల్‌గా ప్రకటించారు. అయితే ఫ్రీ హిట్‌ బాల్‌కు కారీ ఒక్క పరుగు మాత్రమే ఇచ్చింది. ఇక ఈ సంఘటనకు సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే.. పాకిస్తాన్‌పై ఆస్ట్రేలియా 7 వికెట్ల తేడాతో ఘన విజయం సాధించింది. 191 పరుగుల లక్ష్యంతో బరిలోకి దిగిన ఆసీస్‌ కేవలం మూడు వికెట్లు కోల్పోయి చేధించింది. ఆస్ట్రేలియా బ్యాటర్లలో ఓపెనర్‌ అలీసా హీలీ(72), మెగ్‌ లానింగ్‌(35) పరుగులతో టాప్‌ స్కోరర్‌లుగా నిలిచారు. అంతకముందు టాస్ ఓడి బ్యాటింగ్‌కు దిగిన పాకిస్తాన్‌ నిర్ణీత 50 ఓవర్లలో 6 వికెట్ల నష్టానికి 190 పరుగులు చేసింది. పాక్‌ బ్యాటర్లలో కెప్టెన్‌ మహరూఫ్‌(78), ఆలియా రియాజ్‌(53) పరుగులతో రాణించారు. ఆస్ట్రేలియా బౌలర్లలో అలీనా కింగ్‌ రెండు వికెట్లు పడగొట్టగా, స్కాట్‌,పేరీ, కారీ చెరో వికెట్‌ సాధించారు. మూన్‌ బాల్‌ బౌలర్‌ వేసే బంతి ఎక్కువ ఎత్తుకు వెళ్లి కీపర్‌కు కూడా అందకపోతే దాన్ని మూన్‌ బాల్‌గా పరిగణిస్తారు. View this post on Instagram A post shared by ICC (@icc)

వన్డే మహిళల ప్రపంచకప్‌లో ఆస్ట్రేలియా వరుసగా రెండో విజయం నమోదు చేసింది. మౌంట్‌ మౌంగానుయ్ వేదికగా పాకిస్తాన్‌తో జరిగిన మ్యాచ్‌లో ఆస్ట్ట్రేలియా 7 వికెట్ల తేడాతో ఘన విజయం సాధించింది. 191 పరుగుల లక్ష్యంతో బరిలోకి దిగిన ఆసీస్‌ కేవలం మూడు వికెట్లు కోల్పోయి చేధించింది. ఆస్ట్రేలియా బ్యాటర్లలో ఓపెనర్‌ అలీసా హీలీ(72), మెగ్‌ లానింగ్‌(35) పరుగులతో టాప్‌ స్కోరర్‌లుగా నిలిచారు. ఇక టాస్‌ ఓడి బ్యాటింగ్‌కు దిగిన పాకిస్తాన్‌ నిర్ణీత 50 ఓవర్లలో 6 వికెట్ల నష్టానికి 190 పరుగులు చేసింది. పాక్‌ బ్యాటర్లలో కెప్టెన్‌ మహరూఫ్‌(78), ఆలియా రియాజ్‌(53) పరుగులతో రాణించారు. ఆస్ట్రేలియా బౌలర్లలో అలీనా కింగ్‌ రెండు వికెట్లు పడగొట్టగా, స్కాట్‌,పేరీ, కారీ చెరో వికెట్‌ సాధించారు. ఇక వరుస విజయాలతో పాయింట్ల పట్టికలో 4 పాయింట్లతో  ఆస్ట్రేలియా తొలి స్ధానంలో ఉంది. కాగా పాక్‌కు ఇది వరుసగా రెండో ఓటమి. అంతకు ముందు తొలి మ్యాచ్‌లో భారత్‌ చేతిలో ఘోరమి ఓటమి చెందిన సంగతి తెలిసిందే. చదవండి: Shane Warne: ‘నేను వార్న్‌ను అంతమాట అనకుండా ఉండాల్సింది’

ఆస్ట్రేలియా దిగ్గజ ఆటగాడు షేన్‌ వార్న్‌ ఆకాల మరణంతో  క్రీడా లోకం శోక సంద్రంలో మునిగిపోయింది. థాయిలాండ్‌లోని కోహ్ సమీయులో తన విల్లాలో  గుండెపోటుతో వార్న్‌ మృతి చెందిన  విష‌యం విదిత‌మే. ఈ నేపథ్యంలో వార్న్‌ మృతికి సంబంధించి ఓ వార్త బయటకు వచ్చింది. షేన్ వార్న్‌ను బతికించడానికి తన ముగ్గురు స్నేహితులు విశ్వప్రయత్నాలు చేశారని థాయ్‌లాండ్‌ పోలీసులు తెలిపారు. వార్న్‌ తన ముగ్గురు స్నేహితులతో కలిసి థాయిలాండ్‌లోని కోహ్ సమీయులోని విల్లాలో ఉంటున్నారని, వార్న్‌ డిన్నర్‌కు రాకపోవడంతో స్నేహితుడు వెళ్లి చూసే సరికి వార్న్‌ విగిత జీవిగా పడి ఉన్నాడని పోలీసులు వెల్లడించారు. "వార్న్‌కు తన స్నేహితుడు సీపీఆర్‌ చేశాడు. వెంటనే  అంబులెన్స్‌కు కాల్‌ చేశారు. ఎమర్జెన్సీ రెస్పాన్స్ యూనిట్ వచ్చి 10-20 నిమిషాల పాటు మరో సీపీఆర్‌ చేసింది. తరువాత థాయ్ ఇంటర్నేషనల్ హాస్పిటల్ నుంచి అంబులెన్స్ వచ్చి అతన్ని తీసుకువెళ్లింది. హాస్పిటల్ వెళ్లాక ఐదు నిమిషాలు సీపీఆర్‌  చేశారు. అయినప్పటికీ ఫలితం లేదని, అతడు మరణించాడు" అని థాయ్ పోలీసు అధికారి ఒకరు  పేర్కొన్నారు. (ఫొటో గ్యాలరీ కోసం ఇక్కడ క్లిక్ చేయండి) చదవండి: Shane Warne: మా గుండె ప‌గిలింది.. మాట‌లు రావ‌డం లేదు: రాజ‌స్తాన్ రాయ‌ల్స్ భావోద్వేగం

ఆస్ట్రేలియా దిగ్గజ ఆటగాడు, స్పిన్‌ మాంత్రికుడు షేన్‌ వార్న్‌ హఠాన్మరణం క్రీడాలోకంలో తీవ్ర విషాదం నిపింది. తన స్పిన్‌ మయాజాలంతో ప్రత్యర్ధి బ్యాటర్లకు చుక్కలు చూపించిన లెజెండ్‌.. ఇక లేడన్న వార్తను అతడు అభిమానులు జీర్ణించుకోలేకపోతున్నారు. తన 15 ఏళ్ల కేరిర్‌లో ఎన్నో రికార్డులను తన పేరిట వార్న్‌ లిఖించుకున్నాడు. అంతర్జాతీయ క్రికెట్‌తో పాటు..  ఐపీఎల్‌లో కూడా వార్న్‌ తనదైన ముద్ర వేసుకున్నాడు.  ఐపీఎల్‌లో ఆరంభ సీజన్‌లో రాజస్తాన్‌ రాయల్స్‌కు వార్న్‌ సారథ్యం వహించాడు.  తొలి సీజ‌న్‌లో ఏ మాత్రం గెలుపు అంచ‌నాలు లేకుండానే యువకులతో బరిలోకి  దిగిన రాజస్తాన్‌.. తొలి టైటిల్‌ సాధించి  చరిత్ర సృష్టించింది. ఐపీఎల్‌లో తొలి ట్రోఫీని ముద్దాడడంలో షేన్‌ వార్న్‌దే కీలక పాత్ర. తన అంతర్జాతీయ అనుభవాన్నంతా రంగరించి అతను యువ ఆటగాళ్లలో స్ఫూర్తి నింపాడు. ప్రతీ దశలోనూ వారిని వెన్నుతట్టి ప్రోత్సహిస్తూ విజయం దిశగా నడిపించడం విశేషం. అంతేకాకుండా రీటైర్డ్‌ అయ్యిన తర్వాత అత్యధిక ధర దక్కించుకున్న ఆటగాడిగా  వార్న్‌ రికార్డు సృష్టించాడు. 2008 ఐపీఎల్‌ వేలంలో వార్న్‌ను రాజస్తాన్‌ రాయల్స్‌ రూ. 2 కోట్లకు కొనుగోలు చేసింది. చదవండి: PAK Vs AUS: ఆస్ట్రేలియాతో తొలి టెస్టు.. చెలరేగి ఆడుతోన్న పాక్‌

రావల్పిండి: ఆస్ట్రేలియాతో జరుగుతున్న తొలి టెస్టులో తొలి రోజు పాకిస్తాన్‌ పూర్తి ఆధిపత్యం చెలాయించింది. తొలి రోజు ఆట ముగిసే సమయానికి పాకిస్తాన్‌ తొలి ఇన్నింగ్స్‌లో 90 ఓవర్లలో ఒక వికెట్‌ నష్టపోయి 245 పరుగులు సాధించింది. ఓపెనర్‌ ఇమామ్‌ ఉల్‌ హఖ్‌ (132 బ్యాటింగ్‌; 15 ఫోర్లు, 2 సిక్స్‌లు) అజేయ సెంచరీ చేశాడు. అజహర్‌ అలీ (64 బ్యాటింగ్‌)తో కలిసి రెండో వికెట్‌కు ఇమామ్‌ 140 పరుగులు.. ఓపెనర్‌ షఫీఖ్‌ (44)తో  తొలి వికెట్‌కు 105 పరుగులు జత చేశాడు. ఆస్ట్రేలియా బౌలర్లలో నాథన్‌ లయాన్‌ ఒక వికెట్‌ పడగొట్టాడు. ఇక 24 ఏళ్ల తర్వాత పాకిస్తాన్‌ గడ్డపై ఆస్ట్రేలియా తొలి మ్యాచ్‌ ఆడుతుంది. ఇది ఇలా ఉంటే.. పెషావర్‌లోని ఒక మసీదులో జరిగిన ఆత్మాహుతి దాడి ఆస్ట్రేలియా క్రికెటర్లను ఆందోళనకు గురి చేసింది.  ఎందుకంటే పెషావర్‌కు 187 కిమీ దూరంలో ఉన్న రావల్పిండి వేదికగానే తొలి టెస్ట్‌ జరగుతోంది. చదవండి: India Vs Sri Lanka 1st Test: శ్రీలంక బౌలర్లకు చుక్కలు.. తొలి రోజు మనదే..

ఆస్ట్రేలియా వేదికగా టీ20 ప్రపంచకప్‌-2022 జరగనున్న సంగతి తెలిసిందే. ఇప్పటికే ప్రపంచకప్‌కు సంబంధించిన షెడ్యూల్‌ను ఐసీసీ ప్రకటించింది. ఆక్టోబర్‌16న క్వాలిఫైర్‌ మ్యాచ్‌లు ప్రారంభం కాగా.. ఆక్టోబర్‌ 22 నుంచి సూపర్‌ 12 మ్యాచ్‌లు మొదలు కానున్నాయి. నవంబర్‌ 13న మెల్‌బోర్న్‌ వేదికగా ఫైనల్‌ మ్యాచ్‌ జరగనుంది. ఇక భారత్‌ విషయానికి వస్తే.. ఈ మెగా టోర్నమెంట్‌లో టీమిండియా తన తొలి మ్యాచ్‌లో చిరకాల ప్రత్యర్ధి పాకిస్తాన్‌తో తలపడనుంది. గత ఏడాది ప్రపంచ కప్‌లో పాక్‌ చేతిలో ఘోర ఓటమికు టీమిండియా బదులు తీర్చుకుంటుందని అభిమానులు ఆశిస్తున్నారు. ఇక రోహిత్‌ శర్మ సారథ్యంలో భారత జట్టు ఇప్పటినుంచే ప్రపంచ కప్‌ సన్నాహాలు మొదలు పెట్టింది. ఈ నేపథ్యంలో టీ20 ప్రపంచకప్‌-2022లో పాల్గొనే భారత జట్టును టీమిండియా మాజీ క్రికెటర్‌ ఆకాష్ చోప్రా అంచనా వేశాడు. తన జట్టులో తొలి మూడు స్ధానాల్లో రోహిత్‌ శర్మ,కేఎల్‌ రాహుల్‌, విరాట్‌ కోహ్లిను ఎంపిక చేశాడు. తరువాత యువ ఆటగాళ్లు కిషన్‌, శ్రేయస్‌ అయ్యర్‌,సూర్యకుమార్‌ యాదవ్‌ను ఎంచుకున్నాడు. జట్టులో వికెట్‌ కీపర్‌గా రిషబ్‌ పంత్‌ను ఎంపిక చేశాడు. ఆల్‌ రౌండర్‌ కోటాలో రవీంద్ర జడేజా, వెంకటేశ్‌ అయ్యర్‌,హార్ధిక్‌ పాండ్యాకు చోటు ఇచ్చాడు. కాగా గత కొంత కాలంగా ఫామ్‌ కోల్పోయి జట్టుకు దూరమైన హార్ధిక్‌ పాండ్యాకి చోటు ఇవ్వడం గమనార్హం. ఇక బౌలర్ల కోటాలో స్టార్‌ పేసర్‌ జస్ప్రీత్‌ బుమ్రాతో పాటు భువనేశ్వర్‌ కుమార్‌ లేదా దీపక్‌ చాహర్‌లో  ఒకరు భారత జట్టులో చోటు దక్కించుకుంటారని చోప్రా తెలిపాడు. మూడో పేసర్‌ కోసం ప్రసిద్ధ్ కృష్ణ, మహ్మద్ సిరాజ్ లేదా అవేష్ ఖాన్‌లలో ఒకరు జట్టులో స్ధానం దక్కించుకుంటారు. అదే విధంగా మహమ్మద్ షమీ, టి నటరాజన్ లేదా ఖలీల్ అహ్మద్‌లలో ఒకరిని రోహిత్ శర్మ నేతృత్వంలోని భారత జట్టు ఈ మెగా ఈవెంట్‌కు ఎంపిక చేసే అవకాశం ఉంది అని చోప్రా పేర్కొన్నాడు. ఇక టీ20ల్లో అద్భుతంగా బౌలింగ్‌ చేస్తున్న పేసర్‌ శార్దూల్ ఠాకూర్‌ను తన జట్టులో చోప్రా చోటు ఇవ్వక పోవడం గమనార్హం. చదవండి: Ravichandran Ashwin: 'సోయి లేకుండా మాట్లాడొద్దు'.. జర్నలిస్ట్‌ను ఉతికారేసిన అశ్విన్‌

దాదాపు రెండు దశాబ్దాల తర్వాత ఆస్ట్రేలియా జట్టు వచ్చే నెలలో పాకిస్థాన్‌ పర్యటనకు వెళ్లనున్న సంగ‌తి తెలిసిందే. ఈ ప‌ర్య‌ట‌న‌లో భాగంగా ఆస్ట్రేలియా 3 టెస్టులు, 3 వన్డేలు, ఒక టీ20 మ్యాచ్ ఆడ‌నుంది. అయితే పాక్‌తో టెస్ట్ సిరీస్ కోసం ఆసీస్ జ‌ట్టును క్రికెట్ ఆస్ట్రేలియా సోమ‌వారం ప్ర‌క‌టించింది. కాగా గాయం కార‌ణంగా యాషెస్ సిరీస్ మ‌ధ్య‌లో నుంచి త‌ప్పుకున్న జోష్ హేజిల్‌వుడ్ తిరిగి జ‌ట్టులోకి వ‌చ్చాడు. అత‌డితో పాటు జోష్ ఇంగ్లిస్, మిచెల్ స్వెప్సన్ కూడా జ‌ట్టులో చోటు దక్కించుకున్నారు. ఇక ఈ జ‌ట్టుకు పాట్ కమిన్స్ నాయ‌కత్వం వ‌హించ‌నున్నాడు. ఇక యాషెస్ సిరీస్‌లో ఆస్ట్రేలియాకు క‌మిన్స్ కెప్టెన్‌గా అద్భుత‌మైన విజ‌యం అందించిన సంగ‌తి తెలిసిందే. ఆస్ట్రేలియా జ‌ట్టు:  పాట్ కమిన్స్ (కెప్టెన్‌), స్టీవ్ స్మిత్ (వైస్ కెప్టెన్‌) ఆష్టన్ అగర్, స్కాట్ బోలాండ్, అలెక్స్ కారీ, కెమెరాన్ గ్రీన్, మార్కస్ హారిస్, జోష్ హాజిల్‌వుడ్, ట్రావిస్ హెడ్, జోష్ ఇంగ్లిస్, ఉస్మాన్ ఖవాజా, మార్నస్ లాబుషేన్‌ , నాథన్ లి యోన్, మిచెల్ మార్ష్, మైఖేల్ నెజర్ మిచెల్ స్టార్క్, మిచెల్ స్వెప్సన్, డేవిడ్ వార్నర్

Yash Dhull U19 World Cup: అండ‌ర్‌-19 ప్ర‌పంచకప్‌ టోర్నీలో యువ భార‌త్ ఫైనల్‌కు చేరింది. ఆంటిగ్వా వేదికగా ఆస్ట్రేలియాతో జ‌రిగిన‌ సెమీఫైనల్లో 96 ప‌రుగుల తేడాతో  టీమిండియా ఘ‌న విజ‌యం సాధించింది. దీంతో శ‌నివారం జ‌ర‌గ‌నున్న ఫైన‌ల్లో ఇంగ్లండ్‌తో టీమిండియా త‌ల‌ప‌డ‌నుంది. కాగా భార‌త విజ‌యంలో కెప్టెన్ యష్ ధుల్, వైస్ కెప్టెన్  షేక్ రషీద్ కీల‌క పాత్ర పోషించారు. యష్ ధుల్ సెంచ‌రీ(114)తో చెల‌రేగ‌గా, షేక్ రషీద్ 94 ప‌రుగుల‌తో కీలక ఇన్నింగ్స్ ఆడాడు. ఇక టాస్ గెలిచి తొలుత బ్యాటింగ్ చేసిన టీమిండియా 37 ప‌రుగుల‌కే రెండు వికెట్లుకోల్పోయి క‌ష్టాల్లో ప‌డింది. ఆనంత‌రం యష్ ధుల్, షేక్ రషీద్ జ‌ట్టును ఆదుకున్నారు. వీరిద్ద‌రూ క‌లిసి మూడో వికెట్‌కు  204 పరుగుల భాగస్వామ్యాన్ని నెల‌కొల్పారు. వీరిద్దరి అద్భుతమైన బ్యాటింగ్ కారణంగా భారత జట్టు నిర్ణీత 50 ఓవర్లలో 5 వికెట్లు కోల్పోయి  290 పరుగులు చేసింది. అనంతరం 291 పరుగుల ప‌రుగుల‌ లక్ష్యంతో బరిలోకి దిగిన ఆస్ట్రేలియా 194 ప‌రుగుల‌కే ఆలౌటైంది. భార‌త బౌల‌ర్ల‌లో విక్టీ ఓస్టావల్‌ మూడు వికెట్లు సాధించగా,  నిషాంత్‌ సింధు, రవి కుమార్‌లు చెరో రెండు వికెట్లు ప‌డ‌గొట్టారు. అప్పుడు అలా.. ఇప్పుడు ఇలా.. దటీజ్‌ యశ్‌ ధుల్‌ న్యూఢిల్లీకి చెందిన యశ్‌ దుల్‌కి ఢిల్లీ అండర్-16, అండర్-19, ఇండియా ‘ఎ’ అండర్-19 జట్లకు నాయకత్వం వహించాడు. ఇక ఇటీవల ముగిసిన వినూ మన్కడ్ ట్రోఫీలో అత్యధిక పరుగులు చేసిన ఆటగాళ్లలో ఒకడుగా ఉన్నాడు. డీడీసీఈ(ఢిల్లీ జిల్లా క్రికెట్ అసోసియేషన్) తరుపున 5 మ్యాచ్‌లు ఆడిన యశ్‌ దుల్ 302 పరుగులు చేశాడు. అదే విధంగా ఆసియా అండర్‌–19 క్రికెట్‌ టోర్నీలో భారత జట్టుకు సారథ్యం వహించిన యశ్‌ ధుల్‌.... జట్టును చాంపియన్‌గా నిలిపాడు. యశ్‌ కెప్టెన్సీలో భారత యువ జట్టు ఫైనల్లో శ్రీలంకను 9 వికెట్ల తేడాతో ఓడించి విజేతగా అవతరించింది. ఇక ఇప్పుడు ఐసీసీ మేజర్‌ టోర్నీ వరల్డ్‌కప్‌లోనూ జట్టును ఫైనల్‌కు చేర్చి కెప్టెన్‌గా తానేంటో మరోసారి నిరూపించుకున్నాడు. ముఖ్యంగా సెమీ ఫైనల్‌లో 110 బంతుల్లో 110 పరుగులు సాధించి బ్యాటర్‌గానూ జట్టు విజయంలో తన వంతు పాత్ర పోషించాడు.  చ‌ద‌వండి: IND vs WI: క్రికెట్ అభిమానులకు భారీ షాక్‌.. భార‌త్- విండీస్ తొలి వ‌న్డే వాయిదా! Who Is Yash Dhull: ఎవరీ యశ్‌ దుల్‌.. భారత జట్టు కెప్టెన్‌గా ఎలా ఎంపిక చేశారు!

Australias tour of Pakistan: పాకిస్తాన్‌లోని లాహోర్ న‌గ‌రంలో భారీ బాంబు పేలుడు చోటు చేసుకున్న‌ సంగ‌తి తెలిసిందే. ఈ ఘ‌ట‌న‌లో ముగ్గురు వ్యక్తులు మరణించగా, 30 మంది గాయ‌ప‌డ్డారు. ఈ నేప‌థ్యంలో ఆ దేశ కేంద్ర మంత్రి షేక్ రషీద్ అహ్మద్ సంచ‌ల‌న వాఖ్య‌లు చేశారు. పాకిస్తాన్ సూపర్ లీగ్‌తో పాటు ఆస్ట్రేలియా పర్యటనను అడ్డుకోవడమే బాంబు పేలుళ్ల ప్రధాన ఉద్దేశ్యమని అత‌ను అభిప్రాయపడ్డారు. కాగా పాకిస్తాన్ సూప‌ర్ లీగ్‌-2022 జ‌న‌వ‌రి 27న‌ ప్రారంభం కానుంది.  "దేశంలో శాంతి నెలకొనడంతో పాకిస్తాన్‌ను అస్థిరపరిచేందుకు ముష్క‌రులు ప్ర‌య‌త్నిస్తున్నారు. పాకిస్తాన్ సూపర్ లీగ్‌, చారిత్రాత్మ‌క ఆస్ట్రేలియా పర్యటనను అడ్డుకోవడమే ఈ పేలుడు ముఖ్య ఉద్దేశ్యం. కానీ మేము దానిని జరగనివ్వము" అని రషీద్ అహ్మద్ పేర్కొన్నారు. ఇక 24 ఏళ్ల తర్వాత ఆస్ట్రేలియా జట్టు తొలి సారిగా పాకిస్తాన్‌లో పర్యటించనుంది. ఈ పర్యటనలో భాగంగా మార్చిలో ఆస్ట్రేలియా మూడు టెస్టులు, మూడు వన్డేలు, ఒక టీ20 మ్యాచ్‌ను పాకిస్తాన్‌తో ఆడనుంది. అయితే ఈ పేలుడుతో ఆసీస్ ప‌ర్య‌ట‌న మ‌రోసారి సందిగ్ధంలో ప‌డింది. చ‌ద‌వండి: హైదరాబాదీ ఆల్‌రౌండర్‌కి బంఫ‌ర్ ఆఫ‌ర్‌.. భార‌త జ‌ట్టులో చోటు!

యాషెస్ సిరీస్‌లో ఇంగ్లండ్‌ను స్వదేశంలో 4-0 తేడాతో చిత్తు చేసిన ఆస్ట్రేలియా టెస్టుల్లో నంబర్‌వన్‌గా అవతరించింది. గురువారం విడుదల చేసిన ఐసీసీ టెస్ట్ ర్యాంకింగ్స్‌లో ఆస్ట్రేలియా 119 పాయింట్లతో తొలిస్థానంలో ఉండగా.. 117 పాయింట్లతో న్యూజిలాండ్ రెండ‌వ స్థానంలో ఉంది.  కాగా, దక్షిణాఫ్రికాతో జరిగిన మూడు టెస్టు మ్యాచ్‌ల సిరీస్‌ను 2-1 తేడాతో కోల్పోయిన భారత్ 116 పాయింట్ల‌తో మూడో స్థానానికి పడిపోయింది. నాలుగో స్ధానంలో ఇంగ్లండ్ నిలిచింది. ఇక భార‌త్‌పై టెస్ట్ సిరీస్ గెలిచిన ప్రోటీస్ ఐదో స్థానానికి ఎగబాకగా, పాకిస్థాన్ ఆరో స్థానానికి దిగజారింది. ఇక ప్రపంచ టెస్టు చాంపియన్‌షిప్‌ 2021-23 సీజన్‌లో భాగంగా ఆసీస్ పాకిస్తాన్‌లో మూడు మ్యాచ్‌ల సిరీస్ కోసం ప‌ర్య‌టించ‌నుంది. కాగా 1998 తర్వాత ఆసీస్ జట్టు పాకిస్థాన్‌లో పర్యటించడం ఇదే తొలిసారి. మరోవైపు స్వదేశంలో శ్రీలంకతో భారత్ రెండు మ్యాచ్‌ల సిరీస్ ఆడనుంది. ఇక‌ ప్రపంచ టెస్ట్ ఛాంపియన్‌షిప్ విషయానికి వస్తే.. టీమిండియా ఇప్పటివరకు 10 మ్యాచ్‌ల్లో 49.07 విజయ శాతంతో నాలుగు విజయాలు, మూడు ఓటములు, రెండు డ్రాలతో ఐదవ ర్యాంక్‌లో కోన‌సాగుతోంది. మరోవైపు, ఆస్ట్రేలియా ఐదు మ్యాచ్‌లలో 86.66 విజయ శాతంతో నాలుగు విజయాలు, ఒక డ్రాతో రెండో స్థానంలో ఉంది. చ‌ద‌వండి: IND vs SA: ఎనిమిదేళ్ల త‌ర్వాత‌ బౌలింగ్‌లో చెత్త రికార్డు.. బ్యాటింగ్‌లో అదుర్స్‌

యాషెస్‌ ఐదో టెస్ట్‌కు ముందు ఇంగ్లండ్‌కు భారీ షాక్‌ తగిలింది. ఆ జట్టు స్టార్‌ వికెట్‌ కీపర్‌ కమ్‌ బ్యాటర్‌ జోస్‌ బట్లర్‌ గాయం కారణంగా హోబర్ట్ వేదికగా జరిగే ఐదో టెస్ట్‌కు దూరం కానున్నాడు. ఈ విషయాన్ని ఇంగ్లండ్‌ కెప్టెన్‌ జో రూట్ ధృవీకరించాడు. కాగా నాల్గవ టెస్ట్‌లో జోస్ బట్లర్ గాయడ్డాడు. ఇక అఖరి టెస్ట్‌లో బట్లర్ స్ధానంలో జానీ బెయిర్‌స్టో వికెట్‌ కీపింగ్‌ చేయనున్నాడు. "బట్లర్ చేతి వేలుకు తీవ్రమైన గాయమైంది. దీంతో అతడు తన ఇంటికి వెళ్లనున్నాడు. అతడు హోబర్ట్‌ టెస్ట్‌కు దూరం కావడం మాకు పెద్ద ఎదురుదెబ్బ. జట్టు కష్టపరిస్థితిల్లో ఉన్నప్పడు చాలా సార్లు అండగా నిలిచాడు" అని రూట్‌ పేర్కొన్నాడు. ఇక యాషెస్‌ సిరీస్‌లో వైట్‌ వాష్‌ నుంచి ఇంగ్లండ్‌ తప్పించుకుంది. సిడ్నీ వేదికగా జరిగిన నాలుగో టెస్ట్‌ను ఇంగ్లండ్‌ డ్రాగా ముగించింది. కాగా ఇంగ్లండ్‌, ఆస్ట్రేలియా  జట్లు మధ్య అఖరి టెస్ట్‌ జనవరి 14న ప్రారంభం కానుంది. చదవండి: Devon Conway: టెస్టుల్లో ప్రపంచ రికార్డు సృష్టించిన కాన్వే.. తొలి ఆటగాడిగా!

సిడ్నీ వేదికగా జరుగుతన్న యాషెస్‌ నాలుగో టెస్ట్‌లో ఇంగ్లండ్‌ బ్యాటర్‌ జానీ బెయిర్‌స్టో సెంచరీతో చెలరేగాడు. 140 బంతుల్లో 8 ఫోర్లు, 3సిక్స్‌లతో 103 పరుగులు సాధించి ఆజేయంగా ఉన్నాడు. కాగా ఈ ఏడాది యాషెస్‌ సిరీస్‌లో ఇంగ్లండ్‌ తరుపున బెయిర్‌స్టో తొలి సెంచరీ సాధించాడు.  13-0 పరుగుల ఓవర్‌నైట్‌ స్కోర్‌తో  ఇన్నింగ్స్‌ను మొదలుపెట్టిన ఇంగ్లండ్‌..  ఆదిలోనే  ఓపెనర్‌ హమీద్‌ వికెట్‌ను కోల్పోయింది. ఆ తర్వాత 36 పరుగులకే 4వికెట్లు కోల్పోయి ఇంగ్లండ్‌ పీకల్లోతు కష్టాల్లో పడింది. ఆ సమయంలో స్టోక్స్‌తో కలిసి బెయిర్‌స్టో ఇంగ్లండ్‌ ఇన్నింగ్స్‌ను చక్కదిద్దాడు. వీరిద్దరూ కలిసి సెంచరీ భాగస్వామ్యాన్ని నెలకొల్పారు. కాగా మూడో రోజు ఆట ముగిసే సమయానికి ఇంగ్లండ్‌ 7 వికెట్ల నష్టానికి 258 పరుగులు చేసింది. ప్రస్తుతం క్రీజులో బెయిర్‌స్టో (103), లీచ్‌(4) పరుగులతో క్రీజులో ఉన్నారు. ఆస్ట్రేలియా బౌలర్లలో కమిన్స్‌, బోలాండ్‌ రెండు వికెట్లు పడగొట్టగా, స్టార్క్‌, గ్రీన్‌, లియాన్‌ చెరో వికెట్‌ సాధించారు. చదవండి: IND vs WI: క్రికెట్ అభిమానులకు బ్యాడ్ న్యూస్... ఇక ఆ సిరీస్‌ కూడా కష్టమే! ఆట సాగిందిలా... సిడ్నీ: ‘సున్నా’ పరుగుల వ్యవధిలోనే 3 వికెట్లు... ఒకదశలో స్కోరు 36/4... వరుసగా 70 బంతుల పాటు సింగిల్‌ కూడా రాలేదు... ‘యాషెస్‌’లో ఈ స్థితి చూస్తే ఆస్ట్రేలియా చేతిలో మరో ఘోర పరాజయానికి ఇంగ్లండ్‌ బాటలు వేసుకున్నట్లు అనిపించింది. అయితే అద్భుత సెంచరీతో జానీ బెయిర్‌స్టో (140 బంతుల్లో 103 బ్యాటింగ్‌; 8 ఫోర్లు, 3 సిక్సర్లు), అతనికి తోడుగా బెన్‌ స్టోక్స్‌ (91 బంతుల్లో 66; 9 ఫోర్లు, 1 సిక్స్‌) కలిసి జట్టును ఆదుకున్నారు. ముఖ్యంగా మూడేళ్ల తర్వాత సాధించిన శతకంతో బెయిర్‌స్టో ఇంగ్లండ్‌ను రక్షించడంతో పాటు జట్టులో తన స్థానాన్ని కూడా కాపాడుకున్నా డు. వర్షం కారణంగా మ్యాచ్‌ మూడో రోజు 65 ఓవర్ల ఆట మాత్రమే సాగింది. శుక్రవారం ఆట ముగిసే సమయానికి ఇంగ్లండ్‌ తమ తొలి ఇన్నిం గ్స్‌లో 7 వికెట్ల నష్టానికి 258 పరుగులు చేసింది. బెయిర్‌స్టోతో పాటు లీచ్‌ (4 బ్యాటింగ్‌) క్రీజ్‌లో ఉండగా ప్రస్తుతం ఆ జట్టు 158 పరుగులు వెనుకబడి ఉంది.   ఓవర్‌నైట్‌ స్కోరు 13/0తో ఆట కొనసాగించిన ఇంగ్లండ్‌ అదే తడబాటును ప్రదర్శించింది. హమీద్‌ (6)ను స్టార్క్‌ వెనక్కి పంపగా... 36 పరుగుల స్కోరు వద్దే క్రాలీ (18), రూట్‌ (0), మలాన్‌ (0) అవుటయ్యారు. ఈ దశలో స్టోక్స్, బెయిర్‌స్టో కలిసి ఇన్నింగ్స్‌ను చక్కదిద్దే ప్రయత్నం చేశారు. 9 పరుగుల వద్ద స్టోక్స్‌ ఇచ్చిన రిటర్న్‌ క్యాచ్‌ను కమిన్స్‌ అందుకోలేకపోయాడు. ఆ తర్వాత 16 పరుగుల వద్ద స్టోక్స్‌కు మళ్లీ అదృష్టం కలిసొచ్చింది. గ్రీన్‌ బౌలింగ్‌లో బంతి స్టంప్స్‌ను తాకుతూ వెళ్లినా బెయిల్స్‌ పడలేదు! ముందు ఎల్బీ కోసం ఆసీస్‌ అప్పీల్‌ చేయగా అంపైర్‌ అవుట్‌గా ప్రకటించాడు. అయితే రివ్యూలో ప్యాడ్‌కు బంతి తగల్లేదని, స్టంప్స్‌ పైభాగంలో తగిలి వెళ్లిందని తేలడంతో స్టోక్స్‌ బతికిపోయాడు. ఆ తర్వాత వీరిద్దరు చక్కటి షాట్లతో దూసుకుపోయారు. ఎట్టకేలకు 128 పరుగుల ఐదో వికెట్‌ భాగస్వామ్యం తర్వాత స్టోక్స్‌ను లయన్‌ అవుట్‌ చేయగా, బట్లర్‌ (0) విఫలమయ్యాడు. అనంతరం వుడ్‌ (39; 2 ఫోర్లు, 3 సిక్సర్లు) కీలక ఇన్నింగ్స్‌ ఆడటంతో ఇంగ్లండ్‌ ఫాలోఆన్‌ను కూడా తప్పించుకుంది. ఆ తర్వాత 138 బంతుల్లో బెయిర్‌ స్టో తన కెరీర్‌లో ఏడో సెంచరీని అందుకున్నాడు. 

యాషెస్‌ సిరీస్‌లో నాలుగో టెస్ట్‌ ముందు ఆస్ట్రేలియాకు భారీ షాక్‌ తగిలింది. ఆ జట్టు స్టార్‌ ఆటగాడు  ట్రావియస్‌ హెడ్‌ కరోనా బారిన పడ్డాడు. దీంతో సిడ్నీ వేదికగా జరిగే నాలుగో టెస్ట్‌కు అతడు దూరమయ్యాడు. శుక్రవారం హెడ్‌కి పరీక్షలు నిర్వహించగా కోవిడ్‌ పాజిటివ్‌గా తెలినట్లు క్రికెట్‌ ఆస్ట్రేలియా పేర్కొంది. అయితే ప్రస్తుతం అతడికి ఎటువంటి లక్షణాలు లేకపోవడంతో, తన భార్యతో కలిసి మెల్‌బోర్న్‌లో ఐషోలేషన్‌లో ఉన్నాడు. కాగా ప్రతిష్టాత్మాక యాషెస్‌ సిరీస్‌ను ఆస్ట్రేలియా కైవసం చేసుకోవడంలో హెడ్‌ కీలక పాత్ర పోషించాడు. ఈ సిరీస్‌లో జో రూట్ తర్వాత అత్యధిక పరుగులు చేసిన రెండో ఆటగాడిగా హెడ్‌ ఉన్నాడు.  ఒక సెంచరీ,  ఒక అర్ధ సెంచరీతో 248 పరుగులు చేశాడు. ఇక నాలుగో టెస్ట్‌ సిడ్నీ వేదికగా జనవరి 5 నుంచి జరగనుంది. చదవండి: Quinton De Kock/ IND Vs SA: భారత్‌తో ఓటమి.. డికాక్‌ సంచలన నిర్ణయం!

టెస్ట్‌ క్రికెట్‌లో ఆసీస్‌ బౌలర్‌ స్కాట్‌ బోలాండ్ రికార్డు సృష్టించాడు. అత్యంత వేగవంతగా 5వికెట్ల ఘనతను సాధించిన మూడో బౌలర్‌గా రికార్డుల కెక్కాడు. యాషెస్‌ సిరీస్‌లో భాగంగా జరిగిన మూడో టెస్ట్‌లో 5వికెట్లు పడగొట్టి బోలాండ్ ఈ ఘనతను సాధించాడు. కాగా అరంగేట్ర మ్యాచ్‌లోనే బోలాండ్ ఈ అరుదైన ఘనత సాధించడం విశేషం. దీంతో ఇంగ్లండ్‌ బౌలర్లు ఎర్నీ తోషాక్, స్టువర్ట్‌ బ్రాడ్‌ రికార్డులను అతడు సమం చేశాడు. 1947లో భారత జట్టుపై తోషాక్ ఈ ఘనత సాధించగా,2015లో ఆసీస్‌పై బ్రాడ్‌ ఫాస్టెస్ట్‌ 5వికెట్ల రికార్డును సాధించాడు. ఈ మ్యాచ్‌లో బోలాండ్ 4 ఓవర్లలో కేవలం 7 పరుగులు మాత్రమే ఇచ్చి 6 వికెట్లు పడగొట్టాడు. ఇక మ్యాచ్‌ విషయానికి వస్తే ఇంగ్లండ్‌పై ఆస్ట్రేలియా ఇన్నింగ్స్‌ 15పరుగల తేడాతో ఘన విజయం సాదించింది. దీంతో యాషెస్‌ సిరీస్‌ను 3-0 తేడాతో ఆసీస్‌ కైవసం చేసుకుంది. ఇంగ్లండ్‌ రెండో ఇన్నింగ్స్‌లో కేవలం 68 పరుగులకే ఆలౌటై ఘోర పరాభవాన్ని మూటకట్టుకుంది. ఇక ఈ మ్యాచ్‌లో స్కాట్‌ బోలాండ్ ప్లేయర్‌ ఆఫ్‌ది మ్యాచ్‌గా ఎంపికయ్యాడు. చదవండి: Sourav Ganguly Covid Positive: ఆస్పత్రిలో చేరిన గంగూలీ... INSANE! Scott Boland takes two in the over! #OhWhatAFeeling #Ashes | @Toyota_Aus pic.twitter.com/Uhk046VGG6 — cricket.com.au (@cricketcomau) December 27, 2021

యాషెస్‌ సిరీస్‌లో భాగంగా మూడో టెస్ట్‌(బాక్సింగ్‌డే టెస్ట్‌)  డిసెంబరు 26న ప్రారంభం కానుంది. కాగా బాక్సింగ్‌డే టెస్ట్ ఇంగ్లండ్‌ తమ తుది జట్టును ప్రకటించింది. ఈ మ్యాచ్‌లో ఏకంగా నాలుగు మార్పులతో ఇంగ్లండ్‌ బరిలోకి దిగనుంది. ఇంగ్లండ్‌ ఓపెనర్‌ రోరీ బర్న్స్ స్ధానంలో జాక్‌ క్రాలీకి చోటు దక్కింది. ఈ సిరీస్‌లో రెండు టెస్ట్‌లు ఆడిన బర్న్స్ కేవలం 51 పరుగులు మాత్రమే సాధించాడు. ఆదే  విధంగా హసీబ్ హమీద్‌కి మరో అవకాశం ఇచ్చారు. ఓలీ పోప్‌ స్ధానంలో సీనియర్‌ ఆటగాడు జానీ బెయిర్‌స్టో జట్టులోకి వచ్చాడు. ఆదే విధంగా క్రిస్‌ వోక్స్‌, స్టువర్ట్‌ బ్రాడ్‌ కూడా దూరమయ్యారు. వీరి స్ధానంలో మార్క్‌ వుడ్‌, జాక్‌ లీచ్‌ జట్టులోకి వచ్చారు. కాగా ప్రతిష్టాత్మక   యాషెస్‌ సిరీస్‌లో ఇంగ్లండ్‌ పేలవ ప్రదర్శన కొనసాగుతుంది. ఇప్పటివరకు జరిగిన రెండు టెస్టుల్లో చిత్తుగా ఓడి ఘోర పరాభవం మూటకట్టకుంది. కాగా బాక్సింగ్‌ డే టెస్ట్‌లో విజయం సాధించి తిరిగి పుంజుకోవాలి అని భావిస్తోంది. ఇక ఆస్ట్రేలియా మాత్రం ఇదే జోరు కొనసాగించి సిరీస్‌ కైవసం చేసుకోవాలని ఉవ్విళ్లూరుతోంది. ఈ సిరీస్‌లో 2-0తో ఆస్ట్రేలియా అధిక్యంలో ఉంది. ఇంగ్లండ్‌ జట్టు: హసీబ్ హమీద్, జాక్ క్రాలీ, డేవిడ్ మలన్, జో రూట్ (కెప్టెన్‌), బెన్ స్టోక్స్, జానీ బెయిర్‌స్టో, జోస్ బట్లర్(వికెట్‌ కీపర్‌), మార్క్ వుడ్, ఆలీ రాబిన్సన్, జాక్ లీచ్, జేమ్స్ ఆండర్సన్. చదవండి: SA vs IND: ఓపెనర్లుగా మయాంక్, రాహుల్‌.. హనుమ విహారికు నో ఛాన్స్‌!

ఒలింపిక్స్‌ క్రీడల్లో పాల్గొన్న తొలి భారతీయ ఫెన్సింగ్‌ క్రీడాకారిణిగా గుర్తింపు పొందిన భవానీ దేవి (తమిళనాడు) వచ్చే ఏడాది నాలుగు అంతర్జాతీయ టోర్నమెంట్‌లలో బరిలోకి దిగనుంది. ఈ టోర్నీలలో పాల్గొనేందుకు భవానీ దేవికి రూ. 8 లక్షల 16 వేలు కేంద్ర క్రీడా శాఖ మంజూరు చేసింది. జార్జియాలో వచ్చే జనవరి 14 నుంచి 16 వరకు జరిగే ప్రపంచకప్‌ టోర్నీతో భవానీ దేవి సీజన్‌ మొదలవుతుంది. ఆ తర్వాత బల్గేరియాలో, గ్రీస్‌లో, బెల్జియంలో జరిగే ప్రపంచకప్‌ టోర్నీలలోనూ ఆమె పోటీపడుతుంది.  వైల్డ్‌ కార్డుతో ఆస్ట్రేలియన్‌ ఓపెన్‌లో... మెల్‌బోర్న్‌లో వచ్చే ఏడాది జనవరి 17 నుంచి 30 వరకు జరిగే ఆస్ట్రేలియన్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీలో ఐదుసార్లు రన్నరప్‌ ఆండీ ముర్రే (బ్రిటన్‌) వైల్డ్‌ కార్డ్‌ ఎంట్రీతో బరిలోకి దిగనున్నాడు. ఆస్ట్రేలియన్‌ ఓపెన్‌లో ముర్రే చివరిసారిగా 2019లో ఆడాడు. అనంతరం తుంటి గాయంతో బాధపడ్డాడు. గాయం నుంచి కోలుకొని ఈ ఏడాది జరిగిన ఆస్ట్రేలియన్‌ ఓపెన్‌లో ఆడాల్సి ఉండగా... కరోనా బారిన పడటంతో బరిలోకి దిగలేదు.  చదవండి: Harbhajan Singh: ఆడతాడు... తిడతాడు... కొడతాడు! అది భజ్జీ స్పెషల్‌..

యాషెస్‌ సిరీస్‌లో ఇంగ్లండ్‌ జట్టు పేలవ ప్రదర్శన కనబరుస్తోంది. ఇప్పటివరకు జరిగిన రెండు టెస్టుల్లో చిత్తుగా ఓడి ఘోర పరాభవం మూటకట్టకుంది. ఇక సిరీస్‌లో భాగంగా మూడో టెస్ట్‌( బ్యాక్సింగ్‌ డే టెస్ట్) డిసెంబర్‌26న మెల్‌బోర్న్‌ వేదికగా జరగనుంది. కాగా ఈ మ్యాచ్‌లో అయిన గెలిచి సిరీస్‌పై ఆశలు నిలుపుకోవాలని ఇంగ్లండ్‌ భావిస్తోంది. ఆదే విధంగా మరోసారి ఇంగ్లండ్‌ను ఓడించి సిరీస్‌ను కైవసం చేసుకోవాలని ఆస్ట్రేలియా ఉవ్విళ్లూరుతోంది. అయితే ఇంగ్లండ్‌ కెప్టెన్‌ జోరూట్‌ బ్యాటర్‌గా రాణిస్తున్నప్పటకీ, సారథిగా జట్టును నడిపించలేక పోతున్నాడాని తీవ్ర స్ధాయిలో విమర్శలు వెల్లువెత్తున్నాయి. ఈ క్రమంలో జో రూట్‌పై ఆస్ట్రేలియా మాజీ వికెట్ కీపర్ బ్రాడ్ హాడిన్ కీలక వాఖ్యలు చేశాడు. రూట్‌ టెస్టు కెప్టెన్‌గా పనికిరాడని, అతడి స్ధానంలో బెన్ స్టోక్స్‌కు అవకాశం ఇవ్వాలి అని అతడు అభిప్రాయపడ్డాడు.  "రెండో టెస్ట్‌ నాలుగో రోజు జో రూట్‌ గైర్హాజరీ నేపథ్యంలో బెన్ స్టోక్స్ బాధ్యతలు స్వీకరించాడు. అతడు ఆ సమయంలో ఫీల్డ్‌లో వ్యూహాత్మకంగా వ్యవహరించాడు. అతడు ఒక ప్రణాళికను కలిగి ఉన్నాడు, ఫీల్డ్‌ విధానం కూడా చాలా బాగుంది. కేవలం 20 పరుగుల వ్యవధిలోనే ఇంగ్లండ్‌ బౌలర్లు నాలుగు వికెట్లు పడగొట్టారు. స్టోక్స్‌ తన కెప్టెన్సీతో ఆస్ట్రేలియాను ఒత్తిడిలోకి నెట్టాడు. నా దృష్టిలో రూట్‌ కంటే స్టోక్స్ అత్యత్తుమ కెప్టెన్‌" అని హాడిన్ పేర్కొన్నాడు. డే-నైట్ టెస్ట్‌లో ఘోర పరాజయం తర్వాత బౌలర్లు పూర్తిగా విఫలమయ్యారని రూట్‌ చేసిన వాఖ్యలపై హాడిన్ మండిపడ్డాడు. "అతడు కోచ్‌తో పాటు సెలక్షన్ కమిటీలో పాల్గొన్నాడు. అనంతరం సరైన జట్టును ఎంపిక చేశామని రూట్‌, కోచ్‌ ప్రకటించారు. ఇప్పుడు ఇలా బౌలర్లను నిందించడం సరికాదు" అని  హాడిన్ పేర్కొన్నాడు. చదవండి: న్యూజిలాండ్‌ స్పిన్నర్‌ అజాజ్‌ పటేల్‌పై వేటు..

యాషెస్‌ సిరీస్‌లో భాగంగా మూడో టెస్ట్‌( బాక్సింగ్‌డే టెస్ట్‌) డిసెంబర్‌26 న మెలబోర్న్‌ వేదికగా జరగనుంది. అనూహ్యంగా ఈ మ్యాచ్‌కు పూర్తి స్ధాయిలో ప్రేక్షకులను అనుమతిస్తున్నట్లు మెల్‌బోర్న్‌ క్రికెట్‌ గ్రౌండ్‌ అధికారులు తెలిపారు. ఒమ్రికాన్‌ వ్యాప్తి చెందుతున్న వేళ  ఏంసీజీ ఇటువంటి నిర్ణయం తీసుకోవడం అందరనీ ఆశ్చర్యపరుస్తోంది. కాగా మెల్‌బోర్న్‌లో ప్రతిరోజూ 1500 కంటే ఎక్కువ కరోనా కేసులు నమోదవుతున్నాయి. కాగా బుధవారం జరిగే ఈ మ్యాచ్‌కు ఇప్పటికే సూమారు 70,000 టిక్కెట్లు అమ్ముడుపోయాయని మెల్‌బోర్న్‌ క్రికెట్‌ క్లబ్‌ ఛీప్‌ ఎగ్జిక్యూటివ్‌ స్టువర్ట్‌ ఫాక్స్‌ తెలిపారు. "మేము స్టేడియంను అన్ని విధాలా సిద్ధం చేశాము. బాక్సింగ్ డే టెస్ట్‌ కోసం అన్ని రకాల నిబంధనలను పాటిస్తున్నాము. వ్యాక్సినేషన్‌ సర్టికెట్‌ ఉన్నవారిని లోపలకి మాత్రమే అనుమతిస్తాం" అని స్టువర్ట్‌ ఫాక్స్‌ పేర్కొన్నారు. ఇక 5 మ్యాచ్‌ల సిరీస్‌లో 2-0 తేడాతో ఆస్ట్రేలియా అధిక్యంలో ఉంది. మరో వైపు దక్షిణాఫ్రికా- భారత్‌ టెస్ట్‌ సిరీస్‌కు మాత్రం ప్రేక్షకులను అనుమతి చేయడంలేదు. చదవండి: Omicron- India Tour Of South Africa: టీమిండియా అప్పటికప్పుడు స్వదేశానికి బయల్దేరవచ్చు.. అనుమతులు తీసుకున్నాం!

Tim Paine Announces Resignation as Australian Test Cricket Captain Over Private Text Exchange:  యాషెస్‌ సిరీస్‌కు ముందు ఆస్ట్రేలియాకు బిగ్‌ షాక్‌ తగిలింది. ఆ జట్టు టెస్ట్‌ కెప్టెన్‌ టిమ్ పైన్ తన కెప్టెన్సీకి రాజీనామా చేశాడు. ఓ మహిళకు అసభ్యకరమైన సందేశాలు పంపడాన్న ఆరోపణల నేపథ్యంలో కెప్టెన్సీ నుంచి పైన్‌ తప్పుకున్నాడు.  "ఆస్ట్రేలియన్ క్రికెట్ జట్టు కెప్టెన్సీ నుంచి తప్పుకోవాలన్న నా నిర్ణయాన్ని ఈరోజు ప్రకటిస్తున్నాను. ఇది చాలా కష్టమైన నిర్ణయం, కానీ నాకు, నా కుటుంబానికి, మాజట్టుకు  సరైన నిర్ణయం” అని టిమ్ పైన్ విలేకరుల సమావేశంలో పేర్కొన్నాడు. 2017 లో తన సహోద్యోగికు అసభ్యకరమైన సందేశాలు పంపినట్లు అతడు వెల్లడించాడు. ఈ సంఘటనపై విచారణ జరుగుతుందిని, ఇలా జరగడంపై విచారం వ్యక్తం చేస్తున్నాని టిమ్‌ పైన్‌ తెలిపాడు.  ఇదే విషయాన్ని క్రికెట్ ఆస్ట్రేలియా  ట్విట్టర్ ద్వారా ధృవీకరించింది. "టిమ్ పైన్ ఆస్ట్రేలియా పురుషుల టెస్టు జట్టు కెప్టెన్సీ నుంచి తప్పుకున్నాడు. దీనిపై మరింత సమాచారం​ త్వరలో అందిస్తాం అని  క్రికెట్ ఆస్ట్రేలియా ట్వీట్ చేసింది. కాగా 2017లో ఓ మహిళకు అసభ్యకరమైన రీతిలో మేసేజ్‌లు పంపాడాన్న ఆరోపణలు  పైన్‌పై వచ్చాయి. ఈ క్రమంలో విచారణ చేపట్టిన  క్రికెట్ ఆస్ట్రేలియా.. నిజమేనని ధృవీకరించింది. కాగా యాషెస్‌ సిరీస్‌ డిసెంబర్ 8 నుంచి ప్రారంభం కానుంది. #BREAKING: Tim Paine has announced he will step down as Captain of the Australian Test team. He read a statement but did not take any questions from the media.@WINNews_Tas pic.twitter.com/57fBcDKvZp — Brent Costelloe (@brentcostelloe) November 19, 2021

Australia announce Ashes squad: ప్రతిష్టాత్మక యాషెస్ సిరీస్‌కు ఆస్ట్రేలియా క్రికెట్‌ బోర్డు తమ జట్టును ప్రకటించింది. అయితే ఈ జట్టులో ఆసీస్‌ టీ20 వరల్డ్‌కప్‌ హీరో మిచల్‌ మార్ష్‌కు చోటు దక్కలేదు. మరో వైపు ఆజట్టు సీనియర్‌ ఆటగాడు ఉస్మాన్ ఖవాజాకు రెండు ఏళ్ల తర్వాత మళ్లీ టెస్ట్‌ల్లో చోటు దక్కింది.  15 మంది ఆటగాళ్లతో కూడిన జట్టును ఆస్ట్రేలియా బుధవారం(నవంబర్‌-17) ప్రకటించింది. ఈ ప్రఖ్యాత సిరీస్‌  డిసెంబర్‌ 8 నుంచి జనవరి 18 వరకు  జరుగనుంది.  డిసెంబర్ 8న బ్రిస్బేన్‌లో మొదటి టెస్టు, 16న ఆడిలైడ్‌లో రెండో టెస్టు, 26న మెల్‌బోర్న్‌లో మూడో టెస్టు ఆడుతుంది. 2022 జనవరి 5న సిడ్నీలో నాలుగో టెస్టు, పెర్త్‌లో జనవరి 14న  జరగనుంది. ఈ ప్రతిష్టాత్మక సిరీస్‌ ఇంగ్లండ్‌, ఆస్ట్రేలియా మధ్య జరగనుంది. ఆస్ట్రేలియా టెస్ట్ జట్టు: టిమ్ పైన్ (సి), పాట్ కమిన్స్ , కామెరాన్ గ్రీన్, మార్కస్ హారిస్, జోష్ హేజిల్‌వుడ్, ట్రావిస్ హెడ్, ఉస్మాన్ ఖవాజా,  మార్నస్‌ లబుషేన్‌ , నాథన్ లియాన్, మైఖేల్ నేజర్, జో రిచర్డ్‌సన్, స్టీవ్ స్మిత్, మిచెల్ స్టార్క్, మిచెల్ స్టార్క్, స్విప్సన్, డేవిడ్ వార్నర్ యాషెస్ సిరీస్‌కు ఆ పేరు ఎలా వచ్చిందంటే.. 1882 లో ది ఓవల్ స్టేడియంలో జరిగిన ఓ ఆసక్తికరమైన మ్యాచ్‌లో  ఆస్ట్రేలియా చేతుల్లో ఇంగ్లండ్ అనుహ్యంగా ఓడిపోయింది. అయితే ఇంగ్లండ్‌ గడ్డపై  ఆసీస్‌కి ఇదే మొట్టమొదటి విజయం. దీంతో ఓ ఇంగ్లీష్ వార్తాపత్రిక, ఇంగ్లండ్ క్రికెట్ చనిపోయిందనే ఉద్దేశంతో 'అంత్యక్రియలు జరపగా వచ్చిన బూడిద (యాషెస్)ను ఆస్ట్రేలియాకి తీసుకెళ్తారు’ అంటూ రాసుకొచ్చింది. 1883లో  ఇంగ్లండ్ జట్టు ఆస్ట్రేలియా పర్యటనకు వెళ్లినప్పుడు,  ఇంగ్లీష్‌ మీడియా ‘యాషెస్‌ను తిరిగి తీసుకరావాలంటూ’ వార్తలు ప్రచురించాయి. అప్పటి నుంచి ఆస్ట్రేలియా, ఇంగ్లాండ్ మధ్య టెస్టు సిరీస్‌కి ‘ది యాషెస్’ అనే పేరు వచ్చింది.  చదవవండి: కొత్త కెప్టెన్‌.. కొత్త కోచ్‌.. కొత్తకొత్తగా..!

Shoaib Akhtar Comments On Man Of The tournament Award T20 World Cup 2021: అందని ద్రాక్షగా ఊరిస్తున్న టీ20 ప్రపంచకప్‌ను ఆస్ట్రేలియా ఎట్టకేలకు కైవసం చేసుకుంది. టీ20 ప్రపంచకప్‌-2021లో (నవంబర్‌ 14)న న్యూజిలాండ్‌తో జరిగిన ఫైనల్లో చారిత్రాత్మక విజయం సాధించిన.. ఆస్ట్రేలియా తొలి సారి టైటిల్‌ను ముద్దాడింది. అయితే ఈ విజయంలో ఆజట్టు స్టార్‌ ఓపెనర్‌ డేవిడ్‌ వార్నర్ కీలక పాత్ర పోషించాడు. ఒక్క ఫైనల్లోనే కాకుండా.. వార్నర్‌ టోర్నీ అంతటా అద్బుతంగా రాణించాడు. ఈ క్రమంలో ప్లేయర్ ఆఫ్ ది టోర్నమెంట్‌గా డేవిడ్‌ వార్నర్‌ను ఐసీసీ ఎంపిక చేసింది. అయితే డేవిడ్‌ వార్నర్‌ను ప్లేయర్ ఆఫ్ ది టోర్నమెంట్‌గా ఎంపిక చేయడంపై పాక్‌ మాజీ పేసర్‌ షోయబ్ అక్తర్ ఆసంతృప్తి వ్యక్తం చేశాడు. ట్విట్టర్ వేదికగా స్పందించిన అక్తర్‌.. "ఇది అసలు సరైన నిర్ణయం కాదు. ప్లేయర్ ఆఫ్ ది టోర్నీ బాబర్ ఆజమ్ కు ఇస్తారాని ఎదురు చూశాను. ఇదైతే కచ్చితంగా అన్యాయమే "అంటూ ట్వీట్ చేశాడు.  ఎందుకంటే.. ఈ టోర్నీలో పాకిస్తాన్‌ కెప్టెన్‌ బాబర్‌ ఆజాం కూడా అద్బుతంగా రాణించాడు. ఈ ప్రపంచకప్‌లో ఆరు మ్యాచ్‌లలో 303 పరుగులు చేసిన బాబర్‌ ఆజాం.. అత్యధిక పరుగులు సాధించిన ఆటగాడిగా ఉన్నాడు. మరోవైపు వార్నర్.. ఏడు ఇన్నింగ్స్‌లలో 289 పరుగులు మాత్రమే చేశాడు. దీంతో అత్యధిక పరుగులు చేసిన బాబర్‌కు అవార్డు ఇవ్వకుండా వార్నర్‌కు ఎలా ఇచ్చారాని ఐసీసీపై అక్తర్‌ మండి పడ్డాడు. చదవండి: T20 World Cup 2021: టీమిండియా ఆటగాళ్లకు ఐసీసీ షాక్‌! ఒక్కరంటే ఒక్కరికీ కూడా నో ఛాన్స్‌ Was really looking forward to see @babarazam258 becoming Man of the Tournament. Unfair decision for sure. — Shoaib Akhtar (@shoaib100mph) November 14, 2021

Gautam Gambhir And Ashwin Slams David warner: టీ20 ప్రపంచకప్‌-2021 లో భాగంగా గురువారం(నవంబర్‌11)న జరిగిన రెండో సెమీఫైనల్లో పాకిస్తాన్‌పై విజయం సాధించి ఆస్టేలియా ఫైనల్లో అడుగు పెట్టింది. అయితే ఈ మ్యాచ్‌లో ఆసీస్‌  ఓపెనర్‌  డేవిడ్ వార్నర్ కొట్టిన ఒక సిక్సర్ మాత్రం ప్రస్తుతం వివాదస్పదంగా మారింది. పాకిస్తాన్‌ బౌలర్‌ మహ్మద్ హఫీజ్ వేసిన డెడ్‌ బాల్‌ను డేవిడ్‌ వార్నర్‌  సిక్స్‌ కొట్టాడు. దీంతో వార్నర్‌ వ్యవహరించిన తీరును మాజీలు, క్రికెట్‌ నిపుణులు తప్పుపడుతున్నారు. వార్నర్‌ ఇలా చేయడం క్రీడా స్పూర్తి కి విరుద్దం అని పలువురు వార్నర్‌ను విమర్శిస్తున్నారు.  ఈ క్రమంలో భారత మాజీ ఆటగాడు గౌతం గంభీర్‌ కూడా వార్నర్‌పై విమర్శల వర్షం కురిపించాడు. ఈ మ్యాచ్‌లో  వార్నర్‌  వ్యవహరించిన తీరు సిగ్గు చేటు అని గంభీర్‌ పెదవి విరిచాడు. అదే విధంగా ఈ వివాదంపై అశ్విన్‌ స్పందించాలంటూ ట్విటర్‌ వేదికగా కోరాడు. స్పందించిన అశ్విన్‌... ‘ఇప్పుడు వార్నర్‌ చేసింది సరైందే అయితే.. గతంలో నేను కూడా చేసింది (మాన్కడింగ్‌) సరైందే! వార్నర్‌ చేసింది తప్పు అయితే.. నేను చేసింది కూడా తప్పే’ అని అశ్విన్‌ పేర్కొన్నాడు. ఇంతకీ ఏం జరిగిందంటే.. ఆస్టేలియా ఇన్నింగ్స్‌లో 8 ఓవర్‌ వేయడానికి వచ్చిన మహ్మద్ హఫీజ్ ... తన తొలి బంతిని వేసే క్రమంలో అతడి చేతి బంతి నుంచి జారిపోయి డబుల్ బౌన్స్‌తో వైడ్‌ దిశగా వెళ్లింది. అయితే స్టైక్‌లో ఉన్న వార్నర్‌ ఆ బంతిని సిక్స్‌కు తరలించాడు. బంతి రెండుసార్లు బౌన్స్ కావడంతో అంపైర్  నో బాల్‌గా ప్రకటించాడు. ఇక 49 పరుగులు చేసిన వార్నర్‌ ఆస్టేలియా విజయంలో కీలక పాత్ర పోషించాడు. కాగా రెండో సెమిఫైనల్లో పాకిస్తాన్‌పై విజయం సాధించిన ఆస్టేలియా.. న్యూజిలాండ్‌తో నవంబర్‌14న దుబాయ్‌ వేదికగా ఫైనల్లో తలపడనుంది. చదవండి: AUS Vs NZ: ఆసీస్‌తో ఫైనల్‌కు ముందు న్యూజిలాండ్‌కు బిగ్‌ షాక్‌.. ఇక కష్టమే! What an absolutely pathetic display of spirit of the game by Warner! #Shameful What say @ashwinravi99? pic.twitter.com/wVrssqOENW — Gautam Gambhir (@GautamGambhir) November 11, 2021

Robin Uthappa Picks Pakistan As  Favourites In Semi Final Clash Against Australia: టీ20 ప్రపంచకప్‌-2021 చివరి అంకానికి చేరుకుంది. ఇప్పటికే తొలి సెమిఫైనల్లో ఇంగ్లండ్‌పై విజయం సాధించి న్యూజిలాండ్‌ ఫైనల్లో అడుగు పెట్టింది. ఇక గురువారం(నవంబర్‌11)న రెండో సెమీ ఫైనల్లో ఆస్ట్రేలియా, పాకిస్తాన్‌ జట్లు తలపడనున్నాయి. ఈ క్రమంలో భారత వెటరన్‌ ఆటగాడు రాబిన్‌ ఊతప్ప ఆసక్తికర వాఖ్యలు చేశాడు. ఈ కీలక పోరులో పాకిస్తాన్‌ విజయం సాధించి ఫైనల్‌కు చేరుతుందని ఊతప్ప జోస్యం చెప్పాడు. ఈ టోర్నమెంట్‌లో ఇరు జట్లు అద్బుతంగా ఆడుతున్నాయని.. అయితే పాక్‌ మాత్రం ఒక్క మ్యాచ్‌ కూడా ఓడిపోలేదని, అందుకే ఫేవరెట్‌గా ఎంచుకున్నానని అతడు తెలిపాడు.  "టీ20 ప్రపంచకప్‌లో తదుపరి సమరం పాకిస్తాన్‌- ఆస్ట్రేలియా మధ్య జరగనుంది. ఈ  మెగా టోర్నమెంట్‌లో  ఇప్పటివరకు ఒక్క మ్యాచ్‌ కూడా  ఓడిపోని ఏకైక జట్టుగా పాకిస్తాన్‌ కొనసాగుతుంది. అది వారికి కలిసిసొస్తుందని నేను ఆశిస్తున్నాను. మరోవైపు ఆస్ట్రేలియా కూడా ఈ టోర్నమెంట్‌లో ఆద్బుతంగా ఆడుతోంది. ఆసీస్‌ను కూడా తక్కువ అంచనా వేయకూడదు. ఐసీసీ టోర్నమెంట్‌లో వాళ్లకు మంచి రికార్డు ఉంది.  కానీ టీ20 ప్రపంచకప్‌లో ఒక్కసారి కూడా టైటిల్‌ను అందకోలేకపోయారు. ఈ టోర్నీలో ఆసీస్‌  ఓపెనర్లు మంచి ఫామ్‌లో ఉన్నారు. కంగారూలు తమదైన రోజున ఏ జట్టునైనా ఓడించగలరు" అని ఊతప్ప పేర్కొన్నాడు. Koo App Can’t wait for the two super exciting semis coming up! #t20worldcup #EngVsNZ #PakVsAus #semifinals #sabsebadastadium View attached media content - Robin Uthappa (@robinuthappa) 10 Nov 2021

Australia set for first tour of Pakistan in 24 years: 24 ఏళ్ల తర్వాత ఆస్ట్రేలియా జట్టు తొలి సారిగా పాకిస్తాన్‌లో పర్యటించనుంది. ఈ పర్యటనలో భాగంగా ఆస్ట్రేలియా మూడు టెస్టులు, మూడు వన్డేలు, ఒక టీ20 మ్యాచ్‌ను పాకిస్తాన్‌తో ఆడనుంది. ఆసీస్‌ పర్యటనకు సంబంధించిన వివరాలను  పాకిస్తాన్ క్రికెట్ బోర్డు సోమవారం (నవంబర్ 8) వెల్లడించింది. ఈ సిరీస్‌ కరాచీలో జరగబోయే మొదటి టెస్ట్‌తో ప్రారంభమవుతుంది. రెండో టెస్ట్‌ రావల్పిండిలో, మూడో టెస్ట్‌తో పాటు మూడు వన్డేలు, ఒక టీ20 మ్యాచ్‌ లాహోర్‌లో జరగనున్నాయి. 1998లో పాకిస్తాన్‌లో పర్యటించిన ఆస్ట్రేలియా ఆస్ట్రేలియా చివరిసారిగా 1998లో పాకిస్తాన్‌లో పర్యటించింది. ఆ తర్వాత వివిధ కారణాల వల్ల అనేక సార్లు పాక్‌ పర్యటను ఆస్ట్రేలియా రద్దు చేసుకుంది. 2002 పాకిస్తాన్‌లో పర్యటించాల్సిన ఆస్ట్రేలియా..  కరాచీలో ఆత్మాహుతి బాంబు దాడితో ఆ పర్యటను రద్దు చేసుకుంది. అదే విధంగా 2008లో పర్యటించాల్సిన ఆస్ట్రేలియా.. పాకిస్తాన్‌లో సాధారణ ఎన్నికలకు ముందు జరిగిన హింసాత్మకమైన ఘటనల నేపథ్యంలో పర్యటను మరోసారి రద్దు చేసుకుంది. 2009లో శ్రీలంక జట్టు బస్సుపై ఉగ్రదాడి ఆ తర్వాత  2009లో లాహోర్‌లో శ్రీలంక జట్టు ప్రయాణిస్తున్న బస్సుపై ఉగ్రదాడి జరగడంతో.. ఏ జట్టు కూడా పాకిస్తాన్‌లో పర్యటించడానికి సాహసం చేయలేదు. ఇటీవలి కాలంలో శ్రీలంక, జింబాబ్వే, దక్షిణాఫ్రికా జట్టులు పాకిస్తాన్‌లో పర్యటించాయి. దీంతో మరోసారి ఆ దేశంలో అంతర్జాతీయ క్రికెట్‌ మ్యాచ్‌ల సందడి మొదలైంది.  కాగా పాకిస్తాన్ సూపర్ లీగ్‌ని కూడా ఆ దేశ క్రికెట్‌ బోర్డు విజయవంతంగా నిర్వహిస్తుంది. ఈ లీగ్‌లో చాలా మంది విదేశీ ఆటగాళ్లు  పాల్గొంటున్నారు. మరో వైపు  భద్రతా కారణాల దృష్ట్యా న్యూజిలాండ్, ఇంగ్లండ్‌ జట్లు పాక్‌ పర్యటనను రద్దు చేసుకున్న సంగతి తెలిసిందే. ఈ నేపథ్యంలో పాకిస్తాన్ పర్యటనకు ఆస్ట్రేలియా ఆమోదం తెలపడం గమనార్హం చదవండి: Sanju Samson: రాజస్తాన్‌కు బిగ్‌ షాక్‌: జట్టును వీడనున్న సంజూ శాంసన్.. సీఎస్‌కేకు!?

Australia Postpone First Ever Test Match Against Afghanistan: ఆఫ్ఘనిస్తాన్‌తో జరగాల్సిన ఏకైక టెస్ట్‌ మ్యాచ్‌ను వాయిదా వేస్తున్నట్టు క్రికెట్‌ ఆస్ట్రేలియా శుక్రవారం ప్రకటించింది. ఆస్ట్రేలియాలోని హోబర్ట్‌లో ఆస్ట్రేలియా, ఆఫ్ఘనిస్తాన్ మధ్య నవంబర్ 27 నుంచి టెస్టు మ్యాచ్ జరగాల్సి ఉంది. దేశంలో తాలిబన్లు అధికారం చేపట్టిన తర్వాత మహిళల క్రీడలపై నిషేధం విధించారు. దీంతో ఆస్ట్రేలియా ఇటువంటి నిర్ణయం తీసుకున్నట్టు తెలుస్తోంది. మహిళా క్రికెట్‌పై  నిషేధం కొనసాగితే టెస్టును రద్దు చేయాలని  ఆస్ట్రేలియా సీనియర్ క్రికెటర్లుఘా దేశ క్రికెట్‌ బోర్డును సూచించినట్లు సమాచారం. "ప్రస్తుత అనిశ్చితి దృష్ట్యా ఆఫ్ఘాన్, ఆస్ట్రేలియా టెస్టు మ్యాచ్ నిర్వహించడం సరికాదని మేం భావిస్తున్నాం. అందకే ఆఫ్ఘాన్ క్రికెట్ బోర్డుతో చర్చల తర్వాత టెస్టు మ్యాచ్‌ను వాయిదా వేయాలాని నిర్ణయించకున్నాము. ఆఫ్ఘనిస్తాన్‌లో పురుషులు, మహిళల క్రికెట్‌ అభివృద్దికి ఆస్ట్రేలియా ఎప్పడూ కట్టుబడి ఉంటుంది" అని క్రికెట్‌ ఆస్ట్రేలియా పేర్కొంది.  ఆస్ట్రేలియా నిర్ణయంపై ఆఫ్ఘనిస్తాన్‌ టీ20 కెప్టెన్‌ నబీ స్పందించాడు. ఈ ఏడాది టెస్ట్ మ్యాచ్ జరగకపోవడం నిరాశపరిచింది అని తెలిపాడు. "ఈ సంవత్సరం టెస్ట్ మ్యాచ్ జరగకపోవడం నిరాశపరిచింది, అయితే మ్యాచ్ వాయిదా మాత్రమే వేయబడింది.   పూర్తిగా  రద్దు కానుందున  నేను సంతోషంగా ఉన్నాను" అని నబీ పేర్కొన్నాడు. చదవండి: T20 WC 2021 NZ Vs NAM: కివీస్‌ బౌలర్‌కు తృటిలో తప్పిన ప్రమాదం.. 

Mitchell Starc a doubt for Australias match against Sri Lanka: టీ20 ప్రపంచకప్‌2021 సూపర్‌-12లో భాగంగా నేడు దుబాయ్‌ వేదికగా  శ్రీలంకతో ఆస్ట్రేలియా తలపడనుంది. అయితే ఈ మ్యాచ్‌కు ఆస్ట్రేలియా స్టార్‌ బౌలర్‌  మిచెల్ స్టార్క్  గాయం కారణంగా దూరమయ్యే అవకాశం ఉంది. శ్రీలంకతో మ్యాచ్‌కు ముందు ప్రాక్టీస్‌ చేస్తుండగా స్టార్క్ కాలికి గాయమైంది. అయితే అతడిని వైద్య సిబ్బంది పర్యవేక్షిస్తున్నట్లు క్రికెట్ ఆస్ట్రేలియా తెలిపింది. దీంతో శ్రీలంకతో జరిగే మ్యాచ్‌కు స్టార్క్‌ అందుబాటుపై సందిగ్ధత నెలకొంది. ఒక వేళ మ్యాచ్‌కు ముందు  స్టార్క్‌  ఫిట్‌నెష్‌ సాధించకపోతే  అతడి స్ధానంలో కేన్ రిచర్డ్సన్ లేక అష్టన్ అగర్‌కు అవకాశం దక్కనుంది. కాగా తమ మెదటి మ్యాచ్‌లోనే విజయం సాధించిన కంగారులు.. హాట్‌ ఫేవరెట్‌గా ఈ మ్యాచ్‌లో బరిలోకి దిగనున్నారు. చదవండి: కోహ్లి అలా మాట్లడతాడని అనుకోలేదు.. నిరాశ చెందాను: టీమిండియా మాజీ క్రికెటర్‌

Smriti Mandhana Dance Video Viral: ఎప్పుడూ మ్యాచ్‌లు, టూర్‌లతో బిజీగా ఉండే క్రికెటర్లు అప్పుడప్పుడు వాళ్ల ఆటతోనే కాదు డ్యాన్స్‌లతోనూ సరదగా అభిమానులను అలరిస్తుంటారు. భారత స్టార్‌ ఓపెనర్‌  స్మృతి మంధాన ఆమె సహచరులతో కలిసి చేసిన డ్యాన్స్‌ వీడియో ఒకటి సోషల్‌ మీడియాలో తెగ హల్‌చల్‌ చేస్తుంది.  ఈ వీడియోలో ఆమె సహచరులు హర్మన్‌ప్రీత్ కౌర్, జెమిమా రోడ్రిగ్స్, రిచా ఘోష్ , రాధా యాదవ్‌తో కలిసి 'ఇన్ డా ఘెట్టో' అనే పాటకు డ్యాన్స్‌ వేసింది. ఈ వీడియోను మంధాన తన ఇన్‌స్టాగ్రామ్‌లో షేర్‌ చేసింది. స్మృతి డ్యాన్స్‌కు నెటిజన్లు ఫిదా అవుతున్నారు. అయితే ఈ వీడియో షేర్ చేసిన మంధాన.. వీడియో చేయాలనే ఆలోచన  తనది కాదంటూ క్యాప్షన్ పెట్టింది. దీనిపై స్పందించిన ఇంగ్లండ్ మహిళా క్రికెట్ జట్టు కెప్టెన్ హీథర్ నైట్... ఇది కచ్చితంగా  స్మృతి మంధాన పనేని ఫన్నీగా కామెంట్‌ చేసింది. ప్రస్తుతం వీరింతా మహిళల బిగ్ బాష్ లీగ్ కోసం ఆస్ట్రేలియాలో ఉన్నారు. చదవండి: భారత్‌తో తలపడే పాక్‌ జట్టు ఇదే: ఆకాష్‌ చోప్రా View this post on Instagram A post shared by Smriti Mandhana (@smriti_mandhana)

దుబాయ్‌: టి20 ప్రపంచకప్‌ లక్ష్యంగా గట్టి ప్రాక్టీస్‌ కోసం కోహ్లి సేన తహతహలాడుతోంది. ఇంగ్లండ్‌తో తొలి ప్రాక్టీస్‌లో అదరగొట్టిన భారత్‌ నేడు ఆ్రస్టేలియాతో ఆఖరి ప్రాక్టీస్‌ మ్యాచ్‌ను ఆడనుంది. ఈ రెండు మ్యాచ్‌ల ప్రదర్శన ఆధారంగా చేసుకొని జట్టు కూర్పును టీమ్‌ మేనేజ్‌మెంట్‌ ఖరారు చేసే అవకాశముంది. ముఖ్యంగా బ్యాటింగ్‌ ఆర్డర్‌పై ప్రత్యేక శ్రద్ధ కనబరిచింది. ఓపెనింగ్‌లో రోహిత్‌కు జతగా కేఎల్‌ రాహుల్‌ ఖాయమయ్యాడు. మూడో స్థానం ఎలాగూ కోహ్లిదే. ఇంగ్లండ్‌పై మెరిపించిన ఇషాన్‌ కిషన్‌ కూడా తుదిజట్టులో చోటు దక్కించుకోవచ్చు. రిషభ్‌ పంత్‌కు ఢోకా లేకపోయినా... సూర్యకుమార్‌కు కచ్చితంగా స్థానం లభిస్తుందన్న ధీమా లేదు. బుధవారం నాటి మ్యాచ్‌లో సీనియర్‌ ఆల్‌రౌండర్‌ రవీంద్ర జడేజాతోపాటు శార్దుల్‌ ఠాకూర్, మిస్టరీ స్పిన్నర్‌ వరుణ్‌ చక్రవర్తిలను ఆడించాక జట్టు మేనేజ్‌మెంట్‌ తుది కూర్పుపై ఓ అంచనాకు వస్తుంది. చిరకాల ప్రత్యర్థి పాకిస్తాన్‌తో ఆదివారం మొదలయ్యే ప్రపంచకప్‌ సమరానికి దీటైన జట్టుతో కోహ్లి సేన బరిలోకి దిగనుంది. ఇక మరోవైపు ఆ్రస్టేలియా కూడా ఈ ఆఖరి ప్రాక్టీస్‌ మ్యాచ్‌ను తుది జట్టు కూర్పుపై స్పష్టత వచ్చేందుకు వినియోగించుకోనుంది. మొదటి వార్మప్‌ పోరులో కివీస్‌ను ఓడించిన ఆ్రస్టేలియా ఇదే ఉత్సాహంతో భారత్‌ను ఢీకొట్టేందుకు సిద్ధమైంది. జట్లు: భారత్‌: కోహ్లి (కెప్టెన్‌), రోహిత్, రాహుల్, సూర్యకుమార్, పంత్, ఇషాన్, పాండ్యా, జడేజా, చహర్, అశి్వన్, వరుణ్, బుమ్రా, భువనేశ్వర్, షమీ, శార్దుల్‌.  ఆ్రస్టేలియా: ఫించ్‌ (కెప్టెన్‌), వార్నర్, స్టొయినిస్, అగర్, కమిన్స్, హేజల్‌వుడ్, ఇంగ్లిస్, మార్ష్‌ మ్యాక్స్‌వెల్, రిచర్డ్‌సన్, స్మిత్, స్టార్క్, స్వెప్సన్, వేడ్, జంపా.  చదవండి: T20 WC IND vs PAK: బాబర్‌ అజమ్‌ బ్యాటింగ్‌.. రెప్పవాల్చని టీమిండియా ఆటగాళ్లు

South Australia Fielders Trying To Bizarre Catch:  ఆస్ట్రేలియాలో జరుగుతున్న మార్ష్ కప్ టోర్నమెంట్‌లో బుధవారం జరిగిన దక్షిణ ఆస్ట్రేలియా, క్వీన్స్‌ల్యాండ్ మధ్య జరిగిన మ్యాచ్‌లో ఓ ఆసక్తికర సన్నివేశం చోటు చేసుకుంది. ఓ క్యాచ్‌ను పట్టేందుకు ముగ్గురు ఫీల్డర్స్ ప్రయత్నించారు. చివరకి ఏమి జరిగిందో మీకు తెలుసా.. క్వీన్స్‌ల్యాండ్ ఇన్నింగ్స్ 36 వ ఓవర్ వేసిన బ్రెండన్ డాగెట్ బౌలింగ్‌లో మైఖేల్ నాసర్ స్క్వేర్ లెగ్ దిశగా భారీ షాట్‌కు ప్రయత్నించగా.. అది మిస్‌ టైమ్‌ అయ్యి బంతి గాల్లోకి లేచింది. ఇక క్యాచ్‌ పట్టుకునేందకు ముగ్గురు ఫీల్డర్స్ బౌండరీ లైన్ వైపు పరిగెత్తారు.  వీరిలో ఓ ఫీల్డర్ ఆ క్యాచ్‌ను అందుకున్నా.. అతడు అదుపు తప్పి బౌండరీ లైన్ దాటడంతో బంతిని గాల్లోకి విసిరేశాడు. మరో ఫీల్డర్‌ దాన్ని అందుకున్నప్పటికి .. అతడు కూడా అదుపు తప్పి బౌండరీ లైన్ దాటడంతో బంతిని గాల్లోకి విసిరేశాడు. ఈ క్రమంలో మూడో ఫీల్డర్‌ కూడా బంతిని అందుకునే క్రమంలో బౌండరీ లైన్ దాటేశాడు. చివరికి వీరి ప్రయత్నాలన్నీ విఫలం కావడంతో అంపైర్ దాన్ని సిక్స్‌గా ప్రకటించాడు. ప్రస్తుతం ఈ వీడియో సోషల్‌ మీడియాలో తెగ వైరల్‌ అవుతోంది. ఇక మ్యాచ్‌ విషయానికి వస్తే..  వర్షం కారణంగా 48 ఓవర్లకు కుదించిన ఈ మ్యాచ్‌లో టాస్‌ గెలిచి మొదట బ్యాటింగ్‌ చేసిన సౌత్‌ ఆస్ట్రేలియా 392 పరుగుల భారీ లక్ష్యాన్ని క్వీన్స్‌లాండ్‌ ముందట ఉంచింది. 392 పరుగుల లక్ష్యంతో బరిలోకి దిగిన క్వీన్స్‌లాండ్‌ 40 ఓవర్లలో 312 పరుగులకే ఆలౌటైంది. దీంతో డక్‌వర్త్‌ లూయిస్‌ పద్దతి ప్రకారం 67 పరుగుల తేడాతో సౌత్‌ ఆస్ట్రేలియా విజయం సాధించింది. ఇదే మ్యాచ్‌లో సౌత్‌ ఆస్ట్రేలియా కెప్టెన్‌ ట్రెవీస్‌ హెడ్‌ ఫాస్టెస్ట్‌ డబుల్‌ సెంచరీ నమోదు చేశాడు. Trying to salvage something out of 2021 😝 #MarshCup pic.twitter.com/WLxxeCHeWL — cricket.com.au (@cricketcomau) October 13, 2021 చదవండి: T20 World Cup 2021: హార్దిక్‌ పాండ్యా జట్టులోనే.. బౌలింగ్‌ మాత్రం చేయడు!

England Announce Squad for Ashes: ప్రతిష్టాత్మక యాషెస్ సిరీస్‌కు ఇంగ్లండ్ క్రికెట్ బోర్డు తమ జట్టును ప్రకటించింది.  ఈ ప్రఖ్యాత సిరీస్‌  డిసెంబర్‌ 8 నుంచి జనవరి 18 వరకు  జరుగనుంది. కాగా 17 మంది ఆటగాళ్లతో కూడిన జాబితాను ఈసీబీ ఆదివారం ప్రకటించింది.  ఈ జట్టులో బెన్ స్టోక్స్, జోఫ్రా ఆర్చర్‎కు చోటు దక్కలేదు. కాగా స్టోక్స్‌.. ఐపీఎల్‌లో గాయం తర్వాత మాన‌సిక స‌మ‌స్య‌ల కార‌ణంగా భారత్‌తో టెస్ట్‌ సిరీస్‌, ఐపీఎల్‌ సెకెండ్‌ ఫేజ్‌, టీ20 ప్రపంచకప్‌ వంటి మెగా టోర్నీలకు దూరంగా ఉన్న విషయం తెలిసిందే. అయితే క్వారంటైన్ నిబంధనలు సడలించాలని కొందరు ఇంగ్లాండ్ క్రికెటర్లు  ఆస్ట్రేలియా క్రికెట్ బోర్డును అభ్యర్ధించారు. అయితే వాళ్ల అభ్యర్ధను ఆస్ట్రేలియా తిరష్కరించంది. దీంతో  ఇంగ్లండ్ ఆటగాళ్లు ఆస్ట్రేలియా లో పర్యటించేందుకు అభ్యంతరం  వ్యక్తం చేయడంతో యాషెస్ సీరీస్‌పై సందిగ్ధత  ఏర్పడింది. ఈ క్రమంలో ఇంగ్లాండ్ క్రికెట్ బోర్డు, ఆసీస్ బోర్డుతో  చర్చలు జరిపింది. క్వారంటైన్ నిబంధనలను సడలించేందకు ఆస్ట్రేలియా అంగీకరించడంతో యాషెస్ సిరీస్‌ యాదా విధంగా జరగనుంది ఇంగ్లండ్‌ జట్టు: జో రూట్ (కెప్టెన్), జేమ్స్ అండర్సన్, జానీ బెయిర్‌స్టో, డామ్ బెస్, రోరీ బర్న్స్, స్టువర్ట్ బ్రాడ్, జోస్ బట్లర్, జాక్ క్రావ్లీ, హసీబ్ హమీద్, డాన్ లారెన్స్, జాక్ లీచ్, డేవిడ్ మలాన్, క్రెగ్ ఓవర్టన్, ఓల్లీ పోప్, ఓల్లీ రాబిన్‌సన్, క్రిస్ వోక్స్, మార్క్ వుడ్

India Women vs Australia Women 1st T20I: భారత్‌, ఆస్ట్రేలియా మహిళల మద్య జరుగుతున్న తొలి  టీ20  మ్యాచ్‌ వర్షం కారణంగా రద్దైంది.  టాస్‌ ఓడి మొదట బ్యాటింగ్ కి వచ్చిన భారత్‌ 15.2 ఓవర్లలో 134/4 గా ఉన్న సమయంలో వర్షం మ్యాచ్‌కు అంతరాయం కలిగించింది. దీంతో మ్యాచ్‌ను తాత్కాలింగా నిలిపివేశారు.  తరువాత దాదాపు  గంట సమయం  ఎదురు చూసిన అంపైర్స్‌ .. వర్షం ఎప్పటికీ ఆగిపోవడంతో మ్యాచ్‌ను రద్దు చేశారు. కాగా భారత్‌కు   ఓపెనర్లు షఫాలి వర్మ(17), స్మృతి మంధన(18) శుభారంభాన్ని ఇచ్చారు.  జెమిమా రోడ్రిగ్స్ 49 పరుగులచేసి అత్యధిక స్కోరర్‌గా నిలిచింది. ఆస్ట్రేలియా బౌలర్లలో యాష్లే గార్డనర్ రెండు వికెట్లు పడగొట్టగా, సోఫీ మోలినెక్స్, జార్జియా వారెహామ్ చెరో వికెట్‌ సాధించారు.  దాదాపు  గంట సమయం  ఎదురు చూసిన అంపైర్స్‌ .. వర్షం ఆగిపోవడంతో మ్యాచ్‌ను రద్దు చేశారు. భారత్‌, ఆస్ట్రేలియా మధ్య శనివారం రెండో టీ20 జరగనుంది. చదవండి: CSK Vs PBKS: ధోని (12) మరోసారి విఫలం.. చెన్నై 61/5

Pink Ball Test: భారత్, ఆస్ట్రేలియా మహిళల మధ్య జరుగుతున్నచరిత్రత్మాక  డే అండ్ నైట్ టెస్టు మొదటి రోజు ఆటకు వరుణుడు  ఆటంకం కలిగించాడు. క్వీన్స్లాండ్ వేదికగా జరుగుతున్న ఈ టెస్టులో తొలి రోజు ఆట ముగిసే సమయానికి భారత్.. 44.1 ఓవర్లలో ఒక వికెట్ కోల్పోయి 132 పరుగులు చేసింది.  కాగా టాస్ ఓడి బ్యాటింగ్ కు దిగిన  భారత్‌కు ఓపెనర్లు స్మృతి మంధాన , షెఫాలి వర్మ  అదిరిపోయే ఆరంభాన్ని ఇచ్చారు. వీరిద్దరూ కలిసి తొలి వికెట్‌కు 93 పరుగల బాగస్వామ్యాన్ని నమోదు చేశారు. కాగా 64 బంతుల్లో 31 పరగులు చేసిన షెఫాలి తొలి వికెట్‌గా వెనుదిరిగింది. స్మృతి మంధాన  144 బంతుల్లో 80 పరగులు చేసి సెంచరీకు చేరువలో ఉంది. ప్రస్తుతం మంధాన, పూనమ్ రౌత్‌  క్రీజులో ఉన్నారు. చదవండి:  IPL 2021 2nd Phase RCB Vs RR: ఐపీఎల్‌ చరిత్రలో ఆర్సీబీ బౌలర్‌ సరికొత్త రికార్డు..

ఢాకా: ఆస్ట్రేలియా క్రికెట్‌ జట్టు ఆగస్టులో బంగ్లాదేశ్ లో పర్యటించనుంది. ఈ పర్యటనలో భాగంగా బంగ్లాదేశ్‌తో ఆసీస్‌ 5 టీ20 మ్యాచ్‌లు ఆడనుంది. ఈ సిరీస్‌ ఆగస్టు 3న  ప్రారంభం కానున్నట్లు బంగ్లాదేశ్ క్రికెట్ బోర్డు క్రికెట్ ఆపరేషన్స్ చైర్మన్ అక్రమ్ ఖాన్ ధృవీకరించారు. ఇక 2017 తర్వాత మెదటిసారిగా ఆస్ట్రేలియా జట్టు బంగ్లాదేశ్ లో పర్యటించనుంది. ప్రస్తుతం వెస్ట్‌ఇండీస్‌ పర్యటనలో ఉన్న ఆసీస్‌ నేరుగా బంగ్లాదేశ్ చేరుకోనుంది. ఢాకాలో కఠిన నిబంధనల మధ్య 3 రోజులు పాటు క్వారంటైన్‌లో ఉండునుంది. మరోవైపు జింబావ్వే పర్యటనలో ఉన్న బంగ్లా జట్టు ఈ నెల 29న స్వదేశానికి చేరుకోనుంది. ఈ సీరిస్‌ లో భాగంగా మొత్తం 5 టీ20 మ్యాచ్‌లు ఢాకా వేదికగా జరగనున్నాయి. ఈ సిరీస్‌కు సంబంధించి ఆస్ట్రేలియా ప్రస్తుతం వెస్టిండీస్‌తో ఆడుతున్న జట్టును కొనసాగించనుంది. ఆస్ట్రేలియా జట్టు: ఆరోన్ ఫించ్ (కెప్టెన్), అష్టన్ అగర్, వెస్ అగర్, జాసన్ బెహ్రిండోర్ఫ్, అలెక్స్ కారీ, డాన్ క్రిస్టియన్, జోష్ హాజిల్‌వుడ్, మోయిసెస్ హెన్రిక్స్, మిచెల్ మార్ష్, బెన్ మెక్‌డెర్మాట్, రిలే మెరెడిత్, జోష్ ఫిలిప్, మిచెల్ స్టార్క్, మిచెల్ స్వీప్సన్, అష్టన్ టర్నర్, ఆండ్రూ టై , మాథ్యూ వేడ్ (వైస్ కెప్టెన్), ఆడమ్ జాంపా.

బ్రిస్బేన్ : ఆస్ట్రేలియాతో జరుగుతున్న చివరిదైన నాలుగో టెస్ట్‌లో టీమిండియా 336 పరుగుల వద్ద ఆలౌటైంది. భారత ఆటగాళ్లలో శార్దూల్‌ ఠాకూర్‌ 67 పరుగులు, వాషింగ్టన్‌ సుందర్‌ 62, రోహిత్‌ శర్మ 44, అగర్వాల్‌ 38 పరుగులతో రాణించారు. ఆసీస్‌ బౌలర్లలో హేజిల్‌వుడ్‌ 5 వికెట్లతో భారత పతనాన్ని శాసించాడు. స్టార్క్‌, కమిన్స్‌ రెండేసి వికెట్లు పడగొట్టగా.. లియోన్‌కు ఓ వికెట్‌ దక్కింది. తొలి ఇన్నింగ్స్‌లో ఆసీస్‌కు‌ 33 పరుగులు స్వల్ప ఆధిక్యత లభించింది. అనంతరం ఆసీస్‌ రెండో ఇన్నింగ్స్‌ను ప్రారంభించింది. మూడో రోజు ఆట ముగిసే సమయానికి ఆసీస్‌ 21/0తో నిలిచింది. ప్రస్తుతం ఆసీస్‌ 55 పరుగుల ఆధిక్యంలో కొనసాగుతోంది. కాగా 62 పరుగుల ఓవర్‌నైట్‌ స్కోర్‌తో మూడోరోజు ఆటను ప్రారంభించిన భారత్‌ను ఆసీస్‌ బౌలర్లను బోల్తాకొట్టించారు. మ్యాచ్‌ ప్రారంభమైన కాసేపటికే సీనియర్‌ బ్యాట్స్‌మెన్‌ పుజారా (24)ను హెజిల్‌వుడ్‌ ఔట్‌ చేశాడు. ఆ తరువాత యువ బ్యాట్స్‌మెన్‌ మయాంక్‌ అగర్వాల్‌తో జతకట్టిన కెప్టెన్‌ అజింక్యా రహానే జట్టును ముందుండి నడిపించాడు. 100 పరుగులకే మూడు కీలక వికెట్లను కోల్పోయిన టీంను గాడిలో పెట్టే ప్రయత్నం చేస్తుండగా.. 144 పరుగుల వద్ద రహానే (37) వెనుదిరిగాడు. ఆ తరువాత అగర్వాల్‌ (38) సైతం పెవిలియన్‌ బాట పట్టాడు. దీంతో 161 పరుగులకు టీమిండియా ఐదు కీలక వికెట్లను కోల్పోయి కష్టాల్లో పడింది. ఆ తరువాత పంత్‌‌ (23) కూడా వికెట్‌ సమర్పించుకున్నాడు. ఆ తరువాత క్రిజ్‌లోకి వచ్చిన ఠాకూర్‌, సుందర్‌ అద్భుతమైన బ్యాటింగ్‌తో టీమిండియాను ఆదుకున్నారు. ఏడో వికెట్‌కు 123 పరుగుల భాగస్వామ్యంతో టీంను గట్టెక్కించారు. ఆసీస్‌ బౌలర్లను సమర్థవంతంగా ఎదుర్కుని గౌరవప్రదమైన స్కోర్‌ను సాధించి పెట్టారు. అప్‌డేట్స్‌.. వాషింగ్టన్‌ సుందర్‌ (144 బంతుల్లో 62) ఔట్‌ 67 పరుగుల వ్యక్తిగత స్కోర్‌ వద్ద శార్దూల్‌ ఠాకూర్‌ ఔట్‌ అయ్యాడు.  ప్రస్తుతం క్రిజ్‌లో నవదీప్‌ సైనీ, నటరాజన్‌ ఉన్నారు. తొలి ఇన్నింగ్స్‌లో భారత్‌ ఇంకా 60 పరుగులు వెనుకబడి ఉంది ఆసీస్‌తో జరుగుతున్న నాలుగో టెస్ట్‌లో భారత బౌలర్లు శార్దూల్‌ ఠాకూర్, వాషింగ్టన్‌ సుందర్‌ అద్బుతమైన బ్యాటింగ్‌తో అదరగొడుతున్నారు. 160 పరుగులకే ఐదు కీలక వికెట్లు కోల్పోయి పీకల్లోతు కష్టాల్లో ఉన్న భారత్‌ను ఆదుకున్నారు. ఆసీస్‌ బౌలర్లను ధీటుగా ఎదుర్కుంటూ ఠాకూర్‌ హాఫ్‌ సెంచరీ (54) సాధించాడు. ఎనిమిది ఫోర్లు, రెండు సిక్సర్లతో అదరగొట్టాడు. సుందర్‌ సైతం హాఫ్‌ సెంచరీకి సాధించి.. టీంకు అండగా నిలిచాడు.  కీలకమైన బ్యాట్స్‌మెన్స్‌ అంతా ఔట్‌ అయినా వీరిద్దరూ ఆసీస్‌ బౌలర్లను సమర్థవంతంగా ఎదుర్కొంటున్నారు. 180 బంతుల్ని ఎదుర్కొన్న ఈ జోడీ 105 పరుగులతో అజేయంగా సాగుతోంది. ప్రస్తుతం భారత్‌ స్కోర్‌ 290/6. (బ్రిస్బేన్‌ టెస్టుకు వర్షం దెబ్బ) తొలి ఇన్నింగ్స్‌లో భారత్‌ ఇంకా 41 పరుగులు వెనుకబడి ఉంది. ఆస్ట్రేలియా మొదటి ఇన్నింగ్స్‌లో 369 పరుగులకు ఆలౌటైన విషయం తెలిసిందే. కాగా రెండో రోజు వర్షం కారణంగా మ్యాచ్‌ నిలిచిపోయింది.  చివరి టెస్టు మ్యాచ్‌ రెండో రోజు శనివారం మొత్తంగా 54.2 ఓవర్ల ఆట మాత్రమే సాధ్యమైంది. మూడో సెషన్‌లో పట్టుదలగా నిలవాల్సిన పరిస్థితి... ఇన్నింగ్స్‌ కొనసాగి ఉంటే పరిస్థితి ఎలా ఉండేదో గానీ వర్షం రాకతో మ్యాచ్‌లో అనూహ్య విరామం వచ్చేసింది. మైదానం అనుకూలంగా లేకపోవడంతో మూడో సెషన్‌లో ఒక్క బంతి కూడా వేయకుండానే ఆటను రద్దు చేయాల్సి వచ్చింది.

సాక్షి, హైదరాబాద్‌ : ఆస్ట్రేలియా పర్యటనలో ఉన్న భారత యువ పేసర్‌ బౌలర్‌ మొహమ్మద్‌ సిరాజ్‌ ఇంట్లో విషాదం చోటు చేసుకుంది. అతని తండ్రి మొహమ్మద్‌ గౌస్‌ (53) శుక్రవారం మృతి చెందారు. కొంత కాలంగా ఆయన ఊపిరితిత్తులకు సంబంధించిన అనారోగ్యంతో బాధపడుతున్నారు. సిడ్నీలో ప్రాక్టీస్‌ సెషన్‌ ముగించిన తర్వాత కోచ్‌ రవిశాస్త్రి, కెప్టెన్‌ కోహ్లి కలిసి సిరాజ్‌కు ఈ సమాచారం అందించారు. ఐపీఎల్‌లో సిరాజ్‌ కోల్‌కతాపై జట్టుపై అద్భుత ప్రదర్శన (3/8) చేసిన రోజే అతని తండ్రి ఆస్పత్రిలో అడ్మిట్‌ అయినా... ఆ తర్వాత ఆయన కోలుకున్నారు. ఆటో డ్రైవర్‌గా పని చేసిన గౌస్‌ కుమారుడిని ఈ స్థాయికి చేర్చడంలో ఎంతో శ్రమించారు. అయితే ప్రస్తుతం ఆస్ట్రేలియాలో అమల్లో ఉన్న క్వారంటైన్‌ నిబంధనల కారణంగా సిరాజ్‌ హైదరాబాద్‌కు తిరిగి వచ్చే అవకాశం లేదు. దాంతో అతను తండ్రి అంత్యక్రియల్లో పాల్గొనే అవకాశం లేదు. ఈ పేసర్‌ టెస్టు సిరీస్‌ కోసమే జట్టులోకి ఎంపికయ్యాడు. ‘చాలా బాధగా ఉంది. పెద్ద దిక్కును కోల్పోయాను. భారత జట్టుకు ప్రాతినిధ్యం వహించాలనే ఆయన కోరికను తీర్చగలిగాను. జాతీయ జట్టు తరఫున నేను ఎప్పుడూ బాగా ఆడాలని ఆయన కోరుకున్నారు. నేను క్రికెటర్‌గా ఎదిగే క్రమంలో ఆయన ఎన్ని కష్టాలు పడ్డారో నాకు తెలుసు. ఇప్పుడు నేనున్న పరిస్థితిలో కోచ్, కెప్టెన్‌ నాకు ధైర్యం చెప్పారు’ అని సిరాజ్‌ స్పందించాడు.   

పోష్ స్ట్రూమ్ (దక్షిణాఫ్రికా): తమ జైత్రయాత్రను కొనసాగిస్తూ యువ భారత జట్టు అండర్‌–19 ప్రపంచకప్‌లో సెమీఫైనల్లోకి ప్రవేశించింది. గత ప్రపంచ కప్‌ రన్నరప్‌ ఆ్రస్టేలియాతో మంగళవారం జరిగిన క్వార్టర్‌ ఫైనల్లో డిఫెండింగ్‌ చాంపియన్‌ భారత్‌ 74 పరుగుల ఆధిక్యంతో ఘనవిజయం సాధించింది. మొదట భారత్‌ 50 ఓవర్లలో 9 వికెట్లకు 233 పరుగులు చేసింది. తర్వాత ఆ్రస్టేలియా 43.3 ఓవర్లలో 159 పరుగులకే కుప్పకూలింది. 2008 తర్వాత ఆస్ట్రేలియా జట్టు సెమీఫైనల్‌ చేరకపోవడం ఇదే తొలిసారి. ముందుగా భారత్‌ బ్యాటింగ్‌లో తడబడినా... యశస్వి జైస్వాల్‌ (82 బంతుల్లో 62; 6 ఫోర్లు, 2 సిక్స్‌లు), అథర్వ అంకోలేకర్‌ (54 బంతుల్లో 55 నాటౌట్‌; 5 ఫోర్లు, సిక్స్‌) జట్టును ఆదుకున్నారు. టాపార్డర్‌లో ఓపెనర్‌ దివ్యాన్ష్ (14) సహా తెలుగు కుర్రాడు ఠాకూర్‌ తిలక్‌వర్మ (2), కెప్టెన్‌ ప్రియమ్‌ గార్గ్‌ (15) విఫలమయ్యారు. ఈ దశలో లోయర్‌ ఆర్డర్‌లో అథర్వ... సిద్ధేశ్‌ వీర్‌ (42 బంతుల్లో 25; 4 ఫోర్లు), రవి బిష్ణోయ్‌ (31 బంతుల్లో 30; ఫోర్, సిక్స్‌)లతో కలిసి ఇన్నింగ్స్‌ను కుదుటపరిచాడు. 234 పరుగుల లక్ష్యంతో బరిలోకి దిగిన ఆ్రస్టేలియాను భారత పేసర్లు కార్తీక్‌ త్యాగి (4/24), ఆకాశ్‌ సింగ్‌ (3/30) హడలెత్తించారు. కార్తీక్‌ ధాటికి ఒకదశలో ఆసీస్‌ 17 పరుగులకే 4 వికెట్లను కోల్పోయింది. ఓపెనర్‌ సామ్‌ ఫానింగ్‌ (75; 7 ఫోర్లు, 3 సిక్స్‌లు), స్కాట్‌ (35; 2 ఫోర్లు, సిక్స్‌) పోరాటం చేసినా ఫలితం లేకపోయింది. కార్తీక్‌కు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది. ఈ గెలుపుతో అండర్‌–19 ప్రపంచకప్‌ చరిత్రలో వరుసగా పది విజయాలు సాధించిన తొలిజట్టుగా భారత్‌ గుర్తింపు పొందింది.

మహిళల క్రికెట్‌లో ఆ్రస్టేలియా పేసర్‌ మెగాన్‌ షుట్‌ అరుదైన ఘనతను నమోదు చేసింది. బుధవారం నార్త్‌సౌండ్‌లో వెస్టిండీస్‌ మహిళలతో జరిగిన మూడో వన్డేలో ఆమె ‘హ్యాట్రిక్‌’ సాధించింది. విండీస్‌ ఇన్నింగ్స్‌ 50వ ఓవర్‌ చివరి మూడు బంతులకు ఆమె మూడు వికెట్లు తీసింది. ఆసీస్‌కు వన్డేల్లో ఇదే తొలి హ్యాట్రిక్‌. గతేడాది భారత్‌తో ముంబైలో జరిగిన టి20 మ్యాచ్‌లో కూడా ‘హ్యాట్రిక్‌’ తీసిన ఘనత ఆమె సొంతం. తద్వారా అంతర్జాతీయ వన్డేలు, టి20ల్లో ‘హ్యాట్రిక్‌’ సాధించిన ఏకైక మహిళా క్రికెటర్‌గా మెగాన్‌ షుట్‌  రికార్డులకెక్కింది.

ఈసారి ప్రపంచ కప్‌ గెలిచే జట్లేవంటే? వచ్చే సమాధానం ‘ఇంగ్లండ్, భారత్, ఆస్ట్రేలియా’. కప్‌లో ఇప్పటి వరకు 13 మ్యాచ్‌లు జరగ్గా... టోర్నీని రక్తి కట్టించే ఆటతీరుకు పేరుగాంచిన ఈ మూడు ఫేవరెట్‌ జట్లు ఇంకా పరస్పరం తలపడాల్సి ఉంది. అభిమానులంతా ఎప్పుడెప్పుడా అని ఎదురుచూస్తున్న ఈ రసవత్తర అంకానికి ఆదివారంతో తెరలేవనుంది. లండన్‌లోని ఓవల్‌ మైదానం వేదికగా భారత్‌–ఆస్ట్రేలియా నేడు అమీతుమీ తేల్చుకోనున్నాయి. అఫ్గానిస్తాన్‌ను అలవోకగా ఓడించి, విండీస్‌కు ఎదురొడ్డి గెలిచిన కంగారూలు... దక్షిణాఫ్రికాపై విజయంతో ఆత్మవిశ్వాసంతో ఉన్న టీమిండియాలలో ఎవరు పైచేయి సాధిస్తారో వేచి చూడాలి. లండన్‌: పన్నెండో ప్రపంచ కప్‌లో ఫేవరెట్‌ జట్ల మధ్య ‘తొలి’ పోరుకు భారత్, ఆస్ట్రేలియా సిద్ధమయ్యాయి. అన్ని రంగాల్లో పటిష్టంగా ఉన్న ఈ రెండింటి మధ్య పోరు ఆసక్తికరంగా సాగడం ఖాయంగా కనిపిస్తోంది. ఈ మ్యాచ్‌లో గెలిచిన జట్టు టోర్నీలో మరింత ఆత్మవిశ్వాసంతో ముందుకెళ్తుంది. కీలకమైన సమరం కావడంతో ఇరు జట్లు గత మ్యాచ్‌లో ఆడిన తుది 11 మందితోనే బరిలో దిగనున్నట్లు తెలుస్తోంది. పరుగులకు లోటుండని ఓవల్‌ పిచ్‌పై చెలరేగేది రోహిత్, కోహ్లినా...? స్మిత్, వార్నరా...? చూడాలి. అతడూ జోరందుకుంటే... కప్‌ ప్రారంభానికి ముందు భారత్‌కు ఓపెనర్ల ఫామ్‌పై ఆందోళన నెలకొంది. దక్షిణాఫ్రికాపై ఏకంగా సెంచరీ బాది రోహిత్‌ శర్మ టచ్‌లోకి వచ్చాడు. మిగిలింది శిఖర్‌ ధావన్‌. ఐసీసీ ఈవెంట్లలో మెరుగ్గా రాణించే అతడు జోరందుకోవాల్సిన సమయం వచ్చింది. కెప్టెన్‌ కోహ్లి తన స్థాయి ఇన్నింగ్స్‌ ఆడితే ప్రత్యర్థి తేలిపోవడం ఖాయం. తర్వాతి బాధ్యత కేఎల్‌ రాహుల్, ధోని, కేదార్‌ జాదవ్‌లది. ఆఖర్లో చెలరేగేందుకు హార్దిక్‌ పాండ్యా ఉండనే ఉన్నాడు. రెండో పేసర్‌గా భువనేశ్వర్, షమీ మధ్య మ్యూజికల్‌ చైర్‌ నడుస్తోంది. ఆసీస్‌కు కళ్లెం వేయడంలో బుమ్రా–షమీ ద్వయమే మేలనే భావన ఉంది. కానీ, జట్టు భువీ వైపే మొగ్గుతోంది. తొలి మ్యాచ్‌లో అతడు రెండో స్పెల్‌లో అవసరమైన సమయంలో వికెట్లు తీశాడు. ఓవల్‌ పిచ్‌పై జాదవ్‌ స్పిన్‌తో పెద్దగా ప్రయోజనం ఉండదనుకుంటే విజయ్‌ శంకర్‌కు అవకాశం రావొచ్చు. సఫారీలపై నాలుగు వికెట్లు తీసిన యజువేంద్ర చహల్‌... తనకు మెరుగైన రికార్డు లేని కంగారూలను ఎలా కట్టడి చేస్తాడో చూడాలి. కుల్దీప్‌ యాదవ్‌ను ఎదుర్కొనడంలో ఆస్ట్రేలియా గతంలో తడబడింది. అతడిని ఆయుధంగా చేసుకుని ప్రత్యర్థి బ్యాటింగ్‌ ఆర్డర్‌ను దెబ్బకొట్టే ఆలోచన చేయాలి. ఆసీస్‌... ఆత్మవిశ్వాసంతో సరిగ్గా ప్రతిష్టాత్మక కప్‌ ముందు గాడిలో పడ్డ ఆస్ట్రేలియాకు తమ శక్తిసామర్థ్యాలను మరింత పరీక్షించుకునే అవకాశం భారత్‌తో మ్యాచ్‌ ద్వారా లభించనుంది. ప్రధాన బ్యాట్స్‌మెన్‌ వార్నర్, స్మిత్‌ అర్ధసెంచరీలతో ఫామ్‌ చాటుకోగా... కెప్టెన్‌ ఆరోన్‌ ఫించ్, ఖాజా ఇంకా గాడిలో పడలేదు. మ్యాక్స్‌వెల్‌ కూడా రాణించాల్సి ఉంది. గత మ్యాచ్‌లో వికెట్‌ కీపర్‌ క్యారీ, కూల్టర్‌ నైల్‌ జట్టు బ్యాటింగ్‌ లోతేమిటో చాటారు. స్టొయినిస్‌ ఆల్‌ రౌండ్‌ పాటవం, పేసర్లు స్టార్క్, కమిన్స్‌ ఫామ్‌ ఆసీస్‌కు పెద్ద బలం. లెగ్‌ స్పిన్నర్‌ ఆడమ్‌ జంపాకు తోడుగా నాథన్‌ లయన్‌ను దింపాలనుకుంటే కూల్టర్‌ నైల్‌ను తప్పించాలి. గత మ్యాచ్‌ గెలుపులో కీలకంగా నిలిచిన అతడిని పక్కన పెడతారా? అన్నది ప్రశ్న. పేసర్లు రాణిస్తే భారత్‌ను నియంత్రించడం కష్టం కాదని కంగారూలు లెక్కలేస్తున్నారు.   షార్ట్‌ బంతులతో పడగొట్టాలి షార్ట్‌ బంతులను ఆడటంలో ఆసీస్‌ బ్యాట్స్‌మెన్‌ ఇబ్బంది పడుతున్నారు. వార్నర్, ఫించ్, ఖాజాలు కరీబియన్‌ పేసర్ల ధాటికి నిలవలేకపోయారు. ఓ బంతి ఖాజా హెల్మెట్‌ను బలంగా  తాకింది. ఈ బలహీనతను ఆసీస్‌ సహాయ కోచ్‌ పాంటింగ్‌ అంగీకరించాడు కూడా. టీమిండియా పేసర్లు దీనిని సొమ్ము చేసుకుంటే మ్యాచ్‌పై పట్టు సాధించవచ్చు. తేల్చేది బుమ్రానే! ఈ మ్యాచ్‌లో బుమ్రానే భారత్‌ తురుపుముక్క. బ్యాట్స్‌మెన్‌ ఏమాత్రం ఆడలేని విధంగా అతడు సంధిస్తున్న బంతులే దీనికి కారణం. బుమ్రా మొదట్లోనే చెలరేగి ఆసీస్‌ టాపార్డర్‌ పని పడితే చహల్, కుల్దీప్‌ స్థిరంగా వికెట్లు తీయగలరు. మొదట బౌలింగ్‌కు దిగితే గాలులు వీస్తున్న పరిస్థితుల్లో స్వింగ్‌తో భువనేశ్వర్‌ ప్రభావం చూపగలడు.   మన మీదే పుంజుకుని... రెండేళ్లలో 33 వన్డేలు ఆడితే ఎనిమిదింట్లోనే గెలుపు...! మూడు నెలల క్రితం ఆస్ట్రేలియా పరిస్థితిది. కానీ, మార్చిలో భారత్‌తో వన్డే సిరీస్‌ ద్వారా ఆ జట్టు తీరే మారిపోయింది. పరుగుల లేమితో కొట్టుమిట్టాడుతున్న కెప్టెన్‌ ఫించ్‌ సెంచరీల మీద సెంచరీలతో పూర్తి ఫామ్‌లోకి వచ్చాడు. ఖాజా ఏకంగా ప్రపంచ కప్‌ బెర్తే కొట్టేశాడు. టీమిండియాపై 0–2తో వెనుకబడి మరీ 3–2తో సిరీస్‌ నెగ్గిన ఊపులో పాకిస్తాన్‌ను వైట్‌వాష్‌ చేసింది ఆసీస్‌. వార్నర్, స్మిత్‌ చేరికతో ఇప్పుడు దుర్బేధ్యంగా మారింది. అటు పేస్‌ బౌలింగ్‌లో కమిన్స్‌ అత్యంత నిలకడగా రాణిస్తున్నాడు. స్టార్క్‌ విండీస్‌పై 5 వికెట్లతో సత్తా చాటాడు. ఈ మ్యాచ్‌ను చూసినవారికి... ఎలాంటి పరిస్థితుల్లోనూ విజయంపై ఆశలు వదులుకోని, ఎంతటి ఒత్తిడిలోనూ ప్రత్యర్థికి అవకాశం ఇవ్వని ఒకప్పటి అచ్చమైన ప్రొఫెషనలిస్ట్‌ ఆస్ట్రేలియా గుర్తొచ్చి ఉంటే ఆశ్చర్యం లేదు. ఈ నేపథ్యంలో కంగారూలను ఓడించాలంటే భారత్‌ పూర్తి శక్తి మేర ఆడాల్సి ఉంటుంది. ముఖాముఖి రికార్డు రెండు జట్ల మధ్య ఇప్పటివరకు 136 వన్డేలు జరగ్గా భారత్‌ 49 గెలిచింది. ఆస్ట్రేలియా 77 మ్యాచ్‌ల్లో విజయం సాధించింది. పదింట్లో ఫలితం తేలలేదు. ప్రపంచ కప్‌లో పదకొండు మ్యాచ్‌లకు గాను భారత్‌ మూడింట్లో, ఆసీస్‌ ఎనిమిది మ్యాచ్‌ల్లో నెగ్గాయి. పిచ్, వాతావరణం మ్యాచ్‌కు ఫ్లాట్‌ పిచ్‌ ఎదురుకానుంది. గత నాలుగేళ్లుగా ఇంగ్లండ్‌లో భారీ స్కోర్లకు ఓవల్‌ మైదానం వేదికగా నిలుస్తోంది. ఈసారీ దీనినే ఊహించవచ్చు. గాలులు వీస్తున్నప్పటికీ మొత్తమ్మీద వాతావరణం పొడిగా ఉండనుంది. వర్షానికి అవకాశం లేదు. తుది జట్లు భారత్‌: రోహిత్‌ శర్మ, శిఖర్‌ ధావన్, విరాట్‌ కోహ్లి (కెప్టెన్‌), రాహుల్, ధోని, కేదార్‌ జాదవ్, హార్దిక్, భువనేశ్వర్, చహల్, కుల్దీప్, బుమ్రా.   ఆస్ట్రేలియా: ఫించ్‌ (కెప్టెన్‌), వార్నర్, ఉస్మాన్‌ ఖాజా, స్మిత్, మ్యాక్స్‌వెల్, స్టొయినిస్, క్యారీ, కూల్టర్‌ నైల్, కమిన్స్, స్టార్క్, ఆడమ్‌ జంపా.     

మ్యాచ్‌కు ముందు పుల్వామా ఘటనకు సంతాపంగా ఇరు జట్ల ఆటగాళ్లు రెండు నిమిషాల మౌనం పాటించారు. కానీ మ్యాచ్‌లో కూడా ఎక్కువ భాగం మైదానంలో ఇలాంటి నిశ్శబ్ద వాతావరణమే కనిపించింది. భారత్‌ బ్యాటింగ్‌ చేసినంత సేపు మెరుపులు లేకపోగా... ఫీల్డింగ్‌ సమయంలో ఒక దశలో ఓటమి వెంటాడుతుండగా వైజాగ్‌ అభిమానులు తీవ్ర నిరాశకు గురయ్యారు. చివర్లో కొంత ఉత్సాహం వచ్చినా ఆఖరికి ఓటమితోనే విశాఖ ప్రేక్షకులు వెనుదిరగాల్సి వచ్చింది. చివరి ఓవర్లో ఆసీస్‌ విజయానికి 14 పరుగులు కావాలి. టెయిలెండర్లు క్రీజ్‌లో ఉండగా ఉమేశ్‌ చేతిలో బంతి. అంతకుముందు ఓవర్లో 2 పరుగులే ఇచ్చి 2 వికెట్లు తీసిన బుమ్రా తానేమిటో చూపిస్తే ఉమేశ్‌ తాను ఏం చేయగలడో అదే తప్పు చేశాడు. అతని పేలవ బౌలింగ్‌లో కమిన్స్, రిచర్డ్సన్‌ చెరో ఫోర్‌ బాదారు. చివరి బంతికి 2 పరుగులు అవసరం కాగా, రాహుల్‌ త్రో సరైన వైపు వెళ్లకపోవడంతో ఆసీస్‌ రెండో పరుగును విజయవంతంగా పూర్తి చేసుకొని విజయతీరాలకు చేరింది.    విశాఖపట్నం నుంచి సాక్షి క్రీడా ప్రతినిధి  : టి20ల్లో వరుసగా 61 బంతుల పాటు భారత్‌ బౌండరీని బాదకపోవడం చాలా అరుదు. ఆదివారం ఇలాంటి ఇన్నింగ్సే ఆడిన టీమిండియా ముందే ఓటమిని ఆçహ్వానించింది. చివర్లో కొంత ప్రయత్నించినా లాభం లేకపోయింది. ఫలితంగా తొలి టి20లో ఆస్ట్రేలియా 3 వికెట్ల తేడాతో భారత్‌ను ఓడించింది. టాస్‌ ఓడి ముందుగా భారత్‌ 20 ఓవర్లలో 7 వికెట్ల నష్టానికి 126 పరుగులే చేయగలిగింది. రాహుల్‌ (36 బంతుల్లో 50; 6 ఫోర్లు, 1 సిక్స్‌) అర్ధ సెంచరీ సాధించగా... ధోని (37 బంతుల్లో 29 నాటౌట్‌; 1 సిక్స్‌), కోహ్లి (17 బంతుల్లో 24; 3 ఫోర్లు) ఫర్వాలేదనిపించారు. రాహుల్, కోహ్లి కలిసి రెండో వికెట్‌కు 37 బంతుల్లో 55 పరుగులు జోడించారు. ‘మ్యాన్‌ ఆఫ్‌ ద మ్యాచ్‌’ కూల్టర్‌ నీల్‌ 3 వికెట్లతో భారత్‌ను దెబ్బ తీశాడు. అనంతరం ఆస్ట్రేలియా 20 ఓవర్లలో 7 వికెట్లకు 127 పరుగులు చేసింది.  మ్యాక్స్‌వెల్‌ (43 బంతుల్లో 56; 6 ఫోర్లు, 2 సిక్సర్లు), డార్సీ షార్ట్‌ (37 బంతుల్లో 37; 5 ఫోర్లు) కీలక ఇన్నింగ్స్‌లు ఆడారు. వీరిద్దరు మూడో వికెట్‌కు 68 బంతుల్లో 84 పరుగులు జత చేశారు. రెండో టి20 బుధవారం బెంగళూరులో జరుగుతుంది. ఈ మ్యాచ్‌తో పంజాబ్‌ ఆటగాడు మయాంక్‌ మార్కండే అంతర్జాతీయ క్రికెట్‌లో అరంగేట్రం చేశాడు. భారత్‌ తరఫున టి20లు ఆడిన 79వ ఆటగాడిగా గుర్తింపు పొందాడు.   మిడిలార్డర్‌ విఫలం...  బెహ్రన్‌డార్ఫ్‌ వేసిన తొలి ఓవర్లో చేసిన ఒకే పరుగుతో భారత్‌ ఇన్నింగ్స్‌ ప్రారంభం కాగా... రిచర్డ్సన్‌ తర్వాతి రెండు ఓవర్లలో రాహుల్‌ రెండేసి ఫోర్లు కొట్టి దూకుడు ప్రదర్శించాడు. మరోవైపు రోహిత్‌ (5) ఎక్కువ సేపు నిలబడలేకపోయాడు. ఆ తర్వాత కోహ్లి ఐదు బంతుల వ్యవధిలో మూడు ఫోర్లు బాది జోరును ప్రదర్శించాడు. పవర్‌ప్లే ముగిసేసరికి భారత్‌ స్కోరు 49 పరుగులకు చేరింది. అనంతరం ఆడమ్‌ జంపా బౌలింగ్‌లో భారీ షాట్‌కు ప్రయత్నించి కోహ్లి లాంగాన్‌లో క్యాచ్‌ ఇచ్చాడు. అనంతరం తన స్వీయ తప్పిదం, బెహ్రన్‌డార్ఫ్‌ అద్భుత ఫీల్డింగ్‌ కలగలిసి రిషభ్‌ పంత్‌ (3) రనౌట్‌కు కారణమయ్యాయి. ఆ తర్వాత భారత ఇన్నింగ్స్‌ తడబాటు కొనసాగింది. 35 బంతుల్లో అర్ధ సెంచరీ పూర్తి చేసుకున్న రాహుల్‌తో పాటు దినేశ్‌ కార్తీక్‌ (1)ను ఒకే ఓవర్లో కూల్టర్‌ నీల్‌ ఔట్‌ చేశాడు. కృనాల్‌ పాండ్యా (1) విఫలం కాగా, ఉమేశ్‌ యాదవ్‌ (2) కూడా నిలవలేదు. మరో ఎండ్‌లో ధోని కొంత పోరాడే ప్రయత్నం చేసినా అందులోనూ దూకుడు కనిపించలేదు. ఎన్నో సార్లు భారీ షాట్లకు ప్రయత్నించి అతను విఫలమయ్యాడు. సింగిల్స్‌ తీసే అవకాశం ఉన్నా... చహల్‌ (0 నాటౌట్‌)ను వారించి తనే బాధ్యత తీసుకోబోయాడు. ఎట్టకేలకు తాను ఎదుర్కొన్న 33వ బంతికి ధోని సిక్సర్‌ కొట్టినా... అది జట్టు భారీ స్కోరుకు సరిపోలేదు. తొమ్మిదో ఓవర్‌ చివరి బంతికి రాహుల్‌ సిక్సర్‌ కొడితే... చివరి ఓవర్‌ రెండో బంతిని ధోని సిక్స్‌గా మలచే వరకు భారత్‌ ఒక్క బౌండరీ కూడా కొట్టలేదంటే పరిస్థితి అర్థమవుతుంది.   భారీ భాగస్వామ్యం...  స్వల్ప లక్ష్య ఛేదనలో ఆస్ట్రేలియాకు పేలవ ఆరంభం లభించింది. చహల్‌ ఫీల్డింగ్‌కు స్టొయినిస్‌ (1) రనౌట్‌ కాగా,  బుమ్రా బౌలింగ్‌లో తొలి బంతికే ఫించ్‌ (0) ఎల్బీగా వెనుదిరిగాడు. రివ్యూలో కూడా ఫలితం లేకపోవడంతో 5 పరుగుల వద్దే ఆసీస్‌ రెండో వికెట్‌ కోల్పోయింది. అయితే కొద్ది సేపట్లోనే భారత్‌కు ఈ ఆనందం దూరమైంది. షార్ట్, మ్యాక్స్‌వెల్‌ కలిసి భారత బౌలర్లపై చెలరేగారు. ముఖ్యంగా మ్యాక్స్‌వెల్‌ తనదైన శైలిలో దూకుడు ప్రదర్శించాడు. ఉమేశ్‌ వేసిన ఓవర్లో మూడు ఫోర్లు కొట్టిన అతను చహల్‌ ఓవర్లో వరుసగా సిక్స్, ఫోర్‌ బాదాడు. అదే జోరులో 40 బంతుల్లో హాఫ్‌ సెంచరీ మార్క్‌ను అందుకున్నాడు. చహల్‌ బౌలింగ్‌లో మరో భారీ షాట్‌కు ప్రయత్నించి మ్యాక్స్‌వెల్‌ లాంగాఫ్‌లో క్యాచ్‌ ఇవ్వడంతో భారీ భాగస్వామ్యం ముగిసింది. కొద్ది సేపటితో హ్యండ్స్‌కోంబ్‌ (13)తో సమన్వయ లోపంతో షార్ట్‌ కూడా వెనుదిరిగాడు. ఛేదనలో తడబాటుకు గురై 12 పరుగుల వ్యవధిలో 4 వికెట్లు కోల్పోయిన ఆ జట్టు ఓటమి ఖాయమనిపించింది. అయితే చివరి బంతికి విజయంతో ఆసీస్‌ గట్టెక్కింది. ► 4 టి20ల్లో భారత్‌పై చివరి బంతికి ప్రత్యర్థి జట్టు నెగ్గడం ఇది నాలుగోసారి. న్యూజిలాండ్‌ (2009లో; లక్ష్యం 150), శ్రీలంక (2010లో; లక్ష్యం 164), ఇంగ్లండ్‌ (2014లో; లక్ష్యం 178), ఆస్ట్రేలియా (2019లో; లక్ష్యం 127) ఈ ఘనత సాధించాయి.    

టెస్టుల్లో తొలిసారి అద్భుత రీతిలో సిరీస్‌ సొంతం... వర్షం అడ్డురాకపోతే టి20 సిరీస్‌ కూడా మన ఖాతాలో చేరేదే... ఇప్పుడు మొదటి సారి వన్డే సిరీస్‌ సైతం దక్కింది... గతంలో ఏ భారత జట్టుకూ సాధ్యం కాని ఘనతను కోహ్లి సేన చేసి చూపిస్తూ ఆస్ట్రేలియా నుంచి అజేయంగా తిరిగొచ్చింది. కంగారూ గడ్డపై ఒకే పర్యటనలో ఏ ఫార్మాట్‌లోనూ సిరీస్‌ ఓడని తొలి విదేశీ జట్టుగా ఘనత సాధించింది. వరల్డ్‌ కప్‌ సన్నాహకాల బాటలో మరపురాని విజయం భారత్‌ సొంతమైంది.  టి20 టీమ్‌తో పాటు ఆస్ట్రేలియా వచ్చిన యజువేంద్ర చహల్‌కు ఒక్క మ్యాచ్‌ కూడా ఆడే అవకాశం రాకుండానే తిరిగి వెళ్లిపోయాడు. వన్డే టీమ్‌తో చేరాక తొలి రెండు మ్యాచ్‌లకు చోటుదక్కలేదు. కానీ తనకు దక్కిన ఒకే ఒక్క చాన్స్‌ను అతను అద్భుతంగా వాడుకున్నాడు. 6 వికెట్లతో ఆసీస్‌ పని పట్టి టీమిండియా విజయానికి బాటలు వేశాడు. తన కెరీర్‌లో అత్యుత్తమ బౌలింగ్‌ ప్రదర్శనతో పాటు ఆసీస్‌ గడ్డపై ఒక బౌలర్‌ అత్యుత్తమ గణాంకాలను అతను సమం చేశాడు.  వరుసగా మూడు వన్డేల్లో మూడు అర్ధసెంచరీలు... నా నుంచి ఇంకా ఏం ఆశిస్తారు అన్నట్లుగా విమర్శకులకు తన బ్యాట్‌తోనే మహేంద్ర సింగ్‌ ధోని సమాధానం చెప్పిన తీరు ఈ సిరీస్‌కే హైలైట్‌. ఛేదనలో చివరి వరకు అజేయంగా నిలిచి జట్టును గెలిపించడంలో తన అద్భుత రికార్డును నిలబెట్టుకుంటూ మహి మాయ చేశాడు. లక్ష్యం చిన్నదే అయినా పరిస్థితులకు తగినట్లుగా తన ఆటను మార్చుకుంటూ మరో విజయాన్ని అందించి ‘మ్యాన్‌ ఆఫ్‌ ద సిరీస్‌’గా నిలిచాడు.    మెల్‌బోర్న్‌: ఆస్ట్రేలియా పర్యటనకు భారత్‌ ఘనమైన ముగింపునిచ్చింది. కంగారూ టూర్‌లో టీమిండియా విసిరిన ఆఖరి పంచ్‌ సరిగ్గా లక్ష్యాన్ని తాకింది. మూడు వన్డేల సిరీస్‌ను 2–1తో గెలుచుకొని కోహ్లి బృందం మరోసారి తమ సత్తాను ప్రదర్శించింది. శుక్రవారం మెల్‌బోర్న్‌ క్రికెట్‌ గ్రౌండ్‌ (ఎంసీజీ)లో జరిగిన చివరి వన్డేలో భారత్‌ 7 వికెట్ల తేడాతో ఆస్ట్రేలియాను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన ఆస్ట్రే లియా 48.4 ఓవర్లలో 230 పరుగులకే ఆలౌటైంది. పీటర్‌ హ్యాండ్స్‌కోంబ్‌ (63 బంతుల్లో 58; 2 ఫోర్లు) అర్ధ సెంచరీ సాధించగా... షాన్‌ మార్ష్‌ (54 బంతుల్లో 39; 3 ఫోర్లు), ఉస్మాన్‌ ఖాజా (51 బంతుల్లో 34; 2 ఫోర్లు) ఫర్వాలేదనిపించారు. భారత లెగ్‌ స్పిన్నర్, ‘మ్యాన్‌ ఆఫ్‌ ద మ్యాచ్‌’ యజువేంద్ర చహల్‌ 42 పరుగులిచ్చి 6 వికెట్లు పడగొట్టడం విశేషం. అనంతరం భారత్‌ 49.2 ఓవర్లలో 3 వికెట్లకు 234 పరుగులు చేసి గెలిచింది. ధోని (114 బంతుల్లో 87 నాటౌట్‌; 6 ఫోర్లు), కేదార్‌ జాదవ్‌ (57 బంతుల్లో 61 నాటౌట్‌; 7 ఫోర్లు) నాలుగో వికెట్‌కు అభేద్యంగా 121 పరుగులు జోడించి జట్టును గెలిపించారు. కోహ్లి (62 బంతుల్లో 46; 3 ఫోర్లు) మరో కీలక ఇన్నింగ్స్‌ ఆడాడు. సిరీస్‌లో ధోని మొత్తం 193 పరుగులతో టాప్‌ స్కోరర్‌గా నిలిచాడు. ‘మ్యాన్‌ ఆఫ్‌ ద సిరీస్‌’ పురస్కారం అందుకున్నాడు. పలు క్యాచ్‌లు, రనౌట్‌ అవకాశాలు వృథా చేసి ఆస్ట్రేలియా చేజేతులా మ్యాచ్‌తో పాటు సిరీస్‌నూ కోల్పోయింది.   ‘చహల్‌’చల్‌...  టాస్‌ గెలిచిన భారత్‌ తేమను దృష్టిలో ఉంచుకొని ఫీల్డింగ్‌ ఎంచుకుంది. మూడు మార్పులు చేసిన జట్టు కుల్దీప్, రాయుడు, సిరాజ్‌ స్థానాల్లో చహల్, జాదవ్, విజయ్‌ శంకర్‌లకు అవకాశం ఇచ్చింది. 5 టి20లు ఆడిన విజయ్‌కు ఇది తొలి వన్డే కావడం విశేషం. వర్షంతో మ్యాచ్‌ పది నిమిషాలు ఆలస్యంగా ప్రారంభం కాగా... రెండు బంతులకే మళ్లీ వాన రావడంతో మరో 20 నిమిషాల పాటు ఆట నిలిచిపోయింది. తన రెండో ఓవర్లోనే అలెక్స్‌ క్యారీ (5)ని ఔట్‌ చేసి శుభారంభం అందించిన భువనేశ్వర్‌... కొద్ది సేపటికే ఫించ్‌ (14) ఆట కూడా ముగించాడు. వరుసగా మూడో మ్యాచ్‌లోనూ ఆసీస్‌ కెప్టెన్‌ భువీ బౌలింగ్‌లోనే ఔట్‌ కావడం గమనార్హం. ఈ దశలో ఖాజా, మార్ష్‌ కలిసి అతి జాగ్రత్తగా ఆడుతూ జట్టును ఆదుకునే ప్రయత్నం చేశారు. 11 పరుగుల వద్ద మార్ష్‌ ఇచ్చిన క్యాచ్‌ను ధోని వదిలేశాడు. అయితే చహల్‌ రంగప్రవేశంతో పరిస్థితి ఒక్కసారిగా మారిపోయింది. మొదటి స్పెల్‌లో మూడు వికెట్లు తీసిన అతను, తన రెండో స్పెల్‌లో మరో మూడు వికెట్లు పడగొట్టాడు. చహల్‌ తొలి ఓవర్లోనే మార్ష్‌, ఖాజా వెనుదిరిగారు. ఆ తర్వాత మరో చక్కటి బంతికి స్టొయినిస్‌ (10)ను కూడా చహల్‌ ఔట్‌ చేశాడు. మరో ఎండ్‌లో హ్యాండ్స్‌కోంబ్‌ మాత్రం కొంత పోరాడే ప్రయత్నం చేసినా ఇతర బ్యాట్స్‌మెన్‌ నుంచి అతనికి సహకారం లభించలేదు. దూకుడుగా ఆడే ప్రయత్నం చేసిన మ్యాక్స్‌వెల్‌ (19 బంతుల్లో 26; 5 ఫోర్లు)... షమీ బౌలింగ్‌లో భువీ అద్భుత క్యాచ్‌కు పెవిలియన్‌ చేరాడు. ఆ తర్వాత మళ్లీ చహల్‌ జోరు మొదలైంది. రిచర్డ్‌సన్‌ (16)ను ఔట్‌ చేసిన అనంతరం హ్యాండ్స్‌కోంబ్‌ను వికెట్ల ముందు దొరకబుచ్చుకొని ఐదో వికెట్‌ను తన ఖాతాలో వేసుకున్నాడు.   భారీ భాగస్వామ్యం...  స్వల్ప లక్ష్యమే అయినా పిచ్‌ పరిస్థితుల దృష్ట్యా భారత బ్యాట్స్‌మెన్‌కు పరుగులు అంత సులువుగా రాలేదు. ఫలితంగా చివరి ఓవర్లోనే విజయం సాధ్యమైంది. వ్యక్తిగత స్కోరు 1 వద్ద ‘రివ్యూ’ ద్వారా ఎల్బీగా ఔట్‌ కాకుండా తప్పించుకున్నా... రోహిత్‌ శర్మ (9) ఎక్కువ సేపు నిలవలేకపోయాడు. 14 పరుగుల వద్ద కోహ్లి ఇచ్చిన క్యాచ్‌ను స్లిప్‌లో హ్యాండ్స్‌కోంబ్‌ వదిలేయగా, ఆరంభం నుంచి తడబడ్డ  ధావన్‌ (46 బంతుల్లో 23) చివరకు స్టొయినిస్‌కు రిటర్న్‌ క్యాచ్‌ ఇచ్చి వెనుదిరిగాడు. తర్వాతి బంతికే మ్యాక్స్‌వెల్‌ సునాయాస క్యాచ్‌ వదిలేయడంతో ధోని ‘డకౌట్‌’ కాకుండా బయట పడ్డాడు. ధోని 34 వద్ద ఉన్నప్పుడు సిడిల్‌ బౌలింగ్‌లో ముందుకొచ్చి షాట్‌ ఆడగా పాయింట్‌లో మ్యాక్స్‌వెల్‌ క్యాచ్‌ పట్టాడు. అయితే ఆసీస్‌ గట్టిగా అప్పీల్‌ చేయలేదు. రీప్లేలో బంతి ధోని బ్యాట్‌కు తగిలిందని తేలడంతో ఆసీస్‌ మరో అవకాశం కోల్పోయింది. చివరకు కోహ్లిని రిచర్డ్‌సన్‌ ఔట్‌ చేయడంతో 54 పరుగుల పార్ట్‌నర్‌షిప్‌ ముగిసింది. ధోని, కోహ్లి భాగస్వామ్యం 82 బంతుల పాటు సాగగా... కోహ్లి 26 బంతులు మాత్రమే ఎదుర్కొన్నాడు! ఈ దశలో జట్టును గెలిపించే బాధ్యత తీసుకున్న ధోని, జాదవ్‌ జోడి చివరి వరకు అజేయంగా నిలిచి విజయాన్ని అందించింది. 74 బంతుల్లో ధోని 70వ అర్ధ సెంచరీ... 52 బంతుల్లో జాదవ్‌  హాఫ్‌ సెంచరీ పూర్తయ్యాయి. భారత్‌ 3 ఓవర్లలో 27 పరుగులు చేయాల్సిన దశలో ధోని క్యాచ్‌ను మిడాఫ్‌లో ఫించ్‌ వదిలేశాడు. రెండు ఓవర్లలో 13 చొప్పున భారత్‌ 26 పరుగులు రాబట్టగా... ఆఖరి ఓవర్‌ రెండో బంతికి ఫోర్‌ కొట్టి జాదవ్‌ మ్యాచ్‌ను ముగించాడు.  ► 48 లక్ష్య ఛేదనలో ధోని నాటౌట్‌గా నిలవడం ఇది 48వసారి. ఇందులో భారత్‌ 46 సార్లు గెలవగా ఒక సారి ఓడింది. మరో మ్యాచ్‌ ‘టై’గా ముగిసింది. ►  103.07 ఛేదనలో భారత జట్టు గెలిచినప్పుడు ధోని సగటు. వందకు పైగా సగటు ఉన్న ఆటగాడు అతనొక్కడే. తర్వాతి స్థానంలో కోహ్లి (97.98) ఉన్నాడు.   ►  3 ఒకే సిరీస్‌లో ధోని మూడు హాఫ్‌ సెంచరీలు చేయడం  ఇది మూడో సారి. గతంలో ఇంగ్లండ్‌లో (2011), న్యూజిలాండ్‌లో (2014) అతను ఈ ఘనత సాధించాడు.   ►  1 ఆస్ట్రేలియా గడ్డపై ద్వైపాక్షిక వన్డే సిరీస్‌ నెగ్గడం భారత్‌కిదే తొలిసారి.   భారత క్రికెట్‌ పట్ల ధోనికి ఉన్న అంకితభావం గురించి ఎంత చెప్పినా తక్కువే. అతను కీలక పరుగులు సాధించడం పట్ల జట్టంతా సంతోషంగా ఉంది. దీంతో అతని ఆత్మవిశ్వాసం కూడా పెరుగుతుంది. బయటి వ్యక్తులు ఎన్నో మాటలు చెబుతుంటారు. కానీ వాటిని పట్టించుకోవాల్సిన అవసరం లేదు. దేశానికి ఎంతో చేసిన ధోనిని తన మానాన వదిలేయండి. అతను చాలా తెలివైనవాడు. తాను ఏం చేయాలో అతనికి బాగా తెలుసు. ఈ టూర్‌ చాలా అద్భుతంగా గడిచింది. రెండు ఫార్మాట్‌లు గెలిచి మూడో దాంట్లో సమంగా నిలిచాం. ఆస్ట్రేలియా రావడానికి ముందు ఇలాంటి ఫలితం గురించి ఎవరైనా చెప్పి ఉంటే నేను కూడా ఆశ్చర్యపోయేవాడినేమో.             – కోహ్లి, భారత కెప్టెన్‌   ప్రైజ్‌మనీ లేదా!   గావస్కర్‌ విమర్శ వన్డే సిరీస్‌ విజేతగా నిలిచిన జట్టుకు ఎలాంటి ప్రైజ్‌మనీ లేకపోవడాన్ని మాజీ కెప్టెన్‌ సునీల్‌ గావస్కర్‌ తప్పు పట్టారు. మ్యాన్‌ ఆఫ్‌ ద మ్యాచ్, మ్యాన్‌ ఆఫ్‌ ద సిరీస్‌లకు చెరో 500 డాలర్లు ఇవ్వగా... జట్టుకు మాత్రం ఆసీస్‌ బోర్డు ట్రోఫీతోనే సరి పెట్టింది. ‘500 డాలర్లు ఇవ్వడం ఏమిటి. పైగా జట్టుకు ఏమీ లేదు. నిర్వాహకులు ప్రసారహక్కుల ద్వారా భారీ మొత్తం ఆర్జిస్తారు. ఆటగాళ్లకు ప్రైజ్‌మనీ కూడా ఇవ్వలేరా. ఆటలో డబ్బులు వస్తున్నాయంటే అందుకు క్రికెటర్లే కారణం కాదా’ అని గావస్కర్‌ ప్రశ్నించారు.    

భారత జట్టు ఇలా ఎలా విజయం సాధించగలిగింది? విదేశీ గడ్డపై ఇంతగా ఎలా బెంబేలెత్తించగలిగింది? అదీ ఆస్ట్రేలియాలాంటి చోట వారికంటే మెరుగైన బౌలింగ్‌ ఎలా సాధ్యమైంది? అసలు ఇదంతా వాస్తవమేనా... సగటు క్రికెట్‌ అభిమానికి వచ్చే సందేహాలే ఇవి. కానీ ఆస్ట్రేలియాలో మూడు టెస్టుల తర్వాత అందరికీ సమాధానం లభించింది. భారత పేస్‌ బౌలర్లు అన్ని రంగాల్లో కంగారూ పేసర్లకంటే మెరుగైన ప్రదర్శన కనబర్చిన వేళ విజయం పరుగెత్తుకుంటూ వచ్చి వాలింది. ఆసీస్‌ పేసర్లతో పోలిస్తే పడగొట్టిన వికెట్లు, బంతిని స్వింగ్‌ చేసిన తీరు, గుడ్‌లెంగ్త్‌ బంతులు, సరిగ్గా వికెట్లపైకి దూసుకొచ్చిన బంతులు... ఇలా ఏ అంశం తీసుకున్నా మన ‘ముగ్గురు మొనగాళ్లు’ ప్రత్యర్థి ఫాస్ట్‌ బౌలర్లపై ఆధిపత్యం ప్రదర్శించారు. బుమ్రా, షమీ, ఇషాంత్‌ శర్మల ప్రదర్శన ముందు స్టార్క్, హాజల్‌వుడ్, కమిన్స్‌ చిన్నబోయారు!  అయితే ఇది ఆస్ట్రేలియాలోనే మొదలు కాలేదు. 2018లో మూడు ప్రతిష్టాత్మక విదేశీ పర్యటనల్లో సత్తా చాటి భారత్‌ను గెలిపించగలరని భావించిన మన పేసర్లు ఆ నమ్మకాన్ని నిలబెట్టారు. విదేశాల్లో 11 టెస్టు మ్యాచ్‌లు... ఇందులో 4 విజయాలు... భారత టెస్టు చరిత్రలో గతంలో ఏ జట్టుకూ సాధ్యం కాని ఘనత ఇది. సచిన్, ద్రవిడ్, లక్ష్మణ్, గంగూలీ, సెహ్వాగ్, జహీర్, కుంబ్లేలాంటి దిగ్గజాలు ఉన్న కాలంలో కూడా టీమిండియా ఒకే ఏడాది విదేశాల్లో ఇంత మంచి ప్రదర్శన కనబర్చలేకపోయింది.   ఈ ఏడాది విదేశాల్లో భారత జట్టు గెలిచిన నాలుగు టెస్టుల్లో పేసర్ల ప్రదర్శనను విశ్లేషిస్తే... జొహన్నెస్‌బర్గ్‌ టెస్టు తొలి ఇన్నింగ్స్‌లో బుమ్రా 5 వికెట్లతో చెలరేగితే... రెండో ఇన్నింగ్స్‌లో షమీ 5 వికెట్లు తీసి ప్రత్యర్థి పని పట్టాడు. నాటింగ్‌హామ్‌ టెస్టు తొలి ఇన్నింగ్స్‌లో ఇంగ్లండ్‌ను 161 పరుగులకే కుప్పకూల్చి విజయానికి బాటలు పరచడంలో 5 వికెట్లతో హార్దిక్‌ పాండ్యా కీలక పాత్ర పోషించాడు. రెండో ఇన్నింగ్స్‌లో మళ్లీ బుమ్రా తన సత్తా చాటాడు. 5 వికెట్లు తీసి తన విలువేంటో చూపించాడు. అడిలైడ్‌ టెస్టులో ఐదు వికెట్ల ఘనతలు లేకపోయినా మన ముగ్గురు పేసర్లు కూడా కీలక సమయాల్లో వికెట్లు తీసి పట్టు చేజారకుండా ఉంచగలిగారు. ఇక మెల్‌బోర్న్‌లో అయితే బుమ్రా మెరుపులకు ఇషాంత్, షమీ జోరు కూడా తోడైంది. 1991–92 ఆస్ట్రేలియా సిరీస్‌లో ఐదు టెస్టుల్లో కలిపి భారత పేసర్లు 57 వికెట్లు తీస్తే ఇప్పుడు మూడు టెస్టుల్లోనే 47 వికెట్లు పడగొట్టడం విశేషం. గతంలో విదేశాల్లో భారత్‌ ఎప్పుడు పర్యటించినా ఒకరు లేదా ఇద్దరు పేసర్లు ఉండటం, వారిలోనూ ఒకరి వ్యక్తిగత ప్రదర్శన మాత్రమే హైలైట్‌ అయ్యేవి. ఇంత సమష్టిగా ఒకరితో మరొకరు పోటీ పడి రాణించడం ఎప్పుడూ జరగలేదు. ఇప్పుడు అది సాధ్యం కావడం వల్లే ఇలాంటి ఫలితాలు వచ్చాయి.   బౌలర్లతో సమావేశం జరిగేటప్పుడు నేను వాళ్లు చెప్పిందే వింటాను. విదేశాల్లో టెస్టులు గెలవాలంటే వారు తమ ఆలోచనల ప్రకారం మ్యాచ్‌ దిశను నడిపించాలని నేను భావిస్తా. మా పేసర్ల బౌలింగ్‌ చూస్తుంటే కెప్టెన్‌గా చాలా గర్వపడుతున్నా. వారంతా ఎంతో బాధ్యత తీసుకోవడంతో పాటు తమ సత్తాపై నమ్మకంతో చెలరేగిపోయారు. ఇదంతా వారి సమష్టి ప్రదర్శన వల్లే సాధ్యమైంది’                  –విరాట్‌ కోహ్లి

1947 నుంచి టీమిండియా 11 సార్లు ఆస్ట్రేలియాలో పర్యటించింది. 44 టెస్టులాడితే ఐదే గెలిచింది. వీటిలోనూ సిరీస్‌లోని మొదటి టెస్టును ఎన్నడూ నెగ్గలేదు. 2003–04 సిరీస్‌లో రెండో టెస్టును నెగ్గి ఆధిక్యంలో నిలవడమే ఇప్పటివరకు అత్యుత్తమం. ఈసారి మాత్రం పరిస్థితులు కలిసొస్తేనేమి? జట్టు బలంగా ఉన్నందుకైతేనేమి? కోహ్లి సేన తొలి మ్యాచ్‌లోనే నెగ్గి చరిత్ర సృష్టించింది. ఈ ప్రక్రియలో కొంత ఆలస్యమైనా, అద్భుతం అనదగ్గ రీతిలో ‘సిరీస్‌ వేట’ను ఆరంభించింది. ఇదే ఊపు కొనసాగిస్తే సిరీస్‌ గెలవాలనే చిరకాల కోరికను మూడో టెస్టులోపే ఖాయం చేసుకోవచ్చు.  వారు న్యాయం చేశారు...  జట్టు నుంచి పూర్తిగా తీసేయలేక, అలాగని మొత్తానికి కొనసాగించలేని పరిస్థితి పుజారా, రహానేలది. గత రెండు విదేశీ సిరీస్‌లలో వారికిదే అనుభవమైంది. ఇలాంటి పరిస్థితుల్లో ఆస్ట్రేలియా పర్యటన ఈ ఇద్దరికీ వ్యక్తిగతంగా చాలా కీలకం. కెప్టెన్‌ కోహ్లి సహా టాపార్డర్‌ విఫలమైన అత్యంత కీలక సందర్భాన తొలి ఇన్నింగ్స్‌లో శతకం బాదడం ద్వారా పుజారా తన సత్తా ఏమిటో చాటాడు. జట్టును సురక్షిత స్థానానికి చేర్చాడు. రెండో ఇన్నింగ్స్‌లోనూ అతడి పాత్రను తక్కువ చేయలేం. ఇక... ఆధిక్యాన్ని సాధ్యమైనంత మేర పెంచాల్సిన స్థితిలో రెండో ఇన్నింగ్స్‌లో రహానే చేసిన అర్ధశతకం మెచ్చుకోదగ్గది. ఇది అతడిలో ఆత్మవిశ్వాసాన్ని పెంచి ఉంటుందనడంలో సందేహం లేదు. ఈ ఇద్దరి రాణింపుతో కోహ్లి అరుదైన వైఫల్యం ప్రభావం చూపలేకపోయింది. తక్కువే అయినా, యువ రిషభ్‌ పంత్‌ చేసిన పరుగులూ విలువైనవే. ముఖ్యంగా రెండో ఇన్నింగ్స్‌లో అతడి ఎదురుదాడి మున్ముందు లయన్‌ లయను దెబ్బతీసేందుకు మిగతా బ్యాట్స్‌మెన్‌కు ఓ మార్గం చూపింది. రెండో ఇన్నింగ్స్‌లో చేసిన స్కోరుతో ఓపెనర్‌ కేఎల్‌ రాహుల్‌ తన స్థానాన్ని కనీసం మరో టెస్టుకైనా పొడిగించుకున్నాడు. బౌలర్ల సమష్టి ప్రదర్శనతో మన జోరును ఆపడం ఆతిథ్య జట్టు తరం కాలేదు. నోబాల్స్‌ సమస్యను పక్కన పెడితే ఇషాంత్‌ శర్మ ఎప్పటిలానే మెరుపు బంతులేయగా, కొంత ఇబ్బందిపడ్డా షమీ తర్వాత తేరుకుని ప్రభావం చూపాడు. అయితే, ముఖ్యంగా చెప్పుకోవాల్సింది అశ్విన్, బుమ్రా గురించే. కొంతకాలంగా విదేశీ పర్యటనల్లో వైఫల్యాలతో ఇబ్బంది ఎదుర్కొంటున్న అశ్విన్‌ ఈ టెస్టుతో దానిని అధిగమించాడు. పరిమిత ఓవర్ల మ్యాచ్‌ల్లోనే కాదు... సంప్రదాయ క్రికెట్‌లోనూ తాను ప్రమాదకారినని బుమ్రా చాటిచెప్పాడు. అడిలైడ్‌లో కీలక సమయంలో వికెట్లు తీసి మ్యాచ్‌ గతిని మార్చాడు.   ఆ రెండు స్థానాలే...  జట్టుగా సాధించిన ఈ విజయంలోనూ సరిచేసుకోవాల్సిన కొన్ని లోపాలున్నాయి. అందులో మొదటిది ఓపెనింగ్‌ స్థానం. మురళీ విజయ్‌ వైఫల్యాల నుంచి బయటపడలేదు. దీంతో స్థానం కోల్పోక తప్పని పరిస్థితి. రెండో టెస్టు నాటికి కోలుకుంటే పృథ్వీ షా అతడి స్థానంలోకి వచ్చేస్తాడు. ‘హిట్‌మ్యాన్‌’ రోహిత్‌ శర్మ అరుదైన అవకాశాన్ని మరోసారి చేజార్చుకున్నాడు. ధాటైన బ్యాటింగ్‌తో పరుగులు సాధించడం అటుంచి, టెస్టు క్రికెట్‌కు తగిన ఆటగాడేనా అన్న అనుమానాలు మళ్లీమళ్లీ రేకెత్తిస్తున్నాడు. దీంతో ఉపయుక్తమైన ఆఫ్‌స్పిన్‌ వేయగల హనుమ విహారిని కాదని... రోహిత్‌ను తీసుకోవడం ఎంతవరకు సమంజసం అన్న ప్రశ్నలు వస్తున్నాయి. బహుశా పెర్త్‌ టెస్టుకు రోహిత్‌నూ పక్కన పెట్టొచ్చు. ఈ నేపథ్యంలో కుదురుగా ఉన్న  పృథ్వీ, విహారి జత కలిస్తే జట్టు మరింత బలీయం కావడం ఖాయం. తద్వారా ‘సిరీస్‌’ దక్కడమూ ఖాయం.  –సాక్షి క్రీడావిభాగం  

3–0తో టి20 సిరీస్‌ విజయం. అదీ విదేశీ గడ్డపై... మేటి ఆటగాళ్లున్న జట్టు మీద! ఈ ఘనతను టీమిండియా 2016లో    ఆస్ట్రేలియాలోనే సాధించింది. మళ్లీ అదే చోట... గతానికి మించిన బలంతో బరిలో దిగనుందిప్పుడు. మరోవైపు నాటి నుంచి ప్రదర్శన నానాటికీ దిగజారి... ప్రధాన ఆటగాళ్లు దూరమై... పరాజయాలతో కుదేలై... అప్పుడప్పుడు మాత్రమే గెలుస్తోంది కంగారూ జట్టు! రికార్డులు, బలాబలాలు, ప్రస్తుత ఫామ్‌... ఇలా అన్నింట్లో ప్రత్యర్థిపై ఎన్నో రెట్లు మెరుగ్గా ఉంది కోహ్లి సేన. కాస్తోకూస్తో కలిసొచ్చే సొంతగడ్డ అనుకూలత తప్ప ఏ అంశంలోనూ ఆశావహంగా లేదు ఫించ్‌ బృందం. ఈ నేపథ్యంలో సుదీర్ఘ పర్యటనను విజయంతో ప్రారంభించేందుకు భారత్‌కు ఇదే సరైన సమయం.   బ్రిస్బేన్‌: అభిమానులంతా ఆసక్తిగా ఎదురుచూస్తున్న ఆస్ట్రేలియా పర్యటనకు నేటితో తెరలేవనుంది. మూడు మ్యాచ్‌ల టి20 సిరీస్‌లో భాగంగా బ్రిస్బేన్‌లోని గబ్బా మైదానంలో బుధవారం జరుగనున్న తొలి పోరులో భారత్‌... ఆసీస్‌ను ఢీ కొననుంది. ఇటీవలి కాలంలో మ్యాచ్‌కు ముందు రోజే జట్టును ప్రకటిస్తున్న టీమిండియా మరోసారి అదే పద్ధతి పాటించింది. ఓవైపు విరాట్‌ కోహ్లి సేన పూర్తిస్థాయి బలగంతో సంసిద్ధంగా ఉండగా, రాబోయే టెస్టు సిరీస్‌ను దృష్టిలో ఉంచుకుని ఆస్ట్రేలియా పలువురు ఆటగాళ్లకు విశ్రాంతినిచ్చింది. ఈ లెక్కన చూస్తే ఫించ్‌ నేతృత్వంలోని ఆతిథ్య జట్టుకు ఇది కఠిన పరీక్షే.  ఆ ఒక్కరు ఎవరు?  తుది జట్టుపై దాదాపు స్పష్టతతో ఉంది టీమిండియా. వెస్టిండీస్‌తో టి20 సిరీస్‌ నుంచి తప్పుకొన్న కెప్టెన్‌ కోహ్లి తిరిగి రావడంతో మనీశ్‌ పాండేను తప్పించింది. ఓపెనర్లు రోహిత్‌ శర్మ, శిఖర్‌ ధావన్, కేఎల్‌ రాహుల్, దినేశ్‌ కార్తీక్, వికెట్‌ కీపర్‌ రిషభ్‌ పంత్‌లతో బ్యాటింగ్‌ దుర్బేధ్యంగా ఉంది. అయితే... ఇన్‌స్వింగర్లు, షార్ట్‌ బంతులతో రోహిత్‌ను పరీక్షించాలని ఆసీస్‌ భావిస్తోంది. ఈ సవాల్‌ను ‘హిట్‌మ్యాన్‌’ ఏ మేరకు ఛేదిస్తాడో చూడాలి. ధావన్‌తో కలిసి అతడు శుభారంభం అందిస్తే తర్వాత వచ్చేవారి పని సులభం అవుతుంది. పిచ్‌ పరిస్థితులరీత్యా భువనేశ్వర్, జస్‌ప్రీత్‌ బుమ్రా, ఖలీల్‌ అహ్మద్‌ల పేస్‌ త్రయం బరిలో దిగడం ఖాయం. స్పిన్‌ ద్వయం ఎవరనేదే తేలాల్సి ఉంది. కృనాల్‌ పాండ్యాను ఆల్‌రౌండర్‌ కోటాలో పరిగణిస్తే, మిగిలిన ఒక్క బెర్తుకు కుల్దీప్, చహల్‌లలో ఒకరిని ఎంచుకోవాలి. వైవిధ్యంరీత్యా కుల్దీప్‌ వైపే మొగ్గు చూపొచ్చు.  ఆసీస్‌... స్పిన్నర్‌ లేకుండానే?  ఇటీవల టి20ల్లో ఏ జట్టూ ఎదుర్కోనన్ని పరాజయాలను చవిచూసింది ఆస్ట్రేలియా. ఇంగ్లండ్, పాకిస్తాన్, దక్షిణాఫ్రికా చేతుల్లో ఓటమి పాలైంది. ఒక స్వరూపమే లేదన్నట్లుందా జట్టు. దీనికి తగ్గట్లు ఈ సిరీస్‌ నుంచి పేసర్లు మిషెల్‌ స్టార్క్, హాజిల్‌వుడ్, కమ్మిన్స్‌తో పాటు స్పిన్నర్‌ నాథన్‌ లయన్‌కు విశ్రాంతినిచ్చింది. ఇక డీ ఆర్సీ షార్ట్, క్రిస్‌ లిన్, మ్యాక్స్‌వెల్, స్టొయినిస్‌... వీరంతా మెరుపు ఇన్నింగ్స్‌ ఆడగలవారే అయినా ఒక్కరికీ నిలకడ లేదు. ఫించ్‌ మినహా ఎవరిపైనా భరోసా పెట్టుకోలేని పరిస్థితి. ఈ బ్యాటింగ్‌ లైనప్‌కు భారత బౌలింగ్‌ను ఎదుర్కొనడం సవాలే. ‘గబ్బా’ పిచ్‌ బౌన్స్‌ కారణంగా పేస్‌నే నమ్ము కుని స్పెషలిస్ట్‌ స్పిన్నర్‌ లేకుండానే ఆడనున్నట్లు కనిపిస్తోంది. మ్యాక్స్‌వెల్‌ మాత్రమే ఏకైక స్పిన్నర్‌.  బుమ్రాకిది ప్రత్యేకం  దాదాపు మూడేళ్ల క్రితం ఆస్ట్రేలియా గడ్డపైనే అంతర్జాతీయ టి20 క్రికెట్‌లో అరంగేట్రం చేశాడు భారత పేసర్‌ జస్‌ప్రీత్‌ బుమ్రా. మూడు మ్యాచ్‌ల్లో 6 వికెట్లు తీశాడు. అప్పటి నుం చి వెనుదిరిగి చూడాల్సిన అవసరం రాలేదతడికి. తర్వాత వన్డే, టెస్టు జట్లలో కీలకమయ్యాడు.  అహో!  ఆ సిరీస్‌..  2016 పర్యటనలో మహేంద్ర సింగ్‌ ధోని నేతృత్వంలోని భారత్‌ మూడు టి20ల సిరీస్‌లో ఆస్ట్రేలియాను క్లీన్‌స్వీప్‌ చేసింది. స్టార్‌ ఆటగాళ్లైన స్మిత్, వార్నర్, వాట్సన్‌లు ఉన్నప్పటికీ ఆస్ట్రేలియాపై టీమిండియా సంపూర్ణ ఆధిపత్యం ప్రదర్శించింది. కోహ్లి 199 పరుగులతో మెరిశాడు.  దూకుడు అనేది మైదానంలో పరిస్థితులపై ఆధారపడి ఉంటుంది. ప్రత్యర్థి కవ్వింపులతో మా ఆత్మ గౌరవానికి భంగం కలుగుతుందని అనిపిస్తే తగినట్లు ప్రతిస్పందిస్తాం. మేం మాత్రం ముందుగా అలాంటివి చేయం. అయినా, విజయం కోసం ఎంత తీవ్రంగా ప్రయత్నిస్తున్నాం అనేదే దూకుడంటే. నా దృష్టిలో జట్టు గెలుపు కోసం 120 శాతం శ్రమించడం కూడా ఇలాంటిదే. దీనిని బాడీ లాంగ్వేజ్‌లోనూ చూపొచ్చు.   –భారత కెప్టెన్‌ విరాట్‌ కోహ్లి  కొంతకాలంగా భారత్‌ అన్ని ఫార్మాట్లలో బలంగా ఉంది. అయినా, వారి నుంచి మ్యాచ్‌లను లాగేసుకోగలం. ఈ సిరీస్‌ మా సత్తా చాటేందుకు వేదిక. పరిస్థితులరీత్యానే స్పిన్నర్లు లేకుండా ఆడుతున్నాం. అయినా, మాకు ఆగర్, జంపా రూపంలో ప్రత్యామ్నాయాలున్నాయి. మేం ఎప్పుడూ విజయాన్ని కోరకుంటాం. దూకుడుగా ఆడటం ఆస్ట్రేలియన్ల లక్షణం. దానికి ప్రజలు వేర్వేరు భాష్యాలు చెప్పుకొంటారు.   –అరోన్‌ ఫించ్, ఆస్ట్రేలియా కెప్టెన్‌   తుది జట్లు (అంచనా)  భారత్‌: రోహిత్‌ శర్మ, ధావన్, కోహ్లి (కెప్టెన్‌), రాహుల్, దినేశ్‌ కార్తీక్, రిషభ్‌ పంత్, కృనాల్‌ పాండ్యా, భువనేశ్వర్, చహల్‌/కుల్దీప్, బుమ్రా, ఖలీల్‌.  ఆస్ట్రేలియా: ఫించ్‌ (కెప్టెన్‌), షార్ట్, లిన్, మ్యాక్స్‌వెల్, స్టొయినిస్, మెక్‌డెర్మట్, క్యారీ, కూల్టర్‌నీల్, ఆండ్రూ టై, బెహ్రెన్‌డార్ఫ్, స్టాన్‌లేక్‌.  పిచ్, వాతావరణం  గబ్బా పిచ్‌ అదనపు బౌన్స్‌కు పెట్టింది పేరు. బౌండరీలు పెద్దవి. మ్యాచ్‌కు వర్ష సూచన లేదు.  మధ్యాహ్నం  గం.1.20 నుంచి సోనీ సిక్స్, సోనీ టెన్‌–3లలో ప్రత్యక్ష ప్రసారం   

ట్యాంపరింగ్‌ చేయాలంటే కాస్త కొత్తగా ఏదైనా ఆలోచించాలమ్మా అనుకున్నారేమో... స్మిత్, బాన్‌క్రాఫ్ట్‌ గతంలో ఎన్నడూ లేని విధంగా ఈ సారి అడ్‌హెసివ్‌ టేపును వాడుకున్నారు. అయితే ఇన్నేళ్లలో బంతిని దెబ్బ తీసేందుకు ‘రొటీన్‌కు భిన్నం’గా ప్రయత్నించిన దాఖలాలు ఎన్నో ఉన్నాయి. వీటిని చూస్తే ఇలా కూడా బంతి ఆకారాన్ని మార్చవచ్చా అనే సందేహం మీకు రావచ్చు. ట్యాంపరింగ్‌ చరిత్రలో కొన్ని ఆసక్తికర అంశాలను చూస్తే...      –సాక్షి క్రీడావిభాగం   ►జాన్‌ లేవర్‌ (వ్యాజ్‌లీన్‌): భారత గడ్డపై 1976–77లో జరిగిన సిరీస్‌లో ఈ ఘటన చోటు చేసుకుంది. తొలి రెండు మ్యాచ్‌లను కూడా ఇంగ్లండ్‌ గెలుచుకుంది. ఆ తర్వాత చెన్నైలో జరిగిన మూడో టెస్టులో ఇంగ్లండ్‌ లెఫ్టార్మ్‌ పేసర్‌ లేవర్‌ వ్యాజ్‌లీన్‌ ద్వారా ఒక వైపు బంతి మెరుపును పెంచేందుకు ప్రయత్నించడం వివాదాస్పదమైంది. లేవర్‌ పదే పదే బంతిని తన నుదుటికి రాయడాన్ని భారత జట్టు గుర్తించి ఫిర్యాదు చేసింది. తాను చెమట మాత్రమే తుడుచుకున్నానని అతను చెప్పినా... బంతిని పరిశీలించగా దానికి వ్యాజ్‌లీన్‌ రాసి ఉన్నట్లుగా బయటపడింది. అయితే లేవర్‌ కావాలని చేశాడా... లేక అంతకు ముందు చెమట నుంచి తప్పించుకునేందుకు ఫిజియో ఇచ్చిన వ్యాజ్‌లీన్‌ టేప్‌లను నుదుటిపై పెట్టుకోవడం వల్ల జరిగిందా అనేది తేలలేదు.   ►షాహిద్‌ ఆఫ్రిది (దంతాలు): ట్యాంపరింగ్‌లో ఇదో సంచలనం. 2010లో ఆస్ట్రేలియాతో పెర్త్‌లో జరిగిన వన్డేలో కెప్టెన్‌గా ఉన్న ఆఫ్రిది బంతిని పళ్లతో గట్టిగా కొరుకుతూ కనిపించాడు. ముందుగా తప్పు అంగీకరించని ఆఫ్రిది... ఆ తర్వాత మ్యాచ్‌ గెలిచేందుకు చేసిన పనని ఒప్పుకున్నాడు. అతనిపై రెండు అంతర్జాతీయ టి20 మ్యాచ్‌ల నిషేధం పడింది.   ►రాహుల్‌ ద్రవిడ్‌ (దగ్గు బిళ్ల): 2004లో బ్రిస్బేన్‌లో జింబాబ్వేతో జరిగిన వన్డే మ్యాచ్‌లో ద్రవిడ్‌ ట్యాంపరింగ్‌కు పాల్పడ్డాడు. సాధారణంగా మనకు మార్కెట్లో దొరికే హాల్స్, స్ట్రెప్సిల్స్‌ తరహా ట్యాబ్లెట్‌తో బంతిని రుద్దడం కెమెరాల్లో కనిపించింది. దాంతో మ్యాచ్‌ రిఫరీ క్లైవ్‌ లాయిడ్‌ ద్రవిడ్‌ మ్యాచ్‌ ఫీజులో 50 శాతం జరిమానా విధించారు.   ►క్రిస్‌ ప్రింగిల్‌ (బాటిల్‌ మూత): పాకిస్తాన్‌లో 1990లో పర్యటించిన న్యూజిలాండ్‌ జట్టు పేసర్‌ ప్రింగిల్‌ తనదైన శైలిలో ట్యాంపరింగ్‌ చేశాడు. ఒక బాటిల్‌ మూతను నాలుగు భాగాలుగా కోసి మొన మాత్రమే బయటికి కనిపించేలా వాటికి టేపులు చుట్టి జేబులో పెట్టుకున్నాడు. మ్యాచ్‌లో అనేక సార్లు దాంతో బంతిని గీకి తాను అనుకున్న విధంగా రివర్స్‌ స్వింగ్‌ను రాబట్టాడు. ఇది బాగా పని చేసి తొలి ఇన్నింగ్స్‌లో ప్రింగిల్‌ 7 వికెట్లు తీయడంతో పాక్‌ 102కే కుప్పకూలింది. సిరీస్‌లో పాక్‌ బౌలర్లు ఇదే తరహాలో ఎన్నో సార్లు చేసినా అంపైర్లు పట్టించుకోకపోవడంతో తాము అలాగే చేయాల్సి వచ్చిందని ప్రింగిల్, కెప్టెన్‌ మార్టిన్‌ క్రో ఆ తర్వాత చెప్పుకున్నారు. రిఫరీలు లేని జమానా కావడంతో ప్రింగిల్‌కు ఎలాంటి శిక్ష పడలేదు.  సచిన్‌ వివాదం...  భారత క్రికెట్‌–బాల్‌ ట్యాంపరింగ్‌కు సంబంధించి తీవ్ర వివాదంలో నిలిచిన ఘటన 2001లో జరిగింది. దక్షిణాఫ్రికాతో పోర్ట్‌ ఎలిజబెత్‌లో జరిగిన రెండో టెస్టులో బంతి ఆకారాన్ని మార్చే ప్రయత్నం చేశాడని సచిన్‌ టెండూల్కర్‌పై రిఫరీ మైక్‌ డెన్నిస్‌ ఒక టెస్టు నిషేధం, జరిమానా విధించాడు. జట్టును అదుపులో ఉంచనందుకు కెప్టెన్‌ గంగూలీ, అతిగా అప్పీల్‌ చేసినందుకు మరో నలుగురు భారత క్రికెటర్లు సెహ్వాగ్, హర్భజన్, శివ్‌సుందర్‌ దాస్, దీప్‌ దాస్‌గుప్తాలపై కూడా నిషేధం పడింది. అయితే దీనిపై భారత జట్టు తీవ్ర ఆగ్రహం వ్యక్తం చేస్తూ సిరీస్‌ నుంచి తప్పుకుంటామని హెచ్చరించింది. చివరకు సచిన్‌ తప్పు లేదని తేలడం, ఇరు బోర్డుల మధ్య చర్చల అనంతరం తర్వాతి టెస్టుకు అనధికారిక గుర్తింపు ఇవ్వడంతో భారత్‌ బరిలోకి దిగింది. టెస్టు మూడో రోజు సచిన్‌ నాలుగు ఓవర్లు బౌలింగ్‌ చేయగా... ఇతర భారత బౌలర్లకంటే సచిన్‌ అద్భుతంగా స్వింగ్‌ చేశాడు. అతని గ్రిప్‌ను చూసేందుకు కెమెరా ఫోకస్‌ చేయగా రెండు సార్లు బొటన వేలితో బంతితో సచిన్‌ ఏదో చేస్తున్నట్లుగా సందేహాస్పదంగా కనిపించింది. దీని ఆధారంగా శిక్ష విధించానని డెన్నిస్‌ చెప్పగా... తాను బంతిపై మట్టిని మాత్రమే తొలగించానని సచిన్‌ వివరణ ఇచ్చాడు.  ► కొత్త పద్ధతుల కోసం ప్రయత్నించకుండా తమ చేతితో, వేలితో బంతిని దెబ్బ తీసిన క్రికెటర్లు కూడా ఉన్నారు. 2000లో దక్షిణాఫ్రికాతో వన్డేలో గోళ్లతో వకార్‌ యూనిస్‌ ట్యాంపరింగ్‌కు పాల్పడ్డాడు. ట్యాంపరింగ్‌ చేసి శిక్షకు గురైన తొలి క్రికెటర్‌ వకార్‌ కావడం విశేషం. అతనిపై ఒక మ్యాచ్‌ నిషేధం, 50 శాతం జరిమానా పడింది. 2014లో గాలేలో శ్రీలంకతో జరిగిన టెస్టులో చేతి వేళ్ళతో బంతి ఆకారాన్ని మార్చిన దక్షిణాఫ్రికా పేసర్‌ ఫిలాండర్‌పై 75 శాతం జరిమానా పడింది. 2010లో దక్షిణాఫ్రికాతో జరిగిన టెస్టులో ఇంగ్లండ్‌ పేసర్‌ బ్రాడ్‌ షూ స్పైక్స్‌తో తొక్కి బంతిని దెబ్బ తీశాడని ఆరోపణలు వచ్చినా అవి రుజువు కాలేదు. బంతిని ఆపడంతో బద్ధకించి తాను కాలు పెట్టానని అతను చెప్పుకున్నాడు.   ►మైక్‌ అథర్టన్‌ (జేబులో మట్టి): దక్షిణాఫ్రికాతో 2004లో లార్డ్స్‌లో జరిగిన టెస్టులో ఈ ఘటన చోటు చేసుకుంది. మ్యాచ్‌ మధ్యలో అథర్టన్‌ అనుమానాస్పద రీతిలో బంతిపై దేనితోనో రుద్దడం బయట పడింది. అయితే ఆ తర్వాత అథర్టన్‌ జేబులో మట్టి ఉన్నట్లుగా తేలింది. తాను బంతి ఆకారాన్ని దెబ్బ తీయలేదని, అర చేతులకు చెమట పట్టినప్పుడు తుడుచుకునేందుకు మాత్రమే మట్టిని ఉపయోగించానని బుకాయించాడు. రిఫరీ ముందు కూడా తప్పు ఒప్పుకోకపోయినా...అతనిపై 2 వేల పౌండ్ల జరిమానా పడింది.   ►డు ప్లెసిస్‌ (ప్యాంట్‌ జిప్‌):  2013లో పాకిస్తాన్‌తో జరిగిన టెస్టులో బంతి ఆకారాన్ని దెబ్బ తీస్తూ దక్షిణాఫ్రికా క్రికెటర్‌ డు ప్లెసిస్‌ పట్టుబడ్డాడు. బంతిని తన ప్యాంట్‌ సైడ్‌ జిప్‌కు బలంగా రాస్తూ దొరికిపోయాడు. 2016లో కూడా ప్లెసిస్‌ మరో తప్పు చేశాడు. ఆస్ట్రేలియాతో అడిలైడ్‌లో జరిగిన టెస్టులో నోట్లో మింట్‌ చప్పరించి దానితో బంతి మెరుపును పెంచే ప్రయత్నం చేశాడు. తొలిసారి ఫీజులో 50 శాతం, రెండోసారి అతనిపై 100 శాతం జరిమానా పడింది.   

భారత అండర్‌–19 కుర్రాళ్లు ఇంతకుముందూ ప్రపంచకప్‌లు గెలిచారు! ఒక్కసారి కాదు మూడుసార్లు జగజ్జేతలుగా నిలిచారు! వీరి నుంచి ఎందరో ఆటగాళ్లు సీనియర్‌ జట్టుకు ఆడారు... ఆడుతున్నారు! కానీ దిగ్గజ క్రికెటర్‌ రాహుల్‌ ద్రవిడ్‌ శిక్షణ కారణంగానో, సంచలనాల పృథ్వీ షా సారథ్యం రీత్యానో అప్పుడెప్పుడూ లేనంతటి అంచనాలు, విశ్లేషణలు ఇప్పటి జట్టుపై వచ్చాయి. ఆ భారం మోస్తూనే కుర్రాళ్లు లక్ష్యం సాధించారు. టోర్నీలో ఒక్క మ్యాచూ కోల్పోకుండా అజేయంగా నిలిచిన యువ జట్టు... అమేయంగానూ కనిపించింది. ప్రత్యర్థులు (క్వార్టర్‌ ఫైనల్లో బంగ్లాదేశ్‌) ఒక్కసారి మాత్రమే, అదీ చివరి ఓవర్లో కాని పృథ్వీ బృందాన్ని ఆలౌట్‌ చేయలేకపోయారంటేనే మనకూ మిగతా వారికి మధ్య ఉన్న తేడా తెలుస్తోంది. అదే సమయంలో ప్రతి మ్యాచ్‌లో ప్రత్యర్థులను చుట్టేసింది. ఫైనల్లో తలపడిన ఆస్ట్రేలియా సహా... ప్రతి జట్టుపైనా ద్రవిడ్‌ శిష్యులది భారీ విజయమే. తొలి మ్యాచ్‌లో ఏకంగా 100 పరుగులతో ఓడిన ఆసీస్‌ ఫైనల్లోనూ తేలిపోయింది. అసలు అవతలి జట్లు పోటీనే కాదన్నట్లు సాగింది యువ భారత్‌ ఆటతీరు. ఈ ప్రదర్శన భవిష్యత్‌ తారలుగా ఎంతోమందిని వెలుగులోకి తెచ్చింది. ఇప్పుడిక వీరు చేయాల్సిందిల్లా ప్రచార పటాటోపంలో పడి కట్టుతప్పకుండా ఉండటం, యువరాజ్, కోహ్లి, చటేశ్వర్‌ పుజారా తదితరుల్లా ఉజ్జ్వల కెరీర్‌ను నిర్మించుకోవడమే!  వీరిపై ఓ కన్నేయండి...  ప్రస్తుత విజేత జట్టులోని కనీసం ఐదారుగురు జాతీయ జట్టుకు ఆడే స్థాయిలో కనిపిస్తున్నారు. పృథ్వీ షా ఇప్పటికే ఆ మేరకు పేరు తెచ్చుకున్నాడు. ఈ ప్రపంచకప్‌ ద్వారా ఉనికిని బలంగా చాటుకున్న శుభ్‌మన్‌ గిల్‌ కూడా ముందు వరుసలో ఉంటాడు. పరుగుల్లో తమ కెప్టెన్‌నే వెనక్కు నెట్టిన ఈ పంజాబీ కెరటం ఆహార్యం, ఆట, దృక్పథంలో అచ్చం కోహ్లిని తలపిస్తున్నాడు. మరో బ్యాట్స్‌మన్‌ మన్‌జ్యోత్‌ కల్రా ఫైనల్లో ఆడిన ఇన్నింగ్స్‌ నభూతో...! గంగూలీ, యువరాజ్, శిఖర్‌ ధావన్‌ తర్వాత అంతటి నైపుణ్యమున్న ఆటగాడిగా మన్‌జ్యోత్‌ కనిపిస్తున్నాడు. దృఢమైన శరీరంతో పాటు చక్కటి టైమింగ్, ఉత్తర భారత ఆటగాళ్ల సహజ లక్షణమైన దూకుడు ఈ ఢిల్లీ కుర్రాడి ఇతడి సొంతం. ఫైనల్లో జట్టుకు ఒంటిచేత్తో విజయాన్నందించిన మన్‌జ్యోత్‌ను ఓ ఆశాజ్యోతిగా భావించవచ్చు.  వారెవ్వా... ఏమి పేసు!  గంటకు 145 కి.మీ! ఒకప్పుడు దేశం మొత్తం గాలించినా ఇంత వేగంతో బంతులేసే పేసర్‌ ఒక్కరూ దొరికేవారు కాదు. కానీ ఈ జట్టులోని శివం మావి, కమలేశ్‌ నాగర్‌కోటి స్థిరంగా 140 కి.మీ.పైగా వేగంతో బంతులేసి బ్యాట్స్‌మెన్‌ను బెంబేలెత్తించారు. అందరూ మావి వేగం గురించి చెప్పుకొంటుంటే, తానేం తక్కువ కాదన్నట్లు నాగర్‌కోటి ఓ మ్యాచ్‌లో 149 కి.మీ. నమోదు చేశాడు. వీరికితోడు ఇషాన్‌ పొరెల్‌. సెమీస్, ఫైనల్లో ఆదిలోనే వికెట్లు తీసి జట్టుకు బ్రేక్‌ ఇచ్చాడు. ఈ ముగ్గురిలో ఇద్దరైనా వెలుగులోకి వచ్చే అవకాశం ఉంది. వీరితోపాటు ఎడమచేతి వాటం స్పిన్నర్లు అనుకూల్‌ రాయ్, శివ సింగ్, అభిషేక్‌ శర్మ కూడా ప్రతిభావంతులే. వాస్తవానికి ఫైనల్లో కీలక దశలో నాలుగు వికెట్లు తీసి ఆసీస్‌కు అడ్డుకట్ట వేసింది వీరే. టోర్నీలో 14 వికెట్లు పడగొట్టిన అనుకూల్‌ ఇప్పటికే సమస్తిపూర్‌ జడేజాగా పేరు తెచ్చుకున్నాడు. జట్టు ఫీల్డింగ్‌ ప్రమాణాలూ బాగుండటంతో తిరుగులేని విజయాలు సాధించగలిగింది.  గురువా... అందుకో మా దక్షిణ...  ఎన్నో అవకాశాలు వచ్చినా, యువ భారత్‌కు శిక్షణ ఇవ్వడాన్నే తన బాధ్యతగా ఎంచుకున్న రాహుల్‌ ద్రవిడ్‌కు కుర్రాళ్లు అత్యద్భుత బహుమతిని అందించారు. సీనియర్‌ జట్టు వైస్‌ కెప్టెన్‌గా 2003లో, కెప్టెన్‌గా 2007లో ప్రపంచ కప్‌ చేదు అనుభవాలు ఎదుర్కొన్న ద్రవిడ్‌కు వ్యక్తిగతంగానూ తాజా విజయం ఎనలేని సంతృప్తినిచ్చి ఉంటుంది.  మ్యాచ్‌ ముగిశాక బహుమతుల ప్రదానోత్సవానికి వస్తున్నప్పుడు ‘ది వాల్‌’ ముఖం గమనిస్తే... అతడు ఉద్వేగానికి లోనైనట్లు కనిపించింది. ఏదేమైనా ఆటగాడిగా తీరని కోరికను అతడు ఈ విధంగా నెరవేర్చుకున్నాడు.  – సాక్షి క్రీడా విభాగం సుదీర్ఘ ప్రయాణం ముందుంది...   కుర్రాళ్లను చూసి గర్విస్తున్నా. వారు నిజంగా అర్హులే. 14 నెలల మా సన్నాహకాలు ఫలించాయి. ప్రపంచకప్‌ విజయం ‘ఒక్క అనుభూతి’గా మారకూడదు. ప్రతిభావంతులైన ఈ కుర్రాళ్లకు సుదీర్ఘ, సవాళ్ల ప్రయాణం ముందుంది. బౌలింగ్‌ కోచ్‌ పారస్‌ మాంబ్రే, ఫీల్డింగ్‌ కోచ్‌ అభయ్‌ శర్మ సహా ఏడెనిమిది మంది ఉన్న మా సహాయక సిబ్బంది అంకితభావం అత్యద్భుతం. ఆటగాళ్లకు ఏది మంచో అది అందించేందుకు ప్రయత్నించాం. దానిని వారు తమ ప్రదర్శనలో చూపారు.      – భారత కోచ్‌  ద్రవిడ్‌    అభినందనల వెల్లువ ప్రపంచ విజేతలుగా నిలిచిన భారత యువ ప్రతిభావంతులకు అభినందనలు. ప్రతిభ, పట్టుదల కలగలిసిన విజయమిది. కెప్టెన్‌ పృథ్వీ షా, కోచ్‌ ద్రవిడ్‌లను చూసి గర్విస్తున్నా.      – రామ్‌నాథ్‌ కోవింద్, రాష్ట్రపతి    మన యువ క్రికెటర్లు ఘనత చూసి అచ్చెరువొందాను. ఈ విజయం ప్రతి భారతీయుడు గర్వపడేలా చేస్తుంది.      – నరేంద్ర మోదీ, ప్రధానమంత్రి     భారత జట్టుకు నా అభినంనదలు. ఈ విజయంలో పాలుపంచుకున్న ప్రతి ఆటగాడు భవిష్యత్తులో మరింత గొప్పగా ఎదగాలి.  – కె.చంద్రశేఖర రావు, తెలంగాణ ముఖ్యమంత్రి భారత యువ జట్టు నాలుగోసారి ప్రపంచ కప్‌ సొంతం చేసుకోవడం గర్వకారణం. భవిష్యత్తులో జట్టు ఇదే విజయాల ఒరవడిని కొనసాగించాలి.  – వైఎస్‌ జగన్‌మోహన్‌ రెడ్డి, ఏపీ ప్రతిపక్షనేత, వైఎస్‌ఆర్‌ కాంగ్రెస్‌ పార్టీ అధ్యక్షుడు   సమష్టి శ్రమతోనే పెద్ద కలలు సాకారమవుతాయి. మేం గర్వపడేలా చేసిన ప్రపంచ చాంపియన్లకు నా అభినందనలు. కుర్రాళ్లకు దిశానిర్దేశం చేసిన ద్రవిడ్, పారస్‌లకు ధన్యవాదాలు.  – సచిన్‌ టెండూల్కర్, దిగ్గజ క్రికెటర్‌   ఎంత అద్భుతమైన విజయమిది. దీనిని పునాదిగా మార్చుకొని ముందుకు వెళ్లండి. జీవితంలో మీరింకా చాలా దూరం వెళ్లాలి. విజయపు క్షణాన్ని ఆస్వాదించండి.  – కోహ్లి, భారత సీనియర్‌ జట్టు కెప్టెన్‌  భారత్‌కు ఆడబోయే కొత్త తరం వచ్చేసింది.  రోజంతా ఫైనల్‌ మ్యాచ్‌ చూశాను. కుర్రాళ్లందరూ చాలా బాగా ఆడారు.      – కపిల్‌ దేవ్, మాజీ కెప్టెన్‌    భారత జట్టుకు నా అభినందనలు. అండర్‌–19 జట్టు చాలా బాగుంది. ద్రవిడ్‌ రూపంలో గొప్ప కోచ్, మార్గదర్శి ఉన్నాడు. భవిష్యత్తు వీరిదే.  – షాహిద్‌ ఆఫ్రిది, పాక్‌ మాజీ క్రికెటర్‌    

భారత జట్టు ఓడిపోయింది...అవును, నిజమే. వరుసగా తొమ్మిది మ్యాచ్‌లలో గెలిచి ప్రత్యర్థులకు ఎలాంటి అవకాశం ఇవ్వకుండా చెలరేగుతున్న టీమ్‌ ఎట్టకేలకు తలవంచింది. ముందుగా బ్యాటింగ్‌ చేసినా, లక్ష్యాన్ని ఛేదించినా... అలవాటుగా అలవోకగా విజయాలు అందుకున్న కోహ్లి సేన, భారీ లక్ష్యాన్ని వేటాడే క్రమంలో చేరువగా వచ్చి చివరకు ఓటమి పక్షాన నిలిచింది. వరుసగా పదో గెలుపు సాధించి కొత్త చరిత్రను లిఖించాలని భావించిన టీమిండియా ఆ ప్రయత్నంలో విఫలం కాగా... విదేశాల్లో 11 వరుస పరాజయాల తర్వాత ఆస్ట్రేలియాకు బెంగళూరులో విజయంతో ఊరట లభించింది. సిరీస్‌లో తొలి విజయంతో స్మిత్‌ సేన క్లీన్‌స్వీప్‌ అవకాశం లేకుండా చేసి పరువు కాపాడుకుంది. 335 పరుగుల పేద్ద లక్ష్యం... చిన్నస్వామిలాంటి చిన్న స్టేడియంలో అసాధ్యం ఏమీ కాదు. అందుకే మన బ్యాట్స్‌మెన్‌ ఎక్కడా తగ్గలేదు. రోహిత్, రహానే ఇచ్చిన శుభారంభాన్ని ఆ తర్వాత హార్దిక్‌ పాండ్యా తన దూకుడుతో కొనసాగిస్తే... కేదార్‌ జాదవ్, మనీశ్‌ పాండే జంట గెలుపు దిశగా నడిపించింది. అయితే ఆఖర్లో ఆసీస్‌ పేస్‌ బౌలర్ల అద్భుత బౌలింగ్‌ భారత్‌ను కట్టి పడేసింది. చేయాల్సిన రన్‌రేట్‌ పెరిగిపోయి వికెట్లు కోల్పోవడంతో మనకు మరో విజయం చిక్కలేదు. అంతకు ముందు తన వందో వన్డేలో వార్నర్‌ మెరుపు సెంచరీకి తోడు ఫించ్‌ దూకుడైన బ్యాటింగ్‌ ఆస్ట్రేలియాకు భారీ స్కోరు అందించి మ్యాచ్‌లో విజయంపై ఆశలు రేపేలా చేశాయి. బెంగళూరు : భారత పర్యటనలో ఆస్ట్రేలియాకు ఎట్టకేలకు విజయం లభించింది. తమ బ్యాటింగ్‌ బలంపై ఆధార పడుతూ వచ్చిన ఆ జట్టుకు ఈ మ్యాచ్‌లో ప్రధాన పేసర్లు కూడా అండగా నిలవడంతో దాదాపు తొమ్మిది నెలల తర్వాత కంగారూలు గెలుపు బాట పట్టారు. గురువారం ఇక్కడ జరిగిన నాలుగో వన్డేలో ఆస్ట్రేలియా 21 పరుగుల తేడాతో భారత్‌ను ఓడించింది. టాస్‌ గెలిచి ముందుగా బ్యాటింగ్‌కు దిగిన ఆసీస్‌ 50 ఓవర్లలో 5 వికెట్ల నష్టానికి 334 పరుగులు చేసింది. ‘మ్యాన్‌ ఆఫ్‌ ద మ్యాచ్‌’ డేవిడ్‌ వార్నర్‌ (119 బంతుల్లో 124; 12 ఫోర్లు, 4 సిక్సర్లు) శతకం బాదగా, ఆరోన్‌ ఫించ్‌ (96 బంతుల్లో 94; 10 ఫోర్లు, 3 సిక్సర్లు) త్రుటిలో ఆ అవకాశం కోల్పోయాడు. వీరిద్దరు తొలి వికెట్‌కు 231 పరుగులు జోడించడం విశేషం. భారత బౌలర్లలో ఉమేశ్‌ యాదవ్‌కు 4 వికెట్లు దక్కాయి. అనంతరం భారత్‌ 50 ఓవర్లలో 8 వికెట్లకు 313 పరుగులు చేసింది. కేదార్‌ జాదవ్‌ (69 బంతుల్లో 67; 7 ఫోర్లు, 1 సిక్స్‌), రోహిత్‌ శర్మ (55 బంతుల్లో 65; 1 ఫోర్, 5 సిక్సర్లు), అజింక్య రహానే (66 బంతుల్లో 53; 6 ఫోర్లు, 1 సిక్స్‌) అర్ధ సెంచరీలు చేయగా... హార్దిక్‌ పాండ్యా (40 బంతుల్లో 41; 1 ఫోర్, 3 సిక్సర్లు) రాణించాడు. కేన్‌ రిచర్డ్సన్‌ 3 వికెట్లు పడగొట్టాడు. తాజా ఫలితంతో ఐదు వన్డేల సిరీస్‌లో భారత్‌ 3–1తో ముందంజలో ఉంది. సిరీస్‌లో ఆఖరి వన్డే ఆదివారం నాగపూర్‌లో జరుగుతుంది.   ఓపెనర్ల జోరు... ఆస్ట్రేలియాకు మరోసారి ఓపెనర్లు ఫించ్, వార్నర్‌ అద్భుతమైన ఆరంభాన్ని అందించారు. తొలి ఓవర్‌ నుంచే వీరిద్దరు ఒకరితో మరొకరు పోటీ పడుతూ బౌండరీలు సాధించారు. ఫలితంగా పది ఓవర్లు ముగిసేసరికి ఆసీస్‌ స్కోరు 63 పరుగులకు చేరింది. ఇందులో షమీ, ఉమేశ్‌ చెరో ఐదు ఓవర్లు వేయగా... మొత్తం 12 బౌండరీలు వచ్చాయి. ఆ తర్వాత అక్షర్, పాండ్యా, చహల్‌ కూడా ప్రభావం చూపలేకపోవడంతో ఆసీస్‌ అలవోకగా పరుగులు రాబట్టింది. ఈ క్రమంలో వార్నర్‌ 45 బంతుల్లో, ఫించ్‌ 65 బంతుల్లో అర్ధ సెంచరీలు పూర్తి చేసుకున్నారు. అంతకుముందు 47 పరుగుల వద్ద ఫించ్‌ను స్టంపౌట్‌ చేయడంతో ధోని విఫలమయ్యాడు. 30 ఓవర్లు ముగిసేసరికి ఆసీస్‌ స్కోరు 191 పరుగులకు చేరింది. జాదవ్‌ బౌలింగ్‌లో బ్యాక్‌వర్డ్‌ పాయింట్‌ దిశగా ఫోర్‌ కొట్టిన వార్నర్‌ వన్డేల్లో 14వ సెంచరీని పూర్తి చేసుకున్నాడు. అనంతరం అక్షర్‌ ఓవర్లో సిక్స్, 2 ఫోర్లతో వార్నర్‌ 16 పరుగులు రాబట్టాడు. ఎట్టకేలకు పార్ట్‌ టైమర్‌ జాదవ్‌ ఈ భారీ భాగస్వామ్యాన్ని విడదీశాడు. జాదవ్‌ వేసిన 35వ ఓవర్‌ చివరి బంతికి లాంగాన్‌లో అక్షర్‌కు క్యాచ్‌ ఇచ్చి వార్నర్‌ వెనుదిరగడంతో ఆసీస్‌ తొలి వికెట్‌ కోల్పోయింది. ఈ దశలో భారత బౌలర్లు కట్టుదిట్టంగా బౌలింగ్‌ చేసి కంగారూలను నియంత్రించారు. మరో ఐదు పరుగుల వ్యవధిలో ఫించ్, స్మిత్‌ (3) కూడా అవుట్‌ కావడంతో వేగంగా ఆడటంలో ఆసీస్‌ విఫలమైంది. ఒక దశలో 50 బంతులపాటు ఆ జట్టు బౌండరీ కొట్టలేదు. అయితే చివర్లో టిమ్‌ హెడ్‌ (38 బంతుల్లో 29; 1 ఫోర్, 1 సిక్స్‌) ఫర్వాలేదనిపించగా... హ్యాండ్స్‌కోంబ్‌ (30 బంతుల్లో 43; 3 ఫోర్లు, 1 సిక్స్‌) దూకుడుగా ఆడటంతో ఆసీస్‌ మెరుగైన స్కోరు సాధించగలిగింది. భారత్‌ తమ ప్రధాన బౌలర్లు ముగ్గురు భువనేశ్వర్, బుమ్రా, కుల్దీప్‌లకు విశ్రాంతినిచ్చి వారి స్థానంలో షమీ, ఉమేశ్, అక్షర్‌లకు అవకాశం కల్పించింది.   మూడు అర్ధ సెంచరీలు... గత మ్యాచ్‌లాగే మరోసారి భారత జట్టు ఓపెనర్లు రహానే, రోహిత్‌ సెంచరీ భాగస్వామ్యంతో శుభారంభాన్ని ఇచ్చారు. వీరిద్దరు చక్కటి సమన్వయంతో ఆడటంతో తొలి పవర్‌ప్లే ముగిసేసరికి భారత్‌ 65 పరుగులు సాధించింది. ముందుగా రహానే 58 బంతుల్లో అర్ధ సెంచరీ పూర్తి చేసుకోగా, జంపా ఓవర్లో రెండు భారీ సిక్సర్లు బాదిన రోహిత్‌ 42 బంతుల్లోనే హాఫ్‌ సెంచరీ మార్క్‌ను అందుకున్నాడు. అయితే రిచర్డ్సన్‌ బౌలింగ్‌లో భారీ షాట్‌కు ప్రయత్నించి రహానే వెనుదిరగడంతో 106 పరుగుల తొలి వికెట్‌ పార్ట్‌నర్‌షిప్‌కు తెర పడింది. కొద్ది సేపటికే కోహ్లితో సమన్వయ లోపం, స్మిత్‌ అద్భుత ఫీల్డింగ్‌ కారణంగా రోహిత్‌ రనౌటయ్యాడు. ఆ వెంటనే కూల్టర్‌నీల్‌ బౌలింగ్‌లో కట్‌ చేయబోయి వికెట్లపైకి ఆడుకోవడంతో కోహ్లి (21) ఆట ముగిసింది. ఈ దశలో పాండ్యా, జాదవ్‌ కలిసి ఇన్నింగ్స్‌ను నిలబెట్టారు. వీరిద్దరు ఒకవైపు జాగ్రత్తగా ఆడుతూనే మరోవైపు భారీ షాట్లతో దూకుడు ప్రదర్శించారు. ఈ క్రమంలో జంపా బౌలింగ్‌పై మరోసారి తన ఆధిపత్యం ప్రదర్శిస్తూ పాండ్యా వరుసగా రెండు సిక్సర్లు బాదాడు. అయితే నాలుగో వికెట్‌కు 78 పరుగులు జత చేసిన అనంతరం జంపా బౌలింగ్‌లో మళ్లీ భారీ షాట్‌కు ప్రయత్నించి పాండ్యా పెవిలియన్‌ చేరాడు. ఈ సమయంలో జాదవ్, పాండే కలిసి మరో చక్కటి భాగస్వామ్యం నెలకొల్పారు. వీరిద్దరు ఐదో వికెట్‌కు 61 పరుగులు జోడించారు. 54 బంతుల్లో జాదవ్‌ హాఫ్‌ సెంచరీ పూర్తయింది. అయితే ఇలాంటి స్థితిలో ఆసీస్‌ పేసర్లు కమిన్స్, రిచర్డ్సన్‌ చక్కటి యార్కర్లతో పరుగులు ఇవ్వకుండా కట్టడి చేసి భారత జోడీపై ఒత్తిడి పెంచారు. ఫలితంగా భారీ షాట్‌కు ప్రయత్నించి జాదవ్‌ వెనుదిరగ్గా... మరో మూడు బంతులకే పాండేను కమిన్స్‌ బౌల్డ్‌ చేశాడు. ధోని (13) కూడా తన ముద్ర చూపలేకపోవడంతో భారత్‌ విజయంపై ఆశలు కోల్పోయింది. ►8  కెరీర్‌ వందో వన్డేలో సెంచరీ చేసిన ఎనిమిదో, ఆస్ట్రేలియా తరఫున తొలి ఆటగాడు వార్నర్‌.  ►100 ఉమేశ్‌ యాదవ్‌ వన్డేల్లో 100 వికెట్లు పడగొట్టాడు. అతను మొత్తం 71 వన్డేలు ఆడాడు. ►2000 కెప్టెన్‌గా వన్డేల్లో కోహ్లి 2000 పరుగులు పూర్తి చేసుకున్నాడు. అందరికంటే తక్కువ ఇన్నింగ్స్‌ (36)లలో అతను ఈ ఘనత నమోదు చేశాడు. 


  వెస్టిండీస్‌పై ఇన్నింగ్స్ 212 పరుగుల తేడాతో ఘన విజయం ప్యాటిన్సన్‌కు ఐదు వికెట్లు.
 
  హోబర్ట్: దాదాపు తొమ్మిది నెలల తర్వాత బరిలోకి దిగిన ఆస్ట్రేలియా పేసర్ జేమ్స్ ప్యాటిన్సన్ (5/27) తొలి టెస్టులో వెస్టిండీస్‌ను వణికించాడు. నిప్పులు చెరిగే బంతులతో కరీబియన్ టాప్ ఆర్డర్‌ను కుప్పకూల్చాడు. దీంతో మూడు రోజుల్లోనే ముగిసిన ఈ మ్యాచ్‌లో ఆసీస్ ఇన్నింగ్స్ 212 పరుగుల తేడాతో విండీస్‌ను చిత్తు చేసింది. ఫలితంగా మూడు మ్యాచ్‌ల సిరీస్‌లో స్మిత్ సేన 1-0 ఆధిక్యంలో నిలిచింది.  ఓవర్‌నైట్ స్కోరు 207/6తో శనివారం రెండో రోజు ఆట కొనసాగించిన విండీస్ తొలి ఇన్నింగ్స్‌లో 70 ఓవర్లలో 223 పరుగులకు ఆలౌటైంది.
  
  దీంతో ఆసీస్‌కు 360 పరుగుల ఆధిక్యం దక్కింది. డారెన్ బ్రేవో (177 బంతుల్లో 108; 20 ఫోర్లు) సెంచరీ సాధించగా, కీమర్ రోచ్ (31) ఓ మాదిరిగా ఆడాడు. హాజెల్‌వుడ్ 4, లయోన్ 3 వికెట్లు తీశారు. తర్వాత ఫాలోఆన్‌కు దిగిన కరీబియన్ జట్టు రెండో ఇన్నింగ్స్‌లోనూ తడబడింది. కేవలం 36.3 ఓవర్లలో 148 పరుగులకు ఆలౌటైంది. బ్రాత్‌వైట్ (122 బంతుల్లో 94; 13 ఫోర్లు, 1 సిక్స్) టాప్ స్కోరర్. ప్యాటిన్సన్ దెబ్బకు విండీస్ బ్యాట్స్‌మెన్ పూర్తిగా చేతులెత్తేశారు. ఇరుజట్ల మధ్య రెండో టెస్టు ఈనెల 26 నుంచి మెల్‌బోర్న్‌లో జరుగుతుంది.
  


 తొలి ఇన్నింగ్స్‌లో 157/5
      ఆసీస్‌తో తొలి టెస్టు
  
  బ్రిస్బేన్: ఆస్ట్రేలియాతో జరుగుతున్న తొలి టెస్టులో న్యూజిలాండ్ తడబడింది. ఆతిథ్య పేసర్లను ఎదుర్కొలేక ఒత్తిడిలో పడింది. దీంతో శుక్రవారం రెండో రోజు ఆట ముగిసే సమయానికి కివీస్ తొలి ఇన్నింగ్స్‌లో 45 ఓవర్లలో 5 వికెట్లకు 157 పరుగులు చేసింది. విలియమ్సన్ (55 బ్యాటింగ్), వాట్లింగ్ (14 బ్యాటింగ్)లు క్రీజులో ఉన్నారు. టీ విరామానికి కొద్ది ముందు ఇన్నింగ్స్‌ను ప్రారంభించిన కివీస్ ఓపెనర్లలో గుప్టిల్ (23) విఫలమైనా... లాథమ్ (47) మెరుగ్గా ఆడాడు. మిడిలార్డర్‌లో టేలర్ (0), మెకల్లమ్ (6), నీషమ్ (3) నిరాశపర్చారు. ఓవరాల్‌గా 25 బంతుల్లో నాలుగు వికెట్లు పడటంతో కివీస్ 118 పరుగులకే సగం జట్టు పెవిలియన్‌కు చేరుకుంది. స్టార్క్, జాన్సన్ చెరో రెండు వికెట్లు తీశారు. ప్రస్తుతం కివీస్ ఇంకా 399 పరుగులు వెనుకబడి ఉంది.
 అంతకుముందు 389/2 ఓవర్‌నైట్ స్కోరుతో రెండో రోజు ఆట కొనసాగించిన ఆసీస్ తొలి ఇన్నింగ్స్‌ను 130.2 ఓవర్లలో 4 వికెట్లకు 556 పరుగుల వద్ద డిక్లేర్ చేసింది. ఓవర్‌నైట్ బ్యాట్స్‌మన్ ఉస్మాన్ ఖాజా (174; 16 ఫోర్లు, 2 సిక్సర్లు) దుమ్మురేపాడు. స్మిత్ (48)తో కలిసి మూడో వికెట్‌కు 88; వోజెస్ (83 నాటౌట్; 11 ఫోర్లు)తో కలిసి నాలుగో వికెట్‌కు 157 పరుగులు సమకూర్చడంతో ఆసీస్ భారీ స్కోరు చేసింది. సౌతీ, బోల్ట్, నీషమ్, విలియమ్సన్ తలా ఓ వికెట్ పడగొట్టారు.
  


 బ్రిస్బేన్:  మూడు టెస్టుల సిరీస్ లో భాగంగా ఇక్కడ న్యూజిలాండ్ తో జరుగుతున్న తొలి టెస్టులో ఆస్ట్రేలియా తన మొదటి ఇన్నింగ్స్ లో భారీ స్కోరు నమోదు చేసింది. 389/2 ఓవర్ నైట్ స్కోరు రెండో రోజు ఆట కొనసాగించిన ఆస్ట్రేలియా నాలుగు వికెట్ల నష్టానికి 556 పరుగుల వద్ద ఉండగా తొలి ఇన్నింగ్స్ ను డిక్లేర్ చేసింది.  అనంతర బ్యాటింగ్ చేపట్టిన న్యూజిలాండ్ వరుసగా కీలక వికెట్లను కోల్పోయి కష్టాల్లో పడింది.
  
 రెండో రోజు ఆట ముగిసే సమయానికి కివీలు 45 ఓవర్లలో ఐదు వికెట్లు కోల్పోయి 157 పరుగులతో ఎదురీదుతున్నారు. న్యూజిలాండ్ ఆటగాళ్లలో టామ్ లాథమ్ (47) ఫర్వాలేదనిపించగా, మార్టిన్ గుప్తిల్(23),  బ్రెండన్ మెకల్లమ్(6), రాస్ టేలర్(0), నిషామ్(3), వాట్లింగ్(14) లు నిరాశపరిచారు. ఆట ముగిసే సమయానికి విలియమ్సన్(55 బ్యాటింగ్), వాట్లింగ్(14)క్రీజ్ లో ఉన్నారు.ఆస్ట్రేలియా బౌలర్లలో స్టార్క్, జాన్సన్ లు తలో రెండు వికెట్లు సాధించగా, హజల్ వుడ్ కు ఒక వికెట్ దక్కింది.  అంతకుముందు డేవిడ్ వార్నర్ (163), ఉస్మాన్ ఖాజా  (174)లు సెంచరీలతో చెలరేగడంతో పాటు, స్టీవ్ స్మిత్(48), వోజస్(83), బర్న్స్ (71) రాణించి ఆసీస్ భారీ స్కోరు చేయడంలో సహకరించారు.