నయనతార(Nayanthara) నటించిన ‘ది టెస్ట్‌’(The Test) సినిమా డైరెక్ట్‌గా ఓటీటీలో (OTT) విడుదల కానుంది. ఈమేరకు అధికారికంగా ప్రకటన వచ్చేసింది. వైనాట్‌ స్టూడియోస్‌ ఈ చిత్రాన్ని తెరకెక్కిస్తుంది. క్రికెట్‌ నేపథ్యంలో తెరకెక్కిన ఈ సినిమాలో నయనతారతో పాటు మాధవన్, సిద్ధార్థ్‌ (Siddharth) లీడ్‌ రోల్స్‌ చేశారు. మీరా జాస్మిన్‌ ఓ కీలక పాత్రలో నటించిన ఈ సినిమాతో నిర్మాత శశికాంత్‌ దర్శకుడిగా పరిచయం అవుతున్నారు.నిర్మాత శశికాంత్‌ స్వీయ దర్శకత్వంలో నిర్మించిన ‘ది టెస్ట్‌’ చిత్రం కొన్ని నెలల క్రితమే నిర్మాణ కార్యక్రమాలు పూర్తి చేసుకుంది. దీంతో చిత్ర విడుదల కోసం నయనతార అభిమానులు ఆసక్తిగా ఎదురుచూస్తున్నారు. ఏప్రిల్‌ 4న ఈ‌ చిత్రాన్ని థియేటర్లో కాకుండా నేరుగా ఓటీటీలో విడుదల కానుంది. తమిళ్‌,తెలుగు,హిందీ,కన్నడ,మలయాళంలో ఈ చిత్రం స్ట్రీమింగ్‌ కానుంది.చెన్నైలో జరిగిన ఓ అంతర్జాతీయ టెస్ట్‌ క్రికెట్‌ మ్యాచ్‌ ముగ్గురు వ్యక్తుల జీవితాలను ఎలా ప్రభావితం చేసిందనే ప్రధాన కాన్సెప్ట్‌తో స్పోర్ట్స్‌ డ్రామాగా తెరకెక్కించారు. ఈ చిత్రంలో 'కుముధ' అనే పాత్రలో నయన్‌ కనిపించనుంది. ఇకపోతే ఇంతకుముందు కూడా నయనతార ప్రధాన పాత్రను పోషించిన మూకుత్తి అమ్మన్‌(అమ్మోరు తల్లి), నెట్రికన్‌ చిత్రాలు నేరుగా ఓటీటీలోనే విడుదల కావడం గమనార్హం. ఈ సినిమా తర్వాత నయన్‌ చేతిలో డియర్‌ స్టూడెంట్స్‌, అమ్మోరు తల్లి 2 చిత్రాలు ఉన్నాయి.

ఆర్‌. మాధవన్‌(R. Madhavan) హీరోగా నటిస్తున్న కొత్త సినిమాకు ‘జి.డి.ఎన్‌’ అనే టైటిల్‌ ఖరారైంది. ‘ఎడిసన్‌ ఆఫ్‌ ఇండియా, మిరాకిల్‌ మేన్, వెల్త్‌ క్రియేటర్‌ ఆఫ్‌ కోయంబత్తూరు’ వంటి పేర్లను గడించిన గోపాల స్వామి దొరైస్వామి నాయుడు(Gopala Swamy Doraiswamy Naidu) (జీడీఎన్‌) జీవితం ఆధారంగా ‘జి.డి.ఎన్‌’(GDN) మూవీ తెరకెక్కుతోంది. ఈ బయోపిక్‌కు కృష్ణకుమార్‌ రామకుమార్‌ దర్శకత్వం వహిస్తున్నారు. మంగళవారం ఈ సినిమా టైటిల్‌ లోగో రిలీజ్‌ చేసి, ప్రియమణి, జయరాం, యోగిబాబు ఇతర ప్రధాన పాత్రల్లో నటించనున్నట్లుగా మేకర్స్‌ వెల్లడించారు.ఇక పెద్దగా చదువుకోకపోయినా ఆటోమొబైల్, అగ్రికల్చర్, టెక్స్‌టైల్, ఫొటోగ్రఫీ వంటి సెక్టార్స్‌లో కొన్ని పరికరాల ఆవిష్కరణలు చేశారు జీడీఎన్‌. ఈ మధ్యకాలంలో మాధవన్‌ నటిస్తున్న రెండో బయోపిక్‌ ఇది. ఇస్రో మాజీ శాస్త్రవేత్త నంబి నారాయణన్‌ జీవితం ఆధారంగా ‘రాకెట్రీ: ది నంబి ఎఫెక్ట్‌’ సినిమా (2022)లో నటించడంతో పాటు డైరెక్షన్‌ కూడా చేసి మెప్పించారు మాధవన్‌. ఈ సినిమాకు జాతీయ అవార్డు వచ్చింది. ఇప్పుడు మళ్లీ మరో బయోపిక్‌లో మాధవన్‌ నటిస్తుండటం విశేషం. మరి... వెండితెరపై మిరాకిల్‌ మేన్‌గా మాధవన్‌ ఏ స్థాయిలో ప్రేక్షకులను మెప్పిస్తారో చూడాలి.

జాతీయ ఉత్తమ నటుడు ఆర్ మాధవన్‌కు దేశవ్యాప్తంగా గుర్తింపు ఉంది. దాదాపుగా 7 భాషాల సినిమాల్లో నటించిన అతితక్కువ భారతీయ నటుల్లో ఆయన కూడా ఒకరు. ఆయనకు బైకులంటే చాలా ఇష్టం. ఆస్ట్రియన్ మోటార్‌ సైకిల్ రంగంలో బిగ్గెస్ట్‌ బ్రాండ్‌గా గర్తింపు ఉన్న బ్రిక్ట్సన్‌ క్రోమ్‌వెల్ 1200 సీసీ బైక్‌ను మాధవన్‌ కొనుగొలు చేశారు. రెట్రో డిజైన్‌తో పాటు ఆధునిక ఇంజనీరింగ్‌ వర్క్‌ స్టైల్‌తో ఉన్న ఈ బైక్‌ను కొనుగోలు చేసిన తొలి భారతీయుడిగా ఆయన రికార్డ్‌ క్రియేట్‌ చేశారు.ఆస్ట్రియన్ మోటార్‌సైకిల్ బ్రాండ్ బ్రిక్ట్సన్‌ అధికారికంగా భారతదేశంలో తన విక్రయాలను ప్రారంభించింది. నటుడు ఆర్. మాధవన్ తొలి బైక్‌ క్రోమ్‌వెల్ 1200 సీసీ ఇంజన్‌ సామర్థ్యం ఉన్న వాహనాన్ని కొనుగోలు చేశారు. మోటోహాస్‌ భాగస్వామ్యంతో బ్రిక్ట్సన్‌ భారతదేశంలో అడుగు పెడుతోంది. బెంగళూరు, కోల్హాపూర్, గోవా, అహ్మదాబాద్, సంగ్లీ వంటి నగరాల్లో డీలర్‌షిప్‌లను ఇప్పటికే ఏర్పాటు చేసింది. జైపూర్, మైసూర్, కోల్‌కతా, పూణే, ముంబైలలో షోరూమ్‌లు రానున్నాయి. ఈ బైక్‌ కంపెనీకి ఆయన బ్రాండ్‌ అంబాసిడర్‌గా కూడా వ్యవహరించనున్నారు. కొత్త బైక్‌పై తన కుమారుడు వేదాంత్‌ పేరును చేర్చాడు.ఇండియన్‌ మార్కెట్‌లో ఈ బైక్‌ ధర రూ. 7.84 లక్షలు (ఎక్స్-షోరూమ్) ఉంది. హై-పెర్ఫార్మెన్స్ మోటార్‌సైకిల్ విభాగంలో ఇది ఒక ఆకర్షణీయమైన ఎంపిక అంటూ నెటిజన్లు కామెంట్లు చేస్తున్నారు. బ్రిక్ట్సన్‌ క్రోమ్‌వెల్ 1200 సీసీ ఇంజన్‌తో కలిగి ఉండి 108Nm టార్క్‌తో పనిచేస్తుంది. నిస్సిన్ బ్రేక్‌లు, బాష్ ABS, KYB అడ్జస్టబుల్ సస్పెన్షన్, ట్రాక్షన్ కంట్రోల్, క్రూయిజ్ కంట్రోల్, యాంటీ-థెఫ్ట్ కీ సిస్టమ్, TFT డిస్‌ప్లే, పిరెల్లి ఫాంటమ్ ట్యూబ్‌లెస్ టైర్లు వంటి ప్రీమియం ఫీచర్లతో బైక్‌ ఉంది.

ఓటీటీ(ott)లో ఇది చూడొచ్చు అనేప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హిందీ చిత్రం హిసాబ్‌ బరాబర్‌(hisaab barabar) ఒకటి. ఈ చిత్రం గురించి తెలుసుకుందాం.ఈ ప్రపంచంలో ఆశ లేని మనిషి ఉండడు. కానీ అత్యాశ మాత్రం అనర్ధదాయకం. అందరూ బాగుండాలి... అందులో మనముండాలి అనుకుంటే పర్లేదు. కొంతమంది మాత్రం నేను బాగు పడాలంటే పదిమంది నాశనం కావాలి అని అత్యాశకు లోనవుతుంటారు. అటువంటి వారు తమకు ఎవరూ ఎదురు రారు అనుకుంటూ విర్రవీగుతుంటారు. అలా విర్రవీగేవారికి ఓ సామాన్యడు ఇచ్చే అనుకోని ఝలక్కే ఈ ‘హిసాబ్‌ బరాబర్‌’ చిత్రం. జీ5 ఓటీటీ వేదికగా తెలుగులోనూ లభ్యమవుతోంది. ‘హిసాబ్‌ బరాబర్‌’ కథ విషయానికొస్తే... ఇది ఓ సామాన్యుడి కథ. రాధేమోహన్‌ శర్మ ఓ టికెట్‌ కలెక్టర్‌. అతనికి ఒక్కడే కొడుకు. భార్య విడిపోతుంది. ఇక రాధేమోహన్‌ కు అద్భుతమైన టాలెంట్‌ ఒకటుంది. అదే అతని లెక్కల చాతుర్యత.ఎటువంటి లెక్కనైనా అవలీలగా చెప్పేస్తాడు. చిన్న పైసా కూడా నష్టపోడు. అటువంటి రాధేమోహన్‌ బ్యాంకు అకౌంటులో అనూహ్యంగా ఓ 27 రూపాయలు తేడా వచ్చి కనపడకుండా పోతుంది. దాంతో బ్యాంకు అధికారులకు ఈ విషయమై ఫిర్యాదు చేస్తాడు. బ్యాంకు అధికారులు ఈ ఫిర్యాదును తాత్సారం చేస్తున్న విషయం గమనించి అదే బ్యాంకుకు సంబంధించిన ఇతరుల అకౌంట్లో కూడా 27 రూపాయలు కట్‌ అయినట్టు కనిపెడతాడు. రాధేమోహన్‌ కథ 27 నుండి మొదలై కొన్ని వేల కోట్ల దాకా వెళుతుంది. దీంతో ఇదో పెద్ద స్కామ్‌ అని నిర్ధారణకు వచ్చి పై అధికారులకు సమాచారమిస్తాడు. ఈ విషయం సదరు బ్యాంకు అధికారుల నుండి ఆ బ్యాంకు ఓనరుకు తెలుస్తుంది. ఇక ఆ పై బ్యాంకు ఓనరుకు రాధేమోహన్‌కు మధ్య యుద్ధం మొదలవుతుంది.కోట్లకు అధిపతి అయిన బ్యాంకు ఓనరును 27 రూపాయలు పోగొట్టుకున్న రాధేమోహన్‌ ఎలా ఎదుర్కొన్నాడనేది సినిమాలోనే చూడాలి. రూపాయి అయినా కోటి రూపాయలైనా దేని విలువ దానిదే, కాగితంలో నంబరు విలువను పెంచుతుందే కానీ కాగితమైతే మారదు. పైన చెప్పుకున్నట్టు ఎవరి కష్టం వారిది, ఎవరి ఫలితం వారిది. ఈ రోజు వరించిన విజయానికి ఆనందిస్తే రేపు అపజయాన్ని కూడా ఎదుర్కొనే ధైర్యం ఉండాలి. ‘హిసాబ్‌ బరాబర్‌’ సినిమా ఆద్యంతం ఉత్కంఠభరితంగా సాగుతూ మంచి సందేశంతో ముగుస్తుంది. రాధేమోహన్‌పాత్రలో ప్రముఖ నటుడు మాధవన్‌ జీవించారు. సినిమాలో తన లెక్కే కాదు అందరి లెక్క సరిచేశాడు. వీకెండ్‌కి వాచబుల్‌ మూవీ. – ఇంటూరు హరికృష్ణ

రొమాంటిక్ సినిమాల్లో 'సఖి' క్రేజ్ వేరే లెవల్. పేరుకే డబ్బింగ్ సినిమా గానీ తెలుగులోనూ కల్ట్ ఫాలోయింగ్ సొంతం చేసుకుంది. మరీ ముఖ్యంగా ఇందులో హీరోహీరోయిన్లుగా చేసిన మాధవన్, షాలినీకి ఇప్పటికీ ఫ్యాన్స్ ఉన్నారు. అలాంటిది దాదాపు 24 ఏళ్ల తర్వాత వీళ్లిద్దరూ కలిశారు. ఆ ఫొటోలు ఇప్పుడు సోషల్ మీడియాలో వైరల్ అవుతున్నాయి.(ఇదీ చదవండి: ఈ వారం ఓటీటీల్లో 15 సినిమాలు రిలీజ్.. అవి ఏంటంటే?)సందర్భంగా ఏంటో తెలీదు గానీ మాధవన్‌ని చాన్నాళ్ల తర్వాత కలిసి షాలినీ.. రెండు ఫొటోలు పోస్ట్ చేసింది. దీనికి 'ఎండ్రెండుం పున్నాగై' అని క్యాప్షన్ పెట్టింది. 'ఎప్పటికీ నవ్వడం' అని తెలుగులో దీనికి అర్థం. తమ అభిమాన జోడీని దాదాపు 24 ఏళ్ల తర్వాత చూసిన ఫ్యాన్స్.. సంతోషాన్ని ఆపుకోలేకపోతున్నారు. కామెంట్స్ పెడుతూ తమ ప్రేమని చూపిస్తున్నారు.ఇక మాధవన్ సినిమాలు, వెబ్ సిరీసులు చేస్తూ బిజీగా ఉండగా.. షాలినీ తమిళ హీరో అజిత్ ని 2000లో పెళ్లి చేసుకున్న తర్వాత పూర్తిగా సినిమాలకు దూరమైపోయింది.(ఇదీ చదవండి: Bigg Boss 8: అవినాష్ ఎలిమినేట్ కాలేదు.. భార్యపై ఒట్టేసి అబద్ధాలు) View this post on Instagram A post shared by Shalini Ajith Kumar (@shaliniajithkumar2022)

సినీ నటులకు గ్లామర్‌ ఎంతో ముఖ్యమో తెలిసిందే. అందుకోసం ఫుడ్‌ దగ్గర నుంచి ఫిట్‌నెస్‌ వరకు ప్రతి విషయంలోనూ పలు జాగ్రత్తలు తీసుకుంటారు. కొందరూ ప్రత్యేకంగా డైటిషన్లు, ఫిటెనెస్‌ శిక్షకుల సలహాలు, సూచనలు పాటిస్తారు. వాళ్ల లైఫ్‌స్టైలే చాలా డిఫెరెంట్‌గా ఉంటుంది. ఇక వాళ్లు మనలా ఇడ్లీ, దోసలాంటి బ్రేక్‌ఫాస్ట్‌ల జోలికిపోరు వెజ్‌ సలాడ్‌ లేదా ఫ్రూట్‌ సలాడ్స్‌, స్మూతీ వంటి వాటిని తీసుకుంటుంటారు. కానీ ఈ కోలీవడ్‌ నటుడు మాధవన్‌ మాత్ర మన పూర్వీకుల నాటి బ్రేక్‌ఫాస్ట్‌ని ఇష్టంగా తింటాడట. అదేంటంటే..కేరళ రాష్ట్రమంతటా ఇష్టంగా ఆస్వాదించే 'పజంకంజి'నే మాదవ్‌ ఎంతో ఇష్టంగా తింటారటా. ఇదే తన అల్పాహారమని ఆయన చెబుతున్నారు. పజమ్‌కంజి అంటే మన పూర్వీకుల నాటి బ్రేక్‌ఫాస్ట్‌గా చెప్పొచ్చు. వాళ్లు పొద్దుపొద్దనే తినే రాత్రి భోజనం. తెలుగు నాట దీన్ని చద్దిన్నం అని పిలుస్తారు. కేరళలో దీన్ని 'పజంకంజి' అని పిలుస్తారు. దీన్ని ఎలా తయారు చేస్తారంటే..రాత్రి మిగిలిపోయిన అన్నాన్ని గంజి నీటిలో పులియబెట్టి పొద్దునే కొద్దిగా పెరుగు, తగినన్ని పచ్చిమిరపకాయలు, ఉల్లిపాయలు వేసుకుని తింటారు. ఇక్కడ మనం అన్నం వండగా వేరు చేసేదాన్ని గంజి అని అంటాం. దీన్నే కేరళలో కంజి అని పిలుస్తారు. ఇది శరీరానికి చలువ చేస్తుంది. చెప్పాలంటే సమ్మర్‌లో బెస్ట్‌ బ్రేక్‌ఫాస్ట​ ఇదే. ఆరోగ్య ప్రయోజనాలు..శరీరానికి తక్షణ శక్తిన అందిస్తుంది. ఇందులో 340 కేలరీలు ఉన్నాయి.విటమిన్‌ బీ వంటి ముఖ్యమైన విటమిన్లు ఉన్నాయి. నీరసం నుంచి త్వరితగతిన కోలుకోవడానకి ఉపయోగపడుతుంది. అలసట, జీర్ణ సమస్యలకు సహాయపడుతుంది. చర్మం ప్రకాశవంతంగా ఉంటుంది.మలబద్ధకాన్ని నివారిస్తుంది. ఈ పులియబెట్టిన గంజి అన్నాన్ని కేరళలో ఒకప్పుడూ చాలామంది ఇష్టంగా తినే వంటకంగా పేరుగాంచింది. రాను రాను దీనికి ఆదరణ కోల్పోయింది. అలాంటి పూర్వకాలం నాటి వంటకాన్ని నటుడు మాధవన్‌ ఇష్టంగా తింటానని చెప్పడం అందర్నీ ఆశ్చర్యానికి గురి చేసింది. అంతేగాదు ఇటీవల దీనిలో దాగున్న ఆరోగ్య ప్రయోజనాలను గుర్తించి పలు రెస్టారెంట్లు తమ మెనూలో దీన్ని కూడా చేర్చి సర్వ్‌ చేయడం ప్రారంభించాయి. (చదవండి: రష్యన్‌ మోస్ట్‌ బ్యూటిఫుల్‌ బైకర్‌ మృతి..మరో రైడింగ్‌ గ్రూప్‌..!)

‘‘వ్యాయామం చేయలేదు. రన్నింగ్‌ చేయలేదు. సర్జరీ అసలే లేదు. మెడికేషన్‌ పాటించలేదు... కానీ 21 రోజుల్లోనే పూర్తిగా ట్రాన్స్‌ఫార్మ్‌ అయ్యాను. బాగా బరువు తగ్గిపోయాను’’... ‘రాకెట్రీ: ది నంబి ఎఫెక్ట్‌’ సినిమాలో తన బాడీ ట్రాన్స్‌ఫార్మేషన్‌ గురించి మాధవన్‌ చెప్పిన మాటలు ఇవి. ఈ ఆసక్తికరమైన విషయాలను ఇటీవల ఓ ఇంటర్వ్యూలో మాధవన్‌ వెల్లడించగా, ఆ వీడియో సోషల్‌ మీడియాలో వైరల్‌ అవుతోంది. మాధవన్‌ నటించి, స్వీయ దర్శకత్వం వహించిన బయోగ్రాఫికల్‌ డ్రామా ‘రాకెట్రీ: ది నంబి ఎఫెక్ట్‌’. ఇస్రో మాజీ శాస్త్రవేత్త నంబి నారాయణన్‌ జీవితం ఆధారంగా మాధవన్‌ ఈ సినిమాను తెరకెక్కించి, టైటిల్‌ రోల్‌ చేశారు. ఈ చిత్రంలో మాధవన్‌ వివిధ వయస్సుల్లో కనిపిస్తారు. కొన్ని సన్నివేశాల్లో బాగా బరువు పెరిగి, పొట్ట ఉన్న వ్యక్తిగా కనిపిస్తారు. ఈ లుక్‌ నుంచి మాధవన్‌ మళ్లీ తన సాధారణ లుక్‌కు మారేందుకు కేవలం 21 రోజులు మాత్రమే పట్టిందట. ఆ మార్పు గురించి మాధవన్‌ మాట్లాడుతూ– ‘‘నేనొక డాక్టర్‌లా మాట్లాడుతున్నానని అనుకోవచ్చు. నా శరీరానికి ఏది మంచి ఆహారమని భావించానో దాన్నే తిన్నాను. ‘రాకెట్రీ: ది నంబి ఎఫెక్ట్‌’కి దర్శకత్వం వహిస్తున్నప్పుడు కాస్త పొట్టతో కనిపించేవాడిని. ఆ తర్వాత 21 రోజులకు నార్మల్‌గా మారిపోయాను. ఇదంతా నేను తీసుకున్న ఆహారం వల్లే జరిగిందని అనుకుంటున్నాను. చెప్పాలంటే నా జీవితంలోనే సైన్స్‌ ఓ భాగమైపోయిందని అనిపిస్తోంది’’ అని చెప్పుకొచ్చారు. ఇంకా ‘ఎక్స్‌’ వేదికగా ఈ విషయంపై మాధవన్‌ స్పందిస్తూ– ‘‘అప్పుడప్పుడూ ఉపవాసం ఉన్నాను. ఆహారాన్ని 45 నుంచి 60 సార్లు బాగా నమిలాను (మీ ఆహారాన్ని తాగండి... నీటిని నమలండి). సాయంత్రం 6 గంటల 45 నిమిషాలకే రోజులోని నా చివరి భోజనం పూర్తయ్యేది. జ్యూస్‌లు ఎక్కువగా తాగాను. ఆకుపచ్చ కూరగాయలు తిన్నాను. ఉదయాన్నే సుదీర్ఘంగా నడిచేవాడ్ని. నిద్రపోవడానికి 90 నిమిషాల ముందు ఏ స్క్రీనూ చూడలేదు. రాత్రివేళ గాఢంగా నిద్రపోతాను. నా శరీరానికి, నా ఆరోగ్యానికి, నా జీవన శైలికి, జీవక్రియకు తగ్గట్లుగా ఆహారాన్ని తీసుకున్నాను. దాంతో క్రమ క్రమంగా మార్పు వచ్చింది’’ అన్నారు. No exercise, No running... 😏21 நாட்களில் மாதவன் உடல் மாற்றம், அது எப்படி சாத்தியம்? 🤔 pic.twitter.com/ssrATrqOnr— Aadhavan (@aadaavaan) July 17, 2024

అజయ్ దేవ్‍గణ్, తమిళ స్టార్లు జ్యోతిక, మాధవన్ ప్రధాన పాత్రల్లో నటించిన చిత్రం సైతాన్. ఇటీవల థియేటర్లలో రీలీజైన ఈ మూవీ బాక్సాఫీస్ వద్ద బ్లాక్‌బస్టర్‌గా నిలిచింది. హారర్ థ్రిల్లర్‌గా వచ్చిన ఈ చిత్రం బాక్సాఫీస్ వద్ద భారీ వసూళ్లు రాబట్టింది. మార్చి 8న విడుదలై ఇప్పటి వరకు రూ.200 కోట్లకు పైగా కలెక్షన్స్‌ వసూలు చేసింది. దీంతో సైతాన్ మూవీ ఓటీటీ రిలీజ్ కోసం ఆడియన్స్‌ ఆసక్తిగా ఎదురు చూస్తున్నారు. తాజాగా ఈ మూవీ త్వరలోనే ఓటీటీ స్ట్రీమింగ్‌కు రానుందని టాక్ నడుస్తోంది. కాగా.. ఇప్పటికే ఈ సినిమా డిజిటల్‌ రైట్స్‌ను ప్రముఖ ప్లాట్‍ఫామ్ నెట్‍ఫ్లిక్స్ దక్కించుకున్న సంగతి తెలిసిందే. మే 3వ తేదీ నుంచి సైతాన్ మూవీ నెట్‍ఫ్లిక్స్ ఓటీటీలో స్ట్రీమింగ్‍ కానుందని లేటేస్ట్ టాక్. అయితే దీనిపై ఇంకా అధికారిక ప్రకటన రావాల్సి ఉంది. ఆ రోజు నుంచి స్ట్రీమింగ్‌  అయితే థియేటర్లలో రిలీజైన 8 వారాల తర్వాత ఓటీటీలో సందడి చేయడం ఖాయంగా కనిపిస్తోంది.  కాగా.. వర్ష్ అనే గుజరాతీ సినిమాకు రీమేక్‍గా ఈ చిత్రాన్ని తెరకెక్కించారు. ఈ మూవీకి వికాస్ బహ్ల్ దర్శకత్వం వహించారు. ఈ మూవీని వికాస్ బహ్ల్, జ్యోతి దేశ్‍పాండే, అజయ్ దేవ్‍గణ్, అభిషేక్ పాఠక్, కుమార్ మంగత్ పాఠక్ సంయుక్తంగా నిర్మించారు. ఈ చిత్రంలో జానకీ బోడీవాలా, అంగద్ రాజ్ ప్రధాన పాత్రలు పోషించగా.. అమిత్ త్రివేదీ సంగీతం అందించారు. 

కోలీవుడ్‌ నటుడు రంగనాథ్‌ మాదవన్‌ తన అభినయంతో ప్రేక్షకులను మెప్పించి, విమర్శకుల ప్రశంసలందకున్నారు. మాధవన్‌ తన అభినయ నటనకుగానూ రెండు ఫిలింఫేర్‌ పురస్కరాలు అందుకున్నాడు. దాదాపు ఏడు భాషల్లో నటించారు. ఆయన రచయిత కూడా. మాధవన్‌ సినీ ప్రయాణం టీవీ సీరియల్‌ నుంచి మొదలై అలా 2000లో వచ్చిన 'అలై పాయుదే; అదే తెలుగులో 'చెలి'(2001) మూవీ నుంచి వెనుతిరిగి చూడకుండా విజయపథంలోకి దూసుకుపోయారు. ఐదు పదుల వయసుకు చేరువైన మాధవన్‌ ఇప్పటికీ యువ హీరోలకు ధీటుగా మంచి స్మార్ట్‌ లుక్‌లో కనిపిస్తారు. అంతలా గ్లామరస్‌గా కనిపించడానికి మాధవన్‌ ఫాలో అయ్యే డైట్‌, ఫిట్‌నెస్‌ సీక్రెట్‌ ఏంటో తెలుసుకుందామా! వర్కౌట్‌లు.. మాదవన్‌ ఫిట్‌నెస్‌కి పెట్టింది పేరు. క్రమం తప్పకుండా వ్యాయామం చేస్తాడు. చక్కటి బాడీ మెయింటెయిన్‌ చేసేందుకు కఠిన వర్కౌట్‌లు డైలీ లైఫ్‌లో భాగం. దాదాపు 30 నిమిషాల పాటు కార్డియో సెషన్‌ ప్రారంభిస్తాడు. ముఖ్యంగా రన్నింగ్‌, సైక్లింగ్‌, ఎలిప్టికల్‌ మెషీన్‌ వంటివి ఉంటాయి.   ఆయన స్క్వాట్‌లు, డెడ్‌లిఫ్ట్‌లు, పుల్‌ అప్స్‌లు తప్పనిసరిగా చేస్తాడు. అవి అతని హృదయ ఆరోగ్యాన్ని మెరుగ్గా ఉంచుతాయి. అంతేగాదు ప్రతి వ్యాయామాన్ని కనీసం మూడు నుంచి నాలుగు సెట్‌ల వారీగా ప్రతిసెట్‌లో కనీసం ఎనిమిది నుంచి 12 కసరత్తుల చొప్పున చేస్తారు.  అలాగే ఒత్తడిని దూరం చేసుకునేలా ధ్యానం వంటివి చేస్తారు  సముతుల్య ఆహారం, పోషకాలతో కూడిన ఆహారాలను డైట్‌లో ఉండేలా చూసకుంటారు. కానీ తినాలనుకున్నది మాత్రం కడుపు నిండుగా తింటాని చెబుతున్నాడు మాధవన్‌. అయితే అందుకు తగ్గట్టుగానే కసరత్తులు కూడా చేస్తానని అంటున్నాడు.  డైట్‌.. చికెన్‌, చేపలు, కాయధాన్యాలు, ప్రోటీన్‌ రిచ్‌ ఫుడ్స్‌ తీసుకుంటారు.  శక్తినిచ్చేలా బ్రౌన్‌ రైస్‌, క్వినోవా, చిలగడదుంప, తదితరాలను తీసుకుంటారు.  అలాగే ఆహారంలో వివిధ రకాల పండ్లు, కూరగాయాలు ఉండేలా చూసుకుంటారు. పైగా శరీరానికి అన్ని విటమిన్లు, ఖనిజాలు అందేలా జాగ్రత్త పడతారు. తన వ్యక్తిగత ఫిట్‌నెస్‌ నిపుణుడు సాయంతోనే మంచి డైట్‌ ఫాలో అవుతారు మాధవన్‌. (చదవండి: కట్టెల పొయ్యి, బొగ్గుల మీద చేసిన వంటకాలు తినకూడదా?)

మాధవన్ హీరోగా మణిరత్నం దర్శకత్వంలో 'అమృత' సినిమా తెలుగులో వచ్చింది. తమిళ టైగర్స్ నేపథ్యంలో తెరకెక్కిన 'అమృత' సినిమా ఒక మాస్టర్ పీస్‌లా నిలిచిపోయింది. తమిళ్‌లో మొదట 'కన్నతిల్ ముత్తమిట్టల్' అనే పేరుతో విడుదలైంది. ఈ సినిమాకు ఆరు జాతీయ చలనచిత్ర అవార్డులు , మూడు ఫిల్మ్‌ఫేర్ అవార్డ్స్ , ఏడు తమిళనాడు స్టేట్ ఫిల్మ్ అవార్డులు, ఆరు అంతర్జాతీయ చలనచిత్రోత్సవాలలో ఉత్తమ చలనచిత్ర అవార్డులను గెలుచుకుంది . ఈ అవార్డ్స్‌ చాలు ఈ సినిమా ఎంత పెద్ద హిట్‌ అయిందో చెప్పడానికి.  ఇలాంటి సూపర్‌ హిట్‌ సినిమాలో హీరోయిన్‌ ఛాన్స్‌ను బృందా శివకుమార్‌ మిస్‌ చేసుకుంది. కోలీవుడ్‌ టాప్‌ హీరోలు అయిన సూర్య, కార్తీలకు ఆమె ముద్దుల చెల్లెలు అనే విషయం తెలిసిందే. మాధవన్‌ సరసన సిమ్రాన్‌ అదిరిపోయే నటనతో మెప్పించిన సిమ్రాన్‌ స్థానంలో బృందా ఉండాల్సింది. డైరెక్టర్‌ మణిరత్నం కూడా బృందా అయితే సరిగ్గా కథకు సెట్‌ అవుతుందని అనుకున్నారట..  సినీ నేపథ్యం ఉన్న కుటుంబం నుంచి వచ్చిన  సూర్య, కార్తీ ఇద్దరూ కోలీవుడ్‌ సినిమాల్లో టాప్ హీరోలుగా కొనసాగుతున్నారు. మణిరత్నం దగ్గర అసిస్టెంట్‌ డైరెక్టర్‌గా పనిచేసిన కార్తీ.. నేడు పాన్‌ ఇండియా రేంజ్‌కు చేరుకున్నాడు. మొదట్లో తనకు నటించడం తెలియదనే విమర్శలను ఎదుర్కొన్న సూర్య నేడు కోట్ల బడ్జెట్‌తో భారీ చిత్రాల్లో నటిస్తున్నాడు. కానీ ఒక్కగానొక్క సోదరి మాత్రం  సినీరంగంలో గాయనిగా అరంగేట్రం చేసి పలు చిత్రాల్లో పాటలు కూడా పాడింది. ఈ విషయం చాలామందికి తెలియకపోవచ్చు. అదే విధంగా, బాలీవుడ్‌ సినిమా బ్రహ్మాస్త్ర తమిళ వెర్షన్‌లో అలియా భట్‌కి బృందా డబ్బింగ్ కూడా చెప్పింది. ప్రముఖ గాయని, డబ్బింగ్ ఆర్టిస్ట్‌గా ఉన్న బృందా శివకుమార్‌కి హీరోయిన్‌గా అవకాశం వచ్చినా ఆమె తిరస్కరించింది. అందుకు తగ్గట్టుగానే మణిరత్నం దర్శకత్వంలో తెరకెక్కిన 'కన్నతిల్ ముత్తమిదళ్' (అమృత) చిత్రంలో మాధవన్ సరసన నటించేందుకు బృందాని మొదట సంప్రదించారు. మణిరత్నం దగ్గర అసిస్టెంట్ డైరెక్టర్‌గా పనిచేసిన సుధా కొంగర ద్వారా బృందాతో సంప్రదింపులు జరిపారు. కానీ తనకు నటనపై ఆసక్తి లేదని బృందా రిజెక్ట్ చేయడంతో సిమ్రాన్‌ను ఆ పాత్రలో తీసుకున్నారు. మణిరత్నం తెరకెక్కించిన 'కన్నతిల్ ముత్తమిట్టల్' చిత్రంలో నటించే అవకాశాన్ని సూర్య చెల్లెలు తిరస్కరించిందనే వార్త అప్పట్లో చాలా మందిని ఆశ్చర్యానికి గురి చేసింది.

మాధవన్‌ నిజంగా అదృష్టవంతుడే. బహుభాషా నటుడు, దర్శకుడు, నిర్మాత. తాజాగా కథకుడిగానూ మారారు. రన్‌, ఆలైపాయుదే, ఆయుధ మిన్నలే, ఎళుత్తు, యావరుమ్‌ నలమ్‌ ఇలా పలు హిట్‌ చిత్రాల్లో నటించిన ఈయన.. హిందీ, ఇంగ్లీష్‌ చిత్రాలలోనూ నటించి అంతర్జాతీయ స్థాయిలో గుర్తింపు సంపాదించాడు. ఇటీవల 'రాకెట్రీ' మూవీతో దర్శకుడిగాను సక్సెస్‌ అయ్యారు. తమిళ, హిందీ భాషల్లో తీసిన ఈ చిత్రానికి కథకుడు, నిర్మాత, హీరో ఇతడే కావడం విశేషం.  (ఇదీ చదవండి: ఈ వారం ఓటీటీల్లోకి ఏకంగా 32 సినిమాలు) మాధవన్‌ ప్రస్తుతం తమిళంలో 'టెస్ట్‌' చిత్రం చేస్తున్నాడు. మరో మూవీ షూటింగ్‌ ఇటీవలే ప్రారంభమైంది. ఇంతకు ముందు ధనుష్‌ హీరోగా 'తిరు' అనే సూపర్‌‌హిట్‌ తీసిన మిత్రన్‌ జవహర్‌ దర్శకత్వంలో ఓ సినిమా చేస్తున్నాడు. దీనికి హీరో మాధవన్‌ కథ అందించడం విశేషం. కాగా ఈ చిత్రానికి 'అదృష్టశాలి' అనే టైటిల్‌ ఖరారు చేసినట్లు సమాచారం. ఇందులో కన్నడ బ్యూటీ షర్మిళ మంద్రే నైతిక హీరోయిన్. రాధిక శరత్‌ కుమార్‌ కీలక పాత్ర పోషిస్తున్నారు. ప్రస్తుతం విదేశాల్లో షూటింగ్ జరుగుతోంది. (ఇదీ చదవండి: హనీమూన్‌కి వెళ్లిన మెగా కపుల్ వరుణ్-లావణ్య?)

కొందరు హీరోలు మాత్రమే ఫ్లాప్‌లతో సంబంధం లేకుండా వరుసగా సినిమాలు చేస్తూ పాపులారిటీ పొందుతుంటారు. ఇక అలాంటి హీరోయిన్లు కొందరు ఉన్నారు. ఇందులో బాలీవుడ్‌ సంచలన నటి కంగనా రనౌత్‌ ఒకరు. ఫైర్‌ బ్రాండ్‌గా పేరు తెచ్చుకున్న ఆమె తరచూ వివాదాలకు కేరాఫ్‌గా నిలుస్తుంటుంది. హిందీ, తెలుగు, తమిళం ఇలా బహుభాషా నటిగా రాణిస్తున్న కంగనా రనౌత్‌లో ఒక నిర్మాత, దర్శకురాలు ఉన్నారు. ఇక అసలు విషయానికి వస్తే ఈమె మంచి విజయాన్ని అందుకుని చాలా కాలమే అయ్యింది. ఇటీవల అన్ని అపజయాలను ఎదుర్కొన్నారు. హిందీలో తాజాగా నటించిన తేజాస్‌ చిత్రం ఘోర పరాజయాన్ని మూటకట్టుకుంది. ఆ మధ్య తమిళం, హిందీ భాషల్లో నటించిన భారీ చిత్రం తలైవి పూర్తిగా నిరాశపరిచింది. ఇటీవల కంగనా రనౌత్‌ టైటిల్‌ పాత్రను పోషించిన చంద్రముఖి–2 చిత్రం ప్లాప్‌ అయ్యింది. అయినా ఈమెకు అవకాశాలు వస్తునే ఉన్నాయి. తాజాగా మరో తమిళ చిత్రంలో నటించే అవకాశం కంగనా రనౌత్‌ను వరించింది. ఇందులో నటుడు మాధవన్‌ కథానాయకుడిగా నటిస్తున్నారు. హిందీ చిత్రం తను వెడ్స్‌ మను తరువాత ఈ జంట నటిస్తున్న చిత్రం ఇది. కాగా ఇంతకు ముందు కంగనా రనౌత్‌ ప్రధాన పాత్రలో నటించిన తలైవి చిత్ర దర్శకుడు ఏఎల్‌ విజయ్‌ తెరకెక్కిస్తున్న చిత్రం ఇది. హిందీలో కంగనా రనౌత్‌ స్వీయ దర్శకత్వంలో నిర్మిస్తూ నటిస్తున్న ఎమర్జెన్సీ చిత్రం నిర్మాణ దశలో ఉంది. ఈ రెండు చిత్రాల రిజల్ట్‌ కోసం ఆమె అభిమానులు ఆసక్తిగా ఎదురు చూస్తున్నారు. ముఖ్యంగా ఎమర్జెన్సీ చిత్రం విజయం కంగనా రనౌత్‌కు చాలా ముఖ్యం.

ఆదాయపు పన్ను రిటర్న్స్‌ దాఖలుచేసిన మూడు వారాల్లోనే తనకు నగదు రీఫండ్‌ అయిందని నటుడు మాధవన్ అన్నారు. తన సోషల్ మీడియా ప్లాట్‌ఫారమ్ ఎక్స్‌లో ఆదాయపు పన్ను శాఖ పనితీరును ప్రశంసించారు. మాధవన్‌కు చెందిన ల్యూకోస్ ఫిల్మ్స్ కంపెనీ ఇటీవల ఆదాయపు పన్ను రిటర్న్న్‌ దాఖలు చేసింది. ఎలాంటి చిక్కులు లేకుండా మూడు వారాల్లోనే ఆదాయపు పన్ను శాఖ నుంచి రీఫండ్‌ పొందడంతో ఆయన స్పందించారు. అక్టోబర్ 31 వరకు రికార్డు స్థాయిలో 7.85 కోట్ల ఐటీఆర్‌లు దాఖలయ్యాయని ఆదాయపు పన్ను శాఖ ఇటీవల తెలిపింది. 2022-23 ఆర్థిక సంవత్సరంలో దాఖలు చేసిన మొత్తం 7.78 కోట్ల ఐటీఆర్‌లతో పోలిస్తే ఇదే ఆల్ టైమ్ హై అని ఐటీ శాఖ చెప్పింది. The income tax refund for our company was received within 3 weeks after filing of return for AY 2023-24. The speed and promptness is simply unheard of ..The efficiency and transparency of the income tax department is unbelievable. Totally impressed and flabbergasted .… — Ranganathan Madhavan (@ActorMadhavan) November 13, 2023

దక్షిణ భారత చలనచిత్రంలో చాలా మంది నటీనటులు అద్భుతమైన నటనతో మిలియన్ల కొద్ది ఫ్యాన్స్‌ను సొంతం చేసుకున్నారు. సౌత్‌ ఇండియాలో ప్రతిభావంతులైన నటులకు కొదువ లేదు.. ఒక రకంగా నటీనటుల ఆయుధాగారం అని కూడా చెప్పవచ్చు. వారి నటనా నైపుణ్యాలతో ఇండస్ట్రీలో ఆధిపత్యం చెలాయిస్తున్నప్పటికీ, ఈ నటీనటుల విద్యాపరమైన విషయాలు చాలా మందికి  అంతగా తెలియదు. దక్షిణ భారతదేశంలోని కొంతమంది పాపులర్‌ యాక్టర్స్‌ విద్యాపరమైన విజయాలను మీరూ తెలుసుకోండి. సాయి పల్లవి ఫిదా సినిమాతో తెలుగు ప్రేక్షకులను ఫిదా చేసింది అందాల భామ సాయిపల్లవి. ఈ సినిమాతో తెలుగులో మంచి ఫ్యాన్‌ ఫాలోయింగ్ సంపాదించుకుంది. మలయాళం, తమిళం, తెలుగు భాషల్లో సూపర్ క్రేజ్‌ సొంతం చేసుకుంది సాయిపల్లవి. ఆమె సహజమైన నటనా శైలికి అనేక రకాల భావోద్వేగాలను చిత్రీకరించే సామర్థ్యానికి ప్రసిద్ధి చెందింది. ఆమె జార్జియాలోని టిబిలిసి స్టేట్ మెడికల్ కళాశాల (TBILISI State Medical University) నుంచి MBBS లో పట్టా పొందారు. వైద్యవిద్య పూర్తి కాగానే తమిళ దర్శకుడు అల్ఫోన్సో ఈమెను ప్రేమమ్ చిత్రంలో నటించమని అడిగాడు. అలా ఆమె సినిమాల్లోకి ఎంట్రీ ఇచ్చేసింది. ప్రభాస్‌ సౌత్‌ ఇండియా నుంచి పాన్‌ ఇండియా రేంజ్‌ను దాటి హాలీవుడ్‌పై కన్నేసిన స్టార్‌ హీరో ప్రభాస్‌. మొదట బాహుబలితో తన రేంజ్‌ ఏంటో భారతీయ సినిమాకు పరిచయం చేశాడు ప్రభాస్‌. కల్కి చిత్రంతో హాలీవుడ్‌లో కూడా పాగా వేయాలనే ప్లాన్‌లో ఆయన ఉ‍న్నారు.  ప్రభాస్ తన ప్రాథమిక విద్యను డి.ఎన్.ఆర్ స్కూల్ భీమవరంలో పూర్తిచేశారు. హైదరాబాద్‌లోని శ్రీ చైతన్య కాలేజీలో టెక్నాలజీ (బీటెక్)లో బ్యాచిలర్ డిగ్రీని పొందారని మీకు తెలుసా..? గోపిచంద్, రామ్‌ చరణ్‌, అల్లు అర్జున్, రానా దగ్గుబాటి, మంచు మనోజ్ ప్రభాస్‌కు మంచి స్నేహితులు రకుల్ ప్రీత్ సింగ్  మనలో చాలా మందికి గణితం ఎప్పుడూ భయంకరమైన సబ్జెక్ట్‌ అనే అభిప్రాయం ఉంటుంది.  కానీ రకుల్ ప్రీత్ సింగ్ ఢిల్లీ యూనివర్సిటీ నుంచి బీఎస్సీ మ్యాథమెటిక్స్ పూర్తి చేసింది. ఇంటర్ అయిపోయాక పాకెట్‌మనీ కోసం ఓ కన్నడ సినిమాలో హీరోయిన్‌గా నటించింది. తరవాత మళ్లీ వెళ్లి డిగ్రీ పూర్తిచేసింది. ఆమె జాతీయ స్థాయి గోల్ఫ్ క్రీడాకారిణిని. స్కూల్‌లో ఉన్నప్పుడు అనేక టోర్నమెంట్లు గెలిచింది. కరాటేలో బ్లూ బెల్ట్ కూడా సాదించింది. రష్మికా మందన్న నేషనల్ క్రష్ రష్మికా మందన్న సౌత్‌ ఇండియాలో మొదటి గుర్తింపు వచ్చినా పుష్ప సినిమాతో బాలీవుడ్‌లో కూడా అవకాశాలు దక్కించుకుంది. రష్మిక కర్ణాటకలో కొడగు జిల్లాలోని విరజ్‌పేట్‌లో జన్మించింది. ఆమె కూర్గ్ పబ్లిక్ స్కూల్లో చదువుకుంది. తర్వాత బెంగళూరులోని M. S. రామయ్య కాలేజ్ ఆఫ్ ఆర్ట్స్, సైన్స్ & కామర్స్ నుంచి సైకాలజీ, జర్నలిజం, ఆంగ్ల సాహిత్యంలో బ్యాచిలర్ డిగ్రీని పొందింది. అలా ట్రిపుల్ గ్రాడ్యుయేట్ సాదించింది. నాగార్జున అక్కినేని భారతీయ సినిమాకు నటుడు, నిర్మాత నాగార్జున అక్కినేని అందించిన సహకారం అసాధారణమైనది. ఆయన ఎన్నో  బ్లాక్‌బస్టర్‌ విజయాలను అందుకున్నాడు. ఆయన విద్యా ప్రయాణం కూడా అంతే స్థాయిలో ఉంటుంది. నాగార్జున హైదరాబాద్ పబ్లిక్ స్కూల్‌లో ప్రాథమిక విద్యను, లిటిల్ ప్లవర్ స్కూల్‌లో ఇంటెర్మీడియట్ విద్యను అభ్యసించారు. తరువాత మద్రాస్‌లో మెకానికల్ ఇంజినీరింగ్ పూర్తి చేశాడు. USAలోని మిచిగాన్ విశ్వవిద్యాలయంలో మాస్టర్ ఆఫ్ సైన్స్ (M.S.) పూర్తి చేశాడు కార్తీ తమిళ స్టార్ నటుడు కార్తీ గురించి ప్రత్యేకంగా చెప్పాల్సిన పనిలేదు. హీరో సూర్య తమ్ముడిగా ఎంట్రీ ఇచ్చినా తర్వాత తనకంటూ ప్రత్యేక గుర్తింపును దక్కించుకున్నాడు. అతను చెన్నైలోని క్రెసెంట్ ఇంజినీరింగ్ కళాశాల నుంచి మెకానికల్ ఇంజనీరింగ్‌లో బ్యాచిలర్ డిగ్రీని పొందాడు. USAలోని న్యూయార్క్‌లోని బింగ్‌హామ్టన్ విశ్వవిద్యాలయం నుంచి పారిశ్రామిక ఇంజనీరింగ్‌లో మాస్టర్స్ డిగ్రీని పొందాడు. విక్రమ్  దక్షిణ భారత చలనచిత్ర పరిశ్రమలో విభిన్నమైన నటుడిగా చియాన్ విక్రమ్‌కు గుర్తింపు ఉంది. తన సహజమైన నటనా శైలికి  ప్రేక్షకులు ఫిదా అవుతారు. తమిళం, తెలుగు, హిందీ భాషల్లో పలు విజయవంతమైన చిత్రాలలో ఆయన నటించారు. చియాన్ ఇంగ్లీష్ లిటరేచర్‌లో గ్రాడ్యుయేట్ డిగ్రీని పొందాడు. తర్వాత చెన్నైలోని లయోలా కాలేజీ నుంచి MBA పట్టా పొందాడు. మాధవన్ రంగనాథన్ మాధవన్ ప్రముఖ భారతీయ నటుడే కాదు ఒక రచయిత, సినీ నిర్మాత కూడా. ఆయన రెండు ఫిలింఫేర్ పురస్కారాలు, ఒక తమిళనాడు రాష్ట్ర ఫిలిం పురస్కారం అందుకున్నారు. దాదాపుగా 7 భాషా సినిమాల్లో నటించిన అతితక్కువ భారతీయ నటుల్లో నటుల్లో ఆయన ఒకరు. బీహార్‌లో తమిళ కుటుంబంలో ఆయన జన్మించారు.  , కొల్హాపూర్‌లోని రాజారాం కళాశాల నుంచి ఇంజనీరింగ్‌ పూర్తిచేశాడు.  తర్వాత ముంబైలోని కిషిన్‌చంద్ చెల్లారం కళాశాల నుంచి పబ్లిక్ స్పీకింగ్‌లో పోస్ట్-గ్రాడ్యుయేట్ డిగ్రీని కూడా పొందాడు ఆయన ఒక వక్త కూడా. 

కోలీవుడ్ స్టార్ హీరో సూర్య గురించి ప్రత్యేకంగా చెప్పాల్సిన పనిలేదు. టాలీవుడ్‌లోనూ సూర్య సినిమాలకు ఉన్న క్రేజే వేరు. ప్రస్తుతం కంగువా చిత్రంలో నటిస్తోన్న సూర్య కొన్ని నెలలుగా ముంబయిలో ఉంటున్న సంగతి తెలిసిందే. తన భార్య జ్యోతిక, పిల్లలతో కలిసి ముంబయిలో ఉంటున్నారు. సూర్యకి దియా, దేవ్ అనే ఇద్దరు పిల్లలు ఉన్నారు. అయితే గతంలో చెన్నై వదిలిపెట్టి.. పూర్తిగా ముంబయికి షిఫ్ట్ అయ్యారని పలుసార్లు కథనాలొచ్చాయి. కానీ వీటిపై ఇప్పటివరకు ఎవరూ స్పందించలేదు. అయితే తాజాగా ముంబయిలో ఓ ఫ్యాన్స్ మీట్‌కు హాజరైన సూర్య ఈ విషయంపై క్లారిటీ ఇచ్చాడు. ఆయన ఏమన్నాడో తెలుసుకుందాం.  (ఇది చదవండి: మెహర్ రమేశ్.. కమెడియన్‌గా నటించాడని మీకు తెలుసా?) అభిమానుల మీట్‌లో సూర్య మాట్లాడుతూ..' తాను ముంబైలో ఉండడం లేదని  అభిమానులకు క్లారిటీ ఇచ్చాడు. తన కూతురు, కొడుకు చదువు కోసమే ఇక్కడ ఉంటున్నాం. తాను ఇప్పటికీ తమిళనాడులోనే ఉంటున్నానని నటుడు స్పష్టం చేశారు. ప్రస్తుతానికి జీవితంలో కొత్తది నేర్చుకోవాలనే తపనతో ఉన్నానని వెల్లడించారు. అందుకే తన సహచరుడు మాధవన్‌తో కలిసి గోల్ఫ్ ఆడుతున్నాట్లు తెలిపారు. కాగా.. మాధవన్, సూర్య మంచి స్నేహితులు. కాగా.. జ్యోతికను 2006లో సూర్య వివాహం చేసుకున్నారు. కాగా.. ఇటీవలే  కమల్ హాసన్ విక్రమ్‌లోని రోలెక్స్ క్యారెక్టర్ ఆధారంగా ఒక సినిమా కోసం లోకేష్ కనగరాజ్ తనను సంప్రదించారని సూర్య పేర్కొన్న సంగతి తెలిసిందే.  (ఇది చదవండి: సూర్య ఫ్యాన్స్‌కు గుడ్‌ న్యూస్.. క్రేజీ రోల్‌ చిత్రంపై క్లారిటీ!)

తమిళసినిమా: వైవిధ్య భరిత కథా పాత్రపై ఆసక్తి చూపే నటుడు మాధవన్‌. మొదట్లో లవర్‌బాయ్‌గా అలరించిన ఈయన ఆ తరువాత నటనకు అవకాశం ఉన్న పాత్రల్లోనూ తన సత్తా చాటుకుంటున్నారు. అలా ఇటీవలే ప్రఖ్యాత ఇస్రో శాస్త్రవేత్త నంబినారాయణన్‌ జీవిత చరిత్రను రాకెట్రీ నంబి ఎఫెక్ట్‌ పేరుతో స్వీయ దర్శకత్వంలో నిర్మించి టైటిల్‌ పాత్రలో నటించి మెప్పించారు. ఈ చిత్రం మంచి విజయాన్ని సాధించడంతో పాటు ఆయనకు మంచి పేరు తెచ్చిపెట్టింది. తాజాగా మరో తమిళ ప్రముఖ శాస్త్రవేత్త జీడీ నాయుడు బయోపిక్‌లో నటించడానికి సిద్ధం అవుతున్నారన్నారు. ఈ చిత్రాన్ని మీడియా ఒన్‌ గ్లోబల్‌ ఎంటర్‌టైన్‌మెంట్‌ నిర్మించడానికి సన్నాహాలు చేస్తోంది. అందులోభాగంగా జీడీ నాయుడు పేరుతో పలు సేవా కార్యక్రమాలు నిర్వహిస్తున్న సేవా సంఘాలతో ఈ సంస్థ ఒప్పందం కుదుర్చుకుంది. ఇంకా పేరు నిర్ణయించని ఈ చిత్రానికి ప్రీ ప్రొడక్షన్‌ కార్యక్రమాలు జరుగుతున్నాయి. ఈ చిత్రానికి సంబంధించిన ఫస్ట్‌లుక్‌ పోస్టర్‌ను విడుదల చేశారు. త్వరలోనే దీనికి సంబంధించిన పూర్తి వివరాలతో కూడిన అధికార ప్రకటన వెలువడే అవకాశం ఉంది. కాగా నటుడు మాధవన్‌ ప్రస్తుతం యారడీ నీ మోహిని, తిరుచిట్రంఫలం చిత్రాల ఫేమ్‌ మిత్రన్‌ ఆర్‌. జవహర్‌ దర్శకత్వంలో రూపొందుతున్న చిత్రంలో కథానాయకుడిగా నటిస్తున్నారు. ఈ చిత్రాన్ని పూర్తి చేసిన తరువాత ఆయన జీడీ నాయుడు బయోపిక్‌లో నటించడానికి సిద్ధమవుతారని సమాచారం.    

హీరో మాధవన్‌ కొత్త కబురు చెప్పా రు. తన తర్వాతి సినిమా డైరెక్టర్‌ మిత్రన్‌తో చేయనున్నట్లు పేర్కొన్నారాయన. తమిళ చిత్ర పరిశ్రమలో గత ఏడాది హిట్‌ కొట్టిన చిత్రాల్లో ‘తిరుచిత్రంబలం’ (తెలుగులో ‘తిరు’) ఒకటి. ధనుష్‌ హీరోగా  నటించిన ఈ సినిమాకు మిత్రన్‌ ఆర్‌.జవహర్‌  దర్శకత్వం వహించారు. ఆ సినిమా హిట్‌ కావడంతో మిత్రన్‌కి మరో మంచి అవకాశం లభించింది. మాధవన్‌ హీరోగా ఆయన దర్శకత్వంలో ఓ సినిమా తెరకెక్కనుంది.  ‘‘దర్శకుడు మిత్రన్‌తో సినిమా చేయడానికి ఆసక్తికరంగా ఎదురు చూస్తున్నాను’’ అన్నారు మాధవన్‌. త్వరలోనే ఈ సినిమా షూటింగ్‌ మొదలు కానుంది.

ఇస్రో శాస్త్రవేత్త నంబి నారాయణన్‌ జీవిత కథ ఆధారంగా తెరకెక్కిన చిత్రం రాకెట్రీ:ది నంబి ఎఫెక్ట్‌. హీరో ఆర్‌ మాధవన్‌ ప్రధాన పాత్రలో నటించడమే కాకుండా తొలిసారి దర్శకత్వం వహించిన చిత్రమిది. ఈ సినిమా అందరికీ చేరువవ్వాలని ఎంతగానో తాపత్రయపడ్డాడు మ్యాడీ. అనుకున్నట్లే అటు థియేటర్‌లో, ఇటు ఓటీటీలో విజయవంతంగా దూసుకుపోయి చిత్రయూనిట్‌ పడ్డ కష్టానికి తగ్గ ప్రతిఫలం దక్కింది. అయితే మాధవన్‌ రాకెట్రీ సినిమా బడ్జెట్‌ కోసం నిధులు సేకరించే క్రమంలో తన ఇంటినే అమ్మేశాడంటూ ఓ వార్త వైరల్‌ అవుతోంది. నిజానికి రాకెట్రీ సినిమాకు తొలుత మాధవన్‌ దర్శకుడు కాదని, ఓ ప్రముఖ డైరెక్టర్‌ ఈ సినిమాను చేయాల్సి ఉండగా అప్పటికే చేతిలో పలు ప్రాజెక్టులతో బిజీగా ఉండటంతో రాకెట్రీ నుంచి తప్పుకున్నాడని, దీంతో మ్యాడీ ఈ సినిమాకు దర్శకత్వం వహించాడరి సదరు కథనం పేర్కొంది. మరోవైపు అతడి కొడుకు వేదాంత్‌ స్విమ్మింగ్‌లో దేశం తరపున పాల్గొని బంగారు పతకాలు సాధించాడంటూ మ్యాడీ కుటుంబాన్ని కీర్తించింది. తాజాగా దీనిపై హీరో మాధవన్‌ స్పందించాడు.. 'ఓరి దేవుడా.. నేనేదో గొప్ప త్యాగం చేశానని మీరు నన్ను ఆకాశానికి ఎత్తేయొద్దు. ఎందుకంటే నేను నా ఇల్లే కాదు, దేన్నీ కోల్పోలేదు. దేవుడి దయ వల్ల రాకెట్రీ సినిమాలో పాలుపంచుకున్న అందరూ ఈ ఏడాది ఎక్కువ ఆదాయపన్ను చెల్లించనున్నారు. అంత గొప్పగా, గర్వించదగ్గ లాభాలు వచ్చాయి. నేను ఇప్పటికీ నా ఇంటిని ప్రేమిస్తున్నాను, అదే ఇంట్లో నివసిస్తున్నాను కూడా!' అని ట్వీట్‌తో క్లారిటీ ఇచ్చాడు మ్యాడీ. Oh Yaar. Pls don’t over patronize my sacrifice. I did not lose my house or anything. In fact all involved in Rocketry will be very proudly paying heavy Income Tax this year. Gods grace 😃😃🙏🙏🇮🇳🇮🇳🇮🇳We all made very good and proud profits. I still love and live in my house .🚀❤️ https://t.co/5L0h4iBert — Ranganathan Madhavan (@ActorMadhavan) August 17, 2022 చదవండి: రూ.200 కోట్ల మనీ లాండరింగ్ కేసులో నిందితురాలిగా జాక్వెలిన్‌ ఈ రెండు చిత్రాలకు సీక్వెల్‌ తీసే ధ్యైర్యం చేస్తారా?

కోలీవుడ్‌ హీరో మాధవన్‌ నటించిన తాజా చిత్రం రాకెట్రీ: ది నంబి ఎఫెక్ట్‌. ఇస్రో శాస్త్రవేత్త నంబి నారాయణన్‌ జీవిత కథ ఆధారంగా తెరకెక్కిన ఈ మూవీ థియేటర్లలో రిలీజై మంచి విజయాన్ని నమోదు చేసుకుంది. తాజాగా ఈ సినిమాపై ప్రశంసలు కురిపించాడు రజనీకాంత్‌. అనంతరం మాధవన్‌కు శాలువా కప్పి సత్కరించాడు. ఈ ఆనందకర క్షణాలను సోషల్‌ మీడియాలో అభిమానులతో పంచుకున్నాడు మాధవన్‌. 'ఒక లెజెండ్‌ ఆధ్వర్యంలో వన్‌ మ్యాన్‌ ఇండస్ట్రీ, లెజెండ్‌ రజనీకాంత్‌ నుంచి ఆశీర్వాదాలు తీసుకోవడం మర్చిపోలేను' అంటూ వీడియో షేర్‌ చేశాడు మాధవన్‌. ఈ వీడియోలో రజనీకాంత్‌ పాదాలను తాకి ఆయన ఆశీస్సులు తీసుకున్నాడు మ్యాడీ. ప్రస్తుతం రాకెట్రీ మూవీ అమెజాన్‌ ప్రైమ్‌లో స్ట్రీమింగ్‌ అవుతోంది. When you get the blessings from a one man industry & the Leagend himself in the presence on @NambiNOfficial -it’s a moment etched for eternity-Thank you for you kindest words on #Rocketry & the affection @rajinikanth sir.This motivation has completely rejuvenated us. We love you pic.twitter.com/ooCyp1AfWd — Ranganathan Madhavan (@ActorMadhavan) July 31, 2022 View this post on Instagram A post shared by R. Madhavan (@actormaddy) చదవండి: నెల రోజులైనా కాకముందే ఓటీటీలోకి వారియర్‌! హీరోయిన్‌ కొడుకుగా నటించి చివరకు ఆమెనే పెళ్లాడిన నటుడు!

విలక్షణ నటుడు ఆర్‌ మాధవన్‌ స్వయంగా దర్శకత్వం వహిస్తూ నటించిన సినిమా ‘రాకెట్రీ: ది నంబి ఎఫెక్ట్‌’. ఇస్రో శాస్త్రవేత్త నంబి నారాయణన్‌ జీవిత కథ ఆధారంగా ఈ సినిమాను తెరకెక్కించారు. జులై 1న థియేటర్స్‌లో విడుదలైన ఈ చిత్రం పాజిటివ్‌ టాక్‌ని దక్కించుకుంది. మాధవన్‌ టేకింగ్‌,యాక్టింగ్‌పై విమర్శకులు సైతం ప్రశంసల జల్లు కురిపించారు. దాదాపు రూ.25 కోట్ల బడ్జెట్‌తో తెరకెక్కిన ఈ చిత్రం  రూ. 40 కోట్ల వసూళ్లను సాధించి రికార్డు సృష్టించింది.  (చదవండి: ‘రాకెట్రీ: ది నంబి ఎఫెక్ట్‌’  మూవీ రివ్యూ) ఇప్పటి వరకు థియేటర్స్‌లో సందడి చేసిన ఈ చిత్రం.. ఇక ఓటీటీలోకి ఎంట్రీ ఇచ్చేందుకు సిద్దమైంది. ప్రముఖ ఓటీటీ అమెజాన్‌ ప్రైమ్‌ వీడియోలో జులై 26 నుంచి ఈ చిత్రం స్ట్రీమింగ్‌ కానుంది. తెలుగు, తమిళ్‌, కన్నడ, మలయాళ భాషల్లో అందుబాటులో ఉంటుంది.  ఈ విషయాన్ని అమెజాన్‌ ప్రైమ్‌ సంస్థ అధికారికంగా తెలియజేస్తూ ఓ స్పెషల్‌ పోస్టర్‌ని విడుదల చేసింది. రితా మాధవన్, వర్గీస్‌ మూలన్, విజయ్‌ మూలన్‌ సంయుక్తంగా నిర్మించిన ఈ చిత్రంలో సిమ్రాన్‌, రవి రాఘవేంద్ర, మిషా ఘోషాల్‌ ఇతర కీలక పాత్రల్లో నటించారు.  hop on for a space adventure 🚀#RocketryOnPrime, July 26 pic.twitter.com/W3JDZEz2eD — amazon prime video IN (@PrimeVideoIN) July 20, 2022   (చదవండి: చేయని నేరానికి శాస్త్రవేత్తపై దేశద్రోహి కేసు.. నంబి నారాయణన్‌ రియల్‌ స్టోరీ)

కోలీవుడ్‌ స్టార్‌ మాధవన్‌ నటించిన లేటెస్ట్‌ మూవీ రాకెట్రీ: ది నంబి ఎఫెక్ట్‌. ప్రముఖ ఇస్రో శాస్త్రవేత్త నంబి నారాయణన్‌ బయోపిక్‌ ఆధారంగా ఈ చిత్రం తెరకెక్కింది. మాధవన్‌ ప్రధాన పాత్రలో నటించి, దర్శకత్వం వహించిన ఈ సినిమా తీయడానికి దాదాపు ఆరేళ్లు పట్టింది. జూలై 1న విడుదలైన ఈ సినిమాకు విమర్శకుల నుంచి సైతం ప్రశంసలు లభిస్తున్నాయి. ఆయన అభిమానులైతే గొప్ప సినిమా చేశావంటూ పొగడ్తలు కురిపిస్తున్నారు. ఈ క్రమంలో ఓ నెటిజన్‌.. 'నిన్న రాకెట్రీ సినిమా చూశాను. చివరి సీన్‌ ఏదైతే ఉందో దాన్ని పదేపదే చూశాను. మీ తొలి దర్శకత్వమే అద్భుతంగా ఉంది. ఇక నటనకు కొంచెం కూడా వంక పెట్టాల్సిన పని లేదు' అంటూ హీరో మాధవన్‌ను ట్యాగ్‌ చేశాడు. దీంతో మాధవన్‌ ఈ ట్వీట్‌పై స్పందిస్తూ.. 'నువ్వు ఒక్క సన్నివేశాన్నే పదే పదే ఎలా చూడగలిగావు?' అని ప్రశ్నించాడు. దీంతో అడ్డంగా దొరికిపోయాననుకున్న నెటిజన్‌ వెంటనే తన ట్వీట్‌ను డిలీట్‌ చేశాడు. కానీ అప్పటికే దానికి సంబంధించిన స్క్రీన్‌షాట్‌ను ఇతర నెటిజన్లు నెట్టింట వైరల్‌ చేశారు. సినిమా వచ్చి కేవలం వారం రోజులు మాత్రమే అవుతోంది. థియేటర్లలో విజయవంతంగా ఆడుతున్న ఈ మూవీ ఇప్పుడప్పుడే ఓటీటీలోకి వచ్చే అవకాశాలు కూడా కనిపించడం లేదు. మరి అతడు నచ్చిన సన్నివేశాన్ని పదే పదే చూశాడంటే అది థియేటర్‌లో సాధ్యపడదు. అంటే అతడు పైరసీ ద్వారా సినిమా చూశాడని ఇట్టే తెలిసిపోతుంది. అతడికి దిమ్మ తిరిగి బొమ్మ కనిపించేలా మ్యాడీ కౌంటర్‌ ఇవ్వడంతో నెటిజన్లు పడీపడీ నవ్వుతున్నారు. 😂😂 nice question pic.twitter.com/kY9a8um3Bb — Praveen Kumar (@by_PraveenKumar) July 8, 2022 చదవండి:  ప్రేయసితో హృతిక్‌ రోషన్‌ రోడ్‌ ట్రిప్‌, వీడియో చూశారా? తనకన్నా ఆరేళ్లు చిన్నవాడితో ఆరేళ్లు డేటింగ్‌, పిల్లలు పుట్టాక పెళ్లి

టైటిల్‌ : ‘రాకెట్రీ: ది నంబి ఎఫెక్ట్‌’  నటీనటులు : ఆర్‌. మాధవన్‌, సిమ్రన్‌ , సూర్య, గుల్షన్‌ గ్రోవర్‌, రజిత్‌ కపూర్‌, రవి రాఘవేంద్ర తదితరులు నిర్మాణ సంస్థలు : కలర్‌ ఫిల్మ్స్‌, వర్ఘీస్‌ మూలన్‌ పిక్చరర్స్‌ నిర్మాతలు: సరితా మాధవన్‌, మాధవన్‌, వర్ఘీస్‌ మూలన్‌, విజయ్‌ మూలన్‌ రచన,దర్శకత్వం : ఆర్‌ మాధవన్‌ సంగీతం : శ్యామ్‌. సీఎస్‌ సినిమాటోగ్రఫీ : సిర్షా రే ఎడిటర్‌ : బిజిత్‌ బాలా విడుదల తేది : జులై 1, 2022 ప్రస్తుతం చిత్ర పరిశ్రమలో బయోపిక్‌ల సీజన్‌ నడుస్తోంది. సినీ, రాజకీయ,క్రీడా ప్రముఖుల జీవిత కథల నేపథ్యంలో పలు భాషల్లో సినిమాలు రూపొందుతున్నాయి. ఈ లిస్ట్‌లో ఓ సైంటిస్ట్‌ కూడా చేరాడు. ఆర్‌ మాధవన్‌ స్వయంగా దర్శకత్వం వహిస్తూ నటించిన సినిమా ‘రాకెట్రీ: ది నంబి ఎఫెక్ట్‌’. ఇస్రో శాస్త్రవేత్త నంబి నారాయణన్‌ జీవిత కథ ఆధారంగా ఈ సినిమాను తెరకెక్కించారు. ఇప్పటికే విడుదలైన ఈ చిత్రం టీజర్‌కు మంచి స్పందన లభించింది. భారీ అంచనాల మధ్య ఈ శుక్రవారం(జులై 1)థియేటర్స్‌లో విడుదలైన ఈ చిత్రం ఎలా ఉంది? నంబి నారాయణన్‌గా మాధవన్‌ ఏ మేరకు మెప్పించారో రివ్యూలో చూద్దాం.  కథేంటంటే.. ఈ సినిమ కథంతా ఇంటర్వ్యూగా సాగుతుంది. ఓ టీవీ చానల్‌లో హీరో సూర్య నంబి నారాయణన్‌(మాధవన్‌)ని ఇంటర్వ్యూ చేస్తూ.. తన జీవితం ఎలా సాగింది? ఇస్రోలో ఎలా చేరారు? తనపై వచ్చిన ఆరోపణలు ఎలా ఎదుర్కొన్నాడు తదితర విషయాలను అడుగుతారు. 1966లో భారత అంతరిక్ష పరిశోధనా సంస్థ (ఇస్రో)లో చేరుతాడు నంబి నారాయణన్‌. అంచెలంచెలుగా ఎదుగుతూ.. అమెరికాలోని  ప్రిన్స్‌టన్ యూనివర్సీటీలో రాకెట్ ప్రొపల్షన్ సిస్టమ్స్ చదివేందుకు స్కాలర్‌షిప్ పొందారు. అక్కడ సానా ఆఫర్‌ వచ్చిన సున్నితంగా తిరస్కరించి తిరిగి ఇండియాకు వచ్చిన మళ్లీ ఇస్రోలో చేరుతారు.. స్వదేశీ రాకెట్లను అభివృద్ది చేసే ప్రాజెక్ట్‌లో భాగంగా రష్యా డెవలప్‌ చేసిన క్రయోజెనిక్‌  ఇంజన్స్‌ని భారత్‌ తీసుకురావాలనుకుంటారు. ఇదే సమయంలో పాకిస్తాన్‌కు భారత రాకెట్‌ సాంకేతిక విషయాలను చేరవేశారనే నెపంతో అరెస్ట్‌ అవుతారు. ఆ తర్వాత నంబి నారాయణన్‌ జీవితం ఎలా మలుపు తిరిగింది? అరెస్ట్‌ తర్వాత కేరళ పోలీసుల చేతిలో నంబి ఎలాంటి చిత్రహింసలు అనుభవించారు? తనపై వచ్చిన తప్పుడు ఆరోపణలను నుంచి ఎలా విముక్తి పొందారు? అనేదే మిగతా కథ.  ఎలా ఉందంటే.. భారత అంతరిక్ష పరిశోధన రంగం అభివృద్ధిలో విశేష కృషి చేసిన వ్యక్తుల్లో నంబి నారాయణన్‌ ఒకరు. దేశం కోసం అమెరికా అంతరిక్ష పరిశోధనా సంస్థ నాసా ఆఫర్‌ని తిరస్కరించి ఇస్రోలో చేరారు. అలాంటి వ్యక్తి  ఒకానొక సమయంలో ఆయన దేశ ద్రోహం కేసును ఎదుర్కొన్నారు.తర్వాత ఆయనపై వేసిన దేశ ద్రోహం కేసును సుప్రీం కొట్టి వేసింది.నంబి నారాయణన్ మీద ఆరోపణలూ చెదిరిపోయిన తర్వాత భారత ప్రభుత్వం ఆయన్ని పద్మభూషణ్ పురస్కారంతో సత్కరించింది. ఇలా ఎన్నో ఎత్తు పల్లాలను చవిచూసిన ఆయన జీవితాన్ని మాధవన్‌ వెండితెరపై అద్భుతంగా ఆవిష్కరించాడు.ఫస్టాఫ్‌ అంతా స్వదేశీ రాకెట్లను అభివృద్ది కోసం నంబి నారాయణన్‌ చేసిన కృషిని చూపించారు. సెకండాఫ్‌లో తప్పుడు కేసు వల్ల ఆయనతో కుటుంబ సభ్యులు ఎలాంటి అవమానాలకు గురయ్యారు? చివరకు నిర్థోషిగా ఎలా బయటకు వచ్చారనే విషయాలను చాలా భావోద్వేంగా చూపించారు.అయితే ఫస్టాఫ్‌ అంతా అంతరిక్ష పరిశోధన, ప్యూయల్‌ టెక్నాలజీ, వికాస్‌ ఇంజన్‌ అభివృద్ది తదితర అంశాలను లోతుగా చూపించడంతో డ్యాక్యూమెంటరీ ఫీల్‌ కలుగుతుంది. రాకెట్‌ సైన్స్‌ సామాన్య ప్రేక్షకులకు అంతగా అర్థం కాదు..కానీ దానితోనే నంబి నారాయణన్‌ జీవితం సాగింది కాబట్టి కచ్చితంగా వాటిని చూపించాల్సిందే. దర్శకుడు అదే పని చేశారు. ఇక సెకండాఫ్‌ మొత్తం చాలా భావోద్వేగంగా సాగుతుంది. దేశం కోసం అన్ని త్యాగాలు చేసిన నంబి నారాయణన్‌.. దేశద్రోహి కేసు కింద అరెస్ట్‌ కావడం.. ఆ సమయంలో ఆయనతో పాటు కుటుంబ సభ్యులు ఎలాంటి మానసిక క్షోభని అనుభవించారు, నిర్దోషిగా బయటకు రావడమే కాకుండా దేశ మూడో అ‍త్యున్నత పురస్కారమైన ‘పద్మభూషణ్‌’ అందుకున్న సీన్స్‌ చాలా భావోద్వేగాన్ని కలిగించేలా అద్భుతంగా తెరకెక్కించారు. ‘ఒక రాకెట్‌ కూలిపోతే రియాక్ట్‌ అయ్యే మాకు.. ఒక మనిషి కూలిపోతే రియాక్ట్‌ అవడం తెలియదు’ అంటూ తోటి సైంటిస్టుల గురించి నంబి చెప్పె డైలాగ్‌, ఒక వీధి కుక్కను కొట్టి చంపాలనకుంటే దానికి పిచ్చి అన్న పట్టం కడితే సరిపోతుంది..అదేవిధంగా ఒక మనిషిని తనకు తెలియకుండా కొట్టాలంటే దేశద్రోహి అనే పట్టం కడితే సరిపోతుంది’ అని హీరో సూర్య చెప్పే డైలాగ్‌ అందరిని ఆకట్టుకోవడమే కాదు ఆలోచింపజేస్తాయి కూడా. దేశం కోసం కష్టపడిన మీ ఓ గొప్ప శాస్త్రవేత్తని అన్యాయంగా తప్పుడు కేసులో ఇరికించారే అనే ఫీల్‌తో ప్రేక్షకుడు బయటకు వస్తాడు. ఈ సినిమా సామాన్య ప్రేక్షకులను ఏ మేరకు మెప్పిస్తుందో తెలియదు కానీ.. మాధవన్‌ చాలా నిజయతీగా, ఉన్నతంగా ఈ చిత్రాన్ని తెరకెక్కించాడు.  ఎవరెలా చేశారంటే.. నంబి నారాయణన్‌ పాత్రలో మాధవన్‌ నటించడం కంటే ఒదిగిపోయాడు. ఈ సినిమా కోసం దర్శకుడిగా, నటుడిగా మాధవన్‌ పడిన కష్టమంతా తెరపై కనిపించింది. యంగ్‌ లుక్‌తో పాటు ప్రస్తుతం నంబి నారాయణన్‌ ఎలా ఉన్నారో.. అలానే తెరపై చూపించే ప్రయత్నం చేశారు. దాని కోసం మాధవన్‌ చాలా కష్టపడ్డారు. పొట్టపెంచడం, పంటి వరుసను మార్చుకోవడం.. గెడ్డం పెంచడం ..ఇలా చాలా విషయాల్లో మాధవన్‌ డేరింగ్‌ స్టెప్స్‌ వేశాడు. ఎమోషనల్‌ సీన్స్‌ని చక్కగా పండించారు. అబ్దుల్‌ కలాంగా గుల్షన్‌ గ్రోవర్‌ , నంబిని ఇంటర్వ్యూ చేసే హీరోగా సూర్య(హిందీలో షారుఖ్‌) చక్కగా నటించారు. ఇక సినిమాకు మరో ప్రధాన బలం శ్యామ్‌. సీఎస్‌ సంగీతం. చక్కటి నేపథ్య సంగీతంతో సినిమాని మరోస్థాయికి తీసుకెళ్లారు.సిర్షా రే సినిమాటోగ్రఫీ చాలా బాగుంది. నిర్మాణ విలువలు సినిమా స్థాయికి తగినట్లుగా ఉన్నతంగా ఉన్నాయి. - అంజి శెట్టె, సాక్షి వెబ్‌డెస్క్‌ 

1994 నవంబర్‌ 30.. అప్పటి వరకు ఆయన దేశం గర్వించదగ్గ శాస్త్రవేత్త. యావత్‌ భారత్‌ ఆయనపై ప్రశంసలు జల్లు కురిపించింది. ఆయన కనిపెట్టిన ‘వికాస్‌’ ఇంజన్‌ అద్భుతమైనదని ప్రపంచమంతా కొనియాడింది. కానీ ఒకే ఒక ఘటనతో ఆయన జీవితం తలకిందులైపోయింది. దేశం కోసం అహర్నిశలు శ్రమించిన ఆయనను ‘దేశద్రోహి’ అన్నారు. చేయని తప్పుకు 50 రోజులు జైలులో పెట్టి నరకం చూపించారు. చివరకు నిర్థోషిగా బయటకు రావడమే కాకుండా.. దేశ మూడో అ‍త్యున్నత పురస్కారమైన ‘పద్మభూషణ్‌’ అందుకున్నారు. ఆయనే  భారత అంతరిక్ష పరిశోధనా సంస్థ (ఇస్రో) మాజీ శాస్త్రవేత్త నంబి నారాయణన్‌. జీవితంలో ఎన్నో ఎత్తు పల్లాలను చవిచూసిన నంబి నారాయణన్‌ జీవిత చరిత్ర ఆధారంగా తెరకెక్కిన చిత్రం ‘రాకెట్రీ: ది నంబి ఎఫెక్ట్‌’. విలక్షణ నటుడు మాధవన్‌ స్వీయ దర్శకత్వంలో రూపొందిన ఈ చిత్రం జులై 1న ప్రేక్షకుల ముందుకు రాబోతుంది. ఈ సందర్భంగా నంబి నారాయణన్‌ గురించి.. నాసా ఆఫర్‌ని సున్నితంగా తిరస్కరించి.. నంబి నారాయణన్‌ మధ్య తరగతి కుటుంబానికి చెందినవారు. 1941 డిసెంబర్‌ 12న తమిళనాడులో జన్మించారు. ఆయన తల్లిదంద్రులు కొబ్బరి పీచు వ్యాపారం చేసేవారు. ఐదుగురి బాలికల తర్వాత ఆయన పుట్టాడు. ఇంట్లో అందరికంటే చిన్నవాడైన నారాయణన్‌.. చదువులో మాత్రం బాగా రాణించేవాడు. ఇంజనీరింగ్‌ పూర్తి చేశాక.. కొంతకాలం స్థానికంగా ఉండే చక్కెర కర్మాగారంలో పనిచేశారు. 1966లో భారత అంతరిక్ష పరిశోధనా సంస్థ (ఇస్రో)లో చేరారు. అంచెలంచెలుగా ఎదుగుతూ.. అమెరికాలోని  ప్రిన్స్‌టన్ యూనివర్సీటీలో రాకెట్ ప్రొపల్షన్ సిస్టమ్స్ చదివేందుకు స్కాలర్‌షిప్ పొందారు.  1966లో నంబి నారాయణన్‌ నాసాలో ఉద్యోగ అవకాశం లభించినా.. దేశం కోసం సున్నితంగా తిరస్కరించి తిరిగి ఇస్రోలో చేరారు. అక్కడ  విక్రమ్ సారాబాయి, సతీష్ ధావన్, అబ్దుల్ కలాం లాంటి ప్రఖ్యాత శాస్త్రవేత్తలతో కలిసి పనిచేశారు. స్వదేశీ రాకెట్లను అభివృద్ది చేసే ప్రాజెక్ట్‌లో నారాయణన్‌ కీలక పాత్ర పోషించారు. ప్యూయల్‌ టెక్నాలజీని ఇస్రోకు అందించాలనుకున్నాడు. ఆ ఆలోచనల నుంచి పుట్టిందే క్రయోజెనిక్‌ ఇంజిన్స్‌. ఈ టెక్నాలజీ అప్పట్లో మనకు అందుబాటులో లేదు. దీంతో రష్యాతో రూ.235 కోట్ల ఒప్పందం కుదుర్చుకొని ఈ టెక్నాలజీని దిగుమతి చేసుకోవాలనుకున్నారు. ఈమేరకు సంప్రదింపులు కూడా పూర్తయ్యాయి. ఆ సమయంలోనే ఊహించని పరిణామం చోటు చేసుకుంది. చేయని తప్పుకు నంబి నారాయణన్‌ని పోలీసులు అరెస్ట్‌ చేశారు. అసలేం జరిగింది? 1994 నవంబర్ 30న నంబిని కేరళ పోలీసులు అరెస్ట్‌ చేశారు. అంతకు నెల రోజుల ముందు వీసా గడువు ముగిసిన తర్వాత కూడా భారత్‌లోనే ఉన్నారంటూ మాల్దీవులకు చెందిన మహిళ మరియమ్ రషీదా,  ఫయూజియ్యా హసన్‌ను పోలీసులు అరెస్టు చేశారు. విచారణలో ఆ మహిళలిద్దరు భారత రాకెట్‌ సాంకేతిక విషయాలను పాకిస్తాన్‌కు చేరవేస్తున్నారని తేలింది. అంతేకాదు వీరికి ఇస్త్రోలో పని చేస్తున్న శాస్త్రవేత్తలు సహకరిస్తున్నారని మీడియాతో వార్తలు వచ్చాయి. ఆ మహిళలు వేసిన వలలో నంబి నారాయణన్‌ కూడా ఉన్నారని కేరళ పోలీసులు అభియోగాలు మోపారు. దేశద్రోహం కేసు కింద అరెస్ట్‌ చేసి 50 రోజులు జైల్లో పెట్టి విచారణ పేరుతో నరకం చూపించారు. దేశం గర్వించదగ్గ సైంటిస్ట్‌ అని కొనియాడిన మీడియానే ఆయన్ను ‘దేశద్రోహి’గా చూపించింది. గూఢచారి, దేశద్రోహి అంటూ అనేకమంది ఆయనను నిందించారు. పెద్ద ఎత్తున నినాదాలు చేస్తే ఆయన ఇంటిపై దాడి చేశారు.  న్యాయమే గెలిచింది దేశం కోసం నాసా ఆఫర్‌ని తిరస్కరించిన నంబి నారాయణన్‌కు.. అసలు తనని ఎందుకు అరెస్ట్‌ చేశారో కూడా మొదట్లో అర్థం కాలేదు. పోలీసులు ఎంత హింసించిన నేరం ఒప్పుకోలేదు. అరెస్టయిన నెల రోజుల తర్వాత ఈ కేసు కేరళ ఇంటలిజెన్స్‌ బ్యూరో నుంచి సీబీఐకు బదిలీ అయింది. 1995 జనవరి 19న ఆయనకు బెయిల్‌ వచ్చింది. సీబీఐ విచారణలో నంబి నారాయణన్‌ ఎలాంటి తప్పు చేయలేదని తేలింది. సీబీఐ తమ నివేదికను 1996 ఏప్రిల్‌లో కేరళ హైకోర్టుకు సమర్పించింది. ఇస్రోకు చెందిన సమాచారం పాకిస్తాన్‌కు వెళ్లినట్లు ఎక్కడ ఆధారాలు లేకపోవడంతో నంబి నారాయణన్‌తో పాటు మరో ఐదుగురికి కోర్టు  క్లీన్‌చిట్‌ ఇచ్చింది. దీంతో నంబి నారాయణన్‌ తిరిగి ఇస్రోలో చేరారు. సీబీఐ ఈ కేసును మూసివేసినా.. అప్పటి కేరళ ప్రభుత్వం మళ్లీ తెరిచేందుకు ప్రయత్నించింది. ఈ కేసుని మళ్లీ విచారించాలని కోరుతూ..1998లో సుప్రీకోర్టు మెట్లు ఎక్కింది. కానీ  దేశ అత్యున్నత న్యాయస్థానం ఈ కేసును తిరస్కరించింది.  తనపై అక్రమంగా కేసును బనాయించి, వేధించిన కేరళ ప్రభుత్వంపై డాక్టర్ నారాయణన్ కేసు వేశారు. నారాయణన్‌కు రూ.50 లక్షల రూపాయలు పరిహారంగా చెల్లించాలని సుప్రీంకోర్టు 2018లో ఆదేశించింది. అంతేకాదు తప్పుడు కేసు బనాయించడంపై సమగ్ర విచారణ జరపాలని ఆదేశాలు జారీ చేసింది. తన తప్పును తెలుసుకున్న కేరళ ప్రభుత్వం కోర్టు ఆదేశించిన పరిహారానికి అదనంగా రూ.1.3 కోట్లు అదనంగా ఇస్తామని 2019లో ప్రకటించింది. 2019లో భారత ప్రభుత్వం నారాయణన్‌ని ‘పద్మభూషణ్‌’తో సత్కరించింది. నారాయణన్‌పై కుట్ర పన్నిందెవరనే విషయాలు ఇప్పటికీ మిస్టరీగానే ఉన్నాయి. గుఢచార్యం కేసు వెనుక అమెరికా హస్తం ఉందని  కేరళ హైకోర్టు ఎదుట నారాయణన్‌ అనుమానం వ్యక్తం చేశారు.  - అంజి శెట్టె, సాక్షి వెబ్‌డెస్క్‌

వైవిధ్యమైన పాత్రలు, కథలతో అలరిస్తుంటాడు మాధవన్‌. తాజాగా ఆయన రాకెట్రీ అనే బయోపిక్‌తో రాబోతున్నాడు. ప్రముఖ ఇస్రో శాస్త్రవేత్త నంబి నారాయణ్‌ జీవితాన్ని ఆధారంగా ఈ మూవీ తెరకెక్కింది. ఇందులో మాధవన్‌ లీడ్‌ రోల్‌ పోషిస్తుండగా.. పాత్ర కోసం మ్యాడీ తనని తాను పూర్తిగా మేకోవర్‌ చేసుకున్నాడు. అచ్చం నంబి నారాయణ్‌లా తెల్ల జుట్టు, కళ్లద్దాలతో కనిపించనున్నాడు. చదవండి: అది చెత్త సినిమా.. దానివల్ల ఏడాది పాటు ఆఫర్స్‌ రాలేదు: పూజా హెగ్డే అయితే ఈ సినిమాలో కీలక పాత్ర పోషించిన స్టార్‌ హీరో సూర్య షూటింగ్‌ చూసేందుకు నంబి నారాయణ్‌తో కలిసి సెట్‌కు వెళ్లిన ఓ దృశ్యం ఒకటి తాజాగా బయటకు వచ్చింది. సెట్‌లోకి అడుగుపెట్టగానే నంబి నారాయణన్‌ గేటప్‌ ఉన్న మాధవన్‌ను చూసి ఆశ్చర్యానికి లోనయ్యాడు. ఒక్క క్షణం ఎవరూ నిజమైన నంబి నారాయణ్‌ అని గుర్తు పట్టలేదనేంతగా ఓ షాకింగ్‌ లుక్‌ ఇచ్చాడు. ఇక సెట్స్‌లోని సూర్య, నారాయణ్‌ రాగానే కూర్చి నుంచి లేచి ఇరువురి స్వాగతం పలికాడు మ్యాడీ. అనంతరం సూర్యను తన స్నేహితుడు అంటూ నారాయణ్‌కు పరిచయం చేశాడు. చదవండి: కొత్త కారు కొన్న బిగ్‌బాస్‌ బ్యూటీ, ధరెంతో తెలుసా? ఇక ఆయన సూర్యను పలకరిస్తూ.. మీ సినిమాలు చాలా బాగుంటాయని, మీ నటన అద్భుతమని కొనియాడారు. అంతేకాదు మీ నాన్నగారు(శివకూమార్‌) దర్శకత్వం కూడా తనకు బాగా నచ్చుందని చెప్పడంతో సూర్య ఆయనకు కృతజ్ఞతలు తెలిపాడు. కాగా తమిళం, తెలుగులో చేస్తున్న సూర్య పాత్రలో హిందీలో షారుక్‌ ఖాన్‌ పోషిస్తున్నాడు. ఇక నంబి నారాయణ్‌ భార్య పాత్రలో సీనియర్‌ నటి సిమ్రాన్‌ కనిపించనుంది. అన్ని కార్యక్రమాలను పూర్తి చేసుకున్న ఈ చిత్రం జూలై 1న విడుదలకు సిద్ధమవుతుంది.  View this post on Instagram A post shared by R. Madhavan (@actormaddy)

న్యూఢిల్లీ: కాంగ్రెస్‌ చీఫ్‌ సోనియాగాంధీ వ్యక్తిగత కార్యదర్శి పి.పి. మాధవన్‌(71)పై ఢిల్లీ పోలీసులు అత్యాచార కేసు నమోదైంది. జాబ్‌ ఇప్పిస్తానని, పెళ్లి చేసుకుంటానని మాధవన్‌ తనను బెదిరించి లోబర్చుకున్నారంటూ ఓ మహిళ (26) ఫిర్యాదు చేసిందని పోలీసులు ఆదివారం వెల్లడించారు. ఆమె భర్త కాంగ్రెస్‌ కార్యాలయంలో పార్టీ హోర్డింగులు ఏర్పాటు చేసేవాడని, 2020లో చనిపోయాడని అన్నారు. భర్త చనిపోయాక ఆర్థిక పరిస్థితి బాగోలేక.. కాంగ్రెస్‌ ప్రతినిధులను కలిశానని, వాళ్లు మాధవన్‌ నెంబర్‌ ఇచ్చారని, పెళ్లి చేసుకుంటానని చెప్పి లోబర్చుకున్నాడని ఆమె ఫిర్యాదులో పేర్కొంది.  ఈ మేరకు జూన్‌ 25వ తేదీన ఉత్తమ్‌ నగర్‌ పోలీస్‌ స్టేషన్‌లో ఫిర్యాదు నమోదు అయినట్లు పోలీసులు తెలిపారు. ఒకరోజు నన్ను కలవడానికి పిలిచాడు. అతను నన్ను కారులో ఎక్కించుకోవడానికి వచ్చి.. తన డ్రైవర్‌ను కారు వదిలి వెళ్ళమన్నాడు. నాపై లైంగిక దాడికి పాల్పడ్డాడు. నేను అభ్యంతరం చెప్పడంతో కోపం వచ్చి నన్ను ఒంటరిగా రోడ్డుపై వదిలేశాడు అని బాధితురాలు ఫిర్యాదులో పేర్కొంది. అయితే కేవలం కాంగ్రెస్ పార్టీ పరువు తీసేందుకే ఇది నిరాధారమైన ఆరోపణ. అందులో వాస్తవం లేదు. ఇది పూర్తి కుట్ర అని పీపీ మాధవన్‌ చెప్తున్నారు. 

ప్రఖ్యాత ఇస్రో శాస్తవేత్త నంబి నారాయణన్‌లోని నెగెటివ్‌ కోణాన్ని తమ సినిమాలో చూపించినట్లు నటుడు మాధవన్‌ తెలిపారు. ఈయన తొలిసారిగా మెగాఫోన్‌ పట్టి స్వీయ నిర్మాణంలో కథానాయకుడిగా నటించిన రాకెట్రీ చిత్రాన్ని పాన్‌ఇండియా మూవీగా తమిళం, మలయాళం, హిందీ భాషల్లో రూపొందించారు. ఈ సినిమా జులై ఒకటో తేదీన విడుదలకు సిద్ధమవుతోంది. ఈ సందర్భంగా బుధవారం మాధవన్‌ చెన్నైలో మీడియాతో మాట్లాడుతూ ఇస్రో శాస్త్రవేత్త నంబి నారాయణన్‌ జీవిత చరిత్ర తెరకెక్కించే ముందు తాను ఆయన్ని కలిశానని చెప్పారు. ఆయన చెప్పిన వివరాలు తనను ఆశ్చర్యచకితుడిని చేశాయన్నారు. భారతదేశానికి సంబంధించిన రహస్యాలను పాకిస్తాన్‌కు చేరవేశారన్న ఆరోపణతో జైలులో చిత్రహింసలు అనుభవించి బయటకు వచ్చిన తరువాత తన నిర్ధోషిత్వాన్ని నిరూపించుకున్న నంబి నారాయణన్‌ గొప్పతనాన్ని మాత్రమే కాకుండా ఆయనలోని నెగెటివ్‌ కోణాన్ని ఆవిష్కరించినట్లు తెలిపారు. సహజత్వం కోసం తాను ఎలాంటి విగ్గు లేకుండా నంబి నారాయణన్‌లా తయారయ్యానని చెప్పారు. ఇందులో నటుడు షారుక్‌ఖాన్, సూర్య అతిథి పాత్రల్లో ఎలాంటి పారితోషికం తీసుకోకుండా మరీ నటించారని చెప్పారు. చదవండి: ఓటీటీలోనూ 'ఆర్‌ఆర్‌ఆర్' రికార్డు..  ‘సమ్మతమే’ మూవీ రివ్యూ

ముంబై: ప్రమోటర్‌ సంస్థలలో ఒకటైన ఫెయిర్‌బ్రిడ్జ్‌ క్యాపిటల్‌(మారిషస్‌).. తాజాగా వాటాను పెంచుకున్నట్లు ఓమ్ని చానల్‌ ట్రావెల్‌ కంపెనీ థామస్‌ కుక్‌ (ఇండియా) పేర్కొంది. దీంతో ఫెయిర్‌బ్రిడ్జ్‌ వాటా 70.58 శాతం నుంచి 72.34 శాతానికి బలపడినట్లు వెల్లడించింది. మిగిలిపోయిన దాదాపు రూ. 133 కోట్ల విలువైన ఐచ్చిక మార్పిడికి వీలు కల్పించే క్యుమిలేటివ్‌ రీడీమబుల్‌ ప్రిఫరెన్స్‌ షేర్లకు బోర్డు సబ్‌కమిటీ ఆమోదముద్ర వేసినట్లు తెలియజేసింది. తద్వారా 2.8 కోట్ల ఈక్విటీ షేర్లను ఫెయిర్‌బ్రిడ్జ్‌ క్యాపిటల్‌ తాజాగా పొందినట్లు తెలియజేసింది. దీంతో షేరుకి రూ. 47.3 ధరలో మొత్తం రూ. 436 కోట్ల విలువైన రీడీమబుల్‌ ప్రిఫరెన్స్‌ షేర్లు 9.2 కోట్ల ఈక్విటీ షేర్లుగా మార్పు చెందినట్లు వెల్లడించింది. వెరసి ప్రమోటర్ల వాటా 72.34 శాతానికి చేరినట్లు వివరించింది. ట్రావెల్, తత్సంబంధ సర్వీసుల విభాగాలలో కనిపిస్తున్న వేగవంత వృద్ధిపట్ల ప్రమోటర్లకున్న విశ్వాసాన్ని ఇది ప్రతిఫలిస్తున్నట్లు థామస్‌ కుక్‌ (ఇండియా) ఎండీ మాధవన్‌ మీనన్‌ పేర్కొన్నారు. ఈ వార్తల నేపథ్యంలో థామస్‌ కుక్‌(ఇండియా) షేరు ఎన్‌ఎస్‌ఈలో 3.2 శాతం క్షీణించి రూ. 56 దిగువన ముగిసింది.

Madhavan Rocketry The Nambi Effect Showing In Cannes Festival 2022: టాలీవుడ్‌, కోలీవుడ్‌, బాలీవుడ్‌లలో మంచి గుర్తింపు ఉన్న నటుడు మాధవన్. ఇప్పటి వరకు హీరోగా, నటుడిగా అలరించిన మాధవన్‌ డైరెక్టర్‌గా బాధ్యతలు చేపట్టనున్నాడు. మాధవన్‌ మొదటిసారిగా దర్శకత్వం వహించిన చిత్రం 'రాకెట్రీ: ది నంబీ ఎఫెక్ట్‌'. ప్రస్తుతం కేన్స్‌ ఫిల్మ్‌ ఫెస్టివల్‌ జరుగుతున్న విషయం తెలిసిందే. ఈ వేడుకలో మాధవన్‌ చిత్రం 'రాకెట్రీ: ది నంబీ ఎఫెక్ట్‌'ను ప్రదర్శించారు. అనంతరం ఈ కార్యక్రమంలో నిర్వహించిన చర్చలో భాగంగా మాధవన్‌తోపాటు కేంద్రమంత్రి అనురాగ్‌ ఠాకూర్‌, నంబి నారాయణ్‌ చిత్ర నిర్మాత శేఖర్‌ కపూర్‌, గీత రచయిత తదితరులు పాల్గొన్నారు. ఈ కార్యక్రమంలో మాధవన్ పలు ఆసక్తికర విషయాలను పంచుకున్నారు.  'ఆర్యభట్ట నుంచి సుందర్‌ పిచాయ్‌ వరకు సైన్స్ అండ్‌ టెక్నాలజీకి సంబంధించి ఇండియాకి చెందిన అనేక వ్యక్తులకు ఎన్నో అసాధరణమైన చరిత్ర ఉంది.  వీరికి సినీతారలు, నటీనటుల కంటే ఎక్కువ అభిమానులు ఉన్నారు. యువతకు వారెంతో స్ఫూర్తి. కానీ ఇలాంటి వారిపై మేము సినిమాలు తీయడం లేదు.సైన్స్‌ అండ్ టెక్నాలజీలో అద్భుతాలు సృష్టించి వరల్డ్‌వైడ్‌గా గుర్తింపు పొందిన వ్యక్తులను సినీ ప్రొడ్యూసర్స్‌ గుర్తించడం లేదు. క్రిస్టోఫర్ నోలాన్‌ సినిమాకు రివ్యూ ఇవ్వడానికి సమీక్షకులు భయపడతారు. ఎందుకంటే ఆయన తీసిన సినిమాలు అర్థంకాకో, ఏదో ఒకటి రాసి ఫూల్‌ అవ్వడానికి ఇష్టపడరు. నిజం చెప్పాలంటే ఆయన తెరకెక్కించిన 'ఇన్‌సెప్షన్‌' నాకు ఇప్పటివరకు అర్థం కాలేదు. కానీ ఆయనకు సైన్స్‌పై ఉన్న పరిజ్ఞానం వల్ల ఆయనపై నాకు చాలా గౌరవం ఉంది.' అని మాధవన్‌ తెలిపాడు.     View this post on Instagram A post shared by R. Madhavan (@actormaddy)

ప్రతిష్టాత్మక కాన్స్‌ చలన చిత్రోత్సవానికి రంగం సిద్ధమైంది. 75వ కాన్స్‌ చలన చిత్రోత్సవం ఈ నెల 17 నుంచి 28 వరకు జరగనుంది. ఈ వేడుకల తొలి రోజు భారతదేశం తరఫున అక్షయ్‌ కుమార్, ఏఆర్‌ రెహమాన్, పూజా హెగ్డే రెడ్‌ కార్పెట్‌పై సందడి చేయనున్నారు. వీరితో పాటు శేఖర్‌ కపూర్, తమన్నా, నయన తార, నవాజుద్దీన్‌ సిద్ధిఖీ, సీబీఎఫ్‌సీ (సెంట్రల్‌ బోర్డ్‌ ఆఫ్‌ ఫిల్మ్‌ సర్టిఫికేషన్‌) చైర్మన్‌ ప్రసూన్‌ జోషి, సీబీఎఫ్‌సీ బోర్డు సభ్యురాలు వాణీ త్రిపాఠి తదితరులు కనిపిస్తారు. ఈ టీమ్‌కు కేంద్రమంత్రి అనురాగ్‌ ఠాకూర్‌ సారథ్యం వహిస్తారు. ఇక దీపికా పదుకోన్‌ ఈసారి కాన్స్‌ ఉత్సవాల్లో జ్యూరీ సభ్యురాలిగా పాల్గొననుండటం విశేషం. ఈ వేడుకల్లో ‘క్లాసిక్‌ సినిమా’ విభాగంలో సత్యజిత్‌ రే తీసిన ‘ప్రతిధ్వని’ స్క్రీనింగ్‌ అవుతుంది. అలాగే నటుడు మాధవన్‌ దర్శకత్వం వహించిన ‘రాకెట్రీ: ది నంబి ఎఫెక్ట్‌’ మే 19న ప్రదర్శితం కానుంది. భారత ఖగోళ శాస్త్రవేత్త నంబి నారాయణన్‌ జీవితం ఆధారంగా రూపొందిన ఈ చిత్రంలో నంబి నారాయణన్‌ పాత్రను మాధవన్‌ పోషించారు. అలాగే ఢిల్లీకి చెందిన షౌనక్‌ సేన్‌ రూపొందించిన డాక్యుమెంటరీ ‘ఆల్‌ దట్‌ బ్రీత్స్‌’ స్పెషల్‌ స్క్రీనింగ్‌ విభాగంలో ప్రదర్శితం కానుంది. కమల్‌హాసన్‌ నటించిన ‘విక్రమ్‌’ ట్రైలర్‌ కూడా విడుదల కానుంది.  

R Madhavan Son Vedaant Shocking Comments: నటుడు, హీరో ఆర్‌ మాధవన్‌ క్రేజ్‌ గురించి ప్రత్యేకంగా చెప్పనక్కర్లేదు. చెలి, సఖీ వంటి ప్రేమకథ చిత్రాల్లో నటించి లవర్‌ బాయ్‌గా పేరు తెచ్చుకున్నాడు మాధవన్‌. ఈ క్రమంలో అతడికి సౌత్‌లో విపరీతమైన లేడీ ఫ్యాన్‌ ఫాలోయింగ్‌ పెరిగింది. ప్రస్తుతం సినిమాల్లో అతిథి పాత్రలు, ప్రతి కథానాయకుడిగా చేస్తున్నాడు. ఇదిలా ఉంటే మాధవన్‌ తనయుడు వేదాంత్‌ మాధవన్‌ తండ్రి బాటలో నడవకుండ స్పోర్ట్స్‌లో రాణిస్తోన్న సంగతి తెలిసిందే. స్విమ్మింగ్‌లో ఇప్పటికే అతడు జాతీయ, అంతర్జాతీయ పథకాలు సాధించి జాతీయ స్థాయిలో గుర్తింపు పొందాడు. చదవండి: షాపింగ్‌ మాల్‌ ఓపెనింగ్‌కు వెళ్లిన అనుపమకు షాకిచ్చిన ఫ్యాన్స్‌ ఇటీవల జరిగిన డానిష్‌ ఓపెన్‌ అంతర్జాతీయ స్విమ్మింగ్‌ టోర్నమెంట్‌లో రెండు(గోల్డ్‌, సిల్వర్‌) పథకాలు సాధించి మెరిశాడు. ఈ నేపథ్యంలో రీసెంట్‌గా ఇచ్చిన ఓ ఇంటర్య్వూలో వేదాంత్‌ షాకింగ్‌ కామెంట్స్‌ చేశాడు. ఈ మేరకు అతడు మాట్లాడుతూ.. తన తండ్రి నీడలోనే బతకాలనుకోవడం లేదంటూ ఆసక్తికర వ్యాఖ్యలు చేసి అందరి దృష్టిని ఆకర్షించాడు. ‘నేను హీరో మాధవన్‌ కొడుకుగానే ఉండిపోవాలనుకోవడం లేదు. ఆయన నీడలోనే బతకాలి, ఎదగాలని లేదు. నాకంటూ సొంతంగా ఓ గుర్తింపు ఉండాలనుకుంటున్నా’ అని వ్యాఖ్యానించాడు. చదవండి: హిందీలో కేజీఎఫ్‌ 2 సక్సెస్‌పై అభిషేక్‌ బచ్చన్‌ షాకింగ్‌ కామెంట్స్‌.. అలాగే ‘నా తల్లిదండ్రులు ఎప్పుడు నన్ను సంరక్షిస్తూనే ఉన్నారు. నాకు కావాల్సినవన్ని సమకూరుస్తున్నారు. నా కోసం వారు ఎన్నో త్యాగాలు చేశారు. ఇప్పటికీ చేస్తూనే ఉన్నారు. ఇప్పుడు కూడా నా కోసమే దుబాయ్‌కి షిఫ్ట్‌ అయ్యారు. 2026లో జరగబోయే ఒలింపిక్స్‌ కోసం నన్ను సన్నద్ధం చేస్తున్నారు. దానికోసం దుబాయ్‌లో నేను శిక్షణ తీసుకోవాల్సి ఉంది. అందుకోసం నాన్న, అమ్మ కూడా నాతో పాటు దుబాయ్‌కి షిఫ్ట్‌ అయ్యారు’ అంటూ వేదాంత్‌ చెప్పుకొచ్చాడు. ఇక కొడుకు మాటలకు మాధవన్‌ మురిసిపోయాడు. వేదాంత్‌ సినిమా రంగంలోకి రాకపోవడంపై తనకు ఎలాంటి అభ్యంతరం లేదని, తనకు ఏది ఇష్టమో అదే చేయమన్నానని, తనకి పూర్తి స్వేచ్చా ఇవ్వడం తండ్రిగా తన బాధ్యత అని మాధవన్‌ పేర్కొన్నాడు.      var request = 'https://www.sakshi.com/knowwidget/kwstr_4311451212.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

R Madhavan Son Wins Gold Medal in Danish Open: స్టార్‌ హీరో మాధవన్‌ కొడుకు వేదాంత్‌పై సోషల్‌ మీడియాలో ప్రశంసలు వెల్లువెత్తుతున్నాయి.స్విమ్మింగ్‌లో రాణిస్తున్న వేదాంత్‌ ఇప్పటికే భారత్‌కు పలు పతకాలను తీసుకొచ్చిన సంగతి తెలిసిందే. ప్రస్తుతం వేదాంత్‌ డెన్మార్క్‌లో జరుగుతున్న డానిష్ స్విమ్మింగ్ ఓపెన్‌ పోటీల్లో పాల్గొని సత్తా చాటుతున్నాడు. వరుస విజాయలతో దూసుకుపోతూ భారత్‌కు పథకాలను అందిస్తు‍న్నాడు. ఇప్పటికే ఈ పోటీలో వేదాంత్‌ ఆదివారం రజత పతకం సాధించిన సంగతి తెలిసిందే. ఇదే పోటీలో సోమవారం గోల్డ్‌ మెడల్‌ సాధించాడు. ఈ విషయాన్ని మాధవన్‌ సోషల్‌ మీడియా వేదికగా పంచుకున్నాడు. కొడుకు వేదాంత్‌కు గోల్డ్‌ మెడ‌ల్ ప్ర‌క‌టిస్తున్న వీడియోను మాధవన్‌ తన ఇన్‌స్టాగ్రామ్‌లో షేర్ చేశాడు. చదవండి: గంజాయి సరఫరా కేసులో అసిస్టెంట్‌ డైరెక్టర్‌ అరెస్ట్ ‘మీ అందరి ఆశీర్వాదం, ఆ దేవుడి దయ వల్ల వేదాంత్‌ వరస విజాయలను అందుకుంటున్నాడు. ఈ రోజు గోల్డ్‌ మెడల్‌ సాధించాడు. ఇక ఈ ఘనత సాధించడంలో కృషి చేసిన వేదాంత్‌ గురువు ప్రదీప్‌కు కూడా థ్యాంక్స్‌ చెప్పాడు’ అంటూ పోస్ట్‌ పంచుకున్నాడు. కాగా డానిష్ ఓపెన్ 2022లో వేదాంత్ 800 మీట‌ర్ల ఫ్రీ స్టైల్ స్విమ్మింగ్ ఈవెంట్‌లో మొద‌టి స్థానంలో నిలిచాడు. ఆదివారం కేవ‌లం 10మిల్లీ సెక‌న్ల తేడాతో గోల్డ్ కోల్పోయిన వేదాంత్ సోమ‌వారం స‌క్సెస్ ఫుల్‌గా రేసును పూర్తి చేసి భార‌త్ త‌రుపున బంగారు ప‌త‌కాన్ని సాధించాడు. ఈ సంద‌ర్భంగా ప‌లువ‌రు ప్ర‌ముఖుల‌తో పాటు నెటీజ‌న్లు శుభాకాంక్ష‌లు తెలుపుతున్నారు. చదవండి: R Madhavan: స్విమ్మింగ్‌ పోటీల్లో సత్తా చాటిన హీరో మాధవన్‌ కొడుకు View this post on Instagram A post shared by R. Madhavan (@actormaddy)

స్టార్‌ హీరో మాధవన్‌ కొడుకు వేదాంత్‌పై సోషల్‌ మీడియాలో ప్రశంసలు వెల్లువెత్తుతున్నాయి.స్విమ్మింగ్‌లో రాణిస్తున్న వేదాంత్‌ ఇప్పటికే భారత్‌కు పలు పతకాలను తీసుకొచ్చిన సంగతి తెలిసిందే. తాజాగా మరోసారి స్విమ్మింగ్‌ పోటీల్లో దేశానికి సిల్వర్‌ మెడల్‌ను సాధించాడు. డెన్మార్క్‌లో జరిగిన డానిష్ స్విమ్మింగ్ ఓపెన్‌లో మాధవన్‌ కొడుకు వేదాంత్‌ రజత పతకం సాధించి సత్తా చాటాడు.  డెన్మార్క్‌లోని కోపెన్‌హాగన్‌లో జరిగిన డానిష్ ఓపెన్ స్విమ్మింగ్ మీట్‌లో 1500 మీటర్ల ఫ్రీస్టైల్ ఈవెంట్‌లో వేదాంత్ ఈ ఘనత సాధించాడు. ఈ విషయాన్ని మాధవన​ సోషల్‌ మీడియా వేదికగా పంచుకొని ఆనందం వ్యక్తం చేశాడు.  అంతేకాకుండా మాధవన్‌ తన కొడుకు ఫోటోను మాత్రమే కాకుండా బంగారు పతకం సాధించిన సాజన్‌ ప్రకాష్‌ను కూడా అభినందించాడు.  ఇక ఈ ఘనత సాధించడంలో కృషి చేసిన వేదాంత్‌ గురువు ప్రదీప్‌కు కూడా థ్యాంక్స్‌ చెప్పాడు.  With all your blessings & Gods grace🙏🙏 @swim_sajan and @VedaantMadhavan won gold and silver respectively for India, at The Danish open in Copenhagen. Thank you sooo much Coach Pradeep sir, SFI and ANSA.We are so Proud 🇮🇳🇮🇳🇮🇳🙏🙏 pic.twitter.com/MXGyrmUFsW — Ranganathan Madhavan (@ActorMadhavan) April 16, 2022

ఇటీవల కాలంలో ఓటీటీ ప్లాట్‌ఫామ్‌లు వినోదాన్ని అందించే ప్రధాన వేదికలుగా మారాయి. ఈ ఓటీటీల ద్వారా వినోదమే కాకుండా మంచి మార్కెటింగ్‌, బిజినెస్‌ కూడా ఏర్పడుతోంది. దీంతో చిన్న హీరోలు, నటులే కాకుండా పెద్ద హీరోలు సైతం ఓటీటీ బాట పడుతున్నారు. సూర్య, నాని వంటి తదితర హీరోల సినిమాలను నేరుగా ఓటీటీల్లో విడుదల చేసిన సంగతి తెలిసిందే. అయితే సినిమాలే కాకుండా వెబ్‌ సిరీస్‌లతో కూడా అలరించారు కొందరు స్టార్‌ హీరోలు. విభిన్నమైన కథలను వెబ్‌ సిరీస్‌ల ద్వారా ప్రేక్షకులకు వినోదాన్ని పంచే అవకాశం ఓటీటీలకు ఉండటంతో సై అంటున్నారు కథానాయకులు. మనోజ్‌ భాయ్‌పాయ్, కెకె మీనన్‌, నవాజుద్దీన్‌ సిద్ధిఖీ, పంకజ్ త్రిపాఠి వంటి పాపులర్‌ యాక్టర్స్‌కు పోటీ ఇస్తున్నారు ఈ పెద్ద హీరోలు.  1. అభిషేక్‌ బచ్చన్‌ బాలీవుడ్‌ బిగ్‌బీ అమితాబ్ బచ్చన్‌ వారసుడిగా వెండితెరకు పరిచయమైన అభిషేక్‌ బచ్చన్‌ తనదైన నటనతో ప్రత్యేక గుర్తింపు తెచ్చుకున్నాడు. గత రెండేళ్లలో అభిషేక్‌ సినిమాలన్నీ నేరుగా ఓటీటీలోనే విడుదలయ్యాయి. 2020లో వచ్చిన 'బ్రీత్‌: ఇన్‌టు ది షాడోస్‌' వెబ్‌ సిరీస్‌తో ఓటీటీలోకి అడుగు పెట్టాడు అభిషేక్‌ బచ్చన్‌. 2. సైఫ్‌ అలీఖాన్‌ వెబ్ సిరీస్‌ ప్రపంచంలోకి అడుగుపెట్టిన అతిపెద్ద బాలీవుడ్‌ స్టార్లలో సైఫ్‌ అలీ ఖాన్ ఒకరు. తన హ్యాండ్సమ్‌ లుక్‌, కామెడీ టైమింగ్‌తో ప్రేక్షకులను, అభిమానులను ఎంతో అలరించాడు. 2018లో రిలీజైన 'సేక్రేడ్‌ గేమ్స్‌' వెబ్‌ సిరీస్ ఘన విజయం సాధించింది. ఈ సిరీస్‌లో నవాజుద్దీన్‌ సిద్ధిఖీ, రాధికా ఆప్టే, కోల‍్కీ కొచ్చి వంటి భారీ తారాగణం నటించింది. తర్వాత 2020లో ఈ వెబ్‌ సిరీస్‌కు సీక్వెల్‌ కూడా వచ్చింది.  3. అజయ్‌ దేవగణ్‌ 'ఆర్ఆర్ఆర్‌'లో ఓ కీలక పాత్రలో నటించి మెప్పించిన బాలీవుడ్‌ హీరో అజయ్‌ దేవగణ్‌. వరుస సినిమాలతో ఫుల్‌ బిజీగా ఉండే అజయ్‌ దేవగణ్ తాజాగా వెబ్‌ సిరీస్‌లోకి ఎంట్రీ ఇచ్చాడు. సైకాలాజికల్‌, క్రైమ్‌ థ్రిల్లర్‌గా రూపొందిన 'రుద్ర: ది ఎడ్జ్‌ ఆఫ్‌ డార్క్‌నెస్‌' అనే వెబ్ సిరీస్‌లో అజయ్‌ పవర్‌ఫుల్‌ పోలీస్‌ అధికారిగా అలరించాడు. మార్చి 4, 2022న డిస్నీ ప్లస్‌ హాట్‌స్టార్‌లో విడుదలైన ఈ వెబ్‌ సిరీస్‌లో టాలీవుడ్‌ బొద్దుగుమ్మ రాశీ ఖన్నా హీరోయిన్‌గా నటించడం విశేషం.  4. వివేక్‌ ఒబెరాయ్‌ బాలీవుడ్‌ 'ప్రిన్స్‌'గా ప్రత్యేక గుర్తింపు సంపాదించుకున్నాడు వివేక్‌ ఒబెరాయ్‌. బాలీవుడ్ చాక్లెట్‌ బాయ్‌గా పేరొందిన ఈ హీరో రామ్‌గోపాల్‌ వర్మ తెరకెక్కించిన 'రక్త చరిత్ర' సినిమాతో తెలుగు ప్రేక్షకులకు సుపరిచితమే. ప్రస్తుతం తెలుగు, తమిళం, మలయాళం సినిమాల్లో నెగెటివ్‌ పాత్రలు పోషిస్తున్న వివేక్‌ 2017లో 'ఇన్‌సైడ్‌ ఎడ్జ్‌' అనే వెబ్‌ సిరీస్‌తో ఓటీటీ ప్లాట్‌ఫామ్‌ ఎక్కాడు. క్రికెట్ నేపథ్యంతో వచ్చిన ఈ వెబ్‌ సిరీస్‌ అమెజాన్‌ ప్రైమ్‌ వీడియో వేదికగా ఇప్పటికీ 3 సీజన్లు రిలీజ్‌ చేసింది. 5. మాధవన్‌ విపరీతమైన లేడీ ఫ్యాన్‌ ఫాలోయింగ్‌ ఉన్న హీరోల్లో మాధవన్‌ ఒకరు. తెలుగు, తమిళం, హిందీ సినిమాలలో నటించి ఆకట్టుకున్న మాధవన్‌ను చాక్లెట్‌ బాయ్‌ అని పిలిచేవారు. ఈ 51 ఏళ్ల హీరో ఇటీవల 'డీకపుల్డ్‌' వెబ్‌ సిరీస్‌తో ప్రేక్షకుల మనసు దోచుకున్నాడు. విమర్శకుల నుంచి ప్రశంసలు అందుకున్నాడు. 2018లో విడుదలైన 'బ్రీత్‌' వెబ్‌ సిరీస్‌తో ఓటీటీలోకు ఎంట్రీ ఇచ్చాడు.  చదవండి: సూపర్ థ్రిల్‌ ఇచ్చే 'జీ5' థ్రిల్లర్ మూవీస్‌ ఇవే.. చదవండి: ఓటీటీల్లో మిస్‌ అవ్వకూడని టాప్‌ 6 సినిమాలు..

హీరో మాధవన్ కుమారుడు వేదాంత్‌ అరుదైన రికార్డును సొంతం చేసుకున్నాడు. 16 ఏళ్ల వేదాంత్ 7 జాతీయ అవార్డులను గెలిచి అరుదైన ఘనత సాధించాడు. తన కృషితో కుటుంబంతో పాటు దేశం పేరును మరోసారి వెలుగులోకి తీసుకొచ్చాడు వేదాంత్‌. ఇటీవల ముగిసిన 47వ జూనియర్ నేషనల్ ఆక్వాటిక్ ఛాంపియన్‌షిప్స్ 2021లో మొత్తం ఏడు పతకాలను గెలుచుకున్నాడు. అతి చిన్న వయసులోనే వేదాంత్‌ సాధించిన ఘనతను ప్రశంసిస్తూ రాజ్యసభ సభ్యుడు అభిషేక్‌ మను సింఘ్వీ ఓ ట్వీట్‌ చేశారు. చదవండి: యూట్యూబ్‌ ఛానళ్లకు మంచు విష్ణు హెచ్చరిక, అలా చేస్తే చర్యలు.. మాధవన్‌, వేదాంత్‌లు కలిసి ఉన్న ఫొటోను ట్వీట్‌ చేస్తూ ‘గుడ్‌ జాబ్‌ వేదాంత్‌. నువ్వు దేశం గర్వించేలా చేశావు. నిన్ను చూసి గర్వపడుతున్నాం. అలాగే నీ పెంపకం చూసి కూడా’ అంటూ ఈ సందర్భంగ తండ్రి మాధవన్‌పై కూడా ప్రశంసలు కురిపించారు. కాగా బెంగళూరు వేదికగా బసవనగుడి ఆక్వాటిక్ సెంటర్‌లో జరిగిన ఈ పోటీలో వేదాంత్‌ నాలుగు రజత పతకాలతో పాటు మూడు కాంస్య పతకాలు సాధించాడు. ఈ పోటీలో వేదాంత్‌ మహారాష్ట్రకు ప్రాతినిధ్యం వహించాడు. ఇందులో 800 మీటర్ల ఫ్రీస్టైల్ స్విమ్మింగ్, 1500 ఫ్రీస్టైల్ స్విమ్మింగ్, 4×100 ఫ్రీస్టైల్ రిలే,  4×200 ఫ్రీస్టైల్ రిలే ఈవెంట్లలో రజత పథకాలు గెలుచుకున్నాడు.  చదవండి: భార్యకు కాస్ట్‌లీ కారు బహుమతిగా ఇచ్చిన నటుడు ఇదిలా ఉంటే వేదాంత్‌ సాధించిన ఘనతను ప్రశసింస్తూ పలువురు నెటిజన్లు బాలీవుడ్‌ బాద్‌షా షారుక్‌ ఖాన్‌ తనయుడు ఆర్యన్‌ ఖాన్‌పై విమర్శలు గుప్పిస్తున్నారు. ‘16 ఏళ్ల వేదాంత దేశం కోసం పతకం సాధిస్తుండగా.. సరిగ్గా అదే సమయంలో డ్రగ్స్ కేసులో ఆర్యన్ ఖాన్ అరెస్టయ్యాడు. డ్రగ్స్ కేసులో ఆర్యన్ బెయిల్ పిటిషన్ కూడా తిరస్కరించారు. ఇప్పుడు ఆర్యన్ తరపు న్యాయవాదులు హైకోర్టులో అప్పీల్ చేయబోతున్నారు’ అంటూ కామెంట్స్‌ చేస్తున్నారు. కాగా గత మార్చిలో వేదాంత కాంస్య పతకాన్ని సాధించి తన తండ్రి గర్వపడేలా చేశాడు. లాత్వియన్ ఓపెన్ స్విమ్మింగ్ ఛాంపియన్ ఈవెంట్‌లో వేదాంత్ పతకం సాధించాడు. మాధవన్ స్వయంగా ఈ విషయాన్ని సోషల్ మీడియాలో అభిమానులతో పంచుకున్న సంగతి తెలిసిందే.  Good job Vedant. We are proud of you and your upbringing. 🙏 pic.twitter.com/6SNVJI51w1 — Abhishek Singhvi (@DrAMSinghvi) October 24, 2021

సాక్షి, హైదరాబాద్‌: పూర్తి స్వదేశీ సాంకేతికతతో నిర్మితమవుతున్న తేలికపాటి యుద్ధ విమానం తేజస్‌కు అవసరమైన ప్రధాన భాగం (సెంట్రల్‌ ఫ్యూజలాజ్‌ యూనిట్‌) దేశీయంగా సిద్ధమైంది. హైదరాబాద్‌ కేంద్రంగా పనిచేస్తున్న వీఈఎం టెక్నాలజీస్‌లో తయారైన తొలి సెంట్రల్‌ ఫ్యూజలాజ్‌ యూనిట్‌ను సోమవారం తేజస్‌ రూపొందిస్తున్న హిందుస్తాన్‌ ఏరోనాటిక్స్‌ లిమిటెడ్‌ (హెచ్‌ఏఎల్‌)కు అందజేశారు. వీఈఎం టెక్నాలజీస్‌ సీఎండీ వెంకటరాజు చేతుల మీదుగా తొలి యూనిట్‌ దస్తావేజులను హెచ్‌ఏఎల్‌ సీఎండీ ఆర్‌.మాధవన్‌ అందుకున్నారు. ఈ సందర్భంగా ఆయ న మాట్లాడుతూ.. కేంద్రం ఇటీవల ప్రారంభించిన ఆత్మనిర్భర్‌ భారత్‌ కార్యక్రమాన్ని హెచ్‌ఏఎల్‌ 2011లోనే ప్రారంభించిందని పేర్కొన్నారు. తేజస్‌లోని ప్రధాన భాగాలను ఐదు ప్రైవేట్‌ కంపెనీలు చేపట్టాయని, మధ్య భాగమైన సెంట్రల్‌ ఫ్యూజలాజ్‌ యూనిట్‌ తయారీని వీఈఎం టెక్నాలజీస్‌ తక్కువ సమ యంలో పూర్తి చేసిందని కొనియాడారు. ఎల్‌సీఏ మార్క్‌–1 కోసం మొత్తం 83 యూనిట్లు అవసరం కాగా, కొన్ని మార్పులతో ఎల్‌సీఏ మార్క్‌–2 కోసం మరో 120 యూనిట్ల అవసరమని చెప్పారు. నావికాదళం, ఇతర విమానాల కోసం మరో 100 యూనిట్లు కావాల్సి వస్తుందని పేర్కొన్నారు.

తమిళ దర్శకుడు లింగుస్వామి డైరెక్షన్‌లో ఎనర్జిటిక్‌ హీరో రామ్‌ పోతినేని హీరోగా ఓ మాస్‌ మసాలా చిత్రం తెరకెక్కనున్న సంగతి తెలిసిందే. ఇందులో రామ్‌కు జోడిగా ‘ఉప్పెన’ బ్యూటీ కృతిశెట్టి హీరోయిన్‌గా నటిస్తోంది. ప్రస్తుతం ప్రీ ప్రోడక్షన్‌ పనులను జరుపుకుంటున్న ఈ చిత్రం లాక్‌డౌన్‌ అనంతరం సెట్స్‌పైకి రానుంది. ఇదిలా ఉండగా ఈ సినిమాలో మెయిన్‌ విలన్‌గా హీరో మాధవన్‌ను తీసుకోనున్నట్లు ఇటీవల జోరుగా ప్రచారం జరిగింది. తాజాగా ఈ రూమార్స్‌పై మాధవన్‌ స్పందించాడు. లింగుస్వామి తెలుగు మూవీలో తాను నటిస్తున్నట్లు వస్తున్న వార్తల్లో ఎలాంటి నిజంగా లేదని సోషల్‌ మీడియా వేదిక వెల్లడించాడు. మ్యాడి ట్వీట్‌ చేస్తూ.. ‘అద్భుతమైన డైరెక్టర్‌ లింగుస్వామి డైరెక్షన్‌లో నటించాలని నాకూ ఉంది. అయితే కొద్ది రోజులుగా ఆయన చేస్తున్న తెలుగు సినిమాలో నేను విలన్‌గా నటిస్తున్నానంటూ వార్తలు వస్తున్నాయి. కానీ అందులో ఏమాత్రం నిజం లేదు. ఇది కేవలం పుకారు మాత్రమే’ అంటూ స్పష్టం చేశాడు. Would so love to work with @dirlingusamy and recreate the magic cause he is such a wonderful, loving man too… unfortunately no truth in the news doing the rounds recently, of us doing a telugu film together with en as an antagonist ❤️❤️❤️🙏🙏🙏 — Ranganathan Madhavan (@ActorMadhavan) June 12, 2021

ముంబై: కరోనా వైరస్‌పై భారత్‌ చేస్తున్న పోరాటానికి మద్దతుగా మరో కంపెనీ ముందుకొచ్చింది. వాల్‌ డిస్నీ అండ్‌ స్టార్‌ ఇండియా సంస్థ తన వంతు సాయంగా రూ.50 కోట్ల విరాళాన్ని ప్రకటించింది. ఈ నిధులతో కోవిడ్‌ చికిత్సలో వాడే ఆక్సిజన్‌ కాన్సన్‌ట్రేటర్లు, బైప్యాప్, వెంటిలేటర్లు వంటి వైద్య పరికరాలతో పాటు ఆక్సిజన్‌ ప్లాంట్లను ఏర్పాటు చేస్తామని కంపెనీ ఒక ప్రకటనలో తెలిపింది. ప్రస్తుత విపత్కర పరిస్థితుల నుంచి బయటపడేంత వరకు భారత ప్రజలతో కలిసి సాగుతామని కంపెనీ అధ్యక్షుడు కె.మాధవన్‌ తెలిపారు.  

దేశ వ్యాప్తంగా కరోనా కేసులు పెరుగుతున్న సంగతి తెలిసిందే. ఈ క్రమంలో పలువురు ప్రముఖ నటీనటులకు సైతం కరోనా సోకతుంది. తాజాగా నటుడు మాధవన్‌కు కరోనా పాజిటివ్‌గా నిర్దారణ అయ్యింది. ఈ విషయాన్ని స్వయంగా మాధవన్‌ సోషల్‌ మీడియాలో వెల్లడించారు. అయితే కరోనా సోకిందనే విషయాన్ని కాస్త ఫన్నీగా షేర్‌ చేసుకున్నారు. బాలీవుడ్‌ స్టార్‌ అమీర్‌ ఖాన్‌తో 'త్రీ ఇడియట్స్' చిత్రంలో కలిసి నటించిన మాధవన్‌..అందులోని ఓ  ఫోటోను షేర్‌ చేస్తూ..రాంచో(3 ఇడియ‌ట్స్ లో  అమీర్‌ పాత్ర పేరు)ను ఫ‌ర్హాన్( మాధ‌వన్‌ పేరు) ఫాలో అవుతుంటే.. వైర‌స్(బొమ‌న్ ఇరానీ) మా ఇద్ద‌రి వెంట ప‌డేవాడు. అయితే ఈసారి వాడికి(క‌రోనా వైర‌స్‌కు) మేము చిక్కాము. ఆల్ ఈజ్ వెల్. త్వరలోనే  కరోనా వైర‌స్‌కి కూడా త్వ‌ర‌లో చెక్ ప‌డుతుంది. మాతో పాటు రాజు రాకూడ‌ద‌ని అనుకుంటున్నాము. అంద‌రికీ థ్యాంక్స్. నా ఆరోగ్యం బావుంది అని మాధవన్‌ పేర్కొన్నారు. అయితే కరోనా విషయంలోనూ మాధవన్‌ చూపించిన సెన్సాఫ్ హ్యూమర్‌కు నెటిజన్లు ఫిదా అయ్యారు. కాగా బుధవారం నటుడు అమీర్‌ ఖాన్‌..తనకు కరోనా పాజిటివ్‌గా నిర్ధారణ అయినట్లు పేర్కొన్న సంగతి తెలిసిందే. ఇంటి వద్దే ఐసోలేషన్‌లో ఉన్నట్లు, ఆరోగ్య పరిస్థితి మెరుగ్గానే ఉందని అతని మేనేజర్‌ తెలిపారు.  Farhan HAS to follow Rancho and Virus has always been after us BUT this time he bloody caught up. 😡😡😄😄BUT-ALL IS WELL and the Covid🦠 will be in the Well soon. Though this is one place we don’t want Raju in😆😆. Thank you for all the love ❤️❤️I am recuperating well.🙏🙏🙏 pic.twitter.com/xRWAeiPxP4 — Ranganathan Madhavan (@ActorMadhavan) March 25, 2021 చదవండి : ప్రపోజ్‌ డే: హీరోకు వెరైటీ లవ్‌ ప్రపోజల్‌ వామ్మో! షారుక్‌కు అంత రెమ్యునరేషన్‌ కావాలంట

హీరో మాధవన్‌ (మ్యాడీ) తాజా చిత్రం ‘మారా’ ఇటీవల ఓటీటీ ప్లాట్‌ఫాం అమెజాన్‌ ప్రైంలో విడుదలైన సంగతి తెలిసిందే. మాలయాళంలో సూపర్‌ హిట్‌గా నిలిచిన రోమాంటిక​ డ్రామా ‘చార్లీ’ని దర్శకుడు దిలీప్‌ కుమార్‌ తమిళంలో ‘మారా’ పేరుతో తెరకెక్కించాడు. జనవరి 8న అమెజాన్‌ ప్రైంలో విడుదలైన ఈ సినిమాపై మూడుకు పైగా రేటింగ్‌తో పాజిటివ్‌ రెస్పాన్స్‌ అందుకోగా తాజాగా ఓ అభిమాని మాత్రం మ్యాడీపై విమర్శలు గుప్పించాడు. ఇక అది చూసి మ్యాడీ ఇచ్చిన సమాధానం నెటిజన్లను తెగ ఆకట్టుకుంటోంది. ‘మారా బిలో యావరేజ్ మూవీ. చార్లీ సినిమా మొదటి 30 నిమిషాల తర్వాత కూడా ప్రేక్షకులు చాలా ఇబ్బంది పడి ఉంటారు. నిజంగా మాధవన్‌ షో స్పాయిలర్‌, అంతగా ఆయన పాత్ర నిరుత్సాహపరిచింది’ అంటూ ట్వీట్‌ చేశాడు. (చదవండి: నెటిజన్‌కు రివర్స్‌ కౌంటరిచ్చిన హీరో) #Maara completely floored by its sheer magic. It’s poetic, feel good n brings a tear with a smile. @ActorMadhavan #MouliSir @ShraddhaSrinath n the entire team, What a show! Marvellous!!!! #Director @dhilip2488 you are brilliant 👏👏👏👏💐💐💐❤️❤️❤️❤️ — KhushbuSundar ❤️ (@khushsundar) January 11, 2021 ఇక దీనికి మాధవన్‌ ‘హో మిమ్మల్ని నిరుత్సాహపరిచినందకు క్షమిచండి. మరోసారి ఈ తప్పు జరకుండా చూసుకుంటా. తదుపరి సినిమాలో మంచి ప్రదర్శన ఇస్తాను’ అంటూ చేతులు జోడించిన ఏమోజీతో సమాధానం ఇచ్చాడు. అయితే మలయాళంలో బ్లాక్‌బస్టర్‌ హిట్‌గా నిలిచిన ‘చార్లీ’ని డైరెక్టర్‌ దిలీప్‌ కుమార్‌ ‘మారా’ పేరుతో తమిళంలో రీమేక్‌ చేశాడు. చార్లీలో హీరో దుల్కర్‌ సల్మాన్‌, పార్వతీలు లీడ్‌రోల్‌లు పోషించగా మారాలో మాధవన్, ‌శ్రద్దా శ్రీనాథ్‌ నటించారు. కాగా ఓటీటీలో విడుదలైన మారా విమర్శకుల నుంచి ప్రశంసలు అందుకుంటోంది. ఇందులో మ్యాడీ పాత్ర చాలా అద్బుతంగా ఉందని, మాధవన్‌ తన నటనతో ‘మారా’కు జీవం పోశాడంటూ సినీ విశ్లేషకులు పేర్కొంటున్నారు. అంతేగాక ఇందులోని పలు సన్నివేశాల్లో మ్యాడీ ఎనర్జీటిక్‌, ఉల్లాసవంతమైన నటనతో హైలెట్‌గా నిలిచాడాని ప్రశంసిస్తున్నారు. ఇక మౌలీ, షీవాద నాయర్‌, అభిరామీ, అలెగ్జాండర్‌ బాబులు ఈ సినిమాలో కీలక పాత్రలు పోషించారు. (చదవండి: రతన్‌ టాటా బయోపిక్‌..‌ అది నేను కాదు..)

సినీ సెలబ్రిటీలు ట్రోలింగ్‌ బారిన పడటం సర్వసాధారణమైంది. తాజాగా ఈ లిస్టులో హీరో మాధవన్‌ వచ్చి చేరారు. ప్రస్తుతం తను నటించిన మారా రిలీజ్‌ కోసం ఎదురు చూస్తున్న ఆయనను సోషల్‌ మీడియాలో ఓ నెటిజన్‌ కించపరుస్తూ మాట్లాడింది. "మ్యాడీ(మాధవన్‌)కి పెద్ద అభిమానిని. కానీ అతడు తాగుడుకు బానిసై, డ్రగ్స్‌కు అలవాటు పడుతూ అటు కెరీర్‌ను, ఇటు ఆరోగ్యాన్ని పాడు చేసుకోవడం చూడలేకపోతున్నాను. రెహ్నా హై తేరా దిల్‌ మే.. చిత్రంతో బాలీవుడ్‌లోకి అడుగు పెట్టినప్పుడు ఎలా ఉండేవాడు? ఇప్పుడెలా తయారయ్యాడు? అసలేం చేస్తున్నాడనో అతడి ముఖం చూస్తేనే తెలుస్తోంది" అని కామెంట్‌ చేసింది. మీ పేషెంట్లను చూస్తుంటే జాలేస్తోంది.. సాధారణంగా ఇలాంటి నెగెటివిటీని సెలబ్రిటీలు పెద్దగా పట్టించుకోరు. కానీ మాధవన్‌కు మాత్రం ఈ కామెంట్‌ చూడగానే కోపం నషాళానికంటింది. దీంతో ఆమె వ్యాఖ్యాలకు ధీటుగా కౌంటర్లిస్తూ ట్వీట్‌ చేశారు. "ఓహో‌.. ఇదన్నమాట మీరు చేసేది? పాపం, మీ పేషెంట్లను చూస్తుంటే నాకు జాలేస్తోంది. నాకు తెలిసి నువ్వు వీలైనంత త్వరగా డాక్టర్‌ అపాయింట్‌మెంట్‌ తీసుకోవడం మంచిది" అంటూ వ్యంగ్యంగా కౌంటరిచ్చారు. అటు మాధవన్‌ అభిమానులు కూడా హీరోను సమర్థిస్తూ సదరు నెటిజన్‌ వ్యాఖ్యలను ఖండిస్తున్నారు. బాలీవుడ్‌లో ఎవరో డ్రగ్స్‌ తీసుకున్నారని మా హీరోను అనుమానిస్తే బాగోదని హెచ్చరిస్తున్నారు. ఆమెకేదైనా చూపు మందగించిందేమోనని కామెంట్లు చేస్తున్నారు. (చదవండి: సారీ బాస్‌, ఎస్‌ బాస్‌.. 30 ఏళ్లు ఇవే డైలాగులు) సైంటిస్ట్‌ మూవీలో మాధవన్‌ ఇదిలా వుండగా మాధవన్‌ ప్రస్తుతం 'మారా' సినిమా ప్రమోషన్స్‌లో బిజీగా ఉన్నారు. ఈ చిత్రం జనవరి 8న అమెజాన్‌ ప్రైమ్‌లో విడుదల కానుంది. దుల్కర్‌ సల్మాన్‌, పార్వతి ప్రధాన పాత్రల్లో నటించిన మలయాళ చిత్రం 'చార్లీ'కి ఇది రీమేక్‌. ఇందులో స్టాండప్‌ కమెడియన్‌ అలెగ్జాండర్‌ బాబు కూడా నటించారు. ప్రస్తుతం మాధవన్‌ 'రాకెట్రీ: ద నంబి ఎఫెక్ట్‌' అనే చిత్రంలో నటిస్తున్నారు. ఇది ఇస్రో శాస్త్రవేత్త నంబి నారాయణన్‌ జీవిత కథ ఆధారంగా తెరకెక్కుతోంది. (చదవండి: నాకు నీ గురించి అన్నీ తెలుసు: చై) Oh .. So that’s your diagnoses ? I am worried for YOUR patients. 😱😱😱😱. May be you need a Docs appointment. . https://t.co/YV7dNxxtew — Ranganathan Madhavan (@ActorMadhavan) January 5, 2021

పారిశ్రామిక దిగ్గజం, టాటా గ్రూప్‌ గౌరవ చైర్మన్‌ రతన్‌ టాటా పేరుతో రానున్న బయోపిక్‌లో తను నటించడం లేదని హీరో మాధవన్‌ స్పష్టం చేశారు. రతన్‌ టాటా జీవిత కథ నేపథ్యంలో త్వరలో ఓ బయోపిక్‌ తెరకెక్కనుందని, ఇందులో ఒకప్పటి లవర్‌ బాయ్‌ మాధవన్‌ నటిస్తున్నట్లు గత కొద్ది రోజులుగా వార్తలు వినిపిస్తున్న విషయం తెలిసిందే. ఇందుకు స్పందించిన ఓ పోస్టు కూడా సోషల్‌ మీడియాలో వైరల్‌ అవుతోంది. అయితే ఈ వార్తపై తాజాగా మాధవన్‌ స్పందిస్తూ శనివారం ఓ ట్వీట్‌ చేశారు. ‘హే దురదృష్టవశాత్తు ఇది నిజం కాదు. కొంతమంది అభిమానుల తమ కోరిక మేరకు ఈ పోస్ట్‌ను సృష్టించి వైరల్‌ చేస్తున్నట్టున్నారు. అంతే తప్పా ఇందులో ఏమాత్రం నిజం లేదు. దీనికి సంబంధించి ఏ ప్రాజెక్ట్‌ ఇంతవరకు నా దగ్గరికి రాలేదు.. కనీసం చర్చ కూడా జరగలేదు’ అంటూ మాధవన్‌ ట్వీట్‌ చేశారు. (చదవండి: మాధవన్‌ టెన్త్‌ మార్కులు తెలుసా!) Hey unfortunately it’s not true. It was just a wish at some fans will made the poster. No such project is even on the pipeline or being discussed. https://t.co/z6dZfvOQmO — Ranganathan Madhavan (@ActorMadhavan) December 11, 2020 అయితే దర్శకురాలు సుధ కొంగర పారిశ్రామిక వేత్త రతన్‌ టాటా జీవిత కథ ఆధారం ఓ బయోపిక్‌ను రూపొందిస్తున్నట్లు ఇటీవల ఓ ఇంటర్య్వూలో ఆమె పేర్కొన్నారు. అప్పటి నుంచి ఆమె రతన్‌ టాటా బయోపిక్‌ను లైకా ప్రోడక్షన్‌లో నిర్మిస్తున్నారని, ఈ చిత్రంలో 2021లో షూటింగ్‌ను కూడా జరుపుకోనున్నట్లు వార్తలు వినిపిస్తున్నాయి. ఈ మేరకు మాధవన్‌ ఫొటో ఉన్న ఓ పోస్టర్‌పై రతన్‌ టాటా అని రాసి ఉన్న ఓ పోస్ట్‌  నెట్టింటా హల్‌చల్‌ చేస్తోంది. కాగా ఇటీవల మాధవన్‌, స్వీటీ అనుష్కలు జంటగా నటించిన ‘నిశ్శబ్ధం’ మూవీ ఓటీటీలో విడుదలైన విషయం తెలిసిందే. సస్పెన్స్‌ థ్రిల్లర్‌గా తెరకెక్కిన ఈ చిత్రంలో అనుష్క మాటలు రాని, వినికిడి లోపం ఉన్న కళాకారిణిగా నటించారు. (చదవండి: ఆ విషాదంపై రతన్‌ టాటా భావోద్వేగం​)

మూగ, చెవుడు ఉన్న ఒక క్యారెక్టర్‌ అనగానే అది చేయడానికి స్టార్‌ హీరోయిన్లు పెద్దగా సాహసించరు. కానీ అనుష్క ఈ సాహసం చేసింది. లేడీ ఓరియెంటెడ్‌ సినిమాలంటే అనుష్క ఎప్పుడూ ముందుటారన్న సంగతి తెలిసిందే. అందుకే చాలా గ్యాప్‌ తర్వాత అనుష్క సినిమా చేస్తుంది, అది కూడా మూగ, చెవుడు క్యారెక్టర్‌ అనగానే ప్రేక్షకుల్లో ఆసక్తి పెరిగింది. తన పక్కన హీరోగా ఒకప్పటి లవర్‌ బాయ్‌ మాధవన్‌ అని చెప్పగానే సినిమాకు హైప్‌ రెట్టింపయ్యింది. సినిమా షూటింగ్‌ పూర్తవ్వగానే ఒకొక్క అప్‌డేట్‌ బయటకి వచ్చింది.  (మెహర్‌ రమేష్‌‌ దర్శకత్వంలో మెగాస్టార్‌) తీరా రిలీజ్‌ డేట్‌ ప్రకటించగానే లాక్‌డౌన్‌‌ అంటూ ఎవ్వరూ ఊహించని విధంగా 8 నెలల బ్రేక్‌ వచ్చింది. థియేటర్లు తెరుచుకుంటాయేమో.. నిశ్శబ్ధాన్ని ప్రేక్షకులు వెండితెరపై చూసే అవకాశం వస్తుందేమో అని మూవీ టీమ్‌ అంతా ఆసక్తిగా ఎదురుచూసింది. ఎంతకీ థియేటర్లు తెరచుకునే పరిస్థితి కనబడకపోవడంతో అమెజాన్‌ ప్రైమ్‌లో ఈ సినిమా విడుదల అయ్యింది. నటీనటుల యాక్టింగ్‌ తప్ప ఇంకా ఏ విభాగంలోనూ సినిమాకు మంచి మార్కులు పడలేదు. షాలినీ పాండే, అంజలి, సుబ్బరాజు, శ్రీనివాస్‌ అవసరాల, మైఖేల్‌ మాడ్సెన్‌ కీలక పాత్రల్లో కనిపించిన ఈ సినిమా చిత్రీకరణ మొత్తం అమెరికాలోనే జరిగింది. తన పాత్ర కోసం అనుష్క ప్రత్యేక శిక్షణ తీసుకుంది. పెయింటింగ్‌లో మెలకువలు నేర్చుకుంది. ఇంత చేసినా సినిమాకు ప్రాణం లాంటి క్లైమాక్స్‌ను దర్శకుడు హేమంత్‌ మధుకర్‌ సరిగా చూపించలేకపోయాడు. అందుకే దీనికి ప్రేక్షకుల దగ్గరి నుంచి మంచి స్పందన రాలేదు. ఓటీటీలో అంతగా ఆదరణ పోందలేని ఈ సినిమా ఇప్పుడు బుల్లితెరపై రాబోతుంది. ఇటీవల నిశ్శబ్దం శాటిలైట్‌ హక్కులను జీ తెలుగు దక్కించుకుంది. అనుష్క దీని తర్వాత రెండు సినిమాలను ఓకే చేశారని, అందులో ఒకటి ఈ సంవత్సరం సెట్స్‌పైకి వెళ్లనుందని ఒక ఇంటర్వ్యూలో ఆమె బయటపెట్టారు.   (బాహుబలి తిరిగొచ్చాడు)  

‘‘ఇండియా – పాకిస్తాన్‌ క్రికెట్‌ మ్యాచ్‌ స్టేడియంలో చూడటం ఒక కిక్‌. అలా కుదరకపోతే టీవీలో చూస్తాం. కరెంట్‌ పోతే ఫోన్‌లో చూస్తాం. కానీ ఉత్కంఠ ఒక్కటే. ఎమోషన్‌ కనెక్ట్‌ అయితే ఏ స్క్రీన్‌ అయినా ఒక్కటే. సినిమా కూడా అంతే’’ అన్నారు రచయిత కోన వెంకట్‌. అనుష్క, మాధవన్‌ ప్రధాన పాత్రల్లో  నటించిన చిత్రం ‘నిశ్శబ్దం’. హేమంత్‌ మధుకర్‌ దర్శకత్వంలో ఈ చిత్రాన్ని పీపుల్స్‌ మీడియా ఫ్యాక్టరీ, కోన ఫిల్మ్‌ కార్పొరేషన్‌ నిర్మించాయి. ఈ సినిమా అక్టోబర్‌ 2న అమేజాన్‌ ప్రైమ్‌లో తెలుగు, తమిళ, హిందీ, కన్నడ, మలయాళ భాషల్లో విడుదలవుతుంది. ఈ సినిమాకి స్క్రీన్‌ ప్లే రచయితగా, నిర్మాతగా వ్యవహరించిన కోన వెంకట్‌ ‘సాక్షి’కి చెప్పిన విశేషాలు. మూకీ టు టాకీ ‘నిశ్శబ్దం’ని ముందు మూకీ  సినిమాగా అనుకున్నాం. స్క్రీన్‌ ప్లే కూడా పకడ్బందీగా ప్లాన్‌ చేశాం. కానీ అనుష్క పాత్ర ఒక్కటే వినలేదు... మాట్లాడలేదు.. మిగతా పాత్రలు ఎందుకు సైలెంట్‌గా ఉండాలి? అనే లాజికల్‌ క్వశ్చన్‌తో మూకీ సినిమాను టాకీ సినిమాగా మార్చాం. రచయితగా నాకూ సవాల్‌ దర్శకుడు హేమంత్‌ మధుకర్‌ ఈ కథ ఐడియా చెప్పగానే నాకు ఛాలెంజింగ్‌గా అనిపించింది. ఐడియాను కథగా మలిచి స్క్రీన్‌ ప్లే చేయడం చాలా ఎగ్జయిటింగ్‌గా అనిపించింది. మేమిద్దరం మంచి మిత్రులం కావడంతో వాదోపవాదనలు చేసుకుంటూ స్క్రిప్ట్‌ను అద్భుతంగా మలిచాం. షూటింగ్‌ ఓ పెద్ద ఛాలెంజ్‌ ఈ సినిమా మొత్తాన్ని అమెరికాలోనే పూర్తి చేశాం. అది కూడా కేవలం 60 రోజుల్లోనే. కానీ అలా చేయడానికి చాలా ఇబ్బందులుపడ్డాం. థ్రిల్లర్‌ సినిమా షూట్‌ చేయడానికి వాతావరణం కీలకం. అమెరికాలో శీతాకాలంలో తీయాలనుకున్నాం. మా అందరికీ వీసాలు వచ్చేసరికి అక్కడ వేసవికాలం వచ్చేసింది. రోజూ ఉదయాన్నే రెండుమూడు గంటలు ప్రయాణం చేసి లొకేషన్స్‌కి వెళ్లి షూట్‌ చేశాం. వేరే దారిలేకే ఓటీటీ ‘నిశ్శబ్దం’ చిత్రం రిలీజ్‌ ఫి్ర» వరి నుంచి వాయిదా పడుతూ వస్తోంది. మరోవైపు థియేటర్స్‌ ఎప్పుడు తెరుచుకుంటాయో అయోమయం. మరీ ఆలస్యం చేస్తే కొత్త సినిమా చుట్టూ ఉండే హీట్‌ పోతుంది. అది జరగకూడదని ఓటీటీలో విడుదల చేస్తున్నాం. ఓటీటీకి వెళ్లకూడదని చాలా విధాలుగా ప్రయత్నించాం. ప్రత్యామ్నాయం లేకపోవడంతో ఇలా చేస్తున్నాం. కచ్చితంగా థియేటర్‌ అనుభూతి ఉండదు. కానీ సినిమా తీసిందే ప్రేక్షకుల కోసం. వాళ్లకు ఎలా అయినా చూపించాలి కదా. ఓటీటీలో ‘నిశ్శబ్దం’ మొదటి బ్లాక్‌బస్టర్‌ అవుతుంది అనుకుంటున్నాను. ఫలితాన్ని దాచలేం థియేట్రికల్‌ రిలీజ్‌ అయితే కలెక్షన్స్‌ని బట్టి సినిమా హిట్, ఫ్లాప్‌ చెప్పొచ్చు. ఓటీటీలో అలా ఉండదు. ప్రేక్షకులు సోషల్‌ మీడియాలో తమ అభిప్రాయాన్ని చెప్పేస్తారు. బావుంటే అభినందనలు ఉంటాయి. లేదంటే చీల్చి చండాడేస్తారు. ఈ లాక్‌డౌన్‌ను నేను ఆత్మవిమర్శ చేసుకోవడానికి ఉపయోగించుకున్నాను. లాక్‌డౌన్‌ తర్వాత మనం చెప్పే కథల్లో చాలా మార్పు ఉంటుందని నేను బలంగా నమ్ముతున్నాను. కచ్చితంగా కొత్త ఐడియాలు మన తెలుగులోనూ వస్తాయి. ‘నిశ్శబ్దం’ కూడా అలాంటి సినిమాయే అని నా నమ్మకం. కోన 2.0 వస్తాడు ► లాక్‌డౌన్‌లో కొన్ని కథలు తయారు చేశాను ► లాక్‌డౌన్‌ తర్వాత అందరిలోనూ కొత్త వెర్షన్‌ బయటకి వస్తుంది అనుకుంటున్నాను. అలానే కోన వెంకట్‌ 2.0 కూడా వస్తాడు ► కరణం మల్లీశ్వరి బయోపిక్‌ సినిమా బాగా ముస్తాబవుతోంది ► దేశం మొత్తం ఆశ్చర్యపడే కాంబినేషన్‌ ఒకటి ఓకే అయింది. ఆ వివరాలు త్వరలోనే ప్రకటిస్తాను ► సంక్రాంతికి థియేటర్స్‌ ఓపెన్‌ అయి, ప్రేక్షకులందరూ తండోపతండాలుగా థియేటర్లకు వెళ్లాలని మనస్ఫూర్తిగా కోరుకుంటున్నాను.

అనుష్క, మాధవన్, అంజలి, షాలినీ పాండే, సుబ్బరాజు, మైఖేల్‌ మ్యాడిసన్‌ ముఖ్య పాత్రల్లో నటించిన చిత్రం ‘నిశ్శబ్దం’. హేమంత్‌ మధుకర్‌ దర్శకత్వం వహించిన ఈ చిత్రాన్ని టీజీ విశ్వప్రసాద్, కోన వెంకట్‌ నిర్మించారు. థ్రిల్లర్‌ చిత్రంగా తెరకెక్కిన ఈ సినిమాలో అనుష్క మూగ పెయింటర్‌ పాత్రలో నటించారు. అన్నీ అనుకున్నట్లు జరిగి ఉంటే ఏప్రిల్‌ 2న ప్రపంచవ్యాప్తంగా ‘నిశ్శబ్దం’తో థియేటర్స్‌లో సందడి చేసేవారు అనుష్క అండ్‌ టీం. కానీ కరోనా లాక్‌డౌన్‌ కారణంగా అన్ని థియేటర్లు మూతపడటంతో ఈ సినిమా విడుదల వాయిదా పడుతూ వస్తోంది. తాజాగా ఈ చిత్రం మంగళవారం సెన్సార్ కార్యక్రమాలను పూర్తి చేసుకుంది. సెన్సార్ బోర్డు యు/ఎ సర్టిఫికెట్ జారీ చేసింది. ఈ విషయాన్ని చిత్ర దర్శకుడు హెమంత్‌ మధుకర్‌ తన ట్విటర్‌లో పేర్కొన్నారు. (చదవండి: నటుడు సూర్యకు గాయాలు..!) ‘మా రెండు చిత్రాలు తెలుగులో నిశ్శబ్దం, సైలెన్స్‌ చూసిన సెన్సార్‌ బోర్డు సభ్యులు యూ/ఏ సర్టిఫికేట్‌ ఇచ్చారు. ఈ సినిమా చూశాక బోర్డు సభ్యుల స్పందన చూసి చాలా ఆనందం వేసింది. ఈ సినిమాను తొలుత థియేటర్‌లోనే విడదుల చేయాలని సలహా ఇచ్చినందుకు వారికి నా కృతజ్ఞతలు’ అంటూ హేమంత్‌ మధుకర్‌ ట్వీట్‌ చేశాడు. ఈ సినిమా ఓటీటీ ప్లాట్‌ఫామ్స్‌లో విడుదలవుతుందనే వార్తలు వస్తున్న నేపథ్యంలో దర్శకుడి ట్వీట్‌ ఆసక్తిరేపుతోంది. ఇక షూటింగ్‌లకు, థియేటర్లకు అనుమతుల్వివ్వాలని టాలీవుడ్‌ ప్రముఖులు ఇరు రాష్ట్రాల ప్రభుత్వాలను కోరుతున్న విషయం తెలిసిందే. దీంతో ఓటీటీలో విడుదల చేసే ప్రక్రియను కొన్నిరోజుల పాటు నిలుపుదల చేసినట్లు తెలుస్తోంది. (బన్నీ సినిమాలో యాంకర్ సుమ!) Both our films #nishabdham Telugu and #silence given U/A censor certificate and I am overwhelmed by the response of the #cencorboard panel members and my sincere thanks to them for there advice to release the film first in theatre 🙏 pic.twitter.com/bIZTOvjY7q — Hemantmadhukar (@hemantmadhukar) May 26, 2020 ‘మా చిత్రం ‘నిశ్శ‌బ్దం’ విషయంలో మీడియాలో అనేక ఊహాగానాలు వినిపిస్తున్నాయి. వాటికి వివరణ ఇవ్వాలని అనుకుంటున్నాము. ఈ సినిమాని థియేటర్లలో విడుదల చేసేందుకే మేము అధిక ప్రాధాన్యత ఇస్తున్నాము. చాలా కాలం పాటు అందుకు పరిస్థితులు అనుకూలించకపోతే మాత్రం.. అప్పుడు ఓటీటీ గురించి ఆలోచిస్తాము. అప్పుడు అదే బెస్ట్ అని అనుకుంటాము’ అంటూ చిత్ర నిర్మాతల్లో ఒకరైన కోన వెంకట్‌ కొద్దిరోజుల క్రితం ట్వీట్‌ చేసిన విషయం తెలిసిందే. అయితే ఈ సినిమా విడుదలపై ఇప్పట్లో స్పష్టమైన క్లారిటీ వచ్చే అవకాశం కనిపించట్లేదు. థియేటర్లపై ప్రభుత్వం తీసుకునే నిర్ణయం తర్వాతే ‘నిశ్శబ్దం’ విడుదలపై ఆలోచించాలని చిత్రబృందం భావిస్తుంది.     var request = 'https://www.sakshi.com/knowwidget/kwstr_841250433.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

స్వీటీ అనుష్క ప్రధాన పాత్రలో హేమంత్‌ మధుకర్‌ దర్శకత్వం వహించిన చిత్రం ‘నిశ్శబ్దం’. మాధవన్‌, అంజలి, షాలిని పాండే తదితరులు ముఖ్య పాత్రలు పోషించిన ఈ చిత్రం ఏప్రిల్‌ 2న విడుదల కావాల్సింది. కానీ కరోనా లాక్‌డౌన్‌ కారణంగా థియేటర్లకు తాళం పడటంతో ఈ సినిమా విడుదల వాయిదా పడింది. ఇప్పటికే పలు కారణాలతో వాయిదా పడుతూ వస్తున్న ఈ చిత్రం లాక్‌డౌన్‌ కారణంగా మరోసారి వాయిదా పడింది. లాక్‌డౌన్‌ పొడగింపు, ఇప్పట్లో థియేటర్లు తెరుచుకునే అవకాశం లేకపోవడంతో దర్శకనిర్మాతలు ఓ కీలక నిర్ణయం తీసుకున్నట్లు తెలుస్తోంది.  లాక్‌డౌన్‌ సమయాన్ని క్యాష్‌ చేసుకునేందుకు ఓటీటీ సంస్థలు శతవిధాల ప్రయత్నిస్తున్నాయి. విడుదలకు సిద్దంగా ఉండి లాక్‌డౌన్‌తో విడుదల కాకుండా ఆగిపోయిన చిత్రాలకు ఆకర్షణీయమైన ప్యాకేజీలు ఇవ్వడానికి ఓటీటీ సం​స్థలు సిద్దమవుతున్నాయి. ఇప్పటికే ఒకటిరెండు చిన్న సినిమాలు డిజిటల్‌ ప్లాట్‌ఫామ్‌పై విడుదల అయ్యాయి. అయితే తాజాగా ఓ సంస్థ నిశ్శబ్దం సినిమాతో డీల్‌ కుదుర్చుకున్నట్లు వార్తలు వస్తున్నాయి. అనుష్క, మాధవన్‌, అంజలి వంటిస్టార్లు నటించడం, సౌతిండియాలో ఈ సినిమాపై క్రేజ్‌ ఎక్కువగానే ఉండటంతో ‘నిశ్శబ్దం’కు భారీ మొత్తంలో ఆఫర్‌ చేసినట్లు సమాచారం. దీంతో ఇప్పటివరకు థియేటర్లోనే విడుదల చేస్తామని భీష్మించుకొని కూర్చున్న చిత్రబృందం కాస్త మెత్తపడినట్లు వార్తలు వస్తున్నాయి.  ప్రస్తుతం డీల్‌ చివరి దశలో ఉందని, త్వరలోనే అధికారిక ప్రకటన వెలువడే అవకాశం ఉందని ఫిలింనగర్‌ వర్గాలు పేర్కొంటున్నాయి. అయితే చిత్ర బృందం నుంచి ఇప్పటివరకు ఎలాంటి అధికారిక ప్రకటన వెలువడలేదు.  చదవండి: పవర్‌ స్టార్‌ సరసన అనుష్క? ‘డియర్‌ విజయ్‌.. నేనర్థం చేసుకోగలను’     var request = 'https://www.sakshi.com/knowwidget/kwstr_541241401.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

అనుష్క ప్రధాన పాత్రలో తెరకెక్కిన చిత్రం ‘నిశ్శబ్దం’. హేమంత్‌ మధుకర్‌ దర్శకత్వం వహించారు. కోన వెంకట్‌ సమర్పణలో టీజీ విశ్వప్రసాద్‌ నిర్మించారు. అనుష్కతో పాటు మాధవన్‌, అంజలి, షాలినీ పాండే కీలక పాత్ర పోషిస్తున్నారు. ఇప్పటికే విడుదలైన చిత్ర ఫస్ట్‌ లుక్‌ పోస్టర్స్‌, టీజర్‌కు మంచి టాక్‌ రావడంతో ఈ సినిమాపై అంచనాలు పెరిగాయి. అయితే గత కొద్ది రోజులుగా ఈ సినిమాకు సంబంధించిన అప్‌డేట్‌ రాకపోవడంతో ఫ్యాన్స్‌ నిరుత్సాహపడ్డారు. అయితే ‘నిశ్శబ్దం’ ఫ్యాన్స్‌కు సైలెన్స్‌ సర్‌ప్రైజ్‌ ఇచ్చింది చిత్ర యూనిట్‌.  నిశ్శబ్దం తెలుగు ట్రైలర్‌ను మార్చి 6న మధ్యాహ్నాం 12:12 గంటలకు విడుదల చేయనున్నట్లు ప్రకటించింది. అంతేకాకుండా చిత్ర ట్రైలర్‌ను తెలుగులో నేచురల్‌ స్టార్‌ నాని విడుదల చేస్తాడని తెలిపింది. తెలుగు, త‌మిళ‌, మ‌ల‌యాళ‌, హిందీ, ఇంగ్లీష్ భాష‌ల్లో రూపొందుతున్న ఈ చిత్రాన్ని ఏప్రిల్‌ 2న విడుదల చేయాలని చిత్ర బృందం ప్లాన్‌ చేస్తోంది. ఇప్పటికే పలుమార్లు చిత్ర విడుదల వాయిదా పడిన విషయం తెలిసిందే. ఈ సినిమా కథ అమెరికాలోని సియోటల్ బ్యాక్ డ్రాప్‌లో సాగుతుంది. ఇక ఇందులో అనుష్క మూగ చిత్రకారిణి సాక్షి పాత్రలో నటిస్తున్నారు. చదవండి: హ్యపీ బర్త్‌డే స్వీటెస్ట్‌ అమృత సుకుమార్‌ అభినందనను మర్చిపోలేను  

అన్నీ అనుకున్నట్లుగా జరిగి ఉంటే ఈ శుక్రవారం ‘నిశ్శబ్దం’తో థియేటర్స్‌లో సందడి చేసేవారు అనుష్క. సాంకేతిక కారణాల వల్ల ఈ సినిమాను ఫిబ్రవరి 20కి పోస్ట్‌పోన్‌ చేశారన్నది నిన్న మొన్నటి వార్త. అయితే 20న కూడా నిశ్శబ్దం సందడి ఉండదని తాజా సమాచారం. ఏప్రిల్‌ నెలకు ఈ సినిమా వాయిదా పడిందని భోగట్టా. అనుష్క, మాధవన్, అంజలి, షాలినీ పాండే, సుబ్బరాజు, మైఖేల్‌ మ్యాడిసన్‌ ముఖ్య పాత్రల్లో నటించిన చిత్రం ‘నిశ్శబ్దం’. హేమంత్‌ మధుకర్‌ దర్శకత్వం వహించిన ఈ చిత్రాన్ని టీజీ విశ్వప్రసాద్, కోన వెంకట్‌ నిర్మించారు. థ్రిల్లర్‌ చిత్రంగా తెరకెక్కిన ఈ సినిమాలో అనుష్క మూగ పెయింటర్‌ పాత్రలో నటించారు. ఈ చిత్రం జనవరి 31న విడుదల కాకపోవడానికి పోస్ట్‌ ప్రొడక్షన్‌ పనులు పూర్తి అవ్వకపోవడమే అని తెలిసింది. అందుకే శివరాత్రి కానుకగా ఫిబ్రవరి 20న విడుదల చేయాలనుకున్నారు. అయితే పోస్ట్‌ ప్రొడక్షన్‌కి మరో వారం అవసరం అయ్యేలా ఉండటంతో  ఫిబ్రవరి 28వ తేదీన తీసుకువద్దాం అనుకున్నారు చిత్రబృందం. కానీ మార్చి మొదటివారం నుంచి పరీక్షల సీజన్‌ మొదలవుతోంది. సినిమా కలెక్షన్లపై పరీక్షల ప్రభావం పడే అవకాశం ఉందని డిస్ట్రిబ్యూటర్స్, బయ్యర్లు అనడంతో మళ్లీ విడుదలను వాయిదా వేశారని తెలిసింది. ఈ సినిమాను సమ్మర్‌లో తీసుకురావాలని చిత్రబృందం నిర్ణయించుకుందని ఫిల్మ్‌నగర్‌ సమాచారం. అందుకు ఏప్రిల్‌ 2 కరెక్ట్‌ డేట్‌ అని, సమ్మర్‌కి కరై్టన్‌ రైజర్‌లా ఈ సినిమా ఉంటుందని టీమ్‌ భావించి ఆ డేట్‌ని కన్‌ఫర్మ్‌ చేశారట. ఈ చిత్రానికి సంగీతం: గోపీ సుందర్‌. కెమెరా: షానీ డియోల్‌.

అరుంధతి, బాహుబలి, భాగమతి.. ఇవి నటి అనుష్క సినీ కెరీర్‌లో మైలురాయిగా నిలిచిన చిత్రాలు. ఇలా అందాలారబోత పాత్రల నుంచి అభినయ పాత్రలకు పెట్టింది పేరుగా నిలిచిన నటి అనుష్క. తెలుగు, తమిళం భాషల్లో తనకంటూ ఒక ఇమేజ్‌ను సంపాదించుకున్న ఈ స్వీటీ తాజాగా సైలెన్స్‌ చిత్రంతో బాలీవుడ్‌ను టచ్‌ చేయడానికి సిద్ధం అవుతోంది. అవును భాగమతి చిత్రం తరువాత ఈ బ్యూటీ నటిస్తున్న చిత్రం సైలెన్స్‌. తెలుగులో నిశ్శబ్దం పేరుతో తెరకెక్కుతున్న ఈ చిత్రం తమిళం, మలయాళం, హిందీ భాషల్లో సైలెన్స్‌ పేరుతో రూపొందుతోంది.  అనుష్క ప్రధాన పాత్రలో నటిస్తున్న ఇందులో మాధవన్‌, అంజలి, షాలినీపాండే ముఖ్యపాత్రల్లో నటిస్తున్నారు. ప్రస్తుతం నిర్మాణాంతర కార్యక్రమాలు జరుపుకుంటున్న సైలెన్స్‌ చిత్రం త్వరలోనే తెరపైకి రావడానికి సిద్ధం అవుతోంది. కాగా చిత్రాల ఎంపికలో ఆచితూచి అడుగులేస్తున్న అనుష్క తాజాగా దర్శకుడు గౌతమ్‌మీనన్‌ దర్శకత్వంలో నటించడానికి రెడీ అవుతోంది. ఇదీ లేడీ ఓరియెంటెడ్‌ కథా చిత్రంగా ఉంటుందని సమాచారం. దీన్ని వేల్స్‌ ఫిలిమ్‌ ఇంటర్నేషనల్‌ పతాకంపై ఐసరి గణేశ్‌ భారీ బడ్జెట్‌లో నిర్మించడానికి సన్నాహాలు చేస్తున్నారు.  కాగా ఇందులో అనుష్కకు ఫైట్స్, చేజింగ్స్‌ అంటూ యాక్షన్‌ సన్నివేశాలు ఎక్కువగా ఉంటాయని సమాచారం. సాధారణంగా పాత్రలో ఇమిడిపోవడానికి శ్రాయశక్తులా కృషి చేసే అనుష్క ఇంతకుముందు బాహుబలి, రుద్రమదేవి వంటి చిత్రాల కోసం కత్తిసాము, గుర్రపుస్వారీ వంటి విద్యలో శిక్షణ తీసుకున్న విషయం తెలిసిందే. ఇక ఆ మధ్య సైజ్‌ జీరో చిత్రం కోసం ఏకంగా 80 కిలోల వరకూ బరువును పెరిగింది. ఆ తరవాత ఆ బరువును తగ్గించుకోవడానికి పడరాని పాట్లు పడింది. చివరికి అమెరికా వెళ్లి బరువు తగ్గించుకుందని సమాచారం. దీంతో అనుష్క కొన్ని చిత్రాల అవకాశాలనూ కోల్పోయిందనే ప్రచారం ఆ మధ్య జోరుగా సాగింది.  కాగా తాజాగా గౌతమ్‌మీనన్‌ దర్శకత్వంలో నటించే చిత్రం కోసం యాక్షన్‌ సన్నివేశాల కోసం శిక్షణ తీసుకుంటున్నట్లు ప్రచారం సామాజిక మాధ్యమాల్లో వైరల్‌ అవుతోంది. అన్నట్టు దీనికి బాలీవుడ్‌ దర్శక, రచయిత గోవింద్‌ నిహలాలీ కథను అందిస్తున్నారని తెలిసింది. ఇంకా పేరు నిర్ణయించని ఈ చిత్రం త్వరలోనే సెట్‌పైకి వెళ్లనున్నట్లు తెలిసింది. ఇక స్వీటీ యాక్షన్‌ అవతారం చూడడానికి  మనం కూడా వేచి చూద్దాం.   

సాక్షి బెంగళూరు: వ్యాపారంలో ఎంతమందికి చేరువయ్యామన్నదే ప్రధానమని పెప్స్‌ ఇండస్ట్రీస్‌ మేనేజింగ్‌ డైరెక్టర్‌ కె.మాధవన్‌ చెప్పారు. సంస్థ 14వ వార్షికోత్సవం సందర్భంగా గురువారమిక్కడ జరిగిన కార్యక్రమంలో ఆయన పాల్గొన్నారు. ఈ సందర్భంగా విలేకరులతో మాట్లాడుతూ... శరీరానికి నిద్ర ప్రధానం కాబట్టి ఎలాంటి పరుపు కొనాలనే దానిపై ప్రస్తుతం ఎందరినో సంప్రదించాల్సి వస్తోందని చెప్పారు. గత 14 ఏళ్లలో దేశ వ్యాప్తంగా లక్షల మంది పెప్స్‌ పరుపులు కొన్నారని తెలియజేశారు. రూ.4 కోట్లతో వ్యాపారం ప్రారంభించగా.. 14 ఏళ్లలో రూ.500 కోట్లకు చేరామని చెప్పారాయన. ‘‘కొత్త పరుపు కొనడంలో చాలా జాగ్రత్తలు పాటించాలి. పరుపు ఎత్తు కీలకం. నేలమట్టం నుంచి 24 అంగుళాల ఎత్తులో ఉండటం శ్రేయస్కరం’’ అని వివరించారు. పరుపులు పాతబడిన వెంటనే మార్చుకోవాలని.. పదేళ్లకు మించి వినియోగించరాదని సూచించారు. భారతదేశంలో కోల్‌కతా, కోయంబత్తూరు, ఢిల్లీ, పుణేలో ఉత్పత్తి కేంద్రాలున్నాయని తెలియజేశారు.   గ్రామ స్థాయి వరకు చేరవేయడమే లక్ష్యం   పెప్స్‌ పరుపులను పట్టణాల నుంచి గ్రామ స్థాయి వరకు చేరవేయడమే లక్ష్యమని పెప్స్‌ ఇండస్ట్రీస్‌ జేఎండీ జి.శంకర్‌రామ్‌ చెప్పారు. తెలంగాణలో హైదరాబాద్‌తో పాటు మరి కొన్ని ప్రాంతాల్లో పెప్స్‌ శాఖలు ప్రాచుర్యం పొందాయని, ఏపీలో కోస్తా ప్రాంతంలో వ్యాపారం బాగుందని చెప్పారు. రాయలసీమలో ఇప్పుడిప్పుడే అభివృద్ధి చెందుతోందన్నారు. ప్రస్తుతం విదేశీ మెటీరియల్‌పై ఎక్కువ మంది ఆసక్తి చూపుతున్నా.. పెప్స్‌ పరుపులకు మాత్రం ఆదరణ తగ్గలేదని చెప్పారాయన.  

సాక్షి, హైదరాబాద్‌ : ‘భాగమతి’, ‘అరుంధతి’ లాంటి సినిమాలో విలక్షణ నటనతో ఆకట్టుకున్న హీరోయిన్‌ అనుష్కశెట్టి అభిమానులకు మరోసారి కనువిందు చేయనుంది. అవును.. అనుష్క అభిమానులు ఎప్పుడెప్పుడా అని ఎదురుచూస్తున్న 'నిశ్శబ్ధం' (సాక్షి, మ్యూట్‌ ఆర్టిస్ట్ ట్యాగ్‌లైన్‌‌) సినిమా టీజర్‌ను బుధవారం లాంచ్‌ చేసింది.  మోషన్‌ టీజర్‌తో ఆకట్టుకున్న చిత్ర యూనిట్‌ తాజాగా  టీజర్‌ను ఆద్యంతం ఆసక్తికరంగా, థ్రిల్లింగ్‌గా  రూపొందించారు. అంతేకాదు ఈ సినిమా టీజర్‌లో అనుష్క  'సాక్షి'  పాత్రలో దివ్యాంగురాలిగా  స్వీటీ అద్భుత నటనతో మెప్పించబోతున్నారు.  గోపీ సుందర్‌  బీజీఎం కూడా బాగానే భయపెడుతోంది.  హాలీవుడ్‌ స్టార్‌ మైకేల్‌ మ్యూటసన్‌ ముఖ్యపాత్ర పోషించడం మరో విశేషం.    హేమంత్‌ మధుకర్‌ దర్శకత్వంలో, కోన వెంకట్‌, టీజీ విశ్వప్రసాద్‌ నిర్మాణ సారధ్యంలో అనుష్క, మాధవన్‌ ముఖ్యపాత్రల్లో నటిస్తోన్న చిత్రం నిశ్శబ్దం. ఈ సినిమాలో అంజలి, షాలినీ పాండే, శ్రీనివాస్‌ అవసరాల, సుబ్బరాజు కీలక పాత్రల్లో కనిపించబోతున్నారు.  తెలుగు, తమిళం, ఇంగ్లిష్‌, మలయాళం, హిందీ భాషల్లో  విడుదల కానున్న సంగతి తెలిసిందే.

చెన్నై: ఆసియా ఏజ్ గ్రూప్ స్విమ్మింగ్ ఛాంపియన్‌షిప్‌లో ప్రముఖ హీరో మాధవన్‌ తనయుడు వేదాంత్‌ రజతం సాధించాడు. తన కుమారుడి విజయం పట్ల మాధవన్‌ హర్షం వ్యక్తం చేశారు. ఈ సందర్భంగా తన కుమారుడితో ఉ‍న్న ఫోటోలను సోషల్‌ మీడియాలో పోస్ట్‌ చేసి తన ఆనందాన్ని పంచుకున్నాడు. దేవుడి అనుగ్రహంతో భారత్‌కు తన కుమారుడు ఆసియా క్రీడల్లో రజత పతకం అందించడం సంతోషకరమని పేర్కొన్నాడు. ఈ నేపథ్యంలో వేదాంత్‌ విజయంపై సోషల్‌ మీడియాలో ప్రశంసలు వెల్లువెత్తుతున్నాయి. గొప్ప విజయాన్ని సాధించిన వేదాంత్‌, మాధవన్‌కు అభినంధనలు తెలియజేస్తున్నట్లు నటుడు రాహుల్‌రాయ్‌ ఇన్‌స్టాగ్రామ్‌లో తన సందేశాన్ని పోస్ట్‌ చేశాడు. అద్భుత విజయంతో తండ్రికి తగ్గ తనయుడిగా పేరు తెచ్చుకున్నాడంటూ పలువురు అభిమానులు వేదాంత్‌ను కొనియాడారు. ఇక బాలీవుడ్‌ భామ శిల్పాశెట్టి భర్త, వ్యాపారవేత్త రాజీవ్‌కుంద్రా వేదాంత్‌ను రాక్‌స్టార్‌తో పోల్చడం విశేషం. కాగా మాధవన్‌ పలు విజయవంతమైన చిత్రాలలో నటించిన సంగతి తెలిసిందే. అదే విధంగా వెబ్‌ సిరీస్‌లోను నటించాడు. ఇటీవల కాలంలో బాలీవుడ్‌ బాద్‌షా షారూఫ్‌ఖాన్‌ జీరో సినిమాలో ప్రత్యేక పాత్రలో కనిపించిన మాధవన్‌.. ప్రస్తుతం తన స్వీయ దర్శకత్వంలో రాకెట్రీ ద నంబీ ఎఫెక్ట్‌ చిత్రంలో నటిస్తున్నారు. ఇందులో నంబీ నారాయణన్‌ అనే ఇస్రో శాస్త్రవేత్త పాత్రలో మాధవన్‌ నటిస్తున్నారు. ఈ చిత్రం హిందీ, ఇంగ్లీష్‌, తమిళ భాషలలో త్వరలోనే విడుదల కానుండడం విశేషం.   View this post on Instagram India gets her Silver medal at the Asian Age Games . Gods grace .. Vedaants first official medal representing India .🙏🙏🙏🙏 A post shared by R. Madhavan (@actormaddy) on Sep 25, 2019 at 8:29pm PDT

భాగమతి సినిమా తరువాత అనుష్క వెండితెరపై కనిపించలేదు. చాలా గ్యాప్‌ తీసుకున్న స్వీటీ.. ‘నిశ్శబ్దం’ అనే బహుభాషా చిత్రంతో ప్రేక్షకుల ముందుకు వచ్చేందుకు రెడీ అవుతోంది. శరవేగంగా షూటింగ్‌ను పూర్తి చేసుకుంటున్న నిశ్శబ్దం మూవీ నుంచి అనుష్క ఫస్ట్‌లుక్‌ను విడుదల చేయనున్నారు.  ఈ మేరకు నిర్మాతలు ముహుర్తాన్ని ఫిక్స్‌ చేశారు. సెప్టెంబర్‌ 11న ఉదయం 11.11నిమిషాలకు అనుష్క ఫస్ట్‌ లుక్‌ను రిలీజ్‌ చేయనున్నట్లు ప్రకటించారు. ఈ మూవీలో అనుష్క మూగ పాత్రలో నటిస్తున్నట్లు సమాచారం. మాధవన్‌, అంజలి, షాలినీ పాండే నటిస్తున్న ఈ సినిమాకు గోపి సుందర్‌ సంగీతాన్ని సమకూరుస్తున్నారు. ఈ చిత్రానికి హేమంత్‌ మధుకర్‌ దర్శకత్వాన్ని వహిస్తున్నాడు. Unveiling #AnushkaShetty's first look from @nishabdham on Sept 11th at 11:11 am! Get ready to meet her!! #NishabdhamFLOnSept11th pic.twitter.com/eZtRr1Gbx0 — Nishabdham Movie (@nishabdham) September 5, 2019

టీ.నగర్‌: నేషనల్‌ జూనియర్‌ స్విమ్మింగ్‌ పోటీలో నటుడు మాధవన్‌ కుమారుడు రికార్డు సాధించాడు. మూడు బంగారు, ఒక వెండి పతకాన్నిన్ని సొంతం చేసుకున్నాడు. సోమవారం ఈ వివరాలు వెల్లడయ్యాయి. నటుడు మాధవన్‌ కుమారుడు వేదాంత్‌ గత ఏడాది అంతర్జాతీయ స్థాయిలో థాయ్‌లాండ్‌లో జరిగిన ఈత పోటీలో పాల్గొని కాంస్య పతకం అందుకున్నాడు. ఇదిలాఉండగా ప్రస్తుతం జాతీయ స్థాయి ఈత పోటీలో వేదాంత్‌ మూడు బంగారు, ఒక వెండి పతకాన్ని చేజిక్కించుకున్నాడు. దీంతో అతను పలువురి ప్రశంసలు అందుకుంటున్నాడు. దీనిగురించి నటుడు మాధవన్‌ తన సోషల్‌ వెబ్‌సైట్‌ పేజీలో దేవుని ఆశీర్వాదంతోను, మీ అందరి ఆశీస్సులతోను తన కుమారుడు జాతీయ స్థాయి రికార్డును సాధించడం సంతోషంగా ఉందన్నారు. 

అమెరికా పోలీసాఫీసర్ల చట్టాలను బాగా స్టడీ చేస్తున్నారు మన తెలుగు అమ్మాయి అంజలి. అక్కడి చట్టాలతో ఇక్కడి అమ్మాయికి పనేంటా అని ఆలోచనలో పడ్డారా? మరేం లేదు.. ఆమె ‘నిశ్శబ్దం’ సినిమాలో అమెరికన్‌ పోలీసాఫీసర్‌గా నటిస్తున్నారు. హేమంత్‌ మధుకర్‌ దర్శకత్వంలో అనుష్క, మాధవన్, అంజలి, షాలినీ పాండే, మైఖేల్‌ మ్యాడ్‌సన్‌ ముఖ్య పాత్రలుగా ‘నిశ్శబ్దం’ అనే సినిమా తెరకెక్కుతున్న సంగతి తెలిసిందే. ఈ సినిమా షూటింగ్‌ అమెరికాలో జరుగుతుంది. ఇటీవలే ఓ పాటను కూడా చిత్రీకరించారు. మాధవన్, అనుష్కలపై ప్రస్తుతం కీలక సన్నివేశాలను చిత్రీకరిస్తున్నారు. బధిర యువతి (చెవుడు, మూగ) పాత్రలో అనుష్క నటిస్తున్నారు. ఇటీవలే అంజలిపై కొన్ని సన్నివేశాలను షూట్‌ చేయడం జరిగింది. ఈ చిత్రంలో చేస్తున్న పోలీసాఫీసర్‌ పాత్ర కోసం ఆమె ఎనిమిది కిలోల బరువు కూడా తగ్గారు. అంతే కాదండోయ్‌... కెరీర్‌లో అంజలి తొలిసారి పోలీసాఫీసర్‌ పాత్రలో నటిస్తుండటం విశేషం. ‘‘నిశ్శబ్దం’ సినిమాలో యూఎస్‌ పోలీసాఫీసర్‌గా నటిస్తున్నాను. ఈ పాత్ర కోసం ఫిజికల్‌గా కూడా చాలా కష్టపడాల్సి వచ్చింది. ముఖ్యంగా అమెరికా పోలీసుల బాడీ లాంగ్వేజ్, వారి చట్టాల గురించి స్పెషల్‌ కోర్స్‌ తీసుకున్నాను’’ అన్నారు అంజలి.

తమిళసినిమా: మనిషి ఆశాజీవి. ఇందులో ఎలాంటి సందేహం లేదు. ఎవరైనా తనకెలాంటి ఆశ లేదంటే అది నిజం కాదు. ఇకపోతే స్వీటీగా దక్షిణాది ప్రేక్షకుల అభిమానాన్ని చూరగొంటున్న బ్యూటీ అనుష్క. ఇప్పుడీ అమ్మడికీ ఒక ఆశ పుట్టింది. ఒక రకంగా చెప్పాలంటే ఈ అమ్మడు తమిళం కంటే తెలుగు చిత్రాలనే ఎక్కువగా నమ్ముకుంది. అనుష్కకు నేమ్, ఫేమ్‌ తీసుకొచ్చిందీ తెలుగు చిత్ర పరిశ్రమనే. కోలీవుడ్‌లో సింగం చిత్రంతోనే విజయానందాన్ని ఆశ్వాదించింది. ఈ అందాలరాశిలోని అభినయాన్ని బయటకు తీసిందీ టాలీవుడ్‌నే. అరుంధతి చిత్రాన్ని, అందులోని అనుష్క నటనను ఎవరూ మర్చిపోలేరు.  అలాంటి నటి భాగమతి చిత్రం తరువాత రెండేళ్లు ముఖానికి రంగేసుకోలేదు. ఇంజిఇడపళగి చిత్రంలోని పాత్ర కోసం పెంచుకున్న బరువును తగ్గించుకోవడానికి అనుష్క చాలా కష్టపడాల్సి వచ్చింది. ఎట్టకేలకు గత అందాలను సంతరించుకున్న అనుష్క తాజాగా సైలెన్స్‌ అనే సైంటిఫిక్, సస్పెన్స్‌ థ్రిల్లర్‌ కథా చిత్రంలో నటిస్తోంది. ఈ చిత్రం నిర్మాణంలో ఉండగానే ఈ బ్యూటీ చిరంజీవి, నయనతార జంటగా నటిస్తున్న చారిత్రక కథా చిత్రం సైరా నరసింహారెడ్డి చిత్రంలో ఒక కీలక పాత్రలో నటించేసింది. అయితే ఈ చిత్ర షూటింగ్‌ చివరి రోజునే అనుష్క గాయాలపాలైందని, ఆస్పత్రిలో చికిత్స పొందుతున్న ఈమెను వైద్యులు రెండు వారాల వరకూ విశ్రాంతి తీసుకోవాలని సూచించినట్లు ప్రచారం సామాజిక మాధ్యమాల్లో హోరెత్తింది.  సైలెన్స్‌ చిత్ర షూటింగ్‌ కోసం అమెరికాలో ఉండడంతో తన గురించి జరుగుతున్న ప్రచారం గురించి పట్టించుకోకపోతే ఇంకా రచ్చ చేస్తారనుకుని తాను బాగానే ఉన్నానని ట్విట్టర్‌లో పోస్ట్‌ చేసింది.   ఈ సంగతి ఇలా ఉంటే ఆ అమ్మడు నటిస్తున్న తాజా చిత్రం సైలెన్స్‌ ఒకటి కాదు రెండు కాదు ఏకంగా తమిళం, తెలుగు, హిందీ, ఇంగ్లిషు అంటూ నాలుగు భాషల్లో తెరకెక్కుతోంది. నటుడు మాధవన్‌ హీరోగా నటిస్తున్న ఇందులో నటి అంజలి, శాలినిరెడ్డి ప్రధాన పాత్రల్లో నటిస్తున్నారు. ఈ చిత్ర షూటింగ్‌ ప్రస్తుతం అమెరికాలో జరుగుతోంది.  నటి అనుష్క ఇటీవల ఒక ఇంటర్వ్యూలో పేర్కొంటూ హాలీవుడ్‌ చిత్రాల్లో నటించే అవకాశం వస్తే నటించాలని ఆసక్తిగా ఉన్నట్లు పేర్కొంది. ఇంతకు ముందు తాను దక్షిణాది చిత్రాలతోనే సంతృప్తిగా ఉన్నానని తెలిపింది. ఇప్పుడు ఏకంగా హాలీవుడ్‌ ఆశనే వ్యక్తం చేయడం విశేషం. బాలీవుడ్‌ బ్యూటీస్‌ ప్రియాంకచోప్రా,  దీపికా పదుకొనే వంటి వారు హాలీవుడ్‌ చిత్రాల్లో నటించి పేరు తెచ్చుకోవడం, తాజాగా నటి శ్రుతిహాసన్‌ కూడా ఒక హాలీవుడ్‌ వెబ్‌ సిరీస్‌లో నటించే అవకాశాన్ని రాబట్టుకోవడంతో హాలీవుడ్‌ ఆశ పుట్టి ఉండవచ్చునంటున్నారు సినీ వర్గాలు. ఇప్పుడు సైలెన్స్‌ చిత్రంతో తొలిసారిగా బాలీవుడ్‌కు ఎంట్రీ ఇవ్వబోతోంది కాబట్టి తదుపరి హాలీవుడ్‌పై గురి పెట్టాలన్న ఆలోచనకు వచ్చి ఉండవచ్చునని చర్చ జరుగుతోంది. 

‘భాగమతి’గా వెండితెరపై అనుష్క కనిపించి ఏడాది దాటిపోయింది. మరో చిత్రం ఒప్పుకోవడానికి చాలా టైమ్‌ తీసుకున్న స్వీటీ మెగాస్టార్‌ చిరంజీవి నటిస్తున్న అత్యంత ప్రతిష్టాత్మకమైన సైరా చిత్రంలో నటించిన సంగతి తెలిసిందే. అయితే అనుష్కకు సంబంధించిన సన్నివేశాలను షూట్‌ చేస్తున్న సమయంలో ఆమెకు గాయాలయ్యాయని వార్తలు వైరల్‌ అవుతున్నాయి. సైరా షూటింగ్‌కు సంబంధించిన షూటింగ్‌ పూర్తైయిందని కెమెరామెన్‌ రత్నవేలు సోషల్‌ మీడియా వేదికగా తెలపడం.. అనుష్క సైతం ప్రస్తుతం సైలెన్స్‌ అనే బహుభాషా చిత్ర షూటింగ్‌లో బిజీగా ఉందని ప్రకటించడంలో సైరా షూటింగ్‌లో గాయపడిందనే వార్తల్లో ఎలాంటి నిజం లేదని తెలిసిపోయింది. ఈ వార్తలపై అనుష్క సోషల్‌మీడియాలో స్పందిస్తూ.. ‘నేను ఆరోగ్యంగా ఉన్నాను. సియాటెల్‌లో షూటింగ్‌ చేస్తు సంతోషంగా ఉన్నాను. లవ్‌యూ ఆల్‌’ అంటూ పోస్ట్‌ చేసింది.  హేమంత్‌ మధుకర్‌ తెరకెక్కిస్తున్న సైలెన్స్‌ చిత్రంలో మాధవన్‌ ఓ ముఖ్యపాత్రలో నటిస్తున్నారు. ఈ సినిమాను కోన వెంకట్, టీజీ విశ్వప్రసాద్, వివేక్‌ కూచిబొట్ల సంయుక్తంగా నిర్మిస్తున్నారు. View this post on Instagram 😘😘 A post shared by Anushka Shetty (@anushkashettyofficial) on Jun 26, 2019 at 11:15pm PDT

నటి సిమ్రాన్‌తో మరోసారి స్క్రీన్‌ షేర్‌ చేసుకోనున్న విషయాన్ని హీరో మాధవన్‌ సోషల్‌ మీడియా ద్వారా అభిమానులతో పంచుకున్నాడు. తన అప్‌కమింగ్‌ మూవీ రాకెట్రీకి సంబంధించిన విశేషాల్లో భాగంగా సిమ్రాన్‌తో కలిసి ఉన్న ఫొటోలను ఇన్‌స్టాగ్రామ్‌లో పోస్ట్‌ చేశాడు. ‘ పదిహేనేళ్ల తర్వాత తిరు, ఇందిర శ్రీమతి, శ్రీ నంబి నారాయణన్‌గా’ అంటూ రాకెట్రీ మూవీలో సిమ్రన్‌ క్యారెక్టర్‌ను రివీల్‌ చేశాడు. ఈ క్రమంలో.. ‘మీ జంట ఎల్లప్పుడూ అందంగానే ఉంటుంది’ అంటూ అభిమానులు కామెంట్లు చేస్తున్నారు. ఇక ఇండియన్‌ స్పేస్‌ రీసెర్చ్‌ ఆర్గనైజేషన్‌ (ఇస్రో) మాజీ శాస్త్రవేత్త నంబి నారాయణన్‌ జీవిత సంఘటనల ఆధారంగా ‘రాకెట్రీ: ది నంబి ఎఫెక్ట్‌’ అనే సినిమా రూపొందుతున్న సంగతి తెలిసిందే. కాగా బుల్లితెర ద్వారా గుర్తింపు పొందిన ఉత్తరాది భామ సిమ్రాన్‌.. తర్వాతికాలంలో బాలీవుడ్‌లో అడుగుపెట్టిన సంగతి తెలిసిందే. దక్షిణాదిన కూడా మంచి మార్కెట్‌ సంపాదించుకున్న ఈ అమ్మడు టాలీవుడ్‌, కోలీవుడ్‌లలో టాప్‌ హీరోయిన్‌గా కొనసాగారు. అయితే కొంతకాలంగా టీవీ షోలతో బిజీగా ఉన్న సిమ్రన్‌.. ప్రస్తుతం సినిమాలపై దృష్టి సారించారు. ఈ క్రమంలో ఇటీవల రజనీకాంత్‌ పేట సినిమాలో నటించిన సంగతి తెలిసిందే. ఇక గతంలో బాలచందర్‌ పార్థలే పరవశం, మణిరత్నం కన్నాతిల్‌ ముథమిట్టల్‌ సినిమాల్లో మాధవన్‌కు జంటగా నటించిన ఆమె.. తాజాగా సైంటిస్ట్‌ బయోపిక్‌లో మరోసారి ఆయనతో స్క్రీన్‌ షేర్‌ చేసుకోనున్నారు. నారాయణన్‌ పాత్రలో మాధవన్‌ నటిస్తుండగా.. ఆయన భార్య పాత్రలో సిమ్రన్‌ కనిపించనున్నారు. కాగా ఈ చిత్రానికి అనంత మహదేవన్‌తో పాటు మాధవన్‌ కూడా దర్శకుడిగా పని చేయాలనుకున్నారు. అయితే మహదేవన్‌ తప్పుకోవడంతో ఇప్పుడు పూర్తి స్థాయి దర్శకత్వ బాధ్యతలు చేపడుతున్నారు. View this post on Instagram 15 years later . Thiru and Indira turn into Mr. & Mrs. Nambi Narayanan. 🙏🙏🚀🚀#rocketryfilm @actormaddy #actormaddy #rocketrythenambieffect #15yearslater @SimranbaggaOffc @vijaymoolantalkies @simranrishibagga A post shared by R. Madhavan (@actormaddy) on Jun 14, 2019 at 10:34pm PDT

భాగమతి సినిమా తరువాత వెండితెర మీద కనిపించని అనుష్క, కొత్త సినిమాను ప్రారంభించారు. లుక్‌ విషయంలో విమర్శలు ఎదుర్కొన్న ఈ బ్యూటీ కొత్త సినిమాలో తన కొత్త లుక్‌లో షాక్‌ ఇచ్చేందుకు రెడీ అవుతున్నారు. బహు భాషా చిత్రంగా తెరకెక్కుతున్న ఈ సినిమాకు తెలుగులో ‘నిశబ్ధం’ అనే టైటిల్‌ను ఫిక్స్‌ చేశారు. ఇతర భాషల్లో ‘సైలెన్స్‌’ పేరుతో రిలీజ్ చేస్తున్నారు. థ్రిల్లర్‌ జానర్‌లో తెరకెక్కుతున్న ఈ సినిమాలో బహుభాషా నటుడు మాధవన్‌ ప్రధాన పాత్రలో నటిస్తుండగా మరో కీలక పాత్రలో హాలీవుడ్ నటుడు  మైఖేల్‌ మ్యాడ్‌సన్‌ కనిపించనున్నారు. ఈ సినిమాకు ‘వస్తాడు నా రాజు’ ఫేమ్‌ హేమంత్‌ మధుకర్‌ దర్శకుడు. కోనవెంకట్, టీజీ విశ్వప్రసాద్, వివేక్‌ కూచిబొట్ల సంయుక్తంగా నిర్మిస్తున్న ఈ సినిమా శుక్రవారం ప్రారంభమైంది. ఎక్కువ భాగం అమెరికాలో షూటింగ్ జరుపుకోనున్న ఈ సినిమాను తెలుగు, తమిళం, హిందీ, ఇంగ్లీష్‌ భాషల్లో రిలీజ్‌ చేయాలనుకుంటున్నారు.

ఈపాటికి యూఎస్‌లో సైలెంట్‌గా ‘సైలెన్స్‌’ టీమ్‌ షూటింగ్‌ చేసుకుంటూ ఉండాల్సింది. కానీ జరగలేదు. ఈ విషయంపై ఇంతకాలం సైలెంట్‌గా ఉన్న టీమ్‌ ఇప్పుడు మౌనం వీడారు. ఈ నెలాఖర్లో షూటింగ్‌ స్టార్ట్‌ చేయనున్నట్లు అధికారికంగా ప్రకటించారు. ‘వస్తాడు నా రాజు’ ఫేమ్‌ హేమంత్‌ మధుకర్‌ దర్శకత్వంలో ‘సైలెన్స్‌’ చిత్రం తెరకెక్కనుంది. అనుష్కా, మాధవన్, అంజలి, షాలినీ పాండే, సుబ్బరాజులతో పాటు హాలీవుడ్‌ యాక్టర్‌ మైఖేల్‌ మ్యాడ్‌సన్‌ ముఖ్య తారాగణంగా కోనవెంకట్, టీజీ విశ్వప్రసాద్, వివేక్‌ కూచిబొట్ల ఈ సినిమాను నిర్మించనున్నారు. ఈ సినిమా రెగ్యులర్‌ షూటింగ్‌ ఈ నెల 24న ప్రారంభించనున్నట్లు దర్శకుడు హేమంత్‌ వెల్లడించారు. ఈ సినిమా షూటింగ్‌ అంతా ఆల్మోస్ట్‌ యూఎస్‌లోనే జరగుతుందని తెలిసింది. కొంతమంది అమెరిక్‌ యాక్టర్స్‌ కూడా ఈ సినిమాలో నటించనున్నారు. ఈ సినిమాకు గోపీసుందర్‌ సంగీతం అందిస్తున్నారు. ‘సైలెన్స్‌’ చిత్రాన్ని తెలుగు, తమిళం, హిందీ, ఇంగ్లీష్‌ భాషల్లో రిలీజ్‌ చేయాలనుకుంటున్నారు.

సౌత్‌ ఇండస్ట్రీల్లోని హ్యాండ్‌సమ్‌ హీరోల్లో మాధవన్‌ కచ్చితంగా ముందు వరుసలో ఉంటారు. అటువంటి ఆయన తాజాగా మరో పదేళ్లు వెనక్కివెళ్లిపోయారు అంటున్నారు ఆయన ఫ్యాన్స్‌. మాధవన్‌ ప్రస్తుతం ఇస్రో శాస్త్రవేత్త నంబీ నారాయణ్‌ బయోపిక్‌తో బిజీబిజీగా ఉన్నారు. ఆ సినిమాలో నారాయణ్‌ యువకుడిగా ఉన్నప్పటి సన్నివేశాలు చిత్రీకరించడానికి క్లీన్‌ షేవ్‌ చేసుకున్నారు మాధవన్‌. ఆ ఫొటో తన సోషల్‌ మీడియాలో పోస్ట్‌ చేయగానే.. ‘భలే యంగైపోయారే!’ అంటూ ఫ్యాన్స్‌ కామెంట్స్‌ పోస్ట్‌ చేస్తున్నారు. ఈ యంగ్‌ లుక్‌ గురించి మాధవన్‌ మాట్లాడుతూ– ‘‘అమ్మ రెండేళ్ల నుంచి క్లీన్‌షేవ్‌ చేసుకోమని పోరుపెడుతోంది. నంబీ నారాయణ్‌ కోసం చేయాల్సి వచ్చింది. నంబీ యంగ్‌ ఎపిసోడ్‌ను ఫ్రాన్స్‌లో చిత్రీకరించనున్నాం’’ అన్నారు.

విక్రమ్, భేతాళ కథలను ఆధారంగా తీసుకొని తమిళంలో దర్శకద్వయం పుష్కర్‌–గాయత్రి తెరకెక్కించిన చిత్రం ‘విక్రమ్‌వేదా’. మాధవన్, విజయ్‌ సేతుపతి హీరోలుగా తెరకెక్కిన ఈ సినిమా బ్లాక్‌బస్టర్‌గా నిలిచింది. వంద కోట్లు కూడా సాధించింది. ఈ సినిమా తెలుగులో రీమేక్‌ కాబోతోందని కొంత కాలంగా వార్తలు వస్తున్నాయి. అయితే లేటెస్ట్‌గా ఈ రీమేక్‌లో వెంకటేశ్, నారా రోహిత్‌ హీరోలుగా నటిస్తారని సమాచారం. వీవీ వినాయక్‌ దర్శకుడు అని తెలిసింది. మాధవన్‌ చేసిన పాత్రను నారా రోహిత్, విజయ్‌ సేతుపతి రోల్‌లో వెంకటేశ్‌ కనిపిస్తారని సమాచారం. గతంలో వెంకటేశ్‌ – వీవీవినాయక్‌ కాంబినేషన్‌లో వచ్చిన ‘లక్ష్మీ’ సినిమా సూపర్‌హిట్‌గా నిలిచిన సంగతి తెలిసిందే.

సాక్షి, ముంబై : దేశంలో ప్రజాస్వామ్య బలోపేతానికి తాను ప్రధాని నరేంద్ర మోదీని సమర్ధిస్తానని నటుడు మాధవన్‌ చెప్పుకొచ్చారు. లోక్‌సభ ఎన్నికల నేపథ్యంలో ఓటు హక్కును వినియోగించుకునే క్రమంలో మా బాధ్యతను గుర్తుచేసినందుకు ధన్యవాదాలంటూ ప్రధాని మోదీని ఉద్దేశించి మాధవన్‌ పేర్కొన్నారు. ప్రజాస్వామ్య బలోపేతానికి మీరు సాగిస్తున్న కృషికి సహకారం అందించడం తన విధి అన్నారు. కాగా, పౌరులు తమకు ఇష్టమైన ప్రభుత్వాన్ని ఎన్నుకునేందుకు ప్రజలు తమ ఓటు హక్కును వినియోగించుకోవాలని మాధవన్‌తో పాటు అనుపమ్‌ ఖేర్‌, శేఖర్‌ కపూర్ వంటి బాలీవుడ్‌ ప్రముఖులు పిలుపు ఇచ్చారు. రానున్న లోక్‌సభ ఎన్నికల్లో ప్రజలు పెద్ద ఎత్తున ఓటు వేసేలా ప్రచారం చేపట్టాలని ప్రధాని మోదీ ట్విటర్‌లో పలువురు నటులకు విజ్ఞప్తి చేసిన నేపథ్యంలో బాలీవుడ్‌ నటులు స్పందించారు. ఓటు అనే ఆయుధాన్ని ఉపయోగించుకుని తమకు ఇష్టమైన సర్కార్‌ను ఎన్నుకుంటామని, భారత సోదరులందరినీ దేశ ప్రజాస్వామ్య పతాక సమున్నతంగా ఎగిరేలా రానున్న ఎన్నికల్లో ఓటు వేయాలని కోరుతున్నానని అనుపమ్‌ ఖేర్‌ ప్రధాని ట్వీట్‌కు బదులిచ్చారు. ఫిల్మ్‌మేకర్‌ శేఖర్‌ కపూర్‌ స్పందిస్తూ దేశ రాజ్యాంగం మనకు ప్రాధమిక హక్కులతో పాటు కొన్ని బాధ్యతలనూ నిర్ధేశించిందని చెప్పుకొచ్చారు. మనమంతా ఓటు హక్కును తప్పనిసరిగా వినియోగించుకోవాలని కోరారు. 

ముద్దబంతి పువ్వులో మూగ బాసలు అని పాటలో విన్నాం. ఇక హీరోయిన్‌ అనుష్క మూగబాసలు చూడబోతున్నాం. అవును అనుష్కను వెండితెరపై చూసి ఏడాది పైనే అవుతోంది. ఇది ఆమె అభిమానులకు నిరాశ కలిగించే విషయమే అవుతుంది. భాగమతి తరువాత ఏ చిత్రంలోనూ నటించని ఆ స్వీటీ పెరిగిన తన బరువును తగ్గించుకోవడానికి నానా అవస్థలు పడిందనే ప్రచారం జోరుగానే జరుగుతోంది. అంతే కాదు ఆ మధ్య ఆలయ దర్శనం చేసుకుంటే, అనుష్క దోశ నివారణ పూజలు నిర్వహించిందని, త్వరలో పెళ్లి పీటలెక్కబోతోందనిలాంటి నిరాధార వార్తలు ప్రచారం అయ్యాయి.  అయితే ఇలాంటి వాటిని అస్సలు పట్టించుకోని ఈ బ్యూటీ ఆ మధ్య బరువు తగ్గడం కోసం విదేశాలకు వెళ్లింది. అక్కడ ఆమె ప్రయత్నం ఫలించి నాజూగ్గా రెట్టించిన అందాన్ని పోగేసుకుని తిరిగొచ్చింది. తాజాగా సైలెన్స్‌ అనే త్రిభాషా చితంలో నటించడానికి సిద్ధమైంది. మాధవన్‌ కథానాయకుడిగా నటిస్తున్న ఈ చిత్రంలో నటుడు రానా అతిథి పాత్రలో మెరవనున్నారనే ప్రచారం జరుగుతోంది. హేమంత్‌ మధుకర్‌ తెరకెక్కిస్తున్న ఇందులో నటి అనుష్క మూగ, చెవుడు కలిగిన యువతిగా నటించబోతోందట. ఇందుకుగానూ ఈ అమ్మడు మూగ భాషలో శిక్షణ పొందుతోంది. అమెరికాలో మూగ భాషలో తర్ఫీదు తీసుకుంటుందని  సమాచారం.అసలు మాటలే లేకుండా తన సైగలతో, ముఖ కవళికలతో సైలెన్స్‌ చిత్రం ద్వారా అలరించడానికి ఈ బ్యూటీ తయారవుతోందన్నమాట.

తమిళంలో ‘విక్రమ్‌వేదా’ (2017) చిత్రానికి ప్రేక్షకుల నుంచి అద్భుతమైన స్పందన లభించింది. మాధవన్, విజయ్‌ సేతుపతి హీరోలుగా నటించిన ఈ చిత్రానికి పుష్కర్‌ గాయత్రి ద్వయం దర్శకత్వం వహించారు. వైనాట్‌ స్టూడియో ప్రతినిధి శశికాంత్‌ నిర్మించారు. ‘విక్రమ్‌వేదా’ చిత్రానికి బాక్సాఫీస్‌ వద్ద మంచి కలెక్షన్స్‌ కూడా వచ్చాయి. దీంతో ఈ చిత్రం ఇతర భాషల్లో రీమేక్‌ కానుందని వార్తలు వచ్చాయి. ఇటీవల ఈ చిత్రం తెలుగు రీమేక్‌లో బాలకృష్ణ, రాజశేఖర్‌ నటించబోతున్నట్లు సోషల్‌ మీడియాలో వార్తలు వచ్చాయి. ఈ విషయంపై వైనాట్‌ స్టూడియోస్‌ ప్రతినిధులు తమ సంస్థ ట్వీటర్‌ అకౌంట్‌ ద్వారా వివరణ ఇచ్చారు. ‘‘విక్రమ్‌వేదా’ తెలుగు రీమేక్‌లో బాలకృష్ణ, రాజశేఖర్‌ నటించబోతున్నారన్న వార్తల్లో నిజం లేదు. అవి పుకార్లు మాత్రమే. ఈ సినిమా తెలుగు రీమేక్‌ హక్కులు ఇంకా మా వద్దే ఉన్నాయి. మేం అధికారిక ప్రకటన ఇచ్చేంతవరకు ఇలాంటి వార్తలను నమ్మవద్దని కోరుతున్నాం’’ అన్నారు.

అనుష్క, మాధవన్, అంజలి, షాలినీ పాండే, సుబ్బరాజు ముఖ్య తారలుగా హేమంత్‌ మధుకర్‌ తెరకెక్కించనున్న చిత్రం ‘సైలెన్స్‌’. టీజీ విశ్వప్రసాద్, కోన వెంకట్‌ నిర్మించనున్నారు. వివేక్‌ కూచిభొట్ల సహ–నిర్మాత. ఈ చిత్రంలో హాలీవుడ్‌ నటుడు మైఖేల్‌ మ్యాడసన్‌ నటించనున్నట్లు చిత్రబృందం అధికారికంగా వెల్లడించింది. ‘కిల్‌ బిల్, హేట్‌ఫుల్‌ ఎయిట్, రిసర్వోయర్‌ డాగ్స్‌’ వంటి హాలీవుడ్‌ చిత్రాల్లో నటించారు మ్యాడసన్‌. ‘‘టాలీవుడ్, కోలీవుడ్, హాలీవుడ్‌ నటీనటులు ఈ సినిమాలో నటిస్తారు. ఓ వినూత్నమైన సినిమాను చూశామనే అనుభూతి ప్రేక్షకులకు కలుగుతుందని ఆశిస్తున్నాం. యూఎస్‌ఏలోని సీయోటల్‌లో ఏప్రిల్‌ నుంచి జూన్‌ వరకు చిత్రీకరణ జరపబోతున్నాం. ఈ సినిమా టీజర్‌ను మేలో యు.ఎస్‌.ఏలో రిలీజ్‌ చేయడానికి సన్నాహాలు చేస్తున్నాం’’ అని చిత్రబృందం పేర్కొంది.

ఎస్‌ అండ్‌ ఎస్‌.. షారుక్‌ ఖాన్‌ అండ్‌ సూర్య.. గెస్టులుగా నటించడానికి ‘యస్‌’ అన్నారట. ఏ సినిమా అంటే ‘రాకెట్రీ: ది నంబి ఎఫెక్ట్‌’లో. ప్రముఖ మాజీ ఇస్రో శాస్త్రవేత్త నంబి నారాయణన్‌ జీవితం ఆధారంగా రూపొందుతున్న చిత్రమిది. నంబి నారాయణన్‌ పాత్ర పోషించడంతో పాటు ఈ చిత్రానికి దర్శకత్వ బాధ్యతలు కూడా చేపడుతున్నారు మాధవన్‌. శాస్త్రవేత్త పాత్రలో ఒదిగిపోవడానికి మాధవన్‌ కాస్త బరువు తగ్గారు. గడ్డం పెంచారు. నెరిసిన గడ్డంతో కనిపించనున్నారు. ఒక నటుడు పాత్రను ప్రేమిస్తే ఎంతలా ఒదిగిపోతాడో  చెప్పడానికి తాజాగా మాధవన్‌ గెటప్‌ ఓ ఉదాహరణ. ఆ సంగతలా ఉంచితే.. ఈ చిత్రంలో ఒక అతిథి పాత్ర ఉందట. ఆ పాత్రను ఇటు తమిళ్‌ అటు హిందీ వెర్షన్‌లో పేరున్న నటుడు చేస్తే బాగుంటుందని మాధవన్‌ భావించారట. షారుక్‌ ఖాన్, సూర్య అయితే న్యాయం జరుగుతుందని ఇద్దరినీ అడిగారని సమాచారం. మాధవన్‌ అడగ్గానే కాదనకుండా షారుక్, సూర్య నటించడానికి గ్రీన్‌ సిగ్నల్‌ ఇచ్చారని బోగట్టా. ఈ ఇద్దరూ నటిస్తే కథకు బలం చేకూరడంతో పాటు తమిళ్, హిందీ భాషల్లో రూపొందుతోంది కాబట్టి ఆయా భాషల్లో  సినిమా బిజినెస్‌కి కూడా ఉపయోగపడుతుంది. ఈ ఏడాదే ఈ చిత్రాన్ని విడుదల చేయాలనుకుంటున్నారు.   

ముంబై: పర్యాటక సేవలందించే థామస్‌ కుక్‌ ఇండియా గ్రూప్‌...ఇమేజింగ్‌ సొల్యూషన్స్, సేవలందించే డిజిఫొటో ఎంటర్‌టైన్మెంట్‌ ఇమేజింగ్‌(డీఈఐ)లో 51 శాతం వాటాను కొనుగోలు చేసింది. ఈ కొనుగోలు విలువ రూ.289 కోట్లని థామస్‌ కుక్‌ ఇండియా తెలిపింది. ఈ కొనుగోలుకు నియంత్రణ సంస్థల ఆమోదం పొందాల్సి ఉందని పేర్కొంది. డీఈఐలో వాటా కొనుగోలుతో కొత్త వ్యాపారంలోకి ప్రవేశిస్తున్నామని థామస్‌ కుక్‌ ఇండియా సీఎమ్‌డీ మాధవన్‌ మీనన్‌ తెలిపారు. ప్రస్తుతం 25 దేశాల్లో నిర్వహిస్తున్న పర్యాటక సేవలకు అనుబంధంగా కొత్త అవకాశాలను ఈ కొనుగోలు అందించగలదని పేర్కొన్నారు. సింగపూర్, యూఏఈ, హాంగ్‌కాంగ్, మకావూ, చైనా, అమెరికా తదితర 14 దేశాల్లో 250 నగరాల్లో 120 మంది భాగస్వాములతో డీఈఐ కార్యకలాపాలు నిర్వహిస్తోందని, గత ఏడాదిలో 36 లక్షల లావాదేవీలను నిర్వహించిందని పేర్కొన్నారు. థామస్‌ కుక్‌తో అనుబంధం కారణంగా తమ స్థానం మరింత పటిష్టమవుతుందని డీఈఐ చీఫ్‌ ఎగ్జిక్యూటివ్‌ ఆఫీసర్, కె. రామకృష్టన్‌ తెలిపారు. 

సినిమాలో కీలక పాత్ర ఉంది. నిడివి తక్కువే. మామూలుగా అయితే కొందరు ఆర్టిస్టులు నిడివి గురించి ఆలోచించిన నో అంటారు. కానీ నో ప్రాబ్లమ్‌ నేనున్నా అంటారు రానా. ఇంతకుముందు చాలా సినిమాల్లో అతిథిగా టాలీవుడ్‌ నుంచి బాలీవుడ్‌ వరకూ చాలా సినిమాల్లో గెస్ట్‌గా కనిపించారు. లేటెస్ట్‌గా అనుష్క, మాధవన్‌ సైలెంట్‌ థ్రిల్లర్‌ చిత్రంలోనూ అతిథిగా కనిపించనున్నారట. ప్రస్తుతం ఈ విషయం గురించి సైలెంట్‌గా ఉన్నారు. త్వరలో అధికారిక ప్రకటన వస్తుందట. ‘వస్తాడు నా రాజు’ ఫేమ్‌ హేమంత్‌ మధుకర్‌ దర్శకత్వంలో మాధవన్, అనుష్క ప్రధాన పాత్రల్లో తెరకెక్కనున్న సైలెంట్‌ థ్రిల్లర్‌ ‘సైలెన్స్‌’. కోన వెంకట్‌ నిర్మాణంలో రూపొందనున్న ఈ చిత్రం ఎక్కువ శాతం షూటింగ్‌ అమెరికాలో జరగనుంది. హాలీవుడ్‌ యాక్టర్స్‌ కూడా ఈ సినిమాలో కనిపించనున్నారు. ‘బాహుబలి’ తర్వాత అనుష్క, రానా స్క్రీన్‌ షేర్‌ చేసుకోబోయే చిత్రమిది. తెలుగు, తమిళ, హిందీ చిత్రాల్లో తెరకెక్కనున్న ఈ చిత్రం మార్చిలో ప్రారంభం కానుంది.

జీరో సినిమా కోసం భారీగా బరువు పెరిగిన అనుష్క.. తిరిగి స్లిమ్‌ లుక్‌లోకి వచ్చేందుకు చాలా కాలంగా కష్టపడుతోంది. ముఖ్యంగా బాహుబలి 2, సింగం 3 సినిమాల్లో అనుష్క లుక్‌ పైగా విమర్శలు వినిపించటంతో ఇక స్వీటీ కెరీర్‌ ముగిసినట్టే అని భావించారు. తరువాత వచ్చిన భాగమతిలో అనుష్క కాస్త తగ్గినట్టుగా కనిపించినా గతంలో కనిపించినంత గ్లామరస్‌గా మాత్రం కనిపించలేదు. దీంతో మరోసారి సినిమాలకు బ్రేక్‌ ఇచ్చిన స్వీటీ ప్రస్తుతం తన లుక్‌ మీద దృష్టి పెట్టింది. తాజాగా బయటకు వచ్చిన అనుష్క ఫొటోలు అభిమానులకు షాక్‌ ఇచ్చాయి. వైట్‌ డ్రెస్‌లో స్లిమ్‌ లుక్‌లో కనిపిస్తున్న అనుష్క లుక్‌కు ఫ్యాన్స్‌ ఫిదా అవుతున్నారు. ఈ లుక్‌ పై అనుష్కతో సినిమాను నిర్మిస్తున్న కోన వెంకట్‌ స్పందించారు. ‘ఇది జస్ట్‌ ఝలక్‌ అంతే.. సినిమాలోతన  ఫైనల్‌ లుక్‌ కోసం వెయిట్ చేయండి. స్వీటీ గతంలో ఎన్నడూ కనిపించని విధంగా కనిపించబోతోంది’ అంటూ ట్వీట్ చేశారు. హేమంత్‌ మధుకర్‌ దర్శకత్వంలో తెరకెక్కుతున్న ఈసినిమాలో మాధవన్‌ కీలక పాత్రలో నటించనున్నారు. అనుష్కతో పాటు అంజలి, షాలినీ పాండేలు హీరోయిన్లుగా నటిస్తున్నారు. కోన వెంకట్ తో కలిసి టీజీ విశ్వప్రసాద్‌ ఈ సినిమాను నిర్మిస్తున్నారు.

భాగమతి సినిమా తరువాత లాంగ్‌ గ్యాప్‌ తీసుకున్న అనుష్క త్వరలో మరో సినిమాను ప్రారంభించేందుకు రెడీ అవుతోంది. సస్పెన్స్‌ థ్రిల్లర్‌గా తెరకెక్కుతున్న ఈ సినిమాలో బహుభాషా నటుడు మాధవన్‌ కీలక పాత్రలో నటించనున్నారు. హేమంత్‌ మధుకర్‌ దర్శకత్వంలో తెరకెక్కుతున్న ఈ సినిమాను పీపుల్స్‌ మీడియా ఫ్యాక్టరీ, కోన ఫిలిం కార్పొరేషన్‌లు సంయుక్తంగా నిర్మిస్తున్నాయి. భారీ బడ్జెట్‌తో తెరకెక్కుతున్న ఈ సినిమా కోసం తెలుగు, తమిళ, హాలీవుడ్‌ సాంకేతిక నిపుణులు, నటీనటులు పనిచేస్తున్నారు. తాజాగా ఈ సినిమాకు సంబంధించి మరో ఇంట్రస్టింగ్‌ అప్‌డేట్ బయటకు వచ్చింది. ఈ సినిమా షూటింగ్ కొంత భాగం విదేశాల్లో జరగనుందట. ఇప్పటికే ఆ లోకేషన్లు కూడా ఫైనల్ చేశారు. వీటిలో కొన్ని ప్రాంతాల్లో వాతావరణం మైనస్‌ డిగ్రీలలో ఉంటుందని, అంత చలిలో కూడా షూటింగ్ చేసేందుక అనుష్క అంగీకరించిందని తెలుస్తోంది. ఈ సినిమాకు సైలెన్స్‌ టైటిల్‌ను పరిశీలిస్తున్నారు. ఈ మూవీలో అనుష్కతో పాటు అంజలి, షాలినీ పాండేలు కూడా కీలక పాత్రల్లో నటిస్తున్నారు.

... అనేది మీ ముందున్న సవాల్‌. ఇండియన్‌ స్పేస్‌ రీసెర్చ్‌ ఆర్గనైజేషన్‌ (ఇస్రో) మాజీ శాస్త్రవేత్త నంబి నారాయణన్‌ జీవిత సంఘటనల ఆధారంగా ‘రాకెట్రీ: ది నంబి ఎఫెక్ట్‌’ అనే సినిమా రూపొందుతున్న సంగతి తెలిసిందే. నారాయణన్‌ పాత్రలో మాధవన్‌ నటిస్తున్నారు. ఈ సినిమా కోసం కంప్లీట్‌గా నారాయణన్‌ లుక్‌లోకి మారిపోయారాయన. ఇక్కడున్న ఫొటోని షేర్‌ చేసి, ఎవరో కనిపెట్టగలరా? అంటూ తన నయా లుక్‌ను విడుదల చేశారు మాధవన్‌. అచ్చంగా నంబి నారాయణన్‌లానే మౌల్డ్‌ అయ్యారు కదూ. ఈ చిత్రానికి అనంత మహదేవన్‌తో పాటు మాధవన్‌ కూడా దర్శకుడిగా చేయాలనుకున్నారు. అయితే మహదేవన్‌ తప్పుకోవడంతో ఇప్పుడు పూర్తి స్థాయి దర్శకత్వ బాధ్యతలు చేపడుతున్నారు. ఈ సినిమాను సమ్మర్‌లో విడుదల చేయాలనుకుంటున్నారు.  

ప్రస్తుతం అన్ని ఇండస్ట్రీలలో బయోపిక్‌ల సీజన్‌ నడుస్తోంది. సినీ రాజకీయా క్రీడా ప్రముఖుల జీవిత కథల నేపథ్యంలో పలు భాషల్లో సినిమాలు రూపొందుతున్నాయి.  ఈ లిస్ట్‌లో ఓ సైంటిస్ట్‌ కూడా చేరబోతున్నాడు.ఆర్‌ మాధవన్‌ స్వయంగా దర్శకత్వం వహిస్తూ నటిస్తున్న సినిమా రాకెట్రీ. ఇస్రో శాస్త్రవేత్త నంబి నారాయణన్‌ జీవిత కథ ఆధారంగా ఈ సినిమాను తెరకెక్కిస్తున్నారు. ఈ సినిమా కోసం మాధవన్ చూపిస్తున్న డెడికేషన్‌ అందరిని విస్మయానికి గురిచేస్తుంది. ఇప్పటికే తన లుక్‌కు సంబంధించిన అప్‌డేట్స్‌తో ఆకట్టుకుంటున్న మాధవన్‌ తాజాగా తన ఫైనల్‌ లుక్‌ను రివీల్ చేశాడు. అచ్చు నంబి నారాయణన్‌లా మారిపోయాడు మాధవన్‌. ప్రస్తుతం చిత్రీకరణ జరుపుకుంటున్న ఈ సినిమాను తెలుగు, తమిళ, ఇంగ్లీష్‌, హిందీ భాషల్లో తెరకెక్కిస్తున్నారు.

నంబీ నారాయణ్‌ బయోపిక్‌కు అనంత్‌ మహాదేవన్‌తో పాటు ఓ దర్శకుడిగా వ్యవహరిస్తున్నట్టు ప్రకటించి అందర్నీ ఆశ్చర్యపరిచారు మాధవన్‌. ఇప్పుడు ఆ ప్రాజెక్ట్‌కు పూర్తి స్థాయి డైరెక్టర్‌గా వ్యవహరించి సినిమాను పూర్తి చేస్తారట. ఇస్రో శాస్త్రవేత్త నంబీ నారాయణ్‌ జీవితం ఆధారంగా రూపొందుతున్న చిత్రం ‘రాకెట్రీ : ది నంబీ ఎఫెక్ట్‌’. ‘‘అనంత్‌ అద్భుతమైన ఫిల్మ్‌ మేకర్‌. కొన్ని అనివార్య కారణలతో దర్శకుడు అనంత్‌ ఈ ప్రాజెక్ట్‌ నుంచి తప్పుకున్నారు. ఈ సినిమాను నేను డైరెక్ట్‌ చేయనున్నాను’’ అని పేర్కొన్నారు మాధవన్‌. ఈ సినిమాలో మాధవన్‌ సరసన సిమ్రాన్‌ హీరోయిన్‌గా కనిపించనున్నారు. సమ్మర్‌లో ఈ చిత్రం రిలీజ్‌ కానుంది.

సినిమాల ఎంపికలో కథానాయిక సిమ్రాన్‌ స్పీడ్‌ పెంచినట్లు తెలుస్తోంది. గతేడాది ‘సీమరాజా’ అనే తమిళ సినిమాలో విలన్‌గా నటించారామె. ఈ ఏడాది రజనీకాంత్‌ హీరోగా నటించిన ‘పేట’ చిత్రంలో ఒక కథానాయికగా ప్రేక్షకుల ముందుకొచ్చారు. ఇప్పుడు ఆమె మాధవన్‌ సరసన నటించబోతున్నారని ప్రచారం జరుగుతోంది. ఇండియన్‌ స్పేస్‌ రీసెర్చ్‌ ఆర్గనైజేషన్‌ (ఇస్రో) మాజీ శాస్త్రవేత్త నంబి నారాయణన్‌ జీవితం ఆధారంగా ‘రాకెట్రీ: ది నంబి ఎఫెక్ట్‌’ అనే సినిమా రూపొందుతున్న సంగతి తెలిసిందే. ఇందులో మాధవన్‌ హీరోగా నటిస్తున్నారు. అనంత్‌ మహాదేవన్, ఆర్‌. మాధవన్‌ దర్శకులు. ఈ సినిమాలో సిమ్రాన్‌ కథానాయికగా నటించబోతున్నారని తాజా కోలీవుడ్‌ టాక్‌. తెలుగు, తమిళం, హిందీ, ఇంగ్లీష్‌ భాషల్లో తెరకెక్కుతోన్న ఈ సినిమా సమ్మర్‌లో విడుదల కానుంది.

తెలుగు, తమిళ, హిందీ భాషల్లో మంచి పేరున్న నటుడు మాధవన్‌. ‘బాహుబలి’ ముందు వరకూ అనుష్క దక్షిణాది వరకే పరిమితం. ఆ సినిమా తర్వాత ఉత్తరాదిన కూడా పేరు తెచ్చుకున్నారు. తెలుగమ్మాయి అంజలికి సౌత్‌లో మంచి పేరుంది. ఇక ‘అర్జున్‌రెడ్డి’తో ఒక్కసారిగా పాపులర్‌ అయ్యారు షాలినీ పాండే. ఈ నలుగురూ ముఖ్య తారలుగా తెరకెక్కుతున్న చిత్రం మార్చిలో ప్రారంభం కానుంది. పీపుల్‌ మీడియా ఫ్యాక్టరీ, కోన ఫిలిం కార్పొరేషన్‌లు సంయుక్తంగా నిర్మిస్తున్న ఈ చిత్రం అమెరికాలో జరిగే షూటింగ్‌తో ప్రారంభం కానుంది. హారర్‌ థ్రిల్లర్‌గా తెరకెక్కనున్న ఈ చిత్రానికి హేమంత్‌ మధుకర్‌ దర్శకుడు. టీజీ విశ్వప్రసాద్, కోన వెంకట్‌ నిర్మాతలు. ఈ చిత్రాన్ని తెలుగుతో పాటు పలు భాషల్లో తీయనున్నామని చిత్రనిర్మాతలు తెలిపారు. అలాగే  తెలుగు, తమిళ, హాలీవుడ్‌ సాంకేతిక నిపుణులు ఈ సినిమాకి పని చేస్తారు. తొలి క్రాస్‌ ఓవర్‌ మూవీగా ఈ చిత్రం తెరకెక్కనుంది. అవసరాల శ్రీనివాస్, సుబ్బరాజులు ముఖ్య పాత్రలు చేస్తారు. కోన  వెంకట్, షనిల్‌ డియో, గోపీ మోహన్, నీరజ కోన, గోపీసుందర్‌ టెక్నీషియన్లుగా చేయనున్నారు. త్వరలోనే మిగతా నటీనటులు, సాంకేతిక నిపుణుల వివరాలను తెలియజేస్తామని నిర్మాతలు తెలిపారు. మార్చిలో ప్రారంభం అయ్యే ఈ సినిమాను ఈ ఏడాది ద్వితీయార్ధంలో విడుదల చేస్తామన్నారు.

భాగమతి సినిమా తరువాత లాంగ్‌ గ్యాప్‌ తీసుకున్న అనుష్క త్వరలో మరో సినిమాను ప్రారంభించేందుకు రెడీ అవుతోంది. హర్రర్‌ థ్రిల్లర్‌గా తెరకెక్కుతున్న ఈ సినిమాలో బహుభాషా నటుడు మాధవన్‌ కీలక పాత్రలో నటించనున్నారు. హేమంత్‌ మధుకర్‌ దర్శకత్వంలో తెరకెక్కుతున్న ఈ సినిమాను పీపుల్స్‌ మీడియా ఫ్యాక్టరీ, కోన ఫిలిం కార్పొరేషన్‌లు సంయుక్తంగా నిర్మిస్తున్నాయి. భారీ బడ్జెట్‌తో తెరకెక్కుతున్న ఈ సినిమా కోసం తెలుగు, తమిళ, హాలీవుడ్‌ సాంకేతిక నిపుణులు, నటీనటులు పనిచేస్తున్నారు. డిఫరెంట్‌ కాన్సెప్ట్‌ తో తెరకెక్కుతున్న ఈ సినిమాలో అనుష్కతో పాటు మరో ఇద్దరు హీరోయిన్లు అంజలి, షాలిని పాండేలు కూడా నటిస్తున్నారు. అవసరాల శ్రీనివాస్‌, సుబ్బరాజు ఇతర కీలక పాత్రలో నటిస్తున్నారు. ఎక్కువగా భాగం విదేశాల్లో షూటింగ్‌ జరపుకోనున్న ఈ చిత్రం మార్చి నెలలో అమెరికాలో ప్రారంభం కానుంది. ఈ ఏడాది ద్వితీయార్థంలో సినిమాను రిలీజ్ చేసేందుకు ప్లాన్‌ చేస్తున్నారు.

హారర్‌ చిత్రం ‘భాగమతి’ తర్వాత ‘సైలెంట్‌’ అనే మూకీ థ్రిల్లర్‌లో కనిపించనున్నారు అనుష్క. మాధవన్‌ హీరోగా ‘వస్తాడు నా రాజు’ ఫేమ్‌ హేమంత్‌ మధుకర్‌ దర్శకత్వంలో ఈ చిత్రం తెరకెక్కనుంది. కోన వెంకట్‌ నిర్మాణంతో పాటు రచయితగానూ వ్యవహరించనున్నారు. ఈ సినిమాకు సంబంధించిన విశేషాలు ఎప్పటికప్పుడు వినిపిస్తున్నాయి. క్రాస్‌ఓవర్‌ చిత్రంగా ఈ సినిమా రూపొందనుంది. అంటే కేవలం కొంతమంది మన భాష నటులు మిగతా అంతా వేరే భాష నటులు కనిపిస్తారు. ఇందులో హాలీవుడ్‌ నటుల టచ్‌ ఎక్కువగానే కనిపించనుంది. ‘కిల్‌బిల్‌’లాంటి క్లాసిక్‌ హిట్‌ చిత్రంలో నటించిన మైఖెల్‌ మేడ్‌సన్‌ ఈ సినిమాలో కీలక పాత్రలో కనిపించనున్నారట. ‘కిల్‌ బిల్‌ ఫస్ట్‌ పార్ట్‌’తోపాటు ‘ఫారెస్ట్‌ ఆఫ్‌ లివింగ్‌ డెడ్, ఫ్రీ విల్లీ 2’ చిత్రాల్లో కనిపించారు మైఖెల్‌. మార్చి నుంచి సెట్స్‌ మీదకు వెళ్లనున్న ఈ చిత్రం ఎక్కువ శాతం షూటింగ్‌ అమెరికాలోనే జరుపుకోనుంది. ఈ చిత్రం కోసం అనుష్క బరువు తగ్గి, కొత్త లుక్‌లో కనిపించనున్నారని కోన వెంకట్‌ పేర్కొన్నారు.

ఏడాది కావస్తోంది అనుష్క స్క్రీన్‌పై కనిపించి. ‘భాగమతి’ తర్వాత ఏ సినిమాలోనూ కనిపించలేదు. సినిమాల్లోనే కాదు.. బయట కూడా ఎక్కడా కనిపించలేదు. కోన వెంకట్‌ నిర్మాణంలో రూపొందనున్న సైలెంట్‌ థ్రిల్లర్‌ ‘సైలెన్స్‌’లో నటించడానికి అంగీకరించారు కానీ ఆ చిత్రం షూటింగ్‌ స్టార్ట్‌ కావడానికి టైమ్‌ ఉంది. ఈ సినిమాలో కంప్లీట్‌ న్యూ లుక్‌లో కనిపించే విషయంపై శ్రద్ధ పెట్టారట అనుష్క. అందుకే మీడియా బయట ఎక్కడా కనిపించడం లేదు. మాధవన్, అనుష్క ముఖ్య పాత్రల్లో ‘వస్తాడు నా రాజు’ చిత్రానికి దర్శకత్వం వహించిన హేమంత్‌ మధుకర్‌ ఈ సినిమాకు దర్శకుడు. కోన వెంకట్‌ నిర్మాణ బాధ్యతలు చేపడుతున్నారు. ఈ లేటెస్ట్‌ థ్రిల్లర్‌ గురించి కోన వెంకట్‌ మాట్లాడుతూ – ‘‘తెలుగులో రాబోతున్న తొలి క్రాస్‌ఓవర్‌ చిత్రం ‘సైలెన్స్‌’. (మన భాష నటులతో సమానంగా లేదా ఎక్కువ సంఖ్యలో వేరే ప్రాంతం, భాష నటులు సినిమాలో కనిపించడాన్ని క్రాస్‌ఓవర్‌ అంటారు). అనుష్క, మాధవన్‌ మరో ఇద్దరు ప్రముఖ ఆర్టిస్టులు మినహా ఈ సినిమాలో మొత్తం హాలీవుడ్‌ నటులు కనిపించనున్నారు. ఎక్కువ శాతం అమెరికాలో షూటింగ్‌ జరుపుకోనుంది. వచ్చే ఏడాది మార్చిలో షూటింగ్‌ మొదలు కానున్న ఈ చిత్రం కోసం అనుష్క ఫిజికల్‌ ట్రైనింగ్‌ తీసుకుంటున్నారు. ఆమె సరికొత్త లుక్‌ కచ్చితంగా ఆశ్చర్యపరుస్తుంది’’ అన్నారు. తెలుగు, తమిళ, హిందీ భాషల్లోనూ ఈ చిత్రం రిలీజ్‌ కానుంది.

హీరోలుగా మంచి ఫాంలో ఉన్న నటులు కూడా ఇటీవల ప్రతినాయక పాత్రల్లో నటించేందుకు ఇంట్రస్ట్‌ చూపిస్తున్నారు. తాజాగా నాగచైతన్య హీరోగా తెరకెక్కిన సవ్యసాచి సినిమాతో టాలీవుడ్‌కు విలన్‌గా పరిచయం అయ్యాడు మాధవన్‌. ఈ సినిమా ఆశించిన స్థాయిలో విజయం సాదించకపోయినా మాధవన్‌ నటనకు మంచి పేరు వచ్చింది. దీంతో మరిన్ని సినిమాల్లో మాధవన్‌ ప్రతినాయక పాత్రల్లో నటించేందుకు రెడీ అవుతున్నట్టుగా వార్తలు వినిపించాయి. ముఖ్యంగా రవితేజ హీరోగా వీఐ ఆనంద్‌ తెరకెక్కిస్తున్న సైన్స్‌ ఫిక్షన్‌ సినిమాలో మాధవన్‌ విలన్‌గా నటిస్తున్నాడంటూ పెద్ద ఎత్తున ప్రచారం జరిగింది. అయితే ఈ వార్తలపై స్పందించిన మాధవన్‌ తాను రవితేజ సినిమాలో నటించటం లేదని.. ఆ వార్తల్లో నిజం లేదంటూ క్లారిటీ ఇచ్చారు.

ఇస్రోకి (ఇండియన్‌ స్పేస్‌ రీసెర్చ్‌ ఆర్గనైజేషన్‌) చెందిన ప్రముఖ    శాస్త్రవేత్త నంబి నారాయణన్‌ జీవితం ఆధారంగా రూపొందుతున్న చిత్రం ‘రాకెట్రీ: ది నంబి ఎఫెక్ట్‌’. టైటిల్‌ రోల్‌లో మాధవన్‌ నటిస్తున్నారు. ప్రస్తుతం ఈ సినిమాకు సంబంధించిన మేకోవర్‌ పనుల్లో బీజీగా ఉన్నారాయన. ఈ మేకోవర్‌కు చెందిన ఓ వీడియోను మాధవన్‌ సోషల్‌ మీడియాలో షేర్‌ చేశారు. ‘‘నా క్యారెక్టర్‌కు చెందిన కొత్త లుక్‌ కోసం రెడీ అవుతున్నాను. చాలా ఎగై్జటింగ్‌గా ఉంది’’ అని పేర్కొన్నారు. కాగా అనంత్‌ మహాదేవన్‌తో పాటు హీరో మాధవన్‌ కూడా ఈ చిత్రానికి దర్శకత్వం వహించనుండటం విశేషం. ఈ చిత్రాన్ని సమ్మర్‌లో రిలీజ్‌ చేయాలనుకుంటున్నారు. ఈ సినిమా కాకుండా మాధవన్, అనుష్క ప్రధాన తారలుగా ‘సైలెన్స్‌’ అనే కొత్త చిత్రం వచ్చే ఏడాది ప్రారంభం కానున్న సంగతి తెలిసిందే.

ఈ ఏడాది అరడజను తెలుగు సినిమాలకు సంగీతం అందించి మంచి ఊపు మీద ఉన్నారు మలయాళ సంగీత దర్శకుడు గోపీసుందర్‌. అటు మాలీవుడ్‌లోనూ ఇదే ఫామ్‌ను కొనసాగిస్తున్న గోపీసుందర్‌ తాజాగా మరో తెలుగు సినిమాకు స్వరాలు సమకూర్చడానికి సిద్ధం అయ్యారు. ‘వస్తాడు నా రాజు’ ఫేమ్‌ హేమంత్‌ మధుకర్‌ దర్శకత్వంలో అనుష్కా, మాధవన్‌ ప్రధాన పాత్రలుగా ఓ సినిమా రూపొందనున్న సంగతి తెలిసిందే. ‘సైలెన్స్‌’ అనే టైటిల్‌ అనుకుంటున్నారట. ఈ చిత్రానికి గోపీ సుందర్‌ సంగీతం అందించనున్నారు. కోన  ఫిల్మ్‌ కార్పొరేషన్, పీపుల్స్‌ మీడియా ఫ్యాక్టరీ నిర్మించనున్న ఈ సినిమా చిత్రీకరణ వచ్చే ఏడాది యూఎస్‌లో ప్రారంభం కానుంది. ‘‘తెలుగులో ఇప్పటికే గోపీ సుందర్‌ మంచి సంగీతం అందించారు. ఆయన మా సినిమాకు మ్యూజిక్‌ ఇవ్వడానికి ఒప్పుకున్నందుకు హ్యాపీ. మంచి మ్యూజికల్‌ రైడ్‌గా ఉంటుందీ చిత్రం’’ అన్నారు కోన వెంకట్‌. 

అనుష్క నెక్ట్స్‌ ప్రాజెక్ట్‌ ఏంటి? అన్నది కొన్ని నెలలుగా జవాబు దొరకని ప్రశ్న. ఇప్పుడు ఆ ప్రశ్నకు సమాధానం దొరికింది. అనుష్క నెక్ట్స్‌ చేయబోయే చిత్రం పేరు ‘సైలెన్స్‌’. మూకీ సినిమా అని అర్థమయ్యే ఉంటుంది. ‘వస్తాడు నా రాజు’ ఫేమ్‌ హేమంత్‌ మధుకర్‌ దర్శకత్వంలో అనుష్క, మాధవన్‌ ముఖ్య›పాత్రల్లో ‘సైలెన్స్‌’ అనే సైలెంట్‌ థ్రిల్లర్‌ తెరకెక్కనుంది. ఈ చిత్రాన్ని బ్లూ ప్లానెట్‌ ఎంటర్‌టైన్‌మెంట్, పీపుల్స్‌ మీడియా ఫ్యాక్టరీ సంయుక్తంగా నిర్మించనున్నాయి. రచయిత కోన వెంకట్‌ ఈ చిత్రానికి రచయితగా, సహాయ నిర్మాతగా వ్యవహరించనున్నారు. ఈ చిత్రం షూటింగ్‌ ఎక్కువ శాతం అమెరికాలోని సీటెల్‌ ప్రాంతంలో జరగనుంది. అనుష్క, మాధవన్‌ ఇదివరకు ‘రెండు’ (2006) అనే తమిళ సినిమాలో తొలిసారి కలసి నటించారు. ఇప్పుడు 12ఏళ్ల తర్వాత మళ్లీ ఇద్దరూ కలసి నటించబోతున్నారు. సైలెంట్‌ థ్రిల్లర్‌ కావడంతో ఈ చిత్రాన్ని తెలుగు, తమిళ, మలయాళ, హిందీ భాషల్లో రిలీజ్‌ చేయడానికి ప్లాన్‌ చేస్తోంది చిత్రబృందం. ఈ చిత్రం రెగ్యులర్‌ షూటింగ్‌ వచ్చే ఏడాది స్టార్ట్‌ కానుంది.

‘సవ్యసాచి’తో తొలిసారి స్ట్రయిట్‌ తెలుగు చిత్రంలో తెలుగు ప్రేక్షకులను పలకరించారు మాధవన్‌. ఈ చిత్రంలో మాధవన్‌ పోషించిన నెగటివ్‌ పాత్రకు మంచి అభినందనలు కూడా వస్తున్నాయి. ప్రస్తుతం మాధవన్‌ ‘రాకెట్రీ: ది నంబీ ఎఫెక్ట్‌’ అనే చిత్రంలో యాక్ట్‌ చేస్తున్నారు. శాస్త్రవేత్త నంబీ నారాయణ్‌ జీవితం ఆధారంగా తెరకెక్కుతోన్న ఈ చిత్రాన్ని అనంత్‌ మహదేవ్‌తో కలసి దర్శకత్వ బాధ్యతలు కూడా చేపడుతున్నారు మాధవన్‌. ఈ సినిమా తెలుగు, తమిళ, హిందీ, మలయాళ భాషల్లో తెరకెక్కుతోంది. ఈ చిత్రం తెలుగు వెర్షన్‌కు మాధవన్‌ సొంతంగా డబ్బింగ్‌ చెప్పుకోనున్నారు. ‘‘సవ్య సాచి’ సినిమాలో పాత్రకు డబ్బింగ్‌ చెప్పాలనుకున్నా అనివార్య కారణాల వల్ల కుదరలేదు. ఈ సినిమా చేస్తున్నప్పుడు నా సినిమాలను ఫాలో అయ్యేవాళ్లు తెలుగు రాష్ట్రాల్లో చాలామంది ఉన్నారని తెలుసుకున్నాను. అందుకే ‘రాకెట్రీ’ సినిమాలో నా గొంతునే వినిపిస్తాను’’ అని మాధవన్‌ పేర్కొన్నారు.

జీవితంలో హెచ్చుతగ్గులుంటాయి.ఊపిరి పీల్చివదలడం కూడా అంతే.ఒకటి నిలబెట్టేది, ఒకటి పడగొట్టేది కాదు. రెండూ ఉండాలి. ఈ రెండిటితో నడిచిన క్రైమ్‌ డ్రామా ‘బ్రీత్‌’. ఇందులో ఒక తండ్రి ఎమోషన్‌ ఉంటుంది. అతడు దుర్మార్గుడే అయినా.. హీరోగా చూపిస్తుంది ఆ ఎమోషన్‌. కొడుకు ఊపిరి కోసం  నాన్న తీసిన ఊపిరే.. ఈ కథ. చదవండి. ‘‘నాన్నా.. ఎన్నో కలలతో ముంబై వచ్చాను. ఇక్కడ నా ఒంటరి ప్రయాణం గురించి మీరెంత భయపడ్డారో.. కలత చెందారో నాకు తెలుసు. అనుకున్నది సాధించడం అంత ఆషామాషీ కాదని అర్థమైంది నాన్నా! సారీ.. నాన్నా.. ఈ పని చేస్తున్నందుకు క్షమించండి’’ అంటూ కాళ్లను కట్టేసుకుని.. పాలిథిన్‌ కవర్‌ను ముఖానికి చుట్టేసుకుని.. తనంతట తానుగా చేతులనూ కుర్చీ వెనక్కి కట్టేసుకుని ఆత్మహత్య చేసుకుంటుంది పాతికేళ్ల ఓ అమ్మాయి. ఈ వ్యవహారాన్నంతా ఫోన్‌ వీడియోలో రికార్డ్‌ చేస్తుంది. నటి అవ్వాలనే ఆశయంతో ఆమె ముంబైకి వస్తుంది.     ట్రెడ్‌మిల్‌ మీద వేగంగా పరిగెడుతుంటాడు ఓ వ్యక్తి. ఎంతలా అంటే ఆ ఆయాసం ఆయనకున్న ఆస్తమాను ఎఫెక్ట్‌ చేసేంతగా. నా వల్ల కాదు.. ప్లీజ్‌ నన్ను వదిలేయ్‌.. అని బతిమాలుకుంటూ బతిమాలుకుంటూ ట్రెడ్‌ మిల్‌ మీదే స్పృహ కోల్పోయి పడిపోతాడు. ఈ విషయం అతని కొడుకుకి తెలిసి.. ఇంటికొచ్చి.. ఆసుపత్రిలో చేర్పిస్తాడు. అప్పటికే అతను కోమాలోకి వెళ్లిపోయినట్టు డాక్టర్లు నిర్ధారణ చేస్తారు. తర్వాత కొన్ని రోజులకు కార్డియాక్‌ అరెస్ట్‌ అయి చనిపోతాడు. అతను.. రిటైర్డ్‌ ప్రొఫెసర్‌. ఆస్తమా తప్ప ఏ ఇబ్బంది, బాదరబందీ లేక సంతోషంగా లైఫ్‌ను లీడ్‌ చేస్తున్న వ్యక్తి.      ఒక వర్షం రాత్రి.. బైక్‌ మీద వెళ్తున్న ఒకతనికి యాక్సిడెంట్‌ అవుతుంది. తలకు బలంగా దెబ్బతగలడంతో అక్కడికక్కడే మరణిస్తాడు. హెల్మెట్‌ ఉంటే బతికేవాడే అనుకుంటారంతా. హెల్మెట్‌ ఉంటుంది. తన బైక్‌ వెనకాలే లాక్‌ చేసి! ‘‘సేఫ్టీ విషయంలో అతను చాలా అబ్సెసివ్‌. హెల్మెట్‌ లేకుండా వెళ్లడు. అలాంటిది హెల్మెట్‌ను బైక్‌ వెనకాల లాక్‌ చేసుకొని.. బైక్‌ రైడ్‌ చేయడం ఏంటి? నాకేదో అనుమానంగా ఉంది..ఎంక్వయిరీ చేయించండి’’ అంటూ పోలీస్‌ ఇన్‌స్పెక్టర్‌కి కంప్లయింట్‌ ఇవ్వడానికి వస్తుంది అతని గర్ల్‌ ఫ్రెండ్‌. ‘‘నీ బాధ అర్థమైంది.. ఈ మంచినీళ్లు తాగు.. అయినవాళ్లు పోతే.. ఇలాంటి మానసిక స్థితే ఉంటుంది. ధైర్యంగా ఉండాలి’’ అని ఆమెకు సర్దిచెప్పే ప్రయత్నం చేస్తాడు కాప్‌. ‘‘విషయం అది కాదు.. ’’ అని ఆమె ఏదో చెప్పబోతున్నా.. వినకుండా పంపించేస్తాడు ఇన్‌స్పెక్టర్‌. చనిపోయి కుర్రాడికి 28 ఏళ్లు. ఐటీ ప్రొఫెషనల్‌. ఇతనూ రిటైర్డ్‌ పర్సనే. దినచర్యలో భాగంగా కంట్రీక్లబ్‌కు వెళ్లి.. స్విమ్మింగ్‌ చేయడం అలవాటు. ఆ ప్రకారం ఆ రోజూ ఎప్పటిలాగే స్విమ్మింగ్‌ పూల్‌కి వెళ్లాడు. ఈత కొడ్తున్నప్పుడు కరెంట్‌ పోతుంది. నీళ్లల్లో ఉక్కిరిబిక్కిరై.. ఊపిరి ఆగిపోతుంది.      ఆర్ట్‌ గ్యాలరీ స్టోర్‌ రూమ్‌లో.. ఒక లేడీ ఆర్టిస్ట్‌ పడి ఉంది. కింద అన్నీ నీళ్లు.. కరెంట్‌ తీగ వేలాడ్డానికి సిద్ధంగా ఉంది. పొరపాటున ఆ నీళ్లల్లో పడితే.. షాక్‌ తగిలి.. ఆ ఆర్టిస్ట్‌ చనిపోవడం ఖాయం. అది జరగబోతుండగా.. ఇన్‌స్పెక్టర్‌ వచ్చి.. కరెంట్‌ తీగను నీళ్లలో వేయబోతున్న వ్యక్తిని పట్టుకుంటాడు. తర్వాత ఇంటరాగేషన్‌లో అతనిని గుండె దగ్గర కాలుస్తాడు. కరెంట్‌ షాక్‌తో ఆ లేడీ ఆర్టిస్ట్‌ను చంపాలనుకున్న వ్యక్తి ఎవరు? డానీ. ఫుట్‌బాల్‌ కోచ్‌. ఒక్క మహిళా ఆర్టిస్ట్‌నే కాదు.. పైన చెప్పిన అన్ని చావులతోనూ డానీకి సంబంధం ఉంటుంది. ఇన్‌ఫాక్ట్‌ వాటికి స్కెచ్‌ గీసింది అతడే. అవి హత్యలు.. ఆత్మహత్య చేసుకుంటున్నట్టు వీడియో రికార్డ్‌ చేసిన అమ్మాయి డెత్‌తో సహా! డానీ.. ది మర్డరర్‌. ఓహ్‌ గాడ్‌.. ఎందుకు? అతనేమన్నా సైకోనా? కాదు. మంచి తండ్రి. డానీకొక కొడుకు ఉంటాడు. జాషువా. ఆరేళ్లు. అందరూ జాష్‌ అని పిలుస్తుంటారు. సిస్టిక్‌ ఫైబ్రోసిస్‌తో బాధపడుతుంటాడు. ఊపిరితిత్తుల ట్రాన్స్‌ప్లాంటేషన్‌ జరిగితే కాని బతకడు. పైగా ఆ అబ్బాయిది రేర్‌ బ్లడ్‌గ్రూప్‌. ఏబీ నెగటివ్‌. ఆ గ్రహీతల జాబితాలో జాషువా అయిదో నంబర్‌లో ఉంటాడు. వాడు తల్లిలేని పిల్లాడు. నానమ్మ మార్గరేట్, తండ్రి డానీయే జాషువాను కళ్లల్లో పెట్టి చూసుకుంటుంటారు. అరుణ అనే డాక్టర్‌.. పిల్లాడి ఆరోగ్యాన్ని పరీక్షిస్తూ ఉంటుంది. డానీ పట్ల ఇష్టాన్నీ పెంచుకుంటుంది. వెంటనే ఆపరేషన్‌ చేయకపోతే జాషువా బతకడని చెప్తుంది అరుణ. వాడి లైఫ్‌ లైన్‌ అయిదు నెలల వరకే సాగొచ్చు అనే భయాన్నీ వ్యక్తం చేస్తుంది. పరిస్థితి చూస్తుంటే అయిదునెలలోపు ఆపరేషన్‌ జరిగేలా కనిపించదు. ఫ్రస్ట్రేట్‌ అవుతాడు. ఏదైనా చేసి కొడుకును బతికించుకోవాలి. ఆఖరకు మనుషులను చంపైనా సరే అన్నంత కసిగా మార్తాడు.  అప్పుడు చేస్తాడు..! .. ఈ హత్యలను. డానీ చేతిలో శ్వాస వదిలిన వాళ్లంతా ఏబీ నెగటివ్‌ బ్లడ్‌ గ్రూప్‌తో ఉన్న ఆర్గాన్‌ డోనర్సే. వాళ్ల జాబితా దొరికించుకొని అందులోంచి  పైన మనుషులను ఎంచుకొని.. వాళ్ల జీవన శైలిని గమనించి మరీ మర్డర్‌కి ప్లాన్‌ చేస్తాడు డానీ. చేతికి రక్తం అంటకుండానే నాలుగు హత్యలూ కానిచ్చేస్తాడు. వీటి మీద ఇన్‌స్పెక్టర్‌ కబీర్‌ సావంత్‌కి అనుమానం వస్తుంది.. అవి సహజ మరణాలు కావని. మోడస్‌ ఆపరాండీని పరిశీలిస్తే తెలుస్తుంది.. ప్రాణం పోయినవాళ్లంతా ఆర్గాన్‌ డోనర్స్‌ అని.   ఎంక్వయిరీలో భాగంగా అవయవ గ్రహీతల జాబితా మొదటి వరుసలో ఉన్నవాళ్లందరినీ ప్రశ్నిస్తాడు కబీర్‌. ఆ క్రమంలో డానీనీ విచారిస్తాడు. అనుమానం వస్తుంది. అతని కదలికల మీద నిఘా పెడ్తాడు ఇన్‌స్పెక్టర్‌. తర్వాత  లిస్ట్‌లో ఎవరుండబోతున్నారో తెలుసుకొని హతాశుడవుతాడు. అతని భార్యే ఉంటుంది. ఆమే ఆర్టిస్ట్‌! పోలీస్‌ హంట్‌ తన కదలికల మీద పోలీస్‌ కన్నుపడిందని డానీకి అర్థమవుతుంది. వాళ్లను తప్పుదోవ పట్టించడానికి అవయవ దాతల కోసం ఎదురు చూస్తున్న ఇంకో వ్యక్తి మీదకు డౌట్‌ను మళ్లిస్తాడు. ఆ వ్యక్తి భార్యకు ఆర్గాన్స్‌ కావాలి. ఆమె మంచంలో అచేతనంగా పడి ఉంటుంది. సేవ చేయలేక విసిగిపోయి ఉంటాడు అతను. పోలీసులకూ అతనే చేస్తున్నాడేమో అనిపిస్తుంది ఆ వ్యక్తి వాలకం, తీరు చూస్తే. కాని విచారణలో కాదని తేలుతుంది. ఆ విషయాన్ని అలాగే గోప్యంగా ఉంచి డానీ మీద స్పయింగ్‌ని మరింత కట్టుదిట్టం చేస్తాడు ఇన్‌స్పెక్టర్‌ కబీర్‌. అలా పోలీసులవలలో ఇరుక్కుని దోషిగా తేలుతాడు డానీ.  క్లైమాక్స్‌లో కబీర్‌ తూటాతో తలవాల్చేసిన డానీ ఊపిరితిత్తులనే జాషువాకు అమరుస్తారు. ఇంకో కీలక అంశం.. తన కొడుకును బతికించుకోవడం కోసం డానీ సీరియల్‌ కిల్లర్‌గా మారాడని డాక్టర్‌ అరుణ గ్రహిస్తుంది. హార్ట్‌ ఎటాక్‌ నాటకంతో డానీ ఆసుపత్రిలో చేరి.. కోమాలోకి వెళ్లిన ఆస్తమా పేషంట్‌ రిటైర్డ్‌ ప్రొఫెసర్‌ ఆక్సిజన్‌ పైప్‌ను లాగేసి అతనిని చంపిన తీరుతో. ఆ విషయంలో డానీని నిలదీస్తుంది. అరుణకు నిజం తెలిసిపోయిందని.. ఆమెను  వేగంగా వస్తున్న కారు కిందకు తోసి చంపేస్తాడు.      ఇది ‘బ్రిత్‌’ అనే వెబ్‌ సీరీస్‌ కథ. అమెజాన్‌ సెకండ్‌ ప్రొడక్షన్‌. ఫస్ట్‌ సీజన్‌లో ఎనిమిది ఎపిసోడ్స్‌తో సాగుతుంది. కొడుకు ఊపిరి నిలపడం కోసం ఇంకొకరి ఉసురు తీసేంత కఠినంగా మారిన తండ్రి కథ. నిజానికి  ఇది ఒక్క తండ్రి కథే కాదు. ప్యారలల్‌గా ఇంకో తండ్రి వ్యథా కనిపిస్తుంటుంది ఇందులో. ఆ వ్యథాభరితుడే ఇన్‌స్పెక్టర్‌ కబీర్‌ సావంత్‌. కబీర్‌కు ఒక కూతురు. ఆరేడేళ్లుంటాయేమో. అతని నిర్లక్ష్యం వల్ల ఆ అమ్మాయి కబీర్‌ రివాల్వర్‌తో ఆడుకుంటూ ప్రమాదవశాత్తు పేలి చనిపోతుంది. ఆ అపరాధభావంతో తాగుడికి బానిసవుతాడు కబీర్‌. భార్యా విడాకులిస్తుంది. చేతులారా బిడ్డను పోగొట్టుకున్నాననే బాధతో ఉద్యోగం పట్లా నిర్లక్ష్యంగానే ఉంటాడు. డానీ కేస్‌తోనే ఆ మత్తు వదిలి మామూలు మనిషై ఇన్‌స్పెక్టర్‌గా బాధ్యతలను నిర్వర్తిస్తాడు. డానీగా మాధవన్‌.. కబీర్‌గా అమిత్‌ సా«ద్‌ నటించారు. శ్వాస బిగపట్టి చూసేంత ఉత్కంఠతేమీ ఉండదు. అన్‌ఫార్చునేట్లీ క్లైమాక్స్‌ కూడా ఊహకందేస్తుంది. అయినా ఆసక్తి చావదు. అదే ‘బ్రిత్‌’ను నిలిపింది. వ్యూస్‌ను పెంచింది.  ఒక్కడున్నాడు ‘బాంబే బ్లడ్‌ గ్రూప్‌’.. ఎక్కడా వినలేదు కదూ. గోపీచంద్‌ యాక్ట్‌ చేసిన ‘ఒక్కడున్నాడు’ సినిమా చూసినవాళ్లకు తెలిసే ఉంటుంది. ఆ సినిమాలో విలన్‌ మహేశ్‌ మంజ్రేకర్‌కు గుండెకి సంబంధించిన ఓ సమస్య ఉంటుంది. గుండె మార్పిడి చేయాలంటే అతని బ్లడ్‌ గ్రూప్‌ (బాంబే బ్లడ్‌) కలిగిన మనిషి గుండె కావాలి. ఒకే ఒక్కడికి ఆ బ్లడ్‌ గ్రూప్‌ ఉంటుంది. అతనే హీరో గోపీచంద్‌. ఇంకేముంది? తనకు హార్ట్‌ ప్రాబ్లమ్‌ ఉందని చెప్పి, బ్లడ్‌ డొనేట్‌ చేయమని కోరతాడు. ఆ వంకతో గోపీచంద్‌కి మత్తు ఇచ్చి, ఎంచక్కా గుండె మార్పిడి చేసేయొచ్చన్నది విలన్‌ ప్లాన్‌. బ్లడ్‌ ఇవ్వడానికి వచ్చిన గోపీచంద్‌కి మత్తులోకి జారే ముందు అసలు విషయం తెలిసిపోతుంది. ఈలోపు విలన్‌కి బీపీ పెరగడంతో ఆపరేషన్‌ వాయిదా పడుతుంది. మత్తులోంచి బయటకు వచ్చిన గోపీచంద్‌ విలన్‌ గ్యాంగ్‌ని రఫ్ఫాడించి, బయటపడతాడు. చంద్రశేఖర్‌ ఏలేటి దర్శకత్వంలో గోపీచంద్‌ హీరోగా నటించిన ఈ సినిమా 2007లో విడుదలైంది. ఇంచు మించు ‘బ్రీత్‌’లాంటి కథే ఇది. 2002లో వచ్చి బాలీవుడ్‌ మూవీ ‘జాన్‌ క్యూ’తో ‘బ్రీత్‌’కి, ‘ఒక్కడున్నాడు’కి పోలికలున్నాయి.    – సరస్వతి రమ 

టైటిల్ : సవ్యసాచి జానర్ : యాక్షన్‌ డ్రామా తారాగణం : నాగ చైతన్య, నిధి అగర్వాల్‌, మాధవన్‌, భూమిక, వెన్నెల కిశోర్‌ సంగీతం : ఎమ్‌.ఎమ్‌.కీరవాణి దర్శకత్వం : చందూ మొండేటి నిర్మాత : నవీన్‌ యర్నేని, వై.రవి శంకర్‌, సీ.వీ.మోహన్‌ అక్కినేని వారసుడిగా వెండితెర అరంగేట్రం చేసిన నాగచైతన్య కెరీర్‌ స్టార్టింగ్‌ నుంచి యాక్షన్‌ హీరోగా గుర్తింపు తెచ్చుకునేందుకు ప్రయత్నిస్తూనే ఉన్నాడు. లవర్‌ బాయ్‌గా సూపర్‌ హిట్లు సాధించిన ఈ స్టార్‌ వారసుడు యాక్షన్‌ హీరోగా మాత్రం ప్రతీ సారి ఫెయిల్‌ అయ్యాడు. అయినా మరోసారి అదే జానర్‌లో తన అదృష్టాన్ని పరీక్షించుకుంటున్నాడు చైతూ. తనకు ప్రేమమ్‌ లాంటి బిగ్‌ హిట్ అందించిన చందూ మొండేటి దర్శకత్వంలో సవ్యసాచి సినిమా చేశాడు. మరి ఈ సినిమా అయినా చైతూకు యాక్షన్‌ హీరోగా సక్సెస్‌ ఇస్తుందా..? కథ ; కులు వ్యాలీలో ఓ బస్సు ప్రయాణంతో సినిమా ప్రారంభమవుతుంది. ఏ మాత్రం పరిచయం లేని 21 మంది ఆ బస్సులో ప్రయాణిస్తుంటారు. కానీ ఆ బస్సులో ఉన్న అందరికి కామన్‌ పాయింట్‌ వారందరికీ అరుణ్ అనే వ్యక్తి తెలుసు. అనుకోకుండా ఆ బస్సు ప్రమాదానికి గురవుతుంది. ప్రమాదంలో ఒక్క విక్రమ్‌ ఆదిత్య( నాగచైతన్య) తప్ప బస్సులో ఉన్న అందరూ చనిపోతారు. విక్రమ్‌ ఆదిత్య.. వానిషింగ్‌ ట్విన్‌ సిండ్రమ్‌తో ఇబ్బంది పడుతూ ఉంటాడు. తనకు ఆనందం వచ్చినా కోపం వచ్చినా తన ఎడమ చేయి తన కంట్రోల్‌ లో ఉండదు. యాడ్‌ ఫిలిం మేకర్‌ అయిన విక్రమ్‌కు అక్క (భూమిక) కూతురు మహాలక్ష్మి అంటే ప్రాణం. తన అమ్మే మళ్లీ మహాలక్ష్మీగా పుట్టిందని నమ్ముతుంటాడు విక్రమ్‌. ఓ యాడ్‌ ఫిలిం పని మీద విక్రమ్‌ న్యూయార్క్‌ వెళ్లి వచ్చే సరికి ఇంట్లో గ్యాస్‌ సిలిండర్‌ పేలి బావ, మహాలక్ష్మి చనిపోతారు. అక్క హాస్పిటల్‌లో ఉంటుంది. అన్ని సవ్యంగా ఉన్న సమయంలో విక్రమ్‌ ఆదిత్య జీవితంలో తుఫాన్‌ మొదలవుతుంది. ప్రమాదంలో అక్క కూతురు మహాలక్ష్మి చనిపోలేదని, తన దగ్గరే ఉందని ఓ అజ్ఞాత వ్యక్తి(మాదవన్‌) విక్రమ్‌కి ఫోన్‌ చేసి చెప్తాడు. అసలు పాపను అతను ఎందుకు కిడ్నాప్ చేశాడు..? విక్రమ్‌కి అజ్ఞాత వ్యక్తికి మధ్య వైరం ఏంటి..? బస్సు ప్రమాదానికి ఈ కథకు సంబంధం ఏంటి..? ఈ సమస్యల నుంచి విక్రమ్ ఆదిత్య ఎలా బయటపడ్డాడు..? అన్నదే మిగతా కథ. నటీనటులు ; సినిమా ప్రధానంగా నాగచైతన్య, మాధవన్‌ల చుట్టూనే తిరుగుతుంది. ఇద్దరు తమ పాత్రల్లో అద‍్భుతంగా ఒదిగిపోయారు. ప్రతీ సినిమాకు నటుడిగా ఒక్కో మెట్టు ఎదుగుతూ వస్తున్న చైతూ ఈ సినిమాలోనూ ఆకట్టుకున్నాడు. ముఖ్యంగా ఎడమ చేయి తన మాట వినని పరిస్థితుల్లో ఒక వ్యక్తి పడే ఇబ్బందులను చాలా బాగా చూపించాడు. కామెడీ, రొమాన్స్‌, ఎమోషనల్‌ సీన్స్‌తో పాటు యాక్షన్‌ సీన్స్‌లోనూ ఆకట్టుకున్నాడు. గత చిత్రాలతో పోలిస్తే ఈ సినిమాలో డ్యాన్స్‌ కూడా చాలా బాగా చేశాడు చైతూ. తొలిసారిగా స్ట్రయిట్ తెలుగు సినిమా చేసిన మాధవన్‌ కు ఇది మంచి లాంచ్‌ అనే చెప్పాలి. తాను ఎలాంటి పాత్రనైనా పండించగలనని మరోసారి ప్రూవ్ చేసుకున్నాడు మాధవన్‌. సైకో విలన్‌గా మాధవన్‌ నటన, పలికించిన హావ భావాలు సినిమాకు ప్లస్‌ అయ్యాయి. అయితే మాధవన్‌ పాత్రను ఇంకాస్త ఎలివేట్ చేస్తే బాగుండన్న భావన కలుగుతుంది. హీరోయిన్‌గా పరిచయం అయిన నిధి అగర్వాల్ కేవలం  లవ్‌ స్టోరి, పాటలకే పరిమితమైంది. భూమిక తెర మీద కనిపించింది కొద్ది సేపే అయినా ఉన్నంతలో తనదైన నటనతో ఆకట్టుకుంది. వెన్నెల కిశోర్‌, సుదర్శన్‌, సత్య తమ కామెడీ టైమింగ్‌తో ఆకట్టుకున్నారు. విశ్లేషణ ; వానిషింగ్‌ ట్విన్‌ సిండ్రోమ్‌ అనే డిఫరెంట్ పాయింట్‌ను ఎంచుకున్న దర్శకుడు చందూ మొండేటి యాక్షన్‌ ఎమోషనల్‌ అంశాలతో మంచి కథను రెడీ చేసుకున్నాడు. అయితే ఆ కథను తెర మీద ఆవిష్కరించటంలో కాస్త తడబడినట్టుగా కనిపిస్తుంది. సినిమాను ఇంట్రస్టింగ్‌ పాయింట్‌తో మొదలు పెట్టినా.. తరువాత ఫస్ట్‌ హాఫ్‌ అంతా హీరో హీరోయిన్ల మధ్య సన్నివేశాలతో నడిపించాడు. హీరోకు ఉన్న ఎడమ చేతి ప్రాబ్లమ్‌కు సంబంధించిన సన్నివేశాలు కూడా ఆశించిన స్థాయిలో లేవు. ప్రీ ఇంట్రర్వెల్‌ వరకు అసలు కథ మొదలు కాకపోవటం నిరాశకలిగిస్తుంది. ఇంటర్వెల్‌ తరువాత కథ వేగం అందుకుంటుదనుకున్న సమయంలో మరోసారి కాలేజ్‌ ఫ్లాష్‌ బ్యాక్‌ బ్రేక్‌ వేస్తుంది. ఈ సీన్‌లో సుభద్రా పరిణయం నాటకం, నిన్ను రోడ్డు మీద చూసినది లగ్గాయత్తు పాటు ఆకట్టుకున్నా కథనం ఎమోషనల్‌గా సాగుతున్న సమయంలో ఈ సీన్స్‌ ఇబ్బంది పెడతాయి. మాధవన్‌ లాంటి నటుడు ఉన్న పూర్తిగా ఉపయోగించుకోలేదనే భావన కలిగిస్తుంది. విలన్‌ క్యారెక్టర్‌ను మరింతగా ఎలివేట్ చేస్తే బాగుండేది. హీరో, విలన్ల మధ్య జరిగే మైండ్‌ గేమ్‌ ఆకట్టుకుంటుంది. ప్రీ క్లైమాక్స్‌ నుంచి సినిమా స్పీడందుకుంటుంది. నాగచైతన్య యాక్షన్‌ సీన్స్‌, మాధవన్‌ పర్ఫామెన్స్‌ సూపర్బ్‌. కీరవాణి సంగీతం సినిమాకు ప్లస్‌ అయ్యింది. పాటల పరవాలేదనిపించినా.. నేపథ్య సంగీతం యాక్షన్‌, ఎమోషనల్‌ సీన్స్‌కు మరింత హైప్‌ తీసుకువచ్చింది. ఎడిటింగ్ విషయంలో ఇంకాస్త దృష్టి పెట్టాల్సింది. సినిమాటోగ్రఫి, నిర్మాణ విలువలు సినిమా స్థాయికి తగ్గట్టుగా ఉన్నాయి. ప్లస్‌ పాయింట్స్‌ ; నాగచైతన్య, మాధవన్‌ నటన యాక్షన్‌ సీన్స్‌ మైనస్‌ పాయింట్స్‌ ; లవ్‌ ట్రాక్‌ రొటీన్‌ టేకింగ్ సతీష్ రెడ్డి జడ్డా, ఇంటర్‌నెట్‌ డెస్క్‌.

‘రాకెట్రీ : ది నంబీ ఎఫెక్ట్‌’... మాధవన్‌ లేటెస్ట్‌ సినిమా. ఇస్రో శాస్త్రవేత్త నంబీ నారాయణ్‌ జీవితం ఆధారంగా రూపొందుతోన్న ఈ చిత్రంలో మాధవన్‌ టైటిల్‌ రోల్‌ చేస్తున్నారు. నటుడిగానే కాదు.. ఈ సినిమాకి దర్శకుడిగానూ బాధ్యతలు చేపట్టారు. ఇక నంబీ నారాయణ్‌ గురించి చెప్పాలంటే.. విదేశీ గూఢచారి అంటూ ఆయనపై 1994లో కేసులు నమోదయ్యాయి. చాలా ఏళ్లు పోరాడిన తర్వాత ఆయన ‘నిర్దోషి’ అనే తీర్పు వచ్చింది. ఆ విధంగా జీవితంలో పెద్ద సవాల్‌ని ఎదుర్కొన్న నారాయణ్‌ పాత్ర చేయడం మంచి సవాల్‌లా భావిస్తున్నారు మాధవన్‌. ఈ చిత్రం టీజర్‌ను బుధవారం రిలీజ్‌ చేశారు. అనంత మహదేవన్‌తో కలసి ఈ చిత్రాన్ని డైరెక్ట్‌ చేస్తున్నారు మాధవన్‌. తమిళ, తెలుగు, హిందీ, మలయాళ భాషల్లో ఈ చిత్రం రూపొందుతోంది.

అక్కినేని యువ కథనాయకుడు నాగచైతన్య హీరోగా తెరకెక్కుతున్న డిఫరెంట్‌ యాక్షన్‌ ఎంటర్‌టైనర్‌ సవ్యసాచి. కార్తీకేయ, ప్రేమమ్‌ లాంటి హిట్ చిత్రాలను అందించిన చందూ మొండేటి దర్శకత్వంలో తెరకెక్కుతున్న ఈ సినిమా నిర్మాణ కార్యక్రమాలు చివరి దశకు చేరుకున్నాయి. నవంబర్‌ 2న రిలీజ్‌ కు రెడీ అవుతున్న ఈ సినిమా ప్రమోషన్‌ కార్యక్రమాల్లో వేగం పెంచారు చిత్రయూనిట్. తాజాగా సినిమాలో కీలకమైన అమ్మ పాటను రిలీజ్ చేశారు. తన కొడుకు ఎడమ చేయి అతని మాట వినకుండా కొడుకును ఇబ్బందులకు గురి చేస్తుంటే ఆ తల్లి పడే ఆవేదనే ఒక్కరంటే ఒక్కరు అంటూ సాగే పాట. కీరవాణి సంగీతమందించిన ఈ పాటకు రామ జోగయ్య శాస్త్రి సాహిత్యమందించగా శ్రీనిధి తిరుమల ఆలపించారు. మైత్రీ మూవీ మేకర్స్‌ నిర్మిస్తున్న ఈ సినిమాలో నిధి అగర్వాల్ హీరోయిన్‌గా నటిస్తుండగా సీనియర్‌ నటుడు మాధవన్‌, భూమిక ఇతర కీలకపాత్రల్లో నటిస్తున్నారు.

‘ఒకే రక్తం పంచుకుని పుడితే అన్నదమ్ములు అంటారు. ఒకే రక్తం, ఒకే శరీరం పంచుకు పుడితే అద్భుతం అంటారు. వరసకు కనిపించని అన్నని, కడదాకా ఉండే కవచాన్ని. సవ్యసాచిలో సగాన్ని’ అంటున్నారు నాగచైతన్య. చందూ మొండేటి దర్శకత్వంలో  నాగచైతన్య, నిధీ అగర్వాల్‌ జంటగా  తెరకెక్కిన చిత్రం ‘సవ్యసాచి’. మాధవన్‌ విలన్‌గా నటించారు. ఈ చిత్రం టీజర్‌ను సోమవారం రిలీజ్‌ చేశారు. ఈ చిత్రంలో రెండు చేతులను ఒకే బలంతో ఉపయోగించగలిగే సవ్యసాచిగా నాగచైతన్య కనిపించనున్నారు. టీజర్‌ చూస్తుంటే మంచి సైంటిఫిక్‌ కాన్సెప్ట్‌ను కమర్షియల్‌ చిత్రానికి జోడించినట్టున్నారు దర్శకుడు చందు. ‘‘నేను బాగా ఎగై్జట్‌ అయిన కాన్సెప్ట్‌ ఇది. మీ అందరికీ నచ్చుతుందని ఆశిస్తున్నాను’’ అని నాగచైతన్య పేర్కొన్నారు. నవంబర్‌ 2న రిలీజ్‌ కానున్న ఈ చిత్రానికి యం.యం. కీరవాణి సంగీత దర్శకుడు.

ఎన్నో సూపర్‌ హిట్ సినిమాలకు రచయితగా పనిచేసిన స్టార్ రైటర్ కోన వెంకట్‌ ఇటీవల నిర్మాతగానూ మంచి విజయాలు సాధిస్తున్నారు. తాజాగా ఈయన నిర్మాణ సారధ్యంలో మరో సినిమాను ప్రకటించారు. బహు భాషా నటుడు మాధవన్‌, సౌత్ స్టార్‌ హీరోయిన్‌ అనుష్కల కాంబినేషన్‌లో కోన వెంకట్‌ సహ నిర్మాతగా  ఓ సినిమా తెరకెక్కనుంది. సైలెంట్ పేరుతో సైలెంట్ థ్రిల్లర్‌ గా తెరకెక్కుతున్న ఈ సినిమాను పీపుల్స్‌ మీడియా ఫ్యాక్టరీ బ్యానర్‌పై నిర్మించనున్నారు. సూపర్‌ హిట్ థ్రిల్లర్‌ సినిమాల్లో నటించిన మాధవన్ క్రైం థ్రిల్లర్‌ గా తెరకెక్కనున్న సైలెంట్ సినిమాలో కీ రోల్‌ ప్లే చేయనున్నారు. భాగమతి తరువాత లాంగ్‌ గ్యాప్‌ తీసుకున్న అనుష్క ఈ సినిమాలో మరో డిఫరెంట్‌ రోల్‌లో అలరించనున్నారు. ఈ సినిమాకు వస్తాడు నా రాజు సినిమాకు దర్శకత్వం వహించిన హేమంత్‌ మధుకర్‌ దర్శకత్వం వహించనున్నారు. పలువురు అంతర్జాతీయ నటులు కీలక పాత్రల్లో నటిస్తున్న ఈ సినిమా త్వరలో సెట్స్ మీదకు వెళ్లనుంది.

సవ్యసాచి తన గమ్యాన్ని చేరుకోవడానికి జస్ట్‌ కొంచెం దూరంలోనే ఉన్నాడు. ఈ ప్రయాణంలో అతను ఎదుర్కొన్న సవాళ్లేంటో తెలియాలంటే మా చిత్రం చూడాల్సిందే అంటున్నారు చందు   మొండేటి. నాగచైతన్య, నిధీ అగర్వాల్‌ హీరో, హీరోయిన్‌లుగా దర్శకుడు చందు మొండేటి తెరకెక్కిస్తున్న చిత్రం ‘సవ్యసాచి’. మాధవన్, భూమిక ముఖ్య పాత్రల్లో కనిపించనున్నారు. మైత్రీ మూవీ మేకర్స్‌ బ్యానర్‌పై నవీన్‌ యర్నేని, వై. రవిశంకర్, మోహన్‌ చెరుకూరి నిర్మిస్తున్నారు. ఇందులో నాగచైతన్య యాడ్‌ ఫిల్మ్‌ మేకర్‌గా కనిపించనున్నారు. రెండు చేతులను ఒకే సామర్థ్యంతో ఉపయోగించగలిగే సవ్యసాచిలా నాగచైతన్య రోల్‌ ఉంటుందని తెలిసిన విషయమే. ఈ సినిమా షూటింగ్‌ లాస్ట్‌ షెడ్యూల్‌లో ఉంది. ‘‘టాకీ పార్ట్‌ ఆగస్ట్‌ 8తో కంప్లీట్‌ చేస్తాం. ఒక సాంగ్‌ను ఫారిన్‌లో షూట్‌ చేయనున్నాం. అది ఆగస్ట్‌ 15కల్లా పూర్తవుతుంది. ఆ తర్వాత పోస్ట్‌ ప్రొడక్షన్‌ వర్క్స్, సిజీ వర్క్స్‌ అన్నీ కూడా సెప్టెంబర్‌ 15 లోపు కంప్లీట్‌ చేస్తాం. త్వరలో రిలీజ్‌ డేట్‌ అనౌన్స్‌ చేయాలనుకుంటున్నాం’’ అని చిత్రబృందం పేర్కొంది. ఇదిలా ఉంటే, నాగచైతన్య హీరోగా మారుతి దర్శకత్వంలో సితార ఎంటర్‌టైన్‌మెంట్స్‌ నిర్మించిన ‘శైలజారెడ్డి అల్లుడు’ ఆగస్టు 31న విడుదల కానుంది.

ఆది పినిశెట్టి, తాప్సీ, రితికా సింగ్‌ ప్రధాన పాత్రల్లో తెరకెక్కుతున్న క్రైం ఇన్వెస్టిగేషన్‌ థ్రిల్లర్‌ ‘నీవెవరో’. రంగస్థలం తరువాత ఆది ప్రధాన పాత్రలో తెరకెక్కుతున్న సినిమా కావటంతో టాలీవుడ్ ఈ మూవీపై మంచి హైప్‌ క్రియేట్‌ అయ్యింది.  రచయిత కోన వెంకట్‌, ఎంవీవీ సత్యనారాయణ సంయుక్తంగా హరినాథ్‌ దర్శకత్వంలో ఈ సినిమాను రూపొందిస్తున్నారు. తమిళ సూపర్‌ హిట్‌ అదే కంగల్‌ (అవే కళ్లు) సినిమా ఆధారంగా తెరకెక్కిస్తున్నారు. ఈ సినిమా టీజర్‌కు మంచి రెస్సాన్స్‌ వచ్చింది. ఆగస్టు 24న రిలీజ్‌కు రెడీ అవుతున్న ఈ సినిమా ప్రమోషన్‌ కార్యక్రమాల్లో వేగం పెంచారు చిత్రయూనిట్. ఈ సినిమాలోని ఓ చెలియా అనే పాటను ప్రముఖ నటుడు మాధవన్‌ చేతుల మీదుగా రిలీజ్ చేయనున్నారు. రేపు (సోమవారం) ఉదయం 10 గంటలకు ఈ పాటను రిలీజ్ చేయనున్నారు.

‘ఇరుది సుట్రు (తెలుగు ‘గురు’), విక్రమ్‌ వేదా’ చిత్రాల్లో రఫ్‌ లుక్‌లో కనిపించిన మాధవన్‌ ఈసారి లవర్‌బాయ్‌లా చేంజ్‌ అయిపోయారు. నూతన దర్శకుడు దిలీప్‌ రూపొందించనున్న రొమాంటిక్‌ లవ్‌ స్టోరీ ‘మారా’ కోసం మాధవన్‌ ఇలా మారిపోయారు. ఈ సినిమాలో  తనతో పాటు ‘విక్రమ్‌ వేదా’లో యాక్ట్‌ చేసిన  శ్రద్ధా శ్రీనాథ్‌తో కలసి మళ్లీ వర్క్‌ చేయనున్నారు. ఈ సినిమా లుక్‌ టెస్ట్‌ మంగళవారం జరిగింది. ‘‘రెండు గంటల్లో నా లుక్‌ని మార్చేశారు నా స్టైలిస్ట్‌.  ఈ సినిమా కోసం ఆసక్తిగా ఎదురు చూస్తున్నాను’’ అన్నారు మాధవన్‌. జిబ్రాన్‌ సంగీతం అందించనున్న ఈ చిత్రం షూటింగ్‌ వచ్చే నెలలో స్టార్ట్‌ కానుంది. ఇదిలా ఉంటే.. షారుక్‌ ఖాన్‌ ‘జీరో’, నాగచైతన్య ‘సవ్యసాచి’లో కనిపించనున్నారు మాధవన్‌. ఈ రెండు చిత్రాల్లోనూ కీలక పాత్రలు చేశారాయన. 

తమిళసినిమా: నిజజీవితంలో ఇప్పుడు యువత ప్రేమలో పడడం అన్నది సర్వసాధారణంగా మారింది. 90 శాతం మందికి తొలిప్రేమ అనుభవాలు ఉంటాయని చెప్పవచ్చు. ఇలాంటి సంఘటనతోనే చిత్రాలను తెరకెక్కిస్తున్నారు. ఇక సంచలనం అన్న పదానికే సంచలనంగా మారిన నటి అమలాపాల్‌ తరచూ ఏదో ఒక అంశంతో వార్తల్లో కెక్కడం చూస్తూనే ఉన్నాం. నటిగా ఎంత వేగంగా ఎదిగిందో అంతే త్వరగా దర్శకుడు విజయ్‌తో ప్రేమలో మునిగి తేలి పెళ్లి కూడా చేసేసుకుంది. అయితే అంతే వేగంగా ఆయన నుంచి విడిపోయి విడాకులు కూడా తీసుకుని మళ్లీ నటించడానికి వచ్చేసింది. తాజాగా ఈ అమ్మడు మరో సంచలన వ్యాఖ్యలు చేసి వార్తల్లో కెక్కే ప్రయత్నం చేసింది. దర్శకుడు విజయ్‌తో ప్రేమ కంటే ముందే మరొకరిని ప్రేమించానని ఆయన మలి ప్రేమికుడని చెప్పకనే చెప్పింది. ఇటీవల ఒక కార్యక్రమంలో అమలాపాల్‌ పేర్కొంటూ తనకు తొలిప్రేమ కథ ఉందని సంచలన వ్యాఖ్యలు చేసింది. తన మొదటి ప్రేమ అనుభవం గురించి మాట్లాడుతూ తానిప్పుడు నచ్చిన చిత్రాలను ఎంచుకుని నటిస్తున్నానని చెప్పింది. వ్యక్తిగత విషయానికి వస్తే ఇప్పుడు చాలా మందికి మొదటి ప్రేమ ఉంటుందని అలా తనకు తొలిప్రేమ కథ ఉందని చెప్పింది.తన మొదటి ప్రేమికుడు ఎవరో కాదని, నటుడు మాధవన్‌ అని చెప్పింది. మాధవన్‌ అంటే తనకు చిన్నతనం నుంచి చాలా ఇష్టం అని పేర్కొంది. తన తొలి ప్రేమికుడు ఆయనేనని చెప్పింది. ఈ విషయాన్ని చెప్పినప్పుడు నటుడు మాధవన్‌ ఆమె పక్కనే ఉన్నారు. అమలాపాల్‌ చెబుతుంటే మాధవన్‌ చిరునవ్వులు చిందిస్తూ ఉండిపోయారు. అమలాపాల్‌ మాత్రం లేచివెళ్లి ఆయన్ని హగ్‌ చేసుకుంది.

‘సఖి’ సినిమాతో లవర్‌బాయ్‌లా యూత్‌ సెన్సేషన్‌ అయ్యారు హీరో మాధవన్‌. ఆ తర్వాత కొన్ని రొమాంటిక్‌ చిత్రాల్లో యాక్ట్‌ చేసినప్పటికీ తన ట్రాక్‌ మార్చుకున్నారు. డిఫరెంట్‌ లాంగ్వేజెస్‌లో డిఫరెంట్‌ క్యారెక్టర్స్‌ చేస్తూ వస్తున్నారు మాధవన్‌. అయితే ఇప్పుడు మళ్లీ ఓ లవ్‌ స్టోరీలో యాక్ట్‌ చేయనున్నారు మ్యాడీ. కొత్త దర్శకుడు దిలీప్‌ కుమార్‌ దర్శకత్వంలో రూపొందనున్న ‘మారా’ చిత్రంలో రొమాంటిక్‌ హీరోగా దర్శనం ఇవ్వనున్నారట. ‘విక్రమ్‌ వేదా’లో మాధవన్‌ సరసన నటించిన శ్రద్ధా శ్రీనాథ్‌ ఇందులోనూ జోడీగా కనిపించనున్నారు.

తమిళసినిమా: నటి శ్రద్ధా శ్రీనాథ్‌ నటుడు మాధవన్‌తో మరోసారి రొమాన్స్‌కు రెడీ అవుతోంది. కన్నడ చిత్రం యూ టర్న్‌తో పాపులర్‌ అయిన ఈ కన్నడ భామ కోలీవుడ్‌కు విక్రమ్‌ వేదా చిత్రంతో ఎంట్రీ ఇచ్చింది. ఇందులో నటుడు మాధవన్‌కు జంటగా నటించి మంచి పేరు తెచ్చుకుంది. చిత్రం కూడా సంచలన విజయాన్ని సాధించింది. ఆ తరువాత రిచ్చి అనే ఒక తమిళ చిత్రంలోనే నటించిన శ్రద్ధా శ్రీనాథ్‌ మాతృభాషలో చేతినిండా చిత్రాలతో బిజీగా ఉంది. అంతే కాదు ఒక హిందీ చిత్రంలోనూ నటిస్తోంది. కాగా తాజాగా కోలీవుడ్‌లో హిట్‌ పెయిర్‌గా పేరు తెచ్చుకున్న మాధవన్‌కు జంటగా మరోసారి నటించడానికి రెడీ అవుతోంది. ఈ చిత్రానికి మార అనే టైటిల్‌ను నిర్ణయించారు. ఈ చిత్రం ద్వారా నవ దర్శకుడు దిలీప్‌కుమార్‌ పరిచయం కానున్నారు. ఈయన ఇంతకు ముందు కల్కీ అనే లఘు చిత్రాన్ని రూపొందించారన్నది గమనార్హం. త్వరలో కథనాన్ని బిపిన్, మాటలను నీలం అందిస్తున్నారు. ఈయన ఇంతకు ముందు అరిందుమ్‌ అరియామలుమ్, పట్టియల్‌ చిత్రాలకు దర్శకుడు విష్ణువర్ధన్‌ వద్ద పనిచేశారు. అదేవిధంగా తాజాగా సమంత నాయకిగా నటిస్తున్న సూపర్‌ డీలక్స్‌ చిత్రంలో ఆమె పాత్రకు మాటలను రాశారు. మాధవన్, శ్రద్ధాశ్రీనా«థ్‌ జంటగా నటించనున్న తాజా చిత్రానికి జిబ్రాన్‌ సంగీతాన్ని అందిస్తున్నారు. త్వరలో ప్రారంభం కానున్న ఈ చిత్రానికి సంబంధించిన పూర్తి వివరాలు వెల్లడికావలసి ఉంది. సాధారణంగా కథలో కొత్తదనం లేకుంటే నటుడు మాధవన్‌ నటించడానికి అంగీకరించరు. మాధవన్, శ్రద్ధా శ్రీనాథ్‌ల జంటతో మరోసారి హిట్‌ కొట్టడానికి రెడీ అవుతున్నారన్న మాట. 

డబ్బింగ్‌ సినిమాలతో తెలుగు ప్రేక్షకులకు సుపరిచితుడైన మాధవన్‌, ఇన్నేళ్లలో ఒక్క స్ట్రయిట్‌ తెలుగు సినిమా కూడా చేయలేదు. అయితే త్వరలో రిలీజ్‌ కు రెడీ అవుతున్న నాగచైతన్య సవ్యసాచి సినిమాతో తొలిసారిగా ఓ స్ట్రయిట్‌ తెలుగు సినిమాలో నటిస్తున్నాడు మ్యాడీ. అంతేకాదు ఈ సినిమాలో మాధవన్‌ నెగెటివ్‌ షేడ్స్‌ ఉన్న పాత్రలో కనిపించనున్నాడు. చందూ మొండేటి దర్శకత్వంలో రూపొందుతున్న ఈ సినిమా షూటింగ్ ఇప్పటికే పూర్తయ్యింది. తాజాగా సమాచారం ప్రకారం నాగచైతన్య, మాధవన్‌లు మరో సినిమాలో కలిసి నటించేందుకు రెడీ అవుతున్నారట. ప్రస్తుతం మారుతి దర్శకత్వంలో శైలజా రెడ్డి అల్లుడు సినిమాలో నటిస్తున్నాడు చైతూ. ఈ సినిమా పూర్తయిన వెంటనే నిన్నుకోరి ఫేం శివ నిర్వాణ దర్శకత్వంలో సినిమా చేయనున్నాడు. సమంత హీరోయిన్‌ గా నటిస్తున్న ఈ సినిమాలో మాధవన్‌ను కీలక పాత్రలో నటింప చేయాలని చిత్రయూనిట్ ప్రయత్నిస్తోంది. త్వరలో పూర్తి వివరాలు వెల్లడించనున్నారు.

చెలి, సఖి లాంటి సూపర్‌ హిట్ డబ్బింగ్‌ సినిమాలతో తెలుగు ప్రేక్షకులకు సుపరిచితుడైన మాధవన్‌ ఇంతవరకు తెలుగులో ఒక్క స్ట్రయిట్ సినిమా కూడా చేయలేదు. ప్రస్తుతం నాగచైతన్య హీరోగా తెరకెక్కుతున్న సవ్యసాచి సినిమాతో తొలిసారిగా ఓ స్ట్రయిట్‌ తెలుగు సినిమాలో నటిస్తున్నారు. తాజాగా మాధవన్‌ మరో తెలుగు సినిమా అంగీకరించారన్న టాక్‌ వినిపిస్తోంది. భాగమతి సినిమా తరువాత అనుష్క ఇంతవరకు మరో సినిమా మొదలు పెట్టలేదు. సరైన కథ కోసం ఎదురుచూస్తున్న స్వీటీ మరో లేడీ ఓరియంటెడ్‌ సినిమాలో నటించేందుకు ఓకె చెప్పారట. థ్రిల్లర్‌ జానర్‌తో తెరకెక్కనున్న ఈసినిమాకు హేమంత్‌ మధుకర్‌ దర్శకత్వం వహించనున్నారు.ప్రస్తుతం చర్చల దశలో ఉన్న ఈ ప్రాజెక్ట్‌పై త్వరలో అధికారిక ప్రకటన వెలువడనుంది.

అక్కినేని యంగ్ హీరో నాగచైతన్య హీరోగా తెరకెక్కుతున్న తాజా చిత్రం సవ్యసాచి. చైతూకి ప్రేమమ్ లాంటి బ్లాక్‌ బస్టర్‌ సక్సెస్‌ అందించిన చందూ మొండేటి దర్శకత్వంలో తెరకెక్కుతున్న ఈ సినిమాలో నిధి అగర్వాల్‌ హీరోయిన్‌గా నటిస్తోంది. డిఫరెంట్‌ కాన్సెప్ట్‌ తో తెరకెక్కుతున్న ఈ సినిమా సీనియర్ హీరోయిన్‌ భూమిక, హీరో మాధవన్‌లు కీలక పాత్రల్లో నటిస్తున్నారు. తాజాగా ఈ సినిమాకు సంబంధించి వార్త ఒకటి టాలీవుడ్ సర్కిల్స్‌ లో వినిపిస్తోంది. ఈ సినిమాలో మాధవన్‌ ప్రతినాయకుడిగా నటిస్తుండగా.. భూమిక, నాగచైతన్యకు అక్కగా నటిస్తోంది. సినిమాకు వీరిద్దరి మధ్య వచ్చే సన్నివేశాలే హైలెట్‌ గా నిలుస్తాయన్న టాక్ వినిపిస్తోంది. అక్కా తమ్ముళ్ల సెంటిమెంట్ ప్రధానంగా సినిమా తెరకెక్కుతోందన‍్న ప్రచారం జరుగుతోంది.

విలక్షణ నటులు మాధవన్‌, విజయ్‌ సేతుపతి ప్రధాన పాత్రల్లో తెరకెక్కిన కోలీవుడ్‌ సూపర్‌హిట్ సినిమా విక్రమ్‌ వేదా. డిఫరెంట్‌ యాక్షన్‌ థ్రిల్లర్‌గా తెరకెక్కిన ఈ సినిమా ఘనవిజయం సాధించటంతో పాటు మాధవన్‌, విజయ్‌ సేతుపతి నటనకు ఎన్నో అవార్డులు రివార్డులు తెచ్చిపెట్టింది. ఈ సినిమా విడుదలైన దగ్గర నుంచి ఇతర భాషల్లో రీమేక్‌ చేసేందుకు ప్రయత్నాలు జరుగుతున్నాయి. తెలుగులోనే నాగార్జున, రానా, వెంకటేష్‌ లాంటి స్టార్‌ల పేర్లు వినిపించినా.. ఇంతవరకు ఫైనల్‌ కాలేదు. తాజాగా విక్రం వేదా బాలీవుడ్‌ రీమేక్‌పై అధికారిక ప్రకటన వెలువడింది. ప్రముఖ బాలీవుడ్ అనలిస్ట్‌ తరణ్ ఆదర్శ్‌ త్వరలో విక్రం వేదా రీమేక్‌ పట్టాలెక్కనుందని ప్రకటించారు. రిలయన్స్‌ఎంటర్‌టైన్మెంట్‌తో పాటు ప్లాన్‌ సి స్టూడియోస్‌, వై నాట్‌ స్టూడియోస్‌ ఈ రీమేక్‌ను నిర్మించనున్నాయి. ఒరిజినల్‌ వర్షన్‌కు దర్శకత్వం వహించిన పుష్కర్‌ గాయత్రిలే హిందీ వర్షన్‌కు కూడా డైరెక్ట్‌ చేయనున్నారు. నటీనటులు ఇతర సాంకేతిక నిపుణుల వివరాలు త‍్వరలోనే వెల్లడించనున్నారు. #BreakingNews: #VikramVedha in Hindi... Reliance Entertainment, Plan C Studios [spearheaded by Neeraj Pandey] and Y Not Studios [headed by S Sashikanth] to remake the much-loved Tamil film in Hindi... Pushkar and Gayatri, who directed the original, will direct Hindi remake. — taran adarsh (@taran_adarsh) 15 March 2018

‘ప్రేమమ్’ లాంటి సూపర్ సక్సెస్ తరువాత అక్కినేని నాగచైతన్య, చందు మొండేటిల క్రేజీ కాంబినేషన్ లో రూపొందుతున్న చిత్రం ‘సవ్యసాచి’. మైత్రీ మూవీ మేకర్స్ సంస్థ నిర్మిస్తున్న ఈ చిత్రంలో మాధవన్, భూమికలు కీలక పాత్రల్లో నటిస్తున్నారు. ‘సవ్యసాచి’ ఫస్ట్ లుక్ మరియు రిలీజ్ డేట్ లను ఎనౌన్స్ చేసారు మైత్రీ మూవీ మేకర్స్. ఈ సందర్భంగా చిత్ర నిర్మాతలు వై.నవీన్, వై.రవిశంకర్, మోహన్ లు మాట్లాడుతూ.. ‘మా యూనిట్ సభ్యులందరికీ సవ్యసాచి ఒక స్పెషల్ ఫిలిం.  ప్రస్తుతం హైద్రాబాద్ లో హీరో నాగచైతన్య, భూమికలపై కీలక సన్నివేశాల చిత్రీకరణ జరుగుతోంది. ఈ షెడ్యూల్ పూర్తవ్వగానే నెక్స్ట్ షెడ్యూల్ కోసం టీం అమెరికా వెళ్లనున్నారు. సినిమా ఫస్ట్ లుక్ ను మార్చి 18న విడుదల చేయాలనుకొంటున్నాం. అలాగే సవ్యసాచి చిత్రాన్ని జూన్ 14న ప్రపంచవ్యాప్తంగా విడుదల చేసేందుకు సన్నద్ధమవుతున్నాం. ఆడియన్స్ ను ఆశ్చర్యపరిచే స్థాయిలో సినిమా ఉంటుంది. ఆర్.మాధవన్ పాత్ర సినిమాకి ప్రత్యేక ఆకర్షణగా నిలుస్తుంది. కీరవాణి గారు సవ్యసాచికి సంగీతం సమకూర్చడం ప్రత్యేక ఆకర్షణగా నిలుస్తుంది’ అన్నారు.

వరుసగా ఆసక్తికర సినిమాలను చేస్తూ ఆకట్టుకుంటున్న యంగ్ హీరో రానా. మరోక్రేజీ ప్రాజెక్ట్‌కు సైన్‌ చేశారన్న ప్రచారం జరుగుతోంది. ప్రస్తుతం 1945, హాథీ మేరీ సాథీ, రాజా మార్తండ వర్మ సినిమాలలో నటిస్తున్న రానా ఓ టాలీవుడ్ సీనియర్‌ దర్శకుడితో సినిమా చేయనున్నారన్న టాక్ వినిపిస్తోంది. ఇటీవల వరుస పరాజయాలతో కష్టాల్లో ఉన్న క్రియేటివ్‌ డైరెక్టర్ కృష్ణవంశీ రానా హీరోగా ఓ ఇంట్రస్టింగ్ సినిమాను ప్లాన్ చేస్తున్నారన్న టాక్ వినిపిస్తోంది. వరుస పరాజయాల తరువాత తిరిగి సత్తా చాటేందుకు ప్రయత్నిస్తున్న కృష్ణవంశీ, కొత్త సినిమాను భారీగా ప్లాన్ చేస్తున్నారు. ఈ సినిమాలో రానాతో పాటు తమిళ నటుడు మాధవన్‌ మరో కీలక పాత్రలో నటించనున్నారు. అంతేకాదు ఈ సినిమాలో మరో హీరో పాత్ర కూడా ఉంటుందని తెలుస్తోంది. ప్రస్తుతం చర్చల దశలో ఉన్న ఈ ప్రాజెక్ట్‌ పై త్వరలోనే క్లారిటీ వచ్చే అవకాశం ఉంది.

సౌత్‌ స్టార్ హీరో మాధవన్‌, క్రియేటివ్‌ డైరెక్టర్ గౌతమ్‌ మీనన్ కాంబినేషన్‌ లో వచ్చిన సూపర్‌ హిట్ సినిమా ‘చెలి’. తెలుగు, తమిళల భాషల్లో ఈ సినిమా సంచలన విజయం సాధించింది. ముఖ్యంగా ఈ సినిమా ఆడియో ఇప్పటికీ ఎంతో మందికి ఫేవరెట్‌ ఆల‍్బమ్‌. ఇంతటి ఘనవిజయాన్ని అందించిన ఈ క్రేజీ కాంబినేషన్‌ తిరిగి రిపీట్ అవ్వటానికి పదిహేడేళ్ల సమయం పట్టింది. ఇన్నేళ్ల తరువాత మరోసారి గౌతమ్‌ మీనన్ దర్శకత్వంలో మాధవన్‌ హీరోగా ఓ సినిమా రూపొందనుంది. ఇప్పటికే మాధవన్‌ కు కథ వినిపించిన గౌతమ్‌, ప్రస్తుతం స్ర్కిప్ట్‌ డెవలప్‌ చేసే పనిలో ఉన్నాడు. భారీ బడ్జెట్‌ తో రూపొందనున్న ఈసినిమాను తమిళ్‌ తో పాటు హిందీ, ఇంగ్లీష్‌లలోనూ తెరకెక్కించనున్నారట. ఈ ఏడాది ద్వితియార్థంలో ఈ సినిమా సెట్స్‌ మీదకు వెళ్లే అవకాశం ఉంది.

నాగచైతన్య ఇంటి నుంచి మాధవన్‌ ఇల్లు ఎంతో దూరంలో లేదు. ఆ ఇంటికీ ఈ ఇంటికీ చకాచకా వెళ్లిపోవచ్చు. ఇన్నాళ్లూ మాధవన్‌ ఇంట్లోనే చైతూ, నిధీ అగర్వాల్, ఇంకా చాలామంది సందడి చేశారు. ఇప్పుడు చైతూ అడ్డాలో హంగామా చేయనున్నారు. ఇల్లేంటి? హంగామా ఏంటి అనుకుంటున్నారా? ఇదంతా నాగచైతన్య, నిధి అగర్వాల్‌ జంటగా రూపొందుతున్న ‘సవ్యసాచి’ మూవీ హంగామా. ‘కార్తికేయ’, ‘ప్రేమమ్‌’ వంటి హిట్స్‌ తర్వాత దర్శకుడు చందు మొండేటి తెరకెక్కిస్తోన్న చిత్రమిది. మైత్రి మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్, మెహన్‌ చెరుకూరి నిర్మిస్తున్నారు. కొన్ని రోజులుగా మాధవన్‌ ఇంటికి సంబంధించిన సీన్స్‌ తీశారు. ఈ షెడ్యూల్‌ వరకూ మాధవన్‌ వర్క్‌ కంప్లీట్‌ అయింది. దాంతో అందరికీ టాటా చెప్పి, చెన్నై చెక్కేశారాయన. ఇప్పుడు నాగచైతన్య ఇల్లు, వర్క్‌ ప్లేస్‌ సీన్స్‌ తీయడానికి ప్లాన్‌ చేశారు. ఈ నెల 28 వరకూ ఈ షెడ్యూల్‌ జరుగుతుంది. మరి, క్రిస్మస్‌ పండగకి సెలవు లేదా? అంటే.. ‘‘ఆ ఒక్క రోజు సెలవు ఇవ్వాలనుకుంటున్నారు’’ అని యూనిట్‌ సన్నిహిత వర్గాలు తెలిపాయి. జనవరి 4న ఓ కొత్త షెడ్యూల్‌ మొదలుపెట్టనున్నారు. ఇంతకీ.. ఇందులో చైతూ రెండు చేతులకు సేమ్‌ పవర్‌ ఉంటుందన్న సంగతి తెలిసిందే. హీరో ఒంటి చేత్తో విలన్లను రఫ్ఫాడిస్తే చూడ్డానికి రెండు కళ్లూ చాలవు. ఇక, రెండు చేతులతో అంటే.. దుమ్ము దుమారమే. అయినా రెండు చేతులకూ పవర్‌ ఉండటం ఏంటి? చందు మొండేటికి ఈ ఐడియా ఎలా వచ్చింది? అంటే.. ‘‘భారతంలో అర్జునుడి రెండు చేతులకూ ఒకే సామర్థ్యం ఉంటుంది. అది తెలుసు. నేనొక ఆర్టికల్‌ చదివాను. అందులో ఒక వ్యక్తి రెండు చేతులకూ సేమ్‌ పవర్‌ ఉంటుంది. అది ఇన్‌స్పైరింగ్‌గా అనిపించి, హీరో పాత్రను మలిచాను’’ అని చందు మొండేటి తెలిపారు.

సినీ స్టార్‌కి ఒక హౌస్‌ నచ్చాలంటే అది ఎలా ఉండాలి? సూపర్బ్‌ డిజైన్‌ విత్‌ ఆల్‌ ఫెసిలిటీస్‌ అండ్‌ ఫర్నిచర్‌తో అదిరిపోవాలి. అలాంటి ఇల్లు కట్టాలంటే ఎట్‌లీస్ట్‌ వన్‌ ఇయర్‌ టైమ్‌ పడుతుంది. కానీ, యాక్టర్‌ మాధవన్‌ ఇంటిని మాత్రం హైదరాబాద్‌లో 25 డేస్‌లో కట్టేశారు. భాగ్యనగరానికి ఆయనెప్పుడు మకాం మార్చారు? అనే డౌట్‌ క్లారిఫై కావాలంటే మేటర్‌కు బ్రేక్‌ ఇవ్వకుండా కంటిన్యూ చేయండి. నాగచైతన్య హీరోగా చందు మొండేటి దర్శకత్వంలో రూపొందుతున్న చిత్రం ‘సవ్యసాచి’. ఈ సినిమాలో మాధవన్‌ ఓ కీలక పాత్ర చేస్తున్న సంగతి తెలిసిందే. హైదరాబాద్‌లోని ఓ ప్రముఖ స్టూడియోలో ఈ సినిమా షూటింగ్‌ను సిక్స్‌ డేస్‌ బ్యాక్‌ స్టార్ట్‌ చేసిన షెడ్యూల్‌లో మాధవన్‌ పాల్గొంటున్నారు. ఈ సినిమాలో మాధవన్‌ ఉండే ఇంటిని సెట్‌గా వేయించారు నిర్మాతలు. ఇది కాస్ట్‌లీ సెట్‌ అని, పూర్తవడానికి 25 రోజులు పట్టిందని పేర్కొన్నారు. అంటే.. మాధవన్‌ రీల్‌ లైఫ్‌లో కొత్త ఇంట్లోకి గృహప్రవేశం చేశారన్నమాట. అన్నట్లు.. రామ్‌చరణ్‌ ‘రంగస్థలం’లో అసలు సిసలు పల్లెటూరిని తలపించేలా బ్రహ్మాండంగా సెట్స్‌ వేసిన రామకృష్ణనే ‘సవ్యసాచి’కి కూడా ఆర్ట్‌ డైరెక్టర్‌. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్, మోహన్‌ చెరుకూరి ఈ చిత్రాన్ని నిర్మిస్తున్నారు. ‘‘నీలో మంచి బ్రదర్‌ ఉన్నాడని నాకు తెలుసు. కానీ, సౌత్‌ మొత్తం నిన్ను ఇష్టపడుతున్నారు. దానికి కారణం నువ్వు మంచి హ్యూమన్‌ బీయింగ్‌. నీతో కలసి సినిమా చేయడం  ఆనందంగా ఉంది’’  అని నాగచైతన్య బర్త్‌డే (నవంబర్‌ 21) సందర్భంగా మాధవన్‌ అంటే, ‘‘నువ్వు మా సినిమాలోకి వచ్చినందుకు ఎగై్జటింగ్‌గా ఉంది’’ అని చైతూ అన్నారు. ఈ మాటలను బట్టి ఈ ఇద్దరూ ఎంతగా కనెక్ట్‌ అయ్యారో అర్థమవుతోంది. ఇద్దరి కాంబినేషన్‌లో వచ్చే సీన్స్‌ బ్రహ్మాండంగా వర్కవుట్‌ అవుతాయని కూడా ఊహించవచ్చు.

‘అంతరిక్షంలో అణువణువు గాలిస్తా. నింగిలోకి తొంగి చుస్తా. గ్రహాల గమనాన్ని గమనిస్తా’ అంటున్నారు హీరో మాధవన్‌. అక్కడితో ఆగలేదండోయ్‌. క్రయోజినిక్‌ శాటిలైట్‌ లాంచింగ్‌ వెహికల్స్, పోలార్‌ శాటిలైట్‌ లాంచింగ్‌ వెహికల్‌ (పీఎస్‌ఎల్వీ) అంటూ తన సన్నిహితుల దగ్గర రాకెట్‌ భాష మాట్లాడుతున్నారట. ఇదంతా చదువుతుంటే మాధవన్‌ సినిమాలు మానేసి, సైంటిస్ట్‌గా మారబోతున్నాడేమో అనుకుంటున్నారా? నిజమే. అయితే సినిమాలు మానేసి కాదు. సినిమా కోసం సైంటిస్ట్‌ అయ్యారు. భారతీయ అంతరిక్ష పరిశోధన సంస్థ (ఇస్రో) మాజీ శాస్త్రవేత్త నంబి నారాయణన్‌ బయోపిక్‌లో మాధవన్‌ నటించబోతున్నారు. 1970వ దశాబ్దంలో నారాయణన్‌ ఇస్రోలో కీలక బాధ్యతలు నిర్వర్తించారు. అయితే ఆ తర్వాత ఆయనపై కొన్ని అభియోగాలు నమోదయ్యాయి. వాటికి సంబంధించిన కేసు ఇంకా ఓ కొలిక్కి రాలేదు. ఈ విషయం పక్కన పెడితే... ఈ బయోపిక్‌లో నారాయణన్‌ జీవితంలో 27–78 ఏళ్ల వయసులో జరిగిన సంఘటనలను చూపించనున్నారట. ఈ సినిమా మాధవన్‌కి సవాలే. ఎందుకంటే, ఫార్టీ ప్లస్‌ ఉన్న మాధవన్‌ 27 ఏళ్ల యువకుడిగానూ, 78 ఏళ్ల వృద్ధుడిగానూ కనిపించాలి. ‘‘కెరీర్‌లో ఇప్పటి వరకు చేయని డిఫరెంట్‌ రోల్‌లో నటించేందుకు ఎగై్జటింగ్‌గా ఎదురు చూస్తున్నాను. ఏజ్‌ వైజ్‌గా డిఫరెంట్‌ షేడ్స్‌ చూపించాలి. ఈ విషయంలో దేవుడే నాకు హెల్ప్‌ చేయాలి. వెయిట్‌ గురించి బాలీవుడ్‌ నటుడు అమీర్‌ ఖాన్‌ను టిప్స్‌ అడిగా. ముందుగా బరువు పెరిగిన సీన్స్‌ను తీయమని సలహా ఇచ్చారు’’ అని పేర్కొన్నారు మాధవన్‌. ప్రస్తుతం తెలుగులో నాగచైతన్య హీరోగా చందు మొండేటి దర్శకత్వంలో రూపొందుతున్న ‘సవ్యసాచి’ చిత్రంలో మాధవన్‌ కీలక పాత్ర చేస్తున్న సంగతి తెలిసిందే.

యస్‌... నాగచైతన్య–చందూ మొండేటి–మైత్రీ మూవీ మేకర్స్‌ కాంబినేషన్‌ మూవీకి అంతా సవ్యంగా జరుగుతోంది. బౌండెడ్‌ స్క్రిప్ట్‌ రెడీ. ఆర్టిస్టులు రెడీ. ఇప్పుడు షూటింగ్‌కి కూడా అంతా రెడీ అయిపోయింది. సినిమా టైటిల్‌ ‘సవ్యసాచి’. అంటే... రెండు చేతులకూ సమాన బలం ఉన్నవాడు అని అర్థం. సినిమాలో చైతూ లెఫ్ట్‌ హ్యాండ్‌ అతని మాట వినదు. అసలు కంట్రోల్‌లో ఉండదు. కానీ, సినిమాని ఫుల్‌ కంట్రోల్‌లో తీస్తామని, సవ్యంగా జరిగేలా ప్లాన్‌ చేశామని చిత్రబృందం అంటోంది. మొత్తానికి చైతూని వెరైటీ రోల్‌లో చూడబోతున్నామని టైటిల్‌ చెబుతోంది. వై. నవీన్, వై. రవిశంకర్, మోహన్‌ (సీవీఎం) నిర్మిస్తోన్న ఈ చిత్రం బుధవారం మొదలైంది. హైదరాబాద్‌లో వేసిన సెట్‌లో షూటింగ్‌ మొదలుపెట్టారు. బాలీవుడ్‌ భామ నిధీ అగర్వాల్‌ నాయికగా నటిస్తోన్న ఈ చిత్రంలో మాధవన్‌ ఓ ముఖ్య పాత్ర చేస్తున్నారు. నిర్మాతలు మాట్లాడుతూ– ‘‘నాగచైతన్య–చందూ మొండేటి కాంబినేషన్‌లో వచ్చిన ‘ప్రేమమ్‌’ ఎంత హిట్టయిందో తెలిసిందే. అది ప్రేమకథా చిత్రమైతే.. ఇది హై ఓల్టేజ్‌ యాక్షన్‌ ఎంటర్‌టైనర్‌. హీరో క్యారెక్టరైజేషన్‌కు ‘సవ్యసాచి’ అనేది యాప్ట్‌ టైటిల్‌. ఫస్ట్‌ షెడ్యూల్‌ 15 రోజుల పాటు జరుగుతుంది. హీరో, హీరోయిన్, ‘వెన్నెల’ కిశోర్, సత్య కాంబినేషన్‌లో సీన్స్‌ తీస్తాం. డిసెంబర్‌లో జరిగే షెడ్యూల్‌లో మాధవన్‌ పాల్గొంటారు’’ అన్నారు. రావు రమేశ్, తాగుబోతు రమేశ్‌ తదితరులు నటిస్తున్న ఈ చిత్రానికి సంగీతం: యం.యం. కీరవాణి, కెమెరా: యువరాజ్, సీఈవో: చిరంజీవి (చెర్రీ), లైన్‌ ప్రొడ్యూసర్‌: పీటీ గిరిధర్‌.

బహుభాషా నటుడు రంగనాథన్‌ మాధవన్ గ్యారేజ్‌లోని మరో వాహనం చేరింది. దీపావళి సందర్భంగా అతడు ఒక సరికొత్త లగ్జరీ క్రూజర్‌(బైక్‌) కొన్నాడు. అమెరికా కంపెనీ తయారు చేసిన ‘ఇండియన్‌ రోడ్‌మాస్టర్‌’ ను సొంతం చేసుకున్నాడు. తన గ్యారేజ్‌లోకి కొత్తగా చేరిన ఈ భారీ బైక్‌పై మాధవన్‌ చక్కర్లు కొట్టాడు. దీన్ని దక్కించుకోవడం తనకెంతో గర్వంగా ఉందని అతడు పేర్కొన్నాడు. తనెంతో ఇష్టపడి కొనుకున్న క్రూజర్‌ ఫొటోలను ఇన్‌స్టాగ్రామ్‌లో పోస్ట్‌ చేశాడు. అత్యాధునిక ఫీచర్లతో దర్పం ఉట్టిపడే దీని ధర దాదాపు రూ. 40.45 లక్షలు(ఎక్స్‌ షోరూమ్‌). బూడిద, నల్లుపు రంగులో మెరిసిపోతున్న ఈ టూవీలర్‌ చూడగానే ఆకట్టుకునే విధంగా ఉంది. 1811 సీసీ థండర్‌స్ట్రోక్‌ 111, వి-ట్విన్‌ ఇంజిన్‌, 6-స్పీడ్‌ గేర్‌ బ్యాక్స్‌, 64.4 లీటర్ల సామర్థ్యం కలిగిన పెట్రోట్‌ ట్యాంక్‌తో పాటు 7 ఇంచుల టచ్‌స్క్రీన్‌ ఎంటర్‌టైన్‌మెంట్‌ సిస్టం కూడా ఉంది. దీంట్లో మ్యూజిక్‌ వింటూ నావిగేషన్‌ చూసుకుంటూ జోరుగా సాగిపోవచ్చు. యూఎస్‌బీ, బ్లూటూత్‌ కనెక్టివిటీ, ఎల్‌ఈడీ లైట్లు, క్రూజ్‌ కంట్రోల్‌, రిమోట్‌ లాకింగ్‌ వంటి సదుపాయాలు కూడా ‘ఇండియన్‌ రోడ్‌మాస్టర్‌’లో ఉన్నాయి.  

విలక్షణ నటులు మాధవన్, విజయ్ సేతుపతి ప్రధాన పాత్రల్లో తెరకెక్కిన కోలీవుడ్ సూపర్ హిట్ మూవీ విక్రమ్ వేదా. తాజాగా ఈ సినిమాకు మరో అరుదైన గౌరవం దక్కింది. అక్టోబర్ లో జరుగనున్న ప్రతిష్టాత్మక 30వ టోక్యో అంతర్జాతీయ ఫిలిం ఫెస్టివల్‌ లో విక్రమ్ వేదా చిత్రాన్ని ప్రదర్శించనున్నారు. కోలీవుడ్ లో ఏ మాత్రం అంచనాలు లేకుండా ప్రేక్షకుల ముందుకు వచ్చిన ఈ సినిమా నిర్మాతలకు కనకవర్షం కురిపించింది. ఈ సినిమాలో మాధవన్ పోలీస్ ఆఫీసర్ గా నటించగా విజయ్ సేతుపతి గ్యాంగ్ స్టర్ గా నటించాడు. సినిమా కథా కథనాలతో పాటు క్లైమాక్స్ విషయంలో కూడా చిత్రయూనిట్ కొత్తగా ప్లాన్ చేసింది. ఎలాంటి ముగింపు ఇవ్వకుండా కథను అర్థాంతరంగా ఆపేయటంతో సీక్వల్ నిర్మిస్తారన్న ప్రచారం జరుగుతోంది. అంతేకాదు ఈ సినిమాను తెలుగు, హిందీ భాషల్లో రీమేక్ చేసేందుకు ప్రయత్నాలు జరుగుతున్నాయి. The big news is here! We are happy to inform that #VikramVedha has been selected at Tokyo International Film Festival. — Y Not Studios (@StudiosYNot) 26 September 2017

యుద్ధం శరణం సినిమాతో నిరాశపరిచిన యంగ్ హీరో నాగచైతన్య, తన నెక్ట్స్ సినిమాను మరింత భారీగా ప్లాన్ చేస్తున్నాడు. తనకు ప్రేమమ్ లాంటి ఘనవిజయాన్ని అందించిన చందూ మొండేటి దర్శకత్వంలో సవ్యసాఛి సినిమా చేస్తున్నట్టుగా ప్రకటించాడు చైతూ. ఇప్పటికే రిలీజ్ అయిన ఈసినిమా ఫస్ట్ లుక్ కు మంచి రెస్పాన్స్ వచ్చింది. తాజాగా ఈ యాక్షన్ థ్రిల్లర్ కు సంబంధించి మరో ఇంట్రస్టింగ్ అప్ డేట్ టాలీవుడ్ సర్కిల్స్ లో వినిపిస్తోంది. కొత్త తరహా కథా కథనాలతో తెరకెక్కుతున్న ఈ సినిమాలో కీలకపాత్రలో కోలీవుడ్ నటుడు మాధవన్ నటించనున్నాడు. సఖి సినిమాతో తెలుగు ప్రేక్షకులకు చేరువైన మాధవన్ తరువాత కూడా డబ్బింగ్ సినిమాలతో తెలుగు ప్రేక్షకులను పలకరించినా.. పెద్దగా ఆకట్టుకోలేకపోయాడు. త్వరలో తొలిసారిగా ఓ స్ట్రయిట్ తెలుగు సినిమాతో టాలీవుడ్ లో అడుగుపెట్టేందుకు రెడీ అవుతున్నాడు. ప్రస్తుతం చర్చల దశలో ఉన్న ఈ ప్రాజెక్ట్ పై త్వరలోనే అధికారిక ప్రకటన వచ్చే అవకాశం ఉంది.


 సాక్షి, చెన్నై: ఔను.. దీప, మాధవన్‌లు మళ్లీ ఒక్కటయ్యారు. అభిప్రాయ భేదాలతో ఎడమొహం పెడమొహంగా ఉన్న ఈ దంపతులు మళ్లీ ఒక్కటి కావడం దీపజయకుమార్‌ శ్రేణుల్లో ఆనందం వ్యక్తమవుతోంది. మరోవైపు వెన్నుపోటు పొడిచే యత్నం చేసిన మిత్రుడు రాజాను దీప ఇంటి నుంచి సాగనంపినట్టు పేరవై వర్గాలు తెలిపాయి.
 
 ఆస్తులకే కాదు, రాజకీయంగానూ జయలలితకు తానే వారసురాలినని ఆమె మేనకోడలు దీప చెప్పుకుంటున్న సంగతి తెలిసిందే. మొదట రాజకీయంగా ఎదుగుదలకు భర్త మాధవన్‌ వెన్నంటి ఉంటూ వచ్చిన దీప.. ఇటీవల 'ఎంజీఆర్, అమ్మ, దీప పేరవై' పేరిట సొంతంగా పార్టీని ఏర్పాటు చేస్తున్నట్టు ప్రకటించడంతో దంపతుల మధ్య విభేదాలు వచ్చాయి. దీపకు వ్యతిరేకంగా మరో పేరవై (ఫ్రంట్‌)ను ఏర్పాటుచేసి కేడర్‌ను చీల్చేందుకు మాధవన్‌ తీవ్రంగానే ప్రయత్నించారు.
 
 మాధవన్‌ బయటకు వెళ్లడంతో పేరవై వ్యవహారాల్లో మిత్రుడు రాజాకు దీప పూర్తిస్థాయిలో స్వేచ్చ ఇచ్చారు. పదవుల పంపకం, నియామకాల విషయంలో రాజా చేతివాటం ప్రదర్శిస్తున్నట్టు ఆరోపణలు వచ్చినా.. తొలుత దీప పట్టించుకోలేదు. తొలినాళ్లల్లో వెలుగులీనిన దీప శిబిరం ప్రస్తుతం అడ్రస్సు గల్లంతయ్యే స్థితికి చేరుకుంది. మిత్రుడు రాజా వెన్నంటి ఉంటూ వెన్నుపోటు పొడుస్తున్నాడని, ‘పేరవై’ ను దెబ్బతీస్తున్నాడని గమనించిన దీప.. ఎట్టకేలకు రాజాను టీ నగర్‌లోని నివాసం నుంచి సాగనంపారు. భర్త మాధవన్‌ను మళ్లీ అక్కున చేర్చుకున్నారు. పేరవై వ్యవహారాల మీద దృష్టి పెట్టి మళ్లీ బలోపేతం వైపు దీప అడుగులు వేస్తున్నారు. ఆరు నెలల తర్వాత శుక్రవారం రాత్రి టీనగర్‌లోని దీప ఇంటికి వచ్చిన మాధవన్‌ను చూసిన పేరవై వర్గాలు ఆనందం వ్యక్తం చేశాయి. జయలలిత సమాధి వద్దకు భర్త మాధవన్‌తో కలిసి అర్థరాత్రి వచ్చిన దీప నివాళులర్పించారు. ఈ సందర్భంగా మీడియాతో మాట్లాడుతూ రాజకీయాలు వేరు, కుటుంబం వేరు అని వ్యాఖ్యానించారు. అన్నాడీఎంకే పరిణామాలను గుర్తుచేస్తూ మళ్లీ  రాకుండా జాగ్రత్తలు పడాల్సిన అవసరం ఉందని, అన్నాడీఎంకేకు ఏదో రోజు తానే పెద్దదిక్కుగా నిలబడడం ఖాయమని అన్నారు.
  


 తమిళసినిమా: మణిరత్నం దర్శకత్వంలో నటుడు మాధవన్‌ నటించనున్నారా? ఈ ప్రశ్నకు అలాంటి అవకాశం ఉన్నట్లు కోలీవుడ్‌ వర్గాల నుంచి సమాధానం వస్తోంది. మణిరత్నం, మాధవన్‌లది హిట్‌ కాంబినేషన్‌ అని చెప్పవచ్చు. ఇంతకు ముందు  వీరి కాంబినేషన్‌లో వచ్చిన చిత్రాలు ప్రేక్షకులకు అనుభూతిని కలిగించాయి. మణిరత్నం దర్శకత్వం వహించనున్న ఈ ద్విభాషా చిత్రంలో టాలీవుడ్‌ స్టార్‌ రామ్‌చరణ్‌ తేజ, మాలీవుడ్‌ నటుడు ఫాహిద్‌ ఫాజిల్‌ కలిసి నటించనున్నట్లు ప్రచారంలో ఉంది. 
 
 ఈ చిత్రం సెప్టెంబర్‌ లో సెట్‌ పైకి వెళ్లనున్నట్లు సమాచారం. ఇలాంటి పరిస్థితిలో మాధవన్‌ను తన చిత్రంలో నటింపజేసే ప్రయత్నంలో మణిరత్నం ఉన్నట్లు  సమాచారం. మణిరత్నం తన తాజా చిత్రంలో మాధవన్‌ను  నటింపజేయాలనుకుంటున్నారా, ఆ తరువాత చిత్రం గురించి చర్చలు జరుపుతున్నారా అన్నది తెలియాల్సి ఉంది.  విక్రమ్‌ వేదా చిత్రంలో పోలీస్‌ అధికారిగా నటించి మంచి పేరు తెచ్చుకున్న మాధవన్‌ ప్రస్తుతం ఒక తమిళ  హిందీ చిత్రంలోనూ నటిస్తూ బిజీగా ఉన్నారు.


 తమిళసినిమా: సాధారణంగా మల్టీస్టారర్‌ చిత్రాల్లో ఇద్దరు కథానాయకుల మధ్య ఏదో విషయంలో ఈగో తొంగి చూస్తుంటుంది. అలాంటిది మా మధ్య  ఈర‡్ష్య, పోటీలు లేవని నటుడు మాధవన్‌ అన్నారు. ఈయన విజయ్‌సేతుపతితో కలిసి నటిస్తున్న చిత్రం విక్రమ్‌వేదా. నటి వరలక్ష్మీ శరత్‌కుమార్‌ నాయకిగా నటిస్తున్న ఈ చిత్రాన్ని వైనాట్‌ స్టూడియోస్‌ పతాకంపై శశికాంత్‌ నిర్మిస్తున్నారు.
 
 పుష్కర్‌–గాయత్రిల ద్వయం కథ, కథనం, దర్శకత్వం బాధ్యతలను నిర్వహిస్తున్న ఈ చిత్రంలో మాధవన్‌ పోలీస్‌ఎన్‌కౌంటర్‌ స్పెషలిస్ట్‌గానూ, విజయ్‌సేతుపతి రౌడీగానూ నటిస్తున్నారు. నటి వరలక్ష్మీ గుడిసె ప్రాంత యువతిగా నటిస్తున్నారు. కాగా బుధవారం మధ్యాహ్నం స్థానిక సాలిగ్రామంలోని ప్రసాద్‌ల్యాబ్‌లో చిత్ర యూనిట్‌ ఏర్పాటు చేసిన విలేకరుల సమావేశంలో పాల్గొన్న నటుడు మాధవన్‌ మాట్లాడుతూ తానింత వరకూ చాలా చిత్రాల్లో నటించినా, విజయ్‌సేతుపతితో కలిసి నటిస్తున్న తొలి చిత్రం విక్రమ్‌వేదా అని పేర్కొన్నారు.
 
 తమ మధ్య ఎలాంటి ఈర‡్ష్యగాని, గొడవలుగాని, పోటీతత్వంగాని ఏర్పడలేదన్నారు. ఇంకా చెప్పాలంటే కొన్ని విషయాల్లో విజయ్‌సేతుపతి నుంచి చాలా నేర్చుకున్నానన్నారు. తను అభిమానులను కలుసుకోవడం అన్నది చాలా మంచి విషయం అని అన్నారు. ఇక విక్రమ్‌వేదా చిత్రం కమర్షియల్‌ అంశాలతో కూడిన వైవిధ్యభరిత కథా చిత్రంగా ఉంటుందని చెప్పారు. ఇందులో విజయ్‌సేతుపతికి తనకు మధ్య గొడవతో మొదలైన స్నేహం గొడవతోనే ముగుస్తుందని మాధవన్‌ తెలిపారు. ఈ సమావేశంలో విజయ్‌సేతుపతి, నటి వరలక్ష్మీశరత్‌కుమార్, దర్శక ద్వయం పుష్కర్‌–గాయత్రి, నిర్మాత శశికాంత్‌ పాల్గొన్నారు.


 ► బలహీనమవుతున్న పేరవై
 ► భర్త మాధవన్‌ వేరుగా కొత్త పార్టీ
 ► రూ.20 కోట్ల మోసం కేసు
 
 సాక్షి ప్రతినిధి, చెన్నై : అన్నాడీఎంకే అధినేత్రి జయలలిత రాజకీయ వారసురాలిగా తెరపైకి వచ్చిన ఆమె మేనకోడలు దీప నానాటికి తెరమరుగవుతున్నారు. భర్తతో మనస్పర్థలు, దీప పేరవై నేతలు కార్యకర్తలతో విబేధాలతో సతమతం అవుతున్న దీప జీవితంపై శుక్రవారం మరో రెండు పిడుగులు పడ్డాయి. భర్త మాధవన్‌ కొత్త పార్టీ స్థాపన, పేరవై సభ్యత్వాల పేరుతో రూ.20 కోట్లు మోసం చేశారంటూ పోలీసులకు ఫిర్యాదు దీపను మరింత బాధల్లోకి నెట్టేశాయి. జయలలిత మర ణం వరకు పెద్దగా ఎవ్వరికీ తెలియని దీప ఆ తరువాత రాజకీయ అరంగేట్రం చేసి ప్రజలందరికీ పరిచయమయ్యారు. శశికళ చేతుల్లోని అన్నాడీఎంకే వెళ్లడాన్ని సహించలేని వారిపై నమ్మకంతో ‘ఎంజీఆర్‌ అమ్మ దీప పేరవై’ని స్థాపించారు.
 పేరవైపై భర్త మాధవన్‌ పెత్తనం లేకుండా చేసి ఆమె కారుడ్రైవర్‌ను ప్రధాన కార్యదర్శిగా, ఆయన భార్యను అధ్యక్షురాలిగా చేయడంతో ముసలం పుట్టింది. దీపపై అలిగిన మాధవన్‌ వేరే పార్టీ పెడుతున్నట్లు ప్రకటించారు. పన్నీర్‌సెల్వం రాజీనామా, శశికళపై తిరుగుబాటుతో అన్నాడీఎంకే రాజకీయాలు అల్లకల్లోలంగా మారిపోగా సీఎంగా ఎడపాడి పళనిస్వామి విశ్వాస పరీక్ష సమయంలో పన్నీర్‌సెల్వం పక్షాన నిలిచారు. మెజారిటీ ఎమ్మెల్యేలపై పన్నీర్‌సెల్వం పట్టుజారిపోవడంతో దీప మనస్సు మార్చుకుని సొంతంగా రాజకీయాలు ప్రారంభించారు. ఆర్కేనగర్‌లో పోటీకి దిగడంతో భర్త మాధవన్‌ మనసు మార్చుకుని మళ్లీ చేరుమయ్యారు.
 ఎన్నికల నామినేషన్‌ పత్రాల్లో భర్త పేరు కాలమ్‌ను ఖాళీగా పెట్టి మరో వివాదానికి కా>రణమయ్యారు. ఆనాటి నుంచి ఇరువురి మధ్య మనస్పర్థలు ఎక్కువయ్యాయి. ఇటీవల అంబేడ్కర్‌ జయంతి సందర్భంగా  దీప ఇంటి ముందు ఏర్పాటు చేసిన కార్యక్రమానికి హాజరైన మాధవన్‌ను లోనికి అనుమతించక పోవడం అగ్నిలో అజ్యం పోసింది. దీప, మాధవన్‌ల అనుచరులు తీవ్రంగా ఘర్షణపడి రాళ్లు, నీళ్ల బాటిళ్లతో కొట్టుకున్నారు. ఘర్షణ సమయంలో ఇంటి నుంచి బైటకు వచ్చిన దీప భర్త మాధవన్‌ను ఇంట్లోకి రావద్దని హెచ్చరించి తరిమివేసింది.
 
 ‘ఎమ్‌జేడీఎంకే’ ఆవిర్భావం: మాధవన్‌
 దీపను వదిలివేరుగా ఉంటున్న మాధవన్‌ శుక్రవారం అకస్మాత్తుగా రాజకీయ పార్టీ స్థాపించి పేరవైని మరింతగా బలహీనపరిచే ప్రయత్నాలకు శ్రీకారం చుట్టారు. ‘ఎంజీఆర్‌ జయలలిత ద్రవిడ మున్నేట్ర కళగం’ (ఎమ్‌జేడీఎంకే) పేరున తాను స్థాపించిన కొత్తపార్టీకి దీపకు ఎటువంటి సంబంధం లేదు, తను చేరదలుచుకుంటే చేరవచ్చని ప్రకటించారు.
 శుక్రవారం ఉదయం నేరుగా జయలలిత సమాధి వెళ్లి నివాళులర్పించిన అనంతరం పార్టీ పేరును ప్రకటించి పతాకాన్ని ఆవిష్కరించారు. ఎంజీఆర్‌ స్థాపించిన అన్నాడీఎంకే తీవ్రమైన నాయకత్వలేమిని ఎదుర్కొంటోందని, ఇరుపక్షాల నేతలు పన్నీర్‌సెల్వం మాయలో పడిపోయారని మాధవన్‌ వ్యాఖ్యానించారు. రాష్ట్రంలో ప్రజల పక్షాన నిజాయితీగా నిలిచే సిసలైన నేతను తానేనని చెప్పుకున్నారు. రెండాకుల చిహ్నం తన పార్టీకి సాధిస్తానని చెప్పారు. భర్త మాధవన్‌ పార్టీ పెట్టడం దీపకు కొత్త తలనొప్పులు తెచ్చిపెట్టింది.
 
 దీపపై రూ.20 కోట్ల మోసం కేసు: ఇప్పటికే పీకల్లోతు సమస్యల్లో కూరుకుపోయి ఉన్న దీప రూ.20 కోట్ల మోసం కేసులో చిక్కుకున్నారు. ఎంజీఆర్‌ అమ్మ దీప పేరవై కింద సభ్యత్వ దరఖాస్తుల రుసుం కింద రూ.20 కోట్ల మోసానికి పాల్పడ్డారంటూ చెన్నై నగరం నెశపాక్కంకు చెందిన జానకిరామన్‌ అనే వ్యక్తి చెన్నై మాంబళం పోలీసులకు ఫిర్యాదు చేశాడు. రద్దు చేసిన దీప పేరవై పేరుతో రెండు లక్షల దరఖాస్తులను రూ.10లకు అమ్మి, సభ్యత్వ రుసుమును స్వాహా చేశారని అతను ఆరోపించాడు.
 తాను సైతం రూ.50వేలు చెల్లించి 5వేల దరఖాస్తులను పొందానని చెప్పాడు. రిజిస్ట్రేషన్‌ దరఖాస్తులో కోశాధికారిగా, సభ్యత్వ దరఖాస్తులో ప్రధాన కార్యదర్శిగా పేర్కొనడం మోసపూరితమైన చర్యగా ఆయన పేర్కొన్నారు. తనలాగా మరింత మంది కార్యకర్తలు మోసపోకుండా దీపపై చట్టపరమైన చర్యలు తీసుకోవాల్సిందిగా ఆయన ఫిర్యాదులో పేర్కొన్నాడు. ఇలా రోజుకో సమస్యతో ‘దీప’ం కొడిగట్టుతోందా అనే భావన కలుగుతోంది.


 - దీప భర్త మాధవన్‌ వేరుకుంపటి
 - పార్టీ పేరు ‘ఎంజీఆర్‌ జయలలిత ద్రవిడ మున్నేట్ర కళగం’
 - దీపపై రూ.20 కోట్ల మోసం కేసు
 సాక్షి ప్రతినిధి, చెన్నై:  తమిళనాడులో అమ్మ పేరిట మరో కొత్తపార్టీ జీవంపోసుకుంది. దివంగ సీఎం జయలలిత మేనకోడలు దీప భర్త మాధవన్‌ ‘ఎంజీఆర్‌ జయలలిత ద్రవిడ మున్నేట్ర కళగం’ (ఎంజేడీఎంకే) అనే కొత్త పార్టీని స్థాపించారు.
 
 శుక్రవారం ఉదయం జయలలిత సమాధి వద్దకు వెళ్లి అంజలి ఘటించిన మాధవన్‌.. ఆ తరువాత పార్టీ పేరును ప్రకటించి పతాకాన్ని ఆవిష్కరించారు. దీప పేరవైకి తన పార్టీకి సంబంధం లేదని, దీపకు ఇష్టమైతే తన పార్టీలో చేరవచ్చని తెలిపారు. అన్నాడీఎంకేలో వర్గపోరు కారణంగా ఎవరికీ దక్కకుండాపోయిన రెండాకుల చిహ్నాన్ని తాము సాధిస్తానని మాధవన్‌ మీడియాకు చెప్పారు.
 
 ఇటీవలి ఆర్కేనగర్‌ ఉప ఎన్నికల్లో పోటీకి దిగిన దీప.. తన నామినేషన్‌ పత్రాల్లో భర్త పేరును రాయనికారణంగా దంపతుల మధ్య విబేధాలు చెలరేగాయి. నాటి నుంచి ఇరువురి మధ్య మనస్పర్థలు అంతకంతకూ పెద్దవవుతూ వచ్చాయి. అంబేడ్కర్‌ జయంతి రోజున దీప, మాధవన్‌ల అనుచరులు తీవ్రంగా ఘర్షణపడ్డారు. కొన్నిరోజులుగా దీపను వదిలివేరుగా ఉంటున్న మాధవన్‌ రాజకీయ పార్టీని పెట్టడం చర్చనీయాంశమైంది.
 
 దీపపై రూ.20 కోట్ల మోసం కేసు
 ఎంజీఆర్‌ అమ్మ దీప పేరవై కింద సభ్యత్వ దరఖాసుల రుసుం కింద రూ.20 కోట్ల మోసానికి పాల్పడ్డారంటూ చెన్నై నగరం నెశపాక్కంకు చెందిన జానకిరామన్‌ అనే వ్యక్తి చెన్నై మాంబళం పోలీసులకు ఫిర్యాదు చేశారు. రద్దు చేసిన దీప పేరవై పేరుతో పెద్ద సంఖ్యలో దరఖాస్తులను అమ్మి, సభ్యత్వ రుసుమును స్వీకరించిన దీపపై చట్టపరమైన చర్యలు తీసుకోవాల్సిందిగా ఆయన ఫిర్యాదులో పేర్కొన్నారు.


 ► రోడ్డెక్కిన దీప, మాధవన్‌ల పోరు
 ► దీప డౌన్‌ డౌన్‌ అంటూ నినాదాలు
 ► ఇరువర్గాల ఘర్షణలతో ఉద్రిక్తత
 
 సాక్షి ప్రతినిధి, చెన్నై: ఎంజీఆర్‌ అమ్మ దీప పేరవైలోని విభేదాలు శుక్రవారం మరోసారి భగ్గుమన్నాయి. దీప, ఆమె భర్త మాధవన్‌ వర్గాలు పరస్పరం దాడులు చేసుకోవడం ఉద్రిక్తతకు దారితీసింది.  జయలలిత వారసురాలిగా రాజకీయ తెరపైకి వచ్చిన దీప ఆ పార్టీని స్వాధీనం చేసుకుంటారని అందరూ భావించారు. అయితే తాను సొంతగా పేరవైని స్థాపించి అధ్యక్షురాలిగా తన డ్రైవర్‌ భార్యను, ప్రధాన కార్యదర్శిగా డ్రైవర్‌ ఏవీ రాజాను నియమించారు. తాను సిఫారసు చేసిన వ్యక్తులకు పదవులు ఇవ్వలేదని కోపగించుకున్న దీప భర్త మాధవన్‌ ఇల్లు వదిలి  వెళ్లిపోయారు.
 పార్టీ పెద్దలు సమాధానపరచడంతో మళ్లీ కలిశారు. ఆర్కేనగర్‌ ఉప ఎన్నికల నామినేషన్‌ పత్రాల్లో భర్త కాలమ్‌ను ఖాళీగా పెట్టడం మాధవన్‌ను మళ్లీ ఆగ్రహానికి గురిచేయడంతో మళ్లీ వెళ్లిపోయారు. ఒక దశలో వీరిద్దరూ విడాకులు తీసుకుంటారనే ప్రచారం జరిగింది. దంపతుల మధ్య విబేధాలు నెలకొన్న నేపథ్యంలో శుక్రవారం దీప ఇంటి ముందు అంబేడ్కర్‌ జయంతికి ఏర్పాట్లు జరిగాయి. మాధవన్‌ అన్నాడీఎంకే పార్టీ రంగులతో ఉన్న పంచెను కట్టుకుని వేడుకల్లో పాల్గొనేందుకు  అనుచరులతో హాజరయ్యారు.
 దీప రాకకోసం మాధవన్‌ ఇంటి బైటే వేచి చూసి లోనికి వెళ్లేందుకు ప్రయత్నించగా సెక్యూరిటీ అనుమతించలేదు. దీంతో ఆయన అనుచరులు  దీప అనుచరులతో వాగ్విదానికి దిగి గేటు తోసుకుని లోపలికి వెళ్లారు. వీరిని డ్రైవర్‌ ఏవీ రాజా,  అనుచరులు అడ్డుకోవడంతో ఘర్షణ నెలకొంది. ఇరువర్గాలు  మంచినీళ్ల బాటిళ్లు, రాళ్లు విసురుకున్నారు. ఘర్షణ పడవద్దని దీప కేకలు వేసినా ఎవ్వరూ వినిపించుకోలేదు. పేరవైలో గొడవలన్నింటికీ నీవే కారణమని కొందరు ఏవీ రాజాను దూషించగా, దీప డౌన్‌ డౌన్‌ అంటూ మరికొందరు నినాదాలు చేశారు. ఇంతలో పోలీసులు రంగ ప్రవేశం చేసి ఇరువర్గాలను పంపించేశారు.


 ∙ దీప డౌన్‌ డౌన్‌ అంటూ నినాదాలు
 ∙ ఇరువర్గాల ఘర్షణలతో ఉద్రిక్తత
 
  చెన్నై: ఎంజీఆర్‌ అమ్మ దీప పేరవైలోని విభేదాలు శుక్రవారం మరోసారి భగ్గుమన్నాయి. దీప, ఆమె భర్త మాధవన్‌ వర్గాలు పరస్పరం దాడులు చేసుకోవడం ఉద్రిక్తతకు దారితీసింది.  జయలలిత వారసురాలిగా రాజకీయ తెరపైకి వచ్చిన దీప ఆ పార్టీని స్వాధీనం చేసుకుంటారని అందరూ భావించారు. అయితే తాను సొంతగా పేరవైని స్థాపించి అధ్యక్షురాలిగా తన డ్రైవర్‌ భార్యను, ప్రధాన కార్యదర్శిగా డ్రైవర్‌ ఏవీ రాజాను నియమించారు. తాను సిఫారసు చేసిన వ్యక్తులకు పదవులు ఇవ్వలేదని కోపగించుకున్న దీప భర్త మాధవన్‌ ఇల్లు వదిలి  వెళ్లిపోయారు. పార్టీ పెద్దలు సమాధానపరచడంతో మళ్లీ కలిశారు. ఆర్కేనగర్‌ ఉప ఎన్నికల నామినేషన్‌ పత్రాల్లో భర్త కాలమ్‌ను ఖాళీగా పెట్టడం మాధవన్‌ను మళ్లీ ఆగ్రహానికి గురిచేయడంతో మళ్లీ వెళ్లిపోయారు.
 
 ఒక దశలో వీరిద్దరూ విడాకులు తీసుకుంటారనే ప్రచారం జరిగింది. దంపతుల మధ్య విబేధాలు నెలకొన్న నేపథ్యంలో శుక్రవారం దీప ఇంటి ముందు అంబేడ్కర్‌ జయంతికి ఏర్పాట్లు జరిగాయి. మాధవన్‌ అన్నాడీఎంకే పార్టీ రంగులతో ఉన్న పంచెను కట్టుకుని వేడుకల్లో పాల్గొనేందుకు  అనుచరులతో హాజరయ్యారు. దీప రాకకోసం మాధవన్‌ ఇంటి బైటే వేచి చూసి లోనికి వెళ్లేందుకు ప్రయత్నించగా సెక్యూరిటీ అనుమతించలేదు. దీంతో ఆయన అనుచరులు  దీప అనుచరులతో వాగ్విదానికి దిగి గేటు తోసుకుని లోపలికి వెళ్లారు. వీరిని డ్రైవర్‌ ఏవీ రాజా,  అనుచరులు అడ్డుకోవడంతో ఘర్షణ నెలకొంది. ఇరువర్గాలు  మంచినీళ్ల బాటిళ్లు, రాళ్లు విసురుకున్నారు. ఘర్షణ పడవద్దని దీప కేకలు వేసినా ఎవ్వరూ వినిపించుకోలేదు. పేరవైలో గొడవలన్నింటికీ నీవే కారణమని కొందరు ఏవీ రాజాను దూషించగా, దీప డౌన్‌ డౌన్‌ అంటూ మరికొందరు నినాదాలు చేశారు. ఇంతలో పోలీసులు రంగ ప్రవేశం చేసి ఇరువర్గాలను పంపించేశారు.


 చెన్నై : తమిళనాడు ఆర్కేనగర్‌ ఉప ఎన్నిక వాయిదా ప్రకటన వెలువడినప్పటి నుంచి పలు రకాల సంచలనాలు జరిగాయి. అందులో దీప– మాధవన్‌ ఒకటైన సంఘటన ఒకటి. జయలలిత అన్న కుమార్తె ఎంజీఆర్‌ అమ్మ దీపా పేరవై కార్యదర్శి దీప, తన భర్త మాధవన్‌తో టీనగర్‌లో నివసిస్తున్న విషయం తెలిసిందే. జయ మృతి అనంతరం రాజకీయాల్లో ప్రవేశించడం వల్ల  కుటుంబంలో గందరగోళం నెలకొంది.
 దంపతుల మధ్య నెలకొన్న కలహాల కారణంగా దీపను వదిలి మాధవన్‌ ఒంటరిగా హోటల్‌లో బస చేశారు. ఆర్కేనగర్‌ ఎన్నికల నామినేషన్‌ దాఖలులో దీప భర్త పేరును సూచించలేదు. తనకు మాధవన్‌తో ఎలాంటి సంబంధం లేదని సంచలన వ్యాఖ్యలు చేసిన దీప మాటలను పట్టించుకోకుండా దీప పిలిస్తే ప్రచారానికి సిద్ధం అని మాధవన్‌ ప్రకటించి ప్రచారంలో పాల్గొన్నాడు. ఈ క్రమంలో ప్రస్తుతం ఆర్కేనగర్‌ ఎన్నిక వాయిదాతో దీప, మాధవన్‌ ఒకటయ్యారు. దీనిపై ప్రశ్నించిన వారితో ఇది తమ సొంత విషయం అని దీప చెప్పడం పలువురిని ఆశ్చర్యానికి గురిచేసింది.
 
 దీపకు హత్యా బెదిరింపుల కేసు వాయిదా 
 ఎంజీఆర్‌ అమ్మ దీప పేరవై కార్యదర్శి జె.దీపకు గత 31, 4వ తేదీల్లో టీనగర్‌కు చెందిన మహ్మద్‌ ఆసిఫ్‌ ఫోన్‌లో హత్య బెదిరింపులు చేశాడు. దీనిపై పార్టీ ప్రచార కార్యకర్త పొన్‌ పాండ్యన్‌ మాంబలం పోలీస్‌స్టేషన్‌లో ఫిర్యాదు చేశారు. అతని ఫోన్‌ నంబర్, ఫేస్‌బుక్‌లో అతడి ఫొటోను పోలీస్‌ స్టేషన్‌లో చూపించారు. అతనిపై పోలీస్‌స్టేషన్‌లో ఎలాంటి ఫిర్యాదు న మోదు కాలేదు. పసుమ్‌పొన్‌ పాండియన్‌ న్యాయవాది సుబ్రమణి ద్వారా సైదాపేట 17వ న్యాయస్థానంలో మహమ్మద్‌ ఆసిఫ్‌పై కేసు నమోదు చేసి చర్యలు తీసుకోవాలని కోరుతూ పిటిషన్‌ దాఖలు చేశారు. మెజిస్ట్రేట్‌ అంకాళేశ్వరి ఈ కేసుపై విచారణను14వ తేదీకి వాయిదా వేశారు.


 చెన్నై‌: రాజకీయాల్లో గందరగోళం ఎవరికైనా సహజమే. ఈ విషయం ఎందుకు చెప్పాల్సి వచ్చిందంటే.. పార్టీ ప్రారంభించినప్పటీ నుంచి అయోమయ పరిస్థితిలో ఉన్నారు  జయలలిత మేనకోడలు దీపా జయకుమార్‌, మాధవన్‌ దంపతులు. అన్నాడీఎంకే నిర్వాహకుల బలవంతంపై జయలలిత అన్న కుమార్తె దీపా ఎంజీఆర్‌ అమ్మ దీపా పేరవై పార్టీ ప్రారంభించిన విషయం తెలిసిందే. అయితే పార్టీ నిర్వాహకుల ఏర్పాటులో దీపా, మాధవన్‌ల మధ్య పొరపచ్చాలు వచ్చాయి. ఈ నేపథ్యంలోనే మాధవన్‌ దీపాతో విడిపోయి ప్రత్యేక పార్టీని ప్రకటించనున్నారనే వార్తలు వెలువడ్డాయి. దీనిపై మాధవన్‌ విలేకరులతో మాట్లాడుతూ.. దీపాకు, తనకు మధ్య ఎలాంటి మనస్పర్థలు లేవని తెలిపారు.
 తామంటే గిట్టని వాళ్లు ఇలాంటి వదంతులను ప్రచారం చేస్తున్నారని, వాటిని నమ్మొద్దని విజ్ఞప్తి చేశారు. దీపాను ముఖ్యమంత్రి చేయాలనే ఉద్దేశంతో పార్టీ ప్రారంభించినట్టు తెలిపారు. పార్టీ పేరు, ఆర్‌కేనగర్‌లో పోటీ చేయడం వంటి విషయాలపై కార్యకర్తలతో చర్చలు జరిపిన  అనంతరం ప్రకటిస్తామని మాధవన్‌ తెలిపారు. నిన్న మాధవన్‌ జయలలిత సమాధి దర్శించుకుని అంజలి ఘటించారు.


 ► తప్పుకున్న మాధవన్     
 ► మద్దతుదారుల్లో అసంతృప్తి
 
 సాక్షి, చెన్నై : దివంగత సీఎం జయలలిత మేనకోడలు దీప కుటుంబంలో ‘పేరవై’ చిచ్చు రగిలింది. ఇందులో నుంచి తాను తప్పకుంటున్నట్టు దీప భర్త మాధవన్  ప్రకటించడం చర్చకు దారి తీసింది. ఈ పరిణామాలు మద్దతుదారుల్లో అసంతృప్తిని రేకెత్తిస్తున్నాయి. దివంగత సీఎం జయలలిత రాజకీయ వారసురాల్ని తానేనని ఆమె మేనకోడలు దీప ప్రకటించడం అన్నాడీఎంకేలోని ద్వితీయ, తృతీయ శ్రేణి కేడర్‌ పెద్ద సంఖ్యలో హర్షం వ్యక్తం చేశాయి. దీప ఇంటి ముందు పెద్ద ఎత్తున వాలడంతో ఇక, రాజకీయ పయనానికి జయలలిత మేనకోడలు శ్రీకారం చుట్టారు. ఎంజీఆర్, అమ్మ, దీప పేరవై పేరుతో ముందుకు సాగేందుకు నిర్ణయించారు.
 అయితే, ఆమెకు రాజకీయ అనుభవం తక్కువే. సరిగ్గా సలహాలు ఇచ్చే వారు తక్కువేనని చెప్పవచ్చు. ఈ రెండు వెరసి దీప పేరవైలో సమస్యల సృష్టికి కారణం అయ్యాయన్న ప్రచారం సాగుతోంది.  ఆ పేరవైకు నిర్వాహకుల ఎంపిక మొదటి నుంచి వివాదానికి దారి తీసూ్తవస్తోంది. వారికి వ్యతిరేకంగా అసంతృప్తి రగులుతున్న సమయంలో  ఇన్ చార్‌జల నియామక ప్రకటన దీపను ఇరకాటంలో పడేసినట్టుం ది. అసలు ఆ జాబితాను ఆమె అధికారికంగా ప్రకటించినట్టు సమాచారం. మీడియాల్లో ఆ జాబితా హల్‌చల్‌ సృష్టించడంతో ఇక, ఆ పేరవైలో మరింతగా చిచ్చు రగిలింది. ఆ జాబితాకు వ్యతిరేకంగా అనేక చోట్ల నిరసనలు బయలు దేరాయి. ఈ సమయంలో దీప కుటుంబంలోనూ ఆ పేరవై చిచ్చు రగల్చడం చర్చకు దారి తీసింది.
 
 తప్పుకున్న మాధవన్ : జయలలిత మరణం తదుపరి తెరమీదకు వచ్చిన దీపకు వెన్నంటి ఆమె భర్త మాధవన్   ఉంటూ వస్తున్నారు. దీప ఎక్కడికి వెళ్లినా, ఆయన అనుసరిస్తున్నారు. రాజకీయ అరంగేట్రం, పేరవై ఏర్పాటు ప్రకటన వరకు తోడునీడగా మాధవన్  ఉన్నారు. అయితే, ఆ పేరవై నిర్వాహకుల ఎంపిక, ఇన్ చార్జ్ ల జాబితా  దీప కుటుంబంలోని చిచ్చు రగిల్చినట్టుంది. ఈ విషయాల్లో తనను పక్కన పెట్టడాన్ని జీర్ణించుకోలేని మాధవన్, ఆ పేరవై నుంచి తప్పుకుంటున్నట్టు ప్రకటించడం చర్చకు దారి తీశాయి.
 మూడు నెలలుగా దీప వెన్నంటి ఉన్న ఆయన రెండు మూడు రోజులుగా దూరంగా ఉంటూ రావడంతో కొందరు మీడియా ప్రతినిధులు కదిలించి ఉన్నారు. తాను పేరవై వ్యవహారాల్లో ఎలాంటి జోక్యం చేసుకోదలచుకోలేని, దీప ఉన్నత స్థానంలో ఉంటే ఆనందించే మొదటి వ్యక్తి తానేనని మాధవన్ వ్యాఖ్యానించడం గమనార్హం. తాను తప్పుకుంటున్నానని, ఆ పేరవైతో ఎలాంటి సంబంధం లేదని ఆయన స్పందించడం మద్దతుదారుల్లో అసంతృప్తిని రగిల్చింది. ఇంటి వద్దకు వచ్చే మద్దతుదారులతో సంప్రదింపులు సాగించడం, సూచనలు సలహాలు ఇవ్వడంలో మాధవన్  ఇన్నాళ్లు ముందున్నారని చెప్పవచ్చు. ఇప్పుడు ఆయన తప్పుకోవడం  ఆయనతో సన్నిహితంగా ఉండే  మద్దతుదారులతో పాటు, దీప పేరవై మద్దతు దారుల్లో అసంతృప్తి బయలు దేరినట్టు సంకేతాలు వెలువడుతున్నాయి.


 కోలీవుడ్ స్టార్ హీరోలు మాధవన్, విజయ్ సేతుపతిలు లీడ్ రోల్స్లో తెరకెక్కుతున్న చిత్రం విక్రమ్ వేదా. ఇద్దరూ డిఫరెంట్ క్యారెక్టర్స్ను ఎంచుకునే నటులు కావటంతో వారి నుంచి ఎలాంటి చిత్రం రాబోతుందో అన్ని అభిమానులతో పాటు ఇండస్ట్రీ వర్గాలు కూడా ఆసక్తిగా ఎదురుచూస్తున్నారు. ఇటీవల విడుదలైన ఫస్ట్ లుక్ పోస్టర్కు మంచి రెస్పాన్స్ వచ్చిన నేపథ్యంలో విక్రమ్ వేదా టీజర్పై భారీ అంచనాలు ఏర్పడ్డాయి.
 
 ఆ అంచనాలకు అందుకునే స్థాయిలో థ్రిల్లింగ్ టీజర్ను రిలీజ్ చేశారు విక్రమ్ వేదా టీం. ఈ సినిమాలో మాధవన్ పోలీస్ ఆఫీసర్గా కనిపిస్తుండగా, విజయ్ సేతుపతి క్రూరమైన విలన్గా కనిపిస్తున్నాడు. ఈ రెండు పాత్రల మధ్య జరిగే పోరాటమే సినిమా కథగా తెలుస్తోంది. టీజర్ విషయంలో ప్రత్యేక శ్రద్ద తీసుకున్న చిత్రయూనిట్ సినిమాటోగ్రఫి, బ్యాక్ గ్రౌండ్ మ్యూజిక్, ఎడిటింగ్లతో ఆకట్టుకుంది.


 చెన్నై: క్రేజీ ప్రాజెక్టులతో  సక్సెస్‌ పుల్‌ గా కరియర్‌ను  సాగిస్తున్నతమిళ హీరో మాధవన్  ఇప్పుడు పర్సనల్  లైఫ్‌లోనూ  ఫుల్ హ్యాపీగా  ఎంజాయ్‌  చేస్తున్నారు. ముఖ్యంగా  తనయుడు చేసిన ఫీట్‌తోఈ  విలక్షణ నటుడు పుత్రోత్సాహంతో ఉప్పొంగిపోతున్నారట.   తనయుడు వేదాంత్‌  స్విమ్మింగ్‌ లో సాధించిన విజయానికి తాను చాలా గర్వపడుతున్నానని శనివారు తెలిపారు. ఒక తండ్రిగా తనకుచాలా గర్వంగా ఉందంటూ ట్విట్టర్‌ ​ ద్వారా తన సంతోషాన్ని అభిమానులతో పంచుకున్నారు. .
 
 అసలువిషయం ఏమిటంటే   ఓ స్విమ్మింగ్ కాంపిటీషన్ లో మాధవన్ కొడుకు వేదాంత్ (12) ఓ రికార్డ్ సృష్టించాడు. ఖాన్ జిమ్ లో జరిగిన స్విమ్మథాన్ లో  వేదాంత్.. 4 కిలో మీటర్లను 57 నిమిషాల్లోనే  పూర్తి చేశాడట.  దీంతో ' తండ్రిగా చాలా ప్రౌడ్‌ గా ఫీలయ్యే క్షణాలివి అంటూ  ట్వీట్‌ చేశారు. . నేను ఈ ఫీట్ ను కనీసం ఊహించుకోలేను కూడా' అంటూ ట్వీట్  తన సంతోషాన్ని వ్యక్తం చేశారు. దీంతో పాటు  తన కొడుకుతో దిగిన ఓ ఫోటోను షేర్ చేశారు
 కాగా మాధవన్ 18 సంవత్సరాల క్రితం సరితను  వివాహం  చేసుకున్నారు.  త్రి ఇడియట్స్‌, తనూ వెడ్స్‌ మనూ లాంటి   సూపర్‌ హిట్‌ బాలీవుడ్‌ సినిమాలతో  ఆకట్టుకున్న గతేడాది సాలా ఖడూస్  సాధించిన బంపర్‌ విజయంతో  వరుస ఆఫర్లను దక్కించుకుంటున్నారు.  ప్రస్తుతం తమిళ థ్రిల్లర్ "విక్రమ్  వేధ’’ షూటింగ్ లో బిజీగా  ఉన్నారు.  అలాగే చందమామ దూర్ కే అనే హిందీ చిత్రంలోను నటిస్తున్నారు.
 
  
 
 Proud day for the Dad in Me.Vedaant swam 4 km Swimathon @ Khan Gym, in under 57 min.Something I can NEVER imagine doing. pic.twitter.com/CLSCNXSpE4
 — Ranganathan Madhavan (@ActorMadhavan) February 18, 2017


 సాక్షి, హైదరాబాద్‌: ఖేలో ఇండియా జాతీయ స్థాయి జిమ్నాస్టిక్స్‌ ఈవెంట్‌లో రాష్ట్రానికి చెందిన మాధవన్‌ సత్తా చాటాడు. గచ్చిబౌలి స్టేడియంలో జరుగుతోన్న ఈ టోర్నీలో మాధవన్‌ స్వర్ణ పతకంతో మెరిశాడు. జిమ్నాస్టిక్స్‌ అండర్‌–14 టేబుల్‌వాల్ట్‌ ఈవెంట్‌లో మాధవన్‌ 13.34 పాయింట్లు స్కోరు చేసి అగ్రస్థానంలో నిలిచాడు. ఢిల్లీకి చెందిన వీర్‌ 13.20 పాయింట్లతో రెండోస్థానం దక్కించుకోగా... పంజాబ్‌కు చెందిన కృష్ణ (12.57 పాయింట్లు) మూడో స్థానాన్ని సాధించాడు.
 
 బాస్కెట్‌బాల్‌లో నిరాశ
 
 ఖేలో ఇండియా పోటీల్లో భాగంగా జరుగుతోన్న బాస్కెట్‌బాల్‌ ఈవెంట్‌లో రాష్ట్ర జట్లకు నిరాశ ఎదురైంది. మూడో స్థానం కోసం బుధవారం జరిగిన రెండు మ్యాచ్‌ల్లోనూ రాష్ట్ర జట్లు ఓడిపోయి టోర్నీ నుంచి నిష్క్రమించాయి. అండర్‌–14 బాలికల మ్యాచ్‌లో కర్ణాటక 47–38తో తెలంగాణను ఓడించగా... బాలుర విభాగంలో మధ్య ప్రదేశ్‌ 52– 38తో తెలంగాణపై గెలిచి కాంస్య పతకాలు సాధించాయి.
 టెన్నిస్‌లో 7 పతకాలు
 
 జాతీయస్థాయి టెన్నిస్‌ టోర్నమెంట్‌లో రాష్ట్ర క్రీడాకారులు ఆకట్టుకున్నారు. వ్యక్తిగత, డబుల్స్, టీమ్‌ విభాగాల్లో కలిసి మొత్తం 7 పతకాలను దక్కించుకున్నారు. అండర్‌–14 విభాగంలో బాలికల సింగిల్స్‌లో సాయిధన్వి రజతాన్ని, జనని కాంస్య పతకాన్ని సాధించగా... డబుల్స్‌ విభాగంలో ఎస్‌. సంజన– ఆశ్రిత జోడి స్వర్ణంతో మెరిసింది. టీమ్‌ విభాగంలో తెలంగాణ బాలికల జట్టు రజతాన్ని, బాలుర జట్టు కాంస్య పతకాలు గెలుచుకున్నాయి. అండర్‌–17 విభాగంలో బాలికల డబుల్స్‌ కేటగిరీలో ఎ. సంజన– ఆర్‌. సంజన ద్వయం కాంస్యాన్ని సాధించింది. బాలుర టీమ్‌ విభాగంలో తెలంగాణ జట్టు రజత పతకాన్ని కైవసం చేసుకుంది.


 తమిళ తెరకు నటి సాయిపల్లవి కొత్త కావచ్చు కానీ, ఈ మలయాళీ భామ పేరు మాత్రం ఇక్కడా పాపులరే. మలయాళం చిత్రం ప్రేమమ్‌ చూసిన వారికి సాయిపల్లవి గురించి ప్రత్కేకంగా చెప్పనక్కర్లేదు.అందులో మలర్‌ టీచర్‌ పాత్రల్లో అంతగా ఇమిడిపోయి నటించారు. అయితే కోలీవుడ్‌కు మాత్రం ఈ అమ్మడు ఊరిస్తూనే ఉన్నారు. ఆ మధ్య ఏస్‌ ఫిలింమ్‌ మేకర్‌ మణిరత్నం చిత్రంలో కార్తీకి జంటగా నటించే అవకాశం వచ్చినట్లే వచ్చి చేజారిపోయింది.ఆ తరువాత విక్రమ్‌తో రొమాన్స్ కు రెడీ అవుతున్నారనే ప్రచారం జోరుగా జరిగింది.అయితే అదీ ప్రచారానికే పరిమితమైంది. తాజాగా సాయిపల్లవి కోలీవుడ్‌ ఎంట్రీ ఖరారైంది.
 అమ్మాయి మడ్డీ అని ముద్దుగా పిలుచుకునే నటుడు మాధవన్ కు జంటగా నటించడానికి ఈ బ్యూటీ సిద్ధం అవుతున్నారు. ఇరుదు చుట్రు చిత్రం తరువాత మాధవన్ ళ చిత్రం ఏదీ రాలేదు. ఒకటి రెండు చిత్రాలు కమిట్‌ అయిన మాధవన్  నటించనున్న తాజా చిత్రం ఇదే అవుతుంది.దీనికి విజయ్‌ దర్శకత్వం వహించనున్నారు. వైవిధ్యభరిత కథా చిత్రాలను హ్యాండిల్‌ చేసే ఈయన దేవి చిత్రం తరువాత మలయాళ సక్సెస్‌ఫుల్‌ చిత్రం చార్లీని రీమేక్‌ రెడీ అయ్యారు.ఈ రొమాంటిక్‌ ప్రేమ కథా చిత్రంలో మాధవన్, సాయిపల్లవి రొమాన్స్ చేయనున్నారు. దీని గురించి చిత్ర నిర్మాతల్లో ఒకరైన శ్రుతి నల్లప్ప తెలుపుతూ మలయాళ చిత్రం చార్లీని తమిళ నేటివిటీకి తగ్గట్టుగా చాలా మార్పులు చేర్పులు చేసినట్లు తెలిపారు.
 ఇందులో రొమాంటిక్‌ హీరో పాత్రకు మాధవన్  కరెక్ట్‌గా నప్పుతారని దర్శకుడు విజయ్, తాము కలిసి నిర్ణయించుకుని ఆయన్ని సంప్రందించామని చెప్పారు.మాధవన్ కూడా చిత్రం చూసి కచ్చితంగా నటిస్తానని అంగీకరించారని అన్నారు. ఇక సాయిపల్లవిని ఈ చిత్రం ద్వారా కోలీవుడ్‌కు పరిచయం చేయడం సంతోషంగా ఉందన్నారు. లియోన్  జేమ్స్‌ సంగీతాన్ని, నిరవ్‌షా ఛాయాగ్రహణం అందించనున్న ఈ చిత్రం షూటింగ్‌ మార్చిలో ప్రారంభం కానుంది.ఇంకా పేరు నిర్ణయించని ఈ చిత్రంలో నటించే ఇతర నటీనటులు, సాంకేతిక వర్గం వివరాలను త్వరలోనే వెల్లడించనున్నట్లు పేర్కొన్నారు.


 వైవిధ్యభరిత కథా చిత్రాల దర్శకుడు సర్గుణం, సెలెక్టెడ్‌ చిత్రాలతో తనకంటూ ఒక ప్రత్యేక ఇమేజ్‌ను సంపాదించుకున్న నటుడు మాధవన్  ఈ కాంబినేషన్ లో ఒక భారీ చిత్రం తెరకెక్కనుంది. ఇరుదు చుట్రు వంటి ఘన విజయం సాధించిన చిత్రం తరువాత ఈ బహుభాషా నటుడు ఏ చిత్రాన్ని అంగీకరించలేదు. ఇందులో ఇంతకు ముందెప్పుడూ నటించనటువంటి వినూత్న కథా పాత్రలో మాధవన్ కనిపించనున్న ఈ చిత్రం జంగిల్‌ నేపథ్యంలో యాక్షన్, ఎడ్వెంచర్‌ కథా ఇతివృత్తంగా ఉంటుందని చిత్ర వర్గాలు తెలిపాయి. ఇంతకు ముందు విజయ్‌సేతుపతి హీరోగా ఆరెంజ్‌ మిఠాయ్, రెక్క చిత్రాలను నిర్మించిన కామన్ మ్యాన్ సంస్థ అధినేత గణేశ్, దర్శకుడు సర్గుణంతో కలిసి ఈ చిత్రాన్ని నిర్మించనున్నారు.
 సర్గుణం ఇంతకు ముందు నిర్మాతగా మాంజాపై చిత్రాన్ని నిర్మించారు. ప్రస్తుతం నయనతార నాయకిగా దోర చిత్రాన్ని నిర్మిస్తున్నారన్నది గమనార్హం. జిబ్రాన్ సంగీతాన్ని అందిస్తున్న ఈ చిత్రంలో నటించే కథానాయకి, ఇతర నటీనటులు, సాంకేతిక వర్గం ఎంపిక జరుగుతోందని చిత్ర వర్గాలు వెల్లడించారు. కుటుంబ సమేతంగా ముఖ్యంగా పిల్లల్ని అలరించే విధంగా కథను తయారు చేసుకున్న ఈ చిత్ర షూటింగ్‌ను థాయ్‌లాండ్, మంగోలియా, తజికిస్థాన్ దేశాల్లో నిర్వహించనున్నట్లు దర్శకుడు సర్గుణం తెలిపారు.


 ► అన్నాడీఎంకే కార్యకర్తల బ్యానర్లు
 ► దీప, భర్త మాధవన్ లపై ఒత్తిడి
 ► దీప ఇంటికి తండోపతండాలుగా అభిమానులు
 ► నా రాజకీయ పయనాన్ని ఏశక్తి అడ్డుకోలేదు : దీప
 
 సాక్షి ప్రతినిధి, చెన్నై: రాజకీయాల్లోకి రావాలని జయలలిత అన్న కుమార్తె దీపపై రోజురోజుకూ ఒత్తిడి పెరుగుతోంది. చెన్నై టీనగర్‌లోని దీప ఇంటికి ప్రతిరోజూ వేలాది మంది అన్నాడీఎంకే కార్యకర్తలు వస్తూ రాజకీయాల్లోకి రావాలని బతిమాలుతున్నారు. చేతులు పట్టుకుని మరీ వేడుకుంటున్నారు. అమ్మ ఆసుపత్రి పాలయ్యే వరకు దీప ఎవరో తెలియదు. అత్తను చూడాలని అపోలో ఆసుపత్రి వద్ద పడిగాపులు కాసినపుడు తొలిసారిగా దీప పేరు బాహ్య ప్రపంచానికి కొద్దిగా పరిచయమైంది. అమ్మ భౌతికకాయాన్ని సందర్శించేందుకు వచ్చిన  దీపను అడ్డుకోవడం, ఎంతో కష్టం మీద తన అత్తకు నివాళులర్పించాల్సి వచ్చిందని మీడియా వద్ద దీప మొరపెట్టుకున్నపుడు దీప పేరు మరింత ప్రచారంలోకి వచ్చింది.
 జయలలిత ఆస్తికి, రాజకీయానికివారసులు ఎవరు, అన్నాడీఎంకే ప్రధాన కార్యదర్శి బాధ్యతలు ఎవరికి అనే ప్రశ్నలు తలెత్తినపుడు శశికళతోపాటు దీప పేరు మార్మోగిపోయింది. అన్నాడీఎంకేలోని అగ్రనేతల ప్రాభవంతో శశికళ ప్రధాన కార్యదర్శి పదవిని చేపట్టినా పార్టీ నేతలు, కార్యకర్తల్లో దీప ప్రభావాన్ని మాత్రం చెరిపివేయలేక పోయారు. జయ వారసురాలు దీప మాత్రమే అనే నినాదంతో చెన్నై టీనగర్‌లోని దీప ఇంటికి వేలాది మంది రావడం కొన్ని రోజులుగా కొనసాగుతోంది. దీప వారందరితో ఓపిగ్గా మాట్లాడుతూ నచ్చజెప్పి పంపుతున్నారు. దీప ఇంట్లో లేని సమయాల్లో ఆమె భర్త మాధవన్ కార్యకర్తలను కలుస్తున్నారు.
 తనను కలుసుకునేందుకు వచ్చే కార్యకర్తల వివరాలను నమోదు చేసేందుకు దీప తన ఇంటి ముందు ఒక రిజిస్టర్‌ను ఏర్పాటు చేశారు. గురు, శుక్రవారాల్లో తిరునెల్వేలి, తూత్తుకూడి, దిండుగల్లు, మదురై, కోయంబత్తూరు, విళుపురం, ఈరోడ్, తిరువణ్ణామలై, తిరుప్పూరు 14 జిల్లాల నుంచి కార్యకర్తలు తరలివచ్చారు. జనం సాధారణ సంఖ్యలో ఉన్నపుడు ఇంటి ముంగిట, ఎక్కువగా ఉన్నపుడు మిద్దెపై బాల్కనీ నుంచి రెండాకుల గుర్తులా రెండువేళ్లను చూపడం ద్వారా మరింత ఉత్సాహపరుస్తున్నారు.
 
 రాజకీయ పయనాన్ని ఎవ్వరూ అడ్డుకోలేరు
 తన రాజకీయ పయనాన్ని ఏ శక్తులు అడ్డుకోలేవని దీప శుక్రవారం ప్రకటించారు. జయలలిత పేరు, ప్రతిష్టలను కాపాడాల్సిన బాధ్యత మనందరిపై ఉందని ఆమె అన్నారు. రాజకీయాల్లోకి  ప్రవేశించే విషయాన్ని త్వరలోనే ప్రకటిస్తానని పునరుద్ఘాటించారు. రాజకీయ ప్రవేశం గ్యారంటీ అనే ధోరణిలో దీప మాట్లాడగానే కార్యకర్తలు చప్పట్లు చరుస్తూ ఆనందంతో రెచ్చిపోయారు. జయలలిత ప్రాతినిథ్యంవహించిన ఆర్కేనగర్‌ నుంచి పోటీ చేస్తారా అనే ప్రశ్నకు కార్యకర్తలను సమావేశపరిచి నిర్ణయం తీసుకుంటానని అన్నారు. దీప రాజకీయాలకు తన పూర్తి అండదండలు ఉంటాయని భర్త మాధవ¯ŒS తన ఇంటికి వచ్చిన మీడియాతో చెప్పడం గమనార్హం.
 
 అండగా మేమున్నామని కార్యకర్తల భరోసా
 రాజకీయ ప్రవేశంపై ఇన్నాళ్లూ స్పష్టం చేయని దీప శుక్రవారం తనను కలిసేందుకు వచ్చిన వారితో తన రాజకీయ పయనాన్ని ఎవ్వరూ అడ్డుకోలేరని చెప్పడం వారిలోని ఉత్సాహాన్ని రెట్టింపు చేసింది. ఎంజీఆర్‌ హయాం నుంచి పార్టీలో ఉన్నాం, ఎవరి గురించి మీరు భయం పెట్టుకోవద్దు, దీపను చూస్తుంటే అమ్మను చూసినట్లే ఉంది, జయలలిత వారసురాలిగా దీప మాత్రమే ఉండాలని కార్యకర్తలు భరోసా ఇచ్చారు. కొందరు మహిళా కార్యకర్తలు దీప భర్త చేతులు పట్టుకుని కన్నీరుపెట్టుకున్నారు. దీప ఇంటి ముందు కాబోయే ముఖ్యమంత్రి అనే నినాదంతో బ్యానర్లు కట్టారు. ఎంజీఆర్, జయలలిత, దీప ఫొటోలను అమ్మే అంగడి సైతం దీప ఇంటి ముందు వెలిసింది. కార్యకర్తల సందడితో ఫొటోల అమ్మకాలు జోరుగా సాగుతున్నాయి.


 సెలక్టెడ్ చిత్రాలనే చేసే నటుడు మాధవన్, వైవిధ్యభరిత చిత్రాల నటుడిగా పేరు తెచ్చుకున్న విజయ్‌సేతుపతి కలిసి ఒక చిత్రంలో నటిస్తే ఆ చిత్రం కచ్చితంగా విభిన్నంగా ఉంటుందనడంలో సందేహం ఉండదు. సరిగ్గా అలాంటి కాంబినేషన్‌లో తెరకెక్కుతున్న చిత్రం బుధవారం పూజా కార్యక్రమాలతో ప్రారంభమైంది. ఎస్.మాధవన్, విజయ్‌సేతుపతి కలిసి నటిస్తున్న మల్టీస్టారర్ చిత్రానికి విక్రమ్ వేదా అనే టైటిల్‌ను నిర్ణరుుంచారు. ఇందులో క్రిమీ చిత్రం ఫేమ్ కదిర్, నటి వరలక్ష్మి, యూటర్న్ చిత్రం ఫేమ్ శ్రద్ధా శ్రీనాథ్, ష్రేమ్, అచ్యుత్‌కుమార్, హరీష్‌వర్మ, వివేక్ ప్రసన్న ముఖ్య పాత్రలు పోషిస్తున్నారు.
 
 ఇంతకుముందు తమిళ్‌పడమ్, కాదలిల్‌సొదప్పువదు ఎప్పడి,వాయైమూడి పేసవుమ్, ఇరుదు చుట్రు వంటి విజయవంతమైన చిత్రాలను నిర్మించిన వైనాట్ స్టూడియోస్ శశికాంత్ నిర్మిస్తున్న తాజా చిత్రం ఇది. దీనికి దర్శక ద్వయం పుష్కర్-గాయత్రి దర్శకత్వం వహిస్తున్నారు. మాటలను మణికంఠన్, సంగీతాన్ని సీఎస్.శ్యామ్, ఛాయాగ్రహణం పిఎస్.వినోద్ అందిస్తున్నారు. టైడెంట్ ఆర్ట్స్ ఆర్.రవీంద్రన్ సమర్పకుడిగా వ్యవహరిస్తున్న ఈ చిత్రం షూటింగ్ బుధవారం చెన్నైలో ప్రారంభమైంది. విక్రమ్ వేదా పూర్తి యాక్షన్ థ్రిల్లర్ కథా చిత్రంగా ఉంటుందని చిత్ర వర్గాలు వెల్లడించారు.


 చిత్తూరు జిల్లా కుప్పం-కృష్ణగిరి జాతీయ రహదారిపై బుధవారం వేకువజామున లారీ బోల్తాపడి ఇద్దరు మృతిచెందారు. ఛత్తీస్‌ఘడ్ నుంచి ఇనుప రేకుల లోడుతో కొచ్చిన్ వెళుతున్న లారీ కుప్పం రూరల్ మండలం నడుమూరు వద్ద మలుపులో అదుపు తప్పి బోల్తాపడింది. ఈ సంఘటనలో తమిళనాడు నామక్కల్ జిల్లాకు చెందిన డ్రైవర్ దేవరాజు(35), క్లీనర్ మాధవన్(45) అక్కడికక్కడే మృతిచెందారు. సమాచారం అందుకున్న పోలీసులు సంఘటన స్థలాన్ని పరిశీలించి మృతదహైలను పోస్టుమార్టం నిమిత్తం కుప్పం ఆస్పత్రికి తరలించారు.
 
  


 రొమాంటిక్ హీరోగా లెక్కకు మించి అభిమానులను సొంతం చేసుకున్న సీనియర్ హీరో మాధవన్, ఇటీవల కాలంలో ప్రయోగాల మీద దృష్టి పెట్టాడు. సాలా ఖద్దూస్ సినిమాతో సౌత్ పాటు నార్త్లో కూడా మంచి సక్సెస్ సాధించిన మాధవన్, మరోసారి డిఫరెంట్ సబ్జెక్ట్తో ఆడియన్స్ ముందుకు వచ్చేందుకు రెడీ అవుతున్నాడు. త్వరలో గ్రామ్ఫోన్ పేరుతో తెరకెక్కనున్న సినిమాకు మాధవన్ అంగీకరించాడు.
 
 ప్రస్తుతం విక్రమ్ వేదా, చార్లీ సినిమాల్లో నటిస్తున్న మాధవన్, ఈ రెండు సినిమాలు పూర్తవ్వగానే గ్రామ్ఫోన్ షూటింగ్లో పాల్గొనేలా ప్లాన్ చేసుకుంటున్నాడు. పూర్తి పల్లె వాతావరణంలో సంగీత నేపథ్యంలో ఈ సినిమాను తెరకెక్కించనున్నారు. కరు పలనియప్పన్ దర్శకత్వంలో తెరకెక్కనున్న ఈ సినిమాకు సంబందించి మరిన్ని విశేషాలను త్వరలోనే వెల్లడించనున్నారు.


 వెంకటేశ్ కామెడీ చేసినా బాగుంటుంది.. సీరియస్‌గా కనిపించినా సూట్ అవుతుంది. రొమాన్స్, సెంటిమెంట్.. ఇలా  అన్నీ చేయగలరు. అందుకే అన్ని వర్గాల ప్రేక్షకులకీ దగ్గరయ్యారు వెంకీ. ప్రస్తుతం చేస్తున్న ‘బాబు బంగారం’లో ఎంటర్‌టైన్‌మెంట్ పాళ్లు ఎక్కువగా ఉంటుంది. కానీ, ఈ చిత్రం తర్వాత చేయనున్న దాంట్లో మాత్రం వెంకీ సీరియస్‌గా కనిపించనున్నారు.
  
   ఇందులో బాక్సర్ పాత్ర చేయనున్నారు. ‘ఇరుది సుట్రు’, ‘సాలా ఖడూస్’ పేరుతో తమిళ, హిందీ భాషల్లో తెరకెక్కిన సినిమా తెలుగు రీమేక్‌లో వెంకటేశ్ నటించనున్నారు. ఒరిజినల్ మూవీలో మాధవన్ చేసిన బాక్సర్ క్యారెక్టర్‌ను ఆయన పోషించనున్నారు. తమిళ చిత్రాన్ని నిర్మించిన వైనాట్ స్టూడియోస్ తెలుగులోనూ నిర్మించనుంది. సురేష్ ప్రొడక్షన్స్ అధినేత డి.సురేశ్ బాబు నిర్మాణ భాగస్వామిగా వ్యవహరిస్తారు.
  
  కథానాయకుడు ఎంతో టాలెంట్  ఉన్నా.. బాక్సింగ్ అసోసియేషన్‌లో ఉన్న రాజకీయాలతో ఛాంపియన్ కాలేకపోతాడు. బాక్సింగ్ కోచ్ గా మారి మట్టిలో మాణిక్యాల్లాంటి బాక్సర్లను వెలికితీయాలని ప్రయత్నాలు చేస్తాడు. రోడ్డు పక్కన చిన్న షాపు నడుపుకునే మది అనే అమ్మాయికి కోచింగ్ ఇచ్చి చాంపియన్‌ను చేస్తాడు. ఇలా సాగే ‘సాలా ఖడూస్’ కథకు తెలుగు నేటివిటీ జోడించి, మన ప్రేక్షకుల ముందుకు తీసుకురావాలన్నది దర్శకురాలు సుధా కొంగర ఆలోచన. బాక్సర్ క్యారెక్టర్ కోసం వెంకీ బాడీ ఫిట్‌నెస్ ఇంకాస్త  పెంచుతున్నారట.
  
   వెంకీ సిక్స్ ప్యాక్‌లో కనిపిస్తారని ప్రచారం జరిగింది. ఈ విషయం గురించి సురేశ్‌బాబు స్పందిస్తూ - ‘‘ఈ పాత్రకు సిక్స్‌ప్యాక్‌లో కనిపించాల్సిన అవసరం లేదు. బాక్సర్‌గా ఫిట్‌గా కనిపిస్తే చాలు’’ అన్నారు. ఈ సినిమా చిత్రీకరణ  మొత్తం విశాఖలో చేస్తార ని సమాచారం. సెప్టెంబర్‌లో ఈ సినిమా సెట్స్ పైకి వెళ్లనుంది. మాతృకలో నటించిన రితికా సింగ్... తెలుగు రీమేక్‌లోనూ కనిపించనుంది.
  


 సర్గుణం దర్శకత్వంలో నటించడానికి సిద్ధమవుతున్నారు నటుడు మాధవన్.ఆయన యూత్‌లో.. అదీ అమ్మాయిల్లో మంచి ఫాలోయింగ్ ఉన్న నటుడన్న విషయం తెలిసిందే. కొంత గ్యాప్ తరువాత మాధవన్ నటించిన ఇరుదు చుట్రు మంచి విజయాన్ని సాధించిన విషయం తెలిసిందే. తాజాగా రెండు తమిళ చిత్రాల్లో నటించడానికి గ్రీన్ సిగ్నల్ ఇచ్చారు. అందులో ఒకటి సర్గుణం చిత్రం. ఇంతకు ముందు కలవాణి, వాగై చూడవా, నయాండి, సండీవీరన్ చిత్రాలను తెరకెక్కించిన సర్గుణం ప్రస్తుతం నయనతార ప్రధాన పాత్ర పోషిస్తున్న చిత్రాన్ని నిర్మిస్తున్నారు. తాజాగా మాధవన్ హీరోగా ఒక చిత్రానికి దర్శకత్వం వహించడానికి సిద్ధం అవుతున్నారు. ఈ చిత్రం సెప్టెంబర్‌లో సెట్స్‌పైకి వెళ్లనుందని యూనిట్ వర్గాలు తెలిపాయి.
 
 
 చిత్ర షూటింగ్ పూర్తిగా విదేశాల్లో నిర్వహించనున్నారట. ఇరుదు చుట్రు చిత్రం కోసం బరువు పెరిగిన మాధవన్ ఈ చిత్రం కోసం దాన్ని తగ్గించే ప్రయత్నంలో ఉన్నారట. ప్రస్తుతం అమెరికాలో ఉన్న ఈయన చెన్నైకి తిరిగి రాగానే సర్గుణం చిత్ర షూటింగ్‌లో పాల్గొననున్నారని సమాచారం. తదుపరి మలయాళ చిత్రం చార్లీ రీమేక్‌లో నటించనున్నారు మాధవన్. చార్లీ మలయాళంలో మంచి విజయాన్ని సాధించిందన్నది గమనార్హం. ఈ రెండు చిత్రాలతో పాటు మరో చిత్రం కూడా మాధవన్ కోసం ఎదురు చూస్తోందని కోలీవుడ్ వర్గాల సమాచారం.
  
  


  తమిళసినిమా: స్థల ఆక్రమణ కేసులో నటుడు మాధవన్‌కు చెన్నై హైకోర్టు నోటీసులు జారీ చేసింది. వివరాలు.. దిండుగల్ జిల్లా పళనీ సమీపంలోని పాలసముద్రం ప్రాంతానికి చెందిన గణేశ్ హైకోర్టు మధురై శాఖలో ఓ పిటీషన్ దాఖలు చేశారు. అందులో మధురై జిల్లా పాలసముద్రంలో సాగుబడి కాలువ పక్కన ఉన్న రాజమ్మాళ్‌కు చెందిన 4.88 ఎకరాల భూమిని నటుడు మాదవన్ కోనుగోలు చేశారని పేర్కొన్నారు. అయితే ఆయన సాగుబడి కాలువాను కొంత భాగం ఆక్రమించి కొబ్బరి, జామ తోటలను నాటుతున్నారని ఆరోపించారు.
  
  ఆయన ఆక్రమించుకున్న ప్రాంతంలో విద్యుత్ స్తంభం కూడా ఉందన్నారు. దీని గురించి కలెక్టర్‌కు ఫిర్యాదు చేసినట్లు తెలిపారు. దీనిపై విచారించిన విద్యుత్ శాఖ అధికారి ఆ సాగుబడి కాలువ ఉపయోగంలో లేదని తెల్చి చెప్పారన్నారు. కాగా నటుడు మాధవన్ అనుచరులు తనపై బెదిరింపు చర్యలకు పాల్పడుతున్నారని ఆరోపించాడు. దీని గురించి నెయ్‌క్కారపట్టి పోలీసులకు ఫిర్యాదు చేసినా ఎలాంటి చర్యలు తీసుకోలేదని పేర్కొన్నాడు.
  
   వర్షాకాలం ప్రారంభం కావడంతో ఈ గ్రామ ప్రజల జీవనాధారాన్ని కాపాడే విధంగా కాలువ దురాక్రమణకు గురి కాకుండా చర్యలు తీసుకోవాలని ఆధికారులకు ఆదేశించాలని పిటిషన్‌లో కోరారు. పిటీషన్‌ను విచారణకు స్వీకరించిన న్యాయమూర్తులు కేకే.చంద్రన్, పీ.గోకుల్‌నాథ్‌లు నటుడు మాధవన్, దిండుగళ్ కలెక్టర్, విద్యుత్ శాఖ అధికారి, పళనీ తహశీల్దార్‌లకునోటీసులు జారీ చేయాలని ఆదేశించారు. తదుపరి విచారణను జూలై 11కు వాయిదా వేశారు.
  


 - మోదీ సర్కార్‌పై కాంగ్రెస్ మండిపాటు
 -  యాంకర్‌ను నేను కాదు మాధవన్: అమితాబ్
  
  న్యూఢిల్లీ:  నరేంద్ర మోదీ పాలనకు రెండేళ్లు పూర్తవుతున్న సందర్భంగా ఢిల్లీలోని ఇండియాగేట్ వద్ద ఈ నెల 28న ప్రభుత్వ విజయాలను తెలుపుతూ జరిపే ప్రచార కార్యక్రమానికి అమితాబ్‌ను యాంకర్‌గా ఆహ్వానించడాన్ని కాంగ్రెస్ ప్రశ్నించింది. ‘బచ్చన్‌ను నటుడిగా గౌరవిస్తాం. అయితే పనామా పత్రాల్లో పేరున్న  వ్యక్తిని ప్రభుత్వ కార్యక్రమాల్లో భాగస్వామ్యం చేస్తే, అది దర్యాప్తు సంస్థలకు ఏ విధమైన సంకేతాలను పంపుతుంది?’ అని కాంగ్రెస్ ప్రతినిధి రణదీప్ సుర్జేవాలా అన్నారు. దీనిపై మోదీ పునరాలోచించాలన్నారు.
 
 కాగా, అమితాబ్ స్పందిస్తూ.. ‘కార్యక్రమానికి నటుడు మాధవన్ యాంకర్,  అందులో భాగమైన బేటీ బచావో బేటీ పడావోకు మాత్రమే ప్రయోక్తని. ది కాంగ్రెస్ వారికి తెలిసి ఉండకపోవచ్చు’ అని అన్నట్లు తెలుస్తోంది. కాగా, మోదీ ప్రభుత్వం వైఫల్యాలను ఎత్తిచూపుతూ బుక్‌లెట్‌ను, వీడియోను విడుదల చేయాలని కాంగ్రెస్ పార్టీ నిర్ణయించింది.


  ఒక ఇంట్రెస్టింగ్ న్యూస్ కోలీవుడ్‌లో హల్‌చల్ చేస్తోంది. నటుడు మాధవన్, దుల్కర్‌సల్మాన్‌లతో సీనియర్ నటుడు, దర్శకుడు ప్రతాప్‌పోతన్ ఒక మల్టీస్టారర్ చిత్రాన్ని తెరకెక్కించడానికి సన్నాహాలు చేస్తున్నారన్నదే ఆ వార్త. తమిళంలో పలు హిట్ చిత్రాలలో నటించిన నటుడు మాధవన్. ఆపై బాలీవుడ్ చిత్రాలపై దృష్టి సారించారు. ఈయన చిన్న గ్యాప్ తరువాత ఇరుదుచుట్రు చిత్రంతో మళ్లీ కోలీవుడ్ ప్రేక్షకులను పలకరించారు. ఇక మలయాళ సూపర్‌స్టార్ మమ్ముట్టి వారసుడు దుల్కర్‌సల్మాన్. ఓ కాదల్‌కణ్మణి చిత్రం ద్వారా లవర్‌బాయ్‌గా తమిళ ప్రేక్షకులకు బాగా దగ్గరైన ఈయన రెండవ సారి మణిరత్నం చిత్రంలో నటించడానికి నిరాకరించి ఫ్రీ ప్రచారం చాలానే పొందారన్నది గమనార్హం.
  
  తాజాగా మాధవన్, దుల్కర్‌సల్మాన్‌లు ప్రతాప్‌పోతన్ దర్శకత్వంలో నటించడానికి సిద్ధం అవుతున్నట్లు కోలీవుడ్ వర్గాల సమాచారం. 1990 ప్రాంతంలో కథానాయకుడిగా పలు చిత్రాల్లో నటించిన ఈయన ఆ తరువాత దర్శకుడిగా అవతారమెత్తి పలు విజయవంతమైన చిత్రాలను రూపొందించారు. కమలహాసన్, ప్రభులతో వెట్రివిళా చిత్రంతో పాటు మీండుం ఒరు కాదల్ కథై, జీవా, మైడియర్ మార్తాండన్, ఆత్మ, శివల్‌పేరి పాండి వంటి పలు సక్సెస్‌ఫుల్ చిత్రాలను తెరకెక్కించారు. తెలుగులోనూ కొన్ని చిత్రాలకు దర్శకత్వం వహించిన ప్రతాప్‌పోతన్ చాలా గ్యాప్ తరువాత మళ్లీ మెగాఫోన్ పట్టనున్నారు. తన తాజా చిత్రానికి మాధవన్, దుల్కర్‌సల్మాన్‌లు నటించడానికి పచ్చజెండా ఊపినట్లు తెలిసింది. ఇందులో నటి ధ న్సిక కథానాయకిగా నటించనున్నారు. ఈ చిత్రానికి సంబంధించిన పూర్తి వివరాలు త్వరలోనే వెలువడే అవకాశం ఉందనే టాక్ వినిపిస్తోంది.
  


 వైవిధ్య కథా చిత్రాల దర్శకుడిగా పేరొందినారు శశి. ఆయన చిన్న గ్యాప్ తరువాత విజయ్‌ఆంటోని కథానాయకుడిగా రూపొందించిన చిత్రం పిచ్చైక్కారన్. ఆ మధ్య విడుదలైన ఈ చిత్రం మంచి విజయాన్ని సాధించిన విషయం తెలిసిందే. పిచ్చైక్కారన్ పేరుతో తెరకెక్కిన ఈ చిత్రం నిర్మాతను, పంపిణీదారుల్ని కోటీశ్వరుల్ని చేసింది. దీంతో దర్శకుడు శశికి డిమాండ్ పెరిగింది. పలువురు ప్రముఖ హీరోలు ఆయన దర్శకత్వంలో నటించడానికి ముందుకొస్తున్నారు.
 కాగా శశి తన తాజా చిత్రానికి నటుడు మాధవన్, జీవీ.ప్రకాశ్‌కుమార్‌లను ఎంచుకోవడం విశేషం. అదే విధంగా శశి దర్శకత్వంలో చిత్రాలను నిర్మించడానికి పలువురు నిర్మాతలు సిద్ధం అయినా ఆ అడ్వాంటేజ్‌ను శ్రీతేనాండాళ్ ఫిలింస్ సంస్థ తీసుకుంది. శశి దర్శకత్వంలో మాధవన్, జీవీ.ప్రకాశ్‌కుమార్ కాంబినేషన్‌లో మల్టీస్టారర్ చిత్రాన్ని నిర్మించడానికి సన్నాహాలు చేస్తున్నారని కోలీవుడ్ సమాచారం. ప్రస్తుతం ఇందులో నటించే హీరోయిన్లు, ఇతర సాంకేతిక నిపుణుల ఎంపక జరుగుతోందని తెలిసింది. శ్రీతేనాండాళ్ ఫిలింస్ ఇంతకు ముందు డిమాంటీ కాలనీ వంటి సక్సెస్‌ఫుల్ చిత్రాన్ని నిర్మించిందన్నది గమనార్హం.


  హిందీ చిత్రం క్వీన్ హీరోయిన్ కంగనా రనౌత్‌ను కోలీవుడ్ చిత్రంలో నటింపజేసే ప్రయత్నాలు జరుగుతున్నాయన్నది తాజా సమాచారం.ఈ బ్యూటీకి కోలీవుడ్ కొత్తేమీ కాదు. చాలా కాలం క్రితం ధామ్ ధూమ్ చిత్రంలో జయంరవితో రొమాన్స్ చేసింది.అయితే అప్పటి ఆమె స్థాయి వేరు ఇప్పటి క్రేజ్ వేరు. ప్రస్తుతం కంగనా రనౌత్ బాలీవుడ్‌లో ప్రముఖ నాయకిగా వెలుగొందుతోంది. అమ్మాయిలంతా మడ్డీ అంటూ అభిమానం కురిపించే నటుడు మాధవన్ నటించిన తనూ వెడ్స్ మను చిత్రం హిందీలో మంచి విజయం సాధించింది.
  
   దీంతో దానికి సీక్వెల్‌గా రూపొందిన చిత్రం సక్సెస్ అయ్యింది. ఈ రెండు చిత్రాల్లోనూ మాధవన్‌కు జంటగా కంగనా రనౌత్ నటించింది. ఇప్పుడు తనూ వెడ్స్ మను చిత్రానికి పార్టు-3కి కూడా తెరకెక్కడానికి రెడీ అవుతోంది. పార్టు-1,2 చిత్రాలను రూపొందించిన ఆనంద్ ఎల్.రాయ్‌నే పార్టుకు దర్శకత్వం వహించనున్నారు. తనూ వెడ్స్ మను చిత్రాన్ని తమిళంలో రీమేక్ చేయడానికి సన్నాహాలు జరుగుతున్నాయి. అంతే కాదు దాని వరిజినల్‌లో నటించిన కంగనా రౌనౌత్‌నే తమిళంలో నటింపజేసే ప్రయత్నాలు జరుగుతున్నాయన్నది కోలీవుడ్ వర్గాల సమాచారం.
  
   అయితే ఈ సంచలన నటి రెండో సారి కోలీవుడ్‌కు రావడానికి సిద్ధం అవుతుందా? అన్నదే చర్చనీయాంశమైన విషయం.ఈ చిత్రానికి సంబంధించిన పూర్తి వివరాలు త్వరలో వెల్లడయ్యే అవకాశం ఉంది.
  


 ముంబై: నేనే కాదు మా ఆవిడ సరిత కూడా షారుఖ్‌ ఖాన్‌కు పెద్ద ఫ్యాన్‌  అంటున్నాడు హీరో మాధవన్‌. 'నేను షారుఖ్‌కు పెద్ద అభిమానిని. కానీ మా ఆవిడ ఆయనకు చాలా పెద్ద ఫ్యాన్‌. షారుక్‌ను తొలిసారి కలిసిన విషయం నాకు ఇంకా గుర్తుంది. అప్పుడు నా పక్కన నిల్చున్న తను మాములుగా ఉన్నట్టు కనిపించడానికి ప్రయత్నించింది. నా చేతిని తన గోటితో గోకుతోంది. నేను మీకు బిగ్ ఫ్యాన్ అంటు తను షారుఖ్‌కు చెప్పింది. ఆ సమయంలో తను దాదాపు నా చేతిని గోటితో రక్కింది' అని మాధవన్‌ తెలిపాడు.
 
 'సాలా ఖద్దూస్‌'తో తాజాగా హిట్‌ అందుకున్న మాధవన్‌ ఓ ఈవెంట్‌లో ఈ విషయాలు వెల్లడించాడు. సరిత తన పెద్ద ఫ్యాన్‌ అని తెలిసినప్పటి నుంచి ఆమెకు షారుక్‌ అధిక ప్రాధాన్యం ఇస్తున్నారని, అభిమానుల్ని ఎలా చూసుకోవాలో ఆయనను చూసి తాను నేర్చుకొన్నానని మాధవన్ చెప్పాడు. షారుఖ్ తాజా సినిమా 'ఫ్యాన్‌' గొప్ప హిట్‌ అవుతుందని ఆశాభావం వ్యక్తం చేశాడు.
  


 చెన్నై: మాధవన్ ప్రధాన పాత్రలో నటించిన  బాలీవుడ్  సినిమా సాలా ఖదూస్ పై  ప్రశంసలు వెల్లువెత్తాయి.  తాజాగా ఈ సినిమా తమిళ వెర్షన్ 'ఇరుది సుట్రు'  ను  ప్రముఖ దర్శకుడు శంకర్ కొనియాడారు.  ఈ సినిమా దర్శకురాలు,  నటీనటులు, సంగీత దర్శకుడి పై తన అధికారిక ట్విట్టర్ లో ప్రశంసల జల్లు కురిపించారు. 
 
 *మహిళలకు ఒక వందనం '  డైరెక్టర్ సుధ ప్రయత్నం చాలా బావుంది అంటూ ట్విట్ చేశారు.  మాధవన్, రితికీ నటన అద్భుతంగా  ఉందని,  సంతోష్ అందించిన సంగీతం చాలా బావుందంటూ తన సంతోషాన్ని ప్రకటించారు.
 
 కాగా చెన్నైలోని మురికివాడల నుంచి మట్టిలోని ఓ మాణిక్యాన్ని వెలికితీసి, బాక్సింగ్ చాంపియన్‌గా తీర్చిదిద్దిన బాక్సింగ్ కోచ్ జీవితం చుట్టూ నడిచే సినిమా ఇరుది  సుట్రు.  తెలుగుదర్శకురాలు  సుధ కొంగర  తెరకెక్కించిన  ఈ చిత్రం ఇప్పటికై పలు సంచలనాలను నమోదు చేసింది. ఈ సినిమాకోసం భారీగా బరువు తగ్గి  హీరో మాధవన్ ప్రత్యేక  ఆకర్షణగా నిలిచాడు, రియల్ లైఫ్ బాక్సర్ అయిన రితికా సింగ్ మహిళా బాక్సర్ పాత్ర పోషించారు.  అటు  ఈ సినిమాను తాను చూడాలనుకుంటున్నానంటూ బాక్సింగ్ యోధుడు కూడా  మైక్ టైసన్ సోషల్ మీడియాలో ఆసక్తిని ప్రదర్శించిన సంగతి తెలిసిందే.
  
  
 
 "Irudhi suttru" - 'A salute to women'. Great effort by the director Sudha. Superb performance by Rithika n Maddy. Good music by Santhosh.
 — Shankar Shanmugham (@shankarshanmugh) February 6, 2016
  
  


 ఇరుదు చుట్రు దేశ వ్యాప్తంగా సినీవర్గాల్లో మారుమ్రోగుతున్న చిత్రం పేరు ఇది. రియలిస్టిక్ అంశాలతో కూడిన కథను సమర్థవంతంగా తెరపై ఆవిష్కరించగలిగితే ఎంత మంచి ఫలి తాన్ని అందిస్తుందనడానికి ఒక ఉదాహరణ ఇరుదుచుట్రు. అదీ క్రీడా నేపథ్యం లో వచ్చిన భూలోకం, హిందీ చిత్రం మేరీకోమ్ వంటి చిత్రాలకు ప్రేక్షకుల నుంచి విశేష ఆదరణ అభించిందని ప్ర త్యేకంగా చెప్పనక్కర్లేదు. ఆ తరహాలోనే బాక్సింగ్ ఇతి వృత్తంతో మహిళా దర్శకురాలు సుధ కొంగర నాలుగు ఏళ్ల సుధీర్ఘ పరిశోధనతో తయారు చేసుకున్న కథతో తెరకెక్కించిన ఇరుదు చుట్రు చిత్రంలో మాధవన్ కథానాయకుడిగా నటించా రు.
 
 ఆయన చాలా గ్యాప్ తరువాత తమిళంలో నటించిన ఈ చిత్రంలో ముం బయికి చెందిన రియల్ బాక్సింగ్ క్రీడాకారిణి రితిక సింగ్ కథానాయకిగా నటిం చారు. ఆమెకు నటిగా ఇదే తొలి చిత్రం. వైనాట్ స్టూడియోస్, తిరు కుమరన్ ఎంటర్‌టైన్‌మెంట్ సంస్థలు సంయుక్తంగా నిర్మించిన ఈ చిత్ర హిందీ వెర్షన్‌కు బాలీవుడ్ ప్రముఖ నిర్మాత రాజ్‌కుమార్ హీర్వాణీ నిర్మాతగా వ్యవహరించడం విశేషం. కాగా ఇటీవల విడుదలయిన ఇరుదు చుట్రు చిత్ర విజయవంతంగా ప్రదర్శింపబడుతుండడం, విమర్శకులు సైతం ప్రశంసల వర్షం కురిపించడంతో చిత్ర యూనిట్ మంగళవారం థ్యాంక్స్ మీట్‌ను ఏర్పాటు చేశారు. ఈ సమావేశంలో తమిళ నిర్మాతల మండలి కార్యదర్శి టీ.శివ తన అమ్మా క్రియేషన్స్ సంస్థ పేరుతో ఇరుదు చుట్రు చిత్ర యూనిట్‌కు అవార్డులను ప్రదానం చేయడం విశేషం.
 
 ఈ అవార్డులను నిర్మాతల మండలి, దక్షిణ భారత వాణిజ్యమండలి, దక్షిణ భారత సినీకార్మిక సమాఖ్య నిర్వాహకుల చేతుల మీదగా అందించడం మరో విశేషం. ఈ సందర్భంగా తమిళ నిర్మాతల మండలి అధ్యక్షుడు కలైపులి ఎస్.థాను మాట్లాడుతూ ఇరుదు చుట్రు చిత్రానికి అమ్మా క్రియేషన్స్ శివ అందించిన అవార్డులు ముందు ముందు ఈ చిత్రం గెలుచుకోనున్న జాతీయ అవార్డులకు నాంది అని పేర్కొన్నారు. అంతర్జాతీయ చిత్రోత్సవాల్లోనూ ఈ చిత్రం పలు అవార్డులను గెలుచుకుంటుందనే అభిప్రాయాన్ని ఆయన వ్యక్తం చేశారు.
 
 ఇక చిత్ర కథానాయకుడు మాధవన్ మాట్లాడుతూ చిత్ర నిర్మాణంలో పలు అవరోధాలను ఎదురొడ్డి నిలిచి ఎలాగైనా పూర్తి చేయలన్న దృఢ సంకల్పంతో చేసిన చిత్రం ఇదని అన్నారు. చిత్రం ఇంత మంచి విజయం సాధించడం సంతోషంగా ఉందని అన్నారు. హిందీలో ఇరుదు చుట్రు ఫైర్ అందుకోవడానికి రెండు రోజులు పడితే తమిళంలో రెండు షోలకే వేడి పుట్టిందని దర్శకురాలు సుధ పేర్కొన్నారు.


  మైక్ టైసన్ తెలుసుగా! ప్రపంచ ప్రసిద్ధ అమెరికన్ మాజీ బాక్సర్. ఇప్పుడు ఆయన మన భారతీయ సినిమా చూడా లని ఆశపడుతున్నారు. ఆశ్చర్యపోకండి! ఇది నిజం! సాక్షాత్తూ మైక్ టైసనే స్వయంగా తన ఫేస్‌బుక్ పేజీలో ఆ సంగతి వెల్లడించారు. ఇంతకీ, ఆ సినిమా ఏమిటంటే - మాధవన్ ప్రధాన పాత్రలో నటించిన హిందీ సినిమా ‘సాలా ఖదూస్’ (తమిళంలో ‘ఇరుది సుట్రు’). చెన్నైలోని మురికివాడల నుంచి మట్టిలోని ఓ మాణిక్యాన్ని వెలికితీసి, బాక్సింగ్ చాంపియన్‌గా తీర్చిదిద్దిన బాక్సింగ్ కోచ్ జీవితం చుట్టూ నడిచే సినిమా అది. తెలుగమ్మాయి సుధ కొంగర దర్శకత్వంలో రూపొందిన ఈ చిత్రంలో రితికా సింగ్ మహిళా బాక్సర్ పాత్ర పోషించారు.
 
 ఈ సినిమాకు సంబంధించిన సమీక్షను ఒక భారతీయ పత్రికలో చదివిన మైక్ టైసన్ ఆ సమీక్షను తన ఫేస్‌బుక్‌లో షేర్ చేసుకున్నారు. అంతటితో ఆగకుండా, ‘‘ఈ బాక్సింగ్ సినిమాను చూడాలనుకుంటున్నా’’ అని పేర్కొన్నారు. బాక్సింగ్ బరిలో రికార్డులు నెలకొల్పి, ప్రపంచమంతటా ప్రసిద్ధుడైన టైసన్ ఇలా ‘సాలా ఖదూస్’ సినిమా చూస్తాననడంతో సహజంగానే అందరి దృష్టీ ఆ చిత్రంపై పడింది. ఇటీవలే విడుదలైన ఈ చిత్రం మాధవన్‌కు మంచి పేరు తేవడమే కాకుండా, బాక్సాఫీస్ వద్ద ఆదరణ పొందుతుండడం విశేషం.


 కేవలం డబ్బు కోసమే తాను టీవీ షోలు చేస్తానని తెలుగు, హిందీ ప్రేక్షకులకు కూడా దగ్గరైన తమిళ హీరో మాధవన్ చెప్పాడు. 1990లలో 'సీ హాక్స్', 'బనేగీ అప్నీ బాత్' లాంటి షోలతో మాధవన్ అందరినీ ఆకట్టుకున్నాడు. డబ్బులు బాగా వస్తాయంటేనే టీవీ షోలు చేయాలన్నది తన ఆలోచన అని.. అయితే సినిమాలు చేసేటప్పుడు మాత్రం డబ్బు గురించి ఆలోచించేది లేదని చెప్పాడు. వాణిజ్య ప్రకటనలు ఎలా చేస్తామో టీవీ షోలు కూడా అలాగే చేస్తానని స్పష్టం చేశాడు.
 
 గతంలో 'తోల్ మోల్ కే బోల్' 'డీల్ యా నో డీల్' లాంటి రియాల్టీ షోలకు హోస్ట్‌గా కూడా మాధవన్ వ్యవహరించాడు. కానీ వాటన్నింటి కంటే, 'రెహనా హై తేరే దిల్ మే', 'రంగ్ దే బసంతి', 'తను వెడ్స్ మను', 'త్రీ ఇడియట్స్' లాంటి సినిమాలతో ఇటు సౌత్, అటు నార్త్ ప్రేక్షకులందరినీ ఆకర్షించాడు. తాజాగా సాలా ఖుద్దూస్ సినిమాలో కోచ్ పాత్ర పోషిస్తున్నాడు. ఇందులో మాధవన్ సరసన కొత్త నటి రితికా సింగ్ నటించింది. రాజ్‌కుమార్ హిరానీ నిర్మాతగా వ్యవహరించిన ఈ సినిమా శుక్రవారం ప్రేక్షకుల ముందుకు రానుంది.


 టాలీవుడ్లో వరుస రీమేక్లతో సూపర్ హిట్లు కొడుతున్న స్టార్ హీరో విక్టరీ వెంకటేష్. వెంకటేష్ కెరీర్లో స్ట్రయిట్ సినిమాలుగా చేసిన వాటికన్నా రీమేక్ సినిమాలే ఎక్కువగా సక్సెస్ సాధించాయి. ముఖ్యంగా తన బాడీలాంగ్వేజ్కు, ఇమేజ్కు తగ్గ కథలు ఏ భాషల్లో వచ్చినా వదిలిపెట్టని వెంకీ, ఇప్పుడు మరో రీమేక్ మీద కన్నేశాడు. ఇప్పటి వరకు సక్సెస్ సాధించిన సినిమాలే, రీమేక్ చేసే ఈ సీనియర్ స్టార్, ఈ సారి మాత్రం ఇంకా రిలీజ్ కూడా కానీ సినిమా మీద దృష్టి పెట్టాడు.
 
 సౌత్ నార్త్ ఇండస్ట్రీలో మంచి  ఫాలోయింగ్ ఉన్న మాధవన్ హీరోగా తెరకెక్కుతున్న స్పోర్ట్స్ డ్రామా సాలాఖద్దూస్. సుధా కొంగర ప్రసాద్ దర్శకత్వంలో తెరకెక్కుతున్న ఈ సినిమా శుక్రవారం ప్రేక్షకుల ముందుకు రానుంది. ఇప్పటికే ఈ సినిమా ప్రీమియర్ చూసిన వెంకీ, తెలుగులో రీమేక్ చేయడానికి ఓకె చెప్పాడట. అంతేకాదు దర్శక నిర్మాతలు ఓకె అంటే ఈ ఏడాదిలో ఆ సినిమాలో నటించడానికి రెడీ అన్నాడట.
 
 తమిళ, హిందీ భాషల్లో తెరకెక్కిన ఈ సినిమాలో మాధవన్ ఓ రిటైర్ట్ బాక్సర్గా కనిపిస్తున్నాడు. మంచి బాక్సర్ను వెతికి పట్టుకొని, తనను ఛాంపియన్గా తయారు చేయటమే సినిమా కథ. మంచి కథా కథనాలతో పాటు సినిమాటిక్ డ్రామా కూడా కావాల్సినంత ఉండటంతో ఈ సినిమా తెలుగులో కూడా మంచి విజయం సాధిస్తుందన్న నమ్మకంతో ఉన్నారు యూనిట్.


 ప్రస్తుతం సౌత్ సినీ రంగంలో టాక్ ఆఫ్ ద ఇండస్ట్రీగా ఉన్న సినిమా 'తనీ ఒరువన్'. తమిళ్లో ఘనవిజయం సాధించిన ఈ సినిమాను ఇతర భాషల్లోనూ రీమేక్ చేయడానికి ప్రయత్నాలు జరుగుతున్నాయి. ఈ సినిమా తెలుగు రీమేక్లో మెగా పవర్ స్టార్ రామ్చరణ్ హీరోగా నటిస్తున్నాడు. ఇప్పటికే రీమేక్ రైట్స్ను సొంతం చేసుకున్న నిర్మాతలు, ప్రస్తుతం నటీనటుల ఎంపికలో బిజీగా ఉన్నారు.
 
 తనీ ఒరువన్ సినిమాలో హీరో పాత్రతో పాటు విలన్ పాత్రకు సమానమైన ప్రాధాన్యం ఉంది. తమిళ్లో అరవింద్ స్వామి చేసిన ఈ పాత్రను తెలుగులో ఎవరితో చేయించాలన్న చర్చ చాలారోజులుగా నడుస్తుంది. యంగ్ హీరో రానా నుంచి సీనియర్ హీరో నాగార్జున వరకు చాలా పేర్లు చర్చకు వచ్చాయి. అయితే ఫైనల్గా లవర్ బాయ్ మాధవన్ ఈ పాత్రకు సెలెక్ట్ అయ్యాడంటూ వార్తలు వినిపించాయి.
 
 అయితే ఈ వార్తలను మాధవన్ ఖండించాడు. ప్రస్తుతం 'సాల ఖదూస్' సినిమాలో నటిస్తున్నఅతడు, తన నెక్ట్స్ ప్రాజెక్ట్ విషయంలో ఎలాంటి నిర్ణయం తీసుకోలేదని ప్రకటించాడు. తను ఓ రీమేక్ సినిమాలో నటిస్తున్నట్టుగా వస్తున్న వార్తలన్ని అవాస్తమని తెలిపాడు. తన అఫీషియల్ ట్విట్టర్ ద్వారా అభిమానులకు తన ఫ్యూచర్ ప్రాజెక్ట్స్ సంబంధించిన విశేషాలను వెల్లడించాడు.
  
 
 Hey Folks.This being a verified site I shall personally tell you about the projects I have signed and doing.The rest are all rumours.
 — Ranganathan Madhavan (@ActorMadhavan) October 23, 2015
 
 I have not signed nor approved any other project in any language. Right now my life is only Saala Khadoos and Irrudhi Suttru.
 — Ranganathan Madhavan (@ActorMadhavan) October 23, 2015


 ఇప్పుడు సౌత్ ఇండస్ట్రీ అంతా 'తనీ ఒరువన్' రీమేక్ వైపే చూస్తోంది. రామ్చరణ్ 'బ్రూస్ లీ' షూటింగ్ పూర్తి చేసి ప్రమోషన్ పనుల్లో బిబీగా ఉన్నాడు. ఈ సినిమా అక్టోబర్ 16న రిలీజ్ అవుతుండటంతో, చెర్రీ నెక్ట్స్ ప్రాజెక్ట్ మీదే అందరి దృష్టి ఉంది. అఫీషియల్ ఎనౌన్స్మెంట్ లేకపోయినా.. చరణ్ నెక్ట్స్ ప్రాజెక్ట్ తమిళ సినిమా 'తనీ ఒరువన్' రీమేక్ అన్న విషయం కన్ఫామ్ అయిపోయింది.
 
 అయితే ఈ సినిమాలో నటించే విలన్ పాత్ర కోసం చాలా రోజులుగా వేట కొనసాగుతున్నా  ఇంత వరకు ఫైనల్ కాలేదు. ముందుగా రానా నటిస్తాడని భావించినా 'బాహుబలి 2' షూటింగ్ ఉండటంతో డ్రాప్ అయ్యాడు. తరువాత నాగార్జున తో చేయించాలని అనుకున్నా.. అది కూడా వర్క్ అవుట్ కాలేదు. ప్రస్తుతం 'సఖీ' ఫేం మాధవన్తో ఈ పాత్ర చేయించాలని ప్లాన్ చేస్తున్నారట చిత్రయూనిట్.
 
 లవర్ బాయ్ ఇమేజ్ ఉన్న అరవింద్ స్వామి చేసిన పాత్రలో అదే ఇమేజ్ ఉన్న మాధవన్ చేస్తే మంచి రెస్పాన్స్ వస్తుందని భావిస్తున్నారు. 'బ్రూస్ లీ' సినిమా రిలీజ్ రోజున చరణ్ నెక్ట్స్ ప్రాజెక్ట్ డిటెయిల్స్లో పాటు కాస్టింగ్ కూడా ఎనౌన్స్ చేసే ఛాన్స్ ఉందని భావిస్తున్నారు.


 నాలుగు వారాల క్రితం విడుదలై బాక్సాఫీస్ వద్ద బంపర్ హిట్టయిన బాలీవుడ్ సినిమా 'తను వెడ్స్ మను రిటర్న్స్' సోమవారం నాటికి దేశీయంగా 145 కోట్ల రూపాయలు వసూలు చేసి అత్యధిక కలెక్షన్లు సాధించిన బాలీవుడ్ సినిమాలలో 12వ స్థానాన్ని సాధించింది. 2011లో వచ్చిన 'తను వెడ్స్ మను' చిత్రానికి సీక్వెల్‌గా కేవలం 31 కోట్ల రూపాయల ఖర్చుతో తీసిన ఈ సినిమాకు ఇంతటి ఆదరణ లభించడం పట్ల చిత్ర నిర్మాతలే ఆశ్యర్యపడుతున్నారు. కంగనా రనౌత్, మాధవన్ నటించిన ఈ చిత్రం..  'దబాంగ్ 2' వసూలు చేసిన 158 కోట్ల రూపాయల మార్కును త్వరలోనే అధిగమిస్తుందని నిర్మాతలు భావిస్తున్నారు.
 
 ఇంతవరకు కలెక్షన్లలో ఆల్‌టైమ్ రికార్డుగా పీకే 339.5 కోట్ల రూపాయలు వసూలు చేయగా, ధూమ్ 3- 280.25 కోట్లు, క్రిష్ 3- 240.5 కోట్లు, కిక్-233 కోట్లు, చెన్నై ఎక్స్‌ప్రెస్-226.7 కోట్లు, హ్యాపీ న్యూ ఇయర్-203.3 కోట్లు, త్రీ ఇడియట్స్-202, ఏక్‌ థా టైగర్-198 కోట్లు, హే జవానీ హై దివానీ-190.5 కోట్లు, బ్యాంగ్ బ్యాంగ్ 181.5 కోట్లు, దబాంగ్ 2-158 కోట్ల కలెక్షన్లు సాధించాయి. తను వెడ్స్ మను రిటర్న్స్ 145 కోట్ల రూపాయల వసూళ్లను సాధించింది.


 హాలీడేస్‌ను కాస్త డిఫరెంట్‌గా న్యూజిలాండ్‌లో ఎంజాయ్ చేద్దామనుకున్న హీరో మాధవన్ మూడ్ ఆఫ్ చేసింది ఓ ఎయిర్‌లైన్ సంస్థ. ఫ్యామిలీతో న్యూజిలాండ్ ఫ్లయిట్ ఎక్కిన ఈ తమిళ తమ్మికి... అందులో వెజిటేరియన్ ఫుడ్ దొరకలేదట. కోపం బుస్సుమని పొంగుకొచ్చినా కంట్రోల్ చేసుకున్న మాధవన్‌కు... ఎయిర్‌లైన్స్ మరో షాకిచ్చింది.
 
 న్యూజిలాండ్‌లో ల్యాండ్ అయిన ఆనందాన్ని అంతలోనే ఆవిరి చేసేసిందట! ఇంతకీ విషయమేమంటే... ఇతగాడి లగేజీ మిస్సయిందట. జాలీ డేస్ కావాల్సిన హాలీ డేస్ ట్రిప్ ఒక్క దెబ్బకు విచారంగా మారిపోయింది. ఇక చేసేది లేక... ఎటూ దిగాం కాబట్టి అక్కడ కొంత షాపింగ్ చేశామని, న్యూజిలాండ్ ప్రజలు మాత్రం అద్భుతమని అదోరకమైన బాధతో ట్వీట్ చేశాడీ హీరో!
  


  ‘తను వెడ్స్ మను’.. హిందీ ప్రేక్షకులకు ఓ మంచి జ్ఞాపకంగా నిలిచిన సినిమా. ఈ సినిమాతో యువతకూ, కుటుంబ ప్రేక్షకులకూ అమితంగా దగ్గరయ్యారు కంగనా. ఇప్పుడీ సినిమా కొనసాగింపుకు రంగం సిద్ధమవుతోంది. సినిమా పేరు ‘తను వెడ్స్ మను రిటర్న్స’. ఆనంద్ ఎల్.రాయ్ దర్శకత్వంలో క్రిషికా లుల్లా ఈ చిత్రాన్ని నిర్మించనున్నారు. ఈ విషయాన్ని క్రిషికా లుల్లా స్వయంగా మీడియాకు వెల్లడించారు. ‘‘ ‘తను వెడ్స్ మను’ బాలీవుడ్‌లో ఓ ట్రెండ్ సెట్టర్. ఈ సినిమాకు సీక్వెల్‌గా అద్భుతమైన స్క్రిప్ట్ సిద్ధం చేశాడు దర్శకుడు ఆనంద్. త్వరలోనే సెట్స్‌కి తీసుకెళ్లనున్నాం. ‘తను వెడ్స్ మను’ కంటే ఓ స్థాయి పైనే ఉంటుందీ సినిమా. త్వరత్వరగా షూటింగ్ పూర్తి చేసి 2015 ప్రథమార్ధం చివర్లో కానీ, ద్వితీయార్ధం మొదట్లోకానీ సినిమాను విడుదల చేస్తాం. కంగనా, మాధవన్‌లే ఇందులో కూడా జంటగా నటిస్తారు’’ అని క్రిషిక తెలిపారు.
  


 నటుడు మాధవన్ తమిళ తెరపై కనిపించి చాలా కాలమైంది. ఆయన్ని మడ్డీ అని ప్రేమగా పిలుచుకునే అభిమానులకు ఇది నిరాశ పరిచే విషయమే. అయితే, అలాంటి అభిమానులను  ఉత్సాహ పరిచే విషయం ఏమిటంటే, మాధవన్ మళ్లీ తెరపైకి రానున్నారు. ఇరుది చుట్రు(చివరి రౌండ్) పేరిట తెరకెక్కనున్న ఈ చిత్రానికి ప్రముఖ దర్శకుడు మణిరత్నం శిష్యురాలు సుధాకౌంగర దర్శకత్వం వహిస్తున్నారు. ఈ  చిత్రంలో మాధవన్ మాజీ బాక్సింగ్ శిక్షకుడిగా నటిస్తున్నారట. ఈ పాత్ర కోసం ఆయన కసరత్తులు చేసి, తన శారీరక భాషను మార్చుకుని నటిస్తున్నారు.  మాధవన్‌కు బాలీవుడ్‌లోను మంచి పేరు ఉన్నందున, ఈ చిత్రాన్ని హిందీలో కూడా ఏక కాలంలో తెరకెక్కిస్తున్నారు. హిందీలో సాల కాడుస్ అనే పేరును నిర్ణయించారట. ఈ ద్విభాషా చిత్రం పస్ట్ లుక్‌ను ఇటీవల యూ ట్యూబ్‌లో విడుదల చేశారు. దీనికి మంచి స్పందన వచ్చిందని చిత్ర యూనిట్ వెల్లడించింది.  చిత్రం టీజర్‌ను ఈ నెల 19న విడుదల చేయనున్నట్టు సమాచారం.
  


 ఏ పాత్ర చేస్తే అందులోకి పరకాయ ప్రవేశం చేయడం మంచి కళాకారుడి లక్షణం. చాక్లెట్‌బోయ్ మాధవన్ ఈ కోవకే చెందుతారు. అందుకు తాజా ఉదాహరణగా త్వరలో ఆయన చేయనున్న ఓ చిత్రం గురించి చెప్పాలి. అమెరికన్ మాజీ బాక్సర్ మొహమ్మద్ అలీ జీవితానికి కొంత కాల్పనికత జోడించి ఈ చిత్రాన్ని రూపొందించనున్నారు. హిందీ, తమిళ భాషల్లో తెరకెక్కనున్న ఈ చిత్రానికి మణిరత్నం దగ్గర దర్శకత్వ శాఖలో చేసిన సుధ కొంగర దర్శకత్వం వహించనున్నారు.
  
   ఇందులో అలీగా మాధవన్ నటించనున్నారు. ఇప్పటివరకు దాదాపు లవర్‌బోయ్ పాత్రలకు పరిమితమైన ఆయన ఈ శక్తిమంతమైన పాత్ర కోసం లాస్ ఏంజిల్స్‌లో కసరత్తులు చేస్తున్నారు. శారీరక దృఢత్వం, బాక్సింగ్‌లో శిక్షణ, ఓ బాక్సర్ శారీరక భాష ఎలా ఉంటుంది? అనే విషయాల్లో శిక్షణ తీసుకుంటున్నారు. ఈ పాత్ర కోసం ఏకంగా 15 కిలోల బరువు తగ్గారు మాధవన్. అది మాత్రమే కాదు... తనను తాను ఓ బాక్సర్‌లా ఊహించుకుంటున్నారట. నడిచే తీరు, ఆలోచనా విధానం అన్నీ ఓ బాక్సర్‌లానే చేస్తున్నానని మాధవన్ పేర్కొన్నారు. ఈ చిత్రానికి ‘లాల్’ అనే టైటిల్‌ను ఖరారు చేశారు.