దక్షిణాది హీరోయిన్లలో నటి సాయిపల్లవిది ప్రత్యేక శైలి. ఈమె స్వతహాగా వైద్యురాలు. నటనంటే ఇష్టంతో సినీ రంగ ప్రవేశం చేశారు. అందుకే పెళ్లిని కూడా వాయిదా వేసి తన చెల్లెలి పెళ్లి చేయడానికి సిద్ధపడ్డారు. సాయిపల్లవి కెరీర్‌లో మరచిపోలేని చిత్రం ప్రేమమ్‌. ఆ చిత్రం లేకపోతే ఈమె లేరనే చెప్పవచ్చు. సహజత్వానికి ప్రాధాన్యత ఇచ్చే ఈమె మేకప్‌కు పెద్దగా ప్రాధాన్యత ఇవ్వరు. సాయిపల్లవి చేసే పాత్రలు కూడా అలానే ఉంటాయి. అందుకే పక్కింటి అమ్మాయి ఇమేజ్‌ను సొంతం చేసుకున్నారు. పాత్రల ఎంపికలో ఆచి తూచి అడుగేస్తారు. తన పాత్రకు ప్రాధాన్యత లేకపోతే ఎంత పెద్ద హీరో చిత్రాన్ని అయినా నిరాకరిస్తారు. అలా ఆమె తిరస్కరించిన చాలా చిత్రాలు అపజయం పాలయ్యాయి. ముఖ్యంగా ఇటీవల చిరంజీవితో భోళా శంకర్‌ చిత్రంలో నటించే అవకాశం రాగా దాన్ని సాయిపల్లవి నిర్భంధంగా తోసి పుచ్చారు. తీరా ఆ చిత్రం విడుదలై బాక్సాపీస్‌ వద్ద బోల్తా కొట్టింది. అంతకు ముందు కామ్రేడ్‌ చిత్రంలో విజయ్‌ దేవరకొండ సరసన నటించే అవకాశం ముందు సాయిపల్లవికే వచ్చిందట. అయితే అందులో ముద్దు సన్నివేశాలు అధికంగా ఉండడంతో అందులో నటించనన్నారట. ఆ తరువాత ఆ పాత్రలో రష్మిక నటించారు. ఆ చిత్రం నిరాశపరచింది. ఇక తమిళంలో అజిత్‌ సరసన వలిమై చిత్రంలో నటించే అవకాశం తలుపు తట్టినా, పాత్ర నచ్చకపోవడంతో నో చెప్పారు. ఇటీవల నటుడు విజయ్‌కు జంటగా లియో చిత్రంలోనూ నాయకిగా సాయిపల్లవిని నటింపచేసే ప్రయత్నం జరిగింది. అందులోని పాత్రలో నటనకు అవకాశం లేదంటూ వద్దన్నారు. ఆ చిత్రం భారీ వసూళ్లు రాబట్టినా విమర్శలను ఎదుర్కొంది. ఇక చంద్రముఖి–2 నటి కంగనా రనౌత్‌ పోషించిన పాత్రలో ముందు సాయిపల్లవిని సంప్రదించారు. ఆ కథ నచ్చకపోవడంతో సారీ చెప్పేశారు. ఆ చిత్రం ప్లాప్‌ అయ్యింది. ఇలా సాయిపల్లవి రిజెక్ట్‌ చేస్తే.. ఇక అంతే అనే ప్రచారం సోషల్‌ మీడియాలో సాగుతోంది. కాగా ప్రస్తుతం కమలహాసన్‌ నిర్మిస్తున్న చిత్రంలో శివకార్తికేయన్‌ సరసన సాయిపల్లవి నటిస్తున్నారు.

ఒకప్పుడు టాలీవుడ్‌లో రీమేకులు సర్వసాధారణం. ఇతర భాషల్లో రిలీజై సూపర్‌ హిట్‌ అయిన చిత్రాలన్నీ తెలుగులో రీమేక్‌ చేసేవారు. మెగాస్టార్‌ చిరంజీవి, వెంకటేశ్‌, బాలకృష్ణ, నాగార్జునతో పాటు స్టార్‌ హీరోలంతా రీమేక్‌ చిత్రాల్లో నటించిన వారే. వాటిలో చాలా వరకు సూపర్‌ హిట్‌గా నిలిచాయి కూడా. కానీ ఓటీటీ రాకతో రీమేక్‌ చిత్రాల పని అయిపోయింది. ఇప్పుడు ప్రేక్షకులు అన్ని భాషల చిత్రాలను చూస్తున్నారు. అందుకే ఈ ఏడాది రీమేక్‌ చిత్రాలు అన్ని బాక్సాఫీస్‌ వద్ద బోల్తాపడ్డాయి. భారీ నుంచి ఓ మోస్తరు చిత్రాలవరకు అన్ని రీమేకులు డిజాస్టర్స్‌గా నిలిచాయి.  బోల్తా పడిన భోళా శంకర్‌ ఈ ఏడాది విడుదలై డిజాస్టర్‌ అయిన చిత్రాల్లో భోళా శంకర్‌ ముందు వరుసలో ఉంటుంది. మెగాస్టార్‌ చిరంజీవి కెరీర్‌లో అతిపెద్ద డిజాస్టర్‌ మూవీ ఇది. మెహర్‌ రమేశ్‌ దర్శకత్వం వహించిన ఈ చిత్రం తమిళ సూపర్‌ హిట్‌ ‘వేదాళం’కు తెలుగు రీమేక్‌. అక్కడ అజిత్‌ ..ఇక్కడ చిరంజీవి హీరోగా నటించారు. అయితే తమిళంలో ఈ కథ సూపర్‌ హిట్‌గా నిలిచింది. కానీ తెలుగు ప్రేక్షకులను మాత్రం మెప్పించలేకపోయింది. విడుదలైన మొదటి రోజే ఈ సినిమాకు డిజాస్టర్‌ టాక్‌ వచ్చింది. చిరు కెరీర్‌లో దారుణమైన సినిమాల్లో భోళా శంకర్‌ ఒకటిగా నిలిచింది.  భారీ నష్టాలు మిగిల్చిన ‘బ్రో’ పవన్‌ కల్యాణ్‌ హీరోగా నటించిన ‘బ్రో’ మూవీ కూడా రీమేక. తమిళంలో సూపర్‌ హిట్‌గా నిలిచిన వినోదయ సిత్తం చిత్రాన్ని కొద్దిగా మార్పులు చేసి బ్రోగా తెరకెక్కించాడు దర్శకుడు సముద్రఖని. త్రివిక్రమ్‌ స్క్రీన్‌ప్లే,  పవన్‌ కల్యాణ్‌, సాయి ధరమ్‌ తేజ్‌ నటన.. తమన్‌ సంగీతం ..ఏది ఈ చిత్రాన్ని నిలబెట్టలేకపోయింది. పవన్‌ కోసం చేసిన మార్పులు ఈ సినిమాను మరింత దెబ్బతీశాయి. రవితేజ ఖాతాలో మరో డిజాస్టర్‌గా ‘రావణాసుర’ పైకి చెప్పనప్పటికీ రావణాసుర కూడా రీమేక్‌ చిత్రమే. ‘విన్సీ డా’అనే బెంగాలీ మూవీకి రీమేక్‌గా ఈ చిత్రాన్ని తెరకెక్కించారు. ఆ సినిమాలోని మెయిన్‌ పాయింట్‌ని మాత్రమే తీసుకొని కమర్షియల్‌ ఫార్మాట్‌లో ఈ చిత్రాన్ని తీర్చిదిద్దాడు డైరెక్టర్‌ సుధీర్‌ వర్మ. తొలిసారి రవితేజ నెగెటివ్‌ షేడ్స్‌లో కనిపించిన చిత్రమిది. భారీ అంచనాల మధ్య ఈ ఏడాది ఏప్రిల్‌లో విడుదలైన డిజాస్టర్‌గా నిలిచింది.  కృష్ణవంశీ ఆశలపై నీళ్లు చల్లిన ‘రంగమార్తాండ’ చాలా కాలం తర్వాత క్రియేటివ్‌ డైరెక్టర్‌ కృష్ణ వంశీ తెరకెక్కించిన సినిమా రంగమార్తాండ. మరాఠీ లో క్లాసిక్‌ అనిపించుకున్న ‘నటసామ్రాట్‌’కి తెలుగు రీమేక్‌గా వచ్చిన ఈ చిత్రానికి విమర్శకుల నుంచి ప్రశంసలు అయితే వచ్చాయి కానీ.. బాక్సాఫీస్‌ వద్ద మాత్రం బోల్తా పడింది. కథ, కథనం, మేకింగ్‌ పరంగా ఆకట్టుకున్నప్పటికీ ప్రస్తుత ట్రెండ్‌కి విరుద్ధంగా ఈ చిత్రం ఉండడంతో ప్రేక్షకులు తిరస్కరించారు.  ఆకట్టుకోలేకపోయిన ‘హంట్‌’ ఈ ఏడాది  సుధీర్‌ బాబు చేసిన మరో ప్రయోగం హంట్‌. పృథ్వీరాజ్ సుకుమార్ నటించిన 'ముంబై పోలీస్' అనే మలయాళ సినిమాకి తెలుగు రీమేక్‌ ఇది. మంచి కాన్సెప్ట్ ఉన్నప్పటికీ.. ప్రజెంటేషన్‌ సరిగ్గా లేకపోవడం.. మక్కీకి మక్కీ తెరకెక్కించడం కారణంగా ఈ చిత్రం డిజాస్టర్‌ అయింది.  ఇవి మాత్రమే కాదు ఫిబ్రవరిలో విడుదలైన బుట్టబొమ్మ(మలయాళ మూవీ ‘కప్పేలా’ తెలుగు రీమేక్‌),  నవంబర్‌లో రిలీజైన  కోట బొమ్మాళి పీఎస్‌(మలయాళ సూపర్‌ హిట్‌ ‘నాయట్టు’ తెలుగు రీమేక్‌) చిత్రాలు కూడా తెలుగు ప్రేక్షకులను మెప్పించలేకపోయాయి. 

నందమూరి బాలకృష్ణ ప్రధాన పాత్రలో నటించిన చిత్రం భగవంత్‌ కేసరి. అందాల చందమామ కాజల్‌ హీరోయిన్‌గా నటించింది. కుర్ర హీరోయిన్‌ శ్రీలీల.. బాలకృష్ణ కూతురి పాత్రను పోషించింది. దర్శకుడు అనిల్‌ రావిపూడి.. కామెడీ జానర్‌ను వదిలేసి ఎమోషనల్‌ కంటెంట్‌ను ఎంచుకున్నాడు. బాలయ్యను సరికొత్తగా తెరపై చూపించే ప్రయత్నం చేశాడు. షైన్‌ స్క్రీన్స్‌ బ్యానర్‌పై హరీశ్‌ పెద్ది, సాహు గారపాటి నిర్మించిన ఈ మూవీకి తమన్‌ సంగీతం అందించాడు. అక్టోబర్‌ 19న ప్రేక్షకుల ముందుకు వచ్చిన ఈ సినిమాకు మిశ్రమ స్పందన లభిస్తోంది. తాజాగా ఈ మూవీ తొలి రోజు వసూళ్ల సంఖ్యను నిర్మాణ సంస్థ బయటపెట్టింది. భగవంత్‌ కేసరి మొదటి రోజు ప్రపంచవ్యాప్తంగా రూ.32.33 కోట్లు రాబట్టిందని వెల్లడించింది. ఈ మేరకు ప్రత్యేక పోస్టర్‌ విడుదల చేసింది. అయితే భగవంత్‌ కేసరి బాక్సాఫీస్‌ దగ్గర గట్టిగానే చప్పుడు చేశాడు.. కానీ మెగాస్టార్‌ చిరంజీవి భోళా శంకర్‌ మొదటి రోజు కలెక్షన్స్‌ను మాత్రం బ్రేక్‌ చేయలేకపోయాడు. భోళా శంకర్‌ మొదటి రోజు రూ.33 కోట్లు రాబట్టగా భగవంత్‌ కేసరి మాత్రం రూ.32.33 కోట్ల దాకా వచ్చి అడుగు దూరంలో ఆగిపోయింది. హిట్‌ టాక్‌ ఉన్న భగవంత్‌ కేసరి.. డిజాస్టర్‌గా నిలిచిన భోళా శంకర్‌ వసూళ్లను బ్రేక్‌ చేయలేకపోయిందని సోషల్‌ మీడియాలో నెటిజన్లు చర్చించుకుంటున్నారు. భగవంత్ కేసరి విస్ఫోటనం🔥#BhagavanthKesari Grosses 32.33 Crores Worldwide on DAY 1 & emerges as a DASARA WINNER💥 - https://t.co/rrWPhVwU6B Enjoy #BlockbusterDawath in cinemas now❤️‍🔥#NandamuriBalakrishna @AnilRavipudi @MsKajalAggarwal @sreeleela14 @MusicThaman @sahugarapati7… pic.twitter.com/C8i2VTpeb5 — Shine Screens (@Shine_Screens) October 20, 2023 ....No caption needed #BhagavanthKesari #BholaaShankar pic.twitter.com/vTmX727xfn — KriShNaᴮᴼˢs (@Ramyaholic) October 20, 2023 చదవండి: ‘భగవంత్‌ కేసరి’ మూవీ రివ్యూ

సినిమాలన్నాక హిట్, ఫ్లాప్ సాధారణ విషయం.  ఈ రోజు ఫెయిల్ అయిన హీరో.. మరో సినిమాతో కమ్ బ్యాక్ ఇవ్వొచ్చు. దర్శకులు, నిర్మాతల విషయంలో ఇలానే జరగొచ్చు. అయితే ఈ ఏడాది నిర్మాత అనిల్ సుంకర మాత్రం స్టార్ హీరోల సినిమాల దెబ్బకు చాలా దారుణమైన నష్టాల్ని చూశారు. ఇక ఆయన తీస్తున్న మరో సినిమా ఉందా? లేదా?  అనే రూమర్స్ ఉన్నాయి. ఇలాంటి సమయంలో ఈ ప్రొడ్యూసర్ షాకింగ్ ట్వీట్ చేశారు. నిర్మాత అనిల్ సుంకర.. ఈ ఏడాది పలు సినిమాలు రిలీజ్ చేశారు. అయితే ఎన్నో కోట్లు ఖర్చు పెట్టిన తీసిన ఏజెంట్, భోళా శంకర్ చిత్రాలు ఈయనకు చాలా నష్టాన్ని మిగిల్చాయి. వీటి నుంచి కోలుకోవడానికి మరికొన్నాళ్ల సమయం పడుతుంది. ఇలాంటి టైంలో ఈయన నిర్మిస్తున్న 'ఊరు పేరు భైరవకోన' మూవీ ఆగిపోయిందనే రూమర్స్ వచ్చాయి. వీటిపై స్పందిస్తూ ట్వీట్‌తో క్లారిటీ ఇచ్చారు. (ఇదీ చదవండి: హీరోయిన్‌గా ఛాన్స్ కొట్టేసిన 'బిగ్‌బాస్' రతిక) 'మేం ఖరీదైన తప్పులు చేశాం. అవి రిపీట్ కాకూడదని ప్రయత్నిస్తున్నాయి. అలానే సినిమాకు వీఎఫ్ఎక్స్ క్వాలిటీ కోసం కావాల్సిన సమయం కేటాయిస్తున్నాం. ఇక వీఎఫ్ఎక్స్ వర్క్ పూర్తి కాగానే 'ఊరుపేరు భైరవకోన' రిలీజ్ డేట్ ప్రకటిస్తాం. ఈ సినిమా మంచి విజయం సాధిస్తుందని పూర్తి నమ్మకం ఉంది. రెండో పాట త్వరలో రిలీజ్ చేస్తాం' అని నిర్మాత అనిల్ సుంకర ట్వీట్ చేశారు. ఈ ట్వీట్‌లో భాగంగా ఖరీదైన తప్పులు అన్నది ఏజెంట్, భోళా శంకర్ గురించే. ఇకపోతే సందీప్ కిషన్ హీరోగా నటిస్తున్న 'ఊరుపేరు భైరవకోన' చిత్రం.. 2021 సెప్టెంబరులో లాంచ్ అయింది. ఓ ఎనిమిది నెలల ముందు పాట.. ఐదు నెలల క్రితం టీజర్ రిలీజ్ చేశారు. ఆ తర్వాత సైలెంట్ అయిపోయారు. అందుకే ఈ సినిమా ఆగిపోయిందా అనే రూమర్స్ వచ్చాయి. సో అదన్నమాట విషయం. (ఇదీ చదవండి: ఈ వారం ఓటీటీల్లో ఏకంగా 40 సినిమాలు రిలీజ్) We made some costly mistakes and trying not to repeat any more. Quality of VFX is always proportional to the time we can give. And for a movie like #OoruPeruBhairavakona , we want to announce the date as soon as VFX is complete. We are confident that the movie will reach the high… https://t.co/6f3Ui32u5T — Anil Sunkara (@AnilSunkara1) October 15, 2023

గోపీచంద్‌ రామబాణం గురి తప్పింది. చిరంజీవి భోళా శంకర్‌.. డీలా పడింది. రెండూ ఫ్లాప్‌ టాక్‌ మూటగట్టుకున్న సినిమాలే! కనీస వసూళ్లు సాధించేందుకు ముప్పుతిప్పలు పడ్డ చిత్రాలే! థియేటర్‌లో కలెక్షన్స్‌ రాబట్టడం అయ్యే పనిలా లేదని ఓటీటీని ఆశ్రయించాయి. కనీసం ఇక్కడి ప్రేక్షకులైనా వన్‌ టైమ్‌ వాచ్‌ చేస్తారేమోనని! ఈసారైనా గురి కుదిరిందా? అనుకున్నది జరిగిందా? అంటే అవును, కాదు అని రెండు సమాధానాలు వినిపిస్తాయి. అదెలా అనుకుంటున్నారా? రామబాణం సినిమా ఓటీటీలో సక్సెస్‌ అయింది. తెలుగు, సౌత్‌, బాలీవుడ్‌ సినిమాలను వెనక్కు నెడుతూ నెట్‌ఫ్లిక్స్‌లో టాప్‌ 1 స్థానంలో ట్రెండ్‌ అవుతోంది. మరి భోళా శంకర్‌ అంటారా? కనీసం టాప్‌ 10 చిత్రాల్లో కూడా చోటు దక్కించుకోలేదు. ఇది మెగా ఫ్యాన్స్‌ను ఎంతగానో నిరాశకు గురి చేస్తోంది. థియేటర్లలోనే అనుకుంటే ఓటీటీలోనూ భోళా శంకర్‌కు కనీస ఆదరణ లేకుండా పోయిందని ఫీల్‌ అయ్యారు. మరోపక్క రామబాణం ఇంతలా దూసుకుపోతుండటంతో గోపీచంద్‌ ఫ్యాన్స్‌ ఫుల్‌ ఖుషీ అవుతున్నారు. అయితే ఇది నిన్నటి లెక్క. నేడు భోళా శంకర్‌ తొలి స్థానంలోకి రాకెట్‌లా దూసుకొచ్చింది. నిన్నటివరకు టాప్‌ 10లో కూడా లేని చిరు మూవీ నేడు ఏకంగా టాప్‌ 1లో ట్రెండ్‌ అవుతోంది. రామబాణం రెండో స్థానంలో ఉంది. భోళా శంకర్‌ విషయానికి వస్తే.. మెగాస్టార్‌ చిరంజీవి హీరోగా నటించిన చిత్రం భోళా శంకర్‌. తమిళ హిట్‌ మూవీ వేదాళం చిత్రానికి ఇది రీమేక్‌గా తెరకెక్కింది. తమన్నా, కీర్తి సురేశ్‌ ముఖ్య పాత్రలు పోషించగా మెహర్‌ రమేశ్‌ దర్శకత్వం వహించాడు. ఆగస్టు 11న థియేటర్లలో విడుదలైన ఈ సినిమా డిజాస్టర్‌ ఫలితాన్ని అందుకుంది. దీంతో నెలరోజులకే ఓటీటీ బాట పట్టింది. సెప్టెంబర్‌ 15 నుంచి తెలుగు, తమిళ, కన్నడ, మలయాళ, హిందీ భాషల్లో నెట్‌ఫ్లిక్స్‌లో స్ట్రీమింగ్‌ అవుతోంది. రామబాణం విషయానికి వస్తే.. గోపీచంద్‌, డింపుల్‌ హయాతి జంటగా నటించిన చిత్రం రామబాణం. లక్ష్యం, లౌక్యం వంటి హిట్స్‌ తర్వాత గోపీచంద్‌- శ్రీవాస్‌ కాంబినేషన్‌లో వచ్చిన ఈ సినిమా మే 5న ప్రేక్షకుల ముందుకు వచ్చింది. బాక్సాఫీస్‌ వద్ద బోల్తా కొట్టిన ఈ సినిమా సెప్టెంబర్‌ 14న ఓటీటీలోకి వచ్చింది. తెలుగు, తమిళ, కన్నడ, మలయాళ భాషల్లో నెట్‌ఫ్లిక్స్‌లో స్ట్రీమింగ్‌ అవుతోంది. చదవండి:  ఐదు రోజులుగా ఇబ్బందిపడుతున్న అనసూయ, ఈ బూతులేంటి అంటూ ట్వీట్‌

మెగాస్టార్ చిరంజీవితో భోళా శంకర్‌ సినిమా తీసిన మెహ‌ర్ ర‌మేష్‌ ఈ మధ్య భారీగా ట్రోలింగ్‌కు గురయ్యాడు. దీనికి ప్రధాన కారణం భోళా శంకర్‌ డిజాస్టర్‌ కావడమే.. మెహర్‌ రమేష్‌తో సినిమా అనగానే మొదట్లో మెగా ఫ్యాన్స్‌  బెంబేలెత్తిపోయారు. వాళ్లు అనుకున్న అంచనాల ప్రకారమే సినిమా తీసి చిరంజీవి కెరియర్‌లోనే దారుణమైన డిజాస్టర్‌ను మిగిల్చాడు. శ‌క్తి, షాడో లాంటి ఆల్ టైం డిజాస్ట‌ర్లు తీసి ఏడెనిమిదేళ్లుగా అవ‌కాశాలు లేక ఖాళీగా ఉన్న ద‌ర్శ‌కుడికి చిరంజీవి అవ‌కాశం ఇవ్వ‌డ‌మేంట‌నే అందరిలోనూ ఈ ప్ర‌శ్న కలిగింది. కానీ ఇవన్నీ పక్కనబెట్టి చిరంజీవి లాంటి స్టార్‌ హీరో అవకాశం ఇస్తే.. పరమ చెత్తగా సినిమా తీశాడనే అపవాదును మెహర్‌ రమేష్‌  తెచ్చుకున్నాడు. (ఇదీ చదవండి: సినిమా ప్రకటించిన హర్షసాయి.. నిర్మాతగా బిగ్‌బాస్‌ బ్యూటీ) భోళా శంకర్‌ లాంటి భారీ డిజాస్టర్ తర్వాత మెహర్ రమేష్ కెరీర్ పతనమేనని... ఇక ఇండస్ట్రీలో తేరుకునే అవకాశమే లేదని వార్తలు కూడా వచ్చాయి. ఇలాంటి సమయంలో టాలీవుడ్‌లో టాప్‌ ప్రొడక్షన్‌గా గుర్తింపు తెచ్చుకున్న ఒక బ్యానర్‌ నుంచి  మెహర్‌ రమేష్‌కు ఆఫర్‌ వచ్చిందట.. తక్కువ బడ్జెట్‌లో ఒక మూవీ నిర్మించాలని కోరిందట. అది కూడా సుమారు రూ. 5 కోట్లలోపు ప్రాజెక్ట్‌ను పూర్తి చేయాలని కండీషన్‌ పెట్టిందట. (ఇదీ చదవండి: స్టార్‌ హీరో కుమారుడితో సాయి పల్లవి.. లైన్‌ క్లియర్‌) దీంతో ఆయన కూడా గ్రీన్‌ సిగ్నల్‌ ఇచ్చేశాడట. కొత్త వారితో సినిమా తీసి సూపర్‌ హిట్‌ కొట్టి మళ్లీ టాలీవుడ్‌ రేసులో నిలబడాలని పట్టుదలతో ఉన్నారట. భారీ బడ్జెట్‌లతో సినిమాలు తీసే ఆయన ఇలా తక్కవు ఖర్చుతో సినిమాను తీసేందుకు రూట్‌ మార్చినట్లు సమాచారం. అన్నీ అనుకున్నట్లు జరిగితే త్వరలో సినిమా ప్రకటన ఉంటుందని ఇండస్ట్రీలో టాక్‌.

ఎప్పటిలానే మరో వీకెండ్ వచ్చేసేందుకు రెడీ అయిపోయింది. వినాయక చవితి సందర్భంగా ఈ శుక్రవారం చాలా సినిమాలు థియేటర్లలో రిలీజ్‌కు తొలుత ప్లాన్ చేశారు. అవన్నీ సైడ్ అయిపోవడంతో ఈసారి చెప్పుకోదగ్గ మూవీస్ ఏం లేవు. దీంతో సినీ ప్రేమికుల దృష్టి ఓటీటీలపై పడింది. ఇప్పుడు వీళ్ల కోసమా అన్నట్లు ఏకంగా 30 వరకు కొత్త సినిమాలు-వెబ్ సిరీసులు స్ట్రీమింగ్‌కి రెడీగా ఉన్నాయి. (ఇదీ చదవండి: 'బిగ్‌బాస్' 10వరోజు హైలైట్స్.. వాళ్లని నిద్ర పోనీయకుండా చేశాడు!) సోమవారం ఓటీటీ లిస్టు అనుకున్నప్పుడు 32 వరకు ఉన్నాయి. కానీ వాటిలో కొన్ని సినిమాలు ఇప్పటికే ఓటీటీల్లోకి వచ్చేయగా, మరికొన్ని కొత్తగా వచ్చి చేరాయి. ఓవరాల్‌గా చూసుకుంటే ఈ వీకెండ్ కోసం.. భోళా శంకర్, MY3, రామబాణం, మాయపేటిక, హాస్టలు హుడుగురు బేకాగిద్దరే లాంటి మూవీస్ ఆసక్తి కలిగిస్తున్నాయి. ఇంతకీ ఏయే సినిమాలు ఎందులో స్ట్రీమింగ్ కాబోతున్నాయనేది ఇప్పుడు చూద్దాం. ఈ శుక్రవారం ఓటీటీల్లోకి వచ్చే మూవీస్ అమెజాన్ ప్రైమ్ డిజిటల్ విలేజ్ - మలయాళ సినిమా  సుబేదార్ - మరాఠీ చిత్రం మిలియన్ మైల్స్ ఎవే - ఇంగ్లీష్ మూవీ వైల్డర్‌నెస్ - ఇంగ్లీష్ సిరీస్ అనీతి - తెలుగు డబ్బింగ్ మూవీ ద ఫెర్రాగ్నెజ్: సన్రేమో స్పెషల్ (ఆల్రెడీ స్ట్రీమింగ్) బంబై మేరీ జాన్ - హిందీ సిరీస్ (స్ట్రీమింగ్ అవుతోంది) హాట్‌స్టార్ Myత్రీ - తెలుగు డబ్బింగ్ సినిమా కాలా - హిందీ సిరీస్ ల్యాంగ్ ల్యాంగ్ ప్లేస్ డిస్నీ - ఇంగ్లీష్ సినిమా ద అదర్ బ్లాక్ గర్ల్ - ఇంగ్లీష్ సిరీస్ ఆహా మాయపేటిక - తెలుగు సినిమా నెట్‌ఫ్లిక్స్ భోళా శంకర్ - తెలుగు చిత్రం ఎల్ కొండే - స్పానిష్ మూవీ ఇన్‌సైడ్ ద వరల్డ్స్ టఫస్టె ప్రిజన్స్: సీజన్ 7 - ఇంగ్లీష్ సిరీస్ లవ్ ఎట్ ఫస్ట్ సైట్ - ఇంగ్లీష్ సినిమా మిస్ ఎడ్యుకేషన్ - ఇంగ్లీష్ సిరీస్ సర్వైవింగ్ సమ్మర్: సీజన్ 2 - ఇంగ్లీష్ సిరీస్ ద క్లబ్: పార్ట్ 2 - టర్కిష్ సిరీస్ డైరీస్ సీజన్ 2: పార్ట్ 1 - ఇటాలియన్ సిరీస్ (స్ట్రీమింగ్) థర్స్ డేస్ విడోస్ - స్పానిస్ సిరీస్ (ఆల్రెడీ స్ట్రీమింగ్) ఎరంగార్డ్: ద ఆర్ట్ ఆఫ్ సెడక్సన్ - డానిష్ సినిమా (స్ట్రీమింగ్ అవుతోంది) వన్స్ అపాన్ ఏ క్రైమ్ - జపనీస్ మూవీ (ఇప్పటికే స్ట్రీమింగ్) రామబాణం - తెలుగు సినిమా (ఆల్రెడీ స్ట్రీమింగ్) (ఇదీ చదవండి: అతిపెద్ద సినిమా స్క్రీన్.. ప్రత్యేకతలు తెలిస్తే మైండ్ పోద్ది!) జీ5 హాస్టల్ హుడుగురు బేకాగిద్దరే - కన్నడ సినిమా సోనీ లివ్ జర్నీ ఆఫ్ లవ్ 18+ - మలయాళ చిత్రం బుక్ మై షో ఏ హనీమూన్ టూ రిమెంబర్ - ఇంగ్లీష్ చిత్రం మోర్టల్ కంబాట్ లెజెండ్స్: కేజ్ మ్యాచ్ - ఇంగ్లీష్ సినిమా ఈ-విన్ దిల్ సే - తెలుగు సినిమా (సెప్టెంబరు 16) సైనా ప్లే పప్పచన్ ఒలివిలాన్ - మలయాళ మూవీ (ఆల్రెడీ స్ట్రీమింగ్) (ఇదీ చదవండి: బెండు తీసిన 'బిగ్‌బాస్'.. హౌసులో దొంగతనానికి స్కెచ్!)

ప్రస్తుతం సినీ ప్రేక్షకులు ఎక్కువగా ఓటీటీలో సినిమాలు చూసేందుకు ఆసక్తి చూపిస్తున్నారు. పెద్ద సినిమాలు సైతం రిలీజైన నెలలోపే ఓటీటీకి వచ్చేస్తున్నాయి. ఈ వారంలో మిమ్మల్ని అలరించేందుకు సూపర్ హిట్ సినిమాలు వచ్చేస్తున్నాయి. ఏయే సినిమాలు ఎక్కడ స్ట్రీమింగ్ అవుతున్నాయో తెలుసుకుందాం. ఈ వారంలో విడుదలయ్యే సినిమాలపై ఓ లుక్కేద్దాం పదండి.   మెగాస్టార్ భోళాశంకర్ మెగాస్టార్ భోళాశంకర్  చిరంజీవి ప్రధాన పాత్రలో నటించిన చిత్రం ‘భోళా శంకర్‌’. ఈ చిత్రాన్ని మెహర్‌ రమేశ్‌ తెరకెక్కించారు. ఈ సినిమాలో కీర్తి సురేశ్‌  కీలక పాత్ర పోషించగా... తమన్నా హీరోయిన్‌గా నటించింది. ఆగస్టు 11న ప్రేక్షకుల ముందుకు వచ్చిన ఈ సినిమా మిక్స్‌డ్‌ టాక్‌ను సొంతం చేసుుకుంది. ఈ చిత్రం నెట్‌ఫ్లిక్స్‌  సెప్టెంబర్‌ 15 నుంచి తెలుగుతోపాటు తమిళం, మలయాళం, కన్నడ, హిందీ భాషల్లో స్ట్రీమింగ్‌ కానుంది. గోపీచంద్ రామబాణం గోపీచంద్‌, డింపుల్‌ హయాతి జంటగా నటించిన చిత్రం ‘రామబాణం.  శ్రీవాస్‌ దర్శకత్వంలో.. టీజీ విశ్వప్రసాద్‌ నిర్మించారు. ఈ చిత్రంలో జగపతిబాబు, ఖుష్బూ ముఖ్యపాత్రలు పోషించారు. మే 5న ప్రేక్షకుల ముందుకు వచ్చిన ఈ చిత్రం ప్రేక్షకులను అంతంగా మెప్పించలేకపోయింది. అభిమానులు ఎప్పుడెప్పుడా అని ఎదురుచూస్తోన్న ఈ చిత్రం సెప్టెంబరు 14వ తేదీ తెలుగుతో పాటు తమిళ, కన్నడ, మలయాళ భాషల్లో స్ట్రీమింగ్‌కు రానున్నట్లు నెట్‌ఫ‍్లిక్స్ తెలిపింది. మాయపేటిక విరాజ్ అశ్విన్, సిమ్రత్ కౌర్, పాయల్ రాజ్‌పుత్‌లు నటించిన చిత్రం మాయపేటిక. ఈ చిత్రానికి రమేష్ రాపర్తి దర్శకత్వం వహించారు.  మొబైల్ ఫోన్ వల్ల చెడు, మంచి నేపథ్యంలో ఈ మూవీని తెరకెక్కించారు. తాజాగా ఈ మూవీ ఓటీటీ రిలీజ్‌ డేట్‌ను మేకర్స్ ఫిక్స్ చేశారు. ఈనెల 15 నుంచి ఆహాలో స్ట్రీమింగ్ కానున్నట్లు వెల్లడించారు.  అనీతి వసంతబాలన్ దర్శకత్వం వహించిన తమిళ రొమాంటిక్ మూవీ అనేతి. ఈ చిత్రంలో అర్జున్ దాస్, దుషార విజయన్ ప్రధాన పాత్రల్లో నటించారు. హౌస్ కీపర్‌తో ప్రేమలో పడే ఫుడ్ డెలివరీ ఏజెంట్‌  ప్రేమకథను తెరకెక్కించారు. ఈ చిత్రం ఈనెల 15 నుంచి ఆహాలో స్ట్రీమింగ్ కానుంది.  ముగ్గురు యువకుల డిజిటల్ విలేజ్ ఫహద్ నందు, ఉల్సవ్ రాజీవ్ దర్శకత్వం వహించిన మలయాళ చిత్రం డిజిటల్ విలేజ్. ఇందులో హృషికేష్, ఇందిర, ఎంసీ మోహనన్, సురేష్ బాబు కన్నోమ్ నటించారు. తమ గ్రామంలోని ప్రజలకు డిజిటల్ పరిజ్ఞానాన్ని పెంపొందించే లక్ష్యంతో ముగ్గురు స్నేహితుల స్టోరీనే కథాంశంగా చూపించారు. ఈ సినిమా ఈనెల 15 నుంచి అమెజాన్‌ ప్రైమ్‌లో స్ట్రీమింగ్ కానున్నట్లు మేకర్స్ తెలిపారు.  జర్నీ ఆఫ్ లవ్ 18+ నాస్లెన్ గఫూర్, మీనాక్షి దినేష్, మాథ్యూ థామస్, నిఖిలా విమల్‌ నటించిన మలయాళ రొమాంటిక్ కామెడీ చిత్రం జర్నీ ఆఫ్ లవ్ 18 ప్లస్ . అరుణ్ డి జోస్ దర్శకత్వం వహించారు. ఈ మూవీ ఈనెల 15 నుంచి ప్రముఖ ఓటీటీ ఫ్లాట్‌ఫామ్ సోనీలివ్‌లో స్ట్రీమింగ్ కానుంది.  లవ్ ఎట్ ఫస్ట్ సైట్ హేలీ లు రిచర్డ్‌సన్, బెన్ హార్డీ, రాబ్ డెలానీ, సాలీ ఫిలిప్స్, జమీలా నటించిన చిత్రం లవ్ ఎట్ ఫస్ట్ సైట్. దీనికి వెనెస్సా కాస్విల్ దర్శకత్వం వహించారు.  ఈ రొమాంటికి డ్రామాను ఓ విమానంలో చిగురించిన ప్రేమకథ నేపథ్యంలో తెరకెక్కించారు. ఈ మూవీ ఈ నెల 15 నుంచి  ప్రముఖ ఓటీటీ ఫ్లాట్‌ఫామ్ నెట్‌ఫ్లిక్స్‌లో ఈనెల 15 నుంచి  స్ట్రీమింగ్ కానుంది.   హాలీవుడ్ చిత్రాలు వైఫ్‌ లైక్- నెట్‌ఫ్లిక్స్- 11 సెప్టెంబర్ 2023 ఎలిమెంటల్- డిస్నీ ప్లస్ హాట్‌స్టార్- 13 సెప్టెంబర్ 2023 ఎ మిలియన్ మైల్స్ అవే- అమెజాన్ ప్రైమ్ వీడియో- 15 సెప్టెంబర్ 2023  

తెలుగు ప్రేక్షకులు కామెడీని ఎక్కువగా ఆదరిస్తారు. అది సినిమా అయినా, టీవీ ప్రోగ్రామ్ అయినా బాగుంటే కచ్చితంగా చూసేస్తారు. అయితే ఒకప్పుడు బాగా గుర్తింపు తెచ్చుకున్న 'జబర్దస్త్'కి ఇప్పుడు క్రేజ్ తగ్గిపోయింది. ప్రోమాలు తప్పితే షో ఎవరూ చూడట్లేదనిపిస్తుంది. సరే అది పక్కనబెడితే ఇప్పుడు అదే షోలో యాంకర్ రష్మీని ఓ కమెడియన్ సరదాగా ట్రోల్ చేశాడు. 20 ఏళ్ల క్రితం తెలుగు ఇండస్ట్రీలోకి నటిగా ఎంట్రీ ఇచ్చిన రష్మీ.. ఒకటి రెండు సినిమాల్లో పెద్దగా గుర్తింపు లేని పాత్రలు చేసింది. ఎప్పుడైతే యాంకర్ అయిందో ఆమె ఫేట్ మారిపోయింది. హీరోయిన్‌గా సినిమా అవకాశాలు కూడా వచ్చాయి. కొన్నాళ్ల క్రితం పలు మూవీస్ చేసింది గానీ ఇప్పుడు కేవలం షోల్లో మాత్రమే కనిపిస్తుంది. (ఇదీ చదవండి: 'బిగ్‌బాస్ 7' రెండో వారం నామినేషన్స్.. లిస్టులో తొమ్మిది మంది!) తాజాగా రిలీజైన ఓ ప్రోమోలో బుల్లెట్ భాస్కర్ మాట్లాడుతూ.. రష్మీని చూసేందుకని 'భోళా శంకర్' సినిమాకు వెళ్లానని.. కానీ కర్చీఫ్ పడిపోయిందని దాన్ని తీసుకునేలోపు రష్మీ యాక్ట్ చేసిన సీన్ వచ్చి వెళ్లిపోయిందని అన్నాడు. అయితే భాస్కర్ టీజ్ చేసినా సరే.. ఇది సరదాగా కావడంతో రష్మీ.. లైట్ తీసుకుంది. ఏదేమైనా సరే నవ్వుతూనే రష్మీ పరువు తీసేశాడు బుల్లెట్ భాస్కర్. మెగాస్టార్ చిరంజీవి 'భోళా శంకర్' సినిమా ఆగస్టు 11న థియేటర్లలోకి వచ్చింది. ఫస్ట్ డే ఫస్ట్ షోకే ఫ్లాప్ టాక్ బయటకొచ్చింది. ఇందులో చిరు ఎంట్రీ సాంగ్ లో రష్మీ.. కాసేపు కనిపిస్తుంది. అలానే శ్రీముఖితోనూ చిరు... 'ఖుషి' నడుము సీన్ చేయడంపై అప్పట్లోనే ట్రోల్స్ వచ్చాయి. ఇదిలా ఉండగా సెప్టెంబరు 15 నుంచి 'భోళా శంకర్' నెట్‌ఫ్లిక్స్‌లో స్ట్రీమింగ్ కానుంది.  (ఇదీ చదవండి: ఈ వారం ఓటీటీల్లోకి ఏకంగా 32 సినిమాలు)

సోమవారం వస్తే చాలు ఆఫీస్, స్కూల్, కాలేజీలకు వెళ్లేవాళ్లు.. అ‍బ్బ సోమవారం అప్పుడే వచ్చేసిందా అని ఫీలవుతారు. మూవీ లవర్స్ మాత్రం ఈ వారం ఏమేం కొత్త సినిమాలు రిలీజ్ కాబోతున్నాయి. వాటిలో ఏం చూడాలి అని తెగ ఎగ్జైట్ అయిపోతుంటారు. అయితే థియేటర్‌లో ఈ వారం 'మార్క్ ఆంటోని', 'చాంగురే బంగారురాజ' తప్ప వేరే చిత్రాలు ఏం రిలీజ్ కావట్లేదు.  (ఇదీ చదవండి: 'బిగ్‌బాస్ 7' ఏడోరోజు హైలైట్స్.. హౌసులో ఫస్ట్ ఎలిమినేషన్.. షకీలా కన్నీళ్లు) మరోవైపు ఈ వారం ఓటీటీలో మాత్రం 30కి పైగా సినిమాలు-వెబ్ సిరీస్‪‌లు స్ట్రీమింగ్ కాబోతున్నాయి. వీటిలో భోళా శంకర్, రామబాణం, అనీతి, మాయపేటిక, బార్బీ సినిమాలు ఆసక్తి కలిగిస్తున్నాయి. మరోవైపు 'కాలా', 'బంబై మేరీ జాన్' వెబ్‌ సిరీస్‌లు కూడా చూడాలనే ఇంట్రెస్ట్ రేపుతున్నాయి. ఇంతకీ ఈ వీక్ ఏయే మూవీస్.. ఏయే ఓటీటీలో స్ట్రీమింగ్ కాబోతున్నాయనేది ఇప్పుడు చూద్దాం. ఓటీటీలో విడుదలయ్యే మూవీస్ (సెప్టెంబరు 11- సెప్టెంబరు 17) నెట్‌ఫ్లిక్స్ వైఫ్ లైక్  (ఇంగ్లీష్ సినిమా) - సెప్టెంబరు 11 క్లాస్ యాక్ట్ (ఫ్రెంచ్ సిరీస్) - సెప్టెంబరు 13 రెజ్లర్స్ (ఇంగ్లీష్ సిరీస్) - సెప్టెంబరు 13 ఎరంగార్డ్: ద ఆర్ట్ ఆఫ్ సెడక్సన్ (డానిష్ సినిమా) - సెప్టెంబరు 14 వన్స్ అపాన్ ఏ క్రైమ్ (జపనీస్ మూవీ) - సెప్టెంబరు 14 రామబాణం (తెలుగు సినిమా) - సెప్టెంబరు 14 భోళా శంకర్ (తెలుగు చిత్రం) - సెప్టెంబరు 15 ఎల్ కొండే (స్పానిష్ మూవీ) - సెప్టెంబరు 15 ఇన్‌సైడ్ ద వరల్డ్స్ టఫస్టె ప్రిజన్స్: సీజన్ 7 (ఇంగ్లీష్ సిరీస్) - సెప్టెంబరు 15  లవ్ ఎట్ ఫస్ట్ సైట్ (ఇంగ్లీష్ సినిమా) - సెప్టెంబరు 15 మిస్ ఎడ్యుకేషన్ (ఇంగ్లీష్ సిరీస్) - సెప్టెంబరు 15 సర్వైవింగ్ సమ్మర్: సీజన్ 2 (ఇంగ్లీష్ సిరీస్) - సెప్టెంబరు 15 ద క్లబ్: పార్ట్ 2 (టర్కిష్ సిరీస్) - సెప్టెంబరు 15 అమెజాన్ ప్రైమ్ కెల్సీ (ఇంగ్లీష్ మూవీ) - సెప్టెంబరు 12 ద కిడ్నాపింగ్ డే (కొరియన్ సిరీస్) - సెప్టెంబరు 13 బంబై మేరీ జాన్ (హిందీ సిరీస్) - సెప్టెంబరు 14 ఏ మిలియన్ మైల్స్ ఎవే (ఇంగ్లీష్ మూవీ) - సెప్టెంబరు 15 వైల్డర్‌నెస్ (ఇంగ్లీష్ సిరీస్) - సెప్టెంబరు 15 అనీతి (తెలుగు డబ్బింగ్ మూవీ) - సెప్టెంబరు 15 ఆహా మాయపేటిక (తెలుగు సినిమా) - సెప్టెంబరు 15 హాట్‌స్టార్ ఎనిమల్స్ అప్ క్లోజ్ విత్ బెర్టీ గ్రెగోరి (ఇంగ్లీష్ సిరీస్) - సెప్టెంబరు 13 ఎలిమెంటల్ (ఇంగ్లీష్ సినిమా) - సెప్టెంబరు 13 హ్యాన్ రివర్ పోలీస్ (ఇంగ్లీష్ సిరీస్) - సెప్టెంబరు 13 వెల్కమ్ టూ ద రెక్సామ్ సీజన్ 2 (ఇంగ్లీష్ డాక్యుమెంటరీ) - సెప్టెంబరు 13 కాలా (హిందీ సిరీస్) - సెప్టెంబరు 15 ల్యాంగ్ ల్యాంగ్ ప్లేస్ డిస్నీ (ఇంగ్లీష్ సినిమా) - సెప్టెంబరు 15 ద అదర్ బ్లాక్ గర్ల్ (ఇంగ్లీష్ సిరీస్) - సెప్టెంబరు 15 సోనీ లివ్ జర్నీ ఆఫ్ లవ్ 18+ (మలయాళ చిత్రం) - సెప్టెంబరు 15 బుక్ మై షో బార్బీ (ఇంగ్లీష్ సినిమా) - సెప్టెంబరు 12 ఏ హనీమూన్ టూ రిమెంబర్ (ఇంగ్లీష్ చిత్రం) - సెప్టెంబరు 15 సైనా ప్లే పప్పచన్ ఒలివిలాన్ (మలయాళ మూవీ) - సెప్టెంబరు 14 ఈ-విన్ దిల్ సే (తెలుగు సినిమా) - సెప్టెంబరు 16 (ఇదీ చదవండి: 'బేబి' హీరోయిన్‌కి పెళ్లిపై ఇంట్రెస్ట్.. అలాంటోడే కావాలని!)

మెగాస్టార్‌ చిరంజీవి హీరోగా నటించిన చిత్రం భోళా శంకర్‌. కోలీవుడ్‌ స్టార్‌ అజిత్‌ వేదాళం సినిమాకు ఇది రీమేక్‌ అన్న సంగతి తెలిసిందే! ఈ చిత్రంలో మిల్కీ బ్యూటీ తమన్నా హీరోయిన్‌గా నటించగా కీర్తి సురేశ్‌ చిరు చెల్లెలిగా నటించింది. మెగా మూవీపై అంచనాలు భారీగానే ఉన్నప్పటికీ సినిమా మాత్రం చాలా పేలవమైన కలెక్షన్స్‌ రాబట్టింది. ఆగస్టు 11న థియేటర్లలో విడుదలైన ఈ మూవీ డిజాస్టర్‌గా నిలిచింది. మెగాస్టార్‌కు ఫ్లాప్‌ ఇచ్చినందుకు డైరెక్టర్‌ మెహర్‌ రమేశ్‌ను నెటిజన్లు ఓ రేంజ్‌లో ఆడేసుకున్నారు. భోళా శంకర్‌కు వచ్చిన నెగెటివ్‌ టాక్‌ వల్ల చాలామంది ఈ సినిమావైపు కన్నెత్తి చూడలేదు. కానీ ఫ్యాన్స్‌ మాత్రం ఓటీటీలో ఎప్పుడొస్తుందా? అని ఎదురుచూస్తున్నారు. తాజాగా ఈ సినిమా ఓటీటీ డేట్‌ ఫిక్స్‌ అయింది. ఈ మూవీ డిజిట్‌ హక్కులు సొంతం చేసుకున్న నెట్‌ఫ్లిక్స్‌ ఈ నెల 15 నుంచి భోళాశంకర్‌ను అందుబాటులోకి తీసుకురానున్నట్లు తెలిపింది. తెలుగు, తమిళ, కన్నడ, మలయాళ, హిందీ భాషల్లో అందుబాటులోకి రానున్నట్లు ప్రకటించింది. థియేటర్లలో ఈ సినిమా చూడటం మిస్‌ అయినవాళ్లు ఓటీటీలో ఓసారి పట్టు పట్టేయండి.. #BholaShankar ( Hindi ) Coming to Netflix on 15th September...#BholaShankarOnNetflix pic.twitter.com/YP8QmF6KJC — The South Movies (@TheSouthMovies1) September 10, 2023 చదవండి: సినిమా క్రేజే వేరప్పా.. కానీ డబుల్‌ మీనింగ్‌ డైలాగులు, సభ్యత లైన్‌ చెరిపేయడం.. ఓటీటీలో అయితే..

మెగాస్టార్ చిరంజీవి నటించిన 'భోళా శంకర్' మూవీ గురించి మరోసారి మాట్లాడుకునే టైం వచ్చింది. గత నెల అంటే ఆగస్టు 11న థియేటర్లలో ఈ సినిమా రిలీజైంది. విడుదలకు ముందు.. చిరు వల్ల ఓ మాదిరి అంచనాలు ఏర్పడ్డాయి. కానీ బిగ్ స్క్రీన్‌పై ఇది ఘోరమైన ఫలితం అందుకుంది. అలాంటిది ఇప్పుడు ఓటీటీ రిలీజ్ ఫిక్స్ చేసుకున్నట్లు తెలుస్తోంది. (ఇదీ చదవండి: విజయ్-రష్మిక.. ఒకే ఇంట్లో కలిసుంటున్నారా!?) ఈ ఏడాది సంక్రాంతికి 'వాల్తేరు వీరయ్య' అనే స్ట్రెయిట్ మూవీతో హిట్ కొట్టిన చిరంజీవి.. అదే ఊపుతో 'భోళా శంకర్' చేశారు. అయితే ఇది 'వేదాళం' అనే తమిళ మూవీకి రీమేక్. దీంతో రిలీజ్ కి చాన్నాళ్ల ముందు నుంచే విపరీతమైన ట్రోల్స్ వచ్చాయి. కానీ టీమ్ అంతా నమ్మకంగా ఉండేసరికి హిట్ కొట్టచ్చేమో అని అందరూ అనుకున్నారు. కానీ పలువురు నెటిజన్స్ అనుకున్నట్లే 'భోళా శంకర్' ఫ్లాప్ అయింది. రిలీజ్ అయిన రెండో రోజుకే అందరూ ఈ సినిమా గురించి మెల్లగా మర్చిపోయారు. అలాంటిది ఇప్పుడు ఈ చిత్ర డిజిటల్ హక్కులు దక్కించుకున్న నెట్‌ఫ్లిక్స్ ఓటీటీ రిలీజ్ ఖరారు చేసినట్లు తెలుస్తోంది. ముందు అనుకున్న తేదీలో కాస్త మార్పు చేసి సెప్టెంబరు 15నే స్ట్రీమింగ్‌లోకి తీసుకురావాలని అనుకుంటున్నారట. (ఇదీ చదవండి: అందుకే ఇప్పటికీ పెళ్లి చేసుకోలేదు: తెలుగు నటి)

మెగాస్టార్‌ చిరంజీవి ఇంట రక్షాబంధన్‌ వేడుకలు ఘనంగా జరిగాయి. ఈ సందర్భంగా కొణిదెల ఆడపడుచులు మెగా బ్రదర్స్‌కి రాఖీ కట్టి ఆశీర్వాదం తీసుకున్నారు. టాలీవుడ్‌ ఎంతో మంది స్టార్స్‌ రాఖీ పండుగ సెలబ్రెట్‌ చేసుకుంటారు. కానీ చిరంజీవి ప్రతి సంవత్సరం చెల్లెల్లతో చేసుకునే రాఖీ పండుగను ఆయన అభిమానులుచూడాలని కోరుకుంటారు. అందుకు సంబంధించిన వీడియోను కూడా ఆయన షేర్‌ చేస్తూ వస్తుంటారు కూడా. మెగాస్టార్‌ తండ్రి వెంకటరావు, మామ అల్లు రామలింగయ్య ఫోటోలను పూజ గదిలో ఉంచి దేవుళ్లతో సమానంగా ఆయన పూజిస్తున్నారంటూ పలువురు నెటిజన్లు ఆయన మీద ప్రశంసల వర్షం కురిపిస్తున్నారు. (ఇదీ చదవండి: 'జైలర్‌'కు భారీగా లాభాలు.. రజనీకి మరో చెక్‌ ఇచ్చిన నిర్మాత.. ఎంతో తెలుసా?) ఆ ఫోటోలతో పాటు చిరు చేతికి ఉన్న వాచ్‌ కూడా ఇప్పుడు వైరల్‌ అయింది. ఆయన చేతికి ఉన్న వాచ్‌ రోలెక్స్ కంపెనీకి చెందిన కాస్మోగ్రఫీ డేటోనా వైట్ టైగర్, సహజంగా దాని ధర కూడా భారీగానే ఉంటుంది. దీంతో ఆయన అభిమానులు ఆ వాచ్‌ ధర ఎంతో తెలుసుకోవాలని ఆన్‌లైన్‌లో సర్చ్‌ చేశారు.  దాని ధర రూ. 2.35 లక్షల డాలర్లు అని ఉంది. అదే ఇండియన్‌ కరెన్సీ ప్రకారం చూస్తే  సుమారు రూ. 2 కోట్లు. ఆ వాచ్‌ ధర చూసిన వారందరూ నోరెళ్లబెట్టారు.  తనకు కార్ల కంటే కొత్త కొత్త వాచీలు కొనడం అంటేనే ఇష్టం అని ఓ ఇంటర్వ్యూలో చిరు చెప్పిన విషయం తెలిసిందే. అందుకే ఆయన వద్ద భారీగానే వాచ్‌ కలెక్షన్స్‌ ఉన్న విషయం తెలిసిందే. (ఇదీ చదవండి: సర్‌ప్రైజ్‌ న్యూస్‌.. మరో పాన్ ఇండియా సినిమాలో అనుష్క.. గ్లింప్స్‌ విడుదల) ఎవరి గురించి అయినా ఇలాంటి విషయాలు వైరల్‌ అయినప్పుడు పలురకాల కామెంట్లు చేయడం సహజం.. కానీ చిరంజీవికి ఈ సంపద ఒక్కరోజులో వచ్చింది కాదు.. కష్టపడి ఒక్కోమెట్టు ఎక్కుతూ సంపాధించుకున్నారు. దీంతో ముచ్చటపడి కొనుకుంటే తప్పేంటని పలువురు కామెంట్లు చేస్తున్నారు. ముఖేష్ అంబానీ, నీతా అంబానీ, మహేశ్‌ బాబు ఇలా ఎందరో సెలబ్రిటీలు ధరించిన వస్తువుల ధరలపై పలు వార్తలు అప్పడప్పుడు వైరల్‌ అవుతూనే ఉంటాయి.  ఈ మధ్య సినీ, వ్యాపార సెలబ్రిటీలు ధరించే వస్తువుల మీద నెటిజన్లు కూడా ఒక లుక్‌ వేస్తూ.. వాటి ధరలు తెలుసుకుందామనే ఆసక్తి కూడా ఎక్కవేనని చెప్పవచ్చు. View this post on Instagram A post shared by Chiranjeevi Konidela (@chiranjeevikonidela)

మెగాస్టార్ చిరంజీవి ప్రస్తుతం రెస్ట్ తీసుకుంటున్నారు. ఈ మధ్యే మోకాలికి చిన్నపాటి సర్జరీ చేయించుకున్న ఆయన.. కొన్నాళ్లు విశ్రాంతి తీసుకుని, కొత్త ప్రాజెక్ట్స్ పెట్టే ఆలోచనలో ఉన్నారు. అయితే ఈ మధ్యే 'భోళా శంకర్' సినిమాతో థియేటర్లలోకి వచ్చిన చిరు.. కెరీర్‌లోనే ఘోరమైన డిజాస్టర్‌ని అందుకున్నాడు. ఇప్పుడు ఈ మూవీ వల్ల మెగాస్టార్ చిరు.. తన మనసు మార్చుకున్నట్లు తెలుస్తోంది.  చిరంజీవిని కంప్లీట్ యాక్టర్ అనొచ్చు. ఎందుకంటే గత కొన్ని దశాబ్దాలుగా ఆయన సినిమాలు చేస్తున్నారు. హిట్, బ్లాక్‌బస్టర్ సినిమాలతో పాటే ఫ్లాప్స్‌ని కూడా చూశారు. అయితే అప్పట్లో అంటే సోషల్ మీడియా లేదు కాబట్టి జనాలకు పెద్దగా తెలిసేది కాదు. కానీ 'ఆచార్య', 'భోళా శంకర్' చిత్రాలు మాత్రం ఫ్లాప్ కావడంతో పాటు విపరీతమైన ట్రోలింగ్‌కి గురయ్యాయి. (ఇదీ చదవండి: డైరెక్టర్‌గా ఎంట్రీ ఇస్తున్న విజయ్ కొడుకు.. సినిమా కన్ఫర్మ్) రీఎంట్రీలో తప్పటడుగులు వేస్తున్న చిరు.. 'ఖైదీ నం.150', 'గాడ్ ఫాదర్', 'భోళా శంకర్' రీమేక్స్‌లో నటించారు. కానీ వాటి ఫలితం ఏంటనేది మీకు ప్రత్యేకంగా చెప్పాల్సిన పనిలేదు. ఇలా రీమేక్స్ దెబ్బకొడుతున్నా సరే.. కల్యాణ్ కృష్ణ దర్శకత్వంలో 'బ్రో డాడీ' రీమేక్ చేయబోతున్నారని టాక్ గట్టిగా వినిపిస్తుంది. అయితే దీనిపై ఎలాంటి అధికారిక సమాచారం అయితే ఇప్పటివరకు లేదు.  అయితే 'భోళా శంకర్' రిజల్ట్ చిరుని ఆలోచనలో పడేసిందట. దీంతో ఇకపై రీమేక్స్ చేయకూడదని అనుకుంటున్నట్లు తెలుస్తోంది. ఈ మధ్య ఓ నిర్మాత.. మలయాళ చిత్ర రీమేక్స్ రైట్స్ పట్టుకుని మెగాస్టార్‌కి దగ్గరకి వెళ్తే.. సున్నితంగా నో చెప్పేశారట. ప్రస్తుతం ఈ విషయం ఇండస్ట్రీలో చర్చనీయాంశంగా మారింది. దీన్నిబట్టి చూస్తుంటే కాస్త లేట్ అయినా సరే చిరు.. స్ట్రెయిట్ సినిమాలే చేస్తారనమాట. (ఇదీ చదవండి: కేఏ పాల్‌ని కలిసిన నవీన్ పొలిశెట్టి.. ఏం మాట్లాడారు?)

'భోళా శంకర్' సినిమా బాగోలేదు. మొదటిరోజే అందరికీ సీన్ అర్థమైపోయింది. దీంతో ఆ మూవీని పట్టించుకోవడం మానేశారు. ఆల్రెడీ చాలామంది మర్చిపోయారు కూడా. మళ్లీ ఆ సినిమా ఇప్పుడు చర్చల్లో నిలిచింది. దీనికి కారణం నిర్మాత ఎస్కేఎన్. తాజాగా చిరంజీవి బర్త్ డే సెలబ్రేషన్స్‌లో పాల్గొన్న ఈయన.. 'భోళా' ఫ్లాప్ అవ్వడానికి ఫ్యాన్సే కారణమనే వింత లాజిక్ చెప్పారు. దీంతో ఇది కాస్త మెగాఫ్యాన్స్ మధ‍్యే డిస్కషన్‌కి కారణమైంది. (ఇదీ చదవండి: 'జైలర్' ఓటీటీ డేట్ ఫిక్స్.. స్ట్రీమింగ్ ఆ రోజే!) అభిమానం ఉండొచ్చు గానీ అది సదరు హీరో కొంపముంచేలా ఉండకూడదు. ఎస్కేఎన్.. చిరంజీవికి వీరాభిమాని. గతంలో చాలా సందర్భాల‍్లో ఈ విషయాన్ని స్వయంగా చెప్పారు. అయినా చిరుకి అభిమాని కానివాళ్లు ఎవరుంటారు చెప్పండి. ఎందుకంటే కొన్ని దశాబ్దాలుగా ఎన్నో అద్భుతమైన సినిమాలతో అలరిస్తున్నారు. అయితే చేదుగా అనిపించినా సరే కొన్నిసార్లు నిజాలు ఒప్పుకోవాలి. ఎస్కేఎన్ అదే చేయలేదు. ''భోళా శంకర్'లో చిరంజీవి చాలా అందంగా కనిపించారు. కేవలం సోషల్ మీడియాలో ఓ గ్రూప్ ట్రాప్‌లో పడి స్వయంగా ఫ్యాన్సే దాన్ని డిజాస్టర్ చేసుకున్నారు' అని చెప్పడం చాలామందికి విడ్డూరంగా అనిపించింది.  ఇక్కడ గుర్తుంచుకోవాల్సింది ఏంటంటే.. సినిమా బాగుంటే దాన్ని ఆపడం ఎవరి తరం కాదు. చిరు అందంగా కనిపించారు కాబట్టి హిట్ అవ్వాలని ఎస్కేఎన్ అనుకోవడం మాత్రం వెరైటీగా అనిపించింది. పోనీ ఆయన చెప్పిన థియరీ ప్రకారం మహేశ్ 'బ్రహ్మోత్సవం', పవన్ కల్యాణ్ 'అజ్ఞాతవాసి' కూడా సూపర్‌హిట్ కావాలి కదా! కానీ ఎందుకు సక్సెస్ కాలేదు అంటే కారణం కంటెంట్. సినిమా కరెక్ట్‪‌గా తీస్తే.. చిన్న హీరో పెద్ద హీరో అనేది ప్రేక్షకుడు అస్సలు ఆలోచించడు. హిట్ ఏంటి కర్మ బ్లాక్‌బస్టర్ చేసి పడేస్తాడు. వందల కోట్ల వసూళ్లకు తెచ్చిపెడతాడు.  (ఇదీ చదవండి: బిగ్గెస్ట్‌ డిజాస్టర్‌గా ‘భోళా శంకర్‌’.. అప్పుడే ఓటీటీలోకి..!) ఎస్కేఎన్ నిర్మాతగా తీసిన 'బేబి' చిత్రాన్నే తీసుకోండి. అందులో పెద్దగా చెప్పుకోదగ్గ యాక్టర్స్ ఒక్కరు కూడా లేరు. కానీ సినిమా హిట్ అయింది. దానికి కారణం స్టోరీ. ఇకపోతే 'భోళా శంకర్' స్టోరీలోనే బోలెడన్ని లోటుపాట్లు ఉన్నాయి. వాటిని హుందాగా ఒప్పేసుకొని, చిరంజీవి త్వరలో కమ్ బ్యాక్ ఇస్తారని ఎ‍స్కేఎన్ అని చెప్పుంటే సరిపోయేది. అలా కాకుండా అభిమానులపై తప్పు తోసేయడం మాత్రం చాలామందికి కోపం తెప్పించింది.  సినిమాలో నటించే స్టార్ హీరోల దగ్గర నుంచి నిర్మాతల వరకు ఎవరెన్ని కబుర్లు, తీయని మాటలు చెప్పినా అది వందల కోట్లతో నడిచే ఓ వ్యాపారం. అభిమాని అయినా, సాధారణ ప్రేక్షకుడు అయినా సొంత డబ్బులు ఖర్చుపెట్టి టికెట్ కొంటాడు. సినిమా చూస్తాడు. బాగుంటే నలుగురికి చెబుతాడు. బాగోలేకపోతే నలభై మందికి చెబుతాడు. కాబట్టి మెగాస్టార్ సినిమా కదా.. ఎలా ఉన్నా నచ్చేయాలని రూల్ ఏం లేదు. తప్పు ఎక్కడుందనేది ఆలోచించడం మానేసి ఫ్యాన్స్‌దే తప్పు అనడం ఎంతవరకు కరెక్ట్ అధ్యక్షా? (ఇదీ చదవండి: ఈ వారం ఓటీటీల్లోకి 21 కొత్త సినిమాలు)

సినిమా అన్నాక జయాపజయాలు సర్వసాధారణమే! పెద్దగా ప్రచారం లేకపోయినా హిట్‌ కొట్టేవి కొన్నయితే భారీ అంచనాల మధ్య డిజాస్టర్‌గా నిలిచేవి మరికొన్ని.. హీరోలు ఈ రెండిటింనీ సమానంగా స్వీకరించినా సరే అభిమానులు మాత్రం లైట్‌ తీసుకునేందుకు ఇష్టపడరు. సక్సెస్‌ అయితే పూనకంతో, ఫ్లాప్‌ అయితే ఆగ్రహంతో ఊగిపోతుంటారు. సంతోషంలో ఉన్నా, బాధలో ఉన్నా వాళ్లను ఆపడం చాలా కష్టం. ఈ మధ్య చిరంజీవి నటించిన భోళా శంకర్‌ సినిమా విడుదలైంది. బాస్‌ మూవీ అంటే అంచనాలు ఓ రేంజ్‌లో ఉంటాయి. కానీ సినిమా అట్టర్‌ఫ్లాప్‌గా నిలిచింది. సోషల్‌ మీడియాలో ఎక్కడ చూసినా సినిమాపై విమర్శలే కనిపించాయి. నేను మీలో ఒకడిని తాజాగా దీనిపై బేబి నిర్మాత, మెగా అభిమాని ఎస్‌కేన్‌ స్పందించాడు. ఇండస్ట్రీలో ఏ సినిమా వచ్చినా మొదటి టికెట్‌ తెగేది మెగా ఫ్యాన్‌ది మాత్రమే! నా కో- మెగా ఫ్యాన్స్‌ను నేను నమ్మాను.. వాళ్లు నా సినిమాకు ఓపెనింగ్స్‌ ఇస్తారనే బేబి తీశాను. ఈ సినిమా ఎన్ని కోట్లు రాబట్టినా దాని క్రెడిట్‌ ముందుగా మెగా ఫ్యాన్స్‌కే దక్కుతుంది. నేను మీలో ఒకడిని. బాస్‌ ఇన్‌స్పిరేషన్‌తో ఇక్కడికి వచ్చాను. బాస్‌ చుట్టూ జరుగుతున్న వివాదం గురించి మాట్లాడాలనుకుంటున్నాను. ఆడిస్తున్నాడు.. ఓడిస్తున్నాడు మన సినిమా నచ్చితే ఫస్ట్‌ జై కొట్టేది మనమే.. మన సినిమా ఏదైనా నచ్చకపోయినా మొదట దాన్ని తొక్కేసేది కూడా మనమే.. ఫస్టాఫ్‌ అలా ఉంది, ఇంటర్వెల్‌ ఇలా ఉంది, సెకండాఫ్‌ ఇంకోలా.. అని చెప్పేస్తుంటాం. అలా చేయొద్దు. నాలుగు పదులకే నడవలేని హీరోలు ఉన్న ఇండస్ట్రీలో.. సుమారు ఏడు పదుల వయసు దగ్గర పడుతున్నా మెగాస్టార్‌ ఆడిస్తున్నాడు.. చాలామందిని ఓడిస్తున్నాడు. అది ఆయన విల్‌ పవర్‌. ఈ మధ్యకాలంలో వచ్చిన సినిమాల్లో ఆయన మోస్ట్‌ గ్లామరస్‌గా కనిపించిన సినిమా భోళాశంకర్‌. దాన్ని కూడా మనం నిలబెట్టుకోలేకపోయామంటే దానికి కారణం మనమే. ఏది చేయాలో బాస్‌కు తెలుసు రీమేక్స్‌ చేయాలా? ఒరిజినల్‌ చేయాలా? అనేది బాస్‌కు తెలుసు. ఆయనకు సినిమా అంటే అమ్మకం కాదు నమ్మకం. మోకాలికి ఆపరేషన్‌ చేయించుకుని కూడా స్టెప్స్‌ వేస్తున్నారు. మనందరి కోసం కష్టపడుతున్నారు. కాబట్టి ఎప్పుడైనా బాస్‌ వెంటే ఉండాలి. మనం ఐకమత్యంతో ఉంటే మనల్ని కొట్టేవాళ్లే లేరు. చాలామంది హిట్లర్‌ ముందు బాస్‌ పనైపోయిందన్నారు. ఖైదీ 150 ముందు కూడా అలాగే అన్నారు. అలా జరిగిందా.. లేదు.. ఆయన స్థాయి, స్థానం వేరు. ఆగస్టు 11న ఆయన సినిమాను ఎవరు తొక్కేలాయనుకున్నారో తెలుసు.. మనం మళ్లీ హిట్‌ కొట్టి చూపిద్దాం' అని ఎమోషనల్‌ స్పీచ్‌ ఇచ్చాడు ఎస్‌కేఎన్‌. చదవండి: బర్త్‌డే పార్టీలో డ్యాన్స్‌ చేసేదాన్ని.. ఆ డబ్బుతో పూట గడిచేది..

ఇండస్ట్రీలో చిరు స్థాయి వేరు.. స్థానం వేరు చిరంజీవి సినిమారంగంలో ఒక లెజెండ్‌. ఆయ‌న తుపాన్‌లా రాలేదు. చిరు జ‌ల్లులా వ‌చ్చి తుపాన్‌లా మారాడు. ఆయన 'స్వయంకృషి'తో ఎదిగిన నటుడు. తన యాక్షన్‌, డ్యాన్స్‌లతో ఎందరిలోనో స్ఫూర్తినింపిన 'ఆచార్యు'డు. ఇండస్ట్రీలో ఎదురైన ప్రతి 'ఛాలెంజ్' లను 'మగధీరుడు' లాగా ఎదుర్కుంటూ 'విజేత'గా నిలిచిన 'మగమహారాజు' . అభిమానుల గుండెల్లో ఆయనొక 'ఖైదీ'. బాక్సాఫీసు వసూళ్ల 'వేట'లో 'ఛాలెంజ్' విసిరితే 'రోషగాడి'లా 'జాతర' చూపించాడు. సినిమా ఇండస్ట్రీకి ఎంతో మంది హీరోలు వస్తున్నారు.. వస్తూనే ఉంటారు కూడా.. అలాంటి వాల్లకు ఒక్కరే స్ఫూర్తి ఆయనే మెగాస్టార్ చిరంజీవి. తాజాగా ఆయనకు పద్మ విభూషణ్ వచ్చిన సందర్భంగా ప్రత్యేక కథనం. చిరంజీవి సినిమాలు ఫెయిల్‌ అయి ఉండవచ్చు. కానీ ఇండస్ట్రీలో చిరంజీవి ఎప్పుడూ ఫెయిల్‌ అవలేదు. ఇప్పటి తరం ట్విటర్‌లో ఫ్యాన్‌ వార్‌ చేసుకునే వారికి తెలియకపోవచ్చు అప్పట్లో కవర్‌పేజీలో వచ్చే చిరంజీవి ఫోటో కోసం అభిమానుల మధ్య జరిగే వార్‌ గురించి. ఇప్పడు మా హీరో గొప్ప మా హీరో గొప్ప అని చెప్పుకుని తిరిగేవారికి తెలియకపోవచ్చు వాళ్ల హీరోలకు కూడా ఫేవరేట్‌ హీరో చిరంజీవే అని.. మా హీరో రికార్టులు ఇవి అని గొప్పలు చెప్పుకునే వారికి తెలియకపోవచ్చు ఆ రికార్డులను క్రియేట్‌ చేసిందే చిరంజీవి అని. ఒక రిక్షా కార్మికుడి నుంచి కలెక్టర్‌ వరకు.. అప్పుడే సినిమాలు చూడటం మొదలుపెట్టిన 10 ఏళ్ల బుడ్డోడి నుంచి 70 ఏళ్ల ముసలోళ్ల దాక అందరూ ఆయన ఫ్యాన్సే.. నటనలో తనకంటూ ప్రత్యేక శైలి, హాస్యంలో తనకంటూ ఒక ముద్ర..కోట్లాదిమందికి అతనొక ఆరాధ్య నటుడు అయ్యాడు. ఫిబ్రవరి 11, 1978 లో పునాదిరాళ్ళు చిత్రంతో సినీ ప్రస్థానం మెదలుపెట్టిన మెగాస్టార్. పునాదిరాళ్ళు మొదటి చిత్రం అయినప్పటికీ మొదటగా విడుదలైంది మాత్రం ప్రాణం ఖరీదు. తొలి సినిమానే ప్లాప్‌ అయింది. ఈ చిత్రంలో మేకప్ లేకుండా నటించిన చిరంజీవి మాత్రం అందరినీ మెప్పించాడు. తర్వాత బాపు దర్శకత్వంలో 'మన వూరి పాండవులు' సినిమాలో చిరంజీవికి ఒక చిన్న పాత్ర దొరికింది. ఆ సినిమా మంచి విజయం సాధించడంతో పాటు చిరుకు మంచి గుర్తింపు తెచ్చింది. అక్కడి నుంచి ఆయన ప్రస్థానం మొదలైంది. మొట్టమొదటి సిల్వర్‌ జూబ్లీ సినిమా ఇదే మనవూరి పాండవులు, మోసగాడు, రాణీ కాసుల రంగమ్మ, ఇది కథ కాదు వంటి సినిమాలలో చిన్న పాత్రలతో పాటు విలన్‌గా నటించిన చిరంజీవికి ఒక నటుడిగా మంచి గుర్తింపు వచ్చింది. కానీ 1980 వ దశకం నుంచి ఆయనకు గోల్డెన్‌ డేస్‌ ప్రారంభమయ్యాయి. 1980లో వచ్చిన 'మొగుడు కావాలి' సినిమా చిరంజీవికి మొట్టమొదటి సిల్వర్‌ జూబ్లీ మూవీగా రికార్డుకెక్కింది. ఈ సినిమాను తమ్మారెడ్డి భరద్వాజ నిర్మించారు. ఆ సమయం నుంచే వారిద్దరి మధ్య మంచి స్నేహం ఏర్పడింది. 'చిరంజీవి-ఎన్టీఆర్‌'కు ప్రత్యేకం ఆ తర్వాత వచ్చిన 'తిరుగులేని మనిషి' చిత్రం తన కెరియర్‌లో చాలా ప్రత్యేకమైనదిగా చెప్పవచ్చు. అందులో 'చిరంజీవి-ఎన్టీఆర్‌' కలిసి నటించిన ఏకైకా సినిమా ఇది. ఎన్టీఆర్‌ ప్రధాన పాత్ర చేస్తే.. చిరంజీవి ఆయన బావమరిది పాత్రలో మెప్పించారు. ఆ తర్వాత 'ఊరికిచ్చిన మాట' సినిమాతో చిరంజీవికి మాస్‌ ఇమేజ్‌ బీజం పడినా.. ఆ తర్వాత 'చట్టానికి కళ్లులేవు' చిత్రంతో పూర్తి మాస్‌ హీరోగా గుర్తింపు దక్కింది. ఈ సినిమాను తమిళ హీరో విజయ్‌ తండ్రి ఎస్‌ఏ చంద్రశేఖర్‌ డైరెక్ట్‌ చేశారు. 1982లో వచ్చిన ఇంట్లో రామయ్య వీధిలో కృష్ణయ్య సినిమా వచ్చింది. ఇది కూడా సిల్వర్‌ జూబ్లీ లిస్ట్‌లో చేరింది. ఈ సినిమా తర్వాత దర్శకుడు కళా తపస్వి కె విశ్వనాథ్ గారి డైరెక్షన్‌లో కట్నం అనే ఇష్యూ మీది శుభలేఖ అనే సినిమాను తీశారు. ఈ రెండు సినిమాలతో చిరంజీవిని ఫ్యామిలీ ఆడియన్స్‌ను ఓన్‌ చేసుకున్నారు. శుభలేఖ సినిమాతో మొదటి ఫిల్మ్‌ఫేర్‌ అవార్డును చిరు అందుకున్నారు. ఇలా చిరంజీవి నుంచి వచ్చిన చాలా సినిమాలు బ్లాక్‌ బస్టర్‌గా నిలుస్తున్న సమయంలో అసలు సెన్సేషన్‌ 1983లో మొదలైంది. ఇండస్ట్రీలో సరికొత్త అర్థాన్ని క్రియేట్‌ చేసిన చిరు సినిమా కోదండరామిరెడ్డి డైరెక్షన్‌లో ఖైదీ సినిమా 1983లో విడుదలైంది. అప్పట్లో కమర్షియల్‌ సినిమాలకు సరికొత్త అర్థాన్ని క్రియేట్‌ చేసింది. సినిమా విడుదలైన మొదటి రోజు నుంచే ప్రేక్షకులు బ్రహ్మరథం పట్టారు. విజయవాడ శైలజా థియేటర్లో 80రోజుల పాటు హౌస్‌ఫుల్‌ కలెక్షన్స్‌తో కొనసాగింది ఈ సినిమా.. హైదరాబాద్‌ శాంతి థియేటర్లో 365 రోజులు ఏకదాటిగా కొనసాగింది. ఈ సినిమా ముహూర్తపు సన్నివేశానికి చిరంజీవి, మాధవిలపై సూపర్ స్టార్ కృష్ణ క్లాప్ కొట్టారు.. ఒక యాక్టర్‌, స్టార్‌కు మధ్య ఉన్న గీతను చెరిపేసి చిరంజీవిని ఓవర్‌నైట్‌ సూపర్‌ స్టార్‌ను చేసింది ఈ సినిమా.. ఇందులోని చిరు లుక్‌నే రామ్‌చరణ్‌ మొదటి సినిమా చిరుతలో కూడా ఆ షాడో ఉండేలా చూపించాడు పూరి. ఇంతలా మెగస్టార్‌ జీవితంలో ఖైదీ సినిమా పాత్ర ఉంది. అక్కడి నుంచి ఆయన జైత్రయాత్ర కొనసాగుతుండగా 2007లో శంకర్‌ దాదా జిందాబాద్‌తో సినిమాలకు గుడ్‌బై చెప్పి రాజకీయాల్లోకి ఎంట్రీ ఇచ్చారు. ప్రజారాజ్యంతో రాజకీయాల్లోకి ఎంట్రీ 2008 ఆగష్టు 26న ప్రజారాజ్యం పార్టీని చిరంజీవి స్థాపించారు. తిరుపతిలో చిరంజీవి పాల్గొంటున్న మొట్టమొదటి బహిరంగ సభ కావడంతో మెగాఫ్యాన్స్‌ పోటెత్తారు. ఆ సభ కోసం సుమారు పది లక్షల మందికి పైగా హాజరైనట్లు సమాచారం. ఆ స‌భ రాత్రి 10 గంట‌ల‌కి పూర్త‌యితే తిరుప‌తి నుంచి తెల్లారే వ‌ర‌కూ వాహ‌నాలు వెళుతూనే వున్నాయి. క‌నీవినీ ఎరుగ‌ని ట్రాఫిక్ జామ్‌ తిరుపతిలో ఏర్పడింది. అంతవరకు ఏ సినీ, రాజకీయ నాయకుడి సభకు రానంత జనం వచ్చారు. ఈ సభలోనే చిరంజీవి పార్టీ పేరును, అజెండాను ప్రకటించారు. ఆయన పాలిటిక్స్‌లో ఎంట్రీ ఇచ్చే నాటికి ఉమ్మడి ఏపీలో 2004 నుంచి ముఖ్యమంత్రిగా వైఎస్‌ రాజశేఖర్‌రెడ్డి గారు ఉన్నారు. రాష్ట్రం మొత్తం పాదయాత్ర చేసి మొదటిసారి సీఎం కావడమే కాకుండా ప్రజల అంచనాలకు ఏ మాత్రం తగ్గకుండా వైఎస్సార్‌ పాలన కొనసాగింది. అలా ఒక బలమైన రాజకీయ నాయకుడిగా ఏపీలో వైఎస్సార్‌ ఉన్నారు. 2009లో జరిగే సార్వత్రిక ఎన్నికల సమయంలో కాంగ్రెస్‌, టీడీపీ పోటాపోటీగా ఉమ్మడి ఏపీలో ఉన్నాయి. అలాంటి సమయంలో చిరంజీవి రాజకీయ ప్రవేశం చేశారు. అప్పటికే ఒక టర్మ్‌ ముఖ్యమంత్రిగా పూర్తి చేసుకుని మళ్లీ 2009 ఎన్నికల బరిలో ఉన్న రాజశేఖర్‌రెడ్డి గారిపైనా ప్రజల్లో ఎలాంటి వ్యతిరేకత లేదు. ఆయ‌న్ని దింపి చిరంజీవిని సీఎం చేయాల‌నే జ్వాల‌, కోరిక జ‌నంలో లేవు. ఆ ఎన్నికల్లో రాష్ట్రంలోని 294 నియోజకవర్గాల్లో ప్రజారాజ్యం నుంచి అభ్య‌ర్థులను చిరంజీవి నిలబెట్టారు. తిరుపతి, పాలకొల్లు నియోజకవర్గాల నుంచి చిరు పోటీ చేయగా తిరుపతి స్థానం నుంచి మాత్రమే గెలుపొందారు. అలా మొత్తంగా కేవలం 294 స్థానాలకు గాను 18 స్థానాలకు మాత్రమే ప్రజారాజ్యం పరిమితం అయింది. 2009 ఎన్నికల్లో గెలిచిన వైఎస్‌ రాజశేఖర్‌రెడ్డి గారు మరోసారి గెలిచి ముఖ్యమంత్రి అయ్యారు. ఆ తర్వాత 2011 ఆగష్టులో భారత జాతీయ కాంగ్రెసు పార్టీలో ప్రజారాజ్యం విలీనమయ్యింది. ఆ పార్టీ నుంచి కేంద్రమంత్రిగా కూడా చిరంజీవి కొనసాగారు. తిరుపతి సభ నుంచే చిరుకు మొదటి దెబ్బ  పార్టీ ఆవిర్భావ సభరోజు పది లక్షలకు మంది పైగా వచ్చిన జనం అదే తిరుప‌తిలో చిరంజీవి రాజీనామాతో ఉప ఎన్నిక వ‌చ్చింది. బ‌స్టాండ్‌కు దగ్గర్లో మెగాస్టార్‌ స‌భ పెడితే జ‌నం వెయ్యి మంది కూడా లేరు. అప్పుడు ఆయన ఆకాశం నుంచి ఒక్కసారిగా నేలకు దిగారు. ఆ సమయం నుంచే చిరంజీవిపై రాజకీయ విమర్శలు వచ్చాయి. సినిమా వేరు.. రాజకీయాలు వేరని చాలామంది పొలిటికల్‌ విశ్లేషకులు తెలిపారు. రజనీకాంత్‌కు చిరంజీవి ఇచ్చిన సలహా సినిమా హీరోకు ఉన్న ఇమేజ్‌, రాజకీయ నాయకుడి ఇమేజ్‌కు చాలా వ్యత్యాసం ఉంటుంది. ఇదే విషయాన్ని చిరంజీవి గ్రహించి రాజకీయాల్లోకి రావాలనుకున్న రజీనికాంత్‌, కమల్‌ హాసన్‌కు ఒక సూచన ఇచ్చారు. రాజకీయాల్లోకి ఎంట్రీ మాత్రం ఇవ్వకండని ఆయన ఇలా సూచించారు. 'రాజకీయాల్లోకి రావాలన్న మీ ఆలోచన విరమించుకోండి. సూపర్‌స్టార్‌గా అందరివాడు అనిపించుకున్న మీరు పాలిటిక్స్‌లోకి వచ్చి చెడ్డపేరు తెచ్చుకోవద్దు. మనలాంటి వారు ఈ రాజకీయాల్లో నెగ్గాలంటే చాలా కష్టం. అందుకే రాజకీయాలు వదిలేసి మళ్లీ సినిమాల వైపు వచ్చాను. ఇక నుంచి సినిమాలే నా ఫస్ట్‌ లవ్‌.' అని చిరంజీవి అన్నారు. 2017లో రీ ఎంట్రీ రాజకీయాల నుంచి చిరంజీవి పూర్తిగా దూరం అయి తన అభిమానుల కోసం 2017లో 'ఖైదీ 150' సినిమాతో రీ ఎంట్రీ ఇచ్చారు. ఒక హీరో సినిమా ప్రపంచానికి సుమారు 10 సంవత్సరాలు దూరం అయితే... అదే సమయంలో చాలామంది యంగ్‌ హీరోలు పోటీపడుతూ బ్లాక్‌బస్టర్‌ హిట్లు ఇస్తూ కొత్తకొత్త అభిమానులను సంపాధించుకుంటున్న తరుణంలో పదేళ్లు బ్రేక్‌ తీసుకున్న హీరో వెనక్కు వస్తే మునపటి ఇమేజ్‌ ఉండదని పలువురు కామెంట్లు కూడా చేశారు. అలాంటి వారందరికీ ఖైదీ 150 సినిమాతో చిరు సమాధానం చెప్పారు. ఈ సినిమా కేవలం 5 రోజుల్లోనే రూ.100 కోట్లు కలెక్ట్‌ చేసి అప్పటి వరకు ఉన్న నాన్‌ బాహుబలి రికార్డులను బద్ధలుచేసింది. ఆ తర్వాత సైరా, ఆచార్య, గాడ్ ఫాదర్, వాల్తేరు వీరయ్య, భోళా శంకర్ సినిమాలు వచ్చాయి. వాటిలో కొన్ని ప్రేక్షకులను నిరుత్సాహపరిచాయి. రాజ‌కీయాల్లో చిరంజీవి ఓడిపోవ‌చ్చు కానీ సినిమాల్లో ఎప్పటికీ మెగాస్టారే అని ఆయన సినిమా ఓపెనింగ్స్‌ చెప్తాయి. ఎందుకంటే నాడు చిరంజీవి ఎంట్రీతో తెలుగు సినీ పరిశ్రమ ఒక్కసారిగా సమూలంగా మారిపోయింది. డ్యాన్స్‌లు, ఫైట్స్‌, పాటలు ఇలా అన్ని విభాగాల్లో ఆయన కొత్తదనాన్ని తీసుకొచ్చారు. తెలుగు సినిమా ఇంకెంత వృద్ధిలోకి వెళ్లిన.. ప్రపంచం గర్వించే సినిమాలు ఇంకెన్నీ తీసినా వాటి వెనుకాల చిరంజీవి అనే ఒక మహాశక్తి పాత్ర ఎంతోకొంత ఖచ్చితంగా ఉంటుంది. చివరిగా తెలుగు సినిమాలో ఎన్ని మారినా.. ఎంతమంది వచ్చినా ఆయన స్థాయి వేరు.. ఆయన స్థానం వేరు. భవిష్యత్‌లో మరిన్ని సూపర్‌ హిట్‌ సినిమాలు చిత్రపరిశ్రమకు అందించాలని కోరుకుంటూ పద్మ విభూషణ్‌ చిరంజీవికి ప్రత్యేక శుభాకాంక్షలు. -సాక్షి వెబ్‌ డెస్క్‌

మెగాస్టార్ చిరంజీవి 'భోళా శంకర్' సినిమా ఓ తమిళ మూవీకి రీమేక్. ఈ ప్రాజెక్ట్ మొదలైనప్పుడు ఇది ఫలానా మూవీకి రీమేక్ అని మెగా ఫ్యాన్స్‌కి తెలిసింది. దీంతో మాకొద్దీ రీమేక్ అని బుర్ర బాదుకున్నారు. కానీ వాళ్ల మాట ఎవరు వింటారు చెప్పండి. ఎంచక్కా షూటింగ్ పూర్తి చేసి, సినిమాని థియేటర్లలో రిలీజ్ చేశారు. కట్ చేస్తే బాక్సాఫీస్ దగ్గర 'భోళా శంకర్' బోల్తా కొట్టింది. చిరు కెరీర్‌లోనే పెద్ద డిజాస్టర్‌గా నిలిచింది. అయితే రీమేక్స్ చేయొద్దని.. స్వయానా అభిమానులే అంత మొత్తుకుంటున్నా చిరు ఎందుకు రీమేక్స్ చేస్తున్నారు? అసలు ఆయన కెరీర్‌లో ఓవరాల్‌గా ఎన్ని రీమేక్ సినిమాలున్నాయి? అదంత పక్కనబెడితే రీమేక్ అనేది మెగాస్టార్‌కి కలిసొచ్చిందా? ముంచేసిందా అనేది ఇప్పుడు అలా చూసేద్దాం. (ఇదీ చదవండి: ఈ వారం ఓటీటీల్లోకి 21 కొత్త సినిమాలు) రీమేక్స్ ఎన్ని? శివశంకర వరప్రసాద్ అలియాస్ చిరంజీవి.. 'మెగాస్టార్' ఎందుకయ్యారు? అని ఎవరినైనా అడిగితే.. ఏముంది డ్యాన్స్, యాక్టింగ్, డైలాగ్స్ ఇలా ప్రతిదానిలోనూ బెంచ్ మార్క్ సెట్ చేశారు కదా అని చెబుతారు. చిరు ఇప్పటివరకు 155 సినిమాలు చేస్తే.. అందులో దాదాపు 38కి పైగా చిత్రాలు రీమేక్స్ అని చాలామందికి తెలియదు. ఓర‍్ని ఇన్ని రీమేక్సా అని ఆశ్చర్యపోవద్దు. ఇంతకీ ఆ మూవీస్ ఏంటో తెలుసా? ఖైదీ కూడా రీమేక్? చిరు కెరీర్‌ని టర్న్ చేసిన మూవీ అనగానే చాలామంది 'ఖైదీ' అంటారు. డైరెక్టర్ కోదండరామిరెడ్డి తీసిన ఈ సినిమా అప్పట్లో సెన్సేషన్ క్రియేట్ చేసింది. చిరు కెరీర్‌కి బ్యాక్ బోన్‌లా మారింది. అయితే ఇది హాలీవుడ్‌లో సిల్వోస్టర్ స్టాలిన్ చేసిన 'ఫస్ట్ బ్లడ్' అనే చిత్రానికి రీమేక్ అట. పూర్తిగా ఉన్నది ఉన్నట్లు కాకుండా తెలుగు నేటివిటీకి తగ్గట్లు మార్చి తీసినట్లు తెలుస్తోంది. ఇవే కాకుండా ఇంకా లిస్టులో చాలా ఉన్నాయి. (ఇదీ చదవండి: బిగ్గెస్ట్‌ డిజాస్టర్‌గా ‘భోళా శంకర్‌’.. అప్పుడే ఓటీటీలోకి..!) రీమేక్స్- ఒరిజినల్ సినిమాలు పున్నమినాగు- హున్నిమేయ రాత్రియల్లి (మలయాళం) పట్నం వచ్చిన పతివ్రతలు - పట్టణక్కే బంధ పత్‌నియారు (కన్నడ) అడవి దొంగ - టార్జాన్ (ఇంగ్లీష్) వేట - ది కౌంట్ ఆఫ్ మొంటో క్రిష్ణో (ఇంగ్లీష్) ఆరాధన- కవితోరా కవితైగల్ (తమిళం) పసివాడి ప్రాణం - పూవిన్ను పుతియా పుంతెన్నెల్ (మలయాళం) ఘరానా మొగుడు - అనురాగ అరాలితు (కన్నడ) ఎస్పీ పరశురాం - వాల్టర్ వెట్రివేల్ (తమిళం) హిట్లర్ - హిట్లర్ (మలయాళం) స్నేహం కోసం - నట్పుక్కగ (తమిళం) ఠాగూర్ - రమణ (తమిళం) అంజి - ఇండియానా జోన్స్ (ఇంగ్లీష్) శంకర్‌దాదా ఎంబీబీఎస్ - మున్నాభాయ్ ఎంబీబీఎస్ (హిందీ) ఖైదీ నం.150 - కత్తి (తమిళం) గాడ్‌ఫాదర్ - లూసిఫర్ (మలయాళం) భోళా శంకర్ - వేదాళం (తమిళం) పొరపాటు ఎక్కడ? పైన చెప్పిన సినిమాలన్నీ చిరంజీవి కెరీర్‌లో కాస్త చెప్పుకోదగ్గ రీమేక్స్. వీటితోపాటు మరికొన్ని కూడా ఉన్నాయి. అయితే అప్పట్లో రీమేక్స్ హక్కులు కొని తీయడం అనే పద్ధతి ఉండేది కాదు. దీంతో దర్శకులు.. సదరు చిత్రాల్ని స్పూర్తిగా తీసుకుని కాస్త చేర్పులు మార్పులు చేసి తీసేసేవారు. కాబట్టి అది రీమేక్, ఒరిజినల్ అనేది చెప్పడం కష్టం. అప్పట్లో ప్లస్ అయినంతగా ఇప్పుడు చిరుకు రీమేక్స్ అస్సలు కలిసి రావడం లేదు.  రీమేక్స్.. నాట్ ఇంట్రెస్ట్! ఇప్పటి ప్రేక్షకులు.. ఒరిజినల్ సినిమాలు చూడటానికే కొన్నిసార్లు ఇంట్రెస్ట్ చూపించట్లేదు. రీమేక్స్‌ అనేసరికి చూడటం కంటే ట్రోల్ చేయడానికి రెడీ అయిపోతున్నారు. ప్రకటన రావడం ఆలస్యం ఒరిజినల్ చూసేసి, రీమేక్‌ని దాంతో పోల్చుతూ విమర్శిస్తున్నారు. రీసెంట్‌గా 'భోళా శంకర్' రిజల్ట్ దీనికి కరెక్ట్ ఉదాహరణ అని చెప్పొచ్చు. రీఎంట్రీలో రీమేక్స్ చిరంజీవి.. 'ఖైదీ నం.150' సినిమాతో రీఎంట్రీ ఇచ్చారు. ఇది తమిళ 'కత్తి'కి రీమేక్. మాస్ కమర్షియల్ అంశాలు ఉండటంతో ఇది మెగాస్టార్‌కి కలిసొచ్చింది. కానీ 'గాడ్ ఫాదర్' (లూసిఫర్), 'భోళా శంకర్' (వేదాళం) చిత్రాలు మాత్రం చిరుకు కలిసి రాలేదు. ఎందుకంటే వాటిని ఆల్రెడీ ఆడియెన్స్ చూసేశారు కాబట్టి. ఇప్పటికైనా మించిపోయిందేం లేదు.. ఆడియెన్స్ టేస్ట్, ట్రెండ్‌కి తగ్గట్లు చిరు మారితే బెటర్. లేదంటే మాత్రం ఇమేజ్ డ్యామేజ్ అయ్యే ఛాన్సులే ఎక్కువ! (ఇదీ చదవండి: మితిమీరిన పారితోషికాలు.. లెక్కలు సరిగ్గా చూపుతున్నారా?)

90ల్లో పుట్టిన ఓ పిల్లాడు. కాస్త ఊహ తెలిసొచ్చాక నాన‍్న భుజాలపై కూర్చుని తొలిసారి ఓ సినిమా చూశాడు. ఓ వ్యక్తి డ్యాన్సులు చూసి మెస్మరైజ్ అయిపోయాడు. ఆ హీరోకి పెద్ద ఫ్యాన్ అయిపోయాడు. కట్ చేస్తే ఆ పిల్లాడు ఇప్పుడు కుర్రాడు అయ్యాడు. ఆ హీరోకి వయసైపోయింది కానీ యాక్టింగ్, డ్యాన్సుల్లో గ్రేస్ మాత్రం తగ్గలేదు. అవును మీరు గెస్ట్ చేసింది కరెక్ట్. ఆ హీరో మెగాస్టార్ చిరంజీవినే. అప్పట్లో ట్రెండ్ సెట్ చేసిన చిరు.. ఇప్పుడు మాత్రం ఎందుకో తడబడుతున్నారు. ఎందుకిలా జరుగుతోంది? ఆ స్థాయి సినిమాలు ఎక్కడ? నటుడిగా మెగాస్టార్ చిరంజీవిని వంక పెట్టడానికి ఏం లేదు. ఎందుకంటే ఆయన ఇమేజ్ ఆకాశంలో ఉంటుంది. ఇండస్ట్రీలో టాప్ పొజిషన్ నుంచి అత్యధిక రెమ్యునరేషన్ వరకు ఎన్నో విషయాల్లో రికార్డులు సృష్టించారు. దాదాపు అన్ని రకాల జానర్స్ కథల్ని కవర్ చేశారు. ఇక్కడి వరకు బాగానే ఉంది. కానీ ఒకప్పుడు చిరంజీవి అంటే మాస్-క్లాస్-ఫ్యామిలీస్ ఇలా అందరినీ ఎంటర్‌టైన్ చేసేవారు. ఇప్పుడు ఆయన రేంజుకి తగ్గ సినిమా ఒక్కటంటే ఒక్కటి కూడా పడటం లేదనేది సగటు మెగా అభిమాని ఆవేదన. (ఇదీ చదవండి: బిగ్గెస్ట్‌ డిజాస్టర్‌గా ‘భోళా శంకర్‌’.. అప్పుడే ఓటీటీలోకి..!) రీమేక్స్ వల్ల డ్యామేజ్? 'భోళా శంకర్'తో కలిపి చిరంజీవి ఇప్పటివరకు దాదాపు 38 సినిమాలని రీమేక్ చేశారు. ఇదేం అఫీషియల్ నంబర్ కాదు. ఎందుకంటే అప్పట్లో టెక్నాలజీ పెద్దగా లేదు కాబట్టి ఏది ఒరిజినల్ స్టోరీ, ఏది రీమేక్ అనేది ప్రేక్షకులకు పెద్దగా తెలిసేది కాదు. థియేటర్‌కి వెళ్లి మనస్పూర్తిగా చిరుని ఆయా మూవీస్‌లో చూసి ఎంజాయ్ చేసేవాళ్లు. ఇప్పుడు జమానా మారిపోయింది గురూ. రీమేక్స్ అనేవి పెద్దగా వర్కౌట్ కావట్లేదు. ఇంకా చెప్పాలంటే చిరు రీమేక్స్ వల్ల ఆయనకు ప్లస్ కంటే డ్యామేజే ఎక్కువ జరుగుతోందనేది అందరికీ తెలిసిన విషయం. నాడీ పట్టుకోలేకపోతున్నారా? చాలామంది హీరోలు.. అభిమానులకు నచ్చే సినిమాలు చేస్తున్నామని గొప్పగా చెప్పుకొంటూ ఉంటారు. చిరు కూడా ఇదే ఫాలో అవుతుంటారు. అయితే ఇక్కడ గుర్తుంచుకోవాల్సిన విషయం ఏంటంటే.. ఫ్యాన్స్‌ని మాత్రమే దృష్టిలో పెట్టుకుంటే దెబ్బ పడటం గ్యారంటీ. ఎందుకంటే ఓ మూవీ బాగుంది-బాగోలేదు అని డిసైడ్ చేసిది ఫ్యాన్స్ కాదు నార్మల్ ఆడియెన్స్. వీళ్లకు నచ్చాలంటే ట్రెండ్‌కి తగ్గట్లు డిఫరెంట్ స్టోరీలు చేయాలి. అప్పుడే కలెక్షన్స్‌తోపాటు హిట్ అనే మాట వినబడుతుంది. చిరు.. వీళ్ల నాడీ పట్టుకోనేలా సినిమాలు చేస్తే బెటర్. (ఇదీ చదవండి: మితిమీరిన పారితోషికాలు.. లెక్కలు సరిగ్గా చూపుతున్నారా?) ఇంకా అలానే అంటే! చిరంజీవి వయసు ప్రస్తుతం 68 ఏళ్లు. అయితే తనకు వయసు అయిపోయిందని ఒప్పుకోవట్లేదేమో అనిపిస్తుంది. ఎందుకంటే రజనీకాంత్, కమల్‌హాసన్, మమ్ముట్టి, మోహన్‌లాల్ లాంటి స్టార్ హీరోలు వయసు తగ్గ పాత్రలు, డిఫరెంట్ సినిమాలతో ప్రేక్షకుల్ని అలరిస్తున్నారు. చిరంజీవి మాత్రం ఆన్ స్క్రీన్, ఆఫ్ స్క్రీన్.. ఇంకా కుర్రాడిలా ఉండేందుకు తెగ తాపత్రయపడుతున్నారు. అభిమానులని ఇది నచ్చేయొచ్చేమే గానీ.. సాధారణ ప్రేక్షకుడికి మాత్రం ఎబ్బెట్టుగా ఉంటుంది. కాకపోతే బయటకు చెప్పుకోరు అంతే! అసలైన ఫ్యాన్స్ వాళ్లు ఇప్పటి జనరేషన్‌ కుర్రాళ్లకి సూపర్‌స్టార్, రెబల్‌స్టార్, ఐకాన్‌స్టార్ తెలిసినంత.. మెగాస్టార్ గురించి తెలియదు. ఎందుకంటే 2007 తర్వాత రాజకీయాల్లోకి వెళ్లిపోయిన చిరు.. దాదాపు పదేళ్ల తర్వాత రీఎంట్రీ ఇచ్చారు. మెగాస్టార్ అసలైన ఫ్యాన్స్ అంటే ఇప్పటి జనరేషన్‌కి నాన్నల తరం. వాళ్లలో చాలామందికి ఇప్పుడు థియేటర్స్‌కి వెళ్లి సినిమాలు చూడాలనే ఆసక్తి ఉండట్లేదు. ఇది కూడా రీఎంట్రీలో చిరు సినిమాలపై టాక్ తేడా కొట్టడానికి ఓ కారణం కావొచ్చు. ఇలా పైన చెప్పిన వాటితో పాటే ఇంకా కొన్ని కారణాలు ఉన్నాయి. వీటిని ఓసారి దృష్టిలో పెట్టుకుని చిరు ఇకపై సినిమాలు చేస్తే బెటర్. లేదంటే మాత్రం అంతే! (ఇదీ చదవండి: ఈ వారం ఓటీటీల్లోకి 21 కొత్త సినిమాలు)

మెగాస్టార్‌ చిరంజీవి హీరోగా నటించిన తాజా చిత్రం ‘భోళా శంకర్‌’. భారీ అంచనాల మధ్య ఆగస్ట్‌11న ప్రేక్షకుల ముందుకు వచ్చిన ఈ చిత్రం బాక్సాఫీస్‌ వద్ద దారుణంగా బోల్తా పడింది. తొలి రోజు నుంచే నెగెటివ్‌ టాక్‌ రావడంతో చిరు కెరీర్‌లోనే భారీ డిజాస్టర్‌ చిత్రంగా నిలిచింది. దాదాపు రూ.110 కోట్ల బడ్జెట్‌తో తెరకెక్కిన ఈ మూవీ కనీసం అందులో పావు వంతు కూడా కలెక్షన్స్‌ రాబట్టలేకపోయిందనే వార్తలు వినిపిస్తునాయి. ట్రేడ్‌ వర్గాల సమాచారం ప్రకారం ఈ చిత్రం ఇప్పటివరకు కేవలం రూ. 30 కోట్లను మాత్రమే వసూలు చేసింది. రూ.50 కోట్ల నష్టం! మెగాస్టార్‌ చిరంజీవి సినిమా కావడంతో భోళా శంకర్‌కి భారీగా ప్రిరిలీజ్‌ బిజినెస్‌ జరిగింది. ప్రపంచ వ్యాప్తంగా దాదాపు రూ. 80 కోట్ల బిజినెస్‌ జరిగినట్లు వార్తలు వచ్చాయి. ఈ సినిమా  హిట్‌ అవ్వాలంటే మినిమమ్‌ రూ.82 కోట్ల కలెక్షన్స్‌ రాబట్టాలి. ఇప్పటి వరకు కేలవం  రూ.30 కోట్లు మాత్రమే వసూలు చేసింది. అంటే ఇంకా 50 కోట్లు కలెక్ట్‌ చేస్తేగానీ ఈ చిత్రం సేఫ్‌జోన్‌లోకి వెల్లదు. ఈ చిత్రం విడుదలే ఇప్పటికే పది రోజులు దాటింటి. పైగా తొలి రోజు నుంచే నెగెటివ్‌ టాక్‌. కాబట్టి ఇక ఈ సినిమా థియేటర్లలోనుంచి తీసేసే చాన్స్‌ ఎక్కువగా ఉంది. ఓవరాల్‌గా చూస్తే ఈ చిత్రానికి రూ.50 కోట్ల నష్టం ఖాయమని ఇండస్ట్రీ వర్గాలు చెబుతున్నాయి.  భారీ ధరకు ఓటీటీ రైట్స్‌ ఏకే ఎంటర్‌టైన్‌మెంట్స్‌ బ్యానర్‌పై అనిల్‌ సుంకర్‌ నిర్మించిన ఈ చిత్రం కోసం పలు ఓటీటీ సంస్థలు పోటీ పడ్డాయట. కానీ చివరకు నెట్‌ఫిక్స్‌ ఓటీటీ రైట్స్‌ని దక్కించుకుంది. అది కూడా రూ. 30 కోట్లకు. అయితే ఇదంతా సినిమా రిలీజ్‌కు ముందు జరిగింది. మెగాస్టార్‌ గత చిత్రం వాల్తేరు వీరయ్య ఓటీటీ రైట్స్‌ కూడా ఈ సంస్థే దక్కించుకుంది. దానికి మంచి రిజల్ట్‌ రావడంతో.. భోళా శంకర్‌కి భారీ ధర చెల్లించి, ఓటీటీ హక్కులను కొనుగోలు చేసింది. అయితే సినిమా విడుదల తర్వాత ఫలితంగా దారుణంగా రావడంతో ఆ ఎఫెక్ట్‌  ఓటీటీపై కూడా ఉంటుందని సినీ విశ్లేషకులు అభిప్రాయపడుతున్నారు. మరి ఓటీటీ ప్రేక్షకులు ఈ చిత్రాన్ని ఏమేరకు ఆదరిస్తారో చూడాలి.  ఓటీటీలో స్ట్రీమింగ్‌ ఎప్పుడు? సాధారణంగా ఏ చిత్రమైనా భారీ విజయం సాధిస్తే.. ఓటీటీలో కాస్త లేట్‌గా స్ట్రీమింగ్‌ అవుతాయి. మొదట ఫలానా డేట్‌కి స్ట్రీమింగ్‌ చేయాలని ఒప్పందం కుదుర్చుకున్నా.. సినిమా ఫలితాన్ని బట్టి వాయిదా వేస్తారు. అదే డిజాస్టర్‌ టాక్‌ వస్తే మాత్రం అనుకున్నదానికంటే ముందే ఓటీటీలోకి వచ్చేస్తుంది. భోళా శంకర్‌ విషయంలోనూ అదే జరగబోతున్నట్లు తెలుస్తోంది. ఈ చిత్రం విడుదలైన 8 వారాల తర్వాత ఓటీటీలో స్ట్రీమింగ్‌ చేయాలని తొలుత భావించారట. కానీ టాక్ దారుణంగా రావడంతో అనుకున్నదాని కంటే ముందే ఈ చిత్రాన్ని ఓటీటీలో విడుదల చేస్తున్నారట. సెప్టెంబర్‌ 18న నుంచి నెప్ట్‌ఫ్లిక్స్‌లో ఈ చిత్రం స్క్రీమింగ్‌ కాబోతున్నట్లు సమాచారం. అయితే ఈ విషయంపై అధికారిక ప్రకటన రావాల్సింది. 

టాలీవుడ్ డైరెక్టర్‌ మెహర్‌ రమేశ్‌కు సాలిడ్ హిట్ కొట్టేందుకు పదేళ్లుగా వెయిట్ చేస్తున్నారు. అదే ఉత్సాహంతో ఇటీవలే మెగాస్టార్ చిరంజీవితో తెరకెక్కించిన భోళాశంకర్‌ చిత్రం తెరకెక్కించారు. కానీ ఈ మూవీ అనుకన్నంత స్థాయిలో బాక్సాఫీస్ వద్ద ప్రేక్షకులను మెప్పించలేకపోయింది. దీంతో ఈ చిత్రంపైనే భారీ ఆశలు పెట్టుకున్న మెహర్ రమేశ్‌కు తీవ్ర నిరాశను కలిగించింది. ఫ్లాపులకు కేరాఫ్ అడ్రస్ మెహర్ రమేశ్ అంటూ నెటిజన్స్ దారుణంగా ట్రోల్స్ కూడా చేస్తున్నారు. ఈ నేపథ్యంలో ఆయన దర్శకత్వం వహించిన సినిమాలేన్ని? అందులో హిట్‌ అయిన సినిమాలు ఏవీ? ఫ్లాప్స్ అయినా చిత్రాలేవీ? తెలుసుకోవాలంటే ఓ లుక్కేయండి.  (ఇది చదవండి: మెహర్ రమేశ్.. కమెడియన్‌గా నటించాడని మీకు తెలుసా?) మెహర్ రమేశ్ పేరు చెప్పగానే అందరికీ 'శక్తి', బిల్లా, 'కంత్రి', 'షాడో' ఇప్పుడు 'భోళా శంకర్' ఇలా  అట్టర్ ఫ్లాప్ సినిమాలే గుర్తొస్తాయి. కానీ తొలిసారి నటుడిగానే ఇండస్ట్రీలో అడుగుపెట్టారాయన. మొదట 2002లో నటుడిగా మహేశ్‌బాబు 'బాబీ' మూవీలో కమెడియన్‌గా ఎంట్రీ ఇచ్చారు మెహర్ రమేశ్. ఆ తర్వాత పూరీ జగన్నాథ్ దగ్గర అసిస్టెంట్‌ డైరెక్టర్‌గా పనిచేశారు. అనంతరం 'ఆంధ్రావాలా' కన్నడ రీమేక్ 'వీర కన్నడిగ' తీసే అవకాశం మెహర్ రమేశ్‌కు వచ్చింది. అలా ఆ చిత్రం  ద్వారా బ్లాక్‌బస్టర్ హిట్ అందుకున్నాడు.  అదే ఊపులో  'ఒక్కడు' చిత్రాన్ని కన్నడలో 'అజయ్'గా రీమేక్ చేసి మరో సూపర్ హిట్ సొంతం చేసుకు‍న్నాడు. దీంతో కన్నడలో తెరకెక్కించిన రెండు చిత్రాలు బ్లాక్ బస్టర్‌గా నిలిచాయి. దీంతో అదే ఉత్సాహంతో తెలుగులోనూ అగ్ర హీరోలతో మెహర్ రమేశ్ చిత్రాలను తెరకెక్కించారు.  ఎన్టీఆర్‌తో కంత్రి  దీంతో మెహర్ రమేశ్‌ మరో హిట్ కొట్టాలనే ఉత్సాహంతో 2008లో జూనియర్ ఎన్టీఆర్‌తో తెరకెక్కించిన కంత్రి సినిమా బాక్సాఫీస్ వద్ద మెప్పించలేకపోయింది. ఈ చిత్రంలో హన్సిక , తనీషా  హీరోయిన్లుగా నటించారు. ప్రకాష్ రాజ్, ఆశిష్ విద్యార్థి, ముఖేష్ రిషి, సయాజీ షిండే, కోట శ్రీనివాస రావు, వేణు మాధవ్, సునీల్, బ్రహ్మానందం, సుబ్బరాజు, అలీ ప్రధాన పాత్రల్లో నటించారు.   ప్రభాస్‌తో బిల్లా  అయితే ఆ తర్వాత మెహర్ రమేశ్.. యంగ్ రెబల్‌ స్టార్‌తో హిట్ కొట్టాలన్న తన కోరిక నెరవేర్చుకున్నాడు. ప్రభాస్ హీరోగా తెరకెక్కించిన బిల్లా బాక్సాఫీస్ వద్ద పాజిటివ్‌ టాక్‌ను సొంతం చేసుకుంది. అయితే బ్లాక్ బస్టర్‌ హిట్ మాత్రం కాలేకపోయింది. 2009లో రిలీజైన ఈ చిత్రం అనుష్క, హన్సిక హీరోయిన్లుగా నటించారు. ఈ చిత్రంలో కృష్ణంరాజు, నమిత, జయసుధ తదితరులు నటించగా.. మణిశర్మ సంగీతం అందించాడు. జూనియర్ ఎన్టీఆర్‌తో శక్తి అయితే మళ్లీ జూనియర్‌ ఎన్టీఆర్‌తో జతకట్టిన మెహర్ రమేశ్‌.. శక్తి పేరుతో చిత్రాన్ని తెరకెక్కించారు. 2011 ఏప్రిల్ 1న రిలీజైన ఈ మూవీ బాక్సాఫీస్ వద్ద అభిమానులను మెప్పించలేకపోయింది. అత్యంత భారీ బడ్జెట్‌తో తెరకెక్కించిన ఈ చిత్రం అప్పట్లో ఫ్లాప్‌ టాక్‌ను సొంతం చేసుకుంది. ఈ చిత్రం నిర్మాతలకు భారీ నష్టాలు తెచ్చిపెట్టింది. (ఇది చదవండి: మీరు ఇలా అర్థం చేసుకున్నారా? : నెటిజన్స్‌కు మరో షాకిచ్చిన అనసూయ) వెంకటేశ్‌తో షాడో శక్తి ఫ్లాప్‌ తర్వాత  మెహర్ రమేశ్.. విక్టరీ వెంకటేశ్‌తో జతకట్టాడు. అయితే చిత్రం కూడా బాక్సాఫీస్ వద్ద తీవ్రంగా నిరాశపర్చింది. 2013లో థియేటర్లలో రిలీజైన ఈ చిత్రంలో శ్రీకాంత్, తాప్సీ, మధురిమ ప్రధానపాత్రల్లో నటించారు. ఈ చిత్రానికి తమన్ సంగీతమందించారు.  చిరంజీవితో భోళాశంకర్ అయితే మొదట పరభాషలో సక్సెస్ అందుకున్న మెహర్ రమేశ్.. తెలుగులో మాత్రం ఒక్క బ్లాక్ బస్టర్ హిట్ కొట్టలేకపోయాడు. ఆయన ‍అగ్ర హీరోలతో చేసిన ఐదు సినిమాలు బాక్సాఫీస్‌ వద్ద బోల్తా కొట్టేశాయి. దాదాపు పదేళ్ల తర్వాత మెగాస్టార్‌తో తెరెకెక్కించిన భోళాశంకర్ సైతం ఫ్లాప్‌గా నిలవడంతో సోషల్ మీడియా ట్రోల్స్‌కు గురయ్యాడు మెహర్ రమేశ్.   

స్టార్‌ హీరో సినిమా వస్తుందంటే చాలు కళ్లలో వత్తులు వేసుకుని మరీ ఎదురుచూస్తుంటారు అభిమానులు. రిలీజైన రోజు వారు చేసే సందడి గురించి ప్రత్యేకంగా చెప్పాల్సిన పని లేదు. థియేటర్‌ లోపల, బయట, వీధుల్లో, సోషల్‌ మీడియాలో చేసే హంగామా ఓ రేంజ్‌లో ఉంటుంది. సినిమా హిట్టయితే ఈ సంబరాలు రెట్టింపవుతాయి. కానీ ఫ్లాప్‌ అయితే.. అప్పుడు మొదలవుతుంది అసలు బాధ!సినిమా కోసం పనిచేసిన అందరినీ ఏకధాటిగా తిట్టిపోస్తుంటారు. ఏమాత్రం తేడా కొట్టినా.. చిరంజీవి విషయంలోనూ అదే జరిగింది. మెగాస్టార్‌ ఈ మధ్య ఎక్కువగా రీమేక్‌ల మీద మనసు పారేసుకుంటున్నాడు. మాతృకలో హిట్టయింది కదా అని ఇక్కడ కూడా అదే టాక్‌ వస్తుందనుకుంటే తప్పులో కాలేసినట్లే! మనవాళ్ల టేస్ట్‌కు, అంచనాలకు తగ్గట్లుగా తీస్తేనే సినిమా బాక్సాఫీస్‌ వద్ద నెట్టుకొస్తుంది. లేదంటే కొద్ది రోజుల్లోనే థియేటర్‌ నుంచి బొమ్మ కనిపించకుండా పోవడం ఖాయం! అదనంగా ట్రోలింగ్‌ ఒకటి! భోళా శంకర్‌పై విపరీతమైన ట్రోలింగ్‌ ఇటీవల రిలీజైన చిరంజీవి భోళా శంకర్‌ సినిమా ప్రేక్షకులకు ఏమాత్రం నచ్చలేదు. ఈ మూవీ కనీస వసూళ్లు రాబట్టడం కూడా గగనమైపోయింది. ఫలితంగా భోళా శంకర్‌ డిజాస్టర్‌గా నిలిచింది. దీంతో మెగా ఫ్యాన్స్‌ నిరాశచెందారు. డైరెక్టర్‌ మెహర్‌ రమేశ్‌ను ఓ ఆటాడుకున్నారు. కొన్ని సీన్ల గురించి విపరీతమైన ట్రోలింగ్‌ జరిగింది. ఈ క్రమంలో చిరు నెక్స్ట్‌ మూవీ ఎవరితో అన్న చర్చ నడుస్తోంది. లైన్‌లో నలుగురు డైరెక్టర్స్‌? యూవీ క్రియేషన్స్‌ బ్యానర్‌లో బింబిసార డైరెక్టర్‌ వశిష్టతో ఓ సినిమా చేయనున్నట్లు ప్రచారం జరుగుతోంది. అలాగే బంగార్రాజు డైరెక్టర్‌ కల్యాణ్‌ కృష్ణతోనూ సినిమా చేసేందుకు సిద్ధమయ్యాడని, దీన్ని మెగా డాటర్‌ సుష్మిత కొణిదెల నిర్మించనుందంటూ ఓ వార్త వైరలవుతోంది. అంతేకాదు.. ఏఆర్‌ మురుగదాస్‌ లేదా వివి వినాయక్‌తోనూ సినిమా ఉండబోతుందని ప్రచారాలు ఊపందుకున్నాయి. మరి చిరంజీవి ఈ నలుగురిలో నెక్స్ట్‌ మూవీ ఛాన్స్‌ ఎవరికిస్తాడు? బర్త్‌డే(ఆగస్టు 22) రోజు తన నెక్స్ట్‌ సినిమా అప్‌డేట్‌ వదులుతాడా? లేదా? అని ఫ్యాన్స్‌ ఎదురుచూస్తున్నారు. ఈసారైనా రీమేక్‌లు పక్కనపెట్టి ఒరిజినల్‌ స్టోరీ చేస్తే బాగుంటుందని హితబోధ చేస్తున్నారు. చదవండి: షారుక్‌ కోసం ఆ పని చేసేందుకు సిద్ధమైన నయనతార.. రూల్‌ పక్కన పెట్టేసి మరీ..

మెగాస్టార్ చిరంజీవి నటించిన 'భోళా శంకర్' విడుదలైన మొదటి షో నుంచే డివైడ్‌ టాక్‌ తెచ్చుకుంది. స్టోరీ, సాంగ్స్, సీన్స్.. ఇలా ఏ విషయంలోనూ ప్రేక్షకుల్ని ఆకట్టుకోలేకపోయింది. దీంతో కలెక్షన్స్ కూడా ఘోరంగా వచ్చాయి. ఒకరకంగా నిర్మాత నుంచి బయర్స్‌ వరకు నష్టం వచ్చినట్లేనని టాక్‌ నడుస్తోంది. ఇదే విషయాన్ని గ్రహించిన చిరంజీవి తన రెమ్యునరేషన్‌ నుంచి కొంతమొత్తాన్ని నిర్మాతకు తిరిగిచ్చేశాడని ఇండస్ట్రీలో ప్రచారం జరుగుతుంది. చిరంజీవి- అనిల్‌ సుంకర మధ్య రెమ్యునరేషన్‌ విషయంలో గొడవలు వచ్చాయని ఈ మధ్య బాగా వైరల్‌ అయింది. దీంతో అనిల్‌ రంగంలోకి దిగి ఇందులో నిజం లేదని ఈ పుకార్లకు ఫుల్‌స్టాప్‌ పెట్టేశాడు. (ఇదీ చదవండి: Bigg Boss Telugu 7: బిగ్‌బాస్‌లో గ్లామర్‌ డోస్‌ పెంచేందుకు హాట్‌ బ్యూటీస్‌ ఎంట్రీ ) ఈ ఏడాది సంక్రాంతికి వచ్చిన వాల్తేరు వీరయ్య సినిమాకు చిరంజీవి రూ.50 కోట్లు రెమ్యునరేషన్‌ తీసుకున్నారని అప్పట్లో ప్రచారం జరిగింది. ఆ సినిమా భారీ హిట్ అందుకుంది. మంచి కలెక్షన్స్‌ కూడా వచ్చాయి. దీంతో 'భోళా శంకర్' కు ఆయన రూ. 60 కోట్లు తీసుకున్నాడని టాక్‌ నడిచింది. ఇందుకు సంబంధించిన రెమ్యునరేషన్‌ను సినిమా నిర్మాతలు షూటింగ్ సమయంలోనే చిరుకు రూ. 50 కోట్లు ఇచ్చేశారట. మిగతా రూ. 10 కోట్లు మెగస్టార్‌కు చెక్ రూపంలో ఇచ్చారట. (ఇదీ చదవండి: శ్రీహరి కట్టిన తాళి మాత్రమే మిగిలింది.. ప్రస్తుతం మా పరిస్థితి ఇదే: డిస్కో శాంతి) కానీ ఆ చెక్‌ను సినిమా విడుదల తర్వాత బ్యాంక్‌కు పంపాలని చిరంజీవి భావించారట. భోళా శంకర్ రిలీజ్ అయిన వెంటనే సినిమా రిజల్ట్‌ తెలుసుకున్న మెగాస్టార్‌.. ఆ చెక్‌ను డిపాజిట్‌ చేయకుండా అలానే ఉంచారట. తనను నమ్ముకుని సినిమా తీసిన నిర్మాత పరిస్థితిని అర్థం చేసుకుని ఆ చెక్‌ను అనిల్‌ సుంకరకు రీసెంట్‌గా తిరిగి ఇచ్చేశారని తెలుస్తోంది. గతంలో కూడా తన సినిమాల వల్ల నష్టపోయిన నిర్మాతలకు చిరంజీవి ​ఏదో రూపంలో సాయం చేశారని పలువురు నెటిజన్లు గుర్తుచేస్తున్నారు. అందుకే ఆయన మెగాస్టార్‌ అయ్యాడని చెబుతున్నారు. చిరంజీవి తమకు  ఎప్పుడూ అండగానే ఉన్నారని నిన్ననే నిర్మాత అనిల్‌ సుంకర ట్వీట్‌ చేసిన విషయం తెలిసిందే.

మెగాస్టార్ చిరంజీవి 'భోళా శంకర్' గత శుక్రవారం థియేటర్లలోకి వచ్చింది. స్టోరీ, సాంగ్స్, సీన్స్.. ఇలా ఏ విషయంలోనూ ప్రేక్షకుల్ని ఆకట్టుకోలేకపోయింది. దీంతో కలెక్షన్స్ కూడా ఘోరంగా వచ్చాయి. ఇవన్నీ పక్కనబెడితే చిరు-నిర్మాత అనిల్ సుంకర మధ్య రెమ్యునరేషన్ విషయంలో గొడవ జరిగిందని, అనిల్ తన ఆస్తుల్ని తాకట్టు పెట్టారని ఇలా చాలా మాట్లాడుకున్నారు. ఇప్పుడు వాటన్నింటిపై స్వయంగా నిర్మాత ట్వీట్ పెట్టి క్లారిటీ ఇచ్చారు.   అది అబద్ధం 'రూమర్స్ అనేది కొందరికి అదో రకమైన ఆనందాన్ని ఇవ్వొచ్చు. కానీ ఏళ్లుగా కష్టపడి సంపాదించిన వ్యక్తుల పేరుని దెబ్బతీయడం మాత్రం సహించరాని నేరం. ఇది మా అందరి కుటుంబాల్లోనూ విపరీతమైన ఒత్తిడి, ఆందోళన పెంచేలా చేసింది. చిరంజీవి గారు- నా మధ్య మనస్పర్థలు వచ్చాయనేది పూర్తిగా అబద్ధం. ఆయన ఎప్పుడూ అండగానే ఉన్నారు' (ఇదీ చదవండి: పెళ్లి చేసుకోబోతున్న రానా తమ్ముడు! అమ్మాయి ఎవరంటే?) బలంగా తిరిగొస్తా 'అలానే నాతో ఆయన(చిరంజీవి) ఇప్పటికీ మంచిగానే ఉన్నారు. కావాలనే మా ఇద్దరిపై నెగిటివిటీ స్ప్రెడ్ చేయొద్దు. ఫేక్ న్యూస్ అనేది కొందరికీ ఆనందాన్ని ఇవ్వొచ్చు. కానీ అలా చేసిన ప్రతిఒక్కరినీ అదే చిక్కుల్లో పడేయొచ్చు. నా పరిస్థితిపై ఆందోళన వ్యక్తం చేసిన ఇండస్ట్రీలోని శ్రేయోభిలాషులకు థ‍్యాంక్స్. వారి అందరి ఆశీస్సులతో బలంగా తిరిగి వస్తానని అనుకుంటున్నాను' అని నిర్మాత అనిల్ సుంకర ట్వీట్ చేశారు. వరుస షాకులు అయితే నిర్మాత అనిల్ సుంకర పరిస్థితి ప్రస్తుతం ఘోరంగా ఉంది. ఎందుకంటే ఏప్రిల్ చివరలో 'ఏజెంట్' మూవీతో కోట్ల రూపాయలు నష్టపోయారు. ఇప్పుడు 'భోళా శంకర్'తోనూ అలాంటి నష్టమే జరిగింది. ఇలా ఇద్దరు స్టార్ హీరోల మూవీస్‌తో నష్టపోవడం మాటేమో గానీ విమర్శలు, ఫేక్ న్యూసులు ఆయన్ని మరింత ఇబ్బందికి గురిచేసినట్లు తాజా ట్వీట్ చూస్తే అర్థమవుతుంది. Rumors may satisfy the cruel fun of some people, but tarnishing the image built on hardwork for ages is an unacceptable crime. It also gives immense pressure and anxiety to all the families involved. The news spread about the dispute between me and chiranjeevi garu is pure trash.… — Anil Sunkara (@AnilSunkara1) August 17, 2023 (ఇదీ చదవండి: మహేశ్ ఇంట్లో విషాదం.. సితార ఎమోషనల్!)

మెగాస్టార్ చిరంజీవి ఈ మధ్యే 'భోళా శంకర్' సినిమాతో ప్రేక్షకుల ముందుకొచ్చారు. సాధారణ ప్రేక్షకులకే కాదు మెగా ఫ్యాన్స్‌కి కూడా ఇది నచ్చలేదు. దీంతో చిరుతో పాటు దర్శకుడు మెహర్ రమేశ్‌పైనా విమర్శలు చేస్తూనే ఉన్నారు. ఇప్పుడు టాలీవుడ్ దర్శక నిర్మాత తమ్మారెడ్డి భరద్వాజ.. చిరు రీమేక్స్‌పై కౌంటర్స్ వేశారు. ప్రస్తుతం ఈ కామెంట్స్ వైరల్ అవుతున్నాయి. సినిమా వ్యాపారమైంది 'అప్పట్లో సినిమా ఇండస్ట్రీలోకి వచ్చిన వాళ్లకు పని తప్ప మరో ఆలోచన ఉండేది కాదు. ఇప్పటికీ అలాంటి వాళ్లు ఉన్నప్పటికీ.. దాన్ని వ్యాపారంగా చూసేవాళ్లు ఎక్కువైపోయారు. కథ చెప్పమని అడిగితే అప్పట్లో రైటర్స్ సూటిగా సుత్తిలేకుండా చెప్పేవారు. ఇప్పుడేమో 'ఓపెన్ చేస్తే' అని ఎలివేషన్స్ ఇస్తున్నారు. రైటర్స్ డైరెక్టర్స్ కావడం దీనికి కారణమై ఉండొచ్చు. ప్రేక్షకులకు పనికొచ్చే అంశం, అది కూడా నేచురల్‌గా ఉండాలి. ఇది పక్కనబెట్టి ఏదో చేస్తే సినిమాలు ఆడవు.' (ఇదీ చదవండి: చెల్లెలిగా కీర్తి సురేశ్.. చిరు-రజనీ ఇద్దరూ బలైపోయారు!) చిరు అలా చేయాలి 'ఎన్టీఆర్, ఏఎన్నాఆర్, కృష్ణ, చిరంజీవి.. ఇలా హీరోలందరూ కెరీర్ మొదట్లో మెథడ్ యాక్టింగ్ చేసినట్లు ఉంటుంది. చిరునే తీసుకోండి. శుభలేఖ, స్వయంకృషి, రుద్రవీణ, విజేత లాంటి సినిమాలకే అద్భుతమైన రెస్పాన్స్ దక్కింది. అమిర్ 'దంగల్' లాంటి సినిమా చిరంజీవి చేసినా జనాలు చూస్తారు. భోళా శంకర్, గాడ్ ఫాదర్ లాంటివి చేసి డిసప్పాయింట్ కావడం కంటే నేచురల్ మూవీస్ చేస్తే బెటర్ అని నా అభిప్రాయం' చెప్పాలని ప్రయత్నించా 'అయితే ఇదే విషయాన్ని చిరంజీవితోనూ చెబుదామని ప్రయత్నించాను. కానీ ఎందుకో కుదరలేదు. ఒకప్పటి సినిమాల్లో చిరంజీవిని చూస్తే మన ఇంట్లో మనిషిలా కనిపించేవారు. ఇప్పుడు ఆ చిరంజీవి మళ్లీ కనిపిస్తే చూడాలని ఉంది. అలానే సినిమాలు ఆడుతాయి  అనేది నా నమ్మకం' అని దర్శకనిర్మాత తమ్మారెడ్డి భరద్వాజ చెప్పుకొచ్చారు. ఈయనే కాదు చాలామంది అభిమానులు కూడా ఇదే అభిప్రాయం వ్యక్తం చేస్తున్నారు. మరి చిరు రాబోయే సినిమాల విషయంలో ఏం చేస్తారో చూడాలి? (ఇదీ చదవండి: సర్జరీ.. చిరంజీవి ఆరోగ్యపరిస్థితి ఇప్పుడెలా ఉందంటే?)