టీమిండియా ఆటగాడు, కర్ణాటక కెప్టెన్‌ మయాంక్‌ అగర్వాల్‌ రంజీ ట్రోఫీ-2024లో శతకంతో మెరిశాడు. బీహార్‌తో జరుగుతున్న మ్యాచ్‌లో మయాంక్‌ మెరుపు సెంచరీ చేశాడు. ఈ మ్యాచ్‌లో 131 బంతులు ఎదుర్కొన్న మయాంక్‌ 12 బౌండరీల సాయంతో 105 పరుగులు చేశాడు. మయాంక్‌కు జతగా మనీశ్‌ పాండే (56) కూడా రాణించడంతో కర్ణాటక తొలి ఇన్నింగ్స్‌లో 7 వికెట్ల నష్టానికి 287 పరుగులు చేసి ఇన్నింగ్స్‌ను డిక్లేర్‌ చేసింది. కర్ణాటక ఇన్నింగ్స్‌లో మయాంక్‌, మనీశ్‌ మినహా ఎవ్వరూ చెప్పుకోదగ్గ స్కోర్లు చేయలేదు. బీహార్‌ బౌలర్లలో హిమాన్షు సింగ్‌ నాలుగు వికెట్లు పడగొట్టగా.. సకీబ్‌ హుసేన్‌ రెండు, వైభవ్‌ సూర్యవంశీ ఓ వికెట్‌ దక్కించుకున్నారు. అంతకుముందు బీహార్‌ తొలి ఇన్నింగ్స్‌లో 143 పరుగులకు ఆలౌటైంది. షర్మన్‌ నిగ్రోద్‌ (60) అర్ద సెంచరీతో రాణించగా.. గనీ (13), బిపిన్‌ సౌరభ్‌ (31), ప్రతాప్‌ సింగ్‌ (16) రెండంకెల స్కోర్లు చేశారు. కర్ణాటక బౌలర్లలో శ్రేయస్‌ గోపాల్‌ నాలుగు వికెట్లు పడగొట్టగా.. మొహిసిన్‌ ఖాన్‌ 3, విద్యాధర్‌ పాటిల్‌, విజయ్‌కుమార్‌ వైశాఖ్‌, వి కౌశిక్‌ తలో వికెట్‌ దక్కించుకున్నారు.144 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన బీహార్‌ నాలుగో రోజు తొలి సెషన్‌ సమయానికి రెండు వికెట్ల నష్టానికి 27 పరుగులు చేసింది. వైభవ్‌ సూర్యవంశీ (6), షర్మన్‌ నిగ్రోద్‌ (0) ఔట్‌ కాగా.. బాబుల్‌ కుమార్‌ (11), గనీ (9) క్రీజ్‌లో ఉన్నారు. కర్ణాటక తొలి ఇన్నింగ్స్‌ స్కోర్‌కు బీహార్‌ ఇంకా 117 పరుగులు వెనుకపడి ఉంది.

దులీప్‌ ట్రోఫీ 2024లో ఇవాళ (సెప్టెంబర్‌ 19) మూడో రౌండ్‌ మ్యాచ్‌లు మొదలయ్యాయి. తొలి మ్యాచ్‌లో ఇండియా-డి, ఇండియా-బి తలపడుతుండగా.. రెండో మ్యాచ్‌లో ఇండియా-ఏ, ఇండియా-సి జట్లు పోటీపడుతున్నాయి. ఈ రెండు మ్యాచ్‌లు అనంతపురం ఆర్డీటీ స్టేడియమ్స్‌లో జరుగుతున్నాయి.టీమిండియా ప్లేయర్లు విఫలంఇండియా-సితో జరుగుతున్న మ్యాచ్‌లో ఇండియా-ఏ తొలుత బ్యాటింగ్‌ చేస్తుంది. టీమిండియా ప్లేయర్లు మయాంక్‌ అగర్వాల్‌ (6), తిలక్‌ వర్మ (5), రియాన్‌ పరాగ్‌ (2) తక్కువ స్కోర్లకే ఔట్‌ కావడంతో ఆ జట్టు 36 పరుగులకే సగం​ వికెట్లు కోల్పోయింది. లంచ్‌ విరామం సమయానికి ఇండియా-ఏ స్కోర్‌ 67/5గా ఉంది. షాశ్వత్‌ రావత్‌ (20), షమ్స్‌ ములానీ (19) ఇండియా-ఏని ఆదుకునే ప్రయత్నం చేస్తున్నారు. ఇండియా-సి బౌలర్లలో విజయ్‌ కుమార్‌ వైశాఖ్‌, అన్షుల్‌ కంబోజ్‌ తలో రెండు వికెట్లు పడగొట్టారు.అర్ద సెంచరీల దిశగా పడిక్కల్‌, శ్రీకర్‌ భరత్‌ఇండియా-బితో జరుగుతున్న మ్యాచ్‌లో ఇండియా-డి తొలుత బ్యాటింగ్‌ చేస్తుంది. లంచ్‌ విరామం సమయానికి ఆ జట్టు వికెట్‌ నష్టపోకుండా 98 పరుగులు చేసింది. ఓపెనర్లు దేవ్‌దత్‌ పడిక్కల్‌ (44), శ్రీకర్‌ భరత్‌ (46) అర్ద సెంచరీల దిశగా సాగుతున్నారు.పాయింట్ల పట్టిక విషయానికొస్తే.. ఇండియా-సి తొమ్మిది పాయింట్లతో అగ్రస్థానంలో కొనసాగుతుంది. ఇండియా-బి ఏడు, ఇండియా-ఏ ఆరు పాయింట్లతో రెండు మూడు స్థానాల్లో ఉన్నాయి. ఈ టోర్నీలో ఇప్పటివరకు ఆడిన రెండు మ్యాచ్‌ల్లో ఓడిన ఇండియా-డి సున్నా పాయింట్లతో చిట్టచివరి స్థానంలో ఉంది. చదవండి: ఆండ్రీ రసెల్‌ విధ్వంసం.. నైట్‌ రైడర్స్‌ ఖాతాలో మరో విజయం

టీమిండియా స్టార్‌ బ్యాటర్‌ శ్రేయస్‌ అయ్యర్‌ ఆరేళ్ల తర్వాత ఫస్ట్‌క్లాస్‌ క్రికెట్‌లో తొలి వికెట్‌ తీశాడు. దులిప్‌ ట్రోఫీ-2024 ఎడిషన్‌లో ఇండియా-‘డి’ కెప్టెన్‌గా వ్యవహరిస్తున్న అతడు.. ఇండియా-‘ఎ’ తో మ్యాచ్‌లో ఈ మేర తన బౌలింగ్‌ నైపుణ్యాలు ప్రదర్శించాడు. భారత టెస్టు జట్టులో చోటే లక్ష్యంగా అయ్యర్‌ ఈ రెడ్‌బాల్‌ టోర్నీ బరిలో దిగాడు.తొలి టెస్టులో స్థానం దక్కలేదుఇండియా-‘సి’తో జరిగిన తమ తొలి మ్యాచ్‌లో నాలుగు వికెట్ల తేడాతో సారథిగా ఓటమిని చవిచూశాడు. ఈ మ్యాచ్‌లో 39 బంతుల్లో అర్ధ శతకం సాధించినప్పటికీ.. బంగ్లాదేశ్‌తో టీమిండియా ఆడబోయే తొలి టెస్టులో శ్రేయస్‌ అయ్యర్‌కు స్థానం దక్కలేదు. దీంతో దులిప్ ట్రోఫీ జ‌ట్టుతోనే ఉన్న ఈ కుడిచేతి వాటం బ్యాట‌ర్‌.. ప్రస్తుతం ఇండియా-‘ఎ’ జట్టుతో మ్యాచ్‌ ఆడుతున్నాడు. అనంతపురం వేదికగా గురువారం మొదలైన ఈ మ్యాచ్‌లో టాస్‌ గెలిచిన ఇండియా-‘డి’ కెప్టెన్‌శ్రేయస్‌ అయ్యర్‌ తొలుత బౌలింగ్‌ ఎంచుకున్నాడు. బౌలర్లు సమిష్టిగా రాణించడంతో ఇండియా-‘ఎ’ను తొలి ఇన్నింగ్స్‌లో 290 పరుగులకు ఆలౌట్‌ చేయగలిగింది ఇండియా-‘డి’.దేవ్‌దత్‌ పడిక్కల్‌ 92కానీ బ్యాటింగ్‌ పరంగా మాత్రం రాణించలేకపోయింది. శుక్రవారం నాటి రెండో రోజు ఆటలో కెప్టెన్‌ శ్రేయస్‌ అయ్యర్‌ డకౌట్‌ కాగా.. మరో టీమిండియా స్టార్‌ సంజూ శాంసన్‌ ఐదు పరుగులకే వెనుదిరిగాడు. అయితే, నాలుగో స్థానంలో బ్యాటింగ్‌ చేసిన దేవ్‌దత్‌ పడిక్కల్‌ 92 రన్స్‌తో అదరగొట్టగా.. రికీ భుయ్‌ 23, హర్షిత్‌ రాణా 31 పరుగులతో పర్వాలేదనిపించారు. వీరి కారణంగా ఇండియా-డి తొలి ఇన్నింగ్స్‌లో 183 పరుగులు చేయగలింది.స్వయంగా రంగంలోకి దిగిన కెప్టెన్‌ఈ క్రమంలో వందకు పైగా పరుగుల ఆధిక్యంతో రెండో ఇన్నింగ్స్‌ మొదలుపెట్టిన ఇండియా-‘ఎ’ జట్టుకు ఓపెనర్లు ప్రథమ్‌ సింగ్‌, మయాంక్‌ అగర్వాల్‌ శుభారంభం అందించారు. ఇద్దరూ అర్ధ శతకాలు పూర్తి చేసుకుని జోరు మరింత పెంచారు. ఈ జోడీని విడగొట్టడం ఇండియా-‘డి’ బౌలర్ల తరం కాలేదు. దీంతో శ్రేయస్‌ అయ్యర్‌ స్వయంగా రంగంలోకి దిగాడు.రైటార్మ్‌ లెగ్‌బ్రేక్‌ స్పిన్‌ బౌలింగ్‌ చేయగల అయ్యర్‌.. ఇండియా-‘ఎ’ ఇన్నింగ్స్‌‌ 29వ ఓవర్‌ తొలి బంతికే కెప్టెన్‌ మయాంక్‌ అగర్వాల్‌(56)ను అవుట్‌ చేశాడు. ఊహించని రీతిలో రిటర్న్‌ క్యాచ్‌ అందుకుని మయాంక్‌కు షాకిచ్చాడు. ఆరేళ్ల తర్వాత శ్రేయస్‌ అయ్యర్‌ ఫస్ట్‌క్లాస్‌ క్రికెట్‌లో వికెట్‌ తీయడం ఇదే తొలిసారి. అంతకు ముందు సౌరాష్ట్రతో 2018 నాటి మ్యాచ్‌లో అతడు వికెట్‌(చేతన్‌ సకారియా) పడగొట్టాడు. ఇదిలా ఉంటే.. రెండో రోజు ఆట ముగిసేసరికి.. ఇండియా-‘ఎ’ తమ రెండో ఇన్నింగ్స్‌లో 28.1 ఓవర్లలో ఒక వికెట్‌ నష్టానికి 115 పరుగులు చేసింది. ఇండియా-‘డి’పై 222 పరుగుల ఆధిక్యంలో కొనసాగుతోంది. చదవండి: నా కుమారుడికి అవకాశాలు ఇస్తారనుకున్నా: పాక్‌ మాజీ కెప్టెన్‌Golden Arm! 💪Shreyas Iyer comes into the attack. Shreyas Iyer strikes first ball 👌An excellent low catch off his own bowling, and he breaks the 115-run opening stand at the stroke of stumps. #DuleepTrophy | @IDFCFIRSTBankScorecard ▶️: https://t.co/m9YW0Hu10f pic.twitter.com/c1nXJsN8QM— BCCI Domestic (@BCCIdomestic) September 13, 2024

దులిప్‌ ట్రోఫీ-2024లో ఇండియా-‘ఎ’ జట్టు కెప్టెన్‌గా మయాంక్‌ అగర్వాల్‌గా ఎంపికయ్యాడు. శుబ్‌మన్‌ గిల్‌ స్థానంలో అతడికి ఈ జట్టు పగ్గాలు అప్పగించినట్లు బీసీసీఐ సోమవారం వెల్లడించింది. ఈ రెడ్‌బాల్‌ టోర్నీలో మిగిలిన మ్యాచ్‌లలో ఇండియా-‘ఎ’ జట్టుకు మయాంక్‌ సారథ్యం వహించనున్నట్లు తెలిపింది.కాగా బంగ్లాదేశ్‌తో టెస్టు సిరీస్‌ నేపథ్యంలో టీమిండియా స్టార్‌ క్రికెటర్లంతా దులిప్‌ ట్రోఫీ బరిలో దిగిన విషయం తెలిసిందే. ఈ క్రమంలో పంజాబీ బ్యాటర్‌ శుబ్‌మన్‌ గిల్‌ ఇండియా-‘ఎ’ జట్టుకు కెప్టెన్‌గా నియమితుడయ్యాడు. అయితే, ఇటు సారథిగా.. అటు బ్యాటర్‌గా అనుకున్న ఫలితం రాబట్టలేకపోయాడు.టీమిండియాలోకి గిల్‌బెంగళూరు వేదికగా ఇండియా-‘బి’తో జరిగిన తొలి మ్యాచ్‌లో కేవలం 46 పరుగులు చేసిన గిల్‌.. జట్టును విజేతగా నిలపడంలో విఫలమయ్యాడు. ఇండియా-‘బి’ చేతిలో ఇండియా-‘ఎ’ జట్టు 76 పరుగుల తేడాతో ఓటమిపాలైంది. ఇదిలా ఉంటే.. సెప్టెంబరు 19 నుంచి బంగ్లాదేశ్‌తో టీమిండియా రెండు మ్యాచ్‌ల టెస్టు సిరీస్‌ మొదలుకానుంది.ఈ నేపథ్యంలో తొలి టెస్టుకు సంబంధించిన జట్టును బీసీసీఐ ఆదివారమే ప్రకటించింది. ఇందులో గిల్‌కు చోటు దక్కింది. ఈ క్రమంలో అతడు ఇండియా-‘ఎ’ జట్టును వీడనున్నాడు. ఫలితంగా గిల్‌ స్థానంలో మయాంక్‌ కెప్టెన్‌గా బాధ్యతలు నెరవేర్చనున్నాడు.కాగా గిల్‌తో పాటు స్పిన్నర్‌ కుల్దీప్‌ యాదవ్‌, కేఎల్‌ రాహుల్‌ సైతం బంగ్లాతో టెస్టుకు ఎంపికైన నేపథ్యంలో ఇండియా-‘ఎ’ జట్టు నుంచి వైదొలిగారు.ఇక అనంతపురంలోఇక ఇండియా-‘ఎ’ జట్టు తదుపరి అనంతపురం వేదికగా ఇండియా-‘డి’తో సెప్టెంబరు 12 నుంచి మ్యాచ్‌ ఆడనుంది. కాగా కర్ణాటక ఓపెనింగ్‌ బ్యాటర్‌ మయాంక్‌ అగర్వాల్‌ రంజీ ట్రోఫీ 2024లోనూ సారథిగా వ్యవహరించనున్నాడు. అంతకంటే ముందుగా ఇలా దులిప్‌ ట్రోఫీలోనూ కెప్టెన్‌గా పనిచేసే అవకాశం దక్కింది. ఇక ఇండియా-‘ఎ’ తొలి మ్యాచ్‌లో మయాంక్‌ వరుసగా 36, 3 పరుగులు చేశాడు.శుబ్‌మన్‌ గిల్‌ నిష్క్రమణ తర్వాత ఇండియా-‘ఎ’ జట్టు(అప్‌డేటెడ్‌):మయాంక్ అగర్వాల్ (కెప్టెన్), రియాన్ పరాగ్, అక్షయ్ నారంగ్, ఎస్‌కే రషీద్, తిలక్ వర్మ, శివమ్ దూబే, తనుష్ కొటియన్, షామ్స్ ములానీ, ప్రసిద్ధ్ కృష్ణ, ఖలీల్ అహ్మద్, ఆవేశ్‌ ఖాన్. చదవండి: మహారాష్ట్ర శాంసన్‌లా అతడి పరిస్థితి.. బీసీసీఐపై ఫ్యాన్స్‌ ట్రోల్స్‌

టీమిండియా వైస్‌ కెప్టెన్‌ శుబ్‌మన్‌ గిల్‌ దులిప్‌ ట్రోఫీ-2024లో శుభారంభం అందుకోలేకపోయాడు. ఇండియా-‘ఏ’ జట్టుకు కెప్టెన్‌గా వ్యవహరిస్తున్న ఈ ఓపెనింగ్‌ బ్యాటర్‌.. ఇండియా- ‘బి’తో మ్యాచ్‌ తొలి ఇన్నింగ్స్‌లో తేలిపోయాడు. కేవలం 25 పరుగులు మాత్రమే చేసి పెవిలియన్‌ చేరాడు.నిరాశపరిచిన గిల్‌క్రీజులో నిలదొక్కుకుని భారీ స్కోరు సాధిస్తాడనుకున్న అభిమానులను పూర్తిగా నిరాశపరిచాడు. ఇండియా-‘బి’ పేసర్‌ నవదీప్‌ సైనీ సంధించిన ‘జఫ్ఫా(పర్ఫెక్ట్‌ బాల్‌)’ ధాటికి బౌల్డ్‌ అయ్యాడు. దులిప్‌ ట్రోఫీ తొలి రౌండ్‌లో భాగంగా ఇండియా-ఏ, ఇండియా-బి జట్ల మధ్య గురువారం తొలి మ్యాచ్‌ ఆరంభమైంది. బెంగళూరులోని చిన్నస్వామి స్టేడియంలో టాస్‌ గెలిచిన శుబ్‌మన్‌ గిల్‌ తొలుత బౌలింగ్‌ ఎంచుకున్నాడు.ముషీర్‌ ఖాన్‌ శతకం కారణంగా ఇండియా-బి మెరుగైన స్కోరుఈ క్రమంలో ఇండియా-బి తరఫున అరంగేట్ర బ్యాటర్‌ ముషీర్‌ ఖాన్‌ అద్భుత శతకం(181)తో ఆకట్టుకోగా.. పేసర్‌ నవదీప్‌ సైనీ సైతం సంచలన ఇన్నింగ్స్‌(56) ఆడాడు. వీరిద్దరు రాణించిన కారణంగా 321 పరుగుల వద్ద రెండోరోజు ఇండియా-బి తొలి ఇన్నింగ్స్‌ ముగిసింది. అనంతరం బ్యాటింగ్‌కు దిగిన ఇండియా-ఏ జట్టుకు ఓపెనర్‌ మయాంక్‌ అగర్వాల్‌ శుభారంభం అందించాడు.సైనీ జఫ్ఫా.. గిల్‌ బౌల్డ్‌ఈ కర్ణాటక బ్యాటర్‌ 45 బంతుల్లో 8 ఫోర్ల సాయంతో 36 పరుగులతో ఫర్వాలేదనిపించాడు. నఅయితే, మరో ఓపెనర్‌ శుబ్‌మన్‌ గిల్‌ 43 బంతులు ఎదుర్కొని మూడు ఫోర్ల సాయంతో 25 పరుగులు మాత్రమే చేయగలిగాడు. ఇండియా-ఏ తొలి ఇన్నింగ్స్‌ 14వ ఓవర్లో నవదీస్‌ సైనీ అవుట్‌సైడ్‌ ఆఫ్‌ దిశగా వేసిన బంతిని అంచనా వేయడంలో విఫలమయ్యాడు. ఫలితంగా బంతి స్టంప్‌ను ఎగురగొట్టడంతో గిల్‌ తొలి వికెట్‌గా వెనుదిరిగాడు.వీడియో వైరల్‌అనంతరం నవదీప్‌ సైనీ బౌలింగ్‌లో వికెట్‌ కీపర్‌ రిషభ్‌ పంత్‌కు క్యాచ్‌ ఇవ్వడంతో మయాంక్‌ ఇన్నింగ్స్‌కు తెరపడింది. దీంతో రెండో రోజు ఆటలో ఇండియా-ఏ రెండో వికెట్‌ కోల్పోయింది. ఆట పూర్తయ్యే సరికి రియాన్‌ పరాగ్‌ 27, కేఎల్‌ రాహుల్‌ 23 పరుగులతో క్రీజులో ఉన్నారు. కాగా గిల్‌ అవుటైన దృశ్యాలకు సంబంధించిన వీడియో వైరల్‌ అవుతోంది. ఇదిలా ఉంటే.. ఇటీవలే టీమిండియా పరిమిత ఓవర్ల క్రికెట్‌ వైస్‌ కెప్టెన్‌గా ఎంపికైన గిల్‌.. తదుపరి బంగ్లాదేశ్‌తో స్వదేశంలో టెస్టు సిరీస్‌ ఆడే లక్ష్యంతో ముందుకు సాగుతున్నాడు. దులిప్‌ ట్రోఫీ ప్రదర్శన ఆధారంగా భారత జట్టు ఎంపిక నేపథ్యంలో గిల్‌ తనను తాను మరోసారి నిరూపించుకోవాల్సిన ఆవశ్యకత ఏర్పడింది. చదవండి: బ్యాట్‌ ఝులిపించిన శ్రేయస్‌ అయ్యర్‌.. ఎట్టకేలకు..Terrific delivery 🔥Excellent catch 👌Navdeep Saini bowled a peach to dismiss Shubman Gill and Rishabh Pant pulled off a superb diving catch to remove Mayank Agarwal.#DuleepTrophy | @IDFCFIRSTBankFollow the match ▶️ https://t.co/eQyu38Erb1 pic.twitter.com/z1cCHONjCI— BCCI Domestic (@BCCIdomestic) September 6, 2024

ఐపీఎల్‌-2024లో అద్భుత ప్రదర్శనతో ఆకట్టుకున్నాడు కోల్‌కతా నైట్‌ రైడర్స్‌ బౌలర్‌ హర్షిత్‌ రాణా. జట్టును చాంపియన్‌గా నిలపడంలో తన వంతు పాత్ర పోషించి ప్రశంసలు అందుకున్నాడు.ఈ మెగా టోర్నీలో హర్షిత్‌ మొత్తంగా 13 మ్యాచ్‌లు ఆడి 19 వికెట్లు పడగొట్టాడు. తద్వారా తాజా సీజన్‌లో కేకేఆర్‌ తరఫున అత్యధిక వికెట్లు పడగొట్టిన రెండో బౌలర్‌గా.. వరుణ్‌ చక్రవర్తి(21 వికెట్లు) తర్వాతి స్థానాన్ని ఆక్రమించాడు.కాగా ఐపీఎల్‌ తాజా ఎడిషన్‌లో ఆటతోనే కాకుండా.. తనదైన వైల్డ్‌ సెలబ్రేషన్స్‌తోనూ అందరి దృష్టిని ఆకర్షించాడు హర్షిత్‌ రాణా. సన్‌రైజర్స్‌ హైదరాబాద్‌తో మ్యాచ్‌ సందర్భంగా మయాంక్‌ అగర్వాల్‌ వికెట్‌ తీసిన తర్వాత ఫ్లైయింగ్‌ కిస్‌తో సెలబ్రేట్‌ చేసుకున్నాడు ఈ 22 ఏళ్ల రైటార్మ్‌ పేసర్‌.మ్యాచ్‌ ఫీజులో 60 శాతం మేర కోతఈ నేపథ్యంలో బీసీసీఐ హర్షిత్‌ను మందలించింది. మరోసారి ఇలాగే అతి చేస్తే కఠిన చర్యలు ఉంటాయని హెచ్చరిస్తూ.. మ్యాచ్‌ ఫీజులో 60 శాతం మేర కోత విధించింది.ఇక ఆ తర్వాత హర్షిత్‌ రాణా మరోసారి ఇలా ఏ బ్యాటర్‌కు సెండాఫ్‌ ఇవ్వలేదు. అయితే, అతడి ప్రవర్తనపై మాత్రం తీవ్రస్థాయిలో విమర్శలు వచ్చాయి.భయ్యాతో మాట్లాడానుతాజాగా శుభాంకర్‌ మిశ్రా పాడ్‌కాస్ట్‌లో మాట్లాడుతూ హర్షిత్‌ రాణా ఈ విషయంపై స్పందించాడు. ‘‘నేను ఉద్దేశపూర్వకంగా ఆరోజు మయాంక్‌ భయ్యాకు ఫ్లైయింగ్‌ కిస్‌ ఇవ్వలేదు. మయాంక్‌ భయ్యా బంతిని గాల్లోకి లేపగానే తన దగ్గరగా వెళ్లాను.ఆ సమయంలో వికెట్‌ సెలబ్రేట్‌ చేసుకునే క్రమంలో సరదాగా అలా చేశాను. కెమెరామెన్‌ కూడా నా వైపే ఫోకస్‌ చేశాడు. ఆ తర్వాత నేను ఫైనల్‌ మ్యాచ్‌ సందర్భంగా మయాంక్‌ భయ్యాను కలిశాను.తనను అగౌరవపరిచే ఉద్దేశం నాకు లేదని చెప్పాను. ఆయన కూడా అర్థం చేసుకున్నాడు. మా ఇద్దరి మధ్య అవగాహన కుదిరింది’’ అని హర్షిత్‌ రాణా పేర్కొన్నాడు.విరాట్‌ కోహ్లికి కూడా ఫ్లైయింగ్‌ కిస్‌ ఇస్తావా? ఈ క్రమంలో విరాట్‌ కోహ్లి విషయంలో కూడా ఇలాగే చేస్తావా అంటూ హోస్ట్‌ ప్రశ్నించగా.. ‘‘నేను ముందు చెప్పినట్లుగా.. కావాలని ఏదీ చేయను. ఆర్సీబీ మ్యాచ్‌లో కూడా నేను ఫ్లైయింగ్‌ కిస్‌ ఇస్తే చూడాలని చాలా మంది అనుకున్నారు.నన్ను చాలెంజ్‌ చేశారు. కానీ కోహ్లిని నేను ఎన్నటికీ టీజ్‌ చేయను. ఆయన పట్ల నాకు అమితమైన గౌరవం ఉంది. కోహ్లి భయ్యా ఒక్కడే కాదు.. ప్రతి ఒక్క ఆటగాడిని నేను గౌరవిస్తాను.ఏదేమైనా కోహ్లి ముందు మాత్రం ఇలా అస్సలు చేయను’’ అని హర్షిత్‌ రాణా బదులిచ్చాడు. కాగా లీగ్‌ దశలో దుమ్ములేపిన కేకేఆర్‌.. ఫైనల్లో సన్‌రైజర్స్‌ను ఓడించి 2024 టైటిల్‌ గెలిచిన విషయం తెలిసిందే. తద్వారా మూడో ట్రోఫీని అందుకుంది. ఇక విజయానంతరం కేకేఆర్‌ సహ యజమాని షారుఖ్‌ ఖాన్‌ సైతం ఫ్లైయింగ్‌ కిస్సులు ఇస్తూ సెలబ్రేట్‌ చేసుకున్న విషయం తెలిసిందే.చదవండి: ఐపీఎల్‌ సృష్టికర్త కుమార్తె.. వేల కోట్లకు వారసురాలు! ఆమె ప్రత్యేకత ఇదే!

టీమిండియా కెప్టెన్‌, ముంబై ఇండియన్స్‌ స్టార్‌ రోహిత్‌ శర్మ సహచర ఆటగాళ్లతో ఎంత సరదాగా ఉంటాడో ప్రత్యేకంగా చెప్పనక్కర్లేదు. కీలక సమయంలో కాస్త గట్టిగానే సలహాలు, సూచనలు ఇచ్చే హిట్‌మ్యాన్‌.. అప్పుడప్పుడూ చిలిపి చేష్టలతో వారిని ఆటపట్టిస్తుంటాడు కూడా! తాజాగా రోహిత్‌ శర్మ ‘బాధితుల’ జాబితాలో సన్‌రైజర్స్‌ హైదరాబాద్‌ ఓపెనర్‌ మయాంక్‌ అగర్వాల్‌ చేరాడు. కాగా ఐపీఎల్‌-2024లో తమ రెండో మ్యాచ్‌లో భాగంగా ముంబై ఇండియన్స్‌ సన్‌రైజర్స్‌తో తలపడనుంది. ఉప్పల్‌ వేదికగా ఇరు జట్ల మధ్య బుధవారం రాత్రి మ్యాచ్‌ జరుగనుంది. ఈ నేపథ్యంలో మంగళవారం ప్రాక్టీస్‌ సెషన్లో పాల్గొన్న సందర్భంగా రోహిత్‌ శర్మ.. మయాంక్‌ అగర్వాల్‌ను టీజ్‌ చేశాడు. మయాంక్‌కు ఫ్లైయింగ్‌ కిస్‌ ఇస్తూ అల్లరి చేశాడు. కోల్‌కతా నైట్‌ రైడర్స్‌ హర్షిత్‌ రాణాను ఇమిటేట్‌ చేస్తూ అతడిని ఆటపట్టించాడు. దీంతో మయాంక్‌ నవ్వు ఆపుకోలేకపోయాడు. ‘‘ఇక చాల్లే’’ అన్నట్లుగా రోహిత్‌కు సైగలు చేశాడు. ఇందుకు సంబంధించిన ఫొటోలను సన్‌రైజర్స్‌ హైదరాబాద్‌ ఎక్స్‌లో షేర్‌ చేసింది. ‘‘ఫ్లైయింగ్‌ కిస్సులు.. స్నేహపూర్వక శత్రుత్వాలు’’ అంటూ క్యాప్షన్‌ జతచేసింది. ఈ ఫొటో నెట్టింట వైరల్‌ కాగా.. కాసేపటికే డిలీట్‌ చేసింది. మయాంక్‌ పట్ల హర్షిత్‌ రాణా ప్రవర్తించిన తీరును కూడా ప్రమోట్‌ చేస్తారా అంటూ నెటిజన్ల నుంచి వ్యతిరేకత రావడంతో ఈ నిర్ణయం తీసుకున్నట్లు తెలుస్తోంది. Rohit Sharma things 😄#RohitSharma𓃵 #MayankAgarwal #MIvsSRH pic.twitter.com/o1C7l2OrGF — RSSB_BEROJGAR (@rssb_berojgar) March 27, 2024 కాగా ఐపీఎల్‌ పదిహేడో ఎడిషన్‌లో తమ ఆరంభ మ్యాచ్‌లో సన్‌రైజర్స్‌.. కేకేఆర్‌తో తలపడ్డ విషయం తెలిసిందే. ఈ మ్యాచ్‌లో మయాంక్‌ తొలి ఓవర్‌ నుంచే హర్షిత్‌ రాణాను టార్గెట్‌ చేస్తూ వరుస బౌండరీలు బాదాడు. A flying kiss by Harshit Rana to Mayank Agarwal as a send off.pic.twitter.com/LVkQYKmisZ — Mufaddal Vohra (@mufaddal_vohra) March 23, 2024 అయితే, అనూహ్యంగా అతడి బౌలింగ్‌లోనే భారీ షాట్‌కు యత్నించి వెనుదిరిగాడు.  ఈ క్రమంలో కోపంగా.. మయాంక్‌ను చూస్తూ ఫ్లైయింగ్‌ కిస్‌ ఇస్తూ వికెట్‌ సెలబ్రేట్‌ చేసుకున్నాడు హర్షిత్‌. ఆ తర్వాత హెన్రిచ్‌ క్లాసెన్‌ విషయంలోనూ దూకుడుగా ప్రవర్తించాడు. ఈ నేపథ్యంలో హర్షిత్‌ రాణా అతి చేష్టలను తీవ్రంగా పరిగణించిన ఐపీఎల్‌ నిర్వాహకులు.. ప్రవర్తనా నియమావళి ఉల్లంఘన కారణంగా మ్యాచ్‌ ఫీజులో 60 శాతం కోత విధించారు. అదీ సంగతి!

కేకేఆర్‌ పేస్‌ సంచలనం హర్షిత్‌ రాణా తాను చేసిన ఓవరాక్షన్‌కు తగిన మూల్యం చెల్లించుకున్నాడు. సన్‌రైజర్స్‌తో నిన్న జరిగిన మ్యాచ్‌లో అద్భుతంగా బౌలింగ్‌ చేసిన రాణా.. మయాంక్‌ అగర్వాల్‌ను ఔట్‌ చేసిన అనంతరం కోపంగా ఫ్లయింగ్‌ కిస్‌ ఇస్తూ సెండాఫ్‌ ఇచ్చాడు. A flying kiss by Harshit Rana to Mayank Agarwal as a send off.pic.twitter.com/LVkQYKmisZ — Mufaddal Vohra (@mufaddal_vohra) March 23, 2024 ఈ అతి చేష్ఠలను తీవ్రంగా పరిగణించిన మ్యాచ్‌ రిఫరీ మను నయ్యర్‌ రాణా మ్యాచ్‌ ఫీజ్‌లో 60 శాతం కోత విధించాడు. ఇదే మ్యాచ్‌లో రాణా హెన్రిచ్‌ క్లాసెన్‌ పట్ల కూడా దురుసుగా ప్రవర్తించాడు. ఈ రెండింటినీ పరిగణలోకి తీసుకున్న​ రిఫరీ ఐపీఎల్‌ కోడ్‌ ఆఫ్‌ కాండక్ట్‌ ఆర్టికల్‌ 2.5 నిబంధన ఉల్లంఘన కింద జరిమానా విధించాడు.   Harshit Rana fined 60% of his match fees for giving Mayank Agarwal a send off. pic.twitter.com/kTXDBOXUtB — Mufaddal Vohra (@mufaddal_vohra) March 24, 2024 కాగా, నిన్నటి మ్యాచ్‌లో సన్‌రైజర్స్‌ గెలుపుకు చివరి ఓవర్‌లో 13 పరుగులు కావాల్సి ఉండగా రాణా అద్భుతంగా బౌలింగ్‌ చేశాడు. షాబాజ్‌ అహ్మద్‌తో పాటు అప్పటికే శివాలెత్తిపోయిన ఉన్న క్లాసెన్‌ను ఔట్‌ చేసి కేకేఆర్‌ను గెలిపించాడు. ఓవర్‌ తొలి బంతికే క్లాసెన్‌ సిక్సర్‌ బాదినప్పటికీ.. సన్‌రైజర్స్‌ మిగిలిన ఐదు బంతుల్లో 7 పరుగులు చేయలేక ఓటమిపాలైంది. ఈ మ్యాచ్‌లో 4 ఓవర్లు వేసిన రాణా 33 పరుగులిచ్చి 3 కీలక వికెట్లు పడగొట్టాడు.  HARSHIT RANA, THE HERO OF KKR. SRH needed 13 in 6 balls - 6 on the first ball then 1,W,1,W,0 to win it for KKR. 🤯 pic.twitter.com/oXlzpAEJLV — Mufaddal Vohra (@mufaddal_vohra) March 23, 2024 ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. సాల్ట్‌ (54; 3 ఫోర్లు, 3 సిక్సర్లు), రసెల్‌ (64; 3 ఫోర్లు, 7 సిక్సర్లు) అర్దసెంచరీలతో విరుచుకుపడటంతో నిర్ణీత ఓవర్లలో 7 వికెట్ల నష్టానికి 208 పరుగులు చేయగా.. ఛేదనలో క్లాసెన్‌ (63; 8 సిక్సర్లు) చెలరేగినప్పటికీ సన్‌రైజర్స్‌ 4 పరుగుల తేడాతో ఓటమిపాలైంది. సన్‌రైజర్స్‌ ఈ మ్యాచ్‌ చేజార్చుకున్నప్పటికీ.. క్లాసెన్‌ విధ్వంసకర ఇన్నింగ్స్‌తో అభిమానుల మనసుల్ని దోచుకున్నాడు.   

ఐపీఎల్‌-2024లో భాగంగా సన్‌రైజర్స్ హైదరాబాద్‌తో జరిగిన మ్యాచ్‌లో కేకేఆర్ 4 పరుగుల తేడాతో విజయం సాధించింది. అయితే ఈ మ్యాచ్‌లో కేకేఆర్‌ ఫాస్ట్ బౌలర్ హర్షిత్ రానా ఓవరాక్షన్ చేశాడు. ఎస్‌ఆర్‌హెచ్ ఓపెనర్‌ మయాంక్ అగర్వాల్‌ను ఔట్ చేసిన అనంతరం రానా సెలబ్రేషన్స్ శృతిమించాయి.  ఏమి జరిగిందంటే? 209 పరుగుల భారీ లక్ష్యంతో బరిలోకి దిగిన ఎస్‌ఆర్‌హెచ్‌కు ఓపెనర్లు మయాంక్ అగర్వాల్‌, అభిషేక్ శర్మ మంచి అరంభాన్ని ఇచ్చారు. ఈ క్రమంలో ఫస్ట్ స్పెల్ వేసిన హర్షిత్ రానాను అగర్వాల్ టార్గెట్ చేశాడు. తొలి ఓవర్ నుంచే బౌండరీలు బాదుతూ రానాను మయాంక్ ఒత్తడిలోకి నెట్టాడు. రానా తన తొలి రెండు ఓవర్లలో భారీగా పరుగులు సమర్పించుకున్నప్పటికీ కెప్టెన్ అయ్యర్ మాత్రం పవర్ ప్లేలో మరో ఓవర్ వేసే అవకాశమిచ్చాడు. ఈ క్రమంలో ఎస్‌ఆర్‌హెచ్ ఇన్నింగ్స్ ఆరో ఓవర్ వేసిన రానా బౌలింగ్‌లో మయాంక్ భారీ షాట్‌కు ప్రయత్నించి రింకూ సింగ్ చేతికి చిక్కాడు. అయితే వికెట్ తీసిన సంతోషంలో రానా.. మయాంక్ దగ్గరకు వెళ్లి సీరియస్‌గా చూస్తూ  ఫ్లయింగ్ కిస్ ఇచ్చాడు. మయాంక్ కూడా అతడి వైపు సీరియస్‌గా చూశాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. ఇది చూసిన నెటిజన్లు ఎందుకంత ఓవరాక్షన్ బ్రో.. కొంచెం తగ్గించుకుంటే మంచిది అంటూ కామెంట్లు చేస్తున్నారు. కాగా ఓవరాల్‌గా రానా తన నాలుగు ఓవర్ల కోటాలో 33 పరుగులిచ్చి 3 వికెట్లు పడగొట్టాడు. Full on Aggression from Harshit Rana Delhi Boy for a reason 🥵💥pic.twitter.com/aXDlqavRr6 — Aditya (@switch_hit18) March 23, 2024 A heated send-off to Mayank Agarwal 🔥#IPL2024 pic.twitter.com/tzbDLgyDNL — OneCricket (@OneCricketApp) March 23, 2024

రంజీ ట్రోఫీ 2024 ఎడిషన్‌ చివరి దశకు చేరుకుంది. ఈ టోర్నీలో ఇప్పటికే రెండు సెమీస్‌ బెర్త్‌లు ఖరారు కాగా.. మరో రెండు బెర్త్‌ల భవితవ్యం రేపటి లోగా తేలిపోనుంది. సౌరాష్ట్రపై గెలిచి తమిళనాడు.. ఆంధ్రప్రదేశ్‌పై గెలిచి మధ్యప్రదేశ్‌ సెమీస్‌కు అర్హత సాధించగా.. మిగతా క్వార్టర్‌ ఫైనల్స్‌లో విదర్భ-కర్ణాటక, ముంబై-బరోడా అమీతుమీ తేల్చుకు​ంటున్నాయి.  బరోడాతో జరుగుతున్న మ్యాచ్‌లో ముంబై భారీ ఆథిక్యం సాధించి పటిష్ట స్థితిలో ఉండగా.. విదర్భతో జరుగుతున్న మ్యాచ్‌లో కర్ణాటక పోరాడుతుంది. నాలుగో రోజు ఆట ముగిసే సమయానికి ముంబై 415 పరుగుల లీడ్‌లో ఉండగా.. 371 పరుగుల భారీ లక్ష్య ఛేదనలో కర్ణాటకకు గెలుపు ఛాలెంజ్‌లా మారింది. మరో రోజు ఆట మిగిలుండగా.. కర్ణాటక లక్ష్యానికి ఇంకా 268 పరుగుల దూరంలో ఉంది. కర్ణాటకను గెలిపించేందుకు కెప్టెన్‌ మయాంక్‌ అగర్వాల్‌ పోరాట​ం చేస్తున్నాడు.  మెరిసిన పృథ్వీ షా.. బరోడాతో జరుగుతున్న మ్యాచ్‌లో (సెకెండ్‌ ఇన్నింగ్స్‌) హార్దిక్‌ తామోర్‌ (114), పృథ్వీ షా (87) సత్తా చాటడంతో ముంబై పటిష్ట స్థితికి చేరింది.  ముంబై తొలి ఇన్నింగ్స్‌ 384 (ముషీర్‌ ఖాన్‌ 203 నాటౌట్‌, భార్గవ్‌ భట్‌ 7/112) బరోడా తొలి ఇన్నింగ్స్‌ 348 (షశ్వత్‌ రావత్‌ (124, సోలంకి 136, షమ్స్‌ ములానీ 4/121) ముంబై సెకెండ్‌ ఇన్నింగ్స్‌ 379/9 (హార్దిక్‌ తామోర్‌ 114, పృథ్వీ షా 87, భార్గవ్‌ భట్‌ 7/142) నాలుగో రోజు ఆట ముగిసే సమయానికి ముంబై 415 పరుగుల ఆధిక్యంలో ఉంది పోరాడుతున్న మయాంక్‌.. విదర్భతో జరుగుతున్న మ్యాచ్‌లో కర్ణాటక కెప్టెన్‌ మయాంక్‌ అగార్వల్‌ పోరాటం చేస్తున్నాడు.  విదర్భ తొలి ఇన్నింగ్స్‌ 460 (అథర్వ తైడే 109, కావేరప్ప 4/99) కర్ణాటక తొలి ఇన్నింగ్స్‌ 286 (నికిన్‌ జోస్‌ 82, యాశ్‌ ఠాకూర్‌ 3/48) విదర్భ రెండో ఇన్నింగ్స్‌ 196 (దృవ్‌ షోరే 57, కావేరప్ప 6/61) కర్ణాటక రెండో ఇన్నింగ్స్‌ 103/1 (మయాంక్‌ అగర్వాల్‌ 61 నాటౌట్‌, సర్వటే 1/10) ఈ మ్యాచ్‌లో కర్ణాటక విజయం సాధించాలంటే మరో 268 పరుగులు చేయాలి  

అగర్తలా: కర్ణాటక రంజీ జట్టు కెప్టెన్‌, భారత క్రికెటర్‌ మయాంక్‌ అగర్వాల్‌ ఆసుపత్రి నుంచి డిశ్చార్జి అయ్యాడు. శుక్రవారం నుంచి రైల్వేస్‌తో జరిగే రంజీ ట్రోఫీ మ్యాచ్‌ కోసం మంగళవారం సాయంత్రం అగర్తలా నుంచి సూరత్‌ బయలుదేరేందుకు మయాంక్‌ విమానం ఎక్కాడు. తాను కూర్చున్న సీటు ముందు ప్లాస్టిక్‌ కవర్‌లో ఉంచిన హానికారక ద్రవ్యాన్ని నీళ్లనుకొని మయాంక్‌ తాగాడు. ఆ వెంటనే అతని నోరు వాచిపోయి బొబ్బలు రావడంతో మాట్లాడలేకపోయి తీవ్ర అస్వస్థతకు గురయ్యాడు. దాంతో వెంటనే విమానాన్ని ఆపి అతడిని ఆసుపత్రికి తరలించారు. రోజంతా ఆసుపత్రిలో వైద్యుల పర్యవేక్షణలో ఉన్న మయాంక్‌ బుధవారం సాయంత్రంకల్లా కోలుకోవడంతో అతడిని డిశ్చార్జి చేశారు. 

Mayank Agarwal Shares Update on his health: టీమిండియా క్రికెటర్‌ మయాంక్‌ అగర్వాల్‌ ఆరోగ్యం నిలకడగా ఉన్నట్లు కర్ణాటక జట్టు మేనేజర్‌ స్పష్టం చేశాడు. మయాంక్‌కు ప్రమాదం తప్పిందని.. విమానంలో జరిగిన ఘటన గురించి అతడు ఇచ్చిన వాంగ్మూలాన్ని పోలీసులు రికార్డు చేసుకున్నారని తెలిపాడు. కాగా రంజీ ట్రోఫీ 2023-24 సీజన్‌లో కర్ణాటక కెప్టెన్‌గా వ్యవహరిస్తున్న మయాంక్‌ అగర్వాల్‌.. జట్టుతో పాటు మంగళవారం త్రిపుర నుంచి న్యూఢిల్లీకి బయల్దేరాడు. అయితే, విమానంలో కూర్చున్న కాసేపటికే గొంతులో నొప్పి, మంటతో బాధపడుతున్నట్లు సహచర ఆటగాళ్లకు చెప్పాడు. ఆ తర్వాత వాంతులు కూడా చేసు​కున్నాడు. ఈ క్రమంలో ఢిల్లీకి వెళ్లాల్సిన విమానం మెడికల్‌ ఎమర్జెన్సీ కారణంగా అగర్తల(త్రిపుర రాజధాని)లోనే నిలిచిపోగా.. మయాంక్‌ స్థానిక ఆస్పత్రికి తరలించారు. ఐసీయూలో ఉంచి చికిత్స అందించగా.. ప్రస్తుతం అతడు ఆరోగ్యంగానే ఉన్నాడు. మయాంక్‌కు దాహం వేసింది... అప్పుడు ఈ విషయంపై స్పందించిన కర్ణాటక జట్టు మేనేజర్‌ ఇండియా టుడేతో మాట్లాడుతూ ఘటనకు సంబంధించి పూర్తి వివరాలు వెల్లడించాడు. ‘‘కాసేపట్లో విమానం టేకాఫ్‌ కావాల్సి ఉండగా.. మయాంక్‌కు దాహం వేసింది. దాంతో.. తాను కూర్చున్న సీటు పాకెట్‌లో ఉన్న బాటిల్‌ తీసి తాగాడు. వాంతి చేసుకున్నాడు కొన్ని నిమిషాల తర్వాత తన గొంతులో నొప్పి తీవ్రమైందంటూ.. వాష్‌రూమ్‌కి పరిగెత్తుకువెళ్లాడు. కాక్‌పిట్‌కు సమీపంలోనే ఉన్న వాష్‌రూమ్‌లో వాంతి చేసుకున్నాడు. తనకు అస్వస్థతగా ఉందని ఎయిర్‌ హోస్టెస్‌కు చెప్పడంతో ఆమె వెంటనే ఎమర్జెన్సీ బెల్‌ కొట్టింది. ప్రథమ చికిత్స అక్కడ కుదరదన్నారు విమానంలో ఎవరైనా డాక్టర్‌ ఉన్నారేమోనని ఆరా తీశారు. కానీ దురదృష్టవశాత్తూ అక్కడ ఒక్క డాక్టర్‌ కూడా లేరు. దీంతో పైలట్‌కు మెసేజ్‌ అందించగా.. ఎయిర్‌పోర్టు అధికారులకు సమాచారం ఇచ్చారు. ఎయిర్‌పోర్టులో ఉన్న వైద్యులు మయాంక్‌ను పరీక్షించి.. ఇక్కడ ప్రథమ చికిత్స అందించడం కుదరదని.. ఆస్పత్రికి తీసుకువెళ్లాలని సూచించారు. అంబులెన్స్‌ను పిలిపించగా.. హుటాహుటిన మయాంక్‌కు హాస్పిటల్‌కు తీసుకువెళ్లాం’’ అంటూ కొన్ని నిమిషాల పాటు తమకు ఏం అర్థం కాలేదని వాపోయాడు. విచారణ జరపండి ఏదేమైనా మయాంక్‌ ఇప్పుడు ఆరోగ్యంగా ఉన్నాడని.. అందుకు సంతోషిస్తున్నామని తెలిపాడు. కాగా మయాంక్‌ ఇండిగో ఫ్లైట్‌ 6E 5177లో ఉండగా ఈ ప్రమాదం బారిన పడగా.. ఎయిర్‌లైన్స్‌ సంస్థ కూడా స్పందించింది. తమ విమానంలో ఉన్న ప్యాసింజర్‌ అనారోగ్యం పాలైన కారణంగా మెడికల్‌ ఎమర్జెన్సీ కారణంగా ఫ్లైట్‌ కాస్త ఆలస్యంగా గమ్యస్థానానికి చేరుకుంటుందని తెలిపింది.  ఇదిలా ఉంటే.. ఈ ఘటనపై పోలీసులు మయాంక్‌ అగర్వాల్‌ వాంగ్మూలం నమోదు చేశారు. ఈ సందర్భంగా పూర్తి స్థాయిలో విచారణ జరిపి.. ఇందుకు గల కారణాలేమిటో తెలుసుకోవాలని కర్ణాటక జట్టు మేనేజర్‌ మయాంక్‌ తరఫున విజ్ఞప్తి చేసినట్లు ఈఎస్‌పీఎన్‌ క్రిక్‌ఇన్ఫో వెల్లడించింది. నేను బాగున్నాను.. థాంక్యూ ‘‘ఇప్పుడు నా ఆరోగ్యం కాస్త కుదుటపడింది. త్వరలోనే తిరిగి వస్తా. నా కోసం ప్రార్థించిన, నాకు మద్దతుగా నిలిచిన ప్రతి ఒక్కరికి ధన్యవాదాలు’’ అని మయాంక్‌ అగర్వాల్‌ బుధవారం సోషల్‌ మీడియాలో పోస్ట్‌ పెట్టాడు. టీమిండియా తరఫున 2018లో అంతర్జాతీయ క్రికెట్‌లో అడుగుపెట్టిన కర్ణాటక బ్యాటర్‌ మయాంక్‌ అగర్వాల్‌ 21 టెస్టులు, 5 వన్డేలు ఆడాడు. ఆయా ఫార్మాట్లలో వరుసగా 1488, 86 పరుగులు చేశాడీ ఓపెనర్‌. ప్రస్తుతం రంజీ టోర్నీతో బిజీగా ఉన్న ఈ కర్ణాటక సారథి ఇప్పటికే రెండు సెంచరీలు, ఓ అర్ధ శతకం సాధించాడు. ఇక మయాంక్‌ గైర్హాజరీలో వైస్‌ కెప్టెన్‌ నికిన్‌ జోస్‌ సారథ్య బాధ్యతలు చేపట్టనున్నాడు. చదవండి: Ind vs Eng: వ్యక్తిగత కారణాలతో కోహ్లి దూరం.. క్లారిటీ ఇచ్చిన సోదరుడు

టీమిండియా క్రికెటర్‌ మయాంక్‌ అగర్వాల్‌  తీవ్ర అస్వస్థతకు గురయ్యాడు. రంజీ ట్రోఫీలో కర్ణాటక జట్టుకు కెప్టెన్‌గా వ్యవహరిస్తోన్న మయాంక్.. అగర్తల నుంచి న్యూఢిల్లీకి వెళ్లే విమానంలో అనారోగ్యం బారిన పడ్డాడు. విమానంలో కూర్చున్న తర్వాత మయాంక్‌ విపరీతమైన గొంతు నొప్పి, మంటతో బాధపడినట్లు తెలుస్తోంది. అదే విధంగా వాంతులు కూడా చేసుకున్నట్లు సమాచారం. అయితే విమానం టేకాఫ్‌ కాకముందే ఈ ఘటన జరగడంతో హుటాహుటిన అతడిని ఆస్పత్రికి తరిలించారు. మా ప్రస్తుతం అగర్తలలోని ఐఎల్‌ఎస్ ఆసుపత్రిలో చికిత్స పొందుతున్నాడు. అగర్వాల్‌కు ఐసీయూలో చికిత్స అందిస్తున్నారు. కాగా విమానంలో మయాంక్‌కు ఇలా జరగడానికి గల స్పష్టమైన కారణాలైతే  ఇంకా తెలియలేదు. నిలకడగా మయాంక్‌ ఆరోగ్యం.. అయితే ప్రస్తుతం మయాంక్‌ ఆరోగ్యం నిలకడగా ఉన్నట్లు సమాచారం. మయాంక్‌కు పెద్దగా ప్రమాదం లేదని, కంగారు పడాల్సిన అవసరం లేదని వైద్యులు తెలిపినట్లు వార్తలు వినిపిస్తున్నాయి.  ఇక ఇదే విషయంపై ర్ణాటక రాష్ట్ర క్రికెట్ అసోసియేషన్ జాయింట్ సెక్రటరీ షావీర్ తారాపూర్ స్పందించారు. షావీర్‌ మాట్లాడుతూ.. "మయాంక్ అగర్వాల్‌ను అగర్తలలోని స్థానిక ఆసుపత్రికి తరలించారు. ఆకస్మిక అస్వస్థతకు కారణం ఇంకా తెలియలేదు. ప్రస్తుతం కర్ణాటక స్టేట్ క్రికెట్ అసోసియేషన్ ఈ ఘటనపై మరింత సమాచారం రాబట్టేందుకు ప్రయత్నిస్తోందని" చెప్పుకొచ్చాడు. 

దేశవాలీ 50 ఓవర్ల టోర్నీ విజయ్‌ హజారే ట్రోఫీ 2023లో టీమిండియా ఆటగాడు మయాంక్‌ అగర్వాల్‌ (కర్ణాటక) ఆకాశమే హద్దుగా చెలరేగిపోయాడు. జమ్మూ కశ్మీర్‌తో ఇవాళ (నవంబర్‌ 23) జరుగుతున్న మ్యాచ్‌లో భారీ శతకంతో విరుచుకుపడ్డాడు. 132 బంతుల్లో 11 ఫోర్లు, 7 భారీ సిక్సర్ల సాయంతో 157 పరుగులు చేశాడు. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేస్తున్న కర్ణాటక నిర్ణీత ఓవర్లలో 2 వికెట్ల నష్టానికి 402 పరుగుల భారీ స్కోర్‌ చేసింది. కర్ణాటక ఇన్నింగ్స్‌లో మయాంక్‌తో పాటు రవి కుమార్‌ సమర్థ్‌ కూడా సెంచరీతో కదం తొక్కాడు. సమర్థ్‌ 120 బంతుల్లో 11 ఫోర్లు, 2 సిక్సర్ల సాయంతో 123 పరుగులు చేసి ఔటయ్యాడు. ఓపెనర్లుగా బరిలోకి దిగిన మయాంక్‌, సమర్థ్‌ సెంచరీలతో చెలరేగడం విశేషం. పడిక్కల్‌ ఊచకోత.. సమర్థ్‌ ఔటైన అనంతరం ఇ​న్నింగ్స్‌ 39వ ఓవర్‌లో బరిలోకి దిగిన దేవ్‌దత్‌ పడిక్కల్‌ జమ్మూ కశ్మీర్‌ బౌలర్లను ఊచకోత కోశాడు. పడిక్కల్‌ వచ్చిన బంతిని వచ్చినట్లు బాది 35 బంతుల్లో 4 ఫోర్లు, 5 సిక్సర్ల సాయంతో 71 పరుగులు చేసి అజేయంగా నిలిచాడు. పడిక్కల్‌కు జతగా మనీశ్‌ పాండే కూడా బ్యాట్‌ ఝులిపించాడు. మనీశ్‌ 14 బంతుల్లో 2 ఫోర్లు, సిక్స్‌ సాయంతో 23 పరుగులు చేసి అజేయంగా నిలిచాడు. జమ్మూ బౌలర్లలో రసిక్‌ సలామ్‌, సాహిల్‌ లోత్రా తలో వికెట్‌ పడగొట్టారు.  శతక్కొట్టిన దీపక్‌ హుడా.. ఆరేసిన చహల్‌ 2023 సీజన్‌ విజయ్‌ హజారే ట్రోఫీ ఇవాల్టి నుంచే మొదలైంది. ఈ రోజు వివిధ వేదికలపై మొత్తం 18 మ్యాచ్‌లు జరుగుతున్నాయి. అరుణాచల్‌ ప్రదేశ్‌తో జరుగుతున్న మ్యాచ్‌లో టీమిండియా ఆటగాడు, రాజస్థాన్‌ కెప్టెన్‌ దీపక్‌ హుడా (114) సెంచరీతో మెరిశాడు. ఇదే మ్యాచ్‌లో దీపక్‌ చాహర్‌ (66 నాటౌట్‌) అర్ధ సెంచరీతో రాణించాడు. ఉత్తరాఖండ్‌తో జరుగుతున్న మ్యాచ్‌లో టీమిండియా స్పిన్నర్‌, హర్యానా బౌలర్‌ యుజ్వేంద్ర చహల్‌ 6 వికెట్లతో ఇరగదీశాడు.  

దేశవాళీ జోనల్‌ వన్డే క్రికెట్‌ టోర్నీ దేవధర్‌ ట్రోఫీలో మయాంక్‌ అగర్వాల్‌ సారథ్యంలోని సౌత్‌జోన్‌ జట్టు అజేయ విజేతగా నిలిచింది. పుదుచ్చేరిలో గురువారం జరిగిన ఫైనల్లో సౌత్‌జోన్‌ 45 పరుగుల తేడాతో ఈస్ట్‌జోన్‌ జట్టును ఓడించి తొమ్మిదోసారి దేవధర్‌ ట్రోఫీని సొంతం చేసుకుంది. టాస్‌ గెలిచి బ్యాటింగ్‌ ఎంచుకున్న సౌత్‌జోన్‌ నిర్ణీత 50 ఓవర్లలో 8 వికెట్లకు 328 పరుగులు చేసింది. రోహన్‌ (75 బంతుల్లో 107; 11 ఫోర్లు, 4 సిక్స్‌లు) సెంచరీ సాధించాడు. మయాంక్‌ (63; 4 ఫోర్లు), జగదీశన్‌ (54; 2 ఫోర్లు, 1 సిక్స్‌) అర్ధ సెంచరీలు చేశారు. అనంతరం 329 పరుగుల లక్ష్యంతో బరిలోకి దిగిన ఈస్ట్‌జోన్‌ 46.1 ఓవర్లలో 283 పరుగులకు ఆలౌటైంది. రియాన్‌ పరాగ్‌ (95; 8 ఫోర్లు, 5 సిక్స్‌లు) మెరిపించినా మిగతావాళ్లు రాణించడంలో విఫలమయ్యారు. సౌత్‌జోన్‌ బౌలర్లలో వాషింగ్టన్‌ సుందర్‌ మూడు వికెట్లు తీయగా... వైశాఖ్, కౌశిక్, విద్వత్‌ రెండు వికెట్ల చొప్పున పడగొట్టారు.  టోర్నీలో 354 పరుగులు చేయడంతో పాటు 11 వికెట్లు తీసిన రియాన్‌ పరాగ్‌కు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది.   𝗦𝗢𝗨𝗧𝗛 𝗭𝗢𝗡𝗘 are WINNERS of the #DeodharTrophy 2023-24! 🙌 Congratulations to the @mayankcricket-led unit 👏👏 East Zone fought hard in a high-scoring battle here in Puducherry 👌👌 Scorecard - https://t.co/afLGJxp77b#Final | #SZvEZ pic.twitter.com/x6PEjFp5Pr — BCCI Domestic (@BCCIdomestic) August 3, 2023 చదవండి: IND vs WI: టీమిండియా బౌలర్‌ అరుదైన ఘనత.. రెండో భారత క్రికెటర్‌గా

ఈస్ట్‌ జోన్‌తో జరుగుతున్న దియోదర్‌ ట్రోఫీ 2023 ఫైనల్లో సౌత్‌ జోన్‌ ఓపెనర్లు రోహన్‌ కున్నుమ్మల్‌, మయాంక్‌ అగర్వాల్‌ రెచ్చిపోయారు. కున్నుమ్మల్‌ ఆకాశమే హద్దుగా చెలరేగిపోయి 68 బంతుల్లో శతక్కొట్టగా (75 బంతుల్లో 107; 11 ఫోర్లు, 4 సిక్సర్లు).. మాయంక్‌ అగర్వాల్‌ టోర్నీలో నాలుగో అర్ధసెంచరీతో (83 బంతుల్లో 63; 4 ఫోర్లు) మెరిశాడు. ఫలితంగా సౌత్‌ జోన్‌ భారీ స్కోర్‌ సాధించింది. కున్నుమ్మల్‌, మయాంక్‌లతో పాటు జగదీశన్‌ (54), ఆఖర్లో సాయి కిషోర్‌ (24 నాటౌట్‌) రాణించడంతో సౌత్‌ జోన్‌ నిర్ణీత 50 ఓవర్లలో 8 వికెట్ల నష్టానికి 328 పరుగులు చేసింది. ఈస్ట్‌ జోన్‌ బౌలర్లలో ఉత్కర్ష్‌ సింగ్‌, రియాన్‌ పరాగ్‌, షాబాజ్‌ అహ్మద్‌ తలో 3 వికెట్లు, మణిశంకర్‌, ఆకాశ్‌దీప్‌ చెరో వికెట్‌ పడగొట్టారు.  That celebration 🔥pic.twitter.com/v5gqNKB90i — CricTracker (@Cricketracker) August 3, 2023 సూపర్‌ ఫామ్‌లో మయాంక్‌.. దియోదర్‌ ట్రోఫీ 2023 ఎడిషన్‌లో సౌత్‌ జోన్‌ కెప్టెన్‌ మయాంక్‌ అగర్వాల్‌ సూపర్‌ ఫామ్‌ను కొనసాగిస్తున్నాడు. ఈ టోర్నీలో అతను ఏకంగా 6 మ్యాచ్‌ల్లో 4 అర్ధసెంచరీలు సాధించాడు. తొలి మ్యాచ్‌లో నార్త్‌ జోన్‌పై 64 పరుగులు చేసిన మయాంక్‌.. ఆతర్వాత మ్యాచ్‌లో వెస్ట్‌ జోన్‌పై 98 పరుగులు చేసి తృటిలో సెంచరీని చేజార్చుకున్నాడు. అనంతరం నార్త్‌ ఈస్ట్‌ జోన్‌పై 32 పరుగులతో పర్వాలేదనిపించిన మయాంక్‌.. ఆతర్వాత ఈస్ట్‌ జోన్‌పై మరో అర్ధసెంచరీతో (84) మెరిశాడు. ఆ తర్వాత సెంట్రల్‌ జోన్‌తో జరిగిన మ్యాచ్‌లో 0 పరుగులకే రిటైర్డ్‌ హర్ట్‌గా వెనుదిరిగిన మయాంక్‌.. తాజాగా ఈస్ట్‌ జోన్‌తో జరుగుతున్న మ్యాచ్‌లో మరో అర్ధశతకంతో (63) రాణించాడు. 

దియోదర్‌ ట్రోఫీ-2023లో సౌత్‌ జోన్‌ కెప్టెన్‌ మయాంక్‌ అగర్వాల్‌ భీకర ఫామ్‌ను కొనసాగిస్తున్నాడు. ఈ టోర్నీలో 3 మ్యాచ్‌ల్లో 2 హాఫ్‌ సెంచరీలు  సహా 194 పరుగులు (64, 98, 32) చేసిన మయాంక్‌.. ఇవాళ (జులై 30)  ఈస్ట్‌ జోన్‌తో జరిగిన మ్యాచ్‌లో మరో మ్యాచ్‌ విన్నింగ్‌ హాఫ్‌సెంచరీతో (88 బంతుల్లో 84; 6 ఫోర్లు, సిక్స్‌) ఇరగదీశాడు. మయాంక్‌కు ఐపీఎల్‌ హీరో సాయి సుదర్శన్‌ (53) తోడవ్వడంతో ఈస్ట్‌ జోన్‌పై సౌత్‌ జోన్‌ 5 వికెట్ల తేడాతో గెలుపొంది, ఫైనల్‌కు అర్హత సాధించింది.  ఈ మ్యాచ్‌లో తొలుత బ్యాటింగ్‌ చేసిన ఈస్ట్‌ జోన్‌.. కౌశిక్‌ (8-1-37-3), సాయి కిషోర్‌ (10-0-45-3), విధ్వత్‌ కావేరప్ప (9-2-40-2), విజయ్‌కుమార్‌ వైశాఖ్‌ (1/62), వాషింగ్టన్‌ సుందర్‌ (1/41) ధాటికి 46 ఓవర్లలో 229 పరుగులకు కుప్పకూలింది. ఓపెనర్‌ విరాట్‌ సింగ్‌ (49) టాప్‌ స్కోరర్‌గా నిలువగా.. సుభ్రాంషు సేనాపతి (44), 9, 10వ నంబర్‌ ఆటగాళ్లు ఆకాశదీప్‌ సింగ్‌ (44), ముక్తర్‌ హుస్సేన్‌ (33) రాణించారు. గుర్తింపు కలిగిన ఆటగాళ్లు అభిమన్యు ఈశ్వరన్‌ (12), రియాన్‌ పరాగ్‌ (13) చేతులెత్తేశారు. అనంతరం​ బరిలోకి దిగిన సౌత్‌ జోన్‌.. 44.2 ఓవర్లలో 5 వికెట్లు కోల్పోయి 230 పరుగుల లక్ష్యాన్ని ఛేదించింది. మయాంక్‌ అగర్వాల్‌, సాయి సుదర్శన్‌ అర్ధసెంచరీలతో రాణించగా.. జగదీశన్‌ (32) పర్వాలేదనిపించాడు. ఓపెనర్‌ రోహన్‌ కున్నుమ్మల్‌ (18), అరుణ్‌ కార్తీక్‌ (1) తక్కువ స్కోర్లకే వెనుదిరగగా.. రోహిత్‌ రాయుడు (24 నాటౌట్‌).. వాషింగ్టన్‌ సుందర్‌ (8 నాటౌట్‌) సాయంతో సౌత్‌ జోన్‌ను విజయతీరాలకు చేర్చాడు. ఈస్ట్‌ జోన్‌ బౌలర్లలో అవినోవ్‌ చౌదరీ 2 వికెట్లు పడగొట్టగా.. ఆకాశ్‌ దీప్‌, రియాన్‌ పరాగ్‌, షాబాజ్‌ అహ్మద్‌ తలో వికెట్‌ దక్కించుకున్నారు. ఇవాళే జరిగిన మరో మ్యాచ్‌లో నార్త్‌ ఈస్ట్‌ జోన్‌పై సెంట్రల్‌ జోన్‌ 8 వికెట్ల తేడాతో గెలుపొందింది. తొలుత బ్యాటింగ్‌ చేసిన నార్త్‌ ఈస్ట్‌ జోన్‌.. సర్వటే (10-2-19-3), యశ్‌ కొఠారీ (2-1-4-2), సరాన్ష్‌ జైన్‌ (10-0-39-2) ధాటికి 49 ఓవర్లలో 164 పరుగులకు ఆలౌట్‌ కాగా.. శివమ్‌ చౌదరీ (85 నాటౌట్‌; 7 ఫోర్లు, 2 సిక్సర్లు), యశ్‌ దూబే (72; 7 ఫోర్లు, సిక్స్‌) అర్ధసెంచరీలతో రాణించడంతో సెంట్రల్‌ జోన్‌ 33 ఓవర్లలో కేవలం 2 వికెట్లు మాత్రమే కోల్పోయి విజయతీరాలకు చేరింది. 

దియోదర్‌ ట్రోఫీ వన్డే క్రికెట్‌ టోర్నీలో సౌత్‌ జోన్‌ జట్టు వరుసగా రెండో విజయం నమోదు చేసింది. వెస్ట్‌ జోన్‌తో బుధవారం జరిగిన మ్యాచ్‌లో సౌత్‌ జోన్‌ 12 పరుగుల తేడాతో గెలిచింది. ముందుగా సౌత్‌ జట్టు 46.4 ఓవర్లలో 206 పరుగులకు ఆలౌటైంది. కెప్టెన్‌ మయాంక్‌ అగర్వాల్‌ (115 బంతుల్లో 98; 9 ఫోర్లు) రెండు పరుగుల తేడాతో సెంచరీని కోల్పోయాడు. వెస్ట్‌ బౌలర్లలో పార్థ్‌ మూడు వికెట్లు తీయగా, రాజ్‌వర్ధన్, షమ్స్‌ ములానీలకు రెండు వికెట్ల చొప్పున లభించాయి. 207 పరుగుల లక్ష్యంతో బరిలోకి దిగని వెస్ట్‌ జట్టు 36.2 ఓవర్లలో 194 పరుగులకు ఆలౌటైంది. సర్ఫరాజ్‌ ఖాన్‌ (42; 5 ఫోర్లు, 2 సిక్స్‌లు), అతీత్‌ షేథ్‌ (40; 6 ఫోర్లు) రాణించారు. సౌత్‌ జోన్‌ స్పిన్నర్లు సాయికిశోర్‌ (3/44), వాషింగ్టన్‌ సుందర్‌ (2/34) వెస్ట్‌ జోన్‌ జట్టును దెబ్బ తీశారు.  శతక్కొట్టిన ప్రభ్‌సిమ్రన్‌.. నితీశ్‌ రాణా ఆల్‌రౌండర్‌ షో ఇతర మ్యాచ్‌ల్లో నార్త్‌ జోన్‌ 48 పరుగులతో సెంట్రల్‌ జోన్‌పై, ఈస్ట్‌ జోన్‌ ఎనిమిది వికెట్లతో నార్త్‌ ఈస్ట్‌జోన్‌పై గెలిచాయి. సెంట్రల్‌ జోన్‌తో జరిగిన  మ్యాచ్‌లో నార్త్‌ జోన్‌ ఆటగాడు ప్రభ్‌సిమ్రన్‌ సింగ్‌  92 బంతుల్లో శతక్కొట్టాడు. ఈ ఇన్నింగ్స్‌లో 107 బంతులు ఎదుర్కొన్న ప్రభ్‌సిమ్రన్‌ .. 13 ఫోర్లు, 5 సిక్సర్ల సాయంతో 121 పరుగులు చేశాడు. అతనికి కెప్టెన్‌ నితీశ్‌ రాణా (51), మన్‌దీప్‌ సింగ్‌ (43) తోడవ్వడంతో నార్త్‌ జోన్‌ నిర్ణీత 50 ఓవర్లలో 8 వికెట్ల నష్టానికి 307 పరుగులు చేసింది. అనంతరం బరిలోకి దిగిన సెంట్రల్‌ జోన్‌.. నితీశ్‌ రాణా (4/48), మయాంక్‌ యాదవ్‌ (3/47) బంతితో ఇరగదీయడంతో 47.4 ఓవర్లలో 259 పరుగులకు ఆలౌటైంది.సెంట్రల్‌ జోన్‌ ఇన్నింగ్స్‌లో శివమ్‌ చౌదరీ (51), యశ్‌ దూబే (78), ఉపేంద్ర యాదవ్‌ (52) అర్ధసెంచరీలతో రాణించారు.  సెంచరీతో కదంతొక్కిన అభిమన్యు ఈశ్వరన్‌.. నార్త్‌ఈస్ట్‌ జోన్‌తో జరిగిన మ్యాచ్‌లో ఈస్ట్‌ జోన్‌ ఓపెనర్‌ అభిమన్యు ఈశ్వరన్‌ (100) అజేయమైన సెంచరీతో మెరిశాడు. ఫలితంగా నార్త్‌ఈస్ట్‌ జోన్‌ నిర్ధేశించిన 170 పరుగుల లక్ష్యాన్ని ఈస్ట్‌ జోన్‌ 31.3 ఓవర్లలోనే ఛేదించింది. తొలుత బ్యాటింగ్‌ చేసిన నార్త్‌ఈస్ట్‌ జోన్‌ను రియాన్‌ పరాగ్‌ (10-2-30-4) దారుణంగా దెబ్బకొట్టాడు. నార్త్‌ఈస్ట్‌ జోన్‌ ఇన్నింగ్స్‌లో రెక్స్‌ సేన్‌ (65 నాటౌట్‌) ఒక్కడే రాణించాడు.

ఐపీఎల్‌-2023లో పంజాబ్‌ కింగ్స్‌ తరఫున ఏకైక సెంచరీ చేసిన యువ ఆటగాడు ప్రభ్‌సిమ్రన్‌ సింగ్‌, ప్రస్తుతం జరుగుతున్న దియోదర్‌ ట్రోఫీలోనూ తన ఫామ్‌ను కొనసాగిస్తున్నాడు. గత ఐపీఎల్‌లో ఢిల్లీ క్యాపిటల్స్‌తో జరిగిన మ్యాచ్‌లో 65 బంతుల్లో 10 ఫోర్లు, 6 సిక్సర్ల సాయంతో సుడిగాలి శతకం (103) బాదిన ప్రభ్‌సిమ్రన్‌.. దియోదర్‌ ట్రోఫీలో సెంట్రల్‌ జోన్‌తో ఇవాళ (జులై 26) జరుగుతున్న మ్యాచ్‌లో 92 బంతుల్లో శతక్కొట్టాడు. Relive that special 💯 moment here 🔽#TATAIPL | #DCvPBKS https://t.co/eBGUL8gkVh pic.twitter.com/uWI2uW8vB8 — IndianPremierLeague (@IPL) May 13, 2023 ఈ ఇన్నింగ్స్‌లో 107 బంతులు ఎదుర్కొన్న ప్రభ్‌సిమ్రన్‌ (నార్త్‌ జోన్‌).. 13 ఫోర్లు, 5 సిక్సర్ల సాయంతో 121 పరుగులు చేశాడు. అతనికి కెప్టెన్‌ నితీశ్‌ రాణా (51), మన్‌దీప్‌ సింగ్‌ (43) తోడవ్వడంతో నార్త్‌ జోన్‌ నిర్ణీత 50 ఓవర్లలో 8 వికెట్ల నష్టానికి 307 పరుగులు చేసింది. ఎమర్జింగ్‌ ఏసియా కప్‌ హీరోలు అభిషేక్‌ శర్మ (19), నిషాంత్‌ సింధు (18), హర్షిత్‌ రాణా (5), వివ్రాంత్‌ శర్మ (1) నిరశపర్చగా.. హిమాన్షు రాణా (24) ఓ మోస్తరు స్కోర్‌ చేశాడు. సెంట్రల్‌ జోన్‌ బౌలర్లలో యశ్‌ ఠాకూర్‌, వెంకటేశ్‌ అయ్యర్‌ తలో 2 వికెట్లు పడగొట్టగా.. శివమ్‌ మావి, కర్ణ్‌ శర్మ చెరో వికెట్‌ దక్కించుకున్నారు. దియోదర్‌ ట్రోఫీ-2023లో ప్రభ్‌సిమ్రన్‌దే తొలి సెంచరీ కావడం విశేషం​.  తృటిలో సెంచరీని చేజార్చుకున్న మయాంక్‌ అగర్వాల్‌.. ఇవాళే జరిగిన మరో మ్యాచ్‌లో సౌత్‌ జోన్‌ కెప్టెన్‌ మయాంక్‌ అగర్వాల్‌ (115 బంతుల్లో 98; 9 ఫోర్లు) తృటిలో సెంచరీ చేజార్చుకున్నాడు. మయాంక్‌, అరుణ్‌ కార్తీక్‌ (23), విజయ్‌కుమార్‌ వైశాఖ్‌ (20 నాటౌట్‌), కావేరప్ప (19) మినహా ఎవరూ కనీసం రెండంకెల స్కోర్లు కూడా చేయకపోవడంతో వెస్ట్‌ జోన్‌తో జరుగుతున్న మ్యాచ్‌లో తొలుత బ్యాటింగ్‌ చేసిన సౌత్‌ జోన్‌ 46.4 ఓవర్లలో 206 పరుగులకు ఆలౌటైంది. వెస్ట్‌ జోన్‌ బౌలర్లలో పార్థ్‌ భట్‌ 3, షమ్స్‌ ములానీ, హంగార్గేకర్‌ చెరో 2 వికెట్లు, నగ్వస్వల్లా, అతీథ్‌ సేథ్‌, శివమ్‌ దూబే తలో వికెట్‌ పడగొట్టారు. 

దేశవాలీ వన్డే టోర్నీ దియోదర్‌ ట్రోఫీ-2023లో సౌత్‌ జోన్‌ జట్టు భారీ విజయం సాధించింది. వి జయదేవన్‌ (డక్‌వర్త్‌ లూయిస్‌కు ప్రత్యామ్నాయం) పద్ధతిలో ఆ జట్టు 185 పరుగుల భారీ తేడాతో నార్త్‌ జోన్‌పై గెలుపొందింది.   కెప్టెన్‌ మయాంక్‌ అగర్వాల్‌ (64; 7 ఫోర్లు)తో పాటు ఓపెనర్‌ కున్నుమ్మల్‌ (70; 8 ఫోర్లు, 3 సిక్సర్లు), ఎన్‌ జగదీశన్‌ (72; 4 ఫోర్లు, 3 సిక్సర్లు) అర్ధసెంచరీతో రాణించడంతో తొలుత బ్యాటింగ్‌ చేసిన సౌత్‌జోన్‌.. నిర్ణీత 50 ఓవర్లలో 8 వికెట్ల నష్టానికి 303 పరుగులు చేసింది. సౌత్‌జోన్‌ ఇన్నింగ్స్‌లో పడిక్కల్‌ (17), వాషింగ్టన్‌ సుందర్‌ (5) విఫలం కాగా.. రికీ భుయ్‌ (31), అరుణ్‌ కార్తీక్‌ (21) పర్వాలేదనిపించారు. నార్త్‌ జోన్‌ బౌలర్లలో రిషి ధవన్‌, మయాంక్‌ మార్కండే చెరో 2 వికెట్లు పడగొట్టగా.. సందీప్‌ శర్మ, మయాంక్‌ యాదవ్‌, మయాంక్‌ డాగర్‌, నితీశ్‌ రాణా తలో వికెట్‌ దక్కించుకున్నారు.   సౌత్‌ జోన్‌ ఇన్నింగ్స్‌ తర్వాత వర్షం అడ్డుతగలడంతో విజేడీ (వి జయదేవన్‌) పద్ధతిన నార్త్‌ జోన్‌ లక్ష్యాన్ని 246 పరుగులకు కుదించారు. అయితే విధ్వత్‌ కావేరప్ప (5/17), విజయ్‌కుమార్‌ వైశాఖ్‌ (2/12), వాసుకి కౌశిక్‌ (1/11),  నిప్పులు చెరగడంతో నార్త్‌ జోన్‌ 23 ఓవర్లలో 60 పరుగులకే కుప్పకూలింది. గుర్తింపు పొందిన ప్లేయర్లు అభిషేక్‌ శర్మ (1), గత ఐపీఎల్‌లో సెంచరీ చేసిన ప్రభ్‌సిమ్రన్‌సింగ్‌ (2), నితీశ్‌ రాణా (4), రిషి ధవన్‌ (6) దారుణంగా విఫలమయ్యారు. నార్త్‌ జోన్‌ ఇన్నింగ్స్‌లో శుభమ్‌ ఖజూరియా (10), మన్‌దీప్‌ సింగ్‌ (18 నాటౌట్‌) మాత్రమే రెండంకెల స్కోర్లు చేశారు. సౌత్‌ జోన్‌ బౌలర్లలో పేసర్లు కాకుండా రవిశ్రీనివాసన్‌ సాయికిషోర్‌, వాషింగ్టన్‌ సుందర్‌ తలో వికెట్‌ పడగొట్టారు. విజేడీ పద్ధతి అంటే.. వి జయదేవన్‌ పద్ధతి.. క్రికెట్‌లో డక్‌వర్త్‌ లూయిస్‌ పద్ధతికి ప్రత్యామ్నాయంగా రూపొందించబడిన పద్ధతి. 2007లో సునీల్ గవాస్కర్ నేతృత్వంలోని బీసీసీఐ సాంకేతిక కమిటీ భారతదేశంలోని అన్ని పరిమిత ఓవర్ల దేశీయ మ్యాచ్‌లకు ఈ పద్ధతిని ఆమోదించింది. వర్షం ప్రభావిత వన్డే, టీ20 మ్యాచ్‌లలో లక్ష్య స్కోర్‌లను లెక్కించడానికి ఈ పద్దతి ఉపయోగించబడుతుంది. కేరళకు చెందిన భారతీయ ఇంజనీర్ జయదేవన్ రూపొందించిన ఈ పద్ధతిని అంతర్జాతీయ మ్యాచ్‌ల్లో డక్‌వర్త్ లూయిస్ పద్ధతికి ప్రత్యామ్నాయంగా ఉపయోగించేందుకు 2012లో బీసీసీఐ ప్రతిపాదించింది. అయితే క్లయివ్‌ లాయిడ్‌ నేతృత్వంలోని ఐసీసీ కమిటీ ఇందుకు ఒప్పుకోలేదు. విజేడీ పద్ధతిని తమిళనాడు ప్రీమియర్ లీగ్, కర్ణాటక ప్రీమియర్ లీగ్, గతంలో ఇండియన్ క్రికెట్ లీగ్‌ల్లో ఉపయోగించారు. 

వెస్ట్‌ జోన్‌తో జరుగుతున్న దులీప్‌ ట్రోఫీ 2023 ఫైనల్లో సౌత్‌ జోన్‌ జట్టు పట్టు బిగిస్తుంది. మూడో రోజు ఆట సమయానికి ఆ జట్టు తొలి ఇన్నింగ్స్‌లో లభించిన 67 పరుగుల లీడ్‌తో కలుపుకుని మొత్తంగా 248 పరుగుల ఆధిక్యంలో కొనసాగుతుంది. సెకెండ్‌ ఇన్నింగ్స్‌లో సౌత్‌ జోన్‌ 7 వికెట్ల నష్టానికి 181 పరుగులు చేసి, ఇన్నింగ్స్‌ను కొనసాగిస్తుంది. వాషింగ్టన్‌ సుందర్‌ (10), విజయ్‌కుమార్‌ వైశాఖ్‌ (1) క్రీజ్‌లో ఉన్నారు. సౌత్‌ జోన్‌ సెకెండ్‌ ఇన్నింగ్స్‌లో  తిలక్‌ వర్మ (3) నిరాశపరచగా.. మయాంక్‌ అగర్వాల్‌ (35), హనుమ విహారి (42), రికీ భుయ్‌ (27) పర్వాలేదనిపించారు. కావేరప్ప దెబ్బకు కుప్పకూలిన వెస్ట్‌ జోన్‌.. ఈ మ్యాచ్‌లో కర్ణాటక పేసర్‌ విధ్వత్‌ కావేరప్ప (7/53) దెబ్బకు వెస్ట్‌ జోన్‌ తొలి ఇన్నింగ్స్‌లో 146 పరుగులకే కుప్పకూలింది. వెస్ట్‌ జోన్‌ బ్యాటర్లలో పృథ్వీ షా (65) ఒక్కడే అర్ధసెంచరీతో రాణించగా.. మిగతా బ్యాటర్లంతా చేతులెత్తేశారు. టీమిండియా స్టార్‌ ప్లేయర్లు ఛతేశ్వర్‌ పుజారా (9), సూర్యకుమార్‌ యాదవ్‌ (8) దారుణంగా విఫలం కాగా.. అప్‌కమింగ్‌ హీరో అంటూ ఊదరగొట్టబడుతున్న సర్ఫరాజ్‌ ఖాన్‌ డకౌటై నిరాశపరిచాడు. కావేరప్పతో పాటు విజయకుమార్‌ వైశాఖ్‌ (2/33), కౌశిక్‌ (1/26) వికెట్లు పడగొట్టారు.  అంతకుముందు సౌత్‌జోన్‌ తొలి ఇన్నింగ్స్‌లో 213 పరుగులకు ఆలౌటైంది. హనుమ విహారి (63) అర్ధసెంచరీతో రాణించగా.. తిలక్‌ వర్మ (40), మయాంక్‌ అగర్వాల్‌ (28), వాషింగ్టన్‌ సుందర్‌ (22 నాటౌట్‌) పర్వాలేదనిపించారు. షమ్స్‌ ములానీ (3/29), నగవస్వల్లా (2/62), చింతన్‌ గజా (2/27), డి జడేజా (2/33), సేథ్‌ (1/47) సౌత్‌ జోన్‌ను దెబ్బకొట్టారు.  

దేవధర్‌ ట్రోఫీ ఇంటర్‌ జోనల్‌ వన్డే క్రికెట్‌ టోర్నమెంట్‌లో పాల్గొనే సౌత్‌ జోన్‌ జట్టును ప్రకటించారు. సచిన్‌ టెండూల్కర్‌ తనయుడు అర్జున్‌ టెండూల్కర్‌కు మంచి గోల్డెన్‌ చాన్స్‌ లభించింది. దేవధర్‌ ట్రోఫీలో భాగంగా అర్జున్‌ సౌత్‌ జోన్‌ జట్టులోకి ఎంపికయ్యాడు. దేశవాళీ క్రికెట్‌లో అర్జున్‌ గోవా జట్టుకు ప్రాతినిధ్యం వహిస్తున్న సంగతి తెలిసిందే. ఇక 15 మంది సభ్యులతో కూడిన సౌత్‌ జోన్‌ జట్టులో హైదరాబాద్‌కు చెందిన రోహిత్‌ రాయుడు, ఆంధ్ర క్రికెటర్‌ రికీ భుయ్‌లకు స్థానం లభించింది. మయాంక్‌ అగర్వాల్‌ కెప్టెన్‌గా వ్యవహరిస్తాడు. దేవధర్‌ ట్రోఫీ ఈనెల 24 నుంచి ఆగస్టు 3 వరకు పుదుచ్చేరిలో జరుగుతుంది. సౌత్ జోన్ జట్టు: మయాంక్ అగర్వాల్ (కెప్టెన్), రోహన్ కున్నుమ్మల్ (వైస్ కెప్టెన్), ఎన్ జగదీషన్ (వికెట్ కీపర్), రోహిత్ రాయడు, కెబి అరుణ్ కార్తీక్, దేవదత్ పడిక్కల్, రికీ భుయ్ (వికెట్ కీపర్), వాషింగ్టన్ సుందర్, వి కావరప్ప, వి విక్షక్ వి, మోహిత్ రెడ్కర్, సిజోమోన్ జోసెఫ్, అర్జున్ టెండూల్కర్, సాయి కిషోర్. చదవండి: #BrijBhushanSharan: 'చుప్‌'.. మైక్‌ విరగ్గొట్టి రిపోర్టర్‌తో దురుసు ప్రవర్తన Duleep Trophy 2023: ఇవాళ్టి నుంచి దులీప్‌ ట్రోఫీ ఫైనల్‌.. 2011లో చివరిసారిగా 

Duleep Trophy 2023- South Zone vs North Zone, 2nd Semi-Final- బెంగళూరు: కష్టాల్లో ఎదురీదుతున్న సౌత్‌జోన్‌ జట్టును హైదరాబాద్‌ రైజింగ్‌ స్టార్‌ ఠాకూర్‌ తిలక్‌ వర్మ (46; 5 ఫోర్లు, 1 సిక్స్‌), సీనియర్‌ ఓపెనర్‌ మయాంక్‌ అగర్వాల్‌ (76; 10 ఫోర్లు)తో కలిసి గట్టెక్కించాడు. దీంతో దులీప్‌ ట్రోఫీ సెమీఫైనల్లో సౌత్‌జోన్‌ తొలి ఇన్నింగ్స్‌లో 195 పరుగులకు ఆలౌటైంది. నార్త్‌జోన్‌ 3 పరుగుల ఆధిక్యంతోనే సరిపెట్టుకుంది. ఓవర్‌నైట్‌ స్కోరు 63/4తో రెండో రోజు ఆట కొనసాగించిన సౌత్‌జోన్‌ను మయాంక్, తిలక్‌ నడిపించారు. ఐదో వికెట్‌కు ఇద్దరు 110 పరుగులు జోడించారు. అనంతరం రెండో ఇన్నింగ్స్‌ ప్రారంభించిన నార్త్‌జోన్‌ ఆట నిలిచే సమయానికి 11 ఓవర్లలో 2 వికెట్లకు 51 పరుగులు చేసింది.   క్రికెట్‌కు తమీమ్‌ గుడ్‌బై  చిట్టోగ్రామ్‌: వన్డే ప్రపంచకప్‌కు మూడు నెలల ముందు బంగ్లాదేశ్‌ జట్టు సీనియర్‌ ప్లేయర్, కెప్టెన్‌ తమీమ్‌ ఇక్బాల్‌ సంచలన ప్రకటన చేశాడు. తాను అంతర్జాతీయ క్రికెట్‌ నుంచి వెంటనే తప్పుకుంటున్నట్లు భావోద్వేగంతో ప్రకటించాడు. బుధవారం అఫ్గానిస్తాన్‌తో జరిగిన తొలి వన్డేలో బంగ్లాదేశ్‌ ఓడగా ...తర్వాతి రోజే ఈ ప్రకటన వచ్చింది. 16 ఏళ్ల కెరీర్‌ లో 34 ఏళ్ల తమీమ్‌ ఇక్బాల్‌... 241 వన్డేల్లో 14 సెంచరీలు, 56 అర్ధ సెంచరీలతో 8313 పరుగులు... 70 టెస్టుల్లో 10 సెంచరీలతో 5134 పరుగులు... 78 టి20 మ్యాచ్‌ల్లో ఒక సెంచరీ, ఏడు అర్ధ సెంచరీలతో కలిపి 1758 పరుగులు సాధించాడు.   చదవండి: ఒక్క బంతి ఎక్కువ తీసుకున్నా గోవిందా! నాడు తండ్రి సచిన్‌ వికెట్‌ తీసి.. ఇప్పుడేమో

Mayank Agarwal- CBI director Praveen Sood: కేంద్ర దర్యాప్తు సంస్థ (సీబీఐ) నూతన డైరెక్టర్‌గా ఐపీఎస్‌ ఆఫీసర్‌ ప్రవీణ్‌ సూద్‌ బాధ్యతలు చేపట్టిన వేళ టీమిండియా క్రికెటర్‌ మయాంక్‌ అగర్వాల్‌ పేరు తెరమీదకు తీసుకువచ్చారు అభిమానులు. ఇందుకు ఓ కారణం ఉంది.. అదేంటంటే.. టీమిండియా ఓపెనర్‌గా కర్ణాటకకు చెందిన మయాంక్‌..  2018లో ఆస్ట్రేలియాతో టెస్టు సందర్భంగా టీమిండియా తరఫున అంతర్జాతీయ క్రికెట్‌లో అడుగుపెట్టాడు. 2020లో వన్డేల్లో అరంగేట్రం చేశాడు. టీమిండియా ఓపెనర్‌గా మంచి గుర్తింపు సంపాదించిన ఈ రైట్‌హ్యాండ్‌ బ్యాటర్‌ ఇప్పటి వరకు కెరీర్‌లో మొత్తంగా 21 టెస్టులు ఆడాడు. 36 ఇన్నింగ్స్‌లలో కలిపి 1488 పరుగులు సాధించాడు. ఇందులో  4 సెంచరీలు, రెండు ద్విశతకాలు ఉండటం విశేషం. ఇక కేవలం 5 వన్డేలు మాత్రమే ఆడే అవకాశం దక్కించుకున్న మయాంక్‌.. 86 పరుగులకే పరిమితమయ్యాడు.  మయాంక్‌- ఆషితా ప్రేమకథ అలా మొదలైంది ఇక మయాంక్‌ అగర్వాల్‌ కెరీర్‌ సంగతులు ఇలా ఉంటే.. అతడి వ్యక్తిగత జీవితం గురించి చాలా తక్కువ మందికి తెలుసు. మయాంక్‌ అగర్వాల్‌ది ప్రేమ వివాహం. అతడి భార్య పేరు ఆషితా సూద్‌. కామన్‌ ఫ్రెండ్స్‌ ద్వారా పరిచయమైన వీరిద్దరు తొలుత స్నేహితులుగా దగ్గరయ్యారు. కాలక్రమంలో స్నేహం ప్రేమగా మారింది. ఆషితాకు తన మనసులో మాట చెప్పేందుకు సిద్దమైన మయాంక్‌.. లండన్‌లో రొమాంటిక్‌ స్టైల్లో ఆమె ముందు పెళ్లి ప్రపోజల్‌ ఉంచాడు. ఇందుకు ఆషితా సానుకూలంగా స్పందించడంతో 2018 జనవరిలో వీరి ఎంగేజ్‌మెంట్‌ జరిగింది. మయాంక్‌కు స్వయానా మామగారు అదే ఏడాది జూన్‌ 4న మయాంక్‌- ఆషితాల పెళ్లి జరిగింది. సన్నిహితుల సమక్షంలో జరిగిన ఈ వివాహ వేడుకకు మయాంక్‌ బెస్ట్‌ ఫ్రెండ్‌ కేఎల్‌ రాహుల్‌ సహా పలువురు క్రికెటర్లు హాజరయ్యారు. మయాంక్‌ ప్రేమించి పెళ్లాడిన ఆషితా మరెవరో కాదు.. ప్రస్తుతం సీబీఐ డైరెక్టర్‌గా బాధ్యతలు చేపట్టిన ప్రవీణ్‌ సూద్‌ కుమార్తె. కర్ణాటక మాజీ డీజీపీ ప్రవీణ్‌ సూద్‌ కూతురైన ఆషితా.. వృత్తి రిత్యా లాయర్‌. ఇంటలెక్చువల్‌ ప్రాపర్టీ లాలో ఆమె మాస్టర్స్‌ చేశారు. అదీ విషయం.. టీమిండియా క్రికెటర్‌ మయాంక్‌ అగర్వాల్‌.. ప్రవీణ్‌ సూద్‌కు స్వయానా అల్లుడు. మామగారు ఉన్నత పదవి చేపట్టడంతో అభిమానులు ఇలా మయాంక్‌ పేరును వార్తల్లోకి తెచ్చారు. ఇక మయాంక్‌- ఆషితాలకు ఓ కుమార్తె ఉంది. ఇదిలా ఉంటే.. 2011లో ఆర్సీబీ తరఫున ఐపీఎల్‌లో అడుగుపెట్టిన మయాంక్‌ ప్రస్తుత సీజన్‌ ఐపీఎల్‌-2023లో సన్‌రైజర్స్‌ హైదరాబాద్‌కు ప్రాతినిథ్యం వహించాడు. మినీ వేలంలో 8.25 కోట్ల రూపాయల భారీ ధరకు రైజర్స్‌ అతడిని కొనుగోలు చేసింది. అయితే, ఈ ఎడిషన్‌లో ఈ కర్ణాటక బ్యాటర్‌ అంచనాలు అందుకోలేకపోయాడు. 10 మ్యాచ్‌లు ఆడి కేవలం 270 పరుగులే చేశాడు. చదవండి: BCCI: అవసరమా?.. ఐపీఎల్‌ యాజమాన్యానికి సజ్జనార్‌ రిక్వెస్ట్‌.. ట్వీట్‌తో.. ఆర్సీబీలో నెట్‌బౌలర్‌గా ఉన్నా... ఒక్క ఛాన్స్‌ కూడా ఇవ్వలేదు! కానీ ఇప్పుడు..