పంజాబ్ కింగ్స్ జట్టు ఇండియన్ ప్రీమియర్ లీగ్ ఆరంభ సీజన్‌ (2008) నుంచి ఇప్పటి వరకూ చెప్పుకోదగ్గ రీతిలో రాణించలేకపోయింది. ఆ జట్టు ఫలితాలను పరిశీలించినట్లయితే ఐపీఎల్ చరిత్రలో రెండుసార్లు మాత్రమే ప్లేఆఫ్స్‌ చేరుకుంది. మొదటిసారి 2008లో.. ఆ తర్వాత 2014 సీజన్‌లో టాప్‌-4లో నిలిచింది. 2014లో ఫైనల్‌కు చేరుకుని బెంగళూరులో జరిగిన టైటిల్ పొరులో కోల్‌కతా నైట్ రైడర్స్ చేతిలో పరాజయం చవిచూసింది.శ్రేయస్‌ అయ్యర్‌కి కెప్టెన్సీ బాధ్యతలుఆ రెండు సీజన్లను మినహాయిస్తే ఒక దశాబ్దం పాటు కింగ్స్ ప్లేఆఫ్స్‌కు కూడా చేరుకోలేకపోయింది. నిరంతరం కోచ్‌లు, కెప్టెన్‌లను మార్చడం కూడా కింగ్స్ ప్రదర్శన పై కోలుకోని దెబ్బతీసింది. పంజాబ్ కింగ్స్ మేనేజ్‌మెంట్ గత 17 సీజన్లలో పదహారు మంది కెప్టెన్లు, పది 10 మంది కోచ్‌లను మార్చింది. ఈసారి కూడా భారీ మార్పులతో మరోసారి తన అదృష్టాన్ని పరీక్షించుకోవడానికి సిద్ధమైంది.ఈసారి 2024లో కోల్‌కతా నైట్ రైడర్స్‌ను ముందుండి నడిపించి మూడో ఐపీఎల్ టైటిల్‌ను కట్టబెట్టిన భారత బ్యాటర్‌ శ్రేయస్ అయ్యర్ కోసం భారీగా ఖర్చు చేసింది. ఏకంగా రూ 26.75 కోట్లతో శ్రేయస్ అయ్యర్ ని కనుగోలు చేసి అతనికి కెప్టెన్సీ బాధ్యతలు కట్టబెట్టింది. హెడ్‌కోచ్ గా మాజీ ఆస్ట్రేలియా కెప్టెన్ రికీ పాంటింగ్‌ను ఎంచుకుంది.వేలంలో పంజాబ్ కింగ్స్ ఎలా రాణించింది?ఇక వేలానికి ముందు ఇద్దరు అన్‌క్యాప్డ్ ఆటగాళ్లు శశాంక్ సింగ్ మరియు ప్రభ్‌సిమ్రాన్ సింగ్ ని రెటైన్ చేసారు. ఇక వేలంలో ఏకంగా రూ 112 కోట్లు ఖర్చు చేశారు. ముందుగా శ్రేయస్ అయ్యర్ కోసం భారీగా ఖర్చు చేశారు. తర్వాత అర్ష్‌దీప్ సింగ్‌ను రూ 18 కోట్లకు తిరిగి తీసుకున్నారు. అదే మొత్తానికి భారత మాజీ స్పిన్నర్ యుజ్వేంద్ర చాహల్‌ను కొనుగోలు చేశారు.ఇంకా ఆస్ట్రేలియా ఆల్ రౌండర్లు గ్లెన్ మాక్స్‌వెల్, మార్కస్ స్టోయినిస్. న్యూజిలాండ్ పేసర్ మార్కో యాన్సెన్, ఆఫ్ఘనిస్తాన్ కి చెందిన అజ్మతుల్లా ఒమర్జాయ్‌ల చేరడంతో ఆల్ రౌండ్ విభాగాన్ని బాగా బలోపేతం చేసినట్లు కనిపిస్తోంది.కింగ్స్ జట్టులో నేహాల్ వధేరా, వైశక్ విజయ్‌కుమార్, యష్ ఠాకూర్ వంటి కొంతమంది యువ మరియు ఉత్తేజకరమైన ఆటగాళ్లను కూడా ఉన్నారు. సయ్యద్ ముస్తాక్ అలీ ట్రోఫీ లో ముంబై విజయంలో కీలక పాత్ర వహించిన సూర్యాంష్ షెడ్గే, ముషీర్ ఖాన్ కూడా జట్టులో చేరారు. వీరంతా ఇటీవలి కాలంలో అందరి దృష్టిని ఆకర్షించారు.ఈ సీజన్‌లో కింగ్స్‌కు లాకీ ఫెర్గూసన్ ప్రధాన పేసర్లలో ఒకడిగా ఉండే అవకాశముంది. ఇంకా విదేశీయ ఆటగాళ్లు జోష్ ఇంగ్లిస్, ఆరోన్ హార్డీ, జేవియర్ బార్ట్‌లెట్ జట్టుకు మరింత నాణ్యతను జోడిస్తారు. మొత్తమ్మీద సీనియర్, యువ ఆటగాళ్లతో, కొత్త కెప్టెన్‌తో జట్టు కొత్త తరహా వ్యూహంతో సిద్ధంగా ఉంది.పంజాబ్ కింగ్స్ జట్టు లో ప్రధాన ఆటగాళ్లుశ్రేయస్ అయ్యర్ఛాంపియన్స్ ట్రోఫీ లో నిలకడ గా రాణించి భారత్ విజయంలో కీలక పాత్ర వహించిన శ్రేయస్ అయ్యర్ పై పంజాబ్ కింగ్స్ భారీ ఆశలు పెట్టుకుంది. ఈ ముంబై బ్యాటర్‌ గత సీజన్ లో కోల్‌కతా నైట్ రైడర్స్ ను ముందుండి నడిపించి టైటిల్ సాధించిపెట్టాడు.ఇప్పుడు కింగ్స్ కూడా శ్రేయాస్ అయ్యర్ నుంచి అదే కానుక కోసం ఎదురుచూస్తోంది. ప్రస్తుతం అద్భుతమైన ఫామ్‌తో ఉన్న ఈ మిడిల్ ఆర్డర్ బ్యాటర్ కింగ్స్‌కు ప్రధాన ఆటగాళ్లలో ఒకడు అనడంలో సందేహం లేదు.యుజ్వేంద్ర చాహల్ఐపీఎల్ చరిత్రలో అత్యధిక వికెట్లు తీసిన ఈ స్పిన్ బౌలర్ కొత్త సీజన్‌లో కింగ్స్‌తో కలిసి తనదైన ముద్ర వేయాలని చూస్తున్నాడు. భారత్ జట్టులో స్థానం కోల్పోయినప్పటికీ చాహల్ స్పిన్ మాయాజాలాన్ని తక్కువగా అంచనా వేయలేం.అర్ష్‌దీప్ సింగ్టీ20 ఫార్మాట్ లో భారత్ తరుపున నిలకడగా రాణిస్తున్న ఈ ఎడమచేతి వాటం పేస్ బౌలర్ పంజాబ్ కింగ్స్ బౌలింగ్ కి సారధ్యం వహించే అవకాశముంది. గత కొన్ని సీజన్లలో ఐపిఎల్ లో నిరంతరం వికెట్లు సాధిస్తూ భారత్ జట్టులోకి చొచ్చుకొచ్చిన అర్ష్‌దీప్ మరోసారి తన ప్రతిభని నిరూపించుకోవాలని భావిస్తున్నాడు. ప్రస్తుత అర్ష్‌దీప్ ఫామ్ పంజాబ్‌కు కీలకం అవుతుంది.గ్లెన్ మాక్స్వెల్2014లో పంజాబ్ ప్లేఆఫ్స్‌ చేరుకున్న సమయంలో మాక్స్వెల్ కూడా జట్టులో ఉన్నాడు. మళ్లీ మాక్స్వెల్ అదే తరహా లో మెరుపులు మెరిపిస్తాడని కింగ్స్ భావిస్తోంది. అతను నాలుగో స్థానంలో బ్యాటింగ్ కి వచ్చి పెద్ద పాత్ర పోషిస్తాడని భావిస్తున్నారు.మార్కస్ స్టోయినిస్ఈ సీజన్‌లో స్టోయినిస్ తన అల్ రౌండ్ ప్రతిభ కనబరుస్తాడని కింగ్స్ ఏంతో ఆశలు పెట్టుకుంది. టాప్‌లో పరుగులు చేయడం, బౌలింగ్ లో కూడా కీలక పాత్ర వహిస్తాడని పంజబ్ గట్టి నమ్మకంతో ఉంది.పంజాబ్ కింగ్స్ జట్టుశ్రేయస్ అయ్యర్, యుజ్వేంద్ర చాహల్, అర్ష్‌దీప్ సింగ్, మార్కస్ స్టోయినిస్, నేహాల్ వధేరా, గ్లెన్ మాక్స్‌వెల్, వైశాక్ విజయ్‌కుమార్, యష్ ఠాకూర్, హర్‌ప్రీత్ బ్రార్, విష్ణు వినోద్, మార్కో జాన్సెన్, లాకీ ఫెర్గూసన్, జోష్ ఇంగ్లిస్, జేవియర్ బార్ట్‌లెట్, కుల్దీప్ సేన్, పైలా అవినాష్, సూర్యాంష్ షెడ్గే, ముషీర్ ఖాన్, హర్నూర్ పన్ను, ఆరోన్ హార్డీ, ప్రియాంష్ ఆర్య, అజ్మతుల్లా ఒమర్జాయ్.

న్యూజిలాండ్‌(India vs New Zealand)తో వన్డే నేపథ్యంలో భారత తుదిజట్టు కూర్పు గురించి టీమిండియా మాజీ క్రికెటర్‌ ఆకాశ్‌ చోప్రా(Aakash Chopra) ఆసక్తికర వ్యాఖ్యలు చేశాడు. ఓపెనింగ్‌ జోడీ మారవచ్చని.. అదే విధంగా.. కొత్తగా ఇద్దరు ఆటగాళ్లకు జట్టులో దక్కవచ్చని అంచనా వేశాడు. అయితే, తాను మాత్రం ఇలాంటి మార్పులు వద్దనే సూచిస్తానని పేర్కొన్నాడు.సెమీస్‌లో భారత్‌, కివీస్‌ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా భారత్‌.. పాకిస్తాన్‌, న్యూజిలాండ్‌, బంగ్లాదేశ్‌లతో కలిసి గ్రూప్‌-‘ఎ’లో ఉంది. ఈ క్రమంలో లీగ్‌ దశలో భాగంగా తొలుత బంగ్లాదేశ్‌ను ఓడించిన రోహిత్‌ సేన.. అనంతరం చిరకాల ప్రత్యర్థి పాకిస్తాన్‌పై కూడా జయభేరి మోగించింది. మరోవైపు.. న్యూజిలాండ్‌ కూడా ఈ రెండు జట్లపై గెలిచి భారత్‌తో పాటు సెమీస్‌ చేరింది.రోహిత్‌ శర్మ దూరం?ఈ క్రమంలో లీగ్‌ దశలో చివరగా నామమాత్రపు మ్యాచ్‌లో భారత్‌- కివీస్‌ ఆదివారం తలపడనున్నాయి. ఈ మ్యాచ్‌ ఇరుజట్లకు సెమీస్‌కు సన్నాహకంగా మారనుంది. ఇందులో గెలిచి రెట్టించిన ఆత్మవిశ్వాసంతో ముందుకు వెళ్లాలని భారత్‌- న్యూజిలాండ్‌ పట్టుదలగా ఉన్నాయి. ఇదిలా ఉంటే.. పాక్‌తో మ్యాచ్‌ సందర్భంగా పిక్కల్లో నొప్పితో బాధపడిన టీమిండియా కెప్టెన్‌ రోహిత్‌ శర్మ.. పూర్తిస్థాయిలో కోలుకోలేదని సమాచారం.అదే విధంగా.. మరో ఓపెనర్‌ శుబ్‌మన్‌ గిల్‌ కూడా జ్వరంతో బాధపడుతున్నట్లు తెలుస్తోంది. ఈ నేపథ్యంలో మాజీ ఓ‍పెనర్‌ ఆకాశ్‌ చోప్రా మాట్లాడుతూ.. ‘‘న్యూజిలాండ్‌తో మ్యాచ్‌లో టీమిండియా మార్పులు చేయబోతోందా? రోహిత్‌ శర్మ ఇందులో ఆడకపోవచ్చు. మహ్మద్‌ షమీ కూడా విశ్రాంతి తీసుకునే అవకాశం ఉంది.రిషభ్‌ పంత్‌, అర్ష్‌దీప్‌ సింగ్‌లకు అవకాశంకేఎల్‌ రాహుల్‌ ఓపెనర్‌గా రాబోతున్నాడు. రిషభ్‌ పంత్‌, అర్ష్‌దీప్‌ సింగ్‌లకు ఈసారి తుదిజట్టులో చోటు దక్కుతుందనే వార్తలు వస్తున్నాయి. ఇలా జరగొచ్చు. లేదంటే జరగకపోవచ్చు. కానీ నా అభిప్రాయం ప్రకారం భారత్‌ గత రెండు మ్యాచ్‌లలో ఆడిన జట్టుతోనే ముందుకు వెళ్లాలి.గెలుపు మనకు ఓ అలవాటుగా మారినప్పుడు.. అదే జట్టును కొనసాగిస్తే ఇంకా మెరుగైన ఫలితాలు ఉంటాయి. చాంపియన్స్‌ ట్రోఫీలో జడ్డూ గత మ్యాచ్‌లలో పెద్దగా వికెట్లు తీయలేదు. అయినా సరే అతడిని కొనసాగించాల్సిందే. జడ్డూను కాదని వరుణ్‌ చక్రవర్తిని తీసుకువచ్చే ఆలోచన కూడా యాజమాన్యానికి ఉండి ఉండవచ్చు.జడ్డూనే ఆడించాలిలేదా.. కివీస్‌ జట్టులో ఎడమచేతి వాటం ఆటగాళ్లు ఎక్కువ కాబట్టి వాషింగ్టన్‌ సుందర్‌ను ఆడించే యోచనలో ఉండొచ్చు. కానీ జడ్డూనే ఆడించాలని నేను కోరుకుంటాను. ఎందుకంటే.. అతడు తదుపరి సెమీస్‌ మ్యాచ్‌ ఆడాల్సి ఉంది. ఇలాంటి సమయంలో విశ్రాంతి పేరిట పక్కనపెట్టకూడదు’’ అని అభిప్రాయపడ్డాడు.ఒకవేళ తుదిజట్టులో మార్పు చేయాలని భావిస్తే షమీని తప్పించి అర్ష్‌దీప్‌ను ఆడిస్తే ప్రయోజనకరంగానే ఉంటుందని ఆకాశ్‌ చోప్రా ఈ సందర్భంగా పేర్కొన్నాడు. కాగా బంగ్లాదేశ్‌తో మ్యాచ్‌లో తొమ్మిది ఓవర్ల కోటా వేసిన స్పిన్‌ బౌలింగ్‌ ఆల్‌రౌండర్‌ రవీంద్ర జడేజా 37 పరుగులు ఇచ్చి వికెట్‌ తీయలేకపోయాడు. ఇక పాకిస్తాన్‌తో మ్యాచ్‌లో మాత్రం ఏడు ఓవర్లలోనే 40 రన్స్‌ ఇచ్చిన జడ్డూ ఒక వికెట్‌ తీయగలిగాడు. ఇదిలా ఉంటే.. చాంపియన్స్‌ ట్రోఫీ జట్టులో కేఎల్‌ రాహుల్‌తో కలిసి వికెట్‌ కీపర్‌ కోటాలో అవకాశం దక్కించుకున్న రిషభ్‌ పంత్‌కు మాత్రం తుదిజట్టులో ఆడే ఛాన్స్‌ రావడం లేదు. అయితే, కివీస్‌తో మ్యాచ్‌కు రోహిత్‌ దూరంగా ఉంటే మాత్రం.. రాహుల్‌ ఓపెనర్‌గా వస్తే.. పంత్‌కు చోటు దక్కవచ్చు.బంగ్లాదేశ్‌, పాకిస్తాన్‌లతో మ్యాచ్‌లలో ఆడిన భారత జట్టురోహిత్ శర్మ (కెప్టెన్‌), శుబ్‌‌మన్ గిల్, విరాట్ కోహ్లి, శ్రేయస్ అయ్యర్, అక్షర్ పటేల్, కేఎల్‌ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, హర్షిత్ రాణా, మహ్మద్‌ షమీ, కుల్దీప్ యాదవ్.బెంచ్‌: రిషభ్‌ పంత్‌(వికెట్‌ కీపర్‌), వాషింగ్టన్‌ సుందర్‌, వరుణ్‌ చక్రవర్తి, అర్ష్‌దీప్‌ సింగ్‌.చదవండి: అతడొక అద్భుతం.. క్రెడిట్‌ తనకే.. బాధగా ఉంది: బట్లర్‌

జస్‌ప్రీత్‌ బుమ్రా(Jasprit Bumrah)లేకుండానే భారత క్రికెట్‌ జట్టు చాంపియన్స్‌ ట్రోఫీ-2025 ఆడనుంది. వెన్నునొప్పి కారణంగా అతడు ఈ మెగా టోర్నీ మొత్తానికి దూరం కాగా.. యువ బౌలర్‌ హర్షిత్‌ రాణా(Harshit Rana) జట్టులోకి వచ్చాడు. అయితే, ప్రధాన పేసర్‌ బుమ్రా లేని లోటును మాత్రం ఎవరూ తీర్చలేరంటున్నాడు ఆస్ట్రేలియా దిగ్గజం రిక్కీ పాంటింగ్‌(Ricky Ponting).కానీ బుమ్రా స్థానాన్ని భర్తీ చేయగల సత్తా మాత్రం అర్ష్‌దీప్‌ సింగ్‌కు ఉందని పాంటింగ్‌ అభిప్రాయపడ్డాడు. ప్రపంచ స్థాయి ఫాస్ట్‌ బౌలర్‌ అయిన బుమ్రాకు అర్ష్‌ నైపుణ్యాలు ఏమీ తీసిపోవని.. టీమిండియా బౌలింగ్‌ విభాగానికి అతడు ప్రధాన బలం కాబోతున్నాడని పేర్కొన్నాడు. కాగా బుధవారం(ఫిబ్రవరి 19) నుంచి చాంపియన్స్‌ ట్రోఫీ మొదలుకానుండగా.. టీమిండియా గురువారం తమ తొలి మ్యాచ్‌ ఆడనుంది.దుబాయ్‌ వేదికగా మొదట బంగ్లాదేశ్‌తో తలపడనున్న రోహిత్‌ సేన.. తదుపరి ఫిబ్రవరి 23న పాకిస్తాన్‌, మార్చి 2న న్యూజిలాండ్‌ జట్లను ఢీకొట్టనుంది. ఈ నేపథ్యంలో ఈ ఐసీసీ ఈవెంట్లో భారత తుదిజట్టులో ఆడబోయే పేసర్ల గురించి ఆసీస్‌ బ్యాటింగ్‌ దిగ్గజం రిక్కీ పాంటింగ్‌ ఐసీసీ రివ్యూ షోలో భాగంగా తన అభిప్రాయాలు పంచుకున్నాడు.‘‘బుమ్రా స్థానాన్ని నేనైతే అర్ష్‌దీప్‌ సింగ్‌తోనే భర్తీ చేస్తాను. టీ20 క్రికెట్‌లో అతడి ఆట తీరు ఎలా ఉందో అందరికీ తెలిసిందే. ఇక అర్ష్‌ నైపుణ్యాల విషయానికొస్తే.. బుమ్రా మాదిరే అతడు కూడా కొత్త బంతితో ఆరంభ ఓవర్లలో అద్భుతం చేయగలడు.అంతేకాదు.. డెత్‌ ఓవర్లలోనూ రాణించగలడు. ఏదేమైనా టీమిండియా బుమ్రా సేవలను కోల్పోవడం నష్టదాయకమే. అయితే, అర్ష్‌ బుమ్రా లేని లోటును కొంతవరకైనా తీర్చగలడు. ఇక హర్షిత్‌ రాణా కూడా ప్రతిభావంతుడైన ఫాస్ట్‌బౌలర్‌ అనడంలో సందేహం లేదు.అయితే, ఆరంభంలో రాణించినంత గొప్పగా.. ఆఖరి ఓవర్లలో అతడు రాణించలేకపోవచ్చు. అర్ష్‌దీప్‌ మాదిరి నైపుణ్యాలు అతడికి లేవు. అందుకే నా ఓటు అర్ష్‌కే’’ అని రిక్కీ పాంటింగ్‌ తెలిపాడు. కాగా లెఫ్టార్మ్‌ పేసర్‌ అయిన అర్ష్‌దీప్‌ సింగ్‌కు ఇప్పటి వరకు కేవలం తొమ్మిది వన్డేలు ఆడిన అనుభవం మాత్రమే ఉండగా.. హర్షిత్‌ రైనా ఇటీవలే అరంగేట్రం చేశాడు.ఇక అర్ష్‌దీప్‌ అంతర్జాతీయ క్రికెట్‌లో ఇప్పటి వరకు 14 వికెట్లు తీయగా.. అతడి లిస్ట్‌-‘ఎ’ గణాంకాలు మాత్రం మెరుగ్గా ఉన్నాయి. 33 మ్యాచ్‌లలో కలిపి అతడు 55 వికెట్లు పడగొట్టాడు. ఇదిలా ఉంటే..అంతర్జాతీయ టీ20లలో మాత్రం 26 ఏళ్ల అర్ష్‌దీప్‌నకు గొప్ప రికార్డు ఉంది. 63 మ్యాచ్‌లు ఆడి 99 వికెట్లు కూల్చిన అతడు.. టీమిండియా తరఫున టీ20లలో అత్యధిక వికెట్ల వీరుడిగా కొనసాగుతున్నాడు.మరోవైపు హర్షిత్‌ రాణా టీమిండియా తరఫున ఇప్పటి వరకు రెండు టెస్టులు, మూడు వన్డేలు, ఒక టీ20 మ్యాచ్‌ ఆడి ఆయా ఫార్మాట్లలో వరుసగా 4, 6, 3 వికెట్లు తీశాడు. ఇక చాంపియన్స్‌ ట్రోఫీ ఆడబోయే భారత పేస్‌ దళంలో అర్ష్‌దీప్‌ సింగ్‌, హర్షిత్‌ రాణా రూపంలో మరో ఇద్దరు యువ పేసర్లతో పాటు సీనియర్‌ పేసర్‌ మహ్మద్‌ షమీ కూడా అందుబాటులో ఉన్న విషయం తెలిసిందే.చదవండి: బంగ్లాదేశ్‌తో మ్యాచ్‌కు భారత తుదిజట్టు ఇదే! రోహిత్‌ కోరుకుంటేనే అతడికి ఛాన్స్‌

ఐసీసీ ఛాంపియన్స్ ట్రోఫీ-2025కు మరో రెండు రోజుల్లో తెరలేవనుంది. ఫిబ్రవరి 19 నుంచి పాకిస్తాన్ వేదికగా ఈ మెగా టోర్నీ ప్రారంభం కానుంది. తొలి మ్యాచ్‌లో పాకిస్తాన్‌-న్యూజిలాండ్ జట్లు తలపడనున్నాయి. 1996 వరల్డ్‌కప్ తర్వాత ఓ ఐసీసీ ఈవెంట్‌కు పాక్ ఆతిథ్యమివ్వడం ఇదే తొలిసారి. దీంతో ఈ టోర్నీని విజయవంతంగా నిర్వహించేందుకు పాకిస్తాన్ క్రికెట్ బోర్డు అన్ని రకాల ఏర్పాట్లు చేసింది.ఇక భారత్ విషయానికి వస్తే.. ఫిబ్రవరి 20న దుబాయ్ వేదికగా బంగ్లాదేశ్‌తో జరగనున్న మ్యాచ్‌తో తమ ప్రయాణాన్ని ఆరంభించనుంది. ఈ మ్యాచ్‌లో గెలిచి టోర్నీని శుభారంభం చేయాలని టీమిండియా భావిస్తోంది. ఇప్పటికే దుబాయ్‌కు చేరుకున్న భారత జట్టు నెట్స్‌లో తీవ్రంగా శ్రమిస్తోంది. అదేవిధంగా తొలి మ్యాచ్ కోసం తుది జట్టు కూర్పుపై కూడా హెడ్ కోచ్ గౌతం గంభీర్‌, కెప్టెన్ రోహిత్ శర్మ దృష్టిసారించినట్లు తెలుస్తోంది.హర్షిత్‌కు నో ఛాన్స్‌..బంగ్లాతో మ్యాచ్‌కు పేసర్ హర్షిత్ రాణాకు బదులుగా అర్ష్‌దీప్ సింగ్‌ను ఎంపిక చేయాలని భారత జట్టు మెనెజ్‌మెంట్ భావిస్తున్నట్లు పీటీఐ వర్గాలు వెల్లడించాయి. కాగా వెటరన్ మహ్మద్ సిరాజ్‌ను కాదని మరి అర్ష్‌దీప్‌ను సెలక్టర్లు ఛాంపియన్స్ ట్రోఫీకి ఎంపిక చేశారు. పవర్‌ప్లేతో పాటు డెత్ ఓవర్లలో కూడా బౌలింగ్ చేసే సత్తా అతడికి ఉందని అజిత్ అగార్కకర్ అండ్ కో సెలక్ట్ చేశారు.ఈ క్రమంలోనే హర్షిత్ కంటే అర్ష్‌దీప్‌కు టీమ్ మెనెజ్‌మెంట్‌ తొలి ప్రాధన్యత ఇస్తున్నట్లు సమాచారం. ఒకవేళ అర్ష్‌దీప్ అంచనాలకు తగ్గట్టు రాణించకపోతే రాణా తర్వాతి మ్యాచ్‌ల్లో ఛాన్స్ ఇచ్చే అవకాశముంది. వాస్తవానికి తొలుత ఛాంపియన్స్ ట్రోఫీకి ఎంపిక చేసిన జట్టులో రాణా లేడు.జస్ప్రీత్ బుమ్రా గాయం కారణంగా దూరం కావడంతో రాణాకు భారత జట్టులో చోటు దక్కింది. అయితే ఇంగ్లండ్‌పై వన్డే అరంగేట్రం చేసిన రాణా పర్వాలేదన్పించాడు. ఈ ఢిల్లీ పేసర్‌ మూడు మ్యాచ్‌ల సిరీస్‌లో మొత్తంగా వికెట్లు పడగొట్టాడు. ఈ నేపథ్యంలోనే అతడిని ఛాంపియన్స్ ట్రోఫీ కోసం దుబాయ్‌కు తీసుకు వెళ్లారు.బంగ్లాతో మ్యాచ్‌కు భారత తుది జట్టు: రోహిత్ శర్మ (కెప్టెన్), శుభమన్ గిల్, విరాట్ కోహ్లీ, శ్రేయాస్ అయ్యర్, అక్షర్ పటేల్, కేఎల్‌ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, మహమ్మద్ షమీ, అర్ష్‌దీప్ సింగ్, కుల్దీప్ యాదవ్చదవండి: IND vs PAK: షాకింగ్‌.. భారత్‌-పాక్ మ్యాచ్ టిక్కెట్ ధర రూ.4 లక్షలు

ప్రధాన బౌలర్‌ జస్‌ప్రీత్‌ బుమ్రా(Jasprit Bumrah) లేకుండానే టీమిండియా చాంపియన్స్‌ ట్రోఫీ-2025(ICC Champions Trophy) బరిలో దిగనుంది. వెన్నునొప్పి నుంచి కోలుకోని కారణంగా ఈ పేస్‌ గుర్రం ఐసీసీ టోర్నమెంట్‌కు దూరమయ్యాడు. అయితే, ఈ వన్డే ఫార్మాట్‌ ఈవెంట్లో బుమ్రా లేని లోటు టీమిండియాపై కచ్చితంగా ప్రభావం చూపిస్తుందంటున్నాడు ఇంగ్లండ్‌ మాజీ క్రికెటర్‌ డేవిడ్‌ లాయిడ్‌.ప్రపంచ స్థాయి బౌలర్‌ అయిన బుమ్రా స్థానాన్ని వేరొక ఆటగాడు భర్తీ చేయడం అంత సులువేమీ కాదని అభిప్రాయపడ్డాడు. ఈ సందర్భంగా యువ పేసర్‌ అర్ష్‌దీప్‌ సింగ్‌(Arshdeep Singh)ను ఉద్దేశించి డేవిడ్‌ లాయిడ్‌ కీలక వ్యాఖ్యలు చేశాడు. వన్డేల్లో అంతగా అనుభవం లేని అర్ష్‌దీప్‌.. నేరుగా ఐసీసీ టోర్నీలో అడుగుపెట్టి అద్భుతాలు చేస్తాడని ఊహించలేమన్నాడు.సిరాజ్‌ను కాదనికాగా ఫిట్‌నెస్‌ సమస్యల కారణంగా బుమ్రా దూరమవుతాడని ముందుగానే ఊహించిన భారత క్రికెట్‌ నియంత్రణ మండలి(బీసీసీఐ).. పేస్‌ దళంలో సీనియర్‌ మహ్మద్‌ షమీతో పాటు అర్ష్‌దీప్‌ సింగ్‌కు చోటిచ్చింది. అయితే, మరో సీనియర్‌ బౌలర్‌ మహ్మద్‌ సిరాజ్‌పై మాత్రం నమ్మకం ఉంచలేకపోయింది.సిరాజ్‌ను కాదని అర్ష్‌దీప్‌ను ఐసీసీ ఈవెంట్‌కు ఎంపిక చేయడానికి గల కారణాన్ని కెప్టెన్‌ రోహిత్‌ శర్మ ఇప్పటికే వెల్లడించాడు కూడా. ఆరంభంలో కొత్త బంతితో ప్రభావం చూపుతున్న సిరాజ్‌.. డెత్‌ ఓవర్లలో మాత్రం రాణించలేకపోతున్నాడని పేర్కొన్న సిరాజ్‌.. అర్ష్‌దీప్‌ మాత్రం రెండు సందర్భాల్లోనూ మ్యాజిక్‌ చేయగలడని పేర్కొన్నాడు. అందుకే తాము ఈ యువ పేసర్‌ వైపు మొగ్గు చూపినట్లు తెలిపాడు.ఈ నేపథ్యంలో ఇంగ్లండ్‌ మాజీ కోచ్‌ డేవిడ్‌ లాయిడ్‌ మాట్లాడుతూ.. ‘‘ఒకరు జట్టులో లేకపోవడం వల్ల మరొకరికి చోటు దక్కడం నిజంగా ఓ గొప్ప అవకాశమే. అయితే, బుమ్రా ప్రస్తుతం ప్రపంచంలోనే అత్యుత్తమ బౌలర్‌. అతడు జట్టులో లేకుంటే కచ్చితంగా ఆ ప్రభావం ఉంటుంది.ఇదేమీ టీ20 ఫార్మాట్‌ కాదుఇక అర్ష్‌దీప్‌ విషయానికి వస్తే.. టీ20లకు, వన్డే ఫార్మాట్‌ భిన్నంగా ఉంటుంది. నాలుగు ఓవర్లు వేయడానికి.. పది ఓవర్ల బౌలింగ్‌కు కచ్చితంగా తేడా ఉంటుంది. ఇలా వచ్చి అలా వెళ్లిపోవడానికి ఇది టీ20 కాదు. వరుస ఓవర్లు, దీర్ఘమైన స్పెల్స్‌ వేయాల్సి ఉంటుంది. అయితే, అర్ష్‌దీప్‌నకు అలాంటి అనుభవం లేదు’’ అని పేర్కొన్నాడు.కాగా అంతర్జాతీయ టీ20లలో అర్ష్‌దీప్‌ సింగ్‌ భారత్‌ తరఫున అత్యధిక వికెట్లు వీరుడిగా కొనసాగుతున్నాడు. అతడి ఖాతాలో ఇప్పటి వరకు 99 వికెట్లు ఉన్నాయి. అయితే, ఇప్పటి వరకు టీమిండియా తరఫున కేవలం తొమ్మిది వన్డేలు మాత్రమే ఆడిన ఈ లెఫ్టార్మ్‌ పేసర్‌ పద్నాలుగు వికెట్లు తీయగలిగాడు. తొమ్మిది వన్డేలు ఆడిఇటీవల స్వదేశంలో ఇంగ్లండ్‌తో వన్డే సిరీస్‌లో పాల్గొన్న అర్ష్‌దీప్‌ సింగ్‌ ఆఖరిదైన అహ్మదాబాద్‌ మ్యాచ్‌లో ఆడాడు. ఈ వన్డేలో ఐదు ఓవర్లు బౌల్‌ చేసిన అర్ష్‌.. 33 పరుగులు ఇచ్చి రెండు వికెట్లు తీశాడు.ఇదిలా ఉంటే.. ఫిబ్రవరి 19 నుంచి పాకిస్తాన్‌ వేదికగా ఐసీసీ చాంపియన్స్‌ ట్రోఫీ మొదలుకానుంది. ఈ టోర్నీలో టీమిండియా తమ మ్యాచ్‌లన్నీ దుబాయ్‌లో ఆడుతుంది. ఇక ఈ మెగా ఈవెంట్‌కు ఆతిథ్య జట్టు హోదాలో పాకిస్తాన్‌.. వన్డే ప్రపంచకప్‌-2023 ప్రదర్శన ఆధారంగా ఆస్ట్రేలియా, భారత్‌, సౌతాఫ్రికా, అఫ్గనిస్తాన్‌, న్యూజిలాండ్‌, బంగ్లాదేశ్‌, శ్రీలంక అర్హత సాధించాయి. కాగా బుమ్రా స్థానంలో యువ పేసర్‌ హర్షిత్‌ రాణా చాంపియన్స్‌ ట్రోఫీ జట్టులోకి వచ్చాడు.చదవండి: CT 2025: సురేశ్‌ రైనా ఎంచుకున్న భారత తుదిజట్టు... వరల్డ్‌కప్‌ వీరులకు నో ఛాన్స్‌!

టీమిండియా యువ పేసర్‌ హర్షిత్‌ రాణా(Harshit Rana)పై భారత మాజీ క్రికెటర్‌ సంజయ్‌ మంజ్రేకర్‌(Sanjay Manjrekar) ప్రశంసలు కురిపించాడు. రానున్న కాలంలో భారత బౌలింగ్‌ దళంలో ‘బిగ్‌ స్టార్‌’గా ఎదుగుతాడని అభిప్రాయపడ్డాడు. ఇటీవలి కాలంలో పరిమిత ఓవర్ల క్రికెట్‌లో హర్షిత్‌ అద్భుత ప్రదర్శనే ఇందుకు నిదర్శనమని పేర్కొన్నాడు.కాగా ఆస్ట్రేలియాతో బోర్డర్‌- గావస్కర్‌ ట్రోఫీ సందర్భంగా అంతర్జాతీయ క్రికెట్‌లో అడుగుపెట్టిన హర్షిత్‌.. స్వదేశంలో ఇంగ్లండ్‌(India vs England)తో పరిమిత ఓవర్ల క్రికెట్‌లోనూ అరంగేట్రం చేశాడు. తొలుత టీ20లలో ఎంట్రీ ఇచ్చిన ఈ ఢిల్లీ పేసర్‌.. అనంతరం వన్డేల్లోనూ చోటు దక్కించుకున్నాడు.బుమ్రా స్థానంలో ఐసీసీ టోర్నీకిఇంగ్లండ్‌తో ఆడిన టీ20 మ్యాచ్‌లో మూడు వికెట్లతో మెరిసిన రైటార్మ్‌ ఫాస్ట్‌ మీడియం బౌలర్‌.. మూడు వన్డేల్లో కలిపి ఆరు వికెట్లు కూల్చాడు. తద్వారా ఈ రెండు సిరీస్‌లలో టీమిండియా గెలవడంలో తాను భాగమయ్యాడు. ఈ క్రమంలోనే ప్రతిష్టాత్మక ఐసీసీ చాంపియన్స్‌ ట్రోఫీ-2025 జట్టులో జస్‌ప్రీత్‌ బుమ్రా స్థానాన్ని బీసీసీఐ హర్షిత్‌ రాణాతో భర్తీ చేసింది.ఈ నేపథ్యంలో కామెంటేటర్‌, భారత మాజీ బ్యాటర్‌ సంజయ్‌ మంజ్రేకర్‌ హర్షిత్‌ రాణా ఆట తీరును కొనియాడాడు. రాణా రాకతో అర్ష్‌దీప్‌ సింగ్‌కు గట్టి పోటీ తప్పదని అభిప్రాయపడ్డాడు. ‘‘ఇటీవలి కాలంలో హర్షిత్‌ రాణా పరిమిత ఓవర్ల క్రికెట్‌లో రాణించిన తీరు ఆకట్టుకునే విధంగా ఉంది.టీమిండియా ‘బిగ్‌ స్టార్‌’గా ఎదుగుతాడుతన ప్రదర్శనతో అతడు జట్టు విజయాలపై ప్రభావం చూపగలిగాడు. అతడి ఆటిట్యూడ్‌ కూడా ముచ్చటగొలిపేలా ఉంది. సమీప భవిష్యత్తులోనే అతడు టీమిండియా బౌలింగ్‌ బిగ్‌ స్టార్‌గా అవతరించినా ఆశ్చర్యపోనక్కర్లేదు.ఆట పట్ల అతడి అంకితభావం, ఆలోచనా ధోరణి నాకెంతో నచ్చింది. ఏదేమైనా చాంపియన్స్‌ ట్రోఫీ తుదిజట్టులో సీనియర్‌గా అర్ష్‌దీప్‌ సింగ్‌కే ప్రాధాన్యం దక్కుతుంది. అయితే, దీర్ఘ కాలంలో రాణా వల్ల అర్ష్‌దీప్‌నకు కష్టాలు తప్పవు. సెకండ్‌ సీమర్‌గా అతడికి హర్షిత్‌ నుంచి పోటీ ఎదురవుతుంది.సిరాజ్‌ రీ ఎంట్రీ కష్టమే!కచ్చితంగా హర్షిత్‌ రాణా అర్ష్‌కు గట్టిపోటీగా మారతాడు. అతడి వల్ల ఇప్పటికే సీనియర్‌ పేసర్‌ మహ్మద్‌ సిరాజ్‌కు పరిమిత ఓవర్ల క్రికెట్‌లో పునరాగమనం చేయడం కష్టంగా మారింది’’ అని సంజయ్‌ మంజ్రేకర్‌ ఈఎస్‌పీఎన్‌క్రిక్‌ఇన్ఫోతో పేర్కొన్నాడు. కాగా ఇండియన్‌ ప్రీమియర్‌ లీగ్‌-2024లో కోల్‌కతా నైట్‌ రైడర్స్‌ తరఫున బరిలోకి దిగాడు హర్షిత్‌ రాణా.గత ఎడిషన్‌లో మొత్తంగా పదమూడు మ్యాచ్‌లు ఆడి 19 వికెట్లతో మెరిసిన ఈ ఢిల్లీ బౌలర్‌.. కోల్‌కతాను చాంపియన్‌గా నిలపడంలో కీలక పాత్ర పోషించాడు. ఇక నాడు కోల్‌కతా జట్టు మెంటార్‌గా ఉన్న గౌతం గంభీర్‌ టీమిండియా హెడ్‌కోచ్‌ కావడంతో హర్షిత్‌కు టీమిండియా ఎంట్రీ కాస్త సులువుగానే దక్కింది.చదవండి: Champions Trophy: ప్రైజ్ మ‌నీ ప్ర‌క‌టించిన ఐసీసీ.. వామ్మో ఇన్ని కోట్లా?

ప్రతిష్టాత్మకమైన ఛాంపియన్స్ ట్రోఫీ-2025(ICC Champions Trophy)కి భారత్ తన తుది జట్టును ప్రకటించడానికి సమయం దగ్గర పడుతోంది. జట్టులోని ఆటగాళ్ల ఫామ్ గురించి అంచనా వేయడానికి అహ్మదాబాద్‌లో ఇంగ్లండ్‌(India vs England)తో బుధవారం జరిగే మూడో వన్డే మ్యాచ్ టీమిండియాకు చివరి అవకాశం. భారత్ జట్టు ఇప్పటికే వన్డే సిరీస్‌ను కైవసం చేసుకున్నందున.. ఈ మూడో వన్డేలో కొంతమంది ఇతర ఆటగాళ్లకు అవకాశం ఇచ్చి ప్రయత్నించేందుకు వెసులుబాటు దొరుకుతుంది. ఫిబ్రవరి 19న పాకిస్తాన్(Pakistan)- దుబాయ్ వేదికగా ప్రారంభమయ్యే -2025 ఛాంపియన్స్ ట్రోఫీకి అత్యుత్తమ ప్లేయింగ్ ఎలెవన్‌ను నిర్ణయించడానికి భారత్ కి ఇదే చివరి అవకాశం.పంత్‌కు అవకాశంకర్ణాటక వికెట్ కీపర్-బ్యాటర్ కెఎల్ రాహుల్ ఇంగ్లండ్‌తో జరిగిన రెండు వన్డేల్లోనూ వికెట్ కీపర్‌గా రాణించాడు. కానీ ఈ మూడో వన్డే లో రాహుల్ స్థానంలో రిషబ్ పంత్‌ కు అవకాశం కల్పించడం తప్పనిసరి గా కనిపిస్తోంది. ఛాంపియన్స్ ట్రోఫీలో రాహుల్ భారత జట్టులో ప్రధాన వికెట్ కీపర్ అని కెప్టెన్ రోహిత్ శర్మ ఇంతకూ ముందే ప్రకటించినప్పటికీ పంత్ దూకుడుగా ఆడే స్వభావం వల్ల మిడిల్ ఆర్డర్‌లో అతనికి అవకాశం కల్పించే అవకాశం లేకపోలేదు.పైగా జట్టులో రెండో వికెట్ కీపర్ గా అతని ఎంపిక తప్పనిసరిగా కనిపిస్తోంది. పంత్‌కి వన్డేల్లో మెరుగైన రికార్డు (27 ఇన్నింగ్స్‌లలో 871 పరుగులు) ఉంది. అంతేగాక తన అసాధారణ షాట్‌లతో మ్యాచ్ స్వరూపాన్ని క్షణాల్లో మార్చగల సత్తా పంత్‌కు ఉంది. మరోవైపు, ఇంగ్లండ్‌తో జరిగిన రెండు వన్డేల్లో రాహుల్ వికెట్ కీపర్ గా రాణించినా తన బ్యాటింగ్‌తో ఆశించిన స్థాయిలో రాణించలేకపోయాడు. నాగ్‌పూర్ లో కేవలం రెండు పరుగులు చేయగా కటక్ లో పది పరుగులు చేశాడు. అయితే, ఎడమ చేతి వాటం ఆల్ రౌండర్ అక్షర్ పటేల్ ఇప్పటికే జట్టులో ఉండటంతో పంత్‌​కి అది ప్రతికూలంగా మారవచ్చు.రాణా స్థానంలో అర్ష్‌దీప్ సింగ్భారత్ ప్రధాన పేస్ బౌలర్ జస్ప్రీత్ బుమ్రా ఫిట్‌నెస్ గురించి ఇంకా స్పష్టత లేక పోవడంతో.. అర్ష్‌దీప్ సింగ్ కి అవకాశం కల్పించే అవకాశం ఉంది. గాయం నుంచి కోలుకొని జట్టులోకి వచ్చిన సీనియర్ బౌలర్ మహమ్మద్ షమీ ఇంకా తన పూర్తి స్థాయి ఫామ్ కనిపించలేకపోయాడు. ఇంగ్లండ్‌తో జరిగిన రెండు వందేళ్లలో షమీ ప్రదర్శన అతని స్థాయికి తగ్గట్టుగా లేదు.ఫలితంగా తన పూర్తి ఓవర్ల కోటా బౌలింగ్ చేయలేక పోయాడు. ఈ కారణంగా ఇంగ్లండ్‌తో జరిగే మూడో వన్డేకు పేస్ బౌలర్ హర్షిత్ రాణా స్థానంలో అర్ష్‌దీప్ సింగ్‌ను తీసుకోవడం ఖాయం గా కనిపిస్తోంది. హర్షిత్ ఇంగ్లాండ్‌తో జరిగిన రెండు వన్డేల నాలుగు వికెట్లు పడగొట్టాడు. బుధవారం ఇంగ్లండ్‌తో జరిగే మూడో వన్డేలో కుల్దీప్ యాదవ్, వాషింగ్టన్ సుందర్ ఇద్దరు ఆడే అవకాశం ఉంది.రేసులో వరుణ్ చక్రవర్తి ఇక కుల్దీప్ అవకాశం కల్పించిన ప్రతీ సారి తన వైవిధ్యమైన బౌలింగ్ తో రాణిస్తున్నాడు. ఈ కారణంగా అతనికి ఛాంపియన్స్ ట్రోఫీలో అవకాశం తప్పనిసరిగా కనిపిస్తోంది. అయితే కుల్దీప్‌నకు వరుణ్ చక్రవర్తి గట్టి పోటీ ఇచ్చే అవకాశం ఉంది. గత కొన్ని నెలలుగా అంతర్జాతీయ క్రికెట్‌లో వరుణ్ చక్రవర్తి తన అద్భుతమైన ప్రదర్శనతో నిలకడగా రాణిస్తూ భారత్ విజయానికి బాటలు వేస్తున్నాడు. ఈ కారణంగా భారత్ కుల్దీప్ యాదవ్, వరుణ్ చక్రవర్తిలతో పాటు ఆల్ రౌండర్లయిన అక్షర్ పటేల్, రవీంద్ర జడేజా, వాషింగ్టన్ సుందర్‌ లను కూడా జట్టులో తీసుకోనే అవకాశం ఉంది. చదవండి: తప్పు చేస్తున్నావ్‌ గంభీర్‌.. అతడిని బలి చేయడం అన్యాయం: మాజీ క్రికెటర్‌ ఫైర్‌

క‌ట‌క్ వేదిక‌గా ఇంగ్లండ్‌తో రెండో వ‌న్డేలో త‌ల‌ప‌డేందుకు టీమిండియా సిద్ద‌మైంది. తొలి వ‌న్డేలో ఇంగ్లండ్‌ను చిత్తు చేసిన భార‌త్‌.. ఈ మ్యాచ్‌లో కూడా అదే ఫ‌లితాన్ని పున‌రావృతం చేయాలని భావిస్తోంది. కటక్ వన్డేలో ఎలాగైనా గెలిచి మరో మ్యాచ్ మిగిలుండగానే సిరీస్‌ను సొంతం చేసుకోవాలని భారత్‌ వ్యూహాలు రచిస్తోంది.మరోవైపు ఇంగ్లండ్ ఈ మ్యాచ్‌లో గెలిచి సిరీస్‌ను సమం చేయాలని యోచిస్తోంది. 2006 నుంచి భారత గడ్డపై 31 సార్లు భారత్‌తో తలపడిన ఇంగ్లండ్‌ 5 మ్యాచ్‌లే గెలిచి మరో 25 మ్యాచ్‌ల్లో ఓటమిచవిచూసింది. ఇక ఇది ఇలా ఉండగా.. ఈ మ్యాచ్‌లో భారత్ రెండు మార్పులతో బరిలోకి దిగనున్నట్లు తెలుస్తోంది.కింగ్‌​ ఇన్‌.. జైశ్వాల్ ఔట్‌!మోకాలి గాయం కార‌ణంగా తొలి వ‌న్డేకు దూర‌మైన టీమిండియా స్టార్ ప్లేయ‌ర్ విరాట్ కోహ్లి(Virat kohli).. ఇప్పుడు పూర్తి ఫిట్‌నెస్ సాధించాడు. దీంతో అతడు రెండో వ‌న్డేలో ఆడ‌నున్నాడు. ఈ విష‌యాన్ని భార‌త జ‌ట్టు వైస్ కెప్టెన్ శుబ్‌మ‌న్ గిల్ సైతం ధ్రువీక‌రించాడు. ఈ క్ర‌మంలో ఓపెన‌ర్ య‌శ‌స్వి జైశ్వాల్‌పై వేటు ప‌డ‌నున్న‌ట్లు తెలుస్తోంది.క‌ట‌క్ మ్యాచ్‌తో వ‌న్డేల్లో అరంగేట్రం చేసిన జైశ్వాల్‌.. పెద్ద‌గా ఆక‌ట్టుకోలేక‌పోయాడు. కేవ‌లం 13 ప‌రుగులు మాత్రమే చేసి పెవిలియ‌న్‌కు చేరాడు. దీంతో అత‌డిని ప‌క్క‌న పెట్టి యథావిధిగా గిల్‌ను ఓపెన‌ర్‌గా పంపాల‌ని జ‌ట్టు మెనెజ్‌మెంట్ భావిస్తున్న‌ట్లు స‌మాచారం. గిల్ స్దానంలో కోహ్లి బ్యాటింగ్‌కు వ‌చ్చే అవ‌కాశ‌ముంది.మ‌రోవైపు ఈ మ్యాచ్‌లో యువ‌పేస‌ర్ అర్ష్‌దీప్ సింగ్ ఆడ‌నున్న‌ట్లు వార్త‌లు వినిపిస్తున్నాయి. ఛాంపియ‌న్స్ ట్రోఫీకి సిద్దం చేసేందుకు అర్ష్‌దీప్‌ను ఈ మ్యాచ్‌లో ఆడించాల‌ని మెనెజ్‌మెంట్ నిర్ణ‌యించందంట‌. దీంతో మ‌రో యువ పేస‌ర్ హ‌ర్షిత్ రాణా బెంచ్‌కే ప‌రిమిత‌మ‌య్యే సూచ‌న‌లు క‌న్పిస్తున్నాయి.క‌ట‌క్ వ‌న్డేతో అరంగేట్రం చేసిన హ‌ర్షిత్ రాణా 3 వికెట్లు ప‌డ‌గొట్టి స‌త్తాచాటాడు. కానీ ప‌రుగులు మాత్రం భారీ స‌మ‌ర్పించుకున్నాడు. అదేవిధంగా ఈ మ్యాచ్‌లో రిష‌బ్ పంత్‌ను ఆడించాల‌ని గంభీర్ అండ్ కో భావిస్తే కేఎల్ రాహుల్ బెంచ్‌కే ప‌రిమితం కానున్నాడు.రోహిత్‌ ఫామ్‌లోకి వస్తాడా?కాగా ఐసీసీ ఛాంపియన్స్‌ ట్రోఫీకి ముందు టీమిండియా కెప్టెన్‌ రోహిత్‌ శర్మ పేలవ ఫామ్‌ అభిమానులను అందోళనకు గురిచేస్తోంది. బోర్డర్‌-గవాస్కర్‌​ ట్రోఫీలో విఫలమైన రోహిత్‌.. ఇంగ్లండ్‌తో సిరీస్‌లో కూడా కూడా అదేతీరును కనబరుస్తున్నాడు. తొలి వన్డేలో కేవలం 2 పరుగులు మాత్రమే చేసి హిట్‌మ్యాన్‌ ఔటయ్యాడు.ఈ క్రమంలో రోహిత్‌కు భారత బ్యాటింగ్‌ కోచ్‌ సితాన్షు కోటక్ మద్దతుగా నిలిచాడు. రోహిత్ శర్మ అద్బుతమైన ఆటగాడని, అతడి ఫామ్‌పై మాకు ఎటువంటి ఆందోళన లేదని కోటక్ అన్నారు. అదేవిధంగా ఈ సిరీస్ కంటే ముందు శ్రీలంకపై వన్డేల్లో రోహిత్‌ మెరుగ్గా రాణించాడని, తిరిగి తన ఫామ్‌ను అందుకుంటాడని ఆయన ఆశాభావం వ్యక్తం చేశారు.తుది జట్లు (అంచనా) భారత్‌: రోహిత్‌ శర్మ (కెప్టెన్ ),శుబ్‌మన్‌ గిల్, విరాట్‌ కోహ్లి, శ్రేయస్ అయ్యర్‌, కేఎల్‌ రాహుల్‌/ రిషబ్‌ పంత్, హార్దిక్‌ పాండ్యా, రవీం‍ద్ర జడేజా, అక్షర్ పటేల్‌, కుల్దీప్ యాదవ్‌, అర్ష్‌దీప్‌ సింగ్‌, మహ్మద్‌ షమీఇంగ్లండ్‌: బట్లర్‌ (కెప్టెన్ ),సాల్ట్, రూట్, బ్రూక్, బెన్‌ డకెట్, లివింగ్‌స్టోన్, బెతెల్, కార్స్, ఆర్చర్, రషీద్, వుడ్‌.చదవండి: సిరీస్‌ విజయమే లక్ష్యంగా...

దాదాపు ఏడాది తర్వాత టీమిండియా తరఫున పునరాగమనం చేశాడు సీనియర్‌ పేసర్‌ మహ్మద్‌ షమీ(Mohammed Shami). ఇంగ్లండ్‌తో మూడో టీ20(India vs England) సందర్భంగా భారత తుదిజట్టులో చోటు దక్కించుకున్నాడు. అయితే, మంగళవారం నాటి(జనవరి 28) ఈ మ్యాచ్‌లో షమీ కొత్త బంతితో ఆకట్టుకోలేకపోయాడు. ఫలితంగా రాజ్‌కోట్‌ టీ20లో మూడు ఓవర్లకే పరిమితమైన షమీ.. మొత్తంగా 25 పరుగులు ఇచ్చి.. ఒక్క వికెట్‌ కూడా తీయలేకపోయాడు. ఈ మ్యాచ్‌లో టీమిండియా ఓటమిపాలైంది. ఈ నేపథ్యంలో ఇంగ్లండ్‌తో నాలుగో టీ20లో అతడికి ఆడే అవకాశం రాలేదు. షమీపై వేటు వేసిన టీమిండియా యాజమాన్యం యువ తరంగం అర్ష్‌దీప్‌ సింగ్‌(Arshdeep Singh)ను మళ్లీ వెనక్కి పిలిపించింది.తుది జట్టులోకి వస్తాడా? లేదా? ఈ నేపథ్యంలో షమీ మళ్లీ తుది జట్టులోకి వస్తాడా? లేదా? అన్న చర్చ మొదలైంది. ఈ క్రమంలో టీమిండియా బౌలింగ్‌ కోచ్‌ మోర్నీ మోర్కెల్‌ ఆసక్తికర వ్యాఖ్యలు చేశాడు. ఇంగ్లండ్‌తో ఐదో టీ20లో షమీని ఆడిస్తామనే సంకేతాలు ఇచ్చాడు. నాలుగో టీ20 జరుగుతున్న సమయంలో మీడియాతో మాట్లాడుతూ.. ‘‘షమీ బాగానే ఉన్నాడు.అతడు చక్కగా బౌలింగ్‌ చేస్తున్నాడు. వార్మప్‌ మ్యాచ్‌లలోనూ తీవ్రంగా శ్రమిస్తున్నాడు. అతడు జట్టుతో చేరడం సంతోషంగా ఉంది. తదుపరి మ్యాచ్‌లో అతడికి ఆడే అవకాశం రావచ్చు. అయితే, అప్పటికి పరిస్థితులు ఎలా ఉంటాయో చెప్పలేం.భారత క్రికెట్‌కు కొత్త జోష్‌ఏదేమైనా.. అతడు తిరిగి టీమిండియాలోకి రావడం బౌలింగ్‌ విభాగానికి సానుకూలాంశం. ఎంతో అనుభవజ్ఞుడు. తన అనుభవాలను యువ బౌలర్లతో పంచుకుంటున్నాడు. బౌలర్‌గా తన జ్ఞానాన్ని వాళ్లకూ పంచుతున్నాడు. షమీ రాకతో భారత క్రికెట్‌కు కొత్త జోష్‌ వచ్చింది. షమీ నుంచి గొప్ప ప్రదర్శన కోసం ఎదురుచూస్తున్నాం’’ అని మోర్నీ మోర్కెల్‌ చెప్పుకొచ్చాడు.చీలమండ గాయానికి సర్జరీకాగా వన్డే వరల్డ్‌కప్‌-2023 ఫైనల్‌ తర్వాత షమీ జాతీయ జట్టుకు దూరమైన విషయం తెలిసిందే. చీలమండ గాయం వేధిస్తున్నా ఐసీసీ టోర్నీలో మ్యాచ్‌లు పూర్తి చేసుకున్న తర్వాతే సర్జరీ చేయించుకున్నాడు. అనంతరం జాతీయ క్రికెట్‌ అకాడమీలో పునరావాసం పొందిన షమీ.. కోలుకోవడానికి దాదాపు ఏడాది పట్టింది.అనంతరం.. బెంగాల్‌ తరఫున రంజీ, సయ్యద్‌ ముస్తాక్‌ అలీ ట్రోఫీ, విజయ్‌ హజారే ట్రోఫీ మ్యాచ్‌లు ఆడి ఫిట్‌నెస్‌ నిరూపించుకున్న షమీని.. బీసీసీఐ ఇంగ్లండ్‌తో టీ20, వన్డే సిరీస్‌లకు ఎంపిక చేసింది. అదే విధంగా ఐసీసీ చాంపియన్స్‌ ట్రోఫీ-2025 జట్టులోనూ చోటిచ్చింది. ఐదో టీ20లో ఆడటం పక్కా!అయితే, ఇంగ్లండ్‌తో ఐదు మ్యాచ్‌ల టీ20 సిరీస్‌లో స్పిన్నర్లకు పెద్ద పీట వేసిన యాజమాన్యం.. ఒకే ఒక్క స్పెషలిస్టు పేసర్‌తో బరిలోకి దిగింది. ఈ నేపథ్యంలో అర్ష్‌దీప్‌పై నమ్మకం ఉంచిన యాజమాన్యం షమీకి ఇప్పటి వరకు ఒకే ఒక మ్యాచ్‌లో అవకాశం ఇచ్చింది.ఇదిలా ఉంటే.. ఇంగ్లండ్‌తో నాలుగో టీ20లో పదిహేను పరుగుల తేడాతో టీమిండియా గెలుపొందింది. అంతకు ముందు కోల్‌కతా, చెన్నైలలో విజయం సాధించిన సూర్యకుమార్‌సేన.. తాజా విజయంతో 3-1తో సిరీస్‌ కైవసం చేసుకుంది. ఇక టీమిండియా-ఇంగ్లండ్‌ మధ్య ఆదివారం ముంబైలో ఆఖరిదైన నామమాత్రపు ఐదో టీ20 జరుగుతుంది. ఇప్పటికే భారత్‌ సిరీస్‌ గెలిచింది కాబట్టి.. అర్ష్‌దీప్‌ సింగ్‌కు విశ్రాంతినిచ్చి.. షమీని ఆడించే అవకాశాలు మెండుగా ఉన్నాయి.చదవండి: హర్షిత్‌ బదులు అతడిని పంపాల్సింది.. ఇదేం పద్ధతి?: భారత మాజీ క్రికెటర్‌ ఫైర్‌

టీమిండియా లెఫ్ట్‌ ఆర్మ్‌ పేసర్‌ అర్షదీప్‌ సింగ్‌ సరికొత్త చరిత్ర సృష్టించేందుకు అడుగు దూరంలో ఉన్నాడు. రాజ్‌కోట్‌ వేదికగా ఇంగ్లండ్‌తో ఇవాళ (జనవరి 28) జరుగబోయే మూడో టీ20లో అర్షదీప్‌ మరో రెండు వికెట్లు తీస్తే.. టీ20ల్లో భారత్‌ తరఫున 100 వికెట్లు తీసిన తొలి బౌలర్‌గా రికార్డు నెలకొల్పుతాడు. ప్రస్తుతం అర్షదీప్‌ 62 మ్యాచ్‌ల్లో 98 వికెట్లు తీసి అంతర్జాతీయ క్రికెట్‌లో అత్యధిక వికెట్లు తీసిన బౌలర్ల జాబితాలో 21వ స్థానంలో ఉన్నాడు.తొలి పేసర్‌గా చరిత్రకెక్కనున్నాడు..!నేటి మ్యాచ్‌లో అర్షదీప్‌ మరో రెండు వికెట్లు తీస్తే అంతర్జాతీయ టీ20ల్లో అత్యంత వేగంగా 100 వికెట్లు పడగొట్టిన పేసర్‌గా చరిత్రకెక్కుతాడు. ప్రస్తుతం ఈ రికార్డు పాక్‌ పేసర్ హరీస్ రౌఫ్‌ పేరిట ఉంది. రౌఫ్‌ 71 మ్యాచ్‌ల్లో 100 వికెట్ల మైలురాయిని తాకగా.. అర్షదీప్‌కు తన 63వ మ్యాచ్‌లోనే 100 వికెట్ల మైలురాయిని క్రాస్‌ చేసే అవకాశం వచ్చింది.రషీద్‌ 53 మ్యాచ్‌ల్లోనే..!టీ20ల్లో అత్యంత వేగంగా 100 వికెట్లు పడగొట్టిన రికార్డు రషీద్‌ ఖాన్‌ పేరిట ఉంది. రషీద్‌ 53 మ్యాచ్‌ల్లోనే 100 వికెట్ల మైలురాయిని తాకాడు. 2021లో పాకిస్తాన్‌తో జరిగిన మ్యాచ్‌లో రషీద్‌ ఈ ఫీట్‌ను సాధించాడు. రషీద్‌ తర్వాత అత్యంత వేగంగా 100 వికెట్లు పడగొట్టిన ఘనత నేపాల్‌ స్పిన్నర్‌ సందీప్ లామిచ్చనేకు దక్కుతుంది. సందీప్‌ 54 మ్యాచ్‌ల్లో 100 వికెట్ల మార్కును తాకాడు.టీ20ల్లో అత్యంత వేగంగా 100 వికెట్లు తీసిన టాప్‌-5 బౌలర్లురషీద్‌ ఖాన్‌ (53 మ్యాచ్‌లు)సందీప్ లామిచ్చనే (54 మ్యాచ్‌లు)వనిందు హసరంగ (63 మ్యాచ్‌లు)ఎహసాన్‌ ఖాన్‌ (71 మ్యాచ్‌లు)హరీస్‌ రౌఫ్‌ (71 మ్యాచ్‌లు)నేటి మ్యాచ్‌లో అర్షదీప్‌ మరో రెండు వికెట్లు తీస్తే టీ20ల్లో అత్యంత వేగంగా 100 వికెట్లు తీసిన మూడో బౌలర్‌గా హసరంగతో కలిసి సంయుక్తంగా నిలుస్తాడు. ఇటీవలి కాలంలో మంచి ఫామ్‌లో ఉన్న అర్షదీప్‌కు నేటి మ్యాచ్‌లో రెండు వికెట్లు తీయడం పెద్ద విషయమేమీ కాకపోవచ్చు. ఈ సిరీస్‌లో ఇప్పటివరకు జరిగిన రెండు మ్యాచ్‌ల్లో అర్షదీప్‌ 3 వికెట్లు తీశాడు. అర్షదీప్‌ రెండు రోజుల కిందటే ఐసీసీ టీ20 క్రికెటర్ ఆఫ్ ద ఇయర్‌ 2024గా ఎంపికైన విషయం తెలిసిందే.భారత్‌, ఇంగ్లండ్‌ టీ20 సిరీస్‌ విషయానికొస్తే.. ఐదు మ్యాచ్‌ల ఈ సిరీస్‌లో భారత్‌ 2-0 ఆధిక్యంలో ఉంది. ఈ సిరీస్‌లోని తొలి రెండు మ్యాచ్‌ల్లో భారత్‌ జయకేతనం ఎగురవేసింది. నేటి మ్యాచ్‌లోనూ భారత్‌ ఎలాగైనా విజయం సాధించాలని భావిస్తుంది. తద్వారా మరో రెండు మ్యాచ్‌లు మిగిలుండగానే సిరీస్‌ను కైవసం చేసుకోవాలని పట్టుదలగా ఉంది. ఈ సిరీస్‌లోని తొలి మ్యాచ్‌లో అభిషేక్‌ శర్మ (39 బంతుల్లో 79; 5 ఫోర్లు, 8 సిక్సర్లు), రెండో మ్యాచ్‌లో తిలక్‌ వర్మ (55 బంతుల్లో 72 నాటౌట్‌; 4 ఫోర్లు, 5 సిక్సర్లు) విశేషంగా రాణించారు. వీరి ప్రదర్శనల కారణంగానే భారత్‌ తొలి రెండు టీ20ల్లో నెగ్గింది.

చాంపియన్స్‌ ట్రోఫీ-2025 భారత జట్టులో మహ్మద్‌ సిరాజ్‌(Mohammed Siraj)కు చోటు దక్కే అవకాశాలు పుష్కలంగా ఉన్నాయని.. భారత మాజీ క్రికెటర్‌ ఆకాశ్‌ చోప్రా అన్నాడు. ఈ ఐసీసీ టోర్నీకి భారత క్రికెట్‌ నియంత్రణ మండలి(BCCI) ప్రకటించిన జట్టులో ఒకే ఒక్క పేసర్‌ పూర్తి ఫిట్‌గా ఉండటం ఇందుకు కారణమని పేర్కొన్నాడు. మిగతా ఇద్దరు ఫాస్ట్‌ బౌలర్ల ఫిట్‌నెస్‌పై స్పష్టత రావడం లేదు కాబట్టి.. సిరాజ్‌ మియా దుబాయ్‌ ఫ్లైట్‌ ఎక్కడం ఖాయంగానే కనిపిస్తుందని పేర్కొన్నాడు. కాగా పాకిస్తాన్‌ వేదికగా ఫిబ్రవరి 19న చాంపియన్స్‌ ట్రోఫీ మొదలుకానుండగా.. టీమిండియా తమ మ్యాచ్‌లన్నీ యునైటెడ్‌ అరబ్‌ ఎమిరేట్స్‌లో ఆడనుంది. హైదరాబాదీ పేసర్‌కు దక్కని చోటుఈ నేపథ్యంలో జనవరి 18న బీసీసీఐ ఈ మెగా ఈవెంట్‌కు తమ జట్టును ప్రకటించగా.. ఇందులో హైదరాబాదీ పేసర్‌ మహ్మద్‌ సిరాజ్‌కు మాత్రం చోటు దక్కలేదు. పేస్‌ దళ నాయకుడు జస్‌ప్రీత్‌ బుమ్రా(Jasprit Bumrah)తో పాటు మరో సీనియర్‌ పేసర్‌ మహ్మద్‌ షమీని ఎంపిక చేసిన సెలక్టర్లు.. యువ తరంగం, పొట్టి ఫార్మాట్లో భారత్‌ తరఫున అత్యధిక వికెట్ల వీరుడిగా ఉన్న అర్ష్‌దీప్‌ సింగ్‌కు కూడా స్థానం ఇచ్చారు. అందుకే పక్కన పెట్టామన్న కెప్టెన్‌ఈ విషయం గురించి జట్టు ప్రకటన సందర్భంగా కెప్టెన్‌ రోహిత్‌ శర్మ మాట్లాడుతూ.. ‘‘బుమ్రా పూర్తి ఫిట్‌గా ఉంటాడో లేదో తెలియదు. ఇక షమీతో పాటు అర్ష్‌దీప్‌ కొత్త బంతితో రాణించగలడు. అంతేకాదు.. డెత్‌ ఓవర్లలోనూ బాగా బౌలింగ్‌ చేయగలడు. అయితే, సిరాజ్‌ మాత్రం ఆరంభంలో చూపినంత ప్రభావం ఆఖర్లో చూపలేకపోతున్నాడు. అందుకే అతడిని పక్కనపెట్టాల్సి వచ్చింది’’ అని వివరణ ఇచ్చాడు.వైల్డ్‌ కార్డ్‌ ఎంట్రీఅయితే, తాజా పరిస్థితులు చూస్తుంటే సిరాజ్‌కు చాంపియన్స్‌ ట్రోఫీ జట్టులో వైల్డ్‌ కార్డ్‌ ఎంట్రీ లభించే అవకాశం ఉన్నట్లు కనిపిస్తోంది. టోర్నీ నాటికి బుమ్రా వంద శాతం ఫిట్‌నెస్‌ సాధించే సూచనలు కనిపించడం లేదు. అదే విధంగా.. షమీ కూడా ఇంత వరకు రీఎంట్రీ ఇవ్వలేదు. జట్టు ప్రయోజనాల దృష్ట్యా ఇంగ్లండ్‌తో తొలి రెండు టీ20లకు అతడు దూరమైనా.. నెట్స్‌లో కుంటుతూ బౌలింగ్‌ చేసిన దృశ్యాలు అభిమానులను కలవరపెడుతున్నాయి.సిరాజ్‌కు చోటు పక్కాఈ నేపథ్యంలో భారత మాజీ ఓపెనర్‌, కామెంటేటర్‌ ఆకాశ్‌ చోప్రా ఆసక్తికర వ్యాఖ్యలు చేశాడు. ‘‘షమీ గురించి కాసేపు పక్కనపెడతాం. బుమ్రా గురించి మాత్రం ఇప్పటికీ స్పష్టమైన సమాచారం రావడం లేదు. ప్రస్తుతం చాంపియన్స్‌ ట్రోఫీకి ఎంపిక చేసిన జట్టులో ఒక్క పేసర్‌ మాత్రమే ఫిట్‌గా ఉన్నాడు.మిగతా ఇద్దరు(బుమ్రా, షమీ) సంగతి తెలియదు. ఈ ఇద్దరిలో ఎవరో ఒకరు జట్టుకు దూరమైతే.. ఆటోమేటిక్‌గా సిరాజ్‌ జట్టులోకి వచ్చేస్తాడు. కాబట్టి సిరాజ్‌ పూర్తి స్థాయిలో సిద్ధంగా ఉండాలి. బాగా ప్రాక్టీస్‌ చేయాలి.చాంపియన్స్‌ ట్రోఫీలో ఆడబోతున్నానని భావించి పూర్తి ఫిట్‌గా.. అన్ని రకాలుగా సన్నద్ధంగా ఉండాలి. గాయం నుంచి కోలుకున్న తర్వాత షమీ ఇప్పటి వరకు ఒక్క అంతర్జాతీయ మ్యాచ్‌ ఆడలేదు. ఇక బుమ్రా ఒక్క వన్డేలోనూ భాగం కాలేదు. కాబట్టి సిరాజ్‌కు గనుక చాంపియన్స్‌ ట్రోఫీలో ఆడే అవకాశం వస్తే నాకైతే సంతోషమే’’ అని ఆకాశ్‌ చోప్రా చెప్పుకొచ్చాడు. కాగా చాంపియన్స్‌ ట్రోఫీకి ప్రకటించిన ప్రాథమిక జట్టులో మార్పులు చేసుకునేందుకు ఫిబ్రవరి 12 వరకు అవకాశం ఉంది.చదవండి: పరాయి స్త్రీలను తాకను.. ఇంత పొగరు పనికిరాదు!

దుబాయ్‌: భారత యువ పేసర్‌ అర్ష్ దీప్ సింగ్‌ అంతర్జాతీయ క్రికెట్‌ మండలి (ఐసీసీ) ‘టి20 క్రికెటర్‌ ఆఫ్‌ ద ఇయర్‌’గా ఎంపికయ్యాడు. గతేడాది భారత జట్టు టి20 ప్రపంచకప్‌ సాధించడంలో కీలక పాత్ర పోషించిన ఈ 25 ఏళ్ల లెఫ్టార్మ్‌ పేసర్‌... 2024లో ఓవరాల్‌గా 18 మ్యాచ్‌లాడి 15.31 సగటుతో 36 వికెట్లు పడగొట్టాడు. వెస్టిండీస్, అమెరికా వేదికగా జరిగిన వరల్డ్‌కప్‌లో ఆరంభ ఓవర్లతో పాటు, డెత్‌ ఓవర్స్‌లో చక్కటి బౌలింగ్‌తో ఆకట్టుకున్న అర్ష్ దీప్ ఐసీసీ టి20 టిమ్‌ ఆఫ్‌ ద ఇయర్‌ జట్టులోనూ చోటు దక్కించుకున్నాడు. ఒక క్యాలెండర్‌ ఏడాదిలో అత్యధిక వికెట్లు పడగొట్టిన ఐదో బౌలర్‌గా నిలిచిన అర్ష్ దీప్... భారత టి20 జట్టులో కీలక సభ్యుడిగా ఎదిగాడు. టి20ల్లో ఇప్పటి వరకు 97 వికెట్లు పడగొట్టిన అర్ష్ దీప్... ఈ ఫార్మాట్‌లో భారత్‌ తరఫున అత్యధిక వికెట్లు తీసిన బౌలర్‌గా రికార్డుల్లోకెక్కాడు. 2021లో ఐసీసీ ‘టి20 క్రికెటర్‌ ఆఫ్‌ ద ఇయర్‌’ అవార్డు ప్రవేశపెట్టింది. 2021లో మొహమ్మద్‌ రిజ్వాన్‌ (పాకిస్తాన్‌)కు ఈ గౌరవం దక్కగా... 2022, 2023లలో సూర్యకుమార్‌ యాదవ్‌ (భారత్‌) గెల్చుకున్నాడు.

చెన్నై వేదికగా ఇంగ్లండ్‌తో మూడో టీ20లో తలపడేందుకు టీమిండియా సిద్దమైంది. ఈ మ్యాచ్‌ శనివారం సాయంత్రం 7:00 గంటలకు ప్రారంభం కానుంది. ఈ మ్యాచ్‌లో కూడా ఆస్ట్రేలియాను చిత్తు చేసి సిరీస్‌లో ఆధిక్యం పెంచుకోవాలని భారత జట్టు యోచిస్తోంది.అందుకు తగ్గట్టు తమ ఆస్త్రశాస్త్రాలను భారత్‌ సిద్దం చేసుకుంది. ఇక చెపాక్‌ టీ20కు ముందు భారత యువ పేసర్‌ అర్ష్‌దీప్‌ సింగ్‌(Arshdeep Singh)ను ఓ వరల్డ్‌ రికార్డు ఊరిస్తోంది. ఈ మ్యాచ్‌లో అర్ష్‌దీప్‌ మరో మూడు వికెట్లు పడగొడితే.. టీ20ల్లో అత్యంతవేగంగా 100 వికెట్ల మైలు రాయిని అందుకున్న ఫాస్ట్‌బౌలర్‌గా చరిత్ర సృష్టిస్తాడు. అర్ష్‌దీప్‌ ఇప్పటివరకు 61 మ్యాచ్‌లు ఆడి 97 వికెట్లు పడగొట్టాడు.ప్రస్తుతం ఈ రికార్డు పాకిస్తాన్‌ స్టార్‌ ఫాస్ట్‌ బౌలర్‌ హరీస్ రౌఫ్ పేరిట ఉంది. రౌఫ్‌ 71 మ్యాచ్‌ల్లో వంద వికెట్ల మైలు రాయిని అందుకున్నాడు. చెపాక్‌ టీ20లో అర్ష్‌దీప్‌ సింగ్‌ మూడు వికెట్లు తీస్తే ఈ అరుదైన ఫీట్‌ను తన ఖాతాలో వేసుకుంటాడు. అర్ష్‌దీప్‌ ఉన్న ఫామ్‌లో రౌఫ్‌ రికార్డు బద్దలు అవ్వడం ఖాయం.తొలి టీ20లో కూడా ఈ పంజాబీ పేసర్‌ అద్బుతమైన ప్రదర్శన కనబరిచాడు. తన నాలుగు ఓవర్ల కోటాలో కేవలం 17 పరుగులు మాత్రమే ఇచ్చి రెండు కీలక వికెట్లను పడగొట్టాడు. ఈ క్రమంలో టీ20ల్లో భారత్‌ తరపున అత్యధిక వికెట్లు పడగొట్టిన బౌలర్‌గా అర్ష్‌దీప్‌(97) రికార్డులకెక్కాడు.టీ20ల్లో అత్యంతవేగంగా 100 వికెట్లు తీసిన ఫాస్ట్‌ బౌలర్లు వీరే..హ్యారీస్‌ రౌఫ్‌ - పాకిస్తాన్‌ (71 మ్యాచ్‌లు)మార్క్‌ అడైర్‌-ఐర్లాండ్‌(72 మ్యాచ్‌లు)బిలాల్‌ ఖాన్‌-ఒమన్‌(72 మ్యాచ్‌లు)షాహీన్‌షా అఫ్రిది- పాకిస్తాన్‌(74 మ్యాచ్‌లు)లసిత్‌ మలింగ-శ్రీలంక(76 మ్యాచ్‌లు)చదవండి: ముంబైను చిత్తు చేసిన జమ్మూ కాశ్మీర్‌.. అంతా రోహిత్‌ వల్లే?

ఇంగ్లండ్‌తో బుధవారం జరిగిన తొలి టీ20(India vs England) మ్యాచ్‌లో టీమిండియా అభినుల అందరి దృష్టి పేస్ బౌలర్ మహమ్మద్ షమీ(Mohammed Shami) పైనే నిలిచింది. ఈడెన్ గార్డెన్స్‌లో జరిగిన ఈ మ్యాచ్‌లో భారత్‌ ఏడు వికెట్ల తేడా(India Beat England)తో సునాయాసంగా విజయం సాధించిన విషయం తెలిసిందే. తద్వారా.. అయిదు మ్యాచ్‌లో సిరీస్‌లో శుభారంభం చేసింది. అయితే దాదాపు పద్నాలుగు నెలల తర్వాత ఈ మ్యాచ్ ద్వారా మళ్ళీ అంతర్జాతీయ క్రికెట్‌ ఆడేందుకు షమీ సిద్ధంగా ఉన్నాడు. కానీ బుధవారం జరిగిన ఈ మ్యాచ్‌ లో షమీని భారత్ తుది జట్టు నుంచి తప్పించారు. సీమ్ బౌలింగ్ ఆల్ రౌండర్లు హార్దిక్ పాండ్యా, నితీశ్‌ కుమార్ రెడ్డితో పాటు భారత్ ఒకే ఒక స్పెషలిస్ట్ పేస్ బౌలర్ అర్ష్‌దీప్ సింగ్‌తో రంగంలోకి దిగింది.షమీ ఎందుకు ఆడలేదు? కానీ ఎందుకు షమీ ఆడలేదు? అతను పూర్తి ఫిట్‌నెస్ తో లేడా? అలాంటప్పుడు అసలు జట్టులోకి ఎందుకు ఎంపిక చేశారు? ఛాంపియన్స్ ట్రోఫీ టోర్నమెంట్ కి షమీ మ్యాచ్ ప్రాక్టీస్ చేయడానికి ఇదొక చక్కని అవకాశం. జట్టులోని ప్రధాన పేస్ బౌలర్ జస్ప్రీత్ బుమ్రా ఫిట్ నెస్ పై అనుమానాలు ఉన్న సమయంలో షమీ మ్యాచ్ ప్రాక్టీస్ తో పూర్తిగా సిద్ధమవడం భారత్ జట్టు ప్రయోజనాల దృష్ట్యా చాలా కీలకం. దీని వెనుక కోచ్ గౌతమ్ గంభీర్ వ్యూహాత్మక ఎత్తుగడ ఏమైనా ఉందా అన్న ప్రశ్నఅందరి లో తలెత్తకమానదు.ఎందుకంటే మ్యాచ్ కి కొద్దీ సేపు ముందు జరిగిన తుది ప్రాక్టీస్ లో షమీ బౌలింగ్ చేయడం ఈడెన్ గార్డెన్స్ లోని ప్రేక్షకులందరూ ప్రత్యక్షంగా చూసారు. షమీ పూర్తి స్థాయి లో బౌలింగ్ చేయకపోయినా ఎలాంటి అసౌకర్యంతో ఉన్నట్టు కన్పించలేదు. మ్యాచ్ కి ముందు వార్మప్‌లలో బౌలింగ్ చేశాడు. దీంతో అతను పూర్తి ఫిట్‌నెస్ తో ఉన్నట్టు తేటతెల్లమైంది. మరి ఇంగ్లండ్‌తో జరిగిన సిరీస్ ఓపెనర్‌లో షమీ ఎందుకు ఆడలేదు? మ్యాచ్ కి ముందు కెప్టెన్ సూర్యకుమార్ యాదవ్ మాట్లాడుతూ మేము పిచ్ ని దృష్టిలో ఉంచుకొని తుది జట్టుని నిర్ణయించాం. అందుకే షమీ ఈ మ్యాచ్ లో ఆడటంలేదని చెప్పాడు. భారత్ ముగ్గురు స్పిన్నర్లతో రంగంలోకి దిగడం విశేషం.ఫిట్‌గా లేడేమో?కాగా షమీ చివరిసారి 2023 నవంబర్‌లో జరిగిన వన్డే ప్రపంచ కప్ ఫైనల్ మ్యాచ్ లో భారత్ తరఫున ప్రాతినిధ్యం వహించాడు. 2022లో ఆస్ట్రేలియాలో జరిగిన టీ20 ప్రపంచ కప్‌లో అతని చివరి టీ20 మ్యాచ్ ఆడాడు. "షమీ ఆడటం లేదు అంటే అతను ఈ మ్యాచ్ సమయానికి పూర్తి ఫిట్‌ నెస్ తో లేడని స్పష్టంగా తెలుస్తోంది. అర్ష్‌దీప్‌ రూపంలో భారత్ ఒక ఫ్రంట్‌లైన్ పేసర్‌ను మాత్రమే ఆడించాలని నిర్ణయించుకుంది. హార్దిక్ పాండ్యా, నితీష్ కుమార్ రెడ్డి ఇద్దరూ పేస్ బౌలింగ్ చేయగల సత్తా ఉన్న ఆల్రౌండర్లు. ఇంగ్లాండ్ ఇందుకు భిన్నంగా నాలుగు పేసర్లను రంగంలోకి దించింది" అని మాజీ క్రికెటర్ ఆకాశ్‌ చోప్రా వ్యాఖ్యానించాడు.పరిస్థితులకు అనుగుణంగానేఈ మ్యాచ్ లో 34 బంతుల్లో 79 పరుగులు చేసిన భారత్ ఓపెనర్ అభిషేక్ శర్మ అనంతరం మాట్లాడుతూ, పరిస్థితుల ఆధారంగా జట్టు యాజమాన్యం షమీ నిర్ణయం తీసుకుందని అన్నాడు. "ఇది జట్టు యాజమాన్యం నిర్ణయం అని నేను భావిస్తున్నాను. పిచ్ పరిస్థితుల అనుగుణంగా చూసినట్టయితే ఇదే సరైన నిర్ణయమని వారు భావించారు" అని మ్యాచ్ తర్వాత జరిగిన విలేకరుల సమావేశంలో అభిషేక్ అన్నాడు.గంభీర్‌ నిర్ణయమేనా?ఇది పూర్తిగా కోచ్ గంభీర్ నిర్ణయంలాఅనిపిస్తోంది. జట్టులో ఉన్న స్టార్ సంస్కృతికి చెక్ పెట్టేందుకే ఈ నిర్ణయం తీసుకున్నారని భావించాల్సి ఉంటుంది. భారత్ జట్టు ఈ మ్యాచ్ లో ఘన విజయం సాధించిన దృష్ట్యా చూస్తే ఈ వ్యూహం ఫలించిందని చెప్పాలి. ఇక షమీని తప్పించిన విషయాన్ని పక్కన పెడితే , ముగ్గురు స్పిన్నర్లతో బరిలోకి దిగడం ఈడెన్ గార్డెన్స్ పిచ్ పై సరైన నిర్ణయమే అని రుజువైంది. మరి రానున్న ఛాంపియన్స్ ట్రోఫీ కి ఈ సిరీస్ సన్నాహక టోర్నమెంట్ గా భావిస్తున్న నేపథ్యంలో షమీ ఆడటం చాలా కీలకం. చెన్నై లో జరిగే రెండో మ్యాచ్ లో షమీ రంగప్రవేశం చేస్తాడేమో చూడాలి.

ఇంగ్లండ్‌తో ఐదు మ్యాచ్‌ల పొట్టి ఫార్మాట్‌ సిరీస్‌లో టీమిండియా(India Beat England) శుభారంభం చేసింది. కోల్‌కతా వేదికగా బుధవారం జరిగిన తొలి టీ20లో ఏడు వికెట్ల తేడాతో జయభేరి మోగించింది. తొలుత బౌలర్లు అద్భుత ప్రదర్శనతో ఇంగ్లండ్‌ను కట్టడి చేయగా.. లక్ష్య ఛేదనలో ఆకాశమే హద్దుగా చెలరేగి అభిషేక్‌ శర్మ విజయాన్ని నల్లేరు మీద నడకలా మార్చాడు.ఈ మ్యాచ్‌లో సత్తా చాటి భారత్‌ గెలుపులో కీలకపాత్ర పోషించిన అర్ష్‌దీప్‌ సింగ్‌(Arshdeep Singh), వరుణ్‌ చక్రవర్తి, అభిషేక్‌ శర్మలను టీమిండియా అభిమానులు హీరోలుగా అభివర్ణిస్తున్నారు. ఈ ముగ్గురి చక్కటి ఆట తీరు వినోదాన్ని పంచిందంటూ కితాబులిస్తున్నారు. ఇక వీరిలో వరుణ్‌ చక్రవర్తిని ‘ప్లేయర్‌ ఆఫ్‌ ది మ్యాచ్‌’ అవార్డు వరించిన విషయం తెలిసిందే.అభిషేక్‌ శర్మ లేదంటే వరుణ్?ఈ నేపథ్యంలో పాకిస్తాన్‌ మాజీ క్రికెటర్‌ బసిత్‌ అలీ(Basit Ali) ఆసక్తికర వ్యాఖ్యలు చేశాడు. తన దృష్టిలో ‘ప్లేయర్‌ ఆఫ్‌ ది మ్యాచ్‌ అవార్డు’కు అర్ష్‌దీప్‌ సింగ్‌ మాత్రమే అర్హుడని పేర్కొన్నాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘ఈ మ్యాచ్‌లో మ్యాన్‌ ఆఫ్‌ ది మ్యాచ్‌ ఎవరు?.. అభిషేక్‌ శర్మ లేదంటే వరుణ్?.. కానేకాదు..నా వరకైతే అర్ష్‌దీప్‌ మాత్రమే ఈ అవార్డుకు అర్హుడు. ఎందుకంటే.. ఇంగ్లండ్‌ టాపార్డర్‌ను అతడు కుప్పకూల్చాడు. ఒకరకంగా.. కేవలం మూడంటే మూడు ఓవర్లలోనే మ్యాచ్‌ను ముగించేశాడు’’ అని బసిత్‌ అలీ అర్ష్‌దీప్‌ సింగ్‌ను ప్రశంసించాడు.అత్యుత్తమంగా రాణించాడుఅదే విధంగా.. ‘‘వరుణ్‌ చక్రవర్తి కూడా బాగా బౌలింగ్‌ చేశాడు. మూడు వికెట్లు పడగొట్టాడు. అయినా సరే.. అద్భుతంగా బౌలింగ్‌ చేసింది మాత్రం అర్ష్‌దీప్‌ అనే చెబుతాను. అతడు ఈరోజు అత్యుత్తమంగా రాణించాడు. రవి బిష్ణోయి కూడా ఫరవాలేదు. వికెట్‌ తీయలేకపోయినా కాస్త పొదుపుగానే బౌల్‌ చేశాడు’’ అని బసిత్‌ అలీ పేర్కొన్నాడు.బౌలర్ల విజృంభణకాగా టీమిండియాతో తొలి టీ20లో టాస్‌ ఓడి తొలుత బ్యాటింగ్‌ చేసిన ఇంగ్లండ్‌ 132 పరుగులకే కుప్పకూలింది. ఓపెనర్లు ఫిల్‌ సాల్ట్‌(0), బెన్‌ డకెట్‌(4)లను వచ్చీ రాగానే అర్ష్‌దీప్‌ అవుట్‌ చేశాడు. ఆరంభంలోనే మూడు ఓవర్లు వేసిన ఈ లెఫ్టార్మ్‌ పేసర్‌.. రెండు వికెట్లతో సత్తా చాటాడు. మొత్తంగా నాలుగు ఓవర్ల కోటాలో కేవలం 17 పరుగులే మాత్రమే ఇచ్చాడు.మరోవైపు.. వరుణ్‌ చక్రవర్తి నాలుగు ఓవర్లు పూర్తి చేసి 23 పరుగులు ఇచ్చి మూడు వికెట్లు పడగొట్టాడు. మిగతా వాళ్లలో హార్దిక్‌ పాండ్యా(2/42), అక్షర్‌ పటేల్‌(2/22) రెండేసి వికెట్లు తమ ఖాతాలో వేసుకున్నారు. ఇక వికెట్‌ కీపర్‌ సంజూ శాంసన్‌ ఆదిల్‌ రషీద్‌ రనౌట్‌లో భాగమయ్యాడు.బ్యాటర్ల సత్తాఇక లక్ష్య ఛేదనలో టీమిండియాకు ఓపెనర్లు సంజూ శాంసన్‌, అభిషేక్‌ శర్మ శుభారంభం అందించారు. సంజూ వేగంగా(20 బంతుల్లో 26) ఆడి జోఫ్రా ఆర్చర్‌ బౌలింగ్‌లో అవుట్‌ కాగా.. అభిషేక్‌ మాత్రం ధనాధన్‌ ఇన్నింగ్స్‌తో దుమ్ములేపాడు. కేవలం 34 బంతుల్లోనే ఐదు ఫోర్లు, ఎనిమిది సిక్సర్లసాయంతో 79 పరుగులు చేశాడు. కెప్టెన్‌ సూర్య​కుమార్‌ యాదవ్‌(0) డకౌట్‌ కాగా.. తిలక్‌ వర్మ(9*) , హార్దిక్‌ పాండ్యా(3*) అజేయంగా నిలిచి పనిపూర్తి చేశారు.చదవండి: అతడే ఎక్స్‌ ఫ్యాక్టర్‌.. జట్టులో కొనసాగించండి: భారత మాజీ క్రికెటర్‌

కోల్‌కాతా ఈడెన్ గార్డెన్స్ వేదిక‌గా ఇంగ్లాండ్‌తో జరిగిన తొలి టీ20లో భారత్‌ విజయం సాధించింది. ఇంగ్లాండ్‌పై 7 వికెట్ల తేడాతో భారత్‌ గెలుపొందింది. ఇంగ్లాండ్‌ నిర్దేశించిన 133 పరుగుల టార్గెట్‌ను 12.5 ఓవర్లలోనే టీమిండియా ఛేదించింది. ఈ విజయంతో 5మ్యాచ్‌ల టీ20 సిరీస్‌లో 1-0 ఆధిక్యంలో భారత్‌ నిలిచింది. ఈ మ్యాచ్‌లో టీమిండియా యువ ఓపెనర్‌ అభిషేక్ శర్మ 79(5 ఫోర్లు, 8 సిక్సర్లు) టాప్‌ స్కోరర్‌గా నిలిచాడు.స్కోర్లు: ఇంగ్లాండ్‌132(20) భారత్‌ 133/3(12.5)ఈడెన్ గార్డెన్స్ వేదిక‌గా ఇంగ్లండ్‌తో జ‌రుగుతున్న తొలి టీ20లో భార‌త బౌల‌ర్లు నిప్పులు చెరిగారు. టాస్ ఓడి తొలుత బ్యాటింగ్‌కు దిగిన ఇంగ్లండ్.. భార‌త బౌల‌ర్ల దాటికి కేవ‌లం 132 ప‌రుగుల‌కే ఆలౌటైంది. తొలి ఓవ‌ర్‌లోనే విధ్వంస‌క‌ర ఓపెన‌ర్ ఫిల్ సాల్ట్‌ను ఔట్ చేసి అర్ష్‌దీప్ సింగ్ భార‌త్‌కు అద్బుత‌మైన ఆరంభాన్ని ఇచ్చాడు.ఆ త‌ర్వాత మ‌ళ్లీ మూడో ఓవ‌ర్‌లో బెన్ డ‌కెట్‌ను అర్ష్‌దీప్ పెవిలియ‌న్‌కు పంపాడు. అనంత‌రం స్పిన్న‌ర్ వ‌రుణ్ చ‌క్ర‌వ‌ర్తి ఒకే ఓవ‌ర్‌లో హ్యారీ బ్రూక్‌, లివింగ్ స్టోన్‌ను ఔట్ చేసి ఇంగ్లండ్‌ను దెబ్బ‌తీశాడు. అయితే ఓ వైపు వికెట్లు ప‌డుతున్న‌ప్ప‌టికి కెప్టెన్ జోస్ బ‌ట్ల‌ర్ మాత్రం అద్బుత ఇన్నింగ్స్ ఆడాడు. 44 బంతుల్లో 8 ఫోర్లు, 2 సిక్స్‌లతో 68 పరుగులు చేసి టాప్‌ స్కోరర్‌గా నిలిచాడు. మిగితా బ్యాటర్లంతా దారుణంగా విఫలమయ్యారు. ఇక ఓవరాల్‌గా భారత బౌలర్లలో వరుణ్‌​ చక్రవర్తి మూడు వికెట్లు పడగొట్టగా.. అక్షర్ పటేల్‌, అర్ష్‌దీప్ సింగ్, హార్దిక్ పాండ్యా తలా రెండు వికెట్లు సాధించారు.తుది జట్లుభారత్‌: సంజూ శాంసన్ (వికెట్ కీపర్‌), అభిషేక్ శర్మ, తిలక్ వర్మ, సూర్యకుమార్ యాదవ్ (కెప్టెన్‌), రింకు సింగ్, హార్దిక్ పాండ్యా, నితీష్ కుమార్ రెడ్డి, అక్షర్ పటేల్, అర్ష్‌దీప్ సింగ్, వరుణ్ చకరవర్తి, రవి బిష్ణోయ్ఇంగ్లండ్: బెన్ డకెట్, ఫిల్ సాల్ట్ (వికెట్ కీప‌ర్‌), జోస్ బట్లర్ (కెప్ట‌తెన్‌), హ్యారీ బ్రూక్ (వైస్ కెప్టెన్‌), లియామ్ లివింగ్‌స్టోన్, జాకబ్ బెథెల్, జామీ ఓవర్‌టన్, జోఫ్రా ఆర్చర్, గస్ అట్కిన్సన్, ఆదిల్ రషీద్, మార్క్ వుడ్చదవండి: IND vs ENG: చ‌రిత్ర సృష్టించిన అర్ష్‌దీప్‌ సింగ్‌..

అంత‌ర్జాతీయ టీ20ల్లో టీమిండియా యువ పేస‌ర్ అర్ష్‌దీప్ స‌రికొత్త చ‌రిత్ర సృష్టించాడు. టీ20ల్లో అత్యధిక వికెట్లు పడగొట్టిన భారత బౌలర్‌గా అర్ష్‌దీప్ రికార్డులకెక్కాడు. ఈడెన్ గార్డెన్స్ వేదికగా ఇంగ్లండ్‌తో జరుగుతున్న తొలి టీ20లో బెన్ డకెట్‌ను ఔట్ ‍చేసిన అర్ష్‌దీప్‌.. ఈ అరుదైన రికార్డును తన పేరిట లిఖించుకున్నాడు.ఇప్పటివరకు 61 టీ20 మ్యాచ్‌లు ఆడిన అర్ష్‌దీప్.. 97 వికెట్ల‌ను త‌న ఖాతాలో వేసుకున్నాడు. ఇంత‌కుముందు ఈ రికార్డు భార‌త స్పిన్న‌ర్ యుజ్వేంద్ర చాహ‌ల్ పేరిట ఉండేది. చాహ‌ల్ 80 మ్యాచ్‌ల్లో 96 వికెట్లు ప‌డ‌గొట్టాడు. తాజా మ్యాచ్‌తో చాహ‌ల్ రికార్డును సింగ్ బ్రేక్ చేశాడు.ఈ మ్యాచ్‌లో టాస్‌ గెలిచి బౌలింగ్‌ ఎంచుకున్న భారత్‌కు అర్ష్‌దీప్‌ అద్బుతమైన ఆరంభాన్ని ఇచ్చాడు. తొలి ఓవర్‌లోనే విధ్వంసర ఆటగాడు ఫిల్‌ సాల్ట్‌ను పెవిలియన్‌కు పంపాడు. ఆ తర్వాత మూడో ఓవర్‌లో బెన్‌ డకెట్‌ను ఔట్‌ చేశాడు. ఈ పంజాబీ పేసర్‌ గత కొంత కాలంగా టీ20ల్లో అద్బుతమైన ప్రదర్శన కనబరుస్తున్నాడు. ఈ క్రమంలోనే ఐసీసీ ఛాంపియన్స్‌ ట్రోఫీ-2025కు అర్ష్‌దీప్‌ ఎంపికయ్యాడు. మహ్మద్‌ షమీ, జస్ప్రీత్‌ బుమ్రాతో కలిసి అర్ష్‌దీప్‌ బంతిని పంచుకోనున్నాడు.టీ20ల్లో అత్యధిక వికెట్లు పడగొట్టిన భారత బౌలర్లు వీరే..97 వికెట్లు - అర్ష్‌దీప్ సింగ్ (61 మ్యాచ్‌లు)96 వికెట్లు - యుజ్వేంద్ర చాహల్ (80 మ్యాచ్‌లు)90 వికెట్లు - భువనేశ్వర్ కుమార్ (87 మ్యాచ్‌లు)89 వికెట్లు - జస్ప్రీత్ బుమ్రా (70 మ్యాచ్‌లు)89 వికెట్లు - హార్దిక్ పాండ్యా(110 మ్యాచ్‌లు)తుది జట్లుభారత్‌: సంజూ శాంసన్ (వికెట్ కీపర్‌), అభిషేక్ శర్మ, తిలక్ వర్మ, సూర్యకుమార్ యాదవ్ (కెప్టెన్‌), రింకు సింగ్, హార్దిక్ పాండ్యా, నితీష్ కుమార్ రెడ్డి, అక్షర్ పటేల్, అర్ష్‌దీప్ సింగ్, వరుణ్ చకరవర్తి, రవి బిష్ణోయ్ఇంగ్లండ్: బెన్ డకెట్, ఫిల్ సాల్ట్ (వికెట్ కీప‌ర్‌), జోస్ బట్లర్ (కెప్ట‌తెన్‌), హ్యారీ బ్రూక్ (వైస్ కెప్టెన్‌), లియామ్ లివింగ్‌స్టోన్, జాకబ్ బెథెల్, జామీ ఓవర్‌టన్, జోఫ్రా ఆర్చర్, గస్ అట్కిన్సన్, ఆదిల్ రషీద్, మార్క్ వుడ్చదవండి: BCCI: టీమిండియా జెర్సీలపై పాకిస్తాన్‌ పేరు.. డ్రెస్‌ కోడ్‌ ఫాలో అవుతాం: బీసీసీఐ

టీమిండియా లెఫ్ట్‌ ఆర్మ్‌ పేసర్‌ అర్షదీప్‌ సింగ్‌ చరిత్ర సృష్టించేందుకు అడుగు దూరంలో ఉన్నాడు. అర్షదీప్‌ ఇవాళ (జనవరి 22) ఇంగ్లండ్‌తో జరుగబోయే తొలి టీ20లో ఐదు వికెట్లు తీస్తే.. పొట్టి ఫార్మాట్‌లో భారత్‌ తరఫున 100 వికెట్లు తీసిన తొలి బౌలర్‌గా రికార్డుల్లోకెక్కుతాడు. అర్షదీప్‌ ఇప్పటివరకు 60 మ్యాచ్‌లు ఆడి 2 నాలుగు వికెట్ల ఘనతల సాయంతో 95 వికెట్లు తీశాడు. వెటరన్‌ స్పిన్నర్‌ యుజ్వేంద్ర చహల్‌ అర్షదీప్‌ కంటే ఓ వికెట్‌ అధికంగా తీసి భారత్‌ తరఫున అత్యధిక వికెట్లు తీసిన బౌలర్ల జాబితాలో అగ్రస్థానంలో ఉన్నాడు. చహల్‌ 80 మ్యాచ్‌ల్లో 2 నాలుగు వికెట్ల ఘనతలు, ఓ ఐదు వికెట్ల ఘనత సాయంతో 96 వికెట్లు తీశాడు.టీ20ల్లో భారత్‌ తరఫున అత్యధిక వికెట్లు తీసిన బౌలర్లు (టాప్‌-10)..యుజ్వేంద్ర చహల్‌-96అర్షదీప్‌ సింగ్‌-95భువనేశ్వర్‌ కుమార్‌-90జస్ప్రీత్‌ బుమ్రా-89హార్దిక్‌ పాండ్యా-89అశ్విన్‌-72కుల్దీప్‌ యాదవ్‌-69అక్షర్‌ పటేల్‌-65రవి బిష్ణోయ్‌-56రవీంద్ర జడేజా-54కాగా, భారత్‌, ఇంగ్లండ్‌ జట్ల మధ్య ఐదు మ్యాచ్‌ల టీ20 సిరీస్‌ ఇవాల్టి నుంచి ప్రారంభం కానుంది. తొలి టీ20 కోల్‌కతా వేదికగా ఇవాళ రాత్రి 7 గంటలకు మొదలవుతుంది. భారత్‌, ఇంగ్లండ్‌ జట్లు ఇప్పటివరకు 24 టీ20ల్లో ఎదురెదురుపడ్డాయి. ఇందులో భారత్‌ 13 మ్యాచ్‌ల్లో నెగ్గగా.. ఇంగ్లండ్‌ 12 మ్యాచ్‌ల్లో గెలిచింది. భారత్‌ వేదికగా ఇరు జట్లు 11 మ్యాచ్‌ల్లో తలపడగా.. భారత్‌ 6, ఇంగ్లండ్‌ 5 మ్యాచ్‌ల్లో గెలుపొందాయి.తొలి టీ20కు వేదిక అయిన ఈడెన్‌ గార్డెన్స్‌లో భారత్‌ ఇప్పటివరకు 7 టీ20లు ఆడింది. ఇందులో భారత్‌ ఆరింట విజయాలు సాధించింది. ఒక్క మ్యాచ్‌లో మాత్రమే ఓటమిని ఎదుర్కొంది. ఆ ఒక్క ఓటమి భారత్‌ ఇంగ్లండ్‌ చేతుల్లోనే (2011) ఎదుర్కోవడం గమనార్హం.జట్ల బలాబలాల విషయానికొస్తే.. ఇరు జట్లు సమతూకంగా కనిపిస్తున్నాయి. ఇరు జట్లలో విధ్వంసకర బ్యాటర్లు ఉండటంతో పాటు మ్యాచ్‌ విన్నింగ్‌ బౌలర్లు ఉన్నారు. ఈడెన్‌ గార్డెన్స్‌ పిచ్‌ బ్యాటర్లకు సహకరించనున్న నేపథ్యంలో తొలి టీ20లో పరుగుల వరద పారడం ఖాయం.భీకర ఫామ్‌లో తిలక్‌, సంజూటీమిండియా టాపార్డర్‌ బ్యాటర్లు తిలక్‌ వర్మ, సంజూ శాంసన్‌ భీకర ఫామ్‌లో ఉన్నారు. ఇటీవల సౌతాఫ్రికాతో జరిగిన నాలుగు మ్యాచ్‌ల సిరీస్‌లో వీరిద్దరూ చెలరేగిపోయారు. తిలక్‌ చివరి రెండు టీ20ల్లో మెరుపు సెంచరీలు చేయగా.. సంజూ మొదటి, నాలుగు మ్యాచ్‌ల్లో శతక్కొట్టాడు. సౌతాఫ్రికా సిరీస్‌కు ముందు బంగ్లాదేశ్‌తో జరిగిన మ్యాచ్‌లోనూ సంజూ సెంచరీ చేశాడు. సంజూ గత ఐదు టీ20ల్లో మూడు సెంచరీలు చేశాడు.ఇప్పటికే జట్టును ప్రకటించిన ఇంగ్లండ్‌తొలి టీ20 కోసం ఇంగ్లండ్‌ జట్టును నిన్ననే ప్రకటించారు. ఈ జట్టు బ్యాటింగ్‌, బౌలింగ్‌ విభాగాల్లో సమతూకంగా ఉంది. కెప్టెన్‌ జోస్‌ బట్లర్‌తో పాటు ఫిల్‌ సాల్ట్‌ ఓపెనర్‌గా బరిలోకి దిగనున్నాడు. యువ ఆటగాడు జేకబ్‌ బేతెల్‌ తొలిసారి భారత్‌తో తలపడనున్నాడు.ఇంగ్లండ్‌ తుది జట్టు: జోస్‌ బట్లర్‌ (కెప్టెన్‌), ఫిల్‌ సాల్ట్‌, బెన్‌ డకెట్‌, హ్యారీ బ్రూక్‌, లియామ్‌ లివింగ్‌స్టోన్‌, జేకబ్‌ బేతెల్‌, జేమీ ఓవర్టన్‌, గస్‌ అట్కిన్సన్‌, జోఫ్రా ఆర్చర్‌, ఆదిల్‌ రషీద్‌, మార్క్‌ వుడ్‌భారత తుది జట్టు (అంచనా): సంజూ శాంసన్‌, అభిషేక్‌ శర్మ, తిలక్‌ వర్మ, సూర్యకుమార్‌ యాదవ్‌ (కెప్టెన్‌), హార్దిక్‌ పాండ్యా, రింకూ సింగ్‌, అక్షర్‌ పటేల్‌, వాషింగ్టన్‌ సుందర్‌, మహ్మద్‌ షమీ, అర్షదీప్‌ సింగ్‌, వరుణ్‌ చక్రవర్తి

ప్రస్తుతం భారత క్రికెట్ అభిమానులందరి దృష్టి పేస్ బౌలర్ మహ్మద్ షమీ(Mohammed Shami) మీదే ఉంది. దాదాపు పద్నాలుగు నెలల విరామం తర్వాత టీమిండియాలోకి వచ్చిన షమీ త్వరలో జరగనున్న ఇంగ్లండ్‌ సిరీస్‌తో పునరాగమనం చేయనున్నాడు. అనంతరం ప్రతిష్టాత్మకమైన చాంపియన్స్ ట్రోఫీ టోర్నమెంట్ కోసం సిద్ధం కానున్నాడు. ఎడమ మోకాలిపై పట్టీతోనే ప్రాక్టీస్ఈ నేపథ్యంలో ఈడెన్ గార్డెన్స్ స్టేడియంలో ఆదివారం కసరత్తు ప్రారంభించాడు. జనవరి 22 నుండి ఇంగ్లండ్‌తో(India vs England) జరిగే ఐదు మ్యాచ్‌ల టీ20 సిరీస్‌లో షమీ తొలుత పాల్గొంటాడు. ఇటీవలే గాయం నుంచి కోలుకున్న 34 ఏళ్ళ షమీ తన ఎడమ మోకాలిపై పట్టీతోనే ప్రాక్టీస్ పిచ్‌లపై తన బౌలింగ్ కసరత్తు ప్రారంభించడం గమనార్హం. మొదట కొద్దిగా మెల్లిగా బౌలింగ్ చేసినప్పటికీ క్రమంగా తన వేగాన్నిపెంచి.. తన రిథమ్‌ సాధించేందుకు ప్రయత్నించాడు. షమీ చివరిసారిగా అహ్మదాబాద్‌లో ఆస్ట్రేలియాతో జరిగిన 2023 ప్రపంచ కప్ ఫైనల్ లో టీమిండియాకి ప్రాతినిధ్యం వహించాడు. ఆ తర్వాత చీలమండ గాయం కారణంగా శస్త్రచికిత్స జరగడంతో భారత్ జట్టుకు దూరమయ్యాడు.బుమ్రా ఫిట్‌నెస్‌పై ఆందోళన భారత్ జట్టు ప్రధాన బౌలర్ అయినా జస్ప్రీత్ బుమ్రా(Jasprit Bumrah) వెన్నునొప్పి కారణంగా ఇటీవల జరిగిన బోర్డర్-గవాస్కర్ ట్రోఫీ చివరి టెస్ట్ మధ్యలో తప్పుకొన్న విషయం తెలిసిందే. ఈ కారణంగా చాంపియన్స్ ట్రోఫీలో బుమ్రా పాల్గొనడంపై అనిశ్చితి కొనసాగుతుండటంతో ఎంతో అనుభవజ్ఞుడైన షమీ పునరాగమనం భారత్ జట్టుకి ఎంతో కీలకం. బుమ్రా ప్రస్తుతం బెంగళూరులోని నేషనల్ క్రికెట్ అకాడమీకి రిపోర్ట్ చేయాలనీ టీం మేనేజ్‌మెంట్ కోరింది.అక్కడ అతని ఫిట్‌నెస్‌ను వైద్య బృందం పర్యవేక్షిస్తోంది. ఇంగ్లండ్‌తో జరగనున్న సిరీస్‌లోని మొదటి రెండు వన్డేలకు బుమ్రా అందుబాటులో ఉండే అవకాశం లేదు. అయితే మూడో వన్డేకి బుమ్రా జట్టులో చేరే అవకాశం ఉందని, చాంపియన్స్ ట్రోఫీ టోర్నమెంట్లో బుమ్రా పాల్గొంటాడని, భారత్ జట్టు చీఫ్ సెలెక్టర్ అజిత్ అగార్కర్ ఇటీవల వెల్లడించాడు.అర్ష్‌దీప్ సింగ్‌కు అంతటి అనుభవం లేదుఅయితే బుమ్రా సకాలంలో కోలుకోలేని పక్షం లో షమీ పైనే భారత్ జట్టు భారం పడే అవకాశం ఉంది. ప్రస్తుతం మహమ్మద్ సిరాజ్ కూడా జట్టులో లేనందున పెద్దగా అనుభవం లేని అర్ష్‌దీప్ సింగ్ పై జట్టు నుంచి పెద్దగా ఆశించడం కష్టమే. 2015లో ఆస్ట్రేలియా జరిగిన ప్రపంచ కప్‌ టోర్నమెంట్ లో భారత్ జట్టు సెమీఫైనల్ కి చేరడంలో కీలక పాత్ర వహించిన షమీ పాత, కొత్త బంతుల్తో నిర్దిష్టమైన లైన్ వేయడంలో మంచి దిట్ట.కొద్దిగా అనుకూలించే పిచ్‌లపై చెలరేగిపోయే షమీని ఎదుర్కోవడం బ్యాటర్లకు ఆషామాషీ విషయం కాదు. ప్రస్తుతం అద్భుత ఫామ్ తో ఉన్న బుమ్రాకి షమీ తోడైతే భారత్ బౌలింగ్ ప్రత్యర్థి జట్లకు పెద్ద సవాలుగా తయారవుతుందనడంలో సందేహం లేదు. గత కొద్ది కాలంగా భారత్ స్వదేశంలో మాత్రమే కాకా విదేశాల్లో కూడా విజయాలు సాధించడంలో బుమ్రా, షమీ కీలక పాత్ర పోషించారనడంలో సందేహం లేదు.షమీ లేని లోటు కనిపించిందిఇక ఇటీవల జరిగిన ఆస్ట్రేలియా పర్యటన లో షమీ లేని లోటు భారత్ జట్టులో స్పష్టంగా కనిపించింది. బుమ్రా వొంటి చేత్తో తొలి టెస్ట్ గెలిపించినా అతనికి మరో వైపు నుంచి సహకారం కొరవడింది. సిరాజ్ అడపా దడపా మెరుపులు మెరిపించినా, కీలకమైన సమయాల్లో వికెట్లు సాధించడంలో విఫలమయ్యాడు. ప్రత్యర్థి బ్యాటర్లను కట్టడి చేయడంలో కూడా సిరాజ్ ఆశించిన రీతిలో రాణించలేదు.ఈ కారణంగానే బుమ్రా జట్టు భారమంతా భుజానికెత్తుకుని విపరీతంగా శ్రమించాల్సిన పరిస్థితి ఏర్పడింది. దీని ఫలితంగానే బుమ్రా చివరి టెస్ట్ మధ్యలో వెన్ను నొప్పితో వైదొలగాల్సిన పరిస్థితి ఏర్పడింది. ఈ నేపథ్యంలో ప్రస్తుతం షమీ పైనే భారత్ జట్టు ఆశలు పెట్టుకుంది. అయితే షమీ పూర్తిగా కోలుకున్నాడా లేదా? బుమ్రా ఛాంపియన్స్ ట్రోఫీ సమయానికి పూర్తి ఫిటెనెస్ సాధిస్తాడా లేదా అన్న అంశాలపైనే భారత్ జట్టు విజయావకాశాలు ఆధారపడి ఉన్నాయి.చదవండి: ‘అతడి కథ ముగిసిపోయింది.. ఇకపై టీమిండియాలో చోటు ఉండదు’

అభిమానుల నిరీక్షణకు భారత క్రికెట్‌ నియంత్రణ మండలి(బీసీసీఐ) ఎట్టకేలకు శనివారం తెరదించింది. ఐసీసీ చాంపియన్స్‌ ట్రోఫీ-2025తో పాటు ఇంగ్లండ్‌తో వన్డే సిరీస్‌కు టీమిండియా(Champions Trophy India Squad)ను ప్రకటించింది. ఇక మెగా టోర్నీకి రోహిత్‌ శర్మ(Rohit Sharma) కెప్టెన్‌గా కొనసాగనుండగా.. శుబ్‌మన్‌ గిల్‌(Shubman Gill) అతడి డిప్యూటీగా ఎంపికయ్యాడు.బుమ్రా గాయంపై రాని స్పష్టతఅంతేకాదు.. ఈ ఓపెనింగ్‌ జోడీకి బ్యాకప్‌గా యశస్వి జైస్వాల్‌ తొలిసారిగా వన్డే జట్టులోనూ చోటు సంపాదించుకున్నాడు. అయితే, ప్రధాన పేసర్‌ జస్‌ప్రీత్‌ బుమ్రా గాయం గురించి మాత్రం ఇంకా స్పష్టత రాలేదు. ఆస్ట్రేలియాతో బోర్డర్‌- గావస్కర్‌ ట్రోఫీలో భాగంగా ఆఖరిదైన సిడ్నీ టెస్టు సందర్భంగా అతడు వెన్నునొప్పితో బాధపడిన విషయం తెలిసిందే.అయితే, చాంపియన్స్‌ ట్రోఫీ నాటికి బుమ్రా అందుబాటులోకి వస్తాడని సెలక్టర్లు ఆశిస్తున్నారు. ఈ నేపథ్యంలోనే అతడిని ఐసీసీ ఈవెంట్‌కు ఎంపిక చేశారు. కానీ హైదరాబాదీ స్టార్‌ మహ్మద్‌ సిరాజ్‌కు మాత్రం ఈ జట్టులో స్థానం దక్కలేదు.వన్డే వరల్డ్‌కప్‌-2023లో లీడింగ్‌ వికెట్‌(24 వికెట్లు) టేకర్‌గా నిలిచిన మహ్మద్‌ షమీతో పాటు అర్ష్‌దీప్‌ సింగ్‌ కూడా చోటు దక్కించుకున్నాడు. ఈ నేపథ్యంలో జట్టును ప్రకటిస్తున్న సందర్భంగా కెప్టెన్‌ రోహిత్‌ శర్మకు సిరాజ్‌ గురించి ప్రశ్న ఎదురైంది.అందుకే సిరాజ్‌ను ఎంపిక చేయలేదుఇందుకు స్పందిస్తూ.. ‘‘బుమ్రా ఈ టోర్నీలో ఆడతాడా? లేదా? అన్న విషయంపై స్పష్టత లేదు. కాబట్టి కొత్త బంతితో, పాత బంతితోనూ ఫలితాలు రాబట్టగల పేసర్ల వైపే మొగ్గుచూపాలని భావించాం. బుమ్రా మిస్సవుతాడని కచ్చితంగా చెప్పలేం.కానీ ఏం జరిగినా అందుకు సిద్ధంగా ఉండాలి. అందుకే అర్ష్‌దీప్‌ సింగ్‌ను ఎంపిక చేసుకున్నాం. కొత్త బంతితో షమీ ఎలాంటి మ్యాజిక్‌ చేస్తాడో అందరికీ తెలుసు. అయితే, న్యూ బాల్‌ లేకపోతే సిరాజ్‌ తన స్థాయికి తగ్గట్లుగా రాణించలేడు. అందుకే అతడిని ఎంపిక చేయలేదు’’ అని రోహిత్ శర్మ వివరించాడు.సీమ్‌ ఆల్‌రౌండర్లు లేరుఇక చాంపియన్స్‌ ట్రోఫీ జట్టులో స్పిన్‌ బౌలింగ్‌ ఆల్‌రౌండర్లు ఎక్కువగా ఉండటం గురించి రోహిత్‌ శర్మ మాట్లాడుతూ.. ‘‘దురదృష్టవశాత్తూ మనకు ఎక్కువగా సీమ్‌ ఆల్‌రౌండర్లు లేరు. కాబట్టి బ్యాటింగ్‌ ఆర్డర్‌ డెప్త్‌గా ఉండాలనే ఉద్దేశంతో ఉన్నంతలో స్పిన్‌ ఆల్‌రౌండర్లనే ఎంపిక చేసుకున్నాం’’ అని తెలిపాడు.కాగా స్పిన్‌ విభాగంలో చైనామన్‌ బౌలర్‌ కుల్దీప్‌ యాదవ్‌తో పాటు ఆల్‌రౌండర్లు రవీంద్ర జడేజా, అక్షర్‌ పటేల్‌, వాషింగ్టన్‌ సుందర్‌ చోటు దక్కించుకున్నారు. మరోవైపు.. సీమ్‌ ఆల్‌రౌండర్‌ హార్దిక్‌ పాండ్యాతో పాటు.. అతడికి బ్యాకప్‌గా ట్రావెలింగ్‌ రిజర్వ్స్‌లో యువ సంచలనం, తెలుగు తేజం నితీశ్‌ కుమార్‌ రెడ్డికి చోటిచ్చారు.ఐసీసీ చాంపియన్స్‌ ట్రోఫీ-2025కి బీసీసీఐ ప్రకటించిన జట్టురోహిత్‌ శర్మ(కెప్టెన్‌), శుబ్‌మన్‌ గిల్‌(వైస్‌ కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌(వికెట్‌ కీపర్‌), హార్దిక్‌ పాండ్యా, అక్షర్‌ పటేల్‌, కుల్దీప్‌ యాదవ్‌, వాషింగ్టన్‌ సుందర్‌, జస్‌ప్రీత్‌ బుమ్రా(ఫిట్‌నెస్‌ ఆధారంగా) మహ్మద్‌ షమీ, అర్ష్‌దీప్‌ సింగ్‌, యశస్వి జైస్వాల్‌, రిషభ్‌ పంత్‌(వికెట్‌ కీపర్‌), రవీంద్ర జడేజా.ట్రావెలింగ్‌ రిజర్వ్స్‌: వరుణ్‌ చక్రవర్తి, ఆవేశ్‌ ఖాన్‌, నితీశ్‌ కుమార్‌ రెడ్డిచదవండి: Ind vs Eng: టీ20, వన్డే సిరీస్‌లకు భారత్‌, ఇంగ్లండ్‌ జట్లు ఇవే

ఐసీసీ పురుషుల టీ20 క్రికెట్ ఆఫ్ ది ఇయర్-2024కు సంబంధించిన నామినీస్‌ వివరాలను అంతర్జాతీయ క్రికెట్ కౌన్సిల్ ఆదివారం(డిసెంబర్ 29) ప్రకటించింది. ఈ ప్రతిష్టాత్మకమైన అవార్డు కోసం మొత్తం నలుగురు ఆటగాళ్లను ఐసీసీ నామినేట్‌ చేసింది.ఈ జాబితాలో భారత్‌ నుంచి యువ ఫాస్ట్ బౌలర్ అర్ష్‌దీప్ సింగ్‌కు చోటు దక్కించుకున్నాడు. ఈ ఏడాది టీ20ల్లో అర్ష్‌దీప్‌ సింగ్‌ అద్బుతమైన ప్రదర్శన కనబరిచాడు. ఈ ఏడాది కేవలం 18 టీ20లు మాత్రమే ఆడిన అర్ష్‌దీప్‌ 7.49 ఏకనామీతో 36 వికెట్లు పడగొట్టాడు. టీ20 వరల్డ్‌కప్‌-2024లోనూ అర్షదీప్‌ అత్యుత్తమ ప్రదర్శన చేశాడు. మొత్తం 8 మ్యాచ్‌ల్లో 17 వికెట్లు పడగొట్టి ఈ మెగా ఈవెంట్‌లో లీడింగ్‌ వికెట్‌ టేకర్‌గా నిలిచాడు. ఇక ఈ అవార్డు కోసం అర్ష్‌దీప్‌ సింగ్‌తో పాటు పాకిస్తాన్‌ స్టార్‌ ప్లేయర్‌ బాబర్‌ ఆజం, జింబాబ్వే కెప్టెన్‌ సికిందర్‌ రజా, ఆస్ట్రేలియా విధ్వంసకర వీరుడు ట్రావిస్‌ హెడ్‌ పోటీ పడుతున్నారు.ఈ ఏడాది టీ20ల్లో బాబర్‌ పర్వాలేదన్పించాడు. 23 ఇన్నింగ్స్‌లో 738 పరుగులతో పాక్‌ తరపున లీడింగ్‌ స్కోరర్‌గా నిలిచాడు. అదే విధంగా సికిందర్‌ రజా ఈ ఏడాది టీ20 క్రికెట్‌లో ఆల్‌రౌండ్ షోతో అదరగట్టాడు. మొత్తం 23 ఇన్నింగ్స్‌లలో 573 పరుగులతో పాటు 24 కూడా వికెట్లు పడగొట్టాడు. ఇక ట్రావిస్‌ హెడ్‌ విషయానికి వస్తే.. ఈ ఏడాది 15 ఇన్నింగ్స్‌లో 539 పరుగులు చేశాడు.బుమ్రాకు నో ఛాన్స్‌.. కాగా ఈ నామినీస్ జాబితాలో టీమిండియా పేస్ ‍గుర్రం జస్ప్రీత్ బుమ్రా పేరు లేకపోవడం అందరిని ఆశ్చర్యపరుస్తోంది. ఈ ఏడాది జరిగిన టీ20 వరల్డ్‌కప్‌లో బుమ్రా అద్భుతమైన ప్రదర్శన కనబరిచాడు. ఈ మెగా టోర్నీలో బుమ్రా ఎనిమిది మ్యాచ్‌లలో 4.17 ఎకానమీతో 15 వికెట్లు పడగొట్టి ప్లేయర్‌ ఆఫ్‌ది టోర్నీగా బుమ్రా నిలిచాడు. అయినప్పటికి బుమ్రాను టీ20 క్రికెట్ ఆఫ్ ది ఇయర్ అవార్డుకు నామినేట్‌ చేయకపోవడం గమనార్హం.

విజయ్‌ హజారే వన్డే ట్రోఫీలో టీమిండియా టీ20 స్పెషలిస్ట్‌, పంజాబ్‌ పేసర్‌ అర్షదీప్‌ సింగ్‌ రెచ్చిపోయాడు. ముంబైతో ఇవాళ (డిసెంబర్‌ 28) జరుగుతున్న మ్యాచ్‌లో అర్షదీప్‌ నిప్పులు చెరిగాడు. ఫలితంగా ముంబై టాపార్డర్‌ కకావికలమైంది. ఈ మ్యాచ్‌లో పంజాబ్‌ టాస్‌ గెలిచి తొలుత బౌలింగ్‌ ఎంచుకుంది. అర్షదీప్‌ ధాటికి ముంబై 61 పరుగులకే ఆరు వికెట్లు కోల్పోయి పీకల్లోతు కష్టాల్లో పడింది. అర్షదీప్‌ ముంబై టాపార్డర్‌ మొత్తాన్ని నేలకూల్చాడు. టీమిండియా ఆటగాళ్లు శ్రేయస్‌ అయ్యర్‌, సూర్యకుమార్‌ యాదవ్‌, శివమ్‌ దూబే సహా దేశవాలీ సంచలనాలు రఘువంశీ, ఆయుశ్‌ మాత్రే వికెట్లు పడగొట్టాడు. 23.5 ఓవర్ల అనంతరం ముంబై స్కోర్‌ 119/7గా ఉంది. అథర్వ అంకోలేకర్‌ (17), శార్దూల్‌ ఠాకూర్‌ (5) క్రీజ్‌లో ఉన్నారు. పంజాబ్‌ బౌలర్లలో అర్షదీప్‌ 5, సన్వీర్‌ సింగ్‌, రఘు శర్మ తలో వికెట్‌ పడగొట్టారు. ముంబై బ్యాటర్లలో రఘువంశీ 1, ఆయుశ్‌ మాత్రే 7, హార్దిక్‌ తామోర్‌ 0, కెప్టెన్‌ శ్రేయస్‌ అయ్యర్‌ 17, సూర్యకుమార్‌ యాదవ్‌ 0, శివమ్‌ దూబే 17, సూర్యాంశ్‌ షేడ్గే 44 పరుగులు చేసి ఔటయ్యారు.

ఇండియన్‌ ప్రీమియర్‌ లీగ్‌-2025 తొలిరోజు మెగా వేలం విజయవంతంగా ముగిసింది. ఆక్షనీర్‌ మల్లికా సాగర్‌ ఎలాంటి ఆటంకాలు లేకుండా ఆదివారం నాటి వేలంపాటను సమర్థవంతంగా పూర్తి చేశారు. ఇక మొదటి రోజు ఫ్రాంఛైజీలు మొత్తంగా 72 మంది ఆటగాళ్లను కొనుగోలు చేశాయి. వీరికోసం తమ పర్సుల నుంచి ఓవరాల్‌గా రూ. 467.95 కోట్లు ఖర్చు చేశాయి.ప్రత్యేక ఆకర్షణగా ఆ ముగ్గురుఇదిలా ఉంటే.. ఎప్పటిలాగానే ఈసారీ వేలంలో సన్‌రైజర్స్‌ హైదరాబాద్‌ యజమాని కావ్యా మారన్‌, ముంబై ఇండియన్స్‌ ఓనర్‌ నీతా అంబానీ, పంజాబ్‌ కింగ్స్‌ సహ యజమాని ప్రీతి జింటా ప్రత్యేక ఆకర్షణగా నిలిచారు. ఆటగాళ్ల కొనుగోలు విషయంలో తమ వ్యూహాలను అమలు చేసే క్రమంలో ఇతర ఫ్రాంఛైజీలకు గట్టిపోటీనిచ్చారు.అందుకు కారణం మాత్రం కావ్యానే!ఈ నేపథ్యంలో కావ్యా మారన్‌- ప్రీతి జింటా ఓ ఆటగాడి కోసం తగ్గేదేలే అన్నట్లు పోటాపోటీగా ధర పెంచుతూ పోవడం హైలైట్‌గా నిలిచింది. అయితే, ఆఖరికి కావ్యా తప్పుకోగా.. సదరు ప్లేయర్‌ ప్రీతి జట్టు పంజాబ్‌కు సొంతమయ్యాడు. కానీ.. పంజాబ్‌ ఇందుకోసం భారీ ధరను చెల్లించాల్సి వచ్చింది. అందుకు కారణం మాత్రం కావ్యానే!ఇంతకీ ఆ ప్లేయర్‌ ఎవరా అంటారా?.. టీమిండియా టీ20 వరల్డ్‌ కప్‌ విజయంలో కీలక పాత్ర పోషించిన అర్ష్‌దీప్‌ సింగ్‌. నిజానికి ఈ పేస్‌ బౌలర్‌ కోసం చెన్నై సూపర్‌ కింగ్స్‌ తొలుత బిడ్‌ వేయగా.. ఢిల్లీ క్యాపిటల్స్‌, రాజస్తాన్‌ రాయల్స్‌, గుజరాత్‌ టైటాన్స్‌ సైతం రంగంలోకి దిగాయి.రైట్‌ టు మ్యాచ్‌ కార్డు ద్వారాఅయితే, ఊహించని రీతిలో రేసులోకి ఎంట్రీ ఇచ్చిన సన్‌రైజర్స్‌ అర్ష్‌దీప్‌ ధరను ఏకంగా రూ. 15.75 కోట్లకు పెంచింది. దీంతో మిగతా ఫ్రాంఛైజీలు పోటీ నుంచి తప్పుకోగా.. ఆక్షనీర్‌ మల్లికా సాగర్‌.. పంజాబ్‌ తమ పాత ఆటగాడి కోసం రైట్‌ టు మ్యాచ్‌ కార్డు ఉపయోగించుకుంటుందేమో అడిగారు.ఇందుకు సమ్మతించిన పంజాబ్‌ అర్ష్‌దీప్‌నకు అంతే మొత్తం చెల్లిస్తామని చెప్పింది. అయినా కావ్యా మారన్‌ వెనక్కి తగ్గలేదు. ఏకంగా రెండున్నర కోట్ల మేర పెంచింది. అయితే, పంజాబ్‌ మాత్రం అర్ష్‌దీప్‌ను వదులుకోలేకపోయింది. ఫలితంగా ఫైనల్‌గా సన్‌రైజర్స్‌ వేసిన బిడ్‌కు సమానంగా రూ. 18 కోట్లు చెల్లించి అర్ష్‌దీప్‌ను సొంతం చేసుకుంది.క్యాష్‌ రిచ్‌ లీగ్‌లో రూ. 18 కోట్ల భారీ ధరఫలితంగా అర్ష్‌దీప్‌నకు వేలంలో సరైన విలువ, తగిన జట్టు లభించాయి. వరుసగా ఆరు సీజన్ల పాటు పంజాబ్‌ కింగ్స్‌కే అతడు వచ్చే​ సీజన్‌లో ఆడనున్నాడు. అంతేకాదు.. క్యాష్‌ రిచ్‌ లీగ్‌లో రూ. 18 కోట్ల భారీ ధరకు అమ్ముడుపోయిన భారత తొలి ఆటగాడిగా అర్ష్‌దీప్‌ నిలిచాడు. ఏదేమైనా కావ్యా.. ప్రీతితో పోటీపడటం వల్ల అర్ష్‌దీప్‌పై కోట్ల వర్షం కురిసిన మాట వాస్తవం అంటూ నెటిజన్లు కామెంట్లు చేస్తున్నారు.చదవండి: ఐపీఎల్‌ 2025 తొలి రోజు వేలంలో అమ్ముడుపోయిన ఆటగాళ్లు వీరే..!

టీమిండియా స్టార్‌ పేసర్‌ అర్ష్‌దీప్‌ సింగ్‌ భారీ ధరకు అమ్ముడుపోయాడు. ఐపీఎల్‌-2025 సీజన్‌కు ముందు జరిగిన మెగా వేలంలో అతడు రూ. 2 కోట్ల కనీస ధరతో పేరును నమోదు చేసుకున్నాడు. ఈ క్రమంలో మొదటి సెట్‌లో భాగంగా తొలి ఆటగాడిగా ఆక్షన్‌లోకి వచ్చిన అర్ష్‌దీప్‌ సింగ్‌ కోసం చెన్నై సూపర్‌ కింగ్స్‌ తొలుత రంగంలోకి దిగగా.. ఢిల్లీ క్యాపిటల్స్‌, రాజస్తాన్‌ రాయల్స్‌, గుజరాత్‌ టైటాన్స్‌ పోటీకి వచ్చాయి.అయితే, అనూహ్యంగా రేసులోకి వచ్చిన సన్‌రైజర్స్‌ హైదరాబాద్‌ అర్ష్‌దీప్‌ ధరను రూ. 15.75 కోట్లకు పెంచింది. ఈ నేపథ్యంలో రిటెన్షన్‌కు ముందు అర్ష్‌దీప్‌ను వదిలేసిన పంజాబ్‌ కింగ్స్‌ రైజర్స్‌తో పోటీకి దిగింది. రైటు మ్యాచ్‌ కార్డు ద్వారా అతడిని సొంతం చేసుకునేందుకు ముందుకు వచ్చింది.అయినప్పటికీ సన్‌రైజర్స్‌ మాత్రం వెనక్కి తగ్గలేదు. అర్ష్‌దీప్‌ కోసం రూ. 18 కోట్లు వెచ్చించేందుకు సిద్ధమైంది. అయితే, పంజాబ్‌ మాత్రం ఈ టీమిండియా స్టార్‌ను వదులుకునేందుకు ఇష్టపడలేదు. దీంతో ఫైనల్‌ బిడ్‌గా రూ. 18 కోట్లకు అర్ష్‌దీప్‌ను దక్కించుకుంది. ఈ క్రమంలో క్యాష్‌ రిచ్‌ లీగ్‌లో రూ. 18 కోట్ల భారీ ధరకు అమ్ముడుపోయిన భారత ఆటగాడిగా అర్ష్‌దీప్‌ నిలిచాడు. కాగా లెఫ్టార్మ్‌ పేసర్‌ అయిన అర్ష్‌దీప్‌ ఇప్పటి వరకు 65 మ్యాచ్‌లలో కలిపి 76 వికెట్లు పడగొట్టాడు. అయితే, టీమిండియా తరఫున మాత్రం అతడికి టీ20లలో మాత్రం గొప్ప రికార్డు ఉంది. ఇప్పటికి ఆడిన 60 మ్యాచ్‌లలోనే అతడు 95 వికెట్లు పడగొట్టడం విశేషం. చదవండి: RTM కార్డు విషయంలో ట్విస్ట్‌ ఇచ్చిన బీసీసీఐ.. ఈ వేలం మునుపటిలా ఉండదు!

ఫ్రాంచైజీల చేతిలో ఉన్నవి రూ. 641.50 కోట్లు... కొనుగోలు చేయాల్సిన ఆటగాళ్లు 204... అందుబాటులో ఉన్న ప్లేయర్లు 577 మంది... అత్యధిక మొత్తం ఉన్న ఫ్రాంచైజీ పంజాబ్‌ కింగ్స్‌ రూ 110.50 కోట్లు. ఈ అంకెలు చాలు ఐపీఎల్‌ ఆటనే కాదు... వేలం పాట కూడా సూపర్‌హిట్‌ అవుతుందని! రెండు రోజుల పాటు జరిగే ఈ వేలం వేడుకకు సర్వం సిద్ధమైంది. వేలం పాట పాడే ఆక్షనీర్‌ మల్లికా సాగర్, పది ఫ్రాంచైజీ యాజమాన్యాలు, హెడ్‌ కోచ్‌లు, విశ్లేషకులు వెరసి అందరి కళ్లు హార్డ్‌ హిట్టర్, వికెట్‌ కీపర్‌–బ్యాటర్‌ రిషభ్‌ పంత్‌పైనే నెలకొన్నాయి. అంచనాలు మించితే రూ. పాతిక కోట్లు పలికే భారత ప్లేయర్‌గా రికార్డులకెక్కేందుకు పంత్‌ సై అంటున్నాడు.వచ్చే సీజన్‌ ఐపీఎల్‌ ఆటకు ముందు వేలం పాటకు వేళయింది. ఆది, సోమవారాల్లో జరిగే ఆటగాళ్ల మెగా వేలంలో భారత స్టార్లతో పాటు పలువురు విదేశీ స్టార్లు ఫ్రాంచైజీలను ఆకర్శిస్తున్నారు. ఢిల్లీ క్యాపిటల్స్‌ విడుదల చేసిన రిషభ్‌ పంత్‌పై పది ఫ్రాంచైజీలు కన్నేశాయి.మెగా వేలంలోనే మెగా ధర పలికే ఆటగాడిగా విశ్లేషకులు అంచనా వేస్తున్నారు. సారథ్యం, వికెట్‌ కీపింగ్, మెరుపు బ్యాటింగ్‌ ఇవన్నీ కూడా పంత్‌ ధరను అమాంతం పెంచే లక్షణాలు. దీంతో ఎంతైన వెచ్చించేందుకు ఫ్రాంచైజీలు ఎగబడనున్నాయి.అతడితో పాటు భారత స్టార్‌ ఓపెనర్‌ కేఎల్‌ రాహుల్, ఈ సీజన్‌ చాంపియన్‌ కోల్‌కతా నైట్‌రైడర్స్‌ (కేకేఆర్‌) విజయసారథి శ్రేయస్‌ అయ్యర్, సీమర్లు అర్ష్‌దీప్‌ సింగ్, సిరాజ్‌లపై రూ. కోట్లు కురవనున్నాయి.విదేశీ ఆటగాళ్లలో జోస్‌ బట్లర్, లివింగ్‌స్టోన్‌ (ఇంగ్లండ్‌), స్టార్క్, వార్నర్‌ (ఆస్ట్రేలియా), రబడా (దక్షిణాఫ్రికా)లపై ఫ్రాంచైజీలు దృష్టిపెడతాయి. గతేడాది వేలంపాట పాడిన ప్రముఖ ఆక్షనీర్‌ మల్లికా సాగర్‌ ఈ సారి కూడా వేలం ప్రక్రియను నిర్వహించనుంది. 116 మందిపైనే వేలం వెర్రి వేలానికి 577 మంది ఆటగాళ్లతో భారత క్రికెట్‌ నియంత్రణ మండలి (బీసీసీఐ) తుది జాబితాను సిద్ధం చేసినప్పటికీ మొదటి సెట్‌లో వచ్చే 116 మందిపైనే ఫ్రాంచైజీల దృష్టి ఎక్కువగా ఉంటుంది. దీంతో పాట రూ. కోట్ల మాట దాటడం ఖాయం. ఎందుకంటే ఇందులో పేరు మోసిన స్టార్లు, మ్యాచ్‌ను ఏకపక్షంగా మలుపుతిప్పే ఆల్‌రౌండర్లు, నిప్పులు చెరిగే సీమర్లు ఇలా అగ్రశ్రేణి ఆటగాళ్లంతా ముందు వరుసలో వస్తారు. దీంతో వేలం పాట రేసు రసవత్తరంగా సాగడం ఖాయమైంది.ఇక 117 నుంచి ఆఖరి దాకా వచ్చే ఆటగాళ్లపై వేళ్లమీద లెక్కించే స్థాయిలోనే పోటీ ఉంటుంది. అంటే ఇందులో పది, పదిహేను మందిపై మాత్రమే ఫ్రాంచైజీలు పోటీ పడే అవకాశముంది. మిగతా వారంతా ఇలా చదివితే అలా కుదిరిపోవడం లేదంటే వచ్చి వెళ్లిపోయే పేర్లే ఉంటాయి. పది ఫ్రాంచైజీలు కలిపి గరిష్టంగా 204 మందినే ఎంపిక చేసుకుంటాయి.అర్ష్‌దీప్‌ అ‘ధర’హో ఖాయం అంతర్జాతీయ క్రికెట్‌లో గత మూడు సీజన్లుగా భారత సీమర్‌ అర్ష్‌దీప్‌ సింగ్‌ నిలకడగా రాణిస్తున్నాడు. 96 అంతర్జాతీయ టి20లాడిన అర్ష్‌దీప్‌ 96 వికెట్లు తీశాడు. ముఖ్యంగా ఈ ఏడాది సఫారీగడ్డపై జరిగిన టీ20 ప్రపంచకప్‌ డెత్‌ ఓవర్లలో సీనియర్‌ స్టార్‌ బుమ్రాకు దీటుగా బౌలింగ్‌ వేసి దక్షిణాఫ్రికాను కట్టడి చేసిన అతనిపై ఫ్రాంచైజీలు ఎగబడటం ఖాయం.తరచూ పూర్తి జట్టును మారుస్తున్న పంజాబ్‌ కింగ్స్‌ వద్దే పెద్ద మొత్తంలో డబ్బులు (రూ.110 కోట్లు) ఉన్నాయి. ఈ నేపథ్యంలో స్టార్‌డమ్‌ను తీసుకొచ్చేందుకు పంత్‌ను, బౌలింగ్‌ పదును పెంచేందుకు అర్ష్‌దీప్‌ను కొనుగోలు చేసేందుకు ఎక్కువ సానుకూలతలు పంజాబ్‌కే ఉన్నాయి.బట్లర్‌ వైపు ఆర్సీబీ చూపు పంజాబ్‌ తర్వాత రెండో అధిక పర్సు రూ. 83 కోట్లు కలిగివున్న రాయల్‌ చాలెంజర్స్‌ బెంగళూరు (ఆర్సీబీ) డాషింగ్‌ ఓపెనర్‌ జోస్‌ బట్లర్‌పై రూ. కోట్లు వెచ్చించే అవకాశముంది. రాహుల్, అయ్యర్‌ సహా ఆల్‌రౌండర్‌ దీపక్‌ చహర్‌ కోసం పోటీపడనుంది.ఢిల్లీ క్యాపిటల్స్‌ (రూ. 73 కోట్లు), గుజరాత్‌ టైటాన్స్‌ (రూ.69 కోట్లు), లక్నో సూపర్‌జెయింట్స్‌ (రూ.69 కోట్లు), చెన్నై సూపర్‌కింగ్స్‌ (రూ. 55 కోట్లు), కోల్‌కతా నైట్‌రైడర్స్‌ (రూ. 51 కోట్లు), ముంబై ఇండియన్స్‌ (రూ.45 కోట్లు), సన్‌రైజర్స్‌ హైదరాబాద్‌ (రూ. 45 కోట్లు), రాజస్తాన్‌ రాయల్స్‌ (రూ.41 కోట్లు)లు కూడా అందుబాటులో ఉన్న వనరులతో మేటి ఆటగాళ్లను కొనుగోలు చేసేందుకు ఆసక్తి కనబరుస్తున్నాయి.చదవండి: IND vs AUS: చరిత్ర సృష్టించిన జైశ్వాల్‌.. ప్రపంచంలోనే తొలి క్రికెటర్‌గా

ఐసీసీ తాజా ర్యాంకింగ్స్‌లో టీమిండియా స్టార్‌ క్రికెటర్‌ హార్దిక్‌ పాండ్యా సత్తా చాటాడు. టీ20 మెన్స్‌ ఆల్‌రౌండర్ల ర్యాంకింగ్స్‌లో మరోసారి అగ్రస్థానం సంపాదించాడు. ఇటీవల సౌతాఫ్రికాతో టీ20 సిరీస్‌లో ఆల్‌రౌండ్‌ ప్రతిభతో ఆకట్టుకున్న హార్దిక్‌.. వరల్డ్‌ నంబర్‌వన్‌గా అవతరించాడు.ఈ మేరకు ఐసీసీ బుధవారం ప్రకటించిన ర్యాంకింగ్స్‌లో రెండు స్థానాలు ఎగబాకి అగ్రపీఠం కైసవం చేసుకున్నాడు. ఈ క్రమంలో నేపాల్‌కు చెందిన దీపేంద్ర సింగ్‌ ఐరీ, ఇంగ్లండ్‌ విధ్వంసకర వీరుడు లియామ్‌ లివింగ్‌స్టోన్‌ను హార్దిక్‌ పాండ్యా అధిగమించాడు.తిలక్‌ వర్మ ఏకంగా 69 స్థానాలు ఎగబాకిమరోవైపు.. టీమిండియా యువ సంచలనం, సెంచరీల వీరుడు తిలక్‌ వర్మ ఏకంగా 69 స్థానాలు ఎగబాకి.. టీ20 మెన్స్‌ బ్యాటర్స్‌ ర్యాంకింగ్స్‌లో మూడో ర్యాంకు సాధించడం విశేషం. అదే విధంగా.. మరో శతకాల వీరుడు సంజూ శాంసన్‌ కూడా 17 స్థానాలు జంప్‌ చేసి.. 22వ ర్యాంకుకు చేరుకున్నాడు. కాగా ఇటీవల నాలుగు మ్యాచ్‌ల టీ20 సిరీస్‌ ఆడేందుకు టీమిండియా సౌతాఫ్రికాలో పర్యటించిన విషయం తెలిసిందే.సూర్యకుమార్‌ యాదవ్‌ కెప్టెన్సీలో సఫారీ గడ్డపై 3-1తో ఈ సిరీస్‌ను భారత జట్టు సొంతం చేసుకుంది. ఇందులో 31 ఏళ్ల హార్దిక్‌ పాండ్యా ఇటు బంతితో.. అటు బ్యాట్‌తో రాణించి తన వంతు పాత్ర పోషించాడు.ముఖ్యంగా నిర్ణయాత్మక నాలుగో టీ20లో మూడు ఓవర్ల బౌలింగ్‌లో కేవలం 8 పరుగులు మాత్రమే ఇచ్చి.. టీమిండియా గెలుపునకు బాట వేశాడు.సంజూ శాంసన్‌ సైతంఇక రెండో టీ20లోనూ 39 పరుగులతో అతడు అజేయంగా నిలిచాడు. కాగా టీ20 ఆల్‌రౌండర్ల జాబితాలో హార్దిక్‌ పాండ్యా ప్రథమ స్థానం సంపాదించడం ఇది రెండోసారి. ఇక తిలక్‌ వర్మ సఫారీలతో సిరీస్‌లో వరుస సెంచరీలతో చెలరేగాడు. మూడో టీ20లో 107 పరుగులతో అజేయంగా నిలిచిన ఈ హైదరాబాదీ బ్యాటర్‌.. నాలుగో మ్యాచ్‌లో కేవలం 47 బంతుల్లోనే 120 పరుగులతో నాటౌట్‌గా నిలిచాడు. మరోవైపు.. సంజూ శాంసన్‌ సౌతాఫ్రికాలో తొలి టీ20లో 107, నాలుగో టీ20లో 109(నాటౌట్‌) పరుగులు సాధించాడు.ఐసీసీ టీ20 మెన్స్‌ ఆల్‌రౌండర్ల ర్యాంకులు టాప్‌-51. హార్దిక్‌ పాండ్యా(ఇండియా)- 244 రేటింగ్‌ పాయింట్లు2. దీపేంద్ర సింగ్‌ ఐరీ(నేపాల్‌)- 231 రేటింగ్‌ పాయింట్లు3. లియామ్‌ లివింగ్‌స్టోన్‌(ఇంగ్లండ్‌)- 230 రేటింగ్‌ పాయింట్లు4. మార్కస్‌ స్టొయినిస్‌(ఆస్ట్రేలియా)- 209 రేటింగ్‌ పాయింట్లు5. వనిందు హసరంగ(శ్రీలంక)- 209 రేటింగ్‌ పాయింట్లుఐసీసీ టీ20 మెన్స్‌ బ్యాటర్ల జాబితా టాప్‌-51. ట్రవిస్‌ హెడ్‌(ఆస్ట్రేలియా)- 855 రేటింగ్‌ పాయింట్లు2. ఫిల్‌ సాల్ట్‌(ఇంగ్లండ్‌)- 828 రేటింగ్‌ పాయింట్లు3. తిలక్‌ వర్మ(ఇండియా)- 806 రేటింగ్‌ పాయింట్లు4. సూర్యకుమార్‌ యాదవ్‌(ఇండియా)- 788 రేటింగ్‌ పాయింట్లు5. బాబర్‌ ఆజం(పాకిస్తాన్‌)- 742 రేటింగ్‌ పాయింట్లు.టాప్‌-10లో అర్ష్‌దీప్‌ సింగ్‌ఇదిలా ఉంటే.. టీ20 బౌలర్ల జాబితాలో ఇంగ్లండ్‌కు చెందిన ఆదిల్‌ రషీద్‌ అగ్రస్థానాన్ని నిలబెట్టుకోగా.. వనిందు హసరంగ(శ్రీలంక), ఆడం జంపా(ఆస్ట్రేలియా), అకీల్‌ హొసేన్‌(వెస్టిండీస్‌), మహీశ్‌ తీక్షణ(శ్రీలంక) టాప్‌-4లో ఉన్నారు. ఇక టీమిండియా పేసర్‌ అర్ష్‌దీప్‌ సింగ్‌ మూడు స్థానాలు మెరుగుపరుచుకుని తొమ్మిదో ర్యాంకు పొందాడు.చదవండి: కోహ్లి పాకిస్తాన్‌లో ఆడాలని అనుకుంటున్నాడు: పాక్‌ దిగ్గజ బౌలర్‌ షాకింగ్‌ కామెంట్స్‌

సౌతాఫ్రికాతో మూడో టీ20లో గెలుపు కోసం టీమిండియా ఆఖరి వరకు పోరాడాల్సి వచ్చింది. భారీ స్కోరు సాధించినా.. చివరి ఓవర్‌ వరకు ఆతిథ్య జట్టు గట్టిపోటీనిచ్చింది. దీంతో భారత బౌలర్లతో పాటు ఫీల్డర్లు కూడా తీవ్రంగా శ్రమించాల్సి వచ్చింది. ఈ క్రమంలో టీమిండియా సెంచరీ హీరో తిలక్‌ వర్మ గాయపడ్డాడు.ఈ మ్యాచ్‌లో సౌతాఫ్రికా ఇన్నింగ్స్‌లో భారత పేసర్‌ అర్ష్‌దీప్‌ సింగ్‌ ఆఖరి ఓవర్‌ వేశాడు. అప్పటికే జోరు మీదున్న ప్రొటిస్‌ పేస్‌ బౌలింగ్‌ ఆల్‌రౌండర్‌ మార్కో జాన్సెన్‌.. అర్ష్‌దీప్‌ బౌలింగ్‌లో రెండో బంతికి కవర్స్‌ మీదుగా భారీ సిక్సర్‌ బాదాడు. అయితే, ఆ బంతిని అందుకునే క్రమంలో బౌండరీ లైన్‌ వద్ద ఫీల్డింగ్‌ చేస్తున్న తిలక్‌ వర్మ.. క్యాచ్‌ అందుకునే క్రమంలో కిందపడ్డాడు.తిలక్‌ తల నేలకు బలంగా తాకినట్లుఫలితంగా క్యాచ్‌ మిస్‌ కావడమే గాక.. తిలక్‌ తల నేలకు బలంగా తాకినట్లు రీప్లేలో కనిపించింది. దీంతో భారత శిబిరంలో కలకలం రేగింది. వెంటనే ఫిజియో వచ్చి తిలక్‌ను పరిస్థితిని పర్యవేక్షించాడు. మరోవైపు... ఈ సిక్సర్‌తో జాన్సెన్‌ యాభై పరుగుల మార్కును పూర్తి చేసుకుని.. టీమిండియాపై ఫాస్టెస్ట్‌ ఫిఫ్టీ(16 బంతుల్లో) నమోదు చేసిన తొలి సౌతాఫ్రికా ప్లేయర్‌గా నిలిచాడు.ఇదిలా ఉంటే.. తిలక్‌ వర్మ గాయంపై అభిమానుల్లోనూ ఆందోళన నెలకొంది. అతడు తదుపరి మ్యాచ్‌కు అందుబాటులో ఉంటాడో లేదోనన్న సందేహాల నడుమ.. పోస్ట్‌ మ్యాచ్‌ ప్రజెంటేషన్‌లో తిలక్‌ వర్మ తన గాయంపై అప్‌డేట్‌ అందించాడు.నేను బాగానే ఉన్నాను‘‘నేను బాగానే ఉన్నాను. క్యాచ్‌ అందుకునేటపుడు వెలుతురు కళ్లలో పడి.. బంతిని పట్టుకోవడం సాధ్యం కాలేదు. ఏదేమైనా మేము గెలిచినందుకు చాలా సంతోషంగా ఉంది’’ అని తిలక్‌ వర్మ పేర్కొన్నాడు. అదే విధంగా.. తాను విధ్వంసకర శతకం బాదడంలో క్రెడిట్‌ మొత్తం కెప్టెన్‌ సూర్యకుమార్‌ యాదవ్‌తో పాటు కోచ్‌ వీవీఎస్‌ లక్ష్మణ్‌కు ఇవ్వాలని తిలక్‌ అన్నాడు.107 పరుగులుఈ మ్యాచ్‌లో మూడో నంబర్‌లో బ్యాటింగ్‌ చేసే అవకాశం ఇచ్చినందుకు సూర్యకు ధన్యవాదాలు తెలిపాడు. కాగా సెంచూరియన్‌ వేదికగా బుధవారం నాటి మ్యాచ్‌లో తిలక్‌ వర్మ 56 బంతుల్లోనే 8 ఫోర్లు, 7 సిక్సర్ల సాయంతో ఏకంగా 107 పరుగులు సాధించాడు. ఆఖరి వరకు అజేయంగా నిలిచి భారత్‌ 219 పరుగులు స్కోరు చేయడంలో కీలకంగా వ్యవహరించాడు. ఇక లక్ష్య ఛేదనలో సౌతాఫ్రికా 208 పరుగుల వద్ద నిలిచి.. పదకొండు పరుగుల తేడాతో ఓటమిపాలైంది. ఇదిలా ఉంటే.. ఈ మ్యాచ్‌లో తిలక్‌.. అర్ష్‌దీప్‌ బౌలింగ్‌లో హెన్రిచ్‌ క్లాసెన్‌(41)క్యాచ్‌ అందుకుని మ్యాచ్‌ను మలుపు తిప్పడంలో దోహదపడ్డాడు.చదవండి: Mohammed Shami: రీ ఎంట్రీలో చెలరేగిన మహ్మద్‌ షమీ..

అంతర్జాతీయ టీ20లలో టీమిండియా తరఫున 2022లో అరంగేట్రం చేశాడు అర్ష్‌దీప్‌ సింగ్‌. రెండేళ్లకాలంలోనే పొట్టి ఫార్మాట్‌లో అత్యంత విజయవంతమైన బౌలర్‌గా అవతరించాడు. తాజాగా సౌతాఫ్రికా పర్యటనలోనూ సత్తా చాటుతున్నాడు ఈ యువ పేసర్‌.నాలుగు మ్యాచ్‌ల సిరీస్‌లో భాగంగా తొలి రెండు టీ20లలో స్పిన్నర్లకు అనుకూలించిన పిచ్‌పై కూడా అర్ష్‌దీప్‌ ఫర్వాలేదనిపించాడు. ఆ రెండు మ్యాచ్‌లలో ఒక్కో వికెట్‌ తీసిన ఈ లెఫ్టార్మ్‌ ఫాస్ట్‌ మీడియం పేసర్‌.. మూడో టీ20లో మాత్రం తన సత్తా చూపించాడు. కీలక సమయంలో మూడు కీలక వికెట్లు కూల్చి టీమిండియాను గెలుపు తీరాలకు చేర్చడంలో తన వంతు పాత్ర పోషించాడు.కీలక సమయంలో కీలక వికెట్లు తీసిపవర్‌ ప్లేలో సౌతాఫ్రికా ఓపెనర్‌ రియాన్‌ రెకెల్టన్‌(15 బంతుల్లో 20)ను పెవిలియన్‌కు పంపిన అర్ష్‌దీప్‌.. విధ్వంసకర బ్యాటర్‌ హెన్రిక్‌ క్లాసెన్‌(22 బంతుల్లో 41)ను అవుట్‌ చేసి తన ఖాతాలో రెండో వికెట్‌ జమచేసుకున్నాడు. ఇక ప్రొటిస్‌ జట్టు లక్ష్యానికి చేరువగా వస్తుందనుకున్న సమయంలో ఫాస్టెస్ట్‌ ఫిఫ్టీ వీరుడు మార్కో జాన్సెన్‌(17 బంతుల్లో 54)ను వికెట్ల ముందు దొరకబుచ్చుకుని గట్టిషాకిచ్చాడు.అత్యధిక వికెట్లు తీసిన ఫాస్ట్‌బౌలర్‌గామొత్తంగా మూడో టీ20లో నాలుగు ఓవర్ల బౌలింగ్‌ కోటా పూర్తి చేసిన అర్ష్‌దీప్‌ 37 పరుగులు ఇచ్చి.. మూడు వికెట్లు కూల్చాడు. తద్వారా అంతర్జాతీయ టీ20లలో 92 వికెట్ల మార్కును అందుకున్నాడు. ఈ క్రమంలో టీమిండియా వెటరన్‌ పేసర్‌ భువనేశ్వర్‌కుమార్‌ పేరిట ఉన్న రికార్డు బద్దలు కొట్టాడు. అంతర్జాతీయ పొట్టి ఫార్మాట్లో అత్యధిక వికెట్లు తీసిన ఫాస్ట్‌బౌలర్‌గా అవతరించాడు.అంతేకాదు.. టీమిండియా తరఫున టీ20లలో అత్యధిక వికెట్లు తీసిన రెండో బౌలర్‌గానూ రికార్డులకెక్కాడు. ఈ జాబితాలో భారత వెటరన్‌ స్పిన్నర్‌ యజువేంద్ర చహల్‌ 96 వికెట్లతో మొదటిస్థానంలో కొనసాగుతున్నాడు. అయితే, తొంభై వికెట్ల క్లబ్‌లో చేరేందుకు చహల్‌కు 80 మ్యాచ్‌లు అవసరమైతే.. 25 ఏళ్ల అర్ష్‌దీప్‌ సింగ్‌ కేవలం 59 మ్యాచ్‌లలోనే ఈ ఘనత సాధించడం విశేషం.అంతర్జాతీయ టీ20 క్రికెట్‌లో అత్యధిక వికెట్లు తీసిన టీమిండియా బౌలర్లు1. యజువేంద్ర చహల్‌- 80 మ్యాచ్‌లలో 96 వికెట్లు2. అర్ష్‌దీప్‌ సింగ్‌- 59 మ్యాచ్‌లలో 92 వికెట్లు3. భువనేశ్వర్‌ కుమార్‌- 87 మ్యాచ్‌లలో 90 వికెట్లు4. జస్‌ప్రీత్‌ బుమ్రా- 70 మ్యాచ్‌లలో 89 వికెట్లు.తిలక్‌, అభిషేక్‌ ధనాధన్‌ఇదిలా ఉంటే.. సెంచూరియన్‌ వేదికగా బుధవారం సౌతాఫ్రికాతో జరిగిన మూడో టీ20లో టీమిండియా.. టాస్‌ ఓడి తొలుత బ్యాటింగ్‌ చేసింది. తిలక్‌ వర్మ(107 నాటౌట్‌), అభిషేక్‌ శర్మ(50) అద్భుత ఇన్నింగ్స్‌ కారణంగా నిర్ణీత 20 ఓవర్లలో ఆరు వికెట్ల నష్టానికి ఏకంగా 219 పరుగులు చేసింది.లక్ష్య ఛేదనలో ఆఖరి వరకు సౌతాఫ్రికా పోరాడినా.. భారత బౌలర్ల విజృంభణతో వారికి ఓటమి తప్పలేదు. నిర్ణీత 20 ఓవర్లలో ఏడు వికెట్ల నష్టానికి 208 పరుగుల వద్ద నిలిచిన ప్రొటిస్‌ జట్టు.. టీమిండియా చేతిలో పదకొండు పరుగుల తేడాతో పరాజయం పాలైంది. ఈ క్రమంలో సూర్యకుమార్‌ సేన ఈ సిరీస్‌లో 2-1తో ఆధిక్యంలోకి వెళ్లింది. ఇరుజట్ల మధ్య నిర్ణయాత్మక నాలుగో టీ20 జొహన్నస్‌బర్గ్‌లో ఆదివారం జరుగనుంది.చదవండి: అత‌డి కోసం నా ప్లేస్‌ను త్యాగం చేశా.. చెప్పి మరీ సెంచరీ బాదాడు: సూర్య

టీమిండియాతో మూడో టీ20లో సౌతాఫ్రికా అంత తేలికగా తలవంచలేదు. సూర్యకుమార్‌ సేన విధించిన 220 పరుగుల భారీ లక్ష్యాన్ని ఛేదించేందుకు ఆఖరి వరకు పోరాడగలిగింది. ఇందుకు ప్రధాన కారణం ప్రొటిస్‌ బౌలింగ్‌ ఆల్‌రౌండర్‌ మార్కో జాన్సెన్‌.కేవలం 16 బంతుల్లోనేస్పెషలిస్టు బ్యాటర్లంతా దాదాపుగా చేతులెత్తేసిన వేళ.. జాన్సెన్‌ తన విశ్వరూపం ప్రదర్శించాడు. భారత బౌలర్లపై ఎదురుదాడికి దిగుతూ పరుగుల వరద పారించాడు. ఒకానొక దశలో టీమిండియా నుంచి మ్యాచ్‌ను లాగేసుకుంటాడా అనేంతలా అద్భుత బ్యాటింగ్‌తో అలరించాడు. కేవలం 16 బంతుల్లోనే అర్ధ శతకం పూర్తి చేసుకున్నాడు.తొలి సౌతాఫ్రికా ప్లేయర్‌గాఈ క్రమంలో సౌతాఫ్రికా తరఫున అత్యంత వేగంగా అంతర్జాతీయ హాఫ్‌ సెంచరీ సాధించిన రెండో బ్యాటర్‌గా మార్కో జాన్సెన్‌ రికార్డు సాధించాడు. అంతేకాదు.. టీమిండియాపై టీ20లలో ఫాస్టెస్ట్‌ ఫిఫ్టీ సాధించిన తొలి సౌతాఫ్రికా ప్లేయర్‌గానూ చరిత్ర సృష్టించాడు.ఇక ఈ మ్యాచ్‌లో మొత్తంగా 17 బంతులు ఎదుర్కొన్న జాన్సెన్‌ నాలుగు ఫోర్లు, ఐదు సిక్సర్ల సాయంతో 317కు పైగా స్ట్రైక్‌రేటుతో 54 పరుగులు సాధించాడు. భారత పేసర్‌ అర్ష్‌దీప్‌ సింగ్‌ గనుక జాన్సెన్‌ను వికెట్ల ముందు దొరకబుచ్చుకోకుంటే పెద్ద ప్రమాదమే జరిగేది. ఎట్టకేలకు జాన్సెన్‌ అవుట్‌ కావడంతో నిర్ణీత 20 ఓవర్లలో 208 పరుగుల వద్ద నిలిచిన సౌతాఫ్రికా టీమిండియా చేతిలో ఓటమిపాలైంది.ఇదిలా ఉంటే.. మూడో టీ20లో జాన్సెన్‌ ఒక వికెట్‌ను కూడా తన ఖాతాలో వేసుకున్నాడు. టీమిండియా ఓపెనర్‌ సంజూ శాంసన్‌ రూపంలో కీలక వికెట్‌ తీసి సత్తా చాటాడు. ఓవరాల్‌గా ఈ మ్యాచ్‌లో భారత యువ క్రికెటర్‌ తిలక్‌ వర్మ(107) సెంచరీతో చెలరేగగా.. మార్కో జాన్సెన్‌ సైతం తన ప్రతిభను చాటుకున్నాడు.రూ. 10 ​​కోట్ల ప్లేయర్‌ కాదంటారా?ఈ నేపథ్యంలో సౌతాఫ్రికా దిగ్గజ పేసర్‌ డేల్‌ స్టెయిన్‌ మార్కో జాన్సెన్‌ను ఉద్దేశించి ఆసక్తికర ట్వీట్‌ చేశాడు. ‘‘మార్కో జాన్సెన్‌.. రూ. 10 ​​కోట్ల ప్లేయర్‌ కాదంటారా? నేనైతే అవుననే అంటాను’’ అని స్టెయిన్‌ పేర్కొన్నాడు. ఐపీఎల్‌-2025 మెగా వేలం నేపథ్యంలో జాన్సెన్‌ గురించి ఫ్రాంఛైజీలకు గుర్తు చేస్తూ ఎక్స్‌ వేదికగా తన అభిప్రాయాన్ని పంచుకున్నాడు.కాగా ఐపీఎల్‌-2024లో మార్కో జాన్సెన్‌ సన్‌రైజర్స్‌ హైదరాబాద్‌కు ప్రాతినిథ్యం వహించాడు. అయితే, ఈ సీజన్‌లో స్థాయికి తగ్గట్లు రాణించలేకపోయాడు. మూడు మ్యాచ్‌లు ఆడి కేవలం ఒకే ఒక్క వికెట్‌ తీశాడు. ఈ నేపథ్యంలో వేలానికి ముందు సన్‌రైజర్స్‌ అతడిని విడిచిపెట్టింది.సౌతాఫ్రికా వర్సెస్‌ టీమిండియా స్కోర్లువేదిక: సూపర్‌స్పోర్ట్‌ పార్క్‌, సెంచూరియన్‌టాస్‌: సౌతాఫ్రికా.. తొలుత బౌలింగ్‌టీమిండియా స్కోరు- 219/6 (20)సౌతాఫ్రికా స్కోరు- 208/7 (20)ఫలితం: పదకొండు పరుగుల తేడాతో టీమిండియా విజయం.. 2-1తో భారత్‌ పైచేయిప్లేయర్‌ ఆఫ్‌ ది మ్యాచ్‌: తిలక్‌ వర్మ(56 బంతుల్లోనే 107 నాటౌట్‌).చదవండి: చరిత్ర సృష్టించిన తిలక్‌ వర్మ.. ప్రపంచంలోనే తొలి క్రికెటర్‌గా ఘనత

సెంచూరియన్‌: పరిస్థితులకు తగ్గట్లు తన బౌలింగ్‌ను మార్చుకుంటూ ముందుకు సాగుతున్నానని భారత యువ పేసర్‌ అర్ష్ దీప్ సింగ్‌ అన్నాడు. దక్షిణాఫ్రికాతో టి20 సిరీస్‌లో మెరుగైన ప్రదర్శన కనబరుస్తున్న అర్ష్ దీప్ ... ఒత్తిడిలో బౌలింగ్‌ చేయడాన్ని ఇష్టపడతానని వెల్లడించాడు. 2022లో అంతర్జాతీయ అరంగేట్రం చేసిన అర్ష్ దీప్ ఇప్పటి వరకు జాతీయ జట్టు తరఫున 58 టి20 మ్యాచ్‌లు ఆడి 89 వికెట్లు పడగొట్టాడు. ‘స్పష్టమైన గేమ్‌ ప్లాన్‌తో మైదానంలో అడుగుపెడతా. పరిస్థితులకు తగ్గట్లు దాన్ని మార్చుకుంటూ ఉంటా. జట్టుకు ఏం అవసరమో దాన్ని గుర్తిస్తా. వికెట్లు తీయడం ముఖ్యమా... లేక పరుగులు నియంత్రిచాల అనేది చూసి బౌలింగ్‌లో మార్పులు చేసుకుంటా. డెత్‌ ఓవర్లలో బౌలింగ్‌ చేయడం కత్తిమీద సాము లాంటిది. ప్రతిసారి మనం అనుకున్న ఫలితం రాదు. అయినా దాని గురించి అతిగా ఆలోచించను. ఆరంభంలో రెండు ఓవర్లు వేసి మళ్లీ చివర్లో రెండు ఓవర్లు వేయడం మధ్య చాలా సమయం దక్కుతుంది. ఆ లోపు జట్టుకు ఏం కావాలో ఆర్థం అవుతుంది. రోజు రోజుకు మెరుగవడంపైనే ప్రధానంగా దృష్టి పెడతా.ఇటీవలి కాలంలో బౌలింగ్‌తో పాటు బ్యాటింగ్‌లో కూడా జట్టుకు సహాయ పడేందుకు ప్రయత్నిస్తున్నా. భారీ షాట్లు ఆడటం ఇష్టమే. నెట్స్‌లో కేవలం బౌలింగ్‌పైనే కాకుండా బ్యాటింగ్, ఫీల్డింగ్‌పై కూడా దృష్టి పెట్టా. ఆ దిశగా కష్టపడుతున్నా. బుమ్రాతో కలిసి బౌలింగ్‌ చేయడాన్ని బాగా ఆస్వాదిస్తా. అతడి లాంటి బౌలర్‌ మరో ఎండ్‌ నుంచి ఒత్తిడి పెంచుతుంటే వికెట్లు తీయడం చాలా సులువవుతుంది.మ్యాచ్‌పై పట్టు కొనసాగించడం ముఖ్యం. అది ప్రారంభ ఓవర్‌ అయినా... లేక చివరి ఓవర్‌ అయినా ఒకే విధంగా ఆలోచిస్తా’ అని అర్ష్ దీప్ వివరించాడు. పొట్టి ఫార్మాట్‌లో ప్రమాదక బౌలర్‌గా ఎదిగిన అర్ష్ దీప్ ... జట్టు విజయాల్లో కీలక పాత్ర పోషించడమే తన ప్రధాన లక్ష్యమని వెల్లడించాడు.

భారత్‌, దక్షిణాఫ్రికా మధ్య నాలుగు మ్యాచ్‌ల టీ20 సిరీస్‌ 1-1తో సమంగా ఉంది. ఈ సిరీస్‌లోని తొలి మ్యాచ్‌లో టీమిండియా గెలువగా.. రెండో టీ20లో దక్షిణాఫ్రికా జయభేరి మోగించింది. మూడో టీ20 సెంచూరియన్‌ వేదికగా రేపు (నవంబర్‌ 13) జరుగనుంది. భారతకాలమానం ప్రకారం ఈ మ్యాచ్‌ రాత్రి 8:30 గంటలకు ప్రారంభమవుతుంది.రెండో టీ20లో టీమిండియా స్వల్ప లక్ష్యాన్ని కాపాడుకునే క్రమంలో చివరి నిమిషం వరకు అద్భుతమైన పోరాటపటిమ కనబర్చింది. అయితే ట్రిస్టన్‌ స్టబ్స్‌, గెరాల్డ్‌ కొయెట్జీ చివర్లో సూపర్‌గా బ్యాటింగ్‌ చేసి భారత్‌ చేతుల నుంచి విజయాన్ని లాగేసుకున్నారు. ఈ మ్యాచ్‌లో​ భారత యూనిట్‌లో పలు లోపాలు స్పష్టంగా కనిపించాయి.మూడో మ్యాచ్‌లో ఈ లోపాలను సరిదిద్దుకోవాలని టీమిండియా మేనేజ్‌మెంట్‌ భావిస్తోంది. ఇందులో భాగంగా భారత్‌ రెండు మార్పులతో బరిలోకి దిగాలని యోచిస్తుంది. బ్యాటింగ్‌ విభాగంలో ఓపెనర్‌ అభిషేక్‌ శర్మ వరుసగా విఫలమవుతున్నాడు. ఈ సిరీస్‌లో ఇప్పటివరకు జరిగిన రెండు టీ20ల్లో అతను దారుణంగా నిరాశపరిచాడు.వరుస వైఫల్యాల నేపథ్యంలో టీమిండియా మేనేజ్‌మెంట్‌ అభిషేక్‌ను పక్కకు పెట్టాలని నిర్ణయించుకున్నట్లు తెలుస్తుంది. అభిషేక్‌ స్థానంలో తిలక్‌ వర్మ, రమన్‌దీప్‌ సింగ్‌లలో ఎవరో ఒకరితో ఓపెనింగ్‌ చేయించాలని భావిస్తున్నట్లు సమాచారం​. తిలక్‌ వర్మతో పోలిస్తే రమన్‌దీప్‌కు ఓపెనర్‌గా బరిలోకి దిగే ఛాన్స్‌లు ఎక్కువగా కనిపిస్తున్నాయి.రమన్‌దీప్‌కు హార్డ్‌ హిట్టింగ్‌తో పాటు బౌలింగ్‌ చేయగల సామర్థ్యం కూడా ఉంది. తిలక్‌ వర్మ మిడిలార్డర్‌లో ఎలాగూ సెట్‌ అయ్యాడు కాబట్టి టీమిండియా యాజమాన్యం అతన్ని కదిపే సాహసం చేయకపోవచ్చు. మూడో టీ20లో అభిషేక్‌తో పాటు అర్షదీప్‌ సింగ్‌పై కూడా వేటు పడే అవకాశం ఉంది. అర్షదీప్‌ గత రెండు టీ20ల్లో చెప్పుకోదగ్గ ప్రదదర్శనలు చేయకపోగా.. ధారాళంగా పరుగులు సమర్పించుకున్నాడు. ఈ కారణంగా అతన్ని పక్కకు పెట్టే అవకాశాలు స్పష్టంగా కనిపిస్తున్నాయి. ఒకవేళ అర్షదీప్‌ను తుది జట్టు నుంచి తప్పిస్తే, అతని​ స్థానంలో యశ్‌ దయాల్‌ బరిలోకి దిగే అవకాశం ఉంది. మూడో టీ20లో రమన్‌దీప్‌, యశ్‌ దయాల్‌ ఇద్దరూ బరిలోకి దిగితే వారిద్దరికి అది అరంగేట్రం మ్యాచ్‌ అవుతుంది.భారత జట్టు (అంచనా): రమణ్‌దీప్ సింగ్, సంజూ శాంసన్ (వికెట్ కీపర్), సూర్యకుమార్ యాదవ్ (కెప్టెన్), తిలక్ వర్మ, రింకూ సింగ్, హార్దిక్ పాండ్యా, అక్షర్ పటేల్, వరుణ్ చక్రవర్తి, రవి బిష్ణోయ్, యష్ దయాల్, ఆవేశ్ ఖాన్.

భారత్‌-సౌతాఫ్రికా మధ్య ఇవాళ (నవంబర్‌ 10) రెండో టీ20 జరుగనుంది. సెయింట్‌ జార్జ్స్‌ పార్క్‌ వేదికగా జరుగనున్న ఈ మ్యాచ్‌ భారతకాలమానం ప్రకారం​ రాత్రి 7:30 గంటలకు ప్రారంభం కానుంది. నాలుగు మ్యాచ్‌ల ఈ సిరీస్‌లో టీమిండియా తొలి మ్యాచ్‌లో గెలుపొందిన విషయం తెలిసిందే.అర్షదీప్‌ సింగ్‌ మరో 3 వికెట్లు తీస్తే..!ఇవాళ జరుగనున్న రెండో టీ20లో అర్షదీప్‌ సింగ్‌ మరో మూడు వికెట్లు తీస్తే భారత్‌ తరఫున టీ20ల్లో అత్యధిక వికెట్లు తీసిన పేసర్‌గా రికార్డు నెలకొల్పుతాడు. ప్రస్తుతం భువనేశ్వర్‌ కుమార్‌ పేరిట ఉన్న ఈ రికార్డును అర్షదీప్‌ సింగ్‌ బద్దలు కొడతాడు. భువీ 87 మ్యాచ్‌ల్లో 90 వికెట్లు పడగొట్టగా.. అర్షదీప్‌ సింగ్‌ కేవలం 57 మ్యాచ్‌ల్లోనే 88 వికెట్లు తీశాడు. అర్షదీప్‌ సింగ్‌ మరో రెండు వికెట్లు తీస్తే టీమిండియా పేసు గుర్రం జస్ప్రీత్‌ బుమ్రాను కూడా అధిగమిస్తాడు. బుమ్రా 70 మ్యాచ్‌ల్లో 89 వికెట్లు పడగొట్టాడు. ఓవరాల్‌గా టీ20ల్లో టీమిండియా తరఫున అత్యధిక వికెట్లు తీసిన ఘనత యుజ్వేంద్ర చహల్‌కు దక్కుతుంది. చహల్‌ 80 మ్యాచ్‌ల్లో 96 వికెట్లు పడగొట్టాడు.భారత్‌ తరఫున అత్యధిక వికెట్లు తీసిన బౌలర్ల జాబితా..చహల్‌- 96భువనేశ్వర్‌ కుమార్‌- 90జస్ప్రీత్‌ బుమ్రా- 89అర్షదీప్‌ సింగ్‌- 88హార్దిక్‌ పాండ్యా- 87కాగా, నాలుగు మ్యాచ్‌ల టీ20 సిరీస్‌ కోసం​ సూర్యకుమార్‌ యాదవ్‌ నేతృత్వంలోని టీమిండియా సౌతాఫ్రికాలో పర్యటిస్తున్న విషయం తెలిసిందే. ఈ సిరీస్‌లోని తొలి మ్యాచ్‌లో భారత్‌ 61 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన భారత్‌.. సంజూ శాంసన్‌ శతక్కొట్టడంతో (50 బంతుల్లో 107; 7 ఫోర్లు, 10 సిక్సర్లు) నిర్ణీత ఓవర్లలో 8 వికెట్ల నష్టానికి 202 పరుగుల భారీ స్కోర్‌ చేసింది.అనంతరం 203 పరుగుల భారీ లక్ష్యాన్ని ఛేదించేందుకు బరిలోకి దిగిన సౌతాఫ్రికా.. భారత బౌలర్ల ధాటికి 17.5 ఓవర్లలో 141 పరుగులకే ఆలౌటైంది. రవి బిష్ణోయ్‌, వరుణ్‌ చక్రవర్తి తలో మూడు వికెట్లు పడగొట్టి సౌతాఫ్రికా పతనాన్ని శాశించారు. ఆవేశ్‌ ఖాన్‌ రెండు, అర్షదీప్‌ సింగ్‌ ఓ వికెట్‌ పడగొట్టారు. సౌతాఫ్రికా ఇన్నింగ్స్‌లో హెన్రిచ్‌ క్లాసెన్‌ (25) టాప్‌ స్కోరర్‌గా నిలువగా.. గెరాల్డ్‌ కొయెట్జీ (23), ర్యాన్‌ రికెల్టన్‌ (21), డేవిడ్‌ మిల్లర్‌ (18), ట్రిస్టన్‌ స్టబ్స్‌ (11), మార్కో జన్సెన్‌ (12) రెండంకెల స్కోర్లు చేశారు.

అంతర్జాతీయ పొట్టి ఫార్మాట్‌లో టీమిండియా అరుదైన ఘనత సాధించింది. బంగ్లాదేశ్‌తో తొలి టీ20లో ప్రత్యర్థిని ఆలౌట్‌ చేసి.. పాకిస్తాన్‌ పేరిట ఉన్న ప్రపంచ రికార్డు సమం చేసింది. కాగా భారత జట్టు స్వదేశంలో బంగ్లాదేశ్‌తో ద్వైపాక్షిక సిరీస్‌ ఆడుతోంది.127 పరుగులకు బంగ్లా ఆలౌట్‌తొలుత రెండు మ్యాచ్‌ల టెస్టు సిరీస్‌లో 2-0తో రోహిత్‌ సేన పర్యాటక జట్టును క్లీన్‌స్వీప్‌ చేయగా.. సూర్యకుమార్‌ యాదవ్‌ సారథ్యంలోని భారత్‌ టీ20లలోనూ శుభారంభం చేసింది. గ్వాలియర్‌లోని మాధవ్‌రావ్‌ సింధియా కొత్త క్రికెట్‌ స్టేడియంలో టీమిండియా ఆదివారం బంగ్లాదేశ్‌తో తలపడింది.టాస్‌ గెలిచిన భారత జట్టు తొలుత బౌలింగ్‌ చేయగా.. బంగ్లాదేశ్‌ 19.5 ఓవర్లలో 127 పరుగులు చేసి ఆలౌట్‌ అయింది. భారత బౌలర్లలో పేసర్లు ‘ప్లేయర్‌ ఆఫ్‌ ది మ్యాచ్‌’ అర్ష్‌దీప్‌ సింగ్‌ మూడు(3/14), హార్దిక్‌ పాండ్యా(1/26), మయాంక్‌ యాదవ్‌(1/21) ఒక్కో వికెట్‌ తీయగా.. స్పిన్నర్లలో రీ ఎంట్రీ వీరుడు వరుణ్‌ చక్రవర్తి మూడు(3/31), వాషింగ్టన్‌ సుందర్‌ ఒక వికెట్‌(1/12) తీశారు.పాకిస్తాన్‌ ప్రపంచ రికార్డు సమంఈ క్రమంలో టీమిండియా.. అంతర్జాతీయ టీ20లలో ప్రత్యర్థిని అత్యధిక సార్లు ఆలౌట్‌ చేసిన జట్టుగా నిలిచింది. తద్వారా పాకిస్తాన్‌ ప్రపంచ రికార్డును సమం చేసింది. ఈ జాబితాలో భారత్‌- పాకిస్తాన్‌ సంయుక్తంగా అగ్రస్థానంలో ఉండగా.. న్యూజిలాండ్‌, ఉగాండా, వెస్టిండీస్‌ వరుసగా మూడు, నాలుగు, ఐదు స్థానాల్లో కొనసాగుతున్నాయి.అంతర్జాతీయ టీ20లలో ప్రత్యర్థిని అత్యధికసార్లు ఆలౌట్‌ చేసిన జట్లు👉టీమిండియా- 42 సార్లు👉పాకిస్తాన్‌- 42 సార్లు👉న్యూజిలాండ్‌- 40 సార్లు👉ఉగాండా- 35 సార్లు👉వెస్టిండీస్‌- 32 సార్లుఇదిలా ఉంటే.. తొలి టీ20లో బంగ్లా విధించిన స్వల్ప లక్ష్యాన్ని టీమిండియా 11.5 ఓవర్లలోనే ఆడుతూ పాడుతూ ఛేదించింది. ఓపెనర్లు సంజూ శాంసన్‌(29), అభిషేక్‌ శర్మ(16) ధనాధన్‌ దంచికొట్టగా.. సూర్యకుమార్‌ యాదవ్‌(29) కెప్టెన్‌ ఇన్నింగ్స్‌తో మెరిశాడు. ఇక నాలుగో స్థానంలో వచ్చిన అరంగేట్ర ఆటగాడు నితీశ్‌ రెడ్డి 16.. హార్దిక్‌ పాండ్యా (16 బంతుల్లో 39) పరుగులతో అజేయంగా నిలిచారు. ఫలితంగా ఏడు వికెట్ల తేడాతో విజయం భారత్‌ సొంతమైంది. తద్వారా మూడు మ్యాచ్‌ల టీ20 సిరీస్‌లో 1-0తో ఆధిక్యంలో నిలిచింది.చదవండి: మా బ్యాటింగ్‌ గొప్పగా ఉంది.. ఆ తలనొప్పి మంచిదే: సూర్యకుమార్‌Hardik Pandya finishes off in style in Gwalior 💥#TeamIndia win the #INDvBAN T20I series opener and take a 1⃣-0⃣ lead in the series 👌👌Scorecard - https://t.co/Q8cyP5jXLe@IDFCFIRSTBank pic.twitter.com/uYAuibix7Q— BCCI (@BCCI) October 6, 2024

బంగ్లాదేశ్‌తో టీ20 సిరీస్‌లోనూ టీమిండియా శుభారంభం చేసింది. గ్వాలియర్‌ వేదికగా ఆదివారం రాత్రి జరిగిన మ్యాచ్‌లో ప్రత్యర్థిని ఏడు వికెట్ల తేడాతో చిత్తుగా ఓడించింది. కొత్త మైదానంలో తొలుత బంగ్లాను 127 పరుగులకే పరిమితం చేసిన భారత్‌.. మరో 49 బంతులు మిగిలి ఉండగానే లక్ష్యాన్ని ఛేదించింది.ఇక యువ ఆటగాళ్లతో నిండిపోయిన జట్టు ముందు కూడా చతికిల పడిన బంగ్లాదేశ్‌ మరోసారి చేతులెత్తేసింది. ఈ గెలుపు ద్వారా భారత టీ20 జట్టు పూర్తిస్థాయి కెప్టెన్‌గా సూర్యకుమార్‌ యాదవ్‌ ఖాతాలో నాలుగో విజయం నమోదైంది. ఈ సందర్భంగా మ్యాచ్‌ అనంతరం అతడు మాట్లాడుతూ.. జట్టు ప్రదర్శన పట్ల సంతృప్తి వ్యక్తం చేశాడు.మా బ్యాటింగ్‌ గొప్పగా ఉంది.. ఆ తలనొప్పి మంచిదే‘‘జట్టు సమావేశమైన సమయంలో మా నైపుణ్యాలకు అనుగుణంగా ప్రణాళికలు రూపొందించుకున్నాం. వాటిని పక్కాగా అమలు చేయడంలో సఫలమయ్యాము. మా వాళ్లు పట్టుదలగా ఆడారు. కొత్త గ్రౌండ్‌లో మేము బ్యాటింగ్‌ చేసిన విధానం గొప్పగా అనిపించింది.ఇక ఎవరితో బౌలింగ్‌ చేయించాలో తెలియనన్ని మంచి ఆప్షన్లు ఉండటం మాకు ఒక రకంగా తలనొప్పి కలిగించేదే. అయితే, అంతకంటే మంచి విషయం మరొకటి ఉండదు. ప్రతి మ్యాచ్‌లోనూ మేము కొత్త విషయాలు నేర్చుకుంటున్నాం. అయితే, ఎప్పటికప్పుడు లోపాలు సరిచేసుకుంటూ ముందుకు సాగితేనే అనుకున్న లక్ష్యాలను సాధించగలుగుతాం. తదుపరి మ్యాచ్‌ కోసం జట్టు సభ్యులతో కూర్చుని చర్చించి వ్యూహాలు సిద్ధం చేసుకుంటాం’’ అని సూర్యకుమార్‌ యాదవ్‌ పేర్కొన్నాడు.నజ్ముల్‌ షాంటో బృందం విలవిలకాగా గ్వాలియర్‌లో కొత్తగా ప్రారంభించిన ‘శ్రీమంత్‌ మాధవ్‌రావ్‌ సింధియా క్రికెట్‌ స్టేడియం’లో టాస్‌ గెలిచిన టీమిండియా.. బంగ్లాను తొలుత బ్యాటింగ్‌కు ఆహ్వానించింది. భారత బౌలర్ల దెబ్బకు నజ్ముల్‌ షాంటో బృందం పరుగులు రాబట్టడానికి ఆపసోపాలు పడింది. 19.5 ఓవర్లలో 127 పరుగులకు ఆలౌట్‌ అయింది. భారత పేసర్‌ అర్ష్‌దీప్‌ సింగ్‌ ఓపెనర్లు పర్వేజ్‌ హొసేన్‌ ఎమాన్‌(8), లిటన్‌ దాస్‌(4) రూపంలో కీలక వికెట్లతో పాటు.. టెయిలెండర్‌ ముస్తాఫిజుర్‌(1) వికెట్‌ను కూడా తన ఖాతాలో వేసుకున్నాడు.ఇతర పేసర్లలో అరంగేట్ర బౌలర్‌ మయాంక్‌ యాదవ్‌, హార్దిక్‌ పాండ్యా ఒక్కో వికెట్‌ పడగొట్టాడరు. ఇక స్పిన్నర్లలో వరుణ్‌ చకవర్రి(3/31), వాషింగ్టన్‌ సుందర్‌(1/12) కూడా మెరవగా.. అరంగేట్ర ఆటగాడు నితీశ్‌ కుమార్‌ రెడ్డి సైతం రెండు ఓవర్లు బౌలింగ్‌ చేశాడు.మెరుపు ఇన్నింగ్స్‌లక్ష్య ఛేదనలో టీమిండియాకు బంగ్లా బౌలర్ల నుంచి పెద్దగా ప్రతిఘటన ఎదురుకాలేదు. కొత్త ఓపెనింగ్‌ జోడీ సంజూ శాంసన్‌(19 బంతుల్లో 29), అభిషేక్‌ శర్మ(7 బంతుల్లో 16) సహా వన్‌డౌన్‌లో వచ్చిన సూర్య(14 బంతుల్లో 29) మెరుపు ఇన్నింగ్స్‌ ఆడారు. నితీశ్‌ రెడ్డి 15 బంతుల్లో 16 పరుగులు చేసి నాటౌట్‌గా నిలవగా.. హార్దిక్‌ పాండ్యా ధనాధన్‌ ఇన్నింగ్స్‌తో చెలరేగాడు.ఈ పేస్‌ బౌలింగ్‌ ఆల్‌రౌండర్‌ 16 బంతుల్లో 5 ఫోర్లు, 2 సిక్సర్ల సాయంతో 39 పరుగులతో అజేయంగా నిలిచాడు. సిక్సర్‌తో టీమిండియా విజయాన్ని ఖరారు చేశాడు. ఇక బంగ్లాను తక్కువ స్కోరుకే పరిమితం చేయడంలో కీలక పాత్ర పోషించిన అర్ష్‌దీప్‌ సింగ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. కాగా ఇటీవల టీమిండియాతో టెస్టు సిరీస్‌లో బంగ్లాదేశ్‌ 2-0తో క్లీన్‌స్వీప్‌ అయిన విషయం తెలిసిందే. టీ20 సిరీస్‌లోనూ 1-0తో వెనుకబడింది. ఇరుజట్ల మధ్య బుధవారం రెండో మ్యాచ్‌ జరుగనుంది.చదవండి: IND Vs BAN 1st T20I: పాపం బిష్ణోయ్‌..కావాలనే పక్కన పెట్టారా? కారణం గౌతీనా? 𝙎𝙈𝘼𝘾𝙆𝙀𝘿 with power and timing!@hardikpandya7 dispatches one over deep extra cover 🔥Live - https://t.co/Q8cyP5jXLe#TeamIndia | #INDvBAN | @IDFCFIRSTBank pic.twitter.com/kNaZjSl1Tq— BCCI (@BCCI) October 6, 2024

భారత యువ జట్టు సత్తా ముందు బంగ్లాదేశ్‌ తేలిపోయింది. ముందుగా అర్ష్ దీప్ ‌ పేస్‌ను, వరుణ్‌ స్పిన్‌ను ఎదుర్కోలేక బంగ్లాదేశ్‌ బ్యాటర్లు చేతులెత్తేయగా ... ఆపై స్వల్ప లక్ష్యాన్ని భారత బృందం సునాయాసంగా ఛేదించింది. పాండ్యా, సూర్య, సంజూ సామ్సన్‌ సులువుగా పరుగులు రాబట్టడంతో మరో 49 బంతులు మిగిలి ఉండగా ఘనవిజయం భారత్‌ సొంతమైంది. గ్వాలియర్‌: బంగ్లాదేశ్‌తో టెస్టు సిరీస్‌లో ఘన విజయం సాధించిన భారత్‌ అంతే జోరుగా టి20 సిరీస్‌ను కూడా మొదలు పెట్టింది. టెస్టులతో పోలిస్తే టి20ల్లో టీమిండియా బృందం మొత్తం మారినా... ఫలితంలో మాత్రం తేడా రాలేదు. ఆదివారం జరిగిన తొలి టి20లో భారత్‌ 7 వికెట్ల తేడాతో బంగ్లాదేశ్‌ను చిత్తు చేసింది. ముందుగా బంగ్లాదేశ్‌ 19.5 ఓవర్లలో 127 పరుగులకే ఆలౌటైంది. మిరాజ్‌ (32 బంతుల్లో 35 నాటౌట్‌; 3 ఫోర్లు) టాప్‌ స్కోరర్‌ కాగా, నజు్మల్‌ హుస్సేన్‌ (25 బంతుల్లో 27; 1 ఫోర్, 1 సిక్స్‌) ఫర్వాలేదనిపించాడు. ‘ప్లేయర్‌ ఆఫ్‌ ద మ్యాచ్‌’ అర్ష్ దీప్ , వరుణ్‌ చెరో 3 వికెట్లు పడగొట్టారు. అనంతరం టీమిండియా లక్ష్య ఛేదనకు 71 బంతులే సరిపోయాయి. భారత్‌ 11.5 ఓవర్లలో 3 వికెట్లకు 132 పరుగులు చేసి గెలిచింది. హార్దిక్‌ పాండ్యా (16 బంతుల్లో 39 నాటౌట్‌; 5 ఫోర్లు, 2 సిక్స్‌లు), సూర్యకుమార్‌ (14 బంతుల్లో 29; 2 ఫోర్లు, 3 సిక్స్‌లు), సంజు సామ్సన్‌ (19 బంతుల్లో 29; 6 ఫోర్లు) కీలక పరుగులు సాధించారు. భారత్‌కు 1–0తో ఆధిక్యం లభించగా, రెండో మ్యాచ్‌ బుధవారం న్యూఢిల్లీలో జరుగుతుంది. పేలవ బ్యాటింగ్‌... అర్ష్ దీప్ ‌ వేసిన తొలి ఓవర్‌ మూడో బంతికే లిటన్‌ దాస్‌ (4) వెనుదిరగ్గా, అతని తర్వాతి ఓవర్లో పర్వేజ్‌ (8) అవుటయ్యాడు. వరుణ్‌ తొలి ఓవర్లో 2 ఫోర్లు, సిక్స్‌తో 15 పరుగులు రాబట్టిన బంగ్లా 5 ఓవర్లు ముగిసేసరికి 39 పరుగులు చేసింది. ఆ తర్వాత ఇన్నింగ్స్‌ ఆరో ఓవర్లో జట్టుకు ఒక్క పరుగూ రాలేదు. ఈ ఓవర్‌తో అంతర్జాతీయ కెరీర్‌ మొదలు పెట్టిన మయాంక్‌ చక్కటి బంతులతో తౌహీద్‌ (12)ను కట్టడి చేసి తన మొదటి ఓవర్‌ను ‘మెయిడిన్‌’గా ముగించడం విశేషం. గతంలో అగార్కర్, అర్ష్ దీప్ ‌ మాత్రమే తమ అరంగేట్ర మ్యాచ్‌ను మెయిడిన్‌ ఓవర్‌తో మొదలు పెట్టారు. తర్వాతి ఓవర్లో తౌహీద్‌ను వరుణ్‌ అవుట్‌ చేయగా... మహ్ముదుల్లా (1)ను వెనక్కి పంపి మయాంక్‌ తొలి వికెట్‌ను తన ఖాతాలో వేసుకున్నాడు. కెప్టెన్ నజ్ముల్‌ తడబడుతూనే ఆడగా... జాకీర్‌ (8) కూడా విఫలం కావడంతో సగం ఓవర్లు ముగిసేసరికి బంగ్లా 64/5 వద్ద నిలిచింది. తర్వాతి 59 బంతుల్లో జట్టు మరో 63 పరుగులు రాబట్టింది. ఇందులో మిరాజ్‌ ఒక్కడే 29 బంతులు ఆడి 29 పరుగులు సాధించగా... మిగిలిన వారు ప్రభావం చూపలేదు. ధనాధన్‌... షరీఫుల్‌ వేసిన తొలి ఓవర్లో రెండు ఫోర్లతో సామ్సన్‌ ఛేదన మొదలు పెట్టగా... తస్కీన్‌ వేసిన తర్వాతి ఓవర్లో అభిõÙక్‌ శర్మ (16) ఒక సిక్స్, 2 ఫోర్లతో జోరు చూపించాడు. అయితే దురదృష్టవశాత్తూ అదే ఓవర్లో అనవసరపు సింగిల్‌కు ప్రయత్నించి అభిõÙక్‌ రనౌటయ్యాడు. అనంతరం వచ్చీ రాగానే ధనాధన్‌ బ్యాటింగ్‌ చూపించిన సూర్య ఆరు బంతుల వ్యవధిలో 2 ఫోర్లు, 2 సిక్స్‌లు బాదాడు. ఆ తర్వాత ఇలాగే ధాటిగా ఆడబోయి సూర్య, సామ్సన్‌ తక్కువ వ్యవధిలో వెనుదిరిగారు. అయితే 73 బంతుల్లో 48 పరుగులు చేయాల్సిన ఈ స్థితిలో భారత్‌కు ఎలాంటి ఇబ్బందీ రాలేదు. నితీశ్‌ కుమార్‌ రెడ్డి (15 బంతుల్లో 16 నాటౌట్‌; 1 సిక్స్‌) అండగా నిలవగా... పాండ్యా ఒక్కడే 39 పరుగులు బాదడం విశేషం. తస్కీన్‌ వేసిన 12వ ఓవర్లో వరుసగా మూడు బంతులను 4, 4, 6గా మలచి పాండ్యా మ్యాచ్‌ ముగించాడు. స్కోరు వివరాలు బంగ్లాదేశ్‌ ఇన్నింగ్స్‌: పర్వేజ్‌ (బి) అర్ష్ దీప్ ‌ 8; లిటన్‌ దాస్‌ (సి) రింకూ (బి) అర్ష్ దీప్ ‌ 4; నజు్మల్‌ (సి అండ్‌ బి) సుందర్‌ 27; తౌహీద్‌ (సి) పాండ్యా (బి) వరుణ్‌ 12; మహ్ముదుల్లా (సి) సుందర్‌ (బి) మయాంక్‌ 1; జాకీర్‌ (బి) వరుణ్‌ 8; మిరాజ్‌ (నాటౌట్‌) 35; రిషాద్‌ (సి) పాండ్యా (బి) వరుణ్‌ 11; తస్కీన్‌ (రనౌట్‌) 12; షరీఫుల్‌ (బి) పాండ్యా 0; ముస్తఫిజుర్‌ (బి) అర్ష్ దీప్ ‌ 1; ఎక్స్‌ట్రాలు 8; మొత్తం (19.5 ఓవర్లలో ఆలౌట్‌) 127. వికెట్ల పతనం: 1–5, 2–14, 3–40, 4–43, 5–57, 6–75, 7–93, 8–116, 9–117, 10–127. బౌలింగ్‌: అర్ష్ దీప్ ‌ సింగ్‌ 3.5–0–14–3, హార్దిక్‌ పాండ్యా 4–0–26–1, వరుణ్‌ చక్రవర్తి 4–0–31–3, మయాంక్‌ యాదవ్‌ 4–1–21–1, నితీశ్‌ రెడ్డి 2–0–17–0, వాషింగ్టన్‌ సుందర్‌ 2–0–12–1. భారత్‌ ఇన్నింగ్స్‌: సామ్సన్‌ (సి) రిషాద్‌ (బి) మిరాజ్‌ 29; అభిõÙక్‌ శర్మ (రనౌట్‌) 16; సూర్యకుమార్‌ (సి) జాకీర్‌ (బి) ముస్తఫిజుర్‌ 29; నితీశ్‌ రెడ్డి (నాటౌట్‌) 16; పాండ్యా (నాటౌట్‌) 39; ఎక్స్‌ట్రాలు 3; మొత్తం (11.5 ఓవర్లలో 3 వికెట్లకు) 132. వికెట్ల పతనం: 1–25, 2–65, 3–80. బౌలింగ్‌: షరీఫుల్‌ 2–0–17–0, తస్కీన్‌ 2.5–0–44–0, ముస్తఫిజుర్‌ 3–0–36–1, రిషాద్‌ 3–0–26–0, మిరాజ్‌ 1–0–7–1.

గ్వాలియర్‌ వేదికగా బంగ్లాదేశ్‌తో జరుగుతున్న తొలి టీ20లో భారత బౌలర్లు నిప్పులు చేరిగారు. టీమిండియా బౌలర్ల దాటికి బంగ్లా జట్టు కేవలం 127 పరుగులకే ఆలౌటైంది. పేసర్‌ అర్ష్‌దీప్‌ సింగ్, మిస్టరీ స్పిన్నర్‌ వరుణ్‌ చక్రవర్తి తలా 3 వికెట్ల పడగొట్టి బంగ్లా పతనాన్ని శాసించారు.వీరిద్దరితో పాటు హార్దిక్‌ పాండ్యా, సుందర్‌, మయాంక్‌ యాదవ్‌ తలా వికెట్‌ సాధించారు. బంగ్లా బ్యాటర్లలో ఆల్‌రౌండర్‌ మెహదీ హసన్‌(35 నాటౌట్‌) టాప్‌ స్కోరర్‌గా నిలిచాడు. అతడితో పాటు కెప్టెన్‌ షాంటో(27) పరుగులతో పర్వాలేదన్పించాడు. వీరిద్దరూ మినహా మిగితా బ్యాటర్లంతా దారుణ ప్రదర్శన కనబరిచాడు. వచ్చినవారు వచ్చినట్టుగానే పెవిలియన్‌కు చేరారు.చదవండి: IND vs BAN: చరిత్ర సృష్టించిన మయాంక్‌ యాదవ్‌..

దులీప్‌ ట్రోఫీ 2024 ఎడిషన్‌లో ఇండియా-డి ఎట్టకేలకు తొలి విజయాన్ని నమోదు చేసింది. ఇండియా-బితో ఇవాళ (సెప్టెంబర్‌ 22) ముగిసిన మ్యాచ్‌లో 257 పరుగుల భారీ తేడాతో ఘన విజయం సాధించింది.ఆరేసిన అర్షదీప్‌373 పరుగుల లక్ష్యాన్ని ఛేదించేందుకు బరిలో​కి దిగిన ఇండియా-బి.. అర్షదీప్‌ సింగ్‌ (6/40), ఆదిథ్య థాకరే (4/59) ధాటికి 115 పరుగులకే కుప్పకూలింది. ఇండియా-బి ఇన్నింగ్స్‌లో నితీశ్‌ రెడ్డి (40 నాటౌట్‌), అభిమన్యు ఈశ్వరన్‌ (19), సూర్యకుమార్‌ యాదవ్‌ (16) మాత్రమే రెండంకెల స్కోర్లు చేశారు.రికీ భుయ్‌ అజేయ శతకంరికీ భుయ్‌ అజేయ సెంచరీతో (119) కదం తొక్కడంతో ఇండియా-డి తొలి ఇన్నింగ్స్‌లో 305 పరుగులు చేసింది. శ్రేయస్‌ అయ్యర్‌ (50), సంజూ శాంసన్‌ (45) రాణించారు. ఇండియా-బి బౌలర్లలో ముకేశ్‌ కుమార్‌ 4, నవ్‌దీప్‌ సైనీ 3, మోహిత్‌ అవస్థి, వాషింగ్టన్‌ సుందర్‌ తలో వికెట్‌ పడగొట్టారు.అభిమన్యు ఈశ్వరన్‌ సెంచరీ.. ఆదుకున్న సుందర్‌అభిమన్యు ఈశ్వరన్‌ సెంచరీతో (116), వాషింగ్టన్‌ సుందర్‌ బాధ్యతాయుతమైన అర్ద సెంచరీతో (87) రాణించడంతో ఇండియా-బి తొలి ఇన్నింగ్స్‌లో 282 పరుగులు చేయగలిగింది. ఇండియా-డి బౌలర్లలో సౌరభ్‌ కుమార్‌ 5, అర్షదీప్‌ 3, ఆదిథ్య ఠాకరే 2 వికెట్లు తీశారు.సంజూ మెరుపు సెంచరీ.. పడిక్కల్‌, భరత్‌, భుయ్‌ అర్ద సెంచరీలుతొలుత బ్యాటింగ్‌ చేసిన ఇండియా-డి తొలి ఇన్నింగ్స్‌లో 349 పరుగులు చేసింది. సంజూ శాంసన్‌ మెరుపు సెంచరీతో (106) చెలరేగగా.. దేవ్‌దత్‌ పడిక్కల్‌ (50), శ్రీకర్‌ భరత్‌ (52), రికీ భుయ్‌ (56) అర్ద సెంచరీలతో రాణించారు. ఇండియా-బి బౌలర్లలో నవదీప్‌ సైనీ 5, రాహుల్‌ చాహర్‌ 3, ముకేశ్‌ కుమార్‌ ఓ వికెట్‌ పడగొట్టారు.చదవండి: బంగ్లాతో రెండు టెస్టు.. భారత జట్టును ప్రకటించిన బీసీసీఐ

టీమిండియా యువ బౌలర్‌ అర్ష్‌దీప్‌ సింగ్‌పై విమర్శలు వెల్లువెత్తుతున్నాయి. చెత్త షాట్‌ సెలక్షన్‌తో గెలవాల్సిన మ్యాచ్‌ను ‘టై’ చేశాడంటూ భారత జట్టు అభిమానులు అతడిపై ఆగ్రహం వ్యక్తం చేస్తున్నారు. దూకుడుగా బ్యాటింగ్‌ చేయాలనే సరదానా? లేదంటే ప్రత్యర్థి అంటే లెక్కలేనితనమా అంటూ ఘాటుగా విమర్శిస్తున్నారు.కాగా హెడ్‌కోచ్‌గా గౌతం గంభీర్‌ నియమితుడైన తర్వాత తొలిసారిగా.. మూడు టీ20, మూడు వన్డే మ్యాచ్‌ల సిరీస్‌ ఆడేందుకు భారత క్రికెట్‌ జట్టు శ్రీలంక పర్యటనకు వెళ్లిన విషయం తెలిసిందే. సూర్యకుమార్‌ యాదవ్‌ కెప్టెన్సీలో టీ20 సిరీస్‌ను 3-0తో వైట్‌వాష్‌ చేసిన టీమిండియా.. రోహిత్‌ శర్మ సారథ్యంలో శుక్రవారం వన్డే సిరీస్‌ మొదలుపెట్టింది.కొలంబో వేదికగా జరిగిన తొలి వన్డేలో విజయానికి చేరువగా వచ్చిన టీమిండియా.. ‘టై’తో సరిపెట్టుకోవాల్సి వచ్చింది. ఆతిథ్య లంక విధించిన 231 పరుగుల లక్ష్యాన్ని ఛేదించే క్రమంలో భారత్‌ గెలుపొందాలంటే.. 18 బంతుల్లో 5 పరుగులు అవసరమైన సమీకరణానికి చేరుకుంది. చేతిలో అప్పటికి రెండు వికెట్లు ఉన్నాయి.ఈ దశలో.. శ్రీలంక కెప్టెన్‌ చరిత్‌ అసలంక 48వ ఓవర్లో కట్టుదిట్టంగా బౌలింగ్‌ చేశాడు. అప్పటికి శివం దూబే, మహ్మద్‌ సిరాజ్‌ క్రీజులో ఉన్నారు. అయితే, అసలంక ఓవర్లో మొదటి రెండు బంతుల్లో దూబే పరుగులు రాబట్టలేకపోయాడు. ఈ క్రమంలో మూడో బంతికి ఫోర్‌ కొట్టగా ఇరు జట్ల స్కోరు సమమైంది. అయితే, అనూహ్య రీతిలో ఆ మరుసటి బంతికి దూబనే వికెట్ల ముందు దొరకబుచ్చుకున్నాడు అసలంక.ఈ రైటార్మ్‌ ఆఫ్‌ బ్రేక్‌ స్పిన్నర్‌ బౌలింగ్‌లో దూబే ముందుకు వచ్చి ఆడబోగా.. బంతి ముందుగా ప్యాడ్‌ను తాకింది. దీంతో ఎల్బీడబ్ల్యూగా దూబే పెవిలియన్‌ చేరగా.. అర్ష్‌దీప్‌ సింగ్‌ క్రీజులోకి వచ్చాడు. అయితే, వచ్చీ రాగానే అసలంక బౌలింగ్‌లో భారీ స్లాగ్‌స్వీప్‌ షాట్‌ ఆడబోయిన అర్ష్‌దీప్‌.. పూర్తిగా విఫలమయ్యాడు. అసలంక బౌలింగ్‌లో లెగ్‌ బిఫోర్‌ వికెట్‌గా వెనుదిరిగాడు. ఫలితంగా భారత్‌ పదో వికెట్‌ కోల్పోయింది. మ్యాచ్‌ టై గా ముగిసింది.నిజానికి.. ఇంకా 14 బంతులు మిగిలి ఉండి.. విజయానికి ఒక్క పరుగు తీయాల్సిన సమయంలో అర్ష్‌దీప్‌ డిఫెన్స్‌ ఆడాల్సింది. కానీ అలా చేయకుండా బ్యాటర్‌ మాదిరి భారీ షాట్‌కు యత్నించి వికెట్‌ పారేసుకున్నాడు. ఈ నేపథ్యంలో అర్ష్‌దీప్‌ షాట్‌ సెలక్షన్‌పై విమర్శలు వస్తున్నాయి. మాజీ పేసర్‌ దొడ్డ గణేశ్‌ స్పందిస్తూ.. ‘‘టెయిలెండర్ల నుంచి పరుగులు ఆశించలేం.కానీ కనీస క్రికెట్‌ ప్రమాణాలు తెలిసి ఉండాలి కదా! అర్ష్‌దీప్‌ షాట్‌ సెలక్షన్‌ కచ్చితంగా గంభీర్‌కు నచ్చి ఉండదు. ఏదేమైనా శ్రీలంక బౌలర్లు అద్భుతంగా ఆడారు. అండర్‌డాగ్స్‌గా బరిలోకి దిగిన శ్రీలంకకు ఈ ఫలితం ఆత్మవిశ్వాసాన్ని ఇస్తుంది’’ అని పేర్కొన్నాడు. టీమిండియా అభిమానులు సైతం దొడ్డ గణేశ్‌ వ్యాఖ్యలను సమర్థిస్తూ.. అర్ష్‌పై ఆగ్రహం వెళ్లగక్కుతున్నారు. కాగా ఈ మ్యాచ్‌లో లెఫ్టార్మ్‌ మీడియం పేసర్‌ అర్ష్‌దీప్‌ సింగ్‌.. 33 పరుగులు ఇచ్చి రెండు వికెట్లు తీశాడు.What a dramatic turn of events! 😲Back-to-back wickets for skipper Asalanka turned the game on its head, with the match tied! 😶‍🌫️Watch #SLvIND ODI series LIVE on #SonyLIV 🍿 pic.twitter.com/qwu5rmlZIQ— Sony LIV (@SonyLIV) August 2, 2024Hard to digest Arshdeep Singh's last-over mistake. With just 1 run needed off 14 balls, conceding a six is tough to watch.Was it fearless cricket or a blunder? Either way, it stings. #ArshdeepSingh #INDvsSL #RohitSharma𓃵pic.twitter.com/3ghC56p38r— Sagar Lohatkar (@sagarlohatkar) August 3, 2024

‘‘మెరుగ్గా బ్యాటింగ్‌ చేస్తే ఛేదించగల స్కోరే ఇది. నిజానికి మేము బాగానే ఆడాం. అయితే, నిలకడలేమి బ్యాటింగ్‌ వల్లే ఈ పరిస్థితి తలెత్తింది. పది ఓవర్ల తర్వాత.. ఒక్కసారి స్పిన్నర్లు బరిలోకి వచ్చారంటే మ్యాచ్‌ స్వరూపం మారిపోతుందని ముందే ఊహించాం. అందుకే ఆరంభంలో దూకుడుగా ఆడుతూ వీలైనన్ని పరుగులు స్కోరు చేశాం.లక్ష్య ఛేదన మొదలుపెట్టిన సమయంలో మాదే పైచేయి. అయితే, వరుస విరామాల్లో వికెట్లు కోల్పోవడం ప్రభావం చూపింది. కేఎల్‌ రాహుల్‌- అక్షర్‌ పటేల్‌ వల్ల తిరిగి పుంజుకున్నాం. అయితే, ఆఖర్లో 14 బంతులు ఉండి కూడా ఒక్క పరుగు తీయలేకపోవడం తీవ్ర నిరాశ కలిగించింది.ఆటలో ఇలాంటివన్నీ సహజమే. అయితే, శ్రీలంక ఈరోజు అద్బుతంగా ఆడింది. పిచ్‌ మొదటి నుంచి ఒకేలా ఉంది. తొలి 25 ఓవర్లలో మేము కూడా బాగా బౌలింగ్‌ చేశాం. తర్వాత వికెట్‌.. బ్యాటింగ్‌కు కాస్త అనుకూలంగా మారింది. ఏదేమైనా మేము చివరిదాకా పోరాడిన తీరు పట్ల గర్వంగా ఉంది.రెండు జట్ల మధ్య విజయం దోబూచులాడింది. మేము కనీసం ఒక్కటంటే ఒక్క పరుగు చేయాల్సింది’’ అని టీమిండియా కెప్టెన్‌ రోహిత్‌ శర్మ అన్నాడు. శ్రీలంకతో తొలి వన్డే ‘టై’గా ముగియడం పట్ల విచారం వ్యక్తం చేశాడు. కాగా టీ20 ప్రపంచకప్‌-2024 తర్వాత రోహిత్‌ శర్మ, విరాట్‌ కోహ్లి తొలిసారిగా లంకతో వన్డే సిరీస్‌లో పాల్గొంటున్నారు.దంచికొట్టిన రోహిత్‌ఈ క్రమంలో శుక్రవారం కొలంబో వేదికగా జరిగిన తొలి మ్యాచ్‌లో భారత జట్టుకు నిరాశే ఎదురైంది. టాస్‌ ఓడి తొలుత బౌలింగ్‌ చేసిన టీమిండియా.. ఆతిథ్య జట్టును 230 పరుగులకు పరిమితం చేయగలిగింది. అయితే, లక్ష్య ఛేదనను ఘనంగా ఆరంభించినా మిడిలార్డర్‌ విఫలం కావడంతో కష్టాల్లో పడింది.ఓపెనర్‌ రోహిత్‌ శర్మ 47 బంతుల్లో 58 పరుగులతో కెప్టెన్‌ ఇన్నింగ్స్‌ ఆడగా.. మరో ఓపెనర్‌ శుబ్‌మన్‌ గిల్‌(35 బంతుల్లో 16 రన్స్‌) మాత్రం తీవ్రంగా నిరాశపరిచాడు. వన్‌డౌన్‌ బ్యాటర్‌ విరాట్‌ కోహ్లి ఆదుకుంటాడని భావిస్తే.. అతడు కూడా 32 బంతుల్లో కేవలం 24 పరుగులకే పరిమితమయ్యాడు.విజయానికి ఒక పరుగు దూరంలోవాషింగ్టన్‌ సుందర్‌(5) తేలిపోగా.. రీఎంట్రీ బ్యాటర్‌ శ్రేయస్‌ అయ్యర్‌ 23 పరుగులతో ఫర్వాలేదనిపించాడు. ఇక వికెట్‌ కీపర్‌ బ్యాటర్‌ కేఎల్‌ రాహుల్‌(31), అక్షర్‌ పటేల్‌(33) కాసేపు పోరాడగా.. శివం దూబే 25 పరుగులతో గెలుపు ఆశలు రేపాడు.అయితే, కేవలం 14 బంతుల్లో ఒక్క పరుగు అవసరమైన వేళ.. శ్రీలంక కెప్టెన్‌ చరిత్‌ అసలంక 48వ ఓవర్లో దూబే, అర్ష్‌దీప్‌ సింగ్‌(0)ను అవుట్‌ చేయడంతో టీమిండియా ఆలౌట్‌ అయింది. విజయానికి ఒక పరుగు దూరంలో నిలిచి.. మ్యాచ్‌ను టై చేసుకుంది. భారత ఓపెనర్ల వికెట్లు తీసిన శ్రీలంక స్పిన్నర్‌ దునిత్‌ వెల్లలగే(2/39) ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. చదవండి: గురి చెదిరింది.. కాంస్యం చేజారింది

టీమిండియా స్టార్‌ క్రికెటర్‌ విరాట్‌ కోహ్లి.. టీ20 వరల్డ్‌కప్‌ 2024 గెలుపును గ్రాండ్‌గా సెలబ్రేట్‌ చేసుకున్నాడు. స్వతహాగా మంచి డ్యాన్సర్‌ అయిన విరాట్‌.. వరల్డ్‌కప్‌ విజయానంతరం భల్లే.. భల్లే స్టెప్పులేసి ఇరగదీశాడు. ప్రముఖ సింగర్‌ దలేర్‌ మెహందికి చెందిన పాపులర్‌ సాంగ్‌ "తునుక్‌ తనుక్‌"కు కోహ్లి.. సహచరుడు అర్ష్‌దీప్‌ సింగ్‌తో కలిసి చిందేశాడు. టీమిండియా సెలబ్రేషన్స్‌లో భాగంగా మైదానంలోని స్పీకర్స్‌లో ఈ సాంగ్‌ ప్లే అవుతుండగా.. విరాట్‌, అర్ష్‌దీప్‌లతో సిరాజ్‌, అక్షర్‌ పటేల్‌, రింకూ సింగ్‌, బుమ్రా జత కలిశారు. వీరందరూ డ్యాన్స్‌ చేస్తున్న వీడియో నెట్టింట వైరలవుతుంది.Virat Kohli, Arshdeep Singh and Rinku Singh dancing. 😭 pic.twitter.com/mhThl8IC7o— Selfless⁴⁵ (@SelflessRohit) June 29, 2024కాగా, ఫైనల్‌ మ్యాచ్‌ గెలిచాక కాసేపు భావోద్వేగాలకు లోనైన టీమిండియా క్రికెటర్లు.. ఆతర్వాత తేరుకుని ఎంజాయ్‌మెంట్‌ మూడ్‌లోకి వచ్చారు. జట్టు సభ్యులంతా ఎవరి స్టయిల్‌లో వారు విన్నింగ్‌ సెలబ్రేషన్స్‌ చేసుకున్నారు. ఆటగాళ్లంతా స్టేడియం మొత్తం కలియతిరిగి అభిమానులకు అభివాదం చేశారు. కొందరు ఫోన్లలో.. కొందరు నేరుగా తమ వారితో సంతోషాన్ని పంచుకున్నారు. భారత ఆటగాళ్లందరిలో కెప్టెన్‌ రోహిత్‌ శర్మ, వైస్‌ కెప్టెన్‌ హార్దిక్‌ పాండ్యా, విరాట్‌ కోహ్లి ఎక్కువగా ఎమోషనల్‌ అయ్యారు. ఈ ముగ్గురు ఆటగాళ్లు ఆనందబాష్పాలు కార్చడం ప్రతి భారతీయుడి మనస్సుని హత్తుకుంది. వీరితో పాటు కోచ్‌ ద్రవిడ్‌ కూడా కంటతడి పెట్టుకున్నాడు. మొత్తంగా తొలుత భావోద్వేగాలు, ఆతర్వాత సంబురాలతో బార్బడోస్‌ మైదానం పులకించిపోయింది.ఇదిలా ఉంటే, సౌతాఫ్రికాతో జరిగిన ఫైనల్‌ మ్యాచ్‌లో తొలుత బ్యాటింగ్‌ చేసిన భారత్‌.. విరాట్‌ కోహ్లి (59 బంతుల్లో 76; 6 ఫోర్లు, 2 సిక్సర్లు), అక్షర్‌ పటేల్‌ (31 బంతుల్లో 47; ఫోర్‌, 4 సిక్సర్లు), శివమ్‌ దూబే (16 బంతుల్లో 27; 3 ఫోర్లు, సిక్స్‌) రాణించడంతో నిర్ణీత ఓవర్లలో 7 వికెట్ల నష్టానికి 176 పరుగులు చేసింది. సౌతాఫ్రికా బౌలర్లలో కేశవ్‌ మహారాజ్‌, నోకియా తలో 2 వికెట్లు పడగొట్టగా.. జన్సెన్‌, రబాడ చెరో వికెట్‌ దక్కించుకున్నారు.అనంతరం 177 పరుగుల లక్ష్యాన్ని ఛేదించేందుకు బరిలోకి దిగిన సౌతాఫ్రికా.. హార్దిక్‌ పాండ్యా (3-0-20-3), అర్ష్‌దీప్‌ సింగ్‌ (4-0-20-2), బుమ్రా (4-0-18-2) సత్తా చాటడంతో లక్ష్యానికి 8 పరుగుల దూరంలో (169/8) నిలిచిపోయింది. లక్ష్య ఛేదనలో సౌతాఫ్రికా ఆదిలో తడబడినప్పటికీ.. మధ్యలో క్లాసెన్‌ (27 బంతుల్లో 52; 2 ఫోర్లు, 5 సిక్సర్లు) టీమిండియాను భయపెట్టాడు. ఆఖర్లో బుమ్రా, హార్దిక్‌, అర్ష్‌దీప్‌ అద్బుతంగా బౌలింగ్‌ చేయడంతో టీమిండియా విజయతీరాలకు చేరింది.

టీమిండియాపై పాకిస్తాన్‌ మాజీ కెప్టెన్‌ ఇంజమామ్‌ ఉల్‌ హక్‌ సంచలన ఆరోపణలు చేశాడు. టీ20 వరల్డ్‌కప్‌లో టీమిండియా బాల్‌ టాంపరింగ్‌కు పాల్పడిందని వివాదాస్పద వ్యాఖ్యలు చేశాడు. ఆస్ట్రేలియాతో జరిగిన సూపర్‌-8 మ్యాచ్‌లో అర్ష్‌దీప్‌ సింగ్‌ అసాధారణమైన రివర్స్‌ స్వింగ్‌ను రాబట్టాడని ఇంజి ఆరోపించాడు.అర్ష్‌దీప్‌ తన సెకెండ్‌ స్పెల్‌లో (16వ ఓవర్‌లో) కొత్త బంతితో రివర్స్‌ స్వింగ్‌ను ఎలా రాబట్టగలిగాడని ప్రశ్నించాడు. సహజంగా బంతి పాతబడ్డాక రివర్స్‌ స్వింగ్‌ అవుతుంది. అలాంటి​ది అర్ష్‌దీప్‌ కొత్త బంతితో రివర్స్‌ స్వింగ్‌ ఎలా రాబట్టాడని నిలదీశాడు. బాల్‌ టాంపరింగ్‌కు పాల్పడకుండా ఆటగాళ్లపై కన్నేసి ఉంచాలని అంపైర్లకు సూచించాడు. పాకిస్తాన్‌కు చెందిన ఓ టీవీ ఛానల్‌ ఇంటర్వ్యూలో ఇంజమామ్‌ ఈ ఆరోపణలు చేశాడు.కాగా, ఆస్ట్రేలియాతో జరిగిన సూపర్‌-8 మ్యాచ​్‌లో టీమిండియా 24 పరుగుల తేడాతో విజయం సాధించి సెమీస్‌ బెర్త్‌ ఖరారు చేసుకున్న విషయం తెలిసిందే. ఈ మ్యాచ్‌లో తొలుత బ్యాటింగ్‌ చేసిన భారత్‌.. నిర్ణీత ఓవర్లలో 5 వికెట్ల నష్టానికి 205 పరుగులు చేయగా.. ఛేదనలో తడబడిన ఆస్ట్రేలియా లక్ష్యానికి 25 పరుగుల దూరంలో (20 ఓవర్లలో 181/7) నిలిచిపోయింది. అర్ష్‌దీప్‌ సింగ్‌ (4-0-37-3), కుల్దీప్‌ యాదవ్‌ (4-0-24-2), బుమ్రా (4-0-2-9-1) ఆస్ట్రేలియాను దెబ్బకొట్టారు.ఇదిలా ఉంటే, నిన్నటి మ్యాచ్‌లో బంగ్లాపై ఆఫ్ఘనిస్తాన్‌ గెలుపుతో టీ20 వరల్డ్‌కప్‌ 2024లో నాలుగు సెమీస్‌ బెర్త్‌లు ఖరారయ్యాయి. గ్రూప్‌-1 నుంచి భారత్‌, ఆఫ్ఘనిస్తాన్‌.. గ్రూప్‌-2 నుంచి సౌతాఫ్రికా, ఇంగ్లండ్‌ జట్లు ఫైనల్‌ ఫోర్‌కు అర్హత సాధించాయి. జూన్‌ 27 ఉదయం జరిగే తొలి సెమీఫైనల్లో సౌతాఫ్రికా, ఆఫ్ఘనిస్తాన్‌ తలపడనుండగా.. అదే రోజు రాత్రి జరిగే రెండో సెమీఫైనల్లో టీమిండియా, ఇంగ్లండ్‌ జట్లు ఢీకొంటాయి.

టీ20 ప్రపంచకప్‌-2024 లీగ్‌ దశలో తమకు ఇంకో మ్యాచ్‌ మిగిలి ఉండగానే టీమిండియా సూపర్‌-8లో అడుగుపెట్టింది. ఆతిథ్య అమెరికా జట్టుపై బుధవారం నాటి మ్యాచ్‌లో ఏడు వికెట్ల తేడాతో గెలుపొంది తదుపరి దశకు అర్హత సాధించింది.అయితే, పసికూనే అయినా అమెరికాపై రోహిత్‌ సేనకు ఈ విజయం అంత సులువుగా రాలేదు. 111 పరుగుల లక్ష్యాన్ని ఛేదించే క్రమంలో ఆరంభంలో తడబడిన భారత జట్టు సూర్యకుమార్‌ యాదవ్‌(50), శివం దూబే(31) అద్భుత అజేయ ఇన్నింగ్స్‌ కారణంగా గట్టెక్కింది.బ్యాటింగ్‌ అనుకూలించని పిచ్‌పై వీరిద్దరు మెరుగైన భాగస్వామ్యం నెలకొల్పి జట్టును విజయతీరాలకు చేర్చారు. ఈ నేపథ్యంలో మ్యాచ్‌ అనంతరం కెప్టెన్‌ రోహిత్‌ శర్మ సూర్య, దూబేలపై ప్రశంసలు కురిపించాడు.గెలుపు అంత తేలికగా రాదని తెలుసుఅదే విధంగా.. అమెరికాపై విజయంలో బౌలర్ల పాత్ర కూడా ఎంతో కీలకమని పేర్కొన్నాడు. ‘‘ఈ మ్యాచ్‌లో గెలుపు అంత తేలికగా రాదని తెలుసు. మా వాళ్ల మెరుగైన భాగస్వామ్యం వల్లే ఇది సాధ్యమైంది.బౌలర్లు కూడాసూర్య, దూబే ఆద్యంతం పట్టుదలగా నిలబడి పరిణతితో కూడిన ఇన్నింగ్స్‌ ఆడారు. అందుకు వాళ్లకు క్రెడిట్‌ ఇవ్వాల్సిందే. ఇక మా బౌలర్లు కూడా అద్భుతంగా రాణించారు.ముఖ్యంగా అర్ష్‌దీప్‌. దూబే రూపంలో మాకు మరో ఆప్షన్‌ ఉంది కాబట్టి.. ఈ మ్యాచ్‌లో ప్రయత్నించి చూశాం. ఎందుకంటే ఈరోజు పిచ్‌ సీమర్లకు ఎక్కువగా అనుకూలించింది. కాబట్టి అతడి సేవలను వాడుకున్నాం. అతిపెద్ద ఊరటఇక సూపర్‌-8కు క్వాలిఫై అవటం అనేది అతిపెద్ద ఊరట. ఇలాంటి పిచ్‌లపై విజయాలు అంత సులువేమీ కాదు. ప్రతి మ్యాచ్‌ను చాలెంజింగ్‌గా తీసుకున్నాం.మూడింట మూడు విజయాలు సాధించాం. ఫలితంగా మా ఆత్మవిశ్వాసం మరింత పెరిగింది. సూర్యకుమార్‌ యాదవ్‌ లాంటి అనుభవజ్ఞుడైన ఆటగాడి నుంచి మేము ఏం ఆశిస్తామో.. ఈరోజు అదే అతడు చేసి చూపించాడు.కఠినమైన పిచ్‌పై తనదైన శైలిలో రాణించి విజయాన్ని అందించాడు’’ అని రోహిత్‌ శర్మ చెప్పుకొచ్చాడు. సమిష్టి కృషితో సూపర్‌-8కు అర్హత సాధించడం సంతోషంగా ఉందని హర్షం వ్యక్తం చేశాడు.టీ20 ప్రపంచకప్‌-2024: ఇండియా వర్సెస్‌ యూఎస్‌ఏ స్కోర్లు👉వేదిక: న్యూయార్క్‌👉టాస్‌: ఇండియా బౌలింగ్‌👉యూఎస్‌ఏ స్కోరు- 110/8 (20)👉ఇండియా స్కోరు- 111/3 (18.2)👉ఫలితం- ఏడు వికెట్ల తేడాతో యూఎస్‌ఏపై ఇండియా విజయం👉ప్లేయర్‌ ఆఫ్‌ ది మ్యాచ్‌: అర్ష్‌దీప్‌ సింగ్‌(4/9).చదవండి: రూ. 250 కోట్లు.. బ్యాటర్లకు చుక్కలే! కూల్చేయనున్న ఐసీసీ? View this post on Instagram A post shared by ICC (@icc)

బ్యాటింగ్‌కు బద్ధ విరోధిలా నిలిచిన న్యూయార్క్‌ పిచ్‌పై భారత్‌ మరోసారి తమ స్థాయి ఆటను చూపించింది. వరుసగా మూడో విజయంతో టి20 ప్రపంచకప్‌లో ‘సూపర్‌–8’ దశకు చేరి తమ ఆధిపత్యాన్ని ప్రదర్శించింది. పట్టుదలగా పోరాడి అమెరికా కొంత ఇబ్బంది పెట్టినా... చివరకు టీమిండియా ముందు తలవంచక తప్పలేదు. అర్ష్ దీప్‌తో పాటు ఇతర బౌలర్ల పదును ముందు యూఎస్‌ అతి కష్టమ్మీద 100 పరుగులు దాటింది. ఛేదనలో భారత బ్యాటింగ్‌ కాస్త తడబడి ఉత్కంఠను పెంచినా... సూర్యకుమార్, శివమ్‌ దూబే జోడీ మరో 10 బంతులు మిగిలి ఉండగా జట్టును గెలుపు తీరం చేర్చింది. న్యూయార్క్‌: టి20 వరల్డ్‌ కప్‌ వేటలో ‘హ్యాట్రిక్‌’ విజయాన్ని అందుకున్న భారత్‌ సూపర్‌–8లోకి అడుగు పెట్టింది. బుధవారం జరిగిన గ్రూప్‌ ‘ఎ’ మ్యాచ్‌లో భారత్‌ 7 వికెట్ల తేడాతో యూఎస్‌ఏపై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన యూఎస్‌ఏ 20 ఓవర్లలో 8 వికెట్ల నష్టానికి 110 పరుగులు చేసింది. నితీశ్‌ కుమార్‌ (23 బంతుల్లో 27; 2 ఫోర్లు, 1 సిక్స్‌), స్టీవెన్‌ టేలర్‌ (30 బంతుల్లో 24; 2 సిక్స్‌లు) ఫర్వాలేదనిపించారు. ‘ప్లేయర్‌ ఆఫ్‌ ద మ్యాచ్‌’ అర్ష్ దీప్‌ (4/9) ప్రత్యర్థిని దెబ్బ తీయగా... హార్దిక్‌ పాండ్యాకు 2 వికెట్లు దక్కాయి. అనంతరం భారత్‌ 18.2 ఓవర్లలో 3 వికెట్లకు 111 పరుగులు చేసి గెలిచింది. సూర్యకుమార్‌ యాదవ్‌ (49 బంతుల్లో 50 నాటౌట్‌; 2 ఫోర్లు, 2 సిక్స్‌లు), శివమ్‌ దూబే (35 బంతుల్లో 31 నాటౌట్‌; 1 ఫోర్, 1 సిక్స్‌) నాలుగో వికెట్‌కు 65 బంతుల్లో అభేద్యంగా 67 పరుగులు జోడించారు. భారత్‌ తమ చివరి లీగ్‌ మ్యాచ్‌లో శనివారం లాడర్‌హిల్‌లో కెనడాతో తలపడుతుంది. తలా ఓ చేయి.. గత రెండు మ్యాచ్‌లలో ఆకట్టుకున్న అమెరికాకు ఈసారి సరైన ఆరంభం లభించలేదు. అర్‌‡్షదీప్‌ వేసిన ఓవర్లో మొదటి బంతికే జహాంగీర్‌ (0) వికెట్ల ముందు దొరికిపోగా, చివరి బంతికి గూస్‌ (2) అవుటయ్యాడు. పవర్‌ప్లేలో యూఎస్‌ 18 పరుగులు చేసింది. ఆ తర్వాత కూడా ఇన్నింగ్స్‌ తడబడుతూనే సాగినా... చిన్న చిన్న భాగస్వామ్యాలు ఇన్నింగ్స్‌ను నడిపించాయి.ఫామ్‌లో ఉన్న జోన్స్‌ (11)ను పాండ్యా వెనక్కి పంపించగా, దూకుడుగా ఆడబోయిన టేలర్‌ను అక్షర్‌ బౌల్డ్‌ చేశాడు. పాండ్యా ఓవర్లో సిక్స్, ఫోర్‌తో కొంత ధాటిని ప్రదర్శించిన నితీశ్‌ ఇన్నింగ్స్‌ బౌండరీ వద్ద సిరాజ్‌ అద్భుత క్యాచ్‌తో ముగిసింది. ఆ తర్వాత ఐదు బంతుల వ్యవధిలో అండర్సన్‌ (15), హర్మీత్‌ (10) వెనుదిరిగారు. 18వ ఓవర్‌ ఐదో బంతికి యూఎస్‌ స్కోరు వంద పరుగులకు చేరింది. కోహ్లి మళ్లీ విఫలం... లెఫ్టార్మ్‌ పేసర్‌ సౌరభ్‌ నేత్రావల్కర్‌ పదునైన బౌలింగ్‌తో భారత్‌ను ఇబ్బంది పెట్టాడు. గత రెండు మ్యాచ్‌లలో 1, 4 పరుగులే చేసిన కోహ్లి (0) ఈసారి తొలి బంతికే వెనుదిరిగి టి20 వరల్డ్‌ కప్‌లో తొలిసారి డకౌట్‌ నమోదు చేశాడు. ఆ తర్వాత నేత్రావల్కర్‌ బౌలింగ్‌లోనే రోహిత్‌ శర్మ (3) కూడా అవుట్‌ కాగా, కుదురుకుంటున్నట్లు అనిపించిన రిషభ్‌ పంత్‌ (18; 1 ఫోర్, 1 సిక్స్‌)ను చక్కటి బంతితో అలీఖాన్‌ క్లీన్‌ బౌల్డ్‌ చేశాడు. ఈ దశలో సూర్య, దూబే కలిసి జట్టును ఆదుకున్నారు. మరీ ధాటిగా ఆడకపోయినా పిచ్‌ను బట్టి సింగిల్స్‌తో పరుగులు రాబట్టారు. 22 పరుగుల వద్ద సూర్య ఇచ్చిన క్యాచ్‌ను నేత్రావల్కర్‌ వదిలేయడం కూడా కలిసొచ్చింది. ఆ తర్వాత మరో అవకాశం ఇవ్వకుండా భారత ద్వయం ఆటను ముగించింది. అమెరికాకు పెనాల్టీ... తొలి వరల్డ్‌ కప్‌ ఆడుతున్న అమెరికా ఓవర్‌రేట్‌ నిబంధనల అమలు విషయంలో ఇంకా పరిణతి చెందలేదు. అనూహ్య రీతిలో మ్యాచ్‌లో ఆ జట్టుకు అంపైర్లు 5 పరుగులు పెనాల్టీగా విధించారు. ఓవర్ల మధ్యలో ఆ జట్టు ఒక నిమిషంకంటే ఎక్కువ సమయం తీసుకోవడం మూడుసార్లు జరిగింది. దాంతో కేవలం హెచ్చరికతో వదిలి పెట్టకుండా శిక్ష వేయడంతో భారత్‌కు 5 అదనపు పరుగులు వచ్చాయి. స్కోరు వివరాలు అమెరికా ఇన్నింగ్స్‌: జహాంగీర్‌ (ఎల్బీ) (బి) అర్ష్ దీప్‌ 0; టేలర్‌ (బి) అక్షర్‌ 24; గూస్‌ (సి) పాండ్యా (బి) అర్ష్ దీప్‌ 2; జోన్స్‌ (సి) సిరాజ్‌ (బి) 11; నితీశ్‌ (సి) సిరాజ్‌ (బి) అర్ష్ దీప్‌ 27; అండర్సన్‌ (సి) పంత్‌ (బి) పాండ్యా 15; హర్మీత్‌ (సి) పంత్‌ (బి) అర్ష్ దీప్‌ 10; షాడ్‌లీ (నాటౌట్‌) 11; జస్‌దీప్‌ (రనౌట్‌) 2; ఎక్స్‌ట్రాలు 8; మొత్తం (20 ఓవర్లలో 8 వికెట్లకు) 110. వికెట్ల పతనం: 1–0, 2–3, 3–25, 4–56, 5–81, 6–96, 7–98, 8–110. బౌలింగ్‌: అర్‌‡్షదీప్‌ 4–0–9–4, సిరాజ్‌ 4–0–25–0, బుమ్రా 4–0–25–0, పాండ్యా 4–1–14–2, దూబే 1–0–11–0, అక్షర్‌ 3–0–25–1. భారత్‌ ఇన్నింగ్స్‌: రోహిత్‌ (సి) హర్మీత్‌ (బి) నేత్రావల్కర్‌ 3; కోహ్లి (సి) గూస్‌ (బి) నేత్రావల్కర్‌ 0; పంత్‌ (బి) ఖాన్‌ 18; సూర్యకుమార్‌ (నాటౌట్‌) 50; దూబే (నాటౌట్‌) 31; ఎక్స్‌ట్రాలు 9; మొత్తం (18.2 ఓవర్లలో 3 వికెట్లకు) 111. వికెట్ల పతనం: 1–1, 2–10, 3–39. బౌలింగ్‌: సౌరభ్‌ నేత్రావల్కర్‌ 4–0–18–2, అలీ ఖాన్‌ 3.2–0–21–1, జస్‌దీప్‌ సింగ్‌ 4–0–24–0, షాడ్లీ 4–0–25–0, అండర్సన్‌ 3–0–17–0. టి20 ప్రపంచకప్‌లో నేడువెస్టిండీస్‌ X న్యూజిలాండ్‌వేదిక: ట్రినిడాడ్, ఉదయం గం. 6 నుంచిబంగ్లాదేశ్‌ X నెదర్లాండ్స్‌ వేదిక: కింగ్స్‌టౌన్, రాత్రి గం. 8 నుంచిఇంగ్లండ్‌ X ఒమన్‌వేదిక: నార్త్‌సౌండ్, అర్ధరాత్రి గం. 12:30 నుంచిస్టార్‌ స్పోర్ట్స్, హాట్‌ స్టార్‌లో ప్రత్యక్ష ప్రసారం

టీ20 వరల్డ్‌కప్‌-2024లో భాగంగా న్యూయర్క్‌ వేదికగా అమెరికాతో మ్యాచ్‌లో టీమిండియా పేసర్‌ అర్ష్‌దీప్‌ సింగ్‌ అద్బుతమైన ప్రదర్శన కనబరిచాడు. ఇన్నింగ్స్‌ ఆరంభం నుంచే అమెరికా బ్యాటర్లకు అర్ష్‌దీప్‌ చుక్కలు చూపించాడు. తొలి ఓవర్‌లోనే రెండు వికెట్లు పడగొట్టి అమెరికాను కోలుకోలేని దెబ్బ కొట్టాడు. ఓవరాల్‌గా తన నాలుగు ఓవర్ల కోటాలో కేవలం 9 పరుగులు మాత్రమే ఇచ్చిన అర్ష్‌దీప్‌.. 4 వికెట్లు పడగొట్టాడు.ఈ క్రమంలో అర్ష్‌దీప్‌ సింగ్‌ ఓ అరుదైన రికార్డును తన పేరిట లిఖించుకున్నాడు. టీ20 వరల్డ్‌కప్‌ టోర్నీల్లో అత్యత్తుమ గణాంకాలు నమోదు చేసిన భారత బౌలర్‌గా అర్ష్‌దీప్‌ రికార్డులకెక్కాడు. ఇంతకుముందు ఈ రికార్డు టీమిండియా వెటరన్‌ స్పిన్నర్‌ రవిచంద్రన్‌ అశ్విన​ పేరిట ఉండేది. 2014 టీ20 వరల్డ్‌కప్‌లో ఆసీస్‌పై అశ్విన్‌ 11 పరుగులిచ్చి 4 వికెట్లు పడగొట్టాడు. తాజా మ్యాచ్‌లో కేవలం 9 పరుగులిచ్చి 4 వికెట్లు పడగొట్టిన అర్ష్‌దీప్‌.. అశ్విన్ రికార్డును బ్రేక్‌ చేశాడు.అదే విధంగా మరో రికార్డును అర్ష్‌దీప్‌ సాధించాడు. టీ20 వరల్డ్‌కప్‌లో ఇన్నింగ్స్‌ తొలి ఓవర్‌లో మొదటి బంతికే వికెట్‌ పడగొట్టిన మొదటి భారత బౌలర్‌గా అర్ష్‌దీప్‌ నిలిచాడు. యూఎస్‌ఎ ఓపెనర్‌ జహంగీర్‌ను మొదటి బంతికే ఔట్‌ చేసిన అర్ష్‌దీప్‌ ఈ రికార్డును తన ఖాతాలో వేసుకున్నాడు.

టీమిండియా కెప్టెన్‌ రోహిత్‌ శర్మ, మేనేజ్‌మెంట్‌ తీరుపై భారత క్రికెట్‌ దిగ్గజం కపిల్‌ దేవ్‌ మండిపడ్డాడు. టీ20 మ్యాచ్‌లలో టెస్టు మ్యాచ్‌ మాదిరి వ్యవహరించడం ఏమిటని ప్రశ్నించాడు. వరల్డ్‌క్లాస్‌ బౌలర్‌, టీమిండియా ప్రధాన పేసర్‌ జస్‌ప్రీత్‌ బుమ్రా సేవలను ఎలా వాడుకోవాలో తెలియదా అంటూ కపిల్‌ దేవ్‌ ఫైర్‌ అయ్యాడు. కాగా టీ20 ప్రపంచకప్‌-2024 టోర్నీలో టీమిండియా ఇప్పటికే రెండు మ్యాచ్‌లు ఆడేసింది.రెండు మ్యాచ్‌లలో తొలుత అతడి చేతికే బంతిగ్రూప్‌-ఏలో భాగమైన రోహిత్‌ సేన తొలుత ఐర్లాండ్‌, ఆ తర్వాత పాకిస్తాన్‌పై గెలుపొంది టాపర్‌గా కొనసాగుతోంది. అయితే, ఈ రెండు మ్యాచ్‌లలో టీమిండియా బౌలింగ్‌ అటాక్‌ను యువ పేసర్‌ అర్ష్‌దీప్‌ సింగ్‌ ఆరంభించాడు.రెండో ఓవర్లో మరో ఫాస్ట్‌ బౌలర్‌ మహ్మద్‌ సిరాజ్‌ చేతికి బంతినిచ్చాడు కెప్టెన్‌ రోహిత్‌ శర్మ. ఇ​క ఐర్లాండ్‌తో మ్యాచ్‌లో ఆరో ఓవర్‌లో బుమ్రాను బరిలోకి దింపిన హిట్‌మ్యాన్‌.. పాకిస్తాన్‌తో మ్యాచ్‌లో మూడో ఓవర్‌ సందర్భంగా బాల్‌ అతడికి ఇచ్చాడు.అద్భుత స్పెల్‌తో దుమ్ములేపిన బుమ్రాఈ రెండు లో స్కోరింగ్‌ మ్యాచ్‌లలోనూ జస్‌ప్రీత్‌ బుమ్రా అద్భుత స్పెల్‌తో ఆకట్టుకుని భారత్‌కు విజయాలు అందించాడు. ఐర్లాండ్‌తో మ్యాచ్‌లో మూడు ఓవర్ల కోటాలో కేవలం ఆరు పరుగులిచ్చి.. రెండు వికెట్లు తీశాడు బుమ్రా.ఇక పాక్‌తో మ్యాచ్‌లో నాలుగు ఓవర్ల కోటా పూర్తి చేసి కేవలం 14 పరుగులు మాత్రమే ఇచ్చి మూడు వికెట్లు కూల్చాడు. ఫలితంగా రెండు మ్యాచ్‌లలోనూ టీమిండియా విజయాల్లో కీలక పాత్ర పోషించిన బుమ్రా.. రెండుసార్లు ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. అయితే, పేస్‌ దళ నాయకుడైన బుమ్రాను కాదని.. యంగ్‌స్టర్‌ అర్ష్‌దీప్‌ సింగ్‌తో బౌలింగ్‌ అటాక్‌ ఆరంభించడం ఏమిటని ఇప్పటికే మాజీ సారథి సునిల్‌ గావస్కర్‌ ప్రశ్నించగా.. తాజాగా మరో దిగ్గజం, మాజీ కెప్టెన్‌ కపిల్‌ దేవ్‌ కూడా ఇదే అభిప్రాయం వ్యక్తం చేశాడు.ఇవేమీ టెస్టు మ్యాచ్‌లు కాదు‘‘అతడు వికెట్లు తీయగల సత్తా ఉన్నవాడు. అందుకే మొదటి ఓవర్లోనే బంతిని అతడికి ఇవ్వాలి. ఇవేమీ టెస్టు మ్యాచ్‌లు కాదు కదా! టీ20 ఫార్మాట్‌ ఇది.ఎంత త్వరగా వికెట్లు తీస్తే.. అంత త్వరగా ప్రత్యర్థిని ఒత్తిడిలోకి నెట్టేయవచ్చు. ఒకవేళ బుమ్రా గనుక బౌలింగ్‌ అటాక్‌ ఆరంభించి.. ఆదిలోనే రెండు వికెట్లు తీసినట్లయితే.. మిగతా బౌలర్లు కూడా సానుకూల దృక్పథంతో ముందుకు సాగుతారు’’ అని కపిల్‌ దేవ్‌ పేర్కొన్నాడు.తప్పని నిరూపించాడుఅదే విధంగా.. ‘‘అతడి శరీరం.. ముఖ్యంగా భుజాలపై ఎక్కువగా ఒత్తిడి పెడతాడు కాబట్టి బుమ్రా ఎక్కువ రోజులు క్రికెట్‌లో కొనసాగలేడని మనమంతా భావించాం.అయితే, అందరి ఆలోచనలు తప్పని అతడు అనతికాలంలోనే నిరూపించాడు’’ అంటూ బుమ్రాను కొనియాడాడు కపిల్‌ దేవ్‌. ఏబీపీ న్యూస్‌తో మాట్లాడుతూ ఈ మేరకు వ్యాఖ్యలు చేశాడు. కాగా టీమిండియా బుధవారం నాటి మ్యాచ్‌లో న్యూయార్క్‌ వేదికగా అమెరికాతో తలపడనుంది.చదవండి: రూ. 250 కోట్లు.. బ్యాటర్లకు చుక్కలే! కూల్చేయనున్న ఐసీసీ? View this post on Instagram A post shared by ICC (@icc)

T20 WC 2024- India vs Pakistan: పాకిస్తాన్‌తో మ్యాచ్‌లో టీమిండియా మేనేజ్‌మెంట్‌ అనుసరించిన బౌలింగ్‌ వ్యూహాలను భారత క్రికెట్‌ దిగ్గజం సునిల్‌ గావస్కర్‌ తప్పుబట్టాడు. ప్రధాన పేసర్‌ జస్‌ప్రీత్‌ బుమ్రాకు మూడో ఓవర్లో బంతిని ఇవ్వడమేమిటని ప్రశ్నించాడు.కెప్టెన్‌ రోహిత్‌ శర్మ, విరాట్‌ కోహ్లిలు టాపార్డర్‌లో బ్యాటింగ్‌ చేసినట్లే.. బుమ్రాను కూడా తొలి ఓవర్లోనే ఉపయోగించుకోవాలని సూచించాడు. నిజానికి పాక్‌తో మ్యాచ్‌లో టీమిండియాను బౌలర్లే గట్టెక్కించారని.. ఈ విజయంలో క్రెడిట్‌ వాళ్లకే ఇవ్వాలని గావస్కర్‌ పేర్కొన్నాడు.టీ20 ప్రపంచకప్‌-2024లో భాగంగా న్యూయార్క్‌ వేదికగా భారత్‌- పాకిస్తాన్‌ ఆదివారం తలపడ్డాయి. టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. ఇక భారీ అంచనాలతో బ్యాటింగ్‌కు దిగిన టీమిండియా 119 పరుగులకే కుప్పకూలింది.ఓపెనర్లు కెప్టెన్‌ రోహిత్‌ శర్మ (13), విరాట్‌ కోహ్లి(4) పూర్తిగా నిరాశపరచగా.. వన్‌డౌన్‌ బ్యాటర్‌ రిషభ్‌ పంత్‌ ఇన్నింగ్స్‌ చక్కదిద్దే బాధ్యత తీసుకున్నాడు. 31 బంతుల్లో 42 పరుగులతో పంత్‌ దుమ్ములేపగా.. అక్షర్‌ పటేల్‌ 20 పరుగులతో రాణించాడు.మిగతా వాళ్లంత సింగిల్‌ డిజిట్‌ స్కోర్లకే పరిమితమయ్యారు. ఇక స్వల్ప లక్ష్యంతో బరిలోకి దిగిన పాకిస్తాన్‌ బ్యాటర్లను.. టీమిండియా బౌలర్లు ఆది నుంచే కట్టడి చేశారు. వీరి దెబ్బకు పాక్‌ బ్యాటింగ్‌ ఆర్డర్‌ 113 పరుగులకే కుప్పకూలింది.‘ప్లేయర్‌ ఆఫ్‌ ది మ్యాచ్‌’ జస్‌ప్రీత్‌ బుమ్రా (3/14), హార్దిక్‌ పాండ్యా (2/24) అద్భుతంగా రాణించగా.. అక్షర్‌ పటేల్‌, అర్ష్‌దీప్‌ సింగ్‌ ఒక్కో వికెట్‌ దక్కించుకున్నారు.అయితే, ఈ మ్యాచ్‌లో బౌలింగ్‌ అటాక్‌ను అర్ష్‌దీప్‌ సింగ్‌ ప్రారంభించడం విశేషం. తొలి ఓవర్లోనే కెప్టెన్‌ రోహిత్‌ శర్మ అతడికి బంతిని అందించాడు. మహ్మద్‌ సిరాజ్‌ రెండో ఓవర్‌ వేయగా.. బుమ్రా మూడో ఓవర్‌లో యాక్షన్‌లోకి దిగాడు. View this post on Instagram A post shared by ICC (@icc) బుమ్రాకు తొలి ఓవర్‌ ఇవ్వకపోవడమేమిటి?ఈ నేపథ్యంలో టీమిండియా దిగ్గజం సునిల్‌ గావస్కర్‌ భారత్‌- పాక్‌ మ్యాచ్‌ ఫలితాన్ని విశ్లేషిస్తూ కీలక వ్యాఖ్యలు చేశాడు. ‘‘భారత క్రికెట్‌లో బౌలర్లూ ప్రధాన పాత్ర పోషిస్తున్నారు.వాళ్లు తిరిగి పుంజుకోవడం అద్భుతంగా అనిపించింది. అయినా.. బుమ్రాకు తొలి ఓవర్‌ ఇవ్వకపోవడమేమిటి? మూడో ఓవర్లో అతడికి చేతికి బంతినిస్తారా?మొదటి 12 బంతులు ఎందుకు వృథా చేశారు? మీ జట్టులో ఉన్న అత్యుత్తమ బౌలర్‌కే కదా మొదటగా బంతిని ఇవ్వాల్సింది. రోహిత్‌ శర్మ లేదంటే విరాట్‌ కోహ్లిని ఐదు లేదంటే ఆరో స్థానంలో బ్యాటింగ్‌కు రమ్మని చెప్తారా?చెప్పరు కదా?!.. వాళ్లిద్దరు అత్యుత్తమ బ్యాటర్లు కాబట్టి టాపార్డర్‌లోనే వస్తారు. మరి ఈ ప్రధాన బౌలర్‌ విషయంలో మాత్రం ఎందుకిలా?’’ అని గావస్కర్‌ టీమిండియా సారథి రోహిత్‌ వ్యూహాలను విమర్శించాడు.చెత్త షాట్లతో వికెట్లు కోల్పోయిఅదే విధంగా టీమిండియా బ్యాటర్ల తీరుపైనా గావస్కర్‌ విమర్శలు గుప్పించాడు. అనవసరపు షాట్లకు యత్నించి వికెట్లు పారేసుకోవడం ఏమిటని మండిపడ్డాడు. ఏదేమైనా పాక్‌పై టీమిండియా మ్యాచ్‌ గెలవడం మాత్రం సంతోషంగా ఉందంటూ స్టార్‌ స్పోర్ట్స్‌ షోలో ఈ మేరకు వ్యాఖ్యలు చేశాడు.చదవండి: Ind vs Pak: కావాలనే బంతులు వృథా చేశాడు: పాక్‌ మాజీ కెప్టెన్‌ ఫైర్‌

టీ20 వరల్డ్‌కప్‌ 2024 గ్రూప్‌-ఏలో భాగంగా న్యూయార్క్‌ వేదికగా ఐర్లాండ్‌తో ఇవాళ (జూన్‌ 5) జరుగుతున్న మ్యాచ్‌లో టీమిండియా బౌలర్లు విజృంభించారు. ముఖ్యంగా పేసర్లు ఆకాశమే హద్దుగా చెలరేగిపోయారు. ఫలితంగా ఐర్లాండ్‌ ఇన్నింగ్స్‌ పేక మేడలా కూలింది. హార్దిక్‌ పాండ్యా (4-1-27-3), అర్ష్‌దీప్‌ సింగ్‌ (4-0-35-2), సిరాజ్‌ (3-0-13-1), బుమ్రా (3-1-6-2), అక్షర్‌ పటేల్‌ (1-0-3-1) ధాటికి ఐర్లాండ్‌ 96 పరుగులకే (16 ఓవర్లలో) కుప్పకూలింది.ఐర్లాండ్‌ ఇన్నింగ్స్‌లో లోర్గాన్‌ టక్కర్‌ (10), కర్టిస్‌ క్యాంపర్‌ (12), గెరాత్‌ డెలానీ (26), జాషువ లిటిల్‌ (14) మాత్రమే రెండంకెల స్కోర్లు చేశారు. ఆఖర్లో డెలానీ మెరుపులు మెరిపించడంతో ఐర్లాండ్‌ ఈ మాత్రం స్కోరైనా చేయగలిగింది. ఐర్లాండ్‌ ఇన్నింగ్స్‌లో ఆండ్రూ బల్బిర్నీ (5), పాల్‌ స్టిర్లింగ్‌ (2), హ్యారీ టెక్టార్‌ (4), జార్జ్‌ డాక్రెల్‌ (3), మార్క్‌ అదైర్‌ (3), బ్యారీ మెక్‌ కార్తీ (0) దారుణంగా విఫలమయ్యారు.

టీ20 వరల్డ్‌కప్‌-2024 ప్రధాన టోర్నీకు ముందు బంగ్లాదేశ్‌తో జరిగిన సన్నాహక మ్యాచ్‌లో టీమిండియా సత్తాచాటింది. న్యూయర్క్‌ వేదికగా జరిగిన ఈ మ్యాచ్‌లో బంగ్లాదేశ్‌ను 60 పరుగుల తేడాతో భారత్‌ చిత్తు చేసింది. తొలుత బ్యాటింగ్ చేసిన భారత్ నిర్ణీత 20 ఓవర్లలో 5 వికెట్ల నష్టానికి 182 పరుగుల భారీ స్కోరు నమోదు చేసింది.రిషబ్ పంత్ 32 బంతుల్లో 53 పరుగులు, హార్దిక్ పాండ్యా 40(నాటౌట్‌) పరుగులతో రాణించారు. అయితే లక్ష్య ఛేదనలో బంగ్లా బ్యాటర్లు విఫలమయ్యారు. నిర్ణీత 20 ఓవర్లలో 9 వికెట్ల నష్టానికి 122 పరుగులు మాత్రమే చేయగల్గింది.సూపర్‌ డెలివరీ..ఇక ఈ వార్మాప్‌ మ్యాచ్‌లో టీమిండియా పేసర్‌ అర్ష్‌దీప్‌ సింగ్‌ అద్బుతమైన ప్రదర్శన కనబరిచాడు. 3 ఓవర్లు బౌలింగ్‌ చేసిన అర్ష్‌దీప్‌ కేవలం​ 12 పరుగులు మాత్రమే ఇచ్చాడు. అయితే బంగ్లా ఓపెనర్‌ లిటన్‌ దాస్‌ను అర్ష్‌దీప్‌ ఔట్‌ చేసిన విధానం మ్యాచ్‌ మొత్తానికే హైలెట్‌గా నిలిచింది. బంగ్లా ఇన్నింగ్స్‌ 3వ ఓవర్‌ వేసిన అర్ష్‌దీప్‌ తొలి బంతిని లిటన్‌ దాస్‌కు బ్యాకప్‌ లెంగ్త్‌ డెలివరీగా సంధించాడు. ఆఫ్‌సైడ్‌ పడిన బంతి ఒక్కసారిగా టర్న్‌ అయ్యి స్టంప్స్‌ను గిరాటేసింది. అర్ష్‌దీప్‌ వేసిన బంతికి లిటన్‌ దగ్గర సమాధానమే లేకుండా పోయింది.ఇది చూసిన లిటన్‌ దాస్‌ ఒక్కసారిగా షాక్‌ అయిపోయాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. దీంతో నెటిజన్లు అర్ష్‌దీప్‌ ప్రధాన టోర్నీలో కూడా కొనసాగించాలని కామెంట్లు చేస్తున్నారు.pic.twitter.com/Co5twCgaJc— Reeze-bubbly fan club (@ClubReeze21946) June 1, 2024

ఐపీఎల్‌-2024లో సన్‌రైజర్స్‌ హైదరాబాద్‌- పంజాబ్‌ కింగ్స్‌ మధ్య మ్యాచ్‌ టీ20 ప్రేమికులకు అసలైన మజా అందించనడంలో సందేహం లేదు. ఆద్యంతం ఆసక్తి రేపిన ఈ మ్యాచ్‌ ఆఖరి వరకు ప్రేక్షకులను మునివేళ్లపై నిలబెట్టింది. చివరి బంతి వరకు ఉత్కంఠ కలిగించిన ఈ మ్యాచ్‌లో ఎట్టకేలకు సన్‌రైజర్స్‌ జయభేరి మోగించింది. కేవలం రెండు పరుగుల తేడాతో గెలుపొంది సీజన్‌లో మూడో విజయం అందుకుంది. మరోవైపు.. సొంతగడ్డపై ఓటమి పాలైన పంజాబ్‌ కింగ్స్‌ మూడో పరాజయాన్ని ఖాతాలో వేసుకుంది. ఇక ఇలా ఆఖరి వరకు ఊరించి ఓడిపోవడం పంజాబ్‌ కింగ్స్‌కు కొత్తేం కాదు. అలాగే సన్‌రైజర్స్‌ కూడా ఆఖరి వరకు అభిమానులకు నరాలు తెగే ఉత్కంఠ కలిగించి విజయబావుటా ఎగురువేయడం అలవాటేనని గణాంకాలు చెబుతున్నాయి. ఇక ఈ రెండు జట్లలో సన్‌రైజర్స్‌ 2016లో టైటిల్‌ విజేతగా నిలవగా.. పంజాబ్‌ కింగ్స్‌ ఇంత వరకు ఒక్కసారి కూడా ట్రోఫీ గెలవలేదు. ఐపీఎల్‌ చరిత్రలో విజయానికి అత్యంత చేరువగా వచ్చి పంజాబ్‌ కింగ్స్‌ ఓడిన సందర్భాలు(పరుగుల పరంగా) ►2016- మొహాలీ- ఆర్సీబీతో మ్యాచ్‌లో ఒక్క పరుగు తేడాతో ఓటమి ►2020- అబుదాబి- కేకేఆర్‌తో మ్యాచ్‌లో రెండు పరుగుల తేడాతో ఓటమి ►2021- దుబాయ్‌- రాజస్తాన్‌ రాయల్స్‌తో మ్యాచ్‌లో రెండు పరుగుల తేడాతో ఓటమి ►2024- ముల్లన్‌పూర్‌-సన్‌రైజర్స్‌ హైదరాబాద్‌తో మ్యాచ్‌లో రెండు పరుగుల తేడాతో ఓటమి ఐపీఎల్‌ చరిత్రలో ఆఖరి వరకు ఊరించి పరుగుల పరంగా స్వల్ప తేడాతో సన్‌రైజర్స్‌ గెలిచిన సందర్భాలు ►2024- ముల్లన్‌పూర్‌- పంజాబ్‌ కింగ్స్‌తో మ్యాచ్‌లో రెండు పరుగుల తేడాతో విజయం ►2022- ముంబై- ముంబై ఇండియన్స్‌పై మూడు పరుగుల తేడాతో విజయం ►2014- దుబాయ్‌- ఢిల్లీ క్యాపిటల్స్‌పై నాలుగు పరుగుల తేడాతో విజయం ►2016- వైజాగ్‌- రైజింగ్‌ పుణె సూపర్‌ జెయింట్స్‌పై నాలుగు పరుగుల తేడాతో విజయం ►2021- అబుదాబి- ఆర్సీబీపై నాలుగు పరుగుల తేడాతో విజయం. మ్యాచ్‌ విషయానికొస్తే... PBKS vs SRH Scores ►వేదిక: ముల్లన్‌పూర్‌.. చండీగఢ్‌ ►టాస్‌: పంజాబ్‌ కింగ్స్‌.. బౌలింగ్‌ ►సన్‌రైజర్స్‌ స్కోరు: 182/9 (20) ►టాప్‌ స్కోరర్‌: నితీశ్‌ కుమార్‌ రెడ్డి: 37 బంతుల్లో 4 ఫోర్లు, 5 సిక్స్‌ల సాయంతో 64 పరుగులు ►పంజాబ్‌ బౌలర్‌ అర్ష్‌దీప్‌ సింగ్‌ సూపర్‌ స్పెల్‌: 4/29 ►పంజాబ్‌ కింగ్స్‌ స్కోరు:  180/6 (20)  ►ఫలితం: రెండు పరుగులు తేడాతో సన్‌రైజర్స్‌ గెలుపు ►ప్లేయర్‌ ఆఫ్‌ ది మ్యాచ్‌: నితీశ్‌ కుమార్‌ రెడ్డి(64 రన్స్‌తో పాటు ఒక వికెట్‌) var request = 'https://www.sakshi.com/knowwidget/kwstr_7522010156.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); A Fantastic Finish 🔥 Plenty happened in this nail-biter of a finish where the two teams battled till the end🤜🤛 Relive 📽️ some of the drama from the final over ft. Jaydev Unadkat, Ashutosh Sharma & Shashank Singh 👌 Watch the match LIVE on @starsportsindia and @JioCinema… pic.twitter.com/NohAD2fdnI — IndianPremierLeague (@IPL) April 9, 2024

ఐపీఎల్‌-2024లో భాగంగా ల‌క్నో వేదిక‌గా పంజాబ్ కింగ్స్‌తో మ్యాచ్‌లో ల‌క్నో సూప‌ర్ జెయింట్స్ రెగ్యూల‌ర్ కెప్టెన్ కేఎల్ రాహుల్ నిరాశ‌ప‌రిచాడు. ఈ మ్యాచ్‌లో ఇంపాక్ట్ ప్లేయ‌ర్‌గా బ‌రిలోకి దిగిన రాహుల్‌.. కేవ‌లం 15 ప‌రుగులు మాత్ర‌మే చేసి ఔట‌య్యాడు. పంజాబ్ కింగ్స్ ప్లేయ‌ర్ జానీ బెయిర్ స్టో అద్భుత‌మైన క్యాచ్‌తో రాహుల్‌ను పెవిలియన్‌కు పంపాడు. లక్నో ఇన్నింగ్స్ నాలుగో ఓవర్‌లో అర్ష్‌దీప్ సింగ్ ఐదో బంతిని ఆఫ్ స్టంప్ వెలుపల లెంగ్త్ డెలివరీగా సంధించాడు. ఆ బంతిని రాహుల్ బ్యాక్‌వర్డ్ పాయింట్ దిశగా ఆడటానికి ప్రయత్నించాడు. ఈ క్రమంలో పాయింట్‌లో ఉన్న బెయిర్ స్టో ఎడమవైపు డైవ్ చేస్తూ సూపర్ క్యాచ్‌ను అందుకున్నాడు. ఇది చూసిన రాహుల్ ఒక్కసారిగా బిత్తర పోయాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. కాగా ఈ మ్యాచ్‌లో లక్నో కెప్టెన్‌గా నికోలస్ పూరన్ వ్యవహరిస్తున్నాడు. pic.twitter.com/DJwLV8utsO — Sitaraman (@Sitaraman112971) March 30, 2024

India ‘A’ squad for Matches against England Lions: ఇంగ్లండ్‌ లయన్స్‌తో ఆఖరి రెండు మ్యాచ్‌లలో తలపడే భారత్‌-‘ఏ’ జట్టును బీసీసీఐ ప్రకటించింది. అభిమన్యు ఈశ్వరన్‌ సారథ్యంలో లయన్స్‌తో పోటీ పడనున్న ఈ టీమ్‌లో తిలక్‌ వర్మ, రింకూ సింగ్‌లకు కూడా చోటు దక్కింది. కాగా భారత యువ క్రికెట్‌ జట్టుతో మూడు అనధికారిక టెస్టులు ఆడేందుకు ఇంగ్లండ్‌ యువ టీమ్‌ ఇండియాకు వచ్చింది. ఈ క్రమంలో ఇరుజట్ల మధ్య జనవరి 12- 13 వరకు రెండు రోజులపాటు ప్రాక్టీస్‌ మ్యాచ్‌ జరిగింది. ఇది డ్రాగా ముగిసిపోయింది. ఇక జనవరి 17 నుంచి భారత్‌-‘ఏ’- ఇంగ్లండ్‌ లయన్స్‌ మధ్య తొలి అనధికారిక టెస్టు మొదలైంది. ఇందుకు సంబంధించిన ఫలితం శనివారం తేలనుంది. ఇదిలా ఉంటే.. జనవరి 24- 27 వరకు రెండు జట్ల మధ్య రెండో అనధికారిక టెస్టు, ఫిబ్రవరి 1- 4 వరకు మూడో అనధికారిక టెస్టు జరుగనున్నాయి.  ఈ నేపథ్యంలో ఈ రెండు మ్యాచ్‌లలో ఇంగ్లండ్‌ లయన్స్‌తో తలపడే భారత యువ జట్టుకు బెంగాల్‌ బ్యాటర్‌ అభిమన్యు ఈశ్వరన్‌ కెప్టెన్‌గా కొనసాగనున్నాడు. ఇక రంజీ ట్రోఫీ-2024లో సత్తా చాటుతున్న టీమిండియా స్టార్లు.. హైదరాబాదీ తిలక్‌ వర్మ, యూపీ బ్యాటర్‌ రింకూ సింగ్‌లు కూడా ఈ జట్టులో చోటు సంపాదించారు. తిలక్‌ రెండు మ్యాచ్‌లకు అందుబాటులో ఉండనుండగా.. రింకూ ఆఖరి టెస్టు కోసం జట్టుతో చేరనున్నాడు. ఈ మ్యాచ్‌లన్నీ అహ్మదాబాద్‌లోని నరేంద్ర మోదీ స్టేడియంలో జరుగనున్నాయి. యువ జట్ల మధ్య పోటీ ఇలా ఉంటే.. జనవరి 25 నుంచి టీమిండియా- ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌ ఆరంభం కానున్న విషయం తెలిసిందే. ఇంగ్లండ్‌ లయన్స్‌తో రెండో మ్యాచ్‌కు భారత్- 'ఏ' జట్టు: అభిమన్యు ఈశ్వరన్ (కెప్టెన్), సాయి సుదర్శన్, రజత్ పాటిదార్, సర్ఫరాజ్ ఖాన్, తిలక్ వర్మ, కుమార్ కుషాగ్రా, వాషింగ్టన్ సుందర్, సౌరభ్ కుమార్, అర్ష్‌దీప్‌ సింగ్, తుషార్ దేశ్‌పాండే, విద్వత్ కావేరప్ప, ఉపేంద్ర యాదవ్, ఆకాశ్ దీప్, యశ్ దయాళ్. ఇంగ్లండ్‌ లయన్స్‌తో మూడో మ్యాచ్‌కు భారత్- 'ఏ' జట్టు: అభిమన్యు ఈశ్వరన్ (కెప్టెన్), సాయి సుదర్శన్, రజత్ పాటిదార్, తిలక్ వర్మ, రింకూ సింగ్, కుమార్ కుషాగ్రా, వాషింగ్టన్ సుందర్, షామ్స్ ములానీ, అర్ష్‌దీప్‌ సింగ్, తుషార్ దేశ్‌పాండే, విద్వత్ కావేరప్ప, ఉపేంద్ర యాదవ్, ఆకాశ్ దీప్, యశ్ దయాళ్. చదవండి: Glenn Maxwell Captaincy Quit: గ్లెన్‌ మాక్స్‌వెల్‌ సంచలన నిర్ణయం?

సౌతాఫ్రికాతో జరిగిన మూడు మ్యాచ్‌ల వన్డే సిరీస్‌లో ఆధ్యాంతం అద్భుతంగా రాణించి ప్లేయర్‌ ఆఫ్‌ ద సిరీస్‌ అవార్డు గెలుచుకున్న అర్ష్‌దీప్‌ సింగ్‌ పలు రికార్డులను తన ఖాతాలో వేసుకున్నాడు. ఈ సిరీస్‌లో మూడు మ్యాచ్‌ల్లో 10 వికెట్లు పడగొట్టిన అర్ష్‌దీప్‌.. మునాఫ్‌ పటేల్‌ తర్వాత సౌతాఫ్రికా గడ్డపై అత్యధిక వికెట్లు పడగొట్టిన భారత పేసర్‌గా రికార్డుల్లోకెక్కాడు. 2010/11 సిరీస్‌లో మునాఫ్‌ 5 మ్యాచ్‌ల్లో 11 వికెట్లు పడగొట్టాడు.  సిరీస్‌లో భాగంగా జోహనెస్‌బర్గ్‌ వేదికగా జరిగిన తొలి వన్డేలో 5 వికెట్ల ఘనత సాధించిన అర్ష్‌దీప్‌.. మూడో వన్డేలో సైతం 4 వికెట్లతో చెలరేగడంతో సౌతాఫ్రికాతో జరిగిన వన్డేల్లో అత్యధికసార్లు (2) నాలుగు అంతకంటే ఎక్కువ వికెట్లు తీసిన భారత పేసర్‌గా అరుదైన ఘనత సాధించాడు. అలాగే సౌతాఫ్రికాలో అత్యధిక సార్లు (2) నాలుగు అంతకంటే ఎక్కువ వికెట్లు తీసిన మూడో భారత బౌలర్‌గా, ఓవరాల్‌గా ఐదో విజిటింగ్‌ బౌలర్‌గా రికార్డుల్లోకెక్కాడు.  కాగా, పార్ల్‌ వేదికగా సౌతాఫ్రికాతో జరిగిన నిర్ణయాత్మక మూడో వన్డేలో అర్ష్‌దీప్‌ సింగ్‌ (4/30), సంజూ శాంసన్‌ (108) చెలరేగడంతో టీమిండియా 78 పరుగుల తేడాతో గెలుపొంది, 2-1 తేడాతో సిరీస్‌ను కైవసం చేసుకుంది. ఈ మ్యాచ్‌లో తొలుత బ్యాటింగ్‌ చేసిన భారత్‌.. నిర్ణీత 50 ఓవర్లలో  8 వికెట్ల నష్టానికి 296 పరుగులు చేసింది. సంజూతో పాటు తిలక్‌ వర్మ (52) కూడా బాధ్యతాయుతమైన ఇన్నింగ్స్‌ ఆడాడు. ఆఖర్లో రింకూ సింగ్‌ (38) తనదైన స్టయిల్‌లో మెరుపులు మెరిపించాడు. అనంతరం ఛేదనకు దిగిన సౌతాఫ్రికా.. అర్ష్‌దీప్‌ సింగ్‌ , వాషింగ్టన్‌ సుందర్‌ (2/38), ఆవేశ్‌ ఖాన్‌ (2/45), అక్షర్‌ పటేల్‌ (1/48), ముకేశ్‌ కుమార్‌ (1/56) రాణించడంతో 45.5 ఓవర్లలో 218 పరుగులకు ఆలౌటై ఓటమిపాలైంది. 

వాండరర్స్‌ వేదికపై ఆఖరి టి20లో ధనాధన్‌ మెరుపులతో సునాయాసంగా 200 పైచిలుకు పరుగులు చేసిన భారత్‌... తర్వాత సఫారీ మెడకు స్పిన్‌ ఉచ్చు బిగించి మ్యాచ్‌ గెలిచింది. సిరీస్‌ను సమం చేసింది. మారని వేదికపై మారిన ఫార్మాట్‌లో అలాంటి విజయంతోనే టీమిండియా వన్డే సిరీస్‌లో శుభారంభం  చేసింది. అయితే ఇందులో ముందు  దక్షిణాఫ్రికాను కుప్ప కూల్చేసి తర్వాత సులువైన లక్ష్యాన్ని టీమిండియా చకచకా ఛేదించేసింది. ఈ గెలుపుతో భారత్‌ మూడు వన్డేల సిరీస్‌లో 1–0తో ఆధిక్యం సంపాదించింది. రెండో వన్డే రేపు పోర్ట్‌ ఎలిజబెత్‌లో జరుగుతుంది.   జొహన్నెస్‌బర్గ్‌: పేస్‌ బౌలర్లు అర్ష్ దీప్‌ సింగ్‌ (5/37), అవేశ్‌ ఖాన్‌ (4/27)ల అసాధారణ స్పెల్‌... అరంగేట్రం మ్యాచ్‌లోనే సాయి సుదర్శన్‌ (43 బంతుల్లో 55 నాటౌట్‌; 9 ఫోర్లు), సీనియర్‌ శ్రేయస్‌ అయ్యర్‌ (45 బంతుల్లో 52; 6 ఫోర్లు, 1 సిక్స్‌) అర్ధసెంచరీలు.. వెరసి దక్షిణాఫ్రికాతో వన్డే సిరీస్‌లో భారత్‌ 8 వికెట్ల తేడాతో గెలిచి శుభారంభం చేసింది. టాస్‌ గెలిచి బ్యాటింగ్‌ ఎంచుకున్న దక్షిణాఫ్రికా 27.3 ఓవర్లలో 116 పరుగులకే కుప్పకూలింది. ఎనిమిదో వరుసలో బ్యాటింగ్‌కు దిగిన ఫెలుక్వాయో (49 బంతుల్లో 33; 3 ఫోర్లు, 2 సిక్స్‌లు) టాప్‌ స్కోరర్‌! అనంతరం భారత్‌ 16.4 ఓవర్లలో రెండే వికెట్లు కోల్పోయి 117 పరుగులు చేసి గెలిచింది. కెరీర్‌లోని తొలి మూడు వన్డేల్లో ఒక్క వికెట్‌ కూడా తీయలేకపోయిన అర్ష్ దీప్‌ తన నాలుగో వన్డేలో ఏకంగా ఐదు వికెట్లు పడగొట్టి ‘ప్లేయర్‌ ఆఫ్‌ ద మ్యాచ్‌’ అవార్డు గెల్చుకున్నాడు. అంతేకాకుండా దక్షిణాఫ్రికాపై వన్డేల్లో ఐదు వికెట్లు తీసిన తొలి భారత పేస్‌ బౌలర్‌గా అర్ష్ దీప్‌ గుర్తింపు పొందాడు.   ఆ నలుగురితోనే...  ముందు బౌలింగ్‌లో ఆ తర్వాత బ్యాటింగ్‌లో ఇద్దరిద్దరు చేసిన ప్రదర్శనతో టీమిండియా గర్జించింది. టాస్‌ గెలవగానే బ్యాటింగ్‌కు దిగిన దక్షిణాఫ్రికాపై అర్ష్ దీప్‌ తన తొలిఓవర్‌ (ఇన్నింగ్స్‌ రెండో)లోనే చావుదెబ్బ తీశాడు. వరుస బంతుల్లో హెన్‌డ్రిక్స్‌ (0), డసెన్‌ (0)లను డకౌట్‌ చేశాడు. అడపాదడపా ఫోర్లు, సిక్స్‌లు కొడుతున్న మరో ఓపెనర్‌ టోని డి జోర్జి (28; 2 ఫోర్లు, 2 సిక్స్‌లు)ని కూడా అర్ష్ దీప్‌ అవుట్‌ చేయడంతో దక్షిణాఫ్రికా కుదేలైంది. ఆ తర్వాత పదో ఓవర్‌ ఆఖరి బంతికి క్లాసెన్‌ (6)నూ అతనే పెవిలియన్‌ చేర్చితే... 11వ ఓవర్‌ తొలి రెండు బంతుల్లో అవేశ్‌... మార్క్‌రమ్‌ (12), ముల్డర్‌ (0)లను పడగొట్టడంతో 52 పరుగులకే 6 వికెట్లను కోల్పోయింది. ఫెలుక్వాయో చేసిన ఆ కాస్త పోరాటంతో సఫారీ వంద పైచిలుకు స్కోరు చేయగలిగింది.  సాయి, అయ్యర్‌ ఫిఫ్టీ–ఫిఫ్టీ  రుతురాజ్‌ (5) విఫలమైనా... సాయి సుదర్శన్, శ్రేయస్‌ అయ్యర్‌ ఆతిథ్య బౌలర్లపై పరుగుల భరతం పట్టడంతో ఏ దశలోనూ భారత్‌కు ఇబ్బందే ఎదురవలేదు. ఇద్దరు బౌండరీలతో స్కోరు వేగాన్ని పెంచారు. ఈ క్రమంలోనే భారత్‌ 8.4 ఓవర్లో 50 పరుగుల్ని, 15.1 ఓవర్లో వంద పరుగుల్ని అధిగమించింది. 16వ ఓవర్లోనే సుదర్శన్‌ 41 బంతుల్లో... అయ్యర్‌ 44 బంతుల్లో అర్ధసెంచరీ పూర్తి చేసుకున్నారు. లక్ష్యానికి చేరువయ్యాక అయ్యర్‌ అవుటయ్యాడు. దీంతో రెండో వికెట్‌కు 88 పరుగుల భాగస్వామ్యం ముగిసింది. తిలక్‌ వర్మ  (1 నాటౌట్‌)తో సాయి సుదర్శన్‌ మిగతా  లాంఛనాన్ని పూర్తి చేశాడు.  253  భారత్‌ తరఫున వన్డేల్లో అరంగేట్రం చేసిన 253వ ప్లేయర్‌గా తమిళనాడుకు చెందిన 22 ఏళ్ల సాయి సుదర్శన్‌ గుర్తింపు పొందాడు.  116  స్వదేశంలో వన్డేల్లో దక్షిణాఫ్రికా జట్టుకిదే అత్యల్ప స్కోరు. 2018లో సెంచూరియన్‌లో భారత్‌పైనే దక్షిణాఫ్రికా 118 పరుగులకు ఆలౌటైంది.  17 భారత్‌ తరఫున అరంగేట్రం వన్డేలోనే అర్ధ సెంచరీ చేసిన 17వ ప్లేయర్‌గా సాయి సుదర్శన్‌ నిలిచాడు. 6 వన్డే మ్యాచ్‌లో ఇద్దరు భారత పేస్‌ బౌలర్లు నాలుగు అంత కంటే ఎక్కువ వికెట్ల చొప్పున తీయడం ఇది ఆరోసారి మాత్రమే.   స్కోరు వివరాలు  దక్షిణాఫ్రికా ఇన్నింగ్స్‌: హెన్‌డ్రిక్స్‌ (బి) అర్ష్ దీప్‌ 0; టోని (సి) రాహుల్‌ (బి) అర్ష్ దీప్‌ 28; డసెన్‌ (ఎల్బీడబ్ల్యూ) (బి) అర్ష్ దీప్‌ 0; మార్క్‌రమ్‌ (బి) అవేశ్‌ 12; క్లాసెన్‌ (బి) అర్ష్ దీప్‌ 6; మిల్లర్‌ (సి) రాహుల్‌ (బి) అవేశ్‌ 2; ముల్డర్‌ (ఎల్బీడబ్ల్యూ) (బి) అవేశ్‌ 0; ఫెలుక్వాయో (ఎల్బీడబ్ల్యూ) (బి) అర్ష్ దీప్‌ 33; కేశవ్‌ (సి) రుతురాజ్‌ (బి) అవేశ్‌ 4; బర్గర్‌ (బి) కుల్దీప్‌ 7; షమ్సీ (నాటౌట్‌) 11; ఎక్స్‌ట్రాలు 13; మొత్తం (27.3 ఓవర్లలో ఆలౌట్‌) 116. వికెట్ల పతనం: 1–3, 2–3, 3–42, 4–52, 5–52, 6–52, 7–58, 8–73, 9–101, 10–116. బౌలింగ్‌: ముకేశ్‌ 7–0–46–0, అర్ష్ దీప్‌ 10–0–37–5, అవేశ్‌ 8–3–27–4, కుల్దీప్‌ 2.3–0–3–1.  భారత్‌ ఇన్నింగ్స్‌: రుతురాజ్‌ (ఎల్బీడబ్ల్యూ) (బి) ముల్డర్‌ 5; సాయి సుదర్శన్‌ (నాటౌట్‌) 55; అయ్యర్‌ (సి) మిల్లర్‌ (బి) ఫెలుక్వాయో 52; తిలక్‌వర్మ (నాటౌట్‌) 1; ఎక్స్‌ట్రాలు 4; మొత్తం (16.4 ఓవర్లలో 2 వికెట్లకు) 117. వికెట్ల పతనం: 1–23, 2–111. బౌలింగ్‌: బర్గర్‌ 5.4–1–35–0, ముల్డర్‌ 4–0–26–1, కేశవ్‌ 3–0–19–0, షమ్సీ 3–0–22–0, ఫెలుక్వాయో 1–0–15–1. 

టీమిండియా పేసర్‌ అర్ష్‌దీప్‌ సింగ్‌ సరికొత్త చరిత్ర సృష్టించాడు. జొహనెస్‌బర్గ్‌ వేదికగా దక్షిణాఫ్రికాతో జరిగిన తొలి వన్డేలో 5 వికెట్ల ఘనతతో (10-0-37-5) విజృంభించిన ఈ పంజాబీ యువ పేసర్.. వన్డేల్లో దక్షిణాఫ్రికాపై ఆ దేశంలో ఐదు వికెట్ల ఘనత సాధించిన తొలి భారత పేసర్‌గా రికార్డుల్లోకెక్కాడు. అర్ష్‌దీప్‌కు ముందు సౌతాఫ్రికాపై పలువురు భారత బౌలర్లు ఐదు వికెట్ల ప్రదర్శన చేసినా వాళ్లంతా స్పిన్నర్లే కావడం గమనార్హం. 1999లో సునీల్‌ జోషి (5/6), 2018లో చహల్‌ (5/22), 2023లో రవీంద్ర జడేజా (5/33) సౌతాఫ్రికాపై ఐదు వికెట్ల ఘనత సాధించారు. వీరిలోనూ చహల్‌ ఒక్కడే సౌతాఫ్రికాపై ఆ దేశంలో ఐదు వికెట్ల ఘనత సాధించాడు.  మ్యాచ్‌ విషయానికొస్తే.. అర్ష్‌దీప్‌తో పాటు మరో పేసర్‌ ఆవేశ్‌ ఖాన్‌ (8-3-27-4) కూడా విజృంభించడంతో తొలుత బ్యాటింగ్‌ చేసిన సౌతాఫ్రికా 116 పరుగులకే కుప్పకూలింది. ఈ మ్యాచ్‌లో భారత పేస్‌ విభాగం గతంలో ఎన్నడూ లేని విధంగా 9 వికెట్లు పడగొట్టింది. 1993 మొహాలీలో, 2013 సెంచూరియన్‌లో జరిగిన వన్డేల్లో టీమిండియా పేసర్లు 8 వికెట్లు పడగొట్టగా.. తాజాగా అర్ష్‌దీప్‌, ఆవేశ్‌ ఖాన్‌ ఆ రికార్డులను అధిగమించి, నయా రికార్డు నెలకొల్పారు.  ఆడుతూ పాడుతూ లక్ష్యాన్ని ఛేదించిన భారత్‌.. 117 పరుగుల స్వల్ప లక్ష్యాన్ని ఛేదించేందుకు బరిలోకి దిగిన భారత్‌.. ఆడుతూపాడుతూ విజయతీరాలకు చేరింది. రుతురాజ్‌ (5) తక్కువ స్కోర్‌కే ఔటైనా.. అరంగేట్రం ఆటగాడు సాయి సుదర్శన్‌ (55 నాటౌట్‌), శ్రేయస్‌ అయ్యర్‌ (52) భారత్‌ను గెలిపించారు. టీమిండియా కేవలం 16.4 ఓవర్లలో 2 వికెట్లు మాత్రమే కోల్పోయి లక్ష్యాన్ని ఛేదించింది.  

దక్షిణాఫ్రికాపై టీమిండియా పేసర్లు చరిత్ర సృష్టించారు. గతంలో ఎన్నడూ లేని విధంగా భారత పేసర్లు ఓ మ్యాచ్‌లో (వన్డే) అత్యధికంగా 9 వికెట్లు పడగొట్టారు. 1993 మొహాలీలో, 2013 సెంచూరియన్‌లో జరిగిన వన్డేల్లో టీమిండియా పేస్‌ గన్స్‌ 8 వికెట్లు పడగొట్టగా.. తాజాగా భారత పేస్‌ ద్వయం అర్ష్‌దీప్‌ సింగ్‌ (10-0-37-5), ఆవేశ్‌ ఖాన్‌ (8-3-27-4) ఆ రికార్డులను అధిగమించి, నయా రికార్డు నెలకొల్పింది. 3 వన్డేల సిరీస్‌లో భాగంగా జొహనెస్‌బర్గ్‌ వేదికగా సౌతాఫ్రికాతో జరుగుతున్న తొలి మ్యాచ్‌లో భారత పేసర్లు ఈ రికార్డు నెలకొల్పారు.  మ్యాచ్ విషయానికొస్తే.. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన సౌతాఫ్రికా.. భారత పేస్‌ ద్వయం అర్ష్‌దీప్‌, ఆవేశ్‌ ఖాన్‌ నిప్పులు చెరగడంతో 27.3 ఓవర్లలో 116 పరుగులకే కుప్పకూలింది. కుల్దీప్‌ యాదవ్‌కు ఓ వికెట్‌ దక్కింది. సౌతాఫ్రికా ఇన్నింగ్స్‌లో​ జోర్జి (28), ఫెహ్లుక్వాయో (33), మార్క్రమ్‌ (12), తబ్రేజ్‌ షంషి (11 నాటౌట్‌) మాత్రమే రెండంకెల స్కోర్లు చేశారు. అనంతరం స్వల్ప ఛేదనకు దిగిన భారత్‌.. ఆడుతూపాడుతూ లక్ష్యం దిశగా సాగుతుంది. 9 ఓవర్ల తర్వాత  భారత్‌ రుతురాజ్‌ (5) వికెట్‌ కోల్పోయి 55 పరుగులు చేసింది. భారత్‌ విజయం సాధించాలంటే మరో 62 పరుగులు చేయాలి. రుతురాజ్‌ వికెట్‌ ముల్దర్‌కు దక్కింది.  

దక్షిణాఫ్రికాతో జరిగిన మూడో టీ20లో 106 పరుగుల తేడాతో ఘన విజయం సాధించిన విషయం తెలిసిందే. దీంతో మూడు మ్యాచ్‌ల సిరీస్‌ను 1-1తో డ్రాగా భారత జట్టు ముగించింది. కాగా మూడో టీ20 అనంతరం టీమిండియా స్టాండింగ్‌ కెప్టెన్‌ సూర్యకుమార్‌ యాదవ్‌.. పేసర్‌ అర్ష్‌దీప్‌ సింగ్‌పై కోపంతో ఊగిపోయాడు. టీమ్ ప్రయాణిస్తున్న బస్సులో అర్ష్‌‌దీప్‌ వైపు వేలు చూపిస్తూ సూర్య ఏదో అన్నాడు. అయితే సూర్య కోపానికి గల కారణమింటో మాత్రం తెలియదు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఇది చూసిన నెటిజన్లు సూర్య సరదగా అలా రియాక్ట్‌ అయివుంటాడని కామెంట్లు చేస్తున్నారు. కాగా మూడో టీ20లో సూర్య భాయ్‌ అద్భుతమైన సెంచరీతో చెలరేగిన సంగతి తెలసిందే. ఇక ప్రోటీస్‌తో టీ20 సిరీస్‌ను సమం చేసిన టీమిండియా.. ఇప్పుడు వన్డే సిరీస్‌కు సిద్దమవుతోంది. డిసెంబర్‌ 17న జోహన్నెస్‌బర్గ్ వేదికగా జరగనున్న తొలి వన్డేతో ఈ సిరీస్‌ ప్రారంభం కానుంది. కాగా ఈ సిరీస్‌లో భారత కెప్టెన్‌గా కేఎల్‌ రాహుల్‌ వ్యవహరించనుండగా.. దక్షిణాఫ్రికా సారథిగా మార్‌క్రమ్‌ బాధ్యతలు చేపట్టనున్నాడు. చదవండి: SA vs IND: ముంబై కెప్టెన్సీ నుంచి అవుట్‌.. దక్షిణాఫ్రికాకు బయలుదేరిన రోహిత్‌! వీడియో వైరల్‌

ఆస్ట్రేలియాతో ఆఖరి వరకు ఉత్కంఠ భరితంగా సాగిన ఐదో టీ20లో 6 పరుగుల తేడాతో టీమిండియా విజయం సాధించిన సంగతి తెలిసిందే. ఈ విజయంలో యువ పేసర్‌ అర్ష్‌దీప్‌ సింగ్‌ది కీలక పాత్ర. ఆఖరి ఓవర్‌లో ఆసీస్‌ విజయానికి కేవలం 10 పరుగులు మాత్రమే అవసరం. ఈ సమయంలో భారత కెప్టెన్‌ సూర్యకుమార్‌ యాదవ్‌ బంతిని అర్ష్‌దీప్‌ సింగ్‌ చేతికి ఇచ్చాడు. అయితే స్ట్రైక్‌లో మాథ్యూ వేడ్‌ వంటి హిట్టర్‌ ఉండడంతో కంగరూలదే గెలుపు అని అంతా భావించారు. కానీ అర్ష్‌దీప్‌ అందరి అంచానలను తలకిందులు చేస్తూ కేవలం 3 పరుగులు మాత్రమే ఇచ్చి జట్టుకు అద్భుతమైన విజయాన్ని అందించాడు. ఇక మ్యాచ్‌ అనంతరం తన ఆఖరి ఓవర్‌ అనుభవంపై అర్ష్‌దీప్‌ స్పందించాడు. కెప్టెన్‌ సూర్యకుమార్‌ తనకు ఎంతో సపోర్ట్‌గా నిలిచాడని అర్ష్‌దీప్‌ తెలిపాడు. నేను మొదటి ఓవర్లలో చాలా పరుగులు ఇచ్చాను. కానీ దేవుడు నాకు మరొక అవకాశం ఇచ్చాడు. కెప్టెన్‌తో పాటు సపోర్ట్‌ స్టాప్‌ కూడా నన్ను నమ్మి ఆఖరి ఓవర్‌ ఇచ్చారు. నిజం చెప్పాలంటే ఆ సమయంలో నాపై ఎటువంటి ఒత్తిడి లేదు. ఎందుకంటే సూర్య భాయ్‌ ముందే నా వద్దకు వచ్చి ఏమి జరగాలో అది జరుగుతుందని భయపడవద్దు అని చెప్పాడు. నా నేను కెరీర్‌లో చాలా పాఠాలు నేర్చుకొన్నాను. ఆ తర్వాత పుంజుకొన్నాను’ అని పోస్ట్‌ మ్యాచ్‌ ప్రేజేంటేషన్‌లో అర్ష్‌దీప్‌ పేర్కొన్నాడు. చదవండి: నాకు బౌలింగ్‌ చేయాలనుంది.. కానీ అదొక్కటే: శ్రేయస్‌ అయ్యర్‌

బెంగళూరు: ఈ సిరీస్‌లోనే తక్కువ స్కోర్ల అంతిమ సమరం ఆఖరికొచ్చేసరికి ఉత్కంఠ రేపింది. గెలుపు ఇరుజట్లను దోబూచులాడిన తరుణంలో భారత్‌ కట్టుదిట్టమైన బౌలింగ్‌తో గట్టెక్కింది. చివరిదైన ఐదో టి20 మ్యాచ్‌లో టీమిండియా 6 పరుగులతో ఆ్రస్టేలియాను ఓడించి సిరీస్‌ను 4–1తో ముగించింది. టాస్‌ ఓడి ముందుగా బ్యాటింగ్‌కు దిగిన భారత్‌ నిర్ణీత 20 ఓవర్లలో 8 వికెట్ల నష్టానికి 160 పరుగులు చేసింది. శ్రేయస్‌ అయ్యర్‌ (37 బంతుల్లో 53; 5 ఫోర్లు, 2 సిక్స్‌లు) అర్ధసెంచరీ సాధించగా, ఆఖర్లో ‘ప్లేయర్‌ ఆఫ్‌ ద మ్యాచ్‌’ అక్షర్‌ పటేల్‌ (21 బంతుల్లో 31; 2 ఫోర్లు, 1 సిక్స్‌) ధాటిగా ఆడాడు. ప్రత్యర్థి బౌలర్లలో బెహ్రెన్‌డార్ఫ్, డ్వార్‌షుయిస్‌ చెరో 2 వికెట్లు తీశారు. అనంతరం లక్ష్యఛేదనకు దిగిన ఆ్రస్టేలియా 20 ఓవర్లలో 8 వికెట్లు కోల్పోయి 154 పరుగులే చేసి ఓడింది. బెన్‌ మెక్‌డెర్మాట్‌ (36 బంతుల్లో 54; 5 సిక్సర్లు) రాణించాడు. ముకేశ్‌ (3/32), అర్ష్దీప్‌ (2/40) డెత్‌ ఓవర్ల లో నిప్పులు చెరిగారు. ‘ప్లేయర్‌ ఆఫ్‌ ద సిరీస్‌’ రవి బిష్ణోయ్‌ (2/29), అక్షర్‌ (1/14) బౌలింగ్‌ కూడా ఆస్ట్రేలియాను కట్టడి చేసింది.  ఆదుకున్న అయ్యర్‌  యశస్వి జైస్వాల్, రుతురాజ్‌లు ఆరంభంలో నెమ్మదించడంతో 3 ఓవర్లదాకా చెప్పుకోదగ్గ స్కోరేలేదు. ఎట్టకేలకు 4వ ఓవర్లో గైక్వాడ్‌ 4, జైస్వాల్‌ 4, 6 కొట్టి ఊపు తెచ్చారు. కానీ అదే ఓవర్లో యశస్వి (21), మరుసటి ఓవర్లో రుతురాజ్‌ (10) నిష్క్రమించడంతో పవర్‌ప్లేలో భారత్‌ 42/2 స్కోరు చేసింది. కాసేపటికే కెపె్టన్‌ సూర్యకుమార్‌ (5), రింకూ సింగ్‌ (6)లు సైతం అవుట్‌ కావడంతో 55 పరుగులకే కీలకమైన 4 వికెట్లు కోల్పోయిన భారత్‌ కష్టాల్లో పడింది. ఈ దశలో అనుభవజు్ఞడైన శ్రేయస్‌ అయ్యర్‌ బాధ్యతగా ఆడి గౌరవప్రదమైన స్కోరుకు బాటవేశాడు. జితేశ్‌ శర్మ (16 బంతుల్లో 24; 3 ఫోర్లు, 1 సిక్స్‌), అక్షర్‌ పటేల్‌లతో కలిసి జట్టు స్కోరును 150 పరుగులదాకా తీసుకొచ్చాడు. 36 బంతుల్లో ఫిఫ్టీ పూర్తిచేసుకొన్నాక అయ్యర్‌ అవుట్‌ కావడంతో డెత్‌ ఓవర్లలో ఆశించినన్ని  పరుగులు రాలేదు.   రాణించిన మెక్‌డెర్మాట్‌  ఆసీస్‌ పవర్‌ప్లేలోనే ఓపెనర్లు జోష్‌ ఫిలిప్‌ (4), హెడ్‌ (18 బంతుల్లో 28; 5 ఫోర్లు, 1 సిక్స్‌) వికెట్లను కోల్పోయింది. హార్డీ (6) కూడా చేతులెత్తేయగా... వన్‌డౌన్‌ బ్యాటర్‌ బెన్‌ మెక్‌డెర్మాట్‌ బాధ్యతగా ఆడాడు. టిమ్‌ డేవిడ్‌ (17; 1 సిక్స్‌)తో కలిసి జట్టు స్కోరును 100 పరుగులు దాటించాడు. తర్వాత కాసేపటికే డేవిడ్‌ అవుట్‌ కాగా... 34 బంతుల్లో అర్ధసెంచరీ పూర్తిచేసుకున్న మెక్‌డెర్మాట్‌ను ఊరించే ఫుల్‌టాస్‌ బంతితో అర్ష్దీప్‌ బోల్తా కొట్టించాడు. ముకేశ్‌ వరుస బంతుల్లో షార్ట్‌ (16), డ్వార్‌షుయిస్‌ (0)లను పెవిలియన్‌ చేర్చడంతో 129/7 స్కోరు వద్ద భారత్‌ పట్టుబిగించింది. 18 బంతుల్లో 32 పరుగులు చేయాల్సిన తరుణంలో అవేశ్‌ వేసిన 18వ మార్చేసింది. వేడ్‌ 3 వరుస బౌండరీలతో 15 పరుగులు వచ్చాయి. మళ్లీ ముకేశ్‌ 19వ ఓవర్లో 7 పరుగులే ఇచ్చి భారత్‌వైపు మొగ్గేలా చేశాడు. చివరకు ఆసీస్‌ విజయానికి 6 బంతుల్లో 10 పరుగులు కావాలి. ఉత్కంఠ తారస్థాయికి చేరగా అర్ష్దీప్‌ నిప్పులు చెరిగే బౌలింగ్‌తో వేడ్‌ (15 బంతుల్లో 22; 4 ఫోర్లు) వికెట్‌ తీసి కేవలం 3 పరుగులే ఇవ్వడంతో భారత్‌ గెలిచి ఊపిరి పీల్చుకుంది. స్కోరు వివరాలు భారత్‌ ఇన్నింగ్స్‌: యశస్వి (సి) ఎలిస్‌ (బి) బెహ్రెన్‌డార్ఫ్‌ 21; రుతురాజ్‌ (సి) బెహ్రెన్‌డార్ఫ్‌ (బి) డ్వార్‌షుయిస్‌ 10; అయ్యర్‌ (బి) ఎలిస్‌ 53; సూర్యకుమార్‌ (సి) మెక్‌డెర్మాట్‌ (బి) డ్వార్‌షుయిస్‌ 5; రింకూ సింగ్‌ (సి) డేవిడ్‌ (బి) సంఘా 6; జితేశ్‌ (సి) షార్ట్‌ (బి) హార్డీ 24; అక్షర్‌ (సి) హార్డీ (బి) బెహ్రెన్‌డార్ఫ్‌ 31; రవి బిష్ణోయ్‌ (రనౌట్‌) 2; అర్ష్దీప్‌ (నాటౌట్‌) 2; ఎక్స్‌ట్రాలు 6; మొత్తం (20 ఓవర్లలో 8 వికెట్లకు) 160. వికెట్ల పతనం: 1–33, 2–33, 3–46, 4–55, 5–97, 6–143, 7–156, 8–160. బౌలింగ్‌: హార్డీ 4–0–21–1, బెహ్రెన్‌డార్ఫ్‌ 4–0–38–2, డ్వార్‌షుయిస్‌ 4–0–30–2, నాథన్‌ ఎలిస్‌ 4–0–42–1, తన్విర్‌ సంఘా 4–0–26–1.  ఆ్రస్టేలియా ఇన్నింగ్స్‌: హెడ్‌ (బి) బిష్ణోయ్‌ 28; ఫిలిప్‌ (బి) ముకేశ్‌ 4; మెక్‌డెర్మాట్‌ (సి) రింకూ (బి) అర్ష్దీప్‌ 54; హార్డీ (సి) అయ్యర్‌ (బి) బిష్ణోయ్‌ 6; టిమ్‌ డేవిడ్‌ (సి) అవేశ్‌ (బి) అక్షర్‌ 17; షార్ట్‌ (సి) రుతురాజ్‌ (బి) ముకేశ్‌ 16; వేడ్‌ (సి) అయ్యర్‌ (బి) అర్ష్దీప్‌ 22; డ్వార్‌షుయిస్‌ (బి) ముకేశ్‌ 0; ఎలిస్‌ (నాటౌట్‌) 4; బెహ్రెన్‌డార్ఫ్‌ (నాటౌట్‌) 2; ఎక్స్‌ట్రాలు 1; మొత్తం (20 ఓవర్లలో 8 వికెట్లకు) 154. వికెట్ల పతనం: 1–22, 2–47, 3–55, 4–102, 5–116, 6–129, 7–129, 8–151. బౌలింగ్‌: అర్ష్దీప్‌ 4–0–40–2, అవేశ్‌ ఖాన్‌ 4–0–39–0, ముకేశ్‌ 4–0–32–3, రవి బిష్ణోయ్‌ 4–0–29–2, అక్షర్‌ 4–0–14–1. That winning feeling 👏 Captain Suryakumar Yadav collects the trophy as #TeamIndia win the T20I series 4⃣-1⃣ 🏆#INDvAUS | @IDFCFIRSTBank pic.twitter.com/IuQsRihlAI — BCCI (@BCCI) December 3, 2023

న్యూఢిల్లీ: ఢిల్లీలోని మయూర్‌ విహార్‌లో సోమవారం ఉదయం జరిగిన స్వల్ప ఎదురుకాల్పుల అనంతరం గ్యాంగ్‌స్టర్‌ అర్షదీప్‌ సింగ్‌ ముఠాకు చెందిన ఇద్దరు షార్ప్‌షూటర్లను అరెస్ట్‌ చేసినట్లు పోలీసులు తెలిపారు. వీరిని రాజ్‌ప్రీత్‌ సింగ్‌(25), వీరేంద్ర సింగ్‌(22)గా గుర్తించారు. పంజాబీ గాయకుడు ఎల్లీ మంగట్‌ను చంపేందుకు వీరు పథక రచన చేసినట్లు వెల్లడించారు. ఎన్‌కౌంటర్‌ సమయంలో అయిదు రౌండ్ల వరకు తుపాకీ కాల్పులు జరపగా, రెండు బుల్లెట్లు పోలీసు అధికారి బుల్లెట్‌ప్రూఫ్‌ జాకెట్‌ను తాకాయన్నారు. ప్రతిగా పోలీసులు ఆరు రౌండ్ల వరకు జరిపిన కాల్పుల్లో వీరేంద్ర సింగ్‌ కుడి కాలికి గాయమైంది. ఎన్‌కౌంటర్‌ అనంతరం నిందితులిద్దరినీ ఆస్పత్రికి తరలించి, చికిత్స చేయించామన్నారు. వీరి నుంచి రెండు రివాల్వర్లు, ఒక హ్యాండ్‌ గ్రెనేడ్, చోరీ చేసిన బైక్‌ను స్వాధీనం చేసుకున్నారు.

సయ్యద్‌ ముస్తాక్‌ అలీ ట్రోఫీ 2023లో టీమిండియా యువ చిచ్చరపిడుగు రింకూ సింగ్‌ విధ్వంసం సృష్టించాడు. పంజాబ్‌తో ఇవాళ (నవంబర్‌ 2) జరుగుతున్న క్వార్టర్‌ఫైనల్‌-1లో రింకూ ఆకాశమే హద్దుగా చెలరేగిపోయాడు. కేవలం 33 బంతుల్లో4 ఫోర్లు, 6 సిక్సర్ల సాయంతో అజేయమైన 77 పరుగులు చేశాడు. రింకూ విధ్వంసం ధాటికి పంజాబ్‌ ఆఖరి రెండు ఓవర్లలో 39 పరుగులు సమర్పించుకుంది. ఆఖరి ఓవర్లో రింకూ టీమిండియా సహచరుడు అర్షదీప్‌ సింగ్‌ను టార్గెట్‌ చేశాడు. ఈ ఓవర్లో రింకూ 3 సిక్సర్ల సాయంతో 23 పరుగులు పిండుకున్నాడు. రింకూ విధ్వంసం ధాటికి తొలుత బ్యాటింగ్‌ చేసిన ఉత్తర్‌ప్రదేశ్‌ నిర్ణీత 20 ఓవర్లలో 3 వికెట్ల నష్టానికి 169 పరుగులు చేసింది. రింకూతో పాటు సమీర్‌ రిజ్వి (29 బంతుల్లో 42 నాటౌట్‌; ఫోర్‌, 4 సిక్సర్లు) రాణించాడు. యూపీ ఇన్నింగ్స్‌లో గోస్వామి (16), కరణ్‌ శర్మ (14), నితీశ్‌ రాణా (17) తక్కువ స్కోర్లకే ఔటైనా సమీర్‌ అండతో రింకూ చెలరేగిపోయాడు. పంజాబ్‌ ఇన్నింగ్స్‌లో సిద్దార్థ్‌ కౌల్‌, హర్ప్రీత్‌ బ్రార్‌ తలో వికెట్‌ పడగొట్టగా.. నితీశ్‌ రాణా రనౌటయ్యాడు.  అనంతరం 170 పరుగుల లక్ష్యాన్ని ఛేదించేందుకు బరిలోకి దిగిన పంజాబ్‌ 12 ఓవర్లలో 3 వికెట్లు కోల్పోయి 81 పరుగులు చేసింది. అన్మోల్‌ప్రీత్‌ సింగ్‌ (42 నాటౌట్‌), నేహల్‌ వధేరా (21 నాటౌట్‌) క్రీజ్‌లో ఉన్నారు. పంజాబ్‌ ఇన్నింగ్స్‌లో అభిషేక్‌ శర్మ (12), ప్రభసిమ్రన్‌ సింగ్‌ (0), మన్‌దీప్‌ సింగ్‌ (1) నిరాశపరచగా.. అన్మోల్‌ప్రీత్‌, నేహల్‌ జట్టును గెలిపించేందుకు ప్రయత్నిస్తున్నారు. యూపీ బౌలర్లలో భువనేశ్వర్‌ కుమార్‌ పొదుపుగా (2 ఓవర్లలో 3 పరుగులు) బౌలింగ్‌ చేయడంతో పాటు 2 వికెట్లు పడగొట్టాడు. మోహిసిన్‌ ఖాన్‌కు మరో వికెట్‌ దక్కింది.

వన్డే ప్రపంచకప్‌కు ప్రకటించిన 15 మంది సభ్యుల భారత జట్టులో లెఫ్ట్మ్‌ ఆర్మ్‌ పేసర్‌ అర్ష్‌దీప్‌ సింగ్‌కు చోటు దక్కపోయిన సంగతి తెలిసిందే. గతేడాది వన్డేల్లో అంతర్జాతీయ అరంగేట్రం చేసిన అర్ష్‌దీప్‌ పెద్దగా అకట్టుకోలేదు. కానీ టీ20ల్లో మాత్రం అద్భుతమైన ప్రదర్శన కనబరుస్తున్నాడు. అయితే ప్రస్తుత భారత జట్టులో లెఫ్ట్మ్‌ ఆర్మ్‌ పేసర్లు మాత్రం తక్కువగా ఉన్నారు. ఇదే విషయంపై భారత మాజీ బౌలింగ్‌ కోచ్‌ అరుణ్‌ భరత్‌ ఆసక్తికర వాఖ్యలు చేశాడు. అర్ష్‌దీప్‌కు వరల్డ్‌కప్‌ జట్టులో చోటు దక్కకపోవడం తనకు ఆశ్చర్యం కలిగించందని భరత్‌ చెప్పుకొచ్చాడు. "నేను కోచింగ్‌ స్టాప్‌లో భాగంగా ఉన్నప్పుడు లెఫ్ట్‌ ఆర్మ్‌ ఫాస్ట్ బౌలర్లను తీసుకురావడానికి ప్రయత్నించాను. మేనెజ్‌మెంట్‌ కూడా దీనిపై తీవ్రంగా కృషి చేసింది. ఆ సమయంలో అర్ష్‌దీప్‌ రూపంలో మాకు అద్భుతమైన లెఫ్ట్‌ ఆర్మ్‌పేసర్‌ దొరికాడు.  తన ఆరంభంలో మెరుగైన ప్రదర్శన కూడా కనబరిచాడు. కానీ ఈ రోజు అతడికి జట్టులో చోటే లేదు. అతడిని ఎందుకు ఎంపిక చేయడం లేదో నాకు అర్ధం కావడం లేదు. అతడు యార్కర్లను బాగా బౌలింగ్ చేయగలడు. స్లో బంతులతో బ్యాటర్లను ముప్పుతిప్పలు పెట్టగలడు. అతడు వరల్డ్‌కప్‌ జట్టలో లేకపోవడం నన్ను ఆశ్చర్యపరిచింది. జట్టులో కనీసం ఒక లెఫ్ట్‌ ఆర్మ్‌ పేసర్‌ అయినా ఉండాల్సిందని క్రికెట్ బసు యూట్యూబ్‌ ఛానల్‌లో భరత్‌ పేర్కొన్నాడు. వరల్డ్‌కప్‌కు భారత జట్టు: రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్, సూర్యకుమార్ యాదవ్, తిలక్ వర్మ, ఇషాన్ కిషన్, హార్దిక్ పాండ్యా (వైస్ కెప్టెన్), రవీంద్ర జడేజా, అక్షర్ పటేల్, శార్దూల్ ఠాకూర్, జస్ప్రీత్ బుమ్రా, మహ్మద్ షమీ, మహ్మద్ సిరాజ్, కుల్దీప్ యాదవ్, ప్రసిద్ధ్ కృష్ణ చదవండి: జట్టులో అందరికంటే నాకే వర్క్‌లోడ్‌ ఎక్కువ.. ఎందుకంటే?: హార్దిక్‌

టీమిండియా ఫాస్ట్‌బౌలర్‌ అర్ష్‌దీప్‌ సింగ్‌ అరుదైన ఘనత సాధించాడు. టీ20ల్లో అత్యంతవేగంగా 50 వికెట్ల మైలురాయిని అందుకున్న భారత పేసర్‌గా అర్ష్‌దీప్‌ సింగ్‌ రికార్డులకెక్కాడు. డబ్లిన్‌ వేదికగా ఐర్లాండ్‌తో జరిగిన రెండో టీ20లో ఆండ్రూ బల్బిర్నీని ఔట్‌ చేసిన అర్ష్‌దీప్‌ ఈ అరుదైన రికార్డును తన పేరిట లిఖించుకున్నాడు. అర్ష్‌దీప్‌ తన 33వ టీ20 మ్యాచ్‌లోనే ఈ ఫీట్‌ను అందుకున్నాడు. అంతకుముందు ఈ రికార్డు భారత పేస్‌ గుర్రం జస్ప్రీత్ బుమ్రా పేరిట ఉండేది. బుమ్రా 41 మ్యాచ్‌ల్లో ఈ రికార్డు సాధించాడు. తాజా మ్యాచ్‌తో బుమ్రా రికార్డును అర్ష్‌దీప్‌ బద్దలు కొట్టాడు. అదే విధంగా ఓవరాల్‌గా ఈ ఘనత సాధించిన రెండో భారత బౌలర్‌ కూడా అర్ష్‌దీప్‌ కావడం గమానార్హం. అంతకుముందు వెటరన్‌ స్పిన్నర్‌ కుల్దీప్‌ యాదవ్‌ 30 మ్యాచ్‌ల్లోనే 50 వికెట్ల మైలు రాయిని అందుకున్నాడు. ఇక మ్యాచ్‌ విషయానికి వస్తే.. ఐర్లాండ్‌పై 33 పరుగుల తేడాతో టీమిండియా విజయం సాధించింది. దీంతో మరో మ్యాచ్‌ మ్యాచ్‌ మిగిలుండగానే సిరీస్‌ను 2–0తో కైవసం చేసుకుంది. ఈ మ్యాచ్‌లో యువ భారత్‌ ఆల్‌రౌండ్‌ షోతో అదరగొట్టింది. సిరీస్‌లోని చివరిదైన మూడో మ్యాచ్‌ ఈనెల 23న ఇదే వేదికపై జరుగుతుంది. చదవండి: #Rinku Singh: టీమిండియాకు నయా ఫినిషర్‌.. వారెవ్వా రింకూ! వీడియో వైరల్‌

వెస్టిండీస్‌తో టీ20 సిరీస్‌ కోల్పోయిన టీమిండియా.. ఇప్పుడు ఐర్లాండ్‌ సిరీస్‌పై కన్నేసింది. ఆదివారం డబ్లిన్‌ వేదికగా ఐర్లాండ్‌తో జరగనున్న రెండో టీ20లో విజయం సాధించి సిరీస్‌ను కైవసం చేసుకోవాలని భారత జట్టు భావిస్తోంది. ఇప్పటికే తొలి టీ20లో గెలుపొందిన టీమిండియా.. మూడు మ్యాచ్‌ల సిరీస్‌లో 1-0 ఆధిక్యంలో ఉంది. ఇ​క రెండో టీ20లో టీమిండియా ఒకే ఒక మార్పుతో బరిలోకి దిగనున్నట్లు తెలుస్తోంది. తొలి టీ20లో విఫలమైన అర్ష్‌దీప్‌ సింగ్‌పై వేటు వేయాలని జట్టు మెనెజ్‌మెంట్‌ నిర్ణయం తీసుకున్నట్లు సమాచారం. అతడి స్ధానంలో మరో పేసర్‌ అవేష్‌ ఖాన్‌కు అవకాశం ఇవ్వనున్నట్లు వార్తలు వినిపిస్తున్నాయి. కాగా తొలి మ్యాచ్‌లో అర్ష్‌దీప్‌ తన నాలుగు ఓవర్ల కోటాలో 35 పరుగులిచ్చి ఒక్క వికెట్‌ పడగొట్టాడు. ఇక బ్యాటింగ్‌లో టీమిండియా ఎటువంటి మార్పులు చేయకపోవచ్చు. ఒకవేళ జితీష్‌ శర్మకు అవకాశం ఇవ్వాలనకుంటే శాంసన్‌ను పక్కన పెట్టే ఛాన్స్‌ ఉంది. మరోవైపు ఐర్లాండ్‌ కూడా తమ జట్టులో ఒకే ఒక మార్పు చేయనున్నట్లు సమాచారం. ఆల్‌రౌండర్‌ డాక్రెల్‌ స్ధానంలో గ్రెత్‌ డెలానీకి ఛాన్స్‌ ఇవ్వాలని ఐరీష్‌ జట్టు మెనెజ్‌మెంట్‌ భావిస్తున్నట్లు పలు రిపోర్టులు పేర్కొంటున్నాయి. ఇక ఈ మ్యాచ్‌కు కూడా వర్షం అంతరాయం కలిగించే ఛాన్స్‌ ఉంది. తుది జట్లు(అంచనా) పాల్ స్టిర్లింగ్ (కెప్టెన్‌), ఆండ్రూ బల్బిర్నీ, లోర్కాన్ టక్కర్ (వికెట్‌ కీపర్‌), హ్యారీ టెక్టర్, కర్టిస్ కాంఫర్,గ్రెత్‌ డెలానీ, మార్క్ అడైర్, బారీ మెక్‌కార్తీ, క్రెయిగ్ యంగ్, జాషువా లిటిల్, బెంజమిన్ వైట్ భారత్‌: రుతురాజ్ గైక్వాడ్, యశస్వి జైస్వాల్, సంజు శాంసన్ (వికెట్‌ కీపర్‌), తిలక్ వర్మ, రింకూ సింగ్, శివమ్ దూబే, వాషింగ్టన్ సుందర్, ప్రసిద్ధ్ కృష్ణ, అవేష్‌ ఖాన్‌, జస్ప్రీత్ బుమ్రా (కెప్టెన్‌), రవి బిష్ణోయ్ చదవండి: World Cup 2023: వన్డే ప్రపంచకప్‌కు భారత జట్టు.. ఎవరూ ఊహించని ఆటగాడు ఎంట్రీ!

5 మ్యాచ్‌ల టీ20 సిరీస్‌లో భాగంగా టీమిండియాతో నిన్న (ఆగస్ట్‌ 13) జరిగిన నిర్ణయాత్మక ఐదో మ్యాచ్‌లో విండీస్‌ 8 వికెట్ల తేడాతో ఘన విజయం సాధించింది. తద్వారా 3-2 తేడాతో సిరీస్‌ను కైవసం చేసుకుంది. టీమిండియాపై దాదాపు 17 ఏళ్ల తర్వాత లభించిన విజయం (సిరీస్‌) కావడంతో విండీస్‌ ఆటగాళ్ల ఆనందానికి అవధుల్లేకుండా పోయాయి. ఈ విక్టరీని విండీస్‌ ప్లేయర్లు గ్రాండ్‌గా సెలబ్రేట్‌ చేసుకున్నారు. ఇటీవలి కాలంలో విండీస్‌కు ఈ స్థాయి విజయం దక్కడంతో ఆ దేశ మాజీలు సైతం రోవ్‌మన్‌ సేనపై ప్రశంసల వర్షం కురిపిస్తున్నారు. ముఖ్యంగా ప్లేయర్‌ ఆఫ్‌ సిరీస్‌గా నిలిచిన నికోలస్‌ పూరన్‌ను ఆకాశానికెత్తుతున్నారు. ఈ సిరీస్‌లో పూరన్‌ 141.94 స్ట్రయిక్‌ రేట్‌తో 176 పరుగులు చేసి తన జట్టు సాధించిన విజయాల్లో ప్రధాన పాత్ర పోషించాడు.  The after effects 😂 thank you brandon king and arsdeep. pic.twitter.com/7jOHS46NSr — NickyP (@nicholas_47) August 14, 2023 అయితే ఇంత చేసి తన జట్టుకు చిరస్మరణీయ సిరీస్‌ విజయాన్ని అందించిన పూరన్‌కు మాత్రం శారీరక ప్రశాంతత లభించలేదు. ఐదో టీ20 సందర్భంగా పూరన్‌ సహచరుడు బ్రాండన్‌ కింగ్‌, ప్రత్యర్ధి అర్షదీప్‌ సింగ్‌ ధాటికి గాయాలపాలయ్యాడు. నాన్‌ స్ట్రయికర్‌ ఎండ్‌లో ఉండగా కింగ్‌ కొట్టిన ఓ షాట్‌ నేరుగా వచ్చి పూరన్‌ ఎడమ చేతిని బలంగా తాకగా.. అతని చేయి విరిగినంత పనైయ్యింది. అప్పటికప్పుడు ఆ నొప్పి తెలియలేదు కానీ, మ్యాచ్‌ అనంతరం పరిశీలించగా.. గాయమైన భాగం పూర్తిగా కమిలిపోయి, బంతి అచ్చు కనిపించింది. పూరన్‌ ఇదే మ్యాచ్‌లో అర్షదీప్‌ బౌలింగ్‌లోనూ గాయపడ్డాడు. కింగ్‌ దెబ్బ మరువక ముందే అర్షదీప్‌ వేసిన ఓ వేగవంతమైన బంతి నేరుగా వచ్చి పూరన్‌  కడుపుపై బలంగా తాకింది. ఆ క్షణం పూరన్‌ నొప్పితో విలవిలలాడిపోయాడు. అయితే వెంటనే తేరుకుని తిరిగి బ్యాటింగ్‌ను కొనసాగించాడు. అయితే ఈ దెబ్బను సైతం మ్యాచ్‌ అనంతరం పరిశీలించగా.. గాయమైన ప్రాంతం పూర్తిగా కమిలిపోయి ఉండి, బంతి అచ్చు స్పష్టంగా కనిపించింది. ఈ దెబ్బలకు సంబంధించిన ఫోటోను పూరన్‌ మ్యాచ్‌ అనంతరం సోషల్‌మీడియాలో పోస్ట్‌ చేసి కింగ్‌, అర్షదీప్‌లను థ్యాంక్స్‌ చెప్పాడు. అనంతర ప్రభావాలు.. కింగ్‌, అర్షదీప్‌లను ధన్యవాదాలు అంటూ ఈ పోస్ట్‌కు క్యాప్షన్‌ జోడించాడు. ఈ ఫోటో ప్రస్తుతం నెట్టింట వైరలవుతుంది. Six or nothing for Nicholas Pooran 🔥 A power-packed start for the Calypso batter 👊#WIvIND #SabJawaabMilenge #JioCinema pic.twitter.com/DLKUNzRUZr — JioCinema (@JioCinema) August 13, 2023 ఇదిలా ఉంటే, ఈ గాయాలు తగిలిన అనంతరం కూడా పూరన్‌ తన బ్యాటింగ్‌ను కొనసాగించి, తన జట్టుకు చిరస్మరణీయ విజయాన్ని అందించాడు. కింగ్‌తో అతను రెండో వికెట్‌కు 107 పరుగుల భాగస్వామ్యాన్ని జోడించి తన జట్టు గెలుపుకు గట్టి పునాది వేశాడు. ఈ ఇన్నింగ్స్‌లో పూరన్‌ 35 బంతులు ఎదుర్కొని బౌండరీ, 4 సిక్సర్ల సాయంతో 47 పరుగులు చేశాడు, 85 పరుగులతో అజేయంగా నిలిచిన కింగ్‌.. షాయ్‌ హోప్‌ (22) సహకారంతో విండీస్‌ను విజయతీరాలకు చేర్చాడు. ఈ మ్యాచ్‌లో తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 9 వికెట్ల నష్టానికి 165 పరుగులు చేయగా.. విండీస్‌ మరో 2 ఓవర్లు మిగిలుండగానే విజయతీరాలకు చేరింది.  Whatever he touches turns to gold 👌🔥 Tilak Varma 👊 can't do no wrong as he picks up the big wicket of Nicholas Pooran ☝️ #WIvIND #SabJawaabMilenge #JioCinema pic.twitter.com/5lFHAP4lml — JioCinema (@JioCinema) August 13, 2023

West Indies vs India, 4th T20: వెస్టిండీస్‌తో నాలుగో టీ20లో టీమిండియా ఘన విజయం సాధించింది . శుభమాన్ గిల్ , యశస్వీ జైస్వాల్‌ల అద్భుత బ్యాటింగ్ ప్రదర్శనతో టీమిండియా వెస్టిండీస్ పై  సునాయాసంగా  విజయం సాధించింది. టీమిండియాతో నాలుగో టీ20లో వెస్టిండీస్‌ మంచి స్కోరు నమోదు చేసింది. నిర్ణీత 20 ఓవర్లలో 8 వికెట్ల నష్టానికి 178 పరుగులు చేసింది. షిమ్రన్‌ హెట్‌మెయిర్‌ 61 పరుగులతో టాప్‌ స్కోరర్‌గా నిలిచాడు. కాగా అమెరికాలోని ఫ్లోరిడాలో హార్దిక్‌ సేన.. రోవ్‌మన్‌ పావెల్‌ బృందం నాలుగో టీ20 మ్యాచ్‌లో తలపడుతున్నాయి. టాస్‌ గెలిచిన కరేబియన్‌ జట్టు తొలుత బ్యాటింగ్‌ ఎంచుకుంది. అర్ష్‌దీప్‌ సింగ్‌ ఆరంభంలోనే ఓపెనర్లు కైల్‌ మేయర్స్‌(17), బ్రాండన్‌ కింగ్‌(18)లను పెవిలియన్‌కు పంపాడు. వన్‌డౌన్‌ బ్యాటర్‌ షాయీ హోప్‌(45) జట్టును ఆదుకునే ప్రయత్నం చేయగా.. నికోలస్‌ పూరన్‌(1), రోవ్‌మన్‌ పావెల్‌(1)లను ఒకే ఓవర్లో కుల్దీప్‌ యాదవ్‌ అవుట్‌ చేశాడు. హోప్‌నకు తోడైన షిమ్రన్‌ హెట్‌మెయిర్‌(61) అర్ధ శతకంతో అండగా నిలిచాడు. వీరిద్దరి అద్భుత బ్యాటింగ్‌తో 8 వికెట్ల నష్టానికి 178 పరుగులు చేసింది వెస్టిండీస్‌. భారత బౌలర్లలో అర్ష్‌దీప్‌ సింగ్‌కు మూడు, కుల్దీప్‌నకు రెండు, చహల్‌, ముకేశ్‌ కుమార్‌, అక్షర్‌ పటేల్‌ ఒక్కో వికెట్‌ తమ ఖాతాలో వేసుకున్నారు. ఇదిలా ఉంటే.. ఐదు మ్యాచ్‌ల టీ20 సిరీస్‌లో కరేబియన్‌ జట్టు ఇప్పటికే 2-1తో ఆధిక్యంలో ఉంది. ఒకవేళ ఈ మ్యాచ్‌లో గనుక తేడా జరిగితే టీమిండియాకు ఘోర పరాభవం తప్పదు.  అయితే, బ్యాటింగ్‌ పిచ్‌పై 179 పరుగుల టార్గెట్‌ టీమిండియాకు పెద్ద సవాలు కాబోదని అభిమానులు ధీమాగా ఉన్నారు.  Arshdeep loves making these mini comebacks!#WIvIND #INDvWIAdFreeonFanCode pic.twitter.com/ksPeRQB4c2 — FanCode (@FanCode) August 12, 2023

West Indies vs India, 4th T20I: అమెరికాలోని ఫ్లోరిడా వేదికగా నాలుగో టీ20 ఆరంభంలోనే టీమిండియా యువ పేసర్‌ అర్ష్‌దీప్‌ సింగ్‌ వెస్టిండీస్‌కు షాకిచ్చాడు. టాస్‌ గెలిచి దూకుడుగా బ్యాటింగ్‌ మొదలెట్టిన కరేబియన్లకు రెండో ఓవర్‌లోనే తన పేస్‌ పదును రుచి చూపించాడు.7 బంతుల్లో 17 పరుగులతో జోరు మీదున్న ఓపెనర్‌ కైల్‌ మేయర్స్‌ను పెవిలియన్‌కు పంపాడు. ఓపెనర్ల పని పట్టి గంటకు 135 కిలోమీటర్ల వేగంతో దూసుకొచ్చిన బంతిని తప్పుగా అంచనా వేసిన మేయర్స్‌ వికెట్‌ కీపర్‌ క్యాచ్‌గా వెనుదిరిగాడు. ఇక ఈ మ్యాచ్‌లో రెండో వికెట్‌ను కూడా తన ఖాతాలోనే వేసుకున్నాడు అర్ష్‌దీప్‌. ఆరో ఓవర్‌ నాలుగో బంతికి మరో ఓపెనర్‌ బ్రాండన్‌ కింగ్‌(18)ను అవుట్‌ చేశాడు. Arshdeep loves making these mini comebacks!#WIvIND #INDvWIAdFreeonFanCode pic.twitter.com/ksPeRQB4c2 — FanCode (@FanCode) August 12, 2023 ఒకే ఓవర్లో రెండు వికెట్లు ఇదిలా ఉంటే.. టీమిండియా చైనామన్‌ స్పిన్నర్‌ కుల్దీప్‌ యాదవ్‌ సైతం అద్భుత బౌలింగ్‌తో అదరగొట్టాడు. ఒకే ఓవర్లో బిగ్‌ హిట్టర్లు నికోలస్‌ పూరన్‌(1), రోవ్‌మన్‌ పావెల్‌(1)ను పెవిలియన్‌కు పంపాడు. ఏడో ఓవర్‌ ఆరంభంలోనే గూగ్లీతో పూరన్‌ను బోల్తా కొట్టించగా.. సూర్యకుమార్‌ యాదవ్‌ బంతిని ఒడిసిపట్టడంలో ఎటువంటి జాప్యం చేయలేదు. Two wickets in the 1st over of the spell! Chahal in 1st T20I Kuldeep today 💪#WIvIND #INDvWIAdFreeonFanCode pic.twitter.com/Vos81nSMbx — FanCode (@FanCode) August 12, 2023 వైరల్‌ వీడియోలు దీంతో వెస్టిండీస్‌ మూడో వికెట్‌ కోల్పోయింది. అయితే, మూడు బంతుల వ్యవధిలోనే కరేబియన్‌ జట్టు కెప్టెన్‌ పావెల్‌ ఇచ్చిన క్యాచ్‌ను శుబ్‌మన్‌ గిల్‌ అందుకోవడంతో కుల్దీప్‌ ఖాతాలో రెండో వికెట్‌ చేరింది. ఇలా ఆదిలోనే వెస్టిండీస్‌ను దెబ్బ కొట్టిన టీమిండియా బౌలర్లు అర్ష్‌దీప్‌, కుల్దీప్‌ యాదవ్‌ల బౌలింగ్‌ విన్యాసాలకు సంబంధించిన వీడియోలు నెట్టింట వైరల్‌గా మారాయి. ఇక ఇప్పటికే ఐదు టీ20 మ్యాచ్‌ల సిరీస్‌లో వెస్టిండీస్‌ 2-1తో ఆధిక్యంలో ఉండగా.. ఫ్లోరిడాలో గెలిచి 2-2తో సమం చేయాలని హార్దిక్‌ సేన పట్టుదలగా ఉంది.  తుది జట్లు టీమిండియా: యశస్వి జైశ్వాల్‌, శుబ్‌మన్‌ గిల్, సూర్యకుమార్ యాదవ్, తిలక్ వర్మ, హార్దిక్ పాండ్యా(కెప్టెన్), సంజూ శాంసన్( వికెట్ కీపర్), అక్షర్ పటేల్, కుల్దీప్ యాదవ్, అర్ష్దీప్ సింగ్, యుజ్వేంద్ర చాహల్, ముకేష్ కుమార్. వెస్టిండీస్‌ బ్రాండన్ కింగ్, కైల్ మేయర్స్, షాయ్ హోప్, నికోలస్ పూరన్(వికెట్ కీపర్), రోవ్‌మన్‌ పావెల్(కెప్టెన్), షిమ్రన్ హెట్మైర్, జేసన్ హోల్డర్, రొమారియో షెపర్డ్, ఒడియన్ స్మిత్, అకీల్ హోసిన్, ఒబెడ్‌ మెకాయ్‌.

బార్బడోస్‌ వేదికగా గురువారం వెస్టిండీస్‌తో జరగనున్న తొలి వన్డేకు ముందు టీమిండియాకు గట్టి ఎదురుదెబ్బ తగిలింది. స్టార్‌ పేసర్‌ మహ్మద్‌ సిరాజ్‌ ఈ సిరీస్‌ మొత్తానికి దూరమయ్యాడు. వర్క్‌లోడ్‌ కారణంగా విండీస్‌తో వన్డే సిరీస్‌ నుంచి సిరాజ్‌ను బీసీసీఐ తప్పించింది. ఈ ఏడాది ఆసియాకప్‌, వన్డే ప్రపంచకప్‌ వంటి మెగా ఈవెంట్‌లు జరగనుండడంతో సిరాజ్‌కు విశ్రాంతి ఇవ్వాలని బీసీసీఐ నిర్ణయించుకున్నట్లు సమాచారం.  ఇక ఇప్పటికే అతడు టెస్టు జట్టు సభ్యులు రవిచంద్రన్ అశ్విన్,  అజింక్యా రహానే, కెఎస్‌ భరత్ వంటి సహచర ఆటగాళ్లతో స్వదేశానికి పయనమైనట్లు తెలుస్తోంది. కాగా విండీస్‌తో జరిగిన టెస్టు సిరీస్‌లో సిరాజ్‌ అదరగొట్టాడు. ముఖ్యంగా రెండో టెస్టు తొలి ఇన్నింగ్స్‌లో ఐదు వికెట్లు పడగొట్టి.. ప్లేయర్‌ ఆఫ్‌ది మ్యాచ్‌గా నిలిచాడు. ఇక తొలి వన్డేకు అతడి స్ధానంలో ముఖేష్‌ కుమార్‌కు చోటు దక్కే అవకాశం ఉంది. భారత జట్టులోకి అర్ష్‌దీప్‌ సింగ్‌.. ఇక విండీస్‌తో వన్డే సిరీస్‌కు దూరమైన సిరాజ్‌ స్ధానాన్ని యువ పేసర్‌ అర్ష్‌దీప్‌ సింగ్‌తో భర్తీ చేయాలని జట్టు మెనెజ్‌మెంట్‌ భావిస్తున్నట్లు సమాచారం. విండీస్‌తో టీ20 సిరీస్‌కు ఎంపికైన అర్ష్‌దీప్‌ ప్రస్తుతం కరేబియన్‌ దీవుల్లోనే ఉన్నాడు. ఈ క్రమంలో వన్డే జట్టులో కూడా అతడిని చేర్చాలని రోహిత్‌, ద్రవిడ్‌ నిర్ణయించుకున్నట్లు వార్తలు వినిపిస్తున్నాయి. అర్ష్‌దీప్‌ చివరగా 2022లో భారత్‌ తరపున వన్డేల్లో ఆడాడు. ఇప్పటివరకు మూడు వన్డేలు ఆడిన అర్ష్‌దీప్ ఒక్క వికెట్‌ కూడా పడగొట్టలేదు. అయితే ఇటీవల ఇంగ్లండ్‌ కౌంటీల్లో అద్బుతంగా రాణించడంతో మరోసారి అర్ష్‌దీప్‌కు పిలుపునివ్వనున్నట్లు తెలుస్తోంది. చదవండి: #Shai Hope: అతడు తిరిగొచ్చాడు.. మేమేంటో ప్రపంచానికి చూపిస్తాం.. గెలుపు మాదే!: విండీస్‌ కెప్టెన్‌

టీమిండియా వెటరన్‌ పేసర్‌ ఇషాంత్‌ శర్మ.. భారత టెస్ట్‌ జట్టు భవిష్యత్తు స్టార్‌ పేసర్లుగా ముగ్గురు పేర్లను ప్రకటించాడు. ముకేశ్‌ కుమార్‌, అర్షదీప్‌ సింగ్‌, ఉమ్రాన్‌ మాలిక్‌లు మున్ముందు టీమిండియా టెస్ట్‌ బౌలర్లు స్థిరపడతారని అభిప్రాయపడ్డాడు. ఈ ముగ్గురిని సాన పడితే టీమిండియా తరఫున అద్భుతాలు చేస్తారని ఆశాభావం వ్యక్తం చేశాడు. వీరిలో ముకేశ్‌ కుమార్‌పై మరింత ఫోకస్‌ పెడితే ప్రపంచంలోకెళ్లా మేటి బౌలర్‌గా అవతరిస్తాడని జోస్యం చెప్పాడు. ముకేశ్‌ కుమార్‌కు సరైన గైడెన్స్‌ ఇస్తే అతను ఏం చేయగలడో గమనించానని చెప్పిన ఇషాంత్‌.. తన ఢిల్లీ క్యాపటిల్స్‌ సహచర బౌలర్‌పై ప్రశంసల వర్షం కురిపించాడు. ముకేశ్‌ లాంటి అతి సాధారణ వ్యక్తిని తాను చూడలేదని, అతనిని ఫలానా డెలివరీ వేయమని అడిగితే, ఖచ్చితంగా అది వేయగల సమర్ధత అతని దగ్గరుందని అన్నాడు. ఒత్తిడిలో సైతం ముకేశ్‌ అద్భుతంగా బౌలింగ్‌ చేస్తాడని, అలాంటి సమయాల్లో అతను బంతిని నియంత్రణలో ఉంచుకోగలడని తెలిపాడు.  ఉమ్రాన్‌, అర్షదీప్‌ల విషయానికొస్తే.. వీరిని కొద్దిగా సానబడితే చాలా కాలం పాటు టీమిండియాకు సేవలందించగలరని చెప్పుకొచ్చాడు. ముఖ్యంగా ఈ ముగ్గురిని టెస్ట్‌ క్రికెట్‌ కోసం ప్రిపేర్‌ చేస్తే భారత పేస్‌ దళానికి మరో ఐదారేళ్ల పాటు ఢోకా ఉండదని అన్నాడు. ఈ విషయాలన్నిటినీ ఇషాంత్‌ రణ్‌వీర్‌ అలహాబాదియా యూట్యూబ్‌ పోడ్‌కాస్ట్‌లో విశ్లేషించాడు. ఇదిలా ఉంటే, త్వరలో జరుగనున్న వెస్టిండీస్‌ సిరీస్‌ కోసం ఎంపిక చేసిన భారత టెస్ట్‌, వన్డే జట్లలో ముకేశ్‌ కుమార్‌, ఉమ్రాన్‌ మాలిక్‌లకు చోటు దక్కించుకున్నారు. ఉమ్రాన్‌ కేవలం వన్డే జట్టుకు ఎంపిక కాగా.. ముకేశ్‌ కుమార్‌ రెండు జట్లలో చోటు దక్కించుకున్నాడు. సెలెక్టర్లు మహ్మద్‌ షమీకి రెస్ట్‌ ఇచ్చి మరీ ముకేశ్‌ కుమార్‌కు అవకాశం ఇచ్చారు. విండీస్‌ పర్యటనలో మహ్మద్‌ సిరాజ్‌ ఆధ్వర్యంలో జయదేవ్‌ ఉనద్కత్‌, శార్దూల్‌ ఠాకూర్‌, నవ్‌దీప్‌ సైనీలతో కూడిన టెస్ట్‌ జట్టులో ముకేశ్‌ సభ్యుడిగా ఉన్నాడు.

టీమిండియా పేసర్‌ అర్ష్‌దీప్‌ సింగ్‌కు మరోసారి సెలక్టర్లు మొండిచేయి చూపించారు. వెస్టిండీస్‌తో టెస్టు, వన్డే సిరీస్‌లకు భారత జట్టును ప్రకటించిన సెలక్టర్లు.. అర్ష్‌దీప్‌ సింగ్‌ను ఎంపిక చేయలేదు. అర్ష్‌దీప్‌ చివరగా వన్డేల్లో గతేడాది నవంబర్‌లో న్యూజిలాండ్‌పై ఆడాడు. కాగా అదే సిరీస్‌లో అర్ష్‌దీప్‌ వన్డేల్లో డెబ్యూ చేశాడు. తన వన్డే కెరీర్‌లో ఇప్పటివరకు మూడు మ్యాచ్‌లు ఆడిన అర్ష్‌దీప్‌ ఒక్క వికెట్‌ సాధించలేకపోయాడు. అయితే టీ20ల్లో మాత్రం ఈ లెఫ్ట్ఆర్మ్‌ పేసర్‌కు మంచి రికార్డు ఉంది. 26 టీ20 మ్యాచ్‌లు ఆడిన అర్ష్‌దీప్‌.. 8.4 ఏకానమితో 41 వికెట్లు పడగొట్టాడు. కాగా ఈ ఏడాది వన్డే ప్రపచంకప్‌ జరగనున్న నేపథ్యంలో  అర్ష్‌దీప్‌ వంటి స్పీడ్‌ స్టార్‌ను విండీస్‌తో వన్డేలకు ఎంపిక చేసి ఉంటే బాగుండేది అని చాలా మంది అభిప్రాయపడతున్నారు. డెత్‌ ఓవర్లలో అద్భుతంగా బౌలింగ్‌ చేసే సత్తా అర్ష్‌దీప్‌కు ఉంది.  విండీస్‌ సిరీస్‌కు ఎంపికైన ఉమ్రాన్‌ మాలిక్‌, జయదేవ్‌ ఉనద్కట్‌ వంటి పేసర్లతో పోలిస్తే అర్షదీప్‌ ఎంతో బెటర్‌ అని నెటిజన్లు సోషల్‌ మీడియాలో పోస్టులు చేస్తున్నారు. "మొదటలో యార్కర్ల కింగ్‌ అని ఆకాశానికి ఎత్తారు.. ఇప్పడమో ఏకంగా జట్టు నుంచి పక్కన పెట్టారని" ఓ యూజర్‌ ట్వీట్‌ చేశాడు. ఇక అర్షదీప్‌ ప్రస్తుతం ఇంగ్లండ్‌ కౌంటీల్లో బీజీబీజీగా ఉన్నాడు.  కౌంటీ ఛాంపియన్‌షిప్ డివిజన్ 1లో కెంట్‌ క్రికెట్‌ క్లబ్‌కు అర్ష్‌దీప్‌ ప్రాతినిధ్యం వహిస్తున్నాడు. చదవండి: IND vs WI: విండీస్‌తో టెస్టు సిరీస్‌.. రోహిత్‌ జోడిగా యశస్వీ జైశ్వాల్‌! మరి గిల్‌ సంగతి ఏంటి? A bit surprised to see no Arshdeep Singh in the Indian ODI squad. Jaydev Unadkat is the only left-arm pacer for the West Indies ODI series. Who would you rather have in your World Cup team this year- Arshdeep or Jaydev? — Nikhil Naz (@NikhilNaz) June 23, 2023

టీమిండియా యువ పేసర్‌ అర్ష్‌దీప్‌ సింగ్‌ ఇంగ్లండ్‌ కౌంటీల్లో కెంట్‌ తరపున అరంగేట్రం చేసిన సంగతి తెలిసిందే. ఈ క్రమంలో కౌంటీల్లో తన తొలి వికెట్‌ను అర్ష్‌దీప్‌ సాధించాడు. కాంటర్‌బరీ వేదికగా సర్రేతో జరుగుతున్న కౌంటీ ఛాంపియన్‌షిప్ డివిజన్ 1 మ్యాచ్‌లో బెన్ ఫోక్స్‌ను అవుట్ చేసిన అర్ష్‌దీప్.. మొదటి వికెట్‌ను తన ఖాతాలో వేసుకున్నాడు.  సర్రే ఇన్నింగ్స్‌ 22 ఓవర్‌లో అర్ష్‌దీప్‌ వేసిన ఆఖరి బంతికి బెన్ ఫోక్స్‌ ఢిపెన్స్‌ ఆడే ప్రయత్నం చేశాడు. ఈ క్రమంలో బంతి బ్యాట్‌కు మిస్స్‌ అయ్యి అతడి ప్యాడ్‌కు తాకింది. దీంతో బౌలర్‌తో పాటు ఫీల్డర్లు ఎల్బీకీ అప్పీల్‌ చేయడంతో అంపైర్‌ ఔట్‌ అని వేలుపైకెత్తాడు. ఇక​ ఈ మ్యాచ్‌లో ఇప్పటి వరకు 14. 2 ఓవర్లు బౌలింగ్‌ చేసిన అర్ష్‌దీప్‌.. 43 పరుగులిచ్చి 2 వికెట్లు పడగొట్టాడు. అర్ష్‌దీప్‌ తొలి వికెట్‌కు సంబంధించిన వీడియోను కెంట్‌ క్రికెట్‌ క్లబ్‌ ట్విటర్‌లో షేర్‌ చేసింది.ఇక పరిమిత ఓవర్ల క్రికెట్‌లో తనకంటూ ప్రత్యేక గుర్తుంపు తెచ్చుకున్న అర్ష్‌దీప్‌.. టెస్టుల్లో ఎంట్రీ ఇవ్వాలన్న పట్టుదలతో కౌంటీల్లో ఆడటానికి నిర్ణయించుకున్నాడు. అర్ష్‌దీప్‌ తిరిగి వెస్టిండీస్‌తో సిరీస్‌కు భారత జట్టులో వచ్చే అవకాశం ఉంది. చదవండి: #KLRahul: పేద విద్యార్థికి సాయం.. కేఎల్‌ రాహుల్‌ మంచి మనసు Arshdeep Singh has his first #LVCountyChamp wicket! The @KentCricket bowler gets one to nip back and dismisses Ben Foakes pic.twitter.com/RS4TTfAjut — LV= Insurance County Championship (@CountyChamp) June 12, 2023

ఐపీఎల్‌-2023లో భాగంగా ఈడెన్‌గార్డన్స్‌ వేదికగా ​కోల్‌కతా నైట్‌రైడర్స్‌తో జరిగిన మ్యాచ్‌లో 5 వికెట్ల తేడాతో పంజాబ్‌ కింగ్స్‌ ఓటమిపాలైంది. ఆఖరి వరకు అద్భుతంగా పోరాడిన పంజాబ్‌ కింగ్స్‌.. చివరి బంతికి ఓటమి చవిచూడల్సి వచ్చింది. అయితే ఈ మ్యాచ్‌ను ఆఖరి బంతి వరకు  తీసుకెళ్లిన పేసర్‌ అర్ష్‌దీప్‌ సింగ్‌పై పంజాబ్‌ కెప్టెన్ శిఖర్ ధావన్ ప్రశంసల వర్షం కురిపించాడు. చివరి ఓవర్‌లో కేకేఆర్‌ విజయానికి 6 పరుగులు అవసరమవ్వగా.. అర్ష్‌దీప్‌ అద్భుతంగా బౌలింగ్‌ చేశాడు. చివరి బంతికి రెండు పరుగులు కావల్సిన నేపథ్యంలో రింకూ సింగ్‌ ఫోర్‌ కోట్టి పంజాబ్‌ ఆశలపై నీళ్లు చల్లాడు. "ఈ మ్యాచ్‌లో ఓటమి చవిచూసినందుకు చాలా బాధగా ఉంది. ఈడెన్‌ వికెట్‌పై బ్యాటింగ్‌ చేయడం అంత ఈజీ కాదు. కానీ కేకేఆర్‌ మా కంటే బాగా ఆడారు. అయితే అర్ష్‌దీప్‌ సింగ్‌ మాత్రం అద్భుతమైన ప్రయత్నం చేశాడు. మ్యాచ్‌ను ఆఖరి బంతివరకు తీసుకువెళ్లాడు. కాబట్టి మేము ఓడిపోయినా క్రెడిట్‌ మాత్రం అర్ష్‌దీప్‌కు ఇవ్వాలని అనుకుంటున్నాను. లెఫ్ట్‌ ఆర్మ్‌ బ్యాటర్లను అడ్డుకునేందుకు మా జట్టులో మంచి హాఫ్‌ స్పిన్నర్లలు లేరు" అని పోస్ట్‌మ్యాచ్‌ ప్రేజేంటేషన్‌లో శిఖర్‌ ధావన్‌ పేర్కొన్నాడు. చదవండి: KKR VS PBKS: విజయానందంలో ఉన్న నితీశ్‌ రాణాకు భారీ షాక్‌

ఐపీఎల్‌-2023లో నిన్న మరో లాస్ట్‌ ఓవర్‌ థ్రిల్లర్‌ మ్యాచ్‌ జరిగింది. ఆఖరి ఓవర్‌లో కేకేఆర్‌ గెలుపుకు 6 పరుగులు అవసరం కాగా.. పంజాబ్‌ బౌలర్‌ అర్షదీప్‌ అద్భుతంగా బౌలింగ్‌ చేసి, చివరి బంతి వరకు కేకేఆర్‌కు విజయాన్ని దక్కనివ్వలేదు. అప్పటికి అర్షదీప్‌ తాను వేసిన 3 ఓవర్లలో 31 పరుగులు సమర్పించుకుని, అంచనాలు లేకుంగా బంతిని అందుకుని కేకేఆర్‌కు ముచ్చెమటలు పట్టించాడు.  తొలి బంతికి పరుగులేమీ ఇవ్వని అర్షదీప్‌.. రెండు, మూడు బంతులకు సింగిల్స్‌, నాలుగో బంతికి డబుల్‌, ఐదో బంతికి వికెట్‌ తీసి, కేకేఆర్‌ గెలుపుకు ఆఖరి బంతికి 2 పరుగులు చేసేలా సమీకరణలు మార్చేశాడు. అర్షదీప్‌ కసి చూసి కేకేఆర్‌ శిబిరంలో ఆందోళన మొదలైంది. అయితే స్ట్రయిక్‌లో రింకూ సింగ్‌ ఉండటంతో వారు విజయావకాశాలను సజీవంగా ఉంచుకున్నారు.  వారు ఊహించిన విధంగానే రింకూ సింగ్‌ ఆఖరి బంతిని బౌండరీకి తరలించి కేకేఆర్‌ను విజయతీరాలకు చేర్చాడు. ఈ మ్యాచ్‌లో గెలిచింది కేకేఆరే అయినప్పటికీ.. చేజారిందనుకున్న మ్యాచ్‌ను ఆఖరి బంతి వరకు తీసుకెళ్లిన అర్షదీప్‌ కోట్లాది మంది అభిమానుల మనసులను కొల్లగొట్టాడు. పంజాబ్‌ అభిమానులు తాము మ్యాచ్‌ కోల్పోయామన్న బాధను సైతం దిగమింగి అర్షదీప్‌ను ప్రశంసలతో ముంచెత్తుతున్నారు. అర్షదీప్‌ను డెత్‌ ఓవర్ల స్పెషలిస్ట్‌గా అభివర్ణిస్తూ కొనియాడుతున్నారు. అర్షదీప్‌ నామస్మరణతో ప్రస్తుతం సోషల్‌మీడియా హోరెత్తిపోతుంది.  కాగా, అర్షదీప్‌కు డెత్‌ ఓవర్ల స్పెషలిస్ట్‌గా కీర్తించబడటం ఇది కొత్తేమీ కాదు. గతంలో అతను పలు సందర్భాల్లో పంజాబ్‌తో టీమిండియాను గెలిపించాడు.. గెలిపించేందుకు విఫలయత్నం చేశాడు. కొన్ని సందర్భాల్లో అర్షదీప్‌ అద్భుతంగా బౌల్‌ చేసి గెలిపిస్తే, మరికొన్ని సందర్భాల్లో అర్షదీప్‌ అస్త్రాలు మిస్‌ ఫైరై జట్లు ఓటమిపాలయ్యాయి. ఈ సీజన్‌లో ముంబై ఇండియన్స్‌తో జరిగిన మ్యాచ్‌లోనూ అర్షదీప్‌ తన డెత్‌ ఓవర్‌ బౌలింగ్‌ స్కిల్స్‌తో పంజాబ్‌ను గెలిపించాడు.  ఇదిలా ఉంటే, పంజాబ్‌తో నిన్న (మే 8) జరిగిన మ్యాచ్‌లో కేకేఆర్‌ 5 వికెట్ల తేడాతో విజయం సాధించింది. తొలుత బ్యాటింగ్‌ చేసిన పంజాబ్‌.. శిఖర్‌ ధవన్‌ (47 బంతుల్లో 57;  9 ఫోర్లు,సిక్స్‌), ఆఖర్లో షారుక్‌ ఖాన్‌ (8 బంతుల్లో 21 నాటౌట్‌; 3 ఫోర్లు, సిక్స్‌) రాణించడంతో నిర్ణీత ఓవర్లలో 7 వికెట్ల నష్టానికి 179 పరుగులు చేయగా.. ఛేదనలో జేసన్‌ రాయ్‌ (24 బంతుల్లో 38; 8 ఫోర్లు), నితీశ్‌ రాణా (38 బంతుల్లో 51; ఫోర్‌, సిక్స్‌), ఆండ్రీ రసెల్‌ (23 బంతుల్లో 42; 3 ఫోర్లు, 3 సిక్సర్లు), రింకూ సింగ్‌ 10 బంతుల్లో 21 నాటౌట్‌; 2 ఫోర్లు, సిక్స్‌) చెలరేగడంతో కేకేఆర్‌ విజయం (20 ఓవర్లలో 5 వికెట్లు కోల్పోయి) సాధించింది. మ్యాచ్‌పై పట్టుసడలుతున్న తరుణంలో (ఆఖర్లో) రసెల్‌, రింకూ సింగ్‌ విధ్వంసకర ఇన్నింగ్స్‌లు ఆడి కేకేఆర్‌ను గెలిపించారు.  చదవండి: శ్రీలంక వేదికగా ఆసియా కప్‌.. పాపం పాకిస్తాన్‌!

ఐపీఎల్‌ 16వ సీజన్‌లో బుధవారం ముంబై ఇండియన్స్‌ పంజాబ్‌ కింగ్స్‌పై ఆరు వికెట్ల తేడాతో విజయం సాధించింది. 215 పరుగుల లక్ష్యాన్ని మరో ఏడు బంతులు మిగిలి ఉండగానే అందుకుంది. తిలక్‌ వర్మ 10 బంతుల్లో 26 పరుగులు నాటౌట్‌ చివర్లో దూకుడైన ఇన్నింగ్స్‌ ఆడి ముంబై విజయంలో కీలకపాత్ర పోషించాడు. అయితే ఇక్కడ మనం ఒక విషయం గమనించలేదు.  Photo: IPL Twitter అదేంటంటే తిలక్‌ వర్మ ముంబైని గెలిపించడంతో పాటు తన పాత పగను కూడా తీర్చుకున్నాడు. అర్ష్‌దీప్‌ బౌలింగ్‌ను చీల్చి చెండాడిన తిలక్‌ మూడు సిక్సర్లు, ఒక ఫోర్‌తో చుక్కలు చూపించాడు. ఇదే సీజన్‌లో పంజాబ్‌ కింగ్స్‌తో జరిగిన మ్యాచ్‌లో ముంబై ఇండియన్స్‌ అర్ష్‌దీప్‌ కారణంగా ఓడిపోయింది. ఆఖర్లో మూడు వికెట్లు తీసి ముంబై విజయాన్ని అడ్డుకున్నాడు. ఈ మ్యాచ్‌లో తిలక్‌ వర్మను క్లీన్‌బౌల్డ్‌ చేసిన అర్ష్‌దీప్‌ విజయనాదం చేస్తూ పెవిలియన్‌ వెళ్లు అన్నట్లుగా సైగ చేశాడు. ఇక ముంబై ఇండియన్స్‌ 13 పరుగుల తేడాతో పంజాబ్‌ చేతిలో ఓడింది. ఇది మనసులో ఉంచుకున్న తిలక్‌ సమయం వచ్చినప్పుడు తిరిగి ఇచ్చేయాలనుకున్నాడు.  అందుకే మళ్లీ అదే పంజాబ్‌తో మ్యాచ్‌లో ముంబై విజయానికి దగ్గరైన సమయంలో అర్ష్‌దీప్‌ వేసిన 18.5 ఓవర్లో విన్నింగ్‌ సిక్సర్‌ కొట్టిన తిలక్‌ తన సంతోషాన్ని కాస్త వైల్డ్‌గా సెలబ్రేట్‌ చేసుకున్నాడు. అచ్చం అర్ష్‌దీప్‌ను అనుకరిస్తూ తిలక్‌ చేసిన విజయనాదం సోషల్‌మీడియాలో వైరల్‌గా మారింది.  Revenge Done Ft. Tilak Varma ✅💙pic.twitter.com/RUV97PnSDT — Aryan45 🇮🇳 (@Iconic_Rohit) May 4, 2023 Highest chase at Mohali in #TATAIPL ✅ The first team to chase consecutive 200+ totals ✅ Take a bow, @mipaltan, for making history in style 🙌#PBKSvMI #IPL2023 #IPLonJioCinema pic.twitter.com/ZhQtl7hx3J — JioCinema (@JioCinema) May 3, 2023 చదవండి: ముంబై ఇండియన్స్‌కే సాధ్యం.. ఐపీఎల్‌ చరిత్రలో తొలిసారి

IPL 2023 PBKS Vs MI: సొంతమైదానంలో ముంబై ఇండియన్స్‌తో మ్యాచ్‌ పంజాబ్‌ కింగ్స్‌ పేసర్‌  అర్ష్‌దీప్‌ సింగ్‌కు పీడకలను మిగిల్చింది. మొహాలీ వేదికగా బుధవారం జరిగిన ఈ మ్యాచ్‌లో అర్ష్‌.. 3.5 ఓవర్లలో 66 పరుగులు ఇచ్చి కేవలం ఒకే ఒక వికెట్‌ తీశాడు. ఏకంగా 17.20 ఎకానమీతో చెత్త గణాంకాలు చేశాడు. స్థాయికి తగ్గట్లు రాణించలేక విమర్శలు మూటగట్టుకుంటున్నాడు. మంచి బౌలరే.. కానీ ఇదేంటి? ఈ నేపథ్యంలో టీమిండియా మాజీ వికెట్‌ కీపర్‌ బ్యాటర్‌ దీప్‌దాస్‌ గుప్తా అర్ష్‌దీప్‌ ఆట తీరును ప్రస్తావిస్తూ కీలక వ్యాఖ్యలు చేశాడు. అర్ష్‌ అద్భుత బౌలర్‌ అయినప్పటికీ.. ప్రతిసారి ధారాళంగా పరుగులు సమర్పించుకోవడం జట్టుకు ఇబ్బందికరంగా మారిందని పేర్కొన్నాడు. అతడి బౌలింగ్‌ విధానం చూస్తుంటే ఒత్తిడిలో కూరుకుపోయి.. ఆత్మవిశ్వాసం కోల్పోయినట్లుగా కనిపిస్తోందని వ్యాఖ్యానించాడు. ఆత్మవిశ్వాసం సన్నగిల్లి ‘‘పంజాబ్‌ బౌలింగ్‌ విభాగం ఆశించిన స్థాయిలో రాణించడం లేదు. గత మ్యాచ్‌ల ఫలితాలు ఇందుకు నిదర్శనం. పరిస్థితి ఇలాగే కొనసాగితే జట్టుకు ఇబ్బందులు తప్పవు. ముఖ్యంగా అర్ష్‌దీప్‌ లాంటి బౌలర్లు ధారాళంగా పరుగులు ఇవ్వడం తీవ్రంగా ప్రభావం చూపుతోంది. అతడు గత మ్యాచ్‌లలో కూడా ఇలాంటి ప్రదర్శనే కనబరిచాడు. అతడిలో ఆత్మవిశ్వాసం సన్నగిల్లినట్లు అనిపిస్తోంది. అయితే, ఇలాంటి ప్రతిభావంతుడైన ఆటగాడు తన నైపుణ్యాలకు పదునుపెడితే తిరిగి పుంజుకోగలడు. అతనొక్కడే కాదు నిజానికి అర్ష్‌దీప్‌ ఒక్కడే కాదు.. పంజాబ్‌ బౌలింగ్‌ విభాగం మొత్తం స్థాయికి తగ్గట్లు రాణించలేక చతికిలపడుతోంది’’ అని క్రిక్‌బజ్‌ షోలో దీప్‌దాస్‌ గుప్తా తన అభిప్రాయాలు పంచుకున్నాడు. కాగా ఐపీఎల్‌-2023లో భాగంగా మొహాలీ మ్యాచ్‌లో టాస్‌ ఓడి తొలుత బ్యాటింగ్‌కు దిగిన పంజాబ్‌ నిర్ణీత 20 ఓవర్లలో కేవలం 3 వికెట్లు నష్టపోయి 214 పరుగులు సాధించింది. వాళ్లిద్దరి అద్భుత బ్యాటింగ్‌తో కానీ బౌలర్ల చెత్త ప్రదర్శన కారణంగా భారీ స్కోరును సైతం కాపాడులేకపోయింది. రిషి ధావన్‌ కెప్టెన్‌ రోహిత్‌ శర్మను ఆరంభంలోనే అవుట్‌ చేసి శుభారంభం అందించినా.. మిగతా వాళ్లు దానిని కొనసాగించలేకపోయారు. ముంబై బ్యాటర్లు ఇషాన్‌ కిషన్‌, సూర్యకుమార్‌ యాదవ్‌, తిలక్‌ వర్మ దంచికొట్టడంతో ఏడు బంతులు మిగిలి ఉండగానే పంజాబ్‌ ఓటమి ఖరారైంది. ఎవరెలా? ఈ మ్యాచ్‌లో టాప్‌ స్కోరర్‌, ప్లేయర్‌ ఆఫ్‌ ది మ్యాచ్‌ ఇషాన్‌(75) వికెట్‌ను అర్ష్‌దీప్‌ తన ఖాతాలో వేసుకున్నాడు. ఇక అర్ష్‌ తర్వాత సామ్‌ కరన్‌ ఈ మ్యాచ్‌లో అత్యధిక పరుగులు ఇచ్చిన బౌలర్‌గా నిలిచాడు. 3 ఓవర్లలో అతడు ఏకంగా 41 పరుగులు ఇచ్చి ఒక్క వికెట్‌ కూడా తీయలేకపోయాడు. మిగిలిన వాళ్లలో రిషికి ఒకటి, నాథన్‌ ఎల్లిస్‌కు రెండు వికెట్లు దక్కాయి. ఇదిలా ఉంటే.. ఐపీఎల్‌-2023లో అర్ష్‌దీప్‌ ఇప్పటి వరకు ఆడిన 10 మ్యాచ్‌లలో 361 పరుగులు ఇచ్చి 16 వికెట్లు పడగొట్టాడు. అత్యధిక వికెట్ల వీరుల జాబితాలో మూడోస్థానంలో కొనసాగుతున్నాడు. చదవండి: Virat Kohli: ఇప్పట్లో చల్లారేలా లేదు! కోహ్లి మరో పోస్ట్‌ వైరల్‌! రియల్‌ బాస్‌ ఎవరంటే! తన బ్యాటింగ్‌ పవర్‌ ఎలాంటిదో మరోసారి చూశాం.. కానీ: రోహిత్‌ The match winning 102M six by Tilak Varma against Arshdeep Singh. What a talent he is! ❤️#PBKSvMIpic.twitter.com/hLnfrPINnr — Sexy Cricket Shots (@sexycricketshot) May 3, 2023 That's that from Match 46.@mipaltan register a 6-wicket win against #PBKS to add to crucial points to their tally.#MI chase down the target in 18.5 overs. Scorecard - https://t.co/IPLsfnImuP #TATAIPL #PBKSvMI #IPL2023 pic.twitter.com/SeKR48s9Vv — IndianPremierLeague (@IPL) May 3, 2023 var request = 'https://www.sakshi.com/knowwidget/kwstr_4031445617.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్‌ 16వ సీజన్‌లో ముంబై ఇండియన్స్‌ మరో విజయాన్ని నమోదు చేసింది. బుధవారం పంజాబ్‌ కింగ్స్‌తో మ్యాచ్‌లో ముంబై ఆరు వికెట్ల తేడాతో ఘన విజయాన్ని అందుకుంది. కొండంత లక్ష్యం ముందున్న ఏ మాత్రం బెదరని సూర్యకుమార్‌, ఇషాన్‌ కిషన్‌లు పంజాబ్‌ బౌలింగ్‌ను చీల్చి చెండాడారు. ఒక దశలో 15 ఓవర్లలోనే మ్యాచ్‌ పూర్తవుతుందా అన్న సందేహం కలిగింది. ఇక మ్యాచ్‌లో పంజాబ్‌ బౌలర్‌ అర్ష్‌దీప్‌ సింగ్‌ అత్యంత చెత్త గణాంకాలు నమోదు చేశాడు. 3.5 ఓవర్లలో 66 పరుగులిచ్చి ఒక వికెట్‌ తీశాడు. ఐపీఎల్‌లో అర్ష్‌దీప్‌కు మోస్ట్‌ Expensive స్పెల్‌ ఇదే. ఇక ఈ సీజన్‌లో అర్ష్‌దీప్‌ వరుసగా మూడో మ్యాచ్‌లోనూ ఫిఫ్టీ ప్లస్‌ రన్స్‌ ఇవ్వడం గమనార్హం. ఈ చెత్త ఫీట్‌ను నమోదు చేయడం అర్ష్‌దీప్‌కు ఐపీఎల్‌లో ఇది రెండోసారి. ముంబై ఇండియన్స్‌ బౌలర్‌ జోఫ్రా ఆర్చర్‌.. పంజాబ్‌ ఇన్నింగ్స్‌ సమయంలో 4 ఓవర్లలో 56 పరుగులిచ్చి ఒక్క వికెట్‌ తీయలేకపోయాడు. తాజాగా చెత్త బౌలింగ్‌తో అర్ష్‌దీప్‌ ఆర్చర్‌ను మించిపోయాడు. The match winning 102M six by Tilak Varma against Arshdeep Singh. What a talent he is! pic.twitter.com/aFUt7UZm7g — Mufaddal Vohra (@mufaddal_vohra) May 3, 2023 Arshdeep Paaji 😔😔😔 pic.twitter.com/Z7kd1lfQhP — Devansh// (@mr_lehsun) May 3, 2023 చదవండి: PBKS Vs MI: ముంబై ప్రతీకారం.. పంజాబ్‌ కింగ్స్‌పై ఘన విజయం

ఐపీఎల్‌-2023లో భాగంగా ముంబై ఇండియన్స్‌తో జరిగిన మ్యాచ్‌లో పంజాబ్‌ కిం‍గ్స్‌ 13 పరుగుల తేడాతో విజయం సాధించింది. ఈ విజయంలో పంజాబ్‌ పేసర్‌ అర్ష్‌దీప్‌ సింగ్‌ కీలక పాత్ర పోషించాడు. ముంబై విజయానికి ఆఖరి ఓవర్‌లో 16 పరుగులు కావల్సిన నేపథ్యంలో పంజాబ్‌ కెప్టెన్‌ సామ్‌ కుర్రాన్‌ బంతిని అర్ష్‌దీప్‌ చేతికి ఇచ్చాడు. ఆఖరి ఓవర్‌ వేసిన అర్ష్‌దీప్‌ కేవలం 2 పరుగులు మాత్రమే ఇచ్చి తమ జట్టుకు చిరస్మరణీయ విజయాన్ని అందించాడు. ఈ ఓవర్‌లో రెండు వికెట్ల అర్ష్‌దీప్‌ రెండు వికెట్లు కూడా పడగొట్టాడు. ముంబై తిలక్‌ వర్మ, వధేరాలను బౌల్డ్‌ చేశాడు. అయితే అర్ష్‌దీప్‌ వేసిన యార్కర్ల ధాటికి రెండు సందర్భాల్లోనూ మిడిల్‌ స్టంప్‌ విరిగి పోవడం విశేషం. అయితే అర్ష్‌దీప్‌ దెబ్బకు బీసీసీఐకి రూ. లక్షల్లో నష్టం వాటిల్లింది. ఐపీఎల్‌లో జింగ్ బెయిల్స్ స్టంప్స్‌ను వాడుతున్న సంగతి తెలిసిందే. ఒక్కో వికెట్‌ సెట్‌ ఖరీదు దాదాపు 48 వేల డాలర్లు. అంటే భారత కరెన్సీలో సూమారు రూ. 40లక్షల అన్నమాట. అయితే ఇటువంటి సందర్భాల్లో వికెట్‌ సెట్‌మొత్తం మార్చేయాల్సి వస్తుంది. రెండు సార్లు అర్ష్‌దీప్‌ స్టంప్‌ను బ్రేక్ చేశాడు కాబట్టి బీసీసీ రూ. 80లక్షలు నష్టం వచ్చినట్లే అని చెప్పుకోవాలి. "ఒక జత స్టంప్‌ల ధర సుమారు 48,000 డాలర్లు. ఇవి ఒక సెట్‌గా వస్తాయి. కాబట్టి ఒక స్టంప్ కూడా పాడైతే, సెట్ మొత్తం పనికిరాకుండా పోతుంది" అని న్యూజిలాండ్‌ బే ఓవల్ స్టేడియం అధికారి ఒకరు హిందూస్తాన్‌ టైమ్స్‌తో పేర్కొన్నాడు. చదవండి: IPL 2023: రోహిత్‌ చేసిన తప్పు అదే.. పాపం అర్జున్‌ బలైపోయాడు! వీడియో వైరల్‌ Stump breaker, Game changer! Remember to switch to Stump Cam when Arshdeep Akram bowls 😄#MIvPBKS #IPLonJioCinema #IPL2023 #TATAIPL | @arshdeepsinghh pic.twitter.com/ZnpuNzeF7x — JioCinema (@JioCinema) April 22, 2023

పంజాబ్‌ కింగ్స్‌ బౌలర్‌ అర్ష్‌దీప్‌ సింగ్‌ భయంకరమైన బౌలింగ్‌తో ప్రత్యర్థులను బెంబేలెత్తిస్తున్నాడు. అతని బౌలింగ్‌లో ఉన్న స్పీడు దాటికి వికెట్లు కూడా విరిగిపోతున్నాయి. తాజాగా ముంబై ఇండియన్స్‌తో మ్యాచ్‌లో అర్ష్‌దీప్‌ బౌలింగ్‌ వేగానికి రెండుసార్లు అంపైర్లు కొత్త వికెట్లు తేవాల్సి వచ్చింది. విషయంలోకి వెళితే.. ముంబై ఇండియన్స్‌ ఇన్నింగ్స్‌ ఆఖరి ఓవర్‌ అర్ష్‌దీప్‌ వేశాడు. ముంబై విజయానికి ఆరు బంతుల్లో 16 పరుగులు కావాలి.. అయితే ఒత్తిడిలోనూ అర్ష్‌దీప్‌ సూపర్‌గా బౌలింగ్‌ వేశాడు. ఓవర్‌ మూడో బంతికి తిలక్‌ వర్మను క్లీన్‌బౌల్డ్‌ చేశాడు. అతని బౌలింగ్‌ వేగం దాటికి మిడిల్‌ స్టంప్‌ ఎగిరి రెండు ముక్కలయింది. దీంతో అంపైర్‌ కొత్త స్టంప్‌ పెట్టాడు. అయితే ఆ తర్వాతి బంతికే అర్ష్‌దీప్‌ నెహాల్‌ వదేరాను క్లీన్‌బౌల్డ్‌ చేశాడు. దీంతో మరోసారి మిడిల్‌ స్టంప్‌ ఎగిరి రెండు ముక్కలయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇది చూసిన అభిమానులు వామ్మో.. అర్ష్‌దీప్‌తో జాగ్రత్తగా ఉండండి.. అక్కడ వికెట్లు విరిగిపోతున్నాయ్‌. అంటూ కామెంట్‌ చేశారు. Stump breaker, Game changer! Remember to switch to Stump Cam when Arshdeep Akram bowls 😄#MIvPBKS #IPLonJioCinema #IPL2023 #TATAIPL | @arshdeepsinghh pic.twitter.com/ZnpuNzeF7x — JioCinema (@JioCinema) April 22, 2023

కెంట్‌: భారత లెఫ్టార్మ్‌ పేసర్‌ అర్షదీప్‌ సింగ్‌ వచ్చే సీజన్‌లో ఐదు మ్యాచ్‌లలో ‘కెంట్‌’ కౌంటీకి ప్రాతినిధ్యం వహిస్తాడు. అర్షదీప్‌ భారత్‌ తరపున 3 వన్డేలు, 26 టి20ల్లో ఆడాడు. భవిష్యత్తులో భారత టెస్టు జట్టులో అవకాశాల కోసం ఫస్ట్‌క్లాస్‌ క్రికెట్‌ ఆడమని, కౌంటీలు ఆడితే ప్రదర్శన మెరుగవుతుందని కోచ్‌ ద్రవిడ్‌ చేసిన సూచనతో అతను కౌంటీ క్రికెట్‌ వైపు వెళుతున్నాడు. అర్షదీప్‌.. కెంట్‌ తరఫున ఆడనున్న నాలుగో భారత క్రికెటర్‌గా రికార్డుల్లోకెక్కనున్నాడు. 

ఐసీసీ తాజాగా (ఫిబ్రవరి 8) విడుదల చేసిన టీ20 ర్యాంకింగ్స్‌లో టీమిండియా ఆటగాళ్లు సత్తా చాటారు. న్యూజిలాండ్‌పై సిరీస్‌ విక్టరీ (2-1) సాధించడంతో భారత ఆటగాళ్ల ర్యాంక్‌లు అమాంతం పెరిగిపోయాయి. యువ సంచలనం శుభ్‌మన్‌ గిల్‌ ఏకంగా 168 స్థానాలు ఎగబాకి 30 స్థానానికి చేరుకోగా.. ఆల్‌రౌండర్ల విభాగంలో హార్ధిక్‌ పాండ్యా అగ్రస్థానానికి అతి చేరువలో రెండో స్థానంలో ఉన్నాడు. కివీస్‌తో సిరీస్‌లో పర్వాలేదనిపించిన అర్షదీప్‌ సింగ్‌ 8 స్థానాలు ఎగబాకి 13వ స్థానానికి చేరుకున్నాడు. టీమిండియా విధ్వంసకర ఆటగాడు, మిస్టర్‌ 360 డిగ్రీస్‌ ప్లేయర్‌ సూర్యకుమార్‌ యాదవ్‌ బ్యాటింగ్‌ విభాగంలో అగ్రస్థానంలో కొనసాగుతుండగా.. బౌలింగ్‌లో రషీద్‌ ఖాన్‌, ఆల్‌రౌండర్ల విభాగంలో షకీబ్‌ అల్‌ హసన్‌ టాప్‌ ర్యాంక్‌ల్లో కొనసాగుతున్నారు. బ్యాటింగ్‌ విభాగంలో టీమిండియా ఆటగాళ్లు విరాట్‌ కోహ్లి ఒక స్థానం దిగజారగా (14 నుంచి 15), కేఎల్‌ రాహుల్‌ 2 స్థానాలు దిగజారి 27కు, కెప్టెన్‌ రోహిత్‌ శర్మ ఒక స్థానం దిగజారి 28 నుంచి 29 స్థానానికి చేరుకున్నాడు. టాప్‌ 30లో మొత్తంగా ఐదుగురు టీమిండియా ఆటగాళ్లు ఉన్నారు. సూర్యకుమార్‌ తర్వాత మహ్మద్‌ రిజ్వాన్‌, బాబర్‌ ఆజమ్‌, డెవాన్‌ కాన్డే, డేవిడ్‌ మలాన్‌, రిలీ రొస్సో, ఆరోన్‌ ఫించ్‌ గ్లెన్‌ ఫిలిప్స్‌, అలెక్స్‌ హేల్స్‌ టాప్‌-10లో ఉన్నారు.  బౌలింగ్‌ కేటగిరి టాప్‌-30లో నలుగురు టీమిండియా ఆటగాళ్లు ఉన్నారు. అర్షదీప్‌ 13, భువనేశ్వర్‌ కుమార్‌ 21, అశ్విన్‌ 29, అక్షర్‌ పటేల్‌ 30వ స్థానంలో నిలిచారు. రషీద్‌ తర్వాత వనిందు హసరంగ, ఆదిల్‌ రషీద్‌, జోష్‌ హేజిల్‌వుడ్‌, సామ్‌ కర్రన్‌, తబ్రేజ్‌ షంషి, ఆడమ్‌ జంపా, ముజీబుర్‌ రెహ్మాన్‌, అన్రిచ్‌ నోర్జే, మిచెల్‌ సాంట్నర్‌ టాప్‌-10లో ఉన్నారు. ఆల్‌రౌండర్ల విభాగంలో షకీబ్‌, హార్ధిక్‌ తర్వాత మహ్మద్‌ నబీ, హసరంగ, జెజె స్మిట్‌, సికందర్‌ రజా, డేవిడ్‌ వీస్‌, స్టొయినిస్‌, మొయిన్‌ అలీ, మ్యాక్స్‌వెల్‌ టాప్‌-10లో ఉన్నారు. ఇదిలా ఉంటే, టీమిండియా ఆటగాడు సూర్యకుమార్‌ యాదవ్‌ ఆల్‌టైమ్‌ బెస్ట్‌ రేటింగ్‌ పాయింట్లు సాధించడానికి మరో 9 పాయింట్లు దూరంలో ఉన్నాడు. ప్రస్తుతం​ స్కై ఖాతాలో 906 పాయింట్లు, ఉండగా ఆల్‌టైమ్‌ బెస్ట్‌ రేటింగ్‌ పాయింట్లు డేవిడ్‌ మలాన్‌ పేరిట ఉన్నాయి. మలాన్‌ 2020లో 915 రేటింగ్‌ పాయింట్లు సాధించాడు. ఇక ఆల్‌రౌండర్ల విభాగంలో హార్ధిక్‌ పాండ్యా అగ్రస్థానానికి చేరుకునేందుకు మరో 2 రేటింగ్‌ పాయింట్ల దూరంలో ఉన్నాడు.  

లక్నో: భారత్‌ విజయలక్ష్యం 100 పరుగులు... పిచ్‌ ఎలా ఉన్నా ఇది మన లైనప్‌కు సులువైన లక్ష్యంలాగే అనిపించింది... కానీ న్యూజిలాండ్‌ అంత సులువుగా ఓటమిని అంగీకరించలేదు. చివరి వరకు పోరాడింది. ఎట్టకేలకు ఒక బంతి మిగిలి ఉండగా మ్యాచ్‌ను ముగించి భారత్‌ ఊపిరి పీల్చుకుంది. రెగ్యులర్, పార్ట్‌టైమ్‌ స్పిన్నర్లు కూడా హవా చూపించిన రెండో టి20 మ్యాచ్‌లో భారత్‌ 6 వికెట్ల తేడాతో న్యూజిలాండ్‌ను ఓడించింది. టాస్‌ గెలిచి బ్యాటింగ్‌కు దిగిన కివీస్‌ 20 ఓవర్లలో 8 వికెట్ల నష్టానికి 99 పరుగులు చేసింది. మిచెల్‌ సాన్‌ట్నర్‌ (19 నాటౌట్‌)దే అత్యధిక స్కోరు కాగా... అర్‌‡్షదీప్‌ 2 వికెట్లు పడగొట్టాడు. అనంతరం భారత్‌ 19.5 ఓవర్లలో 4 వికెట్లకు 101 పరుగులు చేసింది. కఠిన పరిస్థితుల్లో తన శైలికి భిన్నంగా ఆడిన ‘ప్లేయర్‌ ఆఫ్‌ ద మ్యాచ్‌’ సూర్యకుమార్‌ యాదవ్‌ (31 బంతుల్లో 26 నాటౌట్‌; 1 ఫోర్‌) చివరి వరకు నిలిచి జట్టును గెలిపించాడు. ఈ మ్యాచ్‌ మొత్తంలో ఒక్క సిక్స్‌ కూడా నమోదు కాకపోవడం విశేషం. తాజా ఫలితంతో ఇరు జట్లు 1–1తో సమంగా నిలవగా...సిరీస్‌ ఫలితాన్ని తేల్చే చివరి మ్యాచ్‌ బుధవారం అహ్మదాబాద్‌లో జరుగుతుంది.   స్కోరు వివరాలు   న్యూజిలాండ్‌ ఇన్నింగ్స్‌: అలెన్‌ (బి) చహల్‌ 11; కాన్వే (సి) ఇషాన్‌ (బి) సుందర్‌ 11; చాప్‌మన్‌ (రనౌట్‌) 14; ఫిలిప్స్‌ (బి) హుడా 5; మిచెల్‌ (బి) కుల్దీప్‌ 8; బ్రేస్‌వెల్‌ (సి) అర్‌‡్షదీప్‌ (బి) పాండ్యా 14; సాన్‌ట్నర్‌ (నాటౌట్‌) 19; సోధి (సి) పాండ్యా (బి) అర్‌‡్షదీప్‌ 1; ఫెర్గూసన్‌ (సి) సుందర్‌ (బి) అర్‌‡్షదీప్‌ 0; డఫీ (నాటౌట్‌) 6; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 99. వికెట్ల పతనం: 1–21, 2–28, 3–35, 4–48, 5–60, 6–80, 7–83, 8–83. బౌలింగ్‌: పాండ్యా 4–0–25–1, సుందర్‌ 3–0–17–1, చహల్‌ 2–1–4–1, హుడా 4–0–17–1, కుల్దీప్‌ 4–0–17–1, అర్‌‡్షదీప్‌ 2–0–7–2, మావి 1–0–11–0.   భారత్‌ ఇన్నింగ్స్‌: గిల్‌ (సి) అలెన్‌ (బి) బ్రేస్‌వెల్‌ 11; ఇషాన్‌ (రనౌట్‌) 19; త్రిపాఠి (సి) ఫిలిప్స్‌ (బి) సోధి 13; సూర్యకుమార్‌ (నాటౌట్‌) 26; సుందర్‌ (రనౌట్‌) 10; పాండ్యా (నాటౌట్‌) 15; ఎక్స్‌ట్రాలు 7; మొత్తం (19.5 ఓవర్లలో 4 వికెట్లకు) 101. వికెట్ల పతనం: 1–17, 2–46, 3–50, 4–70. బౌలింగ్‌: డఫీ 1–0–8–0, బ్రేస్‌వెల్‌ 4–0–13–1, సాన్‌ట్నర్‌ 4–0–20–0, ఫిలిప్స్‌ 4–0–17–0, సోధి 4–0–24–1, చాప్‌మన్‌ 1–0–4–0, ఫెర్గూసన్‌ 1–0–7–0, టిక్నర్‌ 0.5–0–7–0.  

లక్నో వేదికగా న్యూజిలాండ్‌తో రెండో టీ20లో భారత బౌలర్లు విజృంబించారు. తొలుత బ్యాటింగ్‌కు దిగిన న్యూజిలాండ్‌.. 8 వికెట్లు కోల్పోయి 99 పరుగులకే పరిమితమైంది. భారత బౌలర్లలో అర్ష్‌దీప్‌ సింగ్‌ రెండు వికెట్లు పడగొట్టగా.. చాహల్‌, కుల్దీప్‌ యాదవ్‌, హార్దిక్‌ పాండ్యా, సుందర్‌, హుడా తలా వికెట్‌ సాధించారు. న్యూజిలాండ్‌ బ్యాటర్లలో మిచెల్‌ శాంట్నర్‌ 20 పరుగులతో టాప్‌ స్కోరర్‌గా నిలిచాడు.

లక్నో వేదికగా న్యూజిలాండ్‌తో ఇవాళ (జనవరి 29) జరుగనున్న రెండో టీ20 మ్యాచ్‌ టీమిండియాకు అత్యంత కీలకంగా మారింది. తొలి టీ20లో పర్యాటక జట్టు చేతిలో ఎదురైన పరాభవం నేపథ్యంలో సిరీస్‌పై ఆశలు సజీవంగా నిలవాలంటే టీమిండియా నేటి మ్యాచ్‌లో తప్పనిసరిగా గెలవాల్సిన పరిస్థితి ఏర్పడింది. ఇందుకోసం టీమ్‌ మేనేజ్‌మెంట్‌ తుది జట్టులో పలు మార్పులు చేయాలని యోచిస్తున్నట్లు తెలుస్తోంది. రాంచీ మ్యాచ్‌లో ఆఖరి ఓవర్‌లో ధారాళంగా పరుగులు సమర్పించుకుని జట్టు ఓటమికి పరోక్ష కారణమైన అర్షదీప్‌పై వేటు దాదాపుగా ఖరారైంది. అతని స్థానంలో బీహార్‌ పేసర్‌ ముకేశ్‌ కుమార్‌ అరంగేట్రం చేయడం లంఛనమేనని తెలుస్తోంది. ఇకపోతే, నేటి మ్యాచ్‌లో టీమిండియాలో మరో మార్పు కూడా జరిగే అవకాశం ఉందని సమాచారం. రాహుల్‌ త్రిపాఠి స్థానంలో యువ ఆటగాడు పృథ్వీ షాను ఆడించాలన్నది కోచ్‌ ద్రవిడ్‌ ఆలోచనగా తెలుస్తోంది. ఇదే జరిగితే గిల్‌తో పాటు ఎవరు ఓపెనింగ్‌ చేస్తారన్నది ప్రశ్నార్ధకంగా మారుతుంది. లెఫ్‌ అండ్‌ రైట్‌ కాంబినేషన్‌ను పరిగణలోకి తీసుకుంటే ఇషాన్‌ కిషన్‌.. లేకుంటే పృథ్వీ షా గిల్‌తో కలిసి ఇన్నింగ్స్‌ ప్రారంభిస్తారు. ఈ రెండు మార్పులు మినహా తొలి మ్యాచ్‌లో ఆడిన జట్టే యధాతథంగా బరిలోకి దిగే అవకాశం ఉంది. బెంచ్‌పై ఆప్షన్స్‌ లేకపోవడం, అలాగే తొలి మ్యాచ్‌లో అందరూ తమతమ పాత్రలకు కొద్దో గొప్పో న్యాయం చేయడంతో తుది జట్టులో ఇంతకుమించి మార్పులకు ఆస్కారం ఉండకపోవచ్చు. రెండో టీ20కి భారత తుది జట్టు (అంచనా).. శుభ్‌మన్‌ గిల్‌, ఇషాన్‌ కిషన్‌, పృథ్వీ షా, సూర్యకుమార్‌ యాదవ్‌, హార్ధిక్‌ పాండ్యా, దీపక్‌ హుడా, వాషింగ్టన్‌ సుందర్‌, శివమ్‌ మావీ, కుల్దీప్‌ యాదవ్‌, ఉమ్రాన్‌ మాలిక్‌, ముకేశ్‌ కుమార్‌  

టీమిండియా స్పిన్నర్‌ వాషింగ్టన్‌ సుందర్‌ రాంచీ వేదికగా జరిగిన తొలి టి20లో ఆల్‌రౌండ్‌ ప్రదర్శనతో ఆకట్టుకున్నాడు. ముందు బౌలింగ్‌లో రెండు కీలక వికెట్లతో పాటు స్టన్నింగ్‌ క్యాచ్‌తో మెరిసిన సుందర్‌.. ఆ తర్వాత బ్యాటింగ్‌లో అర్థసెంచరీతో రాణించాడు. 177 పరుగుల లక్ష్యంతో బరిలోకి దిగిన టీమిండియా 151 పరుగులు చేయగలిగిదంటే అదంతా సుందర్‌ చలవే. మధ్యలో సూర్యకుమార్‌, పాండ్యాలు ఇన్నింగ్స్‌ను గాడిన పెట్టినప్పటికి స్వల్ప వ్యవధిలో ఇద్దరు ఔటవ్వడం టీమిండియాను దెబ్బతీసింది. ఆ తర్వాత టీమిండియాను నడిపించే బాధ్యతను భుజానికెత్తుకున్న సుందర్‌  28 బంతుల్లోనే అర్థశతకం సాధించాడు. కానీ చివర్లో రన్‌రేట్‌ పెరిగిపోవడం.. చేయాల్సిన పరుగులు ఎక్కువగా ఉండడంతో టీమిండియాకు ఓటమి తప్పలేదు. భారత్‌ ఓడినా సుందర్‌ మాత్రం తన ప్రదర్శనతో అభిమానులను ఆకట్టుకున్నాడు. మ్యాచ్‌ అనంతరం సుందర్‌ మీడియాతో మాట్లాడాడు. '' నా ప్రదర్శనపై సంతృప్తిగా ఉన్నా జట్టు ఓటమి బాధ కలిగించింది. అయినా ఇది ఒక మ్యాచ్‌ మాత్రమే. ఓడినప్పుడు భావోద్వేగాలు తారాస్థాయిలో ఉండడం సహజం. ఐపీఎల్‌ సమయంలో జట్టులో ఉన్న ఆటగాళ్లు చాలా వికెట్లు తీశారు.. బ్యాటర్లు పరుగులు రాబట్టారు. కానీ కివీస్‌తో టి20 మ్యాచ్‌లో రాణించలేకపోయాం'' అని చెప్పుకొచ్చాడు. రాహుల్‌ త్రిపాఠి అయితే సుందర్‌ సమాధానంతో ఏకీభవించని ఒక జర్నలిస్ట్‌ తిక్క ప్రశ్న వేశాడు. ''మ్యాచ్‌లో ఓడిపోయారు.. టాపార్డర్‌ ఏమైనా మార్చాల్సిన అవసరం ఉంటుందా'' అని ప్రశ్నించాడు. అయితే సుందర్‌ తనదైన శైలిలో సమాధానం ఇచ్చాడు. ''నిజంగా టాపార్డర్‌ మార్చాల్సిన అవసరం ఉందంటారా.. ఒక్క విషయం చెబతున్నా..  రెస్టారెంట్‌ నుంచి మనకు కావాల్సిన ఫెవరెట్‌ బిర్యానీ రాకపోతే.. మళ్లీ సదరు రెస్టారెంట్‌కు పూర్తిగా వెళ్లడం మానేస్తారా చెప్పండి. ఇది అలాంటిదే.. ఇది కేవలం ఒక మ్యాచ్‌. రోజులో ముగిసేపోయే మ్యాచ్‌లో ఏదో ఒక జట్టు మాత్రమే నెగ్గుతుంది. ఇరుజట్లు కలిపి ఒకేసారి 22 మంది ఆటగాళ్లు ఒకే రకమైన ప్రదర్శన కనబరచలేరు. రాయ్‌పూర్‌లో జరిగిన వన్డేలో న్యూజిలాండ్‌ 108 పరుగులకే ఆలౌట్‌ కావడం గమనించండి. ఒక్క మ్యాచ్‌కే టాపార్డర్‌ మార్చాలనడం కరెక్ట్‌ కాదు'' అని పేర్కొన్నాడు. ఇక అర్ష్‌దీప్‌ సింగ్‌, ఉమ్రాన్‌ మాలిక్‌లకు సుందర్‌ మద్దతు తెలిపాడు. ''అర్ష్‌దీప్‌ సింగ్‌ టీమిండియాతో పాటు ఐపీఎల్‌లోనూ చాలా వికెట్లు తీశాడు. మేం కూడా మనుషులమే. మాకు ఆడాలని ఉంటుంది. ప్రత్యర్థి జట్టు బలంగా ఉన్నప్పుడు ఆరోజు వాళ్లదే ఆట అయినప్పుడు ఎవరు ఏం చేయలేరు. 4 ఓవర్లలో 51 పరుగులిచ్చినప్పటికి వికెట్‌ తీశాడు. వచ్చే మ్యాచ్‌లో అర్ష్‌దీప్‌ నుంచి మంచి ప్రదర్శన వచ్చే అవకాశం ఉంది.'' అంటూ వెల్లడించాడు. ''గంటకు 150 కిమీ వేగంతో బంతులు విసరడం ఉమ్రాన్‌ మాలిక్‌ ప్రత్యకం. అతనిలో ఉన్న నైపుణ్యం అదే.. ఏదైనా ఎక్స్‌ ఫ్యాక్టర్‌ కావొచ్చు.. అతన్ని ప్రోత్సహించాల్సిందే . భారత్‌ లాంటి పిచ్‌లపై ఉమ్రాన్‌ మాలిక్‌ లాంటి బౌలర్‌ సేవలు అవసరం. ఒక్క మ్యాచ్‌లో విఫలమైనంత మాత్రానా తక్కువ అంచనా వేయాల్సిన అవసరం లేదు. కొంత సహనం, ఓర్పు వహించాల్సిందే. మ్యాచ్‌ ఓడిపోయాం.. దానినే పట్టుకొని వేళాడితే కుదరదు.. ముందుకు వెళ్లాల్సిందే.'' అంటూ వివరించాడు. ''డారిల్‌ మిచెల్‌ ప్రదర్శన మా నుంచి మ్యాచ్‌ను లాగేసుకుంది. ఒక దశలో న్యూజిలాండ్‌ను కట్టడి చేసినట్లే అనిపించినా.. డారిల్‌ మిచెల్‌ అద్బుత బ్యాటింగ్‌తో మెరిశాడు. కఠినంగా ఉన్న పిచ్‌పై 30 బంతుల్లో 59 పరుగులు చేసి న్యూజిలాండ్‌ మంచి స్కోరు సాధించడానికి తోడ్పడ్డాడు.'' అంటూ పేర్కొన్నాడు. ఇక ఇరుజట్ల మధ్య రెండో టి20 లక్నో వేదికగా ఆదివారం(జనవరి 29న) జరగనుంది. చదవండి: ఆర్థిక సంక్షోభం.. పాక్‌ క్రికెటర్‌కు మంత్రి పదవి 'కోహ్లి స్థానాన్ని అప్పగించాం.. ఇలాగేనా ఔటయ్యేది'

న్యూజిలాండ్‌తో తొలి టి20లో టీమిండియా బౌలర్‌ అర్ష్‌దీప్‌ సింగ్‌ చెత్త బౌలింగ్‌ ప్రదర్శన కనబరిచాడు. 4 ఓవర్లు వేసిన అర్ష్‌దీప్‌ ఒక్క వికెట్‌ మాత్రమే తీసి 51 పరుగులు సమర్పించుకున్నాడు. ఇక చివరి ఓవర్లో డారిల్‌ మిచెల్‌ అర్ష్‌దీప్‌కు చుక్కుల చూపించాడు. అతను వేసిన ఒకే ఓవర్లో 27 పరుగులు పిండుకున్నాడు. ఓవర్‌ తొలి బంతినే అర్ష్‌దీప్‌ నోబాల్‌ వేయగా డారిల్‌ మిచెల్‌ సిక్సర్‌ బాదాడు.  ఆ తర్వాత బంతిని డీప్‌ బాక్‌వర్డ్‌ స్క్వేర్‌లెగ్‌ దిశగా బాదాడు.  ఇక ఓవర్‌ రెండో బంతిని లాంగాన్‌ దిశగా కొట్టి హ్యాట్రిక్‌ సిక్సర్లు పూర్తి చేశాడు. అప్పటికే 18 పరుగులు రావడంతో అర్ష్‌దీప్‌ ఒత్తిడితో మూడో బంతి వేయగా.. మిచెల్‌ దానిని ఫోర్‌గా మలిచాడు. ఆ తర్వాత నాలుగు పరుగులు రావడంతో మొత్తంగా 27 పరుగులు వచ్చాయి. ఇన్నింగ్స్‌ 19వ ఓవర్లో 149గా ఉన్న స్కోరు 20 ఓవర్లు ముగిసేసరికి 177గా మారిపోయింది. ఈ నేపథ్యంలో అర్ష్‌దీప్‌ సింగ్‌ తన పేరిట ఒక చెత్త రికార్డు లిఖించుకున్నాడు. టి20ల్లో అత్యధిక నోబాల్స్‌ వేసిన బౌలర్‌గా నిలిచాడు. అర్ష్‌దీప్‌ 22 మ్యాచ్‌ల్లో 14 నోబాల్స్‌తో తొలి స్థానంలో ఉండగా.. ఆ తర్వాత హసన్‌ అలీ 11 నోబాల్స్‌ (50 మ్యాచ్‌లు) , కీమో పాల్‌ 11 నో బాల్స్‌(23 మ్యాచ్‌లు), ఒషోన్‌ థామస్‌ 11 నోబాల్స్‌(20 మ్యాచ్‌లు) ఉన్నారు. దీంతో అభిమానులు అర్ష్‌దీప్‌ను ట్రోల్‌ చేస్తూ సోషల్‌ మీడియాలో కామెంట్స్‌ చేశారు.  An unwanted record for Arshdeep Singh 🏏#ArshdeepSingh #INDvSL #HardikPandya pic.twitter.com/yheCYMZkMS — 100MB (@100MasterBlastr) January 6, 2023 27 RUNS off the final over! Daryl Mitchell's quick-fire 50 takes New Zealand to a fine total 🔥 #INDvNZ — ESPNcricinfo (@ESPNcricinfo) January 27, 2023 Arshdeep latest suspense insta story should be pic.twitter.com/2meiZP04Rr — memes_hallabol (@memes_hallabol) January 27, 2023 Well played pajii 51 of just 24 Balls at the strike rate of 212🔥🔥🥵#INDVsNZT20 #arshdeepsingh pic.twitter.com/UlBnc9KjQ1 — Hamxa (@hamxaalyani) January 27, 2023 Arshdeep Singh in the last few matches.#ArshdeepSingh #INDvNZ pic.twitter.com/b0KGykRiho — Drink Cricket 🏏 (@Abdullah__Neaz) January 27, 2023 చదవండి: స్టన్నింగ్‌ క్యాచ్‌తో మెరిసిన సుందర్‌..

India vs Sri Lanka, 2nd T20I: ‘‘డెత్‌ ఓవర్లలో హార్దిక్‌ బౌలింగ్‌ చేస్తాడనుకున్నా. మావి స్థానంలో తనే వస్తాడనుకున్నా. కానీ అలా జరుగలేదు. నిజానికి మావికి డెత్‌ ఓవర్లలో మెరుగైన రికార్డు లేదు. హార్దిక్‌కు అనుభవజ్ఞుడు. ఏదేమైనా ఆఖరి ఓవర్లో హార్దిక్‌ బౌలింగ్‌ చేయాల్సింది’’ అని టీమిండియా మాజీ క్రికెటర్‌ వసీం జాఫర్‌ అన్నాడు. శ్రీలంకతో పుణెలో జరిగిన రెండో టీ20లో టీమిండియా 16 పరుగుల తేడాతో ఓటమి పాలైన విషయం తెలిసిందే. టాస్‌ ఓడి ముందుగా బ్యాటింగ్‌కు దిగిన పర్యాటక లంక 6 వికెట్ల నష్టపోయి 206 పరుగులు స్కోరు చేసింది. భారత బౌలర్లు తేలిపోవడంతో ఈ మేరకు భారీ లక్ష్యం విధించింది. అయితే, టార్గెట్‌ ఛేదించడంలో విఫలమైన హార్దిక్‌ సేన ఓడిపోయింది. ఈ నేపథ్యంలో వసీం జాఫర్‌.. భారత కెప్టెన్‌ హార్దిక్‌ పాండ్యా ఈ మ్యాచ్‌లో బౌలర్ల సేవలను వాడుకునే క్రమంలో సరైన నిర్ణయాలు తీసుకోలేకపోయాడని అభిప్రాయపడ్డాడు. మావి స్థానంలో అతడే వస్తాడనుకున్నా! ఈ మేరకు ఈఎస్‌పీఎన్‌ క్రిక్‌ఇన్ఫోతో వసీం జాఫర్‌ మాట్లాడుతూ.. ‘‘ఆరో ఓవర్‌ తర్వాత తను బౌలింగ్‌ చేయడానికి రావడం చూసి నాకు ఆశ్చర్యం వేసింది. నేనైతే అతడు మొదటి రెండు ఓవర్లు లేదంటే మిడిల్‌లో రెండు ఓవర్లు వేయడంతో పాటు... డెత్‌ ఓవర్లలో వస్తాడనుకున్నా.  కానీ అలా చేయలేదు. అర్ష్‌దీప్‌ సేవలను సరిగ్గా ఉపయోగించుకోలేకపోయాడు. నిజానికి శివం మావి మొదటి మ్యాచ్‌లో అద్భుత ప్రదర్శన చేశాడు. రెండో మ్యాచ్‌లో మొదట్లోనే అతడి చేతికి బంతిని ఇవ్వాల్సింది.  అదే విధం‍గా బంతి కాస్త పాతబడిన తర్వాత అర్ష్‌దీప్‌తో మూడు లేదంటే నాలుగో ఓవర్‌ వేయించాల్సింది’’ అని పేర్కొన్నాడు. కాగా లంకతో రెండో టీ20లో తమ నాలుగు ఓవర్ల కోటా పూర్తి చేసిన మావి, ఉమ్రాన్‌(3/48) ఇద్దరే 101 పరుగులు సమర్పించుకోవడం విశేషం. చెత్త రికార్డు ఇక అర్ష్‌దీప్‌ కేవలం 2 ఓవర్ల స్పెల్‌ మాత్రమే వేసి 37 పరుగులు ఇచ్చాడు. అంతేకాదు ఏకంగా 5 నోబాల్స్‌ వేసి చెత్త రికార్డు మూటగట్టుకున్నాడు. రెండే ఓవర్లు వేసిన పేస్‌ ఆల్‌రౌండర్‌ హార్దిక్‌ పాండ్యా 13 పరుగులు ఇచ్చాడు. మ్యాచ్‌ తొలి ఓవర్‌, మూడో ఓవర్‌లో అతడు బౌల్‌ చేశాడు. ఇక గత మ్యాచ్‌లోనూ పాండ్యా ఆఖరి ఓవర్లో బంతిని అక్షర్‌ చేతికి ఇచ్చిన విషయం తెలిసిందే. చదవండి: ICC ODI WC 2023: ఆ ఇద్దరు వరల్డ్‌కప్‌ జట్టులో వద్దు! ‘చీఫ్‌ సెలక్టర్‌’గా చెబుతున్నా.. పంత్‌ ఉంటే.. Sarfaraz Ahmed: నీ కెరీర్‌ ముగిసిపోయిందన్నాడు! రమీజ్‌ రాజాకు దిమ్మతిరిగేలా కౌంటర్‌!

ICC ODI World Cup 2023- Team India: వన్డే వరల్డ్‌కప్‌-2023 నేపథ్యంలో భారత జట్టు కూర్పుపై టీమిండియా మాజీ కెప్టెన్‌ క్రిష్ణమాచారి శ్రీకాంత్‌ ఆసక్తికర వ్యాఖ్యలు చేశాడు. స్టార్లుగా ఎదుగుతున్న ఓ ఇద్దరు ఆటగాళ్లకు తన జట్టులో చోటు ఇచ్చేది లేదని పేర్కొన్నాడు. తానే గనుక బీసీసీఐ చీఫ్‌ సెలక్టర్‌ పదవిలో ఉంటే ప్రపంచకప్‌ జట్టు ఇలాగే ఉండాలని కోరుకుంటానంటూ తన అభిప్రాయాలు పంచుకున్నాడు. వాళ్లు నలుగురు చాలు స్టార్‌ స్పోర్ట్స్‌ షోలో చిక్కా మాట్లాడుతూ.. ‘‘నా వరల్డ్‌కప్‌ జట్టులో శుబ్‌మన్‌ గిల్‌​, శార్దూల్‌ ఠాకూర్‌కు చోటు లేదు. ఇక పేసర్ల విషయానికొస్తే.. నలుగురు చాలు. బుమ్రా, ఉమ్రాన్‌ మాలిక్‌ , అర్ష్‌దీప్‌ సింగ్‌, మహ్మద్‌ సిరాజ్‌ జట్టులో ఉంటే సరిపోతుంది. షమీ సో-సోగా ఆడతాడు. కాబట్టి తను అవసరం లేదు. దీపక్‌ హుడా జట్టులో ఉంటే బాగుంటుంది. వీళ్లందరికి జట్టును గెలిపించగల సత్తా ఉంది. అయితే, ఒంటిచేత్తో మ్యాచ్‌ను గెలిపించగల యూసఫ్‌ పఠాన్‌ వంటి రేసు గుర్రాలు జట్టులో ఉండాలని కోరుకుంటాం కదా! నా వరకైతే అలాంటి గెలుపు గుర్రం రిషభ్‌ పంత్‌. క్రిష్ణమాచారి శ్రీకాంత్‌ పంత్‌ ఉంటేనే పదింట మూడు మ్యాచ్‌లను గెలిపించినా నేను వాళ్లకే పెద్దపీట వేస్తాను. కీలక సమయంలో జట్టును గెలిపించే వాళ్లు కావాలి. పంత్‌ అలాంటి వాడే! ఇలాంటి ఆటగాళ్ల నుంచి నిలకడైన ప్రదర్శన కోరుకోకూడదు. రిషభ్‌ పంత్‌కు ఒంటిచేత్తో మ్యాచ్‌ను మలుపు తిప్పగల సత్తా ఉంది కాబట్టి తను ఉంటే బాగుంటుంది’’ అని అభిప్రాయపడ్డాడు. టీమిండియా అభిమానిగా కాకుండా.. చీఫ్‌ సెలక్టర్‌ పదవిలో ఉన్నాననుకుని ఈ మాటలు మాట్లాడానంటూ ఈ మాజీ సెలక్టర్‌ పేర్కొన్నాడు. ఓపెనింగ్‌ స్థానం కోసం తీవ్ర పోటీ సొంతగడ్డపై ఈ ఏడాది జరుగనున్న వన్డే ప్రపంచకప్‌ కోసం బీసీసీఐ 20 మందితో జట్టును సిద్ధం చేస్తున్న వేళ శ్రీకాంత్‌ ఈ మేరకు వ్యాఖ్యలు చేశాడు. శిఖర్‌ ధావన్‌ స్థానంలో యువ బ్యాటర్‌ శుబ్‌మన్‌ గిల్‌కు వరుస అవకాశాలు ఇస్తున్న తరుణంలో చిక్కా.. అతడికి తన జట్టులో చోటివ్వనని పేర్కొనడం గమనార్హం. ఇదిలా ఉంటే.. రోహిత్‌ శర్మకు జోడీగా రాహుల్‌తో పాటు యువ ప్లేయర్లు ఇషాన్‌ కిషన్‌, గిల్‌ ఓపెనింగ్‌ స్థానం కోసం పోటీపడుతున్నారు. చదవండి: Sarfaraz Ahmed: నీ కెరీర్‌ ముగిసిపోయిందన్నాడు! రమీజ్‌ రాజాకు దిమ్మతిరిగేలా కౌంటర్‌! Ind VS SL 3rd T20: భారీ స్కోర్లు గ్యారంటీ! అతడికి ఉద్వాసన.. రుతురాజ్‌ ఎంట్రీ!

టీమిండియా యువ పేసర్‌ అర్షదీప్‌ సింగ్‌ నో బాల్స్‌ వ్యవహారంపై సర్వత్రా చర్చ జరుగుతున్న వేల ఓ ఆసక్తికర కార్టూన్‌ ప్రస్తుతం సోషల్‌మీడియాలో వైరలవుతోంది. శ్రీలంకతో మొన్న (జనవరి 5) జరిగిన రెండో టీ20లో ఏకంగా 5 నో బాల్స్‌ వేసి టీమిండియా ఓటమికి పరోక్ష కారణమైన అర్షదీప్‌కు భారత అభిమాని ఒకరు కార్టూన్‌ ద్వారా ఓ సలహా ఇచ్చాడు. అర్షదీప్‌ జీవితంలో ఒక్క నో బాల్‌ కూడా వేయకుండా ఉండాలంటే ఇక్కడ ప్రాక్టీస్‌ చేయించండి అంటూ ఓ కార్టూన్‌ను ట్విటర్‌లో పోస్ట్‌ చేశాడు. ఈ కార్టూన్‌లో బౌలర్‌ పర్వతం అంచున ఉన్న క్రీజ్‌ గుండా బౌలింగ్‌ చేయాల్సి ఉంటుంది. ఒకవేళ ఆ బౌలర్‌ క్రీజ్‌ దాటి నో బాల్‌ వేస్తే లోయలో పడిపోతాడు. అర్షదీప్‌ కోసం సరదాగా పోస్ట్‌ చేసిన ఈ కార్టూన్‌ ప్రస్తుతం నెట్టింట హల్‌చల్‌ చేస్తుంది. ఇది చూసిన నెటిజన్లు.. అవును ఇది కరెక్టే.. ఇక్కడ ప్రాక్టీస్‌ చేయిస్తే అర్షదీపే కాదు ప్రపంచంలో ఏ బౌలర్‌ కూడా క్రీజ్‌ దాటి నో బాల్‌ వేసే సాహసం చేయలేడు అంటూ కామెంట్లు చేస్తున్నారు.  This is the Special pitch to practice for #arshdeepsingh #INDvSL #UmranMalik pic.twitter.com/FeqwaZUVeq — Abhijit sarkar (@singlecoreGG) January 6, 2023 కాగా, శ్రీలంకతో మ్యాచ్‌లో ఇన్నింగ్స్‌ రెండో ఓవర్‌ బౌల్‌ చేసిన అర్షదీప్‌ వరుసగా మూడు నోబాల్స్‌ సంధించాడు. ఆతర్వాత ఇన్నింగ్స్‌ 19వ ఓవర్‌లో మరో రెండు నో బాల్స్‌ వేసి అభిమానులు, సహచరులతో సహా విశ్లేషకులను సైతం విస్మయానికి గురి చేశాడు. ఈ ఇన్నింగ్స్‌లో మొత్తం 2 ఓవర్లు వేసిన అర్షదీప్‌ ఏకంగా 37 పరుగులు సమర్పించుకుని టీమిండియా ఓటమికి పరోక్ష కారకుడయ్యాడు. ఇదిలా ఉంటే, లంకతో జరిగిన రెండో టీ20లో టీమిండియా 16 పరుగుల తేడాతో పోరాడి ఓటమిపాలైన విషయం తెలిసిందే. 207 పరుగుల లక్ష్య ఛేదనలో సూర్యకుమార్‌ యాదవ్‌ (36 బంతుల్లో 51; 3 ఫోర్లు, 3 సిక్సర్లు), అక్షర్‌ పటేల్‌ (31 బంతుల్లో 65; 3 ఫోర్లు, 6 సిక్సర్లు), శివమ్‌ మావీ (15 బంతుల్లో 26; 2 ఫోర్లు, 2 సిక్సర్లు) అద్భుతంగా పోరాడినా టీమిండియాకు విజయం దక్కలేదు. ఫలితంగా 3 మ్యాచ్‌ల సిరీస్‌ను శ్రీలంక 1-1తో సమం చేసుకుంది. నిర్ణయాత్మకమైన మూడో టీ20 ఇవాళ (జనవరి 7) రాజ్‌కోట్‌ వేదికగా జరుగనుంది. 

టీమిండియా ఫాస్ట్‌బౌలర్‌ అర్ష‌దీప్ సింగ్ టి20ల్లో ఊహించని రికార్డు నమోదు చేశాడు. అత్య‌ధిక నో బాల్స్ వేసిన బౌల‌ర్‌గా రికార్డుల్లోకి ఎక్కాడు. గురువారం శ్రీ‌లంక‌తో జ‌రిగిన రెండో టీ20లో అర్ష‌దీప్ ఏకంగా 5 నో బాల్స్ వేశాడు. తొలి ఓవ‌ర్‌లో మూడు, ఆఖ‌రి ఓవ‌ర్‌లో రెండు నో బాల్స్ వేశాడు. దాంతో, ఒక ఇన్నింగ్స్‌లో ఎక్కువ నో బాల్స్ వేసిన భార‌త బౌల‌ర్‌గా గుర్తింపు సాధించాడు.  గ‌తంలో అత‌ను ద‌క్షిణాఫ్రికా మీద 4 నో బాల్స్ వేశాడు. ఇప్ప‌టివ‌ర‌కు అర్ష్‌దీప్‌ 11ఇన్నింగ్స్‌ల్లో 14 నో బాల్స్ వేశాడు.  ఈ జాబితాలో పాకిస్థాన్ బౌల‌ర్ హ‌స‌న్ అలీ రెండో స్థానంలో ఉన్నాడు. హ‌స‌న్ 9 ఇన్నింగ్స్‌ల్లో 11 నో బాల్స్ వేశాడు. ఇక వెస్టిండీస్‌ బౌలర్‌ కీమో పాల్‌ ఆరు ఇన్సింగ్స్‌ల్లో 11 నో బాల్స్‌తో మూడో స్థానంలో ఉన్నాడు.  ఇక ఇదే విండీస్‌కు చెందిన మ‌రో బౌల‌ర్ ఒషానే థామ‌స్ కూడా 11 నో బాల్స్ వేశాడు. అత్య‌ధిక నో బాల్స్ వేసిన జ‌ట్టుగా ఘ‌నా నిలిచింది. ఉగాండాతో జ‌రిగిన మ్యాచ్‌లో ఘ‌నా బౌల‌ర్లు ఏకంగా 10 నో బాల్స్ వేశారు. నో బాల్ వేయ‌ని క్రికెట‌ర్స్ అంత‌ర్జాతీయ క్రికెట్‌లో సుదీర్ఘ కాలం ఆడి, ఒక్క నో బాల్ కూడా వేయ‌ని బౌల‌ర్లు కొంద‌రు ఉన్నారు. వీళ్ల‌లో భార‌త మాజీ క్రికెట‌ర్ 1983 వ‌ర‌ల్డ్ క‌ప్ హీరో క‌పిల్ దేవ్ కూడా ఉన్నాడు. అత‌ను 131 టెస్టులు, 225 వ‌న్డేలు ఆడాడు. 79 టెస్టులు, 3 వ‌న్డేలు ఆడిన వెస్టిండీస్ లెజెండరీ స్పిన్స‌ర్‌ లాన్సే గిబ్స్ త‌న కెరీర్‌లో ఒక్క నో బాల్ వేయ‌లేదు. ఇంగ్లండ్ మాజీ ఆల్‌రౌండ‌ర్ ఇయాన్ బోథాం త‌న 16 ఏళ్ల కెరీర్‌లో నో బాల్ అస్స‌లు వేయ‌లేదు. 70 టెస్టులు, 63 వ‌న్డేలు ఆడిన ఆస్ట్రేలియ‌న్ ఫాస్ట్ బౌల‌ర్ డెన్నిస్ లిల్లీ ఖాతాలో నో బాల్ అనేదే లేదు. పాకిస్థాన్ మాజీ ఫాస్ట్ బౌల‌ర్ ఇమ్రాన్ ఖాన్ 88 టెస్టులు, 175 వ‌న్డేల్లో నో బాల్ వేయ‌లేదు.

పుణే వేదికగా గురువారం శ్రీలంకతో జరిగిన రెండో టీ20లో 16 పరుగుల తేడాతో టీమిండియా ఓటమిపాలైన సంగతి తెలిసిందే. దీంతో మూడు టీ20ల సిరీస్‌ 1-1తో సమమైంది. ఇక సిరీస్‌ డిసైడ్‌ చేసే మూడో టీ20లో శనివారం రాజ్‌కోట్‌ వేదికగా భారత్‌, శ్రీలంక జట్లు తలపడేందుకు సిద్దమయ్యాయి. అయితే కీలకమైన మూడో టీ20లో పలు మార్పులతో టీమిండియా బరిలోకి దిగనున్నట్లు తెలుస్తోంది. రెండో టీ20లో దారుణంగా విఫలమైన అర్ష్‌దీప్‌ సింగ్‌ స్థానంలో పేసర్‌ ముఖేష్‌ కుమార్‌ అరంగేట్రం చేయనున్నట్లు సమాచారం.                                                  అదే విధంగా వరుసగా రెండు మ్యాచ్‌ల్లో విఫలమైన యువ ఓపెనర్‌ శుబ్‌మాన్‌ గిల్‌ స్థానంలో రుత్‌రాజ్‌ గైక్వాడ్‌.. స్పిన్నర్‌ యజువేంద్ర చాహల్‌ స్థానంలో వాషింగ్టన్‌ సుందర్‌ను తుది జట్టులోకి తీసుకురావాలని టీమిండియా మేనేజెమెంట్‌ భావిస్తున్నట్లు సమాచారం. మరోవైపు అరంగేట్ర  మ్యాచ్‌లో విఫలమైన రాహుల్‌ త్రిపాఠిని మూడో టీ20లో కూడా కొనసాగించే అవకాశం ఉంది. భారత తుది జట్టు(అంచనా): ఇషాన్ కిషన్ (వికెట్‌కీపర్‌), రుతురాజ్ గైక్వాడ్, సూర్యకుమార్ యాదవ్, రాహుల్ త్రిపాఠి, హార్దిక్ పాండ్యా (కెప్టెన్‌), దీపక్ హుడా, అక్షర్ పటేల్, వాషింగ్టన్ సుందర్, శివం మావి, ముఖేష్‌ కుమార్‌, ఉమ్రాన్‌ మాలిక్‌ చదవండి: Hardik Pandya: ఓడినా పర్లేదా?! కోహ్లి, రోహిత్‌.. ఇప్పుడు హార్దిక్‌ ఎందుకిలా చేస్తున్నారు? డీకే స్ట్రాంగ్‌ రిప్లై

పుణే వేదికగా శ్రీలంకతో జరిగిన రెండో టీ20లో టీమిండియా యువ పేసర్‌ అర్ష్‌దీప్‌ సింగ్‌ పేలవమైన ప్రదర్శన కనబరిచాడు. ఈ మ్యాచ్‌లో కేవలం 2 ఓవర్లు మాత్రమే బౌలింగ్‌ చేసిన అర్ష్‌దీప్‌ 37 పరుగులు పరుగులు సమర్పించుకున్నాడు. అంతేకాకుండా ఏకంగా ఐదు నోబాల్స్‌ వేశాడు. ఈ క్రమంలో టీ20 క్రికెట్‌ చరిత్రలోనే అత్యంత చెత్త రికార్డును అర్ష్‌దీప్‌ తన పేరిట లిఖించుకున్నాడు. అంతర్జాతీయ టీ20ల్లో అత్యధిక నోబాల్స్‌ వేసిన బౌలర్‌గా అర్ష్‌దీప్‌ చెత్త రికార్డు నెలకొల్పాడు. ఇప్పటివరకు అర్ష్‌దీప్‌ తన టీ20 కెరీర్‌లో 12 నోబాల్స్‌ వేశాడు. ఇంతకుముందు ఈ చెత్త రికార్డు పాకిస్తాన్‌ పేసర్‌ హసన్‌ అలీ(11) పేరిట ఉండేది. తాజా మ్యాచ్‌లో ఏకంగా ఐదు నో బాల్స్‌ వేసిన అర్ష్‌దీప్‌ హసన్‌ అలీ రికార్డును బద్దలు కొట్టాడు. ఇక ఆఖరి వరకు ఉత్కంఠ భరితంగా సాగిన మ్యాచ్‌లో భారత్‌పై 16 పరుగుల తేడాతో లంక విజయం సాధించింది. ఈ మ్యాచ్‌లో శ్రీలంక కెప్టెన్‌ దషన్‌ శనక ఆల్‌రౌండ్‌ ప్రదర్శన కనబరిచాడు. తొలుత బ్యాటింగ్‌లో 56 పరుగులతో పాటు అదరగొట్టిన షనక.. బౌలింగ్‌లో కూడా రెండు వికెట్లు సాధించాడు. ఇక సిరీస్‌ డిసైడ్‌ చేసే మూడో టీ20 రాజ్‌కోట్‌ వేదికగా శనివారం(జనవరి7) జరగనుంది. చదవండి: Rahul Tripathi: వైరల్‌.. అవుటా? సిక్సరా? ఏంటిది?.. పాపం అక్షర్‌!

క్రికెట్‌కు సంబంధించి ఎంతటి వారు తప్పు చేసినా పరుష పదజాలంతో మందలించే లిటిల్‌ మాస్టర్‌ సునీల్‌ గవాస్కర్‌.. తాజాగా టీమిండియా యువ పేసర్‌ అర్షదీప్‌ సింగ్‌పై ఫైరయ్యాడు. శ్రీలంకతో నిన్న (జనవరి 5) జరిగిన రెండో టీ20లో అర్షదీప్‌ హ్యాట్రిక్‌ నో బాల్స్‌తో పాటు మొత్తంగా 5 నో బాల్స్‌ వేయడంపై సన్నీ ఓ రేంజ్‌లో మండిపడ్డాడు. ప్రొఫెషనల్‌ బౌలర్‌ అయి ఉండి ఇలా చేయడం సరికాదని, పరోక్షంగా గల్లీ బౌలర్‌ అని అర్ధం వచ్చేలా సంబోధించాడు. నో బాల్స్‌ వేయకపోవడం అన్నది అంతర్జాతీయ స్థాయి బౌలర్‌కు ప్రాధమిక సూత్రమని, అది మరిచిన బౌలర్‌ ఈ స్థాయి క్రికెట్‌కు పనికిరాడని ఘాటుగా వ్యాఖ్యానించాడు. బౌలర్‌ తన బేసిక్స్‌కు స్టిక్‌ అయి బంతి విసిరిన తర్వాత ఏం జరుగుతుంది, బ్యాటర్‌ ఏం చేస్తాడన్నది పక్కకు పెడితే.. నోబాల్‌ వేయకపోవడం అన్నది బౌలర్‌ బేసిక్స్‌లో భాగమని అర్షదీప్‌ను ఉద్దేశించి తన అసహనాన్ని వ్యక్తం చేశాడు. మ్యాచ్‌ జరుగుతుండగా లైవ్‌ కామెంట్రీలోనే గవాస్కర్‌ అర్షదీప్‌పై విరుచుకుపడ్డాడు.  కాగా, నిన్నటి మ్యాచ్‌లో ఇన్నింగ్స్‌ రెండో ఓవర్‌ బౌల్‌ చేసిన అర్షదీప్‌ వరుసగా మూడు నోబాల్స్‌ సంధించాడు. ఆతర్వాత ఇన్నింగ్స్‌ 19వ ఓవర్‌లో బంతినందుకున్న అర్షదీప్‌.. ఆ ఓవర్‌లోనూ మరో రెండు నో బాల్స్‌ వేసి అభిమానులు, సహచరులతో సహా విశ్లేషకులను సైతం విస్మయానికి గురి చేశాడు. ఈ ఇన్నింగ్స్‌లో మొత్తం 2 ఓవర్లు వేసిన అర్షదీప్‌ ఏకంగా 37 పరుగులు సమర్పించుకుని టీమిండియా ఓటమికి పరోక్ష కారకుడయ్యాడు. ఇదిలా ఉంటే, లంకతో జరిగిన రెండో టీ20లో టీమిండియా 16 పరుగుల తేడాతో పోరాడి ఓటమిపాలైంది. 207 పరుగుల లక్ష్య ఛేదనలో సూర్యకుమార్‌ యాదవ్‌ (36 బంతుల్లో 51; 3 ఫోర్లు, 3 సిక్సర్లు), అక్షర్‌ పటేల్‌ (31 బంతుల్లో 65; 3 ఫోర్లు, 6 సిక్సర్లు), శివమ్‌ మావీ (15 బంతుల్లో 26; 2 ఫోర్లు, 2 సిక్సర్లు) అద్భుతంగా పోరాడినా టీమిండియాకు విజయం దక్కలేదు. ఫలితంగా 3 మ్యాచ్‌ల సిరీస్‌ను శ్రీలంక 1-1తో సమం చేసుకుంది. నిర్ణయాత్మకమైన మూడో టీ20 జనవరి 7న రాజ్‌కోట్‌ వేదికగా జరుగనుంది.   

పూణే వేదికగా జరిగిన రెండో టీ20లో శ్రీలంక చేతిలో ఓటమి అనంతరం టీమిండియా కెప్టెన్‌ హార్ధిక్‌ పాండ్యా కొన్ని ఆసక్తికర వ్యాఖ్యలు చేశాడు. ఫార్మాట్‌ ఏదైనా బౌలర్లు నో బాల్స్‌ వేయడం పెద్ద నేరమని అన్నాడు. ఈ మ్యాచ్‌లో నో బాల్సే తమ కొంపముంచాయని పేర్కొన్నాడు. కేవలం నో బాల్స్‌ కారణంగా తాము ఓటమిపాలయ్యామని తెలిపాడు. అర్షదీప్‌ సింగ్‌ వేసిన నో బాల్స్‌ (2 ఓవర్లలో 5 నో బాల్స్‌) వల్లే తాము ఓడామని చెప్పడం తన ఉద్దేశం కాదంటూనే పదేపదే అదే విషయాన్ని ప్రస్తావించాడు. యువకుడైన అర్షదీప్‌ తన బేసిక్‌ ఎరర్స్‌ను సరిదిద్దుకుంటాడని ఆశాభావం వ్యక్తం చేశాడు. బౌలింగ్‌, బ్యాటింగ్‌ పవర్‌ ప్లేల్లో కొన్ని అనవసర తప్పిదాలు చేశామని, ఈ స్థాయిలో ఇలా చేయడం కరెక్ట్‌ కాదని అభిప్రాయపడ్డాడు. ఆటలో అన్నీ మనం అనుకున్నట్లు జరగకపోవడం వాస్తవమే అయినప్పటికీ.. ప్రాధమిక సూత్రాలు మరవడం క్షమించరాని నేరమని అన్నాడు. అక్షర్‌, స్కై, శివమ్‌ మావీల పోరాటపటిమను ఈ పందర్భంగా అభినందించాడు. కాగా, లంకతో జరిగిన రెండో టీ20లో టీమిండియా 16 పరుగుల తేడాతో పోరాడి ఓటమిపాలైన విషయం తెలిసిందే. 207 పరుగుల లక్ష్య ఛేదనలో సూర్యకుమార్‌ యాదవ్‌ (36 బంతుల్లో 51; 3 ఫోర్లు, 3 సిక్సర్లు), అక్షర్‌ పటేల్‌ (31 బంతుల్లో 65; 3 ఫోర్లు, 6 సిక్సర్లు), శివమ్‌ మావీ (15 బంతుల్లో 26; 2 ఫోర్లు, 2 సిక్సర్లు) అద్భుతంగా పోరాడినా టీమిండియాకు విజయం దక్కలేదు. ఫలితంగా 3 మ్యాచ్‌ల సిరీస్‌ను శ్రీలంక 1-1తో సమం చేసుకుంది. నిర్ణయాత్మకమైన మూడో టీ20 జనవరి 7న రాజ్‌కోట్‌ వేదికగా జరుగనుంది. 

పుణే వేదికగా శ్రీలంకతో రెండో టీ20లో టీమిండియా యువ పేసర్‌ అర్ష్‌దీప్‌ సింగ్‌ దారుణంగా విఫలమయ్యాడు. ఈ మ్యాచ్‌లో కేవలం రెండు ఓవర్లు మాత్రమే వేసిన అర్ష్‌దీప్‌ ఏకంగా 37 పరుగులు పరుగులు సమర్పించుకున్నాడు. పరుగులు విషయం పక్కన పెడితే.. ఈ మ్యాచ్‌లో అర్ష్‌దీప్‌ ఏకంగా 5 నోబాల్స్‌ వేశాడు. దీంతో పలు చెత్త రికార్డులను అర్ష్‌దీప్‌ తన పేరిట లిఖించుకున్నాడు. శ్రీలంక ఇన్నింగ్స్‌ రెండో ఓవర్‌ వేసిన అర్ష్‌దీప్‌ వరుసగా హ్యాట్రిక్‌ నోబాల్స్‌ వేశాడు. తద్వారా భారత టీ20 క్రికెట్‌ చరిత్రలో హ్యాట్రిక్‌ నోబాల్స్‌ వేసిన తొలి బౌలర్‌గా నిలిచాడు. అదే విధంగా టీ20ల్లో ఒకే మ్యాచ్‌లో అత్యధిక నో బాల్స్‌ వేసిన తొలి భారత బౌలర్‌గా కూడా అర్ష్‌దీప్‌ చెత్త రికార్డు నెలకొల్పాడు.  చదవండి: IND vs SL: భారత్‌ చెత్త బౌలింగ్‌.. చితక్కొట్టిన శ్రీలంక బ్యాటర్లు! టార్గెంట్‌ ఎంతంటే?

పుణే వేదికగా శ్రీలంకతో జరుగుతోన్న రెండో టీ20లో భారత బౌలర్లు దారుణంగా విఫలమయ్యారు. తొలుత బ్యాటింగ్‌ చేసిన శ్రీలంక నిర్ణీత 20 ఓవర్లలో 6 వికెట్లు కోల్పోయి 206 పరుగులు పరుగులు చేసింది. లంక బ్యాటర్లలో కెప్టెన్‌ దసన్‌ శనక సంచలన ఇన్నింగ్స్‌ ఆడాడు. కేవలం 22 బంతుల్లో 6 సిక్స్‌లు, 2 ఫోర్లతో 56 పరుగులు సాధించాడు. అతడితో పాటు ఓపెనర్‌ కుశాల్‌ మెండిస్‌ (52), అసలంక(37) పరుగులతో రాణించారు. ఇక భారత బౌలర్లలో ఉమ్రాన్‌ మాలిక్‌ మూడు వికెట్లు, అక్షర్‌ పటేల్‌ రెండు వికెట్లు సాధించారు.  భారత చెత్త బౌలింగ్‌.. భారత బౌలర్లలో హార్దిక్‌ పాండ్యా, అక్షర్‌ పటేల్‌ మినహా మిగితందరూ భారీగా పరుగులు సమర్పించుకున్నారు. ఈ మ్యాచ్‌లో టీమిండియా బౌలర్లు ఏకంగా 7 నోబాల్స్‌ వేశారు. అర్ష్‌దీప్‌ సింగ్ ఒక్కడే ఐదు నో బాల్స్‌ వేయడం గమానార్హం. రెండు ఓవర్లు వేసిన అర్ష్‌దీప్‌ 37 పరుగులు,  ఉమ్రాన్‌ తన నాలుగు ఓవర్ల కోటాలో 48 పరుగులు, శివమ్‌ మావి తన  నాలుగు ఓవర్ల కోటాలో 53 పరుగులు ఇచ్చారు. చదవండి: IND vs SL: ఏంటి అర్ష్‌దీప్‌ బౌలింగ్‌ మర్చిపోయావా? ఒకే ఓవర్‌లో మూడు నో బాల్స్‌

యువ పేసర్‌ అర్ష్‌దీప్‌ సింగ్‌ దాదాపు రెండు నెలల తర్వాత భారత జట్టులోకి ఎంట్రీ ఇచ్చాడు. గతేడాది న్యూజిలాండ్‌తో వన్డే సిరీస్‌ తర్వాత సెలక్టర్లు అర్ష్‌దీప్‌ సింగ్‌ విశ్రాంతి ఇచ్చారు. ఈ క్రమంలో బంగ్లాదేశ్‌తో వన్డే సిరీస్‌కు దూరమైన అర్ష్‌దీప్‌.. శ్రీలంకతో టీ20 సిరీస్‌కు తిరిగి జట్టులోకి వచ్చాడు. అయితే అనారోగ్యం కారణంగా తొలి టీ20కు దూరమైన అర్ష్‌దీప్‌.. రెండో టీ20కు కోలుకున్నాడు. దీంతో జట్టులోకి వచ్చిన అర్ష్‌దీప్‌ సింగ్‌ తనదైన మార్క్‌ చూపించడంలో విఫలమయ్యాడు. శ్రీలంక ఇన్నింగ్స్‌ రెండో ఓవర్‌ వేయడానికి వచ్చిన అర్ష్‌దీప్‌ తన తొలి ఓవర్‌లోనే ఏకంగా 19 పరుగులు సమర్పించుకున్నాడు. ఈ విషయం పక్కన పెడితే.. అర్ష్‌దీప్‌  అదే ఓవర్‌లో వరుసగా మూడు నో బాల్స్‌ వేశాడు. దీంతో తన ఓవర్‌లో ఏకంగా 9 బంతులు అర్ష్‌దీప్‌ వేశాడు. ఆఖరి బంతిని పూర్తి చేయడానికి అర్ష్‌దీప్‌ ఏకంగా 14 పరుగులు సమర్పించుకున్నాడు. దీంతో నెటిజన్లు అర్ష్‌దీప్‌ను దారుణంగా ట్రోలు చేస్తున్నారు. ఏంటి అర్ష్‌దీప్‌ బౌలింగ్‌ మర్చిపోయవా అంటూ ట్విట్లు చేస్తున్నారు. 3 consecutive No Balls by Arshdeep Singh:- pic.twitter.com/lyGJsbj8Yd — Til wali Kanya🌼🇮🇳 (@UPkiKanyaaa) January 5, 2023 are yrr no ball ki hatrick #INDvsSL #arshdeep pic.twitter.com/snjCNb0ykw — Asian Doge (@vvjndr) January 5, 2023

టీమిండియా స్టార్‌ పేసర్‌ అర్ష్‌దీప్‌ సింగ్‌ ఐసీసీ ప్రతిష్టాత్మక అవార్డుకు నామినేట్‌ అయ్యాడు. బుధవారం ఐసీసీ మెన్స్‌ ఎమర్జింగ్‌ క్రికెటర్‌ ఆఫ్‌ ది ఇయర్‌ 2022 అవార్డుకు నామినేట్‌ అయిన ఆటగాళ్ల పేర్లను రిలీజ్‌ చేసింది. ఈ జాబితాలో అర్ష్‌దీప్‌ సింగ్‌తో పాటు సౌతాఫ్రికా ఆల్‌రౌండర్‌ మార్కో జాన్సెన్‌, అఫ్గానిస్తాన్‌ ఓపెనర్‌ ఇబ్రహీం జర్దన్‌, న్యూజిలాండ్‌ ఓపెనర్‌ ఫిన్‌ అలెన్‌లు నామినేట్‌ అయ్యారు. అర్ష్‌దీప్‌ సింగ్‌: టీమిండియాకు ఈ ఏడాది టి20ల్లో లభించిన ఆణిముత్యం అర్ష్‌దీప్‌ సింగ్‌. ముఖ్యంగా టి20 ప్రపంచకప్‌లో జస్‌ప్రీత్‌ బుమ్రా లేని లోటును తీరుస్తూ అర్ష్‌దీప్‌ అద్బుత ప్రదర్శన కనబరిచాడు. ఓవరాల్‌గా ఈ మెగాటోర్నీలో పది వికెట్లు తీసిన అర్ష్‌దీప్‌ ఈ ఏడాది జూలైలో ఇంగ్లండ్‌తో జరిగిన మ్యాచ్‌ ద్వారా అంతర్జాతీయ టి20 క్రికెట్‌లో అడుగుపెట్టాడు. మొత్తంగా 21 మ్యాచ్‌లాడి 18.12 సగటుతో 33 వికెట్లు పడగొట్టాడు. డెత్‌ ఓవర్స్‌లో యార్కర్ల స్పెషలిస్ట్‌గా ముద్రపడిన అర్ష్‌దీప్‌ ఎటువంటి గొడవలు, బెరుకు లేకుండా బౌలింగ్‌ వేసి వికెట్లు పడగొట్టాడు. ఇక టి20 ప్రపంచకప్‌లో మెల్‌బోర్న్‌ వేదికగా చిరకాల ప్రత్యర్థి పాకిస్తాన్‌తో మ్యాచ్‌లో అర్ష్‌దీప్‌  బౌలింగ్‌ హైలైట్‌గా నిలిచింది. ఆరంభంలో తొలి బంతికే బాబర్‌ ఆజంను గోల్డెన్‌ డకౌట్‌ చేసిన అర్ష్‌దీప్‌ తన మరుసటి ఓవర్లో మహ్మద్‌ రిజ్వాన్‌ను పెవిలియన్‌ చేర్చాడు. ఆ తర్వాత డెత్‌ ఓవర్లలో బౌలింగ్‌కు వచ్చిన అర్ష్‌దీప్‌ ఈసారి ఆసిఫ్‌ అలీని ఔట్‌ చేసి ఓవరాల్‌గా 32 పరుగులిచ్చి మూడు వికెట్లు పడగొట్టాడు.  మార్కో జాన్సెన్‌: సౌతాఫ్రికా ఆల్‌రౌండర్‌ మార్కో జాన్సెన్‌ ఈ ఏడాది టెస్టుల్లో 14 వికెట్లు పడగొట్టాడు. టీమిండియా, బంగ్లాదేశ్‌లతో జరిగిన వన్డేల్లో మ్యాచ్‌ల్లో పలు వికెట్లు తీసిన జాన్సెన్‌కు ఇంగ్లండ్‌తో టెస్టు మ్యాచ్‌ మరిచిపోలేనిది. ఆ మ్యాచ్‌లో ఆతిథ్య జట్టు 158 పరుగులకే కుప్పకూలడంలో జాన్సెన్‌ది కీలకపాత్ర. ఆ మ్యాచ్‌లో 35 పరుగులకే ఐదు వికెట్లు తీసి ఇంగ్లండ్‌ నడ్డి విరిచాడు. ఇబ్రహీం జర్దన్‌: ఈ ఏడాది అఫ్గానిస్తాన్‌ ఓపెనర్‌ ఇబ్రహీం జర్దన్‌కు మరిచిపోలేని ఏడాదిగా మిగిలిపోనుంది. ఎందుకంటే జర్దన్‌ ఈ ఏడాది వన్డేల్లో 71.83 సగటుతో 431 పరుగులు.. అలాగే 36.70 సగటుతో టి20ల్లో 367 పరుగులు చేశాడు. ఇ‍క పల్లకెలే వేదికగా లంకతో మ్యాచ్‌లో 162 పరుగుల ఇన్నింగ్స్‌ అతని కెరీర్‌లో మరిచిపోలేనిది. ఆ ఇన్నింగ్స్‌తో అఫ్గాన్‌ తరపున ఒక ఇన్నింగ్స్‌లో అత్యధిక పరుగులు చేసిన బ్యాటర్‌గా చరిత్రకెక్కాడు. ఈ క్రమంలోనే మహ్మద్‌ షెహజాద్‌ 131 పరుగుల రికార్డును బద్దలు కొట్టాడు. ఫిన్‌ అలెన్‌: టి20 మెగాటోర్నీ ఆరంభానికి ముందు స్కాట్లాండ్‌తో జరిగిన టి20 సిరీస్‌లో భాగంగా 56 బంతుల్లోనే సెంచరీ మార్క్‌ను అందుకొని అందరి దృష్టిని ఆకర్షించాడు. ఆ తర్వాత టి20 ప్రపంచకప్‌లో ఆస్ట్రేలియాతో కీలక మ్యాచ్‌లో 24 బంతుల్లోనే 42 పరుగులు చేసి ఢిపెండింగ్‌ చాంపియన్‌ ఆసీస్‌ ఓటమికి కారణమయ్యాడు. ఇక ఐసీసీ వన్డే సూపర్‌ లీగ్‌లో భాగంగా ఐర్లాండ్‌ టూర్‌లో హాప్‌ సెంచరీతో మెరిసిన అలెన్‌ ఆ తర్వాత ఇండియా, వెస్టిండీస్‌లతో మ్యాచ్‌ల్లోనూ హాఫ్‌ సెంచరీలతో మెరిశాడు. ఇక మహిళల విభాగంలో ఈ అవార్డుకు టీమిండియా నుంచి ఇద్దరు మహిళా క్రికెటర్లు నామినేట్‌ కావడం విశేషం. పేసర్‌ రేణుకా సింగ్‌తో పాటు వికెట్‌ కీపర్‌ యస్తిక బాటియా ఈ అవార్డు రేసులో ఉన్నారు. వీరిద్దరితో పాటు ఆస్ట్రేలియా క్రికెటర్‌ డార్సీ బ్రౌన్‌, ఇంగ్లండ్‌ మహిళా క్రికెటర్‌ అలిస్‌ కాప్సీ కూడా పోటీలో ఉన్నారు. ఐసీసీ 2022 అవార్డ్స్‌ను మొత్తంగా 13 కేటగిరీల్లో ఇవ్వనున్నారు. ఇందులో ఐసీసీ మెన్స్‌ క్రికెటర్‌ ఆఫ్‌ ది ఇయర్‌గా నిలిచిన ఆటగాడికి ప్రతిష్టాత్మక సర్‌ గార్‌ఫీల్డ్‌ సోబర్స్‌ ట్రోఫీ అందజేయనున్నారు. అలాగే ఐసీసీ మహిళా క్రికెటర్‌ ఆఫ్‌ ది ఇయర్‌గా నిలిచిన క్రికెటర్‌కు రేచల్‌ హేయో ఫ్లింట్‌ అవార్డు ఇవ్వనున్నారు. The future looks bright 🙌 Our nominees for the ICC Men’s Emerging Cricketer of the Year were phenomenal in 2022. Find out more about them 👉 https://t.co/eHhghBmGo3#ICCAwards pic.twitter.com/rY5AAyBSK1 — ICC (@ICC) December 28, 2022 The four nominees for the ICC Women’s Emerging Cricketer in 2022 produced some amazing performances 🔥 More on their achievements 👉 https://t.co/04vQypUyAt #ICCAwards pic.twitter.com/eWir1w81Rk — ICC (@ICC) December 28, 2022 చదవండి: మాట నిలబెట్టుకున్న కేన్‌ మామ.. 722 రోజుల నిరీక్షణకు తెర

టీమిండియా యువ పేసర్‌ అర్ష్‌దీప్‌ సింగ్‌ గతంలో ఆసియా కప్‌ సందర్భంగా ట్రోల్స్‌ బారిన పడిన సంగతి తెలిసిందే. పాక్‌తో మ్యాచ్‌లో అసిఫ్ అలీ క్యాచ్‌ను జారవిడవడంతో అర్ష్‌దీప్‌ దారుణంగా ట్రోల్‌కు గురయ్యాడు.ఖలిస్థానీ నేషనల్ క్రికెట్ టీమ్‌లో చేరేందుకు ఎంపికయ్యాడంటూ వికీపీడియా పేజీలోని రావడం సంచలనం కలిగించింది. కానీ ఇవన్నీ పట్టించుకోని అర్ష్‌దీప్‌ మాత్రం తనను తాను ఇంప్రూవ్‌ చేసుకుంటూనే వస్తున్నాడు.  ఇటీవలే ముగిసిన టి20 ప్రపంచకప్‌లో అర్ష్‌దీప్‌ సింగ్‌ టీమిండియా తరపున లీడింగ్‌ వికెట్‌ టేకర్‌గా నిలిచాడు. ఆరు మ్యాచ్‌లు కలిపి 10 వికెట్లు పడగొట్టి విమర్శకులకు నోటితోనే సమాధానమిచ్చాడు. టి20 ప్రపంచకప్‌లో పాక్‌తో జరిగిన తొలి మ్యాచ్‌లో 3/32 ప్రదర్శనతో తక్కువ వ్యవధిలోనే డెత్ ఓవర్ స్పెషలిస్టుగా ఎదిగాడు. ఫలితంగా న్యూజిలాండ్‌తో వన్డే సిరీస్‌కు కూడా ఎంపికయ్యాడు. కివీస్‌తో మూడో వన్డే సందర్భంగా అర్ష్‌దీప్‌ తనపై వచ్చిన ట్రోల్స్‌పై స్పందించాడు. "ప్రజలు మమ్మల్ని, మా ఆటను ఎంతగానో ప్రేమిస్తున్నారు. కాబట్టి మేము బెస్ట్ ప్రదర్శన చేస్తే.. వారు మమ్మల్ని ఎంతో ప్రేమిస్తారు. ఇదే సమయంలో విఫలమైతే అంతే నిరాశను చూపిస్తారు. భారత్ తరఫున మేము ఆడుతున్నాం కాబట్టి వారు తమ భావోద్వేగాలను ప్రదర్శిస్తున్నారు. అభిమానులకు వారు తమ ప్రేమ, కోపాన్ని వ్యక్తిపరిచే హక్కు ఉంది. కాబట్టి రెండింటినీ మనం అంగీకరించాలి. ఇక భారత్ తరఫున వన్డే, టీ20లకు ప్రాతినిధ్యం వహించడం ఏ యువకుడికైనా స్వప్నం సాకారమైనట్లుగా భావిస్తాం. నేను నా జర్నీ సులభంగా ఉందని లేక కష్టంగా ఉందని అనుకోవడం లేదు. ఆటగాళ్లుగా ఆటపై దృష్టి పెట్టి ఆ ప్రక్రియను ఆస్వాదించాలి. సులభం, కష్టం వీటి గురించి ఎక్కువగా ఆలోచించకూడదు. మేము మా బెస్ట్ ప్రదర్శన చేసినప్పుడు చాలా బాగుంటుంది. ప్రతి మ్యాచ్‌కు మా ఆటతీరును ఉన్నతస్థాయికి తీసుకెళ్తున్నాం. వచ్చే ఏడాదికి నేను ఎక్కడికి చేరాలనేదానిపై ఎక్కువగా ఆలోచించట్లేదు." అని అర్ష్‌దీప్ తెలిపాడు. ఇక కివీస్‌తో మూడు వన్డేల సిరీస్‌లో టీమిండియా 0-1 తేడాతో వెనుకంజలో ఉంది. తొలి మ్యాచ్‌లో కివీస్ విజయం సాధించగా.. రెండో మ్యాచ్‌ వర్షం కారణంగా రద్దయింది. మూడో వన్డే బుధవారం నాడు జరగనుంది. చదవండి: ఫిఫా వరల్డ్‌కప్‌లో వైరలవుతోన్న సంజూ శాంసన్‌ బ్యానర్లు జట్టు నుంచి ఎవరినైనా తప్పించాల్సి వస్తే, మొదట వచ్చేది సంజూ పేరే..!

New Zealand vs India, 1st ODI- Umran Malik: టీమిండియా యువ ఫాస్ట్‌ బౌలర్‌ ఉమ్రాన్‌ మాలిక్‌ను ఉద్దేశించి భారత మాజీ ఓపెనర్‌ వసీం జాఫర్‌ కీలక వ్యాఖ్యలు చేశాడు. ఉమ్రాన్‌ టీ20 ఫార్మాట్‌లో కంటే వన్డేల్లోనే ఎక్కువ ప్రభావం చూపగలడని అభిప్రాయపడ్డాడు. ఐపీఎల్‌లో సన్‌రైజర్స్‌ హైదరాబాద్‌కు ప్రాతినిథ్యం వహించిన జమ్మూ ఎక్స్‌ప్రెస్‌ ఉమ్రాన్‌ మాలిక్‌ టీమిండియా సెలక్టర్ల దృష్టిని ఆకర్షించి.. అంతర్జాతీయ క్రికెట్‌లో అడుగుపెట్టిన విషయం తెలిసిందే. అత్యంత వేగంగా బంతులు విసరడంలో దిట్ట అయిన 23 ఏళ్ల ఉమ్రాన్‌ ఐర్లాండ్‌తో టీ20 ద్వారా అంతర్జాతీయ క్రికెట్‌లో అరంగేట్రం చేశాడు. తాజాగా న్యూజిలాండ్‌తో సిరీస్‌ నేపథ్యంలో వన్డేల్లోనూ ఎంట్రీ ఇచ్చాడు. కివీస్‌తో అరంగేట్ర మ్యాచ్‌లో 10 ఓవర్ల బౌలింగ్‌ కోటా పూర్తి చేసి 66 పరుగులు సమర్పించుకున్నాడు.  వన్డేలకే సూట్‌ అవుతాడు! ఆరంభంలో బాగానే బౌలింగ్‌ చేసి రెండు వికెట్లు పడగొట్టినా తర్వాత పెద్దగా ప్రభావం చూపలేకపోయాడు. ఈ నేపథ్యంలో వసీం జాఫర్‌ ఉమ్రాన్‌ మాలిక్‌ గురించి ఆసక్తికర వ్యాఖ్యలు చేశాడు. ఈఎస్‌పీఎన్‌క్రిక్‌ ఇన్ఫోతో అతడు మాట్లాడుతూ.. ‘‘మ్యాచ్‌ ఎంత ఎక్కువ సేపు సాగితే అంత ఎక్కువగా మన నైపుణ్యాలు ప్రదర్శించే అవకాశం ఉంటుంది. పరిమిత ఓవర్ల క్రికెట్‌లో టీ20ల కంటే కూడా వన్డేల్లో ఇలా బౌలింగ్‌ చేయడం ద్వారా యువ ఆటగాళ్లకు ఆట గురించి మరింత ఎక్కువగా అవగాహన పెంచుకునే ఆస్కారం ఉంటుంది. నిజానికి ఉమ్రాన్‌ మాలిక్‌ టీ20 ఫార్మాట్‌ కంటే కూడా వన్డేలకే ఎక్కువగా సూట్‌ అవుతాడు. ఐపీఎల్‌లో అతడి బౌలింగ్‌ను గమనించాం. నిజానికి అక్కడ(టీ20) తను వైవిధ్యం చూపలేకపోయాడు. సరైన లెంత్‌తో బౌలింగ్‌ చేయలేకపోయాడు. అయితే, వన్డే ఫార్మాట్‌లో తను ప్రయోగాలు చేసేందుకు, వైవిధ్యం ప్రదర్శించేందుకు ఆస్కారం ఉంటుంది’’ అని చెప్పుకొచ్చాడు. బౌలర్ల తప్పేం లేదు.. అర్ష్‌ భేష్‌ ఇక అర్ష్‌దీప్‌ సింగ్‌ గురించి ప్రస్తావిస్తూ.. ‘‘పరిస్థితులకు తగ్గట్టుగా తన ఆట తీరును మార్చుకోవండంలో అతడు దిట్ట. రోజురోజుకు నైపుణ్యాలు మెరుగుపరచుకుని మరింత రాటుదేలుతున్నాడు’’ అని వసీం జాఫర్‌ చెప్పుకొచ్చాడు. కాగా కివీస్‌తో మొదటి వన్డేలో అర్ష్‌ 8.1 ఓవర్లలో 68 పరుగులు ఇవ్వడం గమనార్హం. కాగా కివీస్‌తో మొదటి వన్డేలో భారీ స్కోరు చేసినప్పటికీ టీమిండియా ఓడిపోవడంపై స్పందిస్తూ.. ‘‘నిజానికి ఆ పిచ్‌ రాను రాను బ్యాటర్లకు మరింతగా అనుకూలించింది. ముఖ్యంగా కివీస్‌ ఇన్నింగ్స్‌ రెండో అర్ధభాగంలో భారత బౌలర్లకు మరింత కష్టతరంగా మారింది’’ అంటూ టీమిండియా బౌలర్లను వెనకేసుకొచ్చాడు.   చదవండి: Ban Vs Ind 2022: టీమిండియా బంగ్లాదేశ్‌ పర్యటన.. పూర్తి షెడ్యూల్‌, లైవ్‌ స్ట్రీమింగ్‌, ఇతర వివరాలు FIFA WC 2022: అర్జెంటీనాపై సంచలన విక్టరీ.. సౌదీ అరేబియా ఆటగాళ్లకు ఊహించని నజరానా

ఆక్లాండ్ వేదికగా న్యూజిలాండ్‌తో తొలి వన్డేలో తలపడేందుకు టీమిండియా సిద్దమైంది. ఈ మ్యాచ్‌లో టాస్‌ గెలిచిన న్యూజిలాండ్‌ తొలుత బౌలింగ్‌ ఎంచుకుంది. ఇక భారత తరుపున వన్డేల్లో యువ పేసర్లు అర్ష్‌దీప్‌ సింగ్‌, ఉమ్రాన్‌ మాలిక్‌ అరంగేట్రం చేశారు. అదే విధంగా టీ20 సిరీస్‌లో బెంచ్‌కే పరిమితమైన సంజూ శాంసన్‌కు తొలి వన్డేలో భారత తుది జట్టులో చోటు దక్కింది. ఇక న్యూజిలాండ్‌ విషయానికి వస్తే గత కొంత కాలంగా జట్టుకు దూరంగా ఉన్న సీనియర్‌ పేసర్‌ మాట్‌ హెన్రీ తిరిగి పునరాగమనం చేశాడు. కాగా ఈ వన్డే సిరీస్‌కు టీమిండియా రెగ్యూలర్‌ కెప్టెన్‌ రోహిత్‌ శర్మ దూరం కావడంతో ధావన్‌ సారథిగా వ్యవహరిస్తున్నాడు. తుది జట్లు:  భారత్: శిఖర్ ధావన్(కెప్టెన్‌), శుభ్‌మన్ గిల్, రిషబ్ పంత్(వికెట్‌ కీపర్‌), శ్రేయాస్ అయ్యర్, సూర్యకుమార్ యాదవ్, సంజు శాంసన్, వాషింగ్టన్ సుందర్, శార్దూల్ ఠాకూర్, ఉమ్రాన్ మాలిక్, అర్ష్‌దీప్ సింగ్, యుజ్వేంద్ర చాహల్ న్యూజిలాండ్: ఫిన్ అలెన్, డెవాన్ కాన్వే, కేన్ విలియమ్సన్(కెప్టెన్‌), టామ్ లాథమ్(వికెట్‌ కీపర్‌), డారిల్ మిచెల్, గ్లెన్ ఫిలిప్స్, మిచెల్ సాంట్నర్, ఆడమ్ మిల్నే, మాట్ హెన్రీ, టిమ్ సౌతీ, లాకీ ఫెర్గూసన్ చదవండి: న్యూజిలాండ్‌తో తొలి వన్డే.. సూర్య భాయ్‌ బోణీ శతకం ఖాయమేనా..?

న్యూజిలాండ్‌తో జరుగుతున్న మూడో టి20లో టీమిండియా బౌలర్లు చెలరేగారు. ముఖ్యంగా పేసర్లు మహ్మద్‌ సిరాజ్‌, అర్ష్‌దీప్‌ సింగ్‌లు మంచి ప్రదర్శన కనబరిచారు. ఒక దశలో న్యూజిలాండ్‌ 130 పరుగులకు రెండు వికెట్లు మాత్రమే కోల్పోయి భారీ స్కోరు దిశగా పయనిస్తోంది. ఈ దశలో మరోసారి స్పెల్‌కు వచ్చిన సిరాజ్‌, అర్ష్‌దీప్‌లు తమ బౌలింగ్‌తో అదరగొట్టారు. ఈ ఇద్దరు చెరో నాలుగు వికెట్లు తీయడంతో కివీస్‌ 160 పరుగులకు ఆలౌట్‌ అయింది. వీరిద్దరి జోరుకు 130/2తో పటిష్టంగా కనిపించిన కివీస్‌.. కేవలం 30 పరుగుల వ్యవధిలో మిగతా 8 వికెట్లు చేజార్చుకోవడం గమనార్హం. ఇక మహ్మద్‌ సిరాజ్‌ న్యూజిలాండ్‌పై తన కెరీర్‌ బెస్ట్‌ బౌలింగ్‌ను నమోదు చేశాడు. నాలుగు ఓవర్లు వేసిన సిరాజ్‌ 17 పరుగులిచ్చి నాలుగు వికెట్లు తీశాడు. ► ఇక సిరాజ్‌ కంటే ముందు దీపక్‌ హుడా ఇదే సిరీస్‌లో కివీస్‌తో రెండో టి20ల్లో 10 పరుగులిచ్చి నాలుగు వికెట్లు తీశాడు. ఇక 2021లో కోల్‌కతా వేదికగా కివీస్‌తో జరిగిన మ్యాచ్‌లో అక్షర్‌ పటేల్‌ 9 పరుగులిచ్చి మూడు వికెట్లు తీయడం మూడో అత్యుత్తమ ప్రదర్శనగా ఉంది. ►ఇక న్యూజిలాండ్‌తో టి20 మ్యాచ్‌లో టీమిండియాకు చెందిన ఇ‍ద్దరు బౌలర్లు(సిరాజ్‌, అర్ష్‌దీప్‌) చెరో నాలుగు వికెట్లు తీయడం ఇదే తొలిసారి. 

T20 World Cup 2022- Arshdeep Singh: టీ20 ప్రపంచకప్‌-2022 టోర్నీలో టీమిండియా యువ పేసర్‌ అర్ష్‌దీప్‌ ప్రభావం చూపగలిగాడు. అద్భుత ప్రదర్శనతో ఆకట్టుకున్న 23 ఏళ్ల అర్ష్‌ వరల్డ్‌కప్‌ ఎనిమిదో ఎడిషన్‌లో అత్యధిక వికెట్లు తీసిన భారత బౌలర్‌గా నిలిచాడు. ఆడిన ఆరు మ్యాచ్‌లలో మొత్తంగా 10 వికెట్లు కూల్చి టీమిండియా విజయాల్లో తన వంతు పాత్ర పోషించాడు. కొత్త స్వింగ్‌ సుల్తాన్‌ ముఖ్యంగా బంతిని స్వింగ్‌ చేస్తూ ప్రత్యర్థి బ్యాటర్లకు చుక్కలు చూపించి తనదైన ముద్ర వేయగలిగాడు ఈ లెఫ్టార్మ్‌ సీమర్‌.  ప్రధాన పేసర్‌ జస్‌ప్రీత్‌ బుమ్రా జట్టులో లేకపోవడంతో వచ్చిన వరుస అవకాశాలను పూర్తిగా సద్వినియోగం చేసుకున్నాడు. ఈ నేపథ్యంలో అతడిపై ప్రశంసల వర్షం కురుస్తోంది. టీమిండియా మాజీ క్రికెటర్‌ నిఖిల్‌ చోప్రా.. కొత్త స్వింగ్‌ సుల్తాన్‌ వచ్చేశాడు అంటూ అర్ష్‌దీప్‌ను ఆకాశానికెత్తాడు. మరికొందరేమో.. పాకిస్తాన్‌ దిగ్గజ బౌలర్‌, మాజీ పేసర్‌ వసీం అక్రమ్‌తో పోలుస్తూ ప్రశంసలు కురిపిస్తున్నారు. ఈ క్రమంలో సౌతాఫ్రికా మాజీ క్రికెటర్‌ జాంటీ రోడ్స్‌ మాత్రం భిన్నంగా స్పందించాడు. ది గ్రేట్‌, స్వింగ్‌ సుల్తాన్‌ వసీం అక్రమ్‌తో అర్ష్‌దీప్‌ను పోల్చడం సరైంది కాదని అభిప్రాయపడ్డాడు. వసీం అక్రమ్‌- జాంటీ రోడ్స్‌(PC: PTI) పోలిక వద్దు.. ఇలా మాట్లాడితే ఇప్పుడిప్పుడే ఎదుగుతున్న యువ బౌలర్‌పై ఇలాంటి పోలికలు ఒత్తిడిని పెంచుతాయని.. అతడి ఆటపై ప్రభావం పడుతుందని పేర్కొన్నాడు. ‘‘జస్‌ప్రీత్‌ బుమ్రా లాగే అర్ష్‌దీప్‌ సింగ్‌ కూడా కెరీర్‌ ఆరంభంలోనే అద్భుత ప్రదర్శన కనబరుస్తున్నాడు. కొత్త విషయాలు నేర్చుకోవాలనే ఆసక్తి అతడిలో మెండుగా కనిపిస్తోంది. డెత్‌ ఓవర్లలో బంతిని స్వింగ్‌ చేస్తూ బ్యాటర్లను ఒత్తిడిలోకి నెట్టగలుగుతున్నాడు. పవర్‌ ప్లేలోనూ పరుగులు చేయకుండా కట్టడి చేస్తున్నాడు.  వసీం అక్రమ్‌ మాదిరి బౌలింగ్‌ చేయగలుగుతున్నాడు. కానీ ఇప్పుడే దిగ్గజాలతో పోలిస్తే అతడిపై ఒత్తిడి పెరుగుతుంది’’ 53 ఏళ్ల జాంటీ రోడ్స్‌ చెప్పుకొచ్చాడు. అర్ష్‌దీప్‌నకు మేటి బౌలర్‌గా ఎదగగల సత్తా ఉందని.. అతడి భవిష్యత్తు బాగుంటుందంటూ జోస్యం చెప్పాడు. చదవండి: Aus Vs Eng 1st ODI: స్టార్క్‌ అద్బుత ఇన్‌స్వింగర్‌.. షాట్‌ ఎలా ఆడాలిరా బాబూ! బిక్క ముఖం వేసిన రాయ్‌ FIFA World Cup Trophy History: ఫిఫా వరల్డ్‌కప్‌ ట్రోఫీ ఎలా తయారు చేస్తారో తెలుసా? కోహ్లిని చూసి నేర్చుకో! మొండితనం పనికిరాదు.. జిడ్డులా పట్టుకుని వేలాడుతూ: పాక్‌ మాజీ క్రికెటర్‌ var request = 'https://www.sakshi.com/knowwidget/kwstr_4911494512.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

సెమీఫైనల్లో ఇంగ్లండ్‌ చేతిలో ఘోర ఓటమితో టీమిండియా టీ20 ప్రపంచకప్‌-2022 నుంచి ఇంటిముఖం పట్టింది. అయితే తొలి టీ20 ప్రపంచకప్‌ ఆడిన అర్ష్‌దీప్‌ సింగ్‌ మాత్రం అద్భుతమైన ప్రదర్శన కనబరిచాడు. ఈ టోర్నీలో 6 మ్యాచ్‌లు ఆడిన అర్ష్‌దీప్‌ 10 వికెట్లు పడగొట్టాడు. ముఖ్యంగా పాకిస్తాన్‌తో జరిగిన తొలి మ్యాచ్‌లో మూడు వికెట్లు పడగొట్టి భారత విజయంలో అర్ష్‌దీప్‌ కీలక పాత్ర పోషించాడు. ఇంగ్లండ్‌తో జరిగిన సెమీఫైన్లలో మిగితా బౌలర్లు అందరూ భారీగా పరుగులు సమర్పించుకున్నప్పటికీ.. అర్ష్‌దీప్‌ మాత్రం 2 ఓవర్లలో కేవలం 15 పరుగులే ఇచ్చాడు. ఈ నేపథ్యంలో అర్ష్‌దీప్‌ సింగ్‌పై భారత మాజీ క్రికెటర్‌ నిఖిల్‌ చోప్రా ప్రశంసల వర్షం కురిపించాడు. టీ20 ప్రపంచకప్‌లో దొరికిన అణిముత్యం అని చోప్రా కొనియాడాడు.  క్రిక్‌ ట్రాకర్‌తో నిఖిల్‌ చోప్రా మాట్లాడూతూ.. "ఈ టోర్నీలో అద్భుతంగా రాణించిన ఆటగాళ్లలో అర్ష్‌దీప్‌ సింగ్‌ ఒకడు, అందులో ఎటువంటి సందేహం లేదు. అతడు కొత్త బంతితో బౌలింగ్‌ చేసే విధానం అద్భుతమైనది. యార్కర్లు, స్లో బంతులు వేయడం అతడి ప్రధాన బలాలు. అదే విధంగా డెత్‌ ఓవర్లలో ఎటువంటి ఒత్తిడికి లోనవ్వకుండా  బౌలింగ్‌ చేసే సత్తా అర్ష్‌దీప్‌కు ఉంది. అతడు రాబోయే రోజుల్లో భారత జట్టకు కీలక బౌలర్‌గా మారుతాడు. ఈ మెగా ఈవెంట్‌లో ఆడిన అనుభవం అతడికి మరింత మెరుగైన బౌలర్‌గా పరిణితి చెందడానికి ఉపయోగపడుతుంది. అవసరమైన సమయంలో ఆట మొత్తాన్ని మార్చేసే ఓవర్ వేసి జట్టును గెలిపించే సత్తా అర్ష్‌దీప్‌ ఉంది" అని చోప్రా పేర్కొన్నాడు. చదవండి: T20 WC 2022: 'టీమిండియా తదుపరి కెప్టెన్‌ అతడే.. సీనియర్లు గుడ్‌బై చెప్పనున్నారు'

ఐసీసీ తాజాగా విడుదల చేసిన టీ20 ర్యాంకింగ్స్‌లో టీమిండియా స్టార్‌ బ్యాటర్‌, కింగ్‌ కోహ్లి టాప్‌-10లో చోటు కోల్పోయాడు. టీ20 వరల్డ్‌కప్‌-2022లో 5 మ్యాచ్‌ల్లో 3 హాఫ్‌సెంచరీలతో సూపర్‌ ఫామ్‌లో ఉన్న కోహ్లి గత వారమే చాలా గ్యాప్‌ తర్వాత టాప్‌-10లో చోటు దక్కించుకున్నాడు. గత వారం ర్యాంకింగ్స్‌లో 653 రేటింగ్‌ పాయింట్స్‌తో 10వ స్థానంలో నిలిచిన కోహ్లి.. ఈ మధ్యలో జింబాబ్వేతో జరిగిన మ్యాచ్‌లో కేవలం 26 పరుగులకే ఔట్‌ కావడంతో, ఓ స్థానాన్ని కోల్పోయి 11 ప్లేస్‌కు పడిపోయాడు. ఈ జాబితాలో మిస్టర్‌ 360 డిగ్రీస్‌ ప్లేయర్‌ సూర్యకుమార్‌ యాదవ్‌ తొలి స్థానంలో కొనసాగుతుండగా.. మహ్మద్‌ రిజ్వాన్‌, డెవాన్‌ కాన్వే, బాబర్‌ ఆజమ్‌, ఎయిడెన్‌ మార్క్రమ్‌, డేవిడ్‌ మలాన్‌, గ్లెన్‌ ఫిలిప్స్‌, రిలీ రొస్సో, ఆరోన్‌ ఫించ్‌, పథుమ్‌ నిస్సంక వరుసగా రెండు నుంచి పది స్థానాల్లో నిలిచారు. ప్రస్తుత ప్రపంచకప్‌లో వరుస హాఫ్‌ సెంచరీలు బాది మళ్లీ టచ్‌లోకి వచ్చిన టీమిండియా ఓపెనర్‌ కేఎల్‌ రాహుల్‌ 5 స్థానాలు ఎగబాకి 16వ స్థానంలో నిలిచాడు. ఇక బౌలర్ల విషయానికొస్తే.. వరల్డ్‌కప్‌లో అద్భుత ప్రదర్శన కనబర్చిన లంక స్పిన్నర్‌ వనిం‍దు హసరంగ అగ్రపీఠానికి ఎగబాకాడు. మెగా టోర్నీలో 15 వికెట్లు పడగొట్టిన హసరంగ.. భారీగా రేటింగ్‌ పాయింట్లు పెంచుకుని టాప్‌ ప్లేస్‌కు చేరాడు. భారత బౌలర్లలో అశ్విన్‌ 5 స్థానాలు ఎగబాకి 13వ ప్లేస్‌కు చేరుకోగా.. వరల్డ్‌కప్‌లో అద్భుతంగా రాణించిన అర్షదీప్‌ నాలుగు స్థానాలు ఎగబాకి 23వ స్థానానికి చేరుకున్నాడు.  

ICC Mens T20 World Cup 2022- Super 12: టీ20 ప్రపంచకప్‌-2022 విజేత ఎవరో మరికొన్ని రోజుల్లో తేలనుంది. టీమిండియా- జింబాబ్వేతో సూపర్‌-12 దశకు ఆదివారం(నవంబరు 6) తెరపడిన విషయం తెలిసిందే. వర్షం అంతరాయం జట్ల తలరాతను ప్రభావితం చేసే అంశంగా పరిణమించగా.. గ్రూప్‌-1 నుంచి న్యూజిలాండ్‌, ఇంగ్లండ్‌.. గ్రూప్‌-2 నుంచి భారత్‌, పాకిస్తాన్‌ సెమీ ఫైనల్‌లో అడుగుపెట్టాయి. ఇక డిఫెండింగ్‌ చాంపియన్‌ ఆస్ట్రేలియాకు స్వదేశంలో ప్రతిష్టాత్మక టోర్నీలో చేదు అనుభవం ఎదురైన సంగతి తెలిసిందే. సూపర్‌-12లో తమ ఆఖరి మ్యాచ్‌లో ఇంగ్లండ్‌- శ్రీలంకను ఓడించి ఆసీస్‌కు నిరాశను మిగిల్చింది.  పత్తా లేని వార్నర్‌ ఇదిలా ఉంటే.. ఆస్ట్రేలియా మరో పరాభవాన్ని కూడా ముటగట్టుకుంది. సూపర్‌-12 ముగిసే సరికి అత్యధిక పరుగులు, అత్యధిక వికెట్లు తీసిన ఆటగాళ్లలో ఒక్కరంటే ఒక్కరు కూడా కంగారూ ప్లేయర్‌ కూడా లేకపోవడం గమనార్హం. గత ప్రపంచకప్‌లో ప్లేయర్‌ ఆఫ్‌ ది టోర్నీగా నిలిచిన డేవిడ్‌ వార్నర్‌ ఈ ఎడిషన్‌లో(44) అసలు పత్తానే లేకుండా పోయాడు. వర్షం కారణంగా మ్యాచ్‌లు రద్దు కావడం, చిన్న జట్లు క్వాలిఫైయర్స్‌లో ఆడిన విషయాన్ని పక్కన పెడితే.. ఆసీస్‌ బౌలర్లు సైతం సొంతగడ్డపై పెద్దగా ప్రభావం చూపలేకపోయారు. కోహ్లి తర్వాతి స్థానంలో అతడే టాప్‌-10 రన్‌ స్కోరర్లలో టీమిండియా స్టార్‌ విరాట్‌ కోహ్లి మొదటి స్థానంలో నిలవగా.. పసికూన నెదర్లాండ్స్‌కు చెందిన మాక్స్‌ ఒడౌడ్‌ రెండో స్థానంలో నిలిచాడు. ఈ జాబితాలో భారత మిడిలార్డర్‌ స్టార్‌, టీ20 ర్యాంకింగ్స్‌ నంబర్‌ 1 బ్యాటర్‌ సూర్యకుమార్‌ యాదవ్‌ మూడో స్థానం దక్కించుకున్నాడు. కోహ్లి వర్సెస్‌ సూర్య కోహ్లి, సూర్య తప్ప మిగిలిన వాళ్లంతా క్వాలిఫైయర్స్‌ ఆడిన జట్లకు చెందిన వారు కావడం విశేషం. అయితే సెమీస్‌, ఫైనల్‌ మ్యాచ్‌లు మిగిలి ఉన్న నేపథ్యంలో కివీస్‌ బ్యాటర్‌  గ్లెన్‌ ఫిలిప్స్‌ గనుక రేసులో నిలవకపోతే.. వీరిద్దరిలో ఎవరో ఒకరు టోర్నీ టాపర్‌గా అవతరించే అవకాశం ఉంది. మన అర్ష్‌ కూడా ఇక బౌలర్ల విషయానికొస్తే.. వనిందు హసరంగ అగ్ర స్థానంలో ఉండగా.. టీమిండియా యువ పేసర్‌ అర్ష్‌దీప్‌ సింగ్‌కు తొమ్మిదో స్థానం దక్కింది. ఈ లిస్ట్‌లో కూడా అర్ష్‌, సామ్‌ కర్రన్‌, షాదాబ్‌ ఖాన్‌ తప్ప మిగిలిన వాళ్లు క్వాలిఫైయర్స్‌ ఆడారు. కాగా నవంబరు 13న ఫైనల్‌తో ప్రపంచకప్‌-2022 టోర్నీకి ముగియనుంది. టీ20 ప్రపంచకప్‌ 2022: సూపర్‌-12 అత్యధిక పరుగుల వీరులు 1. విరాట్‌ కోహ్లి(ఇండియా)-246 2. మాక్స్‌ ఒడౌడ్‌(నెదర్లాండ్స్‌)-242 3. సూర్యకుమార్‌ యాదవ్‌(ఇండియా)- 225 4. కుశాల్‌ మెండిస్‌ (శ్రీలంక)- 223 5. సికందర్‌ రజా(జింబాబ్వే)- 219 6. పాతుమ్‌ నిసాంక (శ్రీలంక)- 214 7. లోర్కాన్‌ టకర్‌ (ఐర్లాండ్‌)- 204 8. గ్లెన్‌ ఫిలిప్స్‌ (న్యూజిలాండ్‌)- 195 9. షాంటో (బంగ్లాదేశ్‌)- 180 10. ధనుంజయ డి సిల్వ(శ్రీలంక)- 177 అత్యధిక వికెట్లు పడగొట్టిన బౌలర్లు 1. వనిందు హసరంగ (శ్రీలంక)- 15 2. బాస్‌ డి లీడ్‌ (నెదర్లాండ్స్‌)- 13 3. బ్లెస్సింగ్ ముజరబానీ (జింబాబ్వే)- 12 4. అన్రిచ్‌ నోర్జే (సౌతాఫ్రికా)- 11 5. జాషువా లిటిల్‌ (ఐర్లాండ్‌)- 11 6. వాన్‌ మెకరిన్‌ (నెదర్లాండ్స్‌)- 11 7. సామ్‌ కర్రన్‌ (ఇంగ్లండ్‌)- 10 8. షాదాబ్‌ ఖాన్‌(పాకిస్తాన్‌)- 10 9. అర్ష్‌దీప్‌ సింగ్‌ (ఇండియా)- 10 10. సికందర్‌ రజా (జింబాబ్వే)- 10 చదవండి: WC 2022: ఒక్క క్యాచ్‌తో తారుమారు: సౌతాఫ్రికాలో పుట్టి ఆ జట్టునే దెబ్బకొట్టిన ప్లేయర్లు.. టీమ్‌లో తెలుగు కుర్రాడు కూడా! T20 WC 2022: సెమీ ఫైనల్‌ జట్లు, షెడ్యూల్‌, లైవ్‌ స్ట్రీమింగ్‌.. ఇతర వివరాలు

ICC Mens T20 World Cup 2022- India vs Bangladesh: టీమిండియా విధించిన భారీ లక్ష్యాన్ని బంగ్లాదేశ్‌ ఛేదిస్తుందా? లిటన్‌ దాస్‌ జోరు చూస్తుంటే అది ఖాయంగానే కనిపించింది.. ఇంతలో వరణుడు సీన్‌లోకి వచ్చేశాడు.. ఇరు జట్లు, అభిమానుల్లో టెన్షన్‌ టెన్షన్‌... అయితే, అప్పటికే డక్‌వర్త్‌ లూయీస్‌ మెథడ్‌ ప్రకారం 17 పరుగులతో ముందంజలో ఉన్న బంగ్లా శిబిరంలో సంతోషం..  కాసేపటికి వర్షం ఆగింది.. ఆట మొదలైంది.. 16 ఓవర్లలో 151 పరుగుల సమీకరణం.. 54 బంతుల్లో 85 పరుగులు చేయాలి.. అప్పటికింకా ఒక్క వికెట్‌ కూడా పడకపోవడంతో గెలుపుపై షకీబ్‌ అల్‌ హసన్‌ బృందం ధీమా.. కానీ లిటన్‌ దాస్‌ రనౌట్‌తో సీన్‌ రివర్స్‌.. అయినా ఆత్మవిశ్వాసంతో మ్యాచ్‌ను ఆఖరి బంతి వరకు తీసుకురాగలిగింది..  అయితే, భారత యువ పేసర్‌ అర్ష్‌దీప్‌ సింగ్‌ ఒత్తిడిని జయించి నూరుల్‌ హసన్‌ను కట్టడి చేయడంతో 5 పరుగుల తేడాతో టీమిండియా విజయం. ఇలాంటి నాటకీయ పరిణామాల మధ్య చేదు అనుభవాన్ని మూటగట్టుకున్న బంగ్లాదేశ్‌ సెమీస్‌ రేసులో నిలవాలంటే ఇతర జట్ల ఫలితాలపై ఆధారపడాల్సిన పరిస్థితి. అంపైర్లతో నదుల గురించి మాట్లాడావా షకీబ్‌! ఈ నేపథ్యంలో మ్యాచ్‌ అనంతరం మీడియాతో మాట్లాడిన బంగ్లా కెప్టెన్‌ షకీబ్‌ అల్‌ హసన్‌కు ఓ రిపోర్టర్‌ సంధించిన ప్రశ్నలు.. అందుకు అతడు స్పందించిన విధానం ఆసక్తికరంగా మారింది. ఆ సంభాషణ ఇలా సాగింది. రిపోర్టర్‌: ‘‘బ్యాడ్‌లక్‌ షకీబ్‌.. వర్షం ఆగిన తర్వాత మీరు బ్యాటింగ్‌ చేయాలని అనుకోలేదా? అంపైర్‌తో మీరు ఏం చర్చించారు? షకీబ్‌ అల్‌ హసన్‌: ‘‘అంతకంటే మాకు వేరే ఆప్షన్‌ ఉందా?’’ రిపోర్టర్‌: ‘‘అవును.. వేరే ఆప్షన్‌ ఏమీ లేదు. కానీ వాళ్లను కన్విన్స్‌ చేయాలని ప్రయత్నించారా?’’ షకీబ్‌: ‘‘ఎవరిని?’’ రిపోర్టర్‌: ‘‘అంపైర్‌, రోహిత్‌ శర్మను’’ షకీబ్‌: ‘‘నాకు అంపైర్‌ను కన్విన్స్‌ చేయగల స్థాయి ఉందంటారా?’’ ఏంటీ? రిపోర్టర్: ‘‘మరి అంపైర్‌తో మీరేం మాట్లాడారు? బంగ్లాదేశ్‌లో ఉన్న నదుల గురించి చర్చించారా?’’ షకీబ్‌: ‘‘ఏంటీ?’’ రిపోర్టర్‌: ‘‘బంగ్లాదేశ్‌లో ఉన్న నదులు.. దేశ అభివృద్ధిలో వాటి పాత్ర గురించి మాట్లాడారా అంటున్నా.. దయచేసి మీరు అంపైర్‌తో ఏం మాట్లాడారో వివరించగలరా?’’ షకీబ్‌: ‘‘అవునా.. ఇప్పుడు మీరు సరైన ప్రశ్నే అడిగారు.. అంపైర్‌ ఇరు జట్ల కెప్టెన్లను పిలిచాడు. టార్గెట్‌ ఎంత? రూల్స్‌ ఏమిటి? అన్న విషయాల గురించి చెప్పారు’’ అవును రిపోర్టర్‌: ‘‘వాటికి మీరు అంగీకరించారా’’ షకీబ్‌: ‘‘అవును’’ రిపోర్టర్‌: ‘‘బ్యూటిఫుల్‌.. థాంక్యూ’’. పుండుమీద కారం చల్లినట్లుగా వీరిద్దరి సంభాషణకు సంబంధించిన వీడియో సోషల్‌ మీడియాలో చక్కర్లు కొడుతోంది. ఇక ఈ వీడియోపై నెటిజన్లు తమదైన శైలిలో స్పందిస్తున్నారు. ‘‘పుండుమీద కారం చల్లినట్లుగా.. పాపం.. అసలే ఓడిన బాధలో ఉన్న షకీబ్‌ను ఆ రిపోర్టర్‌ ఎవరో బాగా ఆడుకున్నట్టున్నాడుగా..’’ అని కొంతమంది వ్యంగ్యాస్త్రాలు సంధిస్తున్నారు. మరికొందరు మాత్రం.. ‘‘అసలే టీమిండియా.. అయినా బెదరలేదు.. ఆఖరి బంతి వరకు మ్యాచ్‌ను తీసుకురాగలిగారు.. వర్షం లేకపోయి ఉంటే పరిస్థితి వేరేలా ఉండేది కదా! ఏదేమైనా ఆటలో గెలుపోటములు సహజమే’’ అంటూ షకీబ్‌కు మద్దతుగా నిలుస్తున్నారు. చదవండి: T20 WC 2022: అంతన్నావు.. ఇంతన్నావు! ఇప్పుడు ఏమైంది షకీబ్‌? T20 WC 2022: షకీబ్‌ అల్‌ హసన్ అరుదైన ఘనత.. ప్రపంచ రికార్డు సమం var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); View this post on Instagram A post shared by ICC (@icc)

టి20 ప్రపంచకప్‌లో భాగంగా బుధవారం టీమిండియా బంగ్లాదేశ్‌పై ఐదు పరుగుల తేడాతో ఉత్కంఠ విజయాన్ని అందుకుంది. ఈ గెలుపుతో టీమిండియా సెమీస్‌ బెర్తును దాదాపు ఖరారు చేసుకున్నట్లే. ఇక మ్యాచ్‌ ముగిసిన అనంతరం టీమిండియా కెప్టెన్‌ రోహిత్‌ శర్మ మాట్లాడాడు. ''ఒక పక్క ఒత్తిడి.. మరోపక్క సంతోషం రెండింటిని బ్యాలెన్స్‌ చేయాల్సి వచ్చింది. బంగ్లాదేశ్‌ చేతిలో 10 వికెట్లు ఉన్న సమయంలో కాస్త భయమేసింది. వర్షం అడ్డుపడడంతో ఇక మా పని అయిపోందనుకున్నా. కానీ వర్షం తర్వాత ప్రారంభమైన ఆటలో మా బౌలర్లు అద్భుతంగా బౌలింగ్‌ చేశారు. ముఖ్యంగా మ్యాచ్‌లో హీరో అర్ష్‌దీప్‌ సింగ్‌. ఒత్తిడిలో బౌలింగ్‌ చేయడం సవాల్‌. డెత్‌ ఓవర్లలో బుమ్రా లేని లోటు తెలియకుండా అర్ష్‌దీప్‌ రాణించడం మాకు ప్రత్యేకం. ఆసియా కప్‌ నుంచి అర్ష్‌దీప్‌లో మంచి పరిణితి కనిపిస్తుంది. దీని వెనుక తొమ్మిది నెలల కఠోర శ్రమ దాగుంది. ఇక కేఎల్‌ రాహుల్‌ ఫామ్‌లోకి రావడం ఉత్తమం. అతని బ్యాటింగ్‌పై జట్టు ఎప్పుడు నమ్మకం కోల్పోలేదు. ఇక కోహ్లి గురించి చెప్పడానికి ఏం లేదు. టి20 ప్రపంచకప్‌ కొట్టడమే టార్గెట్‌గా పెట్టుకున్నాడా అని అనిపిస్తుంది. అతను ఫామ్‌లో ఉంటే ఆపడం కష్టం.. ఇది ఇలాగే కొనసాగాలి. సౌతాఫ్రికాతో మ్యాచ్‌లో ఫేలవ ఫీల్డింగ్‌ మా కొంపముంచింది. కానీ ఇవాళ అదే ఫీల్డింగ్‌ మమ్మల్ని కాపాడింది. బంగ్లాదేశ్‌ జట్టు చాలా బాగా పోరాడింది. కానీ అంతిమంగా విజయం ఒకరినే వరిస్తుంది.'' అంటూ ముగించాడు. చదవండి: ఆసక్తికరంగా గ్రూప్-2 సెమీస్‌ బెర్తు.. 

పొట్టి ప్రపంచకప్‌లో మరోసారి అసలు సిసలు మజా వచ్చింది. భారత్‌, బంగ్లాదేశ్‌ జట్ల మధ్య బుధవారం జరిగిన మ్యాచ్‌ ప్రేక్షకులను మునివేళ్లపై నిలబెట్టింది. చివరి బంతి వరకు దోబూచులాడిన విజయం ఆఖరికి టీమిండియాను వరించింది. టీ20 ప్రపంచకప్‌లో భాగంగా బంగ్లాతో సాగిన ఉ‍త్కంఠభరిత పోరులో 5 పరుగులతో విజయం సాధించి భారత్‌ సెమీస్ బెర్త్‌ను ఖాయం చేసుకుంది. గెలుపోటములు ఎలా ఉన్నా ఈ మ్యాచ్‌ మాత్రం క్రికెట్‌ అభిమానులకు మంచి వినోదాన్ని అందించింది. పాకిస్తాన్‌తోనూ ఇలాగే జరిగిన తన తొలి మ్యాచ్‌లో భారత్‌ చివరి బంతికి అద్భుత విజయాన్ని అందుకున్న విషయం తెలిసిందే. ఈ రెండు మ్యాచ్‌ల్లోనూ విరాట్‌ కోహ్లి అర్ధ సెంచరీలతో అదరగొట్టి  ‘మ్యాన్‌ ఆఫ్‌ ది మ్యాచ్‌’ అందుకోవడం విశేషం.  నరాలు తెగే ఉత్కంఠ చివరి ఓవర్‌కు 20 పరుగులు చేయాల్సిన దశలో బంగ్లాదేశ్‌ చూపిన తెగువ క్రీడాభిమానులకు ఆకట్టుకుంది. అర్ష్‌దీప్‌ సింగ్‌ వేసిన చివరి ఓవర్‌లో సిక్స్‌, ఫోర్‌ బాది విజయానికి చేరువగా వచ్చింది. చివరి మూడు బంతులను అర్ష్‌దీప్‌ జాగ్రత్తగా సంధించడంతో భారత్‌ విజయాన్ని అందుకుంది. కీలక సమయంలో రాణించి అర్ష్‌దీప్‌ అదుర్స్‌ అనిపించుకున్నాడు. చివరి ఓవర్‌ సాగిందిలా.. మొదటి బంతి: టాస్కిన్‌ సింగిల్‌ తీశాడు రెండో బంతి: నూరుల్‌ భారీ షాట్‌ ఆడి సిక్సర్‌గా మలిచాడు మూడో బంతి: అర్ష్‌దీప్‌ అద్భుత స్వింగ్‌.. పరుగు రాలేదు నాలుగో బంతి: నూరుల్‌ రెండు పరుగులు పిండుకున్నాడు.  ఐదో బంతి: నూరుల్‌ ఫోర్‌ బాదడంతో మళ్లీ ఉత్కంఠ ఆరో బంతి: సింగిల్‌ మాత్రమే రావడంతో భారత్‌ విజయకేతనం

ICC Mens T20 World Cup 2022: ఓవైపు నరాలు తెగే ఉత్కంఠ రేపే మ్యాచ్‌లు.. మరోవైపు వర్షం కారణంగా డేంజర్‌ జోన్‌లో పడుతున్న జట్లు.. సూపర్‌-12లో ఇప్పటికే కొన్ని మ్యాచ్‌లు వాన వల్ల రద్దు కాగా.. వరణుడు ఎవరిని కరుణిస్తాడో.. ఎవరిని ముంచుతాడో తెలియని సందిగ్ద పరిస్థితి.. వెరసి టీ20 వరల్డ్‌కప్‌-2022 ఆసక్తికరంగా సాగుతోంది.  ఇదిలా ఉంటే వ్యక్తిగత ప్రదర్శనతో భారత స్టార్‌ బ్యాటర్లు విరాట్‌ కోహ్లి, సూర్యకుమార్‌ యాదవ్‌.. బౌలర్లు అర్ష్‌దీప్‌ సింగ్‌, భువనేశ్వర్‌ కుమార్‌, ఆల్‌రౌండర్‌ హార్దిక్‌ పాండ్యా టీమిండియా ఫ్యాన్స్‌ను ఖుషీ చేస్తున్నారు. సూపర్‌-12 ఆరంభ మ్యాచ్‌లో పాకిస్తాన్‌తో హై వోల్టేజ్‌ మ్యాచ్‌లో కోహ్లి, పాండ్యా చేసిన మ్యాజిక్‌ గురించి ప్రత్యకంగా చెప్పనక్కర్లేదు.  ఇక నెదర్లాండ్స్‌తో మ్యాచ్‌లో కోహ్లి- సూర్య జోడీ.. సరేసరి. ఈ బ్యాటర్లు ఇద్దరూ అర్ధ శతకాలతో చెలరేగగా.. పేసర్లు భువనేశ్వర్‌ కుమార్‌- అర్ష్‌దీప్‌ రాణించారు. ముఖ్యంగా భువీ 3 ఓవర్లలో కేవలం 9 పరుగులే ఇచ్చి 2 వికెట్లు తీశాడు. అర్ష్‌ పరుగులు సమర్పించుకున్నప్పటికీ 2 వికెట్లు తీయగలిగాడు. వాళ్లిద్దరే! ఈ నేపథ్యంలో టీమిండియా మాజీ క్రికెటర్‌ వసీం జాఫర్‌ వరల్డ్‌కప్‌-2022 టోర్నీలో టాప్‌ రన్‌ స్కోరర్‌, అత్యధిక వికెట్లు తీసే ఆటగాళ్లను అంచనా వేశాడు. సోషల్‌ మీడియాలో యాక్టివ్‌గా ఉండే వసీం జాఫర్‌ను ఓ నెటిజన్‌ ఈ విషయం గురించి అడుగగా.. ‘‘విరాట్‌ కోహ్లి, అర్ష్‌దీప్‌ సింగ్‌’’ అంటూ వీళ్లిద్దరికీ దిష్టి తగలకూడదన్నట్లుగా ఓ ఎమోజీని జత చేశాడు. కాగా ఇప్పటి వరకు ఆడిన రెండు మ్యాచ్‌లలో కోహ్లి 144 పరుగులు(82 నాటౌట్‌, 62 నాటౌట్‌) చేశాడు. ఇక అర్ష్‌దీప్‌ పాక్‌తో మ్యాచ్‌లో మూడు, నెదర్లాండ్స్‌తో మ్యాచ్‌లో రెండు వికెట్లు తీశాడు. చదవండి: Pak Vs Zim: పాక్‌ గడ్డ మీద పుట్టి పాక్‌నే ఓడించాడు! ‘ఈసారైనా మోసం చేయకండి’! ఈ మిస్టర్‌ బీన్‌ గోలేంటి? Ind Vs Ned: నాటి వరల్డ్‌కప్‌లో తండ్రి సచిన్‌ వంటి దిగ్గజాల వికెట్లు తీసి.. నేడు కొడుకు మాత్రం..

T20 World Cup 2022: ఆసియా కప్‌-2022లో పాక్‌తో జరిగిన సూపర్‌-4 మ్యాచ్‌లో ఆసిఫ్‌ అలీ ఇచ్చిన సునాయసమైన క్యాచ్‌ను జారవిడిచి, టీమిండియా ఓటమికి పరోక్ష కారణంగా నిలిచి దారుణమైన ట్రోలింగ్‌ను ఎదుర్కొన్న టీమిండియా యువ పేసర్‌ అర్షదీప్‌ సింగ్‌.. ఇవాళ (అక్టోబర్‌ 23) అదే దాయాదితో జరిగిన మ్యాచ్‌లో మహోగ్రరూపాన్ని  ప్రదర్శించి తనను ఖలిస్తానీ అని ట్రోల్‌ చేసిన వాళ్లకు బంతితో బుద్ధిచెప్పాడు. క్రికెట్‌లో క్యాచ్‌లో జరవిడచడం సాధారణమైన విషయమే అయినప్పటికీ.. కొందరు దురభిమానులు అర్షదీప్‌ను వ్యక్తిగతంగా టార్గెట్‌ చేసి ఏకంగా వికీపీడియాలో ఖలిస్తానీ అంటూ తీవ్రస్థాయిలో దూషణలకు దిగిన విషయం తెలిసిందే. తనపై దూషణలకు దిగిన వారికి అర్షదీప్‌.. ఇవాల్టి మ్యాచ్‌లో సత్తా చాటి 'సింగ్‌ ఈజ్‌ కింగ్‌' అని నిరూపించుకున్నాడు.   అర్షదీప్‌ ఈ మ్యాచ్‌లో బుమ్రా లేని లోటు తీర్చడంతో పాటు తనపై దురభిమానులు వేసిన నిందలను తుడిచిపెట్టాడు. ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన భారత్‌కు అర్షదీప్‌ ఆరంభంలోనే పెద్ద బ్రేక్‌ ఇచ్చాడు. రెండో ఓవర్‌లో బాబర్‌ ఆజమ్‌, నాలుగో ఓవర్‌లో మహ్మద్‌ రిజ్వాన్‌లను పెవిలియన్‌కు పంపి పాక్‌ను కోలుకోలేని దెబ్బకొట్టాడు. అనంతరం 17వ ఓవర్‌లో కీలకమైన అసిఫ్‌ అలీ వికెట్‌ తీసి పాక్‌ భారీ స్కోర్‌ చేయకుండా అడ్డుకట్ట వేశాడు. ఈ మ్యాచ్‌లో 4 ఓవర్లు వేసిన అర్షదీప్‌ 32 పరుగులిచ్చి 3 కీలకమైన వికెట్లు పడగొట్టాడు. అర్షదీప్‌తో పాటు హార్ధిక్‌ పాండ్యా (3/30), షమీ (1/25), భువీ (1/22) రాణించడంతో పాక్‌ నిర్ణీత ఓవర్లలో 8 వికెట్ల నష్టానికి 159 పరుగులు చేసింది.  చదవండి: అప్పుడు రోహిత్‌.. ఇప్పుడు బాబర్‌; లెక్క సరిచేశారు

T20 World Cup 2022 India First Practice Match- Ind Vs WA XI: వెస్ట్రన్‌ ఆస్ట్రేలియా ఎలెవన్‌తో ప్రాక్టీస్‌ మ్యాచ్‌లో టీమిండియా గెలుపొందింది. సూపర్‌ ఫామ్‌లో ఉన్న సూర్యకుమార్‌ అర్ధ శతకంతో రాణించగా.. పేసర్లు అర్ష్‌దీప్‌ సింగ్‌, భువనేశ్వర్‌ కుమార్‌ ప్రత్యర్థి జట్టును కట్టడి చేశారు. దీంతో వెస్ట్రన్‌ ఆస్ట్రేలియా ఎలెవన్‌ 13 పరుగుల తేడాతో ఓటమి పాలైంది.  ఆస్ట్రేలియా వేదికగా అక్టోబరు 16 నుంచి ఆరంభం కానున్న టీ20 ప్రపంచకప్‌-2022 సన్నాహకాల్లో భాగంగా టీమిండియా పెర్త్‌ వేదికగా ప్రాక్టీసు మొదలుపెట్టింది. ఇందులో భాగంగా సోమవారం వెస్ట్రన్‌ ఆస్ట్రేలియా ఎలెవన్‌తో తలపడింది. ఈ మ్యాచ్‌లో తొలుత బ్యాటింగ్‌ చేసిన టీమిండియా నిర్ణీత 20 ఓవర్లలో 6 వికెట్ల నష్టానికి 158 పరుగులు చేసింది. 29 పరుగులకే 4 వికెట్లు కోల్పోయినా.. లక్ష్య ఛేదనకు దిగిన వెస్ట్రన్‌ ఆస్ట్రేలియాకు భారత బౌలర్లు భువనేశ్వర్‌ కుమార్‌, అర్ష్‌దీప్‌ సింగ్‌, యజువేంద్ర చహల్‌ చుక్కలు చూపించారు. ఈ క్రమంలో పవర్‌ ప్లే ముగిసే సరికి కేవలం 29 పరుగులు మాత్రమే చేసి 4 వికెట్లు కోల్పోయింది. కష్టాల్లో కూరుకుపోయిన జట్టును సామ్‌ ఫానింగ్‌ ఆదుకున్నాడు. 59 పరుగులు సాధించి టీమిండియాకు సవాల్‌ విసిరాడు. అయితే, మిగతా బ్యాటర్లు ఎవరూ పెద్దగా రాణించకపోవడంతో 145 పరుగులకు వెస్ట్రన్‌ ఆస్ట్రేలియా కథ ముగిసింది. వారెవ్వా.. అర్ష్‌దీప్‌ సింగ్‌ భారత బౌలర్లలో అర్ష్‌దీప్‌ సింగ్‌కు మూడు(3/6), చహల్‌కు రెండు(2/15), భువనేశ్వర్‌ కుమార్‌కు రెండు(2/26) వికెట్లు, హర్షల్‌ పటేల్‌కు ఒక వికెట్‌ దక్కాయి. 3 ఓవర్లు బౌలింగ్‌ చేసి కేవలం ఆరు పరుగులు మాత్రమే ఇచ్చిన అర్ష్‌.. టీమిండియా విజయంలో కీలక పాత్ర పోషించాడంటూ ఫ్యాన్స్‌ అభినందిస్తున్నారు. మరోవైపు భువీ సైతం ఫామ్‌లోకి వచ్చాడని.. అసలైన పోరులో మరింత మెరుగ్గా రాణించాలని ఆకాంక్షిస్తున్నారు.  వాళ్లిద్దరూ తుస్సుమన్నారు.. అయినా ఈ మ్యాచ్‌లో రోహిత్‌ శర్మ(3)కు జోడీగా రిషభ్‌ పంత్‌(9) ఓపెనర్‌గా వచ్చాడు. వీరిద్దరు పూర్తిగా నిరాశపరచగా.. వన్‌డౌన్‌ బ్యాటర్‌ దీపక్‌ హుడా 14 బంతుల్లో 22 పరుగులు చేశాడు. సూర్య నాలుగో స్థానంలో వచ్చి 35 బంతుల్లోనే 52 పరుగులు సాధించాడు. హార్దిక్‌పాండ్యా 27, దినేశ్‌కార్తిక్‌ 19(నాటౌట్‌), అక్షర్‌ పటేల్‌ 10, హర్షల్‌ పటేల్‌ 5 పరుగులు చేశారు. కాగా అక్టోబరు 23న చిరకాల ప్రత్యర్థి పాకిస్తాన్‌తో మ్యాచ్‌తో టీమిండియా ఐసీసీ ఈవెంట్‌ ప్రయాణాన్ని ఆరంభించనుంది. టీమిండియా వర్సెస్‌ వెస్ట్రన్‌ ఆస్ట్రేలియా ఎలెవన్‌ ప్రాక్టీస్‌ మ్యాచ్ భారత జట్టు: రోహిత్ శర్మ(కెప్టెన్‌), రిషబ్ పంత్, సూర్యకుమార్ యాదవ్, దీపక్ హుడా, హార్దిక్ పాండ్యా, దినేష్ కార్తీక్, అక్షర్ పటేల్, హర్షల్ పటేల్, భువనేశ్వర్ కుమార్, అర్ష్‌దీప్ సింగ్, యజువేంద్ర చహల్. వెస్ట్రన్‌ ఆస్ట్రేలియా ఎలెవన్‌:  డీ ఆర్సీ షార్ట్, ఆరోన్ హార్డీ, కామెరాన్ బాన్‌క్రాఫ్ట్(వికెట్‌ కీపర్‌), అష్టన్ టర్నర్(కెప్టెన్‌), సామ్ ఫానింగ్, హమీష్ మెకెంజీ, జై రిచర్డ్‌సన్, ఆండ్రూ టై, జాసన్ బెహ్రెన్‌డార్ఫ్, మాథ్యూ కెల్లీ, నిక్ హాబ్సన్. చదవండి: Ind Vs SA: టీమిండియా అరుదైన ప్రపంచ రికార్డు.. ఇతర జట్లకు అందనంత దూరంలో! ఇక అయ్యర్‌.. టీమిండియా బౌలర్ల విజృంభణ.. 37 పరుగులకే కుప్పకూలిన ప్రత్యర్ధి T20 WC 2022 Final: ఈసారి ఫైనల్లో వెస్టిండీస్‌తో పోటీపడేది ఆ జట్టే! ఇంకా.. That's that from the practice match against Western Australia.#TeamIndia win by 13 runs. Arshdeep Singh 3/6 (3 overs) Yuzvendra Chahal 2/15 Bhuvneshwar Kumar 2/26 pic.twitter.com/NmXCogTFIR — BCCI (@BCCI) October 10, 2022

ఇండోర్‌ వేదికగా దక్షిణాఫ్రికాతో మూడో టీ20లో టీమిండియా మూడు మార్పులతో బరిలోకి దిగింది. ఈ మ్యాచ్‌కు భారత స్టార్‌ ఆటగాళ్లు విరాట్‌ కోహ్లి, కేఎల్‌ రాహుల్‌, యువ పేసర్‌ ఆర్ష్‌దీప్‌ సింగ్‌ దూరమయ్యారు. టాస్‌ సమయంలో రోహిత్‌ మాట్లాడుతూ.. "మేము ముందుగా ఫీల్డింగ్‌ చేయబోతున్నాం. ఇండోర్‌ హై స్కోరింగ్‌ గ్రౌండ్‌. ఇక ఈ మ్యాచ్‌లో మేము మూడు మార్పులతో ఆడనున్నాం. విరాట్‌, రాహుల్‌కు విశ్రాంతి ఇచ్చాం. ఈ మ్యాచ్‌కు అర్ష్‌దీప్ సింగ్‌ కూడా దూరమయ్యాడు. అర్ష్‌దీప్ కొంచెం వెన్ను నొప్పితో బాధపడుతున్నాడు. అయితే అతడి గాయం అంత తీవ్రమైనది ఏమి కాదు. కేవలం ముందుజాగ్రత్తగా మాత్రమే అతడికి విశ్రాంతి ఇచ్చాం. అయ్యర్‌, ఉమేష్‌, సిరాజ్‌లు జట్టులోకి వచ్చారు" అని పేర్కొన్నాడు. కాగా ఆస్ట్రేలియా వేదికగా జరగనున్న టీ20 ప్రపంచకప్‌-2022కు ముందు ఇదే టీమిండియాకు అఖరి టీ20 మ్యాచ్‌. చదవండి: IND vs SA: రోహిత్‌ శర్మతో ఫోటో దిగిన డీసీపీ.. ఏంటి అరెస్ట్‌ చేశారా?

India Vs South Africa T20 Series 2022: ఇంగ్లండ్‌ పర్యటనలో భాగంగా టీమిండియా తరఫున అరంగేట్రం చేసిన అర్ష్‌దీప్‌ సింగ్‌.. వెస్టిండీస్‌ టూర్‌లో అద్భుత ప్రదర్శనతో ఆకట్టుకున్నాడు. విండీస్‌తో టీ20 సిరీస్‌లో ఏడు వికెట్లు పడగొట్టి సత్తా చాటాడు. ఈ క్రమంలో ఆసియా కప్‌-2022 టీ20 టోర్నీకి ఎంపికైన ఈ యువ పేసర్‌.. మెగా టోర్నీలో మాత్రం పెద్దగా ఆకట్టుకోలేకపోయాడు. ముఖ్యంగా పాకిస్తాన్‌తో సూపర్‌-4 మ్యాచ్‌లో క్యాచ్‌ నేలపాలు చేయడం తీవ్ర విమర్శలకు దారి తీసింది. ఇక ఆస్ట్రేలియాతో స్వదేశంలో టీ20 సిరీస్‌ నేపథ్యంలో విశ్రాంతి తీసుకున్న అర్ష్‌.. దక్షిణాఫ్రికాతో సిరీస్‌లో భాగంగా తొలి మ్యాచ్‌లో ఆకట్టుకునే ప్రదర్శన చేశాడు. ప్రొటిస్‌ బ్యాటర్లకు చుక్కలు చూపించిన అర్ష్‌దీప్‌ తిరువనంతపురం వేదికగా జరిగిన టీ20లో నాలుగు ఓవర్ల బౌలింగ్‌ కోటా పూర్తి చేసి 32 పరుగులు ఇచ్చి 3 వికెట్లు పడగొట్టాడు. బంతిని స్వింగ్‌ చేస్తూ.. సౌతాఫ్రికా బ్యాటర్లకు చుక్కలు చూపించాడు. తద్వారా ప్రొటిస్‌ను తక్కువ స్కోరుకే పరిమితం చేయడంలో కీలకంగా వ్యవహరించి జట్టు విజయంలో తన వంతు పాత్ర పోషించాడు.  అర్ష్‌దీప్‌ సింగ్‌ మరో జహీర్‌ ఖాన్‌ ఇక అదే జోష్‌లో మిగిలి ఉన్న మరో రెండు మ్యాచ్‌లకు సిద్ధమవుతున్నాడు ఈ ఫాస్ట్‌బౌలర్‌. ఈ నేపథ్యంలో పాకిస్తాన్‌ మాజీ వికెట్‌ కీపర్‌ బ్యాటర్‌ కమ్రాన్‌ అక్మల్‌ అర్ష్‌దీప్‌ గురించి ఆసక్తికర వ్యాఖ్యలు చేశాడు. తన యూట్యూబ్‌ చానెల్‌ వేదికగా మాట్లాడుతూ.. ‘‘అర్ష్‌దీప్‌ సింగ్‌ అద్భుతమైన బౌలర్‌. నా అభిప్రాయం ప్రకారం టీమిండియాకు మరో జహీర్‌ ఖాన్‌ దొరికేశాడు. అర్ష్‌దీప్‌ సింగ్‌ పేస్‌లో వైవిధ్యం.. బంతిని స్వింగ్‌ చేయగల నైపుణ్యం అతడిని ప్రత్యేకంగా నిలిపాయి. మానసికంగా కూడా తను ఎంతో బలవంతుడు. తన శక్తిసామర్థ్యాలేమిటో అతడికి బాగా తెలుసు. వాటిని ఎప్పుడు ఎక్కడ ఎలా ఉపయోగించాలో కూడా  పూర్తి అవగాహన ఉంది. సౌతాఫ్రికాతో తొలి టీ20లో రీలీ రొసోవ్‌, డికాక్‌ను అవుట్‌ చేసిన తీరు బాగుంది. నువ్వు సూపర్‌ అయితే, డేవిడ్‌ మిల్లర్‌ వికెట్‌ మాత్రం అద్భుతం. ఇన్‌స్వింగర్‌తో అతడిని బోల్తా కొట్టించాడు. ఇంత చిన్న వయసులోనే అర్ష్‌దీప్‌ రాణిస్తున్న తీరు అమోఘం. టీమిండియాకు జహీర్‌ ఖాన్‌ లాంటి లెఫ్టార్మ్‌ పేసర్‌ సేవలు అవసరమైన తరుణంలో అతడు వచ్చాడు’’ అంటూ 23 ఏళ్ల అర్ష్‌దీప్‌ సింగ్‌పై కమ్రాన్‌ అక్మల్‌ ప్రశంసల వర్షం కురిపించాడు. ఇక ఆస్ట్రేలియా వేదికగా అక్టోబరు 16 నుంచి ఆరంభం కానున్న టీ20 ప్రపంచకప్‌-2022 టోర్నీకి ఎంపిక చేసిన భారత జట్టులో సైతం అర్ష్‌దీప్‌నకు చోటు దక్కిన విషయం తెలిసిందే. కాగా టీమిండియా తరఫున ఇప్పటి వరకు 12 మ్యాచ్‌లు ఆడిన ఈ యువ పేసర్‌... 17 వికెట్లు పడగొట్టాడు. చదవండి: Pak Vs Eng 6th T20: పాక్‌ బౌలర్లకు చుక్కలు.. 13 ఫోర్లు, 3 సిక్స్‌లతో సాల్ట్‌ విధ్వంసం.. ఇంగ్లండ్‌ చేతిలో పాక్‌ చిత్తు National Games 2022: ఇద్దరూ ఒకప్పుడు టీమిండియా కెప్టెన్లే! ప్రేమా..పెళ్లి.. కవలలు.. మూడేళ్ల తర్వాత..

సౌతాఫ్రికాతో తొలి టి20లో టీమిండియాకు మంచి ఆరంభం లభించింది. టీమిండియా పేసర్లు అర్ష్‌దీప్‌ సింగ్‌, దీపక్‌ చహర్‌లు చెలరేగడంతో సౌతాఫ్రికా జట్టు 9 పరుగులకే ఐదు వికెట్లు కోల్పోయి పీకల్లోతు కష్టాల్లో పడింది. అందులో అర్ష్‌దీప్‌ మూడు వికెట్లు కాగా.. రెండు వికెట్లు దీపక్‌ చహర్‌వి ఉన్నాయి. కాగా సౌతాఫ్రికాకు టి20 క్రికెట్‌లో ఇదే అత్యంత చెత్త ఆరంభం. ఏకంగా ముగ్గురు బ్యాటర్లు గోల్డెన్‌ డక్‌గా వెనుదిరగడం విశేషం. రొసో, మిల్లర్‌, ట్రిస్టన్‌ స్టబ్స్‌లు తాము ఎదుర్కొన్న తొలి బంతికే వెనుదిరిగారు. ఇక అర్షదీప్‌ సింగ్‌.. టీమిండియా సీనియర్‌ ఆటగాడు శిఖర్‌ ధావన్‌ను గుర్తుకు తెచ్చాడు. ఇన్నింగ్స్‌ మూడో ఓవర్లో దీపక్‌ చహర్‌ బౌలింగ్‌లో ట్రిస్టన్‌ స్టబ్స్‌ భారీ షాట్‌కు యత్నించగా.. థర్డ్‌మన్‌లో ఉన్న అర్ష్‌దీప్‌ క్యాచ్‌ అందుకున్నాడు. దీంతో అర్ష్‌దీప్‌ క్యాచ్‌ అందుకున్న సంతోషంలో తొడ కొట్టి మీసం మెలేశాడు. కాగా టీమిండియా గబ్బర్‌ శిఖర్‌ ధావన్‌ క్యాచ్‌ పట్టిన ప్రతీసారి తొడగొట్టడం అలవాటు. ప్రస్తుతం దీనికి సంబంధించిన ఫోటో సోషల్‌ మీడియాలో వైరల్‌గా మారింది.

T20 World Cup 2022- Rohit Sharma- Arshdeep Singh: టీమిండియా పేసర్‌ అర్ష్‌దీప్‌ సింగ్‌పై కెప్టెన్‌ రోహిత్‌ శర్మ ప్రశంసలు కురిపించాడు. ఆసియా కప్‌-2022 టీ20 టోర్నీలో ఈ యువ బౌలర్‌ బౌలింగ్‌ చేసిన విధానం అమోఘమని కొనియాడాడు. తీవ్రమైన ఒత్తిడిలోనూ యార్కర్లు సంధించి ప్రత్యర్థికి చెమటలు పట్టించగల ప్రతిభ అర్ష్‌దీప్‌ సొంతమని ప్రశంసించాడు.  టీ20 ప్రపంచకప్‌-2022 సన్నాహకాల్లో భాగంగా టీమిండియా స్వదేశంలో ఆస్ట్రేలియాతో టీ20 సిరీస్‌ ఆడనున్న విషయం తెలిసిందే. ఈ నేపథ్యంలో మొహాలీ వేదికగా మంగళవారం ఆరంభం కానున్న తొలి టీ20కి ముందు భారత కెప్టెన్‌ రోహిత్‌ శర్మ మీడియాతో మాట్లాడాడు. ఈ సందర్భంగా.. ఓపెనింగ్‌ జోడీపై కీలక వ్యాఖ్యలు చేశాడు. అంత తేలికేం కాదు! ప్రపంచకప్‌ టోర్నీలో కేఎల్‌ రాహుల్‌ ఓపెనర్‌గానే బరిలోకి దిగుతాడని.. విరాట్‌ కోహ్లి ప్రత్యామ్నాయ ఓపెనర్‌ మాత్రమేనని స్పష్టం చేశాడు. ఇక అర్ష్‌దీప్‌ గురించి మాట్లాడుతూ.. ‘‘అర్ష్‌దీప్‌ బౌలింగ్‌ చేస్తున్న విధానం బాగుంది. అంతర్జాతీయ క్రికెట్‌లో అడుగుపెట్టిన మొదటి ఏడాదిలోనే.. ఒత్తిడిని అధిగమిస్తూ ముందుకు సాగడం మామూలు విషయం కాదు. అర్ష్‌దీప్‌ సింగ్‌ తను చాలా తెలివైన వాడు. జట్టులో ఎప్పుడైతే లెఫ్టార్మ్‌ సీమర్‌ అవసరం ఎక్కువగా ఉందో అప్పుడే.. ఐపీఎల్‌లో తన ప్రదర్శనతో ప్రతిభను నిరూపించుకుని టీమిండియాలో అరంగేట్రం చేశాడు. అంచనాలకు తగ్గట్లు రాణిస్తున్నాడు. అతడి రాకతో మా బౌలింగ్‌ విభాగం పటిష్టమైంది’’ అని రోహిత్‌ పేర్కొన్నాడు. ఇక ఆసియా కప్‌-2022 సూపర్‌- దశలో పాకిస్తాన్‌తో మ్యాచ్‌లో అసిఫ్‌ అలీ క్యాచ్‌ నేలపాలు చేసిన కారణంగా అర్ష్‌దీప్‌ విమర్శల పాలైన సంగతి తెలిసిందే. అదే విధంగా శ్రీలంకతో మ్యాచ్‌లోనూ 3.5 ఓవర్లు బౌలింగ్‌ చేసి ఏకంగా 40 పరుగులు సమర్పించుకున్నాడు. దీంతో.. అతడి ఆట తీరుపై విమర్శలు మరింత పెరిగాయి. అందుకే వాళ్లంతా ఇంట్లో కూర్చుని ఉన్నా.. ఈ పరిణామాల నేపథ్యంలో రోహిత్‌ మాట్లాడుతూ.. ‘‘తనకు ఆత్మవిశ్వాస మెండు. చాలా మంది ఆటగాళ్లు ఇంట్లో కూర్చుని ఉన్నా జట్టులో అతడికి చోటు దక్కడానికి కారణం అదే. కెరీర్‌ తొలినాళ్లలోనే అతడు పరిణతితో వ్యవహరిస్తున్నాడు. కెప్టెన్‌గా నేను.. కోచ్‌ ద్రవిడ్‌ భాయ్‌ అర్ష్‌దీప్‌ బౌలింగ్‌తో చాలా సంతృప్తిగా ఉన్నాము’’ అని చెప్పుకొచ్చాడు. ఇక టీ20 ప్రపంచకప్‌ జట్టులో 23 ఏళ్ల ఫాస్ట్‌బౌలర్‌ అర్ష్‌దీప్‌నకు చోటు దక్కిన విషయం తెలిసిందే. అయితే, ఆసీస్‌తో సిరీస్‌లో మాత్రం అతడికి విశ్రాంతి దొరికింది. చదవండి: Ind Vs Aus: యువీ, భజ్జీకి సముచిత గౌరవం.. ఆసీస్‌తో తొలి టీ20కి ముందు..

Asia Cup 2022- India vs Pakistan, Super Four Match: ‘‘ఆరోజు పాకిస్తాన్‌తో మ్యాచ్‌లో క్యాచ్‌ నేలపాలు చేసిన కారణంగా తాను ఆ రాత్రి సరిగా నిద్ర కూడా పోలేదని అర్ష్‌దీప్‌ నాతో చెప్పాడు. అందరిలాగే తను కూడా కాస్త టెన్షన్‌ పడ్డాడు. కానీ మేము అతడికి నచ్చజెప్పాం.  నిజానికి తను హార్డ్‌వర్కర్‌. ఇలాంటి విషయాలను పెద్దగా పట్టించుకోవద్దని తనతో అన్నాము’’ అని టీమిండియా యువ పేసర్‌ అర్ష్‌దీప్‌ సింగ్‌ చిన్ననాటి కోచ్‌ జశ్వంత్‌ రాయ్‌ అన్నాడు. పాక్‌తో మ్యాచ్‌లో ఓటమిపాలైనందుకు అర్ష్‌దీప్‌ ఎంతగానో బాధపడ్డాడని చెప్పుకొచ్చాడు. ఆ ఒక్క క్యాచ్‌ మిస్‌ కావడంతో.. ఆసియా కప్‌-2022 సూపర్‌-4లో భాగంగా పాకిస్తాన్‌తో మ్యాచ్‌లో టీమిండియా ఐదు వికెట్ల తేడాతో పరాజయం పాలైన విషయం తెలిసిందే. బ్యాటర్లు రాణించినా.. బౌలర్లు విఫలం కావడంతో దాయాది చేతిలో రోహిత్‌ సేనకు ఓటమి తప్పలేదు.  ముఖ్యంగా 18వ ఓవర్లో రవి బిష్ణోయి బౌలింగ్‌లో అర్ష్‌దీప్‌.. పాక్‌ ఆటగాడు అసిఫ్‌ అలీ ఇచ్చిన క్యాచ్‌ను నేలపాలు చేయడంతో టీమిండియా భారీ మూల్యమే చెల్లించింది. ఈ క్యాచ్‌ మిస్‌ కావడంతో లైఫ్‌ పొందిన అలీ.. ఆ తర్వాతి ఓవర్లో భువనేశ్వర్‌ కుమార్‌ బౌలింగ్‌లో సిక్సర్‌, ఫోర్‌ బాది పాక్‌ విజయానికి బాటలు వేశాడు. ఇక ఆఖరి ఓవర్‌ వేసిన అర్ష్‌దీప్‌.. నాలుగో బంతికి అసిఫ్‌ అలీని ఎల్బీడబ్ల్యూగా పెవిలియన్‌కు పంపినా.. ఆ తర్వాతి బంతికి ఇఫ్తికర్‌ అహ్మద్‌ రెండు పరుగులు తీసి పాక్‌ను గెలిపించాడు. ఈ నేపథ్యంలో అర్ష్‌దీప్‌ సింగ్‌పై తీవ్ర స్థాయిలో విమర్శలు వెల్లువెత్తాయి.  భారీ స్థాయిలో ట్రోలింగ్‌ ఈ ఫాస్ట్‌బౌలర్‌పై సోషల్‌ మీడియాలో పెద్ద ఎత్తున ట్రోలింగ్‌ జరిగింది. విపరీతపు కామెంట్లతో అతడిని అవమానించారు. అంతేకాకుండా అతడి వికీపీడియా పేజీని ఎడిట్‌ చేసి ఓ నిషేధిత సంస్థతో సంబంధం ఉందంటూ అనుచితంగా ప్రవర్తించారు కొందరు ఆకతాయిలు. దీంతో ఏకంగా కేంద్ర ప్రభుత్వం జోక్యం చేసుకోవాల్సి వచ్చింది.  ఈ విషయాల గురించి అర్ష్‌దీప్‌ సింగ్‌ కోచ్‌ జశ్వంత్‌ రాయ్‌ తాజాగా ఇండియన్‌ ఎక్స్‌ప్రెస్‌తో మాట్లాడుతూ నాడు(సెప్టెంబరు 4) ఈ యువ పేసర్‌ మానసిక పరిస్థితి ఎలా ఉందన్న అంశం గురించి చెప్పుకొచ్చాడు. ‘‘క్యాచ్‌ జారవిడిచిన తర్వాత తను చివరి ఓవర్లో కేవలం ఏడు పరుగులు మాత్రమే ఇచ్చాడు. బాగానే బౌలింగ్‌ చేశాడు. కానీ అప్పటికే నష్టం జరిగింది.  క్యాచ్‌ జారవిడిచిన దానికంటే అదే ఎక్కువ బాధించింది! ఆ మ్యాచ్‌ తర్వాత నేను తనతో మాట్లాడాను. ఆ రాత్రి తను సరిగా నిద్రపోలేకపోయానని అర్ష్‌దీప్‌ నాతో అన్నాడు. తాను ట్రోల్స్‌ గురించి పెద్దగా పట్టించుకోనని చెప్పాడు. కేవలం ఆరోజు ఫుల్‌టాస్‌ను యార్కర్‌(19వ ఓవర్‌ ఐదో బంతి)గా ఎందుకు మలచలేకపోయానా అని తను తీవ్రంగా బాధపడినట్లు చెప్పాడు. తన ప్రణాళిక అమలు అయి ఉంటే బాగుండేది. ఏదేమైనా టీ20 ప్రపంచకప్‌ ఈవెంట్‌ అనేది ఏ క్రికెటర్‌కైనా తనను తాను నిరూపించుకునే అవకాశం ఇచ్చే గొప్ప వేదిక. తప్పులు సరిదిద్దుకునే తత్వమే అర్ష్‌దీప్‌ను ఈ టోర్నీలో నిలబెడుతుంది.. టీమిండియాకు ప్రయోజనకరంగా మారుతుంది’’ అని పేర్కొన్నాడు. కాగా ఆస్ట్రేలియా వేదికగా అక్టోబరు 16 నుంచి ఆరంభం కానున్న టీ20 వరల్డ్‌కప్‌ టోర్నీ ఆడే భారత జట్టులో అర్ష్‌దీప్‌నకు చోటు దక్కిన విషయం తెలిసిందే. చదవండి: శ్రీలంక కష్టమే! ఆసీస్‌ ముందంజలో! అదే జరిగితే ఫైనల్లో భారత్‌- పాకిస్తాన్‌! సూర్యకుమార్‌లో మనకు తెలియని రొమాంటిక్‌ యాంగిల్‌..

ఆసియా కప్‌ సూపర్‌-4 దశలో పాక్‌తో జరిగిన మ్యాచ్‌లో కీలక సమయంలో క్యాచ్‌ జారవిడిచిన టీమిండియా యువ పేసర్‌ అర్షదీప్‌ సింగ్‌పై కొందరు దురభిమానులు ముప్పేట దాడులకు పాల్పడుతున్న విషయం తెలిసిందే. అ‍ల్లరి మూకలు.. అర్షదీప్‌ తల్లిదండ్రులను బెదిరించడం, అతన్ని అంతమొందిస్తామని సోషల్‌మీడియాలో కామెంట్లు పెట్టడం, అర్షదీప్‌ వికీపీడియాలో భారత్‌ బదులు ఖలిస్తాన్‌ అని మార్పులు చేయడం వంటి దుశ్చర్యలకు తెగబడ్డారు.  తాజాగా భారతీయుడిగా చెప్పుకున్న ఓ అగంతకుడు ఓ అడుగు ముందుకేసి అర్షదీప్‌పై నేరుగా దూషణకు దిగాడు. శ్రీలంకతో మ్యాచ్‌ అనంతరం టీమిండియా ఆటగాళ్లు హోటల్‌కు బయల్దేరే క్రమంలో (టీమ్‌ బస్‌ ఎక్కుతుండగా) అక్కడే ఫోన్‌ పట్టుకుని వీడియో తీస్తున్న ఓ వ్యక్తి.. అర్షదీప్‌ డ్రాప్‌ క్యాచ్‌ను ఉద్దేశిస్తూ పంజాబీలో అసభ్యపదజాలం వాడి దూషించాడు. ఇది గమనించిన ఓ స్పోర్ట్స్‌ జర్నలిస్ట్‌.. సదరు వ్యక్తిని అడ్డుకున్నాడు. అర్షదీప్‌ను ఎందుకు దూషిస్తున్నావని నిలదీశాడు.  అర్షదీప్‌ భారత ఆటగాడని, దేశానికి ప్రాతినిధ్యం వహించే వ్యక్తితో ఇలాగేనా ప్రవర్తించేదని ఎడాపెడా వాయించాడు. ఈ విషయాన్ని అక్కడే సెక్యూరిటీ సిబ్బందికి వివరిస్తుండగా ఆ అగంతకుడు అక్కడి నుంచి మెల్లగా జారుకున్నాడు.  అగంతకుడు దూషిస్తుండగా.. అర్షదీప్‌ సైతం కాసేపు ఆగి, కౌంటరిద్దామని అనుకున్నట్లున్నాడు. ఎందుకులే లేనిపోని గొడవ అనుకున్నాడో ఏమో.. మారు మాట్లాడకుండా బస్‌ ఎక్కేశాడు. ఈ తతంగం మొత్తానికి సంబంధించిన వీడియో ప్రస్తుతం సోషల్‌మీడియాలో వైరలవుతుంది. అర్షదీప్‌కు అండగా నిలిచిన విమల్‌ కుమార్‌ అనే జర్నలిస్ట్‌ను భారత అభిమానులు అభినందనలతో ముంచెత్తుతున్నారు. ఇది కదరా దేశ భక్తి, దేశానికి ప్రాతినిధ్యం వహించే ఆటగాళ్ల పట్ల గౌరవమంటే అంటూ సోషల్‌మీడియాలో కామెంట్లు పెడుతున్నారు.    చదవండి: అంతా అయిపోయింది .. వెళ్లి లాగేజీ సర్దుకోండి! టాటా బై బై!

ఆసియాకప్‌-2022లో టీమిండియా కెప్టెన్‌ రోహిత్‌ శర్మ ఫీల్డ్‌లో తన ప్రశాంతతను కోల్పోయాడు అనడంలో ఎటువంటి సందేహం లేదు. పాకిస్తాన్‌తో జరిగిన సూపర్‌-4 మ్యాచ్‌లో క్యాచ్‌ జారవిడిచిన అర్ష్‌దీప్‌ సింగ్‌పై గట్టిగా అరవడం.. అదే విధంగా పంత్‌ ఔటయ్యాక క్లాస్‌ పీకడం వంటి సంఘటలను చూశాం. అయితే మరో సారి రోహిత్‌ సహానాన్ని కోల్పోయాడు. ఆసియాకప్ సూపర్‌-4లో భాగంగా కీలక మ్యాచ్‌లో శ్రీలంకతో భారత్‌ తలపడింది. ఈ మ్యాచ్‌లో భారత్‌ 6 వికెట్ల తేడాతో ఓటమి చవిచూసింది. అయితే శ్రీలంక విజయానికి అఖరి ఓవర్‌లో 7 పరుగులు కావల్సిన నేపథ్యంలో.. రోహిత్‌ బంతిని అర్ష్‌దీప్‌ సింగ్‌ చేతికి ఇచ్చాడు. అయితే అఖరి ఓవర్‌ వేయడానికి వచ్చిన అర్ష్‌దీప్‌.. కెప్టెన్‌ రోహిత్‌ శర్మకు ఏదో సలహా ఇవ్వడానికి ప్రయత్నించాడు. కానీ రోహిత్‌ మాత్రం అర్ష్‌దీప్ మాటలను పట్టించుకోకుండా ముఖం తిప్పి వెళ్లిపోయాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఈ క్రమంలో రోహిత్‌ ప్రవర్తనపై నెటిజన్లు విమర్శలు వర్షం కురిపిస్తున్నారు. ఇదేనా యువ ఆటగాళ్లను ప్రోత్సహించడం, నిజంగా సిగ్గు చేటు అంటూ కామెంట్లు చేస్తున్నారు. కాగా అఖరి ఓవర్‌లో అర్ష్‌దీప్‌ అద్భుతమైన యార్కర్లను వేశాడు.  అయితే రెండు బంతుల్లో 2 పరుగులు అవసరమవ్వగా.. ఐదో బంతికి బైస్‌ రూపంలో శ్రీలంకకు విన్నింగ్‌ రన్స్‌ వచ్చాయి. Jokes apart but this is how you treat youngsters? Imagine being a captain and insulting your bowler like this during a live and crucial match. Shame on rohit sharma.pic.twitter.com/yoaAR1XWES — Saith Abdullah (@SaithAbdullah99) September 6, 2022 చదవండి: Ravindra Jadeja: జడేజా మోకాలి సర్జరీకి సంబంధించి బిగ్‌ అప్‌డేట్‌

ఆసియా కప్‌ 2022 సూపర్‌-4 దశలో పాక్‌తో జరిగిన హైఓల్టేజీ మ్యాచ్‌లో కీలక సమయంలో సునాయాసమైన క్యాచ్‌ డ్రాప్‌ చేసి దారుణమైన ట్రోలింగ్‌ను ఎదుర్కొంటున్న టీమిండియా యువ పేసర్‌ అర్షదీప్‌ సింగ్‌కు అన్ని వైపుల నుంచి మద్దతు పెరుగుతుంది. సహచర ఆటగాడు, టీమిండియా మాజీ కెప్టెన్‌ విరాట్‌ కోహ్లి మ్యాచ్‌ అయిపోగానే ప్రెస్‌ మీట్‌ పెట్టి మరీ అర్షదీప్‌కు అండగా నిలబడగా.. మాజీలు హర్భజన్‌ సింగ్‌, ఇర్ఫాన్‌ పఠాన్‌, ఆకాశ్‌ చోప్రాలు సైతం యువ పేసర్‌కు మద్దతుగా నిలిచారు. తాజాగా రాజకీయ పార్టీ ఆప్‌ (ఆమ్‌ ఆద్మీ పార్టీ) కూడా తామూ అర్షదీప్‌ వెంటే అంటూ ముందుకొచ్చింది.   I just met bowling superstar Arshdeep's family in Kharar, Punjab. His parents have persevered & sacrificed so much. His struggle & perseverance, from humble origins to playing for India at international stage is inspiring. We all stand firmly with Arsh today. #IStandWithArshdeep pic.twitter.com/mcT1DlPsRl — Raghav Chadha (@raghav_chadha) September 5, 2022 ఆప్‌ ఎంపీ రాఘన్‌ చద్దా పంజాబ్‌లోని ఖరార్‌లో ఉన్న అర్షదీప్‌ ఇంటికి వెళ్లి, అతని తల్లిదండ్రులను పరామర్శించారు. ట్రోలింగ్‌ గురించి పట్టించుకోవద్దని, హైఓల్టేజీ మ్యాచ్‌ల్లో తప్పులు జరగడం సహజమని, అందు గురించి చింతించరాదని, తామంతా అర్షదీప్‌ వెంటే ఉన్నామని కుటుంబ సభ్యులకు భరోసా ఇచ్చారు.  అర్షదీప్‌ కుటుంబసభ్యులు సైతం ట్రోలింగ్‌ను పాజిటివ్‌గానే తీసుకుంటున్నామని రాఘవ్‌ చద్దాకు తెలిపారు. అర్షదీప్‌ కుటుంబ సభ్యులను కలిసిన విషయాన్ని రాఘవ్‌ చద్దా 'ఐ స్టాండ్‌ విత్‌ అర్షదీప్‌' అనే హ్యాష్ ట్యాగ్‌ జోడించి ట్విటర్‌లో షేర్‌ చేశాడు. మరోవైపు కొందరు దురాభిమానులు అర్షదీప్‌ వికీపీడియా పేజీలో భారత్‌ బదులు ఖలిస్తాన్‌ అని ఎడిట్‌ చేయడంపై కేంద్రం సీరియస్‌ అయ్యింది. ఈ విషయమై వికీపీడియా భారత ఎగ్జిక్యూటివ్‌లకు కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ శాఖ సమన్లు జారీ చేసింది. కాగా, పాకిస్తాన్‌తో సెప్టెంబర్‌ 4 జరిగిన హోరాహోరీ సమరంలో అర్షదీప్‌ కీలక సమయంలో (15 బంతుల్లో 31 పరుగులు) సునాయాసమైన క్యాచ్‌ను జారవిడిచిన విషయం తెలిసిందే. ఫలితంగా పాక్‌.. టీమిండియాపై 5 వికెట్ల తేడాతో గెలుపొందింది.    చదవండి: ఒత్తిడిలో తప్పులు సహజమే.. అర్షదీప్‌కు కింగ్‌ కోహ్లి మద్దతు

టీమిండియా బౌలర్ అర్షదీప్ సింగ్‌పై కొందరు టీమిండియా ఫ్యాన్స్‌ తీవ్ర విమర్శలతో విరుచుకుపడుతున్నారు. ఆదివారం పాక్‌తో మ్యాచ్‌ సందర్భంగా.. మ్యాచ్‌ను మలుపు తిప్పే కీలకమైన క్యాచ్‌ను వదిలేశాడంటూ అర్షదీప్‌ను తిట్టిపోస్తున్నారు. ఈ క్రమంలో విరాట్‌ కోహ్లీతో పాటు పలువురు ఆటగాళ్లు, మాజీల మద్దతు అతనికి లభిస్తోంది. అయితే..  అర్షదీప్ సింగ్‌ వ్యవహారంలో అనుచితమైన చేష్టలకు పాల్పడుతున్నారు కొందరు. అతనిపై దాడి చేస్తామని, చంపేస్తామని కొందరు బైకులపై తిరుగుతూ గోల చేయడం తెలిసిందే. తాజాగా అతనికి నిషేధిత సంస్థ ఖలీస్తానీతో సంబంధం ఉందంటూ తప్పుడు సమాచారం వైరల్‌ చేస్తున్నారు. ఇందులో భాగంగా.. అతని వికీపీడియా పేజీలో భారత్‌ స్థానంలో ఖలిస్తాన్ అంటూ ఎడిట్‌ చేయడం తీవ్ర దుమారం రేపింది.  అయితే.. ఈ వ్యవహారంపై కేంద్రం సీరియస్‌ అయ్యింది. వికీపీడియా పేజీలో చోటు చేసుకున్న తప్పుడు సమాచారం వల్ల మత సామరస్యం దెబ్బతింటుందని, పైగా అర్షదీప్‌ కుటుంబ సభ్యులకు ముప్పు ఏర్పడుతుందని కేంద్రం ఆందోళన వ్యక్తం చేసింది. ఈ విషయమై వికీపీడియా భారత ఎగ్జిక్యూటివ్‌లకు కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ శాఖ సమన్లు జారీ చేసింది. తప్పుడు సమాచారం ఎలా ప్రచురితమైందో వివరణ ఇవ్వాలని అందులో కోరింది. ఇదిలా ఉంటే.. అర్షదీప్‌ వికీపీడియా పేజీలో భారత్‌ అని ఉన్న చోట.. ఖలిస్తాన్‌ అని జత చేశారు. అది అన్‌రిజిస్టర్డ్‌ అకౌంట్‌ నుంచి జత అయినట్లు తెలుస్తోంది. అయితే.. 15 నిమిషాలోపే వికీపీడియా ఎడిటర్స్‌ ప్రొఫైల్‌ను సవరించారు.  ఆసియాకప్ సూపర్-4లో పాకిస్థాన్ చేతిలో భారత్ ఓటమి పాలైన తర్వాత అర్షదీప్ సింగ్‌పై కొందరు తీవ్ర స్థాయిలో మండిపడుతున్నారు. మ్యాచ్లో భాగంగా 18వ ఓవర్‌లో మూడో బంతికి రవి బిష్ణోయ్‌ వేసిన బంతిని అసిఫ్‌ అలీ స్వీప్‌ షాట్‌ అడగా.. సలువైన క్యాచ్‌ను అర్షదీప్‌ జారవిడిచాడనే విమర్శ చెలరేగింది. అయితే.. ఉత్కంఠభరితమైన చివరి ఓవర్‌లో అర్షదీప్‌ సింగ్ పరుగుల కట్టడికి  ప్రయత్నించినా లాభం లేకుండా పోయింది. అయితే ప్రస్తుతం సోషల్‌ మీడియాలో అర్షదీప్‌కు విపరీతమైన మద్దతు లభిస్తోంది.  Catch drop by arshdeep singh 😭#arshdeepsingh #INDvPAK #INDvsPAK2022 pic.twitter.com/ttxabkCArI — Girish Singh rajput (@GirishSinghraj3) September 4, 2022 Senior pro Virat Kohli backs youngster Arshdeep Singh, who had a volatile day at the field today#AsiaCup2022 #INDvsPAK #ViratKohli #ArshdeepSingh pic.twitter.com/FYPl5N4PMx — OneCricket (@OneCricketApp) September 4, 2022 He is best in death overs , we can’t blame for his one match.. I stand with #arshdeepsingh #INDvsPAK2022 pic.twitter.com/pDkbYTrBWY — Karan Sandhu (@Karanbi03633746) September 5, 2022 #NewProfilePic pic.twitter.com/ksSXCNMOgC — Aakash Chopra (@cricketaakash) September 5, 2022 ఇదీ చదవండి:  చిన్న పొరపాట్లే మిస్త్రీ ప్రాణాలు తీశాయా?

పాకిస్తాన్‌తో నిన్న (సెప్టెంబర్‌ 4) జరిగిన హోరాహోరీ సమరంలో కీలక సమయంలో (15 బంతుల్లో 31 పరుగులు) సునాయాసమైన క్యాచ్‌ను జారవిడిచి, జట్టు పరాజయానికి పరోక్ష కారణమైన టీమిండియా యువ పేస్‌ బౌలర్‌ అర్షదీప్‌ సింగ్‌కు సహచర ఆటగాడు, జట్టు మాజీ కెప్టెన్‌ విరాట్‌ కోహ్లి మద్దతుగా నిలిచాడు. పాక్‌ చేతిలో ఊహించని పరాభవం ఎదురవడం, అందుకు అర్షదీపే కారణమని భావిస్తున్న జనం సోషల్‌మీడియా వేదికగా అతనిపై విమర్శనాస్త్రాలు సంధిస్తున్నారు.  అంత ఈజీ క్యాచ్‌ పట్టలేవా.. నీ వల్లే మ్యాచ్‌ చేజారిందని అర్షదీప్‌ను నిందిస్తున్నారు. ఎంత పొదుపుగా బౌలింగ్‌ చేస్తే మాత్రం, గల్లీ క్రికెటర్లు పట్టే క్యాచ్‌లు కూడా పట్టలేవా అంటూ ఏకిపారేస్తున్నారు. క్యాచ్‌ జారవిడిచినందుకు అప్పుడే కెప్టెన్‌ రోహిత్‌చే చీవాట్లు తిన్ని అర్షదీప్‌.. మ్యాచ్‌ చేజారిన అనంతరం అభిమానులు ఆగ్రహావేశాలకు బలవుతున్నాడు. ఈ నేపథ్యంలో సహచర ఆటగాడు, సీనియర్‌ ప్లేయర్‌ విరాట్‌ కోహ్లి అర్షదీప్‌కు మద్దతుగా నిలిచాడు.   పాక్‌తో మ్యాచ్‌ అంటే ప్రతి ఒక్కరు ఒత్తిడికి లోనై తప్పులు చేస్తారని, అందుకు నేను కూడా అతీతుడ్ని కాదని, అర్షదీప్‌ జారవిడిచిన క్యాచ్‌ చాలా కీలకమే అయినప్పటికీ అతన్ని ఈ రేంజ్‌లో నిందించడం సరికాదని అభిప్రాయపడ్డాడు. ​మ్యాచ్‌ అనంతరం జరిగిన మీడియా సమావేశంలో కోహ్లి ఈ మేరకు అర్షదీప్‌లో ధైర్యం నింపే ప్రయత్నం చేశాడు. తప్పులను ఒప్పుకుని గుణపాఠం నేర్చుకోవాలని హితవు పలికాడు. జట్టులో సీనియర్లు, కెప్టెన్‌, కోచ్‌ అర్షదీప్‌కు అండగా ఉన్నారని, అతను అధైర్యపడాల్సిన అవసరం లేదని భరోసా ఇచ్చాడు.  అర్షదీప్‌కు కోహ్లితో పాటు భారత మాజీ క్రికెటర్లు హర్భజన్ సింగ్, ఇర్ఫాన్ పఠాన్ కూడా మద్దతుగా నిలిచారు.  వాస్తవానికి  ఆ ఒక్క డ్రాప్‌ క్యాచ్‌ మినహా బౌలింగ్‌లో అర్షదీప్‌ స్థాయికి మించి సత్తా చాటాడు. ఆఖరి ఓవర్లో పాక్‌ గెలుపుకు 7 పరుగులు కావాల్సిన తరుణంలో బంతినందుకుని ఆసిఫ్‌ అలీ వికెట్‌ పడగొట్టడంతో పాటు తొలి నాలుగు బంతుల్లో 5 పరుగులు మాత్రమే ఇచ్చి మ్యాచ్‌పై భారత్‌కు ఆశలు చిగురించేలా చేశాడు. అయితే ఇఫ్తికార్‌ అహ్మద్‌ ఐదో బంతికి 2 పరుగులు రాబట్టి పాక్‌కు థ్రిల్లింగ్‌ విక్టరీని అందించాడు.  చదవండి: Ind Vs Pak: ఏయ్‌.. నువ్వేం చేశావో అర్థమైందా అసలు? అర్ష్‌దీప్‌పై మండిపడ్డ రోహిత్‌  

ఆసియా కప్‌ 2022 సూపర్‌-4 దశ మ్యాచ్‌ల్లో భాగంగా ఆదివారం (సెప్టెంబర్‌ 4) భారత్‌-పాక్‌ జట్లు హోరాహోరీగా తలపడ్డాయి. అయితే చివరి ఓవర్లలో టీమిండియా బౌలర్లు చేసిన తప్పిదాల కారణంగా పాక్‌ను విజయం వరించింది. తద్వారా గ్రూప్‌ దశలో రోహిత్‌ సేన చేతిలో ఎదురైన పరాభవానికి పాక్‌ ప్రతీకారం తీర్చుకుంది. ఈ మ్యాచ్‌లో టాస్‌ ఓడి పాక్‌ ఆహ్వానం మేరకు తొలుత బ్యాటింగ్‌ చేసిన భారత్‌.. కోహ్లి (44 బంతుల్లో 60; 4 ఫోర్లు, సిక్స్‌) అర్ధసెంచరీతో రాణించడంతో నిర్ణీత ఓవర్లలో 7 వికెట్ల నష్టానికి 181 పరుగులు చేసింది.  All The Best @RishabhPant17 🥺🥺#RohitSharma #RishabPant #INDvsPAK pic.twitter.com/LwDu5sqInF — 𝓒𝓱𝓲𝓴𝓾 (@Chiku2324) September 4, 2022 ఓపెనర్లు రోహిత​ శర్మ (20 బంతుల్లో 28; ఫోర్‌, 2  సిక్సర్లు), కేఎల్‌ రాహుల్‌ (16 బంతుల్లో 28; 3 ఫోర్లు, 2 సిక్సర్లు) భారత ఇన్నింగ్స్‌కు గట్టి పునాది వేశారు. అయితే మధ్యలో రిషబ్‌ పంత్‌ (12 బంతుల్లో 14; 2 ఫోర్లు), హార్ధిక్‌ పాండ్యా (0) అనవసర తప్పిదాల కారణంగా భారత్‌ భారీ స్కోర్‌ చేసే అవకాశాన్ని చేజార్చుకుంది. పంత్‌ అనవసర రివర్స్‌ స్వీప్‌కు ప్రయత్నించి వికెట్‌ను సమర్పించుకోగా.. హార్ధిక్‌ షార్ట్‌ బంతిని సరిగ్గా ఆడలేక సునాయాస క్యాచ్‌ ఇచ్చి పెవిలియన్‌ బాట పట్టాడు.  నిర్లక్ష్యపు షాట్‌ ఆడినందుకు గాను పెవిలియన్‌కు చేరాక పంత్‌పై విరుచుకుపడిన రోహిత్‌..  మ్యాచ్‌ సందర్భంగా హార్ధిక్‌తోనూ వాగ్వాదానికి దిగినట్లు తెలుస్తోంది. పంత్‌పై డ్రస్సింగ్‌ రూమ్‌లో ఎగిరెగిరిపడిన రోహిత్‌.. బ్యాటింగ్‌కు వెళ్లే ముందు హార్ధిక్‌తోనూ వాదించినట్లు లైవ్‌లో కనిపించింది. రోహిత్‌ వీరిద్దరిపై ఆగ్రహం వ్యక్తం చేసిన వీడియోలు ప్రస్తుతం నెట్టింట వైరలవుతున్నాయి. పంత్‌.. రోహిత్‌ క్లాస్‌ పీకుతుంటే సంజాయిషీ చెప్పుకునే ప్రయత్నం చేయగా.. హార్ధిక్‌ మాత్రం రోహిత్‌కు ఎదురు సమాధానం చెబుతున్నట్లు వీడియోలో స్పష్టంగా తెలుస్తుంది. నువ్వేంటి నాకు చెప్పేది.. అన్నట్లుగా హార్ధిక్‌ హావభావాలు ఉన్నాయి.  దీంతో వీరిద్దరి మధ్య ఏదో జరుగుతుందని నెటిజన్లు అనుకుంటున్నారు. ఐపీఎల్‌లో హార్ధిక్‌ ముంబై ఇండియన్స్‌ని వదిలి వెళ్లడానికి కూడా రోహితే కారణమని పాండ్యా అభిమానులు ఆరోపిస్తున్నారు. ఏదిఏమైనప్పటికీ.. పాక్‌తో మ్యాచ్‌లో బ్యాటింగ్‌లో ఘోరంగా విఫలమైన హార్ధిక్‌.. బౌలింగ్‌లోనూ దారుణంగా నిరాశపరిచాడు. 4 ఓవర్లలో ఒక వికెట్‌ పడగొట్టి ఏకంగా 44 పరుగులు సమర్పించుకున్నాడు. గ్రూప్‌ దశలో ఆల్‌రౌండ్‌ ప్రదర్శనతో పాక్‌ను ఒంటిచేత్తో మట్టికరించిన హార్ధిక్‌.. ఈ మ్యాచ్‌లో టీమిండియా ఓటమికి పరోక్ష కారణమయ్యాడు.  pic.twitter.com/YoptT7KBuu — Guess Karo (@KuchNahiUkhada) September 5, 2022 హార్ధిక్‌తో పాటు భువీ (1/40), చహల్‌ (1/43) ధారాళంగా పరుగులు ఇవ్వడంతో పాటు 18వ ఓవర్లో అర్షదీప్‌.. అసిఫ్‌ అలీ క్యాచ్‌ జారవిడచడంతో భారత్‌ 5 వికెట్ల తేడాతో పాక్‌ చేతిలో చిత్తైంది. అర్ష్‌దీప్‌ తప్పిదంతో బతికిపోయిన అసిఫ్‌ అలీ.. ఆ తర్వాతి ఓవర్లో (భువనేశ్వర్‌ కుమార్‌) సిక్స్‌, ఫోర్‌.. ఆఖరి ఓవర్లో (అర్ష్‌దీప్‌) బౌండరీ బాది పాక్‌ను విజయపు అంచుల వరకు తీసుకెళ్లాడు. చివరి రెండు బంతుల్లో పాక్‌ విజయానికి రెండు పరుగులు అవసరం కాగా.. ఇఫ్తికర్‌ అహ్మద్‌ లాంఛనం మ్యాచ్‌ను ముగించాడు.  చదవండి: Ind Vs Pak: ఏయ్‌.. నువ్వేం చేశావో అర్థమైందా అసలు? అర్ష్‌దీప్‌పై మండిపడ్డ రోహిత్‌

Asia Cup 2022 Ind Vs Pak- Arshdeep Singh Drops Catch: టీమిండియా యువ పేసర్‌ అర్ష్‌దీప్‌ సింగ్‌కు భారత మాజీ స్పిన్నర్‌ హర్భజన్‌ సింగ్‌ మద్దతుగా నిలిచాడు. ఉద్దేశపూర్వకంగా ఎవరూ క్యాచ్‌ను వదిలేయరని.. అర్ష్‌దీప్‌ను విమర్శించడం మానుకోవాలని సూచించాడు. పాకిస్తాన్‌ మెరుగ్గా ఆడిన విషయాన్ని గమనించాలని.. అంతేతప్ప భారత జట్టుపై అవమానకర రీతిలో వ్యాఖ్యలు చేయడం సరికాదని హితవు పలికాడు. ఆసియా కప్‌-2022 టీ20 టోర్నీ సూపర్‌-4 తొలి మ్యాచ్‌లో చిరకాల ప్రత్యర్థి పాకిస్తాన్‌ చేతిలో భారత్‌ ఓటమి పాలైన విషయం తెలిసిందే. బౌలర్ల వైఫల్యం కారణంగా 181 పరుగుల స్కోరును కాపాడుకోలేకపోయింది. ముఖ్యంగా ఆఖర్లో రవి బిష్ణోయి, భువనేశ్వర్‌ కుమార్‌ భారీగా పరుగులు ఇవ్వడం.. కీలక సమయంలో అర్ష్‌దీప్‌ క్యాచ్‌ నేలపాలు చేయడం పాక్‌కు కలిసి వచ్చింది. దీంతో ఐదు వికెట్ల తేడాతో గెలుపు పాక్‌ సొంతమైంది. విమర్శల వర్షం.. అండగా భజ్జీ ఈ నేపథ్యంలో టీమిండియా ఓటమికి ప్రధాన కారణం అర్ష్‌దీప్‌ అంటూ సోషల్‌ మీడియాలో పెద్ద ఎత్తున ట్రోల్స్‌ వచ్చాయి. ఇందుకు ట్విటర్‌ వేదికగా స్పందించిన హర్భజన్‌ సింగ్‌.. విమర్శకుల తీరుపై మండిపడ్డాడు. ఈ మేరకు.. ‘‘అర్ష్‌దీప్‌ సింగ్‌ను నిందించడం ఆపండి. కావాలని ఎవరూ క్యాచ్‌ వదిలేయరు. భారత జట్టులో ఉన్న యువ ఆటగాళ్లను చూసి మనం గర్వించాలి. నిజానికి ఈ మ్యాచ్‌లో పాకిస్తాన్‌ మెరుగ్గా ఆడింది. కానీ అందుకు అర్ష్‌నున, మన జట్టును తప్పుబడుతూ వారిని అవమానించేలా మాట్లాడటం సిగ్గుచేటు. అర్ష్‌ బంగారం’’ అని భజ్జీ ట్వీట్‌ చేశాడు. ఇర్ఫాన్‌ పఠాన్‌, కోహ్లి సైతం ఇక టీమిండియా మాజీ ఆటగాడు ఇర్ఫాన్‌ పఠాన్‌ సైతం అర్స్‌దీప్‌కు అండగా నిలిచాడు. ఇలాంటి పరిస్థితుల్లో ధైర్యంగా ఉండాలని సూచించాడు. అదే విధంగా టీమిండియా స్టార్‌ బ్యాటర్‌ విరాట్‌ కోహ్లి సైతం మ్యాచ్‌ అనంతరం మాట్లాడుతూ.. ప్రతి ఒక్కరు తప్పులు చేస్తారని.. ఒత్తిడి ఉన్నపుడు ఇలాంటివన్నీ సహజమని అర్ష్‌దీప్‌నకు మద్దతుగా నిలిచాడు. కట్టుదిట్టంగానే బౌలింగ్‌.. కానీ కాగా పాక్‌తో మ్యాచ్‌లో మొత్తంగా 3.5 ఓవర్లు బౌలింగ్‌ చేసిన అర్ష్‌దీప్‌ 27 పరుగులు ఇచ్చి ఒక వికెట్‌ తీశాడు. తన వల్ల లైఫ్‌ పొందిన అసిఫ్‌ అలీని అవుట్‌ చేశాడు. రవి బిష్ణోయి మినహా మిగతా బౌలర్లతో పోలిస్తే ఈ మ్యాచ్‌లో ఈ యువ ఫాస్ట్‌బౌలర్‌ మెరుగైన ఎకానమీతో బౌలింగ్‌ చేశాడు. కానీ అసలైన క్యాచ్‌ జారవిడవడం వల్ల విమర్శల పాలవుతున్నాడు. చదవండి: Virat Kohli: ధోని తప్ప ఒక్కరూ మెసేజ్‌ చేయలేదు.. టీవీలో వాగినంత మాత్రాన: కోహ్లి ఘాటు వ్యాఖ్యలు Asia Cup 2022 - Ind Vs Pak: పంత్‌పై కోపంతో ఊగిపోయిన రోహిత్‌ శర్మ.. ఎందుకంటే..? Stop criticising young @arshdeepsinghh No one drop the catch purposely..we are proud of our 🇮🇳 boys .. Pakistan played better.. shame on such people who r putting our own guys down by saying cheap things on this platform bout arsh and team.. Arsh is GOLD🇮🇳 — Harbhajan Turbanator (@harbhajan_singh) September 4, 2022 Arshdeep is a strong character. Stay that way boy. @arshdeepsinghh — Irfan Pathan (@IrfanPathan) September 4, 2022

Asia Cup 2022 Ind Vs Pak- Arshdeep Singh: ఆసియాకప్‌-2022లో భాగంగా పాకిస్తాన్‌తో జరిగిన సూపర్‌-4 మ్యాచ్‌లో టీమిండియా 5 వికెట్ల తేడాతో పరాజయం పాలైంది. ఈ మ్యాచ్‌లో భారత బ్యాటర్లు అద్భుతంగా రాణించినప్పటికీ.. బౌలర్లు మాత్రం పూర్తిగా తేలిపోయారు. ముఖ్యంగా పాక్‌ ఇన్నింగ్స్‌ 18 ఓవర్‌ వేసిన రవి బిష్ణోయ్‌ వేసిన బౌలిం‍గ్‌లో..  అసిఫ్ అలీ భారీ షాట్‌ ఆడటానికి ప్రయత్నించాడు. కానీ బంతి ఎడ్జ్‌ తీసుకుని గాల్లోకి లేచింది. ఈ క్రమంలో షార్ట్‌ థర్డ్‌మెన్‌లో ఫీల్డింగ్‌ చేస్తున్న ఆర్ష్‌దీప్‌ సింగ్‌.. ఈజీ క్యాచ్‌ను జారవిడిచాడు. ఇందుకు భారత్‌ భారీ మూల్యం చెల్లించుకోవాల్సి ఉంది. ఔటయ్యే ప్రమాదం నుంచి తప్పించుకున్న ఆసిఫ్ అలీ 16 పరుగులు సాధించి మ్యాచ్‌ ఫలితాన్ని మార్చేశాడు. ఈ క్రమంలో ఆర్ష్‌దీప్‌ సింగ్‌ను నెటిజన్లు దారుణంగా ట్రోల్‌ చేస్తున్నారు. భారత్‌ ఓటమికి బాధ్యుడు అతడే అని అభిమానులు విమర్శలు వర్షం కురిపిస్తున్నారు. 'అర్ష్‌దీప్‌ సింగ్‌కు మ్యాన్‌ ఆఫ్‌ది మ్యాచ్‌ ఇవ్వాలి.. అది కూడా పాక్‌ తరపున' అంటూ కామెంట్లు చేస్తున్నారు. అయితే కొంతమంది మాత్రం ఆటలో ఇటువంటి తప్పిదాలు సహజమే అంటూ అర్ష్‌దీప్‌కు మద్దతుగా నిలుస్తున్నారు. చదవండి: Asia Cup 2022 - Ind Vs Pak: మా ఓటమికి ప్రధాన కారణం అదే.. మాకిది గుణపాఠం.. ఇక కోహ్లి: రోహిత్‌ Virat Kohli: ధోని తప్ప ఒక్కరూ మెసేజ్‌ చేయలేదు.. టీవీలో వాగినంత మాత్రాన: కోహ్లి ఘాటు వ్యాఖ్యలు Every Indian to Arshdeep Singh when he dropped the catch #INDvsPAK2022 #INDvsPAK pic.twitter.com/oe4oNZFWn6 — Just Another Guy (@JustNotherGuy11) September 4, 2022 Arshdeep Singh winning Man of the Match, but from Pakistan's side.#INDvPAK #AsiaCupT20 pic.twitter.com/P1mftciIhx — Duke 🦁 (@DukeForPM7) September 4, 2022 చదవండి: Asia Cup 2022 - Ind Vs Pak: మా ఓటమికి ప్రధాన కారణం అదే.. మాకిది గుణపాఠం.. ఇక కోహ్లి: రోహిత్‌

Asia Cup 2022 Super 4 India Vs Pakistan- Rohit Sharma Comments On Loss: ‘‘ఇది ప్రతిష్టాత్మక మ్యాచ్‌. కాబట్టి తీవ్రమైన ఒత్తిడి ఉండటం సహజమే. ఎప్పుడు ఏం జరుగుతుందో ఊహించలేం. రిజ్వాన్‌, నవాజ్‌ల జోడీని విడదీయలేకపోయాం. వారిద్దరి అద్భుతమైన భాగస్వామ్యం మా విజయావకాశాలను దెబ్బకొట్టింది’’ అని టీమిండియా కెప్టెన్‌ రోహిత్‌ శర్మ అన్నాడు. తాము మెరుగైన స్కోరు నమోదు చేసినా దానిని కాపాడుకోలేకపోయామంటూ విచారం వ్యక్తం చేశాడు. మెరుగైన స్కోరే! ఆసియా కప్‌-2022 టీ20 టోర్నీ సూపర్‌-4లో భాగంగా భారత జట్టు తమ తొలి మ్యాచ్‌లో పాకిస్తాన్‌తో తలపడింది. దుబాయ్‌ వేదికగా ఆదివారం(సెప్టెంబరు 4) జరిగిన ఈ మ్యాచ్‌లో టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన రోహిత్‌ సేన నిర్ణీత 20 ఓవర్లలో ఏడు వికెట్ల నష్టానికి 181 పరుగులు చేసింది.  రిజ్వాన్‌, నవాజ్‌ జోరుకు బ్రేక్‌ వేయలేకపోయిన భారత బౌలర్లు టీమిండియా స్టార్‌ బ్యాటర్‌ 60 పరుగులతో భారత ఇన్నింగ్స్‌లో టాప్‌ స్కోరర్‌గా నిలిచాడు. లక్ష్య ఛేదనకు దిగిన పాకిస్తాన్‌.. ఆదిలోనే కెప్టెన్‌ బాబర్‌ ఆజం వికెట్‌ కోల్పోయినా.. మరో ఓపెనర్‌ మహ్మద్‌ రిజ్వాన్‌ పట్టుదలగా నిలబడ్డాడు. 51 బంతుల్లో 71 పరుగులు చేశాడు. ఇక వన్‌డౌన్‌ బ్యాటర్‌  ఫఖర్‌ జమాన్‌ 15 పరుగులకే పెవిలియన్‌ చేరినా.. నాలుగో స్థానంలో బ్యాటింగ్‌కు వచ్చిన మహ్మద్‌ నవాజ్‌ 20 బంతుల్లోనే 42 పరుగులు సాధించి పాక్‌ విజయానికి బాటలు వేశాడు. రవి, భువీ, అర్ష్‌దీప్‌.. ఇక 18, 19 ఓవర్లలో భారత బౌలర్లు రవి బిష్ణోయి, భువనేశ్వర్‌ కుమార్‌ వైడ్‌ల రూపంలో భారీగా పరుగులు సమర్పించుకోవడం.. కీలక సమయంలో అసిఫ్‌ అలీ ఇచ్చిన క్యాచ్‌ను అర్ష్‌దీప్‌ వదిలేయడం వంటి పరిణామాల నేపథ్యంలో గెలుపు పాక్‌ను వరించింది. ఐదు వికెట్ల తేడాతో భారత్‌ దాయాది చేతిలో ఓటమి పాలైంది. మాకంటే పాక్‌ మెరుగ్గా ఆడింది ఈ నేపథ్యంలో​ మ్యాచ్‌ అనంతరం రోహిత్‌ శర్మ మాట్లాడుతూ.. పాకిస్తాన్‌ ఆటగాళ్లు తమ కంటే మెరుగైన ప్రదర్శన కనబరిచారని.. ఈ మ్యాచ్‌లో తాము చేసిన తప్పిదాల నుంచి గుణపాఠాలు నేర్చుకుంటామని పేర్కొన్నాడు. ‘‘వాళ్ల జట్టులో కూడా క్లాస్‌ ప్లేయర్లు ఉన్నారు. సమయం వచ్చినపుడు తమను తాము నిరూపించుకున్నారు.  ఇందులో ఆశ్చర్యపడాల్సిన విషయం ఏమీ లేదు. నిజానికి సెకండ్‌ ఇన్నింగ్స్‌ సమయానికి పిచ్‌ బ్యాటింగ్‌కు అనుకూలిస్తుందని తెలుసు. అయితే, 180 పరుగులు చేయడం సాధారణ విషయమేమీ కాదు. మేము మెరుగైన స్కోరే నమోదు చేశాం. అయితే, దానిని కాపాడుకోవడంలో విఫలమయ్యాం. కోహ్లిపై రోహిత్‌ ప్రశంసలు ఈ మ్యాచ్‌లో క్రెడిట్‌ పాకిస్తాన్‌కే దక్కుతుంది. మాకంటే వాళ్లు బాగా ఆడారు’’ అని రోహిత్‌ అన్నాడు. ఇక జట్టుకు అవసరమైన సమయంలో రాణించాడంటూ హిట్‌మ్యాన్‌.. విరాట్‌ కోహ్లిని ప్రశంసించాడు. హార్దిక్‌ పాండ్యా, రిషభ్‌ పంత్‌ వికెట్లు కోల్పోయిన సమయంలో తను బాధ్యతాయుత ఇన్నింగ్స్‌ ఆడాడని కొనియాడాడు. చదవండి: Asia Cup 2022: 'కింగ్‌ కోహ్లి వేట మొదలైంది.. ఇక ఏ జట్టుకైనా చుక్కలే' Asia Cup 2022: పాక్‌పై టీమిండియా సరికొత్త చరిత్ర.. 10 ఏళ్ల తర్వాత! Ind Vs Pak: కీలకమైన సమయంలో క్యాచ్‌ నేలపాలు.. అర్ష్‌దీప్‌పై మండిపడ్డ రోహిత్‌! వైరల్‌ A brilliant 60 off 44 deliveries from @imVkohli makes him our Top Performer from the first innings. A look at his batting summary here 👇👇#INDvPAK #AsiaCup2022 pic.twitter.com/VPEfamGENJ — BCCI (@BCCI) September 4, 2022 var request = 'https://www.sakshi.com/knowwidget/kwstr_4771481161.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

Asia Cup 2022 Super 4 India Vs Pakistan- Arshdeep Singh Drops A Sitter: ఆసియా కప్‌-2022 టోర్నీ సూపర్‌-4లో మొదటి మ్యాచ్‌లోనే టీమిండియాకు పరాభవం ఎదురైంది. చిరకాల ప్రత్యర్థి పాకిస్తాన్‌ చేతిలో అనూహ్య రీతిలో ఓటమి పాలైంది. భారత బ్యాటర్లు ఆకట్టుకున్నా.. బౌలర్లు విఫలం కావడంతో హోరాహోరీ మ్యాచ్‌లో దాయాదిదే పైచేయి అయింది. ముఖ్యంగా 18వ ఓవర్లో రవి బిష్ణోయి బౌలింగ్‌లో అర్ష్‌దీప్‌ జారవిడిచిన క్యాచ్‌ వల్ల రోహిత్‌ సేన భారీ మూల్యమే చెల్లించాల్సి వచ్చింది. అర్ష్‌దీప్‌ తప్పిదంతో బతికిపోయిన పాక్‌ ఆటగాడు అసిఫ్‌ అలీ.. ఆ తర్వాతి ఓవర్లో భువనేశ్వర్‌ కుమార్‌ బౌలింగ్‌లో సిక్స్‌, ఫోర్‌ బాదాడు. ఇక ఆఖరి ఓవర్లో అర్ష్‌దీప్‌ బౌలింగ్‌లోనూ మరోసారి బంతిని బౌండరీకి తరలించాడు. చివరి ఓవర్‌ నాలుగో బంతికి అసిఫ్‌ అలీని అర్ష్‌దీప్‌ అవుట్‌ చేసినా అప్పటికే మ్యాచ్‌ జరగాల్సిన నష్టం జరిగిపోయింది. చివరి రెండు బంతుల్లో పాక్‌ విజయానికి రెండు పరుగులు అవసరం కాగా.. ఇఫ్తికర్‌ అహ్మద్‌ లాంఛనం పూర్తి చేసి తమ జట్టును గెలిపించాడు. అర్ష్‌దీప్‌పై అరిచిన రోహిత్‌ కీలకమైన సమయంలో అర్ష్‌దీప్‌ క్యాచ్‌ నేలపాలు చేయడంతో ఉత్కంఠగా మ్యాచ్‌ వీక్షిస్తున్న అభిమానులు తీవ్ర నిరాశకు గురయ్యారు. ఇక మైదానంలో ఉన్న టీమిండియా కెప్టెన్‌ రోహిత్‌ శర్మ గురించి ప్రత్యేకంగా చెప్పనక్కర్లేదు. అసలే దాయాదితో ప్రతిష్టాత్మక పోరు.. అందునా పట్టు బిగించే తరుణంలో అర్ష్‌దీప్‌ క్యాచ్‌ అందుకోలేకపోవడంతో హిట్‌మ్యాన్‌ సహనం కోల్పోయాడు. ‘ఏంటిది.. ఏం చేశావో అర్థమైందా నీకసలు’ అన్నట్లుగా అరుస్తూ అర్ష్‌దీప్‌పై ఆగ్రహం వ్యక్తం చేశాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఇక బౌలర్ల సమిష్టి వైఫల్యం కారణంగా భారత్‌కు ఓటమి ఎదురైన నేపథ్యంలో ఫ్యాన్స్‌ సైతం బౌలర్ల తీరుపై గుర్రుగా ఉన్నారు. సోషల్‌ మీడియా వేదికగా తమ ఆగ్రహాన్ని వెళ్లగక్కుతున్నారు. ఇక టీమిండియా బ్యాటర్లలో విరాట్‌ కోహ్లి టాప్‌ స్కోరర్‌గా నిలిచాడు. 44 బంతుల్లో నాలుగు ఫోర్లు, ఒక సిక్సర్‌ సాయంతో 60 పరుగులు సాధించాడు కోహ్లి. చదవండి: Asia Cup 2022: 'కింగ్‌ కోహ్లి వేట మొదలైంది.. ఇక ఏ జట్టుకైనా చుక్కలే' Asia Cup 2022: పాక్‌పై టీమిండియా సరికొత్త చరిత్ర.. 10 ఏళ్ల తర్వాత! pic.twitter.com/YoptT7KBuu — Guess Karo (@KuchNahiUkhada) September 5, 2022 A brilliant 60 off 44 deliveries from @imVkohli makes him our Top Performer from the first innings. A look at his batting summary here 👇👇#INDvPAK #AsiaCup2022 pic.twitter.com/VPEfamGENJ — BCCI (@BCCI) September 4, 2022

Asia Cup 2022 Super 4 - India Vs Pakistan: ఆసియా కప్‌-2022 టోర్నీ తుది అంకానికి చేరుకుంటోంది. గ్రూప్‌- ఏ నుంచి టీమిండియా- పాకిస్తాన్‌, గ్రూప్‌- బి నుంచి అఫ్గనిస్తాన్‌- శ్రీలంక సూపర్‌-4కు చేరుకున్నాయి. ఈ క్రమంలో గ్రూప్‌- బిలోని అఫ్గన్‌- లంక జట్టు షార్జా వేదికగా సూపర్‌-4 స్టేజ్‌లో శనివారం మొదటి మ్యాచ్‌ ఆడనున్నాయి. మరో బిగ్‌ సండే ఆ మరుసటి రోజే మరో బిగ్‌ మ్యాచ్‌ జరుగనుంది. దుబాయ్‌ వేదికగా ఇండియా- పాకిస్తాన్‌ తలపడనున్నాయి. ఈ మెగా ఈవెంట్‌ తాజా ఎడిషన్‌లో దాయాదులు ముఖాముఖి పోటీపడటం ఇది రెండోసారి. ఫైనల్‌కు చేరే క్రమంలో కీలకమైన పోరులో చిరకాల ప్రత్యర్థుల మ్యాచ్‌పై భారీ అంచనాలు నెలకొన్నాయి. ముఖ్యంగా భారత తుది జట్టు కూర్పు ఎలా ఉంటుందన్న అంశంపై క్రీడావర్గాల్లో ఆసక్తికర చర్చ నడుస్తోంది. సబా కరీం వాళ్లిద్దరికీ అవకాశం ఇవ్వాలి! ఈ నేపథ్యంలో టీమిండియా మాజీ సెలక్టర్‌ సబా కరీం కీలక వ్యాఖ్యలు చేశాడు. యువ బౌలర్లు ఆవేశ్‌ ఖాన్‌, అర్ష్‌దీప్‌ సింగ్‌కు పాక్‌ మ్యాచ్‌లో అవకాశం ఇవ్వాలని అభిప్రాయపడ్డాడు. కాగా హాంగ్‌ కాంగ్‌తో మ్యాచ్‌లో ఈ ఇద్దరు యువ పేసర్లు తేలిపోయిన విషయం తెలిసిందే. పసికూనతో మ్యాచ్‌లో ఆవేశ్‌ ఖాన్‌ ఏకంగా 53 పరుగులు ఇవ్వగా.. అర్ష్‌దీప్‌ 44 పరుగులు సమర్పించుకుని చెరో వికెట్‌ తీశారు. వీరిద్దరి బౌలింగ్‌లో హాంగ్‌ కాంగ్‌ బ్యాటర్లు ఏకంగా 97 పరుగులు రాబట్టారు. దీంతో వీళ్లిద్దరి ఆట తీరుపై తీవ్ర స్థాయిలో విమర్శలు వెల్లువెత్తాయి. వీళ్లను నమ్ముకుంటే కీలక మ్యాచ్‌లలో నట్టేట ముంచుతారనే అభిప్రాయాలు వ్యక్తమయ్యాయి. సమస్య అదే! అందుకే మునుపటి జట్టుతోనే ఈ నేపథ్యంలో సబా కరీం మాత్రం ఆవేశ్‌ ఖాన్‌, అర్ష్‌దీప్‌ సింగ్‌లకు అండగా నిలిచాడు. ఇండియా న్యూస్‌తో మాట్లాడుతూ.. ‘‘ఆవేశ్‌ ఖాన్‌, అర్ష్‌దీప్‌ సింగ్‌లు ఇప్పుడిప్పుడే తమను తాము నిరూపించుకుంటున్నారు. వాళ్లు మరింత అనుభవం గడించాల్సి ఉంది. అంతేగానీ.. ఒకటీ రెండు ప్రదర్శనల కారణంగా వారిని తుది జట్టు నుంచి తప్పించడం సరికాదు.  ఫామ్‌తో సంబంధం లేకుండా జట్టులో కచ్చితంగా ముగ్గురు సీమర్లు ఉండాల్సిందే. కాబట్టి గత మ్యాచ్‌లో ఆడించిన జట్టుతోనే ముందుకు వెళ్లాలి. పాకిస్తాన్‌తో మ్యాచ్‌లో మునుపటి జట్టును కొనసాగించాలి. ఎందుకంటే.. ముగ్గురు స్పిన్నర్లతో బరిలోకి దిగితే.. కచ్చితంగా ఒకరికి పవర్‌ ప్లేలో ఒకటీ లేదంటే రెండు ఓవర్లు ఇవ్వాలి. అయితే, పాకిస్తాన్‌తో మ్యాచ్‌ కాబట్టి రిస్క్‌ తీసుకోకూడదు. పాక్‌తో గత మ్యాచ్‌లో పేసర్లు అద్బుతంగా ఆడారు. అందుకే మార్పుల్లేకుండానే సూపర్‌-4 మొదటి మ్యాచ్‌ ఆడితే మంచిది’’ అని అభిప్రాయపడ్డాడు. కాగా ఆసియా కప్‌ 15 ఎడిషన్‌లో పాకిస్తాన్‌తో ఆరంభ మ్యాచ్‌లో ఆవేశ్‌ ఖాన్‌ రెండు ఓవర్లు బౌలింగ్‌ చేసి 19 పరుగులు ఇచ్చాడు. ఒక వికెట్‌(ఫఖర్‌ జమాన్‌) తన ఖాతాలో వేసుకున్నాడు. మరోవైపు.. అర్ష్‌దీప్‌ సింగ్‌ 3.5 ఓవర్ల బౌలింగ్‌లో 33 పరుగులు ఇచ్చి 2 వికెట్లు తీశాడు. చదవండి: Asia Cup 2022: మరోసారి తలపడనున్న భారత్‌-పాక్‌.. సూపర్‌-4 షెడ్యూల్‌ ఇదే Asia Cup 2022: రోహిత్‌, బాబర్‌ సేనలకు భారీ షాక్‌ var request = 'https://www.sakshi.com/knowwidget/kwstr_4771481161.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

Virat Kohli Rohit Sharma Along With Others Enjoying In Dubai: వరుస విజయాలతో జోష్‌లో ఉన్న టీమిండియా ఆటగాళ్లు దుబాయ్‌లో మస్తుగా ఎంజాయ్‌ చేస్తున్నారు. బీచ్‌ అందాలను ఆస్వాదిస్తూ.. సర్ఫింగ్‌ చేస్తూ, వాలీబాల్‌ ఆడుతూ సేదతీరుతున్నారు. ఆదివారం నాటి మ్యాచ్‌కు ముందు లభించిన విరామ సమయాన్ని సరదాగా గడుపుతున్నారు. ఇందుకు సంబంధించిన దృశ్యాలను భారత క్రికెట్‌ నియంత్రణ మండలి సోషల్‌ మీడియాలో షేర్‌ చేసింది. ఈ వీడియో ప్రస్తుతం నెట్టింట్లో వైరల్‌ అవుతోంది. రోహిత్‌ శర్మ, విరాట్‌ కోహ్లి సహా మిగిలిన ఆటగాళ్లంతా ఈ బ్రేక్‌ను పూర్తిగా ఆస్వాదిస్తున్నారు. అర్ష్‌దీప్‌ సింగ్‌, కేఎల్‌ రాహుల్‌ సర్ఫింగ్‌ చేస్తుండగా.. కోహ్లి.. దినేశ్‌ కార్తిక్‌, అశ్విన్‌, రాహుల్‌, హార్దిక్‌ పాండ్యా తదితరులతో బీచ్‌ వాలీబాల్‌ ఆడుతూ కనిపించాడు. పాక్‌ను మట్టికరిపించి ఇక ఆసియా కప్‌-2022 టోర్నీలో తమ ఆరంభ మ్యాచ్‌లో పాకిస్తాన్‌ను మట్టికరిపించిన టీమిండియా.. రెండో మ్యాచ్‌లో హాంగ్‌ కాంగ్‌పై విజయం సాధించిన విషయం తెలిసిందే. ఈ క్రమంలో గ్రూప్‌-ఏలో సూపర్‌-4కు అర్హత సాధించిన తొలి జట్టుగా నిలిచింది. పసికూనతో బుధవారం(ఆగష్టు 31) జరిగిన మ్యాచ్‌లో 40 పరుగుల తేడాతో గెలుపొంది సూపర్‌ 4లో ఎంట్రీ ఇచ్చింది.  ఈ క్రమంలో గ్రూప్‌- ఏ టాపర్‌ టీమిండియా ఆదివారం(సెప్టెంబరు 4) ఇదే గ్రూపులోని సెకండ్‌ టాపర్‌తో తలడనుంది. ఇక హాంగ్‌ కాంగ్‌తో శుక్రవారం(సెప్టెంబరు 2) నాటి మ్యాచ్‌లో విజయం సాధిస్తే పాకిస్తాన్‌ మరోసారి టీమిండియాను ఢీకొట్టనుంది.  చదవండి: Asia Cup 2022 Pak Vs HK: గత రికార్డులు ఘనమే! కానీ ఇప్పుడు హాంగ్‌ కాంగ్‌ను పాక్‌ లైట్‌ తీసుకుంటే అంతే సంగతులు! When #TeamIndia hit 𝗨.𝗡.𝗪.𝗜.𝗡.𝗗! 👏 Time for some surf, sand & beach volley! 😎#AsiaCup2022 pic.twitter.com/cm3znX7Ll4 — BCCI (@BCCI) September 2, 2022

Asia Cup 2022- India Vs Hong Kong- Avesh Khan- Arshdeep Singh: ఆసియా కప్‌-2022లో భాగంగా హాంగ్‌ కాంగ్‌తో మ్యాచ్‌లో టీమిండియా యువ పేసర్లు ఆవేశ్‌ ఖాన్‌, అర్ష్‌దీప్‌ సింగ్‌ ఆట తీరుపై భారత మాజీ క్రికెటర్‌ రితీందర్‌ సోధి పెదవి విరిచాడు. వీరిద్దరి నుంచి మరీ ఇలాంటి ఘోరమైన ప్రదర్శనను ఊహించలేదన్నాడు. మరీ హాంగ్‌ కాంగ్‌ వంటి జట్టుతో మ్యాచ్‌లో ఇలా ధారాళంగా పరుగులు సమర్పించుకోవడం వారి కెరీర్‌లో పీడకలలా మిగిలిపోతాయని ఈ మాజీ ఆల్‌రౌండర్‌ అన్నాడు. పాకిస్తాన్‌తో మ్యాచ్‌తో పోలిస్తే.. హాంగ్‌ కాంగ్‌తో మ్యాచ్‌లో మరీ దారుణంగా విఫలమయ్యారని ఆవేశ్‌ ఖాన్‌, అర్ష్‌దీప్‌ సింగ్‌లను విమర్శించాడు. ఆసియా కప్‌-2022లో పాకిస్తాన్‌తో ఆరంభ మ్యాచ్‌లో ఆవేశ్‌ ఖాన్‌ రెండు ఓవర్లు బౌలింగ్‌ చేసి 19 పరుగులు ఇచ్చి ఒక వికెట్‌(ఫఖర్‌ జమాన్‌) తీశాడు. దంచి కొట్టిన హాంగ్‌ కాంగ్‌ బ్యాటర్లు! ఇక అర్ష్‌దీప్‌ సింగ్‌ 3.5 ఓవర్ల బౌలింగ్‌లో 33 పరుగులు ఇచ్చి 2 వికెట్లు తన ఖాతాలో వేసుకున్నాడు. అయితే, పాక్‌తో మ్యాచ్‌లో ఫర్వాలేదనిపించినా పసికూన హాంగ్‌ కాంగ్‌తో మ్యాచ్‌లో మాత్రం.. వీరిద్దరి బౌలింగ్‌లో ప్రత్యర్థి జట్టు బ్యాటర్లు దంచికొట్టారు. అర్ష్‌దీప్‌ 4 ఓవర్ల బౌలింగ్‌లో 44 పరుగులు ఇచ్చి ఒక వికెట్‌ తీశాడు. మరోవైపు.. ఆవేశ్‌ ఖాన్‌ తన బౌలింగ్‌ కోటా పూర్తి చేసి ఏకంగా 53 పరుగులు సమర్పించుకుని ఒక వికెట్‌ మాత్రమే తీయగలిగాడు. ఆవేశ్‌ ఖాన్‌ మరీ హాంగ్‌ కాంగ్‌ చేతిలోనా?! ఈ నేపథ్యంలో ఇండియా న్యూ స్పోర్ట్స్‌తో మాట్లాడిన రితీందర్‌ సోధి.. ఇలాంటి చెత్త ప్రదర్శన యువ బౌలర్లు ఆత్మవిశ్వాసాన్ని దెబ్బతీస్తుందన్నాడు. ‘‘పాకిస్తాన్‌తో మ్యాచ్‌లో మన పేస్‌ బౌలింగ్‌ మెరుగ్గానే అనిపించింది. కానీ ఈ మ్యాచ్‌లో మరీ ఘోరం.  ముఖ్యంగా అర్ష్‌దీప్‌ లయ తప్పినట్టు కనిపించింది. ఇక ఆవేశ్‌ అయితే భారీగా పరుగులు సమర్పించుకున్నాడు. హాంగ్‌ కాంగ్‌ వంటి జట్టు చేతిలో ఇలాంటి ప్రదర్శన వారికి కంటి మీద కునుకు లేకుండా చేస్తుంది. నిద్ర కూడా పట్టదు. ఇలాంటి వాటి వల్ల వారు ఆత్మవిశ్వాసం కోల్పోతారు’’ అని రితీందర్‌ సోధి పేర్కొన్నాడు. ఇక మాజీ సెలక్టర్‌ సబా కరీం సైతం.. ఆవేశ్‌, అర్ష్‌దీప్‌ ఇద్దరూ మెరుగ్గా రాణించలేకపోతున్నారని.. కోచ్‌ పారస్‌ మంబ్రే వారి ఆటపై దృష్టి సారించాలని సూచించాడు. ముఖ్యంగా ఆవేశ్‌ ఖాన్‌ లోపాలను వీలైనంత త్వరగా సరిదిద్దుకునేలా శిక్షణ ఇవ్వాలని పేర్కొన్నాడు. చదవండి: Asia Cup 2022: రవీంద్ర జడేజా అరుదైన రికార్డు.. టీమిండియా తొలి బౌలర్‌గా! Asia Cup 2022: చరిత్ర సృష్టించిన సూర్యకుమార్‌ యాదవ్‌.. తొలి భారత ఆటగాడిగా!

Ind Vs Zim 1st ODI- Deepak Chahar- T20 World Cup 2022: ‘‘మనం చాలా కాలం పాటు జట్టుకు దూరమైతే.. ఇతరులు మన స్థానాన్ని భర్తీ చేస్తారు. ఒకవేళ వాళ్లు మెరుగ్గా రాణించినట్లయితే జట్టులో స్థానం సుస్థిరమవుతుంది. ఒకవేళ మనం మళ్లీ టీమ్‌లోకి తిరిగి రావాలంటే వచ్చిన ప్రతి అవకాశాన్ని సద్వినియోగం చేసుకోవాలి. మెరుగైన ప్రదర్శన కనబరచాల్సి ఉంటుంది. కాబట్టి చాలా రోజుల తర్వాత జట్టులోకి వచ్చినపుడు కచ్చితంగా ఒత్తిడిని ఎదుర్కోవాల్సి ఉంటుంది. నాపై కూడా చాలా అంచనాలే ఉన్నాయి. వాటిని ఎలా అందుకోవాలన్న అంశం మాత్రమే నా చేతుల్లో ఉంటుంది. మిగతా విషయాల్లో నేనేమీ చేయలేను’’ అని టీమిండియా పేసర్‌ దీపక్‌ చహర్‌ అన్నాడు.  deepak chahar(PC: BCCI)      అదిరిపోయే రీఎంట్రీ! గాయాల కారణంగా దీపక్‌ చహర్‌ దాదాపు ఆర్నెళ్ల పాటు జట్టుకు దూరమైన విషయం తెలిసిందే. ఈ క్రమంలో ఫిట్‌నెస్‌ సాధించిన అతడు జింబాబ్వే టూర్‌కు ఎంపికయ్యాడు. ఇందులో భాగంగా హరారే వేదికగా గురువారం(ఆగష్టు 18) జరిగిన మొదటి వన్డేలో ఆడిన చహర్‌.. 7 ఓవర్ల బౌలింగ్‌లో 27 పరుగులు మాత్రమే ఇచ్చి మూడు వికెట్లు పడగొట్టాడు. తద్వారా ఆతిథ్య జింబాబ్వేను 189 పరుగులకే కట్టడి చేసి.. ఆపై టీమిండియా 10 వికెట్ల తేడాతో గెలుపొందడంలో కీలక పాత్ర పోషించాడు. దీంతో ప్లేయర్‌ ఆఫ్‌ ది మ్యాచ్‌గా నిలిచాడు చహర్‌. ఇదిలా ఉంటే.. సుదీర్ఘ కాలంగా జట్టుకు దూరమైన చహర్‌కు ఆసియా కప్‌-2022కు ప్రకటించిన ప్రధాన జట్టులో చోటు దక్కలేదు. 30 ఏళ్ల ఈ ఆల్‌రౌండర్‌ను స్టాండ్‌బైగా ఎంపిక చేశారు సెలక్టర్లు.  deepak chahar(PC: BCCI) వాళ్లకు అవకాశాలు అదే సమయంలో జట్టులోకి కొత్తగా ఎంట్రీ ఇచ్చిన ఫాస్ట్‌బౌలర్‌ అర్ష్‌దీప్‌ సింగ్‌, ఆవేశ్‌ ఖాన్‌ వంటి యువ ఆటగాళ్లు మాత్రం ప్రధాన జట్టులో చోటు దక్కించుకున్నారు. ఈ నేపథ్యంలో చహర్‌ మాట్లాడుతూ పైవిధంగా స్పందించాడు. జట్టుకు దూరమైన కారణంగా మ్యాచ్‌లు ఆడే అవకాశం రాకపోవడం వల్లే తాను సెలక్ట్‌ కాలేకపోయానని పరోక్షంగా వ్యాఖ్యానించాడు. టీ20 ప్రపంచకప్‌ జట్టు ఎంపిక నా చేతుల్లో లేదు కదా! ఇక ఆగష్టు 27 నుంచి ఆరంభం కానున్న ఈ ప్రతిష్టాత్మక టోర్నీ ముగిసిన తర్వాత స్వదేశంలో ఆస్ట్రేలియా, దక్షిణాఫ్రికాతో సిరీస్‌లు ఆడనుంది టీమిండియా. ఆ తర్వాత ఐసీసీ ఈవెంట్‌ టీ20 వరల్డ్‌కప్‌-2022 బరిలోకి దిగనుంది. ఈ నేపథ్యంలో జట్టులో స్థానం కోసం పోటీపడటం మాత్రమే తన చేతుల్లో ఉందని.. అంతేతప్ప జట్టుకు ఎంపికవుతానా లేదా అన్నది తన ఆధీనంలో ఉన్న విషయం కాదని చెప్పుకొచ్చాడు చహర్‌.  అదే విధంగా... జింబాబ్వేతో తొలి వన్డేలో తాను విజయవంతం కావడంపై స్పందిస్తూ.. ఏడు ఓవర్ల పాటు బౌలింగ్‌ చేయడం సంతోషంగా ఉందని పేర్కొన్నాడు. ఫిట్‌నెస్‌ సాధించడానికి.. ఆటను మెరుగుపరచుకోవడానికి కఠిన శ్రమకోర్చానని.. దాని ఫలితం ఇప్పుడు చూస్తున్నానంటూ హర్షం వ్యక్తం చేశాడు. ఇప్పుడు తాను పూర్తి ఫిట్‌గా ఉన్నానని తెలిపాడు చహర్‌. ఇక టీమిండియా- జింబాబ్వే మధ్య హరారే వేదికగా శనివారం(ఆగష్టు 20) రెండో వన్డే జరుగనుంది.  చదవండి: Babar Azam: భారత్‌పై గెలుపొక్కటే కాదు.. ఆసియా కప్‌ కొట్టాలని కంకణం! KL Rahul: ఒక్క విజయంతో దిగ్గజాల సరసన చోటు.. A brilliant comeback for @deepak_chahar9 as he is adjudged Player of the Match for his bowling figures of 3/27 👏👏#TeamIndia go 1-0 up in the three-match ODI series.#ZIMvIND pic.twitter.com/HowMse2blr — BCCI (@BCCI) August 18, 2022

T20 World Cup 2022: టీమిండియా యువ పేసర్‌ అర్ష్‌దీప్‌ సింగ్‌పై భారత మాజీ కెప్టెన్‌ క్రిష్ణమాచారి శ్రీకాంత్ ప్రశంసలు కురిపించాడు. టీ20 ఫార్మాట్‌లో ప్రపంచంలోనే నంబర్‌ 1 బౌలర్‌గా ఎదిగే సత్తా అతడికి ఉందని కొనియాడాడు. రానున్న టీ20 ప్రపంచకప్‌-2022 టోర్నీకి అతడిని తప్పక ఎంపిక చేయాలని టీమిండియా సెలక్టర్లకు సూచించాడు.  కాగా 23 ఏళ్ల అర్ష్‌దీప్‌ ఐపీఎల్‌-2022లో రాణించిన విషయం తెలిసిందే. పంజాబ్‌ కింగ్స్‌కు ప్రాతినిథ్యం వహించిన అతడు 14 ఇన్నింగ్స్‌లో 10 వికెట్లు తీశాడు. తన వైవిధ్యమైన బౌలింగ్‌తో క్రికెట్‌ దిగ్గజాల చేత ప్రశంసలు అందుకున్న ఈ ఫాస్ట్‌బౌలర్‌.. అనతికాలంలోనే బీసీసీఐ నుంచి పిలుపు అందుకున్నాడు. అర్ష్‌దీప్‌ అరంగేట్రం(PC: BCCI) ఈ క్రమంలో ఇంగ్లండ్‌ పర్యటనలో భాగంగా టీ20 సిరీస్‌తో అంతర్జాతీయ క్రికెట్‌లో అరంగేట్రం చేశాడు. మొదటి మ్యాచ్‌లోనే రెండు వికెట్లు తీసి సత్తా చాటాడు. ఇక టీ20 వరల్డ్‌కప్‌-2022 నేపథ్యంలో టీమిండియా పలు ప్రయోగాలు చేస్తున్న విషయం తెలిసిందే. బ్యాటింగ్‌ ఆర్డర్‌లో మార్పులు సహా యువ బౌలర్లను పరీక్షిస్తోంది. భువీని కాదని.. వాళ్లిద్దరి చేత! ఇందులో భాగంగా వెస్టిండీస్‌తో టీ20 సిరీస్‌లో కెప్టెన్‌ రోహిత్‌ శర్మ.. రెండో టీ20లో సీనియర్‌ పేసర్‌, డెత్‌ఓవర్ల స్పెషలిస్టు భువనేశ్వర్‌ కుమార్‌ను కాదని అర్ష్‌దీప్‌, ఆవేశ్‌ ఖాన్‌లకు బంతిని ఇచ్చాడు. మెగా టోర్నీకి సన్నద్ధమయ్యే క్రమంలో యువకులకు అవకాశం ఇస్తున్నట్లు తెలిపాడు. ఇక ఆవేశ్‌తో పోలిస్తే అర్ష్‌దీప్‌ ఇప్పటి వరకు మెరుగైన ప్రదర్శనతో అతడి కంటే ఓ అడుగు ముందే ఉన్నాడు. ప్లీజ్‌.. చేతు! ఈ నేపథ్యంలో మాజీ సెలక్టర్‌ క్రిష్ణమాచారి శ్రీకాంత్‌.. అర్ష్‌దీప్‌ను ఉద్దేశించి ఆసక్తికర వ్యాఖ్యలు చేశాడు. ఫ్యాన్‌కోడ్‌తో మాట్లాడుతూ.. ‘‘టీ20 ఫార్మాట్‌లో భవిష్యత్‌ కాలంలో వరల్డ్‌ నెంబర్‌ 1 బౌలర్‌గా ఎదగగలడు. తనొక అద్బుతం అంతే! అర్ష్‌దీప్‌ సింగ్‌.. ఈ పేరు గుర్తుపెట్టుకోండి. టీ20 ప్రపంచకప్‌ భారత జట్టులో అతడు ఉంటాడు. కమాన్‌ చేతు.. ప్లీజ్‌ అర్ష్‌దీప్‌ పేరును పరిగణనలోకి తీసుకో’’ అంటూ టీమిండియా చీఫ్‌ సెలక్టర్‌ చేతన్‌ శర్మకు విజ్ఞప్తి చేశాడు. కాగా అర్ష్‌దీప్‌ ప్రస్తుతం వెస్టిండీస్‌తో టీ20 సిరీస్‌లో భాగంగా భారత జట్టులో సభ్యుడిగా ఉన్నాడు. ఇప్పటికే విండీస్‌తో సిరీస్‌లో 2-1తో ఆధిక్యంలో ఉన్న రోహిత్‌ సేన అమెరికా వేదికగా శని, ఆదివారాల్లో జరుగనున్న చివరి రెండు మ్యాచ్‌లలో గెలిచి ట్రోఫీ సొంత చేసుకోవాలని భావిస్తోంది. చదవండి: Senior RP Singh: భారత్‌ను కాదని ఇంగ్లండ్‌కు ఆడనున్న మాజీ క్రికెటర్‌​ కుమారుడు NZ vs NED: కివీస్‌కు ముచ్చెమటలు పట్టించిన డచ్‌ బ్యాటర్‌..

Paras Mhambrey Lauds Arshdeep Singh: విండీస్‌తో జరిగిన రెండో టీ20లో కీలక సమయంలో (ఆఖరి 4 ఓవర్లలో 31 పరుగులు చేయాల్సిన దశలో) పొదుపుగా (17, 19 ఓవర్లలో 4, 6 పరుగులు) బౌలింగ్‌ చేసి టీమిండియాను గెలిపించేందుకు విఫలయత్నం చేసిన యువ పేసర్‌ అర్షదీప్‌ సింగ్‌పై బౌలింగ్ కోచ్ పరాస్ మాంబ్రే ప్రశంసల వర్షం కురిపించాడు.  అర్షదీప్‌కు ఒత్తిడిలో ప్రశాంతంగా బౌలింగ్ చేయగల ప్రత్యేక సామర్థ్యం ఉందని కొనియాడాడు. పవర్‌ ప్లేతో పాటు డెత్‌ ఓవర్లలో ఒత్తిడిని అధిగమించి సత్ఫలితాలు రాబట్టగల సత్తా అర్షదీప్‌కు ఉందంటూ ఆకాశానికకెత్తాడు. అర్షదీప్‌లో ఈ సామర్థ్యాన్ని చాలాకాలంగా గమనిస్తున్నానని, రెండో టీ20లో అతను స్థాయి మేరకు రాణించడం సంతోషాన్ని కలిగించిందని అన్నాడు. భవిష్యత్తులో అర్షదీప్‌ టీమిండియాలో కీలక బౌలర్‌గా ఎదుగుతాడని ఆశాభావం వ్యక్తం చేశాడు.  టీమిండియా తరఫున మూడు టీ20లు ఆడిన అర్షదీప్ 5.91 సగటున ఐదు వికెట్లు పడగొట్టాడు. ఈ పంజాబ్‌ బౌలర్‌ స్వల్ప వ్యవధిలోనే తన అత్యుత్తమ ప్రదర్శనతో జట్టులో కీలక బౌలర్‌గా మారాడు. వెస్టిండీస్‌తో ప్రస్తుత టీ20 సిరీస్‌లో ఇప్పటివరకు జరిగిన రెండు మ్యాచ్‌ల్లో 6.25 సగటున మూడు వికెట్లు తీసి సత్తా చాటాడు. రెండో మ్యాచ్‌లో పొదుపుగా (4 ఓవర్లలో 1/26) బౌలింగ్‌ చేయడంతో పాటు ఓ వికెట్‌ (రోవ్‌మన్‌ పావెల్‌) పడగొట్టిన అర్షదీప్‌.. అంతకుముందు జరిగిన తొలి టీ20లోనూ డెత్ ఓవర్లలో అద్భుతంగా బౌలింగ్‌ (4 ఓవర్లలో 2/24) చేసి రెండు వికెట్లు తన ఖాతాలో వేసుకున్నాడు.  ఇదిలా ఉంటే, రెండో టీ20లో అర్షదీప్‌ టీమిండియాను గెలిపించేందుకు తన వంతు ప్రయత్నం చేసినప్పటికీ అప్పటికే జరగాల్సిన నష్టం జరిగిపోయింది. ఈ మ్యాచ్‌లో భారత్‌ ఐదు వికెట్ల తేడాతో ఓటమిపాలైంది. తొలుత బ్యాటింగ్‌ చేసిన భారత్‌.. ఒబెడ్ మెక్‌కాయ్ ఆరు వికెట్లతో చెలరేగడంతో 19.4 ఓవర్లలో 138 పరుగులకు ఆలౌటైంది. ఛేదనలో విండీస్‌ 19.2 ఓవర్లలో 5 వికెట్లు కోల్పోయి లక్ష్యాన్ని చేరుకుంది. చదవండి: ఐర్లాండ్‌తో టీ20 సిరీస్‌.. దక్షిణాఫ్రికాకు బిగ్‌ షాక్‌..!

T20 World Cup 2022: టీ20 ప్రపంచకప్‌-2022 నేపథ్యంలో భారత జట్టులో మహ్మద్‌ షమీకి స్థానం కల్పిస్తే బాగుంటుందని టీమిండియా మాజీ వికెట్‌ కీపర్‌ పార్థివ్‌ పటేల్‌ అన్నాడు. జస్‌ప్రీత్‌ బుమ్రా, భువనేశ్వర్‌ కుమార్‌తో పాటు షమీ కూడా జట్టులో ఉండేందుకు అన్ని అర్హతలు కలిగి ఉన్నాడని పేర్కొన్నాడు. వరల్డ్‌కప్‌ టోర్నీలో అనుభవజ్ఞులైన ఈ పేస్‌ త్రయంతో బరిలోకి దిగితే మెరుగైన ఫలితాలు పొందవచ్చని అభిప్రాయపడ్డాడు. ప్రయోగాలు చేస్తున్న టీమిండియా! ఆస్ట్రేలియా వేదికగా అక్టోబరు 16న పొట్టి ఫార్మాట్‌ ప్రపంచకప్‌ ఈవెంట్‌ ఆరంభం కానున్న విషయం తెలిసిందే. ఈ నేపథ్యంలో ఇప్పటికే జట్టు ఎంపికపై బీసీసీఐ కసరత్తులు చేస్తోంది. ఈ క్రమంలో టీ20 ఫార్మాట్‌లో దూకుడైన బ్యాటింగ్‌తో ముందుకు సాగుతామన్న టీమిండియా కెప్టెన్‌ రోహిత్‌ శర్మ.. ప్రపంచకప్‌ ప్రణాళికల్లో భాగంగా పలు ప్రయోగాలు చేస్తున్నట్లు వెల్లడించాడు.  యువ ఆటగాళ్లకు వరుస అవకాశాలు ఇస్తామని స్పష్టం చేశాడు. ముఖ్యంగా హర్షల్‌ పటేల్‌, ఆవేశ్‌ ఖాన్‌, అర్ష్‌దీప్‌ సింగ్‌ వంటి ఫాస్ట్‌ బౌలర్లను మెగా ఈవెంట్‌కు సన్నద్ధం చేసే క్రమంలో ప్రయోగాలకు వెనుకాడబోమని సంకేతాలు ఇచ్చాడు. ఈ నేపథ్యంలో షమీకి అవకాశం ఇవ్వాలంటూ పార్థివ్‌ పటేల్‌ ఆసక్తికర వ్యాఖ్యలు చేయడం విశేషం. మహ్మద్‌ షమీ(PC: BCCI) ఐపీఎల్‌లో అదరగొట్టిన షమీ! అయినా.. గతేడాది యూఏఈ వేదికగా జరిగిన టీ20 ప్రపంచకప్‌-2021 టోర్నీలో షమీ.. ఆరు వికెట్లు(ఎకానమీ 9.57) పడగొట్టాడు. ఇక ఐపీఎల్‌-2022లో భాగంగా కొత్త ఫ్రాంఛైజీ గుజరాత్‌ టైటాన్స్‌కు అతడు ప్రాతినిథ్యం వహించాడు. అరంగేట్ర సీజన్‌లోనే గుజరాత్‌ టైటిల్‌ గెలవడంలో తన వంతు పాత్ర పోషించాడు. క్యాష్‌ రిచ్‌ లీగ్‌ తాజా సీజన్‌లో 16 మ్యాచ్‌లు ఆడిన షమీ 20 వికెట్లు పడగొట్టాడు. కానీ ఆ తర్వాత టీమిండియా తరఫున టీ20ల్లో ఆడే అవకాశం మాత్రం రాలేదు. ఈ ఫార్మాట్‌ షమీకి సూట్‌ కాదన్న అభిప్రాయాలూ ఉన్నాయి. మరింత మెరుగయ్యాడు! ఈ నేపథ్యంలో పార్థివ్‌ పటేల్‌ క్రిక్‌బజ్‌తో మాట్లాడుతూ.. ‘‘ఐపీఎల్‌ ప్రదర్శనతో దినేశ్‌ కార్తిక్‌ టీమిండియా తరఫున పునరాగమనం చేశాడు. నిజానికి మహ్మద్‌ షమీ కూడా ఐపీఎల్‌లో అదరగొట్టాడు. గుజరాత్‌ టైటాన్స్‌కు ట్రోఫీ అందించాడు. గత ప్రపంచకప్‌ మ్యాచ్‌ కంటే ఇప్పుడు మరింత మెరుగయ్యాడు. కాబట్టి అతడు ఈసారి మరీ అంత బ్యాడ్‌ ఛాయిస్‌ ఏమీ కాదు’’ అని అభిప్రాయపడ్డాడు. బుమ్రా, భువీ, అర్ష్‌దీప్‌తో పాటు 31 ఏళ్ల షమీని మేనేజ్‌మెంట్‌ ఎందుకు పరిగణనలోకి తీసుకోవడం లేదో అర్థం కావడం లేదు అని ఆశ్చర్యం వ్యక్తం చేశాడు. కాగా రాయల్‌ చాలెంజర్స్‌ బెంగళూరు తరఫున ఐపీఎల్‌-2022లో అదరగొట్టిన 37 ఏళ్ల దినేశ్‌ కార్తిక్‌ భారత జట్టులో రీఎంట్రీ ఇచ్చి.. ఫినిషర్‌గా స్థానం సుస్థిరం చేసుకునే పనిలో పడ్డాడు. చదవండి: Suryakumar Yadav: ఇదే కొనసాగితే సూర్య కెరీర్‌ నాశనమవడం ఖాయం! తగ్గేదేలే అంటున్న రోహిత్‌! 

టీమిండియా, వెస్టిండీస్‌ మధ్య జరిగిన రెండో టి20 మ్యాచ్‌ మూడు గంటలు ఆలస్యంగా ప్రారంభమైన సంగతి తెలిసిందే. ట్రినిడాడ్‌ నుంచి సెయింట్‌ కిట్స్‌కు రావాల్సిన ఆటగాళ్ల లగేజీ ఆలస్యం అవడమే అందుకు ప్రధాన కారణం. రాత్రి 8 గంటలకు మొదలుకావాల్సిన మ్యాచ్‌ ఎట్టకేలకు 11 గంటలకు ప్రారంభం అయింది. టాస్‌ గెలిచిన విండీస్‌ బౌలింగ్‌ ఎంచుకోవడంతో టీమిండియా బ్యాటింగ్‌కు రావాల్సి వచ్చింది. రోహిత్‌ శర్మకు జతగా సూర్యకుమార్‌ యాదవ్‌ క్రీజులోకి రావాల్సి ఉంది. కానీ కొద్దిసేపటి తర్వాత చూస్తే రోహిత్‌తో పాటు వెనుక నుంచి చూస్తే అర్షదీప్‌ సింగ్‌ జెర్సీ కనిపించింది. అదేంటి అర్షదీప్‌ ఓపెనర్‌గా రావడం ఏంటని మనం అనుకునే లోపే జెర్సీ వేసుకున్న వ్యక్తి సూర్యకుమార్‌ యాదవ్‌ అని తేలింది. హమ్మయ్యా సూర్యకుమారే ఓపెనర్‌గా వచ్చాడని అంతా అనుకున్నారు. మరి సూర్య తన జెర్సీ కాకుండా అర్ష్‌దీప్‌ జెర్సీ ఎందుకు వేసుకొచ్చాడనేగా మీ డౌటు. వాస్తవానికి టీమిండియా ఆటగాళ్ల లగేజీలో కొంతమందివి తొందరగా రాగా.. మరికొంత మందివి ఆలస్యంగా వచ్చాయి. ఆ జాబితాలో సూర్యకుమార్‌ కూడా ఉన్నాడు. అసలే మ్యాచ్‌లో ఓపెనర్‌గా రావాలి. అటు చూస్తే లగేజీ ఇంకా రాలేదు. దీంతో చేసేదేం లేక సూర్యకుమార్‌.. అర్షదీప్‌ సింగ్‌ జెర్సీ వేసుకొని బ్యాటింగ్‌కు దిగాడు. ఇదీ అసలు కథ. అయితే విండీస్‌ బ్యాటింగ్‌ సమయంలో మాత్రం సూర్యకుమార్‌ తాను జెర్సీ వేసుకొనే ఫీల్డింగ్‌ చేశాడు. ఇక మ్యాచ్‌ విషయానికి వస్తే.. టీమిండియాపై వెస్టిండీస్‌ 5 వికెట్ల తేడాతో ఘన విజయం సాధించింది. 139 పరుగుల లక్ష్యంతో బరిలోకి దిగిన విండీస్‌ 19.2 ఓవర్లలో 5 వికెట్ల నష్టానికి 141 పరుగులు చేసింది. బ్రాండన్‌ కింగ్‌ అర్థసెంచరీతో జట్టు విజయంలో కీలకపాత్ర పోషించాడు.అంతకముందు భారత్‌ 19.4 ఓవర్లలో 138 పరుగులకే ఆలౌటైంది. టాపార్డర్‌ బ్యాటర్లు రోహిత్‌ శర్మ (0), సూర్యకుమార్‌ (11), అయ్యర్‌ (10) వికెట్లను కోల్పోయి కష్టాల్లో పడిన భారత జట్టును పంత్‌ (12 బంతుల్లో 24; 1 ఫోర్, 2 సిక్సర్లు), హార్దిక్‌ పాండ్యా (31 బంతుల్లో 31; 1 ఫోర్, 2 సిక్స్‌లు) కాసేపు ఆదుకున్నారు. జడేజా (30 బంతుల్లో 27; 1 సిక్స్‌) మెరుగ్గా ఆడాడు. అయితే మెకాయ్‌ (4–1–17–6) బెంబేలెత్తించాడు.ఇరుజట్ల మధ్య మూడో టి20 ఆగస్టు 2న జరగనుంది. చదవండి: అందుకే ఆవేశ్‌ చేతికి బంతి! ఇదొక గుణపాఠం... మా ఓటమికి ప్రధాన కారణం అదే! వైడ్‌ ఇచ్చినా పట్టించుకోలేదు.. మూల్యం చెల్లించుకున్నాడు

West Indies vs India, 2nd T20I: టీమిండియా యువ బౌలర్‌ అర్ష్‌దీప్‌ సింగ్‌పై సహచర ఆటగాడు, సీనియర్‌ పేసర్‌ భునవేశ్వర్‌ ప్రశంసలు కురిపించాడు. ఏ బ్యాటర్‌కు ఎలా బౌలింగ్‌ చేయాలో అతడికి బాగా తెలుసన్నాడు. యువ ఆటగాళ్లలో చాలా తక్కువ మందిలో మాత్రమే ఇలాంటి పరిణతి ఉంటుందంటూ అర్ష్‌దీప్‌ను కొనియాడాడు. కాగా ఐపీఎల్‌-2022లో పంజాబ్‌ కింగ్స్‌కు ప్రాతినిథ్యం వహించిన అర్ష్‌దీప్‌ అద్భుత ప్రదర్శనతో ఆకట్టుకున్న విషయం తెలిసిందే. అరంగేట్రంలోనే అదరగొట్టాడు! పంజాబ్‌కు ఆడిన ఈ 23 ఏళ్ల ఫాస్ట్‌బౌలర్‌ 14 ఇన్నింగ్స్‌లో 10 వికెట్లు పడగొట్టాడు. ఈ క్రమంలో బీసీసీఐ నుంచి పిలుపు అందుకున్న అర్ష్‌దీప్‌.. ఇంగ్లండ్‌ పర్యటనలో భాగంగా టీ20 సిరీస్‌తో అంతర్జాతీయ క్రికెట్‌లో అడుగుపెట్టాడు. తొలి మ్యాచ్‌లోనే అదరగొట్టాడు. మొత్తంగా.. 3.3 ఓవర్లు వేసి కేవలం 18 పరుగులు మాత్రమే ఇచ్చి రెండు వికెట్లు తీశాడు. తద్వారా క్రికెట్‌ విశ్లేషకుల దృష్టిని ఆకర్షించాడు.  అర్ష్‌దీప్‌ అరంగేట్రం(PC: BCCI) ఈ క్రమంలో వెస్టిండీస్‌తో టీ20 సిరీస్‌కు ఎంపికయ్యాడు. ట్రినిడాడ్‌ వేదికగా జరిగిన మొదటి మ్యాచ్‌లో 2 వికెట్లతో సత్తా చాటాడు. అదే జోష్‌లో సోమవారం నాటి(ఆగష్టు 1)రెండో టీ20కి సన్నద్ధమవుతున్నాడు. ఈ నేపథ్యంలో మ్యాచ్‌కు ముందు భువీ మాట్లాడుతూ.. అర్ష్‌దీప్‌ ఆటతీరును ప్రశంసించాడు. అర్ష్‌దీప్‌నకు ఆ విషయం బాగా తెలుసు! ‘‘ఎప్పుడు ఎలా ఆడాలో తనకు బాగా తెలుసు. అతడిలో ఉన్న అత్యుత్తమ గుణం ఇదే! ఏ బ్యాటర్‌కు ఎలా బౌలింగ్‌ చేయాలి? ఫీల్డ్‌ ఎలా సెట్‌ చేసుకోవాలి? అన్న విషయాలు బాగా తెలుసు. యువ ఆటగాళ్లలో చాలా కొంతమంది మాత్రమే ఇలాంటి పరిణతి కనబరచగలరు’’ అని భువీ పేర్కొన్నాడు. ఐపీఎల్‌ గత రెండు సీజన్లలోనూ అర్ష్‌దీప్‌ నిలకడగా రాణించాడన్న భువీ.. పరిస్థితులకు తగ్గట్లుగా తనను తాను మలచుకోవడంలో ముందుంటాడని కొనియాడాడు. చదవండి: IND VS WI: రెండో టీ20కి ముందు రోహిత్‌ను ఊరిస్తున్న ప్రపంచ రికార్డు India Probable XI: అలా అయితే అయ్యర్‌పై వేటు తప్పదు! ఓపెనర్‌గా మళ్లీ అతడే!?

టీ20 ప్రపంచకప్‌, ఆసియాకప్‌కు భారత యువ పేసర్‌ అర్ష్‌దీప్ సింగ్‌ను ఎంపిక చేయాలని పాకిస్థాన్ మాజీ స్పిన్నర్ డానిష్ కనేరియా సూచించాడు. ఐపీఎల్‌-2022లో అదరగొట్టిన ఆర్ష్‌దీప్‌ సింగ్‌కు భారత జట్టులో చోటు దక్కిన సంగతి తెలిసిందే. ఐర్లాండ్‌ పర్యటనకు ఎంపికైన అతడు కేవలం బెంచ్‌కే పరిమితమయ్యాడు. ఐర్లాండ్‌ సిరీస్‌ అనంతరం ఇంగ్లండ్‌తో జరిగిన తొలి టీ20లో భారత్‌ తరపున ఆర్ష్‌దీప్‌ అరంగేట్రం చేశాడు. తన డెబ్యూ మ్యాచ్‌లో 18 పరుగులు ఇచ్చి రెండు కీలక వికెట్లు పడగొట్టాడు. ఇక ప్రస్తుతం ఆర్ష్‌దీప్‌ విండీస్‌ పర్యటనలో ఉన్న భారత జట్టులో భాగంగా ఉన్నాడు. తొలి, రెండు వన్డేల్లో బెంచ్‌కే పరిమితమైన ఆర్ష్‌దీప్‌.. అఖరి వన్డేలో చోటు దక్కే అవకాశం ఉంది. ఇక డెత్‌ స్పెషలిస్ట్‌గా పేరొందిన ఆర్ష్‌దీప్‌ను టీ20 ప్రపంచకప్‌కు ఎంపిక చేయాలని మాజీలు సూచిస్తున్నారు. ఈ నేపథ్యంలో డానిష్ కనేరియా తన యూట్యూబ్‌ ఛానల్‌లో మాట్లాడుతూ.. "విండీస్‌తో మూడో వన్డేలో అర్ష్‌దీప్ ఆడనున్నాడు. అంతే కాకుండా ఈ మ్యాచ్‌లో అతడు తన సత్తా చాటుతాడు. అర్ష్‌దీప్‌ బంతిని అద్భుతంగా స్వింగ్‌ చేయగలడు. అదే విధంగా అతడు చాలా తెలివిగా బౌలింగ్ చేస్తాడు. డెత్‌ ఓవర్లలో పరుగులు ఇవ్వకుండా బ్యాటర్లను ఎలా కట్టిడి చేయాలో అతడికి బాగా తెలుసు. టీ20 ప్రపంచకప్‌, ఆసియా కప్‌ కోసం భారత జట్టుకు అతడిని ఎంపిక చేయాలి. ఆసియా కప్ యూఏఈ వేదికగా జరుగుతోంది. అక్కడి పిచ్‌లు లెఫ్ట్‌ ఆర్మ్‌ పేసర్లకు ఎక్కువగా అనుకూలిస్తాయి. కాబట్టి అర్ష్‌దీప్‌ అద్భుతంగా రాణించగలడు" అని  కనేరియా పేర్కొన్నాడు. చదవండి: Rahul Dravid: సెంచరీ సాధించినా నా పేరు ఎవరికీ తెలియలేదు.. అప్పుడే నిర్ణయించుకున్నా!

Ind Vs Eng 1st ODI: ఇంగ్లండ్‌తో టీమిండియా వన్డే సిరీస్‌ ఆరంభం కానున్న నేపథ్యంలో మొదటి మ్యాచ్‌కు తన జట్టును ప్రకటించాడు భారత మాజీ క్రికెటర్‌, కామెంటేటర్‌ ఆకాశ్‌ చోప్రా. విరాట్‌ కోహ్లి, కేఎల్‌ రాహుల్‌ అందుబాటులో లేకపోవడంతో సెలక్షన్‌ మరింత సులువైందన్నాడు. ఇంగ్లండ్‌తో మొదటి వన్డేతో యువ బౌలర్‌ అర్ష్‌దీప్‌ సింగ్‌కు తాను అవకాశం ఇస్తానని పేర్కొన్నాడు.  కాగా మూడు మ్యాచ్‌ల టీ20 సిరీస్‌ను టీమిండియా 2-1 తేడాతో సొంతం చేసుకున్న విషయం తెలిసిందే. ఈ క్రమంలో మూడు మ్యాచ్‌ల సిరీస్‌లో భాగంగా మంగళవారం(జూలై 12) ఇంగ్లండ్‌తో మొదటి వన్డే ఆడేందుకు సిద్ధమైంది రోహిత్‌ సేన. ఆఖరి టీ20 సందర్భంగా గజ్జల్లో గాయం కారణంగా కోహ్లి ఈ మ్యాచ్‌కు అందుబాటులో ఉండటం లేదని సమాచారం. కోహ్లి, రాహుల్‌ లేరు కాబట్టి ఈజీ! ఈ నేపథ్యంలో ఆకాశ్‌ చోప్రా ఓవల్‌ మైదానం వేదికగా సాగే మ్యాచ్‌కు తన జట్టును ప్రకటించాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘కోహ్లి లేకుంటే జట్టు ఎంపిక ఈజీగా ఉంటుంది. శిఖర్‌ ధావన్‌.. రోహిత్‌ శర్మతో కలిసి ఓపెనింగ్‌ చేస్తాడు. లెఫ్ట్‌- రైట్‌ ఓపెనింగ్‌ కాంబినేషన్‌. కేఎల్‌ రాహుల్‌ లేడు కాబట్టి ఈ విషయంలో ఎలాంటి తలనొప్పులు ఉండవు’’ అని పేర్కొన్నాడు. అదే విధంగా... ‘‘శ్రేయస్‌ అయ్యర్‌ను మూడో స్థాణంలో పంపాలి. నాలుగో స్థానంలో సూర్యకుమార్‌ ఉండనే ఉన్నాడు. ఇక ఆ తర్వాతి స్థానాల్లో రిషభ్‌ పంత్‌, హార్దిక్‌ పాండ్యా సరేసరి. జడ్డూ ఏడో స్థానంలో.. ఆ తర్వాతి స్థానాల్లో ప్రసిద్‌ కృష్ణ, మహ్మద్‌ షమీ.. ఇక అర్ష్‌దీప్‌ను ఈ మ్యాచ్‌తో వన్డేల్లో అరంగేట్రం చేయించాలి. సిరాజ్‌ను కాకుండా అర్ష్‌దీప్‌ను తుది జట్టులోకి తీసుకోవాలి. ఇక యుజీ నా జట్టులో పదకొండో ఆటగాడు’’ అని ఆకాశ్‌ చోప్రా చెప్పుకొచ్చాడు. కాగా ఇంగ్లండ్‌తో టీ20 సిరీస్‌తో అర్ష్‌దీప్‌ సింగ్‌ అంతర్జాతీయ క్రికెట్‌లో అడుగుపెట్టిన విషయం తెలిసిందే.  ఇంగ్లండ్‌ వర్సెస్‌ ఇండియా మొదటి వన్డే- ఆకాశ్‌ చోప్రా జట్టు: రోహిత్‌ శర్మ, శిఖర్‌ ధావన్‌, శ్రేయస్‌ అయ్యర్‌, సూర్యకుమార్‌ యాదవ్‌, రిషభ్‌ పంత్‌, హార్దిక్‌ పాండ్యా, రవీంద్ర జడేజా, ప్రసిద్‌ కృష్ణ, మహ్మద్‌ షమీ, అర్ష్‌దీప్‌ సింగ్‌, యజువేంద్ర చహల్‌. చదవండి: Ind Vs Eng: ఓవల్‌ రికార్డు తెలుసా? రోహిత్‌ శర్మ అక్కడ టాస్‌ గెలిస్తే కచ్చితంగా...  

India Vs England 1st T20- Arshdeep Singh: టీమిండియా ఇంగ్లండ్‌ పర్యటనలో భాగంగా భారత యువ బౌలర్‌ అర్ష్‌దీప్‌ సింగ్‌ కల నెరవేరింది. మూడు మ్యాచ్‌ల టీ20 సిరీస్‌ నేపథ్యంలో తొలి మ్యాచ్‌తో అతడు అరంగేట్రం చేశాడు. టీమిండియా కెప్టెన్‌ రోహిత్‌ శర్మ చేతుల మీదుగా క్యాప్‌ అందుకుని అంతర్జాతీయ క్రికెట్‌లో అడుగుపెట్టాడు. ఇక మొదటి మ్యాచ్‌లో అదిరిపోయే ప్రదర్శనతో ఆకట్టుకున్నాడు 23 ఏళ్ల అర్ష్‌దీప్‌ సింగ్‌. అరంగేట్ర మ్యాచ్‌లోనే మెయిడెన్‌ వేసి 16 ఏళ్ల రికార్డు బద్దలు కొట్టాడు. భారత మహిళా జట్టు బౌలర్‌ ఝులన్‌ గోస్వామి, అజిత్‌ అగార్కర్‌ తర్వాత ఈ ఘనత సాధించిన క్రికెటర్‌గా నిలిచాడు. 2006లో ఇంగ్లండ్‌తో మ్యాచ్‌లో ఝులన్‌.. అదే ఏడాది దక్షిణాఫ్రికాతో మ్యాచ్‌లో అగార్కర్‌ టీ20 ఫార్మాట్‌లో ఈ ఫీట్‌ నమోదు చేశారు. FIRST wicket for @arshdeepsinghh in International cricket 🙌 #ENGvIND pic.twitter.com/irEjeZeHz5 — Doordarshan Sports (@ddsportschannel) July 7, 2022 రెండు వికెట్లు పడగొట్టి.. ఇంగ్లండ్‌తో మొదటి టీ20 మ్యాచ్‌లో అర్ష్‌దీప్‌ సింగ్‌ 3.3 ఓవర్లు వేసి కేవలం 18 పరుగులు మాత్రమే ఇచ్చాడు. అదే విధంగా రెండు వికెట్లు తన ఖాతాలో వేసుకున్నాడు. రీస్‌ టోప్లే, మాథ్యూ పార్కిన్సన్‌లను అవుట్‌ చేశాడు. ఈ నేపథ్యంలో అర్ష్‌దీప్‌ సింగ్‌పై టీమిండియా అభిమానులు ప్రశంసలు కురిపిస్తున్నారు. ‘‘టీమిండియాకు ఆడగల అన్ని అర్హతలు ఉన్న ఆటగాడివి. నీ ఎంట్రీ అదిరిపోయింది’’ అని సోషల్‌ మీడియా వేదికగా కొనియాడుతున్నారు. WICKET!! Moeen Ali gone for 36 🙌 #ENGvIND pic.twitter.com/7Huolk9wu8 — Doordarshan Sports (@ddsportschannel) July 7, 2022 కాగా ఐపీఎల్‌-2022లో పంజాబ్‌ కింగ్స్‌కు ప్రాతినిథ్యం వహించిన అర్ష్‌దీప్‌ 14 ఇన్నింగ్స్‌లో 10 వికెట్లు తీశాడు. ఈ క్రమంలో భారత జట్టు సెలక్టర్ల దృష్టి ఆకర్షించి జట్టులోకి వచ్చాడు. ఇక ఇంగ్లండ్‌తో మ్యాచ్‌ విషయానికొస్తే.. భారత్‌ 50 పరుగుల తేడాతో బట్లర్‌ బృందాన్ని మట్టికరిపించింది.    చదవండి: Ind Vs Eng 1st T20: టీమిండియా.. మరీ ఇంత చెత్తగానా.. ఇదేం బాలేదు! Fantastic first over at the international level by Arshdeep singh. Way to go buddy. — Irfan Pathan (@IrfanPathan) July 7, 2022

India Vs Ireland T20 Series 2022: ఐర్లాండ్‌తో టీ20 సిరీస్‌లో మొదటి మ్యాచ్‌ గెలిచిన టీమిండియా రెండో విజయంపై దృష్టి సారించింది. తమ పర్యటనలో భాగంగా పాండ్యా సేన ఆఖరి టీ20 గెలిచి సిరీస్‌ను క్లీన్‌స్వీప్‌ చేయాలని భావిస్తోంది. మొదటి మ్యాచ్‌ ఫలితాన్ని పునరావృతం చేసి సంపూర్ణ విజయంతో స్వదేశానికి తిరిగి రావాలని పట్టుదలగా ఉంది. అయితే, ఈ మ్యాచ్‌లో హార్దిక్‌ పాండ్యా సారథ్యంలోని జట్టులో  ప్రయోగాలు చేసేందుకు మేనేజ్‌మెంట్‌ సిద్ధమైనట్లు తెలుస్తోంది. ఇందులో భాగంగా డబ్లిన్‌ వేదికగా మంగళవారం(జూన్‌ 28) జరుగనున్న రెండో టీ20లో రాహుల్‌ త్రిపాఠి అరంగేట్రం చేసే అవకాశాలు కనిపిస్తున్నాయి.  స్టార్‌ ఓపెనర్‌ రుతురాజ్‌ గైక్వాడ్‌ గాయం కారణంగా తొలి మ్యాచ్‌లో బ్యాటింగ్‌కు రాలేదన్న సంగతి తెలిసిందే. అతడి స్థానంలో మిడిలార్డర్‌ బ్యాటర్‌ దీపక్‌ హుడా ఇషన్‌ కిషన్‌తో కలిసి ఓపెనింగ్‌ చేశాడు. అయితే, ఓపెనర్‌గా రాణించగల సత్తా ఉన్న వెంకటేశ్‌ అయ్యర్‌కు తుది జట్టులో చోటు దక్కకపోవడంతో హుడా ఆ స్థానాన్ని భర్తీ చేశాడు. కాగా రెండో మ్యాచ్‌లో కూడా అయ్యర్‌ను పక్కన పెట్టే అవకాశాలు ఉన్నట్లు అభిప్రాయాలు వ్యక్తమవుతున్నాయి. ముఖ్యంగా రైట్‌- లెఫ్ట్‌ ఓపెనింగ్‌ కాంబినేషన్‌తో వెళ్లాలని పాండ్యా భావిస్తే.. రాహుల్‌ త్రిపాఠి తుది జట్టులో చోటు దక్కించుకునే ఛాన్స్‌ ఉంది. త్రిపాఠి లేదంటే అనువజ్ఞుడైన సంజూ శాంసన్‌ ఇషాన్‌కు జోడీగా బరిలోకి దిగనున్నట్లు తెలుస్తోంది.  అయితే, ఇటీవలి కాలంలో ముఖ్యంగా ఐపీఎల్‌-2022లో వన్‌డౌన్‌లో బ్యాటింగ్‌కు వచ్చిన శాంసన్‌ అదరగొట్టిన విషయం తెలిసిందే. దీంతో అతడికి అవకాశం వస్తే మిడిలార్డర్‌లో ఆడించే అవకాశం ఉంది. ఇక బౌలింగ్‌ విభాగంలో ఆవేశ్‌ ఖాన్‌ స్థానంలో అర్ష్‌దీప్‌ సింగ్‌ ఎంట్రీ ఇచ్చే అవకాశం లేకపోలేదు. కాగా ఐపీఎల్‌-2022లో సన్‌రైజర్స్‌కు ప్రాతినిథ్యం వహించిన రాహుల్‌ త్రిపాఠి 14 మ్యాచ్‌లలో మొత్తంగా 413 పరుగులతో సత్తా చాటాడు. ఇక పంజాబ్‌ కింగ్స్‌ బౌలర్‌ అర్ష్‌దీప్‌ సింగ్‌ 14 ఇన్నింగ్స్‌లో 10 వికెట్లు పడగొట్టాడు. ఐర్లాండ్‌తో రెండో టీ20 మ్యాచ్‌కు భారత తుది జట్టు(అంచనా) ఇషాన్‌ కిషన్‌, రాహుల్‌ త్రిపాఠి, దీపక్‌ హుడా, సూర్యకుమార్‌ యాదవ్‌, హార్దిక్‌ పాండ్యా, దినేశ్‌ కార్తిక్‌, అక్షర్‌ పటేల్‌, భువనేశ్వర్‌ కుమార్‌, ఉమ్రాన్‌ మాలిక్‌, అర్ష్‌దీప్‌ సింగ్‌, యజువేంద్ర చహల్‌. మ్యాచ్‌ ఎప్పుడు, ఎక్కడ ప్రసారం? రాత్రి గం.9 నుంచి సోనీ సిక్స్, సోనీ టెన్‌–3, 4లలో ప్రత్యక్ష ప్రసారం మ్యాచ్‌ వేదిక: ది విలేజ్‌, డబ్లిన్‌. చదవండి: Rohit Sharma Daughter: నాన్న రూమ్‌లో రెస్ట్‌ తీసుకుంటున్నాడు.. ఇంకా నెల రోజులు IND Vs IRE 1st T20: ‘గంటకు 208 కి.మీ. వేగం’.. వరల్డ్‌ రికార్డు బద్దలు కొట్టిన భువీ?! అక్తర్‌ ఎవరు?

ఐపీఎల్‌ అదరగొట్టిన యువ పేసర్లు ఉమ్రాన్‌ మాలిక్‌,అర్ష్‌దీప్ సింగ్ దక్షిణాఫ్రికాతో జరిగే టీ20 సిరీస్‌కు భారత జట్టుకు ఎంపికైన సంగతి తెలిసిందే. ఈ సిరీస్‌లో భాగంగా తొలి టీ20 ఢిల్లీ వేదికగా జూన్ 9న జరగనుంది. ఈ నేపథ్యంలో భారత జట్టు  ప్రాక్టీస్ సెషన్స్‌లో బీజీ బీజీగా గడుపుతోంది. తొలి టీ20కు ముందు భారత ప్రధాన కోచ్‌ రాహుల్ ద్రవిడ్ సోమవారం ఢిల్లీలోని అరుణ్‌ జైట్లీ స్టేడియంలో తొలి ప్రాక్టీస్‌ సెషన్‌ను నిర్వహించాడు. కాగా నెట్స్‌లో జట్టులోకి ఎంట్రీ ఇచ్చిన యువ పేసర్లు ఉమ్రాన్‌ మాలిక్‌, అర్ష్‌దీప్ సింగ్ మధ్య తీవ్రమైన పోటీ నెలకొంది. First practice session ✅ Snapshots from #TeamIndia's training at the Arun Jaitley Stadium, Delhi. 👍 👍 #INDvSA | @Paytm pic.twitter.com/6v0Ik5nydJ — BCCI (@BCCI) June 6, 2022 అయితే నెట్స్‌లో ఉమ్రాన్‌పై అర్ష్‌దీప్ పై చేయి సాధించాడు. అద్బుతమైన యార్కర్లతో అర్ష్‌దీప్ అదరగొట్టాడు. కాగా ఉమ్రాన్‌ నెట్స్‌లో రిషబ్ పంత్‌కు బౌలింగ్‌ చేశాడు. అయితే ఉమ్రాన్‌ బౌలింగ్‌లో ఒక్క బంతిని కూడా పంత్‌ విడిచి పెట్టలేదు. ఉమ్రాన్‌ చాలా ఎ‍క్కువ పేస్‌తో బౌలింగ్‌ చేయడం వల్ల పంత్‌ సులభంగా ఎదర్కొన్నాడు. ఇక వీరిద్దరుతో పాటు భువనేశ్వర్‌ కుమార్‌, హర్షల్‌ పటేల్‌ బౌలింగ్‌ ప్రాక్టీస్‌ చేశారు. అదే విధంగా జట్టులోకి రీ ఎంట్రీ ఇచ్చిన దినేష్‌ కార్తీక్‌ కూడా నెట్స్‌లో తీవ్రంగా శ్రమిస్తున్నాడు. టీమిండియా నెట్‌ ప్రాక్టీస్‌కు సంబంధించిన వీడియోలు, ఫోటోలు సోషల్‌ మీడియాలో వైరల్‌ అవుతున్నాయి. చదవండి: Ind Vs SA T20I Series: ప్రొటిస్‌తో టీ20 సిరీస్‌.. ప్రాక్టీసులో తలమునకలైన టీమిండియా Back in Blue - Prep mode 🔛#TeamIndia begin training in Delhi ahead of the 1st T20I against South Africa.@Paytm #INDvSA pic.twitter.com/kOr8jsGJwL — BCCI (@BCCI) June 6, 2022 Arshdeep Singh's special yorker simulation training under bowling coach Paras Mhambrey's guidance ahead of South Africa series pic.twitter.com/ChvHH2pxyU — Aritra Mukherjee (@aritram029) June 6, 2022

భారత జట్టుకు ఎంపికైన పంజాబ్‌ కింగ్స్‌ యువ పేసర్‌ అర్ష్‌దీప్ సింగ్‌పై టీమిండియా మాజీ ఆటగాడు వీరేంద్ర సెహ్వాగ్ ప్రశంసల వర్షం కురిపించాడు. జహీర్ ఖాన్, ఆశిష్ నెహ్రా వంటి భారత దిగ్గజ బౌలర్లతో అర్ష్‌దీప్‌ను సెహ్వాగ్ పోల్చాడు. ఇక దక్షిణాఫ్రికా సిరీస్‌కు భారత జట్టు తరుపున అర్ష్‌దీప్ సింగ్‌ ఎంపికైన సంగతి తెలిసిందే. ఇక ఐపీఎల్‌-2022లో 14 మ్యాచ్‌లు ఆడిన అర్ష్‌దీప్ 10 వికెట్లు పడగొట్టాడు. అయితే డెత్‌ఓవర్లలో మాత్రం అర్ష్‌దీప్ అద్భుతంగా బౌలింగ్‌ చేశాడు. " పంజాబ్ కింగ్స్ అర్ష్‌దీప్ తరపున డెత్‌ ఓవర్లలో అద్భుతంగా బౌలింగ్‌ చేశాడు. అతడు వికెట్లు సాధించ లేకపోవచ్చు, కానీ అతడి ఎకానమీ రేట్ అద్భుతంగా ఉంది. అతడు కొత్త బంతితో ఒక ఓవర్‌, స్లాగ్ ఓవర్లలో రెండు ఓవర్లు బౌలింగ్‌ చేసే పేసర్‌. నేను ఆడేటప్పుడు జహీర్ ఖాన్,ఆశిష్ నెహ్రా మాత్రమే ఇలా బౌలింగ్‌ చేయడం చూశాను. ఇప్పుడు అర్ష్‌దీప్, బుమ్రా, భువనేశ్వర్ కూడా అఖరి ఓవర్లలో అ‍త్యుత్తమంగా బౌలింగ్‌ చేస్తున్నారు. స్లాగ్ ఓవర్లలో బౌలింగ్ చేయడం చాలా కష్టమని సెహ్వాగ్ పేర్కొన్నాడు. చదవండి: Cheteshwar Pujara On IPL 2022: 'ఐపీఎల్‌లో ఆడకపోవడం మంచిదైంది.. అందుకే మళ్లీ తిరిగి వచ్చా'

ముంబై: కీలకమైన పోరులో ఢిల్లీ క్యాపిటల్స్‌ 17 పరుగులతో పంజాబ్‌ కింగ్స్‌ను ఓడించి ఐపీఎల్‌ టోర్నీలో ముందడుగు వేసింది. తొలుత ఢిల్లీ క్యాపిటల్స్‌ నిర్ణీత 20 ఓవర్లలో 7 వికెట్ల నష్టానికి 159 పరుగులు చేసింది. మార్ష్(48 బంతుల్లో 63; 4 ఫోర్లు, 3 సిక్స్‌లు) రాణించగా, అర్ష్దీప్‌ సింగ్, లివింగ్‌స్టోన్‌ చెరో 3 వికెట్లు తీశారు. తర్వాత ఢిల్లీ క్యాపిటల్స్‌ 20 ఓవర్లలో 9 వికెట్లు కోల్పోయి 142 పరుగులకే పరిమితమైంది. జితేశ్‌ శర్మ (34 బంతుల్లో 44; 3 ఫోర్లు, 2 సిక్సర్లు) మెరుగ్గా ఆడాడు. ‘ప్లేయర్‌ ఆఫ్‌ ద మ్యాచ్‌’ శార్దుల్‌ ఠాకూర్‌ (4/36) పంజాబ్‌ను దెబ్బ తీయగా, అక్షర్, కుల్దీప్‌ చెరో 2 వికెట్లు పడగొట్టారు. ఢిల్లీ ఇన్నింగ్స్‌లో ఓపెనర్‌ వార్నర్‌ (0) నిరాశపరచగా... సర్ఫరాజ్‌ (16 బంతుల్లో 32; 5 ఫోర్లు, 1 సిక్స్‌) ఉన్నది కాసేపే అయినా ధనాధన్‌గా ఆడేశాడు. మిచెల్‌ మార్ష్ఆరంభంలో భారీ సిక్సర్లు బాదినా... తర్వాత వికెట్లు కూలడంతో బాధ్యతగా బ్యాటింగ్‌ చేశాడు. 40 బంతుల్లో (2 ఫోర్లు, 3 సిక్సర్లు) ఫిఫ్టీ పూర్తిచేసుకున్నాడు. మిగతా వారిలో లలిత్‌ యాదవ్‌ (24) మినహా ఇంకెవరూ చెప్పుకోదగ్గ స్కోరే చేయలేదు.    కింగ్స్‌ విలవిల మొదట ఢిల్లీ పేస్‌కు తలవంచిన పంజాబ్‌ టాపార్డర్‌... తర్వాత స్పిన్‌ ఉచ్చులో చిక్కుకుని విలవిలలాడింది. 3.4 ఓవర్ల వరకు 38 స్కోరుతో దూకుడుగా సాగిపోతున్న పంజాబ్‌కు తర్వాతి బంతి నుంచి కష్టాలెదురయ్యాయి. ధాటిగా ఆడిన బెయిర్‌స్టో (15 బంతుల్లో 28; 4 ఫోర్లు, 1 సిక్స్‌)ను నోర్జే పెవిలియన్‌ చేర్చాడు. మరో ఓపెనర్‌ శిఖర్‌ ధావన్‌ (19), రాజపక్స (4)లను శార్దుల్‌ అవుట్‌ చేశాడు. ఆ తర్వాత స్పిన్నర్లు అక్షర్‌ , కుల్దీప్‌ తిప్పేయడంతో పంజాబ్‌ లక్ష్యానికి దూరమై ఓటమికి దగ్గరైంది.   స్కోరు వివరాలు ఢిల్లీ క్యాపిటల్స్‌ ఇన్నింగ్స్‌: వార్నర్‌ (సి) చహర్‌ (బి) లివింగ్‌స్టోన్‌ 0; సర్ఫరాజ్‌ (సి) చహర్‌ (బి) అర్ష్దీప్‌ 32; మార్ష్(సి) రిషి ధావన్‌ (బి) రబడ 63; లలిత్‌ (సి) రాజపక్స (బి) అర్ష్దీప్‌ 24; పంత్‌ (స్టంప్డ్‌) జితేశ్‌ (బి) లివింగ్‌స్టోన్‌ 7; పావెల్‌ (సి) శిఖర్‌ (బి) లివింగ్‌స్టోన్‌ 2; అక్షర్‌ (నాటౌట్‌) 17; శార్దుల్‌ (సి) హర్‌ప్రీత్‌ (బి) అర్ష్దీప్‌ 3; కుల్దీప్‌ (నాటౌట్‌) 2; ఎక్స్‌ట్రాలు 9; మొత్తం (20 ఓవర్లలో 7 వికెట్లకు) 159. వికెట్ల పతనం: 1–0, 2–51, 3–98, 4–107, 5–112, 6–149,7–154. బౌలింగ్‌: లివింగ్‌స్టోన్‌ 4–0–27–3, రబడ 3–0–24 –1, హర్‌ప్రీత్‌ 3–0–29–0, రిషి «2–0–17–0, అర్ష్దీప్‌ 4–0–37–3, చహర్‌ 4–0–19–0. పంజాబ్‌ కింగ్స్‌ ఇన్నింగ్స్‌: బెయిర్‌స్టో (సి) అక్షర్‌ (బి) నోర్జే 28; శిఖర్‌ (సి) పంత్‌ (బి) శార్దుల్‌ 19; రాజపక్స (సి) నోర్జే (బి) శార్దుల్‌ 4; లివింగ్‌స్టోన్‌ (స్టంప్డ్‌) పంత్‌ (బి) కుల్దీప్‌ 3; మయాంక్‌ (బి) అక్షర్‌ 0; జితేశ్‌ (సి) వార్నర్‌ (బి) శార్దుల్‌ 44; హర్‌ప్రీత్‌ (బి) కుల్దీప్‌ 1; రిషి ధావన్‌ (బి) అక్షర్‌ 4; చహర్‌ (నాటౌట్‌) 25; రబడ (సి) పావెల్‌ (బి) శార్దుల్‌ 6; అర్ష్దీప్‌ (నాటౌట్‌) 2; ఎక్స్‌ట్రాలు 6; మొత్తం (20 ఓవర్లలో 9 వికెట్లకు) 142. వికెట్ల పతనం: 1–38, 2–53, 3–54, 4–55, 5–61, 6–67, 7–82, 8–123, 9–131. బౌలింగ్‌: ఖలీల్‌ 4–0– 43–0, నోర్జే 4–0–29–1, లలిత్‌ 1–0–6–0, శార్దుల్‌ ఠాకూర్‌ 4–0–36–4, అక్షర్‌ పటేల్‌ 4–0–14–2, కుల్దీప్‌ యాదవ్‌ 3–0–14–2. ఐపీఎల్‌లో నేడు సన్‌రైజర్స్‌ హైదరాబాద్‌ X ముంబై ఇండియన్స్‌ వేదిక: ముంబై, రాత్రి గం. 7:30 నుంచిస్టార్‌ స్పోర్ట్స్‌–1లో ప్రత్యక్ష ప్రసారం.

పంజాబ్‌ కింగ్స్‌ యువ బౌలర్‌ అర్ష్‌దీప్ సింగ్‌ను భారత మాజీ ఆటగాడు దీప్ దాస్‌గుప్తా ప్రశంసించాడు. అర్ష్‌దీప్ సింగ్ తన అద్భుతమైన ప్రదర్శనతో త్వరలోనే భారత జట్టులోకి వస్తాడని అతడు అభిప్రాయ పడ్డాడు. "అర్ష్‌దీప్ సింగ్ అద్భుతంగా బౌలింగ్‌ చేస్తున్నాడు. అతడు త్వరలోనే భారత జట్టులోకి వచ్చే అవకాశం ఉంది. భారత జట్టులో లెఫ్ట్ ఆర్మ్  సీమర్స్ తక్కువగా ఉన్నారు. కాగా మరో లెఫ్ట్ ఆర్మ్ పేసర్‌ నటరాజన్ కూడా అద్భుమైన ఫామ్‌లో ఉన్నాడు. అయితే అర్ష్‌దీప్ గత రెండు సీజన్ల నుంచి నిలకడగా రాణిస్తున్నాడు. కాబట్టి రానున్న టీ20 సిరీస్‌లతో పాటు టీ20 ప్రపంచకప్‌ భారత జట్టులో కూడా అర్ష్‌దీప్‌కు చోటు దక్కుతుందని నేను భావిస్తున్నాను" అని దీప్ దాస్‌గుప్తా పేర్కొన్నాడు. ఇక ఐపీఎల్‌​-2022లో అర్ష్‌దీప్ పెద్దగా వికెట్లు సాధించకపోయినా.. కట్టు దిట్టంగా బౌలింగ్‌ చేస్తూ జట్టు విజయాల్లో కీలక పాత్ర పోషించాడు. ఇప్పటి వరకు ఈ సీజన్‌లో 8 మ్యాచ్‌లు ఆడిన అర్ష్‌దీప్ సింగ్‌ కేవలం మూడు వికెట్లు మాత్రమే పడగొట్టాడు. కాగా సీఎస్‌కేతో జరిగిన మ్యాచ్‌లో రెండు డెత్‌ ఓవర్లు వేసిన అర్ష్‌దీప్ కేవలం 14 పరుగులు మాత్రమే ఇచ్చాడు. ఇక గతేడాది సీజన్‌లో 12 మ్యాచ్‌లు ఆడిన అర్ష్‌దీప్ సింగ్‌ 18 వికెట్లు పడగొట్టాడు. చదవండి: IPL 2022: ఈ ఏడాది ఎమర్జింగ్‌ ప్లేయర్‌ అతడే: టీమిండియా మాజీ క్రికెటర్‌

IPL 2022: ఇండియన్‌ ప్రీమియర్‌ లీగ్‌ ద్వారా ఎంతో మంది యువ ఆటగాళ్లకు తమ ప్రతిభను నిరూపించుకునే అవకాశం వచ్చింది. క్యాష్‌ రిచ్‌ లీగ్‌లో ఆడితే కాసుల వర్షం కురవడమే కాదు.. ఒక్కసారి తమను తాము నిరూపించుకుంటే జాతీయ జట్టు తరఫున ఆడే ఛాన్స్‌ వస్తుందన్న నమ్మకాన్ని ఆటగాళ్లలో నింపింది. ఇక ప్రతి ఏడాది సీజన్‌ ముగింపు సమయంలో టోర్నీ ఆసాంతం అద్భుత ఆటతీరు కనబరిచిన యువ క్రికెటర్‌కు ఎమర్జింగ్‌ ప్లేయర్‌ ఆఫ్‌ ది ఇయర్‌ అవార్డు ఇస్తారన్న సంగతి తెలిసిందే. టీమిండియా ప్రస్తుత కెప్టెన్‌, ముంబై ఇండియన్స్‌ సారథి రోహిత్‌ శర్మ సహా అక్షర్‌ పటేల్‌, సంజూ శాంసన్‌, శ్రేయస్‌ అయ్యర్‌, రిషభ్‌ పంత్‌, శుభ్‌మన్‌ గిల్‌ తదితర భారత ఆటగాళ్లు ఈ అవార్డు అందుకున్నారు. ఇక గత రెండు సీజన్లలో దేవ్‌దత్‌ పడిక్కల్‌(2020), రుతురాజ్‌ గైక్వాడ్‌(2021) వరుసగా ఎమర్జింగ్‌ ప్లేయర్‌ ఆఫ్‌ ది ఇయర్‌గా నిలిచారు. అదే విధంగా ఇప్పటివరకు ఈ అవార్డు అందుకున్న ఒకే ఒక విదేశీ ప్లేయర్‌గా ముస్తాఫిజుర్‌ రెహమాన్‌(2016) తన పేరును పదిలం చేసుకున్నాడు. ఇక ఐపీఎల్‌-2022 సీజన్‌లో ఆయుష్‌ బదోని, తిలక్‌ వర్మ, సాయి సుదర్శన్‌, అనూజ్‌ రావత్‌ తదితర ఆటగాళ్లు మెరుగ్గా రాణిస్తున్న విషయం తెలిసిందే. ఈ క్రమంలో టీమిండియా మాజీ క్రికెటర్‌ దీప్‌దాస్‌ గుప్తా ఈ ఏడాది ఎమర్జింగ్‌ ప్లేయర్‌గా ఎవరు నిలుస్తారన్న అంశంపై అంచనా వేశాడు. ఈ మేరకు క్రిక్‌ట్రాకర్‌ షోలో అతడు మాట్లాడుతూ.. ‘‘ ఈ ఏడాదితో ఐపీఎల్‌ను మొదలుపెట్టిన ఆటగాళ్లనే పరిగణనలోకి తీసుకుంటాను. తిలక్‌ వర్మ బాగా ఆడుతున్నాడు. పేసర్‌ అర్ష్‌దీప్‌ సింగ్‌ సైతం రాణిస్తున్నాడు. అయితే అతడు ఎప్పటి నుంచో ఆడుతున్నాడు కాబట్టి పక్కన పెడుతున్నా. నా అభిప్రాయం ప్రకారం ఆయుష్‌ బదోని ఈసారి ఎమర్జింగ్‌ ప్లేయర్‌గా నిలుస్తాడు’’ అని పేర్కొన్నాడు. కాగా ఐపీఎల్‌ కొత్త ఫ్రాంఛైజీ లక్నో సూపర్‌ జెయింట్స్‌కు ప్రాతినిథ్యం వహిస్తున్న బదోని.. 8 మ్యాచ్‌లలో కలిపి 134 పరుగులు సాధించాడు. అత్యధిక స్కోరు 54. గుజరాత్‌ టైటాన్స్‌తో ఆడిన తొలి మ్యాచ్‌లోనే 41 బంతుల్లో 54 పరుగులు చేసి సత్తా చాటాడు. అంతేగాక ఒక వికెట్‌ తన ఖాతాలో వేసుకున్నాడు. ఇక తెలుగు కుర్రాడు తిలక్‌ వర్మ విషయానికొస్తే.. ముంబై ఇండియన్స్‌ తరఫున ఆడతున్న అతడు ఇప్పటి వరకు 272 పరుగులు సాధించాడు. ఐపీఎల్‌-2022లో ముంబై బ్యాటర్లలో ఇప్పటి వరకు అతడే టాప్‌ స్కోరర్‌ కావడం విశేషం. కాగా మెగా వేలం-2022లో భాగంగా లక్నో బదోనిని రూ. 20 లక్షలకు కొనుగోలు చేయగా.. ముంబై తిలక్‌ కోసం ఏకంగా 1.7 కోట్లు ఖర్చు చేసింది. చదవండి👉🏾RCB Vs RR: మొన్న 68 పరుగులకే ఆలౌట్‌.. అక్కడేమో అత్యల్ప స్కోరు 73..! var request = 'https://www.sakshi.com/knowwidget/kwstr_4141448520.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });