సాక్షి, హైదరాబాద్‌: కొత్త సంవత్సరంలో రేషన్‌ బియ్యం కోసం పేదలు పడిగాపులు పడుతున్నారు. హైదరాబాద్, రంగారెడ్డి జిల్లాలు మినహా ఇప్పటివరకు చాలా జిల్లాల్లో రేషన్‌ దుకాణాలకు బియ్యం సరఫరా కాలేదు. స్టేజ్‌–1 గోడౌన్‌ల నుంచి జిల్లాల్లోని మండల స్థాయి స్టాక్‌ (ఎంఎల్‌ఎస్‌) పాయింట్లకు బియ్యం వచ్చినప్పటికీ ఎంఎల్‌ఎస్‌ పాయింట్లలో ఈ నెల ఒకటో తేదీ నుంచి హమాలీలు సమ్మె చేస్తున్న కారణంగా చాలా చోట్ల బియ్యం గ్రామాలకు చేరడం లేదు. రెండేళ్లకోసారి పెంచాల్సిన హమాలీ రేట్లను గడువు దాటి ఏడాదైనా పెంచకపోవడంతోపాటు ఇటీవల ఇచ్చిన హామీని కూడా పౌరసరఫరాల శాఖ కమిషనర్‌ పట్టించుకోకపోవడంతో సమ్మెలోకి వెళ్లినట్లు హమాలీలు చెబుతున్నారు. రేట్లు పెంచే వరకు సమ్మె కొనసాగిస్తామని హమాలీలు తెగేసి చెబుతున్నారు. సమ్మె ఫలితంగా నాలుగు రోజులుగా చాలా గ్రామాల్లో రేషన్‌ దుకాణాలు తెరుచుకోవడంలేదు. ఇంత జరుగుతున్నా పౌరసరఫరాల శాఖ అధికారులు స్పందించడం లేదు. హమాలీలు సమ్మె నోటీసు ఇచ్చినా.. రాష్ట్రంలోని ఎంఎల్‌ఎస్‌ పాయింట్లలో పనిచేస్తున్న హమాలీల రేట్లను రెండేళ్లకోసారి పెంచేందుకు గత బీఆర్‌ఎస్‌ ప్రభుత్వం హామీ ఇచ్చింది. అందుకు అనుగుణంగా 2022 వరకు రేట్ల పెంపు ప్రక్రియ కొనసాగింది. ఎంఎల్‌ఎస్‌ పాయింట్లకు వచ్చే బియ్యాన్ని దించడానికి, అక్కడి నుంచి రేషన్‌ దుకాణాలకు తరలించడానికి హమాలీలకు క్వింటాలుకు రూ. 26 లెక్కన కూలి చెల్లిస్తున్నారు. ఈ రేట్లను 2024లో సవరించాల్సి ఉండగా ప్రభుత్వం మారడంతో కాలయాపన జరుగుతూ వచ్చింది. ఎట్టకేలకు గతేడాది అక్టోబర్‌ 4న పౌరసరఫరాల శాఖ కమిషనర్‌ చౌహాన్‌ వద్ద జరిగిన సమావేశంలో కూలి రేట్లను రూ. 26 నుంచి రూ. 29కి పెంచేందుకు ఒప్పందం కుదిరింది. అయితే అందుకు సంబంధించి ప్రభుత్వ ఉత్తర్వులు విడుదల కాకపోవడంతో డిసెంబర్‌ 18న హమాలీలు పౌరసరఫరాల శాఖ కార్యాలయం వద్ద ధర్నా నిర్వహించారు. నెలాఖరులోగా ప్రభుత్వ ఉత్తర్వులు జారీ కాకుంటే జనవరి 1 నుంచి సమ్మెలోకి వెళ్తామని నోటీసు కూడా ఇచ్చారు. అలాగే గతేడాది డిసెంబర్‌ 28న మరోసారి నోటీసు పంపారు. అయినప్పటికీ రేట్ల పెంపు ఉత్తర్వులు కొత్త ఏడాదిలోనూ విడుదల కాకపోవడంతో ఒకటో తేదీ నుంచి సమ్మెకు దిగినట్లు హమాలీ సంఘం (ఏఐటీయూసీ) అధ్యక్ష, ప్రధాన కార్యదర్శులు జి. మునీశ్వర్, ఎస్‌. బాలరాజ్‌ తెలిపారు. హైదరాబాద్, రంగారెడ్డి మినహా... రాష్ట్రంలో 187 ఎంఎల్‌ఎస్‌ పాయింట్లు ఉండగా సుమారు 3,600 మంది హమాలీలు పనిచేస్తున్నారు. వారంతా ఏఐటీయూసీ, సీఐటీయూ, ఐఎఫ్‌టీయూ, బీఆర్‌ఎస్‌కేయూ సంఘాల్లో సభ్యులుగా ఉండగా ఏఐటీయూసీ అనుబంధ హమాలీ సంఘం సమ్మెకు పిలుపునిచ్చింది. బీఆర్‌ఎస్‌కేయూ మినహా అన్ని సంఘాలు సమ్మెకు మద్దతిస్తున్నట్లు హమాలీ సంఘం నాయకులు చెప్పారు. రాష్ట్రంలో 17,335 దుకాణాలు ఉండగా అందులో శనివారం 9,319 దుకాణాలనే తెరిచారు. అంటే దాదాపు సగం దుకాణాలు ఇప్పటికీ తెరవలేదు. తెరిచిన చోట కూడా కోటా పూర్తిస్థాయిలో బియ్యం రాలేదని సమాచారం.

ధర్మవరం: రేషన్‌ దుకాణాల వద్ద కార్డుదారుల అగచాట్లు అన్నీ ఇన్నీ కావు. గంటల తరబడి క్యూలో నుంచోలేక నానా అవస్థలు పడుతున్నారు. శ్రీసత్యసాయి జిల్లా ధర్మవ రం పట్టణం కేతిరెడ్డి కాలనీలోని కార్డుదారులు శనివారం దాదాపు మూడు కిలోమీటర్ల దూరంలో ఉన్న చౌక డిపో వద్దకు వచ్చారు. ఎండలో గంటల తరబడి క్యూలో నుంచో లేక సంచులు పెట్టి తమవంతు కోసం ఎదు రు చూస్తున్నారు. కూలి పనులు చేసుకునే పేదలు ఇలా రోజంతా రేషన్‌ కోసం పడిగాపులు కాస్తున్నారు. తెల్లవారు జామున 3 గంటలకే ఇలా సంచులను క్యూలో పెట్టి.. ఆ పక్కనే తమ వంతు కోసం ఎదురు చూస్తున్నారు. అయినా తమవంతు రాకపోవడంతో వారు నిరసన వ్యక్తం చేశారు. రెండు రోజులు మాత్రమే రేషన్‌ ఇస్తున్నారని, ఆ తర్వాత వెళితే.. సరుకులు అయిపోయాయంటూ డీలర్‌ తమను వెనక్కి పంపుతున్నారంటూ ఆగ్రహం వ్యక్తం చేశారు. దీంతో సీఎస్‌డీటీ లక్ష్మీదేవి అక్కడికి చేరుకుని డీలర్‌తో మాట్లాడి త్వరితగతిన బియ్యం పంపిణీ చేసేలా చర్యలు చేపడతామని హామీ ఇవ్వడంతో వారు శాంతించారు.కూటమి ప్రభుత్వం వచ్చినప్పట్నుంచీ ఇదే పరిస్థితి.. వైఎస్సార్‌సీపీ ప్రభుత్వ హయాంలో విని యోగదారుల ఇళ్ల వద్దకే వచ్చి రేషన్‌ పంపిణీ చేశారు. అయితే కూటమి ప్రభుత్వం వచ్చినప్పటి నుంచి ఈ ప్రాంతంలో రేషన్‌ వాహనాలు రాకపోవడంతో ప్రజలు రేషన్‌ దుకాణాల వద్దకు వెళ్లి ఇలా అవస్థలు పడుతున్నారు. త్వరలో రాష్ట్రవ్యాప్తంగా రేషన్‌ దుకాణాల ద్వారానే సరుకుల పంపిణీకి చర్యలు తీసుకుంటున్నట్టు రాష్ట్ర పౌర సరఫరాల శాఖ మంత్రి నాదెండ్ల మనోహర్‌ చేస్తున్న ప్రకటనలతో రేషన్‌ కార్డుదారులు ఆందోళన చెందుతున్నారు. అదే జరిగితే రాష్ట్రం మొత్తం ఇలాంటి పరిస్థితే నెలకొంటుందని భయపడిపోతున్నారు.

సాక్షి, హైదరాబాద్‌: వచ్చే జనవరి నుంచి రాష్ట్రంలో రేషన్‌ దుకాణాల ద్వారా సన్న బియ్యం ఇవ్వనున్న నేపథ్యంలో.. ఖరీఫ్‌లో రైతుల నుంచి సన్న వడ్లు కొనుగోలు చేయనున్నట్టు పౌరసరఫరాల శాఖ మంత్రి ఉత్తమ్‌కుమార్‌రెడ్డి తెలిపారు. ప్రస్తుత ఖరీఫ్‌లో రైతులు ఎన్నడూ లేనివిధంగా 36.80 లక్షల ఎకరాల్లో సన్న వడ్లను సాగు చేశారని.. సుమారు 88.09 లక్షల టన్నుల సన్న వడ్ల దిగుబడి ఉంటుందని అంచనా వేస్తున్నామని చెప్పారు. రైతులు మార్కెట్‌కు తీసుకొచ్చే సన్న వడ్లకు క్వింటాల్‌కు రూ.500 బోనస్‌ ఇవ్వనున్నట్టు తెలిపారు. సోమవారం ఉదయం మర్రి చెన్నారెడ్డి మానవ వనరుల అభివృద్ధి సంస్థ (ఎంసీఆర్‌హెచ్‌ఆర్‌డీ)లో 2024–25 ఖరీఫ్‌ పంట కొనుగోళ్లపై జాయింట్‌ కలెక్టర్లు, పౌర సరఫరాల అధికారులతో మంత్రి సమీక్షించారు. ఈ సీజన్‌లో రాష్ట్రంలో 7,139 ధాన్యం కొనుగోలు కేంద్రాలు ఏర్పాటు చేయనున్నట్టు మంత్రి ఉత్తమ్‌ చెప్పారు. సన్న, దొడ్డు వడ్లు కలిపి ఖరీఫ్‌లో 60.39 లక్షల ఎకరాల్లో సాగయ్యాయని, మొత్తంగా 1.46 కోట్ల టన్నుల ధాన్యం దిగుబడి వస్తుందని అంచనా వేశామని వివరించారు. ఇందులో 91.28 లక్షల టన్నులు కేంద్రాలకు వచ్చే అవకాశం ఉందని తెలిపారు. సన్నాలు, దొడ్డు వడ్లను వేర్వేరు కేంద్రాల్లో కొనుగోలు చేసేందుకు ఏర్పాట్లు చేస్తున్నామన్నారు.డిఫాల్ట్‌ మిల్లర్లకు ధాన్యం ఇచ్చేది లేదుగతంలో అవకతవకలకు పాల్పడిన మిల్లర్లకు ఇకపై ధాన్యం ఇచ్చేది లేదని మంత్రి ఉత్తమ్‌ చెప్పారు. సరిహద్దు రాష్ట్రాల నుంచి ధాన్యం రాకుండా చర్యలు తీసుకోవాలని అధికారులను ఆదేశించారు. అక్టోబర్‌ తొలివారంలో మొదలయ్యే ధాన్యం కొనుగోళ్లు జనవరి చివరి వరకు కొనసాగుతాయన్నారు. మొట్టమొదటి సారిగా రాష్ట్ర ప్రభుత్వం 40 లక్షల టన్నుల ధాన్యం నిల్వకు వీలుగా గోదాములను సిద్ధం చేసిందని చెప్పారు. ఖరీఫ్‌లో సేకరించిన సన్నాలను జనవరి నుంచి రాష్ట్రవ్యాప్తంగా రేషన్‌ దుకాణాల్లో అందిస్తామని తెలిపారు. అధికారులు అప్రమత్తంగా ఉండి ధాన్యం కొనుగోలు లక్ష్యాలను పూర్తి చేయాలన్నారు.

సాక్షి, అమరావతి: పేదల బియ్యాన్ని బొక్కే అక్రమార్కులపై వైఎస్‌ జగన్‌మోహన్‌ రెడ్డి ప్రభుత్వం కఠిన చర్యలు చేపడుతోంది. పటిష్ట చర్యలతో బియ్యం అక్రమ రవాణాకు చెక్‌ పెడుతోంది. ప్రజా పంపిణీ వ్యవస్థను మరింత సమర్ధవంతంగా నిర్వహిస్తోంది. చౌక ధరల దుకాణాల ద్వారా పేదలకు పంపిణీ చేసే నిత్యావసరాలను దారిమళ్లించడం, దుర్వినియోగానికి పాల్పడిన వారిపై 6ఏ కేసులతో పాటు క్రిమినల్‌ కేసులు కూడా నమోదు చేస్తోంది. ఇప్పుడు దీర్ఘకాలికంగా బియ్యాన్ని బ్లాక్‌ మార్కెటింగ్‌ చేస్తూ, తరచూ పట్టుబడిన వ్యక్తులపై పీడీ యాక్టును ప్రయోగిస్తోంది. ప్రత్యేక కార్యాచరణతో సత్ఫలితాలు గతంలో రేషన్‌ బియ్యం విచ్చలవిడిగా అక్రమ రవాణా జరిగేది. వందల టన్నుల బియ్యం సరిహద్దులు దాటేసేది. మరోపక్క పేదలు తినే బియ్యంపై కొందరు అసత్య ప్రచారం చేసి, వాటిని తక్కువ రేటుకు కొని,  తిరిగి పాలిష్‌ పట్టి మార్కెట్‌లోకి తెచ్చి అధిక ధరలకు అమ్మి సొమ్ము చేసుకునేవారు. లారీలతో లోడ్లు తరలిపోతున్నా కేసులే నమోదయ్యేవి కావు. వైఎస్‌ జగన్‌మోహన్‌ రెడ్డి ప్రభుత్వం ఇటువంటి అక్రమార్కుల ఆట కట్టిస్తోంది. రేషన్‌ బియ్యం రవాణాపై నిఘాను పటిష్టం చేసింది. అంతర్రాష్ట్ర సరిహద్దులు, మండల నిల్వ పాయింట్లు, చౌక దుకాణాలు, ఎండీయూ వాహనాలపై విజిలెన్స్‌ అండ్‌ ఎన్‌ఫోర్స్‌మెంట్‌ నిరంతర నిఘా పెట్టడంతో చాలా వరకు అక్రమ రవాణా తగ్గింది. రాష్ట్రవ్యాప్తంగా ఈ ఏడాది ఏప్రిల్‌ వరకు 743 మందిని అరెస్టు చేసింది. నిత్యావసర వస్తువుల చట్టం – 1955 సెక్షన్‌ 6ఏ ప్రకారం అక్రమ రవాణాలో పట్టుబడిన సరకులు, వాహనాలను స్వాధీనం చేసుకొని, కేసులు నమోదు చేస్తోంది. ఈ కేసులు సత్వరం పరిష్కారమయ్యేలా చర్యలు తీసుకొని, అక్రమార్కులకు త్వరితగతిన శిక్షలు పడేలా చేస్తోంది. పట్టుబడిన బియ్యాన్ని వెంటనే తిరిగి పీడీఎస్, మార్కెట్‌లోకి తెస్తోంది. ఇందుకోసం ప్రత్యేక కార్యాచరణ రూపొందించింది. జిల్లాల్లో బియ్యం అక్రమరవాణాలో పట్టుబడ్డ సరుకు నిల్వల విలువ రూ.50 లక్షల లోపు ఉంటే జేసీలు, అంతకు పైబడి ఉంటే కలెక్టర్లకు కేసుల పరిష్కార బాధ్యతలను అప్పగించింది. ఫలితంగా ఏళ్లు తరబడి సీజ్‌ చేసిన సరుకు ముక్కిపోయి, పురుగులు పట్టి పాడవకుండా బహిరంగ వేలం ద్వారా వెంటనే తిరిగి మార్కెట్లోకి తెస్తోంది. ఇలా గడిచిన నాలుగేళ్లలో 6ఏ కేసులు 8,696 నమోదు చేస్తే, వాటిల్లో 4,565 కేసులను పరిష్కరించింది. మొత్తం 4.70లక్షల క్వింటాళ్ల స్టాక్‌ను స్వాధీనం చేసుకోగా, 2.82 లక్షల క్వింటాళ్ల బియ్యాన్ని తిరిగి పీడీఎస్, మార్కెట్‌లోకి  తీసుకొచ్చింది.  రియల్‌ టైం మానిటరింగ్‌ 6ఏ కేసుల స్థితిగతులను ఎప్పటికప్పుడు ఆన్‌లైన్‌లో పర్యవేక్షించేందుకు పౌర సరఫరాల శాఖ ప్రత్యేక యాప్‌ను అభివృద్ధి చేసింది. కేసు నమోదు చేసిన వెంటనే సీజ్‌ చేసిన స్టాక్‌ వివరాలను ఇందులో అప్‌లోడ్‌ చేస్తారు. జిల్లాలు, తేదీలు, నెలలవారీగా నమోదైన కేసులు, పరిష్కరించినవి, సీజ్‌ చేసిన స్టాకు, బయటకు విడుదల చేసిన స్టాక్‌ వివరాలను రియల్‌ టైమ్‌ మానిటరింగ్‌ చేసేలా ప్రత్యేక వ్యవస్థను రూపొందించారు. పీడీఎస్‌ బియ్యాన్ని దారి మళ్లించి, వాటిని రీసైక్లింగ్‌ చేసి కస్టమ్‌ మిల్లింగ్‌ రైస్‌ కింద చూపించడం, పాలిష్‌ పట్టి కొత్త ప్యాకింగ్‌లో మార్కెట్‌లో విక్రయించడాన్ని సంపూర్ణంగా నిరోధించే ప్రయత్నం చేస్తోంది. పటిష్ట నిఘాతో అక్రమ రవాణా కట్టడి ఇప్పటి వరకు అక్రమ రవాణా చేస్తూ పట్టుబడ్డ బియ్యాన్ని సీజ్‌ చేసి పక్కన పెట్టేవారు. వాటిని పట్టించుకోకపోవడంతో తినడానికి పనికిరాకుండా పాడయ్యేవి. ఈ క్రమంలోనే మేము 6ఏ కేసుల పరిష్కారంపై దృష్టి పెట్టాం. కేసులు వేగంగా పరిష్కారమయ్యేలా పర్యవేక్షిస్తున్నాం. దీనికి తోడు బ్లాక్‌ మార్కెట్‌ దందాకు పాల్పడే వారిని పీడీ యాక్టులో పెడుతున్నాం. పటిష్ట నిఘా ఉంది కాబట్టే కేసులు నమోదవుతున్నాయి. అంతేగానీ అక్రమ రవాణా జరిగిపోతున్నట్టు కాదు. – హెచ్‌.అరుణ్‌ కుమార్, కమిషనర్, పౌరసరఫరాల శాఖ 

సాక్షి, హైదరాబాద్‌: ప్రజా పంపిణీ వ్యవస్థ ద్వారా రేషన్‌ దుకాణాల నుంచి బియ్యం, ఇతర సరుకులు తీసుకునేందుకు కేవైసీ (నో యువర్‌ కస్టమర్‌– మీ వినియోగదారుని తెలుసుకోండి) నమోదు తప్పనిసరి కాబోతుంది. రేషన్‌ దుకాణాల్లో అప్‌డేట్‌ చేసిన ఈపాస్‌ మిషన్ల ద్వారా కార్డులో నమోదైన వారందరి వేలి ముద్రలు తీసుకొని, వారి వివరాలు నమోదు చేసుకునే ప్రక్రియ ప్రస్తుతం దేశవ్యాప్తంగా కొనసాగుతోంది. అందులో భాగంగానే రాష్ట్రంలో కూడా ఈ కేవైసీకి ఈనెల 5వ తేదీ నుంచి శ్రీకారం చుట్టారు. వేలి ముద్రలు వేయకుంటే రేషన్‌ కార్డులో పేరుండదు అనే ప్రచారం నేపథ్యంలో జిల్లా కేంద్రాలు, ఇతర రాష్ట్రాల్లో ఉన్న వారు కూడా వచ్చి ఈ కేవైసీ కోసం రేషన్‌ దుకాణాల వద్ద బారులుతీరి మరీ పేర్లు నమోదు చేయించుకుంటున్నారు. రాష్ట్ర పౌరసరఫరాల సంస్థ కూడా కేంద్రం ఆదేశాలకు అనుగుణంగా ఈపాస్‌ మిషన్లను అప్‌గ్రేడ్‌ చేసి, కార్డుదారుల వేలి ముద్రలు తీసుకోవలసిందిగా అన్ని జిల్లాల అధికార యంత్రాంగాన్ని ఆదేశించింది. దీంతో రేషన్‌ దుకాణాల్లో కార్డు దారుల వేలి ముద్రలు తీసుకుంటున్నారు.  మంత్రి లేఖకు స్పందించని కేంద్రమంత్రి  రేషన్‌కార్డులో పేర్లు ఉన్న వారంతా వేలిముద్రలు వేయాల్సిన నేపథ్యంలో దూర ప్రాంతాల్లో ఉన్న వారు రాలేకపోతున్నారు. ఈ మేరకు ఈ కేవైసీ వల్ల తలెత్తుతున్న సమస్యల నేపథ్యంలో రాష్ట్ర ప్రభుత్వం తరుపున పౌరసరఫరాల శాఖ మంత్రి గంగుల కమలాకర్‌ కేంద్ర మంత్రి పీయూష్‌ గోయల్‌కు ఇటీవల సుదీర్ఘ లేఖ రాసి, ప్రభుత్వ ప్రతినిధి ద్వారా ఢిల్లీలో అందజేశారు. అయితే కేంద్రం నుంచి ఎలాంటి ప్రత్యుత్తరం రాలేదు. కాగా ఈ విషయమై మంత్రి గంగుల మాట్లాడుతూ రాష్ట్రంలోని రేషన్‌కార్డుల్లోని లబ్ధిదారులకు ప్రభుత్వం పూర్తి అండగా ఉంటుందని , కార్డుదారుల పేర్లు ఎవరివీ తొలగించడం జరగదని స్పష్టం చేశారు. కేవైసీ విషయంలో మరోసారి సీఎంతో చర్చించి తమ నిర్ణయాన్ని కేంద్రానికి తెలియజేస్తామని తెలిపారు.  గడువు తేదీ ఏమీ లేదు: అసిస్టెంట్‌ కమిషనర్‌ విశ్వనాథ్‌  ఈ కేవైసీకి తుది గడువు అంటూ ఏమీ లేదని పౌరసరఫరాల సంస్థ అసిస్టెంట్‌ కమిషనర్‌ విశ్వనాథ్‌ ‘సాక్షి’కి తెలిపారు . కేవైసీలో వివరాలు ఇవ్వని కార్డుదారుల పేర్ల విషయంలో ఎలాంటి ఆదేశాలు లేవని, దేశ వ్యాప్తంగా చేపట్టిన కార్యక్రమంలో భాగంగానే వేలి ముద్రలు తీసుకుంటున్నట్లు చెప్పారు. కార్డుల నుంచి ఎవరి పేర్లు తొలగించబోమని, ఎవరూ ఆందోళన చెందనవసరం లేదన్నారు.   

కేంద్ర కేబినేట్‌ కీలక నిర్ణయం తీసుకుంది. ప్రస్తుత పరిస్థితులు దృష్టిలో తీసుకుని రేషన్‌ కార్డుదారులకు ఉచితంగా రేషన్‌ పథకం గడువుని పొడిచింది. తాజాగా కేంద్రం తీసుకున్న నిర్ణయంతో 2023 డిసెంబర్‌ వరకు ఉచిత రేషన్‌ అమలు కానుంది.  దీంతో ఉచితంగా బియ్యం, గోధుమలు పంపిణీ చేయనున్నారు. మనిషికి 5 కిలోల వరకు అందజేయనున్నారు. ప్రధాన మంత్రి గరీబ్ కళ్యాణ్ ఆన్ యోజనను జాతీయ ఆహార భద్రతా చట్టంలో డిసెంబర్ 2023 వరకు విలీనం చేయాలని క్యాబినెట్ నిర్ణయించిందని క్యాబినెట్ సమావేశం తర్వాత ఆహార మంత్రి పీయూష్ గోయల్ ప్రకటించారు. ప్రస్తుత పొడిగింపు నిర్ణయం అమలు తర్వాత, ఈ స్కీమ్‌ ప్రయోజనం NFSA (ఎన్‌ఎఫ్‌ఎస్‌ఏ) కింద లబ్ధిదారులకు ప్రయెజనాలను అందివ్వనున్నారు.  2020 నుంచి ప్రత్యేక PMGKAY పథకం కింద ప్రజలకు లబ్ధిచేకూరేది. నివేదికల ప్రకారం, దీంతో 81.35 కోట్ల మందికి లబ్ధి చేకూరనుంది. దీని వలన ప్రభుత్వానికి సంవత్సరానికి రూ. 2 లక్షల కోట్లు ఖర్చు అవుతుంది.  2020లో కోవిడ్‌  ఫస్ట్‌ వేవ్‌ సమయంలో కేంద్రం ఈ ఉచిత రేషన్‌ పంపిణీ ప్రారంభించింది. ఇటీవల ఈ ఏడాది డిసెంబర్‌ వరకు పొడిగించగా.. తాజాగా మరో ఏడాదికి ప్రయోజనాన్ని పెంచింది. చదవండి: బీభత్సమైన ఆఫర్‌: జస్ట్‌ కామెంట్ చేస్తే చాలు.. ఉచితంగా రూ.30 వేల స్మార్ట్‌ఫోన్‌! 

సాక్షి, అమరావతి: రాష్ట్రంలో రేషన్‌ దుకాణాలు, రేషన్‌ పంపిణీ వాహనాల (ఎండీయూ) ద్వారా గిరిజన ఉత్పత్తులను ప్రజలకు అందుబాటులోకి తెచ్చేందుకు పౌర సరఫరాల శాఖ చర్యలు చేపడుతోంది. నవంబర్‌ 1వ తేదీ నుంచి పైలట్‌ ప్రాజెక్టు కింద విశాఖపట్నం, తిరుపతి జిల్లాల్లో ప్రారంభించనుంది. తొలి దశలో 290 రేషన్‌ వాహనాలు, 570 రేషన్‌ దుకాణాల్లో అమలు చేయనున్నారు. గిరిజన కో–ఆపరేటివ్‌ కార్పొరేషన్‌ ఉత్పత్తులకు విస్తృత మార్కెటింగ్‌ కల్పించడంతోపాటు ఎమ్మార్పీ కంటే తక్కువ రేట్లకే వినియోగదారులకు అందించనున్నారు.   ఎండీయూలకు ఆర్థిక బలం చేకూర్చేలా..  ప్రస్తుతం ప్రజా పంపిణీ వ్యవస్థలో 9,260 ఎండీయూ వాహనాలు సేవలందిస్తున్నాయి. రేషన్‌ డోర్‌ డెలివరీ నిమిత్తం ఎండీయూ ఆపరేటర్లకు ప్రభుత్వం ప్రతి నెలా రూ.18 వేల రెమ్యునరేషన్‌ ఇస్తోంది. వారికి మరింత ఆర్థిక బలం చేకూర్చేందుకు ప్రభుత్వరంగ సంస్థలైన గిరిజన, ఆయిల్‌ ఫెడ్, మార్క్‌ఫెడ్‌ ఉత్పత్తులను విక్రయించుకునే వెసులుబాటు కల్పించింది. ఆయా సంస్థల నుంచి సబ్సిడీపై సరుకులను తీసుకునే ఆపరేటర్లు వాటిని ఎమ్మార్పీ కంటే తక్కువ ధరకు ప్రజలకు విక్రయించాల్సి ఉంటుంది. ప్రతినెలా పీడీఎస్‌ బియ్యం పంపిణీలో జాప్యం లేకుండా విక్రయాలు చేసేలా చర్యలు చేపట్టింది. వినియోగదారులకు తెలిసేలా వస్తువుల ధరల పట్టికను ప్రదర్శించనున్నారు.   విక్రయించే ఉత్పత్తులు..  గిరిజన కో–ఆపరేటివ్‌ కార్పొరేషన్‌ ద్వారా తేనె, అరకు కాఫీ పొడి, వైశాఖి కాఫీ పొడి, త్రిఫల చూర్ణం, నన్నారి షర్బత్, ఆయుర్వేద సబ్బులు, చింతపండు, కుంకుడుకాయ పొడి, షికాకాయ పొడి, కారంపొడి, పసుపు, కుంకుమతోపాటు ఆయిల్‌ఫెడ్‌ నుంచి పామాయిల్, సన్‌ఫ్లవర్, రైస్‌బ్రాన్, వేరుశనగ నూనెలను అందుబాటులో ఉంచనున్నారు.  గిరిజనులకు మేలు చేసేలా..  గిరిజనులకు మేలు చేసేలా ఎండీయూ వాహనాల ద్వారా వారి ఉత్పత్తులకు మార్కెటింగ్‌ సౌకర్యం కల్పిస్తున్నాం. తొలుత విశాఖ, తిరుపతి జిల్లాల్లో స్పందనను బట్టి త్వరలో రాష్ట్ర వ్యాప్తంగా విస్తరిస్తాం. రేషన్‌ లబ్ధిదారులే కాకుండా ప్రజలందరూ ఈ ఉత్పత్తులను కొనుక్కోవచ్చు. బియ్యం ఇచ్చే సమయంలో వినియోగదారులపై ఎటువంటి ఒత్తిడి చేయకుండా విక్రయాలు చేసుకోవాలని ఎండీయూలకు సూచించాం.  – హెచ్‌.అరుణ్‌కుమార్, కమిషనర్, పౌర సరఫరాల శాఖ   

మనవాళ్లే లైట్‌ తీసుకున్నారు.. ఇక వాళ్లు ఫోటో పెడతారా?

తాడేపల్లి: కరోనా సమయంలో రాష్ట్రంలో కోటి 46 లక్షల రేషన్‌ కార్డులుంటే కేంద్రం 89 లక్షల కార్డులకు మాత్రమే బియ్యం ఇచ్చిందని  రాష్ట్ర పౌర సరఫరాల శాఖ మంత్రి కారుమురి నాగేశ్వరరావు తెలిపారు. కేంద్రం ఇచ్చే 89 లక్షల కార్డులకి బియ్యం ఇవ్వాలని నిర్ణయించామన్నారు. 9 వెనుకబడ్డ జిల్లాలు, ఎస్సీ, ఎస్టీలు అందరికి ఇస్తామని, ఈ విషయాన్ని కేంద్రానికి కూడా తెలియజేశామని స్పష్టం చేశారు. ప్రతి నెలా ఇచ్చే రేషన్‌కి అదనంగా కేంద్రం ఇచ్చే కార్డుల బియ్యం పంపిణీ చేస్తామని తెలిపారు. రేషన్ షాపులను మూసేస్తామని వస్తున్న వాదనలు పచ్చి అబద‍్ధమని పేర్కొన్నారు. కొన్ని పత్రికలు ప్రజల్లో అపోహలు సృష్టిస్తున్నాయని, రాష్ట్రంలో ఒక్క రేషన్ కార్డు తొలగించలేదన్నారు. కొత్తగా 7 లక్షల కార్డులు మంజూరు చేశామని గుర్తు చేశారు.  కోటీ 50 లక్షల మందికి అదనంగా ఇస్తున్నాం: మంత్రి బొత్స రాష్ట్రంలో 4 కోట్ల 23 లక్షల మందికి రేషన్ పంపిణీ చేస్తున్నామని మంత్రి బొత్స సత్యనారాయణ అన్నారు. రూపాయికే కిలో బియ్యం అందిస్తున్నామని, కరోనా వైపరీత్యం వచ్చినప్పుడు కేంద్రం పీఎంజీకేవై పథకం తీసుకొచ్చిందని గుర్తు చేశారు మంత్రి. 2 కోట్ల 68 లక్షల మందికి మాత్రమే ఆ పథకం అమలు చేసిందన్నారు. తాము కోటి 50 లక్షల మందికి అదనంగా అందించామని తెలిపారు. ‘ప్రస్తుతం కరోనా తగ్గింది కాబట్టి 3 నెలల నుంచి పునరాలోచన చేశాం. దేశంలో ఎక్కడా లేని విధంగా 86 శాతం మందికి లబ్ది చేస్తున్నది మన రాష్ట్రమే. దీనిపై మంత్రివర్గ ఉప సంఘంలో చర్చించాం. కేంద్రం ఇచ్చే  కార్డులకు అదనపు బియ్యాన్ని ప్రత్యేకంగా పంపిణీ చేస్తాం.’ అని మంత్రి పేర్కొన్నారు. ఇదీ చదవండి: వనరుల సమీకరణపై సీఎం జగన్‌ సమీక్ష

సాక్షి, ముంబై: నిన్నమొన్నటి వరకు బియ్యం, చక్కెర, గోధుమలు తదితర వస్తువులు లభించిన రేషన్‌ షాపుల్లో ఇక నుంచి కూరగాయలు, పండ్లు కూడా లభించనున్నాయి. రేషన్‌ షాపుకు వచ్చిన కార్డుదారులు పండ్లు, కూరగాయలు కూడా చౌక ధరలతో కొనుగోలు చేయవచ్చు. గతంలో పుణేలో ప్రయోగాత్మకంగా ఈ పథకాన్ని అమలు చేయగా, ప్రస్తుతం ముంబై, థాణేలోనూ దీన్ని అమలు చేస్తున్నారు. ఆ తరువాత కొనుగోలుదారుల నుంచి వచ్చే స్పందనను బట్టి మిగతా నగరాల్లోకి ఈ పథకాన్ని విస్తరించనున్నారు. ఆహార, పౌర సరఫరాల శాఖ రేషన్‌ షాపుల్లో చౌక ధరకే పండ్లు, కూరగాయలు విక్రయించడానికి ఆరు నెలలపాటు రైతులు, ఉత్పత్తి కంపెనీలకు కొన్ని షరతులతో అనుమతినిచ్చింది. రేషన్‌ షాపుల్లో కార్డుదారులకు పప్పు దినుసులు, బియ్యం, గోధుమలు, చక్కెర ఇతర సరుకులతోపాటు పండ్లు, కూరగాయలు విక్రయించాలని రాష్ట్ర ప్రభుత్వం కొద్ది నెలల కిందట నిర్ణయం తీసుకుంది. అందుకు సంబంధించిన ప్రక్రియను పూర్తిచేసింది.   చదవండి: (రైలు ప్రయాణంలో ఎక్కువ లగేజీ తీసుకురావొద్దు!)

సాక్షి, హైదరాబాద్‌:  కరోనా తొలివేవ్‌ నాటి నుంచి అమలవుతున్న ఉచిత రేషన్‌ బియ్యం పంపిణీకి రాష్ట్ర ప్రభుత్వం ఫుల్‌స్టాప్‌ పెట్టింది. ఈ నెల నుంచి రేషన్‌ దుకాణాల్లో రూపాయికి కిలో బియ్యం పథకం తిరిగి అమలుకానుంది. ఈ మేరకు పౌర సరఫరాల కమిషనర్‌ అనిల్‌కుమార్‌ ఆదివారం ఉత్తర్వులు జారీ చేశారు. రెండేళ్లుగా ప్రతి లబ్ధిదారుకు 10 కిలోల చొప్పున ఉచిత బియ్యం అందగా.. ఇక నుంచి రూపాయికి కిలో చొప్పున ఆరు కిలోల బియ్యం మాత్రమే అందనుంది. అంత్యోదయ (ఏఎఫ్‌ఎస్‌సీ) లబ్ధిదారులకు ఒక్కో కార్డుపై రూపాయికి కిలో చొప్పున 35కిలోల బియ్యం ఇస్తారు. అన్నపూర్ణ కార్డు దారులకు మాత్రం కార్డుకు 10 కిలోల చొప్పున ఉచితంగా బియ్యం అందజేస్తారు. కాగా ఆదిలాబాద్, ఆసిఫాబాద్, భూపాలపల్లి, కొత్తగూడెం జిల్లాల్లో ఫోర్టిఫైడ్‌ బియ్యం పంపిణీ జరగనుంది.  కేంద్రం సెప్టెంబర్‌ వరకు పొడిగించినా..  కరోనా నేపథ్యంలో కేంద్ర ప్రభుత్వం 2020 ఏప్రిల్‌లో ఉచిత రేషన్‌ పంపిణీ పథకాన్ని ప్రా రంభించింది. అప్పటి నుంచి దశలవారీగా పొడిగిస్తూ వచ్చింది. తాజాగా గత మార్చి నెలాఖరులోనే మరో ఆరు నెలలు పొడిగించింది. సెప్టెంబర్‌ వరకు ఉచిత బి య్యం అందాలి. అయితే ఏప్రిల్‌లో పది కిలో ల చొప్పున ఉచిత బియ్యం ఇచ్చిన రాష్ట్ర స ర్కారు.. మే నుంచి రూపాయికి కిలో బియ్యా న్ని అమలు చేస్తూ ఉత్తర్వులు జారీ చేసింది.  

కాకినాడ సిటీ: కరోనా కష్టకాలంలో ఉచిత రేషన్‌ బియ్యాన్ని అందించిన కేంద్ర ప్రభుత్వం మరో ఆరు నెలల పాటు ఈ పథకాన్ని పొడిగించింది. కరోనా మహమ్మారి ప్రభావంతో నిరుపేదలు దయనీయ పరిస్థితుల్లో కొట్టుమిట్టాడుతున్నారు. ఈ నేపథ్యంలో ప్రస్తుతం లాక్‌డౌన్‌ లేనప్పటికీ అర్హులైన బియ్యం కార్డుదార్లు ఒక్కక్కరికి ఐదు కిలోల చొప్పున ఉచితంగా బియ్యం అందజేయాలని ప్రభుత్వం నిర్ణయించింది. ఈ మేరకు అవిభక్త తూర్పు గోదావరి జిల్లాలోని 64 మండలాల్లో 6.81 లక్షల మంది రేషన్‌ కార్డుదార్లకు బియ్యం అందజేయడానికి కావల్సిన ఏర్పాట్లను అధికారులు చేస్తున్నారు. ఈ నెల నుంచే కొనసాగింపు  పేదలకు బియ్యాన్ని పంపిణీ చేయాలంటూ ఒక నెల ముందు నుంచే ఇండెంట్లను పౌరసరఫరాల శాఖ ప్రభుత్వానికి ఇవ్వాల్సి ఉంటుంది. ఈ మేరకు అధికారులు ఏర్పాట్లు చేయడంతో ఈ నెలలో ఉచితంగా 5 కిలోల బియ్యం లబ్ధిదారులకు అందజేయనున్నారు. ఆ తర్వాత వచ్చే నెల నుంచి అక్టోబర్‌ వరకూ కూడా ఉచితంగా బియ్యం ఇచ్చేలా పౌరసరఫరాల శాఖ చర్యలు చేపట్టింది. ఇందుకు తగిన ఇండెంట్లను ముందస్తుగా స్వీకరించే పనిని అధికారులు ఇప్పటికే చేపట్టారు. 16.81 లక్షల కార్డులు అవిభక్త తూర్పు గోదావరి జిల్లా పరిధిలోని 64 మండలాల్లో 2,659 రేషన్‌ షాపులు ఉన్నాయి. వీటి పరిధిలో రైస్‌కార్డు, అంత్యోదయ, అన్నపూర్ణ కార్డులు కలిపి మొత్తం 16.81 లక్షలు ఉన్నాయి. ఒక్కో కార్డుదారుకు ప్రభుత్వం ఐదు కిలోల బియ్యం చొప్పున కేటాయించడంతో ఈ నెల నుంచి ఉచితంగా ఇవ్వనున్నారు. సేల్స్‌ డిపోల డీలర్ల వద్ద గతంలో నిల్వ ఉన్న బియ్యం పోగా మిగిలినవి అందిస్తారు. జిల్లాలోని గోదాముల నుంచి ఆయా రేషన్‌ డిపోల వారీగా బియ్యం పంపిణీ చేయనున్నారు. ఇందులో అంత్యోదయ కార్డుకు గతంలో 35 కిలోల బియ్యం అందించేవారు. ఇప్పుడు అదనంగా మరో 5 కిలోలు కలిపి మొత్తం 40 కిలోల బియ్యం అందిస్తారు. అలాగే అన్నపూర్ణ కార్డుదారుకు 5 కిలోల ఇచ్చేవారు. ఈ నెల నుంచి 15 కిలోలు పంపిణీ చేస్తారు. అలాగే ఒక్కో సాధారణ బియ్యం కార్డుదారుకు 5 కిలోల బియ్యం ఇస్తుండగా ఈ నెలలో గరీబ్‌ కల్యాణ్‌ అన్న యోజన (కరోనా బియ్యం) పథకం కింద 5 కిలోల చొప్పున ఉచితంగా అందించనున్నారు. మొత్తంగా అవిభక్త తూర్పు గోదావరి జిల్లాలో ప్రతి నెలా 22,219 మెట్రిక్‌ టన్నుల బియ్యాన్ని ప్రభుత్వం ప్రజలకు ఉచితంగా అందజేయనుంది. సంతోషంగా ఉంది మరో ఆరు నెలల పాటు ఉచితంగా బియ్యం ఇవ్వడం సంతోషంగా ఉంది. దీంతో పేదల కుటుంబ పోషణకు కొంత మేర ఊరట కలుగుతుంది. కరోనా ప్రభావంతో ఇబ్బందులు పడుతున్న క్రమంలో ప్రభుత్వం ఉచిత బియ్యం ఇవ్వడం అభినందనీయం, కరోనా పూర్తి స్థాయిలో కనుమరుగయ్యే వరకూ బియ్యం ఉచితంగా ఇవ్వాలి. – దంగేటి అప్పయ్యమ్మ, కాకినాడ  సక్రమంగా బియ్యం పంపిణీ చేయాలి  కేంద్ర ప్రభుత్వం ఇచ్చే ఉచిత బియ్యాన్ని డీలర్లు సక్రమంగా పంపిణీ చేయాలి. రేషన్‌ ఇచ్చే సమయంలో కార్డుదారులకు ముందస్తుగా సమాచారం ఇవ్వాలి. ఆర్థిక ఇబ్బందులు పడుతున్న నిరుపేద కుటుంబాలకు ఈ బియ్యం ఎంతో ఉపయోగపడుతాయి. – ఐవీ రమణ, కాకినాడ  

సాక్షి, హైదరాబాద్‌ : గృహ వినియోగదారులతో పాటు విద్యార్థులు, బ్యాచిలర్లు, వలస కార్మికుల కోసం ప్రత్యేకంగా అయిదు కిలోల వంటగ్యాస్‌ సిలిండర్లు అందుబాటులోకి రానున్నాయి. ఇప్పటికే ప్రధాన ఆయిల్‌ కంపెనిలన్నీ తమ డిస్ట్రిబ్యూటర్లు, పెట్రోల్‌ బంకుల ద్వారా వీటిని విక్రయిస్తుండగా, త్వరలో ప్రభుత్వ చౌకధరల దుకాణాల ద్వారా అందుబాటులో తెచ్చేందుకు పౌరసరఫరాల శాఖ చర్యలకు ఉపక్రమించింది.  ప్రస్తుతం గ్యాస్‌ ఏజెన్సీల ద్వారా గృహాపయోగం కోసం 14.2 కిలోల, వాణిజ్య అవసరాల కోసం 19 కిలోల సిలిండర్లు  సరఫరా అవుతున్నాయి. చిన్న  సిలిండర్లు డోర్‌ డెలివరీ లేనప్పటికీ ఖాళీ సిలిండర్‌ తీసుకెళ్లి  గ్యాస్‌ ఏజెన్సీలు, కొన్ని పెట్రోల్‌ బంకుల వద్ద నుంచి రీఫిల్‌ చేసి తీసుకునే వెసులుబాటుంది.  తాజాగా రేషన్‌ దుకాణాల్లోకి అందుబాటులోకి వస్తే  అత్యవసరంగా గ్యాస్‌ సిలిండర్‌ అవసరం ఉన్న గృహ వినియోగదారులతో పాటు విద్యార్థులు బ్యాచిలర్స్‌కు, వలస కూలీలకు ఎంతో ఉపయోగకరంగా ఉంటుంది. చమురు సంస్థల వంట గ్యాస్‌ను బట్టి చిన్న సిలిండర్‌ ధర ఉంటుంది.  ప్రస్తుతం నగరంలో 5 కిలోల ఎల్‌పీజీ గ్యాస్‌తో కూడిన చిన్న సిలిండర్‌ రూ.528.32కు లభిస్తుందని సమాచారం. (క్లిక్‌: వాహనదారులకు గుడ్‌ న్యూస్‌ చెప్పిన ట్రాఫిక్ పోలీసులు..)

Small Cylinders in Ration Shops:చిరు వ్యాపారులకు కేంద్రం శుభవార్త చెప్పనుంది. త్వరలో రేషన్‌ షాపుల్లో చిరు వ్యాపారులకోసం అందుబాటులోకి తెచ్చిన ముద్రాలోన్‌ సేవల్ని రేషన్‌ షాపుల్లో  ప్రారంభించేలా చర్యలు తీసుకోనుంది. బుధవారం అంతర్ మంత్రిత్వ, అంతర్ రాష్ట్ర వర్చువల్‌ మీటింగ్‌ జరిగింది. ఈ సందర్భంగా కేంద్ర ఫుడ్‌ సెక్రటరీ సుధాన్షు పాండే మాట్లాడుతూ.. కేంద్రం త్వరలోనే రేషన్‌ షాపుల్లో ముద్రాలోన్లతో పాటు ఇతర ఆర్ధిక సేవల్ని అందుబాటులోకి తెచ్చేందుకు ప్రతిపాదనలు తెచ్చినట్లు తెలిపారు. వీటితో పాటు రేషన్‌ షాపుల్లో 5 కేజీల ఎఫ్‌టీఎల్‌(Free trade LPG) గ్యాస్‌ అమ్మకాల్ని ప్రారంభించే ఆలోచనలో ఉన్నట్లు వెల్లడించారు. ఇందు కోసం కేంద్రం..రాష్ట్ర ప్రభుత్వాలతో పాటు ఆయిల్‌ కంపెనీలతో సమన్వయం చేసుకుంటుందని అన్నారు.  5.32 లక్షల రేషన్ షాపులు దేశ వ్యాప్తంగా 5.32 లక్షల రేషన్ షాపులు ఉన్నాయి. జాతీయ ఆహార భద్రతా చట్టం పరిధిలోకి వచ్చే 80 కోట్ల మంది లబ్ధిదారులకు సబ్సిడీ ఆహార ధాన్యాలను పంపిణీ చేస్తుంది. అయితే త్వరలో కేంద్రం సిలిండర్ల రిటైల్ విక్రయాలతో పాటు రుణాలు,ఇతర ఆర్థిక సేవలను ప్రవేశపెట్టడం ద్వారా రేషన్‌ వ్యవస్థను మరింత పటిష్టం చేయాలని  భావిస్తోంది. కేంద్రం నిర్వహించిన అంతర్ మంత్రిత్వ, అంతర్ రాష్ట్ర వర్చువల్ మీటింగ్‌లో పెట్రోలియం సహజవాయువు మంత్రిత్వ శాఖతో పాటు, ఇండియన్ ఆయిల్, భారత్ పెట్రోలియం, హిందుస్థాన్ పెట్రోలియం ప్రతినిధులు హాజరయ్యారు. రేషన్‌ వ్యవస్థను మరింత పట్టిష్టంగా మార్చే దిశగా కేంద్ర తెచ్చిన ప్రతిపాదనల్ని పలు రాష్ట్ర ప్రభుత్వాలు మద్దతిచ్చాయని మంత్రిత్వ శాఖ తెలిపింది. తనఖా లేకుండా 10లక్షల వరకు రుణాలు  సామాజిక, ఆర్థికంగా వెనకబడిన తరగతులకు, అట్టడుగు వర్గాలకు ఆర్థిక సమగ్రత, సహాయాన్ని అందించేందుకు కేంద్రం 2015 ఏప్రిల్‌ 8న ప్రధాన్‌మంత్రి ముద్ర యోజన(పీఎంఎంవై) పథకాన్ని ప్రధాని నరేంద్ర మోడీ ప్రారంభించిన సంగతి తెలిసిందే. పీఎంఎంవై కింద ఎలాంటి తనఖా లేకుండా రూ.10 లక్షల వరకు రుణాలను పొందవచ్చు. షెడ్యూల్డ్‌ కమర్షియల్‌ బ్యాంక్స్, ప్రాంతీయ గ్రామీణ బ్యాంక్‌లు, చిన్న ఆర్థిక సంస్థలు, నాన్‌-బ్యాంకింగ్‌ ఫైనాన్షియల్‌ కంపెనీలు, మైక్రో ఫైనాన్స్‌ కంపెనీల నుంచి రుణాలు పొందవచ్చు. వ్యవసాయం అనుబంధ సంస్థలు, తయారీ, వాణిజ్యం, సేవల రంగాలలో ఆదాయం సృష్టించే చిన్న తరహా వ్యాపారాలకు ముద్ర రుణాలను మంజూరు చేస్తారు. చదవండి: బ్యాంకుల్లో బంపర్‌ ఆఫర్లు, లోన్ల కోసం అప్లయ్‌ చేస్తున్నారా?

సాక్షి, న్యూఢిల్లీ : నెలలో అన్ని రోజులు రేషన్‌ షాపులు తెరిచి ఉంచాలని రాష్ట్రాలు, కేంద్ర పాలిత ప్రాంతాలను కేంద్రం ఆదేశించింది. రేషన్ షాపుల వద్ద కోవిడ్ నిబంధనలు పాటించేలా చర్యలు తీసుకోవాలని తెలిపింది. రాష్ట్రాలకు ఇప్పటి వరకు 20 కోట్లకు పైగా కోవిడ్‌ వ్యాక్సిన్లు సరఫరా చేశామని వెల్లడించింది. రాష్ట్రాల వద్ద అందుబాటులో 1.84 కోట్ల కోవిడ్ వ్యాక్సిన్లు ఉన్నాయని, మూడు రోజుల్లో రాష్ట్రాలకు మరో 51 లక్షల డోసులు పంపిణీ చేస్తామని తెలిపింది.  

సాక్షి, అమరావతి: త్వరలో చేపట్టనున్న ‘ఇంటింటా నాణ్యమైన బియ్యం పంపిణీ’కి సంబంధించి రేషన్‌ షాపుల వారీగా అధికారులు రూట్‌ మ్యాప్‌ సిద్ధం చేశారు. అవసరమైన మేరకు మరిన్ని చర్యలు తీసుకునేందుకు క్షేత్రస్థాయిలో సమీక్షలు నిర్వహిం చాలని ఉన్నతాధికారుల నుంచి జిల్లా అధికారులకు ఆదేశాలు వెళ్లాయి. పంపిణీకి సంబంధించి గ్రామీణ ప్రాంతాల్లో పెద్దగా ఇబ్బందులు ఏర్పడే అవకాశం లేకపోవడంతో పట్టణ ప్రాంతాలపై ప్రత్యేకంగా దృష్టి సారించారు. ఒకే సారి అధిక మొత్తంలో బియ్యం తీసుకువెళ్లేందుకు వీలుగా నాలుగు చక్రాల వాహనాలు వినియోగించాలని నిర్ణయించారు. రాష్ట్రంలో 29,784 రేషన్‌ షాపులు ఉన్నాయి. వీటి పరిధిలో ప్రస్తుతం 1,50,15,765 బియ్యం కార్డులు ఉన్నాయి.  (పరిశ్రమలకు ఆధార్‌!) ►ఒక రేషన్‌ షాపులో ఎన్ని కార్డులు ఉన్నాయో గుర్తించి, వాటి ఆధారంగా రూట్‌ మ్యాప్‌ సిద్ధం చేశారు. ►వివరాలను గ్రామాలు, పట్టణాల వారీగా విడివిడిగా తయారు చేశారు. ►ప్రతి రెండు వేల కార్డులకు ఒక వాహనాన్ని ఏర్పాటు చేసి ఇంటింటికీ వెళ్లి లబ్ధిదారుల ఎదుటే తూకం వేసి బియ్యం పంపిణీ చేస్తారు.  ►ప్రతి నెలా 1వ తేదీ నుండి 15వ తేదీలోగా పంపిణీ పూర్తి చేయాలి. ►నాణ్యమైన బియ్యం డోర్‌ డెలివరీ శ్రీకాకుళం జిల్లాలో పైలట్‌ ప్రాజెక్టు కింద ఇప్పటికే దిగ్విజయంగా అమలవుతోంది. ►లబ్దిదారులు బియ్యం తీసుకునేందుకు వీలుగా ఉచితంగా బ్యాగు అందించనున్నారు. ►మార్గమధ్యంలో బియ్యం కల్తీకి అవకాశం లేకుండా గోదాముల నుంచి వచ్చే ప్రతి బ్యాగుపై స్ట్రిప్‌ సీల్‌ వేయనున్నారు. ►ప్రతి బ్యాగుపై బార్‌ కోడ్‌ కూడా ఉంటుంది.  నాలుగు చక్రాల వాహనంలోనే ఎలక్ట్రానిక్‌ వేయింగ్‌ మెషిన్‌ ఉంటుంది.  ►రాష్ట్రంలో 13 వేలకుపైగా వాహనాలు అవసరమవుతాయని అధికారులు అంచనా వేశారు.

సాక్షి, అమరావతి: రాష్ట్రంలో 7వ విడత ఉచిత సరుకుల పంపిణీ శుక్రవారం ఉదయం 6 గంటలకే ప్రారంభమైంది. లాక్‌ డౌన్‌ వల్ల ఉపాధి కోల్పోయిన పేదలను ఆదుకునేందుకు ప్రభుత్వం ఉచిత రేషన్‌ పంపిణీ చేస్తున్న విషయం తెలిసిందే. బియ్యం కార్డులో పేరున్న ఒక్కో సభ్యుడికి 5 కిలోల చొప్పున బియ్యం, కుటుంబానికి కిలో కందిపప్పు ఉచితంగా ఇచ్చారు. కరోనా కారణంగా రేషన్‌ దుకాణాల వద్ద లబ్ధిదారులు గుమిగూడకుండా ముందస్తు చర్యలు తీసుకున్నారు. శానిటైజర్‌తో చేతులు శుభ్రం చేసుకున్నాకే.. లబ్ధిదారుల నుంచి బయోమెట్రిక్‌ తీసుకున్నారు. ఇందుకు అవసరమైన శానిటైజర్‌ను ప్రభుత్వం అందుబాటులో ఉంచింది. ఏడో విడత ఉచిత సరుకులను మొదటి రోజైన శుక్రవారం 15,22,822 కుటుంబాల వారు తీసుకున్నారు.    

సాక్షి, అమరావతి : ఏపీలో నాలుగో విడత ఉచిత రేషన్‌ పంపిణీ శనివారం ప్రారంభమైంది. కార్డుదారులకు మనిషికి 5 కిలోల చొప్పున బియ్యం, కేజీ శనగలు అందజేయనున్నారు. రాష్ట్రంలోని 28, 354 రేషన్‌ దుకాణాల ద్వారా సరుకుల పంపీణీ చేయనున్నారు. రేషన్‌ తీసుకునేందుకు దుకాణాల వారీగా టైం స్లాట్‌ కూపన్లు అందజేయనున్నారు. కాగా కార్డుదారలకు బయో మెట్రిక్‌ తప్పనిసరి కావడంతో రేషన్‌ షాప్‌ కౌంటర్ల వద్ద శానిటైజర్లు అందుబాటులో ఉంచారు. అయితే రేషన్‌ పోర్టబిలిటీ ఎక్కడ ఉంటే రేషన్‌ అక్కడే లభించనుంది. దీని ద్వారా మొత్తం 1,48,05,879 కుటుంబాలకు లబ్ధి కలగనుంది. ఇందులో బియ్యంకార్డు ఉన్న కుటుంబాలు 1,47,24,017 ఉండగా, కొత్తగా దరఖాస్తు చేసుకున్న పేద కుటుంబాలు 81,862 ఉన్నాయి. 

సాక్షి, అమరావతి : లాక్‌డౌన్‌ వల్ల ఉపాధి కోల్పోయిన పేదలను ఆదుకునేందుకు రెండో విడతలో ఉచితంగా పంపిణీ చేసేందుకు ప్రభుత్వం బియ్యం, శనగపప్పు సిద్ధం చేస్తోంది. రాష్ట్రంలో అర్హులైన 1.47 కోట్ల కుటుంబాలకు అవసరమైన సరుకులను ఈ నెల 13లోగా గోదాముల నుంచి రేషన్‌ షాపులకు తరలించేందుకు ఏర్పాట్లుచేస్తున్నారు. మొదటి విడతలో భాగంగా గత నెల 29 నుంచి ఉచిత రేషన్‌ సరుకులను పంపిణీ చేస్తున్న విషయం తెలిసిందే. మొదటి విడతలో ఇప్పటివరకు 1.13 కోట్ల కుటుంబాలు సరుకులు తీసుకున్నాయి. మిగిలిన లబ్ధిదారులు ఈ నెల 14 వరకు సరుకులు తీసుకోవచ్చు. కార్డులో పేరున్న ప్రతి వ్యక్తికి ఐదు కిలోల చొప్పున బియ్యం, ప్రతి కార్డుకు ఒక కిలో కంది పప్పును రేషన్‌ దుకాణాల్లో ఇప్పటికే పంపిణీ చేస్తున్నారు. రెండో విడత కింద ఏప్రిల్‌ 15 నుంచి, మూడో విడత కింద ఏప్రిల్‌ 29 నుంచి సరుకులు పంపిణీ చేయనున్నట్లు ప్రభుత్వం ఇప్పటికే ప్రకటించింది.  పేదలకు ఆకలి బాధలు లేకుండా.. పంపిణీకి ప్రతినెలా 2.62 లక్షల మెట్రిక్‌ టన్నుల బియ్యం అవసరమవుతాయి. లాక్‌డౌన్‌ నేపథ్యంలో పేదలకు ఇబ్బంది లేకుండా ఆహార ధాన్యాలను రాష్ట్రానికి పంపుతామని కేంద్రం ప్రకటించినప్పటికీ కేవలం 42 వేల మెట్రిక్‌ టన్నుల బియ్యం మాత్రమే సరఫరా చేసినట్లు సమాచారం. మిగిలిన 2.20 లక్షల మెట్రిక్‌ టన్నుల బియ్యాన్ని రాష్ట్ర ప్రభుత్వమే సమకూ ర్చుకోవాల్సి ఉంటుంది. ఆర్థిక భారం అయినప్పటికీ పేదలకు ఆకలి బాధలు లేకుండా సీఎం వైఎస్‌ జగన్‌మోహన్‌రెడ్డి ఉచిత సరుకుల పంపిణీకి నిర్ణయం తీసుకున్నారు.  రద్దీ నియంత్రణకు అదనపు కౌంటర్లు 15 నుంచి రెండో విడత పంపిణీ రేషన్‌ షాపుల వద్ద రద్దీని తగ్గించేందుకు వీలుగా ముఖ్యమంత్రి వైఎస్‌ జగన్‌ ఆదేశాల మేరకు అదనపు కౌంటర్లు ఏర్పాటు చేయనున్నట్లు పౌర సరఫరాల శాఖ ఎక్స్‌ అఫీషియో కార్యదర్శి కోన శశిధర్‌ తెలిపారు. ఈ నెల 15వ తేదీ నుంచి ప్రారంభమయ్యే రెండో విడత పంపిణీ నాటికి ఇవి అందుబాటులోకి రానున్నాయి. లబ్ధిదారులకు ఎలాంటి ఇబ్బందులు లేకుండా ప్రత్యేకంగా కూపన్లు జారీ చేయనున్నారు. కాగా, రెండో విడతలో కందిపప్పుకు బదులు శనగపప్పు ఇవ్వనున్నట్లు కోన శశిధర్‌ వెల్లడించారు. అలాగే, కరోనా నివారణలో భాగంగా రెడ్‌జోన్‌గా ప్రకటించిన ప్రాంతాల్లో లబ్ధిదారులకు సరుకులను ఇంటింటికీ పంపిణీ చేయాలని నిర్ణయించారు. 

సాక్షి, హైదరాబాద్‌: రాష్ట్రవ్యాప్తంగా రేషన్‌ బియ్యం పంపిణీకి సర్వర్‌ అనేక చిక్కులు తెచ్చిపెడుతోంది. వందల సంఖ్యలో ప్రభుత్వం పంపిణీ చేస్తున్న ఉచిత బియ్యాన్ని తీసుకునేందుకు ఎగబడటంతో సాంకేతిక సమస్యలు తలెత్తి సర్వర్‌ మొరాయిస్తోంది. దీంతో రేషన్‌ దుకాణాల వద్ద లబ్ధిదారులు గుంపులుగా చేరడం, కొన్ని చోట్ల వాగ్వాదానికి దిగడంతో తీవ్ర గందరగోళం నెలకొంటోంది. ముఖ్యంగా హైదరాబాద్, రంగారెడ్డి, మేడ్చల్‌ జిల్లాల పరిధిలోని దుకాణాల వద్ద శనివారం సర్వర్‌ పనిచేయక లబ్ధిదారులు గంటల కొద్దీ బారులు తీరారు.   పోర్టబిలిటీ పెరగడంతో.. రేషన్‌ పంపిణీ మొదలైన ఈ నెల ఒకటవ తేదీ నుంచి శుక్రవారం వరకు 22 లక్షల కుటుంబాలు 88 వేల మెట్రిక్‌ టన్నుల బియ్యాన్ని తీసుకున్నాయి. మొత్తం 87.59 లక్షల కుటుంబాల్లో మూడ్రోజుల్లోనే 25 శాతం తీసుకున్నారు. ఇక శనివారం ఉదయం 5 గంటల నుంచే రేషన్‌ దుకాణాల వద్ద జనాల రద్దీ కనిపించింది. మల్కాజ్‌గిరి, ఖైరతాబాద్, కుషాయిగూడ, నాగారం, జవహర్‌నగర్‌ తదితర ప్రాంతాల్లో ఉదయం నుంచి వందల సంఖ్యల్లో కూపన్లు ఉన్నవారు, లేనివారు అంతా దుకాణాల వద్దకు చేరుకున్నారు. ఉదయం 7 గంటలకు ఆరంభమైన పంపిణీ గంట సేపు సజావుగా సాగినా, ఆ తర్వాత సర్వర్‌ పనిచేయకపోవడంతో గందరగోళంగా మారింది. ఒక పది నిమిషాలు పనిచేస్తే, మరో పదిహేను నిమిషాలు సర్వర్‌ పనిచేయకపోవడంతో లబ్ధి దారులు డీలర్లతో గొడవకు దిగారు. చాటాచోట్ల వెంట తెచ్చుకున్న సరుకులను వరుసల్లో పెట్టేసి ఒకే దగ్గర గుమికూడారు. చాలా చోట్ల వృద్ధులు, మహిళలు గంటల తరబడి నిల్చోలేక నీరసించిపోయారు. శనివారం మధ్యాహ్నానికి 4.50 లక్షల మంది బియ్యం తీసుకున్నట్లుగా తెలిసింది. అయితే ఎక్కువగా హైదరాబాద్, మేడ్చల్, రంగారెడ్డి జిల్లాలో సమస్య ఎక్కువగా కనిపించింది. హైదరాబాద్‌లో 5.80 లక్షలు, రంగారెడ్డిలో 5.24 లక్షలు, మేడ్చల్‌లో 4.95 లక్షల మంది రేషన్‌ కార్డుదారులుండగా, వీటికి అదనంగా వివిధ ప్రాంతాల వలసదారులు ఇక్కడే రేషన్‌ పోర్టబిలిటీని వినియోగించుకోవడంతో సాంకేతిక సమస్యలు తీవ్రమయ్యాయి. దీంతో సర్వర్‌ పనిచేయక బియ్యం పంపిణీ నెమ్మదిగా సాగింది. ఖైరతాబాద్‌లోని ఓ దుకాణంలో సర్వర్‌ సమస్య కారణంగా ఉదయం 7 గంటల నుంచి మధ్యాహ్నం 12 గంటల వరకు కేవలం 15 మందికి మాత్రమే బియ్యం పంపిణీ చేయగలిగారు. అన్ని చోట్లా ఇదే పరిస్థితి కనిపించడంతో అధికారులు స్టేట్‌ డేటా సెంటర్‌ వారితో మాట్లాడి సమస్యను కొంతవరకు పరిష్కరించారు.   టోకెన్‌ ఉన్నవారే రావాలి: మారెడ్డి  సర్వర్‌ సమస్యను పరిష్కరించేందుకు కృషి చేస్తున్నామని పౌర సరఫరాల సంస్థ చైర్మన్‌ మారెడ్డి శ్రీనివాస్‌రెడ్డి తెలిపారు. టోకెన్‌ తీసుకున్న లబ్ధిదారులు మాత్రమే బియ్యం తీసుకోవాలని విజ్ఞప్తి చేశారు. ప్రతి ఒక్కరికీ బియ్యం పంపిణీ చేసే బాధ్యత ప్రభుత్వానిదని స్పష్టం చేశారు.  

సాక్షి, హైదరాబాద్‌: ‘పుష్టికర భారత్‌’నిర్మాణంలో భాగంగా నీతి ఆయోగ్‌ సరికొత్త ప్రతిపాదనను తెరపైకి తీసుకొస్తోంది. బియ్యం, గోధుమలు, పప్పుధాన్యాలతో పాటు ప్రొటీన్‌ సహిత ఆహారపదార్థాలను కూడా ప్రజాపంపిణీ వ్యవస్థ (పీడీఎస్‌) ద్వారా దేశంలోని పేదలకు అందజేసే విషయంలో సాధ్యాసాధ్యాలను పరిశీలి స్తోంది. గుడ్లు, చికెన్, మాంసం, చేపలను ఈ జాబితా లో చేర్చింది. పౌష్టికాహార లోపాన్ని నివారించేందుకు పుష్టికర ఆహారాన్ని వీలైనంత తక్కువ ధరలకే పేదల కు అందజేయాలనే ఈ ప్రతిపాదనను తన 15 ఏళ్ల విజన్‌ డాక్యుమెంట్‌లో పెట్టే అవకాశాలున్నాయి. అమలు, పంపిణీపై అధ్యయనం పౌష్టికాహార లోపం సమస్యను నివారించడంలో భాగంగా గుడ్లు, చికెన్, మాంసం, చేపలు లాంటి ప్రొటీన్‌ సహిత ఆహార పదార్థాలను పీడీఎస్‌ ద్వారా పంపిణీ చేసే వ్యవస్థను రూపొందించడంపై నీతి ఆయోగ్‌ అధ్యయనం చేస్తోంది. నీతి ఆయోగ్‌ సభ్యుడు రమేశ్‌చంద్‌ ఈ విషయమై మాట్లాడుతూ.. దేశంలో పెరుగుతున్న ఆదాయం ద్వారా పౌష్టికాహారం పొందాల్సింది పోయి దురదృష్టవశాత్తు ఎక్కువ మంది నూనె, చక్కెర, మసాల సహిత పదార్థాలపై ఖర్చు పెడుతున్నారని ఆవేదన వ్యక్తం చేశారు. ఈ విషయంలో ప్రజలతో పాటు చట్టసభల సభ్యుల్లో కూడా అవగాహన కల్పించేలా విజన్‌ డాక్యుమెంట్‌లో ప్రస్తావిస్తామని వెల్లడించారు. ‘పీడీఎస్‌ ద్వారా ఇప్పటికే సబ్సిడీ ఆహార పదార్థాల కోసం కేంద్ర, రాష్ట్ర ప్రభుత్వాలు పెద్ద మొత్తంలోనే ఖర్చు చేస్తున్నాయి. దీనికి తోడు మాంసాహారం పంపిణీ అమలు భారమయ్యే అవకాశం ఉండటంతో ఇప్పటికే పంపిణీ చేస్తున్న పదార్థాల్లో కొన్నింటిని తగ్గించి మా ప్రతిపాదనల్లో ఒకటి లేదా అంతకన్నా ఎక్కువ పదార్థాలను పంపిణీ చేస్తే బాగుంటుంది’అని సూచించారు. ఇప్పటికే మార్కెట్‌లో ఒక్కో గుడ్డు రూ.5లకు పైగా ఉండగా, కిలో మాంసం వందల్లో ఉంది. ఈ నేపథ్యంలో సబ్సిడీ ఎంత ఇవ్వాలి.. రేషన్‌ షాపుల ద్వారా వీటి పంపినీ ఎలా చేయాలన్న దానిపై కూడా నీతి ఆయోగ్‌.. కేంద్ర, రాష్ట్ర ప్రభుత్వాలకు సూచనలు కూడా చేయనుందని తెలిపారు. 43 శాతం బరువు తక్కువ చిన్నారులు యునిసెఫ్‌ లెక్కల ప్రకారం దేశంలోని 20 శాతం మంది ఐదేళ్లలోపు చిన్నారులు పౌష్టికాహార లోపంతో బక్కచిక్కిపోతున్నారు. ప్రపంచంలోనే ఇలా బక్కచిక్కుతున్న చిన్నారుల్లో మూడోవంతు పిల్లలు మనదేశంలోనే ఉన్నారు. ఐదేళ్లలోపు చిన్నారుల్లో 43 శాతం మంది.. ఉండాల్సిన దాని కన్నా తక్కువ బరువున్నారు. అంటే ప్రతి 10 మందిలో కనీసం నలుగురు ఈ సమస్యను ఎదుర్కొంటున్నారు. పౌష్టికాహార లోపం సమస్య పట్టణ ప్రాంతాల కన్నా గ్రామీణ ప్రాంతాల్లో పెరిగిపోతోంది. ఏటా దేశంలో 7.4 మిలియన్ల బరువు తక్కువ చిన్నారులు ప్రపంచంలోనే అత్యధికంగా మన దేశంలోనే జన్మిస్తున్నారు. 33 శాతం మంది చిన్నారులు మాత్రమే అంగన్‌వాడీ సేవలు పొందుతున్నారు. అందులో 25 శాతం మంది ఐసీడీఎస్‌ ద్వారా పౌష్టికాహారం పొందుతున్నారు. ఈ నేపథ్యంలో చిన్నారుల్లో పౌష్టికాహార లోపం నివారణకు దేశంలోని పేదలకు ప్రోటీన్‌ సహిత పౌష్టికాహారాన్ని చవకగా పంపిణీ చేయడమే మార్గమనే ఆలోచనకు నీతి ఆయోగ్‌ వచ్చింది. అందుకే వచ్చే ఏడాది ఏప్రిల్‌ 1 నాటికి 15 ఏళ్ల విజన్‌ డాక్యుమెంట్‌ రూపొందుతుందని అంచనా. అందులో పీడీఎస్‌ ద్వారా గుడ్లు, చికెన్, మాంసం, చేపలను పంపిణీ చేయాలనే ప్రతిపాదన చేస్తుందని భావిస్తున్నారు.  

సాక్షి, వికారాబాద్‌: రాష్ట్ర ప్రభుత్వం చౌకధర దుకాణాల్లో నూతనంగా టీ వాలెట్‌ సేవలను అందుబాటులోకి తీసుకువచ్చింది. దీని వినియోగంపై ఇప్పటికే జిల్లాలోని డీలర్లకు శిక్షణ కూడా ఇచ్చారు. ఈ యాప్‌ను వినియోగించి గ్రామీణ ప్రాంతాల్లోని ప్రజలకు ఎనిమిది రకాల సేవలు అందించనున్నారు. డీలర్లకు కమీషన్‌ పెంచే ఉద్దేశంతో ప్రభుత్వం ఈ విధానాన్ని అమలు చేయాలని నిర్ణయించింది. జిల్లాలోని 18 మండలాల్లో 587 రేషన్‌ షాపుల ద్వారా లబ్ధిదారులకు రేషన్‌ సరుకులు పంపిణీ చేస్తున్నారు. జిల్లాలోని 2.34 లక్షల మంది కార్డుదారులకు ప్రతి నెల 5,356 మెట్రిక్‌ టన్నుల బియ్యం సరఫరా అవుతున్నాయి. ప్రస్తుతం జిలాల్లోని అన్ని దుకాణాల్లో టీవాలెట్‌ను అమలు చేయనున్నారు. కొన్ని గ్రామాల్లో సిగ్నల్‌ సమస్య ఉన్నప్పటికీ.. ప్రత్యామ్నాయ నెట్‌వర్క్‌ను వినియోగించి.. టీవాలెట్‌ను పూర్తి స్థాయిలో అమలు చేయాలని సంబంధిత అధికారులు భావిస్తున్నారు. ఇప్పటికే డీలర్ల వద్దనున్న ఈ– పాస్‌ మిషన్లలో యాప్‌ను వేయించారు. అక్టోబర్‌ 1వ తేదీ నుంచి ఈ సేవలు అందుబాటులోకి రానున్నాయి.  8రకాల సేవలు...   టీవాలెట్‌ ద్వారా నూతనంగా ఎనిమిది సేవలు అందుబాటులోకి రానున్నాయి. గ్రామీణ ప్రజలకు ప్రభుత్వ, ప్రైవేటు లావాదేవీలకు సంబంధించిన చెల్లింపులకు ఇది ఉపయోగపడుతుంది. మీ సేవ, విద్యుత్, ఆర్టీ, నగదు జమ, సెల్‌ఫోన్‌ రీచార్జ్, డీటీహెచ్‌ రిచార్జ్, ఇంటి పన్ను చెల్లింపు, బస్సు టికెట్‌ బుక్కింగ్‌లు వంటి సేవలు దీనిద్వారా పొందవచ్చు. బ్యాంకులతో అనుసంధానంగా లబ్ధిదారులకు ఈ సేవలు అందనున్నాయి. భవిష్యత్‌లో ఉపాధిహామీ, పెన్షన్‌ చెల్లింపులకు, ఈ యాప్‌పు వినియోగించనున్నట్లు అధికారులు చెబుతున్నారు. టీవాలెట్‌తో బ్యాంకులకు నగదు బదిలీలు, స్వయంసహాయ సంఘాల రుణాల చెల్లింపులు జరిగేలా చూస్తారు. ప్రస్తుతం రేషన్‌ డీలర్లు 1వ తేదీ నుంచి 15 వరకు సరుకులు పంపిణీ చేస్తున్నారు. టీవాలెట్‌ అమలైతే నెల రోజుల పాటు వీరి సేవలు కొనసాగించనున్నారు. దీంతో డీలర్లకు ఆర్థిక చేయూత అందనుంది. కమీషన్‌ పెంచేందుకే... గత కొన్ని రోజులుగా రేషన్‌ డీలర్ల  తమ కమీషన్‌ పెంచాలని లేదా వేతనాలు ఇవ్వాలని పలుమార్లు సమ్మెకు దిగే ప్రయత్నం చేశారు. ప్రభుత్వం ప్రతీసారి వీరిని బుజ్జగిస్తూ వచ్చింది. ఈ క్రమంలో డీలర్లకు ఏవిధంగానైనా న్యాయం చేయాలనే ఉద్దేశంతో టీవాలెట్‌ను అమలు చేయాలని నిర్ణయించింది. దీనిద్వారా గ్రామీణ ప్రాంతాల్లోని ప్రజలకు పలు రకాల సేవలు అందుబాటులోకి రావడంతో పాటు రేషన్‌ డీలర్లకు ఆర్థిక చేయూతకల్పించినట్లు ఉంటుందని సర్కారు భావిస్తోంది.

సాక్షి, మచిలీపట్నం :  కేవలం నెలరోజుల వ్యవధిలో మూడింతలు పెరిగిన ఉల్లి ధరలను నియంత్రించేందుకు రాష్ట్ర ప్రభుత్వం యుద్దప్రాతిపదికన చర్యలు చేపట్టింది. పెనుభారంగా మారిని ఉల్లిపాయలను సామాన్యులకు అందుబాటులోకి తీసుకొచ్చేందుకు ఏర్పాట్లు చేస్తోంది. నేటి నుంచి రైతు బజార్లలో ప్రత్యేక కౌంటర్ల ద్వారా ఉల్లి విక్రయాలకు శ్రీకారం చుట్టింది.    ఉల్లి ధరలు ఒక్కసారిగా ఎగబాకాయి. కొయ్యకుండానే కన్నీళ్లు తెప్పిస్తు న్నాయి. నెలరోజుల కింద రైతుబజార్లలో కిలోరూ.16 నుంచి రూ.20లు పలికిన ఉల్లి ప్రస్తుతం జిల్లాలో కిలో రూ.55లు పలుకుతోంది. కొన్ని ప్రాంతాల్లో రూ.60లు కూడా డిమాండ్‌ చేస్తున్నారు. రైతు బజార్లలో ప్రస్తుతం కిలో ఉల్లి రూ.48లకు చేరింది.జిల్లాలో ప్రతిరోజు సగటున 70 టన్నులకు పైగా వినియోగం ఉంటుందని అంచనా.మన జిల్లా వాసులు ఎక్కువగా మహారాష్ట్రలోని నాసిక్‌ ప్రాంత ఉల్లిపాయలనే వినియోగిస్తుంటారు. ఆ తర్వాత ఎక్కువగా షోలాపూర్, కర్నూల్‌ నుంచి వచ్చే ఉల్లిని వినియోగిస్తుంటారు. కృత్రిమ కొరత సృష్టిస్తున్న వ్యాపారులు  అయితే ప్రస్తుతం మహారాష్ట్రలో అధిక వర్షాలు కురవడంతో అక్కడ పంటలు పూర్తిగా దెబ్బతినడంతో జిల్లాకు సరుకు దిగుమతి గణనీయంగా తగ్గిపోయింది. దక్షిణాది రాష్ట్రాల్లో సైతం వర్షాభావ పరిస్థితుల వల్ల ఉల్లి ఉత్పత్తి తగ్గింది.       కర్నూల్‌ మార్కెట్‌లో క్వింటా గరిష్టంగా రూ.4200లు పలుకుతోంది. హైదరాబాద్, మహారాష్ట్రాలోనూ రూ.4వేలకు పైగా ఉంది. దిగుబడి తగ్గిపోవడంతో ఉన్న కొద్దిపాటి సరుకును డిమాండ్‌ను దృష్టిలో పెట్టుకుని వ్యాపారులు పెంచుకుంటూ పోతున్నారు. ఉల్లి ధరలు రోజురోజుకు పెరుగు తుండడంతో రాష్ట్ర ప్రభుత్వం నియంత్రణా చర్యలు చేపట్టింది. కృత్రిమ కొరత సృష్టిస్తున్న వ్యాపారులపై దాడులు నిర్వహిస్తూనే..మరొక వైపు నుంచి డిమాండ్‌ తగ్గ ఉల్లిని అందుబాటులో ఉంచేందుకు ఏర్పాట్లు చేస్తోంది.ప్రభుత్వాదేశాల మేరకు రైతు బజార్లలో ఉల్లి కౌంటర్లను ఏర్పాటు చేయాలని జిల్లా యం త్రాంగం నిర్ణయించింది.ప్రస్తుతానికి కర్నూల్‌ నుంచి ఉల్లిపాయలు దిగుమతి చేసుకునేందుకు ఏర్పాట్లు చేస్తోంది. కనీసం పదిరోజులకు సరిపడా లోడును రప్పించాలని నిర్ణయించింది.అప్పటికి దిగిరాకపోతే కర్నాటక నుంచి కూడా రప్పించేందుకు ఏర్పాట్లు చేయాలని భావిస్తోంది. కనీసం 10–15 టన్నుల ఉల్లి లోడులను కర్నూల్‌ నుంచి రప్పిస్తున్నారు. వీటిని రైతుబజార్లలో డ్వాక్రా సంఘాల ద్వారా విక్రయించాలని నిర్ణయించారు. కిలో రూ.25ల కే విక్రయించనున్నారు. అయితే ఆధార్‌ కార్డు లేదా రేషన్‌ కార్డులలో ఏదో ఒకటి చూపిస్తే కుటుంబానికి రోజుకు కిలో చొప్పున విక్రయిస్తారు. రైతు బజార్లలో ఏర్పాటు చేస్తున్న కౌంటర్ల వద్ద అవసరమైన మేరకు ప్రత్యేక పోలీస్‌ బందో బస్తు కూడా ఏర్పాటు చేయాలని ఆదేశాలు జారీ చేశారు. మరొక వైపు జిల్లా వ్యాప్తంగా కృత్రిమ కొరత సృష్టించేందుకు ఎవరైనా ఉల్లి వ్యాపారులపై ఎక్కడైనా నిల్వ చేసారేమో గుర్తించేందుకు విస్తృత తనిఖీలు నిర్వహించాలని నిర్ణయిం చారు. ఉల్లిధర అదుపులోకి వచ్చే వరకు రైతు బజార్లలో ఉల్లికౌంటర్లు కొనసాగుతాయని మార్కెటింగ్‌ శాఖ ఏడీ మురళీకృష్ణ సాక్షికి తెలిపారు.

సాక్షి, అమరావతి: రేషన్‌షాపుల దగ్గరే ఈకేవైసీ నమోదు చేసుకోవచ్చని ఆంధ్రప్రదేశ్‌ ప్రభుత్వం ప్రకటించింది. ఈ కేవైసీ కోసం మీ సేవా కేంద్రాల వద్ద పడిగాపులు పడాల్సిన పని లేకుండా ఈ నిర్ణయం తీసుకుంది. 15 ఏళ్లు పైబడిన వాళ్లకు రేషన్‌ దుకాణం దగ్గరే ఈ కేవైసీ నమోదు చేస్తారు. ఐదేళ్లలోపు వయసున్న  పిల్లలకు ఈకేవైసీ అవసరం లేదని ప్రభుత్వం స్పష్టం చేసింది. 15 ఏళ్ల లోపు వయసున్న వారు పాఠశాలలు, అంగన్‌వాడీ కేంద్రాల్లో ఈ కేవైసీ నమోదు చేసుకోవచ్చు. ఈ కేవైసీ నమోదు కాకపోతే రేషన్‌ అవ్వరన్నది కేవలం అపోహ మాత్రమేనని ప్రభుత్వం స్పష్టం చేసింది. ప్రత్యేక బృందాలను పంపిస్తుంది.. మరోవైపు ఆధార్‌ మరియు కేవైసీ నమోదుపై ప్రజలు ఆందోళనకు గురైన ఘటనలు రాష్ట్ర ప్రభుత్వం దృష్టికి వచ్చాయని ఆంధ్రప్రదేశ్‌ రాష్ట్ర పౌరసరఫరాల శాఖ కార్యదర్శి కోన శశిధర్ తెలిపారు. ఆధార్ అప్‌డేట్‌కోసం ప్రజలెవ్వరూ ఆందోళన పడాల్సిన అవసరంలేదని అన్నారు. ఎలాంటి ఇబ్బంది లేకుండా నిదానంగా వాటిని అప్‌డేట్‌ చేయించుకోవచ్చుని, దానికి ప్రత్యేకంగా ఎటువంటి గడువు లేదని  ఆయన స్పష్టం చేశారు.ఆధార్‌ నమోదు వ్యవహారం ప్రహసనంలా మారిన నేపథ్యంలో ఆదివారం ఆయన ఓ  ప్రకటన విడుదల చేశారు. ‘స్కూలు పిల్లల ఆధార్‌ బయోమెట్రిక్‌ తాజా వివరాల నమోదుకు ఆధార్ కేంద్రాలు, బ్యాంకులు, మీ సేవ కేంద్రాలు, పోస్టాఫీసుల వద్దకు వెళ్ళనవసరం లేదు. రానున్న రోజుల్లో స్కూలు పిల్లలు చదువుతున్న పాఠశాలలు, అంగన్‌వాడీ సెంటర్లకు ప్రభుత్వమే ప్రత్యేక బృందాలను పంపిస్తుంది. అక్కడే ఆధార్ వివరాలు అప్‌డేట్‌ చేయించుకోవచ్చు. ఈకేవైసీ అప్‌డేట్‌ చేయనంత మాత్రాన రేషన్ సరుకులను తిరస్కరించడం అంటూ ఉండదు. ఎక్కడైతే రేషన్‌ తీసుకుంటున్నారో అక్కడ మాత్రమే ఈకేవైసీ చేసుకోవలెను. ఈకేవైసీ కొరకు ఆధార్ కేంద్రాలు, బ్యాంకులు, మీ సేవ కేంద్రాల వద్దకు వెళ్ళ కూడదు’  అని పేర్కొన్నారు. గడువు పొడిగిస్తాం: మంత్రి నాని ఈకేవైసీ నమోదుపై ప్రజలు ఆందోళన చెందనవసరం లేదని పౌరసరఫరాల శాఖ మంత్రి కొడాలి నాని సూచించారు. కుటుంబంలో ఒకరిదైన వేలుముద్ర, లేదా ఐరిష్ నమోదు అయితే కుటుంబానికి ఈకేవైసి వర్తిస్తుంద మంత్రి తెలిపారు.సెప్టెంబర్ 5వరకు ఈకేవైసీ నమోదుకు గడువు ఉన్నా అవసరమైతే గడువు పొడిగిస్తామన్నారు. ఈకేవైసీ నమోదు కాకపోతే రేషన్ కార్డు తొలగిస్తామన్నా పుకార్లు ప్రజలు నమ్మవద్దుని అన్నారు.

అవినీతికి నిలయంగా... అడ్డగోలు వ్యవహారాలకు చిరునామాగా మారిన పౌర సరఫరాల గోదాములపై నిఘా కన్ను పడుతోంది. ప్రజా పంపిణీ వ్యవస్ధలో జరుతున్న అక్రమాలకు అడ్డుకట్ట వేయడానికి వైఎస్‌ జగన్‌మోహన్‌రెడ్డి ప్రభుత్వం వడివడిగా అడుగులు వేస్తోంది. అందులో భాగంగానే ముందుగా పౌర సరఫరాల గోదాముల్లో నిఘా కెమెరాలను అమర్చుతున్నారు. 18 మండల స్థాయి స్టాక్‌ పాయింట్ల నుంచి జిల్లాలోని 2015 చౌకధరల దుకాణాలకు నిత్యావసర సరుకులు రవాణా చేస్తున్నారు. ప్రతి నెల సుమారు రూ.400 కోట్ల విలువైన సరుకులను ఈ గోదాముల్లో నిల్వ ఉంచుతున్నారు. ఇక్కడ నుంచి సరఫరా జరిగేటప్పుడు అక్రమాలు చోటు చేసుకొంటున్నాయి. గోదాము రికార్డుల్లో ఉన్న సరుకు మొత్తాలకు.. వాస్తవంగా ఉన్న సరుకు నిల్వలకు భారీ వ్యత్యాసం ఉంటోంది. ఇక నుంచి రాష్ట్ర స్థాయి నుంచి మండల స్థాయి వరకు నిఘాను పటిష్టం చేసి అక్రమాలకు చెక్‌ పెట్టే ప్రక్రియకు పకడ్బందీగా శ్రీకారం చుట్టారు. సాక్షి, శ్రీకాకుళం: జిల్లాలో తొలి విడతగా రెండు ఎంఎల్‌ఎస్‌ పాయింట్లలో సీసీ కెమెరాలు అమర్చారు. తరువాత విడతల వారీగా అన్ని ఎంఎల్‌ఎస్‌ పాయింట్లలో కెమెరాలు ఏర్పాటు చేస్తారు. ముందుగా మెళియాపుట్టి, ఇచ్ఛాపురం ఎంఎల్‌ఎస్‌ పాయింట్లపై నిఘా పెట్టారు. జిల్లాలో 18 మండల స్థాయి స్టాక్‌ పాయింట్లు ఉన్నాయి. ఇంకా 16 ఎంఎల్‌ఎస్‌ పాయింట్లకు ఈ కెమెరాలు అమర్చాల్సి ఉంది. మండల స్థాయి గోదాముల పరిధిలో కెమెరాలను అమర్చి అక్కడ నిత్యం జరిగే లావాదేవీలను జిల్లా కేంద్ర స్థాయిలోనే పర్యవేక్షించే విధంగా వ్యవస్థను ఏర్పాటు చేస్తున్నారు. మొదటిగా సీసీ కెమెరాలు అమర్చిన మెళియాపుట్టి, ఇచ్ఛాపురం ఎంఎల్‌ఎస్‌ పాయింట్‌ గోదాముల్లో 24 గంటలపాటు కెమెరాలు పనిచేస్తాయి. జిల్లా పౌర సరఫరాల సంస్థ మేనేజర్‌ కార్యాలయంలో ఈ పర్యవేక్షణ విభాగాన్ని ఏర్పాటు చేశారు. డీఎం నిత్యం ఇక్కడ నుంచి గోదాములు లావాదేవీలను పర్యవేక్షించాలి. గోదాముల స్థాయిలో పాయింట్‌ వద్ద ఏం జరుగుతోందో డీఎం పర్యవేక్షిస్తే.. డీఎం కార్యాలయం నుంచి మండల కార్యాలయం లావాదేవీ లన్నింటినీ ఎండీ కార్యాలయంలో పర్యవేక్షించే విధంగా నిఘా వ్యవస్థను ఏర్పాటు చేశారు. మోసాలు ఇక చెల్లవు జిల్లాలో 18 మండల స్థాయి స్టాక్‌ పాయింట్‌ గోదాముల నుంచి 8,31,927 తెల్ల కార్డులున్న లబ్ధిదారులకు బియ్యం, పంచదార, కందిపప్పు, రాగులు, జొన్నలు సరఫరా చేస్తున్నారు. జిల్లాలో పలు గోదాముల్లో బియ్యం, కందిపప్పు మాయంపై కేసులు నమోదైన సందర్భాలు కూడా ఉన్నాయి. ఇప్పటికీ కొందరు ఉద్యోగులపై కేసులు, విచారణలు ఇంకా పెండింగ్‌లో ఉన్నాయి. మండల స్థాయి గోదాముల నుంచి వచ్చే సరుకుల్లో తూకాల్లో మోసాలు కొనసాగుతున్నాయి. వీటిపై ఇక నుంచి నిఘా పెరగనుంది. మండల స్థాయిలో ఉన్న రికార్డుల పరిశీలన జరుగుతోంది. ఇప్పటి వరకు గోదాముల్లో జరిగిన తేడాలను బయటకు తీయనున్నారు. ఏ సమాచారం అవసరమైనా వెంటనే తీసుకొనే విధంగా మండల స్థాయి నుంచి డీఎం కార్యాలయానికి అనుసంధాన వ్యవస్థను మరింత పటిష్ట పరచనున్నారు. తూనికల్లో జరుగుతున్న మోసాలకు చెక్‌ పెట్టనున్నారు. అడ్డగోలుగా వ్యవహరించే అధికారులపై ఎలాంటి ఫిర్యాదులు వచ్చినా వెంటనే చర్యలు తీసుకొనే విధంగా ఉన్నతాధికారులకు ఆదేశాలు జారీ అయ్యాయి. నిఘా అమలులో.. పౌర సరఫరాల ఎంఎల్‌ఎస్‌ పాయింట్ల నుంచి నిఘా వ్యవస్థను పూర్తి స్థాయిలో అమలులోకి తెచ్చారు. ఇందుకోసం రెండు ఎంఎల్‌ఎస్‌ పాయింట్లలో కెమెరాల బిగింపు పూర్తయిందని డీఎం ఎ.కృష్ణారావు తెలిపారు. కొన్ని ప్రాంతాల్లో అద్దె గోదాములున్న చోట సొంత గోదాముల నిర్మాణం జరుగుతోందని, అక్కడ కూడా కెమెరాలు ఏర్పాటు చేయనున్నామని తెలిపారు. దశలవారీగా అన్ని చోట్లా కెమెరాలు తొలి విడతలో రెండు కేంద్రాల్లో సీసీ కెమెరాలు ఏర్పాటు చేశాము. ఈ కేంద్రాలను జిల్లా మేనేజర్‌ కార్యాలయం నుంచి పర్యవేక్షిస్తారు. దశలవారీగా అన్ని ఎంఎల్‌ఎస్‌ పాయింట్లలోనూ సీసీ కెమెరాలు ఏర్పాటు చేయనున్నాం. – ఎ.కృష్ణారావు, సివిల్‌ సప్లయిస్‌ కార్పొరేషన్‌ డీఎం, శ్రీకాకుళం

మెదక్‌ అర్బన్‌: రేషన్‌ సరుకులు పక్కదారి పట్టకుండా ఉండేందుకు పౌర సరఫరాల శాఖ బయోమెట్రిక్‌ విధానాన్ని తీసుకువచ్చింది. అయితే ఈ విధానంలో చాలా మంది వేలిముద్రలు పడకపోవడంతో ఇబ్బందులు ఎదురవుతున్నాయి. ఈ నేపథ్యంలో ఐరిస్‌ పద్ధతిలో రేషన్‌ సరుకులను అందించాలని ప్రభుత్వం నిర్ణయించింది. కానీ జిల్లాకు ఇప్పటి వరకు ఐరిస్‌ యంత్రాలు చేరకపోవడంతో ఈ వి«ధానం అమలుకు నోచుకోవడం లేదు. మెదక్‌ జిల్లా వ్యాప్తంగా 20 మండలాల్లో మొత్తం 521 రేషన్‌ దుకాణాలు ఉన్నాయి. ఈ దుకాణాల ద్వారా 2.11 లక్షలకు పైగా లబ్ధిదారులు ప్రతి నెలా రేషన్‌ బియ్యం, కిరోసిన్‌ను తీసుకెళ్తున్నారు.   ప్రస్తుతం బయోమెట్రిక్‌ విధానం ద్వా రా లబ్ధిదారుల వేలిముద్రలను తీసుకొని రేషన్‌ బియ్యం, కిరోసిన్, సరుకులు అందిస్తున్నారు. చాలా మంది వేలిముద్రలు పడకపోవడంతో సరుకుల పంపిణీలో  ఇబ్బందులు ఎదురవుతున్నాయి. ముఖ్యంగా వృద్ధులు, కూలీల వేలిముద్రలు రావడం లేదు. దీంతో రెవెన్యూ సిబ్బంది వేలిముద్రల ఆధారంగా వారికి సరుకులను అందించాల్సి వస్తోంది. ఈ సమస్యను అధిగమించేందుకు ప్రభుత్వం ఐరిస్‌ ద్వారా సరుకులు పంపిణీ చేయాలని నిర్ణయించింది. ఈ విధానంపై ఆగస్టు నెలలోనే డీలర్లకు శిక్షణ కార్యక్రమాలను కూడా నిర్వహించారు. కానీ శిక్షణ ఇచ్చి ఆరునెలలు గడుస్తున్నా ఐరిష్‌ విధానాన్ని అమలు చేయడం లేదు. అక్రమాలకు అడ్డుకట్ట.. రేషన్‌ దుకాణాలలో జరుగుతున్న అక్రమాలను అ రికట్టడానికి ప్రభుత్వం గట్టి చర్యలు తీసుకుం టోంది. ఇందులో భాగంగా ఎలక్ట్రానిక్‌ పోర్టల్‌ అ స్సెన్స్‌ సర్వీసెస్‌ (ఈ–పాస్‌)ను ప్రవేశపెట్టింది. ఈ విధానంలో లబ్ధిదారుల వేలిముద్రలను తీసుకొని సరుకులను పంపిణీ చేస్తారు. ఈ విధానం అ మలులో లేనప్పుడు రేషన్‌ సరుకులు తీసుకోవడానికి లబ్ధిదారులు రాకపోయినా వచ్చినట్లు చూపి రేషన్‌ డీలర్లు సరుకులను పక్కదారి పట్టించారన్న ఆరోపణలున్నాయి. ఈ–పాస్‌ విధానంతో అక్రమాలకు చెక్‌ పడింది. ఈ విధానంలో వేలిముద్రల సమస్య ఏర్పడటంతో దీన్ని అధిగమించడానికి ఈ  విధానాన్ని అమలు చేయాలని చూస్తున్నారు. తప్పని తిప్పలు.. ఐరిస్‌ విధానం అమలులో జరుగుతున్న జాప్యం తో వేలి ముద్రలు పడని వారికి ఇబ్బందులు తప్ప డం లేదు. వేలిముద్రలు పడని వారికి సరుకులు ఇ వ్వాలంటే వీఆర్వోల వేలిముద్రలు అవసరం. కా నీ పని ఒత్తిడి వల్ల వారు సకాలంలో రేషన్‌ దు కాణాలకు రాలేకపోతున్నారు. వేలిముద్రలు రాని వారు రేషన్‌ దుకాణాల చుట్టూ తిరగాల్సి వస్తోం ది. ఒక్కోసారి సరుకులను కోల్పోవాల్సి వస్తోం ది. ఉన్నతాధికారులు స్పందించి ఐరిష్‌ విధానాన్ని అమలు చేయాలని లబ్ధిదారులు కోరుతున్నారు. బియ్యం ఇవ్వడం లేదు మిషన్‌లో వేలిముద్ర పడకపోవడంతో మాకు అందాల్సిన రేషన్‌ బియ్యం, కిరోసిన్, సరుకులను ఇవ్వడం లేదు. వేలి ముద్ర ద్వారా సరుకులు అందించేందుకు వీఆర్‌ఓ ఎప్పుడు వస్తారో..? మాకు తెలియడం లేదు. వారు వచ్చినప్పుడు సరుకులు ఇస్తున్నారు. దీంతో అనేక ఇబ్బందులు పడాల్సి వస్తోంది. అర్హులమైనా రేషన్‌ సరుకులు అందకపోవడం చాలా ఇబ్బందికరంగా ఉంది. సర్కారు వెంటనే ఏదైనా కొత్త విధానం ద్వారా రేషన్‌ సరుకులు అందించి ఆదుకోవాలి.  – శిర్న గోదావరి, వృద్ధురాలు,  మెదక్‌

నార్నూర్‌(ఆసిఫాబాద్‌): పేదలు రేషన్‌ షాపుల్లో సబ్సిడీపై నిత్యావసర సరుకులు తీసుకునేందుకు ప్రభుత్వం కొత్తగా రేషన్‌కార్డులు జారీ చేయడం లేదు. రేషన్‌కార్డుల కోసం అర్హులు మీసేవ కేంద్రాల్లో ఆన్‌లైన్‌ చేసుకొని నెలలు గడుస్తున్నా కార్డులు జారీ చేయకపోవడంతో ప్రతీనెల రేషన్‌ షాపుల నుంచి బియ్యం తీసుకునేందుకు ఇబ్బందులు ఎదురవుతున్నాయి. లబ్ధిదారులు ప్రతీ నెల మీసేవ కేంద్రాలకు పరుగులు పెట్టి ఆహారభద్రత కార్డు జిరాక్స్‌ తీసుకువస్తేనే రేషన్‌ డీలర్లు సరుకులు ఇస్తున్నారు.  జిల్లాలో 365 రేషన్‌ షాపులు ఉన్నాయి. ప్రస్తుతం బీపీఎల్‌ కార్డులు 1,85,255 ఎఫ్‌ఎస్‌సీ కార్డులు 1,72,065 ఏఎఫ్‌ఎస్‌సీ కార్డులు 12,914 ఏఏపీ కార్డులు 570 కార్డులు ఉన్నాయి. రేషన్‌ షాపుల్లో ఈ–పాస్‌ విధానం అమలు చేయగా ప్రతీ లబ్ధిదారుడు తప్పనిసరిగా ఆహార భద్రత కార్డు ఉంటేనే దానిపై ఉన్న నంబర్‌ను ఈ–పాస్‌ మిషన్‌లో ఎంటర్‌ చేసి సదురు లబ్ధిదారుడి వేలిముద్ర వేస్తే గాని సరుకులు అందించే పరిస్థితి లేదు. ప్రభుత్వం గతంలో కొంతమందికి తాత్కాలికంగా ఆహార భద్రత కార్డులను పంపిణీ చేసినా పూర్తిస్థాయిలో కార్డులు ఇవ్వకపోవడంతో ప్రతీ నెల లబ్ధిదారులు మీసేవ కేంద్రాలకు వెళ్లి ఆహార భద్రత కార్డుల జిరాక్స్‌ కాఫీలను తీసుకొచ్చి షాపుల్లో సరకులు తీసుకోనే దుస్థితి నెలకొంది. ఇప్పటికైనా ప్రభుత్వం దరఖాస్తు చేసుకున్న లబ్ధిదారులకు ఆహార భద్రత కార్డులను పంపిణీ చేయాలని వారు కోరుతున్నారు. 11,027 దరఖాస్తులు  జిల్లాలో మొత్తం 365 రేషన్‌షాపుల పరిధిలో నూతన కార్డులు కోసం మీసేవ కేంద్రాల్లో 11,027 మంది దరఖాస్తు చేసుకున్నారు. ఇన్‌స్పెక్టర్‌ వద్ద 3,226, తహశీల్దార్‌ కార్యాలయాల్లో 290, డీఎస్‌వో కార్యాలయంలో 544 దరఖాస్తులు పెండింగ్‌లో ఉండగా జిల్లా వ్యాప్తంగా 4,060 దరఖాస్తులు పెండింగ్‌లో ఉన్నాయి. కార్డుల కోసం దరఖాస్తులు చేసుకొని నెలలు గడుస్తున్నా ప్రభుత్వం నూతన రేషన్‌ కార్డులను జారీ చేయకపోవడంతో మీసేవ కేంద్రాల్లో దరఖాస్తు చేసుకున్న దరఖాస్తులు తహశీల్‌ కార్యాలయంలోనే పెండింగ్‌లో ఉన్నాయి. నూతన రేషన్‌కార్డుల కోసం వచ్చిన దరఖాస్తులను ఆన్‌లైన్‌లో ఆప్‌లోడ్‌ చేస్తున్నామని రెవెన్యూ అధికారులు పేర్కొంటున్నారు. అర్హులందరికీ అందిస్తాం  ఆహారభద్రత కార్డుల జారీ కోసం లబ్ధిదారులు మీసేవ కేంద్రాల్లో దరఖాస్తు చేసుకున్నారు. ప్రభుత్వానికి ఆ¯న్‌లైన్‌ ఆప్‌లోడ్‌ చేస్తున్నాం. ప్రభుత్వం నుంచి కార్డుల జారీ చేస్తే తప్పనిసరిగా అర్హులందరికీ జారీ చేస్తాం.   – సుదర్శనం, డీఎస్‌వో ఆదిలాబాద్‌

పశ్చిమగోదావరి, జంగారెడ్డిగూడెం రూరల్‌: మండలంలోని లక్కవరం గ్రామంలోని మూడు రేషన్‌ దుకాణాలపై గురువారం విజిలెన్స్‌ అధికారులు దాడులు చేసి తనిఖీలు చేపట్టారు. విజిలెన్స్‌ సీఐ భాస్కర్, రెవెన్యూ అధికారులతో కలిసి తనిఖీలు చేసి లోపాలను గుర్తించారు. షాపు నం.17లో 82 కేజీల బియ్యం తక్కువగా, షాపు నం.51లో 1,205 కేజీల బియ్యం తక్కువగా, షాపు నం.50లో 551 కేజీల బియ్యం ఎక్కువగా ఉన్నట్టు గుర్తించినట్లు విజిలెన్స్‌ సీఐ భాస్కర్‌ తెలిపారు. ఆయా షాపులపై 6ఏ కేసులు నమోదు చేశామన్నారు. తహసీల్దార్‌ కార్యాలయ ఆర్‌ఐ సునీత, వీఆర్వోలు పాల్గొన్నారు. పొలమూరులో నిల్వల్లో వ్యత్యాసాలు పోడూరు: పెనుమంట్ర మండలం పొలమూరులో షాపు నం.20 రేషన్‌ డిపోపై గురువారం విజిలెన్స్‌ అధికారులు దాడి చేశారు. షాపులోని రికార్డులను, సరుకుల నిల్వలను తనిఖీ చేయగా 353 కేజీల బియ్యం, 5.5 కేజీల పంచదార తక్కువగా ఉన్నట్టు గుర్తించారు. సంబంధిత డీలర్‌ 32వ రేషన్‌ షాపునకు కూడా ఇన్‌చార్జిగా ఉన్నట్టు అధికారులు తెలిపారు. సరుకుల నిల్వలో వ్యత్యాసాలు ఉండటంతో కేసు నమోదు చేసినట్టు విజిలెన్స్‌ అధికారులు తెలిపారు.

సాక్షి, అమరావతి: ఈ–పాస్‌ విధానం అమల్లోకి వచ్చి నాలుగేళ్లయినా చౌక ధరల దుకాణాల్లో పేదలకు ఇబ్బందులు తప్పడం లేదు. వివిధ కారణాలతో వేలి ముద్రలు సరిగా పడని కార్డుదారులకు రెవెన్యూ ఇన్స్‌పెక్టర్‌ లేదా వీఆర్వో ధ్రువీకరణ ద్వారా సబ్సిడీ బియాన్ని ఇస్తున్నారు. అయితే ఈ నెల నుంచి ఈ–పాస్‌ మిషన్‌లో ఈ అవకాశాన్ని తొలగించారు. వేలి ముద్రల సమస్య ఉన్న కార్డుదారులకు రేషన్‌ ఎప్పుడు, ఎలా ఇవ్వాలనే అంశంపై ఈనెల 15వ తేదీ తర్వాత నిర్ణయం తీసుకోవాలని ప్రభుత్వం భావిస్తోంది. పని చేయని ఐరిష్‌... రాష్ట్రంలో 1.44 కోట్ల మంది తెల్ల రేషన్‌కార్డులుండగా 48.62 లక్షల మంది లబ్ధిదారులకు వేలి ముద్రలు సరిగా పడటం లేదు. ఈ–పాస్‌ వీరిని అనుమతించడం లేదు. ఐరిష్‌ మిషన్లు ఏర్పాటు చేసినా ఆర్నెళ్ల నుంచి పని చేయకపోవడంతో ఇబ్బందులు తప్పడం లేదు. 2015 సెప్టెంబర్‌ నుంచి అమలు చేస్తున్న ఈ–పాస్‌ విధానం వల్ల ఇప్పటివరకు రూ.1,850 కోట్ల విలువైన దాదాపు 6 లక్షల మెట్రిక్‌ టన్నుల బియ్యం ఆదా అయినట్లు అధికారులు చెబుతున్నారు.

సాక్షిప్రతినిధి, ఖమ్మం: సంస్కృతీ సంప్రదాయాలను ప్రతిబింబించే పండగ బతుకమ్మ. పేద, ధనిక తారతమ్యం లేకుండా జరుపుకునే పండగ. ఆనందోత్సాహాల మధ్య పండగ జరుపుకోవాలనే ఉద్దేశంతో ప్రభుత్వం మహిళలకు బతుకమ్మ చీరలు పంపిణీ చేయాలని గత ఏడాది నిర్ణయించింది. ఈ మేరకు ముందస్తుగానే జిల్లాకు చీరలు చేరాయి. వీటిని సకాలంలో పంపిణీ చేసేందుకు అధికార యంత్రాంగం సిద్ధమవుతోంది. జిల్లాలోని 21 మండలాల్లో ఉన్న 18 ఏళ్లు పైబడిన యువతులతోపాటు మహిళలకు గత ఏడాది నుంచి చీరలు పంపిణీ చేస్తున్నారు. 669 రేషన్‌ దుకాణాల్లో గత ఏడాది 4,48,797 మంది లబ్ధిదారులకు చీరలను అందించగా.. ఈ ఏడాది సుమారు 10వేల వరకు లబ్ధిదారులు పెరిగే అవకాశం ఉన్నట్లు అధికారులు అంచనా వేస్తున్నారు. ఈ ఏడాది 4.58 లక్షల మంది వరకు లబ్ధిదారులకు చీరలను పంపిణీ చేసేందుకు సిద్ధం చేస్తున్నారు.  జిల్లాలోని 669 రేషన్‌ దుకాణాల్లో 3,95,888 కార్డులున్నాయి. వీటిలో ఆహార భద్రత కార్డులు 3,69,305, అంత్యోదయ కార్డులు 26,581, అన్నపూర్ణ కార్డులు రెండు ఉన్నాయి. అయితే తెలంగాణ రాష్ట్ర ప్రభుత్వం ఏర్పడిన తర్వాత బతుకమ్మ పండగను అధికంగా నిర్వహిస్తున్నా రు. ఈ పండగ మహిళలకు సంబంధించినది కావడంతో అందరికీ గుర్తుండిపోయేలా చీరల పంపిణీ కార్యక్రమాన్ని ప్రభుత్వం చేపట్టింది.   గతంలో ఇలా..  గత ఏడాది నుంచి దసరా పండగ సందర్భంగా మహిళలకు బతుకమ్మ చీరలను పంపిణీ చేయాలని ప్రభుత్వం  నిర్ణయించింది. ఈ మేరకు రాష్ట్ర ప్రభుత్వం  జిల్లాలోని పౌరసరఫరాల శాఖ ద్వారా 18 ఏళ్ల వయసు దాటిన వారందరి వివరాలు సేకరించింది. ఈ మేరకు పౌరసరఫరాల శాఖ.. జిల్లాలోని మహిళా లబ్ధిదారులకు అనుగుణంగా చీరలను పంపించి.. ఆయా గోడౌన్లలో సిద్ధం చేసింది. అనంతరం పండగకు ముందు చీరలను పంపిణీ చేశారు.   ప్రస్తుతం ఇలా..   గతేడాది సమాచారం ప్రభుత్వం వద్ద ఉండడంతో వాటికి అనుగుణంగా చీరలు పంపిణీ చేసేందుకు చర్యలు చేపడుతున్నారు.  కొత్తగా రేషన్‌ కార్డులు కొద్ది మందికి రావడంతోపాటు 18 ఏళ్ల వయసు పైబడిన వారు కూడా ఈ ఏడాది ఉంటారనే అంచనాతో ప్రభుత్వం పౌరసరఫరాల శాఖ ద్వారా వివరాలు సేకరిస్తూ.. మరో 10వేల చీరలను అధికంగా పంపించేందుకు ప్రణాళికలు సిద్ధం చేస్తోంది. ముందుగానే చీరలను సిద్ధం చేసి.. పండగ సమయానికి ఎటువంటి హడావుడి లేకుండా పంపిణీ చేయాలనే ఉద్దేశంతో అధికారులున్నారు.  జిల్లాకు చేరిన 96వేల చీరలు   బతుకమ్మ పండగ సందర్భంగా పంపిణీ చేసే చీరలను వైరా, నేలకొండపల్లిలోని వ్యవసాయ మార్కెట్‌ గోడౌన్లలో సిద్ధంగా ఉంచారు. ఇప్పటివరకు రెండు గోడౌన్లకు కలిపి 96వేల చీరలు వచ్చాయి. అయితే మహిళలకు నచ్చిన విధంగా డిజైన్, రంగులు ఉండాలనే ఉద్దేశంతో అధికారులు ప్రస్తుతం వచ్చిన చీరలపై అభిప్రాయాలను సేకరిస్తున్నారు. జిల్లాకు వచ్చిన బతుకమ్మ చీరల రంగులు, వాటి నాణ్యత, డిజైన్లు రోజూ వాడు తున్న మాదిరిగా ఉన్నాయా..?. ఇంకా ఏమైనా మార్పులు చేయాలా...? తదితర అంశాలపై ప్ర భుత్వం అభిప్రాయ సేకరణ(మహిళల నుంచి ఫీడ్‌ బ్యాక్‌) తీసుకుంటోంది. గతంలో చీరల పంపిణీ లో పలు సంఘటనలు ఎదుర్కొన్న అనుభవంతో భవిష్యత్‌లో మహిళలకు నచ్చేలా, మెచ్చేలా చీర లు పంపిణీ చేసేందుకు అభిప్రాయ సేకరణ చేస్తున్నారు. ఇటీవల ఖమ్మం మున్సిపల్‌ కార్పొరేషన్‌ పరిధిలోని పలు ప్రాంతాల్లో మహిళల నుంచి బతుకమ్మ చీరలపై అభిప్రాయాలు తీసుకున్నారు.   చీరలు వస్తున్నాయి..  జిల్లాకు బతుకమ్మ పండగ సందర్భంగా చీరలు వస్తున్నాయి. ఇప్పటివరకు 96వేలు వచ్చాయి. త్వరలో మిగతావి వస్తాయి. ఉన్నతాధికారుల ఆదేశాల మేరకు పంపిణీ కార్యక్రమం చేపడతాం.– మదన్‌గోపాల్, కలెక్టరేట్‌ ఏఓ, ఖమ్మం   

నావంద్గికి చెందిన మాల సుభద్రమ్మకు ప్రభుత్వం అంత్యోదయ కార్డు మంజూరు చేసింది. ఈమెకు ప్రతినెలా 35 కిలోల బియ్యం వస్తాయి. సుభద్రమ్మ ఇద్దరు కొడుకులకు వారి కుటుంబ సభ్యులతో వేర్వేరు రేషన్‌ కార్డులు ఉండటంతో.. తన కార్డులో ఆమె పేరు మాత్రమే ఉంది. బియ్యం తీసుకునేందుకు షాపు వద్దకు వెళ్లి.. బయోమెట్రిక్‌ మిషన్‌లో వేలుపెడితే ఎప్పుడూ ముద్రలు వచ్చేవి కావు. దీంతో ఎనిమిది నెలలుగా స్థానిక వీఆర్‌ఏ వచ్చి వేలిముద్ర వేసి బియ్యం ఇప్పిస్తున్నారు. ఇలా ప్రతినెలా నావంద్గిలో ఐదుగురు లబ్ధిదారులు వీఆర్‌ఏ కోసం ఎదురు చూస్తుంటారు. బషీరాబాద్‌ రంగారెడ్డి : ప్రజాపంపిణీ వ్యవస్థలో ఆధునిక సాంకేతికతను జోడించి లబ్ధిదారులకు సులభంగా నిత్యావసర వస్తువులు అందించేందుకు ప్రభుత్వం శ్రీకారం చుట్టింది. పేద ప్రజలు కడుపునిండా తినాలనే సంకల్పంతో సర్కారు అందజేస్తున్న రూపాయికి కిలో బియ్యం పథకంలో అక్రమాలకు కళ్లెం వేసేందుకు మరో పకడ్బందీ చర్యను అమలు చేయనుంది. ఇప్పటికే పౌర సరఫరాల శాఖ ద్వారా బయోమెట్రిక్‌ విధానాన్ని అమలు చేస్తున్నా.. వృద్ధులు, రోజు పనులు చేసే కూలీలు, రక్తహీనత ఉన్నవారి వేలిముద్రలు బయోమెట్రిక్‌లో నమోదు కావడం లేదు. దీంతో వారు సరుకులు తీసుకోవడానికి తీవ్ర ఇబ్బందులు పడుతున్నారు. వీటన్నింటినీ పరిగణనలోకి తీసుకున్న ప్రభుత్వం బియ్యం పంపిణీని మరింత పారదర్శకంగా అమలు చేయడంతో పాటు, లబ్ధిదారులందరికీ ప్రయోజనం చేకూరేలా ఐరిస్‌ విధానాన్ని తీసుకువస్తోంది.   డీలర్ల వినతుల నేపథ్యంలో  రేషన్‌ లబ్ధిదారుల అవస్థలు తీరనున్నాయి. ఇందుకోసం ప్రభుత్వం ప్రత్యేక ఏర్పాట్లు చేస్తోంది. రేషన్‌ సరుకుల పంపిణీలో ఇప్పటికే అనేక సంస్కరణలు చేపట్టిన సర్కారు ఐరిస్‌ విధానాన్ని అమలు చేయనుంది. దీనిద్వారా ఇప్పటివరకూ వేలిముద్రలు నమోదు కాకపోవడంతో సరుకులకు దూరమైన వారి కష్టాలు తొలగనున్నాయి. రాష్ట్ర వ్యాప్తంగా అక్టోబర్‌ ఒకటో తేదీ నుంచి ఈ పద్ధతిని అమలు చేసేందుకు సివిల్‌ సప్లయ్‌ శాఖ అధికారులు ఆదేశాలు జారీ చేశారు. జిల్లాలో 588 రేషన్‌ షాపుల పరిధిలో 2,31,271 ఆహార భద్రత కార్డులు ఉన్నాయి. వీటిలో పేరున్న ప్రతిఒక్కరికీ ప్రభుత్వం నెలనెలా 6 కిలోల చొప్పున రేషన్‌ బియ్యం అందజేస్తోంది. ఇందుకోసం ప్రతి నెలా జిల్లాకు 5,316 టన్నుల రేషన్‌ బియ్యం సరఫరాచేస్తుంది. ఇప్పటివరకు డీలర్లు బయోమెట్రిక్‌ ద్వారా లబ్ధిదారులకు బియ్యం పంపిణీ చేస్తున్నారు. ప్రతీ నెల 1 నుంచి 15వ తేదీ వరకు ఏ గ్రామంలోనైనా సరుకులు తీసుకునేలా  పోర్టబులిటీ విధానాన్ని అమలు చేస్తున్నారు. అయితే పలుమార్లు ఈ పాస్‌ బయోమెట్రిక్‌ మిషన్లు మొరాయించడం, నెట్‌వర్క్‌ పనిచేయకపోవడం వంటి కారణాలతో గడువులోపు పంపిణీ పూర్తికావడంలేదని డీలర్ల నుంచి ప్రభుత్వానికి వినతులు అందాయి. ముఖ్యంగా వేలిముద్రలు రాని వృద్ధులు, రోజువారీ కూలీ పనులు చేసుకునే వారికి, రక్తహీనత ఉన్నవారికి బయోమెట్రిక్‌లో రావడంలేదు. దీంతో అలాంటి వారికి గతంలో గ్రామ వీఆర్‌ఏల వేలిముద్రలను వేసి సరుకులు అందజేసేవారు. ఈ క్రమంలో పలు చోట్ల వీఆర్‌ఏలు, డీలర్లు కలిసి అక్రమాలకు పాల్పడిన సంఘటనలు వెలుగుచూడటంతో ఆస్థానంలో నుంచి వీఆర్‌ఏలను తొలగించి గిర్దవరి, డిప్యూటీ తహసీల్దార్లకు బాధ్యతలు అప్పగించాలని నిర్ణయిం చారు. ఇప్పటివరకు వేలిముద్రలు రాని వారికోసం వీఆర్‌ఓలు షాపుల వారీగా వెళ్లి ఫింగర్‌ ప్రింట్‌ వేస్తే తప్ప లబ్ధిదారులకు బియ్యం రాలేదు. ఇది ఓ ప్రహసనంలా మారడంతో ప్రభుత్వం ఐరిస్‌ విధానం అమలుకు సిద్ధమైంది. ఇందులో మొదట లబ్ధిదారుల కనుపాపలను ఐరిస్‌ యంత్రంలో నిక్షిప్తం చేస్తారు. ఆధార్‌ అనుసంధానంలా ఆన్‌లైన్‌లో కనుపాపలు సరిపోలితే వారికి రేషన్‌ సరుకులు అందజేస్తారు. ఇలా కుటుంబంలో ఎవరైనా రేషన్‌ షాపునకు వెళ్లి సరుకులు తీసుకోవచ్చు. ఇప్పటికే జిల్లాకు ఐరిస్‌ యంత్రాలు చేరుకున్నట్లు రెవెన్యూ అధికారి ఒకరు తెలిపారు.     గడువు పెంచే అవకాశం.. ప్రస్తుతం బియ్యం పంపిణీ పదిహేను రోజుల పాటుసాగుతోంది. అయితే బఫర్‌ గోదాంల నుంచి డీలర్లకు నెలాఖరు వరకు బియ్యం రావడం లేదు. రవాణా, అధికారుల అలసత్వం వంటి కారణాలతో 5 నుంచి పది రోజుల జాప్యం జరుగుతోంది. ఈ కారణంగానే జిల్లాలో ఆగస్టు కోటాలో ఏకంగా 1,060 టన్నుల బియ్యం మిగులు కావడంతో ప్రభుత్వం మరో రెండు రోజుల పాటు ఆన్‌లైన్‌ గడువు పెంచింది. ఇలాంటి సమస్యల వలన గడువును 20వతేదీ వరకు పెంచేలా నిర్ణయం తీసుకోబోతుందని అధికార వర్గాల ద్వారా తెలిసింది. ఆదేశాలు వచ్చాయి  బయోమెట్రిక్‌ స్థానంలో.. అక్టోబర్‌ 1వ తేదీ నుంచి ఐరిస్‌ విధానం  అమలు చేయాలని ప్రభుత్వ నుంచి ఆదేశాలు వచ్చాయి. అక్టోబరు మాసం నుంచి కొత్త పద్ధతి ద్వారానే లబ్ధిదారులకు బియ్యం పంపిణీ చేస్తాం. జిల్లాలోని 588 రేషన్‌ దుకాణాల్లో దీనికి సంబంధించిన ఏర్పాట్లు ప్రారంభించాం. ఈ పద్ధతి ద్వారా వేలిముద్రలు స్కాన్‌ కాని వారి కష్టాలు దూరమవుతాయి.   – పద్మజ, జిల్లా పౌర సరఫరాల అధికారి

పెద్దశంకరంపేట(మెదక్‌) : ప్రభుత్వం నూతన పంచాయతీల ఏర్పాటుతో ప్రజలను పలు సమస్యల నుంచి ప్రజలకు విముక్తి కల్పించింది. ఎన్నో ఏళ్లుగా తీరని సమస్యలు కొత్త పంచాయతీల రాకతో తీరేందుకు అవకాశాలు ఏర్పడుతున్నాయి. ఇటీవల ప్రభుత్వం మంత్రుల సబ్‌కమిటీ సమావేశంలో కొత్త పంచాయతీల్లో రేషన్‌ దుకాణాలను ఏర్పాటు చేసేందుకు చర్యలు తీసుకోవాలని అధికారులకు సూచించింది. ఈ నిర్ణయంతో జిల్లాలో కొత్త రేషన్‌ దుకాణాలు ఏర్పాటు కానున్నాయి. ఇక కొత్త పంచాయితీల వద్దనే రేషన్‌ సరుకులను ప్రజలు అందుకునే అవకాశం ఉండనుంది. జిల్లాలో ప్రస్తుతం 2,07,643 కుటుంబాలు ఆహార భద్రత కార్డులు కలిగి ఉన్నారు. ఇందులో అంత్యోదయ 13,016, అన్నపూర్ణ 88 కార్డులున్నాయి.  వీరికి ప్రతీ నెల  రేషన్‌ దుకాణాల ద్వారా ప్రభుత్వం సరుకులను అందజేస్తుంది.   ఇప్పటి వరకు మధిర గ్రామాలతో పాటు గిరిజన తాండాలకు చెందిన ప్రజలు రేషన్‌ సరుకులను పొందాలంటే వారు తప్పని సరిగా ఆటోలు, లేక కాలినడకన కిలోమీటర్ల దూరం వెళ్లి తెచ్చుకోవాల్సిన దుస్థితి. ప్రభుత్వం ఈ విషయంపై ఇటీవల చర్చించడంతో పాటు నూతనంగా కొత్త పంచా యతీల్లో రేషన్‌ దుకాణాలను ఏర్పాటు చేసి ప్రజలకు ఇబ్బందులను దూరం చేయాలని నిర్ణయిం చింది.  అదిగాక దుకాణా నికి వెళ్లినప్పుడు ఈ – పాస్‌ మిషిన్‌లకు  సిగ్నల్స్‌ సమస్య కూడా లబ్ధిదారులను వేధిస్తుంది. దీంతో ఒక రోజంతా రేషన్‌ సరుకులు తెచ్చుకోవడానికే సమయం వె  చ్చిం చాల్సిన పరి స్థితి. ఇది వరకు జి ల్లా వ్యాప్తం గా 312 పంచాయతీలుండగా కొత్తగా 157 పంచా యతీలు ఏర్పాటయ్యా యి.  పాత పంచాయతీల్లో రేషన్‌ దుకాణాలు ఉండగా ఇప్పుడు 157 కొత్త పంచాయతీల్లో రేషన్‌ దుకాణాలు ఏర్పాటు చేయనున్నారు. ప్రతీ 500 మంది జనాభాకు అనుగుణంగా రేషన్‌ దుకాణాలు ఏర్పాటు చేయాలని నిబంధనలు చెబుతున్నా గతంలో పట్టించుకున్న పాపనలేదు. పెద్దశంకరంపేట మండలంలో గతంలో ఉన్న 22 పంచాయతీల పరిధిలో 27 రేషన్‌ దుకాణాలున్నాయి. నూతనంగా ఏర్పాటైన 5 పంచాయతీలతో కలిపి మండలంలో 27 పంచాయతీలయ్యాయి. ఆహారభద్రత కార్డుల సంఖ్య 11,034 ఇందులో అంత్యోదయ 764, అన్నపూర్ణ 20.  వీటికి తోడు ఇటీవల వేలాది మంది కొత్తగా ఆహారభద్రత కార్డులు కావాలని దరఖాస్తు చేసుకున్నారు. వీరందరిని పరిగణలోనికి తీసుకొని కొత్తగా రేషన్‌ దుకాణాల  ఏర్పాటు ప్రక్రియను పూర్తి చేసి ప్రజలకు ఇబ్బందులను దూరం చేయాలని ప్రజలు కోరుతున్నారు. ప్రతిపాదనలు పంపించాం మండలంలో కొత్తగా రేషన్‌ దుకాణాల ఏర్పాటకు గతంలోనే ప్రతిపాదనలు పంపించాం. కొత్త పంచాయతీలలో రేషన్‌ దుకాణాల ఏర్పాటుపై ఇంకా ఎలాంటి ఆదేశాలు రాలేవు. కొత్త పంచాయతీల్లో రేషన్‌ దుకాణాల ఏర్పాటుపై ఉన్నతాధికారులకు నివేదిస్తాం. –నారాయణ, తహసీల్దార్, పెద్దశంకరంపేట ఇబ్బందులు తొలుగుతాయి.. కొత్తగా ఏర్పాటైన మా పంచాయతీ ఇసుకపాయలతాండాలో రేషన్‌దుకాణం ఏర్పాటు చేస్తే ఇబ్బందులు తొలిగిపోతాయి. ఎన్నో ఏళ్లుగా రెండు కిలోమీటర్ల దూరం వెళ్లి రేషన్‌ తెచ్చుకుంటున్నాం. ప్రభుత్వం వెంటనే రేషన్‌ దుకాణాం ఏర్పాటు  చేయాలి.   –దీప్‌సింగ్, ఇసుకపాయలతాండా, పెద్దశంకరంపేట 

ఖమ్మం సహకారనగర్‌: ఇటీవల నూతనంగా గ్రామ పంచాయతీలు ఏర్పడడంతో..కొత్తగా రేషన్‌ షాపులు కూడా సమకూరే అవకాశాలు కనిపిస్తున్నాయి. ప్రభుత్వం ఇందుకవసరమైన కసరత్తు చేయాల్సిందిగా సూచించడంతో..ప్రక్రియ కొనసాగుతోంది. రాష్ట్ర ప్రభుత్వం పేద ప్రజలకు పౌరసరఫరాల శాఖ ద్వారా అందించే రేషన్‌ సరుకులను మరింత చేరువ చేయాలని భావిస్తోంది. జిల్లాలో రెవెన్యూ, పౌరసరఫరాల శాఖాధికారులు, రేషన్‌ దుకాణాలు, కార్డుల వివరాలపై సమగ్రంగా వివరాలు సేకరిస్తున్నారు. జిల్లాలో మొత్తం 427 గ్రామ పంచాయతీల్లో 669 రేషన్‌ దుకాణాలున్నాయి. తాజాగా రాష్ట్ర ప్రభుత్వం 500జనాభా కంటే ఎక్కువ ఉన్న తండాలను గ్రామ పంచాయతీలుగా మార్చింది. దీంతో జిల్లాలో మరో 157కొత్త గ్రామ పంచాయతీలు ఏర్పడ్డాయి. వాటిల్లోని ప్రజలు ఇబ్బందులు పడకుండా ఉండాలనే ఉద్దేశంతో రేషన్‌ దుకాణాలు ఏర్పాటు చేసే అవకాశాలు కనిపిస్తున్నాయి. రెవెన్యూ అధికారులు..గ్రామ పంచాయతీలు, దుకాణాల వివరాలతో పాటు స్థానికంగా ఉన్న కార్డుల వివరాలపై పరిశీలన చేస్తున్నారు. పౌర సరఫరాల శాఖాధికారులు పర్యవేక్షిస్తున్నారు. ప్రస్తుతం గ్రామ పంచాయతీలో 500కార్డుల కంటే అధికంగా ఉన్న ప్రాంతాల్లో కొత్తగా రేషన్‌ దుకాణాలు ఏర్పాటు చేయనున్నారు. దీంతో పాటు కొత్తగా ఏర్పడిన గ్రామ పంచాయతీల్లో సైతం రేషన్‌ దుకాణాలు ఏర్పాటు చేసే అవకాశాలు ఉన్నాయి. ఇందుకోసం అక్కడి పరిస్థితులను అంచనా వేస్తున్నారు. జిల్లాలో కొత్తగా 80దుకాణాలు..?   జిల్లాలో నూతనంగా గ్రామ పంచాయతీలు ఏర్పడిన నేపథ్యంలో సుమారు 80రేషన్‌ దుకాణాలు ఏర్పాటయ్యే అవకాశముంది. గతంలో 427 గ్రామ పంచాయతీల్లో 669 దుకాణాలుండగా, పెరిగిన 157 గ్రామ పంచాయతీల్లో 80దుకాణాలు మాత్రమే ఏర్పాటయ్యే అవకాశం ఉంది. దీనిపై పౌరసరఫరాలశాఖాధికారులు గ్రామాల్లో రేషన్‌ దుకాణాలు ఏమైనా అవసరం ఉంటాయా...? ఉంటే వాటి వివరాలు అందజేయాలని కోరారు. అధికార యంత్రాంగం మాత్రం సుమారు 60నుంచి 80రేషన్‌ దుకాణాలు అవసరం ఉండొచ్చని అభిప్రాయానికి వచ్చినట్లు తెలిసింది. కార్డుల సంఖ్య కనీసం 500 ఉండాలనే నిబంధన ఉంది. నూతనంగా ఏర్పాటైన కొన్ని గ్రామ పంచాయతీల్లో 200కుటుంబాలు కూడా ఉండట్లేదు. ఇక్కడ డీలర్‌కు నష్టం వాటిల్లే ప్రమాదముంది. దీన్ని దృష్టిలో ఉంచుకొని 80దుకాణాల వరకే ఏర్పాటు చేసేందుకు సుముఖత వ్యక్తం చేస్తున్నట్లు సమాచారం. జిల్లాలో కొత్తగా రేషన్‌దుకాణాల ఏర్పాటు, అక్కడి పరిస్థితులు, కొత్తగా ఏర్పడనున్న సమస్యలను దృష్టిలో ఉంచుకొని ప్రభుత్వానికి నివేదిక సమర్పించనున్నారు. అనంతరం ప్రభుత్వం తీసుకునే నిర్ణయమే శిరోధార్యం కానుంది. జిల్లాలో రేషన్‌కార్డుల వివరాలు ఇలా..  మొత్తం కార్డులు      3,95690  ఆహారభద్రత           3,69,087  అంత్యోదయ           26,575  అన్నపూర్ణకార్డులు   2 నివేదిక సమర్పిస్తాం..  జిల్లాలో నూతన గ్రామ పంచాయతీలు ఏర్పడడంతో..ఇందుకనుగుణంగా రేషన్‌ షాపులు కూడా అవసరమవుతాయి. అయితే జనాభా ఆధారంగా ఎన్ని కావాలనే విషయాలపై కసరత్తు చేస్తున్నాం. ఈ మేరకు తహసీల్దార్లను వివరాలు కోరాం. దీని ఆధారంగా..ఉన్నతాధికారులకు నివేదిక సమర్పిస్తాం. – సంధ్యారాణి, జిల్లా పౌరసరఫరాల అధికారి, ఖమ్మం 

సాక్షి, మహబూబాబాద్‌: జిల్లాలో రేషన్‌బియ్యం దందా దారి మళ్లింది. రేషన్‌ బియ్యం పంపిణీలో పారదర్శకత కోసం మార్చి నెల నుంచి ఈ–పాస్‌ యంత్రాలను వినియోగిస్తున్నారు. అయినా ఈ దందాకు అడ్డుకట్ట పడటంలేదు. గతంలో రేషన్‌షాపుల నుంచే బియ్యాన్ని దారి మళ్లించగా, ఇప్పుడు వ్యాపారులు లబ్ధిదారుల నుంచి కొనుగోలు చేస్తున్నారు. సేకరించిన బియ్యాన్ని రైస్‌మిల్లులకు తరలించి రీసైక్లింగ్‌ చేసి సన్నబియ్యంగా అమ్మకాలు సాగిస్తున్నారు. వాహనాల్లో తరలిస్తుండటంతో రేషన్‌ బియ్యం పోలీసులకు తరుచూ పట్టుబడుతున్నాయి. గ్రామాల్లో సేకరణ గ్రామాల్లో కొందరు లబ్ధిదారులు దొడ్డుగా ఉన్న రేషన్‌ బియ్యం తినలేక చిన్న వ్యాపారులకు కిలోకు రూ.6 నుంచి రూ.10 చొప్పున అమ్ముకుంటున్నారు. వారు ఆయా ప్రాంతాల్లో బియ్యం దందా చేసే పెద్ద వ్యాపారులకు విక్రయిస్తున్నారు. వారు అక్కడి నుంచి రైలు, రోడ్డు మార్గంలో మహారాష్ట్ర, హైదరాబాద్‌ పరిసరాల్లోని కోళ్లఫారాలకు తరలిస్తున్నారు. అక్కడ మిల్లర్లకు కిలోకు రూ.22కు విక్రయిస్తున్నారు. అంటే దళారులు కిలోకు రూ.16 నుంచి రూ.12 వరకు లాభం పొందుతున్నారు. అయితే గ్రామాల్లో నుంచి మిలర్ల వద్దకు తరలించేందుకు వ్యాపారులు కొత్త మార్గాలనే అనుసరిస్తున్నారు. ఈ దందాలో రోజువారీ కూలీల నుంచి బడా వ్యాపారుల వరకు ఉన్నారు. రెండు మూడు క్వింటాళ్లు సేకరించి బస్సులు, రైళ్లు, ఇతర వాహనాల్లో తరలిస్తున్నారు. రేషన్‌ బియ్యం అనేది గుర్తుపట్టకుండా బ్రాండెడ్‌ బ్యాగుల్లో నింపి రవాణా చేస్తున్నారు. లాభసాటి వ్యాపారం రేషన్‌ బియ్యాన్ని రీసైక్లింగ్‌ చేసి అమ్మడం అక్రమార్కులకు లాభసాటి వ్యాపారంగా మారింది. దొడ్డిదారిన కొనుగోలు చేసిన రేషన్‌ బియ్యాన్ని ఆగమేఘాల మీద ప్రభుత్వ సంచుల్లోకి మార్చేస్తున్నారు. తద్వారా మిల్లులో రికార్డులను తారుమారు చేస్తున్నారు. లబ్ధిదారుల నుంచి సేకరించిన బియ్యాన్ని మిల్లర్లు తిరిగి ప్రభుత్వానికే అమ్ముతున్నారు. ఒక్కప్పుడు 30శాతం మాత్రమే ఉన్న రీసైక్లింగ్‌ వ్యాపారులు నేడు రెట్టింపైనట్లు తెలుస్తోంది. అధికారుల మధ్య సమన్వయలోపం రేషన్‌ బియ్యం అక్రమ తరలింపును అడ్డుకోవాల్సిన రైల్వే, పౌరసరఫరాల అధికారులు, పోలీసుశాఖల మధ్య సమన్వయం లేకపోవడం అక్రమార్కులకు కలిసివస్తోంది. ఈ మూడు శాఖల మధ్య సమన్వయం ఉంటే అక్రమ రవాణాపై ఉక్కుపాదం మోపవచ్చు. దాడులు ఉధృతం చేస్తున్నాం.. పీడీఎస్‌ బియ్యం అక్రమంగా తరలిస్తే క్రిమినల్‌ కేసులు నమో దు చేస్తున్నాం. జిల్లాలో ఎక్కడైనా రేషన్‌ బియ్యం అక్రమ రవా ణా చేస్తే ఎన్‌ఫోర్స్‌మెంట్‌ వారితో దాడులు చేయిస్తున్నాం. వీరికి అదనంగా గ్రామ స్థాయి నుంచి నుంచి డివిజన్‌ స్థాయి వరకు టీంలు ఏర్పాటు చేసి రేషన్‌ అక్రమ తరలింపు అరికడతాం. – నర్సింగరావు, జిల్లా పౌరసరఫరాల అధికారి  

లక్కవరపుకోట(శృంగవరపుకోట) : రేషన్‌ డిపోల ద్వారా త్వరలో మహిళలకోసం శానిటరీ నేప్‌కిన్స్‌ అమ్మకాలు చేపట్టనున్నామనీ... ఇందుకోసం రూ. 120కోట్లు కేటాయిస్తున్నామని రాష్ట్ర ముఖ్యమంత్రి చంద్రబాబునాయుడు వెల్లడించారు. నవనిర్మాణ దీక్షలో భాగంగా లక్కవరపుకోట మండలం జమ్మాదేవిపేట గ్రామంలో సోమవారం గ్రామదర్శిని చేపట్టారు. ఈ సందర్భంగా ఆయన వీధుల్లో పర్యటించి పింఛన్, రేషన్‌ సక్రమంగా అందుతున్నదీ లేనిదీ అడిగితెలుసుకున్నారు. తూనికల్లో తేడాలుంటున్నాయా అని లబ్ధిదారులను అడిగి తెలుసుకున్నారు. అనంతరం గ్రామంలో రావి, వేప మొక్కలను నాటారు. అనంతరం అధికారులు ప్రత్యేకంగా ఏర్పాటు చేసిన రచ్చబండపై నిర్వహించిన గ్రామసభలో మాట్లాడుతూ రేషన్‌ షాపుల ద్వారా త్వరలో ఆడవారికి సంబంధించిన నేప్‌కిన్స్‌ అందజేస్తాం అమ్మకాలు చేస్తావా అంటూ డీలర్‌ను ప్రశ్నించారు. చంద్రన్నబీమా, సాధికార మిత్ర, ఉపాధిహామీ పథకాల వివరాలపై చర్ఛించారు. సాధికార మిత్రలు ప్రభుత్వ పథకాలపై గ్రామంలో మరింతగా ప్రచారం చేయాలని సూచించారు.  జమ్మాదేవిపేటకు వరాలు గ్రామంలో గల రామాలయం పునర్నిర్మాణానికి రూ. 50లక్షలు, కల్యాణ మండపానికి రూ. 50లక్షలు, దళిత వాడలో అంబేడ్కర్‌ భవనానికి రూ. 15లక్షలు, బీసీ కాలనీలో సామాజిక భవనానికి రూ. 10లక్షలు, నంది కళ్లాలవద్ద సామాజిక భవనం నిర్మాణానికి రూ. 10లక్షలు, రంగాపురం–జమ్మాదేవిపేట గ్రామాల అనుసంధానానికి బీటీ రోడ్డు, ఇంటింటికి తాగునీటి కుళాయిలు మంజూరు చేస్తున్నట్లు ప్రకటించారు. దళిత సర్పంచ్‌పై చిన్నచూపు కాగా ముఖ్యమంత్రి కార్యక్రమం మొత్తం వైస్‌ సర్పంచ్‌ కొట్యాడ ఈశ్వరరావు అధ్యక్షతనే నిర్వహించారు. వాస్తవానికి దళిత కులానికి చెందిన మెయ్యి కన్నయ్య సర్పంచ్‌ అయినా ఆయన్ను సీఎం పట్టించుకోలేదు. గ్రామ సభలోకి కూడా ఆహ్వానించలేదు. ఇక సీఎం గ్రామ సందర్శనలో అన్ని వీధుల్లోనూ పర్యటించి చివరిలో దళిత వాడలో మాత్రం పర్యటించలేదు. దీనిపై విమర్శలు వ్యక్తమయ్యాయి. కార్యక్రమంలో జిల్లా కలెక్టర్‌ హరి జవహర్‌లాల్, జిల్లా పరిషత్‌ చైర్‌పర్సన్‌ శోభ స్వాతిరాణి, ఎమ్మెల్యే కోళ్ల లలితకుమారి, విజయనగరం ఎంపీ ఆశోక్‌గజపతిరాజు, మాజీ ఎమ్మెల్యే శోభా హైమావతి తదితరులు పాల్గొన్నారు.  

సాక్షి, హైదరాబాద్‌: రేషన్‌ దుకాణాల్లో వినియోగదారులకు అందుతున్న సేవలపై సామాజిక తనిఖీ చేసేలా తాజా మార్గదర్శకాలు జారీచేస్తూ పౌరసరఫరాలశాఖ కమిషనర్‌ అకున్‌ సబర్వాల్‌ మంగళవారం ఉత్తర్వులు జారీచేశారు. ప్రతీ ఆరు నెలలకోసారి గ్రామసభ పెట్టి రేషన్‌ దుకాణాల రికార్డులు, సరుకుల పంపిణీ తదితర అంశాలపై సామాజిక తనిఖీలు చేయాలని అధికారులను ఆదేశించారు. తాజా మార్గదర్శకాల ప్రకారం..అర్బన్‌ ఏరియాలో గత ఆరు నెలల డాక్యుమెంట్లను సభల్లో ప్రవేశపెట్టాలి. గ్రామసభ ఎక్కడ పెట్టేది, ఏ తేదీన నిర్వహించేది తదితర వివరాలను వీఆర్వో విజిలెన్స్‌ కమిటీకి తెలియపరచాలి. ఆ గ్రామంతో పాటు, శివారు గ్రామ వినియోగదారులకూ తనిఖీ విషయం తెలిసేలా ప్రచారం చేయాలి. ఉదయం 8–10 మధ్య లేదా సాయంత్రం 4–6 గంటల మధ్య సామాజిక తనిఖీ జరిగేలా చూడాలి

కలువాయి మండలం రాజుపాళెం చౌక    దుకాణం ఓ మహిళ పేరుతో నిర్వహిస్తున్నారు. ఆమెకు వివాహమై సుమారు 7 సంవత్సరాలు గడిచింది. ఆమె నెల్లూరులో ఓ సంస్థలో ఉద్యోగం చేస్తోంది. రాజుపాళెంలోని చౌకదుకాణాన్ని ఆమె తండ్రి నిర్వహిస్తున్నాడు. నెల్లూరు నగరంలోని మూలాపేట, వెంకటేశ్వరపురం, కావలి, గూడూరు, నాయుడుపేట, ఆత్మకూరు, ఉదయగిరి, వెంకటగిరి తదితర మండలాల్లో ఇలా బినామీలు రేషన్‌షాపులు నిర్వహిస్తుండడం కారణంగా ప్రజాపంపిణీ వ్యవస్థలో అక్రమాలు చోటుచేసుకుంటున్నాయి.   నెల్లూరు(పొగతోట): చౌకదుకాణాల్లో ఏళ్ల తరబడి బినామీల బాగోతం నడుస్తోంది. రేషన్‌షాపు డీలర్‌ పక్క జిల్లాలో ఉన్నా బినామీ డీలర్‌ మాత్రం చౌకదుకాణాలను సంవత్సరాల తరబడి నిర్వహిస్తున్నారు. దీంతో ప్రజాపంపిణీ వ్యవస్థ ఈ–పాస్‌ విధానంలో అక్రమాలు చోటుచేసుకుంటున్నాయి. పేద ప్రజలకు అందాల్సిన బియ్యం పక్కదారి పడుతున్నాయి. జిల్లాలో చాలా మంది డీలర్ల ఆధ్వర్యంలో మూడు నుంచి నాలుగు చౌకదుకాణాలు ఉన్నాయి. మూలాపేటకు చెందిన రెండు చౌకదుకాణాలకు సంబంధించిన డీలర్లు పక్క జిల్లాలో నివాసం ఉంటూ వ్యాపారం చేసుకుంటున్నారు. రేషన్‌షాపును మరొకరికి అద్దెకు ఇచ్చి రెండు వైపులా సంపాదిస్తున్నారు. ఈ విధంగా జిల్లాలో 300లకు పైగా చౌకదుకాణాలు బినామీలు నిర్వహిస్తున్నట్లు సమాచారం. అనేక ప్రాంతాల్లో మహిళల పేర్లతో రేషన్‌ షాపులు ఉన్నాయి. వాటి నిర్వహణ మాత్రం బినామీలు చేస్తున్నారు. వివాహమై దూర ప్రాంతాలకు వెళ్లిన వారు షాపులు వదులుకోకుండా బినామీల ఆధ్వరంలో నిర్వహిస్తున్నారు. మరణించినా కొనసాగుతున్న వైనం పలువురు డీలర్లు మరణించినా ఆ షాపులు కొనసాగుతున్నాయి. మరణించిన వారిలో అతి తక్కువ మందికి మాత్రమే వారి కుటుంబ సభ్యులకు కేటాయించారు. అధిక శాతం రేషన్‌ షాపులు బినామీల చేతుల్లో ఉన్నాయి. గ్రామీణ ప్రాంతాల్లోని బినామీ డీలర్లు రేషన్‌ షాపునకు బోర్డులు కుడా ఏర్పాటు చేయకుండా వారి ఇళ్లలోనే నిర్వహిస్తున్నారు. గత 10 సంవత్సరాల్లో బినామీ డీలర్లు రూ.కోట్లు సంపాదించారు. జిల్లాలో 1896 చౌకదుకాణాలు ఉన్నాయి. 8.76 లక్షల రేషన్‌ కార్డులు ఉన్నాయి. ప్రతి నెలా 14 వేల మెట్రిక్‌ టన్నుల బియ్యం చౌకదుకాణాల ద్వారా సరఫరా చేస్తున్నారు. చౌకదుకాణాల డీలర్లు ప్రతి నెలా డీడీ తీసి కార్యాలయంలో అందజేయాల్సిఉంది. డీడీలు చెల్లించిన చౌకదుకాణాలకు ఎంఎల్‌ఎస్‌ పాయింట్ల నుంచి రేషన్‌ సరఫరా చేస్తారు. గత నెలలో ఉన్న నిల్వలను పరిశీలించి రేషన్‌ సరఫరా చేస్తారు. ఈ–పాస్‌ విధానం ప్రవేశ పెట్టక ముందు డీలర్లు 100, 95 శాతం పంపిణీ చేసినట్లు రికార్డులు చూపించేవారు. 50 నుంచి 60 శాతం మాత్రమే కార్డుదారులకు పంపిణీ చేసేవారు. మిగిలిన దానిని దొడ్డిదారిన పక్క రాష్ట్రాలకు తరలించే వారు. కొంతమంది డీలర్లు జిల్లాలో రైస్‌ మిల్లర్లకు విక్రయించేవారని సమాచారం. బియ్యం, చక్కర, కిరోసిన్‌ ద్వారా డీలర్లు లక్షల రూపాయలు వెనుకవేసుకునేవారు. అక్రమమార్గంలో సంపాదించిన దానిలో అసలు డీలర్లకు అద్దెతోపాటు 10 శాతం వాటా ఇచ్చేవారని తెలుస్తోంది. కొత్తదారులు వెదకి.. ఈ–పాస్‌ విధానం వచ్చిన తరువాత డీలర్ల చేతులు కొంతవరకు కట్టేశారు. డీలర్లు నూతన మార్గాలు అన్వేషించారు. బినామీలు నిర్వహించే రేషన్‌ షాపులకు బోగస్‌ ఏఏవై(అంత్యోదయ అన్న యోజన) కార్డులు సృష్టించారు. ప్రస్తుతం ఏఏవై కార్డుల ద్వారా బియ్యం స్వాహా చేస్తున్నారు. ఏఏవై కార్డుకు 35 కేజీలు బియ్యం పంపిణీ చేస్తారు. 100 బోగస్‌ ఏఏవై కార్డులు ఉన్న చౌకదుకాణం డీలర్‌ 3500 కిలోల బియ్యం(70 బస్తాలు) స్వాహా చేస్తున్నారు. 150 ఏఏవై కా>ర్డులు ఉన్న రేషన్‌ డీలర్లు 105 బస్తాల బియ్యం స్వాహా చేస్తున్నారు. ప్రస్తుతం జిల్లాలో ఎలక్ట్రానికల్‌ నో యువర్‌ కస్టమర్‌(ఈకేవైసీ) కార్యక్రమం జరుగుతోంది. ఈకేవైసీ ద్వారా చౌకదుకాణాల డీలర్ల పూర్తి సమాచారం ఆన్‌లైన్‌లో పొందుపరుస్తున్నారు. ఇప్పటి వరకు 17 మండలాల్లో మాత్రమే ఈకేవైసీ ప్రక్రియ ప్రారంభమైంది. మిగిలిన 29 మండలాల్లో ఈకేవైసీ ప్రక్రియ ప్రారంభం కాలేదు. మరణించిన రేషన్‌ షాపుల డీలర్ల సమాచారం వచ్చే అవకాశం లేదు. ఇతర జిల్లాల్లో నివసించే వారు, వివాహం అయిన మహిళల షాపులకు సంబంధించిన సమాచారం పూర్తిగా ఆన్‌లైన్‌లో నమోదు అయ్యే అవకాశం ఉంది. క్షేత్రస్థాయిలో పూర్తిగా విచారణ చేపడితే బినామీల రేషన్‌ డీలర్ల బండారం బయటపడే అవకాశం ఉంది. డీలర్ల సమాచారం సేకరిస్తున్నాం చౌకదుకాణాల డీలర్లకు సంబంధించిన సమాచారం సేకరిస్తున్నాం. ఈకేవైసీ ద్వారా డీలర్ల సమాచారం సేకరించి ఆన్‌లైన్‌లో పొందుపరుస్తాం. సమాచారం సేకరించే సమయంలో బినామీలు ఉంటే బయపడే అవకాశం ఉంది. అలాంటి షాపులకు సంబంధించిన వివరాలు ఉన్నతాధికారుల దృష్టికి తీసుకెళతాం. అధికారుల అనుమతితో నోటిషికేషన్‌ ద్వారా షాపులను నూతన డీలర్లకు కేటాయిస్తాం. – శివప్రసాధ్, డీఎస్‌ఓ

మార్కాపురం : పశ్చిమ ప్రకాశంలోని 12 మండలాల్లో ఉన్న రేషన్‌ దుకాణాల్లో బినామీ డీలర్లు హవా కొనసాగిస్తున్నారు. రాష్ట్రంలో టీడీపీ అధికారంలో ఉండటంతో వైఎస్సార్‌ సీపీకి అనుకూలంగా ఉన్న డీలర్లపై ప్రథకం ప్రకారం వేటు వేస్తూ వచ్చారు. అధికార పార్టీ నేతలు అధికారులపై ఒత్తిడి తెచ్చి ప్రతిపక్ష పార్టీ మద్దతు డీలర్లు రాజీనామా బాట పట్టేలా చేశారు. డివిజన్‌లో మొత్తం 438 రేషన్‌ దుకాణాలు ఉండగా 1, 81, 232 రేషన్‌కార్డులు ఉన్నాయి. టీడీపీ నేతలు, అధికారుల ఒత్తిడి తట్టుకోలేక మొత్తం ఇప్పటి వరకు 70 మంది డీలర్లు రాజీనామా చేశారు. వీటిని భర్తీ చేయాల్సిన అ«ధికారులు కాలక్షేపం చేస్తూ పొదుపు సంఘాల పేరుతో టీడీపీ నేతలకు షాపులు కట్టబెడుతున్నారు. వారు ఆడిందే ఆట..పాడిందే పాటలాగా.. రేషన్‌ ఇస్తేనే కార్డుదారులు నిత్యవసరాలు తీసుకోవాల్సిన పరిస్థితి ఏర్పడింది. అధికారుల వేధింపులు ఎదుర్కొన్న వైఎస్సార్‌ సీపీ మద్దతుదారులు సుమారు 25 మంది డీలర్లపై 6ఏ కేసులు నమోదు చేసి టీడీపీ మద్దతుదారులకు రేషన్‌ షాపులు కట్టబెట్టారు. రికార్డుల్లో మాత్రం షాపులు పొదుపు సంఘాల మహిళలు నిర్వహిస్తున్నట్లు చూపుతున్నారు. వాస్తవంగా షాపులు నిర్వహించేది మాత్రం టీడీపీ మద్దతుదారులే కావడం గమనార్హం.   ఇవిగో..అక్రమాలు దోర్నాల మండలం కటకానిపల్లె, కడపరాజుపల్లి, ఐనముక్కల, గంటవారిపల్లె, బోడెనాయక్‌ తండా, దోర్నాల 15, 16, 26 షాపులు, చింతల అగ్రహారం డీలర్లను భర్తీ చేయాల్సి ఉంది. పెద్దారవీడు మండలం ఎస్‌.కొత్తపల్లె, కలనూతల, గొబ్బూరు, బి.చెర్లోపల్లె, దేవరాజుగట్టుల్లో రేషన్‌షాపులు ఖాళీగా ఉన్నాయి. బేస్తవారిపేట మండలం పెంచికలపాడు, బేస్తవారిపేట, కంభం మండలం కందులాపురం, రావిపాడు, ఎర్రబాలెం, తురిమెళ్ల, నర్సిరెడ్డిపల్లె తదితర గ్రామాల్లో షాపులు ఖాళీగా ఉన్నాయి. గిద్దలూరు మండలం ముండ్లపాడు, సూరేపల్లె, సంజీవరావుపేట, కొమరోలు మండలం గుండ్రెడ్డిపల్లె, మార్కాపురంలో మార్కాపురం 21, మిట్టమీదపల్లె, గొట్టిపడియ, తిప్పాయపాలెం, జమ్మనపల్లి, కొండేపల్లి, గజ్జలకొండ 1, 2, బోడపాడు, నాయుడుపల్లె, పెద్దయాచవరం, భూపతిపల్లె 2లో ఖాళీలు ఉన్నాయి. పుల్లలచెరువు మండలం అక్కపాలెం, నాయుడుపాలెంలో 2, సిద్ధినపాలెం, ఐటీవరం, అయ్యవారిపల్లె, సింగుపల్లి, మానేపల్లి, నరజాముల తండాల్లో షాపులు ఖాళీగా ఉన్నాయి. త్రిపురాంతకం మండలం టి.చెర్లోపల్లె, గణపవరం, ఎండూరివారిపాలెం, జి.ఉమ్మడివరం, కంకణాలపల్లె, మిరియంపల్లి, రామసముద్రం, లేళ్లపల్లి, నడిగడ్డ డీలర్‌షిప్‌లు భర్తీ చేయాల్సి ఉంది. యర్రగొండపాలెం మండలం బోయలపల్లి, యర్రగొండపాలెం 5, 21, గోళ్లవీడిపి, సర్వాయపాలెం, గంజివారిపల్లె, గురిజేపల్లి, కొలుకుల, చిన్నబోయలపల్లె, గంగపాలెం, యర్రగొండపాలెం 22, 11 స్థానాల్లో ఖాళీలు ఉన్నాయి. మరికొంత మంది డీలర్లపై అధికారులు 6ఏ కేసులు నమోదు చేయడంతో ఖాళీలు ఏర్పడ్డాయి. వీరి స్థానంలో పొదుపు సంఘాల సభ్యులను ఇన్‌చార్జిలుగా నియమించారు. రాజీనామా చేసిన డీలర్లు 90 శాతం మంది విజిలెన్స్‌ ఎన్‌ఫోర్స్‌మెంట్‌ అధికారుల ఒత్తిళ్లు తట్టుకోలేక డీలర్‌షిప్‌లు వదులుకున్నారు. వీరిని ఎదిరించిన డీలర్లపై రెవెన్యూ అధికారులు 6ఏ కేసులు, మరీ లొంగకుంటే పోలీసు కేసులు కూడా పెట్టారు. బినామీ డీలర్లు కావడంతో అధికారులు గట్టిగా చెప్పలేకపోతున్నారు. వినియోగదారులకు రేషన్‌షాపుల ద్వారా సరఫరా చేసే బియ్యం, చక్కెర సక్రమంగా లభించడం లేదు. మొత్తం మీద పశ్చిమ ప్రకాశంలో బినామీ డీలర్ల హావా కొనసాగుతోంది. రెవెన్యూ, పౌరసరఫరాల శాఖాధికారులు వీటిని భర్తీ చేస్తే ప్రజలకు సక్రమంగా నిత్యావసరాలు అందే అవకాశం ఉంది. ఇటీవల త్రిపురాంతకం మండలంలో కొన్ని ఖాళీలను భర్తీ చేశారు.  

సాక్షి, అమరావతి : రేషన్‌ డీలర్లు 95 శాతం మందికి పైగా రేషన్‌ షాపులను నిర్ణయించిన సమయాల్లో తెరవడం లేదని ప్రభుత్వం గుర్తించింది. షాపుల నిర్వహణ, వాటి సమయ పాలనపై ప్రభుత్వం ఇటీవల సర్వే నిర్వహించింది. రాష్ట్రంలో 28 వేలకుపైగా రేషన్‌ షాపులు ఉంటే వాటిలో దాదాపు 27 వేల షాపులు సరిగా తెరవడం లేదని సర్వేలో తేలింది. ప్రభుత్వం నిర్ణయించిన సమయంలో ఉదయం 8 గంటల నుంచి మధ్యాహ్నం 12 వరకు, తిరిగి సాయంత్రం 4 నుంచి రాత్రి 8 గంటల వరకు తెరిచి ఉంచుతున్నవి 1,177 షాపులు మాత్రమేనని అధికారులు తేల్చారు. మిగిలిన షాపులు ఎలాంటి సమయపాలన పాటించకపోవడంతో లబ్ధిదారులు తీవ్రంగా ఇబ్బందులు పడుతున్నారని, ప్రభుత్వానికి చెడ్డపేరు వస్తోందని అధికార పార్టీకి చెందిన ప్రజాప్రతినిధులు బహిరంగంగానే విమర్శలు చేస్తున్నారు. దీంతో పనివేళలు సరిగా పాటించని డీలర్లపై జరిమానా విధించాలని ప్రభుత్వం ఇటీవల నిర్ణయించింది. ఇందులో భాగంగా రోజంతా షాపు తెరవకపోతే డీలర్‌కు రూ.500 ఫైన్‌ వేసేలా చర్యలు తీసుకోవాలని అన్ని జిల్లాల జాయింట్‌ కలెక్టర్లను పౌరసరఫరాల శాఖ ఆదేశించింది. ప్రతి నెలా 1 నుంచి 15 వరకు లబ్ధిదారులకు సబ్సిడీ సరుకులు పంపిణీ చేయాలని, తప్పనిసరిగా పనివేళలు పాటించాలని రేషన్‌ డీలర్లకు అధికారులు స్పష్టం చేశారు. షాపులను తెరవలేదనే విషయం ఈ–పాస్‌ మిషన్ల ద్వారా తెలుసుకోవచ్చు. దీంతో ఎప్పటికప్పుడు అలాంటి డీలర్లను గుర్తించి వారికిచ్చే కమీషన్‌లో పెనాల్టీ మొత్తాన్ని జమ చేసుకొని మిగిలిన మొత్తాన్ని మాత్రమే ఇస్తామని అధికారులు చెబుతున్నారు.  ప్రజా పంపిణీ వ్యవస్థను భ్రష్టు పట్టిస్తున్నారు ప్రజా పంపిణీ వ్యవస్థను భ్రష్టు పట్టిసున్నారు. రేషన్‌ షాపులకు కేటాయించిన సరుకుల పంపిణీని 5వ తేదీకల్లా పూర్తి చేయాలని అధికారులు ఒత్తిడి చేస్తుండటంతో డీలర్లు కూడా ఆ మేరకు పంపిణీ చేస్తున్నారు. డీలర్‌ పరిధిలోని లబ్ధిదారులందరికీ సరుకులు పంపిణీ చేసిన తర్వాత రేషన్‌ షాపును ఎందుకు తెరవాలి? ఇలాంటి విషయాలు గుర్తించకుండా డీలర్లు షాపులను తెరవలేదని అధికారులు చెప్పడం సరికాదు. డీలర్ల సమస్యలు పరిష్కరించాలని అధికారుల చుట్టూ కాళ్లరిగేలా తిరుగుతున్నా పట్టించుకోకుండా మాపైనే నెపం వేయడం ఎంతవరకు సమంజసం?  – దివి లీలామాధవరావు, రేషన్‌ డీలర్ల సంఘం రాష్ట్ర అధ్యక్షుడు  

వారు ఒంటరివారు..రేషన్‌ డీలర్‌గా బతుకు బండి లాగుతున్నారు. సరుకుల పంపిణీ చేసేందుకు సహాయక   (హెల్పర్‌)ని ప్రభుత్వం నియమించకపోవడంతో కార్డుదారులకు నిత్యావసరాల పంపిణీలో ఆపసోపాలు పడుతున్నారు. నామినీగా భార్యాభర్తలో ఎవరో ఒకరిని పెట్టుకోవచ్చని ప్రభుత్వం ఆదేశించినా వచ్చే అంతంతమాత్రం ఆదాయానికి ఇద్దరు ఒకేచోట ఉండిపోతే పోషణ భారంగా మారుతుందని ఆవేదన వ్యక్తం చేస్తున్నారు.  నామినీ బదులుగా హెల్పర్లను నియమించాలని  వేడుకొంటున్నారు.  ఉయ్యూరులోని  0682020 నంబర్‌  రేషన్‌ దుకాణాన్ని ఒక మహిళా డీలర్‌ నిర్వహిస్తున్నారు. ఆమె ఒంటరిగా జీవిస్తున్నారు. బతుకుతెరువు కోసం రేషన్‌ డీలర్‌ గా ఉన్నారు. జీవిత భాగస్వామి లేకపోవడంతో నామినీని పెట్టుకునే అవకాశం లేకుండా పోయింది. హెల్పర్‌ను నియమించుకునే అవకాశం ఇవ్వమని కోరుతున్నా  స్పందనలేదు. విజయవాడ సర్కిల్‌–2 కార్యాలయ పరిధిలో పి.వెంకటేశ్వరరావు( నంబర్‌ 0684263 ) రేషన్‌ డిపో నిర్వహిస్తున్నారు. ఆయనకు భార్య లేదు. ఒంటరిగా ఉండటంతో ప్రభుత్వం నిబంధనల ప్రకారం నామినీని నియమించుకునే అవకాశం లేదు. తాను ఒక్కడినే దుకాణం నడపుకోలేనని   హెల్పర్‌ కావాలని కోరినా స్పందన శూన్యం. సాక్షి, విజయవాడ :  జీవనోపాధి కోసం రేషన్‌ దుకాణం నడిపే డీలర్ల మెడపై ప్రభుత్వం ఆంక్షల కత్తి పెడుతోంది. దీంతో డీలర్లు నానా ఇబ్బందులు పడుతున్నారు. ప్రభుత్వం తలాతోక లేకుండా తీసుకున్న నిర్ణయాలు కొంతమంది డీలర్లకు శాపంగా మారుతున్నాయి. ముఖ్యంగా ఒంటరిగి జీవిస్తూ, రేషన్‌ దుకాణం నడుపుకునే డీలర్లకు నామినీలు లేకపోవడంతో ఇబ్బందులు పడుతున్నారు. నామినీలకు బదులుగా హెల్పర్లకు అవకాశం ఇవ్వమని డీలర్లు ముక్తకంఠంతో కోరుతున్నా ప్రభుత్వం పట్టించుకోకుండా వారికి చుక్కలు చూపిస్తోంది.   నామినీలను తగ్గించడంతో ఇబ్బందులు  రేషన్‌ దుకాణాన్ని ఒక డీలరే నడుపుకోలేరని గతంలో ఇద్దరు నామినీలను ఇచ్చేవారు. రేషన్‌ డీలర్‌ వేలిముద్రలతో పాటు మరో  ఇద్దరి వేలిముద్రలు ఈపోస్‌ మిషన్‌లో నమోదు చేసే వారు. డీలర్‌ దుకాణంలో లేని సమయంలో మిగిలిన ఇద్దరిలో ఎవరైనా సరుకులు ఇచ్చే అవకాశం ఉండేది. అయితే ఇప్పుడు ఇద్దరు నామినీలను తీసి వేసి కేవలం భార్య లేదా భర్త మాత్రమే నామినీగా ఉండాలని వారే సరుకులు పంపిణీ చేయాలని నిబంధన విధించింది.  భర్త పేరుతో రేషన్‌ దుకాణం ఉంటే భార్య, భార్య పేరుతో ఉంటే భర్త  వేలిముద్రలు మాత్రమే ఈపోస్‌ మిషన్‌ తీసుకునే విధంగా ఏర్పాటు చేశారు. భార్య, భర్త మినహా ఇతరుల వేలిముద్రలు నమోదు చేయడానికి వీలు లేదు. రెండో నామినీని తొలగించారు.  కొండనాలుకకు మందేస్తే... రేషన్‌ దుకాణాలు బినామీల చేతుల్లోకి వెళ్లిపోతున్నాయని విమర్శలు రావడంతో బినామీలను అరికట్టేందుకు అధికారులు ఇద్దరు నామినీలను తొలగించి, జీవిత భాగస్వామిని మాత్రమే నామినీగా ఉంచారు. కొండనాలుకకు  మందేస్తే.. ఉన్ననాలిక ఊడినట్లు ఇప్పుడు ఈ నిబంధన కొంతమంది డీలర్లకు శాపంగా మారింది. జిల్లాలో 2,147 రేషన్‌ దుకాణాలు ఉండగా అందులో 73 దుకాణాల డీలర్లకు జీవిత భాగస్వాములు లేరు. ఇప్పుడు వారికి నామినీని పెట్టుకునే అవకాశం లేకపోయింది. దీంతో డీలర్లు నానా అవస్థలు పడుతున్నారు.  డీలర్లకు కష్టాలు  ప్రస్తుతం రేషన్‌ దుకాణాల్లో బియ్యం తప్ప ఇతర సరుకులు ప్రభుత్వం సరఫరా చేయడం లేదు. దీంతో డీలర్లు కటుంబాలు గడవడం ఇబ్బందిగా మారింది. దీంతో జీవిత భాగస్వాములు కూడా  వేరే పనులు చేసుకుంటున్నారు. ఇప్పుడు వారిని మాత్రమే నామినీగా నియమించడం వల్ల వాళ్లు మరో పనిచేసుకునే వీలులేకుండా పోయింది.  హెల్పర్స్‌ను నియమించాలని మంత్రికి వినతి   చౌకధరల దుకాణదారుల సంఘం రాష్ట్ర నాయకులు  ఇటీవల పౌరసరఫరాల శాఖ మంత్రి పత్తిపాటి పుల్లారావును  కలిసి నామినీకి బదులుగా హెల్పర్స్‌ను నియమించుకునేందుకు అవకాశం కల్పించమని కోరారు. హెల్పర్‌కు వేతనం కాని, కమీషన్‌ కాని ప్రభుత్వం ఇవ్వాలని సూచించారు. ప్రస్తుతం కేవలం రేషన్‌ దుకాణం నిర్వహిస్తే ఆదాయం సరిపోక నామినీలు కూడా వేరొక పనిచేసుకుంటున్నారని వివరించారు. నామినీకి బదులుగా హెల్పర్‌ వేలిముద్రను ఈపోస్‌ మిషన్‌లో తీసుకోవాలని కోరుతున్నారు. అయితే దీనిపట్ల మంత్రి సానుకూలంగా స్పందించలేదని తెలిసింది.  హెల్పర్స్‌ను అనుమతించం కమిషనర్‌ ఉత్తర్వుల ప్రకారం డీలర్లు కోరిన విధంగా హెల్పర్స్‌ని నియమించడం సాధ్యపడదు. అయితే జీవిత భాగస్వామి లేని పక్షంలో డీలర్‌ రేషన్‌కార్డులో ఉన్న వారిలో ఒకరిని నామినీగా నియమిస్తాం.  – డీఎస్‌వో నాగేశ్వరరావు హెల్పర్‌ను నియమించండి నామినీకి బదులుగా హెల్పర్‌ను ఇవ్వమని ఇప్పటికే మంత్రిని కలిసి విన్నవించాం. హెల్పర్‌ను ఇస్తే డీలర్లకు ఉపయుక్తంగా ఉంటుంది. డీలర్ల కుటుంబ సభ్యులు మరో పని చేసుకునే అవకాశం ఉంటుంది.  – కె.కొండ(జేమ్స్‌), రేషన్‌డీలర్స్‌ అసోసియేషన్‌ అధ్యక్షుడు

సాక్షి ప్రతినిధి, కడప : జిల్లాలో 1,739 రేషన్‌ దుకాణాలు ఉన్నాయి. వీటి ద్వారా 7.61 లక్షల మంది  తెల్లకార్డు దారులకు సరుకులు సరఫరా అవుతున్నాయి. 659 దుకా ణాలకు డీలర్లు లేకపోగా.. ఇందులో 271 దుకాణాలకు సంబంధించి కోర్టుల్లో కేసులు పెండింగ్‌లో ఉన్నాయి. కడప రెవెన్యూ డివిజన్‌లో 696 దుకాణాలు ఉన్నాయి. ఇందులో 392 ఖాళీలు. ఇటీవలే 240 దుకాణాలకు సంబంధించి రాత పరీక్షలు నిర్వహించి ఇంటర్వూ్యల ద్వారా డీలర్ల ఎంపిక ప్రక్రియ జరిగింది. ఈ ప్రక్రియలో అవకతవకలు జరిగా యన్న ఆరోపణలు వినిపిస్తున్నాయి. అధికారపార్టీ నేతల ఒత్తిడుల నేపథ్యం లో 40 మంది టీడీపీ నేతల అనుచరులను ఎంపిక చేశారని సమాచారం.  రాజంపేట రెవెన్యూ డివి జన్‌లో 429 రేషన్‌ దుకాణాలు ఉండగా.. ఇందులో 51 ఖాళీలు ఉన్నాయి. 29 దుకాణాలు డీలర్లు కోర్టు మెట్లెక్కారు. ఇక జమ్మలమడుగు డివిజన్‌లో 614 రేషన్‌ దుకాణాలకు గానూ 216 ఖాళీలు ఉన్నాయి. 111 దుకాణాలపై కోర్టు కేసులు నడుస్తున్నాయి.  అక్రమాలకు బాధ్యులెవరు! నిత్యావసర సరకుల పంపిణీలో అక్రమాలు జరిగితే బాధ్యులెవరనేదానికి స్పష్టమైన సమాధానం లభించడం లేదు. దుకాణం గతంలో కేటాయించిన వ్యక్తుల పేరుతోనే ఉంటున్నందున తప్పులు గుర్తిస్తే అతనిపైనే కేసు నమోదు చేయాలి. దుకాణం నిర్వహించకుండా వదిలేసుకున్న వ్యక్తిపై కేసు నమోదు చేస్తే అధికారులు స్థానికంగా ఇబ్బందికర పరిస్థితులను ఎదుర్కోవాల్సి వస్తుంది. క్షేత్రస్థాయిలో జరుగుతున్న పరిణామాలను గుర్తించిన అధికారులు దుకాణాల తనిఖీలు చేయడం లేదు. తనిఖీలు చేస్తే 6ఏ కేసులు నమోదు చేసేందుకు కలిగే ఇబ్బందుల నేపథ్యంలో అధికారులు వెనకడుగు వేస్తున్నారు. ఈ నేపథ్యంలో ఇటీవల 6ఏ కేసుల నమోదు సంఖ్య గణనీయంగా తగ్గడానికి కారణంగా చెబుతున్నారు.  కన్నెత్తి చూస్తే ఒట్టు..  ఆర్‌ఐ, ఉప తహసీల్దార్, తహసీల్దార్‌ రేషను దుకాణాలను తనిఖీ చేసే అధికారం ఉంది. గతంలో ఉన్నతాధికారులు సమీక్ష సమావేశాల్లో  తనిఖీల గురించి వివరాలు అడిగే వారు. ఇటీవల కాలంలో ఉన్నతాధికారులు నుంచి ఒత్తిడులు   లేకపోవడంతో మండలస్థాయి అధికారులు కూడా తనిఖీలను గాలికొదిలేశారు.  ఇళ్లకు రికార్డులు తెప్పించుకొని..  రేషన్‌ దుకాణాల పర్యవేక్షణ బాధ్యత ఆహార తనిఖీ అధికారులపై ఉంది. ఫిర్యాదులు అందినప్పుడో లేక ఒత్తిడులు వచ్చినప్పుడో మినహాయించి ఎఫ్‌ఐలు సైతం దుకాణాల తనిఖీల ఊసెత్తడం లేదు. కొందరు ఆహార తనిఖీ అధికారులైతే దుకాణాలకు సంబంధించిన రికార్డులను తమ ఇళ్లకు తెప్పించుకొని పరిశీలిస్తున్నట్లు విశ్వసనీయ సమాచారం.  ఎన్‌ఫోర్స్‌మెంట్‌ డీటీల తనిఖీల జాడేది..  నాలుగైదు మండలాలకు ఒకరు చొప్పున ఎన్‌ఫోర్స్‌మెంట్‌ డీటీలను నియమించారు. ప్రతి నెలా చౌక దుకా ణాలను తనిఖీలు చేయాలి. నిబంధనల ప్రకారం దుకాణాలు నిర్వహించకున్నా, పంపిణీలో తేడాలున్నా సంబంధిత డీలర్లపై 6ఏ కేసులు నమోదు చేసి సంయుక్త కలెక్టర్‌కు నివేదించాలి. పౌర సరఫరాల శాఖ అధికారులు రేషను దుకాణాలను ఎప్పుడైనా తనిఖీ చేయవచ్చు. జిల్లాస్థాయి బృందాలు తనిఖీలు చేస్తున్న దాఖలాలు కనిపించడం లేదు. అధికారపార్టీ నేతల కనుసన్నల్లో..  తెలుగుదేశం పార్టీ అధికారంలోకి వచ్చిన వెంటనే జిల్లాలో టీడీపీ నేతలు రేషన్‌దుకాణాలపై కన్నేశారు. కొత్తగా డీలర్ల నియామకంలో స్వయం సహాయక సంఘాలకు ప్రాధాన్యం ఇవ్వాలని ప్రభుత్వం నిర్ణయించింది. అయితే ఈ నిబంధనలు అధికారపార్టీ నేతలు గాలికొదిలేశారు. నయానో భయానో ఎంతో కాలం నుంచి షాపులను నిర్వహిస్తున్న డీలర్లు బెదిరించి వాటిని తమ బినామీల ద్వారా నిర్వహిస్తున్నారు.  ప్రస్తుతం దుకాణాలు నిర్వహిస్తున్న వారిలో 40–45 శాతం బినామీలే ఉండటం గమనార్హం. గతంలో డీలర్లుగా పనిచేస్తున్న వారి పేరునే కొనసాగిస్తున్నా.. నిర్వహణ మాత్రం కొత్తవారు చేస్తున్నారు. దుకాణాల నిర్వహణకు సంబంధించి డీడీలు తీయడం, అధికారుల నుంచి అనుమతులు తీసుకోవడం వంటి పనుల్లో బినామీల హవా కొనసాగుతోందన్నది బహిరంగ సత్యం.  పక్కదారి పడుతున్నా..  జిల్లా నుంచి రేషను బియ్యం ఇతర జిల్లాలకు భారీ ఎత్తున తరలుతున్నాయనేది జగమెరిగిన సత్యం. ప్రజలకు, విజిలెన్స్‌ అండ్‌ ఎన్‌ఫోర్స్‌మెంట్‌ అధికారులకు పట్టుబడుతున్న బియ్యంతో వెళుతున్న వాహనాలే ఇందుకు నిదర్శనం. ప్రతినెలా వందల టన్నుల బియ్యం పక్కదారి పడుతున్నా నిలువరించేందుకు పటిష్ట చర్యలు కరువయ్యాయి. కొన్ని చోట్ల పౌరసరఫరాల గోదాములు, మరికొన్ని చోట్ల డీలర్లే పెద్ద ఎత్తున పక్కదారి పట్టిస్తున్నారనే విమర్శలు వినిపిస్తున్నాయి. ఈపాస్‌ విధానం అమలు చేయడంతో అక్రమాలకు అలవాటుపడిన వ్యక్తులు కొత్త విధానం అమలు చేస్తున్నారు. కార్డుదారులతో వేలిముద్రలు తీసుకొని వారికి కొంత ముట్టజెప్పి బియ్యం డీలర్లే తీసుకుంటున్నారు. వీటిని అక్రమ వ్యాపారులకు విక్రయిస్తున్నారు.

ఆదాయం మూరెడు.. ఖర్చు బారెడు చందంగా మారింది నేడు నిరుపేదల పరిస్థితి. దీంతో వారు నిత్యావసర వస్తువులు సైతం కొనుగొలు చేయలేకపోతున్నారు. ఈ దశలో ప్రభుత్వం చౌకదుకాణాల్లో తెల్ల రేషన్‌ కార్డులున్న వారందరికీ మార్చి నుంచి కిలో కంది పప్పు ఇస్తామని ప్రకటించింది. కొంత ఊరట లభిస్తుందిలే అని కార్డుదారులు ఆశ పడ్డారు. తీరా రేషన్‌ షాపుకెళితే కంది రాలేదన్నారు. ఫలితంగా కూర లేక నిరుపేదలు ఇక్కట్లు పడుతున్నారు. చిత్తూరుకలెక్టరేట్‌: తెల్లరేషన్‌ కార్డుదారులందరికీ బియ్యంతోపాటు మార్చి నుంచి కందిపప్పు అందిస్తామని ప్రభుత్వం చెబుతున్న మాటలు ప్రకటనలకే పరిమితమయ్యాయి. మార్చి నుంచి అందించాల్సిన కందిపప్పు కానరాలేదు. అలాగే గతంలో అమలు చేసిన రాగుల పంపిణీ పథకం రెండు నెలలకే అటకెక్కింది. ప్రజలు మాత్రం ఈ నెల నుంచి రాగులుతో పాటు కందిపప్పు కూడా అందుతుందని భావించారు. తీరా చౌకదుకాణానికి వెళితే ఆ ఊసే లేదు. జిల్లాలో మొత్తం 11, 07,911 కుటుంబాలకు తెల్లరేషన్‌ కార్డులున్నాయి. అందులో అంత్యోదయ కార్డులు 86,811, అన్నపూర్ణ కార్డులు 926 ఉన్నాయి. వీరికి గత ప్రభుత్వ హయాంలో బియ్యంతోపాటు చక్కెర, కిరోసిన్, గోధుమలు, కందిపప్పు తదితరాల నిత్యావసర వస్తువుల పంపిణీ జరిగేది. అయితే ప్రస్తుత ప్రభుత్వ హయాంలో నాలుగేళ్లుగా చౌకదుకాణాల ద్వారా ఇచ్చే నిత్యావసర సరుకులకు మంగళం పాడుతూ వచ్చింది. దీంతో ఆఖరుకు కేవలం బియ్యం మాత్రమే పంపిణీ చేశారు. అయితే రెండు నెలలుగా బియ్యంతోపాటు ప్రతి కార్డు దారునికి రెండు కిలోల రాగులు అందించేలా ప్రభుత్వం చర్యలు తీసుకుంది. రాగులు తీసుకున్న కార్డు దారులకు కేటాయించిన బియ్యంలో కోత విధించింది. ఈ విధానంతో రెండు నెలలు మాత్రం లబ్ధిదారులకు రాగులను పంపిణీ చేసింది. దీంతోపాటు మార్చి నెల నుంచి కందిపప్పు కూడా అందిస్తామని ప్రభుత్వం ప్రకటించింది. కిలో కందిపప్పు రూ.40 చొప్పున, ఒక్కొ కార్డుకు ఒక కిలో చొప్పున అందించనున్నట్లు ప్రకటించింది. ఇందుకోసం జిల్లాకు మొత్తం 1,100 టన్నుల కందిపప్పును కూడా ఆయా చౌకదుకాణాలకు అందించినట్లు తెలియజేసింది. వచ్చే నెల నుంచి అందిస్తాం కందిపప్పు, రాగులు ఏప్రిల్‌ నుంచి అందించేలా చర్యలు తీసుకుంటున్నాం. రాగులు స్టాక్‌ రానందున అందించలేకపోయాం. కందిపప్పు కూడా ఫిబ్రవరి 28వ తేదీ స్టాక్‌ వచ్చినందున ఏప్రిల్‌ నుంచి పంపిణీ చేస్తాం. కందిపప్పు 1,100 టన్నులు, రాగులు 500 టన్నుల మేరకు అందించేలా చర్యలు చేపడుతున్నాం. – జయరాములు, జీఎం, జిల్లా పౌరసరఫరాల శాఖ

సాక్షి, హైదరాబాద్‌: ఆధునిక సాంకేతిక పరిజ్ఞానాన్ని వీలైనంత వరకు ఉపయోగించుకుని పారదర్శకత, జవాబుదారీతనం, సత్వర ఫలితాలే లక్ష్యంగా పౌరసరఫరాల శాఖలో చేపట్టిన సంస్కరణలు మంచి ఫలితాలను ఇస్తున్నాయని ఆ శాఖ కమిషనర్‌ సీవీ ఆనంద్‌ అన్నారు. సాంకేతికత ప్రజలకు మెరుగైన సేవలు అందించడమే కాకుండా, రేషన్‌ సరుకుల పంపిణీలో అక్రమాలకు అడ్డుకట్ట వేస్తూ ప్రజాపంపిణీ వ్యవస్థను ప్రజలకు మరింత చేరువ చేసిందన్నారు. హైదరాబాద్‌లో జరుగుతున్న 21వ జాతీయ ఈ–గవర్నెన్స్‌ సదస్సులో మంగళవారం, సాంకేతిక పరిజ్ఞానంతో తెలంగాణ ప్రభుత్వం ప్రజాపంపిణీ వ్యవస్థ బలోపేతానికి తీసుకుంటున్న చర్యలను, సంస్కరణలను పవర్‌ పాయింట్‌ ప్రజంటేషన్‌ ద్వారా కమిషనర్‌ వివరించారు. జాతీయ ఆహార భద్రత కార్డుదారులకు కేంద్రం ఒక్కో వ్యక్తికి నెలకు కిలో మూడు రూపాయలకు ఐదు కిలోల చొప్పున బియ్యాన్ని సరఫరా చేస్తుండగా, రాష్ట్ర ప్రభుత్వం కుటుంబంలో అర్హులైన ప్రతి ఒక్కరికి ఆరు కిలోల చొప్పున కిలో ఒక్క రూపాయికే సరఫరా చేస్తుందన్నారు. దీనిద్వారా రాష్ట్రవ్యాప్తంగా 2.75 కోట్ల మంది లబ్ధిపొందుతున్నారన్నారు. రేషన్‌ షాపుల ద్వారా పంపిణీ చేసే నిత్యావసర సరుకులు పక్క దారి పట్టకుండా అర్హులకు అందేలా సరఫరా నుండి పంపిణీ వరకు కంప్యూటరీకరణ, రేషన్‌ దుకాణాల్లో ఈ–పాస్‌ మెషీన్లు, ఎలక్ట్రానిక్‌ తూకాలు, సరుకుల రవాణా వాహనాలకు జీపీఎస్, గోదాముల్లో సీసీ కెమెరాలు ఏర్పాటు చేశామన్నారు. 

సాక్షిప్రతినిధి, కరీంనగర్‌ : రేషన్‌ బియ్యం రీసైక్లింగ్‌ దందాపై ఉక్కుపాదం మోపేందుకు పౌరసరఫరాల శాఖ మరింత సీరియస్‌గా వ్యవహరిస్తోంది. అక్రమ వ్యాపారం చేస్తున్న రైసుమిల్లర్లపై పీడీ అస్త్రాన్ని ప్రయోగించేందుకు రంగం సిద్ధం చేస్తోంది. ఉమ్మడి కరీంనగర్‌ జిల్లాలో ఇప్పటికే స్పెషల్‌ టాస్క్‌ఫోర్స్‌ బృందం నెలరోజులుగా తనిఖీలు చేస్తోంది. ఉత్తర తెలంగాణ జిల్లాల నుంచి రేషన్‌ బియ్యం సేకరించి రీసైక్లింగ్‌ చేసి ఇతర రాష్ట్రాలకు తరలిస్తున్న కీలక సూత్రధారి, జగిత్యాల హనుమాన్‌ సాయి ట్రేడర్స్‌ యజమాని కొండా లక్ష్మణ్‌ (45)పై మూడురోజుల క్రితం పీడీ కేసు నమోదు చేశారు. పౌరసరఫరాల శాఖ కమిషనర్‌ సీవీ ఆనంద్‌ వేసిన ప్రత్యేక బృందాల తనిఖీ నివేదికల ఆధారంగానే  ఈ కేసును నమోదు చేశారు. కరీంనగర్, రాజన్న సిరిసిల్ల, పెద్దపల్లి జిల్లాల్లోనూ కస్టమ్‌ మిల్లింగ్‌ బియ్యం (సీఎంఆర్‌)లో అక్రమాలు, రేషన్‌ బియ్యం రీసైక్లింగ్‌పై టాస్క్‌ఫోర్స్‌ బృందాలు ఇంకా తనిఖీలు నిర్వహిస్తుండటంతో అక్రమ వ్యాపారుల్లో ఆందోళన వ్యక్తమవుతోంది. రేషన్‌ బియ్యం రీసైక్లింగ్‌ దందా, స్పెషల్‌ టాస్క్‌ఫోర్స్‌ కమిటీ నివేదికలపై గురువారం పౌరసరఫరాల శాఖ కమిషనర్‌ సీవీ ఆనంద్‌ సమావేశం ఏర్పాటు చేయడం చర్చనీయాంశంగా మారింది.  ఆగని ‘టాస్క్‌ఫోర్స్‌’ తనిఖీలు.. బయడపడుతున్న అక్రమాలు నిరుపేదల సంక్షేమం కోసం తెలంగాణ ప్రభుత్వం సబ్సిడీపై రేషన్‌షాపుల ద్వారా రూపాయికే కిలో చొప్పున పంపిణీ చేస్తున్న బియ్యం అక్రమార్కులకు వరంగా మారాయి. ఉమ్మడి జిల్లా పరిధిలోని కరీంనగర్, రాజన్న సిరిసిల్ల, జగిత్యాల, పెద్దపల్లిలో ఈ దందా నిర్విరామంగా కొనసాగుతోందన్న సమాచారంతో టాస్క్‌ఫోర్స్‌ బృందాలు తనిఖీలు చేస్తున్నాయి. దీంతో కొంతమంది రైసుమిల్లర్లు అవే బియ్యాన్ని తిరిగి పౌరసరఫరాల శాఖకే అమ్మిన సంఘటనలు వెలుగుచూస్తున్నాయి. రాజన్న సిరిసిల్ల జిల్లాలో నాణ్యత లేని సన్నబియ్యాన్ని ప్రభుత్వానికి సరఫరా చేస్తున్నారన్న విషయం ఇటీవలే వెలుగులోకి వచ్చింది. ప్రభుత్వ నిబంధనల పరకారం 10 శాతానికి మించి బ్రోకెన్‌ (నూక) రైస్‌ ఉండకూడదు. కానీ ఇక్కడ 35 శాతం వరకు ఉన్నట్లు తనిఖీల్లో తేలింది. ఒక్కో ఏసీకే (లారీ)లో 400 నుంచి 500 బస్తాలు పంపించే మిల్లర్లు, అందులో సగం వరకు రీసైక్లింగ్‌ బియ్యం కలిపినట్లు వెల్లడైంది. ఏసీకే నంబర్లు 131, 136, 137, 149, 163, 165లో 1080 బస్తాలు తేలాయి. ఇదే పద్ధతిలో రాజన్న సిరిసిల్ల జిల్లా నుంచి సరఫరా చేసిన 11 వేల బస్తాల్లో 35 శాతం మేరకు బ్రోకెన్‌ రైస్‌ ఉందని వెల్లడి కాగా.. కరీంనగర్, పెద్దపల్లి, జగిత్యాల జిల్లాల్లో ఈ తనిఖీలు ఇంకా కొనసాగుతుండటం గమనార్హం. ఏళ్ల తరబడిగా రీసైక్లింగ్‌ దందా చేస్తున్న వ్యాపారులు, వారి సంస్థలపై నమోదైన 6ఏ కేసుల వారీగా జాబితాను తయారు చేసిన టాస్క్‌ఫోర్స్‌ బృందాలు సీడబ్ల్యూసీ గోదాములు, ఎంఎల్‌ఎస్‌ పాయింట్లు, రైసుమిల్లుల్లో పకడ్బందీగా తనిఖీలు చేస్తున్నాయి. ఈ క్రమంలోనే జగిత్యాలకు చెందిన కొండా లక్ష్మణ్‌పై కేసు పీడీ కేసు నమోదు చేసిన అధికారులు మరికొందరిపై చర్యలకు సిద్ధం కావడం కలకలం రేపుతోంది.   అక్రమాలకు నిలయాలు  సీడబ్ల్యూసీ గోదాములు ప్రభుత్వం ప్రజాపంపిణీ అవసరాల దృష్ట్యా తీసుకుంటున్న ప్రతి నిర్ణయమూ అక్రమార్కులకు వరంగా మారుతున్నాయి. ఇక్కడ రేషన్‌బియ్యమే రంగు మారి గోదాములకు చేరుతుండగా.. ఈ గోదాములే అక్రమాలకు నిలయాలుగా మారుతున్నాయి. సరిపడా నిల్వలు లేక ప్రభుత్వం ఏటా మిల్లర్లనుంచి 6 లక్షల మెట్రిక్‌ టన్నుల దొడ్డు బియ్యం, ప్రభుత్వ వసతిగృహాలు, మధ్యాహ్న భోజనం పథకం కోసం 1.5 లక్షల మెట్రిక్‌ టన్నుల సన్నబియ్యాన్ని మిల్లర్ల నుంచి కొనుగోలు చేస్తున్నది. ఈ క్రమంలో ప్రభుత్వ అవసరాన్ని ఆసరాగా చేసుకుని రేషన్‌బియ్యాన్ని రీసైక్లింగ్‌ చేసి తిరిగి ప్రభుత్వానికే అప్పగిస్తూ అక్రమాలకు పాల్పడుతున్నారు. రాజన్న సిరిసిల్ల జిల్లాలో ఈ తరహా బాగో తం వెలుగుచూడగా.. సరఫరా అయిన 11 వేల బి య్యం బస్తాల స్థానంలో ప్రమాణాల ప్రకారం నాణ్య త కలిగిన బియ్యాన్ని ఇవ్వాలని మిల్లర్లను ఆదేశించిన కమిషనర్, ఇకపై రైసుమిల్లర్లు ఎలాంటి అవకతవకలకు పాల్పడినా ఏ మాత్రం ఉపేక్షించేది లేదనీ, చర్యలు కఠినంగా ఉంటాయనీ హెచ్చరించి వదిలేశారు. ఇటీవల ఈ తరహా ఫిర్యాదులపై ఉమ్మడి కరీంనగర్‌ జిల్లాలో పౌరసరఫరాల సంస్థకు సంబంధించిన బియ్యం నిల్వలు ఉన్న సిడబ్ల్యూసీ, ఎస్‌డబ్లు్యసి తదితర అన్ని గోదాముల్లో నిఘా బృందాలు, సాంకేతిక సిబ్బందితో ప్రత్యేక తనిఖీలు కొనసాగిస్తుండటం అక్రమార్కుల గుండెల్లో రైళ్లు పరుగెడుతున్నాయి.  

కర్నూలు(అగ్రికల్చర్‌)/ కల్లూరు రూరల్‌: పేదలకు తక్కువ ధరకు సరకులు అందించే రేషన్‌ దుకాణాలు అవినీతి, అక్రమాలకు మారుపేరుగా మారాయి. యాభై శాతం కార్డుదారులకు చక్కెర ఇవ్వకుండా బయటి మార్కెట్‌లో అమ్ముకుని డీలర్లు సొమ్ము చేసుకుంటున్నట్లు తెలుస్తోంది. ఈ–పాస్‌ మిషన్‌లో బియ్యం, చక్కెరకు ఒకేసారి వేలిముద్ర వేయించుకొని బియ్యం మాత్రం ఇస్తూ చక్కెరను నొక్కేస్తున్నట్లు ఫిర్యాదులున్నాయి. గట్టిగా అడిగిన వారికి మాత్రమే చక్కెర ఇస్తున్నట్లు డీలర్స్‌ అసోసియేషన్‌కు చెందిన ఓ నాయకుడే ఒప్పుకోవడం గమనార్హం. బియ్యం పంపిణీలో కూడా తక్కువ తూకాలు వేస్తూ కార్డుదారుల నోళ్లలో మట్టి కొడుతున్నట్లు ఆరోపణలున్నాయి.  పునఃపంపిణీ నుంచి..   ఏడాది క్రితం రేషన్‌కార్డులకు చక్కెర పంపిణీని ప్రభుత్వం నిలిపివేసింది. దీనిపై పెద్ద ఎత్తున విమర్శలు రావడంతో జనవరి నుంచి అన్ని కార్డులకు అరకిలో ప్రకారం పంపిణీ చేసేలా ప్రభుత్వం చర్యలు తీసుకుంది. జిల్లాలో 11,82,111 రేషన్‌కార్డులకు సంబంధించి 2,242 చౌక దుకాణాలున్నాయి. ఇందులో అంత్యోదయ అన్న యోజన కార్డులు 60వేల వరకున్నాయి. తెల్లకార్డులకు డిసెంబరు వరకు చక్కెర బంద్‌ చేసినప్పటికీ అంత్యోదయ కార్డులకు కిలో ప్రకారం ప్రభుత్వం పంపిణీ చేస్తోంది. జనవరి నుంచి తెల్ల కార్డులకు అర కిలో ప్రకారం ఇస్తున్నా రు. ఫిబ్రవరికి సంబంధించి అన్ని చౌకదుకాణాల డీలర్లు డీడీలు చెల్లించి చక్కెర లిఫ్ట్‌ చేసినట్లు స్పష్టమవుతోంది.  గట్టిగా అడిగితేనే చక్కెర..   ఫిబ్రవరికి సంబంధించి బుధవారం సాయంత్రం వరకు 9,87,385 కార్డులకు సరుకులు పంపిణీ చేశారు.  అంత్యోదయ కార్డులకు కిలో రూ.13.50, తెల్లకార్డులకు అరకిలో రూ.10 ప్రకారం చక్కెర పంపిణీ చేయాల్సి ఉంది. అయితే 50 శాతం కార్డులకు చక్కెర ఇచ్చిన దాఖలాలు లేవు. అడిగిన వారికి ఇస్తున్నామని డీలర్లే చెబుతుండడాన్ని బట్టి అక్రమాలు ఏస్థాయిలో ఉన్నాయో స్పష్టమవుతోంది. జిల్లా యంత్రాంగం మొత్తం కొలువైన కర్నూలులోనే పలువురు డీలర్లు చక్కెర ఇవ్వకపోవడం గమనార్హం. ఇలా మిగుల్చుకున్న చక్కెరను కిలో రూ.30 నుంచి రూ.35 ప్రకారం బ్లాక్‌ మార్కెట్‌లో విక్రయిస్తున్నట్లు తెలుస్తోంది.   రసీదులు ఇవ్వరు.. ఈ–పాస్‌ మిషన్‌లో వేలిముద్ర వేయించుకొని బియ్యంతో పాటు చక్కెర కూడా ఇవ్వాల్సి ఉంది. పంపిణీ చేసిన సరుకులు, వాటి ధర వివరాలతో కార్డుదారులకు రసీదులు ఇవ్వాలి. అయితే తమ అక్రమాలు బయటపడతాయనే ఉద్దేశ్యంతో డీలర్లు ఎక్కడా రసీదులు ఇవ్వడం లేదు.

సాక్షిప్రతినిధి, నల్లగొండ : రేషన్‌ సరఫరాల్లో అక్రమాలకు అడ్డుకట్ట వేసేందుకు చేపట్టిన సంస్కరణలతో పౌరసరఫరాల శాఖకు మిగులుబాటు కనిపిస్తున్నా అర్హులైన లబ్ధిదారులకు కొత్త కార్డులు దక్కకుండా పోతున్నాయి. కొత్త రేషన్‌ కార్డుల జారీకి ఎప్పుడో మంగళం పాడిన ప్రభుత్వం చివరకు ఆహార భద్రత కార్డులకూ ఎర్రజెండా చూపింది. ఫలితంగా..  రేషన్, అంత్యోదయ, అన్నపూర్ణ కార్డుల జారీ నిలిపివేసి పదినెలలు కావస్తోంది. రేషన్‌ దుకాణాలు కేంద్రాలుగా జరుగుతున్న అక్రమాలకు బ్రేక్‌ వేసే ఉద్దేశంతో ఈ–పాస్‌ (ఎలక్ట్రానికి పాయింట్‌ ఆఫ్‌ సేల్‌) విధానాన్ని అమల్లోకి తెచ్చారు. గత ఏడాది ఏప్రిల్‌ నెలలో మొదట మహబూబ్‌నగర్‌ జిల్లాలో ఈ–పాస్‌ అమలును మొదలు పెట్టిన సమయంలో అనూహ్యంగా పెరిగిన అదనపు కూపన్ల జారీని అడ్డుకునేందుకు రాష్ట్ర వ్యాప్తంగా రేషన్‌కార్డులు కానీ, కొత్త కూపన్లు జారీ చేయొద్దని నిర్ణయించారు. దీంతో అర్హులైన లబ్ధిదారులకు రేషన్‌ సరుకులు అందకుండా అయ్యింది. మొత్త కార్డుల్లో ఇప్పుడున్న యూనిట్ల స్థానంలో కొత్తగా ఎవరినీ చేర్చడం, లేదా తొలగించడం వంటి మార్పులు చేర్పులనూ బంద్‌ చేశారు.  నల్లగొండ జిల్లా పరిధిలోని 943 రేషన్‌షాపులు, సూర్యాపేట జిల్లాలో 605 షాపులు, యాదాద్రి జిల్లా పరిధిలో 461 రేషన్‌షాపుల్లో ఈ–పాస్‌ యంత్రాలు అమర్చ డం పూర్తయ్యిందని అధికార వర్గాలు చెబుతున్నాయి. అయినా, కొత్త కార్డుల జా రీ, కార్డుల్లో మార్పులు చేర్పులు, కొత్త కూపన్ల జారీ వంటి అంశాలపై  ఎలాంటి నిర్ణయమూ వెలువడకపోవడంతో అర్హులు సరుకులు పొందలేక పోతున్నారు. ఇబ్బడి ముబ్బడిగా పెరగడం వల్లే ! జిల్లాలో ఆహార భద్రత కార్డుల సంఖ్య ఎప్పటికప్పటికీ పెరిగిపోవడం వల్లే అసలుకు ఎసరు వచ్చిందన్న అభిప్రాయం వ్యక్తమవుతోంది. మీ–సేవా కేంద్రాలనుం చి వెళ్లిన దరఖాస్తులను రెవెన్యూ అధికారులు క్షేత్రస్థాయిలో పరిశీలించి అన్నీ సక్రమంగా ఉన్నాయని నిర్ధారణకు వచ్చాకే ఆన్‌లైన్‌లో నమోదు చేయాలి. ఇక, తహసీల్దార్లు ఆమోదించిన దరఖాస్తులను సివిల్‌ సప్లయీస్‌ అధికారులు యధాతధంగా ఆమోదిస్తున్నారు. కొత్త కార్డులకు వస్తున్న దరఖాస్తులు, ఉన్న కార్డుల్లో కొత్తగా పేర్లు జత చేయడంలో రెవెన్యూ అధికారులు అవకతవకలకు పాల్పడ్డారన్న ఫిర్యాదులు శాఖా కమిషనర్‌కు వెళ్లడంతోనే కూపన్ల జారీకి బ్రేక్‌ వేశారని చెబుతున్నారు. అక్రమాలకు చెక్‌ ఇలా.. లబ్ధిదారులు దుకాణాలకు వచ్చి వేలిముద్రలు వేస్తేనే, డీలర్లు వారికి సరుకులు పంపిణీ చేస్తారు. కార్డుపై ఉన్న కుటుంబ సభ్యుల్లో ఎవరైన వేలిముద్రలు వేసి సరుకులు పొందే వీలుంది. ప్రస్తుతం కార్డుదారులు రేషన్‌షాప్‌కు రాకున్నా, సరుకులు తీసుకోకపోయినా వచ్చినట్లు జాబితాలో చూపించి డీలర్లు సరుకులు స్వాహా చేస్తున్నారని అధికార వర్గాలు చెబుతున్నాయి. ఇలాంటి అక్రమాలకు ఈ–పాస్‌ విధానంతో  చెక్‌ పడుతుంది. బ్యాంకు ఖాతా, ఆధార్‌కార్డు, ఆహారభద్రత కార్డుతో కూడా రేషన్‌కార్డును అనుసంధానం చేస్తారు. దీనిల్ల సరుకులు తీసుకోని లబ్ధిదారులకు సంబంధించిన కోటా అంతా మిగులుగానే డీలర్ల దగ్గర ఉండిపోతుంది. మిగులును బట్టే మరుసటి నెలకు డీలర్లకు సరుకుల కోటాను నిర్ణయిస్తారు. ఇంకా...ఎదురుచూపులే! ఈ–పాస్‌ విధానం మొదట ప్రయోగాత్మకంగా రంగారెడ్డి, హైదరాబాద్‌ జిల్లాల్లో అమలు చేయడం ద్వారా సివిల్‌ సప్లయీస్‌ శాఖకు అయిన ఆదాను పరిగణనలోకి తీసుకుని జిల్లాలకు విస్తరించారు. గతేడాది ఏప్రిల్‌ నుంచి జిల్లాలో ఈ–పాస్‌ యం త్రాలను రేషన్‌ షాపుల్లో బిగిస్తున్నారు. కాగా, యాదాద్రి భువనగిరి జిల్లాలో 461 రేషన్‌ దుకాణల్లో ఈ–పాస్‌ అమల్లోకి వచ్చింది. ఆ జిల్లాలో ఉన్న 2లక్షల పైచిలు కు కార్డుల్లో జనవరిలో లక్షా 80వేల మంది కొనుగోళ్లు జరిపారు. ఒక్క నెలలో ఈ–పాస్‌ అమలు ద్వారా యాదాద్రి భువనగిరిలో రూ.93లక్షలు ఆదా అయ్యింద ని సమాచారం. ఈ అంశాన్ని పరిగణనలోకి తీసుకునే నల్లగొండ, సూర్యాపేట జి ల్లాలో ఈ–పాస్‌ యంత్రాలను అమర్చడం పూర్తి చేశారు.  ఫిబ్రవరి ఆఖరుకు ఈ జిల్లాలో జరిగే విక్రయాలను బట్టి ఎంత ఆదా అవుతుందో ఓ నిర్ణయానికి రానున్నారు. ఆ తర్వాతే కొత్త కార్డులు, మార్పులు చేర్పులు, కొత్త కూపన్ల జారీ చేస్తారని అంటున్నారు. దీంతో అర్హులై ఉండి కార్డులు, కూపన్లు లేని వారు మరికొన్ని నెలలు ఎదురుచూడక తప్పని పరిస్థితి కనిపిస్తోందని అభిప్రాయపడుతున్నారు.

సాక్షి, అమరావతి: రాష్ట్రవ్యాప్తంగా 23.89 లక్షల మంది తెల్లరేషన్‌ కార్డుదారులకు వచ్చే నెల నుంచి సబ్సిడీ సరుకులు అందే పరిస్థితి కనిపించటం లేదు. ఈ విషయాన్ని రాష్ట్ర ప్రభుత్వమే బహిరంగంగా ప్రకటించడంతో పేదల్లో ఆందోళన మొదలైంది. ‘ప్రజా సాధికార సర్వే (పల్స్‌)లో నమోదు చేసుకోని కార్డుదారులకు మార్చి నెల నుంచి రేషన్‌ నిలిపివేయబడుతుంది’ అని పలు రేషన్‌ దుకాణాల వద్ద నోటీసులు అతికించారు. పల్స్‌ సర్వేలో ఇప్పటివరకు వివరాలు నమోదు చేసుకోని తెల్లరేషన్‌ కార్డుదారులు ఈ నెలాఖరులోగా ప్రత్యేకంగా ఏర్పాటు చేసిన కేంద్రాల వద్దకు వెళ్లి వివరాలు అందచేయాల్సి ఉంటుంది. లేదంటే వచ్చే నెల నుంచి ఎట్టి పరిస్థితుల్లోనూ సరుకులు ఇవ్వబోమని డీలర్లు చెబుతున్నారు. రాష్ట్రంలో 1.42 కోట్ల తెల్ల రేషన్‌ కార్డులుండగా 23.89 లక్షల మంది కార్డుదారులు ప్రజా సాధికార సర్వేలో వివరాలను నమోదు చేసుకోలేదని గుర్తించారు.

సాక్షి, రంగారెడ్డి జిల్లా : చౌక ధరల దుకాణాల ద్వారా రేషన్‌ కార్డుదారులకు ఇకపై నెలలో 15 రోజులు మాత్రమే సరుకులు అందజేయనున్నారు. వచ్చేనెల నుంచి ఇది పూర్తిస్థాయిలో అమల్లోకి రానుంది. అప్పటినుంచి ప్రతినెలా ఒకటి నుంచి 15వ తేదీలోపే కార్డుదారులకు సరుకులు పంపిణీ చేయాలని ప్రభుత్వం నిర్ణయించింది. ఈ మేరకు డీలర్లకు ఆదేశాలు అందాయి. జిల్లావ్యాప్తంగా 919 చౌక ధరల దుకాణాలు ఉన్నాయి. వీటి పరిధిలో ఆహార భద్రత, అంత్యోదయ, అన్నపూర్ణ కార్డుదారులు కలిపి మొత్తం 5.18 లక్షల మంది ఉన్నారు. వీరికి ప్రతినెలా సుమారు 11 వేల మెట్రిక్‌ టన్నుల బియ్యాన్ని అందజేస్తున్నారు. దీనికి తోడు ప్రతి కార్డుదారుడికి రెండు కిలోల గోధుమలు, ఒక లీటరు నీలి కిరోసిన్‌ చొప్పున పంపిణీ అవుతోంది. మొన్నటి వరకు ప్రతినెలా 25వ తేదీ వరకు చౌక ధరల దుకాణాలు తెరిచి ఉండేవి. తమ సౌలభ్యాన్ని బట్టి వీలైన రోజు కార్డుదారులు సరుకులను తీసుకెళ్లేవారు. తాజాగా రేషన్‌దుకాణాల పనిదినాలను కుదించడంతో కాస్త ఇబ్బంది కలగవచ్చు. పని వేళలను మాత్రం యధావిధిగా కొనసాగిస్తున్నారు. ఎప్పటిలాగే వచ్చేనెల నుంచి కూడా ఉదయం 8 నుంచి మధ్యాహ్నం 12 గంటలు, తిరిగి సాయంత్రం 4 నుంచి రాత్రి 8 గంటల వరకు దుకాణాలు తెరిచే ఉంటాయని అధికారులు పౌర సరఫరాల శాఖాధికారులు చెబుతున్నారు. వాస్తవంగా ఈనెలలోనే ఒకటి నుంచి 15వ తేదీ వరకు నిత్యావసర వస్తువుల పంపిణీ అమలు కావాల్సి ఉంది. అయితే అధికంగా సెలవులు రావడంతో 17వ తేదీ వరకు సరుకులను పంపిణీ చేశారు. వచ్చేనెల పని దినాల్లో ఎలాంటి సడలింపు ఉండబోదని అధికారిక వర్గాలు స్పష్టం చేస్తున్నాయి.   డీడీల చెల్లింపుల్లోనూ! రేషన్‌ దుకాణాల పని దినాలను కుదించిన ప్రభుత్వం.. డీలర్లు డీడీలు చెల్లించే రోజులను సైతం తగ్గింది. మొన్నటి వరకు ప్రతినెలా 27వ తేదీలోపు డీడీలు చెల్లించేవారు. ఆ నెలాఖరులోగా సరుకులు డీలర్ల వద్దకు చేరేవి. ఇకపై ఈ పరిస్థితి ఉండదు. ప్రతినెలా తప్పనిసరిగా 16 నుంచి 18వ తేదీలోపే డీడీలు చెల్లించాలని పౌర సరఫరాల శాఖ స్పష్టమైన ఆదేశాలు జారీ చేసింది. చెల్లించినదాన్ని బట్టి స్టాక్‌ రిలీజ్‌ ఆర్డర్లను మండల స్థాయి స్టాక్‌ గోదాం (ఎంఎల్‌ఎస్‌)లకు పంపిస్తారు. అక్కడి నుంచి నెలాఖరులోగా డీలర్ల వద్దకు వస్తువులను పంపించాల్సి ఉంటుంది. తదుపరిగా వచ్చే ఒకటో తేదీ నుంచి విధిగా రేషన్‌ దుకాణాల ద్వారా డీలర్లు కార్డుదారులకు సరుకులను పంపిణీ చేస్తారు. వేతనం ఇవ్వాల్సి వస్తుందనే! రేషన్‌ దుకాణాల పనిదినాలను కుదించడం వెనుక కుట్ర ఉందని రేషన్‌ డీలర్లు ఆరోపిస్తున్నారు. గతంలో ప్రతి నెలలో 25 రోజులపాటు సరుకులు పంపిణీ చేసేవారు. ప్రజా పంపిణీ వ్యవస్థలో సంస్కరణలు మొదలు పెట్టడం డీలర్లకు కాస్త ఇబ్బందిగా మారింది. సరుకుల సంఖ్య కుదించడం, ఈ–పోస్‌ మిషన్లు తీసుకురావడం వల్ల తమకు ఏమీ మిగలడంలేదని డీలర్లు ఆందోళన చేసిన విషయం తెలిసిందే. ఫలితంగా నెలంతా కష్టపడితే దుకాణాల అద్దె కూడా వెళ్లడంలేదని లబోదిబోమంటున్నారు. ప్రత్యామ్నాయంగా తమకు ప్రతినెలా వేతనాలను చెల్లించాలని డీలర్లు ప్రభుత్వాన్ని డిమాండ్‌ చేస్తున్న విషయం తెలిసిందే. సరుకుల అమ్మకం ద్వారా వచ్చే కమీషన్లు లేకున్నా.. వేతనం ఇస్తే చాలన్న అభిప్రాయాన్ని కూడా వ్యక్తం చేశారు. దీన్ని సాధించుకునేందుకు నిరవధికంగా దుకాణాలను బంద్‌ చేయాలని కూడా నిర్ణయించారు. ఇలాంటి సమయంలో నెలలో 15 రోజులే దుకాణాలు పనిచేయాలని ఆదేశాలు వెలువడ్డాయి. తమకు వేతనాలు అందించాలన్న డిమాండ్‌ను నీరుగార్చడంలో భాగంగానే ఈ చర్యలకు ఉపక్రమించారని విమర్శిస్తున్నారు. పనిదినాల కుదింపు వల్ల తమకు వచ్చే నష్టం ఏమీలేదని చెబుతున్నారు.

నల్లగొండ : రేషన్‌ దుకాణాల్లో సివిల్‌ సప్లయీస్‌ అధికారులు విస్తృత తనిఖీలు నిర్వహించారు. పండుగ సీజన్‌ కావడంతో దుకాణాల్లో బియ్యం పంపిణీ సక్రమంగా చేయడం లేదని స్థానికులు సివిల్‌ సప్లయీస్‌ కమిషనర్‌కు ఫిర్యాదు చేశారు. దీంతో డైరక్టరేట్‌నుంచి ఆదేశాలు రావడంతో గురువారం ఉదయం డీఎస్‌ఓ ఆధ్వర్యంలో ఆరుగురు డీటీలు నల్లగొండ పట్టణంలోని ఏడు రేషన్‌ దుకాణాలు, ఒక ఆయిల్‌ ఏజెన్సీని తనిఖీ చేశారు. అనుమతి లేకుండా బొట్టుగూడలో వం టనూనెల ఏజెన్సీ నిర్వహిస్తున్న దుకాణాన్ని డీఎస్‌ఓ సీజ్‌ చేశారు. దుకాణంలోని రూ.3.28 లక్షల విలువ చేసే స్టాక్‌ను సీజ్‌ చేశారు. లైసెన్స్‌ లేకుండా ఏజెన్సీ ఏర్పాటు చేసినందున 6 ఏ కింద కేసు నమోదు చేశారు. దేవరకొండ, బొట్టుగూడలోని రేషన్‌ దుకాణాలు తనిఖీ చేసిన అధి కారులు బియ్యం నిల్వలో స్వల్ప తేడాలు ఉన్న ట్లు గుర్తించారు. రెండు దుకాణాల్లో బియ్యం నిల్వలు తేడాల్లో భారీ వ్యత్యాసం ఉండడంతో వాటిపై చర్య తీసుకోవాలని కోరుతూ ఆర్డీఓకు రిపోర్ట్‌ రాశారు. ఈ తనిఖీల్లో డీఎస్‌ఓ ఉదయ్‌ కుమార్, డీటీలు సత్యనారాయణ, రఘు, స యీద్, సంఘమిత్ర, ఇంతియాజ్‌ పాల్గొన్నారు.

సాక్షి, హైదరాబాద్‌: ఇక నుంచి ప్రతి నెలా 1వ తేదీ నుంచే రేషన్‌ షాపుల ద్వారా లబ్ధిదారులకు సరుకులు పంపిణీ చేసేందుకు పౌరసరఫరాల శాఖ చర్యలు చేపట్టింది. ఇందులో భాగంగా సరుకుల రవాణా తేదీలు, క్లోజింగ్‌ బ్యాలెన్స్‌ (సీబీ), రిలీజ్‌ ఆర్డర్‌ (ఆర్‌ఓ)లో మార్పులు చేసింది. ఈ–పాస్‌ అమలవుతున్న 25 జిల్లాల్లో ఈ విధానం తక్షణం ప్రారంభం అవుతుంది. 1వ తేదీ నుంచి 15వ తేదీ వరకు లబ్ధిదారులకు రేషన్‌ షాపుల ద్వారా సరుకులు పంపిణీ చేస్తారు. 16వ తేదీన పౌరసరఫరాల శాఖ కేంద్ర కార్యాలయం నుంచి జిల్లాలకు సరుకుల కేటాయింపులు చేపడతారు. అలాగే 16వ తేదీ నుంచి 18వ తేదీ వరకు రేషన్‌ డీలర్లు మీసేవ కేంద్రాల్లో డీడీలు చెల్లించాల్సి ఉంటుంది. ఈ తేదీల్లో డీడీలు కట్టిన డీలర్ల రిలీజ్‌ ఆర్డర్లను స్థానిక ఏసీఎస్‌ఓలు సంబంధిత మండల స్థాయి నిల్వ కేంద్రానికి పంపించాల్సి ఉంటుంది. రిలీజ్‌ ఆర్డర్లు అందుకున్న వెంటనే గోదాం ఇన్‌చార్జులు సరుకుల పంపిణీ ప్రక్రియను ప్రారంభిస్తారు.  కొత్త విధానంపై శ్రద్ధ తీసుకోవాలి: కమిషనర్‌ సీవీ ఆనంద్‌  నూతన విధానంపై జిల్లా జాయింట్‌ కలెక్టర్లు ప్రత్యేక శ్రద్ధ తీసుకోవాలి. డీసీఎస్‌ఓ, ఏసీఎస్‌ఓ, పౌరసరఫరాల సంస్థ జిల్లా మేనేజర్, డిప్యూటీ తహసీల్దార్, పౌరసరఫరాల శాఖ ఎన్‌ఫోర్స్‌మెంట్‌ బృందాలు, స్టేజ్‌–1, స్టేజ్‌–2 కాంట్రాక్టర్లు, ఆయా గోదాముల ఇన్‌చార్జులతో ప్రతీ నెల జాయింట్‌ కలెక్టర్లు çసమావేశాలు నిర్వహించాలి.  

సాక్షి, అమరావతి : చౌకధరల దుకాణాల స్థానంలో నారా చంద్రబాబునాయుడు ప్రభుత్వం ప్రారంభించిన ‘చంద్రన్న విలేజ్‌ మాల్స్‌’లో ధరలు షాక్‌ కొడుతుండడంతో ప్రజలు నిరసనాగ్రహాలు వ్యక్తం చేస్తున్నారు. బహిరంగ మార్కెట్‌లో లభిస్తున్న ధరలకన్నా ఈ మాల్స్‌లో ధరలు ఎక్కువ ఉండడం చూసి జనం అవాక్కవుతున్నారు. ధరల తీరుపై తీవ్ర వ్యతిరేకత వ్యక్తమౌతుండడంతో చంద్రన్న మాల్స్‌లో అమ్మకాలను తాత్కాలికంగా నిలిపివేశారు. ప్రస్తుతం సబ్బులు, ఇతర సౌందర్యసాధనాలు మాత్రమే విక్రయిస్తున్నారు. అవి కూడా మార్కెట్‌ రేట్లకే కావడం విశేషం. ఒకటి రెండు రోజుల్లో సరుకులన్నీ వస్తాయని డీలర్లు చెబుతున్నారు.  ప్రజాపంపిణీ వ్యవస్థను నిర్వీర్యం చేస్తూ రేషన్‌ షాపులను.. రిలయన్స్‌తో పాటు చంద్రబాబుకు వాటాలున్న  ఫ్యూచర్‌ గ్రూప్‌లకు అప్పగించేస్తుండడంపై ఇప్పటికే విమర్శలు వెల్లువెత్తుతున్నాయి. ఒకవైపు గిట్టుబాటు ధర లభించక రైతులు అల్లాడుతుండగా అవే ఉత్పత్తుల ధరలు వినియోగదారుల వద్దకు వచ్చేసరికి దిమ్మతిరిగేలా షాక్‌ కొడుతున్నాయి. అందులోనూ చౌకధరల దుకాణాలకు ప్రత్యామ్నాయంగా రాష్ట్రప్రభుత్వం ముందుకు తెచ్చిన చంద్రన్న మాల్స్‌లో ధరలు భారీగా ఉండడంపై వినియోగదారుల్లో వ్యతిరేకత వ్యక్తమౌతోంది. 40శాతం చౌక ధరలంటూ ప్రచారం.. రాష్ట్రంలో 29 వేల రేషన్‌షాపులు ఉన్నాయి. వీటిల్లో ఎంపిక చేసిన 6,500 దుకాణాల్లో చంద్రన్న విలేజ్‌ మాల్స్‌ను ప్రారంభించేందుకు రాష్ట్ర ప్రభుత్వం చర్యలు తీసుకుంది. పైలెట్‌ ప్రాజెక్టుగా విజయవాడ, గుంటూరులోని రెండు దుకాణాలను ఎంపిక చేసింది. మిగిలిన దుకాణాలను వెంటనే ప్రారంభించనున్నామని, వీటిల్లో ప్రజలకు అవసరమైన నిత్యావసర వస్తువులను మార్కెట్‌ ధర కంటే 40 శాతం తక్కువకు అందుబాటులోకి తీసుకు వస్తామని పెద్ద ఎత్తున ప్రచారం చేసింది. ఎంపిక చేసిన విలేజ్‌ మాల్స్‌ ఆకర్షణీయంగా ఉండే ఏర్పాట్లు  కూడా చేసింది. దీంతో ఈ మాల్స్‌లోని నిత్యావసర వస్తువులను కొనుగోలు చేసేందుకు ప్రజలు ఆసక్తిగా ఎదురు చూశారు. ఈ నెల 12 వ తేదీన ముఖ్యమంత్రి చంద్రబాబు వెలగపూడిలోని తాత్కాలిక సచివాలయం నుంచి రిమోట్‌ కంట్రోల్‌ ద్వారా చంద్రన్న విలేజ్‌ మాల్స్‌ను ప్రారంభించారు. మొదటి రోజు ప్రారంభోత్సవ హడావుడి ఉండటంతో ఆ రోజు అమ్మకాలు పెద్దగా జరగలేదు. 13 వ తేదీన విజయవాడ భవానీపురంలోని విలేజ్‌మాల్‌కు ప్రజలు పెద్ద సంఖ్యలో వచ్చి నిత్యావసర వస్తువులను కొనుగోలు చేశారు. అయితే బయట మార్కెట్‌ కంటే అక్కడి  నిత్యావసర వస్తువుల ధరలు ఎక్కువగా ఉండటంతో కొనుగోలుదారుల నుంచి తీవ్ర వ్యతిరేకత వ్యక్తం అయింది. కొందరు కొనుగోలుదారులు ఇంటికి తీసుకువెళ్లిన వస్తువులను తిరిగి ఇచ్చేయడానికి ప్రయత్నించారు. అయితే దుకాణదారుడు వాటిని  తిరిగి తీసుకునేందుకు అంగీకరించలేదు. ఆ రోజున దాదాపు రూ.6 వేల విలువైన నిత్యావసర వస్తువుల అమ్మకాలు జరిగాయి. ప్రజల నుంచి వచ్చిన వ్యతిరేకతను పరిగణనలోకి తీసుకుని కొందరు అధికారులు కొనుగోలుదారుల అభిప్రాయాలను తెలుసుకుని అదే రోజు సాయంత్రం నుంచి అమ్మకాలను నిలిపివేయాలని, అక్కడి నుంచి నిత్యావసర వస్తువులను తీసేయాలని ఆదేశించారు. 14వ తేదీ నుంచి ఆ దుకాణంలో నిత్యావసర వస్తువులు లేకపోవడంతో వచ్చిన కొనుగోలుదారులు తిరిగివెళ్లిపోయారు. వచ్చిన వారికి రెండు మూడు రోజుల్లో నిత్యావసర వస్తువుల అమ్మకాలు ప్రారంభం అవుతాయని చెబుతూ, దుకాణంలోని మిగిలిన సబ్బులు, పేస్టుల ధరలు మార్కెట్‌ కంటే తక్కువగా ఇస్తున్నామని చెబుతున్నారు. రైతు నుంచి వినియోగదారుడి వరకూ... ఏ పరిశ్రమలోనైనా ఒక ఉత్పత్తి బైటకొస్తే యజమాని దాని ధర నిర్ణయించి అమ్ముకుంటాడు. కానీ అలాంటి అవకాశం లేని ఉత్పత్తిదారుడు బహుశా రైతు ఒక్కడేనేమో. పండించిన పంటకు ధరలు నిర్ణయించేది ప్రభుత్వమో.. దళారీలో.. వారు చెప్పిన ధర గిట్టుబాటు కాకపోయినా పంటను తెగనమ్ముకోవలసిందే.  వేరుశనగ, మినుము, కందులు, పసుపు సహా  ఏ పంటకూ ధర లేదు. రైతులు పంటలు బాగా పండించినపుడు పూర్తిగా రేటు లేకుండా పోతోంది. అయితే వినియోగదారుడి దగ్గరకు వచ్చే సరికి రేట్లు షాక్‌ కొడుతుంటాయి. ఇదెలా జరుగుతోందంటే దళారులు వచ్చి రైతుల దగ్గర నుంచి పంటను తక్కువ రేటుకు కొనుగోలు చేస్తున్నారు. ఆ తరువాత రేట్లు ఆకాశానికి ఎత్తేస్తున్నారు. అడ్డగోలుగా మోసం చేస్తున్నారు. వేరు శనగ పరిస్థితి అంతే.. రైతుల వద్ద క్వింటా రూ.3 వేలకు కొనుగోలు చేస్తున్నారు. ఇదే వేరు శనగ హెరిటేజ్‌ షాపుల్లో  కేజీ రూ.150 పలుకుతోంది. రైతుల వద్ద శనగలు క్వింటా సగటున రూ. 3,500లకే కొంటున్నారు. అంటే కిలో రూ. 35 అన్నమాట. హెరిటేజ్‌ షాపులో మాత్రం కేజీ రూ.180లకు అమ్ముకుంటున్నారు. కందులను రైతుల దగ్గర క్వింటా రూ. 2,500లకు కొని, తన హెరిటేజ్‌లో మాత్రం  కేజీ కందిపప్పును రూ. 80లకు అమ్ముకుంటున్నారు. రూ.25కు కొని రూ.80కి అమ్ముతారా? ఇంత అన్యాయమైతే రైతెలా బతుకుతాడు?  మిర్చికి కూడా గిట్టుబాటు ధరలేక రైతు మండిపోతున్నాడు. క్వింటాలు రూ. 2,500 నుంచి రూ. 3 వేలు మాత్రమే ధర ఉంది. దివంగత ముఖ్యమంత్రి వైఎస్‌ హయాంలో అయితే... క్వింటా రూ. 8 వేలపైనే ఉంది. ఇపుడు కంది, మినుము, పెసర ధరలు క్వింటా సగటున రూ. 3 నుంచి 4 వేల మధ్యే ధర పలుకుతున్నాయి. వైఎస్సార్‌ హయాంలో రూ. 8 వేలకు తగ్గలేదు. ఇవాళ పసుపు ధర రూ. 4వేలు, రూ. 5 వేల మధ్య ఉంది. వైఎస్‌ పాలనలో  రూ. 13 నుంచి రూ. 14 వేలుంది. అవికూడా మార్కెట్‌ ధరకే.. సబ్బులు, పేస్టులు వంటి వస్తువుల ఎంఆర్‌పీపై 8 నుంచి 12 శాతం వరకు రేటు తగ్గించి అమ్ముతున్నామని దుకాణదారులు చెబుతున్నారు. అయితే ఎంఆర్‌పీపై ఆ శాతం తగ్గించి వాటిని అమ్ముతున్నప్పటికీ మార్కెట్‌లోని మిగిలిన దుకాణాదారులు అదే ధరకు ఆ వస్తువులను విక్రయిస్తున్నారు. దీంతో సబ్బులు, పేస్టుల వంటి వస్తువుల ధరలు కూడా తక్కువగా ఏమీ లేవని కొనుగోలుదారులు చెబుతున్నారు. ప్రభుత్వ ప్రచారానికి భిన్నంగా చంద్రన్న విలేజ్‌మాల్‌లోని ధరలు ఉండటంతో శని, ఆదివారాలు కూడా కొనుగోలుదారులు రాలేదు. దాంతో ఆ మాల్‌ వెలవెలబోయింది. ఆందోళనలో చౌకడిపోల డీలర్లు.. రాష్ట్రంలోని 6,500 చౌకధరల దుకాణాలను చంద్రన్న విలేజ్‌మాల్స్‌గా మార్చేందుకు జరుగుతున్న ప్రయత్నాల పట్ల డీలర్లు ఆందోళన చెందుతున్నారు. పైలట్‌ ప్రాజెక్టుగా ఎంపికైన విజయవాడ, గుంటూరులోని మాల్స్‌లో నిత్యావసర వస్తువుల అమ్మకాలు లేకపోవడంతో ప్రభుత్వం పంపిణీ చేసే బియ్యం మినహా ఇతర వస్తువులు విక్రయించే అవకాశం ఉండదనే భయాన్ని వ్యక్తం చేస్తున్నారు. చంద్రన్నమాల్స్‌గా చౌకధరల దుకాణాలను ఆధునీకరించేందుకు పెద్ద ఎత్తున ఖర్చు చేయాల్సి ఉంటుందని, ఆ మొత్తాలకు నామమాత్రపు వడ్డీ కూడా వచ్చే అవకాశం లేదనే అభిప్రాయంలో ఉన్నారు.  కొందరు చౌకధరల దుకాణదారులు తమ దుకాణాల్లో ప్రభుత్వం పంపిణీ చేస్తున్న బియ్యంతో పాటు ఇతర సరుకులను కూడా అమ్ముకుంటూ నెలకు రూ.5 నుంచి రూ.10 వేల వరకు సంపాదించుకుంటున్నారు. చంద్రన్న విలేజ్‌మాల్‌గా ఆ దుకాణం మారితే మిగిలిన వస్తువులు అమ్ముకునే అవకాశం లేక నష్టపోతామనే భయాన్ని వ్యక్తం చేస్తున్నారు. ఏం కొంటాం..ఏం తింటాం రేషన్‌ షాపులను చంద్రన్న విలేజ్‌మాల్స్‌గా మారుస్తున్నారంటే దానిలోని అన్ని రకాలు సరుకులు తక్కువ ధరలకు దొరుకుతాయనుకున్నాం. ప్రారంభోత్సవం రోజున వెళ్లి చూస్తే పప్పు దినుసులన్నీ బయట మార్కెట్‌కంటే ఎక్కువగా ఉన్నాయి. ఇంత రేట్లు ఉంటే ఇక్కడి వరకూ రావడం దేనికి. ఇంటికి దగ్గరలో ఉన్న పచారి షాపులోనే కొనుక్కుంటాం కదా.   – షేక్‌ ఆషాబీ, కబేళా రోడ్, విజయవాడ పప్పులు లేకుండా విలేజ్‌ మాల్స్‌ ఏమిటి? కందిపప్పు, మినపపప్పు, శనగపప్పు వంటి నిత్యావసర సరుకులు లేకుండా విలేజ్‌ మాల్స్‌ ఏమిటో అర్ధం కావడం లేదు. షాపునకు వెళ్లి చూస్తే నిత్యావసరాలు కనబడ లేదు. నిర్వాహకులను అడిగితే త్వరలో వస్తాయని సమాధానం చెబుతున్నారు. ఈ రేషన్‌ షాపును పైలెట్‌ ప్రాజెక్ట్‌గా రెండు నెలల క్రితమే నిర్ణయించినప్పుడు ముందుగా అన్ని సరుకులు సిద్ధం చేయకపోవడం ఏమిటో?  – చిమటా గోపి, విద్యాధరపురం, విజయవాడ

సాక్షి, హైదరాబాద్‌ : ముఖ్యమంత్రి చంద్రబాబు నాయుడుపై వైఎస్‌ఆర్‌ కాంగ్రెస్‌ పార్టీ ఎమ్మెల్యే రోజా తీవ్రస్థాయిలో ధ్వజమెత్తారు. రేషన్‌ షాపులను చంద్రబాబు సర్కార్‌ నిర్వీర్యం చేస్తోందని ఆమె మండిపడ్డారు.  బుధవారం హైదరాబాద్‌లోని పార్టీ కేంద్ర కార్యాలయంలో రోజా మీడియాతో మాట్లాడారు. చంద్రన్న విలేజ్‌ మాల్స్‌ పేరుతో చంద్రబాబు ప్రజలను దోచుకునేందుకు కుట్ర చేస్తున్నారని ఆమె విమర్శించారు. మళ్లీ ముఖ్యమంత్రి అవుతానో...లేదో అనే భయంతోనే 21 పథకాలకు చందన్న పేరు పెట్టించుకున్నారని ఎమ్మెల్యే రోజా ఎద్దేవా చేశారు. ఆహార భద్రత కల్పించేందుకే గత ప్రభుత్వాలు  ఏర్పాటు చేసిన చౌక దుకాణాలను చంద్రబాబు నిర్వీర్యం చేస్తున్నారని అన్నారు. పేదలపై ప్రేమతో నాడు  ఎన్‌టీ రామారావు రూ.2 కిలో బియ్యం ఇచ్చారని, చంద్ర బాబు ఈ పథకానికి తూట్లు పొడుస్తున్నారని ధ్వజమెత్తారు. కార్పొరేట్‌ శక్తులకు, నోట్ల కట్టలకు పుట్టిన బిడ్డగా ఈ ప్రభుత్వ పాలన ఉందని ఆమె అభివర్ణించారు. చంద్రన్న విలేజ్‌ మాల్స్‌ పేరుతో పేదల పొట్టి కొట్టి కార్పొరేట్‌ శక్తులకు పెడుతున్నారని ఆమె విమర్శించారు. చంద్రన్న విలేజ్‌ మాల్స్‌ ఏర్పాటును ఆమె తీవ్రంగా ఖండించారు. రాష్ట్రంలో ఈ నాలుగేళ్లలో రైతులకు గిట్టుబాటు ధర లేదని, సామాన్యులకు చౌకగా నిత్యావసర వస్తువులు అందడం లేదని రోజా విమర్శించారు. చంద్రబాబు పాలనలో ప్రజలు సర్వనాశనం అయ్యే పరిస్థితి నెలకొందన్నారు. సీఎం పదవి అడ్డుపెట్టుకొని.. దేశంలోనే ఏ ముఖ్యమంత్రి చేయని విధంగా సీఎం పదవిని అడ్డుపెట్టుకొని చిన్న చిన్న వ్యాపారుల పొట్టి కొట్టేందుకు చంద్రన్న విలేజ్‌ మాల్స్‌గా మార్చారని రోజా  మండిపడ్డారు. ఈ మాల్స్‌ స్వయంగా చంద్రబాబు కుటుంబానికి వాటాలు ఉన్న ఫ్యూచర్‌ గ్రూప్‌కు, వాళ్లకు సన్నిహిత సంబంధాలు ఉన్న రిలయన్స్‌ గ్రూప్‌లకు కట్టబెట్టారన్నారు. దీని అర్థం ఏంటని ఆమె ప్రశ్నించారు. ఈ మాల్స్‌ వల్ల ప్రజలకు ఉపయోగం ఉందా అని నిలదీశారు. రేషన్‌షాపులో గతంలో 9 రకాల సరుకులు ఇచ్చేవారని, వాటన్నింటిని రద్దు చేసి, తీరా తన దోపిడీని విస్తరింపజేసేందుకు కార్పొరేట్‌ కంపెనీలకు కట్టబెట్టారన్నారు. 5 నుంచి 35 శాతం తగ్గించి ఇస్తామని ప్రభుత్వం చెబుతుందని, ఈ రోజు ఫ్యూచర్‌ గ్రూప్‌ సంస్థ తన సంస్థకు లాభాలు లేకుండా పేదలకు ఎందుకు చౌకగా ఇస్తుందని ప్రశ్నించారు. గతంలో రిలయన్స్, ఫ్యూచర్‌ సంస్థలు వంద నుంచి 200 శాతం ప్రజల నుంచి గుంజుకున్నదన్నారు. రేషన్‌ షాపులను నిర్వీర్యం చేస్తున్నారని మండిపడ్డారు. రేషన్‌షాపుల్లో ప్రభుత్వమే నిత్యావసరాలు ఇస్తే పేదలకు లాభం ఉంటుందని, చంద్రన్న మాల్స్‌ పేరుతో వేల కోట్లు దండుకోవాలన్నదే టీడీపీ ధ్యేయమన్నారు. మీకు పేదలపై ప్రేమ, చిత్తశుద్ధి ఉంటే బహిరంగ మార్కెట్‌లో రేట్లు తగ్గింవచ్చు అన్నారు. పేదవాళ్లు ఏమైతే నాకేంటి అన్నట్లుగా చంద్రబాబు తాను, తన కొడుకు బాగుంటే చాలు అన్నట్లుగా వ్యవహరిస్తున్నారు. ధరల స్థిరీకరణ నిధి రూ.5 వేల కోట్లతో ఏర్పాటు చేస్తామని చెప్పిన చంద్రబాబు మాట తప్పారన్నారు. బాబు తన సీఎం పదవిని అడ్డుపెట్టుకొని దోచుకుంటున్నారన్నారు. 21 పథకాలకు చంద్రన్న పేర్లు చంద్రబాబును భవిష్యత్తులో మరిచిపోతారన్న భయం ఉందని, అందుకే ఈ నాలుగేళ్లలో 21 ప్రభుత్వ పథకాలకు చంద్రన్న పేరు పెట్టుకున్నారని రోజా విమర్శించారు. చంద్రబాబు తన తండ్రి ఖర్జురపు నాయుడు వాటా తీసుకొని వచ్చి ఇస్తున్నారా అని నిలదీశారు. అంతగా పేర్లు పెట్టుకోవాలంటే ప్రజలకు మేలు చేసిన ఎన్‌టీఆర్, ఇందిరాగాంధీ,  దివంగత ముఖ్యమంత్రి వైఎస్‌ రాజశేఖరరెడ్డి పేర్లు పెట్టుకోవాలి కానీ, ఇలా తన పేరు పెట్టుకోవడం ఎక్కడ చూడలేదన్నారు. భవిష్యత్తులో చంద్రబాబును పట్టించుకోరనే భయంతో ఇప్పుడే తన పేరుతో పథకాలు ప్రవేశపెట్టారన్నారు. చంద్రన్న కానుకలో నెయ్యి ఇస్తామన్నారు. ఆ నెయ్యిని హెరిటేజ్‌ కంపెనీ  నుంచి తెప్పించారన్నారు. చంద్రన్న చలివేంద్రాలకు హెరిటేజ్‌ నుంచి పెరుగు తెప్పించారన్నారు. భవిష్యత్తులో దోచుకోవడానికి అవకాశం ఉంటుందో? లేదో అన్న భయంతో చౌకదుకాణాలను రిలయన్స్‌ సంస్థకు ఇచ్చి దోచుకునే కుట్ర చేస్తున్నారన్నారు. తక్షణమే ఈ కార్పోరేట్‌ దోపిడీకి పుల్‌ స్టాఫ్‌పెట్టాలని, ప్రభుత్వమే గతంలో మాదిరిగా 10 రకాల సరుకులు రేషన్‌షాపుల్లో ఇవ్వాలని డిమాండ్‌ చేశారు. లేదంటే ప్రజా ఉద్యమం ఉధృతం చేస్తామని రోజా హెచ్చరించారు. ప్రజలకు మేలు చేసే ఆలోచన లేదు రాజకీయ అవగాహన లేని లోకేష్‌ను ఎమ్మెల్సీ చేసి ఆ తరువాత మంత్రిని చేశారో అప్పటి నుంచి ప్రతిది సూట్‌కేసు గురించే చంద్రబాబు పని చేస్తున్నారు తప్ప, ప్రజలకు మేలు చేయడం లేదని రోజా విమర్శించారు.  రాజధాని భూముల పేరుతో లక్షల కోట్లు సంపాదించారన్నారు. పోలవరంలో అవినీతి నెలకొందని,  పట్టిసీమలో రూ.350 కోట్లు దోచుకున్నారని కాగ్‌ రిపోర్టు ఇచ్చిందన్నారు. బొగ్గు, మట్టి, మద్యం, ఇసుక వ్యాపారాలతో వందల కోట్లు దోచుకున్నారని విమర్శించారు. పిల్లనిచ్చిన మామనే వెన్నుపొటు పొడిచిన నీకు ప్రజలను మోసం చేయడం ఓ లేక్కా అని ప్రశ్నించారు. ఎన్టీఆర్‌ సుజల స్రవంతి అన్న పేరు పెట్టి పేదలకు నీరు ఇవ్వలేకపోయావంటే మీ మామపై ఎంత ప్రేమ ఉందో ఇక్కడే తెలిసి పోయిందన్నారు. నీ లొసుగులన్ని బయట పెట్టి ప్రజల చేత తరిమికొట్టిస్తామని రోజా చంద్రబాబు ప్రభుత్వాన్ని హెచ్చరించారు.

సాక్షి, అమరావతి: పేదలకు అన్ని రకాల సరుకులు తక్కువ ధరకే అందేలా చర్యలు తీసుకుంటున్నట్లు సీఎం చంద్రబాబు వెల్ల డించారు. ఇందులో భాగంగానే చంద్రన్న విలేజ్‌ మాల్స్‌ను ఏర్పాటు చేస్తున్నట్లు తెలిపారు. విజయవాడ, గుంటూరులో పైలెట్‌ ప్రాజెక్టుగా ఏర్పాటు చేసిన ‘చంద్రన్న విలేజ్‌ మాల్‌’ను మంగళవారం సచివాలయం నుంచి సీఎం ప్రారంభించారు. రాష్ట్రంలోని రేషన్‌ షాపులను చంద్రన్న విలేజ్‌ మాల్స్‌గా మారుస్తున్నట్లు తెలిపారు. వివిధ బ్రాండ్లకు చెందిన 500కు పైగా ఉత్పత్తులు ఎంఆర్‌పీ కంటే 4 శాతం నుంచి 35 శాతం తక్కువ ధరకు లభిస్తాయని వెల్లడించారు. వచ్చే ఏడాది జనవరి రెండో తేదీ నుంచి పది రోజుల పాటు ‘జన్మభూమి–మాఊరు’ కార్య క్రమం నిర్వహించాలని నిర్ణయించినట్లు చంద్రబాబు తెలిపారు. పది రోజులపాటు పది అంశాలపై ఈ కార్యక్రమం జరపాలని, ఆయా అంశాల్లో రాష్ట్రం, మండలం, ఆ గ్రామం ఎక్కడ ఉందో చర్చ జరగాలన్నారు. రాష్ట్రంలో పెన్షన్లు, రేషన్‌ కార్డులు కొత్తగా ఎంతమందికి అందివ్వాలన్నది త్వరలోనే నిర్ణ యిస్తామన్నారు. కలెక్టర్ల సదస్సుకు సన్నాహకంగా మంగళవారం సచి వాలయంలో మంత్రులు, కార్యదర్శులు, వివిధ ప్రభుత్వ శాఖల అధిపతులతో సీఎం సమావేశమయ్యారు. వీడియో కాన్ఫరెన్స్‌ ద్వారా కలెక్టర్లు ఈ భేటీలో పాల్గొన్నారు.  అందుబాటులో ‘పోలవరం’సమాచారం  నిర్ణీత వ్యవధిలోగా పోలవరం ప్రాజెక్టు పనులను శరవేగంగా పూర్తిచేసి, 2019 నాటికి రాష్ట్ర ప్రజలకు కానుకగా ఇవ్వాలనే లక్ష్యంతో పని చేస్తున్నామని సీఎం చెప్పారు. ఈ ప్రాజెక్టు పనులకు సంబంధించిన సమస్త సమాచారాన్ని ఆన్‌లైన్‌లో ప్రతి ఒక్కరికీ అందుబాటులో ఉంచాలన్నారు. వెంటనే సెంటర్‌ ఫర్‌ గుడ్‌ గవర్నెన్స్‌ ఏర్పాటు చేయాలని సీఎం సీఎస్‌కు సూచించారు. విజయవాడ శివారులో చేపట్టిన ఎకనామిక్‌ సిటీ నిర్మాణాన్ని, ప్రస్తుతం సేకరించిన 235 ఎకరాల్లోనే చేపట్టాలని బాబు ఆదేశించారు. 

పెద్దలను కొట్టి పేదలకు పెట్టిన రాబిన్‌ హుడ్‌ కథలు మనం చాలా చదువుకున్నాం. ఇపుడు రాష్ట్రంలో ‘రాబర్‌’ హుడ్‌ శకం నడుస్తోంది. పేదలను కొట్టి పెద్దలకు పెట్టడమే ఈ ‘రాబర్‌’ హుడ్‌ లక్ష్యం. నిరుపేదలు, చిరువ్యాపారులు, కిరాణావ్యాపారులే టార్గెట్‌. చిరు వ్యాపారుల పొట్టకొట్టి కార్పొరేట్‌ కంపెనీల ఖజానాలు నింపే ‘చంద్రన్న విలేజ్‌ మాల్స్‌’ కాన్సెప్ట్‌ ఇదే..  ఒక షాపు పెట్టి సక్సెస్‌ కావాలంటే చాలా కష్టపడాలి. నాణ్యమైన సరుకులు, తక్కువ ధరలతో ఎంతో కష్టపడి ఖాతాదారులను సంపాదించుకోవాలి. కానీ ముఖ్యమంత్రి చంద్రబాబునాయుడు గారి ప్రాపకం సంపాదించిన కార్పొరేట్‌ కంపెనీలకు ఇవేవీ అక్కర్లేదు.  రాత్రికి రాత్రి సరుకులు, ఖాతాదారులు, లాభాలు రెడీ.. చిరువ్యాపారాలను ధ్వంసం చేసి.. ప్రజాపంపిణీ వ్యవస్థను నాశనం చేసి మరీ వాటికి రెడ్‌ కార్పెట్‌ పరుస్తారు..  సాక్షి, అమరావతి:‘చంద్రన్న విలేజ్‌ మాల్స్‌’ పేరుతో రాష్ట్రంలోని కిరాణా వ్యాపారాన్ని పూర్తిగా కార్పొరేట్‌ సంస్థలకు అప్పజెప్పే భారీ దోపీడి కార్యక్రమానికి ప్రభుత్వం శ్రీకారం చుట్టి్టంది. లక్షలాది మందికి ఉపాధి కల్పించే కిరాణా వ్యాపారాన్ని దెబ్బతీస్తూ బడా కార్పొరేట్‌ సంస్థలను... ముఖ్యంగా ‘హెరిటేజ్‌’ రిటైల్‌ వ్యాపారానికి లబ్ధి చేకూర్చే సరికొత్త ఎత్తుగడకు ప్రభుత్వం తెరతీసింది. ‘చంద్రన్న విలేజ్‌ మాల్స్‌’ పేరుతో ప్రజా పంపిణీ వ్యవస్థను పూర్తిగా నిర్వీర్యం చేస్తూ.. అదే సమయంలో ఏటా రూ. 72.600 కోట్ల వ్యాపారాన్ని గంపగుత్త్తగా కార్పొరేట్‌ సంస్థలకు అప్పజెప్పనుంది. రాష్ట్రంలో ఉన్న 29 వేల రేషన్‌ షాపులన్నీ దశల వారీగా రిలయన్స్, వాల్‌మార్ట్, 6+ప్యూచర్‌ రిటైల్‌ సంస్థలకు అప్ప చెప్పి తెల్ల రేషన్‌ కార్డున్న ప్రతి పేదవాడు కూడా భవిష్యత్తులో ఆ మాల్స్‌లోనే సరుకులు కొనుగోలు చేసేలా ప్రభుత్వం పావులు కదుపుతోంది. ఫ్యూచర్‌ రిటైల్‌ వ్యాపారంలో చంద్రబాబు కుటుంబ సంస్థ ‘హెరిటేజ్‌ రిటైల్‌’ భాగస్వామిగా ఉన్న సంగతి తెలిసిందే. ప్రస్తుతం రేషన్‌ షాపుల ద్వారా బియ్యం ఒక్కటే పంపిణీ చేస్తుండటంతో ప్రజల్లో తీవ్ర అసంతృప్తిపెరుగుతోంది. దీన్ని తగ్గించడం కోసం తక్కువ ధరలకే కిరాణా వస్తువులు అందిస్తున్నామంటూ ‘చంద్రన్న విలేజ్‌ మాల్స్‌’ను తెరమీదకు తీసుకొచ్చారు. ఈ మాల్స్‌లో కేవలం బియ్యం మాత్రమే కాకుండా అన్ని కిరాణా సరుకులను బయట మార్కెట్‌ కంటే 10 నుంచి 12 శాతం తక్కువ ధరకు అందించనున్నామంటూ ప్రచారం చేస్తున్నారు.     ఇదీ... దోపీడీ లెక్క..  విలేజ్‌ మాల్స్‌ పేరుతో పైకి డిస్కౌంట్‌ రేట్లకే సరుకులు అందిస్తామంటున్నా.... వేల కోట్ల కిరాణా వ్యాపారాన్ని కార్పొరేట్‌ సంస్థలకు అప్పజెప్పడమే దీని వెనుక ఉన్న ప్రధాన ఉద్దేశ్యమన్నది స్పష్టంగా తెలుస్తూనే ఉంది. రాష్ట్రంలో సుమారు 1.40 కోట్ల  తెల్ల రేషన్‌ కార్డులున్న కుటుంబాలు ఉన్నాయి. ప్రస్తుత ధరల ప్రకారం దారిద్య్ర రేఖకు దిగువన ఉన్న కుటుంబాలు కూడా ప్రతీ నెల బియ్యంతో పాటు అన్ని కిరాణా, ఫ్యాన్సీ సామాన్లు కొనాలంటే తక్కువలో తక్కువ రూ. 2,000 అవసరమవుతాయి. కేవలం ఈ తెల్ల రేషన్‌ కార్డుల వారు విలేజ్‌ మాల్స్‌ ద్వారా ప్రతీ నెలా కొనే సరుకుల విలువే... అక్షరాలా రూ. 2,800 కోట్లు. వీరు కాకుండా రాష్ట్రంలో మరో 60 లక్షల మధ్య తరగతి కుటుంబాలున్నాయి. వీరి నెలసరి బడ్జెట్‌ విలువ రూ. 5,000లుగా అంచనా వేస్తే మరో రూ. 3, 250 కోట్ల వ్యాపారం కార్పొరేట్‌ సంస్థల జేబుల్లోకి వెళ్లిపోతుంది. అంటే ప్రతీ నెలా రూ. 6,050 కోట్ల చొప్పున ఏటా రూ. 72,600 కోట్ల మార్కెట్‌ను ప్రభుత్వమే పళ్లెంలో పెట్టి కార్పొరేట్‌ సంస్థలకు అప్పజెప్పబోతోందన్నమాట. కార్పొరేట్‌ సంస్థల దోపిడీ ఎలా ఉంటుందో మనమందరికీ అనుభవమే. తొలుత ఆకర్షించడానికి డిస్కౌంట్లు ప్రకటించి.. అలావాటయ్యాక ఆ సంస్థలన్నీ గుత్తాధిపత్యం కింద ధరలు పెంచుకుంటూ పోతాయి. ఇప్పుడు ఈ విలేజ్‌ మాల్స్‌లో కూడా తొలుత తక్కువ ధరకే వస్తువులు విక్రయించడంతో కొనుగోలుదారులు వాటికి పూర్తిగా అలవాటు పడి పోతారు. ఈలోగా గ్రామాల్లో చిరువ్యాపారులు, కిరాణా వ్యాపారుల వ్యాపారాలు పూర్తిగా దెబ్బతినిపోతాయి. ఆ∙తర్వాత విలేజ్‌ మాల్స్‌లో క్రమేణా ధరలు పెంచినా వినియోగదారులు చచ్చినట్లు ఆ మాల్స్‌లోనే కొనుగోలు చేయాల్సిన పరిస్థితిని కల్పిస్తారు.    ఇదీ విలేజ్‌ మాల్స్‌ స్వరూపం..  కార్పొరేట్‌ సంస్థలకు లబ్దిచేకూర్చేలా రేషన్‌ షాపులన్నీ ఆధునీకరించి వారికి అప్పగించేందుకు అవసరమైన పనులన్నీ క్షేత్రస్థాయిలో చకచకా జరిగిపోతున్నాయి. ప్రస్తుత రేషన్‌ షాపులను రూ.5 లక్షలతో విలేజ్‌ మాల్స్‌గా ఆధునీకరించనున్నారు.  ఇందులో రేషన్‌ డీలర్‌ వాటా రూ. 1.25 లక్షలు, ప్రభుత్వం రూ. 1.25 లక్షలు, మరో రూ. 2.50 లక్షలు కార్పొరేట్‌ సంస్థలు ఖర్చు చేసేలా ప్రభుత్వం ఈ మేరకు నిబంధనలు తయారు చేసింది. రేషన్‌ డీలర్‌ వాటా రూ. 1.25 లక్షలు ముద్ర బ్యాంకు ద్వారా రుణం ఇప్పించే బాధ్యత కూడా ప్రభుత్వమే తీసుకోనుంది. ఇందులో భాగంగా మొదటి దశ కింద సుమారు 6,000 మాల్స్‌ను ఏర్పాటు చేయాలన్నది ప్రభుత్వ ఆలోచన. పైలెట్‌ ప్రాజెక్టు కింద తొలుత జిల్లాల్లో ఎక్కడెక్కడ చంద్రన్న విలేజ్‌ మాల్స్‌ ఏర్పాటు చేయాలో రేషన్‌ షాపుల వివరాలు పంపాలని ప్రభుత్వం నుంచి జిల్లా అధికారులకు ఆదేశాలు వెళ్ళాయి. ఒక్కో జిల్లా నుంచి పైలెట్‌ ప్రాజెక్టు కింద 500 తక్కువ కాకుండా పూర్తి వివరాలతో రేషన్‌ షాపుల జాబితా పంపాలని ఆ ఉత్తర్వుల్లో పేర్కొన్నారు.    సరుకుల నాణ్యతపై బాధ్యత ఎవరిది?  సరుకులన్నీ కూడా చంద్రన్న విలేజ్‌ మాల్స్‌లోనే కొనుగోలు చేసేలా అన్ని రకాల ఏర్పాట్లు జరుగుతున్నాయి. రాష్ట్రంలో తెల్లరేషన్‌ కార్డులున్న కుటుంబాలు 1.40 కోట్లు ఉంటే వీటిలో దాదాపు 80 శాతం కుటుంబాలు సబ్సిడీ బియ్యం తినడంలేదని ప్రభుత్వం ఒక అంచనాకు వచ్చింది. అందుకే బియ్యం వద్దనుకునే లబ్దిదారులకు వాటికయ్యే మొత్తాన్ని లెక్కకట్టి అదే మొత్తానికి చంద్రన్న మాల్స్‌లో సరుకులు తీసుకోవచ్చని ప్రభుత్వం ఇప్పటి నుంచే ప్రచారం చేస్తోంది. అంటే ఆ మేరకు మార్కెట్‌ అంతా ఆ మాల్స్‌కు తరలించబోతున్నారన్నమాట. కొత్తగా ప్రవేశపెట్టనున్న చంద్రన్న విలేజ్‌ మాల్స్‌లో నాణ్యమైన సరుకులు కాకుండా నాసిరకం విక్రయిస్తే ఎవరు చర్యలు తీసుకుంటారనేది అర్థంకాని సమస్య. ఎందుకంటే కార్పొరేట్‌ సంస్థలను ప్రభుత్వమే ప్రోత్సహిస్తుండటంతో వారు ఎలాంటి సరుకులు విక్రయించినా అధికారులు పట్టించుకొనే పరిస్థితి కూడా ఉండదు. గత మూడేళ్లుగా సంక్రాంతి, క్రిస్‌మస్, రంజాన్‌ పండుగలకు ఐదు రకాల వస్తువులను ప్రభుత్వం ఉచితంగా పంపిణీ చేస్తున్న విషయం తెలిసిందే. నాణ్యత లేకపోతే వాటిని సరఫరా చేసే కాంట్రాక్టర్లు, అందుకు సహకరించిన అధికారులపై చర్యలు తీసుకుంటామని  సీఎం చంద్రబాబు ప్రకటించినా ఇప్పటికీ చర్యలు లేవు. బెల్లం, గోధుమ పిండి నాసిరకంగా ఉందని కూడా చంద్రబాబు ఒప్పుకున్నారు. బాధ్యులపై వెంటనే క్రిమినల్‌ కేసులు నమోదు చేయాలని చెప్పినా ఎక్కడా ఒక్క కేసు కూడా నమోదు కాలేదు.    రేషన్‌ షాపులను క్రమంగా నీరుగార్చారు..  రేషన్‌ షాపులను ఒక పథకం ప్రకారం ప్రభుత్వమే నీరుగార్చుతోందనే ఆరోపణలున్నాయి. ఇందులో భాగంగానే రేషన్‌ షాపుల్లో ఇచ్చే సరుకులను ఒక్కొక్కటిగా రద్దు చేస్తున్నారు. కాంగ్రెస్‌ హయాంలో బియ్యం, కిరోసిన్‌తో పాటు మరో తొమ్మిది రకాలైన సరుకులు కందిపప్పు(1 కిలో), పామాయిల్‌ (1 లీటర్‌), గోధుమపిండి(1 కిలో), గోధుమలు(1 కిలో), ఉప్పు(1 కిలో), చక్కెర(అర కిలో), చింతపండు(అర కిలో), కారం పొడి(250 గ్రాములు), పసుపు పొడి(100 గ్రాములు) ఒక బ్యాగులో ఉంచి ఒక్కో లబ్దిదారుడికి రూ.185లకు ఇచ్చేవారు. చంద్రబాబు అధికారంలోకి వచ్చాక ఆ 9 రకాల సరుకులకు మంగళం పాడటమే కాకుండా కిరోసిన్‌ను కూడా రద్దు చేసింది. ప్రస్తుతం బియ్యం ఒక్కటే పేదలకు సబ్సిడీపై పంపిణీ చేస్తున్నారు. పేదలకు నిత్యావసరాలను తక్కువ ధరలకు అందించాలన్న లక్ష్యంతో ఎన్‌.టి.రామారావు ముఖ్యమంత్రి అయిన తర్వాత ప్రజా పంపిణీ వ్యవస్థను పటిష్టం చేస్తే ఆ తర్వాత అదే పార్టీ నుంచి సీఎం పీఠం మీద కూర్చొన్న చంద్రబాబు వాటిని నిర్వీర్యం చేసేందుకు కంకణం కట్టుకోవడం గమనార్హం.     ఖర్చు మాపై వేస్తే ఎలా? : రేషన్‌ డీలర్ల ఆందోళన  చంద్రన్న విలేజ్‌ మాల్స్‌ అలంకరణ కోసం ఒక్కో రేషన్‌ డీలర్‌పై రూ. 1.25 లక్షలు భారం మోపాలని ప్రభుత్వం నిర్ణయించడాన్ని తాము వ్యతిరేకిస్తున్నట్లు రేషన్‌ డీలర్ల సంఘం రాష్ట్ర అధ్యక్షుడు దివి లీలామాధవరావు పేర్కొన్నారు. మాల్స్‌ ఏర్పాటుపై ఇప్పటి వరకు రేషన్‌ డీలర్లతో ఎలాంటి చర్చలూ జరపకుండానే ముందుకెళ్లడం అన్యాయం. డీలర్లను అడకుండానే వారి పేరిట ముద్ర బ్యాంకు ద్వారా ఒక్కొక్కరి పేరిట రూ. 1.25 లక్షలు రుణం తీసుకొని ఖర్చు చేస్తే వాటిని తిరిగి తామెలా చెల్లిస్తామని ప్రశ్నించారు. చంద్రన్న విలేజ్‌ మాల్స్‌ నిర్వహణ రేషన్‌ డీలర్లకే అప్పగించాలని ఆయన డిమాండ్‌ చేశారు. కార్పొరేట్‌ సంస్థలకు చెందిన వ్యక్తులను కౌంటర్లో కూర్చోబెట్టి వారి చేత డబ్బులు వసూలు చేస్తే తాము వ్యతిరేకిస్తామని తెలిపారు. వచ్చే ఎన్నికలను దృష్టిలో ఉంచుకొని కార్పొరేట్‌ సంస్థలకు లబ్ది చేకూర్చి వారి నుంచి ప్రతిఫలం పొందాలనేది ప్రభుత్వ పెద్దల ఆలోచన. అందుకే రేషన్‌ షాపులను వారికి అప్పగించి అందులో అన్ని సరుకులూ విక్రయించుకునేందుకు ప్రభుత్వం అనుమతి ఇచ్చింది. కార్పొరేట్‌ చేతుల్లోకి అప్పజెప్పొద్దని డీలర్లు పదేపదే ప్రభుత్వానికి విజ్ఞప్తి చేస్తున్నా స్పష్టమైన హామీ రాకపోవడంతో డీలర్లు ఆందోళన వ్యక్తం చేస్తున్నారు.    రేషన్‌ షాపులు మూసేసే ఎత్తుగడ  చంద్రన్న విలేజ్‌ మాల్స్‌ పేరుతో బడా రిటైల్‌ సంస్థలతో కలిసి రేషన్‌ షాపులను మూసే వేసే కార్యక్రమానికి ప్రభుత్వం శ్రీకారం చుడుతోంది. మార్కెట్‌ ధర కంటే 12 శాతం తక్కువ ధరకు సరుకులు ఎలా ఇవ్వగలరో ప్రభుత్వం వివరించాలి. చంద్రన్న మాల్స్‌ పేరుతో షాపులు తెరిస్తే కిరాణాషాపుల నుంచి పెద్ద ఎత్తున వ్యతిరేకత తప్పదు. మల్టీ నేషనల్‌ కంపెనీలతో చేతులు కలిపి ఇటు రేషన్‌ దుకాణాలను, ఇటు కిరాణా షాపులను నిర్వీర్యం చేసే కార్యక్రమానికి ప్రభుత్వమే వత్తాసు పలకడం దారుణం.  ఆతుకూరి ఆంజనేయులు, అధ్యక్షులు, ఏపీ చాంబర్‌ ఆఫ్‌ కామర్స్‌.    

సాక్షి, హైదరాబాద్‌ : రేషన్‌ షాపుల ద్వారా లబ్ధిదారులకు బియ్యం అందించడం ఉత్తమమా లేక డైరెక్ట్‌ బెనిఫిట్‌ ట్రాన్స్‌ఫర్‌(డీబీటీ) విధానంలో వారికి నేరుగా నగదు బదిలీ చేయడం ఉత్తమమా అనే అంశంపై ఆలోచించాలని అధికారులను ముఖ్యమంత్రి కె.చంద్రశేఖర్‌రావు ఆదేశించారు. రేషన్‌ షాపుల ద్వారా నిత్యావసర సరుకుల పంపిణీలో అవకతవకలు, అక్రమాలను నిరోధించడంతోపాటు లబ్ధిదారులకు సంపూర్ణ ప్రయోజనం అందించడానికి అనువైన విధానం అమలు చేయాలని ఆయన అభిప్రాయపడ్డారు. రేషన్‌ డీలర్లు సమ్మె నోటీసు ఇచ్చిన నేపథ్యంలో అనుసరించాల్సిన వ్యూహంపై సీఎం కేసీఆర్‌ శనివారం ప్రగతి భవన్‌లో సమీక్షించారు. ఈ సందర్భంగా సీఎం మాట్లాడుతూ ‘‘ఏటా రూ. 6,500 కోట్లు ఖర్చు పెట్టి పేదల కోసం రేషన్‌ షాపుల ద్వారా నిత్యావసర సరుకులు అందిస్తున్నాం. ఇందుకోసం అఖిల భారత సర్వీసు అధికారులతోపాటు ఎంతో మంది అధికారులు, సిబ్బంది పని చేస్తున్నారు. ప్రభుత్వ యంత్రాంగం తలమునకలవుతోంది. అయినప్పటికీ ఆశించిన ఫలితం రావట్లేదు. లబ్ధిదారులకు అందాల్సిన బియ్యం, ఇతర సరుకులు పక్కదారి పడుతున్నాయి. బియ్యం అక్రమ రవాణాకు మాఫియానే ఏర్పడింది. ఉన్నతాధికారులను కూడా మేనేజ్‌ చేసే స్థాయికి అక్రమ దందా సాగించేవారు ఎదిగారు. ప్రతిరోజూ పత్రికల్లో అక్రమ రవాణా అవుతున్న రేషన్‌ బియ్యం పట్టివేత వార్తలు వస్తున్నాయి. ఈ వార్తలు, వెలుగు చూస్తున్న అక్రమాలు మనోవేదన కలిగిస్తున్నాయి. ఇంత ఖర్చు చేసినా, ఎంతో శ్రమించినా చెడ్డపేరు వస్తున్నదనే బాధ కలుగుతోంది. ఈ పరిస్థితి పోవాలి. పేదల కోసం పెడుతున్న ఖర్చు నూటికి నూరు శాతం పేదలకే ఉపయోగపడాలి. ఇందుకోసం ఓ మంచి విధానం అమలు చేయాలి’’ అని అధికారులకు సూచించారు. డీబీటీపై సీఎంకు వివరించిన అధికారులు... దేశంలోని వివిధ చోట్ల ప్రజా పంపిణీ వ్యవస్థ (పీడీఎస్‌) అమలు విధానంలో మార్పులొచ్చాయని, ముఖ్యంగా రేషన్‌ షాపుల ద్వారా సరుకుల పంపిణీకి బదులు నేరుగా లబ్ధిదారుల బ్యాంకు ఖాతాలకు నగదు బదిలీ చేసేందుకు డీబీటీ విధానం అమలవుతోందని అధికారులు ముఖ్యమంత్రికి వివరించారు. చండీగఢ్, పుదుచ్చేరి, దాద్రా హవేలి లాంటి కేంద్రపాలిత ప్రాంతాల్లో పీడీఎస్‌ ద్వారా సబ్సిడీపై రేషన్‌ సరుకుల పంపిణీకి బదులు నేరుగా లబ్ధిదారుల బ్యాంకు ఖాతాల్లో నగదు బదిలీ చేస్తున్నారని నివేదించారు. ఈ తరహాలో నగదు బదిలీ విధానాన్ని అన్ని రాష్ట్రాలూ అమలు చేయాలని ప్రధాని మోదీ కూడా పిలుపునిచ్చారని తెలిపారు. 2013లో యూపీఏ ప్రభుత్వం తెచ్చిన ఆహార భద్రత చట్టంలోనూ సబ్సిడీల ద్వారా అందించే లబ్ధిని నగదు రూపంలో నేరుగా లబ్ధిదారులకు అందించాలనే సూచన ఉందని గుర్తుచేశారు. సరుకులకు బదులు నగదునే లబ్ధిదారులకు అందించడం వల్ల కలిగే ప్రయోజనాలను కూడా వివరించారు. ప్రస్తుతం ఆహారం కోసం బియ్యం మాత్రమే సరఫరా చేస్తున్నామని, అదీ నిర్ణీత సమయంలో అందిస్తున్నామని చెప్పారు. బియ్యం కాకుండా నగదు అందిస్తే లబ్దిదారులు వారి ఆహార అలవాట్లకు అనుగుణంగా సరుకులు కొనుగోలు చేసుకుంటారని చెప్పారు. కాబట్టి రాష్ట్రంలో రేషన్‌ షాపుల ద్వారా అందించే బియ్యం, ఇతర నిత్యావసర సరుకులకు బదులుగా అంతే మొత్తం నగదును నేరుగా లబ్దిదారుల ఖాతాల్లో జమ చేసే విధానం అమలు చేసే అంశాన్ని పరిశీలించాలని వారు సీఎంకు సూచించారు. దీనిపై స్పందించిన ముఖ్యమంత్రి... రేషన్‌ షాపుల ద్వారా బియ్యం అందించడం ఉత్తమమా? నగదును లబ్దిదారులకు నేరుగా అందించడం ఉత్తమమా అనే విషయంపై ఆలోచించాలని కోరారు. సమావేశంలో మంత్రి సి.లక్ష్మారెడ్డి, ప్రభుత్వ ముఖ్య సలహాదారు రాజీవ్‌శర్మ, ప్రభుత్వ ప్రధాన కార్యదర్శి ఎస్‌.పి.సింగ్, ఎంపీ బాల్క సుమన్, ఎమ్మెల్సీ కర్నె ప్రభాకర్, పౌర సరఫరాల సంస్థ కమిషనర్‌ సీవీ ఆనంద్, సీనియర్‌ అధికారులు నర్సింగ్‌రావు, రామకృష్ణారావు, వాకాటి కరుణ, శాంత కుమారి, స్మితా సబర్వాల్, భూపాల్‌రెడ్డి పాల్గొన్నారు. డీలర్లు సమ్మె విరమించకుంటే లబ్ధిదారులకు నేరుగా నగదు... రేషన్‌ డీలర్లు సమ్మె నోటీసు ఇచ్చినందున లబ్ధిదారులకు ఇబ్బంది కలగని విధంగా ప్రత్యామ్నాయ ఏర్పాట్లు చేస్తున్నామని అధికారులు చెప్పారు. డీలర్లు సమ్మె ఆలోచన విరమించుకోకుంటే నిత్యావసర సరుకులు పంపిణీ చేయడం సాధ్యం కాదు కాబట్టి దానికి సంబంధించిన నగదును నేరుగా లబ్ధిదారులకే అందించే ఏర్పాట్లు చేయాలని భావిస్తున్నారు.  

సాక్షి, అమరావతి: ప్రజాపంపిణీ వ్యవస్థను కార్పొరేట్‌ సంస్థల చేతుల్లో పెట్టేందుకు రాష్ట్ర ప్రభుత్వం సిద్ధమైంది. రేషన్‌ దుకాణాల్లో పేదలకు సబ్సిడీపై పంపిణీ చేసే సరుకులను ఇప్పటికే ఒక్కొక్కటిగా రద్దు చేస్తూ వచ్చిన ప్రభుత్వం ఇక ఆ బాధ్యత నుంచి కూడా తప్పుకుని ప్రైవేట్‌ కంపెనీలకు వదిలేయాలని నిర్ణయించింది. అది కూడా తన సొంత కుటుంబానికి చెందిన హెరిటేజ్‌ సంస్థకు చెందిన రూ.200 షేరును రూ.900 పెట్టి కొనుగోలు చేసిన ప్యూచర్‌ కంపెనీకి మొత్తం ప్రజా పంపిణీ వ్యవస్థను కట్టబెడుతుండటం గమనార్హం.  రాష్ట్రవ్యాప్తంగా 29,000 చౌకధరల దుకాణాలను దశలవారీగా ‘అన్న విలేజ్‌ మాల్స్‌’గా మార్చాలని ముఖ్యమంత్రి చంద్రబాబునాయుడు తాజాగా అధికారులను ఆదేశించారు. శుక్రవారం సచివాలయంలో జరిగిన పౌరసరఫరాలశాఖ సమీక్ష సమావేశంలో తొలివిడతలో 6,500 ‘అన్న విలేజ్‌ మాల్స్‌’ ఏర్పాటుకు ముఖ్యమంత్రి ఆమోదం తెలిపారు. తక్కువ ధరతో నాణ్యమైన నిత్యావసర వస్తువులను వినియోగదారులకు అందించడమే లక్ష్యం కావాలని సూచించారు. ‘ఫ్యూచర్‌’,  ‘రిలయన్స్‌’ గ్రూపుల భాగస్వామ్యంతో ఏర్పాటు చేస్తున్న ‘అన్న విలేజ్‌ మాల్స్‌’ను అత్యంత ఆకర్షణీయంగా తీర్చిదిద్దడంతోపాటు ప్రత్యేకంగా లోగో రూపొందించాలని సూచించారు. ప్యూచర్‌ గ్రూప్‌లో సీఎం చంద్రబాబు కుటుంబానికి చెందిన హెరిటేజ్‌ కంపెనీకి 3 శాతం వాటాలు ఇప్పటికీ ఉండటం గమనార్హం. కేంద్ర ప్రభుత్వం పెద్ద నోట్ల రద్దు నిర్ణయాన్ని ప్రకటించటానికి కేవలం ఒక్క రోజు ముందుగా హెరిటేజ్‌ తన షేర్లను ఒక్కసారిగా రూ. 900కి పెంచి ప్యూచర్‌ గ్రూప్‌నకు విక్రయించింది. అప్పట్లో ఈ ఒప్పందం దేశవ్యాప్తంగా తీవ్ర సంచలనం కలిగించింది.  ఖాళీగా ఉన్న 4,599 షాపులకు డీలర్ల నియామకం రేషన్‌ బియ్యం’ తమకు వద్దు అనుకునే తెల్లకార్డుదారులకు అంతే విలువైన నగదును ‘అన్న విలేజ్‌ మాల్స్‌’లో అవసరమైన సరుకులు కొనుగోలు చేసుకునే వెసులుబాటు ఉంటుందని ముఖ్యమంత్రి చంద్రబాబు చెప్పారు. ఎవరైనా తమ ఉత్పత్తులను ‘అన్న విలేజ్‌ మాల్‌’లో విక్రయించుకునే సౌలభ్యాన్ని ప్రభుత్వం కల్పిస్తుందని చెప్పారు. ఖాళీగా వున్న 4,599 చౌకధరల దుకాణాలకు వెంటనే డీలర్లను నియమించాలని అధికారులను ముఖ్యమంత్రి ఆదేశించారు. రేషన్‌ సరుకుల పంపిణీలో లబ్ధిదారులకు సాంకేతిక ఇబ్బందులు తలెత్తితే ప్రత్యామ్నాయ మార్గాలు అన్వేషించాలన్నారు. కేంద్ర ప్రభుత్వం సబ్సిడీ ఎత్తివేసినా తెల్ల రేషన్‌ కార్డుదారులకు మార్కెట్‌ ధర కన్నా 50% తక్కువకు నెలకు అర కిలో పంచదార పంపిణీ చేయాలని ఆదేశించారు. వచ్చే ఏడాది జనవరి నుంచి అందించే రేషన్‌లో పంచదారను జత చేయాలని చెప్పారు. ప్రత్యేక అవసరాలు కలిగిన కూరాకుల, రజక, మత్స్యకార తదితర సామాజికవర్గాల వారికి తెల్ల  కిరోసిన్‌ ఇవ్వాలని అన్నారు. కొత్తగా రేషన్‌ కార్డులు మంజూరు చేసినప్పుడు బోగస్‌వి జారీ కాకుండా జాగ్రత్త పడాలని సూచించారు. ఒక్కొక్కటిగా సరుకుల ఎత్తివేత గతంలో రేషన్‌ దుకాణాల ద్వారా బియ్యం, కిరోసిన్‌తోపాటు అదనంగా కందిపప్పు, పామాయిల్, గోధుమ పిండి, గోధుమలు, ఉప్పు, చక్కెర, చింతపండు, కారం పొడి, పసుపు లాంటి తొమ్మిది రకాల సరుకులను సంచుల్లో ఒక్కో లబ్దిదారుడికి సబ్సిడీపై రూ. 185కే పంపిణీ చేసేవారు. టీడీపీ అధికారంలోకి వచ్చిన తర్వాత వాటన్నింటికీ మంగళం పాడారు. కేవలం బియ్యం మాత్రమే సరఫరా జరుగుతోంది. ఇన్నాళ్లూ పేదలకు అండగా ఉన్న చౌక ధరల దుకాణాలను ఇప్పుడు మాల్స్‌ పేరుతో కార్పొరేట్‌ కంపెనీలకు అప్పగిస్తే భవిష్యత్తులో ఏ సరుకులు కొనాలన్నా జనం వాటి గుప్పెట్లో నలిగిపోయే ప్రమాదం నెలకొంది.  – ‘అన్న విలేజ్‌ మాల్స్‌’ కనీసం 200 చదరపు అడుగుల విస్తీర్ణంలో ఏర్పాటు చేస్తారు.  – ‘అన్న విలేజ్‌ మాల్స్‌’కు అయ్యే వ్యయంలో 25% రాష్ట్ర ప్రభుత్వమే భరిస్తుంది. అంతేకాదు మరో 25% ‘ముద్ర’ రుణాన్ని డీలర్‌కు ఇప్పిస్తారు. – డ్వాక్రా, మెప్మా, గిరిజన సహకార సమితి ఉత్పత్తులతో పాటు ప్రభుత్వం రైతుల నుంచి కొనుగోలు చేసే వివిధ వ్యవసాయ ఉత్పత్తులను అందుబాటులో ఉంచనున్నట్లు తెలిపింది.  – బందరు లడ్డు, కాకినాడ కాజా, పచ్చళ్లు లాంటివి కూడా లభిస్తాయని పేర్కొంది.  రేషన్‌ షాపులను కొనసాగించాలి కార్పొరేట్‌ సంస్థల ద్వారా తక్కువ ధరకు సరుకులు ఇచ్చేలా నిర్ణయం తీసుకున్నా రేషన్‌ షాపులను నిర్వీర్యం చేయకుండా ప్రభుత్వం చర్యలు తీసుకోవాలి. గతంలో సబ్సిడీపై ఇస్తున్న తొమ్మిది రకాల సరుకులతోపాటు బియ్యం, చక్కెర, కిరోసిన్‌ కూడా సబ్సిడీపై సరఫరా చేసి పేదలను, రేషన్‌ డీలర్లను ఆదుకోవాలి.          –దివి లీలామాధవరావు, రేషన్‌ డీలర్ల సంఘం రాష్ట్ర అధ్యక్షుడు సర్, కామన్‌లో ‘లీలామాధవరావు’ అనే ఫైల్‌నేంతో ఫోటో ఉంది

సాక్షి, అమరావతి: రేషన్‌ షాపులను విలేజ్‌ మాల్స్‌గా మార్చాలంటూ అధికారులను సీఎం చంద్రబాబు ఆదేశించారు. తొలి విడతలో 6,500 రేషన్‌ షాపులను ‘అన్న విలేజ్‌ మాల్స్‌’గా మార్చాలని సూచించారు. ఈ మేరకు తయారు చేసిన ప్రతిపాదనలకు సీఎం ఆమోదం తెలిపారు. శుక్రవారం వెలగపూడిలోని తాత్కాలిక సచివాలయంలో పౌరసరఫరాల శాఖపై సీఎం సమీక్ష నిర్వహించారు. ఈ సందర్భంగా ఆయన మాట్లాడుతూ.. రిలయన్స్, ఫ్యూచర్‌ గ్రూప్‌ భాగస్వామ్యంతో ఏర్పాటు చేస్తున్న ఈ మాల్స్‌ను ఆకర్షణీయంగా తీర్చిదిద్దాలని, ప్రత్యేక లోగో తయారుచేయాలని ఆదేశించారు. 200 చదరపు అడుగుల విస్తీర్ణంలో ఏర్పాటు చేసే ‘అన్న విలేజ్‌ మాల్‌’ కోసమయ్యే వ్యయంలో 25 శాతాన్ని రాష్ట్ర ప్రభుత్వమే భరిస్తుంది. మరో 25 శాతం వ్యయాన్ని ‘ముద్ర’ నుంచి డీలర్‌కు రుణంగా ఇప్పిస్తుంది. ఈ విలేజ్‌ మాల్స్‌లో డ్వాక్రా, మెప్మా, జీసీసీ ఉత్పత్తులతో పాటు రైతుల నుంచి కొనుగోలు చేసే వివిధ వ్యవసాయ ఉత్పత్తులను అందుబాటులో ఉంచుతారు. అలాగే బందరు లడ్డు, కాకినాడ కాజా వంటి స్వీట్లతో పాటు పలురకాల పచ్చళ్లు కూడా లభిస్తాయి. విలేజ్‌ మాల్స్‌లో ఎవరైనా తమ ఉత్పత్తులను విక్రయించుకోవాలనుకుంటే.. ఆ సౌలభ్యాన్ని కూడా ప్రభుత్వం కల్పిస్తుంది. ఇక రేషన్‌ బియ్యం వద్దనుకునే తెల్ల కార్డుదారులకు.. అంతే విలువైన ఆహార పదార్థాలను విలేజ్‌ మాల్స్‌ నుంచి కొనుగోలు చేసుకునే వెసులుబాటు కల్పించాలని సీఎం ఆదేశించారు. ప్రస్తుతం ఖాళీగా ఉన్న 4,599 రేషన్‌ షాపులకు వెంటనే డీలర్లను నియమించాలని ఆదేశాలు జారీ చేశారు. తెల్ల రేషన్‌ కార్డుదారులకు మార్కెట్‌ కన్నా 50 శాతం తక్కువ ధరకే అర కిలో పంచదార పంపిణీ చేయాలని సూచించారు. వచ్చే ఏడాది జనవరి నుంచి అందించే రేషన్‌లో పంచదారను కూడా జత చేయాలని చెప్పారు. అలాగే రజక, మత్స్యకార తదితర సామాజికవర్గాల వారికి వైట్‌ కిరోసిన్‌ ఇవ్వాలని సీఎం ఆదేశించారు.


 – జూన్‌లో రేషన్‌ డీలర్లకు కోటాలో 20 శాతం సరఫరా
 – ఈ నెల నుంచి పూర్తిగా ఎత్తేస్తున్న వైనం
 
 తెల్లకార్డులు– 11.92 లక్షలు
 గులాబీ కార్డులు– 80 వేలు
 మొత్తం కార్డులు– 12.72 లక్షలు
 గ్యాస్‌ కనెక‌్షన్లు– 11.37 లక్షలు
 గ్యాస్‌ కనెక‌్షన్‌ లేని వారు– 1.35 లక్షలు
 
 అనంతపురం అర్బన్‌ : రేషన్‌ కార్డులకు నీలి కిరోసిన్‌ పంపిణీని జూలై నుంచి ప్రభుత్వం బంద్‌ చేసింది. జూన్‌కు సంబంధించి డీలర్లకు కేటాయించిన కోటాలో కేవలం 20 శాతం మాత్రమే సరఫరా చేసినట్లు తెలిసింది. అదీ కూడా మేలో కిరోసిన్‌ హోల్‌సేల్‌ డీలర్ల వద్ద మిగులు సరుకును డీలర్లకు అధికారులు సర్దుబాటు చేసినట్లు తెలిసింది. ఈ కొద్ది సరుకును కార్డుదారులకు ఎలా పంపిణీ చేయాలో దిక్కుతోచక పలువురు డీలర్లు ఇబ్బంది పడ్డారు. కాగా చౌక దుకాణాల ద్వారా కార్డుదారులకు పంపిణీ చేస్తున్న సరుకులను ఒక్కొక్కటిగా తొలగిస్తూ వస్తున్న ప్రభుత్వం వైఖరిని గమనిస్తే ప్రజా పంపిణీ వ్యవస్థ బాధ్యతల నుంచి తప్పుకో చూస్తోందనేది స్పష్టమవుతోంది.
 
 ఒకొక్కటిగా కోత
 తెల్లకార్డుదారులకు బియ్యంతో పాటు ఇతర నిత్యావసర సరుకులు చౌక దుకాణాల నుంచి పంపిణీ చేస్తామని ఎన్నికల సమయంలో తెలుగుదేశం పార్టీ హామీ ఇచ్చింది. అయితే అధికారంలోకి రాగానే ఒక్కో సరుకునూ కోత పెడుతూ వస్తోంది. గతంలో బియ్యంతో పాటు పామాయిల్, చక్కెర, కందిపప్పుతో పాటుగా చింతపండు, ఉప్పు, కారం, పసుపు కూడా పంపిణీ చేసేవారు. టీడీపీ ప్రభుత్వం అధికారంలోకి వచ్చిన తరువాత తొలిగా పామాయిల్, అటు తరువాత చింతపండు, ఉప్పు, కారం, పసుపు పంపిణీ నిలిపివేసింది. ఆ తరువాత కందిపప్పు, గత నెలలో చక్కెర, ఈ నెలలో కిరోసిన్‌... ఇలా ఒక్కొక్కటిగా మూడేళ్లలో తొలగించింది. ప్రస్తుతం బియ్యం ఒక్కటే పంపిణీ చేస్తున్నారు. బియ్యానికి కూడా త్వరలో మంగళం పాడే యోచనలో ప్రభుత్వం ఉన్నట్లు తెలిసింది.
 
 గ్యాస్‌ కనెక‌్షన్‌ లేనివారి పరిస్థితి?
 కిరోసిన్‌ పంపిణీ బంద్‌ చేయడంతో గ్యాస్‌ కనెక్షన్‌ లేని పేదల పరిస్థితి ప్రశ్నార్థకంగా మారింది. ఇలాంటి వారు కట్టెల పొయ్యిపైన ఆధారపడాల్సిన పరిస్థితి ఉంటుంది. పొగరహిత జిల్లాగా మారుస్తామని చెబుతున్న అధికారులకు ఇదెలా సాధ్యమో తెలియాలి. జిల్లాలో గ్యాస్‌ లేని తెల్లకార్డుదారులకు దీపం పథకం కింద 1.50 లక్షల కనెక‌్షన్లు మంజూరు చేసి వంద శాతం లక్ష్యం పూర్తిచేశామని అధికారులు చెబుతున్నారు. అయితే ఇంకా జిల్లావ్యాప్తంగా దాదాపు లక్ష మందికి గ్యాస్‌ కనెక‌్షన్‌ లేనట్లు సమాచారం. జిల్లాలో 11.92 లక్షలు తెల్ల కార్డులు ఉన్నాయి. పింక్‌ కార్డులు 80 వేలు ఉన్నాయి.
 
 అంటే జిల్లాలో మొత్తం 12.72 లక్షల కార్డులు ఉన్నట్లు తెలుస్తోంది. అధికారిక లెక్కల ప్రకారం జిల్లాలో11,37,236 గ్యాస్‌ కనెక‌్షన్లు ఉన్నాయి. ఇందులో సాధారణ కనెక‌్షన్లు 5,24,294, దీపం కనెక‌్షన్లు (కొత్తగా మంజూరు చేసిన వాటితో కలిపి) 5,31,067, సీఎస్‌ఆర్‌ (కమ్యూనిటీ సోషల్‌ రెస్పాన్స్‌బిలిటీ) 39,225, ఉజ్వల పథకం కనెక‌్షన్లు 2,650 ఉన్నాయి. అధికారిక లెక్కల ప్రకారం జిల్లాలో 12.72 లక్షల కార్డులు ఉంటే గ్యాస్‌ కనెక‌్షన్లు 11.37 లక్షలు ఉన్నాయి. అంటే 1.35 లక్షల మందికి గ్యాస్‌ కనెక‌్షన్లు లేవనేది స్పష్టమవుతోంది.


 ► ఇప్పటికే చక్కెర, కిరోసిన్‌కు మంగళం
 ► త్వరలో అమలుకు ప్రభుత్వం కసరత్తు  
 ► ఏడు లక్షల మంది పేదలపై ప్రభావం
 
 రాష్ట్ర ప్రభుత్వం చౌక దుకాణాల ద్వారా అందించే సరుకుల సంఖ్యను పెంచే సంగతి  పక్కన పెట్టి ఉన్న సరుకులకు మంగళం పాడుతూ వస్తోంది. పేద ప్రజల సంక్షేమం మరిచి ఏకపక్ష నిర్ణయాలకు శ్రీకారం చుడుతోంది. ఇప్పటికే కేంద్రం సబ్సిడీలకు కోత పెట్టిందని సాకు చూపుతూ జూన్‌ నుంచి చక్కెర, కిరోసిన్‌కు మంగళం పాడింది. త్వరలోనే బియ్యానికి కూడా ఎసరు పెట్టేందుకు టీడీపీ  సర్కార్‌ సన్నద్ధమవుతోంది. దీనిస్థానంలో నేరుగా సబ్సిడీని లబ్ధిదారులకు అందించాలనే ప్రతిపాదనలకు ప్రభుత్వం పచ్చజెండా ఊపనుంది. ఇది సుమారు ఏడులక్షల మంది పేదలపై ప్రభావం చూపనుంది.
 
 సాక్షి, కడప : తెలుగుదేశం పార్టీ అధికారంలోకి రాకముందు  ఎన్నికల మేనిఫెస్టోలో పేదల సంక్షేమానికి పెద్దపీట వేస్తాం...సరుకుల సంఖ్యను పెంచుతామంటూ ప్రగల్బాలు పలికింది.అధికారంలోకి రాగానే వాటిని తుంగలో తొక్కుతోంది.  అంతకుముందు కాంగ్రెస్‌లోని కిరణ్‌ సర్కార్‌ అమ్మ హస్తం పేరుతో ఎనిమిది సరుకులను అందించేవారు. టీడీపీ అధికారంలోకి వచ్చిన తర్వాత   పామోలిన్‌కు కేంద్ర సబ్సిడీ లేదని చెప్పి మొదట్లోనే సరఫరాను నిలిపి వేసింది. తర్వాత  మూడు,నాలుగు వస్తువులను ఇస్తూ కాలం గడుపుతోంది.
 
 ఇటీవల కేంద్ర ప్రభుత్వం చక్కెర, కిరోసిన్‌కు సంబంధించి సబ్సిడీని ఎత్తివేశారు. రాష్ట్ర ప్రభుత్వం సబ్సిడీని భరించి చక్కెర, కిరోసిన్‌ అందిస్తుందని ప్రజలు భావించినా ప్రభుత్వం మాత్రం ఆ దిశగా చర్యలు చేపట్టలేదు. దీంతో జూన్‌ నెల నుంచి చక్కెర, కిరోసిన్‌ సరుకులను నిలిపి వేశారు. పేద కుటుంబాలకు రేషన్‌ దుకాణాల ద్వారా అందించే బియ్యానికి కూడా త్వరలో మంగళం పాడనున్నారు. ఒక్కో వ్యక్తికి నెల కు ఐదు కిలోల చొప్పున అందించే బియ్యానికి సంబంధించి నగదు రూపంలో లబ్ధి దారుని అకౌంట్లలో వేసేందుకు కసరత్తు చేస్తున్నారు. ఐదు కేజీలకు రూ. 5తో పాటు కేంద్రం అందించే సబ్సిడీ రూ.45 కలుపుకొని రూ. 50 వేస్తే బాగుంటుందనే ఆలోచన ఉన్నత స్థాయిలో జరుగుతోంది.
 
 డీలర్లకు దెబ్బ: జిల్లాలో పేదలకు అందించే రేషన్‌డీలర్లకు  దెబ్ద తగలనుంది. ఇప్పటికే పలుమార్లు సరుకులపై ఇచ్చే కమీషన్‌ చాలడం లేదని ప్రభుత్వానికి విజ్ఞప్తి చేశారు. డీలర్ల సంఘం ప్రతినిధులు  చంద్రబాబును కలిసి   మొర పెట్టుకున్నారు. సరుకులు తగ్గిస్తుండడంతో వాటిపై వచ్చే కమీషన్‌ కూడా రాకుండా పోతోంది. ఇప్పటికే చక్కెర, పామోలిన్, కిరోసిన్‌ నిలిపేశారు. బియ్యం కూడా ఆపేస్తే    నష్టపోవాల్సి వస్తోందని డీలర్లు వాపోతున్నారు.
 
 జిల్లాకు సంబం«ధించి సమాచారం
 జిల్లాలో రేషన్‌ కార్డుల సంఖ్య    – 7 లక్షలకు పైగానే
 జిల్లాలో చౌక దుకాణాల సంఖ్య    – 1,738
 అంత్యోదయ అన్న యోజన కార్డులు    – 5,7000


 ♦ నిత్యావసరాల్లో పంచదార, కిరోసిన్‌కు మంగళం
 ♦ చౌక దుకాణాల్లో సరఫరా నిలిపివేత
 ♦ దశల వారీగా ప్రజా పంపిణీ వ్యవస్థ నిర్వీర్యం
 ♦ సామాన్యులకు తప్పని తిప్పలు
 
 మార్కెట్లో ధరల మోత..
 ప్రభుత్వం రాయితీపై అందజేసే కిరోసిన్, చక్కెరలను నిలిపివేయడంతో ప్రజలపై అదనపు భారం పడుతోంది. బహిరంగ మార్కెట్లో కిలో చక్కెర రూ.40 అమ్ముతుండగా, చౌక దుకాణాల్లో రూ. 13.50కే అందజే సేవారు. ఇంట్లో దీపం, కట్టెల పొయ్యి వెలిగించడానికి కిరోసిన్‌ ను వినియోగిస్తున్నారు. బహిరంగ మార్కెట్లో నీలి కిరోసిన్‌ దొరకదు. మామూలు కిరోసిన్‌ లీటరు ధన రూ. 40 పలుకుతోంది. వీటిని కొనుగోలు చేయాలంటే పేద ప్రజలపై ఆర్థిక భారం పడక తప్పదు.
 
 పర్చూరు:
 దారిద్య్ర రేఖకు దిగువన ఉన్న వారికి ప్రభుత్వం అందిస్తున్న నిత్యావసర సరుకులపై అతి పెద్ద కోత విధించేందుకు ప్రస్తుత టీడీపీ ప్రభుత్వం సిద్ధమైంది. తెల్లరేషన్‌ కార్డుదారులకు అందిస్తున్న రెండు నిత్యావసర వస్తువులు ఇక నుంచి పేదలకు దూరమయ్యాయి. గతంలో చౌక దుకాణాల్లో కందిపప్పు, నూనె, గోధుమపిండి, పసుపు, ఉప్పు, గోధుమలు కూడా అందిస్తుండగా కాలక్రమేణా వాటికి స్వస్తి పలికారు. ఇప్పుడు తాజాగా ప్రభుత్వం మరో రెండు నిత్యావసర వస్తువులను ఈ జాబితాలో చేర్చింది. ప్రస్తుత జూన్‌ నెల కోటాలో చక్కెర, కిరోసిన్‌ పంపిణీ చేయడం లేదు. కేంద్ర రాష్ట్ర ప్రభుత్వాలు తీసుకున్న ఈ నిర్ణయం చౌక దుకాణాల సరుకులపైనే ఆధారపడుతున్న పేదలపై తీవ్రప్రభావం చూపనుంది.
 
 నిర్వీర్యమవుతున్న ప్రజాపంపిణీ వ్యవస్థ...
 దారిద్రరేఖకు దిగువన ఉన్నవారికి రాయితీపై నిత్యావసర సరుకులు అందించాలన్నది చౌక దుకాణాల ఉద్దేశం. ఈ లక్ష్యం రోజు రోజుకు నీరుగారిపోతుండడంతో ప్రజా పంపిణీ వ్యవస్థ నిర్వీర్యమవుతోంది. ప్రారంభంలో అందజేసిన సరుకుల్లో  కోత విధిస్తోంది. చౌక దుకాణాల్లో అందించే గోధుమ పిండి, నూనెకు ఇప్పటికే మంగళం పాడిన ప్రభుత్వం జూన్‌ నెల నుంచి చక్కెర, కిరోసిన్‌లను కూడా నిలిపివేసింది. కిరోసిన్, చక్కెరపై తాము అందజేసే రాయితీ నిలిపివేస్తున్నామని, వాటి పంపిణీ విషయంలో రాష్ట్ర ప్రభుత్వాలే నిర్ణయం తీసుకోవాలని కేంద్రం సూచించడంతో ఈ పరిస్థితి తలెత్తిందని అధికారులు పేర్కొంటున్నారు. ప్రజా పంపిణీలో మారుతున్న నిర్ణయాలపై ప్రజల్లో ఆసంతృప్తి రెట్టింపవుతోంది.
 
 చౌక దుకాణాల దుస్థితి..
 జిల్లా వ్యాప్తంగా 12 నియోజకవర్గాల్లో 8,68,088 రేషన్‌కార్డులకు గాను 2151 చౌక దుకాణాలు ఉన్నాయి.


 మిర్యాలగూడ : పట్టణంలోని రేషన్‌ దుకాణాల్లో విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు మంగళవారం దాడులు నిర్వహించారు. షాపుల్లోని రికార్డులకు, ఉన్న నిల్వలకు తేడాలు ఉన్నట్లు సమాచారం మేరకు దాడులు నిర్వహిం చారు. రేషన్‌ షాపుల్లో పక్కదారి పడుతున్న బియ్యం, సరుకులపై ‘బినామీ డీలర్లు’ శీర్షికన ఈ నెల 15వ తేదీన ‘సాక్షి’ కథనాన్ని ప్రచురించింది. స్పందించిన విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు  పట్టణంలోని బంగారుగడ్డలోని 37వ రేషన్‌షాపు, గాంధీనగర్‌లోని 3వ రేషన్‌షాపుల్లో తనిఖీలు నిర్వహించారు. అనంతరం విజిలెన్స్‌ అండ్‌ ఎన్‌ఫోర్స్‌మెంట్‌ ఇన్‌స్పెక్టర్‌ నర్సింహారావు మాట్లాడుతూ పట్టణంలోని బంగారుగడ్డలోని 37వ రేషన్‌ షాపు డీలర్‌ సుదర్శన్‌ వద్ద రికార్డుల్లో 23.12 క్వింటాళ్ల బియ్యం నిల్వ ఉండాల్సి ఉండగా 36.50 క్వింటాళ్ల బియ్యం ఉన్నాయని పేర్కొన్నారు.
 
  షాపులో అదనంగా 13.38 క్వింటాళ్ల బియ్యం, చెక్కర 16.50 కిలోలు తక్కువగా ఉండడంతో పాటు 110 లీటర్ల కిరోసిన్‌ తక్కువగా ఉందని చెప్పారు. దీంతో డీలర్‌పై సివిల్‌ సప్లయీస్‌ యాక్డ్‌ 6 (ఏ) కేసు నమోదు చేసి షాపు సీజ్‌ చేసినట్లు తెలి పారు. గాంధీనగర్‌లోని షాపులో రికార్డుల్లో ఉన్న ప్రకారం ఉన్నాయని తెలిపారు. దాడుల్లో విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు ఏఈ శివకృష్ణ, నర్సింహారెడ్డి, సివిల్‌ సప్లయీస్‌ డీటీ రామకృష్ణారెడ్డి తదితరులు ఉన్నారు.


 కాకినాడ సిటీ :
 రేషన్ షాపుల్లో నగదు రహిత సేవలను విస్తృతం చేసేందుకు ప్రభుత్వం గత నెలలో నజరానాలు ప్రకటించిన నేపథ్యంలో మార్చి నెలకు సంబంధించి విజయవాడలో పౌరసరఫరాల శాఖాధికారులు లాటరీ తీయగా జిల్లాకు సంబంధించి కాకినాడకు చెందిన మాగంటి జానకి రూ.లక్ష గెలుచుకుంది. ఈ మేరకు జిల్లా అధికారులకు శుక్రవారం రాత్రి సమాచారం అందించడంతో ఆమెను జాయింట్‌ కలెక్టర్‌ ఎస్‌.సత్యనారాయణ క్యాంపు కార్యాలయంలో అభినందించారు. త్వరలో విజయవాడలో జరిగే కార్యక్రమంలో గెలుచుకున్న నజరానా చెక్కును జానకికి ముఖ్యమంత్రి చంద్రబాబు అందజేస్తారని జాయింట్‌ కలెక్టర్‌ తెలిపారు. కాకినాడ సాంబమూర్తినగర్‌ 3వ వీధిలో నివాసముంటున్న జానకి మార్చి 6వ తేదీన రేచర్లపేటలోని షాపు నంబర్‌ ఒకటిలో రూ.42.50 పైసలతో నగదు రహితంగా రేష¯ŒS తీసుకుందని తెలిపారు. గత నెలకు సంబంధించి జిల్లావ్యాప్తంగా నగదు రహితంగా రేష¯ŒS సరుకులు తీసుకున్న 5లక్షల 82వేల మంది కార్డుదారులను కలిపి లాటరీ తీయగా జానకి నజరానాను గెలుచుకుందన్నారు. ఈ కార్యక్రమంలో జిల్లా పౌరసరఫరాల అధికారి వి.రవికిరణ్, అర్బ¯ŒS తహసీల్దార్‌ జి.బాలసుబ్రహ్మణ్యం, పౌరసరఫరాలశాఖ ఏఎస్‌వో పి.సురేష్, డిప్యూటి తహసీల్దార్‌ శ్రీనివాస్, ఎంఎస్‌వో సూరిబాబు పాల్గొన్నారు.
  


 ► రేషన్  దుకాణాల్లో సరుకులు నిల్‌
 ► కొన్ని చోట్ల అరకొర సరఫరా
 ► వినియోగదారుల ముట్టడి
 ►  ప్రభుత్వానికి స్టాలిన్  హెచ్చరిక
 
 సాక్షి ప్రతినిధి, చెన్నై: చౌక ధర దుకాణాలపైనే ఆధార పడి బతికే బడుగు జీవులు రేషన్  సరుకుల కోసం బావురుమంటున్నారు. దుకాణా ల ముందు నోస్టాక్‌ బోర్డు పెట్టకుండానే సరుకులు లేవని తిప్పి పంపడంపై ప్రజలు ఆగ్రహం వ్యక్తం చేస్తున్నారు. సరుకుల పంపిణీ తీరు వారంలోగా మెరుగుపడకుంటే రేషన్  దుకాణాల ముందు ఆందోళనలు చేపడతామని డీఎంకే కార్యనిర్వాహక అధ్యక్షుడు, ప్రధాన ప్రతిపక్ష నేత స్టాలిన్  ప్రభుత్వాన్ని ఆదివారం హెచ్చరించారు. రాష్ట్రంలోని రేషన్  షాపుల్లో సరుకుల పంపిణీ సంతృప్తికరంగా సాగడంలేదు. రేషన్ దుకాణాల్లో అందుబాటులో ఉండాల్సిన అనేక నిత్యావసర సరుకులు వినియోగదారులకు చేరడంలేదు.
 ముఖ్యంగా పామాయిల్, పప్పు దినుసు ధాన్యాలు మూడు నాలుగు నెలలుగా అందడం లేదని ప్రజల నుంచి విమర్శలు వెల్లువెత్తున్నాయి. బియ్యం, చక్కెర సరఫరా కూడా అంతంతమాత్రంగానే ఉంది. పొంగల్‌ పండుగ మాసమైన జనవరిలో కంటితుడుపుగా సరుకులను సరఫరా చేసిన ప్రభుత్వం ఆ తరువాత చోటుచేసుకున్న రాజకీయ సంక్షోభం కారణంగా పట్టించుకోవడం మానివేసింది. కొత్త ప్రభుత్వం ఏర్పడినా సరుకుల సరఫరా తీరు మెరుగుపడలేదు. రేషన్ దుకాణాల ద్వారా ఉచితంగా సరఫరా అయ్యే బియ్యమే ఎందరో పేదలకు ఆధారం. అలాగే పామాయిల్‌పై కూడా ప్రజలు ఎదురుచూస్తుంటారు.
 రేషన్ దుకాణదారులు ఎప్పటికప్పుడు ప్రజలను మభ్యపెట్టి పబ్బంగడుపుకుంటున్నారని ఆరోపణలు ఉన్నాయి. ఇదిలా ఉండగా చెన్నై శివార్లు మనలిలోని రేషన్ షాపును వినియోగదారులు ఆదివారం ముట్టడించారు. మనలి మండలం 17వ వార్డులోని కొసాప్పూరు రేషన్ దుఖాణం నుంచి 800 మందికి సరుకులు అందాల్సి ఉండగా రెండు నెలలుగా పప్పుదినుసులు, పామాయిల్‌ వస్తువులు ఇవ్వడం లేదు. ఇదేమిటని నిలదీసిన ప్రజలతో నోస్టాక్‌ అని ముక్తసరిగా సమాధానం చెప్పి పంపుతున్నారు. దీంతో విసిగిపోయిన వినియోగదారులు ఆదివారం దుకాణాన్ని ముట్టడించి తమ నిరసన వ్యక్తం చేశారు.
 
 స్టాలిన్ సందర్శన:    రేషన్ దుకాణాల వ్యవస్థ చిన్నాభిన్నంగా మారిందనే ఆరోపణలు వెల్లువెత్తడంతో డీఎంకే కార్యనిర్వాహక అధ్యక్షుడు, ప్రధాన ప్రతిపక్ష నేత స్టాలిన్ ఎమ్మెల్యేగా తాను ప్రాతినిధ్యం వహిస్తున్న కొలత్తూరు నియోజకవర్గంలో ఆదివారం పర్యటించారు. తన నియోజకవర్గ పరిధిలోని చింతామణి, అముదం స్టోర్సులలోకి వెళ్లి సరుకులను పరిశీలించారు. ఈ సందర్భంగా మీడియాతో మాట్లాడుతూ, రేషన్ దుకాణాల తీరుపై ప్రజల నుంచి తనకు ఫిర్యాదులు రావడంతో పర్యటనకు వచ్చానని తెలిపారు. రేషన్ దుకాణాల పనితీరును పర్యవేక్షించాలి్సన ప్రజా పౌరసరఫరాల శాఖ మంత్రి కామరాజ్, సహకార శాఖా మంత్రి సెల్లూరురాజా పొంతనలేని సమాధానాలతో ప్రజల సహనాన్ని పరీక్షిస్తున్నారని అన్నారు.
 
 పామాయిల్‌ను డిసెంబర్‌లో మాత్రమే పూర్తిస్థాయిలో సరఫరా చేశారని, ఆ తరువాత నుంచి అరకొర స్టాకుతో సరిపెడుతున్నట్లు తన దృష్టికి వచ్చిందని తెలిపారు. డీఎంకేకు చెందిన 89 మంది ఎమ్మెల్యేలు తమ నియోజకవర్గానికి వెళ్లి రేషన్ దుకాణాల పనితీరును పరిశీలించాలి్సందిగా ఆదేశించినట్లు తెలిపారు. రేషన్ దుకాణాల లోటుపాట్లను సరిదిద్ది పనీతీరును ప్రభుత్వం వారంలోగా మెరుగుపరచకుంటే అన్ని దుకాణాల ముందు ఆందోళన నిర్వహిస్తామని ఈ సందర్భంగా ఆయన హెచ్చరించారు.


 ⇒ బిగ్‌బాస్‌కు అందరితోనూ విభేదాలే..
 ⇒ సాగనంపాలంటూ ప్రభుత్వానికి టీడీపీ సీనియర్‌ ఎమ్మెల్యే లేఖ
 ⇒ జిల్లా సమీక్ష సమావేశంలో పలువురు ఎమ్మెల్యేల ఆగ్రహం
 ⇒ నగదు రహిత రేషన్‌ పంపిణీపైనా విమర్శలు
 ⇒ సార్‌ నిబంధనలపై ఉద్యోగ సంఘాలు సీరియస్‌
 
 జిల్లాలో బిగ్‌బాస్‌గా వ్యవహరిస్తున్న ఆ అధికారికి ఉద్యోగులు, ప్రజాప్రతినిధులు ఇలా అందరితో విభేదాలు తెచ్చుకోవడం సాధారణమైంది. ఆయన తీరుపై ఉద్యోగ సంఘాలే కాదు... అధికార పార్టీ ఎమ్మెల్యేలు కూడా తీవ్ర ఆగ్రహం వ్యక్తం చేస్తుంటారు. జిల్లా సమీక్ష సమావేశాల్లో బిగ్‌బాస్‌ తీరును ఆ ఎమ్మెల్యేలు ఎండగడుతున్నారు. అయితే చిన్నబాబు ఆశీస్సులు పుష్కలంగా ఉండటంతో జిల్లా ఇన్‌చార్జి మంత్రి, ఇతర మంత్రులు ఏమీ చేయలేక ఎమ్మెల్యేలకు సర్దిచెబుతున్నారు.
 
 సాక్షి, విజయవాడ : బిగ్‌బాస్‌ జిల్లాలో బాధ్యతలు స్వీకరించిన తరువాత అధికార పార్టీ ఎమ్మెల్యేలను సైతం పూర్తిగా విస్మరించారు. చిన్నచిన్న పనులు కూడా చేయించుకోలేక అధికార పార్టీ ఎమ్మెల్యేలు సతమతమవుతున్నారు. ఈ నేపథ్యంలో బిగ్‌బాస్‌ను జిల్లా నుంచి సాగనంపాలంటూ టీడీపీకి చెందిన సీనియర్‌ ఎమ్మెల్యే ఒకరు ప్రభుత్వానికి లేఖ రాశారు. అదే సమయంలో మరికొంత మంది అధికార పార్టీ ఎమ్మెల్యేలు కూడా బిగ్‌బాస్‌పై మంత్రుల వద్ద తీవ్ర స్థాయిలో ఆరోపణలు గుప్పించారు.
 
 ► నగదు రహిత రేషన్‌ను రాష్ట్రంలోనే తొలిసారిగా కృష్ణాజిల్లాలో అమలు చేశారు. దీనివల్ల పేదలకు పూర్తిగా రేషన్‌ అందడం లేదు. మరోవైపు రేషన్‌ డీలర్లు ఇబ్బంది పడుతున్నారు. పేద, మధ్య తరగతి వర్గాల ప్రజల నుంచి తీవ్ర వత్తిడి రావడంతో రేషన్‌ దుకాణల్లో డిజిటల్‌ విధానానికి స్వస్తి పలకాలంటూ గత నెల 28వ తేదీన జరిగిన జిల్లాసమీక్షా సమావేశంలో ఎమ్మెల్యే బోడె ప్రసాద్‌ డిమాండ్‌ చేశారు. రేషన్‌ దుకాణాలకు బదులుగా మద్యం షాపుల్లో ఈ విధానం పెట్టాలని సూచించారు.
 ► రాజధాని పేరుతో బిగ్‌బాస్‌ కొత్తకొత్త కార్యక్రమాలకు శ్రీకారం చుడుతున్నారు. ఈ కార్యక్రమాల్లో ఎక్కువగా ఒక ఈవెంట్‌ మేనేజర్‌కే దక్కుతున్నాయి. ఆయనకు రూ.కోట్లలో బిల్లులు ఇస్తున్నారు. దీని వెనుక చిన్నబాబుకు, బిగ్‌బాబుకు వాటాలు అందుతున్నాయని అధికార పార్టీ ప్రజాప్రతినిధులే చర్చిం చుకుంటున్నారు.
 ► జిల్లాలో ఒక నియోజకవర్గంలో పలు అభివృద్ధి కార్యక్రమాలకు భూసేకరణ జరుగుతోంది. ఈ నేపథ్యంలో భూములు కోల్పోతున్న పేదలు అధికార పార్టీకి చెందిన స్థానిక ఎమ్మెల్యే వద్దకు వెళ్లి మొరపెట్టుకుంటున్నారు. భూసేకరణ సమాచారం తెలుసుకునేందుకు ఆ ఎమ్మెల్యే కీలక అధికారి అయిన బిగ్‌బాస్‌కు ఎన్నిసార్లు ఫోన్‌ చేసినా అందుబాటులోకి రాలేదు. దీంతో ఎమ్మెల్యే ఆ అధికారిపై బహిరంగంగానే విమర్శలు చేశారు.
 ► విజయవాడలో అమరావతి ఫెస్టివల్‌ నిర్వహణకు అవసరమైన నగదు కోసం వాణిజ్య పన్నుల శాఖకు బిగ్‌బాస్‌ భారీగా టెండర్లు వేసి చందాలు వసూలు చేసి వ్యాపారులను వేధించారు. తాను నిర్వహించే ప్రతి సమావేశానికీ డెప్యూటీ కమిషనర్‌ స్థాయి అధికారులు రావాలని ఆదేశించే వారు. బిగ్‌బాబ్‌ వ్యవహారం వాణిజ్య పన్నుల శాఖ ప్రిన్సిపల్‌ సెక్రటరీ వరకు చేరింది. రాజధానిలో రెవెన్యూ పడిపోతే తాము బాధ్యత వహించబోమంటూ బిగ్‌బాస్‌ ప్రిన్సిపల్‌ సెక్రటరీ ఘాటుగా లేఖ రాశారు. తమ శాఖను ఉపయోగించి వ్యాపారుల వద్ద చందాలు వసూలు చేయొ ద్దంటూ హెచ్చరికలు జారీ చేశారు.
 ► విజయవాడలోని ఇరిగేషన్‌ భవనాన్ని సీఎం క్యాంపు కార్యాలయంగా మార్చే పనులన్నింటినీ బిగ్‌బాసే పర్యవేక్షించారు. ఇందులో జరిగిన పనులకు ముందుగా అంచనాలు, టెండర్లు లేకపోవడంతో ఈఈ స్థాయి అధికారి బిల్లులు మంజూరు చేయబోమంటూ ఎదురు తిరిగారు. దీంతో బిగ్‌బాస్‌ జోక్యం చేసుకుని ఆ ఈఈని మార్చి మరో ఈఈకి బాధ్యతలు అప్పగించి ఆయన ద్వారా బిల్లులు ఇప్పించారు. ఆ బిల్లుల్లో బిగ్‌బాస్‌కు రూ.లక్షల్లో మిగిలిందని ఇరిగేషన్‌ వర్గాలు ఆరోపిస్తున్నాయి.
 ► వాస్తవంగా ప్రభుత్వశాఖల్లో బదిలీలను ఆ యా శాఖల ముఖ్య అధికారులే చేయాలి. అయితే బిగ్‌బాస్‌ జోక్యం చేసుకుని తన ఇష్టానుసారంగా బది లీలు చేసేందుకు ప్రయత్నించారు. దీంతో ఉద్యోగ సంఘాలు స్పందించి బదిలీల్లో బిగ్‌బాస్‌ జోక్యంపై తీవ్ర ఆక్షేపణ తెలిపాయి. దీంతో ఆయన వెనక్కు తగ్గక తప్పలేదు.
 ► జిల్లాలో సిబ్బందికి ఐదేళ్లకు ఒకసారి జరిగే రివైజ్డ్‌ పే స్కేల్స్‌కు కొత్తగా ప్రవేశపెట్టిన సాఫ్ట్‌వేర్‌ ఉపయోగించాలని బిగ్‌బాస్‌ ఆదేశాలు జారీ చేశారు. అయితే ఆ సాఫ్ట్‌వేర్‌లో అనేక లోపాలు ఉండటంతో ముందుకు సాగలేదు. ఈ విషయం తెలుసుకున్న మిగిలిన 12 జిల్లాల అధికారులు పాత సాఫ్ట్‌వేర్‌ ప్రకారం ఉద్యోగుల పేస్కేల్‌ మార్చారు. అయితే కృష్ణాజిల్లాలో మారకపోవడంతో చివరకు ఉద్యోగసంఘాలు జోక్యం చేసుకుని నిరసనకు దిగుతామని హెచ్చరికలు జారీ చేయడంతో బిగ్‌బాస్‌ దిగి వచ్చారు. పాత సాఫ్ట్‌వేర్‌ను ఉపయోగించి రివైజ్డ్‌ పేస్కేల్స్‌ తయారు చేయడానికి అంగీకరించారు.
 ► వివిధ కారణాలు వల్ల సస్పెండ్‌ అయిన వీఆర్‌వోలకు తిరిగి పోస్టింగ్‌లు ఇవ్వకుండా ఈ బిగ్‌బాస్‌ వేధిస్తున్నారు. సుమారు 70 మంది వీఆర్‌వోలను పక్కన పెట్టడంతో రెవెన్యూ శాఖలో పాలన కుంటుపడింది.
 ► విజయవాడ దుర్గగుడి సమీపంలోని అర్జున వీధి ప్రారంభంలో ఉన్న కేంద్ర జలభవ¯న్‌ను తొలగించ వద్దంటూ హైకోర్టు ఉత్తర్వులు ఇచ్చింది. అయితే పుష్కరాల సమయంలో బిగ్‌బాస్‌ ఆ ఉత్తర్వులను లెక్క చేయకుండా భవనాన్ని కూల్చివేశారు. అనంతరం కేంద్ర జలవనరుల శాఖకు ప్రత్యామ్నాయం చూపించలేదని అప్పటి ఇరిగేషన్‌ ఎస్‌ఈ, ఈఈలపై బిగ్‌బాస్‌ తోకతొక్కిన తాచులాగా చిందులు తొక్కడంతో ఇరిగేషన్‌ అధికారులు చిన్నబుచ్చుకున్నారు.
 ► వివిధ శాఖలకు చెందిన అధికారులతో సమావేశం నిర్వహించినప్పుడు వారు చిన్నచిన్న తప్పులు చేసినా యూజ్‌లెస్‌ ఫెలో, వేస్ట్‌ ఫెలో అంటూ తిట్టడం బిగ్‌బాస్‌కు సర్వసాధారణం. సమావేశానికి రాకపోయినా, కొద్దిగా ఆలస్యంగా వచ్చినా, ఆయన చెప్పినట్లు చేయకపోయినా వారిపై విరుచుకుపడతారు.


 
 చౌక దుకాణాల్లో ముందుకు సాగని నగదు రహిత రేషన్‌ పంపిణీ
 
 జిల్లాలో 3.94 లక్షల మంది రేష¯ŒS కార్డుదారులకు చేరని సరుకులు 
 
 నాలుగు రోజులైనా 26 శాతానికి మించని వైనం
 
 తప్పని ప్రదక్షిణలు...
 
 కాకినాడ సిటీ :
 నగదు రహితంగానే చౌక దుకాణాల్లో రేష¯ŒS సరుకులు అందించాలనే ప్రభుత్వ, అధికారుల ఆదేశాలు కార్డుదారులను ముప్పు తిప్పలు పెట్టిస్తున్నాయి.   నగదు రహితం లావాదేవీలంటూ విస్తృత ప్రచారం చేసి చౌక దుకాణాల్లో కార్డుదారుల నుంచి డిసెంబర్‌లో సొమ్ము తీసుకోకుండా సరుకులు ఇచ్చేశారు. రేష¯ŒS సరుకుల పంపిణీ ఆధార్‌ అనుసంధానంతో జరుగుతుండడంతో దానికి బ్యాంకుల డేటా అనుసంధానం చేయాల్సి ఉంది. దీంతో జనవరిలో నగదు రహిత సేవలు చౌక దుకాణాల్లో ముందుకు సాగలేదు. అయితే ఈ నెల ఎట్టి పరిస్థితుల్లోనూ నగదు రహిత లావాదేవీలే జరపాలి, కార్డుదారుడు నుంచి సొమ్ము తీసుకుని సరుకు ఇవ్వడానికి లేదని డీలర్లకు స్పష్టమైన ఆదేశాలు జారీ చేశారు. కానీ బ్యాంకు డేటా సీడింగ్‌ పరంగా నెలకొన్న సాంకేతిక సమస్యలు పరిష్కరించకపోవడంతో నెల ప్రారంభమై నాలుగు రోజులైనా రేష¯ŒS పంపిణీ ప్రక్రియ ముందుకు సాగడం లేదు. ఒక్కరోజు వంద మంది కార్డుదారులకు సరుకులు ఇచ్చే డీలర్‌ ఇప్పుడు రోజుకు 15 మందికి ఇవ్వడం గగనంగా మారింది. ఈ దశలో చౌక దుకాణాల వద్ద కార్డుదారులు పడిగాపులు పడుతూ, షాపుల చుట్టూ ప్రదక్షిణలు చేస్తున్నారు. పలు చౌక దుకాణాల్లో సర్వర్‌ ఇబ్బందులు, ఇతర సాంకేతిక సమస్యలతో షాపులు మూసివేసి డీలర్లు మెషీన్లు పట్టుకుని అధికారుల చుట్టూ తిరుగుతున్నారు. మరోపక్క కార్డుదారులు పదే పదే పనులు మానుకుని ప్రదక్షిణలు చేయాల్సిన పరిస్ధితి జిల్లాలో నెలకొంది.
 సరుకులు పంపిణీ 26శాతం...
 జిల్లా వ్యాప్తంగా ఈ–పాస్‌ బయోమెట్రిక్‌ మిషన్లున్న 2,449 షాపుల పరిధిలో మూడు రోజులుగా 26 శాతం మాత్రమే సరుకులు పంపిణీ చేశారు. మొత్తం జిల్లాలో 16,08,711 కార్డులకుగాను ఏజెన్సీకి సంబంధించి సుమారు లక్ష కార్డులు తీసివేయగా మిగిలిన కార్డుల్లో శనివారం రాత్రి 7 గంటల వరకు తెలిసిన సమాచారం మేరకు కేవలం 3 లక్షల 94 వేల మంది కార్డుదారులకు సరుకులు పంపిణీ చేశారు. ఇందులో రెండు విధాలుగా సరుకులు పంపిణీ చేస్తున్నారు. 2449 ఈ–పాస్‌ మిషన్లుండగా వీటిలో 480 ఎ¯ŒSలార్జిక్‌ కంపెనీ మెషీన్లున్నాయి. వీటికి బ్యాంకుల డేటా పూర్తిగా అనుసంధానం కాకపోవడంతో ఆ మిషన్లున్న చౌక దుకాణాల పరిధిలో కార్డుదారుల నుంచి సొమ్ము తీసుకుని సరుకులు ఇచ్చేస్తున్నారు. ఈ షాపుల్లోనే 3 లక్షల 16 వేల కార్డులకు రేష¯ŒS పంపిణీ చేశారు. ఇక మిగిలిన 1,969 మెషీన్లు విజ¯ŒSటెక్‌ కంపెనీవి . వీటిలో కేవలం నగదు రహితంగానే సరుకులు పంపిణీ చేస్తున్నారు. ఈ షాపుల్లో ఎదురవుతున్న ఇబ్బందులుతో కేవలం 77,766 కార్డులకు సరుకులు ఇవ్వగలిగారు. ప్రతి నెలా నాలుగు రోజుల్లో 7 లక్షల కార్డులకుపైగా సరుకులు పంపిణీ చేసేవారు. 
 సమన్వయలోపం...
 ప్రజా పంపిణీ వ్యవస్థలో  నగదు రహిత లావాదేవీలు అమలు జరపడంలో బ్యాంకర్లు, సంబంధిత శాఖల అధికారుల మధ్య సమన్వయలోపం కనిపిస్తోంది. గడిచిన రెండు నెలలుగా నగదు రహితంపై ప్రచారం చేస్తున్న అధికారులు అసలు సమస్య పరిష్కరించకుండా కార్డుదారులను ఇబ్బందుల పాలు చేస్తున్నారు. ప్రస్తుతం క్షేత్ర స్థాయిలో కార్డుదారుల ఆధార్‌ బ్యాంకులో సీడింగ్‌ కాలేదని, అకౌంట్‌లో బ్యాలె¯Œ్స లేదని, అకౌంట్‌ ఇ¯ŒS ఆపరేట్‌లో ఉందనే అంశాలు ఎదురవుతున్నాయి. మరోపక్క  పలు షాపుల కార్డుదారుల బ్యాంకు డేటా ఆయా షాపుల ఈ–పాస్‌ బయోమెట్రిక్‌ మెషీ¯ŒS అనుసంధానం కాకపోవడం వంటివి ఉన్నాయి. ఇవి గత రెండు నెలలుగా ఉన్నవే. వాటిని అధికారులు పరిష్కరించకుండా నగదు రహితంగానే సరుకులు ఇవ్వాలని డీలర్లను ఆదేశించడంపై సర్వత్రా కార్డుదారుల నుంచి నిరసన వ్యక్తమవుతోంది.
  


 పౌరసరఫరాల శాఖ నిర్ణయం
 సాక్షి, హైదరాబాద్‌: రాష్ట్రంలోని అన్ని రేషన్  దుకాణాల్లో ఈ–పాస్‌ విధానాన్ని అమలు చేసేందుకు పౌర సరఫరాల శాఖ కసరత్తు ప్రారంభించింది. దీనిపై హైదరాబాద్, రంగారెడ్డి జిల్లాల పరిధిలో చేపట్టిన పైలెట్‌ ప్రాజెక్టు సత్ఫ లితాలు ఇవ్వడంతో ఈ నిర్ణయం తీసుకుంది. హైదరా బాద్, రంగారెడ్డి జిల్లాల పరిధిలోని 1,545 రేషన్  దుకాణా ల్లో ఈ–పాస్‌ విధానంతో గతేడాది మార్చి నుంచి ఇప్పటి దాకా సుమారు రూ.130 కోట్లు ఆదా అయినట్లు శాఖ అధికారవర్గాలు చెబుతున్నాయి. దీంతో దశలవారీగా రాష్ట్రవ్యాప్తంగా ఈ విధానాన్ని అమలు చేయాలని నిర్ణ యించారు.
 ఈ మేరకు ఈ–పాస్‌ యంత్రాల సరఫరా టెండర్ల ప్రక్రియను పూర్తి చేశారు. గతంలో వినియోగిం చిన ఈ–పాస్‌ యంత్రాల్లో కేవలం వేలిముద్ర సౌకర్యం మాత్రమే ఉండగా... తాజాగా బహుళ ప్రయోజనకారిగా ఉండేందుకు ఐరిస్, ఈ–వేయింగ్‌ సౌకర్యం ఉండేలా తయారు చేయిస్తున్నారు. కేంద్ర ప్రభుత్వం ఈ–పాస్‌ విధానంలో ప్రతి రాష్ట్రా నికి కొన్ని లక్ష్యాలు నిర్దే శించిందని.. నగదు రహిత లావాదేవీల కోసం ఈ చర్యలు తీసు కుందని చెబుతున్నారు. దీంతో ఆ దిశగా రాష్ట్ర పౌరసరఫరాల శాఖ వేగంగా అడుగులు వేస్తోంది. నగదురహిత లావాదేవీల వైపు అన్ని శాఖలూ మళ్లాలన్న రాష్ట్ర ప్రభుత్వ ఆదేశాల్లో భాగంగా కూడా రేషన్  దుకాణాలపై దృష్టి పెట్టారు.
 
 మినీ ఏటీఎంలుగా రేషన్ షాపులు!
 మారుమూల, బ్యాంకులు లేని గ్రామాల్లో సైతం రేషన్  షాపులున్నాయి.దీంతో భవిష్యత్తులో వీటినే మినీ ఏటీఎం లుగా చేయాలన్న ప్రణాళిక ఉందని పౌరసరఫరాల కమిషనర్‌ సీవీ ఆనంద్‌ చెప్పారు. ముందు ముందు రేషన్  డీలర్లను ‘బిజినెస్‌ కరస్పాండెంట్లు’గా తయారు చేయడం ద్వారా మీ–సేవ కేంద్రాల్లో లభించే సేవలను అందించేలా ఈ–పాస్‌ ద్వారా ప్రయత్నాలు చేస్తున్నామన్నారు.


 విజయవాడ: ఆంధ్రప్రదేశ్‌ లో రేషన్ సరుకులు‌, సంక్రాంతి కానుకల పంపిణీ నిలిచిపోయింది. ఈ-పాస్‌ యంత్రాలు సర్వర్లు నాలుగు రోజులుగా పనిచేయకపోవడంతో రేషన్ డీలర్లు సరుకులు పంపిణీ చేయలేకపోయారు. కోటికిపైగా రేషన్‌ కార్డులకు సరుకులు అందలేదు. డబుల్‌ ఎంట్రీ విధానంలో సర్వర్లు మొరాయించాయి. సామర్థ్యం పెంచకుండా డబుల్‌ ఎంట్రీ విధానాన్ని తీసుకురావడంతో సమస్యలు తలెత్తాయి.
 
 నాలుగు రోజులుగా రేషన్‌ సరుకుల కోసం జనం అవస్థలు పడుతున్నారు. సర్వర్‌ సమస్యలు పరిష్కరించాలని ముఖ్యమంత్రి చంద్రబాబుకు రేషన్‌ డీలర్లు మొరపెట్టుకున్నారు.


 కలెక్టర్‌కు అంగీకార పత్రాలను ఇచ్చిన 70 రైతు కుటుంబాలు
 
 సాక్షి, పెద్దపల్లి: ‘‘ఈ ఏడాది పంటలు సమృద్ధిగా పండాయి.. మేము పండించిన బియ్యా న్ని మేమే తింటాం. ప్రభుత్వం ఎన్నో వ్యయ ప్రయాసలకోర్చి ఇస్తున్న బియ్యం సబ్సిడీ పక్కదారి పట్టకుండా మేమే ప్రభుత్వానికి అప్పగిస్తున్నాం’’ అంటూ పెద్దపల్లి జిల్లా కాల్వ శ్రీరాంపూర్‌ మండలం ఊశన్నపల్లె గ్రామానికి చెందిన 70 మంది ముందుకు వచ్చారు. ఈ రైతు కుటుంబాలు రాష్ట్ర నీటి పారుదల అభివృద్ధి సంస్థ(ఐడీసీ) చైర్మన్‌ ఈద శంకర్‌రెడ్డి ఆధ్వర్యంలో సోమవారం స్వచ్ఛందంగా జిల్లా కలెక్టర్‌ వద్దకు వచ్చా రు. సోమవారం జరిగిన ప్రత్యేక కార్యక్రమం లో జిల్లా కలెక్టర్‌ అలగు వర్షిణికి ఈ మేరకు అంగీకార పత్రాలను అందజేశారు. రాష్ట్ర నీటిపారుదల అభివృద్ధి సంస్థ చైర్మన్‌ ఈద శంకర్‌రెడ్డి స్వగ్రామం ఇది. పూర్తిగా రైతు గ్రామం కాగా, 571రేషన్‌ కార్డులున్నాయి.
 
 ప్రతి నెలా 107 క్వింటాళ్ల బియ్యాన్ని రేషన్‌ దుకాణాల ద్వారా కిలోకు రూపాయి చొప్పు న పంపిణీ చేస్తున్నారు. ఈ యేడు వర్షాలు బాగా కురిశాయి, పంటలు సమృద్ధిగా పండాయి. రైతు కుటుంబాలన్నీ తాము పండించిన ధాన్యాన్నే బియ్యంగా తింటున్నా యి. ప్రభుత్వం ఇచ్చే సబ్సిడీ బియ్యం పక్క దారి పట్టడంతోపాటు ప్రభుత్వంపై పడుతు న్న భారాన్ని శంకర్‌రెడ్డి రైతులకు వివరించారు. దీంతో 70 రైతు కుటుంబాలకు చెందిన 285 యూనిట్‌దారులు సబ్సిడీ బియ్యం అవసరం లేదని ముందుకు వచ్చారు. దీంతో గ్రామంలో సోమవారం ప్రత్యేక కార్యక్రమాన్ని ఏర్పాటు చేశారు. ఈద శంకర్‌రెడ్డి సమక్షంలో కలెక్టర్‌ వర్షిణికి బియ్యం వద్దని అంగీకార పత్రాలను అందజే శారు. రాష్ట్రంలోనే వినూత్న కార్యక్రమానికి శ్రీకారం చుట్టిన రైతు కుటుంబాలను చైర్మన్, కలెక్టర్‌ అభినందించారు. రాష్ట్రంలో సబ్సిడీ బియ్యం తీసుకోని కుటుంబాలన్నీ ఇలానే ముందుకు రావాలని, ప్రభుత్వంపై సబ్సిడీ భారాన్ని తగ్గించి, రాష్ట్రాభివృద్ధికి తోడ్పాటు నందించాలని పిలుపునిచ్చారు. గంగారం గ్రామంలో కూడా ఈ కార్యక్రమం మంగళ వారం కొనసాగనుంది.


 –అంతర్జాతీయ అవినీతి వ్యతిరేక దినోత్సవ కార్యక్రమంలో కలెక్టర్‌
  
 కర్నూలు(అగ్రికల్చర్‌): అవినీతిని సమూలంగా నిర్మూలించేందుకు ప్రతి ఒక్కరు కంకణబద్ధులు కావాలని జిల్లా కలెక్టర్‌ సీహెచ్‌ విజయమోహన్‌ పిలుపునిచ్చారు. మానవ జీవితంలో పెనవేసుకున్న అవినీతి మహమ్మారిని కూకటివేళ్లతో నిర్మూలించకపోయినా పూర్తి స్థాయిలో నియంత్రించాల్సిన బాధ్యత ప్రతి ఒక్కరిపై ఉందన్నారు. అంతర్జాతీయ అవినీతి వ్యతిరేక దినోత్సవాన్ని పురస్కరించుకొని శుక్రవారం కలెక్టరేట్‌ సమావేశ మందిరంలో ఏర్పాటు చేసిన కార్యక్రమానికి కలెక్టర్‌ సిహెచ్‌ విజయమోహన్‌ ముఖ్య అతిథిగా పాల్గొని ప్రసంగించారు. ఈ సందర్భంగా కలెక్టర్‌ మాట్లాడుతూ.. ప్రభుత్వం రూపొందించిన చట్టాల పరిమితి నుంచే అవినీతి పుట్టుకొస్తుందని, చట్టాల పరిమితిని సడలిస్తే అవినీతి తగ్గే అవకాశం ఉందన్నారు. ఆధునాతన సంకేతిక పద్ధతులను అనుసరించడం ద్వారా అవినీతిని అంతమొందించవచ్చన్నారు. ఉదాహరణకు.. చౌకధరల దుకాణాల్లో ఈ–పాస్‌ యంత్రాల ద్వారా రేషన్‌ సరుకులు పంపిణీ చేస్తుండటం వల్ల 2లక్షల కార్డుల రేషన్‌ ఆదా అవుతుందన్నారు. నగదు రహిత లవాదేవీల వల్ల కూడా అవినీతి తగ్గుతుందని వివరించారు. వివిధ ఉత్పత్తులపై విధించే అధిక పన్నుల వల్ల కూడా అవినీతి పెరుగుతోందని, పన్నులు తగ్గిస్తే అవినీతిని తగ్గించవచ్చన్నారు. ప్రత్యేక పబ్లిక్‌ ప్రాసిక్యూటర్‌ వెంకటేష్‌ మాట్లాడుతూ.. అవినీతి నిర్మూలనపై విద్యార్థి దశ నుంచే అవగాహన కల్పించేందుకు పాఠ్యాంశాల్లో అంశంగా చేర్చాలన్నారు. డెన్మార్క్‌లో అవినీతి తక్కువగాను, సోమాలియా, నార్త్‌ కొరియాల్లో ఎక్కువగా ఉందన్నారు. అవినీతి నిర్మూలనకు ప్రతి ఒక్కరు ప్రతినబూనాలని వివరించారు. అవినీతి నిరోధకశాఖ డీఎస్పీ మహబూబ్‌ బాషా మాట్లాడుతూ.. దేశ వ్యాప్తంగా ఈ నెల 3 నుంచి 9వ తేదీ వరకు అవినీతి వ్యతిరేక వారోత్సవాలు నిర్వహిస్తున్నామని.. విద్యార్థులు, అన్ని వర్గాల ప్రజలకు అవినీతి నిర్మూలనపై అవగాహన కల్పిస్తున్నట్లు చెప్పారు. ఈ సందర్బంగా అవినీతి నిర్మూలనకు జవాబుదారీతనంతో కృషి చేస్తామని అందరి చేత కలెక్టర్‌ సీహెచ్‌ విజయమోహన్‌  ప్రతిజ్ఞ చేయించారు. అనంతరం వ్యాసరచన, వక్తృత్వ పోటీల్లో విజయం సాధించిన విద్యార్థులకు ప్రశంసాపత్రాలు, మెమొంటోలు పంపిణీ చేశారు. కార్యక్రమంలో డీఆర్‌ఓ గంగాధర్‌గౌడు, సీపీఓ ఆనంద్‌నాయక్, హౌసింగ్‌ పీడీ హుసేన్‌సాహెబ్, వివిధ శాఖల అధికారులు పాల్గొన్నారు.
  


 - రేషన్‌ దుకాణాల్లో అధికారుల తనిఖీ 
 - కిలో నుంచి రెండు కిలోల వరకు బియ్యం కాజేసీని డీలర్లు
 - ముగ్గురిపై కేసులు నమోదు
  
 కర్నూలు(అగ్రికల్చర్‌) : పౌరసరఫరాల, తూనికలు కొలతల శాఖల అధికారులు సోమవారం కర్నూలులోని వివిధ చౌక ధరల దుకాణాల్లో తూకాలను తనిఖీ చేశారు. దుర్గాంజలికి చెందిన 73వ షాపులో 1.035 కిలోలు, హనుమంతయ్యకు చెందిన 75వ షాపులో 1.015 కిలోలు, క్రాంతి కుమారికి చెందిన 84వ షాపులో 1.900 కిలోలు మోసం చేసినట్లు నిర్ధారన కావడంతో ముగ్గురు డీలర్లపై కేసులు నమోదు చేశారు. కాగా, చౌక దుకాణాల్లో తూకాలను తనిఖీలు చేస్తున్నారనే సమాచారం డీలర్లకు వెళ్లిపోవడంతో అప్రమత్తమైనట్లు తెలుస్తోంది. 70, 71, 69, 67 షాపుల్లోనూ తనిఖీలు చేయగా తూకాలు సక్రమంగా ఉన్నట్లు తేలింది. తనిఖీల సమాచారం డీలర్లకు వెళ్లడంతో జాగ్రత్తపడడంతోనే తూకాలు సక్రమంగా ఉంచినట్లు తెలుస్తోంది. తనిఖీల్లో ఏఎస్‌ఓ వంశీకృష్ణారెడ్డి, తూనికలు కొలతల శాఖ ఇన్‌స్పెక్టర్‌ మహ్మద్, సిబ్బంది జాఫర్‌ హుస్సేన్, ఖాజా హుస్సేన్, ఫుడ్‌ ఇన్‌స్పెక్టర్లు తిరుమలరావు, సాయిబాబా పాల్గొన్నారు.   


 మచిలీపట్నం(చిలకలపూడి) : నగదు రహిత లావాదేవీల్లో కృష్ణాజిల్లా ప్రథమ స్థానంలో ఉండేలా చర్యలు తీసుకుంటున్నట్లు కలెక్టర్‌ బాబు.ఎ అన్నారు. కలెక్టరేట్‌లోని సమావేశపుహాలులో సోమవారం మీకోసంలో ప్రజల నుంచి అర్జీలు స్వీకరించారు.  కలెక్టర్‌ మాట్లాడుతూ నగదు రహిత లావాదేవీలపై కౌన్సిల్‌ ఎష్యురెన్స్‌ కమిటీలను జిల్లా, డివిజన్, మండల స్థాయిలో ఏర్పాటు చేసినట్లు చెప్పారు. ఈ నెల 30వ తేదీ వరకు ప్రతిరోజు అవగాహన కార్యక్రమాలు నిర్వహించనున్నట్లు పేర్కొన్నారు. రెండు వేల లోపు జనాభా ఉన్న గ్రామాలు పూర్తి స్థాయిలో నగదు రహిత లావాదేవీలు నిర్వహిస్తే ప్రోత్సాహకంగా కేంద్ర ప్రభుత్వం రూ.10 వేలు, రెండు నుంచి ఐదు వేల జనాభా ఉండి పూర్తిస్థాయిలో నగదు రహితలావాదేవీలు నిర్వహిస్తే రూ.20 వేలు ప్రోత్సాహక బహుమతులు అందజేయనున్నట్లు చెప్పారు. 5 నుంచి 10 వేలలోపు ఉన్న గ్రామాలు పూర్తిస్థాయిలో లావాదేవీలు నిర్వహిస్తే రూ.50 వేలు, 10 వేలు జనాభా దాటిన గ్రామాలు పూర్తిస్థాయిలో లక్ష రూపాయలు ప్రోత్సాహక బహుమతులు అందజేయనున్నట్లు చెప్పారు.  జిల్లాలో ఒక గ్రామాన్ని నగదు రహిత లావాదేవీల గ్రామంగా గురువారం నాటికి ప్రకటించే విధంగా చర్యలు తీసుకోవాలని కలెక్టర్‌ సూచించారు. జిల్లాలోని 41 వేల మంది వ్యాపారులకు ఈ పోస్‌ మిషన్లు అందజేసేందుకు 120 టీమ్‌లను ఏర్పాటు చేశామన్నారు. నాలుగు రోజుల్లో రికార్డుస్థాయిలో రేషన్‌షాపుల ద్వారా 2.10 లక్షల నగదు రహిత లావాదేవీలను నిర్వహించినట్లు కలెక్టర్‌ చెప్పారు. సమావేశంలో సీపీవో కేవీకే రత్నబాబు, డీఎంహెచ్‌వో ఆర్‌.నాగమల్లేశ్వరి, ఐసీడీఎస్‌ పీడీ కృష్ణకుమారి, డీఆర్డీఏ పీడీ చంద్రశేఖరరాజు, బీసీ సంక్షేమశాఖ డీడీ ఆర్‌ యుగంధర్, సాంఘిక సంక్షేమశాఖ జేడీ పీఎస్‌ఏ ప్రసాద్, డీసీవో ఆనందబాబు పాల్గొన్నారు.
 
 అర్జీలు ఇవే..
  మచిలీపట్నం ప్రభుత్వాస్పత్రిలో వైద్యులు, స్టాఫ్‌నర్సుల నిర్లక్ష్యంతో కుమార్తె కె.శివపార్వతి కొంత కాలం క్రితం చనిపోగా ఇంత వరకు బాధ్యులపై చర్యలు తీసుకోలేదని, తగిన న్యాయం చేయాలని కోరుతూ మచిలీపట్నం బ్రహ్మపురానికి చెందిన అద్దంకి లక్ష్మణ అర్జీ ఇచ్చారు.
 
 గ్రంథాలయ పన్ను పంచాయతీలు చెల్లించే విధంగా చర్యలు తీసుకోవాలని సామాజిక కార్యకర్త జంపాన శ్రీనివాసగౌడ్‌ అర్జీ ఇచ్చారు.
 
 జిల్లాలోని 33 సీపీడబ్ల్యూఎస్‌ స్కీంల నిర్వాహకులకు జీతం బకాయిలు చెల్లించాలని కె.భూపతిరెడ్డి అర్జీ ఇచ్చారు.
 
 మచిలీపట్నంలోని అమృతపురం, ముస్తాఖాన్‌పేట, నారాయణపురం తదితర ప్రాంతాల్లో నిలిచిపోయిన ఇళ్ల నిర్మాణాలను ఎస్టీ కార్పొరేషన్‌ ద్వారా నిధులు మంజూరు చేయాలని కోరుతూ వై.వెంకటేశ్వరరావు అర్జీ ఇచ్చారు.
 
  


 సాక్షి, హైదరాబాద్: రేషన్ దుకాణాల సరుకులు పక్కదారి పట్టకుండా పౌర సరఫరాల శాఖ కట్టుదిట్టమైన చర్యలకు కసరత్తు చేస్తోంది. రవాణా కాంట్రాక్టర్లకు పలు సూచనలు చేసింది. ఎఫ్‌సీఐ గోదాముల నుంచి ఎంఎల్‌ఎస్ పాయింట్లు, అక్కడ్నుంచి రేషన్ షాపులకు సరుకులు తరలించే వాహనాలకు జీపీఎస్ పరికరాలను అమర్చేందుకు అధికారులు సన్నాహాలు చేస్తున్నారు. అందులో భాగంగా పౌర సరఫరాల శాఖ కమిషనర్ సీవీ ఆనంద్ ఆదివారం సరుకు రవాణా కాంట్రాక్టర్లతో సమావేశమయ్యారు. రోజూ ఎక్కడో ఒకచోట రేషన్ బియ్యం అక్రమ రవాణా అంటూ పత్రికల్లో వార్తలు వస్తున్నాయని, వాటిని అరికట్టడానికి ఇకపై సరుకు రవాణా సక్రమంగా జరిగేలా జీపీఎస్ విధానాన్ని పటిష్టంగా అమలు చేయబోతున్నామని చెప్పారు. ఇప్పటికే రైస్‌మిల్లర్లు, రేషన్, కిరోసిన్ డీలర్లు, అధికారులు, సిబ్బందితో సమావేశాలు నిర్వహించామని, రవాణా చేసే వారి ప్రమేయం లేకుండా బియ్యం పక్కదారి పట్టే అవకాశం లేదని తేలిందని స్పష్టం చేశారు.
 
  సరుకు రవాణా పూర్తరుునప్పటికీ వాహనాలను అధికారుల అనుమతి లేకుండా జిల్లా పరిధి దాటకూడదని సూచించారు. జీపీఎస్‌తో కాంట్రాక్టర్ల తప్పులన్నీ రికార్డు అవుతున్నాయని, ప్రతి వాహనానికి శాశ్వతంగా ఒకే సెల్‌ఫోన్ నంబర్ ఉండేలా చర్యలు చేపట్టాలని, తమ వాహనాలు ఎక్కడ ఉన్నాయో కాంట్రాక్టర్లు తెలుసుకునేలా ప్రత్యేక ఐడీ, పాస్‌వర్డ్ ఇవ్వనున్నామని కమిషనర్ తెలిపారు. ఇకపై కాంట్రాక్టర్ల లావాదేవీలన్నింటినీ ఆన్‌లైన్‌లోనే చేస్తామని స్పష్టం చేశారు. తమ కాంట్రాక్ట్ గడువును గతంలో మాదిరిగా రెండేళ్లకు పెంచాలని కాంట్రాక్టర్లు చేసిన విజ్ఞప్తిని పరిశీలిస్తానని కమిషనర్ అన్నారు. 


 గూడూరు:
 త్వరలో రేషన్‌ దుకాణాలన్నీ అన్ని సరుకులు దొరికే మాల్స్‌లా మారనున్నాయని పౌర సరఫరాల శాఖ డైరెక్టర్‌ సప్తగిరి ప్రసాద్‌ అన్నారు. గూడూరు రెండో పట్టణంలోని ఎస్‌ఆర్‌ఎ థియేటర్‌ సమీపంలో ఉన్న పౌర సరఫరా గోదామును ఆయన గురువారం తనిఖీ చేశారు. ఈ సందర్భంగా  గోదాములో ఉన్న సరుకుల నిల్వలకు సంబంధించిన రికార్డులను పరిశీలించారు. వాటి తూకాల్లో తేడాలేమైనా ఉన్నాయా? అని తనిఖీ చేశారు. ఆయన మాట్లాడుతూ త్వరలో రేషన్‌ దుకాణాలు మాల్స్‌ను తలపించేలా అన్ని సరుకులను అందజేస్తామన్నారు. ప్రభుత్వం హమాలీలు, రేషన్‌ డీలర్లకు కమీషన్లు పెంచిందన్నారు. రానున్న క్రిస్‌మస్, సంక్రాంతి పండగలకు చంద్రన్న కానుకలు ఇవ్వనున్నట్లు తెలిపారు. వీటన్నింటికి రూ. 400 కోట్లు కేటాయించినట్లు చెప్పారు. ఆయన వెంట డీటీ నిరంజన్‌ ఉన్నారు. 
  
  


 కాకినాడ: రేషన్ షాపు డీలర్ల కోసం నిర్వహిస్తున్న పరీక్షలో అధికార పార్టీకి చెందిన నాయకులు తమ చేతివాటం చూపించారు. తమకు అనుకూలమైన వారికి ముందుగానే పరీక్షా పత్రం అందించి తమవంతు సాయం చేశారు. కాకినాడ డివిజన్ పరిధిలోని 128 రేషన్ షాపులకు డీలర్ల ఎంపిక కోసం ఈ రోజు పరీక్ష జరగనుండగా.. నిన్న సాయంత్రమే అధికార పార్టీ నేతలు జవాబులతో కూడిన ప్రశ్నపత్రాలను తమ అనుకూలులకు అందించారు.
 కాకినాడలోని మెక్‌లారెర్స్ ఉన్నత పాఠశాలలో ఆదివారం ఉదయం 10:30కు జరిగే ఈ పరీక్షకు 660 మంది అభ్యర్థులు పరీక్షకు హాజరుకానున్న విషయం తెలిసిందే.


 - ప్రజలనుద్దేశించి ముఖ్యమంత్రి చంద్రబాబు వ్యాఖ్య
 - మీ తీరు చూస్తుంటే వంట కూడా నన్నే చేయమనేటట్లు ఉంది
 - నేను కష్టపడుతుంటే మీరు ఇళ్లల్లో పడుకుంటారా?
  
  పొట్టిపాడు (గన్నవరం): రేషన్ దుకాణాల్లో పామాయిల్, కందిపప్పు ఇవ్వడం లేదని ఫిర్యాదు చేసిన పాపానికి ముఖ్యమంత్రి చంద్రబాబు నాయుడు ఓ వ్యక్తికి గట్టిగా క్లాస్ తీసుకున్నారు. అన్నీ నేనే ఇస్తే ఇక మీరేం చేస్తారని ప్రశ్నించారు. జనం తీరు చూస్తుంటే వారి వంట కూడా నన్నే చేయమనేటట్లు ఉన్నారని వ్యంగ్యంగా వ్యాఖ్యానించారు. వంట చేసుకోలేని వారి కోసం అన్న క్యాంటీన్లు ఏర్పాటు చేస్తున్నానని చెప్పారు. అశాస్త్రీయంగా జరిగిన రాష్ట్ర విభజన వల్ల తీవ్ర ఆర్థిక ఇబ్బందుల్లో ఉన్న ఆంధ్రప్రదేశ్‌ను గాడిలో పెట్టేందుకు, ప్రపంచంలోనే టాప్-5 రాజధానుల్లో ఒకటిగా అమరావతిని నిలిపేందుకు తాను నిరంతరం శ్రమిస్తుంటే ప్రజలు ఇళ్లల్లో పడుకోవడం పద్ధతి కాదని అన్నారు. కృష్ణా జిల్లా ఉంగుటూరు మండలం పొట్టిపాడులో విశ్రాంత చీఫ్ ఇంజినీర్ గూడవల్లి సీతారామస్వామి ఏర్పాటు చేసిన నందమూరి తారకరామారావు విగ్రహాన్ని చంద్రబాబు శనివారం ఆవిష్కరించారు. ఈ సందర్భంగా ఆయన మాట్లాడారు.బాబు ప్రసంగిస్తుండగా ఓ వ్యక్తి లేచి.. రేషన్ దుకాణాల్లో పామాయిల్, కందిపప్పు ఇవ్వడం లేదని ఫిర్యాదు చేశాడు. దీంతో సీఎం వ్యంగ్యాస్త్రాలు విసిరారు.  
 
  డిపాజిట్లు రానోళ్లు పరోక్ష ఎన్నికల్లో గెలిస్తే ఎలా?
  సాక్షి, అమరావతి: ప్రత్యక్ష ఎన్నికల్లో డిపాజిట్ కూడా తెచ్చుకోలేని వామపక్షాలు.. ఎమ్మెల్సీ ఎన్నికల్లో గెలిస్తే ఎలా అని తమ పార్టీ నేతలను టీడీపీ అధ్యక్షుడు, సీఎం చంద్రబాబు ప్రశ్నించారు. ఈసారి వామపక్షాల అభ్యర్థులు మండలిలో ప్రవేశించకుండా చూసే బాధ్యత నేతలదేనని.. ఇందుకు  అన్ని రకాల సహాయ సహకారాలు పార్టీ, ప్రభుత్వ పరంగా ఉంటాయని తమ నేతలకు అభయమిచ్చారు. వచ్చే ఏడాది లో ఉపాధ్యాయ, పట్టభద్రుల నియోజకవర్గాలకు ఎన్నికలు జరగనున్న నేపథ్యంలో గ్రామ, మండల, జిల్లా, రాష్ట్ర స్థాయి నేతలతో ఆయన శనివారం టెలీ కాన్ఫరెన్స్ నిర్వహించి  సూచనలు చేశారు.


 ♦ చౌక ధరల దుకాణాల్లో పీడీఎస్‌ సరుకులతో పాటు ఇతర సరుకుల విక్రయం
 ♦ డీలర్లకు ప్రభుత్వ కమీషన్‌ చాలనందున ప్రత్యామ్నాయం
 ♦ పౌరసరఫరాల మంత్రి వద్ద దస్త్రం
 ♦ త్వరలో ప్రభుత్వ ఉత్తర్వులు
 
 చౌక ధరల దుకాణాలు త్వరలో కిరాణాషాపులుగా మారనున్నాయి. ప్రజా పంపిణీ వ్యవస్థ ద్వారా పంపిణీ చేసే సరుకులతో పాటు సాధారణ సరుకులు కూడా ఇకపై అక్కడే లభించనున్నాయి. పీడీఎస్‌ సరుకులతో పాటు ఇతర వస్తువులు సైతం విక్రయించుకునేందుకు రాష్ట్ర ప్రభుత్వం గ్రీన్‌సిగ్నల్‌ ఇవ్వనుంది. ఇందుకు సంబంధించిన దస్త్రం పౌరసరఫరాల శాఖ మంత్రి వద్ద పెండింగ్‌లో ఉంది. మరో పక్షం రోజుల్లో దీనిపై ప్రభుత్వం ఉత్తర్వులు ఇచ్చే అవకాశం ఉందని అధికారవర్గాలు చెబుతున్నాయి.
 
 సాక్షి, రంగారెడ్డి జిల్లా : జిల్లాలో 1,952 చౌకధరల దుకాణాలున్నాయి. ఇందులో 711 మహిళల ఆధ్వర్యంలో కొనసాగుతున్నాయి. ప్రభుత్వం పీడీఎస్‌ సరుకుల సంఖ్యను కుదించింది. ప్రస్తుతం రేషన్‌ దుకాణాల్లో కేవలం బియ్యం మాత్రమే పంపిణీ చేస్తున్నారు. పండగ సందర్భాల్లో అరుదుగా చక్కెర ఇస్తున్నారు. ఇక నూనెలు, పప్పు, గోధుమల స్టాకు జాడలేకుండా పోయింది. ఈ క్రమంలో డీలర్లకు ఆదాయం భారీగా తగ్గిందని పౌరసరఫరాల శాఖపై ఒత్తిడి మొదలైంది. ఇటీవల రాష్ట్రస్థాయి సమావేశంలో డీలర్లు ఈ అంశాన్ని స్పష్టం చేయడంతో వారికి ప్రత్యామ్నాయ ఏర్పాటు చేసే అలోచనలో ప్రభుత్వం తలమునకలైంది. ఈ క్రమంలో ఇతర సరుకుల అమ్మకాలు చేసుకునే వెసులుబాటు కల్పించాలని భావిస్తోంది. ఈ క్రమంలో పౌరసరఫరాల శాఖ నివేదిక సమర్పించి ప్రభుత్వానికి అందించింది.
 
 సాధారణ ధరకే సరుకులు...
 ప్రస్తుతం రేషన్‌ దుకాణాల్లో పీడీఎస్‌ సరుకులను చౌక ధరకు అందిస్తున్నారు. ఇందుకు సంబంధించిన రాయితీని ప్రభుత్వమే భరిస్తుంది. ఈ సరుకుల అమ్మకంపై డీలర్లకు నిర్ధిష్ట మొత్తంలో కమీషన్‌ ఇస్తుంది. అయితే సరుకుల సంఖ్య తగ్గడంతో డీలర్లకు ఆదాయం భారీగా తగ్గింది. దీంతో ఇతర సరుకులు విక్రయించుకునేలా చర్యలు తీసుకోవాలని డీలర్ల సంఘం డిమాండ్‌ చేయడంతో ప్రభుత్వం ఆ మేరకు యోచిస్తోంది. అయితే పీడీఎస్‌ సరుకులు మినహా ఇతర సరుకులు మార్కెట్‌ ధరకే అమ్ముకునే అవకాశం ఇవ్వనుంది. అయితే, ప్రభుత్వ ఉత్తర్వులు వచ్చిన తర్వాతే దీనిపై స్పష్టత రానుంది.


 
 కొత్తగా 293 ఏర్పాటుకు ఆమోదం
 
 మండలాల వారీగా జారీకానున్న నోటిఫికేషన్‌
 
 కాకినాడ సిటీ : 
 జిల్లాలో రేషన్‌షాపుల విభజన ప్రక్రియను రెవెన్యూ, పౌరసరఫరాలశాఖ అధికారులు పూర్తిచేశారు. 64 మండలాల్లో ప్రస్తుతం 2,647 రేషన్‌షాపులు ఉండగా  వీటి పరిధిలో 15,29,883 రేషన్‌కార్డులు ఉన్నాయి. అనేక మండలాలలోని పలు షాపులను పరిశీలిస్తే ఒక్కోషాపు పరిధిలో అత్యధికంగా 1200 కార్డుల వరకు ఉన్నాయి. దీంతో కార్డుదారుల సౌకర్యార్థం ఎక్కువ కార్డులు ఉన్న షాపుల విభజనకు ప్రభుత్వం ఆదేశాలు జారీచేసింది. ఆ మేరకు  గ్రామీణ ప్రాంతాల్లో ఒక్కో షాపునకు 400 కార్డుల నుంచి 450, పట్టణ ప్రాంతాల్లో 500 నుంచి 550 నగరాల్లో 600 నుంచి 650 కార్డులు ఉండేలా షాపుల విభజన ప్రక్రియను చేపట్టారు. దీని ప్రకారం క్షేత్రస్థాయి నుంచి జిల్లావ్యాప్తంగా 44 మండలాల్లో  293 కొత్త రేషన్‌షాపుల ఏర్పాటుకు ప్రతిపాదనలు రాగా కలెక్టర్‌ అరుణ్‌కుమార్‌ ఆమోదముద్ర వేశారు. దీంతో జిల్లాలో రేషన్‌షాపుల సంఖ్య 2,940కు పెరగనుంది. డీలర్లు లేక ఖాళీగా ఉండి ఇన్‌చార్జిల పర్యవేక్షణలో ఉన్న 160 షాపులతో పాటు కొత్తగా ఆమోదముద్ర వేసిన 293 షాపులకు డీలర్ల భర్తీకి మండలాలవారీగా నోటిఫికేషన్‌జారీకి ఉన్నతాధికారులు ఆదేశాలిచ్చారు. ఆ ప్రకారం డివిజన్లవారీగా నోటిఫికేషన్ల జారీకి అధికారులు సిద్ధమవుతున్నారు. కొత్తగా పెరగనున్న షాపుల సంఖ్య మండలాలవారీగా..... అమలాపురంలో 2, బిక్కవోలు 8, పెదపూడి 9, రంగంపేట 8, గండేపల్లి 6, గోకవరం 3, జగ్గంపేట 17, కిర్లంపూడి 7, కాకినాడ సిటీ 13, కాకినాడ రూరల్‌ 34, కరప 4, కొత్తపేట 2, ఆత్రేయపురం 4, ఆలమూరు 4, రావులపాలెం 7, కపిలేశ్వరపురం 10, మండపేట 21, రాయవరం 8, ఐ.పోలవరం 2, కాట్రేనికోన 5, ముమ్మిడివరం 1, తాళ్లరేవు 2, పెద్దాపురం 22, సామర్లకోట 11, పిఠాపురం 11, గొల్లప్రోలు 10, యు.కొత్తపల్లి 5, ప్రత్తిపాడు 4, ఏలేశ్వరం 5, రాజమహేంద్రవరం రూరల్‌ 2, కడియం 1, రాజానగరం 4, కోరుకొండ 2, సీతానగరం 1, కాజులూరు 5, కె.గంగవరం 5, రామచంద్రపురం 11, మలికిపురం 1, మామిడికుదురు 2, రాజోలు 3, సఖినేటిపల్లి 1, కోటనందూరు 2, తొండంగి 1, తుని 7 
  


 * బియ్యం ఇవ్వకండా డబ్బులు పంచుతున్న డీలర్లు 
 * టీడీపీ నేత ఆధ్వర్యంలో బియ్యం రాకెట్‌ 
 * లబోదిబోమంటున్న పేదలు 
  
 పేద, బడుగు, బలహీనులకు ఆహారభద్రత కల్పించేందుకు వారికి కేజీ రూపాయికే  అందజేస్తున్న రేషన్‌ బియ్యం అధికార తెలుగుదేశం పార్టీ నాయకులు, కార్యకర్తలకు వరమైంది. రేషన్‌ డీలర్ల రూపంలో ఉన్న టీడీపీ కార్యకర్తలు షాపుల నుంచే పేదల బియ్యంకు అధికరేటు ఇచ్చి నల్లబజారుకు తరలిస్తున్నారు. కొంతమందికి  నెలల తరబడి ఇవ్వకపోగా, మరికొంతమంది బియ్యంకు బదులు కేజీకి రూ.6 నుంచి రూ.7 రేటు కట్టి డబ్బులను పంపిణీచేస్తున్నారు.
  
 నరసరావుపేట(గుంటూరు): జిల్లా మొత్తం 57 మండలాల్లో 2731 షాపులు ఉండగా, .నరసరావుపేట ఎంఎల్‌ఎస్‌  పాయింట్‌ పరిధిలో ఐదు మండలాలలకు సంప్రందించి 230 మంది డీలర్లు ఉన్నారు. ప్రతి నెలా 1500 టన్నులు బియ్యం, 49టన్నుల పంచదార  పంపిణీ చేయాల్సివుంది. నియోజకవర్గంలో ఎక్కడా ప్రజాపంపిణీ వ్యవస్థ ద్వారా రేషన్‌ బియ్యం సక్రమంగా పంపిణీ కావట్లేదు. ఏషాపునకు ఇది రేషన్‌ షాపు అంటూ బోర్డులు ఉండవు.ప్రతి డీలర్‌ వద్ద 250 కార్డుల నుంచి 700 కార్డులవరకు ఉన్నాయి. కార్డులను బట్టి ఇద్దరు, ముగ్గురు టీడీపీ కార్యకర్తలకు షాపులను కేటాయించారు. వారందరూ ప్రతి నెలా తమకు ఇష్టమైతే రేషన్‌షాపు తీస్తున్నారు, నోరు కలిగిన వారికి బియ్యం ఇస్తున్నారు.
 
 అడగలేనివారికి  ముందుగానే వేలిముద్రలు సేకరించి రేపు రండి అంటూ స్లిప్‌లు ఇచ్చి ఇక ప్రతిరోజూ రేపు అని షాపుల చుట్టూ తిప్పుతున్నారని లబ్ధిదారులు ఆక్రోశం వ్యక్తం చేస్తున్నారు. సర్వర్‌ సమస్యతో ఐరిస్, వేలిముద్రలు పడడంలేదంటూ పదే పదే షాపుల చుట్టూ తిప్పుతూ లబ్ధిదారులను విసుగెత్తించి వారికి డబ్బులు తీసుకునేలా డీలర్లు ప్రోద్భలం చేస్తున్నారు.  పట్టణంలోని వరవకట్టలో ఇద్దరు డీలర్లు రెండు నెలలుగా తమకు రేషన్‌ ఇవ్వట్లేదంటూ ఆ ప్రాంతానికి చెందిన మహిళలు వినాయకచవితిరోజు మున్సిపల్‌ ఛైర్మన్, వైస్‌ చైర్మన్‌లను కలిసి మొర పెట్టుకున్నారు. పాతూరు శివాలయం ఎదురు వీధిలోని డీలర్‌ ఒకరు గత నెల 29వ తేదీ నుంచే తన ద్విచ్రకవాహనంపై ట్రిప్పుకు ఒక బస్తా రేషన్‌ బియ్యంను నల్లబజారుకు తరలించాడని స్థానికులుతెలియచేస్తున్నారు. టీడీపీ ముఖ్య కార్యకర్త నిర్వహిస్తున్న షాపును పట్టణ శివారులో నిర్వహిస్తూ ప్రతినెలా ఠంచన్‌గా లబ్దిదారులను మాయచేస్తూ సరుకును నల్లబజారుకు తరలిస్తున్నాడనే ఆరోపణలు ఉన్నాయి. 
  
 పెట్లూరివారిపాలెం కేంద్రంగా నడుస్తున్న రాకెట్‌..
 బియ్యం రాకెట్‌కు మళ్లీ నియోజకవర్గంలో తెరలేచింది. నరసరావుపేట మండలంలోని పెట్లూరివారిపాలెం కేంద్రంగా బియ్యం డంపును నిర్వహిస్తున్నట్లు సమాచారం. గతేడాది ఎమ్మెల్యే డాక్టర్‌ గోపిరెడ్డి శ్రీనివాసరెడ్డి నరసరావుపేట శివారు చిలకలూరిపేట జంక్షన్‌లోని ఒక పాడుబడిన గోడౌన్‌లో అక్రమంగా నిల్వ ఉంచిన రూ.30లక్షల విలువైన రేషన్‌బియ్యం బస్తాలను స్వయంగా పట్టించారు. ఇప్పటివరకు నిందితులపై చర్యలేమీలేవు. అప్పటి నుంచి రూట్‌ మార్చిన నాయకుడు సత్తెనపల్లి నియోజకవర్గంలోని నకరికల్లు కేంద్రంగా నిర్వహిస్తూ వచ్చాడు.  ప్రకాశం జిల్లాకు దగ్గరగా ఉంటుందనే కారణంతో పెట్లూరివారిపాలెం గ్రామాన్ని కేంద్రంగా చేసుకొని బియ్యాన్ని అక్రమార్కుల నుంచి సేకరిస్తున్నారు. డీలర్ల వద్ద నుంచి బియ్యాన్ని సేకరించి లారీలు, ఆటోల ద్వారా ఇక్కడ నిర్వహించే డంపునకు తరలిస్తున్నారు. ఈ విషయం తెలిసినా పోలీసులు, రెవెన్యూ అధికారులు అటువైపు కన్నెత్తి చూడడం లేదు.


 బోట్‌క్లబ్‌ (కాకినాడ) : 
 బినామీ రేషన్‌ షాపులు అధికంగా ఉన్నాయని వాటిని వెంటనే రద్దు చేయాలని బీజేపీ రాష్ట్ర యువమోర్చా ప్రధాన కార్యదర్శి యార్లగడ్డ రామ్‌కుమార్‌ డిమాండ్‌ చేశారు. మంగళవారం జాయింట్‌ కలెక్టర్‌ సత్యనారాయణను కలెక్టరేట్‌లోని ఆయన చాంబర్‌లో కలిసి బీజేపీ నాయకులు వినతిపత్రం సమర్పించారు. ఆయన మాట్లాడుతూ జిల్లాలో పలుచోట్ల ఒకే డీలరు పేరు మీద రెండు మూడు షాపులు ఉన్నాయన్నారు. అలాంటిచోట్ల ప్రజలకు సక్రమంగా రేషన్‌ సరుకులు ఇవ్వడం లేదన్నారు. జిల్లాలోని పలు మీసేవా కేంద్రాల్లో సిబ్బంది తక్కువగా ఉండడం వల్ల వినియోగదారులు అవస్థలు పడుతున్నారన్నారు. ఈ పరిస్థితులను చక్కదిద్దాలని కోరారు. జేసీని కలిసిన వారిలో బీజేపీ నగర ప్రధాన కార్యదర్శి బండారు భాస్కర్,  జిల్లా యువమోర్చా నాయకులు ముసలగంటి సురేష్, ఎన్‌వీసాయిబాబా తదితరులు పాల్గొన్నారు.
  
  


  ఆగస్టు నుంచి చౌక దుకాణాల్లో విక్రయం
  అనంతపురం అర్బన్: ఆగస్టు నుంచి చౌక దుకాణాల్లో కందిపప్పు కిలో రూ.120కి అందించేందుకు చర్యలు చేపట్టామని జాయింట్ కలెక్టర్ బి.లక్ష్మికాంతం తెలిపారు. ఇందుకు సంబంధించి వివరాలను ఆయన వెల్లడించారు. తొలి దశలో అనంతపురం, తాడిపత్రి, హిందూపురం, గుంతకల్, రాయదుర్గం, కళ్యాణదుర్గ, గుత్తి, కదిరి మునిసిపాలిటీల్లోని చౌక దుకాణాల్లో కార్డుదారులకు ఒక కిలో కందిపప్పును రూ.120కి ఇస్తారన్నారు.
 ఇందుకు సంబంధించి 175 టన్నులు కందిపప్పు స్టాక్ తెప్పిస్తున్నామన్నారు. కిలో రూ.119.45 పైసలు చొప్పున అవసరమైన మొత్తానికి డీలర్లతో డీడీలు తీయించాలని తహసీల్దార్లను ఆదేశించామన్నారు. ఈ ఎనిమిది మునిసిపాలిటీల్లో విక్రయాలను పరిశీలించిన తరువాత పుట్టపర్తి, పామిడి మునిసిపాలిటీల్లో అమలు చేస్తామన్నారు.


 కందిపప్పును కేంద్రం నుంచి కిలోకు రూ. 55లకే తీసుకుంటున్న మహారాష్ట్ర ప్రభుత్వం దాన్ని రేషన్ షాపుల్లో కూడా కిలో రూ.120ల ధరకు అమ్ముతుండటాన్ని ఏమనాలి?  థానే లోని నా స్వగృహానికి సమీపంలో వ్యాపారం చేస్తూ, టెంపోలో సరుకులను తీసుకువచ్చే ఒక చిల్లర వ్యాపారస్తుడి నుంచి నా రోజువారీ కూరగాయలను కొంటుంటాను. అత డొక రైతు. గత సీజన్‌లో ఉల్లిపాయలు పండించాడు. ఉల్లిపా యలను కిలోకు రూ.20ల లెక్కన అమ్ముతుండేవాడు. కానీ అతడు పండించేది మాత్రం పొలంలోనే కుళ్లిపోతుండేది . కారణం. దళారీలు అతడు పండించిన ఉల్లికి కిలోకు రూపాయి కూడా చెల్లించడానికి ఇష్టపడేవారు కాదు.  కాబట్టే అతడు ఉల్లిపాయలను వ్యవసాయ ఉత్పత్తుల మార్కెట్ కమిటీ (ఏపీఎంసీ) నుంచి కొని వాటిని నాకు అమ్మేవాడు. పొలంలో అతడికి వచ్చే ధరకు, నేను చెల్లించే ధరకు మధ్య రూ. 19ల తేడా ఉండేది. దీనికి దళారీలే కారకులని అతడు ఆరోపించేవాడు.
  
  రవాణా ఖర్చులన్నీ పోగా తనకు మిగిలే లాభం చాలా తక్కువని వాపోయే అతడు తన లాభం గురించి ఎన్నడూ చెప్పేవాడు కాదు. తనకొచ్చే లాభంపై అతడు చెప్పేది నమ్మాలో వద్దో కూడా నాకు తెలీదు. రైతును, వినియోగదారుడిని పణంగా పెడుతూ సాగే ఈ వ్యవహారంలో భారీ స్థాయిలో అక్రమ లాభార్జనకు అవకాశముందనేది స్పష్టం. రైతుకు చెల్లించే ధరకు, విని యోగదారుడు చెల్లించే ధరకు మధ్య ఉన్న తేడా (పైన చెప్పి నట్లు రూ.19ల తేడాకే పరిమి తమవుదాం) రైతుకే ప్రయో జనం కలిగిస్తుందంటూ రెండేళ్ల క్రితం యూపీయే-2 పాలనలో వ్యవసాయ మంత్రి శరద్‌పవార్ చెప్పిన విష యాన్ని చిల్లర వ్యాపారికి గుర్తు చేశాను. ‘అంటే మంత్రి ఇప్పుడు లాభార్జనను చట్టబద్ధం చేశారన్నమాట’ అంటూ ఆ వ్యాపారి చెప్పింది సరైందే.
  
  రైతులు తాము పండించిన కూరగాయలు, పళ్ల ఉత్పత్తులను నేరుగా వినియోగ దారులకే అమ్ముకోవడాన్ని అనుమతించాలని మహారాష్ట్ర ప్రభుత్వం ప్రస్తుతం నిర్ణ యించింది. దీనివల్ల రైతులకు మంచి ధర రావడానికీ, వినియోగదారులు సరసమైన ధరకు వ్యవసాయ ఉత్పత్తులు పొందడానికి సాధ్యపడుతుంది.
  
  అయితే లబ్ధిదారులకు మేలు చేకూర్చాలంటే చేయవలసింది ఇంకెంతో ఉంది. ఉదాహరణకు, రైతులు తమ పంటలను ఎక్కడికి తీసుకువచ్చి అమ్మాలనేది సమస్య. వారికి తగు సదుపాయాలు కల్పించాల్సి ఉంది. ప్రభుత్వం సంస్థల నుంచి వీరికి ఎంత సహకారం అందుతుందన్నది అస్పష్టమే. కానీ, చేయడం కంటే చెప్పడం చాలా సులువు. ముందుగా రైతులు సంఘటిత కావలసిన అవసరముంది. రవాణా సదు పాయాలను, విక్రయ కేంద్రాలను ఏర్పాటు చేసుకోవలసి ఉంటుంది. తొలినుంచీ కొనసాగుతున్న పలువురు చిల్లర వ్యాపారులు అన్ని నగర ప్రాంతాల్లో ఫుట్‌పాత్‌లను కూడా ఆక్రమించేశారు కాబట్టి రిటైల్ స్థలాలను కనుగొనడం రైతులకు కష్టసాధ్యమే.
  
  బలమైన రాజకీయ సంబంధాల దన్ను కలిగి, లాభసాటి బేరగాళ్లతో కూడిన వ్యవ స్థీకృత సంస్థ అయిన ఏపీఎంసీ.. వ్యవసాయ ఉత్పత్తులను నేరుగా వినియోగదారుకు అందించడం కోసం గాను తమ ప్రత్యేక హక్కును వదులుకోదు. వాళ్లు తమ వద్ద ఇప్పటికే ఉన్న పలుకుబడినీ, శక్తినీ ఉపయోగిస్తారు. జూలై 4న కమిషన్ ఏజెంట్లు తమ షాపులను రోజంతా మూసివేశారు. దీంతో మహారాష్ట్రలో ధరలు చుక్కలనంటాయి. పైగా నిరవధిక సమ్మె చేపడతామని వారు బెదిరించారు.
  
  మరోవైపు ప్రభుత్వం వ్యవసాయదారులకు, వినియోగదారులకు సాయపడటం మాటేమిటో గానీ, ఏపీఎంసీలో తిష్టవేసిన కమిషన్ ఏజెంట్ల లాబీలను చీల్చడంపైనే ఎక్కువ దృష్టి పెడుతున్నట్లు కనిపిస్తోంది. మొదట కాంగ్రెస్, తర్వాత కాంగ్రెస్-నేష నల్ కాంగ్రెస్ పార్టీ కూటమి పాలించడం కారణంగా మార్కెట్ కమిటీలో ఈ రెండు పార్టీలు బలంగా పాతుకుపోయాయి. దీన్ని బద్దలు చేయాలని బీజేపీ తలుస్తోంది తప్పితే, మార్కెట్ క్రమబద్ధీకరణను ఎత్తివేయాలని అది కోరుకోవడం లేదు.
  
 అయితే మొజాంబిక్ దేశం నుంచి దిగుమతవుతున్న కందిపప్పును కేంద్రం నుంచి  కిలోకు రూ.55లకే తీసుకుంటున్న రాష్ట్ర ప్రభుత్వం దాన్ని రేషన్ షాపుల్లో కూడా కిలో రూ.120ల ధరకు అమ్ముతుండటాన్ని  ఏమనాలి? వాస్తవానికి ప్రభుత్వమే ఒక దళారీ. ఇలాంటి నేపథ్యంలో వ్యవసాయ ఉత్పత్తుల మార్కెట్ కమిటీ గురించి బాధ పడటం దేనికి?
  వ్యాసకర్త సీనియర్ పాత్రికేయులు  ఈ మెయిల్ : mvijapurkar@gmail.com
  - మహేష్ విజాపుర్కార్


  వినియోదగారుని ఫిర్యాదు మేరకు పౌరసరఫరాల శాఖ మంత్రి పరిటాల సునీత ప్రొద్దుటూరులోని రేషన్ షాపును ఆదివారం ఆకస్మికంగా తనిఖీ చేశారు. ప్రొద్దుటూరు రామేశ్వరం రోడ్డులోని 75వ నంబరుగల రేషన్ దుకాణాన్ని మంత్రి తనిఖీచేసి డీలర్‌ను హెచ్చరించారు. మహబూబ్‌బాషా అనే వినియోగదారుడు రంజాన్ తోపాలో తీసుకున్న గోధుమల్లో 5 కిలోలకు గాను 4 కిలోలు మాత్రమే ఇచ్చారని ప్రొద్దుటూరులో ఒక కార్యక్రమానికి హాజరైన మంత్రికి ఫిర్యాదు చేశాడు.
 
  స్పందించిన మంత్రి వెంటనే 75వ నంబరు రేషన్ షాపును తనిఖీ చేశారు. షాపు మూసిఉండడంతో డీలర్‌ను పిలిపించి తెరిపించి సరుకులను తనిఖీ చేశారు. ఎలక్‌ట్రానిక్ తూనికల యంత్రం ఉన్నా తూకంరాళ్లు ఉండటాన్ని గమనించి డీలర్‌ను హెచ్చరించారు. ఇంకోసారి నిర్లక్ష్యంగా వ్యవహరిస్తే సస్పెండ్ చేస్తానని హెచ్చరించారు. మంత్రి వెంట ఎంపీ సీఎం రమేష్, పౌరసరఫరాల కార్పొరేషన్ చైర్మన్ లింగారెడ్డి తదితరులు పాల్గొన్నారు.
 
  


 ♦ వైఎస్సార్ సీపీ మద్దతు డీలర్లపై ఒత్తిళ్లు
 ♦ కుంటి సాకులతో రేషన్ షాపుల తొలగింపు
 ♦ పశ్చిమాన 12 మండలాల్లో బినామీల హవా
 ♦ తమ్ముళ్ల ఆదేశాలకు తలొగ్గుతున్న అధికారులు
 ♦ వేధింపులతో కొందరు స్వచ్ఛందంగా రాజీనామా
 ♦ గ్రామాల్లో వైఎస్సార్ సీపీ మద్దతుదారు డీలర్లే టార్గెట్
 ♦ మార్కాపురం డివిజన్‌లో ఇప్పటికే 67 రేషన్ షాపులు ఖాళీ
 పశ్చిమ ప్రకాశంలో అధికార పార్టీ నేతలు డీలర్లపై ఒత్తిడి పెంచుతున్నారు. అధికారులను అడ్డం పెట్టుకుని ఇష్టానుసారంగా డీలర్లను తొలగిస్తున్నారు. వైఎస్సార్ సీపీ మద్దతుదారు డీలర్లపై తప్పుడు కేసులు నమోదు చేరుుంచి ఆ షాపులను డ్వాక్రా సంఘాల పేరుతో తెలుగు తమ్ముళ్లకు కట్టబెడుతున్నారు. టీడీపీ అధికారంలోకి వచ్చాక పశ్చిమ ప్రకాశంలోని 12 మండలాల్లో ఇప్పటికే సుమారు 67 మంది డీలర్లను కుంటి సాకులు చూపి తొలగించారు.   - మార్కాపురం
 పశ్చిమ ప్రకాశంలోని 12 మండలాల్లో అధికార పార్టీ నేతలు ఇష్టానుసారం వ్యవహరిస్తున్నారు. ముఖ్యంగా రేషన్ దుకాణాల్లో బినామీ డీలర్లదే హవాగా మారింది. రాష్ట్రంలో టీడీపీ అధికారంలోకి రావటంతో వైఎస్సార్ సీపీకి అనుకూలంగా ఉన్న డీలర్లపై ఆ పార్టీ నేతలు అధికారుల ద్వారా వత్తిడి చేయిస్తున్నారు. అధికారుల ఒత్తిళ్లు తట్టుకోలేక పలువురు వైఎస్సార్ సీపీ మద్దతు డీలర్లు రాజీనామా బాట పట్టారు.
 ఇవిగో ఖాళీలు
 బేస్తవారిపేట మండలం పెంచికలపాడు, కంభం మండలం ఎర్రబాలెం, తురిమెళ్ల, నర్సిరెడ్డిపల్లె, తదితర గ్రామాల రేషన్ షాపులకు డీలర్లు లేరు. గిద్దలూరు మండలం ముండ్లపాడు, సూరేపల్లె, కొమరోలు మండలం గుండ్రెడ్డిపల్లె, మార్కాపురం మండలం గజ్జలకొండ, బోడపాడు, భూపతిపల్లె, నాయుడుపల్లె, తిప్పాయపాలెం, పెద్దయాచవరం, జమ్మనపల్లి, పెద్దయాచవరం, కొండేపల్లి దుకాణాలకు కూడా డీలర్లు లేరు. పెద్దారవీడు మండలం ఎస్.కొత్తపల్లె, కలనూతల, గొబ్బూరు, బి.చెర్లోపల్లె, పుల్లలచెరువు మండలం అక్కపాలెం, నాయుడుపల్లి, సిద్ధినపాలెం, ఐటీవరం, నరజాముల తండా, ఐటీవరం, త్రిపురాంతకం మండలం త్రిపురాంతకం, దూపాడు, గణపవరం, జి.ఉమ్మడివరం, ఎండూరివారిపాలెం, రామసముద్రం, నడిగడ్డ, లేళ్లపల్లి, టి.చెర్లోపల్లె, కంకణాలపల్లె, సోమేపల్లి, హసనాపురం, వెంగాయపాలెం, ఒడ్డుపాలెం, మిరియంపల్లి, వెల్లంపల్లి, డీబీఎన్ కాలనీ, జీఎస్ తండాల రేషన్‌షాపుల డీలర్లు రాజీనామా చేశారు.
 యర్రగొండపాలెం మండలం బోయలపల్లి, యర్రగొండపాలెం, గోళ్లవీడిపి, సర్వాయపాలెం,గంజివారిపల్లె, గురిజేపల్లి, కొలుకుల, దోర్నాల మండలం యడవల్లి, దోర్నాల 4, కటకానిపల్లె, కడపరాజుపల్లి, ఐనముక్కల 1, 2, బోడెనాయక్ తండా, రాచర్ల మండలం రామాపురం, తదితర గ్రామాల్లో ఖాళీలు ఉన్నాయి. ఈ ఖాళీల్లో చాలామంది డీలర్లు రాజీనామాలు చేయగా మరికొంత మంది డీలర్లపై అధికారులు 6ఏ కేసులు నమోదు చేయటంతో ఖాళీలు ఏర్పడ్డారుు. వీరి స్థానంలో పొదుపు సంఘాల సభ్యులను ఇన్‌చార్జ్‌లుగా నియమించారు. రాజీనామా చేసిన డీలర్లు 90 శాతం మంది విజిలెన్స్ ఎన్‌ఫోర్స్‌మెంట్ అధికారుల ఒత్తిళ్లకు తట్టుకోలేక డీలర్‌షిప్‌లను వదులుకున్నారు.
 వీరిని ఎదిరించిన డీలర్లపై రెవెన్యూ అధికారులు 6ఏ కేసులు, మరీ లొంగకపోతే పోలీసు కేసులు కూడా పెట్టారు. బినామీ డీలర్లు కావటంతో అధికారులు కూడా గట్టిగా చెప్పలేకపోతున్నారు. వినియోగదారులకు రేషన్‌షాపుల ద్వారాసరఫరా చేసే బియ్యం, చక్కెర, కిరోసిన్ సక్రమంగా అందడం లేదు. మొత్తం మీద పశ్చిమ ప్రకాశంలో బినామీ డీలర్ల హవా కొనసాగుతోంది. రెవెన్యూ, పౌరసరఫరాల శాఖాధికారులు కలిసి డీలర్ పోస్టులను భర్తీ చేస్తే ప్రజలకు నిత్యావసరాలు సక్రమంగా అందుతారుు.


   రేషన్ షాపుల విభజనకు సన్నాహాలు
   ఇప్పటికే నాలుగు షాపుల ఏర్పాటు
   ప్రతీ 450 రేషన్ కార్డులకూ ఓ రేషన్‌షాపు
 
 విజయనగరం కంటోన్మెంట్: ఉపాధ్యాయ పోస్టుల కుదింపుకోసం రేషన్‌లైజేషన్ పేరుతో పాఠశాలలను తగ్గించేస్తున్న సర్కారు... తమ్ముళ్లకు ఉపాధి కల్పించేందుకు రేషన్ షాపులను విడదీసే యత్నానికి శ్రీకారం చుట్టింది. ఇప్పటికే స్థానిక అధికార పార్టీ నాయకుల ఆదేశాలతో కొన్ని షాపులను విభజించి పౌరసరఫరాల శాఖ కమిషనర్‌కు లేఖ రాసిన అధికారులు జిల్లా వ్యాప్తంగా షాపుల విభజనకు రంగం సిద్ధం చేస్తున్నారు. గతంలోనే మునిసిపాలిటీల పరిధిలోని రేషన్ షాపులను విభజించాలన్న ఆదేశాలున్నప్పటికీ ఆ ప్రక్రియ ఇప్పుడు విజయనగరం జిల్లాలోని గ్రామీణ ప్రాంతాలకూ విస్తరించనుంది.
 
  ప్రతి 450కార్డులకు ఓ రేషన్‌షాపు
 జిల్లాలో 1390 రేషన్ షాపులున్నాయి. అన్నపూర్ణ కార్డులు 839, అంత్యోదయ 76,009, తెల్ల కార్డులు 6,01,987 ఉండగా వీటి పరిధిలో 17,79,516 మంది వినియోగదారులున్నారు. ప్రస్తుతం జిల్లాలో ఒక్కో రేషన్ షాపు పరిధిలోనూ రెండు వందల నుంచి పదమూడు వందల రేషన్ కార్డుల వరకూ ఉన్నాయి. వీటిని విభజించి ప్రతీ 450 నుంచి 500 రేషన్ కార్డులకు ఓ రేషన్ షాపును ఏర్పాటు చేయాలనేది ప్రభుత్వ నిర్ణయం. ఇదేదో పరిపాలనా సౌలభ్యం కోసమో లేక వినియోగ దారులకు మేలయిన పంపిణీ కోసమో అనుకుంటే పొరపాటే! కేవలం తెలుగు తమ్ముళ్లకు ఉపాధి కల్పన కోసమేనని ఆరోపణలు వెల్లువెత్తుతున్నాయి. ముఖ్యంగా స్థానిక నాయకులు, సంబంధిత నియోజకవర్గాల ఎమ్మెల్యేలు ఇతర అధికార పార్టీ నాయకుల సూచనల మేరకు అధికారులు ఈ విభజన ప్రక్రియ చేపట్టేందుకు సిద్ధమవుతున్నారని డీలర్లు ఆరోపిస్తున్నారు.
 
 కమీషన్ సంగతి తేల్చకుండానే...
 కమీషన్ పెంపుపై ఎలాంటి ప్రకటన చేయకుండా ఇప్పుడిలా రేషన్ షాపుల విభజనను చేపట్టేందుకు నిర్ణయించడం దారుణమని డీలర్లు వాపోతున్నారు.  జిల్లాలో ఉన్న రేషన్ షాపుల్లో తెలుగుదేశం పార్టీ అనుచరులున్న షాపులను వదిలేసి ఇతర షాపులను లక్ష్యంగా చేసుకుని ప్రతిపాదనలు చేస్తున్నారని ఆరోపిస్తున్నారు. గతం లో హుద్‌హుద్ తుఫాన్ సందర్భంగా వివిధ ప్రాంతాల్లో సక్రమంగా సరుకులు పంపిణీ చేయలేదంటూ సుమారు 16 మంది రేషన్ డీలర్లను సస్పెండ్‌చేసి వారి స్థానాల్లో తెలుగుదేశం నాయకుల బంధువులను నియమించిన విషయం వారు గుర్తు చేస్తున్నారు. చాలా చోట్ల టెంపరరీగా తెలుగు తమ్ముళ్లే ఇప్పటికీ ఆయా షాపులను నడిపిస్తున్నారు. దీనిపై ఇంకా కోర్టు వివాదాలు నడుస్తున్నాయి. చిన్న చిన్న తప్పిదాలకే తమను బలిపశువులను చేశారని రేషన్ డీలర్లు వాపోతున్నారు.
  
 ఎమ్మెల్యేలు, మంత్రుల ఆదేశాలతో విభజిస్తున్నారు
 మాకు ఇవ్వాల్సిన కమీషన్ ఇవ్వకుండా పనులు చేయించుకుంటున్నారు. దీనికి తోడు ఇప్పుడు రేషన్ షాపులను విభజిస్తున్నారు. మంత్రులు, ఎమ్మెల్యేలు తమ అనుచరుల కోసం ఒత్తిడి చేస్తే అధికారులు వంతపా డటం దారుణం. దీనిని మేం ఖండిస్తున్నాం. డీలర్ల కు ప్రతీ నెలా కుటుంబ పోషణకు ఆదాయం వచ్చే లా చేసి వారికి నచ్చినట్టు చేసుకోమనండి! అంతే కానీ డీలర్ల పొట్ట కొడితే మాత్రం ఖబడ్దార్  ! ఊరుకునేది లేదు. పెద్ద ఎత్తున ఉద్యమం చేస్తాం.
 - సముద్రపు రామారావు, జిల్లా ఉపాధ్యక్షుడు, రేషన్ డీలర్ల సంక్షేమ సంఘం, విజయనగరం.
  


 రేషన్‌షాపుల్లో అమలు కాని పోర్టుబిలిటీ విధానం
   ఇతర ప్రాంతాల్లోని రేషన్ దుకాణాలకు వెళ్తే సరుకులు ఇవ్వని వైనం
   వలసదారులకు తప్పని ఇబ్బందులు
  
  విజయనగరం కంటోన్మెంట్: ఈయన పేరు అంబటి మోహనరావు. శ్రీకాకుళం జిల్లా సోంపేట మండలం ఎర్ర ముక్కాం గ్రామం. విధుల రీత్యా జిల్లాలోని ఓ ప్రైవేటు సంస్థలో పని చేస్తున్నారు. ఆయన ప్రతి నెలా పక్క జిల్లాకు వెళ్లి రేషన్ సరుకులు తెచ్చుకునే వారు. వెళ్లిన రోజున ఏ సరుకులు ఉంటే అవే దిక్కు. మిగతా సరుకులు వదిలేయాల్సి వచ్చేది. ‘ఈ-పాస్’ వచ్చాక పోర్టుబిలిటీ పద్ధతిలో సరుకులను తీసుకోవచ్చని అధికారులు చెప్పడంతో తనకు శ్రమ తప్పినట్లేనని అతను భావించాడు. అయితే, అతని ఆనందం ఎంతసేపూ నిలవలేదు. ఇక్కడి రేషన్ షాపులకు వెళ్లి అడిగితే ఎవరూ సరుకులను ఇవ్వడం లేదు. ఎన్నిసార్లు తిరిగినా పోర్టుబిలిటీ లేదన్న సమాధానమే డీలర్ల నుంచి వస్తోంది.
  
  ఈ సమస్య మోహనరావు ఒక్కరిదే కాదు. జిల్లాలో చాలామందికి ఇదే పరిస్థితి ఎదురవుతోంది. జిల్లా నుంచి వేలాది మంది ఇతర ప్రాంతాల్లో ఉపాధి కోసం కొన్ని నెలల పాటు ఉండిపోయి కూలి పనులు చేసుకుంటున్నారు. అక్కడయినా రేషన్ సరుకులు తీసుకోవచ్చని అనడంతో వారంతా రేషన్ కార్డులు పట్టుకెళ్లి అక్కడి షాపుల్లో సరుకులు అడిగితే.. డీలర్లు కాదు పొమ్మంటున్నారు. రేషన్ షాపులు, సరుకుల పంపిణీ విధానం మొత్తం ఈ-పాస్ ద్వారా చేపడుతున్నామని, ఇక నుంచి అర్హులైన లబ్ధిదారులు ఎక్కడి నుంచైనా సరుకులను తీసుకోవచ్చని చెప్పిన యంత్రాంగం.. ఇప్పుడు ఆ విధానాన్ని అమలు చేయడంలో విఫలమవుతోంది. జిల్లా వ్యాప్తంగా ఎక్కడా ఈ పోర్టుబిలిటీ విధానం అమలు కావడం లేదు. ముఖ్యంగా జిల్లాలోని ఇతర మండలాల నుంచి వచ్చి జిల్లా కేంద్రంలో ఉన్నవారికి కూడా ఈ విధానం అమలు కావడం లేదు.
  
  స్వంత జిల్లా పరిధిలోనే ఈ విధానం పనిచేయకపోతే.. ఇక ఇతర ప్రాంతాల్లో పరిస్థితి మాటేంటని రేషన్ వినియోగదారులు ప్రశ్నిస్తున్నారు. జిల్లాలో 6.90 లక్షల రేషన్ కార్డులున్నాయి. ఇందులో సుమారు లక్షకుపైగా వినియోగదారులు ఇతర ప్రాంతాల్లో ఉంటున్నారు. కొంతమంది వలసదారులు.. ఇళ్ల వద్ద చిన్నారులు, వృద్ధులను వదిలి వెళ్తుంటారు. అటువంటి వారికి ఎటువంటి సమస్యా ఉండదు. కొత్తగా పెళ్లయి ఇతర ప్రాంతాల్లో ఉన్నవారు, కుటుంబం మొత్తం జిల్లా కేంద్రాల్లో ఉంటున్న వారికి ఈ పోర్టుబిలిటీ విధానం ఉపయోగకరంగా ఉంటుంది. కానీ ప్రస్తుతం ఈ విధానం ఎక్కడా అమలు కాకపోవడంతో వారందరికీ నిరాశ తప్పడం లేదు.  
  
  సమస్యను పరిష్కరిస్తున్నాం..
  పోర్టుబిలిటీ విధానంలో సరుకులను ఇచ్చినప్పుడు ఇతర జిల్లాల్లోని రేషన్ షాపుల్లో తరుగు చూపుతోంది. కానీ కార్డుదారుని సొంత షాపులో మాత్రం తరుగు చూపకుండా ఉంది. దీనివల్ల కార్డుదారుడు సరుకును తీసుకోనట్టే చూపిస్తోంది. ఈ సాంకేతిక సమస్యను త్వరలోనే పరిష్కరిస్తాం. జిల్లా పరిధిలో మాత్రం ఈ సమస్య లేదు. ఒక వేళ డీలర్ ఇబ్బంది పెడుతూ ఉండొచ్చు. అటువంటి వారిపై చర్యలు తీసుకుంటాం.
      - పి.నాగేశ్వరరావు, డీఎస్‌ఓ
  


 జిన్నారం (మెదక్) : జిన్నారం మండలంలోని చౌక ధరల దుకాణాల్లో విజిలెన్స్ అండ్ ఎన్‌ఫోర్స్‌మెంట్ అధికారులు సోమవారం తనిఖీలు చేపట్టారు. బొంతపల్లి, జిన్నారం గ్రామాల్లోని రేషన్ దుకాణాల్లోని రికార్డులను, నిల్వ సరుకులను అధికారులు విద్యాకర్‌రెడ్డి, రమేశ్‌కుమార్, సాజత్‌మియా పరిశీలించారు. బొంతపల్లిలోని ఓ రేషన్ షాపులో కిరోసిన్ కోటాకు సంబంధించిన రికార్డులు సక్రమంగా లేకపోవటంతో సంబంధిత డీలర్‌పై కేసు నమోదు చేశారు. అక్రమాలు రుజువైతే డీలర్లపై కఠిన చర్యలు తప్పవని హెచ్చరించారు.


 జి.మామిడాడ(పెదపూడి) : జి.మామిడాడ గ్రామంలోని ఐదు రేషన్ షాపులపై రాజమండ్రికి చెందిన విజిలెన్స్, ఎన్‌ఫోర్స్‌మెంట్ అధికారులు మంగళవారం దాడులు నిర్వహించారు. నాలుగు షాపుల్లో సరకులు సీజ్ చేశారు. తహసీల్దార్ ఎం.సావిత్రి తన కార్యాలయంలో విలేకరులకు వివరాలు తెలిపారు. జి.మామిడాడ గ్రామంలోని 20, 22, 23, 24, 25 నంబర్ల షాపులపై విజిలెన్స్ తహ సీల్దార్ గోపాలరావు, డీసీటీఓ రత్నకుమార్, ఎస్సై సత్యనారాయణ తమ సిబ్బందితో ఏకకాలంలో మూడు షాపులపై దాడులు జరిపారు. ఈ దాడుల్లో 22వ షాపులో రూ.2,386 విలువైన రేషన్ సరకును సీజ్ చేశారు. బియ్యం రికార్డులకంటే ఎక్కువగా ఉన్నట్టు గుర్తించారు.
 
 పంచదార 105 కిలోలు తక్కువగా, కిరోసిన్ 4 లీటర్లు ఎక్కువగా ఉంది. 23వ షాపులో రూ.9,994 విలువైన సరకు సీజ్ చేశారు. బియ్యం 1,924 కిలోలు, పంచదార 14 కిలోలు తక్కువగా ఉన్నట్టు గుర్తించారు. కిరోసిన్ 344 లీటర్లు ఎక్కువగా ఉంది. 24వ షాపులో రూ.7,317 విలువైన సరకు సీజ్ చేశారు. బియ్యం 288 కిలోలు, పంచదార 27 కిలోలు, కిరోసిన్ 282 లీటర్లు ఎక్కువగా ఉన్నట్టు గుర్తించారు. 25వ షాపులో రూ.4,721 విలువైన సరకు సీజ్ చేశారు. బియ్యం 47 కిలోలు, కిరోసిన్ 42 లీటర్లు ఎక్కువగా ఉన్నట్టు గుర్తించారు. 20వ నంబర్ షాపులో సరకు వ్యత్యాసం లేదు.
 
 నాలుగు రేషన్ షాపుల నిర్వహణ బాధ్యతలను వేరేవారికి అప్పగించారు. సరకు తేడా ఉన్న షాపుల నిర్వాహకులపై నిత్యావసర సరకుల చట్టం ప్రకారం ెకేసు నమోదు చేయనున్నట్టు తహసీల్దార్ సావిత్రి, ఎంస్‌ఓ కె.విశ్వేశ్వరరావు తెలిపారు.


 ►గాడితప్పిన ప్రజాపంపిణీ వ్యవస్థ
 ► రేషన్ దుకాణాల్లో యథేచ్ఛగా అక్రమాలు
 ► పక్కదారి పడుతున్న కిరోసిన్
 ► అధికారుల తనిఖీలు శూన్యం
 ► జిల్లాలో రేషన్ దుకాణాలు 2,983
 ► రేషన్‌కార్డులు   12,38,255
 ►  లబ్ధిదారులు 46,73,119
  
 ధర్మవరం : రాష్ట్ర పౌర సరఫరాల శాఖ మంత్రి పరిటాల సునీత  సొంత జిల్లాలోనే ప్రజాపంపిణీ వ్యవస్థ గాడి తప్పింది. ఈ-పాస్ యంత్రాలకు తంత్రాలు వేస్తూ డీలర్లు యథేచ్ఛగా సరుకులు దోచేస్తున్నారు. కిరోసిన్ పంపిణీ  మానేశారు. ఒక్కో కార్డుపై అర కిలో వరకూ బియ్యం లాగేసుకుంటున్నారు. చక్కెర  కిలోకు వంద గ్రాములు కోతేస్తున్నారు. అయినా డీలర్లపై చర్యలు లేవు.
 
 జిల్లాలో మొత్తం 2,983 చౌకదుకాణాలు ఉన్నాయి. వీటి పరిధిలో 12,38,255 కార్డులు ఉన్నాయి. ఈ-పాస్‌లో వేలి ముద్రలు పడని వారికి ఐరిష్  ద్వారా  సరుకులు పంపిణీ చేయాలని ప్రభుత్వం ఆదేశించింది. జిల్లాలోని అన్ని చౌక డిపోలకు ఐరిష్ యంత్రాలు అందజేశారు.  గత నెలలో పదివేల మందికి పైగా కార్డుదారులకు వేలిముద్రలు పడలేదని గుర్తించారు. అయినా ఐరిష్ యంత్రాలను పదుల సంఖ్యలో కూడా వాడలేదు.
 
 అంత్యోదయకు అరకొరే.. అంత్యోదయ అన్నయోజన కార్డులు డబ్ల్యూఏపీ (వైట్ ఆంధ్రప్రదేశ్) కార్డులుగా మారిపోయాయి. జిల్లాలో 1.10 లక్షల అంత్యోదయ కార్డులు ఉండగా.. 20 శాతానికి పైగా ఇదే పరిస్థితి. కుటుంబ సభ్యులతో సంబంధం లేకుండా కార్డుకు 35 కిలోల బియ్యం ఇవ్వాల్సి ఉంది. అయితే.. రెండు,మూడు నెలలుగా సభ్యుల సంఖ్యను బట్టి ఐదు కిలోల చొప్పున  ఇస్తున్నారు.  ఈ కార్డులు ఎందుకు మారాయో పౌరసరఫరాల శాఖ అధికారులకే తెలియదట.
 
 కిరోసిన్ దోపిడీ : జిల్లా వ్యాప్తంగా ఉన్న కార్డులలో 11,47,435 కార్డులకు సంబంధించి గ్యాస్ కనెక్షన్లు లేవు. ఒక్క ధర్మవరం మునిసిపాలిటీ పరిధిలో 6,595 కార్డులకు గ్యాస్ కనెక్షన్లు లేవు. వీరికి కార్డుకు నాలుగు లీటర్ల చొప్పున కిరోసిన్ వేయాల్సి ఉండగా.. ఒక లీటర్ మాత్రమే వేస్తున్నారు. గ్యాస్ కనెక్షన్ ఉండటం వల్ల ఒక లీటర్ మాత్రమే వచ్చిందని అంటున్నారు. మరికొందరు అసలు వేయకుండానే  కిరోసిన్‌ను పక్కదారి పట్టిస్తున్నా రు. జిల్లాలో ప్రతినెలా రెండు లక్షల లీటర్ల మేర కిరోసిన్‌ను డీలర్లు బయట అధిక ధరలకు అమ్ముకున్నట్లు అధికారులు చెప్తున్నారు.
 
  రసీదు ఇస్తే ఒట్టు  చౌక దుకాణానికి వెళ్లిన కార్డుదారుడు ఈ-పాస్ యంత్రంపై వేలిముద్ర వేయగానే  రేషన్ సరుకుల వివరాలు తెలుస్తాయి. అయితే..ఈ వివరాలు కార్డుదారునికి వినిపించకుండా డీలర్లు వ్యాల్యూమ్  (శబ్దం) తగ్గించేస్తున్నారు. యంత్రం నుంచి వచ్చే రసీదును కూడా కార్డుదారుడికి ఇవ్వడంలేదు. ఒకవేళ ఇస్తే అందులో అన్ని వివరాలు తెలుస్తాయి. జిల్లా వ్యాప్తంగా 90 శాతం మంది డీలర్లు ఇలాగే మోసం చేస్తున్నారు. ఇంతా జరుగుతున్నా ఏ ఒక్క రెవెన్యూ అధికారీ తనిఖీ చేసిన దాఖలాలు లేవు.  జిల్లా వ్యాప్తంగా చౌక దుకాణాలన్నీ అధికార పార్టీ మద్దతుదారులే నిర్వహిస్తున్నారు. దీంతో తనిఖీలు చేయడానికి అధికారులు వెనుకంజ వేస్తున్నారు. తమ జోలికి ఎవరూ రారులే అని ధైర్యంతో డీలర్లు ఇష్టారాజ్యంగా వ్యవహరిస్తున్నారు.
 
 20 కిలోలు మాత్రమే ఇస్తున్నారు : అంత్యోదయ కార్డుకు బియ్యం అరకొరగానే ఇస్తున్నారు. గతంలో ప్రతినెలా 35 కిలోల బియ్యం ఇచ్చేవారు.  ప్రస్తుతం ఒక్కొక్కరికి ఐదు కిలోల చొప్పున నలుగురికి 20 కిలోలు ఇస్తున్నారు. ఇదేమిటని అడిగితే సమాధానం చెప్పడంలేదు.    - చిన్ననాగమ్మ, ముదిగుబ్బ
 
  చర్యలు తీసుకుంటాం
 ప్రజా పంపిణీలో సమస్యలు మా దృష్టికి రాలేదు.   ఏవైనా సమస్యలుంటే, అవకతవకలు జరిగి ఉంటే లబ్ధిదారులు నేరుగ తెలియజేయొచ్చు. డీలర్లు అక్రమాలకు పాల్పడితే ఎంతటి వారినైనాఉపేక్షించేది లేదు. కఠిన చర్యలు తీసుకుంటాం. త్వరలోనే రేషన్‌షాపులను తనిఖీ చేస్తాం. - బాలానాయక్, ఆర్డీవో, ధర్మవరం


 ► నాలుగురోజుల్లోనే జిల్లాలో 50.25 శాతం సరఫరా
 ► తెనాలి డివిజన్‌లో 49.88 శాతం
  
 తెనాలి : రేషన్ దుకాణాల్లో సరఫరా చేస్తున్న నిత్యావసర సరకుల పంపిణీ వేగవంతం చేస్తున్నారు. నిర్ణీత సమయాల్లో కచ్చితంగా దుకాణాలు తెరచి ఉంచడం, కార్డుదారులకు సరఫరా చేయడంతో డీలర్లను పరుగులు తీయిస్తున్నారు. మార్చి నెల నుంచి పదో తేదీలోగా పంపిణీ పూర్తిచేయాలని పౌరసరఫరాల అధికారులు నిర్ణయం తీసుకున్నారు. ముందుగా 5వ తేదీతో ముగించేయాలని నిర్ణయం తీసుకున్నా, కార్డుదారులు మిగిలిపోవడంతో పొడిగించారు. ఏప్రిల్‌లో మళ్లీ అదే స్పీడుతో పనిచేయిస్తున్నారు. ఫలితంగా 4వ రోజయిన సోమవారం సాయంత్రానికి జిల్లాలో 50.25 శాతం సరకుల పంపిణీని పూర్తిచేయగలిగారు.
 
 
  తెనాలి డివిజన్‌లోని 18 మండలాల్లో 49.99 శాతం పంపిణి చేసినట్టు ఆర్డీవో జి.నర్సింహులు తెలియజేశారు. డివిజన్‌లో 842 చౌకధరల దుకాణాలు ఉండగా, 4,10,923 కార్డుదారులు ఉన్నారు. ఇందులో 2,04,988 మంది కార్డుదారులు తమ సరకులు తీసుకున్నారు. వాస్తవంగా పంపిణీ గడువు పూర్తయ్యేసరికి 80-85 శాతం సరకులనే పంపిణీ చేయగలుగుతున్నారు. రేషన్ కార్డులోని కుటుంబ సభ్యుల్లో ఎవరో ఒకరు చౌకదుకాణం వరకు వెళ్లి వేలిముద్రలు వేయడం తప్పనిసరి కావడంతో అది ఇష్టం లేని కొందరు సరకులు తీసుకోవడం లేదు. బియ్యం, పంచదార అవసరం లేని కార్డుదారులు ఇదే తరహాలో పట్టించుకోకపోవడం ఇందుకు కారణం. 85 శాతానికి మించని పంపిణీలో ఇప్పటికే 50 పూర్తయిందంటే చాలావరకు సరఫరా చేసినట్టని చెప్పొచ్చు.
 
 
 డివిజన్‌లో ఇతర మండలాలకన్నా నగరం మండలం  64.19 శాతం సరకుల పంపిణీతో ప్రథమస్థానంలో ఉంది. ఇక్కడ 17,410 కార్డుదారులకు 11,176 మంది కార్డుదారులు సరకులు తీసుకున్నారు. ద్వితీయస్థానంలో నిజాంపట్నం మండలం (56.35 శాతం), తర్వాతి స్థానంలో కాకుమాను మండలం (56.33 శాతం) ఉన్నాయి. అన్నిటికన్నా తక్కువగా 38,91 శాతం పంపిణీతో దుగ్గిరాల మండలం చివరిస్థానంలో ఉంది. చివరి నుంచి రెండోస్థానంలో తెనాలి నిలిచింది. ఇక్కడ 42.5 శాతం పంపిణీ చేయగలిగారు.


 మల్లాపూర్: మల్లాపూర్ మండలం సాతారం, చిట్టాపూర్ శివార్లలో గురువారం ఉదయం రేషన్ దుకాణాల నుంచి అక్రమంగా తరలిస్తున్న బియ్యం, గోధుమలు, కిరోసిన్‌ను ఎస్సై షేక్ జానీపాషా నేతృత్వంలో పోలీసు సిబ్బంది దాడులు చేసి పట్టుకున్నారు. రాయికల్ మండలం ఇటీక్యాలకు చెందిన డీలర్ నారాయణ దుకాణం నుంచి మెట్‌పల్లికి చెందిన లింబాద్రి నాలుగు క్వింటాళ్ల బియ్యం, 16 క్వింటాళ్ల గోధుమలు కొనుగోలు చేసి తరలిస్తుండగా స్వాధీనం చేసుకున్నట్లు ఎస్సై తెలిపారు. మరో ఘటనలో గొర్రెపల్లి నుంచి మెట్‌పల్లికి చెందిన శేఖర్ అనేవ్యక్తి 200 లీటర్ల కిరోసిన్ తరలిస్తుండగా చిట్టాపూర్ శివారులో స్వాధీనం చేసుకున్నట్లు తెలిపారు. ఆరుగురిపై కేసు నమోదు చేశామని, సరకులతో పాటు నలుగురిని అదుపులోకి తీసుకున్నామని ఎస్సై తెలిపారు.
 
 కిరోసిన్ ట్యాంకర్ సీజ్
 జగిత్యాల అర్బన్: అదనంగా కిరోసిన్‌ను తరలించిన పౌరసరఫరాల శాఖ ట్యాంకర్‌ను అధికారులు సీజ్‌చేశారు. గురువారం పట్టణంలోని వేంకటేశ్వర ఆటో సర్వీస్ హోల్‌సేల్ కిరోసిన్ డీలర్ దుకాణం వద్దకు కిరోసిన్ పోసేందుకు వచ్చిన ట్యాంకర్‌లో ఉండాల్సిన 10,048 లీటర్ల కన్నా 3,591 లీటర్లు అదనంగా ఉండడంతో దాడిచేసి అధికారులు ట్యాంకర్‌తోపాటు కిరోసిన్‌ను సీజ్ చేశారు. దాడుల్లో ఏజీపీవో కాశీవిశ్వనాథం, డిప్యూటీ తహశీల్దార్ అంజయ్య, కిరణ్‌కుమార్ తదితరులు పాల్గొన్నారు.
 
 రెండు రేషన్ దుకాణాలపై 6ఏ కేసు
 బోయినపల్లి: మండలంలోని అనంతపెల్లి, బూర్గుపెల్లి గ్రామాల్లో రేషన్ దుకాణాల నిర్వాహకులపై 6ఏ కేసు నమోదు చేసినట్లు కరీంనగర్ డివిజన్ ఏఎస్‌వో కె. శ్రీనివాస్ గురువారం తెలిపారు. సివిల్ సప్లై అధికారులు రేషన్ దుకాణాల్లో జరిపిన తనిఖీల్లో నిర్వాహకులు సుమారు వంద లీటర్ల కిరోసిన్ తక్కువగా తీసుకుని ట్యాంకర్ వారికే అమ్మినట్లు తేలడంతో కేసులు నమోదు చేశామన్నారు.


  రేషన్ డీలర్లతో ముఖ్యమంత్రి
 సాక్షి, విజయవాడ : భవిష్యత్తులో రేషన్ దుకాణాల ద్వారా అనేక రకాల ప్రభుత్వ సేవలను అందించబోతున్నామని ముఖ్యమంత్రి చంద్రబాబు చెప్పారు. రేషన్ డీలర్ల పాయింట్లు నిత్యావసర వస్తువుల సరఫరా కేంద్రాలుగానే సేవలకూ ఉపయోగించుకుంటామని తెలిపారు. సోమవారం క్యాంపు కార్యాలయంలో రేషన్ డీలర్ల అసోసియేషన్ ప్రతినిధులు చంద్రబాబును కలిసి తమ సమస్యలు వివరించారు. ఈ సందర్భంగా ఆయన మాట్లాడుతూ ప్రజలకు నిత్యావసర వస్తువులు అందించడానికి కేంద్రాన్ని ఇవ్వడమేగాక అందుకోసం రూ. నాలుగు వేల కోట్లు ఖర్చు చేస్తున్నామని చెప్పారు. నిత్యావసర వస్తువులను సక్రమంగా అందించాలని లేనిపక్షంలో ప్రభుత్వానికి చెడ్డపేరు వస్తుందన్నారు. డీలర్లు కరెక్టుగా లేకపోతే తనకు ఇబ్బందులు వస్తాయని, ప్రజాపంపిణీ వ్యవస్థ సరిగా లేకపోతే ఫలితాలు రావని తెలిపారు. డీలర్ల సంక్షేమ బాధ్యత తమదని, దాన్ని తాను చూసుకుంటానని హామీఇచ్చారు.
 
 అయితే ఎవరు అక్రమాలకు పాల్పడినా సహించేది లేదని చెప్పారు. ఈ పోస్ విధానం త్వరలో దేశమంతా అమలుకానుందన్నారు. ఇది డీలర్లను ఇబ్బంది పెట్టడానికి కాదని, పారదర్శకత, జవాబుదారీతనం కోసం దీన్ని పెట్టామని దీనికి అంతా సహకరించాలని కోరారు.


 భారీగా అమ్ముకున్న వైనం
 మిల్లర్లు, డీలర్లు, అధికారులు కుమ్మక్కై సొమ్ముచేసుకున్నారు
 విజిలెన్స్ తనిఖీల్లో రూ.8.19 కోట్ల బియ్యం మాయం
   
 సాక్షి ప్రతినిధి, నెల్లూరు: ప్రభుత్వ యంత్రాంగం నిర్లక్ష్యమో... ధనార్జనో తెలియదు. పేదల ఆకలి తీర్చే బియ్యాన్ని పెద్దల పరం చేస్తున్నారు. ఆ పెద్దల్లో ప్రభుత్వ ప్రతినిధులు కూడా పాలుపంచుకుంటున్నట్లు ఆరోపణలు ఉన్నాయి. రేషన్ దుకాణాలు, వసతిగృహాలు, మధ్యాహ్న భోజనం కోసం కేటాయించిన బియ్యాన్ని అమ్మి జేబులు నింపుకున్నారు. అందుకు తాజా సంఘటనలే నిదర్శనం. గత ఎడాది ప్రభుత్వం 100కుపైగా ధాన్యం కొనుగోలు కేంద్రాలు ఏర్పాటు చేసింది. కొనుగోలు కేంద్రాల ద్వారా 1.25 లక్షల మెట్రిక్ టన్నుల ధాన్యాన్ని సేకరించింది. అలా సేకరించిన ధాన్యాన్ని రైస్‌మిల్లులకు తరలించి నిల్వచేశారు. మిల్లుల్లో ఉన్న ధాన్యాన్ని బియ్యంగా చేసి (సీఎంఆర్) ఇవ్వమని ఆదేశాలు ఇచ్చింది. ధాన్యాన్ని బియ్యంగా మార్చి గత ఎడాది నవంబర్‌లోపు ప్రభుత్వానికి అప్పజెప్పాల్సి ఉంది. 1.25 లక్షల మెట్రిక్‌టన్నుల ధాన్యానికి సంబంధించి 84,400 మెట్రిక్ టన్నులు బియ్యం ఇవ్వాల్సి ఉంది. అయితే ఇప్పటివరకు 79 వేల మెట్రిక్ టన్నుల బియ్యాన్ని మాత్రం సరఫరా చేశారు.
 
 మిగిలిన 5,100 మెట్రిక్ టన్నుల బియ్యాన్ని ఇవ్వటంలో మిల్లర్లు కాలయాపన చేశారు. కావలి, నెల్లూరు ప్రాంతాల్లో సుమారు 10 మంది మిల్లర్లు తీసుకున్న ధాన్యం బయటమార్కెట్‌లో విక్రయించారు. పౌరసరఫరాలశాఖ అధికారులు సరఫరా చేసిన ధాన్యాన్ని మిల్లర్లు బయట విక్రయించుకున్నట్లు తెలుస్తోంది. విషయం తెలిసినా అధికారులు నామమాత్రపు చర్యలు తీసుకుని నిమ్మకు నీరేత్తినట్లు వ్యవహరిస్తున్నారనే విమర్శలు వినిపించాయి. అధికారులు మిల్లర్ల నుంచి కమీషన్ పుచ్చుకుని సామర్థ్యంలేని రైస్‌మిల్లులకు వేల మెట్రిక్ టన్నుల ధాన్యం సరఫరా చేశారు. మిల్లర్లకు ఇచ్చిన సమయం పూర్తయి రెండు నెలలు దాటినా ఎటువంటి సమాచారం లేకపోవటంతో ఉన్నతాధికారులు విచారణ ప్రారంభించినట్లు తెలిసింది. ఆ మేరకు విజిలెన్స్ అధికారులకు సమాచారం ఇచ్చారు. నాలుగేళ్ల కిందట మిల్లులకు ధాన్యం సరఫరా చేశారు.
 
  బియ్యాన్ని బొక్కేశారు
 జిల్లాలో రూ.8.19 కోట్లు విలువ చేసే 3,413 మెట్రిక్ టన్నుల బియ్యం మాయమైనట్లు విజిలెన్స్ ఎన్‌ఫోర్స్‌మెంట్ అధికారులు గుర్తించారు. జిల్లాలో సోమవారం విజిలెన్స్ అధికారులు అకస్మిక తనిఖీలు నిర్వహించారు. నెల్లూరు రూరల్ మండల పరిధి అల్లీపురంలోని శ్రీదేవి ఎంటర్‌ప్రైజెస్, వెంకటలక్ష్మి రైస్‌మిల్, లక్ష్మీవాసవి వెంకటసత్యసాయి రైస్‌మిల్, కావలిలోని శ్రీమాలతి మోడ్రన్ రైస్‌మిల్, పొదలకూరులోని మరో రైస్‌మిల్లులో తనిఖీలు నిర్వించారు. రైస్‌మిల్లుల్లో ఉండాల్సిన బియ్యం మాయమైనట్లు గుర్తించారు. రేషన్‌దుకాణాలు, వసతిగృహాలు, పాఠశాలలకు తరలించకుండా కొందరు మిల్లర్లు, అధికారులు, డీలర్లు కలిసి విక్రయించుకున్నట్లు గుర్తించారు. ఆమేరకు కేసు నమోదు చేసి విచారిస్తున్నట్లు విజిలెన్స్ ఎన్‌ఫోర్స్‌మెంట్ డీఎస్పీ వెంకటనాథరెడ్డి వెల్లడించారు


  దేవరపల్లి : జిల్లాలో రేషన్ సరుకుల పంపిణీ నిలిచిపోయింది. గురువారం ఉదయానికి ఈ పోస్ యంత్రాల్లో డేటాను అధికారులు పూర్తిగా తొలగించారు. ఉదయం రేషన్ దుకాణాలు తెరిచిన డీలర్లు సరుకులు పంపిణీ చేసేందుకు సమాయత్తం కాగా, యంత్రాల్లో కార్డుదారుల వివరాలు, సరుకుల వివరాలు క నిపించలేదు. ‘సరుకుల పంపిణీ నిలుపుదల చేయబడింది. వివరాలకు జిల్లా పౌర సరఫరాల అధికారిని సంప్రదించండి’ అని ఈ పోస్ యంత్రాల్లో కనిపించడంతో కంగుతినడం డీలర్ల వంతయ్యింది.
  
   విషయాన్ని మండల, జిల్లా అధికారుల దృష్టికి డీలర్లు తీసుకెళ్లగా.. తాము చేయగలిగిందేమీ లేదని చేతులెత్తేశారు. ఫలితంగా సరుకుల కోసం రేషన్ దుకాణాల వద్ద కార్డుదారులు ఉదయం నుంచి సాయంత్రం వరకు నిరీక్షించినా ప్రయోజనం లేకపోయింది. జిల్లాలో 11 లక్షల 25 వేల పాత కార్డుదారులు ఉండగా, 25 శాతం సరుకులు పంపిణీకి నోచుకోలేదు. కొన్ని మండలాల్లో 60 శాతం మంది కార్డుదారులకు మాత్రమే సరుకులు పంపిణీ అయ్యాయి. డీలర్ల నుంచి అందిన సమాచారం ప్రకా రం కనీసం 2.81 లక్షల కార్డుదారులకు సరుకుల సరఫరా నిలిచిపోయింది.
  
  25వ తేదీ వరకు గడువున్నా.. : ఈ నెలలో రేషన్ డిపోలకు గోదాముల నుంచి సకాలంలో సరుకులు అందలేదు. 10వ తేదీ వరకు బియ్యం, పంచదార డిపోలకు సరఫరా చేస్తూ వచ్చారు. 7వ తేదీ నుంచి చంద్రన్న సంక్రాంతి కానుకలు పంపిణీ చేయాలని ఆదేశించటంతో డీలర్లు 13 వరకు ఆ పనిలో నిమగ్న మయ్యారు. ఈనెల 14న బియ్యం, పంచదార, కిరోసిన్ పంపిణీ ప్రారంభించారు. 15, 16 తేదీలు సంక్రాంతి సెలవులు కావటంతో సరుకుల పంపిణీ జరగలేదు. 17వ తేదీ నుంచి బియ్యం, పంచదార, కిరోసిన్ పంపిణీ చేయడం మొదలుపెట్టారు. సరుకుల పంపిణీకి 25వ తేదీ వరకు గడువు ఉన్నప్పటికీ, గురువారం నుంచి ఈ పోస్ యంత్రాల్లో డేటాను తొలగించడంతో సరుకులు ఉన్నా కార్డుదారులకు పంపిణీ చేయలేని పరిస్థితి తలెత్తింది.
  
  ఈ నెలకు సంబంధించిన సరుకుల పంపిణీ నిలిచిపోయినట్టేనని అధికారులు చెప్పడంతో కార్డుదారులు లబోదిబోమంటున్నారు. మరో 5 రోజులు గడువున్నా, ముందుగానే ఈ పోస్ యంత్రాల్లో సమాచారాన్ని నిలుపుదల చేయడమేమిటని కార్డుదారులు నిలదీస్తున్నారు. డీలర్ల నిల్వలున్నా.. :  జిల్లాలో ఇంకా 25 శాతానికి పైగా కార్డుదారులకు బియ్యం, పంచదార, కిరోసిన్ వంటి సరుకులు పంపిణీ చేయాల్సి ఉంది. ఇందుకు సంబంధించి రేషన్ డీలర్ల వద్ద సరుకులు నిల్వ ఉన్నాయి.
  
  అయినా, కార్డుదారులకు పంపిణీ చేయలేని దుస్థితి తలెత్తింది. ప్రభుత్వం ఇచ్చే రేషన్ సరుకులపైనే ఆధారపడి జీవిస్తున్న పేద కుటుంబాల వారికి అవి అందకపోవటంతో ఆందోళన చెందుతున్నారు. చంద్రన్న సంక్రాంతి పేరిట కానుకలు ఇచ్చి రేషన్ ఎగ్గొట్టారని విమర్శిస్తున్నారు. వినియోగదారులకు పూర్తి స్థాయిలో సరుకులు పంపిణీ కాకపోవటంతో రేషన్ డిపోల వద్ద నిల్వలు పేరుకుపోయాయి. మిగిలిపోయిన సరుకుల ఆధారంగా ఫిబ్రవరి నెలలో పంపిణీ చేయాల్సిన సరుకుల్లో తగ్గించి అలాట్‌మెంట్ ఇస్తామని అధికారులు చెబుతున్నారు. ఈ నెలలో సరుకులు ఇచ్చే అవకాశం లేదంటున్నారు.
  
  వారం రోజులుగా తిరుగుతున్నా..
  రేషన్ సరుకుల కోసం వారం రోజులుగా తిరుగుతున్నాను. మెషిన్లు పనిచేయడం లేదని ఇవ్వలేదు. పండగకు కానుకలు ఇచ్చినప్పుడు బియ్యం,
  పంచదార ఇవ్వలేదు. కానుకలు ఇచ్చి బియ్యం, పంచదార ఇవ్వకపోతే మేం
  ఏం తినాలి.
  - మస్తాన్‌బీ, గోపాలపురం
  
  ఎలా బతకాలి
  బియ్యం. పంచదార ఇవ్వకపోతే నెల రోజులు ఎలా బతకాలి. నాలుగు రోజులుగా సరుకుల కోసం తిరుగుతున్నాను. మెషిన్లు పనిచేయటం లేదని సరుకులు ఇవ్వలేదు. ఇప్పుడు వస్తే సరుకుల పంపిణీ మెషిన్‌లో ఆగిపోయిందని చెబుతున్నారు. సరుకులు ఇవ్వకపోతే పస్తు ఉండాల్సిందే.
  - కె. లక్ష్మమ్మ, గోపాలపురం
  


 సాక్షి, హైదరాబాద్: సంక్రాంతి సందర్భంగా లబ్ధిదారులకు చంద్రన్న కానుక పేరుతో ఉచితంగా సరుకులు పంపిణీ చేస్తామని ప్రకటించిన ప్రభుత్వం ఆచరణలో మాత్రం చేతులెత్తేస్తోంది. సర్వర్‌లో తలెత్తిన సాంకేతిక కారణాల వల్ల మూడు రోజులుగా ఈ-పాస్ మిషన్లు సరిగా పని చేయడం లేదు. ప్రజలు రేషన్‌షాపుల వద్ద గంటల తరబడి వేచిచూస్తున్నా రోజుకు 20 నుంచి 30 కార్డులకు మించి సరుకులు అందడం లేదు. పరిస్థితి ఇలానే ఉంటే పండుగ రోజుకు లబ్ధిదారుల్లో సగం మందికి కూడా సరుకులు పంపిణీ పూర్తయ్యే అవకాశాలు కనిపించడం లేదు.
 
 ఈ విషయాన్ని రేషన్ డీలర్లు అధికారుల దృష్టికి తీసుకెళ్లినా స్పందన కరువైంది. సంక్రాంతి పండుగకు రూ. 270 విలువ చేసే అరకిలో కందిపప్పు, అరలీటర్ పామాయిల్, అరకిలో శనగపప్పు, అరకిలో బెల్లం, కిలో గోధుమ పిండి, 100 గ్రాముల నెయ్యితో కూడిన సరుకులను తెల్లరేషన్‌కార్డు దారులకు ప్రభుత్వం ఉచితంగా పంపిణీ చేస్తున్న విషయం తెలిసిందే. అయితే రోజు కూలీ రూ. 300 వదిలిపెట్టుకున్నా ఈ ఉచిత సరుకులు అందడం లేదని పేదలు వాపోతున్నారు.
  
 శుక్రవారం 7 లక్షల మందికే కానుక
 మూడు రోజులుగా చంద్రన్న కానుకను సరుకులను రేషన్ షాపుల ద్వారా పంపిణీ చేస్తున్నారు. రాష్ట్రంలో దాదాపు 28,254 రేషన్ షాపులు ఉంటే వీటిలో సర్వర్ సమస్య కారణంగా శుక్రవారం 8,388, శనివారం 5,175 షాపుల్లో ఒక్క లబ్ధిదారుడికి కూడా సరుకులు పంపిణీ చేయలేకపోయారు. కానుక కోసం 1.40 కోట్ల తెల్లరేషన్ కార్డు లబ్ధిదారులను అర్హులుగా గుర్తించారు. అయితే శుక్రవారం రాష్ట్రవ్యాప్తంగా 7 లక్షల లబ్దిదారులకు మాత్రమే సరుకులు అందాయి. ప్రజలు ఉదయం నుంచి సాయంత్రం వరకు వేచిచూసి సరుకులు తీసుకోకుండానే వెనక్కు వెళ్లాల్సిన పరిస్థితి ఏర్పడింది. ఇప్పటికైనా ప్రభుత్వం స్పందించి సంక్రాంతి పండుగలోపు సరుకులు అందేలా చర్యలు తీసుకోవాలని లబ్ధిదారులు విజ్ఞప్తి చేస్తున్నారు. ఈ-పాస్‌తో సంబంధం లేకుండా రికార్డుల్లో సంతకం(మాన్యువల్) తీసుకొని సంక్రాంతి సరుకులు  ఇవ్వాలని ప్రజలు కోరుతున్నారు.
  
 రేషన్ షాపులకు తాళం వేస్తాం..
 గతేడాది కూడా ఇదే పరిస్థితి నెలకొనడంతో చాలా చోట్ల రేషన్ డీలర్లపై లబ్ధిదారులు దాడులు చేశారు. వాటిని దృష్టిలో ఉంచుకొని అలాంటి పరిస్థితి తిరిగి పునరావృతం కాకుండా అధికారులు చర్యలు తీసుకోవాల్సిన అవసరం ఉందని డీలర్లు వాపోతున్నారు. మున్ముందు సర్వర్ సమస్య ఇలాగే కొనసాగితే డీలర్లందరూ రేషన్ షాపులకు తాళాలు వేసి వాటి తాళం చెవులను జాయింట్ కలెక్టర్లకు ఇవ్వాల్సిన పరిస్థితి ఉంటుందని రేషన్ డీలర్ల సంఘం నేతలు పేర్కొంటున్నారు. వెంటనే క్షేత్రస్థాయి సమస్యలను పరిష్కరించి ఇటు లబ్ధిదారులకు అటు రేషన్ డీలర్లకు ఇబ్బందులు తలెత్తకుండా చూడాలని డీలర్ల సంఘం రాష్ట్ర ప్రధాన కార్యదర్శి దివి లీలామాధవరావు ప్రభుత్వానికి విజ్ఞప్తి చేశారు.


  ఈ-పాస్‌తో తప్పని అవస్థలు
  జాబితాలో పేరు లేదంటున్న డీలర్లు
  ఊరూరా తిరుగుతున్న అంగన్‌వాడీలు
  నేరుగా సరఫరా చేయాలని డిమాండ్
  
  కాకినాడ రూరల్ :రేషన్ షాపుల ద్వారా సరకులు పంపిణీ చేసే విధానం అంగన్‌వాడీ కార్యకర్తలకు శిరోభారంగా మారింది. ఈ-పాస్ సక్రమంగా పనిచేయకపోవడంతో రేషన్ షాపుల చుట్టూ ప్రదక్షిణలు చేస్తున్నారు.జిల్లాలో 24 ప్రాజెక్టుల పరిధిలో 5,446 అంగన్‌వాడీ కేంద్రాలున్నాయి. వీటి పరిధిలో 40,572 మంది  గర్భిణులు, 41,956 మంది బాలింతలు, ఆరు నెలల నుంచి మూడేళ్ల వయస్సు పిల్లలు 2,09,862 మంది ఉన్నారు.
  
   నెల తొలివారంలోనే అంగన్‌వాడీ సిబ్బంది తహశీల్దార్ కార్యాలయాల్లో సెంటర్ల వివరాలు అంజేశారు. దీనికి అనుగుణంగా రెవెన్యూ అధికారులు అంగన్‌వాడీ కేంద్రాలకు సమీపంలో ఉన్న రేషన్ షాపులకు బియ్యం, నూనె, కందిపప్పు సరఫరా చేశారు. ఇలాఉండగా అంగన్‌వాడీలు జీతాలు పెంపు కోసం నెలాఖరు వరకు సరకులు తీసుకెళ్లలేదు. దీంతో ఈ నెల 22లోగా సరకులు తీసుకెళ్లాలని అంగన్‌వాడీ కార్యకర్తలకు అధికారులు ఆదేశాలు జారీ చేశారు.
  
   అప్పటికప్పుడు అంగన్‌వాడీ కార్యకర్తలంతా ఉరుకులు, పరుగులపై సరకులు తీసుకెళ్లేందుకు రేషన్ డీలర్ల వద్దకు పరుగులు తీశారు. వేలిముద్రలు సరిగ్గా పడకపోవడం, ఆధార్ వివరాలు తప్పుగా నమోదు కావడం వంటి సమస్యలతో పాటు ఈ-పాస్ యంత్రం పనిచేయకపోడంతో అంగన్‌వాడీ కార్యకర్తలు కంగుతిన్నారు. ఆధార్ నంబర్ సక్రమంగా నమోదు కాలేదని, అధికారులను అడగాలంటూ డీలర్లు చెబుతుండడంతో అంగన్‌వాడీ కార్యకర్తలకు ఏమీ పాలుపోవడం లేదు.
  
  లిస్టులో పేరు లేక ఇబ్బందులు
  నగరపాలక సంస్థ, గ్రామీణ ప్రాంతాల అంగన్‌వాడీ కేంద్రాల్లోని రేషన్ షాపులకు అంగన్‌వాడీలు వెళితే, తమ షాపు వద్ద అంగన్‌వాడీ కేంద్రం లిస్టు లేదని, వేరే ఊరిలో ఉన్న రేషన్ షాపులో సరకులు తీసుకోవాలని డీలర్లు చెబుతున్నారు. దీంతో అంగన్‌వాడీలు వారి షాపు కోసం ఊరూరా తిరుగుతున్నారు. సరకుల కోసం రోజంతా రేషన్ షాపు వద్దే పడిగాపులు కాాయాల్సిన పరిస్థితి నెలకొందంటూ వారు మండిపడుతున్నారు. అంగన్‌వాడీ కేంద్రానికి సరకులు తరలించడానికి సొంత సొమ్ము ఖర్చవుతోందని ఆవేదన వ్యక్తం చేస్తున్నారు.
  
  ఈ నెల సరకులు ఇవ్వలేదు
  ఈ-పాస్‌లో వేలిముద్ర పడడం లేదని ఈ నెల సరకులు ఇవ్వలేదు. మళ్లీ మీ-సేవకు వెళ్లి ఈ-పాస్ చేయించుకున్నాను. త్వరగా తప్పులు సవరించి, అంగన్‌వాడీ కేంద్రాలకు సరకులు అందించాలి.
  - టి.నీరజ, అంగన్‌వాడీ కార్యకర్త
  
  రవాణా ఖర్చులు భరించలేం
  అంగన్‌వాడీ కేంద్రానికి సరకులు తరలించడానికి ఇబ్బందులు పడుతున్నాం. నేరుగా కేంద్రానికి సరకులు చేరేలా ప్రభుత్వం చర్యలు తీసుకోవాలి. తక్కువ జీతం వచ్చే మేము రవాణా ఖర్చులు భరించలేం.ఇబ్బందిగా మారింది.
  - సీహెచ్ శారద, అంగన్‌వాడీ కార్యకర్త
  


 సాక్షి, సిటీ బ్యూరో: గ్రేటర్ హైదరాబాద్ పరిధిలోని చౌకధరల దుకాణాల్లో ‘ఈ-పాస్’ అమలు నిలిచిపోయింది. ప్రజా పంపిణీ వ్యవస్థలో సంస్కరణల్లో భాగంగా.. రేషన్ షాపుల్లో అమలు తలపెట్టిన ఈ-పాస్ విధానానికి తాత్కాలికంగా బ్రేకులు పడ్డాయి. తదుపరి ఆదేశాలు వచ్చేవరకు జీహెచ్‌ఎంసీ పరిధిలోని 1545 రేషన్ షాపుల్లో ఈ-పాస్ ద్వారా సరుకుల పంపిణీ అమలును నిలిపివేయాలని రాష్ట్ర పౌరసరఫరా శాఖ కమిషనర్ డాక్టర్ రజత్ కుమార్ ఉత్తర్వులు జారీ చేశారు.
 
 తక్షణమే చర్యలు తీసుకోవాలని హైదరాబాద్ చీఫ్ రేషనింగ్ అధికారిణి, రంగారెడ్డి జాయింట్ కలెక్టర్, పౌరసరఫరాల అధికారులకు ఆదేశాలు జారీ చేశారు.
  
 అమలుకు ముందే నిలిపివేత
 ప్రస్తుతం జీహెచ్‌ఎంసీ ఎన్నికలను దృష్టిలో పెట్టుకుని ఈ-పాస్ అమలుకు అవాంతరాలు ఏర్పడ్డా.. రేషన్ షాపుల్లో అమలుకు ముందే ఈ-పాస్ ప్రక్రియ ఆగిపోయింది. డీలర్లు ఈ-పాస్‌పై ఆది నుంచి నిరాసక్తత వ్యక్తం చేస్తూనే ఉన్నారు. పౌర సరఫరాల శాఖ గత నెలలో సర్కిల్ వారిగా ఈ-పాస్ యంత్రాలపై శిక్షణ కార్యక్రమాలను ఏర్పాటు చేస్తే.. పెండింగ్ సమస్యల సాకుతో డీలర్లు శిక్షణను బహిష్కరించారు.
 
 తిరిగి ఈనెల రెండో వారంలో శిక్షణ కార్యక్రమాలు నిర్వహిం చినా.. తూతూ మంత్రంగా సాగాయి. సర్కిల్ వారీగా యంత్రాలు అందుబాటులో ఉంచినా వాటిని తీసుకునేందుకు డీలర్లు ముందుకు రాలేదు. సంబంధిత అధికారులు  డీలర్లకు బలవంతంగా యంత్రాలను అప్పజెప్పినా..వాటిని వినియోగించకుండా పాత పద్ధతిలోనే సరుకుల పంపిణీ ప్రారంభించారు.
 
 మరోవైపు డీలర్ల సంఘాల నుంచి ప్రభుత్వంపై ఒత్తిడి అధికమైంది. జీహెచ్‌ఎంసీ ఎన్నికల దృష్టిలో పెట్టుకుని స్థానిక ప్రజా ప్రతినిధులు సైతం జోక్యం చేసుకోవడంతో ప్రభుత్వం ఈ-పాస్ అమలును తాత్కాలికంగా నిలిపివేసింది.
  
 మూడున్నరేళ్లుగా అడ్డంకులే..
 గ్రేటర్ పరిధిలో గత మూడున్నరేళ్లుగా ఈ-పాస్ అమలుకు అడ్డంకులు తప్పడం లేదు. నగరంలోని సర్కిల్‌కు ఐదు చొప్పున 45 రేషన్ షాపుల్లో ప్రయోగాత్మకంగా బయోమెట్రిక్ (ఈ-పాస్) అమలవుతున్నా విస్తరణ మాత్రం ముందుకు సాగలేదు. అమలవుతున్న షాపుల్లో మాత్రం ప్రతి నెలా సుమారు 34 శాతం సరుకు మిగులుతోంది. అయితే, ఈ-పాస్ ప్రయోగాన్ని అన్ని రేషన్ షాపులకు విస్తరించకుండా డీలర్లు అడ్డుకుంటూ వస్తున్నారు.
 
 ప్రస్తుత ఉత్తర్వులతో డీలర్లు పైచేయి సాధించారు. గ్రేటర్‌లో మొత్తం 12 సర్కిళ్లలో సుమారు 1545  రేషన్ షాపులు ఉన్నాయి. వాటి పరిధిలో సుమారు 13.96 లక్షల కార్డులు ఉండగా, ప్రతి నెలా 29,459 మెట్రిక్ టన్నుల పీడీఎస్ బియ్యం కేటాయింపు జరుగుతోంది. ఇందులో కనీసం 30 శాతం సరుకు పక్కదారి పడుతున్నట్లు గణాంకాలు స్పష్టం చేస్తున్నాయి. ఈ-పాస్ అమలుతో పక్కదారి పట్టే బియ్యం మిగులు నిల్వగా మారే అవకాశం ఉంది.


 మెదక్ : పేదలకు రేషన్ దుకాణాల ద్వారా అందించే సబ్సిడీ బియ్యంపై ప్రభుత్వం గత నెల నుంచి భారీ కోత విధిస్తోంది. పట్టణాలతోపాటు గ్రామీణ ప్రాంతాల్లో సైతం 4 నుంచి 5 శాతం వరకు పంపిణీ చేసే మొత్తంలో కోత పెడుతున్నారు. దీంతో గ్రామాల్లోని పేదలు డీలర్లతో వాగ్వాదానికి దిగుతున్నారు. గత రెండేళ్లుగా వర్షాలు సరిగా పడక గ్రామీణ ప్రాంతాల నుంచి చాలా మంది ప్రజలు పొట్టచేతబట్టుకొని వలస వెళ్లారు. అయినప్పటికీ వారు నెలనెలా గ్రామాలకు వచ్చి రేషన్ బియ్యం  తీసుకెళ్తుంటారు. అయితే అధికారులు స్థానికంగా ఉండని ప్రజలకు రేషన్ బియ్యం ఇవ్వొద్దంటూ ఆదేశాలు జారీచేసినట్లు విశ్వసనీయ సమాచారం.
 
 అలాగే గ్రామాల్లో ట్రాక్టర్ల వంటి వాహనాలు ఉన్న వారికి సైతం బియ్యంలో కోత విధించాలని అధికారుల నుంచి డీలర్లకు ఆదేశాలు జారీ అయినట్లు తెలిసింది. అధికారుల ఆదేశాలు పాటించడంతో గ్రామాల్లో ప్రజలనుంచి తీవ్ర ఇబ్బందులు ఎదురవుతున్నాయని, రేషన్ షాపులను వదిలేసుకోవడమే మేలని పలువురు డీలర్లు ఆవేదన వ్యక్తం చేస్తున్నారు. మెదక్ పట్టణంతోపాటు మండలంలో మొత్తం 61 రేషన్ షాపులు ఉన్నాయి.
 
 వీరికి నెలకు 6023.09 క్వింటాళ్ల బియ్యాన్ని ప్రభుత్వం నెలనెలా సరఫరా చేస్తోంది. కాగా గతనెల నుంచి రేషన్ బియ్యంలో  కోత విధించాలని అధికారులకు ప్రభుత్వం మౌఖిక ఆదేశాలు జారీచేసినట్లు సమాచారం. దీంతో ప్రతినెలా డీలర్లకు సరఫరా చేసే 6023.09 క్వింటాళ్ల బియ్యంలో గతనెల 238 క్వింటాళ్ల కోత విధించారు. దీంతో ఒక్కో గ్రామానికి 4నుంచి 5 శాతం సరఫరా నిలిపివేశారు. ఫలితంగా పట్టణాలతోపాటు పల్లెల్లో డీలర్లకు ప్రజలకు మధ్య వాగ్వాదాలు జరుగుతున్నాయి.  ప్రభుత్వ సంక్షేమ పథకాల్లో ముఖ్యమైనది రేషన్ బియ్యమే.  
 
 ఈ పథకానికి ఏమైనా అటంకాలు కల్పిస్తే...ప్రభుత్వం ఇరకాటంలో పడక తప్పదని రాజకీయ విశ్లేషకులు పేర్కొంటున్నారు. ప్రస్తుత కరువు, కాటకాల్లో రోజంతా కూలీ నాలీ చేసుకునే ప్రజలకు ఈ పథకం ఎంతగానో ఆదుకుంటోంది. అలాంటి గొప్ప పథకాన్ని నిర్లక్ష్యం చేస్తే ప్రభుత్వానికి మచ్చ వస్తుందని పలువురు వాపోతున్నారు.
 
 ఈవిషయమై రెవెన్యూ అధికారి ఒకరు మాట్లాడుతూ తమకు ప్రభుత్వం నుంచి మౌఖిక ఆదేశాలు వచ్చిన విషయం వాస్తవమేనన్నారు. వలస వెళ్లిన ప్రజల కార్డులతోపాటు గ్రామాల్లో ఉండే కొద్దిపాటి మందికి సరఫరా చేసే బియ్యంలో కోత విధించాలంటూ ఆదేశాలు జారీ అయినట్లు తెలిపారు.  కానీ వలస వెళ్లేది పేదలేకదా.. అనే  ప్రశ్నకు ఆయన మౌనం పాటించారు.
  
 అధికారి వివరణ
 ఈ విషయంపై జిల్లా సివిల్ సప్లయీస్ అధికారి అనురాధను సాక్షి వివరణ కోరగా తాను ఇటీవలే బదిలీపై వచ్చానని, రేషన్ బియ్యం కోత విషయం తనకు తెలియదన్నారు.


 రేషన్ దుకాణాలకు చేరని చక్కెర
 - పాయసానికి తీపి కరువు
 - పట్టించుకోని యంత్రాంగం
 ఘట్‌కేసర్ టౌన్ /వికారాబాద్ రూరల్: చవితి పండుగకు పేదోడికి పాయసం చేదెక్కినట్టే అనిపిస్తోంది. ప్రజా పంపిణీ వ్యవస్థ ద్వారా ప్రజలకు అందిస్తున్న చక్కెర నేటికి రేషన్ దుకాణాలకు చేరుకోలేదు. దీంతో జనాలకు తిప్పలు తప్పేట్టు లేదు. గత నెలలో జరిగిన రంజాన్ పండుగకు నెలకు ఇచ్చే చక్కెరతో పాటు అదనంగా అరకిలో చక్కెరను అందజేసిన సర్కార్ చవితి పండుగకు మాత్రం మొండిచేయి చూపింది. ఎప్పటిలాగే నెలవారీగా ఇచ్చే చక్కెర కూడా గత నెలలో సగానికి పైగా అందలేదని ప్రజలు ఆరోపిస్తున్నారు. పౌర సరఫరా శాఖ గోదాముల్లో నిల్వలు లేకపోవడంతో రేషన్ దుకాణాలకు సరఫరా చేయలేదని తెలుస్తోంది. మూడు రోజుల్లో చవితి పండుగ ఉండగా యంత్రాంగం పట్టించుకోకపోవడం దారుణం. ఘట్‌కేసర్ మండలంలో 32,000 వేలు, జిల్లా మొత్తం 11.6 లక్షల ఆహార భధ్రత కార్డులున్నాయి.
  
 పేదోడిపై భారం...
 చవితి పండుగ పాయసం తయారీకి చిన్న కుటుంబానికి అయినా కిలో చక్కెర తప్పనిసరి. సివిల్ సప్లై ఆధ్వర్యంలో ప్రతి నెలా ఆహార భద్రత కార్డుల ద్వారా ఒక్కో కుటుంబానికి అరకిలో చక్కెరను సర్కారు అందజేస్తోంది. బహిరంగ మార్కెట్‌లో కిలో చక్కెర రూ. 30లు ఉండగా రేషన్‌షాపుల ద్వారా అరకిలో చక్కెరను రూ. 6.75లకు అందజేస్తోంది. ప్రతినెల 25 నుంచి డీలర్ల నుంచి డీడీలు స్వీకరించి ఒకటో తేదీ నాటికే రేషన్ దుకాణాలకు సరుకులు అందేలా యంత్రాంగం చర్యలు తీసుకుంటుంది. ముందు చూపు లేని ప్రభుత్వానికి అధికారుల నిర్లక్ష్యం తోడు.. గోదాములు నిండుకోవడంతో రేషన్ దుకాణాలకు చక్కెర నేటికి చేరుకోలేదు. దీంతో ప్రజలపై భారం తప్పేలా లేదు. జిల్లా ప్రజలకు చవితి పండుగకు సుమారు రూ. 35 లక్షలకు పైగా భారం పడనుంది. కాగా, అధికారుల నిర్లక్ష్యంపై ప్రజలు తీవ్ర ఆగ్రహం వ్యక్తం చేస్తున్నారు. రేషన్ దుకాణాల్లో పంపిణీ చేయకపోతే ఎలా అని ప్రశ్నిస్తున్నారు. కొన్ని పండుగల విషయమై అత్యుత్సాహం చూపిస్తున్న సర్కార్ చవితి పండుగను పట్టించుకోకపోవడం దారుణమని ఆగ్రహం వ్యక్తం చేస్తున్నారు.  
  
 పండుగకు అందజేస్తాం...
 చక్కెర నిల్వలు లేని కారణంగా రేషన్ దుకాణాలకు సరఫరా చేయలేకపోయాం. చవితిని దృష్టిలో ఉంచుకొని టెండర్ల ప్రక్రియను తొందరగా పూర్తి చేశాం. ప్రభుత్వ ఆదేశానుసారం చవితి పండుగకుఅరకిలో చక్కెరను అందజేస్తాం. అదనంగా ఇవ్వాలని ఆదేశాలు రాలేదు. ప్యాకింగ్ చేసే సమయం లేనందున డీలర్లకు నేరుగా సంచుల్లోనే పంపిస్తాం.  
  - సత్యం, జిల్లా సివిల్ సప్లయి అధికారి


 తెల్లకార్డు దారులకు నిత్యావసర సరుకుల్లో కోత
 ఏడాదిగా లభించని పామాయిల్
  
  ధర్మవరం : రేషన్ దుకాణాల్లో సరుకులు లేక వెలవెలబోతున్నాయి. గతంలో అమ్మహస్తం పేరుతో తొమ్మిది రకాల సరుకులను రూ. 185లకే పేదలకు సరఫరా చేసేవారు. చక్కెర అరకిలో, కందిపప్పు అరకిలో, పామాయిల్ అరలీటర్, గోధుపిండి కిలో, ఉప్పు కిలో, చింత పండు అరకిలో, నెయ్యి 100 గ్రాములు, కారం పొడి 200 గ్రాములు, పసుపు 100 గ్రాముల చొప్పున తెల్లకార్డు దారులకు పంపిణీ చేసేవారు. ఇవి కాకుండా కిలో రూపాయి చొప్పున ఒక్కో లబ్ధిదారునికి నెలకు నాలుగు కిలోల  బియ్యం, కిరోసిన్ కూడా ఇచ్చేవారు. ప్రస్తుతం సరుకుల సంఖ్య తగ్గింది.  మూడు రకాల సరుకులను మాత్రమే ఇస్తున్నారు.
 
  ఆహార భద్రత చట్టాన్ని అనుసరించి తెల్ల కార్డుల్లో పేర్కొన్న లబ్ధిదారులకు నెలకు ఐదు కిలోల బియ్యాన్ని పంపిణీ చేస్తున్నారు. అలాగే పంచదార అరకిలో,  కిరోసిన్ మాత్రమే పంపిణీ చేస్తున్నారు. మూడు నెలలుగా  గోధుమపిండి పంపిణీ నిలిపేశారు. పట్టణాల్లో తెల్లకార్డు దారులకు వంట గ్యాస్ కనెక్షన్ ఉంటే ఒక లీటరు, లేకపోతే నాలుగు లీటర్ల చొప్పున, గ్రామాల్లో అయితే  గ్యాస్ కనెక్షన్ ఉన్న వారికి లీటర్, లేని వారికి 2 లీటర్ల చొప్పున కిరోసిన్ పంపిణీ చేస్తున్నారు.
 
 అయితే.. రెండు నెలలుగా కిరోసిన్ కోటాను కూడా కుదించారు. నిబంధనల మేరకు పంపిణీ చేయాల్సిన దాంట్లో సగం మాత్రమే ఇస్తున్నారు.  ఒక్కో రేషన్ కార్డుపై కిలో కందిపప్పు రూ.50 చొప్పున చౌకదుకాణాల్లో పంపిణీ చేసేందుకు ప్రభుత్వం చర్యలు చేపట్టినా  పూర్తి స్థాయిలో అమలు కాలేదు. ఇక టీడీపీ అధికారంలోకి వచ్చిన తరువాత రేషన్ దుకాణాలకు పామాయిల్ సరఫరా నిలిపి వేశారు. గతంలో రేషన్ షాపుల్లో లీటరు పామాయిల్ రూ.40కి లభించేది.


 - అలాట్ మెంట్ ఫుల్...సరుకు నిల్
 - సెప్టెంబర్ కోటాలో కందిపప్పు పంపిణీ అరకొరే
 ఒంగోలు: కేటాయింపులు ఫుల్...సరుకు నిల్లు అన్న చందంగా ఉంది జిల్లాలో రేషన్ దుకాణాల  పరిస్థితి. బహిరంగ మార్కెట్లో రోజురోజుకూ కందిపప్పు ధరలు ఆకాశాన్నంటుతుంటే ప్రభుత్వం మాత్రం ధరలు తగ్గించేందుకు చర్యలు చేపట్టకపోగా రెండు నెలలపాటు కందిపప్పును రేషన్ దుకాణాల ద్వారా అందించి చేతులెత్తేసింది. సెప్టెంబర్ మాసంలో కందిపప్పు పంపిణీకి సంబంధించి అలాట్‌మెంట్ ఉత్తర్వలైతే వచ్చాయి కానీ గోదాములలో మాత్రం సరుకులేకపోవడం గమనార్హం.
  
 అవసరం 8.31 లక్షల కేజీలు
 జిల్లాలో తెల్లరంగు రేషన్ కార్డుదారులు, అంత్యోదయ, అన్నపూర్ణ కార్డులకు సంబంధించి ప్రతినెలా రేషన్ పొందే లబ్ధిదారులు 8,36,061 కుటుంబాలున్నాయి. గతంలో వీరికి బియ్యం కాకుండా ఆరు రకాల సరుకులు ప్రతినెలా కేవలం రూ.185లకే అందేవి. రెండు నెలల క్రితం వరకు పంచదారతోనే సరిపెట్టిన ప్రభుత్వం బహిరంగ మార్కెట్‌లో కందిపప్పు ధరలు పెరగడం చూసి రేషన్ దుకాణాల్లోను పంపిణీ చేసేందుకు ముందుకు వచ్చింది. టీడీపీ ప్రభుత్వం పాలకపగ్గాలు చేపట్టి ఏడాది దాటినా రేషన్ దుకాణాల ద్వారా సరుకుల పంపిణీకి సరైన విధానాన్ని అనుసరించడంలో ఘోరంగా విఫలమైంది.
 
 ఆధార్‌ను అనుసంధానం చేసి అక్రమాలు అరికడతాం...ఈపాస్ ద్వారా అర్హులకే సరుకులు పంపిణీ చేస్తామంటూ ప్రకటనలకే కోట్ల రూపాయలు వ్యయం చేసిన ప్రభుత్వం పేదలను ఆదుకునే విషయంలో మాత్రం వెనుకడుగు వేస్తూనే ఉంది. 8,36,061 కుటుంబాలకు 8,36,061 కేజీల కందిపప్పును పంపిణీ చేయాల్సి ఉండగా రేషన్ దుకాణాల్లో గతం తాలూకా 4812 కేజీలు మిగిలి ఉన్నాయి. అంటే సెప్టెంబర్ మాసంలో కందిపప్పు పంపిణీకి 4812 కేజీలుపోను ఇంకా అదనంగా 8,31,249 కేజీలు అవసరం ఉంది.
  
 గోదాముల్లో నిల్వలు ఇలా...
 గోదాములను పరిశీలిస్తే జిల్లాలో కేవలం 103 టన్నులు మాత్రమే కందిపప్పు నిల్వలున్నాయి. వాటికి రేషన్ దుకాణాల్లో ఉన్న 4812 కేజీల నిల్వను కలిపితే 1,07,812 కేజీలు కందిపప్పు నిల్వలున్నట్లవుతుంది. అంటే మొత్తం 8,36,061 కార్డుదారులకుగాను  1,07,812 మందికి మాత్రమే పంపిణీ చేయడం సాధ్యమవుతుంది. దీని ప్రకారం సెప్టెంబర్ మాసంలో 7,28,249 మందికి కందిపప్పు పంపిణీచేయడం సాధ్యపడదు. కందిపప్పు పంపిణీకి సంబంధించి కాంట్రాక్టులు కుదుర్చుకున్నవారు బహిరంగ మార్కెట్ ధర రూ.100 నుంచి రూ.110లుండేది. ప్రస్తుతం ధర మరో రూ. 20 పెరిగేసరికి చేతులెత్తేశారు. అయితే దీన్ని ప్రతిష్టాత్మకంగా తీసుకోవల్సిన ప్రభుత్వం కాంట్రాక్టర్ల పట్ల మెతక వైఖరిని అవలంబిస్తూ వచ్చింది.
 
 కనీసం కొత్త టెండర్లు ఖరారయ్యేవరకూ పాత కాంట్రాక్టర్లు పంపిణీ చేయాల్సిందేనంటూ హెచ్చరికలు కూడా చేయకపోవడం గమనార్హం. దీంతో మంగళ, బుధ వారాలలో జరిగే టెండర్ల ప్రక్రియలో ధర ఏమేరకు పలుకుతుందో, ప్రభుత్వం ఏ మేరకు సంబంధిత కాంట్రాక్టర్లకు కట్టబెడుతుందో వేచి చూడాల్సిందే. అయితే అధికారులు మాత్రం ప్రస్తుతం తమ వద్ద 103 టన్నుల నిల్వలున్నాయని, రేషన్ దుకాణాల వద్ద మిగిలి ఉన్న సరుకును కలుపుకొని మొత్తం పాతిక శాతం ఉంటాయంటూ పౌరసరఫరాల శాఖ జిల్లా మేనేజర్ వెంకటేశ్వర్లు పేర్కొంటున్నారు. కార్డుదారులకు రేషియో చొప్పున పంపిణీ చేయాలా లేక కొన్ని దుకాణాలకే వాటిని సర్థాలా అనేదానిపై నిర్ణయం తీసుకోనున్నట్లు ఆయన పేర్కొనడం గమనార్హం.
  
 ఎందుకిలా...
 బహిరంగ మార్కెట్లో కందిపప్పు ధర రూ.100 నుంచి రూ.110 ఉన్న సమయంలో కాంట్రాక్టర్లు ప్రభుత్వంతో ఒప్పందం కుదుర్చుకున్నారు. ప్రస్తుతం ధర రూ. 20 పెరిగేసరికి చేతులెత్తేశారు. ధరతో సంబంధంలేకుండా పంపిణీ చేయాల్సిన కంట్రాక్టర్‌పై ప్రభుత్వం మెతక వైఖరి అవలంబించడంతో వినియోగదారులకు ఈ దుస్థితి ఏర్పడింది.


 కొందరు రేషన్‌షాపు డీలర్లు ఇష్టారాజ్యంగా వ్యవహరిస్తున్నారు.. ప్రభుత్వం సరఫరా చేసే నిత్యావసర వస్తువులేగాక నాసిరకమైన సబ్బులు, సర్‌‌ఫ ప్యాకెట్‌లు, టీపొడి, మంచినూనె, కొబ్బరినూనె తదితర వస్తువులను విక్రయిస్తున్నారు.. అవి వద్దన్నా బలవంతంగా  లబ్ధిదారులకు అంటగడుతూ ఇబ్బందులపాలు చేస్తున్నారు.. ఇంత జరుగుతున్నా సంబంధిత అధికారులు మాత్రం పట్టించుకోవడంలేదని వారు ఆరోపిస్తున్నారు.. - పూడూరు
  
 - రేషన్ షాపుల్లో కల్తీ వస్తువులు
 - పట్టించుకోని అధికారులు
 - ఆందోళనలో లబ్ధిదారులు
 మండలంలో మొత్తం రేషన్ 34 షాపులు ఉన్నాయి. అందులో కొన్ని మినహా అన్నిట్లో ఈ సరుకులు దర్శనమిస్తున్నాయి. ప్రభుత్వం కేవలం బియ్యం, పంచదార, కందిపప్పు, కిరోసిన్, గోధుమలు మాత్రమే సరఫరా చేస్తోంది. అయితే పూడూరు మండలంలోని కొన్ని రేషన్ షాపుల డీలర్లు నాసిరకమైన సబ్బులు, ఇతర వస్తువులను కార్డుదారులకు అంటగడుతున్నారు. అధికారులు, డీలర్‌లు కుమ్మక్కై తమను ఇబ్బందులకు గురిచేస్తున్నారని లబ్ధిదారులు ఆవేదన వ్యక్తం చేస్తున్నారు. కొన్ని షాపుల్లో ఈ వస్తువులన్నీ తప్పనిసరి కొనాల్సిందేనని నమ్మబలుకుతున్నారు. లే దంటే వచ్చేనెల రేషన్ కట్ అవుతుందని బెదిరిస్తున్నారు. ఈ తంతు రెవెన్యూ అధికారుల కనుసన్నల్లోనే జరుగుతోందని ఈ వ్యవహారంపై ఎవరూ పట్టించుకోవడంలేదని మండల ప్రజలు ఆరోపిస్తున్నారు. ఏకంగా డీలర్ల సంఘం రాష్ట్ర నాయకుడే వీటిని సరఫరా చేస్తున్నట్లు సమాచారం. వాటిని అమ్మండి ఏమైనా ఇబ్బందులు వస్తే.. నేను చూసుకుంటాను.. అని అతను హామీ ఇస్తున్నారని డీలర్లు చెబుతున్నారు. ఈ సరుకులు అమ్మకుంటే ఉన్నతాధికారులతో తనిఖీలు చేయిస్తూ వేటు వేయిస్తామని హెచ్చరికలు జారీ చేస్తున్నాడన్నారు.
  
 డీలర్‌షిప్‌లు రద్దు చేస్తాం
 రేషన్ షాపుల్లో ప్రభుత్వం అందించే వస్తువులు మాత్రమే విక్రయించాలి. కొన్ని రేషన్‌షాపుల్లో కిరాణా వస్తువులు సైతం అనుమతి లేకుండా అమ్ముతున్నట్లు మాకు ఫిర్యాదులు అందాయి. ఇతర వస్తువులు అమ్మితే చర్యలు తీసుకుని డీలర్‌షిప్‌ను రద్దు చేస్తాం. ప్రస్తుతం ప్రభుత్వం నుంచి పంచదార, బియ్యం, గోధుమలు, కిరోసిన్, గోధుమపిండి, కందిపప్పు సరఫరా అవుతోంది. త్వరలో అన్ని రేషన్‌షాపుల్లో తనిఖీలు నిర్వహించి బాధ్యులపై తగు చర్యలు తీసుకుంటాం.
  - వెంక ట ఉపేందర్‌రెడ్డి,
  ఇన్‌చార్జి తహసీల్దార్, పూడూరు
  
 తనిఖీలు నిర్వహించాలి
 రేషన్ షాపుల్లో నాసిరకం సరుకులు అమ్ముతూ సామాన్యులను ఇబ్బందులకు గురిచేస్తున్నారు. వచ్చిన సరుకులు తీసుకునేందుకు వెనుకంజ వేస్తున్న లబ్ధిదారులకు వాటిని అంటగట్టడం తగదు.  ఏకంగా డీలర్ల సంఘం రాష్ర్ట నాయకుడే ఇలా పంపిణీ చేస్తున్నారు. వెంటనే అధికారులు ఆయా రేషన్ దుకాణాల్లో తనిఖీలు నిర్వహించాలి.
 - హరీశ్వర్‌రెడ్డి, టీఆర్‌ఎస్ కార్మిక విభాగం మండల అధ్యక్షుడు
  
 బ్లాక్‌లో అమ్ముతున్నారు
 కొందరు రేషన్ డీలర్లు బ్లాక్‌లో సరుకులను అమ్ముతున్నారు. ఇదేమని ప్రశ్నిస్తే ఇవి అమ్ముకోవాలని జీఓ ఉందని చెబుతున్నారు. ప్రతి మండలంలో ఇదే తంతు జరుగుతున్నా పౌరసరఫరాలశాఖ అధికారులు ఎక్కడా తనిఖీలు చేసిన దాఖలాలు లేవు. ఇతర సరుకుకులు కొంటేనే బియ్యం ఇస్తామని లబ్ధిదారులకు బలవంతంగా అంటగడుతున్నారు. వెంటనే జిల్లా అధికారులు చర్యలు తీసుకోవాలి.
 - కోళ్ల యాదయ్య, వైఎస్సార్‌సీపీ జిల్లా కార్యదర్శి


 - అమలు విధానం వాయిదాకు అవకాశం
 - కొంత కాలం గడువు ఇవ్వాలని టీడీపీ డీలర్ల ఒత్తిళ్లు
 - అన్ని దుకాణాలకు అందని ఎలక్ట్రానిక్ కాటాలు
 వినుకొండ: నిత్యావసర సరుకుల బ్లాక్ మార్కెట్‌ను అరికట్టేందుకు రేషన్ దుకాణాల్లో ప్రవేశపెట్టిన బయోమెట్రిక్ (ఈ-పాస్)విధానానికి తెలుగు తమ్ముళ్లు అడ్డుపడుతున్నట్లు తెలుస్తోంది. టీడీపీకి చెందిన డీలర్లు తెచ్చిన ఒత్తిడి మేరకే ఈ విధానం అమలును కొంతకాలంపాటు వాయిదా వేయనున్నట్టు సమాచారం. ప్రస్తుతం పట్టణాల్లోని రేషన్ దుకాణాల్లో బయోమెట్రిక్ విధానం అమలవుతోంది. ఆగస్టు 1వ తేదీ నుంచి ప్రతి గ్రామంలోని చౌకధరల దుకాణాల్లో బయోమెట్రిక్ విధానం అమలు చేయనున్నట్టు అధికారులు ముందుగానే ప్రకటించారు.
 
 గ్రామీణ ప్రాంతాల్లోని షాపులకు దాదాపుగా బయోమెట్రిక్ మిషన్లు పంపిణీ చేశారు. వీటితో పాటు ఎలక్ట్రానిక్ కాటాలను సరఫరా చేయాల్సి ఉండగా కొన్ని షాపులకు ఇంకా రావాల్సివుందని తెలుస్తోంది. ఎలక్ట్రానిక్ కాటాలు అన్ని షాపులకు అందజేయక పోవడాన్ని సాకుగా చూపి విధానం అమలును తాత్కాలికంగా వాయిదా వేయనున్నారనే విమర్శలు ఉన్నాయి. అయితే అధికారపార్టీ నేతల ఒత్తిళ్లకు తలొగ్గిన అధికారులు బయోమెట్రిక్ విధానాన్ని వాయిదా వేస్తున్నట్టు సమాచారం.
  
 ప్రతి నెలా ఒకటవ తేదీ నుంచి కార్డుదారులకు నిత్యావసర సరుకులు పంపిణీ చేయాల్సి ఉంది. ఈ నెలలో ఇప్పటి వరకు రూరల్ ప్రాంతంలోని ఏ ఒక్క షాపు నుంచి కూడా కార్డుదారులకు సరుకుల పంపిణీ జరగలేదు. పాతపద్ధతి ప్రకారమే రేషన్ దుకాణాల నుంచి సరుకుల పంపిణీ జరుగుతుందని అంటున్నారు. రేషన్ దుకాణాల డీలర్లకు సరుకుల పంపిణీకి సంబంధించి ఇంకా రెవెన్యూ అధికారులు కీ రిజిస్టర్‌లు ఇవ్వలేదు. జిల్లాలో 2,713 చౌకధరల దుకాణాలు ఉన్నాయి. అర్బన్ ప్రాంతాల్లో 567 దుకాణాల్లో ఈ-పాస్ విధానంలో నిత్యావసర సరుకులు పంపిణీ చేస్తున్నారు. తెనాలి డివిజన్‌లో ఇంకా 604 బయోమెట్రిక్ మెషీన్లు పంపిణీ చేయాల్సి ఉందని అధికారులు అంటున్నారు.
  
 కిరోసిన్ పంపిణీలో అమలు కాని ఈ-పాస్ విధానం....
 కిరోసిన్ హాకర్లు ప్రతి నెల 10  నుంచి 20వ తేదీ వరకు రేషన్ షాపులకు కిరోసిన్ సరఫరా చేస్తారు. 20 నుంచి 28 వరకు డీలర్లు కార్డుదారులకు కిరోసిన్ సరఫరా చేయాల్సి ఉంది. అయితే నిత్యావసర సరుకుల కోసం కార్డుదారులు వెళ్లి వేలు ముద్ర వేస్తే (ఈ-పాస్ విధానం) బియ్యం, కందిపప్పు, పంచదార, కిరోసిన్ తీసుకున్నట్లు వస్తుంది. కానీ కార్డుదారులకు ఆ సమయంలో  కిరోసిన్ పంపిణీ జరగదు. దీంతో ప్రతి నెలా బ్లూకిరోసిన్‌ను బ్లాక్‌మార్కెట్‌కు తరలిస్తున్నారు. ఇది కిరోసిన్ హాకర్లకు, డీలర్లకు కాసులు కురిపిస్తున్నట్లు తెలుస్తోంది.
  
 సాధ్యమైనంత త్వరగా ఏర్పాటు చేస్తాం ...
 జిల్లాలో ప్రధానంగా నరసరావుపేట, గురజాల డివిజన్ల పరిధిలో బయోమెట్రిక్ విధానాన్ని యుద్ధప్రాతిపదికన అమలు చేసేం దుకు ప్రయత్నిస్తున్నాం. ఎలక్ట్రానిక్ కాటాలు రాష్ట్రంలోని అన్ని షాపులకు ఒక్కరే సరఫరా చేయాల్సి ఉంది. అందువల్ల కొంత జాప్యం జరుగుతోంది. అంతేతప్ప మరొక కారణం కాదు. త్వరలో ప్రతి చోటా ఈ పాస్ విధానం అమల్లో ఉంటుంది.
  -  చిట్టిబాబు, డీఎస్‌వో


 అక్రమ బియ్యం, గోధుమ నిల్వల పరిశీలన
 ఎంఎల్‌ఎస్ పాయింట్‌కు నిల్వల తరలింపు
 మరిన్ని దుకాణాలను సీజ్ చేసిన అధికారులు
  
  భైంసా : పట్టణంలోని ఆటోనగర్‌లో రేషన్ దుకాణాలకు సంబంధించిన బియ్యం, గోధుమలను అక్రమంగా నిల్వచేసిన దుకాణాలపై విజిలెన్స్ అధికారులు దాడులు నిర్వహించారు. గురువారం కరీంనగర్ విజిలెన్స్ ఎన్‌ఫోర్స్‌మెంట్ అధికారులు ఎ.శ్రీనివాస్, వి.శ్రీనివాస్, భైంసా, నిర్మల్ డీటీఎన్‌ఫోర్స్‌మెంట్ అధికారులు శ్రీధర్, ఎజాజ్, ఆర్‌ఐ ఈశ్వర్ ఆధ్వర్యంలో ఆటోనగర్‌లోని దుకాణాలను తనిఖీ చేశారు. ముందస్తు పక్కా సమాచారం మేరకు రెండు దుకాణాల షట్టర్లు తెరువగా.. అందులో రేషన్ షాపుల్లో పేదలకు అందించాల్సిన బియ్యం, గోధుమలు కనిపించాయి. పక్కనే మరిన్ని దుకాణాలను తెరిచేందుకు ప్రయత్నించినా సంబంధిత వ్యక్తులు లేరు. ఏడు దుకాణాలను సీజ్ చేస్తున్నట్లు అధికారులు వెల్లడించారు. నిల్వ చేసిన సరుకులను భైంసా ఎంఎల్‌ఎస్ పాయింట్‌కు తరలించారు. పూర్తివివరాలను త్వరలో వెల్లడిస్తామని స్పష్టం చేశారు.
 
  మహారాష్ట్రకు తరలించేందుకు..
  అక్రమంగా కొంత మంది రేషన్‌దుకాణాలను నడుపుతున్న వ్యక్తులు ఈ తతంగానికి పాల్పడుతున్నట్లు సమాచారం. ఆటోనగర్‌లో నిల్వ ఉంచిన ఈ సరుకును లారీల్లో నింపి నేరుగా మహారాష్ట్రకు తరలించి అక్కడే విక్రయిస్తున్నట్లు తెలిసింది.  విజిలెన్స్ అధికారులకు అందిన సమాచారం మేరకు దాడులు చేయడంతో అసలు విషయం వెలుగులోకి వచ్చింది.  ఎన్‌ఫోర్స్‌మెంట్ బృందం దీనిపై మరింత లోతుగా పరిశీలిస్తే రేషన్ సరుకులు ఏ మేర పంపిణీ అవుతున్నాయో తేటతెల్లమవుతుంది.


 మెదక్ (నారాయణఖేడ్) : రేషన్ షాపులపై జిల్లా పౌరసరఫరాల శాఖ అధికారులు గురువారం ఆకస్మికంగా దాడులు నిర్వహించారు. నారాయణఖేడ్లోని రెండు రేషన్ దుకాణాల్లో తనిఖీలు చేపట్టారు. రెండు వారాల నుంచి రేషన్ దుకాణాలను తనిఖీ చేస్తున్న అధికారులు ఓ డీలర్‌పై చర్యలు తీసుకున్నారు. తాజాగా డీఎస్‌ఓ రమేష్ ఆదేశాల మేరకు పటాన్‌చెరు డిప్యూటీ తహశీల్దార్ ప్రభాకర్, సంగారెడ్డి డిప్యూటీ తహశీల్దార్ సురేష్‌కుమార్‌లు పట్టణంలోని 34, 49 నెంబరు రేషన్ దుకాణాలను తనిఖీ చేశారు. దుకాణాల్లో సరుకుల పంపిణీ రికార్డులను, నిల్వ వస్తువులను పరిశీలించారు.
 
 ఈ సందర్భంగా పలువురు కార్డుదారులతో సరుకుల పంపిణీ తీరుపై అడగి తెలుసుకున్నారు. ఏ ఏ సరుకులు ఎంతమేర ఇస్తున్నారు, కార్డులో ఉన్న సభ్యుల సంఖ్య, ఇచ్చే ధరలపై కార్డుదారులను వివరాలు అడగి నమోదు చేసుకున్నారు. పట్టణంలో సరుకులు సక్రమంగా ఇవ్వడం లేదన్న ఫిర్యాదులపై డీఎస్‌ఓ ఆదేశాలమేరకు తనిఖీలు చేపట్టినట్లు డిప్యూటీ తహశీల్దార్ ప్రభాకర్ తెలిపారు. కార్డుదారుల స్టేట్‌మెంట్ నమోదు చేస్తున్నామన్నారు. ఏవైనా తేడాలు వస్తే కేసులు నమోదు చేస్తామని తెలిపారు.


 ► రేషన్ దుకాణాల్లో కందిపప్పు, పామాయిల్ నిల్
 ► కేవలం బియ్యం, పంచదార, కిరోసిన్‌తోనే సరి
 ► ఏడాదిగా పేదల కడుపు కాల్చుతున్న సర్కారు
 ► పండగ సమయాల్లో మాత్రమే హడావుడి
  
  తెనాలిఅర్బన్ : బడుగు బలహీన వర్గాల సంక్షేమమే ధ్యేయమంటున్న ప్రభుత్వం వారి మనుగడకు తీవ్ర విఘాతం కలిగిస్తోంది. ప్రజా పంపిణీ వ్యవస్థ ద్వారా సరుకుల పంపిణీని సమర్థంగా అమలు చేయలేకపోతోంది. పండగల సమయంలో మాత్రం పప్పు, బెల్లాలు పంపిణీ చేసి చంకలు కొట్టుకుంటున్న ప్రభుత్వం, నిత్యావసరాల పంపిణీ కుంటుపడినా పట్టించుకోవటం లేదు. కొత్త ప్రభుత్వంలో కందిపప్పు, పామాయిల్ మచ్చుకైనా సరఫరా చేయకపోవటం ఈ పరిణామాలకు ఉదాహరణగా చెప్పవచ్చు. సబ్సిడీ భరించలేకే సరఫరా నిలిచిపోయిందని అధికారులు చెబుతున్నారు. సర్వత్రా విమర్శలు వెల్లువెత్తుతున్న ఈ వైనా నికి సంబంధించిన వివరాలిలా ఉన్నాయి.
 
 పేదలకు నిత్యావసరాలు పంపిణీ చేయాల్సిన బాధ్యత ప్రభుత్వంపై ఉంది. ప్రధానంగా జాతీయ ప్రజా పంపిణీ విధానం ద్వారా ప్రతినెలా పేదలకు బియ్యం, కందిపప్పు, పామాయిల్, పంచదార, గోధుమలు, కిరోసిన్ తదితరాలను పంపిణీ చేయాల్సి ఉంది. అయితే ప్రజాపంపిణీ వ్యవస్థను గాడిన పెట్టేందుకు ప్రభుత్వం అనేక సంస్కరణలకు శ్రీకారం చుట్టింది. తొలుత రేషన్‌కార్డులకు ఆధార్‌ను అనుసంధానం చేసింది. తాజాగా ఈ-పాస్ విధానాన్ని మున్సిపల్ కేంద్రాల్లో అమల్లోకి తెచ్చింది. పురిట్లోనే అవరోధాలు ఎదుర్కొన్న ఈ విధానాన్ని ప్రభుత్వం ఏదోలా సరిదిద్దుకునేందుకు నానా తంటాలు పడుతోంది.
 
 త్వరలో గ్రామాల్లోనూ అమలుకు చర్యలు చురుగ్గా సాగుతున్నాయి. అసలు పంపిణీ చేయాల్సిన కందిపప్పు, పామాయిల్ సంవత్సర కాలంగా లబ్ధిదారులకు దక్కని పరిస్థితిని చక్కదిద్దాల్సిందిపోయి సంస్కరణలు ఏమిటని ఇప్పుడు పేదలు నిలదీస్తున్నారు. దాదాపు సంవత్సర కాలంగా పామాయిల్, కందిపప్పు, గోధుమలు పంపిణీ లేదు. కేవలం బియ్యం, పంచదార, కిరోసిన్ మినహా మిగిలిన సరుకులన్నీ పేదలకు దూరమయ్యాయి.
  
  పండగలకు పప్పుబెల్లాలతోనే సరా...
  సంక్రాంతి పండగను పురస్కరించుకుని ‘చంద్రన్న సంక్రాంతి కానుక’ పేరిట ప్రభుత్వం హడావుడి చేసిన సంగతి తెలిసిందే. నెయ్యి, నూనె, శనగలు, బెల్లం, కందిపప్పు వంటి సరుకులను ఓ ప్యాకేజీగా అందించింది. దానిలోనూ నాణ్యత డొల్లేనన్న విమర్శలూ లేకపోలేదు. అయితే పండగలకు హడావుడి చేసిన ప్రభుత్వం పేదల రోజువారీ జీవన విధానాన్ని విస్మరించిందన్న ఆరోపణలు వెల్లువెత్తుతున్నాయి. పండగలకు అందించిన పప్పుబెల్లాలు సంవత్సరమంతా కడుపునింపుతాయా అంటూ ఇప్పుడు పేదలు నిలదీస్తున్నారు.
 
  సబ్సిడీ భరించలేకే....
  దాదాపు సంవత్సరకాలంగా కందిపప్పు, పామాయిల్ సరఫరా నిలిచిపోయింది. దీనికి సంబంధించిన సబ్సిడీని కేంద్ర ప్రభుత్వం భరించేది, వారు చేతులెత్తేశారు. కొత్త ప్రభుత్వంలో ఆర్థిక ఇబ్బందుల కారణంగా దానిపై దృష్టిపెట్టే పరిస్థితి లేదు.                             -చిట్టిబాబు, డీఎస్‌వో, గుంటూరు


 సాక్షి ప్రతినిధి, గుంటూరు: టీడీపీ కార్యకర్తలు మరో కొత్త అవతారం ఎత్తారు. నిన్నమొన్నటి వరకు పార్టీ జెండా మోసిన అనేక మంది కార్యకర్తలు రేషన్‌షాపులు, ఎల్‌ఈడీ బల్బుల డీలర్లుగా మారిపోయారు. వారిని చూసిన గ్రామీణ ప్రాంతాల్లోని కార్యకర్తలు తమ సంగతేమిటని నేతల్ని ప్రశ్నించడంతో రానున్న ఖరీఫ్‌లో సాగునీటి, మురుగునీటి కాల్వల మరమ్మతులు చేసుకునే అవకాశం కల్పిస్తున్నారు.  దీంతో గ్రామాల్లోని టీడీపీ కార్యకర్తలు నయా కాంట్రాక్టర్లుగా మారి హల్‌చల్ చేస్తున్నారు. ఎలాంటి అనుభవం, అర్హతలు లేకపోయినా రూ.5 లక్షల విలువైన పనులను నామినేషన్ పద్ధతిపై చేయడానికి జలవనరుల శాఖ అవకాశం కల్పించింది.
 
 ఆ శాఖ మంత్రి దేవినేని ఉమామహేశ్వరరావు తాను అందరిలాంటి మంత్రిని కానని, తన శాఖలో నామినేషన్‌పై పనులు ఉండవని ప్రకటించి, దాదాపు 10 నెలల పాటు నామినేషన్ విధానాన్ని నిలువురించారు. ఏమైందో ఏమోగాని కాల్వల మరమ్మతులను నామినేషన్‌పై ఇవ్వడానికి అనుకూలంగా ఉత్తర్వులు విడుదల చేశారు. జిల్లాలోని సాగునీటి కాల్వల మరమ్మతులకు ప్రభుత్వం రూ.8.64 కోట్లు కేటాయించింది. సాగునీటి కాల్వల్లోని పరిస్థితులకు అనుగుణంగా 440 పనులకు జలవనరుల శాఖ అంచనాలు తయారు చేసి ప్రభుత్వ ఆమోదానికి రెండు నెలల క్రితం పంపింది. వాటిని ఆమోదిస్తూ టెండర్లకు బదులు నామినేషన్ విధానాన్ని అమలు చేయాలని ఆదేశించింది.
 
 కాల్వలకు నీటిని విడుదల చేయడానికి రెండున్నర నెలల సమయం ఉందని, ఈ సమయంలో టెండర్లు ఆహ్వానించడం, ఖరారు చేయడం, పనులు ప్రారంభించడం వంటివి ఆలస్యమవుతాయని, యూజర్ కమిటీలకు వాటిని అప్పగించాలని ఆదేశించింది.  యూజర్ కమిటీలను మండల రెవెన్యూ అధికారి ధృవీకరించే అధికారాన్ని అప్పగించారు. గ్రామంలోని రైతులు, వ్యవసాయ కార్మికులకు ఈ కమిటీలో తప్పకుండా స్థానం కల్పించాలని ఆదేశించారు. దీంతో ఏర్పాటుకానున్న యూజర్ కమిటీల్లో ఎక్కువ మంది టీడీపీ కార్యకర్తలు, నాయకులు, ఆ పార్టీకి చెందిన రైతులే ఉంటున్నారు. ఈ కమిటీని ఎంఆర్‌వో ధ్రువీకరించి జలవనరుల శాఖకు పంపితే, ఆ కమిటీకి రూ.5 లక్షల్లోపు విలువైన పనిని జలవనరుల శాఖ ఎగ్జిక్యూటివ్ ఇంజినీరు కేటాయిస్తారు.
 
 ఈ మేరకు జిల్లాలోని గ్రామీణ ప్రాంతాల్లో యూజర్ కమిటీలు ఏర్పాటయ్యాయి. కొన్ని గ్రామాల్లో కమిటీలు ఏర్పాటవు తున్నాయి. ఈ కమిటీలకే జలవనరుల శాఖ పనులు కేటాయించనుండటంతో టీడీపీ కార్యకర్తలు నయా కాంట్రాక్టర్ల అవతారం ఎత్తుతున్నారు. ఈ విషయమై జలవనరుల శాఖ ఇంజినీర్లు వివరణ ఇస్తూ ఎంఆర్‌ఓ ధ్రువీకరించిన యూజర్ కమిటీలకు నామినేషన్ విధానంపై పనులు కేటాయించనున్నామని,  ఈ కమిటీల పరిశీలన జరుగుతోందని, త్వరలో పనులు కేటాయింపు జరుగుతుందని చెప్పారు.
  
 పనుల నాణ్యతపై సందేహాలు ...
 కాగా, ఈ విధానంలో పనులు జరిగితే రైతులు తీవ్రంగా నష్టపోయే అవకాశాలు ఉన్నాయి. ఎటువంటి అర్హత లేని వారికి ఈ పనులు అప్పగించే అవకాశాలు ఉండటంతో షట్టర్ల మరమ్మతులు, రివిట్‌మెంట్‌లు వంటి పనుల నిర్వహణకు వారికి సాంకేతిక పరిజ్ఞానం లేకపోవడతో వాటిని సక్రమంగా చేయలేరనే అభిప్రాయం వినపడుతోంది. అధికార బలం వారికి వెన్నంటి ఉండటంతో నాణ్యత లేని పనులను ప్రశ్నించే అధికారాన్ని జల వనరులశాఖ ఇంజినీర్లు కోల్పోయే అవకాశం ఉంది. మొత్తం మీద నామినేషన్ విధానంలో రైతులు నష్టపోయే అవకాశాలు ఎక్కువ గా కనపడుతున్నాయి.


 రేషన్ డీలరే బాస్... అతనితో ‘డీల్’ కుదిరితేనే ఆహార భద్రత కార్డు... అతను కన్ను గీటితే కార్డు రెక్కలు కట్టుకొని వచ్చి మన ఇంటి ముంగిట వాలిపోతుంది... లేదంటే కాళ్లరిగేలా తిరిగినా కార్డు దొరకదు.... ఆహార భద్రత కార్డుల జారీలో ప్రస్తుతం జిల్లాలో సాగుతోన్న తంతు ఇదే. అధికారుల ఇష్టారాజ్యంతో కూలీనాలి చేసుకునే నిరుపేదల జీవితం ఆహార భద్రత కార్డుల వేటలో కునారిల్లిపోతోంది. డీలర్‌తో ప్రమేయం లేకుండా ఎంతకాలం తిరిగినా ఆహార భద్రత కార్డు అందటం లేదని సగటు జీవులు ఆందోళన చెందుతున్నారు.
  
 డీల్ కుదిరితేనే రేషన్ కార్డు
 సాక్షి ప్రతినిధి, సంగారెడ్డి: రేషన్ దుకాణాల్లో అక్రమాలకు చెక్ పెట్టేందుకు కేంద్ర, రాష్ట్ర ప్రభుత్వాలు ఆధార్ ప్రక్రియను వేగవంతం చేశాయి. దీనికితోడు రాష్ట్ర ప్రభుత్వం పాత రేషన్ కార్డుల స్థానంలో కొత్తగా ఆహార భద్రత కార్డులు జారీ చేస్తోంది. దానితో రేషన్ దుకాణాల ద్వారా బియ్యం తీసుకుని జీవితాన్ని గడిపే పేదలు ఈ మార్పులకు అనుగుణంగా తమ వివరాలు పొందుపరిచేందుకు ప్రభుత్వ కార్యాలయాల చుట్టూ తిరుగుతున్నారు.
 
 ఆహార భద్రత కార్డు కోసం దరఖాస్తు నింపి, వీఆర్‌ఓతో విచారణ జరిపించుకుని, మాడే కడుపుతో తహశీల్ కార్యాలయానికి వెళ్లి, గంటల తరబడి వరుసలో నిల్చున్నా పని మాత్రం కావడం లేదు. కానీ రేషన్ డీలర్ ద్వారా దరఖాస్తు చేసుకుంటే వెంటనే కొత్త కార్డులు మంజూరవుతున్నాయి. డీలర్‌ను కాదని ఎన్నిరోజులు కార్యాలయాల చుట్టూ తిరిగినా కొత్త కార్డులు వచ్చే సమస్యే లేదు. ముఖ్యంగా పేదలు అటు పనులకు వెళ్లలేక ఇటు ఆఫీసుల్లో పని కాక నానా తంటాలు పడుతున్నారు.
  
 అక్కడ జిత్తులమారి ఎత్తులు...
 కొత్త కార్డుల జారీ ప్రక్రియను వేగంగా పూర్తి చేయాల్సిన అధికార యంత్రాంగం, క్షేత్రస్థాయి సిబ్బంది సొంత ఎజెండాను అమలు చేయడంలో తీరిక లేకుండా ఉంటున్నారు. కొత్త రేషన్ కార్డులు జారీ చేసేందుకు పేదరికం, కుటుంబ వార్షిక ఆదాయం అర్హతగా కాకుండా తమకు నచ్చిన, తమను మెప్పించిన రేషన్ డీలర్ పరిధిలోకి వస్తాడా? రాడా? అనే అంశం ప్రాతిపాదికన పనులు చక్కబెడుతున్నారు. లేదా సదరు దరఖాస్తుదారుడి ప్రాంతానికి చెందిన రేషన్ డీలర్‌తో ‘డీల్’ కుదిరేదాక కార్డుల జారీ ప్రక్రియను నిలిపివేస్తున్నారు.
 
 దాంతో ఇప్పటివరకు రేషన్‌కార్డుల కోసం దరఖాస్తులు సమర్పించిన వారిలో మూడొంతుల మందికి కొత్త కార్డులు మంజూరు కాలేదు. జిల్లాలో 26,84,020 ఆహార భద్రత కార్డు యూనిట్లు ఉండగా అధికారులు ఇప్పటివరకు  23,54,286 యూనిట్లకు మాత్రమే ఆధార్ సీడింగ్ పూర్తి చేశారు. మరో 3,29,734 యూనిట్లు పెండింగ్‌లోనే ఉన్నాయి. ఈ జాప్యానికి లోపాయికారి కారణమేమిటో తెలియక కళ్లలో వత్తులు వేసుకుని ప్రభుత్వ కార్యాలయాల చుట్టూ కాళ్లకు చెప్పులరిగేలా తిరుగుతున్నారు నిరుపేదలు.
  
 బియ్యం ఇస్తలేరు...
 కొత్త కారటు రాలేదని బియ్యమిస్తలేరు. ఎమ్మార్వో సారు కాడికి పోయి కారటు తెచ్చుకోమని చెప్పిండ్రు. మూడు నెలల నుంచి తిరుగుతున్నా పనైతలేదు. ఆటోలకే డబ్బులు అయితన్నై. కారటు మాత్రం ఇస్తలేరు, ఎప్పుడిచ్చేది సెప్తలేదు. బియ్యం వస్తలె..
 - మంజుల, జహీరాబాద్
  
 ఆధార్ కార్డు పట్టుకొని తిరిగినా....
 ఆలుమగలం కూలి పని చేసుకుంటం. మాకు పాతది తెల్లరేషన్ కార్డు ఉండే. ఇప్పుడు ఇవ్వటం లేదు. ఆధార్ కార్డుతో సహా రేషన్ కార్డు కోసం ఇప్పటికే రెండుసార్లు దర ఖాస్తు చేసినా రాలేదు. మాకు కార్డు ఇప్పించాలని పలుమార్లు కార్యాలయం చుట్టూ తిరిగినా ఇప్పటిదాక ఇవ్వలేదు.    
 - కడమంచి సుధాకర్, రామాయంపేట
  
 గతంలో ఇచ్చిండ్రు.. ఇప్పుడేమో తీసిండ్రు..
 నాలుగేళ్ల సంది నాకు అంత్యోదయ కార్డు ఉంది. నేను నిరుపేదను. అంత్యోదయ కార్డు కింద వచ్చే 35 కిలోల బియ్యంతో కుటుంబమంతా బతికినం. ఇప్పుడు ఆ కార్డు తీసేసిండ్రు. ఎందుకు తీసిండ్రని అడిగితే ఎవరు చెప్తలేరు. ఎమ్మార్వో సారు ఆఫీసు చుట్టూ తిరిగినా లాభం లేదు. అంత్యోదయ కార్డు తీసేయడంతో 18 కిలోల బియ్యమే ఇస్తున్నరు. ఈ బియ్యం సరిపోతలే.
 - బందెల సాయిలు, జంగరాయి, చిన్నశంకరంపేట


 బెంగళూరు :   దారిద్య్ర రేఖకు దిగువన ఉన్న కుటుంబాలతో పాటు అంత్యోదయ లబ్ధిదారులకు రేషన్ షాపుల ద్వారా ప్రతి నెల ఉచితంగా బియ్యం, గోధుమలు వితరణ చేయనున్నారు. రాయితీ ధరల్లో ఉప్పు, వంటనూనెను కూడా ప్రభుత్వం అందజేయనుంది. బెంగళూరులోని విధానసౌధాలో ముఖ్యమంత్రి సిద్ధరామయ్య నేటి (శుక్రవారం) ఉదయం 12 గంటలకు ఈ పథకాన్ని ప్రారంభించనున్నారు. యూనిట్‌కు (ఒకరు ఉన్న కుటుంబానికి) రూ.5కిలోల బియ్యం లేదా నాలుగు కిలోల బియ్యం కిలో గోధుమలు లెక్కన గరిష్టంగా 25 కిలోల ఆహార ధాన్యాలను ఉచితంగా వితరణ చేయనున్నారు.
 
 అదేవిధంగా  రూ.20 చొప్పున లీటర్ వంటనూనెను, రూ.2లకు కిలో అయోడైజ్డ్ ఉప్పును ప్రభుత్వం అందజేయనుంది. ఇదిలా ఉండగా గతంలో మాదిరిగానే లబ్ధిదారులకు చక్కెర, కిరోసిన్‌ను కూడా ఇవ్వనుంది. అదేవిధంగా ఏపీఎల్ కార్డుదారులకు కూడా కిలో రూ.15 చొప్పున బియ్యాన్ని రూ.10 చొప్పున గోధుమలను రాయితీ ధరల్లో జూన్ 1 నుంచి రేషన్ షాపుల ద్వారా అందజేయనున్నారు. మే 1 నుంచి నూతనంగా  బీపీఎల్, లేదా ఏపీఎల్ కార్డు పొందాలనుకునే వారు దరఖాస్తు చేసుకోవచ్చు. ఇప్పటి వరకూ కిలో రూ.1 చొప్పున గరిష్టంగా 30 కిలోల బియ్యాన్ని అన్నభాగ్య పథకం కింద వితరణ చేస్తున్న విషయం తెలిసిందే.
  


 ♦ నోటిమాటతో కార్డుల జారీ
 ♦ పట్టించుకోని అధికార యంత్రాంగం
 
 ‘ఇంట్లో నేనొక్కదాన్నే. గతంలో తెల్లాకార్డు ఉండేది. మూన్నెళ్లాయె కొత్త కార్డు కోసం దరఖాస్తు చేసి. ఆఫీసు చుట్టు తిరుగుతున్నా.. ఎవరూ పట్టించుకుంటలేరు’ ఇదీ లష్కర్ సింగారానికి చెందిన భాగ్యమ్మ ఆవేదన.
  
 సాక్షి, హన్మకొండ : ‘నాకు కొత్త కార్డు మంజురు కాలేదని రేషన్ షాపుల బియ్యం ఇస్తలేరు. ఎమ్మార్వో కాడికి పోయి కార్డు తెచ్చుకోమని చెప్పిళ్లు. మూడునెలల నుంచి తిరుగుతున్నా పనైతలేదు. ఆటోలకే డబ్బులు అయితన్నై. పాతకార్డు మీదనన్న బియ్యం ఇస్తే బాగుండేది’ ఇదీ జహహర్‌నగర్‌కు చెందిన గుగులోతు మరియ ఆక్రందన. ఇలాంటి వారికి లేనది అర్హత కాదు.. రేషన్ డీలర్ల అనుగ్రహం! అవును.. రేషన్‌కార్డుల జారీలో డీలర్లు చక్రం తిప్పుతున్నారు. రేషన్ డీలర్లను కాదని.. నిబంధనలు అన్ని పాటించినా కార్డు సంపాదించడం గగనమవుతోంది.
 
 కూలీనాలీ చే సి పొట్టపోసుకునే పేదలు అటు పనులుకు వెళ్లలేక ఇటు ఆఫీసుల్లో పని కాక తిప్పలు పడుతున్నారు. కొత్త రేషన్ కార్డు జారీలో పేదరికం, కుటుంబ వార్షిక ఆదాయం అర్హతగా కాకుండా తమకు నచ్చిన, తమను మెప్పించిన రేషన్ డీలర్ పరిధిలోకి వస్తాడా ? రాడా ? అనేదే పట్టించుకుంటున్నారు. సదరు దరఖాస్తుదారుడి ప్రాంతానికి చెందిన రేషన్‌డీలర్‌తో ‘డీల్’ కుదిరేదాక కార్డులు జారీకి మొరారుుస్తున్నారుు. ఫలితంగా.. దరఖాస్తుల్లో మూడొంతుల మందికి కొత్త రేషన్ కార్డులు మంజూరు కాలేదు.
 
 స్వయంగా దరఖాస్తు చేసుకున్నవారికి, వీఆర్వోలు ప్ర తిపాదించిన వారికి తక్కువ మొత్తంలో అంత్యోదయ కార్డు లు అందగా... డీలర్లు ప్రతిపాదించిన పేర్లలో 95 శాతం మందికి అంత్యోదయ కార్డులు జారీ అయ్యాయని రెవెన్యూ వర్గాల్లో ప్రచారం జరుగుతోంది.


 అమలులోకి ‘ఆహార భద్రత’
 పెరగనున్న బియ్యం కేటాయింపులు
 అధికారుల్లో టెన్షన్..టెన్షన్
 
 విశాఖపట్నం :  జిల్లా పౌరసరఫరాల శాఖాధికారుల్లో ఏప్రిల్ ఒకటో తేదీ సమీపిస్తున్నకొద్దీ టెన్షన్ ఎక్కువై పోతోంది. ఒకేసారి రెండు పథకాలు బుధవారం నుంచి ప్రారంభం కావడంతో అమలులో ఎక్కడ ఎలాంటి ఇబ్బందులుతలెత్తుతాయోననే ఆందోళన వారిని కంటిమీద కునుకు లేకుండా చేస్తోంది. జిల్లాలో 2063 రేషన్‌దుకాణాలున్నాయి. తొలిదశలో జీవీఎంసీతో పాటు భీమిలి, అనకాపల్లి, నర్సీపట్నం, యలమంచలి మున్సిపాల్టీల పరిధిలోని 686 షాపుల్లో ఈ-పాస్ అమలు చేస్తున్నారు. జీవీఎంసీలోని 72 డివిజన్ల పరిధిలో ఉన్న 412 షాపుల్లోనూ ఈపాస్ విధానాన్ని అమలుచేస్తుండగా, ఇతర మున్సిపాల్టీల్లో మరో 274 షాపుల్లో ఈ విధానాన్ని వర్తింపచేస్తున్నారు. సిటీ పరిధిలో 290 షాపుల్లో ఎలక్ట్రానిక్ వేయింగ్ మిషన్లను ప్రవేశపెడుతున్నారు.
 
 వేలిముద్రల సేకరణలో తలెత్తు తున్న ఇబ్బందులను అధిగమించేందుకు సిటీ పరిధిలోని 412 షాపులకు ఐరిష్ కాప్చర్ మిషన్లను సరఫరా చేశారు. ఈపాస్‌లో వేలిముద్రలు పడకపోతే ఈ ఐరిష్ ద్వారా ఐ బాల్ కాప్చర్ చేసి సరుకులు పంపిణీకి ఏర్పాట్లు చేస్తున్నారు. జీవీఎంసీ పరిధిలో పంపిణీ చేసిన ఈ పాస్ మిషన్లలో175 మాత్రమే పూర్తి స్థాయిలో పనిచేస్తున్నాయి. 60 షాపుల్లో సిగ్నెల్ సమస్యలుండగా, ఈ-పాస్ మిషన్ల విషయంలో 34షాపుల్లో టెక్నికల్ సమస్యలు తలెత్తాయి. సాప్ట్ వేర్ సమస్యలతో ఇప్పటికే 21 మిషన్లను వెనక్కి పంపారు. నెట్‌వర్క్ సమస్యలను అధిగమించేందుకు 70 షాపుల్లో యాంటినాలు ఏర్పాటు చేశారు. 290 షాపుల్లో ఐడియా 2 జీ సిమ్‌తో పాటు ఎయిర్‌టెల్ 2 జీ సిమ్‌లు ఏర్పాటు చేయగా, 340 షాపుల్లో ఎయిర్‌టెల్ 3 జీ సిమ్‌లను ఏర్పాటు చేశారు. సిటీ పరిధిలో 3,71,625 కార్డు దారులకు ఈ కొత్త ఈ-పాస్ విధానంలో నేటి నుంచి సరుకులు పంపిణీ జరుగనుంది. కచ్చితంగా వేలిముద్రలు సేకరించిన కుటుంబసభ్యుల్లో ఎవరో ఒకరు వస్తే కాని సరుకులు తీసుకునే అవకాశం ఉండదు.
 
 ఇక ఇతర మున్సిపాల్టీల పరిధిలో 133 షాపుల్లో ఈ పాస్ మిషన్లు ఏర్పాటు చేయగా, వీటిలో కూడా సగం షాపుల్లో సాంకేతిక, నెట్‌వర్క్ సమస్యలు నెలకొన్నాయి. ఈ సమస్యలన్నీ అధిగమించి ఈ విధానాన్ని సమర్ధంగా అమలుకు జిల్లా జాయింట్ కలెక్టర్ జనార్దన్ నివాస్ ప్రతిష్టాత్మకంగా తీసుకుని ప్రతీ డిపోలోనూ వీటి అమలు తీరును స్వయంగా పర్యవేక్షిస్తున్నారు.  మరోపక్క ఆహార భద్రత పథకం అమలుకు జిల్లా యంత్రాంగం అవసరమైన అన్ని ఏర్పాట్లు పూర్తిచేసింది. జిల్లా వ్యాప్తంగా నేటి నుంచి అమలవుతున్న ఈ కార్యక్రమం కోస అవసరమైన అదనపు కేటాయింపులను ఎంఎల్‌ఎస్ పాయింట్ల నుంచి రేషన్‌డిపోలకు చేరవేశారు. జిల్లాలో 10,45,838  తెలుపు,  75,889 ఏఏవై, 1,035 అన్నపూ ర్ణ కార్డులు న్నాయి. వీటిపరిధిలో 39,17,354యూనిట్స్(మంది)లో 5,06,777యూనిట్స్‌ను తొలగిం చగా, 34,10,577 యూనిట్స్ కు సీడింగ్ పూర్తయింది. వీటికి నేటి నుంచి ఐదేసి కిలోల చొప్పున సరఫరా చేయనున్నారు. ఇప్పటి వరకు బీపీఎల్ కార్డుదారులకు 15636.633ఎంటీలు సరఫరా చేస్తుండగా, నేటి నుంచి 18,677.145ఎంటీల బియ్యాన్ని కేటాయించారు. కా ర్డులో సభ్యుల సంఖ్యతో ప్రమేయంలేకుండా ఎంతమంది సభ్యులుంటే అంతమందికి ఒక్కొక్కరికి ఐదేసి కిలోల చొప్పున నేటి నుంచి పంపిణీ చేయనున్నారు. ఈ బియ్యం పక్కదారి పట్టకుండా ఉండేందుకు జిల్లా పౌరసరఫరాల సంస్థ మేనేజర్ కార్యాలయం నుంచి మండలస్థాయి గోదాముల వరకు పూర్తిగా కంప్యూటీకరించారు. సప్లయి చైన్డ్ మేనేజ్‌మెంట్(ఎంసీఎం) ద్వా రా వీటిని అనుసంధానం చేశారు. ఎఫ్‌సీఐ గోదాముల నుంచి సరుకు బయలుదేరగానే లారీ నంబర్, సరుకు వివరాలు ఏ మార్గంలో వస్తున్నదీ మండలస్థాయి గోదాములో ఉండే కంప్యూటర్‌లో తెలుస్తాయి.
  
  పకడ్బందీగా అమలు
 
  ఆహార భద్రత పథకంతో పాటు కొత్తగా ప్రవేశపెడుతున్న ఈ పాస్ విధానాన్ని జిల్లాలో పగడ్బందీగా అమలుకు అవసరమైన అన్ని ఏర్పాట్లు పూర్తి చేశాం. నూరు శాతం ఈ రెండు విజయవంతంగా అమలుకు పౌరసరఫరాలశాఖ సిబ్బంది కృషి చేస్తున్నారు. ప్రారంభంలో ఏమైనా సాంకేతిక సమస్యలు వచ్చినా సత్వరమే అధిగమించేందుకు చర్యలు తీసుకుంటున్నాం.    -జనార్దన్ నివాస్, జేసీ
  
 చౌకధరల దుకాణాల్లో నేటి నుంచి ఈ-పాస్ (ఎలక్ట్రానిక్ పేమెంట్ అండ్ అప్లికేషన్ సిస్టమ్) విధానంలో నిత్యావసర సరుకులు పంపిణీ చేస్తారు. ఇందుకు అధికారులు అన్ని ఏర్పాట్లు పూర్తి చేశారు. మరొక పక్క జాతీయ ఆహారభద్రత పథకాన్ని కూడా బుధవారం నుంచి జిల్లా వ్యాప్తంగా అమలుకు తగిన ఏర్పాట్లు చేశారు. ప్రారంభానికి ముందే ఈ పాస్ మిషన్లు మొరాయి స్తున్నా.. సెల్ నెట్‌వర్కులు సరిగా పనిచేయకున్నా అమలులో ఎలాంటి ఇబ్బందులు తలెత్తకుండా జిల్లా యంత్రాంగం చర్యలు చేపట్టింది.


 ఎల్‌బీనగర్ : రంగారెడ్డి జిల్లాలోని రేషన్ దుకాణాలపై విజిలెన్స్ అధికారులు దాడులు నిర్వహించారు. ఎల్బీనగర్, నాగోలులోని బుధవారం ఓ రేషన్ దుకాణంపై ఆకస్మిక దాడులు చేశారు. రికార్డులను పరిశీలించి 101 క్వింటాళ్ల రేషన్ బియ్యాన్ని అక్రమంగా నిల్వ ఉంచినట్టు అధికారులు గుర్తించారు. అంతేకాకుండా 600 లీటర్ల కిరోసిన్ ను సీజ్ చేశారు. రేషన్ డీలర్ రవి, దుకాణం నిర్వాహకుడు సత్యనారాయణలపై కేసు నమోదు చేశారు. కాగా సత్యనారాయణ పరారీలో ఉన్నట్టు పోలీసులు తెలిపారు. జాయింట్ కలెక్టర్ ఆదేశాలతో విజిలెన్స్ అధికారులు రేషన్ దుకాణాలపై దాడులు నిర్వహించారు.


 - తేదీ6 దాటిన చౌకదుకాణాలకు చేరని రేషన్
 - ఈ-పాస్‌ను వ్యతిరేకిస్తున్న డీలర్లు
 - కోర్టును ఆశ్రయించిన డీలర్లు
 - ఇబ్బందుల్లో లబ్ధిదారులు
 
 నెల్లూరు(రెవెన్యూ): ప్రజాపంపిణీ వ్యవస్థను గాడిలో పెట్టేందుకు ఆంధ్రప్రదేశ్ ప్రభుత్వం తీసుకున్న ఈ-పాస్ విధానం అమలులో జాప్యం కారణంగా లబ్ధిదారులు రేషన్ అందక ఇబ్బందులు పడుతున్నారు. నెల్లూరు నగరంలో 1వ తేదీ నుంచి ప్రారంభించాల్సిన ప్రజాపంపిణీ ప్రక్రియ 6వ తేదీదాటినా ప్రారంభం కాలేదు. ఎంఎల్‌ఎస్ పాయింట్ల నుంచి రేషన్ ఇప్పటి వరకు చౌకధర దుకాణాలకు చేరలేదు. ఈ-పాస్ విధానాన్ని వ్యతిరేకిస్తున్న డీలర్లు రేషన్ దుకాణాల్లోకి అన్‌లోడ్ చేసుకోవడంలేదు. ఈ-పాస్ విధానాన్ని రేషన్ దుకాణాలలో అమలు చేసి, దానిపై డీలర్లకు పూర్తిస్థాయిలో అవగాహన కల్పించిన తర్వాతే ప్రక్రియను ప్రారంభించేలా ప్రభుత్వం చర్యలు తీసుకోవాలని డీలర్లు డిమాండ్ చేస్తున్నారు. ఈ-పాస్ విధానాన్ని వ్యతిరేకిస్తు డీలర్లు కోర్టును ఆశ్రయించారు.
 జిల్లాలో 1,874 చౌకధర దుకాణాలు ఉన్నాయి. 8.24 లక్షల రేషన్‌కార్డుదారులు ఉన్నారు. ప్రతి నెల జిల్లాలో 18 ఎంఎల్‌ఎస్ పాయింట్ల నుంచి రేషన్ దుకాణాలకు సరఫరా చేస్తున్నారు. రేషన్ లో అక్రమాలను అరికట్టేందుకు పౌరసరఫరాల శాఖ ఈ-పాస్ విధానాన్ని ప్రారంభించింది. ముందు నుంచి ఈ విధానాన్ని డీలర్లు వ్యతిరేకిస్తున్నారు. జిల్లాలో మొదటి విడతలో కార్పొరేషన్, మున్సిపాలిటీల్లో ఈ-పాస్ విధానం ద్వారా రేషన్ పంపిణీ చేయాలని రాష్ట్ర అధికారులు ఉత్తర్వులు జారీ చేశారు. ముందస్తుగా పట్టణ ప్రాంతాల్లోని 350 చౌకదుకాణాల్లో ఈ-పాస్ యంత్రాలు ఏర్పాటు చేసి రేషన్ పంపిణీ చేయాలని ఉత్తర్వులు జారీచేశారు. జిల్లాకు 120 ఈ-పాస్ మిషన్లు రావడంతో అధికారులు ఇబ్బందుల్లోపడ్డారు. 750 రేషన్‌కార్డులకు పైగా ఉన్న దుకాణాల్లో ఈ-పాస్ మిషన్లు ఏర్పాటు చేసేలా చర్యలు చేపట్టారు. జిల్లాలో ఉన్న రేషన్ దుకాణాల్లో పూర్తిస్థాయిలో ఈ-పాస్ విధానాన్ని అమలుచేయాలని డీలర్లు డిమాండ్ చేశారు. ఈ విషయంపై టీడీపీ నాయకులు, ఎమ్మెల్యేలతో సిఫార్సులు చేయించారు. అధికారులు సిఫార్సులను పట్టించుకోకపోవడంతో డీలర్లు కోర్టును ఆశ్రయించారు. ఈ-పాస్ మిషన్లలో డేటా అప్‌లోడ్ చేయడం, సిమ్‌కార్డులు ఇవ్వడంలో జాప్యం జరిగింది. నెల్లూరు నగరం, రూరల్ ప్రాంతాల్లో ఏర్పాటు చేసిన 30కి పైగా ఈ-పాస్ మిషన్లలో అప్‌డేట్ చేయలేదు. ఈ-పాస్ విధానం అమలులో అనేక లోపాలు ఉన్నాయి. వాటిని పరిష్కరిస్తేనే తాము రేషన్ డౌన్‌లోడ్ చేసుకుంటామని డీలర్లు ఎదురుతిరిగారు.
 
 ఎంఎల్‌ఎస్ పాయింట్ల నుంచి సరఫరా చేస్తున్న బియ్యం తూకంలో తేడాలు వస్తున్నయని దాంతో డీలర్లు నష్టపోవాల్సి వస్తుందని ఈ సమస్యకు పరిష్కారం చూపేంతవరకు రేషన్ దింపుకునేదిలేదని డీలర్లు భీష్మించుకుకూర్చున్నారు. అధికారులు, డీలర్ల మధ్య కార్డుదారులు ఇబ్బందులు పడుతున్నారు. నిత్యం చౌకదుకాణానికి రావడం షాపు తీయకపోవడంతో వెనుతిరుగుతున్నారు. ప్రతి నెల 1 నుంచి 15వ తేదీ వరకు రేషన్ పంపిణీ చేయవలసి ఉంటుంది. డీలర్లు మాత్రం స్టాక్ రాలేదని 5 నుంచి 15వ తేదీ వరకు రేషన్ పంపిణీ చేస్తున్నారు. ఇచ్చే 10 రోజుల్లో రెండు శనివారాలు సెలవు రోజులు కాగా, మిగిలిన 8 రోజులు మాత్రమే రేషన్ పంపిణీ చేస్తారు. సమస్యలను పరిష్కరించి త్వరగా రేషన్ పంపిణీ చేసేలా అధికారులు చర్యలు తీసుకోవాలని కార్డుదారులు కోరుతున్నారు.
 
 రేషన్ పంపిణీ జరిగేలా చర్యలు తీసుకుంటాం :
 
 ఈ-పాస్ మిషన్లు ఏర్పాటు చేసిన రేషన్ దుకాణాల్లో సరకుల పంపిణీ జరిగేలా చర్యలు తీసుకుంటాం. డేటా అప్‌డేట్ చేయడం త్వరగా పూర్తిచేసేలా చర్యలు తీసుకుంటాం. ప్రస్తుతం 120 చౌకదుకాణాల్లో ఈ-పాస్ మిషన్లు ఏర్పాటు చేశాం. వచ్చేనెలలో మిగిలిన చౌకదుకాణాల్లో ఈ-పాస్ మిషన్లు ఏర్పాటు చేసేలా చర్యలు తీసుకుంటాం.
          -సంధ్యారాణి, డీఎస్‌ఓ
 
 
  


 చౌక దుకాణాల డీలర్ షిప్పులు కట్టబెట్టేందుకు యత్నాలు
  
 సాక్షి, కర్నూలు : జిల్లాలో తెలుగు తమ్ముళ్లకు చౌక దుకాణాల డీలర్‌షిప్పులను కట్టబెట్టేందుకు తెలుగుదేశం పార్టీ నేతలు పావులు కదుపుతున్నారా? అంటే అవుననే సమాధానం ఆ పార్టీ వర్గాల్లో వినిపిస్తోంది. త్వరలో ఇన్‌చార్జీల పాలనలో ఉన్న రేషన్‌షాపులకు నోటిఫికేషన్ ఇచ్చి శాశ్వత డీలర్ల నియామకం చేపట్టాలని అధికారులు భావిస్తున్నారు. ఈ నేపథ్యంలో గత సార్వత్రిక ఎన్నికల్లో పార్టీ విజయానికి కృషి చేసిన తమ్ముళ్ల రుణం తీర్చుకునేందుకు అధికారపార్టీ నేతలు సిద్ధమవుతున్నారు. పనిలోపనిగా ఎక్కువ షాపుల డీలర్‌షిప్పులను చేజిక్కించుకునేందుకు కుట్ర పన్నుతున్నారు.
  
 కర్నూలు జిల్లా వ్యాప్తంగా 2,411 చౌకధరల దుకాణాలు ఉన్నాయి. అవకతవలకు పాల్పడిన కొందరు రేషన్ డీలర్లను గతంలో ప్రభుత్వం సస్పెండ్ చేసింది. ఇలా ఆదోని, ఆలూరు, పత్తికొండ, డోన్, కోడుమూరు, బనగానపల్లె, నందికొట్కూరులో పలు చౌకధరల దుకాణాలపై 6ఏ కేసులు నమోదు చేశారు. వీటిని సమీపంలోని కొందరు డీలర్లకు అప్పగించారు. ఇప్పుడు వారిని ఆ బాధ్యతల నుంచి తప్పించి శాశ్వత ప్రాతిపదికన డీలర్లకుఅప్పగించేందుకు నోటిఫికేషన్ జారీ చేసి అర్హులను ఎంపిక చేసేందుకు రంగం సిద్ధం చేశారు. అందుకు అనుగుణంగా గత సెప్టెంబరు నెలలో ఖాళీలుగా ఉన్న రేషన్‌షాపులకు డీలర్లను భర్తీ చేసే ప్రక్రియకు అధికారులు నోటిఫికేషన్ జారీ చేశారు.
 
 ఇక్కడే అసలు కథ మొదలైంది. అప్పటి వరకూ కాంగ్రెస్ నేతల కనుసన్నల్లో నడుస్తున్న రేషన్‌షాపులను తమ ఆధీనంలోకి తీసుకోవాలన్న లక్ష్యంతో అధికార పార్టీ నేతలు వేసిన ఎత్తుగడ ఫలించింది. ఫలితంగా ఆ నోటిఫికేషన్‌ను ఉన్నతాధికారులు తాత్కాలికంగా నిలిపివేయడం.. వెనువెంటనే కొందరి డీలర్లపై కక్షపూరిత చర్యలకు ఉపక్రమించడం.. మాటవినని వారిపై అక్రమ కేసులు బనాయించడం.. మరు క్షణమే ఆయా డీలర్లను సస్పెండ్ చేయడం వంటి ప్రక్రియలు చకచకా జరిపోయాయి. ఒక్క ఆదోని డివిజన్‌లోనే ఈ విధంగా దాదాపు 100 మంది డీలర్లను సస్పెండ్ చేసి.. సమీపంలోని మరో డీలరుకు ఆ దుకాణాలను అప్పగించడం జిల్లాలో చర్చనీయాంశమైంది. మొత్తం మీద జిల్లావ్యాప్తంగా 400 వరకు దుకాణాలు ప్రస్తుతం ఇన్‌చార్జుల పాలనలో ఉన్నాయి.
  
 తాజా మళ్లీ తెరపైకి నోటిఫికేషన్..  
  గతంలో తాత్కాలికంగా నిలిపివేసిన నోటిఫికేషన్‌ను మరోసారి జారీ చేసేందుకు అధికారులు సిద్ధమవుతున్నట్లు తెలుస్తోంది. ఈ సమాచారం తెలుసుకున్న టీడీపీ నేతలు పనిలోపనిగా నోటిఫికేషన్ జారీ అయ్యేలోగా మరికొందరి డీలర్లపై అక్రమ కేసులు నమోదు చేయించి వాటిని కూడా తమ్ముళ్లకే అప్పగించాలని కుట్ర పన్నుతున్నట్లు సమాచారం. ఇప్పటికే తమ మాట వినని డీలర్ల జాబితాను సిద్ధం చేసి వారిపై కేసులు బనాయించేందుకు అధికారులపై ఒత్తిడి తెస్తున్నారు.
 
 ఇప్పటికే సమీప డీలర్లకు అప్పగించి రేషన్ షాపులను తెలుగు తమ్ముళ్లకు అధికారులు తాత్కాలిక కేటాయింపుల కింద అప్పగించారు. అయితే రేషన్ దుకాణాలు తాత్కాలిక కేటాయింపులు చేయకూడదనే ఉత్తర్వులు ఉన్నాయి. వాటిని పక్కన పెట్టి ఇటీవల వంద మందికి అక్రమంగా దుకాణాలు కట్టబెట్టారు. ఈ వ్యవహారంలో పెద్ద ఎత్తున సొమ్ములు చేతులు మారినట్లు ఆరోపణలు వెల్లువెత్తుతున్నాయి. వాస్తవంగా చౌకధరల దుకాణాల కేటాయింపు అధికారం ఆర్డీవోలకు ఉంది. వీటికి నోటిఫికేషన్ ఇచ్చి రోస్టర్‌ను అనుసరించి భర్తీ చేయాల్సి ఉంటుంది. అంతేకానీ తాత్కాలిక ప్రాతిపదికన కేటాయింపులు చేయకూడదు. కానీ కర్నూలు జిల్లాలో పదుల సంఖ్యలో దుకాణాలను తాత్కాలిక ప్రాతిపదికన కేటాయిస్తూ అధికారులు ఉత్తర్వులు జారీ చేయడంపై జిల్లాలో దూమారం రేగుతోంది.


 రాష్ట్రం కోరిన రూ.234 కోట్లపై స్పందన నిల్
  సాక్షి, హైదరాబాద్: రాష్ట్రంలో పక్కదారి పడుతున్న రేషన్ సరకులను కట్టడి చేసేందుకు  రేషన్ దుకాణాల్లో ఏర్పాటు చేయదలచిన బయోమెట్రిక్ ఈ-పాస్(ఎలక్ట్రానిక్ పాయిం ట్ ఆఫ్ సేల్) యంత్రాలను సమకూర్చేందుకు కేంద్ర ప్రభుత్వం సంసిద్ధంగా లేదు. ఈ పాస్ యంత్రాల ఏర్పాటుకు అయ్యే ఖర్చును భరించాలని పదేపదే రాష్ట్ర ప్రభుత్వం విజ్ఞప్తి చేస్తున్నా కేంద్ర ఆహార, ప్రజా పంపిణీ వ్యవహారాల శాఖ సముఖంగా లేనట్లు తెలుస్తోంది.
  
  దీంతో మొత్తం ఖర్చులో సగమైనా కేంద్రం భరించాలని శుక్రవారం తాజాగా కేంద్ర ఆహార, ప్రజాపంపిణీ వ్యవహారాల శాఖ జాయింట్ సెక్రటరీకి, రాష్ట్ర పౌర సరఫరాల శాఖ కమిషనర్ సి.పార్థసారధి విజ్ఞప్తి చేశారు. రేషన్ సరుకులు ఏటా 25 నుంచి 34 శాతం వరకు పక్కదారి పడుడున్నట్లు ప్రభుత్వం గుర్తించింది. ఏటా వందల కోట్ల రూపాయల ప్రజా ధనం దుర్వినియోగం అవుతున్న నేపథ్యంలో దీనిని కట్టడి చేయడానికి అన్ని రేషన్ దుకాణాల్లో బయోమెట్రిక్ విధానాన్ని తేవాలని నిర్ణయించింది. ఇందులో భాగంగా ఈపాస్ యంత్రాల ఏర్పాటును తెరపైకి తెచ్చింది. అయితే వీటి ఏర్పాటుకు సుమారు రూ.234 కోట్ల మేర వ్యయం అవుతుండటంతో ఈ భారాన్ని భరించాలని గతంలో ముఖ్యమంత్రి కేసీఆర్ సహా, సంబంధిత శాఖ మంత్రి ఈటెల రాజేందర్ కేంద్రానికి పలుమార్లు విన్నవించారు.
  
  అయితే దీనిపై కేంద్ర ప్రభుత్వం నుంచి ఎలాంటి స్పందన రాలేదు. శుక్రవారం ఈ పాస్, ఈ పీడీఎస్, సరఫరా వ్యవస్థ నిర్వహణ తదితరాలపై కేంద్ర సంయుక్త కార్యదర్శి ఢిల్లీ నుంచి నిర్వహించిన వీడియో కాన్ఫరెన్స్ సందర్భంగా పౌరసరఫరాల శాఖ కమిషనర్ మరోమారు ఈ విషయాన్ని ఆయన దృష్టికి తీసుకెళ్లారు. రాష్ట్రంలో ఆహార భద్రతా కార్డులకు ఆధార్ సీడింగ్, సరుకుల సరఫరాలో అక్రమాల నివారణకు సరఫరా వ్యవస్థ నిర్వహణపై కమిషనర్ వివరించారు. రాష్ట్రంలో ఇప్పటికే 84 శాతం ఆధార్ సీడింగ్ పూర్తయిందని తెలిపారు.


 నా పేరు దొరైరాజ్ గౌడ్,  శ్రీకాళహస్తి మండలం మంగళపురి పంచాయతీలో పది సంవత్సరాల పాటు చౌకదుకాణ డీలర్‌గా పని చేశాను.  సరుకుల పంపిణీలో పారదర్శకత పాటిస్తూ ప్రజలకు అన్ని వేళలా అందుబాటులో ఉన్నాను. నాపై ఎలాంటి ఫిర్యాదులు లేవు.  గత ఎన్నికల్లో వైఎస్సార్ కాంగ్రెస్ పార్టీకి సహకరించాననే నెపంతో అధికారులపై ఒత్తిడి తెచ్చి అన్యాయుంగా తొలగించారు. అధికార పార్టీ నేతలకు కొందరు అధికారులు తొత్తులుగా వ్యవహరిస్తూ డీలర్లను వేధింపులకు గురిచేస్తున్నారు. రాజకీయుంగా తొలగిస్తున్నారు. ఉన్నతాధికారులు పట్టించుకోవడం లేదు.  
  
  ⇒ కార్యకర్తలకు రేషన్‌షాపుల అప్పగింత
 ⇒ వందల సంఖ్యలో డీలర్ల మార్పు
 ⇒ జిల్లాలో మొత్తం దుకాణాలు 2,831
 ⇒ ఇన్‌చార్జ్‌లతో నడుస్తున్నవి 390
 ⇒ అస్తవ్యస్తంగా పౌరసరఫరాల వ్యవస్థ
 ⇒ పేదలకు అందని నిత్యావసర సరుకులు
 ⇒ బ్లాక్ మార్కెట్‌కు తరలుతున్న వైనం
 సాక్షి, చిత్తూరు: ప్రభుత్వ చౌకదుకాణాల్లో పేదలకు నిత్యావసర సరుకులు సక్రమంగా అందడం లేదు.  టీడీపీ అధికారం చేపట్టిన తరువాత పౌరసరఫరాల వ్యవస్థ అస్తవ్యస్తంగా మారింది. అధికార పార్టీ నేతలు తమ కార్యకర్తలను ఇన్‌చార్జ్ డీలర్లుగా నియమించడంతో ఈ పరిస్థితి తలెత్తుతోంది. ప్రస్తుత ప్రభుత్వం  బియ్యం, చక్కెర, కిరోసిన్ మాత్రమే చౌక దుకాణాల ద్వారా అందిస్తోంది. గత ప్రభుత్వ హయంలో బియ్యం, చక్కెర, కందిపప్పు, పామాయిల్, పసుపు, కారంపొడి, గోధుమపిండి తదితర వస్తువులను సరఫరా చేసే వారు. చంద్రబాబు అధికారంలోకి వచ్చాక అన్నీ కనుమరుగైపోయాయి.
 
 బియ్యం, చక్కెర,అప్పుడప్పుడు కిరోసిన్ మాత్రమే సరఫరా చేస్తున్నారు. అధిక శాతం చౌకదుకాణాల్లో డీలర్లు కిరోసిన్ సక్రమంగా ఇచ్చే పరిస్థితి లేదు. కొందరు డీలర్లు రెండు మూడు నెలలకొకసారి కిరోసిన్ సరఫరా చేస్తున్నారు.  చక్కెర సైతం పండుగ సమయాల్లో మాత్రమే అందిస్తున్నారు. కొంతమంది  డీలర్లు డీడీలు ఆలస్యంగా చెల్లించి  నెల చివరన  బియ్యం తెచ్చి ఆ తరువాత నెలలో రెండు మూడు రోజులు మాత్రమే పంపిణీ చేసి మధ్యన ఒక నెల సరుకులు ఇవ్వకుండా ఎగనామం పెడుతున్నారు. మరికొందరు నెలమార్చి నెల బియ్యం పంపిణీ చేస్తూ మిగిలిన బియ్యాన్ని బ్లాక్ మార్కెట్‌కు తరలిస్తున్నారు. గ్రామీణ ప్రాంతాల్లోని డీలర్లందరూ దాదాపుగా మూడు రోజులకు మించి సరుకులు పంపిణీ చేయడం లేదు. పట్టణ ప్రాంతాల్లో వారానికి మించి పంపిణీ చేయడం లేదు.
 
 అది కూడా రోజులో గంటో అరగంట సమయంలో మాత్రమే సరుకులను పంపిణీ చేస్తున్నారు. ఆ సమయంలో సరుకులు తీసుకెళ్లకపోతే తరువాత వెళ్లినా ఇవ్వడం లేదు. ఎక్కువ మంది డీలర్లు ప్రభుత్వ గోడౌన్లలోనే అమ్మకానికి పెడుతున్నారు. డీలర్ల వద్ద సేకరించిన చౌకబియ్యాన్ని వ్యాపారులు పాలిష్ చేసి కర్ణాటకకు ఎగుమతి చేస్తున్నారు. కిరోసిన్, చక్కెర సైతం ఇతర ప్రాంతాలకు తరలిస్తున్నారు. దీంతో అర్హులైన పేదలకు నిత్యావసరసరుకులు సక్రమంగా అందడం లేదు.
 
 సరుకులు సక్రమంగా చూడాల్సిన  జిల్లా పౌరసరఫరాల శాఖ విభాగం,  రెవెన్యూ, విజిలెన్స్ అధికారులు డీలర్ల వద్ద మామూళ్లు పుచ్చుకుంటూ తమకేమీ పట్టనట్లు మిన్నకుండిపోతున్నారు.  మొక్కుబడిగా మాత్రమే 6 (ఏ) కేసులు నమోదు చేస్తున్నట్లు తెలుస్తోంది. టీడీపీ అధికారం చేపట్టిన తరువాత ముఖ్యమంత్రి సొంత జిల్లాలో అధికార పార్టీ నేతల మితిమీరిన జోక్యంతో  పౌరసరఫరాల వ్యవస్థ అస్తవ్యస్తంగా మారింది. గతంలో ఉన్న చౌకదుకాణాల డీలర్లలో చాలా మందిని తొలగించి వారి స్థానంలో అధికార పార్టీ  కార్యకర్తలను ఇన్‌చార్జ్ డీలర్లుగా నియమించారు.
  
 జిల్లాలో మొత్తం రేషన్‌షాపులు 2831, ఇన్‌చార్జ్‌లతో కొనసాగుతున్నవి 390. తిరుపతి డివిజన్‌లో మొత్తం చౌకదుకాణాలు 703 ఉండగా, 113 ఇన్‌చార్జ్‌లతో కొనసాగుతోంది. చిత్తూరు డివిజన్‌లో 911 చౌకదుకాణాలుండగా, 91 షాపులు ఇన్‌చార్జ్‌లతో కొనసాగుతోంది. మదనపల్లె డివిజన్‌లో 1217 షాపులకు గాను 186 ఇన్‌చార్జ్‌లతో కొనసాగుతున్నాయి.  ప్రభుత్వ నిబంధనల మేరకు అన్ని చౌకదుకాణాలకు పర్మినెంట్ డీలర్లు నియమించాల్సిన అధికారులు నేతల ఒత్తిళ్లతో ఇన్‌చార్జ్ డీలర్లనే కొనసాగిస్తున్నారు.
  
 నియోజకవర్గాల వారీగా చౌకదుకాణాల పరిస్థితి
  
 ⇒ శ్రీకాళహస్తి నియోజకవర్గంలో మొత్తం షాపులు 216,  రెగ్యులర్ 143, ఇన్‌చార్జ్‌లు 63, టీడీపీ అధికారంలోకి వచ్చాక 37 చౌకదుకాణాలలో డీలర్లను మార్చి తన కార్యకర్తలకు అప్పగించారు.
 ⇒ నగరి నియోజకవర్గంలో ఐదు మండలాల పరిధిలో 200 చౌకదుకాణాలున్నాయి. 107 రెగ్యులర్ డీలర్లుండగా, 93 షాపులు ఇన్‌చార్జ్‌లతో కొనసాగుతున్నాయి. టీడీపీ అధికారంలోకి వచ్చిన తరువాత నిండ్ర మండలంలో 28 షాపులను టీడీపీ కార్యకర్తలకు అప్పగించారు.
 ⇒ మదనపల్లె నియోజకవర్గ పరిధిలో 171 షాపులుండగా, ఇన్‌చార్జ్‌లతో కొనసాగుతోంది 25. టీడీపీ అధికారంలోకి వచ్చాక 7 షాపులకు డీలర్లను మార్చారు. గ్రామీణ ప్రాంతాల్లో మూడు రోజులు మాత్రమే సరుకులు ఇస్తున్నారు. పట్టణాల్లో 12 రోజులు మాత్రం సరుకులను ఇస్తున్నారు. కిరోసిన్ సక్రమంగా ఇవ్వడం లేదు.
 ⇒ పుంగనూరు నియోజకవర్గంలో మొత్తం షాపులు 233. ఇన్‌చార్జ్‌లతో ఉన్నవి 24 షాపులు. టీడీపీ అధికారంలోకి వచ్చిన తరువాత పులిచెర్ల మండలంలో 10 చౌకదుకాణ డీలర్లను మార్చారు.  
 ⇒ సత్యవేడు నియోజకవర్గంలో 261 షాపులుండగా, ఇన్‌చార్జ్‌లతో 28 కొనసాగుతోంది. సరుకులు పంపిణీ సక్రమంగా జరగడం లేదు.
 ⇒ పలమనేరు నియోజకవర్గంలో 181 షాపులుండగా, 26 ఇన్‌చార్జ్‌లతో కొనసాగుతోంది.
 ⇒ గంగాధరనెల్లూరు నియోజకవర్గంలో 250 షాపులుండగా, 69 ఇన్‌చార్జ్‌లతో కొనసాగుతోంది.
 ⇒ కుప్పం నియోజకవర్గంలో 178 షాపులకు గాను 69 షాపులకు ఇన్‌చార్జ్‌లు కొనసాగుతున్నారు.
 ⇒ పూతలపట్టు నియోజకవర్గంలో 235 షాపులకు గాను 189 రెగ్యులర్ డీలర్లుండగా,  35 ఇన్‌చార్జ్‌లతో కొనసాగుతోంది. టీడీపీ అధికారంలోకి వచ్చాక 11 షాపులను అధికార పార్టీ కార్యకర్తలకు అప్పగించారు.     
 ⇒ పీలేరు నియోజకవర్గంలో ఆరు మండలాల పరిధిలో 265 చౌకుదుకాణాలున్నాయి. వీటిలో 60 దుకాణాలు ఇన్‌చార్జ్‌లతో కొనసాగుతోంది. టీడీపీ అధికారంలోకి వచ్చాక 10 చౌకదుకాణాల పరిధిలో గతంలో ఉన్న వారిని తొలగించి టీడీపీ కార్యకర్తలకు అప్పగించారు. నియోజకవర్గంలో ప్రజాపంపిణీ వ్యవస్థ సక్రమంగా లేదు. చంద్రగిరి, తంబళ్లపల్లె,  చిత్తూరు,  తిరుపతి నియోజకవర్గాల్లోనూ పౌరసరఫరా వ్యవస్థ అస్తవ్యస్థంగా ఉంది.


 * సబ్సిడీని కిలోకు రూ. 32 నుంచి రూ. 18.50కు తగ్గించిన కేంద్రం
 * రేషన్ చక్కెర ధరలు
 * ఇక రాష్ట్రాలే నిర్ణయించుకోవాలి
  
 న్యూఢిల్లీ: రాష్ట్రాలపై రేషన్ చక్కెర భారం పడనుంది. రేషన్ షాపుల్లో ఇస్తున్న చక్కెర ధరను నిర్ణయించుకొనే స్వేచ్ఛ రాష్ట్రాలకే ఇవ్వాలని ప్రధాని నరేంద్ర మోదీ నేతృత్వంలోని ఆర్థిక వ్యవహారాల కేబినెట్ కమిటీ నిర్ణయించింది. 2002 నుంచి చౌకదుకాణాల్లో ఇస్తున్న చక్కెర కిలో ధర రూ. 13.50గా ఉంది. అదే సమయంలో కేంద్రం కిలో కు రూ.32 దాకా సబ్సిడీ ఇస్తోంది. ఇప్పుడీ సబ్సిడీని రూ.18.50కు కుదించినట్లు విశ్వసనీయవర్గాల సమాచారం. అంటే కిలోకు 13.50 రూపాయల చొప్పున భారం రాష్ట్రాలపై పడనుంది.
  
  తెలంగాణపై రూ. 65 కోట్ల భారం
  తెలంగాణలోని రేషన్ షాపుల ద్వారా నెలకు నాలుగు వేల మెట్రిక్ టన్నుల చక్కెర పంపిణీ అవుతోంది. కిలోకు రూ.13.50 చొప్పున 5.4 కోట్ల రూపాయల అదనపు భారం పడుతుంది. అంటే ఏడాదికి 64.8 కోట్ల రూపాయలు. ఒకవేళ రాష్ట్రం ఇది భారమని భావిస్తే, ఆ మేరకు ధరను పెంచాల్సి వస్తుంది. అప్పుడు రేషన్ దుకాణాల్లో చక్కెర కిలోకు 27 చెల్లించాల్సి వస్తుంది.


 మంగళగిరి/ తెనాలి అర్బన్ : చంద్రన్న సంక్రాంతి కానుక ఆచరణలో అభాసుపాలైంది. రేషన్ దుకాణాల్లో నిత్యావసరాల పంపిణీ కార్యక్రమం అస్తవ్యస్తంగా మారింది. సంక్రాంతికి తెల్లరేషన్ కార్డుదారులకు ‘చంద్రన్న సంక్రాంతి కానుక’ పేరిట ఆరు రకాల సరకులు అందించేందుకు రాష్ట్ర ప్రభుత్వం ప్రతిపాదించింది. పేద ప్రజలు పండుగను సంతోషంగా జరుపుకోవాలంటూ ముఖ్యమంత్రి చంద్రబాబు తలపెట్టిన పథకం లబ్ధిదారులకు నిరాశే మిగిల్చింది.
 
 పథకంలో భాగంగా బెల్లం, కందిపప్పు, పామాయిల్ అరకేజీ చొప్పున, గోధుమపిండి, శనగలు కిలో చొప్పున, వంద గ్రాముల నెయ్యి చంద్రబాబు ఫొటోలతో ముద్రించిన బ్యాగ్ ల్లో సిద్ధం చేశారు. ఈ సరుకుల కోసం లబ్ధిదారులు ఆదివారం ఉదయం 7 గంటల నుంచే రేషన్‌షాపుల వద్ద ఎండలోనే నిలబడి ఇబ్బందులు పడ్డారు. పథకాన్ని ప్రారంభించేందుకు వచ్చే ప్రజాప్రతినిధుల కోసం గంటల తరబడి నిరీక్షించారు. జిల్లాలో కొన్ని చోట్ల మధ్యాహ్నం 12 గంటల వరకు కార్యక్రమం ప్రారంభించకపోవడంపై పేదలు అసహనం వ్యక్తం చేశారు.
 
 చంద్రన్న కానుక పంపిణీ చేస్తామని ఆర్బాటంగా అధికారులు ప్రచారం చేసినా కొందరు డీలర్లు అసలు దుకాణాలే తెరవలేదు. కొన్ని చోట్ల ఈ పంపిణీ వ్యవహారం తెలుగుదేశం పార్టీ కార్యక్రమంలా సాగింది. పలు గ్రామాల్లో ప్రధానంగా మంగళగిరిలో రేషన్‌షాపుల వద్ద పార్టీ నాయకులు, కార్యకర్తలు అధికారులపై పెత్తనం చెలాయించారు. నాయకులు వచ్చేవరకు సరుకులు ఇవ్వకుండా గంటల కొద్దీ మహిళలను నిలబెట్టారు.
  
 నాణ్యత లేని సరుకులు..
 ఉచితంగా అందజేసిన నిత్యావసర సరకులు లబ్ధిదారులందరికీ అందలేదు. సరుకులు పూర్తి స్థాయిలో జిల్లాకు చేరనే లేదు. కందిపప్పు, శనగలు మినహా మిగిలిన సరకులు అరకొరగానే వచ్చాయి. కానుకలోని ఆరు వస్తువులు తయారీ సంస్థల నుంచే పాకెట్‌ల రూపంలో పంపిణీ చేసి అవకతవకలకు తావులేకుండా చేస్తామని ప్రకటించింది. కానీ రేషన్ షాపులకు చేరే సమయానికే వాటిలో అనేక లోపాలు బయట పడ్డాయి.
 
 గోధమ పిండి 20 శాతం మేర మాత్రమే దిగుమతి అయింది. అది కూడా లూజుగానే సరఫరా చేస్తున్నారు. నెయ్యి, పామాయిల్ పాకెట్లలో పది శాతం వరకు దెబ్బతిన్నాయి. నెయ్యి ప్యాకింగ్‌లో 90 గ్రాములే ఉంది. తెనాలి మండలంలో పామాయిల్, బెల్లం, గోధుమపిండి, నెయ్యి 25 శాతం అందాల్సి ఉందని సీఎస్‌డీటీ మెహర్‌కుమార్  వెల్లడించారు. ఇక సరకుల నాణ్యత విషయానికి వస్తే బెల్లం సరిలేదని విమర్శలు వచ్చాయి. నాదెండ్లలోనూ, రెంటచింతల తదితర ప్రాంతాల్లో నీరు కారిపోయిన బెల్లం పంపిణీ చేయడంపై లబ్ధిదారులు ఆగ్రహం వ్యక్తంచేశారు.


 ‘చంద్రన్న సంక్రాంతి కానుక’ తెల్లకార్డుదారులందరికీ అందే అవకాశాలు కనిపించడం లేదు. ఒక పక్క పథకం ఓ కొలిక్కి రాకముందే పంపిణీ తేదీలను ఖరారు చేస్తుండడంతో అందరిలోనూ అయోమయం నెలకొంది. పథకంపై అధికారుల్లో కూడా స్పష్టత లేకపోవడంతో రేషన్ డీలర్లు గందరగోళానికి గురవుతున్నారు. దీంతో ‘సంక్రాంతి కానుక’ కొంతమందికే పరిమితమవుతోంది. మరో వైపు రేషన్ డీలర్లపై పరోక్షంగా రూ.20.18 లక్షల భారాన్ని కూడా వేసేందుకు ప్రభుత్వం సిద్ధమవుతున్నట్లు సమాచారం.    -ఒంగోలు
  
 * సంక్రాంతి గిఫ్ట్‌బాక్సుకు వచ్చిన తిప్పలు
 * నేటికీ కొలిక్కిరాని కసరత్తు
 * అధికారుల్లోనే లేని స్పష్టత
  
 ప్యాక్ చేయడానికి సరుకులే లేవు
 ప్యాక్ సరే... సరుకులే లేవంటున్నారు సంబంధితాధికారులు. శనివారం నాటికి జిల్లా నుంచి 9,172 క్వింటాళ్ళ శనగలను ఇతర జిల్లాలకు పంపించారు. మరో 1800 క్వింటాళ్ళను పంపించాల్సి ఉంది. ఇక జిల్లాకు వచ్చే సరుకులను పరిశీలిస్తే కందిపప్పును వినుకొండ నుంచి తెప్పించేందుకు అధికారులు కసరత్తు చేస్తున్నారు.
 
 విశాఖ నుంచి నెయ్యి వస్తున్నట్లు సమాచారం. మిగతా సరుకుల పరిస్థితి ఎక్కడ నుంచి వస్తాయనే సమాచారం ఇప్పటివరకు జిల్లా యంత్రాంగం వద్దే లేదు. అయితే ప్రభుత్వం మాత్రం ఈ నెల 10వ తేదీలోగా గిఫ్టు స్కీముకు సంబంధించి జిల్లాకు పంపాల్సిన మొత్తాన్ని తరలిస్తామని స్పష్టం చేస్తూ శనివారం జిల్లా యంత్రాంగానికి సమాచారం పంపారు.
  
 డీలర్లపై రూ.21.18 లక్షల భారం...
 సాధారణంగా సరుకులను ఒక్కో లారీ ద్వారా రేషన్ షాపులకు తరలించాలంటే ప్రతి మండలానికి కనీసం రెండు రోజులు పడుతుంది. మరో వైపు ప్రస్తుతం ఎం.ఎల్.ఎస్.పాయింట్ల నుంచి రేషన్ సరుకులను తరలించే వాహనాలను పరిశీలిస్తే బియ్యం పూర్తిస్థాయిలో రేషన్ డీలర్లకు చేరలేదు. అదనంగా వచ్చే గిఫ్టుప్యాక్‌లను తరలించాలంటే అదనపు వాహనాలు అవసరం.  వీటిని సమకూర్చుకోవడం జిల్లా యంత్రాంగానికి తలకుమించిన భారంగా మారనుంది. ఈ గిఫ్టుస్కీముకు కొత్త భాష్యం చెప్పారు.
 
 రేషన్ డీలర్లు సరుకులను నేరుగా మండల లెవల్ స్టాక్ పాయింట్లు (ఎంఎల్‌ఎస్ పాయింట్లు) నుంచి తెచ్చుకోవాలని సూచించారు. తరలింపునకు అయ్యే ఖర్చులు సంగతేమిటని ప్రశ్నిస్తే మాత్రం అధికారులు సమాధానం చెప్పడం లేదు. ఇలా కేటాయించిన మొత్తం సరుకులను తరలించుకోవాలంటే రేషన్ డీలర్‌కు సరాసరిన వెయ్యి రూపాయలు అదనపు భారం పడుతుంది. జిల్లాలో మొత్తం 2,118 షాపులున్నాయి. అంటే రూ.21.18 లక్షల భారం మోయక తప్పని పరిస్థితి డీలర్లకు ఏర్పడింది. ప్రభుత్వం ఉచితంగా ఇస్తున్న సరుకుల భారం మాత్రం మాపై వేయడం న్యాయమా అని డీలర్ల సంఘం ప్రశ్నిస్తోంది.
  
 13వ తేదీనాటికి పంపిణీ పూర్తి సాధ్యమేనా...
 ప్రభుత్వ ఆదేశాల ప్రకారం ఈ నెల 13వ తేదీ నాటికి తెల్లకార్డు కలిగిన ప్రతి ఒక్కరికీ ‘చంద్రన్న సంక్రాంతి కానుక’ అందించాలి. ఈ మేరకు ఇప్పటికే ఉత్తర్వులు కూడా అందాయి. ఒక రేషన్ షాపు పరిధిలో కనీసం వెయ్యి కార్డులున్నాయనుకుంటే రోజుకు 300 మంది చొప్పున మూడు రోజుల్లో పంపిణీ పూర్తి చేయవచ్చు. కానీ ప్రభుత్వం సూచించినట్లుగా ఎంఎల్‌ఎస్ పాయింట్లకు సరుకులు ఈ నెల 10వ తేదీనాటికి చేరితే వాటిని డీలర్లు తీసుకువెళ్ళేసరికి మరో రెండు రోజులు కనీసంగా పడుతుంది.
 
 అంతా సక్రమంగా..అనుకున్నట్లుగా జరిగితే ఈ నెల 12వ తేదీనాటికి సరుకులు రేషన్ షాపులకు చేరగలుగుతాయి. ఇక వాటి పంపిణీకి సంబంధించి ఒకే రోజు పూర్తిచేయడమంటే సాధ్యమయ్యే అవకాశం లేదు. దానికితోడు జిల్లాలో 226 రేషన్ షాపులకు డీలర్లు లేరు. వాటి బాధ్యతలను ఇతర డీలర్లకు అప్పగించారు. మరి..వారి పరిధిలో కనీసంగా 2 వేల కార్డులుండే అవకాశం ఉంటుంది.తక్కువ వ్యవధిలో సరుకులు పంపిణీ పూర్తి చేయడమెలా అని ప్రశ్నిస్తున్నారు.  
  
 ఇది మరో సమస్య...
 హిందువులు అత్యంత భక్తిశ్రద్ధలతో ఇంటిల్లిపాది నిర్వహించుకునే అతి పెద్ద పండుగల్లో సంక్రాంతి ఒకటి. ఈనెల 14న భోగి, 15న సంక్రాంతి, 16న కనుమ పండుగను జరుపుకోనున్నారు. ఈ పెద్ద పండుగకు పిల్లల పాఠశాలలకు శెలవులు రావడం, దూరాభార ప్రాంతాలలో, పట్టణ ప్రాంతాలలో ఉన్నవారు కనీసం స్వగ్రామానికి వెళ్ళి రావాలనుకోవడం సహజం. దీంతో ఈ ఉచిత గిఫ్టులు ఎంతమందికి అందుతాయో అనుమానమే.


  - నాలుగు షాపుల సీజ్
  తడ: సరుకుల పంపిణీ సక్రమంగా జరగడంలేదనే ఆరోపణలు రావడంతో మండలంలోని నాలుగు రేషన్ దుకాణాలను విజిలెన్స్ డీఎస్పీ ఎస్‌ఎం రమేష్ ఆధ్వర్యంలో అధికారులు సోమవారం తనిఖీ చేశారు. రికార్డులకు, సరుకు నిల్వలకు తేడా ఉండటంతో నాలుగు దుకాణాలను సీజ్ చేశారు. విజిలెన్స్ ఏఓ ధనుంజయ్‌రెడ్డి కథనం మేరకు..పలు రేషన్ దుకాణాల్లో అక్రమాలు జరుగుతున్నాయని ఇటీవల విజిలెన్స్ ఎస్పీ టి.రాంప్రసాదరావుకు ఫిర్యాదులొచ్చాయి.
 
 ఆయన ఆదేశాల మేరకు విజిలెన్స్ అధికారులు తడ, తడ కండ్రిగలోని 16, 17 నంబర్ల షాపులను, పూడికుప్పం, భీములవారిపాళేనికి చెందిన 37,26 నంబర్ల షాపులను పరిశీలించారు. ఒకే డీలర్ ఆధ్వర్యంలో నడుస్తున్న 16, 17 నంబర్ల దుకాణాల్లో 500 కిలోల బియ్యం ఎక్కువగా, 27 కిలోల చక్కెర తక్కువగా ఉన్నట్లు గుర్తించారు. పూడికుప్పంలో 180 కి లోల బియ్యం ఎక్కువగా, 3 కిలోల చక్కెర తక్కువగా, భీములవారిపాళెం దుకాణంలో 130 కిలోల బియ్యం ఎక్కువగా, 20 కిలోల చక్కెర తక్కువగా ఉన్నట్లు తేలింది.
 
 దుకాణాలు సీజ్ చేయడంతో పాటు సంబంధిత డీలర్లపై 6ఏ కేసులు నమోదు చేశారు. ఇకపై తరచూ తనిఖీలు నిర్వహిస్తామని, లబ్ధిదారులను మోసం చేస్తే కఠినచర్యలు తప్పవని హెచ్చరించారు. తనిఖీల్లో సీఐ జి.సంఘమేశ్వరరావు, సీఎస్ డీటీ పెంచల కుమార్, తడ ఆర్‌ఐ తులసీమాల, వీఆర్‌ఓలు రామకృష్ణ, వెంకటయ్య, బాబు పాల్గొన్నారు.


 విజయనగరం కంటోన్మెంట్: హుదూద్ తుపాను భవిష్యత్‌పై కూడా తన ప్రభావాన్ని చూపుతోంది. రేషన్ డిపోల ద్వారా పేదలకందించే బియ్యాన్ని ఎలా సేకరించాలో తెలియని పరిస్థితుల్లో అధికారులున్నారు. పౌరసరఫరాల శాఖ ద్వారా లెవీ సేకరణ చేసి పేదోడికి పట్టెడన్నం పెట్టే రేషన్ బియ్యం పంపిణీ ప్రశ్నార్థకంగా మారింది. మారిన లెవీ నిబంధనల ప్రకారం పౌరసరఫరాల శాఖ ముందు జాగ్రత్తలు తీసుకున్నప్పటికీ ప్రకృతి సహకరించలేదు. లెవీ సేకరణ లక్ష్యాన్ని డిసెంబర్‌లో నిర్ణయిస్తారు. సేకరణ విధానం మారడంతో ముందుగా మేల్కొన్న జిల్లా అధికారులు లక్ష్యాలను అధిగమించేందుకు ప్రణాళికలు వేశారు. అయితే భీకర గాలులతో విరుచుకుపడిన హుదూద్ వల్ల లెవీ సేకరణ పరిస్థితి అగమ్యగోచరంగా మారింది. జిల్లాలో 28 వేల పైచిలుకు హెక్టార్లలో వరి తదితర పంటలు దెబ్బతిన్నాయి.
  
  దీంతో ధాన్యం దిగుబడి తగ్గిపోయే పరిస్థితి ఏర్పడింది. కొత్త నిబంధనల ప్రకారం 25 శాతం మిల్లర్లు, 75 శాతం పౌరసరఫరాల శాఖ కొనుగోలు చేయాల్సి ఉంది. ఒక్కసారిగా భారం  పెరిగినా...సేకరణ ప్రభావం ప్రజాపంపిణీపై పడకుండా ముందుగానే ధాన్యం కొనుగోలు చేయాలని యంత్రాంగం నిర్ణయం తీసుకుంది. ఇందుకు గాను జిల్లాలోని మహిళా సంఘాలు, సహకార సంఘాల ద్వారా కొనుగోలు కేంద్రాలను ఏర్పాటు చేయాలని నిర్ణయించింది. జాతీయ వ్యవసాయ ఉత్పత్తుల సూచి పెంచిన ధరల మేరకే కొనుగోలు చేయాలని నిర్ణయించారు. అధికారుల నిర్ణయం మేరకు గ్రేడ్ ఁఎరూ. రకం క్వింటాలుకు రూ.1400, కామన్ గ్రేడ్ రకం రూ.1360 గా ధర నిర్ణయించారు. పెంచిన కేంద్ర ప్రభుత్వ మద్దతు ధరతోనే ఈ ఉత్పత్తులను సేకరించాలని నిర్ణయించారు. అంతే కాకుండా  అనుబంధ శాఖలతో సమావేశం నిర్వహించి 80 వేల మెట్రిక్ టన్నుల ధాన్యం సేకరించాలని లక్ష్యంగా నిర్ణయించుకున్నారు.
  
  డీఆర్‌డీఏ ఆధ్వర్యంలోని మహిళా సంఘాల ద్వారా 14 కొనుగోలు కేంద్రాలు, డీసీసీబీ ఆధ్వర్యంలోని సహకార సంఘాల ద్వారా 46 కేంద్రాలు ఏర్పాటు చేసి, మొత్తం 60 కేంద్రాల ద్వారా ధాన్యం కొనుగోలు చేద్దామనుకున్నారు. ప్రస్తుత ఖరీఫ్‌లో 2.53 లక్షల మెట్రిక్ టన్నుల ధాన్యం దిగుబడి అవుతుందని ప్రభుత్వ యంత్రాంగం అంచనా వేసింది. అయితే అధికారుల అంచనాలను హుదూద్ తలకిందులు చేసింది. అసలే ఖరీఫ్ ఆలస్యం కావడం మరో పక్క  వరి పంట తుపానుతో దెబ్బ తినడం వంటి పరిణామాలతో దిగుబడి బాగా తగ్గిపోయే ప్రమాదం కనిపిస్తోంది. దీంతో ఈ ఏడాది  దిగుబడి రెండు లక్షల మెట్రిక్ టన్నులయినా వచ్చే పరిస్థితి కనిపించడం లేదని వ్యవసాయ, పౌరసరఫరాల శాఖ అధికారుల అంచనా. గత ఏడాది ధాన్యం దిగుబడి 3.24 లక్షల మెట్రిక్ టన్నులుగా అంచనా వేసి,  ఇందులో స్థానిక అవసరాలకు గాను 30 శాతం మినహాయించి 1.81 లక్షల టన్నుల  లెవీ సేకరణను పౌరసరఫరాల శాఖ అధికారులు లక్ష్యంగా నిర్ణయించుకున్నారు.
  
  కానీ 1.46 లక్షల మెట్రిక్ టన్నులు మాత్రమే లెవీ సేకరణ చేశారు. ఈ ఏడాది తుపాను, మారిన విధానం కారణంగా లెవీ సేకరణలో ఇబ్బందులు తప్పవని యంత్రాంగం భయపడుతోంది. కొత్త నిబంధనల ప్రకారం మిల్లర్లు తాము సేకరించిన ఉత్పత్తుల్లో 25 శాతం మాత్రమే ప్రభుత్వానికి ఇస్తారు. దీంతో ప్రజాపంపిణీకి బియ్యం సరిపడని ప్రమాదముంది. సాధారణంగా దిగుబడి బాగా ఉన్నప్పుడే ధాన్యం సరిపడని పరిస్థితి నెలకొంటే ఇప్పుడీ తుపాను దెబ్బకు మరింత దిగుబడి తగ్గిపోయి తీవ్ర ఇబ్బందులు పడే పరిస్థితి నెలకొందని అంటున్నారు. అంతే కాకుండా తుపాను సాయం కింద ఇప్పటికే ఉన్న లెవీ బియ్యాన్ని ఉచితంగా సరఫరా చేయడంతో మరింత లోటు ఏర్పడింది. అంతే కాకుండా మిల్లర్లతో పోటీ ఉండనే ఉంది. పౌరసరఫరాల శాఖ ఆధ్వర్యంలోని ప్రజాపంపిణీకి ఇబ్బందులు లేకుండా ఉండాలంటే మిల్లర్ల పోటీని తట్టుకోవాల్సి ఉంది. బహిరంగ మార్కెట్లో ధాన్యం కొనుగోలులో పౌరసరఫరాల శాఖతో మిల్లర్లు పోటీ పడి ధాన్యం దొరక్కుండా చేసే ప్రమాదం ఉంది.
  
  ఈ ఏడాది లెవీ సేకరణ కష్టమే
  జిల్లాలో ఈ ఏడాది 2.53 లక్షల మెట్రిక్ టన్నుల ధాన్యం దిగుబడి అవుతుందని మొదట అంచనా వేసినా, తుపాను గాలులకు వరి దుబ్బులు, వెన్నెలు దెబ్బతిన్నాయి. దీంతో ధాన్యం దిగుబడి గణనీయంగా తగ్గే పరిస్థితులున్నాయి. తద్వారా లెవీ సేకరణ కూడా తగ్గనుంది.
   -  భాస్కర శర్మ, అసిస్టెంట్ మేనేజర్(టెక్నికల్),
  పౌరసరఫరాల శాఖ కార్యాలయం, విజయనగరం
  


  నీలగిరి : జిల్లాలో ప్రజాపంపిణీ వ్యవస్థ పూర్తిగా గాడి తప్పిందనే ఆరోపణలు వినవస్తున్నాయి. డీలర్లు కాకుండా రేషన్‌దుకాణాలపై బినామీలు పెత్తనం చెలాయిస్తున్నారు. ఇదేంటని ప్రశ్నించేవారు లేకపోవడంతో వారే  ఇష్టారాజ్యంగా వ్యవహరిస్తున్నారు. బినామీలుగా చెలామణి కావడమేగాక డీలర్ల సంఘానికి నాయకత్వం వహిస్తున్నా,  జిల్లా పౌరసరఫరాశాఖ అధికారులు నోరు మెదపడం లేదు. దీంతో గ్రామస్థాయిలో ప్రజాపంపిణీ వ్యవస్థపై అజమాయిషీ లేకుండా పోయింది. ఏడాది కాలం తర్వాత శనివారం  కలెక్టరేట్ కార్యాలయంలో కలెక్టర్ టి.చిరంజీవులు అధ్యక్షతన జరిగిన జిల్లా ఆహార సలహాసంఘం సమావేశంలో పలువురు సభ్యులు గగ్గోలు పెట్టారు. ప్రజాపంపిణీ వ్యవస్థ, రేషన్‌కార్డులు, ఆధార్ సీడింగ్, ఐకేపీ, ఆహార పదార్థాల్లో కల్తీ వ్యవహారం, గ్యాస్ ఏజెన్సీల నిర్వాహణపై చర్చించారు. ప్రధానంగా రేషన్ డీలర్ల పనితీరుపై సభ్యులు మండిపడ్డారు. దుకాణాలు తెరవడంతో డీలర్లు సమయపాలన పాటించడం లేదన్నారు. ఆలేరులో ఓ డీలరు ఒకే ఇంట్లో రెండు దుకాణాలు నడుపుతున్నాడని ఎమ్మెల్యే గొంగడి సునీత ఫిర్యాదు చేశారు. భువనగిరి డివిజన్ పరిధిలో   35 దుకాణాలు బినామీ చేతుల్లో నడుస్తున్నాయని మరో సభ్యుడు అహ్మద్ అలీ కలెక్టర్‌కు ఫిర్యాదు చేశారు.
  
  భార్య డీలర్‌గా ఉన్న ప్రతిచోట భర్త  పెత్తనం ఎక్కువగా ఉందని, దీనికి సంబంధించిన పూర్తి ఆధారాలు తన వద్ద ఉన్నాయన్నారు. భువనగిరి పట్టణంలో ఐదుగురు రేషన్‌డీలర్లు బినామీలుగా పనిచేస్తున్నా పట్టించుకోవడం లేదన్నారు. యాదగిరిగుట్ట మండలం మోటకొండూరు రేషన్‌డీలర్ అయితే విదేశాల్లో ఉంటూ ఇక్కడి వ్యవహారాలు చక్కపెడుతున్నారు. ఈ విషయమై సివిల్ సప్లై అధికారులకు అనేకమార్లు ఫిర్యాదు చేసినా ఫలితం లేదన్నారు. భువనగిరి డివిజన్ ఏఎస్‌ఓ డిప్యుటేషన్ మీద హైదరాబాద్ కే పరిమితమయ్యారని...స్థానికంగా జరుగుతున్న అక్రమాల వైపు కనీసం కన్నెత్తికూడా చూడడం లేదని తెలిపారు. వీరిపై చర్య తీసుకోవాల్సిన  తహసీల్దార్లు డీలర్లకు కొమ్ముకాస్తున్నారని, ఆర్డీఓకు ఏ మాత్రం సహకరించడం లేదని కలెక్టర్‌కు వివరించారు.
  
  బియ్యం పంపిణీలో అక్రమాలు...
  సంస్థాన్‌నారాయణపురం  మండలంలో అంత్యోదయ కింద మృతిచెందిన కుటుంబాల పేరు మీద డీలర్లు బియ్యం పంపిణీ చేస్తున్నారని జెడ్పీటీసీ మాజీ సభ్యుడు రసూల్ తెలిపారు. దీనిపై కొద్ది మాసాల క్రితం అధికారులు విచారణ కూడా నిర్వహించి, ఎలాంటి చర్యలు తీసుకోకుండా పక్కన పడేశారని చెప్పారు. పాలలో యూరియా, సోయాబీన్ పిండి కలిపి కల్తీ చేస్తున్నారని సభ్యులు ఆరోపించారు. అయితే దీనిపై స్పందించిన ఫుడ్ ఇన్‌స్పెక్టర్ పాలల్లో ఎలాంటి కల్తీ జరగడం లేదని చెప్పారు.
  
  రేషన్‌కార్డులు రద్దుకావు  
  ఆధార్ సీడింగ్ నమోదు చేసుకోని రేషన్‌కార్డుదారులను తొలగిస్తారని వార్తలు వస్తున్నాయని సీపీఎం జిల్లా కార్యదర్శి నంద్యాల నర్సింహారెడ్డి ప్రశ్నించారు. దీనిపై కలెక్టర్ స్పందిస్తూ నిజమైన లబ్ధిదారులను తొలగించబోమని చెప్పారు. ఈ నెల 15వ తేదీలోగా లబ్ధిదారులు ఆధార్ సీడింగ్ నమోదు చే యించుకోవాలని తెలిపారు. లేకపోతే అలాంటి వారిపై పూర్తిస్థాయి విచారణ జరిపిన అనంతరం వాటిని తొలగిస్తామని చెప్పారు.
  
  మండల, గ్రామస్థాయి కమిటీలు ఏర్పాటు
  ప్రత్యేక అధికారుల పాలనలో సమావేశాలు నిర్వహించకుండా నిలిచిపోయిన ఆహార సలహా సంఘం కమిటీలను తిరిగి ఏర్పాటు చేస్తామని కలెక్టర్ వెల్లడించారు. ఈ కమిటీలకు డివిజన్‌స్థాయిలో ఆర్డీఓ చైర్మన్‌గా, గ్రామ కమిటీలకు సర్పంచ్, మండల కమిటీలకు కోచైర్మన్లుగా ఎంపీపీలు, జెడ్పీటీసీ సభ్యులు వ్యవహరిస్తారు. గ్రామ సలహాసంఘం కమిటీ సమావేశం నెలకోసారి, మండలస్థాయి కమిటీ సమావేశాలు రెండు మాసాలకోసారి నిర్వహిస్తారని కలెక్టర్ పేర్కొన్నారు. ఈ సమావేశంలో సభ్యులు లేవనెత్తిన ప్రశ్నలు, ఫిర్యాదులపై వచ్చే సమావేశం నాటికి చర్యలు చేపట్టాలని సివిల్ సప్లయ్ అధికారులను ఆదేశించారు. ఈ సమావేశంలో జాయింట్ కలెక్టర్ ప్రీతిమీనా, తుంగతుర్తి ఎమ్మెల్యే గాదరి కిషోర్, సలహా సంఘం కమిటీ సభ్యులు, డీఎస్ నాగేశ్వర్‌రావు, ఏఎస్‌ఓ వెంకటేశ్వర్లు, ఇతర అధికారులు పాల్గొన్నారు.
  


 పౌరసరఫరాల శాఖలోని 24 మంది సిబ్బంది ప్రతినెలా రేషన్ దుకాణాలు, పెట్రోల్ బంకులు, కి రోసిన్ డీలర్లపై తనిఖీలు చేయాల్సి ఉంటుంది. వీరు నెలలో ఒక్కొక్కరు కనీసం పది  తనిఖీలు చేయాలని లక్ష్యంగా నిర్ణయించారు. ఈ లెక్కన మొత్తం 24 మంది సిబ్బంది నెలకు కనీసం 240 తనిఖీలు చేయాలి. ఆ మేరకు కేసులు నమోదు చేయాలి. కానీ ఈ ఏడాది ఇప్పటికే 8 మాసాలు గడిచిపోయాయి. ఈ ఎనిమిది మాసాల్లో 1920 తనిఖీలు చేయాల్సి ఉండగా ఇప్పటి వరకు కేవలం 150 కేసులు మాత్రమే 6 ‘ఏ’ కింద నమోదు చేశారు.
  
 నీలగిరి :మార్కెట్‌లో నిత్యావసర వస్తువుల ధరలు మండిపోతున్నాయి. సన్న బియ్యం ధరలు ఎగబాకి సామాన్యుడిని ఉక్కిరిబిక్కిరి చేస్తున్నాయి. అయినా జిల్లా పౌరసరఫరాలశాఖ మాత్రం ఇవేమీ పట్టించుకోకుండా మొద్దునిద్ర పోతోందన్న విమర్శలు వినవస్తున్నాయి. గతేడాది జిల్లాలో పంటలసాగు విస్తీర్ణం గణనీయంగా పెరిగినా మార్కెట్లో బియ్యం, ఇతర వ స్తువుల ధరలు అదుపులో లేవు. కొందరు వ్యాపారులు, రైస్‌మిల్లర్లు  నిత్యావసర వస్తువులు, బియ్యాన్ని అక్రమంగా నిల్వ చేసి మార్కెట్‌ను శాసిస్తున్నారు. ధరల పెరుగుదలపై నియంత్రణ లేకపోవడంతో వ్యాపారులు, మిల్లర్లు ఇష్టారాజ్యంగా వ్యవహరిస్తున్నారు. నిత్యావసరాలను అక్రమంగా నిల్వ చేసిన వారిపై కఠినంగా వ్యవహరిస్తూ ప్రజల అవసరాలకు అనుగుణంగా ఉండేలా అధికారులు చర్యలు తీసుకోవాలి.
  
 కానీ జిల్లా యంత్రాంగం ఈ విషయాన్ని పట్టించుకోవడం లేదు. అక్రమ నిల్వలు, రేషన్ బియ్యం విషయంలో పౌరసరఫరాల శాఖ, విజిలెన్స్ ఎన్‌ఫోర్స్‌మెంట్ అధికారులు వ్యాపారులకు కొమ్ముకాస్తున్నట్లు ఆరోపణలున్నాయి. ధరలు పెరిగినప్పుడు తనిఖీలు ఎక్కువ చేయాల్సి ఉండగా అధికారులు వాటివైపు కనీసం కన్నెత్తి కూడా చూడడం లేదు. గతేడాది తనిఖీలతో పోల్చితే ఈ ఏడాది అధికారుల దూకుడు తగ్గినట్లుగా కనిపిస్తోంది. ఇదే సమయంలో గత ఐదారుమాసాల నుంచి నిత్యావసర వస్తువుల ధరలు, సన్న బియ్యం ధరలు మార్కెట్లో అమాంతంగా పెరిగాయి.
 
 ప్రజాపంపిణీ వ్యవస్థ గాడితప్పకుండా చూడడం...ఆహార సలహా సంఘం కమిటీ (ఎఫ్‌ఏసీ) సమావేశం నిర్వహించి నిత్యావసర వస్తువుల ధరల నియంత్రణకు చర్యలు తీసుకోవాల్సి ఉండగా...దీనిపై జిల్లా అధికారులు నిర్లక్ష్యంగా వ్యవహరిస్తున్నారు. ప్రతి మూడు నెలలకోసారి ఎఫ్‌ఏసీ సమావేశం జరగాల్సి ఉంది. గతేడాది ఆగస్టులో ఎఫ్‌ఏసీ సమావేశం జరిగింది. సమావేశం జరిగి 13 నెలలు దాటినా అధికారులు ఈ విషయాన్ని పట్టించుకోవడం మానేశారు.


  ప్రగతినగర్ : నిజామాబాద్ నగరంలో రేషన్‌దుకాణాల బైఫరికేషన్(విభజన) జరిగేనా ? అన్న అనుమానాలు మొదలయ్యాయి. ప్రస్తుతం ఒక్కో రేషన్ దుకాణాల్లో సుమారు నాలుగు వేల నుంచి ఐదు వేల వరకు తెల్లకార్డులు ఉన్నాయి. పేదల బియ్యం పక్కదారి పడుతున్నట్లు ఆరోపణలు వెల్లువెత్తుతున్న నేపథ్యంలో ప్రభుత్వ ఆదేశాల మేరకు  గత జేసీ వెంకటేశ్వరరావు బైఫరికేషన్‌కు ఆదేశాలు జారీ చేశారు.
 
 అయితే రేషన్ డీలర్ల సంఘం నేతల ఒత్తడితో ఎలాంటి ముందడుగు పడలేదు. కాగా శనివారం  పౌరసరఫరాల శాఖ కమిషనర్ పార్థ సారథి జిల్లాలో అధికారులతో సమీక్ష నిర్వహిస్తున్నారు. ఈ నేపథ్యంలోనైనా రేషన్ దుకాణాల బైఫరికేషన్ సమస్య తేలిపోతుందని చిన్న డీలర్లు ఆశాభావంతో ఉన్నారు.  దీంతోపాటు జిల్లాలో ఆధార్ సీడింగ్‌లో అవకతవకలు, బోగస్ కార్డులు, ఇటీవలే జిల్లాలో రూపాయి బియ్యన్ని రీసైక్లింగ్‌కు పంపిస్తూ బ్లాక్ మార్కెట్‌కు తరలిస్తూ పట్టుబడ్డ రేషన్ డీలర్ల అంశం చర్చకు వచ్చే అవకాశం ఉంది.
 
 అసలు ఈ రేషన్ దుకాణాల బైఫరికేషన్ 2008 సంవత్సరంలోనే నిర్వహించాల్సి ఉంది. అయితే అప్పట్లో జిల్లాకు చెందిన కాంగ్రెస్ బడానేతను రేషన్ డీలర్లు ఆశ్రయించగా షాపుల విభజనను అడ్డుకున్నట్లు ప్రచారం జరిగింది. తిరిగి 2011 సంవత్సరంలో నగరంలోని రేషన్ షాపులను బైఫరికేషన్ చేయాలని అప్పటి జేసీ నీతూ ప్రసాద్ అధికారులను ఆదేశించారు. ఆమె ఆదేశాలు సైతం ధిక్కరించి అధికారులు రేషన్ డీలర్ల సంఘంతో కుమ్మకై బైఫరికేషన్‌కు సవాలక్ష సమస్యలు ఉన్నాయని తప్పుదోవ పట్టించారు.
 
 తాజాగా ఇటీవల నగరంలోని రేషన్ దుకాణాలను బైఫరికేషన్ చేయాలని బదిలీపై వెళ్లిన జేసీ వెంకటేశ్వర్‌రావు ఆదేశాలు జారీ చేశారు. బైఫరికేషన్ చేస్తే ఎక్కడ తమ  ఆదాయం తగ్గిపోతుందోనని భావించిన డీలర్ల సంఘం నేతలు వీలైనంత మేరకు బైఫరికేషన్‌ను కానివ్వకుండా అడ్డుతగులుతున్నారు. ప్రస్తుతం రేషన్ డీలర్ల సంఘంలో  ప్రధానపాత్ర పోషిస్తున్న కొంద రు నాయకులకు నెలకు మూడు నుంచి నాలుగు లక్షల రూపాయల ఆదాయం  రేషన్ దుకాణాల ద్వారా వస్తున్నట్లు తెలిసింది. సంఘంలో ఉన్న ప్రధాన డీలర్లకు ఒక్కొక్కరి షాపులో 4 వేల నుంచి 5 వేల వరకు కార్డులు ఉన్నాయి.
 
 వీటి ద్వారా రూపాయి బియాన్ని పక్కదారి పట్టించి ప్రతినెల  లక్షల రుపాయల నిరుపేదల నోటికాడి కూడును కాజేస్తున్నారు. అయితే  రేషన్ షాపుల బైఫరికేషన్ జరిగితే  వీరి ఆదాయానికి ఎక్కడ చెక్ పడుతుందోనని బెంబేలెత్తుతున్నారు. దీని కోసం వీరు ఇటీవలె రైల్వేస్టేషన్ వద్ద గల ఓ ప్రైవేట్ హోటల్‌లో సమావేశమైనట్లు సమాచారం. షాపుల బైఫరికేషన్‌కు అడ్డుతగలాలని లేనిఎడల తమ ఆదాయానికి గండి పడుతుందని సమావేశంలో మాట్లాడుకున్నట్లు తెలిసింది. దీని కోసం ఎక్కువ కార్డులు ఉన్న వారి దగ్గర డబ్బులు వసూలు చేసి బైఫరికేషన్ నోటిఫికేషన్ నిలుపుదలకు పెద్ద ఎత్తున పన్నాగం పన్నినట్లు సమాచారం అందుతోంది.
 
 బైఫరికేషన్ నిలుపుదలకు సంబంధిత అధికారి వద్ద బేరసారాలు కూడా నడిచాయని అంటున్నారు. ఇదిలా ఉండగా తెలంగాణ ప్రభుత్వం ఏర్పాటు తర్వాత పట్టణాల్లో ఒక్కో రేషన్ షాపుల్లో 650 నుండి 700 కార్డులు, గ్రామాల్లో నైతే 400 నుండి 500 కార్డులు మాత్రమే ఉండాలని స్పష్టమైనా ఆదేశాలు జారీ చేసింది. అయితే గత నెలలోనే ఇదంతా జరిగింది. ఎన్నికలు ముగిసిన వెంటనే నగరంలోని రేషన్ షాపుల బైఫరికేషన్‌కు ఆదేశాలు  ఇచ్చింది. నగరంలో ప్రస్తుతం ఉన్నా 87 షాపులకు తోడు మరో 29 కొత్త రేషన్‌దుకాణాలకు నోటిపికేషన్ విడుదల చేయాలని ఉత్తర్వులు కూడా అందాయి.
 
 అంతే అంతలోనే తిరిగి సంబంధిత అధికారిపై డీలర్ల సంఘం నాయకులు రాజకీయ ఒత్తిళ్లు పెంచారు. అధికార పార్టికి చెందిన మంత్రి, ఓ  ఎమ్మెల్సీలు  కలిసి బైఫరికేషన్‌ను నిలిపివేయాలని సంబంధిత అధికారికి సూచించినట్లు తెలిసింది. కాగా సీఎం కేసీఆర్ జిల్లా పర్యటనకు వచ్చిన సందర్భంలో ముఖ్యమైన నేతలు, అధికారులకు రేషన్ డీలర్లే భోజన ఖర్చులు చూసుకున్నట్లు ప్రచారం కూడా ఉంది. అవినీతి రహిత సమాజం నిర్మిస్తామని గూలాబీ దళపతి ఓ దిక్కు గొంతు పోయేలా అరుస్తుంటే కిందిస్తాయి శ్రేణులు మాత్రం అవినీతిపరులతో చేతులు కలిపుతున్నారని అపుడే ఆరోపణలు మొదలయ్యాయి.


 సాక్షి, రాజమండ్రి : ‘అయిదేళ్ల క్రితం పండుగ దగ్గరకు వచ్చిందంటే రేషన్ దుకాణాల్లో కోటా పెంచే వారు. గోధుమలు, కందిపప్పు మరో కిలో అదనంగా వచ్చేవి. పంచదార రెండు కిలోలు ఇచ్చిన రోజులూ ఉన్నాయి. ఇప్పుడు   పండుగ వచ్చినా.. మామూలుగా ఇచ్చే సరుకులే లేవు పొమ్మంటున్నారు’ జిల్లాలో తెల్లరేషన్‌కార్డుదారులైన పేదల గోడు ఇది. దాదాపు గత నెలంతా ముస్లింలకు పవిత్రమైన రంజాన్ మాసం. ఇప్పుడు శ్రావణ మాసం రావడంతో హిందువులకు పండుగల కాలం ప్రారంభమైంది. ఇక ఒకదాని వెనుక ఒకటిగా పండుగలు వస్తూనే ఉంటాయి. ఏ పండుగ వచ్చినా నూనె, పప్పుల అవసరం ఎక్కువ అవుతుంది. అయితే..‘కొసరుకు ఆశపడే వేళ అసలుకే ఎసరు పెట్టిన’ చందంగా పండుగ వేళల్లోనే పేద జనానికి.. మామూలు రోజుల్లో ఇచ్చే వెచ్చాలు కూడా లేకుండా చేస్తోంది ప్రస్తుత ప్రభుత్వం.
  
  ఇప్పటికే ‘అమ్మ హస్తం’ సరుకుల జాబితాలో పామాయిల్, చింతపండు, పసుపు, కారం పంపిణీకి మంగళం పాడిన ప్రభుత్వం కందిపప్పు, గోధుమల పంపిణీకి కూడా ఎగనామం పెడుతోంది.జిల్లాలో సుమారు 12.50 లక్షల తెల్ల రేషన్ కార్డులున్నాయి. జూన్, జూలై నెలల్లో అన్ని చౌక దుకాణాల్లో కందిపప్పు పంపిణీ చేయలేక పోయారు. 20 శాతం దుకాణాలకు మాత్రమే అందాయని డీలర్లు అంటున్నారు. గత ఏప్రిల్ నుంచి పామాయిల్ పూర్తిగా నిలుపు చేశారు. జూన్, జూలై నెలల్లో బియ్యం, పంచదార మాత్రమే ఇచ్చారు. ఉప్పు ప్యాకెట్ల పంపిణీ కూడా సక్రమంగా జరగడంలేదు. ఆగస్టులో కూడా ఇదే తీరు కొనసాగే అవకాశాలు కనిపిస్తున్నాయి.
  
  కందిపప్పు కోసం డీడీ తీసినా దండగే..
  తెల్లరేషన్ కార్డులకు కిలో కందిపప్పు ప్యాకెట్ రూ.50కి అందిస్తున్నారు. మార్కెట్‌లో కిలో కందిపప్పు రూ.75 నుంచి రూ.80 వరకూ పలుకుతోంది. హెచ్చుధరకు కొని పేదలకు రూ.50కి అందించడం ఆర్థిక భారమన్న భావనతో ఆగస్టులో కూడా కందిపప్పు కొనాలా వద్దా అనే మీమాంసలో పౌరసరఫరాల అధికారులు ఉన్నారు. రేషన్ డీలర్లు కావల్సిన రాబోయే నెలకు అవసరమైన సరుకుల నిమిత్తం ముందుగా డీడీలు తీసి పౌరసరఫరాల శాఖ అధికారులకు అందజేస్తారు. ఆ ప్రకారం వాళ్లకు సరుకుల పంపిణీ జరుగుతుంది. గత రెండు నెలల అనుభవాన్ని దృష్టిలో ఉంచుకుని కందిపప్పు కోసం డీడీలు తీయాలా వద్దా అని డీలర్లు సంశయిస్తున్నారు. అధికారులు కూడా సరుకు వస్తుందంటేనే కందిపప్పుకు డబ్బు కట్టండని లోపాయకారీగా సలహా ఇస్తున్నారని, దీంతో వృథాగా కట్టడమెందుకని డీలర్లు కూడా కట్టడం లేదని తెలుస్తోంది. ‘మేం ముందుగా డబ్బు కడితే కానీ సరుకులు ఇవ్వరు. రాని సరుకులకు డబ్బులు చెల్లించి, కష్టాలు కొనితెచ్చుకునేందుకు మేమూ సిద్ధంగాలేము’ అని ఓ డీలరు ‘సాక్షి’ వద్ద వ్యాఖ్యానించారు. రేషన్ సరుకుల పంపిణీలో నెలకొన్న అనిశ్చితికి ఆ మాటలే సాక్ష్యం.
  
  


 
 మంత్రి దినేశ్ గుండూరావు
 
 సాక్షి ప్రతినిధి, బెంగళూరు :  రాష్ట్రంలో ప్రజా పంపిణీ వ్యవస్థలో జరుగుతున్న అవకతవకలను అరికట్టడానికి సహకార సంఘాల ద్వారా నిత్యావసర సరుకులను పంపిణీ చేయాలని నిర్ణయించినట్లు ఆహార, పౌర సరఫరాల శాఖ మంత్రి దినేశ్ గుండూరావు తెలిపారు. తన శాఖ డిమాండ్లపై గ్రాంట్లకు జరిగిన చర్చకు గురువారం ఆయన సమాధానమిచ్చారు.
 
 రేషన్ షాపులు వంశ పారంపర్యంగా కొందరికే పరిమితమవుతున్నాయని, దీని వల్ల ఫిర్యాదులు కూడా ఎక్కువవుతున్నాయని వెల్లడించారు. ఇకమీదట వ్యవసాయ పరపతి సహకార సంఘాలు, గ్రామ పంచాయతీలకు రేషన్ షాపులను మంజూరు చేయాలని నిర్ణయించినట్లు చెప్పారు. బాగా పని చేస్తున్న స్వయం సహాయక సంఘాలకు కూడా షాపులను కేటాయిస్తామని తెలిపారు. ప్రైవేట్ వ్యక్తుల చేతిలో ఉన్న షాపులను కాలక్రమేణా రద్దు చేస్తూ పోతామని చెప్పారు.
 
 ప్రజా పంపిణీ వ్యవస్థ సహకార సంఘాల చేతుల్లోకి వెళ్లాలనేది ప్రభుత్వ ఆశయమని తెలిపారు. కాగా రాష్ర్టంలో కొత్తగా వెయ్యి రేషన్ షాపులను ప్రారంభించనున్నట్లు వెల్లడించారు. వీటిని మంజూరు చేసేటప్పుడు వ్యవసాయ పరపతి సహకార సంఘాలకు ప్రాధాన్యతనిస్తామన్నారు. గ్రామాల్లో గ్రామీణాభివృద్ధి శాఖ సహకారంతో జాతీయ గ్రామీణ ఉపాధి హామీ పథకం కింద రేషన్ షాపులకు భవనాలను నిర్మించనున్నట్లు వెల్లడించారు.
  
 లెవీకి స్వస్తి
 
 రాష్ట్రంలో ఇకమీదట రైస్ మిల్లర్ల నుంచి లెవీ బియ్యాన్ని సేకరించే పద్ధతికి స్వస్తి పలకనున్నట్లు మంత్రి తెలిపారు. దీనికి బదులు రైతుల నుంచే నేరుగా ధాన్యం కొనుగోలు చేయాలని నిర్ణయించినట్లు చెప్పారు. ఈ ధాన్యాన్ని ఆహార, పౌర సరఫరాల శాఖ బియ్యం ఆడించి రూపాయి కిలో బియ్యం పథకం ‘అన్న భాగ్య’కు తరలిస్తామని తెలిపారు.


 ఘట్‌కేసర్ టౌన్: చౌక ధరల దుకాణాల ద్వారా రాయితీ ధరల్లో విక్రయించే పామాయిల్ నాలుగు నెలలుగా సరఫరా కావడం లేదు. ఏప్రిల్‌లో జరిగిన స్థానిక సంస్థల, సార్వత్రిక ఎన్నికల కోడ్ నేపథ్యంలో రేషన్ దుకాణాలకు పామాయిల్ సరఫ రా నిలిచిపోయింది. ఎన్నికలు ముగిసి నాలుగు నెలలైనా  పామాయిల్ సరఫరా కాక లబ్ధిదారులు ఆందోళన చెందుతున్నారు. బహిరంగ మార్కెట్‌లో  అధిక ధరలను వెచ్చించి  కొనుగోలు చేస్తున్నా రు. దీంతో జిల్లావ్యాప్తంగా 10.85 లక్షల లబ్ధిదారులపై ఆర్థికభారం పడుతోంది.
 
  నిర్ణయం తీసుకునేవారేరీ...
  రేషన్ దుకాణాలకు సరఫరా చేయాల్సిన పామాయిల్  మలేసియా నుంచి దిగుమతి అవుతోంది. రాష్ట్ర వ్యాప్తంగా రేషన్ దుకాణాలకు కావలసిన పామాయిల్‌ను టెండర్ల ద్వారా కాంట్రాక్టుకు ఇచ్చేవారని తెలుస్తోంది. నూతన ప్రభుత్వం ఏర్పడక ముందు గవర్నర్ పాలన ఉండడం వల్ల టెండర్ల ప్రక్రియను చేపట్టకపోవడంతో పామాయిల్ కొరత ఏర్పడింది. దీంతో రాష్ట్ర సర్కారు వద్ద పామాయిల్ నిల్వలు లేనందున రేషన్ దుకాణాలకు సరఫరా చేయలేకపోతోంది.
 
 కేంద్రంతో రాష్ట్ర ప్రభుత్వం చర్చించి పామాయిల్‌పై నిర్ణయం తీసుకునేంతవరకు పామాయిల్ వచ్చే అవకాశమే లేదని తెలుస్తోంది. రేషన్ దుకాణాల్లో రాయితీ ధరలో రూ. 40కు లభించే కిలో పామాయిల్ బహిరంగ మార్కెట్‌లో 65-70 రూపాయలకు అమ్ముతున్నారు. దీంతో పేదలపై నెలకు కోట్లాది రూపాయల భారం పడుతోంది. కాగ పామాయిల్ సరఫరాపై ఉన్నతాధికారుల నుంచి ఎటువంటి సమాచారం అందలేదని, అధికారుల ఆదేశానుసారమే రేషన్ దుకాణాలకు పామాయిల్‌ను సరఫరా చేస్తామని పౌరసరఫరాల సంస్థ జిల్లా మేనేజర్ ప్రభు తెలిపారు.


 అనంతపురం: అవినీతికి పాల్పడినవారిపై కఠిన చర్యలు తీసుకుంటామని పౌరసరఫరాల శాఖ మంత్రి పరిటాల సునీత హెచ్చరించారు. రేషన్ షాపుల్లో అవినీతికి పాల్పడితే సహించేదిలేదన్నారు.
 
 రుణాలు తీసుకున్న రైతులకు, డ్వాక్రా మహిళలకు నోటీసులు ఇవ్వద్దని బ్యాంకర్లను కోరినట్లు మంత్రి సునీత తెలిపారు. ప్రభుత్వం రుణాలు రద్దు చేస్తామని చెప్పి, ఇంతవరకు ఎటువంటి నిర్ణయం ప్రకటించకపోవడంతో బ్యాంకర్లు రుణం తీసుకున్నవారికి నోటీసులు జారీ చేస్తున్న విషయం తెలిసిందే.


 సాక్షి ప్రతినిధి, బెంగళూరు : డిమాండ్ల సాధన కోసం రాష్ట్రంలోని 40 వేల మంది రేషన్ షాపుల డీలర్లు శుక్రవారం నుంచి సమ్మెకు దిగారు. దీంతో రాష్ర్ట వ్యాప్తంగా చౌక దుకాణాల్లో నిత్యావసర సరుకుల పంపిణీ నిలిచిపోయింది. రాష్ర్టంలో 23 వేల మంది చౌక ధాన్యాల డీలర్లు, 17 వేల మంది కిరోసిన్ డీలర్లు ఉన్నారు. ముఖ్యమంత్రి సిద్ధరామయ్య, ఆహార, పౌర సరఫరా శాఖ మంత్రి దినేశ్ గుండూరావులు తమను చర్చలకు ఆహ్వానించేంత వరకూ సమ్మె కొనసాగిస్తామని డీలర్ల సంఘం అధ్యక్షుడు కె.కృష్ణప్ప తెలిపారు.
 
 రేషన్ షాపుల పని వేళలను ఎనిమిది గంటలకు పరిమితం చేయాలని, పెట్రోలు బంకుల ద్వారా కిరోసిన్‌ను పంపిణీ చేయాలన్న నిర్ణయాన్ని ఉపసంహరించుకుని ప్రస్తుత విధానాన్నే కొనసాగించాలని, మహారాష్ట్ర తరహాలో కమీషన్‌ను చెల్లించాలని, హమాలీలకు కూలి పెంచాలని... తదితర డిమాండ్లతో డీలర్లు సమ్మె చేపట్టారు.
  


 
 రేషన్ దుకాణాలకు నిలిచిపోయిన పామోలిన్
 
  ఆరునెలలుగా ఇదే సమస్య
 
  సందిట్లో సడేమియలా ప్రైవేటు ఆయిల్ విక్రయిస్తున్న డీలర్లు
 
  పట్టింపేలేని పౌరసరఫరాలశాఖ
 
 సాక్షి,సిటీబ్యూరో:  తెల్లరేషన్‌కార్డుదారులకు ప్రభుత్వం సబ్సిడీపై తక్కువ ధరకు సరఫరా చేస్తున్న పామోలిన్ కొద్దినెలలుగా పత్తా లేకుండా పోయింది. కార్డుకు ఒక ప్యాకెట్ చొప్పున ఇస్తుండగా సరఫరా లేదన్న సాకుతో ప్రభుత్వం కొద్దిరోజులుగా పంపిణీ చేయడం లేదు. ఫలితంగా కార్డుదారులు బహిరంగమార్కెట్లో అధికధరలకు కొనుగోలు చేయాల్సిన దుస్థితి దాపురించింది.
 
 ఒక్కటికాదు..రెండుకాదు..ఆరునెలలుగా ఇదే పరిస్థితి ఉన్నా పౌరసరఫరాలశాఖ నిమ్మకు నీరెత్తినట్లు వ్యవహరిస్తోంది. గతంలో సీమాంధ్ర ఉద్యమ సెగతో పామోలిన్ సరఫరాకు అడ్డంకులు ఏర్పడగా తాజాగా నెల్లూరు,విశాఖ ప్రాంతాల నుంచి సరఫరా నత్తనడకగా సాసగుతోంది. సరఫరా లేదన్న సాకుతో రేషన్‌డీలర్లు సందిట్లో సడేమియాలా ప్రైవేటు కంపెనీ పామోలిన్ ప్యాకెట్లను విక్రయిస్తూ సొమ్ము చేసుకుంటున్నారు.
 
 గట్టిగా అడిగిన వారికి ప్రభుత్వం సరఫరా చేయకుంటే మేమేం చేయాలని..బదులిస్తుండగా, అడగని వారికి మాత్రం మెల్లగా అంటగడుతున్నారు. ప్రైవేటు బ్రాండ్ల పామోలిన్‌ను చౌకధర దుకాణాల ద్వారా విక్రయిస్తున్నా అధికారులు పట్టనట్లు వ్యవహరిస్తుండడంతో కార్డుదారులు తీవ్ర ఆగ్రహం వ్యక్తం చేస్తున్నారు.
  
 డీడీలు కట్టినా..: హైదరాబాద్-రంగారెడ్డి జిల్లా అర్బన్ పరిధిలో 12 పౌరసరఫరాల సర్కిళ్లు ఉన్నాయి. వీటిల్లో సుమారు 15 లక్షలపైచిలుకు వరకు తెల్లరేషన్ కార్డుదారులున్నారు. వీరికోసం ప్రతినెలా కనీసం 15 లక్షల లీటర్ల వరకు పామోలిన్ సరఫరా చేయాల్సి ఉంది. కానీ, ఆరునెలలు నుంచి కనీసం 30శాతం కూడా పామోలిన్ సరఫరా జరగడం లేదు. అనేకమార్లు డీలర్లు ఆయిల్ కోసం డీడీలు కట్టినా పెండింగ్‌లో పడిపోయాయి. దీంతో ఈ మధ్యకాలంలో పామోలిన్ కోసం డీడీలు కట్టడం మానేశారు. దీని రవాణా చాలా ఆలస్యంగా జరుగుతుండడంతో పౌరసరఫరా అధికారులు కూడా డీలర్లపై డీడీల కోసం ఒత్తిడి తేవడం తగ్గించారు.  
  
 భగ్గుమంటున్న ధరలు : ప్రస్తుతం బహిరంగమార్కెట్‌లో వంటనూనె ధరలు భగ్గుమంటున్నాయి. కనీసం లీటర్ ధర రూ.85 నుంచి రూ.100కు తగ్గకుండా విక్రయిస్తున్నారు. ఇంకా కొన్ని బ్రాండ్ల ధరలు ఎక్కువే ఉన్నాయి. అంతర్జాతీయ మార్కెట్‌లో పామోలిన్ ధరకు రెక్కలు రావడంతో మార్కెట్లో ఆయా కంపెనీలు రూ.58 నుంచి 65 వరకు అమ్ముతున్నారు.
 
 కొన్ని కంపెనీలు గిమ్మిక్కులు చేసి ప్యాకెట్ తూకం తగ్గించి ఎక్కువ ధరకు విక్రయిస్తున్నారు. చౌకధర దుకాణాల ద్వారా లీటరు రూ.40కే లభిస్తుండగా..బహిరంగమార్కెట్‌లో దీని ధరలు మండిపోతుండడంతో కార్డుదారులు పా మోలిన్ కోసం రేషన్ దుకాణాల చుట్టూ తిరుగుతున్నా రు. ఇప్పటికైనా ప్రభుత్వం స్పందించి పామోలిన్‌ను సరఫరా చేయాలని కార్డుదారులు కోరుతున్నారు.


 రాష్ట్రవ్యాప్తంగా విజిలెన్స్ ఎన్‌ఫోర్స్‌మెంట్ దాడులు
 మండల స్టాక్ పాయింట్లు, రేషన్ దుకాణాలు, గోదాముల్లో తనిఖీలు
 టీడీపీ నేత పయ్యావుల కేశవ్ గోదాముల్లో  రూ. 20.80 కోట్ల అక్రమ నిల్వలు గుర్తింపు
 మొత్తంగా పదిహేను రోజుల్లో రూ. 145 కోట్ల విలువైన సరుకులు స్వాధీనం.. 55 కేసులు నమోదు
 మరిన్ని దాడులు చేస్తామని విజిలెన్స్ ఎన్‌ఫోర్స్‌మెంట్  డీజీ ఆర్పీ ఠాకూర్ వెల్లడి
  
  రేషన్ దుకాణాల్లో పేదలకు అందజేయాల్సిన సరుకులను నల్లబజారుకు తరలిస్తున్న అక్రమార్కులపై విజిలెన్స్ ఎన్‌ఫోర్స్‌మెంట్ విభాగం కొరడా ఝుళిపించింది. గత కొద్ది రోజులుగా 20 జిల్లాల్లోని మండల స్థాయి స్టాక్ కేంద్రాలతో పాటు రేషన్‌షాపులు, గోదాములపై దాడులు జరిపింది. మొత్తంగా దాదాపు రూ. 145 కోట్ల విలువైన సరుకులను స్వాధీనం చేసుకుని... 55 కేసులు నమోదు చేసింది. ఇందులో టీడీపీ ఎమ్మెల్యే పయ్యావుల కేశవ్‌కు చెందిన గోదాముల్లో అక్రమంగా నిల్వ చేసిన దాదాపు రూ. 20 కోట్ల విలువైన ధాన్యం కూడా ఉండడం గమనార్హం. విజిలెన్స్ ఎన్‌ఫోర్స్‌మెంట్ డెరైక్టర్ జనరల్ ఆర్పీ ఠాకూర్ బుధవారం ఈ దాడులకు సంబంధించిన వివరాలను మీడియాకు వెల్లడించారు. కొంతకాలంగా రాష్ట్రంలోని  వివిధ రేషన్ షాపులలో నిత్యావసర సరుకులు సక్రమంగా అందడం లేదని.. వాటిని కాంట్రాక్టర్లు, రేషన్ డీలర్లు బ్లాక్ మార్కెట్‌కు తరలించి సొమ్ము చేసుకుంటున్నారని  విజిలెన్స్ ఎన్‌ఫోర్స్‌మెంట్ విభాగానికి పెద్ద సంఖ్యలో ఫిర్యాదులు వచ్చాయి. వాటిని ఆధారంగా చేసుకుని మూడో తేదీ నుంచి విజిలెన్స్ అధికారులు దాడులు ప్రారంభించారు. చిత్తూరు, మహబూబ్‌నగర్, వరంగల్, రంగారెడ్డి, కర్నూలు, నెల్లూరు, అనంతపురం, నల్లగొండ, హైదరాబాద్, పశ్చిమ గోదావరి, వైఎస్సార్ కడప, గుంటూరు, కరీంనగర్, ప్రకాశం, విజయనగరం, శ్రీకాకుళం, విశాఖపట్నం,  తూర్పు గోదావరి, కృష్ణా, మెదక్ జిల్లాల్లోని మండల స్థాయి స్టాక్ కేంద్రాలు, రేషన్ దుకాణాలతో పాటు వివిధ గోదాముల్లో తనిఖీలు నిర్వహించారు.
 
 బుధవారం కర్నూలు జిల్లా కోవెలకుంట్ల పట్టణ శివారులోని జమ్మలమడుగు, గుంజలపాడు రహదారుల్లోని పది గోదాముల్లో సుమారు రూ. 50 కోట్ల విలువ చేసే 1.78 లక్షల బస్తాల శనగపప్పును సీజ్ చేశారు. మొత్తంగా మూడో తేదీ నుంచి బుధవారం వరకు 138 గోదాములు, రేషన్ దుకాణాలపై దాడులను నిర్వహించగా... కాంట్రాక్టర్ల అక్రమాలు భారీ ఎత్తున వెలుగు చూశాయి. ముఖ్యంగా స్టాక్ కేంద్రాల నుంచి రేషన్ షాపులకు సరుకులు రవాణా చేసే దశలోనే వాటిని బ్లాక్ మార్కెట్‌కు తరలిస్తున్నట్లు వెల్లడైంది. అధికారులు ఈ దాడుల్లో 8,655.1 క్వింటాళ్ల ఎర్రపప్పు, 4,37,854 క్వింటాళ్ల శనగపప్పు, 1,60,680 క్వింటాళ్ల పెసరపప్పు, వేరుశనగ తదితర ధాన్యాలను స్వాధీనం చేసుకున్నారు. వీటి విలువ మార్కెట్ ధర ప్రకారం రూ. 145 కోట్లకు పైగా ఉంటుందని ఆర్పీ ఠాకూర్ తెలిపారు. ఈ సందర్భంగా అక్రమార్కులపై నిత్యావసర వస్తువుల చట్టంలోని 6(ఎ) కింద 55 కేసులు నమోదు చేశామని, ఈ దాడులు ఇంకా కొనసాగుతాయని ఆయన చెప్పారు.
  పేద రైతుల కడుపుకొడుతున్నారు..
 
  ఎమ్మెల్యే పయ్యూవుల కేశవ్ సోదరులు అక్రవుంగా దాచి పెట్టిన ధాన్యం నిల్వలపై ఉన్నతాధికారులు సవుగ్ర విచారణ చేపట్టాలని వైఎస్‌ఆర్‌సీపీ అనంతపురం జిల్లా స్టీరింగ్ కమిటీ సభ్యుడు తేజోనాథ్, కిసాన్ సెల్ కో-ఆర్డినేటర్ అశోక్ డివూండ్ చేశారు. గోదాములపై దాడుల అనంతరం వారు మీడియాతో మాట్లాడారు. ఎమ్మెల్యే సోదరులు ఎంతో వుంది రైతులను బెదిరించి వారి పాసు పుస్తకాలు లాక్కొని ధాన్యం నిల్వలపై బ్యాంకుల్లో రుణాలు తీసుకుంటున్నారని.. పేద రైతుల కడుపు కొడుతున్నారని వారు మండిపడ్డారు.
  


  రేషన్ షాపుల ద్వారా ప్రభుత్వం సరఫరా చేస్తున్న సబ్సిడీ బియ్యంలో భారీ తరుగు వస్తోంది. దీనికి పౌరసరఫరా అధికారులు, రేషన్ డీలర్లు పలు కారణాలు చెబుతూ.. తప్పు తమది కాదంటే తమదని తప్పించుకోజూస్తున్నా..
 తరుగు వల్ల అం తిమంగా నష్టపోతున్నది మాత్రం కార్డుదారులేనన్నది సుస్పష్టం. తెల్లకార్డుదారులకు సరఫరా చేస్తున్న సబ్సిడీ బియ్యం తూకంలో తేడాలుంటున్నాయన్న ఆరోపణలు ఎప్పటినుంచో ఉన్నాయి. కార్డుదారులు గగ్గోలు పెడుతున్నా.. ఈ లోపాన్ని సరిదిద్దడానికి ప్రభుత్వం చర్యలు తీసుకోవడం లేదు. ఆ తప్పు తమది కాదని డీలర్లు వాదిస్తున్నారు. తాము సరుకు విడిపించుకునే స్టాక్ పాయింట్‌లోనే ఈ విధంగా జరుగుతోందని అంటున్నారు.
 ప్రతి 50 కేజీల ప్యాకెట్‌లో కనీసం ఒకటిన్నర నుంచి రెండు కేజీల తరుగు వస్తోందని అంటున్నారు. అయితే ఈ విషయం అధికారులకు చెప్పుకోలేకపోతున్నామని అంటున్నారు. మండలస్థాయి స్టాక్ పాయింట్ నుంచి సరుకు విడిపించుకునేటప్పుడు అక్కడ ఉన్న కాటాలో తూయించే అవకాశం ఉన్నా.. అందుకు సాహసించలేకపోతున్నామని అంటున్నారు. అన్ని ప్యాకెట్లనూ తూయించే, జాగ్రత్తగా పరిశీలించే సానుకూల పరిస్థితీ ఉండటం లేదన్నది డీలర్ల వాదన. కొందరు మాత్రం ఏదైనా ప్యాకెట్ లీకేజీ కనపడితే కలాసీల ద్వారా పక్కన పెట్టించి, మంచి ప్యాకెట్లు తీసుకుంటున్నారు. దీంతో ఎంఎల్‌ఎస్ పాయింట్లలోనూ ఇటువంటివి భారీగానే నిల్వ ఉండిపోతున్నాయి.
 కాగా తరుగుతోనే ఎంఎల్‌ఎస్ పాయింట్‌కు బియ్యం ప్యాకెట్లు వస్తున్నాయని పాయింట్ల నిర్వాహకులు చెబుతున్నారు. ఇక్కడ లోడింగ్ అన్‌లోడింగ్ సమయాల్లో కొన్ని ప్యాకెట్లు చిరిగిపోయి, బియ్యం కారిపోతున్నాయని వివరిస్తున్నారు.
  
 కార్డుదారుల కోటాకే కన్నం
  ప్యాకెట్లలో తరుగులు, లీకేజీల కారణంగా ఎదురవుతున్న షార్టేజీని కార్డుదారుల కోటాకు కన్నం వేయడం ద్వారా డీలర్లు పూడ్చుకుంటున్నారు. కార్డుదారులకు రిటైల్‌గా బియ్యం అమ్ముతారు కనుక.. తూకంలో తగ్గించి లబ్ధిదారులకు అందజేస్తున్నారు. దాదాపు జిల్లా అంతటా ఇదే పరిస్థితి ఉంది. నరసన్నపేటలోని ఎంఎల్‌ఎస్ పాయింట్ నుంచి నరసన్నపేట మండలానికి నెలకు 2,579 క్వింటాళ్లు, పోలాకి మండలానికి 2,490 క్వింటాళ్ల బియ్యం కేటాయిస్తున్నారు. క్వింటాలుకు 2 నుంచి 3 కేజీల తరుగు లెక్క వేసినా ఈ రెండు మండలాల్లోనే 15 నుంచి 20 క్వింటాళ్ల తరుగు తేలుతుంది. దీని విలువ మార్కెట్ ధర ప్రకారం*60 వేల నుంచి *80వేల వరకు ఉంటుంది. ఈ విధంగా జిల్లాలోని 19 ఎంఎల్‌ఎస్ పాయింట్లలో ఏర్పడే తరుగును లెక్కిస్తే ప్రతి నెలా *15 లక్షల నుంచి *18 లక్షల విలువైన సబ్సిడీ బియ్యానికి కన్నం పడుతోంది. అయితే ఇదంతా ఒక ప్రణాళిక ప్రకారం జరుగుతున్న తంతన్న ఆరోపణలు ఉన్నాయి.
  
  కొన్ని సమయాల్లో తప్పదు
  
 గిడ్డంగుల్లోనూ, ఎంఎల్‌ఎస్ పాయింట్‌కు సరుకులు చేరినప్పుడు లోడింగ్, అన్‌లోడింగ్ చేసేటప్పుడు ప్యాకెట్లు కన్నాలు పడి కారడం వల్ల ఈ సమస్య అప్పడప్పుడు ఏర్పడుతోంది. సగటున 5శాతం వరకు వ్యత్యాసం ఉండడానికి ప్రభుత్వ అనుమతి కూడా ఉంది. ఒకేసారి ఎక్కువ లోడ్‌లు వచ్చి, భారీగా నిల్వ చేయాల్సిన సందర్భాల్లో కింద ఉన్న బస్తాలు చిరగడం, కారడం వంటివి జరుగుతున్నాయి.
  -బి.శ్రీహరి, సీఎస్‌డీటీ, నరసన్నపేట
  
  తూకం వేసుకునేందుకు వీలుగా కాటా
  డీలర్లు తమకు కేటాయించిన సరుకులు  తూకం వేసుకునేందుకు వీలుగా ఎంఎల్‌ఎస్ పాయింట్‌లో కాటా ఏర్పాటు చేశాం. తూకంలో తేడా ఉన్న ప్యాకెట్లను తిరిగి పౌరసరఫరాల గిడ్డంగికి పంపేస్తున్నాం. ఎక్కువ తేడా ఉన్న ప్యాకెట్లను డీలర్లు ఇక్కడే వదిలేస్తున్నారు. ఎంఎల్‌ఎస్ పాయింట్‌లో షార్టేజ్ సమస్య తలెత్తదు.
  -బి.శ్రీరామమూర్తి, గోదాం ఇన్‌చార్జి
  


 
     రేషన్ దుకాణాల్లో అక్రమాలకు త్వరలో చెక్
 
      పెలైట్ ప్రాజెక్టు కింద జిల్లా ఎంపిక
 
      రాష్ట్ర ఆర్థిక శాఖ ముఖ్య కార్యదర్శి పీవీ.రమేష్
 
  
  తిరుచానూరు, న్యూస్‌లైన్: రేషన్ దుకాణాల్లో అక్రమాలను నివారించేందుకు కొత్త ప్రణాళిక ను చేపట్టామని రాష్ట్ర ఆర్థిక శాఖ ముఖ్య కార్యదర్శి పీవీ.రమేష్ తెలిపారు. నగదు బదిలీ పథకంపై గురువారం మధ్యాహ్నం తిరుపతి ఆర్డీవో కార్యాలయంలో జిల్లా అధికారులు, ఆయిల్, గ్యాస్ డీలర్లతో ఆయన సమీక్షించారు. ఈ సందర్భంగా ఆయన మాట్లాడుతూ వినియోగదారునికి ఖచ్చితంగా నిత్యావసర సరుకులు చేరేలా రాష్ట్ర ప్రభుత్వం నిర్ణయించిందన్నారు. వేలిముద్రలు తీసుకున్న తరువాతే నిత్యావసర సరుకులు అందించనున్నట్లు తెలిపారు. దీనికోసం పెలైట్ ప్రాజెక్టు కింద జిల్లాను ఎంపికచేశారన్నా రు.
 
 వివిధ ప్రభుత్వ శాఖల్లో కాంట్రాక్టు కింద పనిచేస్తున్న ఉద్యోగులకు నేరుగా ప్రభుత్వం జీతాలు ఇవ్వనుందని దీనికోసం అధికారులు వెంటనే కాంట్రాక్టు ఉద్యోగులకు ఐడీ కార్డు, నెంబరు కేటాయించి జాబితాను పంపించాలని సూచించారు. ఆధార్ నమోదు, అనుసంధానంలో జిల్లా ముందంజలో ఉందన్నారు.
 
 గడచిన 6 నెలల కాలంలో జిల్లాలోని లబ్ధిదారులకు వివిధ పథకాల కింద రూ.497 కోట్లు అందించామన్నారు. అంతకుముందు  ఉపాధి హామీ పథకం, సామాజిక పింఛన్లు, విద్యార్థుల  ఉపకార వేతనాలు, వంట గ్యాస్ సబ్సిడీ వంటి అంశాలలో లబ్ధిదారులకు ఎటువంటి సేవలందిస్తున్నారు, ఆధార్ అనుసంధానం ఎంతవరకు వచ్చిందని ఆరా తీయడంతో పాటు చేయాల్సిన విధులను ఆయన నిర్ధేశించారు.
  


 నెల్లూరు (కలెక్టరేట్), న్యూస్‌లైన్: పండగపూటా పేదలకు పస్తులు తప్పడం లేదు. పండగొచ్చినా ఇంకా ప్రభుత్వ చౌకదుకాణాలకు పామాయిల్ చేరలేదు. దీంతో కార్డుదారులు ఆందోళన వ్యక్తం చేస్తున్నారు. దుకాణానికి వెళితే  ‘మమ్మల్ని ఏం చేయమంటారు. వస్తే కదా ఇచ్చేది’ అని డీలర్లు చెబుతున్నారని కార్డుదారులు వాపోతున్నారు. ఇదిలా ఉంటే మండల స్టాకిస్ట్ పాయింట్లలో పనిచేసే అధికారులు అయినవారికి ఆకుల్లో, కానివారికి కం చాల్లో అన్న చందంగా వ్యవహరిస్తున్నారన్న విమర్శలున్నాయి.
  
  తమకు అనుకూలంగా ఉన్న రేషన్‌దుకాణాలకు మాత్రమే పామాయిల్ పంపారని పలువురు డీలర్లు ఆవేదన వ్యక్తం చేస్తున్నారు. ఒక్క పామాయిల్ పరిస్థితే కాకుండా అమ్మహస్తం సరుకుల విషయంలోనూ ఎంఎల్‌ఎస్ పాయింట్ల నిర్వాహకులు ఇష్టారాజ్యంగా వ్యవహరిస్తున్నారని మండిపడుతున్నారు. జిల్లాలో మొత్తం 1872 రేషన్‌దుకాణాలు ఉండగా సగానికిపైగా దుకాణాలకు ఇంకా పామాయిల్ చేరలేదు. ఇకనైనా ఉన్నతాధికారులు జోక్యం చేసుకుని పామాయిల్ పంపిణీ చేయాలని కార్డుదారులు కోరుతున్నారు.
  


  ఒంగోలు కలెక్టరేట్, న్యూస్‌లైన్: సంక్రాంతి పండుగ వచ్చింది... పంచదార రానంది. అదనపు కోటా మాట దేవుడెరుగు. ప్రతినెలా రావలసిన వాటాకూ అధికారులు ఈసారి మొండిచేయి చూపారు. దాంతో ఈ సంక్రాంతి పండుగకు తీపి తగ్గిపోనుంది.  కారణం.. చౌక దుకాణాలకు నిత్యావసర సరుకులు సకాలంలో పంపిణీ చేయకపోవడమే. వాస్తవానికి ప్రతినెలా 1నుంచి 5వ తేదీలోపు చౌక దుకాణాల ద్వారా నిత్యావసర సరుకుల పంపిణీ పూర్తవుతుంది. కొన్ని నెలల నుంచి పంపిణీ తేదీలు పూర్తిగా మారిపోయాయి. ఏరోజు పంపిణీ చేస్తారో కూడా స్పష్టంగా తెలియడం లేదు. దాంతో ఎక్కువమంది కార్డులు చేత పట్టుకుని చౌక దుకాణాల చుట్టూ కాళ్లరిగేలా తిరుగుతున్నారు. జిల్లాలో 2107 చౌక ధరల దుకాణాలున్నాయి.
 
 వాటి పరిధిలో 8లక్షల 563 తెల్లకార్డులు, 56వేల 946 రచ్చబండ-3 కార్డులు, 52వేల 152 అంత్యోదయ అన్నయోజన కార్డులు, 1032 అన్నపూర్ణ కార్డులు ఉన్నాయి. ఒక్కో కార్డుదారునికి ప్రతినెలా అర కేజీ పంచదార, పామోలిన్ ఆయిల్ ఒక లీటర్, కందిపప్పు కేజీ, గోధుమలు కేజీ, గోధుమపిండి కేజీ, కారంపొడి 250గ్రాములు, చింతపండు అర కేజీ, పసుపు 100గ్రాములు, అయోడైజ్డ్ ఉప్పు కేజీ అందించాలి. అయితే  మూడు నెలల నుంచి నిత్యావసర సరుకుల పంపిణీలో తీవ్ర ఒడిదుడుకులు ఎదురవుతున్నాయి. ప్రభుత్వం సకాలంలో నిత్యావసర సరుకులు పంపిణీ చేయడం లేదు. కొన్నిసార్లు పంపిణీ చేసినప్పటికీ అవి గోడౌన్ల నుంచి చౌకధరల దుకాణాలకు చేరడం లేదు.
 
  గోడౌన్లలో పంచదార ఉన్నా..
  గౌడౌన్లలో పంచదార సిద్ధంగా ఉన్నప్పటికీ వాటిని సకాలంలో చౌకధరల దుకాణాలకు పంపిణీ చేయడం లేదు. గతంలో ప్రతి కార్డుదారునికి కేజీ చొప్పున పంచదార ఇచ్చేవారు. దానిని అరకేజీకి కుదించారు. అది కూడా సక్రమంగా అందడం లేదు. పండుగ సమయాల్లో పంచదార కోటాను అదనంగా ఇవ్వడం కొన్ని సంవత్సరాల నుంచీ ఆనవాయితీగా వస్తోంది. ఆ ఆనవాయితీకి కూడా ప్రభుత్వం తిలోదకాలు ఇచ్చేసింది.  వాస్తవానికి గౌడౌన్లలో పంచదార నిల్వలు ఉన్నప్పటికీ వాటిని సరఫరా చేయకుండా నిలిపివేశారని పలువురు చౌకధరల దుకాణదారులు వాపోతున్నారు.
 
 కందిపప్పు, పామోలిన్ ఆయిల్‌ను పంచదారతో లింక్ పెట్టారు. కందిపప్పు, పామోలిన్ ఆయిల్ విడుదల కాగానే పంచదారతో కలిపి ఇవ్వాలని నిర్ణయించారు. పండుగ సమయాల్లో అధికారులు తీసుకుంటున్న అనాలోచిత నిర్ణయాల వల్ల తాము కార్డుదారులకు సమాధానాలు చెప్పుకోలేకపోతున్నామని అనేక మంది డీలర్లు అంటున్నారు. ముఖ్యమైన పండుగ రోజుల్లో పంచదారను ఇతర వస్తువులతో ముడిపెట్టకుండా అందించాలని డీలర్లు అంటున్నారు. ఇప్పటికైనా జాయింట్ కలెక్టర్ జోక్యం చేసుకుని పండుగ రోజుల్లో పంచదార సరఫరాకు ఆటంకం కలగకుండా చర్యలు తీసుకోవాలని వారు కోరుతున్నారు.
  


  కారంపూడి, న్యూస్‌లైన్ :కారంపూడిలోని రేషన్ దుకాణాలపై గుంటూరు విజిలెన్స్ అండ్ ఎన్‌ఫోర్స్‌మెంట్ అధికారులు బుధవారం రాత్రి ఆకస్మిక తనిఖీలు నిర్వహించారు. కారంపూడిలో నాలుగు షాపులను తనిఖీ చేసేందుకు వెళ్లారు. వీటిలో రెండు షాపులకు తాళాలు వేసి ఉన్నాయి. షాపు నం 32లో రెండున్నర క్వింటాళ్ల బియ్యం వ్యత్యాసాన్ని గుర్తించామని, మరో షాపులో వ్యత్యాసం ఏమీ లేదని విజిలెన్స్ ఇన్‌స్పెక్టర్ ఎన్.కిశోర్‌కుమార్ తెలిపారు. అనంతరం వేపకంపల్లె గ్రామంలోని రేషన్ షాపు నం. 26లో తనిఖీ చేస్తున్నారు. అక్కడ స్టాకులో వ్యత్యాసాలు ఉన్నాయని, తుది నివేదికకు కొంత సమయం పడుతుందని ఆయన పేర్కొన్నారు.  దాడుల్లో విజిలెన్స్ హెడ్‌కానిస్టేబుల్ మహేశ్వరరావు, వీఆర్వో పసుపులేటి సైదులు, సిబ్బంది పాల్గొన్నారు.
  
  రెండు రేషన్ షాపుల సీజ్..
  మంచికల్లు (రెంటచింతల),న్యూస్‌ైలైన్:  మంచికల్లు గ్రామంలోని ఆకస్మిక తనిఖీలు నిర్వహించి రెండు రేషన్ షాపులను సీజ్‌చేసినట్లు విజిలెన్స్ సీఐ కె.వంశీధర్ బుధవారం తెలిపారు. విజిలెన్స్ ఎస్పీ ఆర్‌ఎన్ అమ్మిరెడ్డికి వచ్చిన విశ్వసనీయ సమాచారం మేరకు.. ఆయన ఆదేశాలతో గ్రామంలోని 16, 17 నంబర్ రేషన్ షాపులను తనిఖీ చేశారు. ఈ దాడుల్లో 16వ రేషన్ షాపులో 104 కేజీల బియ్యం, 64 కేజీల పంచదార, షాపున ంబర్ 17లో 12 క్వింటాళ్ల బియ్యం, 167 కేజీల పంచదార నిల్వ ఉండాల్సిన దాని కన్నా తగ్గినట్లు గుర్తించారు. దీంతో ఆ షాపులపై 6-ఎ కేసులు నమోదుచేసి సీజ్ చేసినట్లు సీఐ వంశీధర్ తెలిపారు. సరుకును రెవెన్యూ ఇన్‌స్పెక్టర్ కటికల బాలయ్యకు స్వాధీనపరిచామన్నారు.
  


  చీపురుపల్లి,న్యూస్‌లైన్: చీపురుపల్లి మేజర్ పంచాయతీ పరిధిలో గల ఆకులపేట రేషన్ షాపుపై  విజిలెన్స్ అధికారులు సోమవారం ఆకస్మిక దాడులు నిర్వహించారు. విజిలెన్స్ ఇన్‌స్పెక్టర్ సీహెచ్. ఉమాకాంత్ ఆధ్వర్యంలో జరిపిన ఆకస్మిక దాడిలో రేషన్ దుకాణంలో సరుకుల తేడా కనిపించింది. దీంతో రేషన్‌షాపు రికార్డులు సీజ్ చేసి, నివేదిక ఉన్నతాధికారులకు అందజేస్తున్నట్లు ఇన్‌స్పెక్టర్ తెలిపారు. ఈ సందర్భంగా ఆయన మాట్లాడుతూ తనిఖీల్లో 100 కేజీల బియ్యం తక్కువగాను, 30 కేజీల గోధుమపిండి ఎక్కువగాను, 200 కేజీల ఉప్పు అధికంగాను ఉన్నాయని చెప్పారు.
  
  రికార్డులు సక్రమంగా నిర్వహించడం లేదని, ధరల పట్టిక కూడా దుకాణం వద్ద లేదని తెలిపారు. ఆకులపేటలో రేషన్ దుకాణం నిర్వహించేందుకు అనుమతి, నిర్వాహకుడి వద్ద లెసైన్స్ కూడా లేదన్నారు. దీనికి  డీలర్ మాట్లాడుతూ లెసైన్స్ పునరుద్ధరణకు ఇచ్చామన్నారు. ఏది ఏమైనప్పటికీ రికార్డులకు, సరుకులకు తేడా ఉండడంతో రికార్డులు సీజ్ చేస్తున్నట్లు ఇన్‌స్పెక్టర్ చెప్పారు. తేడా వచ్చిన సరుకులను సీఎస్‌డీటీ  జి.జనార్దన్‌కు అప్పగించారు. ఈ కార్యక్రమంలో తహశీల్దార్ టి.రామకృష్ణ, విజిలెన్స్,  ఎన్‌ఫోర్స్‌మెంటు ఎస్‌ఐ అప్పలనాయుడు, హెచ్‌సీ లక్ష్మణ్, వీఆర్‌ఓ రమణమూర్తి తదితరులు ఉన్నారు.
  


 అనంతపురం కల్చరల్, న్యూస్‌లైన్: నూతన సంవత్సర వేడుకలను వినూత్నంగా నిర్వహించుకునేందుకు అంతా ప్లాన్ చేస్తున్నారు. ఇతర ప్రాంతాలకు వెళ్లి సెలబ్రేట్ చేసుకోవాలని కొందరు సన్నాహాలు చేసుకుంటుంటే.. సొంతూళ్లలోనే ఘనంగా శుభాకాంక్షలు చెప్పుకోవాలని మరికొందరు భావిస్తునానరు. దైవ దర్శనానికి వెళ్లే వారు కొందరైతే.. పబ్‌లు, క్లబ్‌లకు వెళ్లేవారు మరికొందరు. మొత్తానికి అర్ధరాత్రి నుంచి హంగామా చేయడానికి అంతా సిద్ధమవుతున్నారు. ప్రత్యేక కార్యక్రమాలను రూపొందించుకుని తెల్లవారే వరకు సందడి చేసేందుకు అపార్ట్‌మెంట్స్ వాసులు రెడీ అయిపోయారు.
 
 ఇక యువతైతే తమ బైక్‌లకు పని చెప్పే పనిలో పడ్డారు. అర్ధరాత్రి సెలైన్సర్లు తీసేసి నగరమంతా చక్కర్లు కొట్టేందుకు తహతహలాడుతున్నారు. ప్రజాప్రతినిధులు, అధికారులు ప్రత్యేకంగా సెలబ్రేట్ చేసుకునేందుకు ప్లాన్ చేశారు. న్యూ ఇయర్ నేపథ్యంలో వస్త్ర దుకాణాలన్నీ అప్పుడే కిటకిటలాడుతున్నారు. బేకరీలు, రెస్టారెంట్లు, ఐస్‌క్రీమ్ పార్లర్లు, బార్లు ప్రత్యేక ఆఫర్ల పేరుతో ఆకర్షిస్తున్నాయి. కాగా ఆధునిక టెక్నాలజీ ప్రభావంతో గ్రీటింగ్ కార్డుల కళ తప్పుతోంది. ఒకప్పుడు న్యూ ఇయర్ వేడుకలలో గ్రీటింగ్ కార్డు పాత్ర విడదీయరానిదిగా ఉండేది. చిన్నా పెద్ద అందరూ రంగురంగుల గ్రీటింగుకార్డులను తీసుకుని వారి భావాలను అందులో రాసిచ్చేవారు. కానీ, కాలం తెచ్చిన మార్పులకు గ్రీటింగ్‌కార్డు వెలవెలబోతోంది. సెల్‌ఫోన్ రాకతో ఎస్‌ఎంఎస్ ద్వారానే శుభాకాంక్షలు చెప్పేస్తున్నారు. గ్రీటింగ్ కార్డులకు ఈ ఏడాది అంతగా డిమాండ్ లేదని కార్డుల విక్రేతలు చెబుతున్నారు.  
  
  ప్రజా పంపిణీ వ్యవస్థ (పీడీఎస్) చౌక ధాన్యపు డిపో (రేషన్ షాపు) ద్వారా పేదలకు అందజేసే సబ్సిడీ బియ్యం పక్కదారి పడుతోంది. వ్యాపారులు-మిల్లర్లు సబ్సిడీ బియ్యాన్ని పాలిష్ చేసి సన్నబియ్యం అంటూ బ్రాండెడ్ పేర్లపై ప్యాకింగ్ చేసి విక్రయిస్తున్నారు. హిందూపురం కేంద్రంగా బియ్యం మాఫియా సాగుతోంది. నియోజకవర్గం పరిధిలో ఉన్న కొడికొండ, తూమకుంట చెక్‌పోస్టుల్లో మామూళ్లు ముట్టజెప్పి బియ్యాన్ని యథేచ్ఛగా కర్ణాటకకు తరలించి సొమ్ము చేసుకుంటున్నారు. గోరంట్ల మండలం కోరేవాండ్లపల్లి మీదుగా కదిరి, నల్లమాడ, తలుపుల, గాండ్లపెంటతోపాటు వైఎస్సార్ జిల్లాలోని పలు ప్రాంతాల నుంచి వచ్చే బియ్యాన్ని రాష్ర్ట సరిహద్దు దాటిచ్చేస్తున్నారు. చిలమత్తూరు మండలం మరవకొత్తపల్లి, లక్ష్మీపురం(వీరాపురం) మార్గం గుండా కర్ణాటకకు చేరవేస్తున్నారు.
  - న్యూస్‌లైన్, హిందూపురం మునిసిపాలిటీ
  
  రీ సైక్లింగ్ చేసి..!
  
  జిల్లా వ్యాప్తంగా 2,720 చౌక డిపోల ద్వారా పేదలకు కిలో రూపాయితో ప్రభుత్వం బియ్యం అందిస్తోంది. 11,53,713 రేషన్ కార్డులకు నెలకు 14,745.756 మెట్రిక్‌టన్నుల బియ్యాన్ని సరఫరా చేస్తోంది. కార్డుదారుల్లో కొందరు బియ్యం తీసుకోవడం లేదు. మరికొందరు తీసుకున్నా కిలో రూ.8 నుంచి రూ.10కు విక్రయించుకుంటున్నారు. స్టోర్లలో మిగిలిన, రేషన్‌కార్డుదారుల నుంచి సేకరించిన బియ్యాన్ని వ్యాపారులు పాలిష్ చేసి.. వాటిని మిల్లర్లకు కిలో రూ.12 నుంచి రూ.14 వరకు విక్రయిస్తున్నారు. ఈ బియ్యాన్ని మిల్లర్లు రీసైక్లింగ్ చే సి.. ఇందులో కొంత సన్న బియ్యం కలుపుతున్నారు. కర్నూలు, నంద్యాల, బళ్లారి, కణేకల్లు ప్రాంతాల్లో పండిన సోనామసూరి అంటూ వీటిని ఆరంజ్‌ఫైన్ రైస్, దిల్‌కుష్, అంగూర్ ధార, వైట్ గోల్డ్ బ్రాండ్ సంచుల్లో నింపుతున్నారు. ప్యాకింగ్‌ను చూసి అందులో ఉన్నవి అసలైన సోనా అని వినియోగదారులు నమ్మి క్వింటాలు రూ.4వేలు పైబడి పెట్టి కొంటున్నారు. తర్వాత సోనామసూరి బియ్యం రుచి కనిపించకపోవడంతో తాము మోసపోయామని లబోదిబోమంటున్నారు.
  
  కేసుల నమోదులో ఉదాసీనత
  
  చౌక బియ్యం అక్రమ రవాణా చేస్తూ పట్టుబడిన వారిపై కేసులు నమోదు చేయడంలో అధికారులు ఉదాసీనత చూపుతున్నారు. సరుకు స్వాధీనం, జరిమానా విధించే పసలేని సెక్షన్ 6ఏ నిబంధనపైనే ఎక్కువగా కేసు నమోదు చేస్తున్నారు. ఈ కేసును కలెక్టర్, జాయింట్ కలెక్టర్ విచారించి.. అపరాధ రుసుం విధించడం, స్వాధీనం చేసుకున్న సరుకులో 20 నుంచి 30 శాతాన్ని ప్రభుత్వ పరం చేసే వెసులుబాటు ఉంటుంది. ఇది అక్రమార్కులకు అంత నష్టం ఉండదు. పటిష్టమైన సెక్షన్‌గా భావించే పీడీఎస్ అక్రమ నియంత్రణ నిబంధన 17డీ కింద క్రిమినల్ కేసు నమోదు చేస్తే.. అక్రమార్కుల ఆట కట్టించే అవకాశం ఉంటుంది. అయితే రాజకీయ నాయకులు, ప్రజాప్రతినిధుల ఒత్తిళ ్లకు తలొగ్గి అధికారులు 17డీ నిబంధన కింద కేసులే నమోదు చేయడం లేదు. హిందూపురం నియోజకవర్గంలో నాలుగు నెలల వ్యవధిలో 6ఏ నిబంధన కింద ఆరు కేసులు నమోదయ్యాయి.
  
  
  అనంతలో వీవీఎస్
  భారత జట్టు మాజీ ఆటగాడు వీవీఎస్ లక్ష్మణ్ ఈ ఏడాది జూలై 18న ఆర్డీటీ స్టేడియాన్ని సందర్శించాడు. అకాడమీ క్రీడాకారులకు పలు సూచనలు ఇచ్చి స్టేడియంలోని సౌకర్యాలపై ప్రశంసలు కురిపించాడు.
  
  ఆర్టీసీ క్రీడోత్సవాలు అదరహో
  నవంబర్ 26 నుంచి 28 వరకు ఏపీఎస్ ఆర్టీసీ రాష్ట్రస్థాయి సాృస్కతిక, క్రీడోత్సవాలు అనంతపురంలో జరి గాయి. రాష్ట్ర వ్యాప్తంగా ఏడు జోన్ల నుంచి సుమారు వెయ్యి మంది క్రీడాకారులు వచ్చారు. క్రీడలు, సాంస్కృతిక కార్యక్రమాలు అదరహో అనిపించాయి.
  
  సత్తా చాటిన బుద్ధిమాంద్య క్రీడాకారులు
  ఆస్ట్రేలియాలో జరిగిన పసిఫిక్ స్పెషల్ ఒలింపిక్స్‌లో ఆర్డీటీకి చెందిన బుద్ధిమ్యాంద్యపు క్రీడాకారులు సత్తాచాటారు. ఏకంగా 26 పతకాలు సాధిం చారు. ఇందులో 10 బంగారు పతకాలు ఉన్నాయి.
  
  హాకీలో ఆణిముత్యాలు
  ఇండియా సబ్ జూనియర్ హాకీ శిబిరానికి ఆర్డీటీ క్రీడాకారిణులు మాధవి, నళిని ఎంపికయ్యారు. వచ్చే ఏడాది ఏప్రిల్‌లో జరగనున్న సౌత్ ఇండియా హాకీ పోటీల్లో పాల్గొనే రాష్ట్ర జట్టుకు అనంతపురం జిల్లాకు చెందిన, ఆర్డీటీ హాకీ అకాడమీలోని 12 మంది క్రీడాకారిణులు ఎంపికయ్యారు. 18 మంది ఉండే జట్టులో 12 మంది మన జిల్లాకు చెందిన వారు కావడం గమనార్హం.
  
  రంజీలకు ప్రసాద్‌రెడ్డి గుడ్‌బై
  ఆంధ్ర రంజీ జట్టుకి ప్రసాద్‌రెడ్డి గుడ్‌బై చెప్పాడు. నవంబర్ 17న తన రిటైర్మెంట్‌ను ప్రకటించాడు. ఆంధ్ర క్రికెట్ ఆపరేషన్స్ డెరైక్టర్ ఎమ్మెస్కే ప్రసాద్, జిల్లా క్రికెట్ సంఘం అధ్యక్షుడు మాంఛోఫై తదితరులు ప్రసాద్ రెడ్డి సేవలను కొనియాడారు.
  
  ఆంధ్ర రంజీ కెప్టెన్‌గా ప్రశాంత్
  అనంత క్రికెట్ ఆణిముత్యం డీబీ ప్రశాంత్ అతి చిన్న వయసులో ఆంధ్ర జట్టు పగ్గాలు చేపట్టాడు. జిల్లా క్రికెట్ చరిత్రలో ప్రసాద్ రెడ్డి, షాబుద్దీన్ తర్వాతి స్థానాన్ని భర్తీ చేసి యువ క్రీడాకారులకు ఆదర్శంగా నిలిచాడు. తన కెప్టెన్సీలో తొలి మ్యాచ్ హిమాచల్ ప్రదేశ్‌పై 199 పరుగులు చేశాడు.  
  
  తొలిసారి బ్యాడ్మింటన్ పోటీలు
  బ్యాడ్మింటన్ సంఘం ఆధ్వర్యంలో ఈ ఏడాది అక్టోబర్ 30 నుంచి నవంబర్ 2 వరకు అనంతపురంలో రాష్ట్ర స్థాయి షటిల్ బ్యాడ్మింటన్ పోటీలు నిర్వహించారు. పుల్లెల గోపీచంద్ కుమారుడు సాయివిష్ణు, కుమార్తె గాయత్రి ప్రత్యేక ఆకర్షణగా నిలిచారు.  
  
  ఆల్ ఇండియా హాకీ టోర్నీ
  అనంత క్రీడాగ్రామంలో ఆల్ ఇండియా హాకీ టోర్నీ డిసెంబర్‌లో జరిగింది. దేశవ్యాప్తంగా 19 విశ్వవిద్యాలయాల జట్లు పాల్గొన్నాయి. టోర్నీ విజేతగా బెంగళూరు జట్టు, రన్నర్స్‌గా పూర్వాంచల్ జట్లు నిలిచాయి. సౌత్‌జోన్ హాకీ పోటీల ప్రారంభోత్సవానికి డీజీపీ ఆపరేషన్స్ రాముడు, ముగింపు కార్యక్రమానికి డీపీజీ ప్రసాద్ రావు హాజరయ్యారు. 11 రోజుల పాటు హాకీ పోటీలు పండుగలా జరిగాయి. ఎస్కేయూ తొలిసారిగా సూపర్ లీగ్ పోటీలకు అర్హత సాధించింది. కాగా పోటీల్లో ఎంపీడీ విద్యార్థులకు అవకాశం ఇవ్వకపోవడం పెద్ద దుమారం రేపింది.
  
  సాఫ్ట్‌బాల్ జట్టులోకి జగదీష్
  జిల్లాకు చెందిన జగదీష్ ఇండియా సాఫ్ట్‌బాల్ జట్టులో స్థానం సంపాదించుకున్నాడు. ఈ ఏడాది అక్టోబర్‌లో ఫెడరేషన్ ఆఫ్ ఇండియా జగదీష్ ఎంపికను ప్రకటించింది. ఇండియా జట్టు మేనేజర్‌గా ఉప ఖజానా అధికారి నరసింహం నియమితులయ్యారు.
  


 =లోడ్లకు లోడ్లు పక్కదారి
  =చక్రం తిప్పుతున్న డీటీలు
  =లక్షల్లో వసూళ్లు
  =పౌర సరఫరా నుంచి రెవెన్యూ వరకు అందరికీ వాటాలు
  =పైపై తనిఖీలతోనే సరి
  =అరకొరగానే రికవరీలు
  
  పేదల కడుపు నింపాల్సిన బియ్యాన్ని పెద్దలు స్వాహా చేస్తున్నారు. చౌకగా వచ్చే సరకును తేరగా మింగేస్తున్నారు. అధికారుల సహకారంతో అవలీలగా దారి మళ్లిస్తున్నారు. ప్రభుత్వ పథకాల సంరక్షకులుగా బాధ్యతతో వ్యవహరించాల్సిన ఉద్యోగులు అక్రమాలకు యథాశక్తి సాయం చేస్తున్నారు. దండిగా దండుకుంటున్నారు. లక్షల్లో వస్తున్న అక్రమార్జనను వాటాలు వేసి మరీ పకడ్బందీగా పంపిణీ చేస్తున్నారు. దాంతో పేదల బియ్యం పక్కాగా పెద్దవారి ఖజానాలో కాసుల రాసులుగా రూపాంతరం చెందుతోంది. పైపై తనిఖీల పుణ్యమాని ఈ వ్యవహారం నిరాఘాటంగా కొనసాగుతోంది.
  
 విశాఖ రూరల్, న్యూస్‌లైన్: పేదల బియ్యానికి రెక్కలొస్తున్నాయి. మండల స్థాయి నిల్వ కేంద్రాల నుంచి లోడ్‌లకు లోడ్లు మాయమైపోతున్నాయి. పెద్దల గోదాముల్లోకి చేరుతున్నాయి. ఉన్నతాధికారుల పర్యవేక్షణ  లోపం.. పౌర సరఫరా శాఖ అధికారుల మామూళ్ల వ్యవహారం ఫలితంగా చౌక బియ్యం రాశులు గోదాముల్లోకి చేరకుం డానే రాష్ట్రాలు దాటిపోతున్నాయి. చాలా మంది ఉద్యోగులు, అధికారుల సహకారంతో వ్యాపారం, రవాణా సాఫీగా సాగిపోతున్నాయి. జిల్లాలో చౌక సరకుల పంపిణీలో కొంత మంది డిప్యూటీ తహశీల్దార్లు చక్రం తిప్పుతున్నారు. రేషన్ దుకాణాల నుంచి స్టాకు పాయింట్ల వరకు ప్రతీ చోటా దండుకుంటున్నారు. పౌర సరఫరా శాఖ అధికారుల నుంచి రెవెన్యూ ఉన్నతాధికారుల వరకు ప్రతీ ఒక్కరికీ ఎవరి వాటాలు వారికి పంపిణీ చేస్తూ తమ స్థానాలు పదిలం చేసుకుంటున్నారు.
  
 జిల్లాలో ఉన్న 11.36 లక్షల తెల్లరేషన్ కార్డులకు బియ్యం సరఫరా చేసేందుకు వీలుగా 30 మండల స్థాయి నిల్వ కేంద్రాలు (ఎంఎల్‌ఎస్ పాయింట్లు) ఉన్నాయి. వీటిలో 9 జీసీసీ పాయింట్లు ఏజెన్సీలో ఉన్నాయి. ప్రభుత్వం కేటాయించే బియ్యం ముందుగా ఎఫ్‌సీఐ గోడౌన్లకు చేరుకుంటుంది. అక్కడ నుంచి కార్డుల సంఖ్య ప్రకారం స్టేజ్-1లో ఎంఎల్‌ఎస్ పాయింట్లకు తరలిస్తారు. ఆ గోదాముల నుంచి స్టేజ్-2లో చౌక దుకాణాలను సరఫరా చేస్తారు.
  
 పైపైనే తనిఖీలు : సాధారణంగా రేషన్ డీలర్లు కొద్ది మొత్తంలో తరలించే బియ్యాన్ని పట్టుకొని హడావుడి చేసే పౌర సరఫరా అధికారులు.. గోదాముల నుంచి లోడ్లకు లోడ్లు మాయమైపోతున్నా స్పందించక పోవడం అనుమానాలకు తావిస్తోంది. ప్రతీ నెలా ఎంఎల్‌ఎస్ పాయింట్లలో తనిఖీలు నిర్వహించాల్సి ఉంది. ఆమధ్య మర్రిపాలెం ఎంఎల్‌ఎస్ పాయింట్‌కు చేరాల్సిన లారీ లోడ్ బియ్యాన్ని విజిలెన్స్ అధికారులు పట్టుకున్నారు.
 
 ఇలా ఎఫ్‌సీఐ నుంచి పౌర సరఫరా గోదాములకు రాకుండానే బియ్యం తరలిస్తున్న వ్యవహారం బయటపడడంతో అధికారులు హడావుడి చేశారు. ఇద్దరు సిబ్బందిపై చర్యలు తీసుకుని చేతులు దులుపుకున్నారు. ఈ తరలింపు వెనుక అసలు వ్యక్తుల కోసం దర్యాప్తు జరుగుతూనే ఉంది. నిజానికి స్టాక్ పాయింట్‌కు చేరాల్సిన బియ్యాన్ని పైవారి ప్రమేయం లేకుండానే తరలించే అవకాశం ఉంటుందా? అన్న అనుమానాలు వ్యక్తమవుతూనే ఉన్నాయి. గత నెలలో సుమారుగా 1,637 కిలోల వరకు నిల్వల్లో తేడా ఉన్నట్టు అధికారులు లెక్కలు రాసుకున్నారు. రికవరీలు చేస్తున్నట్లు రికార్డులు చూపిస్తున్నారు.
  
 అందరికీ వాటా : నిత్యావసర సరకుల సరఫరా ద్వారా జిల్లా పౌర సరఫరాల శాఖలో పనిచేస్తున్న కొందరు అధికారుల పంట పండుతోంది. గ్రామీణ ప్రాంతాల్లో కొంత మంది డిప్యూటీ తహశీల్దార్లు ప్రతీ నెలా లక్షలకు లక్షలు వెనకేసుకుంటున్నారన్న ఆరోపణలు వినిపిస్తున్నాయి. చౌక దుకాణాల ద్వారా సరకులు సక్రమంగా సరఫరా అవుతున్నాయో లేదో ఎవరూ పట్టించుకోవడం లేదు. గోదాముల నుంచి మండలాల పరిధిలోని రేషన్ షాపులకు సరకులు సరఫరాపై దృష్టి సారించాల్సిన డిటీలు ఆ సరకులు గోదాములకు చేరుకుండానే తరలించే పనిలో నిమగ్నమవుతున్నారన్న ఆరోపణలు వినిపిస్తున్నాయి. రేషన్ డీలర్ల నుంచి స్టాకు పాయింట్లలో విధులు నిర్వర్తిస్తున్న వారి వరకు ప్రతీ ఒక్కరి నుంచి మామూళ్లు వసూలు చేస్తూ వాటిని ఉన్నతాధికారులకు పంపిణీ చేస్తున్నారన్నది బహిరంగ రహస్యం.


 భీమవరం, న్యూస్‌లైన్ : రేషన్ షాపుల ద్వారా ప్రజలకు పంపిణీ చేస్తున్న నిత్యావసర సరుకులపైనా ప్రభుత్వం కోత విధించింది.   బోగస్ కార్డులను సాకుగా చూపించి నెలవారీ కోటాలో 15 శాతం తగ్గించేసింది. ముందు వచ్చిన వారికే సరుకులు.. వెనుకవస్తే మొండి చెయ్యే.. అన్నరీతిలో ప్రస్తుత పరిస్థితి తయారైంది.  రేషన్ కార్డుదారులు లబోదిబోమంటుండగా, ముందస్తు సమాచారం కూడా లేకుండా కోత విధించడంతో డీలర్లు డీలాపడ్డారు. ఈ నెల నుంచే ఈ కోతలు మొదలయ్యాయి. గత నెలతో పోలిస్తే  ఈ నెల రేషన్‌కుగాను డిపోలకు  85శాతం సరుకులను మాత్రమే విడుదల చేశారు. ఈ మేరకు ప్రభుత్వం ఆయా జిల్లాల అధికార యంత్రాంగానికి ఉత్తర్వులు జారీ చేసింది. దీంతో నిర్ణీత తేదీల్లో రేషన్ దుకాణానికి ఎవరు ముందు వస్తే వారికే సరుకులు ఇవ్వనున్నారు.
  
  రేషన్ కార్డుదారులకు తాము ఏమి సమాధానం చెప్పాలంటూ డీలర్లు ఆందోళన చెందుతున్నారు. రేషన్ కార్డులను తగ్గించాలన్న ఉద్దేశంతో ప్రభుత్వం అడ్డదారిన రాత్రికిరాత్రి ఉత్తర్వులు జారీ చేసిందనే చర్చ సాగుతోంది. జిల్లాలో 2వేల 86 రేషన్ షాపులకుగాను 11లక్షల 20 వేల 37 రేషన్ కార్డులున్నాయి. ప్రతి నెలా సుమారు 15వేల 303 టన్నుల బియ్యాన్ని రేషన్ షాపులకు ప్రభుత్వం సరఫరా చేసేది. దీంతోపాటు ‘అమ్మహస్తం’ పథకంలో భాగంగా 9 సరుకులను కార్డుదారులకు ఒక్కో సరుకుకు చెందిన ప్యాకెట్లు 11 లక్షల 20 వేల 437  రావాల్సి ఉంది. 15 శాతం కోత కారణంగా నవంబర్ నెల కోటాకు  13,400 టన్నులు బియ్యం,  ఒక్కో సరుకుకు సంబంధించిన ప్యాకెట్లు 9 లక్షల 52 వేల 371 వచ్చాయి.  ప్రభుత్వ  తాజా నిర్ణయంతో ఇక రేషన్ దుకాణానికి ముందెళ్ళిన వారికే సరుకు దక్కుతుంది. వెనుక వెళ్లిన వారు వెనుదిరగాల్సిందే. 
  
  కోత వాస్తవమే.. డీఎస్‌వో చౌకడిపోల ద్వారా అందిస్తున్న సరుకుల్లో నవంబర్ 
  నెల కోటాలో ప్రభుత్వం 15శాతం కోత విధించిన మాట వాస్తవమేనని జిల్లా పౌరసరఫరాల అధికారి(డీఎస్‌వో) డి.శివశంకర్‌రెడ్డి పేర్కొన్నారు. ఈ విషయంపై ఆయనను ‘న్యూస్‌లైన్’ ఫోనులో సంప్రదిం చగా పైవిధంగా స్పందించారు. పూర్తిస్థాయిలో సరుకులు సరఫరా చేయాలని కోరుతూ జేసీ రాష్ర్త ప్రభుత్వానికి నివేదిక పంపించారని, కొద్ది రోజుల్లోనే కోత విధించిన సరుకులు కూడా కార్డుదారులకు అందుతాయని చెప్పారు.
  


 సాక్షి ప్రతినిధి, వరంగల్ : రేషన్ సరుకుల పంపిణీపై సర్కారు చేతులెత్తేసింది. సద్దుల బతుకమ్మ... దసరా పండుగల ముందు నిరుపేద కుటుంబాల్లో సంబురం లేకుండా చేసింది. కీలకమైన సమయంలో నిత్యావసరాల పంపిణీని విస్మరించింది. ప్రధానంగా ఇంటింటా అవసరమయ్యే చక్కెర, పామాయిల్, కందిపప్పునకు కొరత ఏర్పడింది. అక్టోబర్‌లో జిల్లాకు రావాల్సిన రేషన్ కోటాలో దాదాపు 40 శాతం కోత పడింది. నిర్ణీత ప్రణాళిక ప్రకారం ఈ నెలలో పంపిణీ చేయాల్సిన సరుకులన్నీ గత నెలాఖరు నాటికి జిల్లాకు చేరాలి... డీలర్లకు సైతం చేరవేయాలి. ఒకటి నుంచి 18వ తేదీలోగా రేషన్ డీలర్లు వీటిని పంపిణీ చేయాలి. కానీ.. ఈసారి అన్ని రేషన్ షాపులకు సరుకులు అరకొరగా సరఫరా అయ్యాయి. దీంతో తొమ్మిది సరుకులుండాల్సిన ‘అమ్మహస్తం’ సంచిలో చక్కెర, పామాయిల్, కందిపప్పు ప్యాకెట్లు కనిపించడం లేదు.
  
  గ్రామీణ ప్రాంతాల్లోని అన్ని రేషన్ షాపుల్లో ఈ మూడు సరుకులు లేవనే సమాధానం వినిపిస్తోంది. దాదాపు 30 శాతం రేషన్ కార్డులున్న కుటుంబాలకు పండుగ చేదెక్కినట్లే. ఈ నెలలో రావాల్సినంత సరుకుల కోటా రాలేదని.. సీమాం ధ్రలో ఆందోళనలతో ఈ పరిస్థితి తలెత్తిందని అధికారులు చెబుతున్నారు. ప్రతి నెలా మన జిల్లాకు గుంటూరు నుంచి కందిపప్పు, చిత్తూరు జిల్లా నుంచి చక్కెర, కాకినాడ నుంచి పామాయిల్ దిగుమతి అవుతోంది. అక్కడ రవాణా నిలిచి పోవడంతో సరిపడేన్ని సరుకులు రాలేదని సివిల్ సప్లయిస్ విభాగం జిల్లా మేనేజర్ రాజేంద్రకుమార్ తెలిపారు. చక్కెర, కందిపప్పు, పామాయిల్ కోటా తగ్గిందని ఆయన అంగీకరించారు. సద్దులు... పిండివంటలు... ఇంటింటా పండుగ అవసరాల రీత్యా సాధారణంగా ఈ నెలలోనే రేషన్ సరుకులకు గిరాకీ ఎక్కువగా ఉంటుంది. సరిగ్గా ఇదే సమయంలో కోటాలో కోత పడడంతో డీలర్లు సైతం సరైన సమాధానం చెప్పలేకపోతున్నారు. సకాలంలో డీడీలు చెల్లించినప్పటికీ సర్కారుకు ముందుచూపు లేకపోవడంతో ఈ పరిస్థితి తలెత్తింది.
  


 
  సాక్షి, సంగారెడ్డి:
  ప్రజా పంపిణీ వ్యవస్థ అస్తవ్యస్తంగా మారింది. అధికారుల నిఘా లేక పీడీఎస్ బియ్యం పక్కదారి పడుతున్నాయి. అందుకు ఎంఎల్‌ఎస్ పాయింట్లు అక్రమాలకు అడ్డాగా మారాయి. బోగస్ కార్డుల కింద వచ్చే కోటాను కొందరు డీలర్లు రైస్ మిల్లులకు విక్రయిస్తున్నారు. అక్కడి నుంచి అవే బియ్యం మరో నెల కోటా కింద తిరిగి పీడీఎస్‌కు చేరుకుంటున్నాయి. ఇంత జరుగుతున్నా అధికారులు చర్యలు చేపట్టలేకపోతున్నారు. ఒకవేళ దొరి కిరా ‘మామూలే’నట్టు వదిలేస్తున్నారు.
  
  జిల్లాలో ఏడు లక్షల 36 వేల 838 పేద కుటుంబాలకు ప్రతి నెలా కోట్లాది రూపాయల సబ్సిడీతో ప్రభుత్వం నిత్యావసర వస్తువులను సరఫరా చేస్తోంది. అధికారుల పర్యవేక్షణ లేకపోవడంతో ఈ సరుకులు దారి మళ్లుతున్నాయి. బియ్యాన్ని రేషన్ దుకాణాలకు చేర్చే బాధ్యత అధికారులే. బియ్యం లోడ్ వాహనంలో ‘రూట్ అధికారులు’ విధిగా ప్రయాణించి సరుకులు పక్కదారి పట్టకుండా చూడా లి. ప్రతి మండలానికి ఇద్దరు రూట్ అధికారులను నియమించాల్సి ఉండగా.. ఎక్కడా ఈ వ్యవస్థ అమలు కావడం లేదు. కేవలం రవాణా కాంట్రాక్టర్లపై గుడ్డినమ్మకంతో సరుకులను రోడ్డెక్కిస్తున్నారు. రేషన్ డీలర్లు సిండికేట్‌గా మారి తమ పరిధిలో గల బోగస్‌కార్డులకు సం బంధించిన బియ్యాన్ని వదిలేసి మిగిలిన సరుకును ఎంఎల్‌ఎస్ పాయింట్ల నుంచి తీసుకెళ్తున్నారు. ఇలా అందరూ మిగిల్చిన బియ్యాన్ని ఒకేసారి లిఫ్టు చేసి గుట్టు చప్పుడు కాకుండా రైస్ మిల్లులకు తరలించేస్తున్నారు.
  
   ఈ బియ్యా న్ని రూ.6.50 కిలో చొప్పున కొనుగోలు చేస్తున్న మిల్లర్లు డబుల్ పాలిష్ చేసి సన్న బియ్యంగా మార్చేసి కిలో రూ.15 చొప్పున మార్కెట్లో విక్రయిస్తున్నారు. పక్కనే గల మహారాష్ట్ర, కర్ణాటకలో డిమాండ్ అధికంగా ఉండడంతో అక్కడికి తరలిస్తున్నట్టు సమాచారం. లెవీ సేకరణలో మిల్లర్ల నుంచి ప్రభుత్వం సేకరిస్తున్న బియ్యంలో దాదాపు 10 శాతం పీడీఎస్ బియ్యం రీసైకిల్ అవుతుంది. రూపాయికి కిలో సరఫరా చేసిన బియ్యాన్ని మళ్లీ రూ.13 చొప్పున ప్రభుత్వం కొనుగోలు చేయాల్సి రావడంతో ప్రజా ధనం దోపిడీదారుల పరమవుతుంది.
  
  ఎంఎల్‌ఎస్ పాయింట్ల ఇన్‌చార్జీలు, రేషన్ డీలర్లు, రవాణా కాంట్రాక్టర్లు, మిల్లర్లు మాఫియాగా మారి ఈ తంతును నిర్వీరామంగా కొనసాగిస్తున్నారు. మెదక్, సిద్దిపేట, జహీరాబాద్ ప్రాంతాల్లోని రైస్ మిల్లులకు పీడీఎస్ బియ్యం తరలిపోతుంది. వరి సాగు జరగని జహీరాబాద్ ప్రాంతంలో భారీ సంఖ్యలో రైస్ మిల్లులు ఏర్పాటు కావడానికి ఇదే కారణమని తెలుస్తోంది. ప్రతి నెలా రూ.లక్షల్లో ముడుపులు అందుతుండడంతో అధికారులు నిఘాను పక్కన పెట్టినట్టు సమాచారం. గతంలో పనిచేసిన జిల్లా స్థాయి అధికారి ఒకరు దాదాపు 10 నెలల కిందట శంకరంపేటలోని ఓ రైస్ మిల్లులో 2,400 టన్నుల బియ్యాన్ని సీజ్ చేసి పీడీఎస్ సరుకుగానిర్ధారించారు. దీంతో అప్పట్లో రెండు ఎంఎల్‌ఎస్ పాయింట్ల ఇన్‌చార్జీలను జిల్లా యంత్రాంగం సస్పెండ్ చేసింది. మిల్లర్ల లాబీకి తలొగ్గిన జిల్లా అధికారులు పునర్విచారణ జరిపి కోట్ల రూపాయలు విలువ చేసే ఈ సరుకును తిరిగి మిల్లర్లకు కట్టబెట్టినట్టు ప్రచారం జరిగింది. ఈ వ్యవహారంలో లక్షల రూపాయలు చేతులు మారినట్లు అప్పట్లో ఆరోపణలు వచ్చినా ఉన్నతాధికారులు మిన్నకుండిపోయారు.
  
  అక్రమాలకు అడ్డాలు..
  ఎఫ్‌సీఐ గోదాముల నుంచి మండల్ లెవల్ స్టాక్(ఎంఎల్‌ఎస్) పాయింట్లకు స్టేజ్-1 రవాణా కాంట్రాక్టర్లు సరుకులను చేరవేస్తున్నారు. వే బ్రిడ్జీలు లేకపోవడంతో అక్కడికి చేరిన సరుకును తూకం వేయకుండానే బస్తాలను లెక్కించి గుడ్డిగా నిర్ధారించుకుంటున్నారు. ఎఫ్‌సీఐ గోదాముల్లోనే కన్నాలు వేసి ఒక్కో బస్తా నుంచి 2 నుంచి 3 కిలోల వరకు సరుకును తస్కరించి రవాణా చేస్తున్నా స్వీకరించక తప్పని పరిస్థితి నెలకొంది.
   ఇక ఎంఎల్‌ఎస్ పాయింట్లకు చేరిన సరుకును చౌక ధరల దుకాణాలకు తరలించే ‘స్టేజ్-2’ రవాణా వ్యవస్థలోనూ కొందరు దండిగా సంపాదిస్తున్నారు. 19 ఎంఎల్‌ఎస్ పాయింట్ల ద్వారా జిల్లాలోని 46 మండలాలకు సరుకుల పంపిణీ జరుగుతోంది. స్టాకు లెక్కల్లో భారీ తేడాలు వెలుగు చూస్తున్నా అధికారులు చర్యలు తీసుకోవడం లేదు. తహశీల్దార్లు గోదాము ఇన్‌చార్జీలకు ఫోన్ చేసి స్టాకు వివరాలను సేకరించి తనిఖీ చేసినట్లు నివేదికలు పంపుతున్నారు. ఈ అంశంపై ఇప్పటికైనా జిల్లా యంత్రాంగం నిఘా సారించాల్సిన అవసరం ఎంతైనా ఉంది.