సాక్షి, హైదరాబాద్‌: పండగా.. పబ్బమూ అని లేకుండా కరోనా విపత్కర పరిస్థితులెదురైనా విధులు నిర్వర్తించి నగర ప్రజల ఆరోగ్యం కోసం పని చేస్తున్న పారిశుద్ధ్య కార్మికులకు పండగల పూటైనా కనీసం గంట ముందు వెళ్లనివ్వకుండా వ్యవహరిస్తున్న అధికారుల తీరును పలువురు తప్పుపడుతున్నారు. నగరంలో ఒక్కరోజు పారిశుద్ధ్య పనులు జరగకున్నా, ప్రజారోగ్యంపై ప్రభావం పడుతుందని జీహెచ్‌ఎంసీ పారిశుద్ధ్య కార్మికులకు సెలవులివ్వడం లేదు. దీంతో పండగలకు సెలవులు పెట్టకుండానే కార్మికులు పని చేస్తున్నారు. ఈ నేపథ్యంలో ప్రజలందరూ పండగలు చేసుకునే సమయంలో వీరికి కనీసం గంటో, రెండు గంటలో నిర్ణీత వ్యవధి కంటే ముందుగా ఇళ్లకు వెళ్లే సదుపాయం కల్పించాలని కార్మిక సంఘాలు చేసిన విజ్ఞప్తి మేరకు అప్పటి కమిషనర్‌ ఆమ్రపాలి మినహాయింపునిచ్చారు. రోజూ మాదిరిగా పనిలోకి వచ్చినప్పుడు, తిరిగి వెళ్లేటప్పుడు రెండు పర్యాయాలు ‘అటెండెన్స్‌’ బదులు ఒక్కసారి వేస్తే చాలు అని మినహాయింపు ఇచ్చారు. అయితే.. వారు చేయాల్సిన పని మొత్తం పూర్తిచేసి త్వరితంగా వెళ్లిపోవచ్చని స్పష్టం చేశారు. ఎవరైనా వీఐపీల కార్యక్రమాలుంటే తప్ప పండగల సందర్భాల్లో ఒకసారి హాజరు చాలునని సర్క్యులర్‌ జారీ చేశారు. దసరా పండగ సందర్భంగా దాన్ని వర్తింపజేశారు. సంక్రాంతికి మాత్రం అధికారులు తమను పూర్తి సమయం వరకు ఉండాల్సిందేనని పట్టుబట్టారని, తమకు మాత్రం కుటుంబాలు ఉండవా.. ఊళ్లకు వెళ్లకున్నా కనీసం ఇంటికి త్వరగా వెళ్లి పనులు చేసుకోవద్దా? అని పలువురు మహిళా కారి్మకులు వాపోయారు. దీనిపై ఓ అధికారి వివరణనిస్తూ, అప్పట్లో మినహాయింపు ఇచ్చినప్పుడు కేవలం దసరాకు మాత్రమే ఇచ్చారని, ముఖ్యమైన పండగలకు అలాంటి మినహాయింపు ఉంటుందని తెలిపినప్పటికీ, ప్రతి పండగకు ముందస్తుగా విజ్ఞప్తి చేసుకోవాలని సూచించారన్నారు. ప్రతి పెద్ద పండగకూ విజ్ఞప్తి చేసుకోవడమేమిటన్నారు. తాము ఎవరికి విజ్ఞప్తి చేసుకోగలమని, ప్రతిసారీ యూనియన్‌ నేతలను ఆశ్రయిస్తే, వారు విజ్ఞప్తి చేయాలా? అని పారిశుద్ధ్య కారి్మకులు ప్రశ్నింస్తున్నారు. ఎప్పుడైనా పనులు చేసేది తామేనని, అయినా చేయాల్సిన పని మొత్తం పూర్తి చేశాకే కదా ఇళ్లకు వెళ్లేది. పనిలేకున్నా పూర్తి సమయం వరకు ఉండాలనడం ఏం న్యాయం అంటున్నారు. ఇప్పటికైనా ఈ అంశంలో ఉన్నతాధికారులు తగిన నిర్ణయం తీసుకొని, భవిష్యత్‌లోనైనా కనీసం పెద్ద పండగలకైనా ఈ వెసులుబాటు కల్పించాలలి కోరుతున్నారు. పారిశుద్ధ్య కారి్మకుల్లో దాదాపు 90 శాతం మహిళలే ఉన్నారని తెలిపారు. చెట్టు చెట్టుకో కథ

పటమట (విజయవాడ తూర్పు): ఊరు కాని ఊరు.. రోజూ 18 గంటలు పారిశుద్ధ్య పని.. ఉండటానికి సరైన వసతి లేదు.. రోడ్ల పక్కనే జీవనం.. అన్నం పెట్టే వారు లేరు.. స్వచ్ఛంద సంస్థలు ఇచ్చే భోజనంతోనే కడుపు నింపుకోవడం.. ఇదీ విజయ­వాడలో వరద అనంతర పారిశుద్ధ్య పనులకు రాష్ట్ర ప్రభుత్వం ఇతర జిల్లాల నుంచి తెప్పించిన కార్మికుల దుస్థితి. మహిళా కార్మికులకు కూడ సరైన వసతి, సౌకర్యాలు కల్పించడంలో ప్రభుత్వం నిర్లక్ష్యంగా వ్యవహరిస్తోంది. దీంతో గంటల తరబడి మురుగు, చెత్తా చెదారంలో పని­చేస్తున్నా కార్మికుల ఆరోగ్యం దెబ్బతింటోంది. ఇప్పటికే 40 మందికి పైగా కార్మికులు అనారోగ్యం బారిన పడ్డారు. అయినా అధికారులు వారి సంరక్షణ గురించి ఆలో­చించడమే లేదు. బుడమేరు వరదకు విజ­యవాడ తూర్పు నియోజక­వర్గంలో 7 డివిజన్లు, సెంట్రల్‌ డివిజన్‌లోని 13, పశ్చిమ నియోజకవర్గంలోని 12 డివిజన్లు మునిగిపోయాయి. ఆ ప్రాంతాల్లోని ఇళ్లు, రోడ్లు, వీధుల్లో పేరుకుపోయిన వందల టన్నుల వ్యర్థాలను తొలగించటానికి రాష్ట్రంలోని అన్ని మున్సిపాలిటీల నుంచి 6,800 మంది పారిశుద్ధ్య కార్మికులను పట్టణాభి­వృద్ధి, మున్సిపల్‌ శాఖ తీసుకొచ్చింది. వీరంతా తొమ్మిది రోజులుగా రేయింబవళ్లు శ్రమిస్తున్నారు. వారితో రోజూ 18 గంటలు పని చేయిస్తున్నారు. వీరికి సరైన వసతి కల్పించలేదు. దీంతో వారంతా రోడ్ల వెంబడి, షాపుల వద్ద గూడు ఏర్పాటు చేసు­కుంటున్నారు.ఓవైపు వర్షం, మరోవైపు చలిలో కనీస నిద్ర కూడా లేక కార్మికులు తల్లడిల్లుతున్నారు. మురుగులో పని చేసే వీరికి చెప్పులు, చెత్త ఎత్తే కనీస పరికరాలు కూడా ఇవ్వడంలేదు. సరైన ఆహారాన్ని అందించడం లేదు. ఇదేమని అడిగితే సూపర్‌వైజర్లు కసురుకుంటున్నారు. దీంతో స్వచ్చంద సంస్థలు ఏర్పాటు చేస్తున్న ఆహార శిబిరాల వద్ద ఆకలి తీర్చుకుంటున్నారు. ఈ క్రమంలో తిరుపతి, కర్నూలు, శ్రీకాకుళం, ఉభయ గోదావరి జిల్లాల నుంచి వచ్చిన 40 మంది కార్మికులు అస్వస్థతకు గురయ్యారు. వారికి వైద్యం చేయించకుండానే అధికారులు వారిని స్వస్థలాలకు పంపించారు.మమ్మల్ని పట్టించుకోవటం లేదురేయింబవళ్లు పనిచేస్తున్నాం. ఇళ్ల నుంచి వచ్చే చెత్తనంతా ట్రాక్టర్లు, లారీల్లో ఎత్తుతున్నాం. బురద నీరు శరీరమంతా పడుతుంది. దురదలు వస్తున్నాయి. కాళ్లు పాశాయి. మా సమస్యలను చెప్పుకుందామంటే అధికారులు వినే పరిస్థితి లేదు. ఎంతసేపైనా పని చేయాలని ఆదేశిస్తున్నారే కానీ మా సమస్యలను పట్టించుకోవటంలేదు. మా ఆరోగ్యం, కుటుంబాల గురించి కూడా పట్టించుకోవాలి.– శేఖర్, ఆదోని మున్సిపాలిటీ కార్మికుడు

రాష్ట్ర ప్రభుత్వ తీరుపై చిరుద్యోగులు కన్నెర్ర చేశారు. వివిధ ప్రభుత్వ శాఖలకు చెందిన స్కీమ్‌ వర్కర్లు, కారి్మకులు రాష్ట్రంలోని అన్ని జిల్లా కేంద్రాల్లో కదం తొక్కారు. చిరుద్యోగులపై అధికార పార్టీ నాయకుల వేధింపులను తక్షణమే మానుకోవాలని, బలవంతంగా తొలగించిన ఉద్యోగులను వెంటనే విధుల్లో చేర్చుకోవాలనే నినాదాలు ఎక్కడికక్కడ మార్మోగాయి. వారి ఆందోళనలతో రాష్ట్రం అట్టుడికింది.సాక్షి నెట్‌వర్క్‌: బలవంతపు తొలగింపులు, రాజకీయ వేధింపులకు నిరసనగా ఐకేపీ, వీఓఏలు, మధ్యాహ్న భోజన పథకం, పారిశుధ్య కార్మికులు, ఉపాధి హామీ ఫీల్డ్‌ అసిస్టెంట్‌లు, అంగన్‌వాడీ, ఆశా వర్కర్లతోపాటు వివిధ రంగాలకు చెందిన చిరుద్యోగులు రాష్ట్రవ్యాప్తంగా సోమవారం ధర్నాలు నిర్వహించారు. చిరుద్యోగులపై అధికార పార్టీ నాయకుల వేధింపులను తక్షణమే మానుకోవాలని, బలవంతంగా తొలగించిన ఉద్యోగులను వెంటనే విధుల్లో చేర్చుకోవాలని డిమాండ్‌ చేశారు. ఎనీ్టఆర్‌ జిల్లాలో చిరుద్యోగుల తొలగింపు, రాజకీయ వేధింపులు నిలిపివేయాలని కోరుతూ విజయవాడలో సోమవారం ధర్నా జరిగింది. ప్రభుత్వ విభాగాలకు చెందిన చిరుద్యోగులు పెద్దఎత్తున తరలివచ్చారు.చిరుద్యోగుల తొలగింపు, రాజకీయ వేధింపులు ఆపకపోతే ఉద్యమం తీవ్రతరం చేస్తామని హెచ్చరించారు. అనంతరం డీఆర్వోకు డిమాండ్లతో కూడిన వినతి పత్రం అందజేశారు. బాపట్ల కలెక్టరేట్‌ ఎదుట ప్రభుత్వ శాఖల్లోని చిరుద్యోగులు ధర్నా చేపట్టారు. స్కీమ్‌ వర్కర్లు, చిరుద్యోగులపై రాజకీయ వేధింపులు, అక్రమ తొలగింపులు ఆపకపోతే ఉద్యమిస్తామని ప్రభుత్వాన్ని హెచ్చరించారు. శ్రీసత్యసాయి జిల్లాకు చెందిన చిరుద్యోగులంతా పుట్టపర్తి చేరుకుని అధికార పార్టీ నాయకుల వేధింపులకు నిరసనగా కదం తొక్కారు. అనంతరం కలెక్టరేట్‌కు చేరుకుని ధర్నా నిర్వహించారు. ఓడీచెరువు మండలం వీరప్పగారిపల్లి అంగన్‌వాడీ కార్యకర్త నాగమణి ఆత్మహత్యాయత్నం, మరో కార్యకర్త సుహాసినిపై దాడికి కారణమైన టీడీపీ కార్యకర్త ఆంజనేయులు కుటుంబంపై ఎటువంటి చర్యలు తీసుకోకపోవడం దారుణమని నినదించారు. ఖాళీ ప్లేట్లతో నిరసన అంబేడ్కర్‌ కోనసీమ జిల్లాలోని వివిధ సంఘాల ఆధ్వర్యంలో చిరుద్యోగులు ధర్నాలు నిర్వహించారు. ఉపాధి హామీ ఫీల్డ్‌ అసిస్టెంట్ల తొలగింపును నిరసిస్తూ.. చేసిన పనులకు వేతనాలు చెల్లించాలంటూ ఖాళీ ప్లేట్లతో ఉపాధి కూలీలు అమలాపురంలోని కలెక్టరేట్‌ వద్ద నిరసన తెలిపారు. స్కీమ్‌ వర్కర్లు, కాంట్రాక్ట్‌ అండ్‌ ఔట్‌ సోర్సింగ్‌ ఉద్యోగులు పెద్దఎత్తున పాల్గొన్నారు. విధుల నుంచి తొలగించిన ఉద్యోగులను తిరిగి తీసుకోవాలని డిమాండ్‌ చేశారు.స్కీమ్‌ వర్కర్లు, చిరుద్యోగులపై రాజకీయ వేధింపులు, అక్రమ తొలగింపులు తక్షణం నిలుపుదల చేయాలని, ఏ ఒక్క ఉద్యోగినీ తొలగించరాదని డిమాండ్‌ చేస్తూ తూర్పు గోదావరి జిల్లా రాజమహేంద్రవరంలోని కలెక్టరేట్‌ వద్ద ఆందోళన చేశారు. కాకినాడలో అంగన్‌వాడీ, ఆశా, మధ్యాహ్న భోజన వర్కర్లు, యానిమేటర్లు, ఫీల్డ్‌ అసిస్టెంట్లపై కూటమి నేతల రాజకీయ వేధింపులను నిరసిస్తూ భారీ ర్యాలీ నిర్వహించి కలెక్టరేట్‌ వద్ద ధర్నా నిర్వహించారు. పార్వతీపురంలోని కలెక్టరేట్‌ ఎదుట చిరుద్యోగులు ధర్నా చేపట్టారు. అంతకుముందు పట్టణంలో ర్యాలీ నిర్వ­హించి స్కీమ్‌ వర్కర్లపై రాజకీయ వేధింపులు ఆపాలంటూ నినాదాలు చేశారు. మా ఉద్యోగం మమ్మల్ని చేసుకోనివ్వండి ‘మా ఉద్యోగం మమ్మల్ని చేసుకోనివ్వండి.. మాకు రాజకీయ మరకలు పూయకండి’ అంటూ చిరుద్యోగులు తిరుపతి కలెక్టరేట్‌ ఎదుట ధర్నా నిర్వహించారు. తమ పొట్టగొడితే ఊరుకునేది లేదని హెచ్చరించారు. చిరుద్యోగులను తొలగిస్తున్న ప్రభుత్వ తీరును నిరసిస్తూ ప్రకాశం జిల్లాకు చెందిన ఆశా వర్కర్లు, మధ్యాహ్న భోజన పథకం కార్మికులు, వీఓఏలు, అంగన్‌వాడీ హెల్పర్లు ఒంగోలులో కదం తొక్కారు. లేనిపోని కారణాలు చూపుతూ చిరుద్యోగులను బలవంతంగా తొలగించడం, స్థానిక నాయకులు జోక్యం చేసుకుని వేధింపులకు గురిచేయడం ఆపకపోతే నిరవధిక ఉద్యమాలు చేపడతామని హెచ్చరించారు. అనంతరం కలెక్టరేట్‌కు చేరుకుని భారీ ధర్నా నిర్వహించారు. రాష్ట్రవ్యాప్తంగా జరిగిన ఈ కార్యక్రమాల్లో సీఐటీయూ, ప్రజాసంఘాల నాయకులు పాల్గొని సంఘీభావం ప్రకటించారు.

న్యూఢిల్లీ: మోదీ ప్రమాణ స్వీకారానికి భిన్న వర్గాల ప్రజలు హాజరయ్యారు. ట్రాన్స్‌జెండర్లు, పారిశుధ్య కార్మికులతోపాటు నూతన పార్లమెంట్‌ భవన నిర్మాణంలో పాలుపంచుకున్న కూలీలు సైతం హాజరుకావడం విశేషం. ప్రమాణ స్వీకారం కంటే ముందు ట్రాన్స్‌జెండర్లను కేంద్ర మాజీ మంత్రి వీరేంద్ర కుమార్, పారిశుధ్య కార్మికులను బీజేపీ ఎంపీ గజేంద్రసింగ్‌ షెకావత్‌ ఘనంగా సత్కరించారు. ‘సబ్‌కా సాత్‌ సబ్‌కా విశ్వాస్‌ సబ్‌కా ప్రయాస్‌’ అంటూ ప్రధాని మోదీ ఇచి్చన పిలుపును అందిపుచ్చుకుంటూ ట్రాన్స్‌జెండర్లను సత్కరించినట్లు వీరేంద్ర కుమార్‌ తెలిపారు.

సాక్షి, హైదరాబాద్‌: భారత్‌ రాష్ట్ర సమితి వర్కింగ్‌ ప్రెసిడెంట్, మాజీ మంత్రి కేటీ రామారావు సోమవారం పారిశుధ్య కార్మికులతో కలిసి నూతన సంవత్సర వేడుకలు జరుపుకున్నారు. ఈ సందర్భంగా పార్టీ రాష్ట్ర కార్యాలయం తెలంగాణ భవన్‌లో వారికి ప్రత్యేక విందు ఏర్పాటు చేశారు. కార్మికులతో ముచ్చటిస్తూ సహపంక్తి భోజనం చేశారు. సెల్పిలు దిగారు. కాగా తాము ఎదుర్కొంటున్న సమస్యలను పారిశుధ్య కార్మికులు కేటీఆర్‌ దృష్టికి తీసుకెళ్లారు. ఏళ్ల తరబడి చేస్తున్నా తమకు ఉద్యోగ భద్రత లేదని, పెరుగుతున్న ధరలకు అనుగుణంగా వేతనాలు లేకపోవడంతో కుటుంబ పోషణ భారమవుతోందని చెప్పారు. పీఎఫ్, ఈఎస్‌ఐ వంటి సౌకర్యాలు కలి్పంచడంతో పాటు ఇతర సమస్యలను ప్రభుత్వం దృష్టికి తీసుకెళ్లేందుకు కృషి చేయాలని విజ్ఞప్తి చేశారు. ప్రభుత్వ ఉద్యోగుల తరహాలో తమకూ మెడికల్‌ లీవ్‌ సౌకర్యం ఇచ్చేలా కృషి చేయాలని కోరారు. బీఆర్‌ఎస్‌ ప్రభుత్వ హయాంలో పారిశుధ్య కార్మికులకు మూడు పర్యాయాలు వేతనం పెంచిన విషయాన్ని కేటీఆర్‌ గుర్తు చేశారు. సమస్యలను మేయర్‌ గద్వాల విజయలక్ష్మి ద్వారా ప్రభుత్వం దృష్టికి తీసుకెళ్లి పరిష్కారానికి కృషి చేస్తామని హామీ ఇచ్చారు.  నేతలు, కార్యకర్తల స్వాగతం  నూతన సంవత్సరం సందర్భంగా తెలంగాణ భవన్‌కు వచ్చిన కేటీఆర్‌కు భారీ సంఖ్యలో బీఆర్‌ఎస్‌ నాయకులు, కార్యకర్తలు స్వాగతం పలికారు. ఆయనకు శుభాకాంక్షలు తెలుపుతూ ఫొటోలు, సెల్పిలు దిగారు. సుమారు ఐదు గంటల పాటు తెలంగాణ భవన్‌లో గడిపిన కేటీఆర్‌ కార్యకర్తలను కూడా కలిశారు. శుభాకాంక్షలు తెలిపిన వారిలో మాజీ మంత్రులు సింగిరెడ్డి నిరంజన్‌రెడ్డి, చామకూర మల్లారెడ్డి, తలసాని శ్రీనివాస్‌యాదవ్, ఎమ్మెల్యే బండారి లక్ష్మారెడ్డి తదితరులున్నారు. కార్పొరేషన్ల మాజీ చైర్మన్లు రాజీవ్‌ సాగర్, దూదిమెట్ల బాలరాజుయాదవ్, నగేష్, టీఆర్‌ఎస్వీ నాయకులు శ్రీకాంత్‌ గౌడ్, తుంగ బాలు, కాటం శివ తదితరులు కేటీఆర్‌ను కలిశారు.

సాక్షి, అమరావతి: గ్రామాల్లో ఇంటింటి నుంచి చెత్త సేకరణ చేసే క్లాప్‌ మిత్రలకు (పారిశుధ్య కార్మికులు) వేతన బకాయిలన్నింటినీ వేగంగా చెల్లించే ప్రక్రియ ఇటీవలే మొదలైందని.. అయినా “ఈనాడు’ పత్రిక ఉద్దేశపూర్వకంగా ఓ తప్పుడు భావనతో మంగళవారం “పారిశుధ్య కార్మికులకూ జగన్‌ దెబ్బ’ అంటూ దుష్ప్రచారం చేస్తూ కథనాన్ని ప్రచురించిందని రాష్ట్ర ప్రభుత్వం తప్పు­బట్టింది. నిజానికి.. రాష్ట్ర­వ్యాప్తంగా ఉన్న 43,534 మంది క్లాప్‌మిత్రలకు 2022 అక్టోబరు నుంచి జూన్‌ 2023 మధ్య కాలానికి చెల్లించాల్సిన వేతన బకాయిలకు గాను రూ.84.03 కోట్లు ఇప్పటికే చెల్లించడం జరిగిందని, మరో రూ.141 కోట్ల చెల్లింపు ప్రక్రియ పురోగతిలో ఉందని పంచాయతీరాజ్‌ శాఖ “ఫ్యాక్ట్‌ చెక్‌’ మంగళవారం ఒక ప్రకటనలో పేర్కొంది. ఈ చెల్లింపులకు గాను 2,055 గ్రామ పంచాయతీల్లో వెండర్‌ రిజిస్ట్రేషన్‌ ప్రారంభమైనట్లు పేర్కొంది. ఇక మీదట గ్రామ పంచాయతీల నిధుల నుంచి ఎప్పటికప్పుడు క్లాప్‌మిత్రల వేతనాల చెల్లింపులు చేయడానికి అన్ని చర్యలు తీసుకున్నట్లు తెలిపింది.  ప్రత్యేక డ్యాష్‌బోర్డు ఏర్పాటు.. మరోవైపు.. క్లాప్‌మిత్రల వేతనాల చెల్లింపు విషయంలో ఎప్పటికప్పుడు పర్యవేక్షణ చేసేందుకు వీలుగా ప్రత్యేక డ్యాష్‌బోర్డును ఏర్పాటుచేసినట్లు కూడా ఆ శాఖ వివరించింది. గ్రామాల్లో పారిశుధ్య నిర్వహణలో ప్రభుత్వం నూతన విధానాలను అవలంబిస్తూ.. గ్రామాల్లో ఎక్కడా చెత్తాచెదారం పోగవకుండా పూర్తి పరిశుభ్రంగా ఉంచాలన్న లక్ష్యంగా జగనన్న స్వచ్ఛ సంకల్పం కార్యక్రమాన్ని 2021 అక్టోబరు 2న ప్రారంభించిందని.. ఆ రోజు నుంచి ప్రతి గ్రామంలోనూ ఉ.6గంటల నుంచి క్లాప్‌మిత్రల ద్వారా ఇంటింటి నుంచి చెత్త సేకరణ కొనసాగుతోందని తెలిపింది.  ఇందుకోసం రాష్ట్రంలో మొత్తం 43,534 మంది పనిచేస్తున్నట్లు పేర్కొంది. ఈ ప్రక్రియలో.. గ్రామ పంచాయతీలకు 32,777 చెత్త తరలించే రిక్షాలు, 1,004 టిప్పర్లను ప్రభుత్వం ఇప్పటికే సమకూర్చినట్లు పంచాయతీరాజ్‌శాఖ వివరించింది. అలాగే, ప్రతినెలా క్లాప్‌మిత్రల వేతనాల చెల్లింపు కోసమే ప్రభుత్వం రూ.27 కోట్లు ఖర్చుచేస్తోందని తెలిపింది.

మలప్పురం: లాటరీ టికెట్‌ కొనేందుకు నానా హైరానా పడిన ఈ మహిళలు ఎన్నడూ ఊహించని విధంగా జాక్‌పాట్‌ కొట్టేశారు. కేరళ లాటరీ విభాగం ప్రకటించిన వర్షాకాల ఫలితాల్లో వీరు కొనుగోలు చేసిన టికెట్‌ ఒకటీ రెండూ కాదు..ఏకంగా రూ.10 కోట్లు గెలుచుకుంది. కేరళలోని పరప్పనంగడి మున్సిపల్‌ కొర్పొరేషన్‌లో ఇంటింటికీ తిరిగి సేకరించిన చెత్త నుంచి ‘హరిత కర్మ సేన’కు చెందిన 11 మంది మహిళా సభ్యులు ప్లాస్టిక్‌ వ్యర్థాలను వేరు చేస్తుంటారు. వీరు తలా రూ.25 కంటే తక్కువగా పోగేయగా జమయిన రూ.250 పెట్టి ఇటీవల కేరళ లాటరీ టికెట్‌ కొనుగోలు చేశారు. బుధవారం ప్రకటించిన ఫలితాల్లో హరిత కర్మ సేన కొనుగోలు చేసిన టికెట్‌ రూ.10 కోట్ల జాక్‌పాట్‌ వరించింది. దీంతో, వీరి ఆనందానికి అవధుల్లేకుండా పోయాయి. గత ఏడాది కూడా ఓనమ్‌ పండుగ సందర్భంగా తలాకొంత పోగేసి కొన్న టికెట్‌కు రూ.7,500 రాగా అందరం సమానంగా పంచుకున్నామని చెప్పారు. అదే ధైర్యంతో ఈసారి కొన్న టికెట్‌కు ఏకంగా రూ.10 కోట్లు వస్తాయని ఊహించలేదన్నారు. ఈ డబ్బును అందరం సమంగా పంచుకుంటామని తెలిపారు. అప్పులు తీర్చుకుని, పిల్లల పెళ్లిళ్లు చేస్తామని, కుటుంబసభ్యులకు అవసరమైన వైద్యం చేయించుకుంటామని చెబుతున్నారు. వీరి నెలవారీ వేతనం రూ.7,500–రూ.14,000 వరకు ఉంది. 

కొచ్చిన్: కేరళలోని 11 మంది మహిళా పారిశుద్ధ్య కార్మికులు ఒక్కసారిగా కోటీశ్వరులయ్యారు. అందరూ కలిసి చందాలు వేసి కొనుక్కున్న లాటరీ  టికెట్‌కు ఏకంగా రూ.10 కోట్ల బంపర్ లాటరీ గెలుచుకుంది. రాత్రికి రాత్రే అంత పెద్ద మొత్తంలో నడమంత్రపుసిరి సొంతం కావడంతో వారంతా ఈ నిజాన్ని నమ్మలేకపోతున్నారు.     కేరళ ప్రభుత్వం 2023 వర్షాకాలం బంపర్ లాటరీ టికెట్ కొనడం కోసం 11 మంది మహిళా పారిశుధ్య కార్మికులు తలా కొంచెం చందాలు వేసుకున్నారు. పరప్పనంగడి మునిసిపాలిటీలోని హరిత కర్మ సేనకు చెందిన వీరందరివి అత్యంత నిరుపేద కుటుంబాలు. చందాలు పోగు చేసే సమయానికి వారిలో కొందరి వద్ద కనీసం రూ. 25 కూడా లేవు. అలాంటి పరిస్థితుల్లో చేతిలో ఎంత ఉంటే అంత పెట్టి ఎలాగోలా రూ. 250 పోగుచేసి బంపర్ లాటరీ టికెట్టు కొన్నారు. వారు కష్టపడి కొన్న అదే టికెట్‌కు రూ.10 కోట్లు బహుమతి లభించిందని తెలియగానే వారంతా సంతోషంతో ఉబ్బితబ్బిబ్బవుతున్నారు.  వారిలో ఒకామె మాట్లాడుతూ..  నేను ఇంకా షాక్‌లోనే ఉన్నాను. నేను దీన్ని నమ్మలేకపోతున్నాను. మేము మరికొంతమందిని అడిగి దీన్ని నిర్ధారించుకోవాలి. మేమంతా చాలా నిరుపేద కుటుంబాల నుండి వచ్చినవారమే. మాలో చాలామందికి పెద్ద మొత్తంలో  అప్పులున్నాయి. నాకే రూ.3 లక్షలు అప్పు ఉంది. ఇందులో నా వాటా డబ్బులతో అప్పులన్నీ తీర్చేస్తాను. డబ్బు సరైన సమయానికి చేతికందిందని అనుకుంటున్నానంది.  ఇక హరిత కర్మ సేన కోఆర్డినేటర్ వారి సిబ్బందిలో కొంతమంది లాటరీ గెలవడంపై ఆశ్చర్యాన్ని వ్యక్తం చేశారు. వారంతా తమ  జీవనాన్ని సాఫిగా గడపడం కోసం ఏంతో కష్టపడేవారు. వారు సాధారణంగా ప్రతి ఇల్లు తిరిగి చెత్తను సేకరిస్తూ ఉంటారు. వారి నెల జీతం కూడా రూ. 8000 నుండి రూ. 15000 మాత్రమేనని అన్నారు. ఈ లాటరీలో వారి జీవితాలు మారిపోయినట్లేనని సంతోషాన్ని వ్యక్తం చేశారు.  ఈ 11 మంది పారిశుద్ధ్య కార్మికులు గత నాలుగేళ్లుగా ఈ బంపర్ కాటరీ టికెట్ కొంటుండగా గతంలో ఒకసారి వీరికి ఓనమ్ బంపర్ లాటరీలో రూ. 1000 బహుమతి లభించగా ఈ సారి మాత్రం ఏనుగు కుంభస్థలాన్ని కొల్లగొట్టారు.  ఇది కూడా చదవండి: వందే భారత్ ఎక్స్ ప్రెస్.. ఆహారంలో స్పెషల్ ఐటెం.. 

ఉపాయాలు  ఊరకే రావు. గట్టిగా ఆలోచిస్తేనే వస్తాయి. ఈ నలుగురు కుర్రాళ్లు అలాగే ఆలోచించారు. శానిటేషన్, హెల్త్‌కేర్, కెమికల్‌ ఇండస్ట్రీ, ఆయిల్‌ అండ్‌ గ్యాస్‌ సెక్టార్‌లకు ఉపయోగపడే రోబోటిక్స్‌కు రూపకల్పన చేశారు. శాస్త్రానికి సామాజిక ధర్మం జోడించి ‘జెన్‌ రోబోటిక్స్‌’తో ఘన విజయం సాధించారు.. సెప్టిక్‌ ట్యాంకులు శుభ్రం చేసే క్రమంలో ఎంతోమంది అమాయకులు బలైతున్నారు. ప్రకటిత గణాంకాల కంటే మృతుల సంఖ్య ఎక్కువగా ఉంటుందని సఫాయి కర్మాచారి ఆందోళన (ఎస్‌కేఎ) అనే స్వచ్ఛంద సంస్థ చెబుతోంది. మాన్యువల్‌ స్కావేంజింగ్‌ను నిషేధించాలని ఆ సంస్థ డిమాండ్‌ చేస్తుంది. కేరళలో ముగ్గురు స్కావెంజర్లు చనిపోయిన  విషాదం ఇంజనీరింగ్‌ చేస్తున్న అరుణ్‌ జార్జ్, నిఖిల్‌ ఎన్‌పీ, రషీద్‌ కె, విమల్‌ గోవింద్‌ ఎంకేలను బాగా కదిలించింది. ‘ఈ సమస్యకు పరిష్కారం కనుక్కోవాలి’ అని గట్టిగా అనుకున్నారు. మలప్పురం(కేరళ) జిల్లాలోని కుట్టిపురం ఎంఈఎస్‌ ఇంజనీరింగ్‌ కాలేజీలో చదువుకునే రోజుల్లో ‘రోబోటిక్‌ స్కావెంజర్‌’ ఆలోచన చేశారు. మొదట కాలేజీ ప్రాజెక్ట్‌గా ఆ ఆలోచనను పట్టాలెక్కించారు. చదువులు పూర్తైతే ఉద్యోగాల కోసం కార్పొరేట్‌ ప్రపంచంలోకి అడుగు పెట్టాక కూడా వారిని ‘రోబోటిక్‌ స్కావెంజర్‌’ ఆలోచన వదల్లేదు. దీంతో ఉద్యోగాలు వదులు కొని ‘జెన్‌ రోబోటిక్స్‌’ అనే స్టార్టప్‌ మొదలుపెట్టారు. రోబోటిక్‌ స్కావెంజర్‌ ‘బ్యాండికూట్‌’తో ఈ స్టార్టప్‌ ప్రస్థానం మొదలైంది. 50 కిలోల బరువు ఉండే ‘బ్యాండికూట్‌’ రిమోట్‌–కంట్రోల్డ్‌ రోబోట్‌. 360 డిగ్రీల మోషన్స్‌లో పనిచేస్తుంది. సింగిల్‌ షిఫ్ట్‌లో పది నుంచి పన్నెండు మురుగు కాలువలను శుభ్రపరుస్తుంది. ఒక్కొక్క మురుగు కాలువను, మ్యాన్‌హోల్‌ను శుభ్రం చేయడానికి 30 నుంచి 40 నిమిషాల సమయం పడుతుంది. స్కై స్క్రాపర్స్‌కు సంబంధించిన గ్లాస్‌ ఫేసాడ్‌లను శుభ్రం చేసే ‘జీ–బిటల్‌’ రోబోట్‌ కూడా మెగా హిట్‌ అయింది. ఇక ‘వెల్‌బోర్‌’ అనేది ఆయిల్‌ అండ్‌ గ్యాస్, కెమికల్‌ ఇండస్ట్రీలకు సంబంధించిన పెద్ద ట్యాంకులను శుభ్రపరుస్తుంది. ‘బ్యాండికూట్‌’తో మొదలైన జెన్‌ రోబోటిక్స్‌ ప్రయాణం హెల్త్‌కేర్, కెమికల్‌ ఇండస్ట్రీ, ఆయిల్‌ అండ్‌ గ్యాస్‌ సెక్టార్‌... మొదలైన వాటికి విస్తరించింది. ‘శానిటేషన్‌కు సంబంధించి పరిష్కరించుకోవాల్సిన పెద్ద సమస్యలు ఎన్నో ఉన్నాయి. వాటిపై దృష్టి పెడుతున్నాం’ అంటున్నాడు కో–ఫౌండర్స్‌లో ఒకరైన విమల్‌. ‘మరి ఈ యంత్రాల వల్ల కార్మికుల ఉపాధి దెబ్బతింటుంది కదా?’ అనే సందేహం అందరికీ వస్తుంది.దీన్ని దృష్టిలో పెట్టుకొని కార్మికులు సులభంగా ఆపరేట్‌ చేసేలా ఈ యంత్రాలను రూపొందించారు. మూడు వేల మందికి పైగా కార్మికులు ఈ యంత్రాల ద్వారా ఉపాధి పొందుతున్నారు. పారిశుద్ధ్య పనుల్లో మార్పు తీసుకురావడానికి సేఫ్టీ అండ్‌ డిగ్నిటీ నినాదంతో సాంకేతికతను ఉపయోగించుకుంటున్నాం. పారిశుద్ధ్య కార్మికులకు ఉపయోగపడే కొత్త ఆవిష్కరణలు చేయాలనుకుంటాం’ అంటున్నాడు ఫౌండర్స్‌లో ఒకరైన విమల్‌ గోవింద్‌. తిరువనంతపురం కేంద్రంగా మొదలైన ‘జెన్‌ రోబోటిక్స్‌’ పదిహేడు రాష్ట్రాలు, కేంద్రపాలిత ప్రాంతాల్లో  పనిచేస్తోంది. బ్రిటన్, ఇండోనేషియ, మలేషియాలతో ఇటు ఆఫ్రికన్‌ దేశాలకు విస్తరించింది. ‘ఈ యువ బృందం ప్యాషన్, సామాజిక దృష్టి మమ్మల్ని ఆకట్టుకుంది’ అంటున్నాడు ‘జెన్‌ రోబోటిక్స్‌’ ఇన్వెస్టర్‌ ‘యూనికార్న్‌ ఇండియా వెంచర్స్‌’ ఫౌండర్, మెనేజింగ్‌ పాట్నర్‌ అనీల్‌ జోషి.

సాక్షి, హైదరాబాద్‌: అంతర్జాతీయ కార్మిక దినోత్సవం మేడే రోజున పారిశుధ్య కార్మికులకు సీఎం కేసీఆర్‌ సర్కార్‌ శుభవార్త చెప్పింది. పారిశుధ్య కార్మికుల జీతం రూ.వెయ్యి పెంచాలని ప్రభుత్వం నిర్ణయించింది. పారిశుద్ధ్య కార్మికులందరికీ నెల నెలా అందే జీతంతోపాటు పెరిగిన రూ.1000 కూడా అందుతుందని సీఎం తెలిపారు. తక్షణమే ఈ పెంపు అమలులోకి రానుంది. రాష్ట్రవ్యాప్తంగా ఉన్న 1,06,474 మంది కార్మికులకు లబ్ధి చేకూరనుంది. జీహెచ్‌ఎంసీ, మెట్రో వాటర్ వర్క్స్‌తో పాటు రాష్ట్రంలోని మున్సిపల్ కార్పోరేషన్లు, మున్సిపాల్టీలు, గ్రామ పంచాయతీల్లో పని చేస్తూ ప్రస్తుతం జీతం అందుకుంటున్న  పారిశుధ్య కార్మికుల వేతనాలు పెరగనున్నాయి. సీఎం కేసీఆర్‌ నిర్ణయంపై పారిశుధ్య కార్మికులు హర్షం వ్యక్తం చేస్తున్నారు. మరోవైపు ఆర్టీసీ కార్మికుల జీతాలను సైతం పెంచాలని సీఎం కేసీఆర్‌ నిర్ణయించారు. వేతనాల పెంపునకు చర్యలు తీసుకోవాలని సీఎం కేసీఆర్‌ ఆర్థికశాఖను ఆదేశించారు. చదవండి: Video: కొత్త సచివాలయానికి రేవంత్ రెడ్డి.. అడ్డుకున్న పోలీసులు పాలమూరు -రంగారెడ్డి పథకంపై సమీక్ష కాగా, కొత్తగా నిర్మించిన సచివాలయంలో తొలిసారి సీఎం కేసీఆర్‌ పాలమూరు -రంగారెడ్డి ఎత్తిపోతల పథకంపై ఉన్నతస్థాయి సమీక్ష నిర్వహించారు. సుప్రీంకోర్టు పాలమూరు రంగారెడ్డి ప్రాజెక్టులో తాగునీటి పనులను కొనసాగించేందుకు అనుమతి ఇచ్చిన నేపథ్యంలో ఉమ్మడి మహబూబ్ నగర్, రంగారెడ్డి జిల్లాల్లో తాగునీటి సరఫరాకు సంబంధించిన పనుల పురోగతిపై సీఎం చర్చించారు. జులై వరకు కరివెన జలాశయంకు నీళ్లు తరలించాలని, ఆగస్ట్ వరకు ఉద్దండాపూర్ వరకు నీటిని ఎత్తిపోయాలని సీఎం అధికారులకు ఆదేశాలు జారీ చేశారు. నార్లపూర్, ఏదుల, వట్టెం, కరివెన, ఉద్దండాపూర్ జలాశయాల మిగిలిపోయిన పనులను త్వరితగతిన పూర్తి చేయాలని.. పంప్‌హౌస్‌లు, విద్యుత్ సబ్ స్టేషన్లు, కన్వేయర్ సిస్టమ్‌లోని పెండింగ్‌ పనులను పూర్తి చేయాలని అధికారులను ఆదేశించారు. పాలమూరు జిల్లాలో ఉన్న కల్వకుర్తి, నెట్టెంపాడు, భీమా, కోయిల్ సాగర్ పనులకు సంబంధించిన పురోగతిపై సమీక్షించారు. మిగిలిన కొద్దిపాటి పనులను ఈ జూన్ లోగా పూర్తి చేయాలని అధికారులను సీఎం సూచించారు. ఇళ్ల క్రమబద్ధీకరణ గడువు పొడిగింపు! హైదరాబాద్‌-సికింద్రాబాద్‌ జంట నగరాల పరిధిలోని మున్సిపాలిటీ పరిధిలోని పేదల ఇళ్ల నిర్మాణానికి ఇబ్బందులు లేకుండా.. నిబంధనల మేరకు ఇళ్ల స్థలాలను క్రమబద్ధీకరించి, న్యాయమైన హక్కులను కల్పించినట్లు సీఎం కేసీఆర్‌ స్పష్టం చేశారు. ఈ మేరకు నోటరీ స్థలాలను జీవో 58-59 ప్రకారం క్రమబద్ధీకరించుకునేందుకు మరో నెల రోజులు గడువు పొడిగిస్తున్నట్లు ప్రకటించారు.  చదవండి: ఎమ్మెల్సీ కవితపై కీలక అభియోగాలు మోపిన ఈడీ.. తెరపైకి భర్త అనిల్ పేరు..

భారతదేశంలో ప్రజాస్వామ్య విలువలు దారుణంగా పతనమయ్యాయని స్వీడన్‌ యూనివర్సిటీ అనుబంధ సంస్థ ‘వి–డెమ్‌’ వెల్లడించింది. పాత్రికేయుల మీద వేధింపుల సంఖ్య పెరిగిందని కూడా నమోదు చేసింది. పారిశుద్ధ్య కార్మికులకు సరైన రక్షణ కవచాలు లేక వారు ప్రాణాలు విడుస్తున్న ఉదాహరణలను చూస్తూనే వున్నాం. విష వాయు మాళిగల్లోకి వారిని ‘తోసి’ ప్రాణాలు తీసే పరిస్థితి ప్రపంచంలో ఎక్కడా చూడం. ఇలాంటి పరిస్థితుల్లో పండుగలు, పబ్బాలు కూడా పేద వర్గాల జీవితాల్లో నామమాత్రం అయిపోయాయి. ఇన్ని సమస్యలు దేశంలో ఉండగా, పాలక వ్యవస్థను ప్రజావసరాలు తీర్చడానికి వినియోగించేందుకు నడుం బిగించడం మానేసి న్యాయ వ్యవస్థను తటస్థం చేసేందుకు పాలక పక్షం యత్నిస్తోంది. ‘‘2014 తర్వాత భారతదేశంలో ప్రజా స్వామ్య విలువలు దారుణంగా పతనమై నాయి. ఈ పతన దశ 1975 నాటి ఎమర్జెన్సీ కాలం పరిస్థితుల స్థాయికి 2022లో చేరుకుంది. 2014–2022 మధ్య కాలంలో ఇండియాలో ప్రజాస్వామ్య విలువల పతనం గ్రీస్, బ్రెజిల్, పోలెండ్, ఫిలిప్పీన్స్‌లలో పతన దశకు సమాన స్థాయిలో నమోదయింది.’’ – అమలులో ఉన్న వివిధ రకాల ప్రజాస్వామ్యాల గురించి గోథెన్‌బర్గ్‌ నగరంలోని స్వీడన్‌ యూనివర్సిటీ అనుబంధ సంస్థ ‘వెరైటీస్‌ ఆఫ్‌ డెమోక్రసీ’ (క్లుప్తంగా వి–డెమ్‌) పరిశోధనలో ఈ సత్యాలు వెల్లడ య్యాయి. ‘హిందూ’ పత్రిక ‘డేటా పాయింట్‌’ విశ్లేషకుడు విఘ్నేశ్‌ రాధా కృష్ణన్‌ ఈ వివరాలను పొందుపరిచారు. (20 మార్చ్‌ 2023) ఈ వెల్లడి ఇలా ఉన్న సమయంలోనే బీజేపీ ప్రభుత్వ న్యాయశాఖా మంత్రి కిరణ్‌ రిజిజు ఒక ప్రకటన చేస్తూ (19 మార్చ్‌ 2023)– భారతదేశంలో కొందరు రిటైర్డ్‌ (విశ్రాంత) న్యాయమూర్తులు భారత వ్యతిరేక ముఠాతో చేతులు కలిపి పనిచేస్తున్నారనీ, వీరు భారత న్యాయ వ్యవస్థ ప్రతిపక్ష పార్టీ పాత్ర వహించాలని చూస్తున్నారనీ ఆరోపించారు. ఇది చెల్లుబాటు కాదని కూడా అన్నారు. ‘ఇది మంత్రి బెదిరింపు’ అని కాంగ్రెస్‌ నాయకుడు జైరామ్‌ రమేశ్‌ ఖండించారు! ఆట్టే చూస్తుంటే ఈ పరస్పర ఆరోపణలు, ప్రత్యారోపణల తంతు ఎలా ఉందంటే, ‘అభిరుచి భేదాల’ గురించి రష్యన్‌ మహాకవి మయ కోవస్కీ చెప్పిన వ్యంగ్య రచన గుర్తుకొస్తోంది: వెనకటికొక ‘‘గుర్రం ఒంటె వైపు చూపు సారించి అరిచింది, ఛీ! ఇది సంకర జాతికి చెందిన గుర్రం’ అని. ఒంటె (తాను మాత్రం తక్కువ తిన్నానా అనుకుని) అన్నది కదా ‘నువ్వు గుర్రానివి కావు చిన్న సైజు ఒంటెవి అంతే అనుకో’ అని! కానీ అసలు సంగతి ఆ దేవునికే తెలుసు! విశాల నక్షత్ర వీధుల్లో ఆ విశ్వ ప్రభువుకి, ఈ రెండూ రెండు విభిన్న జాతులకి చెందిన మృగాలని తెలుసు’’! భారత లౌకిక రాజ్యాంగం గుర్తించి రూపొందించిన వాక్, సభా స్వాతంత్య్రం లాంటి ప్రాథమిక హక్కులను నర్మగర్భంగా అణచివేసే పద్ధతుల్ని ఏ పాలకులు అనుసరిస్తున్నా, కనీస ప్రజాస్వామ్య విలు వల్ని రకరకాల ‘మిష’ చాటు చేసుకుని గౌరవించని దశలోనే ఇలా ‘అభిరుచిలో భేదాలు’ బాహాటంగా చోటు చేసుకుంటాయని మరచి పోరాదు! అంతేగాదు, 2014–2022 మధ్య కాలంలో దేశంలో పెక్కు మంది పాత్రికేయుల మీద వేధింపుల సంఖ్య కూడా పెరిగిందని ‘వి–డెమ్‌’ సంస్థ నమోదు చేసింది. పశువులకు మేత లేక తిండి కరవుతో చస్తున్నా, ‘మతం’ పేరిట ముస్లిం యువకుల్నీ, వారి కుటుంబాలనూ వేధిస్తున్న ఘటనలకు అసాధారణ చొరవ చూపారు ఉత్తర ప్రదేశ్‌ పాలకులు. ‘గోరక్షణ’ పేరిట పలుచోట్ల జరిగిన దారుణమైన దాడులు సామాజిక అశాంతికి దారి తీశాయి. ఇలాంటి ఎన్నో ఘటన లను ‘హిందూ’ పత్రిక అనుబంధ విశిష్ట పక్ష పత్రిక ‘ఫ్రంట్‌లైన్‌’ (మార్చి 10, 2023) నమోదు చేసింది.  ఇదిలా ఉండగా– చివరికి పారిశుద్ధ్య కార్మికులకు సరైన రక్షణ కవచాలు లేక అనేక సీవేజ్‌ గుంటల్లో ప్రాణాలు విడుస్తున్న ఉదా హరణలను పేర్కొంటూ సుప్రీంకోర్టు చలించిపోయింది. దుర్గంధపూరిత విష వాయువుల మధ్య చనిపోతున్న పారిశుధ్య కార్మికుల పరిస్థితులను ప్రస్తావించి, ఇలా ‘విష వాయు మాళిగ (గ్యాస్‌చాంబర్స్‌)ల్లోకి తోసి ప్రాణాలు తీసే పరిస్థితి ప్రపంచంలో ఎక్కడా చూడ బోమని’ (2019లో) వ్యాఖ్యానించింది! పారిశుద్ధ్య కార్మికుల ఉద్యమ నాయకుడు బెజవాడ విల్సన్‌ దేశంలో వీరి పరిస్థితి ఎందుకు మెరుగవటం లేదో కారణాలు వివరంగా పేర్కొన్నారు: ‘‘కుల వ్యవస్థ దేశంలో బలంగా ఉన్నందున, ఈ కార్మికుల ఆరోగ్య పరిస్థితుల్ని పట్టించుకోవడం లేదు. పాలకులు రాజ్యాంగ విధుల్ని పాటించడం మానేశారు. దేశంలో ప్రతి మూడవ రోజున ఒక పారిశుద్ధ్య కార్మికుడు చనిపోతున్నాడు. అయినా వారి రక్షణ గురించిన పల్లెత్తు హామీ లేదు.’ (ఫ్రంట్‌లైన్, 10 మార్చ్‌ 2023)ఇలాంటి పరిస్థితుల్లో చివరికి పండుగలు, పబ్బాలు కూడా పేద వర్గాల జీవితాల్లో నామ మాత్రం అయిపోయాయి. దేవులపల్లి కృష్ణశాస్త్రి ఇలాంటి దీన పరిస్థితుల్ని తలచుకున్నప్పుడల్లా ‘మాకు గాదులు లేవు, ఉగాదులు లేవ’ని పలుమార్లు ఎత్తిపొడుస్తూ వచ్చాడు. చివరికి ‘ఎంత పెద్ద పండుగ’ వచ్చినా పేదసాదలు యథాలాపంగా జరుపుకోవడమేగానీ, వారి బతుకుల్లో నిజమైన వెలుగులు చూడలేక పోతున్నాం! అందుకే శ్రీశ్రీ కూడా ‘పండుగెవరికి? పబ్బమెవరికి?’ అన్న పాటలో సమాధానాలు లేని ప్రశ్నల వర్షం కురిపించాల్సి వచ్చింది: ‘‘పెద్ద పండుగ, పెద్ద పండుగ, పేరు దండగ! పండుగెవరికి, పబ్బమెవరికి? తిండి లేక, దిక్కు లేక దేవులాడే దీన జనులకు పండుగెక్కడ! పబ్బమెక్కడ? ఎండు డొక్కల పుండు రెక్కల బండ బతుకుల బానిసీండ్రకు పండుగేమిటి? పబ్బమేమిటి? ఉండటానికి గూడు లేకా ఎండవానల దేబిరించే హీన జనులకు పేద నరులకు పండుగొకటా? పబ్బమొకటా?’’ ఇన్ని ఈతిబాధలు పేద వర్గాలను నిత్యం వెంటాడుతుండగా– పాలక వ్యవస్థను ప్రజావసరాలు తీర్చడానికి వినియోగించేందుకు నడుం బిగించడం మానేసి న్యాయ వ్యవస్థను తటస్థం చేసేందుకు పాలక పక్షం యత్నిస్తోంది. అఖిల పక్ష– పాలక వర్గ, ప్రతిపక్ష, న్యాయ వ్యవస్థ ప్రతినిధులతో సమాన ఫాయాలో ఏర్పడే క్రియాశీల సంస్థ ఉంటేనే వివక్షకు తావుండదని న్యాయ వ్యవస్థ భావించింది. ఇది ఆచరణలోకి వస్తే పాలక వర్గ ఏకపక్ష నిర్ణయాలూ, ఆటలూ సాగవు. అలాంటి పరిణామానికి ప్రస్తుత క్రియాశీల అత్యున్నత ధర్మాసనం సానుకూలం. కేంద్రం ప్రతికూలం. ఈ వైరుధ్యం, రాజ్యాంగం ఉభయ శాఖలకు నిర్దేశించిన పరిధుల్ని గౌరవించి వ్యవహరించినంత కాలం తలెత్తదు. ఇప్పుడా పరిధిని పాలకులు అతిక్రమించడానికి ఘడియలు లెక్కపెడుతూ కూర్చున్నందుననే ప్రజలకు సమస్యలు ఎదురవుతున్నాయి! ప్రస్తుత పాలకవర్గానికి అసలు భయమంతా – 2024 జనరల్‌ ఎన్నికల వరకే గాక ఆ తరువాత కూడా ప్రస్తుత క్రియాశీల ప్రధాన న్యాయమూర్తి చంద్రచూడ్‌ మరికొంత కాలం పదవిలో ఉండ బోవడమే! ప్రస్తుతం కిరణ్‌ రిజిజు మనోవేదనంతా సుప్రీం చుట్టూనే తిరుగుతోంది! ఏబీకే ప్రసాద్‌ సీనియర్‌ సంపాదకులు  abkprasad2006@yahoo.co.in 

రామచంద్రపురం(కోనసీమ జిల్లా): డాక్టర్‌ బీఆర్‌ అంబేడ్కర్‌ కోనసీమ జిల్లా రామచంద్రపురంలో సంక్రాంతి సంబరాలను పురస్కరించుకుని మున్సిపల్‌ పారిశుద్ధ్య కార్మికుల పాదాలను రాష్ట్ర బీసీ సంక్షేమ శాఖ మంత్రి చెల్లుబోయిన శ్రీనివాస వేణుగోపాలకృష్ణ శనివారం కడిగారు. దుశ్శాలువాలు, పూలమాలలు, నూతన వ్రస్తాలతో ఘనంగా సత్కరించారు. వీరితో పాటు పోలీసులు, వైద్యులను కూడా సన్మానించారు. మున్సిపల్‌ కార్యాల­యం వద్ద జరిగిన ఈ కార్యక్రమంలో మంత్రి మాట్లాడుతూ స్వచ్ఛతకు భోగి, స్వేచ్ఛతకు సంక్రాంతి, సేవకు గుర్తుగా కనుమ పండుగ జరుపుకొంటారని తెలిపారు. చదవండి: పెళ్లయిన ఆ జంటలు.. ఇక ప్రత్యేక కుటుంబాలు

పట్నా: పారిశుద్ధ్య కార్మికురాలిని డిప్యూటీ మేయర్‌ పదవికి ఎన్నుకోవడం ద్వారా బిహార్‌లోని గయ మున్సిపాలిటీ ప్రజలు చరిత్ర సృష్టించారు. చింతాదేవి గత 40 ఏళ్లుగా మున్సిపాలిటీలో స్కావెంజర్‌గా పనిచేస్తున్నారు. ఇటీవల జరిగిన ఎన్నికల్లో ఈమె 16వేల పైచిలుకు ఓట్లతో విజయం సాధించారు. 1996లో కూడా గయ ప్రజలు ముసాహిర్‌ వర్గానికి చెందిన రాళ్లు కొట్టుకునే భగవతీదేవి అనే సాధారణ మహిళను లోక్‌సభకు పంపారు.

వాషింగ్టన్‌: ట్విట్టర్‌ను కొనుగోలు చేసినప్పటి నుంచీ సిబ్బందికి చుక్కులు చూపుతున్న ప్రపంచ కుబేరుడు ఎలాన్‌ మస్క్‌ నిర్వాకాలు మరిన్ని వెలుగులోకి వస్తున్నాయి. ఓవైపు పొదుపు చర్యలకు దిగుతుంటే పారిశుధ్య సిబ్బంది వేతన పెంపుకు డిమాండ్‌ చేయడంతో చిర్రెత్తుకొచ్చి వారందరినీ పీకిపడేశారు. దాంతో సరైన నిర్వహణ లేక బాత్రూములన్నీ భరించలేనంత కంపు కొడుతున్నాయని సిబ్బంది మొత్తుకుంటున్నారు. చివరికి వాటిలో టాయ్‌లెట్‌ పేపర్లకు కూడా దిక్కు లేదట! వాటిని ఇంటి నుంచి తెచ్చుకోవాల్సి వస్తోందని వాపోతున్నట్టు న్యూయార్క్‌ టైమ్స్‌ పేర్కొంది. పలు నగరాల్లోని ట్విట్టర్‌ కార్యాలయాల్లో సెక్యూరిటీ సిబ్బంది కూడా కరువయ్యారట! నిర్వహణ భారం తగ్గించుకునేందుకు ఉద్యోగులందరినీ రెండంతస్తుల్లోనే కుక్కి నాలుగింటిని ఖాళీ చేశారట. సియాటిల్, శాన్‌ఫ్రాన్సిస్కో కార్యాలయ భవనాలకు అద్దె చెల్లించడం కూడా ఆపేశారు. సిబ్బందిని వీలైనంత వరకూ వర్క్‌ ఫ్రం హోం చేయాలని చెబుతున్నారు. ట్విట్టర్‌ సిబ్బందిలో సగం మందిని తీసేయడం తెలిసిందే. టెస్లా, స్పేస్‌ ఎక్స్‌ తదితర సొంత కంపెనీల నుంచి సిబ్బందిని ట్విట్టర్‌కు మస్క్‌ తరలిస్తున్నారట!

ఇండోర్‌: పారిశుద్ధ్య కార్మికుల బృందం బీజేపీ కార్పోరేటర్‌ భర్తను పోలీస్టేషన్‌ ముందే చితకబాదేశారు. ఈ ఘటన మధ్యప్రదేశ్‌లో ఇండోర్‌లోని రౌ పోలీస్టేషన్‌లో చోటు చేసుకుంది. పోలీసులు తెలిపిన కథనం ప్రకారం...సందీప్‌ చౌహన్‌పై ఫిర్యాదు చేసేందుకు పారిశుద్ధ్య కార్మి​కులు పెద్ద ఎత్తున సముహంగా పోలీస్‌ స్టేషన్‌వద్దకు వచ్చారు. సదరు వ్యక్తి ఒక పారిశుద్ధ్య కార్మికురాలిని ఫోన్‌లో దుర్భాషలాడటంతో.... ఆమె బంధువులు, తోటి కార్మికులు ఆగ్రహావేశాలతో ఫిర్యాదు చేసేందుకు పోలీస్‌స్టేషన్‌కి వచ్చారు. దీంతో పోలీసులు సందీప్‌ చౌహన్‌ని పోలీస్టేషన్‌కి పిలపించి ఇద్దరి మధ్య సమస్య రాజీ చేయాలనుకున్నారు. ఈ క్రమంలో ఇరు పక్షాల మధ్య వాగ్వాదం తలెత్తి చౌహన్‌పై దాడి చేసేందుకు యత్నించారు పారిశుద్ధ్య కార్మి​కులు. అంతేగాదు ఇరు వర్గాలు ఒకరిపై ఒకరి దాడి చేసుకుని, బెదిరింపులకు దిగినట్లు ఫిర్యాదులు చేసుకున్నారని అధికారులు తెలిపారు.  ఐతే చౌహన్‌ భార్య 13వ వార్డు రౌ మున్సిపాలటి బీజేపీ కార్పోరేటర్‌. (చదవండి: మాస్కో విమానంలో బాంబు కలకలం...అప్రమత్తమైన అధికారులు)

సీటీఆర్‌ఐ(రాజమహేంద్రవరం): తూర్పుగోదావరి జిల్లా రాజమహేంద్రవరం కార్పొరేషన్‌లో సోమవారం జరిగిన స్పందన కార్యక్రమానికి ఓ చిత్రమైన ఫిర్యాదు అందింది. ఒక మహిళ ఫోన్‌ చేసి తన ఉంగరం పొరపాటున ప్రభుత్వ చెత్త బుట్టలో పడిపోయిందని చెప్పింది. ఆ ఉంగరాన్ని వెతికించి.. ఇవ్వాలని కోరింది. దీంతో శానిటేషన్‌ సిబ్బంది చెత్తనంతా జల్లెడ పట్టి.. చివరకు ఉంగరాన్ని ఆమెకు అప్పగించారు. వివరాలు.. ఇన్నీస్‌పేటకు చెందిన నాగలక్ష్మి సోమవారం తన ఇంట్లోని చెత్తను తీసుకెళ్లి.. సమీపంలోని ప్రభుత్వ చెత్త తొట్టెలో వేసింది. ఆ తర్వాత కొంతసేపటికి.. తన చేతికి ఉన్న 6 గ్రాముల బంగారు ఉంగరం కనబడకపోవడంతో ఆమె ఆందోళన చెందింది. చెత్త బుట్టలో జారిపోయి ఉంటుందన్న సందేహంతో.. అక్కడకు వెళ్లింది. కానీ అదంతా చెత్తతో నిండిపోయి ఉండటంతో.. నాగలక్ష్మి ‘స్పందన’ కార్యక్రమాన్ని ఆశ్రయించింది. బాధితురాలి ఫిర్యాదును పరిగణనలోకి తీసుకున్న కమిషనర్‌ దినేశ్‌కుమార్‌.. స్థానిక సచివాలయ సిబ్బందిని, పారిశుధ్య కార్మికులను అప్రమత్తం చేశారు. శానిటేషన్‌ ఇన్‌స్పెక్టర్‌ బుద్ధ శ్రీను, శానిటేషన్‌ సెక్రటరీ ఎం.రాజేశ్, పారిశుధ్య కార్మికులు బంగారు శ్రీను, జయకుమార్, మేస్త్రీ శ్రీను దాదాపు 5 గంటల పాటు చెత్తనంతా వెతికి.. ఉంగరాన్ని బాధితురాలికి అందజేశారు. దీంతో నాగలక్ష్మి వారికి కృతజ్ఞతలు తెలిపింది. 

సాక్షి, విజయవాడ: మున్సిపాలిటీలో పని చేసే పారిశుధ్య కార్మికులకు ఓహెచ్ఏ(ఆక్యుపేషనల్‌ హెల్త్‌ అలవెన్సు)కు సంబంధించిన ఉత్తర్వులను జారీ చేసింది ఏపీ ప్రభుత్వం. ఈ మేరకు రూ. 6 వేలు చెల్లింపులపై ఉత్తర్వులు జారీ అయ్యాయి.  మున్సిపల్ కార్మికుల 15 వేల వేతనానికి అదనంగా 6 వేలు ఓ హెచ్ ఏను చెల్లించనునుంది ఏపీ ప్రభుత్వం. దీంతో పారిశుధ్య కార్మికుల వేతనాలు రూ. 21 వేలకు పెరిగినట్లు అయ్యింది. తాజా ఉత్తర్వులతో 43 వేలమందికి పైగా కార్మికులకు మేలు జరగనుంది.  పలు డిమాండ్లతో పాటు ఆరోగ్య భృతిని ప్రస్తావిస్తూ.. సమ్మెకు దిఆరు పట్టణ పారిశుద్ధ్య, ఒప్పంద కార్మికులు. ఈ తరుణంలో సీఎం జగన్‌ సమస్యలను తెల్చుకుని వెంటనే పరిష్కరించాలని పురపాలక, పట్టణాభివృద్ధి మంత్రి ఆదిమూలపు సురేష్‌ను ఆదేశించడం.. కేబినెట్‌ కమిటీ ద్వారా సమస్య పరిష్కారం త్వరగతిన పరిష్కారం అయ్యాయి. అంతేకాదు.. జీవో నం.233 ద్వారా ఇస్తున్న ఆరోగ్య భృతిని యథాతథంగా అమలు చేయనున్నట్లు తెలిపింది ఏపీ సర్కార్‌.  చదవండి: టీడీపీ హయాంలో తక్కువ.. సంక్షేమమే వైఎ‍స్సార్‌సీపీ ధ్యేయం

సాక్షి, అమరావతి: పట్టణ పారిశుద్ధ్య ఒప్పంద కార్మికులకు ఆక్యుపేషనల్‌ హెల్త్‌ అలవెన్సు (ఆరోగ్య భృతి–ఓహెచ్‌ఏ) రూ.6 వేలు చెల్లిస్తామని, రూ.15 వేల వేతనంతో కలిపి మొత్తం రూ.21 వేలు ఇవ్వాలని ముఖ్యమంత్రి వైఎస్‌ జగన్‌మోహన్‌రెడ్డి నిర్ణయించారని పురపాలక, పట్టణాభివృద్ధి శాఖ మంత్రి డాక్టర్‌ ఆదిమూలపు సురేష్‌ తెలిపారు. కార్మికుల ప్రధాన డిమాండ్‌ పరిష్కారమైనందున సమ్మె విరమించి విధుల్లో చేరాలని విజ్ఞప్తి చేశారు. గురువారం సాయంత్రం తాడేపల్లిలోని సీఎం క్యాంపు కార్యాలయంలో మంత్రి సురేష్‌తో పాటు విద్యా శాఖ మంత్రి బొత్స సత్యనారాయణ, ఆర్థిక మంత్రి బుగ్గన రాజేంద్రనాథ్, ప్రభుత్వ సలహాదారు సజ్జల రామకృష్ణారెడ్డితో కూడిన కేబినెట్‌ సబ్‌ కమిటీ కార్మికుల డిమాండ్లపై సీఎంతో చర్చించింది. అనంతరం మంత్రి సురేష్‌ మీడియాతో మాట్లాడుతూ.. మున్సిపల్‌ శాఖలో పనిచేస్తున్న అవుట్‌సోర్సింగ్‌ పారిశుద్ధ్య కార్మికులకు హెల్త్‌ అలవెన్సు రూ.6 వేలు చెల్లించాలని సీఎం నిర్ణయించినట్టు చెప్పారు. జీవో నం.233 ద్వారా ఇస్తున్న ఆరోగ్య భృతిని యథాతథంగా అమలు చేస్తామన్నారు. మిగిలిన డిమాండ్ల  పరిష్కారంపై మున్సిపల్‌ శాఖ ఉన్నతాధికారులు చర్యలు తీసుకోవాలని సీఎం ఆదేశించినట్టు తెలిపారు. కార్మికులు సమ్మె విరమించాలని ఆయన కోరారు. 43,233 మంది కార్మికులకు మేలు  రాష్ట్రంలోని 123 నగరపాలక, పురపాలక, నగర పంచాయతీల్లో మొత్తం 51,306 మంది కార్మికులు ప్రజారోగ్య శాఖ, ఇతర విభాగాల్లో సేవలు అందిస్తున్నారు. వీరిలో 8,073 మంది రెగ్యులర్‌ సిబ్బంది ఉన్నారు. 43,233 మంది అవుట్‌సోర్సింగ్‌ సిబ్బంది ఉన్నారు. గత టీడీపీ ప్రభుత్వం పారిశుద్ధ్య కార్మికులకు రూ.12 వేలు వేతనంగా చెల్లించేది, అయితే, వారి కష్టాన్ని గుర్తించిన వైఎస్సార్‌సీపీ ప్రభుత్వం వారికి మేలు చేయాలని ఆక్యుపేషనల్‌ హెల్త్‌ అలవెన్సు కింద రూ.6 వేలు కలిపి మొత్తం రూ.18 వేలకు పెంచింది. అనంతరం పీఆర్సీ అమలు చేయడంతో వారి వేతనాలు రూ.15 వేలకు పెరగడంతో ఓహెచ్‌ఏను సవరించి రూ.3 వేలు కలిపి వేతనం రూ.18 వేలుగా ఇస్తున్నారు. అయితే, తొలుత ప్రకటించిన ఓహెచ్‌ఏ మొత్తం చెల్లించాలని సోమవారం నుంచి కార్మికులు సమ్మెకు దిగారు. కార్మికుల వినతి మేరకు ఆరోగ్య భృతి రూ.6 వేలు చెల్లించాలని సీఎం జగన్‌ నిర్ణయించారు. దీంతో పారిశుద్ధ్య కార్మికుల వేతనం రూ.21 వేలకు చేరింది. ఓహెచే పూర్తిస్థాయిలో రూ.6 వేలు ఇచ్చేందుకు ప్రభుత్వం అంగీకరించడంపై మున్సిపల్‌ పారిశుద్ధ్య కార్మికులు హర్షం వ్యక్తంచేశారు. తమ డిమాండ్లు పరిష్కరించిన సీఎం వైఎస్‌ జగన్‌మోహన్‌రెడ్డికి కృతజ్ఞతలు తెలిపారు. విధుల్లో చేరండి డిమాండ్లను ప్రభుత్వం పరిష్కరించినందున పారిశుద్ధ్య కార్మికులు విధుల్లో చేరాలి. ప్రస్తుత వర్షాలు, వాతావరణ పరిస్థితులను పరిగణనలోకి తీసుకుని శుక్రవారం నుంచి విధుల్లోకి రావాలి. ఏమైనా సమస్యలు ఉంటే స్థానిక మున్సిపల్‌ కమిషనర్ల ద్వారా ఉన్నతాధికారుల దృష్టికి తీసుకువస్తే పరిష్కరిస్తాం.      – ప్రవీణ్‌కుమార్, సీడీఎంఏ 

సాక్షి, అమరావతి:  రాష్ట్రంలో కార్మికుల మేలుకోరే ప్రభుత్వం ఉందని, ప్రజా సేవలకు విఘాతం కలిగించి మునిసిపల్‌ ఒప్పంద పారిశుధ్య కార్మికులు సమ్మె చేయడం భావ్యం కాదని పురపాలక, పట్టణాభివృద్ధి శాఖ మంత్రి డాక్టర్‌ ఆదిమూలపు సురేష్‌ అన్నారు. అన్ని సమస్యలను పరిష్కరిస్తామని చెప్పినప్పటికీ ప్రభుత్వం ప్రత్యేకంగా ఇచ్చిన ఆక్యుపేషనల్‌ హెల్త్‌ అలవెన్స్‌ అంశంపై పట్టుబట్టి సమ్మె చేయడం సరికాదని మునిసిపల్‌ ఒప్పంద కార్మికులకు హితవు పలికారు. ధర్నాలు, సమ్మెలతో సమస్యలు పరిష్కారం కావని, కలిసి చర్చించుకుంటే పరిష్కారమవుతాయన్నారు. పక్క రాష్ట్రంతో పోలిస్తే పారిశుధ్య ఒప్పంద కార్మికులకు ఏపీలో మెరుగైన వేతనాలు ఉన్నాయని చెప్పారు. రాబోయే రోజుల్లో సీఎం వైఎస్‌ జగన్‌ కార్మికులకు న్యాయం చేస్తారన్నారు. ప్రస్తుతం కార్మికుల్లో ఏ ఒక్కరికీ రూ.18 వేలకు తక్కువ కాకుండా వేతనం ఇస్తున్నట్టు చెప్పారు. కార్మికులకు కావల్సిన అన్ని సౌకర్యాలు, పనిముట్లు కూడా సరిపడినన్ని అందుబాటులో ఉంచామన్నారు. దీర్ఘకాలిక సమస్యలు అన్నింటినీ పరిష్కరిస్తామని, దీన్ని దృష్టిలో ఉంచుకుని ఒప్పంద కార్మికులు సమ్మెను విరమించి విధుల్లోకి రావాలని సూచించారు. కార్మికుల సమ్మె నేపథ్యంలో ప్రజా సేవలకు అంతరాయం కలగకుండా ప్రత్యామ్నాయ ఏర్పాట్లు చేసినట్టు తెలిపారు. రెగ్యులర్‌ సిబ్బంది విధుల్లో ఉన్నారని, కొందరు కాంట్రాక్ట్‌ సిబ్బంది సైతం సేవలు అందిస్తున్నారని వివరించారు. అవసరమైన యూఎల్‌బీల్లో తాత్కాలిక సిబ్బందిని నియమించినట్లు చెప్పారు. యూఎల్‌బీల్లో సేవలకు వాహనాలు అవసరమైన చోట స్వచ్ఛాంధ్ర కార్పొరేషన్‌ వాహనాలను వినియోగించనున్నట్లు తెలిపారు. హోటళ్లు, మార్కెట్ల వద్ద చెత్త ఉండిపోకుండా ఎప్పటికప్పుడు తరలించాలని సీడీఎంఏ ప్రవీణ్‌ కుమార్‌ మునిసిపల్‌ కమిషనర్లను ఆదేశించారు. సమ్మె నేపథ్యంలో తీసుకోవాల్సిన చర్యలపై గురువారం మంత్రులు ఆదిమూలపు, బొత్స, బుగ్గన, ప్రభుత్వ సలహాదారు సజ్జల రామకృష్ణారెడ్డి సమావేశం కానున్నారు.  సమ్మెను ఉధృతం చేస్తాం: కార్మిక జేఏసీ  మునిసిపల్‌ కార్మికుల సమ్మెను ఉధృతం చేయాలని నిర్ణయించినట్లు పట్టణ పారిశుధ్య కార్మిక జేఏసీ, సీఐటీయూ నేత కె.ఉమామహేశ్వరరావు బుధవారం తెలిపారు. శుక్రవారం నుంచి మునిసిపల్‌ ఒప్పంద కార్మికులు విద్యుత్‌ నిర్వహణ సేవలను నిలిపివేస్తారని చెప్పారు. ఈ నెల 17 నుంచి అన్ని అత్యవసర విభాగాల్లో పనిచేస్తోన్న మునిసిపల్‌ కార్మికులు విధుల్లో పాల్గొనరాదని కోరారు. గురువారం అన్ని పట్టణాల్లో కార్మికులు అర్ధనగ్న ప్రదర్శనలు చేయనున్నారని, శుక్రవారం మునిసిపల్‌ కార్యాలయాలను ముట్టడిస్తామని చెప్పారు.    

సాక్షి, అమరావతి:  పట్టణ పారిశుధ్య కార్మికులు సమ్మెను విరమించి, విధుల్లోకి వస్తేనే వారి సమస్యల పరిష్కారంపై చర్చిస్తామని పురపాలక శాఖ మంత్రి ఆదిమూలపు సురేష్‌ తెలిపారు. ఈ మేరకు పారిశుధ్య కార్మిక ఐక్య కార్యాచరణ సమితికి (జేఏసీ) సమాచారం ఇచ్చినట్లు మంగళవారం ఆయన చెప్పారు. మంత్రుల ముందుంచిన డిమాండ్లలో ఆరోగ్య భత్యం మినహా మిగిలిన అన్నింటినీ పరిష్కరిస్తామని సోమవారం మంత్రుల కమిటీతో జరిగిన చర్చల్లో కార్మిక జేఏసీకి చెప్పినప్పటికీ కార్మికులు సమ్మెకే మొగ్గు చూపారని, దీంతో పట్టణ పారిశుధ్య నిర్వహణ, ఇతర విధులకు ప్రత్యామ్నాయ ఏర్పాట్లు చేసినట్లు ఆయన తెలిపారు. కార్మికులు పూర్తిస్థాయిలో సమ్మెను విరమించి విధులకు హాజరైతేనే వారితో చర్చిస్తామని ఆయన ప్రకటించారు. సచివాలయంలో సోమవారం రాత్రి జరిగిన మంత్రుల కమిటీతో జరిగిన చర్చల్లో మంత్రులు సురేష్, బొత్స సత్యనారాయణ మున్సిపల్‌ కార్మిక జేఏసీతో చర్చించారు. ఇందులో కార్మికులు వెల్లడించిన మొత్తం 23 డిమాండ్లలో ఓహెచ్‌ఏ మినహా మిగిలిన అన్ని డిమాండ్లను పరిష్కరిస్తామని హామీ ఇచ్చారు. అయితే, ఓహెచ్‌ఏను గతంలో మాదిరిగా రూ.6 వేలు చెల్లించాల్సిందేనని జేఏసీ నేతలు పట్టుబట్టారు. గత ప్రభుత్వంలో పట్టణ పారిశుధ్య విభాగంలోని ఒప్పంద కార్మికుల వేతనం రూ.12 వేలుగా ఉండేదని, వేతనాలు తక్కువగా ఉన్నందున వారికి అదనంగా ఓహెచ్‌ఏ రూపంలో రూ.6 వేలను ప్రభుత్వం ప్రత్యేకంగా ఇచ్చిందన్నారు. పీఆర్సీ పెరిగినందున వారి వేతనాలు రూ.15 వేలకు పెరగడంతో ఆ మేరకు ఆరోగ్య భత్యాన్ని సవరించి రూ.3 వేలు కలిపి రూ.18 వేలు చెల్లిస్తున్నట్లు మంత్రి సురేష్‌ వివరించారు. అయినప్పటికీ కార్మిక సంఘం నేతలు మిగిలిన రూ.3 వేలు కూడా కలిపి మొత్తం రూ.21 వేలు వేతనంగా ఇవ్వాలంటున్నారన్నారు. కానీ, కార్మికులు విధుల్లో చేరితేనే వారితో చర్చించాలని, అంతవరకు చర్చలు ఉండబోవని మంత్రి ఆదిమూలపు తేల్చిచెప్పారు.   విధుల్లో సగం మందికి పైగా కార్మికులు  సమ్మెకు మద్దతుగా సగంమంది కార్మికులు విధులకు దూరంగా ఉండగా, మిగిలిన సగం మంది విధుల్లో ఉన్నట్లు మున్సిపల్‌ అధికారులు తెలిపారు. రెండ్రోజులుగా సమ్మె జరుగుతున్నప్పటికీ మొత్తం ఒప్పంద కార్మికుల్లో సగం మంది సోమ, మంగళవారాల్లో రాష్ట్రవ్యాప్తంగా విధులు నిర్వర్తించారు.   ప్రజా సేవలకు ప్రత్యామ్నాయ ఏర్పాట్లు వర్షాల కారణంగా ప్రజలకు పారిశుధ్య ఇబ్బందులు తలెత్తకుండా చూడాలని పురపాలక, పట్టణాభివృద్ధి శాఖ పాలనా విభాగం కమిషనర్‌ అండ్‌ డైరెక్టర్‌ (సీడీఎంఏ) ప్రవీణ్‌కుమార్‌ మున్సిపల్‌ కమిషనర్లను ఆదేశించారు. స్థానిక పరిస్థితుల ఆధారంగా, అవసరాన్ని బట్టి చర్యలు చేపట్టాలని ఉత్తర్వులిచ్చారు. ముఖ్యంగా.. చెత్త ఎక్కువగా ఉత్పత్తయ్యే రెస్టారెంట్లు, హోటళ్లు, కల్యాణ మండపాలు, మార్కెట్లు, ఆస్పత్రుల వంటి ప్రదేశాల నుంచి చెత్తను తరలించేందుకు మొదట ప్రాధాన్యతనిచ్చి, ఆరోగ్య జాగ్రత్తలు పాటించాలన్నారు. అలాగే, వాటి యాజమాన్యాలు సైతం సహకరించాలని, సమ్మె కాలంలో చెత్తను స్వయంగా ఎత్తివేసేందుకు సహకరించాలని కోరారు పట్టణ ప్రజా సేవలకు ప్రత్యామ్నాయ ఏర్పాట్లు  ఇక వర్షాల కారణంగా ప్రజలకు పారిశుధ్య ఇబ్బందులు తలెత్తకుండా చూడాలని రాష్ట్రంలోని పురపాలక, పట్టణాభివృద్ధి శాఖ పాలనా విభాగం కమిషనర్‌ అండ్‌ డైరెక్టర్‌ (సీడీఎంఏ) ప్రవీణ్‌కుమార్‌ మున్సిపల్‌ కమిషనర్లను ఆదేశించారు. స్థానిక పరిస్థితుల ఆధారంగా, అవసరాన్ని బట్టి చర్యలు చేపట్టాలని ఉత్తర్వులిచ్చారు. ముఖ్యంగా.. చెత్త ఎక్కువగా ఉత్పత్తయ్యే రెస్టారెంట్లు, హోటళ్లు, కల్యాణ మండపాలు, మార్కెట్లు, ఆస్పత్రుల వంటి ప్రదేశాల నుంచి చెత్తను తరలించేందుకు మొదట ప్రాధాన్యతనిచ్చి, ఆరోగ్య జాగ్రత్తలు పాటించాలన్నారు. అలాగే, వాటి యాజమాన్యాలు సైతం సహకరించాలని, సమ్మె కాలంలో చెత్తను స్వయంగా ఎత్తివేసేందుకు సహకరించాలని తెలిపారు.   

సాక్షి, అమరావతి: రాష్ట్రంలో పారిశుధ్య నిర్వహణకు అధిక ప్రాధాన్యమివ్వాలని అధికార యంత్రాంగాన్ని సీఎం వైఎస్‌ జగన్‌ ఆదేశించారు. ప్రజారోగ్య పరిరక్షణలో సిబ్బంది పాత్ర అత్యంత కీలకమని పేర్కొంటూ పట్టణాలు, నగరాల్లో పారిశుధ్య నిర్వహణపై ప్రత్యేక దృష్టి సారించాలని సూచించారు. నదీ జలాలు కలుషితం కాకుండా తగిన ప్రణాళికలు రూపొందించాలని ఆదేశించారు. విజయవాడలో పంట కాలువల్లో చెత్త, ప్లాస్టిక్‌ వ్యర్థాలు పారవేయకుండా చర్యలు తీసుకోవాలని నిర్దేశించారు. పురపాలక, పట్టణాభివృద్ధిశాఖల్లో పనుల పురోగతిపై సోమవారం క్యాంపు కార్యాలయంలో సమీక్ష నిర్వహించిన సీఎం జగన్‌ పలు సూచనలు చేశారు. పట్టణాల్లో పరిశుభ్రత కోసం పారిశుధ్య కార్మికులు చేస్తున్న సేవలు మరెవరూ చేయలేరని సీఎం పేర్కొన్నారు. 2015 నుంచి 2018 సెప్టెంబర్‌ వరకు చంద్రబాబు హయాంలో మున్సిపల్‌ పారిశుధ్య సిబ్బంది వేతనాలు కేవలం రూ.10 వేలు మాత్రమే ఉండేవన్నారు. ఎన్నికలకు కేవలం నాలుగు నెలల ముందు మాత్రమే రూ.12 వేలు చేశారన్నారు. అంటే టీడీపీ ఐదేళ్ల పాలనలో పారిశుధ్య కార్మికులకు ఇచ్చింది నెలకు రూ.10 వేలు మాత్రమేనన్నారు. వైఎస్సార్‌సీపీ ప్రభుత్వం వారిని..,వారి సేవలను గుర్తిస్తూ వేతనాలను రూ.12 వేల నుంచి రూ.18 వేలకు పెంచిందని చెప్పారు. అధికారంలోకి వచ్చిన కొద్ది నెలల్లోనే పారిశుధ్య కార్మికుల వేతనాలను 80 శాతం పెంచినట్లైందని సీఎం తెలిపారు.  రూ.వేల కోట్లతో టిడ్కో ఇళ్లకు సదుపాయాలు పట్టణ పేదల కోసం చేపట్టిన టిడ్కో ఇళ్ల నిర్మాణం, మౌలిక సదుపాయాలపై ముఖ్యమంత్రి సమీక్షిస్తూ నిర్దేశించుకున్న గడువులోగా పనులు పూర్తిచేసి లబ్ధిదారులకు అందించాలని ఆదేశించారు. ఇళ్ల నిర్మాణం, మౌలిక వసతుల కల్పనతో పాటు రిజిస్ట్రేషన్లు కూడా పూర్తిచేసి లబ్ధిదారులకు ఇవ్వాలన్నారు. టిడ్కో ఇళ్లలో మౌలిక సదుపాయాల కల్పన పనులు వేగంగా జరుగుతున్నాయని, వైఎస్సార్‌ సీపీ ప్రభుత్వం వచ్చాక మూడేళ్లలో రూ.4,500 కోట్లు ఖర్చు చేసినట్లు అధికారులు వివరించారు. మరో రూ.6 వేల కోట్ల ఖర్చుతో పనులు చేపట్టామని తెలిపారు. 300 చదరపు అడుగుల విస్తీర్ణం కలిగిన ఇళ్లను రాష్ట్ర ప్రభుత్వం ఒక్క రూపాయికే పేదలకు అందించిందన్నారు. ఇక 365, 430 చదరపు అడుగుల ఇళ్లకు సంబంధించి గత సర్కారు లబ్ధిదారుడి వాటాగా పెనుభారం మోపగా ఇప్పుడు వారికి కూడా ఉపశమనం కలిగిస్తూ 50 శాతాన్ని ప్రభుత్వమే భరిస్తున్నట్లు చెప్పారు.  పట్టణ రోడ్లకు మెరుగులు నగరపాలక సంస్థలు, పురపాలక సంస్థల్లో 16,762 రహదారులకు సంబంధించి 4,396.65 కి.మీ మేర రోడ్ల నిర్మాణ పనులు చేపట్టామని, ఇందుకోసం రూ.1,826.22 కోట్లు ఖర్చు చేస్తున్నట్లు సీఎం జగన్‌ తెలిపారు. పనుల ప్రగతిని ఈ సందర్భంగా సీఎం పరిశీలించారు. ఇప్పటికే 55.15 శాతం పనులు పూర్తి చేశామని, రోడ్లపై గుంతలు పూడ్చివేతను ముమ్మరంగా చేపట్టామని అధికారులు తెలిపారు. ఇప్పటిదాకా 51.92 శాతం గుంతల పూడ్చివేత పనులు పూర్తయ్యాయని, జూలై 15 నాటికల్లా మొత్తం పూర్తి చేస్తామని వెల్లడించారు. జూలై 20 నాటికి మునిసిపాలిటీల్లో రోడ్ల పరిస్థితిని తెలియచేస్తూ నాడు – నేడు ద్వారా ఫొటో గ్యాలరీలు ఏర్పాటు చేయాలని సీఎం ఆదేశించారు.  మరింత సుందరంగా ఎయిర్‌పోర్టు రోడ్లు రాష్ట్ర ప్రభుత్వం ప్రతిష్టాత్మకంగా ఇటీవల ప్రారంభించిన జగనన్న హరిత నగరాలు కార్యక్రమంపై సీఎం సమీక్షించారు. ఎయిర్‌ పోర్టుల నుంచి నగరాలకు వెళ్లే రోడ్లను అందంగా తీర్చిదిద్దాలని సూచించారు. గన్నవరం – విజయవాడ, భోగాపురం –  విశాఖ వెళ్లే రహదారుల్లో మార్పు స్పష్టంగా కనిపించాలని అధికారులను ఆదేశించారు. ఈ పనులు నగరాల అందాలను మెరుగుపరిచేలా ఉండాలన్నారు. రాష్ట్రంలో ప్రధాన నగరాలు, పట్టణాల్లో ఎంపిక చేసిన రోడ్లను కూడా ఇదే తరహాలో అభివృద్ధి చేసి అందంగా తీర్చిదిద్దాలన్నారు. విజయవాడలోని రామవరప్పాడు నుంచి గన్నవరం ఎయిర్‌పోర్టు వరకు ఉన్న రోడ్డును ఇటీవల ఏపీ అర్బన్‌ గ్రీనింగ్‌ అండ్‌ బ్యూటిఫికేషన్‌ కార్పొరేషన్‌ అభివృద్ధి చేసింది. ఆయా ప్రాంతాల్లో నాటే మొక్కలపై గ్రీనింగ్‌ కార్పొరేషన్‌ అధికారులు సీఎంకు వివరించారు.   నియోజకవర్గానికో స్మార్ట్‌ టౌన్‌షిప్‌  నగరాలు, పట్టణాల్లో ప్రస్తుతం నిర్మాణంలో ఉన్న ఫ్లై ఓవర్లు, ఆర్వోబీలను వీలైనంత వేగంగా పూర్తి చేయాలని సీఎం జగన్‌ ఆదేశించారు. అనుమతులు మంజూరైన చోట వెంటనే నిర్మాణాలు చేపట్టేలా చర్యలు తీసుకోవాలన్నారు. ప్రతి నియోజకవర్గానికి ఒక స్మార్ట్‌ టౌన్‌షిప్‌ తప్పనిసరిగా ప్రారంభం కావాలని, ఈమేరకు చర్యలు తీసుకోవాలని ఆదేశించారు.  మరిన్ని మహిళా మార్టులు.. మెప్మా ఆధ్వర్యంలో ఆరు పట్టణాల్లో పైలట్‌ ప్రాజెక్టుగా ఏర్పాటైన జగనన్న మహిళా మార్టుల పనితీరుపై అధికారులను అడిగి సీఎం వివరాలు తెలుసుకున్నారు. ఇవి విజయవంతమయ్యాయని, జూలైలో కొత్తగా మరిన్ని మహిళా మార్టులను ఏర్పాటు చేయనున్నట్లు అధికారులు తెలిపారు. సుందర విజయవాడ.. విజయవాడలో కాలువల సుందరీకరణపై నివేదిక ఇవ్వాలని అధికారులను సీఎం జగన్‌ ఆదేశించారు. ముఖ్యంగా పంట కాలువల్లో చెత్త, ప్లాస్టిక్‌ వ్యర్థాలు పారవేయకుండా తగిన చర్యలు తీసుకోవాలని స్పష్టం చేశారు. పట్టణ పరిశుభ్రతపై అవగాహన కల్పించే కార్యక్రమాలను సమర్ధంగా నిర్వహించాలన్నారు. నగరంలో చెత్త వేసే ప్రాంతాలను గుర్తించి మ్యాపింగ్‌ చేసి పరిశుభ్రతకు పెద్దపీట వేయాలన్నారు. సీఆర్డీఏ పరిధిలోని కృష్ణా కరకట్ట రోడ్డు నిర్మాణ పనులు కొనసాగుతున్నాయని, అఖిల భారత సర్వీసు అధికారులు, ఎమ్మెల్యేలు, ఎమ్మెల్సీల నివాస సముదాయాల నిర్మాణ పనులు తుదిదశకు చేరుకున్నాయని అధికారులు తెలిపారు. సీడ్‌ యాక్సిస్‌ రోడ్డులోని నాలుగు గ్యాప్‌లను పూర్తిచేసే పనులు ప్రారంభించనున్నట్లు చెప్పారు. పురపాలక, పట్టణాభివృద్ధిశాఖ మంత్రి ఆదిమూలపు సురేష్, సీఎస్‌ సమీర్‌శర్మ, పురపాలక, పట్ణణాభివృద్ధిశాఖ ప్రత్యేక ప్రధాన కార్యదర్శి వై.శ్రీలక్ష్మి, మున్సిపల్‌ అడ్మినిస్ట్రేషన్‌ కమిషనర్‌ ప్రవీణ్‌ కుమార్, ఏపీ సీఆర్డీఏ కమిషనర్‌ వివేక్‌ యాదవ్, ఏపీ టిడ్కో ఎండీ సీహెచ్‌ శ్రీధర్, స్వచ్చాంధ్ర కార్పొరేషన్‌ ఎండీ సంపత్‌కుమార్‌ తదితరులు ఇందులో పాల్గొన్నారు.  పరిశుభ్ర కృష్ణా, గోదావరి.. మిషన్‌ క్లీన్‌ కృష్ణా, గోదావరి ప్రాజెక్టును సమర్థంగా నిర్వహించేందుకు ఇదే సరైన సమయమని సీఎం జగన్‌ పేర్కొన్నారు. కాలుష్యాన్ని అరికట్టడంలో కాలుష్య నియంత్రణ మండలి, స్వచ్ఛాంధ్రతో పాటు అన్ని ప్రభుత్వ విభాగాలు భాగస్వామ్యం కావాలన్నారు. పట్టణ, నగర ప్రాంతాల నుంచి వస్తున్న మురుగునీటితో కృష్ణా, గోదావరి నదులు, పంట కాలువలు కలుషితం అవుతున్నాయని సీఎం జగన్‌ పేర్కొన్నారు. శుద్ధి చేసిన తరువాతే నదులు, కాలువల్లోకి వదిలేలా పర్యవేక్షించాలని ఆదేశించారు. మురుగునీటి శుద్ధి కోసం ఇప్పటిదాకా చేపట్టిన పనులు, ఎక్కడెక్కడ శుద్ధి సదుపాయాలు ఉన్నాయి? ఎక్కడెక్కడ చేపట్టాలి? తదితర అంశాలపై పూర్తిస్థాయి కార్యాచరణతో నివేదిక ఇవ్వాలని అధికారులను సీఎం ఆదేశించారు.  

సికింద్రాబాద్‌ జోన్‌లోని అయిదు సర్కిళ్లలో 3,228 మంది కార్మికులున్నారు. వీరిలో 1,683 మంది వేతనాల్లో కోత విధించారు. అంటే దాదాపు సగం మందికి జీతాల్లో కోత పడింది. కొన్ని సర్కిళ్లలో దాదాపు 70 శాతం మందికి వేతనాల్లో కోత విధించారు. కార్మికులకు రూ. 14వేల పైచిలుకు వేతనానికి రూ.1500 నుంచి రూ.8000 వరకు వేతనాల్లో కోత పడింది. నగరాన్ని పరిశుభ్రం చేసే 20వేల మందికి పైగా బల్దియా పారిశుద్ధ్య కార్మికుల కన్నీటి వెతలకు ఇది ఓ ఉదాహరణ. బయోమెట్రిక్‌ మెషిన్లలో సాంకేతిక లోపాలున్నా, సరిచేయాల్సిన కాంట్రాక్టు ఏజెన్సీ పనిచేయకున్నా దానిపై చర్యలు తీసుకోవడం మానిన అధికార యంత్రాంగం కార్మికుల కడుపు కొట్టింది. జీహెచ్‌ఎంసీలో దాదాపు నాలుగైదేళ్లుగా బయోమెట్రిక్‌ హాజరు నిర్వహిస్తున్నారు. మెషిన్లు పనిచేయని సందర్బాల్లో మాన్యువల్‌ హాజరు నమోదు చేసి వేతనాలిచ్చేవారు. మార్చి– ఏప్రిల్‌ నెలల్లో బయోమెట్రిక్‌ హాజరున్న రోజులకు మాత్రమే వేతనాలిచ్చారు. సమయంలో తేడా వచ్చినా కోత విధించారు. పారిశుద్ధ్య కార్మికుల సాధారణ పనివేళలు ఉదయం 6 నుంచి మధ్యాహ్నం 2 గంటల వరకు. వేసవి సందర్భంగా మధ్యాహ్నం ఎండ ఎక్కువగా ఉంటుందని దీన్ని ఉదయం 5 గంటల నుంచి మధ్యాహ్నం ఒంటి గంటవరకు అమలుచేసినట్లు అధికారులు చెబుతున్నారు. ఆ విషయం కార్మికులకు ముందస్తుగా తెలియజేయలేదు. ఉదయం 5 నుంచి 6 గంటల లోపున హాజరైన వారికి హాజరు నమోదుచేయాల్సి ఉండగా, 5.30 గంటలు దాటితే వేయడం లేదని కొందరు కార్మికులు ఆందోళన వ్యక్తంచేస్తున్నారు.     – సాక్షి, సిటీబ్యూరో/సికింద్రాబాద్, యాకుత్‌పురా, గచ్చిబౌలి, వెంగళ్రావునగర్, అంబర్‌పేట   సాంకేతిక సమస్యలు పరిష్కరించేదెవరు?  బయోమెట్రిక్‌ హాజరు నమోదుకు వేల రూపాయల వ్యయమయ్యే మెషిన్లను కొనుగోలు చేయకుండా జీహెచ్‌ఎంసీ ప్రైవేటు ఏజెన్సీకి కాంట్రాక్టుకిచ్చి దానికి  లక్షల రూపాయలు చెల్లిస్తోంది. సాంకేతిక లోపాలు తలెత్తినా, మెషిన్లు సక్రమంగా పనిచేయకున్నా ఏజెన్సీ బాధ్యత వహించాల్సి ఉండగా ఆ పనిచేయడం లేదు.  కార్మికుల హాజరు నమోదు చేసే గ్రూప్‌లోని లీడర్‌(ఎస్‌ఎఫ్‌ఏ) సొంత జేబులోంచి ఖర్చు చేసుకోవాల్సి వస్తోందని కార్మికులు చెబుతున్నారు.బయోమెట్రిక్‌ మెషిన్లను సరిగ్గా వినియోగించడం రానందున కూడా ఆబ్సెంట్లు పడుతున్నట్లు తెలుస్తోంది. వినియోగంపై తగిన అవగాహన కల్పించాల్సిన అధికారులు కాంట్రాక్టు  ఏజెన్సీకిచ్చి చోద్యం చూస్తున్నారనే ఆరోపణలు వెల్లువెత్తుతున్నాయి.     తిలాపాపం .. తలా పిడికెడు  ► ఎస్‌ఎఫ్‌ఏలకు పైస్థాయిలోని వైద్యాధికారులు, ఇతరత్రా అధికారులకు నడుమ ఉండే అవినాభావ సంబంధాలు సైతం అక్రమాలకు దారి చూపుతున్నాయి. ఫంక్షన్లు చేసినప్పుడు టీలు, బిస్కెట్లు, పూలదండలు, శాలువాల నుంచి ఇతరత్రా వన్నీ తెమ్మని అధికారులు ఎస్‌ఎఫ్‌ఏలను పురమాయిస్తారు. వారి ఈ వైఖరి తెలిసిన ఎస్‌ఎఫ్‌ఏలు సైతం సమయానికి కార్మికులు రాకున్నా, అసలు రాకున్నా బయోమెట్రిక్‌ పనిచేయడం లేదని హాజరు నమోదు చేస్తారు. ఆ మేరకు కార్మికుల వేతనాల్లో వాటాలు పొందుతారు.   ► దీన్ని ఆసరా చేసుకొని చాలామంది విధులకు రాకుండానే వేతనాలు పొందుతున్నారని తెలుస్తోంది. అలాంటి వారిలో ఎస్‌ఎఫ్‌ఏల కుటుంబసభ్యులు సైతం ఉంటారు. దీన్ని సక్రమంగా అడ్డుకోవాల్సిన అధికార యంత్రాంగం అందరినీ ఒకేగాటన కట్టి ఇష్టానుసారం వేతనాల్లో కోత విధించడంపై కార్మికులు మండిపడుతున్నారు. వేతనాల్లో కోతలపై వివరణ కోసం సంబంధిత అడిషనల్‌ కమిషనర్‌కు ఫోన్‌ చేసినా స్పందన లేదు. పనిచేసిన వారికి వేతనాలివ్వాలని సోమవారం జీహెచ్‌ఎంసీ ప్రధాన కార్యాలయంలో సీఐటీయూ ఆధ్వర్యంలో కార్మికులు ధర్నా నిర్వహించారు. సంబంధిత అడిషనల్‌ కమిషనర్‌కు వినతిపత్రం సమర్పించారు. (క్లిక్‌: 111 జీవో ఎత్తివేతతో జరిగేది ఇదే?) బయోమెట్రిక్‌ ఓ చీటింగ్‌   బయోమెట్రిక్‌లో లోపాలున్నాయని అధికారులు అబద్ధాలు  చెబుతున్నారు. ఇది నమ్మశక్యంగా లేదు. అంతా చీటింగ్‌ నడుస్తుందని అనుమానంగా ఉంది. మూడు రోజులో, నాలుగు రోజులో మెషిన్‌ పని చేయకుంటే.. ఆలస్యమైతే అన్ని రోజులకు మాత్రమే వేతనాల్లో కోత విధించాలి. కానీ, వేలకు వేలు ఎలా? పూర్తిస్థాయిలో విచారణ జరిపి మా జీతం మొత్తం తిరిగి ఇచ్చేవిధంగా అధికారులు చర్యలు తీసుకోవాలి.  – చెన్నమ్మ, పారిశుద్ధ్య కార్మికురాలు   చర్యలు తీసుకుంటాం..  బయోమెట్రిక్‌ మెషిన్లలో లోపాల కారణంగా జీతాల్లో కోత పడింది. విధులకు హాజరైనప్పటికీ వేతనాలందని వారికి అందించేందుకు చర్యలు తీసుకుంటాం.    – కె.వి. శివప్రసాద్‌ మలక్‌పేట్‌ సర్కిల్‌ ఏఎంహెచ్‌ఓ

సాక్షి, హైదరాబాద్‌: నగరంలోని పలు నియోజకవర్గాల్లో మరో రెండేళ్లలో మురుగు అవస్థలు తీరనున్నాయి. మూసీకి ఉత్తరం వైపున మురుగునీటి పారుదల వ్యవస్థ ఆధునికీకరణ పనులకు మున్సిపల్‌ మంత్రి కేటీఆర్‌ మంగళవారం శంకుస్థాపన చేశారు. జలమండలి పరిధిలో జోన్‌– 3 సీవర్‌ నెట్‌వర్క్‌ ప్రాజెక్టు పూర్తితో నాలుగు నియోజకవర్గాల పరిధిలో 33.50 చదరపు కిలోమీటర్ల విస్తీర్ణానికి మురుగు తిప్పలు తప్పనున్నాయి. సుమారు రూ.297 కోట్ల వ్యయంతో చేపట్టనున్న ఈ ప్రాజెక్టులో మొత్తం 129.32 కిలోమీటర్ల పొడవైన పైప్‌లైన్‌ నిర్మాణాన్ని జలమండలి చేపడుతోంది. పాతనగరంలో ఉన్న గోషామహల్, నాంపల్లి, కార్వాన్‌తో పాటు జూబ్లీహిల్స్‌ అసెంబ్లీ నియోజకవర్గాల్లో సీవరేజీ వ్యవస్థను ఆధునికీకరించడానికి ఈ ప్రాజెక్టును జలమండలి చేపట్టింది. దీనికి సంబంధించిన సమగ్ర ప్రాజెక్టు నివేదికను షా కన్సల్టెన్సీ (ముంబై) రూపొందించింది.   ప్రాజెక్టు స్వరూపం ఇదీ..  ► జోన్‌–  3 మురుగు నీటిపారుదల వ్యవస్థలో తొమ్మిది పరీవాహక ప్రాంతాలు ఉంటాయి. మొత్తం 33.50 చదరపు కిలోమీటర్ల విస్తీర్ణం కలిగిన ఎన్‌ 1 నుంచి ఎన్‌ 7 వరకు, ఎన్‌ 11, ఎన్‌ 31 పరీవాహక ప్రాంతాలు ఈ జోన్‌ పరిధిలోకి వస్తాయి. ప్రస్తుతం ఈ ప్రాంతంలో 355.78 కిలోమీటర్ల పొడవైన సీవరేజ్‌ నెట్‌వర్క్‌ ఉంది.  ►ప్రాజెక్టు అంచనా వ్యయం: రూ.297 కోట్లు.  ►నెట్‌వర్క్‌ మొత్తం పొడవు: 129.32 కి.మీ.  ►  ఆర్‌సీసీ ట్రంక్‌ సీవర్స్‌ పైప్‌లైన్లు: 400–1200 ఎంఎం డయా: 36.14 కి.మీ.  ►ఎస్‌డబ్ల్యూజీ నెట్‌వర్క్‌ 200–300ఎంఎం డయా: 93.18 కి.మీ.  ►మురుగు ప్రవాహం అంచనా: 2036 నాటికి: 127.42 ఎంఎల్‌డీ.  ► 2051 నాటికి : 153.81 ఎంఎల్‌డీ.  ప్రాజెక్టు పరిధిలోకి వచ్చే ప్రాంతాలు  టోలిచౌకి, గోల్కొండ, లంగర్‌హౌజ్, సెవెన్‌ టూంబ్స్, జూబ్లీహిల్స్‌ (కొంత భాగం), మెహిదీపట్నం, నానల్‌నగర్, ఆసిఫ్‌ నగర్, విజయ్‌నగర్‌ కాలనీ, ఎన్‌ఎండీసీ కాలనీ, మాసబ్‌ ట్యాంక్, రెడ్‌ హిల్స్, లక్డీకాపూల్, బజార్‌ఘాట్, నాంపల్లి, మల్లేపల్లి, బేగంబజార్‌.   ప్రయోజనాలు:  సీవరేజీ వ్యవస్థ పరిధి పెరుగుతుంది. ప్రాజెక్టు పరిధిలోని ప్రాంతాల నుంచి 100 శాతం మురుగునీటి సేకరణ జరుగుతుంది. నాలాల్లోకి, మూసీ నదిలోకి నేరుగా మురుగునీటి ప్రవాహం ఉండదు. మెరుగైన, ఆరోగ్యకరమైన వాతావరణం ఏర్పడుతుంది.  సివరేజ్‌ పనులను ప్రారంభిస్తున్న మంత్రులు కేటీఆర్, మహమూద్‌ అలీ, ఎంపీ అసదుద్దీన్‌  మేం జీతాలు పెంచాం.. మోదీ ధరలు పెంచారు  బహదూర్‌పురా: పాతబస్తీలో వివిధ అభివృద్ధి కార్యక్రమాల శంకుస్థాపనలు, ప్రారంభోత్సవాల్లో పాల్గొన్న మంత్రి కేటీఆర్‌ మీరాలం ట్యాంక్‌ వద్ద జీహెచ్‌ఎంసీ పారిశుద్ధ్య కార్మికులను పలకరించారు. నగరాన్ని పరిశుభ్రంగా ఉంచాలని, ఏవైనా సమస్యలుంటే తన దృష్టికి తేవాలని సూచించారు. దీంతో వారు తమ జీతాలు పెంచాల్సిందిగా ఆయనను కోరారు. స్పందించిన కేటీఆర్‌.. రాష్ట్రం వచ్చేనాటికి రూ.8 వేలున్న పారిశుద్ధ్య  కార్మికుల వేతనాల్ని సీఎం కేసీఆర్‌  దఫదఫాలుగా  రూ.17 వేలకు  పెంచారన్నారు. పెట్రోల్, డీజిల్, గ్యాస్‌ ధరలు పెరిగాయని వారు చెప్పగా, అందుకు కేంద్రంలోని మోదీ ప్రభుత్వమే కారణమన్నారు. మేం  జీతాలు పెంచుతూ ఉంటే.. మోదీ ప్రభుత్వం ధరలు పెంచుతూ సామాన్యుల నడ్డి విరుస్తోందంటూ వ్యంగ్యంగా వ్యాఖ్యానించారు. సివరేజీ పనులకు శ్రీకారం  గోల్కొండ: హైదరాబాద్‌ను విశ్వనగరంగా తీర్చిదిద్దేందుకు కృషి చేస్తున్నామని మంత్రి కేటీఆర్‌ అన్నారు. మంగళవారం కార్వాన్‌ నియోజకవర్గం టోలిచౌకిలో రూ. 297 కోట్లతో చేపట్టిన సివరేజీ ప్రాజెక్టు పనులను ఆయన ప్రారంభించారు. ఈ సందర్భంగా మంత్రి మాట్లాడుతూ... సివరేజ్‌ లైన్‌ పనులు పూర్తయితే ఎన్నో బస్తీలకు వరద ముంపు తప్పుతుందన్నారు. షేక్‌పేట్‌లో రూ. 333 కోట్లతో అత్యంత పొడవైన ఫ్లై ఓవర్‌ను నిర్మించినట్లు చెప్పారు. సెవన్‌ టూంబ్స్‌ చౌరస్తా నుంచి గోల్కొండ వరకు రోప్‌వే కోసం ప్రతిపాదనలు ఉన్నాయని తెలిపారు.   మజ్లిస్‌ ఎంపీ అసదుద్దీన్‌ ఒవైసీ మాట్లాడుతూ.. హైదరాబాద్‌ పార్లమెంటు నియోజకవర్గంలో తాము ప్రతిపాదించిన పనులకు మంత్రి కేటీఆర్‌ వెంటనే స్పందించి నిధులు మంజూరు చేస్తున్నారని పేర్కొ న్నారు. కార్యక్రమంలో హోంమంత్రి మహ్మద్‌ మహమూద్‌ అలీ, కార్వాన్‌ ఎమ్మెల్యే కౌసర్‌ మొహియుద్దీన్, నాంపల్లి ఎమ్మెల్యే జాఫర్‌ హుస్సేన్‌ మేరాజ్, టీఆర్‌ఎస్‌ నగర అధ్యక్షుడు, జూబ్లీహిల్స్‌ ఎమ్మెల్యే మాగంటి గోపీనాథ్, ఎమ్మెల్సీ ఎంఎన్‌ ప్రభాకర్, కార్పొరేటర్లు మహ్మద్‌ నసీరుద్దీన్, రాషెఫ్‌ ఫరాజుద్దీన్, టీఆర్‌ఎశ్‌ కార్వాన్‌ నియోజకవర్గ ఇన్‌చార్జి టి.జీవన్‌ సింగ్‌ తదితరులు పాల్గొన్నారు. 

పాపన్నపేట(మెదక్‌): ఏడుపాయల జాతరలో ఎలాంటి ఇబ్బందులు ఏర్పడినా సంబంధిత అధికారులే బాధ్యత వహించాలని మెదక్‌ ఎమ్మెల్యే పద్మాదేవేందర్‌రెడ్డి, ఎమ్మెల్సీ శేరి సుభాష్రెడ్డి హెచ్చరించారు. జాతర ఏర్పాట్లపై అదనపు కలెక్టర్‌ రమేశ్‌తో కలసి శనివారం ఏడుపాయల్లోని హరిత హోటల్‌లో సమీక్ష సమావేశం నిర్వహించారు. ఈ సందర్భంగా సమావేశానికి రాని ఫారెస్ట్‌ రేంజ్‌ ఆఫీసర్‌పై మండిపడ్డారు. వీఐపీ పార్కింగ్‌ విషయంలో కూడా ఈఓ సార శ్రీనివాస్‌పై ఆగ్రహం వ్యక్తం చేశారు. మార్చి 1వ తేదీ నుంచి జరిగే ఈ జాతర రాష్ట్రంలోనే అతిపెద్ద రెండో జాతర అని, సుమారు 10 లక్షల మంది భక్తులు వస్తారన్నారు. ఈనెల 26లోగా అన్ని ఏర్పాట్లు పూర్తి చేయాలని ఆదేశించారు.  జాతర కోసం సింగూరు నుంచి రెండు విడతలుగా 0.45 టీఎంసీ నీరు ఘనపురం ప్రాజెక్టుకు విడుదల చేస్తామన్నారు. అవసరమైనన్ని మరుగుదొడ్లు, తాగు నీటి కులాయిలు నిర్మించాలన్నారు. 650 మంది పారిశుధ్య కార్మికులను నియమించుకోవాలని డీపీఓ తరుణ్‌కు సూచించారు. 140 బస్సులతోపాటు, పార్కింగ్‌ నుంచి జాతర వరకు 3 బస్సులు నిరంతరంగా తిరిగేలా ఏర్పాటు చేస్తున్నామని ఆర్టీసీ అధికారులు చెప్పారు. 1200 మంది పోలీసుల సేవలు అందిస్తున్నామని డీఎస్సీ సైదులు తెలిపారు. కోవిడ్‌ నిబంధనలు పాటిస్తూ ఐదు ప్రాథమిక చికిత్స కేంద్రాలు ఏర్పాటు చేస్తున్నామని, కోవిడ్‌ వ్యాక్సిన్‌లు కూడా ఇస్తామని జిల్లా వైద్యాధికారి వెంకటేశ్వర్‌రావు తెలిపారు. మొత్తం మీద ఏడుపాయల జాతర కీర్తి ఎల్లలు దాటేలా చూడాలని కోరారు. కార్యక్రమంలో ఆర్డీఓలు సాయిరాం, వెంకట్‌ ఉపేందర్, డీఎస్పీ సైదులు, ఎంపీపీ చందన ప్రశాంత్‌రెడ్డి, ఈఓ సార శ్రీనివాస్‌తో పాటు, వివిధ శాఖల అధికారులు పాల్గొన్నారు.  

సాక్షి, మధిర: సాధారణంగా అందరూ స్నానానికి ఉపయోగించే సబ్బు ధర రూ.20 మొదలు రూ.60వరకు ఉంటుంది. కానీ మధిర మున్సిపాలిటీలో పనిచేస్తున్న పారిశుద్ధ్య కార్మికులకు మాత్రం రూ.96 విలువైన సబ్బులను పంపిణీ చేశారు. ఇదేమిటి, ఇంత ఖరీదైన సబ్బును కార్మికులకు ఇచ్చారా అని ఆశ్చర్యపోతున్నారా! అయితే, సబ్బు విలువైనదేమీ కాదు సాధారణమైనదే. కానీ మధిర మున్సిపాలిటీ పాలకవర్గం, అధికారులు కలిసి సబ్బు ధరను అమాంతం పెంచేశారు. కారణమేమిటో పెద్దగా ఆలోచించాల్సిన పనేమీ లేదు కదా?! ‘గణతంత్ర’ వేడుకల్లో పంపిణీ ఈనెల 26వ తేదీన గణతంత్ర దినోత్సవం సందర్భంగా మున్సిపాలిటీలోని పారిశుద్ధ్య కార్మికులకు సబ్బులు, కొబ్బరినూనె డబ్బాలు, శానిటైజర్లతో పాటు దుస్తులు అందజేయాలని నిర్ణయించారు. ఈమేరకు కార్మికులకు మున్సిపల్‌ చైర్‌పర్సన్‌ మొండితోక లత, కమిషనర్‌ అంబటి రమాదేవి చేతుల మీదుగా వీటిని ఇచ్చేశారు. ఇక వీటి కొనుగోలుకు సంబంధించి బిల్లులను కౌన్సిల్‌ సమావేశంలో సభ్యులతో ఆమోదించుకుంటేనే చెక్కులు జారీ చేయడం సాధ్యమవుతుంది. చదవండి: కరీంనగర్‌లో కారు బీభత్సం.. నలుగురు మహిళలు మృతి ఇందుకోసం 31వ తేదీన మధిర మున్సిపల్‌ సాధారణ సమావేశం ఏర్పాటుచేశారు. ఈ సమావేశానికి సంబంధించి ఎజెండాలో కొన్ని అంశాలను పొందుపర్చి అధి కార, ప్రతిపక్ష కౌన్సిలర్లకు కాపీలను శనివారం అందజేశారు. ఇక ఈ కాపీలను చూడగానే సభ్యుల కళ్లు బైర్లు కమ్మాయి. ఎందుకంటారా... కార్మికులకు అందజేసిన 675 సబ్బుల కోసం రూ.96చొప్పున మొత్తం రూ.64,800 ఖర్చు చేసినట్లుగా లెక్కల్లో చూపించారు. చదవండి: తెలంగాణలో ఫిబ్రవరి 1 నుంచి స్కూళ్లు, కాలేజీలు       కౌన్సిల్‌ ఎజెండా కాపీలో సబ్బుల ధర వివరాలు...   ఇదేం సబ్బు? ఒక్కో సబ్బును రూ.96 చొప్పున వెచ్చించి కొనుగోలు చేసినట్లు బిల్లు ఉండడంతో సభ్యులు ఇవేం సబ్బులు అంటూ 26వ తేదీన వాట్సప్‌ గ్రూప్‌ల్లో షేర్‌ చేసిన ఫొటోలను వెనక్కి వెళ్లి మరీ ఆసక్తిగా పరిశీలించారు. తీరా చూస్తే ఆ ఫొటోలో 100గ్రాముల సంతూర్‌ సబ్బు కనిపించింది. ఇదే బరువు కలిగిన సబ్బు పంపిణీ చేసి ఉంటే మార్కెట్‌లో ఒక్కో సబ్బు ఎమ్మార్పీ రూ.33 ఉండగా హోల్‌సేల్‌గా రూ.29.50కు వస్తుంది. ఒకవేళ 125 గ్రాముల బరువు కలిగిన సబ్బు అయితే ఆఫర్‌ ప్యాక్‌లో నాలుగింటితో పాటు మరో సబ్బు ఉచితంగా వస్తుంది. ఈ ప్యాక్‌ ఎమ్మార్పీ రూ.190 ఉండగా హోల్‌సేల్‌గా రూ.173కు ఇస్తామని స్థానిక వ్యాపారుల్లో ఎవరిని అడిగినా చెబుతారు. అంటే ఒక సబ్బు ఖరీదు రూ.35లోపు ఉంటుంది. కానీ మధిర మున్సిపాలిటీ పాలకవర్గం, అధికారులు మాత్రం కౌన్సిల్‌ ఎజెండాలో జత చేసి బిల్లులను రూ.96గా చూపించడం గమనార్హం. కార్మికుల పేరిట దోపిడీ కరోనా విలయతాండవం చేస్తున్న వేళ కుటుంబ సభ్యులకు ఆపద ఉంటుందని తెలిసినా పారిశుద్ధ్య కార్మికులు ప్రాణాలకు తెగించి మరీ పని చేస్తున్నారు. కరోనా మొదటి దశ నుంచి వైరస్‌ సోకిన వారి ఇళ్ల వద్ద, కాలనీల్లో బ్లీచింగ్‌ పౌడర్‌ చల్లడం మొదలు అన్ని పనుల్లో వీరే కీలకంగా నిలుస్తున్నారు. అలాంటిది అవినీతికి కాదేదీ అనర్హం అన్నట్లుగా కార్మికులకు ఇచ్చిన సబ్బులకు కూడా అసలు కంటే  ఎక్కువ బిల్లులను మున్సిపల్‌ పాలకవర్గం, అధికారులు సిద్ధం చేయడం విమర్శలకు తావిస్తోంది. అయితే, ఈనెల 31న జరిగే కౌన్సిల్‌ సమావేశంలో ఈ అంశాన్ని కౌన్సిలర్లు ప్రశ్నిస్తారా, లేక బిల్లులను ఆమోదిస్తారా అనేది వేచిచూడాల్సి ఉంది. ఇదిలా ఉండగా ఒక్కో సబ్బుకు రూ.96గా బిల్లులు సిద్ధం చేయడంతో పాటు శానిటైజర్లు, కొబ్బరినూనె ధరలను కూడా ఎక్కువగానే చూపినట్లు తెలుస్తుండగా, అజెండా కాపీలు స్థానికంగా సోషల్‌ మీడియాలో వైరల్‌ కావడం గమనార్హం. ఈ విషయమై మున్సిపల్‌ కమిషనర్‌ అంబటి రమాదేవిని సంప్రదించేందుకు ఫోన్‌లో ప్రయత్నించగా అందుబాటులోకి రాలేదు.

సాక్షి, అమరావతి: అరకొర వేతనాలను సైతం సకాలంలో ఇవ్వకుండా చిరుద్యోగుల జీవితాలతో గత సర్కారు చెలగాటమాడింది. ప్రతిపక్ష నేతగా ఉండగా పాదయాత్ర సమయంలో వారి వెతలను స్వయంగా తెలుసుకున్న వైఎస్‌ జగన్‌మోహన్‌రెడ్డి ముఖ్యమంత్రిగా బాధ్యతలు చేపట్టిన తరువాత 2019 జూన్‌ 10వ తేదీన నిర్వహించిన తొలి కేబినెట్‌ సమావేశంలోనే వారి వేతనాలను పెంచుతూ నిర్ణయం తీసుకున్నారు. రోజంతా వివిధ డ్యూటీలను నిర్వహించే హోంగార్డుల నుంచి బడి పిల్లలకు మధ్యాహ్న భోజనం తయారు చేసే కుక్, సహాయకులతో పాటు పారిశుధ్య కార్మికులు, అంగన్‌వాడీ వర్కర్లు, హెల్పర్లు, ఆశా వర్కర్లు, డ్వాక్రా గ్రామ సమాఖ్య సహాయకుల వరకు  వివిధ రంగాల్లోని లక్ష మందికి పైగా చిరుద్యోగులకు వేతనాలను పెంచి ముఖ్యమంత్రి జగన్‌ ఊరట కల్పించారు.  గత సర్కారు హయాంలో వేతనాలు,  వైఎస్సార్‌సీపీ ప్రభుత్వం పెంచిన తరువాత వేతనాలు ఇలా ఉన్నాయి.  

సాక్షి, హైదరాబాద్‌: పని చేసే చేతులు.. ప్రేమించే మనసు.. స్పందించే హృదయం ఉంటే ఎంతటి కఠోర పరిస్థితులనైనా ఎదుర్కొని ముందుకు సాగవచ్చని స్వామి వివేకానందుని వచనాలను గుర్తు చేస్తున్నాయి ఆ ప్రతిమలు. కోవిడ్‌ మహమ్మారి కోరలు చాచిన తరుణంలో వారు చేసిన సేవలు సమాజం ఎప్పటికీ మరిచిపోదు. కూకట్‌పల్లి వివేకానందనగర్‌ కాలనీ ఎంట్రన్స్‌ వద్ద ఏర్పాటు చేసిన పారిశుద్ధ్య కార్మికురాలు, డాక్టర్, పోలీసు ప్రతిమలు చూపరుల్ని విశేషంగా ఆకట్టుకుంటున్నాయి. కరోనా కష్టకాలంలో ప్రాణాలను పణంగా పెట్టి  ఫ్రంట్‌లైన్‌ వారియర్స్‌ సేవలకు గుర్తింపుగా వీటిని ఏర్పాటు చేశారు. చదవండి: మీకు అంత సీన్‌ లేదు.. దమ్ముంటే పట్టుకోండి!  

సాక్షి, అమరావతి: పరిశుభ్రతలో రాష్ట్రాన్ని దేశంలోనే ఆదర్శంగా నిలబెట్టేందుకు రూపొందించిన ‘క్లీన్‌ ఆంధ్రప్రదేశ్‌ (క్లాప్‌) కార్యక్రమాన్ని విజయవంతం చేసేందుకు పట్టణ పేదరిక నిర్మూలన సంస్థ (మెప్మా) సన్నద్ధమవుతోంది. ఆగస్టులో ప్రారంభం కానున్న ఈ కార్యక్రమం కోసం ముందుగా పట్టణాలు, నగరాల్లోని ప్రజలకు ఇంటింటి నుంచి చెత్త సేకరణపై విస్తృత అవగాహన కల్పించేందుకు కార్యాచరణ సిద్ధం చేసింది. 21.19 లక్షల మంది పట్టణ ప్రాంత డ్వాక్రా మహిళలకు భాగస్వామ్యం కల్పించింది. వీరికి రెండంచెల శిక్షణ కార్యక్రమాన్ని మెప్మా నిర్వహిస్తోంది. వార్డు సచివాలయాల కేంద్రంగా కార్యాచరణ చేపట్టింది. ముందుగా ప్రతి మున్సిపాలిటీకి ఒకరుతోపాటు ఆ మున్సిపాలిటీ పరిధిలో పైలట్‌ వార్డుకు ఇద్దరు చొప్పున మాస్టర్‌ ట్రైనర్లను ఎంపిక చేసింది. స్వచ్ఛాంద్ర కార్పొరేషన్, మెప్మా అధికారులు వారికి క్లాప్‌ కార్యక్రమంపై శిక్షణ ఇచ్చారు. పారిశుధ్య కార్మికులు ఇంటింటి నుంచి చెత్త సేకరించే తీరు, పట్టణాలను పరిశుభ్రంగా ఉంచేందుకు ప్రభుత్వం ఏర్పాటు చేస్తున్న మౌలిక వసతులు మొదలైన వాటిపై వారికి అవగాహన కల్పించారు. అలాగే రాష్ట్రంలో 3,826 వార్డు సచివాలయాల పరిధిలో 7,652 మంది రిసోర్స్‌ పర్సన్లను ఎంపిక చేసిన మెప్మా.. వీరికి మాస్టర్‌ ట్రైనర్ల ద్వారా శిక్షణ ఇప్పించింది. ఈ రిసోర్స్‌ పర్సన్ల ద్వారా డ్వాక్రా మహిళలకు అవగాహన కల్పిస్తారు. వీరంతా కలసి వార్డు సచివాలయాల సిబ్బంది సహకారంతో పట్టణాలు, నగరాల్లోని ప్రజలకు క్లాప్‌ కార్యక్రమం గురించి వివరిస్తారు. తడి, పొడి, ప్రమాదకర చెత్తను వేర్వేరుగా మూడు బుట్టల్లో వేయడం, ఇంటింటికి వచ్చే పారిశుధ్య కార్మికులకు వాటిని అందించడం, వీధిలో ఎక్కడా చెత్తపారేయకుండా ఉండాల్సిన అవసరం మొదలైన వాటిని వివరిస్తారు. ఇక ముందుగా డ్వాక్రా సంఘాల మహిళలు చెత్త రుసుమును స్వచ్ఛందంగా చెల్లించేందుకు ముందుకు వచ్చారు. తద్వారా తమ ప్రాంతాల్లో శాస్త్రీయంగా పారిశుధ్య నిర్వహణ ప్రక్రియలో ప్రజలను భాగస్వాములను చేస్తారు. పరిశుభ్ర పట్టణాలే లక్ష్యం ముఖ్యమంత్రి వైఎస్‌ జగన్‌మోహన్‌రెడ్డి ఆలోచనలకు అనుగుణంగా పట్టణాలు, నగరాలను పూర్తి పరిశుభ్ర ప్రాంతాలుగా తీర్చిదిద్దడమే లక్ష్యమని మెప్మా ఎండీ వి.విజయలక్ష్మి చెప్పారు. మాస్టర్‌ ట్రైనర్లకు నిర్దేశించిన యూనిఫాంలను ఆమె గురువారం పంపిణీ చేశారు. ఈ సందర్భంగా ఆమె మాట్లాడుతూ.. డ్వాక్రా మహిళలను భాగస్వాములుగా చేసుకుని క్లాప్‌ కార్యక్రమాన్ని విజయవంతం చేస్తామన్నారు. – వి.విజయలక్ష్మి, మెప్మా ఎండీ 

ఆమె ఒక నిరుపేద పారుశుధ్య కార్మికురాలు.. భర్త, కుమారుడు మృతిచెందారు.. జీతం, భర్త పింఛనే బతుకుదెరువు.. అందులోనే కొంత నిరుపేదలకు పంచుతోంది.. అదీ సరిపోక చెత్తలో ఉండే సామగ్రిని అమ్మి సాయం చేస్తోంది... అనాథలను, నిరుపేదలను చదివించడమే తన లక్ష్యం అంటోంది.. నిజంగా ఈ తలపూరి నీలవేణిది పెద్ద మనసే.. సమస్యలు చుట్టుముట్టినా...  విజయవాడ 57వ డివిజన్‌ సుబ్బరాజునగర్‌కి చెందిన నీలవేణి (44) కార్పొరేషన్‌లోని పారిశుద్ధ్య విభాగంలో కార్మికురాలిగా విధులు నిర్వహిస్తోంది. ఆమె భర్త సాయిబాబు 2008లో గుండెపొటుతో మృతిచెందాడు. 2014లో కుమారుడు అనిల్‌కుమార్‌ ఫెర్రిలో స్నానం కోసమని కృష్ణా నదిలో దిగి మరణించాడు. అయినా ఆమె కృంగిపోలేదు. తనకు వచ్చే తక్కువ జీతంలోనే పేదలకు సాయం చేస్తూనే కుమార్తె నాగలక్ష్మీదుర్గకు పెళ్లి చేసింది. అనాథలకు, నిరుపేదలకు సాయం చేయడానికి తన జీతం డబ్బులతో పాటు భర్త మరణానంతరం వస్తోన్న పింఛన్‌ డబ్బులనూ ఉపయోగించేది. ఆ డబ్బులు సరిపోవడం లేదని భావించి తాను సేకరించిన చెత్తలో ప్లాస్టిక్, గాజు సీసాలు, పుస్తకాలు, ఇనుము వంటి సామాన్లు వేరుగా విక్రయించి ఆ డబ్బులు కూడా పేదలకు ఉపయోగించేది. ట్రస్ట్‌ ఏర్పాటు...  నీలవేణి చేస్తోన్న సాయాన్ని చూసిన కొందరు ఆమెకు డబ్బులు ఇస్తున్నారు. తామూ సాయం చేస్తామని మరికొందరు ముందుకు వస్తున్నారు. వీరందరితో కలిసి నీలవేణి అనేక సేవా కార్యక్రమాలను నిర్వహిస్తోంది. స్థానికంగా ఉంటున్న 8 మంది యువకులతో కలిసి 2020 జూలైలో ‘దివానపు తిరుపతి చారిటబుల్‌ ట్రస్ట్‌’ను ఏర్పాటు చేసి దానిద్వారా నిరుపేద విద్యార్థులకు దుస్తులు, పుస్తకాలు, స్టేషనరీ సామాన్లు అందించడం, అనాథ, వృద్ధాశ్రమాల్లో ఉన్నవారికి, రోడ్లపైన అనాథలకు భోజనాలు, దుప్పట్లు పంపిణీ చేస్తున్నారు. లాక్‌డౌన్‌ సమయంలో నిరుపేద కార్మిక కుటుంబాలను గుర్తించి వారికి బియ్యం, నిత్యావసర సరుకులు, కూరగాయలు, మాస్క్‌లు, మెడికల్‌ కిట్లు పంచిపెట్టింది. సమాజంలో ఒక మనిషి ఉన్నత స్థితికి చేరుకోవాలంటే దానికి చదువు ఒక్కటే మార్గమని.. అనాథ పిల్లలు, నిరుపేద చిన్నారులను చదివించాలన్నదే తన లక్ష్యమని నీలవేణి వెల్లడించారు.  – అజిత్‌సింగ్‌ నగర్‌ (విజయవాడ సెంట్రల్‌) 

సాక్షి, అమరావతి: రాష్ట్రంలో నగరాలు, పట్టణాలు ఇక పరిశుభ్రంగా మారనున్నాయి. ప్రతి ఇంటి నుంచి తడి, పొడి వ్యర్థాలు వేర్వేరుగా సేకరణ.. జియోట్యాగింగ్‌ చేసిన ఆటోలతో వ్యర్థాల తరలింపు.. గార్బేజ్‌ ట్రాన్స్‌ఫర్‌ స్టేషన్లు.. వేస్ట్‌ మేనేజ్‌మెంట్‌ ప్లాంట్లు.. వ్యర్థాల నుంచి విద్యుత్, కంపోస్ట్‌ ఎరువుల తయారీ.. వెరసి రాష్ట్రంలోని 123 నగరాలు, పట్టణాలు 100 శాతం పరిశుభ్రంగా రూపుదిద్దుకోనున్నాయి. తద్వారా ప్రజారోగ్యం మరింత మెరుగుపడనుంది. పరిశుభ్రతే లక్ష్యంగా క్లీన్‌ ఆంధ్రప్రదేశ్‌ (క్లాప్‌) కార్యక్రమాన్ని జూలై 8న ప్రారంభించనున్నారు. ఈ కార్యక్రమాన్ని విజయవంతం చేసేందుకు పురపాలకశాఖ సన్నద్ధమవుతోంది. ఓవైపు పూర్తిస్థాయిలో మౌలిక వసతులను సమకూర్చుకుంటూ మరోవైపు ప్రజలను భాగస్వాములుగా చేసుకుని కార్యాచరణ రూపొందించింది. క్లాప్‌ కార్యక్రమంలో ప్రభుత్వం పారిశుధ్య కార్మికులకు అత్యధిక ప్రాధాన్యమిస్తోంది. వారిని గ్రీన్‌ అంబాసిడర్లుగా వ్యవహరించాలని నిర్ణయించింది. ప్రతి ఒక్కరికి గ్లౌజులు, కళ్లద్దాలు, బూట్లుతో పీపీఈ కిట్ల వంటి సూట్‌ ఇవ్వనుంది. వారి ఆరోగ్య పరిరక్షణతోపాటు సామాజిక గౌరవాన్ని పెంపొందించాలన్నది ప్రభుత్వ ఉద్దేశం.  రూ.100 కోట్లతో కోటికిపైగా డస్ట్‌బిన్లు నగరాలు, పట్టణాల్లో రోడ్లు, వీధుల్లో వ్యర్థాలు కనిపించకూడదన్నది క్లాప్‌ కార్యక్రమం లక్ష్యం. అందుకు ఇంటింటి నుంచి వ్యర్థాలను సేకరిస్తారు. ఇళ్ల నుంచే తడి, పొడి, ప్రమాదకర వ్యర్థాలను వేర్వేరుగా సేకరిస్తారు. ఆ విషయంపై వార్డు సచివాలయాల సిబ్బంది, వలంటీర్లు, స్వచ్ఛందసంస్థల ద్వారా ప్రజలకు అవగాహన కల్పిస్తారు. పురపాలకశాఖ కమిషనర్‌ ఎం.ఎం.నాయక్‌ ఆదేశాలతో స్వచ్ఛ ఏపీ కార్పొరేషన్‌ ఎండీ సంపత్, మెప్మా ఎండీ వి.విజయలక్ష్మి పురపాలక, మెప్మా సిబ్బందికి శిక్షణా తరగతులు ప్రారంభించారు. తడిచెత్త కోసం పచ్చరంగు, పొడిచెత్త కోసం నీలం రంగు, ప్రమాదకర చెత్త కోసం ఎర్ర రంగు డస్ట్‌బిన్‌లను ఉచితంగా సరఫరా చేస్తారు. ప్రతి ఇంటికి మూడు చొప్పున సరఫరా కోసం కోటికిపైగా డస్ట్‌బిన్‌లను కొనుగోలు చేయనున్నారు. ఇందుకోసం 15వ ఆర్థికసంఘం నిధులు రూ.100 కోట్లను పురపాలకశాఖ వెచ్చించనుంది. 3,100 డీజిల్‌ ఆటోలు, 1,800 ఈ–ఆటోలు ఇళ్ల నుంచి వ్యర్థాల తరలింపునకు ఇప్పటివరకు ఉన్న తోపుడు బళ్ల స్థానంలో ఆటోలను ప్రవేశపెడతారు. 45 పెద్ద మునిసిపాలిటీల్లో ప్రతి వెయ్యి ఇళ్లకు ఒక డీజిల్‌ ఆటో చొప్పున మొత్తం 3,100 ఆటోలు ఏర్పాటు చేస్తారు. 78 చిన్న మునిసిపాలిటీల్లో ప్రతి 700 ఇళ్లకు ఓ ఈ–ఆటో వంతున మొత్తం 1,800 ఆటోలను ప్రవేశపెడతారు. జీపీఎస్‌ ట్రాకింగ్‌తో ఉన్న ఆటోలకు రెండు వైపులా కెమెరాలు ఏర్పాటు చేస్తారు. దీంతో ఏ ఆటో ఏ ప్రాంతంలో ఉందో అధికారులు పర్యవేక్షించవచ్చు.  121 వేస్ట్‌ మేనేజ్‌మెంట్‌ ప్లాంట్లు జీటీఎస్‌ నుంచి వ్యర్థాలను వేస్ట్‌ మేనేజ్‌మెంట్‌ ప్లాంట్లకు తరలిస్తారు. 123 నగరాలు, పట్టణాల్లో 121 వేస్ట్‌ మేనేజ్‌మెంట్‌ ప్లాంట్లు నెలకొల్పుతారు. ఇప్పటికే 31 వేస్ట్‌ మేనేజ్‌మెంట్‌ ప్లాంట్లు అందుబాటులో ఉన్నాయి. 18 ప్లాంట్ల నిర్మాణం కొనసాగుతోంది. మరో 72 ప్లాంట్లను పీపీపీ విధానంలో నిర్మించేందుకు త్వరలో టెండర్లు పిలవనున్నారు. విశాఖపట్నం, గుంటూరుల్లో వ్యర్థాల నుంచి విద్యుత్‌ ఉత్పత్తి ప్లాంట్లు నెలకొల్పుతారు. మిగిలిన వ్యర్థాల నుంచి కంపోస్ట్‌ తయారు చేసే ప్లాంట్లు ఏర్పాటు చేస్తారు. రెండుదశల్లో ఈ ప్లాంట్లను ఏర్పాటు చేయనున్నారు. రూ.160 కోట్లతో 225 గార్బేజ్‌ ట్రాన్స్‌ఫర్‌ స్టేషన్లు  ఇంతవరకు వ్యర్థాలను వీధులు, కాలనీల్లో ఓ ప్రదేశంలో పెద్ద చెత్తకుండీల్లోను, బయట వేస్తున్నారు. ఆ వ్యర్థాలు చెల్లాచెదురై అనారోగ్య పరిస్థితులు ఏర్పడేవి. ఈ సమస్యకు పరిష్కారంగా ప్రభుత్వం గార్బేజ్‌ ట్రాన్స్‌ఫర్‌ స్టేషన్లు (జీటీఎస్‌లు) ఏర్పాటు చేయనుంది. ఇళ్ల నుంచి సేకరించిన వ్యర్థాలను ఆటోలలో తరలించి ఈ జీటీఎస్‌లలో వేస్తారు. అందుకోసం ప్రతి 10 వార్డులకు ఒక జీటీఎస్‌ను ఏర్పాటు చేస్తారు. ఆ విధంగా రూ.160 కోట్లతో నగరాలు, పట్టణాల్లో మొత్తం 225 జీటీఎస్‌లు నెలకొల్పుతారు. రూ.13 కోట్లతో 4 వేల కంపాక్టర్‌ బిన్‌లను కొనుగోలు చేసి జీటీఎస్‌లలో అందుబాటులో ఉంచుతారు. 

సాక్షి, నారాయణఖేడ్: సంగారెడ్డి జిల్లా నారాయణఖేడ్ పట్టణంలోని ర్యాకల్ రోడ్డులో బొలేరో వాహనం బీభత్సం సృష్టించింది. రోడ్డు శుభ్రం చేస్తున్న ఇద్దరు పారిశుద్ధ్య కార్మికులను వేగంగా ఢీ కొట్టింది. ఈ ప్రమాదంలో సత్యమ్మ, విట్టమ్మ అనే ఇద్దరు మహిళలు మృతి చెందారు. నాలుగు దుకాణాలతో పాటు విద్యుత్‌ స్తంభాన్ని కూడా బొలేరో వాహనం ఢీ కొట్టింది. దుకాణాలు ధ్వంసమయ్యాయి. డ్రైవర్ ఫుల్లుగా మద్యం మత్తులో వాహనం నడిపాడని స్థానికులు చెబుతున్నారు. డ్రైవర్‌ను పోలీసులు అదుపులోకి తీసుకున్నారు. మృతదేహాలను పోస్టుమార్టం కోసం ఆసుపత్రికి తరలించారు. సంఘటన స్థలాన్ని సీఐ రవీందర్ రెడ్డి, మున్సిపల్ కమిషనర్ మల్లారెడ్డి పరిశీలించారు. చదవండి: ఆడపిల్లలు పుట్టారని రోజూ వేధింపులు.. భార్య ఆత్మహత్య ప్రేమ వేధింపులు: అల్లుడిని హత్య చేసిన మామ 

సాక్షి, అమరావతి: రాష్ట్రంలోని పట్టణాలను చెత్త రహితం చేసి స్వచ్ఛంగా తీర్చిదిద్దేందుకు రాష్ట్ర ప్రభుత్వం సిద్ధమైంది. ఆరోగ్యాంధ్ర ప్రదేశ్‌ లక్ష్యంగా పారిశుధ్య నిర్వహణకు అత్యధిక ప్రాధాన్యమిస్తూ క్లీన్‌ ఏపీ (క్లాప్‌) కార్యక్రమాన్ని ఉద్యమ స్థాయిలో చేపట్టేలా మునిసిపల్‌ యంత్రాంగాన్ని సన్నద్ధం చేస్తోంది. మొదటి దశలో రాష్ట్రంలోని 125 మునిసిపాలిటీల్లో అమలు చేయనున్న క్లాప్‌ కార్యక్రమానికి కార్యాచరణ ప్రణాళికను ఖరారు చేసింది. చెత్త సేకరణ వాహనాల సమీకరణ, కంపాక్టర్‌ బిన్స్‌ కొనుగోలు, ట్రీట్మెంట్‌ ప్లాంట్ల ఏర్పాటు కోసం టెండర్ల ప్రక్రియ ముగింపు దశకు చేరుకుంది. ప్రజల్లో అవగాహన పెంపొందిస్తూ 34 వేల మంది పారిశుధ్య కార్మికుల భాగస్వామ్యంతో చేపట్టనున్న ఈ కార్యక్రమం కోసం పురపాలక శాఖ ఏర్పాట్లు చేస్తోంది. ప్రతి ఇంటికి మూడు డస్ట్‌ బిన్లు  ప్రతి ఇంటికి మూడు వేర్వేరు రంగుల డస్ట్‌ బిన్లను మునిసిపాలిటీలు సరఫరా చేస్తాయి. తడి, పొడి..హానికర చెత్తలను వేర్వేరుగా అందులో వేసేలా ప్రజలకు అవగాహన కల్పిస్తాయి. ఇందులో వార్డు సచివాలయ సిబ్బంది, వలంటీర్లను భాగస్వామ్యంతో మునిసిపల్‌ అధికారులు అవగాహన కార్యక్రమాలు నిర్వహిస్తారు. 15వ ఆర్థిక సంఘం నిధుల నుంచి డస్ట్‌ బిన్ల కొనుగోలు చేయాలని మునిసిపాలిటీలకు ఇప్పటికే ఆదేశాలు అందాయి. ప్రతి మునిసిపాలిటీలో ఇళ్ల సంఖ్యను బట్టి అధికారులు డస్ట్‌బిన్లను కొనుగోలు చేస్తారు. ఒక్కో డస్ట్‌బిన్‌ దాదాపు రూ.80 వరకు ఉంటుందని భావిస్తున్నారు.  అంటే ఒక్కో ఇంటికి రూ.240 వరకు ప్రాథమికంగా వెచ్చించనున్నారు.  4వేల వాహనాలతో చెత్త సేకరణ  చెత్తను వీధుల్లో పారబోయడం అన్నది పూర్తిగా నిషిద్ధం. మునిసిపల్‌ పారిశుధ్య కార్మికులు ఇంటింటికీ తిరిగి చెత్తను సేకరిస్తారు. అందుకోసం 4 వేల గూడ్స్‌ ఆటోల వంటి వాహనాలను ఉపయోగిస్తారు. ఒకొక్కటీ రూ.60వేల వరకు ఖర్చయ్యే ఆ వాహనాలను ఔట్‌ సోర్సింగ్‌ విధానంలో సమకూర్చేందుకు ఇప్పటికే టెండర్ల ప్రక్రియ చేపట్టారు.   4 వేల కంపాక్టర్‌ బిన్లు.. 122 ట్రీట్మెంట్‌ ప్లాంట్లు  ప్రతి ఐదారు వార్డులకు ఓ కంపాక్టర్‌ బిన్‌ (కొక్కేలు గల దృఢమైన తొట్టె)లను ఏర్పాటు చేస్తారు. వాహనాల ద్వారా సేకరించిన చెత్తను ఆ కంపాక్టర్‌ బిన్లలో వేస్తారు. చెత్తను చేతితో తీయాల్సిన అవసరం లేకుండా కంటైనర్‌ వాహనాల్లోకి ఆ చెత్తను వేసి తరలిస్తారు. ఇప్పటికే 4 వేల కంపాక్టర్‌ బిన్ల కొనుగోలు కోసం పురపాలక శాఖ టెండర్ల ప్రక్రియ చేపట్టింది. సేకరించిన చెత్తను ట్రీట్మెంట్‌ ప్లాంటకు తరలించి కంపోస్ట్‌ తయారు చేస్తారు. ఇందుకోసం రాష్ట్రం మొత్తం మీద 122 ట్రీట్మెంట్‌ ప్లాంట్లు అవసరమని పురపాలక శాఖ గుర్తించింది. ప్రస్తుతం 50 ట్రీట్మెంట్‌ ప్లాంట్లు ఉన్నాయి. మిగిలిన 72 ట్రీట్మెంట్‌ ప్లాంట్లను పబ్లిక్, ప్రైవేటు పార్ట్‌నర్‌ షిప్‌ (పీపీపీ) విధానంలో ఏర్పాటు చేయడం కోసం టెండర్ల ప్రక్రియ చేపట్టారు.   34 వేల మంది పారిశుధ్య కార్మికుల భాగస్వామ్యం  125 మునిసిపాలిటీలలో క్లాప్‌ కార్యక్రమంలో 34 వేల మంది పారిశుధ్య కార్మికులు భాగస్వామ్యం కానున్నారు. ఇప్పటికే కాంట్రాక్ట్‌ విధానంలో పనిచేస్తున్న వారి సర్వీసులను క్రమబద్ధీకరించాలని ప్రభుత్వం భావిస్తోంది. దీనిపై త్వరలో నిర్ణయం తీసుకోనున్నారు. ముఖ్యమంత్రి వైఎస్‌ జగన్‌మోహన్‌రెడ్డి నిర్దేశించిన లక్ష్యాల మేరకు రాష్ట్రంలో అన్ని పట్టణాల్లో 100 శాతం పారిశుధ్య నిర్వహణ లక్ష్యాలను సాధించేందుకు పురపాలక యంత్రాంగం సమష్టిగా సన్నద్ధమవుతోందని స్వచ్ఛ్‌ ఏపీ కార్పొరేషన్‌ ఎండీ సంపత్‌ ‘సాక్షి’కి తెలిపారు. పట్టణాలను గార్బేజ్‌ ఫ్రీ, లిట్టర్‌ ఫ్రీ, డస్ట్‌బిన్‌ ఫ్రీ ప్రాంతాలుగా తీర్చిదిద్దుతామన్నారు. 

చిట్యాల: ఓ వైపు కరోనా విలయతాండవం.. మరోవైపు ప్రాణాలను ఫణంగా పెట్టి సేవలం దిస్తున్నా 3 నెలలుగా వేతనాలు అందలేదం టూ పారిశుధ్య కార్మికుల ఆవేదన.. దీంతో ఆ గ్రామ మహిళా సర్పంచ్‌ మనసు చివుక్కు మంది. ఇంకేముంది ఏకంగా తన ఒంటి మీదున్న నగలను తాకట్టు పెట్టి మరీ వారికి వేతనమిచ్చి ఉపశమనం కల్పించారు. స్ఫూర్తి మంతంగా నిలిచారు. అందరి మన్ననలు అందుకున్నారు. కరోనా కాలంలో కార్మికులు అందిస్తున్న సేవలు వెలకట్టలేనివని ఆ సర్పంచ్‌ అన్నారు.  నల్లగొండ జిల్లా చిట్యాల మండలం వెలిమినేడులో మంగళవారం ఈ ఘటన చోటుచేసుకుంది. వివరాలిలా ఉన్నాయి. వెలిమి నేడు గ్రామ సర్పంచ్‌ దేశబోయిన మల్లమ్మ, ఉప సర్పంచ్‌ మశ్ఛేందర్‌ నడుమ పొసగడం లేదు. అది కాస్తా ఉపసర్పంచ్‌పై అవిశ్వాస తీర్మానం ప్రవేశ పెట్టే వరకు వెళ్లింది. దీంతో నెలపాటు పంచాయతీ పాలన స్తంభించింది. మరోపక్క హరితహారం మొక్కలపై నిర్లక్ష్యం వహించారని కలెక్టర్‌ తనిఖీల్లో తేలడంతో 15 రోజులపాటు సర్పంచ్‌ మల్లమ్మపై సస్పెన్షన్‌ వేటుపడింది. ఈ క్రమంలో పంచాయతీ కార్యదర్శి సైతం కార్మికుల వేతనాల బిల్లులను సకాలంలో ఎస్‌టీఓలో సమర్పించలేదు. దీంతో మూడు నెలలుగా 18 మంది కార్మికుల వేతనాలు నిలిచిపోయాయి.  వేతనాలందక ఇబ్బంది.. ప్రస్తుత కరోనా వైరస్‌ విజృంభణ తరుణంలో గ్రామంలో రోజుకు నాలుగైదు కేసులు నమోదవుతున్నాయి. ఈ క్రమంలో ప్రాణాలను లెక్కచేయకుండా పనిచేస్తున్న తాము వేతనాలందక తీవ్ర ఇబ్బందులు ఎదుర్కొంటున్నామని, వెంటనే వేతనాలివ్వాలని కార్మికులు ఇటీవల పంచాయతీ కార్యాలయం ఎదుట నిరసన తెలిపారు. పదిరోజుల్లో వేతనాలివ్వకుంటే విధులకు హాజరుకాబోమని చెప్పారు. సమస్యను పరిష్కరించాలని సర్పంచ్‌ అధికారులకు మొరపెట్టుకున్నా స్పందన కరువైంది. దీంతో సర్పంచ్‌ ఆ కార్మికులకు కొంతమేరకైనా వేతనాలు చెల్లించాలని నిర్ణయించుకున్నారు. వెంటనే తన ఒంటిపై ఉన్న బంగారు ఆభరణాలను బ్యాంకులో తాకట్టుపెట్టగా రూ.90వేలు వచ్చాయి. ఆ మొత్తాన్ని పారిశుద్ధ్య కార్మికులు, ఇతర సిబ్బందికి రూ.5వేల చొప్పున పంచారు. వెంటనే వారికి వేతనాలు విడుదల చేయాలని సర్పంచ్‌ మల్లమ్మ అధికారులను కోరారు.  

సాక్షి, అమరావతి: గ్రామ పొలిమేరల్లోకి కూడా కరోనా రాకుండా సర్పంచుల నేతృత్వంలో పటిష్ట నియంత్రణ చర్యలు చేపట్టాలని, కొత్తగా ఎన్నికైన సర్పంచులందరూ బాధ్యతగా పనిచేయాలని మంత్రి పెద్దిరెడ్డి రామచంద్రారెడ్డి సూచించారు. జగనన్న స్వచ్ఛ సంకల్పం పేరుతో పంచాయతీరాజ్‌ శాఖ గ్రామాల్లో చేపట్టనున్న కరోనా కట్టడి, ప్రత్యేక పారిశుధ్య కార్యక్రమాలపై జిల్లాల వారీగా సర్పంచులకు శిక్షణ కార్యక్రమాలను మంత్రి సోమవారం వర్చువల్‌ విధానంలో ప్రారంభించారు. తొలి రోజు ఉదయం చిత్తూరు, వైఎస్సార్‌ జిల్లాలు, సాయంత్రం కర్నూలు, అనంతపురం జిల్లాలకు చెందిన మొత్తం 4,171 మంది సర్పంచులకు శిక్షణ, అవగాహన కార్యక్రమాలు నిర్వహించారు. మంత్రి పెద్దిరెడ్డి కార్యక్రమ ప్రారం¿ోపన్యాసం చేస్తూ.. పరిశుభ్రమైన, ఆరోగ్యకరమైన గ్రామాలే మన లక్ష్యం కావాలని సర్పంచులకు దిశానిర్ధేశం చేశారు. జగనన్న స్వచ్ఛసంకల్పం అనేది మన ఇంటిని, మన గ్రామాన్ని మనమే బాగు చేసుకోవడం అనే అవగాహన ప్రజల్లో కల్పించడం ద్వారా కరోనా కట్టడికి ఉపయోగపడుతుందని వివరించారు. దానికి అధికారులతో పాటు గ్రామ సర్పంచ్‌లు, వార్డు సభ్యులు బాధ్యత తీసుకోవాలన్నారు.  పారిశుధ్య కార్మికులకు ప్రజలు సహకరించాలి..  కరోనా విజృంభిస్తున్న దశలో తమ ప్రాణాలకు తెగించి పనిచేస్తున్న పారిశుధ్య కార్మికులకు ధన్యవాదాలు తెలుపుతూ, వారికి ప్రజలు సహకరించాలని మంత్రి కోరారు. గ్రామాల్లో వైరస్‌ వ్యాప్తి చెందకుండా హైపోక్లోరైట్‌ ద్రావణాలను ఎప్పటికప్పుడు పిచికారీ, బ్లీచింగ్‌ పౌడర్‌తో మురుగునీరు నిల్వ ఉండే ప్రదేశాలు, సైడ్‌ డ్రైన్‌ల వద్ద శుభ్రం చేయడం వంటి కార్యక్రమాలు చేపట్టాలని అధికారులను ఆదేశించారు. గ్రామాల్లోని కూలీలకు పెద్ద ఎత్తున పనులు కల్పించడం ద్వారా ఆయా కుటుంబాలను ప్రభుత్వం ఆదుకుంటుందని మంత్రి వివరించారు. చెరువుల పూడికతీతలపై కూడా ఉపాధి హామీ కింద పనులు చేపట్టేందుకు అనుమతి ఇచ్చామని, ఈ ఏడాది మొత్తం 27 కోట్ల పనిదినాలను పూర్తి చేయాలనే లక్ష్యంతో పనిచేయాలని అధికారులకు దిశానిర్ధేశం చేశారు. ఈ కార్యక్రమంలో పంచాయతీరాజ్‌ శాఖ ముఖ్య కార్యదర్శి గోపాలకృష్ణ ద్వివేది, కమిషనర్‌ గిరిజా శంకర్, స్వచ్ఛాంధ్ర ఎండీ సంపత్‌కుమార్‌ తదితరులు పాల్గొన్నారు. 

గోపాలపట్నం (విశాఖ పట్నం): నరవలో జీవీఎంఈ వ్యాన్‌ డ్రైవర్‌గా పని చేస్తున్న సత్తి గంగరాజు (38) అనారోగ్యంతో మృతి చెందారు. గోపాలపట్నం పోలీసులు తెలిపిన వివరాలు ప్రకారం..కోటనరవలో నివాసముంటున్న గంగరాజు వ్యాన్‌ డ్రైవర్‌గా పని చేస్తున్నాడు. గత నాలుగు రోజులుగా అనారోగ్యంతో బాధపడుతున్నాడు. శనివారం ఉదయం పరిస్థితి విషమించడంతో ఆటోలో బయలుదేరాడు. గోపాలపట్నం స్టేషన్‌ రహదారిలో సాయిబాబా ఆలయ సమీపానికి వచ్చేసరికి అపస్మాకర స్థితిలోకి వెళ్లాడు. దీంతో భయపడిన ఆటో డ్రైవర్‌ గంగరాజును రోడ్డు పక్కన విడిచిపెట్టి వెళ్లిపోయాడు. కొద్దిసేపటి తరువాత గంగరాజు కుప్పకూలిపోయాడు. అటుగా వెళుతున్న పారిశుద్ధ్య కార్మికులు గమనించి పోలీసులకు సమాచారమందించారు. ఘటనా స్థలానికి చేరుకున్న పోలీసులు మృతుని వద్దనున్న పుస్తకంలోని ఫోన్‌ నంబర్ల ఆధారంగా వివరాలు సేకరించారు. మృతుడు పశ్చిమ గోదావరి జిల్లా బావయ్యపాలెం వాసి. అతడి భార్య దుబాయిలో ఉంటోంది. వారికి ఇద్దరు పిల్లలున్నారు. ఉద్యోగ రీత్యా నరవలో ఒక్కడే ఉంటున్నాడు. ఎస్‌.కోటలో నివాసముంటున్న గంగరాజు సోదరుడు ఇచ్చిన ఫిర్యాదు మేరకు పోలీసులు కేసు నమోదు చేశారు. మృతదేహానికి గోపాలపట్నం శ్మశాన వాటికలో అంత్యక్రియలు నిర్వహించారు. గంగరాజు అంత్యక్రియలకు 89వ వార్డు వైఎస్సార్‌సీపీ అధ్యక్షుడు దొడ్డి కిరణ్‌ రూ. 10వేలు సాయమందించారు. (చదవండి: విశాఖలోని ఆస్పత్రిపై కేసు నమోదు)

సాక్షి, నిజామాబాద్‌: రోజురోజుకీ కరోనా కేసులు పెరుగుతున్నా కొంతమంది మాత్రం నిమ్మకు నీరెత్తినట్లుగా ఉంటున్నారు. భౌతిక దూరం, మాస్కు ధరించడం వంటి కనీస జాగ్రత్తలు పాటించకుండా నిర్లక్ష్యంగా వ్యవహరిస్తున్నారు. తద్వారా తమతో పాటు ఇతరుల జీవితాలను కూడా ప్రమాదంలోకి నెట్టేస్తున్నారు. అంతేకాదు జాగ్రత్తలు పాటించమన్నందుకు ఇతరులపై దాడికి కూడా వెనుకాడటం లేదు. కోవిడ్‌-19 వ్యాప్తి నేపథ్యంలో నిర్లక్ష్యం వద్దని చెప్పినందుకు మున్సిపల్‌ కార్మికులపై దాడికి యత్నించిన ఘటన నిజామాబాద్‌లో చోటుచేసుకుంది. స్థానిక గౌతంనగర్‌లో ఓ వ్యక్తి మాస్కు ధరించకుండానే చెత్త వేసేందుకు బయటకు వచ్చాడు. విషయాన్ని గమనించిన మున్సిపల్‌ సిబ్బంది మాస్కు పెట్టుకోవాలని సూచించారు. దీంతో కోపోద్రిక్తుడైన సదరు వ్యక్తి.. ‘‘నేను మాస్కు పెట్టుకోకపోతే.. మీ కేంటి’’ అంటూ పార, ఇనుప రాడ్లతో వారిపై దాడికి యత్నించాడు. ఇందుకు అతడి కొడుకు కూడా జతయ్యాడు. కాగా తండ్రీకొడుకుల ప్రవర్తనపై మున్సిపల్‌ కార్మికులు తీవ్ర ఆగ్రహం వ్యక్తం చేస్తున్నారు. వారిపై కఠిన చర్యలు తీసుకోవాలని ఉన్నతాధికారులకు విజ్ఞప్తి చేస్తున్నారు. చదవండి: జరిమానా తప్పించుకోవడానికి...క్యా ఐడియా సర్‌ జీ

కరోనా.. ఏడాదిగా ప్రపంచాన్ని వణికిస్తున్న మహమ్మారి.వైరస్‌ వ్యాప్తి మొదలైన కొత్తలో అంతా ఆందోళనే. ఇంట్లోంచి కాలు బయటపెట్టాలన్నా వణికే పరిస్థితి. అత్యవసర రంగాలకు చెందినవాళ్లు తప్పనిసరి పరిస్థితుల్లో భయం భయంగానే విధులకు వచ్చారు. కరోనా అంటేనే హడలిపోయే పరిస్థితుల్లో ప్రాణాలకు తెగించి పనిచేశారు. అలాంటి ఫ్రంట్‌లైన్‌ వారియర్లలో ఎందరో మహిళలు ఉన్నారు. డాక్టర్లు, నర్సులు, ఏఎన్‌ఎంలు, ఆశ కార్యకర్తలు, పారిశుధ్య కార్మికులు, పోలీసులు ఇలా చాలా రంగాల్లో మహిళలు తమ సేవలు అందించారు. వైరస్‌ వ్యాప్తి అరికట్టడానికి కృషి చేశారు, కోవిడ్‌ బారినపడ్డ వారికి చికిత్స అందించారు. నిత్యావసరాలు అందజేసి బాధితుల ఆకలినీ తీర్చారు. ఒకవైపు కుటుంబాన్ని, మరోవైపు సమాజాన్ని రక్షించే అత్యున్నత బాధ్యతలను విజయవంతంగా నిర్వహించారు. సోమవారం అంతర్జాతీయ మహిళా దినోత్సవం సందర్భంగా వారు చేసిన సేవలు, అభిప్రాయాలతో ప్రత్యేక కథనం.. తొలి కరోనా బాధితుడికి సేవలు చేశా.. ‘‘గాంధీ ఆస్పత్రిలో మొదటి కరోనా రోగిని చేర్చినప్పుడు నేను డ్యూటీలో ఉన్నాను. కరోనా పేరు వింటేనే వణికిపోయే పరిస్థితుల్లో విధులు ఎలా నిర్వర్తించాలా అన్న ఆందోళన కలిగింది. మొదట చాలా భయం వేసింది. అయినా ధైర్యం తెచ్చుకున్నాను. రోజూ రెండు సార్లు బాధితుడి వద్దకు వెళ్లి వైద్య సేవలు అందించేదాన్ని. అదే సమయంలో మానసికంగా ధైర్యం చెప్పాను. నా కుటుంబ సభ్యులు భయపడినా.. నన్ను ప్రోత్సహించడంతో ఆత్మ విశ్వాసం కలిగింది. ఇప్పటిదాకా 100 మందికి పైగా కరోనా రోగులకు సేవలు చేశాను. లతా జ్యోత్స్న (హెడ్‌ నర్సు), సారా (స్టాఫ్‌ నర్స్‌) కలిసి టీంగా పనిచేశాం. జాగ్రత్తగా ఉండటం వల్ల నాకు, మా కుటుంబ సభ్యులెవరికీ వైరస్‌ సోకలేదు.’’ –అరుణాదేవి, స్టాఫ్‌నర్సు, గాంధీ ఆస్పత్రి, హైదరాబాద్‌ అరుణాదేవి, కవిత, డాక్టర్‌ జూలకంటి మాధవి జనం దగ్గరికి రానివ్వని పరిస్థితుల్లో.. లాక్‌ డౌన్‌ సమయంలో మా ఆరోగ్య కేంద్రం పరిధి మాలపల్లిలో కంటైన్‌మెంట్‌ జోన్‌ ఏర్పాటు చేశారు. పాజిటివ్‌ వారిని 14 రోజుల పాటు పరిశీలించాల్సి ఉండేది. కానీ కంటైన్‌మెంట్‌ జోన్‌ పెట్టిన కాలనీ వాసులు మమ్మల్ని చాలా ఇబ్బందిపెట్టేవారు. కరోనా పేరిట అనవసరంగా బదనాం చేస్తున్నామని తిరగబడ్డారు. తెలిసిన వారు సైతం దగ్గరకు రానివ్వలేదు. పాజిటివ్‌ కేసుల పరిశీలనకు వెళ్లినప్పుడు ఒకట్రెండు సార్లు కొట్టేందుకు ప్రయత్నించారు. ప్రాణాలకు తెగించి పనిచేయాల్సి వచ్చింది. నాకు, నా ద్వారా ఇంట్లో వాళ్లకు కరోనా వస్తుందేమోనని ప్రతిరోజూ భయంగానే ఉండేది. అన్నీ తట్టుకుని పనిచేశాం. – కవిత, ఆశ కార్యకర్త, మాలపల్లి పట్టణ ఆరోగ్య కేంద్రం, నిజామాబాద్‌ జిల్లా సిబ్బందిలో 70 శాతంపైగా మహిళలమే.. కరోనా అనుమానాస్పద కేసులన్నీ ఉస్మానియా ఆస్పత్రికి వచ్చేవి. సిబ్బందిలో 70 నుంచి 80 శాతం మంది మహిళలే. స్వీపర్‌ నుంచి పైస్థాయి వరకు అందరం గంటల కొద్దీ పీపీఈ కిట్లు వేసుకొని పనిచేయాల్సి వచ్చింది. మాది క్రిటికల్‌ కేర్‌ విభాగం కావడంతో పేషెంట్లకు మరింత దగ్గరగా పనిచేయాల్సి వచ్చేది. అంతా ఆత్మ విశ్వాసంతో పనిచేశాం. నేను అనెస్థీషియా నేషనల్‌ టాస్క్‌ఫోర్స్‌ కమిటీకి తెలంగాణ కోఆర్డినేటర్‌గా ఉండేదాన్ని. కరోనా చికిత్సపై ఢిల్లీ, మహారాష్ట్ర డాక్టర్లతో మాట్లాడేదాన్ని. ఎప్పటికప్పుడు చికిత్స పద్ధతులు మారేవి.  నాకు, చాలా మంది పీజీ విద్యార్థులకు వైరస్‌ లక్షణాలు కనిపించకున్నా.. యాంటీబాడీస్‌ మాత్రం వచ్చాయి. – డాక్టర్‌ జూలకంటి మాధవి, క్రిటికల్‌ కేర్‌ విభాగం, ఉస్మానియా ఆస్పత్రి, హైదరాబాద్‌ చనిపోతావని భయపెట్టినా.. గాంధీ ఆస్పత్రిలో మొదటి కేసు వచ్చినప్పుడు నేను ఆ గదికి వెళ్లి శుభ్రం చేసేదాన్ని. కొందరైతే చచ్చిపోతావు అని భయపెట్టారు. గతంలో స్వైన్‌ఫ్లూ కేసులు వచ్చినప్పుడూ ఇలాగే సేవలు చేశా. ఏదైతే అది అవుతుందనుకొని ధైర్యంగా ఉన్నాను. మొదట్లో ఇంట్లో వాళ్లు కూడా ఇంత రిస్క్‌ ఎందుకన్నారు. ఉద్యోగం మానేయమన్నారు.  150 మంది కరోనా రోగులకు సేవ చేశాను. నేను కాంట్రాక్టు పద్ధతిలో ఉద్యోగం చేస్తున్నాను. ఇంత సేవ చేసిన మాకు వేతనం పెంచాలని ప్రభుత్వాన్ని కోరుతున్నా.  – అంబాల రాధిక, స్వీపర్, గాంధీ ఆస్పత్రి అంబాల రాధిక, స్వప్న టెస్టులు చేస్తుంటే భయం వేసేది కరోనా అనుమానితులకు టెస్టులు చేయాల్సిన డ్యూటీ నాది. కరోనా ఎవరి నుంచి సోకుతుందో తెలియని పరిస్థితుల మధ్య రోజూ టెస్టులు చేయాల్సి వచ్చేది. ఓవైపు భయంగా ఉన్నా..  నా విధులు నన్ను ముందుకు నడిపించాయి. మారుమూల ప్రాంతాలకు కూడా వెళ్లి కరోనాపై ప్రజలకు అవగాహన కల్పించాం. – స్వప్న, ఏఎన్‌ఎం, మిరుదొడ్డి (దుబ్బాక) కనిపించని శత్రువుతో యుద్ధం చేశాం కరోనా సమయంలో పోలీస్‌ డిపార్ట్‌మెంట్‌ కీలకంగా వ్యవహరించాల్సి వచ్చింది. నేను ఆ సమయంలో నిత్యావసరాల సరఫరాకు ఆటంకం కలగకుండా చూసే కంట్రోల్‌ రూం బాధ్యతలు చూశాను. 24 గంటలపాటు అనేక మంది వ్యాపారులను కలవాల్సి వచ్చింది. అదే క్రమంలో నాకూ కరోనా పాజిటివ్‌ వచ్చింది. చాలా భయపడ్డాను. డీజీపీ, వైద్యులు, మా కుటుంబ సభ్యులు అండగా నిలిచారు. క్వారంటైన్‌లో ఉన్నప్పుడు పిల్లలు గుర్తుకొచ్చి బాధ వేసేది. కనిపించని శత్రువుతో 25 రోజుల పాటు పోరాడాను. యోగా చేశాను, పుస్తకాలు చదివాను. నాకు నేను ధైర్యం చెప్పుకుని విజేతగా నిలిచాను.  – స్వాతి లక్రా, ఐజీ, విమెన్‌సేఫ్టీ వింగ్‌ చీఫ్‌ స్వాతి లక్రా, జ్యోత్స్న పిల్లల గురించి బాధపడ్డా.. జూలైలో నాకు గాంధీ ఆస్పత్రిలో బందోబస్తు డ్యూటీ వేశారు. డాక్టర్లు, సిబ్బంది, పేషెంట్లు, టెస్టుల కోసం వచ్చే వాళ్లతో మాట్లాడాల్సి వచ్చేది. ఓ రోజు అకస్మాత్తుగా తలనొప్పి మొదలైంది. మొదట్లో తేలికగా తీసుకున్నా.. తర్వాత టెస్టుకు వెళ్లాను. ముందు జాగ్రత్తగా పిల్లలకు దూరంగా ఉన్నాను. ఒకరోజు తర్వాత పాజిటివ్‌గా ఫలితం వచ్చింది. నాకేం భయం అనిపించలేదు. కానీ ఒక తల్లిగా నా పిల్లలకు వచ్చి ఉంటుందేమోనన్న అనుమానం స్థిమితంగా ఉండనీయ లేదు. మా బాబుకు మూడు రోజుల తర్వాత పాజిటివ్‌ గా తేలింది. అయితే రెండు వారాల్లోనే కోలుకున్నాం. 15 రోజుల తర్వాత మళ్లీ డ్యూటీలో చేరాను.    – జ్యోత్స్న, ఇన్‌స్పెక్టర్‌ 

న్యూఢిల్లీ: కోవిడ్‌ మహమ్మారి ప్రపంచాన్ని హడలెత్తించిన సమయంలోనూ విధులు నిర్వర్తించిన ఫ్రంట్‌లైన్‌ వర్కర్ల గురించి ఎంత చెప్పినా తక్కువే. లాక్‌డౌన్‌ సమయంలో ప్రతిఒక్కరూ ఇళ్లకు పరిమితమైనా డాక్టర్లు, వైద్య సిబ్బంది, శానిటేషన్‌ వర్కర్లు, పోలీసులు మాత్రం తమ విధులను విడవలేదు. భయాందోళనలు పక్కనపెట్టి ఉద్యోగ బాధ్యతలు నిర్వర్తించిన ఈ ఫ్రంట్‌లైన్‌ వర్కర్లలో కొంతమంది ప్రాణాలను సైతం పోగొట్టుకున్నారు. అటువంటి వారిలో ఢిల్లీలోని విజయ్‌ పార్క్‌ ప్రాంతానికి చెందిన తారావతి ఒకరు.  30 ఏళ్లుగా ఈస్ట్‌ ఢిల్లీ మునిసిపల్‌ కార్పొరేషన్‌లో పారిశుధ్య కార్మికురాలిగా పనిచేస్తున్న 56 ఏళ్ల తారావతి కోవిడ్‌ బారిన పడి మృతి చెందారు. తారావతి మృతిచెంది రోజులు గడుస్తున్నా.. ఆ వైరస్‌ ఆమెకు ఎక్కడ..? ఎలా..? సోకిందో ఇప్పటికీ వారి కుటుంబ సభ్యులకు తెలియడం లేదు. 'జూన్‌ 10వ తేదీన మా అమ్మకు కొద్దిపాటి జ్వరం వచ్చింది. వెంటనే డాక్టర్‌ దగ్గరకు వెళ్లి మందులు తెచ్చుకుంది. ఆ మందులు ఉపయోగిస్తుండగానే కొన్ని రోజులకు ఆమె పరిస్థితి మరింత దిగజారడంతో ఆస్పత్రిలో చేర్పించాం. అక్కడ పరీక్ష చేసి కోవిడ్‌ అని నిర్ధారించారు. చికిత్స తీసుకుంటూనే ఆమె ప్రాణాలు కోల్పోయింది' అని తారావతి కుమారుడు జోగిందర్‌ తెలిపారు. జోగిందర్‌ కూడా అదే మునిసిపాలిటీలో శానిటేషన్‌ వర్కర్‌గా పనిచేస్తున్నారు. (చదవండి: ఫ్రంట్‌లైన్‌ వారియర్‌) ఎవరో నిర్లక్ష్యానికి తమ తల్లి బలి అయ్యిందని, కోవిడ్‌ మాస్క్‌ను కొంతమంది నిర్లక్ష్యంగా చెత్తకుప్పల్లో పడేస్తున్నారని జోగిందర్‌ అసంతృప్తి వ్యక్తం చేశారు. మునిసిపల్‌ కార్పొరేషన్‌ అధికారులు మాస్క్‌లు, శానిటైజర్లు, గ్లోవ్స్‌ ఇచ్చారని.. కానీ.. ఇంటింటికీ తిరిగి చెత్తాచెదారాలను సేకరించడం, రోడ్లను శుభ్రపరచడం వంటివి చేసే తమ లాంటి వర్కర్లకు అవి ఏ మూలకూ సరిపడవని జోగిందర్‌ తెలిపారు. కోవిడ్‌ సోకకుండా ధనికులు ఎంతైనా ఖర్చు చేయగలరని, కానీ తమలాంటి పేదలకు అధికారులు ఇచ్చేవే గతి అని అన్నారు. కోవిడ్‌ బారిన పడకుండా తీసుకోవాల్సిన జాగ్రత్తల గురించి చాలా మంది శానిటేషన్‌ వర్కర్లకు అవగాహన లేదని ఆయన వాపోయారు. (చదవండి: కోవిడ్‌ వ్యాక్సిన్‌ ట్రయల్స్‌ షురూ)  

సాక్షి, హైదరాబాద్‌: ప్రభుత్వ ఆసుపత్రుల్లో పనిచేస్తున్న నాలుగో తరగతి వైద్య సిబ్బందికి శుభవార్త. ఔట్‌సోర్సింగ్‌ పద్ధతిలో పనిచేస్తున్న వారందరి వేతనాలు పెంచాలని సర్కార్‌ యోచిస్తోంది. ఈ మేరకు సీఎం కేసీఆర్‌ కూడా సూత్రప్రాయంగా ఆమోదం తెలిపినట్లు వైద్య, ఆరోగ్య శాఖ వర్గాలు తెలిపాయి. కరోనా వేళ ఆయా ఆసుపత్రుల్లో పనిచేస్తున్న పారిశుధ్య కార్మికులు, సెక్యూరిటీ గార్డులు, రోగులకు సేవలందించే సిబ్బంది కీలకపాత్ర పోషిస్తు న్నారు. కరోనా నేపథ్యంలో తమకు ప్రత్యేక ప్రోత్సాహకం అందించాలని వారు ఇటీవల ప్రభుత్వానికి విన్నవించారు. ఈ విషయంపై మంత్రి ఈటల రాజేందర్‌.. బుధ, గురువారాల్లో ఉన్నతస్థాయి సమావేశం నిర్వహించారు. అలాగే కార్మిక, ప్రజాసంఘాల నాయకులతోనూ సమావేశమై వారి నుంచి సలహాలు తీసుకున్నారు. ప్రోత్సాహకమిస్తే కరోనా కాలం వరకే పరిమితం అవుతుందని, అలా కాకుండా వేతనం పెంచడం వల్ల శాశ్వత లబ్ధి జరుగుతుందని మంత్రి భావించారు. ఇదే విషయాన్ని సీఎం దృష్టికి తీసుకెళ్లగా కేసీఆర్‌ కూడా సానుకూలంగా స్పందించినట్లు వైద్యాధికారులు తెలిపారు. దీంతో ఆయా ఆసుపత్రుల్లో పనిచేసే ఔట్‌సోర్సింగ్‌ ఉద్యోగులందరికీ వేతనాలు పెంచే విషయంపై ప్రతిపాదనలు సిద్ధం చేస్తున్నారు.  ఆరు వేల మందికి ప్రయోజనం... వైద్య విద్యా సంచాలకులు (డీఎంఈ), తెలంగాణ వైద్య విధాన పరిషత్‌ (టీవీవీపీ) పరిధిలోని అన్ని ఆసుపత్రుల్లో ఔట్‌సోర్సింగ్‌ పద్ధతిలో నాలుగో తరగతి ఉద్యోగులు పని చేస్తున్నారు. ఇటీవల కొన్నిచోట్ల చేపట్టిన నియామకాలతో కలిపి వీరు దాదాపు 6,000 మంది ఉన్నారు. ప్రైౖ వేట్‌ ఔట్‌సోర్సింగ్‌ ఏజెన్సీల ద్వారా వీరికి వేతనాలు అందుతాయి. ఆసుపత్రిలో ఉన్న ఒక్కో పడకకు రూ. 5 వేల చొప్పున ప్రభుత్వం ఏజెన్సీకి ఇస్తుంది. దీంతో ఒక్కో పారిశుధ్య, రోగుల సహాయకులకు నెలకు రూ. 9,225, సెక్యూరిటీ గార్డులకు రూ. 9,555 చొప్పున చెల్లించాలి. పీఎఫ్‌ కట్‌ చేసి ఇస్తుండటంతో పారిశుధ్య, రోగుల సహాయక సిబ్బందికి నెలకు రూ. 8,400, సెక్యూరిటీ గార్డులకు నెలకు రూ. 8,700 వరకు అందుతోంది. సెలవు పెడితే వేతనం అదే స్థాయిలో కోత పడుతుంది. కరోనా నేపథ్యంలో ఇంత తక్కువ వేతనానికి పనిచేసేందుకు చాలామంది వెనకడుగు వేస్తున్నారు. రిస్క్‌ ఉన్నచోట్ల పనిచేయడం కంటే సొంతూళ్లకు వెళ్లి ఉపాధి కూలీ చేసుకోవడమే బెటర్‌ అన్న భావనతో ఉన్నారు. దీంతో అనేక ఆసుపత్రుల్లో నాలుగో తరగతి ఉద్యోగులు అసంతృప్తితో ఉన్నారు. ఇది ప్రభుత్వ ఆసుపత్రులకు పెద్ద సమస్యగా మారింది.  నిమ్స్‌లో మాదిరిగా వేతనం పెంపు... ప్రస్తుతం ఈ ఉద్యోగులకు ఫిక్స్‌డ్‌ వేతనం ఇవ్వడంలేదన్న చర్చ జరుగుతోంది. వాస్తవంగా ప్రతీ శాఖలో ఔట్‌ సోర్సింగ్‌ ఉద్యోగులకు నిర్ణీత వేతనం ఇస్తుంటారు. కానీ ప్రభుత్వ ఆసుపత్రుల్లో పనిచేసే నాలుగో తరగతి సిబ్బందికి మాత్రం అలా లేదు. ఇక్కడి వేతన వ్యవస్థే సరిగ్గా లేదన్న అభిప్రాయం ఉంది. ఉదాహరణకు ఒక ఆసుపత్రిలో 100 పడకలు ఉన్నాయనుకుందాం. ఒక్కో పడకకు నిర్ణీత సొమ్ము ప్రాతిపదికన ఔట్‌సోర్సింగ్‌ ఏజెన్సీకి ప్రభుత్వం నిధులు కేటాయిస్తుంది. ఔట్‌ సోర్సింగ్‌ ఏజెన్సీకి ప్రభుత్వం ఉద్యోగులను ఎంపిక చేసే బాధ్యత ఇస్తుంది. తక్కువ కోట్‌ చేసిన ఏజెన్సీకే టెండర్‌లో అవకాశం ఇస్తారు. అయితే ఏజెన్సీని దక్కించుకోవడం కోసం తక్కువకు కోట్‌ చేసేవారున్నారు. ఫలితంగా తక్కువ వేతనం ఇస్తున్నారు. దీంతో ఈ వ్యవస్థనే మార్చాలని, పడకలను బట్టి కాకుండా ఆసుపత్రుల్లో ఎంత మంది సిబ్బంది ఉండాలన్నది కూడా వైద్య, ఆరోగ్యశాఖ నిర్ణయిస్తుంది. ఈ నేపథ్యంలో ప్రస్తుతం అమల్లో ఉన్న ఒక్కో పడకకు రూ.5 వేల చొప్పున చెల్లించే మొత్తం దాదాపు 40 నుంచి 50 శాతం వరకూ పెరిగే అవకాశాలున్నాయి. ముఖ్యంగా నిమ్స్‌ను ప్రాతిపదికగా తీసుకోవాలని భావిస్తున్నారు. అక్కడ ఔట్‌సోర్సింగ్‌ సిబ్బందికి చెల్లిస్తున్నట్లుగా ఇతర ప్రభుత్వ ఆసుపత్రుల సిబ్బందికీ చెల్లించాలని నిర్ణయించినట్లు సమాచారం. నిమ్స్‌లో పారిశుధ్య సిబ్బందికి నెలకు రూ. 16,980 చొప్పున వేతనం ఉంది. వారి పీఎఫ్‌ కటింగ్‌ పోను దాదాపు రూ. 14,943 చొప్పున వేతనం వస్తుంది. ఇదే విధంగా ప్రభుత్వ ఆసుపత్రుల్లో పనిచేస్తున్న పారిశుధ్య సిబ్బంది, సెక్యూరిటీ, ఇతర సిబ్బందికి నెలకు సుమారు రూ. 3 వేల నుంచి రూ. 4 వేల వరకూ అదనంగా వేతనాలు పెరిగే అవకాశాలున్నట్లు అధికారులు చెబుతున్నారు.  పెంపు ఇలా ఉండొచ్చు... రాష్ట్ర వ్యాప్తంగా నాలుగో తరగతి వైద్య సిబ్బంది: 6,000 ప్రస్తుతం ఒక్కొక్కరి వేతనం: రూ.9,400 పీఎఫ్‌ కటింగ్‌పోను చేతికి వచ్చేది: రూ.8,700 ప్రభుత్వం నిర్ణయంతో అదనంగా పెరిగే వేతనం: రూ.4000 పెరిగిన తర్వాత చేతికందే మొత్తం: రూ.12,700  

నల్లమాడ: భార్య, కుమారుడు ఇతర కుటుంబ సభ్యులందరూ కరోనా బారిన పడి హోం క్వారంటైన్‌లో ఉండిపోయారు. అనారోగ్యంతో 10 రోజులుగా మంచాన పడిన కుటుంబ పెద్ద గురువారం తెల్లవారుజామున కన్నుమూశాడు. కుటుంబ సభ్యులు బయటకు రాకూడని పరిస్థితి. దీంతో అధికారులు, పారిశుద్ధ్య సిబ్బందే బంధువులై మృతదేహానికి అంత్యక్రియలు నిర్వహించారు. వివరాలు..స్థానిక వైఎస్సార్‌ కూడలిలో నివాసం ఉండే రిటైర్డ్‌ హెల్త్‌ సూపర్‌వైజర్‌ బి.రంగనాయకులు (77) అనారోగ్యంతో గురువారం తెల్లవారుజామున మృతిచెందాడు. అప్పటికే ఆయన భార్య, కుమారుడు, కోడలితో పాటు మరో ముగ్గురు సమీప బంధువులకు కరోనా వైరస్‌ సోకడంతో మొత్తం ఆరుగురు మూడు రోజులుగా హోం క్వారంటైన్‌లో ఉంటున్నారు. సమాచారం అందుకున్న పంచాయతీ కార్యదర్శి జనార్ధన్‌రెడ్డి, వీఆర్‌ఓ చంద్రశేఖర్, వైఎస్సార్‌ సీపీ మండల కన్వీనర్‌ పొరకల రామాంజనేయులు పెద్దకోట్లపల్లికి వెళ్లే రహదారిలోని శ్మశాన వాటికలో గుంత తవ్వించి, మృతదేహాన్ని పూడ్చిపెట్టి హిందూ సంప్రదాయ పద్ధతిలో అంత్యక్రియలు నిర్వహించారు. కార్యక్రమంలో ఏఎన్‌ఎంలు , ఆశా కార్యకర్తలు పాల్గొన్నారు.    

సాక్షి, హైదరాబాద్‌: కాప్రా మండలం, జవహర్ ​నగర్ ​పోలీస్‌స్టేషన్ పరిధిలో రెండు రోజుల క్రితం ఓ ‘చెత్త’ పంచాయితీ చోటుచేసుకుంది. చెత్త లారీ డ్రైవర్‌ తనపై దాడి జరిగిందంటూ పోలీసులకు ఫిర్యాదు చేయడంతో విషయం బుధవారం వెలుగులోకి వచ్చింది. బాధితుడి వివరాల మేరకు.. జేజే వన్​కాలనీ సమీపంలోని మోర్​ సూపర్​ మార్కెట్‌లో పోగైన చెత్తను జీహెచ్‌ఎంసీ చెత్త డబ్బాలో వేసినందుకు నెలకు రూ.10 వేలు ఇవ్వాలని చెత్తను తొలగించే కార్మికులు ఇంతకు ముందు డిమాండ్‌ చేశారు. దాంతో మోర్‌ మార్కెట్​ సిబ్బంది రూ.3 వేలు ఇస్తామన్నారు.  అయినా గత పదిహేను రోజులుగా చెత్త నిండిపోయినా ఎవరూ తొలగించలేదు. చెత్త డబ్బా నుంచి దుర్వాసన రావడంతో మోర్‌ సిబ్బంది కాప్రా జీహెచ్ఎంసీ అధికారులకు ఫిర్యాదు చేశారు. దానితో అధికారులు వెంటనే చెత్తను తొలగించమని శానిటేషన్​ సిబ్బందిని ఆదేశించారు. వారు లారీ డ్రైవర్​గణేష్‌, మరో కార్మికుడిని అక్కడకు పంపించారు. ఈ విషయం తెలుసుకున్న జేజే వన్‌ కాలనీ ప్రాంతంలో చెత్త తొలగించే కార్మికులు తమకు చెప్పకుండా చెత్తను ఎలా తీసుకెళ్తారని డ్రైవర్​ గణేష్‌ను దూషిస్తూ, దాడికి పాల్పడ్డారు. బాధితుడి గణేష్‌ నుంచి ఫిర్యాదు స్వీకరించిన జవహర్‌ నగర్‌ పోలీసులు కేసు నమోదు చేసుకుని దర్యాప్తు చేస్తున్నారు. చెత్త కార్మికుల ఆగడాలు రోజు రోజుకి మితీమీరి పోతున్నాయని స్థానికులు, మోర్‌ సిబ్బంది ఆగ్రహం వ్యక్తం చేశారు. (హైదరాబాద్‌లో ఇక ఎక్కడంటే అక్కడ శవ దహనం)

హిందూపురం: వేకువజామునే పరక.. పార చేతబట్టి రోడ్లు ఊడ్చి, మురికి కాలువల్లో చెత్తాచెదారాన్ని నెత్తికెత్తుకుని ప్రజారోగ్యం కోసం శ్రమించే కష్టజీవుల శ్రమ దోపిడీకి గురైంది. శ్రమజీవుల కష్టాన్ని గుర్తించిన రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి...  వారి శ్రమకు తగ్గ ప్రతిఫలం అందించాలన్న తలంపుతో కనీస వేతనం రూ.18వేలు చెల్లించేలా చట్టం చేశారు. ఈ చట్టం గత ఆగస్టు మాసం నుంచి అమలులోకి వచ్చింది. అప్పటి వరకూ రూ.12 వేలు ప్రకారం వారికి వేతనాలు అందేవి. పెంచిన వేతనం రూ.6వేలు తొమ్మిది నెలల బకాయిలను ఈ ఏడాది జూన్‌లో ప్రభుత్వం చెల్లించింది. ఈ మొత్తంపై కన్నేసిన కొందరు ఉద్యోగులు.. గత పాలకులు అండదండలతో పెత్తనం కట్టబెట్టుకుని కార్మికులపై పనుల పర్యవేక్షణ పేరిట చేస్తున్న అధికారం చెలాయిస్తున్న మేస్త్రీలు చాలా తెలివిగా స్వాహా చేశారు. రూ. లక్షల్లో కార్మికుల సొమ్మును అప్పనంగా దోచేశారు.  దోపిడీ సాగిందిలా.. హిందూపురం మున్సిపాలిటీ ప్రజారోగ్య విభాగంలో 220 మంది పారిశుద్ధ్య కార్మికులు పనిచేస్తున్నారు. వీరికి గత ప్రభుత్వ హయాంలో రూ. 12 వేలు వేతనం అందేది. వైఎస్సార్‌ సీపీ ప్రభుత్వం ఏర్పాటైన తర్వాత పారిశుద్ధ్య కార్మికుల వేతనాన్ని ఒక్కసారిగా రూ.6 వేలు పెంచుతూ రూ.18వేలుకు చేర్చింది.  పెంచిన రూ.6వేలు వేతనాన్ని ఈ ఏడాది జూన్‌లో అరియర్స్‌ రూపంలో 9 నెలల మొత్తాన్ని ప్రభుత్వం చెల్లించింది. ఈ లెక్కన ఒక్కో కార్మికుడి ఖాతాలో రూ.54వేలు జమ కావాల్సి ఉంది. అయితే కార్మికుల వేతనాలకు సంబంధించి బిల్లులు చేసే క్లర్క్‌ తన ఇష్టానుసారంగా వ్యవహరిస్తూ వచ్చాడు. సుమారు 50 నుంచి 60 మందికి ఒక్కొక్కరి బ్యాంకు ఖాతాలో రూ.72వేలు ప్రకారం జమ అయ్యేటట్లు బిల్లులు చేశాడు. మిగిలిన సగం ఖాతాల్లో కేవలం రూ.18వేలు వేశాడు.  ముగ్గురికి రూ.లక్షల్లో జమచేశాడు. తిరిగి బ్యాంక్‌ ఖాతాల్లో ఇతరుల డబ్బు కూడా జమ అయిందని, వారికి ఇచ్చేయాలని, లేకపోతే ఉద్యోగాలు ఊడిపోతాయంటూ భయపెట్టి సొమ్ము వెనక్కు తీసుకోవడం, మిగిలిన వారికి సర్దుబాటు చేయడం షరామాములైంది. కావాలనే గందగోళానికి తెరలేపి, కార్మికుల అమాయకత్వంతో ఆడుకున్నారు. ఒక్కొక్కరి ఖాతా నుంచి రూ.9వేలు గుట్టుచప్పుడు కాకుండా నొక్కేశారు.   లెక్క తేలని రూ.9వేలు పారిశుద్ధ్య కార్మికులకు పెంచి వేతనం ప్రకారం ఒక్కొక్కరికి రూ. 54 వేలు ఆరియర్స్‌ అందాల్సి ఉంది. అయితే హిందూపురం మున్సిపాలిటీ పరిధిలోని కార్మికులకు కేవలం రూ.45 వేలు మాత్రమే చెల్లించారు. ఇందులో రూ.9వేలకు లెక్కలు మాయమయ్యాయి. ఈ లెక్కన రూ. లక్షల్లో సొమ్మును అధికారులు స్వాహా చేసినట్లుగా ఆరోపణలు వెల్లువెత్తాయి. ప్రస్తుతం పనిచేస్తున్న కార్మికుల్లో చాలామంది భార్యభర్తలు, బంధువులు కలిసి ఉంటున్నారు. దీంతో వీరిపై ఆజమాయిషీ చేసే వారు చాలా సులువుగా మోసం చేసి శ్రమజీవుల సొమ్మును అప్పనంగా దోచేశారు. భార్యభర్తలకు రూ.1.80లక్షలు అందాల్సి ఉండగా, ఒకరి ఖాతాలో రూ.72వేలు, ఇంకొకరి ఖాతాలో రూ.18వేలు జమ చేశారు. తర్వాత ఇద్దరినీ పిలిచి నీ సొమ్ము నీ భార్య ఖాతాలో పడిందనో..   పక్క కార్మికుడి ఖాతాలో పడిందనో నమ్మబలికి మిగిలిన రూ.27వేలు తీసివ్వాలంటూ దుప్పటి పంచాయితీలతో సర్దుబాటు చేశారు. ఈ మొత్తం వ్యవహారంలో కింది స్థాయి నుంచి ఉన్నత స్థాయి వరకూ అందరూ మిలాఖత్‌ అయినట్లుగా ఆరోపణలున్నాయి. బకాయిలు ఇప్పించేశాం కార్మికుల ఆక్యుపేషన్‌ హెల్త్‌ అలవెన్సు జమలో పొరబాట్లు చోటు చేసుకున్న మాట వాస్తవమే. పొరబాటున మరొకరి ఖాతాలో ఈ మొత్తం పడింది. వీటిని శానిటరీ అధికారులు పరిశీలించి సొమ్మును వెనక్కు తీసుకుని మిగిలిన కార్మికులు ఇచ్చేశారు  ఏదైనా అన్యాయం జరిగివుంటే వెంటనే పరిశీలించి చర్యలు తీసుకుంటాం.– భవానీప్రసాద్, మున్సిపల్‌ కమిషనర్,హిందూపురం

సాక్షి, హైదరాబాద్‌: మున్సిపాలిటీలోని పారిశుధ్య కార్మికుల వ్యక్తిగత రక్షణకు సర్కారు భరోసా ఇస్తోంది. రాష్ట్రంలో కరోనా వ్యాప్తి ఉధృతంగా ఉన్న నేపథ్యం లో పారిశుధ్య కార్మికులందరికీ వ్యక్తిగత రక్షణ పరికరాలు(పీపీఈ) అందజేయాలని అన్ని మున్సిపాలిటీలకు రాష్ట్ర పురపాలక శాఖ డైరెక్టర్‌ ఎన్‌.సత్యనారాయణ మంగళవారం ఆదేశాలు జారీ చేశారు. పారిశుధ్య కార్మికులు 8 రకాల విభాగాల్లో విధులు నిర్వహిస్తున్నారు. ఆయా విధులకు తగ్గట్టు వారికి రక్షణ కల్పించే ప్రత్యేక పీపీఈలపై అడ్మినిస్ట్రేటివ్‌ స్టాఫ్‌ కాలేజ్‌ ఆఫ్‌ ఇండియా(అస్కీ) అధ్యయనం చేసి ప్రభుత్వానికి సిఫారసులు చేసింది. అస్కీ సిఫారసుల మేరకు కింద పేర్కొన్న పరికరాలను అందజేయాలని మున్సిపల్‌ కమిషనర్లను ప్రభుత్వం ఆదేశించింది. రాష్ట్రంలోని 141 పురపాలికల్లో దాదాపు 60 వేలమంది పారిశుధ్య కార్మికులు పనిచేస్తున్నారు. ఇప్పటికే కొన్నిచోట్ల పలువురు కార్మికులు కరోనా బారిన పడ్డారు. దీంతో వారి రక్షణకు పెద్దపీట వేస్తూ ప్రభుత్వం ఈ నిర్ణయం తీసుకుంది. ఏ ఏ విభాగాలవారికి ఏ ఏ పరికరాలంటే...  మరుగుదొడ్ల నిర్వహణలో ఉన్నవారికి.. ► పాలికార్బోనెట్‌ లెన్స్, ఎన్‌–95 మాస్క్, రబ్బరు లాటెక్స్‌ గ్లౌవ్స్, ఉక్కు బొటనవేలు, చీలమండ కలిగిన పొడవాటి బూట్లు, యాప్రాన్లు   మురికి కాల్వలు శుభ్రపరిచేవారికి...  ► పాలిథిలిన్‌ హెల్మెట్, యాంటీ ఫాగింగ్‌ కంటి అద్దాలు, దూరం నుంచి కనిపించేలా భద్రతాదుస్తులు, ఉక్కు బొటన వేలు కలిగి మోకాలు వరకు ఉన్న పొడవైన బూట్లు, హాఫ్‌ మాస్క్‌ రెస్పిరేటర్లు, నైట్రైల్‌ గ్లౌవ్స్, మ్యాన్‌హోల్‌లోకి ప్రవేశిస్తే రక్షణ కోసం పాలీప్రొఫిలిన్‌తో తయారు చేసిన సూట్, దూరం నుంచి కనిపించేలా రేడియం ప్యాంట్, బుల్లెట్‌ ఆకారంలో చెవి ప్లగ్స్‌  సెప్టిక్‌ ట్యాంకులు శుభ్రం చేసేవారికి...  ► పాలిథిలిన్‌ హెల్మెట్, యాంటీఫాగింగ్‌ కళ్లద్దాలు, భద్రతాదుస్తులు, ఉక్కుబొట న వేలు కలిగి మోకాలి వరకుండే షూస్, హాఫ్‌మాస్క్‌ రెస్పిరేటర్స్, నైట్రైల్‌ గ్లౌవ్స్‌  వీధులు ఊడ్చేవారు/రోజూ చెత్తను సేకరించేవారు/ చెత్త తరలించే వాహనాల డ్రైవర్లు, చెత్తను వేరుచేసే చోట పనిచేసేవారికి...  ► నైట్రైల్‌ లైనింగ్‌ గల మందమైన గ్లౌవ్స్,   ఎన్‌–95 మాస్కులు, దూరం నుంచి కనిపించేలా భద్రతాదుస్తులు, ఉక్కుబొటన వేలు కలిగిన చెప్పులు   ఎఫ్‌ఎస్‌టీ ప్లాంటుల ఆపరేటర్లకు...  ► నైట్రైల్‌ గ్లౌవ్స్, యాప్రాన్స్, ఉక్కు బొటనవేలు కలిగి మోకాలు వరకు ఉండే బూట్లు, ఎన్‌–95 మాస్క్‌  స్వయం సహాయకసభ్యులు/ఆశ వర్కర్లు ► పునర్వినియోగించదగిన అల్లిక కలిగిన చేతి తొడుగులు, పునర్వినియోగించదగిన ఎన్‌–95 మాస్కు,   ► ఉక్కు బొటనవేలు కలిగి మోకాలు వరకు ఉండే బూట్లు  మున్సిపల్‌ ఔట్‌ సోర్సింగ్‌ కార్మికులకు ప్రతినెలా 1న రూ.12,000 వేతనం చెల్లించాలని, ఈఎస్‌ఐ, పీఎఫ్‌ వాటాలను  కార్మికుల ఖాతాల్లో ఎప్పటికప్పుడు జమ చేయాలని పేర్కొన్నారు.  వారిని తొలగించండి.. 60 ఏళ్లకు పైబడిన మున్సిపల్‌ ఔట్‌ సోర్సింగ్‌ పారిశుధ్య కార్మికులను తొలగించి వారిస్థానంలో వారి కుటుంబంలో 25–40 ఏళ్ల ఔత్సాహికులుంటే నియమించుకోవాలని పురపాలక శాఖ డైరెక్టర్‌ సూచించారు. తొలగించిన కార్మికుల కుటుంబంలో అర్హులెవరూ లేకపోతే, స్థానికంగా పందుల పెంపకందారులకు ఆ ఉద్యోగావకాశాన్ని కల్పించాలని, పందుల పెంపకందారులు  అందుబాటులో లేకపోతేస్కావెంజర్లను నియమించాలన్నారు.  

కరోనా కష్టకాలంలో ప్రాణాలకు తెగించిన విధులు నిర్వహిస్తున్న వారిలో పారిశుద్ధ్య కార్మికులు ముందు వరుసలో ఉంటారు. ప్రస్తుత పరిస్థితిలో వీరి అవసరం చాలా ఉంది. సరిగ్గా దీనినే తమకు అనుకూలంగా మార్చుకున్నారు  విజయవాడ కార్పొరేషన్‌ ప్రజారోగ్య విభాగం అధికారులు, సిబ్బంది. కాంటాక్ట్‌ ముగిసిన గ్రూపులు కొనసాగాలన్నా.. కొత్త గ్రూపులను తీసుకోవాలన్నా కమీషన్లు దండుకుంటూ కార్మికుల పొట్టగొడుతున్నారు.  పటమట(విజయవాడ తూర్పు): విజయవాడ నగరపాలక సంస్థ ప్రజారోగ్య విభాగం అవినీతి కంపు కొడుతోంది. నగరాన్ని శుభ్రం చేసేందుకు నియమించుకున్న పారిశుద్ధ్య కారి్మకుల నుంచి ఈ విభాగంలోని శానిటరీ మేస్త్రీ, ఇన్‌స్పెక్టర్ల నుంచి ఉన్నతాధికారుల వరకు అందినకాడికి దండుకుంటూ వారిని నిలువుదోపిడీ చేస్తున్నారు. కరోనా కట్టడిలో తొలి వరుసలో ఉన్న పారిశుద్ధ్య కార్మికుల నియామక గడువు ముగిసిందని వారిని కొనసాగించాలంటే తమకు సొమ్ములు ముట్టజెప్పాలని లేదంటే తొలగిస్తామంటూ వార్డులో విధులు నిర్వహించే క్షేత్రస్థాయి సిబ్బంది నిత్యం బెదిరింపులకు పాల్పడుతున్నారని కారి్మకులు ఆరోపిస్తున్నారు. పాత గ్రూపు కొనసాగింపునకు ఒక్కో గ్రూపుకు రూ. 50 వేలు, కొత్త గ్రూపు రిజి్రస్టేషన్‌కు ఒక్కో గ్రూపునకు రూ. లక్ష వరకు డిమాండ్‌ చేస్తున్నట్లు చెబుతున్నారు.  అదనపు సిబ్బంది నియామకంలోనూ..  ►కోవిడ్‌ నియంత్రణకు అదనంగా 20 శాతం వర్కర్లను నియమించుకునేందుకు ప్రభుత్వం అనుమతి ఇవ్వటంతో నూతన వర్కర్ల నియామకానికీ భారీ స్థాయిలో ముడుపులు సేకరించినట్లు ఆరోపణలున్నాయి.   ►నగరంలో ఇటీవల 20 గ్రూపుల ద్వారా 200 మందికి పైగా పారిశుద్ధ్య కార్మికుల నియామకం జరిగింది. ►ఇవన్నీ సీఎంఈవై, డ్వాక్రా గ్రూపుల ద్వారా నియమించాలని మార్గదర్శకాలుండగా కొంత మంది అత్యుత్సాహ శానిటరీ మేస్త్రీలు, ఇన్‌స్పెక్టర్లు మనుగడలో లేని గ్రూపుల ద్వారా నియామకాన్ని చేపట్టి అందుకు కార్మికుల నుంచి రూ. లక్షల్లో వసూళ్లు చేసినట్లు విమర్శలు వస్తున్నాయి.  ►మరోవైపు పారిశుద్ధ్య కార్మికుల సంక్షేమానికి వీఎంసీ ప్రత్యేకంగా టీఎల్‌ఎఫ్‌(టౌన్‌ లెవల్‌ ఫెడరేషన్‌)లకు నిర్వహణ బాధ్యతలు ఇస్తోందన్న సమాచారంతో శానిటరీ ఇన్‌స్పెక్టర్లు, మేస్త్రీలు మరింత దూకుడు పెంచి నిర్ణీత గడువు విధించి మరీ వసూళ్లు చేస్తున్నారని, గడువులోగా ఇవ్వకపోతే పొదుపు సంఘాల రిజిస్ట్రేషన్‌ వాయిదా వేస్తూ వేధింపులకు గురిచేస్తున్నారని ఆరోపణలు వినిపిస్తున్నాయి.   ►కొంతమంది శానిటరీ ఇన్‌స్పెక్టర్లైతే బినామీ గ్రూపులు నిర్వహిస్తున్నారని, గ్రూపులకు సంబంధించి ఎలాంటి రికార్డులైనా, లావాదేవీలైనా, తీర్మానాలైనా వారి నియత్రణలోనే ఉంటున్నాయని తెలుస్తోంది. అవినీతి రాజ్యమేలుతోంది  విజయవాడ మున్సిపల్‌ కార్పొరేషన్‌ ప్రజారోగ్య విభాగంలో అవినీతి రాజ్యమేలుతుంది. జలగల్లా కొంత మంది శానిటరీ ఇన్‌స్పెక్టర్లు పారిశుద్ధ్య కార్మికులను వేధిస్తున్నారు. చాలా మంది ఇన్‌స్పె క్టర్లు పొదుపు సంఘాల తీర్మానాల పుస్తకాలు, రిజిస్ట్రార్లు, బ్యాంకు పాసుపుస్తకాలు, చెక్‌బుక్‌లను స్వా«దీనం చేసుకుని వాటిని నాశనం చేస్తామంటూ బెదిరింపులకు దిగుతున్నారు. టీఎల్‌ఎఫ్‌లకు బాధ్యతలు ఇస్తే కొంతమేర నష్టనివారణ జరగే అవకాశం ఉంది.   – ఎం.డేవిడ్, సీఐటీయూ  నాయకుడు చర్యలు తీసుకుంటాం..  పారిశుద్ధ్య కార్మికుల కొనసాగింపు, కొత్త గ్రూపుల నియామకంలో అవినీతి జరుగుతుందని ఫిర్యాదులు వస్తున్నాయి. వీటిపై విచారణ చేసి బాధ్యులపై చర్యలు తీసుకుంటాం.   – షాలినీదేవి, సీఎంవోహెచ్‌–వీఎంసీ   

ఎంతటి కరోనా సంక్షోభంలోనైనా పారిశుద్ధ్య కార్మికుల చీపురు వీధులను శుభ్రం చేయడం మానలేదు. ఈ ప్రపంచమంతా కరోనాతో స్తంభించిపోయి నప్పుడూ వాళ్ళు పనిచేస్తూనే ఉన్నారు. పక్కవాడి గాలిసోకితేనే భయంతో వణికిపోతూన్న తరుణంలో, మనమంతా వాడిపారేసిన చెత్తను చేతులతో ఎత్తిపోస్తున్నారు.  కరోనాను సమాజం నుంచి తరిమికొడుతున్నారు. అయితే ఈ సమాజం అనునిత్యం వెలివేస్తున్నా, వారిని శతాబ్దాలుగా తరిమి కొడుతున్నా.. తరతరాలుగా ఈ సమాజం మురికిని కడిగిపారేస్తోంది మాత్రం వాళ్ళే. చెత్త ఎత్తే వారికి ఇంతకంటే విలువక్కర్లేదనుకుంటే మాత్రం కోవిడ్‌ లాంటి ఉపద్రవాలనుంచి కాపాడే వారు భవిష్యత్‌లో మనకు కనుచూపుమేరలో కనిపించరు.  ‘‘నాకు మళ్ళీ జన్మించాలనే కోరిక లేదు. ఒకవేళ నేను పునర్జన్మ పొందితే బంగీ (సఫాయి) కర్మచారిగా పుట్టాలని మాత్రమే కోరుకుంటాను’’ అన్నది భారతదేశ స్వాతంత్య్ర సంగ్రామానికి నాయకత్వం వహించిన మోహన్‌దాస్‌ కరంచంద్‌ గాంధీ వ్యాఖ్యానం. నాటి మహాత్మాగాంధీ మొదలుకొని నేటి ప్రధాని నరేంద్ర మోదీ వరకూ సమాజ పరిశుభ్రతకోసం పాటుపడటం అంటే అది దేశానికి ఎనలేని సేవచేయడమే. అందుకే ‘పరిసరాల్లో ఉన్న చెత్తాచెదారాన్ని, మురికిని తొలగించి భారతమాతకు సేవ చేస్తాను. ప్రతివారం రెండు గంటల చొప్పున సంవత్సరం మొత్తం వంద గంటలు పరిసరాలను పరిశుభ్రంగా ఉంచేందుకు కృషి చేసి చరిత్రలో నిలిచిపోతాను’ అంటూ స్వచ్ఛభారత్‌ కార్యక్రమం ప్రారంభం సందర్భంగా ప్రధాని నరేంద్ర మోదీ దేశ ప్రజలందరితో ప్రత్యేకించి ఉద్యోగులు, విద్యార్థులు, ఇతర ప్రజాప్రతినిధులందరితో ప్రమాణం చేయించారు. కానీ ఒకటి రెండు గంటలు కాదు, ఒక యేడాదో, రెండేళ్ళో కూడా కాదు. కొన్ని దశా బ్దాలుగా అదే పనిని చేస్తున్న వాళ్ళకు మాత్రం ఏ చరిత్రలోనూ చోటు దక్కదు. కరోనాయే కాదు, అంతకు మించిన మహమ్మారి వచ్చినా అన్ని వ్యాధులనుంచి మనల్ని కాపాడే మనుషులకు కనీసం పశువుల కున్న పాటి గౌరవం కూడా ఉండదు. మహాత్మాగాంధీ పరిసరాలను శుభ్ర పరుస్తున్న సఫాయికర్మచారీ లను పారిశుద్ధ్య కార్మికులను ప్రశంసిస్తే, నరేంద్ర మోదీ పరిసరాలను శుభ్రంచేయాలని ప్రజలకు పిలుపునిచ్చారు. మహాత్మాగాంధీ ప్రశం సలు సఫాయికర్మచారీల జీవితాల్లో ఎటువంటి మార్పులు తేలేదు. గాంధీకి మాత్రం పేరు తెచ్చిపెట్టాయి. మోదీ మాటలు కూడా గాలి లోనే కలిసిపోయాయి. ఫోటోలకు ఫోజులివ్వడానికి ప్రము ఖులు చీపుర్లు పట్టుకొని నటించారే తప్ప, ఏనాడూ చిత్త శుద్ధితో వ్యవహరిం చలేకపోయారు. పారిశుద్ధ్య కార్మికుల జీవితాల్లో ఏ ‘దీపాల’ వెలు గులూ  నింపలేకపోయారు. గత మూడు నెలలుగా వీరంతా తమ అందమైన భవనాల్లో ఏసీ గదులకు పరిమితమైపోయి, వంటలు, వార్పులూ చేస్తూ, టీవీల్లో భాష్యాలు చెపుతున్నారు. అయినా ఆశ్చ ర్యంగా వీధులు శుభ్రంగానే ఉన్నాయి. పరిసరాలు పరిశుభ్రంగానే ఉంటున్నాయి. అయితే అది ఎవరివల్ల సాధ్యమైంది? ఎవరు దీనికి కారకులు? వారి జీవితాలకు కావాల్సిందేమిటి అన్న ప్రశ్న మాత్రం ఎక్కడా వినిపించదు.  ఎంతటి కరోనా సంక్షోభంలోనైనా పారిశుద్ధ్య కార్మికుల చీపురు వీధులను శుభ్రం చేయడం మానలేదు. మనమంతా లాక్‌డౌన్‌తో ఇండ్లల్లో సేదతీరుతోంటే వీరు మాత్రం మనల్ని కరోనానుంచి కాపాడే మహత్తరమైన పనిలో నిమగ్నమై ఉన్నారు. భారత దేశంలో 2018లో జరిగిన సర్వే ప్రకారం యాభై లక్షల మంది నగరాల్లో, మరో ముప్ఫై అయిదు లక్షల పారిశుద్ధ్య కార్మికులు గ్రామాల్లో ఉన్నారు. ఇంటింటికీ తిరిగి సేకరించి తీసుకెళుతున్న వాళ్ళు మరో 20 లక్షల మంది ఉన్నారు. వీరితో పాటు ఒక లక్షా 82 వేల కుటుంబాలు మాన్యువల్‌ స్కావెం జర్స్‌గా పనిచేస్తున్నట్టు, ఇటీవలి సర్వేలో వెల్లడైంది. అంటే దాదాపు 70 లక్షలకుపైగా పారిశుద్ధ్య కార్మికులు సమాజాన్ని శుద్ధిచేసే కార్య క్రమంలో ఉన్నట్టు అధికారిక లెక్కలే చెబుతున్నాయి. సమాజంగానీ, ప్రభుత్వాలు గానీ, వీరిని అంతగా పట్టించుకున్న దాఖలాల్లేవు. ఈ పని చేస్తున్న మనుషులకు విలువ లేదు. ఆ పనికి ఎటువంటి ప్రా«ధా న్యతా లేదు. పారిశుద్ధ్య కార్మికులుగా పనిచేస్తున్న వాళ్ళల్లో ప్రతిఏటా వందల మంది చనిపోతున్నా, ఆ లెక్కలేవీ ఎవరికీ పట్టవు. మనం ఇండ్లల్లో ‘స్టే హోం–స్టే సేఫ్‌’ అంటూ విశ్రమిస్తోంటే కరోనాను మన ఇంట్లోకి రాకుండా చూస్తున్నది ఏగౌర వమూలేని ఈ పారిశుద్ధ్య కార్మి కులే. ఈ సమాజం అనునిత్యం వెలి వేస్తున్నా, తరతరాలుగా ఈ సమాజం మురికిని కడిగిపారేస్తోంది మాత్రం వాళ్ళే.   మన దేశంలో తప్ప ఇతర ఏ దేశాల్లోనైనా ఇటువంటి పనిచేస్తున్న కార్మికులకు సమాజంలో సమాన గౌరవం ఉంటుంది. అదే మన సమాజంలో కొన్ని వేల సంవత్సరాలుగా సమాజ క్షేమం కోసం, అభివృద్ధి కోసం, స్వచ్ఛత కోసం పని చేస్తోన్న వీరిని ఈ కుల సమాజం శతృవులుగానే పరిగణిస్తున్నది. ఈ కరోనా సమయంలోనూ సుప్రీం కోర్టు భారత రాజ్యాంగంలో పొందుపరిచిన రిజర్వేషన్లకు వ్యతిరేకంగా తీర్పులిచ్చింది. దీన్ని సమాజం ప్రతిస్పందనగానే భావించాల్సి ఉంటుంది. గనుల్లో, రైల్వేల్లో, ఇతర ప్రమాదకర పనిస్థలాల్లో పనిచేసి దేశ ఆర్థిక వ్యవస్థను నిలబెట్టిన వీళ్లకు ఇప్పటికీ ఈ దేశ సంపదలో తగిన వాటా లభించ లేదు. బీడు భూముల్ని సాగు భూములుగా మార్చి కోట్లాది ఎకరాల్లో భూమిని వ్యవసాయానికి అనుగుణంగా తయారు చేసిన దళితులకు జానెడు భూమి లేదు. పశువులు చనిపోతే ఊరు పవిత్రతకోసం, స్వచ్ఛత కోసం తమ ఆరోగ్యాన్నీ, ప్రాణాలనూ ఫణంగా పెడుతోన్న  దళితులు ఇంకా ఊరికి ఆవలే బతుకులీడుస్తు న్నారు. మనుషులు చనిపోతే అక్కడా వీళ్ళే, తరతరాలుగా ఇన్ని రకాల పనుల్లో తమ జీవితా లను సమిధలుగా చేసిన దళితులపై ఎందుకంత విద్వేషం అనేది శతాబ్దాలుగా సమాధానం లేని శేష ప్రశ్న.  కరోనాను ఎదుర్కోవడంలో ముందు వరుసలో నిలబడి ప్రాణా లకు తెగించి పోరాడుతున్నది డాక్టర్లు, వైద్య సిబ్బంది, పోలీసులు, పారిశుద్ధ్య కార్మికులు. సహజంగానే వైద్య సిబ్బందీ, పోలీసులు ప్రభుత్వ ఉద్యోగులకు, జీతాలు కూడా కొంత మెరుగ్గానే ఉన్నాయి. కానీ పారిశుద్ధ్య కార్మికుల ఉద్యోగాలకు ఏ గ్యారంటీ లేదు. అవి పర్మినెం ట్‌కాదు. కాంట్రాక్టు కార్మికులనో, ఔట్‌ సోర్సింగ్‌ అనో, ఇంకేపేరుతోనో పిలిచినా అవి ఎప్పుడు కాదనుకుంటే అప్పుడు తొల గించే అవకాశమున్న, ఏ ఉద్యోగ భద్రతా, ఏ సామాజిక రక్షణా లేని అతి చవకైన ఉద్యోగాలు. జీతాలు పదివేలకు మించవు. నాలుగు అయిదు వేలు వచ్చేవాళ్లే ఎక్కువమంది ఉన్నారు. ఈ ప్రపంచ మంతా కరోనాతో స్థంభించిపోయినప్పుడూ వాళ్ళు పనిచేస్తూనే ఉన్నారు. పక్కవాడి గాలిసోకితేనే భయంతో వణికిపోతోన్న తరు ణంలో మనమంతా వాడిపారేసిన చెత్తను చేతులతో ఎత్తిపోస్తున్నారు.  కరో నాను సమాజం నుంచి తరిమికొడుతున్నారు. ఈ సమాజం మాత్రం వారిని శతాబ్దాలుగా తరిమి కొట్టడం మానలేదు. ఇదే రకమైన వెలివేత వైఖరిని ప్రభుత్వాలు కూడా అనుసరిస్తు న్నాయి. దేశ ఆర్థిక వ్యవస్థ కోసం, ఇతర అవసరాలకోసం కేంద్ర ప్రభుత్వం 21 లక్షల కోట్ల ప్యాకేజీని ప్రకటించింది. కానీ అందులో అత్యంత దయనీయమైన జీవితాలను గడుపుతున్న పారిశుద్ధ్య కార్మి కుల ఊసేలేదు. అందులో తెలంగాణ ప్రభుత్వం మినహాయింపు. దేశంలో ఎక్కడాలేని విధంగా ప్రతి పారిశుద్ధ్య కార్మికునికీ వేతనంతో అదనంగా 8,500 రూపాయలు అందజేస్తున్నది. తెలంగాణ రాష్ట్ర ముఖ్యమంత్రి కె.చంద్రశేఖర్‌ రావు చొరవను మనమంతా అభినందిం చాలి. కానీ కేంద్ర ప్రభుత్వం మాత్రం అటువంటి ఆలోచన చేయక పోవడం విచారకరం. కేంద్రంలోని బీజేపీ నాయకత్వంలోని ప్రభుత్వం దళితులు, ఆదివాసీల పట్ల నిర్లక్ష్యంగా ఉన్నదనే విమర్శను ఈ చర్య బలపరుస్తున్నది. పారిశుద్ధ్య కార్మికులు, గార్బెజ్‌ కలెక్టర్లు, మాన్యువల్‌ స్కావెంజర్లందరికీ కరోనా విపత్తు కొనసాగినంత కాలం ప్రతి వ్యక్తికీ ప్రతి నెలా 20,000 రూపాయల చొప్పున చెల్లించాలనే డిమాండ్‌ కేంద్ర ప్రభుత్వం దగ్గర ఉంది. సామాజిక కార్యకర్తలు, మానవ హక్కుల సంఘాలు, దళిత, ఆదివాసీ సంఘాలు కేంద్ర ప్రభుత్వం కూడా చొరవ చూపాలని డిమాండ్‌ చేస్తున్నాయి. చాలా చోట్ల గ్లౌజులు, మాస్క్‌లు, పీపీఈ కిట్లు లేకుండా వీళ్ళు పనిచేస్తున్నారు. దీంతో ఢిల్లీ, పూనా, ఇతర చోట్ల పదిమందికి పైగా కరోనా బారిన పడి మరణించారు.  వీరికి ప్రతిరోజూ పరీక్షలు నిర్వహించాలి. పారిశుద్ధ్య కార్మికులకు అదనపు రెమ్యూనరేషన్‌ను వెంటనే ప్రకటించాలనే డిమాండ్‌ను కేంద్రం పరిష్కరించాలి. కరోనా సమ యంలో ఈ కుటుంబాలు మరింత పేదరికంలోకి జారుకునే ప్రమాదం ఉంది. ప్రభుత్వం ఇచ్చే బోనస్‌ వల్ల వాళ్ళకు కొంత ఉపశమనం. నిజానికి వీళ్లు ఆరోగ్యంగా పనిచేయగలిగితేనే కరోనాను అరికట్టగలం. వీరి అవసరం ఇప్పుడు మరింత పెరిగింది. సమాజంలోని సంఘాలు, సంస్థలు, వ్యక్తులు మానవతా దృక్పథంతో వీరి పక్షాన నిలబడి కేంద్ర ప్రభుత్వంపై ఒత్తిడి పెంచాల్సి ఉంది. చెత్త ఎత్తే వారికి ఇంతకంటే విలువక్కర్లేదనుకుంటే మాత్రం కోవిడ్‌ లాంటి ఉపద్రవాలనుంచి కాపాడే వారు భవిష్యత్‌లో మనకు కనుచూపుమేరలో కనిపించరు. మనల్ని రక్షించే వారిని కాపాడుకోవాల్సిన బాధ్యత మనందరిపైనా ఉందన్నది కరోనా సాక్షిగా రుజువైన సత్యం. వ్యాసకర్త :మల్లెపల్లి లక్ష్మయ్య,  సామాజిక విశ్లేషకులు మొబైల్‌ : 81063 22077

కరోనా మీద ప్రస్తుతం ప్రపంచం పోరాటం చేస్తోంది. ఈ పోరాటంలో కరోనాను కట్టడి చేయడానికి వైద్యులు, పారిశుద్ధ్య కార్మికులు, పోలీసులు ముందుండి పోరాడుతున్నారు. వాళ్ల సేవలకు సలామ్‌ చేస్తూ సంగీత దర్శకుడు చక్రి సోదరుడు మహిత్‌ ఓ పాటను రూపొందించారు. రచయిత బాలాజీ రచించిన ఈ పాటను సుమారు పది మంది (మనో, టిప్పు, శ్రీకృష్ణ, సాయి చరణ్, నిహాల్, గీతా మాధురి, ఆదర్శిని, అంజనా సౌమ్య, హరిణి, బేబి) గాయనీ గాయకులు ఆలపించారు.  ఈ పాటను తెలంగాణ డీజీపీ మహేందర్‌ రెడ్డి విడుదల చేసి, ‘‘మనకోసం పోరాడుతున్న వాళ్ల సేవలను గుర్తిస్తూ ఓ పాటను చేయడం మంచి విషయం. టీమ్‌కి ఆల్‌ ది బెస్ట్‌’’ అన్నారు. ‘‘కరోనా నుంచి మనల్ని కాపాడుతున్న అందరికీ చేతులెత్తి మొక్కాలి. నాకు సహకారం అందించిన అందరికీ ధన్యవాదాలు’’ అన్నారు సంగీత దర్శకుడు మహిత్‌.

కరోనా వైరస్‌ వ్యాప్తి భారతదేశంలోని పారిశుధ్య కార్మికులపట్ల మన అవగాహనను ఉన్నట్లుండి మార్చివేసింది. ఇన్నాళ్లుగా వీరిని నీచంగా చూస్తూ, గౌరవించడానికి, ఆత్మగౌరవానికి అర్హత లేనివారిగా భావిస్తూ వచ్చిన సంపన్నులు తమ ప్రాణాలు.. ఎన్నడూ లేనివిధంగా ఇప్పుడు ప్రమాదంలో పడిపోవడంతో డాక్టర్లు, నర్సులతో సమానంగా పారిశుధ్య కార్మికులను గుర్తించడం మొదలెట్టేశారు. ఇది కరోనా మహమ్మారి తెచ్చిన మార్పు. ఎలాంటి రక్షణ సామగ్రి ధరించకుండానే ప్రాణాం తక వైరస్‌కు వ్యతిరేకంగా రాత్రింబవళ్లు రహదారులు శుభ్రం చేస్తూ, బ్లీచింగ్‌ పౌడర్‌ స్ప్రే చేస్తూ వస్తున్న సఫాయి సైనికుల శ్రమను ఇన్నాళ్లుగా మన సమాజం విలువలేని పనిగా చూస్తూ వచ్చింది. ఇప్పుడు సరిహద్దుల్లోని సైనికుల త్యాగాన్ని, సాహసాన్ని పోలిన పనిగా సఫాయి కార్మికుల సేవలను జాతి గుర్తిస్తోంది. కానీ తమ పని ముగించిన తర్వాత ఇంట్లో వారు కనీస సౌకర్యాలతో జీవించాల్సిన అవసరం ఎంతైనా ఉంది. జాతి రక్షకులుగా సఫాయి కార్మికులను మన జాతీయవాదం ఎన్నడైనా గుర్తిం చిందా? వారికి మంచి జీవన పరిస్థితులను అందించిందా? కరోనా సైతాన్‌ లేక కరోనా రక్కసి సంపన్నులూ, నిరుపేదలూ తేడా లేకుండా అందరి ప్రాణాలూ తీస్తున్న సమయంలో జాతి ప్రాణాలు కాపాడటానికి ఎంతమంది పవిత్ర మూర్తులు మన రహదారులపై పోరాడుతున్నారో కదా. ఆలయాలూ, చర్చీలూ, మసీదులూ, విహా రాలు మొత్తం లాక్‌డౌన్‌ అయి ఉంటున్న నేపథ్యంలో మన పూజారులూ, సన్యాసులూ, బిషప్‌లూ, ముల్లాలు, సాధువులూ అందరూ సామాన్య మానవుల్లాగా ఇంటిపట్టునే ఉండిపోతున్నారు. ఈశ్వరుడూ, ప్రభువూ, అల్లా వాస్తవంగానే మన సఫాయి సైనికుల్లో కనిపిస్తున్నారు.  నిస్సందేహంగానే కరోనా అనంతరం ప్రపంచంలోంచి మతం అంతరించిపోదు. కానీ పూజారులు, బిషప్‌లు, ముల్లాలు, సన్యాసుల కంటే రహదారులను శుభ్రం చేస్తున్న పారిశుధ్య కార్మికులే దేవుళ్లుగా కనిపిస్తున్నారిప్పుడు. సఫాయి కార్మికులే ప్రస్తుతం అత్యంత పరిశుద్ధమైన, స్వచ్ఛమైన ప్రజలు. ఇకనుండి కరోనా అనంతర ప్రపంచంలో వీరికే అత్యంత గౌరవం లభించాల్సి ఉంటుంది. భారత్‌లో సఫాయి కార్మికులు దాదాపుగా అంటరానితనం నేపథ్యంలోంచి వచ్చినవారే అన్నది మరవరాదు. మనలో చాలామంది భార్యాపిల్లలను సైతం ముట్టకుండా భౌతిక దూరం పాటిస్తున్న కాలంలో యావన్మంది ప్రాణాలు కాపాడటానికి ఈ సఫాయి కార్మికులు ఎందుకోసం, ఎలా పనిచేస్తున్నారు?  దేశవ్యాప్తంగా లాక్‌డౌన్‌ ప్రకటిస్తున్న సమయంలో ప్రధాని నరేంద్రమోదీ.. రాష్ట్రపతి నుంచి కింది స్థాయి వరకు అధిక వేతనాలు పొందుతున్న వారి వేతనాల్లో 30 శాతం కోత విధిస్తున్న్టట్లు ప్రకటిం చారు. రాష్ట్ర ప్రభుత్వాలు తమవైన వేతనాల కోతను ప్రకటించాయి. కానీ సఫాయి కార్మికుల వేతనాలను 30 శాతం వరకు పెంచడం జాతీయవాద చర్య కాదా? అలాంటి సానుకూల జాతీయవాద చర్యగురించి ప్రధాని ఎందుకు ఆలోచించరు? ఒక గొప్ప జాతీయవాద పనిని సాహసంతో, నిబద్ధతతో చేస్తున్న సఫాయి కార్మికులను ప్రశంసించడంతో సరిపెట్టుకోకూడదు. కరోనా వైరస్‌ నేపథ్యంలో రహదారులను శుభ్రం చేస్తూ ప్రాణాలు కోల్పోతున్న వారికి సంపన్నులు పది రూపాయల నోట్ల దండ వేసి అలంకరించడం నైతికంగా సరైంది కాదు. మాతృభూమి నిజమైన సేవకుల వేతనాలు ఎల్లప్పుడు తక్కువగానే ఉంటున్నాయని దేశానికి, జాతీయవాదులకూ తెలుసు. వారిప్పుడు పొందుతున్న వేతనాలు మంచి తిండి తినడానికి, చక్కటి ఇంట్లో ఉండటానికి, పారంపర్యంగా వస్తున్న వృత్తినుంచి బయటపడేయగల మంచి చదువును తమ పిల్లలకు అందించడానికి ఏమాత్రం సరిపోవడం లేదు. పైగా వీరి వృత్తిని సాధారణంగా అగౌరవించడమే మనకు తెలుసు. దాన్ని హీనంగా భావించడమే మనకు తెలుసు. నిజానికి కరోనా మహమ్మారి మన సంపన్నులను ఒక్కసారిగా నేలమీదికి దింపింది. మీరు ఎంత ఎక్కువగా ప్రయాణిస్తే అంత ఎక్కువగా ఈ సైతాన్‌ బారిన పడడం ఖాయమని కరోనా తేల్చిచెప్పేసింది. ప్రపంచంలోని అత్యుత్తమ ఆసుపత్రులు కూడా ఇప్పుడు మిమ్మల్ని రక్షించలేవు. అదే సమయంలో సఫాయి సైనికులు ఈ మహమ్మారికి ఎందుకు భయపడటం లేదు? ఎందుకంటే వారు ఈ మట్టిలో పుట్టారు. ఈ మట్టిలో పెరుగుతున్నారు. సంపన్నులు తినడానికి ఇష్టపడని తిండి (గొడ్డు మాసంతో సహా) తింటున్నారు. అయినప్పటికీ ముఖాలకు మాస్కులు కూడా లేకుండానే వీరు వీధుల్లో, రహదారుల్లో కరో నాతో తలపడుతున్నారు. ఇదెలా సాధ్యమైంది? ఎలాగంటే, ఈ మట్టిలో ఎంత ఎక్కువగా మీరు గడిపితే, మీ చేతులతో ఈ నేలను శుభ్రం చేస్తే.. అంత ఎక్కువ ధైర్యం, ఆత్మవిశ్వాసం, శక్తితో మీరు ఈ మహమ్మారితో పోట్లాడగలరు. బంగ్లా లలో కాకుండా గుడిసెల్లో జీవిస్తున్న ఈ నిరుపేదలకు అంతటి ధైర్యం, నమ్మకం, శక్తి ఎక్కడినుంచి వస్తున్నాయి? తాము మట్టినుంచే వచ్చామని, మహమ్మారి తమపై దాడిచేస్తే అదే మట్టిలో తాము కలిసిపోతామన్న కనీస విజ్ఞతనుంచి వారికి ఈ లక్షణాలు అబ్బుతున్నాయి. అలాంటి ఎన్నో మహమ్మారుల బారినపడే వారు జీవిస్తూ వచ్చారు. ఇలా కాకుండా ఏసీలతో కూడిన అసమానమైన జీవితం గడుపుతున్నట్లయితే సంపన్నులకు ఇక భద్రత ఉండదని కరోనా తేల్చి చెప్పింది. ఆసుపత్రులు మిమ్మల్ని కాపాడలేవని, తాము ఇన్నాళ్లుగా ద్వేషిస్తూ వస్తున్న నిరుపేదలే నిజంగా మిమ్మల్ని కాపాడగలరని కరోనా వారికి తేటతెల్లం చేసింది. ఈ కరోనా సంక్షోభకాలంలో తమకూ సమాన సమానస్థాయి వేతనాలు ఇవ్వాలని, మానవుల్లాగా తమనూ సమానస్థాయిలో గౌరవించాలని వీరు ఒక్కరోజు సమ్మెకు దిగితే పరిస్థితి ఎలా ఉంటుందో ఊహించండి. అదే జరిగితే కరోనా వైరస్‌ భయంతో మనందరం రోడ్లమీదే చనిపోతాం. మనం నిజంగా జాతీయవాదులమే అయితే, ఈ ప్రాణాంతక వైరస్‌ బాంబు బారినుంచి మనల్ని కాపాడటానికి దేశవ్యాప్తంగా వీధివీధిలోనూ పోరాడుతున్న సఫాయి సైని కుల జీవితాలను మెరుగుపర్చడం ద్వారా అసమానతలను తగ్గించాలని తీర్మానించుకుందాం. ప్రొ‘‘ కంచ ఐలయ్య షెపర్డ్‌  వ్యాసకర్త డైరెక్టర్, సెంటర్‌ ఫర్‌ స్టడీ ఆఫ్‌ సోషల్‌ ఎక్స్‌క్లూజన్‌ అండ్‌ ఇన్‌క్లూజివ్‌ పాలసీ 

సాక్షి, సిద్దిపేట: ముఖ్యమంత్రి కేసీఆర్‌ కార్మికుల పక్షపాతి అని ఆర్థిక శాఖ మంత్రి టి.హరీశ్‌రావు అన్నారు. తెలంగాణ రాష్ట్రంలో కార్మికుల సంక్షేమానికి అనేక సంక్షేమ పథకాలు ప్రవేశ పెట్టారని తెలిపారు. శుక్రవారం ఆయన సిద్దిపేటలో పారిశుధ్య కార్మికుల మధ్య మే డే వేడుకలను జరుపుకున్నారు. ఈ సందర్భంగా మంత్రి మాట్లాడుతూ.. ప్రపంచాన్ని వణికిస్తున్న కరోనా వైరస్‌ వ్యాప్తి చెందకుండా కట్టడి చేయడంలో రాష్ట్ర ప్రభుత్వం కొంత మేరకు విజయం సాధించిందన్నారు. డాక్టర్లు, పోలీసులు, పారిశుధ్య కార్మికుల సేవలు వెలకట్టలేనివని పేర్కొన్నారు. పారిశుధ్య కార్మికులకు మాస్కులు, శానిటైజర్లు అందచేశామని, బీమా సౌకర్యం కూడా కల్పించామన్నారు. తెలంగాణలోని సగం మంది మహిళలు బీడీ కార్మికులుగా కుటుంబాలను పోషించుకుంటున్నారని చెప్పారు. గతంలో నేతన్నల ఆకలి చావులు, ఆత్మహత్యలు ఉండేవని, ఇప్పుడు ఆ పరిస్థితి లేదన్నారు. ఏ రాష్ట్రంలో లేని విధంగా బీడీ,, చేనేత, గీత కార్మికులకు పెన్షన్‌ సౌకర్యం కల్పిస్తున్న ఘనత టీఆర్‌ఎస్‌ ప్రభుత్వానిదేనని గుర్తు చేశారు. ఆటో డ్రైవర్లకు కూడా ప్రభుత్వం రాయితీలు కల్పించిందని మంత్రి వివరించారు. హరీశ్‌ ఆరోగ్య చిట్కా  నిత్యం అపరిశుభ్రమైన వాతావరణంలో పనులు చేసే పారిశుధ్య కార్మికుల ఆరోగ్యంపై మంత్రి హరీశ్‌రావు దృష్టి పెట్టారు. వారికి ఆరోగ్య చిట్కాను ఉపదేశించారు. ప్రతి కార్మికుడు రోజుకు మూడు సార్లు గోరువెచ్చని నీళ్లలో నిమ్మరసం పిండుకొని తాగాలని సూచించారు. అయితే.. ఉదయం ఇంటి నుంచి వచ్చే తమకు బయట మంచినీళ్లు పోసే వారే తక్కువ.. అందునా గోరువెచ్చని నీళ్లు ఎలా వస్తాయని కార్మికులు ఆవేదన వ్యక్తం చేశారు. స్పందించిన మంత్రి.. ప్రతి కార్మికుడికి ప్లాస్కును అందచేశారు. ఈ ప్లాస్కులో ఉదయం వేడి నీరు పోసుకొని పనికి రావాలని చెప్పారు. ఆరోగ్య చిట్కా చెప్పడమే కాకుండా అందుకు కావాల్సిన ప్లాస్కును ఇచ్చిన హరీశ్‌రావుకు పారిశుధ్య కార్మికులు కృతజ్ఞతలు తెలిపారు.

న్యూఢిల్లీ: కరోనా మహమ్మారికి వ్యతిరేకంగా పోరాడుతున్న యోధులకు కృతజ్ఞతలు తెలియజేస్తూ యుద్ధ విమానాలను గాల్లోకి పంపడంతోపాటు (ఫ్లై– పాస్ట్స్‌) ఆసుపత్రులపై పూల జల్లు కురిపిస్తామని చీఫ్‌ ఆఫ్‌ డిఫెన్స్‌ స్టాఫ్‌ జనరల్‌(సీడీఎస్‌) బిపిన్‌ రావత్‌ చెప్పారు. ఆయన శుక్రవారం త్రివిధ దళాల అధిపతులు ఎం.ఎం.నరవణే, కరంబీర్‌సింగ్, ఆర్‌.కె.ఎస్‌.బదౌరియాతో కలిసి మీడియాతో మాట్లాడారు. దేశ తొలి సీడీఎస్‌గా బాధ్యతలు చేపట్టాక ఇదే ఆయన తొలి మీడియా సమావేశం. కరోనాపై పోరాటం విషయంలో దేశమంతా ఒక్కటై నిలిచిందని జనరల్‌ రావత్‌ అన్నారు. మహమ్మారి బారినుంచి మనల్ని కాపాడేందుకు వైద్యులు, నర్సులు, పోలీసులు, పారామెడికల్‌ సిబ్బంది, పారిశుధ్య కార్మికులు, మీడియా ప్రతినిధులు అహోరాత్రులు శ్రమిస్తున్నారని కొనియాడారు. వారి సేవలకు త్రివిధ దళాలు వివిధ రూపాల్లో కృతజ్ఞతలు తెలపనున్నాయని చెప్పారు.  అవి...మే 3వ తేదీన సాయంత్రం భారత వైమానిక దళం ఆధ్వర్యంలో ఫిక్స్‌డ్‌ వింగ్, ఫైటర్‌ ఎయిర్‌క్రాఫ్ట్‌ విమానాలు ఫ్లై–పాస్ట్స్‌లో పాల్గొంటాయి. శ్రీనగర్‌ నుంచి తిరువనంతపురం వరకు.. దిబ్రూగఢ్‌ నుంచి కచ్‌ వరకు ఇవి గాల్లో ఎగురుతాయి.  నావికా దళం     హెలికాప్టర్లు ‘కరోనా’ ఆసుపత్రులపై పూలు చల్లుతాయి. యుద్ధనౌకలు ప్రత్యేక డ్రిల్లు     నిర్వహిస్తాయి. సముద్ర తీరంలో యుద్ధ     నౌకలను విద్యుత్‌ వెలుగులతో నింపేస్తారు.   ప్రతి జిల్లాలో కొన్ని హాస్పిటళ్లలో సైన్యం    ఆధ్వర్యంలో మౌంటెయిన్‌  బ్యాండ్‌     ప్రదర్శన ఉంటుంది.    (చదవండి: మేడే రోజు శ్రామిక్‌ రైళ్లు)

సాక్షి, సిద్దిపేట: ప్రపంచ కార్మికుల దినోత్సవం సందర్బంగా రాష్ట్ర ఆర్థికశాఖ మంత్రి తన్నీరు హరీశ్‌రావు కార్మికులకు శుభాకాంక్షలు తెలిపారు. సిద్దిపేట పట్టణంలోని పారిశుధ్య కార్మికులను శుక్రవారం ఉదయం సన్మానించారు. అనంతరం వారితో కలిసి అల్పాహారం స్వీకరించారు. కొండమల్లయ్య గార్డెన్‌ ఫంక్షన్‌ హాల్‌లో ఈ కార్యక్రమం జరిగింది. కోవిడ్‌ పోరులో పారిశుధ్య కార్మికులు నిరంతరం శ్రమిస్తున్నారని మంత్రి కొనియాడారు.

సాక్షి, హైదరాబాద్‌: ‘‘ఏమ్మా.. నీ పేరేంటి?..  ‘‘పిల్లలెంత మంది?.. ఏం చదువుతున్నారు?’’ ‘‘మీకేమైనా సమస్యలున్నాయా..?’’  ఇలా పేరుపేరునా మునిసిపల్‌ శాఖ మంత్రి కె.తారకరామారావు జీహెచ్‌ఎంసీ పారిశుధ్య కార్మికుల యోగక్షేమాలను ఆరా తీశారు. సంజీవయ్య పార్కు ఎదుట ఉన్న జీహెచ్‌ఎంసీ ఈవీడీఎం విభాగంలోని డీఆర్‌ఎఫ్‌ శిక్షణ కేంద్రంలో బుధవారం ఆయన జీహెచ్‌ఎంసీ పారిశుధ్య, ఎంటమాలజీ, డీఆర్‌ఎఫ్‌ సిబ్బందితో కలిసి భోజనం చేశారు. లాక్‌డౌన్‌ సమయంలో మీరంతా డాక్టర్లు, పోలీసులకు ధీటుగా పనిచేస్తున్నారని వారిని మంత్రి అభినందించారు. కరోనాపై యుద్ధంలో మీరే తొలి సిపాయిలని, మీరంతా కష్టపడుతున్నారంటూ వారికి కృతజ్ఞతలు తెలిపారు. ప్రజలంతా ఇప్పుడు మిమ్మల్ని, మీ సేవల్ని గుర్తిస్తున్నారని కితాబునిచ్చారు. కొందరికి  తానే వడ్డించారు. వారి కుటుంబీకుల ఆరోగ్య పరిస్థితిని, వారేం చేస్తున్నదీ అడిగి తెలుసుకున్నారు. ప్రతి ఒక్కరూ జాగ్రత్తగా ఉండాలని సూచించారు. మీ వెంటే మేమున్నామంటూ ధైర్యమిచ్చారు. ‘పనికి వెళ్లొద్దంటూ మీ ఇంట్లో వాళ్ల నుంచి అభ్యంతరాలు వస్తున్నాయా?, కరోనా వల్ల మీకేమైనా భయంగా ఉందా?’అంటూ వారితో ముచ్చటించారు. భౌతిక  దూరం పాటిస్తూ ఈ భోజనాల కార్యక్రమం నిర్వహించారు.   ప్రజల కోసం పనిచేసేవారిని ప్రభుత్వం గౌరవిస్తుంది..  కరోనా నియంత్రణలో విశిష్ట సేవలందిస్తున్న శానిటేషన్, ఎంటమాలజీ, డీఆర్‌ఎఫ్‌ సిబ్బందికి కూడా పూర్తి జీతంతో పాటు ప్రోత్సాహకాలను సీఎం కేసీఆర్‌ ఇస్తున్నారని మంత్రి కేటీఆర్‌ గుర్తుచేశారు. ప్రజల కోసం నిరంతరం పనిచేసేవారిని ప్రభుత్వం గౌరవిస్తుందన్నారు. కరోనా వ్యాప్తిని అరికట్టేందుకు తీసుకోవాల్సిన జాగ్రత్తల గురించి మీ చుట్టుపక్కల వారికి వివరించాలని కోరారు. వర్షాకాలం రానున్నందున దోమల వ్యాప్తిని అరికట్టేందుకు చర్యలు చేపట్టాలని ఎంటమాలజీ విభాగానికి సూచించారు. ఎక్సైజ్‌ శాఖ మంత్రి శ్రీనివాస్‌గౌడ్, మేయర్‌ బొంతు రామ్మోహన్, ఎమ్మెల్యే బాల్క సుమన్, పురపాలక శాఖ ప్రిన్సిపల్‌ సెక్రటరీ అర్వింద్‌ కుమార్, డిప్యూటీ మేయర్‌ మహ్మద్‌ బాబా ఫసియుద్దీన్, అదనపు కమిషనర్‌ (శానిటేషన్‌) రాహుల్‌రాజ్, ఈవీడీఎం డైరెక్టర్‌ విశ్వజిత్‌ కాంపాటి, సికింద్రాబాద్‌ జోనల్‌ కమిషనర్‌ శ్రీనివాస్‌రెడ్డి తదితరులు పాల్గొన్నారు. 

మహబూబ్‌నగర్‌ రూరల్‌: అవగాహన లేమితో గ్రామాల్లోని పారిశుద్ధ్య కార్మికులు అనారోగ్యాల బారినపడుతున్నారు. ప్రాణాంతక కరోనా వైరస్‌ వ్యాప్తి నిర్మూలనకు ప్రభుత్వం గ్రామాల్లో పలు రకాల క్రిమిసంహారక మందులను పిచికారి చేయాలని ఆదేశించింది. ఈ మేరకు గ్రామాల్లో పారిశుద్ధ్య కార్మికులు అధికారుల సూచన మేరకు హైడ్రోక్లోరైడ్‌ను పిచికారీ చేస్తున్నారు. ఈ మందును పిచికారి చేసే సమయంలో బొక్కలోనిపల్లి,  జమిస్తాపూర్, జైనళ్లీపూర్, ఓబ్లాయిపల్లి గ్రామాల పారిశుద్ధ్య కార్మికులు తీవ్ర అనారోగ్యానికి గురయ్యారు. కాళ్లు, చేతులు, వీపు భాగంలో శరీరం కమిలిపోయింది. కరోనా కష్టాల నుంచి ప్రజలను గట్టేక్కించేందుకు రేయింబవల్లు శ్రమిస్తున్నారు. వీరి కష్టాలను చూసి వారి కుటుంబ సభ్యులను తీవ్రంగా కలతచెందుతున్నారు. ఇన్నాళ్లు ప్రజల శ్రేయస్సే తమ ధ్యేయంగా పనిచేస్తూ వచ్చిన కార్మికులు మందుల పిచికారితో అనారోగ్యానికి గురికావడం ఆందోళనకు గురిచేస్తోంది. ఈ విషయంపై ఎంపీఓ వెంకట్రాములును వివరణ కోరగా కార్మికులు అనారోగ్యం బారినపడకుండా తమవంతు ప్రయత్నం చేస్తున్నామని, వారి రక్షణకు తగిన చర్యలు తీసుకుంటామని చెప్పారు. ఈ విపత్కర పరిస్థితుల్లో పారిశుద్ధ్య కార్మికులు అనారోగ్యంపాలు కావడంతో గ్రామాల్లో పరిశుభ్రత చర్యల నిర్వహణ ప్రశ్నార్థకంగా మారింది. అధికారులు యుద్ధప్రాతిపదికన కార్మికుల రోగ నివారణ కోసం చర్యలు తీసుకోవాల్సిన అవసరం ఉంది.

భోపాల్‌: కరోనా నేపథ్యంలో వైద్య పరీక్షల నిమిత్తం వెళ్లిన వైద్యులు, స్థానిక అధికారులపై దాడి ఘటన మరువకముందే మధ్యప్రదేశ్‌లో అలాంటి ఘటనే మరొకటి చోటుచేసుకుంది. వీధులు శుభ్రం చేస్తున్న పారిశుధ్య సిబ్బందిపై ఓ అల్లరిమూక దాడికి పాల్పడింది. దీవాస్‌ జిల్లాలో శుక్రవారం ఈ ఘటన జరిగింది. కోయ్లా మొహల్లా మున్సిపల్‌ కార్పొరేషన్‌ పరిధిలోని ముస్లిం జనాభా అధికంగా ఉండే ప్రాంతంలో పారిశుధ్య కార్మికులు విధుల నిమిత్తం వెళ్లారు. అయితే, స్థానికంగా ఉండే ఆదిల్‌ అనే వ్యక్తి తమతో గొడవపడ్డాడని, గొడ్డలితో దాడిచేశాడని కార్మికులు చెప్తున్నారు. (చదవండి: వైద్య సిబ్బందిపై దాడి చేసిన‌ వారి అరెస్ట్‌) ఈ దాడిలో ఓ కార్మి​కుడి చేతికి బలమైన గాయమైంది. అతన్ని దీవాస్‌​ ప్రభుత్వ ఆస్పత్రికి తరలించారు. కార్మికుల ఫిర్యాదు మేరకు ఆదిల్‌, అతని సోదరునిపై ఎస్సీ ఎస్టీ అట్రాసిటీ కింద కేసులు నమోదు చేశామని పోలీస్‌ అధికారి సజ్జన్‌ సింగ్‌ తెలిపారు. ఆదిల్‌ను స్టేషన్‌కు తరలించామని,  పరారీలో ఉన్న అతని సోదరుని కోసం గాలిస్తున్నామని వెల్లడించారు. కాగా, కార్మికులపై స్థానికులు దాడి చేస్తున్న వీడియో బయటికొచ్చింది. ఇక రాష్ట్ర రాజధాని భోపాల్‌లో లాక్‌డౌన్‌ విధుల్లో ఉన్న పోలీస్‌ కానిస్టేబుల్‌పై ఇటీవల రాళ్లదాడి జరిగిన సంగతి తెలిసిందే. ఇక రాష్ట్ర వ్యాప్తంగా 1310 కరోనా పాజిటివ్‌ కేసులు నమోదవగా.. 69 మంది మృతి చెందారు. మరో 69 మంది కోలుకున్నారు. 1172 యాక్టివ్‌ కేసులున్నాయి. (చదవండి: 21 మంది నావికులకు కరోనా పాజిటివ్‌)

క‌రోనా వైరస్‌పై చేస్తున్న యుద్ధంలో భాగమైన వైద్యులు, పోలీసులు, పారిశుద్ధ్య కార్మికుల‌పై ప్ర‌శంస‌లు కురిపిస్తూ ప‌లువురు ప్ర‌ముఖులు ట్వీట్స్ చేస్తున్న సంగ‌తి తెలిసిందే. సూపర్‌ స్టార్‌ మహేశ్‌ బాబు కూడా వీరికి తన వంతు మద్దతు తెలిపాడు. ఇప్పటికే  వైద్యులు, పోలీసుల సేవలను కీర్తిస్తూ ట్వీట్‌ చేసిన మహేశ్‌.. తాజాగా కరోనా వైరస్‌ను పారదోలేందుకు ప్రాణాలను కూడా లెక్కచేయకుండా వీధులను శుభ్రం చేస్తున్న పారిశుద్ధ్య కార్మికులపై  ప్రశంసల జల్లు కురిపించారు. మనం సురక్షితంగా ఇంట్లో ఉంటుంటే, వారు మాత్రం ప్రతి రోజు బయటకు వచ్చి మన కోసం పని చేస్తున్నారని కొనియాడాడు. ఈ మేరకు పారిశుద్ధ్య కార్మికులకు సంబంధించిన పలు ఫొటోలను సోషల్‌ మీడియా వేదికగా పోస్ట్‌ చేస్తూ పలు ట్వీట్లు పెట్టారు.  (చదవండి : మీ నిస్వార్థ సేవకు సెల్యూట్‌: మహేశ్‌ బాబు) ‘మన పరిసరాలను శుభ్రంగా ఉంచుతున్న వారికోసం ఈ ట్వీట్. మనం అంతా ఇంట్లో సురక్షితంగా ఉంటే వారు మాత్రం బయటకు వచ్చి పని చేస్తున్నారు. ప్రమాదాలు మన దరి చేరకుండా చూస్తున్నారు. ప్రాణాంతక వైరస్‌పై పోరాటంలో ముందు వరసులో నిలబడి మన కోసం యుద్దం చేస్తున్నారు. వారికి మనస్ఫూర్తిగా కృతజ్ఞతలు తెలుపుతున్నాను. వారి పట్ల గౌరవం, ప్రేమ, వారికి తన మద్దతు ఎప్పటికీ ఉంటుంది’ అని ట్వీట్‌ చేశారు.  ఇక సినిమాల విషయానికి వస్తే.. ఈ ఏడాది సంక్రాంతికి ‘సరిలేరు నీకెవ్వరు’ చిత్రంతో మంచి విజయాన్ని అందుకున్న మహేశ్. ప్రస్తుతం క్వారంటైన్‌ సమయాన్ని కుటుంబంతో సరదాగా గడుపుతున్నారు. తర్వాతి చిత్రానికి ‘గీత గోవిందం’ ఫేమ్‌ పరశురామ్‌ దర్శకత్వం వహించబోతున్నారనే ప్రచారం జరుతోంది. ఈ సినిమా ప్రారంభోత్సవం మహేశ్‌ తండ్రి సూపర్‌స్టార్‌ కృష్ణ పుట్టిన రోజు సందర్భంగా మే 31న జరగనుందట. This one is for all the sanitation workers deployed on our streets to make sure the surroundings are kept clean and sanitised. While we are safe in our homes, they come out everyday leaving their own to ensure we remain out of harm's way... pic.twitter.com/P26e9t4kzc — Mahesh Babu (@urstrulyMahesh) April 16, 2020

తిరుపతి తుడా : తిరుపతి స్వచ్ఛతకు నిత్యం పాటుపడుతూ కరోనా నియంత్రణలో విశేషంగా పనిచేస్తున్న పారిశుద్ధ్య కార్మికులతో కలిసి ఎమెల్యే భూమన కరుణాకరరెడ్డి ఆదివారం సహపంక్తి భోజనం చేశారు. ఫుట్‌పాత్‌పై కార్మికులతో పాటు చెట్టు కింద కూర్చొని భోజనం చేస్తూ వారిని ప్రోత్సహించే ప్రయత్నం చేశారు. ఈ సందర్భంగా భూమన మాట్లాడుతూ.. ప్రజా ఆరోగ్యాన్ని కాపాడటానికి పారిశుద్ధ్య కార్మికులు ఎంతగానో కృషి చేస్తున్నారని తెలిపారు. కానీ మన సమాజంలో వారికి గౌరవం దక్కడం లేదన్నారు. వారి ప్రాణాలను, ఆరోగ్యాన్ని లెక్కచేయకుండా కరోనావైరస్‌కు వ్యతిరేకంగా పోరాడుతున్నారని కొనియాడారు. వారితో కలిసి భోజనం చేసే అవకాశం వచ్చినందుకు గర్వంగా ఉందని చెప్పారు. తిరుపతిలోని 11 వార్డుల్లో రెడ్‌జోన్‌ ప్రకటించడం జరిగిందన్నారు. కార్మికులు అక్కడికి వెళ్లి కూడా రోడ్లపై బ్లీబింగ్‌ చల్లుతూ.. పరిసరాలను శుభ్రం చేస్తున్నారని తెలిపారు. వారి సేవలను తప్పకుండా అభినందించాల్సిందేనని అన్నారు.  మార్కెట్ల విస్తరణకు స్థలపరిశీలన చేయండి తిరుపతిలో ప్రజలకు అందుబాటులో ఉండేలా కూరగాయల మార్కెట్ల విస్తరణకు స్థల పరిశీలన చేయాలని తిరుపతి ఎమ్మెల్యే భూమన కరుణాకరరెడ్డి ఇంజనీరింగ్‌ అధికారులను ఆదేశించారు. కరంబాడిరోడ్డు బొంతాలమ్మ గుడి వద్ద తాత్కాలిక మార్కెట్‌ను ఆయన అధికారులతో కలిసి పరిశీలించి మాట్లాడారు. పట్టణంలో 9 ప్రాంతాల్లో ఏర్పాటు చేసిన మార్కెట్లు సత్ఫలితాలు ఇచ్చాయన్నారు.

కరోనా వైరస్‌ భయపెడుతున్న సమయంలో అందరూ ఇళ్లకే పరిమితమవ్వగా.. లక్షలాది మంది ప్రభుత్వ సిబ్బంది మాత్రం ప్రాణాలకు తెగించి ప్రజల కోసం అహర్నిశలు పనిచేస్తున్నారు. ఇంటింటికీ వెళ్లి ఆరోగ్య వివరాలు ఆరా తీస్తూ.. అవసరమైన సాయం అందిస్తూ మేమున్నామంటూ ప్రజలకు భరోసా ఇస్తున్నారు. అధికారులు, పోలీసులు, వైద్యులు, నర్సులు, ఆశా కార్యకర్తలు, వలంటీర్లు, పారిశుధ్య కార్మికులు.. ఇలా ప్రతి ఒక్కరూ సామాన్యులకు రక్షణ కవచంలా ఒకసైన్యంలా కరోనాపై పోరాడుతున్నారు. రాష్ట్రంలో కరోనా వైరస్‌ను ఎదుర్కొనేందుకు గ్రామ గ్రామానా లక్షలాది మందితో కూడిన ప్రభుత్వ యంత్రాంగం పోరాటం చేస్తోంది. వైరస్‌ వ్యాప్తి నిరోధానికి అహర్నిశలు శ్రమిస్తోంది. దాదాపు మూడు లక్షల మంది గ్రామ, వార్డు వలంటీర్లు, ఆశా కార్యకర్తలు, ఏఎన్‌ఎంలు గ్రామాల్లో ప్రతి ఇంటినీ చుట్టేస్తున్నారు. విదేశాల నుంచి వచ్చిన వారిని గుర్తించడం, ఢిల్లీ నుంచి వచ్చిన వారిని కనుక్కోవడం, వారి నుంచి ఎంతమందికి వైరస్‌ సోకిందో తెలుసుకోవడం, వారిని ఆస్పత్రులకు చేర్చడం, ఇంటింటా సర్వేలు ఇలా ఒక్కటేమిటి.. ఉదయం లేచిన దగ్గర్నుంచీ రాత్రి వరకు కరోనా మీద పోరాటమే. విపత్కర పరిస్థితుల్లో మేమున్నామంటూ ప్రజలకు ప్రభుత్వం ఇస్తున్న భరోసాకు ప్రతి ఒక్కరూ ముగ్ధులవుతున్నారు. ఇక వైద్యులు, నర్సులు తమ ప్రాణాలను సైతం లెక్కచేయకుండా విధులు నిర్వర్తిస్తున్నారు. అలాగే లాక్‌డౌన్‌ అమల్లో పోలీసుల కృషి మరువలేనిది. 56 వేల మంది పైచిలుకు పారిశుధ్య కార్మికులు చేస్తున్న కృషి కూడా వర్ణించలేనిది. కరోనాపై పోరులో సామాన్యులకు రక్షణ కవచంలా ముందుండి నడిపిస్తున్న అధికార యంత్రాంగం చేస్తున్న కృషి నిజంగా అభినందనీయం. ప్రతి జిల్లాలోనూ క్వారంటైన్‌ కేంద్రాల నిర్వహణ, వారికి భోజన సదుపాయం, ఇంటింటా సర్వే, కరోనా లక్షణాలున్న వారిని గుర్తించడం వంటి విధుల్లో సైనికుల్లా పనిచేస్తున్న వారి వివరాలను జిల్లాల వారీగా ఒక్కసారి పరిశీలిస్తే..     – సాక్షి, అమరావతి మూడుసార్లు వచ్చి ఆరోగ్య విషయాలు అడిగారు కరోనా అలజడి మొదలైనప్పుడు భయాందోళనలతో ఉన్నాం. ఎప్పటికప్పుడు ప్రభుత్వం పూర్తి భరోసా ఇస్తుండటంతో భయం పోయింది. వలంటీర్, ఏఎన్‌ఎం ఇప్పటివరకు మా ఇంటికి మూడుసార్లు వచ్చి ఆరోగ్య విషయాలు అడిగారు. ప్రభుత్వం రూ.1000 ఆర్థిక సాయం, ఉచితంగా రేషన్‌ సరుకులు అందించింది. ఊరిలోకి ఎవరో బయట నుంచి వచ్చారని తెలియగానే వారి ఇంటికి పీహెచ్‌సీ వైద్యులు, పోలీసులు, రెవెన్యూ వాళ్లు వెళ్లి 14 రోజులు బయటకు రాకుండా జాగ్రత్తలు పాటించాలని చెప్పారు. అంతేకాకుండా తరచూ వారి ఇంటికి వెళ్లి ఆరోగ్య పరిస్థితిని అడిగి తెలుసుకుంటూ ఉండేవారు. ఇంత పకడ్బందీగా ప్రభుత్వం చర్యలు తీసుకోవడంతో ధైర్యంగా జీవిస్తున్నాం.  – పాలింగి శ్రీనివాస్, పడమర కండ్రిగ, కపిలేశ్వరపురం మండలం, తూర్పుగోదావరి కరోనా వైరస్‌కు ఏమాత్రం వెరవకుండా ప్రతి గ్రామంలోనూ వీధులను ఎప్పటికప్పుడు శుభ్రం చేస్తూ ప్రజలందరూ ఆరోగ్యంగా ఉండేలా చూస్తున్న పారిశుధ్య కార్మికులకు విశాఖలో సన్మానం చేస్తున్న పంచాయతీ రాజ్‌ అధికారులు   పక్కాగా ఇంటింటి సర్వే ఇంటింటి సర్వేను పక్కాగా చేస్తూ ఇంట్లో ఉన్న అందరి ఆరోగ్యంపై ఆరా తీస్తున్నాం. ఇంట్లో ఎవరికైనా ఆరోగ్య సమస్యలు ఉంటే తెలుసుకుంటున్నాం. తర్వాత మా దగ్గర ఉన్న ఫోన్‌ యాప్‌లో ఆ వివరాలన్నీ నమోదు చేస్తున్నాం. వాటిని వైద్యులు పరిశీలిస్తున్నారు. ప్రజలు సహకరిస్తూ అడిగిన వివరాలన్నీ చెబుతుండటం వల్ల సర్వే వేగంగా జరుగుతోంది.     – శ్యామ్‌ సుందరి, పీపీ యూనిట్, ఏఎన్‌ఎం, మచిలీపట్నం, కృష్ణా జిల్లా సమగ్రంగా సర్వే చేపడుతున్నాం మూడో దశ సర్వేను సమగ్రంగా చేస్తున్నాం. నా పరిధిలోని ఇళ్లకు స్థానిక ఆశా కార్యకర్తతో వెళ్లి దగ్గు, జలుబు, జ్వరం లక్షణాలున్న ముగ్గురు వ్యక్తులను గుర్తించాం. ఈ డేటాను మాకు ఇచ్చిన యాప్‌లో నమోదు చేశాను.  – డొప్ప గోపాల్, గ్రామ వలంటీర్, జాడుపూడి, కంచిలి మండలం, శ్రీకాకుళం జిల్లా  బాధితులను గుర్తించి చికిత్స  వైఎస్సార్‌ జిల్లాలో తొలి కరోనా పాజిటివ్‌ కేసు పులివెందులలో వెలుగుచూసింది. అతడు ఢిల్లీ మర్కజ్‌కి వెళ్లి రావడంతో అతడిని క్వారంటైన్‌కు తరలించాం. అతడు ఎవరెవరిని కలిశాడో గుర్తించి ఉన్నతాధికారులకు సమాచారం ఇచ్చాం. కరోనా వైరస్‌ సోకిన యువకుడి తల్లిదండ్రులు, అన్నా వదినలను కడపకు తీసుకెళ్లి పరీక్షలు చేయగా వారికి పాజిటివ్‌గా తేలింది. తండ్రికి వ్యాధి లక్షణాలు లేకపోయినా పరీక్షలు చేస్తున్నారు. ఇప్పుడు వారు ఫాతిమా వైద్య కళాశాలలో ఐసోలేషన్‌లో చికిత్స పొందుతున్నారు.  – మల్లేష్, వైద్యాధికారి, మైదుకూరు, వైఎస్సార్‌ జిల్లా

సాక్షి, హైదరాబాద్‌: కరోనా వైరస్‌ వ్యాప్తి నియంత్రణలో వైద్యులు, పోలీసులు, పారిశుద్ధ్య కార్మికులు సేవలు అమోఘమని పీసీసీ చీఫ్‌ ఉత్తమ్‌కుమార్‌ రెడ్డి కొనియాడారు. శనివారం ఆయన మీడియాతో మాట్లాడుతూ.. కాంగ్రెస్‌ తరపున వారికి ధన్యవాదాలు తెలిపారు. కరోనా నివారణ చర్యలపై సీఎం కేసీఆర్‌ మాటలకు, చేతలకు చాలా తేడా ఉందని ఆయన విమర్శించారు. 20 రోజులుగా లాక్‌డౌన్‌ కొనసాగుతుందని.. నేటికి పేదలకు రేషన్‌, నగదు చాలా వరకు అందలేదన్నారు. కరోనా నియంత్రణ చర్యల పట్ల నిర్లక్ష్యం వహించడంపై రాష్ట్ర ప్రభుత్వానికి లేఖ రాస్తానని పేర్కొన్నారు. కరోనా పరీక్షల కోసం ప్రైవేట్‌ ఆసుపత్రులకు అనుమతులు ఇవ్వాలని కోరారు. పారిశుద్ధ్య కార్మికులకు పెండింగ్ లో ఉన్న బకాయిలను తక్షణమే విడుదల చేయాలన్నారు. బత్తాయి ఇతర రాష్ట్రాలకు ఎగుమతి అయ్యేలా చూడాలన్నారు. వ్యవసాయ ఉత్పత్తులకు సరైన మార్కెట్ సౌకర్యం కల్పించాలని కోరారు. వైద్య సిబ్బందికి తగినన్ని పీపీఈ కిట్లు, రక్షణ పరికరాల అందుబాటులో ఉంచాలన్నారు. కరోనా నియంత్రణ చర్యల్లో ప్రజలకు అండగా ఉండాలని కాంగ్రెస్ శ్రేణులకు పిలుపునిచ్చారు. నల్గొండ, సూర్యాపేట జిల్లాల్లో వైద్య సౌకర్యాల మెరుగు కోసం మినరల్ ఫండ్ వాడుకోవాలని ఉత్తమ్‌కుమార్‌ రెడ్డి సూచించారు.

సాక్షి, అమరావతి: ప్రపంచాన్ని గడగడలాడిస్తోన్న కరోనా వైరస్ మహమ్మారిని దరిచేరకుండా చేస్తున్న పోరాటంలో  సైనికులు పారిశుధ్య కార్మికులేనని వైఎస్సార్‌ కాంగ్రెస్‌ పార్టీ ఎమ్మెల్యే జక్కంపూడి రాజా అన్నారు. సోమవారం మున్సిపల్‌ కార్యాలయంలో జరిగిన కార్యక్రమంలో ఆయన పాల్గొన్నారు. ఈ సందర్భంగా ఎమ్మెల్యే మాట్లాడుతూ.. అత్యంత క్లిష్ట సమయంలో కూడా ప్రజలు అనారోగ్యం బారిన పడకుండా పారిశుద్ధ్య కార్మికులు ప్రాణాలకు తెగించి సేవలందిస్తున్నారన్నారు. (దేశంలో మూడోదశకు కరోనా వైరస్‌ : ఎయిమ్స్‌) ఇక కార్మికుల కృషిని, శ్రమను అభినందిస్తూ ఎమ్మెల్యే, జక్కంపూడి గణేష్‌లు కార్మికుల పాదాలను కడిగారు. వారు చేసిన సేవలకు కార్మికులకు ఎంత చేసినా తక్కువే అవుతుందని ప్రశంసించారు. ఇక కార్మికుల కనీసవేతనం రూ. 18 వేలు ఉండేలా చర్యలు తీసుకుంటున్నామని తెలిపారు. కార్మికుల సేవలను గుర్తించి వారికి కనీస వేతనం అందేలా చూస్తున్న ప్రభుత్వం తమదేనన్నారు. భయంకరమైన కరోనా వైరస్ ప్రభలుతున్నప్పటికీ దానిని లెక్కచేయకుండా సేవలందిస్తున్న కార్మికుల పాదాలు కడిగి.. వారివెనక మేమున్నామన్న ధీమా కల్పించామని ఎమ్మెల్యే తెలిపారు. కాగా ఈ సమావేశంలో జక్కంపూడి గణేష్, శివరామ సుబ్రహ్మణ్యం, వాసంశెట్టి గంగాధర్ తదితరులు పాల్గొన్నారు. (వైరల్‌ ట్వీట్‌: బిగ్‌బీపై నెటిజన్ల ఫైర్‌)

రేపు దీపికా పడుకోన్‌ పుట్టినరోజు. 33 వెళ్లి 34 వస్తుంది. లక్నోలోని ఒక కేఫ్‌లో కేక్‌ కట్‌ చేసి, క్యాడిల్స్‌ ఊదబోతున్నారు. పక్కన ముంబై ప్రముఖులెవ్వరూ ఉండరు. ఆమె స్నేహితులూ ఉండరు. అందరికన్నా ముఖ్యమైన భర్త రణ్ వీర్‌సింగ్ సింగ్‌ కూడా ఉంటే ఉంటారు. లేదంటే లేదు. మరి ఎవరూ లేకుండా దీపిక ఒక్కరే ఏకాంతంగా ఏ దీవిలోనో గడిపినట్లుగా పుట్టినరోజు జరుపుకుని ముంబై తిరిగి వచ్చేస్తారా? కాదు... కాదు.. స్నేహితులకన్నా, ముంబై ప్రముఖుల కన్నా తనకు ఎక్కువ అని దీపిక భావిస్తున్నవారు దేశంలోని అన్ని ప్రాంతాల నుంచీ ఆమె పుట్టిన రోజుకు లక్నో చేరుకుంటున్నారు. వాళ్లంతా యాసిడ్‌ దాడుల నుంచి బతికి బట్టకట్టినవాళ్లు! కృంగిపోకుండా స్వయం కృషితో జీవితాన్ని నిలబెట్టుకున్నవారు. ఇక ఆ లక్నో కేఫ్‌ కూడా ఆసిడ్‌ సర్వైవర్‌లు నడుపుతున్నదే! ‘ఛపాక్‌’ డైరెక్టర్‌ మేఘనా గుల్జార్‌ కూడా రేపు అక్కడ దర్శనం ఇవ్వొచ్చు. ‘ఛపాక్‌’ చిత్రం ఈ నెల 10న విడుదల అవుతోంది. 5 నే దీపిక బర్త్‌డేకి విడుదల చేద్దాం అనుకున్నారు కానీ.. సాధారణంగా ఆదివారాలు సినిమాలు విడుదల కావు. అందుకే చలనచిత్ర సంప్రదాయం ప్రకారం శుక్రవారం రిలీజ్‌ చేస్తున్నారు. యాసిడ్‌ బాధితుల స్ఫూర్తిదాయకమైన జీనన పోరాటమే ‘ఛపాక్‌’ స్టోరీ. సినిమా ప్రమోషన్‌ కోసం దీపిక జరుపుకుంటున్న పుట్టిన రోజు కాదు కదా ఇది! కానే కాదు. సినిమాలో దీపిక ఉంటే ఇక ప్రమోషన్‌ ఎందుకు? దీపికను మించి, స్టోరీ ఉంది. దీపిక, ప్రమోషన్‌ రెండూ లేకున్నా.. ఆ స్టోరీ నడిపించేస్తుంది. పుట్టింటి ప్రెసిడెంట్‌ ఈమె పేరు సరస్వతి. మొన్నటి వరకు పారిశుధ్య కార్మికురాలు. నిన్నటి నుంచీ పంచాయితీ ప్రెసిడెంట్‌! గురువారం జరిగిన కన్సాపురం పంచాయితీ ఎన్నికల్లో సరస్వతి తన ఏడుగురు ప్రత్యర్థులపై పైచేయి సాధించి 302 ఓట్ల తేడాతో విజేతగా నిలిచింది. నిజానికివి 2016లో జరగవలసిన ఎన్నికలు. సరస్వతి కూడా జరుగుతాయన్న నమ్మకంతోనే ఆ ఏడాది తన ప్రభుత్వోద్యోగానికి రాజీనామా చేసి ఆ ఎన్నికల బరిలోకి దిగింది. అప్పుడు ఆమె పని చేస్తున్నది ఇప్పుడు తను గెలిచిన పంచాయితీ ఆఫీసులోనే.. పారిశుద్ధ్య కార్మికురాలిగా! పర్మినెంట్‌ ఉద్యోగం మానేసి, నామినేషన్‌ పత్రాలు కూడా ఇచ్చేశాక ఆ ఎన్నికలు వాయిదా పడ్డాయి. రాజీనామా చేసింది కనుక మళ్లీ ఉద్యోగంలోకి తీసుకోలేదు. అక్కడే తాత్కాలిక కార్మికురాలిగా చేరింది. 2016లో వాయిదా పడిన ఆ ఎన్నికలకు నాలుగేళ్ల తర్వాత మళ్లీ ఇప్పుడు నోటిఫికేషన్‌ పడింది. ఈసారి కూడా అవకాశాన్ని వదులుకోలేదు సరస్వతి. రాజకీయాల్లోకి రావడం కోసం పర్మినెంట్‌ ఉద్యోగాన్నే వదిలేసిన సరస్వతి తాత్కాలిక ఉద్యోగానికి రాజీనామా చేయకుండా ఉంటుందా? చేసింది. ఎన్నికల్లో పోటీ చేసింది. గెలిచింది! గ్రామంలో మరుగుదొడ్ల నిర్మాణానికి, మంచినీటి వసతికి ప్రాధాన్యం ఇస్తానని సరస్వతి అంటోంది. శుభ్రపరిచే ఉద్యోగంలోంచి గ్రామాన్ని తీర్చిదిద్దే ప్రజాసేవలోకి వచ్చిన సరస్వతి ఎంతో ఆనందంగా ఉంది. సందేహం లేదు ఆ ఆనందం త్వరలోనే తను పంచాయితీ ప్రెసిడెంట్‌గా ఉన్న కన్సాపురానికి కళను తెస్తుంది.

మహా విశాఖ నగర పాలక సంస్థ పారిశుద్ధ్య కార్మికులకు పండగొచ్చింది. ఎండనక, వాననక నిత్యం నగరాన్ని పరిశుభ్రంగా ఉంచేందుకు శ్రమిస్తున్న మున్సిపల్‌ కార్మికుల ఆరోగ్యంపై ముఖ్యమంత్రి వైఎస్‌ జగన్‌మోహన్‌రెడ్డి దృష్టి సారించారు. వారి ఆరోగ్య భద్రత కోసం హెల్త్‌ అలవెన్సు కింద నెలకు రూ.6 వేల చొప్పున వేతనంతో కలిపి ఇస్తున్నట్లు ప్రకటించారు. ప్రభుత్వ తాజా నిర్ణయంతో జీవీఎంసీ పరిధిలో 5,130 మంది కార్మికులకు కనీస వేతనం రూ.18 వేలుగా మారడంతో సర్వత్రా హర్షాతిరేకాలు వ్యక్తమవుతున్నాయి. సాక్షి, విశాఖపట్నం: పారిశుద్ధ్య కార్మికులు.. నిరంతరం మురుగులో పనిచేస్తుంటారు. చెత్త కంపు కొడుతున్నా.. దాన్ని సేకరించడం.. డంపర్‌ బిన్లలో వేయడం... మినీ వ్యానుల్లో తరలించడం.. కాల్వలు శుభ్రం చేయడం.. ఇలా నిత్యం చెత్తతోనే సావాసం చేస్తుంటారు. కుళ్లిపోయిన వ్యర్థాల నుంచి విష వాయువులు వెలువడుతున్నా.. వాటిని తొలగించాల్సిందే. ఫలితంగా వారి ఆరోగ్యాలు అంపశయ్యపై ఉన్నాయి. అయినా పనికి రాకపోతే పూటగడవని పరిస్థితి. తమ ఆరోగ్యాల్ని పట్టించుకోండి మహా ప్రభో అంటూ వందల సార్లు గత ప్రభుత్వాలకు విన్నవించినా పట్టించుకున్న పాపానపోలేదు. కనీస వేతనం అందక అనారోగ్య సమస్యలతో బాధపడుతూ విధులకు హాజరైన పరిస్థితులెన్నో ఉన్నాయి. చాలీచాలని వేతనం జిల్లా, జీవీఎంసీ పరిధుల్లో పారిశుద్ధ్య కార్మికులకు కనీస వేతనం అందేలా చర్యలు తీసుకోవాలని, అదే విధంగా వారికి అలవెన్సు ప్రకటించాలని గత టీడీపీ ప్రభుత్వానికి మున్సిపల్‌ యూనియన్లు ఎన్నో దఫాలుగా విజ్ఞప్తులు చేశారు. వినతిపత్రాలు అందించారు. కానీ.. పారిశుద్ధ్య కార్మికుల సంక్షేమాన్ని, ఆరోగ్యాన్ని పూర్తిగా విస్మరించారు. దీంతో విసుగెత్తిన కార్మిక సంఘాలు ప్రభుత్వంపై ఒత్తిడి తీసుకొచ్చేందుకు ధర్నాలు, సమ్మెలు చేసినా ఫలితం లేదు. భారమే.. అయినా... ఔట్‌ సోర్సింగ్‌ పారిశుద్ధ్య కార్మికులకు అలవెన్స్‌ మంజూరు చేయడం వల్ల ప్రభుత్వానికి, మున్సిపాలిటీలు, మున్సిపల్‌ కార్పొరేషన్లపై నెల నెలా కోట్ల రూపాయిల భారం పడనుంది. అయినా.. కార్మికుల సంక్షేమమే ముఖ్యమని తలచి.. ముఖ్యమంత్రి వైఎస్‌ జగన్‌మోహన్‌రెడ్డి ఈ నిర్ణయం తీసుకున్నారు. అలవెన్సుని అందించడం వల్ల జీవీఎంసీపై నెలకు రూ.3.09 కోట్ల అదనపు భారం పడనుంది. ఏడాదికి రూ.37.08 కోట్లు అదనంగా ఖర్చవనుంది. ప్రభుత్వ నిర్ణయంతో జీవీఎంసీ పరిధిలోని 5,130 మంది, నర్సీపట్నం మున్సిపాలిటీలోని 92 మంది, యలమంచిలి మున్సిపాలిటీలోని 90 మంది ఔట్‌సోర్సింగ్‌ పారిశుద్ధ్య కార్మికులకు లబ్ధి చేకూరనుంది. మాటిచ్చారు..నిలబెట్టుకున్నారు.. పారిశుద్ధ్య కార్మికుల సంక్షేమానికి పెద్దపీట వేస్తామంటూ ప్రజా సంకల్పయాత్ర చేస్తున్న సమయంలో ప్రతిపక్ష నేత హోదాలో వైఎస్‌ జగన్‌మోహన్‌రెడ్డి హామీ ఇచ్చారు. అధికారంలోకి వచ్చిన వంద రోజుల్లోనే ఆ హామీని నిలబెట్టుకున్నారు. రాష్ట్రంలోని అన్ని మున్సిపాలిటీలు, కార్పొరేషన్లలో ఔట్‌సోర్సింగ్‌ పారిశుద్ధ్య కార్మికులుగా విధులు నిర్వర్తిస్తున్న వారందరికీ హెల్త్‌ అలవెన్సు కింద రూ. 6వేలు వారి వేతనంతో పాటు అందిస్తున్నట్లు ప్రభుత్వం ప్రకటించింది.ఈ అలవెన్సుతో పారిశుద్ధ్య కార్మికుని వేతనం రూ. 18 వేలకు చేరుకుంది. ఈ అలవెన్సుని ప్రతి నెలా 5న చెల్లించాలని అన్ని మున్సిపాలిటీలు, కార్పొరేషన్లకు మున్సిపల్‌ అడ్మినిస్ట్రేషన్‌ శాఖ బుధవారం ఉత్తర్వులు జారీ చేసింది. ఆగస్టు 15 నుంచి ఈ అలవెన్సుని మంజూరయ్యేలా లెక్కించాలని సూచించింది. ఎన్నాళ్లుగానో ఎదురు చూశాం... రోజూ నగరం శుభ్రం చేయాలని ఎంతో కష్టపడుతున్నాం. కానీ.. మమ్మల్ని పట్టించుకున్న ప్రభుత్వమే లేదు. రోజూ చెత్తలోనే జీవనం సాగిస్తుండటం వల్ల రోగాలు చుట్టుముడుతున్నాయి. అయినా ఏ ప్రభుత్వమూ దాని గురించి పట్టించుకోలేదు. సీఎం జగన్‌ మాత్రం ఇచ్చిన మాట నిలబెట్టుకున్నారు. ఈ రోజు కోసం ఎన్నాళ్లుగానో ఎదురు చూశాం.– కింతాడ శ్రీనివాసరావు,పారిశుద్ధ్య కార్మికుడు

సాక్షి, నెల్లూరు సిటీ: ప్రతిపక్షంలో మీ సమస్యల పరిష్కార పోరాటంలో అండగా ఉన్నాం.. అధికారపక్షంలోనూ మీ సమస్యలను మా సమస్యలుగా భావించి పరిష్కరించి తోడుంటామని రాష్ట్ర ఇరిగేషన్‌ శాఖ మంత్రి డాక్టర్‌ పోలుబోయిన అనిల్‌కుమార్‌యాదవ్, నెల్లూరు రూరల్‌ ఎమ్మెల్యే కోటంరెడ్డి శ్రీధర్‌రెడ్డి పేర్కొన్నారు. నగర పాలక సంస్థ కార్యాలయంలో సోమవారం పారిశుద్ధ్య కార్మికులకు మంత్రి సొంత నిధులతో భోజనాలు, దుస్తులు పంపిణీ చేశారు. ఈ సందర్భంగా మంత్రి అనిల్‌ మాట్లాడుతూ సార్వత్రిక ఎన్నికల్లో తనపై పోటీ చేసిన వ్యక్తి వందల కోట్లు ఖర్చు చేసినా, మీ అందరి ఆశీస్సులతో గెలిచానని గుర్తుచేశారు. వైఎస్‌ జగన్‌మోహన్‌రెడ్డి ముఖ్యమంత్రిగా బాధ్యతలు చేపట్టిన తరువాత కార్మికుల జీతాలు రూ.12 వేల నుంచి రూ.18వేలు పెంచుతూ నిర్ణయం తీసుకున్నారని తెలిపారు. రూ.6వేలు లెక్కన జీతాలు పెంచితే ప్రభుత్వంపై భారం పడుతుందని కొందరు అధికారులు జగన్‌ వద్ద ప్రస్తావించిగా ఆయన మాత్రం కార్మికులు చేసే పని ఇంకెవరూ చేయలేరని, వారికి అండగా ఉండాల్సిన బాధ్యత ప్రభుత్వానిది అన్నారని తెలిపారు. అలాంటి ముఖ్యమంత్రి వద్ద మంత్రిగా పనిచేయడం చాలా సంతోషంగా ఉందన్నారు. రూరల్‌ ఎమ్మెల్యే కోటంరెడ్డి శ్రీధర్‌రెడ్డి మాట్లాడుతూ కార్మికులకు నిత్యం అండగా ఉంటామన్నారు. ఐదేళ్లుగా ప్రతిపక్షంలో ఉన్నప్పుడు కార్మికుల సమస్యల పై పోరాటం చేశామన్నారు. అధికారంలోకి వచ్చినా కార్మికులకు తోడుంటామని చెప్పారు.  279 జీఓను ప్రభుత్వం రద్దు చేసింది కార్మికులను ప్రైవేటీకరణ చేసేందుకు గత ప్రభుత్వం ప్రవేశపెట్టిన 279జీఓను ముఖ్యమంత్రి వైఎస్‌ జగన్‌మోహన్‌రెడ్డి రద్దు చేశారని మంత్రి అనిల్‌ తెలిపారు. పారిశుద్ధ్య కార్మికులకు ప్రతి నెలా సమయానికి జీతాలు చెల్లింపులు జరిగేలా చూస్తామన్నారు. ఆ తర్వాతే ఇతర అభివృద్ధి పనులకు చెల్లింపులు జరుగుతాయన్నారు. నెల్లూరును పరిశుభ్రంగా ఉంచేందుకు మీ సహకారం ఇవ్వాలని కోరారు. మీరు పని చేసే ఎనిమిది గంటలు కష్టపడాలన్నారు. మీకు అన్ని విధాలా అండగా ఉంటామన్నారు. సీఎం జగన్‌మోహన్‌రెడ్డి నాకు పెద్ద బాధ్యత అప్పగించారని, మంత్రిగా ఎక్కువ సమయం నెల్లూరులో ఉండలేకపోయినా నెలలో వారం, పది రోజులు అందుబాటులో ఉండేలా సమయం కేటాయిస్తానని హామీ ఇచ్చారు. మీకు ఏ సమస్య వచ్చినా డైరెక్టగా నా దృష్టికి తీసుకుని రావచ్చని తెలిపారు.  మంత్రి సొంత నిధులతో కార్మికులకు భోజనాలు నెల్లూరు చరిత్రలో ఇప్పటి వరకు ఏ మంత్రి కూడా కార్మికులకు సొంత నిధులతో భోజనాలు ఏర్పాటు చేసి, దుస్తులు పంపిణీ చేసిన పరిస్థితి లేదు. రాష్ట్ర నీటిపారుదల శాఖ మంత్రి డాక్టర్‌ పోలుబోయిన అనిల్‌కుమార్‌యాదవ్‌ తన సొంత నిధులు ఖర్చు చేసి సోమవారం పారిశుద్ధ్య కార్మికులు మొత్తం 1,500 మందికి మధ్యాహ్న భోజనం ఏర్పాటు చేశారు. కార్మికులందరికీ దుస్తులు పంపిణీ చేశారు. పారిశుద్ధ్య కార్మికులతో కలిసి మంత్రి అనిల్‌ భోజనం చేశారు. ఈ క్రమంలో అక్కడే ఉన్న కార్మికులు ఎవరూ తమతో కలిసి భోజనం చేయలేదని, తమకు బట్టలు పెట్టి మా మంచి కోరుకుంటున్న అనిల్‌కుమార్‌ నూరేళ్లు సంతోషంగా ఉండాలని ఆశీస్సులు అందించారు. కొందరు కార్మికులు కంటతడిపెట్టారు. కార్యక్రమంలో డిప్యూటీ మాజీ మేయర్‌ ముక్కాల ద్వారకానాథ్, వైఎస్సార్‌సీపీ యువజన విభాగం జిల్లా అధ్యక్షుడు పి.రూప్‌కుమార్‌యాదవ్, నాయకులు ఆనం రంగమయూర్‌రెడ్డి, గోగుల నాగరాజు, ఎండీ ఖలీల్‌అహ్మద్, వేలూరు మహేష్, నూనె మల్లికార్జున్‌యాదవ్, కుంచాల శ్రీనివాసులు వందవాశి రంగా పాల్గొన్నారు.

సాక్షి,మంగళగిరిటౌన్‌: రాష్ట్రంలో టీడీపీ అధికారం పోయినా.. స్థానికంగా మాకేంటంటూ రెచ్చిపోతున్నారు టీడీపీ షాడో కౌన్సిలర్లు. మా తీరు ఇంతే అంటూ పదే పదే పారిశుద్ధ్య కార్మికులపై దుర్భాషలాడుతూ, దాడులకు దిగుతున్నాడు పట్టణానికి చెందిన ఓ టీడీపీ కౌన్సిలర్‌ భర్త. మంగళగిరి పట్టణ పరిధిలోని పాత మంగళగిరి కల్యాణ మండపం వద్ద శనివారం విధులు నిర్వహిస్తున్న పారిశుద్ధ్య కార్మికులపై టీడీపీ కౌన్సిలర్‌ భర్త దుర్భాషలాడిన ఘటన చోటుచేసుకుంది. బాధితులు తెలిపిన వివరాల ప్రకారం... రోజువారీ పారిశుద్ధ్య పనుల్లో భాగంగా శనివారం ఉదయం పాత మంగళగిరి వైపు పారిశుద్ధ్య పనులు చేస్తున్న నాగమణి అనే పారిశుద్ధ్య కార్మికురాలిపై ఏం పని చేస్తున్నావ్‌? అంటూ మహిళలు పైకి చెప్పుకోలేని విధంగా బూతులతో దుర్భాషలాడి నానా తిట్లూ తిట్టాడు. ఇంతలో ట్రాక్టర్‌పై డ్రైవర్‌ జలసూత్రం స్వామి, వర్కర్లు శ్రీను, కల్వపల్లి పెద్దవీరయ్య, మురళి, నరేష్, సుధాకర్‌ వెళ్లి ఏమైందంటూ అడగ్గా, వారిని సైతం నానా బూతులు తిడుతూ మేం డబ్బులిస్తే బతుకుతున్నారు.. చెప్పిన పని చేయడం తెలియదా అంటూ ఇష్టానుసారం బూతులు తిట్టాడు ఆ షాడో కౌన్సిలర్‌. ఈ క్రమంలో సూపర్‌వైజర్‌ మహేష్‌కు పారిశుద్ధ్య కార్మికులు ఫిర్యాదు చేయగా, సంఘటనా స్థలానికి వచ్చిన మహేష్, కౌన్సిలర్‌ భర్త అయిన మునగాల సత్యనారాయణను ఏం జరిగిందని అడిగేలోగానే మహేష్‌ను కూడా బూతులతో దుర్భాషలాడాడు. ఇంతలో మునగాల సత్యనారాయణ కుటుంబ సభ్యులు కర్రలతో కొట్టడానికి వచ్చారని, ఇటువంటి వారిపై తగు చర్యలు తీసుకోవాలని పట్టణ పోలీస్‌స్టేషన్‌లో పారిశుద్ధ్య కార్మికులు ఫిర్యాదు చేశారు. గతంలో కూడా అనేకసార్లు పారిశుద్ధ్య కార్మికులపై దుర్భాషలాడిన సంఘటనలు కోకొల్లలు. ఆడ, మగ తేడా లేకుండా నోటికొచ్చినట్లు ఎలాపడితే అలా మాట్లాడతాడని మహిళా పారిశుద్ధ్య కార్మికులు చెబుతున్నారు.   కార్మిక సంఘ నేతలతో రాజీకి యత్నం ఇదిలా ఉండగా ఉదయం పట్టణ పోలీస్‌స్టేషన్‌లో పారిశుద్ధ్య కార్మికులు ఫిర్యాదు చేయగా, టీడీపీ కౌన్సిలర్‌ భర్త అయిన మునగాల సత్యనారాయణ మరికొంతమంది టీడీపీ కౌన్సిలర్లతో పోలీస్‌స్టేషన్‌కు పిలిపించి రాజీ చేసుకోవడానికి ప్రయత్నాలు కొనసాగించాడు. ఇందులో భాగంగా కార్మిక సంఘ నేతలతో కేసు వెనక్కు తీసుకోమని, ఇందులో తన తప్పేమీ లేదంటూ బతిమాలాడాడు. అయితే కార్మిక సంఘ నేతలు, కార్మికులు మాత్రం ఇటువంటి ఘటనలు గతంలో కూడా చాలాసార్లు జరిగాయని, మళ్లీ పునరావృతం కాకుండా ఉండాలంటే సత్యనారాయణపై చట్టపరమైన చర్యలు తీసుకోవాలని పారిశుద్ధ్య కార్మికులు డిమాండ్‌ చేశారు. మంగళగిరి పట్టణ ఎస్సై నారాయణ కేసు దర్యాప్తు చేస్తున్నారు.  

సాక్షి, అమరావతి: ప్రభుత్వ ఉద్యోగులు, రైతులు, అంగన్‌వాడీ వర్కర్లు, డ్వాక్రా యానిమేటర్లు, పారిశుధ్య కార్మికులపై ముఖ్యమంత్రి వైఎస్‌ జగన్‌ వరాల జల్లు కురిపించారు. ఎన్నికల ముందు ప్రజలకు ఇచ్చిన హామీల అమలుకు తొలి మంత్రిమండలి సమావేశంలోనే ఆమోదముద్ర వేశారు. తండ్రి దివంగత సీఎం వైఎస్‌ రాజశేఖరరెడ్డి బాటలోనే రైతుల సంక్షేమానికి పెద్దపీట వేయాలని నిర్ణయించారు. ఇదే సమయంలో అగ్రిగోల్డ్‌ బాధితులను ఆదుకోవడానికి ముందుకొచ్చారు. ఈ మేరకు ఎన్నికల హామీలు, వాటి అమలుపై సోమవారం మంత్రిమండలి సమావేశంలో పలు సంచలన నిర్ణయాలను తీసుకున్నారు. అత్యంత ముఖ్యమైన విద్య, వైద్య రంగాల్లో సాహసోపేత సంస్కరణలకు శ్రీకారం చుట్టారు. తద్వారా తమ ప్రభుత్వం మాటల ప్రభుత్వం కాదని చేతల ప్రభుత్వ మని ప్రజలకు గట్టి సందేశం ఇచ్చారు. సోమవారం ఉదయం 10–30 గంటల నుంచి సాయంత్రం 4.30 గంటల వరకు సుదీర్ఘంగా కేబినెట్‌ సమావేశం జరిగింది. ఇందులో తీసుకున్న నిర్ణయాలను సమాచార శాఖ మంత్రి పేర్ని నాని, వ్యవసాయ శాఖ మంత్రి కన్నబాబు కలిసి విలేకరులు సమావేశంలో వెల్లడించారు. ఆ వివరాలు ఇలా ఉన్నాయి.. రైతులందరికీ వడ్డీలేని రుణాలు రైతన్నల సంక్షేమానికి ఉద్దేశించిన రైతు భరోసా పథకాన్ని అక్టోబర్‌ 15 నుంచి ప్రారంభించాలని ముఖ్యమంత్రి అధ్యక్షతన మంత్రిమండలి నిర్ణయం తీసుకుంది. ఈ పథకం కింద రైతుకు 12,500 పెట్టుబడి సాయం అందిస్తారు. దీనివల్ల 56 లక్షల మంది రైతు కుటుంబాలకు ప్రయోజనం చేకూరుతుంది. ఈ ఆర్థిక సాయాన్ని వాణిజ్య బ్యాంకులు రైతులకు చెల్లించకుండా బకాయిలకు జమ చేసుకునే పక్షంలో ప్రాథమిక సహకార బ్యాంకుల ద్వారా అందజేస్తారు. దీనికి సంబంధించి ఆర్థిక, వ్యవసాయ, పురపాలక శాఖ మంత్రులతో కమిటీ ఏర్పాటు చేస్తారు. అదేవిధంగా ముఖ్యమంత్రి అధ్యక్షతన ఆంధ్రప్రదేశ్‌ రాష్ట్ర రైతు కమిషన్‌ ఏర్పాటు చేస్తారు. ఇందులో ఆరు లేదా ఏడుగురు రైతు సంఘాలకు చెందినవారు, నిపుణులు సభ్యులుగా ఉంటారు. ఈ కమిషన్‌ వ్యవసాయంలో పురోగతి, రైతుల సంక్షేమం, ధరల స్థిరీకరణను పర్యవేక్షిస్తుంది. అదేవిధంగా రైతుల తరఫున వంద శాతం ఇన్సూరెన్స్‌ ప్రీమియాన్ని ప్రభుత్వమే చెల్లించాలని నిర్ణయించారు. క్లెయిమ్‌ బాధ్యత కూడా ప్రభుత్వమే తీసుకుంటుంది. రైతులందరికీ వడ్డీ లేని రుణాలు ఇవ్వడాన్ని జూలై 8న వైఎస్సార్‌ పుట్టినరోజు నాడు ప్రారంభిస్తారు. రైతులు చెల్లించాల్సిన వడ్డీని రాష్ట్ర ప్రభుత్వమే చెల్లిస్తుంది. దీనికోసం బ్యాంకులతో రాష్ట్ర ప్రభుత్వం ఒప్పందం చేసుకుంటుంది. ప్రభుత్వం వడ్డీ చెల్లించిన రసీదును గ్రామ వాలంటీర్లు ద్వారా రైతులకు చేరవేస్తారు. చంద్రబాబు సర్కారు 2014 నుంచి 2019 వరకు రైతులకు చెల్లించకుండా ఎగనామం పెట్టిన రూ.2,000 కోట్లు ఇన్‌పుట్‌ సబ్సిడీని కూడా రైతులకు చెల్లించాలని కేబినెట్‌ సమావేశంలో నిర్ణయించారు. అదేవిధంగా ప్రకృతి వైపరీత్యాలు సంభవించినప్పుడు రైతులు నష్టపోకుండా రూ.2 వేల కోట్లతో సహాయ నిధి, రూ.3 వేల కోట్లతో మార్కెట్‌ స్థిరీకరణ నిధిని ఏర్పాటు చేస్తారు. బోర్లు మీద బోర్లు వేసి నీళ్లు పడక నష్టపోతున్న రైతుల కోసం అసెంబ్లీ, పార్లమెంట్‌ నియోజకవర్గాలకు ఒకటి చొప్పున బోర్లు వేసే 200 రిగ్గులను కొనుగోలు చేయడానికి నిర్ణయం తీసుకున్నారు. బోర్ల కోసం నమోదు చేసుకున్న వారికి ప్రాధాన్యత క్రమంగా ఉచితంగా బోర్లు వేస్తారు. ధాన్యానికి కనీస మద్దతు ధర రాని పక్షంలో ప్రభుత్వమే కొనుగోలు చేయాలని నిర్ణయించారు. అదేవిధంగా రైతులకు పగటిపూట తొమ్మిది గంటల ఉచిత విద్యుత్‌ అందించనున్నారు. ఎప్పటి నుంచి ఉచిత విద్యుత్‌ అందిస్తారో నిర్ణయం తీసుకోవాలని ఇంధన శాఖను సీఎం ఆదేశించారు. రైతులకు వేరుశనగ విత్తనాల పంపిణీకి నిర్ణయం అనంతపురం, కర్నూలు జిల్లాల్లో రైతులకు వేరుశనగ విత్తనాలను పంపిణీ చేయాలని మంత్రిమండలి నిర్ణయం తీసుకుంది. అనంతపురం జిల్లా మంత్రి శంకర్‌ నారాయణ రైతులకు వేరుశనగ విత్తనాల పంపిణీ విషయం ప్రస్తావించగానే, సీఎం జగన్‌మోహన్‌రెడ్డి వెంటనే రైతులకు వేరుశనగ విత్తనాలు ఆ రెండు జిల్లాల్లో మొదలుపెట్టాలని ఆదేశించడంతోపాటు 24 నుంచి 48 గంటల లోపు పని ప్రారంభించినట్టు తనకు సమాచారం ఇవ్వాలని అధికారులను ఆదేశించారు. అదేవిధంగా సహకార రంగ వ్యవస్థలను బలోపేతం చేసే దిశగా వెంటనే చర్యలు చేపట్టనున్నారు. సహకార చక్కెర పరిశ్రమలతోపాటు సహకార పాల పరిశ్రమలను బలోపేతం చేయాలని నిర్ణయించారు. సహకార చట్టాల రక్షణకు తగు నిర్ణయాలు తీసుకోనున్నారు. ఒక్కో రైతుకు 5 పశువుల వరకు రూ.15 వేల నుంచి రూ.30 వేల వరకూ బీమా సౌకర్యం కల్పించనున్నారు. గుజరాత్, హరియాణా రాష్ట్రాల్లో ఇలాంటి బీమా పథకం ఎలా అమలవుతోందో అధ్యయనం చేయాలని సీఎం ఆదేశించారు.  పిల్లలను స్కూళ్లకు పంపే ప్రతి తల్లికి రూ.15 వేలు అమ్మఒడి పథకాన్ని జనవరి 26 నుంచి అమలు చేయనున్నారు. ఈ పథకం కింద తెల్ల రేషన్‌ కార్డు ఉన్న ప్రతి తల్లి తమ పిల్లలను స్కూళ్లకు పంపితే గ్రామ వాలంటీర్ల ద్వారా రూ.15 వేలు అందిస్తారు. తద్వారా బాలకార్మిక వ్యవస్థను నిరోధించవచ్చునని సీఎం నిర్ణయం తీసుకున్నారు. అలాగే రాష్ట్రంలో ఇళ్లులేని అర్హులైన నిరుపేద మహిళలను గుర్తించి, వారందరికీ తొలి ఏడాదిలోనే ఇళ్ల స్థలాలను కొనుగోలు చేసి ఉగాది పండుగ రోజున వారి పేరిటే ఇళ్ల స్థలాలను రిజిస్ట్రేషన్‌ చేయనున్నారు. ఆ స్థలాలపై బ్యాంకుల ద్వారా ఆర్థిక సాయం కూడా పొందే అవకాశం ఉంటుంది. ఇళ్లులేని వారందరికీ రెండో ఏడాది నుంచి నాలుగేళ్లలో 25 లక్షల ఇళ్లను వైఎస్సార్‌ పేరు మీద నిర్మించి ఇవ్వాలని నిర్ణయించారు. అదేవిధంగా పట్టణాల్లో ప్లాట్లను నిర్మించి పేదలకు వ్యక్తిగతంగా రిజిస్ట్రేషన్‌ చేయనున్నారు. వీటికి నిధులెక్కడవని మీడియా ప్రశ్నించగా మంత్రి నాని స్పందిస్తూ ‘రౌతు కొద్దీ గుర్రం.. నాయకుడి కొద్దీ పరిపాలన’ అన్నట్లుగా సీఎం వైఎస్‌ జగన్‌మోహన్‌రెడ్డి ఆలోచనలే వీటి అన్నింటికీ పరిష్కారమని అన్నారు. గత పదేళ్లుగా ఈ అంశాలన్నింటిపైన ఆయన ఆలోచన, కసరత్తు చేస్తూనే ఉన్నారని తెలిపారు. మే 23న ఎన్నికల ఫలితాలు వచ్చిననాటి నుంచే వీటి అమలుపై దృష్టి పెట్టారని, ఏ పథకం ఎప్పుడు అమలు చేస్తామో ప్రకటించామని, తమ ప్రభుత్వానికి ఉన్న చిత్తశుద్ధి ఇదేనన్నారు. పారిశుధ్య కార్మికుల వేతనాల పెంపు అన్ని శాఖల్లో పనిచేసే పారిశుధ్య కార్మికుల వేతనాలను రూ.18 వేలకు పెంచుతూ కేబినెట్‌ నిర్ణయం తీసుకుంది. దీని అమలుకు సంబంధిత శాఖల కార్యదర్శులతో కమిటీ ఏర్పాటు చేస్తారు. కాంట్రాక్టు ఉద్యోగుల అర్హత, అనుభవం ఆధారంగా క్రమబద్ధీకరించాలని నిర్ణయించారు. దీన్ని అమలు చేయడానికి ఆర్థిక, విద్యుత్, వైద్య, పంచాయతీరాజ్, విద్య, పురపాలక మంత్రులతో కేబినెట్‌ సబ్‌ కమిటీ ఏర్పాటు చేయనున్నారు. అదేవిధంగా పట్టణ, గ్రామీణ పేదరిక నిర్మూలన సంస్థల్లో పనిచేస్తున్న యానిమేటర్లు, రిసోర్స్‌ పర్సన్‌లకు గౌరవ వేతనం రూ.10 వేలు ఇవ్వాలని నిర్ణయించారు. అంగన్‌ వాడీ వర్కర్లకు రూ.10,500 నుంచి రూ.11,500, అంగన్‌వాడీ ఆయాలకు రూ.6 వేల నుంచి రూ.7 వేలకు, ఆశ వర్కర్లకు రూ.3 వేల నుంచి రూ.10 వేలకు, గిరిజన తండాల్లో పనిచేసే వర్కర్లకు రూ.400 నుంచి రూ.4 వేలకు వేతనాలను పెంచుతూ వారిపై ప్రభుత్వం వరాల జల్లు కురిపించింది.  ఐఆర్‌తో 4.24 లక్షల మంది ఉద్యోగులకు ప్రయోజనం రాష్ట్ర ప్రభుత్వ ఉద్యోగులకు ప్రభుత్వం శుభవార్త వినిపించింది. ప్రభుత్వ ఉద్యోగులకు జూలై నుంచి 27 శాతం మధ్యంతర భృతి (ఐఆర్‌) మంజూరు చేస్తూ కేబినెట్‌లో నిర్ణయం తీసుకుంది. దీనివల్ల 4.24 లక్షల మంది ఉద్యోగులకు ప్రయోజనం చేకూరనుంది. ఐఆర్‌తో రాష్ట్ర ప్రభుత్వంపై రూ.815 కోట్లు అదనపు భారం పడనుంది. అదేవిధంగా ఆర్టీసీని ప్రభుత్వంలో విలీనం చేయాలని సూత్రప్రాయంగా నిర్ణయించారు. దీన్ని ఎలా అమలు చేయాలనే దానిపై ఆర్థిక, రవాణా శాఖ మంత్రులతో కమిటీ ఏర్పాటు చేసి  రెండు నెలల్లో నివేదిక కోరనున్నారు. ఆర్టీసీ ప్రస్తుతం రూ.6,400 కోట్ల అప్పుల్లో ఉంది. చంద్రబాబు సర్కారు రూ.2900 కోట్ల ఉద్యోగుల పీఎఫ్‌ను కూడా వేరే వాటికి వాడేసింది. ఈ నేపథ్యంలో మానవతా దృక్పథంతో ఆర్టీసీ పునరుద్ధరణ ప్రక్రియలో భాగంగా సీఎం వైఎస్‌ జగన్‌ కొత్త ఆలోచనకు శ్రీకారం చుట్టారు. ప్రస్తుతం డీజిల్‌ బస్సుల కారణంగా ఆర్టీసీలో కిలోమీటర్‌ రవాణాకు ఖర్చు రూ.38 అవుతోంది. వాటి స్థానంలో ఎలక్ట్రికల్‌ బస్సులను ప్రవేశపెట్టడం ద్వారా కిలోమీటర్‌ రవాణాకు ఖర్చు రూ.19కు తగ్గించవచ్చనేది సీఎం ఆలోచనగా ఉందని మంత్రులు తెలిపారు. ఆర్టీసీని లాభాల్లోకి తీసుకురావడానికి నిపుణులతో కమిటీ ఏర్పాటు చేస్తారు. ఉద్యోగులకు ఇబ్బందికరంగా మారిన కంట్రిబ్యూటరీ పెన్షన్‌ స్కీమ్‌ (సీపీఎస్‌)ను రద్దు చేయాలని సూత్రప్రాయంగా నిర్ణయించారు. ఈ క్రమంలో సాంకేతిక, న్యాయ సమస్యలు తలెత్తకుండా అమలు కార్యాచరణ కోసం ఆర్థిక మంత్రి అధ్యక్షతన ఆర్థిక శాఖ అధికారులతో కమిటీ ఏర్పాటు చేస్తారు. రాష్ట్రంలో అగ్రిగోల్డ్‌ బాధితులను ఆదుకోవడం కోసం రూ.1150 కోట్లు హైకోర్టుకు జమ చేయాలని కేబినెట్‌ నిర్ణయించింది. దీనివల్ల అగ్రిగోల్డ్‌లో రూ.20 వేలు డిపాజిట్‌ చేసిన 9 లక్షల మందికి ప్రయోజనం చేకూరుతుంది. అదేవిధంగా అగ్రిగోల్డ్‌కు చెందిన విలువైన ఆస్తులన్నింటినీ పరిరక్షించాలని నిర్ణయం తీసుకున్నారు. ఈ ఆస్తులను విక్రయించడం ద్వారా ఎక్కువ నిధులు రాబట్టి బాధితులందరికీ న్యాయం చేయనున్నారు.  ప్రతి గడపకు ప్రభుత్వ పథకాలు చేరవేసేలా.. అక్టోబర్‌ 2 నుంచి గ్రామ సచివాలయాలు పనిచేయనున్నాయి. వీటిలో ఉద్యోగాల నియామకం పూర్తి పారదర్శకంగా జిల్లా ఎంపిక కమిటీల ద్వారా చేయాలని నిర్ణయించారు. ప్రతి గడపకు ప్రభుత్వ పథకాలు అందేలా గ్రామ వాలంటీర్లు పనిచేస్తారు. ఆగస్టు 15 నుంచి వాలంటీర్ల వ్యవస్థ ప్రారంభమవుతుంది. పట్టణ వాలంటీర్లకు నియామకానికి డిగ్రీ, గ్రామ వాలంటీర్ల నియామకానికి ఇంటర్మీడియెట్, గిరిజన ప్రాంతాల్లో పదో తరగతి అర్హతగా నిర్ధారించారు. రేషన్‌ ద్వారా ప్రస్తుతం పంపిణీ చేస్తున్న బియ్యంలో నాణ్యత లేనందున రాష్ట్ర ప్రభుత్వమే నాణ్యమైన బియ్యాన్ని కొనుగోలు చేసి బియ్యంతోపాటు ఐదు రకాల నిత్యావసర సరుకులను పంపిణీ చేయాలని నిర్ణయించింది. సెప్టెంబర్‌ 1 నుంచి గ్రామ వలంటీర్ల ద్వారా ప్రతి గడపకు బియ్యం ఐదు కేజీలు, పది కేజీలు, 15 కేజీల బ్యాగ్‌ల ద్వారా అందించనున్నారు. గతంలో జరిగిన అక్రమాలకు చెక్‌ పెట్టనున్నారు. విద్యా రంగంలో సమూల సంస్కరణలకు శ్రీకారం రాష్ట్రంలో 40 వేలకు పైగా ప్రభుత్వ స్కూళ్ల రూపురేఖలను మార్చేయాలని ప్రభుత్వం నిర్ణయించింది. అన్ని స్కూళ్లలో అన్ని వసతులను కల్పించాక ఫొటోలు తీసి ప్రజలకు చూపించనున్నారు. 40 కిలోమీటర్ల పరిధిలో కేంద్రీకృత వంటశాలలను ఏర్పాటు చేసి పౌష్టికాహారాన్ని స్కూళ్లకు సరఫరా చేయనున్నారు. వంట మనుషులకు నెలకు రూ.3 వేలు ఇవ్వాలని నిర్ణయించారు. ప్రైవేటు స్కూళ్లు విద్యా హక్కు చట్టంలోని అంశాలను పాటించేలా చర్యలు తీసుకోనున్నారు. ఇందులో భాగంగా విద్యా సంస్కరణల కమిటీ ఏర్పాటు చేస్తారు. ప్రైవేట్‌ విద్యా సంస్థలు విద్యాహక్కు చట్టం మేరకు ప్రతి స్కూలులో మొత్తం అడ్మిషన్లలో 25 శాతం అడ్మిషన్లను పేదలకు ఉచితంగా ఇచ్చేలా చర్యలు తీసుకుంటారు. నాణ్యమైన విద్య అందించడంతోపాటు ఫీజుల నియంత్రణకు ఆంధ్రప్రదేశ్‌ ఫీజుల రెగ్యులేటరీ కమిషన్‌ ఏర్పాటు చేసి విద్య వ్యాపారం కాకుండా నిరోధించనున్నారు. ప్రభుత్వ ఆస్పత్రుల పటిష్టానికి నిర్ణయం ప్రభుత్వ ఆస్పత్రులను అభివృద్ధి చేయడంతోపాటు మెరుగైన వైద్యసేవలందించేందుకు ఎమ్మెల్యేల అధ్యక్షతన ఆస్పత్రి అభివృద్ది కమిటీలు ఏర్పాటు చేయాలని నిర్ణయించారు. అలాగే 108, 104 వాహనాలను ఆధునికీకరించి, కొత్త వాహనాను కొనుగోలు చేయనున్నారు. డీజిల్‌ కొరత లేకుండా కండీషన్‌లో వాహనాలను ఉంచాలని, బాధితులు ఫోన్‌ చేసిన 20 నిముషాల్లో చేరేలాగ చర్యలు తీసుకోవాలని నిర్ణయించారు. ఈ క్రమంలో 108, 104 సిబ్బంది సమస్యలను తెలుసుకుని పరిష్కరించాలని, వారు సంతృప్తిగా ఉంటేనే మెరుగైన సేవలు అందుతాయని సీఎం వైద్యశాఖాధికారులకు సూచించారు. అదేవిధంగా ఇతర రాష్ట్రాల్లో వైద్యం చేయించుకున్నా ఆరోగ్యశ్రీని వర్తింపచేయాలని నిర్ణయించారు. ఇప్పుడున్న వ్యాధులతోపాటు మరిన్ని వ్యాధులను ఆరోగ్యశ్రీలో చేరుస్తారు.  12 నుంచి రాజన్న బడిబాట  ప్రభుత్వ పాఠశాలలు ప్రారంభమయ్యే మొదటిరోజు ఈనెల 12వ తేదీ నుంచి 15వ తేదీ వరకు రాజన్న బడిబాట కార్యక్రమాన్ని నిర్వహించనున్నారు. తొలిరోజు కొత్త విద్యా సంవత్సరానికి స్వాగతం పలుకుతూ  సంబరాలు నిర్వహిస్తారు. టీచర్లు, విద్యార్ధులు, పాఠశాల యాజమాన్య కమిటీ సభ్యుల సహకారంతో ప్రాంగణాన్ని శుభ్రంచేసి మామిడి తోరణాలతో స్కూళ్లను అలంకరిస్తారు. పాఠశాలలో జాతీయ పతాకావిష్కరణ చేసి రాజన్న బడిబాటను ప్రారంభించాలి. కొత్తగా చేరే విద్యార్థులను సాదరంగా ఆహ్వానించి ఇతర విద్యార్థులకు పరిచయం చేయాలి. పదో తరగతిలో ఉత్తమ ఫలితాలు సాధించిన వారి ఫొటోలు, ప్రభుత్వ పాఠశాలల్లో విద్యార్ధులకు కల్పించే సౌకర్యాలను తెలియచేసే పోస్టర్లను, బ్యానర్లను ఏర్పాటుచేయాలి. వేసవి సెలవుల్లో పిల్లలు ఏవిధంగా గడిపారో ఆ అంశాలపై మాట్లాడించాలి. గత ఏడాది అనుభవాలను వారితో చెప్పించాలి. ఈ ఏడాది ప్రణాళికలను వివరించాలి. రెండో రోజు మొక్కలు నాటించడం, వాటిని దత్తతకు ఇవ్వడం, కథలు చెప్పించి గేయాలు, పాటలు పాడించే కార్యక్రమాలు నిర్వహించాలి. మూడో రోజు ప్రజాప్రతినిధులు, పాఠశాల యాజమాన్యకమిటీ సభ్యులు, దాతల సమక్షంలో సామూహిక అక్షరాభ్యాసం చేయించాలి. నాలుగో రోజు ప్రముఖులతో స్ఫూర్తి దాయక ఉపన్యాసాలు, బాలికల విద్యాభివృద్ధికి సూచనలు, సలహాలు, తల్లిదండ్రులతో సమావేశాలు, ప్రతిభావంతులకు సత్కారం, సహపంక్తి భోజనాలు నిర్వహించాలి.  

సాక్షి, న్యూఢిల్లీ : కుంభమేళా పారిశుద్ధ్య కార్మికుల సంక్షేమ నిధికి ప్రధాని నరేంద్ర మోదీ తన వ్యక్తిగత పొదుపు నుంచి రూ 21 లక్షలు విరాళంగా ఇచ్చారు. ప్రధాని ఇటీవల కుంభమేళాలో వారి సేవలకు గాను పారిశుద్ధ్య కార్మికుల కాళ్లు కడిగిన సంగతి తెలిసిందే. ప్రధాని మోదీ ఈ సందర్భంగా వారితో ముచ్చటిస్తూ పారిశుద్ధ్య కార్మికులు నిజమైన కర్మ యోగులని ప్రశంసించారు. ప్రధాని ఇటీవల తీసుకున్న సామాజిక వితరణ చర్యల్లో భాగంగా కుంభమేళా పారిశుద్ధ్య కార్మికులకు రూ 21 లక్షల విరాళం అందచేశారని ప్రధాని కార్యాలయం (పీఎంఓ) బుధవారం ట్వీట్‌ చేసింది. ప్రధాని సామాజిక సేవా కార్యక్రమాల్లో చూపిన చొరవ, ప్రకటించిన సాయాలకు సంబంధించిన పలు ఉదంతాలను పీఎంఓ ఈ ట్వీట్‌లో ప్రస్తావించింది.

సాక్షి, న్యూఢిల్లీ : ‘ఇదొక రాజకీయ స్టంట్, రానున్న లోక్‌సభ ఎన్నికలను దష్టిలో పెట్టుకొని చేసినది. ఓట్ల కోసం ఆడిన డ్రామా’... ప్రధాని నరేంద్ మోదీ ఆదివారం నాడు ప్రయాగ్‌ రాజ్‌లో ఐదుగురు స్వీపర్లు లేదా పారిశుద్ధ్య పనివారల కాళ్లు కడిగిన వీడియో దశ్యాలపై ముంబై ర్యాలీకి వచ్చిన పారిశుద్ధ్య కార్మికులు చేసిన వ్యాఖ్యలివి. సోమవారం నాడు ఢిల్లీలోని జంతర్‌ మంతర్‌ వద్ద, ముంబైలోని ఆజాద్‌ మైదానంలో దేశం నలుమూలల నుంచి వచ్చిన వేలాదిమంది పారిశుద్ధ్య కార్మికులు ధర్నాలు నిర్వహించారు. ‘దళితులు, కార్మికుల హక్కుల సంఘం’ ఆధ్వర్యంలో ఢిల్లీలో పారిశుద్ధ్య కార్మికులు ధర్నా నిర్వహించగా, ‘సఫాయ్‌ కర్మచారి ఆందోళన్, మహారాష్ట్ర మున్సిపల్‌ కామ్‌గార్‌ యూనియన్, కచ్రా వాహ్‌తుక్‌ శ్రామిక్‌ సంఘ్‌’ తదితర కార్మిక సంఘాల పిలుపు మేరకు ముంబైలో ధర్నా నిర్వహించారు. ‘ఇదంతా ఓట్ల కోసం. మోదీకి మా పట్ల అంత ప్రేమ ఉంటే, మమ్మల్నీ సైనికుల్లా చూడాలి. విధి నిర్వహణలో చనిపోతే అమర వీరుల్లా గౌరవించాలి’ అని హర్యానాలోని ఫరిదాబాద్‌ నుంచి ధర్నాకు వచ్చిన 30 ఏళ్ల రవి వాల్మికన్‌ వ్యాఖ్యానించారు. భద్రతా మాస్కులు, చేతులకు గ్లౌజులు, కాళ్లకు రక్షణ బూట్లు లేకుండానే తామంతా డ్రైనేజీ పనులు  చేస్తున్నామని ఆయనతోపాటు వచ్చిన పారిశుద్ధ్య కార్మికులు తెలిపారు. ఏడవ వేతన సంఘం సిఫార్సుల మేరకు కాంట్రాక్టు పారిశుద్ధ్య కార్మికులందరికి కనీస వేతనాలను అమలు చేస్తామని మహారాష్ట్రలోని బీజేపీ ప్రభుత్వం 2015లోనే ఉత్తర్వులు జారీ చేసిందని, ఆ దిశగా ఇప్పటి వరకు ఎలాంటి చర్యలు తీసుకోక పోవడంతో తాము ప్రత్యక్ష ఆందోళనకు దిగాల్సి వచ్చిందని యూనియన్‌ నాయకులు తెలిపారు. మోదీకి తమ పట్ల ప్రేమ ఉంటే తాము ఎందుకు ఇంత దుర్భర పరిస్థితుల్లో బతుకుతామని వారు ప్రశ్నించారు. ఆధ్యాత్మిక సేవలో భాగంగానే... ఆదివారం నాడు కుంభమేళాకు హాజరైన నరేంద్ర మోదీ, ఆధ్యాత్మిక సేవలో భాగంగానే ఐదుగురు పారిశుద్ధ్య కార్మికుల పాదాలను కడిగానని చెప్పుకున్నారు. వాల్మికి సామాజిక వర్గం చేసే పాకీ పని కూడా ఆధ్యాత్మిక సేవ లాంటిదని మోదీ 2010లో ప్రచురించిన ‘కర్మయోగి’ అనే తన పుస్తకంలో రాశారు. ‘బ్రతుకుతెరువు కోసం వారు ఈ పని చేస్తున్నారని నేను భావించడం లేదు. అలా అయితే మరో వృత్తి ఎన్నుకొనే వారు. తరతరాలుగా ఇదే వృత్తిలో ఎందుకు కొనసాగుతారు ?’ అని ఆ పుస్తకంలో మోదీ తన అభిప్రాయాన్ని వెల్లడించారు. జాతిపిత మహాత్మా గాంధీ కూడా 1936లో ‘ది ఐడియల్‌ బాంగీ’ పేరిట రాసిన వ్యాసంలో పాకిపని వారలు చేసేది ‘పవిత్ర విధి’ అని అభివర్ణించారు. వారు చేసే పనిలో ఎలాంటి పవిత్రత లేదని, వారిని దళితులుగా దూరం పెట్టడం వల్ల తప్పనిసరి పరిస్థితుల్లో వారు ఆ పని చేయాల్సి వస్తోందంటూ డాక్టర్‌ అంబేడ్కర్, నాడే గాంధీకి సమాధానం ఇచ్చారు. వేలాది మంది మరణం 2014–2016 మధ్య రెండేళ్ల కాలంలోనే డ్రైనేజీ క్లీనింగ్‌ పనిలో 1,327 మంది పారిశుద్ధ్య కార్మికులు మరణించినట్లు పలు నివేదికలు వెల్లడిస్తున్నాయి. 2015 నుంచి అంతకుముందు ఆరేళ్ల కాలంలో ఒక్క ముంబై నగరంలోనే 1,386 మంది పారిశుద్ధ్య కార్మికులు విధినిర్వహణలో మరణించారని ‘ఇండియాస్పెండ్‌’ పరిశోధన సంస్థ 2015లో విడుదల చేసిన ఓ నివేదికలో వెల్లడించింది. వీరిలో 90 శాతం మంది కాంట్రాక్టు లేబర్లే. దేశంలో పాకిపనివారల వ్యవస్థను 2013, సెప్టెంబర్‌ నెలలో కేంద్ర కార్మిక శాఖ నిషేధించింది. దీన్ని కచ్చితంగా అమలు చేయడంతోపాటు పారిశుద్ధ్య కార్మికుల ప్రాణాలకు పూర్తి భద్రతనిచ్చే ఆధునిక పరికరాలను ఉపయోగించాలంటూ 2014, మార్చి 26వ తేదీన దేశంలోని అన్ని రాష్ట్రాలకు సుప్రీంకోర్టు ఆదేశాలు జారీ చేసింది. సుప్రీంకోర్టు ఉత్తర్వులను కచ్చితంగా అమలుచేసి ఉంటే ఇంతమంది పారిశుద్ధ్య కార్మికులు ఎందుకు చనిపోతారు? కేంద్ర ప్రభుత్వం ఆధ్వర్యంలో నడుస్తున్న రైల్వే వ్యవస్థలో కూడా పారిశుద్ధ్య పనివారలు ఎందుకు కొనసాగుతారు? కాకపోతే వారిని స్వీపర్లుగా వ్యవహరిస్తున్నారు. కాంట్రాక్టు పద్ధతిపై వారికి రోజుకు 200 రూపాయలు చెల్లిస్తున్నారు. ప్రాణ హాని లేదా అంగవైకల్య ప్రమాదాలకు ఆస్కారం ఉన్న విధులను ఎట్టి పరిస్థితుల్లో కాంట్రాక్టు కార్మికులను అప్పగించరాదంటూ 1947 నాటి పారిశ్రామిక వివాదాల పరిష్కార చట్టం నిర్దేశిస్తుండగా, డ్రైనేజీ పనులకు కాంట్రాక్టు కార్మికులను ఉపయోగిస్తే యజమానులకు ఏడాది జైలు, రెండు వేల రూపాయల జరిమానా విధిస్తామని 1993 నాటి చట్టం చెబుతోంది. దేశంలోని దాదాపు అన్ని మున్సిపాలిటీలు పారిశుద్ధ్య పనులకు కాంట్రాక్టు కార్మికులను ఉపయోగిస్తున్న విషయం తెల్సిందే. మనకన్నా ఆర్థికంగా వెనకబడిన అనేక దేశాలు పారిశుద్ధ్య పనులకు ఆధునిక పరికరాలను ఉపయోగిస్తున్న విషయం తెల్సిందే.  

న్యూఢిల్లీ : ఉత్తరప్రదేశ్‌లోని గోరఖ్‌పూర్‌లో ఆదివారం పీఎం-కిసాన్‌ యోజన పథకాన్ని ప్రారంభించిన ప్రధాని నరేంద్ర మోదీ అక్కడనుంచి అర్ధకుంభమేళా జరుగుతున్న ప్రయాగ్‌రాజ్‌కు వెళ్లారు. అలహాబాద్‌ (ప్రయాగ్‌రాజ్‌)లో జరుగుతున్న కుంభమేళాలో ఆయన ఆదివారం త్రివేణి సంగమం వద్ద పవిత్ర స్నానమాచరించారు. అనంతరం మోదీ సంగం ఘాట్‌ వద్ద పూజలు నిర్వహించారు. ఆ తర్వాత అక్కడ విధులు నిర్వర్తిస్తున్న పారిశుద్ధ్య కార్మికులతో మాట్లాడారు. వాళ్లే నిజమైన కర్మ యోగులంటూ వారి సేవలను మోదీ కొనియాడారు. గంగా హారతి ఇచ్చి పారిశుద్ధ్య కార్మికుల కాళ్లను కూడా మోదీ కడిగారు. వారికి అంగవస్త్రాలను బహూకరించారు. వారి సేవల వల్లే కుంభమేళా ప్రదేశం శుభ్రంగా ఉందన్నారు. 130 కోట్ల మంది భారతీయులు బాగుండాలని త్రివేణి సంగమం వద్ద తాను కోరుకున్నట్లు మోదీ ట్విట్టర్‌లో చెప్పారు. కుంభమేళాను విజయవంతం చేసేందుకు అవసరమైనదంతా తాము చేశామని మోదీ చెప్పారు.

తూర్పుగోదావరి, రాజమహేంద్రవరం సిటీ: పారిశుద్ధ్య కార్మికురాలితో అసభ్యంగా ప్రవర్తించిన శానిటరీ ఇన్‌స్పెక్టర్‌ సత్యనారాయణను అరెస్టు చేసి, చర్యలు తీసుకోవాలంటూ పారిశుద్ధ్య కార్మికులు మంగళవారం నిరసన తెలిపారు. నగరంలోని 41వ డివిజన్‌ శ్రీరాంనగర్‌లో పారిశుద్ధ్య పనులు నిర్వహిస్తున్న మహిళను సత్యనారాయణ నెల రోజులుగా లైంగికంగా వేధిస్తున్నాడంటూ బాధితురాలి బంధువులు, తోటి కార్మికులు మూడో పట్టణ పోలీస్‌ స్టేషన్‌ ఎదుట నిరసన తెలిపారు. అనంతరం వారు పోలీసులకు ఫిర్యాదు చేశారు. అక్కడి నుంచి వారందరూ కార్పొరేషన్‌ కార్యాలయానికి వెళ్లి కమిషనర్‌కు ఫిర్యాదు చేశారు. వివరాలిలా ఉన్నాయి. శ్రీరాంనగర్‌లో సోమవారం ఉదయం పారిశుద్ధ్య పనులు చేస్తున్న మహిళతో శానిటరీ ఇన్‌స్పెక్టర్‌ సత్యనారాయణ అసభ్యంగా ప్రవర్తించడంతో ఆమె ఆ విషయాన్ని ఎంహెచ్‌ఓ డాక్టర్‌ మూర్తి వద్దకు తీసుకువెళ్లింది. మంగళవారం ఉదయాన్నే పరిశీలించి చర్యలు చేపడతానని ఆయన హామీ ఇచ్చారు. కానీ మంగళవారం ఉదయం పనులు పూర్తయినా సత్యనారాయణపై ఎంహెచ్‌ఓ  చర్యలు చేపట్టలేదు. దీంతో బాధితురాలి బంధువులు, కార్మిక నాయకులు పోలీసులకు, కమిషనర్‌కు ఫిర్యాదు చేసేందుకు సిద్ధమయ్యారు. విషయం తెలుసుకున్న వైఎస్సార్‌ సీపీ పీఏసీ సభ్యురాలు జక్కంపూడి విజయలక్ష్మి, ఆ పార్టీ కార్పొరేషన్‌ ఫ్లోర్‌ లీడర్‌ మేడపాటి షర్మిలారెడ్డి, డిప్యూటీ ఫ్లోర్‌ లీడర్‌ గుత్తుల మురళీధరరావు, కార్పొరేటర్‌ ఈతకోట బాçపన సుధారాణి బాధితురాలి తరపున కమిషనర్‌తో మాట్లాడి, ఆమెకు న్యాయం చేయాలని కోరారు. సమస్య విన్న కమిషనర్‌ శానిటరీ ఇన్‌స్పెక్టర్‌ సత్యనారాయణను వారం రోజుల పాటు సెలవుపై వెళ్లాలంటూ ఆదేశించారు. జరిగిన ఘటనపై ముగ్గురు మహిళలలో కమిటీ వేస్తున్నట్టు కమిషనర్‌ ప్రకటించారు. నివేదిక వచ్చిన వెంటనే సత్యనారాయణపై చర్యలు చేపడతామని ఆయన జక్కంపూడి విజయలక్ష్మి తదితరులకు హామీ ఇచ్చారు. అదే సమయంలో అక్కడకు వచ్చిన రూరల్‌ ఎమ్మెల్యే గోరంట్ల బుచ్చయ్య చౌదరిని పారిశుద్ధ్య కార్మికులు తమకు న్యాయం చేయాలంటూ నిలదీశారు . దీనిపై కమిటీని ప్రకటించారని, నివేదిక ప్రకారం చర్యలు చేపట్టనున్నట్లు బుచ్చయ్య తెలిపారు. మహిళలపై అసభ్యంగా ప్రవర్తించే వారిని ఉపేక్షించేది లేదన్నారు. సత్యనారాయణతో గతంలో ఏమైనా సమస్యలు ఉంటే కమిషనర్‌ దృష్టికి తీసుకుని రావాలన్నారు.

సాక్షి, అమరావతి: అమ్మవారి సేవాభాగ్యం దొరుకుతుందంటే ఆశగా వచ్చిన డ్వాక్రా మహిళలను పారిశుద్ధ్య పనుల్లో నియమించడంపై తీవ్ర ఆవేదన వ్యక్తం చేస్తున్నారు. మునిసిపల్‌ కార్మికుల సమ్మె నేపథ్యంలో పలుచోట్ల పట్టణ ప్రాంతాల్లో పేరుకుపోతున్న చెత్త తొలగింపు కార్యక్రమాల్లో రాష్ట్ర ప్రభుత్వం డ్వాక్రా మహిళలను నియమించింది. దసరా ఉత్సవాలు జరుగుతున్న విజయవాడ కనకదుర్గ గుడి వద్ద కొందరు డ్వాక్రా మహిళలకు వ్యర్థ్యాల తొలగింపు, పారిశుధ్యం బాధ్యతలు అప్పగించడంతో అలవాటు లేని పనులు చేయలేక అవస్థలు పడుతున్నారు. విజయవాడ, విశాఖలో పారిశుద్ధ్య పనులకు డ్వాక్రా మహిళలు పట్టణ ప్రాంతాల్లో దాదాపు 20 లక్షల మంది డ్వాక్రా మహిళలున్నారు. మునిసిపల్‌ కార్మికుల సమ్మెతో పరిస్థితులు క్షీణించిన చోట ఎంపిక చేసిన డ్వాక్రా మహిళలకు పారిశుద్ధ్య పనుల నిర్వహణ బాధ్యతలు అప్పగించాలని మెప్మా  ఉన్నతాధికారులు సూచించారు. ఈ నేపథ్యంలో ఉన్నతస్థాయి ఆదేశాలతో పలు మున్సిపాలిటీల్లో డ్వాక్రా మహిళలను పారిశుద్ధ్య కార్యక్రమాల్లో పాల్గొనాలంటూ ఒత్తిడి చేస్తున్నారు. పట్టణ ప్రాంతాల్లో కొన్ని మురికివాడలను ఎంపిక చేసుకొని అందులోని డ్వాక్రా సంఘాల సభ్యులను తాము చెప్పినట్లుగా పారిశుద్ధ్య కార్యక్రమాల్లో పాల్గొనకుంటే బ్యాంకు రుణాలు అందకుండా చేస్తామంటూ బెదిరిస్తున్నారని కొందరు మహిళలు ‘సాక్షి’ ప్రతినిధికి వెల్లడించారు. దసరా ఉత్సవాల సందర్భంగా విజయవాడ కనకదుర్గమ్మ గుడి పరిసరాలు, ఇతర ప్రాంతాల్లో పారిశుద్ధ్య పనుల నిర్వహణకు తెనాలి నుంచి పలువురు డ్వాక్రా మహిళలను తరలించారు. విశాఖపట్నంలో కూడా పారిశుద్ధ్య పనుల కోసం జిల్లాలోని పలు మున్సిపాలిటీల నుంచి డ్వాక్రా మహిళలను ప్రత్యేక వాహనాల ద్వారా పారిశుద్ధ్య పనులకు తరలించడం గమనార్హం. సొంత ప్రాంతాల్లో పనులు చేసేందుకు నిరాకరించే వారిని ఇతరచోట్లకు పంపి పారిశుద్ధ్య పనుల కోసం పురమాయిస్తున్నారు. ఇందుకు అంగీకరించకుంటే రుణాలు ఇచ్చేది లేదని బెదిరిస్తున్నారు.   అలవాటు లేని పనులు చేయలేక అవస్థలు ‘అమ్మ’ సేవ కోసం వచ్చిన మహిళలతో క్యూ లైన్ల నిర్వహణ, ప్రసాదం పంపిణీ, ఉచిత అన్నదానం తదితర పనులు కాకుండా మురుగు కాల్వల్లోని సిల్టు, వీధుల్లో చెత్తాచెదారం ఊడ్చే పనులు చేయిస్తున్నారు. మరోవైపు రోజుకు రూ.500 ఇస్తామంటూ గ్రామీణ ప్రాంతాల నుంచి వ్యవసాయ కార్మికులను తీసుకొచ్చి రూ.200 మాత్రమే ఇస్తూ శ్రమ దోపిడీకి పాల్పడుతున్నారు. ఉచిత భోజనం, వసతి కల్పిస్తామన్న అధికారులు తీరా ఇక్కడకు వచ్చిన తరువాత ముఖం చాటేయడంతో తీవ్ర ఇక్కట్లు పడుతున్నారు. గ్రామాల్లో వరి నాట్లు, కలుపు తీత, కుప్ప నూర్పిడులు లాంటి పనులు చేసిన తమతో చెత్తను ఎత్తిస్తున్నారని వ్యవసాయ కార్మికులు ఆవేదన వ్యక్తం చేస్తున్నారు. నవరాత్రి ఉత్సవాల పనులకు దుర్గ గుడి అధికారులు తెనాలి నుంచి 50 మంది కార్మికులను రోజువారీ వేతనం చెల్లించేలా తెచ్చారు. వారిలో 10 మందితో దుర్గగుడి పనులు చేయిస్తూ మిగిలిన 40 మందిని మున్సిపల్‌ పనులు నిర్వహించే కాంట్రాక్టరుకు అప్పగించారు. ఆ కాంట్రాక్టరు వారితో పారిశుద్ధ్య పనులు చేయిస్తున్నారు. దీంతో కొంత మంది కార్మికులు చెప్పకుండానే వెళ్లిపోయారు. ఆరు రోజుల నుంచి మున్సిపల్‌ కార్మికులు చేస్తున్న సమ్మె కారణంగా చెత్త కుళ్లిపోయి దుర్వాసన వెదజల్లుతోంది. దీన్ని గ్లౌజులు, మాస్కులు లేకుండా కార్మికులతో ఎత్తి వేయిస్తున్నారు. దీంతో రోగాలు సోకే ప్రమాదం ఉందని భయపడుతున్నారు.   తెనాలి కార్మికుల ఆవేదన.. వరలక్ష్మి: దుర్గగుడికి వచ్చే భక్తులకు మంచి నీళ్ల ప్యాకెట్ల పంపిణీ, క్యూలైన్ల నిర్వహణ లాంటి పనులు చేయాల్సి ఉంటుందని చెప్పడంతో ఊరి నుంచి వచ్చా. ఇక్కడకు వచ్చిన తరువాత మాతో కుళ్లిపోయిన చెత్త ఎత్తిస్తున్నారు. అధికారులు మోసం చేశారు. దుర్వాసన కారణంగా రాత్రి భోజనం కూడా  చేయడం లేదు. నాకు పొలం, పుట్ర, నగ, నట్రా ఉన్నాయి.  మాణిక్యం: దసరా ఉత్సవాల్లో అమ్మవారిని దర్శించుకోవచ్చనే ఆశతో వచ్చా. ఆలయంలో పని చేస్తే పుణ్యం వస్తుందని వచ్చా. తీరా ఇక్కడకు వచ్చాక మురుగు కాల్వల్లో మట్టి తీయిస్తున్నారు. కనీసం గుడికి దగ్గరలో పనులు కూడా ఇవ్వలేదు.   పున్నారావు: నా దగ్గర చార్జీలకు కూడా డబ్బులు లేకపోవడంతో తిరిగి వెళ్లలేక ఆగిపోయా. మా ఊళ్లో ఎప్పుడూ ఈ పనులు చేయలేదు. కలుపుతీత, వ్యవసాయ పనులకు వెళ్తే సాయంత్రానికి రూ.400 వచ్చేవి. ఇక్కడ ఈ పనులు చేస్తే రోగాలు తప్పకుండా వస్తాయి.

సాక్షి నెట్‌వర్క్‌: మున్సిపల్‌ పారిశుధ్య కార్మికులకు ప్రతిబంధకంగా ఉన్న 279 జీవోను రద్దు చేయాలని, జీవో 151 అమలుచేయాలని.. సమాన పనికి సమాన వేతనం చెల్లించాలన్న డిమాండ్లతో రాష్ట్రంలోని 104 మున్సిపాలిటీల్లో ఆరు రోజులుగా జరుగుతున్న సమ్మె తీవ్రరూపం దాలుస్తోంది. దాదాపు అన్నిచోట్లా రోడ్లపై ఎక్కడి చెత్త అక్కడే పేరుకుపోయింది. ఊరూవాడలన్నింటా దుర్గంధం వ్యాపిస్తోంది. దీంతో జనాలు నానా అగచాట్లు పడుతున్నారు. ఎక్కడచూసినా ముక్కుమూసుకుని వెళ్లాల్సిన పరిస్థితి. ఇప్పటికే రాష్ట్రాన్ని ప్రాణాంతక డెంగీ, విషజ్వరాలు వణికిస్తుండగా ప్రస్తుత దుస్థితి మరింత బెంబేలెత్తిస్తోంది. పరిస్థితి రోజురోజుకూ క్షీణిస్తున్నా సమస్యను పరిష్కరించడంలో రాష్ట్ర ప్రభుత్వం నిర్లక్ష్య ధోరణి అవలంబిస్తుండడంపై తీవ్రమైన విమర్శలు వెల్లువెత్తుతున్నాయి. అసలే విషజ్వరాలతో ప్రజలు మరోవైపు.. సర్కారు మొండివైఖరిని నిరసిస్తూ కార్మికులూ తమ పోరాటాన్ని ఉధృతం చేస్తున్నారు. రాజధాని ప్రాంతమైన విజయవాడ నగరపాలక సంస్థతో పాటు కృష్ణాజిల్లాలోని ఐదు మున్సిపాల్టీలు, మూడు నగర పంచాయితీల్లో సుమారు ఆరు వేల మంది కార్మికులు సమ్మెలో పాల్గొంటున్నారు. మున్సిపాల్టీలలో చెత్త వ్యర్థాలు మేట వేశాయి. డంపర్లలో చెత్త నిల్వలు పేరుకుపోయి పరిసరాలు చెత్తమయం కావడంతో దుర్గంధం వెదజల్లుతోంది. విజయవాడలో కార్మికులు మంగళవారం భిక్షాటన చేసి నిరసన తెలిపారు. మరోవైపు.. నగర మున్సిపల్‌ కమిషనర్‌ జె. నివాస్‌ కూలీల ద్వారా చెత్తను తరలించేందుకు ప్రత్యామ్నాయ ఏర్పాట్లు చేస్తున్నారు. గుంటూరు నగరపాలక సంస్థ పరిధిలో సమ్మెను విచ్ఛిన్నం చేసేందుకు అధికారులు 40మంది కార్మికులను విధుల నుంచి తొలగించారు. తెనాలి, చిలకలూరిపేట, గుంటూరులో వేరేవారితో పారిశుధ్య పనులను నిర్వహిస్తుండగా వీరిని సమ్మెలో ఉన్న కార్మికులు అడ్డుకున్నారు. గుంటూరులో పారిశుధ్య కార్మికులకు వైఎస్సార్‌సీపీ తూర్పు ఎమ్మెల్యే ముస్తఫా సంఘీభావం తెలిపారు. సత్తెనపల్లిలో మానవహారం నిర్వహించారు. ప్రకాశం జిల్లాలో 1500 మంది పారిశుధ్య సిబ్బంది సమ్మెలో పాల్గొంటున్నారు. ఒంగోలు నగరపాలక సంస్థతోపాటు కందుకూరు, మార్కాపురం, చీరాల మున్సిపాలిటీ, అద్దంకి, చీమకుర్తి, కనిగిరి, గిద్దలూరు నగర పంచాయతీల్లోని కార్మికులు సమ్మెలో పాల్గొంటున్నారు. ఒంగోలులో వైఎస్సార్‌ కాంగ్రెస్‌ పార్టీ ఒంగోలు పార్లమెంటరీ జిల్లా అధ్యక్షుడు, మాజీమంత్రి బాలినేని శ్రీనివాసరెడ్డి కార్మికులకు మద్దతు ప్రకటించారు. శ్రీపొట్టి శ్రీరాములు నెల్లూరు జిల్లాలో పారిశుధ్య కార్మికుల ఆందోళన తీవ్రరూపం దాల్చింది. వెంకటగిరిలో అధికారులు 100మంది ప్రైవేట్‌ కార్మికుల్ని రంగంలోకి దింపగా కార్మిక సంఘాల నేతలు అడ్డుకున్నారు. పోలీసులు వారిని అరెస్టుచేసి పోలీసుస్టేషన్‌కు తరలించారు. కావలి పట్టణంలో ప్రజాసంఘాలు, వైఎస్సార్‌ఎస్‌యూ, వామపక్షాల ఆధ్వర్యంలో కార్మికులు అర్ధనగ్న ప్రదర్శన చేశారు. ఆత్మకూరులో అధికారుల జరిపిన చర్చలు విఫలమయ్యాయి.  ‘అనంత’లో చర్చలు విఫలం అనంతపురం జిల్లాలో తాడిపత్రి మినహా మిగితా అన్నిచోట్లా సమ్మె కొనసాగుతోంది.  అనంతపురంలో ఇంజినీరింగ్‌ విభాగం కార్మికులు కూడా సమ్మె చేస్తుండడంతో అధికారులు వారికి అల్టిమేటం జారీచేశారు. మరోవైపు.. అనంతపురం, పామిడి, పుట్టపర్తిలో మంగళవారం అధికారులతో జరిగిన చర్చలు విఫలమయ్యాయి.  హిందూ పురంలో అధికారులు, కార్మికుల వాగ్వాదం జరిగింది. కర్నూ లు జిల్లాలోని 9 మున్సిపాల్టీల్లో 2,500మంది కార్మికులు సమ్మె బాట పట్టారు. జిల్లా కేంద్రంలో మంగళవారం ఐఎన్‌టీయూసీ, ఏఐటీయూసీ, సీఐటీయు, వైఎస్సార్‌టీయూసీ కార్మిక సంఘాలు భారీ ర్యాలీ నిర్వహించాయి. వైఎస్సార్‌  జిల్లాలో సుమారు 3వేల మంది కార్మికులు సమ్మె చేస్తున్నారు. ఇక్కడ రోజూ 400 మెట్రిక్‌ టన్నుల చెత్త ఉత్పత్తి అవుతుంది. అధికారులు ప్రత్నామ్నాయ చర్యలు చేపట్టినప్పటికీ 200 మెట్రిక్‌ టన్నుల చెత్తను మాత్రమే తరలించగల్గుతున్నారు.  చిత్తూరు జిల్లాలోని చిత్తూరు, తిరుపతి కార్పొరేషన్లతోపాటు పుత్తూరు, నగరి, మదనపల్లె, పలమనేరు, పుంగనూరు, శ్రీకాళహస్తి మున్సిపాలిటీల్లోనూ కార్మికులు సమ్మె చేస్తున్నారు.   విశాఖలో కుప్పలు కుప్పలుగా చెత్త మహా విశాఖ నగర పాలక సంస్థలో రోడ్లపై చెత్త కుప్పలు కుప్పలుగా పెరిగిపోతోంది. శాశ్వత ఉద్యోగులతో రోజుకు కేవలం 700–750 టన్నుల చెత్తను మాత్రమే డంపింగ్‌ యార్డులకు తరలించగలుగుతున్నారు. ఇంకా నగర వ్యాప్తంగా సుమారు 2500 టన్నుల చెత్త  పేరుకుపోయింది. సమ్మె ఇలాగే కొనసాగితే.. ప్రతిరోడ్డు ఓ డంపింగ్‌ యార్డులా మారే ప్రమాదం కనిపిస్తోంది. ఇక్కడ మొత్తం 4000మంది కార్మికులు సమ్మెలో పాల్గొంటున్నారు. జిల్లాలోని యలమంచిలి, నర్సీపట్నంల్లోనూ దాదాపు ఇదే పరిస్థితి. ఇక తూర్పు గోదావరి జిల్లాలో పట్టణ ప్రాంతాల నుంచి రోజుకు దాదాపు 511 టన్నుల చెత్త ఉత్పత్తి అవుతుండగా కార్మికుల కోరతతో ఎక్కడ చూసినా చెత్తకుప్పలే దర్శనమిస్తున్నాయి. ఇప్పటికే జిల్లాను ప్రాణాంతక డెంగీ, విషజ్వరాలు వణికిస్తుండగా ప్రస్తుత దుస్థితి మరింత బెంబేలెత్తిస్తోంది. పురపాలక సంస్థల ప్రత్యామ్నాయ ఏర్పాట్లను ఆందోళనకారులు అడ్డుకుంటున్నారు. శ్రీకాకుళం నగరపాలక సంస్థ పరిధిలోనూ ఇదే పరిస్థితి. 

పారిశుద్ధ్య కార్మిక వ్యవస్థను ప్రైవేటీకరణ చేసేందుకు తీసుకువచ్చిన జీఓ నంబరు 279ని అమలు చేసేందుకే ప్రభుత్వం మొండిగా ముందుకెళ్తోంది. జీఓ విషయంలో వెనక్కి తగ్గే ప్రసక్తే లేదని ప్రభుత్వ పెద్దలు తెగేసి చెబుతున్నారు. అదే స్థాయిలో దీనిని కార్మికులు, కార్మిక సంఘాలు వ్యతిరేకిస్తున్నాయి. నెల్లూరు కార్పొరేషన్‌ పరిధిలో పారిశుద్ధ్య కార్మికులు ఇప్పటికే 32 రోజులుగా సమ్మె చేస్తున్నారు. సమ్మెను ఉధృతం చేసే దిశగా అడుగులు వేస్తున్నారు.  అయితే పాలకులు జిల్లాలోని అన్ని మున్సిపాలిటీల్లో కూడా అక్టోబరు 1వ తేదీ నుంచి దశల వారీగా అమలు చేసేందుకు ప్రణాళికతో ముందుకు పోతున్నారు. మున్సిపాలిటీల్లో కార్మికులు సైతం సమ్మెబాట పట్టనుండడంతో పోరు తీవ్రమవుతోంది. సాక్షి ప్రతినిధి, నెల్లూరు: జీఓ నంబరు 279ని అమలు చేయడానికే ప్రభుత్వం నిర్ణయించింది. 2015లో తీసుకువచ్చిన ఈ జీఓను పారిశుద్ధ్య కార్మికులు, కార్మిక సంఘాలు వ్యతిరేకించాయి. ఉద్యమాలకు శ్రీకారం చుట్టాయి. దీంతో రాష్ట్రంలోని 12 జిల్లాల్లో అమలు చేసిన తర్వాత చివరిగా జిల్లాలో అమలు చేస్తామని అధికార పార్టీకి చెందిన మేయర్‌ అబ్దుల్‌ అజీజ్‌ మొదలుకొని మంత్రుల వరకు అందరూ గతంలో సమ్మె సమయంలో హామీ ఇచ్చారు. అయితే ఇప్పుడు మేయర్‌తో సహా అందరూ హామీని విస్మరించి జీఓ అమలుకు ముందస్తు అనుమతులు ఇచ్చారు. ఈక్రమంలో నెల్లూరు నగరపాలక సంస్థలో మొదలైన పారిశుద్ధ్య కార్మికుల సమ్మె శుక్రవారానికి 32వ రోజుకు చేరింది. వచ్చే నెల మొదటి వారం నుంచి దశల వారీగా జిల్లాలోని అన్ని మున్సిపాలిటీల్లో సమ్మెకు కార్మికులు సిద్ధమవుతున్నారు. మాట తప్పి.. మొదట నెల్లూరులోనేఅమలు జీఓ నంబరు 279 అమలు విషయలో పాలకులు, అధికార పార్టీ నేతలు గతంలో చెప్పిన మాట తప్పి.. మొదట నెల్లూరులోనే అమలుకు శ్రీకారం చుట్టారు. మేయర్‌ అజీజ్‌ ముందస్తు అనుమతులు ఇవ్వడంతో కార్మిక సంఘాలు సమ్మె చేయాలని నిర్ణయించారు. గత నెల 14వ తేదీ నుంచి నగరంలో సమ్మె ప్రారంభమైంది. ఏడాదిన్నర క్రితం పారిశుద్ధ్య కార్మికులు 26 రోజుల పాటు సమ్మె చేశారు. అయితే ఆ సమయంలో మేయర్‌ అజీజ్, టీడీపీ జిల్లా అధ్యక్షుడు బీద రవిచంద్ర, మాజీ ఎమ్మెల్యే ముంగమూరు శ్రీధరకృష్ణారెడ్డి, నుడా చైర్మన్‌ కోటంరెడ్డి శ్రీనివాసులురెడ్డి, మున్సిపల్‌ మాజీ చైర్‌పర్సన్‌ అనురాధ కార్మిక సంఘాలతో సమావేశమై సమ్మె విరమింప చేయాలని కోరారు. రాష్ట్రంలోని అన్ని మున్సిపాలిటీల్లో 279 జీఓ అమలు చేసిన తర్వాత నెల్లూరులో చివరిగా చేస్తామని హామీ ఇచ్చారు. అయితే గుట్టు చప్పుడు కాకుండా మేయర్‌ అజీజ్‌  జీఓ అమలుకు ముందస్తు అనుమతులు ఇవ్వడంతో కార్మికులు సమ్మెలోకి వెళ్లారు. మంత్రి సోమిరెడ్డి చంద్రమోహన్‌రెడ్డి, మేయర్‌ అజీజ్‌ పలుమార్లు కార్మిక సంఘాలతో చర్చలు జరిపినా ఫలితం లేకుండా పోయింది. మేయర్‌ ఇచ్చిన ముందస్తు అనుమతులను వెనక్కు తీసుకోవాలని కార్మికులు డిమాండ్‌ చేయగా, మేయర్‌ మాత్రం ససేమీరా అంటున్నారు. రాష్ట్రంలో కార్మిక సంఘాలకు ప్రభుత్వం ఏ విధమైన నిర్ణయం ప్రకటిస్తుందో దాని ప్రకారం నడుచుకుంటామనడంతో కార్మికులు సైతం సమ్మె కొనసాగించడానికే నిర్ణయం తీసుకున్నారు. మంత్రి నారాయణ ఆగ్రహం టెండర్‌ పూర్తయి నెలలు గడుస్తున్నా 279 జీఓను అమలు చేయలేకపోవడంపై శానిటరీ విభాగ అధి కారులపై మంత్రి నారాయణ ఆగ్రహం వ్యక్తం చేశా రు. నగరంలోని మెడికల్‌ కళాశాలలోని క్యాంప్‌ కార్యాలయంలో శుక్రువారం శానిటరీ అధికారులతో మంత్రి నారాయణ సమీక్ష సమావేశం నిర్వహిం చారు. ఈ సందర్భంగా మంత్రి శానిటరీ ఇన్‌స్పెక్టర్లు కార్మికులను ఒప్పించలేకపోవడంపై ఆగ్రహం వ్యక్తం చేశారు. జీఓ గురించి కార్మికులకు ప్రత్యేక క్లాస్‌లు తీసుకుని చెప్పాలని గతంలో సూచనలు ఇచ్చానన్నారు. అయినా శానిటరీ ఇన్‌స్పెక్టర్లు డివిజన్‌లలో పూర్తిస్థాయిలో కార్మికులను మోటివేట్‌ చేయడంలో వైఫల్యం చెందారన్నారు. కార్పొరేషన్‌ పరిధిలోని శానిటరీ ఇన్‌స్పెక్టర్లను ఇతర కార్పొరేషన్‌లకు బదిలీ చేస్తానని హెచ్చరించారు. అనంతరం డీఎంఎకు మంత్రి నారాయణ ఫోన్‌ చేసి వారిపై చర్యలు తీసుకోవాలని ఆదేశాలు జారీ చేసినట్లు సమాచారం. కమిషనర్‌ హడావుడి సమావేశం మంత్రి నారాయణ శానిటరీ అధికారులకు క్లాస్‌ తీసుకున్న గంట వ్యవధిలో కమిషనర్‌ అలీంబాషా కార్పొరేషన్‌ కార్యాలయంలో హడావుడిగా అత్యవసర సమావేశం ఏర్పాటు చేశారు. జీఓ అమలు చేసేందుకు ప్రత్యామ్నాయ మార్గాలపై సమీక్షించారు. పారిశుద్ధ్య పనులు వేగవంతంగా పూర్తిచేసి ఇబ్బందులు లేకుండా చూడాలని సూచించారు. అవసరమైతే కార్మికులతో శానిటరీ ఇన్‌స్పెక్టర్లు సమావేశం ఏర్పాటు చేసి 279 జీఓపై వివరంగా చెప్పాలని సూచించారు. అమలు చేసేందుకు ప్రయత్నాలు కార్పొరేషన్‌ పరిధిలోని 11వ డివిజన్‌ నుంచి 24వ డివిజన్‌ వరకు ఒక ప్యాకేజీని అమలు చేసేందుకు అధికారులు రంగంలోకి దిగారు. ఇప్పటికే ఆ ప్రాంతంలో ఇంటింటికి ట్యాగ్‌లు తగిలించారు. కార్మికులు సమ్మె బాట పట్టడంతో ప్రస్తుతం నిలిచింది. ఒక మైక్రో ప్యాకెట్‌ కింద 350 మంది కార్మికులు పనిచేయాల్సి ఉంది. ఇలా 1వ డివిజన్‌ నుంచి 10వ డివిజన్‌ వరకు ఉన్న ఇళ్లను 109 మైక్రో ప్యాకెట్‌లుగా విజించారు. ఈ డివిజన్లను కార్పొరేషన్‌ రెగ్యులర్‌ శానిటరీ కార్మికులు పనులు చేస్తారు. కాంట్రాక్టర్‌ దక్కించుకున్న 11వ డివిజన్‌ నుంచి 24వ డివిజన్‌ వరకు 128 మైక్రో ప్యాకెట్లుగా, 25వ డివిజన్‌ నుంచి 38వ డివిజన్‌ వరకు 126 మక్రో ప్యాకెట్లుగా, 39వ డివిజన్‌ నుంచి 54వ డివిజన్‌ వరకు 113 మైక్రో ప్యాకెట్లుగా విభజించారు.   సొసైటీ నుంచిప్రైవేట్‌ వ్యక్తి చేతిలోకి.. నగర పాలక సంస్థ పరిధిలో మొత్తం 877 మంది పారిశుద్ధ్య కార్మికులు పనిచేస్తున్నారు. 77 సొసైటీల కింద కార్మికులు ఉన్నారు. కార్పొరేషన్‌లోని 54 డివిజన్లను 20 శానిటరీ డివిజన్లుగా విభజించి పనులు చేస్తున్నారు. మూడున్నర ఏళ్ల కిందట పారిశుద్ధ్య కార్మికులను సొసైటీల కింద కాకుండా ఓ ప్రైవేట్‌ కాంట్రాక్టర్‌ కింద పనిచేసేలా ప్రభుత్వం చర్యలు తీసుకుంది. అయితే ప్రైవేట్‌ వ్యక్తులు జీతాలు సరిగా ఇవ్వకపోవడం, పనిఒత్తిడి పెంచి ఇబ్బందులు పెడుతారని, భరోసా ఉండదని కార్మికులు దశల వారీగా ఆందోళనలు చేశారు. ప్రభుత్వం ఏ మాత్రం పట్టించుకోకుండా జీఓ అమలు చేసేందుకు రంగం సిద్ధం చేసింది.  గతేడాది గుంటూరుకు చెందిన కాంట్రాక్టర్‌ బొమ్మిడి రామకృష్ణకు మూడు ప్యాకేజీల కింద మూడేళ్ల పాటు నెల్లూరు కార్పొరేషన్‌ పారిశుద్ధ్య పనులను అప్పగించారు. ఇందుకు రూ. 61.15 కోట్లు కార్మికులకు చెల్లించేలా మూడు ప్యాకేజీలను దక్కించుకున్నారు. అదనంగా 6.80 శాతం ఎక్స్‌స్‌తో టెండర్‌ దక్కించుకోవడం వెనుక అధికార పార్టీ నేతలు చక్రం తిప్పారు.

నెల్లూరు సిటీ: ఓ వైపు సొసైటీ కార్మికులు 279 జీఓకు వ్యతిరేకంగా సమ్మె చేస్తుంటే.. మరో వైపు కార్పొరేషన్‌ అధికారులు ప్రైవేటు వ్యక్తులతో పారిశుద్ధ్య పనులను చేయించే ప్రయత్నం చేస్తున్నారు. దీంతో సమ్మె చేస్తున్న కార్మికులు అడుగడుగునా ప్రైవేటు కార్మికులను అడ్డుకుంటున్నారు. దీంతో నగరంలోని పలు ప్రాంతాల్లో ఉద్రిక్త పరిస్థితి నెలకొంది. నగర పాలక సంస్థ పరిధిలోని 877 మంది పారిశుద్ధ్య కార్మికులు గత నెల 14వ తేదీ నుంచి సమ్మె బాటపట్టిన విషయం తెలిసిందే. 21 రోజుల పాటు కార్మికులు సమ్మె చేస్తున్నా పాలకవర్గం, అధికారులు స్పందించిన పరిస్థితి లేదు. దీంతో పారిశుద్ధ్య కార్మికులు ఈ నెల ఒకటో తేదీ నుంచి సమ్మెను ఉద్ధృతం చేయాలని నిర్ణయించుకున్నారు. అందులో భాగంగా ప్రైవేటు కాంట్రాక్టర్‌ల ఆధ్వర్యంలో కొంతమంది చేత పారిశుద్ధ్య పనులు చేయిస్తుండగా సమ్మె చేస్తున్న కార్మికులు వారిని అడుగడుగునా అడ్డుకుంటున్నారు. నగరంలోని వీఆర్సీ సెంటర్, బాలాజీనగర్, సంతపేట ప్రాంతాల్లో కార్మికులు పనులను అడ్డుకున్నారు. దీంతో కొంతసేపు ఉద్రిక్త వాతావరణం నెలకొంది. పోలీసులు బలగాలతో సమ్మె కార్మికులను నియంత్రించారు. ఈ క్రమంలో పోలీసులు, సమ్మె చేస్తున్న కార్మికులు మధ్య వాగ్వాదాలు చోటుచేసుకున్నాయి. కాంట్రాక్టర్‌ను తరుముకున్నసమ్మె కార్మికులు తాము సమ్మె చేస్తుంటే, పరిష్కరించాల్సిన అధికారులు కాంట్రాక్టర్‌ల ద్వారా ప్రైవేటు వ్యక్తులతో పనులు చేయించడంపై సమ్మె కార్మికులు మండిపడుతున్నారు. ఈ క్రమంలో నగరంలోని పాత మున్సిపల్‌ కార్యాలయం వద్ద మహిళా కాంట్రాక్టర్‌ మున్నా ప్రైవేటు వ్యక్తులతో పనులు చేయించేందుకు ప్రయత్నించింది. దీంతో ఒక్కసారిగా వందలాది మంది సమ్మె చేస్తున్న కార్మికులు అక్కడికిచేరుకుని కాంట్రాక్టర్‌ను నిలదీశారు. కార్మికులు కాంట్రాక్టర్‌ను అక్కడి నుంచి తరిమారు. సమాచారం అందుకున్న పోలీసులు, కార్పొరేషన్‌ అధికారులు అక్కడికి చేరుకుని పరిస్థితిని చక్కదిద్దే ప్రయత్నం చేశారు. అనంతరం కాంట్రాక్టర్‌ మున్నా పోలీస్‌స్టేషన్‌లో కార్మికులు తమపై దాడి చేశారని ఫిర్యాదు చేశారు. పోలీసులు కేసు దర్యాప్తు చేస్తున్నారు. కార్పొరేషన్‌ను ముట్టడి కార్పొరేషన్‌ కార్యాలయం నుంచి ప్రైవేటు వ్యక్తులను పనులకు విభజిస్తున్నారనే సమాచారం అందుకున్న సమ్మె చేస్తున్న కార్మికులు భారీగా అక్కడికి చేరుకున్నారు. ప్రైవేటు కార్మికులను సమ్మె చేస్తున్న  కార్మికులు అడ్డుకున్నారు. దీంతో రెండు గంటలకు పైగా ఉద్రిక్త వాతావరణం నెలకొంది. కార్పొరేషన్‌ బయట సమ్మె కార్మికులు ఆందోళన చేపట్టారు. కార్యాలయం నుంచి ప్రైవేటు కార్మికులను బయటకు పోనీయకుండా చుట్టముట్టారు. పోలీసులు, కార్మికుల మధ్య తోపులాట జరిగింది.

సాక్షిప్రతినిధి, కరీంనగర్‌: ఎడతెరిపిలేని వర్షాలతో గ్రామాలు తడిసి ముద్దవుతున్నాయి. మరోవైపు పారిశుధ్య కార్మికులు నెలరోజులుగా సమ్మె చేస్తున్నారు. దీంతో ఎక్కడి చెత్త అక్కడ పేరుకుపోయి గ్రామాలన్నీ కంపుకొడుతున్నాయి. ఎటు చూసినా పాత బొందలు, గుంతల్లో నీళ్లు నిలిచి దోమలకు నిలయాలుగా మారాయి. దోమకాటుతో గ్రామాలకు గ్రామాలే మంచం పడుతున్నాయి. విషజ్వరాల బారిన  పడినవారు ఇంటికో బాధితుడు అన్నట్లు తయారైంది. ఇదిలా ఉంటే గ్రామాల్లో పారిశుధ్యం పూర్తిగా పడకేసింది. వర్షాలు ఒక వైపు దంచికొడుతుంటే.. దోమ కాటుతో విషజ్వరాలు, మలేరియా, చికున్‌గున్యా, డెంగ్యూ వంటి ప్రమాదకర వ్యాధులు సంభవిస్తున్నాయి. ప్రభుత్వం గ్రామాల్లో వైద్యసేవలకు ఉపక్రమించకపోవడంతో బతుకుజీవుడా అన్నట్లు ప్రజలు అల్లాడుతున్నారు. పరిస్థితి చేయిదాటినా ప్రభుత్వం ఇంతవరకు కళ్లు తెరవకపోవడంతో ప్రజలు ప్రైవేటు ఆసుపత్రుల చుట్టూ ప్రదక్షిణలు చేస్తున్నారు. వేలకు వేలు ఫీజులు చెల్లించి ఆర్థికంగా నష్టపోతున్నారు.   పాలనా కొత్తదే.. ఆగష్టు 2తో గ్రామపంచాయితీల పాలకవర్గాల పాలన ముగియడంతో స్పెషల్‌ ఆఫీసర్లను నియమించారు. వీరు పాలనకు కొత్త కావడం గ్రామాల్లో నెలకొన్న పరిస్థితులపై అంతగా అనుభవం లేకపోవడంతో తీవ్ర ఇబ్బందులు తలెత్తుతున్నాయి. బాధ్యతలు స్వీకరించిన నాటి నుంచి పరిస్థితులు పూర్తిగా తారుమారు కావడంతో స్పెషలాఫీసర్లు తలలు పట్టుకుంటున్నారు. మురుగు, చెత్త నిల్వలు లేకుండా చూసేందుకు పారిశుధ్య సిబ్బంది అందుబాటులో లేకపోవడంతో ఇక చేసేదేమి లేక చేతులెత్తే పరిస్థితి వచ్చింది. తాగునీటికి క్లోరినేషన్‌ చేసి అందించడంతో పాటు ఎక్కడా మురుగునీరు కలువకుండా, లీకేజీల సమస్యలు తలెత్తకుండా చర్యలు తీసుకోవాల్సిన అవసరం ఉన్నప్పటికీ ఆ దిశగా అడుగులు వేయడం లేదనే ఆరోపణలు వెల్లువెత్తుతున్నాయి. సమస్యలపై అవగాహన ఉన్న అధికారులు సైతం తక్కువగా ఉండడంతో పరిస్థితిలో మార్పు రావడం లేదు. దీంతో పరిస్థితులు చేయిదాటిపోతున్నాయి.   హెల్త్‌ ఎమర్జెన్సీపై దృష్టేది..? ఉమ్మడి జిల్లాలోని అన్ని గ్రామాల్లో జ్వరపీడితులు పెరుగుతున్నారు. విషజ్వరాల బారినపడి తీవ్ర ఇబ్బందులు పడుతున్నారు. అయితే ప్రభుత్వ యంత్రాంగం మాత్రం నిమ్మకు నీరెత్తినట్లుగా వ్యవహరిస్తోంది. ప్రజల ఆరోగ్య పరిస్థితులను దృష్టిలో పెట్టుకొని హెల్త్‌ ఎమర్జెన్సీని ప్రకటించి వైద్య సేవలు అందించాల్సిన జిల్లా వైద్య యంత్రాంగం ఏమీ జరగనట్లుగానే ఎప్పటిలాగే వ్యవహరిస్తోంది. ఈ నెల రోజుల్లో వచ్చిన మార్పులకు అనుగుణంగా వైద్య సేవలు పెంచలేకపోతోంది. గ్రామాల్లో ప్రత్యేక బృందాలతో వైద్య సేవలు అందించాల్సింది పోయి నెలకోసారి వైద్య సేవలు అందిస్తుండడంతో పల్లెలు రోగాల బారి నుంచి బయటపడలేకపోతున్నాయి. పట్టణాలకు దగ్గరలో ఉన్న గ్రామాల ప్రజలు ప్రభుత్వ, ప్రైవేటు ఆసుపత్రుల్లో చికిత్స పొందుతుండగా, మారుమూల గ్రామాల ప్రజలు ఆర్‌ఎంపీలను నమ్ముకొని ప్రాణాల మీదకు తెచ్చుకుంటున్నారు. ఇందుకు వారి ఆర్థిక పరిస్థితులు కూడా కారణంగా కనిపిస్తున్నాయి. ఇప్పటికైనా ప్రభుత్వ యంత్రాంగం హెల్త్‌ ఎమర్జెన్సీని ప్రకటించి పేదలకు మెరుగైన వైద్య సేవలు అందించాల్సిన అవసరం ఉంది. ఆరోగ్యం, పారిశుధ్యంపై నేడు మంత్రి రాజేందర్‌ సమీక్ష.. గ్రామాల్లో నెలకొన్ని పరిస్థితులను చక్కదిద్దేందుకు రాష్ట్ర ఆర్థిక, పౌరసరఫరాల శాఖ మంత్రి ఈటల రాజేందర్‌ మంగళవారం ఆరోగ్యం, పారిశుధ్యంపై నగరంలోని పద్మనాయక కళ్యాణమండపంలో ఉదయం 10 గంటలకు సమీక్ష సమావేశం నిర్వహించనున్నారు. ఉమ్మడి జిల్లాలోని కరీంనగర్, పెద్దపల్లి, జగిత్యాల జిల్లాల డీపీవోలు, స్పెషల్‌ ఆఫీసర్లు, పంచాయతీ సెక్రటరీలతో సమావేశం నిర్వహించి ప్రస్తుత పరిస్థితి, తీసుకోవాల్సిన చర్యలపై దిశానిర్దేశం చేయనున్నారు. పల్లెల్లో పారిశుధ్యం మెరుగుపరిచి, జ్వరపీడితులకు వైద్య సేవలు అందించే దిశగా చర్యలు చేపట్టనున్నారు.

ప్రజారోగ్యంలో కీలకమైన పారిశుద్ధ్యం విభాగాన్ని ప్రైవేట్‌ పరం చేసేందుకు రాష్ట్ర ప్రభుత్వం 279 గెజిట్‌ ఆర్డర్‌ జారీ చేసిన నేపథ్యంలో అమలుకు రంగం సిద్ధమైంది. ఇప్పటికే నగరాన్ని మూడు ప్యాకేజీలుగా విభజించి ప్రణాళిక రూపొందించారు. మరి కొద్ది రోజుల్లో ప్రయోగాత్మకంగా ఒక ప్యాకేజీని అమలు చేయనున్నారు. అందులో భాగంగా ఇప్పటికే పారిశుద్ధ్య కార్మిక సొసైటీ అధ్యక్షులతో కార్పొరేషన్‌ కమిషనర్‌ చర్చలు జరుపుతున్నారు. ఎప్పటికైనా పర్మినెంట్‌ అవుతాం.. తాము పడుతున్న కష్టాలు తీరుతాయి.. అనే ఆశతో 15 ఏళ్లకు పైగా పారిశుద్ధ్య పనులు చేస్తున్న కార్మికుల ఆశలపై ప్రభుత్వం నీళ్లు చల్లింది. రాష్ట్ర ప్రభుత్వం ఒంటెద్దు పోకడతో కార్మికులను ప్రైవేట్‌ పరం చేసేందుకు నిర్ణయం తీసుకుంది. ఈ నిర్ణయంపై కార్మికులు, ప్రతిపక్షాల నుంచి తీవ్ర వ్యతిరేకత వ్యక్తమైనప్పటికీ ప్రభుత్వం మొండి వైఖరితో కార్మికుల భవిష్యత్‌ను పణంగా పెట్టడానికే సిద్ధపడుతోంది.    నెల్లూరు సిటీ: నగర పాలక సంస్థ పరిధిలో మొత్తం 877 మంది పారిశుద్ధ్య కార్మికులు పనిచేస్తున్నారు. 77 సొసైటీల కింద కార్మికులు ఉన్నారు. కార్పొరేషన్‌లోని 54 డివిజన్లను  20 శానిటరీ డివిజన్లుగా విభజించి పనులు చేస్తున్నారు. మూడున్నర ఏళ్లుగా పారిశుద్ధ్య కార్మికులను సొసైటీల కింద కాకుండా ఓ ప్రైవేట్‌ కాంట్రాక్టర్‌ కింద పనిచేసేలా ప్రభుత్వం 279 జీఓను విడుదల చేసి నిర్ణయం తీసుకుంది. అయితే ప్రైవేట్‌ వ్యక్తులు జీతాలు సరిగా ఇవ్వకపోవడం, పని ఒత్తిడి పెంచి ఇబ్బందులు పెడతారని, భరోసా ఉండదని కార్మికులు ఆందోళన చెందుతున్నారు. కార్మికుల కుటుంబ భద్రతను ప్రభుత్వం ఏ మాత్రం పట్టించుకోకుండా జీఓ అమలు చేసేందుకు ముందడుగులు వేస్తుంది. ఈ క్రమంలో గతేడాది గుంటూరుకు చెందిన కాంట్రాక్టర్‌ బొమ్మిడి రామకృష్ణకు మూడు ప్యాకేజీల కింద మూడేళ్ల పాటు నెల్లూరు కార్పొరేషన్‌ పారిశుద్ధ్య పనులను అప్పగించారు. మూడేళ్ల పాటు రూ.61.15 కోట్లు కార్మికులకు చెల్లించేలా మూడు ప్యాకేజీలను దక్కించుకున్నారు. అదనంగా 6.80 శాతం ఎక్స్‌స్‌ వేసి టెండర్‌ దక్కించుకోవడం వెనుక అధికార పార్టీ నేతలు చక్రం తిప్పారని విమర్శలు ఉన్నాయి. సొసైటీ అధ్యక్షులతో చర్చలు సొసైటీల కింద పనిచేస్తున్న కార్మికుల నుంచి వ్యతిరేకత రాకుండా ముందస్తు చర్యల్లో భాగంగా కమిషనర్‌ అలీంబాషా సొసైటీ అధ్యక్షులతో వారం రోజులుగా విడతల వారీగా సమావేశాలు జరిపారు. కార్మికులకు 279 జీఓ కారణంగా వచ్చే లాభాలను వివరించాలని చెప్పినట్లు తెలుస్తుంది. జీఓ అమలు కావడం కచ్చితమని అందరూ సహకరించాలని కోరారు. అయితే సొసైటీ అధ్యక్షులు మాత్రం తాము ఎట్టి పరిస్థితుల్లో ఒప్పుకునేది లేదని, పోరాటం ఉధృతం చేస్తామని తేల్చి చెప్పినట్లు సమాచారం. ఒక ప్యాకేజీ అమలుకు రంగం కాంట్రాక్టర్‌ మొత్తం మూడు ప్యాకేజీలు దక్కించుకున్నారు. ఒక ప్యాకేజీని ముందుగా అమలు చేయాలని అధికారులు భావిస్తున్నారు. ఈ క్రమంలో మరో 10 రోజుల్లో కొన్ని ప్రాంతాలను సెలక్ట్‌ చేసుకున్నారు. ఒక మైక్రో ప్యాకెట్‌ కింద 350 మంది కార్మికులు పనిచేయాల్సి ఉంది. ఇలా 1వ డివిజన్‌ నుంచి 10వ డివిజన్‌ వరకు ఉన్న ఇళ్లను 109 మైక్రో ప్యాకెట్‌లుగా విజించారు. ఈ డివి జన్లను కార్పొరేషన్‌ అధికారులు పర్యవేక్షించనున్నారు. కాంట్రాక్టర్‌ దక్కించుకున్న 11వ డివిజన్‌ నుంచి 24వ డివిజన్‌ వరకు 128 మైక్రో ప్యాకెట్లుగా, 25వ డివిజన్‌ నుంచి 38వ డివిజన్‌ వరకు 126 మక్రో ప్యాకెట్లుగా, 39వ డివిజన్‌ నుంచి 54వ డివిజన్‌ వరకు 113 మైక్రో ప్యాకెట్లుగా విభజించారు. ఇలా కొన్ని ప్రాంతాలను సెలెక్ట్‌ చేసుకుని మరో 10 రోజుల్లో అమలు చేయనున్నారు.    ఉద్యమం ఉధృతం చేస్తాం    279 జీఓ అమలు చేస్తే కార్మికులను కాంట్రాక్టర్‌ ఇబ్బంది పెట్టే అవకాశం ఉంటుంది. కార్మికులకు ఉద్యోగ భరోసా కూడా ఉండదు. మేయర్‌ అజీజ్‌ గతంలో జీఓను అమలు చేయమని హామీ ఇచ్చారు. అమలు చేస్తే ఉద్యమం ఉధృతం చేస్తాం.        – కత్తి శ్రీనివాసులు, మున్సిపల్‌ వర్కర్స్,అండ్‌ ఎంప్లాయీస్‌ యూనియన్‌ అధ్యక్షుడు 

సాక్షి, అమరావతి: గ్రామాల్లో మూడు, నాలుగు వేల రూపాయల వేతనాలకే పనిచేసే పారిశుధ్య కార్మికుల పొట్టగొట్టేందుకు రాష్ట్ర ప్రభుత్వం సన్నద్ధమైంది. గ్రామాల్లో మురుగు కాల్వలను శుభ్రం చేసే పనులను ప్రైవేట్‌ కాంట్రాక్టర్లకు అప్పగించాలని నిర్ణయించింది. తొలుత మూడు గ్రామాల్లో పైలెట్‌ ప్రాజెక్టుగా దీన్ని అమలు చేయాలని పంచాయతీ రాజ్‌ శాఖ మంత్రి నారా లోకేశ్‌ ఉన్నతాధికారులకు ఇప్పటికే ఆదేశాలు చేశారు. యంత్రాలతో కాల్వల్లో మురుగు తొలగింపు పనులను ప్రయోగాత్మకంగా చేపట్టేందుకు సామర్లకోట, బాపట్ల, శ్రీకాళహస్తిలో పంచాయతీరాజ్‌ శాఖ ఆధ్వర్యంలో పనిచేసే మూడు ట్రైనింగ్‌ సెంటర్లలో యంత్రాలను అందుబాటులో ఉంచారు. ప్రస్తుతం రాష్ట్రంలోని 12,918 గ్రామ పంచాయతీల్లో దాదాపు 50 వేల మంది పారిశుధ్య కార్మికులు పని చేస్తున్నారు. ఆయా గ్రామ పంచాయతీలు వీరిని కాంట్రాక్టు/ఔట్‌సోర్సింగ్‌ విధానంలో నియమించుకున్నాయి. వీరిలో దాదాపు 20 వేల మంది మేజర్, మీడియం గ్రామ పంచాయతీల్లో పారిశుధ్య పనులు నిర్వర్తిస్తున్నారు. ప్రభుత్వ నిర్ణయం మేరకు మేజర్, మీడియం గ్రామ పంచాయతీల్లో మురుగు కాల్వలను శుభ్రం చేసే పనులను ప్రైవేట్‌ కాంట్రాక్టర్లకు అప్పగిస్తే 20 వేల మంది కార్మికులు ఉపాధి కోల్పోయి రోడ్డున పడడం తథ్యం.  తొలగించక తప్పదు  గ్రామాల్లో పారిశుధ్య పనులను ప్రైవేట్‌ కాంట్రాక్టర్లకు అప్పగించిన తర్వాత కార్మికులను యథాతథంగా విధుల్లో కొనసాగించాలంటే పంచాయతీలకు నిధుల కొరత తప్పదు. నిబంధనల ప్రకారం.. గ్రామ పంచాయతీకి చెందిన మొత్తం నిధుల్లో కేవలం 15 శాతం మాత్రమే పారిశుధ్య పనులకు ఖర్చుపెట్టాలి. కాంట్రాక్టర్లకు డబ్బులను గ్రామ పంచాయతీ నిధుల నుంచే చెల్లించాల్సి ఉంటుంది. మిగిలిన అరకొర నిధులతో కార్మికులందరికీ జీతాలు చెల్లించడం గ్రామ పంచాయతీలకు అసాధ్యమేనని పంచాయతీరాజ్‌ శాఖ అధికారులు అంగీకరిస్తున్నారు. ఈ నేపథ్యంలో వారిని విధుల నుంచి తొలగించడం మినహా మరో మార్గం ఉండదని చెబుతున్నారు. మరోవైపు గ్రామ పంచాయతీల్లో సరిపడా నిధులు లేవన్న కారణంతో ఇప్పటికే పారిశుధ్య కార్మికులకు నెలల తరబడి జీతాలు చెల్లించడం లేదు.  అధికార పార్టీ వారికే కాంట్రాక్టులు  పంచాయతీరాజ్‌ శాఖ మంత్రిగా నారా లోకేశ్‌ బాధ్యతలు చేపట్టిన తర్వాత గ్రామ పంచాయతీల్లో కీలకమైన పనులను కాంట్రాక్టర్లకు అప్పగిస్తున్నారు. 105 మేజర్‌ పంచాయతీల్లో రోడ్లు శుభ్రం చేశాక పోగయ్యే చెత్తను ఊరి బయటకు తరలించేందుకు కాంట్రాక్టు విధానంలో ట్రాక్టర్లు ఏర్పాటు చేశారు. పారిశుధ్య కార్మికులకే ఎస్సీ కార్పొరేషన్‌ ద్వారా రుణాలు ఇప్పించి, ట్రాక్టర్లు అప్పగిస్తామని ప్రభుత్వం చెప్పినప్పటికీ.. క్షేత్రస్థాయిలో అధికార తెలుగుదేశం పార్టీకి అనుకూలంగా ఉండే ఎస్సీలనే లబ్ధిదారులుగా ఎంపిక చేశారు. యంత్రాల ద్వారా కాల్వల్లో మురుగు తొలగింపు కాంట్రాక్టులు కూడా అధికార పార్టీకి అనుకూలంగా ఉండేవారికే దక్కే పరిస్థితి కనిపిస్తోంది.   

సాక్షి, హైదరాబాద్‌: మునిసిపల్‌ కాంట్రాక్ట్, ఔట్‌ సోర్సింగ్‌ పారిశుధ్య కార్మికుల వేతనాలను ప్రభుత్వం పెంచితే తాము చెల్లించలేమని పురపాలికలు చేతులెత్తేశాయి. ప్రస్తుత వేతనాలనే మూడు, నాలుగు నెలలకోసారి కార్మికులకు చెల్లిస్తున్నామని, ఈ పరిస్థితిలో వేతనాలు పెంచితే చెల్లించడం సాధ్యం కాదని తేల్చాయి. ఆదివారం రామగుండంలో రాష్ట్ర మునిసిపల్‌ మేయర్లు, చైర్‌పర్సన్ల సంఘం అధ్యక్షుడు, కరీంనగర్‌ మేయర్‌ సర్దార్‌ రవీందర్‌ సింగ్‌ నేతృత్వంలో మునిసిపల్‌ కార్పొరేషన్ల మేయర్లు, మునిసిపాలిటీల చైర్‌పర్సన్లు, మునిసిపల్‌ కమిషనర్లు సమావేశమై పారిశుధ్య కార్మికుల వేతనాల పెంపునకు ఉన్న సాధ్యాసాధ్యాలపై చర్చించారు. మునిసిపల్‌ పారిశుధ్య కార్మికుల వేతనాలను పెంచకపోతే ఈనెల 31 తర్వాత ఏ క్షణం నుంచైనా రాష్ట్రవ్యాప్తంగా నిరవధిక సమ్మెకు దిగుతామని తెలంగాణ రాష్ట్ర మునిసిపల్‌ కార్మిక సంఘాల జేఏసీ నోటీసు జారీ చేసిన నేపథ్యంలో పురపాలక మంత్రి కేటీఆర్‌ సూచన మేరకు ఈ సమావేశం నిర్వహించారు.   సానుకూలంగా ఉన్నాం పురపాలక మంత్రి కె.తారకరామారావుతో త్వరలో సమావేశమై మునిసిపల్‌ పారిశుధ్య కార్మికుల వేతనాల పెంపు ప్రతిపాదనలను సమర్పిస్తామని సర్దార్‌ రవీందర్‌ సింగ్‌ తెలిపారు. కార్మికుల వేతనాల పెంపు అంశంపై సానుకూలంగా ఉన్నామని, త్వరలో ప్రభుత్వం నిర్ణయం తీసుకుంటుందని ఆశాభావం వ్యక్తం చేశారు. -- రవీందర్‌ సింగ్‌ ప్రభుత్వమే పెంచాలి మునిసిపల్‌ కార్మికులకు జీవో నం.14 ప్రకారం వేతనాలు పెంచే అధికారం ప్రభుత్వానిదేనని తెలంగాణ మునిసిపల్‌ వర్కర్స్, ఎంప్లాయిస్‌ యూనియన్‌ అధ్యక్షుడు ఖమర్‌ అలీ, ప్రధాన కార్యదర్శి పాలడుగు భాస్కర్‌ స్పష్టం చేశారు. కార్మికుల వేతనాలను మునిసిపాలిటీలే పెంచుకోవాలని మంత్రి కేటీఆర్‌ సూచించడం సరి కాదన్నారు. ప్రభుత్వమే వేతనాల పెంపు నిర్ణయం తీసుకోవాలని, లేనిపక్షంలో ఈనెల 31 తర్వాత ఏ క్షణం నుంచైనా నిరవధిక సమ్మెకు దిగుతామని హెచ్చరించారు. -- ఖమర్‌ అలీ, పాలడుగు భాస్కర్‌  ఆదాయం అంతంత మాత్రమే.. జీహెచ్‌ఎంసీ తరహాలో రాష్ట్రంలోని మిగతా 72 మునిసిపల్‌ కార్పొరేషన్లు, మునిసిపాలిటీలు, నగర పంచాయతీల్లో పారిశుధ్య కార్మికుల వేతనాలను రూ.14 వేలకు పెంచే అంశంపై సమావేశంలో ప్రధానంగా చర్చించారు. మొత్తం 72 పురపాలికల్లో 16 వేల మంది కార్మికులు పని చేస్తుండగా, వారి వేతనాలను రూ.8,300 నుంచి రూ.14 వేలకు పెంచితే ఏటా రూ.75 కోట్ల అదనపు భారం పడనుంది. పురపాలికలకు పన్నులు, ఇతర రుసుముల ద్వారా వచ్చే ఆదాయం అంతంత మాత్రంగానే ఉందని, వేతనాలు పెంచితే పడే భారాన్ని 70 శాతం పురపాలికలు భరించే పరిస్థితిలో లేవని తేల్చారు. చివరిసారిగా 2011లో కార్మికుల వేతనాలు పెంచిన నేపథ్యంలో ఇప్పుడు మళ్లీ వేతనాల పెంపు ఆవశ్యకత ఏర్పడిందని, రాష్ట్ర ప్రభుత్వం ముందుకు వచ్చి ఆర్థిక చేయూ త అందిస్తేనే ఇది సాధ్యమవుతుందని మేయర్లు, చైర్‌పర్సన్లు అభిప్రాయపడ్డారు. ఈ క్రమంలో కార్మికుల వేతనాల పెంపుపై ప్రభుత్వం ముందు ప్రతిపాదనలు ఉంచాలని నిర్ణయించారు. మునిసిపల్‌ కార్పొరేషన్లు, మునిసిపాలిటీలు, నగర పంచాయతీల మధ్య ఉన్న ఆర్థిక అంతరాల మేరకు ఆయా సంస్థల కార్మికుల వేతనాలను వేర్వేరుగా పెంచాలని ఓ ప్రతిపాదన రూపొందించారు. ప్రభుత్వం సహాయం చేసేందుకు ముందుకు వస్తే కార్మికుల వేతనాలను రూ.14 వేలకు పెంచాలని మరో ప్రతిపాదన సిద్ధం చేశారు. చివరగా కార్మికుల వేతనాలను కనీసం రూ.12 వేలకు పెంచాలని, ఇందుకు ప్రభుత్వ సహాయం కోరాలని నిర్ణయించారు.

సాక్షి, హైదరాబాద్‌: గ్రేటర్‌లో మురుగునీటి పైప్‌లైన్లపై ఉన్న మ్యాన్‌హోళ్లలోకి దిగి శుభ్రం చేసేందుకు అధునాతన స్వీడన్‌ రోబోలను ప్రయోగాత్మకంగా రంగంలోకి దించాలని జలమండలి యోచిస్తోంది. అధునాతన సాంకేతికత, కెమెరాలు, తెర, వ్యర్థాలతో పూడుకుపోయిన మ్యాన్‌హోళ్లలో సిల్ట్‌ను బోరింగ్‌ యంత్రం తో తవ్వి తొలగించడం, మురుగు ప్రవాహానికి ఆటంకాలను తొలగించేందుకు అవసరమైన విడిభాగాలన్నీ ఈ మినీ రోబోల్లో ఉంటాయి. మరో పక్షం రోజుల్లో స్వీడన్‌ నుంచి నగరానికి ఈ రోబోలను తెప్పించాలని అధికారులు నిర్ణయించారు. ప్రస్తుతానికి 3 రోబోలను ప్రయోగాత్మకంగా నగరానికి తీసుకురానున్నారు. ఇవి నగర అవసరాలకు సరిపోతాయో లేదో క్షేత్రస్థాయిలో పరీక్షించనున్నారు. కాగా దేశ వ్యాప్తంగా 2014–17 మధ్యకాలంలో మురుగునీటి పైప్‌లైన్లపై ఉన్న మ్యాన్‌హోళ్లలోకి దిగి సుమారు 1,200 మంది పారిశుద్ధ్య కార్మికులు మృత్యువాతపడ్డారు. పారిశుద్ధ్య పనుల్లో కార్మికుల ప్రమేయాన్ని గణనీయంగా తగ్గించేందుకే జలమండలి ఈ నిర్ణయం తీసుకోవడం విశేషం. ఈ రోబో బరువు సుమారు 80 కిలోలు. మ్యాన్‌హోళ్లలో మనుషులు దిగే అవసరం లేకుండా ఈ రోబో మురుగుశుద్ధి ప్రక్రియ నిర్వహించనుంది. ఘన వ్యర్థాలు, ప్లాస్టిక్‌తో పూడుకుపోయిన మ్యాన్‌హోల్‌లోకి వెళ్లే రోబో విడిభాగాల బరువు 30 కిలోలు. ముందుగా ఈ రోబోకు ఉన్న వైరును మురుగు ప్రవాహానికి అడ్డంకులున్న మ్యాన్‌హోల్‌లోకి పంపిస్తారు. దీనికున్న కెమెరా ఆధారంగా లోపలి పరిస్థితిని ఫొటోలు తీస్తుంది. ఇవన్నీ బయట ఉన్న స్క్రీన్‌పై ప్రత్యక్షమవడంతో మురుగు ప్రవాహానికి ఎక్కడ ఆటంకాలున్నాయో ఫొటోల ద్వారా తెలుసుకోవచ్చు. ఆ తరవాత జెట్‌పైప్, టన్నెల్‌ బోరింగ్‌ యంత్రాల సాయంతో రోబో మ్యాన్‌హోల్‌లోకి వెళ్లి మురుగు ప్రవాహానికి ఆటంకంగా ఉన్న ఘన వ్యర్థాలు, సిల్ట్, ప్లాస్టిక్‌ను నిమిషాల వ్యవధిలో తొలగిస్తుంది. మురుగు ప్రవాహానికి ఉండే ఆటంకాలను పూర్తిగా తొలగిస్తుంది. మూడుగంటలపాటు ముగ్గురు పారిశుద్ధ్య కార్మికులు శ్రమపడి చేసే పనిని ఈ రోబో 30 నిమిషాల్లోనే పూర్తిచేయడం విశేషం. కాగా గ్రేటర్‌ పరిధిలో సుమారు 6 వేల కిలోమీటర్ల మేర మురుగునీటి పారుదల వ్యవస్థ ఉంది. వీటిపై 2 లక్షల వరకు మ్యాన్‌హోళ్లున్నాయి. వీటిని శుద్ధి చేసేందుకు ఏడాది క్రితం జలమండలి సుమారు 50 మినీ జెట్టింగ్‌ యంత్రాలను రంగంలోకి దించడంతో ఉప్పొంగే మురుగు సమస్యలు గణనీయంగా తగ్గుముఖం పట్టాయి. తాజాగా ఈ రోబోలు సైతం పారిశుద్ధ్య విధుల్లో పాలుపంచుకోనుండటంతో పారిశుద్ధ్య కార్మికుల జీవితాలకు భద్రత చేకూరనుంది. రోబో మొత్తం బరువు: 80 కిలోలు  ఇందులో విడిభాగాల బరువు: 30 కిలోలు  ఒక్కో రోబో ఖరీదు(సుమారుగా..): 7 లక్షలు  గ్రేటర్‌లో మురుగునీటి వ్యవస్థ: 6,000 కి.మీ.  మ్యాన్‌హోళ్ల సంఖ్య: 2,00,000

తిరుపతి (అలిపిరి) : పవిత్రమైన తిరుపతి పుణ్యక్షేత్రంలో దారుణం చోటుచేసుకుంది. పురిటి బిడ్డను అత్యంత దారుణంగా మరుగుదొడ్డి బేసిన్‌లో దూర్చేశారు. శిశువు తల పట్టకపోవడంతో అలాగే వదిలి వెళ్లారు.. ఈ హృదయ విదారక సంఘటన మంగళవారం తిరుమలలో చోటుచేసుకుంది. తిరుమల ఆర్టీసీ బస్టాండులోని మరుగుదొడ్డికి వెళ్లిన భక్తులకు టాయిలెట్‌లో మృతిచెంది ఉన్న పురిటి బిడ్డ తల కనిపించింది. దీంతో కంగారుపడ్డ భక్తులు కేకలు వేసుకుంటూ బయటకొచ్చారు. విషయాన్ని భద్రతా సిబ్బంది దృష్టికి తీసుకెళ్లారు. అనంతరం పారిశుద్ధ్య కార్మికులు వచ్చి టాయిలెట్‌లోని మృత శిశువును బయటకు తీశారు. చిన్నారి మృతదేహాన్ని చూసిన భక్తులు చలించిపోయారు. కన్నీళ్లపర్యంతమయ్యారు. అనంతరం శిశువు మృతదేహాన్ని అధికారులు స్థానిక ఆస్పత్రికి తరలించారు. మరుగుదొడ్డిలో పురిటి బిడ్డ మృతిపై తిరుమల పోలీసులు విచారణ చేపట్టారు. 


 రూ.1,500 చొప్పున పెంచాలని సీఎం నిర్ణయం
 
 సాక్షి, హైదరాబాద్‌: జీహెచ్‌ఎంసీ పారిశుద్ధ్య కార్మికులకు నెలకు రూ.1,500 మేరకు వేతనం పెంచాలని ముఖ్యమంత్రి కె.చంద్రశేఖర్‌రావు నిర్ణయించారు. గతంలోనే ఒకసారి వేతనాలు పెంచిన సీఎం... మరోసారి జీతాలు పెంచు తామని పారిశుద్ధ్య కార్మికులకు హామీ ఇచ్చారు. మున్సిపల్‌ శాఖ మంత్రి కె.తారక రామారావు, నగర మేయర్‌ బొంతు రామ్మోహన్, కమిషనర్‌ బి.జనార్దన్‌రెడ్డి కూడా పారిశుధ్య కార్మికుల వేతనాలు పెంచాలని సీఎంని కోరారు. ఈ నేపథ్యంలో ప్రగతి భవన్‌లో మంగళవారం పారిశుద్ధ్య కార్మికుల వేతనాల పెంపుపై సీఎం సమీక్ష నిర్వహించారు. కార్మికుల వేతనాలను రూ.1,500 మేర పెంచాలని సీఎం నిర్ణయించారు. తెలంగాణ ఏర్పడే నాటికి వారి వేతనం రూ.8,500 ఉండేది. దాన్ని గతంలో రూ.12,500కు సీఎం కేసీఆర్‌ పెంచారు. ఇప్పుడు మరోసారి రూ.1,500 పెంచి, మొత్తం జీతాన్ని రూ.14,000 చేశారు.
 
 మున్సిపాలిటీ కార్మికుల వేతనాలు కూడా
 రాష్ట్రంలోని ఇతర మున్సిపాలిటీల కార్మికుల వేతనాల పెంపు అంశం కూడా ఈ సమీక్షలో చర్చకు వచ్చింది. దీనికి సీఎం సానుకూలత వ్యక్తం చేశారు. ఆయా మున్సిపాలిటీల ఆర్థిక పరిస్థితి, పన్నుల వసూళ్ల వివరాలు తీసుకోవాల్సిందిగా మున్సిపల్‌ శాఖ ముఖ్య కార్యదర్శి నవీన్‌మిట్టల్‌ను సీఎం ఆదేశించారు. వివరాలు వచ్చిన తర్వాత వేతనాలు పెంచే అంశంపై నిర్ణయం తీసుకుంటామని చెప్పారు. ఈ సమావేశంలో ప్రభుత్వ ప్రధాన కార్యదర్శి ఎస్పీ సింగ్, జీహెచ్‌ఎంసీ కమిషనర్‌ జనార్దన్‌రెడ్డి తదితరులు పాల్గొన్నారు.


 మూడు ప్రధానమార్గాల్లో.. టెండర్లు ఆహ్వానించిన జీహెచ్‌ఎంసీ
 
 సిటీబ్యూరో: జీహెచ్‌ఎంసీ పరిధిలో 9 వేల కి.మీ.కు పైగా ప్రధాన రహదారులున్నాయి. జీహెచ్‌ఎంసీకి చెందిన 20 వేల మందికి పైగా పారిశుధ్య కార్మికులు వీటిని శుభ్రం చేస్తున్నప్పటికీ, కొద్దిసేపటికే రోడ్ల వెంబడి ఫుట్‌పాత్‌లపై  కాగితాలు, క్యారీబ్యాగ్స్, తదితర వ్యర్థాలతో అందవిహీనంగా  మారుతున్నా యి.  పాదచారులతోపాటు వాహనాల్లో వెళ్లే వారు , దుకాణదారులు వేసిన చెత్త మరుసటి రోజు వరకు ఉంటోంది.  వాణిజ్య సంస్థలున్న మార్గాల్లో ఈ సమస్య మరింత తీవ్రంగా ఉంది.
 
 దీంతో పారిశుధ్య కార్మికులు శుభ్రం చేశాక తిరిగి ఫుట్‌పాత్‌లపై పడుతున్న ఈ వ్యర్థాలను తొలగించేందుకు జీహెచ్‌ఎంసీ సిద్ధమైంది.వీఐపీలు ఎక్కువగా సంచరించే, పర్యాటకులు పర్యటించే ఎంపిక చేసిన మూడు స్ట్రెచ్‌ల్లో ఈ పారిశుధ్య నిర్వహణను ప్రైవేటుకు అప్పగించేందుకు టెండర్లు ఆహ్వానించింది. టెండరు దాఖలుకు ఈనెల 8  చివరి తేదీ. టెండరులో అర్హత పొందిన సంస్థకు జీహెచ్‌ఎంసీ ఈ పారిశుధ్య నిర్వహణ కార్యక్రమాల్ని అప్పగించనుంది. టెండరు పొందిన సంస్థ ఎప్పటి కప్పుడు ఫుట్‌పాత్‌లపై వ్యర్థాల్ని తొలగించాల్సి ఉంటుంది. పడ్డ చెత్తను గంట వ్యవధిలో తొలగించాలి. లేనిపక్షంలో వ్యర్థాలు గాలికి చెల్లాచెదురై పరిసరాల్లో పడుతుండటంతో అపరిశుభ్రంగా మారుతున్నాయి. ఈ సమస్య నివారణతోపాటు పర్యావరణపరంగానూ మెరుగ్గా ఉండేందుకు టెండరు పిలి చారు. కాంట్రాక్టు పొందే సంస్థ తగిన సాంకేతిక, ఆధునిక విధానాలతో ఫుట్‌పాత్‌లను శుభ్రం చేయాల్సి ఉంటుంది.
 
 స్ట్రెచ్‌ 1: బేగంపేట ఫ్‌లైఓవర్‌–పంజగుట్ట–బంజారాహిల్స్‌ రోడ్‌నెం.2, 3– జూబ్లీహిల్స్‌ రోడ్‌నెంబర్‌ 36
 స్ట్రెచ్‌ 2: మాసాబ్‌ ట్యాంక్‌జంక్షన్‌–బంజారాహిల్స్‌ రోడ్‌నెం.1–నాగార్జున సర్కిల్‌– రోడ్‌నెంబర్‌ 12– ఫిల్మ్‌నగర్‌ జంక్షన్‌–జూబ్లీహిల్స్‌ చెక్‌పోస్ట్‌
 స్ట్రెచ్‌ 3: రాజ్‌భవన్‌రోడ్‌ (సోమాజిగూడ) జంక్షన్‌– ఖైరతాబాద్‌ జంక్షన్‌–తెలుగుతల్లి ఫ్‌లై ఓవర్‌ (వయా ఇందిరా గాంధీ విగ్రహం)– అంబేద్కర్‌ విగ్రహం– అసెంబ్లీ జంక్షన్‌
 
 ఉల్లంఘనలకు జరిమానాలు నిర్ణయించారు. దిగువ నిబంధనలు పాటించకుంటే జరిమానాగా చెల్లింపుల్లో కోత విధిస్తారు. ఏ రోజైనా ఫొటోలు అప్‌లోడ్‌ చేయకుంటే..  అధికారుల తనిఖీల్లో రోడ్లు పరిశుభ్రంగా లేకుంటే గంట వ్యవధిలో చెత్త, వ్యర్థాలు, డెబ్రిస్‌ తొలగించకుంటే గంట వ్యవధిలో పోస్టర్లు, బ్యానర్లు తొలగించని పక్షంలో...  పైన పేర్కొన్న నాలుగు పాయింట్లలో ఒక్కో పాయింట్‌కు నెలవారీ నిర్వహణ చెల్లింపుల్లో  3 శాతం కోత విధిస్తారు. ఒకే నెలలో 30 పాయింట్లు మించితే నెల మొత్తానికీ చెల్లింపులు చేయరు.  


  
 హైదరాబాద్‌: సికింద్రాబాద్‌ గాంధీ ఆస్పత్రిలో 220 మంది ఒప్పంద పారిశుద్ధ్య కార్మికులు గురువారం ఉదయం ఆందోళనకు చేపట్టారు. తమకు రెండు నెలలుగా వేతనాలు చెల్లించడం లేదంటూ విధులు బహిష్కరించి ఆస్పత్రి ప్రాంగణం ముందుకు ధర్నాకు దిగారు. ఔ
 వేతనాలు చెల్లించి తమను క్రమబద్ధీకరించేంత వరకు విధులకు హాజరు కాబోమంటూ నినాదాలు చేశారు.
  
 పారిశుద్ధ్య కార్మికుల ఆందోళనకు ఏఐటీయూసీ నాయకులు మద్దతు తెలిపారు. కార్మికుల ఆందోళన కారణంగా ఆస్పత్రిలోని పలు వార్డుల్లో చెత్త పేరుకుపోవడంతో దుర్వాసన వచ్చి రోగులు, వారి సహాయకులు ఇబ్బంది పడుతున్నారు.


 నగరం ఇక మరింత ‘స్వచ్ఛం’!
 నేటి నుంచి 3 సర్కిళ్లలో పారిశుధ్య కార్మికులకు బయోమెట్రిక్‌ హాజరు
 వారంలోగా అన్ని సర్కిళ్లలో అమలు
 జీహెచ్‌ఎంసీ కసరత్తు పూర్తి..
 నగరవ్యాప్తంగా పారిశుధ్య సేవలు మెరుగు
 
 సిటీబ్యూరో: నగరంలో వీధులు ఇకపై మరింత పరిశుభ్రంగా కనపడనున్నాయి. స్వచ్ఛ హైదరాబాద్‌ అమలులో భాగంగా ఇప్పటికే పలు కార్యక్రమాలు చేపట్టిన జీహెచ్‌ఎంసీ..పారిశుధ్య కార్మికులకు బయోమెట్రిక్‌ ద్వారా ఆధార్‌తో కూడిన హాజరును తప్పనిసరి చేస్తోంది. ఇప్పటి వరకు పారిశుధ్య గ్రూపుల్లో 12 మంది కార్మికులు ఉండాల్సి ఉండగా కేవలం ఆరేడుగురు మాత్రమే విధులు నిర్వహిస్తూ, మిగతా వారి పేరిట వేతనాల చెల్లింపులు జరిగిపోయేవి. తాజా బయోమెట్రిక్‌ విధానంతో ఇకపై విధుల్లో లేని కార్మికులను ఉన్నట్లుగా చూపించడం కుదరదు. విధుల్లో లేకుండా కేవలం కాగితాల్లోనే ఉన్న కార్మికులకు వేతనాలు చెల్లించడమూ కుదరదు. బయోమెట్రిక్‌ వల్ల కచ్చితంగా ఎవరైతే ఉండాలో, వారే విధుల్లో ఉండాలి. ఒకరి పేరిట మరొకరిని చూపించడానికి కూడా కుదరదు. అంతేకాదు.. బయోమెట్రిక్‌ మెషిన్‌నే తీసుకువెళ్లి హాజరు నమోదు చేయించడమూ కుదరదు. ఏ పరిధిలో.. ఏ వీధిలో పనిచేయాల్సిన కార్మికులు, వారిపై అజమాయిషీ చెలాయించే శానిటరీ ఫీల్డ్‌ అసిస్టెంట్‌ తమ పరిధిలోనే ఉండాలి. అక్కడ మాత్రమే పనిచేసేలా మెషిన్లలో చర్యలు తీసుకున్నారు. అంతే కాదు.. హాజరు నమోదు కాగానే కనిపించకుండా మాయమయ్యేందుకూ కుదరదు. మొత్తం మూడు పర్యాయాలు  బయోమెట్రిక్‌ హాజరు నమోదు చేస్తారు. అంటే.. జీహెచ్‌ఎంసీ రికార్డుల్లో ఉన్న పారిశుధ్య కార్మికులంతా ఇకపై పనివేళల్లో  కచ్చితంగా విధుల్లో ఉంటారు. తద్వారా వీధులు, రోడ్లు చెత్త లేకుండా శుభ్రమవుతాయి. గైర్హాజరయ్యేవారి స్థానే ఇతరులను నియమిస్తారు.
 
 అక్రమాల కట్టడికి..  
 పారిశుద్ధ్య కార్మికుల వేతనాలు రూ.7500 నుంచి రూ.12,500లకు పెరిగాక, బినామీ కార్మికులెక్కువయ్యారు. తమ బదులు వేరొకరిని విధుల్లో పనిచేయిస్తూ, వారికి నెలకు నాలుగైదు వేలు మాత్రమే చెల్లిస్తున్న కార్మికులు కూడా ఉన్నారు.  వీటన్నింటికీ చెక్‌ పెట్టి వాస్తవ కార్మికులకు మాత్రమే వేతనాలు చెల్లించేందుకు జీహెచ్‌ఎంసీ ఈ విధానాన్ని చేపట్టింది.
 
 లాంఛనంగా ప్రారంభించిన మంత్రి కేటీఆర్‌
 పారిశుద్ధ్య కార్మికులతోపాటు ఎంటమాలజీ విభాగంలోని కార్మికులను కలుపుకొని మొత్తం 22 వేల మంది కార్మికులకు ఆధార్‌ లింకేజీతో కూడిన బయోమెట్రిక్‌ హాజరు విధానాన్ని మునిసిపల్‌ వ్యవహారాల శాఖ మంత్రి కేటీ రామారావు, మేయర్‌ బొంతు రామ్మోహన్‌ మంగళవారం లాంఛనంగా ప్రారంభించారు.  కార్యక్రమంలో డిప్యూటీ మేయర్‌ బాబాఫసియుద్దీన్,  మునిసిపల్‌ పరిపాలన, పట్టణాభివృద్ధిశాఖ కార్యదర్శి నవీన్‌మిట్టల్‌ తదితరులు పాల్గొన్నారు. తొలుత ఉప్పల్, అంబర్‌పేట, కూకట్‌పల్లి సర్కిళ్లలో ఫిబ్రవరి ఒకటో తేదీ నుంచి ప్రారంభిస్తుండగా, వారంలోగా అన్ని సర్కిళ్లలో ప్రారంభించనున్నట్లు జీహెచ్‌ఎంసీ కమిషనర్‌ డా.బి.జనార్దన్‌రెడ్డి పేర్కొన్నారు. ఇందుకుగాను 1200 బయోమెట్రిక్‌ నమోదు యంత్రాలను టెండరు ద్వారా అద్దె ప్రాతిపదికన తీసుకున్నారు. సంబంధిత శానిటరీ ఫీల్డ్‌ అసిస్టెంట్‌ (ఎస్‌ఎఫ్‌ఏ) పరిధిలో ని కార్మికులకు రోజుకు మూడు పర్యాయాలు బయోమెట్రిక్‌ ద్వారా హాజరు నమోదు చేస్తారు. ఒక ప్రాంతంలోని కార్మికులకు సంబంధించిన బయోమెట్రిక్‌ మెషిన్‌ మరో ప్రాంతంలో పనిచేయకుండా చర్యలు తీసుకున్నారు. దీంతోపాటు ఎస్‌ఎఫ్‌ఏలను కూడా జియోట్యాగింగ్‌కు అనుసంధానం చేసినందున వారి పరిధిలోనే ఈ మెషిన్లు పనిచేస్తాయని అధికారులుపేర్కొన్నారు. తెలంగాణ రాష్ట్ర టెక్నాలజీ సర్వీసెస్‌ ద్వారా అనలాజిక్స్‌ ఇండియాటెక్‌ అనే సంస్థ ఒక్కో మెషిన్‌కు నెలకు రూ.1175ల వంతున కాంట్రాక్టును దక్కించుకుంది.
 
 గతంలో ఆబిడ్స్‌ సర్కిల్‌లో ప్రయోగాత్మకంగా చేపట్టినప్పుడు అక్రమార్కుల అవినీతి దందాకు బ్రేక్‌ పడినప్పటికీ గత కమిషనర్‌ బదిలీకాగానే బయోమెట్రిక్‌ యంత్రాలను నేలకు విసిరికొట్టి అటకెక్కించారు.  గతంలోని అక్రమాల వల్ల ఏడెనిమిదేళ్లలో దాదాపు రూ. 250 కోట్లు పక్కదారి పట్టాయి. పారిశుధ్య కార్మికులకు బయోమెట్రిక్‌ హాజరు ఉంటే స్వచ్ఛ సర్వేక్షణ్‌లో మార్కులు పెరిగే అవకాశం కూడా ఉంది.   
  


 ప్రభుత్వాస్పత్రి ఎదుట పారిశుధ్య సిబ్బంది ఆందోళన
 పెద్దపల్లిరూరల్‌ : పెద్దపల్లి ప్రభుత్వాసుపత్రిలో పారిశుధ్య పనులు నిర్వహించే కాంట్రాక్టర్‌ తమకు ఎనిమిది నెలలు గా వేతనాలు ఇవ్వడంలేదని కార్మికులు శుక్రవారం ఆస్ప త్రి ఎదుట ఆందోళన చేశారు. పాత కాంట్రాక్టర్‌ మూడు మాసాలు, కొత్తగా పనులు తీసుకున్న కాంట్రాక్టర్‌ నుంచి ఐదు నెలల వేతనాలు అందాల్సి ఉందని కార్మికులు దాసరి లక్ష్మి, గుజ్జుల విజయ పేర్కొన్నారు. వైద్య, ఆరోగ్యశాఖ కమిషనర్‌ దృష్టికి తమ సమస్యను తీసుకెళ్లేందుకు ఆస్పత్రి ప్రధాన ద్వారం ఎదుట ఆందోళన చేశారు. ఒక్కొక్కరికీ రూ.4 వేల చొప్పున వేతనం ఇస్తున్న కాంట్రాక్టర్లు ఇపుడు తమకు అనుకూలమైన ఎనిమిది మందికే పనికల్పిస్తామంటున్నారని కార్మికురాలు లక్ష్మి కన్నీళ్లు పెట్టుకుంది.
 తమకు నెలానెల వేతనాలివ్వకపోవడంతో పస్తులుంటున్నామని విజయ, లక్ష్మి, పద్మ, కనకమ్మ, ఈశ్వరి, ఈర్ల పోశమ్మ, బీబీ, భాగ్యమ్మ, రవి ఆవేదన వ్యక్తం చేశారు. 14 మంది పనిచేస్తున్నా ఎనిమిది మంది ఖాతాలకే వేతనాలు వేస్తామంటున్నారని తెలిపారు. తమకు బకాయి వేతనాలను వెంటనే చెల్లించడంతోపాటు పనిభద్రతను కల్పించేలా ఉన్నతాధికారులు చొరవచూపాలని కోరారు. ఈ విషయమై పారిశుధ్య పనులు పొందిన సావనీర్‌ కంపనీ ప్రతినిధిని ఫోన్ లో సంప్రదించగా అవసరానికి మించి సిబ్బంది ఉండడం ఇబ్బందిగా మారిందన్నారు. ఎనిమిది మందికే వేతనాలందించే అవకాశముందన్నారు. అయితే చాల కాలంగా పనిచేస్తున్నందున తాము ఇచ్చే వేతనాలను అందరూ పంచుకోవాలని సూచించామని పేర్కొన్నారు.


 ఘరానా కాంట్రాక్టరుకు మహిళా
 కూలీల హెచ్చరిక 
 రామవరప్పాడు :
 మా కూలీ డబ్బులు మాకు ఇవ్వాలంటూ పుష్కరాల పారిశుధ్య పనుల్లో పాల్గొన్న కూలీలు స్పష్టం చేశారు. పుష్కరాల పనులకు రోజుకు రూ. 400 కూలీ ఇచ్చే ఒప్పందంతో ఒక కాంట్రాక్టరు బయటి ప్రాంతాల నుంచి మహిళా కూలీలను తీసుకొచ్చాడు. పుష్కరాలు ముగిశాక... రోజుకు రూ. 200 లే ఇస్తానని కాంట్రాక్టర్‌ అడ్డం తిరగడంతో సుమారు 15 మంది మహిళా కార్మికులు భగ్గుమన్నారు. ఎక్కడి నుండో ఇక్కడికి వచ్చి రాత్రింబవళ్లు పని చేశామని, ఇప్పుడు తీరా రోజుకు 200లే ఇస్తామనడం ఎంతవరకూ సమంజసమని కాంట్రాక్టర్‌ తరుపు వ్యక్తితో వాదనకు దిగారు. రాత్రుళ్లు ప్రభుత్వ పాఠశాలల్లో పడుకుని నానా ఇబ్బందులు, అన్యాయం చేస్తే ఊరుకునేది లేదని హెచ్చరించారు. అవసరమైతే కార్పొరేషన్‌ ముందు ధర్నా చేస్తాని చెప్పారు. పరిస్థితి అదుపు తప్పడంతో కాంట్రాక్టర్‌ వారితో ఫోన్లో మాట్లాడి రేపటిలోగా మీ కూలి మీకిస్తాననడంతో ప్రస్తుతానికి వివాదం సద్దుమణిగింది. 
  
  


 
 రోడ్డు మీదకు చేరిన మురికి నీరు
 
 కదలని అధికార యంత్రాంగం
 
 జోగిపేట : జోగిపేట నగర పంచాయతీని పట్టించుకునే వారేలేకపోవడంతో ప్రతి వార్డులో ఏదో రకమైన సమస్యతో స్థానికులు ఇబ్బందులు పడుతున్నారు. ముఖ్యంగా పారిశుద్ధ్య కార్మికులకు ఇతర పనులను అప్పగించడం వల్ల కాలనీల్లో ఎక్కడి చెత్త అక్కడే ఉంది. పట్టణంలో ఏ వార్డు చూసినా చెత్తే దర్శనమిస్తుంది.
 అసలే వర్షాకాలం కావడంతో చెత్త ఎక్కడపడితే అక్కడే పేరుకుపోయి ప్రజలు రోగాల బారిన పడుతున్నారు. స్థానిక ఆస్పత్రిలో డయేరియాతో బాధపడుతున్న కేసుల్లో జోగిపేట, అందోలు ప్రాంతాలకు చెందిన వారే ఎక్కువ మంది ఉన్నారు. జోగిపేటలో 20 వార్డులు ఉన్నాయి. ఉన్నతాధికారుల పర్యవేక్షణ లేకపోవడంతో అన్ని వార్డుల్లో సమస్యలు తాండవిస్తున్నాయి. ఎమ్మెల్యే సమస్యలను పట్టించుకోకపోవడానికి కారణం నగర పంచాయతీలో కాంగ్రెస్‌ పార్టీ పాలకవర్గం అధికారంలో ఉండడమే కారణమని చెప్పవచ్చు.
 కదలని అధికార యంత్రాంగం
 పట్టణంలోని వాసవీనగర్‌ ప్రధాన రహదారిపై చెత్త పేరుకుపోయింది. వర్షం కురియడంతో  చెత్తంతా రోడ్డుమీదకు వచ్చి చేరి దుర్గంధం వ్యాప్తిస్తోంది. వాసవీనగర్‌లో కూడా పారిశుద్ధ్య సమస్యలున్నాయి. మురికికాల్వలు సక్రమంగా లేకపోవడంతో కొద్దిపాటి నీటికే రోడ్డుపైకి మురికినీరు చేరుతోంది. 15వ వార్డులో చెత్తకుండీ చుట్టూ చెత్త ఉండడంతో వర్షం కురియడంతో ఆ
 రోడ్డు గుండా  నడిచే పరిస్థితే లేదు. 
 చుట్టుపక్కల వారు  పగలు కూడా ఇళ్లకు తలుపులు పెట్టుకునే పరిస్థితి నెలకొంది. 17వ వార్డులోని పెద్దమఠం వెనక భాగంలో  కాలనీ వాసులు రోడ్డుమీదే చెత్త వేయడంతో దుర్వాసన వస్తోంది.  19 వార్డు పరిధిలోని ఆక్స్‌ఫర్డ్‌ పాఠశాల సమీపంలోని వీధిలో వర్షం కురిస్తే చాలు వారంరోజుల పాటు ఆ రహదారి గుండా రాకపోకలు బంద్‌.
 వీధులు తిరగని కమీషనర్లే...
 నగర పంచాయతీ ఏర్పడి మూడేళ్లవుతోంది. ఇప్పటి వరకు 5 మంది కమిషనర్లు వచ్చి బదిలీ అయ్యారు. ఒకరు విధుల నిర్లక్ష్యం కారణంగా సస్పెన్షన్‌కు గురయ్యారు. వీరిలో ఎవరు కూడా వీధుల్లో తిరిగిన వారు లేరు.. ఏ వార్డు ఎక్కడుందో తెలియని పరిస్థితుల్లో పనిచేసి బదిలీ అయ్యారు. ఇటీవలే కమిషనర్‌ సస్పెన్షన్‌ కావడంతో జిల్లా అధికారికి అదనపు బాధ్యతలను అప్పగించారు.
 ]
 కొత్త కమిషనర్‌తోనైనా సమస్యలు తీరేనా
 ఇటీవల విధుల నిర్లక్ష్యంతో సస్పెన్షన్‌కు గురైన రవీందర్‌రావు స్థానంలో జిల్లా ఆర్వీఎం పీఓగా పనిచేస్తున్న యాస్మిన్‌ బాషాకు జోగిపేట నగర పంచాయతీ ఇన్‌చార్జి బాధ్యతలను అప్పగిస్తూ కలెక్టర్‌ ఆదేశాలు జారీ చేయడంతో వారం క్రితం బాధ్యతలు చేపట్టారు. సమస్యలను ఎప్పటికప్పుడు కలెక్టర్‌ దృష్టికి తీసుకువచ్చి పరిష్కరించే అధికారిగా పేరున్న ఆమె హయాంలోనైనా  సమస్యలు తీరుతాయన్న ఆశాభావంతో ప్రజలు ఉన్నారు.
  


   ఇంటి పనుల నుంచి తప్పించిన ప్రజాప్రతినిధులు
   మంత్రి ఈటల, ఎంపీ వినోద్‌కుమార్ ఆరా
  
 కరీంనగర్ : ‘సానిటేషన్ సిబ్బంది... సార్ల ఇండ్లలో’ అనే శీర్షికన శుక్రవారం ‘సాక్షి’లో వచ్చిన కథనం సంచలనం కలిగించింది. నగర పాలక సంస్థలో పారిశుధ్య పనులు నిర్వహించాల్సిన కార్మికుల చేత ప్రజాప్రతిని ధులు, అధికారుల ఇండ్లల్లో పనులు చేయించుకోవడం పెద్ద చర్చనీయాంశమైంది. ఇదే అంశంపై మంత్రి ఈటల రాజేందర్, ఎంపీ వినోద్‌కుమార్ ఆరా తీ శారు. సానిటేషన్ సిబ్బంది మొత్తం ఎం తమంది ఇండ్లల్లో పనిచేస్తునారంటూ మేయర్, కమిషనర్‌లను ఆడిగినట్లు తెలి సింది. సానిటేషన్ సిబ్బంది నిబంధనల కు విరుద్ధంగా ప్రజాప్రతినిధులు, అధికారుల నివాసాల్లో పని చేయడానికి వీల్లేదని, వెంటనే వారిని పంపించి వేయాలని ఆదేశించినట్లు సమాచారం. ఒకవేళ తన ఇంట్లో ఎవరైనా పారిశుధ్య కార్మికులుంటే వెంటనే పంపించాలని మంత్రి ఈటల సంబంధిత బాధ్యులకు స్పష్టం చేసినట్లు తెలిసింది. సాక్షిలో వచ్చిన కథనాన్ని చూసిన ఎమ్మెల్యే గంగుల కమలాకర్ తన ఇంట్లో పనిచేస్తున్న ఇద్దరు సాని టేషన్ సిబ్బందిని పంపించి వేశారు. సం ప్రదాయం ప్రకారం ఎమ్మెల్యే నివాసంలో పని చేస్తున్నారని భావించామే తప్ప వాళ్ల తో పని చేయించుకోవాలనే ఉద్దేశమే తన కు లేదని స్పష్టం చేశారు. మేయర్ సర్దార్ రవీందర్‌సింగ్, కమిషనర్ కృష్ణభాస్కర్ సైతం తమ ఇండ్లలో పనిచేస్తున్న సిబ్బందిని పంపించి వేయాలని నిర్ణయించారు. అయితే ప్రభుత్వ పరంగా సిబ్బందిని నియమించుకునే అవకాశమున్నందున తనకు, కమిషనర్‌కు ఆ సౌకర్యం కల్పిం చాలని కోరుతూ లేఖ రాస్తున్నట్లు మేయ ర్ తెలిపారు. కలెక్టర్ నీతూప్రసాద్ సైతం తనకు తెలియకుండా క్యాంపు కార్యాల యంలో పనిచేస్తున్న సానిటేషన్ సిబ్బంది ని పంపించి ప్రభుత్వ పరంగా సిబ్బందిని నియమించుకోవాలని భావిస్తున్నట్లు సమాచారం. డిప్యూటీ మేయర్ గుగ్గిళ్ల రమేశ్, కార్పొరేటర్ హరిశంకర్ తమ ఇంట్లో పని చేస్తున్న సానిటేషన్ సిబ్బందిని పంపించి వేశారు. రంజాన్ పండుగ సందర్భంగా ఇఫ్తార్ కార్యక్రమం ఏర్పాట్ల కోసమే పిలిచామే తప్ప సానిటేషన్ సిబ్బందితో తమకేమీ పని లేదని హరిశంకర్ వివరణ ఇచ్చారు. ఎమ్మెల్సీలు నారదాసు లక్ష్మణ్‌రావు, సంతోష్‌కుమార్ సైతం ఆయా సిబ్బందిని పంపించి వేయాలని నిర్ణయించారు.
 
 ఎంపీ ఇంట్లో సానిటేషన్ సిబ్బంది లేరు..
 ఎంపీ వినోద్‌కుమార్ నివాసంలో సానిటేషన్ సిబ్బంది ఎవరూ పనిచేయడం లేదని ఆయన కార్యాలయ బాధ్యులు వివరణ ఇచ్చారు. ఎంపీ తన సొంత ఖర్చులతోనే సిబ్బందిని నియమించుకున్నారని పేర్కొన్నారు.


  
 అధికారులు, ప్రజాప్రతినిధుల ఇండ్లల్లో నగర పాలక సంస్థ సానిటేషన్ వర్కర్స్ 
 ఎంపీ, ఎమ్మెల్యే, కలెక్టర్, కమిషనర్, మేయర్, కార్పొరేటర్ నివాసాల్లో పనులు
  
 కరీంనగర్ : కరీంనగర్‌లోని రోడ్లు, డ్రైనేజీలను శుభ్రం చేసేందుకు నగరపాలక సంస్థలో 672 మంది సానిటేషన్ వర్కర్స్ పని చేస్తున్నారు. కాంట్రాక్టు పద్ధతిన పనిచేస్తున్న వీరికి నగరపాలక సంస్థ ప్రతినెలా రూ.8,300 వేతనం చెల్లిస్తోంది. పీఎఫ్, ఈఎస్‌ఐ కలుపుకుని రూ.10 వేల వరకు ఇస్తోంది. అందుకోసం ఏటా రూ.10.50 కోట్లను కార్పొరేషన్ ఖర్చు చేస్తోంది. నగరంలోని రోడ్లను ఎప్పటికప్పుడు శుభ్రం చేసి సుందరంగా ఉంచాలనే లక్ష్యంతో ఇంత పెద్దమొత్తంలో ఖర్చు చేస్తున్నారు. కానీ సానిటేషన్ వర్కర్లలో పలువురిని ఆ పని నుంచి తప్పించి ప్రముఖుల ఇళ్లల్లో పని చేయించుకుంటున్నారు. ఎవరైనా తప్పు చేస్తే చర్యలు తీసుకోవాల్సిన ప్రజా ప్రతినిధులు, అధికారులే తమ ఇండ్లలో సానిటేషన్ సిబ్బందితో పని చేయించుకోవడం చర్చనీయాంశమవుతోంది. నిజానికి కలెక్టర్, కార్పొరేషన్ కమిషనర్, మేయర్ అధికారిక నివాసాల్లో పనుల కోసం వర్కర్లను నియమించుకునే అధికారం వారికుంటుంది. ఆ మొత్తాన్ని ప్రభుత్వం చెల్లిస్తుంది.
  
 కానీ అలా చేయకుండా నగరపాలక సంస్థలో పనిచేస్తున్న సానిటేషన్ వర్కర్స్‌ను ఇంటి పనులకు వాడుకోవడంపై విమర్శలు వస్తున్నాయి. సుమారు 25 మంది సానిటేషన్ వర్కర్స్‌ను అధికారులు, ప్రజా ప్రతినిధుల నివాసాల్లో పనికి వినియోగించుకుంటున్నట్లు తెలిసింది. తద్వారా నగరపాలక సంస్థ వీరికి ప్రతినెలా రూ.2.5 లక్షల చొప్పున ఏటా రూ.30 లక్షల మొత్తం ఖర్చు చేయడం గమనార్హం. నిజానికి పైన పేర్కొన్న అధికారులు, ప్రజాప్రతినిధులు ఎవరూ పని మనుషులకు డబ్బులు చెల్లించే స్తోమత లేనివారు కాదు. పైగా ప్రొటోకాల్ ప్రకారం వీరిలో కొందరికి ప్రభుత్వమే చెల్లిస్తుంది. అయినప్పటికీ నగర పాలక సంస్థలో పనిచేసే శానిటేషన్ వర్కర్స్‌ను నియమించుకోవడం ఏమిటనే విమర్శలు వ్యక్తమవుతున్నాయి. 
  
 వారికి ఈ విషయం తెలియదా?
 నగర పాలక సంస్థలో పనిచేసే సానిటేషన్ వర్కర్స్‌ను తమ నివాసాల్లో పనికి వినియోగించుకుంటున్న విషయం కలెక్టర్, నగర పాలక సంస్థ కమిషర్లకు తెలియదని, ప్రొటోకాల్ ప్రకారం ప్రభుత్వం వారిని నియమించిందనే భావనలో ఉన్నట్లు సమాచారం. ఇటీవల ఓ కాంట్రాక్టర్ కమిషనర్‌కు ఫోన్ చేసి ఈ విషయం చెబుతూ నిలదీయడంతో అవాక్కైనట్లు తెలిసింది. సానిటేషన్ టెండర్ల కాంట్రాక్టర్లలో తానొక్కడినే అవినీతిపరుడంటూ చిత్రీకరించే ప్రయత్నం జరుగుతోందని ఆగ్రహంతో ఉన్న ఆయన అమీతుమీకి సిద్ధమైనట్లు తెలుస్తోంది. ఇదే విషయంపై కమిషనర్‌కు ఫోన్ చేసి సానిటేషన్ ద్వారా వచ్చే ఆదాయంలో ఎవరెవరికి ఎంతెంత ముడుతోంది? సానిటేషన్ వర్కర్లలో ఎవరెవరు ఏయే అధికారి, ప్రజాప్రతినిధి ఇంట్లో పనిచేస్తున్నారో చెబుతూ ‘ఇది అవినీతి కాదా?’ అని నిలదీసినట్లు సమాచారం.
  
 దీంతో విస్తుపోయిన సదరు కమిషనర్ ప్రక్షాళనకు పూనుకున్నట్లు తెలిసింది. మరోవైపు నగర మేయర్, కమిషనర్ వాహనాలకు ఖర్చయ్యే డీజిల్, డ్రైవర్ల వేతనాలను సైతం కాంట్రాక్టరే చెల్లిస్తున్నారనే ఆరోపణలున్నాయి. దీనిపైనా ఆరా తీస్తున్నట్లు సమాచారం. అట్లాగే వారి నివాసాల్లో నెలవారీ అవసరమయ్యే సరుకులు, నిత్యావసర వస్తువులకు కాంట్రాక్టరే డబ్బులు చెల్లిస్తున్నారనే ప్రచారం జరుగుతోంది. అలాంటప్పుడు ప్రభుత్వం నుంచి విడుదలయ్యే డబ్బులు ఏమవుతున్నాయనేది ప్రశ్నార్థకంగా మారింది. నగర పాలక సంస్థలో పనిచేసే సంబంధిత బాధ్యులను విచారిస్తే వాస్తవాలు వెలుగులోకి వచ్చే అవకాశముంది. 
  
 ప్రతిరోజూ వంద మంది డుమ్మా !
 నగర పాలక సంస్థలో పనిచేసే సానిటేషన్ సిబ్బందిలో సగటున ప్రతిరోజు వంద మంది విధులకు గైర్హాజరవుతున్నట్లు తెలుస్తోంది. హాజరు పట్టికలో మాత్రం అందరూ విధులకు హాజరవుతున్నట్లు రికార్డులు చూపుతున్నారని సమాచారం. ఇటీవల నగరంలో తనిఖీలకు వెళ్లగా ప్రతి పది మందిలోనూ ఆరుగురికి మించి పని చేయడం లేదని తెలిసింది. అయినా వారిని విధులకు హాజరైనట్లుగా చూపుతూ డబ్బులు కాజేస్తున్నట్లు తెలిసింది. ఈ లెక్కన ప్రతినెలా రూ.10 లక్షల చొప్పున ఏటా రూ.1.10 కోట్లు పక్కదారి పడుతున్నాయనే విమర్శలున్నాయి. ఇందులో సగం సొమ్ము కార్పొరేషన్‌కు చెందిన అధికారులు, కొందరు కార్పొరేటర్లకు వెళుతున్నాయనే ఆరోపణలున్నాయి.
  
 మూలనపడ్డ బయోమెట్రిక్...
 నగరపాలక సంస్థలో గతేడాది ఆగస్టు 27న ప్రారంభించిన బయోమెట్రిక్ విధానం మూలనపడింది. కార్మికులకు బయోమెట్రిక్ అమలు చేస్తే హాజరు పెరిగి కాంట్రాక్టర్లకు లాభాలు తగ్గుతాయని, కొందరు ప్రజాప్రతినిధులు, అధికారులకు రావాల్సిన అమ్యామ్యాలు తగ్గిపోతాయనే ఉద్దేశంతో వాటికి సాంకేతిక కారణాలు చెప్పి మూలనపడేశారు. కార్మికుల వేలిముద్రలు మ్యాచ్‌కావడం లేదని, బ్యాటరీలు సరిగా పనిచేయడం లేదని, మిషన్లు మొరాయిస్తున్నాయనే సాకుతో పక్కనపెట్టిన కాంట్రాక్టర్లు, ఆ తర్వాత వాటిని ఏకంగా మూలన పడేశారు. దీంతో గత తొమ్మిది నెలలుగా వాటి వాడకమే లేకుండా పోయింది. దీంతో హాజరు ఇష్టారాజ్యమైంది. 
  
 ఎక్కడెక్కడ పని చేస్తున్నారో లెక్కలు తీస్తున్నాం : మేయర్
 నాకు క్వార్టర్ సౌకర్యం ఉన్నప్పటికీ సొంత ఇంట్లోనే ఉంటున్నా. ప్రభుత్వం ఇచ్చే వర్కర్లను ఉపయోగించుకోవడం లేదు. గత మేయర్లు వాడిన క్వార్టర్ అద్దె రూ.6.70 లక్షలు జెడ్పీకి చెల్లించాల్సి ఉంది. మున్సిపల్‌కు చెందిన ఒక అటెండర్, వర్కర్ క్యాంపు ఆఫీసులో పని చేస్తున్నారు. కాంట్రాక్టు కార్మికులు ఎక్కడెక్కడ పనిచేస్తున్నారనే విషయమై లెక్కలు తీస్తున్నాం. డీజిల్ దుర్వినియోగం జరగకుండా గెజిటెడ్ ఆఫీసర్‌కు బాధ్యతలు అప్పగిస్తాం. బయోమెట్రిక్ విధానాన్ని జవాన్ల నుంచి తప్పించి సానిటరీ ఇన్స్‌పెక్టర్లకు అప్పగిస్తాం. 
  
 వారం రోజుల్లో టెండర్లు పిలుస్తాం : కమిషనర్
 సానిటేషన్ టెండర్లు వారం రోజుల్లో నిర్వహిస్తాం. రెండు మూడు రోజుల్లోనే టెండర్లు నిర్వహించా ల్సింది కానీ.. హరితహారంవల్ల కొంత ఆలస్యం జరుగుతోంది. వారధి ద్వారా ఈ ఒక్క నెల మాత్ర మే వేతనాలు చెల్లిస్తాం. కాంట్రాక్టర్లు, కార్పొరేటర్ల ఇండ్లలో కార్మికులు పనిచేస్తున్న విషయం నా దృష్టికి రాలేదు. బయోమెట్రిక్ విధానాన్ని కచ్చితంగా అమలు చేసేందుకు ఆదేశాలు జారీచేశాం.
 
  
 
 విశ్వసనీయ సమాచారం మేరకు ఎవరెవరి ఇంట్లో ఎంత మంది పనిచేస్తున్నారంటే..
 
  
 
  కలెక్టర్ క్యాంపు కార్యాలయంలో ఆరుగురు
 
  నగర మేయర్ రవీందర్‌సింగ్ నివాసంలో ఇద్దరు
 
  కమిషనర్ నివాసంలో ఇద్దరు డ్రైవర్లు, ఇద్దరు వర్కర్లు
 
  ఎమ్మెల్సీ నారదాసు లక్ష్మణ్‌రావు ఇంట్లో ఒకరు
 
  ఎమ్మెల్సీ సంతోష్‌కుమార్ ఇంట్లో ఒకరు
 
  ఎమ్మెల్యే గంగుల నివాసంలో ఒకరు
 
  ప్రభుత్వ చీఫ్‌విప్ కొప్పుల ఈశ్వర్ ఇంట్లో ఒకరు
 
  ఎంపీ వినోద్‌కుమార్ నివాసంలో ఒకరు
 
  


 నగరంలోని రామ్‌కోటిలో మ్యాన్‌హోల్‌ను సుభ్రంచేస్తూ ప్రమాదవశాత్తు మురుగునీటిలో పడి ఇద్దరు కార్మికులు మృతిచెందారు. ఈ సంఘటన ఆదివారం మధ్యాహ్నం చోటుచేసుకుంది. మ్యాన్‌హోల్ శుభ్రంచేసేందుకు దిగిన ఇద్దరు విషవాయులకు ఊపిరి ఆడక మృతిచెంది ఉంటారని భావిస్తున్నారు. గమనించిన స్థానికులు వారిని కాపాడే ప్రయత్నం చేసినా ప్రయోజనం లేకపోయింది. మృతుల వివరాలు తెలియరాలేదు. సమాచారం అందుకున్న పోలీసులు సంఘటన స్థలాన్ని సందర్శించారు. నగరపాలక సంస్థ అధికారులు వారి మృతదేహాలను వెలికి తీసేందుకు ప్రయత్నిస్తున్నారు.
 
  


 ► జీహెచ్‌ఎంసీ ప్రక్షాళన
 ► అధికారాలు, బాధ్యతల వికేంద్రీకరణ   
 ► ఏరియా కమిటీలు.. స్థానిక సంఘాలకు ప్రాధాన్యం
 ► సమస్యల గుర్తింపు..  పరిష్కారం బాధ్యత వాటిదే
 ► అక్రమాల నిరోధంపై అధికారుల దృష్టి   లోపాల సవరణకు చర్యలు
  
 సాక్షి, సిటీబ్యూరో: జీహెచ్‌ఎంసీలో అవినీతి.. అక్రమాలకు... అలసత్వానికి... చెక్ పెట్టే దిశగా ఉన్నతాధికారులు కదులుతున్నారు. సమూలంగా ప్రక్షాళన చేయాలనే యోచనతో ముందుకు వెళ్లేందుకు సిద్ధమవుతున్నారు. జీహెచ్‌ఎంసీలోని ఏ విభాగంలో చూసినా అలసత్వం. ఫలితంగా ప్రజలకు అవస్థలు. మరోవైపు అంతులేని అక్రమాలు. కొందరికే అధికారాలు. దీంతో అవినీతి పేట్రేగిపోతోంది. దిద్దుబాటు చర్యలకు ఎవరైనా సిద్ధమైతే అడుగడుగునా ఆటంకాలు. అవినీతిపరులపై చర్యలు తీసుకోకుండా ఒత్తిళ్లు. ఈ నేపథ్యంలో గత రెండు నెలలుగా వివిధ కోణాల్లో ఆలోచించిన ఉన్నతాధికారులు ఎట్టకేలకు ఒక నిర్ణయానికి వచ్చారు. గత అనుభవాలనూ పరిగణనలోకి తీసుకొని వికేంద్రీకరణ మంత్రమే ప్రస్తుతానికి తగిన మందుగా భావించారు. దశల వారీగా సంస్కరణ ల అమలుకు సిద్ధమయ్యారు. ప్రతి విభాగంలోనూ పనులు అవినీతికి... ఆలస్యానికి తావులేకుండా... పారదర్శకంగా పూర్తయ్యేలా ‘స్టాండర్డ్ ప్రొసీజర్స్’పై దృష్టి సారించారు. దీనికి కన్సల్టెన్సీల సేవలు వినియోగించుకోనున్నారు.వివిధ విభాగాల ప్రక్షాళనకు ఎలాంటి చర్యలు? ఏ స్థాయిలో తీసుకోవాలి? అనే అంశాలపై కన్సల్టెన్సీలు నివేదికలు అందజేస్తాయి. వాటి ఆధారంగా చర్యలు చేపడతారు.
 
 
  ‘స్థానిక’ కమిటీలకు ప్రాధాన్యం
  పారిశుద్ధ్యం, రహదారుల మరమ్మతులు.. తదితర అంశాల్లో ఏరియా కమిటీలకు ప్రాధాన్యం ఇస్తారు. ప్రస్తుతం 5వేల జనాభాకు ఒక ఏరియా కమిటీ ఏర్పాటుకు వీలుంది. దీన్ని రెండు లేదా మూడు వేల మందికి ఒకటి చొప్పున ఏర్పాటు చేసే ఆలోచనలో ఉన్నారు. దీనికోసం చట్టాన్ని సవరించాల్సి ఉన్నందున ఆ దిశగా ఆలోచిస్తున్నారు. కొన్ని రాష్ట్రాల్లో ఈ విధానాలు సత్ఫలితాలిస్తున్నందున ఈ ఆలోచన చేశారు. స్థానిక సమస్యలను గుర్తించడం.. సంబంధిత విధులు నిర్వహించే వారికి వాటిని తెలియజేయడం.. పరిష్కరించడం వంటి పనులు ఏరియా కమిటీలు చేస్తాయి.
 
  పారిశుద్ధ్య కార్మికులకు ఆధార్ లింక్
  పారిశుద్ధ్య కార్మికులకు సంబంధించి ఎక్కువ ఫిర్యాదులు ఉన్నాయి. జాబితాలో ఒకరు, విధుల్లో మరొకరు ఉంటుండం.. అసలు విధుల్లోనే లేకపోవడం వంటి అంశాలు దృష్టికి రావడంతో వారందరికీ త్వరలోనే ఆధార్ లింకేజీతో గుర్తింపు కార్డులు ఇచ్చే యోచనలో ఉన్నారు. తద్వారా విధులు ఎగ్గొట్టే వారికి జీతాలు నిలిపివేయాలని భావిస్తున్నారు.
 
  ఏఎంఓహెచ్‌ల స్థానే ఎన్విరాన్‌మెంటల్ ఇంజినీర్లు
 పారిశుద్ధ్య కార్మికుల పనిని పర్యవేక్షిస్తున్న ఏఎంఓహెచ్‌ల స్థానే త్వరలో ఎన్విరాన్‌మెంటల్ ఇంజినీర్ల సేవలను వినియోగించుకోవాలని భావిస్తున్నారు. చెత్త తరలింపు వాహనాలకు సంబంధించిన రవాణ విభాగాన్ని వికేంద్రీకరించి... పనులను విభజించి నిర్ణీత మొత్తం వరకు ఈఈ, డీఈఈల స్థాయిలోనే మంజూరు చేసేలా అధికారం ఇవ్వాలని యోచిస్తున్నారు. దుబారా నివారణకు అధీకృత డీలర్ల ద్వారానే విడిభాగాలు కొనుగోలు చేయాలని నిర్ణయించారు. రెండు, మూడేళ్ల వరకు వాహనాల మరమ్మతులు సంబంధిత కంపెనీలే చేసేలా చర్యలు తీసుకోనున్నారు. ఈ మేరకు ఒప్పందం కుదుర్చుకుంటారు. ఏదైనా వాహనం పాడైతే సంబంధిత కంపెనీయే నిర్ణీత వ్యవధిలోగా మరమ్మతు చేయాల్సి ఉంటుంది. జాప్యమయ్యేకొద్దీ పెనాల్టీ విధిస్తారు. సర్కిళ్ల వారీగా కొన్ని వాహనాలను రిజర్వులో ఉంచి, మరమ్మతుకు గురైన వాటి స్థానంలో వినియోగించనున్నట్లు కమిషనర్ జనార్దన్‌రెడ్డి విలేకరులకు తెలిపారు.
 
  అక్రమార్కులపై చర్యలు
 ఇటీవలి కాలంలో వివిధ విభాగాల్లోని అవినీతిపై ఫిర్యాదులు అందుతుండటంతో అక్రమాలపై విచారణలు జరుగుతున్నాయని... బాధ్యులపై చర్యలు తప్పవని జీహెచ్‌ఎంసీ కమిషనర్ డా.బి. జనార్దన్‌రెడ్డి స్పష్టం చేశారు. ఎంతోకాలం క్రితమే ఈ ప్రక్రియ ప్రారంభమైందని.. త్వరలోనే చర్యలుంటాయని తెలిపారు.


 ⇒ పారిశుద్ధ్య కార్మికులను దోచుకుంటున్న కన్సల్టెన్సీలు
 ⇒ ఈపీఎఫ్ రుణాలు ఇప్పించేందుకు కమీషన్లు
 ⇒ ఒక్కొక్కరి నుంచి రూ.5 వేలకు పైగానే వసూళ్లు
 ⇒ చేష్టలుడిగి చూస్తున్న బల్దియూ అధికారులు
  
 వారు నగరం నిద్ర లేవకముందే వీధుల్లోకి చేరుకుంటారు. తెల్లవారేకల్లా రోడ్లు, డ్రెరుునేజీలను శుభ్రం చేస్తారు. నగర పారిశుధ్యంలో వారి పాత్ర కీలకం. ఇంతా చేస్తే వారికి అందే వేతనాలు మాత్రం అతి తక్కువ. ఇందులో కొంతమేర పీఎఫ్ రూపంలో వెళ్తుంది. ఈ నిధి నుంచి అత్యవసర సమయంలో రుణం తీసుకునే వె సులుబాటు ఉంది. ఈ రుణాల కోసం వచ్చే కార్మికుల దరఖాస్తులను పరిశీలించేందుకు ప్రత్యేక విభాగం ఉండాలి. కానీ.. మునిసిపల్ కార్పొరేషన్ అధికారులు పట్టించుకోకపోవడంతో కన్సల్టెన్సీలు, సంఘాల పేరిట రంగప్రవేశం చేస్తున్న కొందరు కార్మికుల అవసరాన్ని ‘క్యాష్’ చేసుకుంటున్నారు. వారి దరఖాస్తులను పీఎఫ్ కార్యాలయంలో త్వరగా పరిష్కారమయ్యేలా చూస్తామని చెప్పి నగదు వసూలు చేస్తున్నారు.
  
 హన్మకొండ :  వరంగల్ మహా నగరపాలక సంస్థ పరిధిలోని ప్రజారోగ్య విభాగంలో 1,882 మంది, అర్బన్ మలేరియా విభాగంలో 60 మంది, ఇంజినీరింగ్ విభాగంలో 372 మంది కార్మికులు కాంట్రాక్టు పద్ధతిపై విధులు నిర్వర్తిస్తున్నారు. 2011 జనవరి నుంచి ప్రతీ కార్మికుడి నెల వేతనంలో 13.61 శాతం మొత్తాన్ని ఉద్యోగ భవిష్యనిధి (ఎంప్లాయూస్ ప్రావిడెంట్ ఫండ్(ఈపీఎఫ్)) కింద  కోత విధిస్తున్నారు. ఈ మొత్తానికి సమాన మొత్తాన్ని గ్రేటర్ వరంగల్ కార్పొరేషన్ తన వంతు వాటాగా జమ చేస్తుంది. గత ఐదేళ్లలో ప్రతీ కార్మికుడి ఖాతాలో సగటున రూ.55 వేలు జమ అయింది. నిబంధనల ప్రకారం అత్యవసర సమయాల్లో భవిష్యనిధిలో ఎనభైశాతం మొ త్తాన్ని ఉద్యోగం చేస్తుండగానే పొందే సౌలభ్యం ఉంది. అత్యవసర సమయాల్లో ఈపీఎఫ్ సొమ్ము కార్మికులు అడ్వాన్‌‌సగా పొం దేందుకు అ వసరమైన ఏర్పాట్లు కా ర్పొరేషన్‌లో మానవ వనరుల విభా గం చేయాలి. కానీ.. వీరు పట్టించుకోకపోవడంతో కన్సల్టెన్సీలు, నాయకుల పేరుతో దళారులు రంగప్రవేశం చేశారు.
 
 అధికారులకు ఇవ్వాలంటూ...
 చాలీచాలని వేతనంతో నెట్టుకొస్తున్న కాంట్రాక్టు కార్మికులకు ఏదో అత్యవసరం వచ్చి పడుతుంది. వడ్డీకి డబ్బు తెచ్చుకునే బదులు ఈపీఎఫ్ నుంచి అడ్వాన్స్ తీసుకునేందుకు ముందుకొస్తారు. ఇలా ఏడాది కాలంగా గ్రేటర్ వరంగల్ కార్పొరేషన్ పరిధిలో 70 దరఖాస్తులు నమోదయ్యాయి. వీటిలో కొందరు కార్మికులు అనారోగ్య కారణాలతో.. మరికొందరు వివాహం, చదువులు వంటి ముఖ్యమైన అవసరాల కోసమే దరఖాస్తు చేసుకున్నారు. అయితే గ్రేటర్‌లో మానవ వనరుల విభాగం లేకపోవడంతో వీరికి సాయం చేస్తామంటూ కొం దరు నాయకులు, కన్సల్టెన్సీలు రంగప్రవేశం చేశాయి. ఈపీఎఫ్ సొమ్ము మంజూరు చేసేందుకు దరఖాస్తు తయారీ, ప్రాసెస్ చేయడం, ప్రతీ విభాగంలో కమీషన్లు ఇవ్వాల్సి వస్తుందని నమ్మబలుకుతున్నారు. ఇందుకు ప్రతిగా తమకు తక్కువలో తక్కువ రూ.5 వేల నుంచి రూ.10 వేల వరకు చెల్లించాలంటూ మెలిక పెడుతున్నారు. ఐదేళ్లపాటు పైసాపైసా కూడబెట్టిన సొమ్ములో ఎక్కువ మొత్తం వీరికే చెల్లించాల్సి రావడంతో కార్మికులు ఆవేదన వ్యక్తం చేస్తున్నారు. అరుునా అవసరం కావడంతో చెల్లిస్తుండగా... ఈపీఎఫ్ సొమ్ము మంజూరైన విషయం తెలిసిన వెంటనే ఆ ప్రతినిధులు తమ వాటా చెల్లించాలంటూ ఒత్తిడి తెస్తున్నారు.ఇంటికి మనుషులను పంపిస్తున్నారు. ఇక కన్సల్టెన్సీ, నాయకులకు డబ్బులు ఇచ్చేందుకు నిరాకరించిన కార్మికులకు సంబంధించిన దరఖాస్తులు ఆమోదం పొందడం లేదు.
 
 
 దీంతో ఈపీఎఫ్ అడ్వాన్‌‌స కోసం దరఖాస్తు చేసుకున్న కార్మికులు కన్సల్టెన్సీ, నాయకులు అడిగినంత చెల్లిస్తున్నారు. నెలనెలా కార్మికులు కూడబెట్టుకున్న సొమ్ము దోచుకుంటు న్నా... కార్మికుల సంక్షేమం పట్టించుకోవాల్సిన గ్రేటర్ అధికారులు చేష్టలుడిగి చూస్తుండిపోవడంపై విమర్శలు వెల్లు వెత్తుతున్నారుు.
  


 స్పష్టం చేసిన హైకోర్టు విచారణ 28కి వాయిదా
  
 హైదరాబాద్: రాష్ట్రంలోని పంచాయతీల్లో పనిచేసే పారిశుద్ధ్య కార్మికులకు కనీస వేతనాలు చెల్లించే వ్యవహారాన్ని తాము స్వయంగా పర్యవేక్షిస్తామని హైకోర్టు స్పష్టం చేసింది. వేతనాల చెల్లింపునకు ఓ కమిటీని ఏర్పాటు చేసేందుకు ప్రభుత్వం ముందుకొచ్చినందున, ఆ ప్రక్రియను పదిరోజుల్లో పూర్తి చేయాలని ఆదేశించింది. అన్ని అంశాలను పరిశీలించి ఓ నివేదికను తమ ముందుంచాలని కమిటీకి హైకోర్టు స్పష్టం చేసింది. కనీస వేతనాల చెల్లింపు కోసం దాఖలైన వ్యాజ్యాన్ని కమిటీకి పంపాలని రిజిస్ట్రీని ఆదేశించింది. తదుపరి విచారణను ఈ నెల 28కి వాయిదా వేసింది. ఈ మేరకు తాత్కాలిక ప్రధాన న్యాయమూర్తి జస్టిస్ దిలీప్ బి.బొసాలే, న్యాయమూర్తి జస్టిస్ ఎస్.వి.భట్‌లతో కూడిన ధర్మాసనం సోమవారం ఉత్తర్వులు జారీ చేసింది. గ్రామ పంచాయతీల్లో పనిచేస్తున్న కార్మికులకు కనీస వేతనాలు చెల్లించేలా ప్రభుత్వాన్ని ఆదేశించాలని కోరుతూ సామాజిక కార్యకర్త, ఎస్‌సీ, ఎస్‌టీ కమిషన్ మాజీ సభ్యుడు రాజారపు ప్రతాప్ హైకోర్టులో పిల్ దాఖలు చేసిన విషయం తెలిసిందే.
 
 ఈ వ్యాజ్యాన్ని ఇప్పటికే పలుమార్లు విచారించిన తాత్కాలిక ప్రధాన న్యాయమూర్తి నేతృత్వంలోని ధర్మాసనం సోమవారం దానిని మరోసారి విచారించింది. ఈ సందర్భంగా తెలంగాణ రాష్ట్ర అదనపు అడ్వొకేట్ జనరల్ (ఏఏజీ) జె.రామచంద్రరావు వాదనలు వినిపిస్తూ, పంచాయతీల్లో పనిచేసే కార్మికులకు కనీస వేతనాల చెల్లింపు వ్యవహారంలో కమిటీని ఏర్పాటు చేయాలని ప్రభుత్వం నిర్ణయించిందని తెలిపారు. దీనికి ధర్మాసనం స్పందిస్తూ, కార్మికులకు కనీస వేతనాలు అందనప్పుడు, వాటిని అందించాల్సిన బాధ్యత ఎవరిదని ప్రశ్నించింది. సంబంధిత పంచాయతీలదేనని, నిధులు సమకూర్చుకోవాల్సిన బాధ్యత వారిదేనని రామచంద్రరావు తెలిపారు. ‘కమిటీ ఏర్పాటు చేయడానికి ప్రభుత్వం ముందుకొచ్చింది. వారు వారి తప్పును తెలుసుకున్నట్లున్నారు. కమిటీ ఏర్పాటు చేయనివ్వండి. ఈ మొత్తం వ్యవహారాన్ని మేమే పర్యవేక్షిస్తాం.’ అని ధర్మాసనం స్పష్టం చేస్తూ, 10 రోజుల్లో కమిటీ ఏర్పాటు ప్రక్రియను పూర్తి చేయాలని ఆదేశించింది.
  


 
 స్పందించకుంటే సెప్టెంబర్ 5 తర్వాత పెద్దల ఇళ్ల ఎదుట ఆందోళన: టీఎస్‌కేఎస్
 
  సాక్షి, హైదరాబాద్: 'మేం పనిచేస్తేనే ముఖ్యమంత్రి, మంత్రులు, ఎమ్మెల్యేలకు, సామాన్యులకు ఆరోగ్యం. అటువంటి మమ్మల్ని రోడ్ల పాలు చేస్తారా.. తస్మాత్ జాగ్రత్త, మా తడాఖా ఏమిటో ముందు ముందు చూస్తారు. 'అని తెలంగాణ సఫాయి కార్మిక సంఘం హెచ్చరించింది.  శనివారం రవీంద్రభారతిలో తెలంగాణ సఫాయి కార్మిక సంఘం(టీఎస్‌కేఎస్) ఆవిర్భావ సభ జరిగింది. ఈ సందర్భంగా తెలంగాణ సఫాయి కార్మిక సంఘం రాష్ట్ర అధ్యక్షులు వేల్పుల కృపాదానం మాట్లాడుతూ ఇప్పటికైనా వెంటనే మా సమస్యల్ని పరిష్కరించాలని ప్రభుత్వాన్ని కోరారు. 'సఫాయిలు సిపాయిల్లాంటి వారు. డాక్టర్ రోగం వచ్చిన తర్వాత నయం చేస్తారు. కానీ సఫాయిలు రోగం రాకుండా చూస్తారు.'అని అన్నారు. కొందరు యూనియన్ నేతలు తమ స్వార్థం కోసం ఉద్యమాలు చేయించి రెండు వేల మంది సఫాయిలను రోడ్లపాలు చేశారని విచారం వ్యక్తం చేశారు. జీహెచ్‌ఎంసీ పరిధిలో తొలగించిన కార్మికులను వెంటనే విధుల్లోకి తీసుకోవాలని సోమవారం సీఎం కేసీఆర్, జీహెచ్‌ఎంసీ కమిషనర్ సోమేష్ కుమార్‌కు వినతి పత్రాలు అందజేస్తామన్నారు. వారు స్పందించకుంటే సెప్టెంబర్ 5వ తేదీ తర్వాత యూనియన్ లీడర్ల ఇంటి ముందు, జీహెచ్‌ఎంసీ కమిషనర్, హోంమంత్రి ఇంటి ఎదుట డప్పులు కొట్టి ఆడిపాడుతామని హెచ్చరించారు. అవసరమైతే న్యాయస్థానాలను ఆశ్రయిస్తామన్నారు.
 రాష్ట్రంలోని మున్సిపల్ కార్మికులకు ఆరోగ్యశ్రీ పథకం వర్తింప చేయాలని, రుణాలు మంజూరు చేయాలని సభ తీర్మానించింది. కార్యక్రమంలో తెలంగాణ సఫాయి కర్మ్‌చారిస్ చైర్మన్ మస్కు జాన్‌సన్, వివిధ జిల్లాల కార్మిక నాయకులు బాలక్రిష్ణ(జీహెచ్‌ఎంసీ), ఎడ్వార్డ్(కరీంనగర్), రాజు(వరంగల్), ఖమ్మం(సంగయ్య), ఎఫ్రహీమ్(ఆదిలాబాద్), అబ్రహం(నిజామాబాద్), స్టీఫెన్(నల్లగొండ) తదితరులు పాల్గొన్నారు.


 చోడవరం(విశాఖపట్టణం జిల్లా): సాధారణంగా ఒక్కనెల జీతం ఆలస్యమైతేనే ఉద్యోగులు తీవ్రంగా ఇబ్బందులు పడతారు. మరి అలాంటిది ఏడాది నుంచి జీతం అందకపోతే వారి పరిస్థితి ఎలా ఉంటుందో చెప్పక్కర్లేదు. ఈ సంఘటన విశాఖ జిల్లా చోడవరం మండలం కేంద్రంలో వెలుగుచూసింది.
 
 చోడవరం మండల పంచాయతీలో పని చేస్తున్న పారిశుధ్య కార్మికులకు ఏడాదిగా జీతాలు ఇవ్వడంలేదు. దీంతో ఆగ్రహించిన ఉద్యోగులు బుధవారం పంచాయతీ కార్యాలయాన్ని ముట్టడించి ఆందోళనకు దిగారు. వెంటనే జీతాలు చెల్లించాలనీ వారు డిమాండ్ చేశారు. కార్మికుల ఆందోళనకు సీపీఐ మద్ధతు ప్రకటించింది.


 వేతనాల్లేక పస్తులుంటున్న బడుగు కుటుంబాలు
 సాక్షి, హైదరాబాద్: పారిశుధ్య కార్మికుల ఇళ్లల్లో పొయ్యి వెలగడం లేదు. పప్పు కూడు తిందామన్నా అప్పు పుట్టడం లేదు. మునిసిపాలిటీలు చెల్లించే చాలీచాలని వేతనాలూ ఆగిపోవడంతో కార్మికుల బతుకులు దుర్భరంగా మారాయి. దుఃఖాన్ని కడుపులో దాచుకుని పస్తులతో రోజులు గడుపుతున్నారు. నిన్నటి దాకా చీపురు పట్టి ఊడ్చిన చోటే చేతులు చాచి యాచించాల్సిన పరిస్థితులు నెలకొన్నాయి. పాలక, ప్రతిపక్షాల ఆధిపత్య రాజకీయాల మధ్య పారిశుధ్య కార్మికులు నలిగిపోతున్నారు.
 
 గుండెలు పగిలే ఆవేదనతో మరణాలకు చేరువవుతున్నారు. ఆత్మహత్యాయత్నం లాంటి అఘాయిత్యాలకూ పాల్పడుతున్నారు. అయినా సర్కారు కనికరించడం లేదు. కనీస వేతనంపై నోరు విప్పడం లేదు. సమ్మెకు పిలుపునిచ్చిన కార్మిక సంఘాలు, మద్దతు తెలిపిన విపక్షాలు బెట్టు వీడడం లేదు. కనీస వేతనాల పెంపు సహా 16 డిమాండ్ల సాధన కోసం గతనెల 6 నుంచి మున్సిపల్ తాత్కాలిక కార్మికులు చేపట్టిన సమ్మె సోమవారానికి 36వ రోజుకు చేరింది.
 
 ప్రభుత్వ చొరవతో గ్రేటర్ హైదరాబాద్‌లో కార్మికులు సమ్మె విరమించినా.. రాష్ట్రంలోని ఇతర 67 నగర, పురపాలికలు, నగర పంచాయతీల్లో సమ్మె కొనసాగుతూనే ఉంది. రాష్ట్ర వ్యాప్తంగా సుమారు 14 వేల మంది కార్మికులు సమ్మెలో ఉన్నారు. అందులో 90 శాతం కార్మికులు దళితులు, అభాగ్య మహిళలే. భర్తలను కోల్పోయి ఏ దిక్కు లేక సఫాయి పనులు చేస్తున్న మహిళలే ఎక్కువగా ఉన్నారు.
  
 నిర్ణయాధికారమే లేదట..
 జీహెచ్‌ఎంసీ కార్మికుల వేతనాలను పెంచుతున్నట్లు గతనెల 16న సీఎం కేసీఆర్ ప్రకటన చేశారు. 17న ఇతర మున్సిపాలిటీల్లోని కార్మికుల వేతనాల పెంపుపై అధికారులతో సమీక్షించారు.
  పెంపు సాధ్యాసాధ్యాలపై అధికారులు ప్రతిపాదనలు సమర్పిస్తే.. ఆ మరుసటి రోజే నిర్ణయం తీసుకుంటామని ప్రభుత్వం ప్రకటించింది. సీఎం ఆదేశాల మేరకు పురపాలక శాఖ ప్రతిపాదనలు సమర్పించినా.. ప్రభుత్వం నిర్ణయం తీసుకోలేదు.
 
 మున్సిపాలిటీల ఆర్థిక పరిస్థితి క్షీణించి ఉండడంతో కార్మికుల వేతనాల పెంపు సాధ్యం కాదని గతనెల 23న సీఎంవో ప్రచార విభాగం ఓ అనధికార ప్రకటన జారీ చేసింది. ఆస్తి పన్నులు పెంచక తప్పదని సంకేతాలిచ్చింది. ఆ రోజు నుంచి ఇప్పటివరకు సమ్మె పరిష్కారం విషయంలో ప్రభుత్వం ఎలాంటి ప్రయత్నం చేయలేదు.
 
 సమ్మె విరమిస్తే వేతనాలు పెంచుతామని గతనెలలో ప్రకటన చేసిన ప్రభుత్వం.. నిర్ణయం తీసుకునే అధికారమే తమకు లేదని తాజాగా ప్రకటించడంతో కార్మికుల్లో ఆందోళన తీవ్రమవుతోంది. కార్మిక సంఘాలతో విభేదాల నేపథ్యంలో కార్మికులతో నేరుగా చర్చలు జరిపి సమ్మెను పరిష్కరించే అంశంపై అయినా ప్రభుత్వం పరిశీలించాల్సి ఉంది.
  
 పిల్లలతో పస్తులుంటున్న
 15 ఏళ్లుగా మున్సిపాలిటీలో పనిచేస్తున్న. జీతం చాలడం లేదని సమ్మెకు దిగాం. జీతం ఆగిపోయింది. పిల్లలతో పస్తులుంటున్న. నా భర్త చనిపోయాడు. కుటుంబ పోషణ భారం నాపైనే ఉంది. సఫాయి పనిచేస్తూ పిల్లలను సదివిస్తున్నా. ఇంటి అద్దె కట్టాలి. మార్కెట్ ఊడ్చితే వ్యాపారులు కూరగాయలు ఇచ్చేవారు. అవి కూడా రావడం లేదు.    
 - బాలమణి, పారిశుధ్య కార్మికురాలు, సంగారెడ్డి
  
 అప్పు కూడా పుట్టడం లేదు..
 జీతం రాక, అప్పు పుట్టక కుటుంబ పోషణ భారంగా మారింది. పస్తులతో కాలం గడుపుతున్నాం. పిల్లల చదువులకు డబ్బుల్లేక సర్కారు బడిలో వేశా.    
  -సునంద,పారిశుధ్య కార్మికురాలు,సంగారెడ్డి


 పారిశుధ్య కార్మికుల ధర్నాతో దద్దరిల్లిన కలెక్టరేట్
 వచ్చే నాలుగేళ్లు చుక్కలు చూపిస్తాం:సీపీఎం
 అన్ని మున్సిపాలిటీల వద్ద ధర్నాకు దిగుతాం : వైఎస్సార్ కాంగ్రెస్ పార్టీ
 పలువురు నేతలు, కార్మికుల అరెస్ట్
  
  పారిశుధ్య కార్మికుల ఆందోళనతో శుక్రవారం కలెక్టరేట్ దద్దరిల్లింది. తమ ఆకలి కేకలు ముఖ్యమంత్రి చంద్రబాబుకు పట్టడం లేదంటూ వీరంతా విరుచుకుపడ్డారు. ఆందోళనకు వైఎస్సార్ కాంగ్రెస్ పార్టీ, కాంగ్రెస్, ఆంధ్రా మేధావుల ఫోరం, ఇతర ప్రజాసంఘాలు మద్దతు తెలిపాయి. ఆందోళన ఉద్రిక్తతకు దారితీసింది.  కార్మికులు, వారికి మద్దతు తెలపడానికి వచ్చిన కార్మిక సంఘాలు, వామపక్ష నేతలను పోలీసులు అరెస్ట్ చేసి నగరంలోని పలు స్టేషన్లకు తరలించారు. ఈసందర్భంగా తోపులాటలో ఒకరు కిందపడిపోయారు.
  
 మహారాణిపేట:  పారిశుధ్య కార్మికుల ఆకలి కేకలతో శుక్రవారం కలెక్టరేట్ దద్దరిల్లింది. న్యాయమైన రెండు డిమాండ్లను పరిష్కరించమని గత 15 రోజులుగా సమ్మె చేస్తే అరెస్టులు చేయిస్తారా? అధికారంలోకి రాకముందు ఇచ్చిన హామీలను నెరవేర్చమని అడిగితే పోలీసులతో కొట్టిస్తారా? ఉద్యోగాల్లోంచి తీసేస్తామంటూ భయపెడతారా? చాలీచాలని జీతాలతో ఒక పూట మేమంతా పిల్లా పాపలతో పస్తులుంటే నువ్వు సింగపూర్, జపాన్ అధికారుల మైకంలో చక్కర్లు కొడతావా.. అంటూ పారిశుధ్య కార్మికులు ముఖ్యమంత్రి చంద్రబాబుపై విరుచుకుపడ్డారు. ప్రభుత్వానికి, ముఖ్యమంత్రికి వ్యతిరేకంగా పెద్దఎత్తున నినాదాలు చేశారు. చేతగాని సీఎం గద్దె దిగాలని డిమాండ్ చేశారు. కార్మికులు చేపట్టిన ఆందోళనకు వైఎస్సార్ కాంగ్రెస్ పార్టీ, కాంగ్రెస్, ఆంధ్రా మేధావుల ఫోరం, ఇతర ప్రజాసంఘాలు మద్దతు తెలిపాయి. ఈ సందర్భంగా వైఎస్సార్‌సీపీ రాష్ట్ర ప్రధాన కార్యదర్శి గొల్ల బాబూరావు మాట్లాడుతూ సింగపూర్ ప్రతినిధులకు, జపాన్ వ్యాపారులకు రెడ్ కార్పెట్ పరిచిన చంద్రబాబు పారిశుధ్య కార్మికులను చులకనగా చూస్తున్నారని విమర్శించారు. కార్మికుల ఆకలి కేకలు పట్టకపోవడం శోచనీయమని, వారి సమస్యలు మూడు రోజుల్లో పరిష్కరించకపోతే తమ పార్టీ అధ్యక్షుడు జగన్‌మోహన్‌రెడ్డి ఇచ్చిన పిలుపు మేరకు అన్ని మున్సిపాలిటీ కార్యాలయాల వద్ద ధర్నాలు చేపడతామని హెచ్చరించారు. ప్రభుత్వ ఉద్యోగులకు 43 శాతం ఫిట్‌మెంట్ ఇచ్చారు. ఆర్టీసీ కార్మికులు సమ్మె చేస్తే జీతాలు పెంచారు. పారిశుధ్య కార్మికులు ధర్నాలు, సమ్మెలు చేస్తే కనీసం చర్చలకు కూడా పిలవడం లేదంటే వీరంటే మీకెంత చిన్నచూపో అర్ధమవుతోందన్నారు.
 
  చంద్రబాబుకు మళ్లీ అదే గతి
  సీపీఎం రాష్ట్ర కార్యవర్గసభ్యుడు సిహెచ్.నర్సింగరావు మాట్లాడుతూ పారిశుధ్య కార్మికుల డిమాండ్లు పరిష్కరించకపోతే చంద్రబాబుకు గతంలో పట్టిన గతే మళ్లీ పడుతుందని హెచ్చరించారు. అతి కష్టం మీద ఏడాదిపాటు ప్రభుత్వాన్ని నడుపుకొచ్చారని, వచ్చే నాలుగేళ్లు చుక్కలు చూపిస్తామని హెచ్చరించారు. ఎమ్మెల్యే విష్ణుకుమార్‌రాజు ప్రలోభాలకు లోబడే గుర్తింపు యూనియన్ నాయకులు సమ్మె విరమిస్తున్నట్లు ప్రకటించారని, అయితే కార్మికులంతా ఏఐటీయూసీ, సీఐటీయూ సంఘాల వెంటే ఉన్నారన్నారు. ఆంధ్రా మేధావుల ఫోరం రాష్ట్ర అధ్యక్షుడు చలసాని శ్రీనివాస్ మాట్లాడుతూ ప్రభుత్వం ప్రకటనల కోసం ఖర్చు చేస్తున్న దాంట్లో ఒక  శాతం ఖర్చు చేసినా వీరి డిమాండ్లు నెరవేరుతాయన్నారు. ఈ కార్యక్రమంలో వైఎస్సార్‌సీపీ రాష్ట్ర అధికార ప్రతినిధి కొయ్య ప్రసాదరెడ్డి, రాష్ట్ర కార్యదర్శులు కంపా హనోక్, జాన్‌వెస్లీ, తిప్పల గురుమూర్తిరెడ్డి, రాష్ట్ర ప్రచార కార్యదర్శి జి.రవిరెడ్డి, సమన్వయకర్త తిప్పల నాగిరెడ్డి పాల్గొన్నారు.
  
  పలువురు నేతలు, కార్మికుల అరెస్ట్
  పారిశుధ్య కార్మికుల ఆందోళన ఉద్రిక్తతలకు దారితీసింది. ప్రభుత్వానికి, ముఖ్యమంత్రికి వ్యతిరేకంగా నినాదాలు చేయడంతో పోలీసులు రంగంలోకి దిగి ఐదు వ్యాన్‌లలో పారిశుధ్య కార్మికులు, వారికి మద్దతు తెలపడానికి వచ్చిన కార్మిక సంఘాలు, వామపక్ష నేతలను అరెస్ట్ చేసి నగరంలోని పలు స్టేషన్లకు తరలించారు. సీపీఎం రాష్ట్ర కార్యవర్గసభ్యుడు సీహెచ్ నర్సింగరావుతోపాటు, సీపీఎం నగర కార్యదర్శి బి.గంగారావు, సీఐటీయూ నగర నగర ప్రధాన కార్యవర్గ సభ్యుడు ఎం.జగ్గునాయుడు, సీపీఐ నగర కార్యదర్శి మార్కండేయులు, ఏఐటీయూసీ జిల్లా అధ్యక్షుడు ఎం.ఆనందరావు, మున్సిపల్ ఎంప్లాయీస్ యూని యన్ నేతలు పి.వెంకటరెడ్డి, ఎం.సుబ్బారావులతోపాటు సీపీఎం మద్దిలపాలెం జోన్ కార్యదర్శి మణి, వందలాదిమంది పారిశుధ్య కార్మికులు ఉన్నారు.


 - పార్టీ యూత్ జిల్లా అధ్యక్షుడు కళ్యాణ్‌రాజ్
 కాజీపేట రూరల్ : రాష్ట్ర ప్రభుత్వం పారిశుద్ధ కార్మికుల డిమాండ్లపై నిమ్మకు నీరెత్తినట్లుగా వ్యవ హరిస్తోందని మంగ ళవారం వైఎస్సార్‌సీపీ యువజన విభాగం జిల్లా అధ్యక్షుడు మునిగాల కళ్యాణ్‌రాజ్ ఆరోపించారు. కార్మికులు 16 రోజులుగా సమ్మె చేస్తుంటే పటి ట్టిం చుకోకపోవటం బాధాకరమన్నారు. వాడవాడలా చెత్త పేరుకుపోతోందని, ్రపజలు ఇబ్బం దులకు గురవుతున్నా ప్రభుత్వం మిన్నకుంద ని ఆరోపించారు. స్వప్రయోజనాల కోసం హైదరాబాద్‌లో పారిశుద్ధ కార్మికులకు వేతనాలు పెంచి మిగతా కార్మికులను పట్టించుకోవట్లేదన్నారు. ఇప్పటికైనా స్పందించి సమస్యలు పరిష్కరించాలని డిమాండ్ చేశారు.


 - పారిశుధ్య కార్మికుల డిమాండ్
 - కమిషనర్ బంగళా ముట్టడికి  యత్నం
 - అరెస్ట్ చేసిన పోలీసులు
 విజయవాడ సెంట్రల్ : సర్కార్ దిగివచ్చే వరకు పోరు సాగిస్తామని ఔట్‌సోర్సింగ్ కార్మికులు స్పష్టం చేశారు. డిమాండ్ల సాధన కోసం చేపట్టిన సమ్మెలో భాగంగా మంగళవారం నగరపాలక సంస్థ కమిషనర్ బంగ్లాను ముట్టడించేందుకు ప్రయత్నించారు. రాఘవయ్య పార్క్ నుంచి పెద్ద ఎత్తున ర్యాలీగా బయలుదేరారు. సబ్‌కలెక్టర్  కార్యాలయం వద్ద సిద్ధంగా ఉన్న పోలీసులు యూనియన్ నాయకుల్ని, కార్మికులను అడ్డుకున్నారు. ఈ సందర్భంగా పోలీసులు, కార్మికుల మధ్య తోపులాట జరిగింది.
 
 అప్పటికే సిద్ధంగా ఉంచిన వాహనాల్లో కార్మికుల్ని నెట్టి అరెస్ట్ చేశారు. వన్‌టౌన్, భవానీపురం పోలీస్ స్టేషన్లకు తరలించారు.యూనియన్ నాయకుడు ఆసుల రంగనాయకులు మాట్లాడుతూ కార్మికుల్ని భయభ్రాంతులకు గురిచేసే విధంగా ప్రభుత్వం వ్యవహరిస్తోందన్నారు. అరెస్ట్‌లతో ఉద్యమాన్ని ఆపలేరని హెచ్చరించారు. ఎన్నికల్లో ఇచ్చిన హామీలన్నింటినీ ముఖ్యమంత్రి చంద్రబాబు గాలికి వదిలేశారని విమర్శించారు. నగర మేయర్ కోనేరు శ్రీధర్ కార్మిక వ్యతిరేకిలా మాట్లాడటం సబబుకాదన్నారు. సమస్య పరిష్కారానికి టీడీపీ ప్రజాప్రతినిధులు కృషి చేయకపోవడం దురదృష్టకరమని ఆవేదన వ్యక్తం చేశారు. ఆందోళనలో మునిసిపల్ జేఏసీ నాయకులు ఉమామహేశ్వరరావు, ముజ్‌ఫర్, ఎం.డేవిడ్, జె.జేమ్స్ పాల్గొన్నారు.


 ♦  స్వీపర్ ఉద్యోగాలకు భారీ డిమాండ్
 ♦ ఒక్కో దానికి రూ.లక్ష వంతున వసూలు
 ♦ జీహెచ్‌ఎంసీ పారిశుద్ధ్య విభాగంలో అక్రమాలు
  
  సాక్షి, సిటీబ్యూరో : అన్నా రూ.50 వేలిస్తా.. కుదరు.్ద రూ.లక్ష కావాల్సిందే. అంత ఇచ్చుకోలేనన్నా.. రూ.70 వేలు చేసుకో.పోవయ్యా పో. ఇది వరకే లక్ష తీసుకునేటోళ్లం. అందులో పెద్దసార్లకు పోనూ నాకు మిగిలేది రూ.15 వేల నుంచి రూ. 20 వేలే. ఇప్పుడింక జీతాలు పెరిగినయ్ తెలుసుగా. ఏమనుకున్నావ్? రూ.2 లక్ష లు ఇస్తామని వస్తున్నారు.
 
  ... ఇదీ జీహెచ్‌ఎంసీలో పారిశుద్ధ్య కార్మిక ‘పోస్టు’ల రేటు. ఉద్యోగం కావాలని అడుగుతున్న వారికి.. కార్మికుల విధులను పర్యవేక్షించే ఎస్‌ఎఫ్‌ఏ (శానిటరీ ఫీల్డ్ అసిస్టెంట్)ల మధ్య జరుగుతున్న బేరం.
 
  .... సమ్మె సందర్భంగా విధులకు రాని కార్మికులను తొలగించి... కొత్త వారిని తీసుకుంటామని సీఎం కేసీఆర్, జీహెచ్‌ఎంసీ కమిషనర్ సోమేశ్ కుమార్ స్పష్టం చేయడంతో... ఈ పోస్టులకు డిమాండ్ భారీగా పెరిగింది. సాధారణ రోజుల్లోనూ రూ.50 వేల డిమాండ్ ఉన్న ఈ పోస్టులకు ఇప్పుడు రూ.లక్షకు త గ్గడం లేదు. జీతాల పెంపుతో బేరసారాలు జోరుగా సాగుతున్నాయి. పెరిగిన వేతనం మేరకు ఒక్కో కార్మికునికి/కార్మికురాలికి నెల వేతనం రూ.12,500. అంటే రూ.లక్ష వెచ్చించి... పనిలో చేరినా దాదాపు ఏడాదిపాటు  కష్టపడితే గానీ పెట్టుబడి రాదు. రెక్కలు ముక్కలు చేసుకునే పనికి  ఎందుకింత డిమాండ్ అంటే...
 
   పేరుకు 8 గంటలైనా... 2 గంటలు మాత్రమే పని చేస్తారు. మిగతా సమయంతా వేరే పని చేసుకోవచ్చు. ఎస్‌ఎఫ్‌ఏ అండదండలు ఉంటాయి కనుక అడిగే వారుండరు.  
 
   కొంతమంది బినామీలను పెట్టుకుంటారు. వచ్చే వేతనంలో రూ.4 వేల నుంచి 5 వేలు మాత్రం వారికి ఇస్తారు. మిగతాదంతా వీరికి ఉచితంగా అందుతున్నట్లే. ఈఎస్‌ఐ, పీఎఫ్ వంటి సదుపాయాలన్నీ తమ పేరిటే ఉంటాయి.
 
   ఇంకో తరహా వారున్నారు. రెండు చోట్ల ఔట్‌సోర్సింగ్ లో పని చేస్తుంటారు. అలా ఈ వేతనం వారికి అదనం.
 
   ఎస్‌ఎఫ్‌ఏ.. వారిపైన ఉండే ఏఎంఓహెచ్ (అసిస్టెంట్ మెడికల్ ఆఫ్ హెల్త్)/ డిప్యూటీ కమిషనర్ వంటి వారి అండదండలతో పనిచేసేది ఒకే షిప్టులో అయినా రెండు షిప్టుల్లో పేరుంటుంది. రెండు వేతనాలు అందుతాయి. వాస్తవానికి ఏ షిప్టులోనూ పనిచేయకుండా బినామీలను పెడుతూ వేతనాలు పొందుతుంటారు.
 
   సాధారణ షిప్టుల్లో కాకుండా సర్కిల్‌కు ఒక మొబైల్ బృందం ఉంటుంది. అత్యవసర సమయాల్లో.. పండుగల సందర్భాల్లో ఎక్కువ చెత్త పేరుకుపోయినప్పుడు ఎక్కడ అవసరమైతే అక్కడ పనిచేసే బృందమన్న మాట. వీరు పనిచేసేదే అరుదు. వీరసలు ఎక్కడ ఉంటారో .. ఏం పనిచేస్తారో ఎస్‌ఎఫ్‌ఏ/ఏఎంఓహెచ్‌లకు మాత్రమే తెలుసు.
 
   మరికొందరి పద్ధతి వేరు. ఒక ఏరియాలో పారిశుద్ధ్య కార్మికునిగా నమోదై ఉంటారు. అదే ప్రాంతంలో సొంత దుకాణం/వ్యాపారం నిర్వహిస్తుంటారు. ఎప్పుడైనా.. ఎవరైనా తనిఖీలకు వస్తే ‘ఇక్కడే ఉన్నా’.. అంటూ పరుగున వచ్చేస్తారు.
 
  .... ఇలా చెప్పుకుంటూ పోతే ఈ వ్యవస్థలోని లొసుగులకు అంతే లేదు. వీటి గురించి పూర్తిగా తెలిసేది ఎస్‌ఎఫ్‌ఏకే కనుక ఆయనను మచ్చిక చేసుకుంటే చాలు... పని ‘సులువైపోతుంది.’  
 
  .... ఎస్‌ఎఫ్‌ఏలంటే వీరికంటే పెద్ద అర్హతలున్నవారు కాదు. కార్మికుల్లో ఒకరిని ఎస్‌ఎఫ్‌ఏగా నియమిస్తారు. గ్రూపులో ఏడుగురు సభ్యులు ఉంటారు. ఇలాంటి మూడు బృందాల పనిని ఎస్‌ఎఫ్‌ఏ పర్యవేక్షిస్తాడు. మిగిలిన వారికంటే రూ.వెయ్యి అదనంగా ఇస్తారు.   వీరి వైభోగం చెప్పనలవి కాదు. త న పరిధిలోని మూడు గ్రూపుల్లో ఉండాల్సిన 21 మంది కార్మికుల్లో ఒక్కరోజూ పూర్తి స్థాయిలో విధులకు హాజరు కారు. 14 లేదా 15 మంది మాత్రమే ఉంటారు. మిగిలిన వారు రాకపోయినా పూర్తి హాజరు వేస్తారు. ఆ జీతాలు ఆయనే అందుకుంటాడు. అందులో ఏఎంఓహెచ్‌లు/డీఎంసీలకు వాటాలు చెల్లిస్తారు. అంతేకాదు.
 
  ఎస్‌ఎఫ్‌ఏల ఇబ్బందులివీ...
  ఇక ఎస్‌ఎఫ్‌ఏగా కొనసాగాలంటే ఏఎంఓహెచ్/ డీఎంసీ/ ఇతరత్రా ‘పెద్దసార్లు’ చెప్పిన పని చేయాలి. విధుల్లోలేని ఆరేడుగురికి హాజరు వేసినందుకు ఆ జీతాల్లో వాటాలు పంచాలి. కొందరు తమ ఇంటికి అవసరమయ్యే మాంసం/చేపలు వంటి వాటితోపాటు సీజన్‌ను బట్టి పండ్లు తదిరమైనవి సరఫరా చేయాలి. ఆదివారాల్లో ఈ కోటాలు అదనం. కార్పొరేటర్ల హయాంలో వారి కోసం ఏర్పాటు చేసుకున్న గ్రూ పులు కాగి తాల మీదే ఉండేవి. గ్రూపులోని కార్మికుల వేతనాలన్నీ కార్పొరేటర్లకు, అధికారులకు, ఎస్‌ఎఫ్‌ఏలకు వెళ్లేవి.
 
  పెద్దల కనుసన్నల్లోనే...
  ఈ సంగతి తెలియదా అంటే... అందరికీ తెలుసు. కానీ చర్యల్లేవు. ఎవరి అవసరాలు వారివి. గట్టిగా అడ్డుకుందామంటే సచివాలయం స్థాయి నుంచి ఆదేశాలు. స్థానిక ఎమ్మెల్యేల నుంచి హుకుంలు. వీరిలో దాదాపు 20 శాతం నియామకాలు వారి సిపాసులతో జరిగేవే. అందుకే తమ అనుచరుల కోసం.. వారి సంబంధీకుల కోసం వారే ఫోన్లు చేసి ఈ పోస్టులు ఇప్పిస్తారు.
 
  రాకపోయినా వచ్చినట్టే...
   తాజా సమ్మె నేపథ్యంలో ధర్నాలో పాల్గొన్నప్పటికీ పలువురు విధుల్లో ఉన్నట్టు హాజరు నమోదైంది.
 
   తొలగింపు హెచ్చరికల నేపథ్యంలో విధుల్లో ఉన్న వారి పేర్ల కోసం భారీ డిమాండ్ పలుకుతోంది. ఉద్యోగం ఉండాలంటే... ఎలాగైనా హాజరు వేయాల్సిందిగా వేడుకుంటున్నారు. మరో రకం దందా నడుస్తోంది. కార్మికుల  పేర్లు వేసేదీ.. తీసేది ఎస్‌ఎఫ్‌ఏలే కనుక ఇప్పటికే బోగస్‌లుగా ఉన్నవారి స్థానంలో తమను నియమించాల్సిందిగా పలువురు వారి వెంట పడుతున్నారు. సమ్మె సందర్భంగా ఎలాగైనా ఎక్కువ మందిని విధుల్లోకి రప్పించాల్సిందిగా పైనుంచి ఆదేశాలు అందడంతో.. ఎవరు పడితే వారిని పనిలోకి తెచ్చారు. అసలు కార్మికుల స్థానే అందుబాటులో ఉన్నవారిని వినియోగించారు. ‘ఇప్పుడు మీకు ఉద్యోగం ఖాయమవుతుంద’ం ంటూ వారి నుంచీ లంచాలు డిమాండ్ చేస్తున్నట్లు తెలుస్తోంది.
 
   కార్మికులు వీధులు శుభ్రపరచినట్లు కార్పొరేటర్లు ధ్రువీకరించాలని గతంలో ఓ తీర్మానం చేశారు. నిజంగా వీధులు శుభ్రపడేందుకు కాదు. కార్పొరేటర్ల జేబులు నిండేందుకు. పని చేయని వారిని చూసీ చూడనట్లు వదిలేసేందుకు. అదనపు వాటా కోసం. ఇవన్నీ బహిరంగ విషయాలే. చర్చల సందర్భాల్లో వెల్లడైన అంశాలు. అయినప్పటికీ అధికారులకు కనిపించదు. ఎవరిపైనా చర్యలుండవు. ఎందుకంటే వారే సమాధానం చెప్పాల్సి వస్తుంది. అదీ కథ.
 
  జేబుల్లోకి జీహెచ్‌ఎంసీ డబ్బు
  బోగస్‌లు, డూప్లికేట్లు.. ఇతరత్రా దాదాపు 5 వేల మందికి పని చేయకుండానే వేతనాలు అందుతున్నాయి. ఈ మొత్తం వ్యక్తుల జేబుల్లోకి వెళుతోంది. నెలకు సగటున ఒక్కొక్కరి వేతనం రూ.8 వేలుగా లెక్కించుకున్నా రూ.4 కోట్ల వరకూ జీహెచ్‌ఎంసీ సొమ్ము రాబందుల పాలవుతోంది.
  
  మూన్నాళ్ల ముచ్చటే..  
  అవకతవకల నిరోధానికి... కార్మికులు ఎక్కడ విధులు నిర్వహిస్తున్నారు? ఏ వీధిలో చెత్త ఎంత ఉంది? అనే అంశాలను కార్యాలయాల్లోని కంప్యూటర్ల నుంచే ఉన్నతాధికారులు వీక్షించేలా ప్రవేశపెట్టిన ఓఎస్సార్టీ సాంకేతిక విధానాన్ని అటకెక్కించారు. హాజరు కోసం బయోమెట్రిక్‌ను అట్టహాసంగా ఒక సర్కిల్‌లో ప్రారంభించారు. అదీ అతీగతీ లేకుండా పోయింది. ఇలా .. ఏ సాంకేతిక పరిజ్ఞానాన్ని అందుబాటులోకి తెచ్చినా వెంటనే అటకెక్కిస్తారు. ఎందుకంటే... వాటి వల్ల అందరికీ నష్టమని.
  
   అధికారం వారిదే...
  గ్రూపులో ఎవరైనా నచ్చకపోతే తొలగిస్తారు. తొలగింపు.. నియామక అధికారాలు వీరివే. కొత్తగా నియమించుకున్నవారి నుంచి వారి అవసరం.. ఆయన దర్పాన్ని బట్టి కనిష్టంగా రూ.50 వేల నుంచి ఎంత వీలైతే అంత ఎక్కువగా దండుకుంటాడు. మహిళా కార్మికులపై కన్నేస్తే సతాయింపులు మామూలే. తమ మాట వినని వారిని ఏదో వంకతో తప్పిస్తారు. కుటుంబ పరిస్థితులు, ఆర్థికావసరాలతో చాలా విషయాలను బాధితులు వెల్లడించరు. నెలనెలా వేతనాల్లోనూ మొత్తం జీతం కార్మికులకు అందదు. వారి ఏటీఎం కార్డులు ఎస్‌ఎఫ్‌ఏల వద్దే ఉంటాయి. కేవలం జీతం డబ్బులు డ్రా చేసేందుకు కార్మికులనూ యంత్రాల్లానే వినియోగించుకుంటారు. వచ్చే మొత్తంలో రూ.వెయ్యి, రూ.రెండు వేలు తగ్గించి ఇస్తారు. ఇంతటి ‘అధికారాలున్న’ ఎస్‌ఎఫ్‌ఏ పోస్టులకు మరింత డిమాండ్ ఉంటోంది. ప్రస్తుతం కనిష్టంగా రూ.2 లక్షలు పలుకుతున్నాయి.  
  
  పక్కాగా ఉండాలని...
  వివిధ విభాగాల్లో సంస్కరణలకు శ్రీకారం చుట్టిన కమిషనర్, స్పెషలాఫీసర్ సోమేశ్‌కుమార్ విధుల్లోని కార్మికుల వివరాలను ఆయా వీధుల్లో బోర్డులపై ఏర్పాటు చేస్తామని ప్రకటించారు. ఎవరైనా... ఏ వీధినైనా శుభ్రపరచకుంటే సంబంధిత అధికారికి ఫిర్యాదు చేసేలా ఫోన్ నెంబర్లు అందుబాటులో ఉంచుతామన్నారు. దీనిపైఎందుకనో పెద్దగా శ్రద్ధ చూపలేదు. ప్రస్తుతం ఈ వ్యవస్థపై సీరియస్‌గా ఉన్నారు. ఆధార్ అనుసంధానంతో సహా బయోమెట్రిక్, బ్యాంకు అకౌంట్లు తదితరమైనవన్నీ పక్కాగా అమలు చేస్తామంటున్నారు.
  
  మాయల్లో మచ్చుకు కొన్ని..
  సర్కిల్-9లో ఒక పారిశుద్ధ్య కార్మికుడు కొంతకాలం క్రితం మరణించాడు. పీఎఫ్ డబ్బులు, దహన సంస్కారాల కోసం ఇచ్చే ఖర్చుల కోసం కుటుంబ సభ్యులు దరఖాస్తు చేసుకుంటే... కార్మికుడు మరణించలేదని, అతని పేరిట ఎలా ఇస్తామని అధికారులు ఎదురు ప్రశ్నించారు. మరణించాక దాదాపు ఏడు నెలలపాటు ఆయన పేరిట నెలనెలా పీఎఫ్ జమవుతోందన్నారు. అంటే విధుల్లో ఉన్నట్లే లెక్క. పీఎఫ్ జమ అయిందంటే నెలనెలా వేతనం కూడా పొందాడు. మరి ఈ మొత్తం ఎవరి జేబుల్లోకి వెళ్లింది..? మరణించినప్పటికీ ఆయన ఎలా జీవించగలిగాడో సంబంధిత అధికారులకే తెలియాలి.
 
  కంచన్‌బాగ్ పరిసరాల్లోని ఒక కేంద్ర ప్రభుత్వ రంగ సంస్థలో స్వీపర్‌గా ఔట్‌సోర్సింగ్‌పై పని చేస్తున్న ఓ వ్యక్తి జీహెచ్‌ఎంసీ పారిశుద్ధ్య గ్రూపుల్లోనూ స్వీపర్‌గా వేతనాలు పొందుతున్నాడు. ఏళ్ల తరబడి ఈ తంతు సాగుతోంది. ఉదయం 6 నుంచి మధ్యాహ్నం 2 గంటల వరకు షిప్టు అయినప్పటికీ.. ఎస్‌ఎఫ్‌ఏ చలువతో ఉదయం 8 గంటలకు వెళ్లిపోయి... 10 గంటల నుంచి ప్రభుత్వరంగ సంస్థలో పని చేస్తాడు.


 వినాయక్‌నగర్ : వేతనాలు పెంచాలని, సమస్యలను పరిష్కరించాలని డిమాండ్ చేస్తూ పారిశుధ్య కార్మికులు సాగిస్తున్న సమ్మెకు వైఎస్‌ఆర్ సీపీ సంపూర్ణ మద్దతునిస్తున్నదని ఆ పార్టీ జిల్లా అధికార ప్రతినిధి గైనికాడి విజయలక్ష్మి చెప్పారు. సమ్మెకు మద్దతుగా వామపక్షాలు శుక్రవారం ఇచ్చిన బంద్ పిలుపునకు ఆమె సంఘీభావం తెలిపారు. మున్సిపల్ కార్యలయం వద్ద ధర్నా చేస్తున్న కార్మికుల వద్దకు వైఎస్‌ఆర్ సీపీ నాయకులు, కార్యకర్తలతో కలిసి ఆమె ర్యాలీగా వెళ్లి  మద్దతు తెలిపారు. ధర్నానుద్దేశించి ఆమె మాట్లాడుతూ.. పరిసరాలను పరిశుభ్రంగా తీర్చిదిద్దే కార్మికుల సమస్యలను పరిష్కరించడంలో సీఎం విఫలమయ్యారని విమర్శించారు.
 
 కార్మికుల డిమాండ్లను నెరవేర్చడం ద్వారా సమ్మెను విరమించేందుకు ప్రయత్నించకుండా వారితోపాటు వారి నాయకుల అరెస్టును తీవ్రంగా ఖండించారు. కార్యక్రమంలో యువజన విభాగం జిల్లా అధ్యక్షుడు కాదేశి నవీన్, సేవాదళ్ విభాగం జిల్లా అధ్యక్షుడు నాగుల ప్రమోద్, బీసీ విభాగం జిల్లా అధ్యక్షుడు రాచమల్లు మల్లేష్, ఉపాధ్యాయ విభాగం జిల్లా అధ్యక్షుడు డిఎల్‌ఎన్.చారి, నగర అధ్యక్షుడు మొపాల్ జితేందర్‌రెడ్డి, నాయకులు రాజు, శ్రీధర్, గిరిబాబు, రా జేందర్, లక్ష్మి, సోని, రాధిక, యమున, గం గ, సరస్వతి, యమున, మున్నీ పాల్గొన్నారు.


 ♦ పోలీసులు, పారిశుద్ధ్య కార్మికుల మధ్య తోపులాట
 ♦ పలువురి అరెస్టు
 ♦  స్టేషన్ ఎదుట ఆందోళనకు దిగిన కార్మికులు
  
  మేడ్చల్ : పారిశుద్ధ్య కార్మికులకు మద్దతుగా వామపక్షాలు పిలుపునిచ్చిన బంద్ మేడ్చల్‌లో ఉద్రిక్తతకు దారి తీసింది. ఆందోళనకారులు, పోలీసుల మధ్య తోపులాట జరగడంతో పలువురి కార్మికులను అరెస్టు చేశారు. వివరాలిలా ఉన్నాయి.. పారిశుద్ధ్య కార్మికుల సవుస్యలు, సమ్మెపై ప్రభుత్వం అనుసరిస్తున్న తీరును నిరసిస్తూ సీఐటీయూ, ఏఐటీయుూసీ నాయుకులు శుక్రవారం పట్టణ బంద్‌కు పిలుపునిచ్చాయి. ఉదయుం నుంచి పట్టణంలో కార్మికులు పలు దుకాణాలను వుూసివేరుుంచారు.
 
 అనంతరం ర్యాలీగా బస్ డిపో వద్దకు చేరుకున్న వీరికి కాంగ్రెస్, సీపీఎం, సీపీఐ నాయకులు మద్దతు తెలిపారు. సమాచారం అందుకున్న పోలీసులు డిపో వద్దకు చేరుకుని ఆందోళన విరమించాలని తెలుపడంతో కార్మిక నాయుకులు ససేమిరా అనడంతో పోలీసులు, ఆందోళనకారులకు వుధ్య వాగ్వాదం చోటు చేసుకుంది. దీంతో ఆగ్రహించి పోలీసులు వారిని అరెస్టు చేసేందుకు యుత్నించగా.. వీరి మధ్య తోపులాట జరిగింది. పోలీసులు కార్మిక నాయుకులను బలవంతంగా స్టేషన్‌కు తరలించారు.
 
  పోలీస్‌స్టేషన్ ఎదుట ఆందోళన
  కార్మిక నాయుకులను పోలీసులు అరెస్టు చేయడాన్ని నిరసిస్తూ కార్మికులు పోలీస్‌స్టేషన్ ఎదుట ఆందోళనకు దిగారు. శాంతియుుతంగా నిరసన తెలుపుతున్న తమ నాయకులను అరెస్టు చేయడంపై వారు ఆగ్రహం వ్యక్తం చేశారు. తమ నాయకులను విడుదల చేయూలని డివూండ్ చేశారు. అయితే  ఆందోళన విరమించకుంటే.. మిమ్మల్నికూడా అరెస్టు చేస్తామని పోలీసులు హెచ్చరించడంతో ఆందోళనకారులు వెనక్కు తగ్గారు. కార్యక్రవుంలో సీటీయూ నాయుకులు అశోక్, ప్రభాకర్, ఏఐటీయుూసీ నాయుకులు కృష్ణవుూర్తి, ఆంజనేయుులు, కాంగ్రెస్ నాయుకులు బాలవుల్లేష్, సుధాకర్‌రెడ్డి, సంతోష్, కార్మికులు భిక్షపతి, సత్తయ్యు, బాలవుణి తదితరులు పాల్గొన్నారు. కాగా.. సొంత పూచీ కత్తుపై కార్మికుల నాయకులను పోలీసులు విడుదల చేశారు.
  
  మున్సిపల్ కార్మికుల రాస్తారోకో
  తాండూరు : మున్సిపల్ కార్మికుల సమస్యలు పరిష్కరించడంలో ప్రభుత్వ వైఖరిని నిరసిస్తూ శుక్రవారం ఏఐటీయూసీ, మున్సిపల్ కాంట్రాక్ట్ వర్కర్స్ యూనియ న్ ఆధ్వర్యంలో కార్మికులు, యూనియన్ నాయకులు రాస్తారోకో నిర్వహించారు. పట్టణంలోని ఇందిరాచౌక్‌లో సుమారు గంటకుపైగా నిర్వహించిన రాస్తారోకోతో వాహనాల రాకపోకలకు తీవ్ర అంతరాయం ఏర్పడింది. ఈ సందర్భంగా  డీసీసీబీ మాజీ చైర్మన్ లక్ష్మారెడ్డి, కౌన్సిల్ కాంగ్రెస్ ఫ్లోర్ లీడర్ సునీత, కౌన్సిలర్లు లింగదళ్లి రవికుమార్, ఎం శ్రీనివాస్, డీసీసీ ఉపాధ్యక్షులు సీసీఐ రాములతో పాటు పలువురు సీపీఐ నాయకులు మద్దతు పలికి రాస్తారోకోలో పాల్గొన్నారు.
 
 ఈ సందర్భంగా ఏఐటీయూసీ జిల్లా ఉపాధ్యక్షులు జనార్దనరెడ్డి మాట్లాడుతూ కాంట్రాక్టు కార్మికుల పట్ల ప్రభుత్వం మొండిగా వ్యవహరిస్తోందన్నారు.  ఎన్నికల ఉన్నందున జీహెచ్‌ఎంసీ కార్మికులకు వేతనాలు పెంచి, మిగితా మున్సిపాలిటీ కార్మికులకు పెంచకపోవడాన్ని తప్పుబట్టారు. తాండూరు మున్సిపల్ కాంట్రాక్టు వర్కర్క్ యూనియన్ అధ్యక్షుడు అరవింద్‌కుమార్ మాట్లాడుతూ కార్మికుల పట్ల ప్రభుత్వం కక్ష సాధింపు చర్యలకు పాల్పడుతున్నందని విమర్శించారు.
 
 కార్మికుల డిమాండ్లు నెరవేరే వరకు తాము అండగా ఉంటామని డీసీసీబీ మాజీ చైర్మన్ లక్ష్మారెడ్డి చెప్పారు. కార్యక్రమంలో మాజీ మార్కెట్ కమిటీ చైర్మన్ మహిపాల్‌రెడ్డి, నాయకులు శ్రీనివాసాచారి, సంతోష్‌గౌడ్, కార్మికులు పాల్గొన్నారు. కాగా.. ఆందోళన చేస్తున్న  వారిలో 12 మందిని అరెస్టు చేసి, కేసు నమోదు చేశామని, అనంతరం వ్యక్తిగత పూచీకత్తుపై వారిని విడుదల చేశామని ఎస్‌ఐ నాగార్జున చెప్పారు.


 ఆల్విన్ కాలనీ: పారిశుద్ధ్య కార్మికులపై తెలంగాణ ప్రభుత్వం వివక్ష చూపడం సరికాదని వైఎస్సార్ సీపీ రంగారెడ్డి జిల్లా అధ్యక్షుడు సురేష్‌రెడ్డి అన్నారు. సమ్మె విరమించి విధుల్లో చేరిన వారికే జీతాలు పెంచుతామని... లేనివారిని వెంటనే తొలగించాలని ముఖ్యమంత్రి కేసీఆర్ తీసుకున్న నిర్ణయం సరికాదన్నారు. కార్మిక సంఘాలు తలపెట్టిన బంద్ సందర్భంగా వైఎస్సార్ సీపీ ఆధ్వర్యంలో కూకట్‌పల్లి- ముంబయి జాతీయ రహదారిపై శుక్రవారం రాస్తారోకో నిర్వహించారు. ఆర్టీసీ బస్సులను అడ్డుకున్నారు. అనంతరం హైవేలోని జాతిపిత విగ్రహానికి వినతిపత్రం అందించి... రాష్ట్ర ప్రభుత్వానికి మంచిబుద్ధిని ప్రసాదించాలని వేడుకున్నారు. ఈ సందర్భంగా సురేష్‌రెడ్డి మాట్లాడుతూ కార్మికుల సమస్యలను పరిష్కరించకపోవడం భావ్యం కాదన్నారు. పారిశుద్ధ్య కార్మికులకు ప్రతినెలా సక్రమంగా సబ్బులు, మాస్క్‌లు, నూనె, యూనిఫారాలు ఇవ్వాలని కోరారు. కార్యక్రమంలో రాష్ట్ర క్రిస్టియన్ మైనార్టీ సెల్ అధ్యక్షుడు జార్జ్ హెర్బట్, రాష్ట్ర వైఎస్సార్ సీపీ కార్యదర్శి గోపాల్‌రావు, మల్కాజ్‌గిరి పార్లమెంట్ అధ్యక్షురాలు వనజ, సెక్రటరీ మేక అరుణ, నేతలు శివారెడ్డి, రామకృష్ణారెడ్డి, ఆనంద్, విఘ్నేష్, సూరి, రాజశేఖర్, విజయభాస్కర్, నారాయణమ్మ, వేణు, సాయి, శ్రీధర్, మహేష్ తదితరులు పాల్గొన్నారు.
 
  కక్ష వద్దు...
  బౌద్ధనగర్: మున్సిపల్ కార్మికులపై కక్ష సాధించడం సీఎం కేసీఆర్‌కు తగదని ఎమ్మార్పీఎస్ వ్యవస్థాపక అధ్యక్షుడు మంద కృష్ణ మాదిగ అన్నారు. శుక్రవారం పార్శిగుట్టలోని ఎమ్మార్పీఎస్ రాష్ట్ర కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. వేతనాల పెంపును హైదరాబాద్‌కు పరిమితం చేసిన కేసీఆర్ కార్మికుల  ఐకమత్యాన్ని దెబ్బ తీయడానికి కుట్ర పన్నుతున్నారని అన్నారు. పెంచిన వేతనాలను అందరికీ వర్తింపజేయాలని కోరారు. ఈ సమావేశంలో బీఎన్ రమేష్ కుమార్ మాదిగ, కె.సత్యనారాయణ, వీఎస్ రాజు, ఎ.రాజేశ్ మాదిగ, లింగస్వామి, సత్యనారాయణ మాదిగ తదితరులు పాల్గొన్నారు.
 
  సీఎం స్థాయి వ్యాఖ్యలు కావు
  సాక్షి,సిటీబ్యూరో: జీహెచ్‌ఎంసీ కార్మికుల సమ్మె వెనుక ఆంధ్రాకు చెందిన కొన్ని పార్టీల నాయకుల హస్తం ఉందని సీఎం కేసీఆర్ ఆరోపించడం అన్యాయమని తెలంగాణ మున్సిపల్ వర్కర్స్ అండ్ ఎంప్లాయీస్ యూనియన్‌అధ్యక్షుడు కమర్‌అలీ, ప్రధాన కార్యదర్శి పాలడుగు భాస్కర్‌లు ఒక ప్రకటనలో పేర్కొన్నారు. ప్రజల సెంటిమెంట్‌ను ఉపయోగించుకొని సమస్యలను పక్కదారి పట్టిస్తున్నారని ఆరోపించారు. జీతాల పెంపు క్రెడిట్ త మకే దక్కాలని కొన్ని సంఘాలు కార్మికులను తప్పుదోవ పట్టించి సమ్మెకు ఉసిగొల్పాయని ముఖ్యమంత్రి అనడం ఆయన స్థాయికి తగదని అభిప్రాయపడ్డారు. ఏటా వెయ్యి ఇళ్లు కట్టిస్తామంటున్న సీఎం.. జీహెచ్‌ఎంసీ కార్మికులందరికీ ఇళ్లు కట్టించాలంటే 26 ఏళ్లు పడుతుందన్నారు. ఉద్యోగులు, ఆర్టీసీ కార్మికుల కంటే ఎక్కువగా మున్సిపల్ కార్మికులకు జీతాలు పెంచామనడం అబద్ధమన్నారు.  
  


 హైదరాబాద్ : పారిశుద్ధ్య కార్మికుల సమస్యలను పరిష్కరించాలని డిమాండ్ చేస్తూ వామపక్షాల పిలుపుతో తెలంగాణలో బంద్ కొనసాగుతోంది. ప్రభుత్వ వైఖరిని నిరసిస్తూ శుక్రవారం హైదరాబాద్లోని ఎంజీబీఎస్ వద్ద సీపీఐ నేతలు బైఠాయించారు.
 
 ఈ సందర్భంగా సీపీఐ నేతలు తమ్మినేని వీరభద్రం, చాడా వెంకటరెడ్డి మాట్లాడుతూ ప్రభెత్వం పారిశుద్ధ్య కార్మికుల జీవితాలతో చెలగాటం ఆడుతోందని మండిపడ్డారు.  కార్మికులందరికీ వేతనాలు పెంచాల్సిందేనని, వారి డిమాండ్లు పరిష్కారం అయ్యేవరకూ తమ ఆందోళన కొనసాగుతుందన్నారు. కాగా ఆందోళన చేస్తున్న సీపీఐ నేతలు తమ్మినేని వీరభద్రం, గోవర్థన్, ఎండీ గౌస్ తో పాటు పలువురిని పోలీసులు అరెస్ట్ చేసి అఫ్జల్ గంజ్ చేశారు. ఇక చాడా వెంకటరెడ్డి సహా మరో30మందిని అరెస్ట్ చేసి గోషా మహల్ పోలీస్ స్టేషన్, ఐఎఫ్టీయూ నేతలు అనురాధా, నరేంద్రలను చిక్కడపల్లి పోలీస్ స్టేషన్ లకు తరలించారు.


 కందకుర్తి, సాక్షి బృందం : పుష్కర అమావాస్యను పురస్కరించుకుని గోదావరి నదిలో పవిత్ర స్నానాలు ఆచరించేందుకు గురువారం కందకుర్తికి భక్తులు పెద్ద సంఖ్య లో తరలి వచ్చారు. భక్తుల అవసరాల మేరకు అధికారులు సౌకర్యాలు కల్పించారు. బోధన్ ఆర్‌డీఓ శ్యాంప్రసాద్‌లాల్, డీఎస్‌పీ రాంకుమార్, నిజామాబాద్ డీఎస్‌పీ గ ంగాధర్‌లు ఏర్పాట్లను పర్యవేక్షించారు. పుష్కరాల జిల్లా బాధ్యులు, బాల కార్మిక నిర్మూలన ప్రాజెక్టు అధికారి ఎం సుధాకర్, డీఎంఅండ్‌హెచ్‌ఓ బసవేశ్వరీ త్రివేణి సంగమ క్షేత్రాన్ని. ఇక్కడ దాదాపు 20 వేల మంది భక్తులు పుణ్యసాన్నాలు ఆచరించారు.
 
  నది స్నానాలకే భక్తుల పరుగు
  కందకుర్తి త్రివేణి పుష్కర క్షేత్రంలో గోదావరి నదీ తీరాన నిర్మించిన నాలుగు ఘాట్ల వద్ద కూడా షవర్లు ఏర్పాటు చేశారు. కానీ, భక్తులు నది సాన్నాలకే ప్రాధాన్యం ఇ చ్చారు. దీంతో షవర్లు వెలవెలబోయాయి. నదిలో నీటి సదుపాయం కల్పించేందుకు అధికారులు నానా పాట్లు పడ్డారు. కిలోమీటరు దూరంలో ఉన్న సంగమేశ్వరాలయం వద్ద ఉన్న పెద్ద గుంత నుంచి కాలువల ద్వారా నీటిని ఘాట్ల వద్దకు మళ్లించారు. ఇందుకోసం ఒకటవ ఘాట్ సమీపంలో ఇసుకతో అడ్డుకట్ట వేశారు. మళ్లించిన నీళ్లు ఘాట్ల అంచు వరకు చేరే విధంగా చర్యలు తీసుకున్నారు.
 
  పారిశుద్ధ్యంపై అప్రమత్తం
  ఘాట్ల వద్ద, నదిలోపల భక్తులు సాన్నాలు చేసే చోట పారిశుద్ధ్యం లోపించకండా అధికారులు చర్యలు చేపట్టారు. అగ్నిమాపక శాఖ సిబ్బంది ఎప్పటికప్పుడు నీ టితో ఘాట్లను శుభ్రం చేశారు. పారిశుద్ధ్య కార్మికులు ఎప్పటికప్పుడు చెత్తాచెదారాన్ని తొలగిస్తున్నారు.
 
  వైద్య సేవలు
  పుష్కర క్షేత్రంలో తెలంగాణ జాగృతి సంస్థ ఆధ్వర్యంలో ఉచిత వైద్య శిబిరం ఏర్పాటు చేశారు. జిల్లా వైద్యరోగ్య శాఖ నుంచి కూడా శిబిరం ఏర్పాటు చేసి వైద్య సిబ్బ ందిని అప్రమత్తంగా ఉంచారు.
 
  స్వచ్చంద సేవలు
  సత్యసాయి సేవా సమితి, బోధన్‌కు చెందిన విద్యావికాస్ జూనియర్ కళాశాల ఎన్‌సీసీ విద్యార్థులు, ఆర్‌ఎస్‌ఎస్ స్వయం సేవకులు భక్తులకు సేవలందిస్తున్నారు. సత్య సాయి సేవ సమితికి 250 మంది వంతులవారీగా పని చేస్తున్నారు. జిల్లా పౌర సంబంధాల శాఖ అధ్వర్యంలో వనదుర్గ ఆలయం వద్ద సాంస్కృతి కార్యక్రమాల ద్వారా సంక్షేమ పథకాల పై అవగాహన కల్పిస్తున్నారు. పోలీసు, రెవెన్యూ శాఖల అధ్వర్యంలో భక్తులను పుష్కర క్షేత్రం నుంచి బస్టాండ్ వరకు వృద్ధులు, వికలాంగులను తర లించేందుకు ప్రత్యేక వాహనం ఏర్పాటు చేశారు. పోలీసులు వారికి సహాయం అందిస్తున్నారు. వనదుర్గ ఆలయం సమీపంలో ఇందూరు పుష్కర సమితి అధ్వర్యంలో ఏ ర్పాటు చేసిన నిత్యాన్నదాన శిబిరానికి భక్తులు వెళ్లేందుకు అధికారులు వాహనం ఏర్పాటు చేశారు.
  
  అడుగడుగున పోలీసు నిఘా
  కందకుర్తి పుష్కర క్షేత్రంలో పోలీసు శాఖ భారీ బందోబస్తు ఏర్పాటు చేసింది. షవర్లు వదిలి నదిలో సాన్నాలకు భక్తులు ఆసక్తి చూపడంతో పోలీసులు నదిలో అడుగడుగనా నిఘా ఏర్పాటు చేశారు. భక్తులు ఫొటోలు తీయకుండా, వీడియో చిత్రీకరించకుండా నిషేధం విధించారు. ఈ క్రమంలోనే నలుగురు అకతాయి యువకులను పోలీ సులు అదుపులోకి తీసుకున్నారు. బోధన్ సీఐ శ్రీనివాస్ నేతృత్వంలో 20 మంది పోలీసుల బృందం బందోబస్తులో పాల్గొన్నారు. భక్తులు సాన్నాలు చేసే పలుచోట్ల మ హిళా పోలీసులను నియమించారు. అంగన్‌వాడీ టీచర్లను ఘాట్ల పర్యవేక్షణకు నియమించారు.


 వైఎస్సార్ సీపీ రాష్ట్ర ప్రధాన కార్యదర్శి భూమన కరుణాకరరెడ్డి
  
 తిరుపతి మంగళం: రాష్ట్రంలో ఏ కార్మికుడి కష్టమొచ్చినా మీ వెంట మేమున్నామంటూ.. వారి సమస్యల పరిష్కారానికి వైఎస్సార్ సీపీ వెన్నుదన్నుగా నిలుస్తుందని ఆ పార్టీ రాష్ట్ర ప్రధాన కార్యదర్శి, తిరుపతి మాజీ ఎమ్మెల్యే భూమన కరుణాకరరెడ్డి స్పష్టం చేశారు. అపరి ష్కృత సమస్యల పరిష్కారానికి తిరుపతి కార్పొరేషన్ పారిశుద్ధ్య కార్మికులు చే స్తున్న సమ్మెలో భాగంగా గురువారం వా రు నిర్వహించిన రాస్తారోకోకు వైఎ స్సార్ సీపీ మద్దతు తెలిపింది. ఈ సందర్భంగా భూమన కరుణాకరరెడ్డి మాట్లాడుతూ పారిశుద్ధ్య కార్మికులు రేయిం బవళ్లు విధుల్లో నిమగ్నమై ఉంటారన్నారు. వారు లేకుంటే నగరం ఎలా కంపు కొడుతుందో ప్రస్తుతం ప్రతి ఒక్కరూ ప్రత్యక్షంగా చూస్తున్నారన్నారు.
 
 హంగు, ఆర్భాటాల కోసం వందలాది కోట్ల రూపాయిలు వృథాగా ఖర్చు చేస్తున్న చంద్రబాబు కార్మికులకు పనికి తగ్గ వేతనం ఎందుకు ఇవ్వడంలేదని ప్రశ్నించారు. రెండు రోజుల్లో కార్మికుల సమస్యలను పరిష్కరించాలని, లేనిపక్షంలో ఉద్యమాలను తీవ్రతరం చేస్తామని హెచ్చరించారు. రైతులు, ఉద్యోగు లు, కార్మికులు, సామాన్య ప్రజలకు ఏ సమస్య వచ్చినా దాని పరిష్కారం కోసం రోడ్డుపైకి వచ్చి ధర్నాలు చేసే ప్రజానాయకుడు జగన్‌మోహన్‌రెడ్డి అన్నారు.
 
 ఈ కార్యక్రమంలో మున్సిపల్ కార్మికుల అసోసియేషన్ రాష్ట్ర నాయకులు తుల సేంద్ర, రామచంద్ర, వైఎస్సార్ సీపీ నగర అధ్యక్షుడు పాలగిరి ప్రతాప్‌రెడ్డి, నాయకులు మమత, దొడ్డారెడ్డి సిద్ధారె డ్డి, ఎస్‌కే బాబు, ఆదం రాధాకృష్ణారెడ్డి, సయ్యద్ షఫీ అహ్మద్ ఖాదరీ, కేతం జయచంద్రారెడ్డి, టీ రాజేంద్ర, ఎంవీ ఎస్. మణి, అమరనాథరెడ్డి, ముద్ర నారాయణ, చిన్నముని, హనుమంత్‌నాయక్, కో టూరు ఆంజనేయులు, నల్లాని బాబు, అమోస్‌బాబు, బొమ్మగుంట రవి, నాగిరెడ్డి, మాధవనాయుడు, తాల్లూరు ప్రసాద్, పుణీత, శ్యామల, సాయికుమారి, ప్రమీల  పాల్గొన్నారు.
  
  


 వేతనాలు పెంచుతూ  {పభుత్వ నిర్ణయం
 జీహెచ్‌ఎంసీపై అదనపు భారం రూ.150 కోట్లు
 మొత్తం కార్మికులు 24,446 మంది
 విధులకు హాజరు కాని 1,700 మందిపై చర్యలు
 బంద్ యథాతథం: వామపక్షాలు
  
 సిటీబ్యూరో: జీహెచ్‌ఎంసీ పారిశుద్ధ్య కార్మికులకు శుభవార్త. పారిశుద్ధ్య కార్మికులకు, డ్రైవర్లకు 47.05 శాతం వేతనాలు పెంచుతున్నట్టు గురువారం రాత్రి ముఖ్యమంత్రి కేసీఆర్ ప్రకటించారు. పారిశుద్ధ్య కార్మికులకు రూ.4 వేలు, డ్రైవర్లకు రూ.4,800 చొప్పున వేతనాలు పెరగనున్నారుు. దీంతో ప్రస్తుతం రూ.8,500 వేతనం ఉన్న పారిశుద్ధ్య కార్మికులకు ఇకపై నెలకు రూ.12,500... రూ.10,200 వేతనం పొందుతున్న డ్రైవర్లకు రూ.15 వేలు అందనున్నాయి. స్వచ్ఛ హైదరాబాద్‌లో ఇచ్చిన హామీ మేరకు ముఖ్యమంత్రి ఈ నిర్ణయం తీసుకున్నట్లు సీఎంఓ పేర్కొంది. దీనితో జీహెచ్‌ఎంసీలోని 24,446 మంది కార్మికులకు ప్రయోజనం కలుగనుంది. వీరిలో 18,382 మంది పారిశుద్ధ్య కార్మికులు, 948 మంది ఎస్‌ఎఫ్‌ఏలు, 975 మంది డ్రైవర్లు, 1537 మంది రవాణా విభాగం కార్మికులు ఉన్నారు. గురువారం వరకు విధుల్లో చేరని వారితో పాటు సమ్మె సందర్భంగా హింసాత్మక ఘటనలకు పాల్పడిన వారిని... అనుచితంగా ప్రవర్తించిన వారిని విధుల నుంచి తొలగించాల్సిందిగా జీహెచ్‌ఎంసీ కమిషనర్ సోమేశ్ కుమార్‌ను సీఎం కేసీఆర్‌ఆదేశించారు.
 
 దాదాపు 1700మందిపై ఈ ప్రభావం పడనుంది. జీ హెచ్‌ఎంసీ కార్మికుల వేతనాలు పెంచాల్సిందిగా గత 11 రోజులుగా  వివిధ కార్మిక సంఘాలు సమ్మె చేస్తున్న సంగతి తెలిసిందే. విధులకు హాజరైతే వేతనాలు పెంచుతామని అటు ప్రభుత్వం... ఇటు జీహెచ్‌ఎంసీ కమిషనర్ చెబుతూ వచ్చినా కార్మిక సంఘాలు వినలేదు. విధులకు హాజరు కాని వారిని తొలగించడం ద్వారా సర్కారు తన  ఉద్దేశాన్ని తెలియజెప్పింది. మిగతా మున్సిపాలిటీల్లోనూ సమ్మె కొనసాగుతున్నా... ప్రస్తుతం జీహెచ్‌ఎంసీకి సంబంధించి మాత్రమే సీఎం నిర్ణయం తీసుకోవడం గమనార్హం. దీనితో జీహెచ్‌ఎంసీపై దాదాపు రూ.150 కోట్ల అదనపు భారం పడనుందని అంచనా.
 
  సీఎంకు కృతజ్ఞతలు: స్పెషలాఫీసర్ సోమేశ్ కుమార్
  కార్మికులకు స్వచ్ఛ హైదరాబాద్‌లో ఇచ్చిన హామీ మేరకు వేతనాలు పెంచిన సీఎం కేసీఆర్‌కు జీహెచ్‌ఎంసీ కమిషనర్, స్పెషలాఫీసర్ సోమేశ్ కుమార్ కృతజ్ఞతలు తెలిపారు. కార్మిక సంఘాలు రెచ్చగొట్టినా.. తమ పిలుపునకు స్పందించి విధుల్లో పాల్గొని, నగర ప్రజలకు ఇబ్బందులు లేకుండా చేసిన పారిశుద్ధ్య కార్మికులను అభినందించారు. కార్మికుల వేతనాలకు చిల్లుపెడుతూ తమ జేబులు నింపుకొంటున్న వారి ఆటలు సాగనివ్వబోమన్నారు. కార్మికులు ఏ నాయకుడికీ ఎలాంటి చెల్లింపులు చేయవద్దని సోమేశ్ కుమార్ సూచించారు.
  


 కాంట్రాక్టు, ఔట్‌సోర్సింగ్ పారిశుద్ధ్య కార్మికులను తొలగించాలని ప్రభుత్వ నిర్ణయం
  
  హైదరాబాద్: డిమాండ్ల పరిష్కారం కోసం ఎనిమిది రోజులుగా సమ్మె చేస్తున్న మున్సిపల్ కాంట్రాక్టు, ఔట్‌సోర్సింగ్ పారిశుద్ధ్య కార్మికులపై ఎస్మా (అత్యవసర సేవల నిర్వహణ చట్టం)ను ప్రయోగించే దిశగా ప్రభుత్వం యోచిస్తున్నట్లు తెలుస్తోంది. గ్రేటర్ హైదరాబాద్‌తో పాటు రాష్ట్రంలోని 67 నగర, పురపాలక సంస్థల్లోని కాంట్రాక్టు, ఔట్‌సోర్సింగ్ కార్మికులు గత 8 రోజులుగా సమ్మె చేస్తున్న విషయం తెలిసిందే. సమ్మె తీవ్రరూపం దాల్చిన నేపథ్యంలో తీసుకోవాల్సిన చర్యలపై సీఎం కేసీఆర్ క్యాంపు కార్యాలయంలో మంత్రులు నాయిని, మహేందర్‌రెడ్డి, తలసాని, ప్రభుత్వ సీఎస్ రాజీవ్‌శర్మ, డీజీపీ అనురాగ్‌శర్మ, జీహెచ్‌ఎంసీ కమిషనర్ సోమేశ్‌కుమార్ తదితరులతో ఉన్నత స్థాయి సమీక్ష జరిపారు. సమ్మె విరమించాలని, వేతనాలు పెంచేందుకు తాము సిద్ధమని ప్రభుత్వం విజ్ఞప్తి చేస్తున్నా... వారు వెనక్కి తగ్గకపోవడంపై సీఎం కేసీఆర్ తీవ్ర ఆగ్రహంతో ఉన్నట్లు సమాచారం. సోమవారం సాయంత్రంలోగా వారు సమ్మె విరమించకపోతే ఎస్మా ప్రయోగించడానికి వెనుకాడవద్దని ఆయన అధికారులను ఆదేశించినట్లు తెలిసింది. 
 
 కార్మిక సంఘాల ధోరణికి తలొగ్గేదే లేదని, తనతో వారికేం పోటీ అని సీఎం మండిపడినట్లు తెలిసింది. ప్రస్తుత పరిస్థితుల్లో డిమాండ్ల పరిష్కారంపై తాను నేరుగా మాట్లాడడం కుదరదని ఆయన తేల్చిచెప్పినట్లు సమాచారం. అనంతరం సీఎం కార్యాలయం ఒక ప్రకటన విడుదల చేసింది. ‘‘జీహెచ్‌ఎంసీ ఔట్‌సోర్సింగ్ కార్మికులు మొండిగా వ్యవహరిస్తే మంగళవారం సైన్యం, పోలీసులు, ఇతర ఉద్యోగులను ఉపయోగించుకొని పారిశుద్ధ్య కార్యక్రమాలను నిర్వహించాలని ప్రభుత్వం నిర్ణయించింది. కొంత మంది కార్మిక సంఘాల నాయకుల ఉచ్చులో పడి కార్మికులు సమ్మెకు దిగినట్లు ప్రభుత్వం భావిస్తున్నది. సోమవారం సాయంత్రం వరకు విధుల్లో చేరాలని ప్రభుత్వం కార్మికులను కోరింది. లేనిపక్షంలో మంగళవారం నుంచి ప్రత్యామ్నాయాలు సిద్ధం చేసే పనిలో నిమగ్నమైంది. సమ్మె విరమించకపోతే కొత్తవారిని నియమించేందుకు పరిశీలన జరుపుతోంది..’’ అని అందులో పేర్కొంది. ఇక సమ్మె చేస్తున్న కార్మికులకు ఎట్టి పరిస్థితుల్లోనూ జీతాలివ్వబోమని జీహెచ్‌ఎంసీ కమిషనర్ సోమేశ్ కుమార్ హెచ్చరించారు. సమ్మె చేస్తున్నవారిలో కొందరిని తొలగిస్తే మిగతా వారందరూ విధుల్లో చేరుతారని ఆయన పేర్కొన్నట్లు తెలిసింది.
  
 రాతపూర్వక హామీ ఇస్తేనే.. సమ్మె విరమణపై స్పష్టం చేసిన కార్మిక నేతలు
  
 హైదరాబాద్: ‘ప్రజాస్వామ్యంలో కార్మిక సంఘాలకు అడిగే హక్కు ఉండకూడదా, పోరాటం చేసే హక్కు ఉండకూడదా, సమ్మెను అణచేస్తారా, ఇందుకోసమేనా తెలంగాణ వచ్చింది. తెలంగాణ అర్థమిదేనా..’ అంటూ మున్సిపల్ కాంట్రాక్టు, ఔట్‌సోర్సింగ్ కార్మిక నేతలు ప్రభుత్వంపై మండిపడ్డారు. సీఎంను కొందరు తప్పుదోవ పట్టిస్తున్నారని, తప్పుడు మార్గంలో వెళితే ఆయన్ను పారిశుద్ధ్య కార్మికులు గంగలో కలుపుతారని హెచ్చరించారు. వేతనాల పెంపుపై రాతపూర్వకంగా హామీ ఇస్తేనే సమ్మె విరమిస్తామని స్పష్టం చేశారు. సీఎంవో ప్రకటన వెలువడిన వెంటనే.. మున్సిపల్ కార్మిక జేఏసీ నేతలు హైదరాబాద్‌లో సమావేశమై చర్చించారు. అనంతరం విలేకరులతో మాట్లాడారు. ‘‘మేమూ చూస్తాం.. మీరెంత మందిని తీసుకొస్తారో. హైదరాబాద్ నగరాన్ని ఊడ్చాలంటే సుమారు 30 వేల మంది కావాలి. రాష్ట్రం అంతటా కలిపి 50 వేల మంది అవసరం. మా కార్మికులు తిరగబడితే తట్టుకునే పరిస్థితి ఉండదు..’’ అని బీఎంఎస్ రాష్ట్ర కార్యదర్శి శంకర్ హెచ్చరించారు. రాష్ట్రంలో ఏమైనా అరాచకాలు జరుగుతున్నాయా, హత్యలు జరుగుతున్నాయా? మిలటరీని ఎందుకు తీసుకొస్తారని ప్రభుత్వాన్ని నిలదీశారు.
 
 ‘‘మున్సిపల్ కార్మికులు మా అమ్మలు, అక్కలు అన్నావు. ఇప్పుడు మిలటరీ వాళ్లతో పనిచేయిస్తానంటున్నావు. అమ్మలక్కలను చంపేయడమే నీ పనా’’ హెచ్‌ఎంఎస్ రాష్ట్ర కార్యదర్శి రెబ్బా రామారావు ఆగ్రహించారు. ఇక సోమవారం వరంగల్ జిల్లా హన్మకొండలో ఉప ముఖ్యమంత్రి కడియం శ్రీహరి ఇంటిని మున్సిపల్ కాంట్రాక్టు, ఔట్‌సోర్సింగ్ కార్మికులు ముట్టడించారు. వారిని పోలీసులు అడ్డుకోవడానికి ప్రయత్నించగా తోపులాటలో కొందరు కార్మికులకు గాయాలయ్యాయి. కాగా.. మున్సిపల్ కార్మికులు సమ్మెబాట పట్టడంతో తెలంగాణ, ఏపీ రాష్ట్రాల్లో ప్రజలు దుర్గంధపూరితమైన వాతావరణంలో జీవిస్తున్నారంటూ రమ్యకుమారి అనే న్యాయవాది మానవ హక్కుల కమిషన్‌లో ఫిర్యాదు చేశారు.
  
  


 కుత్బుల్లాపూర్ (హైదరాబాద్) : గత కొద్ది రోజులుగా సమ్మె బాట పట్టిన జీహెచ్ఎంసీ పారిశుద్ధ్య కార్మికులు ప్రభుత్వ దిష్టి బొమ్మను దహనం చేసి తమ నిరసన తెలిపారు. ఆదివారం కుత్బుల్లాపూర్ చౌరస్తాకు పెద్ద సంఖ్యలో చేరుకున్న మున్సిపల్ కార్మికులు ప్రభుత్వ దిష్టిబొమ్మను ఊరేగింపుగా తీసుకొచ్చి దహనం చేశారు. ఈ కార్యక్రమంలో పలు మున్సిపల్ సంఘాల నాయకులు, కార్మికులు పాల్గొన్నారు.


 మున్సిపల్ కార్మికుల మహాధర్నాలో సీఎంపై విపక్ష నేతల ఫైర్
  
 హైదరాబాద్: ‘‘పారిశుద్ధ్య కార్మికులు నిజమైన దేవుళ్లని ‘స్వచ్ఛ హైదరాబాద్’ కార్యక్రమంలో మీరే అన్నారు. ఇప్పుడు న్యాయమైన కోరికలు తీర్చాలని అడిగితే ఆ దేవుళ్లు దయ్యాలయ్యారా?..’’ అని సీఎం కేసీఆర్‌పై విపక్షాల నేతలు మండిపడ్డారు. కార్మిక దేవుళ్లు రోడ్డున పడి ధర్నాలు చేస్తుంటే పట్టించుకోవడం లేదేమని ప్రశ్నించారు. రాష్ట్ర ప్రభుత్వం దేవుళ్లకు వందల కోట్లు ఖర్చు చేస్తోందని, అందులో కొంత డబ్బు కేటాయించినా కార్మికుల బతుకులు బాగుపడతాయని పేర్కొన్నారు. మున్సిపల్ ఉద్యోగ, కార్మిక ఐక్య సంఘాల ఆధ్వర్యంలో శనివారం ఇందిరాపార్కు వద్ద జరిగిన ‘మహా ధర్నా’లో వివిధ పార్టీల నేతలు పాల్గొని మాట్లాడారు. ‘‘సీఎం కేసీఆర్ మొన్న యాదగిరిగుట్టకు వెళ్లి లక్ష్మీనరసింహ స్వామికి రూ.200 కోట్లు ఇచ్చారు. పండుగలూ బ్రహ్మండంగా చేస్తున్నారు.
 
 లక్ష్మీ నరసింహ స్వామి ఏమైనా సమ్మె చేశారా?’’ అని సీపీఎం రాష్ట్ర కార్యదర్శి తమ్మినేని వీరభద్రం ప్రశ్నించారు. కేసీఆర్‌కు ఓ అలవాటు ఉందని. ఆయనకు దండం పెడితే కోరికలు తీరవని, దండం తీస్తేనే తీరుతాయని వ్యాఖ్యానించారు. పారిశుద్ధ్య కార్మికులను ప్రభుత్వం గడ్డిపోచ కింద లెక్కగడుతోందని సీపీఐ రాష్ట్ర కార్యదర్శి చాడ వెంకట్‌రెడ్డి విమర్శించారు. ఆ గడ్డిపోచలు కలిస్తే టీఆర్‌ఎస్ ప్రభుత్వానికి ఉరితాడు తయారవుతుందని మరిచిపోవద్దని.. కార్మికుల సమస్యల పరిష్కారంపై పట్టింపులకు పోవద్దని కేసీఆర్‌కు సూచించారు. మన రాష్ట్రం, మన ప్రభుత్వం వచ్చిందనుకుంటే రాష్ట్రంలో కేసీఆర్ కుటుంబ పాలన సాగుతోందని టీడీపీ రాష్ట్ర అధ్యక్షుడు ఎల్.రమణ పేర్కొన్నారు. సీఎం కేసీఆర్‌కు ‘చెత్తశుద్ధి’ ఉంటే స్వచ్ఛ హైదరాబాద్ అంటూ మంత్రులు, టీఆర్‌ఎస్ ఎమ్మెల్యేలను ఇప్పుడు రోడ్లపైకి పంపాలని కాంగ్రెస్ నేత దానం నాగేందర్ ఎద్దేవా చేశారు. ఈ మహాధర్నాలో టీడీపీ నేత కృష్ణయాదవ్, బీజేపీ నేత కృష్ణమూర్తి, అన్వేష్ (సీపీఐఎంఎల్), జానకీరాములు (ఆర్‌ఎస్‌పీ), వెంకట్‌రెడ్డి(ఆప్), కార్మిక సంఘాల నేతలు పాలడుగు భాస్కర్ (సీఐటీయూ), ఏసురత్నం (ఏఐటీయూసీ), కృష్ణ (ఐఎఫ్‌టీయూ), సుధీర్(ఏఐటీయూసీ), రామారావు మాట్లాడారు.
 
  రేపటి నుంచి దీక్షలు..
  తమ డిమాండ్లపై ప్రభుత్వం స్పందించకపోతే సమ్మెను మరింత ఉధృతం చేస్తామని మున్సిపల్ కార్మిక సంఘాల నేతలు ప్రకటించారు. ఈ మేరకు భవిష్యత్ కార్యాచరణను రూపొందిం చామని, సోమవారం నుంచి జీహెచ్‌ఎంసీతో పాటు రాష్ట్రంలోని అన్ని మున్సిపాలిటీల వద్ద రిలే నిరాహార దీక్షలు ప్రారంభిస్తామని చెప్పా రు. మంగళవారం మంత్రులు, అధికార పార్టీ ఎమ్మెల్యేల ఇళ్ల ముందు నిరసనలు చేపడతామని.. అవసరమైతే ఆ తర్వాత ఆమరణ నిరాహార దీక్షలకూ దిగుతామని ప్రకటించారు. కా గా కార్మికుల సమ్మెతో గ్రేటర్ హైదరాబాద్ పరి ధిలో ఎక్కడ చూసినా చెత్త పేరుకుపోయింది. పర్యాటక, చారిత్రక ప్రాంతాలు కూడా అధ్వానంగా మారాయి. శనివారం విధులకు హాజరై న కొందరు తాత్కాలిక, ఔట్‌సోర్సింగ్ సిబ్బం దిని సమ్మెలో ఉన్న కార్మికులు అడ్డుకోవడంతో పలుచోట్ల ఘర్షణ వాతావరణం నెలకొంది.
  
 రివర్స్ గేర్‌లో చర్చలు
 సమ్మె విరమిస్తే వేతనాలు పెంచుతామంటున్న ప్రభుత్వం, వేతనాలు పెంచితేనే సమ్మె విరమిస్తామంటున్న కాంట్రాక్టు, ఔట్‌సోర్సింగ్ కార్మికులు... ఇలా ఎవరికివారే పట్టుదలతో ఉండడంతో ఎన్నిసార్లు చర్చించినా ఫలితం తేలడం లేదు. వేతనాలు పెంచేందుకు సిద్ధమేనని ప్రభుత్వం, సమ్మె విరమణకు సిద్ధమని కార్మిక నేతలూ సెలవిస్తున్నా... ఎవరు ముందు చేయాలన్నదానిపై ప్రతిష్టంభన కొనసాగుతోంది. ఇప్పటివరకు ప్రభుత్వం కార్మిక నేతలతో నాలుగు పర్యాయాలు జరిపిన చర్చలు విఫలం కావడానికి ఇదే కారణమని తెలుస్తోంది. తాజాగా శనివారం కూడా కార్మిక నేతలతో మంత్రి నాయిని దాదాపు మూడున్నర గంటల పాటు జరిపిన చర్చలూ విఫలమయ్యాయి. దీంతో సమ్మె కొనసాగుతుందని కార్మిక నేతలు ప్రకటించారు. సమ్మె విరమిస్తే జీతాలు పెంచుతామని మంత్రి చెప్పారని, జీతాలు పెంచితేనే సమ్మె విరమిస్తామని తాము తేల్చి చెప్పామని తెలిపారు.
  


 పారిశుద్ధ్య కార్మికుల సమ్మె ప్రభావం వీధుల్లో భారీగా పేరుకుపోయిన చెత్త విజృంభిస్తున్న దోమలు  
 ముసురుతున్న వ్యాధులు
 సాక్షి, సిటీబ్యూరో: పారిశుద్ధ్య కార్మికులు ఆరు రోజులుగా సమ్మెలో ఉండడంతో నగరంలో ఎక్కడికక్కడ చెత్త పేరుకుపోయింది. దీనికి తోడు వీధుల్లోని రహదారులపై మురుగు నీరు నిల్వ ఉంటోంది. దీంతో దోమలు వ్యాప్తి చెంది... బస్తీల్లో డెంగీ, మలేరియా వ్యాధులు విజృంభిస్తున్నాయి. ఇటీవల కాటేదాన్ పరిధిలోని శ్రీరామ్‌నగర్ బస్తీకి చెందిన ఐదుగురు వ్యక్తులు డెంగీ బారిన పడినట్టు వైద్యులు తేల్చారు. తాజాగా కంచనపల్లికి చెందిన ఉప్పలయ్య(45), శివంపేటకు చెందిన రఘువీర్(28)కు డెంగీ సోకినట్టు తేలింది.  ఇలా వారం రోజుల్లోనే ఎనిమిది మంది డెంగీ భారిన పడటంపై సర్వత్రా ఆందోళన వ్యక్తమవుతోంది.  
  
 నిర్మూలన చర్యలేవీ?
 వర్షాల వల్ల నివాసాల మధ్య మురుగు నీరు నిల్వ ఉండటంతో మలేరియా, డెంగీ దోమలు విజృంభిస్తున్నాయి. ఫాగింగ్ చేయక పోవడంతో కంటి మీద కునుకు లేకుండా చేస్తున్నాయి. దీనికి తోడు రాత్రి వేళల్లో విద్యుత్ కోత విధిస్తుండడంతో ఇళ్లలో ఫ్యాన్లు తిరగడం లేదు. దీంతో దోమలు స్వైర విహారం చేస్తున్నాయి. మూసీ పరీవాహక ప్రాంతాలైన కూకట్‌పల్లి, లోయర్ ట్యాంక్ బండ్, అంబర్‌పేట్, సుల్తాన్‌బజార్, ముసారంబాగ్, మలక్‌పేట్, కొత్తపేట్, నాగోలు, ఉప్పల్, రామంతాపూర్, గోల్నాక, ఉస్మానియా క్యాంపస్ ప్రాంతాలతో పాటు సిటీ శివారుల్లోనూ దోమల బెడద ఎక్కువగా ఉంది. మరోవైపు కలుషిత నీరు, ఆహారం వల్ల డయేరియా కేసులూ పెరుగుతున్నాయి. వివిధ ప్రాంతాల్లోని ఆస్పత్రులకు రోగుల తాకిడి అధికమవుతోంది.


 సమస్యల నుంచి ప్రజలకు విముక్తి
 
 ఇళ్లు, నాలాలు,కలుషిత జలాలపైనే వినతులు
 రూ. 200 కోట్లు మంజూరు
 రూ. 600 కోట్ల పనులకు విజ్ఞప్తులు
 ముగిసిన ‘స్వచ్ఛ హైదరాబాద్’
  
 సిటీబ్యూరో: రాష్ట్ర ప్రభుత్వం ప్రతిష్టాత్మకంగా చేపట్టిన ‘స్వచ్ఛ హైదరాబాద్’ కార్యక్రమం కేవలం పారిశుద్ధ్య కార్యక్రమాలకే పరిమితం కాకుండా... ప్రజా సమస్యలు గుర్తించేందుకు ఉపయోగపడింది. గవర్నర్ నుంచి ఐఏఎస్‌లు, సీఎం నుంచి ఎమ్మెల్యేల దాకా భాగస్వాములైన ఈ కార్యక్రమంలో ప్రజల ‘నాడి’ని పట్టుకునే ప్రయత్నం చేశారు. స్థానిక సమస్యలపై అవగాహన ఉన్న వారిని స్వచ్ఛ టీమ్ సభ్యులుగా ఎంపిక చేసి.. ప్రజల అవసరాలను, డిమాండ్లను గుర్తించేందుకు ప్రభుత్వం ప్రయత్నించింది. ఆక్రమణల పాలైన నాలాల వల్ల తలెత్తుతున్నముంపు, కలుషిత నీటి సమస్యలను ప్రజలు గట్టిగా వినిపించారు. ఇళ్లు, పింఛన్లు, వైద్యం, రేషన్ కార్డులను ఎక్కువగా కోరారు. ఈ కార్యక్రమంలో వచ్చిన విజ్ఞప్తులకు అనుగుణంగా పనులు చేపట్టడానికి రూ.200 కోట్లు సిద్ధంగా ఉంచినప్పటికీ... అదనపు నిధులు అవసరమయ్యే అవకాశం కనిపిస్తోంది. ఇప్పటికే దాదాపు రూ.600 కోట్లు అవసరమవుతాయని అంచనా వేశారు. పనులను స్వల్ప, దీర్ఘకాలికమైనవిగా విభజించి పరిష్కరించే యోచనలో ప్రభుత్వం ఉంది. స్వచ్ఛ హైదరాబాద్‌లో భాగస్వాములైన ప్యాట్రన్లు/మెంటర్లతో శుక్రవారం సమీక్షించనున్నారు. అప్పటికి  దీనిపైస్పష్టత వచ్చే అవకాశం ఉంది.
  
 పారిశుద్ధ్య కార్మికులకు వరాలు
 
 స్వచ్ఛ హైదరాబాద్‌లో భాగంగా నగరంలోని పారిశుద్ధ్య కార్మికులు, వారి సమస్యలపై సీఎం శ్రద్ధ కనబరిచారు. వారి వేతనాలు పెంచడంతో పాటు జీహెచ్‌ఎంసీలోని 20 వేల మంది కార్మికులకు దశల వారీగా డబుల్ బెడ్‌రూమ్ ఇళ్లు కట్టిస్తామని హామీ ఇచ్చారు. వారితో పాటు వివిధ ప్రాంతాల్లోని 2 లక్షల మందికి ఇళ్లు నిర్మిస్తామన్నారు. ఇదే సందర్భంలో ఓయూ భూముల్లో ఇళ్లు కట్టిస్తామనడం వివాదానికి దారి తీసింది. తాగునీటి  పైపుల్లో డ్రైనేజీ నీరు కలుస్తున్న సమస్యను పరిష్కరించేందుకు రూ.3వేల కోట్లతో ఆధునీకరణ పనులు చేపట్టనున్నట్లు హామీ ఇచ్చారు. నాలాలను మెరుగుపర చడానికి ప్రస్తుతం రూ.400 కోట్ల వరకు ఖర్చు చేసేందుకు సమస్య లేదని సీఎం తెలిపారు. పాతబస్తీకి తాగునీరు, డ్రైనేజీ సమస్యల పరిష్కారానికి రూ.35 కోట్లు మంజూరు చేస్తున్నట్లు ప్రకటించారు. పారిశుద్ధ్య కార్యక్రమాలకు రెండు డబ్బాల విధానాన్ని ప్రారంభించడంతో పాటు, వాటిని ట్రాన్స్‌ఫర్ స్టేషన్లకు తరలించేందుకు 2500 ఆటోట్రాలీలతో పేదలకు ఉపాధి కల్పిస్తామన్నారు.
 
 తద్వారా చెత్త తరలింపు, నిరుద్యోగులకు ఉపాధి అనే రెండు ప్రయోజనాలు నెరవేరనున్నాయి. నగరం నుంచి రోజుకు సగటున 3600 మెట్రిక్ టన్నుల చెత్త సేకరిస్తుండగా, స్వచ్ఛ హైదరాబాద్‌లో భాగంగా రోజుకు సగటున 8 వేల టన్నుల చెత్త, డెబ్రిస్‌ను అదనంగా సేకరించగలిగారు. మొత్తం 32వేల మెట్రిక్ టన్నులకు పైగా చెత్త, డెబ్రిస్‌ను తరలించారు. అందిన వినతులు.. వాటి పరిష్కార చర్యలపై ఈనెల 26న ఉన్నత స్థాయి సమీక్ష సమావేశం జరుగనుంది.
  
 కొనసాగుతుంది...
 
 పారిశుద్ధ్య డ్రైవ్ కొనసాగుతుందని జీహెచ్‌ఎంసీ స్పెషలాఫీసర్, కమిషనర్ సోమేశ్ కుమార్ తెలిపారు. స్వచ్ఛ హైదరాబాద్ కార్యక్రమం విజయవంతం కావడానికి సహకరించిన సిబ్బందికి ఆయన కృతజ్ఞతలు తెలిపారు.
  
  


 20 వేల పారిశుద్ధ్య కార్మికులకు ఇళ్లు
 త్వరలో వేతనాలు పెంచుతాం:  సీఎం
  
 సిటీబ్యూరో: జీహెచ్‌ఎంసీలో రోడ్లను ఊడుస్తూ, చెత్తను శుభ్రం చేస్తున్న 20 వేల మంది పారిశుద్ధ్య కార్మికులు (సఫాయి కర్మచారులు)పై ముఖ్యమంత్రి కె.చంద్రశేఖరరావు వరాల జల్లు కురిపించారు. వీరికి డబుల్ బెడ్‌రూం ఇళ్లు కట్టిస్తామన్నారు. అవసరమైతే ఎమ్మెల్యేలు, ఎంపీలు, మంత్రుల వేతనాల్లో కోత విధించైనా వీరి వేతనాలు పెంచుతామని హామీ ఇచ్చారు. మంగళవారం సాయంత్రం ‘స్వచ్ఛ హైదరాబాద్’లో భాగంగా ఖైరతాబాద్ నియోజకవర్గంలోని ఇందిరానగర్ కాలనీ, ఎన్‌బీటీ నగర్  బస్తీవాసులతో సీఎం వేర్వేరుగా సమావేశమయ్యారు. ఈ సందర్భంగా మాట్లాడుతూ పారిశుధ్య కార్మికుల సేవలు తల్లిదండ్రుల సేవలతో సమానమన్నారు. అంతకుముందు ఇందిరానగర్ కాలనీలోని పురాతన ఇళ్లను పరిశీలించిన కేసీఆర్.. కాలనీలోని 176 కుటుంబాల వారికి వెంటనే ఇళ్లు కట్టిస్తామన్నారు. బుధవారం ఉదయమే జీహెచ్‌ఎంసీ అధికారులు వచ్చి పరిశీలిస్తారని తెలిపారు.
 
 గతంలో కట్టిన ఇళ్లు డబ్బాల మాదిరిగా ఉన్నాయని, ఇప్పుడలా కాకుండా సౌకర్యవంతంగా నిర్మిస్తామని చెప్పారు. కొత్తగా క ట్టబోయేవి 560 నుంచి 570  చ.అ. విస్తీర్ణంలో వస్తాయన్నారు. ఒక్కో ఇంటికి దాదాపు రూ. 9 లక్షల నుంచి రూ. 10 లక్షల వరకు ఖర్చవుతుందని చెప్పారు. ఇక్కడ ఒకటిన్నర ఎకరాల కంటే  కొంచెం ఎక్కువ స్థలం ఉందని... ఐదారు అంతస్తుల్లో కట్టవచ్చునని... లిఫ్ట్ పెట్టిస్తానని చెప్పారు. ఐదారు అంతస్తులు కావాలో లేక ఇప్పుడున్న తరహాలో జీప్లస్ 2 పద్ధతిలో కావాలో మీరే ఒక నిర్ణయానికి  రావాలని సూచించారు.లిఫ్ట్ నిర్వహణ కు, కరెంట్ చార్జీలు చెల్లించేందుకు ప్రజలపై భారం పడకుండా కింద కొన్ని దుకాణాలకు అద్దెకిస్తామన్నారు. ‘మీ నిర్ణయమేదో రెండు రోజుల్లో చెబితే నేనే వచ్చి శంకుస్థాపన చేస్తా. నాలుగైదు నెలల్లో మళ్లీ వచ్చి కొబ్బరికాయ కొట్టి మిమ్మల్ని కొత్త ఇళ్లలోకి పంపిస్తా’నన్నారు. వీరితో పాటు దరఖాస్తులిచ్చిన అందరికీ  ఇళ్లు కట్టిస్తామన్నారు. ఐదు నెలల్లో ఇళ్ల నిర్మాణం పూర్తి చేస్తామని, ప్రస్తుతం ఉంటున్న ఇళ్లు ఖాళీ చేసి పక్కనే  చిన్న ఇళ్లు  కిరాయికి తీసుకోవాల్సిందిగా సూచించారు.
  
 మీ సమస్యలు తెలుసమ్మా....
 
 బస్తీలో సమావేశం జరుగుతుండగా జీహెచ్‌ఎంసీ పారిశుద్ధ్య విభాగం మహిళ ఒకరు వినతిపత్రం ఇవ్వబోగా.. ‘మీ సమస్యలు తెలుసమ్మా..’ అన్నారు. అనంతరం మాట్లాడుతూ నగరంలో 20వేల మంది సఫాయి కర్మచారుల జీతాలను  పెంచుతామన్నారు. సమావేశం కాగానే అధికారులతో మాట్లాడి దానిపై నిర్ణయం తీసుకుంటానని చెప్పారు. వారికి సఫాయి కర్మచారి కాలనీ కట్టిస్తానని హామీ ఇచ్చారు.


 ప్రత్యేక కార్యక్రమాలకు జీహెచ్‌ఎంసీ రూపకల్పన
 16 నుంచి 20  వరకు బస్తీల్లో అధికారుల సందడి
  
 సిటీబ్యూరో:  స్వచ్ఛ హైదరాబాద్‌లో భాగంగా ఈ నెల 16 నుంచి 20వరకు స్థానిక సమస్యలకు స్థానిక పరిష్కారం నినాదంతో పనిచేయనున్నారు. చేపట్టనున్న కార్యక్రమాల్లో కొన్ని ముఖ్యాంశాలు.. నాలుగు అంశాలకు ప్రాధాన్యతనిచ్చారు. 1. పారిశుధ్యం 2. వీధిదీపాలు, సీసీ కెమెరాల, ఏర్పాటు 3. కాలుష్య నివారణకు మొక్కలు నాటడం  4. తాగునీరు, సీవరేజీ సమస్యల పరిష్కారం.
   
 ఇదీ సర్వసైన్యం
  
 456 భాగాలకు 456 మంది వీవీఐపీలు/ఏఐఎస్ అధికారులు/ ఆయా విభాగాధిపతులు.
 1,800 మంది బిల్ కలెక్టర్లు, జీహెచ్‌ఎంసీ నోడల్ ఆఫీసర్లు, పోలీస్ అధికారులు, జలమండలి అధికారులు.
 6వేల మంది లోకల్ చేంజ్ ఏజెంట్లు.
 1,200 మంది మరమ్మతులు చేసే పనివారు, వీరిలో 800 మంది మేస్త్రీలుంటారు.
 1,061 మంది శానిటరీ ఫీల్డ్ అసిస్టెంట్లు/ ఎంటమాలజీ ఫీల్డ్ అసిస్టెంట్లు, 22,956 మంది పారిశుధ్య కార్మికులు (పారిశుధ్యం, మలేరియా విభాగాల వారు ఇందులో ఉంటారు.
 మరో 2,010 మంది ఐలాలు, కంటోన్మెంట్‌బోర్డులకు చెందిన అధికారులు.
 పనులు క్రమపద్ధతిలో జరిగేందుకు టీమ్ సభ్యుల జాబితా, పారిశుధ్య కార్యక్రమాలు నిర్వహించాల్సిన ప్రదేశాల సమాచారంతో పాటు విధుల్లో ఉన్నవారి హాజరు.
   
 యూనిట్ వివరాల అందజేత..
  
 ఉదాహరణకు ఉప్పల్ సర్కిల్‌లో ఒకటో నెంబరు యూనిట్(విభాగం)లో పనులు చేయాలంటే దాని కనీస సమాచారం ఇలా ఉంటుంది. సర్కిల్ పేరు.. యూనిట్‌నెంబరుతోపాటు డాకెట్ నెంబరు (201ఏ), యూనిట్‌లోని ఇళ్ల సంఖ్య: 2,590, జనాభా:12,950. యూనిట్‌పరిధిలోని కాలనీలు(హరిజనబస్తీ, హబ్సిగూడ ప్రధాన రహదారి), పీఅండ్‌టీ కాలనీ, కాకతీయనగర్, నందనవనం కాలనీ, మధువన్ ఎన్‌క్లేవ్, వీధినెంబరు 5,6,7.. ఇలా కాలనీలోతోపాటు ఆయా కాలనీల్లోని ఇళ్లసంఖ్య, సంప్రదించాల్సిన కాలనీ అసోసియేషన్లు, రెసిడెంట్‌వెల్ఫేర్ అసోసియేషన్లలోని ముఖ్యుల పేర్లు.. వారి ఫోన్‌నెంబర్లు.. అక్కడ అవసరమయ్యే పారిశుధ్య కార్మికుల సంఖ్య తదితర వివరాలతో ఏరియాకు సంబంధించిన ముఖ్య సమాచారం ఇస్తారు. దీంతోపాటు స్వచ్ఛ హైదరాబాద్‌లో భాగస్వాములయ్యేందుకు ఉత్సాహం చూపే (రాజకీయేతర) స్థానికుల పేర్లు .. వారు ఏంచేస్తారు.. వారి ఫోన్‌నెంబర్లు తదితర వివరాలిస్తారు. స్థానికంగా ఆయా రంగాల్లో ప్రముఖులెవరైనా ఉన్నట్లయితే వారిని సంప్రదిస్తారు. అలా తీసుకున్న వివరాలతో 15 మందితో టీమ్ ఏర్పాటు చేస్తారు.
   
 పనులు ఇలా...
 
 16 నుంచి 20 వరకు  ఏరియాలోని మొత్తం కాలనీల్లో పనులు పూర్తిచేసేందుకు ఏ కాలనీకి ఎన్ని ట్రిప్పుల చెత్త తరలించాల్సి ఉంటుంది. ఎన్ని ట్రిప్పుల డెబ్రిస్ తరలించాల్సి ఉంటుంది తదితర విషయాలను అంచనా వేసి దీనికనుగుణంగా వాహనాలు సమకూరుస్తారు. అక్కడ భాగస్వాములయ్యే వివిధ ప్రభుత్వ విభాగాల పేర్లు, వారి హోదా, ఫోన్‌నెంబర్లు కార్యక్రమంలో భాగస్వాములయ్యే వారికి ఇస్తారు. సంబంధిత ఏరియాలో పారిశుధ్యం, మలేరియా, ఇంజినీరింగ్, విద్యుత్, క్రీడలు, తాగునీరు, మొక్కలు.. తదితర అంశాలకు సంబంధించి వాటిని అమలుచేసే అధికారుల పేర్లు, ఫోన్‌నెంబర్లు ఇస్తారు. దీంతో వారిని సంప్రదించేందుకు వీలుంటుంది.
  
 మొబైల్‌యాప్‌తో సమన్వయం
 
 స్వచ్ఛ హైదరాబాద్ కోసం రూపొందిస్తున్న ప్రత్యేక మొబైల్‌యాప్‌తో సభ్యుల మధ్య సమన్వయం.. ఎప్పుడెప్పుడు ఏం జరుగుతుందో సులభంగా తెలుసుకోగలుగుతారు. ఏరోజు ఎవరు విధుల్లో ఉన్నారు.. ఆరోజు ఏయే పనులు చేశారు.. అనే విషయాలూ తెలుస్తాయి. ఉదాహరణకు చెత్త తొలగించకముందు పరిస్థితి.. తర్వాత పరిస్థితిని ఫొటోలు తీసి పంపుతారు. ఇంకా చేయాల్సిన పనుల పట్టిక కూడా ఉంటుంది. వాటిలో పూర్తిచేసినవాటికి రైట్ టిక్ పెడతారు. ఫేస్‌బుక్, వాట్సాప్, ట్విట్టర్ వంటి సోషల్ వెబ్‌సైట్లనూ వినియోగిస్తారు.


 కార్పొరేషన్ వద్ద పారిశుధ్య     కార్మికుల ఆందోళన
  
 విజయవాడ సెంట్రల్ : ‘జీతాలొచ్చి మూడు నెలలైంది... ఇల్లు అద్దెకు ఇచ్చివారు ఖాళీచేసి పొమ్మంటున్నారు.. ఆటో చార్జీలకూ అప్పు చేయాల్సి వస్తోంది.. ఇలా అయితే ఏం తినాలి? ఎలా బతకాలి?’ అంటూ పారిశుధ్య కార్మికులు ఆందోళన వ్యక్తంచేశారు. నగరపాలక సంస్థ ప్రధానకార్యాలయం ఎదుట ఏఐటీయూసీ, సీఐటీయూ ఆధ్వర్యంలో గురువారం వేర్వేరుగా ధర్నా చేశారు. డిసెంబర్ నుంచి పెండిం గ్‌లో ఉన్న జీతాలను వెంటనే విడుదల చేయాలని డిమాండ్ చేశారు. లేనిపక్షంలో మెరుపుసమ్మెకు దిగుతామని అల్టిమేటం ఇచ్చారు. ఈ సందర్భంగా మునిసిపల్ వర్కర్స్ యూనియన్ రాష్ట్ర ప్రధాన కార్యదర్శి, ఏఐటీయూసీ నాయకుడు ఆసుల రంగనాయకులు మాట్లాడుతూ అధికారులు చేసిన తప్పులకు కార్మికుల జీతాలను పెండింగ్ పెట్టడం సరికాదన్నారు. ఈఎస్‌ఐ, పీఎఫ్ కింద కార్మికులు జీతాల నుంచి నగదు మినహాయిస్తున్న అధికారులు ఆయా సంస్థలకు ఎందుకు జమ చేయడంలేదో వెల్లడించాలని డిమాండ్‌చేశారు. కార్మిక చట్టాలను ఉల్లంఘిస్తున్న  నగరపాలక సంస్థ అధికారు లపై త్వరలో లోకాయుక్తాను ఆశ్రయిస్తామని హెచ్చరించారు. ఏడు రోజులు విధులకు హాజ రుకాకుంటే కార్మికులను విధుల నుంచి తొల గించాలంటూ రాష్ట్ర ప్రభుత్వం నుంచి జీవో వచ్చిందని అధికారులు తప్పుడు ప్రచారం చేస్తున్నారని విమర్శించారు.
 
 సంక్షేమాన్ని విస్మరిస్తున్నారు
 
 సీఐటీయూ ఆధ్వర్యంలో జరిగిన ధర్నాను ఉద్దేశించి సీపీఎం నగర కార్యదర్శి సీహెచ్.బాబూరావు మాట్లాడుతూ కార్మికుల సంక్షేమాన్ని అధికారులు, పాలకులు విస్మరిస్తున్నారని ధ్వజమెత్తారు. కార్మికులతో వెట్టిచాకిరి చేయిస్తున్న  పాలకులకు సకాలంలో జీతాలు చెల్లించాలనే విషయం తెలవకపోవడం దురదృష్టకరమన్నారు. కమిషనర్ స్పందించి సమస్యను పరి ష్కరించాలని కోరారు. ఏఐటీయూసీ, సీఐ టీయూ నాయకులు జె.జేమ్స్, సాంబశివరావు, పద్మ, ఎం.డేవిడ్, ఎ.లక్ష్మి  పాల్గొన్నారు.
  
  


 మురికికాల్వలు, చెత్తకుప్పల పక్కన ఒక ఐదు నిమిషాలు నిలబడటానికే అల్లాడిపోతాం.. అటువంటి వాటిని ఎప్పటికప్పుడు శుభ్రం చేస్తూ నగరాన్ని రోగాల బారినుంచి రక్షణ కల్పిస్తున్న పారిశుద్ధ్య సిబ్బంది మాత్రం పలు రోగాలతో అర్ధంతరంగా తనువు చాలించాల్సి వస్తోంది... గత ఐదేళ్లలో సుమారు 14 వందల మంది పారిశుద్ధ్య సిబ్బంది మృత్యువాత పడ్డారంటే పరిస్థితి ఎంత విషమంగా ఉందో ఊహించుకోవచ్చు..
  
 సాక్షి, ముంబై: నగరాన్ని పరిశుభ్రంగా ఉంచేందుకు తమ ప్రాణాలను సైతం పణంగా పెడుతున్న బీఎంసీ పారిశుద్ధ్య కార్మికులకు రక్షణ లేకుండా పోయింది. కార్పొరేషన్ ద్వారా అందుతున్న అరకొర మందులు, ఇతర రక్షణ సామగ్రి కొరత కారణంగా వారు అనారోగ్యానికి గురవుతున్నారు. ఫలితంగా అర్థాంతరంగా వారి ప్రాణాలు హరీ మంటున్నాయి. చెత్త తొలగించడం, మురికి కాల్వలు, నాలాలు శుభ్రం చేయడానికి బీఎంసీలో సుమారు 35 వేల కార్మికులు ఉన్నారు. ఇందులో కొందరు కాంట్రాక్టు పద్ధతిపై పనిచేస్తున్నారు.
 
 నిత్యం వీరు చెత్త తొలగించడం, మురికి కాల్వల్లో పనిచేయడంవల్ల విధుల్లో చేరిన 15-20 సంవత్సరాల్లోనే ఆనారోగ్యం పాలవుతున్నారు. చెత్త, మ్యాన్ హోల్స్‌లో దిగడం, మురికి నీరు నుంచి వచ్చే దుర్గంధాన్ని భరించలేక అనేక మంది కార్మికులు గుట్కా, పాన్, పొగాకు, మద్యం లాంటి మత్తు పదార్థాలకు అలవాటు పడుతున్నారు. వీరు చేస్తున్న పనివిధానాన్ని బట్టి చూస్తే బీఎంసీ పరిపాలన విభాగం తగిన రక్షణ సదుపాయాలు కల్పించడం లేదని స్పష్టమవుతోందని బీఎంసీలో ప్రతిపక్ష నాయకుడు దేవేంద్ర ఆంబేకర్ అన్నారు. అత్యధిక శాతం పారిశుద్ధ్య కార్మికులు 50-55 ఏళ్ల వయసులోనే మృత్యువాత పడుతున్నారు.
 
 గడిచిన ఐదేళ్లలో ఏకంగా 1,356 మంది సఫాయి కార్మికులు మృతి చెందారు. ‘మ్యాన్ హోల్స్‌లో దిగి పనిచేసేందుకు కార్మికులకు తగిన రక్షణ కవచాలు ఇప్పటికీ అందుబాటులో లేవు. వీరు అందులో దిగినప్పుడు తప్పనిసరిగా ఆక్సిజన్ మాస్కులు వాడాల్సి ఉంటుంది. అయితే అవి అందుబాటులో ఉండకపోవడంతో మామూలుగానే మ్యాన్‌హోల్స్‌లో దిగుతూ.. వాటిలో ఉత్పతయ్యే విషవాయువులను పీల్చుకుని అందులోనే ప్రాణాలు పోగొట్టుకుంటున్న ఘటనలు కోకొల్లలు...అయినప్పటికీ బీఎంసీ తగిన పరికరాలు వారికి అందజేయడం లేద’ని ఆంబేకర్ ఆరోపించారు.
 
 సాధారణంగా ఈ పనులు చేయడానికి ఎవరూ ముందుకురారు. మత్తులో ఉంటే తప్ప మ్యాన్ హోల్స్‌లో దిగడం, చెత్తను తరలించే సాహసం చేయరు. అందుకే వీరంతా చెడు వ్యాసనాలకు బానిసలవుతున్నారు. మృతుల సంఖ్య తగ్గించాలంటే నెలకు ఒకసారి వారి ఆరోగ్యాన్ని పరిక్షించాల్సిన అవసరం ఎంతైన ఉందని అంబేకర్ స్పష్టం చేశారు. వారు ఆరోగ్యంగా ఉండాలంటే పౌష్టికాహారం బిళ్లలు, టానిక్‌లు ఉచితంగా పంపిణీ చేయాలని ఆయన సూచించారు.


 దీనావస్థలో పారిశుద్ధ్య కార్మికులు
 మురుగు ఎత్తినా మమత చూపని పాలకులు
 ఏళ్లుగా పనిచేస్తున్నా పర్మినెంట్ కాని కొలువు
 వైద్యమందదు.. జీతం సరిపోదు
 
 హోరువానలోనా, ఎముకలు కొరికే చలిలోనైనా తెల్లవారుజామునే రోడ్డెక్కుతారు. రోడ్లన్నీ మెరిసేలా ఊడ్చేస్తారు. మురుగు ఎత్తి శుభ్రంగా ఉన్న రోడ్లను చూసి మురిసిపోతారు. కానీ మనమధ్యే ఉంటూ మనకి ఇంతా సేవ చేస్తున్న ఈ మట్టిమనుషులకు మాత్రం అన్నీ కష్టాలే..
  
 మెదక్: చెత్తపై కొత్త సమరం పేరిట చేపట్టిన ‘‘స్వచ్ఛ భారత్’’ కార్యక్రమం ఉద్యమంలా విస్తరిస్తోంది. దేశ ప్రధాని మోడి పిలుపుతో క్రికెటర్లు, సినీమా స్టార్లు...కోట్లకు పడగలెత్తిన కోటీశ్వర్లు చీపుర్లు పట్టి చెత్తను ఊడ్చేస్తూ...దేశ ప్రజలకు సామాజిక బాధ్యతను గుర్తు చేస్తున్నారు.
 
 సీన్ కట్‌చేస్తే....
 బురద బుక్కుతూ...బురద కక్కుతూ...మురికిలో మునిగి తేలుతూ...ఒళ్లంతా మట్టిని చేసుకొని...బతుకంతా వెట్టిలో గడుపుతున్న గ్రామీణ పారిశుధ్ధ్య కార్మికుల బతుకులు దీనంగా మారుతున్నాయి. ఇచ్చిందే పైకంగా...వచ్చిందే జీతంగా కనీస సౌకర్యాలకు దూరమై దుర్బర జీవితాలు గడుపుతున్నారు. గ్రామాల్లోని పంచాయతీ పారిశుద్ధ్య కార్మికులు. ఏళ్ల తరబడి రెక్కలు ముక్కలు చేసుకున్నా...మురికి కాల్వల్లో రోతను ఎత్తిపోసినా...వారి శ్రమను గుర్తించే వారు గానీ, అయ్యోపాపం అనేవారు గానీ లేకుండా పోయారు.
 
 మసక చీకట్లో...చీపుళ్లు చేతుల్లో...
 జనమంతా..మగత నిద్రలో ఉంటే...పారిశుద్ధ్య కార్మికులు మాత్రం తొలి కోడి కూయకముందే మేల్కొంటారు. చిమ్మ చీకట్లో..చీపుళ్లు చేతబట్టి..తట్టా..పార నెత్తినబెట్టుకొని...వీధుల్లోకి అడుగులు వేస్తారు. ఎముకలు కొరికే చలిలో...జోరు వానలో సైతం విధులకు నిర్వర్తిస్తారు. పరిసరాలు పరిశుభ్రంగా ఉంచేందుకు వారంతా మురుగుపూసుకుంటారు.
 
 మెదక్ జిల్లాలో 1,066 గ్రామ పంచాయతీలు ఉండగా, 620 మంది పారిశుద్ధ్య కార్మికులున్నారు. ప్రతిరోజు గ్రామంలోని వీధులు...మురికి కాల్వలు శుభ్ర పర్చడం వీరి విధి. ఈ క్రమంలో తెల్లవారక ముందే చలికి వణుకుతూ...వర్షానికి తడుస్తూ..ఎండకు ఎండుతూ తమ విధులను నిర్వర్తిస్తుంటారు. మురికి కాల్వల్లోని మురుగును సైతం ఓర్పుతో తొలగిస్తారు. కుక్కలు, పిల్లులు, ఎలుకలు, కాకులు లాంటి  ఏ జీవి చనిపోయినా..వీధుల్లో అవి కుళ్లిపోయి దుర్గంధాన్ని వెదజల్లుతున్నా ముక్కు మూసుకొని తొలగిస్తారు. ఒక్క మాటలో చెప్పాలంటే ‘‘స్వచ్ఛ భారత్’’కు  అచ్చమైన మూలాలు వీరే.
 
 బతుకు భారం..సౌకర్యాలు మృగ్యం
 గ్రామ ప్రజల ఆరోగ్యాన్ని పరిరక్షించే క్రమంలో పారిశుద్ధ్య కార్మికులు అనారోగ్యం కొనితెచ్చుకుంటున్నారు. పంచాయతీరాజ్ కమిషనర్ లేఖ 516, 10-12-2013 ప్రకారం పారిశుద్ధ్య కార్మికులకు సరిపడ సబ్బులు, కొబ్బరి నూనెను గ్రామ పంచాయతీలు ఇవ్వాలి. దుమ్ము, ధూళి నుంచి రక్షణకోసం ముఖాలకు మాస్క్‌లు, చేతులకు గ్లౌజ్‌లు అందజేయాలి. కనీసం ఏడాది రెండుసార్లు వైద్య పరీక్షలు చేయించాలి. రెండు జతలు దుస్తులు, రెండు జతల చెప్పులు ఇవ్వాలి. కానీ ఈ నిబంధనలు ఎక్కడ అమలుకు నోచుకోవడం లేదు.
 
 రెక్కలు ముక్కలు చేసుకునే ఈ కష్ట జీవులకు నెలకు రూ.1,000 నుంచి రూ.1,500 మాత్రమే చెల్లిస్తున్నారు. అవి కూడా పంచాయతీ నిధులను బట్టి రెండు, మూడు నెలలకోసారి ఇస్తున్నారన్న విమర్శలున్నాయి. వీరికి ఉద్యోగ భద్రత కూడా లేదు. కొత్త సర్పంచ్‌లు రాగానే అవసరమైతే తమకు ఇష్టంలేని కార్మికులను తొలగిస్తూ...కొత్తవారిని చేర్చుకుంటున్నారనే ఆరోపణలున్నాయి. కాలుష్య వాతావరణంలో విధులు నిర్వర్తిస్తూ....అనారోగ్యానికి గురై మృత్యువాత పడ్డ కార్మికులు ఎందరో ఉన్నారు.
 
 పాఠశాలల్లోని పార్ట్‌టైం స్వీపర్లది అదే గతి
 జిల్లాలోని కొన్ని పాఠశాలల్లో పార్ట్ స్వీపర్లు..కాన్టిన్‌జెంట్ ఉద్యోగులుగా సేవలందిస్తున్నారు. జిల్లాలో మొత్తం 270 మంది విధులు నిర్వహిస్తున్నారు. ప్రతిరోజు పాఠశాలను, మరుగుదొడ్లను, పాఠశాల ఆవరణను శుభ్రం చేస్తూ...ఒళ్లంతా దుమ్ము చేసుకుంటున్నారు. 30 ఏళ్ల నుండి సేవలందిస్తున్నా..వారి ఉద్యోగాలు పర్మనెంట్ కాలేదు. నెలకు వచ్చే జీతం కేవలం రూ.1,623లు మాత్రమే. తమకు ఉద్యోగ భద్రత కల్పించాలని, రెగ్యులర్ పేస్కేల్ ఇవ్వాలని కనిపించిన వారినల్లా వేడుకుంటున్నా...వారి వేదన అరణ్య రోదనగానే మారుతోంది.


 కామారెడ్డి : పారిశుధ్య కార్మికులు తమ ఆరోగ్యాన్ని పణంగా పెట్టి ప్రజలకు స్వచ్ఛమైన వాతావరణాన్ని, పరిశుభ్రతను అందించేందుకు నిరంతరం శ్రమిస్తూ ఉంటారు. అప్పుడప్పుడు ప్రజాప్రతినిధులు, నేతలు, అధికారులు చీపుర్లు చేతపట్టుకుని ఫొటోలకు ఫోజులివ్వడం వారిని అబ్బురపరుస్తుంది. పల్లె నుంచి పట్టణాలు, నగరాలు, మహా నగ రాల దాకా ప్రతీ చోటా అందరికన్నా ముం దే రోడ్లపైకి వచ్చేది పారిశుధ్య కార్మికులే. తెలవారకముందే వారు తమకు కేటాయించిన ప్రాంతాలకు బయలుదేరుతారు.
 
 మురికి కాలువలను శుభ్రం చేయ డం, రోడ్లను ఊడ్చడం, చెత్తను ఎత్తి ఆటోలు, ట్రాక్టర్లలో పోయండంలాంటి పనులు చేసే కార్మికులు నిత్యం అనేక సమస్యలను ఎదుర్కొంటుంటారు. మురికితో ముక్కుపుటాలు అదిరిపోతున్నా తమ విధులను నిర్వహిస్తుంటారు. ఒక్కోసారి మురికి కాలువల లో పశువులు, పందులు, కుక్కల కళేబరాలు ఉం టా యి. దుర్గంధం వెదజల్లుతున్నా ముక్కుకు గుడ్డ కట్టుకుని వాటిని బయటకు లాగుతారు. పట్టణాలకు దూరంగా తీసుకెళ్లి పడేస్తారు. రోడ్లపై దుమ్ము, ధూళిని ఊడ్చే సమయంలో నానా యాతన పడుతుంటారు. దగ్గు, తుమ్ములు వస్తున్నా ఆపుకుంటూ ఊడుస్తూనే ఉంటారు. చెత ్తకుండీలు కంపు కొడుతున్నా సరే అందులో నుంచి మొత్తం చెత్తను తొలగిస్తారు.
 
  అరకొర వేతనాలు
  సమాజానికి ఆరోగ్యాన్ని అందించేందుకు తమ జీవితాలను పణంగా పెట్టి కష్టించే కార్మికులకు అందే వేతనాలు అంతంతే ఉంటాయి. పట్టణాలలో అయితే మున్సిపా లిటీలు ఆరు వేల నుంచి ఎనిమిది వేల వరకు ఇస్తాయి. పల్లెలలో కేవలం వెయ్యి నుంచి మూడు వేల రూపాయలు మాత్రమే అందుతాయి. పల్లె అయినా పట్టణమైనా సరే కార్మికులకు నెలనెలా వేతనాలు సక్రమంగా అందవు. కార్మికుల వేతనాలకు ప్రత్యేక బడ్జెట్ లేకపోవడంతో ప్రజలు చెల్లించే పన్నుల నుంచే వేతనాలు ఇస్తుంటారు. దీంతో బడ్జెట్ లేదంటూ వేతనాలు ఇవ్వడంలో ప్రతీసారీ జాప్యం జరుగుతూనే ఉంటుంది.
 
  రోగాలే మిగిలేది
  తెలవారకముందే పనిలో నిమగ్నమయ్యే పారిశుధ్య కార్మికులకు ఇచ్చే వేతనాలు అరకొరగానే ఉంటున్నా యి. ఇదే సమయంలో దుర్గంధం, మురికి మధ్యన నిత్యం జీవితాలను గడపడంతో వారు అనేక రకాల రోగాలబారిన పడుతుంటారు. కార్మికుల ఆరోగ్యం విషయంలో పాలకులు, అధికారులు ఏనాడూ పట్టించుకున్న పాపాన పోవడం లేదు. దీంతో వారు అనేక రకాల వ్యాధులతో ఇబ్బందులు పడుతున్నారు.
 
 అనారోగ్యంపాలైన కార్మికులకు వైద్య సహాయం అందించే విషయాన్ని ప్రభుత్వాలు పట్టించుకోవు. ఎందరో కార్మికులు రోగాలతో ఇబ్బందులు పడుతూ ప్రాణాలు కోల్పోయిన సంఘటనలున్నాయి. వైద్యం, మందులకయ్యే ఖర్చులకే సంపాదన నైవేద్యం   లా ఖర్చు చేయాల్సి వస్తోందని పలువురు కార్మికులు ఆవేదన వ్యక్తం చేశారు.
 
  వారు నిజమైన సేవకులు
  సమాజానికి స్వచ్ఛతనందించే పారిశుధ్య కార్మికులే నిజమైన సేవకులుగా సమాజంలో గుర్తింపు పొం దారు. నిత్యం సేవలందించే కార్మికులకు పండుగల సమయంలో చాయ్ నీళ్లకంటూ ఐదో, పదో రూపాయలిస్తూ ప్రజలు వారి సేవలను గుర్తిస్తుంటారు. ఎప్పుడైనా సమ్మెకు దిగితే ప్రజలు తీవ్రమైన ఇబ్బందులను ఎదుర్కొనాల్సిందే. పా రిశుధ్య కార్మికులు లేని ప్రపంచాన్ని ఊహించుకోలేమన్నది సామాజిక కార్యకర్తల అభిప్రాయం. అందుకే వారి సంక్షేమం విషయంలో పాలకులు దృష్టి సారించి వారిని ఆదుకోవాల్సిన అవసరం ఉంది.


 గుంటూరు నగరాన్ని అందంగా...ఆహ్లాదంగా ఉంచటంలో పారిశుద్ధ్య కార్మికుల కృషి ఎంతో ఉంటుంది.  ప్రజల ఆరోగ్య పరిరక్షణలోనూ వారి శ్రమ గుర్తించదగినదే...వారంతా ఒక్కరోజు పనులకు బ్రేక్ ఇస్తే నగర సొగసు ఊహించలేం...క్షణం కూడా నగర గాలి పీల్చలేం. రోడ్లు, వీధులు, చివరకు ఇళ్ల ముందు సైతం పెట్టని కోటల్లా చెత్తా చెదారం టన్నులకొద్దీ పేరుకుపోయి దుర్గంధం దిగంతాలను తాకుతుంది.
  
  నిత్యం చెత్త ఎత్తుతూ, డ్రైనేజీలను శుభ్రపరిచే పారిశుద్ధ్య కార్మికుల స్థితిగతులను వెలుగులోకి తెచ్చేందుకు ‘సాక్షి' సంకల్పించింది. వారి  పరిస్థితిని ప్రజల మనిషిగా, ప్రజల చేత, ప్రజల కోసం ఎన్నుకోబడిన ప్రజాప్రతినిధికి బాగా అర్థమవుతోంది. అందుకే ‘సాక్షి' తన సంకల్పాన్ని సాకారం చేసే బాధ్యతను గుంటూరు తూర్పు ఎమ్మెల్యే షేక్ మొహమ్మద్ ముస్తఫాకు అప్పగించింది.
  
   ‘వీఐపీ రిపోర్టర్’గా గుంటూరులోని పారిశుద్ధ్య కార్మికుల జీవన స్థితిగతులపై  ఆరా తీయించింది. రిపోర్టర్‌గా ఎమ్మెల్యే ఈ కర్తవ్యాన్ని ఉత్సాహంగా నిర్వహించారు. వారు నివసించే ఆనందపేట రెండవ లైన్‌కు వెళ్లారు. కార్మికులను ఆప్యాయంగా పలకరించారు. వారి బాధలు సావధానంగా విన్నారు. వారికి అండగా ఉంటానని భరోసా ఇచ్చారు.
  
 పారిశుద్ధ్య కార్మికులు ఉంటున్న ఆనందపేటలో కమ్యూనిటీ హాలు నిర్మించేందుకు కృషి చేస్తా. కార్పొరేషన్ అధికారులతో మాట్లాడి యూనిఫాం, సబ్బులు, కొబ్బరినూనె, బూట్లు ఇప్పించేలా చర్యలు చేపడతా. ఇంటి పన్నులు కట్టించుకుని కుళాయి వేయించేలా కృషి చేస్తా. కాలనీలో మౌలిక సదుపా యాలను కల్పిస్తా. కార్మికులకు ప్రమాద బీమా అందించేందుకు చర్యలు చేపడతా. కార్మికులకు అండగా ఉంటూ వారి సమస్యల కోసం పోరాడతా.
  - ఎమ్మెల్యే ముస్తఫా
  
  మొహమ్మద్ ముస్తఫా : నమస్తే, నా పేరు షేక్ మొహమ్మద్ ముస్తఫా, గుంటూరు తూర్పు నియోజకవర్గ ఎమ్మెల్యేని. మీ సమస్యలు తెలుసుకునేందుకు వచ్చా? ఏంటి మీ సమస్యలు ?
  వెంకటరమణ : నమస్కారం సారూ... మేము ఊరంతా శుభ్రం చేస్తున్నా.. మా కాలనీలను పట్టించుకునే వారే లేరు. కనీస సౌకర్యాలు లేవు. ఎవరైనా చనిపోతే దహనసంస్కారాలు చేసేందుకు జాగా కూడా లేదు. కనీసం మీరైనా స్పందించి మా సమస్యలు తీర్చండి సారూ..
 
  నూకమ్మ : అయ్యా.. ఎప్పటి నుంచో ఈ కాలనీలో ఉంటున్నాం. ఇళ్ళ పట్టాలు ఇవ్వలేదు. కనీసం పన్ను కూడా కట్టించుకోవడం లేదు. కార్పొరేషన్ క్వార్టర్స్‌లోనే ఉంటున్నాం. అవికూడా బాగోలేదు. కనీసం మరుగుదొడ్లు లేవు. శుభకార్యాల కోసం మాకు ఒక కమ్యూనిటీ హాల్ నిర్మించండయ్యా...
  మొహమ్మద్ ముస్తఫా : జీతాలు వస్తున్నాయా?
  దుర్గాభవాని :  నెలంతా కష్టపడితే రూ. 6 వేలు వస్తాయి. సెలవు పెడితే కోత పెడుతున్నారు. అవి కూడా సక్రమంగా రావడంలేదు. నెల దాటి 20 రోజులు గడిస్తేగానీ జీతం రావడంలేదు. ఎలా బతకాలో అర్థం కావడం లేదు.
  మొహమ్మద్ ముస్తఫా: మీకు ఈఎస్‌ఐ కార్డులు జారీ చేశారా..?
  వైద్య సేవలు అందుతున్నాయా ?
  సత్యవతి:  కార్డులు ఇంతవరకూ ఇవ్వలేదు. కార్డులే లేకుండా వైద్యం ఎట్లా..మా జీవితాలు దుర్భరంగా మారాయి. మమ్మల్ని పట్టించుకునే నాథుడే లేకుండా పోయాడు.
  మొహమ్మద్ ముస్తఫా : యూనిఫాం, స్టేషనరీ ఇస్తున్నారా ?
  బంగారు పార్వతి : కార్పొరేషన్ అధికారులు మా సమస్యలు పట్టించుకోవడం లేదు.
  యూనిఫాం మూడేళ్లుగా ఇవ్వలేదు. మురుగు కాల్వల్లో చెప్పులు లేకుండా దిగితే మే కులు దిగి సెప్టిక్‌అవుతుంది. బూట్లు మాటే ఎత్తడం లేదు.
  మొహమ్మద్ ముస్తఫా : కాంట్రాక్ట్ కార్మికులను పర్మనెంట్ చేస్తామంటూ ప్రభుత్వం ఇచ్చిన హామీపై అధికారులు ఏమంటున్నారు?
  బండి దుర్గమ్మ : ఎన్నికలు వచ్చినప్పుడల్లా నాయకులు, అధికారులు మమ్మల్ని పర్మనెంట్ చేస్తామంటున్నారు. ఎవరూ ఏమీ చేయడం లేదు. 14 ఏళ్లుగా కాంట్రాక్టు పైనే ఉన్నాం.
  మొహమ్మద్ ముస్తఫా ః మీకు ఇవ్వాల్సిన వస్తువులను కార్పొరేషన్ అధికారులు అందిస్తున్నారా?
  భజంత్రీ ఈశ్వరమ్మ : రోజూ మురుగులో తిరిగే మాకు చెప్పులు, సబ్బులు, కొబ్బరినూనె, వంటివి అందించాలి సార్..కానీ అధికారులు ఏ ఒక్కటీ ఇవ్వడం లేదు. మా జీతం డబ్బుతో మేమే కొనుక్కుంటున్నాం. ఎప్పుడో ఎంఎం నాయక్ కమిషనర్‌గా ఉన్నప్పుడు  బట్టలు, చెప్పులు, కొబ్బరినూనె ఇచ్చారు. ఆ తర్వాత వచ్చిన కమిషనర్లు మా గోడు పట్టించుకోవడం లేదు.
  మొహమ్మద్ ముస్తఫా : మీ సమస్యలు కమిషన్‌కు చెప్పారా?
  రౌతు వెంకటరమణ : మేడమ్ గారితో నేరుగా మాట్లాడలేదు. మా యూనియన్ నాయకులు ఆమెతో అనేక సార్లు సమస్యల గురించి చెప్పినా తిరిగి ఏమీ చెప్పలేదు. జీతాలు పెంచాలని ధర్నాలు చేసినా పట్టించుకోలేదు. ఇంత వరకూ పర్మనెంట్ చేయలేదు.
  మొహమ్మద్ ముస్తఫా : కార్పొరేషన్ తరఫున మీకు ప్రమాద బీమా కల్పించారా..?
  అరుణకుమారి : అసలు అదంటే ఏమిటో కూడా మాకు తెలియదయ్యా. అధికారులకు మాగోడు పట్టదయ్యా. అసలు మాతో మాట్లాడేందుకు కూడా ఇష్టపడరు. మా కనీస అవసరాలైనా తీర్చేలా చూడండి. ఎవరికైనా ప్రమాదం జరిగితే పట్టించుకోరు. అసలు అధికారులు ఎవరూ రారు.
  మొహమ్మద్ ముస్తఫా : మీ పిల్లల సంక్షేమానికి కార్పొరేషన్ ఏమైనా చేస్తోందా?
  శ్రీను : అధికారులకు మా గురించే పట్టించుకునే తీరిక లేదు. ఇక మా పిల్లల సంక్షేమం గురించి వాళ్లేం చేత్తారయ్యా..
  మొహమ్మద్ ముస్తఫా : వీరి జీవితాలు ఏం చేస్తే బాగుపడతాయో కార్మిక నాయకుడిగా మీరు  చెప్పగలరా..?
 
  కార్మిక నాయకుడు రవి: జీతాలు పెంచుతామని హామీలు ఇవ్వడం తప్ప అధికారులు వీరి గురించి పట్టించుకోవడం లేదు. పారిశుధ్య కార్మికుల పిల్లలకు ప్రభుత్వం ఉచితంగా చదువు చెప్పించడం ద్వారా వారి జీవన విధానంలో మార్పు తేవచ్చు. నగరంలో 12 కాలనీల్లో పారిశుధ్య కార్మికులు జీవిస్తున్నారు. వీరికి పక్కా ఇళ్ళు కట్టించాలి. కాలనీల్లో రోడ్లు, తాగునీరు వంటి కనీస వసతులు కల్పించాలి. ఎస్సీల కాలనీలపై అధికారులు సవతి తల్లి ప్రేమ చూపుతున్నారు.
 
  కార్మికుడి ఇంటిని పరిశీలించిన ఎమ్మెల్యే... భజంత్రి సాంబశివరావు అనే కార్మికుడి ఇంట్లోకి ఎమ్మెల్యే ముస్తఫా వెళ్లి కుటుంబ సభ్యులతో ఆప్యాయంగా మాట్లాడారు. ఇంత చిన్న ఇంట్లో ఎంత మంది ఉం టున్నారని వారిని ప్రశ్నించారు. సాంబశివరావు మాట్లాడుతూ ‘ఈ ఇంట్లో ఆరుగురుం ఉంటున్నాం సార్.  పెపైచ్చులు ఊడిపోయాయి.’
 
 వర్షం వస్తే ఎలా అని ఎమ్మెల్యే ప్రశ్నించగా ‘వర్షాకాలంలో ఎక్కడో ఓ చోట తలదాచుకోవడమేనని, మొత్తం మూడు కుటుంబాలు ఈ ఇంట్లోనే ఉంటున్నా’యని తెలిపారు. ఇళ్ల స్థలాలు ఇప్పించి ఆదుకోవాలని,పిల్లలను బడికి కూడా పంపలేకపోతున్నామన్నారు. మీ కష్టాలు, సమస్యలను త్వరితగతిన పరిష్కరించేందుకు కృషిచేస్తామని ముస్తఫా హామీ ఇచ్చి వెనుదిరిగారు.
 
  ట్రాన్స్‌కో డీఈకి ఫోన్... ఆనందపేటలోని పారిశుద్ధ్య కార్మికుల ఇళ్లకు విద్యుత్ మీటర్లు ఇవ్వకపోవడం గురించి ఎమ్మెల్యే ముస్తఫా ట్రాన్స్‌కో డీఈ విజయ్‌కుమార్‌తో ఫోన్‌లో మాట్లాడారు. స్పందించిన డీఈ ఆనందపేటలో నెలకొన్న విద్యుత్ సమస్యలను వెంటనే పరిష్కరిస్తామని తెలిపారు. అక్కడి నుంచి ఆనందపేట మున్సిపల్ కార్పొరేషన్ పాఠశాలకు వెళ్లి విద్యార్థుల సమస్యలను అడిగి తెలుసుకున్నారు. పాఠశాలకు ప్రహరీగోడ నిర్మించాలని కోరారు. మరుగుదొడ్లు సక్రమంగా లేవని తెలిపారు.
 
  కమిషనర్‌కు ప్రజల సమస్యలు పట్టడం లేదు
  గుంటూరు నగరపాలక సంస్థ ఐఏఎస్ అధికారుల పాలనలో అభివృద్ధి చెందిందని, ప్రస్తుతం ఉన్న కమిషనర్‌కు ప్రజల సమస్యలు పట్టడం లేదని ఎమ్మెల్యే ముస్తఫా విమర్శించారు. తాను 150 డస్ట్‌బిన్‌లు కొనుగోలు చేసి కార్పొరేషన్‌కు అప్పగిస్తే వాటినీ పట్టించుకోకుండా వదిలేశారని మండిపడ్డారు. పారిశుద్ధ్య కార్మికులకు మేలు చేసిన ఐఏఎస్ అధికారులు ప్రవీణ్ ప్రకాష్, మల్లిఖార్జున నాయక్‌ల పేర్లు గుర్తున్నాయంటే వారి పనితీరే ఇందుకు కారణమని అభిప్రాయపడ్డారు.
 
  ప్రజెంటేషన్ :
  నక్కా మాధవరెడ్డి
  ఫొటోలు: రూబెన్


 త్వరలోనే కొత్త టెండర్లు.. అప్పటివరకు పొడిగింపు
  
  కరీంనగర్ నగరపాలక సంస్థలో పారిశుధ్య కార్మికుల నియామకానికి నిర్వహించిన టెండర్లను అధికారులు రద్దు చేశారు. అవకతవకలు జరిగాయని తేటతెల్లమైనప్పటికీ మొదట నిమ్మకు నీరెత్తినట్లు వ్యవహరించిన అధికారులు... ‘సాక్షి’ వరుస కథనాలతో మొద్దునిద్ర వీడారు. అక్రమాలు నిజమేనని, దిద్దుకోలేని చర్యగా భావిస్తూ రద్దుకే మొగ్గు చూపారు. త్వరలో కొత్త టెండర్లు నిర్వహించేందుకు సన్నద్ధమవుతున్నారు.
  
  టవర్‌సర్కిల్ :
  పారిశుధ్య కార్మికుల నియామకం కోసం రూ.10 కోట్ల విలువైన టెండర్లను అర్హత లేని శ్రీరాజరాజేశ్వర ఏజెన్సీకి కట్టబెట్టేందుకు నగరపాలక సంస్థ అధికారులు అన్నీ సిద్ధం చేసిన వైనాన్ని ‘సాక్షి’ వెలుగులోకి తీసుకువచ్చిన విషయం తెలిసిందే. అక్రమాలపై అన్ని వైపుల నుంచి విమర్శలు రావడం, బల్దియా ఉన్నతాధికారుల పాత్ర ఉన్నట్లు తేలడంతో టెండర్లు రద్దు చేస్తూ కమిషనర్ శ్రీకేశ్ లట్కర్ ఉత్తర్వులు జారీ చేశారు.
 
 రాష్ట్రస్థాయిలో ఈ అంశంపై తీవ్ర చర్చ జరుగుతోంది. ఇంజినీరింగ్‌శాఖ అధికారులు చేసిన తప్పిదంతో నగరపాలక సంస్థ పరువు బజారున పడినట్టయింది. టెండర్లను ఉద్దేశపూర్వకంగా ఆలస్యం చేయడం, టెక్నికల్ బిడ్ తెరవడం మొదలుకుని ఫైనాన్స్ బిడ్ ఓపెన్ చేసేవరకూ అంతా గందరగోళంగానే జరిగింది. అర్హత లేని ఏజెన్సీలను గుర్తించి కూడా అత్యుత్సాహంతో సదరు ఏజెన్సీలకు సంబంధించిన ఫైనాన్స్‌బిడ్ తెరిచినట్లు స్పష్టంగా తెలుస్తోంది. ఈ విషయంపై ఏకంగా ఉన్నతాధికారులను, పాలకవర్గాన్ని తప్పుదోవ పట్టించేందుకు చేసిన ప్రయత్నం బెడిసికొట్టి బండారం బయటపడింది. అక్రమాల చిట్టా బయటపడడం కార్పొరేషన్‌ను ఒక కుదుపు కుదిపింది. అయితే బాధ్యులని తేలిన తర్వాత కూడా సదరు అధికారులను ఉపేక్షించడంపై విమర్శలు వ్యక్తమవుతున్నాయి.
 
  మళ్లీ పొడిగింపులే...
  నగరపాలక సంస్థగా రూపాంతరం చెందిన తొమ్మిదేళ్లలో కేవలం రెండుసార్లు మాత్రమే శానిటేషన్ కార్మికుల నియామకం కోసం టెండర్లు జరిగాయి. 2005లో ఒకసారి టెండర్లు జరగగా, అప్పటినుంచి 2013 వరకు పొడిగింపులే జరిగాయి. 2013లో టెండర్లు నిర్వహించగా పాతవారికే పనులు దక్కాయి. 2014 జూలై 31తో టెండర్ల గడువు ముగియగా టెండర్ల ప్రక్రియ అప్పటినుంచి మూడు నెలలు కొనసాగింది. ఈ మూడు నెలలతోపాటు కొత్త టెండర్లు పూర్తయ్యేవరకు మరో మూడు నెలలు పాత కాంట్రాక్టర్‌కే పొడిగింపు ఇచ్చే అవకాశాలు కనిపిస్తున్నాయి.


 తిరుమల : తిరుమలలోని కాటేజీల్లో పనిచేసే పారిశుధ్య కార్మికులు సోమవారం ఆదోళన చేశారు. ఆరు నెలలుగా జీతాలు ఇవ్వకపోవడంతో సుమారు వందమందికిపైగా కార్మికులు సోమవారం ఉదయం విధులకు హాజరుకాకుండా పద్మావతి అతిథిగృహం వద్ద ‘టీటీడీ కాంట్రాక్ట్ ఎంప్లాయీస్ ఆండ్ వర్కర్స్ యూనియన్’ ఆధ్వర్యంలో నిరసన వ్యక్తం చేశారు. తమకు బీవీజీ కాంట్రాక్ట్ సంస్థ ఆరు నెలలుగా జీతాలు ఇవ్వకపోగా వేధింపులకు గురిచేస్తోందని ఆరోపించారు.
 
 తమను కాంట్రాక్టర్లు చిన్నచూపు చూస్తున్నారని ఆవేదన వ్యక్తం చేశారు. చాలీచాలని జీతంతో కుటుంబ పోషణ కష్టంగా మారిందన్నారు. కనీసం బస్సు పాసులు కూడా ఇవ్వటం లేదని తెలిపారు. శ్రీవారి దర్శనానికి వచ్చిన జాతీయ సఫాయి కర్మచార చట్టం సభ్యులు విజయకుమార్ వారి వద్దకు వెళ్లి విషయాన్ని తెలుసుకున్నారు.
 
 టీటీడీలో పనిచేస్తున్న కాంట్రాక్ట్ కార్మికులందరికీ రూ.8.500 కనీస వేతనం ఇవ్వాలని కాంట్రాక్ట్ యజమానులకు, టీటీడీ అధికారులకు ఆయన తెలియజేశారు. అనంతరం యూనియన్ ప్రధాన కార్యదర్శి వాడ గంగరాజు, ఉపాధ్యక్షుడు మార్కొండయ్య మాట్లాడుతూ ఇప్పటికైనా అధికారులు కార్మికుల సమస్యలను పరిష్కరించాలని డిమాండ్ చేశారు.
 
 నిరసన వ్యక్తం చేస్తున్న కార్మికులను టూటౌన్ ఎస్‌ఐ వెంకటరమణ, విజిలెన్స్ ఏవీఎస్‌వో వెంకటాద్రి అడ్డుకున్నారు. సమస్యలు ఉంటే అధికారులతో మాట్లాడి పరిష్కరించుకోవాలని, రోడ్లపై ఆందోళన నిషేధమని హెచ్చరించారు. వారం రోజుల్లో సమస్యలను పరిష్కరిస్తామన్న అధికారుల హామీతో కార్మికులు ఆందోళన విరమించి విధులకు హాజరయ్యారు.
  


 ఒంగోలు టూటౌన్, న్యూస్‌లైన్ : పంచాయతీ కార్మికులపై ప్రభుత్వం నిర్లక్ష్యం చూపుతోంది. దశాబ్దాలుగా కనీస వేతనాలకు నోచుకోవడం లేదు. నామమాత్రపు వేతనాలతో పనిచేస్తున్నా అవి కూడా సకాలంలో అందక అవస్థలు పడుతున్నారు. నెలల తరబడి వేతన బకాయిలు పేరుకుపోతున్నా పట్టించుకునే నాథుడు లేడు. జిల్లాలోని 1,028 పంచాయతీలున్నాయి. వీటిలో కొన్నిచోట్ల మాత్రమే పారిశుధ్య కార్మికులు, టైమ్‌స్కేల్ కార్మికులు, పర్మినెంట్, టెండర్, ఎన్‌ఎంఆర్ విధానంలో కార్మికులు పనిచేస్తున్నారు. పర్మినెంట్, టైమ్ స్కేల్ కార్మికులు సుమారుగా 125 మంది వరకు ఉన్నారు.
  
  పారిశుధ్య కార్మికులు దాదాపుగా వెయ్యి మందికి పైగా పనిచేస్తున్నారు. వీరిలో పర్మినెంట్ కార్మికులకు ట్రెజరీ ద్వారా జీతాలు చెల్లించేందుకు చర్యలు తీసుకోవాలని 2011 సెప్టెంబర్‌లో ప్రభుత్వం జీవో విడుదల చేసింది. జాయింట్ కలెక్టర్ అధ్యక్షునిగా, జిల్లా పంచాయతీ అధికారి, డీఎల్‌పీవోతో కూడిన కమిటీని ఏర్పాటు చేశారు. వీరు పర్మినెంట్ కార్మికులను గుర్తించి పంపిస్తే ప్రభుత్వం ఖజానా శాఖ ద్వారా జీతాలు చెల్లిస్తుంది. ఇలా చేయడం వల్ల పర్మినెంట్ కార్మికులున్న పంచాయతీలకు ఆర్థిక భారం తగ్గుతుంది. మిగిలిన పార్ట్‌టైం, ఎన్‌ఎంఆర్, పారిశుధ్య కార్మికులకు పంచాయతీలు వేతనాలిచ్చేందుకు వెసులుబాటు కలుగుతుంది.
  
 అయితే జిల్లాలో పర్మినెంట్ కార్మికులను గుర్తించి నివేదిక పంపించడంలో అధికారులు నిర్లక్ష్యం వహిస్తున్నారని ఏపీ గ్రామ పంచాయతీ ఎంప్లాయీస్ అండ్ వర్కర్స్ యూనియన్ జిల్లా అధ్యక్షుడు శేషయ్య ఆరోపించారు. కొన్ని పంచాయతీల్లో కార్మికులకు నెలల తరబడి వేతనం అందక ఇబ్బంది పడుతున్నారు. కురిచేడు, టంగుటూరు, నాగులుప్పలపాడు, కొత్తపట్నం, అల్లూరు, పర్చూరు నియోజకవర్గంలోని నూతలపాడు గ్రామపంచాయతీ, కొత్తపాలెం(చీరాల), బీ నిడమానూరు పంచాయతీల్లో పనిచేసే పారిశుధ్య కార్మికులకు నేటికీ వేతనం అందక అవస్థలు పడుతున్నారు.
  
 పంచాయతీల్లో కార్మికులను నియమించే టెండర్ ప్రతిపాదనలను సకాలంలో జిల్లా పంచాయతీ కార్యాలయానికి పంపించడంలో కార్యదర్శులు, ఈఓలు అలవిమాలిన నిర్లక్ష్యం వహిస్తున్నందున కార్మికులకు జీతాలు చెల్లించలేని పరిస్థితి.   టంగుటూరు పంచాయతీలో టైమ్ స్కేల్ కార్మికుల ఫైల్ రెన్యువల్‌లో పురోగతి కనిపించడం లేదు. కార్మికులపై డీపీవో అధికారుల వైఖరిని తప్పుబడుతూ యూనియన్ నాయకులు ఫిర్యాదు చేయడంతో.. అధికారులను కలెక్టర్ పలుమార్లు మందలించారు. అయినా వారిలో మార్పు రావడం లేదు.  
  
 హామీలు గాలికి..: పంచాయతీ కార్మికులు ప్రభుత్వంతో పోరాడి సాధించుకున్న ఏడు జీవోలు అమలుకు నోచుకోలేదని యూనియన్ నాయకులు ఆరోపిస్తున్నారు. పంచాయతీ కార్మికుల సమస్యల పరిష్కారానికి ఉన్నతాధికారులు చర్యలు తీసుకోవాలని యూనియన్ నాయకులు శేషయ్య డిమాండ్ చేశారు.


 జీహెచ్ఎంసీలోని పారిశుధ్య కార్మికులు తాము చేపట్టిన సమ్మెను విరమించారు. వేతనాల విషయంలో కమిషనర్ సోమేష్ కుమార్ సానుకూలంగా స్పందించడంతో వారు సమ్మె విరమించినట్లు తెలిసింది. అంతకుముందు జీహెచ్‌ఎంసీ గుర్తింపు యూనియన్ జీహెచ్‌ఎంఈయూ పిలుపు మేరకు ‘గ్రేటర్’లో పనిచేస్తున్న సిబ్బందిలో దాదాపు 20 వేల మంది నిరవధికంగా విధులకు డుమ్మాకొట్టి సమ్మెలో పాల్గొన్నారు. ఫలితంగా చెత్త తరలింపు.. వీధులూడ్చటం.. దోమల నివారణ మందులు చల్లడం.. తదితర సేవలన్నీ స్తంభించాయి.
 
 మునిసిపల్ పరిపాలన, పట్ణణాభివృద్ధి శాఖ ముఖ్య కార్యదర్శి హామీ మేరకు ఈ నెల పదోతేదీ నాటికి ఔట్‌సోర్సింగ్ సిబ్బంది వేతనం నెలకు రూ.16,500కి పెంచే విషయంతో పాటు, మెగాసిటీ కాంపెన్సేటరీ అలవెన్స్ తదితర హామీలు అమలుకు నోచుకోనందున గురువారం అర్థరాత్రి నుంచే సమ్మెలో పాల్గొన్నారు. జీహెచ్‌ఎంసీ ఉద్యోగులందరికీ హెల్త్‌కార్డులు, పారిశుధ్య విభాగంలో శానిటరీ ఫీల్డ్ అసిస్టెంట్, ఈఎఫ్‌ఏలకు ఇంధన అలవెన్సు, కార్మికులకు మాస్కులు, గ్లౌజులు, రెయిన్‌కోట్లు, ఈఎస్‌ఐ, ఈపీఎఫ్, ఇన్సూరెన్స్ సదుపాయాలు తదితరమైనవి యూనియన్ డిమాండ్లలో ఉన్నాయి.
 
 అయితే, పారిశుధ్య కార్మికుల వేతనాల పెంపు విషయాన్ని ప్రభుత్వం దృష్టికి తీసుకెళ్లామని జీహెచ్ఎంసీ కమిషనర్ సోమేష్ కుమార్ తెలిపారు. కార్మికులకు సంబంధించిన మిగతా అన్ని డిమాండ్లను పరిష్కరిస్తామని ఆయన శుక్రవారమిక్కడ వెల్లడించారు. కమిషనర్ నుంచి సానుకూల స్పందన రావడం, ప్రజారోగ్యం దృష్ట్యా సమ్మె విరమిస్తున్నట్లు కార్మిక నాయకులు తెలిపారు.


 హైదరాబాద్ : పారిశుధ్య కార్మికులు సమ్మెబాట పట్టారు. జీహెచ్‌ఎంసీ  సేవలన్నీ శుక్రవారం నుంచి నిలిచిపోయాయి. జీహెచ్‌ఎంసీ గుర్తింపు యూనియన్ జీహెచ్‌ఎంఈయూ పిలుపు మేరకు ‘గ్రేటర్’లో పనిచేస్తున్న సిబ్బందిలో దాదాపు ఇరవైవేల మంది నిరవధికంగా విధులకు డుమ్మాకొట్టి సమ్మెలో పాల్గొన్నారు. ఫలితంగా చెత్త తరలింపు.. వీధులూడ్చటం.. దోమల నివారణ మందులు చల్లడం.. తదితర సేవలన్నీ స్తంభించాయి.
 
 మునిసిపల్ పరిపాలన, పట్ణణాభివృద్ధి శాఖ ప్రిన్సిపల్ సెక్రటరీ హామీ మేరకు ఈ నెల 10వ తేదీ నాటికి ఔట్‌సోర్సింగ్ సిబ్బంది వేతనం నెలకు రూ.16,500కి పెంచే విషయంతో పాటు, మెగాసిటీ కాంపెన్సేటరీ అలవెన్స్ తదితర హామీలు అమలుకు నోచుకోనందున గురువారం అర్థరాత్రి నుంచే సమ్మెలో పాల్గొన్నారు.
 జీహెచ్‌ఎంసీ ఉద్యోగులందరికీ హెల్త్‌కార్డులు, పారిశుధ్య విభాగంలో శానిటరీ ఫీల్డ్ అసిస్టెంట్, ఈఎఫ్‌ఏలకు ఇంధన అలవెన్సు, కార్మికులకు మాస్కులు, గ్లౌజులు, రెయిన్‌కోట్లు, ఈఎస్‌ఐ, ఈపీఎఫ్, ఇన్సూరెన్స్ సదుపాయాలు తదితరమైనవి యూనియన్ డిమాండ్లలో ఉన్నాయి.
 
 మరోవైపు  సర్వసభ్య సమావేశంలో తమకు జరిగిన అవమానానికి నిరసనగా జీహెచ్‌ఎంసీ ఇంజనీర్లు ప్రారంభించిన నిరసన కొనసాగుతోంది. నిన్నసామూహిక సెలవులతో విధులకు హాజరుకాని ఇంజనీర్లు.. నేడు కూడా సామూహిక సెలవు పెట్టి గైర్హాజరు కానున్నట్లు సమాచారం.


 రియాద్ నుంచి సాక్షి ప్రత్యేక ప్రతినిధి: సౌదీ అరేబియా ప్రభుత్వం తీసుకువచ్చిన నూతన కార్మిక చట్టం ‘నతాఖా’ కింద అరెస్టుల పరంపర కొనసాగుతూనే ఉంది. శుక్రవారం పెద్ద సంఖ్యలో కార్మికులను పోలీసులు అదుపులోకి తీసుకున్నారు. మరోవైపు తోటి కార్మికుల అరెస్టులకు వ్యతిరేకంగా నిరసనలు మొదలయ్యాయి. అరెస్టులను ఖండిస్తూ పారిశుద్ధ్య విభాగంలో పర్మినెంట్ విధులు నిర్వహిస్తున్న సిబ్బంది శుక్రవారం నుంచి నిరవధిక సమ్మెకు దిగారు. దీంతో ప్రధాన నగరాల్లో ఎక్కడికక్కడ చెత్త పేరుకుపోయింది. రోడ్లపై చెత్త ఊడ్చేవారు, డంప్ చేసే వారు లేక స్థానికులు ఇబ్బందులు ఎదుర్కొన్నారు. ఇళ్లు, షాషింగ్ మాల్స్, వ్యాపార సముదాయాల వద్ద యజమానులే చీపుళ్లు పట్టి చెత్తను శుభ్రం చేసుకున్నారు.
  
 నతాఖా చట్టం కింద అరెస్టయిన వారిలో ఎక్కువ శాతం మంది పారిశుద్ధ్య కార్మికులే ఉన్నారు. సరైన పత్రాలు లేకపోవడంతో ప్రభుత్వం వీరిని అరెస్టు చేసింది. అయితే వారిని ఉద్యోగాల్లో నియమించుకునే సమయంలో పత్రాలేవీ చూడకుండా, ఇప్పుడు నిర్దాక్షిణ్యంగా పనిలోంచి తీసివేయడం ఏమిటని పర్మినెంట్ కార్మికులు మండిపడుతున్నారు. ప్రత్యామ్నాయం చూపకుండా ఉద్యోగం నుంచి తొలగిస్తే వారి బతుకులు రోడ్డున పడతాయని ఆవేదన వ్యక్తంచేస్తున్నారు.
  


 హైదరాబాద్ : రాష్ట్రవ్యాప్తంగా కాంట్రాక్ట్ పారిశుద్ధ కార్మికులు సమ్మెబాట పట్టారు. తమ డిమాండ్లు పరిష్కరించాలని రెండు నెలలుగా ఆందోళన చేస్తున్న కార్మికులు నేటి నుంచి సమ్మె సైరన్ మోగించారు. రాష్ట్రవ్యాప్తంగా మున్సిపల్ కార్పొరేషన్లు, మునిసిపాలిటీల్లో పనిచేస్తున్న కాంట్రాక్టు పారిశుధ్య కార్మికులు  విధులు బహిష్కరించి సమ్మెకు దిగారు.
 దీర్ఘకాలికంగా  పెండింగ్‌లో ఉన్న తమ డిమాండ్లపై ప్రభుత్వం స్పందించకపోవడంతో ఈ మేరకు నిర్ణయం తీసుకున్నారు. రాష్ట్రవ్యాప్తంగా 164 మునిసిపాలిటీలు, 19 కార్పొరేషన్లలో పనిచేస్తున్న 25 వేల మందికి పైగా కార్మికులు సమ్మెలో పాల్గొన్నారు. కాంట్రాక్టు కార్మికులుగా విధులు నిర్వహిస్తున్న మహిళా స్వయం సహాయక సంఘాల సభ్యులు కూడా వీరిలో ఉన్నారు.
 
 నెలసరి కనీస వేతనం 12 వేల 5వందల రూపాయలతో పాటు పలు డిమాండ్ల సాధనకు రెండు నెలలుగా వివిధ రకాల ఆందోళనలు చేస్తూ వచ్చారు. ఈ నేపథ్యంలో రెండు దఫాలుగా అధికారులతో జరిపిన చర్చలు విఫలమయ్యాయి. దీంతో సోమవారం నుంచి సమ్మెకు దిగారు. గ్రేటర్ హైదరాబాద్ సహా రాష్ట్ర వ్యాప్తంగా 10 కాంట్రాక్టు కార్మిక సంఘాలు సమ్మె చేస్తున్నాయి. వీరి సమ్మెకు ఏఐటీయూసీ, సీఐటీయూ, టీఎన్‌టీయూసీ తదితర కార్మిక సంఘాలు మద్దతు ప్రకటించాయి.
 
 కార్మికులతో చర్చలు జరపడం, ప్రత్యామ్నాయ ఏర్పాట్లు చూడాల్సిన మున్సిపల్ శాఖ అధిపతులు  అందుబాటులో లేకపోవడంతో సమ్మెలోకి వెళ్లే కార్మికులను కనీసం చర్చలకు కూడా పిలవలేదు. నిన్నమొన్నటి దాకా సీమాంధ్ర జిల్లాల్లో మున్సిపల్ ఉద్యోగులు సమ్మెలో ఉన్నారు. వీరి సమ్మె విరమణ జరిగిన వారంలోపే రాష్ట్రవ్యాప్తంగా కాంట్రాక్టు కార్మికులు సమ్మెలోకి వెళ్లనుండటంతో అంతంత మాత్రంగా ఉన్న నగర పారిశుధ్యం పూర్తిగా చతికిలపడనుంది.