టీమిండియా దిగ్గజ క్రికెటర్‌ సచిన్‌ టెండుల్కర్‌ కుమారుడు అర్జున్‌ టెండుల్కర్‌ రంజీ మ్యాచ్‌లో అదరగొట్టాడు. అరుణాచల్‌ ప్రదేశ్‌తో పోరులో ఆకాశమే హద్దుగా చెలరేగిన ఈ గోవా ఆల్‌రౌండర్‌.. ఏకంగా ఐదు వికెట్లు కూల్చాడు. అర్జున్‌ దెబ్బకు ప్రత్యర్థి జట్టు బ్యాటింగ్‌ ఆర్డర్‌ పేకమేడలా కుప్పకూలింది. 84 పరుగులకే ఆలౌట్‌ అయింది.గోవాకు ప్రాతినిథ్యంకాగా ముంబైకి చెందిన అర్జున్‌ టెండుల్కర్‌ దేశవాళీ క్రికెట్లో గోవాకు ప్రాతినిథ్యం వహిస్తున్నాడు. ఎడమచేతి వాటం కలిగిన బ్యాటర్‌ అయిన అర్జున్‌.. లెఫ్టార్మ్‌ ఫాస్ట్‌ మీడియం పేసర్‌ కూడా! ఇక 25 ఏళ్ల అర్జున్‌ రంజీ ట్రోఫీ 2024-25లో ప్లేట్‌ గ్రూపులో ఉన్న గోవా.. తాజాగా అరుణాచల్‌ ప్రదేశ్‌ జట్టుతో తలపడుతోంది.పొర్వోరిమ్‌లోని గోవా క్రికెట్‌ అసోసియేషన్‌ అకాడమీ గ్రౌండ్‌లో బుధవారం ఇరుజట్ల మధ్య మ్యాచ్‌ మొదలైంది. టాస్‌ గెలిచిన అరుణాచల్‌ ప్రదేశ్‌ తొలుత బ్యాటింగ్‌ ఎంచుకుంది. ఈ క్రమంలో ఆది నుంచే అటాక్‌ మొదలుపెట్టిన గోవా ఆల్‌రౌండర్‌ అర్జున్‌ టెండుల్కర్‌.. ప్రత్యర్థి జట్టు బ్యాటర్లను బెంబేలెత్తించాడు.టాప్‌-5 వికెట్లు అతడి ఖాతాలోనేఅర్జున్‌ ధాటికి టాపార్డర్‌తో పాటు మిడిలార్డర్‌ కకావికలమైంది. ఓపెనర్‌ నబాం హచాంగ్‌ను డకౌట్‌ చేయడంతో వికెట్ల వేట మొదలుపెట్టిన అర్జున్‌.. మరో ఓపెనర్‌ నీలం ఒబి(22), వన్‌డౌన్‌ బ్యాటర్‌ చిన్మయ్‌ పాటిల్‌(3), నాలుగో స్థానంలో వచ్చిన జే భస్వార్‌(0), ఐదో నంబర్‌ బ్యాటర్‌ మోజీ ఎటె(1)లను పెవిలియన్‌కు పంపాడు.ఫస్ట్‌క్లాస్‌ క్రికెట్‌ కెరీర్లో‌ తొలి ఐదు వికెట్ల ప్రదర్శనతద్వారా అర్జున్‌ టెండుల్కర్‌.. తన ఫస్ట్‌క్లాస్‌ క్రికెట్‌ కెరీర్లో‌ తొలి ఐదు వికెట్ల ప్రదర్శన(5 Wicket Haul) నమోదు చేశాడు. ఇక అర్జున్‌తో పాటు గోవా బౌలర్లలో కేత్‌ పింటో రెండు, మోహిత్‌ రేడ్కర్‌ మూడు వికెట్లతో రాణించారు. ఈ క్రమంలో తొలిరోజు ఆటలోనే కుప్పకూలిన అరుణాచల్‌ ప్రదేశ్‌.. 84 పరుగులకు తమ తొలి ఇన్నింగ్స్‌ను ముగించింది.ముంబై తరఫున కాగా ఐపీఎల్‌-2025 మెగా వేలానికి ముందు అర్జున్ టెండుల్కర్‌ ఈమేరకు ఉత్తమ ప్రదర్శన కనబరచడం.. అతడికి సానుకూలాంశంగా మారింది. ఈ ఆల్‌రౌండర్‌ను దక్కించుకునేందుకు ఫ్రాంఛైజీలు ఆసక్తి చూపే అవకాశం ఉంది. ఇక సచిన్‌ టెండుల్కర్‌ మెంటార్‌గా వ్యవహరిస్తున్న ముంబై ఇండియన్స్‌ తరఫున అర్జున్‌ గతేడాది ఐపీఎల్‌లో అరంగేట్రం చేశాడు. ఇప్పటి వరకు మొత్తంగా ఐదు మ్యాచ్‌లు ఆడి 13 పరుగులు చేయడంతో పాటు.. మూడు వికెట్లు తీశాడు. అయితే, రిటెన్షన్స్‌లో భాగంగా ఐదుగురిని అట్టిపెట్టుకున్న ముంబై.. అర్జున్‌ను వదిలివేసింది. ఇదిలా ఉంటే.. సౌదీ అరేబియాలోని జెద్దా వేదికగా నవంబరు 24, 25 తేదీల్లో ఐపీఎల్‌ వేలంపాట జరుగనుంది.చదవండి: ఆతిథ్య హక్కులు మావే.. మ్యాచ్‌లన్నీ మా దేశంలోనే.. పాక్‌ ప్రభుత్వ వైఖరి ఇదే!

కేఎస్‌సీఏ ఇన్విటేషనల్‌ క్రికెట్‌ టోర్నమెంట్‌లో (కెప్టెన్‌ కే తిమ్మప్పయ్య మెమోరియల్‌) క్రికెట్‌ గాడ్‌ సచిన్‌ టెండూల్కర్‌ తనయుడు అర్జున్‌ టెండూల్కర్‌ అద్బుత ప్రదర్శనతో మెరిశాడు. ఈ టోర్నీలో గోవాకు ప్రాతినిథ్యం వహిస్తున్న అర్జున్‌.. ఆతిథ్య కర్ణాటకతో జరిగిన మ్యాచ్‌లో 9 వికెట్ల ఘనత నమోదు చేశాడు. ఈ మ్యాచ్‌ తొలి ఇన్నింగ్స్‌లో 5 వికెట్లు తీసిన అర్జున్‌.. సెకండ్‌ ఇన్నింగ్స్‌లో 4 వికెట్లు పడగొట్టాడు. అర్జున్‌ చెలరేగడంతో ఈ మ్యాచ్‌లో గోవా ఇన్నింగ్స్‌ 189 పరుగుల తేడాతో ఘన విజయం సాధించింది.తొలుత బ్యాటింగ్‌ చేసిన కర్ణాటక తొలి ఇన్నింగ్స్‌లో 103 పరుగులకు ఆలౌటైంది. అర్జున్‌ 13 ఓవర్లలో 41 పరుగులి​చ్చి ఐదు వికెట్లు పడగొట్టాడు. అనంతరం అభినవ్‌ తేజ్‌రాణా సెంచరీతో (109) కదంతొక్కడంతో గోవా తొలి ఇన్నింగ్స్‌లో 413 పరుగులు చేసింది. గోవా ఇన్నింగ్స్‌లో మంతన్‌ కుట్కర్‌ అర్ద సెంచరీతో (69) రాణించాడు. భారీ వెనుకంజతో రెండో ఇన్నింగ్స్‌ ప్రారంభించిన కర్ణాటక..సెకెండ్‌ ఇన్నింగ్స్‌లోనూ పేలవ ప్రదర్శన కనబర్చింది. అర్జున్‌ 13.3 ఓవర్లలో 46 పరుగులిచ్చి 4 వికెట్లు తీయడంతో కర్ణాటక సెకెండ్‌ ఇన్నింగ్స్‌లో 121 పరుగులకు కుప్పకూలింది. ఫలితంగా ఈ మ్యాచ్‌లో గోవా భారీ తేడాతో ఘన విజయం సాధించింది. మ్యాచ్‌ మొత్తంలో అర్జున్‌ 26.3 ఓవర్లు వేసి 87 పరుగులిచ్చి 9 వికెట్లు పడగొట్టాడు. వచ్చే వారం 25వ పుట్టిన రోజు జరుపుకోబోతున్న అర్జున్‌.. సీనియర్‌ లెవెల్లో ఇప్పటివరకు 49 మ్యాచ్‌లు (మూడు ఫార్మాట్లలో) ఆడాడు. ఇందులో 68 వికెట్లు పడగొట్టాడు. లెఫ్ట్‌ అర్మ్‌ మీడియం పేసర్‌ అయిన అర్జున్‌ తన కెరీర్‌లో 13 ఫస్ట్‌ క్లాస్‌ మ్యాచ్‌లు ఆడి 21 వికెట్లు పడగొట్టాడు. చదవండి: బంగ్లాతో తొలి టెస్టు.. కోహ్లికి చుక్కలు చూపించిన బుమ్రా

దేశంలో సార్వత్రిక ఎన్నికల సమరం తుది అంకానికి చేరుకుంది. ఐదో ద‌శలో భాగంగా మహారాష్ట్రతో పాటు ఆరు రాష్ట్రాలు, రెండు కేంద్రపాలిత ప్రాంతాల్లోని 49 స్థానాలకు పోలింగ్ కొన‌సాగుతోంది. ఉదయం 7 గంటలకు ప్రారంభమైన ఓటింగ్‌.. సాయంత్రం 6 గంటలకు ముగియనుంది. ఈ నేప‌థ్యంలో ప‌లువురు క్రికెట‌ర్లు త‌మ ఓటు హ‌క్కును వినియోగించుకున్నారు. భార‌త క్రికెట్ దిగ్గ‌జం స‌చిన్ టెండూల్క‌ర్‌తో పాటు టీమిండియా స్టార్ సూర్యకుమార్ యాదవ్, వెట‌ర‌న్ అజింక్యా రహానే, అర్జున్ టెండూల్క‌ర్ సైతం ఓటు వేశారు. స‌చిన్ త‌న త‌న‌యుడు అర్జున్‌తో క‌లిసి ముంబైలోని ఓ పోలింగ్ కేంద్రంలో త‌మ‌ ఓటు హక్కు వినియోగించుకున్నారు. పోలింగ్ స్టేష‌న్ బ‌య‌ట సిరాతో ఉన్న వేలిని చూపిస్తూ ఫోటోల‌కు ఫోజులిచ్చారు. అదేవిధంగా సూర్య‌కుమార్ సైతం ఓటు వేసిన అనంత‌రం త‌న ఫోటోను సోష‌ల్ మీడియాలో షేర్ చేశాడు. మన దేశ భవిష్యత్తును నిర్ణ‌యించే ఓటు హ‌క్కును వినియోగించుకోవాల‌ని సూర్య పిలుపునిచ్చాడు. Let’s shape the future of our nation by casting our vote today. ✌️ pic.twitter.com/ZYgT69zhis— Surya Kumar Yadav (@surya_14kumar) May 20, 2024

టీమిండియా దిగ్గజం సచిన్‌ టెండుల్కర్‌ కుమారుడు అర్జున్‌ టెండుల్కర్‌పై విమర్శల వర్షం కురుస్తోంది. అతి చేస్తే పరిణామాలు ఇలాగే ఉంటాయని.. అయినా పరిస్థితులు ఎదుర్కోకుండా పారిపోవడం ఏమిటంటూ నెటిజన్లు అతడిని పెద్ద ఎత్తున ట్రోల్ చేస్తున్నారు.ఇంతకీ ఏం జరిగిందంటే.. ఐపీఎల్‌ ముంబై ఇండియన్స్‌కు ప్రాతినిథ్యం వహిస్తున్న అర్జున్‌ టెండుల్కర్‌ 2024 సీజన్‌లో ఎట్టకేలకు శుక్రవారం తన తొలి మ్యాచ్‌ ఆడాడు. లక్నో సూపర్‌ జెయింట్స్‌తో మ్యాచ్‌ సందర్భంగా ప్రధాన పేసర్‌ జస్‌ప్రీత్‌ బుమ్రా స్థానంలో తుదిజట్టులో చోటు దక్కించుకున్నాడు.ఈ మ్యాచ్‌లో కేవలం 2.2 ఓవర్లు బౌలింగ్‌ చేసిన ఈ రైటార్మ్‌ పేస్‌ ఆల్‌రౌండర్‌ 22 పరుగులు సమర్పించుకున్నాడు. ఒక్క వికెట్‌ కూడా తీయలేకపోయాడు. కాగా.. లక్నో ఇన్నింగ్స్‌లో రెండో ఓవర్‌ బౌల్‌ చేసిన అర్జున్‌.. 3 పరుగులు మాత్రమే ఇచ్చి శెభాష్‌ అనిపించుకున్నాడు.అయితే, ఐదో ఓవర్లో కాస్త అతి చేశాడు. మార్కస్‌ స్టొయినిస్‌ను ట్రాప్‌ చేసేందుకు అర్జున్‌ ఇన్‌స్వింగర్‌ సంధించగా.. బ్యాటర్‌ తప్పించుకున్నాడు. ఈ క్రమంలో బంతిని అందుకున్న అర్జున్‌ వికెట్లకు స్టొయినిస్‌ మీదకు విసిరేస్తానన్నట్లుగా దూకుడు ప్రదర్శించాడు. ఇందుకు స్టొయినిస్‌ చిరాగ్గా నవ్వుతూ కౌంటర్ ఇచ్చాడు.ఇక ఆ తర్వాత 15వ ఓవర్లో మళ్లీ బాలింగ్‌కు దిగిన అర్జున్‌ టెండుల్కర్‌ బౌలింగ్‌లో నికోలసన్‌ పూరన్‌ తొలి రెండు బంతుల్లో రెండు సిక్సర్లు బాదాడు. అయితే, ఆ తర్వాత అర్జున్‌ తనకు ఇబ్బంది ఉందంటూ ఫిజియోను పిలిపించుకున్నాడు.ఆ తర్వాత అతడితో కలిసి మైదానం వీడగా.. నమన్‌ ధిర్‌ మిగిలిన కోటా పూర్తి చేశాడు. అయితే, ఆ ఓవర్లో టెండుల్కర్‌ బౌలింగ్‌లో రెండు సిక్సర్లు బాదిన పూరన్‌.. తర్వాత నమన్‌ ధిర్‌ బౌలింగ్‌లోనూ వరుసగా సిక్స్‌, ఫోర్‌, 1, సిక్స్‌ బాది 29 పరుగులు పిండుకున్నాడు.ఈ నేపథ్యంలో అర్జున్‌ టెండుల్కర్‌ కావాలనే గాయం పేరిట తప్పించుకున్నాడంటూ నెటిజన్లు అతడిని ట్రోల్‌ చేస్తున్నారు. పూరన్‌ ఫామ్‌ చూసి భయపడిపోయిన అర్జున్‌ను కాపాడేందుకు మేనేజ్‌మెంట్‌ నమన్‌ ధిర్‌ను బలి చేసిందంటూ ఆగ్రహం వ్యక్తం చేస్తున్నారు. ఈ సందర్భంగా స్టొయినిస్‌ విషయంలో అర్జున్‌ ప్రవర్తించిన తీరు కూడా ప్రస్తావిస్తూ విమర్శిస్తున్నారు.కాగా సచిన్‌ టెండుల్కర్‌ ముంబై ఇండియన్స్‌ మెంటార్‌ అన్న విషయం తెలిసిందే. గత సీజన్‌లో అర్జున్‌ మూడు వికెట్లు తీయడంతో పాటు 13 పరుగులు చేశాడు.Arjun Tendulkar shows aggression to Marcus Stoinis.🥵💥#mivslsg #mivlsg #lsgvsmi #lsgvmi #tataipl #tataipl2024 #ipl2024 #ipl #mumbaiindians #crickettwitter pic.twitter.com/SCzAdnkzmx— AK tweets  (@ajithkumaarrrrr) May 17, 2024Arjun Tendulkar Going Back To Dressing Room After Pooran Hit Him Two Back To Back Sixes 🤡🤡🔥🔥😂😂He didn't Even Complete His Over 🤡🤡🤡#MIvsLSG #RCBvCSK #CSKvRCB pic.twitter.com/OlyNj9k1QW— Khabri_Prasang (@Prasang_) May 17, 2024

ఐపీఎల్‌-2024 సీజన్‌ ఆరంభానికి సమయం దగ్గరపడుతోంది. మార్చి 22న చెపాక్‌ వేదికగా చెన్నై సూపర్‌ కింగ్స్‌- ఆర్సీబీ మధ్య జరగననున్న మ్యాచ్‌తో ఈ ధానాధన్‌ లీగ్‌కు తెరలేవనుంది. ఇప్పటికే ఈ మెగా ఈవెంట్‌లో భాగమయ్యే అన్ని జట్లు తమ ప్రాక్టీస్‌ను మొదలెట్టేశాయి. ఈ క్రమంలో సచిన్‌ తనయుడు, ముంబై ఇండియన్స్‌ యువ పేసర్‌ అర్జున్‌ టెండూల్కర్‌ సైతం తీవ్రంగా శ్రమిస్తున్నాడు.  మహారాష్ట్ర క్రికెట్ అసోసియేషన్ స్టేడియంలో ఏర్పాటు చేసిన ముంబై ప్రీ ట్రైనింగ్‌ క్యాంప్‌లో అర్జున్‌ చెమటోడ్చుతున్నాడు. నెట్స్‌లో ఎ‍క్కువ సమయం పాటు జూనియర్‌ టెండూల్కర్‌  బౌలింగ్‌ ప్రాక్టీస్‌ చేస్తున్నాడు. ఈ క్రమంలో అర్జున్‌ నెట్స్‌లో తన బౌలింగ్‌తో బ్యాటర్లకు  చెమటలు పట్టించాడు. అర్జున్‌ తన సహచర ఆటగాడు నెహాల్ వధేరాను యార్కర్లతో బెంబెలెత్తించాడు. అర్జున్‌ వేసిన యార్కర్‌ను ఆపలేక వధేరా కిందపడిపోయాడు. ఇందుకు సంబంధించిన వీడియోను ముంబై ఇండియన్స్‌ సోషల్‌ మీడియాలో షేర్‌ చేసింది. ప్రస్తుతం ఈ వీడియో వైరల్‌గా మారింది. కాగా గతేడాది సీజన్‌తో ఐపీఎల్‌ అరంగేట్రం చేసిన అర్జున్‌ పెద్దగా ఆకట్టుకోలేకపోయాడు. ఐపీఎల్‌-2023లో మూడు మ్యాచ్‌లు ఆడిన అర్జున్‌.. కేవలం 3 వికెట్లు మాత్రమే పడగొట్టాడు. మరి ఈ ఏడాది సీజన్‌లో ఎలా రాణిస్తాడో వేచి చూడాలి. ఐపీఎల్‌-2024లో ముంబై తమ తొలి మ్యాచ్‌లో మార్చి 24న అహ్మదాబాద్‌ వేదికగా గుజరాత్‌ టైటాన్స్‌తో తలపడనుంది. కాగా ఈ ఏడాది సీజన్‌లో ముంబై సారథిగా హార్దిక్‌ పాండ్యా వ్యహరించనున్న సంగతి తెలిసిందే. Just Arjun doing 𝘈𝘳𝘫𝘶𝘯 things 🏹😉#OneFamily #MumbaiIndians pic.twitter.com/Sv7eObeFSO — Mumbai Indians (@mipaltan) March 12, 2024

రంజీ ట్రోఫీ సీజన్‌ 2023-24లో సచిన్‌ టెండూల్కర్‌ తనయడు, గోవా ఆల్‌ ఆల్‌రౌండర్‌ అర్జున్ టెండూల్కర్ తన పేలవ ఫామ్‌ను కొనసాగిస్తున్నాడు. తాజాగా తమిళనాడుతో జరిగిన మ్యాచ్‌లోనూ అర్జున్‌ పేలవ ప్రదర్శన కనబరిచాడు. ఈ మ్యాచ్‌లో బ్యాటింగ్‌, బౌలింగ్ రెండింటిలోనూ అర్జున్‌ విఫలమయ్యాడు. బౌలింగ్‌లో కనీసం ఒక్క వికెట్‌ కూడా తీయలేకపోయిన జూనియర్‌ టెండూల్కర్‌.. బ్యాటింగ్‌లో రెండు ఇన్నింగ్స్‌లు కలిపి కేవలం 9 పరుగులు మాత్రమే చేశాడు. ఓవరాల్‌గా ఈ ఏడాది సీజన్ రంజీ ట్రోఫీలో ఇప్పటి వరకు ఐదు మ్యాచ్‌లు ఆడిన అర్జున్ టెండూల్కర్.. 9 ఇన్నింగ్స్‌లలో 182 పరుగులు మాత్రమే చేశాడు. అతడి ఇన్నింగ్స్‌లలో కేవలం రెండు హాఫ్ సెంచరీలు మాత్రమే ఉన్నాయి. అటు బౌలింగ్‌లోనూ అంతంతమాత్రమే. కేవలం బౌలింగ్‌లో నాలుగు వికెట్లు మాత్రమే తీసాడు.                                                      కాగా తన ఫస్ట్‌క్లాస్‌ కెరీర్‌ను ముంబై తరపున ఆరంభించిన అర్జున్‌.. ఇప్పుడు గోవాకు ప్రాతినిథ్యం వహించాడు. జట్టులో పెద్దగా అవకాశాలు రాకపోవడంతో ముంబై క్రికెట్‌ ఆసోషియేషన్‌ నుంచి ఎన్‌వోసీ తీసుకుని గోవా జట్టుతో చేరాడు. అక్కడ అవకాశాలు వచ్చిననప్పటికీ వాటిని సద్వినియోగ పరుచుకోవడంలో విఫలమవుతున్నాడు. తన ఫస్ట్‌క్లాస్‌ కెరీర్‌లో ఇప్పటివరకు 12 మ్యాచ్‌లు ఆడిన అర్జున్ టెండూల్కర్.. 882 పరుగులతో పాటు 16 వికెట్లు పడగొట్టాడు. కాగా ఐపీఎల్‌లో ముంబై ఇండియన్స్‌ తరపున అర్జున్‌ ప్రాతినిథ్యం వహిస్తున్న సంగతి తెలిసిందే. చదవండి: AUS vs NZ: ఆస్ట్రేలియా జట్టు ప్రకటన.. డేవిడ్‌ వార్నర్‌కు ఛాన్స్‌

రంజీట్రోఫీ-2024 సీజన్‌ను సచిన్‌ టెండూల్కర్‌ తనయడు అర్జున్ టెండూల్కర్‌ పేలవంగా ఆరభించాడు. ఈ టోర్నీలో గోవాకు ప్రాతనిథ్యం వహిస్తున్న అర్జున్‌.. త్రిపురతో జరుగుతున్న మ్యాచ్‌లో తన మార్క్‌ను చూపించలేకపోయాడు. తొలుత బౌలింగ్‌లో రెండు వికెట్లు పడగొట్టనప్పటికీ భారీగా పరుగులు సమర్పించుకున్నాడు. అనంతరం బ్యాటింగ్‌లో కేవలం 11 పరుగులు మాత్రమే చేసి నిరాశపరిచాడు. జట్టు కష్టాల్లో ఉన్నప్పుడు క్రీజులోకి వచ్చిన అర్జున్‌ జట్టున ఆదుకోవడంలో విఫలమయ్యాడు.  కాగా ఈ రంజీ సీజన్‌ ఆరంభానికి ముందు గతేడాది జరిగిన విజయ్‌ హాజారే ట్రోఫీలో అర్జున్‌ అద్బుతమైన ప్రదర్శన కనబరిచాడు. 11 వికెట్లతో అర్జున్‌ అదరగొట్టాడు.దీంతో ఫస్ట్‌క్లాస్‌ క్రికెట్‌ టోర్నీ రంజీ ట్రోఫీలో కూడా అతడిపై భారీ అంచనాలు నెలకొన్నాయి.  కానీ తొలి మ్యాచ్‌లో మాత్రం అర్జున్‌ అంచనాలను అందుకోలేకపోయాడు. ఇక మ్యాచ్‌ విషయానికి వస్తే.. గోవా తమ తొలి ఇన్నింగ్స్‌లో కేవలం 135 పరుగులకే కుప్పకూలింది. త్రిపుర బౌలింగ్‌లో ఏకే సర్కార్‌ 4 వికెట్లతో గోవా పతనాన్ని శాసించాడు. అతడితో పాటు మురా సింగ్‌, రానా దత్తా తలా 3 వికెట్లు సాధించారు.  

Fact Check: డిజిటల్‌ యుగంలో ఏది నిజమో ఏది అబద్ధమో పోల్చుకోవడం కష్టతరంగా మారింది. సోషల్‌ మీడియా వాడకం పెరిగిన తర్వాత మార్ఫ్‌డ్‌ ఫొటోలు, వీడియోల వ్యాప్తికి అడ్డూ అదుపు లేకుండా పోయింది. సెలబ్రిటీలను ముఖ్యంగా ఆడవాళ్లను టార్గెట్‌ చేస్తూ.. సైబర్‌ క్రిమినల్స్‌ చేసే ఇలాంటి చెత్త పనుల వల్ల.. సామాన్యులు కూడా బిక్కుబిక్కుమంటూ గడపాల్సిన దుస్థితి తలెత్తింది. అమ్మాయిల భద్రతపై ఆందోళన స్టార్‌ హీరోయిన్‌ రష్మిక మందన్నా డీప్‌ఫేక్‌ వీడియో వైరల్‌గా మారిన తరుణంలో.. టీమిండియా దిగ్గజం సచిన్‌ టెండుల్కర్‌ కుమార్తె సారా టెండుల్కర్‌కు సంబంధించిన ఫొటోపై నెట్టింట చర్చ మొదలైంది. ప్రేమలో ఉన్నారంటూ వదంతులు కాగా టీమిండియా యువ ఓపెనర్‌ శుబ్‌మన్‌ గిల్‌తో సారా ప్రేమలో ఉన్నట్లు వదంతులు వ్యాపిస్తున్న విషయం తెలిసిందే. గిల్‌ సోదరి షానిల్‌కు సారా స్నేహితురాలు. ఈ క్రమంలో గిల్‌- సారా మధ్య కూడా పరిచయం ఏర్పడి అది ప్రేమకు దారి తీసిందని గాసిప్‌ రాయుళ్లు గతంలో కథనాలు అల్లారు. సోషల్‌ మీడియాలో శుబ్‌మన్‌ గిల్‌- సారా ఒకరినొకరు ఫాలో అవడం.. గిల్‌ విజయాల పట్ల హర్షం వ్యక్తం చేస్తూ సారా కామెంట్లు చేయడం ఇందుకు ఊతమిచ్చింది. అయితే, కొన్ని రోజుల తర్వాత వీరిద్దరు విడిపోయారనే ప్రచారం కూడా జరిగింది. సారా వైపునకే కెమెరాలు ఈ క్రమంలో వన్డే వరల్డ్‌కప్‌-2023 సందర్భంగా ముంబైలో టీమిండియా మ్యాచ్‌ సందర్భంగా సారా టెండుల్కర్‌ స్టేడియానికి రావడంతో మరోసారి పాత రూమర్లు తెరపైకి వచ్చాయి. ముఖ్యంగా గిల్‌ షాట్లు ఆడినప్పుడల్లా కెమెరాలు ఆమె వైపునకు తిప్పడం.. ఆ సమయంలో సారా చప్పట్లుకొడుతూ జట్టు(గిల్‌ను మాత్రమే అన్నట్లు అపార్థాలు)ను ఉత్సాహపరుస్తూ కనిపించడం ఇందుకు కారణం. స్టేడియంలో అల్లరిమూకల అతిచేష్టలు ఇక స్టేడియంలో కొంతమందైతే గిల్‌ షాట్‌ బాదినప్పుడల్లా సారా వదిన అంటూ అత్యుత్సాహం ప్రదర్శించడం మరీ దారుణం. ఇలాంటి తరుణంలో జియో వరల్డ్‌ ప్లాజా ప్రారంభోత్సవంలో వీరిద్దరు కలిసి కనిపించిన వీడియోలు కూడా వైరల్‌ అయ్యాయి. ఈ నేపథ్యంలో సారా... శుబ్‌మన్‌ను ప్రేమగా హత్తుకుని ఉన్నట్లుగా ఉన్న ఫొటో నెట్టింట చక్కర్లు కొడుతోంది. అయితే, వాస్తవానికి అది మార్ఫ్‌డ్‌ ఫొటో.  నిజం ఇదే: తన తమ్ముడు అర్జున్‌ టెండుల్కర్‌ పుట్టినరోజు సందర్భంగా సెప్టెంబరు 24న సారా టెండుల్కర్‌ కొన్ని ఫొటోలు షేర్‌ చేసింది. ‘‘నా చిన్నారి తమ్ముడు ఈ 24న 24వ వసంతంలోకి!! హ్యాపియెస్ట్‌ బర్త్‌డే. మీ అక్క నీకెప్పుడూ అండగా ఉంటుంది’’ అంటూ క్యాప్షన్‌ జతచేసింది. ఇందులో తమ చిన్ననాటి ఫొటోలతో పాటు ప్రస్తుత ఫొటోలు కూడా పోస్ట్‌ చేసింది. వాటిలో ఓ ఫొటోలో అర్జున్‌కు ఆత్మీయంగా హత్తుకున్న సారా ఫొటోను మార్ఫ్‌ చేసినట్లు స్పష్టమైంది. అర్జున్‌ ప్లేస్‌లో శుబ్‌మన్‌ ఫొటో పెట్టి కొంతమంది సోషల్‌ మీడియాలో వ్యాప్తి చేశారు. అయితే, సారా ఇన్‌స్టాగ్రామ్‌ పరిశీలించగా అర్జున్‌ ఫేస్‌కు బదులు శుబ్‌మన్‌ ఫేస్‌ యాడ్‌ చేసి ఈ ఫొటో మార్ఫింగ్‌ చేసినట్లు బయటపడింది. View this post on Instagram A post shared by ICC (@icc)

సయ్యద్‌ ముస్తాక్‌ అలీ ట్రోఫీ-2023లో గోవా తొలి విజయం నమోదు చేసింది. ఈ టోర్నీ గ్రూపు-సిలో భాగంగా రాంఛీ వేదికగా ఆంధ్ర జట్టుతో జరిగిన మ్యాచ్‌లో 31 పరుగుల తేడాతో గోవా విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన గోవా నిర్ణీత 20 ఓవర్లలో 6 వికెట్ల నష్టానికి 232 పరుగులు చేసింది. గోవా బ్యాటర్లలో కెప్టెన్‌ దర్శన్ మిసల్‌ మెరుపు ఇన్నింగ్స్‌ ఆడాడు. కేవలం 27 బంతులు మాత్రమే ఎదుర్కొన్న దర్శన్‌ 5 ఫోర్లు, 5 సిక్స్‌లతో 61 పరుగులు చేశాడు. అతడితో పాటు రాహుల్‌ త్రిపాఠి(47), తునీష్ సాకర్(11 బంతుల్లో 34) రాణించారు. ఆంధ్ర బౌలర్లలో హరిశంకర్ రెడ్డి, పృథ్వీ రాజ్‌ తలా రెండు వికెట్లు సాధించగా.. మోహన్‌, హనుమా విహారి చెరో వికెట్‌ పడగొట్టారు. పోరాడి ఓడిన ఆంధ్ర..  ఇక 232 పరుగుల లక్ష్య ఛేదనలో ఆంధ్ర జట్టు అద్బుతమైన పోరాట పటిమ కనబరిచింది. 18.3 ఓవర్లలో 201 పరుగులకు ఆంధ్ర ఆలౌటైంది. ఆఖరిలో వరుస క్రమంలో వికెట్లు కోల్పోవడంతో ఆంధ్ర జట్టు ఓటమి పాలైంది. ఆంధ్ర బ్యాటర్లలో హనుమ విహారి(58) పరుగులతో టాప్‌ స్కోరర్‌గా నిలవగా.. కెప్టెన్‌ శ్రీకర్‌ భరత్‌(31), అశ్విన్‌ హెబ్బర్‌(31) పరుగులు చేశారు. గోవా బౌలర్లలో అర్జున్‌ టెండూల్కర్‌, లక్షయ్‌ గార్గ్‌ తలా మూడు వికెట్లు సాధించగా.. తారి,  దర్శన్ మిసల్‌ చెరో రెండు వికెట్లు పడగొట్టారు. చదవండి: AUS vs SL: డేవిడ్‌ వార్నర్‌ మంచి మనసు.. వీడియో వైరల్‌

Arjun Tendulkar Latest Six-Pack Abs Pic: టీమిండియా దిగ్గజం సచిన్‌ టెండుల్కర్‌ తనయుడు అర్జున్‌ టెండుల్కర్‌కు సంబంధించిన ఫొటో నెట్టింట వైరల్‌గా మారింది. సిక్స్‌ ప్యాక్‌ బాడీతో మిర్రర్‌ సెల్ఫీ తీసుకున్న అర్జున్‌.. దానిని సోషల్‌ మీడియాలో పోస్ట్ చేశాడు. ఇందుకు స్పందించిన నెటిజన్లు.. ఫిట్‌నెస్‌కు అర్జున్‌ ఎంత ప్రాధాన్యం ఇస్తాడో అర్థమవుతోందంటూ ప్రశంసిస్తున్నారు. ఈ ఏడాది కల నెరవేరింది కాగా దేశవాళీ క్రికెట్‌లో గోవాకు ప్రాతినిథ్యం వహిస్తున్న ఈ యువ పేసర్‌ ఐపీఎల్‌లో అరంగేట్రం కోసం ఎన్నో ఏళ్లు ఎదురుచూశాడు. ముంబై ఇండియన్స్‌ జట్టులో ఉన్నా రెండేళ్లపాటు అర్జున్‌ బెంచ్‌కే పరిమితమయ్యాడు. ఈ క్రమంలో ఐపీఎల్‌ పదహారో ఎడిషన్‌ సందర్భంగా అతడి కల నెరవేరింది. తాజా సీజన్‌లో ముంబై తరఫున క్యాష్‌ రిచ్‌ లీగ్‌లో అడుగుపెట్టాడు. తన తండ్రి మెంటార్‌గా ఉన్న జట్టుకే ప్రాతినిథ్యం వహించిన అర్జున్‌.. మొత్తంగా నాలుగు మ్యాచ్‌లు ఆడి 92 పరుగులిచ్చి మూడు వికెట్లు తీశాడు. ఇక ప్రస్తుతం దియోదర్‌ ట్రోఫీ-2023లో సౌత్‌ జోన్‌కు ఆడుతున్న అర్జున్‌.. తాజా సెల్ఫీతో నెట్టింట సందడి చేస్తున్నాడు. అప్పట్లో శుబ్‌మన్‌.. ఇప్పుడు అర్జున్‌ కాగా ఆటగాళ్లకు ఫిట్‌నెస్‌ ఎంత ముఖ్యమో అందరికీ తెలిసిందే. ఎప్పటికపుడు జిమ్‌లో చెమటోడుస్తూ.. సరైన జీవనశైలిని పాటిస్తేనే ఆరోగ్యంతో పాటు కెరీర్‌ను పొడిగించుకునే అవకాశం ఉంటుంది. ఇక టీమిండియా క్రికెటర్లలో ఫిట్‌నెస్‌కు మారుపేరుగా నిలిచిన విరాట్‌ కోహ్లి కూడా గతంలో తన సిక్స్‌ పాక్‌ ఆబ్స్‌ ఫొటోను పంచుకున్న సంగతి తెలిసిందే. ఆ తర్వాత కేఎల్‌ రాహుల్‌, టీమిండియా భవిష్యత్‌ ఆశాకిరణంగా మారిన శుబ్‌మన్‌ గిల్‌ కూడా అదే బాటలో నడిచారు. ఇప్పుడు అర్జున్‌ టెండుల్కర్‌ సైతం వారిని అనుసరిస్తూ తన ఫొటోను షేర్‌ చేశాడు. కాగా గోవా తరఫున ఏడు మ్యాచ్‌లు ఆడి అత్యధికంగా ఎనిమిది వికెట్లు తీసిన పేసర్‌గా అర్జున్‌ అగ్రస్థానంలో ఉన్నాడు.  దియెదర్‌ ట్రోఫీలో మయాంక్‌ అగర్వాల్‌ సారథ్యంలో ఆడుతున్న అతడు.. కర్ణాటక బౌలర్‌ విద్వత్‌ కవెరప్ప, వైశాక్‌ విజయ్‌కుమార్‌, వి.కౌశిక్‌తో కలిసి పేస్‌ దళంలో భాగమయ్యాడు. 23 ఏళ్ల అర్జున్‌ టెండుల్కర్‌ సోషల్‌ మీడియాలోనూ యాక్టివ్‌ ఉంటూ అప్‌డేట్లు అభిమానులతో షేర్‌ చేసుకుంటాడు.  చదవండి: ఏడాదికి 50 కోట్ల సంపాదన! మరి.. ధోని సొంత అక్క పరిస్థితి ఎలా ఉందంటే!

దేవధర్‌ ట్రోఫీ ఇంటర్‌ జోనల్‌ వన్డే క్రికెట్‌ టోర్నమెంట్‌లో పాల్గొనే సౌత్‌ జోన్‌ జట్టును ప్రకటించారు. సచిన్‌ టెండూల్కర్‌ తనయుడు అర్జున్‌ టెండూల్కర్‌కు మంచి గోల్డెన్‌ చాన్స్‌ లభించింది. దేవధర్‌ ట్రోఫీలో భాగంగా అర్జున్‌ సౌత్‌ జోన్‌ జట్టులోకి ఎంపికయ్యాడు. దేశవాళీ క్రికెట్‌లో అర్జున్‌ గోవా జట్టుకు ప్రాతినిధ్యం వహిస్తున్న సంగతి తెలిసిందే. ఇక 15 మంది సభ్యులతో కూడిన సౌత్‌ జోన్‌ జట్టులో హైదరాబాద్‌కు చెందిన రోహిత్‌ రాయుడు, ఆంధ్ర క్రికెటర్‌ రికీ భుయ్‌లకు స్థానం లభించింది. మయాంక్‌ అగర్వాల్‌ కెప్టెన్‌గా వ్యవహరిస్తాడు. దేవధర్‌ ట్రోఫీ ఈనెల 24 నుంచి ఆగస్టు 3 వరకు పుదుచ్చేరిలో జరుగుతుంది. సౌత్ జోన్ జట్టు: మయాంక్ అగర్వాల్ (కెప్టెన్), రోహన్ కున్నుమ్మల్ (వైస్ కెప్టెన్), ఎన్ జగదీషన్ (వికెట్ కీపర్), రోహిత్ రాయడు, కెబి అరుణ్ కార్తీక్, దేవదత్ పడిక్కల్, రికీ భుయ్ (వికెట్ కీపర్), వాషింగ్టన్ సుందర్, వి కావరప్ప, వి విక్షక్ వి, మోహిత్ రెడ్కర్, సిజోమోన్ జోసెఫ్, అర్జున్ టెండూల్కర్, సాయి కిషోర్. చదవండి: #BrijBhushanSharan: 'చుప్‌'.. మైక్‌ విరగ్గొట్టి రిపోర్టర్‌తో దురుసు ప్రవర్తన Duleep Trophy 2023: ఇవాళ్టి నుంచి దులీప్‌ ట్రోఫీ ఫైనల్‌.. 2011లో చివరిసారిగా 

IPL 2023 LSG Vs MI- Arjun Tendulkar : ఐపీఎల్‌-2023 ప్లే ఆఫ్స్‌ రేసులో కీలకమైన మరో మ్యాచ్‌కు రంగం సిద్ధమైంది. లక్నో వేదికగా మంగళవారం జరుగనున్న మ్యాచ్‌లో లక్నో సూపర్‌ జెయింట్స్‌- ముంబై ఇండియన్స్‌ అమీతుమీ తేల్చుకోనున్నాయి.  ఈ నేపథ్యంలో ఇప్పటికే ఇరు జట్ల ఆటగాళ్లు పూర్తి స్థాయిలో సన్నద్ధమయ్యారు.  ముంబై నుంచి మా దోస్త్‌ వచ్చాడు ఈ క్రమంలో లక్నో తమ ట్విటర్‌ ఖాతాలో షేర్‌ చేసిన ఓ వీడియో నెటిజన్ల దృష్టిని ఆకర్షిస్తోంది. ‘‘ముంబై నుంచి మా దోస్త్‌ వచ్చాడు’’ అంటూ సోమవారం పంచుకున్న ఆ వీడియోలో అర్జున్‌ టెండుల్కర్‌ చెప్పిన విషయమే ఇందుకు కారణం. కాగా టీమిండియా దిగ్గజం సచిన్‌ టెండుల్కర్‌ తనయుడు, బౌలింగ్‌ ఆల్‌రౌండర్‌ అర్జున్‌ తాజా ఎడిషన్‌తో ఐపీఎల్‌లో అరంగేట్రం చేసిన విషయం తెలిసిందే. కోల్‌కతా నైట్‌ రైడర్స్‌తో మ్యాచ్‌ సందర్భంగా ఈ ముంబై ఇండియన్స్‌ ఆటగాడు  క్యాష్‌రిచ్‌ లీగ్‌లో అడుగుపెట్టాడు. సన్‌రైజర్స్‌తో మ్యాచ్‌లో తొలి వికెట్‌ తీశాడు. ఇప్పటి వరకు ఆడిన నాలుగు మ్యాచ్‌లలో 92 పరుగులు ఇచ్చి 3 వికెట్లు తీశాడు అర్జున్‌ టెండుల్కర్‌. ఈ క్రమంలో లక్నోతో మ్యాచ్‌కు సిద్ధమైన.. ప్రాక్టీస్‌ సందర్భంగా జెయింట్స్‌ ఆటగాళ్లను కలిశాడు. కుక్క కరిచింది లక్నో యువ బౌలర్‌ యుధ్‌వీర్‌ సింగ్‌తో ముచ్చటించాడు. ఈ క్రమంలో.. అర్జున్‌ను ఆలింగనం చేసుకున్న యుధ్‌వీర్‌ ..‘ఎలా ఉన్నావు? అంతా ఓకే కదా!’’ అని అడిగాడు. ఇందుకు బదులుగా.. ‘‘కుక్క కరిచింది’’ అని సమాధానమిచ్చాడు. ‘‘అవునా ఎప్పుడు’’ అంటూ యుధ్‌వీర్‌ అడగ్గా.. ‘నిన్ననే’ అని బదులిచ్చాడు.  ఇరగదీస్తున్నావు బ్రో ఇక తర్వాత మొహ్సిన్‌ ఖాన్‌ను కలిసిన అర్జున్‌.. బౌలింగ్‌ ఇరదీస్తున్నావు బ్రో అంటూ ప్రశంసలు కురిపించాడు. ఇందుకు సంబంధించిన వీడియో నెట్టింట వైరల్‌ అవుతుండగా.. ‘‘అయ్యో అర్జున్‌ను కుక్క కరిచిందా? ఇది కూడా వార్తే’’ అంటూ ఫన్నీగా కామెంట్లు చేస్తున్నారు కొంతమంది నెటిజన్లు!! కాగా ప్లే ఆఫ్స్‌ రేసులో కీలకమైన మ్యాచ్‌లో అర్జున్‌కు తుది జట్టులో అవకాశం దక్కకపోవచ్చు. లక్నోతో మ్యాచ్‌లో ముంబై ఇండియన్స్‌ తుది జట్టు (అంచనా) రోహిత్ శర్మ, ఇషాన్ కిషన్, కామెరాన్ గ్రీన్, సూర్యకుమార్ యాదవ్, నేహాల్ వధేరా, టిమ్ డేవిడ్, హృతిక్ షోకీన్, పీయూష్ చావ్లా, క్రిస్ జోర్డాన్, కుమార్ కార్తికేయ, ఆకాష్ మధ్వల్, జాసన్ బహ్రెండార్ఫ్.   చదవండి: గుజరాత్‌లో ఉన్నాను.. నాకిష్టమైన తిండి దొరకదు కదా: మహ్మద్‌ షమీ Mumbai se aaya humara dost. 🤝💙 pic.twitter.com/6DlwSRKsNt — Lucknow Super Giants (@LucknowIPL) May 15, 2023

ఐపీఎల్‌ 16వ సీజన్‌లో ముంబై ఇండియన్స్‌ వరుసగా రెండో పరాజయాన్ని మూటగట్టుకుంది. మంగళవారం గుజరాత్‌ టైటాన్స్‌తో జరిగిన మ్యాచ్‌లో ముంబై 55 పరుగుల తేడాతో ఓటమిపాలై 2017 తర్వాత అత్యంత పెద్ద ఓటమిని మూటగట్టుకుంది. నెహల్‌ వదేరా 41 పరుగులతో టాప్‌ స్కోరర్‌గా నిలిచాడు. చావ్లాను బలిచేసిన నెహల్‌ వదేరా.. అయితే మ్యాచ్‌లో టాప్‌ స్కోరర్‌గా నిలిచిన నెహర్‌ వదేరా చేసిన ఒక తప్పిదం చర్చనీయాంశంగా మారింది. తాను బ్యాటింగ్‌ చేయడం కోసం లేని పరుగు కోసం యత్నించి పియూష్‌ చావ్లాను రనౌట్‌ చేశాడు. ఆ తర్వాత అర్జున్‌ టెండూల్కర్‌ సింగిల్‌ తీయడానికి ప్రయత్నిస్తే అతనిపై అసహనం వ్యక్తం చేయడం ఆసక్తిగా మారింది. విషయంలోకి వెళితే.. 18వ ఓవర్లో మోహిత్‌ శర్మ వేసిన తొలి బంతిని పియూష్ చావ్లా మిస్ చేయడంతో వికెట్ కీపర్ వృద్ధిమాన్ సాహా బంతిని అందుకున్నాడు. అయితే నాన్‌స్ట్రైక్‌ ఎండ్‌లో ఉన్న నెహాల్ వదేరా వేగంగా పరిగెత్తుకొచ్చాడు. బంతి మిస్‌ అయిందని తెలిసినా కూడా పరిగెత్తుకురావడం పియూష్‌ చావ్లాను ఆశ్చర్యానికి గురి చేసింది. (Virat Kohli: చరిత్రకెక్కిన కోహ్లి.. 580 రోజుల తర్వాత) Photo: IPL Twitter అంతటితో ఆగక చావ్లాను క్రీజు వదలమని సంకేతం ఇచ్చాడు. చివరికి చేసేదేం లేక చావ్లా వదేరా కోసం క్రీజు నుంచి బయటకు వచ్చి పరిగెత్తాడు. కానీ అప్పటికే సాహా మోహిత్‌కు బంతి ఇవ్వడం.. ఆలస్యం చేయకుండా వికెట్లను ఎగురగొట్టడంతో చావ్లా రనౌట్‌గా వెనుదిరిగాడు. అయితే ఆ తర్వాత బంతిని నెహాల్‌ వదేరా డీప్‌స్వ్కేర్‌లెగ్‌ దిశగా ఆడాడు. అర్జున్‌పై అసహనం నాన్‌స్ట్రైక్‌ ఎండ్‌లో ఉ‍న్న అర్జున్‌ సింగిల్‌ కోసం పరిగెత్తుకొచ్చాడు. తన వద్దే స్ట్రైక్‌ ఉంచుకోవాలని భావించిన వదేరా తొలుత సింగిల్‌ తీయడానికి ఇష్టపడలేదు. కానీ అర్జున్‌ అప్పటికే సగం క్రీజు దాటడంతో చేసేదేంలేక సింగిల్‌ పూర్తి చేశాడు. ఈ క్రమంలో ఎందుకు పరిగెత్తుకొచ్చావ్‌ అంటూ అర్జున్‌పై అసహనం వ్యక్తం చేశాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. అయితే ఆ తర్వాత బంతికి అర్జున్‌ సింగిల్‌ తీసి వదేరాకు స్ట్రైక్‌ ఇవ్వగా.. ఫిఫ్టీ పూర్తి చేయకుండానే వదేరా.. మోహిత్‌ శర్మ బౌలింగ్‌లో షమీకి క్యాచ్‌ ఇచ్చి వెనుదిరిగాడు. (సెంచరీలతో విధ్వంసం.. పసికూనపై లంక ఓపెనర్ల ప్రతాపం) కాగా నెహల్‌ వదేరాపై క్రికెట్‌ ఫ్యాన్స్‌ ఆగ్రహం వ్య‍క్తం చేశారు. ''అర్జున్‌ సింగిల్‌ తీయడానికి ప్రయత్నించాడని తిడుతున్నావా.. మరి పియూష్‌ చావ్లా విషయంలో నువ్వు చేసిందేంటి''.. ''సిగ్గుండాలి.. ఫిఫ్టీ కోసం చావ్లాను బలిచేశావు.. పైగా అర్జున్‌ని తిడుతున్నావు''.. ''ఒక రకంగా నీవల్లే ముంబై ఓడింది '' అంటూ కామెంట్‌ చేశారు. Nehal Wadhera gets frustrated after immature run by Arjun Tendulkar. He was saying 'No' but Arjun covered 70% pitch already. #NehalWadhera #GTvsMI pic.twitter.com/VAPip85lyF — Vikram Rajput (@iVikramRajput) April 25, 2023

ముంబై ఇండియన్స్‌ ఆటగాడు అర్జున్‌ టెండూల్కర్‌ ఐపీఎల్‌లో తొలి సిక్సర్‌ బాదాడు. గుజరాత్‌ టైటాన్స్‌తో మ్యాచ్‌లో తొమ్మిదో నెంబర్‌ ఆటగాడిగా క్రీజులోకి వచ్చిన అర్జున్‌ టెండూల్కర్‌ మోహిత్‌ శర్మ బౌలింగ్‌లో భారీ సిక్స్‌ బాదాడు. మోహిత్‌ షార్ట్‌ బాల్‌ వేయగా.. అర్జున్‌ డీప్‌స్వ్కేర్‌ దిశగా సిక్సర్‌ కొట్టడం హైలెట్‌గా నిలిచింది. కాగా అర్జున్‌కు ఇదే తొలి సిక్సర్‌ కాగా.. తొలి ఐపీఎల్‌ సీజన్‌ కూడా. బౌలర్‌గా మంచి ప్రదర్శన కనబరిచిన అర్జున్‌.. ఇప్పుడు బ్యాటింగ్‌లోనూ సిక్సర్‌తో అలరించడంతో సచిన్‌ ఫ్యాన్స్‌ పండగ చేసుకుంటున్నారు. అర్జున్‌ టెండూల్కర్‌కు బ్యాటింగ్‌లో ప్రమోషన్‌ ఇవ్వాలని.. అతనికి మంచి టాలెంట్‌ ఉందని.. ఐదు, ఆరు స్థానాల్లో బ్యాటింగ్‌కు పంపిస్తే ముంబైకి మంచి ప్రయోజనం ఉంటుందని ఫ్యాన్స్‌ అభిప్రాయపడుతున్నారు. ఇక  మ్యాచ్‌ విషయానికి వస్తే ముంబై  ఇండియన్స్‌పై గుజరాత్‌ టైటాన్స్‌ 55 పరుగుల తేడాతో ఘన విజయం సాధించింది. 208 పరుగుల భారీ లక్ష్యంతో బరిలోకి దిగిన ముంబై ఇండియన్స్‌ నిర్ణీత 20 ఓవర్లలో 9 వికెట్ల నష్టానికి 152 పరుగులు మాత్రమే చేసింది. నెహల్‌ వదేరా 21 బంతుల్లో 40 పరుగులతో టాప్‌ స్కోరర్‌గా నిలవగా.. కామెరాన్‌ గ్రీన్‌ 33 పరుగులు, సూర్యకుమార్‌ 23 పరుగులు చేశాడు. గుజరాత్‌ బౌలర్లలో నూర్‌ అహ్మద్‌ మూడు వికెట్లు తీయగా.. రషీద్‌ ఖాన్‌, మోహిత్‌ శర్మలు చెరో రెండు వికెట్లు తీశారు. అంతకముందు గుజరాత్‌ నిర్ణీత 20 ఓవరల్లో ఆరు వికెట్ల నష్టానికి 207 పరుగులు చేసింది. గిల్‌ 56, మిల్లర్‌ 46, అభినవ్‌ మనోహర్‌ 46 పరుగులతో రాణించారు. Arjun aims BIG 🎯#GTvMI #IPLonJioCinema #TATAIPL #IPL2023 pic.twitter.com/cF4DZVviUm — JioCinema (@JioCinema) April 25, 2023 చదవండి: ముంబై , గుజరాత్‌ మ్యాచ్‌.. ట్రెండింగ్‌లో సారా టెండూల్కర్‌!

ఐపీఎల్‌ 16వ సీజన్‌లో మంగళవారం ముంబై ఇండియన్స్‌, గుజరాత్‌ టైటాన్స్‌ మధ్య మ్యాచ్‌ జరిగింది. అయితే ఈ మ్యాచ్‌ జరుగుతున్నంత సేపు సచిన్‌ టెండూల్కర్‌ కూతురు సారా టెండూల్కర్‌ ట్విటర్‌లో ట్రెండింగ్‌ లిస్ట్‌లో నిలిచింది. ఇలా ఎందుకున్నది ఈ పాటికే మీకు అర్థమయి ఉండాలి. గుజరాత్‌ టైటాన్స్‌ ఓపెనర్‌ శుబ్‌మన్‌ గిల్‌, సారా టెండూల్కర్‌ల మధ్య ప్రేమాయణం నడుస్తుదంటూ కొన్నాళ్ల క్రితం వార్తలు వచ్చాయి. ఆ వార్తల్లో నిజమెంతో తెలియదు కానీ గిల్‌ టీమిండియాలో సుస్థిర స్థానం సంపాదించినప్పటి నుంచి సారా, గిల్‌ల మధ్య మధ్య ఏదో ఉందంటూ పుకార్లు వస్తున్నాయి. అయితే తాము మంచి స్నేహితులమని గిల్‌ పేర్కొన్నప్పటికి క్రికెట్‌ ఫ్యాన్స్‌ మాత్రం తమకు నచ్చింది ఊహించుకుంటూ బతికేస్తున్నారు. ఇక మరో విషయం ఏంటంటే.. ముంబై ఇండియన్స్‌ తరపున సారా టెండూల్కర్‌ సోదరుడు అర్జున్‌ మ్యాచ్‌లో బరిలో ఉండడమే. ఒకవైపు గుజరాత్‌ తరపున శుబ్‌మన్‌ గిల్‌.. ముంబై జట్టు తరపున అర్జున్‌ ప్రత్యర్థులుగా తలపడుతుండడంతో సారా ఎవరికి మద్దతివ్వాలో తెలియక మ్యాచ్‌ చూడడం మానేసిందని కొందరు అభిమానులు ట్విటర్‌లో ఫన్నీ ట్రోల్స్‌ చేశారు. ఇక మ్యాచ్‌లో అర్జున్‌ టెండూల్కర్‌, శుబ్‌మన్‌ గిల్‌లు ఒక్కసారి మాత్రమే ఎదురుపడ్డారు. గుజరాత్‌ టైటాన్స్‌ తొలి ఓవర్‌ అర్జున్‌ వేసినప్పటికి ఆ ఓవర్‌లో నాలుగో బంతిని గిల్‌ ఎదుర్కొని ఒక పరుగు చేశాడు.  ఇక తన రెండో ఓవర్‌ తొలి బంతికే సాహాను ఔట్‌ చేసిన అర్జున్‌ బౌలింగ్‌ ఎదుర్కొనే చాన్స్‌ గిల్‌కు రాలేదు. మ్యాచ్‌లో రెండు ఓవర్లు మాత్రమే వేసిన అర్జున్‌ 9 పరుగులిచ్చి ఒక వికెట్‌ తీశాడు. మరోవైపు గుజరాత్‌ టైటాన్స్‌ శుబ్‌మన్‌ గిల్‌ సీజన్‌లో మూడో అర్థసెంచరీ సాధించి తన ఫామ్‌ను కంటిన్యూ చేశాడు. ''ఏది ఏమైనా గుజరాత్‌, ముంబై మ్యాచ్‌లో అటు సోదురుడు అర్జున్‌ టెండూల్కర్‌.. ఇటు గిల్‌ ఇద్దరు మంచి ప్రదర్శన కనబరచడంతో సారా టెండూల్కర్‌కు ఎలాంటి బాధ లేదని.. పైగా ఈ ఇద్దరు ఎదురుపడినా ఎవరు పైచేయి సాధించకపోవడం సారాకు సంతోషం కలిగించి ఉంటుందని'' ఫ్యాన్స్‌ పేర్కొన్నారు. Sara Tendulkar while watching match between ShubmanGill and Arjun Tendulkar 😌#GTvsMI #GTvMI pic.twitter.com/5ptef3bVQ2 — Abhinav Jha 🇮🇳 (@abhinavj617) April 25, 2023 Arjun Tendulkar bowling to Shubman Gill 🔥 Is Sara Tendulkar is in the stands?#MIvsGT | #GTvMI | #IPL2023 pic.twitter.com/pCZrgInyKI — ₹ (@cricket_banana) April 25, 2023 Sara after Shubman Gill fifty be like.#MIvsGT #IPL2023 #GTvsMI pic.twitter.com/IB8FtF5zWi — Ashutosh Srivastava 🇮🇳 (@sri_ashutosh08) April 25, 2023 Sachin and Sara watching Shubman Gill's fifty pic.twitter.com/Os9G1qwfiv — Sagar (@sagarcasm) April 25, 2023 చదవండి: వికెట్లు తీసేవాడేమో.. తప్పు చేశాడని బౌలింగ్‌ ఇ‍వ్వకుంటే ఎలా?

ఐపీఎల్‌ 16వ సీజన్‌లో ముంబై ఇండియన్స్‌పై గుజరాత్‌ టైటాన్స్‌ భారీ స్కోరు చేసింది. 15 ఓవర్ల వరకు  130/4తో సాధారణంగా ఉన్న గుజరాత్‌ స్కోరు 20 ఓవర్లు ముగిసేసరికి ఆరు వికెట్ల నష్టానికి 207 పరుగులకు చేరుకుంది. అంటే చివరి ఐదు ఓవర్లలో గుజరాత్‌ రెండు వికెట్లు మాత్రమే కోల్పోయి 97 పరుగులు చేసింది.  మిల్లర్‌, అభినవ్‌ మనోహర్‌లకు తోడుగా రాహుల్‌ తెవాటియా చివర్లో విధ్వంసం సృష్టించడంతో గుజరాత్‌ 200 మార్కు దాటింది.  అయితే గ్రీన్‌ వేసిన 18వ ఓవర్‌ ముంబైకి కలిసి రాలేదు. ఆ ఓవర్‌లో అభినవ్‌ మనోహర్‌ రెండు సిక్సర్లు కొట్టగా.. మిల్లర్‌ ఒక సిక్సర్‌ కొట్టడంతో మొత్తంగా ఓవర్‌లో 22 పరుగులు వచ్చాయి.  ఆ తర్వాత మెరిడిత్‌ బౌలింగ్‌లోనూ మూడు సిక్సర్లు వచ్చాయి. ఆ తర్వాత చివరి ఓవర్లో తెవాటియా మరో రెండు సిక్సర్లు బాదాడు.  అర్జున్‌ను నమ్మని రోహిత్‌ అయితే వాస్తవానికి అర్జున్‌ టెండూల్కర్‌ ఈ మ్యాచ్‌లో మంచి బౌలింగ్‌ కనబరిచాడు. రెండు ఓవర్లు వేసిన అతను 9 పరుగులిచ్చి ఒక వికెట్‌ తీశాడు. అయితే పంజాబ్‌ కింగ్స్‌తో జరిగిన గత మ్యాచ్‌లో అర్జున్ ఒకే ఓవర్లో 31 పరుగులు సమర్పించుకొని ముంబై కొంప ముంచాడు. ఈ మ్యాచ్‌లో కూడా మరోసారి అలాగే వేస్తే ఏం చేయలేమని రోహిత్‌ భావించి ఉంటాడు. కానీ గుజరాత్‌తో మ్యాచ్‌లో అర్జున్‌ బౌలింగ్‌ కాస్త బెటర్‌ అనిపించింది. ఆ 18వ ఓవర్‌ కామెరాన్‌ గ్రీన్‌తో కాకుండా అర్జున్‌తో వేయించి ఉంటే బాగుండేదని.. వికెట్లు తీసేవాడేమోనని  పలువురు అభిమానులు అభిప్రాయపడ్డారు. చదవండి: 'అర్జున్‌ను తిడుతున్నావా? చావ్లా విషయంలో నువ్వు చేసిందేంటి!'

Sachin- Anjali Love Story In telugu: తొలి చూపులోనే ప్రేమ.. ప్రణయంలో ఐదేళ్ల ప్రయాణం.. వయసులో ఐదేళ్ల వ్యత్యాసం... అతడు ఆమె కంటే చిన్నవాడు కావడం వల్లపెద్దల నుంచి నో అనే మాట వినాల్సి వస్తుందేమోనన్న భయం.. అతడు మొహమాటపడ్డాడు.. ఆమె బాధ్యతను తన భుజాల మీద వేసుకుంది.. మనసిచ్చిన వాడితో కలిసి జీవితాంతం నడవాలన్న కలను నెరవేర్చుకునేందుకు తనే ముందుడుగు వేసింది.. పెద్దలకు తమ ప్రేమ విషయం చెప్పింది..  వాళ్లు అర్థం చేసుకున్నారు.. ఆ జంట పెళ్లి బంధంతో ఒక్కటైంది.. ఆటలో రికార్డుల రారాజే అయినా.. ఇంట్లో ప్రతి చిన్న విషయానికి తనపై ఆధారపడే భర్త కోసం ఆమె తన కెరీర్‌ను త్యాగం చేసింది.. ముత్యాల్లాంటి ఇద్దరు పిల్లలు.. ముచ్చటైన కుటుంబం.. అదే ఆమె ప్రపంచం.. నిజానికి ఆమె లేకుంటే అతడు లేడు.. తను క్రికెట్‌ దేవుడిగా ఎదగడంలో ఆమెది కూడా కీలక పాత్రే.. అలాంటి భార్యను పొందడం తన అదృష్టం అంటాడతడు..  నిజమే.. సంపన్న కుటుంబంలో పుట్టి.. ఏకైక సంతానం కావడంతో అల్లారుముద్దుగా పెరిగి.. డాక్టర్‌ అయినప్పటికీ కుటుంబం కోసం బంగారం లాంటి కెరీర్‌ను పణంగా పెట్టిన ఆ మహిళ పేరు అంజలి. టీమిండియా క్రికెట్‌ దిగ్గజం సచిన్‌ టెండుల్కర్‌ సతీమణి. సచిన్‌ 50వ పుట్టిన రోజు సందర్భంగా కపుల్‌ గోల్స్‌ సెట్‌ చేసిన అంజలి- సచిన్‌ ప్రేమకథ. తొలి చూపులోనే ప్రేమ 17 ఏళ్ల వయసులో 1989లో అంతర్జాతీయ క్రికెట్‌లో అడుగుపెట్టాడు సచిన్‌ టెండుల్కర్‌. పాకిస్తాన్‌ పర్యటనలో టెస్టు సిరీస్‌లో భాగంగా అరంగేట్రం చేసిన అతడు తొలి మ్యాచ్‌లో ఆకట్టుకోలేకపోయాడు.. కానీ రెండో మ్యాచ్‌లో అర్ధ శతకంతో మెరిశాడు. నాలుగు మ్యాచ్‌ల సిరీస్‌ ముగించుకుని జట్టుతో పాటు భారత్‌కు పయనమయ్యాడు. స్వదేశానికి చేరుకుని స్వస్థలానికి పయనమయ్యే క్రమంలో ఎయిర్‌పోర్టులో తొలిసారి అంజలిని చూశాడు. తన తల్లిని తీసుకువెళ్లేందుకు అక్కడికి వచ్చిన అంజలి కూడా తొలి చూపులోనే ప్రేమలో పడింది. ఆమె డాక్టర్‌ తర్వాత కామన్‌ ఫ్రెండ్‌ ద్వారా ఇద్దరూ మరోసారి కలుసుకున్నారు. స్నేహం పెరిగి.. ప్రేమగా మారింది. అప్పుడప్పుడే క్రికెటర్‌గా ఎదుగుతున్నాడు సచిన్‌.. మరోవైపు అంజలి మెడిసిన్‌ చదువుతోంది.. ప్రేమలో ఉన్నా సచిన్‌ ఆటను, అంజలి చదువును నిర్లక్ష్యం చేయకుండా కెరీర్‌కు కూడా ప్రాధాన్యం ఇచ్చారు. చదువులో చురుకైన అంజలికి క్రికెట్‌ గురించి పెద్దగా తెలియదు.. అయితే, ఎప్పుడైతే సచిన్‌ను ఇష్టపడటం మొదలుపెట్టిందో అప్పటి నుంచి ఆటపై కూడా ఆసక్తి పెంచుకుంది.. ఇద్దరూ ఒకరి గురించి ఒకరు తెలుసుకోవడం మొదలుపెట్టారు.. పెళ్లి చేసుకోవాలని నిర్ణయించుకున్నారు. జర్నలిస్టు అని చెప్పు సరేనా! అంజలిని తన తల్లిదండ్రులకు పరిచయం చేయాలనుకున్న సచిన్‌.. ఆమెను ఓ రోజు ఇంటికి ఆహ్వానించాడు. అయితే, ఇంట్లో వాళ్లందరికీ ముందే విషయం తెలిసిపోతే బాగుండదని భావించి తనను తాను జర్నలిస్టుగా పరిచయం చేసుకోమని అంజలికి చెప్పాడు. నువ్వు ఎలా అంటే అలా! సరే అంది అంజలి. సల్వార్‌ కమీజ్‌లో డ్రెస్సప్‌ అయి సచిన్‌ ఇంటికి వెళ్లింది. కాబోయే అత్తామామలను పరిచయం చేసుకుంది. ఇక అప్పటి నుంచి ఇద్దరి మధ్య అనుబంధం మరింత పెరిగింది. ఫోన్‌ బిల్స్‌ కట్టలేక 1990లలో మొబైల్‌ ఫోన్స్‌ ఉనికి పెద్దగా లేదు. కాబట్టి సచిన్‌తో మాట్లాడాలంటే అంజలి ఎంతో విశాలమైన కాలేజీ క్యాంపస్‌ దాటి టెలిఫోన్‌ బూత్‌కు వెళ్లి అక్కడ నుంచి కాల్‌ చేసేదట. అయితే, సచిన్‌ తరచూ విదేశీ టూర్లకు వెళ్తున్న కారణంగా బిల్‌ ఎక్కువగా వస్తుందని భావించి లెటర్స్‌ రాయడం మొదలుపెట్టింది. ఈ విషయాన్ని ఓ ఇంటర్వ్యూలో అంజలి స్వయంగా చెప్పింది. 1994లో నిశ్చితార్థం.. మరుసటి ఏడాది పెళ్లి తమ ప్రేమ విషయం గురించి తల్లిదండ్రులకు చెప్పేందుకు సచిన్‌ మొహమాట పడటంతో అంజలినే స్వయంగా వారితో మాట్లాడి ఒప్పించింది. అలా సచిన్‌- అంజలిల నిశ్చితార్థం 1994లో న్యూజిలాండ్‌ టూర్‌లో ఉన్న సమయంలో జరిగింది.  ఆ మరుసటి ఏడాది మే 24న వీరి వివాహం జరిగింది. 1997లో తొలి సంతానంగా కుమార్తె సారా జన్మించగా, 1999లో కుమారుడు అర్జున్‌ జన్మించాడు. సారా మోడల్‌గా, అర్జున్‌ క్రికెటర్‌గా అదృష్టం పరీక్షించుకుంటున్నారు. కుటుంబం కోసం త్యాగం పిడియాట్రిషియన్‌గా ప్రభుత్వాసుపత్రిలో ఉద్యోగం పొందిన అంజలి.. భార్యగా, డాక్టర్‌గా రెండు పడవల మీద ప్రయాణం చేయలేకపోయింది. సచిన్‌ తన కెరీర్‌లో బిజీ కావడంతో పిల్లల కోసం గృహిణిగా మారిపోయింది.  ఎవరినీ ఊహించుకోలేను ‘‘సచిన్‌ కాకుండా నా జీవితంలో మరో వ్యక్తికి చోటు లేదు. తనని నేను పూర్తిగా అర్థం చేసుకున్నాను. నేను తన గర్ల్‌ఫ్రెండ్‌గా ఉన్నప్పుడైనా.. భార్యగా మారిన తర్వాతైనా మా బంధంలో ఎలాంటి మార్పు లేదు. తను కాకుండా నా జీవితంలో వేరే వ్యక్తిని అసలు ఊహించుకోలేను. తను ఆడే ప్రతి మ్యాచ్‌ను నేను తప్పకచూసేదాన్ని. స్టేడియానికి వెళ్లడం పెద్దగా ఇష్టం ఉండదు. అందుకే ఇంట్లోనే టీవీలో తన బ్యాటింగ్‌ చూసేదాన్ని. మా ఇంట్లో ఇందుకోసమే ప్రత్యేకంగా ఓ టీవీ ఉంది. దాని పక్కనే గణేషుడి విగ్రహం కూడా! సచిన్‌ క్రీజులో ఉన్నంత సేపు అలా చూస్తూ ఉండిపోతా. ఆ సమయంలో కనీసం తినడానికి కూడా అక్కడి నుంచి కదలను. కనీసం నీళ్లు కూడా ముట్టను. ఫోన్‌ కాల్స్‌, ఎస్‌ఎంఎస్‌లకు ఆన్సర్‌ కూడా చేయను’’ అంటూ సచిన్‌తో పాటు తన ఆటను కూడా అంతే ప్రేమిస్తానని అంజలి ఒక సందర్భంలో చెప్పింది. అంజలి గురించి ఆసక్తికర విశేషాలు ►గుజరాతీ కుటుంబంలో జన్మించిన అంజలి ముంబైలో పెరిగింది. ►అంజలి తండ్రి ఆనంద్‌ మెహతా గుజరాతీ పారిశ్రామికవేత్త. ఆమె తల్లి అన్నాబెల్‌ బ్రిటిష్‌ సంతతికి చెందినవారు. అప్నాలయ పేరుతో ఎన్జీవో స్థాపించారు. ►అంజలి తాతయ్య భూస్వామి. ఆమె కుటుంబానికి బ్రీచ్‌కాండీ ఏరియాలో అత్యంత విలాసమైన రెసిడెన్షియల్‌ బంగ్లాలు ఉన్నాయి.  ►అంజలి కజిన్లలో చాలా మంది మెక్సికన్‌ మూలాలు ఉన్నవారు ఉన్నారు.  ►అంజలి కుటుంబానికి నెహ్రూ- గాంధీ కుటుంబంతో సత్సంబంధాలు ఉండేవట.  చదవండి: #HBD Sachin: సచిన్ క్రికెట్‌కి దేవుడైతే.. ఆ భక్తుడు ప్రత్యక్షం కావాల్సిందే! గతంలో ఎప్పుడూ చూడలేదు.. పర్పుల్‌ క్యాప్‌ పొందేందుకు అర్హుడు: కోహ్లి

ఐపీఎల్‌-2023లో ముంబై ఇండియన్స్‌ మరో ఓటమి చవి చూసింది. పంజాబ్‌ కింగ్స్‌తో జరిగిన మ్యాచ్‌లో 13 పరుగుల తేడాతో ముంబై పరాజయం పాలైంది. ఈ మ్యాచ్‌లో టాస్‌ గెలిచిన ముంబై కెప్టెన్‌ రోహిత్‌ శర్మ.. తొలుత పంజాబ్‌ను బ్యాటింగ్‌కు ఆహ్వానించాడు. బ్యాటింగ్‌కు దిగిన పంజాబ్‌ను 15 ఓవర్ల వరకు ముంబై బౌలర్లు అద్భుతంగా కట్టడి చేశారు. పంజాబ్‌ 15 ఓవర్లు ముగిసే సరికి 4 వికెట్లు కోల్పోయి 118 పరుగులు మాత్రమే చేసింది. ఇక్కడే ముంబై కెప్టెన్‌ రోహిత్‌ శర్మ చేసిన తప్పిదం మ్యాచ్‌ స్వరూపాన్నే మార్చేసింది. 16 ఓవర్‌ వేసేందుకు అద్భుతంగా బౌలింగ్‌ చేసిన వెటరన్‌ స్పిన్నర్‌ పియూష్‌ చావ్లాను కాదని, అంత అనుభవం లేని అర్జున్‌ టెండూల్కర్‌ను రోహిత్‌ తీసుకువచ్చాడు. ఇదే ముంబై కొంపముంచింది. 16 ఓవర్‌ వేసిన అర్జున్‌ ఏకంగా 31 పరుగులు సమర్పించకున్నాడు. ఇక్కడి నుంచి ఊచకోత మొదలు పెట్టిన పంజాబ్ బ్యాటర్లు.. చివరి ఐదు ఓవర్లలో 96 పరుగులు చేశారు. ఇక రోహిత్‌ తీసుకున్న నిర్ణయాన్ని పలువురు ముంబై అభిమానులు తప్పబడుతున్నారు. పియూష్‌ చావ్లా ఓవర్ల కోటాను రోహిత్‌ ఎందుకు పూర్తి చేయలేదో అర్ధం కావడం లేదని సోషల్‌ మీడియాలో తెగ చర్చించుకుంటున్నారు. "రోహిత్‌ చేసిన తప్పుకు అంతగా అనుభవం లేని అర్జున్‌ బలైపోయాడు" మరి కొంత మంది కామెంట్లు చేస్తున్నారు. ఈ మ్యాచ్‌లో మూడు ఓవర్లు వేసిన చావ్లా కేవలం 15 పరుగులిచ్చి రెండు వికెట్లు పడగొట్టాడు. కాగా అంతకుముందు రెండు మ్యాచ్‌ల్లోనూ అర్జున్‌తో రోహిత్‌ రెండు ఓవర్లు మాత్రమే వేయించాడు. పంజాబ్‌తో మ్యాచ్‌లో మాత్రం అర్జున్‌కు మరో ఓవర్‌ ఇచ్చి రోహిత్‌ తప్పు చేశాడు. ఓవరాల్‌గా ఈ మ్యాచ్‌లో మూడు ఓవర్లు వేసిన అర్జున్‌.. ఏకంగా 48 పరుగులిచ్చి కేవలం ఒక్క వికెట్‌ మాత్రమే పడగొట్టాడు. చదవండి: IPL 2023: అతడే మా కొంప ముంచాడు.. బాధపడాల్సిన అవసరం లేదు! సంతోషంగా ఉంది

ఐపీఎల్‌-2023లో పంజాబ్‌ కింగ్స్‌తో జరిగిన మ్యాచ్‌లో 13 పరుగుల తేడాతో ముంబై ఇండియన్స్‌ ఓటమి పాలైంది. ఇక తన తొలి రెండు మ్యాచ్‌ల్లోనూ ఆకట్టుకునే ప్రదర్శనే చేసిన ముంబై ఇండియన్స్‌ యువ పేసర్‌ అర్జున్‌ టెండూల్కర్‌.. ఈ మ్యాచ్‌లో మాత్రం పూర్తిగా తేలిపోయాడు. ఈ మ్యాచ్‌లో మూడు ఓవర్లు వేసిన అర్జున్‌.. ఏకంగా 48 పరుగులిచ్చి కేవలం ఒక్క వికెట్‌ మాత్రమే పడగొట్టాడు. అయితే తొలి రెండు ఓవర్లు అద్భుతంగా బౌలింగ్‌ చేసిన అర్జున్‌, తన మూడో ఓవర్‌లో మాత్రం దారుణంగా విఫలమయ్యాడు. తీవ్ర ఒత్తిడికి గురైన టెండూల్కర్‌ ఆ ఓవర్‌లో ఏకంగా 31 పరుగులు సమర్పించుకున్నాడు. అందులో ఓ నోబ్‌, వైడ్‌ కూడా ఉండడం గమనార్హం. ఇది పంజాబ్‌ ఇన్నింగ్స్‌ 16వ ఓవర్లో ఇది చోటుచేసుకుంది. ఇక ఒకే  ఓవర్‌లో భారీగా పరుగులు ఇచ్చిన అర్జున్‌ టెండూల్కర్‌ ఓ చెత్త రికార్డును నెలకొల్పాడు. ఈ ఏడాది ఐపీఎల్‌ సీజన్‌లో ఒకే ఓవర్‌లో అ‍త్యధిక పరుగులు ఇచ్చిన బౌలర్‌గా గుజరాత్‌ పేసర్‌ యశ్‌ దయాల్‌తో సంయుక్తంగా నిలిచాడు. ఈ టోర్నీలో భాగంగా కేకేఆర్‌తో జరిగిన మ్యాచ్‌లో యశ్‌ దయాల్‌ కూడా ఒక ఓవర్‌లో 31 పరుగులు ఇచ్చాడు. ఇదే ఓవర్‌లో కేకేఆర్‌ ఆటగాడు రింకూ సింగ్‌ వరుసగా ఐదు సిక్సర్లు బాదిన సంగతి తెలిసిందే. చదవండి: IPL 2023: 17 కోట్లు దండగా అన్నారు.. ఇప్పుడు దుమ్ము రేపుతున్నాడు! నోళ్లు మూయించాడుగా pic.twitter.com/RaFgBUsg2l — Guess Karo (@KuchNahiUkhada) April 23, 2023

ఐపీఎల్‌ 16వ సీజన్‌లో ముంబై ఇండియన్స్‌ బౌలర్‌ అర్జున్‌ టెండూల్కర్‌ తన రెండో మ్యాచ్‌లోనే తేలిపోయాడు. శనివారం పంజాబ్‌ కింగ్స్‌తో మ్యాచ్‌లో అర్జున్‌ దారాళంగా పరుగులు సమర్పించుకున్నాడు. మూడు ఓవర్లు వేసిన అర్జున్‌ 48 పరుగులిచ్చుకొని ఒ‍క్క వికెట్‌ మాత్రమే తీశాడు. మరో విచిత్రమేంటంటే.. తొలి రెండు ఓవర్లు బాగానే బౌలింగ్‌ చేసిన అర్జున్‌.. తాను వేసిన మూడో ఓవర్‌లో ఏకంగా 31 పరుగులు సమర్పించుకున్నాడు. ఇన్నింగ్స్‌ 16వ ఓవర్లో ఇది చోటుచేసుకుంది. ఒక దశలో పంజాబ్‌ కింగ్స్‌ 160 పరుగులు చేస్తుందా అన్న అనుమానం కలిగింది. కానీ అర్జున్‌ టెండూల్కర్‌ వేసిన ఇన్నింగ్స్‌ 16వ ఓవర్‌ మ్యాచ్‌ స్వరూపాన్నే మర్చేసింది. ఆ ఓవర్‌లో అర్జున్‌ వైడ్‌, నోబ్‌ సహా 6,4,4,6,4,4,1 మొత్తంగా 31 పరుగులు సమర్పించుకొని ముంబై కొంపముంచాడు. ఈ దెబ్బతోనే పంజాబ్‌ కింగ్స్‌ స్కోరు 200 దాటింది. దీనికి పరోక్షంగా కారణం అర్జున్‌ టెండూల్కర్‌ అనే నిస్సందేహంగా చెప్పొచ్చు. కాగా కేకేఆర్‌తో మ్యాచ్‌ ద్వారా అర్జున్‌ ఐపీఎల్‌లో అరంగేట్రం చేశాడు. ఆ మ్యాచ్‌లో పెద్దగా ప్రభావం చూపలేదు. అయితే ఎస్‌ఆర్‌హెచ్‌తో మ్యాచ్‌లో ఆఖరి ఓవర్‌ బౌలింగ్‌ చేసిన అర్జున్‌ ఒక వికెట్‌ తీశాడు. అంతే సోషల్‌ మీడియాలో అర్జున్‌ టెండూల్కర్‌ పేరు మార్మోగిపోయింది. అరె ఏం బౌలింగ్‌ చేశాడంటూ ఊదరగొట్టారు. కానీ నిజానికి అర్జున్‌ టెండూల్కర్‌ చేసిందేమి లేదు. అప్పటికే ఎస్‌ఆర్‌హెచ్‌ ఓటమి ఖరారైపోయింది. తన వంతుగా ఆఖరి వికెట్‌ తీసిన ఎస్‌ఆర్‌హెచ్‌ను ఆలౌట్‌ మాత్రమే చేశాడు. దీనికే అతనిపై ప్రశంసల వర్షం కురిపించారు. Arjun Tendulkar bowled the joint-most expensive over in #IPL2023 so far (31 runs). 📸: Jio Cinema pic.twitter.com/VuJMNh4l7R — CricTracker (@Cricketracker) April 22, 2023 దిగ్గజం సచిన్‌ కుమారుడు కావడంతో అందరు అ‍ర్జున్‌ను ఆకాశానికెత్తారు. కానీ అతని బౌలింగ్‌ ప్రతిభ ఏంటనేది పంజాబ్‌తో మ్యాచ్‌లో బయటపడింది. మ్యాచ్‌లో నాలుగు వైడ్స్‌ వేసిన అర్జున్‌ కొన్ని యార్కర్లతో మెప్పించినప్పటికి ప్రత్యర్థి బ్యాటర్లను మాత్రం ఇబ్బంది పెట్టలేకపోయాడు. సామ్‌ కరన్‌, హర్‌ప్రీత్‌ బాటియాలు అర్జున్‌ బౌలింగ్‌ను చీల్చి చెండాడారు.

IPL 2023: అంతర్జాతీయ క్రికెట్‌లో వంద సెంచరీలు.. 34,357 పరుగులు.. ప్రపంచంలోని అత్యుత్తమ క్రికెటర్‌గా ఎనలేని కీర్తిప్రతిష్టలు.. క్రికెట్‌ దేవుడంటూ నీరాజనాలు.. టీమిండియా దిగ్గజం సచిన్‌ టెండుల్కర్‌ సుదీర్ఘ కెరీర్‌లో ఎన్నెన్నో చిరస్మరణీయ విజయాలు.. అనేకానేక రికార్డులు..  గొప్ప ఆటగాడిగా పేరొందిన సచిన్‌ 2013లో రిటైర్‌ అయినా.. అభిమానులు మాత్రం ఏదో ఒక సందర్భంలో అతడి ఘనతలు గుర్తుచేసుకుంటూ నేటికీ ప్రశంసలు కురిపిస్తూనే ఉంటారు. ఇక ఇప్పుడు సచిన్‌ కుమారుడు అర్జున్‌ వంతు వచ్చింది. సగటు తండ్రి మనసు దేశవాళీ క్రికెట్‌లో రాణిస్తున్న ఈ బౌలింగ్‌ ఆల్‌రౌండర్‌ ఐపీఎల్‌-2023 సీజన్‌తో ముంబై ఇండియన్స్‌ తరఫున అరంగేట్రం చేశాడు. కోల్‌కతా నైట్‌ రైడర్స్‌తో మ్యాచ్‌లో ఎంట్రీ ఇచ్చిన అర్జున్‌.. సన్‌రైజర్స్‌ హైదరాబాద్‌తో తన రెండో మ్యాచ్‌లో తొలిసారి వికెట్‌ పడగొట్టాడు.  ఈ నేపథ్యంలో సచిన్‌ పుత్రోత్సాహంతో పొంగిపోతున్నాడు. తానెంత ఎత్తుకు ఎదిగినా పిల్లల చిన్న చిన్న ఘనతలే తనకు ఎంతో గొప్ప అని భావించే సగటు తండ్రి మనసును చాటుకుంటున్నాడు. ఈ క్రమంలో ట్విటర్‌లో అభిమానులతో ముచ్చటించిన సచిన్‌కు ఓ ఫాలోవర్‌ అర్జున్ గురించి ఓ ప్రశ్న అడిగాడు. అవును.. ఒక్కసారి.. కానీ సచిన్‌ తొలిసారిగా ట్విటర్‌లో శుక్రవారం నిర్వహించిన #AskSachin సెషన్‌లో.. ‘‘మిమ్మల్ని అర్జున్‌ ఎప్పుడైనా అవుట్‌ చేశాడా?’ అని ఓ నెటిజన్‌ ప్రశ్నించగా.. ‘‘అవును.. ఒకే ఒక్కసారి.. అది కూడా లార్డ్స్‌లో.. కానీ ఈ విషయం అర్జున్‌కు అస్సలు గుర్తుచేయకండి’’ అని సరదాగా బదులిచ్చాడు. కాగా సచిన్‌ టెండుల్కర్‌ ఐపీఎల్‌లో ముంబై ఇండియన్స్‌(2008-13)కు ప్రాతినిథ్యం వహించిన విషయం తెలిసిందే. ఈ క్రమంలో అర్జున్‌ అరంగేట్రం నేపథ్యంలో ఐపీఎల్‌లో ఆడిన.. అది కూడా ఒకే జట్టుకు ఆడిన తండ్రీకొడుకులుగా వీరు సరికొత్త చరిత్ర సృష్టించారు. కాగా సచిన్‌ ప్రస్తుతం ముంబై ఇండియన్స్‌ ఐకాన్‌గా ఉన్న విషయం తెలిసిందే. చదవండి: నువ్వేమీ ముసలోడివి కాలేదు!; సచిన్‌లా 16 ఏళ్లకే ఆట మొదలెడితే: ధోని 16 కోట్లు తీసుకున్నావు.. మంచిగా కూర్చోని ఎంజాయ్‌ చేస్తున్నావు! Yes, once at Lord's but don't remind Arjun!🤫 https://t.co/Mm3Bf2ZL77 — Sachin Tendulkar (@sachin_rt) April 21, 2023 A special moment for young Arjun Tendulkar, who gets his first wicket in #TATAIPL and it is his captain Rohit Sharma, who takes the catch of Bhuvneshwar Kumar. Arjun takes the final wicket and @mipaltan win by 14 runs. pic.twitter.com/1jAa2kBm0Z — IndianPremierLeague (@IPL) April 18, 2023

క్రికెట్ దిగ్గజం సచిన్ తనయుడు, ముంబై ఇండియన్స్‌ యువ పేసర్‌  అర్జున్ టెండూల్కర్ తొలి ఐపీఎల్‌ వికెట్‌ సాధించిన సంగతి తెలిసిందే. ఐపీఎల్‌-2023లో భాగంగా మంగళవారం సన్‌రైజర్స్ హైదరాబాద్‌తో జరిగిన మ్యాచ్‌లో అర్జున్ టెండూల్కర్ తొలి ఐపీఎల్‌ వికెట్‌ పడగొట్టాడు. ఈ మ్యాచ్‌లో అర్జున్‌ తన అద్భుత ప్రదర్శనతో అందరిని ఆకట్టుకున్నాడు. 2.5 ఓవర్లు వేసిన అర్జున్ టెండూల్కర్ కేవలం 18 పరుగులు మాత్రమే ఇచ్చి ఒక్క వికెట్‌ సాధించాడు. దీంతో అతడిపై సర్వాత్ర ప్రశంసల వర్షం కురుస్తోంది. నెట్స్‌లో చెమటోడ్చుతున్న అర్జున్‌ ఇక అర్జున్‌ అర్జున్ టెండూల్కర్‌కు బౌలింగ్‌తో బ్యాటింగ్‌ కూడా చేసే సత్తా ఉంది. ఫస్ట్‌ క్లాస్‌ క్రికెట్‌లో అతడి పేరిట ఓ సెంచరీ కూడా ఉంది. కాగా ముంబై ఇండియన్స్‌ తమ తదుపరి మ్యాచ్‌లో ఏప్రిల్‌ 22న వాంఖడే వేదికగా పంజాబ్‌ కింగ్స్‌తో తలపడనుంది. ఈ క్రమంలో ఇప్పటికే ముంబై చేరుకున్న రోహిత్‌ సేన నెట్స్‌లో తీవ్రంగా శ్రమిస్తున్నాడు. తమ నెట్‌ ప్రాక్టీస్‌లో భాగంగా అర్జున్ కూడా నెట్స్‌లో తీవ్రంగా శ్రమిస్తున్నాడు. అయితే అర్జున్‌ బౌలింగ్‌ మాత్రమే కాకుండా బ్యాటింగ్‌పై కూడా దృష్టిపెట్టాడు. తమ బౌలర్లు బౌలింగ్‌ చేస్తుండగా అర్జున్‌ భారీ షాట్లు ఆడుతున్నాడు. ఇందుకు సంబంధించిన వీడియోను ముంబై ఇండియన్స్‌ ట్విటర్‌లో షేర్‌ చేసింది. దీంతో ఈ వీడియో సోషల్‌ మీడియాలో వైరల్‌గా మారింది. చదవండి: IPL 2023: ఎందుకు వస్తున్నాడో తెలియదు.. ప్రతీ మ్యాచ్‌లో ఇంతే! తీసి పడేయండి.. 𝕊𝕥𝕣𝕚𝕜𝕚𝕟𝕘 so good, you'd think it was their first job 😍 Look again 😉#OneFamily #MumbaiMeriJaan #MumbaiIndians #TATAIPL #IPL2023 pic.twitter.com/2QRlreAOID — Mumbai Indians (@mipaltan) April 19, 2023

సన్‌రైజర్స్‌ హైదరాబాద్‌తో నిన్న (ఏప్రిల్‌ 18) జరిగిన మ్యాచ్‌ సందర్భంగా కెమరాల్లో రికార్డైన ఓ సన్నివేశానికి సంబంధించిన ఓ వీడియో ప్రస్తుతం నెట్టింట హల్‌చల్‌ చేస్తుంది. ఇందులో సచిన్‌ తనయుడు అర్జున్‌ టెండూల్కర్‌ కోపంతో ఊగిపోతూ కనిపించాడు. తనపై కెమెరామెన్‌ పదేపదే ఫోకస్‌ చేస్తుండటంతో సహనం కోల్పోయిన అర్జున్‌ తిట్ట దండకం అందుకున్నాడు. ఈ సన్నివేశం ముంబై ఇన్నింగ్స్‌ 2వ ఓవర్‌ సందర్భంగా జరిగనట్లు వీడియో ద్వారా స్పష్టమవుతుంది.  ఏం జరిగిందంటే.. ముంబై ఇన్నింగ్స్‌ 2వ ఓవర్‌ సందర్భంగా బ్రాడ్‌కాస్టర్‌ అర్జున్‌కు సంబంధించిన ఓ క్లిప్‌ను చూపించాడు. మ్యాచ్‌కు ముందు అర్జున్‌.. తన తండ్రి సచిన్‌తో ఏదో మాట్లాడుతున్న సందర్భమది. ఈ క్లిప్‌ ప్లే చేసిన తర్వాత కెమెరా సచిన్‌పై ఫోకస్‌ కావడంతో కామెంటేటర్‌ రవిశాస్త్రి.. కొనేళ్ల కష్టం తర్వాత కలను సాకారం చేసుకున్న కొడుకును చూడటం తండ్రికి ఎంతో గర్వకారణమని సచిన్‌ ఉద్దేశిస్తూ అన్నాడు. pic.twitter.com/ZyvGYNfCmy — Tirth Thakkar (@ImTT01) April 18, 2023 ఆ మరు క్షణమే డగౌట్‌లో కూర్చున్న అర్జున్‌  ఫేస్‌ను కెమెరామెన్‌ జూమ్‌ చేశాడు. స్టేడియంలోని బిగ్‌ స్క్రీన్లపై తన ముఖం కనబడటంతో ఒక్కసారిగా కోపంతో ఊగిపోయిన అర్జున్‌.. కెమెరామెన్‌పై తిట్ట దండకం అందుకున్నాడు. డగౌట్‌లో తన పక్కను కూర్చున్న తిలక్‌ వర్మవైపు చూస్తూ అర్జున్‌ అసభ్యకరమైన పదజాలాన్ని వాడాడు. ఈ మొత్తం తంతు కెమెరాల్లో రికార్డు కావడం, అది కాస్త సోషల్‌మీడియాలో వైరల్‌ కావడంతో నెటిజన్లు రకరకాలుగా స్పందిస్తున్నారు. అర్జున్‌ ఆడుతున్నది కేవలం రెండో మ్యాచే కాబట్టి, అతనిపై కెమెరాలు పదేపదే ఫోకస్‌ చేస్తే ఒత్తిడికి లోనవుతాడు, అలా చేయడం కెమెరామెన్‌ తప్పేనని కొందరంటుంటే, మరి కొందరేమో.. ఇంత పొగరు పనికిరాదు, సెలెబ్రిటీ కొడుకు అన్న తర్వాత ఆ మాత్రం ఫోకస్‌ ఉంటుందంటూ అర్జున్‌నే తప్పుబడుతున్నారు. అర్జున్‌ ఏమన్నాడంటే.. వీడియోల్లో కనిపిస్తున్న దాన్ని బట్టి చూస్తే.. “Iski Maa ki, mujhe jaan bujh ke dikhate hai BC" అన్నట్లు తెలుస్తోంది. దీని అర్ధం వర్ణించలేని భాషలో ఉంది. కెమెరామెన్‌ ఉద్దేశపూర్వకంగా నన్ను హైలైట్‌ చేస్తున్నాడు అన్నది దాని అంతర్ధాం.