ఇండియన్‌ ప్రీమియర్‌ లీగ్‌ అంటేనే కాసుల వర్షం. క్యాష్‌ రిచ్‌ లీగ్‌గా పేరొందిన ఈ మెగా క్రికెట్‌ ఈవెంట్‌లో భాగమైన ఫ్రాంఛైజీలలో అత్యధికం బడా సంస్థలకు చెందినవేనని ప్రత్యేకంగా చెప్పాల్సిన పనిలేదు. అయితే, ఐపీఎల్‌లో సక్సెస్‌ అయితే ఎంతటి క్రేజ్‌ వస్తుందో.. ఏమాత్రం తేడా జరిగినా అదే స్థాయిలో నష్టాలు చవిచూడాల్సి వస్తుంది! ఐపీఎల్‌ రెండో సీజన్‌(2009)లో విజేతగా నిలిచిన దక్కన్‌ చార్జర్స్‌ ఆ తర్వాత కనుమరుగైన తీరే ఇందుకు నిదర్శనం. అయితే, అదే ఏడాది.. ఢిల్లీ క్యాపిటల్స్‌ తాము కూడా చార్జర్స్‌ మాదిరే చేతులు కాల్చుకోకుండా తీసుకున్న కీలక నిర్ణయం గురించి, దానితో బాలీవుడ్‌ సూపర్‌ స్టార్‌ అక్షయ్‌ కుమార్‌కు ఉన్న సంబంధం గురించి బీసీసీఐ మాజీ జీఎం అమృత్‌ మాథూర్‌ సంచలన విషయాలు తాజాగా వెల్లడించాడు. బాలీవుడ్‌తో అనుబంధం ఐపీఎల్‌కు ప్రాచుర్యం కల్పించే క్రమంలో బాలీవుడ్‌ను కూడా ఇందులో మమేకం చేసిన విషయం తెలిసిందే. బీ-టౌన్‌ బాద్‌షా షారుక్‌ ఖాన్‌, అలనాటి హీరోయిన్‌ జూహీ చావ్లా కోల్‌కతా నైట్‌ రైడర్స్‌కు యజమానులు కాగా.. శిల్పా శెట్టి కుంద్రా రాజస్తాన్‌ రాయల్స్‌కు, ప్రీతి జింటా పంజాబ్‌ కింగ్స్‌కు సహ యజమానిగా ఉన్న విషయం తెలిసిందే. ఫ్రాంఛైజీ ఓనర్లుగానే గాకుండా ప్రమోషన్లలో భాగమైన, భాగమవుతున్న స్టార్లు కూడా చాలా మందే ఉన్నారు. ఈ క్రమంలో 2009లో ఢిల్లీ క్యాపిటల్స్‌(ప్రస్తుతం ఢిల్లీ డేర్‌డెవిల్స్‌) సూపర్‌స్టార్‌ అక్షయ్‌ కుమార్‌తో భారీ ఒప్పందం కుదుర్చుకుంది. అయితే, అక్కీతో అనుకున్న ఫలితాలు రాబట్టలేకపోగా ఆర్థికపరంగా నష్టాలూ చవిచూసింది. అనవసర ఖర్చులు ఎందుకు? అనవసర ఖర్చులు తగ్గించుకునే క్రమంలో అతడితో బంధాన్ని తెంచుకునేందుకు సిద్ధమైంది. ఇందుకు చట్టపరంగా చిక్కులు ఎదరవుతాయని భావించినా.. అక్షయ్‌ కుమార్‌ పెద్ద మనసుతో ఈ సమస్య నుంచి ఫ్రాంఛైజీ తేలికగా బయటపడేలా చేశాడు. ‘‘ప్రమోషనల్‌ ఫిల్మ్స్‌, మీట్‌ అండ్‌ గ్రీట్‌ ఈవెంట్ల కోసం అక్షయ్‌ కుమార్‌తో ఢిల్లీ క్యాపిటల్స్‌ మూడేళ్ల ఒప్పందం కుదుర్చుకుంది. కోట్లా మైదానంలో విన్యాసాలు మినహా క్యాపిటల్స్‌కు అతడి వల్ల పెద్దగా ఒరిగిందేమీ లేదు. నిజానికి అతడి సేవలు వినియోగించడంలో యాజమాన్యం విఫలమైంది. నష్టాలు వెంటాడాయి. దీంతో అర్ధంతరంగా అక్కీతో డీల్‌ ముగించాలని భావించింది. న్యాయపరంగా చిక్కులు.. అయితే న్యాయపరంగా అందుకు అనేక అడ్డంకులు ఉండటంతో అక్షయ్‌ కుమార్‌ దయపైనే అంతా ఆధారపడి ఉన్న సందర్భం. అక్కీ లాయర్లతో విషయం గురించి చెప్పాం. ఆ తర్వాత ఓరోజు సినిమా షూటింగ్‌లో ఉన్నపుడు.. షాట్‌ ముగిసిన తర్వాత అక్షయ్‌ వానిటీ వ్యాన్‌లోకి నేను వెళ్లాను. మరేం పర్లేదన్న అక్షయ్‌ కుమార్‌ సంశయిస్తూనే.. ఢిల్లీ క్యాపిటల్స్‌ ఎదుర్కొంటున్న ఆర్థిక సమస్యల గురించి.. డీల్‌ రద్దు చేసుకోవాలనుకోవడం వెనుక ఉన్న కారణాల గురించి వివరించాను. కానీ అక్షయ్‌ మాత్రం ఎంతో హుందాగా స్పందించాడు. మరేం ప్రాబ్లం లేదండి! ఒకవేళ ఇదంతా వర్కౌట్‌ కాదనుకుంటే.. వెంటనే రద్దు చేసేయండి. పర్లేదు అన్నాడు. నేను విన్నది నిజమేనా నేను విన్నది నిజమేనా అన్న సందేహంలో కొట్టుమిట్టాతుండగా.. ‘‘మీరేం ఇబ్బంది పడకండి. ఎలాంటి సమస్య రాకుండా దీనిని ఎలా ముగించాలో మా లాయర్లతో నేను మాట్లాడతా అని మళ్లీ అక్షయ్‌ క్లారిటీ ఇచ్చాడు’’ అని అమృత్‌ మాథుర్‌ పేర్కొన్నాడు. ఈ మేరకు తన ఆత్మకథలో నాటి ఘటనకు సంబంధించిన వివరాలు వెల్లడించాడు. ఇదిలా ఉంటే.. ఢిల్లీ జట్టు ఇంత వరకు ఒక్కసారి కూడా ఐపీఎల్‌ చాంపియన్‌గా నిలవలేదన్న విషయం తెలిసిందే. తాజా సీజన్‌లోనూ దారుణ ప్రదర్శనతో తొమ్మిదో స్థానానికి పరిమితమైంది. ఇక అక్షయ్‌ కుమార్‌ విషయానికొస్తే.. అతడు నటించిన ఓ మై గాడ్‌ 2 సినియా ఇటీవలే విడుదలైంది.    చదవండి: APL 2023: తొలిరోజు మ్యాచ్‌కు శ్రీలీల.. జట్ల వ్యూహాలివే! లక్కీడిప్‌లో ఆ అదృష్టం మీదైతే!

ఐపీఎల్‌లో పదకొండు సీజన్లు ముగిసినా ఒక్కసారి కూడా టైటిల్‌ ఆనందం దక్కని జట్లలో ఢిల్లీ, పంజాబ్‌ ఉన్నాయి. లీగ్‌ తొలి ఏడాది 2008లో టాప్‌ స్టార్లతో అంచనాలను అందుకుంటూ తమ స్థాయిని ప్రదర్శించి ఈ రెండు టీమ్‌లు సెమీఫైనల్‌ చేరాయి. ఆ తర్వాత పది ప్రయత్నాల్లో ఎక్కువ సార్లు నిరాశే మిగిలింది. 2014లో రన్నరప్‌గా నిలవడం మినహా మిగిలిన అన్ని సందర్భాల్లో పంజాబ్‌ లీగ్‌ దశకే పరిమితమైంది.  మరోవైపు ఢిల్లీ 2009లో సెమీస్, 2012లో ప్లే ఆఫ్స్‌ దశకు వెళ్లినా... 2013 నుంచి 2018 మధ్య ఆరేళ్లలో మూడుసార్లు చివరి స్థానంలోనే నిలవడం ఆ జట్టు పరిస్థితిని చూపిస్తోంది. ఈసారి ఢిల్లీ డేర్‌డెవిల్స్‌ నుంచి ఢిల్లీ క్యాపిటల్స్‌గా మారడంతో పాటు సహాయక సిబ్బందిని కూడా చాలా వరకు మార్చుకొని కొత్త ఆశలతో బరిలోకి దిగుతుండగా... గతేడాది ఆరంభంలో అద్భుతంగా దూసుకుపోయి ఆ తర్వాత చతికిలపడ్డ∙పంజాబ్‌ పాఠాలు నేర్చుకొని మైదానంలోకి వస్తోంది.  కుర్ర ‘త్రయం’...  బలాలు: ఢిల్లీ బ్యాటింగ్‌ ప్రధానంగా నలుగురు భారత ఆటగాళ్లపైనే ఆధారపడి ఉంది. టీమిండియా రెగ్యులర్‌ ఓపెనర్‌ శిఖర్‌ ధావన్‌ను ఈసారి జట్టు కొత్తగా తెచ్చుకుంది. ధావన్‌ రాణించడం జట్టుకు ఎంతో అవసరం. అతనితో పాటు మరో ముగ్గురు యువ ఆటగాళ్లు జట్టు రాతను ప్రభావితం చేయగలరు. విధ్వంసక ఆటతో ఇప్పటికే భారత టీమ్‌లో గుర్తింపు తెచ్చుకున్న రిషభ్‌ పంత్‌ ఆ జట్టు ప్రధాన బలం. పంత్‌తో పోటీ పడుతూ చెలరేగిపోగల శ్రేయస్‌ అయ్యర్‌ కూడా జట్టులో ఉన్నాడు. పంత్‌ గత ఏడాది ఒక సెంచరీతో పాటు ఐదు అర్ధసెంచరీలు సాధించగా, అయ్యర్‌ నాలుగు హాఫ్‌ సెంచరీలు నమోదు చేశాడు. వీరితో పాటు పృథ్వీ షా స్ట్రోక్‌ ప్లే కూడా కీలకం కానుంది. ఆంధ్ర క్రికెటర్లు హనుమ విహారి, బండారు అయ్యప్ప జట్టులో ఉన్నా... వారికి ఎన్ని మ్యాచ్‌లలో అవకాశం లభిస్తుందనేది చూడాలి. విదేశీ ఆటగాళ్లలో భారీ హిట్టర్లయిన ‘కొలిన్‌ ద్వయం’ మున్రో, ఇంగ్రామ్‌ చెలరేగి శుభారంభం అందించగలరు. క్రిస్‌ మోరిస్‌ ఆల్‌రౌండ్‌ నైపుణ్యంపై కూడా జట్టు ఆశలు పెట్టుకుంది. బౌలింగ్‌లో స్టార్‌ పేసర్లు బౌల్ట్, రబడ పేస్‌ బాధ్యత తీసుకుంటారు. భారత పేసర్లలో అవేశ్‌ ఖాన్‌కు తుది జట్టులో అవకాశం దక్కవచ్చు. ఇషాంత్‌ శర్మ కూడా ఈసారి సొంత జట్టు తరఫున ఆడుతున్నాడు. నేపాల్‌ లెగ్‌స్పిన్నర్‌ సందీప్‌ లమిచానే అందుబాటులో ఉన్నా... నలుగురు విదేశీయుల పరిమితిలో అతనికి అవకాశం దక్కడం అంత సులువు కాదు.   బలహీనతలు: ధావన్‌ గత కొన్ని సీజన్లుగా సన్‌రైజర్స్‌ తరఫున గొప్పగా ఏమీ ఆడలేదు. మరోవైపు నుంచి వార్నర్‌ జోరులో అతని లోపాలు తెలియలేదు. ఫామ్‌ కోల్పోవడంతోనే రైజర్స్‌ అతడిని వదిలేసుకుంది. ఇప్పుడు అతను ఎంత ప్రభావం చూపిస్తాడనేది ముఖ్యం. గత ఏడాది ఢిల్లీ తరఫు నుంచే మున్రో ఐదు ఇన్నింగ్స్‌లలో 3 సార్లు డకౌట్‌ కాగా, భారత్‌లో ఇంగ్రామ్‌ ఆటపై సందేహాలున్నాయి.నిరంతరాయంగా దక్షిణాఫ్రికా తరఫున ఆడుతున్న రబడ వరల్డ్‌ కప్‌కు ముందు అన్ని మ్యాచ్‌లలో బరిలోకి దిగే అవకాశం తక్కువ. ప్రధాన స్పిన్నర్లుగా భావిస్తున్న అక్షర్‌ పటేల్, అమిత్‌ మిశ్రా ఇటీవలి ప్రదర్శన అంతంత మాత్రమే. టి20 క్రికెట్‌లో ఇషాంత్‌ ప్రదర్శన గురించి ఎంత తక్కువ చెప్పుకుంటే అంత మంచిది! మొత్తంగా చూస్తే మెరుపు బ్యాటింగ్‌లో భారీ స్కోరు చేస్తే క్యాపిటల్స్‌ విజయంపై ఆశలు పెట్టుకోవచ్చు. రికీ పాంటింగ్‌ కోచ్‌గా, సౌరవ్‌ గంగూలీ సలహాదారుడిగా ఉన్న ఈ జట్టుకు వారి మార్గనిర్దేశనం ఎంత వరకు పని చేస్తుందో చూడాలి.   లీగ్‌లో ఉన్న ఎనిమిది టీమ్‌లలో ఒక్కసారి కూడా ఫైనల్‌ చేరని జట్టు ఇదే. ఢిల్లీ క్యాపిటల్స్‌ (డేర్‌డెవిల్స్‌) 2018లో 14 మ్యాచ్‌లు ఆడగా 5 గెలిచి, 9 ఓడింది.   జట్టు వివరాలు శ్రేయస్‌ అయ్యర్‌ (కెప్టెన్‌), ఇషాంత్‌ శర్మ, శిఖర్‌ ధావన్, రిషభ్‌ పంత్, పృథ్వీ షా, హనుమ విహారి, మన్‌జోత్‌ కల్రా, నాథు సింగ్,  రాహుల్‌ తేవటియా, అంకుశ్‌ బైన్స్, అవేశ్‌ ఖాన్, అక్షర్‌ పటేల్, హర్షల్‌ పటేల్, అమిత్‌ మిశ్రా, జలజ్‌ సక్సేనా, బండారు అయ్యప్ప (భారత ఆటగాళ్లు), రబడ, మోరిస్, లమిచానే, మున్రో, ఇంగ్రామ్, బౌల్ట్, షెర్ఫాన్‌ రూథర్‌ఫోర్డ్, కీమో పాల్‌ (విదేశీ ఆటగాళ్లు).  

న్యూఢిల్లీ : వచ్చే ఇండియన్‌ ప్రీమియర్‌ లీగ్‌ (ఐపీఎల్‌)కు అప్పుడే ఫ్రాంఛైజీలు తమ కసరత్తులను ముమ్మరం చేసాయి. ఐపీఎల్-2019 కోసం తమ జట్టులోని ఆటగాళ్ల ప్రక్షాళనను మొదలెట్టాయి. అవసరం లేని ఆటగాళ్లను వదులుకుంటూ భారాన్ని తగ్గించుకుంటున్నాయి. ఈ నేపథ్యంలో జట్టులో గుదిబండగా మారిన సీనియర్‌ ఆటగాళ్లను వదులుకోవడంలో కూడా ప్రాంఛైజీలు ఏ మాత్రం సంశయించడం లేదు. ఇప్పటికే కింగ్స్‌ పంజాబ్‌ యువరాజ్‌ను వదులుకోగా.. ఢిల్లీ డేర్‌ డెవిల్స్‌.. కెప్టెన్‌ గౌతం గంభీర్‌నే వదులుకుంటూ సంచలన నిర్ణయం తీసుకుంది.  గంభీర్‌తో సహా 10 మంది ఆటగాళ్లను రిలీజ్‌ చేసింది. ఈ జాబితాలో భారత ఆటగాళ్లు మహ్మద్‌ షమీ, సయాన్‌ గోష్‌, గురక్రిత్‌ సింగ్‌, నమాన్‌ ఓజా ఉండగా.. విదేశీ ఆటగాళ్లలో జాసన్‌ రాయ్‌, జూనియర్‌ డాలా, లియామ్‌ ప్లంకెట్‌, డానియల్‌ క్రిస్టియన్‌, గ్లేన్‌ మాక్స్‌వెల్‌లు ఉన్నారు. పంత్‌, అయ్యర్‌, పృథ్వీషాతో సహా 14 మందిని మాత్రమే ఢిల్లీ అట్టిపెట్టుకుంది. ఇక గంభీర్‌ను వదులుకోవడంపై అభిమానులు ఢిల్లీ ఫ్రాంఛైజీపై ఆగ్రహం వ్యక్తం చేస్తున్నారు. కెప్టెన్‌గా కోల్‌కతాకు రెండు సార్లు టైటిల్‌ అందించిన గంభీర్‌.. ఢిల్లీ కోసం వస్తే వదులుకుంటారా? అని మండిపడుతున్నారు. గంభీర్‌ లేని ఢిల్లీ  జన్మలో ఐపీఎల్‌ టైటిల్‌ నెగ్గదని శాపనార్ధాలు పెడుతున్నారు. ఇదో పిచ్చి నిర్ణయం అంటూ కామెంట్‌ చేస్తున్నారు. DD officials should use their brains while selecting the squad. Mark my words you can never win ipl without gambhir. I don't understand what u ppl think while selecting squad. — jasdeep (@jsdeepand) November 15, 2018 Only @GautamGambhir could have won you IPL. Another season to lose next year. Waste of team. Stupid of a franchise. You have hurt Delhi ppl over the years. — Bhavnoor (@BhavnoorSB) November 15, 2018

ఢిల్లీ: టీమిండియా ఓపెనర్‌ శిఖర్‌ ధావన్‌ వచ్చే ఏడాది ఐపీఎల్‌లో ఢిల్లీ డేర్‌ డెవిల్స్‌కు ఆడటం దాదాపు ఖాయమైంది. తద్వారా 11 ఏళ్ల తర్వాత అతడు సొంత నగరం తరఫున బరిలో దిగనున్నాడు. ఎనిమిదేళ్లుగా హైదరాబాద్‌కు ఆడుతున్న ఈ ఎడమ చేతివాటం బ్యాట్స్‌మన్‌ ఈ సారి ఫ్రాంచైజీ మారడానికి కారణం సన్‌ రైజర్స్‌ యాజమాన్యం తనకు చెల్లిస్తున్న ధర తక్కువని భావించడమే.   2018 సీజన్‌ వేలం సందర్భంగా ధావన్‌ను సన్‌ రైజర్స్‌ రిటైన్‌ చేసుకోలేదు. రూ.5.2 కోట్ల ధరతో వేలంలో ఆర్‌టీఎం ద్వారా సొంతం చేసుకుంది. ఇది తన స్థాయికి తగని ధరగా భావించిన ధావన్‌ అసంతృప్తితో ఉన్నాడని వార్తలు వచ్చాయి. ఈ నేపథ్యంలో సన్‌ రైజర్స్‌ అతడిని విడుదల చేసింది. బదులుగా డేర్‌ డెవిల్స్‌ జట్టు సభ్యులైన విజయ్‌ శంకర్‌ (రూ.3.2 కోట్లు), షాబాజ్‌ నదీమ్‌ (రూ.3.2 కోట్లు), యువ ఆటగాడు అభిషేక్‌ శర్మ (రూ.55 లక్షలు)లను తీసుకుంది. ఇందులో ధావన్‌ ధర మినహా మిగిలిన మొత్తాన్ని నగదు రూపంలో డేర్‌ డెవిల్స్‌కు చెల్లించాల్సి ఉంటుంది. ధావన్‌ తొలి ఐపీఎల్‌ (2008)లో ఢిల్లీకే ప్రాతినిధ్యం వహించాడు. అనంతరం రెండేళ్లు ముంబై ఇండియన్స్‌కు ఆడాడు. 2011 నుంచి హైదరాబాద్‌ (2011, 12లలో దక్కన్‌ చార్జర్స్, 2013 నుంచి సన్‌రైజర్స్‌) జట్టులో భాగంగా ఉన్నాడు. 2016లో ట్రోఫీ నెగ్గడంలో కీలకంగా నిలిచాడు. సన్‌రైజర్స్‌ తరఫున 91 ఇన్నింగ్స్‌లు ఆడి 125.13 స్ట్రైక్‌ రేట్‌తో 2,768 పరుగులు చేశాడు.   

న్యూఢిల్లీ: టీమిండియా మాజీ కోచ్‌ అనిల్‌ కుంబ్లే మరోసారి కోచింగ్ బాధ్యతలు స్వీకరించనున్నాడనే వార్తలు సోషల్ మీడియాలో హల్‌చల్‌ చేస్తున్నాయి. అయితే, ఈసారి అనిల్ కుంబ్లే బాధ్యతలు నిర్వహించేది టీమిండియాకు కాదు. ఇండియన్ ప్రీమియర్ లీగ్‌లో జట్టు అయిన ఢిల్లీ డేర్‌డెవిల్స్‌కు కోచింగ్‌ సేవలు అందించేందుకు సిద్ధమవుతున్నట్లు తెలుస్తోంది. ఈ వార్తలపై ఢిల్లీ డేర్‌డెవిల్స్‌ యాజమాన్యం సైతం స్పందించింది. వచ్చే ఏడాది జరగనున్న ఐపీఎల్ సీజన్ కోసం టీమిండియా మాజీ కోచ్‌ అనిల్‌ కుంబ్లేతో సంప్రదింపులు జరుపుతున్నట్లు ఢిల్లీ ఫ్రాంఛైజీ ఓనర్లలో ఒకరైన పార్థ్ జిందాల్ వెల్లడించినట్లు అహ్మదాబాద్ మిర్రర్ తన కథనంలో పేర్కొంది. ‘వచ్చే ఏడాది ఐపీఎల్‌ సీజన్‌లో ఢిల్లీ డేర్‌డెవిల్స్‌ జట్టుకు మెంటార్‌గా బాధ్యతలు నిర్వహించాలని కుంబ్లేను కోరుతున్నాం. దీనిపై కుంబ్లే ఇంకా ఎలాంటి స్పష్టత ఇవ్వలేదు. ఒకవేళ కుంబ్లే మా జట్టులో కలిస్తే ఎంతో అదృష్టంగా భావిస్తాం’ అని వారు తెలిపారు. కుంబ్లేను మెంటార్‌గా ఎంచుకోవాలని భారత క్రికెట్‌ జట్టు మాజీ సారథి సౌరభ్‌ గంగూలీనే ఢిల్లీ యాజమాన్యానికి సలహా ఇచ్చినట్లు తెలుస్తోంది. కుంబ్లే గనుక ఢిల్లీ జట్టుకు మెంటార్‌‌గా బాధ్యతలు అందుకుంటే, మరోసారి ఆస్ట్రేలియా మాజీ కెప్టెన్ రికీ పాంటింగ్‌తో కలిసి పని చేసినట్లు అవుతుంది. గతంలో అనిల్ కుంబ్లే-రికీ పాంటింగ్‌ ఐపీఎల్‌లో ముంబై ఇండియన్స్‌ జట్టుకు కలిసి పని చేసిన సంగతి తెలిసిందే. ఇదిలా ఉంటే, వచ్చే ఏడాది మార్చి 29 నుంచి మే 19 వరకు ఐపీఎల్‌ టోర్నీ జరగనున్నట్లు సమాచారం. వచ్చే ఏడాది జూన్‌లో ఇంగ్లండ్ వేదికగా వరల్డ్ కప్ జరగనున్న నేపథ్యంలో వచ్చే ఏడాది ఐపీఎల్‌ కాస్త ముందుగానే నిర్వహించనున్నారు.

సాక్షి, న్యూఢిల్లీ : ఐపీఎల్‌-11 విజేత చెన్నై సూపర్‌ కింగ్స్‌ జట్టు యాజమాన్యంపై ఢిల్లీ డేర్‌డెవిల్స్‌ మాజీ కెప్టెన్‌ గౌతమ్‌ గంభీర్‌ ప్రశంసలు కురిపించాడు. సీఎస్‌కే యాజమాన్యం తమ కెప్టెన్‌ ధోనీని క్రికెట్‌ బాస్‌గా భావిస్తుందని.. ఫీల్డ్‌లో అతనికి పూర్తి స్వేచ్చను ఇవ్వడం ద్వారా ఒత్తిడిని తగ్గించి తద్వారా విజయాల్ని తమ ఖాతాలో వేసుకుంటుందని పేర్కొన్నాడు. ఈ కారణంగానే ఆ జట్టు ఏడుసార్లు ఫైనల్‌కు చేరడమే కాకుండా మూడుసార్లు విజేతగా నిలిచిందని గంభీర్‌ అభిప్రాయపడ్డాడు. ఐపీఎల్‌ వంటి టోర్నమెంట్‌లో ఒక కెప్టెన్‌గా విజయవంతమవ్వాలంటే ఆటగాళ్లతో పాటు యాజమాన్యం సహకారం కూడా ఎంతో ముఖ్యమని గంభీర్ అభిప్రాయం వ్యక్తం చేశాడు. అంతేకాకుండా ఐపీఎల్‌​ చాలా ఖరీదైన వ్యాపారమని.. ఫ్రాంచైజీ ఫీజు, ఆటగాళ్లు, సహాయక సిబ్బంది జీతాలు, ప్రయాణ ఖర్చులు అంటూ యాజమాన్యం ఎంతో ఖర్చు పెడుతుందని గంభీర్‌ ఒక ప్రముఖ పత్రికలో రాసిన కాలమ్‌లో పేర్కొన్నాడు. అన్నిటికంటే ఇక్కడ ఇగోకి ఎక్కువ ప్రాధాన్యం ఉంటుందని గంభీర్‌ అసహనం వ్యక్తం చేశాడు. ఐపీఎల్‌లోని వివిధ జట్ల యజమానులు అందరు వేర్వేరు వ్యాపారాల్లో ఇప్పటికే ఎన్నో విజయాలు సాధించారని.. అయితే క్రికెట్‌ను కూడా ఒక వ్యాపారం లాగే భావిస్తారని.. పెట్టుబడికి తగిన లాభం​ వచ్చిందా లేదా అనే విషయం మీదే వారికి ఎక్కువ శ్రద్ధ ఉంటుందని ఘాటుగా విమర్శించాడు. క్రికెటర్లలాగా వారు కూడా ఓటమిని ద్వేషిస్తారని.. విజయాన్ని తమ ఖాతాలో వేసుకోవడానికి ఇష్టపడతారే గానీ.. ఒకవేళ వారి సలహాల వల్ల ఓటమి ఎదురైనపుడు అందుకు తగిన కారణాలు చూపితే వారి ఇగో దెబ్బతింటుందని పరోక్షంగా తమ జట్టు యాజమాన్య తీరును ఎండగట్టాడు. ‘కొన్ని మ్యాచ్‌ల తర్వాత కెప్టెన్‌గా బాధ్యతల నుంచి తప్పుకున్నా.. యాజమాన్యం నాకు మామూలు ఆటగాడిగానూ అవకాశం ఇవ్వలేదు. మీరెందుకు ఆ తర్వాత ఢిల్లీ జట్టులో ఆడలేదని కొందరు ఇప్పటికీ అడుగుతున్నారు. అయితే వాస్తవం వేరేలా ఉంది. ప్రధాన ఆటగాళ్లయిన రబడ, క్రిస్‌ మోరిస్‌లకు గాయాలు కావడంతో పాటు కొందరు ఆటగాళ్లు పేలవ ప్రదర్శన చేశారు. దీంతో జట్టు వరుస వైఫల్యాలు చవిచూడాల్సి వచ్చింది. కీలక ఆటగాళ్లు సరైన సందర్భాల్లో రాణించకపోవడంతో ఈ సీజన్‌లో ఢిల్లీ కెప్టెన్సీ బాధ్యతలు చేపట్టిన నాలో ఒత్తిడిని పెంచడంతో విఫలమయ్యానని’ గంభీర్‌ పేర్కొన్నాడు. కాగా ఈ సీజన్‌లో ఢిల్లీ కేవలం 10 పాయింట్లతో పట్టికలో చివరి స్థానంలో నిలిచింది.

సాక్షి, న్యూఢిల్లీ : ఐపీఎల్‌లో విజయవంతమైన ఆటగాడిగా, కెప్టెన్‌గా రాణించాడు టీమిండియా క్రికెటర్‌ గౌతం గంభీర్‌. అయితే ఐపీఎల్‌-11 (ప్రస్తుత) సీజన్‌ తన కెరీర్‌లోనే చెత్త ఐపీఎల్‌ సీజన్‌ అని ఢిల్లీ డేర్‌డెవిల్స్‌ మాజీ కెప్టెన్‌ గంభీర్‌ అభిప్రాయపడ్డాడు. ఢిల్లీ ఇంటిముఖం పట్టాక.. కుటుంబంతో కలిసి చండీగఢ్‌లో ఉంటున్న గంభీర్‌ పేర్కొన్న అంశాలు సోషల్‌ మీడియాలో వైరల్‌ అవుతున్నాయి.  ‘ఈ సీజన్‌లో ఢిల్లీ కేవలం 10 పాయింట్లతో పట్టికలో చివరి స్థానంలో నిలిచింది. అయితే కొన్ని మ్యాచ్‌ల తర్వాత కెప్టెన్‌ బాధ్యతల నుంచి తప్పుకున్నా.. యాజమాన్యం నాకు మామూలు ఆటగాడిగానూ అవకాశం ఇవ్వలేదు. మీరెందుకు ఆ తర్వాత ఢిల్లీ జట్టులో ఆడలేదని కొందరు ఇప్పటికీ అడుగుతున్నారు. వాస్తవం వేరేలా ఉంది. ప్రధాన ఆటగాళ్లయిన రబడ, క్రిస్‌ మోరిస్‌లకు గాయాలు కావడంతో పాటు కొందరు ఆటగాళ్లు పేలవ ప్రదర్శన చేశారు. దీంతో జట్టు వరుస వైఫల్యాలు చవిచూడాల్సి వచ్చింది. కీలక ఆటగాళ్లు సరైన సందర్భాల్లో రాణించకపోవడంతో ఈ సీజన్‌లో ఢిల్లీ కెప్టెన్సీ బాధ్యతలు చేపట్టిన నాలో ఒత్తిడిని పెంచడంతో విఫలమయ్యాను.  శ్రేయస్‌ అయ్యర్‌కి కెప్టెన్సీ ఇచ్చారు. చివరికి ఏమైంది. ఢిల్లీ జట్టు అత్యంత పేలవ ప్రదర్శనతో చివరి స్థానంలో నిలిచింది. కెప్టెన్సీ నుంచి తప్పించాక నన్ను జట్టులోకి తీసుకోకపోగా.. గంభీర్‌ త్వరలో రిటైర్మెంట్‌ ప్రకటించి, ఢిల్లీ క్రికెట్‌ అసోసియేషన్‌ ఎన్నికల్లో పోటీ చేస్తాడని వదంతులు ప్రచారం చేశారు. ఇందులో ఇసుమంతైనా నిజం లేదు. రిటైర్మెంట్‌ పై నేను ఎప్పుడూ ఆలోచించలేదు. జట్టు వైఫల్యాలతో పాటు నాపై వచ్చిన వదంతులు ఢిల్లీ జట్టులో మళ్లీ అవకాశం రాకుండా చేశాయంటూ’ గంభీర్‌ ఇటీవల చేసిన వ్యాఖ్యలు వైరల్‌ అవుతున్నాయి.

ముందుకెళ్లాలంటే తప్పక గెలవాల్సిన మ్యాచ్‌లో డిఫెండింగ్‌ చాంపియన్‌ ముంబై ఇండియన్స్‌ చేతులెత్తేసింది. ఢిల్లీ బౌలర్లు సమష్టిగా ముంబైను ముంచారు. ఈ సీజన్‌లో అందరికంటే ముందే ప్లే ఆఫ్‌ నుంచి ఔటైన డేర్‌డెవిల్స్‌ జట్టు వెళ్తూ వెళ్తూ తమ వెంట రోహిత్‌ సేననీ తీసుకెళ్లింది.   న్యూఢిల్లీ: ఢిల్లీ డేర్‌డెవిల్స్‌ ఆల్‌రౌండ్‌ షోతో ముంబై ఇండియన్స్‌ను ప్లే ఆఫ్‌ పట్టాల నుంచి తప్పించింది. ఆదివారం జరిగిన చివరి లీగ్‌ మ్యాచ్‌లో డేర్‌డెవిల్స్‌ 11 పరుగుల తేడాతో రోహిత్‌ సేనపై గెలిచింది. బ్యాటింగ్‌లో రిషభ్‌ పంత్‌ ఆపద్బాంధవుడి పాత్ర పోషిస్తే... బౌలింగ్‌లో స్పిన్నర్లు సందీప్‌ లమిచానే (3/36), అమిత్‌ మిశ్రా (3/19), పేసర్‌ హర్షల్‌ పటేల్‌ (3/28) సమష్టిగా దెబ్బ తీశారు. మొదట డేర్‌డెవిల్స్‌ నిర్ణీత 20 ఓవర్లలో 4 వికెట్ల నష్టానికి 174 పరుగులు చేసింది. రిషభ్‌ పంత్‌ (44 బంతుల్లో 64; 4 ఫోర్లు, 4 సిక్స్‌లు), విజయ్‌ శంకర్‌ (30 బంతుల్లో 43 నాటౌట్‌; 3 ఫోర్లు, 2 సిక్స్‌లు) రాణించారు. తర్వాత ముంబై 19.3 ఓవర్లలో 163 పరుగుల వద్ద ఆలౌటైంది. లూయిస్‌ (31 బంతుల్లో 48; 3 ఫోర్లు, 4 సిక్స్‌లు) ధాటిగా ఆడాడు. మిశ్రాకు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది.   రిషభ్‌ పంతే పెద్దదిక్కయ్యాడు... టాస్‌ నెగ్గిన ఢిల్లీ మొదట బ్యాటింగ్‌కే మొగ్గుచూపిం ది. ఓపెనింగ్‌ వైఫల్యంతో 38 పరుగులకే 2 వికెట్లు కోల్పోయింది. పృథ్వీ షా (12) రనౌట్‌కాగా, మ్యాక్స్‌వెల్‌ (18 బంతుల్లో 22; 4 ఫోర్లు)ను బుమ్రా బౌల్డ్‌ చేశాడు. ఈ దశలో కెప్టెన్‌ శ్రేయస్‌తో కలిసి రిషభ్‌ పంత్‌ ఢిల్లీ ఇన్నింగ్స్‌ను నడిపించే ప్రయత్నం చేశాడు. కానీ ఈ జోడీ కూడా విఫలమైంది. కెప్టెన్‌ అయ్యర్‌ (6) మార్కండే బౌలింగ్‌లో నిష్క్రమించాడు. తర్వాత వచ్చిన విజయ్‌ శంకర్‌తో పంత్‌ డేర్‌డెవిల్స్‌ ఇన్నింగ్స్‌ను నిలబెట్టాడు. 13వ ఓవర్లో జట్టు 100 పరుగులు దాటింది. ఈ క్రమంలోనే రిషభ్‌ పంత్‌ 34 బంతుల్లో (4 ఫోర్లు, 2 సిక్స్‌లు) ఫిఫ్టీ పూర్తి చేసుకున్నాడు. పదో ఓవర్‌ తర్వాత బుమ్రా, కటింగ్, హార్దిక్‌ పాండ్యాలు కట్టుదిట్టంగా బౌలింగ్‌ చేయడంతో స్కోరు వేగం మందగించింది. ముస్తఫిజుర్‌ వేసిన 15వ ఓవర్లో పంత్‌ సిక్సర్, శంకర్‌ ఫోర్‌ కొట్టి టచ్‌లోకి వచ్చారు. హార్దిక్‌ తర్వాతి ఓవర్లో పంత్‌ మరో రెండు సిక్సర్లు బాదేశాడు. జోరు పెరిగిన దశలో రిషభ్‌ ఇన్నింగ్స్‌కు కృనాల్‌ పాండ్యా తెరదించాడు. దీంతో 64 పరుగుల నాలుగో వికెట్‌ భాగస్వామ్యం ముగిసింది. తర్వాత అభిషేక్‌ జతగా విజయ్‌ శంకర్‌ పోరాడే లక్ష్యాన్ని ముంబై ముందుంచగలిగాడు.    స్పిన్‌ ఉచ్చులో బ్యాట్లెత్తారు... ముంబై చావోరేవో తేల్చుకునే లక్ష్యం 175. సులువైంది కాకపోయినా... అసాధ్యమైంది మాత్రం కాదు. కానీ ముంబై బ్యాట్స్‌మెన్‌ స్పిన్‌ ఉచ్చులో చిక్కి ఉక్కిరిబిక్కిరయ్యారు. ఆరంభంలో ఓపెనర్‌ లూయిస్‌ ఎదురుదాడికి దిగినట్టు... చివర్లో కటింగ్‌ (20 బంతుల్లో 37; 2 ఫోర్లు, 3 సిక్స్‌లు) మెరుపులు మెరిపించినట్లు మరొక్కరు నిలబడితే గెలిచేది. కానీ ఆ ఒక్కడి పాత్రలో ఏ బ్యాట్స్‌మెన్‌ నిలబడనీయకుండా లమిచానే, మిశ్రా మణికట్టు మాయాజాలాన్ని ప్రదర్శించారు. టాప్, మిడిలార్డర్‌ బ్యాట్స్‌మెన్‌ ఆట కట్టించారు. ఈ సీజన్‌లో నిలకడ కనబరిచిన సూర్యకుమార్‌ (12), విధ్వంసకర బ్యాట్స్‌మన్‌ పొలార్డ్‌ (7)లను లమిచానే ఔట్‌ చేస్తే... మధ్యలో ఇషాన్‌ కిషన్‌ (5), లూయిస్‌లను మిశ్రా పెవిలియన్‌ చేర్చాడు. కృనాల్‌ (4), రోహిత్‌ (13) పలాయనం చిత్తగించడంతో ముంబై కథ ముగిసింది. హార్దిక్‌ పాండ్యా (17 బంతుల్లో 27; 2 ఫోర్లు, 1 సిక్స్‌) కాసేపు బ్యాట్‌ను ఊపేసినా మిశ్రా మాయలో పడేందుకు ఎంతో సేపు పట్టలేదు. 15వ ఓవర్లో అతని నిష్క్రమణతో ఆశలు ఆవిరికాగా... కటింగ్‌ మెరుపులతో ఏమూలనో మిణుకుమిణుకుమన్న ఆశల్ని చివరి ఓవర్లో హర్షల్‌ పటేల్‌ తుడిచేశాడు. స్కోరు వివరాలు ఢిల్లీ డేర్‌డెవిల్స్‌ ఇన్నింగ్స్‌: పృథ్వీ షా రనౌట్‌ 12; మ్యాక్స్‌వెల్‌ (బి) బుమ్రా 22; శ్రేయస్‌ అయ్యర్‌ (సి) కృనాల్‌ (బి) మార్కండే 6; రిషభ్‌ పంత్‌ (సి) పొలార్డ్‌ (బి) కృనాల్‌ 64; విజయ్‌ శంకర్‌ నాటౌట్‌ 43; అభిషేక్‌ శర్మ నాటౌట్‌ 15; ఎక్స్‌ట్రాలు 12; మొత్తం (20 ఓవర్లలో 4 వికెట్లకు) 174. వికెట్ల పతనం: 1–30, 2–38, 3–75, 4–139. బౌలింగ్‌: కృనాల్‌ 2–0–11–1, బుమ్రా 4–0– 29–1, హార్దిక్‌ 4–0–36–0, ముస్తఫిజుర్‌ 4–0–34–0, మార్కండే 2–0–21–1, కటింగ్‌ 4–0–36–0. ముంబై ఇండియన్స్‌ ఇన్నింగ్స్‌: సూర్యకుమార్‌ (సి) శంకర్‌ (బి) లమిచానే 12; లూయిస్‌ (స్టంప్డ్‌) పంత్‌ (బి) మిశ్రా 48; ఇషాన్‌ కిషన్‌ (సి)  శంకర్‌ (బి) మిశ్రా 5; పొలార్డ్‌ (సి) బౌల్ట్‌ (బి) లమిచానే 7; రోహిత్‌ (సి) బౌల్ట్‌ (బి) హర్షల్‌ 13; కృనాల్‌ (సి) సబ్‌–తేవటియా (బి) లమిచానే 4; హార్దిక్‌ (సి) సబ్‌–తేవటియా (బి) మిశ్రా 27; కటింగ్‌ (సి) మ్యాక్స్‌వెల్‌ (బి) హర్షల్‌ 37; మార్కండే (బి) బౌల్ట్‌ 3; బుమ్రా (సి) బౌల్ట్‌ (బి) హర్షల్‌ 0; ముస్తఫిజుర్‌ నాటౌట్‌ 0; ఎక్స్‌ట్రాలు 7; మొత్తం (19.3 ఓవర్లలో ఆలౌట్‌) 163. వికెట్ల పతనం: 1–12, 2–57, 3–74, 4–74, 5–78, 6–121, 7–122, 8–157, 9–163, 10–163. బౌలింగ్‌: లమిచానే 4–0–36–3, బౌల్ట్‌ 4–0–33–1, మ్యాక్స్‌వెల్‌ 2–0–19–0, హర్షల్‌ 2.3–0–28–3, ప్లంకెట్‌ 3–0–27–0, మిశ్రా 4–0–19–3.                                               రిషభ్‌ పంత్‌                                                              లమిచానే, మిశ్రా ప్రీతికెంత సంబరమో! కింగ్స్‌ ఎలెవన్‌ పంజాబ్‌ సహ యజమాని, బాలీవుడ్‌ నటి ప్రీతి జింటా ముంబై ఓడిందని తెలియగానే తెగ సంబరపడిపోయింది. పక్కనే ఉన్న మరో సహ యజమానితో ఆమె మురిసిపోతూ ‘నిజంగా... నాకు చాలా సంతోషంగా ఉంది. ఈసారి ముంబై ఫైనల్‌కు వెళ్లడం లేదు. నేనైతే హ్యాపీ’ అని చెప్పింది. ఈ వీడియో క్లిప్‌ ట్విటర్‌లో వైరల్‌ అయింది. అదేం ఆనందమో గానీ... అప్పటికింకా ఆమె జట్టు (పంజాబ్‌) చెన్నైపై గెలవనేలేదు. ప్లే–ఆఫ్‌ చేరనేలేదు... ఇంకా చెప్పాలంటే మ్యాచ్‌ అప్పుడే మొదలైంది. ముంబై ఓటమితో పంజాబ్‌ ప్లే–ఆఫ్‌ చేరితే సంబరపడిందంటే అర్థముంది కానీ... తమకు ఏమీ కాని ఫలితంతో ముందుకు ముందే ఈ సంతోషమేంటని నెటిజన్లు కామెంట్లు చేశారు.

పుణె: ఇండియన్‌ ప్రీమియర్‌ లీగ్‌(ఐపీఎల్‌)తాజా సీజన్‌లో ప్లేఆఫ్‌కు చేరాలన్న కింగ్స్‌ పంజాబ్‌ ఆశలు నెరవేరలేదు. ఆదివారం చెన్నై సూపర్‌ కింగ్స్‌తో జరిగిన మ్యాచ్‌లో కింగ్స్‌ పంజాబ్‌ 5 వికెట్ల తేడాతో ఓటమి పాలై టోర్నీ నుంచి నిష్క్రమించింది. ఫలితంగా ఏడు విజయాలతో ఉన్న రాజస్తాన్‌ రాయల్స్‌ ప్లేఆఫ్‌ బెర్తును ఖాయం చేసుకుంది. అంతకుముందు సన్‌రైజర్స్‌ హైదరాబాద్‌, చెన్నై సూపర్‌ కింగ్స్‌, కోల్‌కతా నైట్‌రైడర్స్‌లు ప్లేఆఫ్‌కు చేరిన జట్లు కాగా, చివరిగా రాజస్తాన్‌ రాయల్స్‌ ప్లేఆఫ్‌లోకి ప్రవేశించింది. చెన్నైతో జరిగిన మ్యాచ్‌లో కింగ్స్‌ పంజాబ్‌ 154 పరుగుల లక్ష్యాన్ని నిర్దేశించింది. ఈ లక్ష్యాన్ని చెన్నై ఆడుతూ పాడుతూ ఛేదించింది.  చెన్నై విజయంలో సురేశ్‌ రైనా(61 నాటౌట్‌; 48 బంతుల్లో 4 ఫోర్లు, 2 సిక‍్సర్లు), దీపక్‌ చాహర్‌(‌39; 20 బంతుల్లో 1 ఫోర్‌, 3 సిక్సర్లు)లు ముఖ్య భూమిక పోషించారు. లక్ష్యాన్ని ఛేదించే క‍్రమంలో సీఎస్‌కే అంబటి రాయుడు(1)వికెట్‌ను ఆదిలోనే కోల్పోయింది. ఆ తర్వా డుప్లెసిస్‌(14), శ్యామ్‌ బిల్లింగ్స్‌(0)లు వరుస బంతుల్లో ఔట్‌ కావడంతో చెన్నై 27 పరుగులకే మూడు వికెట్లను నష్టపోయింది. ఆపై నాల్గో వికెట్‌కు సురేశ్‌ రైనాతో కలిసి 31 పరుగుల భాగస్వామ్యం సాధించిన తర్వాత హర్భజన్‌ సింగ్‌(19) పెవిలియన్‌ చేరాడు. ఆ తరుణంలో రైనా-దీపక్‌ చాహర్‌ల జోడి చెన్నై స్కోరు బోర్డును చక్కదిద్దింది. వీరిద్దరూ 56 పరుగుల జోడించిన తర్వాత చాహర్ ఐదో వికెట్‌గా నిష్క్రమించాడు. దాంతో చెన్నై 114 పరుగుల వద్ద ఐదో వికెట్‌ను కోల్పోయింది. ఇక చివర్లో రైనా-ధోని(16 నాటౌట్‌; 7 బంతుల్లో 1 ఫోర్‌, 1 సిక్స్‌)ల జంట మరో వికెట్‌ పడకుండా ఆడటంతో చెన్నై 19.1 ఓవర్లలో విజయాన్ని అందుకుంది. అంతకుముందు కింగ్స్‌ 19.4 ఓవర్లలో 153 పరుగుల సాధారణ స్కోరుకే పరిమితమైంది.  టాస్‌ ఓడి తొలుత బ్యాటింగ్‌ చేపట్టిన కింగ్స్‌ పంజాబ్‌ ఆది నుంచి తడబడుతూ బ్యాటింగ్‌ చేసింది. 16 పరుగులకే క్రిస్‌ గేల్‌(0), అరోన్‌ ఫించ్‌(4), కేఎల్‌ రాహుల్‌(7) వికెట్లను నష్టపోయింది. ఆ తరుణంలో మిల్లర్‌తో కలిసి 60 పరుగుల భాగస్వామ్యాన్ని సాధించిన తర్వాత మనోజ్‌ తివారీ(35) పెవిలియన్‌ చేరాడు. ఆపై స్వల్ప వ్యవధిలో డేవిడ్‌ మిల్లర్‌(24) సైతం ఔట్‌ కావడంతో కింగ్స్‌ పంజాబ్‌ 80 పరుగులకే ఐదు వికెట్లను కోల్పోయింది. చెన్నై పేసర్‌ లుంగి ఎంగిడి.. కింగ్స్‌ పంజాబ్‌ను దారుణంగా దెబ్బకొట్టాడు. నాలుగు ఓవర్లలో 1 మెయిడిన్‌ సాయంతో 10 పరుగులిచ్చి నాలుగు వికెట్లతో సత్తాచాటాడు. అతనికి జతగా శార్దూల్‌ ఠాకూర్‌, బ్రేవోలు తలో రెండు వికెట్లు తీయగా, జడేజా, చాహర్‌లకు చెరో వికెట్‌ దక్కింది.  

పుణె: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా చెన్నై సూపర్‌ కింగ్స్‌తో జరుగుతున్న మ్యాచ్‌లో కింగ్స్‌ పంజాబ్‌ 154 పరుగుల లక్ష్యాన్ని నిర్దేశించింది. టాస్‌ ఓడి తొలుత బ్యాటింగ్‌ చేపట్టిన కింగ్స్‌ పంజాబ్‌ ఆది నుంచి తడబడుతూ బ్యాటింగ్‌ చేసింది. 16 పరుగులకే క్రిస్‌ గేల్‌(0), అరోన్‌ ఫించ్‌(4), కేఎల్‌ రాహుల్‌(7) వికెట్లను నష్టపోయింది. ఆ తరుణంలో మిల్లర్‌తో కలిసి 60 పరుగుల భాగస్వామ్యాన్ని సాధించిన తర్వాత మనోజ్‌ తివారీ(35) పెవిలియన్‌ చేరాడు. ఆపై స్వల్ప వ్యవధిలో డేవిడ్‌ మిల్లర్‌(24) సైతం ఔట్‌ కావడంతో కింగ్స్‌ పంజాబ్‌ 80 పరుగులకే ఐదు వికెట్లను కోల్పోయింది. అటు తర్వాత స్వల్ప విరామాల్లో కింగ్స్‌ పంజాబ్‌ వికెట్లను చేజార్చుకుంది. కాగా, కరుణ్‌ నాయర్‌(54; 26 బంతుల్లో 3 ఫోర్లు, 5సిక్సర్లు) ఆదుకున్నాడు. దాంతో కింగ్స్‌ 19.4 ఓవర్లలో 153 పరుగుల సాధారణ స్కోరుకే పరిమితమైంది. చెన్నై పేసర్‌ లుంగి ఎంగిడి.. కింగ్స్‌ పంజాబ్‌ను దారుణంగా దెబ్బకొట్టాడు. నాలుగు ఓవర్లలో 1 మెయిడిన్‌ సాయంతో 10 పరుగులిచ్చి నాలుగు వికెట్లతో సత్తాచాటాడు. అతనికి జతగా శార్దూల్‌ ఠాకూర్‌, బ్రేవోలు తలో రెండు వికెట్లు తీయగా, జడేజా, చాహర్‌లకు చెరో వికెట్‌ దక్కింది.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌) సీజన్‌లో డిఫెండింగ్‌ చాంపియన్‌గా బరిలోకి దిగిన ముంబై ఇండియన్స్‌ పోరాటం లీగ్‌ దశలోనే ముగిసింది. ఆదివారం ఢిల్లీ డేర్‌డెవిల్స్‌తో జరిగిన అమీతుమీ మ్యాచ్‌లో ముంబై ఇండియన్స్‌ 11 పరుగుల తేడాతో ఓటమి పాలై టోర్నీ నుంచి నిష్క్రమించింది. ఈ సీజన్‌లో ప్లేఆఫ్‌ రేసు నుంచి వైదొలిగిన తొలి జట్టు ఢిల్లీ కాగా, తాజాగా ముంబై ఇండియన్స్‌ ముంచేసింది. ఇరు జట్ల మధ్య జరిగిన ఆసక్తికరంగా సాగిన మ్యాచ్‌లో ఢిల్లీ పైచేయి సాధించింది. ఫలితంగా మరోసారి ప్లేఆఫ్‌కు చేరాలన్న ముంబై ఇండియన్స్‌ లక్ష్యం నెరవేరలేదు. ఢిల్లీ నిర్దేశించిన 175 పరుగుల లక్ష్యాన్ని ఛేదించే క్రమంలో ముంబై ఆదిలోనే సూర్యకుమార్‌ యాదవ్‌(12) వికెట్‌ను కోల్పోయింది. ఆ తర్వాత ఎవిన్‌ లూయిస్‌(48; 31 బంతుల్లో 3 ఫోర్లు, 4 సిక్సర్లు) దూకుడుగా బ్యాటింగ్‌ చేసి స్కోరు బోర్డును పరుగులు పెట్టించాడు. అయితే అతనికి అవతలి ఎండ్‌ నుంచి సరైన సహకారం లభించలేదు. ఇషాన్‌ కిషన్‌(5), పొలార్డ్‌(7), రోహిత్‌ శర్మ(13), కృనాల్‌ పాండ్యా(4) స్వల్ప వ్యవధిలో పెవిలియన్‌ చేరడంతో ముంబై 121 పరుగులకే ఆరు వికెట్లు కోల్పోయి కష్టాల్లో పడింది. ఆపై హార్దిక్‌ పాండ్యా(27) కాసేపు మెరుపులు మెరిపించి ఏడో వికెట్‌గా పెవిలియన్‌ చేరాడు.ఇక చివర్లో బెన్‌ కట్టింగ్‌(37‌) పోరాడినా జట్టును గెలిపించలేకపోయాడు. ఆఖరి వికెట్‌గా బూమ్రా ఔట్‌ కావడంతో ముంబై 19.3 ఓవర్లలో 163 పరుగులకు ఆలౌటైంది. ఢిల్లీ డేర్‌డెవిల్స్‌ బౌలర్లలో లామ్‌చెన్‌, అమిత్‌ మిశ్రా, హర్షల్‌ పటేల్‌లు తలో మూడేసి వికెట్లతో సత్తాచాటగా, ట్రెంట్‌ బౌల్ట్‌ వికెట్‌ దక్కింది.

ఢిల్లీ: ఐపీఎల్‌లో ముంబై ఇండియన్స్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ ఆటగాడు మ్యాక్స్‌వెల్‌ కళ్లు చెదిరే ఫీల్డింగ్‌తో అదుర్స్‌ అనిపించాడు. ముంబై ఇండియన్స్‌ ఆటగాడు కీరోన్‌ పొలార్డ్‌ ఇచ్చిన క్యాచ్‌ను మ్యాక్స్‌వెల్‌ బౌండరీ లైన్‌ వద్ద బంతిని అందుకున్న తీరు ఒక ఎత్తైతే, తనను తాను నియంత్రించుకుంటూ గాల్లోనే బంతిని మరో ఫీల్డర్‌ బౌల్ట్‌కు అందివ్వడం మరో ఎత్తు. ముంబై బౌలర్‌ లామ్‌చెన్‌ వేసిన 10వ ఓవర్‌ తొలి బంతిని లాంగాన్‌ మీదుగా పొలార్డ్‌ భారీ షాట్‌ కొట్టాడు. ఆ సమయంలో బంతి గమనాన్ని అంచనా వేస్తూ పరుగెత్తూకొంటూ వచ్చిన మ్యాక్స్‌వెల్‌ బంతిని బౌండరీకి స్వల్ప దూరంలో ఒడిసిపట్టుకున్నాడు. కాగా, బౌండరీ లైన్‌పై నియంత్రించుకునే క్రమంలో బంతిని  సమీపంలో ఉన్న బౌల్ట్‌ వైపు విసిరేశాడు. ఆ క్యాచ్‌ను బౌల్ట్‌ అందుకోవడంతో పొలార్డ్‌ను ఆశ్చర్యానికి గురి చేసింది. అయితే ఆ క్యాచ్‌పై మూడో అంపైర్‌ సాయం కోరగా, మ్యాక్స్‌వెల్‌ బౌండరీ లైన్‌కు ముందుగానే బంతిని విసిరినట్లు తేలడంతో పొలార్డ్‌ భారంగా పెవిలియన్‌ వీడాల్సి వచ్చింది. అయితే రోహిత్‌ శర్మ ఔట్‌ విషయంలో కూడా మ్యాక్స్‌వెల్‌-బౌల్ట్‌లు ఇదే సీన్‌ రిపీట్‌ చేశారు. హర్షల్‌ పటేల్‌ వేసిన 14 ఓవర్‌ ఐదో బంతికి రోహిత్‌ షాట్‌ కొట్టాడు. ఆ క్యాచ్‌ను ముందుగా అందుకున్న మ్యాక్స్‌వెల్‌.. బౌండరీ లైన్‌పై నియంత్రణ కోల్పోతున్నట్లు భావించి బౌల్ట్‌కు విసిరాడు. దాన్ని బౌల్ట్‌ పట్టుకోవడం, రోహిత్‌ పెవిలియన్‌ చేరడం ముంబై ఇండియన్స్‌కు మతిపోయేలా చేసింది. ఈ సీజన్‌లో కింగ్స్‌ పంజాబ్‌-రాజస్తాన్‌ రాయల్స్‌ జట్ల మధ్య జరిగిన మ్యాచ్‌లో ఇదే తరహా క్యాచ్‌ను మయాంక్‌ అగర్వాల్‌-మనోజ్‌ తివారీలు అందుకున్న సంగతి తెలిసిందే.  

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ ముంబై ఇండియన్స్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ 175 పరుగుల లక్ష్యాన్ని నిర్దేశించింది. రిషబ్‌ పంత్‌(64;44 బంతుల్లో 4 ఫోర్లు, 4 సిక్సర్లు), విజయ్‌ శంకర్‌(43 నాటౌట్‌; 30 బంతుల్లో 3 ఫోర్లు, 2 సిక్సర్లు)ల మెరుపులకు తోడు మ్యాక్స్‌వెల్‌(22) ఫర్వాలేదనిపించడంతో ఢిల్లీ నిర్ణీత ఓవర్లలో నాలుగు వికెట్లు కోల్పోయి 174 పరుగులు చేసింది. టాస్‌ గెలిచి బ్యాటింగ్‌ ఎంచుకున్న ఢిల్లీ 38 పరుగులకే ఓపెనర్లు పృథ్వీషా(12), మ్యాక్స్‌వెల్‌ వికెట్లను కోల్పోయింది. మరో 27 పరుగుల వ్యవధిలో శ్రేయస్‌ అయ్యర్‌(6) కూడా నిష్క్రమించడంతో ఢిల్లీ 75 పరుగులకే మూడు వికెట్లు కోల్పోయింది. ఆ తరుణంలో రిషబ్‌ పంత్‌- విజయ్‌ శంకర్‌ల జోడి ఇన్నింగ్స్‌ను చక్కదిద్దింది. ఈ జోడి 64 పరుగులు జత చేసిన తర్వాత రిషబ్‌ నాల్గో వికెట్‌గా ఔటయ్యాడు. అటు తర్వాత శంకర్‌-అభిషేక్‌ శర్మ(15 నాటౌట్‌;10 బంతుల్లో 1 సిక్స్‌)లు సమయోచితంగా ఆడటంతో ఢిల్లీ గౌరవప‍్రదమైన స్కోరు సాధించింది. ముంబై బౌలర్లలో కృనాల్‌ పాండ్యా, బూమ్రా, మయాంక్‌ మార్కండేలు తలో వికెట్‌ తీశారు. 

న్యూఢిల్లీ : ఢిల్లీ డేర్‌డేవిల్స్‌ వికెట్‌ కీపర్‌ రిషబ్‌ పంత్‌ సరికొత్త రికార్డు నమోదు చేశాడు. ఐపీఎల్‌లో ఒక సీజన్‌లో అత్యధిక పరుగుల చేసిన వికెట్‌ కీపర్‌గా గుర్తింపు పొందాడు. ఆదివారం ముంబై ఇండియన్స్‌తో జరిగిన మ్యాచ్‌లో  పంత్‌ ఈ ఘనతను సొంతం చేసుకున్నాడు. ఈ సీజన్‌లో పంత్‌ 684 పరుగులు చేశాడు. ఇప్పటి వరకు కోల్‌కతా నైట్‌రైడర్స్‌ వికెట్‌ కీపర్‌ రాబిన్‌ ఊతప్ప 660 (2014 సీజన్‌లో) పరుగుల ఈ జాబితాలో అగ్రస్థానంలో కొనసాగగా.. తాజాగా పంత్‌ అధిగమించాడు. కేఎల్‌ రాహుల్‌ 652 (2018 సీజన్‌), జోస్‌ బట్లర్‌ 548(2018), దినేశ్‌ కార్తీక్‌ 510 (2013), ఆడమ్‌ గిల్‌క్రిస్ట్‌ 492 (2009)లు ఆ తర్వాత స్థానాల్లో ఉన్నారు. ఇక ఈ సీజన్‌లోనే ముగ్గురు వికెట్‌ కీపర్‌లు( పంత్‌,రాహుల్‌, బట్లర్‌) అత్యధిక పరుగులు సాధించడం విశేషం. ఈ మ్యాచ్‌లో పంత్‌(64) హాఫ్‌ సెంచరీతో రాణించాడు.

న్యూఢిల్లీ : ఐపీఎల్‌-11 సీజన్‌లో మరో రసవత్తర మ్యాచ్‌కు ఫిరోజ్‌-షా కోట్ల మైదానం వేదికైంది. ఢిల్లీడేర్‌డెవిల్స్‌ తో జరుగుతున్న చావోరేవో మ్యాచ్‌కు ముంబై ఇండియన్స్‌ సిద్ధమైంది. ఈ మ్యాచ్‌లో ఢిల్లీ డేర్‌డెవిల్స్‌ టాస్‌ గెలిచి బ్యాటింగ్‌ ఎంచుకుంది. ఇరు జట్లలో స్పల్ప మార్పులు చోటుచేసుకున్నాయి. ముంబై జట్టులో మెక్లిగన్‌ స్థానంలో ముస్తాఫిజుర్‌ రెహ్మాన్‌ రాగా.. ఢిల్లీ జట్టులో అవేశ్‌ఖాన్‌ స్థానంలో​ ప్లంకెట్‌ తుది జట్టులోకి వచ్చాడు. గెలిస్తేనే.. ప్లే ఆఫ్‌ ఈ మ్యాచ్‌ ముంబై ఇండియన్స్‌కు చాలా కీలకం. గెలిస్తే ప్లే ఆఫ్‌.. లేకుంటే ఇంటికి వెళ్తోంది. ఇక ఢిల్లీ ఇప్పటికే ప్లే ఆఫ్‌ రేసు నుంచి నిష్క్రమించగా.. గత మ్యాచ్‌లో చెన్నై సూపర్‌ కింగ్స్‌పై అనూహ్య విజయం అందుకుని ఆశ్చర్యపరిచింది. ఈ విషయమే ముంబై ఇండియన్స్‌ను కలవర పరుస్తోంది. 13 మ్యాచుల్లో 6 మాత్రమే నెగ్గి ఆరో స్థానంలో ఉన్న ముంబై ఈ మ్యాచ్‌ ఎలాగైన గెలవాలని భావిస్తోంది. ఈ మ్యాచ్‌ గెలిస్తే ముంబైకే ప్లే ఆఫ్‌ చేరే అవకాశాలున్నాయి. ఆ జట్టు రన్‌రేట్‌ రాజస్తాన్‌, కింగ్స్‌ పంజాబ్‌ జట్ల కన్నా మెరుగ్గా ఉంది. ఓడితే మాత్రం రాజస్తాన్‌, పంజాబ్‌(చెన్నైతో గెలిస్తే) జట్లలో ఓ జట్టుకు ప్లేఆఫ్‌ అవకాశం ఉంటుంది. తుదిజట్లు ముంబై ఇండియన్స్‌: రోహిత్‌ శర్మ(కెప్టెన్‌), సూర్యకుమార్‌ యాదవ్‌, ఎవిన్‌ లూయిస్‌, ఇషాన్‌ కిషాన్‌, హార్దిక్‌ పాండ్యా, కృనాల్‌ పాండ్యా, కీరన్‌ పొలార్డ్‌, బెన్‌ కట్టింగ్‌, ముస్తాఫిజుర్‌ రెహ్మాన్‌‌, మయాంక్‌ మార్కండే, జస్ప్రిత్‌ బుమ్రా ఢిల్లీ: పృథ్వీ షా, శ్రేయస్‌ అయ్యర్‌(కెప్టెన్‌),  రిషబ్‌ పంత్‌, గ్లెన్‌ మ్యాక్స్‌వెల్‌, విజయ్‌ శంకర్‌, అభిషేక్‌ శర్మ, హర్షపటేల్‌, అమిత్‌ మిశ్రా, లియామ్‌ ప్లంకెట్, సందీప్‌ లామిచ్చేన్‌, ట్రెంట్‌ బౌల్ట్‌

న్యూఢిల్లీ : చెన్నై సూపర్‌కింగ్స్‌ కెప్టెన్‌ మహేంద్ర సింగ్‌ ధోని టీ20 క్రికెట్‌లో అరుదైన ఘనతను సొంతం చేసుకున్నాడు. టీ20 క్రికెట్లో 6వేల పరుగులు క్లబ్‌లో చేరిన ఐదో భారత బ్యాట్స్‌మన్‌గా, తొలి భారత వికెట్‌ కీపర్‌గా ధోని గుర్తింపు పొందాడు. ఐపీఎల్‌-11 సీజన్‌లో భాగంగా శుక్రవారం ఢిల్లీ డేర్‌డెవిల్స్‌తో జరిగిన‌ మ్యాచ్‌లో ధోని ఈ మైలురాయి అందుకున్నాడు. ఈ మ్యాచ్‌కు ముందు ధోని 6వేల పరుగులకు 10 పరుగుల దూరంలో ఉండగా.. ఈ మ్యాచ్‌లో ధోని 17 పరుగులు చేసిన విషయం తెలిసిందే. బౌల్ట్‌ బౌలింగ్‌లో శ్రేయస్‌ అయ్యర్‌కు క్యాచ్‌ ఇచ్చి ధోని వెనుదిరిగాడు. దీంతో అతడు టీ20 క్రికెట్‌లో 6 వేల పరుగులు సాధించినట్లైంది. ఈ ఘనత సాధించిన ఐదో భారతీయుడు ధోని నిలిచాడు. సురేశ్‌ రైనా(7,708), విరాట్‌ కోహ్లీ (7,621), రోహిత్‌ శర్మ(7,303), గౌతమ్‌ గంభీర్‌(6,402)... ధోని కంటే ముందున్నారు. ఇక ఓవరాల్‌గా 11,436 పరుగులతో వెస్టిండీస్‌ దిగ్గజం క్రిస్‌ గేల్‌ అగ్రస్థానంలోఉండగా.. కివీస్‌ బ్యాట్స్‌మన్‌ మెక్‌కల్లమ్‌ 9,119 పరుగులతో రెండో స్థానంలో నిలిచాడు. మరో ఐపీఎల్‌ రికార్డు చేరువలో.. ధోని కెరీర్‌లో ఇది 290వ టీ20 మ్యాచ్ కాగా... ఐపీఎల్‌లో 4వేల పరుగుల క్లబ్‌కు చేరువయ్యాడు. ఇప్పటి వరకు ధోని ఐపీఎల్‌లో సాధించిన పరుగులు 3,974. మరో 26 పరుగులు సాధిస్తే.. ఐపీఎల్‌లో 4వేల పరుగులు సాధించిన ఆటగాళ్ల జాబితాలో కూడా చేరుతాడు.

సాక్షి, న్యూఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా శుక్రవారం చెన్నై సూపర్‌ కింగ్స్‌, ఢిల్లీ డేర్‌డెవిల్స్‌ తలపడిన విషయం తెలిసిందే. ఈ మ్యాచ్‌లో ఓ సరదా సన్నివేశం చోటు చేసుకుంది. మైదానంలో ఉన్న ధోని ఓ సందర్భంలో నవ్వు ఆపుకోలేకపోయాడు. ఇందుకు సంబంధించిన వీడియో ఇప్పుడు వైరల్‌గా మారింది. మ్యాచ్‌ ఆరంభానికి ముందు రెండు జట్ల కెప్టెన్లు ధోని, శ్రేయస్‌ అయ్యర్‌లు మైదానంలోకి వచ్చారు. శ్రేయస్‌ అయ్యర్‌ టాస్ కోసం కాయిన్‌ను ఎగురవేశాడు. ఆ కాయిన్‌ ఆటగాళ్లకు చాలా దూరంలో పడింది. అంత దూరం కాయిన్‌ పడటం చూసిన ధోని నవ్వు ఆపుకోలేకపోయాడు. ధోనితో పాటు అక్కడ ఉన్నవారంతా కూడా నవ్వారు. అనంతరం టాస్‌ గెలిచిన ధోని.. ఢిల్లీని  బ్యాటింగ్‌ చేయాల్సిందిగా కోరాడు. ఇందుకు సంబంధించిన వీడియోను ఐపీఎల్‌ నిర్వాహకులు ట్విటర్‌లో పోస్టు చేశారు. దాంతో ఈ వీడియోను అభిమానులు తెగ షేర్‌ చేస్తున్నారు. ధోనిని చూసిన ఫ్యాన్స్‌.. నువ్వు అందుకే మిస్టర్‌ కూల్ అంటూ కామెంట్లు పెడుతున్నారు.  కాగా, చెన్నై సూపర్‌ కింగ్స్‌తో సొంత మైదానం ఫిరోజ్‌ షా కోట్ల మైదానంలో జరిగిన మ్యాచ్‌లో ఢిల్లీ డేర్‌డెవిల్స్‌ 34 పరుగుల తేడాతో విజయం సాధించింది. ఢిల్లీ 163 పరుగుల లక్ష్యాన్ని కాపాడుకుని గెలుపును అందుకుంది.

ఓడిపోతే ఢిల్లీకి పోయేదేమీ లేదు! గెలిస్తే చెన్నైకు రన్‌రేట్‌ పెరగడం తప్ప ఒరిగేదేమీ లేదు! అభిమానులకు చూద్దామన్న ఆశ అంతకంటే లేదు...! దీనికి తగినట్లే ఆటలో మెరుపే లేదు...! పరుగులకు ఇబ్బంది పెట్టిన పిచ్‌పై ఆడుతున్నది టి20నా...? వన్డేనా...? అన్నట్లు సాగిన మ్యాచ్‌లో నమోదైంది ఒకే ఒక్క అర్ధ శతకం...! ఢిల్లీనే సాధారణ స్కోరు చేసిందనుకుంటే... చెన్నై అతి సాధారణంగా ఆడి ఓడింది. ‘మ్యాన్‌ ఆఫ్‌ ద మ్యాచ్‌’ హర్షల్‌ పటేల్‌ (16 బంతుల్లో 36 నాటౌట్‌; 1 ఫోర్, 4 సిక్స్‌లు; 1/23) ఆల్‌రౌండ్‌ ప్రతిభతో డేర్‌డెవిల్స్‌కు ఊరట విజయం దక్కింది.   ఢిల్లీ: అదేంటో మరి... ఐపీఎల్‌లో ఢిల్లీ డేర్‌ డెవిల్స్‌కు సీజన్‌ చివర్లో కాని జోష్‌ రాదనుకుంటా...! వరుస పరాజయాలతో ప్లే ఆఫ్‌కు ఎప్పుడో దూరమై... ప్రేక్షకులకు ఏ కోశానా ఆసక్తి లేకుండా పోయిన వేళ... ఆ జట్టు పటిష్ఠమైన చెన్నై సూపర్‌ కింగ్స్‌ను ఓడించి ఆశ్చర్యపర్చింది. శుక్రవారం ఇక్కడ జరిగిన మ్యాచ్‌లో టాస్‌ ఓడి బ్యాటింగ్‌కు దిగిన ఢిల్లీ... నిర్ణీత 20 ఓవర్లలో ఐదు వికెట్ల నష్టానికి 162 పరుగులు చేసింది. హర్షల్‌తో పాటు రిషభ్‌ పంత్‌ (26 బంతుల్లో 38; 3 ఫోర్లు, 2 సిక్స్‌లు), విజయ్‌ శంకర్‌ (28 బంతుల్లో 36 నాటౌట్‌; 2 ఫోర్లు, 2 సిక్స్‌లు) రాణించారు. ఛేదనలో అంబటి తిరుపతి రాయుడు (29 బంతుల్లో 50; 4 ఫోర్లు, 4 సిక్స్‌లు) మినహా మిగతావారి నుంచి మెరుపులు లేకపోవడంతో చెన్నై ఆరు వికెట్లకు 128 పరుగులు మాత్రమే చేసి 34 పరుగులతో ఓటమి పాలైంది. లెగ్‌ స్పిన్నర్లు అమిత్‌ మిశ్రా (2/20),  సందీప్‌ లమిచానే (1/21) ప్రత్యర్థిని కట్టిపడేశారు.  అంతా చప్పచప్పగా...  పంత్, హర్షల్‌ మినహా ఏ బ్యాట్స్‌మెన్‌ స్ట్రయిక్‌ రేట్‌ 130 దాటలేదంటేనే డేర్‌ డెవిల్స్‌ ఇన్నింగ్స్‌ సాగిన తీరును చెప్పొచ్చు. ఓపెనర్లలో పృథ్వీ షా (17) పూర్తిగా తడబడుతూ ఆడాడు. చాలా బంతులు అతడి బ్యాట్‌కు దగ్గరగా వెళ్లాయి. కెప్టెన్‌ శ్రేయస్‌ అయ్యర్‌ (19) బ్యాట్‌ ఝళిపించలేకపోయాడు. పవర్‌ ప్లే పూర్తయ్యేసరికి స్కోరు 39/1. ఆ తర్వాత కూడా రిషభ్, అయ్యర్‌లను చెన్నై బౌలర్లు స్వేచ్ఛగా ఆడనివ్వలేదు. హర్భజన్‌ వేసిన 10వ ఓవర్లో పంత్‌ రెండు సిక్స్‌లు, ఫోర్‌ కొట్టడంతో కొంత కదలిక వచ్చింది. కానీ, మరుసటి ఓవర్లోనే ఇన్‌గిడి ఇద్దరినీ అవుట్‌ చేశాడు. వైఫల్యాల పరంపర కొనసాగిస్తూ... జడేజా బౌలింగ్‌లో రివర్స్‌ స్వీప్‌కు యత్నించి మ్యాక్స్‌వెల్‌ (5) బౌల్డయ్యాడు. గత మ్యాచ్‌లో గడగడలాడించిన అభిషేక్‌ శర్మ (2) ఈసారి చేతులెత్తేశాడు. 15 ఓవర్లకు స్కోరు 102/5. విజయ్‌ శంకర్, హర్షల్‌ అప్పుడో షాట్‌ ఇప్పుడో షాట్‌ కొడుతూ బండి నడిపించారు. ఇన్నింగ్స్‌ చివరి ఓవర్లో బ్రేవో పనిపట్టారు. హర్షల్‌ మూడు, శంకర్‌ ఒక సిక్స్‌ బాదడంతో ఈ ఓవర్లో ఏకంగా 26 పరుగులు వచ్చాయి. దీంతో జట్టుకు గౌరవప్రదమైన స్కోరు దక్కింది. విశేషమేమంటే బంతితో గిమ్మిక్కులు చేస్తూ, బ్యాట్స్‌మెన్‌ను బుట్టలో పడేస్తాడని పేరున్న బ్రేవో... హర్షల్‌ ధాటికి భారీగా (0/52) పరుగులిచ్చుకున్నాడు. అతడు కొట్టిన నాలుగు సిక్స్‌లూ బ్రేవో బౌలింగ్‌లోనే కావడం గమనార్హం.  చెన్నై ఛేదించలేకపోయింది...  లక్ష్యం మరీ పెద్దదేం కాదు. ప్రత్యర్థి బౌలింగ్‌ ఏమంత భీకరం కాదు. దీంతో ఛేదనను చెన్నై ఊదేస్తుందని అంతా భావించారు. కానీ, వారికీ పరుగులు గగనంగానే వచ్చాయి. 5 ఓవర్లకు స్కోరు 22 మాత్రమే. అయితే, అవేశ్‌ ఖాన్‌ బౌలింగ్‌లో రాయుడు మూడు సిక్స్‌లు, ఫోర్‌ సహా 22 పరుగులు రాబట్టడంతో ఒక్కసారిగా కదలిక వచ్చింది. కానీ, మిశ్రా వస్తూనే వాట్సన్‌ను బుట్టలో వేశాడు. ఓ ఎండ్‌లో తనవంతుగా ఆడుతూ అర్ధ సెంచరీ (28 బంతుల్లో) అందుకున్న రాయుడు ... భారీ షాట్‌కు యత్నించి లాంగాన్‌లో మ్యాక్స్‌వెల్‌కు చిక్కాడు. అప్పటికీ ధోని (17), రైనా (15) ఉండటంతో గెలుపుపై ఆశలున్నాయి. తొలి బంతికే అవుటయ్యే ప్రమాదం తప్పించుకుని, ఆసాంతం ఇబ్బందిగా కనిపించిన రైనాను సందీప్‌ లమిచానే పెవిలియన్‌కు చేర్చాడు. సమీకరణం 41 బంతుల్లో 73గా ఉన్న దశలో బిల్లింగ్స్‌ (1) ఇలా వచ్చి అలా వెళ్లాడు. జడేజాను మరోసారి బ్యాటింగ్‌ ఆర్డర్‌లో ముందుగా పంపినా ఫలితం లేకపోయింది. ఢిల్లీ బౌలర్లు ధోనికి షాట్లు కొట్టే చాన్సే ఇవ్వలేదు. దీంతో లక్ష్యం అంతకంతకు పెరుగుతూ పోయింది. 18వ ఓవర్లో ధోనిని అవుట్‌ చేసిన బౌల్ట్‌ ఐదు పరుగులే ఇచ్చాడు. 12 బంతుల్లో 50 పరుగులు చేయడం జడేజా(27 నాటౌట్‌), బ్రావో (1) తరం కాలేదు.  

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా చెన్నై సూపర్‌ కింగ్స్‌తో సొంత మైదానం ఫిరోజ్‌ షా కోట్ల మైదానంలో జరిగిన మ్యాచ్‌లో ఢిల్లీ డేర్‌డెవిల్స్‌ 34 పరుగుల తేడాతో విజయం సాధించింది. ఢిల్లీ 163 పరుగుల లక్ష్యాన్ని కాపాడుకుని గెలుపును అందుకుంది. సీఎస్‌కే ఆటగాళ్లలో అంబటి రాయుడు(50;29 బంతుల్లో 4 ఫోర్లు, 4 సిక్సర్లు), జడేజా( 26 నాటౌట్‌) మినహా ఎవరూ రాణించకపోవడంతో చెన్నై 20 ఓవర్లలో ఆరు వికెట్లు కోల్పోయి 128 పరుగులకే పరిమితమై ఓటమి పాలైంది. ఫలితంగా ఇరు జట్ల మధ్య జరిగిన తొలి మ్యాచ్‌లో ఎదురైన ఓటమికి ఢిల్లీ ప్రతీకారం తీర్చుకుంది. ఇప్పటికే ప్లే ఆఫ్‌ రేసు నుంచి నిష్ర్కమించిన ఢిల్లీ బౌలింగ్‌లో ఆకట్టుకుని సీఎస్‌కేను కట్టడి చేసింది. అంతకుముందు ఢిల్లీ డేర్‌డెవిల్స్‌ నిర్ణీత ఓవర్లలో ఐదు వికెట్లు కోల్పోయి 162 పరుగులు చేసింది. పృథ్వీ షా(17),శ్రేయస్‌ అయ్యర్‌(19), మ్యాక్స్‌వెల్‌(5), అభిషేక్‌ శర్మ(2)లు నిరాశపరచగా, రిషబ్‌ పంత్‌(38) ఫర్వాలేదనిపించాడు. చివర్లో విజయ్‌ శంకర్‌(36 నాటౌట్; 28 బంతుల్లో 2 ఫోర్లు, 2 సిక్సర్లు‌), హర్షల్‌ పటేల్‌(36 నాటౌట్;16 బంతుల్లో 1ఫోర్‌, 4 సిక్సర్లు‌) బ్యాట్‌ ఝుళిపించడంతో ఢిల్లీ గౌరవప్రదమైన స్కోరు సాధించింది.

ఢిల్లీ : ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ ఫిరోజ్‌ షా కోట్ల మైదానంలో చెన్నై సూపర్‌ కింగ్స్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ 163 పరుగుల లక్ష్యాన్ని నిర్దేశించింది. టాస్‌ ఓడి తొలుత బ్యాటింగ్‌కు దిగిన ఢిల్లీ తడబడుతూనే ఇన్నింగ్స్‌ ఆరంభించింది. పృథ్వీ షా(17),శ్రేయస్‌ అయ్యర్‌(19), మ్యాక్స్‌వెల్‌(5), అభిషేక్‌ శర్మ(2)లు నిరాశపరచగా, రిషబ్‌ పంత్‌(38) ఫర్వాలేదనిపించాడు. చివర్లో విజయ్‌ శంకర్‌(36 నాటౌట్; 28 బంతుల్లో 2 ఫోర్లు, 2 సిక్సర్లు‌), హర్షల్‌ పటేల్‌(36 నాటౌట్;16 బంతుల్లో 1ఫోర్‌, 4 సిక్సర్లు‌) బ్యాట్‌ ఝుళిపించడంతో ఢిల్లీ నిర్ణీత ఓవర్లలో ఐదు వికెట్లు కోల్పోయి 162 పరుగులు చేసింది. ఆఖరి ఓవర్‌లో ఢిల్లీ 26 పరుగులు పిండుకోవడంతో చెన్నై ముందు గౌరవప్రదమైన లక్ష్యాన్ని ఉంచింది.  చెన్నై బౌలర్లలో లుంగి ఎంగిడి రెండు వికెట్లు సాధించగా, దీపక్‌ చాహర్‌, రవీంద్ర జడేజా, శార్దూల్‌ ఠాకూర్‌ తలో వికెట్‌ తీశారు.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా శుక్రవారం ఇక్కడ ఢిల్లీ డేర్‌డెవిల్స్‌తో జరుగుతున్న మ్యాచ్‌లో చెన్నై సూపర్‌ కింగ్స్‌ టాస్‌ గెలిచి ఫీల్డింగ్‌ ఎంచుకుంది. టాస్‌ గెలిచిన సీఎస్‌కే కెప్టెన్‌ ఎంఎస్‌ ధోని.. ఢిల్లీని  బ్యాటింగ్‌ చేయాల్సిందిగా కోరాడు. అంతకుముందు ఇరు జట్ల మధ్య జరిగిన తొలి మ్యాచ్‌లో సీఎస్‌కే 13 పరుగుల తేడాతో విజయం సాధించింది. ఇప్పటికే 12 మ్యాచ్‌ల్లో 8 విజయాలతో చెన్నై ప్లే ఆఫ్‌ బెర్తును ఖాయం చేసుకోగా, ఢిల్లీ డేర్‌డెవిల్స్‌ 12 మ్యాచ్‌ల్లో 3 విజయాలు మాత్రమే నమోదు చేసి టోర్నీ నుంచి నిష్ర్రమించింది. ఇది ఇరు జట్లకు నామమాత్రపు మ్యాచ్‌గానే చెప్పొచ్చు. ఈ మ్యాచ్‌లో ఏ జట్టు గెలిచినా నష్టమేమీ ఉండదు. దాంతో ఇరు జట్లు స్వేచ్ఛగా ఆడే అవకాశం ఉంది. చెన్నై ఒక మార్పుతో బరిలోకి దిగుతుండగా, ఢిల్లీ రెండు మార్పులు చేసింది. డేవిడ్‌ విల్లే స్థానంలో లుంగి ఎంగిడి చెన్నై తుది జట్టులోకి రాగా, మ్యాక్స్‌వెల్‌, అవేశ్‌ ఖాన్‌లు ఢిల్లీ జట్టులో చోటు దక్కించుకున్నారు.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌) సీజన్‌ తుది దశకు చేరుకుంది. ఇప్పటికే సన్‌రైజర్స్ హైదరాబాద్, చెన్నై సూపర్ కింగ్స్ జట్లు ప్లే ఆఫ్ బెర్తుని ఖాయం చేసుకోగా.. మిగిలిన రెండు స్థానాల కోసం కోల్‌కతా నైట్‌రైడర్స్, ముంబయి ఇండియన్స్, రాయల్ ఛాలెంజర్స్ బెంగళూరు, రాజస్తాన్ రాయల్స్, కింగ్స్ ఎలెవన్ పంజాబ్ జట్ల మధ్య తీవ్ర పోటీ నెలకొంది. చివరిగా ఆడిన మూడు మ్యాచ్‌ల్లోనూ ఓడిన ఢిల్లీ డేర్‌డెవిల్స్‌ ఇప్పటికే నాకౌట్ రేసు నుంచి తప్పుకుంది. దాంతో శుక్రవారం ఫిరోజ్‌ షా కోట్ల మైదానంలో చెన్నై సూపర్‌ కింగ్స్‌-ఢిల్లీ డేర్‌డెవిల్స్‌ జట్ల మధ్య జరిగే మ్యాచ్‌ నామమాత్రమే కానుంది. కాగా, ఈ మ్యాచ్‌లో విజయం సాధించడం ద్వారా చెన్నై సూపర్‌ కింగ్స్‌ అగ్రస్థానంలో నిలవాలని ఆశిస్తోంది. ప్రస్తుతం 18 పాయింట్లతో  సన్‌రైజర్స్‌ హైదరాబాద్‌ టాప్‌లో ఉండగా, సీఎస్‌కే 16 పాయింట్లతో రెండో స్థానంలో ఉంది. రన్‌రేట్‌ ప్రకారం సీఎస్‌కే మెరుగైన స్థానంలో ఉండటంతో ఢిల్లీతో గెలిస్తే టాప్‌ ప్లేస్‌ను ఆక్రమిస్తుంది. దీనిలో భాగంగా ధోని అండ్‌ గ్యాంగ్ పోరుకు సన్నద్ధమవుతోంది. ఈ ఐపీఎల్‌ సీజన్ ఆరంభం నుంచి ఓపెనర్లు అంబటి రాయుడు, షేన్ వాట్సన్ సీఎస్‌కే మెరుపు ఆరంభాల్ని ఇస్తుండగా.. మిడిలార్డర్‌లో సురేశ్ రైనా, ఎంఎస్‌ ధోని, బ్రేవో నిలకడగా ఆడుతూ భారీ స్కోర్లుగా మలుస్తున్నారు. మరొకవైపు ఢిల్లీ జట్టు ఓపెనర్లు పృథ్వీ షా, జాసన్‌ రాయ్ మెరుగ్గా ఆడుతుండగా.. మిడిలార్డర్‌లో శ్రేయస్ అయ్యర్, రిషబ్ పంత్ హిట్టింగ్‌తో ఆకట్టుకుంటున్నారు. దాంతో ఇరు జట్ల మధ్య ఆసక్తికర పోరు జరిగే అవకాశం ఉంది.

సాక్షి, న్యూఢిల్లీ: పటిష్టమైన సన్‌రైజర్స్‌ బౌలింగ్‌లోనే అద్భుత శతకం చేసిన యువ సంచలనం, ఢిల్లీ డేర్‌డెవిల్స్‌ ఆటగాడు రిషభ్‌ పంత్‌ త్వరలోనే భారత జాతీయ జట్టుకు ఆడతాడని మాజీ కెప్టెన​ సౌరవ్‌ గంగూలీ ఇటీవల అభిప్రాయపడ్డాడు. అయితే ఈ నేపథ్యంలో తనను టీమిండియాకు ఎంపిక చేయలేదంటూ పంత్‌ వ్యాఖ్యానించినట్లు కథనాలు ప్రచారమయ్యాయి. దీంతో తనపై వచ్చిన వదంతులపై ఈ వికెట్‌ కీపర్‌ బ్యాట్స్‌మెన్‌ పంత్‌ స్పందించాడు. ‘టీమిండియాకు ఎంపిక చేయలేదని నేను ఎలాంటి వ్యాఖ్యలు చేయలేదు. కానీ నన్ను ఇటీవల ప్రకటించిన భారత జట్టుకు ఎంపిక చేయలేదని వ్యాఖ్యానించినట్లు ప్రచారం చేస్తున్నారు. అందులో వాస్తవం లేదని వివరణ ఇచ్చుకుంటున్నాను. నేను కెరీర్‌పై దృష్టి పెట్టాలనుకుంటున్నా. ఇలాంటి వదంతులను వ్యాప్తి చేయవద్దని కోరుతూ’ ట్వీట్‌ చేశాడు పంత్‌. ఈ ఐపీఎల్‌లో అత్యధిక (582) పరుగులతో ప్రస్తుతం ఆరెంజ్‌ క్యాప్‌ హోల్డర్‌గా పంత్‌ ఉన్నాడు. ఇటీవల ఇంగ్లండ్‌తో వన్డే, టీ20లకు, ఐర్లాండ్‌తో టీ20లకు భారత జట్టును సెలక్షన్‌ కమిటీ ప్రకటించిన విషయం తెలిసిందే. ఈ ప్రకటన తర్వాత రహానే లాంటి ఆటగాడిని పక్కన పెట్టడంతో ‘దాదా’ గంగూలీ ఆశ్చర్యం వ్యక్తం చేశాడు. ఈ ఐపీఎల్‌ ఆటతీరుతో పాటు నిలకడ ప్రదర్శిస్తే పంత్, ఇషాన్‌ కిషన్‌ వంటి యువ కెరటాలు భారత్‌కు ప్రాతినిధ్యం వహించడానికి ఎంతో దూరంలో లేరన్నాడు. Just to clarify some rumours going around about my statement about not getting selected to play for india I never said anything like that it so just giving out my clarification 🙏.So please stop spreading rumours and let me concentrate on my cricket 😇 — Rishabh Pant (@RishabPant777) 13 May 2018

ఢిల్లీ: స్టార్‌ ఆటగాళ్లు ఉండి కూడా ఈ ఐపీఎల్‌లో తీవ్రంగా నిరాశపరుస్తున్న జట్టు రాయల్‌ చాలెంజర్స్‌ బెంగళూరు. ఇప్పటివరకూ 10 మ్యాచ్‌లు ఆడి మూడు విజయాల్ని మాత్రమే సాధించిన ఆర్సీబీ.. ప్లే ఆఫ్‌ రేసులో నిలవాలంటే ఆ జట్టు ఇక నుంచి ఆడే ప్రతీ మ్యాచ్‌లో విజయం సాధించాల్సి ఉంది. శనివారం ఫిరోజ్‌ షా కోట్ల మైదానంలో ఢిల్లీ డేర్‌డెవిల్స్‌తో మ్యాచ్‌లో ఆర్సీబీకి విజయం అత్యంత ముఖ్యం. ఒకవేళ ఆర్సీబీ ఓడితే మాత్రం ఇక ఎటువంటి సమీకరణాలు అవసరం లేకుండా రేసు నుంచి నిష్ర్రమించాల్సి ఉంటుంది. దాంతో కోహ్లి అండ్‌ గ్యాంగ్‌.. విజయంపై కన్నేసింది.  ఇప్పటికే ఢిల్లీ డేర్‌డెవిల్స్‌ ప్లే ఆఫ్‌కు వెళ్లే దారులు మూసుకుపోయాయి. దాంతో ఆర్సీబీతో మ్యాచ్‌ ఢిల్లీకి నామమాత్రమే. ఈ మ్యాచ్‌లో టాస్‌ గెలిచిన ఆర్సీబీ ముందుగా ఫీల్డింగ్‌ తీసుకుంది. టాస్‌ గెలిచిన కోహ్లి ఢిల్లీని బ్యాటింగ్‌కు ఆహ్వానించాడు.  అంతకుముందు ఇరు జట్ల మధ్య జరిగిన తొలి మ్యాచ్‌లో ఆర్సీబీ విజయం సాధించింది. ఈ క్రమంలో ఢిల్లీపై ఆర‍్సీబీ మరోసారి పైచేయి సాధిస్తుందా అనేది ఆసక్తికరం. తుదిజట్లు రాయల్‌ చాలెంజర్స్‌ బెంగళూర్‌  విరాట్‌ కోహ్లి(కెప్టెన్‌), పార్థీవ్‌ పటేల్‌, సర్ఫరాజ్‌ ఖాన్‌, ఏబీ డివీలియర్స్‌, మన్‌దీప్‌ సింగ్‌, గ్రాంగ్‌ హోమ్‌, మొయిన్‌ అలీ, టిమ్‌ సౌథీ, ఉమేశ్‌ యాదవ్‌, యుజ్వేంద్ర చహల్‌, మహ్మద్‌ సిరాజ్‌ ఢిల్లీ డేర్‌డెవిల్స్‌ తుదిజట్టు శ్రేయస్‌ అయ్యర్‌(కెప్టెన్‌), పృథ్వీషా, జాసన్‌ రాయ్‌, రిషభ్‌ పంత్‌, విజయ్‌ శంకర్‌, అభిషేక్‌ శర్మ, అమిత్‌ మిశ్రా, సందీప్ లామిచానే, హర్షల్‌ పటేల్‌, ట్రెంట్‌ బౌల్ట్‌, జూనియర్‌ డాలా 

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌) తాజా సీజన్‌లో సన్‌రైజర్స్‌ హైదరాబాద్‌ సగర్వంగా ప్లే ఆఫ్‌కు చేరుకుంది. గత  విజయంతో దాదాపు ప్లే ఆఫ్‌ బెర్తును ఖాయం చేసుకున్న సన్‌రైజర్స్‌..  గురువారం ఢిల్లీ డేర్‌డెవిల్స్‌తో జరిగిన మ్యాచ్‌లో 9 వికెట్ల తేడాతో  గెలుపొంది ఎటువంటి సమీకరణాలు అవసరం లేకుండా ప్లే ఆఫ్‌కు చేరింది. ఫలితంగా ఈ సీజన్‌లో అధికారికంగా ప్లే ఆఫ్‌కు చేరిన తొలి జట్టుగా సన్‌రైజర్స్‌ నిలిచింది. ఈ మ్యాచ్‌లో ఢిల్లీ ముందుగా బ్యాటింగ్‌ చేసి 188 పరుగుల లక్ష్యాన్ని నిర్దేశించింది. లక్ష్యాన్ని ఛేదించే క్రమంలో సన్‌రైజర్స్‌ 15 పరుగుల వద్ద అలెక్స్‌ హేల్స్‌(14) వికెట్‌ను కోల్పోయింది. ఆ తరుణంలో శిఖర్‌ ధావన్‌-కేన్‌ విలియమ‍్సన్‌ జోడి ధాటిగా బ్యాటింగ్‌ చేసింది. ధావన్‌(92 నాటౌట్‌; 50 బంతుల్లో 9 ఫోర్లు, 4 సిక్సర్లు), విలియమ్సన్‌(80నాటౌట్‌; 53 బంతుల్లో 7 ఫోర్లు, 2 సిక్సర్లు)లు మరో వికెట్‌ పడకుండా జట్టు గెలుపులో కీలక పాత్ర పోషించారు. వీరిద్దరూ రెండో వికెట్‌కు అజేయంగా 173 పరుగుల భాగస్వామ్యాన్ని సాధించడంతో సన్‌రైజర్స్‌ 18.5 ఓవర్లలో లక్ష్యాన్ని చేరుకుంది.  ఇది సన్‌రైజర్స్‌కు ఓవరాల్‌గా తొమ్మిదో విజయం కాగా, వరుసగా ఆరో గెలుపు. ఇక తాజా ఓటమితో ఢిల్లీ ప్లే ఆఫ్‌ రేసు నుంచి నిష్క్రమించింది. అంతకముందు ఢిల్లీ డేర్‌డెవిల్స్‌ నిర్ణీత ఓవర్లలో ఐదు వికెట్లు కోల్పోయి 187 పరుగులు చేసింది.  రిషబ్‌ పంత్‌(128 నాటౌట్‌;63 బంతుల్లో 15 ఫోర్లు, 7 సిక్సర్లు) మెరుపులు మెరిపించడంతో ఢిల్లీ గౌరవప్రదమైన స్కోరును సన్‌రైజర్స్‌ ముందుంచింది. టాస్‌ గెలిచి బ్యాటింగ్‌ ఎంచుకున్న ఢిల్లీకి ఆదిలోనే ఎదురుదెబ్బ తగిలింది. షకిబుల్‌ హసన్‌ వేసిన నాల్గో ఓవర్‌లో పృథ్వీ షా(9), జాసన్‌ రాయ్‌(11)లు వరుస బంతుల్లో నిష్ర్రమించారు. దాంతో 21 పరుగులకే రెండు వికెట్లను నష్టపోయింది ఢిల్లీ. అయితే శ్రేయస్‌ అయ్యర్‌తో కలిసి రిషబ్‌ పంత్‌ ఇన్నింగ్స్‌ను చక్కదిద్దే యత్నం చేశాడు. కాగా, రిషబ్‌ పంత్‌ తప్పిదంతో శ్రేయస్‌ అయ్యర్‌(3) రనౌట్‌గా పెవిలియన్‌ బాటపట్టాడు. అటు తర్వాత హర్షల్‌ పటేల్‌-రిషబ్‌ పంత్‌ల భాగస్వామ్యంతో ఢిల్లీ కుదుటపడింది. హర్షల్‌ పటేల్‌(24) రనౌట్‌ కావడంతో ఢిల్లీ 98 పరుగుల వద్ద నాల్గో వికెట్‌ను కోల్పోయింది. ఆపై రిషబ్‌ పంత్‌ చెలరేగి ఆడాడు. పటిష్టమైన సన్‌రైజర్స్‌ బౌలింగ్‌పై ఎదురుదాడికి దిగిన రిషబ్‌ పంత్‌  56 బంతుల్లో 13 ఫోర్లు, 4 సిక్సర్లతో సెంచరీ నమోదు చేశాడు. భువనేశ్వర్‌ కుమార్‌ వేసిన ఆఖరి ఓవర్‌లో రెండు ఫోర్లు, మూడు సిక్సర్లను రిషబ్‌ సాధించడంతో ఢిల్లీ డేర్‌డెవిల్స్‌ పోరాడి లక్ష్యాన్ని ఉంచింది. 

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా సన్‌రైజర్స్‌ హైదరాబాద్‌తో మ్యాచ్‌లో ఢిల్లీ డేర్‌డెవిల్స్‌ ఆటగాడు రిషబ్‌ పంత్‌ రికార్డుల మోత మోగించాడు.   రిషబ్‌ పంత్‌(128 నాటౌట్‌;63 బంతుల్లో 15 ఫోర్లు, 7 సిక్సర్లు) ఆకాశమే హద్దుగా చెలరేగి ఆడాడు. ఫలితంగా ఐపీఎల్‌ చరిత్రలో ఒక భారత బ్యాట్స్‌మన్‌ అత్యధిక వ్యక్తిగత పరుగులు సాధించిన ఘనతను రిషబ్‌ సొంతం చేసుకున్నాడు. ఈ క్రమంలోనే 2010లో మురళీ విజయ్‌ 127 పరుగుల రికార్డను రిషబ్‌ బద్ధలు కొట్టాడు. మరొకవైపు సన్‌రైజర్స్‌పై అత్యధిక వ్యక్తిగత పరుగులు సాధించిన రికార్డును కూడా రిషబ్‌ తన పేరిట లిఖించుకున్నాడు. అంతకుముందు సన్‌రైజర్స్‌పై క్రిస్‌ గేల్‌(104 నాటౌట్-ఈ సీజన్‌ ఐపీఎల్‌లో‌) అత్యధిక వ్యక్తిగత పరుగుల రికార్డును సాధించగా, దాన్ని రిషబ్‌ సవరించాడు. కాగా, పిన్నవయసులో ఐపీఎల్‌ సెంచరీ సాధించిన రెండో ఆటగాడిగా రిషబ్ అరుదైన మైలురాయిని సొంతం చేసుకున్నాడు. రిషబ్‌ పంత్‌ 20 ఏళ్ల 218 రోజుల వయసులో ఐపీఎల్‌ సెంచరీ నమోదు చేయగా, 2009లో మనీష్‌ పాండ్‌ 19 ఏళ్ల 253 రోజుల వయసులో ఐపీఎల్‌ శతకం సాధించాడు. ఇక ఒక జట్టు చేసిన స్కోరులో అత్యధిక పరుగుల శాతాన్ని నమోదు చేసిన రెండో ఆటగాడిగా రిషబ్‌ నిలిచాడు. ఈ మ్యాచ్‌లో రిషబ్‌ 68.44 శాతం పరుగులు సాధించగా, గతంలో బ్రెండన్‌ మెకల్లమ్‌ 71.17 శాతం పరుగులతో అగ్రస్థానంలో ఉన్నాడు.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ ఫిరోజ్‌ షా కోట్ల మైదానంలో సన్‌రైజర్స్‌ హైదరాబాద్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ 188 పరుగుల లక్ష్యాన్ని నిర్ధేశించింది.  రిషబ్‌ పంత్‌(128 నాటౌట్‌;63 బంతుల్లో 15 ఫోర్లు, 7 సిక్సర్లు) మెరుపులు మెరిపించడంతో ఢిల్లీ గౌరవప్రదమైన స్కోరును సన్‌రైజర్స్‌ ముందుంచింది. టాస్‌ గెలిచి బ్యాటింగ్‌ ఎంచుకున్న ఢిల్లీకి ఆదిలోనే ఎదురుదెబ్బ తగిలింది. షకిబుల్‌ హసన్‌ వేసిన నాల్గో ఓవర్‌లో పృథ్వీ షా(9), జాసన్‌ రాయ్‌(11)లు వరుస బంతుల్లో నిష్ర్రమించారు. దాంతో 21 పరుగులకే రెండు వికెట్లను నష్టపోయింది ఢిల్లీ. అయితే శ్రేయస్‌ అయ్యర్‌తో కలిసి రిషబ్‌ పంత్‌ ఇన్నింగ్స్‌ను చక్కదిద్దే యత్నం చేశాడు. కాగా, రిషబ్‌ పంత్‌ తప్పిదంతో శ్రేయస్‌ అయ్యర్‌(3) రనౌట్‌గా పెవిలియన్‌ బాటపట్టాడు. అటు తర్వాత హర్షల్‌ పటేల్‌-రిషబ్‌ పంత్‌ల భాగస్వామ్యంతో ఢిల్లీ కుదుటపడింది. హర్షల్‌ పటేల్‌(24) రనౌట్‌ కావడంతో ఢిల్లీ 98 పరుగుల వద్ద నాల్గో వికెట్‌ను కోల్పోయింది. ఆపై రిషబ్‌ పంత్‌ చెలరేగి ఆడాడు. పటిష్టమైన సన్‌రైజర్స్‌ బౌలింగ్‌పై ఎదురుదాడికి దిగిన రిషబ్‌ పంత్‌  56 బంతుల్లో 13 ఫోర్లు, 4 సిక్సర్లతో సెంచరీ నమోదు చేశాడు. భువనేశ్వర్‌ కుమార్‌ వేసిన ఆఖరి ఓవర్‌లో రెండు ఫోర్లు, మూడు సిక్సర్లను రిషబ్‌ సాధించడంతో ఢిల్లీ డేర్‌డెవిల్స్‌ నిర్ణీత ఓవర్లలో ఐదు వికెట్లు కోల్పోయి 187 పరుగులు చేసింది. సన్‌రైజర్స్‌ బౌలర్లలో షకిబుల్‌ హసన్‌ రెండు వికెట్లు తీయగా, భువనేశ్వర్‌ కుమార్‌కు వికెట్‌ దక్కింది.

ఢిల్లీ: రిషబ్‌ పంత్‌.. ఢిల్లీ డేర్‌డెవిల్స్‌ జట్టులో కీలక ఆటగాడు. అయితే అతనితో పరుగు తీయాలంటే అవతలి ఎండ్‌లో ఉన్న సహచర ఆటగాడు ఆలోచించాల్సిన పరిస్థితి. ఈ ఐపీఎల్‌ సీజన్‌లో ఇప్పటివరకూ నాలుగుసార్లు రనౌట్‌లో భాగస్వామ్యం అయ్యాడు రిషబ్‌. ఆ నాలుగుసార్లు సహచర ఆటగాడే నిష్క్రమించడం రిషబ్‌లో చురుకుదనం లేదనడానికి అద్దం పడుతోంది. పరుగు పూర్తి చేసే క్రమంలో తటపటాయిస్తున్న రిషబ్‌.. అవతలి ఎండ్‌లో ఉన్న ఆటగాళ్ల రనౌట్‌కు కారణమవుతున్నాడు. గురువారం సన్‌రైజర్స్‌ హైదరాబాద్‌తో మ్యాచ్‌ ఢిల్లీ డేర్‌డెవిల్స్‌కు చాలా ముఖ్యం. ఈ మ్యాచ్‌లో విజయం సాధిస్తేనే ఢిల్లీ ప్లే ఆఫ్‌ అవకాశాలను నిలుపుకుంటుంది. అయితే ఢిల్లీ కెప్టెన్‌ శ్రేయస్‌ అయ్యర్‌, హర్షల్‌ పటేల్‌ రనౌట్లలో రిషబ్‌ పంత్‌ భాగస్వామ్యం కావడం విమర్శలకు తావిచ్చింది. తొలుత శ్రేయస్‌ అయ్యర్‌ను రనౌట్‌ చేసిన రిషబ్‌.. ఆపై హర్షల్‌ పటేల్‌ రనౌట్‌కు కారణమయ్యాడు. పరుగు సూచన ఇచ్చిన రిషబ్‌ పంత్‌.. శ్రేయస్‌ అయ్యర్‌ సగం పిచ్‌ దాటే సమయంలో నిర్ణయం మార్చుకున్నాడు. క్రీజ్‌లో అలా నిలబడి ఉండిపోవడంతో శ్రేయస్‌ అయ్యర్‌ మళ్లీ తిరిగి నాన్‌ స్టైకర్‌ ఎండ్‌లోకి వచ్చే యత‍్నం చేయడంతో రనౌట్‌ కావాల్సి వచ్చింది. ఢిల్లీ ఇన్నింగ్స్‌లో సన్‌రైజర్స్‌ బౌలర్‌ వేసిన ఎనిమిదో ఓవర్‌ నాల్గో బంతికి అయ్యర్‌ను రనౌట్‌గా పెవిలియన్‌కు పంపించాడు. మళ్లీ ఇదే మ్యాచ్‌ రషీద్‌ ఖాన్‌ వేసిన 14 ఓవర్‌ చివరి బంతికి హర్షల్‌ పటేల్‌ను రనౌట్‌ చేశాడు రిషబ్‌. ఈ రెండు సందర్బాల్లో రిషబ్‌ పంత్‌ తప్పిదం కొట్టొచ్చినట్లు కనబడటం ఢిల్లీ డేర్‌డెవిల్స్‌ శిబిరంలో ఆందోళన వ్యక్తమైంది.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ ఫిరోజ్‌ షా కోట్ల మైదానంలో  సన్‌రైజర్స్‌ హైదరాబాద్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ టాస్‌ గెలిచి బ్యాటింగ్‌ ఎంచుకుంది. టాస్‌ గెలిచిన ఢిల్లీ డేర్‌డెవిల్స్‌ కెప్టెన్‌ శ్రేయస్‌ అయ‍్యర్‌ ముందుగా బ్యాటింగ్‌ చేసేందుకు మొగ్గుచూపాడు. ఈ సీజన్‌లో ఇరు జట్ల మధ్య జరిగిన తొలి మ్యాచ్‌లో సన్‌రైజర్స్‌ విజయం సాధించిన సంగతి తెలిసిందే. ఇప్పటివరకూ సన్‌రైజర్స్‌ 10 మ్యాచ్‌లు ఆడి ఎనిమిది విజయాలతో దాదాపు ప్లే ఆఫ్‌ బెర్తును ఖాయం చేసుకోగా, ఢిల్లీ డేర్‌డెవిల్స్‌ 10 మ్యాచ్‌లకు గాను మూడు విజయాలతో చివరిస్థానంలో నిలిచింది. ఇక నేటి మ్యాచ్‌లో గెలిచి సగర్వంగా ప్లేఆఫ్‌కు చేరుకోవాలని సన్‌రైజర్స్‌ భావిస్తుండగా, సొంత మైదానంలో జరుగుతున్న మ్యాచ్‌లో గెలిచి ప్లే ఆఫ్‌ ఆశలు సజీవంగా ఉంచుకోవాలని డేర్‌డెవిల్స్‌ ఆరాటపడుతోంది. ఈ మ్యాచ్‌లో గెలిస్తే డబుల్‌ హ్యాట్రిక్‌ విజయాలు నమోదు చేసిన జట్టుగా సన్‌రైజర్స్‌ నిలుస్తుంది. సన్‌రైజర్స్‌ జట్టు నుంచి వృద్ధిమాన్‌ సాహా గాయం కారణంగా దూరమయ్యాడు. అతని స్థానంలోశ్రీవాత్స్ గోస్వామి తుది జట్టులోకి వచ్చాడు. ఢిల్లీ డేర్‌డెవిల్స్‌ తుది జట్టు శ్రేయస్‌ అయ్యర్‌(కెప్టెన్‌), జాసన్‌ రాయ్‌, పృథ్వీషా, గ్లెన్‌ మ్యాక్స్‌వెల్‌, రిషబ్‌ పంత్‌, విజయ్‌ శంకర్‌, షాబాజ్ నదీమ్, లియామ్‌ ప్లంకెట్‌, హర్షాల్‌ పటేల్‌, అమిత్‌ మిశ్రా, ట్రెంట్‌ బౌల్ట్‌ సన్‌రైజర్స్‌ హైదరాబాద్‌ తుది జట్టు కేన్‌ విలియమ్సన్‌(కెప్టెన్‌), శిఖర్‌ ధావన్‌, అలెక్స్‌ హేల్స్‌, మనీష్‌ పాండే, యూసుఫ్‌ పఠాన్‌, షకీబుల్‌ హసన్, శ్రీవాత్స్ గోస్వామి, రషీద్‌ఖాన్‌, భువనేశ్వర్‌ కుమార్‌, సందీప్‌ శర్మ, సిద్దార్థ్‌ కౌల్‌

పటిష్ట బ్యాటింగ్‌ లైనప్‌ ఉన్న రాయల్‌ చాలెంజర్స్‌ బెంగళూరుతో జరిగిన మ్యాచ్‌లో సన్‌రైజర్స్‌ హైదరాబాద్‌ సాధారణ లక్ష్యాన్ని కాపాడుకోవడం గొప్ప విషయం. మ్యాచ్‌ మ్యాచ్‌కూ సన్‌రైజర్స్‌ బౌలర్ల ప్రదర్శన మెరుగవుతోంది. కెప్టెన్‌ విలియమ్సన్‌ నిలకడగా ఆడుతుండగా... అతనికి సహచరుల నుంచి మద్దతు లభించాల్సిన అవసరం ఉంది. సన్‌రైజర్స్‌ జట్టులో కొందరు బ్యాట్స్‌మెన్‌ ఔటవుతున్న తీరు నిరాశ కలిగిస్తోంది. శుభారంభం లభించాక ఎక్కువసేపు క్రీజులో నిలిచి భారీగా పరుగులు చేయడంపై ఆ జట్టు దృష్టి సారించాలి. ఈ విషయంలో విలియమ్సన్‌ను మిగతావారు ఆదర్శంగా తీసుకోవాలి. 20 పరుగులు చేసిన బ్యాట్స్‌మెన్‌ వాటిని అర్ధ సెంచరీలుగా మార్చేందుకు ప్రయత్నించి జట్టు భారీ స్కోరుకు దోహదపడాలి. మరోవైపు ఢిల్లీ డేర్‌డెవిల్స్‌ జట్టుకు పృథ్వీ షా, శ్రేయస్‌ అయ్యర్‌ ద్వారా శుభారంభాలు లభిస్తున్నాయి. సన్‌రైజర్స్‌తో నేడు జరిగే మ్యాచ్‌లో తప్పనిసరిగా గెలవాలని డేర్‌ డెవిల్స్‌కు తెలుసు. ఢిల్లీ  ఎక్కువగా భారత బ్యాట్స్‌మెన్‌ ఆటతీరుపైనే ఆధారపడుతోంది. స్పిన్నర్‌ అమిత్‌ మిశ్రా పొదుపుగా బౌలింగ్‌ చేయడంతోపాటు కీలక సమయాల్లో వికెట్లు తీస్తున్నాడు. పాయింట్ల పట్టికలో అగ్రస్థానంలో కొనసాగుతున్న సన్‌రైజర్స్‌ హైదరాబాద్‌ జట్టుపై తప్పనిసరిగా గెలవాల్సిన మ్యాచ్‌లో ఢిల్లీ గట్టెక్కాలంటే విశేషంగా రాణించాల్సిందే.

హైదరాబాద్‌: ఇండియన్‌ ప్రీమియర్‌ లీగ్‌(ఐపీఎల్‌)లో సన్‌రైజర్స్‌ హైదరాబాద్‌ జోరు కొనసాగుతోంది. శనివారం ఇక్కడ రాజీవ్‌ గాంధీ అంతర్జాతీయ స్టేడియంలో ఢిల్లీ డేర్‌డెవిల్స్‌తో జరిగిన మ్యాచ్‌లో సన్‌రైజర్స్‌ 7 వికెట్ల తేడాతో విజయం సాధించింది. ఫలితంగా తమకు ఎదురులేదని మరోసారి నిరూపించింది సన్‌రైజర్స్‌. సీజన్‌ ఆరంభంలో హ్యాట్రిక్‌ విజయాలతో దూసుకుపోయిన సన్‌రైజర్స్‌.. మరొకసారి వరుసగా నాల్గో గెలుపును అందుకుంది. ఓవరాల్‌గా 9 మ్యాచ్‌లు ఆడిన సన్‌రైజర్స్‌ ఏడు విజయాలతో పాయింట్ల పట్టికలో టాప్‌ ప్లేస్‌ను ఆక్రమించింది. అదే సమయంలో ప్లే ఆఫ్‌ బెర్తును దాదాపు ఖాయం చేసుకుంది. తాజా మ్యాచ్‌లో సన్‌రైజర్స్‌ కు ఢిల్లీ 164 పరుగుల లక్ష్యాన్ని నిర్దేశించింది. ఈ లక్ష్యాన్ని ఛేదించే క్రమంలో సన్‌రైజర్స్‌కు శుభారంభం లభించింది. అలెక్స్‌ హేల్స్‌(45;31 బంతుల్లో 3 ఫోర్లు, 3 సిక్సర్లు), శిఖర్‌ ధావన్‌(33; 30 బంతుల్లో 2 ఫోర్లు, 1 సిక్స్‌) మంచి ఆరంభాన్నివ్వగా,  మిగతా పనిని మనీష్‌ పాండే(21), కేన్‌ విలియమ్సన్‌(32 నాటౌట్‌),  యూసఫ్‌ పఠాన్‌(27 నాటౌట్‌)లు పూర్తి చేశారు. అంతకుముందు ఢిల్లీ నిర్ణీత ఓవర్లలో ఐదు వికెట్లు కోల్పోయి 163 పరుగులు చేసింది. టాస్‌ గెలిచి ముందుగా బ్యాటింగ్‌కు దిగిన ఢిల్లీకి ఆదిలోనే ఎదురుదెబ్బ తగిలింది. ఓపెనర్‌గా వచ్చిన మ్యాక్స్‌వెల్‌(2) రనౌట్‌ కావడంతో ఢిల్లీ తొమ్మిది పరుగుల వద్ద తొలి వికెట్‌ను కోల్పోయింది. ఆ సమయంలో పృథ్వీ షా-శ్రేయస్‌ అయ్యర్‌ల జోడి స్కోరు బోర్డును పరుగులు పెట్టించారు. ప్రధానంగా పృథ్వీ షా చెలరేగి ఆడాడు. ఈ క్రమంలోనే 25 బంతుల్లో 5 ఫోర్లు, 3 సిక్సర్ల సాయంతో హాఫ్‌ సెంచరీ సాధించాడు. కాగా, పృథ్వీ షా(65;36 బంతుల్లో 6 ఫోర్లు, 3 సిక్సర్లు) మరింత ప్రమాదకరంగా మారుతున్న సమయంలో.. రషీద్‌ ఖాన్‌ బౌలింగ్‌లో సిద్దార్థ్‌ కౌల్‌కు క్యాచ్‌ ఇచ్చి పెవిలియన్‌ చేరాడు. దాంతో 95 పరుగుల వద్ద ఢిల్లీ రెండో వికెట్‌ను నష్టపోయింది. పృథ్వీ షా ఔటైన తర్వాత స్కోరు బోర్డు నెమ్మదించింది. దాంతో స్కోరును పెంచే క్రమంలో భారీ షాట్‌కు యత్నించి శ్రేయస్‌ అయ్యర్‌(44;36 బంతుల్లో 3 ఫోర్లు, 2 సిక్సర్లు) కూడా ఔటయ్యాడు. ఆపై పరుగు వ్యవధిలో నమాన్‌ ఓజా(1), రిషబ్‌ పంత్‌(18)లు పెవిలియన్‌ చేరడంతో ఢిల్లీ స్కోరు మరింత మందగించింది. చివర్లో విజయ్‌ శంకర్‌(23 నాటౌట్‌; 13 బంతుల్లో 1 ఫోర్‌, 1 సిక్పర్‌) బ్యాట్‌ ఝుళిపించడంతో ఢిల్లీ గౌరవప‍్రదమైన స్కోరును సాధించింది.

హైదరాబాద్‌ : ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ రాజీవ్‌ గాంధీ అంతర్జాతీయ స్టేడియంలో సన్‌రైజర్స్‌ హైదరాబాద్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ 164 పరుగుల లక్ష్యాన్ని నిర్దేశించింది. టాస్‌ గెలిచి ముందుగా బ్యాటింగ్‌కు దిగిన ఢిల్లీకి ఆదిలోనే ఎదురుదెబ్బ తగిలింది. ఓపెనర్‌గా వచ్చిన మ్యాక్స్‌వెల్‌(2) రనౌట్‌ కావడంతో ఢిల్లీ తొమ్మిది పరుగుల వద్ద తొలి వికెట్‌ను కోల్పోయింది. ఆ సమయంలో పృథ్వీ షా-శ్రేయస్‌ అయ్యర్‌ల జోడి స్కోరు బోర్డును పరుగులు పెట్టించారు. ప్రధానంగా పృథ్వీ షా చెలరేగి ఆడాడు. ఈ క్రమంలోనే 25 బంతుల్లో 5 ఫోర్లు, 3 సిక్సర్ల సాయంతో హాఫ్‌ సెంచరీ సాధించాడు. కాగా, పృథ్వీ షా(65;36 బంతుల్లో 6 ఫోర్లు, 3 సిక్సర్లు) మరింత ప్రమాదకరంగా మారుతున్న సమయంలో.. రషీద్‌ ఖాన్‌ బౌలింగ్‌లో సిద్దార్థ్‌ కౌల్‌కు క్యాచ్‌ ఇచ్చి పెవిలియన్‌ చేరాడు. దాంతో 95 పరుగుల వద్ద ఢిల్లీ రెండో వికెట్‌ను నష్టపోయింది. పృథ్వీ షా ఔటైన తర్వాత స్కోరు బోర్డు నెమ్మదించింది. దాంతో స్కోరును పెంచే క్రమంలో భారీ షాట్‌కు యత్నించి శ్రేయస్‌ అయ్యర్‌(44;36 బంతుల్లో 3 ఫోర్లు, 2 సిక్సర్లు) కూడా ఔటయ్యాడు. ఆపై పరుగు వ్యవధిలో నమాన్‌ ఓజా(1), రిషబ్‌ పంత్‌(18)లు పెవిలియన్‌ చేరడంతో ఢిల్లీ స్కోరు మరింత మందగించింది. చివర్లో విజయ్‌ శంకర్‌(23 నాటౌట్‌; 13 బంతుల్లో 1 ఫోర్‌, 1 సిక్పర్‌) బ్యాట్‌ ఝుళిపించడంతో ఢిల్లీ నిర్ణీత ఓవర్లలో ఐదు వికెట్లు కోల్పోయి 163 పరుగులు చేసింది.  హైదరాబాద్‌ బౌలర్లలో రషీద్‌ ఖాన్‌ రెండు వికెట్లు సాధించగా, సిద్ధార్థ్‌ కౌల్‌కు వికెట్‌ దక్కింది. 

హైదరాబాద్‌: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ రాజీవ్‌ గాంధీ అంతర్జాతీయ స్టేడియంలో సన్‌రైజర్స్‌ హైదరాబాద్‌తో జరుగుతున​ మ్యాచ్‌లో ఢిల్లీ డేర్‌డెవిల్స్‌ టాస్‌ గెలిచి బ్యాటింగ్‌ ఎంచుకుంది. టాస్‌ గెలిచిన ఢిల్లీ కెప్టెన్‌ శ్రేయస్‌ అయ్యర్‌ బ్యాటింగ్‌ చేసేందుకు మొగ్గుచూపాడు. ఈ సీజన్‌లో  ఇరు జట్లకు ఇదే తొలి మ్యాచ్‌. సన్‌రైజర్స్‌ ఇప్పటివరకూ ఎనిమిది మ్యాచ్‌లు ఆడి ఆరు విజయాలు సాధించింది. అదే సమయంలో ఢిల్లీ తొమ్మిది మ్యాచ్‌లు ఆడి మూడు విజయాల్ని మాత్రమే సొంతం చేసుకుంది. ఈ మ్యాచ్‌లో సన్‌రైజర్స్‌ ఒక మార్పుతో బరిలోకి దిగుతోంది. సన్‌రైజర్స్‌ తుది జట్టులోకి భువనేశ్వర్‌ తిరిగి రాగా, బాసిల్‌ థంపికి విశ్రాంతి కల్పించారు. మరొకవైపు ఢిల్లీ రెండు మార్పులు చేసింది. నమాన్‌ ఓజా, డానియల్‌ క్రిస్టియన్‌లు జట్టులోకి రాగా, మున్రో, షహబాజ్‌ నదీమ్‌లను తప్పించారు. తుదిజట్లు సన్‌రైజర్స్‌ హైదరాబాద్‌  కేన్‌ విలియమ్సన్‌(కెప్టెన్‌), అలెక్స్‌ హేల్స్‌, శిఖర్‌ ధావన్‌, మనీష్‌ షాండే, షకీబుల్‌ హాసన్‌, యుసుఫ్‌ పఠాన్‌, వృద్దిమాన్‌ సాహా, భువనేశ్వర్‌ కుమార్‌, రషీద్‌ఖాన్‌, సిద్ధార్థ్‌కౌల్‌, సందీప్‌ శర్మ ఢిల్లీ డేర్‌డెవిల్స్‌ శ్రేయస్‌ అయ్యర్‌(కెప్టెన్‌), పృథ్వీషా, నమాన్‌ ఓజా, రిషబ్‌ పంత్‌, గ్లెన్‌ మ్యాక్స్‌వెల్‌, విజయ్‌ శంకర్‌, డానియల్‌ క్రిస్టియన్‌‌, లియామ్‌ ప్లంకెట్‌‌, అమిత్‌ మిశ్రా, ఆవేశ్‌ ఖాన్‌, ట్రెంట్‌ బౌల్ట్‌

హైదరాబాద్‌ : అండర్‌ 19 సూపర్‌ హీరో, ఢిల్లీ డేర్‌డెవిల్స్‌ ఓపెనర్‌ పృథ్వీషాపై అభిమానులు ప్రశంసల జల్లు కురిపిస్తున్నారు. బుధవారం రాజస్తాన్‌తో జరిగిన మ్యాచ్‌లో ఈ యువ కెరటం 47(25 బంతుల్లో 4 ఫోర్లు, 4 సిక్స్‌లు) అద్భుత ప్రదర్శన కనబర్చని విషయం తెలిసిందే. అయితే ఈ మ్యాచ్‌లో షా ఆడిన కొన్ని షాట్‌లు సచిన్‌ను తలపిస్తున్నాయని అభిమానులు వాపోతున్నారు. ఇక షా ప్రదర్శన పట్ల సోషల్‌ మీడియా వేదికగా ఆనందం వ్యక్తం చేస్తున్నారు.  షా ప్రదర్శనపై అభిమానుల కామెంట్స్‌ ‘స్ట్రేట్‌ డ్రైవ్ ఆడితే సచిన్‌లా‌.. కవర్‌ డ్రైవ్‌ ఆడితే కోహ్లిలా’  ఉందని ఒకరంటే.. ‘షా ఆడే షాట్స్‌ను కోహ్లి ఆడటం కూడా చూడలేదు.. ఇక్కడ కోహ్లిని తక్కువ చేయడం నాఉద్దేశం కాదు. 90వ దశకంలో పుట్టిన ప్రతి ఒక్కరికి షా బ్యాటింగ్‌ సచిన్‌ను గుర్తుచేస్తోంది’ అని ఇంకొకరు కామెంట్‌ చేశారు. ‘ ఈ మ్యాచ్‌ జరుగుతుంటే మా అమ్మ ఈ చిన్నపిల్లోడు ఎవరని.. షాను చూపిస్తూ అడిగింది. సచిన్‌లానే ఉన్నాడని చెప్పింది.’  అని మరొకరు తన అభిమానాన్ని చాటుకున్నారు. షా.. సచిన్‌, వినోద్‌ కాంబ్లీల కలయికగా మరికొందరు అభివర్ణిస్తున్నారు. కోల్‌కతాతో జరిగిన మ్యాచ్‌లో షా అచ్చం ధోనిలా హెలికాప్టర్ షాట్‌తో ఆకట్టుకున్న విషయం తెలిసిందే. పిన్న వయసులోనే పలువురి ప్రశంసల అందుకుంటున్న ఈ అండర్‌ 19 స్టార్‌.. టీమిండియా భవిష్యత్‌ ఆశాకిరణమని పలువురు క్రీడా విశ్లేషకులు అభిప్రాయపడుతున్నారు. Prithvi Shaw looks like Sachin Tendulkar when he plays straight drive. Prithvi Shaw looks like Virat Kohli when he plays cover drive. — Sunil- The Cricketer (@1sInto2s) 2 May 2018 I know it's too early but the glimpses of @sachin_rt which I never saw in @imVkohli I am seeing them in @PrithviShaw I am not saying Virat is not a class act but the way Prithvi bats every 90's kid will see God in him — Swapnil S (@swapnilsshinde) 2 May 2018 My mom just asked pointing Prithvi Shaw- who's this short guy with MRF bat! He's reminding me of @sachin_rt 🙏#IPL2018 #DDvRR — Gamora's Daddy (@AB_arpit) 2 May 2018 చదవండి: అచ్చం ధోనిలా.. షా!  

హైదరాబాద్‌ : ఐపీఎల్‌లో ప్రతిష్టాత్మకంగా భావించే ఆరేంజ్‌ క్యాప్‌, పర్పుల్‌ క్యాప్‌లు ఇప్పుడు ఒకే జట్టుకు సొంతమయ్యాయి. సీజన్‌లో అత్యధిక పరుగులు సాధించిన బ్యాట్స్‌మన్‌కు ఆరేంజ్‌క్యాప్‌.. అత్యధిక వికెట్లు పడగొట్టిన బౌలర్‌కు పర్పుల్‌ క్యాప్‌లు ఇస్తారన్న విషయం తెలిసిందే. అయితే ప్రస్తుత సీజన్‌లో ఈ రెండిటిని ఒకే జట్టు ఆటగాళ్లు సొంతం చేసుకున్నారు. బుధవారం రాజస్తాన్‌తో జరిగిన మ్యాచ్‌లో ఢిల్లీ డేర్‌డెవిల్స్‌ బ్యాట్స్‌మన్‌ రిషబ్‌ పంత్‌ 69(29 బంతుల్లో 7 ఫోర్లు, 5 సిక్స్‌లు) అద్భుత ప్రదర్శన కనబర్చిన విషయం తెలిసిందే. ఈ పరుగులతో ఈ యువ బ్యాట్స్‌మన్‌ ఆరేంజ్‌ క్యాప్‌ను సొంతం చేసుకున్నాడు. ఇప్పటి వరకు పంత్‌ 9 మ్యాచ్‌ల్లో 180.28 స్ట్రైక్‌రేట్‌తో 375 పరుగులు సాధించాడు. దీంతో చెన్నై సూపర్‌ కింగ్స్‌ స్టార్‌ బ్యాట్స్‌మన్‌ అంబటి రాయుడు(370)ని వెనక్కి నెట్టాడు. ఇదే మ్యాచ్‌లో.. ఢిల్లీ పేసర్‌ ట్రెంట్‌ బౌల్ట్‌ రెండు వికెట్లు సాధించి పర్పుల్‌ క్యాప్‌ను సొంతం చేసుకున్నాడు. ఈ సీజన్‌లో 9 మ్యాచ్‌లు ఆడిన బౌల్ట్‌ 9.17 ఎకానమితో 13 వికెట్లు సాధించి బౌలర్ల జాబితా అగ్రస్థానంలో నిలిచాడు. బౌల్ట్‌ తర్వాతి స్థానంలో సన్‌రైజర్స్‌ హైదరాబాద్‌ యువ పేసర్‌ సిద్దార్ధ్‌ కౌల్‌ (9) ఉన్నాడు.

న్యూఢిల్లీ : ఢిల్లీ డేర్‌డెవిల్స్‌ బ్యాట్స్‌మెన్‌ రిషబ్‌పంత్‌, శ్రేయస్‌ అయ్యర్‌ల హాఫ్‌సెంచరీలకు అండర్‌-19 స్టార్‌ పృథ్వీషా 47(25 బంతుల్లో 4 ఫోర్లు, 4 సిక్స్‌లు) తోడవ్వడంతో భారీ స్కోర్‌ నమోదైంది. అయితే మ్యాచ్‌కు వర్షం అంతరాయం కలిగించడంతో డక్‌వర్త్‌ లూయిస్‌ ప్రకారం రాజస్తాన్‌ లక్ష్యాన్ని 12 ఓవర్లకు 151 పరుగులుగా నిర్ణయించారు.  ఇక మ్యాచ్‌ ఆరంభానికి ముందే వర్షం అంతరాయం కలిగించడంతో ఆటను 18 ఓవర్లకు కుదించారు. ఇక 17.1 ఓవర్‌ అనంతరం మరోసారి వర్షం రావడంతో అంపైర్లు మ్యాచ్‌ నిలిపేశారు. దీంతో మరోసారి ఓవర్లను కుదించి డక్‌ వర్త్‌ లూయిస్‌ ప్రకారం లక్ష్యాన్ని నిర్ధేశించారు. అండర్‌-19 హీరో సూపర్‌ ఇన్నింగ్స్‌.. టాస్‌ ఓడి బ్యాటింగ్‌కు దిగిన ఢిల్లీ ఓపెనర్‌ కొలిన్‌ మున్రో గోల్డెన్‌ డక్‌గా వెనుదిరిగాడు. అనంతరం క్రీజులోకి వచ్చిన అయ్యర్‌తో అండర్‌-19 సూపర్‌ హీరో పృథ్వీషా దాటిగా ఆడాడు. 18, 27 వ్యక్తిగత పరుగుల వద్ద షా ఇచ్చిన కష్టతరమైన క్యాచ్‌లను రాజస్తాన్‌ ఆటగాళ్లు జారవిడిచడంతో మరింత చెలరేగాడు. చిచ్చర పిడుగులా ఆడుతూ అర్ధశతకానికి చేరువైన షా శ్రేయస్‌ గోపాల్‌ వేసిన 7.2వ బంతికి రిటర్న్‌ క్యాచ్‌ ఇచ్చి పెవిలియన్‌ చేరాడు.  పంత్‌.. అయ్యర్‌ వీరవిహారం..  పృథ్వీషా వికెట్‌ అనంతరం క్రీజులోకి వచ్చిన రిషబ్‌ పంత్‌ వచ్చిరావడంతోనే దాటిగా ఆడాడు. మరోవైపు అయ్యర్‌ కూడా రెచ్చిపోవడంతో ఢిల్లీ స్కోర్‌ బోర్డు పరుగెత్తింది. ఈ క్రమంలో పంత్‌ 27 బంతుల్లో 7 ఫోర్లు, 3 సిక్సర్లతో హాఫ్‌ సెంచరీ సాధించాడు. మరికొద్ది సేపటికే అయ్యర్‌ సైతం 34 బంతుల్లో 3 ఫోర్లు, 3 సిక్సర్లతో అర్థసెంచరీ సాధించాడు. ప్రమాదకరంగా మారిన వీరిని ఉనద్కట్‌ ఒకే ఓవర్‌లో పెవిలియన్‌ చేర్చాడు. తొలుత అయ్యర్‌ 50(35 బంతుల్లో 3 ఫోర్లు,3 సిక్స్‌లు), ఆ వెంటనే పంత్‌ 69(29 బంతుల్లో 7 ఫోర్లు, 5 సిక్స్‌లు) ఔట్‌ అయ్యాడు. మూడో వికెట్‌కు ఈ జోడి 92 పరుగుల భాగస్వామ్యం నెలకొల్పింది.  చివర్లో విజయ్‌ శంకర్‌ 17(6 బంతులు,2 ఫోర్లు, 1 సిక్స్‌), మ్యాక్స్‌వెల్‌ (5)లు దాటిగా ఆడే క్రమంలో పెవిలియన్‌ చేరారు. మ్యాక్స్‌ వికెట్‌ అనంతరం వర్షం రావడంతో అంపైర్లు మ్యాచ్‌ను నిలిపేశారు. దీంతో 17.1 ఓవర్లకు ఢిల్లీ 6 వికెట్లు కోల్పోయి 196 పరుగులు చేసింది. రాజస్తాన్‌ బౌలింగ్‌లో ఉనద్కత్‌ మూడు వికెట్లు తీయగా.. కులకర్ణి, శ్రేయస్‌ గోపాల్‌, జోఫ్రా ఆర్చర్‌లు తలో వికెట్‌ తీశారు.

న్యూఢిల్లీ : ఢిల్లీ డేర్‌డెవిల్స్‌, రాజస్తాన్‌ రాయల్స్‌ల మధ్య జరుగుతున్న మ్యాచ్‌కు వర్షం మరోసారి ఆటంకంగా మారింది. మ్యాచ్‌ ఆరంభం ముందు వర్షం రావడంతో అంపైర్లు ఆటను 18 ఓవర్లకు కుదించిన విషయం తెలిసిందే. టాస్‌ ఓడి బ్యాటింగ్‌ చేసిన ఢిల్లీ రెండోసారి వర్షం వచ్చే సమయానికి 17.1 ఓవర్లకు 6 వికెట్లు నష్టపోయి 196 పరుగులు చేసింది. ఢిల్లీ బ్యాట్స్‌మెన్‌ రిషబ్‌ పంత్‌ 69(29 బంతుల్లో 7 ఫోర్లు, 5 సిక్స్‌లు), శ్రేయస్‌ అయ్యర్‌ 50(35 బంతుల్లో 3 ఫోర్లు,3 సిక్స్‌లు), పృథ్వీషా 47(25 బంతుల్లో 4 ఫోర్లు, 4 సిక్స్‌లు)లు చెలరేగడంతో ఢిల్లీ భారీస్కోర్‌ సాధించింది.

న్యూఢిల్లీ : ఐపీఎల్‌-11 సీజన్‌లో భాగంగా ఫిరోజ్‌షా కోట్ల మైదానంలో ఢిల్లీ డేర్‌డెవిల్స్‌, రాజస్తాన్‌ రాయల్స్‌ల మధ్య జరుగుతున్న మ్యాచ్‌కు వర్షం ఆటంకంగా మారిన విషయం తెలిసిందే. దీంతో రాజస్తాన్‌ ఆటగాళ్లు ఫన్నీ గేమ్స్‌తో సరదాగా గడిపారు. బాటిల్‌ చాలెంజ్‌ అంటూ ఒకరిపై ఒకరు పోటిపడ్డారు. ఈ వీడియోను ఐపీఎల్‌ అధికారిక ట్విటర్‌లో ‘‘వర్షం మ్యాచ్‌ను అడ్డుకుంది.. అయితే ఈ బాటిల్‌ చాలెంజ్‌ను చూడండి’’ అనే క్యాఫ్షన్‌తో పోస్ట్‌ చేశారు. ఇక ఈ వీడియోలో డగౌట్‌లో ఉన్న రాజస్థాన్‌ ఆటగాళ్లు ఉనద్కట్‌, అనురిత్‌ సింగ్‌, ప్రశాంత్‌ చోప్రాలు మరికొంత మంది ఓ టేబుల్‌పై బాటిల్‌ను తిప్పుతూ సరదాగా ఒకరికొకరు చాలెంజ్‌ చేసుకున్నారు. ఇక ఈ మ్యాచ్‌లో రాజస్తాన్‌ టాస్‌ గెలిచి ఫీల్డింగ్‌ ఎంచుకున్న విషయం తెలిసిందే. 

న్యూఢిల్లీ: ఐపీఎల్‌-11 సీజన్‌లో భాగంగా ఫిరోజ్‌షా కోట్ల మైదానంలో ఢిల్లీ డేర్‌డెవిల్స్‌, రాజస్తాన్‌ రాయల్స్‌ల మధ్య జరుగుతున్న మ్యాచ్‌కు వర్షం ఆటంకంగా మారింది. టాస్‌ అనంతరం ఆటగాళ్లు మైదానంలో అడుగుపెట్టె సమయానికి వర్షం అంతరాయం కలిగించడంతో మైదాన సిబ్బంది పిచ్‌ను కవర్లతో కప్పేశారు. దీంతో మ్యాచ్‌ ఆలస్యంగా ప్రారంభం కానుంది. అంతకుముందు టాస్‌ గెలిచిన రాజస్తాన్‌ ఫీల్డింగ్‌ ఎంచుకుంది. ఈ సీజన్‌లో ఇరు జట్ల మధ్య సవాయ్ మాన్‌సింగ్ స్టేడియం (జైపూర్‌) వేదికగా జరిగిన మ్యాచ్‌కు సైతం వర్షం అంతరాయం కలిగించింది. ఈ మ్యాచ్‌లో డక్‌వర్త్‌ లూయిస్‌ ప్రకారం రాజస్తాన్‌నే విజయం వరించింది. చదవండి: టాస్‌ గెలిచిన రాజస్తాన్‌

న్యూఢిల్లీ : ఐపీఎల్‌-11 సీజన్‌లో భాగంగా ఫిరోజ్‌షా కోట్ల మైదానంలో ఢిల్లీ డేర్‌డెవిల్స్‌తో జరుగుతున్న మ్యాచ్‌లో రాజస్తాన్‌ రాయల్స్‌  టాస్‌ గెలిచి ఫీల్డింగ్‌ ఎంచుకుంది. టాస్‌ గెలిచిన రాజస్తాన్‌ కెప్టెన్‌ అజింక్యా రహానే ఫీల్డింగ్‌వైపు మొగ్గు చూపాడు. ఇరు జట్లలో స్వల్ప మార్పులు చోటుచేసుకున్నాయి. ఢిల్లీ జట్టులో రాహుల్‌ తెవాటియా స్థానంలో షబాజ్‌ నదీమ్‌ తుది జట్టులోకి వచ్చాడు. రాజస్తాన్‌ జట్టులోకి ఇష్‌ సోదీ, మహిపాల్‌ లోమ్రా స్థానంలో డియార్సీ షార్ట్‌, శ్రేయస్‌ గోపాల్‌లు వచ్చారు. ఇక ఢిల్లీ మాజీ కెప్టెన్‌ గౌతమ్‌ గంభీర్‌ ఈ మ్యాచ్‌కు సైతం దూరంగా ఉన్నాడు. ఇక ఈ సీజన్‌లో 8 మ్యాచ్‌లు ఆడిన ఢిల్లీ కేవలం రెండు మ్యాచ్‌లు మాత్రమే గెలిచి పాయింట్ల పట్టికలో చివరిస్థానంలో నిలిచింది. గత మ్యాచ్‌లో చెన్నై విధించిన భారీ లక్ష్యాన్ని ఢిల్లీ బ్యాట్స్‌మెన్‌ చివరి వరకు పోరాడారు. ఈ నేపథ్యంలో సొంత మైదానంలో మ్యాచ్‌ జరగడం ఢిల్లీకి కలిసొచ్చె అంశం. రాజస్తాన్‌ రాయల్స్‌ సైతం 7 మ్యాచ్‌లో 3 మాత్రమే నెగ్గి పాయింట్ల పట్టికలో కింది నుంచి మూడో స్థానంలో ఉంది. అయితే ఈ మ్యాచ్‌లో గెలిచి ప్లే ఆఫ్‌ అవకాశాలను సజీవం చేసుకోవాలని రాజస్తాన్‌ భావిస్తోంది. ఈ సీజన్‌లో ఇరు జట్ల  ఒకసారి తలపడగా.. డక్‌ వర్త్‌ లూయిస్‌ ప్రకారం విజయం రాజస్తాన్‌నే వరించింది. ఇక రాజస్తాన్‌కు ఈ సీజన్‌లో ఇదే తొలి విజయం.  తుది జట్లు: ఢిల్లీ: శ్రేయస్‌ అయ్యర్‌(కెప్టెన్‌), లియామ్‌ ప్లంకెట్‌, అమిత్‌ మిశ్రా, గ్లెన్‌ మ్యాక్స్‌వెల్‌, కోలిన్‌ మున్రో, ట్రెంట్‌ బౌల్ట్‌, విజయ్‌ శంకర్‌, షబాజ్‌ నదీమ్‌, అవేశ్‌ ఖాన్‌, రిషబ్‌ పంత్‌, పృథ్వీ షా రాజస్తాన్‌ రాయల్స్‌: అజింక్యా రహానే(కెప్టెన్‌), డియార్సీ షార్ట్‌, రాహుల్‌ త్రిపాఠి, సంజు శాంసన్‌, బెన్‌ స్టోక్స్‌, బట్లర్‌, కృష్ణప్ప గౌతమ్‌‌, జోఫ్రా ఆర్చర్‌, శ్రేయస్‌ గోపాల్‌, ధావల్‌ కులకర్ణి, జయదేవ్‌ ఉనాద్కట్‌

హైదరాబాద్‌ : ఆస్ట్రేలియా క్రికెటర్‌, ఢిల్లీ డేర్‌డెవిల్స్‌ స్టార్‌ బ్యాట్స్‌మన్‌ గ్లేన్‌ మ్యాక్స్‌వెల్‌కు స్పిన్నర్లు సింహస్వప్నంలా మారారు. సాధారణంగా స్పిన్‌ బౌలింగ్‌ అంటేనే తడబడే మ్యాక్స్‌.. ఈ సీజన్‌లో సైతం వారిని ఎదుర్కోవడంలో తీవ్రంగా ఇబ్బంది పడుతున్నాడు. తన బలహీనతను గుర్తించిన ప్రత్యర్థులు.. మ్యాక్స్‌ క్రీజులోకి రాగానే స్పిన్నర్లను బరిలోకి దించుతున్నారు. దీంతో మ్యాక్స్‌వెల్‌ పరుగులు చేయలేక వేగంగా ఆడే క్రమంలో​ వికెట్‌ చేజార్చుకుంటు తీవ్ర తడబాటుకు గురవుతున్నాడు ఈ సీజన్‌లో 30 స్పిన్‌ బంతులను ఎదుర్కున్న ఈ ఆసీస్‌ ఆటగాడు కేవలం 14.5 స్ట్రైక్‌ రేట్‌తో నాలుగు సార్లు వికెట్‌ను చేజార్చుకున్నాడు. ఇలా మ్యాక్స్‌ తడబడటం ఈ ఒక్కసారేం కాదు. అంతర్జాతీయ క్రికెట్‌లో సైతం ఇబ్బంది పడ్డాడు. ఇక ఐపీఎల్‌ చరిత్రలో 651 స్పిన్‌ బంతులను ఎదుర్కున్న మ్యాక్స్‌ 27.12 స్ట్రైక్‌ రేట్‌తో 24 సార్లు ఔటవ్వడం విశేషం. ఈ గణాంకాలే మ్యాక్స్‌ను స్పిన్‌ బౌలర్లు ఎంత వణికిస్తున్నారో స్పష్టం చేస్తున్నాయి. ఈ విధ్వంసకర బ్యాట్స్‌మన్‌ను ఈ సీజన్‌ వేలంలో ఢిల్లీ డేర్‌డెవిల్స్‌ రూ.7 కోట్లకు కొనుగోలు చేసిన విషయం తెలిసిందే.

పుణే : చెన్నై సూపర్‌ కింగ్స్‌తో జరిగిన మ్యాచ్‌ ఓటమిపై ఢిల్లీ డేర్‌డెవిల్స్‌ కెప్టెన్‌ శ్రేయస్‌ అయ్యర్‌ స్పందించాడు. మ్యాచ్‌ అనంతరం మాట్లాడుతూ..అంపైర్‌ తప్పుడు నిర్ణయం వల్లె ఓటమి పాలయ్యామని, తొలి బంతికే చెన్నై బ్యాట్స్‌మన్‌ షేన్‌ వాట్సన్‌ ఔట్‌ అయినప్పటికి అంపైర్లు ఇవ్వలేదని ఆరోపించాడు. తనతో పాటు తమ డ్రెసింగ్స్‌ రూం కూడా వాట్సన్‌ ఔటేనని భావిస్తుందని తెలిపాడు. ఈ తప్పిదంతో వాట్సన్‌ చెలరేగాడని దీంతో భారీ లక్ష్యం నమోదైందని.. ఇది తమ జట్టుపై పెద్ద ప్రభావం చూపిందని అయ్యర్‌ చెప్పుకొచ్చాడు. ఈ వ్యవహారంపై మ్యాచ్‌ రిఫరీకి ఫిర్యాదు చేసే యోచనలో ఉన్నట్లు పేర్కొన్నాడు.  మాకు ప్రతి మ్యాచ్‌ సవాలే.. విజయానికి చేరువగా రావడం శుభపరిణామమని ఈ యువ సారథి ఆనందం వ్యక్తం చేశాడు. ‘ మేం నిజంగా విజయానికి చేరువగా వచ్చాం. ఇది మా తదుపరి మ్యాచ్‌కు ఉపయోగపడుతోంది. టోర్నీలో ఇంకా మేం ఆడాల్సిన ప్రతి మ్యాచ్‌ను ఖచ్చితంగా గెలువాలి. మా తప్పిదాలను గుర్తించి.. వాటి సరిదిద్దుకోని విజయాల కోసం ప్రయత్నిస్తాం. మేం మేనేజ్‌మెంట్‌తో సమావేశమై జట్టు కూర్పుపై చర్చిస్తాం. ఇదే విధంగా జట్టుగా ముందుకు కొనసాగుతాం. తదుపరి మ్యాచ్‌లో రాణిస్తామని’ అయ్యర్‌ తెలిపాడు. చెన్నై ఇన్నింగ్స్‌.. ట్రెంట్‌ బౌల్ట్‌ వేసిన తొలి బంతికే వాట్సన్‌ వికెట్ల ముందు దొరకగా.. ఫీల్డ్‌ అంపైర్‌ నాటౌట్‌ ఇచ్చాడు. దీంతో ఢిల్లీ రివ్యూ కోరింది. అయితే ధర్డ్‌ అంపైర్‌ సైతం బంతి బ్యాట్‌కు తగిలిందని సందేహం వ్యక్తం చేస్తూ బ్యాట్స్‌మన్‌కు ఫేవర్‌గా నాటౌట్‌ ఇచ్చాడు. అయితే వీడియోలో మాత్రం స్పష్టమైన ఔట్‌గానే కనిపించిందని అభిమానులు అభిప్రాయపడుతున్నారు. దీంతో వాట్సన్‌ (40 బంతుల్లో 78; 4 ఫోర్లు, 7 సిక్సర్లు) చెలరేగాడంతో 13 పరుగులతో ఢిల్లీ పరాజయం చెందింది. ఈ సీజన్‌లో అంపైర్లు తప్పిదాలపై అభిమానులు ఇప్పటికే అగ్రహం వ్యక్తంచేశారు. చెన్నై-సన్‌రైజర్స్‌ మ్యాచ్‌లో స్పష్టమైన నోబాల్‌ను ఇవ్వకపోవడం, రాజస్తాన్‌-సన్‌రైజర్స్‌ మ్యాచ్‌లో ఓవర్‌లో 7 బంతులు వేయించడంపై విమర్శలు వచ్చాయి. ఈ నేపథ్యంలో అంపైర్లు అప్రమత్తంగా వ్యవహరించాలని ఐపీఎల్‌ చైర్మెన్‌ రాజీవ్‌ శుక్లా సైతం సూచించారు. చెన్నైతో జరిగే మ్యాచ్‌లోనే అంపైర్లు ఇలా తప్పిదాలు చేస్తూ  ఆజట్టుకు మద్దతిస్తున్నారని  అభిమానులు అనుమానం వ్యక్తం చేస్తున్నారు.

చెన్నై: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ ఢిల్లీ డేర్‌డెవిల్స్‌తో జరిగిన మ్యాచ్‌లో చెన్నై సూపర్‌ కింగ్స్‌ 13 పరుగుల తేడాతో విజయం సాధించింది. ఇరు జట్ల మధ్య ఉత్కంఠ భరితంగా సాగిన పోరులో ఢిల్లీ పోరాడి ఓడింది. ముందుగా బ్యాటింగ్‌ చేసిన చెన్నై నిర్ణీత ఓవర్లలో నాలుగు వికెట్లు కోల్పోయి 211 పరుగులు చేసింది. ఈ భారీ లక్ష్యాన్ని ఛేదించే క్రమంలో ఢిల్లీ ఆదిలోనే పృథ్వీ షా(9) వికెట్‌ను కోల్పోయింది. ఆ తర్వాత కోలిన్‌ మున్రో(26), శ్రేయస్‌ అయ్యర్‌(13), గ్లెన్‌ మ్యాక్స్‌వెల్‌(6)లు కూడా స్వల్ప వ్యవధిలో పెవిలియన్‌ చేరడంతో ఢిల్లీ 74 పరుగులకే నాలుగు వికెట్లు నష్టపోయి కష్టాల్లో పడింది. ఆ దశలో రిషబ్‌ పంత్‌ -విజయ్‌ శంకర్‌ల జోడి ఇన్నింగ్స్‌ మరమ్మత్తులు చేపట్టింది. వీరిద్దరూ 88 పరుగులు జోడించి స్కోరు బోర్డును ముందుకు తీసుకెళ్లారు. ఈ క్రమంలోనే రిషబ్‌ పంత్‌ హాఫ్‌ సెంచరీ సాధించాడు. అయితే 45 బంతుల్లో 7 ఫోర్లు, 4 సిక్సర్ల సాయంతో 79 పరుగులు నమోదు చేసిన తర్వాత రిషబ్‌ ఔటయ్యాడు.  ఇక విజయ్‌ శంకర్‌(54 నాటౌట్‌; 31 బంతుల్లో 1 ఫోర్‌, 5 సిక్సర్లు) కడవరకూ పోరాటం సాగించినా జట్టును విజయతీరాలకు చేర్చలేకపోయాడు. ఆఖరి బంతి వరకూ పోరాటం సాగించిన ఢిల్లీ నిర్ణీత ఓవర్లలో 5 వికెట్లు కోల్పోయి 198 పరుగులకే పరిమితమై ఓటమి పాలైంది. టాస్‌ ఓడి తొలుత బ్యాటింగ్‌కు దిగిన చెన్నై 212 పరుగుల లక్ష్యాన్ని నిర్దేశించింది. చెన్నై ఇన్నింగ్స్‌ను షేన్‌ వాట్సన్‌, డుప్లెసిస్‌లు ఆరంభించారు. ఒక ఎండ్‌లో డుప్లెసిస్‌ నిలకడగా ఆడితే, మరో ఎండ్‌లో వాట్సన్‌ మాత్రం విరుచుకుపడ్డాడు. ఆకాశమే హద్దుగా చెలరేగి ఆడాడు. 40 బంతుల్లో 4 ఫోర్లు, 7 సిక్సర్ల సాయంతో 78 పరుగులు సాధించి చెన్నై స్కోరు బోర్డును పరుగులు పెట్టించాడు.   ఆది నుంచి చెలరేగి ఆడిన వాట్సన్‌.. 25 బంతుల్లోనే 2 ఫోర్లు, 6 సిక్సర్ల సాయంతో హాఫ్‌ సెంచరీ పూర్తి చేసుకున్నాడు. డు ప్లెసిస్‌(33)తో కలిసి తొలి వికెట్‌కు 102 పరుగులు జత చేశాడు. కాగా, పరుగు వ్యవధిలో చెన్నై రైనా(1) వికెట్‌ను కోల్పోవడంతో వాట్సన్‌ కాసేపు నెమ్మదించాడు. ఆ తర్వాత అంబటి రాయుడితో కలిసి ఇన్నింగ్స్‌ను పునర్మించిన వాట్సన్‌ మరోసారి బ్యాట్‌కు పనిచెప్పాడు. ప్రధానంగా సొగసైన గ్యాప్‌ షాట్లతో వాట్సన్‌ అలరించాడు. అయితే అమిత్‌ మిశ్రా బౌలింగ్‌లో భారీ షాట్‌కు యత్నించిన వాట్సన్‌ మూడో వికెట్‌గా ఔటయ్యాడు. దాంతో మరోసారి సెంచరీ చేస్తాడనుకున్న చెన్నై అభిమానులకు నిరాశే ఎదురైంది. అయితే వాట్సన్‌ ఔటైన తర్వాత క్రీజ్‌లోకి వచ్చిన ధోని దూకుడును కొనసాగించాడు. తనదైన స్టైల్‌లో ఢిల్లీ బౌలర్లలోపై విరుచుకుపడిన  22 బంతుల్లో 5 సిక్సర్లు, 2 ఫోర్లతో ధోని (51 నాటౌట్‌) హాఫ్‌ సెంచరీ సాధించాడు. మరొకవైపు రాయుడు(41‌; 24 బంతుల్లో 5 ఫోర్లు, 1 సిక్స్‌) కూడా సమయోచితంగా ఆడటంతో చెన్నై భారీ స్కోరు సాధించింది.

పుణె: ఇండియన్‌ ప్రీమియర్‌ లీగ్‌(ఐపీఎల్‌)లో అత్యధిక పరుగులు సాధించిన ఆటగాళ్లలో చెన్నై సూపర్‌ కింగ్స్‌ ఆటగాడు సురేశ్‌ రైనా(4,745) అగ్రస్థానంలో కొనసాగుతున్న సంగతి తెలిసిందే. అయితే ఓవరాల్‌ ఐపీఎల్‌లో అత‍్యధిక సార్లు స్పిన్నర్ల బౌలింగ్‌లో ఔటైన ఆటగాళ్ల జాబితాలో రైనా రెండో స్థానంలో నిలిచాడు.  సోమవారం ఢిల్లీ డేర్‌డెవిల్స్‌తో జరుగుతున్న మ్యాచ్‌లో రైనా.. ఆఫ్‌ బ్రేక్‌ బౌలర్‌ మ్యాక్స్‌వెల్‌ బౌలింగ్‌ పెవిలియన్‌ చేరాడు. ఫలితంగా 50 సార్లు స్పిన్నర్లకే చేతికి చిక్కిన అప్రతిష్టను రైనా మూటగట్టుకున్నాడు. ఈ జాబితాలో రాబిన్‌ ఉతప్ప తొలి స్థానంలో ఉండగా, రైనా రెండో స్థానంలో నిలిచాడు. ఆఫ్‌ స్పిన్నర్లు, లెగ్‌ స్పిన్నర్ల బౌలింగ్‌లో తలో 19 సార్లు పెవిలియన్‌కు చేరిన రైనా.. స్లో లెఫ్టార్మ్‌ బౌలింగ్‌లో 11 సార్లు ఔటయ్యాడు. చైనామన్‌ బౌలింగ్‌లో ఒకసారి పెవిలియన్‌కు చేరాడు.

పుణె: ఈ ఇండియన్‌ ప్రీమియర్‌ లీగ్‌(ఐపీఎల్‌)సీజన్‌లో పెద్దగా అంచనాలు లేకుండా బరిలోకి దిగిన చెన్నై సూపర్‌ కింగ్స్‌ ఆటగాడు షేన్‌ వాట్సన్‌.. ఢిల్లీ డేర్‌డెవిల్స్‌పై వీరంగం సృష్టించాడు. టాస్‌ ఓడి తొలుత బ్యాటింగ్‌కు దిగిన చెన్నై ఇన్నింగ్స్‌ను షేన్‌ వాట్సన్‌, డుప్లెసిస్‌లు ఆరంభించారు. ఒక ఎండ్‌లో డుప్లెసిస్‌ నిలకడగా ఆడితే, మరో ఎండ్‌లో వాట్సన్‌ మాత్రం విరుచుకుపడ్డాడు. ఆకాశమే హద్దుగా చెలరేగి ఆడాడు. 40 బంతుల్లో 4 ఫోర్లు, 7 సిక్సర్ల సాయంతో 78 పరుగులు సాధించి చెన్నై స్కోరు బోర్డును పరుగులు పెట్టించాడు.   ఆది నుంచి చెలరేగి ఆడిన వాట్సన్‌.. 25 బంతుల్లోనే 2 ఫోర్లు, 6 సిక్సర్ల సాయంతో హాఫ్‌ సెంచరీ పూర్తి చేసుకున్నాడు. డు ప్లెసిస్‌(33)తో కలిసి తొలి వికెట్‌కు 102 పరుగులు జత చేశాడు. కాగా, పరుగు వ్యవధిలో చెన్నై రైనా(1) వికెట్‌ను కోల్పోవడంతో వాట్సన్‌ కాసేపు నెమ్మదించాడు. ఆ తర్వాత అంబటి రాయుడితో కలిసి ఇన్నింగ్స్‌ను పునర్మించిన వాట్సన్‌ మరోసారి బ్యాట్‌కు పనిచెప్పాడు. ప్రధానంగా సొగసైన గ్యాప్‌ షాట్లతో వాట్సన్‌ అలరించాడు. అయితే అమిత్‌ మిశ్రా బౌలింగ్‌లో భారీ షాట్‌కు యత్నించిన వాట్సన్‌ మూడో వికెట్‌గా ఔటయ్యాడు. దాంతో మరోసారి సెంచరీ చేస్తాడనుకున్న చెన్నై అభిమానులకు నిరాశే ఎదురైంది. అయితే వాట్సన్‌ ఔటైన తర్వాత క్రీజ్‌లోకి వచ్చిన ధోని దూకుడును కొనసాగించాడు. తనదైన స్టైల్‌లో ఢిల్లీ బౌలర్లలోపై విరుచుకుపడిన  22 బంతుల్లో 5 సిక్సర్లు, 2 ఫోర్లతో ధోని (51 నాటౌట్‌) హాఫ్‌ సెంచరీ సాధించాడు. మరొకవైపు రాయుడు(41‌; 24 బంతుల్లో 5 ఫోర్లు, 1 సిక్స్‌) కూడా సమయోచితంగా ఆడటంతో చెన్నై నిర్ణీత ఓవర్లలో 4 వికెట్లు కోల్పోయి 211 పరుగులు చేసింది.

పుణె: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ సోమవారం మహారాష్ట్ర క్రికెట్‌ అసోసియేషన్‌ స్టేడియంలో చెన్నై సూపర్‌ కింగ్స్‌తో జరుగుతున్నమ్యాచ్‌లో ఢిల్లీ డేర్‌డెవిల్స్‌ టాస్‌ గెలిచి ఫీల్డింగ్‌ ఎంచుకుంది. టాస్‌ గెలిచిన ఢిల్లీ కెప్టెన్‌ శ్రేయస్‌ అయ‍్యర్‌.. తొలుత చెన్నైను బ్యాటింగ్‌కు ఆహ్వానించాడు. ఇప్పటివరకూ చెన్నై ఏడు మ్యాచ్‌లు ఆడి ఐదింట గెలవగా, ఢిల్లీ ఏడు మ్యాచ్‌లకు గాను రెండింటిలో మాత్రమే విజయ సాధించింది.  కాగా, గత మ్యాచ్‌ల్లో కోల్‌కతాపై ఢిల్లీ  విజయం సాధించగా, ముంబై చేతిలో చెన్నై సూపర్‌ కింగ్స్‌ ఓటమి పాలైంది. ఈ సీజన్‌లో చెన్నై-ఢిల్లీలకు ఇదే తొలి మ్యాచ్‌. ఇదిలా ఉంచితే, ఈ మ్యాచ్‌లో చెన్నై నాలుగు మార్పులతో బరిలోకి దిగుతోంది. శామ్‌ బిల్లింగ్స్‌, ఇమ్రాన్‌ తాహీర్‌, శార్దూల్‌ ఠాకూర్‌, దీపక్‌ చాహర్‌లకు విశ్రాంతినివ్వగా, వారి స్థానాల్లో లుంగి ఎంగిడి, కేఎమ్‌ అసిఫ్‌, కరణ్‌ శర్మ, డుప్లెసిస్‌లకు తుది జట్టులో చోటు దక్కింది.  ఇది ఎంగిడి, కేఎమ్‌ అసిఫ్‌లకు ఐపీఎల్‌ అరంగేట్రపు మ్యాచ్‌. మరొకవైపు ఢిల్లీ ఎటువంటి మార్పులు లేకుండా పోరుకు సిద్ధమైంది. తుది జట్లు ఢిల్లీ శ్రేయస్‌ అయ్యర్‌(కెప్టెన్‌), లియామ్‌ ప్లంకెట్‌, అమిత్‌ మిశ్రా, గ్లెన్‌ మ్యాక్స్‌వెల్‌, కోలిన్‌ మున్రో, ట్రెంట్‌ బౌల్ట్‌, విజయ్‌ శంకర్‌, రాహుల్‌ తెవాతియా, అవేశ్‌ ఖాన్‌, రిషబ్‌ పంత్‌, పృథ్వీ షా చెన్నై ఎంఎస్‌ ధోని(కెప్టెన్‌), షేన్‌ వాట్సన్‌, డ్వేన్‌ బ్రేవో, సురేశ్‌ రైనా, రవీంద్ర జడేజా, అంబటి రాయుడు, కరణ్‌ శర్మ, డుప్లెసిస్‌, ఎంగిడి, కేఎమ్‌ అసిఫ్‌, హర్భజన్‌ సింగ్‌

ఢిల్లీ డేర్‌డెవిల్స్‌ చేతుల్లో ఎదురైన ఘోర పరాజయం నుంచి కోల్‌కతా నైట్‌రైడర్స్‌ ఎలా కోలుకుంటుందనేది ఆసక్తికరం. శ్రేయస్‌ అయ్యర్‌ అద్భుత బ్యాటింగ్‌ దినేశ్‌ కార్తీక్‌ జట్టును విజయం నుంచి దూరం చేసింది. ఛేదనకు అవసరమైన రీతిలో ఆ జట్టుకు ఆరంభమే లభించలేదు. ఈ మ్యాచ్‌లో ముగ్గురు టాపార్డర్‌ బ్యాట్స్‌మెన్‌ షార్ట్‌ బాల్‌కు ఔట్‌ కావడాన్ని బట్టి చూస్తే రాయల్‌ చాలెంజర్స్‌ కూడా అదే వ్యూహాన్ని అనుసరించవచ్చు. సునీల్‌ నరైన్‌ అప్పటి వరకు అన్ని వైపుల షాట్లు కొట్టినా నేరుగా శరీరంపైకి వచ్చిన బంతిని ఆడలేకపోయాడు. షార్ట్‌ బంతిని మెరుగ్గా ఆడటంలో ఉతప్పకు మంచి నైపుణ్యం ఉంది. అతను బెంగళూరులో సొంత ప్రేక్షకుల సమక్షంలో రాణించాలని కోరుకుంటున్నాడు. మైదానంలో ఏ మూలకైనా సిక్సర్‌ కొట్టి ప్రత్యర్థిని భయపెట్టగల రసెల్‌ కూడా జట్టులో ఉన్నాడు.  ఈ సీజన్‌లో రాయల్‌ చాలెంజర్స్‌ పయనం పడుతూ లేస్తూ సాగుతోంది. నిజానికి వారి భారీ బ్యాటింగ్‌ లైనప్‌ను చూస్తే ఎలాంటి పెద్ద లక్ష్యమైనా వారి ముందు చిన్నదిగానే కనిపిస్తుంది. కానీ నిలకడలేమితో పాటు టాపార్డర్‌లో మంచి ఆరంభాలు లభించకపోవడమే వారికి సమస్యగా మారింది. కలలో కూడా ఊహించలేని తరహా షాట్లు ఆడుతూ డివిలియర్స్‌ ప్రత్యర్థి ఆటగాళ్లు ఊపిరి ఆగిపోయేలా చేస్తున్నాడు. అయితే డెత్‌ బౌలింగ్‌ వారిని బాగా ఇబ్బంది పెడుతోంది. ధోని దూకుడు మీద ఉన్న సమయంలో చివరి ఓవర్లలో అండర్సన్‌ బౌలింగ్‌ చేయడం సరైన వ్యూహం అనిపించుకోదు. ఇటీవలే మళ్లీ బౌలింగ్‌ చేయడం మొదలు పెట్టిన అండర్సన్‌లో స్లాగ్‌ ఓవర్లలో బౌలింగ్‌ చేసే ఆత్మవిశ్వాసం లోపించడం సహజం. ఫలితంగానే సునాయాసంగా గెలవాల్సిన మ్యాచ్‌ను ఆ జట్టు చేజార్చుకుంది.   గత మ్యాచ్‌లలో భారీ ఓటముల తర్వాత ఇరు జట్లు కూడా మళ్లీ మ్యాచ్‌ గెలిచి గాడిలో పడాలని భావిస్తున్నాయి. ఇరు జట్లలో కూడా చెప్పుకోదగ్గ ఆటగాళ్లు చాలా మంది ఉన్నారు కాబట్టి మరో హోరాహోరీ పోరు ఖాయం.   

ఢిల్లీ: ఐపీఎల్‌ తాజా సీజన్‌లో కోల్‌కతా నైట్‌రైడర్స్‌ బౌలర్‌ శివం మావి, ఢిల్లీ డేర్‌డెవిల్స్‌ బౌలర్‌ అవేశ్‌ ఖాన్‌లు మ్యాచ్‌ రిఫరీ మందలింపుకు గురయ్యారు. వీరిద్దరూ ప్రత్యర్థి బ్యాట్స్‌మెన్‌ వికెట్‌ను తీసిన క‍్రమంలో దురుసుగా ప్రవర్తించారు. ఇది ఐపీఎల్ నిబంధనావళి లెవల్-1కు వ్యతిరేకం కావడంతో వారిద్దర్నీ రిఫరీ హెచ్చరించాడు. వీరు తమ తప్పును ఒప్పుకోవడంతో రిఫరీ మందలింపుతో సరిపెట్టారు. ఈ విషయాన్ని ఐపీఎల్‌ యాజమాన్యం తాజా ప్రకటనలో స్పష్టం చేసింది. అసలేం జరిగిందంటే.. శుక్రవారం ఫిరోజ్‌ షా కోట్ల మైదానంలో కోల్‌కతా నైట్‌రైడర్స్‌​-ఢిల్లీ డేర్‌డెవిల్స్‌ జట్ల మధ్య మ్యాచ్‌ జరిగింది. అయితే కోల్‌కతా పేసర్‌ శివం మావి బౌలింగ్‌లో ఢిల్లీ ఓపెనర్‌ కోలిన్‌ మున్రో ఔటయ్యాడు. ఆ సమయంలో మావి దూకుడుగా వ్యవహరించడంతో పాటు నిరర్ధకమైన పదమును ఉపయోగించాడు. ఆ తరువాత కోల్‌కతా నైట్‌రైడర్స్‌ బ్యాటింగ్‌కు దిగిన సమయంలో ఆండ్రీ రస్సెల్‌ ఔటైనప్పుడు ఢిల్లీ బౌలర్‌ అవేశ్‌ ఖాన్‌ తనకు నోటి పనిచెప్పాడు. దాంతో పాటు చేతితో ఏవో సంజ్ఞలు చేస్తూ క్రికెట్‌ ప్రవర్తనా నియమావళిని ఉల్లంఘించాడు. దాంతో వారిని రిఫరీ పిలిచి మందలించారు.

న్యూఢిల్లీ : ఇప్పుడు అందరి నోట.. ఢిల్లీ డేర్‌డెవిల్స్‌ నూతన కెప్టెన్‌ శ్రేయస్‌ అయ్యర్‌ పేరే. శుక్రవారం కోల్‌కతా నైట్‌ రైడర్స్‌తో జరిగిన మ్యాచ్‌లో కెప్టెన్‌గా తనపై ఎలాంటి ఒత్తిడి లేదని నిరూపిస్తూ.. ఈ యువ సారథి బ్యాటింగ్‌లో విధ్వంసం సృష్టించి ఢిల్లీ రాత మార్చాడు. జట్టును ముందుండి నడిపించడం అంటే ఏమిటో తొలి మ్యాచ్‌లోనే చూపించాడు.  10 సిక్సర్లతో 40 బంతుల్లో 93 పరుగుల చేసి డేర్‌డెవిల్స్‌కు కీలక విజయాన్ని అందించాడు.  దీంతో ఈ యువ ఆటగాడిపై అభిమానులు సోషల్‌ మీడియా వేదికగా ప్రశంసల జల్లు కురిపిస్తున్నారు. ‘కెప్టెన్‌గా గొప్ప ప్రాంభం.. అద్భుత బ్యాటింగ్‌’ అని కొందరంటే.. ‘హ్యాట్సాఫ్‌ అయ్యర్‌.. నీవు కోహ్లికి సరిపడ మిడిలార్డర్‌ బ్యాట్స్‌మన్‌’వి అని ఇంకొందరు కొనియాడుతున్నారు.  ‘ఈ విజయం అయ్యర్‌కు కెప్టెన్‌గా గొప్ప ప్రారంభం.. మ్యాన్‌ ఆఫ్‌ది మ్యాచ్‌ అవార్డు దక్కడం అతనికి మరిచిపోలేనిదని, ఈ విజయాన్నే సోమవారం చెన్నైతో పునరావృతం చేయాలని’ మరి కొందరు కామెంట్‌ చేస్తున్నారు. ఢిల్లీ వరుస పరాజయాలకు నైతిక బాధ్యత వహిస్తూ గౌతం గంభీర్‌ తన కెప్టెన్సీకి గుడ్‌ బై చెప్పిన సంగతి తెలిసిందే. ఈ నేపథ్యంలో కెప్టెన్సీ పగ్గాలు అందుకున్న అయ్యర్‌ ఢిల్లీకి తొలి మ్యాచ్‌లోనే చిరస్మరణీయ విజయాన్నందించాడు.  Hats off to Shreyas Iyer 🙌 He will be perfect partner for Virat Kohli in the middle order.. #DDvKKR #IPL2018 #IPL11 #DDvKKR #delhidaredevil — kunaleo_10 (@kunalpatil04) 27 April 2018 Congratulations @DelhiDaredevils on a comprehensive win - special day for Shreyas Iyer - overall splendid performance - let’s have a repeat on Monday — Parth Jindal (@ParthJindal11) 27 April 2018

న్యూఢిల్లీ: ఢిల్లీ డేర్‌డెవిల్స్‌ నూతన సారథి శ్రేయస్‌ అయ్యర్‌ తన కెప్టెన్సీని విజయంతో ప్రారంభించాడు. ఫీరోజ్‌షా కోట్లా మైదానంలో శుక్రవారం కోల్‌కతా నైట్‌రైడర్స్‌తో జరిగిన మ్యాచ్‌లో జట్టుకు సారథ్యం వహించడమే కాదు.. అద్భుతమైన బ్యాటింగ్‌తో పెద్ద విజయాన్ని అందించారు. ఆకాశమే హద్దుగా చెలరేగిన శ్రేయస్‌ 40 బంతుల్లో 93 పరుగులు సాధించాడు. దీంతో ఢిల్లీ జట్టు నిర్ణీత 20 ఓవర్లలో నాలుగు వికెట్లకు 219 పరుగులు చేసింది. ప్రస్తుత ఐపీఎల్‌ సీజన్‌లో అత్యధిక స్కోరు ఇదే కావడం గమనార్హం. శివం మావి వేసిన 20వ ఓవర్‌లో 29 పరుగులు పిండుకున్న శ్రేయస్‌ .. మొత్తం తాను ఎదుర్కొన్న 40 బంతుల్లో పది సిక్సర్లు బాదాడు. ఆ తర్వాత 220 పరుగుల భారీ లక్ష్యంతో బరిలోకి దిగిన కోల్‌కతా లక్ష్యఛేదనలో చతికిలపడింది. అండ్రూ రస్సెల్‌, శుభ్‌మన్‌ గిల్‌ ఓ మోస్తరుగా రాణించినా.. మిగతా బ్యాట్స్‌మెన్‌ చేతులెత్తేయడంతో కోల్‌కతా 55 పరుగుల తేడాతో చిత్తయింది. ఐపీఎల్‌లో కెప్టెన్సీని విజయంతో ప్రారంభించడం గొప్పగా అనిపిస్తోందని 23 ఏళ్ల శ్రేయస్‌ అయ్యర్‌ ఆనందం వ్యక్తం చేశాడు. మ్యాచ్‌ అనంతరం అతను మాట్లాడుతూ ‘ఇది గొప్పగా అనిపిస్తోంది. కెప్టెన్‌గా తొలి మ్యాచ్‌లో విజయం సాధించడం అద్భుతంగా ఉంది’ అని అన్నాడు. ‘టాస్‌ గెలిస్తే.. మొదట బౌలింగ్‌ తీసుకుందామని అనుకున్నాం. కానీ, టాస్‌ ఓడటం కూడా మంచిదే అయింది’ అని తెలిపాడు. టాస్‌ ఓడి.. బ్యాటింగ్‌ తీసుకున్నప్పటికీ ఢిల్లీకి పృథ్వీ షా-కొలిన్‌ మున్రో జోడీ మంచి శుభారంభాన్నిచ్చింది. ముఖ్యంగా 44 బంతుల్లో 62 పరుగులు చేసిన కుర్రాడు పృథ్వీషాపై శ్రేయస్‌ ప్రశంసల జల్లు కురిపించాడు. పృథ్వీ ఢిల్లీకి మంచి ఆరంభాన్ని ఇచ్చాడని, ఈ సీజన్‌ ప్రారంభమైన నాటినుంచి అతను బాగా ఆడుతూ.. జట్టుకు అవసరమైన శుభారంభాలను ఇస్తున్నాడని ప్రశంసించాడు. 18 సంవత్సరాల 169 రోజుల వయస్సున పృథ్వీ షా.. ఐపీఎల్‌ అర్ధ సెంచరీ చేసిన అతి పిన్న వయస్కుడిగా సంజూ  శాంసన్‌తో కలిసి రికార్డు పంచుకుంటున్నాడు. అలాగే మున్రో, ఇంగ్లండ్‌ ఆల్‌రౌండర్‌  లియాం ప్లంకెట్‌పైనా శ్రేయస్‌ ప్రశంసల జల్లు కురిపించాడు.

 జట్టును ముందుండి నడిపించడం అంటే ఏమిటో శ్రేయస్‌ అయ్యర్‌ తొలి మ్యాచ్‌లోనే చూపించాడు. కెప్టెన్‌గా తనపై ఎలాంటి ఒత్తిడి లేదని నిరూపిస్తూ బ్యాటింగ్‌లో విధ్వంసం సృష్టించి ఢిల్లీ రాత మార్చాడు. 10 సిక్సర్లతో విరుచుకుపడి డేర్‌డెవిల్స్‌కు కీలక విజయాన్ని అందించాడు. కెప్టెన్సీతో పాటు తుది జట్టుకూ దూరమైన సీనియర్‌ గంభీర్‌  డగౌట్‌ నుంచి చూస్తుండగా, యువ అయ్యర్‌తో పాటు మరో సంచలనం పృథ్వీ షా దూకుడైన బ్యాటింగ్‌ కోట్లాలో అభిమానులకు ఆనందం పంచితే... భారీ స్కోరును ఛేదించలేక కోల్‌కతా చతికిల పడింది న్యూఢిల్లీ: కెప్టెన్సీ మార్పు ఢిల్లీ డేర్‌డెవిల్స్‌కు అదృష్టం తెచ్చిపెట్టినట్లుంది. వరుస పరాజయాలతో ఉక్కిరిబిక్కిరవుతున్న ఆ జట్టుకు ఎట్టకేలకు ఊరట లభించింది. శుక్రవారం ఇక్కడ జరిగిన మ్యాచ్‌లో ఢిల్లీ 55 పరుగుల తేడాతో కోల్‌కతా నైట్‌రైడర్స్‌పై ఘన విజయం సాధించింది. ముందుగా బ్యాటింగ్‌కు దిగిన ఢిల్లీ 20 ఓవర్లలో 4 వికెట్ల నష్టానికి 219 పరుగులు చేసింది. ఈ సీజన్‌లో ఒక జట్టు సాధించిన అత్యధిక స్కోరు ఇదే. ‘మ్యాన్‌ ఆఫ్‌ ద మ్యాచ్‌’ శ్రేయస్‌ అయ్యర్‌ (40 బంతుల్లో 93 నాటౌట్‌; 3 ఫోర్లు, 10 సిక్సర్లు) భీకర బ్యాటింగ్, పృథ్వీ షా (44 బంతుల్లో 62; 7 ఫోర్లు, 2 సిక్సర్లు) సమయోచిత ఇన్నింగ్స్‌కు మున్రో (18 బంతుల్లో 33; 4 ఫోర్లు, 2 సిక్సర్లు) మెరుపులు కూడా తోడయ్యాయి. ఆ తర్వాత కోల్‌కతా 20 ఓవర్లలో 9 వికెట్లకు 164 పరుగులు మాత్రమే చేయగలిగింది. రసెల్‌ (30 బంతుల్లో 44; 3 ఫోర్లు, 4 సిక్సర్లు) టాప్‌ స్కోరర్‌గా నిలిచాడు.    చివరి 4 ఓవర్లలో 76... పృథ్వీ షా, మున్రో తొలి వికెట్‌కు 42 బంతుల్లో 59 పరుగులు జోడించి ఢిల్లీకి శుభారంభం అందించారు. మున్రోను మావి బౌల్డ్‌ చేయగా... మరోవైపు 38 బంతుల్లోనే అర్ధసెంచరీ పూర్తి చేసుకున్న షా, ఐపీఎల్‌లో ఈ ఘనత సాధించిన అతి పిన్న వయస్కుడిగా సంజు శామ్సన్‌తో సమంగా నిలిచాడు. షాను చావ్లా అవుట్‌ చేయగా, మరో మూడు బంతులకే పంత్‌ (0) వెనుదిరిగాడు. ఈ దశలో ఢిల్లీ స్కోరు 129/3 కాగా శ్రేయస్‌ 33 (23 బంతుల్లో) పరుగుల వద్ద ఆడుతున్నాడు. అయితే ఆపై అయ్యర్‌ తుఫాన్‌ వేగంతో దూసుకుపోయాడు. తాను ఎదుర్కొన్న తర్వాతి 17 బంతుల్లో అతను ఏకంగా 60 పరుగులు బాదాడు! వీటిలో 8 సిక్సర్లు, 2 ఫోర్లు ఉన్నాయి. మరో ఎండ్‌లో మ్యాక్స్‌వెల్‌ (18 బంతుల్లో 27; 1 ఫోర్, 2 సిక్సర్లు) కూడా తన బ్యాటింగ్‌ పదును చూపించాడు. మావి వేసిన ఇన్నింగ్స్‌ చివరి ఓవర్లోనైతే శ్రేయస్‌ పండుగ చేసుకున్నాడు. ఐదు బంతుల్లో అతను 4 భారీ సిక్సర్లు, ఫోర్‌ బాదగా వైడ్‌తో కలిపి ఆ ఓవర్లో మొత్తం 29 పరుగులు వచ్చాయి. దాదాపు అసాధ్యమైన లక్ష్యంతో బరిలోకి దిగిన కోల్‌కతా 77 పరుగులకు 5 వికెట్లు కోల్పోయి మ్యాచ్‌పై పట్టు కోల్పోయింది. ఈ దశలో రసెల్, శుబ్‌మన్‌ గిల్‌ ఆరో వికెట్‌కు 36 బంతుల్లోనే 64 పరుగులు జోడించినా... నైట్‌రైడర్స్‌ విజయానికి అది సరిపోలేదు. స్కోరు వివరాలు ఢిల్లీ డేర్‌డెవిల్స్‌ ఇన్నింగ్స్‌: పృథ్వీ షా (బి) చావ్లా 62; మున్రో (బి) మావి 33; శ్రేయస్‌ అయ్యర్‌ నాటౌట్‌ 93; పంత్‌ (సి) కార్తీక్‌ (బి) రసెల్‌ 0; మ్యాక్స్‌వెల్‌ రనౌట్‌ 27; విజయ్‌ శంకర్‌ నాటౌట్‌ 0; ఎక్స్‌ట్రాలు 4; మొత్తం (20 ఓవర్లలో 4 వికెట్ల నష్టానికి) 219. వికెట్ల పతనం: 1–59, 2–127, 3–129, 4–202 బౌలింగ్‌: చావ్లా 4–0–33–1, కుల్దీప్‌ 2–0–22–0, శివమ్‌ మావి 4–0–58–1, నరైన్‌ 3–0–35–0, జాన్సన్‌ 4–0–42–0, రసెల్‌ 3–0–28–1. కోల్‌కతా నైట్‌రైడర్స్‌ ఇన్నింగ్స్‌: లిన్‌ (బి) మ్యాక్స్‌వెల్‌ 5; నరైన్‌ (సి) శ్రేయస్‌ (బి) బౌల్ట్‌ 26; ఉతప్ప (సి) పృథ్వీ షా (బి) బౌల్ట్‌ 1; రాణా (సి అండ్‌ బి) అవేశ్‌ ఖాన్‌ 8; కార్తీక్‌ (సి) బౌల్ట్‌ (బి) మిశ్రా 18; శుబ్‌మన్‌ గిల్‌ రనౌట్‌ 37; రసెల్‌ (బి) అవేశ్‌ ఖాన్‌ 44; శివమ్‌ మావి (బి) మిశ్రా 0; చావ్లా (సి) మున్రో (బి) మ్యాక్స్‌వెల్‌ 2; జాన్సన్‌ నాటౌట్‌ 12; కుల్దీప్‌ నాటౌట్‌ 7; ఎక్స్‌ట్రాలు 4; మొత్తం (20 ఓవర్లలో 9 వికెట్ల నష్టానికి) 164. వికెట్ల పతనం: 1–19, 2–20, 3–33, 4–46, 5–77, 6–141, 7–141, 8–144, 9–146. బౌలింగ్‌: బౌల్ట్‌ 4–0–44–2, మ్యాక్స్‌వెల్‌ 2–0–22–2, అవేశ్‌ ఖాన్‌ 4–0–29–2, ప్లంకెట్‌ 4–0–24–0, మిశ్రా 4–1–23–2, శంకర్‌ 1–0–10–0, తేవటియా 1–0–11–0.

ఢిల్లీ: ఢిల్లీ డేర్‌డెవిల్స్‌ కసితీరా ప్రతీకారం తీర్చుకుంది. ఈ ఐపీఎల్‌ సీజన్‌లో కోల్‌కతా నైట్‌రైడర్స్‌తో జరిగిన తొలి మ్యాచ్‌లో చావుదెబ్బ తిన్న ఢిల్లీడేర్‌డెవిల్స్‌.. శుక్రవారం సొంత మైదానం ఫిరోజ్‌ షా కోట్లలో జరిగిన మ్యాచ్‌లో బెబ్బులిలా గర్జించింది. కెప్టెన్‌ శ్రేయస్‌ అయ్యర్‌ ఊచకోతకు ఓపెనర్‌ పృథ్వీ షా సొగసైన షాట్లు తోడవడంతో కోల్‌కతా ఈసారి తోకముడిచింది. ఆది నుంచి కోల్‌కతా బౌలింగ్‌పై విరుచుకుపడిన ఢిల్లీ.. ఆపై కోల్‌కతానూ కోలుకోనీయకుండా చేసి ఘనమైన విజయాన్ని అందుకుంది. కోల్‌కతా ఆటగాళ్లలో ఆండ్రీ రస్సెల్‌(44)కు తోడు శుభ్‌మాన్‌ గిల్‌(37), నరైన్‌(26)లు మాత్రమే ఫర్వాలేదనిపించడంతో ఆ జట్టుకు ఘోర పరాజయం ఎదురైంది. ఢిల్లీ నిర్దేశించిన 220 పరుగుల లక్ష్య ఛేదనలో కోల్‌కతా 20 ఓవర్లలో తొమ్మిది వికెట్లు కోల్పోయి 164 పరుగులు చేసి ఓటమి పాలైంది. వరుస పరాజయాలతో సతమవుతున్న ఢిల్లీ డేర్‌డెవిల్స్‌ ఎట్టకేలకు జూలు విదిల్చింది. ‌ అయ్యర్‌(93 నాటౌట్‌;40 బంతుల్లో 3 ఫోర్లు, 10 సిక్సర్లు), పృథ్వీ షా(62; 44బంతుల్లో 7 ఫోర్లు, 2 సిక్సర్లు)లు వీరోచిత ఇన్నింగ్స్‌ ఆడటంతో పాటు.. బౌలర్లు ట్రెంట్‌ బౌల్ట్‌, అమిత్‌ మిశ్రా, అవీష్‌ ఖాన్‌ తలో రెండు వికెట్లతో చెలరేగడంతో కోల్‌కతాను 55 పరుగుల తేడాతో చిత్తు చేసింది. ముందుగా బ్యాటింగ్‌ చేసిన ఢిల్లీ డేర్‌డెవిల్స్‌ నిర్ణీత 20 ఓవర్లలో నాలుగు వికెట్లు కోల్పోయి 219 పరుగులు చేసింది. ఐపీఎల్‌లో ఇది ఢిల్లీకి రెండో అత్యుత్తమ స్కోరు. ఢిల్లీకి ఓపెనర్లు కోలిన్‌ మున్రో-పృథ్వీ షాలు శుభారంభం అందించారు. వీరిద్దరూ తొలి వికెట్‌కు 59 పరుగులు జోడించిన తర్వాత మున్రో(33) ఔటయ్యాడు. ఆపై పృథ్వీషా -శ్రేయస్‌ అయ్యర్‌ల జోడి స్కోరు బోర్డును పరుగులు పెట్టించింది. ఈ క్రమంలోనే తొలుత 38 బంతుల్లో పృథ్వీషా హాఫ్‌ సెంచరీ సాధించాడు. అయ్యర్‌తో కలిసి 68 పరుగుల భాగస్వామ్యాన్ని నమోదు చేసిన తర్వాత పృథ్వీ షారెండో వికెట్‌గా పెవిలియన్‌ చేరాడు. ఆ తరుణంలో క్రీజ్‌లోకి వచ్చిన రిషబ్‌ పంత్‌ గోల్డెన్‌ డక్‌గా ఔటయ్యాడు. దాంతో ఢిల్లీ 129 పరుగుల వద్ద మూడో వికెట్‌ను కోల్పోయింది. అయితే అయ్యర్‌-మ్యాక్స్‌వెల్‌ జోడి మరింత దూకుడుగా ఆడింది. ఈ క్ర​మంలోనే అయ్యర్‌ హాఫ్‌ సెంచరీ పూర్తి చేసుకున్నాడు. మ్యాక్స్‌వెల్‌తో కలిసి 73 పరుగులు జత చేశాడు.  చివర్లో కోల్‌కతా బౌలర్లపై అయ్యర్‌  విరుచుకుపడటంతో ఢిల్లీ భారీ స్కోరు నమోదు చేసింది. ప్రధానంగా శివం మావి వేసిన ఆఖరి ఓవర్‌లో ఢిల్లీ 29 పరుగుల్ని పిండుకుంది. దాంతో ఈ సీజన్‌లో ఒక ఓవర్‌లో అత్యధిక పరుగుల్ని సమర్పించుకున్న బౌలర్‌గా మావి చెత్త గణాంకాలు నమోదు చేశాడు.

ఢిల్లీ: ఈ ఐపీఎల్‌ సీజన్‌లో ఢిల్లీ  డేర్‌డెవిల్స్‌ కెప్టెన్‌గా గౌతం గంభీర్‌ వైదొలగడంతో శ్రేయస్‌ అయ్యర్‌కు సారథ్య బాధ్యతల్ని అప్పగించిన సంగతి తెలిసిందే. దాంతో శుక్రవారం కోల్‌కతా నైట్‌రైడర్స్‌తో మ్యాచ్‌కు ఢిల్లీకి అయ్యర్‌ కెప్టెన్‌గా వ్యవహరించాడు. అయితే సారథిగా వ్యవహరించిన తొలి మ్యాచ్‌లోనే శ్రేయస్‌ అయ్యర్‌ అదరగొట్టాడు. 40 బంతుల్లో 3 ఫోర్లు, 10 సిక్సర్లతో అజేయంగా 93 పరుగులు చేశాడు. తద్వారా ఐపీఎల్‌ చరిత్రలో కెప్టెన్‌గా వ్యహరించిన తొలి మ్యాచ్‌లోనే హాఫ్‌ సెంచరీ సాధించిన నాల్గో క్రికెటర్‌గా అయ్యర్‌ నిలిచాడు. అంతకుముందు 2008లో గిల్‌ క్రిస్ట్‌(డెక్కన్‌ చార్జర్స్‌), 2013లో అరోన్‌ ఫించ్‌(పుణె వారియర్స్‌),  2016లో మురళీ విజయ్‌(కింగ్స్‌ పంజాబ్‌)లు కెప్టెన్లుగా వ్యవహరించిన తొలి మ్యాచ్‌లోనే హాఫ్‌ సెంచరీలు సాధించిన క్రికెటర్లు. కాగా, కెప్టెన్లుగా వ్యవహరించిన తొలి మ్యాచ్‌లో అత్యధిక వ్యక్తిగత స్కోరును అయ్యర్‌ సాధించడం ఇక్కడ మరో విశేషం.  

ఢిల్లీ:ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా కోల్‌కతా నైట్‌రైడర్స్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ 220 పరుగుల భారీ లక్ష్యాన్ని నిర్దేశించింది. శ్రేయస్‌ అయ్యర్‌(93 నాటౌట్‌;40 బంతుల్లో 3 ఫోర్లు, 10 సిక్సర్లు), పృథ్వీ షా(62; 44బంతుల్లో 7 ఫోర్లు, 2 సిక్సర్లు) వీరోచిత ఇన్నింగ్స్‌ ఆడటంతో ఢిల్లీ భారీ స్కోరు నమోదు చేసింది. టాస్‌ ఓడి ముందుగా బ్యాటింగ్‌కు దిగిన ఢిల్లీకి ఓపెనర్లు కోలిన్‌ మున్రో-పృథ్వీ షాలు శుభారంభం అందించారు. వీరిద్దరూ తొలి వికెట్‌కు 59 పరుగులు జోడించిన తర్వాత మున్రో(33) ఔటయ్యాడు. ఆపై పృథ్వీషా -శ్రేయస్‌ అయ్యర్‌ల జోడి స్కోరు బోర్డును పరుగులు పెట్టించింది. ఈ క్రమంలోనే తొలుత 38 బంతుల్లో పృథ్వీషా హాఫ్‌ సెంచరీ సాధించాడు. అయ్యర్‌తో కలిసి 68 పరుగుల భాగస్వామ్యాన్ని నమోదు చేసిన తర్వాత పృథ్వీ షారెండో వికెట్‌గా పెవిలియన్‌ చేరాడు. ఆ తరుణంలో క్రీజ్‌లోకి వచ్చిన రిషబ్‌ పంత్‌ గోల్డెన్‌ డక్‌గా ఔటయ్యాడు. దాంతో ఢిల్లీ 129 పరుగుల వద్ద మూడో వికెట్‌ను కోల్పోయింది. అయితే అయ్యర్‌-మ్యాక్స్‌వెల్‌ జోడి మరింత దూకుడుగా ఆడింది. ఈ క్ర​మంలోనే అయ్యర్‌ హాఫ్‌ సెంచరీ పూర్తి చేసుకున్నాడు. మ్యాక్స్‌వెల్‌తో కలిసి 73 పరుగులు జత చేశాడు.  చివర్లో కోల్‌కతా బౌలర్లపై అయ్యర్‌  విరుచుకుపడటంతో ఢిల్లీ నిర్ణీత ఓవర్లలో నాలుగు వికెట్లు కోల్పోయి 219 పరుగులు చేసింది.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌) తాజా సీజన్‌లో శుక్రవారం ఫిరోజ్‌ షా కోట్ల మైదానంలో కోల్‌కతా నైట్‌రైడర్స్‌-ఢిల్లీ డేర్‌డెవిల్స్‌  జట‍్ల మధ్య జరుగుతున్న మ్యాచ్‌లో అరుదైన సందర్భం చోటు చేసుకుంది. తొలుత టాస్‌ గెలిచి ఫీల్డింగ్‌ ఎంచుకున్న  కోల్‌కతా.. బౌలింగ్‌లో ఎంతో నియంత్రణను ప‍్రదర్శించింది. 14 ఓవర్ల పాటు కనీసం ఒక్క ఎక్స్‌ట్రా కూడా లేకుండా బౌలింగ్‌ వేసింది కోల్‌కతా. మిచెల్‌ జాన్సన్‌, ఆండ్రీ రస్సెల్‌, పీయూష్‌ చావ్లా, కుల్దీప్‌ యాదవ్‌, శివం మావి, సునీల్‌ నరైన్‌లు తమ బౌలింగ్‌లో వైడ్లు కానీ, నో బాల్స్‌ కానీ ఇవ్వకుండా ఆకట్టుకున్నారు. చివరకు 15 ఓవర్‌ తొలి బంతికి నైట్‌రైడర్స్‌ వైడ్‌తో ఎక్స్‌ట్రాకు స్వాగతం పలికింది. కోల్‌కతా బౌలర్‌ ఆండ్రీ రస్సెల్‌ ఇన్నింగ్స్‌ తొలి వైడ్‌ను వేశాడు. దాంతో 14 ఓవర్లపాటు అదనపు పరుగు లేకుండా బౌలింగ్‌ చేసి అరుదైన ఘనతను కేకేఆర్‌ లిఖించింది.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో ఢిల్లీ డేర్‌డెవిల్స్‌ ఆటగాడు పృథ్వీ షా అరుదైన ఘనతను సొంతం చేసుకున్నాడు. శుక్రవారం కోల్‌కతా నైట్‌రైడర్స్‌తో మ్యాచ్‌లో పృథ్వీ షా హాఫ్‌ సెంచరీ సాధించాడు. ఫలితంగా ఐపీఎల్‌ చరిత్రలో పిన్నవయసులో హాఫ్‌ సెంచరీ చేసిన జాబితాలో సంజూ శాంసన్‌తో కలిసి సంయుక్తంగా అగ్రస్థానంలో నిలిచాడు. పృథ్వీ షా 18 ఏళ్ల 169 రోజుల వయసులో హాఫ్‌ సెంచరీ సాధించగా, శాంసన్‌ కూడా 18 ఏళ్ల 169 రోజుల వయసులోనే అర్థ శతకం నమోదు చేశాడు. 2013లో శాంసన్‌ ఈ ఘనత సాధించగా, పృథ్వీ షా ఆడుతున్న రెండో ఐపీఎల్‌ మ్యాచ్‌లోనే హాఫ్‌ సెంచరీ కొట్టేశాడు. ఇక పిన్నవయసులో ఐపీఎల్‌ హాఫ్‌ సెంచరీలు సాధించిన వారి జాబితాలో రిషబ్‌ పంత్‌(18 ఏళ్ల 212 రోజులు), ఇషాన్‌ కిషన్‌(18 ఏళ్ల 299 రోజులు), గోస్వామి(19 ఏళ్ల 1 రోజు), మనీష్‌ పాండే(19 ఏళ్ల 253 రోజులు)లు వరుస స్థానాల్లో ఉన్నారు.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా 2011 నుంచి ఏడు సీజన్ల పాటు కోల్‌కతా నైట్‌రైడర్స్‌కు కెప్టెన్‌గా వ్యవహరించిన గౌతం గంభీర్‌.. 2012, 2014లో జట్టును విజేతగా నిలిపాడు. అయితే తాజా సీజన్‌లో కోల్‌కతా నైట్‌రైడర్స్‌ గంభీర్‌ను వదులుకోవడంతో సొంత జట్టు ఢిల్లీ డేర్‌డెవిల్స్‌కు తిరిగొచ్చాడు. అదే సమయంలో కెప్టెన్‌గా కూడా నియమించబడ్డాడు. కాగా, ఢిల్లీ వరుస పరాజయాలకు నైతిక బాధ్యత వహిస్తూ సారథ్య బాధ్యతల్ని నుంచి తప్పుకున్నాడు గౌతీ. ఈ క‍్రమంలోనే శ్రేయస్‌ అయ్యర్‌ను ఢిల్లీ కెప్టెన్‌గా ఎంపిక చేశారు. దాంతో శుక్రవారం ఫిరోజ్‌ షా కోట్ల మైదానంలో కోల్‌కతా నైట్‌రైడర్స్‌తో మ్యాచ్‌కు అయ్యర్‌ సారథ్యంలో ఢిల్లీ పోరుకు సిద్ధమైంది. కాగా, తాజా మ్యాచ్‌కు గంభీర్‌ను ఢిల్లీ మేనేజ్‌మెంట్‌ పక్కన కూర్చోబెట్టింది. కనీసం తుది జట్టులో కూడా అవకాశం కల్పించలేదు. ఫలితంగా దాదాపు 8 ఏళ్ల తర్వాత గంభీర్‌ ఒక ఐపీఎల్‌ మ్యాచ్‌కు తొలిసారి దూరమయ్యాడు. 2010 ఐపీఎల్‌లో గంభీర్‌ చివరిసారి తుది జట్టులో చోటు కోల్పోయాడు. రాయల్‌ చాలెంజర్స్‌ బెంగళూరుతో జరిగిన ఆనాటి మ్యాచ్‌లో గంభీర్‌ ఆడలేదు. ఇప్పుడు మరొకసారి జట్టుకు దూరమయ్యాడు.  

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా శుక్రవారం ఫిరోజ్‌ షా కోట్ల మైదానంలో ఢిల్లీ డేర్‌డెవిల్స్‌తో జరుగుతున్న మ్యాచ్‌లో కోల్‌కతా నైట్‌రైడర్స్‌ టాస్‌ గెలిచి ఫీల్డింగ్‌ ఎంచుకుంది. టాస్‌ గెలిచిన కోల్‌కతా కెప్టెన్‌ దినేశ్‌ కార్తీక్‌.. ఢిల్లీని ముందుగా బ్యాటింగ్‌కు ఆహ్వానించాడు. ఇరు జట్ల మధ్య జరిగిన తొలి మ్యాచ్‌లో కోల్‌కతా విజయం సాధించింది. ఇప్పటివరకూ ఢిల్లీ ఆరు మ్యాచ్‌లు ఆడితే అందులో ఐదు ఓటముల్ని చవిచూసింది. అందులో వరుసగా నాలుగు మ్యాచ్‌ల్లో పరాజయం ఎదుర్కొంది. ఇక కోల్‌కతా ఆరు మ్యాచ్‌లకు గాను మూడు గెలిచింది. ఫలితంగా పాయింట్ల పట్టికలో నాల్గో స్థానంలో కొనసాగుతోంది. ఢిల్లీ సారథ్య బాధ్యతల్ని నుంచి గౌతం గంభీర్‌ తప్పకోవడంతో అతని స్థానంలో శ్రేయస్‌ అయ్యర్‌ కెప్టెన్‌గా వ్యవహరించనున్నాడు. ఇదిలా ఉంచితే,  కేకేఆర్‌తో మ్యాచ్‌కు గంభీర్‌ను ఢిల్లీ మేనేజ్‌మెంట్‌ రిజర్వ్‌ బెంచ్‌కే పరిమితం చేసింది. అతని స్థానంలో విజయ్‌ శంకర్‌ తుది జట్టులోకి వచ్చాడు. తుది జట్లు ఢిల్లీ శ్రేయస్‌ అయ్యర్‌(కెప్టెన్‌), పృథ్వీ షా, కోలిన్‌ మున్రో, గ్లెన్‌ మ్యాక్స్‌వెల్‌, రిషబ్‌ పంత్‌, విజయ్‌ శంకర్‌, రాహుల్‌ తెహాతియా, ప్లంకెట్‌, అమిత్‌ మిశ్రా, అవీష్‌ ఖాన్‌, ట్రెంట్‌ బౌల్ట్‌ కోల్‌కతా దినేశ్‌ కార్తీక్‌(కెప్టెన్‌), క్రిస్‌ లిన్‌, సునీల్‌ నరైన్‌, రాబిన్‌ ఉతప్ప, నితీష్‌ రానా, ఆండ్రీ రస్సెల్‌, శుభ్‌మాన్‌ గిల్‌, మిచెల్‌ జాన్సన్‌, పీయూష్‌ చావ్లా, శివం మావి, కుల్దీప్‌ యాదవ్‌

ఢిల్లీ:ఇండియన్‌ ప్రీమియర్‌ లీగ్‌(ఐపీఎల్‌) తాజా సీజన్‌లో వరుస పరాజయాలతో సతమవుతున్న ఢిల్లీ డేర్‌డెవిల్స్‌ జట్టు నుంచి సఫారీ ఆల్‌ రౌండర్‌ క్రిస్‌ మోరిస్‌ వైదొలిగిన సంగతి తెలిసిందే. వెన్నునొప్పితో బాధపడుతున్న మోరిస్‌ టోర్నీ నుంచి అర్దాంతరంగా తప్పుకోవాల్సి వచ్చింది. అయితే అతని స్థానాన్ని దక్షిణాఫ్రికాకే చెందిన పేసర్‌ జూనియర్‌ డాలాతో భర్తీ చేసేందుకు ఢిల్లీ సిద్ధమైంది. ఈ క్రమంలోనే ఢిల్లీ డేర్‌డెవిల్స్‌ మేనేజ్‌మెంట్‌ నుంచి జూనియర్‌ డాలాకు పిలుపు అందింది. కాగా, ఢిల్లీ డేర్‌డెవిల్స్‌ జట్టుతో డాలా కలిసేందుకు మరికొంత సమయం పట్టే అవకాశం ఉంది. గతేడాది భారత్‌తో జరిగిన టీ 20 సిరీస్‌ ద్వారా దక్షిణాఫ్రికా తరపున అరంగేట్రం చేసిన డాలా.. ఇప్పటివరకూ మూడు మ్యాచ్‌లు మాత్రమే ఆడి ఆకట్టుకున్నాడు. భారత్‌తో సిరీస్‌లో డాలా ఏడు వికెట్లను ఖాతాలో వేసుకున్నాడు. అతని అత్యుత్తమ ప‍్రదర్శన 3/35గా ఉంది.

ఢిల్లీ: ఇండియన్‌ ప‍్రీమియర్‌ లీగ్‌(ఐపీఎల్‌)-11వ సీజన్‌ను భారీ అంచనాల మధ్య ఆరంభించిన ఢిల్లీ డేర్‌డెవిల్స్‌ను వరుస పరాజయాలు కలవరపరుస్తున్నాయి. ఇప్పటివరకూ ఢిల్లీ ఆరు మ్యాచ్‌లు ఆడితే అందులో ఐదు ఓటముల్ని చవిచూడటం ఆ జట్టు సమష్టి వైఫల్యానికి అద్దం పడుతోంది.  అందులో వరుసగా నాలుగు మ్యాచ్‌ల్లో ఓడిపోవడం ఆ జట్టును మరింత ఇబ్బందుల్లోకి నెట్టింది. ఈ క్రమంలోనే ఢిల్లీ కెప్టెన్సీ పగ్గాలను గౌతం గంభీర్‌ వదులుకున్నాడు కూడా. జట్టును గాడిలో పెట్టాలనే ఆలోచనతో తన ఆటపై పూర్తి దృష్టి సారించలేకపోతున్నందుకే సారథ్య బాధ్యతల్ని నుంచి తప్పుకుంటున్నట్లు గంభీర్‌ పేర్కొన్నాడు. దాంతో గంభీర్‌ నిర్ణయాన్ని స్వాగతించిన ఢిల్లీ ఫ్రాంచైజీ.. అతని స్థానంలో శ్రేయస్‌ అయ్యర్‌ను కెప్టెన్‌గా నియమించింది. మరి శ్రేయస్‌ అయ‍్యర్‌ రాకతో ఢిల్లీ రాత మారుతుందా అనేది చూడాలి. శుక్రవారం సొంత మైదానం ఫిరోజ్‌ షా కోట్లలో ఢిల్లీ డేర్‌డెవిల్స్‌.. కోల్‌కతా నైట్‌రైడర్స్‌తో తలపడనుంది. ఇరు జట్ల మధ్య జరిగిన తొలి మ్యాచ్‌లో ఢిల్లీ ఘోర పరాజయాన్ని చవిచూసింది. అందుకు ప్రతీకారం తీర్చుకోవాలని ఢిల్లీ డేర్‌డెవిల్స్‌ ఆరాట పడుతోంది. అదే క్రమంలో  గాడిలో పడేందుకు తీవ్ర కసరత్తులు చేస్తోంది. ఇప్పటికే మూడు జట్లు పదేసి పాయింట్లతో ప్లే ఆఫ్‌కు దగ్గరవుతుండగా.. ఢిల్లీ మాత్రం ఒకే విజయంతో పాయింట్ల పట్టికలో అట్టడుగు స్థానంలో ఉంది. ఇక నుంచి ఢిల్లీ ఆడే ప‍్రతీ మ్యాచ్‌లోనూ గెలిస్తేనే ప్లే ఆఫ్‌ రేసులో ఉంటుంది. బ్యాటింగ్‌లో జాసన్‌ రాయ్, రిషబ్ పంత్, శ్రేయస్ అయ్యర్ మినహా ఎవరూ ఇంతవరకూ చెప్పుకోదగ్గ ప్రదర్శన చేయలేదు. హిట్టర్లు మాక్స్‌వెల్.. ఓపెనర్ గంభీర్, ఆల్‌రౌండర్ విజయ్ శంకర్ ఫామ్‌‌లేమీతో ఇబ్బంది పడుతున్నారు.  ఈ నేపథ్యంలో కోల్‌కతా నైట్‌రైడర్స్‌తో మ్యాచ్‌లో ఢిల్లీ విజయం సాధించాలంటే సమష్టి ప‍్రదర్శన అవసరం. మరొకవైపు దినేశ్‌ కార్తీక్‌ నేతృత్వంలోని కోల్‌కతా నైట్‌రైడర్స్‌ ఆరు మ్యాచ్‌లు ఆడి మూడు విజయాలతో నాల్గో స్థానంలో కొనసాగుతోంది.

ఐపీఎల్‌ 11 సీజన్‌లో ఢిల్లీ డేర్‌డెవిల్స్‌ సారథిగా పగ్గాలు చేపట్టిన గౌతమ్‌ గంభీర్‌.. జట్టు వరుస పరాజయాలకు నైతిక బాధ్యత వహిస్తూ కెప్టెన్సీ నుంచి తప్పుకున్న విషయం తెలిసిందే. అంతేకాదు వైఫల్యాలకు బాధ్యత వహిస్తూ జట్టు యాజమాన్యం తన కోసం వెచ్చించిన 2.8 కోట్ల రూపాయలని కూడా తీసుకోకూడదని అతడు నిర్ణయించుకున్నాడు. జట్టు చెత్త ప్రదర్శన కారణంగా ఒక కెప్టెన్‌ ఈ విధంగా జీతం తీసుకోకుండా ఆడడం ఐపీఎల్‌ చరిత్రలో ఇదే మొదటిసారి. అయితే గౌతీ నిర్ణయం పట్ల అభిమానులు ఆవేదన వ్యక్తం చేస్తున్నారు. ట్విటర్‌ వేదికగా తమ అభిప్రాయాలను పంచుకుంటున్నారు. ‘గౌతమ్‌ గంభీర్‌ కెప్టెన్‌గా ఉన్నాడు గనుకే ఢిల్లీ డేర్‌డెవిల్స్‌కి మద్దతు తెలిపాను. కానీ ఇప్పుడు అతడు కెప్టెన్‌గా వైదొలగాడు. నేను కూడా డీడీ టీమ్‌కు మద్దతు ఉపసంహరించుకుంటున్నాను’ అంటూ బాధను వ్యక్తం చేశాడు గౌతీ అభిమాని. ‘గౌతమ్‌ గంభీర్‌ సెల్యూట్‌... కానీ నీ నిర్ణయం మమ్మల్ని బాధ పెడుతోంది. అయినప్పటికీ నువ్వే బాస్‌’  అంటూ మరో అభిమాని ట్వీట్‌ చేశాడు. ‘నేను గంభీర్‌ వీరాభిమానిని కాదు. కానీ గంభీర్‌ ప్రస్తుతం ఎదుర్కొంటున్న పరిస్థితులు బాధాకరం. అసలు దీని వెనుక ఉన్న మతలబు ఏమిటో నాకు అర్థం కావడం లేదు. నేను గంభీర్‌ నిర్ణయాన్ని వ్యతిరేకిస్తున్నా’ అంటూ ఓ నెటిజన్‌ అసహనాన్ని వ్యక్తం చేశాడు. కాగా 2011 నుంచి ఏడు సీజన్ల పాటు కోల్‌కతా నైట్‌రైడర్స్‌కు కెప్టెన్‌గా వ్యవహరించిన గంభీర్‌ 2012, 2014లో జట్టును విజేతగా నిలిపాడు. ప్రస్తుతం సొంత జట్టుకు తిరిగొచ్చిన గౌతీ.. జట్టుకు విజయాలు అందించలేకపోయాడు. చెత్త ప్రదర్శన కారణంగా.. తనకు నాయకత్వ బాధ్యత నిర్వహించేందుకు సామర్థ్యం సరిపోవడం లేదని.. కెప్టెన్సీ నుంచి తప్పుకుంటున్నట్లు ప్రకటించాడు. ప్రస్తుతం గంభీర్‌ స్థానంలో యువ ఆటగాడు శ్రేయస్‌ అయ్యర్‌ కెప్టెన్‌గా ఎంపికయ్యాడు. I supported #DD this season only because #GautamGambhir choose himself as the captain of the team, but as #gauti stepped down as the captain of team, I too step down as a supporter of Delhi Daredevils!!!#We_will_always_be_with_you_Gauti😓😓 — Ajay Pandey (@MBian01898) April 25, 2018 #GautamGambhir salute.. but this is hurting all gautam fans ..after many years seeing him not doing captaincy.... @GautamGambhir he is the boss .. pic.twitter.com/ucEeb0vwbH — Rahmat Ali (@iam_R_ALI) April 26, 2018 I am not a die Hard Gautam Gambhir fan. But whenever i see this man in Trouble it really hurts. He deserves Better. Didn't understand the logic behind this. But I am totally disagree with Gautam Gambhir's step.#GautamGambhir #delhidaredevils pic.twitter.com/0VIYtPKnFm — •Sudhanshu• (@beingsudhanshu_) April 25, 2018

న్యూఢిల్లీ: ఐపీఎల్‌లో చెత్త ప్రదర్శనతో పాయింట్ల పట్టికలో అట్టడుగున నిలిచిన ఢిల్లీ డేర్‌డెవిల్స్‌ జట్టులో కీలక మార్పు చోటు చేసుకుంది. టీమ్‌ వరుస పరాజయాలకు నైతిక బాధ్యత వహిస్తూ తాను కెప్టెన్సీ నుంచి తప్పుకుంటున్నట్లు గౌతమ్‌ గంభీర్‌ ప్రకటించాడు. గంభీర్‌ స్థానంలో యువ ఆటగాడు శ్రేయస్‌ అయ్యర్‌ జట్టు కెప్టెన్‌గా ఎంపికయ్యాడు. నాయకత్వ బాధ్యత నిర్వహించేందుకు తన సామర్థ్యం సరిపోవడం లేదని గంభీర్‌ వెల్లడించాడు. ఇది పూర్తిగా తన సొంత నిర్ణయమని, మేనేజ్‌మెంట్‌ నుంచి ఎలాంటి ఒత్తిడి లేదని అతను స్పష్టం చేశాడు. ‘పంజాబ్‌తో జరిగిన మ్యాచ్‌ సమయంలోనే ప్రమాద ఘంటిక మోగింది. నిర్ణయం తీసుకునేందుకు ఇది సరైన సమయం అనిపించింది. నా ప్రదర్శన కూడా ఏమీ బాగా లేదు. నేను ఒత్తిడిని అధిగమించలేకపోతున్నాను. బహుశా జట్టు పరిస్థితిని మార్చడం గురించి చాలా ఎక్కువగా ఆలోచించానేమో. ఫ్రాంచైజీ నన్ను తప్పుకోమని కోరలేదు. నా ఇష్ట్రపకారమే కెప్టెన్సీని వదిలేస్తున్నా. జట్టు కంటే ఎవరూ ఎక్కువ కాదు’ అని గంభీర్‌ వ్యాఖ్యానించాడు. ఈ సీజన్‌లో ఢిల్లీ ఆడిన ఆరు మ్యాచ్‌లలో ఒకటి మాత్రమే గెలిచి ఐదు ఓడింది. పంజాబ్‌తో తొలి మ్యాచ్‌లో 55 పరుగులు చేసిన అనంతరం గంభీర్‌... తర్వాతి 4 ఇన్నింగ్స్‌లలో వరుసగా 15, 8, 3, 4 పరుగులు మాత్రమే సాధించాడు. ఈ మొత్తం 85 పరుగులను అతను కేవలం 96.59 స్ట్రయిక్‌ రేట్‌తో చేయడం కూడా జట్టుపై తీవ్ర ప్రతికూల ప్రభావం చూపించింది. 36 ఏళ్ల గంభీర్‌ 2008 నుంచి 2010 వరకు డేర్‌డెవిల్స్‌ తరఫున ఆడాడు. 2011 నుంచి ఏడు సీజన్ల పాటు కోల్‌కతా నైట్‌రైడర్స్‌కు కెప్టెన్‌గా వ్యవహరించిన అతను 2012, 2014లలో జట్టును విజేతగా నిలిపాడు. ఈ సీజన్‌లో మళ్లీ సొంత జట్టుకు తిరిగొచ్చిన అతను... కోచ్‌ రికీ పాంటింగ్‌తో కలిసి డేర్‌డెవిల్స్‌ రాత మార్చగలనని నమ్మాడు. అయితే గంభీర్‌ అంచనాలు పూర్తిగా తలకిందులయ్యాయి. 2012 ఐపీఎల్‌ సీజన్‌ నుంచి చూస్తే ఆరో స్థానంలో నిలవడమే ఢిల్లీ అత్యుత్తమ ప్రదర్శన. అయితే గంభీర్‌ నిర్ణయం జట్టుపై ప్రభావం చూపదని, మిగిలిన ఎనిమిది మ్యాచ్‌లలో రాణించి ముందుకు వెళ్లగల సత్తా తమకుందని కోచ్‌ పాంటింగ్‌ విశ్వాసం వ్యక్తం చేశాడు.   రూ. 2.8 కోట్లు వెనక్కి...  టీమ్‌ పరాజయాలకు నైతిక బాధ్యత వహిస్తూ కెప్టెన్‌గా తప్పుకున్న గంభీర్‌ మరో కీలక నిర్ణయం తీసుకున్నాడు. తనకు వేలంలో దక్కిన రూ. 2.8 కోట్లను ఫ్రాంచైజీకి తిరిగి ఇచ్చేయాలని అతను భావిస్తున్నాడు. అదే జరిగితే పేలవ ప్రదర్శనకుగాను ఐపీఎల్‌లో డబ్బులు వెనక్కి ఇచ్చిన తొలి ఆటగాడు గంభీరే అవుతాడు. ‘ఈ సీజన్‌లో ఫ్రాంచైజీ నుంచి ఒక్క రూపాయి కూడా తీసుకోకూడదని గంభీర్‌ నిర్ణయించుకున్నాడు. మిగిలిన మ్యాచ్‌లను అతను ఉచితంగానే ఆడతానని చెప్పాడు. అతనికి డబ్బుకంటే పరువు ప్రతిష్టలే ముఖ్యం. ఇది అతని సొంత నిర్ణయం’ అని ఢిల్లీ ఫ్రాంచైజీ ప్రతినిధి ఒకరు వెల్లడించారు. ఐపీఎల్‌ ముగిసిన తర్వాతే తన భవిష్యత్తుపై నిర్ణయం తీసుకుంటానని కూడా గంభీర్‌ స్పష్టం చేశాడు.   మొదటిసారేమీ కాదు...  ఐపీఎల్‌లో వ్యక్తిగత ప్రదర్శన బాగా లేకపోవడం వల్ల గానీ, జట్టు వైఫల్యాల కారణంగా కానీ లీగ్‌ మధ్యలో కెప్టెన్లు తప్పుకోవడం ఇది మొదటి సారేమీ కాదు. గతంలోనూ పలువురు సారథులు ఈ తరహాలో సొంత నిర్ణయాలు తీసుకోగా, మరికొందరిని ఫ్రాంచైజీలే మార్చేశాయి. వాటిని చూస్తే...  వీవీఎస్‌ లక్ష్మణ్‌ స్థానంలో గిల్‌క్రిస్ట్‌ (దక్కన్‌ చార్జర్స్‌–2008)  కెవిన్‌ పీటర్సన్‌ స్థానంలో అనిల్‌ కుంబ్లే (బెంగళూరు–2009)  వెటోరి స్థానంలో విరాట్‌ కోహ్లి (బెంగళూరు–2012)  సంగక్కర స్థానంలో కామెరాన్‌ వైట్‌ (దక్కన్‌ చార్జర్స్‌ –2012)  పాంటింగ్‌ స్థానంలో రోహిత్‌ (ముంబై ఇండియన్స్‌–2013)  శిఖర్‌ ధావన్‌ స్థానంలో డారెన్‌ స్యామీ (సన్‌రైజర్స్‌–2014)  షేన్‌ వాట్సన్‌ స్థానంలో స్టీవ్‌ స్మిత్‌ (రాజస్తాన్‌–2015)  మిల్లర్‌ స్థానంలో మురళీ విజయ్‌ (పంజాబ్‌–2016)     

సాక్షి, న్యూఢిల్లీ: ఇండియన్‌ ప్రీమియర్‌ లీగ్‌-11వ సీజన్‌లో కొత్త ఆశలతో, కొత్త టీమ్‌తో ఢిల్లీ డేర్‌డెవిల్స్‌ జట్టు అడుగుపెట్టింది. గత ఐపీఎల్‌లలో పెద్దగా రాణించని ఢిల్లీ జట్టు.. ఈసారి కనీసం టాప్‌-4కు చేరుకోవాలని లక్ష్యంగా పెట్టుకుంది. కోల్‌కతా నైట్‌రైడర్స్‌ జట్టుకు రెండు పర్యాయాలు నాయకత్వం వహించిన గౌతం గంభీర్‌ను కెప్టెన్‌గా తీసుకుంది. అయినా ఈసారి ఢిల్లీకి పెద్దగా కలిసిరాలేదు. వరుస పరాజయాలు వెంటాడుతుండటంతో వ్యక్తిగతంగా, జట్టుపరంగా నైతిక బాధ్యత వహిస్తూ గౌతం గంభీర్‌ కెప్టెన్సీ పదవి నుంచి తప్పుకుంటున్నట్టు అనూహ్య ప్రకటన చేశాడు. ప్రస్తుతం పాయింట్ల పట్టికలో ఢిల్లీ అట్టడుగున ఉన్న నేపథ్యంలో పూర్తి బాధ్యత వహిస్తూ తాను సారథ్యం నుంచి తప్పుకుంటున్నానని, ఇది పూర్తిగా తన నిర్ణయమేనని, ఇందులో మేనేజ్‌మెంట్‌ ఒత్తిడిగానీ, కోచ్‌ తరఫు నుంచి ఒత్తిడి గానీ లేదని గంభీర్‌ స్పష్టం చేశారు. గంభీర్‌ స్థానంలో కొత్త కుర్రాడు శ్రేయస్‌ అయ్యర్‌కు ఢిల్లీ ఫ్రాంఛైజీ కెప్టెన్‌గా బాధ్యతలు అప్పగించింది. అయితే, గంభీర్‌ ఆకస్మికంగా చేసిన ప్రకటనపై సోషల్‌ మీడియాలో తీవ్ర స్పందన వ్యక్తమవుతోంది. ఢిల్లీ కెప్టెన్సీ నుంచి గంభీర్‌ అనూహ్యంగా తప్పుకోవడంపై ఆయన అభిమానులు తీవ్ర ఆవేదన వ్యక్తం చేస్తున్నారు. ఢిల్లీ జట్టు ప్రస్తుతం సంక్షోభంలో ఉందని, ఇలాంటి సమయంలో అనుభవజ్ఞుడైన గంభీర్‌ను తప్పించి యువకుడికి పగ్గాలు ఇవ్వడం ఎలా జట్టుకు మేలు చేస్తుందని నెటిజన్లు ప్రశ్నిస్తున్నారు. గంభీర్‌ను ఉద్దేశపూర్వకంగా జట్టు కెప్టెన్సీ నుంచి తప్పించారని, ఇక నుంచి ఆయనను బెంచ్‌కే పరిమితం చేసే అవకాశముందని కొందరు ట్వీట్‌ చేస్తున్నారు. భారత క్రికెట్‌ జట్టులో కీలక వ్యక్తిగా ఎదిగి.. భారత్‌ వరల్డ్‌ కప్‌ సాధించడంలో కీలకంగా వ్యవహరించిన గంభీర్‌ను ఇలా కెప్టెన్సీ నుంచి తొలగించడం బాధ కలిగిస్తోందని, ఇది షాక్‌కు గురిచేస్తోందని ఫ్యాన్స్‌ ఆవేదన వ్యక్తం చేస్తున్నారు. రికీ పాంటింగ్‌ కోచ్‌గా ఉంటే ఢిల్లీ జట్టు ఇలాంటి నిర్ణయాలే తీసుకుంటుందని తప్పుబడుతున్నారు. Stepping down as captain in the middle of a disastrous season and handing it over to a young kid doesn't make sense to me. #Gambhir — Chennai Bot (@chennaibot) April 25, 2018 #Gambhir steps down as captain of #DD. Coz #iyer could lead the team better? I don’t think so..might have thought he as a player a burden for the team..we might see him getting benched in the next game #IPL2018 #captain #DDoverKKR #regret — Nagaraju Mudundi (@madhu_sayz) April 25, 2018 It really hurt to see Gambhir who was a very important part of Indian Cricket Team when they Won the World Cup is today replaced by him, it's not that he is not capable but somewhere it's wrong! @DelhiDaredevils #Gambhir — Pranjal 💥 (@pranjal2018) April 25, 2018 very bad decisions from DD owner. KKR in 2014 1st 7 matches just 2 wins then consecutive 9 matches win . #Gambhir love u sir. — Ranbir Express (@BaruaSupam) April 25, 2018 But why @GautamGambhir what made u quit as a captain of @DelhiDaredevils ! It's not only the captain's fault 4 a team's defeat each & every person shld contribute to the team's performance ! #Gambhir #IPL2018 #delhidaredevils We want u back as the captain of DD no matter what ! — Srivatsa rao (@srivatsachamp) April 25, 2018 When Ricky Ponting is your coach something like this will happen Gautham Gambhir is a champion And I am damn sure he will bounce back#DilDilli https://t.co/2rJ6LV9Szm — Raijin Antony #MI (@RaijinAntony) April 25, 2018

సాక్షి, న్యూఢిల్లీ: ఇండియన్‌ ప్రీమియర్‌ లీగ్‌ (ఐపీఎల్‌)-11లో మరో కీలక మార్పు చోటుచేసుకుంది. ఢిల్లీ డేర్‌డెవిల్స్‌ క్రికెటర్‌ కీలక నిర్ణయం తీసుకున్నాడు. కెప్టెన్సీ నుంచి వైదొలగుతున్నట్లు గంభీర్‌ ప్రకటించాడు. కాగా, గంభీర్‌ స్థానంలో కొత్త కుర్రాడు శ్రేయస్‌ అయ్యర్‌కు ఢిల్లీ ఫ్రాంఛైజీ కెప్టెన్‌గా బాధ్యతలు అప్పగించింది. ఈ మేరకు బుధవారం మీడియా సమావేశంలో ఢిల్లీ మేనేజ్‌మెంట్‌ తమ నిర్ణయాన్ని వెల్లడించింది. గంభీర్‌ మీడియాతో మాట్లాడుతూ.. ‘కెప్టెన్సీ నుంచి తప్పుకోవడం నా వ్యక్తిగత నిర్ణయం. జట్టుకు ఆశించిన ఫలితాలు ఇవ్వలేకపోయాను. జట్టు ఓటములకు నైతిక బాధ్యత వహిస్తూ ఈ నిర్ణయం తీసుకున్నాను. కెప్టెన్‌గా దిగిపోవడానికి ఇదే సరైన సమయమని భావిస్తున్నా. శ్రేయస్‌ అయ్యర్‌ నూతన కెప్టెన్‌గా ఢిల్లీ డేర్‌డెవిల్స్‌ బాధ్యతలు స్వీకరిస్తాడు. అతడికి నా సహకారం ఎప్పటికీ ఉంటుందని’ భావోద్వేగానికి లోనయ్యాడు. గత ఏడేళ్లు కోల్‌కతా నైట్‌రైడర్స్‌ (కేకేఆర్‌)కు కెప్టెన్‌గా వ్యవహరించిన గంభీర్‌.. ఆ జట్టును రెండు పర్యాయాలు ఐపీఎల్‌ విజేతగా నిలిపాడు. ఢిల్లీ జట్టుతోనే ఐపీఎల్‌ కెరీర్‌ ఆరంభించిన గౌతీ.. ఈ సీజన్‌లో మళ్లీ ఢిల్లీ డేర్‌డెవిల్స్‌కు ఆడుతున్నాడు. 6 మ్యాచ్‌లాడిన గంభీర్‌ కేవలం 85 పరుగులే చేశాడు. అతడి స్ట్రైక్‌ రేట్‌ కూడా 96.59 ఉండటం గమనార్హం. ఆటగాడిగా, కెప్టెన్‌గా విఫలమైనందుకు నైతిక బాధ్యత వహిస్తూ గంభీర్‌ కెప్టెన్సీ వదులుకున్నాడు. 6 మ్యాచ్‌లాడిన ఢిల్లీ కేవలం ఒక్క గెలుపుతో రెండు పాయింట్లు సాధించి ఐపీఎల్‌ పాయింట్ల పట్టికలో చివరి (8వ) స్థానంలో నిలిచింది. ముంబై ఖాతాలోనూ రెండే పాయింట్లు ఉండగా మెరుగైన రన్‌రేట్‌తో రోహిత్‌ సేన ఏడో స్థానంలో కొనసాగుతోంది.

న్యూఢిల్లీ: కింగ్స్‌ ఎలెవన్‌ పంజాబ్‌తో సోమవారం రాత్రి జరిగిన ఐపీఎల్‌ మ్యాచ్‌లో తమ జట్టు ఓడిపోవడం పట్ల ఢిల్లీ డేర్‌డెవిల్స్‌ కెప్టెన్‌ గౌతమ్‌ గంభీర్‌ తీవ్ర అసంతృప్తి వ్యక్తం చేశాడు. స్వల్ప స్కోరు ఛేదించడంలో తమ బ్యాట్స్‌మన్‌ పూర్తిగా విఫలమయ్యారని మండిపడ్డాడు. 144 పరుగుల సాధారణ లక్ష్యాన్ని కూడా అందుకోలేక డేర్‌ డెవిల్స్‌ 4 పరుగుల తేడాతో ఓడింది. మ్యాచ్‌ ముగిసిన తర్వాత గంభీర్‌ మాట్లాడుతూ... ‘మొదటి ఆరు ఓవర్లలో మూడు వికెట్లు కోల్పోవడం కొంప ముంచింది. మేము త్వరగా వికెట్లు కోల్పోవడంతో ప్రత్యర్థికి మ్యాచ్‌పై పట్టు చిక్కింది. పరుగులు బాగానే చేసినప్పటికీ ఎక్కువ వికెట్లు నష్టపోయాం. మా బౌలర్లు ప్రత్యర్థి టీమ్‌ను తక్కువ పరుగులకే నియంత్రించారు. కానీ మేము త్వరగా వికెట్లను కోల్పోవడవంతో గెలుపు అవకాశాలు సన్నగిల్లాయి. ఇలాంటి పరిస్థితుల్లో విజయాన్ని అందుకోవడం కష్టమేన’ని అన్నాడు. సానుకూల అంశాల గురించి చెబుతూ.. టాప్‌ స్కోరర్‌ శ్రేయస్‌ అయ్యర్‌(57)తో పాటు యువ ఆటగాళ్లు పృథ్వీ షా, అవిశ్‌ ఖాన్‌ రాణించడం శుభపరిణామమని గౌతమ్‌ గంభీర్‌ పేర్కొన్నాడు. ‘అయ్యర్‌ బాగా ఆడాడు. అవిశ్‌ కూడా బాగా బౌలింగ్‌ చేశాడు. పృథ్వీ షాకు మంచి భవిష్యత్తు ఉంద’ని అన్నాడు. పృథ్వీ షా 10 బంతుల్లో 4 ఫోర్లతో 22 పరుగులు చేశాడు. అవిశ్‌ 4 ఓవర్లలో 36 పరుగులిచ్చి 2 వికెట్లు పడగొట్టాడు.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో కింగ్స్‌ పంజాబ్‌ జోరు కొనసాగుతోంది. సోమవారం ఢిల్లీ డేర్‌డెవిల్స్‌తో జరిగిన మ్యాచ్‌లో కింగ్స్‌ పంజాబ్‌ 4 పరుగుల తేడాతో విజయం సాధించింది. కింగ్స్‌ పంజాబ్‌ తన 144 పరుగుల లక్ష్యాన్ని కాపాడుకుని ఢిల్లీపై గెలుపొందింది.  తద్వారా వరుసగా నాల్గో విజయాన్ని సొంతం చేసుకుంది. ఇక ఢిల్లీ ఐదో ఓటమిని చవిచూసింది. కింగ్స్‌ తో మ్యాచ్‌లో ఢిల్లీ తడబడి ఓటమి పాలైంది.  శ్రేయస్‌ అయ్యర్‌(57) ఒంటరి పోరాటం చేసినా జట్టును గెలిపించలేకపోయాడు. అతనికి జతగా పృథ్వీ షా(22), రాహుల్‌ తెవాతియా(24) మాత్రమే ఆడటంతో ఢిల్లీ నిర్ణీత ఓవర్లలో ఎనిమిది వికెట్లు కోల్పోయి 139 పరుగులకే పరిమితమై ఓటమి పాలైంది. కింగ్స్‌ బౌలర్లలో అన్‌కిత్‌ రాజపుత్‌, ఆండ్రూ టై, ముజిబ్‌ ఉర్‌ రెహ్మాన్‌లు తలో రెండు వికెట్లు సాధించారు. ముందుగా బ్యాటింగ్‌ చేసిన పంజాబ్‌ నిర్ణీత ఓవర్లలో 8 వికెట్లు కోల్పోయి 143 పరుగులు చేసింది. టాస్‌ ఓడి తొలుత బ్యాటింగ్‌ చేపట్టిన కింగ్స్‌ పంజాబ్‌ మ్యాచ్‌ ఆద్యంతం తడబాటుకు గురైంది. ఏ ఒక్క బ్యాట్స్‌మెన్‌ మెరుపులు మెరిపించకపోవడంతో కింగ్స్‌ పంజాబ్‌ సాధారణ స్కోరుకే పరిమితమైంది. కింగ్స్‌ పంజాబ్‌ ఓపెనర్‌ అరోన్‌ ఫించ్‌(2) తీవ్రంగా నిరాశపరచగా, కేఎల్‌ రాహుల్‌(23), మయాంక్‌  అగర్వాల్‌(21)లు సైతం పెద్దగా ఆకట్టుకోలేదు. ఆపై గేల్‌ స్థానంలో వచ్చిన డేవిడ్‌ మిల్లర్‌(26) కూడా విఫలమయ్యాడు. పంజాబ్‌ ఇన్నింగ్స్‌లో కరుణ్‌ నాయర్‌(34)దే అత్యధిక స్కోరు కావడం గమనార్హం. ఏ దశలోనూ కింగ్స్‌ పంజాబ్‌ను ఢిల్లీ బౌలర్లు కోలుకోనీయకుండా చేశారు. ప్రధానంగా ఐపీఎల్‌లో అరంగేట్రం చేసిన ఇంగ్లిష్‌ బౌలర్‌ లియామ్‌ ప్లంకెట్‌ అదరగొట్టాడు. కింగ్స్‌ పంజాబ్‌ మూడు ప్రధాన వికెట్లను తీయడంతో పాటు మెరుపులాంటి క్యాచ్‌తో ఆకట్టుకున్నాడు. తన నాలుగు ఓవర్లలో 17 పరుగులు మాత్రమే ఇవ్వడం మరో విశేషం. అతనికి జతగా అవీష్‌ ఖాన్‌, బౌల్ట్‌ తలో రెండు వికెట్లు సాధించగా, డానియల్‌ క్రిస్టియన్‌ వికెట్‌ తీశాడు.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఢిల్లీ డేర్‌డెవిల్స్‌తో జరుగుతున్న మ్యాచ్‌లో కింగ్స్‌ పంజాబ్‌ 144 పరుగుల లక్ష్యాన్ని నిర్దేశించింది. టాస్‌ ఓడి తొలుత బ్యాటింగ్‌ చేపట్టిన కింగ్స్‌ పంజాబ్‌ మ్యాచ్‌ ఆద్యంతం తడబాటుకు గురైంది. ఏ ఒక్క బ్యాట్స్‌మెన్‌ మెరుపులు మెరిపించకపోవడంతో కింగ్స్‌ పంజాబ్‌ సాధారణ స్కోరుకే పరిమితమైంది. కింగ్స్‌ పంజాబ్‌ ఓపెనర్‌ అరోన్‌ ఫించ్‌(2) తీవ్రంగా నిరాశపరచగా, కేఎల్‌ రాహుల్‌(23), మయాంక్‌  అగర్వాల్‌(21)లు సైతం పెద్దగా ఆకట్టుకోలేదు. ఆపై గేల్‌ స్థానంలో వచ్చిన డేవిడ్‌ మిల్లర్‌(26) కూడా విఫలమయ్యాడు. పంజాబ్‌ ఇన్నింగ్స్‌లో కరుణ్‌ నాయర్‌(34)దే అత్యధిక స్కోరు కావడం గమనార్హం. ఏ దశలోనూ కింగ్స్‌ పంజాబ్‌ను ఢిల్లీ బౌలర్లు కోలుకోనీయకుండా చేశారు. ప్రధానంగా ఐపీఎల్‌లో అరంగేట్రం చేసిన ఇంగ్లిష్‌ బౌలర్‌ లియామ్‌ ప్లంకెట్‌ అదరగొట్టాడు. కింగ్స్‌ పంజాబ్‌ మూడు ప్రధాన వికెట్లను తీయడంతో పాటు మెరుపులాంటి క్యాచ్‌తో ఆకట్టుకున్నాడు. తన నాలుగు ఓవర్లలో 17 పరుగులు మాత్రమే ఇవ్వడం మరో విశేషం. అతనికి జతగా అవీష్‌ ఖాన్‌, బౌల్ట్‌ తలో రెండు వికెట్లు సాధించగా, డానియల్‌ క్రిస్టియన్‌ వికెట్‌ తీశాడు. దాంతో కింగ్స్‌ పంజాబ్‌ నిర్ణీత ఓవర్లలో 8 వికెట్లు కోల్పోయి 143 పరుగులు చేసింది.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా కింగ్స్‌ పంజాబ్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ ఆటగాడు అవీష్‌ ఖాన్‌ అద్భుతమైన క్యాచ్‌ను అందుకున్నాడు. కింగ్స్‌ పంజాబ్‌ ఇన్నింగ్స్‌లో భాగంగా ఐదో ఓవర్‌ను ఢిల్లీ బౌలర్‌ ప్లంకెట్‌ వేశాడు. ఆ ఓవర్‌ మూడో బంతిని రాహుల్‌ షార్ట్‌ ఫైన్‌లెగ్‌ దిశగా ఆడాడు. అయితే అక్కడే ఫీల్డింగ్‌ చేస్తున్న అవీష్‌ ఖాన్‌ క్యాచ్‌ను డైవ్‌ కొట్టి పట్టాడు. తొలుత బంతి గమనాన్ని అంచనా వేసిన అవీష్‌.. బంతి నేలను తాకే క్రమంలో చాకచక్యంగా ఒడిసి పట్టుకున్నాడు. దాంతో పంజాబ్‌ 42 పరుగుల వద్ద రెండో వికెట్‌ను కోల్పోయింది. అంతకుముందు అరోన్‌ ఫించ్‌(2) తొలి వికెట్‌గా పెవిలియన్‌ చేరాడు. ఈ మ్యాచ్‌లో ఢిల్లీ టాస్‌ గెలిచి ఫీల్డింగ్‌ ఎంచుకుంది.

ఢిల్లీ: ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా ఇక్కడ ఫిరోజ్‌ షా కోట్ల మైదానంలో కింగ్స్‌ పంజాబ్‌తో జరుగుతున్న మ్యాచ్‌లో ఢిల్లీ డేర్‌డెవిల్స్‌ టాస్‌ గెలిచి ఫీల్డింగ్‌ ఎంచుకుంది. టాస్‌ గెలిచిన ఢిల్లీ కెప్టెన్‌ గౌతం గంభీర్‌.. తొలుత కింగ్స్‌ పంజాబ్‌ను బ్యాటింగ్‌కు ఆహ్వానించాడు. ఇప్పటివరకూ కింగ్స్‌ పంజాబ్‌ ఆడిన ఐదు మ్యాచ్‌ల్లో నాలుగింట​ విజయం సాధించగా, ఢిల్లీ ఐదు మ్యాచ్‌లకు గాను ఒక దాంట్లో మాత్రమే గెలిచింది. ఈ సీజన్‌లో ఇరు జట్ల మధ్య జరిగిన తొలి మ్యాచ్‌లో కింగ్స్‌ పంజాబ్‌ ఆరు వికెట్ల తేడాతో గెలుపొందింది. కాగా, కింగ్స్‌ పంజాబ్‌ హ్యాట్రిక్‌ విజయాల్లో కీలక పాత్ర పోషించిన క్రిస్‌ గేల్‌.. ఢిల్లీతో మ్యాచ్‌కు దూరమయ్యాడు. అతనికి కింగ్స్‌ పంజాబ్‌ విశ్రాంతి ఇచ్చింది. ఈ క్రమంలోనే గేల్‌ స్థానంలో డేవిడ్‌ మిల్లర్‌ తుది జట్టులో చేరాడు. మరొకవైపు జాసన్‌ రాయ్‌, క్రిస్‌ మోరిస్‌, నదీమ్‌, విజయ్‌ శంకర్‌, హర్షల్‌ పటేల్‌లకు విశ్రాంతినిచ్చారు.  వారి స్థానాల్లో అవిష్‌ ఖాన్‌, పృథ్వీషా, డానియల్‌ క్రిస్టియన్‌, ప‍్లంకెట్‌, అమిత్‌ మిశ్రాలు తుది జట్టులోకి వచ్చారు. తుది జట్లు ఢిల్లీ డేర్‌డెవిల్స్‌ గౌతం గంభీర్‌(కెప్టెన్‌) శ్రేయస్‌ అయ్యర్‌, రిషబ్‌ పంత్‌, గ్లెన్‌ మ్యాక్స్‌వెల్‌,  రాహుల్‌ తెవాతియా, ప్లంకెట్‌,  అమిత్‌ మిశ్రా, ట్రెంట్‌ బౌల్ట్‌, అవిష్‌ ఖాన్‌, పృథ్వీషా, డానియల్‌ క్రిస్టియన్‌ కింగ్స్‌ పంజాబ్‌ అశ్విన్‌(కెప్టెన్‌), అరోన్‌ ఫించ్‌, కేఎల్‌ రాహుల్‌, మయాంక అగర్వాల్‌, కరుణ్‌ నాయర్‌, యువరాజ్‌ సింగ్‌, డేవిడ్‌ మిల్లర్‌, ఆండ్రూ టై, బరీందర్‌ శ్రాన్‌, అన్‌కిత్‌ రాజ్‌పుత్‌, ముజిబ్‌ ఉర్‌ రెహ్మాన్‌

బెంగళూరు: చిన్న చేపను పెద్ద చేప... చిన్న మాయను పెను మాయ మింగేసినట్లు కుర్రాళ్ల వీరవిహారం వెటరన్‌ స్టార్‌ సుడిగాలి ఇన్నింగ్స్‌లో కొట్టుకుపోయాయి. ఏబీ డివిలియర్స్‌ (39 బంతుల్లో 90 నాటౌట్‌; 10 ఫోర్లు, 5 సిక్స్‌లు) విలయతాండవం ముందు శ్రేయస్, రిషభ్‌ల మెరుపులు వెలవెలబోయాయి. శనివారం జరిగిన మ్యాచ్‌లో బెంగళూరు 6 వికెట్ల తేడాతో ఢిల్లీని ఓడించి ఐపీఎల్‌లో రెండో విజయాన్ని అందుకుంది. మొదట ఢిల్లీ డేర్‌డెవిల్స్‌ 20 ఓవర్లలో 5 వికెట్ల నష్టానికి 174 పరుగులు చేసింది. రిషభ్‌ పంత్‌ (48 బంతుల్లో 85; 6 ఫోర్లు, 7 సిక్స్‌లు), శ్రేయస్‌ అయ్యర్‌ (31 బంతుల్లో 52; 4 ఫోర్లు, 3 సిక్సర్లు) చెలరేగారు. చహల్‌ 2 వికెట్లు తీశాడు. తర్వాత బెంగళూరు 18 ఓవర్లలో 4 వికెట్ల నష్టానికి 176 పరుగులు చేసి గెలిచింది. ఏబీతో పాటు కోహ్లి (26 బంతుల్లో 30; 2 ఫోర్లు, 1 సిక్స్‌) రాణించగా, ఢిల్లీ బౌలర్లు బౌల్ట్, మ్యాక్స్‌వెల్, హర్షల్‌ తలా ఒక వికెట్‌ పడగొట్టారు. డివిలియర్స్‌కు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది.  ఆదుకున్న శ్రేయస్, పంత్‌...  టాస్‌ గెలిచిన బెంగళూరు ఫీల్డింగ్‌ ఎంచుకోగా... మొదట బ్యాటింగ్‌కు దిగిన ఢిల్లీ ఓపెనర్ల వైఫల్యంతో కష్టాల్లో పడింది.  గంభీర్‌ (3), జాసన్‌ రాయ్‌ (5) స్పిన్నర్ల ఉచ్చులో పడ్డారు. 23 పరుగులకే కీలక వికెట్లను కోల్పోయిన ఢిల్లీని శ్రేయస్, రిషభ్‌ పంత్‌ ఆదుకున్నారు. 34 బంతుల్లో అర్ధసెంచరీ (4 ఫోర్లు, 3 సిక్స్‌లు) పూర్తిచేసుకున్న రిషభ్‌... చహల్, సిరాజ్‌ బౌలింగ్‌లో చెరో 2 సిక్సర్లు బాదేశాడు. దీంతో 15 ఓవర్లకు 103/3గా ఉన్న స్కోరు కాస్త... 20 ఓవర్లలో 174/5కు చేరింది. చివరి ఓవర్లో పంత్‌ నిష్క్రమించినప్పటికీ ప్రత్యర్థి ముందు భారీ స్కోరును ఉంచడంలో కీలక పాత్ర పోషించాడు.   ధనాధన్‌...  ఢిల్లీలాగే బెంగళూరు ఇన్నింగ్స్‌ కూడా ఓపెనర్లు మనన్‌ వోహ్రా (2), డికాక్‌ (18; ఫోర్, సిక్స్‌) వికెట్లను కోల్పోయి కష్టాల్లో పడింది. కోహ్లి, డివిలియర్స్‌లిద్దరూ స్కోరు బోర్డును పరిగెత్తిస్తూ చేయాల్సిన రన్‌రేట్‌ పెరగకుండా జాగ్రత్త పడ్డారు. వీరిద్దరూ మూడో వికెట్‌కు 63 పరుగులు జోడించారు. డివిలియర్స్‌ ఇన్నింగ్స్‌ ఆద్యంతం మెరుపులతోనే సాగింది. జట్టు స్కోరు వందకు చేరుతున్న దశలో కోహ్లి కొట్టిన భారీ షాట్‌ను బౌల్ట్‌ బౌండరీ లైన్‌ వద్ద అద్భుత క్యాచ్‌గా అందుకున్నాడు. దీంతో 92 పరుగుల వద్ద మూడో వికెట్‌ను కోల్పోయింది. ఆ తర్వాత కొరే అండర్సన్‌ క్రీజ్‌లోకి రాగా... డివిలియర్స్‌ మరింత రెచ్చిపోయాడు. ప్రత్యర్థి బౌలర్లలో ఎవర్నీ విడిచిపెట్టలేదు. 24 బంతుల్లో (7 ఫోర్లు, 2 సిక్స్‌లు) మెరుపు వేగంతో అర్ధసెంచరీని అధిగమించిన డివిలియర్స్‌ ధనాధన్‌ సిక్సర్లతో బెంగళూరు ప్రేక్షకుల్ని అలరించాడు. అండర్సన్‌ (15) నిష్క్రమణతో వచ్చిన మన్‌దీప్‌ సింగ్‌ (17 నాటౌట్‌; 1 ఫోర్, 1 సిక్స్‌) కూడా వేగంగానే పరుగులు జత చేయడంతో రాయల్‌ చాలెంజర్స్‌ 2 ఓవర్లు మిగిలుండగానే లక్ష్యాన్ని ఛేదించింది. 

బెంగళూరు: ఇండియన్‌ ప్రీమియర్‌ లీగ్‌(ఐపీఎల్‌) తాజా సీజన్‌లో రాయల్‌ చాలెంజర్స్‌ బెంగళూరు (ఆర్సీబీ) ఎట్టకేలకు రెండో విజయాన్ని నమోదు చేసింది. శనివారం ఢిల్లీ డేర్‌డెవిల్స్‌తో జరిగిన మ్యాచ్‌లో ఆర్సీబీ  ఆరు వికెట్ల తేడాతో గెలుపొందింది. ఏబీ డివిలియర్స్‌(90 నాటౌట్; 39 బంతుల్లో  10 ఫోర్లు, 5 సిక్సర్లు‌) కీలక ఇన్నింగ్స్‌ ఆడి బెంగళూరుకు విజయాన్ని అందించాడు.  ఆర్సీబీ 29 పరుగులకే రెండు వికెట్లు కోల్పోయిన తరుణంలో విరాట్‌ కోహ్లితో జత కలిసిన ఏబీ సమయోచితంగా ఆడాడు. మంచి బంతుల్ని సమర్దవంతంగా ఎదుర్కొంటూనే చెడ్డ బంతుల్ని మాత్రం బౌండరీ దాటించాడు.  బెంగళూరు ఆటగాళ్లలో విరాట్‌ కోహ్లి(30; 26 బంతుల్లో 2 ఫోర్లు, 1 సిక్స్‌)  ఫర్వాలేదనిపించాడు. అంతకుముందు టాస్‌ ఓడిన ఢిల్లీ డేర్‌డెవిల్స్‌ 175 పరుగుల లక్ష్యాన్ని నిర్దేశించింది. శ్రేయస్‌ అయ్యర్‌ బాధ్యతాయుత ఇన్నింగ్స్‌కు తోడు రిషబ్‌ పంత్‌ మెరుపులు కూడా జత చేయడంతో ఢిల్లీ గౌరవప్రదమైన స్కోరును బోర్డుపై ఉంచింది.  టాస్‌ ఓడి బ్యాటింగ్‌ చేపట్టిన ఢిల్లీకి ఆదిలోనే ఎదురుదెబ్బ తగిలింది. ఓపెనర్లు జాసన్‌ రాయ్‌(5), గౌతం గంభీర్‌(3)లు తీవ్రంగా నిరాశపరిచారు. ఆ తరుణంలో రిషబ్‌ పంత్‌-శ్రేయస్‌ అయ్యర్‌ల జోడి ఇన్నింగ్స్‌ను చక్కదిద్దింది. వీరిద్దరూ మూడో వికెట్‌ 75 పరుగులు జత చేసిన తర్వాత శ్రేయస్‌ అయ్యర్‌(52;31 బంతుల్లో 4 ఫోర్లు, 3 సిక్సర్లు) పెవిలియన్‌ చేరాడు. అయితే అప్పటికే క్రీజ్‌లో కుదురుకున్న రిషబ్‌ పంత్‌ బ్యాట్‌కు పని చెప్పాడు. తొలుత 34 బంతుల్లో హాఫ్‌ సెంచరీ పూర్తి చేసుకున్న రిషబ్‌ పంత్‌.. ఆపై రెచ్చిపోయి ఆడాడు. చివరి ఓవర్లలో చెలరేగిన రిషబ్‌ ఫోర్లు, సిక్సర్లతో విరుచుకుపడ్డాడు.  ఈ క్రమంలోనే రాహుల్‌ తెవాతియా(13 నాటౌట్; 2 ఫోర్లు‌) కలిసి 65 పరుగుల​ భాగస్వామ్యాన్ని నమోదు చేశాడు.  అయితే 47 బంతుల్లో 6  ఫోర్లు, 7 సిక్సర్లతో  85 పరుగులు సాధించిన రిషబ్‌..  చివరి ఓవర్‌ నాల్గో బంతికి భారీ షాట్‌కు యత్నించిన ఐదో వికెట్‌గా ఔటయ్యాడు.ఢిల్లీ నిర్ణీత ఓవర్లలో ఐదు వికెట్లు కోల్పోయి 174 పరుగులు చేసింది. ఆర్సీబీ బౌలర్లలో యజ్వేంద్ర చాహల్‌ రెండు వికెట్లు సాధించగా, ఉమేశ్‌ యాదవ్‌, వాషింగ్టన్‌ సుందర్‌, కోరీ అండర్సన్‌లకు తలో వికెట్‌ దక్కింది.