కోస్టారికన్‌ ఫుట్‌బాల్‌ క్రీడాకారుడు జీసస్ అల్బెర్టో లోపెజ్ ఓర్టిజ్(29) ప్రమాదవశాత్తు మొసలి దాడిలో ప్రాణాల కోల్పోయాడు. కోస్టారికాలోని కానస్ నదిలో ఈ ఘటన జరిగింది. వ్యాయామం చేస్తూ ఫిషింగ్ బ్రిడ్జ్‌ నుంచి ఓర్టిజ్.. నదిలో దూకాడని ప్రత్యక్ష సాక్షులు తెలిపారు. నదిలో మొసళ్లు ఉంటాయని తెలిసినప్పటికీ క్రీడాకారుడు నదిలో దూకినట్లు పేర్కొన్నారు. ఓర్టిజ్ కానస్‌ నదిలో దూకగానే భారీ పరిమాణంలో ఉన్న మొసలి అతన్ని నీటిలోకి లాక్కెళ్లినట్లు స్థానికులు తెలిపారు. కోస్టారికా రాజధాని సాన్ జోసెకు దాదాపు 140 కిలోమీటర్ల దూరంలో ఈ ఘటన జరిగినట్లు తెలుస్తోంది. ఓర్టిజ్‌ని మొసలి నదిలోకి లాక్కెళ్లిన భయానక దృశ్యాలు తమను ఇంకా వెంటడాతున్నాయని స్థానికులు తెలిపారు. ఈ ఘటనతో స్థానికంగా విషాద ఛాయలు అలుముకున్నాయి. ఓర్టిడ్ ప్రముఖ డిపోర్టివో రియో కానాస్ క్లబ్ జట్టులో సభ్యుడిగా ఉన్నారు. కోస్టారికాకు చెందిన అసెన్సో లీగ్‌లో కూడా ఆయన కనిపించారు. సంబంధిత ఫేస్‌బుక్ పోస్టు ఆధారంగా ఓర్టిజ్ మరణాన్ని ఈ మేరకు జట్టు నిర్దారించింది. జీసస్ అల్బెర్టో లోపెజ్ ఓర్టిజ్ మరణంతో తమ జట్టు శోకసంద్రంలో మునిగినట్లు పేర్కొంది. ఓర్టిజ్ పవిత్ర ఆత్మకు శాంతి కలగాలని కోరింది. 'ఆటగాడిగా, కోచ్‌గా నీ సేవలు మరవలేనివి. భౌతికంగా లేకపోయినా.. నువ్వు ఎప్పుడూ మాతోనే ఉంటావు' అని జట్టు తమ ఫేస్‌బుక్ పోస్టులో ఓర్టిజ్‌ను ఉద్దేశించి సంతాపం తెలిపింది. ఓర్టిజ్ శరీరాన్ని వెలికితీయడానికి స్థానిక యంత్రాంగం ప్రయత్నిస్తోందని అధికార వర్గాలు తెలిపాయి. ఇదీ చదవండి:  పైశాచికత్వం: యువతిని 14 ఏళ్లు బందించి.. శృంగార బానిసగా మార్చి..

ఫుట్‌బాల్‌ హెడ్‌బట్స్‌ షాట్‌ ఆడడం కామన్‌. ఈ క్రమంలో గాయాలు కావడం సహజం. కానీ ఉద్దేశపూర్వకంగా ఆటగాళ్లను గాయపరిచేలా  హెడ్‌బట్స్‌ షాట్‌ కొడితే మాత్రం తప్పు కిందే లెక్క. తాజాగా మహిళల ఫుట్‌బాల్‌లో ఇలాంటి ఘటనే చోటుచేసుకుంది. ఏఎఫ్‌ఏ మహిళల సాకర్‌ టోర్నమెంట్‌లో భాగంగా రేసింగ్‌, ఎల్‌ పొర్వినిర్‌ల మధ్య మ్యాచ్‌ జరిగింది. మ్యాచ్‌లో ఎల్‌ పొర్వినిర్‌ ఆధిపత్యం చూపిస్తుంది. ఇది తట్టుకోని రేసింగ్‌ ఢిపెండర్‌ మారియా బెలెన్‌ తర్బోడా ఎదురుగా వస్తున్న లుడ్మిలా రమ్రెజ్‌ ముఖాన్ని తన తలతో ఒక్క గుద్దు గుద్దింది. దీంతో రమ్రెజ్‌ కిందపడిపోయింది. ఆమె నుదుటి చిట్లి రక్తం కారింది. ఇది గమనించిన రిఫరీ పరిగెత్తుకొచ్చి ఏదో పొరపాటులో జరిగిందేమో అనుకొని ఎల్లో కార్డ్‌ చూపించింది. ఇదే సమయంలో రమ్రెజ్‌ మొహం రక్తంతో నిండిపోయింది. ఇది గమనించిన రిఫరీ ఉద్దేశపూర్వకంగా ప్రత్యర్థి ప్లేయర్‌ తలను పగులగొట్టినందుకు గాను మారియా బెలెన్‌కు రెడ్‌కార్డ్‌ చూపించింది. ఇది సహించని మారియా కాసేపు వాగ్వాదానికి దిగింది. రిఫరీ తన రెడ్‌కార్డ్‌కే కట్టుబడి ఉండడంతో చేసేదేం లేక మైదానాన్ని వీడింది. ఆ తర్వాత ఎల్‌  పొర్వినిర్‌కు వచ్చిన పెనాల్టీ కిక్‌ను సద్వినియోగం చేసుకొని గోల్‌ కొట్టి 1-0తో ఆధిక్యంలోకి వెళ్లడమే గాక మ్యాచ్‌ను గెలుచుకుంది. దీనికి సంబంధించిన వీడియో సోషల్‌ మీడియాలో వైరల్‌గా మారింది. వీడియో చూసిన అభిమానులు.. ''ఇది కచ్చితంగా కావాలని చేయలేదు.. మనసులో ఏదో పెట్టుకొనే ఈ పని చేసినట్లుంది'' అని కామెంట్‌ చేశారు. ¡UFFFF, TREMENDO CHOQUE! 💥 Por este cabezazo a destiempo sobre Ludmila Ramírez fue expulsada María Belén Taborda. 🟨 En primera instancia, la árbitra Estefanía Pinto amonestó, pero luego rectificó su sanción.🟥 Con 10 Racing ante El Porvenir.#FUTBOLenDEPORTV | @YPFoficial pic.twitter.com/rd15TdGQnO — DEPORTV (@canaldeportv) May 23, 2023 ¡SE GRITA EN GERLI! ⚽️ Apareció Karina 'Chicho' Merlo con un potente tiro libre para adelantar a @elporvenirfem 1-0 sobre Racing. #FUTBOLenDEPORTV | @YPFoficial pic.twitter.com/vIqe9i9kTN — DEPORTV (@canaldeportv) May 23, 2023 చదవండి: ప్లాన్‌ వేసింది ఎవరు.. చిక్కకుండా ఉంటాడా?

మలాంగ్‌(ఇండోనేషియా): ప్రపంచ క్రీడా చరిత్రలో మరో దారుణ సంఘటన చోటుచేసుకుంది. సాకర్‌ స్టేడియంలో తొక్కిసలాట జరిగి ఇద్దరు పోలీసులు సహా 125 మంది అభిమానులు ప్రాణాలు కోల్పోయారు. ఓడిపోయిన జట్టు మద్దతుదారులు క్రీడా స్ఫూర్తిని మర్చిపోయి ఆగ్రహావేశాలతో ఘర్షణకు దిగడం రణరంగానికి దారితీసింది. ఇండోనేషియాలో తూర్పు జావా ప్రావిన్స్‌లోని మలాంగ్‌ సిటీలో కంజురుహాన్‌ స్టేడియంలో శనివారం ఈ దారుణం జరిగింది. ఇప్పటిదాకా 125 మంది మృత్యువాత పడ్డారు. తొక్కిసలాటలో మరో 100 మందికిపైగా ప్రేక్షకులు గాయాలపాలై ఆసుపత్రుల్లో చికిత్స పొందుతున్నారు. వీరిలో 11 మంది పరిస్థితి అత్యంత విషమంగా ఉన్నట్లు ప్రభుత్వం వెల్లడించింది.   భాష్పవాయువు ప్రయోగంతో అలజడి   కంజురుహాన్‌ స్టేడియంలో తూర్పు జావాకు చెందిన అరెమా ఎఫ్‌ఎస్‌ జట్టు, సురబయాకు చెందిన పెర్సిబయా జట్టుకు మధ్య శనివారం సాయంత్రం ఫుట్‌బాల్‌ మ్యాచ్‌ నిర్వహించారు. 32,000 మంది ప్రేక్షకులతో స్టేడియం కిక్కిరిసిపోయింది. వీరంతా అతిథ్య జట్టు అరెమా ఎఫ్‌ఎస్‌ మద్దతుదారులే. పెర్సిబయా జట్టు చేతిలో అరెమా జట్టు 3–2 తేడాలో ఓటమి పాలయ్యింది. ఈ పరాజయాన్ని అభిమానులు జీర్ణించుకోలేకపోయారు. క్రీడాకారులపై, సాకర్‌ అధికారులపై నీళ్ల సీసాలు, చేతిలో ఉన్న వస్తువులు విసిరారు. దాదాపు 3,000 మంది బారికేడ్లు దాటుకొని ప్రధాన మైదానంలోకి ప్రవేశించారు. అరెమా జట్టు మేనేజ్‌మెంట్‌తో ఘర్షణకు దిగారు. సొంత గడ్డపై 23 ఏళ్లుగా విజయాలు సాధిస్తున్న అరెమా టీమ్‌ ఇప్పుడెందుకు ఓడిపోయిందో చెప్పాలంటూ నిలదీశారు. అరుపులు కేకలతో హోరెత్తించారు. మరికొందరు స్టేడియం బయటకువెళ్లి, అక్కడున్న పోలీసు వాహనాలను ధ్వంసం చేసి, నిప్పుపెట్టారు. పోలీసులపై దాడి చేసేందుకు ప్రయత్నించారు. పరిస్థితి చెయ్యి దాటిపోతుండడంతో అల్లరి మూకను చెదరగొట్టడానికి పోలీసులు భాష్పవాయువు ప్రయోగించారు. భాష్పవాయువు గోళాలు స్టేడియంలోకి సైతం దూసుకెళ్లాయి. స్టాండ్స్‌లో కూర్చున్న అభిమానులు భయాందోళనకు గురయ్యారు. బాష్పవాయువును తప్పించుకోవడానికి అందరూ ఒక్కసారిగా బయటకు వెళ్లేందుకు ప్రయత్నించారు. దీంతో తొక్కిసలాట మొదలయ్యింది. ఒకరిపై ఒకరు పడిపోవడంతో ఊపిరాడని పరిస్థితి. స్టేడియంలోనే 34 మంది మరణించారు. వందలాది మంది గాయపడ్డారు. ఆసుపత్రులకు తరలిస్తుండగా కొందరు, చికిత్స పొందుతూ మరికొందరు మృతిచెందారు. మృతుల్లో చిన్నపిల్లలు కూడా ఉన్నారని అధికారులు చెప్పారు. మృతుల సంఖ్య పెరిగే అవకాశం ఉందన్నారు. ఈ ఘటనతో ఇండోనేషియా సాకర్‌ అసోసియేషన్‌ ప్రీమియర్‌ సాకర్‌ లీగ్‌ లిగా–1ను నిరవధికంగా వాయిదా వేశారు.   ఇదే చివరి విషాదం కావాలి: జోకో విడోడో   ఫుట్‌బాల్‌ స్టేడియంలో తొక్కిసలాట జరగడం, 125 మంది మరణించడం పట్ల ఇండోనేషియా అధ్యక్షుడు జోకో విడోడో తీవ్ర దిగ్భ్రాంతి వ్యక్తం చేశారు. ఆయన ఆదివారం టీవీలో దేశ ప్రజలను ఉద్దేశించి మాట్లాడారు. ఈ సంఘటన పట్ల తీవ్ర విచారం వ్యక్తం చేస్తున్నట్లు చెప్పారు. దేశంలో ఇదే చివరి క్రీడా విషాదం కావాలని ఆశిస్తున్నట్లు తెలిపారు. భవిష్యత్తులో ఇలాటి దారుణాలు జరగకూడదని కోరుకుంటున్నట్లు వివరించారు. ప్రజలంతా క్రీడాస్ఫూర్తిని పాటించాలని, మానవత్వం, సోదరభావాన్ని కలిగి ఉండాలని కోరారు. మొత్తం ఘటనపై సమగ్ర దర్యాప్తు జరపాలని కీడ్రలు, యువజన శాఖ మంత్రికి, సంబంధిత అధికారులకు జోకో విడోడో ఆదేశాలు జారీ చేశారు.   ఇండోనేషియా సాకర్‌ ప్రతిష్టకు మచ్చ   జాతీయ, అంతర్జాతీయ స్థాయిల్లో సాకర్‌ మ్యాచ్‌లకు తాము సన్నద్ధం అవుతున్న తరుణంలో స్టేడియంలో అభిమానులు ప్రాణాలు కోల్పోవడం బాధాకరమని ఇండోనేషియా క్రీడలు, యువజన శాఖ మంత్రి జైనుదిన్‌ అమాలీ చెప్పారు. ఈ ఘటన తమ దేశ సాకర్‌ క్రీడా ప్రతిష్టను మసకబార్చిందని ఆవేదన వ్యక్తం చేశారు. వచ్చే ఏడాది మే 20 నుంచి జూన్‌ 11 వరకు జరిగే ఫీఫా యూ–20 ప్రపంచ కప్‌నకు ఇండోనేషియా అతిథ్యం ఇవ్వబోతోంది. ఇందుకోసం ఏర్పాట్లు సైతం ప్రారంభించింది. నిజానికి ప్రపంచ సాకర్‌ క్రీడా సమాఖ్య ‘ఫిఫా’ నిబంధనల ప్రకారం స్టేడియంలో బాష్పవాయువు ప్రయోగించకూడదు. దేశీయంగా జరిగే క్రీడలపై ఫిఫా నియంత్రణ లేకపోవడం కొన్నిసార్లు పరిస్థితి అదుపు తప్పుతోంది.     ఆట చూసేందుకు వచ్చి అనంత లోకాలకు.. ప్రపంచ క్రీడాలో చరిత్రలో ఇప్పటిదాకా ఎన్నో విషాదాలు చోటుచేసుకున్నాయి. మైదానాలు రక్తసిక్తమయ్యాయి. ఆట చూసి ఆనందించేందుకు వచ్చిన అభిమానులు విగతజీవులయ్యారు. ఎంతోమంది క్షతగాత్రులుగా మారారు.  విషాదాలు కొన్ని..   1979 డిసెంబర్‌ 3:  అమెరికాలోని సిన్సినాటీలో రివర్‌ఫ్రంట్‌ మైదానంలో తొక్కిసలాట జరిగింది. 11 మంది మృతి చెందారు.   1980 జనవరి 20: కొలంబియాలోని సిన్సిలెజె పట్టణంలో బుల్‌ఫైట్‌ కోసం తాత్కాలికంగా కర్రలతో నిర్మించిన నాలుగు అంతస్తుల స్టేడియం కూలిపోయింది. ఈ ఘటనలో 200 మంది బలయ్యారు.    1988 మార్చి 13: నేపాల్‌లోని ఖాట్మాండు స్టేడియంలో సాకర్‌ మ్యాచ్‌ జరుగుతుండగా అకస్మాత్తుగా వడగళ్ల వాన మొదలయ్యింది. స్టేడియంలో తొక్కిసలాట జరిగి 93 మంది చనిపోయారు.   1989 ఏప్రిల్‌ 15: ఇంగ్లాండ్‌లోని షెఫీల్డ్‌లో హిల్స్‌బరో స్టేడియంలో అభిమానుల నడుమ ఘర్షణ జరిగింది. 97 మంది మరణించారు.     1996 అక్టోబర్‌ 16:  గ్వాటెమాలాలోని గ్వాటెమాలా సిటీలో సాకర్‌ ప్రపంచ కప్‌ క్వాలిఫయర్‌ మ్యాచ్‌లో గ్వాటెమాలా, కోస్టారికా అభిమానుల మధ్య ఘర్షణ చోటుచేసుకుంది. 84 మంది విగత జీవులుగా మారారు.   2001 మే 9:   ఘనా రాజధాని అక్రాలో స్టేడియంలో ఘర్షణ, అనంతరం తొక్కిసలాట. 120 మందికిపైగా ప్రేక్షకులు బలయ్యారు.  

కోచ్‌తో ఉన్న ఇబ్బంది కారణంగా 15 మంది మహిళా ఫుట్‌బాల్‌ ప్లేయర్లు జట్టు నుంచి వైదొలగడం కలకలం రేపింది. స్పెయిన్‌ ఫుట్‌బాల్‌లో ఇది చోటుచేసుకుంది. విషయంలోకి వెళితే.. స్పెయిన్‌ మహిళల ఫుట్‌బాల్‌ కోచ్‌గా జార్జ్‌ విల్డా వ్యవహరిస్తున్నాడు. తమ ఆరోగ్యంపై, మానసిక పరిస్థితిపై ప్రభావం చూపేలా కోచ్‌ విల్డా తమను ఇబ్బందులకు గురి చేస్తున్నాడంటూ మహిళా ప్లేయర్లు ఆరోపించారు. తమ సమస్యలకు ప్రధాన కారణం కోచ్‌ విల్డా అంటూ స్పానిష్‌ సాకర్ ఫెడరేషన్‌కు ఈ-మెయిల్‌ పంపారు. కోచ్‌పై వేటు వేయాలని స్పష్టంగా పేర్కొనలేదు కానీ అతని వల్ల ఇబ్బంది కలుగుతుందని మాత్రం లేఖలో వెల్లడించారు. ఈ పరిస్థితిలో మార్పు వచ్చేంతవరకు జట్టుకు దూరంగా ఉంటామని 15 మంది తేల్చి చెప్పారు. కాగా కోచ్‌ విల్డా పనితీరుపై సంతృప్తిగా లేకపోవడం వల్లే ఇలాంటి ఆరోపణలు చేస్తున్నారని తెలిసింది. ఇంతకముందు కూడా మీడియా సమావేశంలోనూ ఇదే విషయాన్ని వెల్లడించారు. మరోవైపు తమకు ఎలాంటి లేఖ, ఈ-మెయిల్‌ అందలేదని స్పానిష్‌ సాకర్‌ ఫెడరేషన్‌ పేర్కొంది. కోచ్‌ విల్డా మహిళా ప్లేయర్లను ఇబ్బందికి గురిచేసినట్లు.. లైంగిక వేధింపుల పాల్పడినట్లు తమకు ఎలాంటి సమాచారం లేదని తెలిపింది. కోచ్‌ విల్డాకు క్షమాపణ చెప్పేవరకు 15 మంది మహిళా ప్లేయర్లను జట్టులోకి అనుమతించేది లేదని స్పష్టం చేసింది. కాగా స్పెయిన్‌ మహిళల ఫుట్‌బాల్‌ జట్టు వచ్చే నెల 7న స్వీడన్‌, 11న అమెరికాతో ఫ్రెండ్లీ మ్యాచ్‌లు ఆడాల్సి ఉంది. ఈ మ్యాచ్‌లకు ఆడే జట్టును కోచ్‌ విల్డానే ఎంపిక చేయాల్సి ఉంది. చదవండి: ఓటమితో కెరీర్‌కు వీడ్కోలు.. ఫెదరర్‌, నాదల్‌ కన్నీటి పర్యంతం బుమ్రా యార్కర్‌కు ఆస్ట్రేలియా కెప్టెన్‌ ఫిదా

మన పిల్లలు స్కూళ్లకు వెళతారు. ఆపై ఉద్యోగాలకు వెళతారు. ఆపై జీవితాల్లో స్థిరపడతారు. కాని సమాజం ఒక కుటుంబం అనుకుంటే ఇవన్నీ దక్కని పిల్లలున్న భారతదేశం ఒకటి ఉంది. అది మురికివాడల భారతదేశం. ‘వాళ్లూ మన పిల్లలే. వాళ్లను ఇలాగే వదిలేస్తామా?’ అంటాడు అమితాబ్‌ ‘ఝండ్‌’లో. వ్యసనాలతో బాధ పడుతూ నేరాలు చేస్తూ జైళ్ల పాలవుతూ వీరు పడే సలపరింతకు సమాజానిదే బాధ్యత. వారి కోసం పట్టించుకుందాం అని గట్టిగా చెప్పిన ఝండ్‌ ఈవారం సండే సినిమా. ‘ప్రపంచ మురికివాడల సాకర్‌ కప్‌’కి ఇండియా టీమ్‌కు ఆహ్వానం అందుతుంది. ఆ టీమ్‌లో ఉన్నది ఎవరు? చెత్త ఏరుకుని జీవించే మురికివాడల పిల్లలు, తల్లిదండ్రులు నిరక్షరాస్యులు కావడం వల్ల చదువుకోలేకపోయిన ఆడపిల్లలు, కుటుంబ కష్టాల్లో ఉన్న మైనారిటీలు, రైళ్లలో బొగ్గు దొంగతనం చేసే దొంగలు, సారాయి బానిసలు, వైటనర్‌ను పీల్చే వ్యసనపరులు... వీళ్లంతా మహా అయితే 20 ఏళ్ల లోపు వారు. ఒక రకంగా వారి జీవితం నాశనమైపోయింది. కాని వారికి ఒక్క చాన్స్‌ ఇవ్వదలిస్తే? ఆ ఒక్క చాన్సే ‘వరల్డ్‌ హోమ్‌లెస్‌ సాకర్‌ కప్‌’లో పాల్గొనడమే అయితే... ఆహ్వానం అందింది కాని మరి అందుకు పాస్‌పోర్ట్‌లు? పాస్‌పోర్ట్‌ పొందడం ఈ దేశంలో కొంతమందికి ఎంత కష్టమో దర్శకుడు ఈ సినిమా లో వివరంగా చూపిస్తాడు. కొందరి దగ్గర పాస్‌పోర్ట్‌కు అప్లై చేయడానికి ఏ కాగితమూ ఉండదు. ఒకడికి పాస్‌పోర్ట్‌ ఇవ్వడానికి వాడి మీద ఉండే పోలీస్‌కేసు అడ్డంకిగా మారుతుంది. ఆ వంకతో వాడికి పాస్‌పోర్ట్‌ ఇవ్వడం మానేస్తే వాడు సమాజం మీద మరింత ద్వేషం పెంచుకుంటాడు. తనను తాను మరింతగా ధ్వంసం చేసుకుంటాడు. అందుకే వాడికి పా‹స్‌పోర్ట్‌ ఇప్పించేందుకు తానే జడ్జి ముందు మొరపెట్టుకుంటాడు ఫుట్‌బాల్‌ కోచ్‌ అయిన అమితాబ్‌. ‘మన కళ్లెదురుగా ఉన్నదే మనకు తెలిసిన భారతదేశం కాదు. మనం చూడని భారతదేశం ఒకటి ఉంది. దానిని చూడకుండా మన కళ్లకు అడ్డుగా ఒక పెద్ద గోడ ఉంది. ఆ గోడ అవతల ఎంతోమంది బాల బాలికలు దీనమైన బతుకులు బతుకుతున్నారు. సమాజం పట్టించుకోకపోవడం వల్ల అరాచకంగా మారి సమాజం దృష్టిలో మరింత చెడ్డ అవుతున్నారు. ఈ పిల్లలు అద్భుతంగా ఫుట్‌బాల్‌ ఆడుతున్నారు. వీరు ఇలాంటి ఆటల్లో పడితే, వ్యసనాల నుంచి బయటపడి ఒక అర్థవంతమైన బతుకు బతుకుతారు’ అంటాడు అమితాబ్‌. ఝండ్‌ (గొడ్ల గుంపు. స్లమ్‌ పిల్లల ఫుట్‌బాల్‌ టీమ్‌ను కనీసం టీమ్‌ అనైనా పిలవకుండా గొడ్లగుంపు అని పిలుస్తారు డబ్బున్నవాళ్లు ఈ సినిమాలో) మార్చి 4న విడుదలైంది. అమితాబ్‌ ప్రధాన పాత్రలో నటించాడు. మిగిలిన వాళ్లలో చాలామంది స్లమ్‌ కుర్రాళ్లు నటించారు. మరాఠీలో ‘సైరాట్‌’ తీసి భారీ పేరు గడించిన దర్శకుడు నాగరాజ్‌ మంజులే ఈ సినిమాతో కూడా ప్రశంస లు అందుకుంటున్నాడు. ఈ సినిమాను నాగ్‌పూర్‌కు చెందిన విజయ్‌ బర్సే అనే టీచర్‌ జీవితం ఆధారంగా తీశారు. ఆ పాత్రనే అమితాబ్‌ పోషించాడు. నాగ్‌పూర్‌లో ఒక కాలేజ్‌ లో ఫిజికల్‌ ఎడ్యుకేషన్‌ టీచర్‌గా పని చేసిన విజయ్‌ బర్సే ఆ పక్కనే ఉండే మురికివాడల్లోని పిల్లలు అద్భుతంగా ఫుట్‌బాల్‌ ఆడటం చూసి వారికోసం ‘స్లమ్‌ సాకర్‌ క్లబ్‌’లను స్థాపించాడు. వారికి కొత్త జీవితం ప్రసాదించాడు. అందుకు తగ్గట్టుగా ‘ఝండ్‌’ మొత్తం సినిమాను నాగ్‌పూర్‌లో తీశారు. అయితే ఈ సినిమా చూస్తున్నంతసేపూ ఇది నాగ్‌పూర్‌కు చెందినది మాత్రమే కాదని, దేశంలో ఉన్న ఏ మురికివాడకు చెందిన కథేనేమోనని అనిపిస్తుంది. ముఖ్యంగా పాత్రలను మురికివాడల నుంచే తీసుకోవడం వల్ల వారి బతుకు తీవ్రమైన వేదన కలిగిస్తుంది. మర్యాదకరమైన జీవితాన్ని అనుభవిస్తున్న మధ్యతరగతి, ధనిక వర్గాలతో పోలిస్తే వారి జీవితంఘోరంగా ఉంటుంది. సమాజపు ఫలాలకు వారూ హక్కుదారులే. వారూ దేశం బిడ్డలే. వారూ అందరిలాంటి పిల్లలే. వారి కోసం ఎందుకు సమాజం ఆలోచించదు? ఎందుకు వారిని ఈసడించుకుని పదే పదే వారిని మరింత నిరాశలోకి తిరుగుబాటులోకి నెడుతుంది అనిపిస్తుంది. ఈ కథలో నాగ్‌పూర్‌లోని ఒక మధ్యతరగతి కాలనీని ఆనుకుని ఉండే మురికివాడలోని పిల్లలకు ఆ మధ్యతరగతి కాలనీలో నివసించే అమితాబ్‌ దగ్గర అవుతాడు. అప్పటికే వాళ్లు అరాచకంగా ఉంటారు. వారికి జీవితం మీద ఏ ఆశా లేదు. వారికి ఫుట్‌బాల్‌ ఆడితే  డబ్బు ఇస్తూ ఆ ఆట మీద మోజు కలిగిస్తాడు. మెల్లమెల్లగా వారికి ఆ ఆట నిజమైన నషాగా మారుతుంది. అందరూ ఆటగాళ్లు అవుతారు. అప్పుడు అమితాబ్‌ తన కాలేజీలో దేశంలోని అన్ని మురికివాడల టీమ్‌లను పిలిపించి జాతీయ టోర్నమెంట్‌ ఆడిస్తాడు. ఆ తర్వాత ఈ టీమ్‌లన్నింటి నుంచి ఒక టీమ్‌ తయారు చేసి వరల్డ్‌కప్‌కు తీసుకువెళతాడు. అయితే ఆ మొదలు నుంచి ఈ చివరకు మధ్య ఎన్నో బరువెక్కే సన్నివేశాలు. కన్నీటి గాధలు. నిస్సహాయ క్షణాలు. సామాజిక చైతన్యం కలిగించే ఇటువంటి కథలకు హిందీలో పెద్ద పెద్ద స్టార్లు మద్దతు ఇస్తున్నారు. రణ్‌వీర్‌ సింగ్‌ ‘గల్లీ బాయ్‌’ చేశాడు. అమితాబ్‌ ‘ఝండ్‌’ చేశాడు. దక్షిణాదిలో కూడా ఇలాంటి ప్రయత్నాలు జరగాలి. మనం రోడ్డు మీద వెళుతున్నప్పుడు ట్రాఫిక్‌ సిగ్నల్స్‌ దగ్గర పిల్లలు బిచ్చమెత్తుతూ కనిపిస్తే తప్పక ‘ఝండ్‌’ సినిమా గుర్తుకొస్తుంది. ఎందుకంటే అది చూపే ప్రభావం అలా ఉంటుంది. చూడండి.

టోక్యో: ఒలింపిక్స్‌ పోటీలు అధికారికంగా ప్రారంభం కావడానికి ముందే ఫుట్‌బాల్‌ లీగ్ మ్యాచ్‌లు ప్రారంభమయ్యాయి. గ్రూప్‌-సిలో భాగంగా గురువారం స్పెయిన్-ఈజిప్ట్‌ల మధ్య జరిగిన మ్యాచ్‌ డ్రా(0-0) కాగా, గ్రూప్-ఏలో భాగంగా మెక్సికో-ఫ్రాన్స్‌ల మధ్య జరిగిన మరో మ్యాచ్‌లో మెక్సికో.. బలమైన ఫ్రెంచ్‌ జట్టుకు షాకిచ్చింది. ఫ్రాన్స్‌పై మెక్సికో 4-1 తేడాతో ఘన విజయం సాధించింది. ఈ మ్యాచ్‌ సెకండాఫ్‌లో అలెక్సిస్ వెగా, సెబాస్టియన్ కార్డోవా, యూరియల్ ఆంటునా, ఎరిక్ అగిర్‌లు తలో గోల్ చేయడంతో మెక్సికో ఫ్రాన్స్‌కు ఊహించని షాక్ ఇచ్చింది.  మరోవైపు యూరో కప్ 2020 సెమీ ఫైనలిస్ట్‌ స్పెయిన్ జట్టుకు తొలి మ్యాచ్‌లోనే ఎదురుదెబ్బ తగిలింది. ఈజిప్ట్‌తో జరిగిన మ్యాచ్‌లో ఇద్దరు ఆటగాళ్లు గాయపడంతో ఆ జట్టు పేలవ ప్రదర్శనతో అతికష్టం మీద డ్రాతో గట్టెక్కింది. కాగా, స్పెయిన్‌ జట్టు చివరిసారిగా 1992 ఒలింపిక్స్‌లో స్వర్ణ పతకం సాధించింది.  ఇక గ్రూప్‌ బిలో న్యూజిలాండ్-దక్షిణ కొరియా మధ్య జరిగిన మ్యాచ్‌లో న్యూజిలాండ్‌కు చెందిన క్రిస్ వుడ్ గోల్ వేయడంతో ఆ జట్టు 1-0తో విజయం సాధించింది. ఇక తదుపరి మ్యాచ్‌లో ఆతిథ్య జపాన్ జట్టు దక్షిణాఫ్రికాను ఢీకొనాల్సి ఉంది. అయితే కరోనా కారణంగా ఈ మ్యాచ్ రద్దయ్యే అవకాశాలు కనిపిస్తున్నాయి. టోక్యోకు బయలుదేరే ముందు దక్షిణాఫ్రికా జట్టులోని కొందరు కరోనా బారిన పడ్డారు. వారి బృందం టోక్యోకు చేరుకోగానే ముగ్గురికి కరోనా పాజిటివ్‌గా తేలింది.

అర్జెంటీనా మురికివాడలోని నిరుపేద కుటుంబంలో పుట్టిన అతి సామాన్యుడు అనన్య సామాన్యుడిగా ఎదగడం... పసి ప్రాయంలోనే తాను మనసు పారేసుకున్న సాకర్‌ క్రీడకు తన సర్వసాన్నీ అంకితం చేసి ఆ రంగంలో ఆకాశపుటంచుల్ని తాకడం ఊహించలేం. రెప్పపాటులో చేసిన ఒకే ఒక్క గోల్‌తో ప్రపంచవ్యాప్తంగా కోట్లాదిమందిని మంత్రముగ్ధుల్ని చేసి, వారి హృద యాల్లో సుస్థిర స్థానం సంపాదించుకోవటం నమ్మశక్యం అనిపించదు. కానీ బుధవారం కన్ను మూసిన సాకర్‌ దిగ్గజం డీగో మారడోనా తన జీవితకాలంలో అన్నీ చేసి చూపాడు.  నాలుగేళ్ల కొకసారి వచ్చే సాకర్‌ సంగ్రామం కోసం ప్రపంచం మొత్తం ఉత్కంఠతో ఎదురుచూస్తుంది. ఆ రంగంలో మారడోనాకు ముందు, తర్వాత దిగ్గజాలనిపించుకున్న క్రీడాకారులు చాలామందే వచ్చారు. వారు కూడా చెరగని ముద్రేశారు. పీలే, లియోనల్‌ మెసీ, పీటర్‌ షిల్టన్, గెర్డ్‌ ముల్లర్, జస్ట్‌ ఫాంటెయిన్, గెర్డ్‌ ముల్లర్, జిదాన్‌... ఇలా ఎందరెందరో తమ తమ జట్టుల్ని గెలిపించడంలో, మంచి ఆటతో మెరిపించడంలో, స్టేడియంలోని ప్రేక్షకుల్ని సమ్మోహితుల్ని చేయడంలో సిద్ధహస్తులే. కానీ వీరెవరిలోనూ లేని మార్మికత ఏదో మారడోనాలో దాగుంది. అందుకే ప్రపంచం అతని ప్రతిభకు మోకరిల్లింది. మురికివాడలో చిల్లులుపడిన ఇరుకిరుకు రేకుల షెడ్‌లాంటి కొంపలో ఎనిమిదిమంది సంతానం వున్న ఒక నిరుపేద కుటుంబంలో పుట్టినవాడు ఒకనాడు సాకర్‌ సామ్రాజ్యాన్ని ఏలుతాడని ఎవరూ అనుకోలేదు.  అసలు అతగాడి ఆటను గుర్తించిన ఘనులెవ్వరూ లేరు. తమలో ఒకడిగా వున్నవాడి చతురతను ముందుగా సామాన్యులే కనిపెట్టారు. తాను పుట్టిన బ్యూనస్‌ ఎయిర్స్‌లో ఎక్కడ ఫుట్‌ బాల్‌ మ్యాచ్‌ జరిగితే అక్కడల్లా ప్రత్యక్షమై దాని వెలుపల విన్యాసాలు చేసే ఏడెనిమిదేళ్ల మారడోనాలో మొదటగా భవిష్యత్తు దిగ్గజాన్ని దర్శించినవారు సాధారణ ప్రేక్షకులే. మ్యాచ్‌ జరిగే ప్రతిచోటా గ్రౌండ్‌ వెలుపల బంతిని కిందపడనీయకుండా కాలితో విన్యాసాలు చేసే కుర్ర మారడోనా వారికి ప్రత్యేక ఆకర్షణ. స్టేడియంలో ఆట విసుగు పుట్టించినప్పుడు బయటికొచ్చి మారడోనా చుట్టూ చేరడం వారికి అలవాటైంది. అది కాస్తా అతనిపై ప్రేమగా మారింది.  ఆ తర్వాత వారే ఫుట్‌బాల్‌ నిర్వాహకులపై ఒత్తిళ్లు తెచ్చారు. ఎంతసేపూ స్టేడియంలోనేనా...దాని వెలుపల ప్రతిభావంతులు మీకు కనబడరా? అంటూ నిలదీశారు. అలా స్టేడియంలోకి అడుగుపెట్టినవాడు మారడోనా. ఆ తర్వాత అతను ఆడే లిటిల్‌ ఆనియన్స్‌ టీం పేరు మార్మోగింది. అతగాడు కొట్టే ప్రతి షాటూ గోల్‌ అవుతుంటే అందరూ బిత్తరపోయి చూసేవారు. ఆ టీం వరసగా 140 మ్యాచ్‌లు గెలుచుకుని చరిత్ర సృష్టిస్తే అందుకు ఏకైక కారణం మారడోనాయే కావడం యాదృచ్ఛికం కాదు.    మెక్సికోలో 1986లో జరిగిన ప్రపంచ కప్‌ సాకర్‌లో ఇంగ్లండ్‌ టీంపై వేసిన రెండో గోల్‌తో ఆ టీంను మట్టికరిపించడమే కాదు... ప్రపంచం మొత్తాన్ని పాదాక్రాంతం చేసుకున్న మారడోనాకు రాజకీయంగా కొన్ని దృఢమైన విశ్వాసాలున్నాయి. నిజానికి అలాంటి విశ్వాసమే ఆనాడు తనతో గోల్‌ చేయించిందని ఒక సందర్భంలో మారడోనా చెప్పాడు. ప్రపంచ కప్‌ సాకర్‌కు సరిగ్గా నాలుగేళ్ల ముందు తమ ఫాక్‌లాండ్‌ దీవుల్ని బ్రిటన్‌ దురాక్రమించిన వైనాన్ని, ఆ దీవుల్ని వల్లకాడుగా మార్చిన వైనాన్ని మారడోనా మరిచిపోలేదు. ఇంగ్లండ్‌ టీంపై ఆడేటపుడు ఆ యుద్ధం తాలూకు చేదు అనుభవాలను గుర్తుకు తెచ్చుకోవద్దని, ఆటను ఆటలాగే చూసి గెలిచినా, ఓడినా హుందాగా వుండాలని అర్జెంటీనా సాకర్‌ బాధ్యులు తమ క్రీడాకారులకు నూరిపోశారు.  యుద్ధం చేసింది బ్రిటన్‌ సైనికులే తప్ప, అక్కడి ఆటగాళ్లు కాదని కూడా చెప్పారు. కానీ మారడోనా అంతరాంతరాల్లో అది సరికాదనిపించింది. ‘మైదానంలో ఆడేటపుడు నేను ఒక దేశాన్ని జయించాలనుకున్నాను తప్ప, ఫుట్‌బాల్‌ టీంని కాదు. అందుకే ప్రతీకారేచ్ఛతో ఆడాను. గెలుపు సొంతం చేసుకున్నాను’ అని అనంతరకాలంలో మారడోనా అన్నాడు. అప్పటికల్లా అతను ఇంగ్లండ్‌ సాకర్‌ ప్రేమికుల హృద యాల్లో సుస్థిరస్థానం సంపాదించుకున్నాడు. అందుకే తమ దేశం గురించి కటువుగా వ్యాఖ్యా నించిన మారడోనాను వారు పల్లెత్తు మాట అనలేదు. ఆనాటి మ్యాచ్‌లో ‘హ్యాండ్‌ ఆఫ్‌ గాడ్‌’గా నిచిపోయిన గోల్‌ విషయంలో అది ఫుట్‌బాల్‌ క్రీడా చరిత్రలోనే పెద్ద మోసంగా ఒక సర్వేలో ఓటేసిన ఇంగ్లండ్‌ జనమే... మారడోనా వేసిన ఆ రెండో గోల్‌ సాకర్‌ చరిత్రలో అతి విశిష్టమైనదని తీర్పునిచ్చారు.  ఆ రెండు గోల్స్‌ బ్యాంక్‌ ఆఫ్‌ ఇంగ్లండ్‌ ద్రవ్య విధానానికి దారి చూపించాయని ఆ బ్యాంక్‌ చైర్మన్‌ మెర్విన్‌ కింగ్‌ చెప్పారంటే మారడోనా ఎంతటి ఆటగాడో అర్థమవుతుంది.  విప్లవ కారుడు చేగువేరాను పచ్చబొట్టుగా చేసుకున్నా... అమెరికా సామ్రాజ్యవాదానికి ఆజన్మాంతం సవా లుగా నిలిచిన క్యూబా అధినేత ఫైడల్‌ కాస్ట్రోను గుండె నిండా శ్వాసించినా అందుకు మారడోనా లోని సోషలిస్టు భావజాలమే కారణం. లక్షల డాలర్లు ముంచెత్తినా అతనిలోని అతి సామాన్యుడు కనుమరుగుకాలేదు. తొలినాటి వినమ్రత చెక్కుచెదరలేదు.    ఏ ఆరంభానికైనా ముగింపు తప్పదు. కానీ క్రీడాకారుడిగా మారడోనా ముగింపు ఎవరూ ఊహించనిది. ఆ విశిష్ట క్రీడాకారుడు ఎక్కడో మాదకద్రవ్యాల అగాధాల్లోకి జారిపోయాడు. పిచ్‌పై అరివీర భయంకరంగా ఆడి ప్రత్యర్థుల్ని హడలెత్తించినవాడే, పిచ్‌ వెలుపల మాయదారి కొకైన్‌కు లొంగిపోయాడు. ఇరవయ్యో యేట దాపురించిన ఆ అలవాటు ఇరౖÐð  ఏళ్లపాటు మారడోనాను పీడించింది. రెండుసార్లు శస్త్ర చికిత్సలు అవసరమయ్యాయి. అనంతరకాలంలో ఫుట్‌బాల్‌ కోచ్‌గా, మేనేజర్‌గా వ్యవహరించినా మునుపటి మెరుపులు కనుమరుగయ్యాయి. వ్యాధులు చుట్టు ముట్టాయి. ఆరుపదులు దాటకుండానే అవి పొట్టనబెట్టుకున్నాయి. అయితే మెస్సీ అన్నట్టు ‘అతను మనల్ని వదిలివెళ్లాడన్న మాటేగానీ... ఎప్పటికీ మనలోనే వున్నాడు. ఉంటాడు’.

బ్యూనస్‌ ఎయిర్స్‌: అర్జెంటీనా సాకర్‌ దిగ్గజం, 1986 ఫుట్‌బాల్‌ ప్రపంచకప్‌ చాంపియన్‌ కెప్టెన్‌ డీగో మారడోనా ఆసుపత్రి నుంచి గురువారం డిశ్చార్జి అయ్యాడు. ఈ విషయాన్ని అతని వ్యక్తిగత వైద్యుడు, న్యూరాలజిస్ట్‌ లియోపోల్డో లుఖ్‌ వెల్లడించారు. మెదడులోని నాళాల మధ్య రక్త సరఫరాలో ఇబ్బంది తలెత్తడంతో మారడోనాకు గత వారం ‘సబ్‌డ్యూరల్‌ హెమటోమా’ శస్త్రచికిత్స నిర్వహించారు. ఆసుపత్రి నుంచి డిశ్చార్జి అయినప్పటికీ అతను కోలుకునేందుకు ఇంటివద్ద చికిత్స కొనసాగిస్తామని లుఖ్‌ చెప్పారు. ఇటీవలే 60వ పడిలో అడుగుపెట్టిన మారడోనా... తొలుత డిప్రెషన్, ఎనీమియా, డీహైడ్రేషన్‌ లక్షణాలతో ‘లా ప్లాటా’ నగరంలోని ప్రైవేట్‌ ఆసుపత్రిలో చేరారు. పరీక్షల అనంతరం సబ్‌డ్యూరల్‌ హెమటోమా నిర్ధారణ కావడంతో అతన్ని స్థానిక ఓలివోస్‌ క్లినిక్‌లో చేర్పించి వెంటనే శస్త్ర చికిత్స నిర్వహించారు.

ట్యూరిన్‌: సాకర్‌ స్టార్‌ క్రిస్టియానో రొనాల్డో కోవిడ్‌ మహమ్మారి నుంచి కోలుకున్నాడు. ఇటీవల ఈ దిగ్గజ స్ట్రయికర్‌కు కరోనా వైరస్‌ సోకింది. దీంతో ట్యూరిన్‌లోని సొంతింట్లో చికిత్స తీసుకుంటూ ఐసోలేషన్‌కే పరిమితమయ్యాడు. 19 రోజుల తర్వాత పూర్తిగా కోలుకోవడంతో యువెంటస్‌ క్లబ్‌ సంతోషం వెలిబుచ్చింది. ‘రొనాల్డో కులుకున్నాడు. ఇక అతని ఐసోలేషన్‌ ముగిసింది. తాజా స్వాబ్‌ టెస్టులో నెగెటివ్‌ రిపోర్టు వచ్చింది’ జట్టు వర్గాలు తెలిపాయి. కోవిడ్‌ సోకడంతో యువెంటస్‌ క్లబ్‌ తరఫున గత మూడు మ్యాచ్‌లు ఆడలేకపోయాడు. సిరీ ‘ఎ’లో క్రొటోన్, వెరోనా జట్లతో, చాంపియన్స్‌ లీగ్‌లో బార్సిలోనాతో జరిగిన మ్యాచ్‌లకు అతను దూరమయ్యాడు. నేడు యువెంటస్‌... స్పెజియా క్లబ్‌తో తలపడుతుంది. ఈ మ్యాచ్‌లో లేదంటే బుధవారం ఫెరెంక్వారోస్‌తో జరిగే మ్యాచ్‌లోనైనా అతను బరిలోకి దిగే అవకాశలున్నాయి.

రియో: ఫుట్‌బాల్‌ అంటే పడిచచ్చే బ్రెజిల్‌ దేశంలో నిర్వహణాపరంగా ఒక కీలక మార్పు చోటు చేసుకుంది. ఇకపై పురుష ఫుట్‌బాల్‌ ఆటగాళ్లతో సమానంగా జాతీయ జట్టుకు ప్రాతినిధ్యం వహించే మహిళా ఆటగాళ్లకు వేతనాలు ఇవ్వాలని బ్రెజిల్‌ ఫుట్‌బాల్‌ సంఘం (సీబీఎఫ్‌) నిర్ణయించింది. జాతీయ ఫుట్‌బాలర్లందరికీ వేతనాలతో పాటు ప్రైజ్‌మనీ కూడా సమానంగా ఇవ్వనున్నట్లు సీబీఎఫ్‌ అధ్యక్షుడు రోజెరియో కబోల్కో ప్రకటించారు. ‘ఈ ఏడాది మార్చి నుంచి జాతీయ పురుషులు, మహిళల ఫుట్‌బాలర్లకు ప్రతీది సమానంగా ఇవ్వాలని నిర్ణయించాం. ఇక ఏ అంశంలోనూ లింగ వివక్ష ఉండబోదు. పురుషులకు, మహిళలకు సీబీఎఫ్‌ సమాన ప్రాధాన్యతనిస్తుంది. వరల్డ్‌కప్, ఒలింపిక్స్‌ వేదికల్లో ప్రదర్శనలకు కూడా సమాన బహుమతులు లభిస్తాయి’ అని ఆయన వెల్లడించారు. ఇప్పటివరకు ఆస్ట్రేలియా, నార్వే, న్యూజిలాండ్‌ జట్లు మాత్రమే పురుష, మహిళా క్రీడాకారులకు సమాన వేతనాలు అందజేస్తున్నాయి. ఇప్పుడు వీటి సరసన బ్రెజిల్‌ చేరింది.  2007 ప్రపంచ కప్‌లో ఫైనల్‌ చేరడం బ్రెజిల్‌ మహిళల జట్టు అత్యుత్తమ ప్రదర్శన. గత ఏడాది ప్రపంచకప్‌లో గ్రూప్‌ దశకే పరిమితమైన జట్టు... సొంత గడ్డపై జరిగిన 2016 ఒలింపిక్స్‌లో నాలుగో స్థానంలో నిలిచింది.  (చదవండి: అయ్యో...ముర్రే)

సియోల్‌:  క్రిస్టియానో రొనాల్డోనా... మజాకా... అతనొస్తే వేలం వెర్రిగా టికెట్లు అమ్ముడవుతాయ్‌! మరి కోర్టా... మజాకా... అతను ఆడకపోతే ఆ డబ్బులన్నీ తిరిగివ్వాల్సిందే కదా! సియోల్‌లో అప్పుడు జరిగిన మ్యాచ్‌లో సాకర్‌ స్టార్‌ ఆడకపోవడంతో ఇప్పుడు తిరిగి డబ్బు ఇవ్వాల్సిన పరిస్థితి వచ్చింది. గతేడాది జూలైలో ‘ది ఫాస్టా’ సంస్థ కె–లీగ్‌ ఆల్‌స్టార్స్, యువెంటాస్‌ జట్ల మధ్య ఫ్రెండ్లీ ఫుట్‌బాల్‌ మ్యాచ్‌ నిర్వహించింది. అయితే ఆ సంస్థ పోర్చుగల్‌ స్టార్‌ క్రిస్టియానో రొనాల్డో యువెంటాస్‌ తరఫున బరిలోకి దిగుతాడని తెగ ప్రచారం చేసింది. దీంతో 65 వేల టికెట్లు మూడు నిమిషాల్లోపే అమ్ముడయ్యాయి.  కొరియా కరెన్సీలో 30,000 వన్‌ల నుంచి 4,00,000 వన్‌ల వరకు (రూ.1800–రూ. 24,000) ధరలు వెచ్చింది టికెట్లు కొన్నారు. తీరా మ్యాచ్‌ వేదికైన సియోల్‌ వరల్డ్‌కప్‌ స్టేడియానికి వచ్చాక చూస్తే రొనాల్డో బెంచ్‌కే పరిమితమయ్యాడు. బరిలోకే దిగలేదు. ఇది అభిమానుల్ని తీవ్రంగా నిరాశపరిచింది. కనీసం పది నిమిషాలైనా అతను ఆడి ఉంటే కొరియన్లంతా ఎంతో సంతోషంగా ఇంటికెళ్లేవారు. సాకర్‌ స్టార్‌ ఆడకపోవడంతో నిరాశ చెందిన ఇద్దరు అభిమానులు కోర్టుకెళ్లారు. విచారించిన ఇంచ్‌యోన్‌ జిల్లా కోర్టు ఒక్కొక్కరికి 3,71,000 వన్‌లు (రూ.22,285) చెల్లించాలని ‘ది ఫాస్టా’ సంస్థను ఆదేశించింది. (ఇక్కడ చదవండి: 20 కోట్ల ఫాలోవర్లు! )

మేసాయ్‌: థాయిలాండ్‌లోని గుహలో చిక్కుకున్న 12 మంది బాలురు, వారి సాకర్‌ కోచ్‌ను రక్షించేందుకు చేపట్టిన సహాయక చర్యలకు వాతావరణం ప్రతికూలంగా మారింది. వరదల ఉధృతి మరింత పెరగడంతో వారు గుహను ఆనుకుని ప్రవహిస్తున్న ఇరుకైన జలాశయం గుండా ఈదుకుంటూ బయటపడటం మినహా, ప్రస్తుతానికి మరో మార్గంలేదని అధికారులు తెలిపారు. అయితే ఇలా చేయడం అత్యంత ప్రమాదకరమని కూడా తేల్చారు. జూన్‌ 23న మ్యాచ్‌ ముగిసిన తరువాత వారు చియాంగ్‌ రాయ్‌ ప్రావిన్స్‌లో విహార యాత్రకు వెళ్లి, వరదల కారణంగా గుహలో చిక్కుకున్నారు. అప్పటి నుంచి వారి ఆచూకీ కోసం జరుగుతున్న అన్వేషణ మొత్తం ప్రపంచం దృష్టిని ఆకర్షించింది. 11–16 ఏళ్ల మధ్యనున్న ఆటగాళ్లు, 25 ఏళ్ల కోచ్‌ క్షేమంగానే ఉన్నారని, అయితే ప్రతికూల వాతావరణం వల్లనే బయటికి తీసుకురావడం కష్టమవుతోందని అధికారులు తెలిపారు. సహాయక చర్యలను కొనసాగిస్తున్న నేవీ సిబ్బంది, వైద్యులు వారికి ఆహారం, అందిస్తున్నారు.

జెరూసలేం: ఇజ్రాయెల్‌లోని మేటి సాకర్‌ క్లబ్‌ ‘బీటార్‌ జెరూసలేం’ జట్టు పేరు మార్చుకుంది. అమెరికా అధ్యక్షుడు డొనాల్డ్‌ ట్రంప్‌ పేరుతో ఈ సాకర్‌ క్లబ్‌ ముస్తాబైంది. ఇప్పుడు ‘బీటార్‌ ట్రంప్‌ జెరూసలేం’గా సాకర్‌ కిక్‌లు ఇవ్వనుంది. అమెరికా అధ్యక్షుడు ట్రంప్‌ యూఎస్‌ రాయబార కార్యాలయాన్ని టెల్‌ అవివ్‌ నగరం నుంచి జెరూసలేంకు మార్చడంతో ఆయన గౌరవార్థం ట్రంప్‌ పేరు చేర్చామని జట్టు వర్గాలు వెల్లడించాయి. ఈ జట్టు యూరోపా లీగ్‌కు అర్హత సంపాదించింది. ఆరుసార్లు ఇజ్రాయెల్‌ లీగ్‌ చాంపియన్‌ అయిన బీటార్‌ జట్టు అరబ్, ముస్లింలకు బద్ధ వ్యతిరేకి. ఆయా జట్లతో మ్యాచ్‌లు జరిగే సమయంలో బీటార్‌ జెరూసలేం వీరాభిమానులు వారికి వ్య తిరేకంగా నినదించేవారు. దీంతో పలుమార్లు హెచ్చరికలు, జరిమానాలకు కూడా గురైంది.     

సాక్షి, హైదరాబాద్‌: స్ప్రింగ్‌ సాకర్‌ టోర్నమెంట్‌లో పెట్రా స్పోర్ట్స్‌ అకాడమీ జట్లు విజేతగా నిలిచాయి. పుల్లెల గోపీచంద్‌ బ్యాడ్మింటన్‌ అకాడమీలో నిర్వహించిన ఈ టోర్నీలో అండర్‌–11, అండర్‌–14 విభాగాల్లో పెట్రా స్పోర్ట్స్‌ అకాడమీ జట్లు గెలుపొందాయి. అండర్‌–14 విభాగంలో జీఆర్‌ఎఫ్‌ఏతో జరిగిన ఫైనల్లో 2–2తో స్కోర్లు సమం కావడంతో పెనాల్టీ షూటౌట్‌ ద్వారా విజేతను ప్రకటించారు. పెనాల్టీ షూటౌట్‌లో పెట్రా స్పోర్ట్స్‌ అకాడమీ జట్టు 3–1తో విజయం సాధించింది. అంతకుముందు ఢిల్లీ పబ్లిక్‌ స్కూల్‌తో జరిగిన సెమీఫైనల్లో కూడా పెట్రా స్పోర్ట్స్‌ అకాడమీ షూటౌట్‌ ద్వారానే 3–1తో గెలుపొందింది. అండర్‌–11 విభాగంలో హైదరాబాద్‌ హాట్‌స్పర్స్‌తో జరిగిన ఫైనల్లో పెట్రా స్పోర్ట్స్‌ అకాడమీ 2–0తో పెనాల్టీ షూటౌట్‌లో గెలిచింది. అంతకుముందు ఆ జట్టు గచ్చి బౌలి గన్నర్స్‌తో జరిగిన సెమీస్‌లో 1–0తో గెలుపొంది ఫైనల్‌కు అర్హత సాధించింది. అండర్‌–11 విభాగంలో వేద్, వివేక్‌; అండర్‌–14 విభాగంలో వరుణ్, సామిక్‌లు బెస్ట్‌ ప్లేయర్స్‌గా ఎంపికయ్యారు. విజేతలకు బ్యాడ్మింటన్‌ జాతీయ కోచ్‌ పుల్లెల గోపీచంద్‌ తల్లి సుబ్బరావమ్మ బహుమతులు అందజేశారు.     


 మాడ్రిడ్: అర్జెంటీనా ఫుట్ బాల్ టీమ్ మాజీ కెప్టెన్ లియోనెల్ మెస్సీకి స్పానిష్ కోర్టు గట్టి షాక్ ఇచ్చింది. ప్రీమియర్ లీగ్స్ లో బార్సిలోనా జట్టుకు ప్రాతినిథ్యం వహిస్తోన్న మెస్సీ.. ఆదాయపన్ను ఎగవేశారనే నేరం రుజువు కావడంతో స్పెయిన్ కోర్టు అతనికి 21 నెలల జైలు శిక్ష విధించింది. శిక్షతోపాటు రెండు మిలియన్ యూరోల జరిమానాను కూడా విధిస్తున్నట్లు కోర్టు బుధవారం తీర్పు చెప్పింది. మెస్సీ ఆర్థిక వ్యవహారాలను పర్యవేక్షిస్తున్న అతని తండ్రి జార్జ్ మెస్సీకి కూడా 21 నెలల జైలు శిక్షతోపాటు 1.5 మిలియన్ యూరోల జరిమాన విధించింది.
 
 తీర్పు వెలువడగానే మెస్సీ కుటుంబం దిగ్భ్రాంతికి లోనైంది. తాను ఏ తప్పూ చేయలేదంటూ మెస్సీ, అతని తండ్రి కోర్టుకు మొరపెట్టుకున్నారు. దీంతో న్యాయమూర్తి.. తీర్పుపై సుప్రీంకోర్టుకు అప్పీలుకు వెళ్లొచ్చని ఊరడించారు. ప్రపంచంలో భారీగా ఆదాయాన్ని గడిస్తోన్న ఆటగాళ్లలో మెస్సీ ఒకరు. ప్రీమియర్ లీగ్స్ ద్వారా వేలకోట్ల డాలర్లు పోగేసుకుంటోన్న మెస్సీ.. ఆ మేరకు పన్ను చెల్లించడం లేదంటూ స్పెయిన్ ఐటీ శాఖ మూడు కేసులను నమోదు చేసింది. సాక్ష్యాధారాల పరిశీలన అనంతరం కోర్టు తీర్పు చెప్పింది.
 
 
 ఏళ్లుగా అర్జెంటీనా జట్టు సారధిగా, ఫార్వర్డ్ ఆటగాడిగా కొనసాగిన మెస్సీ గత నెలలో జాతీయజట్టు నుంచి తప్పకున్నాడు. కోపా అమెరికా కప్ ఫైనల్స్ లో చిలీ చేతిలో 4-1 తేడాతో ఓడిపోయిన అర్జెంటీనా జట్టును అభిమానులు మొదట తిట్టుకున్నా.. మెస్సీ రాజీనామా ప్రకటనతో కాస్త చల్లబడ్డారు. గత ఫుల్ బాల్ ప్రపంచ కప్ ఫైనల్స్ లోనూ మెస్సీ సారధ్యంలోని అర్జెంటీనా జర్మనీ చేతిలో ఓడిపోయిన సంగతి తెలిసిందే.


 ముంబై: రియో ఒలింపిక్స్‌లో పాల్గొనే భారత బృందానికి గుడ్‌విల్ అంబాసిడర్‌గా వ్యవహరించాలని తనను ఎవరూ కోరలేదని మ్యూజిక్ డెరైక్టర్ ఎ.ఆర్.రెహమాన్ స్పష్టం చేశారు. అలాంటి ప్రతిపాదన తన వద్దకు రాలేదన్నారు.  ‘గుడ్‌విల్ అంబాసిడర్‌గా నియమిస్తున్నారని నేను వార్తల్లోనే విన్నా. అన్ని చోట్ల ఇదే విషయాన్ని అడుగుతున్నారు.
 ఈ ప్రతిపాదనకు సంబంధించి ఎలాంటి మెయిల్స్ రాలేదు. ఈ విషయం మేనేజ్‌మెంట్‌కు తెలిసుండొచ్చు. నాకు కాదు’ అని సాకర్ దిగ్గజం ‘పీలే’ సినిమా ట్రెయిలర్ విడుదల సందర్భంగా రెహమాన్ వ్యాఖ్యానించారు.


 లాస్‌ఏజింల్స్: బ్రిటిష్‌ సాకర్ లెజెండ్ డేవిడ్ బెక్‌హామ్‌ మరో ఘనత సొంతం చేసుకున్నారు. ఆన్‌ ఫీల్డ్‌లోనూ ఆఫ్‌ ఫీల్డ్‌లోనూ అంతర్జాతీయ సెలబ్రిటీగా పేరొందిన ఆయనను పీపుల్ మ్యాగజీన్ ప్రపంచంలోనే జీవించి ఉన్న వ్యక్తల్లో సుకుమారుడిగా (సెక్సీయెస్ట్ మ్యాన్‌ అలైవ్) ఎంపిక చేసింది. మ్యాగజీన్ 30వ వార్షికోత్సవ వేడుకల్లో ఈ టైటిల్‌ను అందుకున్న 40 ఏళ్ల బెక్‌హామ్‌ మాట్లాడుతూ ఈ పురస్కారం అందుకోవడం గొప్ప గౌరవంగా భావిస్తున్నట్టు, ఎంతో సంతోషంగా స్వీకరిస్తున్నట్టు తెలిపాడు.
 
 రిటైర్డ్ ఫుట్‌బాల్ ఆటగాడైన డేవిడ్ బెక్‌హామ్ సతీమణి విక్టోరియా బెక్‌హామ్ ప్రఖ్యాత ఫ్యాషన్ డిజైనర్‌. దీంతో ఆయన అందంగా కనిపించేందుకు ఆమె ఎన్నో జాగ్రత్తలు తీసుకుంటుంది. సహజంగా అందగాడు, ప్రముఖ ఆటగాడు అయిన బెక్‌హామ్ పెప్సీ, ఆడిదాస్ వంటి ప్రముఖ వాణిజ్య ప్రకటనల్లో నటించాడు. జార్జియో ఆర్మానీ అండర్‌వేర్‌లకు మోడల్‌గా వ్యవహరించాడు. నలుగురు పిల్లలకు తండ్రి అయిన బెక్‌హామ్‌ పీపుల్ మ్యాగజీన్‌తో మాట్లాడుతూ.. తను అందంగా, ఆకర్షణీయంగా, సెక్సీ పర్సన్‌గా ఉంటానని ఎప్పుడూ అనుకోలేదని తెలిపాడు. 41 ఏళ్ల తన భార్య విక్టోరియా మద్దతుతోనే ఈ టైటిల్ లభించిందని అభినందనగా చెప్పాడు.


 శావ్ పౌలో: బ్రెజిల్కు చెందిన ప్రముఖ సాకర్ లెజెండ్ పీలే ఆస్పత్రిలో చేరారు. గత కొద్ది కాలంగా ఆయనను వెన్ను నొప్పి తీవ్రంగా ఇబ్బందిపెడుతున్న నేపథ్యంలో ఆయన ఆస్పత్రికి వెళ్లారు. ఈ విషయాన్ని అక్కడి మీడియా సంస్థ స్పష్టం చేసింది. గతంలో చేసిన ఓ శస్త్ర చికిత్స మూలంగా వెన్నుపూసకు చెందిన ప్రధాన నాడీవ్యవస్థపై ఒత్తిడి పడుతోందని ఈ నేపథ్యంలో ఆయన నొప్పిని ఎదుర్కొంటున్నారని తెలిసింది.
 
 అయితే, పరిస్థితి అంత తీవ్రంగా ఏమి లేదని, సోమవారం వరకు మాత్రం ఆయనను వైద్యుల సమక్షంలో పరిశీలనలో ఉంచనున్నట్లు తెలిపారు. గత మే నెలలో ఇలాంటి సమస్యతోనే ఆయన ఆస్పత్రిలో చేరగా బినైన్ వ్రణం ఉన్నట్లు గుర్తించిన వైద్యులు శస్త్ర చికిత్స చేశారు. అప్పటి నుంచి తరుచు ఆయన వెన్నునొప్పిని ఎదుర్కొంటున్నట్లు తెలిసింది.


 మృత్యుంజయుడు.. కిరణ్
 పునర్జన్మనిచ్చిన కన్నతండ్రి
 కవచంలా కాపాడి.. తను మృత్యుఒడిలోకి..
  
 కంబాల చెరువు (రాజమండ్రి): తాను ప్రాణాలు కోల్పోయినా సరే పిల్లల ప్రాణాలు కాపాడుకోవాలని తపించిపోయాడు ఆ తండ్రి. ప్రమాదం జరుగుతుందని తెలియగానే చివరి నిమిషం వరకు తన పిల్లలను రక్షించేందుకు యత్నించాడు. తన ఒడిలోకి ఇద్దరు పిల్లల్ని తీసుకొని తాను రక్షణ కవచంలా నిలిచాడు ఈగల రాంబాబు. వ్యాను ప్రమాదానికి గురైందని పసిగట్టగానే కూతురు సంధ్యను, కొడుకు కిరణ్ సాయిని గుండెలకు హత్తుకున్నాడు. ఆ తండ్రి ముందుచూపే కిరణ్‌సాయి ప్రాణాలతో బయటపడడానికి కారణమైంది. రాంబాబు సహా 21 మంది అక్కడికక్కడే మరణించినా, గాయపడ్డ సంధ్య తర్వాత మృత్యువాత పడ్డా.. తండ్రి పొదివి పట్టుకోవడం వల్లే సారుు ప్రాణం దక్కింది. ఈ విషయాన్ని సాయి ఉబికివస్తున్న కన్నీళ్లను ఆపుకుంటూ.. విషాద వదనంతో వివరించే ప్రయత్నం చేశాడు. ‘‘నాన్న గట్టిగా పట్టుకున్నాడు.. వ్యానులో డోరువద్ద కూర్చు న్నా. నా పక్కన మా నాన్న, అక్క సంధ్య ఉన్నారు.   బ్రిడ్జిపై మలువు వద్దకు వచ్చేసరికి మా కారుకు పెద్ద శబ్దంతో కూడిన కుదుపు తగిలి గాలిలోకి వెళుతున్నట్టు అనిపించింది. ఇంతలో నాన్న రాంబాబు నన్ను, మా అక్క సంధ్యను రెండు చేతులతో గట్టిగా పట్టుకుని దగ్గరకు లాక్కున్నాడు. ఇంతలో నేను నిద్రలోకి వెళ్లిపోయాను. మా అక్క నన్ను తట్టిలేపింది.
 
 యాక్సిడెంటైంది అని చెప్పి ఏడుస్తూ మళ్లీ తను కారులోనే నిద్రలోకి వెళ్లిపోయింది. మా నాన్న, అమ్మ, పెద్దమ్మ, పెద్దనాన్న, మా అత్తయ్య వీళ్లంతా నిద్రపోతున్నట్టుగానే ఉండిపోయారు. వాళ్ల ఒంటి నుంచి రక్తం కారుతూ కనిపించింది. ఏం చేయాలో తెలి యక నేను నడుచుకుంటూ పైకి వచ్చాను. అటుగా వెళుతున్న ఒకాయనకు జరిగింది చెప్పాను. అతను వ్యానును చూసి వెంటనే మరి కొంతమందిని పిలి చాడు. తర్వాత పోలీసులు వచ్చారు’’ అని కిరణ్ సాయి విషయాన్ని వివరించాడు.
 
  ఒకే ఒక్కడు..: ధవళేశ్వరం బ్యారేజీ నుంచి తూఫా న్ వాహనం గోదావరిలోకి బోల్తాపడిన దుర్ఘటనలో బతికి బయటపడ్డది పదేళ్ల ఈగల కిరణ్‌సాయి ఒక్కడే. 30 అడుగుల ఎత్తు నుంచి వాహనం బోల్తాకొట్టినా కిరణ్‌సాయి ప్రాణాలతో బయటపడ్డాడు. మృత్యుంజయుడిగా నిలిచాడు. తనకు ఏం జరిగిందో.. ఎక్కడ ఉన్నాడో  తెలియక రాత్రంతా రోదిస్తూ గడిపిన కిరణ్‌సాయి షాక్ నుంచి తేరుకోలేకపోతున్నాడు. ప్రమాదం అర్ధరాత్రి దాటాక జరగగా తెల్లవారుజామున  స్థానిక మత్స్యకారులు సారుు రోదనను ఆలకించడంతోనే ఈ దుర్ఘటన వెలుగుచూసింది. సాయి నాలుగో తరగతి చదువుతున్నాడు. తన వారంతా చనిపోయారని తెలియని ఆ బాలుడు ‘అమ్మా..అమ్మా..’ అంటూ ఏడుస్తుంటే అక్కడున్న వారందరి హృదయం చలించిపోయింది. ఉప ముఖ్యమంత్రి నిమ్మకాయల చినరాజప్ప ఆ బాలుడిని అనునరుుంచి, ధైర్యం చెప్పారు.
  


 క్రీడాభిమానుల్లో నరాలు తెగేంత ఉత్కంఠను కలిగించడంలో సాకర్‌కు ఏదీ సాటి రాదు. విజేతలెవరో, పరాజితులెవరో చివరి క్షణం దాకా ఊహించశక్యం కానంత మలుపులతో  అలరించే క్రీడ సాకర్. విశ్వ విజేత కాగలదనుకున్న జట్టు తొలి రౌండ్‌లోనే బోల్తాపడి నిష్ర్కమించడం... పిపీలకంలా కనబడిన జట్టు ప్రత్యర్థులను మట్టికరిపించడం సాకర్‌లో మామూలే. ఓడలు బళ్లు కావడం...బళ్లు ఓడలవడం అక్కడే చూస్తాం. 1998 సాకర్ పోటీల్లో ఛాంపియన్‌గా కీర్తి కిరీటాన్ని చేజిక్కించుకున్న ఫ్రాన్స్...మరో నాలుగేళ్లకు జరిగిన సాకర్ జాతర నాటికి తొలి అంచెలోనే బోల్తాపడింది. 2006లో సాకర్ విజేత ఇటలీ, అప్పుడు రెండో స్థానంలో ఉన్న ఫ్రాన్స్ 2010నాటికల్లా తొలి రౌండ్‌లోనే చతికిలబడ్డాయి. నూటపదకొండేళ్ల నాడు ఆవిర్భవించి 1930నుంచీ సాకర్ ప్రపంచ కప్ పోటీలు నిర్వహిస్తున్న సంస్థ ఫీఫా ఇప్పుడు తానే చతికిలబడింది.
 
 పీకల్లోతు అవినీతి ఆరోపణల్లో కూరుకుపోయి కాళ్లూ, చేతులూ ఆడక విలవిల్లాడుతోంది. అధ్యక్ష పదవికి ఎన్నికలు జరగాల్సిన సమావేశాలకు ఒకరోజు ముందు ఆ సంస్థ ఉపాధ్యక్షుడితోసహా 9మందిని అరెస్టు చేయడం, మరో అయిదుగురి కోసం గాలించడం క్రీడా ప్రపంచంలో పెను సంచలనం కలిగించింది. లంచాలు మేసి 2018 ప్రపంచకప్ నిర్వహణను రష్యాకూ, 2022 ప్రపంచకప్ నిర్వహణను ఖతార్‌కు కట్టబెట్టారన్నది వీరిపై ప్రధాన ఆరోపణ.  సంస్థ ప్రస్తుత అధ్యక్షుడు సెప్ బ్లాటర్ నాలుగేళ్లకొకసారి జరిగే ఎన్నికల్లో ఇప్పటికి నాలుగు దఫాలు ఆ పదవికి ఎన్నికయ్యారు. అయిదోసారి సైతం ఆ పదవిని చేజిక్కించుకునే పనిలో బ్లాటర్ బిజీగా ఉండగా ఇప్పుడీ అరెస్టులు చోటు చేసుకున్నాయి. స్కాం జరిగి ఉండొచ్చుగానీ దాంతో తనకేమీ సంబంధం లేదని బ్లాటర్ చెబుతున్నారు. అందరిపైనా నిఘా వేయడం తనకెలా సాధ్యమవుతుందని ప్రశ్నిస్తున్నారు.
 
  సాకర్ నిర్వహణలో అవకతవకలు చోటుచేసుకుంటున్నాయని...భారీయెత్తున ముడుపులు చేతులు మారుతున్నాయని ఆరోపణలు రావడం కొత్తేమీ కాదు.  నిరుడు జరిగిన ప్రపంచకప్‌లో 480 కోట్ల డాలర్లు ఆదాయం రాబట్టి అందులో 260 కోట్ల డాలర్ల నికరలాభాన్ని పొందిన ఫీఫాలో అంతా సవ్యంగా జరుగుతుందని అనుకోనక్కరలేదని తాజా పరిణామాలు స్పష్టంచేస్తున్నాయి. అయితే, ఫీఫా మొదటినుంచీ సంపన్నవంతమైన సంస్థేమీ కాదు. సాకర్‌ను గాఢంగా అభిమానించే కొందరు కలిసి ఏర్పాటుచేసుకున్న ఆ సంస్థ తొలినాళ్లలో చాలా పరిమితుల్లో ఎంతో కష్టపడి పోటీలు నిర్వహించేది. 1974లో తొలిసారి ఫీఫా పగ్గాలు యూరప్ దేశాలవారినుంచి బ్రెజిల్‌కు చెందిన జావో హావ్‌లాంజ్‌కు వచ్చాక దాని స్వరూపమే మారిపోయింది.
  
 ప్రపంచ ప్రఖ్యాత కార్పొరేట్ సంస్థల ఆసరా లభించడంతో... దృశ్య మాధ్యమాలకు ప్రపంచకప్ ప్రసార హక్కులివ్వడంతో భారీయెత్తున డబ్బులొచ్చిపడ్డాయి. దానికి సమాంతరంగా ఫీఫా సభ్యత్వమూ పెరిగింది. దాని కార్యనిర్వాహక వర్గమూ విస్తరించింది. ప్రస్తుతం ప్రపంచ వ్యాప్తంగా 209 ఫుట్‌బాల్ అసోసియేషన్లు ఫీఫాలో సభ్యత్వం కలిగివున్నాయి. సాకర్ ప్రపంచకప్‌కు తళుకుబెళుకులద్దిన తర్వాత దానికి ఎక్కడలేని ఆకర్షణ రావడంతో ఫీఫా సంపన్నవంతమైన సంస్థగా, దాని నిర్వాహకులు శక్తిమంతులుగా మారిపోయారు. ఈ ప్రక్రియలో పారదర్శకత లోపించడంతో సహజంగానే అవకతవకలు నానాటికీ పెరిగిపోసాగాయి. అధ్యక్ష పదవికి జరిగే పోటీలో ధన ప్రాబల్యం అంతకంతకు విస్తరించింది.
  
 ప్రపంచకప్ నిర్వహణను కట్టబెట్టడానికి నిర్వహించే ఓటింగ్ లో సైతం కాసుల గలగలలదే ప్రధాన పాత్ర.  ఇందులో రహస్యమేమీ లేదు. స్పాన్సర్ చేస్తున్న సంస్థలకూ, వివిధ దేశాల్లోని రాజకీయ నేతలకూ తెలియనిదేమీ కాదు. కానీ, అందరూ మౌనంగా ఉండిపోయారు. 1991కి ముందునుంచీ సాగుతున్న ముడుపుల వ్యవహారంపై ఇప్పుడు దర్యాప్తు మొదలైంది. నాటినుంచీ 15 కోట్ల డాలర్లు(దాదాపు 900 కోట్ల రూపాయలు) చేతులు మారి ఉండొచ్చన్నది ప్రాథమిక అంచనా. ఫీఫా కార్యవర్గంనుంచి రెండేళ్ల క్రితం బహిష్కృతుడైన అమెరికాకు చెందిన ఛార్లెస్ బ్లేజర్ ఈ అవకతవకలన్నిటి పైనా ఆధారాలు సేకరించి ఫిర్యాదు చేయడంతో ఇదంతా బయటికొచ్చింది.
 
  ఫీఫా వ్యవహారం బజారున పడటం వెనక అమెరికా-రష్యాల శత్రుత్వానిదే ప్రధాన పాత్ర అని కొట్టిపడేస్తున్నవారూ లేకపోలేదు. 2018 ప్రపంచకప్ నిర్వహణ రష్యాకు దక్కినప్పటినుంచీ అమెరికా కడుపుమంటతో ఉన్నదని...అందువల్లనే ఇప్పుడు రంగంలోకి దిగి అరెస్టులతో హడావుడి చేస్తున్నదని కొందరు విమర్శిస్తున్నారు. రష్యా అధ్యక్షుడు పుతిన్ అయితే నేరుగానే అలా ఆరోపిస్తున్నారు. ఇందులో నిజానిజాల సంగతలా ఉంచి రష్యాలో ప్రపంచకప్ నిర్వహణను రద్దు చేయాలంటూ అమెరికా సెనెటర్లు కొందరు ఉక్రెయిన్ సంక్షోభం తర్వాత గతంలో డిమాండ్ చేశారు. బ్లాటర్ దాన్ని అంగీకరించకపోవడంవల్లే ఆయనను దించి, ఫీఫాను తన గుప్పెట్లో పెట్టుకోవడానికి అమెరికా ప్రయత్నిస్తున్నదని రష్యా ఆరోపిస్తున్నది. నిజానికి అమెరికాలో సాకర్‌కు అంత ఆకర్షణ లేదు. అక్కడి జనాభాలో 2 శాతంమంది మాత్రమే దాన్ని వీక్షిస్తారని గణాంకాలు చెబుతున్నాయి. అయితే సాకర్‌కు స్పాన్సర్‌షిప్ చేసి, భారీయెత్తున లాభాలు గడించే బహుళజాతి సంస్థల్లో అధిక భాగం అమెరికావే. ప్రస్తుత అరెస్టుల్లో అమెరికా-రష్యాల వైరం పాత్ర ఉంటే ఉండొచ్చుగానీ...ఫీఫా పనితీరు సక్రమంగా లేదన్నది నిజం. ఇంతకాలమూ ఫీఫా స్పాన్సర్‌షిప్ కోసం పాకులాడిన సంస్థలు తాజా పరిణామాల నేపథ్యంలో దాన్ని బహిష్కరిస్తామని హెచ్చరిస్తున్నాయి. తగినంత జవాబుదారీ తనం లేకుండా, పారదర్శకతకు చోటీయకుండా సంస్థలను నిర్వహిస్తే చివరకు ఇలాంటి పర్యవసానాలే దాపురిస్తాయి. ఇప్పటికైనా ఫీఫా సంపూర్ణ ప్రక్షాళనకు పూనుకొని, అందులో నిపుణులకూ, నిజాయితీపరులకూ చోటిస్తే సాకర్ వర్థిల్లుతుంది.
  


 ఖాట్మండు: ప్రపంచకప్ ఫుట్‌బాల్ అర్హత మ్యాచ్‌ల్లో భారత జట్టు రెండో రౌండ్‌కు చేరింది. తొలి రౌండ్ రెండో అంచెలో భారత్, నేపాల్ మధ్య జరిగిన మ్యాచ్ డ్రాగా ముగిసింది. అయితే భారత్‌లో జరిగిన తొలి అంచెలో ఇదే జట్టుపై 2-0 తేడాతో నెగ్గడం కలిసొచ్చింది. దీంతో రెండో రౌండ్‌కు భారత్ అర్హత సాధించింది. దశరథ్ రంగసాల స్టేడియంలో జరిగిన ఈ మ్యాచ్ ద్వితీయార ్ధంలో నేపాల్ అద్భుత ఆటతీరును చూపింది. అయితే 57వ నిమిషంలో రాబిన్ సింగ్ నెట్‌లోకి బంతిని పంపినా అది తన చేతిని ఉపయోగించిన ట్టు తేలడంతో రిఫరీ గోల్‌గా అంగీకరించలేదు. రెండో రౌండ్ అర్హత మ్యాచ్‌లు జూన్ 11 నుంచి 2016 మార్చి 29 వరకు జరుగుతాయి.


 సాకర్ అంటేనే అభిమానులు చెవి కోసుకుంటారు. ప్రత్యర్థి జట్టులో ఆటగాళ్లను నిజంగానే తమ ప్రత్యర్థులుగా భావిస్తుంటారు. వాళ్లను అవమానించడానికి రకరకాలుగా ప్రయత్నిస్తారు. స్విట్జర్లండ్కు చెందిన ఓ ఫుట్బాల్ జట్టు గోల్కీపర్తో అవతలి జట్టు అభిమానులు ఏకంగా మూత్రం తాగించి అతడిని తీవ్రంగా అవమానించి ఆనందించారు. ఎఫ్సీ మురీ జట్టు గోల్కీపర్ రెటో ఫెల్డర్ ఆట మధ్యలో తన బాటిల్ తీసుకుని అందులోని ద్రవం తాగాడు. అయితే.. అందులో వెచ్చగా ఉన్న పదార్థం తాగాక తాను చాలా ఇబ్బందిపడ్డానని అతడు తెలిపాడు.
 
 ఇంతకీ విషయం ఏమిటంటే, అవతలి జట్టు అభిమానులు బాల్ బోయ్ని పిలిచి, గోల్ కీపర్ వద్ద ఉన్న బాటిల్ తీసుకురమ్మని చెప్పి, అందులో మూత్రం పోశారు. ఇలా తనతో మూత్రం తాగించాలన్న ఆలోచన ఏమాత్రం భరించదగ్గది కాదని ఫెల్డర్ తీవ్ర ఆగ్రహం వ్యక్తం చేశారు. వీడియో విశ్లేషణ చూసిన తర్వాత తదుపరి చర్యలు తీసుకోడానికి అతడు సిద్ధపడుతున్నాడు. అతడు తాగగానే 'ఇప్పుడు నీకు ఎయిడ్స్ ఉంది' అంటూ అవతలి అభిమానులు గట్టిగా అరిచారు. దీనిపై బాడెన్ అధ్యక్షుడు థోమీ బ్రామ్ క్షమాపణలు చెప్పారు. దీనిపై విచారణ జరిపిస్తామన్నారు.


 సియోల్: ఆసియూ క్రీడల ఆరంభానికి ముందే ఇంచియూన్‌లో లైంగిక వేధింపుల ఉదంతం వెలుగుచూసింది. ఇరాన్‌కు చెందిన ఓ సాకర్ అధికారి, ఓ మహిళా వాలంటీర్‌ను ప్రక్కనే నిలబడి ఫోటో దిగే సమయంలో ఆమెను తాకాడన్న ఆరోపణలు అలజడి సృష్టించాయి. దీనిపై ఓ కాలేజి విద్యార్థిని పోలీస్ స్టేషన్‌లో ఫిర్యాదు చేయుడంతో దక్షిణకొరియా పోలీసులు దర్యాప్తు ఆరంభించారు. అయితే ఇప్పటిదాకా అతన్ని కస్టడీలోకి తీసుకోకపోయినా... దేశం విడిచి వెళ్లొద్దని పోలీసులు ఆదేశాలు జారీ చేశారు. ఈ కేసును ప్రాసిక్యూటర్స్‌కు పంపాలా వద్దా అనే దానిపై ఇంకా ఎటువంటి నిర్ణయుం తీసుకోలేదని పోలీస్ ఇన్‌స్పెక్టర్ పార్క్ మిన్ జు చెప్పారు.
  
 ఇదిలా ఉండగా 38 ఏళ్ల ఇరాన్ సాకర్  అధికారి మాత్రం తనకే పాపం తెలియుదంటున్నారు. దక్షిణ కొరియూలో అది చట్టవిరుద్ధమన్న సంగతి తనకు తెలియదని ఆ అధికారి లబోదిబోమంటున్నాడు.