సాక్షి, చీరాల : ముఖ్యమంత్రి చంద్రబాబు నాయుడుపై చీరాల వైఎస్సార్ కాంగ్రెస్ పార్టీ అభ్యర్థి ఆమంచి కృష్ణమోహన్‌ తీవ్రస్థాయిలో విరుచుకుపడ్డారు. ఆయన ఆదివారమిక్కడ మాట్లాడుతూ.. ‘చంద్రబాబు మీద 17 కేసులు ఉన్నాయి. ఓటుకు నోటు కేసులో ఆయన ముద్దాయి. నాపై ఉన్న కేసులు ప్రజా ఉద్యమంలో జరిగినప్పుడు పెట్టినవి. చంద్రబాబు పిరికివాడు...అవకాశవాది. కేసీఆర్‌ కేసు పెడితే చంద్రబాబు ఆంధ్రాకు పారిపోయి వచ్చాడు. నేను ఇక్కడే ఉండి ప్రజల కోసం పోరాడుతున్నా. చీరాలకు విమానాశ్రయం తీసుకొస్తా అని చంద్రబాబు చెప్పడం పెద్ద జోక్. ప్రజలకు ఏమి అవసరమో ...ఆయనకు అవగాహన లేదు.  చంద్రబాబు అతి తక్కువ నిధులు ఇచ్చింది చీరాల నియోజకవర్గానికే. ప్రజలు కట్టే పన్నులతో మేము అభివృద్ధి చేసుకున్నాం తప్ప చీరాలకు చంద్రబాబు ఎలాంటి అభివృద్ధి చేయలేదు. ఆయనకు మహిళలపై గౌరవం లేదు. నంద్యాల ఉప ఎన్నికల సమయంలో టెలీకాన్ఫరెన్స్‌లో రాష్ట్ర ఎన్నికల ప్రధాన అధికారి భన్వర్‌ లాల్‌ మనకు వ్యతిరేకంగా ఉన్నాడు. అక్కడ ప్రచారానికి వచ్చిన వైఎస్సార్ సీపీ మహిళలో అక్రమ సంబంధం అంటగట్టమని చెప్పిన నీచుడు చంద్రబాబు. ఇది వాస్తవం కాదా?. దీనిపై నార్కో ఎనాలసిస్‌ పరీక్షకు సిద్ధమా?. లేకుంటే నీ మనవడు దేవన్ష్‌పై ప్రమాణం చేసి చెబుతావా?’ అని సవాల్‌ విసిరారు.

సాక్షి, హైదరాబాద్‌: తెలంగాణ, ఏపీ రాష్ట్రాల ప్రధాన ఎన్నికల అధికారి భన్వర్‌లాల్‌ ఈ నెల 31న పదవీ విరమణ చేయనున్నారు. దీంతో కేంద్ర ఎన్నికల సంఘం తెలంగాణకు కొత్త సీఈవోగా ఎవరిని నియమిస్తుందనేది ఐఏఎస్‌ అధికారుల్లో ఆసక్తి రేపుతోంది. ఉమ్మడి రాష్ట్రంతోపాటు, విభజన అనంతరం రెండు రాష్ట్రాలకు భన్వర్‌లాల్‌ సీఈవోగా కొనసాగారు. ఏడేళ్ల పాటు ఆయన ఇదే పదవిలో ఉన్నారు. రెండు రాష్ట్రాల విజ్ఞప్తి మేరకు తెలంగాణ, ఏపీలకు వేర్వేరుగా సీఈవోలను నియమించాలని కేంద్ర ఎన్నికల సంఘం భావిస్తోంది. ఇటీవలే రాష్ట్ర ప్రభుత్వం తొలి సీఈవోగా బాధ్యతలు చేపట్టేందుకు అనుభవ మున్న ముగ్గురు సీనియర్‌ ఐఏఎస్‌ అధికారుల జాబితాను కేంద్ర ఎన్నికల సంఘానికి పంపించింది. ఇందులో ముఖ్య కార్యదర్శులు శశాంక్‌ గోయల్, రజత్‌కుమార్, నవీన్‌ మిట్టల్‌ల పేర్లు ఉన్నాయి. కాగా, గతంలో ఎలక్షన్‌ కమిషన్‌ అదనపు సీఈవోగా పని చేసిన రజత్‌కుమార్‌ను రాష్ట్ర ప్రభుత్వం కొత్త సీఈవోగా నియమించేందుకు మొగ్గు చూపుతున్నట్లు తెలిసింది. మరోవైపు రాష్ట్ర ప్రభుత్వం పంపించిన జాబితాలో సీనియర్‌ ఐఏఎస్‌ సవ్యసాచి ఘోష్‌ పేరును కూడా చేర్చి మరోమారు ప్రతిపాదనలు పంపించాలని కేంద్ర ఎన్నికల సంఘం గత వారంలోనే సూచించింది. దీంతో ప్రభుత్వం సవ్యసాచి ఘోష్‌తో పాటు శాలిని మిశ్రా, వికాస్‌రాజ్‌ పేర్లను సైతం ఈ జాబితాలో చేర్చింది. సీఎం కేసీఆర్‌ సూచనల మేరకు మొత్తం ఆరుగురి పేర్ల ప్యానెల్‌ను కేంద్ర ఎన్నికల సంఘానికి పంపించినట్లు ప్రభుత్వ వర్గాలు వెల్లడించాయి. భన్వర్‌లాల్‌ తరహాలో రెండు రాష్ట్రాల సీఈవో బాధ్యతలు అప్పగిస్తే తప్ప, కేవలం తెలంగాణ సీఈవోగా బాధ్యతలు చేపట్టేందుకు సవ్యసాచి ఘోష్‌ సుముఖంగా లేనట్లు ఐఏఎస్‌ వర్గాల్లో చర్చ జరుగుతోంది. తాజా సమాచారం మేరకు సవ్యసాచి ఘోష్‌ లేదా రజత్‌కుమార్‌కు కొత్త సీఈవోగా బాధ్యతలు అప్పగించే అవకాశాలున్నాయని తెలుస్తోంది. 

నెల్లూరు (బృందావనం)/తిరుపతి అర్బన్‌: తెలుగు రాష్ట్రాల్లో ఎన్నికలు ఎప్పుడొచ్చినా నిర్వహించేందుకు సిద్ధంగా ఉన్నామని ఉభయ రాష్ట్రాల ఎన్నికల ప్రధాన అధికారి భన్వర్‌లాల్‌ చెప్పారు. నెల్లూరు రంగనాయకులపేటలోని శ్రీదేవి, భూదేవి సమేత తల్పగిరి రంగనాథస్వామి క్షేత్రానికి మంగళవారం ఆయన విచ్చేశారు. స్వామిని, అమ్మవార్లను దర్శించుకుని ప్రత్యేక పూజలు చేశారు. అనంతరం మీడియాతో మాట్లాడుతూ దేశమంతా ఒకేసారి, ముందస్తు ఎన్నికలు వచ్చే అవకాశం ఉందా? అనే ప్రశ్నకు సమాధానమిస్తూ.. ఎన్నికలు ఎప్పుడొచ్చినా నిర్వహించేందుకు కమిషన్‌ సర్వసన్నద్ధంగా ఉంటుందన్నారు. ఒకేసారి ఎన్నికల విషయమై నిర్ణయం తీసుకోవాల్సింది ఎన్నికల సంఘం కాదన్నారు. ఈ అంశం పార్లమెంట్‌ లేదా కేంద్రం ప్రభుత్వ పరిధిలో ఉంటుందన్నారు. నెల్లూరులో అతి పురాతనమైన ఆలయం తల్పగిరి రంగనాథస్వామి ఆలయాన్ని దర్శించుకోవడం ఎంతో ఆనందంగా ఉందని భన్వర్‌లాల్‌ చెప్పారు. ఆయన వెంట ఆలయ పాలక మండలి చైర్మన్‌ మంచికంటి సుధాకర్‌రావు, కార్యనిర్వహణాధికారి కోవూరు జనార్దన్‌రెడ్డి ఉన్నారు. మున్సిపాలిటీల్లో పకడ్బందీగా ఓటర్ల సవరణ రాష్ట్రంలోని అన్ని మున్సిపాలిటీల్లో పకడ్బందీగా ఓటర్ల సవరణ చేపట్టాలని భన్వర్‌లాల్‌ ఆదేశించారు. మంగళవారం రాత్రి చిత్తూరు కలెక్టర్‌ పి.ఎస్‌.ప్రద్యుమ్న ఆధ్వర్యంలో తిరుపతి సబ్‌కలెక్టర్‌ కార్యాలయంలో చిత్తూరు, వైఎస్సార్‌ జిల్లాలకు చెందిన సబ్‌ కలెక్టర్లు, ఆర్డీవోలు, మున్సిపల్‌ కమిషనర్లు, ఎన్నికల రిటర్నింగ్‌ అధికారులతో ఓటర్ల జాబితా సవరణపై సమీక్షించారు. ఈ ప్రక్రియను నవంబర్‌ 1న ప్రారంభించి నెలాఖరు నాటికి పూర్తిచేయాలన్నారు. గూగుల్‌ మ్యాప్‌లో పోలింగ్‌ కేంద్రాన్ని చూపేవిధంగా ఏర్పాటు చేయాలన్నారు. 

సాక్షి, హైదరాబాద్‌: తెలంగాణ, ఏపీ రాష్ట్రాల ప్రధాన ఎన్నికల అధికారి భన్వర్‌లాల్‌ ఈ నెలాఖరున పదవీ విరమణ చేయనున్నారు. ఆయన స్థానంలో కొత్త సీఈవో నియామకానికి తెలంగాణ ప్రభుత్వం కసరత్తు ప్రారంభించింది. రాష్ట్రం విడిపోకముందు నుంచే గత ఏడు సంవత్సరాలుగా భన్వర్‌లాల్‌ సీఈవోగా కొనసాగుతున్నారు. విభజన అనంతరం ఇప్పటికీ రెండు రాష్ట్రాలకు ఆయనే సీఈవోగా ఉన్నారు. రాష్ట్ర విభజన తర్వాత కేంద్ర ఎన్నికల సంఘం సీఈవో ఆఫీసును వేరు చేయకపోవటంతో కొత్త రాష్ట్రమైన తెలంగాణకు భన్వర్‌లాల్‌ ఇన్‌చార్జిగా అదనపు బాధ్యతలు నిర్వర్తించారు. ఈ నేపథ్యంలో తెలంగాణకు ప్రత్యేక సీఈవో నియామకంపై ఇటీవలే రాష్ట్ర ప్రభుత్వం కేంద్ర ఎన్నికల సంఘాన్ని సంప్రదించింది. కేంద్ర ఎన్నికల సంఘం (సీఈసీ) అందుకు గ్రీన్‌ సిగ్నల్‌ ఇచ్చింది. దీంతో భన్వర్‌లాల్‌ పదవీ విరమణ చేయగానే.. తెలంగాణకు సీఈవో కార్యాలయంతో పాటు కొత్త సీఈవో నియామకంపై చర్యలు తీసుకోవాలని రాష్ట్ర ప్రభుత్వం నిర్ణయం తీసుకుంది. రాష్ట్రంలో తొలి సీఈవోగా బాధ్యతలు అప్పగించేందుకు అనుభవజ్ఞులైన ముగ్గురు సీనియర్‌ ఐఏఎస్‌లతో ప్రభుత్వం ప్యానెల్‌ను రూపొందించింది. ఈ ప్యానెల్‌లో ముఖ్య కార్యదర్శులు శశాంక్‌ గోయల్, రజత్‌ కుమార్, నవీన్‌ మిట్టల్‌ పేర్లున్నట్లు తెలిసింది. ప్రస్తుతం ఈ ప్రతిపాదనల ఫైలు ముఖ్యమంత్రి వద్దకు రాగా, ఆయన సూచనల మేరకు సిద్ధం చేసిన తుది ప్యానెల్‌ను ప్రభుత్వం కేంద్ర ఎన్నికల సంఘానికి సిఫారసు చేసింది. సీఈసీ ఆమోదం మేరకు కొత్త సీఈవో నియామకం జరుగుతుంది.     


 ఎన్నికల సంఘానికి వైఎస్సార్‌సీపీ ఫిర్యాదు
  
 సాక్షి, హైదరాబాద్‌: నంద్యాల ఓటర్లను భయభ్రాంతులకు గురిచేసేందుకు తెలుగుదేశం పార్టీ కుయుక్తులు పన్నుతోందని ఎన్నికల సంఘానికి వైఎస్సార్‌ కాంగ్రెస్‌ పార్టీ ఫిర్యాదు చేసింది. ఆ కుట్రలను అడ్డుకునేందుకు కట్టుదిట్టమైన భద్రత ఏర్పాట్లు చేయాలని వైఎస్సార్‌సీపీ తెలంగాణశాఖ ప్రధాన కార్యదర్శి శివకుమార్‌ సోమవారం సాయంత్రం ఎన్నికల సంఘం ప్రధానాధికారి భన్వర్‌లాల్‌ను కలసి విజ్ఞప్తి చేశారు.
 
 అనంతరం ఆయన మీడియాతో మాట్లాడుతూ.. నంద్యాలలో తమ పార్టీ బలంగా ఉన్న ప్రాంతాల్లో అల్లర్లు సృష్టించి, ఓటర్లను భయభ్రాంతులకు గురిచేయాలని టీడీపీ కుట్రపన్నుతోందని తెలిపారు. దీనివల్ల ఓటర్లు పోలింగ్‌లో పాల్గొనకుండా చేయడమే అధికార పార్టీ ఎత్తుగడని చెప్పారు. 


 సాక్షి, హైదరాబాద్: నంద్యాల ఉప ఎన్నిక ప్రచారం ముగిసిన నేపథ్యంలో ఎన్నికల ప్రధానాధికారి భన్వర్‌లాల్‌ ప్రెస్‌ మీట్‌ నిర్వహించారు. ఎన్నికలు ప్రశాంతంగా నిర్వహించేందుకు అన్ని ఏర్పాట్లు పూర్తి చేశామని ఆయన వెల్లడించారు.  ఓటర్లను ప్రలోభ పెట్టినా, నిబంధనలు ఉల్లంఘించినా కఠిన చర్యలుంటాయని ఆయన హెచ్చరించారు.
  
 మొత్తం 255 పొలింగ్‌ కేంద్రాల్లో ఉదయం 7 గంటల నుంచి సాయంత్రం 6 గంటలకు పోలింగ్‌ నిర్వహించనున్నట్లు చెప్పారు. 6 కంపెనీ  పారా మిలటరీ బలగాలతో భద్రతా ఏర్పాటు చేశామని, 82 ఫ్లైయింగ్‌ స్వ్కాడ్‌ లు క్షేత్రస్థాయిలో ఎన్నికలను పరిశీలిస్తాయని ఆయన అన్నారు. సాయంత్రం ఆరు గంటల వరకు క్యూలో ఉన్నవారంతా ఓటేయొచ్చని తెలిపారు. 23వ తేదీ వరకు మద్యం షాపులు బంద్‌ చేయాలని, బల్క్‌ ఎస్సెమ్మెస్‌లపై నిషేధం విధించినట్లు తెలిపారు. ఎలాంటి ఒపీనియన్‌ పోల్స్‌, సర్వేలు నిర్వహించకూడదన్న ఆదేశాలు ఇప్పటికే జారీ చేశామన్నారు. సోషల్‌ మీడియాలో కూడా ప్రచారం నిర్వహించరాదని తెలిపారు. ఓటర్లందరూ స్వేచ్ఛగా ఓటు హక్కును వినియోగించుకోవాలని, ఎక్కడ ఏం జరిగినా క్షణాల్లో స్పందించేలా ఏర్పాట్లు చేశామని భన్వర్‌లాల్‌ వెల్లడించారు.
  
 ఓటర్లకు ఎలాంటి సమస్యలు ఎదురైనా 9223 166166 నంబర్‌ కు ఎస్‌ఎమ్మెస్‌ చేయాలని ఎన్నికల ప్రధానాధికారి సూచించారు.


 = పోలింగ్‌ కేంద్రాల్లో అన్ని సదుపాయాలు ఉండాలి
 = వీడియో కాన్ఫరెన్స్‌లో రాష్ట్ర ఎన్నికల ప్రధాన అధికారి భన్వర్‌లాల్‌ ఆదేశం
 
 కర్నూలు(అగ్రికల్చర్‌): ఉప ఎన్నిక జరుగుతున్న నంద్యాల అసెంబ్లీ నియోజకవర్గంలోని 255 పోలింగ్‌ కేంద్రాల్లో కేంద్ర బలగాలతో పటిష్టమైన బందోబస్తు ఏర్పాటు చేయాలని రాష్ట్ర ఎన్నికల ప్రధాన అధికారి భన్వర్‌లాల్‌ జిల్లా యంత్రాంగాన్ని ఆదేశించారు. శనివారం హైదరాబాద్‌ నుంచి వీడియో కాన్ఫరెన్స్‌ ద్వారా నంద్యాల ఉప ఎన్నిక ఏర్పాట్లుపై సమీక్ష నిర్వహించారు. ఈ సందర్భంగా ఆయన మాట్లాడుతూ నంద్యాలకు వెళ్లే నాలుగు లైన్ల రహదారి పైన, చెక్‌పోస్టుల్లోనూ అదనపు పోలీసు బందోబస్తు ఏర్పాటు చేయాలన్నారు. పోలింగ్‌ కేంద్రాల వద్ద ఓటర్ల వరుసల నిర్వహణను పకడ్బందీగా ఏర్పాటు చేయాలన్నారు. ప్రతి పోలింగ్‌ కేంద్రంలో ఎన్నికల కమిషన్‌ మార్గదర్శకాల ప్రకారం విద్యుత్, టాయిలెట్స్, రన్నింగ్‌ వాటర్‌ తదితర సదుపాయాలు కల్పించాలన్నారు.
 
 ప్రతి పోలింగ్‌ కేంద్రానికి ర్యాంప్‌ ఉండాలని సూచించారు. 255 పోలింగ్‌ కేంద్రాల ఓటర్ల జాబితాలను పోటీ చేస్తున్న అభ్యర్థులకు ఇవ్వాలన్నారు. ఓటర్లందరికి ఓటరు స్లిప్‌లను అందజేయాలన్నారు. పోటీ చేస్తున్న అభ్యర్థులు, రాజకీయ పార్టీల ప్రతినిధులతో సమావేశాలు నిర్వహించి పోలింగ్‌ ప్రక్రియపై పాటించాల్సిన విధి విధానాలను వివరించాలన్నారు. కర్నూలు నుంచి జిల్లా ఎన్నికల అధికారి, కలెక్టర్‌ ఎస్‌.సత్యనారాయణ మాట్లాడుతూ నియోజకవర్గంలోని 255 పోలింగ్‌ కేంద్రాల్లో అవసరమైన చర్యలు తీసుకున్నామన్నారు. ర్యాంపుల్లేని 25 పోలింగ్‌ కేంద్రాల్లో తాత్కాలికంగా నిర్మించామన్నారు.
 
 ఓటరు స్లిప్‌ల ముద్రణ పూర్తయిందని, ఈ నెల 17 నుంచి ఇంటింటికి వెళ్లి పంపిణీ చేస్తామని వివరించారు. నంద్యాల నుంచి రిటర్నింగ్‌ అధికారి, జేసీ ప్రసన్న వెంకటేష్‌ మాట్లాడుతూ ఓటరు స్లిప్‌లతో పాటు ఈవీఎంల వినియోగం, వివిపిఏటీ విధానం అమలుపై ముద్రించిన కరపత్రాలు కూడా ఓటర్లకు పంపిణీ చేయడానికి చర్యలు తీసుకుంటున్నామన్నారు. నియోజకవర్గంలో ఎన్నికల నియమాలను పకడ్బందీగా అమలు చేస్తున్నామని, ఇప్పటి వరకు రూ.25 లక్షల నగదు సీజ్‌ చేశామని వివరించారు. పెయిడ్‌ న్యూస్‌కు సంబంధించి పత్రికలకు 7నోటీసులు, 5 కేబుల్‌ టీవీలకు నోటీసులు ఇచ్చామన్నారు. ఎన్నికల నిర్వహణ కోసం కేటాయించిన బడ్జెట్‌కు అదనంగా రూ.3.50 కోట్లు కేటాయించాలని జిల్లా కలెక్టర్‌ సీఈఓకు నివేదించారు. కర్నూలు నుంచి వీడియో కాన్ఫరెన్స్‌లో జేసీ–2 రామస్వామి, డీఆర్‌ఓ గంగాధర్‌గౌడు, జిల్లా ఎస్పీ గోపినాథ్‌జట్టి  పాల్గొన్నారు.


 హైదరాబాద్‌ : ఈ నెల 23న జరిగే నంద్యాల ఉప ఎన్నిక కోసం అన్ని రకాల జాగ్రత్తలు తీసుకుంటున్నామని రాష్ట్ర ఎన్నికల ప్రధాన అధికారి భన్వర్‌లాల్‌ తెలిపారు. ఆయన గురువారమిక్కడ మీడియాతో మాట్లాడుతూ.. నంద్యాలలో ఇప్పటివరకూ 44 కేసులు నమోదు చేశామని, అలాగే రూ.11లక్షల నగదు సీజ్‌ చేసినట్లు తెలిపారు. మంత్రులు...పార్టీ నేతలుగా వెళితే అభ్యంతరం లేదని, అయితే ఎవరు అధికార దుర్వినియోగానికి పాల్పడినా చట్టప్రకారం వ్యవహరిస్తామని భన్వర్‌ లాల్‌ స్పష్టం చేశారు. కొందరు మంత్రులపైనా ఫిర్యాదులు వచ్చాయని, ఫిర్యాదులన్నింటినీ పరిశీలిస్తున్నామని ఆయన తెలిపారు.
 అన్ని పోలింగ్ కేంద్రాల నుంచి లైవ్ వెబ్‌కాస్టింగ్ ఉంటుంద‌ని, ప్రతి పోలింగ్ కేంద్రంలోనూ వీడియోగ్ర‌ఫీ చేస్తామ‌ని ఆయన వివరించారు. ఎలాంటి అవాంఛనీయ సంఘటనలు జరగకుండా చూసేందుకు కేంద్ర, రాష్ట్ర బలగాల భద్రత ఉంటుందన్నారు. బందోబస్తు కోసం 8 కంపెనీల కేంద్ర బలగాలను అడిగామన్నారు. అన్ని పోలింగ్‌ కేంద్రాల వద్ద పటిష్ట నిఘా పెడతామని భన్వర్‌లాల్‌ పేర్కొన్నారు.


 ► రాష్ట్ర ఎన్నికల ప్రధాన అధికారి భన్వర్‌లాల్‌
 గుంతకల్లు(అనంతపురం)‌: రాబోయే కాలానికి కాబోయే ఓటర్లు మీరే అని ఇంటర్‌ విద్యార్థులను ఉద్దేశించి రాష్ట్ర ఎన్నికల ప్రధాన అధికారి భన్వర్‌లాల్‌ అన్నారు. మంగళవారం గుంతకల్లులోని ప్రభుత్వ జూనియర్‌ కాలేజీలో ‘రాబోయే కాలానికి కాబోయే ఓటర్లు’  కార్యక్రమం నిర్వహించారు. ముఖ్య అతిథిగా హాజరైన భన్వర్‌లాల్‌ ఓటు నమోదు, దాని ప్రాధాన్యం గురించి ఇంటర్‌ విద్యార్థులకు అవగాహన కల్పించారు. ఎన్నికల్లో ఓటర్లను ప్రలోభాలకు గురిచేసే నాయకులకు ఓటు వేయకూడదన్నారు.
 
 బాధ్యత గల పౌరులుగా మంచి నేతలను ఎన్నుకోవాలని సూచించారు. 2014 ఎన్నికల్లో గుంతకల్లు నియోజకవర్గంలో 65 శాతం పోలింగ్‌ నమోదైందని.. వచ్చే ఎన్నికల్లో 100 శాతం నమోదు కావాలన్నారు. అనంతరం విద్యార్థులతో ముఖాముఖి కార్యక్రమం నిర్వహించారు. కార్యక్రమంలో జిల్లా జాయింట్‌ కలెక్టర్‌ రమామణి, జెడ్పీ సీఈఓ సూర్యనారాయణ, ఆర్డీఓ మలోల, తహసీల్దార్‌ హరిప్రసాద్, ప్రిన్సిపల్‌ శ్రీనివాసులు, మున్సిపల్‌ డెలిగేట్‌ కమిషనర్‌ ఈశ్వరయ్య, ఏసీపీ శివనారాయణ, ఎంపీడీఓ శంకర్, గుత్తి డీటీ మునివేలు, అధ్యాపకులు, విద్యార్థులు పాల్గొన్నారు.


 ♦ జనవరి 1 నాటికి 18 సంవత్సరాలున్న వారికే ఓటు హక్కు
 ♦ సీఈవో భన్వర్‌లాల్‌ స్పష్టీకరణ
 
 సాక్షి, అమరావతి: నంద్యాల ఉప ఎన్నిక ఈ ఏడాది జనవరి 1వ తేదీన ప్రచురించిన ఓటర్ల జాబితా మేరకే జరుగుతాయని రాష్ట్ర ప్రధాన ఎన్నికల అధికారి భన్వర్‌ లాల్‌ తెలిపారు. ఆ తేదీ నాటికి 18 సంవత్సరాలు నిండినవారు ఆగస్టు 5వ తేదీ కన్నా పది రోజుల ముందు దరఖాస్తు చేసుకుని ఉంటే వారికి ఓటు హక్కు కల్పిస్తామని చెప్పారు. ఉప ఎన్నిక నేపథ్యంలో పక్క నియోజకవర్గాలకు చెందిన ఓటర్లను నంద్యాల నియోజ కవర్గంలో చేర్పించారనే ఆరోపణలున్నం దున నియోజకవర్గంలోని ఓటర్ల జాబితాలను రెండుసార్లు తనిఖీకి (డబుల్‌ వెరిఫికేషన్‌) ఆదేశించామన్నారు.
 
  ఈ ప్రక్రియ కొనసాగుతోందని, పక్క నియోజకవర్గాల ఓటర్లు ఉంటే వారి పేర్లు తొలగిస్తామ ని శుక్రవారం ఆయన ‘సాక్షి’కి తెలిపారు. పోలింగ్‌ రోజు ఫొటోతో కూడిన గుర్తింపు కార్డు ఉంటేనే ఓటు హక్కు వినియోగానికి అనుమతిస్తామని చెప్పారు. ఉప ఎన్నికలకు సంబంధించిన నిబంధనలను ఉద్యోగులు, అధికారులు ఎవరు అతిక్రమించినా కఠిన చర్యలు ఉంటాయని భన్వర్‌లాల్‌ హెచ్చరించారు. ఎన్నికల ప్రవర్తనా నియమావళి కర్నూలు జిల్లా అంతటా అమల్లో ఉంటుందని, ఇది ఈ నెల 27వ తేదీ నుంచే  అమల్లోకి వచ్చిందని తెలిపారు.


 రాష్ట్ర ముఖ్య ఎన్నికల అధికారి భన్వర్‌లాల్‌
  
 వేములవాడ: రాష్ట్రంలోని 83 నియోజకవర్గాల్లో 2017 నాటికి 18 ఏళ్ల వయస్సు నిండిన యువత తుది ఓటరు జాబితాను ఈనెల 30న విడుదల చేస్తామని రాష్ట్ర ముఖ్య ఎన్నికల అధికారి భన్వర్‌ లాల్‌ తెలిపారు. ఇక నుంచి జియో ట్యాగింగ్‌ పరిధిలోకి అన్ని నివాసాల ను తీసుకొస్తామని, తద్వారా ఆ ఇంట్లో కొత్తగా ఎవరూ ఓటరుగా పేరు నమోదు చేసుకున్నా తెలిసిపోతుందని చెప్పారు. సోమవారం ఆయన తన కుటుంబసభ్యులతో కలిసి రాజన్న సిరిసిల్ల జిల్లా వేములవాడ శ్రీ రాజరాజేశ్వరస్వామిని దర్శించుకున్నారు. అనంతరం విలేకరులతో మాట్లాడారు.
 
 అర్బన్‌ ప్రాంతాల్లోని 36 నియోజకవర్గాల్లో బూత్‌లెవల్‌ ఆఫీసర్లతో ఇంటెన్సివ్‌ రివిజన్‌ పేరుతో ఇంటింటా సర్వే చేయిస్తున్నట్లు చెప్పారు. దీంతో 1.10 కోట్ల ఓటర్ల తుది జాబితా విడుదల చేసే అవకాశం ఉందని చెప్పారు. ఈ విధానాన్ని గతంలోనే ఆంధ్రప్రదేశ్‌లోని 28 నియోజకవర్గాల్లో పూర్తి చేశామన్నారు. ఇకనుంచి ఒక కుటుంబంలోని ఓటర్లందరూ ఒకే పోలింగ్‌ బూత్‌లో ఓటు హక్కు వినియోగించుకునేలా చర్యలు తీసుకుంటున్నామని అన్నారు.


 ♦ బ్యాలెట్‌ పేపర్‌లో అభ్యర్థుల ఫొటోలు తారుమారు
 ♦ ఈసీ సూచన మేరకు రద్దు చేస్తున్నట్లు ప్రకటించిన భన్వర్‌లాల్‌
 
 సాక్షి, హైదరాబాద్‌: మహబూబ్‌నగర్‌– రంగారెడ్డి–హైదరాబాద్‌ ఉపాధ్యాయ నియో జకవర్గం ఎమ్మెల్సీ ఎన్నిక కోసం నిర్వహించిన పోలింగ్‌ అనూహ్యంగా రద్దయింది. గురు వారం జరిగిన ఈ పోలింగ్‌లో ఉపయోగించిన బ్యాలెట్‌ పేపర్‌లో ఇద్దరు అభ్యర్థుల ఫొటోలు తారుమారు కావడం దీనికి కారణమైంది. దీంతో కేంద్ర ఎన్నికల సంఘం ఆదేశాల మేరకు ఈ నెల 19న (ఆదివారం) తిరిగి పోలింగ్‌ నిర్వహించనున్నట్లు రాష్ట్ర ఎన్నికల ప్రధాన అధికారి భన్వర్‌లాల్‌ ప్రకటించారు.
 
 పోలింగ్‌ మొదలయ్యాక గుర్తింపు..
 రాష్ట్రంలోని ఎనిమిది కొత్త జిల్లాల పరిధిలో ఉన్న 126 పోలింగ్‌ కేంద్రాల్లో గురువారం ఉదయం 8 గంటలకు ఎమ్మెల్సీ ఎన్నిక పోలింగ్‌ మొదలైంది. మొత్తం 23,789 మంది ఓటర్లు ఉండగా.. ఓటు వేసేందుకు ఉదయం నుంచే పెద్ద సంఖ్యలో బారులు తీరారు. తీరా పోలింగ్‌ మొదలయ్యాక బ్యాలెట్‌ పేపర్‌లో మూడో నంబర్‌లో ఉన్న అభ్యర్థి ఆది లక్ష్మయ్య, తొమ్మిదో నంబర్‌లో ఉన్న పి.మాణిక్‌రెడ్డి ఫొటోలు తారుమారైనట్లు గుర్తించడంతో.. గందరగోళం మొదలైంది. అభ్యర్థులతోపాటు ఎన్నికల ఏజెంట్లు, అధికారులు వెంటనే దీనిపై ఎన్నికల కమిషన్‌కు ఫిర్యాదు చేశారు. బ్యాలెట్‌ పేపర్ల ముద్రణలో ఈ తప్పు జరిగినట్లు నిర్ధారించిన సీఈవో భన్వర్‌లాల్‌.. వెంటనే కేంద్ర ఎన్నికల కమిషన్‌ దృష్టికి తీసుకెళ్లారు.
 
  ఎన్నికల కమిషన్‌ నుంచి తదుపరి ఆదేశాలు అందేంత వరకు అన్ని కేంద్రాల్లో పోలింగ్‌ను యథాతథంగా నిర్వహించారు. దాంతో ఈ ఎన్నిక రద్దవుతుందా.. లేదా అనే ఉత్కంఠ కొనసాగింది. మధ్యాహ్నం 12 గంటల వరకే ఈ ఉపాధ్యాయ నియోజకవర్గంలో దాదాపు 51 శాతం పోలింగ్‌ నమోదైంది కూడా. ఈలోగా ఎన్నికను రద్దు చేయవద్దంటూ కొందరు, రద్దు చేయాలని కొందరు అభ్యర్థులు పోటాపోటీగా ఎన్నికల కమిషన్‌కు వినతి పత్రాలు అందించారు. అయితే చివరికి కేంద్ర ఎన్నికల కమిషన్‌ నుంచి అందిన ఆదేశాల మేరకు ఎన్నికను రద్దు చేస్తున్నట్లు సాయంత్రం ఆరు గంటల సమయంలో భన్వర్‌లాల్‌ ప్రకటించారు. 19వ తేదీన రీపోలింగ్‌ నిర్వహిస్తామని.. ఓటర్లు తిరిగి తమ ఓటు హక్కును వినియోగించుకోవాలని విజ్ఞప్తి చేశారు.
 
 
 విచారణకు ఆదేశించిన ఈసీ
 బ్యాలెట్‌ పేపర్‌లో అభ్యర్థుల ఫొటోలు తారుమారు కావడంపై కేంద్ర ఎన్నికల సంఘం విచారణకు ఆదేశించింది. ఎక్కడ పొరపాటు జరిగింది, ఎవరు బాధ్యులనే అంశాలతో వెంటనే నివేదిక ఇవ్వాలని సీఈవో భన్వర్‌లాల్‌ను ఆదేశించింది. మహబూబ్‌ నగర్‌–రంగారెడ్డి–హైదరాబాద్‌ ఉపాధ్యాయ నియోజకవర్గంలో మొత్తం 12 మంది అభ్యర్థులు బరిలో ఉన్నారు. తొలిసారిగా బ్యాలెట్‌ పేపర్‌లో అభ్యర్థుల పేర్లతో పాటు వారి ఫొటోలను ముద్రించారు. కానీ ఇద్దరు అభ్యర్థుల ఫొటోలు తారుమారయ్యాయి. ఈ చిన్న పొరపాటుతో మళ్లీ ఎన్నికలు నిర్వహిం చాల్సి రావటంతో పాటు పోలింగ్‌ నిర్వహ ణకు వెచ్చించిన దాదాపు రూ.2 కోట్లు వృథా అయ్యాయి. మళ్లీ అంత ఖర్చు చేసి, ఎన్నిక నిర్వహించాల్సి రానుంది.
 
 ముద్రణలోనే తప్పిదం..
 ‘‘బ్యాలెట్‌ పేపర్‌ ముద్రణ సమయంలోనే తప్పిదం జరిగింది. ముందు మాకు పంపించిన ప్రూఫ్‌లో అక్షరాల తప్పులు తప్ప ఫొటోలన్నీ సరిగ్గానే ఉన్నాయి. అక్షరాల్లో తప్పులు దిద్ది సవరించిన రెండో ప్రూఫ్‌లో ఫొటోలు తారుమారయ్యాయి. అక్షరాల్లో తప్పులు సరిచేశారా.. లేదా.. అని చూసుకున్న అధికారులు ఫోటోలు మారడాన్ని గమనించక పోవడంతో తప్పు దొర్లింది. చివరకు బ్యాలెట్‌ పేపర్లు సరిగా ఉన్నాయా.. లేదా అని పరిశీలించాల్సిన రిటర్నింగ్‌ అధికారి సైతం గుర్తించలేదు. చంచల్‌గూడ ప్రింటింగ్‌ ప్రెస్‌లో బ్యాలెట్ల ముద్రణ జరిగింది. మేం సరిగ్గా పంపిన ఫొటోలు ఎందుకు మారాయి, అక్కడి సిబ్బంది ప్రమేయమేమైనా ఉందా, దీనికి బాధ్యులెవరనే దానిపై విచారణ జరిపి.. ఈసీకి నివేదిస్తాం. ఈసీ ఆదేశాల మేరకు చర్యలు తీసుకుంటాం..’’    
 
 – రాష్ట్ర ఎన్నికల ప్రధానాధికారి భన్వర్‌లాల్‌
  


 హైదరాబాద్‌: ఉపాధ్యాయ ఎమ్మెల్సీ ఎన్నకల్లో బ్యాలెట్‌ పేపర్‌పై దొర్లిన తప్పుల గురించి ఎన్నికల కమిషనర్‌ భన్వర్‌లాల్‌ స్పందించారు. మహబూబ్ నగర్, రంగారెడ్డి, హైదరాబాద్ టీచర్స్ ఎమ్మెల్సీ ఎన్నికల్లో ఫోటో తారుమారు పై కేంద్ర ఎన్నికల సంఘానికి ఫిర్యాదు చేశామన్నారు. మొదటి ప్రూఫ్‌లో కేవలం స్ఫెల్లింగ్‌ మిస్టేక్‌ మాత్రమే ఉంది. రెండో ప్రూఫ్‌లో ఫోటోలు తారుమారు అయ్యాయి. దీనిపై పూర్తి స్థాయి విచారణ చేస్తున్నాం.. బాధ్యులపై కఠిన చర్యలు తీసుకుంటామన్నారు.
  
 రెండవ ప్రూఫ్‌ నాటికి నేను విదేశి పర్యటనలో ఉన్నాను. అప్పుడు ఏమైందో తెలియాల్సి ఉందన్నారు. ఇదిలా ఉండగా.. ఈ విషయంపై భన్వర్‌లాల్‌ను కలిసిన యూటీఎఫ్‌ నేతలు అధికార పార్టియే ఈ సంఘటనకు బాధ్యత వహించాలన్నారు. ఓడిపోతామనే ఇలాంటి చర్యలకు పాల్పడిందని రిపోలింగ్‌కు ఆదేశం ఇవ్వకపోతే ప్రత్యక్ష ఆందోళనకు దిగుతామని హెచ్చరించారు. 


 వికారాబాద్: వికారాబాద్ జిల్లాలో గురువారం ఉదయం ప్రారంభమైన ఉపాధ్యాయ నియోజకవర్గ ఎమ్మెల్సీ ఎన్నిక బ్యాలెట్ పేపర్‌లో తప్పులు దొర్లాయి. అభ్యర్థి లక్ష్మయ్య ఫొటో పక్కన మాణిక్ రెడ్డి పేరు ముద్రించడంతోపాటు మాణిక్‌రెడ్డి ఫొటో పక్కనే మరో అభ్యర్థి లక్ష్మయ్య పేరు ముద్రించారు.
 
 దీంతో టీఎస్‌యూటీఎఫ్ అభ్యర్థి మాణిక్ రెడ్డి బ్యాలెట్ పేపర్‌ను తిరిగి ముద్రించాలని డిమాండ్ చేశారు. పోలింగ్ రద్దు చేయాలని రిటర్నింగ్ అధికారిని కోరారు.ఇరువురు అభ్యర్థులు ఈ విషయమై ఎన్నికల ప్రధానాధికారి భన్వర్‌లాల్‌కు ఫిర్యాదు చేశారు. ఈ నేపథ్యంలో ఆయన మాట్లాడుతూ బ్యాలెట్‌లో అభ్యర్థుల ఫొటోలు మారాయన్నారు. పోలింగ్‌ కొనసాగిస్తామని, దీనిపై ఎన్నికల కమిషనకు నివేదికలు పంపుతున్నామని భన్వర్‌లాల్‌ తెలిపారు.
 పోలింగ్‌ నిలిపివేయాలంటూ ముషీరాబాద్‌ పోలీంగ్‌ బూతు వద్ద ఆందోళన చేస్తున్న టీఎస్‌యూటీఎఫ్‌ ప్రధాన కార్యదర్శి చావ రవి, రాష్ట్ర కార్యదర్శి రాందాసు, రామకృష్ణ తదితరులను పోలీసులు అరెస్టు చేశారు. కాగా అరెస్టు చేసిన వారిన వెంటనే విడుదల చేయాలని, వెంటనే పోలింగ్‌ నిలిపివేయాలని వరంగల్‌ రూరల్‌ టీఎస్‌ యూటీఎఫ్‌ డిమాండ్‌ చేసింది. 
  


 రాష్ట్ర ఎన్నికల ప్రధాన అధికారి భన్వర్‌లాల్‌
 
 భీమారం: రాష్ట్రంలో కొత్త జిల్లాలు ఏర్పాటైన దృష్ట్యా ఓటరు జాబితా సవరణ కోసం త్వరలోనే నోటిఫికేషన్‌ జారీ చేస్తామని రాష్ట్ర ఎన్నికల ప్రధాన అధికారి భన్వర్‌ లాల్‌ తెలిపారు. జాతీయ ఓటర్ల దినోత్సవం సందర్భంగా వరంగల్‌ అర్బన్‌ జిల్లా భీమారంలోని ఎస్‌వీఎస్‌ ఇంజనీరింగ్‌ కళాశాలలో ‘ఓటు హక్కు వినియోగం’పై విద్యార్థులకు శుక్రవారం అవగాహన సదస్సు ఏర్పాటు చేశారు.
 
 ఈ సదస్సులో పాల్గొన్న అనం తరం భన్వర్‌లాల్‌ విలేకరులతో మాట్లాడుతూ 1 జనవరి 2017 వరకు 18 ఏళ్లు నిండిన ప్రతి ఒక్కరూ ఓటర్ల జాబితాలో పేర్లు నమోదు చేసుకోవాలని సూచించారు. ఓటరు నమోదుపై చైతన్య పరచడానికి విద్యార్థులతో ముఖాముఖి నిర్వహిస్తున్నా మని, వారి సూచనలు పరిశీలిస్తామని భన్వర్‌లాల్‌ తెలిపారు.


 సాక్షి, జనగామ: ‘విద్యార్థుల్లారా మీతోనే దేశ, రాష్ట్ర భవిష్యత్‌ ఆధారపడి ఉంది. మీరు కాబోయే ఓటర్లు కాబట్టే ఓటు హక్కుపై చైతన్యం కల్పిస్తున్నాం. ఎన్నికలపై విద్యార్థి దశ నుంచే అవగాహన కల్పిం చడం కోసమే ఈ మహత్తర కార్యక్రమానికి శ్రీకారం చుట్టాం’ అని రాష్ట్ర ఎన్నికల ప్రధానాధికారి భన్వర్‌లాల్‌ అన్నారు. ఈనెల 25న జరగనున్న జాతీయ ఓటరు దినోత్స వాన్ని పురస్కరించుకొని జనగామ జిల్లా కేంద్రంలోని జడ్పీ హెచ్‌ఎస్‌ పాఠశాల ఆవరణలో గురువారం విద్యార్థులతో ఆయన ముఖాముఖి  నిర్వహించారు. కలెక్టర్‌ శ్రీదేవసేన అధ్యక్షతన జరిగిన ముఖాముఖిలో భన్వర్‌లాల్‌ మాట్లా డుతూ ఓటు హక్కు సరిగా వినియోగించుకు న్నప్పుడే భవిష్యత్‌ తరాలు బాగుంటాయ న్నారు. ఒకరి బదులుగా మరొకరు ఓటు వేయకుండా నిరోధించడం కోసం రాబోయే రోజుల్లో ఈ–ఓటింగ్‌ విధానం అమలు చేసే యోచన ఉందన్నారు. 2019 ఎన్నికల్లో ఈవీఎంతోపాటు ప్రింటింగ్‌ స్లిప్‌ వచ్చే విధంగా ఏర్పాట్లు చేస్తున్నామని ఆయన చెప్పారు.  ఈనెల 25న ఏడో జాతీయ ఓటరు దినోత్సవాన్ని ఘనంగా నిర్వహించడం కోసం ఏర్పాట్లు చేస్తున్నామన్నారు. రాష్ట్రంలోని 30వేల పోలింగ్‌ కేంద్రాల్లో ఓటరు దినోత్సవాన్ని నిర్వహిస్తున్నారని చెప్పారు. గ్రామస్థాయి నుంచి 31 జిల్లా కేంద్రాల వరకు ముగ్గుల   పోటీలను నిర్వహిస్తామని తెలిపారు.


 మంత్రాలయం: కర్నూలు జిల్లా మంత్రాలంలోని శ్రీ రాఘవేంద్రస్వామిని  ఎన్నికల సంఘం ప్రధాన అధికారి భన‍్వర్‌లాల్ దర్శించుకున్నారు. మంగళవారం ఉదయం మంత్రాలయం వచ్చిన ఆయనకు ఆలయ అధికారులు, అర‍్చకులు ఆలయ మర్యాదలతో స్వాగతం పలికారు. భన్వర్‌ లాల్‌ స్వామివారికి ప్రత్యేక పూజలు చేశారు. దర్శనం అనంతరం అధికారులు తీర్థ ప్రసాదాలు అందజేశారు


 కదిరి : రాష్ట్ర ఎన్నికల ప్రధానాధికారి భన్వర్‌లాల్‌ దంపతులు సోమవారం ఖాద్రీ లక్ష్మీ నరసింహస్వామిని దర్శించుకున్నారు. వీరికి ఆలయ ప్రధాన అర్చకులు పూర్ణకుంభంతో స్వాగతం పలికారు. వారు ఆలయం చుట్టూ ప్రదక్షిణ చేసి స్వామిని దర్శించుకొన్నారు. నారసింహుని దర్శనం తన పూర్వజన్మ సుకృతమని భన్వర్‌లాల్‌ అన్నారు. అనంతరం ఆయన మంత్రాలయం బయలుదేరి వెళ్లారు.
  
  


 వేములవాడ: వేములవాడలో కొలువుదీరిన రాజరాజేశ్వర స్వామిని రాష్ట్ర ఎన్నికల ప్రధాన కమిషనర్ భన్వర్‌లాల్ బుధవారం దర్శించుకున్నారు. ఆయల అర్చకులు ఆయనకు పూర్ణకుంభంతో స్వాగతం పలికారు. కుటుంబ సభ్యులతో కలిసి స్వామివారికి ప్రత్యేక పూజలు నిర్వహించారు. ఈ సందర్భంగా జిల్లా కలెక్టర్, ఎస్పీలు ఆయనను మర్యాద పూర్వకంగా కలిశారు. 


 సాక్షి, తిరుమల: 2017 జనవరి 1వ తేదీ నాటికి 18 ఏళ్ల వయసు నిండిన వారు కొత్త ఓటర్లుగా నమోదు చేసుకోవాలని రాష్ట్ర ఎన్నికల ప్రధాన అధికారి భన్వర్‌లాల్‌ పిలుపునిచ్చారు. ఈ ప్రక్రియ ఈ అక్టోబర్‌ 31వ తేదీ నుంచి ప్రారంభిస్తామని ఆయన తిరుమలలో వెల్లడించారు. బుధవారం తలనీలాలు సమర్పించి శ్రీవారిని దర్శించుకున్నారు.  కొత్త ఓటర్ల నమోదు ప్రక్రియ అన్ని మండల కేంద్రాలు, ఆర్డీవో, సబ్‌ కలెక్టర్, జిల్లా కలెక్టర్‌ కార్యాలయాల వద్ద ఏర్పాటు చేస్తామని ఆయన అన్నారు.


 హైదరాబాద్: ఆంధ్రప్రదేశ్, తెలంగాణ నుంచి రాజ్యసభకు అభ్యర్థులు దాఖలు చేసిన నామినేషన్లు సక్రమంగానే ఉన్నాయని ఎన్నికల ప్రధాన అధికారి భన్వర్ లాల్ ధ్రువీకరించారు. బుధవారం ఉదయం 11 గంటలకు ఆయన అభ్యర్థుల నామినేషన్ పత్రాలను పరిశీలించారు. నామినేషన్లు సక్రమంగానే ఉన్నాయని, వాటిని ఆమోదిస్తున్నామని భన్వర్ లాల్ వెల్లడించారు.
 
 శుక్రవారం మధ్యాహ్నం 3 గంటల వరకు నామినేషన్ల ఉపసంహరణ గడువు ఉంది. తర్వాత ఎన్నికలపై అధికారిక ప్రకటన వెలువడనుంది. రెండు తెలుగు రాష్ట్రాల్లోనూ రాజ్యసభ అభ్యర్థులు ఏకగ్రీవంగా ఎన్నిక కానున్నారు. ఏపీ నుంచి నలుగురు, తెలంగాణ నుంచి ఇద్దరు నామినేషన్లు దాఖలు చేశారు.
 
 వైఎస్సార్ సీపీ అభ్యర్థిగా వి.విజయసాయిరెడ్డి నామినేషన్ వేశారు. బీజేపీ, టీడీపీ అభ్యర్థులుగా కేంద్ర రైల్వే మంత్రి సురేశ్ ప్రభు, కేంద్ర మంత్రి వై. సుజనాచౌదరి, రాష్ట్ర మాజీ మంత్రి టీజీ వెంకటేష్ నామినేషన్లు వేశారు. తెలంగాణలో అధికార టీఆర్ఎస్ తరపున డి. శ్రీనివాస్, కెప్టెన్ లక్ష్మీకాంతరావు నామినేషన్లు దాఖలు చేశారు.


 హైదరాబాద్: రాజ్యసభ ఎన్నికల నేపథ్యంలో ఒక అభ్యర్థిని గెలిపించుకునేందుకు అవసరమైన సంఖ్య కంటే ఎక్కువ బలం తమకుందని వైఎస్సార్‌సీపీ సీనియర్ నేత, ఎమ్మెల్సీ ఉమ్మారెడ్డి వెంకటేశ్వర్లు స్పష్టం చేశారు. అందుకే వైఎస్సార్ కాంగ్రెస్ పార్టీ రాష్ట్ర ప్రధాన కార్యదర్శి విజయసాయిరెడ్డిని పోటీలో నిలిపినట్టు ఆయన వెల్లడించారు.  ఉమ్మారెడ్డి వెంకటేశ్వర్లు, విజయసాయిరెడ్డి సోమవారం హైదరాబాద్లో ప్రధాన ఎన్నికల అధికారి భన్వర్‌లాల్ను కలిశారు.
 
 ఈ సందర్భంగా ముఖ్యమంత్రి చంద్రబాబు నాయుడు ఫిరాయింపు రాజకీయాలపై కూడా ఫిర్యాదు చేశారు. సరిపోయేంత బలం ఉండబట్టే తాము రాజ్యసభ ఎన్నికల్లో పోటీ చేస్తున్నామని ఉమ్మారెడ్డి తెలిపారు. బలం లేకుండా పోటీ చేస్తే తెలంగాణలో ఏంజరిగిందో అందరికీ తెలుసని ఆయన అన్నారు. నాలుగో అభ్యర్థికి సరిపోయేంత బలం లేకపోయినా టీడీపీ పోటీ చేయడం అనైతికమన్నారు. ఒక అభ్యర్ధిని గెలిపించుకునేందుకు అవసరమైన సంఖ్య కంటే..ఎక్కువ బలం వైఎస్ఆర్‌ సీపీకి ఉందన్నారు. 


 తిరుమల: తిరుమల శ్రీవారిని పలువురు ప్రముఖులు  సోమవారం దర్శించుకున్నారు.  హైదరాబాద్ నగర మేయర్ బొంతు రామ్మోహన్ కుటుంబసమేతంగా వీఐపీ విరామ సమయంలో స్వామిని దర్శించుకున్నారు.  అనంతరం ఆంధ్రప్రదేశ్ శాసన మండలి డిప్యూటీ చైర్మన్ సతీష్ కుమార్ రెడ్డి , రాష్ట్ర ప్రధాన ఎన్నికల అధికారి భన్వర్ లాల్, చాముండేశ్వరి నాథ్ లు కూడా ఏడుకొండలవాడి సేవలో పాల్గొన్నారు. దర్శన అనంతరం వారికి ఆలయ అధికారులు తీర్థ ప్రసాదాలు అందజేశారు.


 మహానంది: కర్నూలు జిల్లా మహానందిలోని శ్రీ కామేశ్వరి దేవి సహిత మహా నందీశ్వరుడి ఆలయాన్ని తెలుగు రాష్ట్రాల ప్రధాన ఎన్నికల అధికారి భన్వర్‌లాల్ దర్శించుకున్నారు.  సోమవారం ఉదయం కుటుంబ సమేతంగా ఆలయానికి వచ్చిన ఆయనకు ఆలయ అధికారులు స్వాగతం పలికారు. ఈ సందర్భంగా ఆయన స్వామివారికి ప్రత్యేక పూజలు నిర్వహించి అమ్మవారికి చీర బహుకరించారు. పూజల అనంతరం అర్చకులు తీర్థప్రసాదాలు అందించారు. 


 ♦ రాజకీయ పార్టీలతో ఎన్నికల కమిషన్ బృందం సమావేశం
 ♦ ఆధారాలు, విజ్ఞాపనలను స్వీకరించిన కమిటీ
 ♦ సోమేశ్‌కుమార్, భన్వర్‌లాల్,సీఎం కేసీఆర్‌పై చర్యలకు పార్టీల డిమాండ్
  
  సాక్షి, హైదరాబాద్: రాజకీయ దురుద్దేశంతో, టీఆర్‌ఎస్ అధికార దాహంతోనే గ్రేటర్ హైదరాబాద్ పరిధిలో దాదాపు 30 లక్షల ఓట్లు జాబితా నుంచి తొలగించారంటూ ప్రతిపక్షాలు ఎన్నికల కమిషన్ బృందానికి తెలిపాయి. గ్రేటర్‌లో ఓట్ల తొలగింపుపై ఫిర్యాదు మేరకు విచారణ జరిపేందుకు హైదరాబాద్ వచ్చిన 14 మంది సభ్యులతో కూడిన ఎన్నికల సంఘం బృందం శనివారం ఎంసీఆర్‌హెచ్‌ఆర్‌డీలో అన్ని రాజకీయపార్టీలతో సమావేశమైంది. ఆయా పార్టీల ప్రతినిధులతో సుదీర్ఘంగా విచారణ చేపట్టింది. ఓట్ల తొలగింపునకు సంబంధించి ఆధారాలను, విజ్ఞాపనలను కమిటీ స్వీకరించింది. అన్ని పార్టీల ప్రతినిధులతో ఒకేసారి కాకుండా, అక్షర క్రమంలో ఒక్కొక్క పార్టీకి చెందిన ప్రతినిధులనే పిలిచి ప్రత్యేకంగా విచారించారు. విచారణ సమయంలో రాష్ట్రానికి చెందిన అధికారులెవరినీ లోపలకు అనుమతించలేదు. కాగా, కమిటీని కలసిన వారిలో కాంగ్రెస్‌కు చెందిన మాజీ ఎమ్మెల్యే మర్రి శశిధర్‌రెడ్డి, ఎమ్మెల్సీ ప్రభాకర్, బీజేపీ మాజీ అధ్యక్షుడు ఇంద్రసేనారెడ్డి, ఎమ్మెల్సీ రాంచందర్‌రావు, సీపీఐ కార్యదర్శివర్గ సభ్యుడు రాం నర్సింహరావు, సీపీఎం కార్యదర్శివర్గ సభ్యుడు డి.జి.నర్సింగరావు, ఎంఐఎం ఎమ్మెల్సీ జాఫ్రీ, టీఆర్‌ఎస్ ఎమ్మెల్సీలు పల్లా రాజేశ్వర్‌రెడ్డి, శ్రీనివాసరెడ్డి, టీడీపీ ఎమ్మెల్యేలు మాగంటి గోపీనాథ్, వివేకానంద, అరికెపూడి గాంధీ, రంగారెడ్డి జిల్లా అధ్యక్షుడు ప్రకాశ్ తదితరులున్నారు. విపక్షాలను దెబ్బతీసేందుకు చేసిన ఈ ఓట్ల తొలగింపు ప్రక్రియలో జిల్లా ఎన్నికల అధికారి సోమేశ్‌కుమార్, రాష్ట్ర ఎన్నికల అధికారి భన్వర్‌లాల్ పాత్రధారులు కాగా, ముఖ్యమంత్రి కేసీఆర్ ప్రధాన సూత్రధారి అని ప్రతిపక్ష పార్టీల సభ్యులు కమిటీకి నివేదించారు.
  బృందాలుగా విడిపోయి విచారణ
  గ్రేటర్ హైదరాబాద్‌లో జీహెచ్‌ఎంసీ అధికారులు భారీగా ఓట్లు తొలగించారంటూ కేంద్ర ఎన్నికల సంఘానికి అందిన ఫిర్యాదుల్లో ఎంతవరకు వాస్తవముందో తేల్చేందుకు ఉన్నతాధికారులతో కూడిన బృందాలు శనివారం సనత్‌నగర్, జూబ్లీహిల్స్, ఖైరతాబాద్ అసెంబ్లీ నియోజవర్గాల్లో విచారణ చేపట్టాయి. పశ్చిమబంగా ముఖ్య ఎన్నికల అధికారి సునీల్‌గుప్తా ఆధ్వర్యంలో నగరానికి వచ్చిన అధికారులు మరికొంత మంది ఎన్నికల అధికారులతో కలసి ఓటరు జాబితాలను పరిశీలించారు. ఓట్లను తొలగించినట్టు ప్రధాన ఆరోపణలు వచ్చిన సనత్‌నగర్ నియోజకవర్గంలో మూడు టీంలుగా ఎన్నికల సంఘం అధికారులు విచారణ చేపట్టారు. షిఫ్టింగ్‌లు, డోర్‌లాక్‌ల పేరుతో ఓటర్లను తొలగించారని వారికి ఇచ్చిన ఫిర్యాదు ఆధారంగా సనత్‌నగర్ ఎస్‌ఆర్‌టీ, కైలాస్ నగర్, బాపూనగర్, అమీర్‌పేట్‌కు చెందిన ఓటర్ల ఇళ్లకు వెళ్లి జాబితాను, ఓటరు గుర్తింపు కార్డులను పరిశీలించారు. ఒక్కో టీంకు ఒక్కో డాకెట్ కింద 12 నుంచి 20 మంది ఓటర్ల వద్దకు వెళ్లి వారి అభిప్రాయాలను సేకరించారు. ఆరోపణలు వచ్చిన జూబ్లీహిల్స్ నియోజకవర్గంలోని యూసుఫ్‌గూడ డివిజన్ శ్రీకృ ష్ణానగర్‌లో ఫిర్యాదులను పరిశీలించి ఓట్ల తొలగింపు వ్యవహారంపై తనిఖీలు నిర్వహించారు. ఖైరతాబాద్ నియోజకవర్గంలోని వివిధ ప్రాంతాల్లో అధికారులు విచారణ జరిపారు.
  
  రంగారెడ్డి కలెక్టరేట్‌లో భేటీ
  సాక్షి, రంగారెడ్డి జిల్లా: గ్రేటర్‌లో లక్షల ఓట్ల తొలగింపు ఘటనపై విచారణకు కేంద్రం నుంచి వచ్చిన బృందం శనివారం సాయంత్రం రంగారెడ్డి జిల్లా కలెక్టరేట్‌లో సమావేశం నిర్వహించింది. ఈ సమావేశంలో జీహెచ్‌ఎంసీ కమిషనర్ జనార్దన్‌రెడ్డితోపాటు కలెక్టర్ రఘునందన్‌రావు, మెదక్ కలెక్టర్ రోనాల్డ్‌రాస్ ఎన్నికల రిటర్నింగ్ అధికారులు పాల్గొన్నారు. జీహెచ్‌ఎంసీలో ఉన్న 24 నియోజకవర్గాలకు చెందిన ఓటర్ల జాబితాను సమీక్షించారు. లక్షల సంఖ్యలో ఓట్లు తొలగింపుపై క్షేత్రస్థాయిలో పరిశీలన చేయాలని నిర్ణయించుకున్నారు. ఈ ప్రక్రియ రెండు మూడు రోజులు కొనసాగనుందని సమాచారం.


 ► తెలంగాణ, ఏపీ రాష్ట్రాల ప్రధాన ఎన్నికల అధికారి భన్వర్‌లాల్
 ► ఓటర్ల సవరణను సద్వినియోగం చేసుకోండి.. తప్పులుంటే మార్చుకోండి
 ► నవంబర్ 4 వరకు ఓటర్ల సవరణ.. కొత్త ఓటర్లకు అవకాశం
 ► నియోజకవర్గాలవారీగా ముసాయిదా జాబితాల ప్రచురణ
 ► తెలంగాణలో 2.54 కోట్ల మంది, ఏపీలో 3.51 కోట్ల మంది ఓటర్లు
 ► ఎమ్మెల్సీ ఎన్నికలకు త్వరలో నోటిఫికేషన్ విడుదలయ్యే అవకాశం
  
 సాక్షి, హైదరాబాద్: ఓటర్ల జాబితాల సవరణ.. కొత్త ఓటర్ల నమోదు అవకాశాన్ని సద్వినియోగం చేసుకోవాలని ఆంధ్రప్రదేశ్, తెలంగాణ రాష్ట్రాల ప్రధాన ఎన్నికల అధికారి భన్వర్‌లాల్ విజ్ఞప్తి చేశారు. సోమవారం నుంచి మొదలైన ఈ ప్రక్రియ వచ్చే నెల 4వ తేదీ వరకు కొనసాగుతుందన్నారు. మంగళవారం ఏర్పాటు చేసిన విలేకరుల సమావేశంలో అందుకు సంబంధించిన వివరాలను ఆయన వెల్లడించారు. షెడ్యూలు ప్రకారం రెండు రాష్ట్రాల్లోనూ నియోజకవర్గాల వారీగా ఓటర్ల ముసాయిదా జాబితాలను ప్రచురించినట్లు చెప్పారు. తెలంగాణలో 2.54 కోట్ల మంది, ఆంధ్రప్రదేశ్‌లో 3.51 కోట్ల మంది ఓటర్లు ఉన్నారన్నారు. 2016 జనవరి 1వ తేదీ వరకు 18 ఏళ్లు నిండే వారందరూ కొత్తగా ఓటు హక్కుకు దరఖాస్తు చేసుకునేందుకు అర్హులవుతారని తెలిపారు.
  
 కొత్త ఓటర్లతో పాటు ఇప్పటివరకు ఓటు హక్కు లేని వారు దరఖాస్తు చేసుకోవాలని సూచించారు. ఇప్పటికే జాబితాల్లో ఉన్న ఓటర్లు తమ పేర్లు, చిరునామాల్లో మార్పులుంటే సవరించుకోవాలన్నారు. ఓటర్లు ఆన్‌లైన్‌లో తమ దరఖాస్తులు సమర్పించే వీలుందని, రెవెన్యూ కార్యాలయాల్లో నేరుగా దరఖాస్తులు అందించవచ్చని చెప్పారు. ఖాళీగా ఉన్న వరంగల్ లోక్‌సభ స్థానం పరిధిలోని నియోజకవర్గాలు, నారాయణ్‌ఖేఢ్ నియోజకవర్గంలోనూ ఓటర్ల సవరణకు వీలుందన్నారు. నోటిఫికేషన్ వచ్చేలోగా ఈ అవకాశాన్ని సద్వినియోగం చేసుకోవాలని కోరారు. స్థానిక సంస్థల ఎమ్మెల్సీ ఎన్నికల నోటిఫికేషన్ త్వరలోనే వెలువడే అవకాశం ఉందన్నారు. కేంద్ర ఎన్నికల సంఘం ఎమ్మెల్సీ ఓటర్ల జాబితాలను పంపాలని కోరిందని, 3 రోజుల్లో పంపుతామని చెప్పారు.
  
  గ్రేటర్‌లో 6.3 లక్షల ఓట్లు తొలగింపు
  గ్రేటర్ హైదరాబాద్ పరిధిలో చేపట్టిన ఇంటింటి సర్వే ఆధారంగా 6.3 లక్షల ఓట్లను జాబితా నుంచి తొలగించినట్లు భన్వర్‌లాల్ చెప్పారు. వీరితో పాటు మరో 19 లక్షల మంది ఓటర్లకు షోకాజ్ నోటీసులు జారీ చేశామన్నారు. ఈ జాబితాలను అన్ని రాజకీయ పార్టీల ప్రతినిధులకు అందించామని, ఈ నెల 8 నుంచి ఇంటింటి సర్వే చేపట్టి వీటిని పరిశీలిస్తామన్నారు. పార్టీల తరఫున బూత్ లెవల్ ఏజెంట్లను పంపించాలని కోరామని.. వారు సహకరిస్తే ఓట్ల తొలగింపుతో పాటు అర్హులైన ఓటర్ల పేర్లు గల్లంతవకుండా ఈ ప్రక్రియ సజావుగా సాగుతుందని చెప్పారు. అకారణంగా ఓటర్లను జాబితాలో నుంచి తొలగించినట్లు తేలితే బాధ్యులైన అధికారులపై చర్యలు తీసుకుంటామన్నారు. ఎవరైనా ఓటర్ల జాబితాల్లో తమ పేరు తొలిగించినట్లు గుర్తిస్తే తమ దృష్టికి తీసుకురావాలని.. వారి పేర్లను పునరుద్ధరిస్తామని భరోసా ఇచ్చారు.
  
  రెండు రోజుల్లో ప్రత్యేక సవరణ
  ఈ నెల 11, నవంబర్ 1న ఉదయం నుంచి సాయంత్రం వరకు ఓటర్ల సవరణకు ప్రత్యేకంగా ఏర్పాట్లు చేస్తున్నట్లు భన్వర్‌లాల్ తెలిపారు. సంబంధిత పోలింగ్ కేంద్రాల్లోనే బూత్ లెవల్ ఆఫీసర్లు అందుబాటులో ఉంటారని.. అక్కడే దరఖాస్తులు సమర్పించే వీలు కల్పించినట్లు చెప్పారు. ఓటర్లు తమ పేర్లు జాబితాలో ఉన్నాయా.. లేదా తెలుసుకునేందుకు వీలుగా పంచాయతీ కార్యాలయాలు, మండల రెవెన్యూ కార్యాలయం, డివిజన్ కేంద్రాల్లో ఓటర్ల జాబితాలను అందుబాటులో ఉంచినట్లు చెప్పారు. 8790499899 ఫోన్ నంబర్‌కు ఎస్‌ఎంఎస్ పంపి ఓటు వివరాలను తెలుసుకునే వీలుందన్నారు. ఓట్ అని టైప్ చేసి స్పేస్ ఇచ్చి తమ గుర్తింపు కార్డు నంబర్‌ను.. ఈ నంబర్‌కు పంపిస్తే క్షణాల్లోనే వివరాలు అందుతాయన్నారు.
  
  ఓటర్ల జాబితాల్లో అవకతవకలు
  భన్వర్‌లాల్‌కు అఖిలపక్షం ఫిర్యాదు
  సాక్షి, హైదరాబాద్: ఓటర్ల జాబితాల్లో అవకతవకలకు పాల్పడ్డ అధికారులపై చర్యలు తీసుకోవాలని అఖిలపక్ష నేతలు భన్వర్‌లాల్‌కు ఫిర్యాదు చేశారు. గ్రేటర్ హైదరాబాద్‌లో 6.30 లక్షల ఓట్లను తొలగించారని, మరో 19 లక్షల ఓటర్లకు నోటీసులు ఇచ్చారని ఆందోళన వ్యక్తం చేశారు. బతికి ఉన్న వారిని సైతం చనిపోయినట్లుగా చూపించి ఓట్లను గల్లంతు చేశారని ఆరోపించారు. జీహెచ్‌ఎంసీ కమిషనర్ సోమేశ్‌కుమార్ టీఆర్‌ఎస్ పార్టీకి ఏజెంట్‌గా మారారని, తప్పులకు పాల్పడ్డ అధికారులపై చర్యలు తీసుకోకపోతే ఉద్యమిస్తామని హెచ్చరించారు.
  
  ప్రధానంగా కాంగ్రెస్, టీడీపీ, బీజేపీకి పట్టున్న ప్రాంతాల్లో ఉద్దేశపూర్వకంగా ఓట్లను తొలగించినట్లుగా భన్వర్‌లాల్ దృష్టికి తెచ్చారు. ఓటర్ల సవరణ ప్రక్రియపై అవగాహన కల్పించేందుకు ఎన్నికల కమిషన్ మంగళవారం అన్ని రాజకీయ పార్టీల ప్రతినిధులతో సమావేశం ఏర్పాటు చేసింది. కాంగ్రెస్ తరఫున మర్రి శశిధర్‌రెడ్డి, టీడీపీ నుంచి ఎమ్మెల్యే మాగంటి గోపీనాథ్, బీజేపీ నుంచి ఇంద్రసేనారెడ్డి, ఎంఐఎం నుంచి జాఫ్రీ, టీఆర్‌ఎస్ నుంచి ఎమ్మెల్సీ శ్రీనివాస్, వైఎస్సార్‌సీపీ నుంచి కె.శివకుమార్ ఈ సమావేశంలో పాల్గొన్నారు.
  
  దేశంలోనే నిజామాబాద్ నంబర్‌వన్
  సుప్రీంకోర్టు మార్గదర్శకాలు ఉన్నందున ఓటర్ల నమోదుకు, సవరణకు ఆధార్‌తో సంబంధం లేదని భన్వర్‌లాల్ స్పష్టం చేశారు. రాష్ట్రంలో నిజామాబాద్ జిల్లాలో ఆధార్ సీడింగ్ నూటికి నూరు శాతం పూర్తయిందని భన్వల్‌లాల్ చెప్పారు. దేశంలోనే ఆధార్ సీడింగ్ పూర్తి చేసిన మొదటి జిల్లా నిజామాబాద్ అని తెలిపారు.


 హైదరాబాద్ : గ్రేటర్ హైదరాబాద్ పరిధిలో ఓటర్లను తొలగిస్తున్నట్లు వస్తున్న వార్తలు అవాస్తవమని రాష్ట్ర ఎన్నికల ప్రధాన అధికారి భన్వర్ లాల్ అన్నారు.  ఎవరికైనా సందేహాలు ఉంటే ఫిర్యాదు చేయవచ్చని ఆయన మంగళవారమిక్కడ సూచించారు. ఒకవేళ ఓట్లు తొలగించినట్లు ఎవరి వద్ద అయినా ఆధారాలు ఉంటే చూపించాలని భన్వర్ లాల్ కోరారు.
 
 ఇప్పటివరకు 5,14,796 మంది తమ ఓట్లను బదిలీ చేయించుకున్నారని,  89,085 మంది డూప్లికేటు ఓటర్లు ఉన్నారని తెలిపారు. డూప్లికేట్ ఓటర్లను మాత్రమే హైదరాబాద్ ఓటర్ల నుంచి తొలగించామని, అర్హులైన వారికి ఓటు హక్కు కల్పిస్తామని, అక్రమంగా ఒక్క ఓటు కూడా తొలగించలేదని భన్వర్ లాల్ స్పష్టం చేశారు.
  


 వర్ని: నిజామాబాద్ జిల్లా వర్ని మండలం అక్బర్‌నగర్‌లోని ప్రకృతి చికిత్సాలయాన్ని ఆదివారం రాష్ట్ర ఎన్నికల ప్రధానాధికారి భన్వర్‌లాల్ కుటుంబ సభ్యులతో కలిసి సందర్శించారు. యోగా శిక్షణ, మసాజ్, టబ్‌బాత్ కేంద్రం, రోగులకు అందించే ఆహారాన్ని ఆయన పరిశీలించారు. కాళ్ల నొప్పులు, బరువు తగ్గడానికి ఎలాంటి చికిత్స విధానం ఉంటుందో నిర్వాహకులను అడిగి తెలుసుకున్నారు.
 
 రోగులకు అందిస్తున్న చికిత్సలు.. తదితర అంశాల గురించి ఆశ్రమ బాధ్యులు రామకృష్ణ, రాజశేఖర్ వివరించారు. ఇక్కడికి వచ్చే రోగులకు వ్యాధిని బట్టి ముడి బియ్యం, గోధుమలతో చేసిన పులక, ఉప్పు, నూనె లేని కూరలు, మొలకెత్తిన గింజలు ఇస్తామని పేర్కొన్నారు. భన్వర్‌లాల్ వెంట మండల తహశీల్దార్ సోమేశ్వర్, ఉప తహశీల్దార్ ముజీబ్, ఎంఆర్‌ఐ ఆశ్వక్ ఆహ్మద్ ఉన్నారు.


 ఈసీకి వైఎస్సార్‌సీపీ ఫిర్యాదు
 చర్యలు తీసుకుంటామని భన్వర్‌లాల్ హామీ
  
  సాక్షి, హైదరాబాద్: స్థానిక సంస్థల నుంచి ఏపీ శాసనమండలికి జరుగుతున్న ఎన్నికల్లో వైఎస్సార్‌సీపీ ఎంపీటీసీల ఓట్లను డబ్బుతో కొనుగోలు చేసేందుకు ప్రయత్నించడమే కాక, వారితో శిబిరాన్ని నిర్వహిస్తున్న ప్రకాశం జిల్లా టీడీపీ ఎమ్మెల్సీ అభ్యర్థి మాగుంట శ్రీనివాసులురెడ్డిని తక్షణం అనర్హుడుగా ప్రకటించాలని, ఆ పార్టీ అధ్యక్షుడిపైనా న్యాయపరమైన చర్యలు తీసుకోవాలని వైఎస్సార్‌సీపీ డిమాండ్ చేసింది. వైఎస్సార్‌సీపీ శాసనసభాపక్ష ఉపనేత జ్యోతుల నెహ్రూ, పీఏసీ సభ్యుడు ఉమ్మారెడ్డి వెంకటేశ్వర్లు, మాజీ ఎమ్మెల్యే కారుమూరు నాగేశ్వరరావు మంగళవారం సచివాలయంలో ఉభయ రాష్ట్రాల ముఖ్య ఎన్నికల అధికారి (సీఈఓ) భన్వర్‌లాల్‌ను కలుసుకుని ఆ మేరకు ఒక వినతిపత్రం సమర్పించారు. జిల్లాలో వైఎస్సార్‌సీపీకి 496 మంది, టీడీపీకి 472 మంది ఎంపీటీసీలున్నారు. దీన్నిబట్టి వైఎస్సార్‌సీపీ అభ్యర్థే గెలుపొందడం ఖాయమని తేలిపోవడంతో 35 మందికి  రూ.2.5 లక్షల చొప్పున ఇస్తామని చెప్పి శ్రీనివాసులురెడ్డి ప్రలోభపెట్టారని తెలిపారు. మొదట రూ.50 వేలు చొప్పున అడ్వాన్సుగా చెల్లించి ప్రలోభపెట్టి నెల్లూరు శిబిరానికి తరలించుకు వెళ్లారని చెప్పారు. ఎన్నికల్లో ప్రలోభాలకు, అక్రమంగా శిబిరాల నిర్వహణకు కారణమైన మాగుంటను అనర్హుడుగా ప్రకటించి ప్రజాస్వామ్య స్ఫూర్తిని కాపాడాలని విజ్ఞప్తి చేశారు.
  
  తమకు టీడీపీ అభ్యర్థి కొంత డబ్బు అడ్వాన్సుగా చెల్లించారని స్వయంగా వైఎస్సార్‌సీపీ ఎంపీటీసీలు మీడియాకు చెప్పిన దృశ్యాల సీడీని కూడా అందించారు. ఫిర్యాదుపై తప్పకుండా చర్యలు తీసుకుంటామని, సంబంధిత వ్యక్తులపై కేసులు పెట్టాల్సిందిగా ఆదేశిస్తానని భన్వర్‌లాల్  వారికి హామీ ఇచ్చారు. రెండు రాష్ట్రాల్లోనూ రాజకీయాలు భ్రష్టు పట్టాయని, జాతీయస్థాయిలో అందరి దృష్టీ ఇక్కడే ఉందని ఆయన వ్యాఖ్యానించినట్లు తెలిసింది. సీఈఓను కలిసిన అనంతరం జ్యోతుల నెహ్రూ మీడియా పాయింట్ వద్ద మాట్లాడుతూ.. ఎన్నికల కమిషన్ ప్రకాశంలో ప్రలోభాలకు అతీతంగా ఎన్నికలు నిర్వహించకపోతే న్యాయపోరాటం చేస్తామని హెచ్చరించారు.
  


 నేడు ఏపీ ఎమ్మెల్సీ ఎన్నికలకు నోటిఫికేషన్
  సాక్షి, హైదరాబాద్: తెలంగాణ ఎమ్మెల్సీ ఎన్నికల్లో నామినేటెడ్ ఎమ్మెల్యేకు లంచం ఇవ్వజూపి ఏసీబీకి దొరికిపోయిన టీడీపీ ఎమ్మెల్యే రేవంత్‌రెడ్డి వ్యవహారాన్ని కేంద్ర ఎన్నిక కమిషన్ (సీఈసీ) దృష్టికి తీసుకెళ్లినట్టు రాష్ట్ర ఎన్నికల ప్రధానాధికారి భన్వర్‌లాల్ తెలిపారు. సోమవారం సచివాలయంలోని తన చాంబర్‌లో ఆయన మీడియాతో మాట్లాడారు. ఏసీబీ డీజీ ఇచ్చిన నివేదికను సీఈసీకి సమర్పించినట్లు ఒక ప్రశ్నకు సమాధానంగా చెప్పారు. అంతకుమించి ఈ విషయంలో వివరాలు వెల్లడించనని తెలిపారు.
 
 కాగా, ఆంధ్రప్రదేశ్ స్థానిక సంస్థలకు సంబంధించి 12 ఎమ్మెల్సీ స్థానాల ఎన్నికలకు మంగళవారం నోటిఫికేషన్ జారీ చేయనున్నట్లు భన్వర్‌లాల్ తెలిపారు. విశాఖపట్నం, కృష్ణా జిల్లాల్లోని రెండేసి ఎమ్మెల్సీ స్థానాలు  2013, 2015లో ఖాళీ అయిన దృష్ట్యా వాటికి ఒకేసారి వేర్వేరుగా రెండు బ్యాలెట్లతో ఎన్నికలు జరుగుతాయన్నారు. ఈ ఎన్నికలకు మొత్తం తొమ్మిది జిల్లాల్లో 35 పోలింగ్ కేంద్రాలు ఏర్పాటు చేశామని, 10,004 మంది ఓటర్లున్నారన్నారు.
 
 తొమ్మిది జిల్లాల్లో ఎన్నికల ప్రవర్తన నియమావళి అమల్లో ఉంటుందని, జెడ్పీ, మున్సిపల్, కార్పొరేషన్ సర్వసభ్య సమావేశాలు నిర్వహించరాదన్నారు. ప్లయింగ్ స్క్వాడ్, చెక్‌పోస్టులు ఏర్పాటు చేస్తున్నట్లు భన్వర్‌లాల్ తెలిపారు. ఓటు కోసం ప్రలోభపెడితే మాత్రం కఠిన చర్యలుంటాయన్నారు.


 హైదరాబాద్: ఆంధ్రప్రదేశ్ శాసనమండలి ఎన్నికలకు మంగళవారం నోటిఫికేషన్ విడుదల చేయనున్నట్టు ఆ రాష్ట్ర ఎన్నికల అధికారి భన్వర్ లాల్ తెలిపారు. ఏపీలో 12 స్థానాలకు స్థానిక సంస్థల కోటా కింద ఎన్నికలు జరగనున్నాయి. జూలై 3న ఎన్నికలు జరుగుతాయి.
 
 ఈ మేరకు భన్వర్ లాల్ మాట్లాడుతూ.. 'జూన్ 16వ తేదీ వరకు నామినేషన్ల స్వీకరణ ఉంటుంది. ఈనెల 19న నామినేషన్లు ఉపసంహరించుకోవచ్చు. జూలై 3న పోలింగ్.. అదే నెల 7న లెక్కింపు ఉంటుంది. రాష్ట్రంలో మొత్తం 10,400 మంది ఓటర్లు ఉన్నారు. వారందరికీ అనుకూలంగా 35 కేంద్రాలను ఏర్పాటు చేశాం' అని అన్నారు.
 
 అదే విధంగా ఎన్నికల్లో ఎవరైనా ప్రలోభాలకు గురిచేస్తే కఠిన చర్యలు తీసుకుంటామని హెచ్చరించారు. నోటిఫికేషన్ విడుదలయ్యాక ఏపీలోని 9 జిల్లాల్లో ఎన్నికల కోడ్  అమలు చేయనన్నట్టు ఈ సందర్భంగా భన్వర్ లాల్ తెలిపారు.


 సీఈవోకు వైఎస్సార్‌సీపీ తెలంగాణ కమిటీ వినతి   
  సాక్షి, హైదరాబాద్: అధికార పార్టీకి అనుకూలంగా, పక్షపాత వైఖరితో పనిచేస్తున్న అసెంబ్లీ కార్యదర్శి రాజా సదారాంను ఎమ్మెల్సీ ఎన్నికల బాధ్యతల నుంచి తొలగించాలని రాష్ట్ర ఎన్నికల ప్రధానాధికారి (సీఈవో) భన్వర్‌లాల్‌కు వైఎస్సార్‌సీపీ తెలంగాణ కమిటీ విజ్ఞప్తి చేసింది. సదారాం స్థానంలో మరో అధికారిని నియమించి ఎన్నికలను నిర్వహించాలని కోరింది. ఈ మేరకు బుధవారం సచివాలయంలో భన్వర్‌లాల్‌కు వైఎస్సార్‌సీపీ తెలంగాణ కమిటీ ప్రధాన కార్యదర్శులు కె.శివకుమార్, హెచ్‌ఏ రెహమాన్ వినతిపత్రాన్ని సమర్పించారు.
  
  అభ్యంతరాలుంటే తెలపండి: భన్వర్‌లాల్
  ఎమ్మెల్సీ ఎన్నికల నిర్వహణకు ఇద్దరు పరిశీలకులను నియమించామని, అభ్యంతరాలుంటే తమ దృష్టికి తీసుకురావొచ్చని భన్వర్‌లాల్ తెలిపారు. ఎమ్మెల్సీ ఎన్నికలకు రూపొందించిన ఎమ్మెల్యేల ఓటర్ల జాబితాలో ఏయే పార్టీలకు వారు ప్రాతి నిధ్యం వహిస్తున్నారనే వివరాలు లేకుండానే సదారాం ప్రచురించారని వైఎస్సార్‌సీపీ నేతలు పేర్కొన్నారు. దీనిపై అభ్యంతరాలు వ్యక్తం కావడంతో నామినేషన్ల ముగింపునకు ముందు జాబితాలో పార్టీల పేర్లను పొందుపరిచారని వారు సీఈవోకి తెలిపారు.
  
  ఇది కావాలనే చేశారని, పార్టీ ఫిరాయింపు చట్టం కింద అనర్హతను ఎదుర్కొంటున్న ఎమ్మెల్యేలను ఈ జాబితా ద్వారా అర్హులైన ఓట ర్లుగా చేసే ప్రయత్నం జరిగిందని వారు వివరించా రు. అనంతరం కె.శివకుమార్ మీడియాతో మాట్లాడుతూ.. అధికారపార్టీ ఏజెంట్‌గా వ్యవహరిస్తున్న సదారాంను ఎమ్మెల్సీ ఎన్నికల రిటర్నింగ్ ఆఫీసర్ విధుల నుంచి తొలగించాలని సీఈవోను కోరినట్లు తెలిపారు. టీఆర్‌ఎస్‌లోకి ఫిరాయించిన ఇద్దరు వైఎస్సార్‌సీపీ ఎమ్మెల్యేలపై అనర్హత వేటు వేయాలని ఫిర్యాదు చేసినా చర్యలు తీసుకోలేదన్నారు. వారిపై చర్య తీసుకోవాలని తాము కోర్టునూ ఆశ్రయించామన్నారు. వీరికి ఎమ్మెల్సీ ఎన్నికల్లో ఓటుహక్కు కల్పించవద్దని కోరామన్నారు.


 అన్నవరం (తూర్పుగోదావరి జిల్లా): రాష్ట్ర ఎన్నికల సంఘం ప్రధానాధికారి భన్వర్‌లాల్ దంపతులు ఆదివారం రత్నగిరిపై సత్యదేవుని దర్శించుకున్నారు. వారికి దేవస్థానం ఇన్‌చార్జి ఈఓ జగన్నాథరావు ఆధ్వర్యంలో పండితులు స్వాగతం పలికారు. స్వామివారి వ్రతం, దర్శనం అనంతరం వారికి వేదపండితులు ఆశీస్సులందజేశారు. స్వామివారి ప్రసాదాలను అందజేశారు.


 హైదరాబాద్: తెలంగాణలో 76 శాతం, ఏపీలో 84 శాతం ఓటరు గుర్తింపుకార్డులతో ఆధార్ కార్డు అనుసంధానం చేశామని ఎన్నికల ప్రత్యేకాధికారి భన్వర్ లాల్ తెలిపారు. రంగారెడ్డి, హైదరాబాద్ మినహా అన్ని జిల్లాల్లో ఆధార్ అనుసంధానం దాదాపు పూర్తయిందని చెప్పారు. ఏపీలో ప్రకాశం, కృష్ణా, గుంటూరు, పశ్చిమగోదావరి, వైఎస్సార్ జిల్లాల్లో వంద శాతం అనుసంధానం జరిగిందన్నారు. ఈ విషయంలో విశాఖపట్నం, శ్రీకాకుళం జిల్లాలు వెనుకబడి ఉన్నాయన్నారు.
 
 ఆధార్, ఓటర్  కార్డు అనుసంధానం ఈనెల 31 వరకు కొనసాగిస్తామని ప్రకటించారు. స్థానిక సంస్థల కోటాలో ఎమ్మెల్సీ ఎన్నికలు జూన్ లో జరుగుతాయని తెలిపారు. తెలంగాణలో 12, ఏపీ 13 స్థానాలు ఖాళీగా ఉన్నాయని భన్వర్ లాల్ వెల్లడించారు.


 ఆదోని: వచ్చే సార్వత్రిక ఎన్నికల్లో (2019లో) ఈ-ఓటింగ్ జరిగే అవకాశం ఉందని రాష్ట్ర ఎన్నికల ప్రధానాధికారి భన్వర్‌లాల్ చెప్పారు. కర్నూలు జిల్లా ఆదోని ఆర్ట్స్ అండ్ సైన్స్ కళాశాలలో నిర్వహిస్తున్న ఓటరు కార్డుకు ఆధార్ సీడింగ్ కేంద్రాన్ని శనివారం ఆయన పరిశీలించారు. అనంతరం ఆయన విలేకరులతో మాట్లాడుతూ సుప్రీంకోర్టు తీర్పు మేరకు ప్రభుత్వం ఎన్‌ఆర్‌ఐలకు ఈ-ఓటింగ్ అవకాశం కల్పించే చర్యలు తీసుకుంటోందని చెప్పారు.
  
  దీన్ని స్థానిక ఓటర్లకు కూడా అమలు చేయవచ్చన్నారు. జనాభా కన్నా ఓటర్లు ఎక్కువ ఉన్నారనే ప్రచారంలో నిజం లేదన్నారు. ఆగస్టు 1న తప్పులు లేని ఓటర్ల తుది జాబితా ప్రకటిస్తామని చెప్పారు. జనాభా ప్రాతిపదికన ఏపీలో అసెంబ్లీ స్థానాలను 175 నుంచి 225కు, తెలంగాణలో 119 నుంచి 153కు పెంచాల్సి ఉన్నా.. పెంచే అధికారం ఎన్నికల సంఘానికి లేదన్నారు. దీనిపై పార్లమెంటు మాత్రమే నిర్ణయం తీసుకోవాలని చెప్పారు.
  


 రాష్ట్ర ఎన్నికల ప్రధాన అధికారి భన్వర్‌లాల్
  
  సాక్షి, శివ్వంపేట (మెదక్‌జిల్లా): నవంబర్ 1 నుంచి 25 వరకు ఓటు హక్కు నమోదు కార్యక్రమాన్ని నిర్వహిస్తునట్టు తెలంగాణ, ఆంధ్రప్రదేశ్ ఎన్నికల ప్రధాన అధికారి భన్వర్‌లాల్ తెలిపారు. శనివారం మెదక్ జిల్లా శివ్వంపేట మండలం చాకరిమెట్ల శ్రీ సహకార ఆంజనేయస్వామి, సత్యనారాయణస్వామి ఆలయాలను ఆయన కుటుంబ సమేతంగా దర్శించుకున్నారు. ఆలయ వ్యవస్థాపక చైర్మన్ ఆంజనేయశర్మ, ఈఓ శ్రీనివాసులు భన్వర్‌లాల్ దంపతులకు పూర్ణకుంభంతో స్వాగతం పలికారు. అనంతరం ప్రత్యేక పూజలు నిర్వహించి వారికి తీర్థప్రసాదాలను అందజేశారు. దాతల సహకారంతో ఆలయాన్ని అభివృద్ధి చేస్తున్న ఆంజనేయశర్మను భన్వర్‌లాల్ అభినందించారు. ఆలయ అభివృద్ధికి సహకారం అందిస్తానన్నారు.
  
 అనంతరం విలేకరులతో మాట్లాడుతూ, జనవరి 2015 సంవత్సరానికి 18 సంవత్సరాలు నిండే యువతీయువకులందరూ ఓటు హక్కు కోసం దరఖాస్తు చేసుకోవాలన్నారు. వారి కోసం నవంబర్ 1 నుంచి 25 వరకు గ్రామాలలో ప్రత్యేక శిబిరాలను ఏర్పాటు చేస్తునట్టు చెప్పారు. ఓటరుజాబితాలో పేర్లు తప్పిన వారు కూడా దరఖాస్తు  చేసుకోవచ్చన్నారు. జనవరి 5న ఓటరు జాబితా విడుదల చేస్తామని, 25న గుర్తింపు కార్డులు జారీ చేస్తామన్నారు. ఈ అవకాశాన్ని యువత సద్వినియోగం చేసుకోవాలన్నారు. ఈ కార్యక్రమంలో టీఆర్‌ఎస్ నాయకుడు శ్రీధర్‌గుప్తా, ప్రధాన అర్చకులు దేవదత్తశర్మ పాల్గొన్నారు.


 హైదరాబాద్: మెదక్ లోక్సభ ఉప ఎన్నికలకు కట్టుదిట్టమైన ఏర్పాట్లు చేస్తున్నారు. ఎన్నికల నిర్వహణకు బెంగళూరు నుంచి ఈవీఎంలను తెప్పిస్తున్నట్టు రాష్ట్ర ఎన్నికల ప్రధానాధికారి భన్వర్ లాల్ చెప్పారు.
 
  డీఈఎల్ కంపెనీకి చెందిన ఈవీఎంలను వాడుతున్నట్టు భన్వర్ లాల్ వెల్లడించారు. భద్రత కోసం 17 కంపెనీల బలగాలను మోహరించనున్నట్టు తెలిపారు. రేపటి నుంచి ఓటర్లకు స్లిప్పులు పంపిణీ చేస్తున్నట్టు తెలిపారు.


 రాష్ట్ర ప్రధాన ఎన్నికల అధికారి
 నవంబర్‌లో యువ ఓటర్ల దరఖాస్తుల స్వీకరణ
 ఒంగోలు: హైకోర్టు తీర్పు ఆధారంగానే కర్నూలు జిల్లా ఆళ్లగడ్డ శాసనసభ నియోజకవర్గ ఉప ఎన్నిక నిర్వహిస్తామని రాష్ట్ర ప్రధాన ఎన్నికల అధికారి భన్వర్‌లాల్ వెల్లడించారు. గురువారం ప్రకాశం జిల్లా ఒంగోలులో ఆయన విలేకరులతో మాట్లాడారు. ఈ ఎన్నిక విషయమై రెండు మూడు రోజుల్లో స్పష్టత రానుందని తెలిపారు. 2015 జనవరి 1నాటికి 18 ఏళ్లు నిండే వారంతా ఓటరుగా పేర్లు నమోదు చేసుకునేందుకు నవంబర్ 1 నుంచి దరఖాస్తులు స్వీకరించనున్నట్లు చెప్పారు.
  
 8 ఓట్లకు రూ.5లక్షల ఖర్చా..?
 ఒంగోలులో  జరిగిన సమీక్ష సమావేశంలో అధికారులు చెప్పిన  విషయం  భన్వర్‌లాల్‌ను ఆశ్చర్యానికి గురి చేసింది. వివరాలివీ...గిద్దలూరు నియోజకవర్గ పరిధిలో 6,276 సర్వీస్ ఓటర్లున్నారు. వీరంతా దేశంలోని వివిధ ప్రాంతాల్లో విధి నిర్వహణలో ఉండటంతో ఎన్నికల అధికారులు అందరికీ పోస్టల్ బ్యాలెట్లు పంపించారు. అందుకుగాను రూ. 5లక్షల ఖర్చయింది. కానీ, ఓటు హక్కు వినియోగించుకున్నది 8మందే. ఈ విషయాన్ని కేంద్ర ఎన్నికల సంఘం దృష్టికి తీసుకువెళ్లనున్నట్లు భన్వర్‌లాల్ తెలిపారు.


 ఉపఎన్నిక షెడ్యూల్ విడుదలతో తేల్చి చెప్పిన భన్వర్‌లాల్
  సాక్షి, హైదరాబాద్: మెదక్ పార్లమెంట్ స్థానానికి ఉపఎన్నిక నిర్వహణకు షెడ్యూల్ విడుదలైనందున ఆ నియోజకవర్గంలో సమగ్ర కుటుంబ సర్వే చేయవద్దని రాష్ట్ర ఎన్నికల ప్రధానాధికారి భన్వర్‌లాల్ ఆదేశించారు. ‘ఎన్నికల కోడ్’ అమలులోకి వచ్చినందున  అక్కడ సర్వే చేయడానికి వీలులేదు. ఆ స్థానాన్ని మినహాయించుకుని మిగతాప్రాంతాల్లో నిర్వహించుకోవచ్చు’ అని ఆయన చెప్పారు. రాష్ట్ర ప్రభుత్వం ఎంతో ప్రతిష్టాత్మకంగా భావిస్తున్న సమగ్ర కుటుంబ సర్వేకు  దీంతో తొలి అవాంతరం ఎదురైంది. ఈ నెల 19న ఒకేరోజు రాష్ట్రవ్యాప్తంగా అన్ని కుటుంబాల వద్దకు అధికారులు వెళ్లి సర్వే చేయాల్సి ఉండటం తెలిసిందే.


 * 2011 లెక్కల ప్రకారం అసెంబ్లీ స్థానాల పునర్విభజన
 * పార్లమెంటు స్థానాలు యథాతథం
 * ఎస్టీ లోక్‌సభ స్థానం ఒకటి పెరిగే అవకాశం
  
 సాక్షి, హైదరాబాద్: శాసనసభ నియోజకవర్గాల పునర్విభజన ప్రక్రియ మొదలైంది. వచ్చే సాధారణ ఎన్నికల్లోగా నియోజకవర్గాల పునర్విభజన పూర్తవ్వాల్సి ఉండటంతో ఈ ప్రక్రియను ప్రారంభించాలని రాష్ట్ర ఎన్నికల ప్రధానాధికారి భన్వర్‌లాల్ కేంద్ర ఎన్నికల సంఘానికి లేఖ రాశారు. మహారాష్ట్ర, హర్యానా తదితర రాష్ట్రాల అసెంబ్లీ ఎన్నికల కసరత్తులో ఉన్న ఎన్నికల సంఘం ఏపీ, తెలంగాణలో నియోజకవర్గాల పునర్విభజనపైనా దృష్టి సారించినట్టు తెలిసింది. ఇందుకోసం త్వరలోనే ఒక కమిషన్‌ను నియమించనుంది.
 
 ఆంధ్రప్రదేశ్ పునర్వ్యవస్థీకరణ చట్టంలో పేర్కొన్న మేరకు తెలంగాణలో ప్రస్తుతం ఉన్న 119 నియోజకవర్గాలను 153కు, ఆంధ్రప్రదేశ్‌లోని 175 స్థానాలను 225కు పెంచాల్సి ఉంది. పునర్విభజనతో ఆంధ్రప్రదేశ్‌లోని నియోజకవర్గాల స్వరూప, స్వభావాలు మారతాయి. నియోజకవర్గాల్లో ఇప్పుడున్న మండలాలు కొన్ని ఇతర నియోజకవర్గాల్లో చేరతాయి. 2011 జనాభా లెక్కల ప్రకారం పునర్విభజన చేపట్టాల్సి ఉంది. ఈ జనాభా లెక్కల ప్రకారం రాష్ట్రంలోని 13 జిల్లాల్లో  4,93,78,776 జనాభా ఉంది.
 
 పునర్వ్యవస్థీకరణ చట్టం ప్రకారం పెరగనున్న నియోజకవర్గాల సంఖ్యతో  మొత్తం రాష్ట్ర  జనాభా సంఖ్యను విభజిస్తే ఒక్కో నియోజకవ ర్గానికి 2,19,461 సగటు జనాభా ఉండే అవకాశాలున్నాయి. ఈ లెక్కన శ్రీకాకుళం జిల్లాలో 2, విజయనగరంలో 2, విశాఖపట్నంలో 5, తూర్పు గోదావరిలో 5, పశ్చిమ గోదావరిలో 3, కృష్ణాలో 3, గుంటూరులో 5, ప్రకాశంలో 3, నెల్లూరులో 4, చిత్తూరులో 5, వైఎస్సార్‌లో 3, అనంతపురంలో 5, కర్నూలులో 5 చొప్పున నియోజకవర్గాలు పెరిగే అవకాశం ఉంది.
 
 ఎస్సీ, ఎస్టీ నియోజకవర్గాల్లోనూ మార్పులు
 తాజా జనగణన ప్రకారం ఎస్సీ, ఎస్టీల జనాభా పెరిగినందున, ఆ వర్గాలకు రిజర్వు అయ్యే నియోజకవర్గాలు కూడా పెరగనున్నాయి. ఈ రిజర్వ్‌డ్ స్థానాలు కూడా మారనున్నాయి. ఈ జనాభా లెక్కల ప్రకారం రాష్ట్రంలో ఎస్సీల జనాభా 84,45,398గా ఉంది. ఆ వర్గానికి ఆంధ్రప్రదేశ్‌లో ప్రస్తుతం 29 అసెంబ్లీ స్థానాలు ఉండగా ఈసారి 38కి చేరుకొనే అవకాశం ఉంది. ఎస్సీ స్థానాలను జిల్లా యూనిట్‌గా కేటాయిస్తారు. విశాఖపట్నం, తూర్పు గోదావరి, పశ్చిమ గోదావరి, కృష్ణా, గుంటూరు, ప్రకాశం, నెల్లూరు, చిత్తూరు, అనంతపురం, కర్నూలు జిల్లాల్లో ఒక్కొక్కటి చొప్పున ఎస్సీ స్థానాలు పెరుగుతాయని అధికారులు అంచనా వేశారు.
 
 రాష్ట్రంలో ఎస్టీల జనాభా 26,31,145గా ఉంది. వారికి ప్రస్తుతం అసెంబ్లీలో ఏడు సీట్లుండగా అది 12కు చేరుకునే అవకాశముంది. ఎస్టీలకు రాష్ట్రం యూనిట్‌గా నియోజక వర్గాలను నిర్ణయిస్తారు. నియోజకవర్గాల విభజన తరువాత ఎస్టీల జనాభా ఎక్కువగా ఉన్న మొదటి 12 స్థానాలు ఏయే జిల్లాల్లో ఉంటే వాటిని ఎస్టీలకు కేటాయిస్తారు. పునర్విభజనలో భౌగోళిక మార్పులతో కొత్త నియోజకవర్గాలు రిజర్వు అయ్యే
  అవకాశముంది.
 
 లోక్‌సభ స్థానాల సంఖ్య యథాతథం
 ఆంధ్రప్రదేశ్‌లోని 25 లోక్‌సభ స్థానాల సంఖ్యలో ఎలాంటి మార్పూ ఉండదు. అయితే జిల్లాల్లో నియోజకవర్గాల సంఖ్యను అనుసరించి లోక్‌సభ స్థానాల్లో అక్కడ పెరుగుదల, తగ్గుదల ఉంటుంది. ప్రస్తుతం ప్రతి లోక్‌సభ స్థానం పరిధిలో ఏడు అసెంబ్లీ సెగ్మెంట్లు ఉండగా, పునర్విభజన తర్వాత వీటి సంఖ్య తొమ్మిదికి పెరుగుతుంది. అసెంబ్లీ సెగ్మెంట్లు పెరుగుతున్నందున ఒక్కొక్క లోక్‌సభ స్థానం పరిధి రెండు మూడు జిల్లాలకు విస్తరించే అవకాశముంది. దీనివల్ల ఎంపీలకు పరిపాలనపరమైన ఇబ్బందులు తలెత్తవచ్చని భావిస్తున్నారు.
 
 సాధ్యమైనంతమేరకు ఒక్కో లోక్‌సభ స్థానం పరిధిలో ఒకటి లేదా రెండు జిల్లాలకు మించి లేకుండా చూడాలని భావిస్తున్నట్లు అధికారవర్గాలు చెబుతున్నాయి. లోక్‌సభ ఎస్సీ రిజర్వ్‌డ్ స్థానాల సంఖ్యలో ఎలాంటి మార్పు ఉండకపోవచ్చని సమాచారం. ప్రస్తుతం అమలాపురం, బాపట్ల, చిత్తూరు, తిరుపతి లోక్‌సభ స్థానాలు ఎస్సీ రిజర్వ్‌డ్‌గా ఉన్నాయి. అసెంబ్లీ సెగ్మెంట్ల పునర్విభజనతో ఇప్పుడున్న నియోజకవర్గాల స్వరూపంలో మార్పు వస్తే కనుక వీటికి బదులు వేరే నియోజకవర్గాలు రిజర్వు అయ్యే అవకాశముంటుందే తప్ప సంఖ్య మాత్రం నాలుగుగానే ఉండనుంది.
 
 ఎస్టీలకు ప్రస్తుతం అరకు లోక్‌సభ స్థానం మాత్రమే రిజర్వు అయి ఉంది. రాష్ట్ర పునర్వ్యవస్థీకరణలో తెలంగాణలోని ఖమ్మం జిల్లాకు చెందిన ఏడు మండలాలను ఆంధ్రప్రదేశ్‌కు కేటాయించడంతో ఎస్టీల లోక్‌సభ స్థానం మరొకటి పెరిగే అవకాశముందని భావిస్తున్నారు. ఈ మండలాల్లోని జనాభాలో అత్యధికం ఎస్టీలే ఉన్నారు. ఆ లెక్కన రాష్ర్ట్రంలో వారి జనాభా పెరుగుతుంది. ఖమ్మం జిల్లాలోని ఏడు మండలాలు తూర్పు, పశ్చిమగోదావరి జిల్లాలను ఆనుకొని ఉన్నవే కనుక అక్కడి  అసెంబ్లీ, లోక్‌సభ స్థానాల్లో కొన్ని ఎస్టీలకు కేటాయించే అవకాశాలు ఉన్నట్లు అధికారవర్గాలు చెబుతున్నాయి.


 * నెల రోజుల్లో షెడ్యూల్
 * రెండు రాష్ట్రాల్లో నియోజకవర్గాల పునర్విభజన త్వరలో
 * ప్రధాన ఎన్నికల అధికారి భన్వర్‌లాల్  వెల్లడి
  
  సాక్షి, హైదరాబాద్: వచ్చే పక్షం రోజుల్లోగా స్థానిక ఎమ్మెల్సీ స్థానాల పునర్విభజనను కేంద్ర ఎన్నికల సంఘం పూర్తి చేయనుందని రాష్ట్ర ప్రధాన ఎన్నికల అధికారి భన్వర్‌లాల్ తెలి పారు. ఇందుకు సంబంధించి కేంద్ర ఎన్నికల సంఘం కసరత్తు చేస్తోందని మంగళవారం తనను కలిసిన సాక్షి ప్రతినిధికి చెప్పారు. రాష్ట్ర పునర్‌వ్యవస్థీకరణ చట్టం ప్రకారం స్థానిక సంస్థల నియోజకవర్గాల పునర్విభజన చేయాల్సి ఉందన్నారు. తెలంగాణ శాసనమండలిలో స్థాని క సంస్థల నియోజకవర్గాల సంఖ్యను మూడుకు పెంచాల్సి ఉందని, అలాగే ఏపీ శాసన మండలిలో స్థానిక సంస్థల నియోజకవర్గాల సంఖ్యను మూడుకు తగ్గించాల్సి ఉందని, ఈ మార్పులను జిల్లాల జనాభా లెక్కల ప్రాతిపదికన కేంద్ర ఎన్నికల సంఘం పక్షం రోజుల్లో పూర్తి చేయనుందని వివరించారు.
  
  అనంతరం నెల రోజుల్లోగా ఖాళీగా ఉన్న స్థానిక సంస్థల నియోజకవర్గాల ఎమ్మెల్సీ స్థానాలకు ఎన్నికల షెడ్యూల్‌ను ప్రకటించనున్నట్లు తెలిపారు. అలాగే రాష్ట్ర పునర్‌వ్యవస్థీకరణ చట్టం ప్రకారం తెలంగాణ రాష్ట్రంలో అసెంబ్లీ నియోజకవర్గాల సంఖ్యను 153కు పెంచేందుకు, ఆంధ్రప్రదేశ్ రాష్ట్రంలో అసెంబ్లీ నియోజకవర్గాల సంఖ్యను 225కు పెంచేందుకు కేంద్ర ఎన్నికల సంఘం చర్యలను చేపట్టిందన్నారు. ఈ మేరకు అసెంబ్లీ నియోజవర్గాల పునర్విభజన చేపట్టేందుకు త్వరలోనే కేంద్ర ఎన్నికల సంఘం కమిషన్‌ను ఏర్పాటు చేస్తుందని చెప్పారు.
  
  ఈ పునర్విభజన చేపట్టేందుకు కేంద్ర ఎన్నిల సంఘం ఎస్సీ, ఎస్టీ జనాభాతో పాటు మొత్తం జనాభా లెక్కల గురించి కేంద్ర హోంశాఖ, రిజిస్ట్రార్ జనరల్‌ను సమాచారం కోరిందని తెలిపారు. ఇక సెప్టెంబర్ నెలలో ఓటర్ల జాబితా సవరణ, ఓటర్ల నమోదు కార్యక్రమాన్ని చేపట్టనున్నట్లు తెలిపారు. పట్టణాల్లో ఇంటింటికి వెళ్లి ఓటర్ల జాబితా సవరణ, ఓటర్ల నమోదు కార్యక్రమం చేపడతామన్నారు. వచ్చే ఏడాది జనవరి 1వ తేదీ నాటికి 18 సంవత్సరాలు నిండే వారిని ఓటర్లుగా నమోదు చేస్తామని చెప్పారు. ఇందుకు సంబంధించి త్వరలోనే షెడ్యూల్‌ను ప్రకటిస్తామన్నారు. అలాగే ఆంధ్రప్రదేశ్ శాసన మండలిలో ఎమ్మెల్యే కోటా నుంచి రెండు ఎమ్మెల్సీ స్థానాల ఎన్నికకు నోటిఫై చేయాల్సిందిగా కేంద్ర ఎన్నికల సంఘాన్ని కోరామని, అయితే కేంద్రం ఒక ఎమ్మెల్సీ స్థానం ఎన్నికకే నోటిఫికేషన్ జారీ చేసిందని ఆయన తెలిపారు.


 హైదరాబాద్: ఆంధ్రప్రదేశ్ లో ఎమ్మెల్యే కోటా ఎమ్మెల్సీ ఎన్నికలకు సంబంధించి కేంద్ర ఎన్నికల సంఘానికి రాష్ట్ర ఎన్నికల ప్రధానాధికారి భన్వర్‌లాల్‌ లేఖ రాశారు. మండలిలో ఎమ్మెల్యే కోటాలో మరో ఎమ్మెల్సీ ఎన్నికకు అనుమతివ్వాలని కోరారు.
 
 ఏపీ కౌన్సిల్‌లో 17కు గాను 15 మంది ఎమ్మెల్యే కోటా ఎమ్మెల్సీలు మాత్రమే ఉన్నారని లేఖలో పేర్కొన్నారు. ఆగస్టు 4న ఒక ఎమ్మెల్సీ ఎన్నికకు నోటిఫికేషన్ ఇచ్చారని, మరో ఎమ్మెల్సీని కేటాయించాల్సి ఉందని సీఈసీకి రాసిన లేఖలో భన్వర్‌లాల్‌ వివరించారు.


  ఒంగోలు కలెక్టరేట్, న్యూస్‌లైన్ : సార్వత్రిక ఎన్నికల్లో జిల్లాలో అత్యధిక పోలింగ్ శాతం నమోదైంది. రాష్ట్ర స్థాయిలోనే కాకుండా దేశవ్యాప్తంగా మొదటి ఐదు స్థానాల్లో ప్రకాశం జిల్లా ఒకటిగా నిలిచింది. రాష్ట్రంలో ఎన్నికల ఫలితాలను కూడా ముందుగా జిల్లాలోనే ప్రకటించి అధికారులంతా ప్రశంసలు అందుకున్నారు. పోలింగ్‌లోనూ, ఫలితాల విడుదల్లోనూ ప్రకాశించిన జిల్లాను చీరాలలో తలెత్తిన వివాదం ఒక్కసారిగా తల్లకిందులు చేసింది. అప్పటివరకు వచ్చిన ప్రశంసలు చీరాల ఘటన మాటున కొట్టుకుపోయినట్లయింది.
 
  అందుకు కారణం.. ఆ నియోజకవర్గంలో ఈవీఎంలను తారుమారు చేశారన్న ఆరోపణలే. వైఎస్‌ఆర్ కాంగ్రెస్, తెలుగుదేశం పార్టీలకు చెందిన ఎమ్మెల్యే అభ్యర్థులు నియోజకవర్గ ఎన్నికల రిటర్నింగ్ అధికారి తీరుపై అనుమానాలు వ్యక్తం చేశారు. అక్కడి స్వతంత్ర అభ్యర్థి గెలుపునకు ఆ అధికారి కృషి చేశారని ఆరోపించారు. అందుకు బలం చేకూర్చే విధంగా చీరాలలోని వీఆర్‌ఎస్ అండ్ వైఆర్‌ఎన్ కాలేజీలో ఈవీఎంలు వెలుగుచూశాయి. దీంతో వివాదం తారాస్థాయికి చేరింది.
 
  చివరకు రాష్ట్ర ఎన్నికల అధికారి భన్వర్‌లాల్ జోక్యం చేసుకుని గుంటూరు జాయింట్ కలెక్టర్ వివేక్‌యాదవ్, తెనాలి ఆర్డీవో శ్రీనివాసరావు, బాపట్ల తహసీల్దార్ మూడమంచు వెంకటేశ్వర్లును విచారణాధికారులుగా నియమించారు. వీఆర్‌ఎస్ అండ్ వైఆర్‌ఎన్ కాలేజీలో ఉన్న 71 ఈవీఎంలను చీరాల అసెంబ్లీ నియోజకవర్గంలో ఎన్నికల బరిలో నిలిచిన అభ్యర్థుల సమక్షంలో మంగళవారం విచారణాధికారులు తనిఖీ చేయగా అవి రిజర్వ్‌లో ఉన్న ఈవీఎంలుగా తేలింది. దీంతో జిల్లా యంత్రాంగం ఊపిరి పీల్చుకుంది. నియోజకవర్గంలో ఆరు రోజులుగా నెలకొన్న ఉత్కంఠకు తెరపడింది.


 మహబూబ్ నగర్: జిల్లాలోని కల్వకుర్తి అసెంబ్లీ నియోజకవర్గ పరిధిలోజూపల్లి 119 పోలింగ్ బూత్ లో సోమవారం రీ పోలింగ్  నిర్వహించేందుకు ఈసీ నిర్ణయించింది. నిన్నటి నుంచి ఈవీఎం మొరాయించడంతో ఆ ఫలితాన్ని అధికారులు పెండింగ్ లో పెట్టారు. దీనిపై రాష్ట్ర ఎన్నికల అధికారి భన్వర్ లాల్ ఒక నివేదికను ఈసీకి అందజేశారు. దీంతో జిల్లాలోని కల్వకుర్తి అసెంబ్లీ నియోజకవర్గం ఫలితం తేలడానికి మరికొన్ని రోజులు సమయం పట్టే అవకాశం కనిపిస్తోంది. ఇప్పటికే తీవ్రంగా శ్రమించిన అధికారులు తిరిగి ఈ రోజు ఈవీఎంను ఓపెన్ చేయడం కోసం ప్రత్యేక బృందాన్ని ఏర్పాటు చేశారు.
  
 దీన్ని ఓపెన్ చేయడానికి ఈసీఎల్ ఇంజినీర్లు రంగంలోకి దిగినా.. చివరకు వారు చేతులెత్తేశారు. ఈవీఎంను ఓపెన్ చేయడం తమవల్ల కాదంటూ రాష్ట్ర ఎన్నికల అధికారి భన్వర్ లాల్ కు తేల్చిచెప్పేశారు. దీంతో ఇక్కడ తాజాగా ఎన్నిక నిర్వహించాలని భన్వర్ లాల్ కేంద్ర ఎన్నికల సంఘానికి నివేదిక అందజేశారు. ఈ బూత్ లో రీ పోలింగ్ నిర్వహించాలంటూ సిఫారుసు చేశారు.  
 
 కల్వకుర్తి నుంచి కాంగ్రెస్ పార్టీ తరఫున బరిలో దిగిన వంశీచంద్రెడ్డికి తన సమీప ప్రత్యర్థి అచారిపై167 ఓట్లు ఆధిక్యంగా పోలైయ్యాయి. ఆ దశలో ఈవీఎం మొరాయించింది. దాంతో ఎన్నికల అధికారులు కౌంటింగ్ నిలిపివేశారు. అనంతరం ఈవీఎం మొరాయించిందని ఎన్నికల అధికారులు ఈసీ ఫిర్యాదు చేశారు. ఈరోజు ఆ ఈవీఎంను ఓపెన్ చేయడం కష్టసాధ్యంగా మారడంతో తిరిగి ఈ బూత్ కు సంబంధించి ఎన్నిక అనివార్యమయ్యే పరిస్థితి కనిపిస్తోంది. ఇదిలా ఉండగా, కర్నూలు జిల్లాలోని ఆళ్లగడ్డ అసెంబ్లీ నియోజకవర్గంలో దివంగత వైఎస్సార్ సీపీ నేత భూమా శోభానాగిరెడ్డి విజయంపై కూడా ఈసీకి భన్వర్ లాల్ నివేదిక అందజేశారు.
  


 మహబూబ్ నగర్: జిల్లాలోని కల్వకుర్తి అసెంబ్లీ నియోజకవర్గం ఫలితం తేలడానికి మరికొన్ని రోజులు సమయం పట్టే అవకాశం కనిపిస్తోంది. నిన్నటి నుంచి కల్వకుర్తి నియోజకవర్గ పరిధిలో జూపల్లి 119 బూత్ లోని ఈవీఎం మొరాయించడంతో ఆ ఫలితాన్ని అధికారులు పెండింగ్ లో పెట్టారు. ఇప్పటికే తీవ్రంగా శ్రమించిన అధికారులు తిరిగి ఆ ఈవీఎంను ఓపెన్ చేయడం కోసం ప్రత్యేక బృందాన్ని ఏర్పాటు చేశారు. దీన్ని ఓపెన్ చేయడానికి ఈసీఎల్ ఇంజినీర్లు రంగంలోకి దిగినా.. చివరకు వారు చేతులెత్తేశారు. ఈవీఎంను ఓపెన్ చేయడం తమవల్ల కాదంటూ రాష్ట్ర ఎన్నికల అధికారి భన్వర్ లాల్ కు తేల్చిచెప్పేశారు. దీంతో ఇక్కడ తాజాగా ఎన్నిక నిర్వహించాలని భన్వర్ లాల్ కేంద్ర ఎన్నికల సంఘానికి నివేదిక అందజేశారు. ఈ బూత్ లో రీ పోలింగ్ నిర్వహించాలంటూ సిఫారుసు చేశారు.  మహబూబ్నగర్ జిల్లా కల్వకుర్తి అసెంబ్లీ నియోజకవర్గం ఫలితంపై ఇంకా ఉత్కంఠ వీడలేదు.
  
 కల్వకుర్తి నుంచి కాంగ్రెస్ పార్టీ తరఫున బరిలో దిగిన వంశీచంద్రెడ్డికి తన సమీప ప్రత్యర్థి అచారిపై167 ఓట్లు ఆధిక్యంగా పోలైయ్యాయి. ఆ దశలో ఈవీఎం మొరాయించింది. దాంతో ఎన్నికల అధికారులు కౌంటింగ్ నిలిపివేశారు. అనంతరం ఈవీఎం మొరాయించిందని ఎన్నికల అధికారులు ఈసీ ఫిర్యాదు చేశారు. ఈరోజు ఆ ఈవీఎంను ఓపెన్ చేయడం కష్టసాధ్యంగా మారడంతో తిరిగి ఈ బూత్ కు సంబంధించి ఎన్నిక అనివార్యమయ్యే పరిస్థితి కనిపిస్తోంది. ఇదిలా ఉండగా, కర్నూలు జిల్లాలోని ఆళ్లగడ్డ అసెంబ్లీ నియోజకవర్గంలో దివంగత వైఎస్సార్ సీపీ నేత భూమా శోభానాగిరెడ్డి విజయంపై కూడా ఈసీకి భన్వర్ లాల్ నివేదిక అందజేశారు.


 హైదరాబాద్ : ఎన్నికల ఓట్ల లెక్కింపులో ముందుగా పోస్టల్ బ్యాలెట్ల ఓట్ల లెక్కింపు ప్రారంభం అవుతుందని రాష్ట్ర ఎన్నికల ప్రధాన అధికారి భన్వర్ లాల్ తెలిపారు. కౌంటింగ్ నేపథ్యంలో సర్వత్రా ఉత్కంఠ నెలకొనటంతో కౌంటింగ్ కేంద్రాల వద్ద పోలీసులు పటిష్ట బందోబస్తు ఏర్పాటు చేసినట్లు ఆయన పేర్కొన్నారు.
 
   పోస్టల్ బ్యాలెట్ల లెక్కింపు ప్రక్రియ ముగియగానే ఉదయం 8.30 గంటల నుంచి ఈవీఎంల ప్రక్రియ ప్రారంభమవుతుంది. ఓ రౌండ్ ఫలితం పది నిమిషాల్లోనే వెల్లడి కానుంది. ప్రతి రౌండ్‌లో ర్యాండమ్‌గా రెండు టేబుళ్ల లెక్కింపును సరిచూసిన తర్వాత ఓట్ల వివరాలను షీట్‌లో నమోదు చేస్తారు. ఈ ఏడాది కొత్త విధానం ‘పాడు’ (ప్రింట్ అండ్ ఆక్జలరీ యూనిట్), కంట్రోల్ యూనిట్ ద్వారా ఫలితాలను వెల్లడిస్తారు.  
  
 
  


  కలెక్టరేట్, న్యూస్‌లైన్ :  సార్వత్రిక ఎన్నికల ఓట్ల గణనపై రాష్ట్ర ఎన్నికల కమిషనర్ భన్వర్‌లాల్ గురువారం కలెక్టర్, ఎస్పీలతో హైదరాబాద్ నుంచి వీడియో కాన్ఫరెన్స్ నిర్వహించారు. ఈ సందర్భంగా కలెక్టర్ మాట్లాడుతూ జిల్లాలో మూడు కేంద్రాల్లో అసెంబ్లీ, పార్లమెంట్ ఓట్ల లెక్కింపును నిర్వహిస్తున్నామని చెప్పారు. వీటికి పూర్తి స్థాయిలో పటిష్ట బందోబస్తు ఏర్పాటు చేశామని చెప్పారు. ప్రతి ఈవీఎం వద్ద మైక్రో అబ్జర్వర్‌తో పాటు వీడియో నిఘా మధ్య ఓట్ల గణన జరిగేందుకు అన్ని చర్యలు తీసుకున్నామని వివరించారు.
 
  ఓట్లు లెక్కింపు జరిగే ఎంఎన్‌ఆర్, గీతం, డీవీఆర్ కాలేజ్‌ల వద్ద ఎలాంటి అవాంఛనీయ ఘటనలు చోటు చేసుకుండా పూర్తి స్థాయి బందోబస్తును ఏర్పాటు చేశామని ఎస్పీ శెముషీ బాజ్‌పాయ్ తెలిపారు. ఈ కేంద్రాల వద్ద ఇద్దరు ఏఎస్పీలు, ఒక ఓఎస్‌డీ, ఏడుగురు డీఎస్పీలు, 35 మంది సీఐలు, 90 మంది ఎస్‌ఐ/ఆర్‌ఎస్‌ఐలు, 9 స్పెషల్ పార్టీ పోలీసులు, 150 మంది పోలీసు సిబ్బందిని నియమించామని ఆమె వివరించారు.


 కలెక్టరేట్, న్యూస్‌లైన్ :  జిల్లా కేంద్రంలో శుక్రవారం నిర్వహించే లోక్‌సభ, శాసనసభ ఎన్నికల ఓట్ల లెక్కింపునకు అన్ని ఏర్పాట్లు పూర్తి చేసినట్లు కలెక్టర్ అహ్మద్ బాబు తెలిపారు. గురువారం సాయంత్రం రాష్ట్ర ఎన్నికల ప్రధాన అధికారి(సీఈవో) భన్వర్‌లాల్ హైదరాబాద్ నుంచి వీడియో కాన్ఫరెన్స్ నిర్వహించారు. ఈ సందర్భంగా ఆదిలాబాద్‌లో ఏర్పాట్లపై కలెక్టర్ ఆయనకు వివరించారు. ఆదిలాబాద్ పార్లమెంటు స్థానానికి ఎనిమిది మంది, జిల్లాలోని పది అసెంబ్లీ నియోజకవర్గాల్లో 107 మంది అభ్యర్థులు బరిలో ఉన్నారని పేర్కొన్నారు. ఓట్ల లెక్కింపు ఉదయం 8గంటల నుంచి ప్రారంభమవుతుందని చెప్పారు.
 
 పోస్టల్ బాలెట్ ఓట్లు, ఈవీఎంల ఓట్ల లెక్కింపునకు ప్రతి టేబుల్‌కు ఒక సూపర్‌వైజర్, కౌంటింగ్ అసిస్టెంట్, సూక్ష్మ పరిశీలకులు ఉంటారని అన్నారు. ఓట్ల లెక్కింపుపై అధికారులు, సిబ్బందికి శిక్షణ ఇచ్చామని తెలిపారు. అసెంబ్లీకి 15,028, పార్లమెంటుకు 11,228 పోస్టల్ బ్యాలెట్లు వినియోగించుకున్నారని, ముందుగా వీటిని లెక్కిస్తామని అన్నారు. ఫలితాలు ప్రజలకు తెలిసే విధంగా గురుకుల కళాశాలలో కంట్రోల్ రూం ఏర్పాటు చేసి గూగుల్ డాక్స్ ఆన్‌లైన్ విధానం ద్వారా జిల్లా ఫలితాలు రాష్ట్రంలోనే ముందుగా ప్రకటించేందుకు ఏర్పాట్లు చేశామని వివరించారు.
 
 లెక్కింపు రౌండ్ల వారీగా ప్రజలు వీక్షించేందుకు ఇందిరా ప్రియదర్శిని స్టేడియంలో ప్రొజెక్టర్ ఏర్పాటు చేసి స్క్రీన్ ద్వారా ప్రదర్శించనున్నట్లు వెల్లడించారు. ఓట్ల లెక్కింపు ప్రక్రియను సంజయ్ కుమార్ సక్సేనా, ఓంప్రకాశ్ ఫాటక్, రాకేశ్‌కుమార్, ఎంజె టక్కర్, ప్రమోద్‌కుమార్ ఉపాధ్యాయ్, చిత్తరంజన్‌సింగ్, శివకాంత్ ద్వివేది, పంకజ్ జోషి పరిశీలిస్తారని తెలిపారు. లెక్కింపు కేంద్రాల వద్ద 2,100 మంది పోలీసు అధికారులు, సిబ్బందిని నియమించినట్లు తెలిపారు. జిల్లా ఎస్పీ గజరావు భూపాల్ పాల్గొన్నారు.


 హైదరాబాద్: సార్వత్రిక ఎన్నికల కౌంటింగ్‌కు అన్ని ఏర్పాటు పూర్తి చేశామని రాష్ట్ర ఎన్నికల ప్రధానాధికారి భన్వర్‌లాల్‌ తెలిపారు. రేపు ఉదయం 8 గంటలకు కౌంటింగ్ ప్రారంభమవుతుందని చెప్పారు. రాష్ట్రవ్యాప్తంగా 78 ప్రాంతాల్లో 168 కేంద్రాలు ఏర్పాటు చేసినట్టు తెలిపారు. 437 కౌంటింగ్ హాళ్లలో 6,955 కౌంటింగ్ టేబుల్స్‌ ఏర్పాటు చేశామన్నారు. 189 మంది పరిశీలకులను నియమించామని చెప్పారు.
 
 మల్కాజిగిరి పార్లమెంట్‌ స్థానానికి అత్యధికంగా 45 రౌండ్ల కౌంటింగ్ ఉంటుందన్నారు. అనకాపల్లి పార్లమెంట్‌ స్థానానికి 18 రౌండ్ల కౌంటింగ్‌ మాత్రమే ఉంటుందన్నారు. కూకట్‌పల్లి అసెంబ్లీకి 45, చార్మినార్ అసెంబ్లీకి 13 రౌండ్లు పాటు కౌంటింగ్ జరుగుతుందన్నారు. కౌంటింగ్‌ కేంద్రాల్లోకి సెల్‌ఫోన్లు అనుమతించబోమని భన్వర్‌లాల్‌ స్పష్టం చేశారు.
  


 హైదరాబాద్: ఏయే కేంద్రాల్లో రీపోలింగ్ నిర్వహించాలో సాయంత్రం నిర్ణయం తీసుకుంటామని రాష్ట్ర ఎన్నికల ప్రధానాధికారి భన్వర్లాల్ తెలిపారు. ఈ నెల 12 లేదా 13న రీపోలింగ్ నిర్వహిస్తామని వెల్లడించారు. ఏ ఏ పోలింగ్ కేంద్రాల్లో రీ పోలింగ్ అవసరం, ఏ కేంద్రాల్లో రీ పోలింగ్ అవసరం లేదనే వివరాలను భన్వర్‌లాల్ శుక్రవారం జిల్లా కలెక్టర్ల నుంచి నివేదికల రూపంలో తెప్పించుకున్నారు.
 
 కాకినాడ జేఎన్టీయూలో ఈవీఎంలు భద్రంగా ఉన్నాయని స్పష్టం చేశారు. ఈవీఎంలోకి వర్షం నీరు చేరలేదని తెలిపారు. కాకినాడ జేఎన్టీయూ స్ట్రాంగ్ రూంలోకి వర్షపు నీరు వచ్చిన మాట వాస్తవమేనని, అయితే ఈవీఎంలు మాత్రం వర్షపు నీటిలో తడవలేదని తూర్పు గోదావరి జిల్లా కలెక్టర్ నీతూ కుమారి ప్రసాద్ కూడా వివరణ ఇచ్చారు.


 విశాఖ : విశాఖ పశ్చిమ నియోజకవర్గంలోని సోఫియా కళాశాల స్టాంగ్ రూం వద్ద ఆగంతకులు సంచారం కలకలం రేపుతోంది. టీడీపీ ఎన్నికల ఏజెంట్తో ఓ పోలీసు అధికారి మంతనాలు జరుగుతున్నారు. ఈ నేపథ్యంలో వైఎస్ఆర్ కాంగ్రెస్ పార్టీ అభ్యర్థి దాడి రత్నాకర్ శనివారం ఎన్నికల అధికారి భన్వర్ లాల్కు ఫిర్యాదు చేశారు.
 ఈవీఎంలు భద్రపరిచిన స్టాంగ్ రూంల వద్ద భద్రతను మరింత కట్టుదిట్టం చేయాలని కోరారు. ఈ ఘటనపై విచారణ జరపాలని దాడి రత్నాకర్ భన్వర్ లాల్కు విజ్ఞప్తి చేశారు. ఈవీఎంలకు మూడంచెల పోలీసు వ్యవస్థ ఏర్పాటు చేసినా వాటి భద్రత మాత్రం సవాల్గా మారుతోంది. కాగా ఈ నెల 16న కౌంటింగ్ జరగనున్న విషయం తెలిసిందే.
 
  


  ఖమ్మం కలెక్టరేట్, న్యూస్‌లైన్: సార్వత్రిక ఎన్నికల ఓట్ల లెక్కింపునకు ఏర్పాట్లు పూర్తిచేసినట్టు కలెక్టర్ శ్రీనివాస శ్రీనరేష్ తెలిపారు. ఓట్ల లెక్కింపు ఏర్పాట్లపై కలెక్టర్లతో రాష్ట్ర ఎన్నికల ప్రధానాధికారి భన్వర్‌లాల్ శుక్రవారం సాయంత్రం వీడియో కాన్ఫరెన్స్‌లో సమీక్షించారు. కలెక్టర్ మాట్లాడుతూ.. జిల్లాలో 11మంది అదనపు సహాయ రిటర్నింగ్ అధికారులు, ఏడుగురు అబ్జర్వర్ల నియామకానకి ప్రతిపాదనలు పంపామన్నారు. జిల్లాకు 2600 పవర్  ప్యాక్స్ అవసరమన్నారు. 1.24 కోట్ల బడ్జెట్ కేటాయింపునకు ప్రతిపదనలు పంపినట్టు చెప్పా.
 
 ఈవీఎంలను భద్రపరచేందుకు నిర్మిస్తున్న గోడౌన్ గ్రౌండ్ ఫ్లోర్ పనులు పూర్తయినట్టు చెప్పారు. మొదటి అంతస్తు పనులు పురోగతిలో ఉన్నాయని, దీనికిగాను 14.74 లక్షల రూపాయలకు ప్రతిపాదనలు పంపామని అన్నారు. కౌంటింగ్ ఏర్పాట్లపై జిల్లాలోని వివిధ రాజకీయ పార్టీల ప్రతినిధులతో సమావేశం నిర్వహించామని, కౌంటింగ్ ఏజెంట్ల జాబితా ఇవ్వాలని కోరామని అన్నారు. స్ట్రాంగ్ రూమ్‌లను తనిఖీ చేసినట్టు చెప్పారు. సార్వత్రిక ఎన్నికల కౌంటింగ్ నిర్వహణకు ఆయా శాఖల అధికారులు, సిబ్బందికి డ్యూటీలు వేశామన్నారు. కౌంటింగ్‌ను పటిష్టంగా నిర్వహించేందుకు వివిధ స్థాయిలో ప్రత్యేక అధికారులను నియమించామన్నారు. స్ట్రాంగ్ రూముల నుంచి కౌంటింగ్ కేంద్రాల వరకు బ్యాలెట్  ఈవీఎంలను తీసుకొచ్చేప్పుటి నుంచి ప్రక్రియ పూర్తయ్యేంత వరకు వీడియో చిత్రీకరణకు ఏర్పాట్లు చేశామన్నారు. కౌంటింగ్ కేంద్రాల వద్ద బారికేడ్లు, మూడంచెల భద్రత ఏర్పాటు చేసినట్టు చెప్పారు.
 
  ఎస్పీ రంగనాథ్ మాట్లాడుతూ.. ఓట్ల లెక్కింపు ప్రక్రియలో ఎటువంటి అవాంఛనీయ ఘటనలు చోటుచేసుకోకుండా ముందస్తుగా పటిష్ట చర్యలు చేపట్టినట్టు చెప్పారు. కౌంటింగ్ కేంద్రాల వద్ద 144 సెక్షన్ అమలు చేస్తున్నట్టు తెలిపారు.
 
  ఈ వీడియో కాన్ఫరెన్స్‌లో ఐటీడీఏ పీవో దివ్య, జిల్లా రెవెన్యూ అధికారి శివ శ్రీనివాస్, ఏఓ చూడామణి, ఎన్నికల అధికారి యూసఫ్ అలీ తదితరులు పాల్గొన్నారు.


 సీఈవో భన్వర్‌లాల్ ఆదేశం
 శ్రీకాకుళం కలెక్టరేట్, న్యూస్‌లైన్ : సాధారణ ఎన్నికల కౌంటింగ్‌కు పకడ్బందీ ఏర్పాట్లు చేయాలని రాష్ట్ర ఎన్నికల ప్రధాన అధికారి భన్వర్‌లాల్ ఆదేశించారు. కౌంటింగ్ తదితర అంశాలపై శుక్రవారం సాయంత్రం ఆయన, జిల్లా కలెక్టర్ సౌరభ్‌గౌర్, ఇతర అధికారులతో వీడియో కాన్ఫరెన్స్ నిర్వహించారు. ఈ సందర్భంగా మాట్లాడుతూ ప్రస్తుతం వర్షాలు కురుస్తున్నందున కౌంటింగ్ జరిగే గదుల పైకప్పులకున్న లీకేజీలు, గదుల్లోకి నీరు చేరే అవకాశాలున్నాయా? అనే అంశాలపై పరిశీలించాలని సూచించారు.
 
  ప్రతి నియోజకవర్గానికి ఒక గదిని ఏర్పాటు చేయాలని పేర్కొన్నారు. రిటర్నింగ్ అధికారి గదిలో పార్లమెంట్ ఓట్ల లెక్కింపునకు చర్యలు చేపట్టాలని సూచించారు. ఎన్నికల సందర్భంగా ప్రచురితమైన పెయిడ్ న్యూస్‌పై వెంటనే నివేదికలు సమర్పించాలని ఆదేశించారు. కలెక్టర్ సౌరభ్ గౌర్ మాట్లాడుతూ జిల్లాలో ఓట్ల లెక్కింపునకు చేసిన ఏర్పాట్ల గురించి వివరించారు.
 
 వీడియో కాన్ఫరెన్స్‌లో జాయింట్ కలెక్టర్ జి.వీరపాండ్యన్, ఏజేసీ హ షీం షరీఫ్, జిల్లా రెవెన్యూ అధికారి నూర్‌బాషా ఖాసీం, రిటర్నింగ్ అధికారులు గణేష్‌కుమార్, మనోరమ, తేజ్‌భరత్, సునీతారాణి, నాగార్జునసాగర్, కె.సాల్మన్‌రాజు, తనూజారాణి తదితరులు పాల్గొన్నారు.


 * ఓటమికి కారణాలు వెతుక్కుంటూ ఇలా మాట్లాడటం తగదు
 * రాష్ట్రంలో పోలింగ్ స్వేచ్ఛగా, ప్రశాంతంగా ముగిసింది
 * చిన్న సంఘటనలను మొత్తానికి ఆపాదించడం సరికాదు
 * ఎన్నికల నిఘా వేదిక ప్రతినిధులు
  
 సాక్షి, హైదరాబాద్: ఓటమికి కారణాలు వెతుక్కునే చర్యల్లో భాగంగా రాజ్యాంగ సంస్థలపై బురదచల్లడం ఏమాత్రం మంచిది కాదని టీడీపీ అధినేత చంద్రబాబును ఉద్దేశించి ఎన్నికల నిఘా వేదిక ఆంధ్రప్రదేశ్ కమిటీ ప్రతినిధులు వ్యాఖ్యానించా రు. రాష్ట్రంలో పోలింగ్ ప్రశాంతంగా, స్వేచ్ఛగా నిర్వహించినందుకు రాష్ట్ర ప్రధాన ఎన్నికల అధికారి (సీఈవో) భన్వర్‌లాల్‌ను ఎన్నికల నిఘా వేదిక ప్రతినిధులు ప్రశంసించారు. వేదిక ప్రతి నిధులు జస్టిస్ అంబటి లక్ష్మణరావు, మాజీ ప్రభుత్వ ప్రధాన కార్యదర్శి కాకి మాధవరావు, వి.లక్ష్మణరెడ్డి తదితరులు శుక్రవారం సచివాలయంలో సీఈవో భన్వర్‌లాల్‌ను కలసి ఎన్నికలను ప్రశాంతంగా నిర్వహించినందుకు అభినందనలు తెలియజేశారు.
  
 ఎన్నికల నియమావళి ఉల్లంఘన కేసులను సత్వరమే పరిష్కరించడానికి ఫాస్ట్ ట్రాక్ కోర్టులను ఏర్పాటు చేయాలని విజ్ఞప్తి చేశారు. ఓటర్ల జాబితాలో కనిపించిన లోపాలను దృష్టిలో పెట్టుకుని భవిష్యత్తులో లోప రహితంగా రూపొందించాలని సీఈఓకు ఇచ్చిన వినతిపత్రంలో కోరారు. భవిష్యత్తులో క్షేత్రస్థాయిలో మరిన్ని ఆకస్మిక తనిఖీ బృందాలను ఏర్పాటు చేసి మద్యం, డబ్బుల పంపిణీని పూర్తిగా నియంత్రించాలని సూచించారు. అనంతరం మీడియాతోనూ, విడివిడిగా టీవీ ఛానళ్లతోనూ మాట్లాడారు. ఎన్నికల కమిషన్ తీసుకున్న చర్యలవల్ల గతంతో పోల్చితే రాష్ట్రంలో ఎన్నికలు పూర్తి ప్రశాంతంగా, స్వేచ్ఛగా సాగాయని స్పష్టం చేశారు. ఓట్ల లెక్కింపు పూర్తయ్యేవరకు రాజకీయ పార్టీలు, నాయకులు సంయమనం పాటించాలని, ఎట్టి పరిస్థితుల్లోనూ ప్రజలను రెచ్చగొట్టరాదని అన్ని రాజకీయ పార్టీలకు విజ్ఞప్తిచేశారు. ఇంకా వారేమన్నారంటే..
  
 కాకి మాధవరావు: వారికి అనుకూలం కాని నిర్ణయాలు తీసుకున్నందునే భన్వర్‌లాల్‌పై విమర్శలు చేసి ఉంటారు. భన్వర్‌లాల్ ఎవరిమాటా వినరు. విధి నిర్వహణ సమయంలో సహోద్యోగులుగా మేం విన్నవించుకున్నా వినకుండా నిబంధనల ప్రకారమే నిర్ణయం తీసుకునేవారు. కాబట్టి ఆయన ఒకరి మాట విని ఒకరికి మేలు చేసి మరొకరికి అన్యాయం చేస్తారనే దానిలో సున్నా శాతం కూడా నిజం లేదు.
  
 నిఘా వేదిక ఛైర్మన్ డాక్టర్ అంబటి లక్ష్మణరావు: అక్కడక్కడా కొన్ని సంఘటనలు మినహా మొత్తమ్మీద ఎన్నికలు ప్రశాంతంగా, స్వేచ్ఛగా జరిగా యి. ఓటు వేయడానికి వచ్చిన వారు వెనక్కు వెళ్లడంగానీ, లాఠీచార్జీ జరిగినా ప్రాణనష్టంగానీ ఎక్కడా జరగలేదు. కోట్ల మంది ఓటర్లు, లక్షల మంది సిబ్బంది లక్షల పోలింగ్ కేంద్రాల్లో ఓటింగ్ జరిగినప్పుడు కొన్ని అవాంఛనీయ సంఘటనలు జరిగి ఉండొచ్చు. అయితే వీటినే పోలింగ్ మొత్తానికి ఆపాదించడం సరికాదు.
  
 వి.లక్ష్మణరెడ్డి: 1952లో 52 శాతం పోలింగ్ జరిగితే నేడు గ్రామీణ ప్రాంతాల్లో 80 శాతంపైగా, సీమాంధ్రలో సగటున 80 శాతం పోలింగ్ జరిగింది. ప్రతి ఓటరు స్వేచ్ఛగా ఓట్లు వేశారు. ఇలాంటి పరిస్థితుల్లో ఓటమికి రకరకాల కారణాలు వెతుక్కుంటూ ఇతర వ్యవస్థల మీద ముఖ్యంగా రాజ్యాంగ వ్యవస్థల మీద బురద చల్లడం మంచిదికాదు. గతంతో పోల్చితే రిగ్గింగులు, ఘర్షణలు పూర్తిగా తగ్గాయి. ధన ప్రభావం మాత్రం పెరిగింది.


 హైదరాబాద్ : ఎన్నికల కమిషన్ రాజ్యాంగబద్ధ సంస్థ అని ఎన్నికల కమిషన్పై విమర్శలు చేయటం తగదని ఎన్నికల నిఘా వేదిక సభ్యులు అన్నారు. ఎన్నికల నిఘా వేదిక సభ్యులు శుక్రవారం రాష్ట్ర ఎన్నికల ప్రధాన అధికారి భన్వర్ లాల్ను కలిశారు. అనంతరం  నిఘా వేదిక సభ్యులు మాట్లాడుతూ భన్వర్ లాల్ ఎవరి మాట వినే వ్యక్తి కాదని, ఎలాంటి రాజకీయ ఒత్తిళ్లకు తలొగ్గరన్నారు. తమ మాట చెల్లుబాటు కాలేదనే కొందరు వ్యక్తులు భన్వర్ లాల్పై విమర్శలు చేస్తున్నారన్నారు.
 
 ఓటమికి కారణాలు వెతుక్కునే పనిలో భాగంగానే ఎన్నికల కమిషన్ను విమర్శిస్తున్నారని ఎన్నికల నిఘా వేదిక సభ్యులు వ్యాఖ్యానించారు. గతంలో పోలిస్తే ఈసారి ఎన్నికలు చాలా ప్రశాంత వాతావరణంలో జరిగాయని, అందుకు భన్వర్ లాల్, ఎన్నికల కమిషన్ను అభినందిస్తున్నామని తెలిపారు.
 
  


 హైదరాబాద్ : రాష్ట్ర ఎన్నికల ప్రధాన అధికారి భన్వర్ లాల్తో ఎన్నికల నిఘా వేదిక సభ్యులు శుక్రవారం భేటీ అయ్యారు. ఎన్నికల కోడ్ ఉల్లంఘించిన వారిపై ఉన్న కేసులు పరిష్కరించేందుకు ఫాస్ట్ట్రాక్ కోర్టుల ఏర్పాటుకు విజ్ఞప్తి చేశారు. క్షేత్రస్థాయిలో మరిన్ని తనిఖీ బృందాలు ఏర్పాటు చేసి నగదు, మద్యం ప్రభావాన్ని నివారించాలని వారు కోరారు.
 
 ఓటర్ల జాబితాలో కనిపించిన లోపాలను సంపూర్ణంగా ప్రక్షాళన చేయాలన్నారు. ఓటర్ల లెక్కింపు ప్రక్రియ పూర్తయ్యేవరకు పార్టీ నేతలందరూ సంయమనం పాటించాలని సూచించారు. చట్ట వ్యతిరేకంగా నడుస్తున్న బెల్టు షాపులను ఎన్నికల సందర్భంగా మూసివేశారని, వాటిని శాశ్వతంగా మూసివేసేలా చర్యలు చేపట్టాలని భన్వర్ లాల్ను కోరారు.
  


 భన్వర్‌లాల్ ఓకే.. నేడు ఉత్తర్వులు!
 
  సాక్షి, హైదరాబాద్: రాష్ట్ర ప్రభుత్వ ఉద్యోగులకు కరువు భత్యం (డీఏ) మంజూరు చేసేందుకు రాష్ట్ర ప్రధాన ఎన్నికల అధికారి (సీఈవో) భన్వర్‌లాల్ గ్రీన్‌సిగ్నల్ ఇచ్చారు. ఉద్యోగులకు గత జనవరి నుంచి వర్తించేలా 8.56 శాతం డీఏ ఇచ్చేందుకు గవర్నర్ నరసింహన్ ఆమోదం తెలిపిన విషయం విదితమే. ఈ మేరకు ఫైలుపై సంతకం చేసిన గవర్నర్.. ఎన్నికల కోడ్ అమల్లో ఉన్నందున దీనికి ప్రత్యేక అనుమతి ఇవ్వాలంటూ సీఈవోకు పంపించారు. దీనిని పరిశీలించిన భన్వర్‌లాల్ ఉద్యోగులకు డీఏ ఇచ్చేందుకు అభ్యంతరం లేదని తెలిపారు. ఇందుకు సంబంధించిన ఉత్తర్వులు శుక్రవారం జారీ అయ్యే అవకాశం ఉంది.
 
  


 విజయవాడ: విజయవాడలో పట్టుబడ్డ టీడీపీ నేతల డబ్బు వ్యవహారంలో విచారణ జాప్యంపై కృష్ణ జిల్లా అధికారులపై సీఈవో భన్వర్‌లాల్‌ ఆగ్రహం వ్యక్తం చేశారు.  
  
 3 కోట్ల రూపాయలు పట్టుబడినట్టు తన వద్ద పక్కా సమాచారం ఉందని అధికారులను భన్వర్ లాల్ నిలదీశారు. పట్టుబడిన డబ్బు వ్యవహారంపై మీరెందుకు విచారణ వేగవంతం చేయడంలేదని భన్వర్ లాల్ నిలదీశారు. 
  
 ఈ వ్యవహారంలో బాధ్యులైన నేతలను వదిలిపెట్టొద్దని, కేసు నమోదు చేయాలని భన్వర్‌లాల్‌ ఆదేశించారు. ఈ కేసులో నిర్లక్ష్యం వహిస్తే కఠిన చర్యలు తీసుకుంటామని భన్వర్ లాల్ హెచ్చరించారు. విజయవాడ సిద్ధార్థ అకాడమీ కేంద్రంగా కోట్ల రూపాయల డంప్ బయటపడిన సంగతి తెలిసిందే. 
  


 హైదరాబాద్ : సీమాంధ్రలో పోలింగ్ ప్రశాంతంగా కొనసాగుతోందని రాష్ట్ర ఎన్నికల ప్రధాన అధికారి భన్వర్ లాల్ తెలిపారు. ఆయన బుధవారమిక్కడ విలేకర్లతో మాట్లాడుతూ అక్కడక్కడా ఉద్రిక్తత నెలకొన్నా, దాడులు జరగలేదని అన్నారు. పోలింగ్లో ఎక్కడా అంతరాయం జరగలేదని,  అన్ని ఈవీఎంలు పని చేస్తున్నాయని భన్వర్ లాల్ తెలిపారు.  మధ్యాహ్నం ఒంటిగంట వరకూ 54 శాతం పోలింగ్ నమోదు అయనట్లు తెలిపారు. క్రమంగా పోలింగ్ శాతం పెరుగుతోందని ఆయన చెప్పారు.
 
  


 ఓడిపోతున్నామన్న సంకేతాలు స్పష్టంగా కనపడుతుండటంతో తెలుగుదేశం పార్టీ నాయకుల్లో అసహనం పెరిగిపోతోంది. ఎవరితో ఏం మాట్లాడుతున్నామో కూడా వారికి తెలియట్లేదు. రాష్ట్ర ప్రధాన ఎన్నికల అధికారి భన్వర్లాల్తో టీడీపీ ఎంపీ సీఎం రమేష్ అమర్యాదగా ప్రవర్తించారు. తన నోటి దురుసును ప్రదర్శించారు. దీంతో భన్వర్లాల్ నొచ్చుకుని, రమేష్ను హెచ్చరించారు. ఆంధ్రప్రదేశ్ రాష్ట్రంలో ప్రజాప్రతినిధులు ఇలాగే ఉంటారా అంటూ తీవ్రస్వరంతో ప్రశ్నించారు.
 
 పక్కగ్రామాల నుంచి ఏజెంట్లను నియమించుకునే విషయంలో హైకోర్టు స్టే ఇస్తే మీరేం చేస్తున్నారంటూ భన్వర్‌లాల్‌ను సీఎం రమేష్‌ ప్రశ్నించారు. అయితే, హైకోర్టు తీర్పు తన పరిధిలోకి రాదని ఆయనకు భన్వర్‌లాల్‌ చెప్పారు. అంతేకాక, మీరు వ్యవహరించిన తీరు సరిగా లేదని, పద్దతి మార్చుకోవాలంటూ సీఎం రమేష్‌ను భన్వర్లాల్ హెచ్చరించారు.


 హైదరాబాద్ :  సీమాంధ్రలో ఇప్పటి వరకూ నమోదు అయిన పోలింగ్ శాతంలో కర్నూలు జిల్లా మొదటి స్థానంలో నిలిచింది. కర్నూలు జిల్లాలో  నాలుగు గంటల్లో 41 శాతం పోలింగ్ నమోదు అయ్యింది. రాష్ట్ర ఎన్నికల ప్రధాన అధికారి భన్వర్ లాల్ మాట్లాడుతూ చెదురు మదురు ఘటనలు మినహా  సీమాంధ్రలో పోలింగ్ ప్రశాంతంగా కొనసాగుతుందన్నారు.  గుంటూరు జిల్లా రొంపిచర్లలో రెండు వర్గాల మధ్య జరిగిన ఘర్షణల్లో పోలీసులు గాలిలో కాల్పులు జరిగాయన్నారు.
 
 ప్రస్తుతం పరిస్థితి అదుపులో ఉందని భన్వర్ లాల్ తెలిపారు. ఉదయం 11 గంటల వరకూ సీమాంధ్రలో 13 జిల్లల్లో 33 శాతం పోలింగ్ నమోదు అయినట్లు తెలిపారు.  పోలింగ్ చురుకుగా కొనసాగుతోందని, ఓటర్లు పెద్ద ఎత్తున క్యూ లైన్లలో ఉన్నారన్నారు. 85 నుంచి 90 శాతం వరకూ పోలింగ్ నమోదు అయ్యే అవకాశం ఉందని భన్వర్ లాల్ పేర్కొన్నారు.
 
 వివిధ జిల్లాల్లో నమోదైన పోలింగ్ ఇలా ఉంది...
 శ్రీకాకుళం........... ..33
 విజయనగరం ..........34
 విశాఖపట్నం......... ..28
 తూర్పు గోదావరి జిల్లా....28
 పశ్చిమ గోదావరి జిల్లా.... 35
 కృష్ణాజిల్లా.................30
 గుంటూరు................ 35
 ప్రకాశం....................34
 నెల్లూరు ..................33
 వైఎస్ఆర్ జిల్లా.............32
 కర్నూలు..................41
 అనంతపురం ..............32
 చిత్తూరు...................33


 సాక్షి, హైదరాబాద్: జై సమైక్యాంధ్ర పార్టీ విశాఖపట్టణం లోక్‌సభ అభ్యర్థి సబ్బం హరిపై రెండు కేసులు నమోదు చేస్తామని రాష్ట్ర ప్రధాన ఎన్నికల అధికారి భన్వర్‌లాల్ తెలిపారు. ప్రచారంపై నిషేధం ఉండగా హరి ఒక పార్టీకి ఓటు వేయాలని చెప్పడాన్ని ప్రజాప్రాతినిధ్య చట్టం సెక్షన్-126 ప్రకారం ఎన్నికల నియమావళి ఉల్లంఘనగా భావించి కేసు నమోదుకు ఆదేశించడంతో పాటు ఆయనకు నోటీసు జారీ చేస్తామని చెప్పారు. హరి మరో పార్టీ అభ్యర్థికి మద్దతు ఇస్తున్నట్లు ప్రకటించడంతో ఆయనను డమ్మీ అభ్యర్థిగా పరిగణిస్తామని తెలిపారు. ఎన్నికల కమిషన్ నిబంధనల ప్రకారం డమ్మీ అభ్యర్థి ఎన్నికల వ్యయాన్ని ప్రధాన అభ్యర్థి ఎన్నికల ఖాతాలో జమ చే యనున్నట్లు చెప్పారు. ఆంధ్రప్రదేశ్ అడుక్కుతింటుందా? అని ఓ టీవీ చానల్ ప్రసారం చేయడాన్ని భన్వర్‌లాల్ తప్పుపట్టారు.
  
 గతంలో కూడా ఆ టీవీ చానల్ వాహనంలో అభ్యర్థికి చెందిన సెల్‌ఫోన్‌లు దొరికాయని, ఈ రెండు అంశాలపైన కేసు నమోదు చే యడంతో పాటు చర్యలు తీసుకుంటామని ఆయన స్పష్టం చేశారు.
  


 హైదరాబాద్: ఒక పార్టీ నుంచి పోటీ చేస్తూ మరో పార్టీకి మద్దతు ప్రకటించడం చెల్లదని రాష్ట్ర ఎన్నికల ప్రధానాధికారి భన్వర్‌లాల్‌ తెలిపారు. సబ్బం హరిపై కేసు నమోదు చేస్తామని చెప్పారు. అలా మద్దతు ప్రకటించేవారిని డమ్మీ అభ్యర్థులుగా ప్రకటిస్తామన్నారు. డమ్మీ అభ్యర్థుల ఎన్నికల ఖర్చును మద్దతు ప్రకటించిన అభ్యర్థి ఖర్చులో కలుపుతామని వెల్లడించారు.
 
 ఎన్నికల సందర్భంగా పెట్టిన అన్ని కేసులను ఫాస్ట్‌ ట్రాక్ కోర్టులలో విచారణ చేపడతామన్నారు. ప్రలోభాలతో తాత్కాలికంగా ఎన్నికైనా ఎన్నికల చట్టాల ప్రకారం శిక్ష తప్పదన్నారు. ఓటర్‌ స్లిప్పులు లేకపోయినా ఓటర్‌ లిస్ట్‌లో పేరుంటే ఓటు వేయొచ్చని వివరించారు. ఓటర్ పోలింగ్‌ బూత్‌లోకి ఓటర్లు వెళ్లేందుకు పోలీసులు అభ్యంతరం చెప్పకూడదన్నారు. పక్క గ్రామాల నుంచి కూడా పోలింగ్ ఏజెంట్లను నియమించుకోవచ్చని భన్వర్‌లాల్‌ తెలిపారు. అందరూ ఓటు హక్కు వినియోగించుకోవాలని ఆయన కోరారు.


 హైదరాబాద్: ఓటర్ స్లిప్ లేకున్నా సరైన గుర్తింపు కార్డ్ ఉంటే చాలు ఓటు వేయొచ్చని రాష్ట్ర ఎన్నికల ప్రధానాధికారి భన్వర్‌లాల్‌ తెలిపారు. హైదరాబాద్ లో ఏర్పాటు చేసిన మీడియా సమావేశంలో మాట్లాడుతూ.. ఎగ్జిట్ , ఓపీనియన్ పోల్స్‌పై నిషేధం విధించాం అని భన్వర్‌లాల్ అన్నారు.  స్థానికేతరులు నియోజకవర్గాలు వదిలి వెళ్లాల్సిందేనని, లేకుంటే కఠిన చర్యలు తీసుకుంటామన్నారు. 
  
 కంపెనీలు, వ్యాపారసంస్థలు పోలింగ్ రోజును భత్యంతో కూడిన సెలవుదినాన్ని ప్రకటించాలని విజ్క్షప్తి చేశారు.  రాష్ట్రంలోని 2వ దశ పోలింగ్‌లో అరకు, పాడేరు స్థానాల్లో ఉదయం 7 నుంచి సాయంత్రం 4 గంటల వరకు...కురుపాం, పార్వతీపురం, సాలూరు, రంపచోడవరం, పెద్దకూరపాడు, వినుకొండ, గురజాల, మాచర్లలలో ఉదయం 7 నుంచి  సాయంత్రం 5 గంటల వరకు పోలింగ్ నిర్వహిస్తామన్నారు. 
  
 మిగతా 165 అసెంబ్లీ స్థానాల్లో ఉదయం 7 నుంచి సాయంత్రం 6 గంటల వరకూ పోలింగ్ కొనసాగుతుందని భన్వర్‌లాల్‌ తెలిపారు. ఓటరు లిస్ట్‌లో పేరుంటే 11 గుర్తింపు కార్డుల్లో ఏదైనా ఓకటి చూపించి  ఓటు వేయొచ్చని తెలిపారు. ఫిర్యాదులేమనై ఉంటే 1950కి ఫోన్ చేయాలని.. ఎస్ఎంఎస్ సర్వీస్ ద్వారా పోలింగ్ కేంద్రం తెలుసుకోవచ్నని ఆయన తెలిపారు. 
  
 ఏపీలలో 25 ఎంపీ స్థానాలకు 333 మంది, 175 అసెంబ్లీ స్థానాలకు 2,241 మంది బరిలో ఉన్నారని ఆయన వెల్లడించారు. పోలింగ్ సజావుగా జరిగేందుకు మొత్తం 40,708 పోలింగ్ కేంద్రాలను ఏర్పాటు చేశామని ఆయన మీడియాకు తెలిపారు. సీమాంధ్ర ప్రాంతంలో మొత్తం ఓటర్లు 3,67,62,975 మంది ఓటు హక్కును వినియోగించుకోనున్నారని భన్వర్ లాల్ తెలిపారు.  సోమవారం సాయంత్రం 6 గంటలకు ప్రచార గడువు ముగుస్తుందని.. గడువు ముగిసిన తర్వాత ప్రచారం నిర్వహిస్తే కఠిన చర్యలు తీసుకుంటామని భన్వర్ లాల్ తెలిపారు. 
  


  కలెక్టరేట్,న్యూస్‌లైన్:  ఈ నెల 16వ తేదీన చేపట్టనున్న ఓట్ల లెక్కింపునకు  అవసరమైన ఏర్పాట్లను పూర్తి చేసుకోవాలని ప్రధాన ఎన్నికల అధికారి భన్వర్‌లాల్ జిల్లా ఎన్నికల అధికారులను, రిటర్నింగ్ అధికారులను ఆదేశించారు.  సార్వత్రిక ఎన్నికలకు సంబంధించిన నివేదికలు జాప్యం లేకుం డా వెంటనే పంపించాలని సూచించారు. శుక్రవారం జిల్లా ఎన్నికల అధికారులతో ఆయన వీడియో కాన్ఫరెన్స్ నిర్వహించారు. మొదటి విడత జరిగిన ఎన్నికలకు సంబంధించి కేంద్ర ఎన్నికల సంఘం నిర్దేశించిన సమాచారాన్ని ఆయా పట్టికలలో పూర్తి వివరాలతో సమర్పించాలని  సూచిం చారు.
 
  మొదటి విడతగా పది జిల్లాల్లో జరిగిన పోలిం గ్‌కు సంబంధించి అన్ని వివరాల సమాచారాన్ని త్వర గా సమర్పించాలని అధికారులకు తెలియజేశారు. ఆ యా జిల్లాలో వినియోగించిన వెబ్ కెమెరాలను ఈనెల 7వ తేదీన జరగనున్న పోలింగ్ కోసం వెబ్ కెమెరాలను వారికి కేటాయించిన జిల్లాలకు పంపించాలని జిల్లా ఎన్నికల అధికారులకు సూచించారు. అనంతరం జిల్లా కలెక్టర్, జిల్లా ఎన్నికల అధికారి పి.ఎస్.ప్రద్యుమ్న మా ట్లాడుతూ  అన్ని నివేదికలు పంపిస్తున్నట్లు తెలిపారు. కౌంటింగ్ కోసం కూడా అన్ని ఏర్పాట్లు చేస్తున్నట్లు  వివరించారు.  వీడియో కాన్ఫరెన్స్‌లో అసిస్టెంట్ అధికారి, డీఆర్వో రాజశేఖర్, సాంఘిక సంక్షేమ శాఖ జేడీ కాలేబ్, ఎంసీఎంసీ  నోడల్ అధికారి పవన్‌కుమార్, కలెక్టరేట్ పరిపాలనాధికారి రాజేశ్వర్  పాల్గొన్నారు.


  సీమాంధ్ర జిల్లాల కలెక్టర్లకు భన్వర్‌లాల్ ఆదేశం
  సాక్షి, హైదరాబాద్: ఓటర్లందరికీ పోలింగ్ కేంద్రాలు తెలిసేలా ప్రచారం నిర్వహించాలని, వారికి పోలింగ్ కేంద్రాల్లో సౌకర్యాలు కల్పించాలని సీమాంధ్ర జిల్లాల కలెక్టర్లను రాష్ట్ర ప్రధాన ఎన్నికల అధికారి(సీఈవో) భన్వర్‌లాల్ ఆదేశించారు. పోలింగ్ రోజున ఓటర్లందరూ పోలింగ్ కేంద్రాలకు వచ్చి ఓటేసేలా అవసరమైన ఏర్పాట్లు చేయాలని సూచించారు. సీమాంధ్ర జిల్లాల్లో 7వ తేదీన పోలింగ్ ఏర్పాట్లపై ఆయన జిల్లా కలెక్టర్లతో శుక్రవారం వీడియో కాన్ఫరెన్స్ ద్వారా సమీక్ష జరిపారు. పోలింగ్ సిబ్బంది నియామకం, శిక్షణ, ఈవీఎంలు అందుబాటు తదితర అంశాలను సమీక్షించారు. పోలింగ్‌కు 48 గంటల ముందు నుంచి ఎటువంటి ప్రచారం జరక్కుండా చర్యలు తీసుకోవాలని, మద్యం, డబ్బు పంపిణీలపై గట్టి నిఘా పెట్టాలని సూచించారు.


 హైదరాబాద్ : తెలంగాణలో ఎన్నికల ఘట్టం ముగిసింది. పది జిల్లాల్లో 17 లోక్ సభ, 119 అసెంబ్లీ నియోజక వర్గాలకు పోలింగ్ నిర్వహించారు. మే 16 న కౌంటింగ్ నిర్వహించనున్నారు.  తెలంగాణలో దాదాపు 72 నుంచి 75 శాతం పోలింగ్ నమోదు అయినట్ల సమాచారం. సాయంత్రం ఐదు గంటలకల్లా పది శాసన సభ నియోజకవర్గాల్లో పోలింగ్ ముగిసింది. ఇతర నియోజక వర్గాల్లో ఆరు గంటల వరకు పోలింగ్ జరిగింది. పోలింగ్ సమయం ముగిసేటప్పటికి క్యూలో ఉన్నవారందరికీ ఓటు హక్కు వినియోగించుకునే అవకాశం కల్పిస్తామని భన్వర్ లాల్ చెప్పారు. ఐదు గంటలకు వరకూ జిల్లాల వారీగా నమోదైన పోలింగ్ శాతం వివరాలు ఈ క్రింది విధంగా ఉన్నాయి.
 
 నిజామాబాద్- 67 శాతం
 కరీంనగర్ -67
 మెదక్ -74
 రంగారెడ్డి- 58
 హైదరాబాద్-53
 మహబూబ్‌నగర్- 69
 నల్లగొండ -74
 వరంగల్ -74
 ఖమ్మం -75
 ఆదిలాబాద్- 71


 హైదరాబాద్: టిడిపి నేతల తీరుపట్ల ఎన్నికల సంఘం రాష్ట్ర ప్రధాన అధికారి భన్వర్లాల్ బాధను వ్యక్తం చేశారు. చంద్రబాబు నాయుడు ఓటు చెల్లదని ఎలా చెబుతారంటూ టిడిపి నేతలు భన్వర్‌లాల్‌ను ప్రశ్నించారు. ఆయనతో   వాగ్వాదానికి దిగారు. చట్టంలో ఉన్నదే తాను చెప్పానని భన్వర్లాల్ చెప్పారు. ఏ పార్టీకి ఓటు వేశామో మీ కార్యకర్తలంతా చెబుతారా? అని ఆయన టీడీపీ నేతలను నిలదీశారు. తాము ఎంతోమంది ముఖ్యమంత్రులతో పనిచేశానని చెప్పారు.  ఓ ఎన్నికల అధికారితో ఇలా ప్రవర్తిస్తారా? అని అడిగారు.
 
 ఆ తరువాత ఆయన విలేకరులతో మాట్లాడుతూ  తన 34 ఏళ్ల వృత్తి జీవితంలో ఏ పార్టీగాని, ఏ నాయకుడు గాని తనతో ఇలా  వ్యవహరించలేదని చెప్పారు. టీడీపీ నేతల ప్రవర్తన అమర్యాదగా ఉందన్నారు. తన మీద ఏమైనా ఫిర్యాదులుంటే  చీఫ్ ఎలక్షన్ కమిషనర్కు  ఫిర్యాదు చేసుకోవచ్చునని  భన్వర్‌లాల్‌ చెప్పారు.
 ఇదిలా ఉంటే, టిడిపి నేతలు భన్వర్ లాల్ పట్ల  వ్యవహరించిన తీరును పలువురు నేతలు తప్పుపడుతున్నారు.


 టీడీపీ అధ్యక్షుడు చంద్రబాబు నాయుడు వేసిన ఓటును చెల్లని ఓటుగా పరిగణిస్తామని రాష్ట్ర ఎన్నికల ప్రధాన అధికారి భన్వర్లాల్ స్పష్టం చేశారు. తాను బీజేపీకి ఓటేశానంటూ బహిరంగంగా చెప్పి, చంద్రబాబు నాయుడు ఎన్నికల నియమావళిని ఉల్లంఘించారు. ఖైరతాబాద్ నియోజకవర్గంలో తన కుటుంబ సభ్యులతో కలసి ఓటేసిన చంద్రబాబు, ఆ తర్వాత  మీడియాతో మాట్లాడుతూ.. బీజేపీకి ఓటేశానని చెప్పారు.
 
 ఎన్నికల నియమావళి ప్రకారం బహిరంగం ఫలానా గుర్తుకు ఓటేశానని చెప్పకూడదు. అలాగే మీడియా సహా ఎవరూ కూడా ఎవరినీ ఓటు గురించి అడగకూడదు. ఓటు ఎవరికి వేశామన్న విషయాన్ని ఎవరూ చెప్పకూడదని, ఎవరూ వనికూడదని రాష్ట్ర ఎన్నికల ప్రధానాధికారి భన్వర్లాల్ స్పష్టం చేశారు. సుదీర్ఘ రాజకీయ అనుభవం ఉన్న చంద్రబాబు, తన సొంత పార్టీకి ఎటూ ఓటు వేసుకోలేకపోగా.. ఇప్పుడు తాము పొత్తు పెట్టుకున్న బీజేపీకి వేసిన ఓటు కూడా చెల్లకుండా పోయినట్లయింది.


 ఓటరు స్లిప్పు లేకపోయినా, ఓటరు ఐడీ కార్డు లేకపోయినా కూడా.. ఓటర్ల జాబితాలో పేరు ఉండి, ఎన్నికల కమిషన్ నిర్దేశించిన 11 రకాల గుర్తింపు కార్డులలో ఏది ఉన్నా కూడా ఓటు వేయనివ్వాలని ఎన్నికల అధికారులకు రాష్ట్ర ప్రధాన ఎన్నికల అధికారి భన్వర్లాల్ తెలిపారు. సాయంత్రం 6 గంటల వరకు పోలింగ్ కేంద్రంలోకి ఎవరు వెళ్లినా.. వారందరితో ఓటు వేయించాలని చెప్పారు. అవసరమైతే అర్ధరాత్రి వరకు కూడా పోలింగ్ నిర్వహిస్తామని, కానీ సాయంత్రం 6 గంటల లోపు పోలింగ్ కేంద్రం ప్రాంగణంలోకి చేరుకున్నవారికి మాత్రమే అవకాశం ఉంటుందని ఆయన అన్నారు. సీనియర్ ఐఏఎస్ అధికారి రాధా సహా పలువురి ఓట్లు గల్లంతు కావడంపై మీడియా ఆయనను ప్రశ్నించగా, చాలా తక్కువచోట్ల మాత్రమే పొరపాట్లు జరిగాయని, మిగిలినచోట్ల ప్రధానంగా ఇళ్లు మారిపోవడం వల్ల మాత్రమే ఓట్లు పోయాయని ఆయన చెప్పారు. ఇళ్లు మారితే నియోజకవర్గాలు కూడా మారిపోతాయని, పక్క పక్క వీధులు కూడా వేర్వేరు నియోజకవర్గాలలోకి రావచ్చని భన్వర్లాల్ తెలిపారు. తాము గత మూడు సంవత్సరాల నుంచి ఇంటింటికీ వెళ్లి ఓటర్ల జాబితాలు తనిఖీ చేస్తున్నామని, మూడు లక్షల పేర్లను హైదరాబాద్లో తీసేశామని వివరించారు. అందువల్ల ఇళ్లు మారినప్పుడు తప్పనిసరిగా కొత్త చిరునామాలో ఓటు నమోదు చేయించుకుని, పాతది తీయించేయాలని ఆయన సూచించారు.
 
 ఓటరు స్లిప్పులు లేనిచోట్ల సీరియల్ నెంబరు చూడటం ఆలస్యం అవ్వడంతో ఓటింగ్ కొంత ఆలస్యంగా జరుగుతోందని, ఈ విషయం తెలిసి తెలుగు అక్షర క్రమంలో జాబితాలు పెట్టామని అన్నారు. వాటిలో ఇంటి నెంబరు లేదా పేరు చెప్పి సీరియల్ నెంబరు చూసి ఓటు వేసుకోవచ్చని భన్వర్లాల్ తెలిపారు. కొన్నిచోట్ల ఓటరు గుర్తింపుకార్డు లేనివారిని ఓట్లు వేయడానికి అంగీకరించట్లేదని తెలిసిందని, ఎన్నికల కమిషన్ తెలిపిన 11 రకాల గుర్తింపు కార్డుల్లో ఏది ఉన్నా వాటిని ఆమోదించాలని ఆయన ఎన్నికల అధికారులను ఆదేశించారు. పాన్ కార్డు, పెన్షన్ కార్డు, ఆధార్ కార్డు, బ్యాంకు పాస్ బుక్, పాస్ పోర్టు, ఉపాధి హామీ జాబ్ కార్డు.. ఇలా ఏవి ఉన్నా పర్వాలేదని, స్లిప్పు లేకపోయినా, ఓటరు గుర్తింపు కార్డు లేకపోయినా, పేరు జాబితాలో ఉంటే గుర్తింపు చూసి ఓటేయచ్చని అన్నారు.
 
 దేవుడి దయ వల్ల వాతావరణం బాగుందని, బుధవారం ఎండ కూడా ఎక్కువగా లేదని, అందువల్ల ఓటర్లు పెద్ద సంఖ్యలో వచ్చి ఓటేయాలని కోరుతున్నామని ఆయన అన్నారు.  అన్ని చోట్ల నుంచి వచ్చిన సమాచారం ప్రకారం అంతా ప్రశాంతంగానే ఉందని, ఉదయం 9 గంటల వరకు సగటున 14 శాతం ఓటింగ్ నమోదైందని చెప్పారు. అత్యధికంగా మహబూబ్నగర్ లో 17 శాతం, అత్యల్పంగా హైదరాబాద్లో 11 శాతం పోలింగ్ నమోదయ్యిందన్నారు.


 ఓటరు లిస్ట్‌లో పేరుంటే చాలు 11 గుర్తింపు కార్డుల్లో ఏదైనా ఒకటి చూపించి ఓటు వేయొచ్చు అని రాష్ట్ర ఎన్నికల ప్రధానాధికారి భన్వర్‌లాల్ వెల్లడించారు. నేటి సాయంత్రం  6 గంటల వరకు లైన్లో ఉన్న ప్రతి ఒక్కరు ఓటు వేసే అవకాశం కల్పిస్తున్నట్లు తెలిపారు. బుధవారం ఉదయం హైదరాబాద్ నగరంలో వివిధ పోలింగ్ కేంద్రాలను ఆయన పరిశీలించారు. కొన్ని పోలింగ్ కేంద్రాలలో ఈవీఎంలు మొరాయిస్తున్నట్లు ఫిర్యాదులు వస్తున్నాయని తెలిపారు. కొన్ని ఈవీఎంలలో లోపాలు ఉన్న మాట వాస్తవమే అని ఆయన అంగీకరించారు.
 
 ఈవీఎంలు ఫ్యాక్టరీ మోడ్లోకి వెళ్తున్నాయన్నారు. అన్ని చోట్ల అదనపు ఈవీఎంలు ఏర్పాటు చేసినట్లు తెలిపారు. ఎక్కడ సమస్య వచ్చినా అరగంటలోపు ఈవీఎంలను రీప్లేస్ చేస్తామని భన్వర్లాల్ వెల్లడించారు. ఈవీఎంలు మొరాయిస్తున్న నేపథ్యంలో సాయంత్రం 6 గంటల వరకు పోలింగ్ కేంద్రాలలో లైన్లో నిలబడిన చివరి వ్యక్తి వరకు ఓటు హక్కు వినియోగించుకునేందుకు అవకాశం కల్పిస్తున్నట్లు చెప్పారు. 16,512 కేంద్రాల్లో లైవ్ వెబ్ కాస్టింగ్ ఏర్పాటు చేసినట్లు చెప్పారు. నగరంలోని వివిధ పోలింగ్ కేంద్రాల్లో పోలింగ్ సరళిని గమనించేందుకు ప్రధాన కూడళ్లలో తెరలను ఏర్పాటు చేసినట్లు చెప్పారు.
 
 నేడు ఎన్నికల సందర్బంగా... అన్ని సంస్థలకూ సెలవు ప్రకటించాలని ఆదేశించినట్లు చెప్పారు. అలాగే అత్యవరసర సేవల సంస్థలకూ మాత్రం ఓ షిఫ్ట్ సెలవు ఇవ్వాలని ఆదేశించామన్నారు. ఉద్యోగులకు సెలవు ఇవ్వని యాజమాన్యాలపై కేసులు నమోదు చేసి... ఏడాది జైలు శిక్ష విధిస్తామన్నారు. అలాంటి సంస్థలు ఏమైనా ఉంటే తమ దృష్టికి తీసుకురావలని అటు ఆయా సంస్థల ఉద్యోగులకు, ఇటు మీడియాకు ఆయన విజ్ఞప్తి చేశారు. పోలింగ్ కేంద్రాల్లోకి సెల్ఫోన్లు తీసుకెళ్లవద్దని  ఓటర్లకు భన్వర్లాల్ సూచించారు.


 హైదరాబాద్: మల్కాజ్‌గిరి పార్లమెంట్ టీడీపీ అభ్యర్ధి మల్లారెడ్డిపై రాష్ట్ర ఎన్నికల ప్రధానాధికారి భన్వర్‌లాల్‌ కు వైఎస్ఆర్సీపీ నేతలు ఫిర్యాదు చేశారు. భన్వర్‌లాల్‌ను కలిసిన వైఎస్ఆర్సీపీ నేతలు...మల్లారెడ్డి ఇచ్చిన అఫిడవిట్‌లోని లోపాలను ఎన్నికల కమిషన్ (ఈసీ) దృష్టికి తీసుకొచ్చారు. 
  
 19 విద్యాసంస్థలు ఉన్నప్పటికీ ఏ ఒక్క దానిని కూడా అఫిడవిట్‌లో చూపించలేదని ఈసీ ఇచ్చిన ఫిర్యాదులో పేర్కోన్నారు.  మల్లారెడ్డికి చెందిన విద్యాసంస్థల వివరాలను, ఆధారాలను ఈసీకి వైఎస్సార్సీపీ నేతలు శివకుమార్, జనక్‌ప్రసాద్, నాగేశ్వరరావు సమర్పించారు. 
  


 హైదరాబాద్: ఓటరు లిస్ట్‌లో పేరుంటే చాలు 11 గుర్తింపు కార్డుల్లో ఏదైనా ఓకటి చూపించి ఓటు వేయొచ్చు అని రాష్ట్ర ఎన్నికల ప్రధానాధికారి భన్వర్‌లాల్ తెలిపారు. మంగళవారం సాయంత్రం ఏర్పాటు చేసిన మీడియా సమావేశంలో మాట్లాడుతూ..  రేపటి పోలింగ్‌కు అన్ని ఏర్పాట్లు పూర్తయ్యాయని భన్వర్ లాల్ తెలిపారు. 
  
 ఎన్నికలు సజావుగా జరిగేందుకు, భద్రత కోసం లక్ష మంది పోలీసులను నియమించామని భన్వర్ లాల్ తెలిపారు.  ఉదయం 7 గంటల నుంచి సాయంత్రం 6 వరకు పోలింగ్ జరుగుతుందని.. 6 గంటలకు లైన్‌లో ఉన్న చివరి వ్యక్తి వరకు ఓటు వేసేందుకు అనుమతిస్తామని భన్వర్‌లాల్‌ తెలిపారు. 
  
 ప్రైవేట్‌, ప్రభుత్వ యాజమాన్యాలు కచ్చితంగా ఓటు కోసం సిబ్బందికి సెలవు ఇవ్వాల్సిందేనని ఆయన తెలిపారు.   పోలింగ్ సిబ్బంది, ఉద్యోగ సంఘాలు ఎట్టి పరిస్థితుల్లో పక్షపాతానికి పాల్పడవద్దని భన్వర్‌లాల్ హెచ్చరించారు. 
  
 ఉద్యమాల సందర్భంగా మీరు ఏ వైపు ఉన్నా ఇప్పుడు మాత్రం నిష్పక్షపాతంగా వ్యవహరించాలని ఆయన సూచించారు.  ఈ రాత్రి నిఘాను రెండింతలు చేస్తామని, ఏమైనా ఫిర్యాదులుంటే 1950కి ఫోన్ చేయండి లేదా 8790499899కి ఎస్ఎమ్మెఎస్ చేయొచ్చని భన్వర్‌లాల్‌ తెలిపారు. 


 సీఎస్ మహంతికి సీఈఓ భన్వర్‌లాల్ వినతి
  సాక్షి, హైదరాబాద్: ఎన్నికల నిర్వహణ నిధులు వెంటనే విడుదల చేయించాలని ప్రభుత్వ ప్రధాన కార్యదర్శి (సీఎస్) మహంతిని రాష్ట్ర ప్రధాన ఎన్నికల అధికారి (సీఈవో) భన్వర్‌లాల్ కోరారు. ఆయన సోమవారం సీఎస్‌తో సమావేశమై నిధులు విడుదల, బిల్లుల సమర్పణ తదితర అంశాలపై చర్చించారు. రాష్ట్రంలో లోక్‌సభ, అసెంబ్లీ ఎన్నికల నిర్వహణకు రూ.800 కోట్లు ఖర్చవుతుందని అంచనా వేశారు. ఆర్థిక శాఖ ఇప్పటివరకు రెండు విడతలుగా రూ.400 కోట్లు విడుదల చేసింది.
  
  ఎన్నికల ఏర్పాట్లు, సామగ్రికయ్యే ఖర్చులతోపాటు ఎన్నికల సిబ్బందికిచ్చే రెమ్యునరేషన్, టీఎ, డీఏలను మంజూరు చేయాల్సి ఉన్నందున, మరో రూ. 300 కోట్లు ఇవ్వాలని సీఈవో కార్యాలయం రాష్ట్ర ప్రభుత్వాన్ని కోరింది. అయితే, జూన్ 2న రాష్ట్ర విభజన జరుగుతున్నందున, ఉమ్మడి రాష్ట్రంలో మే 15వ తేదీకల్లా బిల్లులను సమర్పించాలని ఆర్థిక శాఖ తెలిపింది.
  
  ఆలోగా వచ్చిన బిల్లులకు మాత్రమే మే 24 లోగా చెల్లింపులు చేస్తామని, ఆ తరువాత చెల్లింపులు చేయబోమని ఆర్థిక శాఖ ఉత్తర్వులు జారీ చేసింది. ఈ నిబంధన  ఎన్నికల బిల్లులకు ఆటంకంగా మారింది. ఈ నేపథ్యంలో సీఈవో భన్వర్‌లాల్ సీఎస్‌ను కలిసి వెంటనే నిధులు విడుదల చేయాలని కోరారు. మే 16న ఓట్ల లెక్కింపు జరుగుతుందని, అంతకుముందు రోజే బిల్లులు సమర్పించడం సాధ్యం కాదని చెప్పారు. ఉమ్మడి రాష్ట్రంలోనే ఎన్నికలు జరుగుతున్నందున ఉమ్మడి రాష్ట్రంలోనే బిల్లుల చెల్లింపులు జరిగేలా చూడాలని కోరారు. రెండు రాష్ట్రాలు ఏర్పడితే ఎన్నికల బిల్లులు ఎవరు చెల్లించాలనే సమస్య తలెత్తుందని వివరించారు.


 * తెలంగాణలో రేపే పోలింగ్
 * సీఈవో భన్వర్‌లాల్
 * మొదటి కంపార్ట్‌మెంట్‌లో పార్లమెంట్ అభ్యర్థుల ఈవీఎం.. రెండో కంపార్ట్‌మెంట్‌లో అసెంబ్లీ అభ్యర్థుల ఈవీఎం
 * పోలింగ్ నిర్వహణ, భద్రతకు 3.5 లక్షల మంది సిబ్బంది
 * 12,000 సమస్యాత్మక పోలింగ్ కేంద్రాల్లో సాయుధ పోలీసులు
 * 16,512 పోలింగ్ కేంద్రాల్లో లైవ్ వెబ్ కాస్టింగ్.. ప్రధాన కూడళ్లలో తెరలపై పోలింగ్ ప్రసారం
 * పోలింగ్ రోజు ప్రభుత్వ, ప్రైవేటు సంస్థలు, పరిశ్రమలతో సహా అందరికీ సెలవు
  
 సాక్షి, హైదరాబాద్: రాష్ట్రంలోని తెలంగాణ జిల్లాల్లో 17 లోక్‌సభ, 119 అసెంబ్లీ స్థానాలకు మరో 24 గంటల్లో పోలింగ్ ప్రారంభం కానుంది. బుధవారం ఉదయం 7 గంటల నుంచి పోలింగ్ మొదలవుతుంది. నక్సల్ ప్రభావిత నియోజకవర్గాల్లో మినహా మిగతా చోట్ల సాయంత్రం 6 గంటల వరకు పోలింగ్ జరుగుతుందని రాష్ట్ర ప్రధాన ఎన్నికల అధికారి భన్వర్‌లాల్ తెలిపారు. జిల్లా కలెక్టర్ల వినతి మేరకు నక్సలైట్ ప్రభావిత ప్రాంతాల్లోని కొన్ని నియోజకవర్గాల్లో పోలింగ్ సమయాన్ని తగ్గించినట్లు చెప్పారు.
 
 3 నియోజకవర్గాల్లో సాయంత్రం 4 గంటల వరకు, 7 నియోజకవర్గాల్లో సాయంత్రం 5 గంటల వరకే పోలింగ్ జరుగుతుందన్నారు. తెలంగాణ ప్రాంతంలో పోలింగ్‌కు పూర్తి భద్రత కల్పిస్తున్నామని, ఓటర్లు అందరూ తప్పనిసరిగా పోలింగ్ కేంద్రాలకు వచ్చి నిర్భయంగా నచ్చిన వారికి ఓటు వేయాలని చెప్పారు. సోమవారం ఆయన సచివాలయంలో విలేకరుల సమావేశంలో మాట్లాడారు. పోలింగ్ నిర్వహణకు తీసుకున్న చర్యలను వివరించారు..
 
 * నక్సలైట్ ప్రభావిత భూపాలపల్లి, ములుగు, భద్రాచలం అసెంబ్లీ నియోజకవర్గాల్లో ఉదయం 7 నుంచి సాయంత్రం 4 గంటల వరకే పోలింగ్ జరుగుతుంది. సిర్పూర్, చెన్నూరు, ఆసిఫాబాద్, ఖానాపూర్, మంథని, అచ్చంపేట, కొల్లాపూర్ నియోజకవర్గాల్లో ఉదయం 7 నుంచి సాయంత్రం 5 గంటల వరకు పోలింగ్ జరుగుతుంది. మిగతా 109 నియోజకవర్గాల్లో ఉదయం 7 నుంచి సాయంత్రం 6 గంటల వరకు పోలింగ్ జరుగుతుంది. సాయంత్రం 6 గంటల వరకు లైన్‌లో ఉన్నవారికి ఎంత సమయం అయినా ఓటు వేసే అవకాశం కల్పిస్తారు.
 
 * పోలింగ్ కేంద్రాల్లో తొలుత పార్లమెంట్ అభ్యర్థులకు ఓటు వేసే కంపార్ట్‌మెంట్ ఉంటుంది. తెలుపు రంగు బ్యాలెట్ పార్లమెంట్ అభ్యర్థులకు ఉంటుంది.
 
 * రెండో కంపార్టుమెంట్‌లో అసెంబ్లీ అభ్యర్థుల ఈవీఎం ఉంటుంది. గులాబీ రంగు బ్యాలెట్ అసెంబ్లీ అభ్యర్థులకు ఉంటుంది.
 * పోలింగ్ కేంద్రాల్లోకి సెల్‌ఫోన్లను అనుమతించరు. అందువల్ల వాటిని ఇళ్లలోనే పెట్టి రావాలి. ఓటర్ల క్యూల నిర్వహణకు ఎన్‌ఎస్‌ఎస్ వంటి సంస్థల వలంటీర్లను ఏర్పాటు చేశారు.
 
 * భద్రత కోసం మొత్తం 3.5 లక్షల మంది సిబ్బందిని సిద్ధం చేశారు. 1.40 లక్షల మంది పోలీసులు, 162 కేంద్ర సాయుధ కంపెనీలను భద్రతకు వినియోగిస్తున్నారు.  ప్రతి పోలింగ్ కేంద్రంలో ఇద్దరేసి పోలీసులు ఉంటారు.
 
 * మొత్తం 30,518 పోలింగ్ కేంద్రాల్లో 12,000 కేంద్రాలు సమస్యాత్మకమైనవిగా గుర్తించారు. ఈ కేంద్రాల్లో సాయుధ పోలీసులను నియమిస్తారు.
 
 * తెలంగాణలో 16,512 పోలింగ్ కేంద్రాల్లో లైవ్ వెబ్ కాస్టింగ్‌కు ఏర్పాట్లు చేశారు.
 * మండల, నియోజకవర్గ కేంద్రాలు, పట్టణ కూడళ్లలోని పోలింగ్ కేంద్రాల్లో పోలింగ్ సరళిని తెరలపై చూపిస్తారు. అభ్యర్థులు, పార్టీల నాయకులు, ప్రజలు పోలింగ్ సరళిని తెరలపై పరిశీలించవచ్చు. మిగతా పోలింగ్ కేంద్రాల్లో వీడియో చిత్రీకరణతో పాటు, స్టాటిక్ కెమెరాలు, మైక్రో పరిశీలకులను ఏర్పాటు చేశారు.
 
 * తెలంగాణలో పోలింగ్ జరిగే బుధవారంనాడు ప్రభుత్వ కార్యాలయాలతో పాటు ప్రైవేట్ కంపెనీలు, పరిశ్రమలు, ఐటీ సంస్థలు, దుకాణాలన్నింటికీ సెలవు ప్రకటించారు. సెలవు ఇవ్వని యాజమాన్యంపై కేసు నమోదు చేస్తారు. ఏడాది పాటు జైలు శిక్షపడుతుంది.
 
 * తెలంగాణ జిల్లాల్లో మొత్తం 2,81,74,055 మంది ఓటర్లు ఉన్నారు. వీరిలో పురుషులు 1,43,82,661 మంది కాగా మహిళా ఓటర్లు 1,37,81,276 మంది ఉన్నారు, ఇతర ఓటర్లు 2,329 మంది ఉన్నారు. సర్వీసు ఓటర్లు మొత్తం 7,786 మంది ఉన్నారు. ముగ్గురు ఎన్‌ఆర్‌ఐ ఓటర్లు ఉన్నారు.
 
 * నియోజకవర్గాల్లో ఓటర్లు కాని నేతలు ఎవరూ ఉండకూడదు. అటువంటి వారిని పోలీసులు బయటకు పంపిస్తారు.
 * ఓటరు స్లిప్పుల పంపిణీ మంగళవారానికి 90 శాతం పూర్తవుతుంది. ఓటర్ స్లిప్ అందకపోయిన వారు జాబితాలో పేరు ఉంటే వెళ్లి ఓటు వేయవచ్చు. ఓటరు గుర్తింపు కార్డు లేకపోయినా, ఇతర గుర్తింపు కార్డుల్లో ఏదో ఒకటి తీసుకుని వెళ్లి ఓటు వేయవచ్చు. ఓటరు స్లిప్పులతో పోలింగ్ కేంద్రాల దగ్గర బూత్‌స్థాయి ఆఫీసర్లు ఉంటారు. వారి నుంచి స్లిప్పులు తీసుకోవచ్చు.
 
 * అభ్యర్థులు పోలింగ్ కేంద్రానికి 200 మీటర్ల అవతల 10/10 సైజుకు మించకుండా టెంట్ వేసుకోవచ్చు. ఆ టెంట్, కుర్చీలు, టేబుళ్ల ఖర్చును అభ్యర్థి ఖాతాలో జమ చేస్తారు.
 
 * పోలింగ్ రోజు నియోజకవర్గంలో తిరగడానికి ప్రతి అభ్యర్థికి ఒక వాహనాన్ని, ఎన్నికల ఏజెంట్‌కు ఒక వాహనాన్ని, పార్టీ కార్యకర్తలకు ఒక వాహనానికి అనుమతిస్తారు.
 
 * సెక్యూరిటీ ఉండి, అభ్యర్థులు కాని నేతలు పోలింగ్ రోజు ఓటు వేయడానికి మాత్రమే బయటకు రావాలి. ఓటు వేసి ఇంటికి వెళ్లిపోవాలి. బయట తిరిగితే అలాంటి వారిని గృహ నిర్బంధం చేస్తారు.
 
 * సెక్యూరిటీ గల అభ్యర్థుల వెంట 24 గంటలూ షోడో బృందాలతో నిఘా ఏర్పాటు చేస్తారు. పోలింగ్ కేంద్రాలకు వంద మీటర్ల లోపు అభ్యర్థులు ఎటుంటి ప్రచారం చేయకూడదు.
 
 * పోలింగ్ విధుల్లోని సిబ్బంది, పోలీసులు అభ్యర్థులకు అనుకూలంగా ఎటువంటి చర్యలు చేపట్టకూడదు. అలా చేసిన వారిపై కఠిన చర్యలు తీసుకుంటారు.
 
 * పోలింగ్ రోజు ఎగ్జిట్, ఒపీనియన్ పోల్స్ నిర్వహించకూడదు. పోలింగ్ ముగిసే వరకు ఎలక్ట్రానిక్ మీడియా, రేడియో, ఎస్‌ఎంఎస్‌లు, సామాజిక మీడియా ద్వారా ప్రచారం నిర్వహించకూడదు. పోలింగ్ రోజు అభ్యర్థులను, ఓటర్లను ఎలక్ట్రానిక్ మీడియా ఇంటర్వ్యూలు చేయకూడదు. ఓటు ఎవరికి వేశారో అడగకూడదు. అలా అడిగిన వారిపై కేసు నమోదు చేసి, చర్యలు తీసుకుంటారు. పత్రికల్లో ప్రచారంపై ఎటువంటి నిషేధం లేదు. అయితే ఆ ప్రచారానికయ్యే వ్యయాన్ని అభ్యర్థుల ఖాతాలో జమ చేస్తారు.
 
 * పోలింగ్ ముగిసే వరకు మద్యం విక్రయాలపై నిషేధం విధించారు. దుకాణాల వెనుక నుంచి, ఇతరత్రా మార్గాల్లో విక్రయించిన వారిని అరెస్టు చేసి కేసు నమోదు చేస్తారు.
 
 * తెలంగాణ జిల్లాల సరిహద్దుల్లోని సీమాంధ్ర నియోజకవర్గాల్లో మద్యం విక్రయాలపై కూడా నిషేధం విధించారు.
 
 * బళ్లారి వరకు హెలికాప్టర్లలో మద్యం, డబ్బు, ఇతర ఆభరణాలు తరలించి అక్కడి నుంచి అనంతపురానికి వాహనాల్లో తరలిస్తున్నారు. అందువల్ల బళ్లారి వెళ్లే హెలికాప్టర్లను, అక్కడి నుంచి వచ్చే వాహనాల తనిఖీకి ఆదేశాలు జారీ చేశారు.


 హైదరాబాద్: ఏప్రిల్ 30 తేదిన నగరంలో జరిగే ఎన్నికలు సజావుగా నిర్వహించేందుకు భారీ సంఖ్యలో భద్రతా సిబ్బందిని నియమించామని పోలీస్ కమిషనర్ వెల్లడించారు. ఆంధ్రప్రదేశ్ లో తొలి విడుతగా నగరంలో రెండు పార్లమెంట్ స్థానాలకు, 15 అసెంబ్లీ స్థానాలకు ఎన్నికలు జరుగనున్నాయి.
  
 శాంతియుత వాతావరణంలో ఎన్నికలను నిర్వహించేందుకు 20 వేల భద్రతా సిబ్బంది, 14 వేల సిటీ పోలీసులు, ఇంకా 37 కంపెనీల సెంట్రల్ పారా మిలిటరీ దళాలు, 8 కంపెనీల ఏపీఎస్పీ సిబ్బందిని నియమించినట్టు అనురాగ్ శర్మ తెలిపారు. 
  
 ఓటర్లు పూర్తి స్వేచ్చ, శాంతియుత వాతావరణం మధ్య ఓటు హక్కును వినియోగించుకుంటారనే విశ్వాసాన్ని అధికారులు వ్యక్తం చేశారు. 3442 పోలింగ్ స్టేషన్లు ఏర్పాటు చేశామని అధికారులు తెలిపారు. తెలంగాణ ప్రాంతంలో 17 పార్లమెంట్ స్థానాలకు, 119 అసెంబ్లీ స్థానాలకు ఏప్రిల్ 30 తేదిన ఎన్నికలు నిర్వహించనున్నారు. 
  


 హైదరాబాద్: ఎన్నికల అభ్యర్థుల ప్రచారం ఆపివేయాలని ఎన్నికల అధికారులు, పోలీసులు అధికారులు రాజకీయ పార్టీలకు సూచించారు. సోమవారం సాయంత్రం 6 గంటల తర్వాత ఎన్నికల ప్రచారం నిలిపివేయాలని నగర పోలీస్ కమిషనర్ అనురాగ్ శర్మ ఆదేశాలు జారీ చేశారు. ఎన్నికల కమిషన్ నిబంధనలు ఉల్లంఘిస్తే కఠిన చర్యలు తీసుకుంటామని అనురాగ్ శర్మ హెచ్చరించారు. 
  
 తెలంగాణ ప్రాంతంలో ఏప్రిల్ 30 తేదిన జరుగనున్న ఎన్నికల కోసం 37 కంపెనీల కేంద్ర బలగాలతో బందోబస్తు నిర్వహిస్తున్నామని అనురాగ్ శర్మ తెలిపారు. తెలంగాణ ప్రాంతంలో 107 సమస్యాత్మక పోలింగ్ కేంద్రాలుగా గుర్తించామని సీపీ అనురాగ్‌ శర్మ తెలిపారు. 
  
 ఎలక్ష్ట్రానిక్‌ మీడియాపై ఆంక్షల్ని ఎగ్జిట్‌ పోల్స్‌, ఒపీనియన్‌ పోల్స్‌పై ఎన్నికల కమీషన్ పూర్తిగా  నిషేధం విధించినట్టు రాష్ట్ర ఎన్నికల ప్రధానాధికారి భన్వర్‌లాల్‌ తెలిపిన సంగతి తెలిసిందే. 
  


 హైదరాబాద్: ఏప్రిల్ 30 తేదిన జరిగే ఎన్నికలను దృష్టిలో ఉంచుకుని ఎలక్ష్ట్రానిక్‌ మీడియాపై ఆంక్షలు ఉంటాయని రాష్ట్ర ఎన్నికల ప్రధానాధికారి భన్వర్‌లాల్‌ తెలిపారు. సోమవారం సాయంత్రం 4 గంటల నుంచి ఎల్లుండి(30 తేది) సాయంత్రం 6.గంలవరకూ ఆంక్షలు విధించినట్టు ఆయన తెలిపారు. 
  
 ఎగ్జిట్‌ పోల్స్‌, ఒపీనియన్‌ పోల్స్‌పై పూర్తిగా నిషేధమని, ఈ 48 గంటలపాటు ఒపీనియన్‌ పోల్స్‌ ఇవ్వరాదని భన్వర్‌లాల్‌ హెచ్చరించారు.  పోలింగ్‌ రోజున పూర్తిగా సెలవు ప్రకటించామని భన్వర్‌లాల్‌ తెలిపారు.  
  
 ప్రభుత్వ, ప్రైవేటు, దుకాణాలన్నింటికీ సెలవని, సెలవు ఇవ్వకుంటే కేసులు పెడతామని భన్వర్‌లాల్‌ హెచ్చరించారు. ఓటర్లకు సెలవు ఇవ్వకపోతే యజమానికి ఏడాది జైలుశిక్ష విధిస్తామని భన్వర్‌లాల్‌ తెలిపారు. 
  


 * ఉల్లంఘిస్తే అరెస్టు చేస్తాం... సాక్షి ఇంటర్వ్యూలో సీఈఓ భన్వర్‌లాల్
 * తెలంగాణలో నేటి సాయంత్రం 6 గంటల నుంచి ప్రచారం బంద్
  
 సాక్షి, హైదరాబాద్: రాష్ట్రంలో తొలి దశ సార్వత్రిక ఎన్నికల్లో భాగంగా 30వ తేదీన పోలింగ్ జరిగే తెలంగాణ జిల్లాల్లోని 17 లోక్‌సభ, 108 అసెంబ్లీ స్థానాల్లో సోమవారం సాయంత్రం 6 గంటలకల్లా అభ్యర్థులు ప్రచారాన్ని ముగించాలని రాష్ట్ర ప్రధాన ఎన్నికల అధికారి భన్వర్‌లాల్ ఆదేశించారు. నక్సలైట్ ప్రభావిత  మిగతా 11 నియోజకవర్గాల్లో మాత్రం సాయంత్రం 4 గంటలకే ఎన్నికల ప్రచారం ముగించాలని తెలిపారు. అభ్యర్థుల ఇంటింటి ప్రచారాన్ని నిషేధించినట్లు చెప్పారు.
 
 ఎన్నికలకు 48 గంటల ముందు ఓటర్లను ప్రలోభాలకు గురిచేసే చర్యలకు రాజకీయ పార్టీలు, అభ్యర్థులు ఎక్కువగా పాల్పడుతున్నందున ఇంటింటి ప్రచారంపై నిషేధం విధించినట్లు ఆయన వివరించారు. ఆదేశాలను ఉల్లంఘించి ఎవరైనా ప్రచారం చేస్తే అరెస్టు చేస్తామని హెచ్చరించారు. ఈ మేరకు నిఘా బృందాలను రెట్టింపు చేస్తున్నామన్నారు. భన్వర్‌లాల్ ఆదివారం సాక్షికి ప్రత్యేకంగా ఇంటర్వ్యూ ఇచ్చారు. ముఖ్యాంశాలు...
 
 * తెలంగాణ జిల్లాల్లోని నియోజకవర్గాల్లో ఓటర్లు కాని వారందరూ సోమవారం సాయంత్రం 6 గంటలకల్లా ఆయా నియోజకవర్గాలను వీడి వెళ్లిపోవాలి. ఓట్లు లేని వారు కల్యాణ మండపాలు, హోటళ్లు, అతిథిగృహాలు, ఇతర చోట్ల మకాం వేసే అవకాశం ఉన్నందున పోలీసులు తనిఖీలు నిర్వహించి బయటకు పంపాలి.
 
 * ఎలక్ట్రానిక్ మీడియా, రేడియోలు, ఎస్‌ఎంఎస్‌ల ద్వారా ఎటువంటి ఎన్నికల ప్రచారం చేయరాదు. బుధవారం పోలింగ్ పూర్తయ్యేవరకు ఈ నిషేధం అమల్లో ఉంటుంది. పత్రికల్లో ప్రచారంపై ఎటువంటి ఆంక్షలు లేవు. అయితే ఆయా ప్రకటనల ప్రచార వ్యయాన్ని అభ్యర్థుల ఖాతాలో జమ చేస్తారు.
 
 * పోలింగ్‌కు 48 గంటల ముందు ఎటువంటి ఒపీనియన్ పోల్ ప్రసారాలను, వివరాలను ఎలక్ట్రానిక్, ప్రింట్ మీడియా ఇవ్వరాదు. పోలింగ్ రోజు ఎవరూ ఎగ్జిట్ పోల్ కూడా నిర్వహించరాదు.
 
 * సోమవారం సాయంత్రం 6 గంటల నుంచి బుధవారం పోలింగ్ ప్రక్రియ పూర్తయ్యేవరకు మద్యం విక్రయాలపై నిషేధం.
 * సెక్యూరిటీ సిబ్బంది ఉన్నవారు ఓటు వేయడానికి మాత్రమే సెక్యూరిటీతో వెళ్లాలి. సెక్యూరిటీతో నియోజకవర్గాల్లో తిరగడం నిషేధం.
 
 * పోలింగ్ కేంద్రాలకు బుధవారం ఉదయం 6.30 గంటలకే సిబ్బంది, రాజకీయ పార్టీల ఏజెంట్లు చేరుకుంటారు. ఈవీఎంలలో మాక్ పోలింగ్ నిర్వహిస్తారు. అభ్యర్థుల ఏజెంట్లు ముందు ఒక్కో ఈవీఎంలో 50 ఓట్లు వేస్తారు. వేసిన ఓట్లు ఆయా అభ్యర్థులకు సక్రమంగా వెళ్లాయా? లేదా? పరిశీలించిన తర్వాత అంతా సవ్యంగా ఉంటే ఆ ఓట్లను ఈవీఎంల నుంచి తొలగించి జీరో చేస్తారు. అప్పుడు ఈవీఎంలను సీల్ చేసి ఉదయం 7 నుంచి పోలింగ్ ప్రారంభిస్తారు.
 
 * రాష్ట్రంలో కొత్త ఈవీఎంలను వినియోగిస్తున్నాం. ప్రతి పది పోలింగ్ కేంద్రాలకు అదనంగా నాలుగు ఈవీఎంలను రిజర్వ్‌లో ఉంచుతున్నాం. తెలంగాణలోని మొత్తం 30,518 పోలింగ్ కేంద్రాలకు గాను 20 వేల పోలింగ్ కేంద్రాల్లో లైవ్ వెబ్ కాస్టింగ్ చేయనున్నాం. మిగతా పోలింగ్ కేంద్రాల్లో వీడియో చిత్రీకరణ ఉంటుంది.
 
 * ఎన్నికల కమిషన్ 90% పోలింగ్‌ను లక్ష్యంగా పెట్టుకుంది. ఓటర్లకు ఐదేళ్లకోసారి లభించే బ్రహ్మాస్త్రం ఓటు. దీన్ని ఎటువంటి ప్రలోభాలకు, ఒత్తిడులకు లొంగకుండా, కుల, మతాలకు అతీతంగా.. ఎవరు మంచి చేస్తారనుకుంటే వారికే ఓటు వేయండి.
 * పోలింగ్ కేంద్రాల్లో ఓటర్లకు విద్యుత్, మంచినీరు, షామియానాల వంటి కనీస సౌకర్యాలు ఏర్పాటు చేస్తున్నాం.
 
 ఇక్కడ సాయంత్రం 4 గంటల వరకే పోలింగ్
 నక్సలైట్ ప్రభావిత నియోజకవర్గాలైన సిర్పూర్, ఆసిఫాబాద్, ఖానాపూర్, చెన్నూరు, మంథని, అచ్చంపేట, కల్వకుర్తి, కొల్లాపూర్, భూపాలపల్లి, ములుగు, భద్రాచలంలలో 30వ తేదీ ఉదయం 7 గంటల నుంచి సాయంత్రం 4 గంటల వరకే పోలింగ్ జరుగుతుంది. మిగతా 108 నియోజకవర్గాల్లో ఉదయం 7 గంటల నుంచి సాయంత్రం 6 గంటల వరకు పోలింగ్ జరుగుతుంది. 17 లోక్‌సభ స్థానాల్లో మొత్తం 265 మంది అభ్యర్థులు పోటీ పడుతున్నారు. అలాగే 119 అసెంబ్లీ నియోజకవర్గాల్లో 1,669 మంది పోటీలో ఉన్నారు. మొత్తం 2,81,66,266 మంది ఓటు హక్కు వినియోగించుకోనున్నారు.
  
 ఇక్కడ రెండేసి ఈవీఎంలు
 8 లోక్‌సభ స్థానాల్లో, అలాగే 31 అసెంబ్లీ స్థానాల్లో 15 కన్నా ఎక్కువమంది అభ్యర్థులు పోటీ పడుతున్నారు. దీంతో ఈ నియోజకవర్గాల్లో రెండేసి ఈవీఎంలను వినియోగించనున్నారు. అంబర్‌పేట అసెంబ్లీ నియోజకవర్గంలో అత్యధికంగా 32 మంది అభ్యర్థులు పోటీలో ఉన్నారు. ఇప్పటికే 75% మంది ఓటర్లకు ఫొటోతో కూడిన ఓటర్ స్లిప్‌ల పంపిణీ పూర్తరుు్యంది. మిగతా పంపిణీ  సోమవారానికి పూర్తవుతుంది.
  


 కలెక్టరేట్, న్యూస్‌లైన్: జిల్లాలో ఈ నెల 28వ తేదీ సోమవారం 6 గంటలకు ఎన్నికల ప్రచారాన్ని ముగించాలని రాజకీయ పార్టీలకు, పోటీ చేసే అభ్యర్థులకు రాష్ట్ర ఎన్నికల అధికారి భన్వర్‌లాల్ ఆదేశించారు. ఎన్నికల ఏర్పాట్లపై ఆయన జిల్లా కలెక్టర్లతో ఆదివారం వీడియో కాన్ఫరెన్స్ నిర్వహించారు. జిల్లాలో ప్రచారం చేసేందుకు వచ్చిన ఇతర  ప్రాంతాల నుంచి వచ్చిన వారు ఆయా నియోజకవర్గాలను విడిచి వెళ్లిపోవాలన్నారు.  28వ తేదీ సాయంత్రం 6 గంటల తర్వాత అభ్యర్థుల ఇంటింటి ప్రచారాన్ని కూడా నిషేధించామన్నారు. 28వ తేదీ ప్రచారం ముగిసిన అనంతరం ఎలక్ట్రానిక్ మీడియాలో కూడా రాజకీయ ప్రకటనలను నిషేధిస్తున్నామన్నారు.
 
  అలాగే బల్క్ ఎస్‌ఎంఎస్‌లను కూడా నిషేధిస్తున్నట్టు తెలిపారు. ప్రతి పోలింగ్ కేంద్రంలో ఓటర్ల సామర్థ్యం, తాగునీరు, ఎండ నుంచి ఉపశమనం పొందేలా టెంట్లు లేదా ఇతర వసతులు కల్పించాలని  ఆదేశించారు. 28, 29 తేదీలు అత్యంత కీలకమైనందున ఎంసీసీ, ఎన్‌ఎస్‌టీ బృందాలు చురుగ్గా పనిచేయాలని సూచించారు. సమావేశంలో కలెక్టర్ స్మితా సబర్వాల్, జేసీ శరత్, డీఆర్‌ఓ దయానంద్ తదితరులు పాల్గొన్నారు.
 
  ఓటు వేస్తే నిత్యావసర వస్తువుల  కొనుగోలుపై రాయితీ
  కలెక్టరేట్: ఈనెల 30వ తేదీన ఓటు హక్కు వినియోగించుకున్న ఓటరుకు ప్రతి వంద రూపాయల నిత్యావసర వస్తువుల కొనుగోలుపై మూడు రూపాయల రాయితీ అందిస్తున్నట్టు కలెక్టర్ స్మితా సబర్వాల్ ఒక ప్రకటనలో తెలిపారు. జిల్లాలో 95 శాతం ఓటింగ్‌ను వినియోగించుకొనేందుకు జిల్లా పాలనా యంత్రాంగం చేపట్టిన పలు కార్యక్రమాలు జిల్లాలో ఫుడ్ గ్రెయిన్స్ హోల్‌సేల్ దుకాణ దారులు పూర్తి స్థాయిలో మద్దతు పలికి మూడు శాతం రాయితీ ఇచ్చేందుకు అంగీకరించారని చెప్పారు.
 
  జిల్లాలో 501 హోల్‌సేల్ దుకాణాలు ఈ రాయితీ కల్పిస్తాయని తెలిపారు. ఈనెల 30న మే 1,2 తేదీల్లో వంద రూపాయల నుంచి మూడు వేల రూపాయల వస్తువులు కొనుగోలు చేసిన వారికి మూడు శాతం రాయితీ అందజేస్తారని ఆమె చెప్పారు. ఓటు హక్కు వినియోగించుకున్న ఓటరుకు 30వ తేదీన జిల్లాలోని 151 పెట్రోల్ బంక్‌లలో  లీటరుపై ఒక రూపాయి రాయితీ కల్పించనున్నట్టు కలెక్టర్ తెలిపారు. గరిష్టంగా మూడు లీటర్ల వరకు ఈ రాయితీ అందిస్తారని అన్నారు. జిల్లాలోని ప్రతి ఓటరు తప్పనిసరిగా ఈ అవకాశాన్ని వినియోగించుకోవాలని ఆమె కోరారు.


 సాక్షి, హైదరాబాద్: హోలోగ్రాములు లేవంటూ ఓటర్ కార్డులు ఇవ్వని ఈ-సేవ, మీ-సేవ కేంద్రాల లెసైన్స్‌లను సస్పెండ్ చేస్తామని రాష్ట్ర ప్రధాన ఎన్నికల అధికారి భన్వర్‌లాల్ హెచ్చరించారు. కోటిన్నర హోలోగ్రాములు నిల్వ ఉన్నాయని, వాటిని తెప్పించుకుని ఓటర్ కార్డులు ఇవ్వాల్సిన బాధ్యత ఆ కేంద్రాలపైనే ఉందని ఆయన తెలిపారు. ఓటరు కార్డులు నిరాకరించే కేంద్రాలపై చర్యలు తీసుకోవాలని కలెక్టర్లకు ఆదేశాలు జారీ చేశారు.


 హైదరాబాద్: ఆళ్లగడ్డ వైఎస్ఆర్సీపీ అభ్యర్థి భూమా శోభానాగిరెడ్డి మరణించిన విషయాన్ని కేంద్ర ఎన్నికల దృష్టికి తీసుకెళ్తున్నామని రాష్ట్ర ఎన్నికల సంఘం ప్రధానాధికారి భన్వర్‌లాల్‌ తెలిపారు. ఆళ్లగడ్డలో ఎన్నికలు నిర్వహించే విషయంలో ఈసీని స్పష్టత కోరుతున్నామని చెప్పారు. బ్యాలెట్‌ పేపర్‌ను మార్చడమా లేదా పోలింగ్‌ను వాయిదా వేసి మళ్లీ నోటిఫికేషన్‌ ఇవ్వాలా అనే దానిపై స్పష్టం చేయాలని కోరనున్నామని తెలిపారు. రేపటిలోగా ఆళ్లగడ్డ ఎన్నికపై కేంద్ర ఎన్నికల సంఘం స్పష్టత ఇచ్చే అవకాశముందని భన్వర్లాల్ అన్నారు.
 
 ఈ- సేవ, మీ సేవా కేంద్రాల్లో ఓటర్‌కార్డులు తక్షణం జారీ చేయాలని భన్వర్‌లాల్‌ ఆదేశించారు. ఏ కారణంతోనూ ఓటర్‌కార్డు జారీలో జాప్యం జరగకూడదన్నారు. ఓటర్‌ కార్డు జారీ కోసం పది రూపాయలు మాత్రమే తీసుకోవాలని సూచించారు. ఓటర్ కార్డు జారీలో ఆలస్యం జరిగినా, ఎక్కువ డబ్బులు తీసుకున్నా ఆయా సెంటర్లపై తక్షణ చర్యలు ఉంటాయని హెచ్చరించారు. ఓటరు చైతన్యానికి ఈవీఎం వాడకంపై అవగాహన కల్పించేందుకు ప్రయత్నిస్తున్నామని చెప్పారు.


 హైదరాబాద్: వైఎస్సార్ సీసీ నాయకులు భూమా శోభానాగిరెడ్డి మృతి విషయాన్ని కేంద్ర ఎన్నికల కమిషన్ దృష్టికి తీసుకెళ్తామని రాష్ట్ర ఎన్నికల సంఘం ప్రధానాధికారి భన్వర్‌లాల్‌ తెలిపారు. సిట్టింగ్ ఎమ్మెల్యేతో పాటు ప్రధానమైన పార్టీ నుండి పోటీలో ఉన్న విషయాన్ని ఈసీకి నివేదిస్తామన్నారు.
 
 ఎన్నిక నిర్వహణపై కేంద్ర ఎన్నికల కమిషన్‌ తుది నిర్ణయం తీసుకుంటుందని తెలిపారు. కేంద్ర ఎన్నికల కమిషన్‌ నిర్ణయానికి అనుగుణంగా తాము ముందుకు వెళ్తామని భన్వర్‌లాల్‌ చెప్పారు. భూమా శోభానాగిరెడ్డి వైఎస్సార్ సీపీ అభ్యర్థిగా ఆళ్లగడ్డ అసెంబ్లీ స్థానానికి నామినేషన్ వేశారు. అయితే రోడ్డు ప్రమాదంలో ఆమె మృతి చెందడంతో ఆళ్లగడ్డ ఎన్నికపై ఈసీ నిర్ణయం తీసుకోనుంది.


 ఓటరు సందేహాలకు ఈసీ సమాధానాలు
  మాది గుంటూరు. నేను పూణెలో పనిచేస్తున్నాను. నాకు గుంటూరులో ఓటు ఉంది. ఆన్‌లైన్ ద్వారా నా ఓటు వినియోగించుకోవడానికి అవకాశం ఉందాం?     
      - ఖాసిం, పూణె
  మీరు పూణెలో పని చేస్తూ గుంటూరులో ఓటు కలిగిఉండటం నిబంధనలకు విరుద్ధం. మీ ఓటు గుంటూరులో రద్దవుతుంది. ఎక్కడ నివాసం ఉంటే అక్కడే ఓటు హక్కు వినియోగించుకోవాలి. ఆన్‌లైన్ ఓటింగ్ పద్దతి ప్రస్తుతం మనకు లేదు.
  
  ప్రభుత్వోద్యోగులోలని వికలాంగులు, గర్భిణులు, చిన్న పిల్లల తల్లులకు ఎన్నికల డ్యూటీ వేస్తే వారు చాలా ఇబ్బందులకు గురవుతున్నారు. వీరికి మినహాయింపు ఇవ్వచ్చుకదా?
      - కె.రాకేష్ కుమార్, వరంగల్
  వికలాంగులు, గర్భిణులు, పసిపిల్లల తల్లులకు ఎన్నికల విధుల నుంచి మినహాయింపు ఉంది. వారికి ఎన్నికల డ్యూటీ వేయడం లేదు.
  
  మా తల్లిదండ్రులకు ఓటర్ గుర్తింపు కార్డులు ఉన్నా జాబితాలో వారి పేర్లు లేవు. ఇలాగే చాలామంది పేర్లు ఓటర్ల జాబితాలో గల్లంతయ్యాయి. వారు ఓటు వేయాలంటే ఏం చేయాలి?
      - త్యాగి అరుట్ల, ఎల్లెందు
  ఇప్పుడు ఏమీ చేయలేం. ఓటర్ల జాబితా మార్పులు, చేర్పుల సమయం అయిపోయింది. ఓటర్ గుర్తింపు కార్డులు ఉన్నప్పటికీ ఓటర్ల జాబితాలో పేరు ఉందో లేదో చూసుకుని లేకపోతే దరఖాస్తు చేసుకొమ్మని మేం చాలా సార్లు చెప్పాం. మీరు గడువులోపు దరఖాస్తు చేసుకోకపోవడం వల్ల ఈ సారికి ఓటు వేయలేరు.
  నివాసం ఉండే చోటే ఓటు హక్కు ఉంటుందంటున్నారు కదా? అలాంటప్పుడు చాలా మంది ఎమ్మెల్యేలు, ఎంపీలు హైదరాబాద్, ఢిల్లీల్లో నివాసం ఉంటూ వారి నియోజకవర్గాల్లో ఓటు హక్కు కల్గి ఉన్నారు. మాకో న్యాయం? వారికో న్యాయమా..?         
      - భానుచందర్ రెడ్డి, భువనగిరి
  ప్రజాప్రతినిధులుగా వారి బాధ్యతలు నెరవేర్చేందుకు వారు రాజ దాని నగరాల్లో ఉంటున్నారు. వీరికి ఓటు మాత్రం సొంత నియోజకవర్గంలో ఉంచుకునే వెసులు బాటు ‘ప్రజాప్రానిథ్య చట్టం’ కల్పిస్తోంది. రాష్ట్రపతి, స్పీకర్ లాంటి ‘డిజిగ్నేటెడ్’ పోస్టుల్లో ఉన్నవారికి కూడా చట్టంలో ఈ వెసులుబాటు ఉంది.
  నేను జైళ్ల శాఖలో ఉద్యోగిని. రాజమండ్రి రూరల్ నియోజకవర్గంలో నాకు ఓటు ఉంది. అయితే నేను వేరే చోట పనిచేస్తున్నాను. అత్యవసర సేవలందించే ‘యూనిఫాం’ సిబ్బందికి పోస్టల్ బ్యాలెట్ సౌకర్యం కల్గించవచ్చు కదా?     
      - రమేష్, రాజమండ్రి
  మీరు ఉద్యోగం చేసే ఊరిలోనే మీరు ఓటరుగా నమోదు చేసుకొని ఉండాల్సింది. యూనిఫాం డ్యూటీలు చేసే వారైనా ‘షిప్ట్’ పద్దతిలో పనివేళలను సవరించుకుని ఓటు వేయాలి. మిగతా ఉద్యోగులకు  ఎన్నికల సంఘం పోలింగ్‌రోజు వేతనంతో కూడిన సెలవు ప్రకటించింది. ఎన్నికల విధుల్లో పాల్గొనే ఉద్యోగులకు మాత్రమే పోస్టల్ బ్యాలెట్ సౌకర్యం ఉంటుంది.
  
  ఓటర్ జాబితాలో పేరు ఉంది కానీ, నాకు ఇంతవరకూ ఓటర్ గుర్తింపు కార్డు రాలేదు. నేను ఓటు వేయడం ఎలా?
      - జి.ముకుందలక్ష్మి, పద్మారావునగర్, హైదరాబాద్
  పోలింగ్‌కు ముందే మేం మీకు ఓటర్ స్లిప్ ఇస్తాం. దాంతో మీరు ఓటు వేయవచ్చు. ఒక వేళ స్లిప్ అందకపోతే ఇతరత్రా గుర్తింపు కార్డులు(ఆధార్,రేషన్) చూపి మీరు ఓటు వేయవచ్చు.
  
  నా ఓటర్ గుర్తింపు కార్డులో ‘పురుషుడు’ బదులు ‘స్త్రీ’ అని తప్పుగా వచ్చింది. ఈ తప్పును సరిచేసుకోవడం ఎలా? ఓటు వేయడానికి ఇబ్బంది అవుతుందా?     
      - దండు ఓబయ్య, బద్వేల్, కడప జిల్లా
  ఆధార్, రేషన్ కార్డు లాంటి సపోర్టింగ్ డాక్యుమెంట్ చూపి ఓటు వేయవచ్చు. ఓటర్ కార్డులో తప్పుల సవరణకు ఇప్పుడు సమయం మించిపోయింది. ఎన్నికలు అయ్యాక దరఖాస్తు చేసుకుని ఓటర్ గుర్తింపు కార్డులో సవరణ చేయించుకోవచ్చు.
  ఎన్నికల సమయంలో ఎన్నెన్నో ప్రశ్నలు. ఓటరు జాబితాలో మార్పులు, చేర్పులు..  కార్డులో తప్పులు.. ఉద్యోగుల ఇబ్బందులు.. వేలిపై సిరా మరకలు.. ఇంకా ఎన్నో సందేహాలు.. ఇలాంటివాటికి పరిష్కార మార్గాలను భన్వర్‌లాల్ పత్రికా ముఖంగా మీకు తెలియజేస్తారు. మీ ప్రశ్నలు మాకు పంపండి     
  - ఎలక్షన్ సెల్, సాక్షి, రోడ్ నం.1, బంజారాహిల్స్, హైదరాబాద్,
  లేదా election@sakshi.com కు మెయిల్ చెయ్యండి.


 ఎవరికి ఓటు వేయాలో ప్రజలకు తెలుసు: రాష్ట్ర ఎన్నికల ప్రధాన అధికారి భన్వర్‌లాల్
  డబ్బు, మద్యంతో వారి అభిప్రాయాన్ని మార్చలేరు
 పార్టీలు, అభ్యర్థులు అలాంటి తప్పుడు చర్యలను మానాలి
 డబ్బు ఇచ్చినా.. తీసుకున్నా క్రిమినల్ కేసులు పెడతాం
 దేశవ్యాప్తంగా రూ. 265 కోట్లు స్వాధీనం.. ఒక్క ఆంధ్రప్రదేశ్‌లోనే రూ. 103 కోట్లు
  
 సాక్షి, హైదరాబాద్: ఎన్నికల్లో ఓటెవరికి వేయాలో ఓటర్లందరికీ తెలుసని, డబ్బు, మద్యం పంపిణీ ద్వారా ఓటర్ల అభిప్రాయాన్ని మార్చలేరని రాష్ట్ర ఎన్నికల ప్రధానాధికారి భన్వర్‌లాల్ అభిప్రాయపడ్డారు. రాజకీయ పార్టీలు, అభ్యర్థులు డబ్బుల పంపిణీ వంటి తప్పుడు చర్యలను మానుకోవాలని విజ్ఞప్తి చేశారు. డబ్బులిచ్చిన వారితో పాటు తీసుకున్న వారిపైనా క్రిమినల్ కేసులు నమోదు చేస్తామని ఆయన హెచ్చరించారు.
  
  రాష్ట్రంలో లోక్‌సభ, అసెంబ్లీ ఎన్నికలు ఒకేసారి జరగనున్న నేపథ్యంలో ఎలక్ట్రానిక్ ఓటింగ్ మెషీన్(ఈవీఎం)ల బ్యాలెట్ పత్రాల విషయంలో ఓటర్లు గందరగోళానికి గురికాకుండా తగిన చర్యలు తీసుకుంటామని రాష్ట్ర ఎన్నికల ప్రధానాధికారి భన్వర్‌లాల్ తెలిపారు. పోలింగ్ కేంద్రాల్లో మొదట పార్లమెంట్ అభ్యర్థికి ఓటు వేసే కంపార్ట్‌మెంట్ ఉంటుందని, ఇక్కడ వినియోగించే ఈవీఎంపై తెలుపు రంగు బ్యాలెట్ ఉంటుందన్నారు. అసెంబ్లీ అభ్యర్థికి ఓటు వేసేందుకు కేటాయించే రెండో కంపార్ట్‌మెంట్‌లో వాడే ఈవీఎంపై గులాబీ రంగు పత్రం ఉంటుందని ఆయన వివరించారు.
  
  ఈ విషయాన్ని వివరిస్తూ పోలింగ్ కేంద్రాల వద్ద పోస్టర్లను ఏర్పాటు చేస్తామని తెలిపారు. గురువారం సచివాలయంలో ఉదయం రాజకీయ పార్టీల ప్రతినిధులు, సాయంత్రం బ్యాంకుల ప్రతినిధులతో భన్వర్‌లాల్ సమావేశమై రాష్ట్రంలో ఎన్నికల ఏర్పాట్లు, అక్రమ నగదు పరిస్థితిని సమీక్షించారు. ఈ సందర్భంగా ఎన్నికల ఏర్పాట్లపై రాజకీయ పార్టీల ప్రతినిధులు సంతృప్తి వ్యక్తం చేశారు. అనంతరం భన్వర్‌లాల్ విలేకరుల సమావేశంలో మాట్లాడారు.
  
  ఆయన ఇంకా ఏమన్నారంటే..
   ఎన్నికల్లో డబ్బు, మద్యం పంపిణీని నిరోధించేందుకు గట్టి చర్యలను చేపట్టాం. బ్యాంకుల నెట్‌వర్క్ ద్వారా అకౌంట్లకు డబ్బులు బదిలీ అవుతున్నాయి. ఈ డబ్బును ఏటీఎంల ద్వారా డ్రా చేస్తున్నారు. మెదక్ జిల్లాలో ఇటీవ లే కొన్ని బ్యాంకు ఖాతాల్లో అకస్మాత్తుగా భారీగా డబ్బులు జమయ్యాయి. జిల్లాల్లో కొన్ని ఏటీఎంల నుంచి విత్‌డ్రాలు భారీగా పెరిగాయి. ఈ నేపథ్యంలో జాతీయ, ప్రైవేట్ బ్యాంకుల లావాదేవీలను పరిశీలించాలని ఈసీ నిర్ణయించింది. బ్యాంకుల ప్రతినిధులందరూ ఎన్నికల సమయంలో లావాదేవీలపై సమాచారాన్ని పంపిస్తారు. దాని ఆధారంగా డబ్బులు ఎవరి నుంచి ఎవరికి వెళ్లాయో విశ్లేషిస్తాం. డబ్బులు ఇచ్చిన.. తీసుకున్న వారిపై క్రిమినల్ కేసులు నమోదు చేసి అరెస్టు చేస్తాం. కొంత మంది ఓటర్లకు కూపన్లు ఇస్తున్నట్లు ఫిర్యాదులు వచ్చాయి. వాటి ద్వారా ఓటర్లకు మిక్సీలు, గ్రైండర్ల వంటివి ఇస్తున్నారు. కూపన్లు ఎవరు కొంటున్నారు, వాటికి ఎవరు డబ్బులు చెల్లిస్తున్నారనే విషయంలో దుకాణాలపై నిఘా పెట్టి సంబంధితులపై కేసులు నమోదు చేస్తాం.
  
   ఎన్నికల్లో డబ్బు, మద్యం ప్రభావంపై రాష్ట్రం బదనాం అయిపోయింది. చాలా బాధాకరం. దేశంలో ఇప్పటి వరకు రూ. 265 కోట్లు స్వాధీనం చేసుకుంటే ఒక్క ఆంధ్రప్రదేశ్‌లోనే రూ. 103 కోట్లు దొరికాయి. 79 కేజీల బంగారం, 300 కేజీల వెండితో పాటు 3.76 లక్షల లీటర్ల అక్రమ మద్యం స్వాధీనం చేసుకున్నాం. 19,043 ఆయుధాల లెసైన్స్‌లు డిపాజిట్ చేశారు.
   డబ్బు, మద్యం పంపిణీ నిరోధించేందుకు తటస్థులతో పాటు యువత సహకరించాలి. దీనికి సంబంధించిన సమాచారాన్ని 1950 టోల్ ఫ్రీ నంబర్‌కు అందించాలి. అలాగే ఏ నియోజకవర్గంలో డబ్బులు పంపిణీ చేస్తున్నారో దాని సంఖ్య వేసి సమాచారాన్ని 8790499899 నంబర్‌కు ఎస్‌ఎంఎస్ చేయాలి. వెంటనే అది సర్వర్‌కు వెళ్తుంది. ఆ సమాచారం కంప్యూటర్ ద్వారా ఆ నియోజకవర్గంలోని ఫ్లయింగ్ స్క్వాడ్‌కు నిమిషాల్లో చేరుతుంది. వాళ్లు వెంటనే ఆ ప్రాంతానికి వెళ్లి డబ్బులను స్వాధీనం చేసుకుంటారు. పంపిణీ చేస్తున్న వారిని అరెస్టు చేస్తారు.
  
   మెదక్ లోక్‌సభ బీజేపీ అభ్యర్థి నరేంద్రనాథ్‌పై కేసు నమోదు చేయాల్సిందిగా కేంద్ర ఎన్నికల కమిషన్ ఆదేశాలిచ్చింది. ఆయన ఓటర్లకు పెద్ద ఎత్తున చీరలు, ఇతర దుస్తుల పంపిణీకి ఏర్పాట్లు చేశారు. వాటిపై బీజేపీ గుర్తుతో పాటు నరేంధ్రనాథ్ పేరు కూడా ముద్రించి ఉంది. ఇటీవలే జిల్లా కలెక్టర్ వివిధ ప్రాంతాల్లో దాడులు చేసి వాటిని స్వాధీనం చేసుకున్నారు.
   రాష్ట్రంలో ఓటర్లందరికీ బుధవారం నుంచి ఓటర్ల స్లిప్పుల పంపిణీ ప్రారంభమైంది. బూత్‌స్థాయి ఆఫీసర్లు దీన్ని చేపట్టారు. ఈ కార్యక్రమం సజావుగా సాగేందుకు రాజకీయ పార్టీల బూత్ స్థాయి ఏజెంట్లు కూడా భాగస్వాములు కావాలి.
   సీమాంధ్రలోని 25 లోక్‌సభ, 175 అసెంబ్లీ స్థానాలకు నామినేషన్ల దాఖలకు గడువు శనివారంతో ముగుస్తుంది. ఆ రోజు మధ్యాహ్నం 3 గంటల్లోగా నామినేషన్లు సమర్పించాలి. నామినేషన్ వేసిన అభ్యర్థులందరూ పార్టీ ధ్రువీకరిస్తూ ఇచ్చే ఇంక్ సంతకంతో కూడిన ఏ, బీ-ఫారమ్‌లను కూడా అదే రోజు రిటర్నింగ్ అధికారికి సమర్పించాలి. శుక్రవారం గుడ్ ఫ్రైడే సందర్భంగా నామినేషన్లు స్వీకరించరు. నామినేషన్ల పరిశీలన 21వ తేదీన జరుగుతుంది. నామినేషన్ల ఉపసంహరణ గడువు 23వ తేదీ 3 గంటలకు ముగుస్తుంది.
   పార్టీల స్టార్ ప్రచారకులతో పాటు ఆఫీస్ బేరర్లకు ఐదు వాహనాల చొప్పున ఎన్నికల ప్రచారానికి పాస్‌లను సీఈసీ కార్యాలయం జారీ చేస్తుంది. పాస్‌లు తీసుకున్న వారు మాత్రమే ఆ వాహనాల్లో తిరగాలి.
   ఎన్నికల్లో రాజకీయ పార్టీల వ్యయానికి ఎటువంటి పరిమితులు లేవు. పార్టీ పరంగా చేసిన వ్యయాన్ని ఆ పార్టీ వ్యయంగానే పరిగణిస్తారు. పోటీ చేసే అభ్యర్థి పేరుతో పాటు పార్టీ గుర్తు ఉంటేనే ఆ వ్యయాన్ని సదరు అభ్యర్థి ఖాతాలోకి తీసుకుంటారు. సామాజిక మీడియా ద్వారా పార్టీ ప్రచారం చేసుకోవచ్చు. అభ్యర్థి పేరు సింబల్‌తో సామాజిక మీడియాలో ప్రచారం చేస్తే ఆ వ్యయాన్ని అభ్యర్థి ఖాతాలోకి తీసుకుంటారు.


 పార్టీల మేనిఫెస్టోలపై కేంద్ర ఎన్నికల కమిషన్‌కు నివేదిక: భన్వర్‌లాల్ 
  సాక్షి, హైదరాబాద్: ఎన్నికల మేనిఫెస్టోల్లో పేర్కొన్న హామీలపై రాజకీయ పార్టీలు ఇచ్చిన వివరణలు సంతృప్తికరంగా లేవని రాష్ట్ర ప్రధాన ఎన్నికల అధికారి భన్వర్‌లాల్ చెప్పారు. తెలుగుదేశం, లోక్‌సత్తా, వైఎస్సార్ కాంగ్రెస్ పార్టీల వివరణలు కోరామని, అయితే వాటి నుంచి వచ్చిన వివరణలు సంతృప్తికరంగా లేవన్నారు. రుణాల మాఫీ పట్ల కొన్ని పార్టీలు వివరణ సంతృప్తిగా లేదని భావించి, తదుపరి చర్యలకు కేంద్ర ఎన్నికల కమిషన్‌కు నివేదిక పంపించినట్లు చెప్పారు. గురువారం ఆయనిక్కడ మాట్లాడారు.  టీఆర్‌ఎస్ అధినేత కేసీఆర్ ప్రాంతీయ విద్వేషాలు రెచ్చగొడుతున్నారనే ఫిర్యాదుపై జిల్లా కలెక్టర్ నుంచి నివేదిక వచ్చిందన్నారు. ఆరోపణలు రుజువైతే  చర్యల నిమిత్తం కేంద్ర ఎన్నికల కమిషన్‌కు నివేదిస్తామని చెప్పారు.
  
   లెజెండ్ సినిమా డీవీడీ అందిన తరువాత సంబంధిత కమిటీ పరిశీలిస్తుందని వివరించారు. ఖమ్మం జిల్లా మధిర అసెంబ్లీ నియోజకవర్గంలో స్వతంత్ర అభ్యర్థికి ఫ్యాను గుర్తు కేటాయించడంపై మాట్లాడుతూ, ఇప్పుడు మార్చడం సాధ్యం కాదని చెప్పారు. వైఎస్సార్ కాంగ్రెస్ పార్టీకి ఫ్యాను గుర్తు ఇచ్చిన తరువాత స్వతంత్ర అభ్యర్థికి మళ్లీ అదే గుర్తును రిటర్నింగ్ అధికారి ఏవిధంగా కేటాయించారో తెలియదని, ఈ నేపథ్యంలో ఈసీకి నివేదిక పంపుతామని భన్వర్‌లాల్ తెలిపారు.


 కలెక్టర్లు, ఎస్పీల వీడియో కాన్ఫరెన్స్‌లో సీఈవో భన్వర్‌లాల్ ఆదేశం
  
 సాక్షి, హైదరాబాద్: సార్వత్రిక ఎన్నికలను ప్రశాంతంగా, నిష్పక్షపాతంగా నిర్వహించేందుకు అవసరమైన అన్ని ఏర్పాట్లూ పకడ్బందీగా చేయాలని అధికారులను రాష్ట్ర ప్రధాన ఎన్నికల అధికారి(సీఈవో) భన్వర్‌లాల్ ఆదేశించారు. ఎన్నికల ఏర్పాట్లపై ఆయన సోమవారం సాయంత్రం సీమాంధ్రలోని 13 జిల్లాల కలెక్టర్లు, ఎస్పీలతో వీడియో కాన్ఫరెన్స్ నిర్వహించారు.
  
 ఎన్నికల నియమావళి విషయంలో కఠినంగా వ్యవహరించాలని, ఈ విషయంలో అధికారులు, ఉద్యోగులు గీత దాటితే కఠిన చర్యలు తీసుకుంటామని హెచ్చరించారు. ఎండలను దృష్టిలో పెట్టుకుని పోలింగ్ కేంద్రాల వద్ద ఓటర్లకు తాగునీటి సౌకర్యం కల్పించాలని సూచించారు. అలాగే వరండాలు లేని పోలింగ్ కేంద్రాల ఎదుట క్యూలైన్లలో ఉండే ఓటర్లకోసం షామియానాలు ఏర్పాటు చేయాలని భన్వర్‌లాల్ ఆదేశించారు.
  


 ఓటరు సందేహాలకు ఈసీ సమాధానాలు
  ఎన్నికల సమయంలో ఎన్నెన్నో ప్రశ్నలు. ఓటరు జాబితా లో మార్పులు, చేర్పులు..  కార్డులో తప్పులు.. ఉద్యోగుల ఇబ్బందులు.. వేలిపై సిరా మరకలు.. ఇంకా ఎన్నో సందేహాలు.. ఇలాంటివాటికి పరిష్కార మార్గాలను భన్వర్‌లాల్ పత్రికా ముఖంగా మీకు తెలియజేస్తారు. మీ ప్రశ్నలు మాకు పంపండి.    
  - ఎలక్షన్ సెల్, సాక్షి, రోడ్ నం.1, బంజారాహిల్స్,
  హైదరాబాద్, లేదా election@sakshi.comM కు మెయిల్ చెయ్యండి.
  ప్ర. ఓటర్లను బూత్ వద్దకు తీసుకొచ్చేందుకు పార్టీల అభ్యర్థులు వాహనాలు సమకూర్చ కూడదంటున్నారు. అనారోగ్యం, వృద్ధాప్యం కారణంగా బూత్ వద్దకు రాలేని ఓటర్ల కోసం ఎన్నికల సంఘమే వాహనాలు ఏర్పాటు చేయవచ్చు కదా?
  - ఎల్.శ్రీనివాస నాయుడు, తిరుపతి
 
  జ.ప్రస్తుతానికి ఇలాంటి సౌకర్యాలు కల్పించలేం.
 
  ప్ర. రాజకీయ నాయకులు సేవా సంస్థల పేరుతో అంబులెన్సులు కలిగి ఉన్నారు. ఎన్నికల్లో అంబులెన్సుల్లో డబ్బు రవాణాకు అవకాశం ఉంది. అలా అని తనిఖీల పేరుతో వాటిని ఆపితే అందులో రోగులు ఇబ్బంది పడే అవకాశం ఉంది. ఈ సమస్యను ఎలా పరిష్కరిస్తారు?     - పి.సూర్యనరేంద్ర, పశ్చిమ గోదావరి జిల్లా
  
  జ.రోగులకు అసౌకర్యమైనా అక్రమ డబ్బు రవాణాను అడ్డుకునేందుకు 104, 108తో సహా ప్రయివేటు అంబులెన్సులను తనిఖీ చేస్తాం.
  
  ప్ర.తనిఖీల్లో పట్టుబడిన కోట్ల రూపాయల డబ్బును రెవెన్యూ లేదా ఆదాయపన్ను అధికారులు స్వాధీనం చేస్తున్నారు. అది అక్రమ డబ్బు అని తేలేవరకూ ఆ సొమ్ము ప్రభుత్వ ఖాతాలో చేరదు. అంతవరకు ఆ డబ్బు అలాగే ఉంచే కంటే ఎన్నికల సంఘమే అకౌంట్ ఏర్పాటుచేసి అందులో ఉంచితే బాగుంటుంది కదా? వాటిపై వచ్చే వడ్డీని ఓటర్లను చైతన్యపరిచే కార్యకలాపాలకు వినియోగించవచ్చు కదా?
   - జి.శ్రీరామమూర్తి, మచిలీపట్నం
  జ. మీ సూచనను కేంద్ర ఎన్నికల సంఘం దృష్టికి తీసుకెళ్తాం.
 
  


 ఓటరు సందేహాలకు ఈసీ సమాధానాలు
 
  ఎన్నికల సమయంలో ఎన్నెన్నో ప్రశ్నలు. ఓటరు జాబితాలో మార్పులు, చేర్పులు..  కార్డులో తప్పులు.. ఉద్యోగుల ఇబ్బందులు.. వేలిపై సిరా మరకలు.. ఇంకా ఎన్నో సందేహాలు.. ఇలాంటి వాటికి పరిష్కార మార్గాలను భన్వర్‌లాల్ పత్రికా ముఖంగా మీకు తెలియ జేస్తారు. మీ ప్రశ్నలు మాకు పంపండి      
  - ఎలక్షన్ సెల్, సాక్షి, రోడ్ నం.1, బంజారాహిల్స్, హైదరాబాద్,
  లేదా ్election@sakshi.comకు మెయిల్ చెయ్యండి.
  
  మేం ఓటరు లిస్టులో పేరు నమోదుకు దరఖాస్తు చేసుకున్నాము. మాకు ఇంతవరకూ ఓటర్ గుర్తింపు కార్డు రాలేదు. ఎన్నికల్లో ఓటు వేయడం ఎలాం?    
 - రామలింగాచారి, దేవరపల్లి లావణ్య,     రవితేజ, ఫరూక్, పుట్ట లత, హైదరాబాద్
 
  ఓటర్ గుర్తింపు కార్డులవిషయంలో ఆందోళన చెందాల్సిన పని లేదు. పోలింగ్‌కు వారం ముందే మా సిబ్బంది మీ ఇళ్లవద్దకు వచ్చి ఓటర్ స్లిప్పులు ఇస్తారు. ఆ సమయంలోనే మీకు ఓటర్ గుర్తింపు కార్డులు కూడా ఇచ్చే ఏర్పాటు చేస్తున్నాం. ఒక వేళ ఓటరు గుర్తింపు కార్డు లేకపోయినా మా సిబ్బంది ఇచ్చే ఓటర్ స్లిప్పులు తీసుకెళ్లి ఓటు వేయవచ్చు. ఒక వేళ స్లిప్పులు కూడా అందక పోతే మీకు సంబంధించిన రేషన్ కార్డు, డ్రైవింగ్ లెసైన్స్, ఆధార్ కార్డు లాంటి గుర్తింపు కార్డులు చూపి ఓటు వేయవచ్చు. కాకపోతే ఓటర్ల జాబితాలో మీ పేరు ఉండటం ముఖ్యం.
 
  


 ఓటరు సందేహాలకు ఈసీ సమాధానాలు
  ఎన్నికల సమయంలో ఎన్నెన్నో ప్రశ్నలు. ఓటరు జాబితాలో మార్పులు, చేర్పులు.. కార్డులో తప్పులు.. ఉద్యోగుల ఇబ్బందులు.. వేలిపై సిరా మరకలు.. ఇంకా ఎన్నో సందేహాలు.. ఇలాంటివాటికి పరిష్కార మార్గాలను భన్వర్‌లాల్ పత్రికా ముఖంగా మీకు తెలియజేస్తారు. మీ ప్రశ్నలు మాకు పంపండి.  
  - ఎలక్షన్ సెల్, సాక్షి, రోడ్ నం.1,
  బంజారాహిల్స్, హైదరాబాద్,
  లేదా election@sakshi.comకు మెయిల్‌చెయ్యండి.  
  
  ఎస్‌ఐ పోస్టుల ఎంపిక జాబితా విడుదలకు సిద్ధంగా ఉంది. అయితే ఎన్నికల సంఘం అనుమతి కావాలని ఆపారు. ఫలితాల కోసం ఎప్పట్నుంచో ఎదురుచూస్తున్నాం. మమ్మల్ని అర్థం చేసుకుని ఫలితాల వెల్లడికి ఆదేశాలు ఇవ్వగలరు.
  - ఆర్.విజయ్‌కుమార్
  ఎన్నికల ప్రవర్తనా నియమావళికి సంబంధించిన ఈ అంశం గురించి కేంద్ర ఎన్నికల సంఘానికి వివరించాం. ప్రస్తుతం ఈ విషయం వారి పరిశీలనలో ఉంది.
  
  మేం విజయవాడ 55వ వార్డులో ఉంటున్నాం. మా ఏరియా అజిత్‌సింగ్‌నగర్ అయితే ఓటర్ ఐడీకార్డులో
  కనక దుర్గానగర్ అని ప్రింట్ అయ్యింది. మా ఓట్లు 52వ వార్డుకు వెళ్లాయి. దీంతో వార్డే కాకుండా నియోజకవర్గమూ మారిపోయింది. ఇప్పుడు ఏం చేయాలి?
  - పలపర్తి శేషయ్య
  మీరు నివాసం ఉంటున్న చోట మీ ఓట్లు లేకపోతే ఏప్రిల్ 9లోపు కొత్త దరఖాస్తు ఇచ్చి జాబితాలో మీ పేర్లు చేర్పించుకోవచ్చు.
  
  నేను పూణెలో ఉంటున్నాను.
  ఈ ఎన్నికల్లో నేను రాష్ట్రంలో ఓటు వేయాలంటే
  ఏం చేయాలి?
  - రాం్రపసాద్
  మీరు ఏ ఊరిలో ఓటు వేయాలనుకుంటే ఆ ఊరిలోనే నివాసం ఉండాలి. పూణెలో నివాసం ఉంటూ ఇక్కడ ఓటు వేయడం కుదరదు. మీరు పూణెలోనే ఓటరుగా నమోదు చేయించుకోని అక్కడే ఓటు వేయాలి.


 ఓటరు సందేహాలకు ఈసీ సమాధానాలు
  ఎన్నికల సమయంలో ఎన్నెన్నో ప్రశ్నలు. ఓటరు జాబితాలో మార్పులు, చేర్పులు..  కార్డులో తప్పులు.. ఉద్యోగుల ఇబ్బందులు.. వేలిపై సిరా మరకలు.. ఇంకా ఎన్నో సందేహాలు.. ఇలాంటివాటికి పరిష్కార మార్గాలను భన్వర్‌లాల్ పత్రికా ముఖంగా మీకు తెలియజేస్తారు. మీ ప్రశ్నలు మాకు పంపండి      
  - ఎలక్షన్ సెల్, సాక్షి,
  రోడ్ నం.1, బంజారాహిల్స్, హైదరాబాద్,
  లేదా election@sakshi.com కు
  మెయిల్ చెయ్యండి.
  
  మాది ప్రకాశం జిల్లా, జే.పంగులూరు మండలం రామకూర్ గ్రామం. నేను ఓటరు ఐడీ కోసం దరఖాస్తు చేసుకున్నా ఇంతవరకు రాలేదు. స్థానిక బీఎల్‌వోను సంప్రదిస్తే స్పందన లేదు. వెరిఫికేషన్ సమయంలో ఇంటివద్ద ఉండాలంటున్నారు. నేను నూజివీడు త్రిబుల్‌ఐటీలో చదువుతున్నాను. ధ్రువీకరణ పత్రాలన్నీ నా తల్లిదండ్రులు చూపారు. ఆన్‌లైన్‌లో ఆధార్ చూపించాను. అయినా ఓటరు కార్డు రాలేదు.
  - ఎం.నాగూర్ మస్తాన్ వలీ
  
  మీ పేరు ఓటర్ల జాబితాలో చేర్చేందుకు జిల్లా కలెక్టరుకు సిఫారసు చేస్తున్నాం. విద్యార్థులు స్థానికంగా లేకపోయినా వారి స్వగ్రామంలో ఓటుహక్కు కల్పించేలా ఎన్నికల సంఘం నిర్ణయించింది. మీ ధ్రువీకరణ పత్రాలను మీ తల్లిదండ్రులు ఎన్నికల సిబ్బందికి చూపితే ఓటర్ల జాబితాలో పేరు చేరుతుంది.
  మా కోడలు అంజుమ్ ఆరా పేరు షేర్‌లింగంపల్లి నియోజకవర్గ ఓటర్ల జాబితాలో చేర్పించేందుకు జనవరి 1 కన్నా ముందే దరఖాస్తు చేశాను. నా కోడలు తాను పేర్కొన్న అడ్రస్‌లో ఉండట్లేదని తిరస్కరించారు. దయచేసి మా కోడలు పేరు షేర్‌లింగంపల్లి ఓటర్ల జాబితాలో చేర్పించగలరు.
  - అనజీర్ అహ్మద్
  ceoandhrapradesh@eci.gov.in కు మీ పూర్తి వివరాలు తెలుపుతూ మెయిల్ చేయండి. పరిశీలించి చర్యలు తీసుకుంటాం.
  
  నవ తెలంగాణ నిర్మాణంలో భాగం కండి
  నవ తెలంగాణ సామాజికంగా, ఆర్థికంగా, రాజ కీయంగా, సాంస్కృతికంగా మరింతగా వెలుగులీనా లంటే ఎలాంటి మేలిమి మార్పులు రావాలి? అందు కోసం ఏమేం చేయాలి? ఎవరెవరు ఎలా నడుం బిగించాలి? వీటిపై మీ అభిప్రా యాలు ‘సాక్షి’తో పంచు కోండి.
  ఎలక్షన్ సెల్, సాక్షి దినపత్రిక, రోడ్ నం.1 బంజారాహిల్స్, హైదరాబాద్  లేదా election@sakshi.com కు మెయిల్ చెయ్యండి.


 సాక్షి, న్యూఢిల్లీ: తెలంగాణలోని మొత్తం 17 లోక్‌సభ స్థానాలతోపాటు 119 అసెంబ్లీ స్థానాలకు ఒకేసారి ఎన్నికలు నిర్వహించేందుకు కేంద్ర ఎన్నికల సంఘం బుధవారం ఏడో దశ ఎన్నికల నోటిఫికేషన్ జారీ చేసింది. దీనిలోభాగంగా బుధవారం నుంచే నామినేషన్ల స్వీకరణ ప్రక్రియ ప్రారంభమైంది. నామినేషన్ల దాఖలుకు ఏప్రిల్ 9 చివరి తేదీ. 10వ తేదీన నామినేషన్ల పరిశీలన జరగనుంది. నామినేషన్లు ఉపసంహరించుకునేందుకు 12వ తేదీ చివరి రోజు. ఈనెల 30న ఎన్నికలు నిర్వహించి మే 16న ఫలితాలు వెల్లడిస్తారు.
  మరో 6 రాష్ట్రాల్లోని 72 స్థానాలకూ నోటిఫికేషన్: తెలంగాణ ప్రాంతంలోని 17 లోక్‌సభ స్థానాలతోపాటు మరో 6  రాష్ట్రాలు, రెండు కేంద్రపాలిత ప్రాంతాల్లోని 72 స్థానాలకూ ఏడో దశ లోక్‌సభ ఎన్నికల నోటిఫికేషన్ జారీ అయింది. గుజరాత్‌లో 26 స్థానాలకు, ఉత్తరప్రదేశ్‌లో 14 స్థానాలు, పంజాబ్‌లో 13 స్థానాలు, పశ్చిమ బెంగాల్‌లో 9 స్థానాలు, బీహార్‌లో 7, జమ్మూకాశ్మీర్, డామన్ డయూ, దాద్రా నగర్ హవేలీలలో ఒక్కో సీటుకు ఈ దశ కింద ఎన్నికలు జరగనున్నాయి.
  


 ఎన్నికల సమయంలో ఎన్నెన్నో ప్రశ్నలు. ఓటరు జాబితాలో మార్పులు, చేర్పులు..  కార్డులో తప్పులు.. ఉద్యోగుల ఇబ్బందులు.. వేలిపై సిరా మరకలు.. ఇంకా ఎన్నో సందేహాలు.. ఇలాంటివాటికి పరిష్కార మార్గాలను భన్వర్‌లాల్ పత్రికా ముఖంగా మీకు తెలియజేస్తారు. మీ ప్రశ్నలు మాకు పంపండి  
 - ఎలక్షన్ సెల్, సాక్షి, రోడ్ నం.1
  బంజారాహిల్స్, హైదరాబాద్,
 లేదా ్ election@sakshi.comకు మెయిల్ చెయ్యండి.
  
    సర్పంచ్ ఎన్నికల ముందు నా ఓటర్ ఐడీ కార్డు పోయింది. ఓటరు లిస్టులో పేరుమాత్రం ఉంది. కార్డు లేదని ఆ ఎన్నికల్లో ఓటు వేయనీయలేదు. వచ్చే ఎన్నికల్లో నేను ఓటు వేయాలంటే ఏం చేయాలి? ఓటరు గుర్తింపు కార్డు మళ్లీ పొందడం ఎలా?
  - పూణెం పాపయ్య, గూడూరు శివారు మర్రిమిట్ట, వరంగల్ జిల్లా
 
 జ.    ఓటర్ గుర్తింపు కార్డు పోయినా మీ పేరు ఓటర్ల జాబితాలో ఉందటున్నారు కాబట్టి మీరు ఓటు వేయవచ్చు. పోలింగ్‌కన్నా వారం ముందు మా సిబ్బంది మీకు ఓటర్ స్లిప్ ఇస్తారు. అందులో మీ ఓటు వివరాలన్నీ ఉంటాయి. ఆ స్లిప్ తీసుకెళ్లి మీరు ఓటు వేయవచ్చు. అలాగే మీ సమీపంలోని ఈ-సేవ కేంద్రానికి వెళ్లి రూ.10 రుసుము చెల్లించడం ద్వారా మీ ఓటరు గుర్తింపు కార్డును పొందవచ్చు.
 
      ఈవీఎంల ద్వారా రిగ్గింగ్‌కు అవకాశం ఉండదా..?
  - రఘురాం,   పాండురంగాపురం, ఖమ్మం జిల్లా..
  జ.    ఉండదు.
 
     ఎన్నికల్లో పోటీ చేసే అభ్యర్థులు అనేక హామీలు ఇస్తున్నారు. తర్వాత వాటిని నెరవేర్చడం లేదు. హామీలు నెరవేర్చని అభ్యర్థులను తర్వాత ఎన్నికల్లో అనర్హులుగా ప్రకటించ వచ్చు కదా?
  - పి.వి.రమణ,  గురుకుల పాఠశాల ఉపాధ్యాయుడు,
  ఏన్కూరు, ఖమ్మం జిల్లా, 9441260582
 
  జ.    హామీలు నెరవేర్చని అభ్యర్థులను అనర్హులుగా ప్రకటించే చట్టం మనకు లేదు. ప్రజాస్వామ్య దేశంలో చట్టాలు పార్లమెంటు మాత్రమే చేస్తుంది. మీరు ఓటు వేసేటప్పుడు ‘హామీలు నెరవేర్చని అభ్యర్థులను అనర్హులను చేసే’ చట్టం తెస్తామన్న హామీ ఇచ్చే అభ్యర్థులనే ఎన్నుకోండి. హామీలు నెరవేర్చని అభ్యర్థులను అనర్హులుగా ప్రకటించే అధికారం ఎన్నికల సంఘానికి లేదు కానీ, హామీలను నెరవేర్చని అభ్యర్థులను ఇంటికి పంపె శక్తి మీ ఓటుకు ఉంది.
  
  
 నేను కొత్తగా ఓటు నమోదు చేసుకున్నాను. అయితే నా పేరు తెలుగు వెర్షన్‌లో తప్పుగా వచ్చింది. నాకు ఓటేసే అవకాశం ఉంటుందా లేదా?
  -టి.లక్ష్మీప్రసన్న భారతి, అరసవల్లి, శ్రీకాకుళం జిల్లా
  జ.    ఓటరు జాబితాలో మీ పేరు తప్పుగా వచ్చినా, మీ పేరును ధృవీకరిచే ఆధార్, రేషన్ కార్డు లాంటి సపోర్టు డాక్యుమెంట్‌ను పోలింగ్ అధికారులకు చూపడం ద్వారా ఓటు హక్కు వినియోగించుకోవచ్చు.
 
     నా ఓటర్ గుర్తింపు కార్డుపై నా ఫొటోకు బదులు వేరేవారి ఫోటో అచ్చయింది. ఓటు వేయాలంటే నేనేం చేయాలి?
  -లీలాకృష్ణ, హైదరాబాద్
 
  జ.    ఓటర్ల జాబితాలో వేరే ఫోటో ఉన్నప్పటికీ, మీ ధృవీకరణను తెలిపే ఆధార్ లాంట్ సపోర్టింగ్ డాక్యుమెంట్ తీసుకెళితే ఓటు వేయడానికి అనుమతిస్తారు.
 
     మా నాన్న వెంకట్రావు 2011లో మృతి చెందారు. ఓటర్ల జాబితాలో పేరు తొలగించాలని లెటర్ పెట్టాను. అయినా ఇప్పటికీ ఆయన పేరు ఓటర్ల జాబితాలో ఉంది. ఆయన పేరుతో వేరొకరు ఓటు వేసే అవకాశం లేకుండా ఆయన పేరు తొలగించాలంటే ఏం చేయాలి?    
  -దుర్గాప్రసాద్, అరసవెల్లి
 
  జ.    పోలింగ్ సమయానికి మా ఎన్నికల సిబ్బంది ‘ఆబ్స్‌ంట్-షిప్డెడ్-డెడ్’(ఏఎస్‌డీ) జాబితా తయారు చేస్తారు. ఆ జాబితాను పోలింగ్ రోజు పోలింగ్ బూత్ సిబ్బందికి ఇస్తారు. ఆ జాబితాలోని వారు ఎవరైనా ఓటు వేయడానకి వస్తే వారి ధృవీకరణను ప్రత్యేకంగా పరిశీలిస్తారు. ఆ పేరుతో వేరేవారు వచ్చి ఓటు వేసే అవకాశం లేకుండా చేస్తారు. ఈ జాబితాను ‘బూత్ లెవల్ ఆఫీసర్’ తయారు చేస్తార్తు. మీరు మీ బూత్ లెవల్ ఆఫీసర్ వద్దకు వెళ్లి చనిపోయిన మీ తండ్రి వివరాలు నమోదు చేయించండి.
 
   స్థానిక సంస్థల్లో ఓటు వేసినప్పుడు వేలిపై సిరా గుర్తు వేస్తారు. అది రెండు నెలలవరకూ పోదు. ఆ గుర్తు అలాగే ఉంటే  రోజుల వ్యవధిలో వస్తున్న అసెంబ్లీ,పార్లమెంటు ఎన్నికల్లో ఓటు వేయడానికి ఇబ్బంది కదా? వేలిపై సిరా గుర్తుతో పోలింగ్‌కు వెళితే అభ్యంతరాలు వస్తే ఏం చేయాలి?
  - గురజాల రోహిణి, రాజమండ్రి, తూర్పుగోదావరి జిల్లా..
 
  జ.    ఈ విషయంలో ఓటర్లు ఆందోళన చెందాల్సిన అవసరం లేదు. ప్రస్తుత స్థానిక సంస్థల ఎన్నికల్లో ఓటర్లకు ఏ వేలిపై సిరా గుర్తు వేస్తున్నారో అన్న విషయాన్ని ఎన్నికల సంఘంకు తెలుపుతాం. ఆ వేలు కాకుండా వేరే వేలుపై సార్వత్రిక ఎన్నికల్లో సిరా గుర్తు వేసేలా ఎన్నికల సంఘం అనుమతి ఇస్తుంది. ఈవిషయా న్ని త్వరలో అధికారికంగా ప్రకటిస్తాం.
  


 అన్ని ఫైళ్లూ ఈసీకి పంపితే చర్యలు తప్పవు:  సీఈఓ భన్వర్‌లాల్
  
  సాక్షి, హైదరాబాద్: ఎన్నికల ప్రవర్తనా నియమావళి నుంచి మినహాయింపునకు సంబంధించిన అంశాల ఫైళ్లను మాత్రమే కేంద్ర ఎన్నికల కమిషన్‌కు పంపించాలని, అలా కాకుండా ఇప్పటికే ఎన్నికల నియమావళిలో స్పష్టంగా ఉన్న అంశాల ఫైళ్లను కూడా కమిషన్‌కు పంపిస్తే చర్యలు తీసుకుంటామని రాష్ట్ర ప్రధాన ఎన్నికల అధికారి భన్వర్‌లాల్ స్పష్టం చేశారు. ఈ మేరకు అన్ని శాఖలకు గురువారం ఆదేశాలు జారీచేశారు. ఎన్నికల కోడ్‌లో స్పష్టంగా పేర్కొన్న అంశాలకు చెందిన ఫైళ్లను కూడా రాష్ట్ర ఎన్నికల కమిషన్‌కు పలు శాఖలు పంపించడంపై ఆయన మండిపడ్డారు. అందరికీ ఎన్నికల ప్రవర్తనా నియమావళి అందుబాటులో ఉందని.. ఏ పనులకు సంబంధించి ముందస్తుగా కమిషన్ అనుమతి తీసుకోవాలనే విషయాలు స్పష్టంగా ఉన్నందున, వాటిని పాటించాలని స్పష్టం చేశారు.
  
  కలెక్టర్లు, ఎస్పీలతో వీడియో కాన్ఫరెన్స్
  
  ఎన్నికల ఏర్పాట్లపై భన్వర్‌లాల్ గురువారం సచివాలయం నుంచి జిల్లా కలెక్టర్లు, ఎస్పీలతో వీడియో కాన్ఫరెన్స్ నిర్వహించారు. పోలింగ్ సరళిని వెబ్ కాస్టింగ్ చేయడానికి తీసుకుంటున్న చర్యలపై సమీక్షించారు. ఎన్నికల కోడ్ అమలు, ఉల్లంఘనలపై చర్యల గురించి కలెక్టర్లతో మాట్లాడారు. డబ్బు, మద్యం సరఫరాలపై నిఘాను ముమ్మరం చేయాలని సూచించారు. శాంతిభద్రతల పరిస్థితిపై ఎస్పీలతో సమీక్షించారు. కాగా, కేంద్ర ఎన్నికల కమిషన్ శుక్రవార ం అన్ని రాష్ట్రాల సీఈఓలతో ఎన్నికల ఏర్పాట్లపై వీడియో కాన్ఫరెన్స్ నిర్వహించనుంది.
  
 
  


 తక్కువ పోలింగ్ ప్రాంతాల్లో స్పెషల్ డ్రైవ్ చేపట్టండి: భన్వర్‌లాల్
 విజయవాడ సిటీ, న్యూస్‌లైన్: ప్రతి ఒక్కరూ ఓటుహక్కును వినియోగించుకునేలా, పోలింగ్ శాతాన్ని పెంచేలా ఓటర్లలో చైతన్యం తీసుకురావాలని అన్ని జిల్లాల ఎన్నికల అధికారులకు రాష్ట్ర ఎన్నికల ప్రధానాధికారి భన్వర్‌లాల్ ఆదేశించారు. గత ఎన్నికల్లో పోలింగ్ శాతం తక్కువగా నమోదైన ప్రాంతాల్లో స్పెషల్ డ్రైవ్ చేపట్టి ఎన్నికలపై విసృ్తత ప్రచారం కల్పించాలన్నారు. ఈ మేరకు విజయవాడలోని కలెక్టర్ క్యాంపు కార్యాలయం నుంచి బుధవారం రాష్ట్ర వ్యాప్తంగా అన్ని జిల్లాల్లోని ఎన్నికల అధికారులతో వీడియో కాన్ఫరెన్స్ నిర్వహించారు. ఈ సందర్భంగా ఆయన పలు నిర్దిష్టమైన సూచనలు చేశారు.
 -  గత ఎన్నికల్లో 72 శాతం మంది ఓటుహక్కు వినియోగించుకున్నారని, ఈసారి కనీసం 85 శాతం మంది తమ ఓటుహక్కు వినియోగించుకునేలా చర్యలు చేపడుతున్నామని, దీనికి సంబంధించిన ప్రచారం కల్పించాలని కోరారు.
  
 -  ఓటరు ఇంటికి వెళ్లి స్లిప్పు ఇచ్చి ఓటు వేసేందుకు రావాలని ఆహ్వానిస్తున్నామన్నారు. పట్టణ, గిరిజన ప్రాంతాల్లో ఎక్కువ శాతం మంది ఓటుహక్కును వినియోగించుకునేలా ప్రత్యేక దృష్టి సారించాలని కలెక్టర్లకు సూచించారు. రాష్ట్రంలో 294 నియోజకవర్గాల్లో మోడల్ పోలింగ్ స్టేషన్లు ఏర్పాటు చేస్తున్నట్టు చెప్పారు.
  
 -  ఉత్తరప్రదేశ్ రాష్ట్ర ప్రభుత్వ స్త్రీ, శిశు సంక్షేమ శాఖ సెక్రటరీ కామినీ చౌహాన్ రతన్ హైదరాబాద్ నుంచి ఈ వీడియో కాన్ఫరెన్సులో పాల్గొన్నారు. ఆమె మాట్లాడుతూ.. ఉత్తరప్రదేశ్‌లో అమలుచేసిన స్వీప్ సిస్టమ్ విధానం ద్వారా పోలింగ్ శాతం పెరిగేలా చేపట్టిన చర్యలను పవర్ పాయింట్ ప్రజెంటేషన్‌లో మన అధికారులకు వివరించారు.
  
 -  యువత, మహిళల్లో చైతన్యం తీసుకొచ్చి ఎక్కువ శాతం మంది పోలింగ్‌లో పాల్గొనేలా చర్యలు తీసుకున్నట్టు చౌహాన్ తెలిపారు. స్లోగన్ పోటీలు, కార్టూన్, పతంగుల పండుగ, మానవహారాలు, సంతకాల సేకరణ, ఓటుహక్కు వినియోగించుకుంటామనే ప్రతిజ్ఞ, ఓటువిలువ తెలిసేలా కార్యక్రమాలు అమలు చేశామన్నారు.


 * అభ్యర్థుల ఖర్చుపై నిశిత దృష్టి
 * పక్కాగా లెక్కగట్టేందుకు ఏర్పాట్లు
 * ప్రతి నియోజకవర్గంలో పరిశీలకులు
 * అభ్యర్థుల వెన్నంటి ‘షాడో పార్టీలు’
 * అడుగడుగునా వీడియో కెమెరాలు
  
  ఎన్నికల ఖర్చు విషయంలో వున రాష్ట్రానిది దేశంలోనే తొలి స్థానం. ప్రతి ఎన్నికల్లోనూ సంచులకొద్దీ దొరుకుతున్న డబ్బు కట్టలే ఇందుకు రుజువు. ఈ జాడ్యంపై ఎన్నికల సంఘం నిశితంగా దృష్టి సారించింది. ఈ ఎన్నికల్లో అక్రవు నగదు ప్రవాహానికి పూర్తిగా అడ్డుకట్ట వేసేందుకు పకడ్బందీ వ్యూహం రచించింది. అభ్యర్థుల కదలికలపై అడుగడుగునా నిఘా పెట్టడం మొదలుకుని పలు చర్యల సిద్ధమవుతోంది. ఒకవైపు నియంత్రణ చర్యలకు పదును పెడుతూనే, మరోవైపు ఓటర్లలో కూడా చైతన్యం తీసుకొచ్చే దిశగా వినూత్న ప్రయత్నాలకు తెర తీసింది...
  
  బి.గణేష్‌బాబు, ఎలక్షన్ సెల్:  ఎన్నికల్లో డబ్బు ప్రవాహానికి అడ్డుకట్ట వేసేందుకు ఈసీ నడుం బిగించింది. అందుకోసం అభ్యర్థుల ఎన్నికల ఖర్చును ప్రధానంగా రెండు రకాలుగా వర్గీకరిం చింది. మొదటిది పరి మితి మేరకు చట్టం అనుమ తించే ప్రచార సభలు, పోస్టర్లు, బ్యానర్లు, కరపత్రాలు తదితరాల ఖర్చు. ఇక రెండోది ఓటర్లను ప్రలోభపెట్టేం దుకు చేసే ఖర్చు. డబ్బు, వుద్యం పంచడం, గుడి, చర్చి, మసీదు నిర్మాణాలు తదితరాలన్న మాట. మొదటిదాన్ని పరిమితి దాట నీయకుండా, రెండోదానిపై ఉక్కుపాదం మోపేలా పకడ్బందీ ప్రణాళికను ఈసీ రూపొందిం చింది. దాని స్వరూప స్వభావాలు...
  
 ఎన్నికల ఖర్చు పరిశీలకులు
 గరిష్టంగా ఐదు అసెంబ్లీ నియోజకవర్గాలకు ఒక ప్రధాన ఎన్నికల ఖర్చు పరిశీలకుని చొప్పున కేంద్ర ఎన్నికల సంఘం నియమిస్తుంది. ఆయూ సెగ్మెంట్లలో ఎన్నికల ఖర్చుకు సంబంధించిన ప్రతి అంశాన్నీ వారు నిశితంగా పరిశీలిస్తారు.
  
  సహాయ ఎన్నికల ఖర్చు పరిశీలకులు
 వీరు ‘గ్రూప్-బి’ స్థాయి అధికారులు. అసెంబ్లీ నియోజకవర్గానికి ఒకరుంటారు. జిల్లా ఎన్నికల అధికారి (కలెక్టర్) వీరిని నియమిస్తారు. నియోజకవర్గంలో అభ్యర్థుల కదలికలను, వారి ఎన్నికల ఖర్చును నిశితంగా పరిశీలిస్తుంటారు. వీరి పనితీరు పట్ల అనుమానముంటే ప్రధాన ఎన్నికల ఖర్చు పరిశీలకుడు వీరిని మార్చవచ్చు.  
  
  వీడియో నిఘా బృందం
  ప్రతి నియోజకవర్గంలో ఒక అధికారి, ఒక వీడియోగ్రాఫర్‌తో కూడిన బృందం ఉంటుంది. అవసరమనుకుంటే ఒక్కో నియోజకవర్గంలో రెండు మూడు బృందాలనూ ఏర్పాటు చేస్తారు. అభ్యర్థుల వాస్తవ ఖర్చును బేరీజు వేసుకునేందుకు వీడియో బృందాలు సేకరించే విజువల్సే కీలకం. మీటింగ్‌కు 100 వాహనాలను తీసుకొచ్చి 20 వాహనాలనే లెక్క చూపితే వీడియోలు పట్టించేస్తాయి. ఈ బృందాల పనితీరును సహాయ ఎన్నికల ఖర్చు పరిశీలకులు ప్రత్యక్షంగా పర్యవేక్షిస్తారు.
  
  వీడియోలు చూసే బృందం
 -     వీడియోల్లోని దృశ్యాలను పరిశీలిస్తూ, అక్రమాలు చోటు చేసుకున్న దృశ్యాలను క్రోడీకరించి నివేదిక అందించేందుకు ప్రతి నియోజకవర్గంలోను ఒక అధికారి, ఇద్దరు గుమాస్తాలతో కూడిన బృందం ఉంటుంది.
  
  కౌంటింగ్ బృందం
  ట్రెజరీ, అకౌంట్స్ శాఖల నుంచి ఒక అధికారి, ఇద్దరు సిబ్బందితో కూడిన అకౌంటింగ్ బృందం నియోజకవర్గానికి ఒకటి చొప్పున ఉంటుంది. అభ్యర్థులు సమర్పించే రోజువారీ ఖర్చుల వివరాలను పరిశీలిస్తుంటుంది.
  
  ఫిర్యాదు స్వీకరణకు టోల్ ఫ్రీ నంబర్
      ఫిర్యాదుల స్వీకరణకు ప్రతి జిల్లా కేంద్రంలోనూ 24 గంటలు పనిచేసే టోల్ ఫ్రీ కాల్ సెంటర్ ఉంటుంది. ఓ సీనియర్ అధికారి దీని ఇన్‌చార్జిగా ఉంటారు. వివిధ వర్గాల నుంచి వచ్చే ఫిర్యాదులను రికార్డు చేయడం, అక్రమాలపై సమాచారం అందగానే ఆయా ప్రాంతాల్లోని నియంత్రణ సిబ్బందిని అప్రమత్తం చేయడం వీరి పని.
  
  మీడియా సర్టిఫికేషన్, పర్యవేక్షణ కేంద్రం
      జిల్లా ఎన్నికల అధికారి నేతృత్వంలో కేంద్ర, రాష్ట్ర సమాచార పౌర సంబంధాల శాఖల అధికారులతో ఈ బృందం పని చేస్తుంది. పత్రికల్లో, చానళ్లలో వచ్చే ప్రకటనలు, ‘పెయిడ్ న్యూస్’ వగైరాలను పరిశీలిస్తుంటుంది.
  
  ఫ్లయింగ్ స్క్వాడ్స్
      ప్రతి నియోజకవర్గంలో మూడు, లేక అంతకన్నా ఎక్కువ ఉంటాయి. సీనియర్ ఎగ్జిక్యుటివ్ మేజిస్ట్రేట్ స్థాయి అధికారి నేతృత్వంలో సీనియర్ పోలీసు అధికారి, వీడియోగ్రాఫర్, నలుగురు సాయుధ పోలీసులుంటారు. డబ్బు, మద్యం పంపిణీ జరుగుతున్నట్టు సమాచారమందగానే అక్కడికి చేరుకుని నిందితులను అదుపులోకి తీసుకుని కేసులు నమోదు చేయడం వీరి పని.
  
  చెక్‌పోస్టులు
   ప్రతి నియోజకవర్గంలోనూ కీలక రహదారుల్లో మూడు గానీ అంతకన్నా ఎక్కువ గానీ చెక్‌పోస్టులను ఏర్పాటు చేస్తారు. ఒక్కో చెక్‌పోస్టు వద్ద ఒక మేజిస్ట్రేట్, ముగ్గురు, నలుగురు సాయుధ పోలీసులుంటారు. లెక్కాపత్రం లేని డబ్బు, మద్యం తదితరాల రవాణాపై కన్నేసి ఉంచుతారు. విసృ్తతంగా తనిఖీలు నిర్వహిస్తారు
  
 వ్యయ పర్యవేక్షణ విభాగం
 అకౌంటింగ్ శాఖలకు చెందిన సీనియర్ అధికారి నోడల్ ఆఫీసర్‌గా, నియోజకవర్గ స్థాయిలోని అన్ని కమిటీల అధిపతులు, ఎన్నికల అధికారులు సభ్యులుగా ఉంటారు
  
 అర్థిక అక్రమాలు జరిగే నియోజకవర్గాల గుర్తింపు
 ఆర్థిక అక్రమాలు ఎక్కువగా జరిగే అవకాశమున్న నియోజకవర్గాలను గత ఉదంతాలు, ఫిర్యాదుల ఆధారంగా ప్రధాన ఎన్నికల అధికారి గుర్తింస్తారు. వాటిలో నిఘా బృందాలను రెట్టింపు, అవసరమైతే ఇంకా ఎక్కువగా పెంచుతారు. నియోజకవర్గ పరిధిలోని ఒక మండలంలో గానీ, కొన్ని గ్రామాల్లో గానీ ఆర్థిక అక్రమాలు ఎక్కువగా జరిగే ఆస్కారమున్నట్టు గుర్తిస్తే అక్కడ కూడా ప్రత్యేక బృందాలను మోహరిస్తారు. అక్కడి ఫ్లయింగ్ స్క్వాడ్స్, పోలీసుల పనితీరును పర్యవేక్షించేందుకు ఇతర రాష్ట్రాలకు చెందిన డీఐజీ ర్యాంకు పోలీసు అధికారిని ప్రత్యేకంగా నియమిస్తారు
  
 షాడో పార్టీలు
 ఏ నియోజకవర్గంలోనైనా డబ్బు పంపిణీ తదితరాలకు పాల్పడతారన్న అనుమానమున్న అభ్యర్థులను, వారి ఏజెంట్లను వెన్నంటి ఉండేలా ప్రత్యేక పోలీసులతో ఈ షాడో పార్టీలను ఏర్పాటు చేస్తారు
  
  షాడో రిజిస్టర్
   ప్రతి నియోజకవర్గంలోనూ ప్రతి అభ్యర్థి ఎన్నికల ఖర్చుకూ సంబంధించి ఒక షాడో రిజిస్టర్‌ను నిర్వహిస్తారు. అభ్యర్థి సమర్పించే రోజువారీ ఎన్నికల ఖర్చు వివరాలను ఈ షాడో రిజిస్టర్‌లోని లెక్కలతో పోల్చి లోటుపాట్లను పసిగడతార. అభ్యర్థి దాచిన ఖర్చలపై వారికి నోటీసులిస్తారు. సకాలంలో స్పందించకుంటే తగిన చర్యలు తీసుకుంటారు
  
  వాయు మార్గంపైనా కన్ను
 గత ఎన్నికల్లో హెలికాప్టర్లు, విమానాల ద్వారా భారీగా డబ్బు తరలించిన ఉదంతాల నేపథ్యంలో ఈసారి మారుమూల హెలిప్యాడ్‌లు, చిన్నపాటి విమానాశ్రయాలపై కూడా ప్రత్యేక నిఘా ఉంచుతున్నారు. వైమానిక శాఖ అధికారులతో నిరంతర సమన్వయంతో పని చేస్తారు.
  
  ఖాతాలపైనా కన్ను
 ఎన్నికల్లో ఆర్థిక అక్రమాల అడ్డుకట్టకు తీసుకోవాల్సిన చర్యలపై ఎన్నికల సంఘం దాదాపు 300 పేజీల్లో సవివరమైన సూచనలు చేసింది. ఎన్నికల ఖర్చు నిర్వహణకు ప్రతి అభ్యర్థీ ప్రత్యేకంగా బ్యాంకు ఖాతా తెరవాలని, అన్ని లావాదేవీలూ దాని ద్వారానే జరపాలని ఈసీ ఆదేశించింది. ప్రతి నియోజకవర్గంలోనూ ఏటీఎం సెంటర్లకు డబ్బు తరలించే వాహనాలకు సంబంధించి కూడా నిర్దిష్టమైన విధి విధానాలను ఖరారు చేసింది. అనుమా నాస్పద లావాదేవీలు జరిగే బ్యాంక్ ఖాతాలు, స్వయం సహాయ బృందాల బ్యాంకు ఖాతాలపై నిఘా ఉంచాలని సిబ్బందిని ఆదేశించింది. ‘కొన్నిచోట్ల అభ్యర్థులు నేరుగా డబ్బు పంచకుండా, అభ్యర్థి సంతకమో మరో గుర్తో ఉండే టోకెన్లు పంచుతారు. వాటిని తీసుకెళితే వేరే చోట (షాపులు, వ్యాపార సంస్థల వద్ద) చూపితే డబ్బో, వస్తువులో ఇచ్చే ఏర్పాట్లుంటాయి. వీటిపైనా తగు నిఘా పెట్టండి’ అని ఈసీ ఆదేశించడం విశేషం. మద్యం అమ్మకాలు, పంపిణీ, సరఫరాలపైనా ప్రత్యేక దృష్టి సారించనుంది.


 భన్వర్ లాల్.. ఇప్పుడు రాష్ట్రంలో పెద్దగా పరిచయం అక్కర్లేని పేరు. పట్టి పట్టి, పట్టుదలగా తెలుగు మాట్లాడే ఈ సీనియర్ ఐఏఎస్ అధికారి రాష్ట్రంలో సార్వత్రిక ఎన్నికల క్రతువుకు సారథి. 2010 నవంబర్‌లో రాష్ట్ర ప్రధాన ఎన్నికల అధికారిగా బాధ్యతలు చేపట్టి నప్పటి నుంచి పలు ఉప ఎన్నికలను సమర్థంగా నిర్వహించి తానేమిటో నిరూపించుకున్నారు. ప్రస్తుత ఎన్నికల నేపథ్యంలో వాటికి సంబంధించి పలు అంశాలపై ‘సాక్షి’కి ఇచ్చిన ప్రత్యేక ఇంటర్వ్యూ...  
  
  బోగస్‌పై వేటు
  ఇప్పటిదాకా 33 లక్షల బోగస్, డూప్లికేట్ ఓట్లను తొలగించాం. ఒకరికి రెండు, మూడు ఓట్లుంటే వాటిని ఏరేసే సాఫ్ట్‌వేర్‌ను అభివృద్ధి చేశాం. పోలింగ్ సమయానికి ఆయా పోలింగ్ స్టేషన్ల పరిధిలో ఆచూకీ లభించని, చనిపోయిన, డూప్లికేట్ ఓటుగా అనుమానవుున్న జాబితాను ప్రత్యేకంగా ఆయా ఎన్నికల అధికా రులకు అందజేస్తాం.
  
  2014 సార్వత్రిక ఎన్నికల్లో మునుపెన్నడూ లేనంతగా యువత భాగస్వామ్యం కానుంది. ఎన్నికల సంఘం దేశవ్యాప్తంగా ప్రత్యేక కార్యక్రవూలు నిర్వహించి వురీ 18 ఏళ్లు నిండిన వారంతా ఓటర్లుగా నమోదు చేరుుంచుకునేలా శ్రద్ధ తీసుకుంది. రాష్ట్రంలో కూడా ఇఅందుకు ఎంతో కృషి చేశాం. ఓటర్లుగా నమోదై, ఓటు హక్కును వినియోగించుకుని ప్రజాస్వామ్య నిర్మాణంలో భాగస్వాములు కావాలంటూ విసృ్తతంగా ప్రచారం చేశాం. విద్యా సంస్థల యాజమాన్యాలు, యూనివర్సిటీలు ఇందుకు పూర్తి సహకారం అందించాయి. స్వచ్ఛంద సంస్థలతో పాటు మీడియా కూడా లక్ష్య సాధనలో తోడ్పడింది. ‘ఆన్‌లైన్’ సదుపాయుం ఓటర్ల నమోదు ప్రక్రియను వురింత సులభతరం చేసింది. రాష్ట్రవ్యాప్తంగా దాదాపు 70 లక్షల మంది కొత్త ఓటర్లు నమోదైతే, వారిలో ఏకంగా 42 లక్షల మంది 18-21 ఏళ్ల వారే!
  
  ఎన్నికల అక్రమాలు, హింసపై డేగ కన్ను
  రిగ్గింగ్, ఈవీఎంల ధ్వంసం వంటివి జరగకుండా కట్టుదిట్టమైన చర్యలు చేపడుతున్నాం. రాష్ట్రంలో మొత్తం 7 వేల పోలింగ్ బూత్‌లుంటే వాటిలో 95 శాతం ఇప్పటికే బీబిఎస్‌ఎన్‌ఎల్ మొబైల్ నెట్‌వర్క్ పరిధిలో ఉన్నాయి. మార్చి నెలాఖరు లోపు మరో 275 టవర్లను ఏర్పాటు చేస్తావుని బీఎస్‌ఎన్‌ఎల్ అధికారులు తెలిపారు. అప్పుడు దాదాపు 100 శాతం పోలింగ్ స్టేషన్లు బీఎస్‌ఎన్‌ఎల్ నెట్‌వర్క్ పరిధిలోకి వస్తాయి. ఒకటీ అరా బూత్‌లు రాకపోతే అక్కడ తాత్కాలిక టవర్ల ఏర్పాటుకు బీఎస్‌ఎన్‌ఎల్ సంసిద్ధత వ్యక్తం చేసింది. ఇక పోలింగ్ జరిగే అన్ని కేంద్రాల్లోనూ పోలింగ్ ప్రక్రియ ముగిసేదాకా ‘లైవ్ వెబ్ టెలికాస్టింగ్’ ఉంటుంది. ఒక ‘ఎలక్టోరల్ రిజిస్ట్రేషన్ ఆఫీసర్ (ఈఆర్‌వో) కార్యాలయం పరిధిలో ఉన్న అన్ని బూత్‌లలోనూ పోలింగ్ ప్రక్రియ తీరుతెన్నులను ఈఆర్‌వో కార్యాలయంలోని కంప్యూటర్‌లో లైవ్ వెబ్ టెలికాస్టింగ్ ద్వారా చూసుకోవచ్చు. ఎవరు నిబంధనలు అతిక్రమించినా ఇట్టే తెలిసిపోతుంది. పోలింగ్ అక్రమాలకు పాల్పడే అభ్యర్థులపై అనర్హత వేటు లాంటి తీవ్రమైన చర్యలుంటాయి.
  
  డబ్బు, మందుపై ఉక్కుపాదం
  విచ్చలవిడి డబ్బు, మద్యం పంపిణీకి అడ్డుకట్ట వేసేందుకు కూడా విసృ్తత ఏర్పాట్లు చేస్తున్నాం. నియంత్రణ వ్యవస్థను బలోపేతం చేయడంతో పాటు ఓటర్లను చైతన్య పరిచే ద్విముఖ వ్యూహం అమలు చేస్తున్నాం. వాటి రవాణాను అరికట్టేందుకు ప్రత్యేక ఫ్లయింగ్ స్క్వాడ్లు ఏర్పాటు చేస్తున్నాం. ప్రతి నియోజకవర్గ పరిధిలో పూర్తి భద్రతతో కూడిన 3, 4 చెక్‌పోస్టులను ఏర్పాటు చేస్తున్నాం. ఇక డబ్బు ప్రవాహానికి అడ్డుకట్ట వేసేందుకు బ్యాంకుల సహకారవుూ తీసుకుంటున్నాం. అనుమానాస్పద ఆన్‌లైన్ లావాదేవీలపై కన్నేసి ఉంచాం. పోలింగ్‌కు 48 గంటల ముందు అన్ని వుద్యం దుకాణాలనూ మూసేయిస్తాం. ఎన్నికల నోటిఫికేషన్ వచ్చినప్పటి నుంచి రాష్ట్రంలో ఎక్కడా బెల్టు షాపులు లేకుండా చేసేందుకు ప్రత్యేక కార్యాచరణ రూపొందించాం. ప్రతి దుకాణానికీ గతేడాది ఈ నెలలో అది ఎంత వుద్యం విక్రరుుంచిందో ఈసారి కూడా అంతే సరఫరా చేయూలని, ఒక్క బాటిల్ కూడా అదనంగా ఇవ్వరాదని అధికారులను ఆదేశించాం. పొరుగు రాష్ట్రాల నుంచి మద్యం అక్రమ రవాణాను అరికట్టేందుకు సరిహద్దుల్లో ప్రత్యేక చెక్‌పోస్టులు ఏర్పాటు చేస్తున్నాం.
  
  తొలిసారిగా తిరస్కరణ ఓటు
  ఇప్పటిదాకా ఓటర్లు ఎవరో ఒక అభ్యర్థికి విధిగా ఓటేయూల్సి వచ్చేది. కానీ తన ఓటుకు వారిలో ఎవరూ అర్హులు కారని భావిస్తే తిరస్కరణ ఓటు వేసే అవకాశాన్ని తొలిసారిగా ఈ ఎన్నికల్లో కల్పించాం. అందుకోసం ‘నన్ ఆఫ్ ద అబౌ’ (పై వారెవరూ కాదు-నోటా) అన్న బటన్ నొక్కితే చాలు. ఈ బటన్ ఓటింగ్ యుంత్రం (ఈవీఎం)లో చివరన ఉంటుంది. వుంచి అభ్యర్థిని పెట్టకపోతే ఓటర్లు తిరస్కరించే ప్రవూదవుుంది గనుక వారి ఎంపికలో పార్టీలు మరింత జాగ్రత్తగా ఉంటాయని భావిస్తున్నాం.
  
  వికలాంగులకు ప్రత్యేక ఏర్పాట్లు
  సుప్రీంకోర్టు తాజా ఆదేశాల నేపథ్యంలో వికలాంగులు చక్రాల కుర్చీలో వచ్చేందుకు వీలుగా ప్రతి పోలింగ్ స్టేషన్‌లోనూ విధిగా ‘ర్యాంప్’ ఉండాలి. కేవలం నాలుగైదు ఓట్లున్న చోట కూడా ఇది తప్పనిసరి. ఆ మేరకు ప్రత్యేక ఏర్పాటు చేస్తున్నాం. అలాగే అంధ ఓటర్ల కోసం ప్రతి పోలింగ్ కేంద్రంలోనూ బ్రెయిలీ ఈవీఎంలను ఏర్పాటు చేస్తున్నాం. దీనివల్ల ఇతరుల సాయం లేకుండా వారే స్వయుంగా ఓటేసుకునే వీలుంటుంది. వికలాంగులు, వృద్ధులు, గర్భిణులు, పసిపిల్లల తల్లులు క్యూలో నిల్చునే పని లేకుండా నేరుగా వెళ్లి ఓటేసేందుకు అనువుతించాల్సిందిగా సిబ్బందిని ఆదేశించాం. ఈసారి పోలింగ్ తేదీకి వారం ముందే ప్రతి ఓటరుకూ ఫొటోతో కూడిన ఓటర్ స్లిప్పులను ఇంటింటికీ వెళ్లి అందజేస్తాం.
  
  కనీస సౌకర్యాలు
  పోలింగ్ బూత్‌లలో ఓటర్లకు, పోలింగ్ సిబ్బందికి కనీస సౌకర్యాల కల్పనపై ప్రత్యేక శ్రద్ధ పెట్టాం. ఈసీ అదేశాల మేరకు ఈ దిశగా కలెక్టర్లకు నిర్దిష్ట సూచనలు చేశాం. తాగునీరు, పరిశుభ్రమైన మరుగుదొడ్లు, క్యూలో నిలుచునే ఓటర్లకు నీడ కల్పించడం తప్పనిసరి చేశాం. కరెంటు లేకపోతే జనరేటర్ వంటి ప్రత్యామ్నాయ ఏర్పాట్లు చేయాలని ఆదేశించాం.
  
  సిబ్బందికి కాస్త అసౌకార్యం అనివార్యం
  పోలింగ్ సిబ్బందికి ఇబ్బందులు తలెత్తకుండా చర్యలు తీసుకుంటున్నాం. వారు పోలింగ్‌కు ముందు రోజు సాయంత్రానికే పోలింగ్ స్టేషన్‌కు చేరుకుని ఒక రాత్రి అక్కడ నిద్రించాల్సి ఉంటుంది. ఎన్ని ఏర్పాట్లు చేసినా, ఇంత పెద్ద క్రతువులో అక్కడక్కడా ఉద్యోగులకు, ముఖ్యంగా మహిళా సిబ్బందికి ఒకటీ అరా ఇబ్బందులు ఎదురవవచ్చు. పైగా అవసరమైనప్పుడు మహిళా ఓటర్లతో తగిన రీతిలో వ్యవహరించేందుకు అనువుగా ఈసీ నిబంధన మేరకు ప్రతి బూత్‌లోనూ తప్పనిసరిగా కనీసం ఒక మహిళా ఉద్యోగి ఉండాలి. కాబట్టి వారిని మారుమూల ప్రాంతాలకు పంపకుండా ఉండటం సాధ్యం కాదు. అందుకే వుహిళా సిబ్బంది పరిస్థితిని అర్థం చేసుకుంటారని, ఐదేళ్లకొక్కసారి ఒక్క రోజు కలిగే ఈ అసౌకార్యాన్ని భరించి సహకరిస్తారని ఆశిస్తున్నాం.


 రాష్ట్ర ప్రధాన ఎన్నికల అధికారి భన్వర్‌లాల్
 ఎండల నేపథ్యంలో ఎన్నికల కమిషన్ నిర్ణయం
  
  సాక్షి, హైదరాబాద్: లోక్‌సభ, అసెంబ్లీ ఎన్నికల సమయంలో మండుటెండలను దృష్టి లో ఉంచుకుని పోలింగ్ సమయాన్ని కేంద్ర ఎన్నికల కమిషన్ గంట పాటు పెంచిందని రాష్ట్ర ప్రధాన ఎన్నికల అధికారి భన్వర్‌లాల్ తెలిపారు. ఉదయం 7 గంటల నుంచి సాయంత్రం 6 గంటల వరకు పోలింగ్ సమయంగా ఈసీ నిర్ధారించిందన్నారు. గతంలో ఉదయం 7 నుంచి సాయంత్రం 5 వరకే పోలింగ్ సమయం ఉండేదని చెప్పారు. మంగళవారం హైదరాబాద్‌లో ఆయన విలేకరులతో మాట్లాడారు. ఆ వివరాలివీ..
  
   వ్యాపారులు, ఉద్యోగులు ఎవరైనా డబ్బులు తీసుకువెళ్తుంటే అందుకు సంబంధించిన పూర్తి వివరాలను కూడా వెంట ఉంచుకోవాలి. వివరాలను చూపెట్టినా అనవరసంగా ఎవరైనా వేధిస్తే టోల్ ఫ్రీ 1950 నంబర్‌కు ఫోన్ ద్వారా ఫిర్యాదు చేయవచ్చు.  ఏప్రిల్ 30న పోలింగ్ జరిగే తెలంగాణ జిల్లాల్లోని వారు ఓటు లేకపోతే ఈ నెల 30లోగా దరఖాస్తు చేసుకోవాలి. మే 7న పోలింగ్ జరిగే సీమాంద్ర జిల్లాల్లోని వారు ఓటు లేకపోతే ఏప్రిల్ 9లోగా ఓటుకు దరఖాస్తు చేసుకోవాలి.  ఓటర్ల జాబితాలో పేరు ఉందో లేదో తెలుసుకోవడానికి 9246280027 నంబర్‌కు ‘వోట్’ అని టైప్ చేసి స్పేస్ ఇచ్చి గుర్తింపు కార్డు నంబర్ ఎస్‌ఎంఎస్ చేయాలి. పేరు ఉంటే ఏ నియోజవర్గంలో ఏ పోలింగ్ కేంద్రంలో ఓటు ఉందో జవాబు వస్తుంది.  
  
  మున్సిపల్ ఎన్నికల ఫలితాలు నిలుపుదల, విద్యుత్ చార్జీల పెంపు, ఉగాది పురస్కారాలకు సంబంధించి ఈసీ నుంచి వివ రణ రాలేదు.  ఓటర్ల న మోదు ప్రత్యేక కార్యక్రమంలో 9.15 లక్షల దరఖాస్తులు వచ్చాయి. వాటిల్లో 6 లక్షల మందికి ఓటు హక్కు కల్పించారు.  రాష్ట్ర ఓటర్లలో విదేశాల్లో ఉన్న ఒక ఎన్నారైకి ఓటు హక్కు ఉంది. పోస్టల్ బ్యాలెట్‌కు సంబంధించి సర్వీసు ఓటర్లు 46,110 మంది ఉండగా పురుష ఓటర్లు 34,939 మంది, మహిళా ఓటర్లు 11,171 మంది ఉన్నారు. ఇప్పటి వరకు 34 లక్షల మందిని తొలగించాం.  7,239 నాన్‌బెయిల్‌బుల్ వారంట్లలో ఇప్పటి వరకు 1050 అమలు చేశారు. వివిధ సీఆర్‌పీసీ సెక్షన్ల కింద 2,363 మందిని అదుపులోకి తీసుకున్నారు. 2,546 ఆయుధాలను డిపాజిట్ చేశారు. 911 ఫ్లయింగ్ స్క్వాడ్స్,  899 చెక్ పోస్టులు, 1142 ఎన్నికల కోడ్ బృందాలు ఏర్పాటయ్యాయి.
  
 షెడ్యూల్ తర్వాత స్వాధీనం చేసుకున్నవి
 38       కోట్ల రూపాయల నగదు
 19.79    కేజీల బంగారం
 121.26    కేజీల వెండి
  6,550    లీటర్ల మద్యం


 హైదరాబాద్ : ఎన్నికల నేపథ్యంలో ఇప్పటివరకూ రాష్ట్రవ్యాప్తంగా రూ.38కోట్ల నగదును స్వాధీనం చేసుకున్నట్లు రాష్ట్ర ఎన్నికల ప్రధానాధికారి భన్వర్లాల్ తెలిపారు. ఆయన మంగళవారమిక్కడ మీడియా సమావేశంలో మాట్లాడుతూ అవసరాల కోసం నగదును తరలించేవారు కచ్చితమైన ఆధారాలు చూపాలని స్పష్టం చేశారు. 1,911 ఫ్లయింగ్ స్వాడ్లు పని చేస్తుండగా, 899 చెక్పోస్ట్లను ఏర్పాటు చేసినట్లు భన్వర్లాల్ తెలిపారు. అక్రమంగా తరలిస్తున్న డబ్బును పట్టుకుంటే 1950 టోల్ ఫ్రీ నంబర్కు ఫోన్ చేయాలని సూచించారు.
 
 రాష్ట్రంలో సాధారణ ఎన్నికల పోలింగ్ సమయం ఉదయం 7 గంటల నుంచి సాయంత్రం ఆరు గంటల వరకూ కొనసాగుతుందన్నారు. ఇప్పటివరకూ 34లక్షల బోగస్ ఓట్లను తొలగించామని భన్వర్లాల్ పేర్కొన్నారు. కొత్తగా ఆరు లక్షల మందిని ఓటర్లుగా నమోదు చేశామని, మొత్తం ఓటర్ల సంఖ్య 6కోట్ల 30 లక్షలకు చేరిందన్నారు. ఓటరు నమోదుకు చివరి అవకాశాన్ని వినియోగించుకోవాలని భన్వర్లాల్ సూచించారు.
 
 పోలింగ్ స్టేషన్ వివరాలు ఆన్లైన్లో తెలుసుకునేందుకు జీపీఎస్ విధానాన్ని ప్రవేశపెడుతున్నామని భన్వర్లాల్ తెలిపారు. మున్సిపల్ ఎన్నికల ఫలితాల వాయిదాపై కేంద్ర ఎన్నికల సంఘం నుంచి ఇంకా నిర్ణయం రాలేదని చెప్పారు. విద్యుత్ ఛార్జీలు పెంచాలన్న ఈఆర్సీ విజ్ఞప్తిని ఈసీకి పంపినట్లు ఆయన తెలిపారు. అక్రమంగా తరలిస్తున్న డబ్బును పట్టుకుంటే 1950 టోల్‌ ఫ్రీ నంబర్‌కు ఫోన్‌ చేయాలని భన్వర్‌లాల్ కోరారు.


 
     రాజకీయ పార్టీలకు హెచ్చరిక
 
      సక్రమంగా ఎన్నికల నిర్వహణపై అధికారులకు సూచన
 
      రాష్ట్ర ఎన్నికల ప్రధానాధికారి భన్వర్‌లాల్
 
  విశాఖ రూరల్, న్యూస్‌లైన్: ఎన్నికల ప్రవర్తనా నియమావళిని రాజకీయ పార్టీల ప్రతినిధులు విధిగా పాటించాలని రాష్ట్ర ఎన్నికల ప్రధాన అధికారి భన్వర్‌లాల్ కోరారు. శనివారం కలెక్టరేట్ సమావేశ మందిరంలో వివిధ రాజకీయ పార్టీల నాయకులతో సమావేశమయ్యారు. ఆయన మాట్లాడుతూ మోడల్ కోడ్ నిబంధనల ప్రకారం ఫ్లెక్సీలను ఏర్పాటు చేసుకోవాలని సూచించారు. నిబంధనలు అతిక్రమించిన వారిపై కోర్టులో కేసు వేస్తే అభ్యర్థులను పోటీ నుంచి తొలగించే అవకాశం కూడా ఉందన్నారు.
 
 ఈ విషయాన్ని పోటీలో ఉన్న అభ్యర్థులకు వివరించి మోడల్‌కోడ్‌ను ఉల్లంఘించకుండా చూడాలన్నారు. పత్రికలకు ప్రకటనలు ఇచ్చే ముందు కలెక్టరేట్‌లో ఏర్పాటు చేసిన ఎంసీఎంసీ నుంచి అనుమతి తీసుకోవాలన్నారు. దరఖాస్తు చేసుకున్న 24 గంటల్లో అనుమతి మంజూరవుతుందన్నారు. ఈవీఎంలకు సీలు వేసినపుడు పార్టీ ప్రతినిధులు తనిఖీ చేసుకోవాలని చెప్పారు. ఈ సమావేశంలో జేసీ ప్రవీణ్‌కుమార్, టీడీపీ ప్రతినిధి బి.ఎల్.ఎన్.మణిశంకరనాయుడు, బీజేపీ నుంచి పి.వి.నారాయణరావు, సీపీఐ నుంచి ఎం.పైడిరాజు, సీపీఎం ప్రతినిధి కె.లోకనాధం పాల్గొన్నారు.
  
 విమర్శలకు అవకాశం లేకుండా విధులు
  
 ఎన్నికల నిర్వహణలో ఏ రాజకీయ పార్టీ నుంచి విమర్శలకు తావులేకుండా విధులు నిర్వహించాలని జిల్లా అధికారులకు భన్వర్‌లాల్ సూచించారు. కేంద్ర ఎన్నికల కమిషన్ పుస్తకాన్ని సక్రమంగా చదవాలన్నారు. లేదంటే పొరపాట్లు జరిగే అవకాశముందన్నారు. అభ్యర్థులు నామినేషన్ వేసినప్పుడు ఫారం-26లో ఉన్న 7 పేజీలలో పూర్తి వివరాలు పొందుపరచాలన్నారు. నామినేషన్ తిరస్కరణ నిబంధనలను వివరించారు. ఈ సమావేశంలో జిల్లా కలెక్టర్ సాల్మన్ ఆరోఖ్యరాజ్, జేసీ ప్రవీణ్‌కుమార్, సీపీ శివధర్‌రెడ్డి,ఎస్పీ విక్రమ్‌జిత్ దుగ్గల్, ఎక్సైజ్ డిప్యూటీ కమిషనర్ సత్యనారాయణ, ఎక్సైజ్ సూపరింటెండెంట్ శ్రీనివాస్ పాల్గొన్నారు.
  
 54వేల కొత్త దరఖాస్తులు
  
 ఓటరుగా నమోదుకు జిల్లాలో 54 వేల కొత్త దరఖాస్తులు వచ్చాయని రాష్ట్ర ముఖ్య ఎన్నికల అధికారి భన్వర్‌లాల్ తెలిపారు. వాటన్నింటినీ ఈ నెల 20వ తేదీ నాటికి పరిశీలించి, ఏప్రిల్ మొదటి వారంలోగా స్మార్ట్ ఓటరు గుర్తింపు కార్డులను మంజూరు చేస్తామని వెల్లడించారు.
  
 ఈ నెల 9న నిర్వహించిన ప్రత్యేక ఓటరు నమోదు కార్యక్రమంలో ఒక దరఖాస్తు రాని, బూత్‌లెవెల్ అధికారు(బీఎల్‌వో)లు గైర్హాజరైన పోలింగ్ కేంద్రాల్లో ఆదివారం ఓటరు నమోదు కార్యక్రమం మళ్లీ ఉంటుందన్నారు. బూత్ లెవెల్ అధికారులు ఉదయం 10 నుంచి సాయంత్రం 5 గంటల వరకు అందుబాటులో ఉంటారని, కొత్తగా ఓటు నమోదు చేసుకోవాలంటే దరఖాస్తు సమర్పించాలని సూచించారు. కేంద్రాలకు రాని బీఎల్‌వోలపై చర్యలుంటాయని స్పష్టం చేశారు.
  


 ఎన్నికల సమయంలో మావో ప్రభావిత ప్రాంతలలో హెలికాప్టర్లు వినియోగిస్తామని రాష్ట్ర ప్రధాన ఎన్నికల అధికారి భన్వర్లాల్ తెలిపారు. వెల్లడించారు. శనివారం ఆయన విశాఖపట్నం విచ్చేశారు. ఈ సందర్బంగా విలేకర్ల సమావేశంలో భన్వర్లాల్ మాట్లాడుతూ... రాష్ట్రంలో ఎన్నికల నిర్వహణకు 457 భద్రత బలగాలు అవసరమని కేంద్రాన్ని కోరినట్లు తెలిపారు.
  
 కొత్తగా ఓటర్లు నమోదుకు సీమాంధ్రలో ఏప్రిల్ 8 వరకు గడువు విధించినట్లు చెప్పారు. గుర్తింపు కార్డు సమస్య వస్తే 9246280027కు సంక్షిప్త సందేశం (ఎస్ఎంఎస్) చేయాలని ఆయన ఓటర్లకు సూచించారు.10 లక్షల మంది ఓటర్లు కొత్తగా దరఖాస్తు చేసుకోవడం దేశంలోనే ఒక్క ఆంధ్రప్రదేశ్లోనే జరిగిందని భన్వర్లాల్ తెలిపారు. 


 సాక్షి, హైదరాబాద్: రాష్ట్రంలో లోక్‌సభ, అసెంబ్లీ ఎన్నికల ఏర్పాట్లపై కేంద్ర డిప్యూటీ ఎన్నికల కమిషనర్ వినోద్ జుత్సి, రాష్ట్ర ప్రధాన ఎన్నికల అధికారి భన్వర్‌లాల్ గురువారం జిల్లా కలెక్టర్లు, ఎస్పీలతో సమీక్ష సమావేశం నిర్వహించనున్నారు. ఎన్నికల ఏర్పాట్లు, ప్రవర్తనా నియమావళి, పోలింగ్ కేంద్రాల్లో సౌకర్యాల కల్పన, ఓటరు స్లిప్పుల పంపిణీ, ఎలక్ట్రానిక్ ఓటింగ్ యంత్రాల తనిఖీలు తదితర అంశాలపై సమీక్షించనున్నారు.


 అధికారులకు సీఈఓ భన్వర్‌లాల్ ఆదేశం
  సాక్షి, హైదరాబాద్:  సాధారణ ఎన్నికల ప్రవర్తనా నియమావళిలో భాగంగా ప్రభుత్వ ఆస్తులపై ప్రధానమంత్రి, కేంద్ర మంత్రులు, ముఖ్యమంత్రి, రాష్ర్ట మంత్రులు, రాజకీయపార్టీల నాయకుల ఫొటోలను తక్షణం తొలగించాలని రాష్ట్ర ప్రధాన ఎన్నికల అధికారి భన్వర్‌లాల్ ఆదేశించారు. ఈ మేరకు కలెక్టర్లు, అన్ని శాఖల ఉన్నతాధికారులు, డీజీపీ, ఆర్టీసీ, జీహెచ్‌ఎంసీ అధికారులకు మంగళవారం ఆదేశాలు జారీ చేశారు.
  
   ఆర్టీసీతోసహా అన్ని ప్రభుత్వ వాహనాలపైనా ఈ ఫొటోలను తొలగించాలని స్పష్టం చేశారు. ప్రభుత్వ భవనాలతోపాటు వెబ్‌సైట్ల నుంచి పైన పేర్కొన్నవారి ఫొటోలను తొలగించాలని భన్వర్‌లాల్ స్పష్టం చేశారు. అలాగే జంటనగరాలతోపాటు రాష్ట్రమంతటా పలుచోట్ల ఏర్పాటు చేసిన ప్రభుత్వ పెద్దల ఫొటోలతో కూడిన హోర్డింగ్స్‌ను కూడా తీసేయాలని ఆదేశించారు. ఎంపీలు, ఎమ్మెల్యేలు, ఎమ్మెల్సీల నిధి నుంచి ఎన్నికల కోడ్ ముగిసేవరకు ఏ పథకానికీ నిధులను విడుదల చేయరాదన్నారు.


 
  రాష్ట్ర ఓటర్లలో వారిదే పైచేయి
 
   వచ్చే ఎన్నికల్లో యువత ఓటే కీలకం
 
   3.52 కోట్ల మంది యువ ఓటర్లు 
 
   మహిళల సంఖ్య లక్షల్లో తగ్గుదల
 
  
  త్వరలో జరగనున్న లోక్‌సభ, అసెంబ్లీ ఎన్నికల్లో యువత ఓటే కీలకం కానుంది. రాష్ట్రంలో 6.23 కోట్ల మంది ఓటర్లుండగా.. అందులో 3.52 కోట్ల మంది యువతే. 
  
  సాక్షి, హైదరాబాద్: త్వరలో జరగనున్న లోక్‌సభ, రాష్ట్ర అసెంబ్లీ ఎన్నికల్లో యువత ఓటే కీలకం కానుంది. రాష్ట్ర ఓటర్ల సంఖ్యలో సగానికిపైగా యువ ఓటర్లే ఉన్నారు. ఇటీవల కేంద్ర ఎన్నిల కమిషన్‌తో పాటు రాష్ట్ర ప్రధాన ఎన్నికల అధికారి భన్వర్‌లాల్ ఓటర్ల జాబితా సవరణ ప్రత్యేక కార్యక్రమం ద్వారా ఓటర్ల జాబితా బయట ఉన్న యువతను జాబితాలోకి తీసుకురావడానికి అనేక చర్యలను చేపట్టారు. దీంతో కొత్తగా ఏకంగా 76 లక్షల మంది ఓటర్లుగా నమోదయ్యారు. ఈ ఏడాది జనవరి 1వ తేదీ నాటికి 18 సంవత్సరాలు నిండే యువతీ, యువకులను ఓటర్లుగా నమోదు చేసేందుకు యూనివర్శిటీలు, కాలేజీల్లో ప్రత్యేక చర్యలు తీసుకున్నారు. రాష్ట్రంలో ప్రస్తుతం 6.23 కోట్ల మంది ఓటర్లుండగా ఇందులో ఏకంగా 3.52 కోట్ల మంది యువ ఓటర్లే ఉన్నారు. 18-19 సంవత్సరాల మధ్యగల యువతీ, యువకులు 15 లక్షల మంది ఓటర్లుగా నమోదయ్యారు. అలాగే 20-29 సంవత్సరాల మధ్యగల 1.75 కోట్ల మంది ఓటర్లుగా నమోదయ్యారు. 30-39 సంవత్సరాల మధ్యగల 1.62 కోట్ల మంది ఓటర్లుగా ఉన్నారు.
  
  మూడు లక్షలు తగ్గిన మహిళా ఓటర్లు
  రాష్టంలో మహిళా ఓటర్ల సంఖ్య తగ్గిపోయి, పురుష ఓటర్ల సంఖ్య పెరగడం ఆందోళన కలిగిస్తోంది. సాధారణంగానే రాష్ట్రంలో పురుష, మహిళల నిష్పత్తిలో చాలా వ్యత్యాసం ఉంది. అదే తీరులో గత ఏడాది జనవరి తరువాత నుంచి మహిళా ఓటర్ల సంఖ్య తగ్గిపోతూ వస్తోంది. గత ఏడాది జనవరిన ప్రకటించిన ఓటర్ల జాబితాలో 2.90 కోట్ల మంది పురుష ఓటర్లుండగా మహిళా ఓటర్లు 2.92 కోట్ల మంది ఉన్నారు. గత ఏడాది సెప్టెంబర్ నాటికి ఆ సంఖ్య తలకిందులైంది. ఇంటింటి ఓటర్ల జాబితా తనిఖీల అనంతరం పురుష ఓటర్లు పెరిగిపోయారు. మహిళా ఓటర్లు ఏకంగా నాలుగు లక్షల మంది తగ్గిపోయారు. గత ఏడాది సెప్టెంబర్‌లో పురుష ఓటర్లు 2.99 కోట్ల మంది ఉండగా మహిళా ఓటర్లు 2.95 కోట్లకే పరిమితమయ్యారు. ఇప్పుడు త్వరలో జరగనున్న ఎన్నికల కోసం ప్రచురించిన ఓటర్ల తుది జాబితాలో కూడా మహిళా ఓటర్లు సంఖ్య పురుష ఓటర్ల కన్నా తక్కువగా ఉంది. ప్రస్తుతం పురుష ఓటర్లు 3.13 కోట్ల మంది ఉండగా మహిళా ఓటర్లు 3.10 కోట్ల మంది ఉన్నారు. అంటే పురుష ఓటర్ల కన్నా మహిళా ఓటర్లు సంఖ్య మూడు లక్షలు తక్కువగా ఉంది. 
  
  2014 ఓటర్ల తుది జాబితాలో వయస్సు వారీగా ఓటర్ల సంఖ్య ఇలా ఉంది.
  18-19   15,06,182 
  20-29 1,75,45,213
  30-39 1,62,40,970
  40-49 1,19,43,442
  50-59  79,66,734
  60-69  46,91,449
  70-79  19,95,028
  80 పైన    4,96,935
  మొత్తం         6,23,85,953
  


 
 సీఈఓ భన్వర్‌లాల్‌కు గవర్నర్ ఘాటు లేఖ
 
   ఇంకా రగులుతున్న వీడియో కాన్ఫరెన్స్ చిచ్చు
 
   గవర్నర్ కూడా ఎన్నికల కోడ్ పరిధిలోకి వస్తారన్న
 
   సీఈఓ నోట్‌పై అసహనం..
 
   ఎన్నికల కోడ్‌ను సక్రమంగా అమలు చేయాలని లేఖలో సూచించిన నరసింహన్? 
 
  సాక్షి, హైదరాబాద్:  ఎన్నికల ప్రవర్తనా నియమావళిలో భాగంగా సోమవారం నిర్వహించాల్సిన వీడియో కాన్ఫరెన్స్‌ను రద్దు చేసుకున్న గవర్నర్ ఇ.ఎస్.ఎల్.నరసింహన్ ఒకింత అసహనానికి గురవుతున్నారు. తన అధికారాలు, పరిమితులు ఏమిటో రాష్ట్ర ప్రధాన ఎన్నికల అధికారి(సీఈఓ) భన్వర్‌లాల్ పేర్కొనటంపై గవర్నర్ ఆగ్రహానికి గురైనట్లు ఉన్నత స్థాయి వర్గాలు చెప్తున్నాయి.
  
 ఈ నేపథ్యంలో నరసింహన్ ‘నా అధికారాలు నాకు తెలుసు’ అనే రీతిలో భన్వర్‌లాల్‌కు ఓ ఘాటు లేఖ రాశారు. పైగా ఆ లేఖలో ఎన్నికల ప్రవర్తనా నియమావళిని కచ్చితంగా అమలు చేయాలంటూ భన్వర్‌లాల్‌కు సలహా ఇచ్చారనీ తెలిసింది. వాస్తవంగా ఎన్నికల కోడ్ అమల్లోకి రాగానే అప్పటి వరకు సీఎంగా, మంత్రులుగా ఉన్న వారందరి అధికారాలకు కత్తెర పడుతుంది. సీఎం ఏ జిల్లా కలెక్టర్‌ను గానీ, ఏ అధికారిని గానీ పిలవటానికి వీల్లేదని, ఎటువంటి సమీక్షలు నిర్వహించరాదని ఎన్నికల ప్రవర్తనా నియమావళి చెపుతోంది. రాష్ట్రపతి పాలనలో భాగంగా గవర్నర్ రాష్ట్ర పాలనా పగ్గాలను చేపట్టారు.
  
 ఈ నేపథ్యంలో నరసింహన్ సోమవారం ఏడు కీలకాంశాలు- శాంతిభద్రతలు, సాధారణ ఎన్నికలు, విద్యుత్ సరఫరా, గ్రామీణ తాగునీటి సరఫరా, వాతావరణ పరిస్థితులు, పాఠశాల విద్య, వైద్య ఆరోగ్య రంగాలపై - జిల్లా కలెక్టర్లు, ఎస్‌పీలు, సంబంధిత ఉన్నతాధికారులతో వీడియో కాన్ఫరెన్స్ ద్వారా సమీక్షించాలని నిర్ణయించారు. ఈ విషయాన్ని గవర్నర్ కార్యాలయం ప్రభుత్వ ప్రధాన కార్యదర్శి మహంతికి నోట్ ద్వారా తెలియజేసింది. అయితే మహంతి ఎన్నికల కోడ్ అమల్లో ఉన్నందున గవర్నర్ సమీక్ష అంశాన్ని రాష్ట్ర ప్రధాన ఎన్నికల అధికారి దృష్టికి తీసుకువెళ్లారు. అంతేగాక  సం బంధిత ఫైలును భన్వర్‌లాల్‌కు మార్కు చేశారు.
  
 గవర్నర్ సమీక్షపై భన్వర్‌లాల్ స్వయంగా ఎటువంటి నిర్ణయం తీసుకోలేని పరిస్థితి నెలకొంది. ఈ నేపథ్యంలో రాష్ట్ర పర్యటనకొచ్చిన కేంద్ర ఎన్నికల ప్రధాన కమిషనర్ సంపత్ దృష్టికి భన్వర్‌లాల్ ఈ విషయాన్ని తీసుకువెళ్లారు. సంపత్ సూచనలు, ఆదేశాలకనుగుణంగానే సంబంధిత ఫైలుపై భన్వర్‌లాల్.. గవర్నర్ కూడా ఎన్నికల కోడ్ పరిధిలోకి వస్తారని, ఈ విషయంపై కేంద్ర ఎన్నికల కమిషన్‌తో చర్చించటం జరిగిందని, తగిన చర్యలు తీసుకోవాలని రాశారు. సీఎం స్థానంలో పరిపాలన వ్యవహారాలను గవర్నర్ చూస్తున్నందున సమీక్షలు చేయటం కోడ్ ఉల్లంఘన కిందకు వస్తుందనేది కేంద్ర ఎన్నికలసంఘం భావనగా ఉంది.
  
 అయితే వుుందే ఖరారైన వీడియో కాన్ఫరెన్స్‌ను రద్దు చేసుకోవాల్సి రావ టం గవర్నర్‌కు రుచించలేదు. పైగా గవర్నర్ కూడా కోడ్ పరిధిలోకి వస్తారంటూ భన్వర్‌లాల్ ఫైలులో పేర్కొనటం ఆయున్ని అసహనానికి గురిచేసినట్లు సవూచారం. ఈ నేపథ్యంలో భన్వర్‌లాల్‌కు ఘాటైన లేఖ రాస్తూ.. తన అధికారాల గురించి చెప్పన క్కర్లేదని, ఎన్నికల ప్రవర్తనా నియమావళిని కచ్చితంగా అమలు చేస్తే చాలనే అర్థ్ధం వచ్చేలా గవర్నర్ పేర్కొన్నట్లు సమాచారం. 


 కలెక్టర్లు, ఎస్పీలతో పథకాల సమీక్ష కుదరదు: భన్వర్‌లాల్ స్పష్టీకరణ
  సాక్షి, హైదరాబాద్: రాష్ట్ర గవర్నర్‌కు ఎన్నికల ప్రవర్తనా నియమావళి (కోడ్) వర్తిస్తుందని రాష్ట్ర ప్రధాన ఎన్నికల అధికారి భన్వర్‌లాల్ స్పష్టం చేశారు. రాష్ర్టపతి పాలన నేపథ్యంలో గవర్నర్ నరసింహన్ సోమవారం సాధారణ ఎన్నికల ఏర్పాట్లతో పాటు కీలకమైన ఏడు అంశాలపై జిల్లా కలెక్టర్లు, ఎస్పీలు, పలు శాఖల ఉన్నతాధికారులతో వీడియో కాన్ఫరెన్స్ ద్వారా సమీక్షించనున్న విషయాన్ని ‘సాక్షి’ పాఠకులకు తెలియజేసిన సంగతి తెలిసిందే.
  
  - గవర్నర్ ప్రధానంగా సాధారణ ఎన్నికల ఏర్పాట్లతోపాటు శాంతిభద్రతలు, గ్రామీణ త్రాగునీటి సరఫరా, వాతావరణ పరిస్థితులు, విద్యుత్ సరఫరా, పాఠశాల విద్య, వైద్య ఆరోగ్యం రంగాలపై కలెక్టర్లు, ఎస్పీలతో వీడియో కాన్ఫరెన్స్ ద్వారా సమీక్షించాలని నిర్ణయించారు.
 - ఎన్నికల ప్రవర్తనా నియావళి అమల్లో ఉన్నందున సీఎస్ మహంతి ఈ సమీక్ష విషయాన్ని రాష్ట్ర ప్రధాన ఎన్నికల అధికారి దృష్టికి తీసుకువెళ్లారు. సంబంధిత ఫైలును పరిశీలించిన భన్వర్‌లాల్... కేంద్ర ఎన్నికల ప్రధాన కమిషనర్‌తో సంప్రదించారు. తర్వాత రాష్ట్రప్రభుత్వ అధిపతిగా ఉన్న గవర్నర్ సమీక్ష చేయకూడదని నేరుగా చెప్పకుండా, ఎన్నికలకోడ్ అమల్లో ఉన్నందువల్ల ప్రభుత్వ పథకాల సమీక్షలు కుదరవని పరోక్షంగా స్పష్టంచేశారు.
  - ఎన్నికల కోడ్ అమల్లోకి రాగానే సీఎం, మంత్రు లు అధికారిక కార్యక్రమాల్లో పాల్గొనడం, సమీక్షలు నిర్వహించడంపై నిషేధం ఉందని... ఇప్పుడు రాష్ట్ర అధిపతిగా ఉన్న గవర్నర్ కలెక్టర్లు, ఎస్పీలతో ప్రభుత్వ పథకాలపై సమీక్షలు చేయడం ఎన్నికల నియామవళిని అతిక్రమించడమే అవుతుందనేది కమిషన్ అభిప్రాయంగా ఉంది. ఎన్నికల ఏర్పాట్లతోపాటు విద్యుత్ సరఫరా వంటి అంశాలపై సమీక్షించడం ఓటర్లను ప్రభావితం చేయడమే అవుతుందని కమిషన్ వర్గాలు పేర్కొన్నాయి.
  - ఎన్నికల ఏర్పాట్లను కేవలం సీఎస్, డీజీపీ, సీఈఓ మాత్రమే అధికార యంత్రాంగంతో సమీక్షిస్తారని, ఎన్నికల షెడ్యూల్ ప్రకటించాక మొత్తం అధికార యంత్రాంగమంతా కేంద్ర ఎన్నికల కమిషన్ పరిధిలోకి వెళ్లిపోతుందని, ఏదైనా సరే కమిషన్ అనుమతితో చేయాల్సి ఉంటుందన్నాయి.
  
  రాజకీయ నేతలు లేకుండా ఉగాది ఉత్సవాలు
  ఎన్నికల ప్రవర్తనా నియమావళి అమల్లోకి వచ్చినందున ఈనెల 17న హోలీతో పాటు 30వ తేదీ ఉగాది ఉత్సవాలను రాజకీయ నేతలు లేకుండా పూర్తిగా అధికారులతో నిర్వహించనున్నట్లు గవర్నర్ కార్యాలయం శనివారం రాష్ట్ర ప్రధాన ఎన్నికల అధికారి భన్వర్‌లాల్‌కు తెలిపింది. రాజకీయ నేతల భాగస్వామ్యం లేకుండా కేవలం అధికారులతో ఉగాది ఉత్సవాలను నిర్వహించడానికి ఎటువంటి ఆంక్షలు ఉం డబోవని అధికార వర్గాలు పేర్కొంటున్నాయి.


 ఓటర్ల జాబితాలో చేరి ఐదు ఎన్నికల్లో ఓటు వేయండి  
 రాష్ట్ర ప్రజలకు సీఈవో భన్వర్‌లాల్ పిలుపు
 నేడు అన్ని పోలింగ్ కేంద్రాల్లో నమోదుకు ఏర్పాట్లు
  జాబితాలో పేరు లేకుంటే అక్కడే దరఖాస్తు చేయండి
 ఈ ఎన్నికల్లో 2 లక్షల కొత్త ఈవీఎంల వినియోగం
 సామూహిక రైల్వే రిజర్వేషన్లపై నిఘా... రైల్వేకు లేఖ
  
  సాక్షి, హైదరాబాద్: ‘ఓటరుగా పేరు నమోదుకు ఇదే చివరి అవకాశం... దీన్ని వినియోగించుకొని ఐదు ఎన్నికల్లో ఓటు వేయండి’ ఈ నినాదంతో ఎన్నికల కమిషన్ ఓటర్ల నమోదుకు విస్తృత ఏర్పాట్లు చేసింది. ఆదివారం రాష్ట్రవ్యాప్తంగా 69,014 పోలింగ్ కేంద్రాల్లో ఓటర్ల జాబితాలతో పాటు బూత్ స్థాయి అధికారులను అందుబాటులో ఉంచుతున్నట్లు రాష్ట్ర ప్రధాన ఎన్నికల అధికారి (సీఈవో) భన్వర్‌లాల్ వెల్లడించారు. శనివారం ఆయన విలేకరులతో మాట్లాడుతూ.. ‘‘ఆయా పోలింగ్ కేంద్రాల పరిధిలోని ప్రతి ఒక్కరూ బూత్‌స్థాయి అధికారుల వద్ద గల జాబితాలో పేరు ఉందో లేదో చూసుకోవాలి.
  
  పేరు లేకపోతే అక్కడికక్కడే దరఖాస్తు చేసుకోండి. మార్చి 20 కల్లా ఓటర్ల జాబితాల్లో ఆ పేర్లు ఉంటాయి. ఇప్పుడు ఓటరుగా నమోదైతే ఎన్నికలు పూర్తయ్యే వరకు తొలగించడానికి వీల్లేదు. ఓటుహక్కు పొందితే వరుసగా మున్సిపల్, లోక్‌సభ, అసెంబ్లీ, జిల్లా పరిషత్, మండల పరిషత్ ఎన్నికల్లో ఐదు ఓట్లు వేయవచ్చు. గుర్తింపు కార్డు ఉంటే జాబితాలో పేరు ఉంటుందనుకోవద్దు. పొరపాటునో లేక ఇతర కారణాల వల్లో పేరు తొలగిస్తే గుర్తింపు కార్డు ఉన్నా ఓటుహక్కు రాదు. అందుకే ప్రతి ఒక్కరు ఆదివారం జాబితాను పరిశీలించండి. ఓటుహక్కు తప్పనిసరిగా పొందండి’’ అని కోరారు. నామినేషన్ల చివరి తేదీ వరకు ఓటరు నమోదుకు దరఖాస్తు చేసుకొనే అవకాశం ఉన్నా సిబ్బంది ఎన్నికల విధుల్లో ఉన్నందున ఓటుహక్కు వస్తుందనే నమ్మకం ఉండదన్నారు. ఆయన వెల్లడించిన వివరాలివీ...
  
 -  నియమావళి అమల్లో భాగంగా నగదు, మద్యం పంపిణీని నిరోధించేందుకు అసెంబ్లీ స్థానానికి మూడేసి చొప్పున 1,800 చెక్‌పోస్టులు, ఫ్లయింగ్‌స్క్వాడ్స్.
 -  కర్ణాటక, తమిళనాడు, మహారాష్ట్ర నుంచి అక్రమ మద్యం (నాన్‌డ్యూటీ పెయిడ్) నిరోధానికి సరిహద్దు జిల్లాల్లో ప్రత్యేకంగా నిఘా.
 -  ఛత్తీస్‌గఢ్, ఒడిశాల నుంచి నక్సల్స్ రాకుండా సరిహద్దుల్లో ప్రత్యేక నిఘా.
  
 -  రాష్ట్రంలో లోక్‌సభ, అసెంబ్లీ ఎన్నికలకు నూతన ఎలక్ట్రానిక్ ఓటింగ్ యంత్రాల (ఈవీఎం) వినియోగం. సోమవారం నుంచి తొలి దశ తనిఖీలు పార్టీల ప్రతినిధుల సమక్షంలో వాటి తనిఖీలు జరుగుతాయి. ర్యాండమ్‌గా ఐదు శాతం ఈవీఎంలను పార్టీల ప్రతినిధుల సమక్షంలో 1,500 ఓట్లు వేసి తనిఖీ చేస్తారు. ఈ ప్రక్రియను చిత్రీకరిస్తారు. ఎవరైనా కావాలని అడిగితే ఆ వీడియో సీడీ ఇస్తారు. రెండో దశ తనిఖీలూ వంద ఓట్లతో చేస్తారు. తనిఖీల తర్వాత సంతృప్తి వ్యక్తం చేస్తూ రాజకీయ పార్టీల ప్రతినిధుల నుంచి సంతకాలు తీసుకుంటారు. ఇదంతా నెలాఖరుకల్లా పూర్తి.
  
 -  ఎన్నికల ఏర్పాట్లు, నియమావళి అమలుపై 13నజూబ్లీహాల్‌లో కలెక్టర్లు, ఎస్పీలు, నగర పోలీసు కమిషనర్లతో కేంద్ర డెప్యూటీ ఎన్నికల కమిషనర్ వినోద్ జుత్సి భేటీ.
 -  ఈ నెల 19న కమిషన్ డెరైక్టర్ జనరల్ అక్షయ రావత్ పారిశ్రామిక సంస్థలు, మీడియా ప్రతినిధులకు వేర్వేరుగా అవగాహన సదస్సు నిర్వహిస్తారు.
 -  ఎన్నికల తేదీకి ముందు ప్రధానంగా హైదరాబాద్ జంటనగరాల్లో ఉంటున్నవారు సొంత ఊర్లకు వచ్చి ఓట్లు వేసేందుకు వీలుగా కొందరు అభ్యర్థులు చేయిస్తున్న సామూహిక రిజర్వేషన్ల నిరోధానికి నిఘా కోసం రైల్వే అధికారులకు లేఖ రాస్తారు.
 -  సభలు, ర్యాలీలు, ప్రచారాల వ్యయం ఆయా పార్టీల ఖాతాల్లోకి వస్తుంది.
 -  నామినేషన్ దాఖలు చేసిన నాటి నుంచి పోటీ చేసే అభ్యర్థుల ఖాతాలోకి ప్రచారం వ్యయం వెళ్తుంది. అయితే ఈలోగా అభ్యర్థి ఎవరైనా రాజకీయ పార్టీల సభల్లో వినియోగించిన ప్రచార సామాగ్రినే నామినేషన్ దాఖలు తరువాత కూడా వినియోగిస్తే ఆ వ్యయం అభ్యర్థి ఖాతాలోకి వెళ్తుంది.
 -  ఎన్నికల ప్రచార సరళిని పూర్తిగా వీడియో కెమెరాలతో చిత్రీకరిస్తున్నారు.


 * హైదరాబాద్ వచ్చిన సంపత్.. నేడు తిరుమలకు
 
 సాక్షి, హైదరాబాద్: స్థానిక ఎన్నికలు ఉన్నప్పటికీ రాష్ట్రంలో సార్వత్రిక ఎన్నికల షెడ్యూల్ తేదీల్లో ఎలాంటి మార్పులుండవని జాతీయ ఎన్నికల కమిషనర్ వీఎస్ సంపత్ స్పష్టం చేశారు. రెండురోజుల పర్యటన నిమిత్తం హైదరాబాద్‌కు వచ్చిన ఆయన శుక్రవారం సాయంత్రం శంషాబాద్ విమానాశ్రయంలో మీడియాతో మాట్లాడారు. స్థానిక సంస్థల ఎన్నికలు రాష్ట్ర ఎన్నికల సంఘం పర్యవేక్షణలో ఉండడంవల్ల సార్వత్రిక ఎన్నికలకు ఎలాంటి ఇబ్బందులు తలెత్తవని చెప్పారు.
 
 శనివారం ఉదయం ఇక్కడి నుంచి తిరుపతి బయలుదేరనున్నట్లు ఆయన చెప్పారు. విమానాశ్రయంలో సంపత్‌కు రాష్ట్ర ప్రధాన ఎన్నికల అధికారి భన్వర్‌లాల్ స్వాగతం పలికారు. లేక్‌వ్యూ అతిథి గృహంలో బస చేసిన సంపత్‌కు రాష్ట్రంలో లోక్‌సభ, అసెంబ్లీ ఎన్నికల నిర్వహణకు చేసిన ఏర్పాట్లను భన్వర్‌లాల్ వివరించారు. ఆయన శనివారం ఉదయం బయలుదేరి తిరుమల వెళ్లనున్నారు. అక్కడి నుంచి ఢిల్లీ నేరుగా వెళ్తారు.


 జిల్లా కలెక్టర్లు, ఎస్‌పీలతో భన్వర్‌లాల్ వీడియో కాన్ఫరెన్స్
  సాక్షి, హైదరాబాద్: లోక్‌సభ, రాష్ట్ర అసెంబ్లీ ఎన్నికల ఏర్పాట్లు, ప్రవర్తనా నియమావళి, ఈ నెల 9న ఓటర్ల నమోదు తదితర అంశాలను రాష్ట్ర ప్రధాన ఎన్నికల అధికారి (సీఈవో) భన్వర్‌లాల్ సమీక్షించారు. ఈ మేరకు గురువారం సచివాలయం నుంచి జిల్లా కలెక్టర్లు, ఎస్‌పీలతో సీఈవో వీడియో కాన్ఫరెన్స్ నిర్వహించారు. ఈ నెల 9న రాష్ట్రంలోని 69,014 పోలింగ్ కేంద్రాల్లో ఉదయం 10 గంటల నుంచి సాయంత్రం 5 గంటల వరకు కచ్చితంగా బూత్‌స్థాయి అధికారులు ఓటర్ల జాబితాలతో అందుబాటులో ఉండాలని, ఇందుకు అన్ని చర్యలూ తీసుకోవాలని భన్వర్‌లాల్ కలెక్టర్లను ఆదేశించారు. ఆయా పోలింగ్ కేంద్రాల పరిధిలోని ఓటర్లు వచ్చి జాబితాలో తమ పేరు చూసుకుని, పేరు లేకపోతే అక్కడికక్కడే దరఖాస్తు చేసుకోవడానికి బూత్‌స్థాయి ఆఫీసర్లు సహకరించాలని ఆయన ఆదేశించారు. అన్ని పోలింగ్ కేంద్రాల్లో ఎన్నికల కమిషన్ పేర్కొన్న అన్ని సౌకర్యాల కల్పనకు కలెక్టర్లు చర్యలు తీసుకోవాలన్నారు. ఎన్నికల ప్రవర్తనా నియమావళిని కచ్చితంగా అమలు చేయాలని, ఈ విషయంలో ఎటువంటి నిర్లక్ష్యం ప్రదర్శించినా ఉపేక్షించబోమని భన్వర్‌లాల్ స్పష్టం చేశారు.
  
   అభ్యర్థులు నామినేషన్ దాఖలు సందర్భంగా ఆస్తులు, కేసుల వివరాలతో కూడిన అఫిడవిట్‌లో అన్ని కాలాలను పూర్తి చేయకపోతే అలాంటి నామినేషన్లను స్య్రూటినీలో తిరస్కరించాలని కలెక్టర్లకు ఆయన స్పష్టం చేశారు. అభ్యర్థులు ఇచ్చిన అఫిడవిట్లను రిటర్నింగ్ అధికారుల కార్యాలయాల బయట నోటీసు బోర్డులో ప్రజలందరూ చూసేలా ఉంచాలని సూచించారు. కాగా, రాష్ట్రంలో లోక్‌సభ, అసెంబ్లీ ఎన్నికల ఏర్పాట్లు, ఎన్నికల నియమావళి అమలుతో 9న ఓటర్ల నమోదు కోసం నిర్వహించే బూత్‌స్థాయి ఆఫీసర్ల సమావేశాలపై కేంద్ర ఎన్నికల డిప్యూటీ కమిషనర్ వినోద్ జుత్సి ఢిల్లీ నుంచి వీడియో కాన్ఫరెన్స్ ద్వారా భన్వర్‌లాల్‌తో సమీక్షించారు.


 సాక్షి, హైదరాబాద్: లోక్‌సభకు, రాష్ట్ర అసెంబ్లీకి ఎన్నికల షెడ్యూల్ వెలువడిన నేపథ్యంలో.. ఓటర్లుగా నమోదు చేసుకొనేందుకు చివరి అవకాశం కల్పిస్తున్నామని రాష్ట్ర ప్రధాన ఎన్నికల అధికారి భన్వర్‌లాల్ తెలిపారు. బుధవారం ఆయన హైదరాబాద్‌లో మాట్లాడారు. ఆయన మాటల్లోనే..  రాష్ట్రంలోని అన్ని పోలింగ్ కేంద్రాల్లో 9వ తేదీ (ఆదివారం)న ఉదయం 10 గంటల నుంచి సాయంత్రం 5 గంటల వరకు ఓటర్ల జాబితాలతో బూత్ స్థాయి అధికారులు, రాజకీయ పార్టీల ఏజెంట్లు అందుబాటులో ఉంటారు.  జాబితాలో పేరు ఉందో లేదో చూసుకుని.. పేరు లేకపోతే అక్కడికక్కడే ఓటరుగా నమోదుకు దరఖాస్తు చేసుకోవచ్చు.
  
  నామినేషన్ల దాఖలు చివరి తేదీ వరకు ఓటర్‌గా నమోదుకు అవకాశం ఉంటుంది.  ఓటర్ జాబితాలో పేరు ఉందో లేదో తెలుసుకోవడానికి ‘వీఓటీఈ’ అని టైప్ చేసి గుర్తింపు కార్డు నంబర్‌తో 9246280027 నంబర్‌కు ఎస్సెమ్మెస్ పంపితే కొద్ది సేపట్లోనే పేరు ఉందో లేదో జవాబు వస్తుంది.   పోలింగ్‌కు వారం రోజుల ముందు బూత్ స్థాయి అధికారులు ఇంటింటికి వెళ్లి ఓటర్ స్లిప్‌లను పంపిణీ చేస్తారు. రెండు దఫాలు ఈ పంపిణీ జరుగుతుంది. అయినా స్లిప్‌లు అందనివారికి పోలింగ్ రోజు పోలింగ్ కేంద్రం వద్ద ఇస్తారు.


 * అమల్లోకి ఎన్నికల ప్రవర్తనా నియమావళి: భన్వర్‌లాల్
  
 సాక్షి, హైదరాబాద్: లోక్‌సభ, రాష్ట్ర అసెంబ్లీకి ఎన్నికల షెడ్యూల్ వెలువడటంతో బుధవారం నుంచి ఎన్నికల ప్రవర్తనా నియమావళి(కోడ్) అమల్లోకి వచ్చింది. అలాగే రాజకీయ పార్టీలు ఏం చేయవచ్చు.. ఏమి చేయరాదు.. ఎన్నికల ప్రచారం సరళి ఏ విధంగా ఉండాలి అనే వివరాలను రాష్ర్ట ప్రధాన ఎన్నికల అధికారి భన్వర్‌లాల్ బుధవారం గుర్తింపు పొందిన రాజకీయ పార్టీల నేతలతో సమావేశమై వారికి వివరించారు. నియమావళిని ఉల్లంఘిస్తే తీసుకునే చర్యలను స్పష్టం చే శారు. అనంతరం ఆయన విలేకరుల సమావేశంలో మాట్లాడారు. ఎన్నికల నియామవళి అమల్లో ఉన్నందున ఏం చేయవచ్చు.. ఏమి చేయరాదనే వివరాలు తెలిపారు. ఆ వివరాలివీ..
  
 *  రాజకీయ పార్టీల ఎన్నికల ప్రణాళికలో ఆచరణ సాధ్యమైన వాగ్దానాలను, హామీలనే పేర్కొనాలి. అలాగే ఇచ్చే హామీలకు అయ్యే వ్యయాన్ని కూడా ఉజ్జాయింపుగా స్పష్టం చేయాలి.
  
 * అభ్యర్థులు ఇక నుంచి ఎన్నికల వ్యయానికి సంబంధించి ప్రత్యేకంగా బ్యాంకులో అకౌంట్‌ను తెరవాలి. ఆ అకౌంట్ నుంచే ఎన్నికల వ్యయం చేయాలి. ఎన్నికలకు సంబంధించి ఏ వ్యయమైనా ఆ అకౌంటు నుంచే చెక్ ఇవ్వాలి.
  
 * అభ్యర్థులు ఆస్తులకు సంబంధించి అఫిడవిట్‌లో పేర్కొన్న అన్ని కాలమ్‌లను పూర్తి చేయాలి. ఏ కాలమ్‌ను కూడా ఖాళీగా వదలరాదు. ఏమీ లేకపోతే ఆ విషయాన్ని ఆ కాలంలో రాయాలి. ఖాళీగా వదిలితే నామినేషన్‌ను తిరస్కరిస్తారు. అభ్యర్థులు దేశంలోనే కాకుండా విదేశాల్లోని బ్యాంకుల్లో, సంస్థల్లో డిపాజిట్లు, పెట్టుబడులు, అప్పుల వివరాలను తప్పనిసరిగా పేర్కొనాలి. అభ్యర్థుల పేరు మీదే కాకుండా భార్య పేరు మీద, తనపై ఆధారపడిన వ్యక్తుల ఆస్తుల వివరాలను వెల్లడించాలి. అభ్యర్థులు తనపై గల అన్ని రకాల కేసులను అఫిడవిట్‌లో పేర్కొనాలి.
  
 * లోక్‌సభకు పోటీ చేసే అభ్యర్థులు రూ. 70 లక్షల వరకు ఎన్నికల వ్యయం చేయవచ్చు. అసెంబ్లీకి పోటీ చేసే అభ్యర్థులు రూ. 28 లక్షల వరకు వ్యయం చేయవచ్చు. అంతకు మించి వ్యయం చేస్తే అనర్హులవుతారు.
  
 * పార్టీల ఎన్నికల వ్యయంపై ఆంక్షలు లేవు. కానీ ప్రతి పార్టీ అసెంబ్లీ ఎన్నికలు పూర్తి అయిన తరువాత 75 రోజుల్లోగా పార్టీ ఎన్నికల వ్యయం లెక్కలను కేంద్ర ఎన్నికల కమిషన్‌కు సమర్పించాలి.
  
 * ఏ ప్రభుత్వ శాఖల్లోగాని అడ్‌హాక్ పోస్టింగ్‌లు వంటి నిర్ణయాలు తీసుకోరాదు. కొత్త కార్యక్రమాలు పథకాలకు ఉత్తర్వులను జారీ చేయరాదు. కొనసాగుతున్న కార్యక్రమాలను మాత్రం యథాతథంగా కొనసాగించవచ్చు.
  
 *  పత్రికల్లో, ఎలక్ట్రానిక్ మీడియాలో ఎన్నికల సర్వేలను రాష్ట్రంలో తొలి దశ పోలింగ్‌కు నోటిఫికేషన్ జారీ ముందు రోజు వరకు ప్రసారం చేసుకోవచ్చు. తొలి దశ పోలింగ్‌కు నోటిఫికేషన్ జారీ అయ్యాక సర్వేలు ప్రచురించడం, ప్రసారం చేయడం చివరి దశ పోలింగ్ ముగిసే వరకు నిషేధం.
  
 * టీవీల్లో పార్టీలు ఇచ్చే ప్రకటనలను పరిశీలించేందుకు కమిటీ ఏర్పాటు చేశారు. ఏ పార్టీ అయినా టీవీల్లో ఇచ్చే ప్రకటనలను ముందుగా కమిటీకి చూపించి అనుమతి తీసుకోవాలి. అనుమతి లేకుండా ప్రకటనలు ఇస్తే ఆ పార్టీలు, ప్రసారం చేసిన మీడియాపైన చర్యలుంటాయి.
  
 * అభ్యర్థులు గాని, రాజకీయ పార్టీల నేతలుగాని ప్రచార కాన్వాయ్‌లో మూడు వాహనాలను మించి అనుమతించరు. అంతకన్నా ఎక్కువ వాహనాలను వినియోగిస్తే ఆభ్యర్థి లేదా పార్టీ ఎన్నికల వ్యయంలో లెక్క రాస్తారు.
  
 *  ప్రచార సభలు నిర్వహణలకు, మైకుల ఏర్పాటుకు ముందుగా స్థానిక పోలీసుల నుంచి అనుమతి తీసుకోవాలి. ప్రజలకు ఇబ్బంది కలిగించే విధంగా సభలు, ప్రచారం నిర్వహించరాదు. వ్యక్తుల ఇంటి ముందు ధర్నాలు, పికెటింగ్‌లు చేయరాదు. ఒక పార్టీ పోస్టర్‌ను మరో పార్టీ తొలగించరాదు. రాత్రి పది గంటల తరువాత మైక్‌లతో ప్రచారం నిర్వహించరాదు.
  
 *  ఎన్నికల ప్రచారంలో పార్టీల నాయకులు, కార్యకర్తలు వ్యక్తిగత జీవితాలపై విమర్శలు, ఆరోపణలు చేయరాదు. కుల, మత, ప్రాంత భావాలను రెచ్చగొట్టే వ్యాఖ్యలు చేయరాదు. పరస్పరం అగౌరవం, విభేదాలు పెంచే విధంగా కులాలు, జాతుల మధ్య విద్వేషాలు సృష్టించే భాషాపరమైన ప్రసంగాలు చేయరాదు.
  
 * మసీదులు, దేవాలయాలు, చర్చిలను ఎన్నికల ప్రచారానికి వినియోగించరాదు. అలాగే ప్రభుత్వ ఆస్తులు, భవనాలను కూడా ప్రచారానికి వినియోగించరాదు. పోలింగ్ కేంద్రాలకు వంద మీటర్ల పరిధిలో ఎటువంటి ప్రచారానికి సంబంధించిన రాతలు, పోస్టర్లు, బోర్డులు ఉండరాదు.
  
 * ప్రభుత్వ, పబ్లిక్ ఆస్తులు, భవనాలు, గోడలపై ఎన్నికలకు సంబంధించిన రాతలు ఏమీ రాయరాదు. అలాగే ప్రచారానికి సంబంధించిన బోర్డులను అమర్చరాదు. ప్రైవేట్ ఆస్తులపై వారి అనుమతి తీసుకునే ప్రచారానికి వినియోగించుకోవాలి.


 సాక్షి, హైదరాబాద్: రాష్ట్రంలో 42 పార్లమెంట్ స్థానాలు, 294 అసెంబ్లీ సీట్లకు రెండు దశల్లో పోలింగ్ జరగనుంది. తొలి దశలో ఏప్రిల్ 30న తెలంగాణ జిల్లాల్లోని 17 పార్లమెంట్ స్థానాలకు, వాటి పరిధిలోని 119 అసెంబ్లీ స్థానాలకు; రెండో దశలో మే 7వ తేదీన సీమాంధ్ర జిల్లాల్లోని 25 పార్లమెంట్ స్థానాలకు, వాటి పరిధిలో గల 175 అసెంబ్లీ సీట్లకు పోలింగ్ జరుగుతుంది. బుధవారం ఢిల్లీలో కేంద్ర ఎన్నికల కమిషన్ సార్వత్రిక ఎన్నికల షెడ్యూల్ ప్రకటించిన తర్వాత రాష్ట్ర ప్రధాన ఎన్నికల అధికారి(సీఈఓ) భన్వర్‌లాల్ హైదరాబాద్‌లో విలేకరులతో మాట్లాడారు. 
  
 *  ఏప్రిల్  30న పోలింగ్ జరిగే స్థానాలకు ఏప్రిల్ 2న నోటిఫికేషన్ జారీ. అప్పటి నుంచి ఏప్రిల్ 9 వరకు నామినేషన్లు స్వీకరణ. 10న నామినేషన్ల పరిశీలన, 12తో నామినేషన్ల ఉపసంహరణ గడువు ముగుస్తుంది.
  
 * తొలి దశలో ఏప్రిల్ 30న పోలింగ్ జరిగే 17 పార్లమెంట్ స్థానాల పేర్లు: ఆదిలాబాద్, పెద్దపల్లి, కరీంనగర్, నిజామాద్, జహీరాబాద్, మెదక్, మల్కాజిగిరి, సికింద్రాబాద్, హైదరాబాద్, చేవెళ్ల, మహబూబ్‌నగర్, నాగర్‌కర్నూలు, నల్లగొండ, భువనగిరి, వరంగల్, మహబూబాబాద్, ఖమ్మం (ఈ పార్లమెంట్ నియోజకవర్గాల పరిధిలోని 119 అసెంబ్లీ నియోజకవర్గాలకు కూడా అదే రోజు పోలింగ్ జరుగుతుంది).
  
 * రెండో దశలో మే 7న పోలింగ్ జరిగే 25 పార్లమెంట్ స్థానాల పేర్లు: కాకినాడ, అమలాపురం, రాజమండ్రి, నర్సాపురం, ఏలూరు, మచిలీపట్నం, విజయవాడ, గుంటూరు, నర్సరావుపేట, బాపట్ల, ఒంగోలు, నంద్యాల, కర్నూలు, అనంతపురం, హిందుపూర్, కడప, నెల్లూరు, తిరుపతి, రాజంపేట, చిత్తూరు, అరకు, శ్రీకాకుళం, విజయనగరం, విశాఖపట్టణం, అనకాపల్లి (ఈ పార్లమెంట్ నియోజకవర్గాల పరిధిలోని 175 అసెంబ్లీ నియోజకవర్గాలకు కూడా అదే రోజు ఎన్నికలు జరుగుతాయి).
  
 * మే 7న పోలింగ్ జరిగే స్థానాలకు ఏప్రిల్ 12న నోటిఫికేషన్ జారీ చేయనున్నారు. అప్పటి నుంచి ఏప్రిల్ 19వ తేదీ వరకు నామినేషన్లు స్వీకరిస్తారు. ఏప్రిల్ 21న నామినేషన్ల పరిశీలన జరుగుతుంది. 23తో నామినేషన్ల ఉపసంహరణ గడువు ముగుస్తుంది. 
  
 * రాష్ట్రంలో మొత్తం 6.24 కోట్ల మంది ఓటర్లు ఉన్నారు. ఇందులో తెలంగాణ జిల్లాల్లో 2.70 కోట్ల మంది ఉండగా, సీమాంధ్ర జిల్లాల్లో 3.54 కోట్ల మంది ఉన్నారు. ఎన్నికల నిర్వహణకు 69,014 పోలింగ్ కేద్రాలను ఏర్పాటు చేశారు. ప్రశాతంగా, స్వేచ్ఛగా పోలింగ్ నిర్వహణకు 457 కేంద్ర సాయుధ బలగాలు కావాలని ఎన్నికల కమిషన్‌కు నివేదిక పంపారు. 
  
 * ఎన్నికల ఏర్పాట్లపై గురువారం అన్ని జిల్లా కలెక్టర్లు, ఎస్పీలు, డీజీపీ, నగర పోలీసు కమిషనర్లతో సీఈఓ భన్వర్‌లాల్ వీడియో కాన్ఫరెన్స్ ద్వారా సమీక్ష నిర్వహిస్తారు.
  
 * రాష్ట్రంలో కొత్తగా 76 లక్షల మంది ఓటర్లుగా నమోదయ్యారు. వారందరికీ ఈ నెలాఖరు నుంచి కలర్ ఫొటోలతో స్మార్ట్ కార్డులను పంపిణీ చేస్తారు. పాత ఓటర్ గుర్తింపు కార్డు ఉన్నవారు కొత్తగా స్మార్ట్ కార్డు పొందాలంటే ఏప్రిల్ 1 నుంచి ఈ-సేవలో రూ.25 చెల్లించి పొందవచ్చు.
  


 సాక్షి, హైదరాబాద్: లోక్‌సభకు, రాష్ట్ర అసెంబ్లీకి ఎన్నికల షెడ్యూల్ వెలువడిన నేపథ్యంలో.. ఓటర్లుగా నమోదు చేసుకొనేందుకు చివరి అవకాశం కల్పిస్తున్నామని రాష్ట్ర ప్రధాన ఎన్నికల అధికారి భన్వర్‌లాల్ తెలిపారు. బుధవారం ఆయన హైదరాబాద్‌లో మాట్లాడారు. ఆయన మాటల్లోనే..
  
 * రాష్ట్రంలోని అన్ని పోలింగ్ కేంద్రాల్లో 9వ తేదీ (ఆదివారం)న ఉదయం 10 గంటల నుంచి సాయంత్రం 5 గంటల వరకు వరకు ఓటర్ల జాబితాలతో బూత్ స్థాయి అధికారులు, రాజకీయ పార్టీల ఏజెంట్లు అందుబాటులో ఉంటారు.
  
 * జాబితాలో పేరు ఉందో లేదో చూసుకుని.. పేరు లేకపోతే అక్కడికక్కడే ఓటరుగా నమోదుకు దరఖాస్తు చేసుకోవచ్చు. నామినేషన్ల దాఖలు చివరి తేదీ వరకు ఓటర్‌గా నమోదుకు అవకాశం ఉంటుంది.
  
 * ఓటర్ జాబితాలో పేరు ఉందో లేదో తెలుసుకోవడానికి ‘వీఓటీఈ’ అని టైప్ చేసి గుర్తింపు కార్డు నెంబర్‌తో 9246280027 నెంబర్‌కు ఎస్సెమ్మెస్ పంపితే కొద్ది సేపట్లోనే పేరు ఉందో లేదో జవాబు వస్తుంది.
  
 *  పోలింగ్‌కు వారం రోజుల ముందు బూత్ స్థాయి అధికారులు ఇంటింటికి వెళ్లి ఓటర్ స్లిప్‌లను పంపిణీ చేస్తారు. రెండు దఫాలు ఈ పంపిణీ జరుగుతుంది. అయినా స్లిప్‌లు అందనివారికి పోలింగ్ రోజు పోలింగ్ కేంద్రం వద్ద ఇస్తారు.


 ఎన్నికల్లో పోటీ చేసే అభ్యర్థులపై రాష్ట్ర ఎన్నికల కమిషన్ కొరడా ఝుళిపించింది. ప్రతి అభ్యర్థి అఫిడవిట్‌ను తప్పనిసరిగా ఫైల్‌ చేయాలని భన్వర్‌లాల్‌ సూచించారు. ఇంతకుముందు కొన్ని కాలమ్స్‌ను ఖాళీగా ఉంచేవాళ్లని, ఈసారి అన్ని కాలమ్స్‌ను తప్పనిసరిగా నింపాలని భన్వర్ లాల్ స్పష్టం చేశారు. ప్రస్తుత నిబంధనలకు వ్యతిరేకంగా అన్ని కాలమ్స్ ఖాళీగా ఉంచడం కుదరదు అని భన్వర్‌లాల్‌ అన్నారు. 
  
 అఫిడవిట్‌ను పూర్తిస్థాయిలో నింపకుంటే అభ్యర్థిత్వాన్ని రిజెక్ట్ చేస్తామని ఆయన తెలిపారు. విదేశాల్లో ఉన్నవారు వారి ఆస్తుల వివరాలు కూడా వెల్లడించాల్సి ఉంటుందని భన్వర్‌లాల్‌ అన్నారు. ప్రతి అభ్యర్థి ప్రత్యేక బ్యాంకు అక్కౌంట్‌ను ఓపెన్‌ చేయాల్సి ఉంటుందన్నారు. ప్రతి ఖర్చుకూ చెక్‌ద్వారా చెల్లింపులు చేయాల్సి ఉంటుందని,  ఎన్నికల్లో ప్రతి లోక్‌సభ అభ్యర్థి ఖర్చు చేసేందుకు 70లక్షలు, అసెంబ్లీకి పోటీ చేసే ప్రతి అభ్యర్థి 28 లక్షల వరకూ పరిమితి ఉంటుందని ఆయన తెలిపారు. 
  
 75 రోజుల్లోగా ఎన్నికల ఖర్చును రాజకీయ పార్టీలు చూపించాలని భన్వర్ లాల్ తెలిపారు. రాష్ట్రంలో 69,014 పోలింగ్‌ స్టేషన్ల ఏర్పాటు చేయనున్నామని, ఎన్నికలను సజావుగా జరిపించేందుకు 457 కంపెనీల పారామిలటరీ బలగాలు కావాలని కోరామని, అవసరమైతే మరిన్ని బలగాలను పంపమని కోరుతామని భన్వర్‌లాల్‌ తెలిపారు. 
  


 హైదరాబాద్ : రాష్ట్రంలో మొత్తం 6,24,32,064 మంది ఓటర్లుగా తేలారు. అందులో రంగారెడ్డి జిల్లాలో అత్యధికంగా 50,14,064మంది ఓటర్లు ఉండగా, విజయ నగరం జిల్లాలో అతి తక్కువగా 16,88,509మంది  ఓటర్లుగా నమోదయ్యారు. మొత్తం 69,014 పోలింగ్ స్టేషన్లను ఎన్నికల కమిషన్ ఏర్పాటు చేసింది.
 రంగారెడ్డి జిల్లాలోనే ఎక్కువగా 4,469 పోలింగ్ స్టేషన్లు ఏర్పాటు చేయగా, నిజామాబాద్ జిల్లాలో 2,005 అతి తక్కువగా పోలింగ్ కేంద్రాలను ఏర్పాటు చేస్తున్నారు. ఎన్నికల ఏర్పాట్లపై  రాష్ట్ర ఎన్నికల కమిషనర్ భన్వర్ లాల్ మధ్యాహ్నం 3 గంటలకు జిల్లా అధికారులతో వీడియో కాన్ఫరెన్స్ ఏర్పాటు చేశారు.


 సాక్షి, హైదరాబాద్: మరికొద్ది రోజుల్లో లోక్‌సభతో పాటు రాష్ట్ర అసెంబ్లీకి ఎన్నికల షెడ్యూల్ వెలువడనున్న నేపథ్యంలో అన్ని రకాల పరిశీలకుల నియామకంపైనా రాష్ట్ర ప్రధాన ఎన్నికల అధికారి భ న్వర్‌లాల్ దృష్టి సారించారు. షెడ్యూల్ విడుదలవ్వగానే ఇతర రాష్ట్రాల నుంచి ఎన్నికల పరిశీలకులుగా మొత్తం 231 మంది అధికారులు రానున్నట్లు సోమవారం విలేకరులకు భన్వర్‌లాల్ తెలిపారు. ఒక్కో లోక్‌సభ స్థానానికి ఇద్దరేసి చొప్పున 42 లోక్‌సభ స్థానాలకు మొత్తం 84 మంది ఇతర రాష్ట్రాల అధికారులను పరిశీలకులుగా నియమించినట్లు వివరించారు. అలాగే రెండేసి అసెంబ్లీ స్థానాలకు ఒకరు చొప్పున 294 అసెంబ్లీ స్థానాలకు 147 మంది ఇతర రాష్ట్రాల అధికారులను పరిశీలకులుగా నియమించినట్లు తెలిపారు.
  
   వీరు ఎన్నికల నియమావళి అమలు తీరుతెన్నులతో పాటు, నామినేషన్ల సందర్భంగా అభ్యర్థులు నియమావళిని పాటించారా లేదా, ఎన్నికల వ్యయం నిబంధనలకు లోబడే ఉందా లేదా అనే విషయాలను చూస్తారని చెప్పారు. అలాగే ఇతర రాష్ట్రాల్లో ఎన్నికల పరిశీలకులుగా రాష్ట్రం నుంచి 55 మంది ఐఏఎస్ అధికారులు వెళ్లనున్నారని ఆయన తెలిపారు. ఇదిలావుంటే.. ఎన్నికల నియామవళిని అమలు చేయడానికి ఒక్కో జిల్లాకు 15 మంది నోడల్ ఆఫీసర్ల చొప్పున 23 జిల్లాలకు 345 మంది నోడల్ ఆఫీసర్లతో బృందాలను ఏర్పాటు చేయాలని జిల్లా కలెక్టర్లకు సీఈవో ఆదేశాలు జారీ చేశారు.


 సాక్షి, హైదరాబాద్: తెలంగాణలో తమ పార్టీ అధ్యక్షుడు వైఎస్ జగన్‌మోహన్‌రెడ్డి పర్యటిస్తే అడ్డుకుంటామని బెదిరిస్తున్న టీఆర్‌ఎస్, కాంగ్రెస్, న్యూడెమొక్రసీ పార్టీల నేతలపై వైఎస్సార్ కాంగ్రెస్ నాయకులు రాష్ట్ర ఎన్నికల ప్రధానాధికారి భన్వర్‌లాల్‌కు ఫిర్యాదు చేశారు. ఈ నెల 5న ఖమ్మంలో వైఎస్ జగన్ తలపెట్టిన బహిరంగ సభను అడ్డుకుంటామని కొందరు ప్రజాప్రతినిధులు చేస్తున్న వ్యాఖ్యలు ప్రజాస్వామ్యానికే గొడ్డలిపెట్టువంటివని, అలాంటి వ్యాఖ్యలు చేస్తున్న పార్టీలు, నాయకులపై చర్యలు తీసుకోవాలని కోరారు.
  
  ఈ మేరకు పార్టీ అధికార ప్రతినిధులు గట్టు రామచంద్రారావు, బి.జనక్‌ప్రసాద్, ప్రధాన కార్యదర్శి కె.శివకుమార్ సోమవారం భన్వర్‌లాల్‌ను కలసి వినతిపత్రం సమర్పించారు. ఎంపీలు వి.హనుమంతరావు, మధుయాష్కీ, ఎమ్మెల్యే హరీశ్‌రావు, టీజేఏసీ చైర్మన్ కోదండరాం, ఇతరులు తెలంగాణ ప్రజలను రెచ్చగొట్టేలా ప్రకటనలు చేస్తున్నారని, మానుకోట వంటి సంఘటనలు పునరావృతమవుతాయని భయోత్పాతాలు సృష్టిస్తున్నారని వారు పేర్కొన్నారు. ప్రజలను రెచ్చగొట్టే నేతలపై చర్యలు తీసుకోవడంతో పాటు ఆయా పార్టీల గుర్తింపు రద్దు చేయాలని విజ్ఞప్తి చేశారు. దీనిపై స్పందించిన భన్వర్‌లాల్ ఎన్నికల నోటిఫికేషన్ వచ్చిన తర్వాతే ఎన్నికల కమిషన్ చొరవ తీసుకుంటుందని, పోలీసు అధికారులను కలవాలని సూచించారు.


 సాక్షి, గుంటూరు :వచ్చే నెల తొలి వారంలో ఎన్నికల షెడ్యూల్ వెలువడనుందని రాష్ట్ర ఎన్నికల ప్రధానాధికారి భన్వర్‌లాల్ ప్రకటనతో జిల్లా అధికార యంత్రాంగం ఏర్పాట్లు ముమ్మరం చేసింది. జిల్లా ఎన్నికల అధికారి అయిన కలెక్టరు క్షేత్ర స్థాయిలో సర్వం సిద్ధం చేసేందుకు రిటర్నింగ్, అసిస్టెంట్ రిటర్నింగ్ అధికారులకు ఇప్పటికే దిశా నిర్దేశం చేశారు. ఇప్పటికే ఎన్నికల బదిలీలు  దాదాపు పూర్తయ్యాయి. ఆయా నియోజకవర్గాలకు రిటర్నింగ్ అధికారులుగా వ్యవహరించిన డిప్యూటీ కలెక్టర్లు శనివారంతో తమ బాధ్యతల నుంచి రిలీవ్ అయ్యారు. ఇతర జిల్లాల నుంచి వచ్చిన డిప్యూటీ కలెక్టర్లు విధుల్లో చేరారు. ఈ దఫా ఎన్నికల్లో పూర్తి స్థాయి నిఘా, అభ్యర్థుల ఎన్నికల ప్రవర్తన నియమావళిపై ఐదు విభాగాలుగా బృందాలు పనిచేయనున్నాయి. ప్రతిసారి ఎన్నికల్లో ముఖ్య విధుల్లో పాలు పంచుకునే అధికారి వివరాలు మాత్రమే సేకరించే వారు. ఈ సారి ఎన్నికల విధుల్లో పాల్గొనే హోం గార్డుల నుంచి ఫొటో, వీడియోగ్రాఫర్లు, డ్రైవర్లు, క్లాస్-4 ఉద్యోగుల వివరాలన్నింటినీ సేకరించాలని ఉత్తర్వులు జారీ అయ్యాయి. ఇందుకు ఆయా శాఖల బాధ్యులకు తమ శాఖల్లోని ఉద్యోగుల వివరాలన్ని అందించాలని కోరనున్నారు.
  
  పోలింగ్ కేంద్రాలపై ఫిర్యాదు లేకుండా పరిశీలన
  జిల్లాలోని 17 నియోజకవర్గాల్లో ఇప్పటికే 3,739 పోలింగ్ బూత్‌లు ఏర్పాటు చేశారు. ఇవి ఎక్కడెక్కడ ఏర్పాటు చేశారో.. రాజకీయ పార్టీలకు సాఫ్ట్ కాపీ అందించారు. ఈ పోలింగ్ బూత్‌లలో సమస్యాత్మకం (సెన్సిటివ్), అత్యంత సమస్యాత్మకం (హైపర్ సెన్సిటివ్) గల వాటిని గుర్తించి ఓ నివేదిక సిద్ధం చేశారు. అవసరమైతే ఈ బూత్‌లకు సహాయంగా మరికొన్ని (ఆగ్జిలరీ బూత్‌లు) ఏర్పాటు అంశాన్ని పరిశీలిస్తున్నారు. పోలింగ్ బూత్‌లను మరోసారి పరిశీలించాలని, అధికారులు పరిశీలనకు వెళ్ళేటప్పుడు స్థానిక రాజకీయ పార్టీల నాయకులతో చర్చించాలని నిర్ణయం తీసుకున్నారు. పోలింగ్ బూత్‌ల మార్పు, అధికారుల పరిశీలనకు వచ్చిన అంశాలన్నింటినీ రాష్ట్ర ఎన్నికల ప్రధానాధికారి వెబ్‌సైట్‌లో ఉంచాలని, ఇందుకు ఆయా నియోజకవర్గాల వారీగా పాస్‌వర్డ్‌లు ఇచ్చారు. పోలింగ్ బూత్‌లపై ఏ సమస్య లేకుండా చూడాలని, రాజకీయ పార్టీల నుంచి ఫిర్యాదులు లేకుండా పారదర్శకంగా వ్యవహరించాలని ఉత్తర్వులు వెలువడ్డాయి. 
  
  ఐదు ఎంసీసీ బృందాలు.. ఎన్నికల ప్రవర్తన నియమావళి పర్యవేక్షణకు, అభ్యర్థుల ఎన్నికల ఖర్చుకు సంబంధించి పరిశీలనకు నియోజకవర్గానికి ఐదు ఎంసీసీ (మోడల్ కోడ్ ఆఫ్ కాండక్ట్) బృందాల్ని ఏర్పాటు చేయనున్నారు. ఈ బృందంలో ఓ అబ్జర్వర్‌తో పాటు క్లరికల్ కేటగిరీలో ఇన్‌కంట్యాక్స్, కమర్షియల్, కోపరేటివ్ శాఖల నుంచి ఉద్యోగుల్ని తీసుకోనున్నారు. వీడియో సర్వేలెన్స్ టీంలు, వీడియో వ్యూయింగ్ టీంలు ఏర్పాటు చేయనున్నారు. రిటర్నింగ్ అధికారి ప్రత్యేకంగా అభ్యర్థి ఖర్చులను పరిశీలించేందుకు వీలుగా షాడో అకౌంట్ నిర్వహించనున్నారు. ఫ్లయింగ్ స్వ్కాడ్‌లు నియోజకవర్గానికి మూడు బృందాల్ని ఏర్పాటు చేసేలా ఏర్పాట్లు చేస్తున్నారు. మొత్తం ఎన్నికల విధులకు 1,598 మంది వివిధ హోదాల్లో అధికారులు పనిచేయనున్నారు. ఈ ప్రక్రియ మొత్తం వారం రోజుల్లో పూర్తి చేసి ఎన్నికలకు అధికారుల్ని సిద్ధం చేస్తున్నారు.