భారత దిగ్గజ స్పిన్నర్‌ అనిల్‌ కుంబ్లే, తన సతీమణి చేతనతో కలిసి ప్ర‌యాగ్‌రాజ్‌లోని త్రివేణి సంగ‌మంలో పుణ్య స్నానం చేశారు. మాఘ పౌర్ణ‌మి సంద‌ర్భంగా కుంబ్లే దంపతులు మహాకుంభ్‌ మేళాలో పాల్గొన్నారు. అమృత స్నానం ఆచరిస్తున్న దృశ్యంతో పాటు పౌర్ణ‌మి చంద్రుడి ఫోటోను, బోటులో భార్య చేతనతో తీసుకున్న సెల్ఫీని కుంబ్లే ఎక్స్‌లో పోస్ట్‌ చేశాడు. ఇందుకు బ్లెస్డ్‌ అని క్యాప్షన్‌ పెట్టి, మహాకుంభ్‌, ప్రయాగ్‌రాజ్‌ హ్యాష్‌ట్యాగ్‌లను జోడించాడు.Blessed 🙏🏽#MahaKumbh #Prayagraj pic.twitter.com/OFY6T3yF5F— Anil Kumble (@anilkumble1074) February 12, 2025కాగా, బుధవారం మాఘ పౌర్ణ‌మి కావడంతో మ‌హాకుంభ్‌కు జ‌నం పోటెత్తారు. నిన్న ఒక్క రోజే రెండు కోట్ల మందికిపైగా పుణ్య స్నానం చేసినట్లు అధికారులు తెలిపారు. మహాకుంభ్‌ను నిన్నటి వరకు దాదాపుగా 50 కోట్ల మంది దర్శించుకున్నట్లు ఉత్తర్‌ప్రదేశ్‌ డీజీపీ పేర్కొన్నారు. మహాకుంభ్‌కు లెక్కలేని సంఖ్యలో జనం పోటెత్తుతుండటంతో భారీగా ట్రాఫిక్‌ జామ్‌ అవుతుంది. దీంతో ప్రయాగ్‌రాజ్‌లోకి వాహ‌నాల అనుమతిని నిషేధించారు. ఎక్కడో ఉన్న పార్కింగ్ స్థ‌లం నుంచి ఘాట్ల వ‌ర‌కు జ‌నం న‌డిచి వెళ్తున్నారు.అనిల్‌ కుంబ్లే విషయానికొస్తే.. 54 ఏళ్ల ఈ దిగ్గజ స్పిన్నర్‌ భారత్‌ తరఫున 132 టెస్ట్‌లు, 271 వన్డేలు ఆడాడు. టెస్ట్‌ల్లో భారత్‌ తరఫున అత్యధిక వికెట్లు తీసింది కుంబ్లేనే. టెస్ట్‌లు, వన్డేల్లో కలుపుకుని కుంబ్లే దాదాపుగా 1000 వికెట్లు తీశాడు. కుంబ్లేకు ఐపీఎల్‌లో కూడా ప్రవేశముంది. కుంబ్లే ఆర్సీబీ తరఫున 2008-10 మధ్యలో 42 మ్యాచ్‌లు ఆడి 45 వికెట్లు పడగొట్టాడు. ఆటగాడిగా రిటైరైన అనంతరం కుంబ్లే టీమిండియా ప్రధాన కోచ్‌గా వ్యవహరించాడు. కుంబ్లే ఆథ్వర్యంలో టీమిండియా చారిత్రక విజయాలు సాధించింది. కుంబ్లే ప్రస్తుతం వ్యాఖ్యాతగా వ్యవహరిస్తున్నాడు.

ఆస్ట్రేలియాతో బాక్సింగ్‌ డే టెస్టులో టీమిండియా పేసర్‌ జస్‌ప్రీత్‌ బుమ్రా(Jasprit Bumrah) అద్భుత ప్రదర్శనతో ఆకట్టుకున్నాడు. మూడు కీలక వికెట్లు తీసి.. ఆది నుంచే దూకుడు ప్రదర్శించిన కంగారూలను కట్టడి చేశాడు. ఈ క్రమంలో మెల్‌బోర్న్‌ క్రికెట్‌ గ్రౌండ్‌(ఎంసీజీ)లో బుమ్రా ఓ అరుదైన ఘనత సాధించాడు. భారత దిగ్గజ స్పిన్నర్‌ అనిల్‌ కుంబ్లే పేరిట ఉన్న రికార్డును బద్దలు కొట్టి సరికొత్త చరిత్ర సృష్టించాడు.బోర్డర్‌- గావస్కర్‌ ట్రోఫీ(Border Gavaskar Trophy)లో భాగంగా టీమిండియా ప్రస్తుతం ఆస్ట్రేలియాలో పర్యటిస్తున్న విషయం తెలిసిందే. ఈ క్రమంలో ఇరుజట్ల మధ్య పెర్త్‌లో భారత్‌ విజయం సాధించగా.. అడిలైడ్‌ పింక్‌ బాల్‌ టెస్టులో ఆసీస్‌ గెలుపొందింది. ఇక బ్రిస్బేన్‌లోని గబ్బాలో జరిగిన మూడో టెస్టు వర్షం వల్ల ‘డ్రా’ కావడంతో ఇరుజట్లు 1-1తో సమంగా ఉన్నాయి.టాపార్డర్‌ హిట్‌ఈ నేపథ్యంలో ఎంసీజీ వేదికగా గురువారం నాలుగో టెస్టు మొదలైంది. టాస్‌ గెలిచిన ఆతిథ్య జట్టు తొలుత బ్యాటింగ్‌ ఎంచుకోగా.. టాపార్డర్‌ అద్భుత ఆట తీరుతో ఆకట్టుకుంది. ఓపెనర్లు సామ్‌ కొన్‌స్టాస్‌(60), ఉస్మాన్‌ ఖవాజా(57).. వన్‌డౌన్‌ బ్యాటర్‌ మార్నస్‌ లబుషేన్‌(72) అర్ధ శతకాలతో మెరిశారు.బుమ్రా మ్యాజిక్‌ వల్లమిడిలార్డర్‌లో స్టీవ్‌ స్మిత్‌(68 నాటౌట్‌) కూడా హాఫ్‌ సెంచరీ చేయడంతో ఆసీస్‌ పటిష్ట స్థితిలో నిలిచింది. అయితే, డేంజరస్‌ బ్యాటర్‌ ట్రవిస్‌ హెడ్‌(0), ఆల్‌రౌండర్‌ మిచెల్‌ మార్ష్‌(4)లను బుమ్రా త్వరత్వరగా పెవిలియన్‌కు పంపడంతో కనీసం తొలి రోజు ఆఖరి సెషన్‌లోనైనా భారత జట్టుకు కాస్త ఊరట దక్కింది. వీరిద్దరితో పాటు ఉస్మాన్‌ ఖవాజా వికెట్‌ను కూడా బుమ్రా తన ఖాతాలో వేసుకున్నాడు.ఇక మెల్‌బోర్న్‌ టెస్టులో మొదటి రోజు ఆట సందర్భంగా మొత్తంగా మూడు వికెట్లు తీసిన బుమ్రా.. ఎంసీజీలో భారత్‌ తరఫున అత్యధిక వికెట్లు తీసిన బౌలర్‌గా నిలిచాడు. ఇప్పటి వరకు ఈ ప్రసిద్ధ మైదానంలో బుమ్రా మూడు మ్యాచ్‌లు(ఐదు ఇన్నింగ్స్‌) ఆడి మొత్తంగా 18 వికెట్లు తీశాడు. అంతకు ముందు అనిల్‌ కుంబ్లే మూడు మ్యాచ్‌లు(ఆరు ఇన్నింగ్స్‌) ఆడి పదిహేను వికెట్లు తన ఖాతాలో వేసుకున్నాడు.మెల్‌బోర్న్‌లో టెస్టుల్లో అత్యధిక వికెట్లు తీసిన భారత బౌలర్లు1. జస్‌ప్రీత్‌ బుమ్రా(పేసర్‌)- మూడు మ్యాచ్‌లు- ఐదు ఇన్నింగ్స్‌- 18 వికెట్లు2. అనిల్‌ కుంబ్లే(స్పిన్నర్‌)- మూడు మ్యాచ్‌లు- ఆరు ఇన్నింగ్స్‌- 15 వికెట్లు3. రవిచంద్రన్‌ అశ్విన్‌(స్పిన్నర్‌)- మూడు మ్యాచ్‌లు- ఆరు ఇన్నింగ్స్‌- 14 వికెట్లు4. కపిల్‌ దేవ్‌(పేసర్‌)- మూడు మ్యాచ్‌లు- ఆరు ఇన్నింగ్స్‌- 14 వికెట్లు5. ఉమేశ్‌ యాదవ్‌(పేసర్‌)- మూడు మ్యాచ్‌లు- ఆరు ఇన్నింగ్స్‌- 13 వికెట్లుతొలిరోజు ఆసీస్‌దేబాక్సింగ్‌ డే టెస్టు((Boxing Day Test))లో గురువారం నాటి మొదటి రోజు ఆట పూర్తయ్యేసరికి ఆస్ట్రేలియా పటిష్ట స్థితిలో నిలిచింది. 86 ఓవర్లలో ఆరు వికెట్ల నష్టానికి 311 పరుగులు చేసింది. భారత బౌలర్లలో బుమ్రా మూడు, ఆకాశ్‌ దీప్‌, రవీంద్ర జడేజా, వాషింగ్టన్‌ సుందర్‌ ఒక్కో వికెట్‌ పడగొట్టారు.చదవండి: #Virat Kohli: యువ క్రికెటర్‌తో గొడవ.. విరాట్‌ కోహ్లికి ఐసీసీ భారీ షాక్ BUMRAH SEED TO GET HEAD FOR A DUCK!#AUSvIND | #DeliveredWithSpeed | @nbn_australia pic.twitter.com/ZlpIVFca5O— cricket.com.au (@cricketcomau) December 26, 2024

ఆస్ట్రేలియాతో మూడో టెస్టులో భారత ప్రధాన పేసర్‌ జస్‌ప్రీత్‌ బుమ్రా ఐదు వికెట్లతో మెరిశాడు. బ్రిస్బేన్‌లో పేస్‌ దళాన్ని ముందుకు నడిపించిన ఈ స్పీడ్‌స్టర్‌.. ఆదివారం నాటి ఆటలో ఓపెనర్‌ ఉస్మాన్‌ ఖవాజా(21)ను అవుట్‌ చేసి బ్రేక్‌ ఇచ్చాడు. ఆ తర్వాత మరో ఓపెనర్‌ నాథన్‌ మెక్‌స్వీనీ(9)ని కూడా తానే పెవిలియన్‌కు పంపాడు.ఆ ఇద్దరి సెంచరీలుఈ క్రమంలో బుమ్రా స్ఫూర్తితో యువ పేస్‌ ఆల్‌రౌండర్‌ నితీశ్‌ కుమార్‌ రెడ్డి మార్నస్‌ లబుషేన్‌(12) ఆట కట్టించాడు. ఫలితంగా 75 పరుగుల వద్ద ఆసీస్‌ మూడో వికెట్‌ కోల్పోయింది. దీంతో భారత శిబిరంలో ఉత్సాహం నెలకొంది. అయితే, ఆ ఆనందం ఎక్కువసేపు నిలవలేదు.నాలుగో నంబర్‌ బ్యాటర్‌ స్టీవ్‌ స్మిత్‌కు తోడైన ట్రవిస్‌ హెడ్‌ భారత బౌలర్లపై విరుచుకుపడ్డాడు. కేవలం 115 బంతుల్లోనే వంద పరుగుల మార్కు అందుకున్నాడు. టెస్టుల్లో తన తొమ్మిదవ సెంచరీ నమోదు చేసిన అనంతరం హెడ్‌.. కొరకరాని కొయ్యగా మారాడు. ఈ క్రమంలో.. ఫామ్‌లోలేని స్మిత్‌ సైతం హెడ్‌ ఇచ్చిన జోష్‌లో శతక్కొట్టేశాడు.బుమ్రా విడగొట్టేశాడుఈ మిడిలార్డర్‌ బ్యాటర్లను విడదీసేందుకు భారత బౌలర్లు తీవ్రంగా శ్రమించారు. అయితే, మరోసారి బుమ్రానే తన అనుభవాన్ని ఉపయోగించి స్మిత్‌(101)ను పెవిలియన్‌కు పంపాడు. ఆ తర్వాత కాసేపటికే ఆల్‌రౌండర్‌ మిచెల్‌ మార్ష్‌(5) వికెట్‌ను కూడా బుమ్రా తన ఖాతాలో వేసుకున్నాడు.అనంతరం.. శతకవీరుడు ట్రవిస్‌ హెడ్‌(152)ను కూడా అవుట్‌ చేశాడు బుమ్రా. దీంతో టీమిండియాలో తిరిగి ఉత్సాహం నిండింది. ఇక హెడ్‌ రూపంలో ఈ ఇన్నింగ్స్‌లో ఐదో వికెట్‌ దక్కించుకున్న బుమ్రా. తన కెరీర్‌లో ఓవరాల్‌గా పన్నెండోసారి(Five Wicket Haul) ఈ ఘనత సాధించాడు.Jasprit Bumrah gets Travis Head to bring up his fifth wicket! #AUSvIND | #MilestoneMoment | @nrmainsurance pic.twitter.com/2QGUazarZP— cricket.com.au (@cricketcomau) December 15, 2024అదే విధంగా.. ప్రపంచ టెస్టు చాంపియన్‌షిప్‌(డబ్ల్యూటీసీ)లో అతడికి ఇది తొమ్మిదో ఫైవ్‌ వికెట్‌ హాల్‌. అంతేకాదు.. ఆస్ట్రేలియా గడ్డ మీద నాలుగోసారి బుమ్రా ఈ ఫీట్‌ నమోదు చేశాడు. ఈ క్రమంలో బుమ్రా రెండు అరుదైన రికార్డులు సొంతం చేసుకున్నాడు.కమిన్స్‌ సరసన.. భారత తొలి బౌలర్‌గా రికార్డుడబ్ల్యూటీసీలో అత్యధికసార్లు ఐదు వికెట్ల ప్రదర్శన నమోదు చేసిన క్రికెటర్‌గా ఆసీస్‌ సారథి ప్యాట్‌ కమిన్స్‌ కొనసాగుతున్నాడు. అతడు ఇప్పటికి తొమ్మిదిసార్లు ఈ ఘనత సాధించాడు. తాజా టెస్టుతో బుమ్రా కూడా కమిన్స్‌ సరసన చేరాడు. ఈ జాబితాలో సౌతాఫ్రికా పేసర్‌ కగిసో రబడ(7), ఆసీస్‌ బౌలర్‌ జోష్‌ హాజిల్‌వుడ్‌(6), న్యూజిలాండ్‌ ఫాస్ట్‌బౌలర్‌ టిమ్‌ సౌథీ(6) వీరి తర్వాతి స్థానాలో ఉన్నారు.కుంబ్లే రికార్డును సమం చేసిన బుమ్రాఇక ఆస్ట్రేలియా గడ్డపై నాలుగుసార్లు ఐదు వికెట్ల ప్రదర్శన నమోదు చేసిన భారత బౌలర్‌గా అనిల్‌ కుంబ్లే కొనసాగుతున్నాడు. బ్రిస్బేన్‌ టెస్టుతో బుమ్రా కూడా కుంబ్లే రికార్డును సమం చేశాడు. ఇదిలా ఉంటే.. ఓవరాల్‌గా 23సార్లు కపిల్‌ దేవ్‌ ఫైవ్‌ వికెట్ల హాల్‌ సాధించి అగ్రస్థానంలో కొనసాగుతున్నాడు.ఆసీస్‌దే పైచేయిబ్రిస్బేన్‌లో గబ్బా మైదానంలో జరుగుతున్న మూడో టెస్టులో ఆస్ట్రేలియా టీమిండియాపై పైచేయి సాధించింది. ఆదివారం నాటి రెండో రోజు ఆట పూర్తయ్యే సరికి ఏడు వికెట్ల నష్టానికి 405 పరుగుల మేర భారీ స్కోరు సాధించింది. హెడ్‌, స్మిత్‌ సెంచరీలకు తోడు వికెట్‌ కీపర్‌ అలెక్స్‌ క్యారీ(45 నాటౌట్‌) రాణించడం వల్ల ఇది సాధ్యమైంది. ఇక భారత బౌలర్లలో బుమ్రా ఐదు, నితీశ్‌ రెడ్డి, మహ్మద్‌ సిరాజ్‌ తలా ఒక వికెట్‌ పడగొట్టారు. ఇదిలా ఉంటే.. బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు భారత జట్టు ఆస్ట్రేలియాలో పర్యటిస్తోంది. ఈ క్రమంలో పెర్త్‌ టెస్టులో భారత్‌, అడిలైడ్‌ పింక్‌బాల్‌ టెస్టులో ఆసీస్‌ విజయం సాధించాయి. దీంతో ప్రస్తుతం సిరీస్‌ 1-1తో సమంగా ఉంది.చదవండి: భారత్‌తో మూడో టెస్టు: ట్రవిస్‌ హెడ్‌ వరల్డ్‌ రికార్డు.. సరికొత్త చరిత్ర

టీమిండియా మాజీ హెడ్‌కోచ్‌ రవిశాస్త్రి ప్రస్తుతం ఆస్ట్రేలియాలో ఉన్నాడు. భారత్‌- ఆసీస్‌ మధ్య జరుగుతున్న బోర్డర్‌- గావస్కర్‌ ట్రోఫీ సిరీస్‌కు కామెంటేటర్‌గా ‍వ్యవహరిస్తున్నాడు. ఈ క్రమంలో రవిశాస్త్రికి ఓ ప్రశ్న ఎదురైంది. భారత క్రికెట్‌ జట్టులోని ముగ్గురు అత్యుత్తమ స్పిన్నర్ల పేర్లు చెప్పాలని కోరగా.. రవిశాస్త్రి ఆసక్తికర సమాధానం ఇచ్చాడు.కాగా ప్రస్తుతం టీమిండియా తరఫున టెస్టుల్లో అత్యధిక వికెట్ల వీరుల జాబితాలో రెండో స్థానంలో ఉన్నాడు రవిచంద్రన్‌ అశ్విన్‌. మరోవైపు.. మాజీ ఆఫ్‌ స్పిన్నర్‌ హర్భజన్‌ సింగ్‌ సైతం 103 టెస్టుల్లో 417 వికెట్లు పడగొట్టి లెజెండరీ బౌలర్‌గా పేరు సంపాదించాడు.ఇక అశ్విన్‌తో పాటు జట్టులో ​కొనసాగుతున్న మరో స్పిన్‌ బౌలింగ్‌ ఆల్‌రౌండర్‌ రవీంద్ర జడేజా కూడా 319(77 టెస్టుల్లో) వికెట్లు పడగొట్టి సత్తా చాటుతున్నాడు.అనిల్‌ కుంబ్లే ప్రమాదకారిఅయితే, రవిశాస్త్రి ఈ ముగ్గురిలో ఒక్కరి పేరు కూడా చెప్పకపోవడం విశేషం. తన దృష్టిలో బిషన్‌ సింగ్‌ బేడి, ఎర్రాపల్లి ప్రసన్న, అనిల్‌ కుంబ్లే టీమిండియా అత్యుత్తమ స్పిన్నర్లు అని పేర్కొన్నాడు. ఈ మేరకు ఫాక్స్‌ స్పోర్ట్స్‌ షోలో మాట్లాడుతూ.. ‘‘ఉపఖండ పిచ్‌లపై అనిల్‌ కుంబ్లే ప్రమాదకారి. అత్యంత దూకుడుగా ఉంటాడు. అయితే, కేవలం ఇండియాలోనే కాదు.. ప్రపంచవ్యాప్తంగా సత్తా చాటిన స్పిన్నర్‌. 600కు పైగా టెస్టు వికెట్లు తీయడం అంటే మాటలు కాదు.అతడు బంతితో అద్భుతాలు చేయగలడుఇక ప్రసన్న. అతడి కెరీర్‌ చరమాంకంలో ఉన్నపటి పరిస్థితులను పరిశీలిస్తే.. అతడు జట్టు మేనేజర్‌గా ఆస్ట్రేలియా పర్యటనకు వచ్చాడు. నెట్స్‌లో బౌలింగ్‌ కూడా చేశాడు. అతడు బంతితో అద్భుతాలు చేయగలడు. బాల్‌ను రిలీజ్‌ చేసే విషయంలో ఎప్పుడు ఏం చేయాలో అతడికి బాగా తెలుసు.ఆయన బౌలింగ్‌ యాక్షన్‌ సూపర్‌వీరిద్దరు నా లిస్టులో టాప్‌-3లో ఉంటే.. టాప్‌-1లో బిషన్‌ సింగ్‌ బేడి ఉంటాడు. ఆయన బౌలింగ్‌ యాక్షన్‌ గురించి ఎంత చెప్పినా తక్కువే’’ అని రవిశాస్త్రి పేర్కొన్నాడు. తన అభిప్రాయం ప్రకారం బిషన్‌ బేడి, ప్రసన్న, కుంబ్లే అత్యుత్తమ భారత స్పిన్నర్లు అని పేర్కొన్నాడు. కాగా బిషన్‌ బేడీ తన కెరీర్‌లో 67 టెస్టుల్లో 266 వికెట్లు పడగొట్టగా.. ప్రసన్న 49 టెస్టుల్లో 189 వికెట్లు తీశాడు. మరోవైపు.. కుంబ్లే 132 టెస్టుల్లో 619 వికెట్లు కూల్చి టెస్టుల్లో భారత లీడింగ్‌ వికెట్‌ టేకర్‌గా కొనసాగుతున్నాడు. ఇక 536 వికెట్లతో అశూ రెండోస్థానంలో ఉన్నాడుచదవండి: IPL 2025: ఆర్సీబీ కెప్టెన్‌ అతడే!

ముంబై వేదికగా న్యూజిలాండ్‌తో జరుగుతున్న మూడో టెస్టులో టీమిండియా అదరగొడుతోంది. తొలి రెండు టెస్టుల్లో ఆధిపత్యం కొనసాగించిన కివీస్‌ దూకుడుకు భారత జట్టు కళ్లెం వేసింది. ముంబై టెస్టులో రెండో రోజు ఆటముగిసే సమయానికి న్యూజిలాండ్‌ 9 వికెట్లు కోల్పోయి 171 ప‌రుగులు చేసింది. పర్యాటక జట్టు ప్ర‌స్తుతం కేవ‌లం 143 ప‌రుగుల ఆధిక్యంలో మాత్ర‌మే ఉంది. భారత స్పిన్నర్లు రవీంద్ర జడేజా, అశ్విన్‌ తమ స్పిన్‌ మాయాజాలాన్ని ప్రదర్శించారు. కివీస్‌ సెకెండ్‌ ఇన్నింగ్స్‌లో జడేజా ఇప్పటివరకు 4 వికెట్లు పడగొట్టగా, అశ్విన్‌ 3 కీలక వికెట్లు సాధించారు.అశ్విన్‌ అరుదైన రికార్డు..ఇక 3 వికెట్లతో చెలరేగిన రవిచంద్రన్‌ అశ్విన్‌ ఓ అరుదైన రికార్డును తన పేరిట లిఖించుకున్నాడు. వాంఖడే స్టేడియంలో అత్యధిక వికెట్లు పడగొట్టిన భారత బౌలర్‌గా అశ్విన్‌ రికార్డులకెక్కాడు. అశ్విన్‌ ఇప్పటివరకు ప్రతిష్టాత్మక వాంఖడే స్టేడియంలో 6 టెస్టులు ఆడి 41 వికెట్లు పడగొట్టాడు.ఇంతకుముందు ఈ రికార్డు భారత స్పిన్‌ దిగ్గజం అనిల్‌ కుంబ్లే పేరిట ఉండేది. వాంఖడేలో 7 టెస్టులు ఆడిన కుంబ్లే 38 వికెట్లు పడగొట్టాడు. తాజా మ్యాచ్‌తో కుంబ్లే ఆల్‌టైమ్‌ రికార్డును అశూ బ్రేక్‌ చేశాడు. ఈ జాబితాలో అశ్విన్‌, కుంబ్లే తర్వాత స్ధానాల్లో కపిల్‌ దేవ్‌(28) ఉన్నారు.చదవండి: IPL 2025: ఢిల్లీ క్యాపిటల్స్‌ కెప్టెన్‌గా టీమిండియా స్టార్‌ ప్లేయర్‌?

న్యూజిలాండ్‌తో మూడో టెస్టు సందర్భంగా టీమిండియా క్రికెటర్‌ రవీంద్ర జడేజా అరుదైన రికార్డు సాధించాడు. భారత్‌ తరఫున అత్యధిక వికెట్లు తీసిన బౌలర్ల జాబితాలో చోటు సంపాదించాడు. ఈ క్రమంలో దిగ్గజ పేసర్‌ జహీర్‌ ఖాన్‌ను జడ్డూ అధిగమించాడు. కాగా ప్రపంచ టెస్టు చాంపియన్‌షిప్‌ 2023-25లో భాగంగా మూడు మ్యాచ్‌లు ఆడేందుకు కివీస్‌ జట్టు భారత పర్యటనకు వచ్చింది.ముంబై వేదికగా మూడో టెస్టు ఈ క్రమంలో ఇరుజట్ల మధ్య బెంగళూరు, పుణె వేదికగా జరిగిన తొలి రెండు టెస్టుల్లో ఆతిథ్య టీమిండియాను న్యూజిలాండ్‌ ఓడించింది. తద్వారా మరో మ్యాచ్‌ మిగిలి ఉండగానే సిరీస్‌ను 2-0తో కైవసం చేసుకుంది. ఈ నేపథ్యంలో ఇరుజట్ల మధ్య ముంబై వేదికగా శుక్రవారం నామమాత్రపు మూడో టెస్టు మొదలైంది.వాంఖడే మైదానంలో జరుగుతున్న ఈ మ్యాచ్‌లో గెలిచి వైట్‌వాష్‌ నుంచి తప్పించుకోవాలని రోహిత్‌ సేన పట్టుదలగా ఉంది. మరోవైపు.. సొంతగడ్డపై ఇప్పటికే భారత్‌ను ఓడించి చరిత్ర సృష్టించిన టామ్‌ లాథమ్‌ బృందం విజయాన్ని పరిపూర్ణం చేసుకోవాలని ఉవ్విళ్లూరుతోంది. ఈ క్రమంలో మూడో టెస్టులో టాస్‌ గెలిచిన న్యూజిలాండ్‌ తొలుత బ్యాటింగ్‌ ఎంచుకుంది.ఆకాశ్‌ దీప్‌ శుభారంభం.. అదరగొట్టిన వాషీస్పిన్‌కు అనుకూలిస్తున్న పిచ్‌పై భారత బౌలర్లు వాషింగ్టన్‌ సుందర్‌, రవీంద్ర జడేజా ప్రభావం చూపుతున్నారు. ఆట తొలిరోజు భోజన విరామ సమయానికి ముందు వాషీ.. కివీస్‌ కెప్టెన్‌, ఓపెనర్‌ టామ్‌ లాథమ్‌(28), మిడిలార్డర్‌ బ్యాటర్‌ రచిన్‌ రవీంద్ర(5) రూపంలో రెండు కీలక వికెట్లు తీశాడు. మరోవైపు.. పేసర్‌ ఆకాశ్‌ దీప్‌ డేంజరస్‌ ఓపెనర్‌ డెవాన్‌ కాన్వే(4)ను అవుట్‌ చేసి శుభారంభం అందించాడు.లంచ్‌ తర్వాత వికెట్ల వేట మొదలుపెట్టిన జడ్డూఈ క్రమంలో లంచ్‌ బ్రేక్‌కు ముందు న్యూజిలాండ్‌ మూడు వికెట్లు కోల్పోయి 92 పరుగులు చేసింది. అయితే, భోజన విరామం తర్వాత జడ్డూ తన బౌలింగ్‌ పదునుపెంచాడు. క్రీజులో పాతుకుపోయి భారత బౌలర్లను ఇబ్బంది పెడుతున్న విల్‌ యంగ్‌(71)ను తొలుత పెవిలియన్‌కు పంపిన జడేజా.. అనంతరం టామ్‌ బ్లండెల్‌(0)ను డకౌట్‌ చేశాడు. ఆ తర్వాత గ్లెన్‌ ఫిలిప్స్‌(17)ను అవుట్‌ చేశాడు. తద్వారా జడ్డూ టెస్టుల్లో 312 వికెట్లు పూర్తి చేసుకున్నాడు.టీ బ్రేక్‌ సమయానికి కివీస్‌స్కోరు ఎంతంటే?ఈ నేపథ్యంలో భారత్‌ తరఫున టెస్టుల్లో అత్యధిక వికెట్లు తీసిన బౌలర్ల జాబితాలో జహీర్‌ ఖాన్‌(311), ఇషాంత్‌ శర్మ(311)లను జడ్డూ అధిగమించాడు. వీరిద్దరి రికార్డును బ్రేక్‌ చేస్తూ టాప్‌-5లో చోటు సంపాదించాడు. ఇదిలా ఉంటే.. టీ బ్రేక్‌ సమయానికి న్యూజిలాండ్‌ ఆరు వికెట్ల నష్టానికి 192 పరుగులు చేసింది.టీమిండియా తరఫున టెస్టుల్లో అత్యధిక వికెట్లు తీసిన టాప్‌-5 బౌలర్లు1. అనిల్‌ కుంబ్లే(స్పిన్నర్‌)- 619 వికెట్లు2. రవిచంద్రన్‌ అశ్విన్‌(స్పిన్నర్‌)- 533 వికెట్లు3. కపిల్‌ దేవ్‌(పేస్‌ బౌలింగ్‌ ఆల్‌రౌండర్‌)- 434 వికెట్లు4. హర్భజన్‌ సింగ్‌(స్పిన్నర్‌)- 417 వికెట్లు5. రవీంద్ర జడేజా(స్పిన్నర్‌)- 312 వికెట్లు.చదవండి: IPL 2025 Retentions: జాక్‌పాట్‌ కొట్టిన ఆటగాళ్లు వీరే..!

టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ ఓ భారీ రికార్డుపై కన్నేశాడు. న్యూజిలాండ్‌తో రేపటి నుంచి ప్రారంభం కాబోయే మూడో టెస్ట్‌లో అశ్విన్‌ మరో ఐదు వికెట్ల ఘనత సాధిస్తే.. అంతర్జాతీయ క్రికెట్‌లో అత్యధిక సార్లు ఐదు వికెట్ల ఘనతలు సాధించిన భారత ఆటగాడిగా రికార్డు సృష్టిస్తాడు. అశ్విన్‌, అనిల్‌ కుంబ్లే ఇప్పటివరకు టీమిండియా తరఫున 37 సార్లు ఐదు వికెట్ల ఘనతలు సాధించారు. అశ్విన్‌ ఒ‍క్క టెస్ట్‌ల్లోనే ఈ ఘనత సాధించగా.. కుంబ్లే 35 సార్లు టెస్ట్‌ల్లో, రెండు సార్లు వన్డేల్లో ఐదు వికెట్ల ప్రదర్శనలు నమోదు చేశాడు. అంతర్జాతీయ క్రికెట్‌లో అశ్విన్‌, కుంబ్లే చెరి ఎనిమిది సార్లు 10 వికెట్ల ప్రదర్శనలు నమోదు చేశారు.అంతర్జాతీయ క్రికెట్‌లో అత్యధిక సార్లు ఐదు వికెట్ల ప్రదర్శనలు నమోదు చేసిన ఘనత ముత్తయ్య మురళీథరన్‌కు దక్కుతుంది. మురళీ శ్రీలంక తరఫున 77 ఐదు వికెట్ల ప్రదర్శనలు, 22 పది వికెట్ల ప్రదర్శనలు నమోదు చేశాడు. మురళీ తర్వాత ఈ లిస్ట్‌లో రిచర్డ్‌ హ్యాడ్లీ, షేన్‌ వార్న్‌ ఉన్నారు. హ్యాడ్లీ 41 ఐదు వికెట్ల ప్రదర్శనలు, తొమ్మిది 10 వికెట్ల ప్రదర్శనలు నమోదు చేయగా.. షేన్‌ వార్న్‌ 38 ఐదు వికెట్ల ప్రదర్శనలు, పది 10 వికెట్ల ప్రదర్శనలు నమోదు చేశాడు. ఈ జాబితాలో మురళీథరన్‌, హ్యాడ్లీ, వార్న్‌ తర్వాత అశ్విన్‌, కుంబ్లే ఉన్నారు.కాగా, ముంబైలోని వాంఖడే స్టేడియంలో రేపటి నుంచి భారత్‌, న్యూజిలాండ్‌ మధ్య మూడో టెస్ట్‌ మ్యాచ్‌ ప్రారంభం కానుంది. మూడు మ్యాచ్‌ల టెస్ట్‌ సిరీస్‌ కోసం న్యూజిలాండ్‌ జట్టు భారత్‌లో పర్యటిస్తున్న విషయం తెలిసిందే. ఈ సిరీస్‌లోని తొలి రెండు మ్యాచ్‌ల్లో గెలిచిన న్యూజిలాండ్‌ ఇప్పటికే సిరీస్‌ను కైవసం చేసుకుంది. మూడో టెస్ట్‌ మ్యాచ్‌ రేపు ఉదయం 9:30 గంటల నుంచి ప్రారంభం కానుంది. చదవండి: IND vs NZ 3rd Test: బుమ్రాకు విశ్రాంతి..?

బంగ్లాదేశ్‌తో టెస్టు సిరీస్‌లో టీమిండియా స్టార్ స్పిన్న‌ర్ ర‌విచంద్ర‌న్ అశ్విన్ రికార్డుల మోత మోగిస్తున్నాడు. తాజాగా కాన్పూర్ వేదిక‌గా బంగ్లాతో జ‌రుగుతున్న రెండో టెస్టులో అశ్విన్ మ‌రో అరుదైన రికార్డ‌ను త‌న ఖాతాలో వేసుకున్నాడు. ఆసియాలో అత్యధిక టెస్టు వికెట్లు పడగొట్టిన భారత బౌలర్‌గా యాష్ రికార్డులకెక్కాడు.తొలి ఇన్నింగ్స్‌లో బంగ్లా కెప్టెన్ నజ్ముల్ హొస్సేన్ శాంటోను ఔట్ చేసిన అశ్విన్ ఈ రికార్డును తన పేరిట లిఖించుకున్నాడు. అశ్విన్ ఇప్పటివరకు ఆసియాలో 420 వికెట్లు పడగొట్టాడు. ఇంతకుముందు ఈ రికార్డు భారత స్పిన్ దిగ్గజం అనిల్ కుంబ్లే పేరిట ఉండేది. కుంబ్లే తన కెరీర్‌లో ఆసియాలో 419 వికెట్లు సాధించాడు. ఇక ఓవరాల్‌గా ఈ అరుదైన ఫీట్‌ సాధించిన జాబితాలో శ్రీలంక లెజెండ్‌ ముత్తయ్య మురళీధరన్‌ 612 వి​కెట్లతో తొలి స్ధానంలో ఉన్నాడు. ఆ తర్వాత స్ధానంలో అశ్విన్‌(420) ఉన్నాడు. అశ్విన్‌ తర్వాత స్ధానాల్లో కుంబ్లే, రంగనా హెరత్‌(354), హార్భజన్ సింగ్‌(300) ఉన్నారు. ఓవరాల్‌గా టెస్టు క్రికెట్‌లో 101 మ్యాచ్‌లు ఆడిన అశ్విన్‌.. 2.82 ఏకానమీతో 522 వికెట్లు పడగొట్టాడు.చదవండి: జడేజా ప్రపంచ రికార్డు.. 147 ఏళ్ల చరిత్రలో ఇదే తొలిసారి

దేశంలో ఇవాళ (ఏప్రిల్‌ 26) సార్వత్రిక ఎన్నికల రెండో విడత పోలింగ్‌ జరుగుతుంది. ఈ విడతలో మొత్తం 13 రాష్ట్రాల్లోని 88 స్థానాలకు ఎన్నికలు జరుగుతున్నాయి. ఉదయం ఏడు గంటలకు పోలింగ్‌ ప్రారంభమైంది. కేరళలోని 20 స్థానాలకు, కర్ణాటకలో 14, రాజస్థాన్‌లో 13, ఉత్తర్‌ప్రదేశ్‌ 8, మహారాష్ట్ర 8, మధ్యప్రదేశ్‌ 7, అస్సాం 5, బీహార్‌ 5, పశ్చిమ బెంగాల్‌ 3, చత్తీస్‌ఘడ్‌ 3, జమ్మూ కశ్మీర్‌ 1, మణిపూర్‌ 1, త్రిపురలో ఒక లోక్‌సభ​ స్థానానికి ఇవాళ పోలింగ్‌ జరుగతుంది. #WATCH | Rahul Dravid casts his vote in Karnataka's Bengaluru.#LokSabhaElections2024 pic.twitter.com/gZ6Ybairc1— ANI (@ANI) April 26, 2024 సార్వత్రిక ఎన్నికల నేపథ్యంలో ఇవాల్టి ఉదయం నుంది వివిధ రంగాలకు చెందిన చాలామంది ప్రముఖులు ఓటు హక్కును వినియోగించుకున్నారు. క్రీడారంగానికి సంబంధించి భారత మాజీ క్రికెటర్‌, ప్రస్తుత టీమిండియా హెడ్‌ కోచ్‌ రాహుల్‌ ద్రవిడ్‌ ఇవాళ ఉదయం బెంగళూరులో ఓటు హక్కును వినియోగించుకున్నారు. భార్య, కొడుకుతో సహా పోలింగ్‌ కేంద్రం వద్దకు చేరిన ద్రవిడ్‌ అతి సాధారణ వ్యక్తిలా క్యూలో నిలబడి ఓటు వేశారు. #Vote #Indiaelections2024 #Karnataka #bengaluru pic.twitter.com/JDi9VYpIA6— Anil Kumble (@anilkumble1074) April 26, 2024 ఓటు వేసిన అనంతరం ద్రవిడ్‌ మీడియాతో మాట్లాడుతూ.. అర్హత కలిగిన ప్రతి ఒక్కరు ఓటు హక్కును వినియోగించుకోవాలని పిలుపునిచ్చాడు. ఓటు అనేది ప్రజాస్వామ్యం మనకు కల్పించిన హక్కు అని ద్రవిడ్‌ తెలిపాడు. ద్రవిడ్‌ సహచరుడు, టీమిండియా మాజీ కోచ్‌ అనిల్‌ కుంబ్లే కూడా ఇవాళ బెంగళూరులో ఓటు వేశారు. ఓటు వినియోగించుకున్న విషయాన్ని కుంబ్లే సోషల్‌మీడియాలో షేర్‌ చేశాడు. కుంబ్లే తన సతీమణితో కలిసి ఓటు హక్కు వినియోగించుకున్నాడు.

‘‘ఐపీఎల్‌లో నేను ఎంఎస్‌ ధోనితో కలిసి ఎన్నడూ ఆడలేదు. అయితే, టీమిండియాలో ఉన్నపుడు మాత్రం మేము సహచర ఆటగాళ్లం. సెలబ్రేషన్స్‌ సమయంలో నన్ను ఎత్తుకోగల ఆటగాళ్లలో ధోని ముందు వరుసలో ఉండే వాడు.  ఎంత బరువైనా సరే అతడు అలవోకగా ఎత్తగలడు. ఇక నేను హెడ్‌కోచ్‌గా ఉన్నపుడు ధోని కెప్టెన్‌గా ఉండేవాడు. ఓసారి మేము వన్డే మ్యాచ్‌ కోసం రాంచికి వెళ్లాము. అక్కడ ఆప్షనల్‌ ప్రాక్టీస్‌ సెషన్‌ నిర్వహించేందుకు సిద్ధమయ్యాను. నిజానికి రాంచి అతడి స్వస్థలం. ఆప్షనల్‌ ప్రాక్టీస్‌కు రాకుండా తను ఇంటి వద్ద విశ్రాంతి తీసుకోవచ్చు. కానీ.. అతడు గ్రౌండ్‌కు వచ్చేశాడు. నాకు ఆశ్చర్యంగా అనిపించి.. ‘ఇక్కడేం చేస్తున్నావు? తదుపరి మ్యాచ్‌కు మనకు ఇంకా రెండ్రోజుల సమయం ఉంది. ఎందుకు వచ్చావు?’ అని అడిగాను. అందుకు బదులుగా.. ‘లేదు.. లేదు.. నేను తప్పకుండా ఇక్కడ ఉండాల్సిందే’ అని ధోని జవాబు ఇచ్చాడు. సచిన్‌ కూడా అచ్చం ఇలాగే! నేను ముంబై ఇండియన్స్‌తో ఉన్నపుడు.. సచిన్‌ కూడా ఆన్షనల్‌ ప్రాక్టీస్‌ సెషన్‌ సమయంలో సచినే ముందు బస్సెక్కడం గమనించా.  25 నుంచి 26 ఏళ్లుగా క్రికెట్‌ ఆడుతున్న సమయంలోనూ అదే అంకితభావం. ఈ విషయంలో వీరిద్దరూ వాళ్లకు వాళ్లే సాటి. వాళ్లకు బ్రేక్‌ అవసరం లేదనుకుంటారు. ఇంకొన్ని ఏళ్లపాటు ఎంఎస్‌ ధోని.. చెన్నై సూపర్‌ కింగ్స్‌లో ఆటగాడిగా కొనసాగినా మనం ఆశ్చర్యపోనక్కర్లేదు. ఆట పట్ల అతడికి ఉన్న ప్రేమ అలాంటిది. అందుకే ఎప్పుడూ జట్టుకు అందుబాటులో ఉండాలనే ఆలోచిస్తూ ఉంటాడు’’ అని టీమిండియా మాజీ కెప్టెన్‌, దిగ్గజ స్పిన్నర్‌ అనిల్‌ కుంబ్లే అన్నాడు. సీఎస్‌కేను ఏకంగా ఐదుసార్లు చాంపియన్‌గా నిలిపిన కెప్టెన్‌ మహేంద్ర సింగ్‌ ధోనికి ఇదే ఆఖరి ఐపీఎల్‌ సీజన్‌ అన్న వార్తల నడుమ.. కుంబ్లే జియో సినిమా షోలో ఈ మేరకు వ్యాఖ్యలు చేశాడు. క్రికెట్‌ విషయంలో దిగ్గజ బ్యాటర్‌ సచిన్‌ టెండుల్కర్‌, ధోని ఆలోచనలు, అంకితభావం ఒకే విధంగా ఉంటాయని వారితో తనకున్న అనుభవాలు పంచుకున్నాడు. ధోనికి ఐపీఎల్‌-2024 చివరి సీజన్‌ కాబోదని.. మరికొన్నేళ్లపాటు అతడికి లీగ్‌లో కొనసాగే సత్తా ఉందని అనిల్‌ కుంబ్లే అభిప్రాయపడ్డాడు. ఈ వికెట్‌ కీపర్‌ బ్యాటర్‌ ఇప్పట్లో అలసిపోడంటూ 42 ఏళ్ల ధోనిని ఉద్దేశించి ప్రశంసలు కురిపించాడు. కాగా మార్చి 22న ఐపీఎల్‌-2024 సీజన్‌ ఆరంభం కానుంది. సీఎస్‌కే- ఆర్సీబీ మధ్య చెపాక్‌లో తొలి మ్యాచ్‌ జరుగనుంది. చదవండి: అతడితో పోలికా?.. బుమ్రానే బెస్ట్‌ బౌలర్‌: పాక్‌ మాజీ పేసర్‌

టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ సరికొత్త చరిత్ర సృష్టించాడు. క్రికెట్‌ ప్రపంచంలో ఏ బౌలర్‌కూ ఇంత వరకు సాధ్యం కాని ఘనత సాధించాడు. కాగా 2011లో అంతర్జాతీయ టెస్టుల్లో అడుగుపెట్టాడు ఈ చెన్నై ఆటగాడు. ఢిల్లీ వేదికగా వెస్టిండీస్‌తో తన తొలి టెస్టు ఆడాడు. ఈ మ్యాచ్‌లో తొలి ఇన్నింగ్స్‌లో మూడు వికెట్లు తీసిన ఈ రైటార్మ్‌ స్పిన్నర్‌.. రెండో ఇన్నింగ్స్‌లో ఆరు వికెట్లతో చెలరేగాడు. అలా తన కెరీర్‌లో తొలి ఐదు వికెట్ల హాల్‌ నమోదు చేశాడు. తాజాగా తన వందో టెస్టులోనూ ఈ ఘనత సాధించాడు అశ్విన్‌. ధర్మశాల వేదికగా ఇంగ్లండ్‌తో జరిగిన మ్యాచ్‌లో తొలి ఇన్నింగ్స్‌లో నాలుగు వికెట్లకే పరిమితమైన అశూ.. రెండో ఇన్నింగ్స్‌లో 5 వికెట్లతో దుమ్ములేపాడు. View this post on Instagram A post shared by JioCinema (@officialjiocinema) ఈ నేపథ్యంలో.. అరంగేట్రంలో, వందో టెస్టులో ఐదు వికెట్ల ప్రదర్శన నమోదు చేసిన తొలి బౌలర్‌గా అశ్విన్‌ ప్రపంచ రికార్డు సొంతం చేసుకున్నాడు. 147 ఏళ్ల టెస్టు చరిత్రలో ఈ ఘనత సాధించిన ఏకైక బౌలర్‌గా నిలిచాడు. కాగా అశ్విన్‌ తన కెరీర్‌లో ఇప్పటి వరకు మొత్తంగా 36 సార్లు ఐదు వికెట్ల హాల్‌ సాధించడం విశేషం. తద్వారా టీమిండియా స్పిన్‌ దిగ్గజం అనిల్‌ కుంబ్లే పేరిట ఉన్న రికార్డు(35 సార్లు) బద్దలు కొట్టాడు.  అంతేకాదు ఒకే ప్రత్యర్థి జట్టుపైన అత్యధిక టెస్టు వికెట్లు తీసిన తొలి భారత బౌలర్‌గానూ నిలిచాడు. ఇప్పటి వరకు అశ్విన్‌.. ఆస్ట్రేలియా మీద 114, ఇంగ్లండ్‌ మీద 114 వికెట్లు తీశాడు. ఇక రవిచంద్రన్‌ అశ్విన్‌.. ఇంగ్లండ్‌తో సిరీస్‌ సందర్భంగానే 500 వికెట్లు క్లబ్‌లో చేరాడు. అతడి ఖాతాలో ప్రస్తుతం 516 వికెట్లు ఉన్నాయి. ఇదిలా ఉంటే.. ధర్మశాలలో ఇంగ్లండ్‌తో జరిగిన నామమాత్రపు ఆఖరి టెస్టులో టీమిండియా భారీ విజయం సాధించింది. ఇన్నింగ్స్‌ 64 పరుగుల తేడాతో గెలిచి సిరీస్‌ను 4-1తో కైవసం చేసుకుంది.  That series winning feeling 😃#TeamIndia 🇮🇳 complete a 4⃣-1⃣ series victory with a remarkable win 👏👏 Scorecard ▶️ https://t.co/OwZ4YNua1o#INDvENG | @IDFCFIRSTBank pic.twitter.com/vkfQz5A2hy — BCCI (@BCCI) March 9, 2024 చదవండి: #Sarfaraz: తెగ మిడిసిపడుతున్నాడు.. గిల్‌- బెయిర్‌స్టో గొడవలో సర్ఫరాజ్‌.. వైరల్‌

ధర్మశాల వేదికగా ఇంగ్లండ్‌తో జరిగిన ఐదో టెస్టులో టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ అదరగొట్టాడు.కెరీర్‌లో వందో టెస్టు ఆడిన అశ్విన్‌.. తన స్పిన్‌ మయాజాలంతో ప్రత్యర్ధి జట్టుకు చుక్కలు చూపించాడు. తొలి ఇన్నింగ్స్‌లో 4 వికెట్లు పడగొట్టిన అశూ.. రెండో ఇన్నింగ్స్‌లో 5 వికెట్లతో సత్తాచాటాడు. జాక్‌ క్రాలీ, డకెట్‌, పోప్‌ వంటి కీలక వికెట్లు పడగొట్టి ఇంగ్లీష్‌ జట్టును దెబ్బతీశాడు. ఓవరాల్‌గా అశ్విన్‌ తన వందో టెస్టులో 9 వికెట్లు పడగొట్టాడు. ఇక రెండో ఇన్నింగ్స్‌లో 5 వికెట్లతో చెలరేగిన అశ్విన్‌ ఓ అరుదైన ఘనతను తన పేరిట లిఖించుకున్నాడు. టెస్టు క్రికెట్‌ చరిత్ర అత్యధిక సార్లు 5 వికెట్ల ఘనత సాధించిన భారత బౌలర్‌గా అశ్విన్‌ రికార్డులెక్కాడు. అశ్విన్‌ ఇప్పటివరకు తన టెస్టు కెరీర్‌లో 36 సార్లు ఐదు వికెట్ల ఘనత సాధించాడు. ఇంతకుముందు ఈ రికార్డు భారత స్పిన్‌ లెజెండ్‌ అనిల్‌ కుంబ్లే పేరిట ఉండేది. కుంబ్లే 132 మ్యాచ్‌ల్లో 35 సార్లు ఫైవ్‌ వికెట్ల హాల్‌ సాధించాడు. తాజా మ్యాచ్‌లో కుంబ్లే ఆల్‌టైమ్‌ రికార్డును అశ్విన్‌ బ్రేక్‌ చేశాడు. టీమిండియా ఘన విజయం.. ఇక ధర్మశాల టెస్టులో టీమిండియా ఘన విజయం సాధించింది. ఇంగ్లండ్‌ను ఇన్నింగ్స్‌ 64 పరుగుల తేడాతో భారత్‌ చిత్తు చేసింది. 259 పరుగుల వెనకంజతో రెండో ఇన్నింగ్స్‌ను ఆరంభించిన ఇంగ్లండ్‌.. 195 పరుగులకే కుప్పకూలింది. దీంతో ఇన్నింగ్స్‌ తేడాతో ఇంగ్లండ్‌ ఘోర ఓటమి చవిచూసింది. భారత బౌలర్లలో అశ్విన్‌ 5 వికెట్లతో చెలరేగగా.. జడేజా, కుల్దీప్‌ యాదవ్‌ తలా రెండు వికెట్లు పడగొట్టారు. అంతకుముందు ఇంగ్లండ్‌ తమ తొలి ఇన్నింగ్స్‌లో సైతం 218 పరుగులకే చాపచుట్టేసింది. అనంతరం టీమిండియా తమ తొలి ఇన్నింగ్స్‌లో 477 పరుగుల భారీ స్కోర్‌ సాధించింది. రోహిత్‌ శర్మ(103), గిల్‌(110) సెంచరీలతో మెరిశారు. దీంతో భారత్‌కు తొలి ఇన్నింగ్స్‌లో 259 పరుగుల ఆధిక్యం లభించింది. ఇక వరుసగా నాలుగు టెస్టుల్లో విజయం సాధించిన భారత్‌.. ఐదు మ్యాచ్‌ల సిరీస్‌ను 4-1 తేడాతో సిరీస్‌ సొంతం చేసుకుంది. టీమిండియా వర్సెస్‌ ఇంగ్లండ్‌ ఐదో టెస్టు స్కోర్లు ►టాస్‌: ఇంగ్లండ్‌.. తొలుత బ్యాటింగ్‌ ►ఇంగ్లండ్‌ తొలి ఇన్నింగ్స్‌ స్కోరు: 218 ►భారత్‌ తొలి ఇన్నింగ్స్‌లో చేసిన పరుగులు: 477 (ఓవరాల్‌గా 259 పరుగుల ఆధిక్యం) ►ఇంగ్లండ్‌ రెండో ఇన్నింగ్స్‌: 195 ►విజేత: టీమిండియా.. ఇన్నింగ్స్‌ 64 పరుగుల తేడాతో గెలుపు ►ఐదు మ్యాచ్‌ల సిరీస్‌ 4-1తో టీమిండియా కైవసం View this post on Instagram A post shared by JioCinema (@officialjiocinema)

రాంచీ టెస్ట్‌లో రవిచంద్రన్‌ అశ్విన్‌ రికార్డులను కొల్లగొడుతున్నాడు. తొలుత భారత గడ్డపై టెస్టుల్లో అత్యధిక వికెట్ల (351) రికార్డును బద్దలుకొట్టిన అశ్విన్‌.. సెకెండ్‌ ఇన్నింగ్స్‌లో ఐదు వికెట్ల (5/51) ప్రదర్శన అనంతరం కుంబ్లే పేరిట ఉండిన అ‍త్యధిక ఐదు వికెట్ల ఘనతల రికార్డును (భారత్‌ తరఫున) సమం చేశాడు.  కుంబ్లే 132 టెస్ట్‌ల్లో 35 ఐదు వికెట్ల ఘనతలు నమోదు చేస్తే.. అశ్విన్‌ కేవలం 99 టెస్ట్‌ల్లోనే ఈ ఘనతను (35 ఐదు వికెట్ల ఘనతలు) సమం చేశాడు. సుదీర్ఘ ఫార్మాట్‌లో అత్యధిక సార్లు ఐదు వికెట్ల ఘనతలు నమోదు చేసిన రికార్డు స్పిన్‌ దిగ్గజం మురళీథరన్‌ పేరిట ఉంది. మురళీ 133 టెస్ట్‌ల్లో ఏకంగా 67 సార్లు ఐదు వికెట్ల ప్రదర్శనలు నమోదు చేశాడు. మురళీ తర్వాత అత్యధిక ఐదు వికెట్ల ప్రదర్శనల రికార్డు స్పిన్‌ మాంత్రికుడు షేన్‌ వార్న్‌ (145 టెస్ట్‌ల్లో 37 సార్లు) పేరిట ఉంది. వార్న్‌ తర్వాతి స్థానంలో రిచర్డ్‌ హ్యాడ్లీ (86 మ్యాచ్‌ల్లో 36 సార్లు) ఉన్నాడు. ఈ మ్యాచ్‌లో అశ్విన్‌ తొలుత బద్దలుకొట్టిన రికార్డు (భారత గడ్డపై టెస్టుల్లో అత్యధిక వికెట్ల రికార్డు) కూడా కుంబ్లే పేరిట ఉండినదే కావడం విశేషం. భారత్‌లో కుంబ్లే 350 వికెట్లు పడగొట్టాడు. మ్యాచ్‌ విషయానికొస్తే.. అశ్విన్‌ ఐదేయడంతో (5/51) ఇంగ్లండ్‌ సెకెండ్‌ ఇన్నింగ్స్‌లో 145 పరుగులకే కుప్పకూలి భారత్‌ ముందు 192 పరుగుల  స్వల్ప లక్ష్యాన్ని ఉంచింది. అశ్విన్‌తో పాటు కుల్దీప్‌ (4/22) కూడా చెలరేగడంతో ఇంగ్లండ్‌ సెకెండ్‌ ఇన్నింగ్స్‌ పేకమేడలా కూలింది. జడేజా ఓ వికెట్‌ పడగొట్టాడు. అనంతరం లక్ష్య ఛేదనకు దిగిన భారత్‌.. మూడో రోజు ఆట ముగిసే సమయానికి వికెట్‌ నష్టపోకుండా 40 పరుగులు చేసి లక్ష్యానికి మరో 152 పరుగుల దూరంలో ఉంది. రోహిత్‌ శర్మ (24), యశస్వి జైస్వాల్‌ (16) క్రీజ్‌లో ఉండగా.. భారత్‌ చేతిలో ఇంకా 10 వికెట్లు ఉన్నాయి. రెండు రోజుల ఆట మిగిలి ఉంది. ఇంగ్లండ్‌ సెకెండ్‌ ఇన్నింగ్స్‌లో జాక్‌ క్రాలే (60) ఒక్కడే అర్దసెంచరీతో రాణించాడు. మిగతా ఆటగాళ్లంతా దారుణంగా విఫలమయ్యారు. బెయిర్‌స్టో (30), ఫోక్స్‌ (17), డకెట్‌ (15), రూట్‌ (11) రెండంకెల స్కోర్లు చేయగా.. పోప్‌ 0, స్టోక్స్‌ 4, హార్ట్లీ 7, రాబిన్సన్‌ 0, ఆండర్సన్‌ 0 పరుగులకే ఔటయ్యారు.  ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌.. రూట్‌ (122) అజేయ సెంచరీతో కదంతొక్కడంతో తొలి ఇన్నింగ్స్‌లో 353 పరుగులు చేసింది. రాబిన్సన్‌ (58), జాక్‌ క్రాలే (42), బెయిర్‌స్టో (38), ఫోక్స్‌ (47) ఓ మోస్తరు స్కోర్లతో రాణించారు. భారత బౌలర్లలో జడేజా 4, ఆకాశ్‌దీప్‌ 3, సిరాజ్‌ 2, అశ్విన్‌ ఓ వికెట్‌ పడగొట్టారు.  అనంతరం బ్యాటింగ్‌కు దిగిన టీమిండియా తొలి ఇన్నింగ్స్‌లో 307 పరుగులకు ఆలౌటైంది. యశస్వి జైస్వాల్‌ (73), దృవ్‌ జురెల్‌ (90) అర్దసెంచరీలతో రాణించారు. షోయబ్‌ బషీర్‌ (5/119) టీమిండియా పతనాన్ని శాశించగా.. హార్ట్లీ 3, ఆండర్సన్‌ 2 వికెట్లు పడగొట్టారు. ఐదు మ్యాచ్‌ల ఈ సిరీస్‌లో భారత్‌ 2-1 ఆధిక్యంలో కొనసాగుతున్న విషయం తెలిసిందే.  

రాజ్‌కోట్‌ వేదికగా టీమిండియాతో జరుగుతున్న మూడో టెస్ట్‌లో ఇంగ్లండ్‌ వెటరన్‌ పేసర్‌ జేమ్స్‌ ఆండర్సన్‌ అనవరమైన చెత్త రి​కార్డును తన ఖాతాలో వేసుకున్నాడు. టెస్ట్‌ క్రికెట్‌ చరిత్రలో అ‍త్యధిక పరుగులు సమర్పించుకున్న బౌలర్‌గా అవతరించాడు. ఈ చెత్త రికార్డును ఆండర్సన్‌.. భారత మాజీ స్పిన్నర్‌ అనిల్‌ కుంబ్లే ఖాతాలో నుంచి లాగేసుకున్నాడు. 2008లో రిటైరైన కుంబ్లే 132 మ్యాచ్‌ల టెస్ట్‌ కెరీర్‌లో 18, 355 పరుగులు సమర్పించుకోగా.. ఆండర్సన్‌ తన 185వ టెస్ట్‌లో కుంబ్లే రికార్డును అధిగమించాడు (18, 371). ఈ జాబితాలో లంక స్పిన్‌ దిగ్గజం ముత్తయ్య మురళీథరన్‌ మూడో స్థానంలో (133 టెస్ట్‌ల్లో 18180 పరుగులు) ఉండగా.. ఆసీస్‌ లెజెండ్‌ షేన్‌ వార్న్‌ (17995), ఇంగ్లండ్‌ మాజీ పేసర్‌ స్టువర్ట్‌ బ్రాడ్‌ (16719) నాలుగు, ఐదు స్థానాల్లో నిలిచారు. 41 ఏళ్ల ఆండర్సన్‌ ప్రస్తుతం 696 వికెట్లతో టెస్ట్‌ల్లో అత్యధిక వికెట్లు తీసిన ఆటగాళ్ల జాబితాలో మూడో స్థానంలో ఉన్నాడు. ఈ జాబితాలో మురళీథరన్‌ (800), షేన్‌ వార్న్‌ (708) తొలి రెండు స్థానాల్లో నిలిచారు. ఇదే మ్యాచ్‌లో భారత వెటరన్‌ స్పిన్నర్‌ రవిచంద్రన్‌ అశ్విన్‌ 500 వికెట్ల మైలురాయిని తాకాడు. ఈ మ్యాచ్‌ తొలి ఇన్నింగ్స్‌లో 25 ఓవర్లు వేసిన ఆండర్సన్‌ 61 పరుగులిచ్చి ఓ వికెట్‌ పడగొట్టాడు. కాగా, ఈ మ్యాచ్‌లో రెండో రోజు ఆట ముగిసే సమయానికి ఇంగ్లండ్‌ 2 వికెట్ల నష్టానికి 207 పరుగులు చేసింది. ఓపెనర్‌ బెన్‌ డకెట్‌ మెరుపు సెంచరీ (118 బంతుల్లో 133 నాటౌట్‌; 21 ఫోర్లు, 2 సిక్సర్లు) అనంతరం ఇన్నింగ్స్‌ను కొనసాగిస్తున్నాడు. అతనితో పాటు జో రూట్‌ (9) క్రీజ్‌లో ఉన్నాడు. ఇంగ్లండ్‌ ఇన్నింగ్స్‌లో జాక్‌ క్రాలే (15), ఓలీ పోప్‌ (39) ఔటయ్యారు. క్రాలే వికెట్‌ అశ్విన్‌కు దక్కగా.. పోప్‌ను సిరాజ్‌ పెవిలియన్‌కు పంపాడు. అంతకుముందు భారత్‌ తొలి ఇన్నింగ్స్‌లో 445 పరుగులకు ఆలౌటైంది. రోహిత్‌ శర్మ, రవీంద్ర జడేజా సెంచరీలతో మెరిశారు.   

రాజ్‌కోట్‌ వేదికగా గురువారం నుంచి ఇంగ్లండ్‌తో ప్రారంభం కానున్న మూడో టెస్టులో తలపడేందుకు టీమిండియా సన్నద్దమవుతోంది. ఇప్పటికే రాజ్‌కోట్‌కు చేరుకున్న భారత జట్టు నెట్స్‌లో తీవ్రంగా శ్రమిస్తోంది. ఈ క్రమంలో మూడో టెస్టుకు ముందు భారత వెటరన్‌ స్పిన్నర్‌ రవిచంద్రన్‌ అశ్విన్‌ను ఓ అరుదైన రికార్డు ఊరిస్తోంది. రాజ్‌కోట్‌ టెస్టులో అశ్విన్‌ మరో 4 వికెట్లు పడగొడితే.. స్వదేశంలో టెస్టు క్రికెట్‌లో అత్యధిక వికెట్లు సాధించిన బౌలర్‌గా రికార్డులకెక్కుతాడు. అశ్విన్‌ ఇప్పటివరకు భారత్‌లో 346 వికెట్లు పడగొట్టాడు. ప్రస్తుతం ఈ అరుదైన ఘనత సాధించిన జాబితాలో 350 వికెట్లతో భారత స్పిన్‌ దిగ్గజం అనిల్‌ కుంబ్లే  అగ్రస్ధానంలో ఉన్నాడు. అయితే అశ్విన్‌ మరో నాలుగు వికెట్లు పడగొడితే కుంబ్లే ఆల్‌టైమ్‌ రికార్డును బ్రేక్‌ చేస్తాడు. అదేవిధంగా అశ్విన్‌ మరో  ఒక్క వికెట్‌ సాధిస్తే.. టెస్టుల్లో 500 వికెట్ల మైలురాయిని అందుకుంటాడు. ఈ ఘనత సాధించిన తొమ్మిదో క్రికెటర్‌గా, రెండో భారత బౌలర్‌గా అశ్విన్‌ నిలుస్తాడు.  ఇంగ్లండ్‌తో మూడో టెస్టుకు భారత తుది జట్టు(అంచనా): రోహిత్ శర్మ, యశస్వి జైస్వాల్, శుభ్‌మన్ గిల్, కేఎల్ రాహుల్‌, సర్ఫరాజ్ ఖాన్, అక్షర్ పటేల్, ధ్రువ్ జురెల్, కుల్దీప్ యాదవ్, రవిచంద్రన్ అశ్విన్, జస్‌ప్రీత్ బుమ్రా, మహమ్మద్ సిరాజ్

విశాఖ వేదికగా రేపటి నుంచి (ఫిబ్రవరి 2) ప్రారంభంకాబోయే (ఇంగ్లండ్‌తో) రెండో టెస్ట్‌కు ముందు టీమిండియా స్టార్‌ స్పిన్నర​ రవిచంద్రన్‌ అశ్విన్‌ను ఓ అరుదైన రికార్డు ఊరిస్తుంది. ఈ మ్యాచ్‌లో యాష్‌ మరో 4 వికెట్లు తీస్తే టెస్ట్‌ల్లో  500 వికెట్ల మైలురాయిని తాకిన తొమ్మిదో పురుష క్రికెటర్‌గా రికార్డుల్లోకెక్కుతాడు. ప్రస్తుతం అశ్విన్‌ ఖాతాలో 496 వికెట్లు (96 మ్యాచ్‌లు) ఉన్నాయి. ఈ రికార్డుతో పాటు రెండో టెస్ట్‌లో అశ్విన్‌ మరిన్ని రికార్డులు కూడా సాధించే అవకాశం ఉంది.  ఇంగ్లండ్‌పై అత్యధిక వికెట్లు తీసిన భారత బౌలర్‌గా.. ఇంగ్లండ్‌తో టెస్ట్‌ల్లో 100 వికెట్లు పడగొట్టిన తొలి భారత బౌలర్‌గా.. భారత్‌లో అత్యధిక వికెట్లు తీసిన బౌలర్‌గా.. అ‍త్యధిక ఐదు వికెట్ల ఘనతలు సాధించిన భారత బౌలర్‌గా పలు రికార్డులు నెలకొల్పుతాడు. ఇంగ్లండ్‌పై అత్యధిక వికెట్లు తీసిన భారత బౌలర్‌గా.. టెస్ట్‌ల్లో ఇంగ్లండ్‌పై అత్యధిక వికెట్లు తీసిన భారత బౌలర్‌ రికార్డు భగవత్‌ చంద్రశేఖర్‌ పేరిట ఉంది. చంద్రశేఖర్‌ ఇంగ్లండ్‌తో 23 మ్యాచ్‌లు ఆడి 95 వికెట్లు పడగొట్టాడు. రేపటి నుంచి ప్రారంభంకాబోయే రెండో టెస్ట్‌లో అశ్విన్‌ (20 టెస్ట్‌ల్లో 93 వికెట్లు) మరో 3 వికెట్లు తీస్తే ఇంగ్లండ్‌పై అత్యధిక వికెట్లు తీసిన భారత బౌలర్‌గా రికార్డుల్లోకెక్కుతాడు. 100 వికెట్లు పడగొట్టిన తొలి భారత బౌలర్‌గా.. భారత్‌-ఇంగ్లండ్‌ మధ్య జరిగిన టెస్ట్‌ల్లో ఇప్పటివరకు ఏ భారత బౌలర్‌ కూడా 100 వికెట్లు తీయలేదు. రేపటి నుంచి మొదలయ్యే రెండో టెస్ట్‌లో అశ్విన్‌ మరో 7 వికెట్లు తీస్తే.. ఇంగ్లండ్‌పై 100 వికెట్లు సాధించిన తొలి భారత బౌలర్‌గా రికార్డు నెలకొల్పుతాడు. ఇరు జట్ల మధ్య టెస్ట్‌ల్లో ఇప్పటివరకు జేమ్స్‌ ఆండర్సన్‌ (139 వికెట్లు) మాత్రమే 100 వికెట్ల మైలురాయిని దాటాడు. భారత్‌లో అత్యధిక వికెట్లు తీసిన బౌలర్‌గా.. అశ్విన్‌ భారత గడ్డపై ఇప్పటివరకు 56 టెస్ట్‌ మ్యాచ్‌లు ఆడి 343 వికెట్లు పడగొట్టాడు. అశ్విన్‌ రెండో టెస్ట్‌లో మరో 8 వికెట్లు తీస్తే భారతగడ్డపై అత్యధిక వికెట్లు తీసిన బౌలర్‌గా అనిల్‌ కుంబ్లే (350) రికార్డును బద్దలు కొడతాడు. అ‍త్యధిక ఐదు వికెట్ల ఘనతలు సాధించిన భారత బౌలర్‌గా.. కెరీర్‌లో ఇప్పటివరకు 34 సార్లు ఐదు వికెట్ల ఘనతలు సాధించిన అశ్విన్‌.. ఇంగ్లండ్‌తో రెండో టెస్ట్‌లో రెండు ఇన్నింగ్స్‌ల్లో ఐదు వికెట్ల ఘనతలు సాధిస్తే, అనిల్‌ కుంబ్లే పేరిట ఉన్న రికార్డు (భారత్‌ తరఫున అత్యధిక ఐదు వికెట్ల ఘనతలు) బద్దలవుతుంది. వైజాగ్‌ పిచ్‌ స్పిన్నర్లకు అనుకూలించే అవకాశం ఉండటంతో అశ్విన్‌ పై పేర్కొన్న రికార్డులన్నీ ఇదే మ్యాచ్‌లో సాధించినా అశ్చర్యపోనక్కర్లేదు. 

India vs England, 1st Test: ఇంగ్లండ్‌తో టెస్టులో టీమిండియా యువ క్రికెటర్‌ శుబ్‌మన్‌ గిల్‌ ఆట తీరుపై భారత స్పిన్‌ దిగ్గజం అనిల్‌ కుంబ్లే పెదవి విరిచాడు. బ్యాటింగ్‌ ఆర్డర్‌లో మూడో స్థానంలో నిలదొక్కుకోవాలంటే గిల్‌ తన బ్యాటింగ్‌ టెక్నిక్‌ను మరింత మెరుగుపరచుకోవాలని సూచించాడు. రాహుల్‌ ద్రవిడ్‌, ఛతేశ్వర్‌ పుజారాల మాదిరి ఆడితే ఈ యువ ప్లేయర్‌కు టెస్టుల్లో మంచి భవిష్యత్తు ఉంటుందని కుంబ్లే అభిప్రాయపడ్డాడు. స్పిన్నర్లను ఎదుర్కోవడంలో శుబ్‌మన్‌ గిల్‌ ఇబ్బంది పడుతున్నాడని... బలహీనతలు అధిగమించడంపై దృష్టి సారించాలని హితవు పలికాడు. కాగా ఐదు మ్యాచ్‌ల సిరీస్‌లో భాగంగా హైదరాబాద్‌ వేదికగా టీమిండియా- ఇంగ్లండ్‌ మధ్య గురువారం తొలి టెస్టు ఆరంభమైంది. ఉప్పల్‌లో జరుగుతున్న ఈ మ్యాచ్‌లో వన్‌డౌన్‌లో బరిలోకి దిగిన గిల్‌.. 66 బంతులు ఎదుర్కొని 23 పరుగులు మాత్రమే చేసి అవుటయ్యాడు. స్ట్రైక్‌ రొటేట్‌ చేయడం నేర్చుకో ఇంగ్లండ్‌ స్పిన్నర్‌ టామ్‌ హార్ట్లే బౌలింగ్‌లో బెన్‌ డకెట్‌కు క్యాచ్‌ ఇచ్చి పెవిలియన్‌ చేరాడు. చెత్త షాట్‌ సెలక్షన్‌తో వికెట్‌ పారేసుకున్నాడు. ఈ నేపథ్యంలో అనిల్‌ కుంబ్లే స్పోర్ట్స్‌ 18తో మాట్లాడుతూ గిల్‌ బ్యాటింగ్‌ గురించి కీలక వ్యాఖ్యలు చేశాడు. ‘‘ఒత్తిడి పెరుగుతున్న కొద్దీ.. గిల్‌ స్ట్రైక్‌ రొటేట్‌ చేయలేకపోతున్నాడు. క్లిష్ట పరిస్థితుల్లో ఎలా బ్యాటింగ్‌ చేయాలో గిల్‌ నేర్చుకోవాలి. ఒకవేళ తను నంబర్‌ 3లోనే కొనసాగాలని కోరుకుంటే.. ముఖ్యంగా భారత పిచ్‌లపై వన్‌డౌన్‌లో నెగ్గుకురావాలనే సంకల్పంతో ఉంటే.. స్పిన్నర్లను ఎదుర్కొనేందుకు ప్రత్యేక వ్యూహాలు రచించాలి. ద్రవిడ్‌, పుజారాలా రాణించాలనుకుంటే లేదంటే స్ట్రైక్‌ రొటేట్‌ చేస్తూ పోవాలి. గురువారం అతడు బాగానే బ్యాటింగ్‌ చేశాడు. కానీ శుక్రవారం నాటి రెండో రోజు ఆటలో చెత్త షాట్‌తో వికెట్‌ సమర్పించుకున్నాడు. నేను మళ్లీ చెప్తున్నా... పుజారా, ద్రవిడ్‌లా వన్‌డౌన్‌లో రాణించాలనుకుంటే కచ్చితంగా గిల్‌ స్ట్రైక్‌ రొటేట్‌ చేయాల్సిందే. స్పిన్‌ బౌలింగ్‌ ఆడేటపుడు మణికట్టును ఎక్కువగా ఉపయోగించాలి. షాట్ల ఎంపికలోనూ జాగ్రత్త వహించాలి’’ అని కుంబ్లే.. గిల్‌ ఆట తీరును ఉద్దేశించి వ్యాఖ్యానించాడు. చదవండి: ICC: అవార్డుల విజేతలు, జట్ల పూర్తి జాబితా! జింబాబ్వేకే ఆ పురస్కారం

India vs England, 1st Test Day 1: ఇంగ్లండ్‌తో మ్యాచ్‌ సందర్భంగా టీమిండియా స్పిన్‌ ద్వయం రవిచంద్రన్‌ అశ్విన్‌- రవీంద్ర జడేజా సరికొత్త చరిత్ర సృష్టించారు. టెస్టుల్లో అత్యధిక వికెట్లు కూల్చిన భారత బౌలింగ్‌ జోడీగా ఘనత సాధించారు. ఈ క్రమంలో టీమిండియా స్పిన్‌ దిగ్గజ జంట అనిల్‌ కుంబ్లే- హర్భజన్‌ సింగ్‌ పేరిట ఉన్న రికార్డు బద్దలు కొట్టారు. కాగా భారత జట్టు స్వదేశంలో ఇంగ్లండ్‌లో ఐదు మ్యాచ్‌ల సిరీస్‌ ఆడుతున్న విషయం తెలిసిందే. 246 పరుగులకు ఇంగ్లండ్‌ ఆలౌట్‌ ఇందులో భాగంగా హైదరాబాద్‌ వేదికగా గురువారం మొదలైన తొలి టెస్టులో టాస్‌ ఓడిన టీమిండియా తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన ఇంగ్లండ్‌ను 246 పరుగులకు ఆలౌట్‌ చేసింది. భారత బౌలర్లలో రవిచంద్రన్‌ అశ్విన్‌ మూడు, రవీంద్ర జడేజా మూడు, అక్షర్‌ పటేల్‌ రెండు, జస్‌ప్రీత్‌ బుమ్రా రెండు వికెట్లు తీశారు. ఈ నేపథ్యంలో తొలి రోజు ఆటలో అశూ- జడ్డూ మొదటి రోజు ఆటలో మొత్తం కలిపి ఆరు వికెట్లు తీశారు. దీంతో ఇప్పటి వరకు టెస్టుల్లో ఇద్దరూ కలిపి 505 వికెట్లు సంయుక్తంగా తమ ఖాతాలో వేసుకున్నారు.  కుంబ్లే- భజ్జీ రికార్డు బద్దలు తద్వారా టెస్టుల్లో అత్యధిక వికెట్లు తీసిన భారత బౌలింగ్‌ జోడీగా నిలిచారు. అంతకు ముందు ఈ రికార్డు కుంబ్లే- హర్భజన్‌ (501) పేరిట ఉండేది. ఇక ఈ జాబితాలో హర్భజన్‌ సింగ్‌- జహీర్‌ ఖాన్‌ జోడీ(474), ఉమేశ్‌ యాదవ్‌- అశ్విన్‌ జంట(431) నాలుగో స్థానంలో ఉంది.  ఇదిలా ఉంటే.. ఇంగ్లండ్‌తో తొలి టెస్టులో ఓపెనర్లు జాక్‌ క్రాలే(20), బెన్‌ డకెట్‌(35), మార్క్‌వుడ్‌(11) వికెట్లను అశూ పడగొట్టగా.. ఒలీ పోప్‌(1), జో రూట్‌(29), టామ్‌ హార్ట్లే వికెట్లను జడ్డూ తన ఖాతాలో వేసుకున్నాడు.   తుదిజట్లు: టీమిండియా రోహిత్ శర్మ (కెప్టెన్‌), యశస్వి జైస్వాల్, శుభమన్ గిల్, శ్రేయస్ అయ్యర్, కేఎల్‌ రాహుల్, రవీంద్ర జడేజా, శ్రీకర్ భరత్, అక్షర్ పటేల్‌, రవిచంద్రన్ అశ్విన్, జస్ప్రీత్ బుమ్రా,మహ్మద్ సిరాజ్. ఇంగ్లండ్‌ జాక్ క్రాలే, బెన్ డకెట్, ఒలీ పోప్, జో రూట్, జానీ బెయిర్‌ స్టో, బెన్ స్టోక్స్ (కెప్టెన్‌), బెన్ ఫోక్స్ (వికెట్‌ కీపర్‌), రెహాన్ అహ్మద్, టామ్ టామ్‌ హార్ట్లే, మార్క్ వుడ్, జాక్ లీచ్.

Ind vs SA 2nd Test Day 2: Jasprit Bumrah Records: సౌతాఫ్రికాతో రెండో టెస్టులో టీమిండియా ప్రధాన పేసర్ జస్ప్రీత్‌ బుమ్రా ఆకాశమే హద్దుగా చెలరేగాడు. కేప్‌టౌన్‌ వేదికగా సౌతాఫ్రికా తొలి ఇన్నింగ్స్‌లో కేవలం రెండు వికెట్లకే పరిమితమైన ఈ స్పీడ్‌స్టర్‌.. రెండో ఇన్నింగ్స్‌లో ఏకంగా ఆరు వికెట్లు పడగొట్టాడు.  న్యూలాండ్స్‌ పిచ్‌ మీద 63/3 ఓవర్‌నైట్‌ స్కోరుతో గురువారం బ్యాటింగ్‌ మొదలుపెట్టిన ఆతిథ్య ప్రొటిస్‌ జట్టుకు బుమ్రా ఆరంభం నుంచే చుక్కలు చూపించాడు. ముందు రోజు ట్రిస్టన్‌ స్టబ్స్‌ రూపంలో వికెట్‌ దక్కించుకున్న బుమ్రా.. రెండో రోజు ఆట మొదలైన తొలి ఓవర్లో(17.6వ ఓవర్‌)నే డేవిడ్‌ బెడింగ్‌హామ్‌ను అవుట్‌ చేసి శుభారంభం అందించాడు. ఆ తర్వాత మరో నాలుగు ఓవర్ల అనంతరం కైలీ వెరెనెను పెవిలియన్‌కు పంపాడు. అనంతరం మార్కో జాన్సెన్‌ను అద్భుత రీతిలో బౌల్డ్‌ చేసిన ఈ రైటార్మ్‌ పేసర్‌.. కేశవ్‌ మహరాజ్‌ వికెట్‌ను కూడా తన ఖాతాలో వేసుకుని ఐదు వికెట్ల హాల్‌ అందుకున్నాడు. ఈ క్రమంలో లుంగి ఎంగిడీని అవుట్‌ చేసిన సౌతాఫ్రికా ఇన్నింగ్స్‌ ముగించిన బుమ్రా ఖాతాలో ఆరో వికెట్‌ జమైంది. ఈ నేపథ్యంలో.. సౌతాఫ్రికాతో  రెండో టెస్టు రెండో రోజు ఆట సందర్భంగా జస్‌ప్రీత్‌ బుమ్రా నాలుగు అరుదైన రికార్డులు సాధించాడు. అవేంటంటే.. 1. సౌతాఫ్రికాలో టెస్టుల్లో అత్యధిక వికెట్లు తీసిన మూడో భారత బౌలర్‌ 2. SENA(సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాల్లో అత్యధిక సార్లు ఐదు వికెట్ల ఘనత సాధించిన నాలుగో భారత బౌలర్‌. 3. సౌతాఫ్రికాలో అత్యధికసార్లు ఐదు వికెట్ల ప్రదర్శన నమోదు చేసిన రెండో భారత బౌలర్‌. 4. న్యూలాండ్స్‌ పిచ్‌ మీద టెస్టుల్లో అత్యధిక వికెట్లు కూల్చిన రెండో బౌలర్‌(ఏకైక భారత బౌలర్‌). బుమ్రా కంటే ముందు ఈ ఘనతలు సాధించిన బౌలర్లు 1. సౌతాఫ్రికాలో అత్యధిక టెస్టు వికెట్లు తీసిన భారత బౌలర్లు 45 - అనిల్ కుంబ్లే 43 - జవగళ్ శ్రీనాథ్ 38* - జస్ప్రీత్ బుమ్రా 35 - మహ్మద్ షమీ 30 - జహీర్ ఖాన్. ⭐⭐⭐⭐⭐ A 5-star performance from #JaspritBumrah in the 2nd innings, as he picks up his 4th witcket of the morning! Will his 9th Test 5-fer lead to a historic win for #TeamIndia? Tune in to #SAvIND 2nd Test LIVE NOW | Star Sports Network#Cricket pic.twitter.com/hjDyvSAJc3 — Star Sports (@StarSportsIndia) January 4, 2024 2. SENA దేశాల్లో టెస్టుల్లో అత్యధిక సార్లు ఐదు వికెట్ల ప్రదర్శన నమోదు చేసిన భారత బౌలర్లు 7 - కపిల్ దేవ్ 6 - భగవత్ చంద్రశేఖర్ 6 - జహీర్ ఖాన్ 6 - జస్ప్రీత్ బుమ్రా. 3. సౌతాఫ్రికాలో టెస్టుల్లో అత్యధికసార్లు ఫైవ్‌ వికెట్‌ హాల్స్‌ తీసిన భారత బౌలర్లు 3 - జవగళ్ శ్రీనాథ్ 3 - జస్ప్రీత్ బుమ్రా 2 - వెంకటేష్ ప్రసాద్ 2 - ఎస్ శ్రీశాంత్ 2 - మహ్మద్ షమీ. 4. న్యూలాండ్స్‌ పిచ్‌(కేప్‌టౌన్‌) మీద అత్యధిక టెస్టు వికెట్లు తీసిన బౌలర్లు 25 - కొలిన్ బ్లైత్ (ఇంగ్లండ్) 18 - జస్ప్రీత్ బుమ్రా (భారత్)(న్యూలాండ్స్‌ పిచ్‌ మీద ఈ ఘనత సాధించిన ఏకైక బౌలర్‌) 17 - షేన్ వార్న్ (ఆస్ట్రేలియా) 16 - జేమ్స్ అండర్సన్ (ఇంగ్లండ్) 15 - జానీ బ్రిగ్స్ (ఇంగ్లండ్) బుమ్రా ధాటికి సౌతాఫ్రికా రెండో ఇన్నింగ్స్‌లో 176 పరుగులకు ఆలౌట్‌ అయింది. బుమ్రాకు ఆరు వికెట్లు దక్కగా.. ముకేశ్‌ కుమార్‌ రెండు, ప్రసిద్‌ కృష్ణ, సిరాజ్‌ ఒక్కో వికెట్‌ తీశారు.

టీమిండియా హెడ్‌ కోచ్‌గా రాహుల్‌ ‍ద్రవిడ్‌ రెండేళ్ల పదవీకాలం వరల్డ్‌కప్‌ 2023 ఫైనల్‌తో  ముగిసింది. దీంతో భారత జట్టు కొత్త హెడ్‌ కోచ్‌ ఎవరనే అంశంపై చర్చ మొదలైంది. మరో దఫా కొనసాగాలా లేదా అనే దానిపై ఇంకా తేల్చుకోలేదని ద్రవిడ్‌ వరల్డ్‌కప్‌ అనంతరం​ మీడియా సమావేశంలో తెలిపాడు. మరి బీసీసీఐ రవిశాస్త్రిలా ద్రవిడ్‌ను రెండో దఫా కొనసాగిస్తుందో లేదో వేచి చూడాలి. ప్రస్తుతానికి అయితే ఆసీస్‌తో టీ20 సిరీస్‌కు స్టాండ్‌ ఇన్‌ కోచ్‌గా ఎన్‌సీఏ డైరెక్టర్‌ వీవీఎస్‌ లక్ష్మణ్‌ను బీసీసీఐ ఎంపిక చేసింది.  ఒకవేళ ద్రవిడ్‌ రెండో దఫా కోచ్‌గా పని చేసేందుకు నిరాకరిస్తే  లక్ష్మణ్‌ భారత జట్టు హెడ్‌ కోచ్‌ పదవి రేసులో ముందువరుసలో ఉంటాడు. ఈ పదవి కోసం లక్ష్మణ్‌తో పాటు మరో ఇద్దరు టీమిండియా దిగ్గజాలు పోటీలో ఉండే అవకాశం ఉందని తెలుస్తుంది. ఇటీవలే ఐసీసీ హాల్‌ ఆఫ్‌ ఫేమర్‌గా ప్రకటించబడ్డ వీరేంద్ర సెహ్వాగ్‌, స్పిన్‌ దిగ్గజం అనిల్‌ కుంబ్లే లక్ష్మణ్‌తో పాటు ప్రధాన పోటీదారులుగా నిలిచే ఛాన్స్‌ ఉంది. వీరిలో కుంబ్లేకు గతంలో భారత జట్టు హెడ్‌ కోచ్‌గా పని చేసిన అనుభవం ఉంది.  ధోనిని ఒప్పించి అప్పచెబితే.. టీమిండియా హెడ్‌ కోచ్‌ పదవి ఖాళీ అయిన నేపథ్యంలో ఈ అంశంపై నెట్టింట జోరుగా చర్చలు సాగుతున్నాయి. కొందరు ద్రవిడ్‌నే కొనసాగించాలని అంటుంటే, మరికొందరు అతడిని సాగనంపాలని వాధిస్తున్నారు. ఒకవేళ హెడ్‌ కోచ్‌ పదవిలో కొనసాగేందుకు ద్రవిడ్‌ ఆసక్తి కనబర్చకపోతే లక్ష్మణ్‌, అనిల్‌ కుంబ్లే, సెహ్వాగ్‌లు రేసులో ఉంటారని ప్రచారం జరుగుతుంది. కొత్తగా కొందరు టీమిండియా మోస్ట్‌ సక్సెస్‌ఫుల్‌ కెప్టెన్‌ మహేంద్ర సింగ్‌ ధోని పేరును తెరపైకి తెస్తున్నారు. ధోనికి ఇష్టం లేకపోయినా అతన్ని ఒప్పించి మరీ భారత క్రికెట్‌ జట్టు కోచింగ్‌ బాధ్యతలు అప్పజెప్పాలని వారు పట్టుబడుతున్నారు. మరి భారత జట్టుకు కోచింగ్‌ ఇచ్చేందుకు ధోని ముందుకు వస్తాడో లేదో వేచి చూడాలి.  

‘‘మంచి, చెడులను అర్థం చేసుకోవడానికి చదువు ఉపయోగపడుతుంది. క్రికెట్‌ను కెరీర్‌గా ఎంచుకుంటే కచ్చితంగా విజయవంతమవుతామనే నమ్మకం లేదు. ఒకవేళ అనుకున్నది సాధించలేక నిరాశలో కూరుకుపోతే.. దానిని ఎలా అధిగమించాలో, భవిష్యత్‌ పరిణామాలకు ఎలా సంసిద్ధం కావాలో కూడా చదువు మనకు నేర్పిస్తుంది’’- అనిల్‌ కుంబ్లే టీమిండియా స్పిన్‌ దిగ్గజం అనిల్‌ కుంబ్లే పుట్టినరోజు నేడు(అక్టోబరు 17). ఈ సందర్భంగా సచిన్‌ టెండుల్కర్‌, హర్భజన్‌ సింగ్‌ వంటి టీమిండియా మాజీ క్రికెటర్లు సహా అభిమానుల నుంచి ‘జంబో’కు శుభాకాంక్షలు వెల్లువెత్తుతున్నాయి.  మెకానికల్‌ ఇంజనీర్‌! ఈ నేపథ్యంలో అనిల్‌ కుంబ్లేకు సంబంధించిన కొన్ని  ఆసక్తికర విషయాలు మీకోసం.. కర్ణాటకలోని బెంగళూరులో 1970లో జన్మించాడు కుంబ్లే. చదువు, క్రికెట్‌.. రెండింటినీ సమన్వయం చేసుకుంటూ ముందుకు సాగాడు. ముందు టీమిండియాకు ఆడి.. తర్వాత పట్టా పుచ్చుకున్నాడు టీమిండియా తరఫున 1991- 92లో రాష్ట్రీయ విద్యాలయ కాలేజ్‌ ఆఫ్‌ ఇంజనీరింగ్‌ నుంచి మెకానికల్‌ ఇంజనీరింగ్‌లో బీఈ డిగ్రీ అందుకున్న కుంబ్లే.. అంతకంటే ఓ ఏడాది ముందే టీమిండియా తరఫున అంతర్జాతీయ క్రికెట్‌లో అడుగుపెట్టాడు. జంబో ఖాతాలో ఎన్ని వంద వికెట్లంటే? షార్జాలో శ్రీలంకతో వన్డే మ్యాచ్‌ సందర్భంగా అరంగేట్రం చేశాడు. అదే ఏడాది ఇంగ్లండ్‌తో మ్యాచ్‌తో టెస్టుల్లోనూ ఎంట్రీ ఇచ్చాడు. 2008లో ఇంటర్నేషనల్‌ క్రికెట్‌కు గుడ్‌ బై చెప్పిన కుంబ్లే.. తన కెరీర్‌లో మొత్తంగా 132 టెస్టులు, 271 వన్డేలు ఆడాడు. ఆయా ఫార్మాట్లలో వరుసగా 619, 337 వికెట్లు పడగొట్టి అరుదైన ఘనతలు సాధించాడు ఈ రైట్‌ఆర్మ్‌ లెగ్‌బ్రేక్‌ స్పిన్నర్‌. కాగా టీమిండియా కెప్టెన్‌గానూ అనిల్‌ కుంబ్లే సేవలు అందించిన విషయం తెలిసిందే. ఒకే ఒక్క వన్డేకు కెప్టెన్‌గా 2007లో భారత టెస్టు జట్టు పగ్గాలు చేపట్టిన కుంబ్లే 14 మ్యాచ్‌లకు సారథ్యం వహించాడు. కానీ, వన్డే ఫుల్‌టైమ్‌ కెప్టెన్‌గా మాత్రం కుంబ్లేకు అవకాశం రాలేదు. అయితే, టెస్టు సారథి కావడానికి ముందే అంటే 2002లో ఇంగ్లండ్‌తో వన్డేలో జట్టును మందుండి నడిపించాడు.  టీమిండియా తరఫున పొట్టి ఫార్మాట్లో నో ఎంట్రీ టీమిండియా తరఫున ఒక్క టీ20 మ్యాచ్‌ కూడా ఆడలేకపోయిన కుంబ్లే.. ఇండియన్‌ ప్రీమియర్‌ లీగ్‌లో మాత్రం రాయల్‌ చాలెంజర్స్‌ బెంగళూరుకు కెప్టెన్‌గా వ్యవహరించాడు.  ఐపీఎల్‌లో హవా మొత్తంగా 42 ఐపీఎల్‌ మ్యాచ్‌లు ఆడి.. 45 వికెట్లు పడగొట్టాడు. ఇందులో మూడు 4- వికెట్‌ హాల్స్‌, ఒక 5-వికెట్‌ హాల్‌ ఉంది. కాగా మొట్టమొదటిసారిగా 2007లో ప్రవేశపెట్టిన టీ20 వరల్డ్‌కప్‌ టోర్నీలో పాల్గొనే భారత జట్టులో కుంబ్లేకు సెలక్టర్లు చోటివ్వలేదు. యువ ఆటగాళ్లకు అవకాశం ఇచ్చే క్రమంలో కుంబ్లేకు ఛాన్స్‌ దక్కలేదు. చివరిగా బెర్ముడాతో వెస్టిండీస్‌లో... బెర్ముడాతో 2007 వన్డే వరల్డ్‌కప్‌ సందర్భంగా అనిల్‌ కుంబ్లే తన చివరి అంతర్జాతీయ వన్డే ఆడాడు. ఈ మ్యాచ్‌లో కుంబ్లే.. త్రీ- వికెట్‌ హాల్‌తో మెరిశాడు. మొత్తంగా 38 పరుగులిచ్చి.. బెర్ముడా కెప్టెన్‌ ఇర్విన్‌ రొమేనీ, మిడిలార్డర్‌ బ్యాటర్‌ జెనీరో టకర్‌, టెయిలెండర్‌ మలాచి జోన్స్‌ వికెట్లు పడగొట్టాడు. చిరస్థాయిగా నిలిచిపోయే ప్రదర్శన ఇక అనిల్‌ కుంబ్లే కెరీర్‌తో పాటు టీమిండియా అభిమానుల హృదయాల్లో చిరస్థాయిగా నిలిచిపోయే అద్భుతం 1999, ఫిబ్రవరి 7న జరిగింది. వసీం అక్రం సారథ్యంలోని పాకిస్తాన్‌ జట్టు 2 మ్యాచ్‌ల టెస్టు సిరీస్‌ ఆడేందుకు భారత పర్యటనకు వచ్చింది. సొంతగడ్డపై పరువు నిలబెట్టేందుకు తొలి టెస్టులో 12 పరుగుల తేడాతో గెలుపొంది 1-0 ఆధిక్యంలో నిలిచి టీమిండియాకు సవాల్‌ విసిరింది. ఈ క్రమంలో సొంతగడ్డపై దాయాదితో చావోరేవో తేల్చుకోవాల్సిన పరిస్థితిలో భారత జట్టు ఢిల్లీలో రెండో టెస్టుకు సిద్ధమైంది. ఈ మ్యాచ్‌లో 252 పరుగుల వద్ద భారత్‌ తమ తొలి ఇన్నింగ్స్‌ ముగించగా.. పాక్‌ కథ 172 పరుగులకే ముగిసింది. ఇక రెండో ఇన్నింగ్స్‌లో మహ్మద్‌ అజారుద్దీన్‌ సారథ్యంలోని టీమిండియా 339 పరుగులు చేసి భారీ ఆధిక్యంలో నిలిచింది. పాక్‌ను ఒంటిచేత్తో ఓడించి.. ఈ క్రమంలో 420 పరుగుల లక్ష్యంతో బరిలోకి దిగిన పాకిస్తాన్‌ అనిల్‌ కుంబ్లే చావుదెబ్బ కొట్టాడు. పది వికెట్లు తానే తీసి పాక్‌ బ్యాటింగ్‌ ఆర్డర్‌ పతనాన్ని శాసించాడు. తొలుత ఓపెనర్‌ షాహిద్‌ ఆఫ్రిదితో మొదలుపెట్టిన కుంబ్లే.. అందరినీ తానే పెవిలియన్‌కు పంపాడు. ఆ పది మంది వీరే ఆఫ్రిదితో పాటు సయీద్‌ అన్వర్‌, ఇయాజ్‌అహ్మద్‌, ఇంజమామ్‌ ఉల్‌ హక్‌, మహ్మద్‌ యూసఫ్‌, మొయిన్‌ ఖాన్‌, సలీం మాలిక్‌, వసీం అక్రం, ముస్తాక్‌ అహ్మద్‌, సక్లెయిన్‌ ముస్తాక్‌, వకార్‌ యూనిస్‌ వికెట్లు పడగొట్టి.. 10- వికెట్‌ హాల్‌ నమోదు చేసి సరికొత్త చరిత్ర సృష్టించాడు. టీమిండియా విజయంలో, సిరీస్‌ సమం కావడంలో కీలక పాత్ర పోషించి.. ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. కుంబ్లే పుట్టిన రోజు సందర్భంగా మంగళవారం (అక్టోబరు 17) బీసీసీఐ ఇందుకు సంబంధించిన వీడియో షేర్‌ చేసింది. చదవండి: ఆస్ట్రేలియాతో మ్యాచ్‌.. పాకిస్తాన్‌ ఆటగాళ్లకు వైరల్‌ ఫీవర్‌! On his birthday, let's relive @anilkumble1074's brilliant 🔟-wicket haul against Pakistan 🎥🔽#TeamIndia pic.twitter.com/BFrxNqLxil — BCCI (@BCCI) October 17, 2023

ఇండోర్‌ వేదికగా ఆస్ట్రేలియాతో జరిగిన రెండో వన్డేలో 99 పరుగుల తేడాతో భారత్‌ ఘన విజయం సాధించింది. తద్వారా మూడు వన్డేల సిరీస్‌ను మరో మ్యాచ్‌ మిగిలూండగానే 2-0 తేడాతో టీమిండియా సొంతం చేసుకుంది. టాస్‌ ఓడి ముందుగా బ్యాటింగ్‌కు దిగిన భారత్‌ 50 ఓవర్లలో 5 వికెట్ల నష్టానికి 399 పరుగులు చేసింది. భారత ఇన్నింగ్స్‌లో శ్రేయస్‌ అయ్యర్‌(105), శుబ్‌మన్‌ గిల్‌ అద్భుత సెంచరీలతో చెలరేగగా.. సూర్యకుమార్‌ యాదవ్‌( 72 నాటౌట్‌), కేఎల్‌ రాహుల్‌(52) కీలక ఇన్నింగ్స్‌లు ఆడారు.  భారత ఇన్నింగ్స్‌లలో ఏకంగా  31 ఫోర్లు, 18 సిక్సర్లు ఉండటం విశేషం. అనంతరం వర్షం కారణంగా ఆ్రస్టేలియా లక్ష్యాన్ని 33 ఓవర్లలో 317 పరుగులుగా (డక్‌వర్త్‌ లూయిస్‌ ప్రకారం) నిర్దేశించారు. ఆసీస్‌ 28.2 ఓవర్లలో 217 పరగులకు ఆలౌటైంది. ఆసీస్‌ బ్యాటరల్లో సీన్‌ అబాట్‌(54) టాప్‌ స్కోరర్‌గా నిలిచాడు. భారత బౌలర్లలో అశ్విన్‌ మూడు వికెట్లు పడగొట్టగా.. జడేజా, ప్రసిద్ద్‌ కృష్ణ చెరో రెండు వికెట్లు సాధించారు. రవి చంద్రన్‌ అశ్విన్‌ అరుదైన ఘనత.. ఇక తొలి వన్డేలో పెద్దగా అకట్టుకోపోయిన భారత స్పిన్నర్‌ రవి చంద్రన్‌ అశ్విన్‌.. రెండో వన్డేలో మాత్రం అదరగొట్టాడు. ఈ మ్యాచ్‌లో 3 వికెట్లతో ఆశూ సత్తాచాటాడు. 7 ఓవర్లు బౌలింగ్‌ చేసిన అశ్విన్‌.. 41 పరుగులిచ్చి 3వికెట్లను తన ఖాతాలో వేసుకున్నాడు. తద్వారా అశ్విన్‌ ఓ అరుదైన ఘనతను తన పేరిట లిఖించుకున్నాడు. ఓ ప్రత్యర్ధి జట్టుపై అత్యధిక అంతర్జాతీయ వికెట్లు పడగొట్టిన భారత బౌలర్‌గా అశ్విన్‌ రికార్డులకెక్కాడు. ఆసీస్‌పై అశ్విన్‌ ఇప్పటివరకు మూడు ఫార్మాట్‌లు కలపి 144 వికెట్లు పడగొట్టాడు. అంతకుముందు ఈ రికార్డు భారత స్పిన్‌ దిగ్గజం​ అనిల్‌ కుంబ్లే పేరిట ఉండేది. కుంబ్లే కూడా కంగారూలపైనే ఈ ఫీట్‌ సాధించాడు. ఆస్ట్రేలియాపై 142 అంతర్జాతీయ వికెట్లు సాధించాడు. తాజా మ్యాచ్‌తో కుంబ్లే ఆల్‌టైమ్‌ రికార్డు బద్దలు కొట్టాడు. అశ్విన్‌ దరిదాపుల్లో కూడా ఎవరూ లేరు. కుంబ్లే తర్వాత భారత మాజీ కెప్టెన్‌ కపిల్‌ దేవ్‌(141) ఉన్నాడు. చదవండి: IND VS AUS 2nd ODI: చరిత్ర సృష్టించిన టీమిండియా.. వన్డే క్రికెట్‌లో తొలి జట్టుగా ప్రపంచ రికార్డు

మొహాలీ వేదికగా జరగనున్న తొలి వన్డేలో ఆస్ట్రేలియాతో తలపడేందుకు టీమిండియా అన్నివిధాల సిద్దమైంది. శుక్రవారం మధ్యాహ్నం 1:30లకు ఈ మ్యాచ్‌ ప్రారంభం కానుంది. కాగా ఈ సిరీస్‌ వరల్డ్‌కప్‌ సన్నాహకాల్లో భాగంగా జరగనుంది. అయితే తొలి రెండు వన్డేలకు రెగ్యూలర్‌ కెప్టెన్‌ రోహిత్‌ శర్మ, విరాట్‌ కోహ్లి, హార్దిక్‌ పాండ్యా, కుల్దీప్‌ యాదవ్‌కు విశ్రాంతి ఇచ్చారు. మరోవైపు గత కొంత కాలంగా జట్టుకు దూరంగా ఉంటున్న వెటరన్‌ స్పిన్నర్‌ రవిచంద్రన్‌ అశ్విన్‌కు సెలక్టర్లు అనుహ్యంగా పిలుపునిచ్చారు. ఈ క్రమంలో ఆస్ట్రేలియాతో తొలి వన్డేకు ముందు టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ను ఓ అరుదైన రికార్డు ఊరిస్తోంది. ఈ మ్యాచ్‌లో అశ్విన్‌ మరో మూడు వికెట్లు పడగొడితే.. ఆసీస్‌పై అన్ని ఫార్మాట్‌ల్లో కలిపి అత్యధిక వికెట్లు పడగొట్టిన బౌలర్‌గా రికార్డులకెక్కుతాడు. ప్రస్తుతం ఈ రికార్డు భారత స్పిన్‌ దిగ్గజం అనిల్‌ కుంబ్లే(142 వికెట్లు) పేరిట ఉంది. అశ్విన్‌ 140 వికెట్లతో కుంబ్లే తర్వాతి స్ధానంలో ఉన్నాడు. తుది జట్లు (అంచనా).. భారత్‌: ఇషాన్‌ కిషన్‌, శుబ్‌మన్‌ గిల్‌, శ్రేయస్‌ అయ్యర్‌, సూర్యకుమార్‌ యాదవ్‌, కేఎల్‌ రాహుల్‌(కెప్టెన్‌), రవీంద్ర జడేజా, వాషింగ్టన్‌ సుందర్‌, అశ్విన్‌, మహ్మద్‌  షమీ, సిరాజ్‌, బుమ్రా ఆస్ట్రేలియా: డేవిడ్‌ వార్నర్‌, మిచెల్‌ మార్ష్‌, స్టీవ్‌ స్మిత్‌, లబుషేన్‌, అలెక్స్‌ కేరీ, గ్రీన్‌, మార్కస్‌ స్టాయినిస్‌, ప్యాట్‌ కమిన్స్‌, స్పెన్సర్‌ జాన్సన్‌, అడమ్‌ జంపా, హేజిల్‌వుడ్‌ చదవండి: ODI World Cup 2023: వరల్డ్‌కప్‌ ట్రోఫీని ఎవరు తయారు చేశారో తెలుసా.. ధర ఎంతంటే?

నట దిగ్గజం​ అమితాబ్‌ బచ్చన్‌ వ్యాఖ్యాతగా వ్యవహరించే ప్రముఖ టీవీ క్విజ్‌ షో కౌన్‌ బనేగా కరోడ్‌పతిలో క్రికెట్‌కు సంబంధించిన ప్రశ్న వచ్చింది. 12 లక్షల 50 వేల రూపాయల ఈ ప్రశ్న భారత స్పిన్‌ దిగ్గజం అనిల్‌ కుంబ్లేకు సంబంధించింది. ఈ ప్రశ్న నిన్న (సెప్టెంబర్‌ 19) ప్రసారమైన ఎపిసోడ్‌లో ఓ కంటెస్టెంట్‌ ఎదుర్కొన్నాడు.  ప్రశ్న ఏమిటంటే..? భారత స్పిన్‌ దిగ్గజం అనిల్‌ కుంబ్లే టెస్ట్‌ల్లో ఒకే ఇన్నింగ్స్‌లో 10కి 10 వికెట్లు (పాక్‌పై) తీసినప్పుడు బౌలర్‌ ఎండ్‌లో ఉన్న అంపైర్‌ ఎవరు..? ఈ ప్రశ్నకు ఆప్షన్స్‌గా పిలూ రిపోర్టర్‌, ఎస్‌ వెంకట్రాఘవన్‌, డేవిడ్‌ షెపర్డ్‌, ఏవీ జయప్రకాశ్‌ పేర్లు ఇచ్చారు. 12 లక్షల 50 వేల రూపాయల ఈ ప్రశ్నకు జవాబు మీకు తెలిసినట్లయితే కామెంట్‌ చేయండి.  #OnThisDay in 1999, #TeamIndia spin legend @anilkumble1074 became the first Indian bowler and second overall to scalp all the 10 wickets in a Test innings. 👏👏 Watch that fantastic bowling display 🎥👇 pic.twitter.com/OvanaqP4nU — BCCI (@BCCI) February 7, 2021 కాగా, 1999 ఫిబ్రవరిలో పాక్‌తో జరిగిన ఢిల్లీ టెస్ట్‌లో కుంబ్లే ఒకే ఇన్నింగ్స్‌లో 10కి 10 వికెట్లు తీశాడు. యాదృచ్చికంగా ఆ 10 మంది ఔటైన సమయంలో బౌలర్‌ ఎండ్‌లో ఏవీ జయప్రకాశ్‌ అంపైర్‌గా ఉన్నాడు. ఆ మ్యాచ్‌ను టీమిండియా 212 పరుగుల తేడాతో గెలుపొంది, 2-2తో సిరీస్‌ను డ్రా చేసుకుంది. టెస్ట్‌ల్లో కుంబ్లే కాకుండా మరో ఇద్దరు మాత్రమే ఒకే ఇన్నింగ్స్‌లో 10కి 10 వికెట్లు పడగొట్టారు. కుంబ్లేకు ముందు జిమ్‌ లేకర్‌ (ఇంగ్లండ్‌), ఇటీవలికాలంలో న్యూజిలాండ్‌ స్పిన్‌ బౌలర్‌ అజాజ్‌ పటేల్‌ ఈ ఘనత సాధించారు.  ఇదిలా ఉంటే, కుంబ్లే భారత తరఫున లీడింగ్‌ వికెట్‌ టేకర్‌గా కెరీర్‌ను ముగించిన విషయం తెలిసిందే. అతను భారత్‌ తరఫున 132 టెస్ట్‌లు ఆడి 619 వికెట్లు పడగొట్టాడు. ఇందులో 35 ఐదు వికెట్ల ఘనతలు ఉన్నాయి. టెస్ట్‌ల్లో అత్యధిక వికెట్లు తీసిన బౌలర్ల జాబితాలో కుంబ్లే నాలుగో స్థానంలో ఉన్నాడు. అతనికి ముందు జేమ్స్‌ ఆండర్సన్‌ (690), షేన్‌ వార్న్‌ (708), ముత్తయ్య మురళీథరన్‌ (800) మాత్రమే ఉన్నారు. 

Asia Cup 2023- India vs Sri Lanka- Kuldeep Yadav Records: టీమిండియా చైనామన్‌ బౌలర్‌ కుల్దీప్‌ యాదవ్‌ అద్భుత ఆట తీరుతో ఆకట్టుకుంటున్నాడు. ఆసియా కప్‌-2023లో భాగంగా సూపర్‌-4 దశలో తొలుత పాకిస్తాన్‌పై.. తాజాగా శ్రీలంకతో మ్యాచ్‌లో అదరగొట్టాడు. కొలంబోలో దాయాదితో పోరులో 8 ఓవర్ల బౌలింగ్‌లో ఈ లెఫ్టార్మ్‌ స్పిన్నర్‌ 25 పరుగులిచ్చి ఏకంగా 5 వికెట్లు తీశాడు. ఇక మంగళవారం అదే వేదికపై మరోసారి మెరిశాడు కుల్దీప్‌. టీమిండియా 213 పరుగుల లో స్కోరును కాపాడుకోవడంలో తన వంతు పాత్ర పోషించాడు. 9.3 ఓవర్ల బౌలింగ్‌లో 43 పరుగులిచ్చి 4 వికెట్లు తీశాడు. లంక టెయిలెండర్‌ మతీశ పతిరణను బౌల్డ్‌ చేసి.. టీమిండియా గెలుపును ఖరారు చేశాడు. 150 వికెట్ల క్లబ్‌లో అత్యంత వేగంగా ఈ క్రమంలో కుల్దీప్‌ యాదవ్‌ ఓ అరుదైన రికార్డు సాధించాడు. అంతర్జాతీయ వన్డేల్లో అత్యంత వేగంగా 150 వికెట్ల క్లబ్‌లో చేరిన రెండో భారత బౌలర్‌గా నిలిచాడు. తద్వారా బీసీసీఐ ప్రస్తుత చీఫ్‌ సెలక్టర్‌ అజిత్‌ అగార్కర్‌ పేరిట ఉన్న రికార్డును బద్దలు కొట్టాడు.  కుంబ్లేకు సాధ్యం కాని ఫీట్‌.. తొలి భారత స్పిన్నర్‌గా చరిత్ర అదే విధంగా.. టీమిండియా దిగ్గజ బౌలర్లు అనిల్‌ కుంబ్లే, జహీర్‌ ఖాన్‌లను అధిగమించాడు. అంతేకాదు.. వన్డేల్లో అత్యంత వేగంగా 150 వికెట్లు సాధించిన తొలి భారత స్పిన్నర్‌గానూ కుల్దీప్‌ చరిత్ర సృష్టించాడు. దిగ్గజ స్పిన్‌ బౌలర్‌ అనిల్‌ కుంబ్లేకు సాధ్యం కాని ఫీట్‌ నమోదు చేశాడు. ఇదిలా ఉంటే.. శ్రీలంకపై 41 పరుగులతో గెలుపొందిన టీమిండియా ఆసియా వన్డే కప్‌-2023 ఫైనల్లో ప్రవేశించింది.  టీమిండియా తరఫున వన్డేల్లో అత్యంత వేగంగా 150 వికెట్లు సాధించిన  బౌలర్లు ►మహ్మద్‌ షమీ- 80 మ్యాచ్‌లలో.. ►కుల్దీప్‌ యాదవ్‌- 88 మ్యాచ్‌లలో.. ►అజిత్‌ అగార్కర్‌- 97 మ్యాచ్‌లలో.. ►జహీర్‌ ఖాన్‌- 103 మ్యాచ్‌లలో.. ►అనిల్‌ కుంబ్లే- 106 మ్యాచ్‌లలో.. ►ఇర్ఫాన్‌ పఠాన్‌- 106 మ్యాచ్‌లలో.. అంతర్జాతీయ వన్డేల్లో అత్యంత వేగంగా 150 వికెట్ల క్లబ్‌లో చేరిన స్పిన్నర్లు ►సక్లెయిన్‌ ముస్తాక్‌- 78 మ్యాచ్‌లలో ►రషీద్‌ ఖాన్‌- 80 మ్యాచ్‌లలో ►అజంత మెండిస్‌- 84 మ్యాచ్‌లలో ►కుల్దీప్‌ యాదవ్‌- 88 మ్యాచ్‌లలో ►ఇమ్రాన్‌ తాహిర్‌- 89 మ్యాచ్‌లలో. చదవండి: Ind Vs SL: ప్రతి బంతికి వికెట్‌ తీయాలనుకుంటాడు.. అతడు అద్భుతం: రోహిత్‌  Asia Cup 2023 IND VS SL: చరిత్ర సృష్టించిన లంక యువ స్పిన్నర్‌  As 'KUL' as it gets! 🧊@imkuldeep18 continues his sensational form as he rips one through the batter, while @klrahul pulls off a sharp stumping. 💥 Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/NZccClhhRW — Star Sports (@StarSportsIndia) September 12, 2023

Ravindra Jadeja Eyes On Kapil Dev Record: వెస్టిండీస్‌తో వన్డే సిరీస్‌ నేపథ్యంలో టీమిండియా సీనియర్‌ ఆల్‌రౌండర్‌ రవీంద్ర జడేజా అరుదైన సాధించే అవకాశం ఉంది. బార్బడోస్‌లో జడ్డూ గనుక మూడు వికెట్లు పడగొడితే భారత క్రికెట్‌ దిగ్గజం కపిల్‌ దేవ్ పేరిట ఉన్న రికార్డు బద్దలు కొట్టే అవకాశం ఉంది. కాగా టెస్టు సిరీస్‌తో వెస్టిండీస్‌ పర్యటన ఆరంభించిన భారత జట్టు.. 1-0తో ట్రోఫీ కైవసం చేసుకున్న విషయం తెలిసిందే. అరుదైన ఘనతకు మూడడుగుల దూరంలో ఈ క్రమంలో గురువారం (జూలై 27) నుంచి వన్డే సిరీస్‌ ఆరంభించనుంది. బార్బడోస్‌ వేదికగా తొలి మ్యాచ్‌ ఆడనుంది. ఇక గాయం నుంచి కోలుకుని పునరాగమనం చేసిన తర్వాత రవీంద్ర జడేజా ఆకాశమే హద్దుగా చెలరేగుతున్న విషయం తెలిసిందే. మూడు ఫార్మాట్లలోనూ టీమిండియాకు కీలకంగా మారిన జడ్డూకు తుది జట్టులో చోటు దక్కడం లాంఛనమే. కుంబ్లేతో సంయుక్తంగా ఈ క్రమంలో అతడు అరుదైన ముంగిట నిలిచాడు. అదేంటంటే.. వన్డే ఫార్మాట్లో వెస్టిండీస్‌పై కపిల్‌ దేవ్‌ 43 వికెట్లు తీశాడు. తద్వారా ఇప్పటి వరకు విండీస్‌తో వన్డేల్లో అత్యధిక వికెట్లు తీసిన భారత బౌలర్‌గా కొనసాగుతున్నాడు. ఆ తర్వాతి స్థానంలో 41 వికెట్లతో అనిల్‌ కుంబ్లేతో కలిసి రవీంద్ర జడేజా ఉన్నాడు. ఒకవేళ తాజా సిరీస్‌లో భాగంగా మొదటి వన్డేలో జడ్డూ మూడు వికెట్లు తీశాడంటే.. కపిల్‌ దేవ్‌ను అధిగమించడం ఖాయం. ప్రస్తుతం జడ్డూ ఫామ్‌ చూస్తుంటే ఇదేమీ కష్టంకాదనిపిస్తోంది. కాగా మూడు వన్డేల సిరీస్‌లో భాగంగా.. జూలై 27, 29 నాటి మ్యాచ్‌లు బార్బడోస్‌లో జరుగనున్నాయి. ఆగష్టు 1 నాటి ఆఖరి వన్డేకు ట్రినిడాడ్‌ వేదిక కానుంది. వెస్టిండీస్‌తో వన్డే సిరీస్‌కు భారత జట్టు రోహిత్‌ శర్మ (కెప్టెన్‌), హార్దిక్‌ పాండ్యా (వైస్‌ కెప్టెన్‌), శుబ్‌మన్‌ గిల్, రుతురాజ్‌ గైక్వాడ్, విరాట్‌ కోహ్లి, సూర్యకుమార్‌ యాదవ్,   సంజూ సామ్సన్, ఇషాన్‌ కిషన్, శార్దుల్‌ ఠాకూర్, రవీంద్ర జడేజా, అక్షర్‌ పటేల్, చహల్, కుల్దీప్, జైదేవ్‌ ఉనాద్కట్, సిరాజ్, ఉమ్రాన్‌ మాలిక్, ముకేశ్‌ కుమార్‌. చదవండి: ఏడాదికి 50 కోట్ల సంపాదన! మరి.. ధోని సొంత అక్క పరిస్థితి ఎలా ఉందంటే! రెండ్రోజులు అక్కడే పెట్టిన అరటిపండును శ్రీశాంత్‌ తిన్నాడు! ఆఖరికి లోదుస్తులు కూడా..

ట్రినిడాడ్‌ వేదికగా జరుగుతున్న రెండో టెస్టులో టీమిండియా పట్టు బిగుస్తోంది. తొలి ఇన్నింగ్స్‌లో దక్కిన 183 పరుగుల ఆధిక్యంతో రెండో ఇన్నింగ్స్‌ బ్యాటింగ్ మొదలెట్టిన టీమిండియా.. 24 ఓవర్లలోనే 2 వికెట్ల నష్టానికి 181 పరుగులు చేసింది. భారత బ్యాటర్లలో రోహిత్‌ శర్మ(44 బంతుల్లో 5 ఫోర్లు, 3 సిక్స్‌లతో 57), కిషన్‌(34 బంతుల్లో 4 ఫోర్లు, 2 సిక్స్‌లతో 52) మెరుపు ఇన్నింగ్స్‌ ఆడారు. దీంతో 181/2 పరుగుల వద్ద తమ రెండో ఇన్నింగ్స్‌ను భారత్‌ డిక్లేర్‌ చేసింది. తొలి ఇన్నింగ్స్‌లో దక్కిన ఆధిక్యంతో కలిపి వెస్టిండీస్ ముందు 365 పరుగుల భారీ లక్ష్యం నిలిపింది. 365 పరుగుల లక్ష్యంతో బరిలోకి దిగిన విండీస్‌ నాలుగో రోజు ఆటముగిసే సమయానికి రెండు వికెట్లు కోల్పోయి 76 పరుగులు చేసింది. క్రీజులో చంద్రపాల్‌(24), బ్లాక్‌వుడ్‌(20) పరుగులతో ఉన్నారు. భారత్‌ విజయానికి మరో 8 వికెట్లు అవసరమమవ్వగా.. వెస్టిండీస్‌కు ఇంకా 289 పరుగులు కావాలి.  అశ్విన్‌ అరుదైన రికార్డు.. ఇక విండీస్‌ సెకెండ్‌ ఇన్నింగ్స్‌లో రెండు వికెట్లు పడగొట్టిన భారత స్పిన్నర్‌ రవిచంద్రన్‌ అశ్విన్‌ అరుదైన ఘనత సాధించాడు. టెస్టుల్లో వెస్టిండీస్‌పై అత్యధిక వికెట్లు పడగొట్టిన రెండో భారత బౌలర్‌గా అశ్విన్‌ రికార్డులకెక్కాడు. అశ్విన్‌ ఇప్పటివరకు విండీస్‌పై 75 వికెట్లు పడగొట్టాడు. ఈ క్రమంలో అనిల్‌ కుంబ్లే(74)ను అశ్విన్‌ అధిగమించాడు. ఈ అరుదైన ఫీట్‌ సాధించిన జాబితాలో కపిల్‌ దేవ్‌(89) ఉన్నారు. చదవండి: IND vs WI: రోహిత్‌, కిషన్‌ మెరుపు ఇన్నింగ్స్‌.. విజయానికి 8 వికెట్ల దూరంలో టీమిండియా

భారత స్పిన్‌ ద్వయం రవిచంద్రన్‌ అశ్విన్‌-రవీంద్ర జడేజాల కోసం ఓ వరల్డ్‌ రికార్డు కాసుకు కూర్చుంది. ఈ స్పిన్‌ ద్వయం విండీస్‌తో జరుగుతున్న రెండో టెస్ట్‌ నాలుగో రోజు మరో 3 వికెట్లు పడగొడితే టెస్ట్‌ క్రికెట్‌లో అత్యధిక వికెట్లు పడగొట్టిన స్పిన్‌ ద్వయంగా రికార్డుల్లోకెక్కుతుంది. ఈ ఇద్దరు కలిసి ఇప్పటివరకు టెస్ట్‌ల్లో 49 మ్యాచ్‌ల్లో 498 వికెట్లు పడగొట్టారు. వీరికి ముందు భారత మాజీ స్పిన్‌ ద్వయం అనిల్‌ కుంబ్లే-హర్భజన్‌ సింగ్‌ 54 మ్యాచ్‌ల్లో 501 వికెట్లు పడగొట్టారు. టెస్ట్‌ క్రికెట్‌ చరిత్రలో అత్యధిక వికెట్లు సాధించిన స్పిన్‌ ద్వయం రికార్డు కుంబ్లే-భజ్జీ జోడీ పేరిట ఉంది. విండీస్‌తో నేటి మ్యాచ్‌లో అశ్విన్‌-జడేజా ఇద్దరు కలిసి మరో 3 వికెట్లు పడగొడితే, కుంబ్లే-భజ్జీ జోడీని వెనక్కునెట్టి టెస్ట్‌ల్లో అత్యధిక వికెట్లు తీసిన స్పిన్‌ ద్వయం రికార్డును వారి ఖాతాలో వేసుకుంటారు. ఓవరాల్‌గా టెస్ట్‌ల్లో అత్యధిక వికెట్లు పడగొట్టిన జోడీ రికార్డు ఇంగ్లండ్‌ ఫాస్ట్‌ బౌలింగ్‌ పెయిర్‌ జేమ్స్‌ ఆండర్సన్‌-స్టువర్ట్‌ బ్రాడ్‌ పేరిట ఉంది. వీరిద్దరు కలిసి 137 టెస్ట్‌ల్లో 1034 వికెట్లు పడగొట్టారు. వీరి తర్వాత షేన్‌ వార్న్‌-గ్లెన్‌ మెక్‌గ్రాత్‌ ద్వయం ఉంది. వీరు 104 మ్యాచ్‌ల్లో 1001 వికెట్లు సాధించారు. ఈ జాబితాలో ప్రస్తుతం కుంబ్లే-భజ్జీ జోడీ 11వ స్థానంలో.. అశ్విన్‌-జడేజా జోడీ 12వ స్థానంలో ఉన్నాయి.  ఇదిలా ఉంటే, రెండో టెస్ట్‌ మూడో రోజు ఆట ముగిసే సమయానికి విండీస్‌ తొలి ఇన్నింగ్స్‌లో 5 వికెట్ల నష్టానికి 229 పరుగులు చేసింది. కెప్టెన్‌ క్రెయిగ్‌ బ్రాత్‌వైట్‌ (75), తేజ్‌నరైన్‌ చంద్రపాల్‌ (33), కిర్క్‌ మెక్‌కెంజీ (32), జెర్మైన్‌ బ్లాక్‌వుడ్‌ (20), జాషువ డిసిల్వ (10) ఔట​్‌ కాగా.. అలిక్‌ అథనేజ్‌ (37), జేసన్‌ హోల్డర్‌ (11) క్రీజ్‌లో ఉన్నారు. భారత బౌలర్లలో జడేజా 2, ముకేశ్‌ కుమార్‌, సిరాజ్‌, అశ్విన్‌ తలో వికెట్‌ పడగొట్టారు.  అంతకుముందు భారత్‌ తొలి ఇన్నింగ్స్‌లో 438 పరుగులకు ఆలౌటైంది. 500వ అంతర్జాతీయ మ్యాచ్‌ ఆడుతున్న విరాట్‌ కోహ్లి (121) సెంచరీతో కదంతొక్కగా.. యశస్వి (57), రోహిత్‌ (80), జడేజా (61), అశ్విన్‌ (56)అర్ధసెంచరీలతో రాణించారు. విండీస్‌ బౌలర్లలో కీమర్‌ రోచ్‌, వార్రికన్‌ చెరో 3 వికెట్లు.. హోల్డర్‌ 2, గాబ్రియల్‌ ఓ వికెట్‌ పడగొట్టారు.

Anil Kumble Comments: ‘‘టీమిండియా స్పిన్‌ విభాగంలో అశ్విన్‌- జడేజా అద్భుత ప్రదర్శనతో ఆకట్టుకుంటున్నారు. ఇద్దరూ అత్యంత నాణ్యమైన స్పిన్‌ బౌలర్లు. మూడో స్పిన్నర్‌గా ఉన్న అక్షర్‌ పటేల్‌ కూడా వచ్చిన అవకాశాలను సద్వినియోగం చేసుకుంటున్నాడు. అయితే వీరితో పాటు కుల్దీప్‌ యాదవ్‌కు కూడా వరుస ఛాన్స్‌లు ఇస్తే బాగుంటుంది’’ అని టీమిండియా దిగ్గజ స్పిన్నర్‌ అనిల్‌ కుంబ్లే అన్నాడు. కాగా వెస్టిండీస్‌ పర్యటనలో భాగంగా తొలి టెస్టులో అశ్విన్‌, జడేజా అదరగొట్టిన విషయం తెలిసిందే. ముఖ్యంగా అశూ ఏకంగా 12 వికెట్లతో చెలరేగి విండీస్‌ను కోలుకోలేని దెబ్బకొట్టాడు. మరోవైపు జడ్డూ సైతం 5 వికెట్లతో రాణించాడు. వీరిద్దరి విజృంభణతో టీమిండియా.. ఆతిథ్య జట్టును ఇన్నింగ్స్‌ 141 పరుగుల తేడాతో చిత్తు చేసింది. అద్భుత నైపుణ్యాలు కలిగిన వాడు ఈ నేపథ్యంలో అశూ- జడ్డూలను కొనియాడిన అనిల్‌ కుంబ్లే.. కుల్దీప్‌ యాదవ్‌ను కూడా అవకాశాలు ఇవ్వాలని మేనేజ్‌మెంట్‌కు విజ్ఞప్తి చేశాడు. ‘‘కుల్దీప్‌ అద్భుత నైపుణ్యాలు కలవాడు. అతడికి కచ్చితంగా జట్టులో చోటివ్వాలి. నిజానికి లెగ్‌ స్పిన్నర్లు అటాకింగ్‌గా ఉంటారు. అయితే కొన్నిసార్లు ధారాళంగా పరుగులు సమర్పించుకుంటారు కూడా! అలా అని వాళ్లను పక్కనపెట్టకూడదు. నైపుణ్యాలకు మరింతసాన బెట్టుకునేలా ప్రోత్సహించాలి. వాళ్లకు కూడా అవకాశాలు ఇవ్వాలి.  టెస్టు జట్టులోకి తీసుకురావాలి టెస్టులకు కుల్దీప్‌ పనికివస్తాడు. తనకు ఛాన్స్‌ వచ్చిన ప్రతిసారి మంచి ప్రదర్శనలు ఇచ్చాడు. పరిమిత ఓవర్ల క్రికెట్‌లో చాలా మంది మణికట్టు స్పిన్నర్లు ఉన్నారు. కానీ మనం వాళ్ల సేవలను టెస్టుల్లో వినయోగించుకోలేకపోతున్నాం’’ అని కుంబ్లే జియో సినిమా షోలో తన అభిప్రాయాలు పంచుకున్నాడు.  బంగ్లాదేశ్‌తో చివరిగా కాగా 28 ఏళ్ల కుల్దీప్ యాదవ్‌ చివరిగా గతేడాది డిసెంబరులో టీమిండియా తరఫున ఆడాడు. బంగ్లాదేశ్‌ పర్యటనలో భాగంగా తొలి టెస్టులో మొత్తంగా ఎనిమిది వికెట్లు పడగొట్టాడు. ఆ తర్వాత స్వదేశంలో ఆస్ట్రేలియాతో బోర్డర్‌- గావస్కర్‌ ట్రోఫీ ఆడిన జట్టులో స్థానం దక్కింది కానీ ఆడే అవకాశం రాలేదు. ఈ నేపథ్యంలో టీమిండియా కెప్టెన్‌ రోహిత్‌ శర్మ, హెడ్‌కోచ్‌ రాహుల్‌ ద్రవిడ్‌లను ఉద్దేశిస్తూ కుంబ్లే ఈ మేరకు వ్యాఖ్యలు చేశాడు. చదవండి: రహానేను కించపరిచిన ఇషాన్‌! ఇవే తగ్గించుకుంటే మంచిది.. మొన్న కోహ్లికే..

వెస్టిండీస్‌తో జరిగిన తొలి టెస్టులో టీమిండియా వెటరన్‌ రవిచంద్రన్‌ అశ్విన్‌ తన స్పిన్‌ మయాజాలాన్ని ప్రదర్శించాడు. రెండు ఇన్నింగ్స్‌ల్లోనూ విండీస్‌ బ్యాటర్లకు అశ్విన్‌ చుక్కలు చూపించాడు. తొలి ఇన్నింగ్స్‌లో 5 వికెట్లు తీసిన రవిచంద్రన్ అశ్విన్, రెండో ఇన్నింగ్స్‌లో 7 వికెట్లు పడగొట్టాడు. ఓవరాల్‌గా రెండు ఇన్నింగ్స్‌లు అశూ 12 వికెట్లు పడగొట్టాడు. తద్వారా పలు అరుదైన రికార్డులను తన పేరిట లిఖించుకున్నాడు. ►అంతర్జాతీయ క్రికెట్‌లో అత్యధిక వికెట్లు పడగొట్టిన రెండో భారత బౌలర్‌గా అశ్విన్‌ నిలిచాడు. ఇప్పటివరకు 271 మ్యాచ్‌లు అంతర్జాతీయ మ్యాచ్‌లు ఆడిన అశ్విన్‌.. 709 వికెట్లు పడగొట్టాడు.  ఈ క్రమంలో భారత దిగ్గజ స్పిన్నర్‌ హర్బజన్‌ సింగ్‌(707)ను అశ్విన్‌ అధిగమించాడు. అశ్విన్‌ కెరీర్‌లో 27 ఫోర్‌ వికెట్‌, 34 ఫైవ్‌ వికెట్‌, ఎనిమిది 10 వికెట్ల హాల్స్‌ ఉన్నాయి. ఈ జాబితాలో అనిల్ కుంబ్లే 953 వికెట్లతో టాప్‌లో ఉన్నాడు. ► వెస్టిండీస్‌పై ఒకే టెస్టులో అత్యధిక వికెట్లు తీసిన భారత బౌలర్‌గా అశ్విన్‌ నిలిచాడు. అదే విధంగా విండీస్‌పై  ఒకే టెస్టులో అత్యుత్తమ గణంకాలు నమోదు చేసిన తొలి స్పిన్నర్‌గా అశ్విన్‌ ప్రపంచ రికార్డు సృష్టిం‍చాడు. ఇంతకుముందు ఈ రికార్డు పాకిస్తాన్‌ మాజీ స్పిన్నర్‌ సయిద్ అజ్మల్ పేరిట ఉండేది. 2011లో జరిగిన ఓ టెస్టులో అజ్మల్ 11 వికెట్లు సాధించాడు. తాజా మ్యాచ్‌తో అజ్మల్‌ రికార్డును అశ్విన్‌ బ్రేక్‌ చేశాడు.  ►విజయం సాధించిన సందర్భాల్లో అత్యధిక ఫైవ్‌ వికెట్ల హాల్స్‌ నమోదు చేసిన దివంగత ఆసీస్‌ స్పిన్నర్‌ షేర్‌ వార్న్‌ రికార్డును అశ్విన్‌ సమం చేశాడు. వీరిద్దరూ 28 సార్లు ఫైవ్‌ వికెట్ల హాల్స్‌ సాధించారు. ►టెస్టుల్లో అత్యధిక సార్లు ఐదు వికెట్ల ఘనత సాధించిన ఐదో బౌలర్‌గా అశ్విన్(34 సార్లు) నిలిచాడు . శ్రీలంక తరుపున 34 సార్లు ఫైవ్‌ వికెట్ల హాల్‌ సాధించిన రంగనా హేరాత్ రికార్డును సమం చేసిన అశ్విన్.. అనిల్ కుంబ్లే (35 సార్లు) తర్వాతి స్థానంలో నిలిచాడు. చదవండి: Rohit Sharma Serious On Ishan Kishan: సింగిల్‌ తీయడానికి 20 బంతులు.. కిషన్‌పై రోహిత్‌ సీరియస్‌! వీడియో వైరల్‌

West Indies vs India, 1st Test: వెస్టిండీస్‌తో తొలి టెస్టు సందర్భంగా టీమిండియా ప్రధాన స్పిన్నర్‌ రవిచంద్రన్‌ అశ్విన్‌ అరుదైన మైలురాయిని చేరుకున్నాడు. అంతర్జాతీయ క్రికెట్‌లో అత్యధిక వికెట్లు తీసిన మూడో భారత బౌలర్‌గా చరిత్రకెక్కాడు. కాగా టీమిండియా ప్రస్తుతం వెస్టిండీస్‌ పర్యటనలో ఉన్న విషయం తెలిసిందే. ఈ క్రమంలో ముందుగా రెండు మ్యాచ్‌ల టెస్టు సిరీస్‌లో భాగంగా డొమినికా వేదికగా జూలై 12న తొలి మ్యాచ్‌ ఆరంభమైంది. టాస్‌ గెలిచిన ఆతిథ్య జట్టు తొలుత బ్యాటింగ్‌ ఎంచుకోగా భారత స్పిన్నర్‌ అశ్విన్‌ విండీస్‌ బ్యాటర్లకు చుక్కలు చూపించాడు. ఓపెనర్లు క్రెగ్‌ బ్రాత్‌వైట్‌(20), తేజ్‌నరైన్‌ చందర్‌పాల్‌(12)లను అవుట్‌ చేసి ఆరంభంలోనే షాకిచ్చాడు. అల్జారీ జోసెఫ్‌ను అవుట్‌ చేయడం ద్వారా అదే విధంగా.. టెయిలెండర్లు అలిక్‌ అథనాజ్‌(47), అల్జారీ జోసెఫ్‌(4), వారికన్‌(1) వికెట్లు కూడా తన ఖాతాలో వేసుకున్నాడు. మొత్తంగా ఐదు వికెట్లతో రాణించి తొలిరోజు ఆటలో టీమిండియా పైచేయి సాధించేందుకు సహకరించాడు. ఇదిలా ఉంటే.. అల్జారీ జోసెఫ్‌ను అవుట్‌ చేయడం ద్వారా ఇంటర్నేషనల్‌ కెరీర్‌లో అశూ 700వ వికెట్‌ సాధించాడు. కుంబ్లే, భజ్జీ తర్వాత తన 271వ మ్యాచ్‌ సందర్భంగా ఈ అరుదైన మైలురాయిని చేరుకున్నాడు. తద్వారా దిగ్గజ స్పిన్నర్‌ అనిల్‌ కుంబ్లే, ఆఫ్‌ స్పిన్నర్‌ హర్భజన్‌ సింగ్‌ తర్వాత 700 వికెట్ల క్లబ్‌లో చేరిన మూడో భారత బౌలర్‌గా నిలిచాడు. కాగా కుంబ్లే తన అంతర్జాతీయ కెరీర్‌లో మొత్తంగా 403 మ్యాచ్‌లలో 956 వికెట్లు పడగొట్టి అగ్రస్థానంలో ఉన్నాడు. 16వ స్థానంలో ఇక భజ్జీ 711 వికెట్లతో రెండో స్థానంలో కొనసాగుతుండగా.. అశూ త్వరలోనే అతడి రికార్డును బద్దలుకొట్టే అవకాశం ఉంది. ఇదిలా ఉంటే.. అంతర్జాతీయ క్రికెట్‌లో అత్యధిక వికెట్లు తీసిన బౌలర్ల జాబితాలో శ్రీలంక స్పిన్‌ దిగ్గజం ముత్తయ్య మురళీధరన్‌ 1347 వికెట్లతో ఎవరికీ అందనంత ఎత్తులో ఉన్నాడు. ఈ జాబితాలో అశూ(702 వికెట్లు) 16వ స్థానంలో కొనసాగుతున్నాడు. చదవండి: Ind Vs WI: మనం తప్పు చేశామా అని పశ్చాత్తాపపడేలా చేశాడు! తొలిరోజే  కోహ్లిని టీజ్‌ చేసిన ఇషాన్‌ కిషన్‌.. వీడియో వైరల్‌

West Indies vs India, 1st Test: వెస్టిండీస్‌తో తొలి టెస్టు సందర్భంగా టీమిండియా వెటరన్‌ స్పిన్నర్‌ అరుదైన ఘనత సాధించాడు. దిగ్గజ బౌలర్‌ అనిల్‌ కుంబ్లే పేరిట ఉన్న రికార్డును బద్దలు కొట్టాడు. కాగా రెండు టెస్టులు, మూడు వన్డేలు, ఐదు టీ20 మ్యాచ్‌లు ఆడేందుకు భారత జట్టు విండీస్‌ పర్యటనకు వెళ్లిన విషయం తెలిసిందే. బౌలింగ్‌ ఎటాక్‌ ఆరంభించిన సిరాజ్‌ ఇందులో భాగంగా ఇరు జట్ల మధ్య బుధవారం (జూలై 12) తొలి టెస్టు ఆరంభమైంది. డొమినికా వేదికగా సాగుతున్న ఈ మ్యాచ్‌లో టాస్‌ గెలిచిన కరేబియన్‌ జట్టు తొలుత బ్యాటింగ్‌ ఎంచుకుంది. ఈ క్రమంలో టీమిండియా పేసర్‌ మహ్మద్‌ సిరాజ్‌ బౌలింగ్‌ ఎటాక్‌ ఆరంభించగా.. తొలి వికెట్‌ను మాత్రం తన ఖాతాలో వేసుకున్నాడు అశ్విన్‌. స్పిన్‌ మాయాజాలంతో వెస్టిండీస్‌ ఇన్నింగ్స్‌ 13వ ఓవర్‌లో అద్భుత బౌలింగ్‌తో తగెనరైన్‌ చందర్‌పాల్‌ను బోల్తా కొట్టించాడు. తన స్పిన్‌ మాయాజాలంతో చందర్‌పాల్‌ను బౌల్డ్‌ చేశాడు. దీంతో విండీస్‌వీ మ్యాచ్‌లో తొలి వికెట్‌ కోల్పోగా.. అశ్విన్‌ ఖాతాలో అరుదైన రికార్డు వచ్చి చేరింది. కాగా తగెనరైన్‌ చందర్‌పాల్‌ను అవుట్‌ చేసిన అశూ.. టెస్టుల్లో టీమిండియా తరఫున అత్యధిక వికెట్లు బౌల్డ్‌ చేయడం ద్వారా సాధించిన బౌలర్‌గా నిలిచాడు. ఈ క్రమంలో అనిల్‌ కుంబ్లే పేరిట ఉన్న రికార్డు బ్రేక్‌ చేశాడు.  కుంబ్లేను అధిగమించి ఇక దిగ్గజ స్పిన్నర్‌ అనిల్‌ కుంబ్లే 94 సార్లు ప్రత్యర్థి జట్టు బ్యాటర్లను బౌల్డ్‌ చేయగా.. అశ్విన్‌.. చందర్‌పాల్‌ వికెట్‌తో తన నెంబర్‌ను 95గా నమోదు చేశాడు. ఇక మహ్మద్‌ షమీ 66 సార్లు, కపిల్‌ దేవ్‌ 88 సార్లు ప్రత్యర్థి జట్ల బ్యాటర్లను బౌల్డ్‌ చేశారు. కాగా ఈ మ్యాచ్‌లో అశ్విన్‌ 17వ ఓవర్‌ రెండో బంతికి కెప్టెన్‌ క్రెగ్‌ బ్రాత్‌వైట్‌ వికెట్‌ను కూడా పడగొట్టాడు. ఈ క్రమంలో 17 ఓవర్లు ముగిసేసరికి విండీస్‌ 38 పరుగులకే రెండు వికెట్లు కోల్పోయి కష్టాల్లో పడింది. ఇదిలా ఉంటే.. వెస్టిండీస్‌తో తొలి టెస్టు సందర్భంగా ఇషాన్‌ కిషన్‌, యశస్వి జైశ్వాల్‌ అరంగేట్రం చేశారు. ఈ ఇద్దరు లెఫ్టాండ్‌ బ్యాటర్లలో యశస్వి ఓపెనర్‌గా బరిలోకి దిగనుండగా.. ఇషాన్‌ వికెట్‌ కీపర్‌గా సేవలు అందించనున్నాడు. మరోవైపు.. ఇషాన్‌ రాకతో ఆంధ్ర క్రికెటర్‌ శ్రీకర్‌ భరత్‌పై వేటు పడింది. చదవండి: మార్కు చూపించిన తిలక్‌ వర్మ.. కెప్టెన్‌ ఇన్నింగ్స్‌తో విహారి! ఫైనల్లో జట్టును..

India Tour Of West Indies: అనిల్‌ కుంబ్లే.. ఈ రైట్‌ఆర్మ్‌ లెగ్‌బ్రేక్‌ స్పిన్నర్‌ టీమిండియాకు పలు చిరస్మరణీయ విజయాలు అందించిన ఆటగాళ్లలో ఒకడు. తన సుదీర్ఘ కెరీర్‌లో మేటి జట్లతో ఆడే అవకాశం దక్కించుకున్న ఈ కర్ణాటక బౌలర్‌.. భారత్‌ తరఫున 132 టెస్టులాటి 619 వికెట్లు పడగొట్టాడు. టీమిండియా స్టార్‌ టెస్టు స్పిన్నర్లలో ఒకడిగా నిలిచాడు. 1990లో ఇంగ్లండ్‌తో టెస్టు మ్యాచ్‌ ద్వారా అంతర్జాతీయ క్రికెట్‌లో అడుగుపెట్టిన కుంబ్లే.. భారత జట్టు సారథిగానూ సేవలు అందించాడు. కెరీర్లో ఎదురైన సవాళ్లంటినీ అధిగమించి మేటి బౌలర్‌గా ఎదిగాడు. ఇక కుంబ్లేకు వెస్టిండీస్‌తో మ్యాచ్‌ అంటే చాలు పూనకాలే! బ్రియన్‌ లారా వంటి దిగ్గజాలను పెవిలియన్‌కు పంపితే ఆ మజానే వేరని భావించేవాడట! దవడ పగిలినా దవడ విరిగిపోయినా మైదానం వీడక బౌలింగ్‌ చేయడమే ఇందుకు నిదర్శనం. తాజాగా టీమిండియా వెస్టిండీస్‌ పర్యటన నేపథ్యంలో అనిల్‌ కుంబ్లే 2002 నాటి సంగతులు గుర్తు చేసుకున్నాడు. ఆంటిగ్వా టెస్టు సందర్భంగా మెర్విన్‌ ధిల్లాన్‌ షార్ట్‌ డెలివరీ కారణంగా బంతి బలంగా తాకి అనిల్‌ కుంబ్లే దవడ పగిలింది. దీంతో మ్యాచ్‌కు దూరమవ్వాల్సి పరిస్థితి. విరామ సమయంలో తన భార్య చేతనకు ఫోన్‌ చేసి విషయం చెప్పాడు కుంబ్లే. సర్జరీ కోసం ఇంటికి వస్తున్నానని ఆమెతో అన్నాడు. కానీ.. ఆ తర్వాత మళ్లీ బౌలింగ్‌ చేసేందుకు మైదానంలోకి దిగాడు.  14 ఓవర్ల పాటు బౌలింగ్‌ చేసి బ్రియన్‌ లారా వికెట్‌ను తన ఖాతాలో వేసుకున్నాడు. ఆ తర్వాత స్వదేశానికి తిరిగివచ్చాడు. ఈ విషయం గురించి కుంబ్లే జియో సినిమా షోలో మాట్లాడుతూ.. ‘‘నా భార్య చేతనకు కాల్‌ చేసి.. సర్జరీ చేయించుకోవాలి ఇంటికి వస్తున్నా అని చెప్పాను. జోక్‌ చేస్తున్నా అనుకుంది అందుకోసం బెంగళూరులో అన్ని ఏర్పాట్లు చేస్తానని తను నాతో అంది. ఇక కాల్‌ కట్‌ చేసే ముందు.. ‘‘నేను వెళ్లి బౌలింగ్‌ చేస్తాను’’అని తనతో అన్నాను. కానీ చేతన నమ్మలేదు. నేను జోక్‌ చేస్తున్నా అనుకుంది’’ అని చెప్పుకొచ్చాడు. ఆరోజు తాను బౌలింగ్‌ కొనసాగించడం తనకు సంతృప్తినిచ్చిందని పేర్కొన్నాడు. కాగా ఆంటిగ్వా వేదికగా జరిగిన నాలుగో టెస్టు డ్రాగా ముగియగా.. 2002 నాటి ఐదు మ్యాచ్‌ల సిరీస్‌ను విండీస్‌ కైవసం చేసుకుంది. ఇదిలా ఉంటే తాజా పర్యటనలో భాగంగా బుధవారం (జూలై 12) నుంచి వెస్టిండీస్‌- టీమిండియా మధ్య టెస్టు సిరీస్‌ ఆరంభం కానుంది.  చదవండి: రోహిత్‌, కోహ్లి కాదు.. విండీస్‌పై అత్యధిక టెస్టు సెంచరీలు సాధించింది ఇతడే! జట్టు నుంచి తప్పించడం కంటే కూడా అదే ఎక్కువగా బాధిస్తోంది: టీమిండియా స్టార్‌

భారత మాజీ క్రికెటర్‌, చెన్నై సూపర్‌ కింగ్స్‌ స్టార్‌ ఆటగాడు అంబటి రాయుడు ఐపీఎల్‌కు గుడ్‌బై చెప్పిన సంగతి తెలిసిందే. ఐపీఎల్‌-2023 ఫైనల్‌ అనంతరం తన ఐపీఎల్‌ కెరీర్‌కు రాయుడు ముగింపు పలికాడు. కాగా ఐపీఎల్‌లో రాయుడు ఆరు టైటిల్‌లను తన ఖాతాలో వేసుకున్నాడు. మూడు టైటిల్స్‌ ముంబై ఇండియన్స్‌ తరపున సాధించగా.. మరో మూడు టైటిల్స్‌ సీఎస్‌కే తరపున గెలుచుకున్నాడు. ఇక ఐపీఎల్‌ విషయాన్ని పక్కన పెడితే.. రాయుడి వంటి అద్భుతమైన టాలెంట్‌ ఉన్న ఆటగాడికి బీసీసీఐ మాత్రం అన్యాయం ​చేసిందనే చెప్పుకోవాలి. భారత్ తరపున రాయుడు కేవలం 55 వన్డేలు, ఆరు టీ20లు మాత్రమే ఆడాడు. 2018-19 మధ్య కాలంలో భారత జట్టులో నాలుగో స్థానంలో సరైన ఆటగాడు లేని లోటు సృష్టంగా కన్పించింది. Throw back to an india -A game which was almost 2 decades ago.. when you see that 99% of the guys you have played with are either commentators, coaches,mentors and some politicians..you realise that it’s been quite a journey but the end is near.. 😂 pic.twitter.com/qm7iX7HCrV— ATR (@RayuduAmbati) May 3, 2023 ఈ సమయంలో రాయుడు నాలుగో స్థానంలో బ్యాటింగ్‌కు వచ్చి అద్భుతంగా రాణించాడు. దీంతో భారత జట్టు కష్టాలు తీరి పోయాయి అని, నాలుగో స్ధానానికి సరైన ఆటగాడు దొరికాడని అంతా భావించారు. ఇదే సమయంలో 2019 వన్డే ప్రపంచకప్‌లో రాయుడు అడుతాడని అంతా అనుకున్నారు. కానీ ఇక్కడే అస్సలు ట్విస్ట్‌ చోటుచేసుకుంది. 2019 వన్డే ప్రపంచకప్‌కు రాయుడును కాదని ఆల్‌రౌండర్‌ విజయ్‌ శంకర్‌ను ఎమ్మెస్కే ప్రసాద్‌ నేతృత్వంలోని సెలక్షన్‌ కమిటీ ఎంపిక చేసింది. ఈ క్రమంలో తనను ఎంపిక చేయకపోవడంపై తీవ్ర నిరాశ చెందిన రాయుడు అంతర్జాతీయ క్రికెట్‌ నుంచి తప్పుకున్నాడు. అయితే తన నిర్ణయాన్ని వెనక్కి తీసుకున్నప్పటికీ భారత్‌ తరపున ఆడే అవకాశం రాలేదు. ఇక ఇదే విషయంపై తాజాగా టీమిండియా మాజీ హెడ్‌ కోచ్‌ అనిల్‌ కుంబ్లే స్పందించాడు. "రాయుడు 2019 ప్రపంచకప్‌ ఆడాల్సింది. అందులో ఎలాంటి సందేహం లేదు. అది సెలక్షన్‌ కమిటీతో పాటు జట్టు మేనెజ్‌మెంట్‌ చేసిన పెద్ద తప్పు. అతడిని నాలుగో స్థానం కోసం  సిద్ధం చేశారు. అటువంటిది ఆ తర్వాత జట్టులో స్థానం లేకుండా చేశారు. అది చాలా ఆశ్చర్యం కలిగించింది" అని ఐపీఎల్ ఫైనల్ తర్వాత జియో సినిమాలో మాట్లాడుతూ కుంబ్లే పేర్కొన్నాడు. కాగా ఆ సమయంలో భారత జట్టు కెప్టెన్‌గా విరాట్‌ కోహ్లి, హెడ్‌ కోచ్‌గా రవిశాస్త్రి ఉన్నారు. చదవండి: WTCFinal2023: ఇంగ్లండ్‌ గడ్డపై అడుగుపెట్టిన ఆ ఐదుగురు! ఫోటోలు వైరల్‌

సాక్షి, చెన్నై: క్రికెట్‌ దిగ్గజాలు సచిన్, అనిల్‌ కుంబ్లే, యువరాజ్‌తో గో ఫర్‌ రోడ్‌ ట్రిప్‌ పేరిట వినూత్న కార్యక్రమాన్ని చేపట్టామని స్పిన్నీ వ్యవస్థాపకుడు నీరజ్‌ సింగ్‌ తెలిపారు. బుధవారం స్థానికంగా ఈ కార్యక్రమం గురించి ఆయన వివరించారు. ఐపీఎల్‌– 2023 సీజన్‌లో భాగంగా మే 28వ తేదీ వరకు జరిగే మ్యాచ్‌లలో అభిమానులు తమ జట్లను ప్రోత్సహించే విధంగా చేసే వినూత్న అంశాలను ప్రదర్శించనున్నట్లు పేర్కొన్నారు. గో ఫార్‌ ఫర్‌ యువర్‌ స్క్వాడ్‌ అన్నది స్పిన్నీ ఎస్‌యూవీ ద్వారా రోడ్‌ ట్రిప్‌లో క్రికెట్‌ అభిమానులను భాగస్వామ్యం చేస్తామన్నారు. యూట్యూబ్, ఇన్‌స్ట్రాగామ్‌ల ద్వారా అభిమానులు భాగస్వాములు కావచ్చునని పిలుపు నిచ్చారు.    

2016లో భారత ప్రధాన కోచ్‌గా బాధ్యతలు చేపట్టిన అనిల్‌ కుంబ్లే.. 2017 ఛాంపియన్స్ ట్రోఫీ ఫైనల్‌ అనంతరం ఆ బాధ్యతల నుంచి తప్పుకున్నాడు. అతడి స్థానంలో అప్పటివరకు టీమిండియా క్రికెట్‌ డైరక్టర్‌గా ఉన్న రవిశాస్త్రి హెడ్‌ కోచ్‌గా బాధ్యతలు చేపట్టాడు. ఛాంపియన్స్ ట్రోఫీ ఫైనల్‌-2017లో పాకిస్తాన్‌ చేతిలో టీమిండియా ఓటమిపాల్వడంతో కుంబ్లే ఆ నిర్ణయం తీసుకున్నట్లు అప్పటిలో వార్తలు వినిపించాయి. మరోవైపు బీసీసీఐ కూడా కావాలనే అతడి కాంట్రక్ట్‌ను పొడిగించలేదని పలువురు మాజీ క్రికెటర్లు అభిప్రాయపడ్డారు. ఇక ఈ ఏడాది కాలంలో అనిల్‌ కుంబ్లే, అప్పటి భారత కెప్టెన్‌ విరాట్‌ కోహ్లి మధ్య చాలా విబేధాలు చోటుచేసుకున్నాయి. ఇద్దరి మధ్య మనస్పర్ధల కారణంగా ఒకరినొకరు వ్యక్తిగతంగా దూషించుకునేదాకా వెళ్లారు. ఇక తాజాగా ఇదే విషయంపై టీమిండియా మాజీ ఓపెనర్‌ వీరేంద్ర సెహ్వాగ్ సంచలన వ్యాఖ్యలు చేశాడు. కుంబ్లే భారత హెడ్‌ కోచ్‌ పదవి నుంచి తప్పుకున్నాక,  తనని ఆ బాధ్యతలు చేపట్టమని బీసీసీఐ కోరింది అని సెహ్వాగ్ తెలిపాడు.  "2017లో అప్పటి బీసీసీఐ సెక్రటరీ అమితాబ్ చౌదరీ, విరాట్‌ కోహ్లి నన్ను కలిశారు. కోహ్లి, కుంబ్లేల మధ్య ఎంత ప్రయత్నించినా సఖ్యత కుదరడం లేదని అమితాబ్ నాతో చెప్పాడు. 2017  ఛాంపియన్స్ ట్రోఫీ తర్వాత కుంబ్లే కాంట్రాక్ట్ గడువు ముగియనుందని,  అనంతరం భారత హెడ్‌కోచ్‌గా బాధ్యతలు తీసుకోవాల్సిందిగా కోరాడు. ఛాంపియన్స్ ట్రోఫీ ముగిసిన వెంటనే హెడ్‌ కోచ్‌ స్థాయిలో వెస్టిండీస్‌ పర్యటనకు వెళ్లవచ్చు అని చెప్పాడు. కోహ్లి కూడా అదే విషయం నన్ను అడిగాడు. అయితే నేను అందుకు ఒప్పుకోలేదు. ఎందుకంటే నా జీవితంలో నేను సాధించిన దానితో సంతోషంగా ఉన్నాను. నజాఫ్‌గఢ్‌లోని చిన్న రైతు కుటుంబం నుంచి వచ్చిన నాకు భారత్‌ తరపున ఆడే అవకాశం వచ్చింది. ఎంతో మంది అభిమానులను, వారి ప్రేమను పొందాను. అది నా జీవితానికి చాలు. ఒక వేళ నేను కెప్టెన్‌గా ఉన్న ఇదే గౌరవం పొందే వాడిని" అని న్యూస్‌ 18కు ఇచ్చిన ఇంటర్వ్యూలో సెహ్వాగ్ పేర్కొన్నాడు. చదవండి: Asia cup 2023: భారత్‌- పాకిస్తాన్‌ మధ్య క్రికెట్‌ మ్యాచ్‌లు జరగాలి.. మోడీ సార్‌నే అడుగుతా?

అహ్మదాబాద్‌ వేదికగా టీమిండియాతో జరగుతున్న నాలుగో టెస్టు తొలి ఇన్నింగ్స్‌లో ఆస్ట్రేలియా దుమ్మురేపింది. తమ మొదటి ఇన్నింగ్స్‌లో ఆసీస్‌ 480 పరుగులకు ఆలౌటైంది. ఆసీస్‌ బ్యాటర్లలో ఓపెనర్‌ ఉస్మాన్‌ ఖవాజా(180), కామెరాన్ గ్రీన్(114) అద్భుతమైన సెంచరీలతో చెలరేగారు. వారితో పాటు టెయిలాండర్‌ టాడ్‌ మర్ఫీ(41) పరుగులతో ఆకట్టుకున్నాడు. ఇక భారత బౌలర్లలో వెటరన్‌ స్పిన్నర్‌ రవిచంద్రన్‌ అశ్విన్‌ మరో సారి తన మాయాజాలాన్ని ప్రదర్శించాడు. తొలి ఇన్నింగ్స్‌లో 6 వికెట్లతో అశ్విన్‌ సత్తాచాటాడు. కాగా అతడిపాటు షమీ రెండు వికెట్లు, అక్షర్‌, జడేజా తలా వికెట్‌ సాధించారు. కుంబ్లే రికార్డు బ్రేక్‌ చేసిన అశ్విన్‌ ఇక  6 వికెట్లతో చెలరేగిన అశ్విన్‌ పలు అరుదైన రికార్డులను తన పేరిట లిఖించుకున్నాడు. స్వదేశంలో టెస్టు క్రికెట్‌లో అత్యధిక ఐదు వికెట్ల హాల్స్‌ సాధించిన బౌలర్‌గా అశూ నిలిచాడు. ఇప్పటి వరకు ఈ రికార్డు భారత దిగ్గజ స్పిన్నర్‌ అనిల్‌ కుంబ్లే పేరిట ఉండేది. భారత్‌ గడ్డపై టెస్టుల్లో కుంబ్లే 25 సార్లు ఐదు వికెట్లు ఘనత సాధించాడు. ఇక తాజా మ్యాచ్‌లో 26వ ఐదు వికెట్‌ హాల్‌ నమోదు చేసిన అశ్విన్‌.. కుంబ్లేను అధిగమించాడు. కాగా అశ్విన్‌ దారిదాపుల్లో కూడా ఏ భారత బౌలర్‌ లేడు.  ఇక ఓవరాల్‌గా అశ్విన్ ఇది అశ్విన్‌కు 32వ ఐదు వికెట్ల ఘనత కావడం విశేషం. అదే విధంగా మరో అరుదైన రికార్డును కూడా అశ్విన్‌ తన ఖాతాలో వేసుకున్నాడు. టెస్టు క్రికెట్‌లో ఆస్ట్రేలియాపై అత్యధిక వికెట్లు తీసిన భారత బౌలర్‌గా అశ్విన్‌(113) రికార్డులకెక్కాడు. ఈ క్రమంలో అనిల్‌ కుంబ్లే(111) రికార్డును అశ్విన్‌ బ్రేక్‌ చేశాడు.  వీరిద్దరూ మినహా మరే భారత బౌలర్ ఈ జట్టుపై 100 వికెట్లకు మించి తీయలేదు. మరోవైపు  బోర్డర్‌- గావస్కర్‌ ట్రోఫీలో అత్యధిక వికెట్లు పడగొట్టిన ఆసీస్‌ స్పిన్నర్‌ నాథన్‌ లియాన్‌(113) రికార్డును అశ్విన్‌ సమం చేశాడు. చదవండి: Ind Vs Aus: కోహ్లి కెప్టెన్సీలో ఏడేళ్లలో రెండుసార్లు! రోహిత్‌ సారథ్యంలో 24 గంటల్లోనే రెండుసార్లు! ఇంత ఘోరమా?

భారత్, ఆస్ట్రేలియా మధ్య  అహ్మదాబాద్‌ వేదికగా గురువారం(మార్చి 9 నుంచి) నాలుగో టెస్టు మ్యాచ్ ప్రారంభం కానుంది జరగనుంది. నాలుగు మ్యాచ్‌ల సిరీస్‌లో భారత్ 2-1 ఆధిక్యంలో నిలిచింది. నరేంద్ర మోదీ స్టేడియంలో జరగనున్న మ్యాచ్‌లో గెలిచి సిరీస్‌ను చేజిక్కించుకోవడంతో పాటు ప్రపంచ టెస్ట్ ఛాంపియన్‌షిప్‌లో ఫైనల్‌లోకి ప్రవేశించాలని టీమిండియా కన్నేసింది. ఇదే సమయంలో నాలుగో టెస్టులో అందరి చూపు టీమిండియా స్పిన్నర్‌ రవిచంద్రన్‌ అశ్విన్‌పైనే ఉన్నాయి. అందుకు ఒక కారణం ఉంది. భారత స్టార్ బౌలర్ అశ్విన్ నాలుగో టెస్టులో భారత లెజెండరీ బౌలర్‌ అనిల్ కుంబ్లే రికార్డును బద్దలు కొట్టే అవకావం ఉంది.  ఆసీస్‌తో నాలుగో టెస్టులో  అశ్విన్‌ ఐదు వికెట్లు తీస్తే టెస్టు క్రికెట్‌లో ఆస్ట్రేలియాపై అత్యధిక వికెట్లు తీసిన భారత బౌలర్‌గా అవతరిస్తాడు. ప్రస్తుతం ఆస్ట్రేలియాపై అత్యధిక టెస్టు వికెట్లు తీసిన రికార్డు కుంబ్లే పేరిట ఉంది. ఆస్ట్రేలియాపై టెస్టు క్రికెట్‌లో అనిల్ కుంబ్లే 111 వికెట్లు పడగొట్టాడు. అశ్విన్ 107 వికెట్లతో రెండో స్థానంలో ఉన్నాడు. వీరిద్దరూ మినహా మరే భారత బౌలర్ ఈ జట్టుపై 100 వికెట్లకు మించి తీయలేదు. ఇది కాకుండా స్వదేశంలో టెస్ట్ క్రికెట్‌లో కుంబ్లే, అశ్విన్ ఇద్దరూ తలో 25 వికెట్లు తీసిన రికార్డును కలిగి ఉన్నారు. దీనితో పాటు మరో రికార్డు కూడా ఎదురుచూస్తోంది. మ్యాచ్‌లో అశ్విన్‌ 10 వికెట్లు తీస్తే అన్ని ఫార్మాట్లు కలిపి 700 వికెట్ల మైలురాయిని అందుకోనున్నాడు. ఇప్పటివరకు కుంబ్లే(956 వికెట్లు), హర్భజన్‌(707 వికెట్లు) మాత్రమే ఉన్నారు.  ఇక నాలుగో టెస్టు టీమిండియాకు కీలకంగా మారింది. మ్యాచ్‌లో గెలిస్తే ఎలాంటి అడ్డంకులు లేకుండా డబ్ల్యూటీసీ ఫైనల్‌కు అర్హత సాధిస్తుంది. ఒకవేళ మ్యాచ్‌ ఓడినా.. డ్రా చేసుకున్న ఇతర మ్యాచ్‌ల ఫలితాలపై ఆధారపడాల్సి వస్తుంది. తొలి మూడు టెస్టులు రెండున్నర రోజుల్లోనే ముగియగా.. తొలి రెండు టీమిండియా గెలవగా.. ఇండోర్‌ వేదికగా జరిగిన మూడో టెస్టులో ఆస్ట్రేలియా విజయం సాధించింది. 

ఇండోర్‌ వేదికగా ఆస్ట్రేలియాతో జరుగుతున్న మూటో టెస్టులో టీమిండియా ఓటమి దిశగా ప్రయాణిస్తోంది. రెండో రోజు ఆటలో భాగంగా భారత్‌ సెకెండ్‌ ఇన్నింగ్స్‌లో కేవలం 163 పరుగులకే కుప్పకూలింది. దీంతో ఆసీస్ ముందు కేవలం 76 పరుగుల లక్ష్యాన్నే మాత్రమే టీమిండియా నిర్దేశించింది. ఆస్ట్రేలియా స్పిన్నర్‌ నాథన్‌ లియోన్‌ 8 వికెట్లతో టీమిండియా పతనాన్ని శాసించాడు. ఈ క్రమంలో  లియాన్  ఓ అరుదైన ఘనతను తన పేరిట లిఖించుకున్నాడు. బోర్డర్-గవాస్కర్ ట్రోఫీలో అత్యధిక వికెట్లు తీసిన బౌలర్‌గా లియాన్‌ చరిత్ర సృష్టించాడు. భారత్‌ రెండో ఇన్నింగ్స్‌లో 57వ ఓవర్‌లో ఉమేష్‌ యాదవ్‌ను ఔట్‌ చేసిన లియాన్‌.. ఈ అరుదైన ఘనతను తన ఖాతాలో వేసుకున్నాడు. బోర్డర్-గవాస్కర్ ట్రోఫీలో నాథన్‌ ఇప్పటివరకు 112 వికెట్లు పడగొట్టాడు. కాగా ఇప్పటివరకు ఈ రికార్డు భారత దిగ్గజ స్పిన్నర్‌ అనిల్‌ కుంబ్లే(111) పేరిట ఉండేది. తాజా మ్యాచ్‌తో కుంబ్లే రికార్డును లియాన్‌ బ్రేక్‌ చేశాడు. బోర్డర్-గవాస్కర్ ట్రోఫీలో అత్యధిక వికెట్లు తీసిన బౌలర్లు.. నాథన్ లయన్- 112 వికెట్లు అనిల్ కుంబ్లే- 111 వికెట్లు రవిచంద్రన్ అశ్విన్- 106 వికెట్లు హర్భజన్ సింగ్- 95 వికెట్లు రవీంద్ర జడేజా- 84 వికెట్లు చదవండి: IND Vs AUS: టీమిండియా నిలబెట్టుకుంటే.. 141 ఏళ్ల రికార్డు బద్దలు!

India vs Australia, 3rd Test: టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ అరుదైన ఘనత సాధించాడు. అంతర్జాతీయ క్రికెట్‌లో భారత్‌ తరఫున అత్యధిక వికెట్లు పడగొట్టిన మూడో బౌలర్‌గా నిలిచాడు. ఈ క్రమంలో దిగ్గజ ఆల్‌రౌండర్‌ కపిల్‌దేవ్‌ను అధిగమించాడు. బోర్డర్‌- గావస్కర్‌ ట్రోఫీ-2023లో భాగంగా స్వదేశంలో ఆస్ట్రేలియాతో జరుగుతున్న టెస్టు సిరీస్‌లో అశూ అదరగొడుతున్న విషయం తెలిసిందే. తొలి టెస్టులో 8, రెండో టెస్టులో ఆరు వికెట్లతో సత్తా చాటి.. ఐసీసీ టెస్టు ర్యాంకింగ్స్‌లో నంబర్‌ 1గా అవతరించాడు.  688వ వికెట్‌.. ఈ క్రమంలో ఇండోర్‌లో జరుగుతున్న మూడో టెస్టులోనూ అశ్విన్‌ ప్రభావం చూపుతున్నాడు. గురువారం నాటి రెండో రోజు ఆటలో భాగంగా మూడు వికెట్లు పడగొట్టాడు అశూ. తొలుత హ్యాండ్స్‌కోంబ్‌(19) తర్వాత అలెక్స్‌ క్యారీ(3)ని అవుట్‌ చేశాడు. కాగా క్యారీ వికెట్‌ అశ్విన్‌ కెరీర్‌లో 688వది. దీంతో అతడు ఈ అరుదైన జాబితాలో చేరాడు.  ఇక ఆఖర్లో అశూ నాథన్‌ లియోన్‌ వికెట్‌ కూడా తన ఖాతాలో వేసుకున్నాడు. ఇదిలా ఉంటే.. ఇండోర్‌ టెస్టులో టీమిండియా 109 పరుగులకు తొలి ఇన్నింగ్స్‌ ముగించగా.. ఆస్ట్రేలియా 197 పరుగులకు ఆలౌట్‌ అయింది. రవీంద్ర జడేజాకు నాలుగు, అశ్విన్‌కు మూడు, ఉమేశ్‌ యాదవ్‌కు మూడు వికెట్లు దక్కాయి. అంతర్జాతీయ క్రికెట్‌లో అత్యధిక వికెట్లు తీసిన టీమిండియా బౌలర్లు(ఇప్పటివరకు) 1.అనిల్ కుంబ్లే- 953(499) 2.హర్భజన్‌ సింగ్‌- 707(442) 3.రవిచంద్రన్‌ అశ్విన్‌- 688*(347) 4.కపిల్‌ దేవ్‌- 687(448) 5.జహీర్‌ ఖాన్‌- 597(373) నంబర్‌ 1 అశ్విన్‌ ఆస్ట్రేలియాతో రెండో టెస్టులో ఆరు వికెట్లు పడగొట్టిన ప్రదర్శన... భారత మేటి స్పిన్నర్‌ రవిచంద్రన్‌ అశ్విన్‌ను మళ్లీ ప్రపంచ నంబర్‌వన్‌ బౌలర్‌గా చేసింది. బుధవారం విడుదల చేసిన అంతర్జాతీయ క్రికెట్‌ కౌన్సిల్‌ (ఐసీసీ) బౌలర్ల ర్యాంకింగ్స్‌లో ఇంగ్లండ్‌ పేస్‌ బౌలర్‌ జేమ్స్‌ అండర్సన్‌ను రెండో స్థానానికి పంపించి అశ్విన్‌ నంబర్‌వన్‌ స్థానాన్ని అందుకున్నాడు. 36 ఏళ్ల అశ్విన్‌ తొలిసారి 2015లో టాప్‌ ర్యాంక్‌లో నిలిచాడు. ఆ తర్వాత పలుమార్లు అతను ఈ ఘనత సాధించాడు. గత మూడు వారాల్లో టాప్‌ ర్యాంక్‌లో ముగ్గురు వేర్వేరు బౌలర్లు నిలవడం విశేషం. అండర్సన్‌కంటే ముందు ఆస్ట్రేలియా కెప్టెన్‌ ప్యాట్‌ కమిన్స్‌ ఈ స్థానంలో ఉన్నాడు. ఇప్పటివరకు 90 టెస్ట్‌లు ఆడిన అశ్విన్‌ 463 వికెట్లు పడగొట్టాడు. ఈ చెన్నై స్పిన్నర్‌ 864 రేటింగ్‌ పాయింట్లతో తాజాగా అగ్రస్థానానికి చేరుకోగా... అండర్సన్‌ 859 పాయింట్లతో రెండో స్థానానికి పడిపోయాడు. కమిన్స్‌ మూడో స్థానానికి చేరుకోగా... భారత్‌కే చెందిన బుమ్రా నాలుగో ర్యాంక్‌లో, షాహీన్‌ అఫ్రిది (పాకిస్తాన్‌) ఐదో ర్యాంక్‌లో ఉన్నారు. టెస్ట్‌ ఆల్‌రౌండర్ల ర్యాంకింగ్స్‌లో రవీంద్ర జడేజా తొలి స్థానంలో, అశ్విన్‌ రెండో స్థానంలో, అక్షర్‌ పటేల్‌ ఐదో స్థానంలో ఉన్నారు. చదవండి: Jasprit Bumrah: న్యూజిలాండ్‌కు వెళ్లనున్న బుమ్రా   Ind Vs Aus: ఇప్పటి వరకు అత్యంత చెత్త పిచ్‌ ఇదే! కానీ 109 పరుగులకే ఆలౌట్‌ కావడం వారి వైఫల్యమే! అప్పుడు కూడా ఇదే మాట అంటారా?

బోర్డర్ గావస్కర్ ట్రోఫీలో భాగంగా తొలి రెండు టెస్టుల్లో ఘన విజయం సాధించిన టీమిండియా.. ఇప్పుడు  మూడో టెస్టులోనూ అదే ఫలితాన్ని రిపీట్‌ చేయాలని ఊ‍వ్విళ్లూరుతోంది. మరోవైపు తొలి రెండు టెస్టుల్లో ఘోర పరాభావం చవిచూసిన ఆస్ట్రేలియా కనీసం మూడో టెస్టులోనైనా పోటీ ఇవ్వాలని భావిస్తోంది. కాగా ఇరు జట్ల మధ్య మూడో టెస్టు మార్చి1 నుంచి ఇండోర్‌ వేదికగా ప్రారంభం కానుంది. ఇక ఈ మ్యాచ్‌లో భారత్‌ విజయం సాధిస్తే నేరుగా ప్రపంచ టెస్టు ఛాంపియన్‌ షిప్‌ ఫైనల్‌కు అర్హత సాధిస్తుంది. ఇది ఇలా ఉండగా.. మూడో టెస్టుకు ముందు భారత వెటరన్‌ స్పిన్నర్‌ రవిచంద్రన్‌ అశ్విన్‌కు ఓ అరుదైన రికార్డు ఊరిస్తోంది. ఇండోర్‌ టెస్టులో అశ్విన్‌ మరో 9 వికెట్లు సాధిస్తే..  బోర్డర్ గావస్కర్ ట్రోఫీలో అత్యధిక వికెట్లు పడగొట్టిన బౌలర్‌గా నిలుస్తాడు. ఇప్పటివరకు బోర్డర్ గావస్కర్ ట్రోఫీలో అశ్విన్‌ 103 వికెట్లు తీశాడు. ఇక ఈ అరుదైన ఘనత సాధించిన జాబితాలో భారత దిగ్గజం అనిల్‌ కుంబ్లే 111 వికెట్లతో తొలి స్థానంలో ఉన్నాడు. మరో 9 వికెట్లు అశూ సాధిస్తే.. కుంబ్లేను అధిగమించి అగ్ర స్థానానికి చేరుకుంటాడు. ఇక ఈ సిరీస్‌లో అద్భుతమైన ఫామ్‌లో ఉన్నాడు. తొలి రెండు టెస్టుల్లో ఏకంగా 14 వికెట్లు పడగొట్టాడు. ప్రస్తుత అశ్విన్‌ జోరును చూస్తుంటే కుంబ్లే రికార్డును ఈజీగా బ్రేక్‌ చేసే అవకాశం ఉంది. చదవండి: Virat Kohli: ఎన్నో విజయాలు అందించా.. అయినా ఫెయిల్యూర్ కెప్టెన్ అంటూ!

BGT 2023 IND VS AUS 2n Test: టీమిండియా స్టార్‌ ఆల్‌రౌండర్‌ రవీంద్ర జడేజా ఇటీవలి కాలంలో ఫార్మాట్లకతీతంగా ఆకాశమే హద్దుగా చెలరేగుతున్న​ విషయం విధితమే. గాయం కారణంగా (ఆసీస్‌తో టెస్ట్‌ సిరీస్‌కు ముందు) గత ఆరు నెలలుగా అంతర్జాతీయ క్రికెట్‌కు దూరంగా ఉన్న జడ్డూ భాయ్‌.. వచ్చీ రాగానే టెస్ట్‌ల్లో తన మార్కు హవాను కొనసాగిస్తున్నాడు. బోర్డర్‌ గవాస్కర్‌ ట్రోఫీ-2023లో భాగంగా నాగ్‌పూర్‌ వేదికగా జరిగిన తొలి టెస్ట్‌లో 7 వికెట్లతో (5/47, 70, 2/34) పాటు కీలకమైన హాఫ్‌సెంచరీ చేసిన జడ్డూ.. న్యూఢిల్లీలో జరిగిన రెండో టెస్ట్‌లో బంతితో భీకర స్థాయిలో విజృంభించి ఏకంగా 10 వికెట్లు (3/68, 26, 7/42) పడగొట్టాడు. ఈ మ్యాచ్‌లోనూ బ్యాట్‌తో పర్వాలేదనిపించిన జడేజా.. జట్టు కష్టాల్లో ఉన్నప్పుడు అత్యంత కీలకమైన 26 పరుగులు స్కోర్‌ చేశాడు. 10 వికెట్ల ప్రదర్శనతో అదరగొట్టి, ఆసీస్‌ వెన్నులో వణుకు పుట్టించినందుకు గాను జడేజాకు మ్యాన్‌ ఆఫ్‌ ద మ్యాచ్‌ అవార్డు దక్కింది. ఈ అవార్డును జడేజా తన 62 టెస్ట్‌ మ్యాచ్‌ల కెరీర్‌లో తొమ్మిదోసారి అందుకున్నాడు. ఈ అవార్డు అందుకునే క్రమంలో జడ్డూ.. సహచర స్పిన్నర్‌ రవిచంద్రన్‌ అశ్విన్‌, విరాట్‌ కోహ్లిల రికార్డును సమం చేశాడు. కోహ్లి తన 106 టెస్ట్‌ మ్యాచ్‌ల కెరీర్‌లో 9 సార్లు మ్యాన్‌ ఆఫ్‌ ద మ్యాచ్‌ అవార్డును అందుకోగా.. అశ్విన్‌ 90 టెస్ట్‌ల కెరీర్‌లో ఇన్నే సార్లు ఈ అవార్డును దక్కించుకున్నాడు. జడ్డూ మరోసారి టెస్ట్‌ల్లో మ్యాన్‌ ఆఫ్‌ ద మ్యాచ్‌ అవార్డును అందుకుంటే, దిగ్గజ స్పిన్నర్‌ అనిల్‌ కుంబ్లే రికార్డును సమం చేస్తాడు. భారత తరఫున అత్యధిక సార్లు మ్యాన్‌ ఆఫ్‌ ద మ్యాచ్‌ అవార్డు గెలిచిన క్రికెటర్ల జాబితాలో సచిన్‌ అగ్రస్థానంలో ఉండగా.. రాహుల్‌ ద్రవిడ్‌, అనిల్‌ కుంబ్లే, జడేజా, అశ్విన్‌, కోహ్లి వరుసగా 2 నుంచి 5 స్థానాల్లో ఉన్నారు. కెరీర్‌లో 200 టెస్ట్‌లు ఆడిన సచిన్‌ 14 సార్లు మ్యాన్‌ ఆఫ్‌ ద మ్యాచ్‌ అవార్డు గెలుచుకోగా.. 163 టెస్ట్‌లు ఆడిన ద్రవిడ్‌ 11 సార్లు, 132 మ్యాచ్‌లు ఆడిన కుంబ్లే 10 సార్లు మ్యాన్‌ ఆఫ్‌ ద మ్యాచ్‌ అవార్డుకు ఎంపికయ్యారు. బోర్డర్‌ గవాస్కర్‌ ట్రోఫీ-2023లో ఇంకా రెండు టెస్ట్‌ మ్యాచ్‌లు ఆడాల్సి ఉన్నందున జడేజా ఈ సిరీస్‌లోనే ద్రవిడ్‌ రికార్డును కూడా సమం చేసే అవకాశం ఉంది. ఇండోర్‌లో మార్చి 1-5 వరకు మూడో టెస్ట్‌, అహ్మదాబాద్‌లో మార్చి 9-13 వరకు నాలుగో టెస్ట్‌ మ్యాచ్‌ జరుగనుంది. అనంతరం టీమిండియా ఆసీప్‌తో మూడు మ్యాచ్‌ల వన్డే సిరీస్‌ ఆడుతుంది. మార్చి 17, 19, 22 తేదీల్లో ముంబై, వైజాగ్‌, చెన్నైల్లో మూడు వన్డేలు జరుగనున్నాయి.   

India vs Australia, 2nd Test - Ravichandran Ashwin: టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ అరుదైన ఘనత సాధించాడు. ఆస్ట్రేలియాతో టెస్టుల్లో వంద వికెట్లు పడగొట్టిన రెండో భారత బౌలర్‌గా చరిత్రకెక్కాడు. టీమిండియా దిగ్గజ స్పిన్నర్‌ అనిల్‌ కుంబ్లే(111 వికెట్లు) తర్వాత ఈ ఫీట్‌ నమోదు చేసిన బౌలర్‌గా నిలిచాడు.  వంద వికెట్ల ఘనత బోర్డర్‌- గావస్కర్‌ ట్రోఫీలో భాగంగా స్వదేశంలో జరుగుతున్న రెండో టెస్టు సందర్భంగా అశ్విన్‌ ఈ ఘనత సాధించాడు. ఢిల్లీలోని అరుణ్‌ జైట్లీ స్టేడియం వేదికగా తొలి రోజు ఆటలో ఆసీస్‌ వికెట్‌ కీపర్‌ బ్యాటర్‌ అలెక్స్‌ క్యారీని డకౌట్‌ చేసి.. ఆస్ట్రేలియాపై వంద వికెట్ల మార్కును అందుకున్నాడు. ఇక సమకాలీన క్రికెటర్లలో రవీంద్ర జడేజా(71) తప్ప అశ్విన్‌ దరిదాపుల్లో కూడా ఎవరూ లేరు. అగ్రస్థానంలో వార్న్‌ ఇదిలా ఉంటే.. ఒకే ప్రత్యర్థి జట్టుపై అత్యధిక వికెట్లు తీసిన బౌలర్‌గా దివంగత ఆసీస్‌ దిగ్గజం షేన్‌ వార్న్‌ రికార్డులకెక్కాడు. ఇంగ్లండ్‌తో టెస్టుల్లో అతడు.. 195 వికెట్లు పడగొట్టి ఈ జాబితాలో అగ్రస్థానంలో కొనసాగుతున్నాడు. కాగా రెండో టెస్టులో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది.  ఈ క్రమంలో టీ బ్రేక్‌ సమయానికి అశ్విన్‌ మూడు వికెట్లతో చెలరేగగా.. మహ్మద్‌ షమీ 2 వికెట్లు పడగొట్టాడు. రవీంద్ర జడేజాకు ఒక వికెట్‌ దక్కింది. ఈ క్రమంలో మూడో సెషన్‌ ముగిసే సరికి 6 వికెట్ల నష్టానికి 199(56 ఓవర్లు) చేయగలిగింది. ఇక  క్యారీ కంటే ముందు అశూ.. స్టీవ్‌ స్మిత్‌, మార్నస్‌ లబుషేన్‌ వికెట్లు తన ఖాతాలో వేసుకున్నాడు. చదవండి: Tom Blundell: కివీస్‌ బ్యాటర్‌ టామ్‌ బ్లండెల్‌ ప్రపంచ రికార్డు.. ఇంతవరకు ఎవరికీ సాధ్యం కాలేదు! IND Vs AUS: పాపం వార్నర్‌.. మళ్లీ షమీ చేతిలోనే! వీడియో వైరల్‌ GONEEEEE!#TeamIndia bowlers have the ball talking and Aussie batters dancing to their tunes! Ashwin gets two huge wickets of Labuschagne and Smith! 🔥 Tune-in to the action in the Mastercard #INDvAUS Test on Star Sports & Disney+Hotstar! #BelieveInBlue #TestByFire pic.twitter.com/xxgiqyrRau — Star Sports (@StarSportsIndia) February 17, 2023

టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ టెస్టుల్లో 450 వికెట్ల మైలురాయిని అందుకున్నాడు. నాగ్‌పూర్‌ వేదికగా ఆస్ట్రేలియాతో జరుగుతోన్న తొలి టెస్టులో అలెక్స్‌ క్యారీని ఔట్‌ చేసిన అశ్విన్‌.. ఈ ఘనత సాధించాడు. ఇక 450 టెస్టు వికెట్లు పడగొట్టిన అశ్విన్‌ పలు అరుదైన రికార్డులు తన పేరిట లిఖించుకున్నాడు. అశ్విన్‌ సాధించిన రికార్డులు ఇవే ►టెస్టుల్లో అత్యంత వేగంగా 450 వికెట్లు సాధించిన భారత బౌలర్‌గా నిలిచాడు. 89 టెస్టు మ్యాచ్‌లోనే అశ్విన్‌ ఈ ఘనతను సాధించాడు. కాగా ఇప్పటి వరకు ఈ రికార్డు భారత స్పిన్‌ దిగ్గజం అనిల్‌ కుంబ్లే పేరిట ఉండేది. కుంబ్లే 93 మ్యాచ్‌ల్లో ఈ రికార్డును సాధించాడు. 2005లో ఈడెన్‌గార్డెన్స్‌ వేదికగా పాకిస్తాన్‌తో జరిగిన టెస్టులో కుంబ్లే తన 450వ వికెట్‌ను పడగొట్టాడు. ఇక తాజా మ్యాచ్‌తో 18 ఏళ్ల కుంబ్లే రికార్డును అశ్విన్‌ బ్రేక్‌ చేశాడు.  ► ప్రపంచ క్రికెట్‌లో ఈ ఘనత సాధించిన రెండో బౌలర్‌గా అశ్విన్‌ నిలిచాడు. తొలి స్థానంలో శ్రీలంక దిగ్గజం ముత్తయ్య మురళీధరన్(80 మ్యాచ్‌లు) ఉన్నాడు. ► ఇక ఓ‍వరాల్‌గా ప్రపంచ క్రికెట్‌లో 450 వికెట్ల మైలురాయిని చేరుకున్న 9వ బౌలర్‌గా అశ్విన్‌ నిలిచాడు. ► బంతుల పరంగా ఈ ఘనత సాధించిన రెండో బౌలర్‌గా అశ్విన్‌ రికార్డు సృష్టించాడు. తొలి స్థానంలో ఆస్ట్రేలియా గ్రేట్‌ మెక్‌గ్రాత్(23635) ఉండగా.. అశ్విన్‌(23474) రెండో స్థానంలో ఉన్నాడు. చదవండి: IND vs AUS: వారెవ్వా భరత్‌.. ధోనిని గుర్తుచేశాలా స్టంపౌట్‌! వీడియో వైరల్‌  

Anil Kumble 10 Wickets Haul Vs Pakistan: క్రికెట్‌ చరిత్రలో ఫిబ్రవరి 7వ తేదీకి ఓ ప్రత్యేకత ఉంది. 1999వ సంవత్సరంలో ఈ తేదీన ఢిల్లీ వేదికగా పాకిస్తాన్‌తో జరిగిన టెస్ట్‌ మ్యాచ్‌లో టీమిండియా దిగ్గజ లెగ్‌ స్పిన్నర్‌ అనిల్‌ కుంబ్లే ఒకే ఇన్నింగ్స్‌లో 10కి 10 వికెట్లు (10/74) పడగొట్టి చరిత్ర సృష్టించాడు. 146 ఏళ్ల టెస్ట్‌ క్రికెట్‌ చరిత్రలో ఇలా జరగడం ఇది రెండోసారి మాత్రమే. 1956లో ఇంగ్లండ్‌ ఆఫ్‌ స్పిన్నర్‌ జిమ్‌ లేకర్‌ ఆస్ట్రేలియాపై ఒకే ఇన్నింగ్స్‌లో 10 వికెట్ల ఘనత (10/53) సాధించగా, ఆ ఘనతను తిరిగి 43 ఏళ్ల తర్వాత అనిల్‌ కుంబ్లే రెండో సారి నమోదు చేశాడు. కుంబ్లే సాధించిన ఈ ఘనతకు నేటితో 23 పూర్తై 24 ఏళ్లు పడ్డాయి. ఈ నేపథ్యంలో కుంబ్లే చారిత్రక ప్రదర్శనను నేటి దినాన క్రికెట్‌ అభిమానులు స్మరించుకుంటున్నారు. కుంబ్లే నమోదు చేసిన గణాంకాలను చూసి ముక్కున వేలేసుకుంటున్నారు. ఈ జనరేషన్‌ అభిమానులైతే 10కి 10 వికెట్లు తీయడం ఎలా సాధ్యపడిందని చర్చించుకుంటున్నారు. 2⃣6⃣.3⃣ Overs 9⃣ Maidens 7⃣4⃣ Runs 1⃣0⃣ Wickets 🗓️ #OnThisDay in 1999, #TeamIndia legend @anilkumble1074 etched his name in record books, becoming the first Indian cricketer to scalp 1⃣0⃣ wickets in a Test innings 🔝 👏 Revisit that special feat 🔽 pic.twitter.com/wAPK7YBRyi — BCCI (@BCCI) February 7, 2023 నాటి మ్యాచ్‌ వివరాల్లోకి వెళితే.. ఆ మ్యాచ్‌లో తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 252 పరుగులకు ఆలౌటైంది. సదగోపన్‌ రమేశ్‌ (60), మహ్మద్‌ అజహారుద్దీన్‌ (67) అర్ధసెంచరీలతో రాణించారు. పాక్‌ ఆఫ్‌ స్పిన్నర్‌ సక్లయిన్‌ ముస్తాక్‌ 5 వికెట్లు పడగొట్టాడు. అనంతరం పాక్‌ తొలి ఇన్నింగ్స్‌లో అనిల్‌ కుంబ్లే (4/75), హర్భజన్‌ సింగ్‌  (3/30) ధాటికి 172 పరుగులకే ఆలౌటైంది. షాహిద్‌ అఫ్రిది (32) టాప్‌ స్కోరర్‌గా నిలిచాడు. ఆ తర్వాత భారత్‌ రెండో ఇన్నింగ్స్‌లో 339 పరుగులకు ఆలౌటై పాక్‌కు 420 పరుగుల టార్గెట్‌ను నిర్ధేశించింది. ఈ ఇన్నింగ్స్‌లోనే కుంబ్లే మ్యాజిక్‌ చేశాడు. 101 పరుగుల వరకు ఒక్క వికెట్‌ కోల్పోని పాక్‌ను కుంబ్లే ఒక్కడే 207 పరుగులకు ఆలౌట్‌ చేశాడు. ఈ చారిత్రక ఘట్టానికి 23 ఏళ్లు పూర్తయిన సందర్భంగా దీనికి సంబంధించిన వీడియో ప్రస్తుతం సోషల్‌మీడియాలో వైరలవుతోంది. 

Former Players All Time IPL XI: సౌతాఫ్రికా మాజీ కెప్టెన్‌, మిస్టర్‌ 360 ఏబీ డివిలియర్స్‌కు ప్రపంచవ్యాప్తంగా కోట్లాది మంది అభిమానులు ఉన్నారు. ముఖ్యంగా భారత్‌లో ఈ విధ్వంసకర బ్యాట్స్‌మన్‌కు ఉన్న ఫాలోయింగ్‌ గురించి ప్రత్యేకంగా చెప్పనక్కర్లేదు. ఇండియన్‌ ప్రీమియర్‌ లీగ్‌ ద్వారా ఇండియన్‌ ఫ్యాన్స్‌కు మరింత చేరువయ్యాడు. ఢిల్లీ డేర్‌డెవిల్స్‌తో పాటు రాయల్‌ చాలెంజర్స్‌ బెంగళూరుకు ప్రాతినిథ్యం వహించిన ఈ వికెట్‌ కీపర్‌ బ్యాటర్‌ తన ఆటతో క్రికెట్‌ ప్రేమికులను అలరించాడు. ఇక క్యాష్‌ రిచ్‌ లీగ్‌ చరిత్రలో ఇప్పటి వరకు అత్యధిక పరుగుల వీరుల జాబితాలో ఆరో స్థానంలో ఉన్న ఏబీ డివిలియర్స్‌.. 170 ఇన్నింగ్స్‌లో కలిపి మొత్తంగా 5162 పరుగులు చేశాడు. ఐపీఎల్‌లో ఈ రైట్‌హ్యాండ్‌ బ్యాటర్‌ అత్యధిక స్కోరు 133. ఇలా అద్భుత ప్రదర్శనతో తను ప్రాతినిథ్యం వహించిన జట్ల విజయాల్లో కీలక పాత్ర పోషించి.. ఐపీఎల్‌లో తనదైన ముద్ర వేసిన ఏబీడీకి టీమిండియా మాజీ కెప్టెన్‌ అనిల్‌ కుంబ్లే తన ఆల్‌టైం జట్టులో చోటు ఇవ్వకపోవడం గమనార్హం. ఐపీఎల్‌-2023 నేపథ్యంలో జియోసినిమా షో లెజెండ్స్‌ లాంజ్‌లో క్రిస్‌ గేల్‌, సురేశ్‌ రైనా, పార్థివ్‌ పటేల్‌, రాబిన్‌ ఊతప్ప, స్కాట్‌ స్టైరిస్‌ వంటి మాజీ క్రికెటర్లతో కలిపి పాల్గొన్నాడు అనిల్‌ కుంబ్లే.   డివిలియర్స్‌ కోసం తనను పక్కనపెట్టలేను ఈ సందర్భంగా... చర్చలో భాగంగా తమ ఆల్‌టైం ఐపీఎల్‌ ప్లేయింగ్‌ ఎలెవన్‌ను చెప్పాలని కోరగా.. కుంబ్లే.. డివిలియర్స్‌కు తన జట్టులో చోటు కష్టమని పేర్కొన్నాడు. ఇందుకు గల కారణాన్ని వివరిస్తూ.. ‘‘నా జట్టుకు ఎంఎస్‌ ధోని కెప్టెన్‌. ఈ వికెట్‌ కీపర్‌ బ్యాటర్‌ ఐదో స్థానంలో బ్యాటింగ్‌కు వస్తాడు. డివిలియర్స్‌ కోసం తనను పక్కనపెట్టలేను. ఇక ఆరోస్థానంలో పొలార్డ్‌ను ఆడిస్తా’’ అని కుంబ్లే చెప్పుకొచ్చాడు. నాలుగుసార్లు టైటిల్‌ గెలిచిన చెన్నై సారథి ధోనికే తన ఓటు అని పేర్కొన్నాడు. ఇదిలా ఉంటే.. ఇతరుల్లో గేల్‌ ఓపెనర్‌గా తన పేరును తాను సూచించగా.. పార్థివ్‌ పటేల్‌ అతడికి జోడీగా విరాట్‌ కోహ్లిని ఎంపిక చేశాడు. ఈ చర్చలో భాగంగా ఆఖర్లో పొలార్డ్‌ను కాదని డివిలియర్స్‌కే చోటిచ్చారు మిగతా మాజీలు. లెజెండ్స్‌ ఎంపిక చేసిన ఆల్‌టైం ఐపీఎల్‌ జట్టు క్రిస్‌ గేల్‌, విరాట్‌ కోహ్లి, సురేశ్‌ రైనా, రోహిత్‌ శర్మ, ఏబీ డివిలియర్స్‌, ఎంఎస్‌ ధోని(కెప్టెన్‌, వికెట్‌ కీపర్‌), హార్దిక్‌ పాండ్యా, సునిల్‌ నరైన్‌, యజువేంద్ర చహల్‌, జస్‌ప్రీత్‌ బుమ్రా, లసిత్‌ మలింగ. చదవండి: Kieron Pollard: విన్యాసం బాగానే ఉంది.. ఆ ఎక్స్‌ప్రెషన్‌కు అర్థమేంటి! ICC ODI Rankings: నంబర్‌ వన్‌ బౌలర్‌గా సిరాజ్‌

Anil Kumble: టీ20 వరల్డ్‌కప్‌-2022 సెమీఫైనల్లో టీమిండియా ఓటమి అనంతరం భారత మాజీ కెప్టెన్‌, కోచ్‌ అనిల్‌ కుంబ్లే ఆసక్తికర వ్యాఖ్యలు చేశాడు. భవిష్యత్తులో టీమిండియా సక్సెస్‌ సాధించేందుకు తోడ్పడే కీలక ప్రతిపాదనతో ముందుకొచ్చాడు. ఇంగ్లండ్‌, ఆస్ట్రేలియా ఫాలో అవుతున్న.. '3 ఫార్మాట్లకు 3 వేర్వేరు జట్లు' అనే ఫార్ములాను టీమిండియా కూడా ఫాలో అవ్వాలని సూచించాడు. 2021లో ఆసీస్‌.. తాజాగా ముగిసిన వరల్డ్‌కప్‌ (2022)లో ఇంగ్లండ్‌ సక్సెస్‌ మంత్ర ఇదేనని పేర్కొన్నాడు. టెస్ట్‌ల్లో , పరిమిత​ ఓవర్ల క్రికెట్‌లో వేర్వేరు కోచ్‌లు, వేర్వేరు కెప్టెన్లతో ఇంగ్లండ్‌ జట్టు అద్భుత ఫలితాలు సాధిస్తున్న నేపథ్యంలో జరుగుతున్న చర్చపై కుంబ్లే తన అభిప్రాయాన్ని ఈమేరకు వెల్లడించాడు. మూడు ఫార్మాట్లకు ముగ్గురు కెప్టెన్లు, ముగ్గురు కోచ్‌లు ఉండాలని కచ్చితంగా చెప్పలేను కానీ, జట్టు మాత్రం డిఫరెంట్‌గా (ఆయా ఫార్మాట్లలో స్పెషలిస్ట్‌లతో కూడిన జట్టు) ఉంటే తప్పక సత్ఫలితాలు వస్తాయని కాన్ఫిడెంట్‌గా చెప్పాడు.   ముఖ్యంగా టీ20లకు ప్రత్యేక జట్టు చాలా అవసరమని, ఈ ఫార్మాట్‌లో హార్డ్‌ హిట్టర్లు, ఆల్‌రౌండర్లు, టీ20 స్పెషలిస్ట్‌ల పాత్ర చాలా కీలకమని, 2021 వరల్డ్‌కప్‌లో ఆస్ట్రేలియా, తాజాగా ముగిసిన వరల్డ్‌కప్‌లో ఇంగ్లండ్‌ ఈ ఫార్ములా అమలు చేసే విజయాలు సాధించాయని అభిప్రాయపడ్డాడు. ఇంగ్లండ్‌ జట్టులో లివింగ్‌స్టోన్‌, ఆసీస్‌ టీమ్‌లో స్టొయినిస్‌ లాంటి ఆటగాళ్లు 6, 7 స్థానాల్లో బ్యాటింగ్‌ చేస్తున్నారంటే, ఆయా జట్ల కూర్పు ఎలా ఉందో  ఇట్టే అర్ధమవుతుందని ఉదహరించాడు. కుంబ్లే చేసిన ఈ ప్రతిపాదనకు ఆసీస్‌ మాజీ ఆల్‌రౌండర్‌ టామ్‌ మూడీ కూడా మద్దతు పలికాడు. అన్ని జట్లు ఈ విషయం గురిం‍చి సీరియస్‌గా ఆలోచించాలని సూచిం‍చాడు. కాగా, విశ్వవిజేత ఇంగ్లండ్‌ జట్టుకు టెస్ట్‌ల్లో, పరిమిత ఓవర్ల ఫార్మాట్‌లో వేర్వేరు కోచ్‌లు, కెప్టెన్లు, జట్లు ఉన్న విషయం తెలిసిందే. ఆ జట్టుకు టెస్ట్‌ల్లో బ్రెండన్‌ మెక్‌కల్లమ్‌ కోచ్‌గా, బెన్‌ స్టోక్స్‌ కెప్టెన్‌గా వ్యవహరిస్తుండగా.. పరిమిత ఓవర్ల ఫార్మాట్‌లో మాథ్యూ మాట్‌ కోచ్‌గా, జోస్‌ బట్లర్‌ కెప్టెన్‌గా ఉన్నాడు. టీ20ల్లో మాజీ ఛాంపియన్‌ అయిన ఆసీస్‌కు టెస్ట్‌ల్లో, లిమిటెడ్‌ ఓవర్స్‌ ఫార్మాట్‌లో వేర్వేరు కోచ్‌లు లేనప్పటికీ.. కెప్టెన్లు (కమిన్స్‌, ఫించ్‌), జట్టు పూర్తిగా వేరుగా ఉంది. టీమిండియా విషయానికొస్తే.. మన జట్టు మూడు ఫార్మాట్లలో ఒకే కెప్టెన్‌ (రోహిత్‌ శర్మ), ఒకే కోచ్‌ (ద్రవిడ్‌), ఇంచుమించు ఒకే జట్టు కలిగి ఉంది. అప్పుడప్పుడు అంతగా ప్రాధాన్యత లేని సిరీస్‌లకు రెస్ట్‌ పేరుతో కెప్టెన్‌కు, కోచ్‌కు రెస్ట్‌ ఇస్తుంది. ఆ సమయంలో కోచ్‌గా ఎన్‌సీఏ డైరెక్టర్‌ వీవీఎస్‌ లక్ష్మణ్‌ కోచ్‌గా వ్యవహరిస్తుంటాడు. కెప్టెన్ల మాట చెప్పనక్కర్లేదు. రోహిత్‌ గైర్హాజరీలో ఒక్కో సిరీస్‌కు ఒక్కో ఆటగాడు కెప్టెన్‌గా పని చేశాడు. గత ఏడాది కాలంలో భారత్‌ ఏకంగా ఏడుగురు కెప్టెన్లను మార్చింది.    చదవండి: ఐపీఎల్‌ 2023కు ముగ్గురు ఆసీస్‌ స్టార్లు డుమ్మా.. దేశ విధులే ముఖ్యమంటూ..!

టీ20 ప్రపంచకప్‌-2022 సెమీఫైనల్లో టీమిండియాకు ఘోర పరభావం ఎదురైన సంగతి తెలిసిందే. ఇంగ్లండ్‌పై 10 వికెట్ల తేడాతో ఓటమిపాలైన భారత్‌ టోర్నీ నుంచి నిష్ర్కమించింది. ఇక టోర్నీనుంచి అవమానకర రీతిలో ఇంటిముఖం పట్టిన టీమిండియాపై కొంత మంది విమర్శలు వర్షం కురిపించగా.. మరికొంత మంది మద్దతుగా నిలిచారు. అదే విధంగా టీ20 ప్రపంచకప్‌-2024కు భారత్‌ ఏ విధంగా సన్నద్ధం కావాలన్న చర్చ ప్రస్తుతం జరగుతోంది. ఈ క్రమంలో భారత మాజీ కెప్టెన్‌ అనిల్‌ కుండే తన అభిప్రాయాలను పంచుకున్నాడు. టెస్టు, వైట్‌బాల్‌ క్రికెట్‌కు వేర్వేరు టీమ్స్‌ ఉండాలి అని కుంబ్లే సూచించాడు. ఈఎస్పీఎన్‌ క్రికిన్ఫోతో కుంబ్లే మాట్లాడుతూ.. "ఖచ్చితంగా టెస్టు, వైట్‌బాల్‌ క్రికెట్‌ రెండు వేర్వేరు జట్లు ఉండాలి. ప్రతీ జట్టుకు టీ20 స్పెషలిస్టులు కావాలి. ఈ ఏడాది టీ20 ప్రపంచకప్‌ ఛాంపియన్స్‌ ఇంగ్లండ్‌కు, గతేడాది విజేత ఆస్ట్రేలియాకు చాలా మంది టీ20 స్పెషలిస్టులు ఉన్నారు. ఎక్కువ మంది ఆల్‌రౌండర్‌లు ఉండేలా జట్టును తయారు చేసుకోవాలి. ఇంగ్లండ్‌ను చూసుకుంటే లివింగ్‌స్టోన్‌ వంటి అద్భుతమైన ఆటగాడు 7 వస్థానంలో బ్యాటింగ్‌ వస్తాడు. అదే విధంగా ఆస్ట్రేలియా స్టార్‌ ఆల్‌రౌండర్‌ స్టోయినిస్ 6 స్థానంలో బ్యాటింగ్‌ రావడం మనం చూస్తున్నాం. ఈ విధంగా మనం జట్టును నిర్మించాలి. దీనిపై ప్రత్యేక దృష్టిసారించాలి" అని అతడు పేర్కొన్నాడు. చదవండి: T20 WC 2022: రోహిత్‌ను కెప్టెన్‌గా తప్పించండి! వాళ్లలో ఒకరిని సారథి చేయండి

మొహాలి: మూడు ఐపీఎల్‌ సీజన్లలో తమ జట్టుకు హెడ్‌ కోచ్‌గా వ్యవహరించినా... ఆశించిన ఫలితాలు అందించలేకపోయిన అనిల్‌ కుంబ్లేతో పంజాబ్‌ కింగ్స్‌ బంధం తెంచుకుంది. వచ్చే సీజన్‌ కోసం కుంబ్లేతో ఒప్పందాన్ని పునరుద్ధరించడం లేదని ప్రకటించింది. టీమ్‌ యజమానులైన ప్రీతి జింటా, నెస్‌ వాడియా తదితరులు కలిసి సమష్టిగా ఈ నిర్ణయం తీసుకున్నారు. త్వరలోనే కొత్త కోచ్‌ను ఫ్రాంచైజీ ఎంపిక చేస్తుంది. 2020లో కుంబ్లే హెడ్‌ కోచ్‌గా బాధ్యతలు చేపట్టగా వరుసగా రెండేళ్లు టీమ్‌ ఐదో స్థానంలో నిలిచింది. 2022లో పది టీమ్‌ల ఐపీఎల్‌లో పంజాబ్‌ ఆరో స్థానంతో సరిపెట్టుకుంది. జట్టులో ఎన్ని మార్పులు చేసినా, వ్యూహాలు మార్చినా పంజాబ్‌ కోచ్‌ పదవి ఎవరికీ కలిసి రాలేదు. 2014 నుంచి చూస్తే ఆ జట్టుకు కుంబ్లే ఐదో కోచ్‌. వరుసగా సంజయ్‌ బంగర్, వీరేంద్ర సెహ్వాగ్, బ్రాడ్‌ హాడ్జ్, మైక్‌ హెసన్‌ కోచ్‌గా పని చేసినా జట్టు రాత మారలేదు. కుంబ్లే కోచ్‌గా ఉన్న సమయంలో పంజాబ్‌ 42 మ్యాచ్‌లు ఆడగా... 18 గెలిచి, 22 ఓడింది.మరో 2 మ్యాచ్‌లు ‘టై’గా ముగిశాయి. ఓవరాల్‌గా కూడా 2008 నుంచి ఐపీఎల్‌లో ఉన్నా రెండుసార్లు మాత్రమే పంజాబ్‌ ప్లే ఆఫ్స్‌కు వెళ్లగలిగింది. 2014లో ఫైనల్‌ చేరడం ఆ జట్టు అత్యుత్తమ ప్రదర్శన. గత సీజన్‌ వేలంలో బెయిర్‌స్టో, రబడ, లివింగ్‌స్టోన్, శిఖర్‌ ధావన్‌లాంటి ఆటగాళ్లను ఎంచుకున్నా ఫలితం మాత్రం మారలేదు. కోచ్‌ను తప్పించిన పంజాబ్‌ మరోవైపు కెప్టెన్‌గా మయాంక్‌ అగర్వాల్‌ను కొనసాగించే విషయంలో ఇంకా ఎలాంటి తుది నిర్ణయం తీసుకోలేదు. చదవండి: Asia Cup 2022: పాక్‌ క్రికెటర్‌పై పుజారా ప్రశంసల వర్షం

టీమిండియా దిగ్గజ స్పిన్నర్‌ అనిల్‌ కుంబ్లేకు ఐపీఎల్‌ ఫ్రాంచైజీ పంజాబ్‌ కింగ్స్‌ షాకివ్వనున్నట్లు సమాచారం. పంజాబ్‌ కింగ్స్‌ ​కోచ్‌గా అనిల్‌ కుంబ్లే స్తానంలో కొత్త వ్యక్తిని తీసుకొచ్చే పనిలో ఉంది. ఈ సెప్టెంబర్‌తో కుంబ్లేకు పంజాబ్‌ కింగ్స్‌తో ఉన్న మూడేళ్ల ఒప్పందం ముగియనుంది. ఈ నేపథ్యంలోనే కుంబ్లేతో ఒ‍ప్పందాన్ని రెన్యువల్‌ చేసుకునేందుకు పంజాబ్‌ కింగ్స్‌ ఇష్టపడడం లేదని తెలుస్తోంది. ఇప్పటికే పంజాబ్‌ కింగ్స్‌ కొత్త కోచ్‌ పదవికి ఇంగ్లండ్‌ మాజీ ఆటగాడు ఇయాన్‌ మోర్గాన్‌ సహా హైదరాబాద్‌ మాజీ కోచ్‌ ట్రెవర్‌ బెలిస్‌ పేర్లను పరిశీలించినట్లు తెలుస్తోంది. వీరితో పాటు టీమిండియా మాజీ కోచ్‌ రవిశాస్త్రి పేరు కూడా పరిశీలినలో ఉంది. మరో వారంలో పంజాబ్ కింగ్స్‌ కొత్త కోచ్‌ ఎవరనే దానిపై సందిగ్దం వీడనుందని ఫ్రాంచైజీ అధికారి ఒకరు పేర్కొన్నారు. ఇక కుంబ్లే హయాంలో పంజాబ్‌ కింగ్స్‌ ఐపీఎల్‌లో 42 మ్యాచ్‌ల్లో 19 విజయాలు అందుకుంది. అనిల్ కుంబ్లే కోచింగ్‌లో వరుసగా నాలుగు సీజన్లలోనూ ఆరో స్థానంతోనే సరిపెట్టుకుంది పంజాబ్ కింగ్స్. నాలుగు సీజన్లలో ముగ్గురు కెప్టెన్లను, ప్లేయర్లను మార్చినా ఫలితం మాత్రం మారలేదు. అందుకే కుంబ్లేని సాగనంపి, కొత్త హెడ్ కోచ్‌ని నియమించుకునేందుకు పంజాబ్‌ కింగ్స​ ప్రయత్నాలు చేస్తోంది. కాగా ఐపీఎల్‌ ప్రారంభం నుంచి పంజాబ్‌ కింగ్స్‌ 2014 మినహా ఒక్కసారి కూడా ఫైనల్‌ చేరిన దాఖలాలు లేవు. ఎంతమంది కెప్టెన్లు, కోచ్‌లు, ఆటగాళ్లు మారినా ఆ జట్టు ఆట తీరు మాత్రం మెరుగపడడం లేదు. అంతేకాదు జట్టు పటిష్టంగా ఉండాలనే ఉద్దేశంతో ఐపీఎల్‌ మెగావేలంలోనూ దూకుడు కనబరిచింది పంజాబ్‌ కింగ్స్‌. వేలంలో శిఖర్‌ ధావన్‌, లియామ్‌ లివింగ్‌స్టోన్‌, జానీ బెయిర్‌ స్టో, కగిసో రబడా లాంటి పేరున్న ఆటగాళ్లను తీసుకుంది. కానీ ఎలాంటి ఉపయోగం లేకుండా పోయింది. ఈ సీజన్‌ ప్రారంభానికి ముందు కేఎల్‌ రాహుల్‌ లక్నో సూపర్‌ జెయింట్స్‌కు కెప్టెన్‌గా వెళ్లిపోవడంతో.. శిఖర్‌ ధావన్‌ను కాదని మయాంక్‌ అగర్వాల్‌కు నాయకత్వ బాధ్యతలు అప్పగించింది. కెప్టెన్సీ ఒత్తిడిలో పడి మయాంక్‌ తన బ్యాటింగ్‌ను పూర్తిగా మరిచిపోయాడు. సీజన్‌లో కొన్ని మంచి విజయాలు అందుకున్నప్పటికి పంజాబ్‌ కింగ్స్‌ 14 మ్యాచ్‌ల్లో ఏడు విజయాలు.. ఏడు పరాజయాలతో ఆరో స్థానంలో నిలిచి మరోసారి లీగ్‌ దశకే పరిమితమయింది. మరి కొత్త కోచ్‌ రాకతో పంజాబ్‌ కింగ్స్‌ దశ వచ్చే సీజన్‌లోనైనా మారుతుందేమో చూడాలి.

Ind Vs Wi- Ravi Bishnoi Reaction After ODI T20 Call Up: భారత యువ క్రికెటర్‌ రవి బిష్ణోయి ఆనందడోలికల్లో తేలియాడుతున్నాడు. వెస్టిండీస్‌తో సిరీస్‌ నేపథ్యంలో బీసీసీఐ నుంచి పిలుపు రావడంతో సంతోషంతో ఉబ్బితబ్బిబ్బవుతున్నాడు. రవితో పాటు అతడి శ్రేయోలాభిలాషులు, అభిమానులు సైతం పట్టరాని ఆనందంలో మునిగిపోయారు. ఈ క్రమంలో రాజస్తాన్‌లోని రవి ఇంటి ముందు పెద్ద సంఖ్యలో జనం గుమిగూడి సందడి చేశారు. తొలిసారి జాతీయ జట్టుకు ఎంపికైన సందర్భంగా అతడికి అభినందనలు తెలియజేశారు. కాగా స్వదేశంలో విండీస్‌తో జరిగే వన్డే, టీ20 సిరీస్‌కు బీసీసీఐ జట్టును ప్రకటించిన సంగతి తెలిసిందే. ఇందులో భాగంగా రెండు సిరీస్‌లకు రవి బిష్ణోయిని ఎంపిక చేశారు. ఇక ఇండియన్‌ ప్రీమియర్‌ లీగ్‌లో భాగంగా 21 ఏళ్ల ఈ యువ స్పిన్నర్‌ పంజాబ్‌ కింగ్స్‌కు ప్రాతినిథ్యం వహించిన సంగతి తెలిసిందే. ఇక ఐపీఎల్‌ మెగా వేలం-2022 నేపథ్యంలో లక్నో సూపర్‌ జాయింట్స్‌ జట్టు రవిని ఎంపిక చేసుకుంది. సుమారు 4 కోట్లు వెచ్చించి అతడిని సొంతం చేసుకుంది. ఈ క్రమంలో ఇప్పుడు ఏకంగా జాతీయ జట్టుకు ప్రాతినిథ్యం వహించే అవకాశం రావడంతో రవి ఆనందానికి అవధులు లేకుండాపోయాయి. అంతా ఆయన వల్లే... ఈ నేపథ్యంలో అతడు మాట్లాడుతూ... ఐపీఎల్‌ నుంచి టీమిండియా వరకు తన ప్రయాణంలో భారత దిగ్గజం, పంజాబ్‌ కింగ్స్‌కు హెడ్‌కోచ్‌గా వ్యవహరించిన అనిల్‌ కుంబ్లే పాత్ర మరువలేనిదన్నాడు. స్పోర్ట్స్‌ స్టార్‌తో ముచ్చటించిన రవి బిష్ణోయి... ‘‘అనిల్‌ సర్‌ నుంచి చాలా విషయాలు నేర్చుకున్నాను. ఒత్తిడిలోనూ ఆత్మ విశ్వాసం కోల్పోకుండా ధైర్యంగా ముందుకు సాగితే మంచి ఫలితాలు ఉంటాయని ఆయన నన్ను ప్రోత్సహించారు. మనలోని బలాలను గుర్తించి వాటిని సరైన సమయంలో సరిగ్గా వినియోగించుకోవాలని చెప్పేవారు. ప్రణాళికలను మైదానంలో పక్కాగా అమలు చేయాలని, అప్పుడే మెరుగైన ఫలితాలు రాబట్టవచ్చని నేర్పారు. మెరుగైన క్రికెటర్‌గా ఎదగడంలో ఈ సలహాలు, సూచనలు నాకెంతగానో తోడ్పడ్డాయి’’ అని చెప్పుకొచ్చాడు. భారత జట్టుకు ఎంపిక కావడం గర్వంగా ఉందని, వచ్చిన అవకాశాన్ని సద్వినియోగం చేసుకుంటానని ధీమా వ్యక్తం చేశాడు. చదవండి: IND vs WI: జ‌ట్టును ప్ర‌క‌టించిన వెస్టిండీస్.. సీనియర్ బౌల‌ర్ రీ ఎంట్రీ Team owner, Dr. Sanjiv Goenka, Chairman @rpsggroup welcomes the 3️⃣ drafted picks for #TeamLucknow! 👏😇@klrahul11 @MStoinis @bishnoi0056 #IPL2022 pic.twitter.com/AbbURvQC5Q — Lucknow Super Giants (@LucknowIPL) January 21, 2022

Ashwin becomes 2nd fastest bowler to take 300 Test wickets at home: టెస్ట్‌ క్రికెట్‌లో టీమిండియా స్పిన్నర్‌ రవిచంద్రన్‌ అశ్విన్‌ పలు రికార్డులను సృష్టించాడు. భారత్‌ తరుపున టెస్టుల్లో అత్యధిక వికెట్లు తీసిన రెండో బౌలర్‌గా అశ్విన్‌ నిలిచాడు. 350 వికెట్లతో అనిల్‌ కుంబ్లే తొలి స్ధానంలో ఉండగా, 300 వికెట్లతో అశ్విన్‌ రెండో స్ధానంలో ఉన్నాడు. అదే విధంగా స్వదేశంలో వేగవంతంగా 300 వికెట్లు సాధించిన రెండో బౌలర్‌గా రికార్డు సాధించాడు. తొలి స్ధానంలో శ్రీలంక లెజెండ్‌  ముత్తయ్య మురళీధరన్‌ ఉన్నాడు. కాగా 48 మ్యాచ్‌ల్లో ఈ ఘనతను మురళీధరన్‌ సాధించగా, 49 మ్యాచ్‌ల్లో అశ్విన్‌ ఈ రికార్డును సాధించాడు. భారత్‌ తరుపున స్వదేశంలో వేగవంతంగా 300 వికెట్లు సాధించిన తొలి బౌలర్‌గా నిలిచాడు. అంతకు ముందు భారత  దిగ్గజ ఆటగాడు అనిల్‌ కుంబ్లే 52 మ్యాచ్‌ల్లో 300 వికెట్లు పడగొట్టాడు. న్యూజిలాండ్‌తో జరిగిన రెండో టెస్ట్‌లో హెన్రీ నికోలస్‌ వికెట్‌ పడగొట్టి అశ్విన్‌ ఈ ఘనతను తన ఖాతాలో వేసుకున్నాడు. ఇక స్వదేశంలో జరిగిన న్యూజిలాండ్‌తో టెస్ట్‌ సిరీస్‌లో మొత్తంగా 14 వికెట్లు పడగొట్టాడు. చదవండి: ముత్తయ్య మురళీధరన్ రికార్డును బద్దలు కొట్టేది అతడే..

Ind Vs Nz 2nd Test: Ashwin Record Most 50 Plus Test Wickets In Calendar Year: న్యూజిలాండ్‌తో రెండో టెస్టులో టీమిండియా బౌలర్లు అదరగొడుతున్నారు. తొలి ఇన్నింగ్స్‌లో 62 పరుగులకే ఆలౌట్‌ చేసి కివీస్‌ను తిప్పలుపెట్టిన మన బౌలర్లు  రెండో ఇన్నింగ్స్‌లోనూ చుక్కలు చూపిస్తున్నారు. ఇక ముంబై టెస్టు సందర్భంగా ఇప్పటికే పలు రికార్డులు నమోదైన సంగతి తెలిసిందే. ఈ క్రమంలో ఆదివారం అశ్విన్‌ మరో ఘనతను సాధించాడు. రెండో ఇన్నింగ్స్‌లో భాగంగా కివీస్‌ ఓపెనర్లు టామ్‌ లాథమ్‌, విల్‌ యంగ్‌తో పాటు.. రాస్‌ టేలర్‌ వికెట్‌ను పడగొట్టాడు. తద్వారా టెస్టుల్లో క్యాలెండర్‌ ఇయర్‌లో 50 కంటే ఎక్కువ వికెట్లు.. ఎక్కువసార్లు సాధించిన భారత బౌలర్ల జాబితాలో అగ్రస్థానానికి చేరుకున్నాడు. అశ్విన్‌ మొత్తంగా నాలుగుసార్లు (2015, 2016, 2017, 2021) ఈ ఫీట్‌ సాధించాడు. అంతకు ముందు అనిల్‌ కుంబ్లే 3 సార్లు(1999, 2004, 2006), హర్భజన్‌ సింగ్‌ 3 సార్లు(2001, 2002, 2008), కపిల్‌దేవ్‌ 2 సార్లు(1979, 1983) ఈ ఘనత సాధించారు. ఇక రెండో టెస్టు విషయానికొస్తే... తొలి ఇన్నింగ్స్‌లో అశ్విన్‌ 4 వికెట్లు పడగొట్టిన సంగతి తెలిసిందే. అదే విధంగా కాన్పూర్‌ టెస్టులో 6 వికెట్లు పడగొట్టి హర్భజన్‌ సింగ్‌ రికార్డును అధిగమించాడు. చదవండి: Sara Tendulkar: నైట్‌ డేట్‌కు వెళ్లిన సారా టెండుల్కర్‌.. ఇంతకీ ఎవరా వ్యక్తి! గిల్‌ బ్యాటింగ్‌ చేస్తుంటే.. Ashwin gets his third as Ross Taylor departs after scoring 6 runs. Live - https://t.co/CmrJV47AeP #INDvNZ @Paytm pic.twitter.com/VExwF4Qg67 — BCCI (@BCCI) December 5, 2021

Ajaz Patel Becomes 3rd Bowler to Pick 10 Wickets in a Test Cricket History: న్యూజిలాండ్‌ స్పిన్నర్‌ ఆజాజ్‌ పటేల్‌ టెస్ట్‌ క్రికెట్‌లో ప్రపంచ రికార్డు సాధించాడు. భారత్‌తో జరిగిన రెండో టెస్ట్‌ తొలి ఇన్నింగ్స్‌లో 10 వికెట్లు పడగొట్టాడు. ఈ క్రమంలో ఒకే ఇన్నింగ్స్‌లో 10 వికెట్లు పడగొట్టిన మూడో బౌలర్‌గా రికార్డులకెక్కాడు. ఈ మ్యాచ్‌లో 47 ఓవర్లు వేసిన ఆజాజ్‌ పటేల్‌ 119 పరుగులు ఇచ్చి 10 వికెట్లు సాధించాడు. అంతకు ముందు జిమ్‌ లేకర్‌, అనిల్‌ కుంబ్లే ఈ ఘనత సాధించారు. 1956లో ఇంగ్లండ్‌ బౌలర్‌ జిమ్‌ లేకర్ ఆస్ట్రేలియాపై పది వికెట్లు సాధించగా, 1999లో భారత స్పిన్నర్‌ అనిల్‌ కుంబ్లే పాకిస్తాన్‌పై 10 వికెట్లు పడగొట్టాడు. ఇక మ్యాచ్‌ విషయానికి వస్తే టీమిండియా తొలి ఇన్నింగ్స్‌లో 325 పరుగులకు ఆలౌటైంది. టీమిండియా బ్యాటర్లలో మయాంక్‌ అగర్వాల్‌ 150 పరుగులతో టాప్‌ స్కోరర్‌గా నిలిచాడు. ఇక అజాజ్‌ ఘనతపై స్పందించిన అనిల్‌ కుంబ్లే.. ‘‘చాలా బాగా బౌలింగ్‌ చేశావు. వెల్‌కమ్‌ టూ క్లబ్‌’’ అంటూ స్వాగతం పలికాడు. చదవండి: Ind Vs Nz 2nd Test: ఒకే ఇన్నింగ్స్‌లో 10 వికెట్లు సాధించిన న్యూజిలాండ్‌ బౌలర్‌ #10wickets #AjazPatel #INDvzNZ Retweet ♻️ Like ♥️ pic.twitter.com/cuEIlgFfVZ — Yash Vashisth Tyagi (@vashisthtyagi3) December 4, 2021 Spinner Ajaz Patel smashed all records as he became only the third player in Test cricket history to grab all 10 wickets in an innings#AjazPatel #INDvsNZhttps://t.co/W5QzdjeTvr — CricketNDTV (@CricketNDTV) December 4, 2021 Welcome to the club #AjazPatel #Perfect10 Well bowled! A special effort to achieve it on Day1 & 2 of a test match. #INDvzNZ — Anil Kumble (@anilkumble1074) December 4, 2021

Tim Southee Breaks Anil Kumble Record Most Wickets IND vs NZ.. న్యూజిలాండ్‌ పేసర్‌ టిమ్‌ సౌథీ టీమిండియాకు కొరకరాని కొయ్యగా తయారయ్యాడు. బౌలింగ్‌ తనదైన పేస్‌తో ‍మెప్పిస్తున్న సౌథీ వికెట్లతో చెలరేగుతున్నాడు. టీమిండియాతో జరుగుతున్న తొలి టెస్టు తొలి ఇన్నింగ్స్‌లో ఐదు వికెట్లతో మెరిసిన సౌథీ.. రెండో ఇన్నింగ్స్‌లోనూ ఇప్పటికే మూడు వికెట్లు తీశాడు. ఈ నేపథ్యంలోనే సౌథీ టెస్టుల్లో అరుదైన రికార్డు సాధించాడు. చదవండి: Kyle Jamieson: 1865 బంతులు.. కైల్‌ జేమీసన్‌ అరుదైన ఘనత సౌథీ టీమిండియాపై ఇప్పటివరకు 10 టెస్టుల్లో 51 వికెట్లు తీశాడు. తద్వారా న్యూజిలాండ్‌ తరపున ఒక బౌలర్‌ టీమిండియాపై ఎక్కువ వికెట్లు సాధించిన జాబితాలో రెండో స్థానానికి చేరుకున్నాడు.  కివీస్‌ తరపున రిచర్డ్‌ హడ్లీ(1976-90) టీమిండియాపై 14 టెస్టుల్లో 65 వికెట్లతో టాప్‌ స్థానంలో ఉన్నాడు. ఇక ఓవరాల్‌గా టీమిండియా- న్యూజిలాండ్‌ బై లేటరల్‌ టెస్టు సిరీస్‌ పరంగా చూసుకుంటే సౌథీ.. భారత లెగ్‌స్పిన్‌ దిగ్గజం అనిల్‌ కుంబ్లే రికార్డును బ్రేక్‌ చేశాడు. న్యూజిలాండ్‌పై 50 వికెట్లు తీసిన కుంబ్లేను తాజాగా సౌథీ అధిగమించాడు. ఈ జాబితాలో రిచర్డ్‌ హడ్లీ(65 వికెట్లు) తొలి స్థానంలో.. బిషన్‌ సింగ్‌ బేడీ(57 వికెట్లు) రెండో స్థానంలో.. ప్రసన్న(55 వికెట్లు) మూడో స్థానం.. రవిచంద్రన్‌ అశ్విన్‌(55 వికెట్లు) నాలుగో స్థానంలో ఉండగా.. సౌథీ 51 వికెట్లతో ఐదో స్థానంలో ఉన్నాడు. ఇక ఆసియా గడ్డపై సౌథీకి బౌలర్‌గా మంచి రికార్డు ఉంది. ఆసియా గడ్డపై సౌథీ ఆడిన 12 మ్యాచ్‌ల్లో 47 వికెట్లు తీశాడు. చదవండి: IND vs NZ: డిఫెన్స్‌ ఆడాలనుకున్నాడు.. అవకాశమే ఇవ్వలేదు

BCCI president Sourav Ganguly replaces Anil Kumble as chairman of ICC Men’s Cricket Committee: భారత క్రికెట్‌ నియంత్రణ మండలి అధ్యక్షుడు, టీమిండియా మాజీ సారథి సౌరవ్‌ గంగూలీ కొత్త బాధ్యతలు చేపట్టనున్నాడు. అంతర్జాతీయ క్రికెట్‌ మండలి(ఐసీసీ) పురుషుల క్రికెట్‌ కమిటీ చైర్మన్‌గా నియమితుడయ్యాడు. భారత జట్టు మాజీ కెప్టెన్‌ అనిల్‌ కుంబ్లే స్థానంలో కొత్త బాస్‌గా గంగూలీ పగ్గాలు చేపట్టనున్నాడు. కాగా సుదీర్ఘకాలంలో ఈ పదవిలో కొనసాగుతున్న అనిల్‌ కుంబ్లే పదవీ కాలం ముగియడంతో ఐసీసీ ఈ మేరకు అతడి స్థానాన్ని గంగూలీతో భర్తీ చేసింది. ఇందుకు సంబంధించి ఐసీసీ బుధవారం పత్రికా ప్రకటన విడుదల చేసింది.  కాగా టీమిండియా సారథిగా పలు చిరస్మరణీయ విజయాలు అందించిన గంగూలీకి క్రికెట్‌ ప్రపంచంలో ప్రత్యేక గుర్తింపు ఉంది. కాగా ఆటగాడిగానే కాకుండా... క్రికెట్‌ అసోసియేషన్‌ ఆఫ్‌ బెంగాల్‌(క్యాబ్‌) అధ్యక్షుడిగా తొలుత సేవలు అందించిన గంగూలీ.. ప్రస్తుతం బీసీసీఐ ప్రెసిడెంట్‌గా పని చేస్తున్నాడు. ఇక ఇప్పుడు ఐసీసీ మెన్స్‌ క్రికెట్‌ కమిటీ చైర్మన్‌గా కూడా సేవలు అందించనున్నాడు. ఈ కమిటీ ఏం చేస్తుంది...  ఐసీసీ చీఫ్‌ ఎగ్జిక్యూటివ్‌ కమిటీ (సీఈసీ)కి ఇది సబ్‌–కమిటీ. క్రికెట్‌ ఆట విషయాలను చర్చిస్తుంది. అంపైర్లు, రిఫరీల నిర్ణయాలు, ఆటలో సాంకేతికత వినియోగం, శాశ్వత హోదా దరఖాస్తులు,  అనుమానాస్పద బౌలింగ్‌ యాక్షన్‌లపై వచ్చే ఫిర్యాదుల్ని సమీక్షించి సీఈసీకి సిఫార్సు చేస్తుంది.   చదవండి: Virat Kohli: దిష్టి తగిలింది.. ఏంటి కోహ్లి ఇలాంటివి కూడా నమ్ముతాడా?.. పోస్టు వైరల్‌! Venkatesh Iyer: టీమిండియాకు ఆడటం ముఖ్యం కాదు.. అదే నా కల.. నాకంటే తను సెలక్ట్‌ కావడమే ఎంతో సంతోషం!

On Anil Kumble Birthday, BCCI Shares 10 Wicket Haul Vs Pakistan: టీమిండియా మాజీ కెప్టెన్‌, స్పిన్ దిగ్గజం అనిల్ కుంబ్లే 51వ‌ జన్మదినాన్ని పురస్కరించుకుని బీసీసీఐ శుభాకాంక్ష‌లు తెలిపింది. ఈ సంద‌ర్భంగా 1999లో అతను పాకిస్థాన్‌పై ఒకే ఇన్నింగ్స్‌లో ప‌ది వికెట్లు తీసిన వీడియోను ట్విట‌ర్‌లో షేర్ చేసింది. 403 అంతర్జాతీయ మ్యాచ్‌లు, 956 వికెట్లు.. టెస్ట్ క్రికెట్‌లో ఇంగ్లండ్ బౌల‌ర్ జిమ్ లేక‌ర్ త‌ర్వాత ఒకే ఇన్నింగ్స్‌లో 10 వికెట్లు తీసిన ఏకైక  బౌల‌ర్‌..  టీమిండియా మాజీ కెప్టెన్ అనిల్ కుంబ్లేకు జన్మదిన శుభాకాంక్ష‌లు అంటూ బీసీసీఐ ట్వీట్‌లో పేర్కొంది. కుంబ్లే విషెస్‌ తెలిపిన వారిలో బీసీసీఐతో పాటు పలువురు ప్రముఖ క్రికెటర్లు ఉన్నారు.  4⃣0⃣3⃣ intl. games 👍 9⃣5⃣6⃣ intl. wickets 👌 Only the second bowler in Test cricket to scalp 10 wickets in an innings 👏 Wishing former #TeamIndia captain @anilkumble1074 a very happy birthday. 🎂 👏 Let's revisit his brilliant 1⃣0⃣-wicket haul against Pakistan 🎥 🔽 pic.twitter.com/BFrxNqKZsN — BCCI (@BCCI) October 17, 2021 కాగా, 1989లో అంతర్జాతీయ క్రికెట్‌లోకి అరంగేట్రం చేసిన కుంబ్లే.. 132 టెస్ట్‌లు, 271 వన్డేలు ఆడాడు. టెస్ట్‌ల్లో 619 వికెట్లతో పాటు ఓ సెంచరీ 5 అర్ధ సెంచరీలు చేసిన జంబో(కుంబ్లేని ముద్దుగా పిలిచే పేరు).. వన్డేల్లో 337 వికెట్లు పడగొట్టాడు. కుంబ్లే టెస్ట్‌ల్లో నేటికి టీమిండియా తరఫున అత్యధిక వికెట్లు సాధించిన బౌలర్‌గా కొనసాగుతున్నాడు. ఓవరాల్‌గా టెస్ట్‌ క్రికెట్‌లో ముర‌ళీధ‌ర‌న్‌, షేన్ వార్న్‌, జేమ్స్ ఆండ‌ర్స‌న్ త‌ర్వాత నాలుగో అత్యధిక వికెట్ల వీరుడిగా కొనసాగుతున్నాడు. 2008 నవంబర్‌లో అంతర్జాతీయ క్రికెట్‌కు వీడ్కోలు పలికిన జంబో.. 2016-17 సంవత్సరాల్లో టీమిండియా హెడ్‌ కోచ్‌గా కూడా వ్యవహరించాడు. ప్రస్తుతం అతను ఐపీఎల్‌లో పంజాబ్‌ కింగ్స్‌ హెడ్‌ కోచ్‌గా ఉన్నాడు.  చదవండి: ధోని అభిమానులకు వరుస శుభవార్తలు.. తాజాగా మరొకటి

Foreign Head Coach For Team India.. టి20 ప్రపంచకప్‌ 2021 తర్వాత టీమిండియా ప్రధాన కోచ్‌ పదవి నుంచి రవిశాస్త్రి తప్పుకోనున్నట్లు వార్తలు వస్తున్న సంగతి తెలిసిందే. అయితే రవిశాస్త్రి తర్వాత టీమిండియా కోచ్‌ పదవి ఎవరిని వరించనుందనేది ఆసక్తికరంగా మారింది. ఇప్పటికే కోచ్‌ పదవికి సంబంధించి టి20 ప్రపంచకప్‌ అనంతరం దరఖాస్తులు కోరనుంది. కాగా  రాహుల్‌ ద్రవిడ్‌, వీరేంద్ర సెహ్వాగ్‌ పేర్లు ముందుగా తెరపైకి రాగా ఆ తర్వాత అనిల్‌ కుంబ్లేకి టీమిండియా కోచ్‌ పదవి కట్టబెట్టే అవకాశాలు ఉన్నట్లు బీసీసీఐ ఒక ప్రకటనలో తెలిపినట్లు సమాచారం. చదవండి: టీమిండియా ప్రధాన కోచ్‌గా మరోసారి ఆయనే! తాజాగా బీసీసీఐ మరో కొత్త ప్రతిపాధనను తెరమీదకు తీసుకువచ్చింది. అనిల్‌ కుంబ్లే టీమిండియా కోచ్‌ పదవికి ఆసక్తి చూపించడం లేదని.. గంగూలీ ఒక్కడే కుంబ్లే కోచ్‌గా రావాలని అడిగినట్లు బీసీసీఐ ప్రతినిధి అనధికారిక ప్రకటనలో పేర్కొన్నారు. అయితే ఈ నిర్ణయం బోర్డు సభ్యులకు నచ్చకపోవడంతో గంగూలీ ఆ ఆలోచనను విరమించుకునే అవకాశం ఉందని.. అందుకే టీమిండియాకు విదేశీ కోచ్‌ వచ్చే అవకాశం ఉందని సమాచారం. దీనికోసం బీసీసీఐ ఇప్పటికే పలువురు విదేశీ కోచ్‌లను సంప్రదించినట్లు తెలుస్తుంది. అయితే బీసీసీఐ ఎవరిని సంప్రదించిదనే వివరాలపై స్పష్టత లేదు. అంతేగాక ప్రస్తుతం ఐపీఎల్‌లో పంజాబ్‌ కింగ్స్‌కు కోచ్‌గా వ్యవహరిస్తున్న కుంబ్లే పనితనం అనుకున్నంత సజావుగా లేదు. అతని పర్యవేక్షణలో పంజాబ్‌ కింగ్స్‌ అనుకున్నంత స్థాయిలో రాణించలేకపోతుంది. కుంబ్లే ఇప్పటికే తనకు కోచ్‌ పదవిపై ఆసక్తి లేదని అనధికారికంగా పేర్కొన్నప్పటికీ.. బహిరంగంగా మాత్రం ఐపీఎల్‌లో పంజాబ్‌ను సరిగా నడిపించలేకపోతున్నాడు.. ఇక టీమిండియాను ఎలా నడిపిస్తాడని బీసీసీఐ సభ్యులు గంగూలీ ఎదుట పేర్కొన్నట్లు సమాచారం. ఇక వివిఎస్‌ లక్ష్మణ్‌ కూడా కోచ్‌ పదవి చేపట్టే అవకాశాలు దాదాపు లేనట్లే. అందుకే బీసీసీఐ విదేశీ కోచ్‌పై ఆసక్తి చూపిస్తుందని క్రీడా వర్గాలు పేర్కొంటున్నాయి.  చదవండి: Sunil Gavaskar: రానున్న రెండు వరల్డ్‌కప్‌లకు అతడే కెప్టెన్‌గా ఉండాలి!

Ravi Shastri To Step Down As Team India Head Coach: టీమిండియా ప్రధాన కోచ్‌ పదవి అంటే కత్తి మీద సాములాంటిదని రవిశాస్త్రి అన్నాడు. అభిమానుల అంచనాలు అందుకుంటే అంతా సవ్యంగా సాగుతుందని, లేనిపక్షంలో విమర్శల జడి కురుస్తుందని పేర్కొన్నాడు. జట్టు విజయం తప్ప ఓటమిని ఫ్యాన్స్‌ జీర్ణించుకోలేరని, వరుస పరాజయాల తర్వాత కనీసం ఒక్కసారైనా గెలవకపోతే పరిస్థితి దారుణంగా ఉంటుందని చెప్పుకొచ్చాడు. 2017లో భారత జట్టు హెడ్‌ కోచ్‌గా నియమితుడైన రవిశాస్త్రి హయాంలో టీమిండియా చెప్పుకోదగ్గ స్థాయిలో రాణించిన సంగతి తెలిసిందే. ఇటీవలి ఆస్ట్రేలియా టూర్‌, ఇంగ్లండ్‌ ఇండియా పర్యటన‌, ఇండియా ఇంగ్లండ్‌ టూర్‌లోనూ కోహ్లి సేన విజయాలు సాధించడం ఇందుకు తాజా నిదర్శనం. ఇక ఇదిలా ఉంటే.. టి20 వరల్డ్‌కప్‌ తర్వాత తన పదవి నుంచి రవిశాస్త్రి తప్పుకోనున్నట్లు ఊహాగానాలు వినిపిస్తున్నాయి. టీమిండియా దక్షిణాఫ్రికా టూర్‌ వరకు అందుబాటులో ఉండాలని బీసీసీఐ కోరినా, ఆయన అందుకు నిరాకరించినట్లు తెలుస్తోంది. ఈ నేపథ్యంలో ‘ది గార్డియన్‌’కు రవిశాస్త్రి ఇచ్చిన ప్రత్యేక ఇంటర్వ్యూలో చేసిన వ్యాఖ్యలు చర్చనీయాంశమయ్యాయి. ఇంగ్లండ్‌ పర్యటనలో భాగంగా బుక్‌ లాంచ్‌ చేసిన రవిశాస్త్రికి కరోనా సోకిన సంగతి తెలిసిందే. ఫలితంగా ఇతర కోచ్‌లు ఐసోలేషన్‌కు వెళ్లడం, ఐదో టెస్టుకు ముందు టీమిండియా అసిస్టెంట్‌ ఫిజియో యోగేశ్‌ పర్మార్‌కు కోవిడ్‌ పాజిటివ్‌గా తేలడంతో మ్యాచ్‌ నిరవధికంగా వాయిదా పడింది. దీంతో రవిశాస్త్రిని ఫ్యాన్స్‌ విపరీతంగా ట్రోల్‌ చేశారు.  ఈ నేపథ్యంలో అతడు మాట్లాడుతూ.. ‘‘మనకు కోవిడ్‌ సోకిందా లేదా అన్న విషయం గురించి వాళ్ల(అభిమానుల)కు అనవసరం. ఎప్పుడూ జట్టు గెలుపొందడమే వాళ్లకు కావాల్సింది. భారత జట్టుకు కోచ్‌గా ఉండటం అంటే బ్రెజిల్‌ లేదా ఇంగ్లండ్‌ ఫుట్‌బాల్‌ జట్టుకు కోచ్‌గా ఉన్నట్లే. అంచనాలు ఆ స్థాయిలో ఉంటాయి. ఆరు నెలల పాటు జట్టు మంచి విజయాలు సాధించినప్పటికీ.. ఆ తర్వాత ఒక్క ఓటమి ఎదురైనా మనల్ని టార్గెట్‌ చేస్తారు. కాబట్టి మనకు అప్పటికప్పుడు గెలుపు అవసరం. లేదంటే మనల్ని కాల్చుకుతింటారు. ఇమేజ్‌ డ్యామేజ్‌ చేసేందుకు వెనుకాడరు. అలాంటి సమయంలో ఇదిగో ఇలా నాలాగా దాక్కోవాల్సి వస్తుంది’’ అని పేర్కొన్నాడు.  గెలిచే అవకాశాలు ఉన్నాయి.. అయితే అదొక్కటే బాధ! ఇక అక్టోబరులో ప్రారంభం కానున్న టీ20 వరల్డ్‌కప్‌నకు సన్నద్ధం కావడం గురించి రవిశాస్త్రి చెబుతూ.. ‘‘మా శాయశక్తులా కృషి చేస్తాం. మా స్థాయికి తగ్గట్లు ఆడితే గెలుపు ఖాయం. నిజానికి టెస్ట్‌ మ్యాచ్‌ అంటే ఒక రకమైన ఒత్తిడి ఉంటుంది. అదే టీ20 మ్యాచ్‌లను ఎంజాయ్‌ చేస్తూ ఆడవచ్చు. కప్‌ గెలిచే విధంగా అద్భుతమైన ప్రణాళికలు సిద్ధం చేసుకున్నాం’’ అని వెల్లడించాడు. ఇక ఎంతో మంది గొప్ప ఆటగాళ్లతో పనిచేశానని, డ్రెసింగ్‌ రూంలో మంచి వాతావరణం ఉంటుందన్న రవిశాస్త్రి.. ఈ మెగా టోర్నీ తర్వాత కాస్త బాధపడాల్సి వస్తుందని కోచ్‌ పదవి నుంచి తప్పుకునే విషయాన్ని చెప్పకనే చెప్పాడు. కాగా రవిశాస్త్రి స్థానంలో అనిల్‌ కుంబ్లే హెడ్‌ కోచ్‌ అయ్యే అవకాశాలు ఉన్నాయంటూ వార్తలు వినిపిస్తున్నాయి. చదవండి: MS Dhoni: జోరు మీదున్న తలైవా.. ఫోర్లు, సిక్సర్ల వర్షం

Anil Kumble As Team India Coach.. టి20 ప్రపంచకప్‌ తర్వాత టీమిండియా ప్రధాన కోచ్‌ పదవి నుంచి రవిశాస్త్రి తప్పుకోనున్నట్లు వార్తలు వస్తున్న సంగతి తెలిసిందే. బీసీసీఐ రవిశాస్త్రిని దక్షిణాఫ్రికా పర్యటన వరకు అందుబాటులో ఉండాలని కోరినా అందుకు ఆయన ఒప్పుకోలేదని తెలిసింది. దీంతో బీసీసీఐ కొత్త కోచ్‌ అన్వేషణలో పడింది. దీనికి సంబంధించి బీసీసీఐ టి20 ప్రపంచకప్‌ తర్వాత దరఖాస్తులను కోరనుంది. కాగా రాహుల్‌ ద్రవిడ్‌, వీరేంద్ర సెహ్వాగ్‌లలో ఎవరో ఒకరిని ప్రధాన కోచ్‌ పదవి  వరించే అవకాశముందని ఊహాగానాలు వస్తున్నాయి. అయితే తాజాగా అనిల్‌ కుంబ్లే మరోసారి టీమిండియా ప్రధాన కోచ్‌గా బాధ్యతలు చేపట్టాలంటూ బీసీసీఐ అతన్ని కోరినట్లు అనధికారిక రిపోర్ట్స్‌ ద్వారా తెలిసింది. ఇంతకముందు అనిల్‌ కుంబ్లే టీమిండియాకు కోచ్‌గా వ్యవహరించిన సంగతి తెలిసిందే. అయితే కోహ్లి, కుంబ్లే మధ్య విభేదాలు బయటపడ్డాయి. కుంబ్లే ఆలోచన విధానంతో కోహ్లికి పొసగలేదు. జట్టు ఎంపికలో ఇద్దరి మధ్య పొరపచ్చాలు వచ్చాయి. దీంతో ఏడాది కాంట్రాక్ట్‌ కన్నా ముందే కుంబ్లే అర్థంతరంగా కోచ్‌ పదవి నుంచి పక్కకు తప్పుకోవాల్సి వచ్చింది. చదవండి: కోహ్లి వారసుడి ఎంపికపై చాయిస్‌ను వెల్లడించిన లిటిల్‌ మాస్టర్‌ ఇక 2016లో ధోని కెప్టెన్‌గా ఉన్న సమయంలో అనిల్‌ కుంబ్లే టీమిండియా ప్రధాన కోచ్‌ బాధ్యతలను స్వీకరించాడు. ఏడాది కాలానికి గానూ కుంబ్లే కోచ్‌ పదవిలో ఉంటారని బీసీసీఐ మేనేజ్‌మెంట్‌ తెలిపింది. అయితే 2017 జనవరిలో ధోని పరిమిత ఓవర్ల నుంచి కెప్టెన్‌గా వైదొలిగాడు. ఆ తర్వాత కోహ్లి కెప్టెన్‌ అవడం జరిగింది. ఇద్దరి మధ్య సఖ్యత లేకపోవడంతో వారిద్దరి మధ్య ఉన్న విభేదాలు బహిరంగంగానే వెలుగుచూశాయి. కాగా కుంబ్లే, కోహ్లి మధ్య విభేదాలు తారాస్థాయికి చేరడంతో అప్పటి బీసీసీఐ సభ్యుడు వినోద్‌ రాయ్‌ కుంబ్లే వెస్టిండీస్‌ టూర్‌ వరకు ఆ పదవిలో ఉంటాడని తెలిపాడు. కాగా  2017 ఐసీసీ చాంపియన్స్‌ ట్రోఫీ ఫైనల్లో పాకిస్తాన్‌ చేతిలో టీమిండియా పరాజయం పాలైంది. తన కాంట్రాక్ట్‌కు ఇంకా సమయమున్నప్పటికీ 2017 జూన్‌ 20న కుంబ్లే టీమిండియా కోచ్‌ పదవికి అర్థంతరంగా రాజీనామా చేయాల్సి వచ్చింది. ఆ తర్వాత కోహ్లి రవిశాస్త్రిని ప్రధాన కోచ్‌ పదవి ఇవ్వాలని బీసీసీఐని కోరడం.. వెంటనే టీమిండియా కోచ్‌గా రవిశాస్త్రి బాధ్యతలు చేపట్టడం జరిగిపోయింది. చదవండి: Virat Kohli: కోహ్లి నిర్ణయం సరైందే.. తను వరల్డ్‌కప్‌ గెలవాలి ఇప్పటికైతే కుంబ్లే విషయంలో క్లారిటీ లేకపోయినప్పటికీ.. కోహ్లీతో విభేదాల కారణంగానే పదవికి రాజీనామా చేశాడు. మరి ఇప్పుడు కోహ్లి జట్టులోనే ఉన్నాడు.. టి20 ప్రపంచకప్‌ తర్వాత టి20 కెప్టెన్సీ నుంచి తప్పుకోనున్న కోహ్లి పరిమిత, టెస్టు జట్టుకు మాత్రం కెప్టెన్‌గా కొనసాగనున్నాడు. మరి కుంబ్లే కోచ్‌ పదవికి ఆసక్తి చూపిస్తాడా అనేది ఆసక్తికరంగా మారింది. ఇక కుంబ్లేతో పాటు వివిఎస్‌ లక్ష్మణ్‌ కూడా టీమిండియా కోచ్‌ పదవి చేపట్టేందుకు ఆసక్తి చూపిస్తున్నట్లు తెలుస్తోంది. మరి ఈ వార్తల్లో నిజమెంత అనేది తెలియాలంటే టి20 ప్రపంచకప్‌ ముగిసేంతవరకు వేచి చూడాల్సిందే. చదవండి: ఇప్పటికైతే రోహిత్‌.. మరి తర్వాత ఎవరు?

నాటింగ్‌హమ్‌: ఇం‍గ్లండ్‌ సీనియర్‌ స్టార్‌ బౌలర్‌ జేమ్స్‌ అండర్సన్‌ భారత్‌తో జరుగుతున్న తొలి టెస్టు మ్యాచ్‌లో మరో మైలురాయిని  అందుకున్నాడు. టెస్టుల్లో అత్యధిక వికెట్లు తీసిన బౌలర్‌గా అనిల్‌ కుంబ్లే(619 వికెట్లు)తో సమానంగా నిలిచాడు. టీమిండియా కెప్టెన్‌ విరాట్‌ కోహ్లిని గోల్డెన్‌ డక్‌(0) చేయడం ద్వారా అండర్సన్‌ 619వ వికెట్‌ను తన ఖాతాలో వేసుకున్నాడు తద్వారా కుంబ్లే 619 టెస్టు కెరీర్‌ వికెట్ల రికార్డును సమం చేశాడు. కాగా సంప్రదాయ ఫార్మాట్‌లో అత్యధిక వికెట్ల రికార్డు ఇప్పటికీ మురళీధరన్‌ (శ్రీలంక; 800) పేరిట పదిలంగా ఉండగా, తర్వాతి స్థానాల్లో షేన్‌ వార్న్‌ (ఆస్ట్రేలియా; 708), కుంబ్లే (619) ఉన్నారు. 2003లో అరంగేట్రం చేసిన అండర్సన్‌ 163వ టెస్టుతో కుంబ్లే మైలురాయిని చేరుకున్నాడు. ఓవరాల్‌గా అండర్సన్‌ 163 టెస్టుల్లో 619 వికెట్లు, 194 వన్డేల్లో 269 వికెట్లు, 19 టీ20ల్లో 18 వికెట్లు తీశాడు.   

తాడేపల్లి: టీమిండియా మాజీ కోచ్‌, దిగ్గజ స్పిన్‌ బౌలర్‌ అనిల్‌ కుంబ్లే.. ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డిని మర్యాదపూర్వకంగా కలిసారు. సోమవారం తాడేపల్లిలోని ముఖ్యమంత్రి క్యాంప్‌ కార్యాలయంలో ఆయన.. సీఎం వైయ‌స్ జ‌గ‌న్‌తో భేటీ అయ్యారు. ఈ భేటీలో ఇరువురి మధ్య క్రీడల అభివృద్ధికి సంబంధించి పలు అంశాలు చర్చకు వచ్చాయి. ఏపీలో స్పోర్ట్స్‌ యూనివర్శిటీ, క్రీడా సామగ్రి తయారీ ఫ్యాక్టరీ ఏర్పాటుపై ఇరువురు చర్చించారు. ఈ రెండు ప్రాజెక్ట్‌ల ఏర్పాటుపై దృష్టి సారించాలని, దీనికి తన వంతు సహకారం అందిస్తానని కుంబ్లే సీఎంకు తెలిపారు.  క్రీడా సామగ్రి తయారీ ఫ్యాక్టరీలు ప్రస్తుతం జలంధర్, మీరట్‌ లాంటి నగరాల్లో మాత్రమే ఉన్నాయని, అక్కడి నుంచే అన్ని రకాల క్రీడా సామగ్రి సరఫరా జరుగుతుందని కుంబ్లే.. సీఎం దృష్టికి తీసుకువచ్చారు. ఏపీలో ఫ్యాక్టరీ పెడితే అందరికీ అందుబాటులో క్రీడా సామగ్రి ఉంటుందని ఆయన సీఎంకు వివరించారు. టీమిండియాకు టెస్ట్‌ కెప్టెన్‌గా, ప్రధాన బౌలర్‌గా వ్యవహరించిన అనిల్‌ కుంబ్లే.. భారత జట్టు ప్రధాన కోచ్‌ సహా బీసీసీఐలో పలు ఉన్నత పదవులు చేపట్టాడు.  

ఇస్లామాబాద్‌: పాకిస్తాన్‌ క్రికెట్‌ చరిత్రలో తనకంటూ ప్రత్యేక స్థానం సంపాదించుకున్నాడు యూనిస్‌ ఖాన్‌. ముఖ్యంగా టెస్టు జట్టు మిడిలార్డర్‌ గొప్ప బ్యాట్స్‌మెన్లలో ఒకడిగా గుర్తింపు పొందాడు. సంప్రదాయ క్రికెట్‌లో 10 వేలకు పైగా పరుగులు చేసిన అతడు... వన్డేల్లో 7 వేల పరుగులు సాధించాడు. మూడు ఫార్మాట్లలోనూ పాకిస్తాన్‌ జట్టుకు కెప్టెన్‌గా వ్యవహరించిన యూనిస్‌ ఖాన్‌... ప్రస్తుతం బ్యాటింగ్‌ కోచ్‌గా సేవలు అందిస్తున్న విషయం తెలిసిందే. అతడి శిక్షణలోని పాక్‌ గత కొన్ని నెలలుగా మంచి విజయాలు నమోదు చేస్తోంది. ఇటీవల దక్షిణాఫ్రికా, జింబాబ్వేల్లో పర్యటించిన పాక్‌ జట్టు ఆ దేశాలను ఓడించి వరుస సిరీస్‌లు కైవసం చేసుకుంది. ఇలా ఆటగాడిగా, కెప్టెన్‌గా, కోచ్‌గా ప్రతీ అంశంలోనూ తనదైన ముద్ర వేస్తున్న యూనిస్‌ ఖాన్‌.. కెరీర్‌ ఆరంభంలో మాత్రం బాగా తిట్లు తిన్నాడట. మాజీ కెప్టెన్‌ మొయిన్‌ ఖాన్‌ అతడికి చివాట్లు పెట్టాడట. ఈ విషయాల గురించి యూనిస్‌ ఖాన్‌ తాజాగా మాట్లాడుతూ... ‘‘నాకు గుర్తుంది. మొయిన్‌ ఖాన్‌ సారథ్యంలోనే నేను అంతర్జాతీయ క్రికెట్‌లో అడుగుపెట్టాను. అయితే, భారత జట్టుతో జరిగిన మ్యాచ్‌లో నేను డకౌట్‌గా వెనుదిరగటంతో భాయ్‌ నన్ను బాగా తిట్టాడు. తనకు చాలా కోపం వచ్చింది. ఏదేమైనా తనకు ధన్యవాదాలు చెప్పాలి.  నిజానికి తన కారణంగానే నా తప్పులు సరిదిద్దుకోగలిగాను. ఎన్నో పాఠాలు నేర్చుకున్నా. అంతర్జాతీయ క్రికెట్‌లో నా విజయం వెనుక భాయ్‌ పాత్ర మరువలేనిది’’ అని గత జ్ఞాపకాలు గుర్తు చేసుకున్నాడు. కాగా 2000 సంవత్సరం మార్చిలో షార్జాలో భారత్‌తో జరిగిన వన్డే మ్యాచ్‌లో అనిల్‌ కుంబ్లే బౌలింగ్‌లో యూనిస్‌ డకౌట్‌ అయ్యాడు. ఇక ఈ మ్యాచ్‌లో గంగూలీ కెప్టెన్సీలోని టీమిండియా 5 వికెట్ల తేడాతో దాయాది జట్టుపై ఘన విజయం సాధించింది. మహ్మద్‌ అజారుద్దీన్‌(54 పరుగులు) ప్లేయర్‌ ఆఫ్‌ ది మ్యాచ్‌గా నిలిచాడు. కాగా యూఏఈఓలో నిర్వహించిన కోకా కోలా కప్‌ మక్కోణపు వన్డే సిరీస్‌లో భారత్‌, పాకిస్తాన్‌, దక్షిణాఫ్రికా జట్లు పాల్గొన్నాయి. చదవండి: Viral: సిగ్గు పడాలి.. ఇలాగేనా పోరాడేది: భజ్జీ Suryakumar Yadav: కోహ్లి నన్ను స్లెడ్జ్‌ చేశాడు.. సంతోషం!

న్యూఢిల్లీ: "ఐసీసీ హాల్‌ ఆఫ్‌ ఫేమ్‌"కు ఎంపికైన నేపథ్యంలో టీమిండియా స్పిన్ దిగ్గజం అనిల్‌ కుంబ్లేపై శ్రీలంక, పాకిస్తాన్‌లకు చెందిన మాజీ క్రికెటర్లు ప్రశంసల వర్షం కురిపించారు. కుంబ్లే కారణంగా అనేక నిద్రలేని రాత్రులు గడిపానని లంక ఆల్‌టైమ్‌ గ్రేట్‌ ఆటగాడు సంగక్కర కొనియాడాడు. వేగం, కచ్చితత్వం అతని ప్రధాన ఆయుధాలని, వీటితో కెరీర్‌ ఆసాంతం తనను చాలా ఇబ్బంది పెట్టాడని పేర్కొన్నాడు. అతని ఎత్తు అతనికి అడ్వాంటేజ్‌ అని, దాని వల్ల అతను విసిరిన బంతులు బాగా బౌన్స్‌ అయ్యేవని గుర్తు చేసుకున్నాడు. బౌలర్‌గా తనను ఇబ్బంది పెట్టినా, వ్యక్తిగతంగా చాలా మంచివాడని పొగడ్తలతో ముంచెత్తాడు.  బ్యాట్స్‌మన్‌ను కట్టడి చేసేందుకు కుంబ్లే వద్ద పక్కా ప్రణాళిక ఉంటుందని, దాన్ని అతను తూచా తప్పకుండా అమలు చేసి సత్ఫలితాలు సాధించాడని మరో శ్రీలంక ఆటగాడు జయవర్ధనే పేర్కొన్నాడు. కుంబ్లే బలాలేంటో తనకు బాగా తెలుసని, తన బంతుల ద్వారా అతడు బ్యాట్స్‌మన్‌ను ప్రశ్నిస్తూనే ఉంటాడని అతను వెల్లడించాడు. ఇదిలా ఉంటే బౌలర్లు సైతం కుంబ్లేను ఆకాశానికెత్తారు. పాక్ మాజీ ఆటగాడు వసీమ్‌ అక్రమ్‌ కుంబ్లేను ప్రశంసలతో ముంచెత్తాడు. ఢిల్లీలో కుంబ్లే తమపై 10 వికెట్లు తీయడం తన కళ్లెదుటే మెదులుతుందని, అతని పదో వికెట్‌ నేనే కావడంతో ఆ చారిత్రక ఘట్టాన్ని ప్రత్యక్షంగా చూసే అవకాశం తనకు దక్కిందని పేర్కొన్నాడు. కాగా, కుంబ్లే భారత్ తరఫున 132 టెస్టులు, 271 వన్డేలు ఆడాడు. టెస్టుల్లో 619, వన్డేల్లో 337 వికెట్లు పడగొట్టాడు. అతను టీమిండియా కోచ్‌గా కూడా పనిచేశాడు. చదవండి: ఇంగ్లండ్‌లో ఐపీఎల్‌ నిర్వహణ డౌటే..

ముంబై: ఈ ఐపీఎల్‌ సీజన్‌కు సంబంధించి ఫిబ్రవరిలో జరిగిన వేలంలో తమిళనాడుకు చెందిన యువ క్రికెటర్‌ షారుఖ్‌ ఖాన్‌ను పంజాబ్‌ కింగ్స్‌ సొంతం చేసుకుంది. కుడి చేతి వాటం స్పిన్నర్‌ అయిన షారుఖ్‌‌.. హార్ద్‌ హిట్టర్‌ కూడా. తమిళనాడు ప్రీమియర్‌ లీగ్‌లో ఆకట్టుకోవడంతో షారుఖ్‌ వెలుగులోకి వచ్చాడు. లోయర్‌-మిడిల్‌ ఆర్డర్‌లో 30 నుంచి 40 పరుగుల్ని ఈజీగా సాధిస్తూ ఐపీఎల్‌ ఫ్రాంచైజీల దృష్టిని ఆకర్షించాడు. షారుఖ్‌పై ముందు నుంచీ కన్నేసిన పంజాబ్‌ కింగ్స్‌.. వేలంలో భారీ ధర చెల్లించి తీసుకుంది. అతని కనీస ధర రూ. 20లక్షలు ఉంటే రూ. 5 కోట్ల 25 లక్షలకు పంజాబ్‌ పోటీ పడి మరీ కొనుగోలు చేసింది. ప్రధానంగా ఒక హిట్టర్‌ కావాలనే ఉద్దేశంతో షారుఖ్‌పై ముందు నుంచి ఫోకస్‌  చేసిన పంజాబ్‌ అతన్ని తీసుకున్న వెంటనే ఆనందం వ్యక్తం చేసింది.  ఇదిలా ఉంచితే, పంజాబ్‌ కింగ్స్‌ ప్రాక్టీస్‌లో షారుఖ్‌ ఖాన్‌ ఆకట్టుకోవడంపై ఆ ఫ్రాంఛైజీ కోచ్‌ అనిల్‌ కుంబ్లే సంతోషం వ్యక్తం చేస్తున్నాడు. ఏకంగా ఆ యువ క్రికెటర్‌ను ముంబై ఇండియన్స్‌ స్టార్‌ ప్లేయర్‌ కీరోన్‌ పొలార్డ్‌తో పోలుస్తున్నాడు. షారుఖ్‌ షాట్లు చూస్తుంటే తనకు పొలార్డ్‌ గుర్తుకు వస్తున్నాడంటూ కుంబ్లే పేర్కొన్నాడు.  గతంలో ముంబై ఇండియన్స్‌కు మెంటార్‌గా పని చేసిన సమయంలో పొలార్డ్‌కు నెట్స్‌ బౌలింగ్‌ వేసిన విషయాన్ని ఈ సందర్భంగా ప్రస్తావించాడు.  తాను నెట్స్‌లో పొలార్డ్‌కు బౌలింగ్‌ వేసిన అనుభవాన్ని దృష్టిలో ఉంచుకుని చూస్తే షారుక్‌ కూడా అవే స్కిల్స్‌ ఉన్నాయంటూ కొనియాడాడు. ‘ నేను ముంబై ఇండియన్స్‌తో కలిసి పని చేసిన సమయంలో పొలార్డ్‌ చాలా ప్రమాదకరంగా కనిపించేవాడు. నేను అతనికి పదే పదే ఒకే విషయం చెప్పేవాడిని. నా వైపు స్టైయిట్‌ బంతిని కొట్టకు అనే చెప్పేవాడిని. కానీ ఇప్పుడు షారుక్‌కు బౌలింగ్‌ వేసే ధైర్యం చేయడం లేదు. నా వయసు పెరిగింది. నా శరీరం బౌలింగ్‌ చేయడానికి సహకరించడం లేదు. దాంతో షారుఖ్‌కు కూడా బౌలింగ్‌ చేసే సాహసం చేయడం లేదు. అతని ప్రాక్టీస్‌ను గమనిస్తే పొలార్డ్‌ షాట్లే నాకు గుర్తుకు వస్తున్నాయి’అని కుంబ్లే తెలిపాడు. ఈ ఐపీఎల్‌ సీజన్‌లో ఏప్రిల్‌ 12వ తేదీన పంజాబ్‌ కింగ్స్‌- రాజస్తాన్‌ రాయల్స్‌ జట్ల మధ్య మ్యాచ్‌ జరుగనుంది.  ఇక్కడ చదవండి: రూ. 8 కోట్లు పెట్టి కొన్నారు.. మెరెడిత్‌కు స్థానం లేదా! పంజాబ్‌ కింగ్స్‌ జట్టు ఇదే

సాక్షి, చెన్నై: ఇటీవల ముగిసిన ఆసీస్‌ పర్యటనలో గాయం కారణంగా ఆఖరి టెస్ట్‌కు దూరమైన భారత స్పీడ్‌ గన్‌ జస్ప్రీత్‌ బూమ్రా.. ఇంగ్లండ్‌తో ప్రారంభంకానున్న నాలుగు టెస్ట్‌ల సిరీస్‌కు అందుబాటులోకి వచ్చాడు. చెన్నైలో జరుగనున్న తొలి రెండు టెస్ట్‌లకు జట్టులోకి వచ్చిన ఈ రేసు గుర్రం.. నెట్‌ ప్రాక్టీస్‌ సందర్భంగా భారత లెజెండరీ స్పిన్నర్‌ అనిల్‌ కుంబ్లేను అనుకరిస్తూ సరదాగా బౌలింగ్‌ చేశాడు. ఈ సన్నివేశానికి సంబంధించిన వీడియోను భారత క్రికెట్‌ జట్టు తన అధికారిక ఇన్‌స్టాగ్రామ్‌ ఖాతాలో పోస్ట్‌ చేసూ​.. మనమింత వరకు యార్కర్‌లు, బౌన్సర్లను వేసే బూమ్రానే చూశాం.. ఇదిగో బూమ్రాలోని సరి కొత్త కోణం అంటూ క్యాప్షన్‌ను జోడించింది.  ఈ వీడియోలో బూమ్రా.. అనిల్‌ కుంబ్లేలా బౌలింగ్‌ చేసేందుకు ప్రయత్నిస్తుంటాడు. సరదాగా సాగిన ఈ సన్నివేశం ప్రస్తుతం సోషల్‌ మీడియాలో తెగ చక్కర్లు కొడుతుంది. కాగా, భారత్‌ తరపున అత్యధిక వన్డే, టెస్ట్‌ వికెట్లు సాధించిన బౌలర్‌గా కొనసాగుతున్న అనిల్‌ కుంబ్లే.. భారత జట్టు ప్రధాన కోచ్‌గా కూడా వ్యవహరించాడు. గత కొంత కాలంగా భారత జట్టులో కీలక సభ్యుడిగా కొనసాగుతూ వస్తున్న 27 ఏళ్ల జస్ప్రీత్‌  బూమ్రా వైవిధ్యభరితమైన బౌలింగ్‌ శైలిని కలిగి ఉంటాడు. అలాంటిది అతను మరొక బౌలర్‌ను అనుకరించడం సరదాగా ఉందని నెటిజన్లు చర్చించుకుంటున్నారు. కాగా, ఇంగ్లండ్‌తో ప్రారంభం కానున్న తొలి టెస్టు ఫిబ్రవరి 5న చెన్నైలో ప్రారంభం కానుంది.   

న్యూఢిల్లీ: ఈ ఏడాది ఇండియన్‌ ప్రీమియర్‌ లీగ్‌ (ఐపీఎల్‌)లో దారుణంగా విఫలమైన ఆస్ట్రేలియా ఆల్‌రౌండర్‌ గ్లెన్‌ మ్యాక్స్‌వెల్, వెస్టిండీస్‌ బౌలర్‌ షెల్డన్‌ కాట్రెల్‌లపై వేటు వేసేందుకు కింగ్స్‌ ఎలెవన్‌ పంజాబ్‌ సిద్ధమైంది. వచ్చే ఏడాది జరిగే ఐపీఎల్‌కు మరో ఆరు నెలల సమయం మాత్రమే ఉండటంతో... ఈ ఏడాది జట్టు ప్రదర్శనపై పంజాబ్‌ యాజమాన్యం అప్పుడే సమీక్షను ఆరంభించింది. కెప్టెన్‌గా కేఎల్‌ రాహుల్, హెడ్‌ కోచ్‌గా అనిల్‌ కుంబ్లేను కొనసాగించేందుకు సిద్ధమైంది. రాహుల్‌ ఈ ఏడాది అద్భుతంగా రాణించాడు. 14 మ్యాచ్‌ల్లో 55.83 సగటుతో 670 పరుగులు చేసి టోర్నీలో అత్యధిక పరుగులు చేసిన ఆటగాడికి ఇచ్చే ఆరెంజ్‌‌ క్యాప్‌ను గెల్చుకున్నాడు. ఇందులో ఒక సెంచరీ, ఐదు అర్ధ సెంచరీలు ఉండటం విశేషం. అంతేకాకుండా పంజాబ్‌ కోచ్‌గా తనకు తొలి ఏడాదే అయినా... జట్టును వరుస ఓటముల నుంచి గెలుపు బాట పట్టించిన కుంబ్లే పనితీరుపై పంజాబ్‌ సంతృప్తితోనే ఉంది. అయితే వేలంలో కోట్లు వెచ్చించి తెచ్చుకున్న మ్యాక్స్‌వెల్‌ (రూ.10.75 కోట్లు), కాట్రెల్‌ (రూ.8.5 కోట్లు) ప్రదర్శనలపై తీవ్ర అసంతృప్తితో ఉన్న పంజాబ్‌... వారిని వదిలించుకునేందుకు సిద్ధమైనట్లు సమాచారం. (చదవండి: నేను అలాంటి వాడిని కాదు: రోహిత్‌) మ్యాక్స్‌వెల్‌ ఆడిన 13 మ్యాచ్‌ల్లో కేవలం 108 పరుగులు మాత్రమే చేశాడు. మయాంక్‌ అగర్వాల్, నికోలస్‌ పూరన్, షమీ, గేల్, యువ లెగ్‌స్పిన్నర్‌ రవి బిష్ణోయ్, అర్ష్‌దీప్‌ సింగ్‌లను కొనసాగించే వీలుంది. ముఖ్యంగా మిడిల్‌ ఆర్డర్‌ను పటిష్టం చేసేలా కసరత్తులు ఆరంభించింది. ఈ సీజన్‌ తొలి అర్ధ భాగంలో కేవలం ఒకే విజయాన్ని నమోదు చేసిన పంజాబ్‌... అనంతరం వరుసగా ఐదు మ్యాచ్‌ల్లో గెలిచి ప్లే ఆఫ్స్‌కు అర్హత సాధించేలా కనిపించింది. అయితే చివరి రెండు మ్యాచ్‌ల్లోనూ ఓడి ఇంటి దారి పట్టింది. (చదవండి: 100 బాల్స్‌.. 102 రన్స్‌.. నో సిక్సర్స్‌)

న్యూఢిల్లీ: వరుసగా ఐదు మ్యాచ్‌ల్లో ఓటమి తర్వాత పుంజుకుని ప్లేఆఫ్స్‌ రేసు ఆశల్ని సజీవంగా ఉంచుకున్న కింగ్స్‌ పంజాబ్‌పై దిగ్గజ క్రికెటర్‌ సునీల్‌ గావస్కర్‌ ప్రశంసలు కురిపించాడు. వరుసగా నాలుగు విజయాలు సాధించి ఒక్కసారిగా రేసులోకి వచ్చేసిన పంజాబ్‌ పోరాట స్ఫూర్తితో దూసుకుపోవడానికి కోచ్‌ అనిల్‌ కుంబ్లేనే కారణమని గావస్కర్‌ కొనియాడాడు. తన క్రికెట్‌ కెరీర్‌లో ఏ విధంగా అయితే పోరాటం చేశాడో, అదే స్ఫూర్తితోనే జట్టులోకి నింపాడని గావస్కర్‌ ప్రశంసించాడు. స్టార్‌ స్పోర్స్‌  క్రికెట్‌ లైవ్‌ షోలో గావస్కర్‌ మాట్లాడుతూ.. ‘ కింగ్స్‌ పంజాబ్‌ వరుస విజయాల్లో కుంబ్లే రోల్‌ను మరచిపోకూడదు. కుంబ్లే ఒక పోరాట యోధుడు.  అది అతని క్రికెట్‌ కెరీర్‌లో చాలా దగ్గరగా చూశాం. తల పగిలినప్పుడు కూడా కట్టుకట్టుకుని బౌలింగ్‌ వేసి తన అంకిత భావాన్ని చాటుకున్నాడు. (ధోని ఈజ్‌ బ్యాక్‌: సెహ్వాగ్‌) ఇప్పుడు కింగ్స్‌ పంజాబ్‌లో కూడా అదే అంకిత భావాన్ని నింపుతున్నాడు కుంబ్లే. అసాధ్యమనుకున్న పరిస్థితుల్ని నుంచి కింగ్స్‌ పంజాబ్‌ను గాడిలో పెట్టాడు. ప్రస్తుతం కింగ్స్‌ పంజాబ్‌ రేసులోకి వచ్చింది’ అని గావస్కర్‌ పేర్కొన్నాడు. సన్‌రైజర్స్‌ హైదరాబాద్‌తో ఇటీవల జరిగిన మ్యాచ్‌లో 126 పరుగుల్ని కూడా కాపాడుకుని విజయాన్ని సాధించడం పంజాబ్‌ ఆటగాళ్లలో గెలవాలి అనే కసే కారణమన్నాడు. అందుకు వారిలో అనిల్‌ కుంబ్లే నింపిన స్ఫూర్తే ప్రధాన కారణంగా గావస్కర్‌ చెప్పుకొచ్చాడు.  ఇక కింగ్స​ పంజాబ్‌ కెప్టెన్‌ కేఎల్‌ రాహుల్‌పై కూడా గావస్కర్‌ ప్రశంసలు కురిపించాడు. కెప్టెన్సీ పాత్రలో రాహుల్‌ ఎంతో చక్కగా ఒదిగిపోయాడో మనం చూస్తున్న మ్యాచ్‌లే ఉదాహరణ అని తెలిపాడు.బ్యాటింగ్‌లో ఆకట్టుకోవడమే కాకుండా, ఫీల్డింగ్‌లో మార్పులు, బౌలింగ్‌ చేయిస్తున్న విధానం రాహుల్‌ కెప్టెన్‌గా ఎంతో ఎదిగాడు అనడాన్ని చూపెడుతుందన్నాడు. హైదరాబాద్‌తో మ్యాచ్‌లో చివరి ఓవర్‌ను అర్షదీప్‌కు ఇవ్వడంలో రాహుల్‌ కెప్టెన్సీ చాతుర్యం కనబడిందన్నాడు.  ఎస్‌ఆర్‌హెచ్‌ 14 పరుగులు చేయాల్సిన సమయంలో అర్షదీప్‌ను బౌలింగ్‌కు ఉపయోగించి సక్సెస్‌ కావడం రాహుల్‌లోని కెప్టెన్సీ పరిణితికి నిదర్శమన్నాడు. (బ్రేక్‌లో ఒక ప్లేయర్‌ను మిస్సయ్యాం..!)

దుబాయ్‌:  ఐపీఎల్‌-13వ సీజన్‌లో భాగంగా రెండో మ్యాచే సూపర్‌ ఓవర్‌కు దారి తీయడం లీగ్‌పై ఆసక్తిని అమాంతం పెంచేసింది. ఆదివారం కింగ్స్‌ పంజాబ్‌-ఢిల్లీ క్యాపిటల్స్‌ జట్ల మధ్య జరిగిన మ్యాచ్‌ నరాలు తెగే ఉత్కంఠను రేకెత్తించింది. చివరకు ఆ మ్యాచ్‌ సూపర్‌ వరకు వెళ్లడం అందులో ఢిల్లీ క్యాపిటల్స్‌ విజయం సాధించడం జరిగింది. సూపర్‌ ఓవర్‌లో కింగ్స్‌ పంజాబ్‌ రెండు పరుగులే చేసి రెండు వికెట్లు కోల్పోవడంతో వారి ఇన్నింగ్స్‌ ఇంకా బంతులు ఉండగానే ముగిసింది. సూపర్‌ ఓవర్‌లో ఏ జట్టైనా రెండు వికెట్లు కోల్పోతే అక్కడితో వారి ఇన్నింగ్స్‌కు తెరపడుతోంది. కింగ్స్‌ పంజాబ్‌ జట్టులో రాహుల్‌ రెండు పరుగులే చేసి ఔట్‌ కాగా, ఆపై వెంటనే పూరన్‌కు పెవిలియన్‌ చేరాడు. ఇలా సూపర్‌ ఓవర్‌లో ఒక జట్టు రెండు పరుగులే నిర్దేశించిన సందర్భాలు చాలా అరుదు.  దాంతో కింగ్స్‌ పంజాబ్‌ ఓటమి ముందే డిసైడ్‌ అయిపోయింది. ఆ రెండు పరుగుల్ని ఢిల్లీ సునాయాసంగా సాధించడంతో విజయాన్ని ఖాతాలో వేసుకుంది. ఈ ఓటమిపై కింగ్స్‌ పంజాబ్‌ హెడ్‌కోచ్‌ అనిల్‌ కుంబ్లే మాట్లాడుతూ.. ‘ ఇది చాలా నిరాశ కల్గించింది. మ్యాచ్‌ ఆద్యంత ఆకట్టుకుని చివరకు ఇలా దారుణంగా ఓటమి  పాలు కావడం బాధించింది. మేము మ్యాచ్‌ గెలవాల్సింది. కానీ చేజేతులా చేసుకున్నాం. ఇది నిజంగా దురదృష్టమే.  మ్యాచ్‌ ఎప్పుడైతే సూపర్‌ ఓవర్‌కు దారి తీసినప‍్పుడు మేము కనీసం 10-12 పరుగులు చేస్తే బాగుండేది. కానీ అలా జరగలేదు. ఢిల్లీ ఓటమి అంచుల నుంచి బయటకొచ్చి గెలుపును అందుకుంది. ఇక్కడ ఢిల్లీని అభినందించాలి. ఇది మాకు ఫస్ట్‌గేమ్‌ కాబట్టి చేసిన పొరపాట్లను గుణపాఠం నేర్చుకుంటాం. ఓవరాల్‌గా చూస్తే మా ఆట బాగుంది. వచ్చే గేమ్‌నాటికి అన్నీ సర్దుకుంటాయి అని ఆశిస్తున్నా’ అని కుంబ్లే తెలిపాడు.(చదవండి: కోహ్లి.. నీకు అర్థమవుతోందా..?)

దుబాయ్‌ : ఐపీఎల్ 2020లో కేఎల్ రాహుల్‌కు కెప్టెన్‌గా కింగ్స్ ఎలెవెన్ పంజాబ్‌ను సమ‌ర్థంగా న‌డిపించే అవ‌కాశాలు పుష్కలంగా ఉన్నాయ‌ని ఆ జ‌ట్టు హెడ్ కోచ్ అనిల్ కుంబ్లే అభిప్రాయ‌ప‌‌డ్డాడు.  2019లో పంజాబ్ జట్టును నడిపించిన ర‌విచంద్ర‌న్ అశ్విన్ గ‌తేడాది డిసెంబ‌ర్‌లో జ‌రిగిన వేలంలో ఢిల్లీ క్యాపిట‌ల్స్ కొనుగోలు చేసింది. దీంతో కింగ్స్ యాజ‌మాన్యం కేఎల్ రాహుల్‌ను కెప్టెన్‌గా ఎంపిక చేసింది. సెస్టెంబ‌ర్ 19 నుంచి ప్రారంభం కానున్న ఐపీఎల్ 13వ సీజ‌న్‌కు ఇప్ప‌టికే కింగ్స్ ఎలెవెన్ త‌న ప్రాక్టీస్‌ను కూడా ఆరంభించింది. కేఎల్ రాహుల్ కెప్టెన్సీపై త‌నకు అపార‌మైన న‌మ్మ‌కముంద‌ని..టీమిండియాకు ఆడిన అనుభ‌వం అత‌న్ని కెప్టెన్ అయ్యేలా చేసింద‌ని అనిల్ కుంబ్లే పేర్కొన్నాడు. కుంబ్లే వీడియోను కింగ్స్ పంజాబ్ త‌న ట్విట‌ర్లో షేర్ చేసింది. 'కేఎల్  రాహుల్  ప్ర‌శాంతంగా ఉంటాడు..  ఆట‌లో ఎంతో  నేర్పును ప్ర‌ద‌ర్శిస్తాడు. చాలా రోజుల నుంచే రాహుల్ అతి ద‌గ్గ‌రినుంచి గ‌మ‌నిస్తూ వ‌చ్చాను. అంత‌ర్జాతీయ క్రికెట్ ఆడిన అనుభ‌వంతో పాటు కొన్ని సంవ‌త్స‌రాలుగా అత‌ను కింగ్స్ జ‌ట్టుతో పాటే కొన‌సాగుతున్నాడు. కెప్టెన్‌గా అత‌నికి ఇది ఎంతో లాభ‌దాయ‌కం. కింగ్స్ జ‌ట్టుకు సంబంధించి బ‌లాలు, బ‌ల‌హీన‌త‌లు రాహుల్‌కు ఈ పాటికే అర్థ‌మ‌యిఉంటాయి. అందుకే కెప్టెన్‌గా, బ్యాట్స్‌మ‌న్‌గా, వికెట్ కీపర్‌గా త‌న వంతు పాత్రను స‌మ‌ర్థంగా పోషించ‌గ‌ల‌డు. ఈసారి లీగ్ దుబాయ్‌లో జ‌రుగుతుండ‌డం కొంత ఇబ్బందే అయినా.. జ‌ట్టుగా మాత్రం బ్యాలెన్సింగ్‌తో ఉంది. సీనియ‌ర్లు, జూనియ‌ర్లతో క‌లిసి జ‌ట్టు స‌మ‌తూకంగా ఉంది. ఈసారి మా జ‌ట్టుపై మంచి అంచ‌నాలే నెల‌కొన్నాయి. ఒక కోచ్‌గా నా బాధ్య‌త‌ను స‌క్ర‌మంగా నిర్వ‌ర్తిస్తాన‌నే న‌మ్మ‌కం నాకు ఉంది.' అంటూ కుంబ్లే చెప్పుకొచ్చాడు. కాగా కుంబ్లే  గ‌తేడాది అక్టోబ‌ర్‌లో కింగ్స్ ఎలెవెన్ పంజాబ్‌కు ప్ర‌ధాన కోచ్‌గా ఎంపిక అయ్యాడు.  చ‌ద‌వండి :  మంజ్రేకర్‌కు బీసీసీఐ షాక్‌  చిన్నప్పుడు ఏమైనా స్ప్రింగులు మింగాడా

న్యూఢిల్లీ: దాదాపు మూడేళ్ల క్రితం భారత క్రికెట్‌ జట్టులోకి అరంగేట్రం చేసిన చైనామన్‌ స్పిన్నర్‌ కుల్దీప్‌ యాదవ్‌ తన మార్కు స్పిన్‌తో రెగ్యులర్‌ సభ్యుడిగా మారిపోయాడు. కానీ 2017లోనే అతని అరంగేట్రం మొదలైంది. కాగా 2017లో దర్మశాల వేదికగా ఆస్ట్రేలియాతో జరిగిన మ్యాచ్‌ ద్వారా కుల్దీప్‌ టెస్టు అరంగేట్రం జరిగింది.  ఆసీస్‌తో జరిగిన టెస్ట్‌ మ్యాచ్‌లో కులదీప్‌ తొలి ఇన్నింగ్స్‌లో 68 పరుగులిచ్చి 4కీలక వికేట్లు పడగొట్టాడు. కులదీప్‌ మాయాజాలంతో ఆ మ్యాచ్‌లో భారత్‌ పైచేయి సాధించి విజయఢంకా మొగించింది. ప్రస్తుతం  యూఏఈలో జరగనున్న ఐపీఎల్‌లో కులదీప్‌ కోల్‌కత్త నైట్‌ రైడర్స్‌ తరపున ఆడనున్నాడు. తన తొలి మ్యాచ్‌లో అప్పటి కోచ్‌ అనిల్‌ కుంబ్లే సహకారం మరువలేనిదని తెలిపారు.  కుల్దీప్‌ తన తొలి టెస్ట్ మ్యాచ్‌ విషయాల గురించి ఓ మీడియా సమావేశంలో పంచుకున్నాడు. కుల్దీప్‌ మాట్లాడుతూ.. ఆసీస్‌తో జరిగిన మ్యాచ్‌కు ఒక రోజు ముందే కుంబ్లే తనను కలిసి, రేపు జరగబోయే టెస్ట్‌ మ్యాచ్‌ తొలి ఇన్నింగ్స్‌లో 5 వికెట్లు పడగొట్టాలని అన్నాడు. అయితే మ్యాచ్‌ ప్రారంభ ముందు రోజు రాత్రి 9 గంటలకు పడుకున్నానని, తెల్లవారు జామున 3 గంటలకు మెళుకువ వచ్చిందని అన్నాడు. అయితే ఆ సమయంలో తీవ్ర ఒత్తిడి, ఉద్వేగంలో ఉన్నానని, తమ పక్క రూమ్‌లో కెప్టెన్‌ విరాట్‌ కోహ్లి ఉన్నారని తెలిపాడు. కానీ అంత ఉదయాన విరాట్‌ బాయ్‌ను నిద్రలేపితే తిడతాడనే భయంతో విరాట్‌ను లేపకుండా తిరిగి తన రూమ్‌కు వెళ్లి 6 గంటల వరకు నిద్రపోయానని పేర్కొన్నాడు. నిద్రలేచిన వెంటనే టిఫిన్‌ చేసి, గ్రౌండ్‌లో అడుగుపెట్టానని తన చిరకాలం స్వప్నం నేరవేరినందుకు సంతోషం, ఒత్తిడి, భావోద్వేగంతో ఉన్నట్లు తెలిపాడు. కానీ ఇలాంటి ఉద్విగ్న క్షణాల్లో ఒత్తిడికి లోనవడం సరికాదని సాధారణ రంజీ మ్యాచ్‌లాగా భావించాలని నిర్ణయించుకున్నట్లు కుల్దీప్‌ యాదవ్‌ పేర్కొన్నాడు. చదవండి: 10 నిమిషాలు మైండ్‌ బ్లాక్‌: కుల్దీప్‌

దుబాయ్‌: కింగ్స్‌ ఎలెవన్‌ పంజాబ్‌ జట్టు కోచ్‌గా భారత దిగ్గజం అనిల్‌ కుంబ్లే ఉండటం తమ అదృష్టమని కెప్టెన్‌ లోకేశ్‌ రాహుల్‌ వ్యాఖ్యానించాడు. ఆయన వ్యూహాలను మైదానంలో సరిగ్గా అమలు చేయగలిగితే చాలని అతను అన్నాడు. ‘ఈ సీజన్‌లో అనిల్‌ భాయ్‌ మాతో ఉండటం ఎంతో మేలు చేస్తుంది. ఒకే నగరం నుంచి వచ్చిన వాళ్లం కాబట్టి మైదానంలోనూ, మైదానం బయటా ఆయనతో నాకు మంచి సంబంధాలు ఉన్నాయి. అనిల్‌ భాయ్‌ కోచ్‌గా ఉండటం వల్ల కెప్టెన్‌గా నా పని సులువవుతుంది. జట్టు ప్రణాళికలు ఆయనే రూపొందిస్తారు. వాటిని అమలు చేయడమే మా బాధ్యత’ అని రాహుల్‌ వివరించాడు.   వారిద్దరు చెలరేగితే... పంజాబ్‌ జట్టులో గేల్, మ్యాక్స్‌వెల్‌ రూపంలో ఇద్దరు విధ్వంసక బ్యాట్స్‌మెన్‌ ఉన్నారు. గత రెండు ఐపీఎల్‌లలో రాహుల్‌ కూడా అద్భుతంగా రాణించాడు. వీరందరి కాంబినేషన్‌తో కింగ్స్‌ ఎలెవన్‌ చెలరేగగలదని కెప్టెన్‌ విశ్వాసం వ్యక్తం చేశాడు. ‘మ్యాక్స్‌వెల్‌ గతంలోనూ పంజాబ్‌ తరఫున ఆడి చక్కటి ప్రదర్శన కనబర్చాడు. అందుకే వేలంలో కూడా అతను కావాలని గట్టిగా కోరుకున్నాం. తనదైన రోజున అతను ఏ బౌలింగ్‌నైనా తుత్తునియలు చేయగలడు. గత రెండు సీజన్లలో మా జట్టు మిడిలార్డర్‌లో అలాంటి బ్యాట్స్‌మన్‌ లేని లోటు కనిపించింది. గేల్‌తో కూడా చాలా ఏళ్లు కలిసి ఆడాను. మా జట్టులో ఉండటం ఎంతో మేలు చేస్తుంది. అతను మా ప్రధాన బృందంలో కీలక భాగం. అతని అనుభవంతో మా కోసం మ్యాచ్‌లు గెలిపించగలడు. ఈ ఐపీఎల్‌ సీజన్‌ ఎన్నో విధాలా ప్రత్యేకమైంది. నేను ఎంతో ఆసక్తిగా ఎదురు చూస్తున్నా’ అని రాహుల్‌ విశ్లేషించాడు.

సౌతాంప్టన్‌: వచ్చే ఏడాది ఫిబ్రవరిలో భారత పర్యటనలో ఇంగ్లండ్‌ జట్టు మెరుగ్గా రాణించాలంటే ప్రస్తుతం పాకిస్తాన్‌తో జరుగుతున్న సిరీస్‌లో స్పిన్నర్‌ యాసిర్‌ షాను సమర్థవంతంగా ఎలా ఎదుర్కోవాలనే అంశాన్ని నేర్చుకోవాలని ఇంగ్లిష్‌ క్రికెట్‌ జట్టు మాజీ కెప్టెన్‌ నాసిర్‌ హుస్సేన్‌ సూచించాడు. పాక్‌తో స్వదేశంలో జరుగుతున్న మూడు టెస్టుల సిరీస్‌లో భాగంగా ఆఖరి టెస్టులో యాసిర్‌ షా బౌలింగ్‌ ఆడటానికి భయపడుతున్న ఇంగ్లండ్‌ క్రికెటర్లను ఉద్దేశించి హుస్సేన్‌ మాట్లాడాడు. అసలు యాసిర్‌ షా బౌలింగ్‌ను ఎదుర్కోవడానికి ఎటువంటి భయాందోళనలు వద్దని, మానసికంగా దృఢంగా ఉంటే అతని బౌలింగ్‌ను ఆడటం కష్టం కాదన్నాడు. అదే సమయంలో లెగ్‌ బ్రేక్‌ బౌలర్‌ యాసిర్‌ షాను ఆసీస్‌ దిగ్గజ స్పిన్నర్‌ షేన్‌ వార్న్‌లా ట్రీట్‌ చేయవద్దని చురకలంటించాడు. (చదవండి: ఇంగ్లండ్‌తో సిరీస్‌పై‌ క్లారిటీ ఇచ్చిన దాదా) యాసిర్‌ షా ఒక సాధారణ స్పిన్నర్‌ మాత్రమేనని హుస్సేన్‌ అభిప్రాయపడ్డాడు. భారత స్పిన్‌ లెజెండ్‌ అనిల్‌ కుంబ్లే తరహా బౌలర్‌గా యాసిర్‌ షాను భావించాలన్నాడు. ఇక్కడ తానేమీ కుంబ్లేను తక్కువ చేయడం లేదన్నాడు. మూడో టెస్టులో ఇంగ్లండ్‌ తొలి ఇన్నింగ్స్‌లో సిబ్లే, ఓలీ పోప్‌లు యాసిర్‌ షాకు ఔట్‌ కావడంపై నాసిర్‌ హుస్సేన్‌ స్పందించాడు. సిబ్లే ఎల్బీగా పెవిలియన్‌ చేరగా, ఓలీ పోప్‌లు బౌల్డ్‌ అయ్యాడు. ఈ ఇద్దరూ బ్యాక్‌ఫుట్‌ ఆడుతూ వికెట్లు సమర్పించుకోవడంతో  హుస్సేన్‌ కాస్త సెటైరిక్‌గా మాట్లాడాడు. దానిలో భాగంగానే వార్న్‌, కుంబ్లే ప్రస్తావన తీసుకొచ్చాడు. ‘ యాసిర్‌ షాను మరో వార్న్‌ అనుకోకండి. అతనొక సాధారణ లెగ్‌ స్పిన్నర్‌. కుంబ్లే తరహా బౌలర్‌ అనుకోండి. నేను ఇక్కడ కుంబ్లేను కించపరచడం లేదు. కేవలం విషయం చెబుతున్నా. వార్న్‌ ఏ వికెట్‌పైనైనా తొలి రోజు నుంచే టెస్టుల్లో ఆధిపత్యం చెలాయిస్తాడు. కుంబ్లే అలా కాదు. క్రమంగా వికెట్‌పై పట్టు సాధిస్తాడు. దాంతోనే వార్న్‌-కుంబ్లేల పోలిక తెచ్చా’ అని హుస్సేన్‌ పేర్కొన్నాడు. ఈ మూడు టెస్టుల సిరీస్‌లో ఇప్పటివరకూ యాసిర్‌ షా 11 వికెట్లు సాధించాడు. ఈ సిరీస్‌లో తొలి టెస్టులో ఇంగ్లండ్‌ విజయం సాధించగా, రెండో టెస్టు డ్రాగా ముగిసింది. ఇక మూడో టెస్టులో ఇంగ్లండ్‌ పూర్తి ఆధిపత్యం చెలాయిస్తోంది. రెండో రోజు శనివారం ఇంగ్లండ్‌ తొలి ఇన్నింగ్స్‌లో 8 వికెట్లకు 583 పరుగులు చేసి డిక్లేర్‌ చేసింది. జాక్‌ క్రాలీ (267; 34 ఫోర్లు, సిక్స్‌) డబుల్‌ సెంచరీ... జోస్‌ బట్లర్‌ (152; 13 ఫోర్లు, 2 సిక్స్‌లు) సెంచరీ సాధించారు. ఆపై బ్యాటింగ్‌ ప్రారంభించిన పాకిస్తాన్‌ తొలి ఇన్నింగ్స్‌లో 93 ఓవర్లలో 273 పరుగులకు ఆలౌటైంది. దాంతో ఇంగ్లండ్‌కు 310 పరుగుల తొలి ఇన్నింగ్స్‌ ఆధిక్యం లభించింది. పాక్‌ కెప్టెన్‌ అజహర్‌ అలీ (141 నాటౌట్‌) సెంచరీ సాధించాడు. అలాగే టెస్టుల్లో 6 వేల పరుగుల మైలురాయిని దాటి అరుదైన జాబితాలో చేరిపోయాడు.(చదవండి: ‘ఇదేనా ధోనికిచ్చే గౌరవం’)

లాక్‌డౌన్‌ మొదలైన నాటి నుంచి సెలబ్రిటీలంతా సోషల్‌ మీడియాలో మరింత యాక్టివ్‌గా ఉంటున్నారు. ఎప్పటికప్పుడు తమకు సంబంధించిన అప్‌డేట్స్‌ షేర్‌ చేస్తూ అభిమానులను అలరిస్తున్నారు. క్రికెట్‌ లెజెండ్‌ సచిన్‌ టెండూల్కర్‌ కూడా ప్రతిరోజూ ఏదో ఒక కొత్త పోస్టుతో ఫ్యాన్స్‌కు చేరువగా ఉంటున్నాడు. ఈ క్రమంలో బుధవారం వరల్డ్‌ ఫొటోగ్రఫీ డే సందర్భంగా ఓ విభిన్నమైన ఫొటోను షేర్‌ చేశాడు. ఇందులో.. గాల్లో ఓ కారు తేలుతూ ఉండగా.. కింద ఉన్న మరో కారు వద్ద జనాలు గుమిగూడి ఉన్నారు. దీనికి.. ‘‘ఈ పిక్చర్‌లో ఏం జరుగుతుందో చెప్పగలరా? అనిల్‌ కుంబ్లే మీరేమనుకుంటున్నారు’’ అంటూ  పజిల్‌ విసిరాడు. అంతేగాక తప్పు సమాధానాలు మాత్రమే స్వీకరిస్తానంటూ షరతు పెట్టాడు.(ప్రేయసి పోస్టుపై కేఎల్‌ రాహుల్‌ కామెంట్‌..) ఈ సరదా పోస్టుకు అంతే సరదాగా స్పందించిన అనిల్‌ కుంబ్లే.. ‘‘నాకు సరైన సమాధానం తెలుసు. కానీ నేను దీనిని ప్రయత్నించను. ఎందుకంటే వాళ్లు తప్పు సమాధానాలే కోరుకుంటున్నారు’’ అని బదులిచ్చాడు. దీంతో ఈ ఫొటోలాగే నీ గూగ్లీలు కూడా ఆన్సర్‌ చేయడం కష్టమంటూ సచిన్‌ చమత్కరించాడు. కాగా లెగ్‌స్పిన్నర్‌ అనిల్‌ కుంబ్లేకు ఫొటోగ్రఫీపై ఆసక్తి ఉన్న సంగతి తెలిసిందే. అతడి ఇన్‌స్టాగ్రాం నిండా వైల్డ్‌లైఫ్‌ ఫొటోలు దర్శనమిస్తాయి. ఇక  ‘వైడ్‌ యాంగిల్‌’ పేరిట రాసిన పుస్తకంలో కుంబ్లే ఎన్నో ఫొటోలతో పాటు ఫొటోగ్రఫీ టెక్నిక్స్‌ను కూడా పొందుపరిచాడు. ఈ సీనియర్‌ క్రికెటర్‌లో దాగున్న మరో పార్శ్వానికి ప్రతిబింబంగా నిలిచిన ఈ బుక్‌ను 2010లో షేన్‌ వార్న్‌ ఆవిష్కరించాడు. కాగా కుంబ్లే ప్రస్తుతం ఐపీఎల్‌ టీం కింగ్స్‌ ఎలెవన్‌ పంజాబ్‌ కోచ్‌గా వ్యవహరిస్తున్న సంగతి తెలిసిందే.(ధోని కెప్టెన్‌ అవుతాడని అప్పుడే ఊహించా) What do you think is happening in this pic, people? 🤔@anilkumble1074, any thoughts? Only wrong answers accepted! 😜😋#WorldPhotographyDay pic.twitter.com/mqkxSxyj0n — Sachin Tendulkar (@sachin_rt) August 19, 2020

న్యూఢిల్లీ:  దాదాపు మూడేళ్ల క్రితం భారత క్రికెట్‌ జట్టులోకి అరంగేట్రం చేసిన చైనామన్‌ స్పిన్నర్‌ కుల్దీప్‌ యాదవ్‌ తన మార్కు స్పిన్‌తో రెగ్యులర్‌ సభ్యుడిగా మారిపోయాడు. 2014లో యూఏఈలో జరిగిన అండర్‌-19 వరల్డ్‌కప్‌లో రాణించడంతో కుల్దీప్‌ యాదవ్‌ ఒక్కసారిగా జాతీయ సెలక్టర్ల దృష్టిని ఆకర్షించాడు. కానీ 2017లో అతని అరంగేట్రం షురూ అయ్యింది. ఆస్ట్రేలియాతో జరిగిన మ్యాచ్‌ ద్వారా కుల్దీప్‌ టెస్టు అరంగేట్రం జరిగింది. అయితే ఆ సమయంలోనే దిగ్గజ స్పిన్నర్‌ షేన్‌వార్న్‌ను కలిసే కుల్దీప్‌కు లభించింది. అప్పుడు టీమిండియా కోచ్‌గా ఉన్న అనిల్‌ కుంబ్లే.. కుల్దీప్‌ను వార్న్‌కు పరిచయం చేశాడంట. తాను వార్న్‌ను కలుస్తానంటూ అనిల్‌ భాయ్‌ను కోరి మరీ కలిశానంటూ కుల్దీప్‌ తెలిపాడు. టీవీ ప్రెజెంటర్‌ మడోనా టిక్సియారా ఇన్‌స్టాగ్రామ్‌ లైవ్‌చాట్‌లో పాల్గొన్న కుల్దీప్‌.. ఈ విషయాన్ని వెల్లడించాడు. అదొక మధుర జ్ఞాపకంగా పేర్కొన్న కుల్దీప్‌.. వార్న్‌తో తన బౌలింగ్‌ గురించి చాలా విషయాలను చెప్పినట్లు తెలిపాడు. (మరో రెండేళ్లు ‘కింగ్స్‌’లో ధోని) ‘నేను పుణెలో జరిగిన టెస్టు మ్యాచ్‌లో వార్న్‌ను కలిశా. వార్న్‌ను కలవడం అదే తొలిసారి. ఆసమయంలో మాకు ప్రధాన కోచ్‌గా అనిల్‌ కుంబ్లే భాయ్‌ ఉన్నారు. షేన్‌ వార్న్‌ను కలిసి కొన్ని విషయాలు తెలుసుకోవాలనుకుంటున్నట్లు కుంబ్లేకు చెప్పా. చివరికు కుంబ్లే సాయంతో వార్న్‌ను కలిశా. కానీ పది నిమిషాలు ఏమీ మాట్లాడలేకపోయా. వార్న్‌ కలిశాక మైండ్‌ బ్లాక్‌ అయ్యింది. కుంబ్లే-వార్న్‌లు మాట్లాడుకుంటూ ఉంటే చాలాసేపు అలా వింటూనే ఉన్నా. చివరగా మాట్లాడం ఆరంభించా. చాలా విషయాలను వార్న్‌తో పంచుకున్నా. నా భవిష్యత్తు ప్రణాళికలు ఏమిటి అనేది వార్న్‌కు చెప్పుకొచ్చా. వికెట్‌కు రెండు వైపులా బంతిని ఎలా సంధిస్తాను అనే విషయాన్ని వార్న్‌కు వివరించా. అయితే అంతా విన్న వార్న్‌.. నువ్వు ఎక్కువగా ఆలోచిస్తున్నావ్‌ అని అన్నాడు. కొన్ని చిన్న చిన్న టెక్నిక్స్‌ వార్న్‌ తెలిపాడు. బ్యాట్స్‌మన్‌ మదిలో ఏమి ఆలోచిస్తూ ఉండవచ్చు అనే దానిని ఊహిస్తూ బౌలింగ్‌ చేయమని వార్న్‌ సలహా ఇచ్చాడు’ అని కుల్దీప్‌ తెలిపాడు. కాగా, ఆ తర్వాత వార్న్‌ను చాలాసార్లు కలిసే అవకాశం దక్కిందన్నాడు. ఐపీఎల్‌లో కేకేఆర్‌కు ఆడుతుండగా వార్న్‌ కామెంటేటర్‌గా ఉండగా కలిసే అవకాశం దొరికిందన్నాడు. ఒక కోచ్‌ ఎలా అయితే చెబుతాడో అలానే పలు విషయాల్ని వార్న్‌ తనకు చెప్పాడన్నాడు. అవి తన కెరీర్‌కు ఎంతగానో ఉపయోగపడుతున్నాయని కుల్దీప్‌ పేర్కొన్నాడు.(మరో ‘హోరాహోరీ’కి రంగం సిద్ధం)

బెంగళూరు: భారత క్రికెట్‌ జట్టు చీఫ్‌ కోచ్‌గా తన పదవీ కాలం సంతృప్తికరంగా సాగిందని, అయితే ముగింపు మరికాస్త మెరుగ్గా ఉంటే బాగుండేదని మాజీ ఆటగాడు అనిల్‌ కుంబ్లే అన్నాడు. కుంబ్లే కోచ్‌గా ఉన్న సమయంలో ఆడిన 17 టెస్టులో 1 మాత్రమే ఓడిన భారత్‌... చాంపియన్స్‌ ట్రోఫీలో ఫైనల్‌కు చేరింది. కానీ కెప్టెన్‌ కోహ్లితో విభేదాల కారణంగా కుంబ్లే అర్ధాంతరంగా తన పదవి నుంచి తప్పుకోవాల్సి వచ్చింది. ‘ఆ ఏడాది కాలం మా జట్టు చాలా బాగా ఆడింది. అందులో నా పాత్ర కూడా కొంత ఉండటం సంతోషకరం. కాబట్టి ఎలాంటి ఫిర్యాదులు లేవు. అయితే కోచ్‌గా నా చివరి రోజులు మరింత బాగా ఉండాల్సిందనే విషయం నాకు తెలుసు. కానీ నేను బాధపడటం లేదు.  తప్పుకునేందుకు సరైన సమయమని కోచ్‌కు అనిపిస్తే తప్పుకోవడమే మంచిది. నాకు భారత కోచ్‌గా అవకాశం రావడం, సంవత్సరంపాటు జట్టు ఆటగాళ్లతో గడపడం అద్భుతం. అత్యుత్తమ ఆటగాళ్లతో కలిసి మరోసారి డ్రెస్సింగ్‌ రూమ్‌ను పంచుకోవడం గొప్ప అనుభూతి’ అని కుంబ్లే వ్యాఖ్యానించాడు. 

ముంబై: భారత క్రికెట్‌(టీమిండియా)లో మంచి సౌమ్యుడిగా పేరు సంపాదించుకున్న క్రికెటర్లలో అనిల్‌ కుంబ్లే ఒకడు. టీమిండియా జట్టు కెప్టెన్‌గానే కాకుండా ప్రధాన కోచ్‌గా కూడా తనదైన ముద్ర వేశాడు కుంబ్లే. అయితే తాజాగా జింబాంబ్వే మాజీ క్రికెటర్‌ పొమ్మి మాంగ్వా నిర్వహించిన ఆన్‌లైన్‌ సెషన్‌లో తన కోచ్‌ పదవిపై కుంబ్లే స్పందించారు. ఆయన స్పందిస్తూ.. టీమిండియాకు ప్రధాన కోచ్‌గా తన పాత్రను సమర్ధవంతంగా నిర్వహించానని, కానీ తన కోచ్‌ పదవిని చివర్లో ఇంకా మెరుగ్గా నిర్వహిస్తే బాగుండేదని తెలిపాడు. తాను కోచ్‌ పదవిని మెరుగ్గా నిర్వర్తించానని కుంబ్లే అన్నాడు. అయితే ప్రస్తుత టీమిండియా కెప్టెన్‌ విరాట్‌ కోహ్లితో విభేదాలు కారణంగానే కుంబ్లే తన పదవిని అర్థాంతరంగా వదులుకోవాల్సి వచ్చిందని పలువురు ఆరోపించిన విషయం తెలిసిందే. అయితే ఐపీఎల్‌లో కూడా కుంబ్లే కీలక పాత్ర పోషించాడు. ఇప్పటివరకు ముంబై ఇండియన్స్‌, రాయల్‌ చాలెంజర్స్‌ బెంగళూరు జట్లకు మెంటార్‌గా కుంబ్లే వ్యవహరించాడు. కేవలం కెప్టెన్‌గా, కోచ్‌గా మాత్రమే కాకుండా తన బౌలింగ్‌ నైపుణ్యంతో టీమిండియాకు ఎన్నో చారిత్రాత్మక విజయాలను కుంబ్లే అందించాడు.  (చదవండి: అప్పుడు కుంబ్లేను కోహ్లి వద్దన‍్నాడు.. ఇప్పుడైతే?)

‘నాది ఒకటే అభ్యర్థన. దయచేసి అప్పీల్‌ మాత్రం చేయవద్దు’... అనిల్‌ కుంబ్లేకు భారత ఫిజియో ఆండ్రూ లీపస్‌ ఆ రోజు ఇచ్చిన సూచన ఇది. కానీ ఒక దిగ్గజ ఆటగాడిని బౌలింగ్‌ చేయకుండా, వికెట్‌ కోసం అప్పీల్‌ చేయకుండా ఆపడం ఆ గాయానికే సాధ్యం కాలేదు! తలకు చుట్టిన ఆ కట్టు బిగువున బాధను భరిస్తూనే అతను తనదైన శైలిలో తన పని చేసుకుంటూ పోయాడు. అలాంటి ఒక అప్పీల్‌కే ప్రత్యర్థి స్టార్‌ బ్యాట్స్‌మన్‌ లారా చిక్కాడు. తన బాధ్యత నెరవేర్చినట్లు భావించిన అనిల్‌ ఆ నొప్పిని మర్చిపోయాడు. కానీ నాటి అపూర్వ ప్రదర్శనను మాత్రం ఏ భారత క్రీడాభిమాని కూడా మరచిపోడు. అంకిత భావంలో, పోరాటతత్వంలో అందరికీ అందనంత ఎత్తులో ఉండే అనిల్‌ కుంబ్లే దానిని ఆంటిగ్వా గడ్డపై నిరూపించాడు.    వెస్టిండీస్‌ గడ్డపై 2002లో సౌరవ్‌ గంగూలీ నాయకత్వంలో భారత జట్టు పర్యటించింది. ఐదు టెస్టుల సిరీస్‌లో తొలి మూడు మ్యాచ్‌లు ముగిసేసరికి ఇరు జట్లు చెరో టెస్టు గెలిచి 1–1తో సమంగా ఉన్నాయి. సెయింట్‌ జాన్స్‌ (ఆంటిగ్వా)లో నాలుగో టెస్టు జరిగింది. తొలి రోజు భారత్‌ 226/3తో పటిష్ట స్థితిలో నిలవగా, రెండో రోజు ఆటలో వికెట్‌ కీపర్‌ అజయ్‌ రాత్రా కంటే ముందే ఏడో స్థానంలో అనిల్‌ కుంబ్లే బ్యాటింగ్‌కు వచ్చాడు. మరో ఎండ్‌లో వీవీఎస్‌ లక్ష్మణ్‌ ఉన్నాడు.   విలవిలా... విండీస్‌ పేసర్‌ మెర్విన్‌ డిల్లాన్‌ అప్పటికే బౌన్సర్లతో జోరు మీదున్నాడు. కుంబ్లేపై కూడా అతను వచ్చీ రాగానే ఇలాగే ఒక షార్ట్‌ పిచ్‌ బంతిని సంధించాడు. తప్పించుకునే ప్రయత్నంలో కుంబ్లే తల పక్కకు తిప్పేసినా దూసుకొచ్చిన బంతి అతని దవడను బలంగా తాకింది. పదునైన పేస్‌ బౌలింగ్‌ దెబ్బకు అతని ముఖం ఒక్కసారిగా అదిరిపోయింది. ఫిజియో ఆండ్రూ లీపస్‌ క్రీజ్‌ వరకు వచ్చేలోపే క్షణాల్లో గాయం నుంచి తీవ్రంగా రక్తం కారింది. స్వల్ప చికిత్స తర్వాత మైదానం వీడాలని సహచరులు కోరినా కుంబ్లే ఒప్పుకోలేదు. తాను ప్రధాన బ్యాట్స్‌మన్‌ కాకపోయినా పట్టుదలగా నిలబడేందుకే సిద్ధమయ్యాడు. డిల్లాన్‌ ఏమీ కనికరం చూపలేదు. మళ్లీ అలాగే చెలరేగిపోయాడు. చివరకు డిల్లాన్‌ బౌలింగ్‌లోనే బ్యాక్‌వర్డ్‌ షార్ట్‌ లెగ్‌లో చందర్‌పాల్‌కు క్యాచ్‌ ఇచ్చి కుంబ్లే వెనుదిరిగాడు. ఘటన జరిగిన రోజు ఆస్పత్రిలో ఎక్స్‌రే తీయగా ఏమీ కనిపించలేదు. కానీ మరుసటి ఉదయం నొప్పి తీవ్రమైందని కుంబ్లే చెప్పడంతో మరో ఎక్స్‌రే తీశారు. అప్పుడు దవడలో పగులు వచ్చినట్లు కనిపించింది. అయితే భారత్‌లోనే సర్జరీ చేస్తే మంచిదని టీమ్‌ మేనేజ్‌మెంట్‌ భావించింది. దాంతో గాయంపై ఒత్తిడి పడకుండా పెద్ద బ్యాండేజీ చుట్టిన ఫిజియో లీపస్‌... ఎలాంటి కదలిక లేకుండా, కనీసం మాట్లాడకుండా కూర్చోవాలని చెప్పేశాడు. అయితే కథ అక్కడితో ముగిసిపోలేదు.   బ్యాండేజీతో బరిలోకి... వీవీఎస్‌ లక్ష్మణ్‌ (130), అజయ్‌ రాత్రా (115), రాహుల్‌ ద్రవిడ్‌ (91), వసీమ్‌ జాఫర్‌ (86) రాణించడంతో... మూడో రోజు భారత్‌ తొమ్మిది వికెట్లకు 513 పరుగుల భారీ స్కోరు వద్ద తొలి ఇన్నింగ్స్‌ను డిక్లేర్‌ చేసింది. విండీస్‌ బ్యాటింగ్‌కు వచ్చే సమయానికి పిచ్‌ స్పిన్‌కు కాస్త అనుకూలంగా కనిపించింది. కానీ ప్రధాన స్పిన్నర్‌ కుంబ్లే ఆడలేడు కాబట్టి కెప్టెన్‌ గంగూలీ ఏమీ చేయలేక ఇతర బౌలర్లపై ఆధారపడ్డాడు. అయితే అనూహ్యంగా కట్టుతోనే కుంబ్లే క్రీజ్‌లోకి వచ్చేందుకు సిద్ధం కావడంతో అంతా ఆశ్చర్యపోయారు. అవసరంగా ఒత్తిడి పెంచుకోవద్దు, విశ్రాంతి తీసుకోమని కెప్టెన్‌ గంగూలీ చెప్పినా కుంబ్లే వినలేదు. ఇలా మధ్యలో నేను వదిలి వెళ్లలేనంటూ బౌలింగ్‌కు సిద్ధమయ్యాడు. తొలి ఓవర్‌లోనే అతను నొప్పితో అల్లాడుతుండటం చూసిన అంపైర్‌ డేవిడ్‌ షెఫర్డ్‌ బౌలింగ్‌ చేయగలవా అంటూ మళ్లీ మళ్లీ అడిగాడు. ఆ ఓవర్‌ తర్వాత లీపస్‌ మళ్లీ వచ్చి గట్టిగా కట్టు కట్టాడు. చివరకు కుంబ్లే అదే పట్టుదలతో బౌలింగ్‌ చేసి అత్యంత కీలకమైన బ్రియాన్‌ లారా వికెట్‌ పడగొట్టాడు. ఆఫ్‌స్టంప్‌ పడి లోపలకు దూసుకొచ్చిన బంతికి లారా వికెట్ల ముందు ఎల్బీగా దొరికిపోయాడు. ఆ సమయంలో కుంబ్లేలో కనిపించిన భావోద్వేగం గురించి చెప్పేందుకు మాటలు చాలవు. వరుసగా 14 ఓవర్లు బౌలింగ్‌ చేసిన అనంతరం మూడో రోజు ఆట ముగిసింది. టెస్టు మ్యాచ్‌ పేలవ ‘డ్రా’గా ముగిసినా... అనిల్‌ కుంబ్లే పోరాటం ప్రత్యేకంగా నిలిచిపోయింది.   మ్యాచ్‌ను చూస్తూ ఊరికే కూర్చోవడం నాకు బాగా అనిపించలేదు. అందుకే బరిలోకి దిగాను. జట్టు కోసం నాకు సాధ్యమైనంత రీతిలో ప్రయత్నం చేశాననే సంతృప్తితో ఇప్పుడు స్వదేశం వెళ్లగలుగుతున్నాను కదా.                –కుంబ్లే వ్యాఖ్య   కొసమెరుపు... కుంబ్లే లేని భారం మ్యాచ్‌పై అందరికంటే ఎక్కువగా సచిన్‌పై పడింది. అతని స్పిన్‌ను గంగూలీ నమ్ముకోవడంతో విండీస్‌ తొలి ఇన్నింగ్స్‌లో సచిన్‌ ఏకంగా 34 ఓవర్లు బౌలింగ్‌ చేశాడు. 200 టెస్టుల కెరీర్‌లో అతను ఒక మ్యాచ్‌లో బౌలింగ్‌ చేసిన అత్యధిక ఓవర్లు ఇవే. మరోవైపు భారత్‌ తరఫున ఆడిన 11 మంది కూడా ఈ ఇన్నింగ్స్‌లో బౌలింగ్‌ చేశారు. టెస్టు చరిత్రలో ఇలా జరగడం ఇది మూడోసారి మాత్రమే.    –సాక్షి క్రీడా విభాగం  

హైదరాబాద్‌ : మాస్టర్‌ బ్లాస్టర్‌ సచిన్‌ టెండూల్కర్‌, టీమిండియా మాజీ కెప్టెన్‌ అనిల్‌ కుంబ్లేలపై మాజీ క్రికెటర్‌ వీవీఎస్‌ లక్ష్మణ్‌ ప్రశంసల వర్షం కురిపించారు. అటువంటి గొప్ప ఆటగాళ్లతో కలిసి ఆడటం తన అదృష్టంగా భావిస్తున్నట్టు తెలిపారు. సోషల్‌ మీడియాలో యాక్టివ్‌గా ఉండే లక్ష్మణ్‌.. తనను బాగా ప్రభావితం చేసిన సహచరుల గురించి అభిప్రాయాలు పంచుకుంటానని చెప్పిన సంగతి తెలిసిందే. అంతేకాకుండా వారి దగ్గరి నుంచి తాను ఎంతో నేర్చుకున్నానని చెప్పారు.  ఈ క్రమంలోనే సచిన్‌, కుంబ్లేల గొప్పతనాన్ని వివరించే ప్రయత్నం చేశారు. ఏది ఏమైనా చేసే పనిని వదలకపోవడం కుంబ్లే లక్షణమని పేర్కొన్నారు. 2002లో వెస్టీండిస్‌తో టెస్ట్‌ మ్యాచ్‌ సందర్భంగా కుంబ్లే గాయపడిన సంగతి తెలిసిందే. ఆ మ్యాచ్‌లో‌ బ్యాటింగ్‌ చేస్తుండగా కుంబ్లే దవడకు గాయం కాగా, దానిని లెక్క చేయకుండా కుంబ్లే ఆటను కొనసాగించారు. ఆ తర్వాత నొప్పి ఉన్నప్పటికీ.. బౌలింగ్‌ కూడా చేశారు. ఇందుకు సంబంధించిన ఫొటోను షేర్‌ చేసిన లక్ష్మణ్‌.. కుంబ్లేకు ఉన్న ధైర్యం, తెగువ ఈ ఫొటోలో కనిపిస్తోందన్నారు. ప్రతి అంశంలో కుంబ్లే అసాధారణ శక్తిని ప్రదర్శించేవారని కొనియాడారు.  A giant in every sense, he rose above and beyond the call of duty. The grit, drive and bravery displayed through this picture is quintessential @anilkumble1074 .Never giving up, no matter what, was a trait which made Anil the cricketer he became. pic.twitter.com/pEPNgVRcPA — VVS Laxman (@VVSLaxman281) June 1, 2020 అంతకు ముందు క్రికెట్‌ దిగ్గజం సచిన్‌పై కూడా లక్ష్మణ్‌ ప్రశంసల వర్షం కురిపించారు. ఎన్ని ప్రశంసలు అందుకున్నప్పటికీ.. ఒదిగి ఉండటం సచిన్‌ గొప్ప లక్షణాల్లో ఒకటని కొనియాడారు. ఆటపై సచిన్‌ నిబద్ధత, అభిరుచి, గౌరవం.. అతనంటే ఎంటో తెలియజేస్తుందన్నారు.

న్యూఢిల్లీ: ఈ ఏడాది ఇండియన్‌ ప్రీమియర్‌ లీగ్‌ (ఐపీఎల్‌) జరుగుతుందని భారత మాజీ కెప్టెన్‌ అనిల్‌ కుంబ్లే, బ్యాటింగ్‌ దిగ్గజం వీవీఎస్‌ లక్ష్మణ్‌లు ఆశాభావం వ్యక్తం చేశారు. ‘టోర్నీపై నమ్మకంతోనే ఉన్నాం. షెడ్యూలును కుదించి అయినా, మూడు లేదా నాలుగు వేదికలకే పరిమితం చేసైనా ఈ సీజన్‌ జరగాలని ఆశిస్తున్నాం. ప్రేక్షకుల్లేకుండానే పోటీలు జరగొచ్చు’ అని కుంబ్లే తెలిపాడు. లక్ష్మణ్‌ మాట్లాడుతూ అన్ని ఫ్రాంచైజీ నగరాల్లో కాకపోయినా కొన్ని వేదికల్లో ఐపీఎల్‌ జరిగి తీరుతుందనే ఆశాభావంతో ఉన్నామని చెప్పాడు. ‘ప్రయాణ బడలికలు తగ్గించే ఉద్దేశంతో ఎంపిక చేసిన కొన్ని వేదికల్లో పోటీలు జరుగుతాయి’ అని అన్నాడు. ఫ్రాంచైజీలు, భారత క్రికెట్‌ నియంత్రణ మండలి (బీసీసీఐ) ఆ దిశగా ఆలోచన చేస్తాయన్నాడు.

న్యూఢిల్లీ: క్రికెట్‌ మ్యాచ్‌ల సందర్భంగా బంతి మెరుపును మరింత పెంచేందుకు... రివర్స్‌ స్వింగ్‌ రాబట్టేందుకు బౌలర్లు ఉమ్మి (సలీవా)ని ఉపయోగిస్తుంటారు. అయితే ఉమ్మి ద్వారా కూడా కరోనా వైరస్‌ వ్యాప్తి చెందే అవకాశం ఉండటంతో.. ఇక మీదట మ్యాచ్‌ల సందర్భంగా బౌలర్లు ఉమ్మిని బంతిపై రుద్దకుండా నిషేధం విధించాలని అనిల్‌ కుంబ్లే నేతృత్వంలోని అంతర్జాతీయ క్రికెట్‌ కమిటీ (ఐసీసీ) సిఫారసు చేసింది. కరోనా నేపథ్యంలో కొన్నాళ్లపాటు తటస్థ అంపైర్లను కాకుండా... అంతర్జాతీయ మ్యాచ్‌ల్లో ఆతిథ్య దేశ అంపైర్లను అంపైరింగ్‌ చేసే అంశాన్ని పరిశీలించాలని కూడా ఐసీసీ క్రికెట్‌ కమిటీ సిఫారసు చేసింది. క్రికెట్‌ కమిటీ ప్రతిపాదనలను పరిశీలించాకే వీటిని అమలు చేయాలా వద్దా అనే విషయాన్ని ఐసీసీ బోర్డు నిర్ణయిస్తుంది. 

భారత టాప్‌ స్పిన్‌ బౌలర్‌గా అనిల్‌ కుంబ్లే అందించిన మరపురాని విజయాలెన్నో. 18 ఏళ్ల కెరీర్‌లో అతను పడగొట్టిన 956 అంతర్జాతీయ వికెట్లు టీమిండియా గెలుపు ప్రస్థానంలో కీలకపాత్ర పోషించాయి. అయితే ఎన్ని ఘనతలు కుంబ్లే పేరిట ఉన్నా... ‘10 వికెట్ల’ ప్రదర్శన మాత్రం ఎప్పటికీ ప్రత్యేకమే. అభిమానులెవరూ మరచిపోలేని మధుర జ్ఞాపకమే. ఒకే ఇన్నింగ్స్‌లో ప్రత్యర్థి బ్యాట్స్‌మెన్‌ అందరినీ పడగొట్టిన భారత దిగ్గజం ఈ రికార్డు సాధించిన రెండో బౌలర్‌గా తన పేరు చరిత్రలో లిఖించుకున్నాడు. పైగా చిరకాల ప్రత్యర్థి పాకిస్తాన్‌పై ఇలాంటి ఘనత నమోదు కావడం మనందరి ఆనందాన్ని రెట్టింపు చేసింది. సొంతగడ్డపై పాకిస్తాన్‌తో రెండు టెస్టుల సిరీస్‌లో భాగంగా భారత జట్టు అప్పటికే తొలి మ్యాచ్‌ ఓడిపోయింది. చెన్నైలో గెలుపు అంచుల వరకు వచ్చి చివరకు అనూహ్యంగా 12 పరుగులతో పరాజయంపాలు కావడంతో జట్టు సభ్యులందరినీ షాక్‌కు గురి చేసింది. వారంతా దానినుంచి పూర్తిగా కోలుకోలేదు. ఈ సమయంలో కచ్చితంగా రెండో టెస్టు గెలిచి సిరీస్‌ను సమం చేయాల్సిన స్థితిలో అజహరుద్దీన్‌ బృందం ఢిల్లీలోని ఫిరోజ్‌ షా కోట్లా మైదానంలో బరిలోకి దిగింది. సాధారణ స్కోర్లే...  ఫిబ్రవరి 4, 1999... మన టీమ్‌లో కుంబ్లే, హర్భజన్‌లు ఉన్నా...పాక్‌ టీమ్‌లో కూడా సక్లాయిన్‌ ముస్తాక్, ముస్తాక్‌ అహ్మద్‌ రూపంలో ఇద్దరు అత్యుత్తమ స్పిన్నర్లు ఉండటంతో పూర్తి స్థాయి స్పిన్‌ పిచ్‌ను తయారు చేసేందుకు కూడా బోర్డు వెనుకాడింది. ఈ నేపథ్యంలో టాస్‌ గెలిచి భారత్‌ బ్యాటింగ్‌ ఎంచుకుంది. అజహరుద్దీన్‌ (67), సదగోపన్‌ రమేశ్‌ (60) మినహా అంతా విఫలం కావడంతో తొలి ఇన్నింగ్స్‌లో 252 పరుగులకే ఆలౌటైంది. అయితే మన బౌలర్లు కూడా చెలరేగడంతో పాక్‌ 172 పరుగులకే కుప్పకూలింది. ఫలితంగా మనకు 80 పరుగుల ఆధిక్యం దక్కింది. అనంతరం రెండో ఇన్నింగ్స్‌లో కొంత మెరుగ్గా ఆడి భారత్‌ 339 పరుగులు చేసింది. రమేశ్‌ (96), గంగూలీ (62) రాణించారు. పాక్‌ ముందు 420 పరుగుల లక్ష్యాన్ని ఉంచి భారత్‌ సవాల్‌ విసిరింది. మ్యాజిక్‌ మొదలు...  అసాధారణ విజయలక్ష్యమే అయినా పాక్‌కు ఓపెనర్లు సయీద్‌ అన్వర్‌ (69), షాహిద్‌ అఫ్రిది (41) శుభారంభం అందించి ఆశలు రేపారు. 9వ ఓవర్లోనే బౌలింగ్‌కు దిగిన కుంబ్లే తొలి స్పెల్‌లో ఏమాత్రం ప్రభావం చూపలేదు. తొలి వికెట్‌కు సెంచరీ (101) భాగస్వామ్యం నమోదైంది. నాలుగో రోజు లంచ్‌ విరామం తర్వాత ఒక్కసారిగా ఆట మలుపు తిరిగింది. కెప్టెన్‌ సూచనతో కుంబ్లే ఎండ్‌ మార్చి బౌలింగ్‌ ప్రారంభించాడు. ముందుగా కీపర్‌కు క్యాచ్‌ ఇచ్చి అఫ్రిది వెనుదిరగడంతో పాక్‌ పతనం మొదలుకాగా, తర్వాతి బంతికి ఇజాజ్‌ అహ్మద్‌ వికెట్ల ముందు దొరికిపోయాడు. అలా ఒకదాని వెంట మరో వికెట్‌ పడుతుండటం... అన్నీ కుంబ్లే ఖాతాలోనే చేరుతుండటం జరిగిపోయాయి. కుంబ్లే బంతులను ఆడటంలో పాక్‌ బ్యాట్స్‌మెన్‌ తీవ్రంగా ఇబ్బంది పడ్డారు. ముస్తాక్‌ అహ్మద్‌ను 8వ వికెట్‌గా అవుట్‌ చేసి కుంబ్లే తన గత అత్యుత్తమ బౌలింగ్‌ రికార్డు (7/59)ను సవరించాడు. అప్పటికే విరామం లేకుండా బౌలింగ్‌ చేస్తున్న కుంబ్లే బాగా అలసిపోయాడు. అదృష్టవశాత్తూ టీ బ్రేక్‌ వచ్చేసింది. రసవత్తర డ్రామా...  చివరి సెషన్‌లో వచ్చీ రాగానే సక్లాయిన్‌ను కూడా పడగొట్టడంతో 9వ వికెట్‌ అనిల్‌ ఖాతాలో చేరింది. అప్పుడు జట్టంతా కలిసి కుంబ్లే రికార్డుకు సహకరించాలని సమష్టి నిర్ణయం తీసుకుంది. మరో ఎండ్‌లో బౌలింగ్‌ చేస్తున్న శ్రీనాథ్‌ను వికెట్‌కు దూరంగా బంతులు వేయాలని కెప్టెన్‌ సూచించాడు. ఆ సమయంలో మరో బౌలర్‌కు వికెట్‌ దక్కరాదని జట్టు మొత్తం కోరుకుంది. అటు క్రీజ్‌లో ఉన్న అక్రమ్, వకార్‌ కూడా కుంబ్లేకు రికార్డు దక్కరాదని ప్రయత్నించారు. శ్రీనాథ్‌ బౌలింగ్‌లో గుడ్డిగా షాట్లు ఆడి వకార్‌ అవుటయ్యేందుకు ప్రయత్నించాడు. ఒకదశలో గాల్లో లేచిన బంతిని రమేశ్‌ దాదాపుగా పట్టేయడంలో అందరి గుండె ఆగినంత పనైంది. రమేశ్‌కు ఆ క్యాచ్‌ చిక్కకపోవడంతో అందరూ ఊపిరి పీల్చుకున్నారు. చివరకు తమలో ఒకరు రనౌటైనా కావాలని కూడా అనుకున్నట్లు అక్రమ్‌ తర్వాతి రోజుల్లో వెల్లడించాడు. అయితే ఇది ఎక్కువసేపు సాగలేదు. కుంబ్లే వేసిన లెగ్‌బ్రేక్‌ను షార్ట్‌లెగ్‌లోకి అక్రమ్‌ ఆడగా... వీవీఎస్‌ లక్ష్మణ్‌ క్యాచ్‌ పట్టేయడంతో చరిత్ర ఆవిష్కృతమైంది. భారత జట్టు శిబిరంలో సంబరాలు అంబరాన్నంటగా... కుంబ్లేను భుజాలపై మోస్తూ సహచరులంతా తమ ఆనందాన్ని పంచుకున్నారు. రెండో ఇన్నింగ్స్‌లో పాక్‌ 207 పరుగులకే ఆలౌట్‌ కావడంతో 212 పరుగులతో గెలిచిన భారత్‌ 1–1తో సిరీస్‌ను సమంగా ముగించింది. గతంలో ఇంగ్లండ్‌ బౌలర్‌ జిమ్‌ లేకర్‌ మాత్రమే ఇన్నింగ్స్‌లో పది వికెట్లు పడగొట్టాడు. ఇప్పుడు దానిని కుంబ్లే సాధించి చూపించాడు. ఈ 10 వికెట్ల ప్రదర్శనను ఎప్పటికీ గుర్తుకు తెచ్చే విధంగా రిటైర్మెంట్‌ అనంతరం తన స్పోర్ట్స్‌ మేనేజ్‌మెంట్‌ కంపెనీకి ‘టెన్‌విక్‌’ అని కుంబ్లే పేరు పెట్టాడు.

బెంగళూరు: ప్రజల ప్రాణాలను కబళిస్తోన్న కరోనా వైరస్‌ను సమర్థంగా ఎదుర్కోవాలంటే ప్రపంచమంతా సమష్టిగా పోరాడాలని భారత మాజీ కోచ్, మాజీ కెప్టెన్‌ అనిల్‌ కుంబ్లే పిలుపునిచ్చాడు. వైరస్‌ను ఎదుర్కోవడంలో ప్రస్తుత మన స్థితిని ‘టెస్టు మ్యాచ్‌లో రెండో ఇన్నింగ్స్‌’గా అభివర్ణించాడు. తొలి ఇన్నింగ్స్‌లో కాస్త ఆధిక్యం సాధించామని సంబరపడొద్దని హెచ్చరించాడు. ‘ఈ మహమ్మారిని నిర్మూలించాలంటే మనందరం ఉమ్మడిగా పోరాడాల్సిందే. ఇదో టెస్టు మ్యాచ్‌లాంటిది. టెస్టులో రెండు ఇన్నింగ్స్‌లు మాత్రమే ఉంటాయి. కానీ కరోనాకు ఎన్నో దశలున్నాయి. అందుకే ఇప్పటివరకు కరోనాపై సాధించిన విజయంతో సంతృప్తి చెందవద్దు. రెండో ఇన్నింగ్స్‌లో ఇంకా గడ్డు సవాళ్లు ఎదురయ్యే అవకాశమున్నందున తొలి ఇన్నింగ్స్‌లో ఆధిక్యం సాధించామని సంబరపడొద్దు. తొలి ఇన్నింగ్స్‌ ఆధిక్యంతోనే లభించే విజయం కాదు ఇది. అందుకే దీన్ని జయించేందుకు రెండో ఇన్నింగ్స్‌లో మనమంతా కఠినంగా పోరాడాలి’ అని కుంబ్లే వివరించాడు. వైరస్‌ నియంత్రణ కోసం నిరంతరం పోరాడుతోన్న వైద్య సిబ్బంది, పోలీసులు, పారిశుధ్య కార్మికులు, అధికారులకు కుంబ్లే కృతజ్ఞతలు తెలిపాడు. ‘వారంతా నిస్వార్థంగా సేవ చేస్తున్నారు. ప్రాణాలను పణంగా పెట్టి పోరాడుతున్నారు. హ్యాట్సాఫ్‌’ అని వారి సేవల్ని కొనియాడాడు. 

న్యూఢిల్లీ: టీమిండియా మాజీ కెప్టెన్‌ అనిల్‌ కుంబ్లేపై మాజీ ఓపెనర్‌ గౌతం గంభీర్‌ మరోసారి తన అభిమానాన్ని చాటుకున్నాడు. తనకు కుంబ్లే ఎంతో ఇష్టమన్న గంభీర్‌.. అతని కోసం జీవితాన్ని ఇవ్వడానికి కూడా సిద్ధమేనన్నాడు. గతంలో కుంబ్లే కెప్టెన్సీలో ఆడిన విషయాన్ని ఈ సందర్భంగా గంభీర్‌ గుర్తు చేసుకున్నాడు. భారత క్రికెట్‌కు దొరికిన అరుదైన ఆటగాడు కుంబ్లే అని చెప్పుకొచ్చాడు. కుంబ్లే ఆడే సమయంలో అంపైర్ల నిర్ణయ సమీక్ష పద్ధతి(డీఆర్‌ఎస్‌) ఉండి ఉంటే తన టెస్టు కెరీర్‌లో 900 వికెట్ల మైలురాయిని సునాయాసంగా చేరుకునేవాడన్నాడు. తన స్థానంపై భరోసా కల్పించిన సారథి ఎవరైనా ఉన్నారంటే అది అనిల్‌ భాయ్‌ అని గంభీర్‌ తెలిపాడు. భారత టెస్టు ఆల్‌టైమ్‌ ఎలెవన్‌ జట్టును ప్రకటించిన గంభీర్‌.. కెప్టెన్‌గా కుంబ్లేను ఎంచుకున్నాడు. ('రోహిత్‌ ఎదగడానికి ధోనియే కారణం') ఇక్కడ సునీల్‌ గావస్కర్‌కు స్థానం కల్పించిన గంభీర్‌.. కెప్టెన్‌గా మాత్రం కుంబ్లేను ఎంపిక చేశాడు.  2008లో ఆస్ట్రేలియాతో టెస్టు సిరీస్‌కు ముందు కుంబ్లేతో​ తనకు ఎదురైన అనుభవాలను గంభీర్‌ నెమరువేసుకున్నాడు. ‘నేను, సెహ్వాగ్ కలిసి భోజనం చేస్తుంటే కుంబ్లే మా దగ్గరికి వచ్చాడు. ఏం జరిగినా ఈ సిరీస్​లోని మొత్తం నాలుగు టెస్టుల్లో మీరిద్దరే ఓపెనింగ్ చేస్తారు. ఏమైనా సరే. ఒకవేళ మీరు ఎనిమిదిసార్లు డకౌట్ అయినా పర్లేదన్నాడు. నా కెరీర్​లో ఎవరి నుంచి నేను అలాంటి మాటలు వినలేదు. నేను ఎవరికైనా ప్రాణాన్ని ఇవ్వాల్సి వస్తే.. అనిల్ కుంబ్లేకే ఇస్తా. ఆ రోజు కుంబ్లే అన్న మాటలు ఇప్పటికీ నా మనసులో ఇంకా ఉన్నాయి. అప్పట్లో డీఆర్‌ఎస్‌ ఉంటే కుంబ్లే 900 టెస్టు వికెట్లను సాధించేవాడు’ అని గంభీర్‌ తెలిపాడు. ఇక సౌరవ్‌ గంగూలీ, ఎంఎస్‌ ధోని, విరాట్‌ కోహ్లి తరహాలో కుంబ్లే ఎక్కువ కాలం టీమిండియా కెప్టెన్‌గా చేసి ఉంటే ఎన్నో రికార్డులను తన పేరిట లిఖించుకునేవాడని గంభీర్‌ అభిప్రాయపడ్డాడు. ('ఆత్మహత్య చేసుకోవాలని మూడుసార్లు అనుకున్నా') గంభీర్‌ ప్రకటించిన టీమిండియా ఆల్‌టైమ్‌ టెస్టు జట్టు.. అనిల్ కుంబ్లే(కెప్టెన్​), సునీల్ గావస్కర్​, వీరేంద్ర సెహ్వాగ్​, రాహుల్ ద్రవిడ్​, సచిన్ టెండూల్కర్​, విరాట్ కోహ్లి, కపిల్​దేవ్​, ఎంఎస్ ధోని, హర్భజన్‌ సింగ్​,  జహీర్ ఖాన్​, జవగళ్ శ్రీనాథ్

న్యూఢిల్లీ : భారతజట్టులో తాను ఆడిన సమయంలో అనిల్ కుంబ్లేనే అత్యుత్తమ కెప్టెన్ అని టీమ్ ​ఇండియా మాజీ ఓపెనర్, బీజేపీ ఎంపీ గౌతమ్ గంభీర్ తెలిపారు. సారథులుగా సౌరవ్‌ గంగూలీ, మహీంద్ర సింగ్‌ ధోనీలు రికార్డుల పరంగా మెరుగ్గా ఉన్నా, తనకు కుంబ్లేనే బెస్ట్ అని బుధవారం ఓ టీవీ కార్యక్రమంలో పాల్గొన్న గంభీర్‌ చెప్పారు. సౌరవ్ కూడా అద్భుతంగా సారథ్యం వహించారు, అయితే టీమిండియాకు కెప్టెన్​గా సుదీర్ఘకాలం ఉండాలనుకున్నది మాత్రం అనిల్ కుంబ్లేనే అని గంభీర్‌ తెలిపారు. అతడి సారథ్యంలో తాను ఆరు టెస్టులు ఆడానన్నారు. కుంబ్లే ఎక్కువ కాలం భారత జట్టుకు సారథ్యం వహించి ఉంటే కెప్టెన్‌గా మరిన్ని రికార్డులను బద్దలు కొట్టేవాడని పేర్కొన్నారు. 2007లో రాహుల్ ద్రవిడ్ నుంచి కెప్టెన్సీ పగ్గాలను అనిల్ కుంబ్లే అందుకున్నారు. 14టెస్టుల్లో టీమ్​ఇండియాకు కెప్టెన్​గా కుంబ్లే వ్యవహరించారు. వీటిలో మూడింట్లో గెలవగా, ఆరు మ్యాచ్‌లలో భారత్‌ ఓటమిపాలయ్యింది. ఐదు మ్యాచ్‌లు డ్రాగా ముగిశాయి. భారత్‌ తరపును వన్డేల్లో, టెస్టుల్లో అత్యధిక వికెట్లు తీసిన కుంబ్లే, 2008 నవంబర్​లో అంతర్జాతీయ క్రికెట్​కు గుడ్‌ బై చెప్పారు.

కరాచీ:  భారత క్రికెట్‌లో మంచి సౌమ్యుడిగా పేరు సంపాదించుకున్న క్రికెటర్లలో అనిల్‌ కుంబ్లే ఒకడు. భారత క్రికెట్‌ జట్టు కెప్టెన్‌గానే కాకుండా కోచ్‌గా కూడా తనదైన ముద్ర వేశాడు కుంబ్లే. కుంబ్లే కోచ్‌గా ఉన్న సమయంలో కొన్ని కఠిన నిర్ణయాలను అమలు చేయడంతో అది నచ్చని మన క్రికెటర్లు అతని పర్యవేక్షణకు ముగింపు పలికారు. తన కోచింగ్‌ ముగింపును కూడా ఏమాత్రం వివాదం చేయకుండా గౌరవంగా తప్పుకున్నాడు కుంబ్లే. ఇప‍్పటివరకూ కుంబ్లే ఒకరిచేత విమర్శించబడటం కానీ, వేరే వాళ్లను విమర్శించడం కానీ చాలా అరుదు. ఒకవేళ ఏమైనా ఎవరిపైనా అయిన వ్యాఖ్యలు చేయాల్సి వచ్చినా సుతిమెత్తగానే కుంబ్లే వారిస్తాడు.  ప్రధానంగా చెప్పాలంటే చేతనైతే సాయం లేకపోతే ఏమి మాట్లాడకుంటా కూర్చోవడమే కుంబ్లేకు తెలిసిన లక్షణం అంటే అతిశయోక్తి కాదేమో. తాజాగా కుంబ్లే ఒక మానవతావాది అంటూ పాకిస్తాన్‌ మాజీ స్పిన్నర్‌ సక్లయిన్‌ ముస్తాక్‌ చేసిన వ్యాఖ్యలే అందుకు ఉదాహరణ. తనకు కుంబ్లే పెద్దన్న లాంటివారని అభిమానాన్ని చాటుకున్నాడు సక్లయిన్‌ ముస్తాక్‌. ప్రపంచ క్రికెట్‌లో తనకంటూ ఒక గుర్తింపు తెచ్చుకుని పాకిస్తాన్‌ క్రికెట్‌లో ఎన్నో విజయాలు అందించిన ముస్తాక్‌.. ఒకానొక సందర్భంలో కుంబ్లేలో మానవీయ కోణాన్ని చూశానని వెల్లడించాడు. ఓ ఇన్‌స్టాగ్రామ్ లైవ్ సెషన్‌లో మాట్లాడిన ముస్తాక్.. కుంబ్లేతో తనకున్న జ్ఞాపకాలను పంచున్నాడు. ప్రధానంగా తాను కంటి సమస్యతో బాధపడుతున్నప్పుడు దానికి శాశ్వత పరిష్కారాన్ని కుంబ్లేను చూపెట్టాడన్నాడు. (‘ఒక్కసారిగా మరో గేల్‌ అయిపోయా’) ‘మేమప్పుడు ఇంగ్లండ్‌లో ఉన్నాం. ఆ సమయంలో కంటి సమస్యను అనిల్ భాయ్ దృష్టికి తీసుకువెళ్లాను.  దాంతో వెంటనే స్పందించిన కుంబ్లే డాక్టర్‌ భరత్‌ రుగానీ గురించి తెలియజేశారు. కుంబ్లేతో పాటు సౌరవ్‌ గంగూలీ కూడా ఆయన దగ్గర కంటికి సంబంధించి ట్రీట్‌మెంట్‌మెంట్‌ తీసుకుంటామని చెప్పాడు. హార్లే స్ట్రీట్‌(లండన్‌)లో ఉండే డాక్టర్ భరత్ దగ్గరికి వెళ్లమని చెప్పి.. కాంటాక్ట్ నంబర్ కూడా ఇచ్చారు. ఆ తర్వాత వెళ్లి కలిశాను. నా కళ్లను పరీక్షించిన ఆయన లెన్స్ ఇచ్చారు. నాకున్న సమస్య అప్పటి నుంచి తీరింది.  నా తీవ్రమైన కంటి సమస్యకు పాకిస్తాన్‌లో చాలామంది కంటి డాక్టర్ల వద్దకు వెళ్లాను. కానీ ఎవరూ నా సమస్యను తీర్చలేకపోయారు. కుంబ్లే సాయంతో భరత్‌ రుగానీ చేసిన ట్రీట్‌మెంట్‌ ఫలించింది’ అని సక్లయిన్‌ ముస్తాక్‌ చెప్పుకొచ్చాడు. తాను ఎప్పుడూ కుంబ్లేను  పెద్దన్న లానే చూస్తానని, తాము ఎప్పుడూ కలిసిన ఒకరి సంస్కృతిని గౌరవించుకుంటూ ఎన్నో విషయాలను షేర్‌ చేసుకుంటామని సక్లయిన్‌ తెలిపాడు. తామిద్దరం ఎప్పుడూ కూడా క్రికెట్‌లో ప్రత్యర్థులుగానే తలపడ్డామని,  ఒకే జట్టులో ఎప్పుడూ లేమన్నాడు. అవకాశం వస్తే ఇద్దరం కలిసి ఒకే జట్టులో ఆడాలని తాను కోరుకుంటున్నానని సక్లయిన్‌ తెలిపాడు. 

న్యూఢిల్లీ: భారత్‌ క్రికెట్‌కు వన్నె తెచ్చిన ఆటగాళ్లలో అనిల్‌ కుంబ్లే ఒకడు. ప్రధానంగా తన లెగ్‌ బ్రేక్‌తో ప్రత్యర్థులు గుండెల్లో పరుగులు పెట్టించిన కుంబ్లే.. భారత్‌ జట్టుకు ఎనలేని సేవలందించాడు. సరిగ్గా 21 ఏళ్ల క్రితం ఇదే రోజు(ఫిబ్రవరి7వ తేదీ) కుంబ్లేకు చిరస్మరణీయంగా మిగిలిపోతుంది. తన సంచలన ప్రదర్శనతో ఒక ఇన్నింగ్స్‌లో పది వికెట్లను తన ఖాతాలో వేసుకున్న రోజు. అది కూడా దాయాది పాకిస్తాన్‌పై కావడం కుంబ్లేకు వెరీ వెరీ స్పెషల్‌గా మిగిలిపోయింది. రెండు దశాబ‍్దాల ఆనాటి మ్యాచ్‌ను మరొకసారి జ్ఞప్తికి తెచ్చుకుందాం. 1999 జనవరి నెలలో భారత పర్యటనకు వచ్చిన పాకిస్తాన్ జట్టు రెండు టెస్టుల్లో ఘోరంగా ఓటమి పాలైంది.  పాకిస్తాన్‌ దారుణంగా ఓడిపోవడానికి కుంబ్లేనే కారణం. ఫిబ్రవరి 4న ఢిల్లీలోని ఫిరోజ్‌షా కోట్ల స్టేడియంలో ప్రారంభమై ఆ టెస్టులో భారత్‌ గెలిస్తేనే సిరీస్‌ను కాపాడుకుంటుంది. ఆ మ్యాచ్‌ తొలి ఇన్నింగ్స్‌లో భారత్ 252 పరుగులకు ఆలౌట్ అయ్యింది. ఆపై అనిల్ కుంబ్లే (4 వికెట్లు), హర్భజన్ (3 వికెట్లు) దెబ్బకు పాక్ తొలి ఇన్నింగ్స్‌లో 172 పరుగులకే చాపచుట్టేసింది. రెండో ఇన్నింగ్స్‌లో 339 పరుగులు చేసిన భారత్.. పాక్ ముందు 420 పరుగుల లక్ష్యాన్ని ఉంచింది.రెండో ఇన్నింగ్స్‌లో పాక్ ఓపెనర్లు శుభారంభాన్ని ఇచ్చారు. 101 పరుగుల భాగస్వామ్యాన్ని నెలకొల్పి పాక్‌ను పటిష్ట స్థితికి చేర్చారు. ఆ తరుణంలో తొలి వికెట్‌గా షాహిద్‌ ఆఫ్రిదిని ఔట్‌ చేసిన తన వేటను ఆరంభించాడు కుంబ్లే.    అతను వేసే ఫ్లిప్పర్స్‌కు పాకిస్తాన్‌ ప్రధాన ఆటగాళ్లు మహ్మద్‌ యూసఫ్‌, ఇజాజ్‌ అహ్మద్‌, ఇంజమాముల్‌ హక్‌, సలీం మాలిక్‌ల వద్ద సమాధానమే లేకుండా పోయింది. బంతిని టచ్‌ చేయకుంటే బౌల్డ్‌, ఒకవేళ టచ్‌ చేస్తే క్యాచ్‌ ఔట్‌, హిట్‌ చేద్దామంటే ఎల్బీ ఇలా సాగింది కుంబ్లే వేట. ఏకంగా ఒక ఇన్నింగ్స్‌లో పదికి పది వికెట్లను నేలకూల్చి 207 పరుగులకే పాక్‌ను కుప్పకూల్చాడు. భారత్‌కు 212 పరుగుల భారీ విజయాన్ని అందించాడు. దాంతో ఒ‍క ఇన్నింగ్స్‌లో పదికి పది వికెట్లు సాధించి ఆ ఘనత నమోదు చేసిన రెండో బౌలర్‌గా చరిత్రకెక్కాడు. కుంబ్లే  కంటే ముందు ఒక ఇన్నింగ్స్‌లో పదికి పదికి వికెట్లు సాధించిన వారిలో జిమ్‌ లేకర్‌(ఇంగ్లండ్‌) తొలి స్థానంలో ఉన్నాడు. 1956లో జిమ్‌ లేకర్‌ ఈ మార్కును చేరగా, 43 ఏళ్ల తర్వాత దాన్ని అందుకున్న తొలి బౌలర్‌ కుంబ్లేనే కావడం విశేషం.

న్యూఢిల్లీ: బీసీసీఐ అధ్యక్షుడిగా ఎన్నికై ముడు నెలలు పూర్తి చేసుకున్న సందర్భంగా గంగూలీ అండ్‌ టీం మీడియాతో సరదాగా ముచ్చటించారు.  బీసీసీఐలో టీమిండియా దిగ్గజ క్రికెటర్లు సచిన్‌ టెండూల్కర్‌, రాహుల్‌ ద్రవిడ్‌, అనిల్‌ కుంబ్లేల పాత్ర గురించి అడగగా బీసీసీఐ అధ్యక్షుడు సౌరవ్‌ గంగూలీ ఆసక్తికర సమాధానమిచ్చాడు. ఈ సందర్భంగా సచిన్‌ టెండూల్కర్‌, అనిల్‌ కుంబ్లే, రాహుల్‌ ద్రవిడ్‌ గురించి ఓ రిపోర్టర్‌ సౌరవ్‌ను ప్రశ్నించగా కేవలం ఆ ముగ్గురితోనే కాకుండా కాకుండా జైషా(బీసీసీఐ సెక్రటరీ), అరుణ్‌ దుమాల్‌(బీసీసీఐ కోశాధికారి), జయేష్‌ గెరోజ్‌(బీసీసీఐ జాయింట్‌ సెక్రెటరీ)లతో సమన్వయ పరుచుకుంటూ క్రికెట్‌ అభివృద్ధికి కృషి చేస్తున్నామని పేర్కొన్నారు. గత మూడేళ్లుగా బీసీసీఐ క్లిష్ట పరిస్థితులను ఎదుర్కొందని, వాటిని పరిష్కరించి బీసీసీఐని మేటి బోర్డుగా నిలబెట్టడమే తమ లక్ష్యమన్నారు. గత మూడు ​నెలలుగా క్రికెట్‌ అభివృద్ధి కోసం కొన్ని మార్పులు చేశామని అన్నారు. బీసీసీఐ అధ్యక్షుడిగా తన పనితీరు గురించి గంగూలీని ప్రశ్నించగా.. తనకు ఎన్ని మార్కులు పడతాయో చెప్పడం కష్టమని, తన దృష్టంతా క్రికెట్‌ను అభివృద్ది పరచడంపైనే ఉంటుందన్నారు. టీమిండియా గురించి స్పందిస్తూ.. విరాట్‌ కోహ్లి నాయకత్వంలో అనేక విజయాలు అందుకుందని అన్నారు. అక్టోబర్‌లో అధ్యక్షుడిగా ఎన్నికైన గంగూలీ, నవంబర్‌లో జరిగిన టీమిండియా మొట్టమొదటి డే-నైట్ టెస్ట్ నిర్వహించడంలో కీలక పాత్ర పోషించిన విషయం తెలిసిందే.

న్యూఢిల్లీ: తనను ప్రేరణగా తీసుకోవాలని విద్యార్థులకు సూచించినందుకు గాను ప్రధానమంత్రి నరేంద్ర మోదీకి టీమిండియా మాజీ కెప్టెన్‌ అనిల్‌ కుంబ్లే కృతజ్ఞతలు తెలిపారు. పరిక్షా పే చర్చా కార్యక్రమంలో తన గురించి ప్రస్తావించిన మోదీకి కుంబ్లే ధ్యనవాదాలు తెలియజేశారు. అలాగే పరీక్షలకు హాజరవుతున్న విద్యార్థులకు మోదీ శుభాకాంక్షలు తెలిపారు. వివరాల్లోకి వెళితే..గత రెండు సంవత్సరాలుగా పరీక్షలను సమర్థవంతంగా ఎదుర్కోవడానికి, ఒత్తిడికి గురికాకుండా మోదీ పరీక్షా పే చర్చా కార్యక్రమాన్ని నిర్వహిస్తున్న విషయం తెలిసిందే. 2020 సంవత్సరం పరీక్షా పే చర్చా కార్యక్రమాన్ని న్యూఢిల్లీలోని తాల్‌కోట్రా స్టేడియంలో నిర్వహించారు.  దేశంలో క్రికెట్‌కు ఉన్న క్రేజ్‌ను దృష్టిలో ఉంచుకొని..టీమిండియా క్రికెటర్లు సాధించిన గొప్ప ప్రదర్శనలను తెలియజేసి విద్యార్థులకు మోదీ ప్రేరణ కలిగించారు. మెదీ మాట్లాడుతూ..2001 సంవత్సరంలో కోల్‌కతా వేదికగా ఈడెన్‌ గార్డెన్‌లో జరిగిన టెస్ట్‌ మ్యాచ్‌ను గుర్తు చేశారు. ఫాలో ఆన్‌ను ఎదుర్కొంటు, ఓటమి దాదాపు ఖాయమనుకున్న స్థితిని నుంచి టీమిండియా బ్యాట్స్‌మెన్లు వీవీఎస్‌ లక్ష్మణ్‌, రాహుల్‌ ద్రవిడ్‌ అద్వితీయ ఆటతీరును కనబరిచి చరిత్రాత్మక విజయాన్ని అందించారని అన్నారు. తీవ్ర ఒత్తిడిలోను రాహుల్‌, లక్ష్మణ్‌ ప్రదర్శించిన తీరును విద్యార్థులు ప్రేరణగా తీసుకొని.. ఒత్తిడికి గురికాకుండా పరీక్షలను విజయవంతంగా రాయాలని మోదీ ఆకాంక్షించారు. పరీక్షలలో అద్భుతమైన ప్రదర్శనను కనబర్చచడానికి విద్యార్థలకు ఈ రెండు సంఘటనలు ప్రేరణ కలిగిస్తాయని మోదీ అభిప్రాయపడ్డారు. చదవండి: 'ధోని ఉంటాడో లేదో ఐపీఎల్‌తో తేలిపోనుంది' Honoured to have been mentioned in #ParikshaPeCharcha2020 Thankyou Hon. PM ⁦@narendramodi⁩ ji. Best wishes to everyone writing their exams. pic.twitter.com/BwsMXDgemD — Anil Kumble (@anilkumble1074) January 22, 2020

న్యూఢిల్లీ : మహేంద్రసింగ్‌ ధోని జాతీయ జట్టుతో కొనసాగుతాడా లేదా అనేది 2020లో జరిగే ఐపీఎల్‌తో తేలనుందని టీమిండియా మాజీ కెప్టెన్‌, లెగ్‌ స్పిన్నర్‌ అనిల్‌ కుంబ్లే పేర్కొన్నాడు. దీంతో పాటు వచ్చే ఏడాది జరగనున్న టీ20 ప్రపంచకప్‌లో ధోని సేవలు అవసరం అనిపిస్తే టీమిండియా జట్టులో తప్పక ఉంటాడని, అయితే ముందు జరగనున్న ఐపీఎల్‌లో అతని ప్రదర్శన ఎలా ఉంటుదనే దానిపైనే ఆధారపడి ఉంటుందని కుంబ్లే అభిప్రాయపడ్డాడు.అయితే దీనికి కొంత సమయం ఉండడంతో అంతవరకు మనం వేచి చూడాల్సిందేనని తెలిపాడు. కాగా వచ్చే ఏడాది జరగనున్న టీ20 ప్రపంచకప్‌లో ఆల్‌రౌండర్ల కంటే వికెట్లు తీయగలిగే బౌలర్లపైనే దృష్టి పెట్టాలని దిగ్గజ బౌలర్‌ సలహా ఇచ్చాడు. ' వచ్చే టీ20 ప్రపంచకప్‌ ఆస్ట్రేలియాలో జరగనుంది. నా దృష్టిలో కుల్‌దీప్‌ యాదవ్‌, యజువేంద్ర చాహల్‌ జట్టులో ఉండాలని కోరుకుంటున్నా. ఎందుకంటే అప్పటికి ఆప్ట్రేలియాలో ఉండే మంచు ప్రభావ పరిస్థితుల వల్ల ఈ మణికట్టు బౌలర్లు వికెట్లతో అదరగొడతారని ఆశిస్తున్నా. దీంతో పాటు ఆల్‌రౌండర్ల కంటే వికెట్లను ఎక్కువగా తీసే ఫాస్ట్‌ బౌలర్లను జట్టులోకి తీసుకుంటే బాగుంటుంది. ఆస్ట్రేలియాలోని పిచ్‌ పరిస్థితిని బట్టి జట్టును ఎంపిక చేసుకోవాలని' కుంబ్లే తెలిపాడు. కాగా వచ్చే ఏడాది టీ20 ప్రపంచకప్‌ అక్టోబర్‌ 18 నుంచి నవంబర్‌ 15 వరకు ఆస్ట్రేలియాలో​ జరగనుంది. (చదవండి : ధోనిని కాదని.. రోహిత్‌కే ఓటు)

ముంబై: ప్రస్తుత భారత క్రికెట్‌లో శ్రేయస్‌ అయ్యర్‌ ఎంతో నాణ్యమైన ఆటగాడని మాజీ కెప్టెన్‌ అనిల్‌ కుంబ్లే పేర్కొన్నాడు. కానీ అతని సేవల్ని పూర్తిగా వినియోగించుకోవడంలో టీమిండియా మేనేజ్‌మెంట్‌ విఫలం అవుతుందని కుంబ్లే కీలక వ్యాఖ్యలు చేశాడు. అయ్యర్‌ బ్యాటింగ్‌ ఆర్డర్‌ను పదే పదే మార్చడాన్ని కుంబ్లే ప్రధానంగా తప్పుబట్టాడు. వెస్టిండీస్‌తో జరిగిన మూడు టీ20ల సిరీస్‌లో అయ్యర్‌ను ఐదు,ఆరు స్థానాల్లో పంపడాన్ని ప్రస్తావించాడు. ఆ స్థానాల్లో అయ్యర్‌ను పంపడం సరైనది కాదని స్పష్టం చేశాడు. ఒక క్వాలిటీ ఆటగాడైన అయ్యర్‌కు కీలకమైన నాల్గో స్థానమే కరెక్ట్‌ అని కుంబ్లే అభిప్రాయపడ్డాడు. రాబోవు వన్డే సిరీస్‌లో అయ్యర్‌ను నాల్గో స్థానంలో పంపాలని కుంబ్లే సూచించాడు. ‘ శిఖర్‌ ధావన్‌ జట్టులో లేని కారణంగా కేఎల్‌ రాహుల్‌కు మళ్లీ ఓపెనింగ్‌ చాన్స్‌ చేసే అవకాశం వచ్చింది. దాంతో అయ్యర్‌ను నాల్గో స్థానంలో బ్యాటింగ్‌కు పంపడానికి ఆస్కారం ఉంటుంది. మనం అయ్యర్‌ ఆటను చూస్తునే ఉన్నాం. అత్యంత నిలకడగా నాణ్యమైన క్రికెట్‌ ఆడుతున్నాడు. అతన్ని మళ్లీ నాల్గో స్థానంలో చూడాలనుకుంటున్నా’ అని కుంబ్లే పేర్కొన్నాడు. కాగా, విండీస్‌ వన్డే సిరీస్‌ కఠినంగానే ఉంటుందనే అభిప్రాయం వ్యక్తం చేశాడు కుంబ్లే. విండీస్‌ జట్టులో పవర్‌ఫుల్‌ హిట్టర్లు ఉన్నారని, దాంతో మన వన్డే బౌలింగ్‌లో మరింత పదును పెరగాలన్నాడు. వెస్టిండీస్‌తో మూడు టీ20ల సిరీస్‌లో భాగంగా తొలి టీ20లో ఐదో స్థానంలో బ్యాటింగ్‌కు వచ్చిన అయ్యర్‌ నాలుగు పరుగులే చేశాడు. ఇక రెండో టీ20లో ఆరో స్థానంలో బ్యాటింగ్‌కు దిగి 10 పరుగులు మాత్రమే చేసి ఔటయ్యాడు. చివరి టీ20లో అయ్యర్‌ ఇంకా రెండు బంతులు మాత్రమే ఉండగా ఐదో స్థానంలో బ్యాటింగ్‌కు రావాల్సి వచ్చింది. దాంతో స్టైకింగ్‌ చేసే అవకాశం రాలేదు.

ఇండోర్‌: టీమిండియా ఆఫ్‌ స్పిన్నర్‌ రవిచంద్రన్‌ అశ్విన్‌ సరికొత్త రికార్డు సాధించాడు.  భారత్‌ తరఫున అతి తక్కువ టెస్టుల్లో స్వదేశంలో 250 వికెట్లు సాధించిన రికార్డును అశ్విన​ ఖాతాలో వేసుకున్నాడు. బంగ్లాదేశ్‌తో జరుగుతున్న తొలి టెస్టులో భాగంగా ఆ జట్టు కెప్టెన్‌ మోమినుల్‌ హక్‌ వికెట్‌ను తీయడం ద్వారా స్వదేశంలో 250 వికెట్ల మార్కును అందుకున్నాడు. అయితే అశ్విన్‌కు ఇది స్వదేశంలో 42వ టెస్టు. దాంతో తక్కువ టెస్టుల్లో భారత్‌ తరఫున ఈ ఫీట్‌ సాధించిన బౌలర్‌గా గుర్తింపు పొందాడు. ఈ క్రమంలోనే దిగ్గజ స్పిన్నర్‌ అనిల్‌ కుంబ్లే రికార్డును అశ్విన్‌ బ్రేక్‌ చేశాడు. కుంబ్లే తన 43వ స్వదేశీ టెస్టులో 250 స్వదేశీ వికెట్‌ను సాధించాడు. ఈ జాబితాలో హర్భజన్‌ సింగ్‌ మూడో స్థానంలో ఉన్నాడు. హర్భజన్‌ 51వ స్వదేశీ టెస్టులో ఈ ఫీట్‌ నెలకొల్పాడు. ఓవరాల్‌ జాబితా పరంగా చూస్తే స్వదేశంలో 250 అంతకంటే ఎక్కువ వికెట్లు సాధించిన జాబితాలో శ్రీలంక దిగ్గజం మురళీ ధరన్‌తో కలిసి అశ్విన​ సంయుక్తంగా అగ్రస్థానంలో ఉన్నాడు. ముత్తయ మురళీ ధరన్‌ కూడా 42వ స్వదేశీ టెస్టులోనే ఈ ఘనతను సాధించాడు. కాగా, టెస్టుల్లో అనిల్‌  కుంబ్లే, హర్భజన్‌ల తర్వాత ఈ ఫీట్‌  సాధించిన తొలి భారత బౌలర్‌ కూడా అశ్వినే కావడం విశేషం. ఇప్పటివరకూ అశ్విన్‌ ఖాతాలో 359 టెస్టు వికెట్లు ఉన్నాయి. భారత్‌తో జరుగుతున్న తొలి టెస్టులో బంగ్లాదేశ్‌ 115 పరుగుల వద్ద ఐదో వికెట్‌ను నష్టపోయింది. ఓపెనర్లు షాద్‌మన్‌ ఇస్లామ్‌(6), ఇమ్రుల్‌(6)లను ఇషాంత్‌, ఉమేశ్‌లు వరుసగా పెవిలియన్‌కు పంపితే, మూడో వికెట్‌గా మహ్మద్‌ మిథున్‌(13) పెవిలియన్‌ చేరాడు. మిథున్‌ను షమీ ఔట్‌ చేశాడు. ఆపై భారత్‌కు లభించిన రెండు వికెట్లు అశ్విన్‌ ఖాతాలోనే పడ్డాయి. మోమిన్‌ల్‌తో పాటు మహ్మదుల్లా(10)ను అశ్విన్‌ ఔట్‌ చేశాడు. 31 పరుగులకే మూడు వికెట్లు కోల్పోయి కష్టాల్లో పడ బంగ్లాను మోమినుల్‌- ముష్ఫికర్‌ రహీమ్‌లను చక్కదిద్దారు. వీరిద్దరూ నాల్గో వికెట్‌కు 68 పరుగులు జోడించారు.

న్యూఢిల్లీ: టెస్టు మ్యాచ్‌ల కోసం భారత్‌లో ఐదు శాశ్వత వేదికలను ఎంపిక చేస్తే సరిపోతుందన్న టీమిండియా కెప్టెన్‌ విరాట్‌ కోహ్లి వ్యాఖ్యలతో మాజీ కోచ్‌ అనిల్‌ కుంబ్లే ఏకీభవించాడు.  టెస్టు క్రికెట్‌ మరింత అభివృద్ధి చెందాలంటే వేదికల్ని సాధ్యమైనంతంగా తగ్గించడమే ఉత్తమం అని కుంబ్లే అభిప్రాయడ్డాడు. ఇదొక మంచి ప్రణాళిక అని కుంబ్లే పేర్కొన్నాడు.  వేదికలను తగ్గించడమే కాకుండా మ్యాచ్‌ నిర్వహణ సమయం కూడా ముఖ్యమే. పొంగల్‌ సమయంలో చెన్నైలో మ్యాచ్‌లు నిర్వహిస్తాం. సీజన్‌ మొదలైనప్పుడు ఢిల్లీ, ముంబై, కోల్‌కతా, బెంగళూరు నగరాల్లో టెస్టులు నిర్వహిస్తే మేలు. ఆయా సీజన్‌ను బట్టి ఎక్కడెక్కడ మ్యాచ్‌లు నిర్వహిస్తే బాగుంటుందో ఆలోచిస్తే.. మంచి మార్కెట్‌ కూడా అవుతుంది. ప్రేక్షకులు కూడా మ్యాచ్‌లు చూసేందుకు వస్తారు. నేను కోచ్‌గా ఉన్నప్పుడు ఆరు వేర్వేరు వేదికల్లో మ్యాచ్‌లు జరిగాయి. అన్నీ కొత్తవే. ఇండోర్‌లో మాత్రమే అభిమానులు ఎక్కువగా వచ్చారు. నగరం నడిబొడ్డున మైదానం ఉంది. అందుకే సమయంతో సంబంధం లేకుండా మ్యాచ్‌లు చూడటానికి అభిమానులు వచ్చారు’ అని కుంబ్లే తెలిపాడు. దాంతోపాటు మ్యాచ్‌లు చూసేందుకు  వచ్చే అభిమానులకు మెరుగైన సౌకర్యాలు కల్పించాలన్నాడు. సీట్లు సౌకర్యం బాగుండటంతో పాటు ప్రయాణ సాధనలు కూడా బాగుండాలన్నాడు. టికెట్లు ఇచ్చేందుకు టెక్నాలజీని మరింత ఉపయోగించడంతో పాటు నీరు, మరుగదొడ్డ వసతులు కూడా మెరుగ్గా ఉండాలని కుంబ్లే పేర్కొన్నాడు. దక్షిణాఫ్రికాతో జరిగిన మూడో టెస్టును వీక్షించేందుకు అభిమానులు లేక రాంచీ స్టేడియం బోసిపోయింది. 39 వేల సామర్థ్యం కలిగిన ఈ స్టేడియంలో తొలి రోజు ఆట కోసం అమ్మింది కేవలం 1500 టిక్కెట్లు మాత్రమే. అందుకే మరోసారి ఇక్కడ టెస్టు మ్యాచ్‌ నిర్వహణపై జార్ఖండ్‌ క్రికెట్‌ సంఘం పునరాలోచనలో పడింది. ఇప్పుడు ఇదే విషయమై కెప్టెన్‌ విరాట్‌ కోహ్లీ కూడా స్పందించాడు. మీడియా సమావేశంలో ఎదురైన ప్రశ్నకు కోహ్లి సమాధానమిస్తూ.. అన్నింటిని టెస్టు వేదికలుగా పరిగణించాల్సిన పనిలేదన్నాడు. టెస్టు మ్యాచ్‌లు జరగానికి ఐదు శాశ్వత వేదికలు ఉంటే చాలన్నాడు. ఇక్కడ ఇంగ్లండ్‌, ఆస్ట్రేలియాల్లో ఇలాగే జరుగుతుందని గుర్తు చేశాడు.

న్యూఢిల్లీ: దాదాపు రెండేళ్ల క్రితం టీమిండియా ప్రధాన కోచ్‌ పదవి నుంచి అనిల్‌ కుంబ్లే తప్పుకోవడానికి కారణాలను బీసీసీఐ కమిటీ పరిపాలక కమిటీ(సీఓఏ) మాజీ చీఫ్‌ వినోద్‌ రాయ్‌ వెల్లడించారు. ఆరోజు టీమిండియా కెప్టెన్‌ విరాట్‌ కోహ్లితో విభేదాలు కారణంగానే కుంబ్లే తన పదవిని అర్థాంతరంగా వదులుకోవాల్సి వచ్చిందన్నారు. బీసీసీఐ కొత్త అధ్యక్షుడిగా సౌరవ్‌ గంగూలీ పగ్గాలు చేపట్టడంతో సీఓఏ పదవీ కాలం ముగిసింది.  ఈ మేరకు సీఓఏకు 33 నెలలుగా చీఫ్‌గా ఉన్న వినోద్‌ రాయ్‌ తన అనుభవాలను పంచుకున్నాడు. దీనిలో భాగంగా కోహ్లి-కుంబ్లేల వివాదాన్ని మరోసారి మీడియా ముఖంగా చెప్పుకొచ్చాడు. ‘  కుంబ్లే ఒక అద్భుతమైన కోచ్‌. అందులో ఎటువంటి సందేహం లేదు. ఒకవేళ నా పరిధిలో కుంబ్లే పదవి కాలాన్ని పొడిగించే అవకాశం ఉంటే దాన్ని కచ్చితంగా అమలు చేసేవాడ్ని. కుంబ్లే చాలా మర్యాదగల వ్యక్తి. కానీ కోహ్లితో విభేదాలు తర్వాత కుంబ్లేను కొనసాగించే అవకాశం నా చేతుల్లో లేదు. అది క్రికెట్‌ సలహా కమిటీ(సీఏసీ) నిర్ణయం. కుంబ్లేతో డ్రెస్సింగ్‌ రూమ్‌లో కోహ్లికి అభిప్రాయ బేధాలు తలెత్తడంతో ఉన్నపళంగా కోచ్‌ను మార్చాల్సి వచ్చింది. సీఏసీలో సభ్యులైన సచిన్‌ టెండూల్కర్‌, సౌరవ్‌ గంగూలీలతో కోహ్లి సుదీర్ఘ చర్చల తర్వాత కోచ్‌ను మార్చాలని పట్టుబట్టడంతో కుంబ్లేకు ఉద్వాసన తప్పలేదు. ఇక్కడ విషయం చెప్పాలి. కోహ్లి వైఖరితో కుంబ్లేనే స్వచ్ఛందంగా తన పదవి నుంచి తప్పుకున్నాడు. వివాదాన్ని మరింత పెద్దది చేయకుండా కుంబ్లే చాలా గౌరవంగా తన పదవికి గుడ్‌ బై చెప్పాడు. ఆ సమయంలో కోహ్లి ముంబైలో ఉండగా, నేను హైదరాబాద్‌లో ఉన్నా. ఫోన్‌ ద్వారా కోహ్లి అంతరంగాన్ని తెలుసుకున్నా. ఇదే విషయాన్ని సచిన్‌కు చెప్పా. కుంబ్లేను కొనసాగించడానికి కోహ్లి ఆసక్తిగా లేడనే విషయాన్ని చెప్పా. అప్పుడు సచిన్‌, సౌరవ్‌లు కోహ్లితో మాట్లాడారు. ఆ క్రమంలోనే కుంబ్లే పదవి నుంచి తప్పుకున్నాడు. అటువంటి పరిస్థితుల్లో కుంబ్లేను కోచ్‌గా కొనసాగించే అవకాశం నా చేతుల్లో లేదు. ఒకవేళ ఉండి ఉంటే కచ్చితంగా కుంబ్లేను కోచ్‌గా కొనసాగించేవాడిని. అదే వివాదం ఈరోజు తలెత్తి ఉంటే పరిస్థితి మరొక రకంగా ఉండేది. కుంబ్లేను బలవంతంగానైనా ఆ పదవిలో గంగూలీ కొనసాగించే వాడు. ఈ తరహా వివాదమే టీమిండియా మహిళా క్రికెటర్‌ మిథాలీ రాజ్‌కు కోచ్‌గా పనిచేసిన రమేశ్‌ పవార్‌కు మధ్య జరిగింది. ఇవన్నీ ప్రజల్లో అపవాదను తెచ్చిపెట్టడమే కాకుండా మరింత వివాదాన్ని రాజేశాయి. బీసీసీఐ అధ్యక్షుడిగా గంగూలీ రావడంతో ఆనాటి పరిస్థితులు ఇక ఉండవనే అనుకుంటున్నా. గంగూలీ ఏ విషయాన్నైనా డీల్‌ చేయగల సమర్థుడు’ అని వినోద్‌ రాయ్‌ పేర్కొన్నారు.

న్యూఢిల్లీ: టీమిండియా మాజీ కోచ్‌, మాజీ కెప్టెన్‌ అనిల్‌ కుంబ్లే 49వ పుట్టినరోజు సందర్భంగా అతనితో కలిసి ఆడిన సహచర ఆటగాడు వీరేంద్ర సెహ్వాగ్‌ సరికొత్తగా శుభాకాంక్షలు తెలియజేశాడు. భారత్‌ తరఫున అత్యధిక టెస్టు వికెట్లు సాధించిన ఘనతతో పాటు ఒకే ఒక్క సెంచరీని కూడా కుంబ్లే సాధించాడు. టెస్టుల్లో 619 వికెట్లతో భారత్‌ తరఫున టాప్‌లో కొనసాగుతుండగా, 2007లో ఇంగ్లండ్‌తో ఓవల్‌లో జరిగిన టెస్టు మ్యాచ్‌లో కుంబ్లే శతకంతో మెరిశాడు. దీన్ని సెహ్వాగ్‌ గుర్తు చేస్తూ తనదైన శైలిలో కుంబ్లేకు విషెస్‌ తెలియజేశాడు. ‘ భారత దిగ్గజ క్రికెటర్లలో నువ్వు కూడా ఒకడివి. భారత్‌కు అనేక చిరస్మరణీయమైన విజయాలు అందించి మా అందరికీ ఒక అద్భుతమైన రోల్‌ మోడల్‌గా నిలిచావు. కానీ నీ కెరీర్‌లో రెండో సెంచరీ చేసే అవకాశాన్ని దూరం చేసినందుకు సారీ. నిజ జీవితంలో నువ్వు సెంచరీ కొట్టాలని ప్రార్థిస్తున్నా. హాఫ్‌ సెంచరీని సెంచరీగా మలచుకో. కమాన్‌.. కమాన్‌ అనిల్‌ భాయ్‌.. హ్యాపీ బర్త్‌ డే’ అంటూ సెహ్వాగ్‌ తన ట్వీట్‌ ద్వారా అభినందనలు తెలిపాడు. ఇక్కడ కుంబ్లే ఆటగాళ్లతో కలిసి బర్త్‌ డే చేసుకున్న ఫొటోను పోస్ట్‌ చేశాడు. ఇక వెటరన్‌ ఆఫ్‌ స్పిన్నర్‌ భజ్జీ కూడా కుంబ్లేకు శుభాకాంక్షలు తెలియజేశాడు. ‘నువ్వు భారత్‌కు అతి పెద్ద మ్యాచ్‌ విన్నర్‌. నువ్వు ఒక గ్రేటెస్ట్‌ స్పిన్నర్‌. నా బౌలింగ్‌ పార్టనర్‌, నా గురువు కుంబ్లేకు ఇవే నా  విషెస్‌’ అని భజ్జీ పేర్కొన్నాడు. దానికి రిప్లే ఇచ్చిన కుంబ్లే.. ‘థాంక్యూ భజ్జీ..  ఇప్పుడు నీ నుంచి కొన్ని పంజాబీ పాఠాలు నేర్చుకోవాలి’ అని బదులిచ్చాడు. ఇటీవల కింగ్స్‌ పంజాబ్‌ హెడ్‌ కోచ్‌గా కుంబ్లే నియమించబడిన సంగతి తెలిసిందే. దాంతోనే భజ్జీ నుంచి పంజాబీ పాఠాలు నేర్చుకోవాల్సిన అవసరం ఉందని కుంబ్లే చమత్కరించాడు. One of India’s greatest ever Match winners and a terrific role model. Sorry for depriving you of your second century @anilkumble1074 bhai. But I pray that you score a century in real life. Only 51 more to go.. come on ..come on Anil Bhai ! Happy Birthday pic.twitter.com/P7UnvoLBlU — Virender Sehwag (@virendersehwag) October 17, 2019

న్యూఢిల్లీ: వచ్చే ఐపీఎల్‌ సీజన్‌లో పాల్గొనే కింగ్స్‌ ఎలెవన్‌ పంజాబ్‌ జట్టుకు హెడ్‌ కోచ్‌గా భారత జట్టు మాజీ కెప్టెన్, కోచ్‌ అనిల్‌ కుంబ్లే వ్యవహరించనున్నాడు. శుక్రవారం ఈ విషయాన్ని ఫ్రాంచైజీ అధికారికంగా ప్రకటించింది. అసిస్టెంట్‌ కోచ్‌గా భారత మాజీ స్పిన్నర్‌ సునీల్‌ జోషిని నియమించారు. విండీస్‌ దిగ్గజ మాజీ బౌలర్‌ కొట్నీ వాల్‌‡్షకు ప్రతిభాన్వేషణ బాధ్యతలు అప్పగించారు. ఈ ముగ్గురే కాకుండా ఫీల్డింగ్‌ కోచ్‌గా దక్షిణాఫ్రికా మేటి జాంటీ రోడ్స్, బ్యాటింగ్‌ కోచ్‌గా జార్జి బెయిలీ (ఆ్రస్టేలియా)లను ఎంపిక చేయడం దాదాపు ఖాయమైంది. 2016, 2017లలో భారత జట్టు కోచ్‌గా వ్యవహరించిన 48 ఏళ్ల కుంబ్లే వచ్చే ఐపీఎల్‌లో ఏకైక స్వదేశీ హెడ్‌ కోచ్‌గా ఉండబోతున్నాడు. మిగతా ఫ్రాంచైజీ జట్లకు విదేశీ క్రికెటర్లే కోచ్‌లుగా ఉన్నారు. 

టీమిండియా దిగ్గజ స్పిన్నర్‌ అనిల్‌ కుంబ్లే మళ్లీ కోచ్‌ అవతారం ఎత్తనున్నాడు. అనిల్‌ కుంబ్లేను ప్రధాన కోచ్‌గా నియమించినట్లు కింగ్స్‌ ఎలెవన్‌ పంజాబ్‌ అధికారిక ప్రకటన విడుదల చేసింది. వచ్చే ఐపీఎల్‌ సీజన్‌కు కింగ్స్‌ పంజాబ్‌కు ప్రధాన కోచ్‌గా కుంబ్లే వ్యవహరించనున్నాడు. ఇక ఇప్పటివరకు కోచ్‌గా ఉన్న మైక్‌ హెసన్‌ కాంట్రాక్ట్‌ ముగిసింది. అయితే అతని కోచింగ్‌లో జట్టు విజయాల్లో, ఆటగాళ్ల ప్రదర్శనలో ఎలాంటి మార్పులు రాకపోవడంతో అతడికి ఉద్వాసన పలికింది.  అయితే ఇప్పటివరకు కేవలం ప్రధాన కోచ్‌ను మాత్రమే ఎంపిక చేశామని ఇతర సహాయక సిబ్బంది గురించి ఆలోచించలేదని తెలిపింది. త్వరలో కుంబ్లేతో సమావేశమయ్యాక అతడి సూచనలతో ఇతర సహాయక సిబ్బందిపై నిర్ణయం తీసుకుంటామని పేర్కొంది. అయితే ప్రస్తుత సారథి రవిచంద్రన్‌ అశ్విన్‌ను కూడా సాగనంపాలనే ఉద్దేశంలో కింగ్స్‌ పంజాబ్‌ ఉన్నట్లు తెలుస్తోంది. అయితే కుంబ్లే నిర్ణయంపైనే అశ్విన్‌ భవిత్యం ఉండబోతోంది.  గత కొన్ని రోజులుగా కుంబ్లే ఐపీఎల్‌లో కింగ్స్‌ పంజాబ్‌కు హెడ్‌ కోచ్‌గా వ్యవహరించే అవకాశం ఉందని అనేక వార్తలు వచ్చిన విషయం తెలిసిందే. అంతేకాకుండా ప్రస్తుత సారథి రవిచంద్రన్‌ అశ్విన్‌ కూడా ఢిల్లీ క్యాపిటల్స్‌కు మారే అవకాశం ఉన్నట్లు కూడా తెలుస్తోంది. ఇక 2016-2017లో టీమిండియా కోచ్‌గా అనిల్‌ కుంబ్లే వ్యవహరించిన విషయం తెలిసిందే. అయితే కోచ్‌గా విజయవంతమైనా.. సారథితో పాటు ఆటగాళ్లతో పొసగకపోవడంతో కోచ్‌ పదవికి కుంబ్లే రాజీనామా చేశాడు. ఇప్పటివరకు ముంబై ఇండియన్స్‌, రాయల్‌ చాలెంజర్స్‌ బెంగళూరు జట్లకు మెంటార్‌గా కుంబ్లే వ్యవహరించాడు. ఇప్పుడు ఐపీఎల్‌లో తొలి సారిగా కోచ్‌ అవతారం ఎత్తుతున్న కుంబ్లే కింగ్స్‌ పంజాబ్‌ రాత మారుస్తాడో లేదో చూడాలి. 

ముంబై : టీమిండియా టెస్టు స్పిన్నర్‌ రవిచంద్రన్‌ అశ్విన్‌పై కొందరు అవగాహనలేమితో విమర్శిస్తున్నారని వెటరన్‌ స్పిన్నర్‌ హర్భజన్‌ సింగ్‌ మండిపడ్డాడు. తాజాగా టెస్టుల్లో వేగంగా 350 వికెట్ల సాధించిన స్పిన్నర్‌గా ముత్తయ్య మురళీథరన్‌ సరసన అశ్విన్‌ చేరిన విషయం తెలిసిందే. అంతేకాకుండా అతి తక్కువ టెస్టుల్లో ఈ ఘనత సాధించిన తొలి భారత్‌ బౌలర్‌గా మరో రికార్డును నెలకొల్పాడు. అయితే ఉపఖండపు పిచ్‌లపై మినహా విదేశాల్లో రాణించలేడని కొందరు పనికట్టుకొని విమర్శిస్తున్నారు. ఇంటా బయటా వికెట్లు సాధిస్తేనే రికార్డులకు, ఆటగాడికి గౌరవం అంటూ విమర్శకులు తమ నోటికి పనిచెప్పారు. అయితే ఈ విమర్శలపై హర్భజన్‌ సింగ్‌ ఆగ్రహం వ్యక్తం చేస్తూ.. అశ్విన్‌కు మద్దతుగా నిలిచాడు. త్వరలోనే తన రికార్డు(417)ను అశ్విన్‌ బద్దలు కొడతాడని భజ్జీ జోస్యం చెప్పాడు.  ‘క్రికెట్‌పై సరైన అవగాహన లేని వారు అశ్విన్‌ను టార్గెట్‌ చేసి విమర్శిస్తున్నారు. కేవలం స్వదేశంలోనే రాణించగలడని అంటున్నారు. అయితే అవే పిచ్‌లపై ఇతర స్పిన్నర్లు ఎందుకు రాణించడం లేదు?. ప్రస్తుతం అశ్విన్‌తో పాటు మెరుగైన గణాంకాలు నమోదు చేసిన స్పిన్నర్‌ ఉన్నాడా?. అవన్నీ అవివేకంతో కూడుకున్న విమర్శలు. అశ్విన్‌ బౌలింగ్‌లో వైవిధ్యం ఉంటుంది. పరిస్థితి తగ్గట్టుగా బౌలింగ్‌ చేయగలడు. ఇక స్పిన్‌ ట్రాక్‌లపై అతడి బౌలింగ్‌ వేరియేషన్స్‌ అద్బుతంగా ఉంటాయి. కేవలం 66 టెస్టుల్లోనే 350 వికెట్లు​ పడగొట్టడం మామూలు విషయం కాదు. త్వరలోనే నా రికార్డును(417 వికెట్లు) అశ్విన్‌ అధిగమిస్తాడు. అంతేకాకుండా 600 వికెట్ల మైలురాయిని కూడా చేరుకుంటాడని భావిస్తున్నా’అంటూ భజ్జీ పేర్కొన్నాడు.  ఇక టీమిండియా తరుపున వేగంగా 350 వికెట్లు పడగొట్టిన స్పిన్నర్‌గా అనిల్‌ కుంబ్లే(77 టెస్టులు) రికార్డును తాజాగా అశ్విన్‌ బ్రేక్‌ చేసిన విషయం తెలిసిందే. ఇక 350 వికెట్ల సాధించిన నాలుగో బౌలర్‌గా.. మూడో స్పిన్నర్‌గా అశ్విన్‌ నిలిచాడు. ఇప్పటివరకు 66 టెస్టులాడిన ఈ ఆఫ్‌ స్పిన్నర్‌ 285 వికెట్లు(46 టెస్టులు) ఉపఖండపు పిచ్‌లపైనే సాధించాడు. విదేశీ పిచ్‌లపై 20 టెస్టుల్లో 65 వికెట్లు మాత్రమే పడగొట్టాడు. దీంతో స్వదేశీ పిచ్‌లపై మాత్రమే రాణించగలడని అశ్విన్‌ను విమర్శిస్తున్నారు. ఇక విశాఖ వేదికగా దక్షిణాఫ్రికాతో జరిగిన తొలి టెస్టులో​ అశ్విన్‌ అదరగొట్టిన విషయం తెలిసిందే. 

ముంబై: వచ్చే ఏడాది జరుగనున్న వరల్డ్‌టీ20లో టీమిండియా మాజీ కెప్టెన్‌ ఎంఎస్‌ ధోనిని ఆడించాలనుకుంటే ఇప్పుట్నుంచే అతన్ని రెగ్యులర్‌గా జట్టుతో పాటే ఉంచాలని దిగ్గజ స్పిన్నర్‌ అనిల్‌ కుంబ్లే అభిప్రాయపడ్డాడు. ధోనిని గౌరవంగానే జట్టు నుంచి సాగనంపితే బాగుంటుందని టీమిండియా మేనేజ్‌మెంట్‌కు సూచించాడు.‘ధోని రిటైర్మెంట్‌ అంశానికి సంబంధించి ఎవ్వరికీ క్లారిటీ లేదు. అతను ఎప్పుడు అంతర్జాతీయ క్రికెట్‌కు వీడ్కోలు చెబుతాడో తెలియదు. కాబట్టి.. ధోని భవితవ్యంపై సెలక్టర్లు ఒకసారి ఆలోచించి నిర్ణయం తీసుకోవాలి. టీ20 ప్రపంచకప్‌లో ధోనిని ఆడించాలని వారు భావిస్తే..? రెగ్యులర్‌గా అతనికి జట్టులో చోటు కల్పించాలి. అలాకాకుండా.. యువ క్రికెటర్లతో ముందుకు వెళ్లాలని భావిస్తే మాత్రం.. ధోనికి గౌరవంగా వీడ్కోలు చెప్పాలి. భారత జట్టుకి అనితర విజయాల్ని అందించిన ధోని గౌరవమైన వీడ్కోలుకి అర్హుడు’ అని కుంబ్లే పేర్కొన్నాడు. దక్షిణాఫ్రికాతో ఆరంభం కానున్న ద్వైపాక్షిక సిరీస్‌లో భాగంగా మూడు టీ20ల సిరీస్‌కు ధోనిని ఎంపిక చేయలేదు. తాను దూరంగా ఉండదల్చుకున్నానని ధోని చెప్పడంతోనే అతనికి విశ్రాంతి ఇచ్చామని చీఫ్‌ సెలక్టర్‌ ఎంఎస్‌కే ప్రసాద్‌ వివరణ కూడా ఇచ్చాడు. యువ క్రికెటర్లను పరీక్షించే క్రమంలోనే ధోని జట్టుకు దూరంగా ఉండటానికి నిర్ణయించుకున్నాడని ఎంఎస్‌కే పేర్కొన్నాడు. కాగా, ధోని తప్పించాలనే నిర్ణయం సెలక్టర్లదేనని, దాంతో కాదనలేక ధోని దూరంగా ఉన్నాడనే విమర్శలు వచ్చాయి. ఈ తరుణంలో అనిల్‌ కుంబ్లే స్పందించడం ఆ విమర్శలకు మరింత బలాన్ని చేకూరుస్తుంది.

న్యూఢిల్లీ: టీమిండియా లెజండరీ బౌలర్‌, మాజీ కోచ్‌ అనిల్‌ కుంబ్లేను భవిష్యత్‌లో జాతీయ చీఫ్‌ సెలక్టర్‌గా చూస్తామని మాజీ డాషింగ్‌ ఓపెనర్‌ వీరేంద్ర సెహ్వాగ్‌ జోస్యం చెప్పాడు. ఆ పదవికి కుంబ్లే అన్ని విధాల అర్హుడని స్పష్టం చేశాడు. బుధవారం ఓ సమావేశంలో పాల్గొన్న సెహ్వాగ్‌ పలు ఆసక్తికర విషయాలను వెల్లడించాడు. ‘2007-08లో ఆస్ట్రేలియా సిరీస్‌కు తిరిగి టీమిండియాకు ఎంపికయ్యాను. మ్యాచ్‌ రోజు డ్రెస్సింగ్‌ రూమ్‌లో ఉన్న నా దగ్గరికి వచ్చి ఇంకో  రెండు సిరీస్‌ల వరకు నువ్వు జట్టుతోనే ఉంటావు. స్వేచ్చగా ఆడు.. అంటూ ప్రొత్సహించాడు. ఇలా ఓ ఆటగాడిపై సారథిగా అంత కాన్ఫిడెంట్‌ ఉండటం మామూలు విషయం కాదు. ఇక సచిన్‌, గంగూలీ, ద్రవిడ్‌ వంటి దిగ్గజాలతో ఆడాడు, అదేవిధంగా యువ క్రికెటర్లను ఎంతగానో ప్రొత్సహిస్తున్నాడు. ఇంతకంటే ఇంకా ఏం కావాలి కుంబ్లేను సెలక్టర్‌గా చూడటానికి? నన్ను ఎవరూ కోరలేదు 2017లో బీసీసీఐకి చెందిన ఓ ఉన్నతాధికారి నన్ను ప్రత్యేకంగా కోరడంతోనే కోచ్‌ పదవి కోసం దరఖాస్తు చేశాను. కానీ ఈ సారి ఎవరూ నన్ను అడగలేదు అందుకే దరఖాస్తు చేయలేదు. ఇక ప్రపంచకప్‌ ఫైనల్‌ మ్యాచ్‌లో ఎంఎస్‌ ధోనిని ఐదో స్థానంలో బ్యాటింగ్‌కు పంపిస్తే మ్యాచ్‌ సమీకరణాలు వేరేలా ఉండేవి. అయితే ఈ విషయంలో ఎవరినీ తప్పు పట్టాల్సిన అవసరం లేదు. ఒక్కోసారి కొన్ని వ్యూహాలు బెడిసికొడతాయి. ఇక శ్రీశాంత్‌పై జీవితకాల నిషేధం ఎత్తివేయడం సంతోషకరం. త్వరలో టీమిండియా తరుపున ఆడాలని ఆకాంక్షిస్తున్నా’అంటూ సెహ్వాగ్‌ వివరించాడు.  ఇక ప్రస్తుత సెలక్షన్‌ బృందంపై అన్ని వైపులా విమర్శలు వస్తున్న తరుణంలో సెహ్వాగ్‌ వ్యాఖ్యలు ఆసక్తి నెలకొన్నాయి. ప్రస్తుతమున్న సెలక్టర్లలో ఒక్కరు కూడా సుదీర్ఘ కాలం క్రికెట్‌ ఆడిన వారు కాదని, 15కి మించి వన్డే/టెస్టులు ఆడలేదని మాజీ క్రికెటర్లు విమర్శించిని విషయం తెలిసిందే. దీంతో సెలక్టర్ల కాంట్రాక్టు ముగుస్తున్న తరుణంలో బీసీసీఐ వారిని కొనసాగిస్తుందా లేదా వేరే ఎవరైనా దిగ్గజాలకు అవకాశం కల్పిస్తుందా అనేది వేచి చూడాలి.  

హైదరాబాద్‌ : అంతర్జాతీయ టెస్ట్‌ల్లో ఒకే ఇన్నింగ్స్‌లో 10 వికెట్లు పడగొట్టిన బౌలర్‌ ఎవరని అడగ్గానే వెంటనే గుర్తుకు వచ్చే పేరు టీమిండియా మాజీ క్రికెటర్‌ అనిల్‌ కుంబ్లే. 1999లో పాకిస్తాన్‌పై జంబో ఈ ఫీట్‌ సాధించాడు. అయితే తొలి సారి ఈ ఘనతనందుకున్నది మ్రాతం ఇంగ్లండ్‌ మాజీ బౌలర్‌ జిమ్‌లేకర్‌.  సరిగ్గా ఇదే రోజు(జూలై 31) 1956లో జిమ్‌ లేకర్‌ ఈ రికార్డును నమోదు చేసి రికార్డు సృష్టించాడు. ఆస్ట్రేలియాతో నాడు జరిగిన మ్యాచ్‌లో ఏకంగా 19 వికెట్లు పడగొట్టాడు. ఈ విషయాన్నే గుర్తు చేస్తూ ఐసీసీ ట్వీట్‌ చేసింది. జిమ్‌లేకర్‌లా ఈ ఘనతను అందుకున్న బౌలర్‌ ఎవరైనా గుర్తుకువస్తున్నారా? అని ప్రశ్నించింది. అభిమానులందరూ జంబో పేరు కామెంట్‌ చేస్తున్నారు. అయితే ఈ ఇద్దరి తర్వాత అంతర్జాతీయ టెస్టుల్లో ఇప్పటి వరకు ఎవరూ ఈ ఘనతను అందుకోలేదు. డొమెస్టిక్‌ క్రికెట్‌లో మాత్రం రెక్స్‌ రాజ్‌సింగ్‌(మణిపూర్‌), దాబాషిష్‌ మొహాంతీలు ఈ ఫీట్‌ను అందుకున్నారు. ఇక జిమ్‌ లేకర్‌ 1946 నుంచి 1959లో ఇంగ్లండ్‌ జట్టుకు ప్రాతినిథ్యం వహించాడు. 46 మ్యాచ్‌లు ఆడిన జిమ్‌ 193 వికెట్లు పడగొట్టాడు. 19 వికెట్లు పడగొట్టిన నాటి మ్యాచ్‌ తొలి ఇన్నింగ్స్‌లో 16.4 ఓవర్లు బౌలింగ్‌ చేసి 37 పరుగులిచ్చి 9 వికెట్లు పడగొట్టాడు. ఇందులో మెయిడిన్‌ ఓవర్లున్నాయి. రెండో ఇన్నింగ్స్‌ 51.2 ఓవర్లు వేసి 53 పరుగులతో 10 వికెట్లు పడగొట్టాడు. ఇందులో 23 ఓవర్లు మెయిడిన్‌ కావడం విశేషం. #OnThisDay in 1956, Jim Laker became the first bowler to pick up 1️⃣ 0️⃣ wickets in a Test innings 🔥 He picked up a total of 1️⃣ 9️⃣ wickets in that Test against Australia 🤯 Do you remember which other bowler has picked up 10 wickets in an innings? pic.twitter.com/bQTfSm2tmD — ICC (@ICC) July 31, 2019

దుబాయ్‌:  వన్డే వరల్డ్‌కప్‌లో భాగంగా ఫైనల్లో న్యూజిలాండ్‌తో జరిగిన మ్యాచ్‌లో బౌండరీల ఆధారంగా ఇంగ్లండ్‌ను విశ్వ విజేతగా ప్రకటించడంతో ఐసీసీపై తీవ్ర విమర్శలు వచ్చిన సంగతి తెలిసిందే. సూపర్‌ ఓవర్‌లో పరుగులు కూడా సమం అయిన పక్షంలో బౌండరీల లెక్కింపుతో గెలుపును నిర్ణయించడం సరికాదని పలువురు క్రికెట్‌ విశ్లేషకులు తీవ్ర స్థాయిలో ధ్వజమెత్తారు. దీనిపై ఎట్టకేలకు ఐసీసీ దిగివచ్చింది. ఈ రూల్‌ ఎంతవరకూ సమంజసం అనే దానిపై సమీక్ష సమావేశం నిర్వహించనుంది.దీనిలో భాగంగా బౌండరీల లెక్కించే నిబంధనపై సమీక్షించేందుకు భారత మాజీ స్పిన్నర్‌ అనిల్‌ కుంబ్లే నేతృత్వంలో కమిటీని ఏర్పాటు చేసింది. ఐసీసీ నిర్వహించే తదుపరి సమావేశంలో ఈ నిబంధనపై చర్చించనున్నారు. సమావేశం వచ్చే ఏడాది త్రైమాసికంలో జరగుతుందని ఐసీసీ జనరల్‌ మేనేజర్‌ జియోఫ్‌ అలార్డెస్‌ తెలిపారు. ‘మ్యాచ్‌ టైగా ముగిస్తే సూపర్‌ ఓవర్‌తో విజేతను నిర్ణయించే పద్ధతిని 2009 నుంచి పాటిస్తున్నారు. సూపర్ ఓవర్‌లో కూడా పరుగులు సమం అయితే బౌండరీల లెక్కతో గెలుపును ప్రకటిస్తారు. ప్రపంచకప్ ఫైనల్లోనూ అదే జరిగింది. ప్రపంచవ్యాప్తంగా నిర్వహిస్తున్న టీ20లీగ్‌ల్లోనూ దాదాపుగా ఇదే ప్రక్రియను నిర్వహిస్తున్నారు.  అంతర్జాతీ క్రికెట్‌లో ఒకే తరహాలో సూపర్ ఓవర్‌ నిబంధనలు ఉండాలి. దీనిపై ప్రత్యామ్నాయాలు ఉంటే అనిల్‌ కుంబ్లే నేతృత్వంలోని క్రికెట్‌ కమిటీ పరిశీలిస్తుంది’ అని జియోఫ్‌ పేర్కొన్నారు.  మరి బౌండరీ రూల్‌ మారుతుందో.. లేదో చూడాలి.

న్యూఢిల్లీ: మరికొద్ది రోజుల్లో ఇంగ్లండ్ వేదికగా జరిగే క్రికెట్ ప్రపంచకప్ కోసం యావత్ క్రికెట్ లోకం ఆసక్తిగా ఎదురుచూస్తోంది. ఇప్పటికే ఈ కప్ గెలిచే సత్తా ఎవరికి ఉందని పలువురు మాజీ క్రికెటర్లు తమ అంచనాలు తెలియజేశారు. తాజాగా భారత క్రికెట్‌ జట్టు మాజీ కెప్టెన్, మాజీ కోచ్ అనిల్ కుంబ్లే.. ఆస్ట్రేలియాకు ప్రపంచకప్ గెలిచే సత్తా ఉందని అభిప్రాయపడ్డారు. ఇప్పటి వరకూ జరిగిన అన్ని ఐసీసీ ఈవెంట్‌లలోనూ ఆస్ట్రేలియాకు అద్భుతమైన రికార్డు ఉన్న సంగతిని ఈ సందర్భంగా కుంబ్లే గుర్తు చేశాడు. ‘ఆస్ట్రేలియా ప్రతీ ప్రపంచకప్‌లోనూ అద్భుతమైన ప్రదర్శన చేసింది. ఈసారి వాళ్ల జట్టు చాలా పటిష్టంగా ఉంది. ఇంగ్లండ్ పరిస్థితులు కూడా ఆస్ట్రేలియా క్రికెట్‌ జట్టుకు బాగా తెలుసు. కాబట్టి వాళ్లు విజయవంతంగా టోర్నమెంట్‌ను ముగిస్తారని అనుకుంటున్నారు. ఆస్ట్రేలియాకు విజయం ఎలా సాధించాలో తెలుసు. ప్రపంచకప్‌లో అది చాలా ముఖ్యం. వాళ్లు కచ్చితంగా సెమీఫైనల్స్‌కు చేరుతారు’ అని కుంబ్లే అన్నారు. మే 30వ తేదీ నుంచి మెగా సమరం ఆరంభం కానున్న సంగతి తెలిసిందే. (ఇక్కడ చదవండి: వరల్డ్‌ కప్‌ అధికారిక గీతం విడుదల)

హైదరాబాద్‌ : టీమిండియా మాజీ దిగ్గజ ఆటగాడు, కోచ్‌ అనిల్‌ కుంబ్లే తన ఉత్తమ ఐపీఎల్‌-12 జట్టును ప్రకటించాడు.  అన్ని జట్లలోంచి తనకు నచ్చిన ఆటగాళ్లతో కూడిన తన కలల జట్టును ప్రకటించాడు. 11 మందితో కూడిన ఆ జట్టులో పరుగుల యంత్రం విరాట్‌ కోహ్లికి అవకాశం ఇవ్వలేదు. కోహ్లిని కాదని ఢిల్లీ క్యాపిటల్స్‌ సారథి శ్రేయాస్‌ అయ్యర్‌కు అవకాశం కల్పించాడు.  ఐపీఎల్ చరిత్రలోనే అత్యంత విజయవంతమైన కెప్టెన్ మహేంద్ర సింగ్ ధోనికి తన జట్టు కెప్టెన్ బాధ్యతలు అప్పగించాడు. వికెట్ కీపర్ బాధ్యతలు కూడా కెప్టెన్ కూల్‌కే అందించాడు. యువ సంచలనం రిషబ్ పంత్‌కు కూడా తన జట్టులో చోటిచ్చిన కుంబ్లే.. అతడు మంచి ఫినిషర్‌గా ఎదుగుతున్నాడని ప్రశంసించాడు. తాజా ఐపీఎల్‌ సీజన్‌లో ఆల్‌రౌండర్లు హార్దిక్‌ పాండ్యా, ఆండ్రీ రసెల్‌లు విధ్వంసం సృష్టించారని, వీరిద్దరితో మిడిలార్డర్‌ బలోపేతంగా ఉంటుందన్నాడు. కెప్టెన్లుగా కోహ్లీ, శ్రేయస్ అయ్యర్, ధోని తన దృష్టిలో ఉన్నారని, అయితే వీరిందరిలో ధోనీనే సూపర్ అని వ్యాఖ్యానించారు. ఇక కోహ్లిని తీసుకోకపోవడంపై కూడా కుంబ్లే క్లారిటీ ఇచ్చాడు. శ్రేయాస్‌ అయ్యర్‌ కష్టతరమైన ఢిల్లీ పిచ్‌లపై అవలీలగా పరుగులు సాధించాడని, జట్టు ఇబ్బందుల్లో ఉన్న ప్రతీసారి బాధ్యతగా ఆడాడని గుర్తుచేశాడు. అందుకే కోహ్లి కన్నా అయ్యర్‌ బెటర్‌ ఆప్షన్‌ అనిపించిందని తెలిపాడు. అయితే దీనిపై కోహ్లి అభిమానులు ఆగ్రహానికి గురయ్యారు. హవ్వ.. కోహ్లి లేని ఐపీఎల్‌ జట్టా అంటూ కామెంట్‌ చేస్తున్నారు. 

హైదరాబాద్ ‌: ఆస్ట్రేలియాతో జరిగిన చివరి రెండు వన్డేల అనంతరం విరాట్‌ కోహ్లి సారథ్యంపై అన్నివైపులా విమర్శలు వస్తున్న విషయం తెలిసిందే. పరిమిత ఓవర్ల క్రికెట్‌లో మైదానంలో తీసుకోవాల్సిన నిర్ణయాలపై కోహ్లి ఎక్కువగా ధోనిపై ఆధారపడతాడని విమర్శిస్తున్నారు. కోహ్లి గొప్ప ఆటగాడే కావచ్చు కానీ.. గ్రేట్‌ కెప్టెన్‌ కాదంటూ పలువురు విమర్శిస్తున్నారు. ఇక ఇప్పటికే దీనిపై సోషల్‌ మీడియా వేదికగా  అభిమానులు సెటైర్లు వేసుకుంటున్నారు. ధోని లేకుంటే కోహ్లి డమ్మీనే అంటూ కామెంట్‌ చేస్తున్నారు. ఇక టీమిండియాకు అసలు సిసలు నాయకుడంటే ధోనినే అంటూ మరికొంత మంది నెటిజన్లు పేర్కొంటున్నారు. అయితే ఈ విషయంపై తాజాగా టీమిండియా మాజీ సారథి, కోచ్‌ అనిల్‌ కుంబ్లే స్పందించారు. ఎంఎస్‌ ధోని మైదానంలో ఉంటే కోహ్లికి అన్ని విధాల సౌకర్యంగా ఉంటుందన్నారు. వికెట్ల వెనకాల ఉంటూ అతడు రచించే వ్యూహాలు బౌలర్లకు ఎంతగానో ఉపయోగపడుతుందన్నారు. దీంతో బౌలర్ల పని చాలా సులువవుతుందన్నారు. అందుకే వన్డేల్లో చివరి 10-15 ఓవర్లలో సారథ్య బాధ్యతలు ధోనికి అప్పగించి.. కోహ్లి బౌండరీ లైన్‌ వద్ద ఫీల్డింగ్‌ చేస్తాడని గుర్తుచేశారు. ప్రత్యర్థి జట్టు బ్యాటింగ్‌ చేస్తున్నప్పుడు టీమిండియా సారథ్య బాధ్యతలు మెల్లిమెల్లిగా కోహ్లి నుంచి ధోనికి వెలుతుందని చమత్కరించారు.  ఇక ధోని ప్రపంచకప్‌లో తప్పక ఆడాల్సిందేనని అనిల్‌ కుంబ్లే అభిప్రాయపడ్డారు. మైదానంలో అతని బుర్ర పాదరసంలా పనిచేస్తుందన్నారు. అవి జట్టుకు ఎంతగానో ఉపయోగపడుతుందన్నారు. సారథ్యం విషయంలో అతడి అతడే పోటీ అని అభివర్ణించారు. సుదీర్ఘకాలం టీమిండియాకు కెప్టెన్‌గా పనిచేసిన అనుభవం ప్రపంచకప్‌లో టీమిండియాకు ఎంతగానో ఉపయోగపడుతుందన్నారు. ఇక 2007లో సారథ్య బాధ్యతలు చేపట్టిన ధోని.. అతడి కెప్టెన్సీలోనే మూడు ఐసీసీ టోర్నీలను టీమిండియా గెలుచుకుంది. ఇక 2014లో టెస్టు, 2017లో పరిమిత ఓవర్ల క్రికెట్‌ సారథ్య బాధ్యతలను కోహ్లికి అప్పగించాడు. 

న్యూఢిల్లీ: భారత్‌ క్రికెట్‌కు వన్నె తెచ్చిన ఆటగాళ్లలో అనిల్‌ కుంబ్లే ఒకడు. ప్రధానంగా తన లెగ్‌ బ్రేక్‌తో ప్రత్యర్థులు గుండెల్లో పరుగులు పెట్టించిన కుంబ్లే.. భారత్‌ జట్టుకు ఎనలేని సేవలందించాడు. సరిగ్గా 20 ఏళ్ల క్రితం ఇదే రోజు(ఫిబ్రవరి7వ తేదీ) కుంబ్లేకు చిరస్మరణీయంగా మిగిలిపోతుంది. తన సంచలన ప్రదర్శనతో ఒక ఇన్నింగ్స్‌లో పది వికెట్లను తన ఖాతాలో వేసుకున్న రోజు. అది కూడా దాయాది పాకిస్తాన్‌పై కావడం కుంబ్లేకు వెరీ వెరీ స్పెషల్‌గా చెప్పవచ్చు. రెండు దశాబ‍్దాల నాటి ఆ మ్యాచ్‌ను మరొకసారి జ్ఞప్తికి తెచ్చుకుందాం. 1999 జనవరి నెలలో భారత పర్యటనకు వచ్చిన పాకిస్తాన్ జట్టు రెండు టెస్టుల్లో తలపడింది. ఫిబ్రవరి 4న ఢిల్లీలోని ఫిరోజ్‌షా కోట్ల స్టేడియంలో ప్రారంభమై ఆ టెస్టులో భారత్‌ గెలిస్తేనే సిరీస్‌ను కాపాడుకుంటుంది. ఆ మ్యాచ్‌ తొలి ఇన్నింగ్స్‌లో భారత్ 252 పరుగులకు ఆలౌట్ అయ్యింది. ఆపై అనిల్ కుంబ్లే (4 వికెట్లు), హర్భజన్ (3 వికెట్లు) దెబ్బకు పాక్ తొలి ఇన్నింగ్స్‌లో 172 పరుగులకే చాపచుట్టేసింది. రెండో ఇన్నింగ్స్‌లో 339 పరుగులు చేసిన భారత్.. పాక్ ముందు 420 పరుగుల లక్ష్యాన్ని ఉంచింది. రెండో ఇన్నింగ్స్‌లో పాక్ ఓపెనర్లు శుభారంభాన్ని ఇచ్చారు. 101 పరుగుల భాగస్వామ్యాన్ని నెలకొల్పి పాక్‌ను పటిష్ట స్థితికి చేర్చారు. ఆ తరుణంలో తొలి వికెట్‌గా షాహిద్‌ ఆఫ్రిదిని ఔట్‌ చేసిన తన వేటను ఆరంభించాడు కుంబ్లే.  వరుసగా వికెట్లు సాధిస్తూ 207 పరుగులకే పాక్‌ను కుప్పకూల్చాడు. భారత్‌కు 212 పరుగుల భారీ విజయాన్ని అందించాడు. దాంతొ ఒ‍క ఇన్నింగ్స్‌లో పదికి పది వికెట్లు సాధించి ఆ ఘనత నమోదు చేసిన రెండో బౌలర్‌గా చరిత్రకెక్కాడు. కుంబ్లే  కంటే ముందు ఒక ఇన్నింగ్స్‌లో పదికి పదికి వికెట్లు సాధించిన వారిలో జిమ్‌ లేకర్‌(ఇంగ్లండ్‌) తొలి స్థానంలో ఉన్నాడు. 1956లో జిమ్‌ లేకర్‌ ఈ మార్కును చేరగా, 43 ఏళ్ల తర్వాత దాన్ని అందుకున్న తొలి బౌలర్‌ కుంబ్లేనే కావడం విశేషం. దీనిపై స‍్పందించిన కుంబ్లే.. ఆ రోజు తాను తీసిన ప్రతీ వికెట్‌ తనకు మదిలో ఇప్పటికీ కదలాడుతూనే ఉందన్నాడు. తన కెరీర్‌లో ఒక మధురమైన జ్ఞాపకంగా ఆ మ్యాచ్‌ నిలుస్తుందన్నాడు.

సాక్షి, విశాఖపట్నం: టీమిండియా కోచ్‌గా అనిల్‌ కుంబ్లేనే కొనసాగించాలని తమ క్రికెట్‌ అడ్వైజరీ కమిటీ (సీఏసీ) భావించిందని... అయితే కుంబ్లే మాత్రం వైదొలగేందుకే నిర్ణయం తీసుకున్నాడని సీఏసీ సభ్యుడైన వీవీఎస్‌ లక్ష్మణ్‌ వెల్లడించాడు. అతనితో పాటు మిగతా సభ్యులు సచిన్, సౌరవ్‌ గంగూలీ 2016లో కోచ్‌గా కుంబ్లేను ఎంపిక చేశారు. అయితే గతేడాది కెప్టెన్‌ కోహ్లితో తలెత్తిన విభేదాల కారణంగా కోచ్‌ పదవి నుంచి కుంబ్లే తప్పుకున్నాడు. చాంపియన్స్‌ ట్రోఫీ తర్వాత కోచ్‌గా కొనసాగేందుకు సుముఖత చూపలేదు. వెస్టిండీస్‌ పర్యటన దాకా అతని పదవీ కాలం ఉన్నప్పటికీ రాజీనామా చేశాడు. ఓ కార్యక్రమంలో పాల్గొనేందుకు ఇక్కడికి వచ్చిన లక్ష్మణ్‌ ఈ ఉదంతం  తమ కమిటీకి చేదు గుళికను మిగిల్చిందని అభిప్రాయపడ్డాడు. ‘కోహ్లి హద్దు దాటాడని నేను భావించడం లేదు. అయితే మా కమిటీ మాత్రం కుంబ్లేను కొనసాగించాలనుకుంది. కానీ తను మాత్రం వైదొలగడమే సరైన నిర్ణయమని చెప్పేశాడు. ఏదేమైనా సీఏసీకిది చేదు అనుభవం. మా కమిటీ ఓ మ్యారేజ్‌ కౌన్సెలింగ్‌ సంస్థ కాదని చాలా మందికి చెప్పాను. మా పని కోచ్‌ పదవికి అర్హతలున్న వారిలో మెరుగైన వ్యక్తిని ఎంపిక చేయడమే. దురదృష్టం కొద్దీ కోహ్లి–కుంబ్లేల జోడీ కుదరలేదు’ అని బ్యాటింగ్‌ దిగ్గజం అన్నాడు.   ‘281’ భారత క్రికెటర్‌ అద్భుత ఇన్నింగ్స్‌ బెంగళూరు: ఈడెన్‌ గార్డెన్స్‌లో 2001లో ఆస్ట్రేలియాపై ‘వెరీ వెరీ స్పెషల్‌’ బ్యాట్స్‌మన్‌ లక్ష్మణ్‌ చేసిన 281 పరుగుల వీరోచిత పోరాటం ఓ భారతీయుడి అద్భుత ఇన్నింగ్స్‌ అని మాజీ కెప్టెన్‌ ద్రవిడ్‌ కితాబిచ్చాడు. లక్ష్మణ్‌ ఆత్మకథ ‘281 అండ్‌ బియాండ్‌’ పుస్తకావిష్కరణ కార్యక్రమంలో పాల్గొన్న ద్రవిడ్‌ మాట్లాడుతూ ‘ఇందులో సందేహమే లేదు. అప్పటి పరిస్థితులు, మేటి జట్టుతో పోటీ దృష్ట్యా లక్ష్మణ్‌ చేసిన 281 స్కోరు ఓ భారత క్రికెటర్‌ ఆడిన అద్భుత, అసాధారణ ఇన్నింగ్స్‌. ఆ సందర్భంలో అతనితో పాటు క్రీజులో ఉన్న నాకు ఘనచరిత్రలో భాగమయ్యే అదృష్టం దక్కింది. ఇప్పటికీ ఆ ఇన్నింగ్స్‌ నా మదిలో మెదులుతుంది. అతని పోరాటం గుర్తుకొస్తుంది. గింగిరాలు తిరిగే కంగారూ స్పిన్‌ లెజెండ్‌ షేన్‌ వార్న్‌ బంతుల్ని ఆడిన నేర్పు... క్రీజులో ఎంతసేపున్నా అలసిపోని ఓర్పు చాలా గ్రేట్‌! మెక్‌గ్రాత్, గిలేస్పి సీమ్‌ బౌలింగ్‌లో అతని డ్రైవ్‌లు అద్భుతం. ఇదంతా అతి సమీపం నుంచి చూసిన అదృష్టం నాది’ అని చెప్పుకొచ్చాడు. అదేపనిగా ఇంట్లో కూర్చొని టీవీలో క్రికెట్‌ చూడటం తనకు ఇష్టం వుండదని, కానీ లక్ష్మణ్‌ ఇన్నింగ్స్‌ వస్తే మాత్రం చూడకుండా వుండలేనని ద్రవిడ్‌ తెలిపాడు. ఈ కార్యక్రమంలో భారత క్రికెట్‌ దిగ్గజాలు గుండప్ప విశ్వనాథ్, కుంబ్లే, ప్రసన్నలతో పాటు రోజర్‌ బిన్నీ, కిర్మాణి, జవగళ్‌ శ్రీనాథ్, దొడ్డ గణేష్, రాబిన్‌ ఉతప్ప పాల్గొన్నారు.   

ముంబై: లెఫ్టార్మ్‌ స్పిన్నర్‌ సిదక్‌ సింగ్‌... భారత మాజీ కెప్టెన్, స్పిన్‌ దిగ్గజం అనిల్‌ కుంబ్లే సరసన చేరాడు. 19 ఏళ్లు కూడా నిండని ఈ కుర్రాడు... స్పిన్‌ దిగ్గజం సరసన చేరడం ఏంటని ఆశ్చర్యపోతున్నారా! కల్నల్‌ సీకే నాయుడు అండర్‌–23 క్రికెట్‌ టోర్నమెంట్‌లో పుదుచ్చేరి బౌలర్‌ సిదక్‌ సింగ్‌ ఒకే ఇన్నింగ్స్‌లో మొత్తం 10 వికెట్లు పడగొట్టాడు. గతంలో అనిల్‌ కుంబ్లే (10/74; 1999లో పాకిస్తాన్‌పై) ఫిరోజ్‌ షా కోట్లా టెస్టులో ఈ ఘనత సాధించగా... అంతకుముందు 1956లో ఇంగ్లండ్‌ స్పిన్నర్‌ జిమ్‌ లేకర్‌ (10/53) ఆస్ట్రేలియాపై ఒకే ఇన్నింగ్స్‌లో 10 వికెట్లు పడగొట్టారు. ఈ టోర్నీలో పుదుచ్చేరి తరఫున బరిలో దిగిన సిదక్‌ మణిపూర్‌తో జరిగిన మ్యాచ్‌లో తొలి ఇన్నింగ్స్‌లో 7 మెయిడెన్ల సహా 17.5 ఓవర్లు వేసి 31 పరుగులిచ్చి 10 వికెట్లు పడ గొట్టాడు. ఉత్తరప్రదేశ్‌కు చెందిన సిదక్‌ గతంలో ముంబై తరఫున ఆడినా తాజాగా పుదుచ్చేరికి ప్రాతినిధ్యం వహిస్తున్నాడు. ‘చాలా ఆనందంగా ఉంది. ఇలాంటి ఘనత కలలో కూడా ఊహించలేదు. అండర్‌–16 మ్యాచ్‌లో ఒకే ఇన్నింగ్స్‌లో 9 వికెట్లు పడగొట్టాను’ అని సంతోషం వ్యక్తం చేశాడు. సిదక్‌ చెలరేగడంతో మణిపూర్‌ తొలి ఇన్నింగ్స్‌లో 71 పరుగులకు ఆలౌటైంది. ఆ తర్వాత పుదుచ్చేరి 105 పరుగులు చేసింది. రెండో రోజు ఆట ముగిసే సమయానికి మణిపూర్‌ రెండో ఇన్నింగ్స్‌లో 4 వికెట్లకు 51 పరుగులు చేసింది. 

619 టెస్ట్‌ వికెట్లు.. 337 వన్డే వికెట్లు.. గురువుగా.. సహచర ఆటగాడిగా.. ప్రత్యర్థిగా.. సారథిగా.. విజయాలకు చిరునామ.. అన్నింటా విజయాలు . ఓటమంటే నచ్చదు. గాయమంటే లెక్కలేదు. క్రమ శిక్షణ ఆయన సిద్దాంతం. యువకులను ప్రోత్సహించడంలో అతడే ఫస్ట్‌.. అదే విధంగా నిర్లక్ష్యంగా వ్యవహరించినా శిక్షించడంలోనూ ఫస్టే. క్రీడా జీవితమే కాదు.. వ్యక్తిగత జీవితం కూడా ఆదర్శమే.. అతడే అందరివాడు, మనసున్న మారాజు టీమిండియా లెజండరీ క్రికెటర్‌, మాజీ కోచ్‌ అనిల్‌ కుంబ్లే. బుధవారం 48వ ఏట అడుగుపెడుతున్న జంబో(కుంబ్లేను సహచర ఆటగాళ్లు పిలిచే పేరు)కు నాటి సహచర ఆటగాళ్లు, బీసీసీఐ, ఐసీసీ స్పెషల్‌ బర్త్‌డే విషెస్‌ తెలిపిన వారిలో ఉన్నారు.   ఒకప్పుడు టీమిండియాలో సచిన్‌ పెద్దన్నగా ఉండేవాడు. కెప్టెన్‌ కాకపోయినప్పటికీ జట్టులో ఏదైనా వివాదం తలెత్తితే సచిన్‌ రంగంలోకి దిగేవాడు. బోర్డుతోనూ పెద్దన్నగానే వ్యవహరించేవాడు. ఆ తర్వాత జట్టులో పెద్దన్నగా వ్యవహరించింది....ఆనాటి మేటి బౌలర్‌ అనిల్‌ కుంబ్లేనే. భుజాలు అరిగిపోయేలా అతనితో కెప్టెన్లు ఎడాపెడా బౌలింగ్‌ చేయించినా కుంబ్లే ముఖంలో ఎప్పుడూ  చిరునవ్వు ఉండేది. క్రికెట్‌లో కుంబ్లే సాధించిన విజయాలు ఒక ఎత్తయితే వివాద రహితుడిగా కెరీర్‌ను కొనసాగించడం మరోఎత్తు. కెప్టెన్, జట్టులోని ఆటగాళ్లు, బోర్డుతోనూ ఏనాడూ కుంబ్లే వివాదాలకు తెరతీయలేదు.  నేడు ఆయన పుట్టిన రోజు సందర్భంగా కుంబ్లే గురించి మరిన్ని విశేషాలు..!    (కుంబ్లే కోసం యుద్ధం చేశా!)        బ్యాటింగ్‌ చేసినా, బౌలింగ్‌ చేసినా, ఫీల్డింగ్‌ చేసినా ఎప్పుడూ జట్టు ప్రయోజనాల గురించే ఆలోచించిన అతి కొద్దిమందిలో కుంబ్లే కచ్చితంగా చోటు సంపాదించుకుంటాడు. ఇన్ని ప్రత్యేకతలున్న కుంబ్లే రికార్డుల గురించి ఎంత చెప్పుకున్నా తక్కువే. రికార్డులకన్నా గొప్పది అతని వ్యక్తిత్వం. బ్యాటింగ్‌ చేసినా, బౌలింగ్‌ చేసినా, ఫీల్డింగ్‌ చేసినా ఎప్పుడూ జట్టు ప్రయోజనాల గురించే ఆలోచించిన అతి కొద్ది మందిలో కుంబ్లే ఖచ్చితంగా చోటు సంపాదించుకుంటాడు. ఇన్ని ప్రత్యేకతలున్న కుంబ్లే రికార్డుల గురించి ఎంత చెప్పుకున్నా తక్కువే. (మళ్లీ కోచ్‌గా కుంబ్లే రీ-ఎంట్రీ?) రికార్డులకన్నా గొప్పది అతని వ్యక్తిత్వం. కుంబ్లే అసలుపేరు అనిల్‌ రాధాకృష్ణన్‌ కుంబ్లే. 1970 అక్టోబర్‌ 17న  బెంగళూరులోని కృష్ణస్వామి, సరోజ దంపతులకు జన్మించారు. చిన్నతనం నుంచే కుంబ్లేకు క్రికెట్‌పై మక్కువ ఉండేది. బెంగళూరు వీధుల్లో బ్యాటింగ్‌ ప్రాక్టీస్‌ చేసేవాడు. 13 ఏళ్ల ప్రాయంలోనే యంగ్‌ క్రికెటర్స్‌ క్లబ్‌లో చేరాడు. ఇతనికి దినేశ్‌ అనే సోదరుడు కూడా ఉన్నాడు. కుంబ్లే విసిరిన బంతి జంబోజెట్‌ వేగంతో వస్తుందని అతనికి జంబో అనే ముద్దుపేరు పెట్టారు. (ఆ మరుపురాని ఘట్టానికి 19ఏళ్లు) ఒకే ఇన్నింగ్స్‌లో 10 వికెట్లు.. 1989 నవంబర్‌లో ఫస్ట్‌క్లాస్‌  క్రికెట్‌ ఆడిన కుంబ్లే 4 వికెట్లు సాధించాడు. ఆ తర్వాత అండర్‌–19 జట్టులో భారతదేశానికి ప్రాతినిధ్యం వహించి  సెంచరీ సాధించాడు. 1990 ఏప్రిల్‌ 5న మొదటిసారిగా శ్రీలంకతో వన్డే మ్యాచ్‌ ఆడాడు. అదే ఏటా ఇంగ్లాండ్‌పై టెస్టుల్లో అరంగేట్రం చేశాడు. తర్వాత భారత్‌లో జరిగిన  3 టెస్టుల సిరీస్‌లో 19.8 సరాసరితో 21 వికెట్లు సాధించాడు.  టెస్టుల్లో మొదటి 50 వికెట్లను కేవలం 10 మ్యాచ్‌ల్లోనే సొంతం చేసుకున్నాడు. 21 టెస్టుల్లో 100 వికెట్లు సాధించాడు. వెస్టిండీస్‌తో జరిగిన మ్యాచ్‌లో కేవలం 12 పరుగులకే 6 వికెట్లును చేజిక్కించుకున్నాడు. (బీజేపీకి నో చెప్పిన ద్రవిడ్, కుంబ్లే) 1996 వన్డే ప్రపంచకప్‌నాటికి కుంబ్లే బౌలింగ్‌ శిఖరాలకు చేరింది. ఆ ప్రపంచకప్‌లో 16 వికెట్లను తీసాడు. టెస్టు క్రికెట్‌లో ఒకే ఇన్నింగ్స్‌లో 10 వికెట్లు పడగొట్టిన రెండో బౌలర్‌ కుంబ్లే. ఇన్ని ఘనతలు సాధించినప్పటికీ టెస్టుల్లో తన సెంచరీని 118వ మ్యాచ్‌లో పూర్తిచేసాడు. ఇన్నింగ్స్‌లో అత్యధికసార్లు 5 వికెట్లు తీసిన భారతీయ బౌలర్‌ కుంబ్లే. 2004లో కపిల్‌దేవ్‌ రికార్డును అధిగమించి టెస్టుల్లో అత్యధిక వికెట్లు తీసిన బౌలర్‌గా నిలిచాడు. షేన్‌వార్న్‌ తర్వాత 600 వికెట్ల క్లబ్‌లో చేరిన రెండో బౌలర్‌ కుంబ్లే.  వన్డేల్లో 300 వికెట్ల క్లబ్‌లో చేరిన  రెండో బౌలర్‌.  కెప్టెన్‌గా.. అనిల్‌ కుంబ్లే టేస్టుల్లో 14 మ్యాచ్‌లకు నాయకత్వం వహించారు. వీటిలో భారత్‌ 3గెలిచి 5 ఓడగా 6 మ్యాచ్‌లు డ్రా అయ్యాయి. 5 టెస్టు సిరీస్‌ల్లో 2007 పాకిస్థాన్‌ సిరీస్, 2008 ఆస్ట్రేలియా సిరీస్‌లను భారత్‌ గెలిచింది. వన్డేల్లో ఒకె ఒక మ్యాచ్‌కు నాయకత్వం వహించగా ఈ మ్యాచ్‌ భారత్‌ గెలిచింది. (కుంబ్లే ‘హీరో’చిత సెంచరీకి 11 ఏళ్లు) కోచ్‌గానూ.. 2007 ప్రపంచకప్‌లో భారతజట్టు పేలవ ఆటతీరుకు సీనియర్‌ ఆటగాళ్లపై విమర్శలు రావడంతో బాధ్యతాయుతంగా వన్డే క్రికెట్‌నుంచి నిష్క్రమిస్తున్నట్లు ప్రకటించాడు. 2008లో ఆస్ట్రేలియాలో జరగుతున్న మూడో టెస్టు నాలుగోరోజు ఫిట్‌గా లేనందును టెస్టులోంచి కూడా తప్పుకుంటున్నట్లు ప్రకటించి ఆశ్చర్యానికి గురిచేసాడు. పదివికెట్లు తీసిన ఫిరోజ్‌షా కోట్ల మైదానంలోనే క్రికెట్‌కు గుడ్‌బై చెప్పాడు. క్రికెట్‌ నుంచి రిటైర్‌ అయ్యాక భారత జట్టు కోచ్‌గానూ కుంబ్లే సేవలందించాడు. కుంబ్లే కోచ్‌గా ఉన్న కాలంలో వెస్టిండీస్‌, ఇంగ్లండ్‌, న్యూజిలాండ్‌, ఆస్ట్రేలియా, బంగ్లాదేశ్‌తో వరుస టెస్టు సిరీస్‌లను భారత్‌ గెలిచింది. ఇక చాంపియన్స్‌ ట్రోఫి ఫైనల్‌కు చేరి పాక్‌ చేతిలో ఓడిన విషయం అందరికి తెలిసిందే. తదనాంతరం భారత ఆటగాళ్లు కోచ్‌గా కుంబ్లేపై అయిష్టత కనబర్చడంతో తనంతట తానే కోచ్‌పదవి రేసులో నుంచి తప్పుకున్నాడు. Happiest birthday to one of India’s greatest ever match winners, a man who defined grit and courage. Those toe-crushing yorkers to tail-enders are something even pace bowlers struggle to execute. Have a great & jumbo life ahead @anilkumble1074 bhai ! pic.twitter.com/RN5jXb6onl — Virender Sehwag (@virendersehwag) October 17, 2018 Happy birthday to my idol, and my teammate, and an inspiration! Hope you have a lifetime of success in every path you take! Have a great day ahead :) love always Anil bhai @anilkumble1074 pic.twitter.com/6VxuwbXuGU — Harbhajan Turbanator (@harbhajan_singh) October 17, 2018 From being room mates to having our names jumbled up on international tours, it has been a pleasure to have known you and have played with a fighter Cricketer like you.KUMBLE'S Many happy returns of the day, @anilkumble1074 pic.twitter.com/Dex6SIvA44 — VINOD KAMBLI (@vinodkambli349) October 17, 2018 Birthday greetings to @anilkumble1074 . May you have a blessed life and enjoy success in every thing you do. Best wishes pic.twitter.com/5UQxKt8afQ — VVS Laxman (@VVSLaxman281) October 17, 2018

న్యూఢిల్లీ: టీమిండియా మాజీ కోచ్‌ అనిల్‌ కుంబ్లే మరోసారి కోచింగ్ బాధ్యతలు స్వీకరించనున్నాడనే వార్తలు సోషల్ మీడియాలో హల్‌చల్‌ చేస్తున్నాయి. అయితే, ఈసారి అనిల్ కుంబ్లే బాధ్యతలు నిర్వహించేది టీమిండియాకు కాదు. ఇండియన్ ప్రీమియర్ లీగ్‌లో జట్టు అయిన ఢిల్లీ డేర్‌డెవిల్స్‌కు కోచింగ్‌ సేవలు అందించేందుకు సిద్ధమవుతున్నట్లు తెలుస్తోంది. ఈ వార్తలపై ఢిల్లీ డేర్‌డెవిల్స్‌ యాజమాన్యం సైతం స్పందించింది. వచ్చే ఏడాది జరగనున్న ఐపీఎల్ సీజన్ కోసం టీమిండియా మాజీ కోచ్‌ అనిల్‌ కుంబ్లేతో సంప్రదింపులు జరుపుతున్నట్లు ఢిల్లీ ఫ్రాంఛైజీ ఓనర్లలో ఒకరైన పార్థ్ జిందాల్ వెల్లడించినట్లు అహ్మదాబాద్ మిర్రర్ తన కథనంలో పేర్కొంది. ‘వచ్చే ఏడాది ఐపీఎల్‌ సీజన్‌లో ఢిల్లీ డేర్‌డెవిల్స్‌ జట్టుకు మెంటార్‌గా బాధ్యతలు నిర్వహించాలని కుంబ్లేను కోరుతున్నాం. దీనిపై కుంబ్లే ఇంకా ఎలాంటి స్పష్టత ఇవ్వలేదు. ఒకవేళ కుంబ్లే మా జట్టులో కలిస్తే ఎంతో అదృష్టంగా భావిస్తాం’ అని వారు తెలిపారు. కుంబ్లేను మెంటార్‌గా ఎంచుకోవాలని భారత క్రికెట్‌ జట్టు మాజీ సారథి సౌరభ్‌ గంగూలీనే ఢిల్లీ యాజమాన్యానికి సలహా ఇచ్చినట్లు తెలుస్తోంది. కుంబ్లే గనుక ఢిల్లీ జట్టుకు మెంటార్‌‌గా బాధ్యతలు అందుకుంటే, మరోసారి ఆస్ట్రేలియా మాజీ కెప్టెన్ రికీ పాంటింగ్‌తో కలిసి పని చేసినట్లు అవుతుంది. గతంలో అనిల్ కుంబ్లే-రికీ పాంటింగ్‌ ఐపీఎల్‌లో ముంబై ఇండియన్స్‌ జట్టుకు కలిసి పని చేసిన సంగతి తెలిసిందే. ఇదిలా ఉంటే, వచ్చే ఏడాది మార్చి 29 నుంచి మే 19 వరకు ఐపీఎల్‌ టోర్నీ జరగనున్నట్లు సమాచారం. వచ్చే ఏడాది జూన్‌లో ఇంగ్లండ్ వేదికగా వరల్డ్ కప్ జరగనున్న నేపథ్యంలో వచ్చే ఏడాది ఐపీఎల్‌ కాస్త ముందుగానే నిర్వహించనున్నారు.

టీమిండియా మాజీ కోచ్‌, లెగ్‌ స్పిన్నర్‌ అనిల్‌ కుంబ్లేకు ఆగస్టు 10 చిరస్మరణీయ రోజుల్లో ఒకటి. మైదానంలో గింగిరాలు తిప్పే బంతులతో ప్రత్యర్థి జట్టు బ్యాట్స్‌మెన్‌కు చుక్కలు చూపించే ‘జంబో’సరిగ్గా 11 ఏళ్ల కిందట బ్యాట్‌తోనూ మెరిశాడు. 500కు పైగా మ్యాచ్‌లాడిన కుంబ్లే తన అంతర్జాతీయ కెరీర్‌లో ఏకైక శతకం (110 నాటౌట్‌) సాధించిన రోజు ఇది. ఇది జరిగింది భారత్‌లోనో లేక ఆసియా గడ్డపై మాత్రం కాదు. పేస్‌ బౌలర్లు చెలరేగే ఇంగ్లండ్‌ గడ్డపై కావడం గమనార్హం. చివరికి మ్యాచ్‌ డ్రా కావడంతో సిరీస్‌ను 1-0తో భారత్‌ కైవసం చేసుకుంది.  ద్రవిడ్‌ కెప్టెన్సీలో సిరీస్‌ విజయం 2007లో రాహుల్‌ ద్రవిడ్‌ కెప్టెన్సీలో భారత్ ఇంగ్లండ్‌లో పర్యటించింది. లార్డ్స్‌లో జరిగిన తొలి టెస్ట్‌ డ్రా కాగా, ట్రెంట్‌బ్రిడ్జ్‌లో జరిగిన రెండో టెస్టులో టీమిండియా నెగ్గింది. ఇక ఓవల్‌ వేదికగా ఆగస్టు 9న ఇంగ్లండ్‌, టీమిండియాల మధ్య చివరిదైన మూడో టెస్టు ప్రారంభమైంది. టాస్ నెగ్గిన భారత్‌ బ్యాటింగ్‌ చేసంది. కీపర్‌ ఎంఎస్‌ ధోని (92), ఓపెనర్‌ దినేష్‌ కార్తీక్‌ (91), సచిన్‌ టెండూల్కర్‌ (82), రాహుల్‌ ద్రవిడ్‌ (55), వీవీఎస్‌ లక్ష్మణ్‌ (51) హాఫ్‌ సెంచరీలతో రాణించారు. ఈ ఇన్నింగ్స్‌లోనే అనిల్‌ కుంబ్లే బ్యాట్‌తో తొలిసారి సత్తా చాటాడు. 97 పరుగుల వ్యక్తిగత స్కోరు వద్ద ఫోర్‌ కొట్టి సెంచరీ సంబరాలు చేసుకున్నాడు. శ్రీశాంత్‌ (35) ఔట్‌ కావడంతో తొలి ఇన్నింగ్స్‌లో భారత్‌ 664 పరుగులకు ఆలౌటైంది.  193 బంతులు ఎదుర్కొన్న కుంబ్లే 16 ఫోర్లు, ఓ సిక్సర్‌ సాయంతో 110 పరుగులు చేసి అజేయంగా నిలిచాడు. కుంబ్లే, జహీర్‌ ఖాన్‌ రాణించడంతో ఇంగ్లండ్‌ తొలి ఇన్నింగ్స్‌లో  345 పరుగులకే చాప చుట్టేసింది. రెండో ఇన్నింగ్స్‌లో భారత్‌ 180/6 వద్ద డిక్లేర్‌ చేసి.. ఇంగ్లండ్‌ ముందు 500 పరుగుల భారీ లక్ష్యాన్ని నిలిపింది. అయితే 5 రోజులు ఆట ముగియడం, మరోవైపు ఇంగ్లండ్‌ (369/6)ను భారత్‌ ఆలౌట్‌ చేయక పోవడంతో టెస్ట్‌ మ్యాచ్‌ డ్రా అయింది. టెస్ట్‌ సిరీస్‌ను ద్రవిడ్‌ సేన 1-0తో సాధించింది. అయితే ఆల్‌రౌండ్‌ నైపుణ్యాన్ని ప్రదర్శించిన కుంబ్లేకు ప్లేయర్‌ ఆఫ్‌ ది మ్యాచ్ దక్కింది. కుంబ్లే రికార్డులు పదిలం భారత్‌ తరఫున 1990లో అరంగేట్రం చేసిన కుంబ్లే 17 ఏళ్ల తర్వాత(2007లో) సెంచరీ చేశాడు. కుంబ్లే కెరీర్‌లో ఏకైక సెంచరీ ఇంగ్లండ్‌ గడ్డమీద ఆ జట్టుమీదే సాధించడం కొసమెరుపు. భారత్‌ నుంచి అతిపెద్ద వయసు (36 ఏళ్ల 296 రోజులు)లో శతకం సాధించిన ఆటగాడిగానూ కుంబ్లే పేరిటే రికార్డ్‌ ఉంది. అదే ఏడాది వన్డేలకు వీడ్కోలు పలికిన జంబో, 2008లో టెస్టులకు రిటైర్మెంట్‌ ప్రకటించాడు. అనంతరం టీమిండియాకు ప్రధాన కోచ్‌గా సేవలందించిన కుంబ్లే.. జట్టుకు పలు సిరీస్‌ విజయాలు అందించాడు.

విజయవాడ స్పోర్ట్స్‌: విజయవాడలోని విద్యాధరపురంలో రూ.60 కోట్లతో నిర్మించే ‘అమరావతి అంతర్జాతీయ స్పోర్ట్స్‌ కాంప్లెక్స్‌’కు ఆంధ్రప్రదేశ్‌ రాష్ట్ర ముఖ్యమంత్రి నారా చంద్రబాబు నాయుడు మంగళవారం శంకుస్థాపన చేశారు. దీంతో పాటు ఒలింపిక్స్‌లో ఆంధ్రప్రదేశ్‌ క్రీడాకారులు పతకం సాధించేందుకు పాఠశాల స్థాయి నుంచి ఎంపిక చేసే గాండీవ పేరుతో ప్రాజెక్టును ప్రారంభించారు. ప్రాజెక్టు నిర్వహణకు భారత క్రికెట్‌ మాజీ కెప్టెన్‌ అనిల్‌ కుంబ్లేకు చెందిన టెన్విక్‌ సంస్థతో రాష్ట్ర క్రీడా ప్రాధికార సంస్థ (శాప్‌) ఒప్పందం కుదుర్చుకుంది. అదే విధంగా పాంచజన్య ప్రాజెక్టు పేరుతో విశాఖపట్నం, నెల్లూరు, నర్సారావుపేట, గుడివాడ, అనంతపురంలో ఏర్పాటు చేసిన శాప్‌ స్పోర్ట్స్‌ అకాడమీలను లాంఛనంగా ప్రారంభించారు. ఈ కార్యక్రమానికి టెన్విక్‌ సంస్థ అధినేత అనిల్‌ కుంబ్లే, ఒలింపియన్లు, అర్జున, ద్రోణాచార్య అవార్డీలు కరణం మల్లేశ్వరి, షైనీ విల్సన్, అశ్వని నాచప్ప, సత్తి గీత, కోనేరు హంపి, కోనేరు అశోక్, రీత్‌ అబ్రహాం, సెయిలర్‌ పి.స్వాతి తదితరులు పాల్గొనగా వారిని సీఎం చంద్రబాబు ఘనంగా సన్మానించారు.   ఈ సందర్భంగా సీఎం మాట్లాడుతూ ప్రపంచాన్ని జయించే శక్తి క్రీడాకారులకు ఉందన్నారు. భారత దేశంలో క్రీడల్లో ఏపీ మొదటి స్థానంలో ఉంటుందన్నారు. ఇందుకోసం ప్రపంచస్థాయి సదుపాయాలు కల్పిస్తామని,  ఉత్తమ శిక్షణ ఇచ్చే కోచ్‌లను తీసుకొస్తామన్నారు.    ఆర్చర్‌ డాలీ శివానికి 25 లక్షల నజరానా...  వండర్‌ కిడ్‌ ఆర్చర్‌ డాలీ శివానిని సన్మానించి, రూ. 25 లక్షల నజరానాను ప్రకటించారు. ఒక ఇంటిని మంజూరు చేస్తున్నట్లు ప్రకటించారు. జాతీయ, అంతర్జాతీయ పతకాలు సా«ధిస్తున్న ఓల్గా ఆర్చరీ అకాడమీకి కావల్సిన స్థలం, విదేశీ కోచ్‌ల కోసం అయ్యే ఖర్చును ప్రభుత్వమే భరిస్తుందని సీఎం హామీ ఇచ్చారు. ఈ సందర్భంగా 2024 ఒలింపిక్స్‌లో పతకం సాధించి ఇస్తామని, ఓల్గా ఆర్చరీ అకాడమీ చీఫ్‌ కోచ్‌ చెరుకూరి సత్యనారాయణ సీఎం చంద్రబాబుకు హామీ ఇచ్చారు. టెన్విక్‌ సంస్థ అధినేత అనిల్‌ కుంబ్లే మాట్లాడుతూ... ఆంధ్రప్రదేశ్‌లో మంచి ప్రతిభగల క్రీడాకారులు ఉన్నారని చెప్పారు. సెయిలింగ్‌లో విశేష ప్రతిభ కనబరిచిన పి.స్వాతికి రూ.10 లక్షలు నజరానా సీఎం ప్రకటించారు. ఈ కార్యక్రమంలో శాప్‌ చైర్మన్‌ డాక్టర్‌ అంకమ్మ చౌదరి, క్రీడా శాఖ ప్రత్యేక ప్రధాన కార్యదర్శి ఎల్వీ సుబ్రహ్మణ్యం, శాప్‌ ఎండీ ఎన్‌.బంగారురాజు, శాప్‌ ఓఎస్‌డీ పి.రామకృష్ణ, స్థానిక ఎమ్మెల్యే జలీల్‌ ఖాన్‌ తదితరులు పాల్గొన్నారు.    యువత, విద్యార్థులు సీకే నాయుడును ఆదర్శంగా తీసుకుని క్రీడల్లో ఉన్నతంగా రాణించాలని భారత క్రికెట్‌ జట్టు మాజీ కెప్టెన్, స్పిన్‌ దిగ్గజం అనిల్‌ కుంబ్లే సూచించారు. కృష్ణా జిల్లా మచిలీపట్నంలోని జెడ్పీ సెంటర్‌ వద్ద ఏర్పాటు చేసిన భారత క్రికెట్‌ జట్టు తొలి కెప్టెన్‌ కల్నల్‌ సీకే నాయుడు విగ్రహాన్ని కుంబ్లే ఆవిష్కరిం చారు. పట్టణంలో రూ.13 కోట్లతో నిర్మించనున్న ఇండోర్‌ స్టేడియానికి శంకుస్థాపన చేశారు. తొలిసారిగా మచిలీపట్నం రావడం, నాయుడు విగ్రహాన్ని ఆవిష్కరించడం ఎంతో గర్వంగా ఉందన్నారు.     –సాక్షి, మచిలీపట్నం  

సాక్షి, మచిలీపట్నం : ప్రముఖ క్రికెటర్, టీం ఇండియా మాజీ కెప్టెన్‌ అనిల్‌ కుంబ్లే కృష్ణా జిల్లాకు వచ్చేశారు. భారత క్రికెట్‌ జట్టుకు కెప్టెన్‌గా సేవలందించిన తెలుగు తేజం సీకే నాయుడు విగ్రహాన్ని స్పిన్‌ దిగ్గజం కుంబ్లే మచిలీపట్నం (బందరు)లో ఆవిష్కరించారు. ఉదయం 9.30 గంటలకు మూడు స్తంభాల సెంటర్‌ దగ్గర కుంబ్లేకు క్రీడా శాఖ మంత్రి కొల్లు రవీంద్ర ఘన స్వాగతం పలికారు. అనంతరం అక్కడి నుంచి గోసంగం వరకు ర్యాలీ నిర్వహించారు. తర్వాత 10 గంటలకు స్టేడియం నిర్మాణానికి సంబంధించిన పనులకు శంకుస్థాపన చేశారు.  గోసంగం నుంచి ర్యాలీగా బయలు దేరి నేషనల్‌ కాలేజ్, రాజుపేట, కోనేరుసెంటర్, బస్టాండ్, లక్ష్మీటాకీస్‌ సెంటర్‌ మీదుగా జెడ్పీ సెంటర్‌కు చేరుకున్నారు. అక్కడ టీమిండియా మాజీ కెప్టెన్‌ సీకే నాయుడు విగ్రహాన్ని ఆవిష్కరించి ప్రసంగించారు. నాయుడు టీమిండియాకు విశేష సేవలందించారని స్పిన్‌ దిగ్గజం కుంబ్లే కొనియాడారు. తన చేతుల మీదుగా విగ్రహాన్ని ఆవిష్కరించడాన్ని గౌరవంగా భావిస్తున్నట్లు కుంబ్లే తెలిపారు. 1932–34 మధ్య కాలంలో ఇండియన్‌ క్రికెట్‌ టీంకు కెప్టెన్‌గా ఏపీ (బందరు)కి చెందిన సీకే నాయుడు కెప్టెన్‌గా వ్యవహరించిన సంగతి తెలిసిందే. సీకే నాయుడు విగ్రహం

చెన్నై: త్వరలో టీమిండియాతో జరుగనున్న ద్వైపాక్షిక సిరీస్‌లో ఇంగ్లండ్‌ జట్టుకు కష్టాలు తప్పవని అంటున్నాడు మాజీ కోచ్‌ అనిల్‌ కుంబ్లే. అత్యంత అనుభవమున్న టీమిండియాను ఎదుర్కోవడం ఇంగ్లండ్‌ అంత సులభం కాదని కుంబ్లే స్పష్టం చేశాడు. అటు బ్యాటింగ్‌, ఇటు బౌలింగ్‌ విభాగాల్లో చూస్తే భారత క్రికెట్‌ జట్టే అత్యుత్తమంగా ఉందన్నాడు. ప్రధానంగా భారత స్పిన్నర్ల నుంచి ఇంగ్లండ్‌కు ముప్పు పొంచి వుందని కుంబ్లే జోస్యం చెప్పాడు. ‘అన్ని విభాగాల్లో టీమిండియా జట్టే అత్యుత్తమం. ముఖ్యంగా టెస్టుల్లో 20 వికెట్లను తీసే బౌలర్లు మన జట్టులో ఉన్నారు. ఇక బ్యాటింగ్‌ విభాగంలో అనుభవంతో కూడిన జట్టు మనది. కనీసం 50 టెస్టులు ఆడిన ఆటగాళ్లు భారత జట్టులో ఉన్నారు. ఇంగ్లండ్‌ గడ్డపై ఆడిన అనుభవం దాదాపు అందరికీ ఉంది. ఇది మనకు అదనపు ప్రయోజనం. ఉత్తమ స్సిన్నర్లు టీమిండియా సొంతం. సెకాండాఫ్‌లో స్పిన్నర్లు ప్రభావం ఎక్కువగా ఉంటుంది. ఇది మనకు సిరీస్‌ గెలవడానికి దోహదం చేస్తుంది’ అని ఒక ఈవెంట్‌లో పాల్గొనడానికి నగరానికి వచ్చిన కుంబ్లే పేర్కొన్నాడు. జూలై 3వ తేదీ నుంచి ఇంగ్లండ్‌-భారత జట్ల మధ్య ద్వైపాక్షిక సిరీస్‌ ఆరంభం కానుంది. ఇంగ్లండ్‌ పర్యటనలో భారత జట్టు మూడు టీ20లు, మూడు వన్డేలు, ఐదు టెస్టులు ఆడనుంది.

భారత్‌-అఫ్గానిస్తాన్‌ జట్ల మధ్య జరిగిన చారిత్రక టెస్టులో మిస్టరీ స్పిన్నర్‌ రషీద్‌ ఖాన్‌ పైనే అందరి దృష్టి ఉంది. కానీ ఆ అంచనాలను తలకిందులు చేస్తూ చెత్త ప్రదర్శన చేశాడు. టీ20 బౌలర్ల జాబితాలో ఆగ్రస్థానంలో ఉన్న రషీద్‌ టెస్టుల్లో విఫలమవ్వడం అందరినీ ఆశ్చర్యానికి గురిచేసింది. టెస్టుల్లో రాణించగల నైపుణ్యం రషీద్‌కు లేదని కొందరు మాజీలు విమర్శిస్తున్నారు. ఈ తరుణంలో టీమిండియా మాజీ కెప్టెన్‌ సౌరవ్‌ గంగూలీ రషీద్‌కు బాసటగా నిలిచారు. రషీద్‌ బౌలింగ్‌లో మెరుగుపడాలంటే టీమిండియా మాజీ క్రికెటర్‌, కోచ్‌ అనిల్‌ కుంబ్లే సలహాలు తీసుకోవాల్సిందిగా సూచించారు. తరుచూ కుంబ్లేను కలిసి అలోచనలు పంచుకుంటే మరిన్ని మెళుకువలు నేర్చుకోవచ్చని ఈ మాజీ కెప్టెన్‌ సలహా ఇచ్చారు. ‘రషీద్‌ క్రికెట్‌లో మరింత మెరుగ్గా రాణించాలంటే మాజీ స్పిన్‌ దిగ్గజం అనిల్‌ కుంబ్లేతో టచ్‌లో ఉండాలి. అతని నుంచి  సలహాలు, సూచనలు తీసుకోవాలి. అన్ని ఫార్మట్లలో రాణించగల సత్తా రషీద్‌కు ఉంది’ అంటూ ఓ ప్రముఖ ఆంగ్ల దినపత్రికకు రాసిస కాలమ్‌లో గంగూలీ పేర్కొన్నారు.      

దేశం మొత్తం రసవత్తరంగా ఎదురుచూస్తున్న కన్నడ అసెంబ్లీ ఎన్నికల పోలింగ్‌ నేటి(శనివారం) ఉదయం ప్రారంభమైంది. ఈ ఎన్నికల సందర్భంగా రాష్ట్రానికి చెందిన పలువురు ప్రముఖులు తమ ఓటింగ్‌ హక్కు వినియోగించుకుంటున్నారు. ఈ నేపథ్యంలో అదే రాష్ట్రానికి చెందిన మాజీ క్రికెటర్ అనిల్ కుంబ్లే ట్విటర్ వేదికగా ఓటర్లకు ఓ స్వీట్‌ మెసేజ్‌ పెట్టారు. ఈ దేశ పౌరులుగా మీ హక్కును వినియోగించుకోవాలంటూ పిలుపునిచ్చారు. ఓటు వేసేందుకు వచ్చిన కుంబ్లే.. తన కుటుంబ సభ్యులతో కలసి పోలింగ్ బూత్ ముందు లైన్‌లో వేచి ఉన్న సెల్ఫీని ట్విటర్‌లో పోస్ట్ చేశారు. ఆ సెల్ఫీతో పాటు ఓ మెసేజ్‌ను కూడా పోస్టు చేశారు.  ‘ ఓటు వేసేందుకు మా వంతు వచ్చే వరకు వేచి చూస్తున్నాం. ఇలాగే ప్రతి ఒక్కరూ దేశ పౌరులుగా మీ ఓటు హక్కు వినియోగించుకోండి’ అని పిలుపునిచ్చారు. ఓటు వేసి వచ్చిన తర్వాత సిరా గుర్తు చూపిస్తూ మరో సెల్ఫీ తీసుకుని దాన్ని కూడా ట్విటర్‌లో పోస్ట్ చేశారు. కుంబ్లే చేసిన ఈ పోస్టింగ్‌ సోషల్‌ మీడియాలో వైరల్‌ అవుతోంది. పోస్టు చేయగానే దీనికి 17 వేల మంది లైక్ కొట్టగా, 200 మంది రీట్వీట్ చేశారు. ఈ ఉదయం 7 గంటలకు కర్ణాటక వ్యాప్తంగా పోలింగ్ ప్రారంభమైంది. మొదటి రెండు గంటల్లోనే 10.6 శాతం ఓటింగ్ నమోదైంది. 58,546 పోలింగ్‌ స్టేషన్లలో ఈ పోలింగ్‌ జరుగుతోంది. ఆరు గంటలకు ఈ పోలింగ్‌ ప్రక్రియ ముగియనుంది. జయనగర్‌, ఆర్‌ఆర్‌ నగర్‌ నియోజకవర్గాల్లో పోలింగ్‌ వాయిదా పడింది. బీజేపీ అభ్యర్థి బీఎన్‌ విజయ్‌ నగర్‌ మృతి చెందడంతో జయనగర్‌ పోలింగ్‌ వాయిదా పడగా.. నకిలీ ఓటర్‌ ఐడీ కార్డుల కలకలంతో ఆర్‌ఆర్‌ నగర్‌ ఎన్నిక వాయిదా పడింది.   Waiting for our turn to vote! Urging everyone to exercise their rights as citizens! #KarnatakaElections2018 pic.twitter.com/O30QqqZlxW — Anil Kumble (@anilkumble1074) May 12, 2018 We have!!! Have You!!! #KarnatakaElections2018 pic.twitter.com/QRyui7xVwV — Anil Kumble (@anilkumble1074) May 12, 2018

లండన్‌: బాల్‌ ట్యాంపరింగ్‌, స్లెడ్జింగ్‌ తదితర పరిణామాలపై అంతర్జాతీయ క్రికెట్‌ మండలి(ఐసీసీ) కఠినంగా వ్యవహరించాలని నిర్ణయించింది. తప్పులు చేసే క్రీడాకారులకు జరిమానా, చిన్న చిన్న శిక్షలతో సరిపెట్టకూడదని నిర్ణయించింది. ఈ మేరకు భారత స్పిన్‌ దిగ్గజం అనిల్‌ కుంబ్లే నేపథ్యంలో ఓ కమిటీని నియమించింది. ఐదు రోజులపాటు జరిగిన కీలక సమావేశాల వివరాలను గురువారం ఐసీసీ సీఈవో డేవ్‌ రిచర్డ్‌సన్‌ మీడియాకు వెల్లడించారు.  ‘బాల్‌ ట్యాంపరింగ్‌, ఇతర తప్పిదాలకు చిన్న చిన్న శిక్షలు విధించటం వల్లే క్రీడాకారులకు భయం లేకుండా పోతుంది. అవే తప్పులు పునరావృతం అవుతున్నాయి. ప్రత్యర్థులంటే ఆటగాళ్లకి గౌరవం లేకుండా పోతోంది. స్లెడ్జింగ్‌ పేరుతో మైదానంలో దురుసు చేష్టలకు దిగుతున్నారు. ఇష్టమొచ్చినట్లు ప్రవర్తిస్తున్నారు. వాటిని శిక్షలు విధించినా ప్రయోజం కనిపించటం లేదు. అందుకే ఇక మీద ఉపేక్షించే ప్రసక్తే లేదు. అనిల్‌ కుంబ్లే నేతృత్వంలో ఓ కమిటీని నియమించాం. ప్రస్తుతం ఉన్న నియమావళిని, పెనాల్టీ..శిక్షల తీరును ఇది స్థూలంగా అధ్యయనం చేసి కొత్త ప్రతిపాదనలను సమర్పిస్తుంది. జూన్ ‌27, జూలై 3వ తేదీల్లో డబ్లిన్‌లో నిర్వహించబోయే సమావేశాల్లో వాటిని సమీక్షించి అమలులోకి తెస్తాం’ అని రిచర్డ్‌ సన్‌ తెలిపారు. ఆస్ట్రేలియా ఆటగాళ్ల బాల్‌ ట్యాంపరింగ్‌ వ్యవహారం.. బంగ్లాదేశ్‌-శ్రీలంక నిదాహాస్ ట్రోఫీ సందర్భంగా నెలకొన్న పరిణామాలపై ఐసీసీ సమావేశంలో ప్రధానంగా చర్చించినట్లు తెలుస్తోంది. 

సాక్షి, బెంగుళూరు : రాష్ట్ర విధానసభ ఎన్నికల్లో మిషన్‌–150 లక్ష్యాన్ని చేరుకునే దిశలో కార్యకలాపాలను రూపొందించిన భారతీయ జనతా పార్టీ(బీజేపీ) ప్రముఖ క్రికెట్‌ క్రీడాకారులకు గాలం వేసింది. క్రికెట్‌ ఆటగాళ్లు రాహుల్‌ ద్రవిడ్, అనిల్‌ కుంబ్లేలను పార్టీలో చేర్చుకునేందుకు బీజేపీ చేసిన ప్రయత్నాలు ఫలించలేదు. యువ ఓటర్లను దృష్టిలో ఉంచుకొని బీజేపీ ఈ ఇద్దరు మాజీ క్రికెటర్లను పార్టీలోకి చేర్చుకోవాలని యోచించింది. దీంతో ఈ ఇద్దరి క్రికెట్‌ ఆటగాళ్లలో పార్టీకి చెందిన ప్రముఖ నేత పలుమార్లు చర్చించారు. రాహుల్‌ ద్రవిడ్, అనిల్‌ కుంబ్లేలు తాము రాజకీయాలకు దూరంగా ఉండాలని అనుకుంటున్నట్లు తేల్చేయడంతో బీజేపీ ఆశలు ఆవిరయ్యాయి.

క్రైస్ట్‌చర్చ్‌:  న్యూజిలాండ్‌తో జరిగిన రెండో టెస్ట్‌లో ఇంగ్లండ్‌ బౌలర్‌ జేమ్స్‌ అండర్సన్‌ అరుదైన ఘనతను సాధించాడు.  టెస్ట్‌ క్రికెట్‌లో అత్యధిక బంతులేసిన బౌలర్ల జాబితాలో అండర్సన్‌ (30,074) నాలుగో స్థానంలో నిలిచాడు. దీంతో  వెస్టిండీస్ బౌలింగ్ దిగ్గజం కర్ట్‌నీ వాల్ష్ (30,019)ను అధిగమించాడు. ఓవరాల్‌గా ఫాస్ట్‌ బౌలర్లలో అత్యధిక బంతులేసిన ఆటగాడిగా అండర్సన్‌ తొలి స్థానంలో నిలిచాడు. 132 టెస్టులు ఆడిన ఈ ఇంగ్లీష్‌ బౌలర్‌ 539 వికెట్లు సాధించాడు. ప్రస్తుతం  ఐసీసీ టెస్ట్‌ ర్యాంకింగ్స్‌లో 887పాయింట్లతో  అండర్సన్‌ రెండో స్థానంలో ఉండగా, దక్షిణాఫ్రికా బౌలర్‌ రబడా 899 పాయింట్లతో తొలి స్థానంలో కొనసాగుతున్నాడు.  ఇక టెస్టుల్లో అత్యధిక బంతులేసిన బౌలర్ల జాబితాలో  శ్రీలంకకు చెందిన  ఆఫ్‌ స్పిన్‌ దిగ్గజం ముత్తయ్య మురళీధరన్ (133 టెస్టుల్లో 44,039 బంతులు) తొలి స్థానంలో ఉన్నాడు. భారత స్పిన్‌ దిగ్గజం అనిల్‌ కుంబ్లే (132 టెస్టుల్లో 40,850 బంతులు) రెండో స్థానంలో, ఆస్ట్రేలియా స్పిన్‌ మాంత్రికుడు షేన్‌ వార్న్‌(145టెస్టుల్లో 40,705 బంతులు) మూడో స్థానంలో ఉన్నారు.  కివీస్‌తో జరిగిన రెండు టెస్టుల సిరీస్‌ను ఇంగ్లండ్‌ 0-1తో కోల్పోయింది.

ప్రపంచ క్రికెట్‌ చరిత్రలో సంచలనం జరిగిన రోజు అది. భారత్‌ చిరకాల ప్రత్యర్థి పాకిస్తాన్‌ను కసితీరా ఓడించిన రోజు. భారత మాజీ స్పిన్నర్‌ కుంబ్లే జీవితంలో మరిచిపోలేని రోజు. తన స్పిన్‌తో దాయాది దేశాన్ని చాపచుట్టేసినట్లు చుట్టేశాడు. క్రికెట్‌ అభిమానులకు మరిచిపోలేని బహుమతి ఇచ్చాడు. ఆ మరుపురాని ఘటనకు నేటితో 19ఏ‍ళ్లు నిండాయి. అది ఫిబ్రవరి 7,1999 దాయాది పాకిస్తాన్‌తో టెస్టు మ్యాచ్‌, ఢిల్లీ, ఫిరోజ్‌షా కోట్ల స్టేడియం. పాకిస్తాన్‌ ముందు 420 కొండంత లక్ష్యం, ఒక్కరోజు మాత్రమే మిగిలింది. చివరి రోజు 101 పరుగలకు 1వికెట్‌ నష్టంతో పాకిస్తాన్‌ డ్రా కోసం ఆడుతోంది. అప్పుడే రంగంలోకి దిగాడు అనిల్‌ కుంబ్లే. గింగిరాలు తిరిగే బంతితో పాక్‌ను ముప్పుతిప్పలు పెట్టాడు. సయీద్‌ అన్వర్‌, షాహిద్‌ ఆప్రీదిలు కొద్ది సేపు నిలువరించినా చివరికి లొంగక తప్పలేదు. అంతే కుంబ్లే విసిరే స్పిన్‌ను ఎదుర్కొనలేని పాక్‌ ఆటగాళ్లు పెవిలియన్‌కు క్యూ కట్టారు. ఈ మ్యాచ్‌లో కుంబ్లే పదికి పది వికెట్లను తన ఖాతాలో వేసుకున్నాడు. ప్రపంచంలో పది వికెట్లు తీసిన రెండో ఆటగాడిగా రికార్డుకెక్కాడు. ఇంగ్లండ్‌కు చెందిన జిమ్‌ లాకెర్‌ 1956లో ఆస్ట్రేలియాతో జరిగిన 4వటెస్టు మ్యాచ్‌లో పదివికెట్లు తీశాడు. ఆయన తర్వాత ఒకే ఇన్నింగ్స్‌లో 10 వికెట్లు తీసిన ఆటగాడు అనిల్‌ కుంబ్లేనే. ఈ మ్యాచ్‌లో కుంబ్లే 26.3 ఓవర్లు బౌలింగ్‌ చేయగా ఇందులో 9ఓవర్లు మెయిడెన్లు ఉన్నాయి. 74 పరుగులు ఇచ్చి 10వికెట్లు తీసి పాకిస్తాన్‌ వెన్నువిరిచాడు. ఈ మ్యాచ్‌లో 207 పరుగులకు పాక్‌ ఆలౌట్‌ అయింది. భారత్‌ 212 పరుగులతో భారీ విజయం సాధించింది. ఈ అద్భుత విజయానికి నేటితో 19ఏ‍ళ్లు నిండాయి.

ముంబై : టీమిండియా మాజీ హెడ్‌ కోచ్‌ అనిల్‌ కుంబ్లే, కెప్టెన్‌ విరాట్‌ కోహ్లిల మధ్య వివాదలున్నట్లు అందరికీ తెలిసిందే. అయితే వీరి మధ్య ఈ వివాదాలు సమసిపోయినట్లు తెలుస్తోంది. ఇటీవలే దక్షిణాఫ్రికాలో సిరీస్‌ గెలిచే సత్తా కోహ్లి సేనకే ఉందని కుంబ్లే కొనియాడటం.. ముంబైలో జరిగిన కోహ్లి-అనుష్కా రిసెప్షన్‌కు హజరవ్వడం ఈ వాదనకు బలాన్ని చేకూరుస్తోంది. కుంబ్లే విరుష్కా రిసెప్షన్‌కు హజరవ్వడంపై సోషల్‌ మీడియా వేదికగా తీవ్ర చర్చ జరుగుతోంది. వారి గొడవలు ఆటలో భాగమే.. వ్యక్తిగతం కాదనీ కొందరంటే.. గొడవలు పక్కన పెట్టి కుంబ్లేను కోహ్లి ఆహ్వానించడం.. కుంబ్లే హజరవ్వడం వారి హుందాతానాన్ని చాటుతుందని మరికొందరు కామెంట్‌ చేస్తున్నారు. ఇంకొందరైతే కోహ్లి రిసెప్షన్‌కు కుంబ్లే హజరయ్యాడంటే మేము నమ్మమని ట్రోల్‌ చేస్తున్నారు.   కోచ్‌గా కుంబ్లే ఆటగాళ్లను ఇబ్బంది పెడుతన్నాడని కోహ్లి కామెంట్‌ చేయడం.. దీంతో కోచ్‌ పదవి నుంచి తప్పుకోవడం తీవ్ర చర్చనీయాంశమైంది. దీంతో ఈ ఇద్దరి మధ్య  చాల పెద్ద వివాదం చోటుచేసుకుందని అందరు భావించారు.  ఈ విషయం పలుమార్లు ఈ ఇద్దరు బాహటంగానే వ్యక్తం చేశారు. గత సెప్టెంబర్‌ 5న టీచర్స్‌డే సందర్భంగా కోహ్లి సోషల్‌ మీడియాలో తన గురువులందరికీ శుభాకాంక్షలు తెలుపుతూ ఓ ఫొటోను షేర్‌ చేశాడు. ఈ ఫొటోలో కుంబ్లే లేకపోవడంపై నెటిజన్లు కోహ్లిపై ఆగ్రహం వ్యక్తం చేశారు. ఒకరికొకరు బర్త్‌డే విషెస్‌ చెప్పుకోకపోవడం కూడా అప్పట్లో తీవ్ర చర్చనీయాంశమైంది.

బెంగళూరు: టీమిండియా మాజీ కోచ్ అనిల్ కుంబ్లే  'కోచ్ ఆఫ్ ద ఇయర్' అవార్డు అందుకున్నారు. సోమవారం స్పోర్ట్స్ రైటర్స్ అసోసియేషన్ ఆఫ్ బెంగళూరు(స్వాబ్‌) ప్రకటించిన అవార్డుల్లో కుంబ్లేకు కోచ్ ఆఫ్ ద ఇయర్ అవార్డు దక్కింది. 2016, జులై నుంచి ఈ ఏడాది మార్చి వరకు కుంబ్లే పర్యవేక్షణలోని భారత్ జట్టు వరుసగా ఐదు టెస్టు సిరీస్‌‌ల్లో ఘన విజయాలు సాధించడంతో ఈ అవార్డును అతనికి అందజేస్తున్నట్లు స్వాబ్‌ ప్రకటించింది. ఈ మేరకు సోమవారం నగరంలోని తాజ్‌ వివంతాలో ఏర్పాటు చేసిన అవార్డుల కార్యక‍్రమంలో భారత మహిళా హాకీ జట్టు కోచ్ హరేందర్ సింగ్ చేతుల మీదుగా అనిల్ కుంబ్లే అవార్డును అందుకున్నారు. అవార్డు స్వీకరణ అనంతరం కుంబ్లే మాట్లాడుతూ.. ఇదొక గొప్ప గౌరవంగా భావిస్తున్నట్లు తెలిపాడు. 'కర్ణాటక రాష్ట్రంలో ఉన్న టాలెంట్‌ను గుర్తించి ప్రోత్సహించడంలో స్వాబ్‌ ఎప్పుడూ ముందుంటుంది. మీ సహకారం లేకపోతే.. నా క్రికెట్ కెరీర్ ఆరంభంలోనే అవార్డులను దక్కించుకునేవాడిని కాదేమో. ఇప్పుడు నా ముందు కూర్చున్న చాలా మంది స్పోర్ట్స్ జర్నలిస్ట్‌లు నాకు సుదీర్ఘకాలంగా తెలుసు. నా స్కూల్ క్రికెట్‌ నుంచి నా కెరీర్ రిటైర్మెంట్.. తర్వాత కోచ్ బాధ్యతలు ఇలా అన్ని సమయాల్లోనూ వారు నా గురించి వార్తలు రాశారు. ఈ మీ ప్రోత్సాహం మరువులేనిది.. ఇకపై కూడా కొనసాగుతుందని ఆశిస్తున్నా' అని కుంబ్లే పేర్కొన్నాడు. అవార్డుల విజేతల పేర్ల జాబితా.. బెస్ట్‌ స్పోర్ట్స్‌ పర్సన్‌ ఆఫ్‌ ద ఇయర్‌(పురుషులు): సునీల్‌ చెత్రి బెస్ట్‌ స్పోర్ట్స్‌ పర్సన్‌ ఆఫ్‌ ద ఇయర్(మహిళలు):అదితి అశోక్‌ టీమ్‌ ఆఫ్‌ ద ఇయర్‌: బెంగళూరు ఎఫ్‌సీ కోచ్‌ ఆఫ్‌ ద ఇయర్‌: అనిల్‌ కుంబ్లే లైఫ్‌టైమ్‌ అచీవ్‌మెంట్‌ అవార్డు: ఎమ్‌పీ గణేశ్‌ బెస్ట్‌ జూనియర్‌ స్పోర్ట్స్‌ పర్సన్‌ ఆఫ్‌ ద ఇయర్‌(పురుషులు): అర్జున్‌ మైనీ బెస్ట్‌ జూనియర్‌ స్పోర్ట్స్‌ పర్సన్‌ ఆఫ్‌ ద ఇయర్(మహిళలు): దామిని గౌడ అసోసియేషన్‌ ఆఫ్‌ ద ఇయర్‌: కర్ణాటక బ్యాడ్మింటన్‌ అసోసియేషన్‌

బెంగళూరు:భారత​ క్రికెట్‌ జట్టు కెప్టెన్‌ విరాట్‌ కోహ్లితో విభేదాల కారణంగా కొన్ని నెలల క్రితం ప్రధాన కోచ్‌ పదవికి రాజీనామా చేసిన అనిల్‌ కుంబ్లే తాజాగా జట్టు ప్రదర్శనపై పెదవి విప్పాడు. త్వరలో దక్షిణాఫ్రికా పర్యటనకు వెళ్లబోయే విరాట్‌ కోహ్లి నేతృత్వంలోని భారత జట్టు కొత్త చరిత్ర సృష్టించడం ఖాయమని ధీమా వ్యక్తం చేశాడు. ఏది ఏమైనా సఫారీలను వారి దేశంలో భారత జట్టు ఓడిస్తారని నమ్మకం ఉందన్నాడు. బెంగళూరులో జరిగిన ఓ కార్యక్రమానికి విచ్చేసిన కుంబ్లే.. కోహ్లి అండ్‌ గ్యాంగ్‌పై పొగడ్తల వర్షం కురిపించాడు. టీమిండియా వరుస విజయాల వెనుక విరాట్‌ కృషి ఎంతో ఉందన్నాడు. మరొకవైపు అంతర్జాతీయ స్థాయి క్రికెట్‌లో ఆటగాళ్లకు కోచ్‌లు పెద్దగా చెప్పేది ఏమి ఉండదన్నాడు. అదే సమయంలో జట్టు విజయాల వెనుక కోచ్‌ల పాత్ర కూడా ఏమీ ఉండదని కుంబ్లే పేర్కొన్నాడు. ఏడాదికి పైగా జట్టుతో కలిసి పని చేయడం ఒక మధురమైన అనుభూతి అన్నాడు.  ఈ మేరకు జట్టు సభ్యులకు కుంబ్లే కృతజ్ఞతలు తెలియజేశాడు.  

ముంబై: భారత క్రికెట్‌ జట్టుకు ప్రధాన కోచ్‌గా పనిచేసిన అనిల్‌ కుంబ్లే దాదాపు ఐదు నెలల క్రితం తన పదవికి రాజీనామా చేసిన సంగతి తెలిసిందే. క్రికెట్‌ జట్టు కెప్టెన్‌ విరాట్‌ కోహ్లితో విభేదాలు కారణంగా కుంబ్లే తన పదవి నుంచి తప్పుకున్నాడన్నది కాదనలేని సత్యం. అయితే వీరిద్దరి వివాదాన్ని సుమారు 65 ఏళ్ల నాటి సంఘటనతో పోల్చారు రామచంద్ర గుహ. బీసీసీఐ పాలకుల కమిటీ సభ్యత్వానికి ఆరు నెలల క్రితం రాజీనామా చేసిన గుహ.. తొలిసారి క్రికెట్‌ గురించి బహిరంగంగా పెదవి విప్పారు. కొన్ని నెలల క్రితం కోహ్లి-కుంబ్లేల మధ్య చోటు చేసుకున్న వివాదాన్ని 1952లో సీకే నాయుడు-వినూ మన్కడ్‌ వివాదంతో పోల్చారు. బాంబే జింఖానా మైదానంలో జరిగిన ఓ కార్యక్రమానికి హాజరైన గుహ మాట్లాడారు. 'బీసీసీఐ పరిపాలకుల కమిటీకి ఆరు నెలల క్రితం రాజీనామా చేశాను. ఆ తర్వాత క్రికెట్‌పై బహిరంగంగా మాట్లాడటం ఇదే తొలిసారి. 1952లో కల్నల్‌ సీకే నాయుడు, వినూ మన్కడ్‌ మధ్య పెద్ద వివాదం నడిచింది. ఆ సమయంలో నాయుడు సెలక్షన్‌ కమిటీ ఛైర్మన్‌గా ఉండగా,. వినూ మన్కడ్‌ అద్భుతమైన క్రికెటర్‌. అది భారత జట్టు ఇంగ్లండ్‌లో పర్యటించిన సమయం. లంకాషైర్‌ నుంచి మన్కడ్‌కు ఓ ఒప్పందం ప్రతిపాదన వచ్చింది. జట్టులోకి తీసుకుంటారని నాకు హామీ ఇస్తే లంకషైర్‌తో ఒప్పందం కుదుర్చుకోనని మన్కడ్‌ బీసీసీఐకి తెలిపారు. ‘మేమెలాంటి హామీ ఇవ్వలేం అని అందుకు నాయుడు బదులిచ్చారు. ఆ క్రమంలోనే లార్డ్స్‌లో జరిగిన తొలి టెస్టులో ఓడింది. మన్కడ్‌ ఆడాడు. తొలి ఇన్నింగ్స్‌లో 72, రెండో ఇన్నింగ్స్‌లో 184 పరుగులు చేశాడు. అప్పుడు సీకే నాయుడు, మన్కడ్‌కు మధ్య వివాదం ఏ విధంగా జరిగిందో.. ఇప్పుడు కోహ్లి-కుంబ్లేల మధ్య జరిగింది. కాకపోతే అప్పుడు క్రికెట్‌ పరిపాలకులది పైచేయి ఉంటే.. ఇప్పుడు ఆటగాళ్లే క్రికెట్‌ పరిపాలన విధానాన్ని శాసిస్తున్నారు' అని గుహ అభిప్రాయపడ్డాడు. 

ముంబై:గతంలో తాను భారత క్రికెట్‌ జట్టుకు కెప్టెన్‌గా ఉన‍్న సమయంలో  ఒకానొక సందర్బంలో అనిల్‌ కుంబ్లే ఎంపిక కోసం సెలక్టర్లతో యుద్దమే చేశానని సౌరవ్‌ గంగూలీ తాజాగా స్పష్టం చేశాడు. 2003-04 సీజన్‌లో భాగంగా ఆస్ట్రేలియా పర్యటనకు వెళ్లిన సమయంలో కుంబ్లే తప్పకుండా జట్టులో ఉండాలని కోరుతూ సెలక్టర్లపై ఒత్తిడి తీసుకువచ్చానని గంగూలీ తెలిపాడు. ఈ క్రమంలోనే సెలక్టర్లకు తనకు ఒక చిన్నపాటి యుద్దమే జరిగిందన్నాడు. ఒకవేళ కుంబ్లేను జట్టులోకి తీసుకోలేకపోతే తాను క్రికెట్‌ నుంచి వైదొలుగుతానని సెలక్టర్లను హెచ్చరించిన విషయాన్ని గంగూలీ మరొకసారి గుర్తుచేసుకున్నాడు. 'గత పాతికేళ్లలో భారత్‌ నుంచి వచ్చిన గొప్ప మ్యాచ్‌ విన్నర్లలో కుంబ్లే ఒకడు. కాస్త ఫామ్‌ కోల్పోయిన కారణంగా 2003-04 ఆస్ట్రేలియా పర్యటనకు సెలక్టర్లు అనిల్‌ను పక్కన పెడదామని చూశారు. ఆ విషయం నేను సెలక్టర్ల సమావేశానికి వెళ్లిన తరువాత కానీ అర్థం కాలేదు. కుంబ్లే మ్యాచ్‌ విన్నర్‌ అని.. ఫామ్‌ కోల్పోవడం తాత్కాలికమేనని చాలాసేపు సెలక్టర్లను అభ్యర్థించాను. వాళ్లు నా మాట వినలేదు. చివరికి కోచ్‌ జాన్‌ రైట్‌ కూడా నువ్వు ఎంపిక ప్రక్రియ త్వరగా పూర్తి చేయి వెళిపోదాం అన్నాడు. నేను వదల్లేదు. కుంబ్లేనే తీసుకోకపోతే నేనూ ఆ జట్టులో ఉండను అని చెప్పేశాను. ఎట్టకేలకు నా ప్రయత్నం ఫలించింది' అని గంగూలీ తెలిపాడు. తన కెప్టెన్సీ సమయంలో పలువురి ఆటగాళ్లకు గంగూలీ అండగా నిలిచిన సంగతి తెలిసిందే. అందులో వీరేంద్ర సెహ్వాగ్‌, హర్బజన్‌ సింగ్‌లు పేర్లను ప్రధానంగా చెప్పుకొవచ్చు.

న్యూఢిల్లీ: భారత క్రికెట్‌లో క్రమశిక్షణకు మారుపేరైన ఆటగాడిగా అనిల్‌ కుంబ్లే పేరు వినిపిస్తుంది. కెరీర్‌లోనూ, ఆ తర్వాత కోచ్‌గా పని చేసినప్పుడు కూడా ఇదే లక్షణం కుంబ్లేను ప్రత్యేకంగా నిలబెట్టింది. చివరకు అదే కారణం చేత ‘హెడ్‌మాస్టర్‌’ తరహా శిక్షణ ఇస్తున్నాడనిపించుకొని జట్టు కోచ్‌ పదవి కూడా కోల్పోవాల్సి వచ్చింది. అయితే ‘హెడ్‌మాస్టర్‌’ ముద్ర తనకు మొదటి నుంచీ లేదని, ఆటగాడిగా తర్వాతి రోజుల్లో తనను అలా పిలవడం మొదలు పెట్టారని అతను అన్నాడు. మైక్రోసాఫ్ట్‌ సీఈఓ సత్య నాదెళ్ల పుస్తకం ‘హిట్‌ రిఫ్రెష్‌’కు సంబంధించి మంగళవారం జరిగిన ఈ కార్యక్రమంలో ఆయనతో వివిధ అంశాలపై మాట్లాడుతూ కుంబ్లే ఈ వ్యాఖ్యలు చేశాడు. ‘ఆత్మవిశ్వాసం అనేది నాకు వారసత్వంగానే వచ్చింది. మనల్ని పెంచే క్రమంలో తల్లిదండ్రులు, తాతయ్య, నానమ్మలాంటి వారు మనకు నేర్పే విలువల నుంచి ఇది వస్తుంది. మా తాత స్కూల్‌లో హెడ్‌మాస్టర్‌గా పని చేసేవారు. హెడ్‌మాస్టర్‌ అనే పదం నా కెరీర్‌ తర్వాతి రోజుల్లో నాతో జత చేరుతుందని నాకు బాగా తెలుసు. అది నిజంగానే జరిగింది. నేను దేని గురించి మాట్లాడుతున్నానో మీకందరికీ బాగా తెలుసు’ అని కుంబ్లే వ్యాఖ్యానించాడు. 2003 – 04 సమయంలో తన కెరీర్‌ డోలాయమాన స్థితిలో ఉందని, జట్టులో చోటు కోసం హర్భజన్‌తో పోటీ పడుతున్న ఆ సమయంలో తాను రిటైర్‌ కావాలని కూడా వార్తలు వచ్చాయని కుంబ్లే గుర్తు చేసుకున్నా డు. అయితే ఆస్ట్రేలియాతో జరిగిన అడిలైడ్‌ టెస్టులో తాను బాగా ఆడటంతో పాటు భారత్‌ గెలవడంతో తన కెరీర్‌ మళ్లీ గాడిలో పడిందని కుంబ్లే చెప్పాడు. భారత క్రికెట్‌లో 1983 వన్డే వరల్డ్‌ కప్‌ విజయం, 2001లో సొంతగడ్డపై ఆస్ట్రేలియాతో జరిగిన సిరీస్‌ లు అత్యుత్తమ ఘట్టాలని కుంబ్లే అభిప్రాయపడ్డాడు.   

సాక్షి, న్యూఢిల్లీ: భారత పర్యటనకు వచ్చిన మైక్రోసాఫ్ట్‌ సీఈవో సత్యనాదేళ్లతో టీమిండియా మాజీ కోచ్‌ అనిల్‌ కుంబ్లే సరదాగా గడిపారు. మంగళవారం ఢిల్లీలోజరిగిన సత్య నాదేళ్ల  ‘హిట్‌ రిఫ్రేష్‌’  బుక్‌ ప్రమోషన్‌ కార్యక్రమంలో ఈ ఇద్దరు లెజెండ్స్‌ సమావేశమయ్యారు. పాత విషయాలని నెమరు వేసుకుంటూ సరదాగా ముచ్చటించారు. ​తను చూసిన చివరి టెస్టు కుంబ్లే చివరిగా ఫిరోజ్‌షా కోట్ల మైదానంలో ఆడిన మ్యాచ్‌నే చూశానని సత్యనాదేళ్ల తెలిపారు. ​క్రికెట్‌ మైదానం నుంచి సీఈవో ఆఫీస్‌ వరకు మూడు గుణపాఠాలు నేర్చుకున్నానని పేర్కొన్నారు. ఈ సందర్భంగా భారత్‌లో విస్తరిస్తున్న టెక్నాలిజీ గురించి కూడా చర్చించుకున్నారు. ఇక ఈ భేటి విషయాన్ని కుంబ్లే‘ మైక్రోసాఫ్ట్‌  సత్యనాదేళ్లతో ఓ గొప్పసమావేశం జరిగింది అని ట్వీట్‌ చేశారు.  . Had a great conversation with @satyanadella. A privilege & honour. @MicrosoftIndia #HitRefresh pic.twitter.com/BRgGiy29DW — Anil Kumble (@anilkumble1074) 7 November 2017

సాక్షి, హైదరాబాద్‌: టీమిండియా కెప్టెన్‌ విరాట్‌ కోహ్లికి  ప్రపంచవ్యాప్తంగా ఉన్న మాజీ క్రికెటర్లు, అభిమానులు, బర్త్‌డే  విషెస్‌ చెప్పేందుకు పోటీపడ్డారు. కానీ నలుగురు ఫేమస్‌ క్రికెటర్లు మాత్రం కోహ్లికి పుట్టిన రోజు శుభాకాంక్షలు తెలుపలేదు. అయితే ఈ నలుగురి క్రికెటర్లతో గతంలో కోహ్లికి వివాదం చోటుచేసుకుంది. ఈ వివాదాలు అందరికి బాహటంగా తెలిసినవే. ఈ వివాదాల కారణంగానే వారు కోహ్లికి విషెస్‌ చెప్పలేదేమో అనే ప్రచారం జరుగుతోంది. ఆ నలుగురు క్రికెటర్లు ఎవరంటే..? ఆస్ట్రేలియా కెప్టెన్‌ స్టీవ్‌ స్మిత్‌, ఇంగ్లండ్‌ పేస్‌ బౌలర్‌ జేమ్స్‌ అండర్సన్‌, ఆసీస్‌ పేస్‌ బౌలర్‌ మిచెల్‌ జాన్సన్‌, టీమిండియా మాజీ కోచ్‌ అనిల్‌ కుంబ్లే.  చెల్లుకు చెల్లు.. ఇక అనిల్‌ కుంబ్లే- కోహ్లిల మధ్య వివాదం కోచ్‌ పదవి నుంచి కుంబ్లే తప్పుకునే వరకు దారితీసింది. కానీ ఈ వివాదం గురించి ఈ ఇద్దరూ బాహటంగా ప్రస్తావించకపోయిన వారు చేసిన కొన్ని పనుల వల్ల తెలిసిపోయింది. టీచర్స్‌ డే రోజు కోహ్లి షేర్‌ చేసిన ఫోటోలో కుంబ్లే లేకపోవడం.. కుంబ్లే బర్త్‌డే రోజు కోహ్లి విష్‌ చేయకపోవడంపై అభిమానుల నుంచి తీవ్ర వ్యతిరేకత వ్యక్తం అయింది. ఇప్పుడు కుంబ్లే కూడా సైలెంట్‌గా చెల్లుకు చెల్లు అన్నట్లు ఉండటంతో వీరి మధ్య గొడవ మాటల్లేనంత అయి ఉంటుందని తెలుస్తోంది. 2017 భారత్‌-ఆస్ట్రేలియా టెస్ట్‌ సిరీస్‌ సందర్భంగా చోటు చేసుకున్న రివ్యూవివాదం కోహ్లి-స్మిత్‌ల మధ్య మాటల యుద్దానికి దారితీసింది. స్మిత్‌ ఓ ఛీటర్‌ అంటూ కోహ్లి చేసిన వ్యాఖ్యలు అప్పట్లో దుమారం లేపాయి. ఇక 2016 భారత్‌-ఇంగ్లండ్‌ టెస్టు సిరీస్‌ సందర్భంగా కోహ్లి- అండర్సన్‌ మధ్య వివాదం చోటు చేసుకుంది. కోహ్లి డబుల్‌ సెంచరీ చేయడంతో సహనం కోల్పోయిన అండర్సన్‌ నోరుపారేసుకున్నాడు. ఇక జాన్సన్‌కు కోహ్లికి మధ్య 2014 బాక్సింగ్‌ టెస్టులో వివాదం చోటుచేసుకుంది. రాయల్‌ చాలెంజర్స్‌ బెంగళూరు మాజీ యాజమాని విజయ్‌ మాల్యా సైతం బర్త్‌ డే విషెస్‌ తెలపలేదు.

దుబాయ్‌: స్పిన్‌ దిగ్గజం అనిల్‌ కుంబ్లేకు తాను వీరాభిమానినని, టెస్టుల్లో ఆయన వికెట్ల రికార్డును ‘అందుకునే’ సాహసం చేయనని భారత ఆఫ్‌ స్పిన్నర్‌ రవిచంద్రన్‌ అశ్విన్‌ వ్యాఖ్యానించాడు. కుంబ్లే సాధించిన వికెట్లకు ఒక వికెట్‌ తక్కువగా సాధించిన క్షణా న్నేతాను ఆట నుంచి తప్పుకుంటానని అతను అన్నాడు. జనరేషన్‌ నెక్స్‌ట్‌ పేరుతో అశ్విన్‌ తన సొంత అకాడమీని దుబాయ్‌లో శుక్రవారం ప్రారంభించాడు. ‘కుంబ్లే టెస్టుల్లో 619 వికెట్లు తీశారు. నా ఆట బాగుండి, అదృష్టవశాత్తూ నేను అంత దూరం వెళ్లగలిగితే సంతోషం. కానీ నేను 618 వికెట్లు తీశానంటే అదే నా ఆఖరి టెస్టు అవుతుంది. ఆపై మరో వికెట్‌ కూడా తీయను’ అంటూ కుంబ్లేతో సమానంగా నిలవలేనని అశ్విన్‌ గౌరవాన్ని ప్రదర్శించాడు. 1998లో పాకిస్తాన్‌తో పెషావర్‌లో జరిగిన టెస్టులో ఆసీస్‌ మాజీ కెప్టెన్‌ మార్క్‌ టేలర్‌ కూడా బ్రాడ్‌మన్‌ పట్ల ఇలాంటి గౌరవాన్నే చూపిం చాడు. రెండో రోజు ఆట ముగిసే సమయానికి 334 పరుగులతో నాటౌట్‌గా నిలిచిన కెప్టెన్‌ టేలర్‌... తాను బ్రాడ్‌మన్‌ అత్యధిక స్కోరు (334)ను అందుకోవడమే గొప్ప అని, దానిని దాటలేనంటూ మూడో రోజు క్రీజ్‌లోకి రాకుండా ఇన్నింగ్స్‌ను డిక్లేర్‌ చేశాడు. 31 ఏళ్ల అశ్విన్‌ ఇప్పటి వరకు 52 టెస్టుల్లోనే 292 వికెట్లు పడగొట్టాడు.  

భారత లెజెండరీ బౌలర్‌ అనిల్‌ కుంబ్లేకు పుట్టినరోజు శుభాకాంక్షల విషయంలో భారత క్రికెట్‌ సంఘం (బీసీసీఐ) వివాదానికి కేంద్ర బిందువుగా మారింది. అనిల్‌ కుంబ్లేను కేవలం 'మాజీ బౌలర్‌గా' పేర్కొంటూ బీసీసీఐ తన అధికారిక ట్విట్టర్‌ పేజీలో శుభాకాంక్షలు తెలుపడం.. ఆయన అభిమానులకు ఆగ్రహం తెప్పించింది. భారత క్రికెట్‌ జట్టుకు నిరుపమానమైన సేవలు అందించిన కుంబ్లేను ఇంత దారుణంగా అవమానిస్తారా? అంటూ నెటిజన్లు మండిపడ్డారు. వెంటనే తప్పును గ్రహించిన బీసీసీఐ తన ట్వీట్‌ను తొలగించి.. కుంబ్లేను మాజీ కెప్టెన్‌, లెజెండ్‌ బౌలర్‌ అని ప్రశంసిస్తూ.. మరో ట్వీట్‌ పెట్టింది. అయితే, బీసీసీఐతో నెటిజన్ల ఆగ్రహం ఆగిపోలేదు. కుంబ్లేకు సోషల్‌ మీడియా వేదికగా శుభాకాంక్షలు తెలుపని టీమిండియా కెప్టెన్‌ విరాట్‌ కోహ్లిపై వారి దృష్టి పడింది. అంతే, కోహ్లిపై తీవ్రంగా విరుచుకుపడుతూ నెటిజన్లు ట్వీట్ల వర్షం కురిపిస్తున్నారు. గత ఏడాది టీమిండియా కోచ్‌గా కుంబ్లే ఉన్నప్పుడు ట్విట్టర్‌ వేదికగా కోహ్లి జన్మదిన శుభాకాంక్షలు తెలిపాడు. ఈ ఏడాది అదే రోజున సోషల్‌ మీడియాలో యాక్టివ్‌గా ఉండి పలు పోస్టులు పెట్టిన కోహ్లి.. కుంబ్లేకు శుభాకాంక్షలు మాత్రం తెలుపలేదు. దీనిని గుర్తించిన నెటిజన్లు కోహ్లిపై మండిపడుతున్నారు. కోహ్లితో విభేదాల కారణంగా కోచ్‌ పదవి నుంచి కుంబ్లే తప్పుకున్న సంగతి తెలిసిందే. కుంబ్లే తప్పుకోవడంతో కోహ్లికి సన్నిహితుడైన రవిశాస్త్రి కోచ్‌ పదవిలోకి వచ్చారు. ఈ నేపథ్యంలో బీసీసీఐ సరైన రీతిలో గౌరవం ఇవ్వకుండా కుంబ్లేపై ట్వీట్‌ చేయడం.. ఇక కోహ్లి సోషల్‌ మీడియాలో మౌనం పాటించడం నెటిజన్లలో ఆగ్రహం తెప్పించింది. బాలీవుడ్‌ సింగర్‌ అర్జిత్‌ సింగ్‌ను కలిసి ప్రశంసించేందుకు, ఫుట్‌బాల్‌ ఆట ఆడేందుకు కోహ్లికి టైమ్‌ ఉంది కానీ, కుంబ్లేకు శుభాకాంక్షలు తెలిపేందుకు లేదా.. సిగ్గుచేటు అంటూ ఆగ్రహంగా ట్వీట్లు పెడుతున్నారు. కోహ్లికి ఇంత ఈగో పనికిరాదని, కుంబ్లే పట్ల కనీస మర్యాద చూపాలని హితవు పలుకుతున్నారు. Virat Kohli has the time to play football, appear on tv show. But no time to wish Anil Kumble on his birthday. What a shame! — Aditya Kulkarni (@adikulk) 17 October 2017 So, Virat Kohli has the time and energy to wish and visit Arijit Singh, but he doesn't have the courtesy to wish Anil Kumble. — Nitin Naik (@toi_nitinnayak) 17 October 2017 Why has Virat Kohli still not wished Anil Kumble ?? 😂😂😂 — A D I (@Sachinspired) 17 October 2017 Seems at the end Kohli didn't wish Anil Kumble on his birthday. What ego! — cricketSaM (@indoriitweeter) 18 October 2017 Waiting for Kohli to keep aside his ego and wish anil Kumble on his birthday. #HappyBirthdayKumble — Heerahee (@Heerahee) 17 October 2017 నెటిజన్ల ఆగ్రహం ఇలా ఉండగా.. టీమిండియా సహచరులు పలువురు మాత్రం కుంబ్లే సేవలను ఘనంగా కొనియాడుతూ.. అతనికి ట్విట్టర్‌లో బర్త్‌డే విషెస్‌ తెలిపారు.

'దంతెరస్‌' రోజు భారత్‌కు అతిపెద్ద 'ధన'మైన అనిల్‌ కుంబ్లే భాయ్‌కి పుట్టినరోజు శుభకాంక్షలు.. జైజై శివశంభో.. హ్యాపీ బర్త్‌డే జంబో'.. పుట్టినరోజు సందర్భంగా స్పిన్‌ దిగ్గజం అనిల్ కుంబ్లేకు మాజీ డ్యాషింగ్‌ క్రికెటర్‌ వీరేంద్ర సెహ్వాగ్‌ తనదైన శైలిలో చెప్పిన బర్త్‌డే విషెస్‌ ఇవి.. భారత్‌ క్రికెట్‌కు కుంబ్లే అతిపెద్ద ధనమంటూ ఆయన చేసిన ట్వీట్‌ నెటిజన్లను ఆకట్టుకుంటోంది. భుజాలు అరిగిపోయేలా భారత జట్టు కోసం ఎడాపెడా బౌలింగ్‌ చేసిన స్పిన్‌ దిగ్గజం.. అనిల్‌ కుంబ్లే పుట్టినరోజు నేడు. ఆయనకు సోషల్ మీడియాలో విషెస్‌ వెల్లువెత్తాయి. సెహ్వాగ్‌తోపాటు సచిన్‌ టెండూల్కర్‌, వీవీఎస్‌ లక్ష్మణ్‌, మహమ్మద్‌ కైఫ్‌ తదితరులు ఆయనను శుభాకాంక్షలతో ముంచెత్తారు. On Dhanteras, wishing one of India's greatest Dhan @anilkumble1074 bhai a very happy birthday. Jai jai Shiv Shambho, Happy Birthday Jumbo ! pic.twitter.com/avEDcOgeWJ — Virender Sehwag (@virendersehwag) 17 October 2017 Wish you a very happy birthday, Kumbels! You have been an inspiration for generations together and will continue to be one. pic.twitter.com/3vqMpqhu6E — sachin tendulkar (@sachin_rt) 17 October 2017 Wishing a very happy birthday Anil Bhai. May all your dreams come true @anilkumble1074 ! pic.twitter.com/2UNvZof2tb — Mohammad Kaif (@MohammadKaif) 17 October 2017 Wishing one of India's greatest match winners , @anilkumble1074 a very happy birthday. May you have a great day and year ahead. pic.twitter.com/JBCvgOeIBk — VVS Laxman (@VVSLaxman281) 17 October 2017

ఒకప్పుడు టీమిండియాలో సచిన్‌ పెద్దన్నగా ఉండేవాడు. కెప్టెన్‌ కాకపోయినప్పటికీ జట్టులో ఏదైనా వివాదం తలెత్తితే సచిన్‌ రంగంలోకి దిగేవాడు. బోర్డుతోనూ పెద్దన్నగానే వ్యవహరించేవాడు. ఆ తర్వాత జట్టులో పెద్దన్నగా వ్యవహరించింది....ఆనాటి మేటి బౌలర్‌ అనిల్‌ కుంబ్లే. భుజాలు అరిగిపోయేలా అతనితో కెప్టెన్లు ఎడాపెడా బౌలింగ్‌ చేయించినా కుంబ్లే ముఖంలో ఎప్పుడూ  చిరునవ్వు ఉండేది. క్రికెట్‌లో కుంబ్లే సాధించిన విజయాలు ఒక ఎత్తయితే వివాద రహితుడిగా కెరీర్‌ను కొనసాగించడం మరోఎత్తు. కెప్టెన్, జట్టులోని ఆటగాళ్లు, బోర్డుతోనూ ఏనాడూ కుంబ్లే వివాదాలకు తెరతీయలేదు.  నేడు ఆయన పుట్టిన రోజు సందర్భంగా కుంబ్లే గురించి మరిన్ని విశేషాలు..!            బ్యాటింగ్‌ చేసినా, బౌలింగ్‌ చేసినా, ఫీల్డింగ్‌ చేసినా ఎప్పుడూ జట్టు ప్రయోజనాల గురించే ఆలోచించిన అతి కొద్దిమందిలో కుంబ్లే కచ్చితంగా చోటు సంపాదించుకుంటాడు. ఇన్ని ప్రత్యేకతలున్న కుంబ్లే రికార్డుల గురించి ఎంత చెప్పుకున్నా తక్కువే. రికార్డులకన్నా గొప్పది అతని వ్యక్తిత్వం. బ్యాటింగ్‌ చేసినా, బౌలింగ్‌ చేసినా, ఫీల్డింగ్‌ చేసినా ఎప్పుడూ జట్టు ప్రయోజనాల గురించే ఆలోచించిన అతి కొద్ది మందిలో కుంబ్లే ఖచ్చితంగా చోటు సంపాదించుకుంటాడు. ఇన్ని ప్రత్యేకతలున్న కుంబ్లే రికార్డుల గురించి ఎంత చెప్పుకున్నా తక్కువే. రికార్డులకన్నా గొప్పది అతని వ్యక్తిత్వం. కుంబ్లే అసలుపేరు అనిల్‌ రాధాకృష్ణన్‌ కుంబ్లే. 1970 అక్టోబర్‌ 17న  బెంగళూరులోని కృష్ణస్వామి, సరోజ దంపతులకు జన్మించారు. చిన్నతనం నుంచే కుంబ్లేకు క్రికెట్‌పై మక్కువ ఉండేది. బెంగళూరు వీధుల్లో బ్యాటింగ్‌ ప్రాక్టీస్‌ చేసేవాడు. 13 ఏళ్ల ప్రాయంలోనే యంగ్‌ క్రికెటర్స్‌ క్లబ్‌లో చేరాడు. ఇతనికి దినేశ్‌ అనే సోదరుడు కూడా ఉన్నాడు. కుంబ్లే విసిరిన బంతి జంబోజెట్‌ వేగంతో వస్తుందని అతనికి జంబో అనే ముద్దుపేరు పెట్టారు. ఒకే ఇన్నింగ్స్‌లో 10 వికెట్లు.. 1989 నవంబర్‌లో ఫస్ట్‌క్లాస్‌  క్రికెట్‌ ఆడిన కుంబ్లే 4 వికెట్లు సాధించాడు. ఆ తర్వాత అండర్‌–19 జట్టులో భారతదేశానికి ప్రాతినిధ్యం వహించి  సెంచరీ సాధించాడు. 1990 ఏప్రిల్‌ 5న మొదటిసారిగా శ్రీలంకతో వన్డే మ్యాచ్‌ ఆడాడు. అదే ఏటా ఇంగ్లాండ్‌పై టెస్టుల్లో అరంగేట్రం చేశాడు. తర్వాత భారత్‌లో జరిగిన  3 టెస్టుల సిరీస్‌లో 19.8 సరాసరితో 21 వికెట్లు సాధించాడు.  టెస్టుల్లో మొదటి 50 వికెట్లను కేవలం 10 మ్యాచ్‌ల్లోనే సొంతం చేసుకున్నాడు. 21 టెస్టుల్లో 100 వికెట్లు సాధించాడు. వెస్టిండీస్‌తో జరిగిన మ్యాచ్‌లో కేవలం 12 పరుగులకే 6 వికెట్లును చేజిక్కించుకున్నాడు. 1996 వన్డే ప్రపంచకప్‌నాటికి కుంబ్లే బౌలింగ్‌ శిఖరాలకు చేరింది. ఆ ప్రపంచకప్‌లో 16 వికెట్లను తీసాడు. టెస్టు క్రికెట్‌లో ఒకే ఇన్నింగ్స్‌లో 10 వికెట్లు పడగొట్టిన రెండో బౌలర్‌ కుంబ్లే. ఇన్ని ఘనతలు సాధించినప్పటికీ టెస్టుల్లో తన సెంచరీని 118వ మ్యాచ్‌లో పూర్తిచేసాడు. ఇన్నింగ్స్‌లో అత్యధికసార్లు 5 వికెట్లు తీసిన భారతీయ బౌలర్‌ కుంబ్లే. 2004లో కపిల్‌దేవ్‌ రికార్డును అధిగమించి టెస్టుల్లో అత్యధిక వికెట్లు తీసిన బౌలర్‌గా నిలిచాడు. షేన్‌వార్న్‌ తర్వాత 600 వికెట్ల క్లబ్‌లో చేరిన రెండో బౌలర్‌ కుంబ్లే.  వన్డేల్లో 300 వికెట్ల క్లబ్‌లో చేరిన  రెండో బౌలర్‌.  కెప్టెన్‌గా.. అనిల్‌ కుంబ్లే టేస్టుల్లో 14 మ్యాచ్‌లకు నాయకత్వం వహించారు. వీటిలో భారత్‌ 3గెలిచి 5 ఓడగా 6 మ్యాచ్‌లు డ్రా అయ్యాయి. 5 టెస్టు సిరీస్‌ల్లో 2007 పాకిస్థాన్‌ సిరీస్, 2008 ఆస్ట్రేలియా సిరీస్‌లను భారత్‌ గెలిచింది. వన్డేల్లో ఒకె ఒక మ్యాచ్‌కు నాయకత్వం వహించగా ఈ మ్యాచ్‌ భారత్‌ గెలిచింది. కోచ్‌గానూ.... 2007 ప్రపంచకప్‌లో భారతజట్టు పేలవ ఆటతీరుకు సీనియర్‌ ఆటగాళ్లపై విమర్శలు రావడంతో బాధ్యతాయుతంగా వన్డే క్రికెట్‌నుంచి నిష్క్రమిస్తున్నట్లు ప్రకటించాడు. 2008లో ఆస్ట్రేలియాలో జరగుతున్న మూడో టెస్టు నాలుగోరోజు ఫిట్‌గా లేనందును టెస్టులోంచి కూడా తప్పుకుంటున్నట్లు ప్రకటించి ఆశ్చర్యానికి గురిచేసాడు. పదివికెట్లు తీసిన ఫిరోజ్‌షా కోట్ల మైదానంలోనే క్రికెట్‌కు గుడ్‌బై చెప్పాడు. క్రికెట్‌ నుంచి రిటైర్‌ అయ్యాక భారత జట్టు కోచ్‌గానూ కుంబ్లే సేవలందించాడు. కుంబ్లే కోచ్‌గా ఉన్న కాలంలో వెస్టిండీస్‌, ఇంగ్లండ్‌, న్యూజిలాండ్‌, ఆస్ట్రేలియా, బంగ్లాదేశ్‌తో వరుస టెస్టు సిరీస్‌లను భారత్‌ గెలిచింది. ఇక చాంపియన్స్‌ ట్రోఫి ఫైనల్‌కు చేరి పాక్‌ చేతిలో ఓడిన విషయం అందరికి తెలిసిందే. తదనాంతరం భారత ఆటగాళ్లు కోచ్‌గా కుంబ్లేపై అయిష్టత కనబర్చడంతో తనంతట తానే కోచ్‌పదవి రేసులో నుంచి తప్పుకున్నాడు.


 న్యూఢిల్లీ:గత కొన్ని రోజుల క్రితం భారత క్రికెట్ జట్టు ప్రధాన  కోచ్ పదవికి అనిల్ కుంబ్లే గుడ్ బై చెప్పిన సంగతి తెలిసిందే. జట్టులోని ఆటగాళ్లతో అంతగా సఖ్యత లేకపోవడంతోనే కుంబ్లే అర్థాంతరంగా తన పదవిని వదలుకున్నాడు. ఇందుకు కారణం తమతో కుంబ్లే అత్యంత కఠినంగా వ్యవహరిస్తున్నాడని అత్యధిక శాతం మంది తేల్చిచెప్పడమే. మరి తనకు కుంబ్లేతో ఎటువంటి ప్రోబ్లం లేదని అంటున్నాడు వికెట్  కీపర్ వృద్ధిమాన్. ' కుంబ్లే వ్యవహారంలో సహచరులు గురించి నాకు తెలీదు.  నావరకూ అయితే కుంబ్లే ఓకే. నేను ఎప్పుడూ  కుంబ్లే కఠినంగా వ్యవహరించిన క్షణాల్ని  చూడలేదు. కుంబ్లే కఠినంగా ఉంటున్నాడని కొంతమంది అనుకుని ఉండొచ్చు.. మరికొంతమందికి కుంబ్లేతో ఇబ్బంది ఉండకపోవచ్చు. నేనైతే కుంబ్లే కఠినంగా ఉండటాన్ని  చూడలేదు. ఒక కోచ్ గా చేసేటప్పుడు కొన్ని సందర్బాల్లో కఠినంగా ఉండాలి. నేను అనిల్ భాయ్ శిక్షణలో ఇబ్బందిగా ఫీల్ కాలేదు'అని సాహా పేర్కొన్నాడు.
 
 కుంబ్లే ఎప్పుడూ 400 నుంచి 500 వరకూ పరుగులు చేయమనేవాడని, అదే సమయంలో అవతలి జట్టును 150 లోపు ఆలౌట్ చేయాలనే వాడని సాహా తెలిపాడు. అయితే అలా చేయడం అన్నిసార్లు సాధ్యం కాదని ఒప్పుకున్న సాహా.. ప్రస్తుత కోచ్ రవిశాస్త్రి మాత్రం  అవతలి జట్టుపై విరుచుకుపడమని మాత్రమే చెబుతాడన్నాడు. ఇదే వారిద్దరిలో ఉన్న  వ్యత్యాసమన్నాడు.
 
  


 న్యూఢిల్లీ: ఇటీవల భారత క్రికెట్ ప్రధాన కోచ్ పదవి నుంచి వైదొలిగిన అనిల్ కుంబ్లేకు భారత మాజీ కెప్టెన్ మొహ్మద్ అజహరుద్దీన్ మద్దతుగా నిలిచాడు. భారత క్రికెట్ జట్టు కోచ్ పదవికి గుడ్ బై చెప్పి కుంబ్లే సరైన నిర్ణయం తీసుకున్నాడని అజహర్ అభిప్రాయపడ్డాడు. ఈ పదవి నుంచి కుంబ్లే అర్థాంతరంగా వైదొలగడానికి అతను ఆత్మభిమానాన్ని చంపుకుని పని చేయడం ఇష్టలేకపోవడమే ప్రధాన కారణం కావొచ్చన్నాడు. ఇక్కడ కెప్టెన్ విరాట్ కోహ్లి, భారత క్రికెట్ కంట్రోల్ బోర్డు(బీసీసీఐ) వైఖరిని పరోక్షంగా అజహర్ తప్పుబట్టాడు.
 
 'అనిల్ కుంబ్లే ఆత్మాభిమానం చంపుకోకుండా పదవి నుంచి వైదొలిగాడు. కుంబ్లే అలా తప్పుకోవడం నాకు చాలా బాధ కలిగించింది. ఉన్నతమైన వ్యక్తిత్వం కల్గిన అతనికి ఈ విధంగా జరిగి ఉండకూడదు. కుంబ్లేది ఎవరినీ ఇబ్బంది పెట్టే మనస్తత్వం కాదు. బహుశా.. ఆత్మాభిమానం వదులుకోవడం కంటే కోచ్ బాధ్యతల నుంచి తప్పుకోవడమే మంచిదని కుంబ్లే భావించి ఉంటాడు. ఏది ఏమైనా కుంబ్లే తీసుకున్న నిర్ణయం సరైనదే'అని అజహరుద్దీన్ పేర్కొన్నాడు.


 న్యూఢిల్లీ: భారత క్రికెట్‌ జట్టు మాజీ కోచ్‌ అనిల్‌ కుంబ్లేకు వేతన బకాయి కింద కోటి రూపాయలను బీసీసీఐ చెల్లించేసింది. ప్రతీ నెల రూ.25 లక్షలకు మించి చెల్లింపులను బీసీసీఐ తమ అధికారిక వెబ్‌సైట్‌లో చూపిస్తుంటుంది. మే, జూన్‌లకు సంబంధించి కుంబ్లేకు రూ.48.75 లక్షల చొప్పున ప్రొఫెషనల్‌ ఫీజు చెల్లించినట్టు బోర్డు పేర్కొంది. అలాగే పేసర్‌ ఇషాంత్‌ శర్మకు కూడా దాదాపు రూ. కోటి చెల్లించింది. మహిళల ప్రపంచ క్రికెట్‌లో రన్నరప్‌గా నిలిచిన అమ్మాయిలకు రూ.45 లక్షల చొప్పున విడుదల చేయడంతో పాటు మాజీ క్రికెటర్లు వివేక్‌ రజ్దాన్, శరణ్‌దీప్‌ సింగ్, సలీల్‌ అంకోలా, రితిందర్‌ సింగ్‌ సోధి, యోగ్‌రాజ్‌ సింగ్, రాబిన్‌ సింగ్‌లకు ఒకేసారి ప్రతిఫలం కింద రూ.35 లక్షల చొప్పున అందించింది.
 
 కీలక అంశాలపై నేడు చర్చ
 పలు కీలక విషయాలను చర్చించేందుకు బీసీసీఐ ఉన్నతాధికారులతో నేడు పరిపాలక కమిటీ (సీఓఏ) సమావేశం కానుంది. ఒలింపిక్స్‌లో క్రికెట్‌ను ప్రవేశపెడితే భారత్‌ వైఖరితో పాటు దేశవాళీ క్రికెటర్ల వేతనాల పెంపు అంశాలు ఇందులో చర్చకు రానున్నాయి. అంతేకాకుండా ఆయా రాష్ట్ర క్రికెట్‌ సంఘాల్లో వెలుగుచూసిన ఆర్థిక అవకతవకలపై డెలాయిట్‌ సంస్థ ఇచ్చిన నివేదికతో పాటు తొమ్మిది అంశాలు అజెండాలో ఉన్నాయి. 2024 పారిస్‌ ఒలింపిక్స్‌లో క్రికెట్‌ను చేర్చే అవకాశాలు కనిపిస్తున్నాయి. అయితే ముందునుంచీ కూడా బీసీసీఐ ఈ విషయంలో పెద్దగా ఆసక్తి చూపించడం లేదు.
 
 ఆసియా క్రీడల్లో క్రికెట్‌ ఉన్నా బీసీసీఐ తమ జట్టును పంపించడం లేదు. అలాగే 1998 కామన్వెల్త్‌ గేమ్స్‌కు కూడా దూరంగానే ఉంది. ఇక దేశవాళీ క్రికెట్‌లో వేతనాలకు సంబంధించి 2007 నుంచి ఎలాంటి సవరణ జరగలేదు. అంతేకాకుండా పరస్పర విరుద్ధ ప్రయోజనాలపై కూడా సీఓఏ చర్చించనుంది. స్వదేశంలో జరగబోయే సిరీస్‌లకు వ్యాఖ్యాతల జాబితాపై ఆమోదం తెలపనున్నారు. కొంతకాలంగా బీసీసీఐ దూరం పెడుతున్న హర్షా భోగ్లేను ఈసారి తీసుకుంటారా అనేది ఆసక్తికరంగా మారింది. అజహరుద్దీన్‌కు సంబంధించిన బకాయిల చెల్లింపుపై కూడా ఓ నిర్ణయం తీసుకోనున్నారు.


 న్యూఢిల్లీ: టీమిండియా కోచ్ గా పని చేసి అవమానకర రీతిలో తన పదవికి గుడ్ బై చెప్పిన అనిల్ కుంబ్లేకు తగినంత గౌరవం ఇచ్చి ఉంటే బాగుండేదని సీనియర్ ఆటగాడు గౌతం గంభీర్ అభిప్రాయపడ్డాడు. అతని వ్యవహారంలో భారత క్రికెట్  కంట్రోల్ బోర్డు(బీసీసీఐ) మరింత హుందాగా వ్యవహరించి ఉండాల్సిందన్నాడు. భారత క్రికెట్ కు ఎంతో సేవ చేసిన ఒక దిగ్గజ ఆటగాడి వ్యవహారాన్ని బీసీసీఐ సరిగా హ్యాండిల్ చేయలేదనే అభిప్రాయాన్ని గంభీర్ వ్యక్తం చేశాడు.  కుంబ్లే కోచ్ పదవి నుంచి వైదొలిగే క్రమంలో అతనికి సముచిత గౌరవం దక్కలేదన్నాడు. బీసీసీఐ నుంచి తగినంత గౌరవం పొందే అర్హత దిగ్గజ ఆటగాడైన కుంబ్లేకు ఉందన్నాడు.
 
 'కోచ్ గా కుంబ్లే వర్కింగ్ స్టైల్ ఎలా ఉండేది అనే దానిపై లోతైన విశ్లేషణ అనవసరం. ముందు అతనికి మరింత ఎక్కువ గౌరవం ఇవ్వాల్సిన బాధ్యత బీసీసీఐది. ఒక క్రికెటర్ గా అతను ఎంతో చేశాడు. ఇది అందరికీ తెలిసిన విషయమే. అతని వ్యవహారంలో బీసీసీఐ ప్రొఫెషనల్ గా వ్యవహరిస్తే బాగుండేది. కుంబ్లేను గౌరవంగా సాగనంపడంలో బీసీసీఐ విఫలమైంది. ఈ తరహా విధానం బీసీసీఐ ప్రతిష్టను దెబ్బతీస్తుంది'అని గంభీర్ పేర్కొన్నాడు. ఇదిలా ఉంచితే, కోచ్ ను ఎంపిక చేసి విషయంలో ఆటగాళ్ల పాత్ర అనవసరమన్నాడు. కోచ్ ఎంపిక అనేది క్రికెటర్ల ఉద్యోగం కాదని పేర్కొన్న గంభీర్.. కేవలం ఆటపై మాత్రమే ఫోకస్ చేస్తే మంచిదన్నాడు.


 న్యూఢిల్లీ: గతంలో ఏ కోచ్‌కు దక్కని భారీ వేతన ప్యాకేజీని టీమిండియా నూతన కోచ్ రవిశాస్త్రి అందుకోనున్నాడు. ఏడాది కాలవ్యవధికిగానూ శాస్త్రి ఏడున్నర కోట్లకు పైగా అందుకోనున్నట్లు ప్రచారంలో ఉంది. ఇటీవలే కోచ్ పదవి నుంచి తప్పుకున్న అనిల్ కుంబ్లే దాదాపు ఏడు కోట్ల వరకు వార్షిక వేతనం అందుకున్నాడు. అయితే ప్రస్తుత పరిస్థితులు రవిశాస్త్రికి అనుకూలం కావడంతో రూ.7.5కోట్లకు మించిన ప్యాకేజీని కూడా అతడు చేజిక్కుంచుకునే అవకాశాలు కనిపిస్తున్నాయి. కొందరు బీసీసీఐ పెద్దలు ఈ విషయం చెప్పకనే చెబుతున్నారు. మరోవైపు కెప్టెన్ విరాట్ కోహ్లీ మద్దతుతో అతడు తన వేతనపై భారీ డిమాండ్లు చేయగా, అందుకు బీసీసీఐ అంగీకరించినట్లు సమాచారం.
 
 గతంలో టీమ్ డైరెక్టర్‌గా వ్యవహరించిన 2014-16 సమయంలో రవిశాస్త్రి రూ.7 కోట్ల వార్షిక వేతనం అందుకున్న విషయం తెలిసిందే. అయితే ప్రధాన కోచ్ సహాయక సిబ్బందిగా ఉండే బౌలింగ్, బ్యాటింగ్ కన్సల్టెంట్‌లకు రూ.2 కోట్లకు మించి ఇచ్చే యోచనలో బీసీసీఐ లేదు. త్వరలోనే ఈ ప్యాకేజీలపై చర్చించి స్పష్టత ఇవ్వనుంది బీసీసీఐ. బ్యాటింగ్ కోచ్ సంజయ్ బంగర్‌కు రూ.2 కోట్ల వేతనమంటే అతడి ప్యాకేజీ కొంతమేరకు పెరిగినట్లే. బ్యాటింగ్‌ కోచ్‌గా కొనసాగేందుకు బంగర్ ఐపీఎల్ ఫ్రాంచైజీ కింగ్స్ ఎలెవన్ పంజాబ్ బ్యాటింగ్ కోచ్ పదవి నుంచి తప్పుకోవాల్సి వచ్చింది. ఒకవేళ శాస్త్రి కోరుకున్నట్లుగా భరత్ అరుణ్‌ను బౌలింగ్ కోచ్‌గా తీసుకుంటే అతడు ఐపీఎల్ జట్టు బెంగళూరుతో పాటు హైదరాబాద్ రంజీ జట్టు బౌలింగ్ కోచ్ పదవికి స్వస్తి పలకాల్సిందే.
 
 ఇండియా-ఏ, అండర్ 19 జట్లకు కోచ్‌గా మరో రెండేళ్లపాటు కొనసాగనున్న రాహుల్ ద్రవిడ్‌ తొలి ఏడాదికి రూ.4.5 కోట్లు, రెండో ఏడాదికి రూ.5 కోట్లు అందుకోనున్నాడు. ఒకవేళ విదేశాల్లో బ్యాటింగ్ కన్సల్టెంట్‌గా కొనసాగితే బీసీసీఐ అందుకోసం ద్రవిడ్‌కు మరికొంత మొత్తం చెల్లించాల్సి ఉంటుంది. గతేడాది జహీర్‌ఖాన్‌ను సంప్రదించగా కేవలం 100 రోజులకే రూ.4 కోట్లు డిమాండ్ చేసిన విషయం తెలిసిందే. ఓవైపు రవిశాస్త్రికి అతడు నమ్మకస్తుడు అవకపోవడం, మరోవైపు భారీ ప్యాకేజీలు డిమాండ్ చేయడం జహీర్‌కు కష్టాలు తెచ్చిపెట్టడం ఖాయంగా కనిపిస్తోంది.


 న్యూఢిల్లీ: భారత క్రికెట్ జట్టుకు ప్రధాన కోచ్ గా పనిచేసి, ఇటీవల ఆ పదవి నుంచి వైదొలిగిన అనిల్ కుంబ్లే పర్యవేక్షణకు వికెట్ కీపర్ వృద్ధిమాన్ సాహా మద్దతుగా నిలిచాడు. అత్యధిక మంది భారత క్రికెట్ సభ్యులకు కుంబ్లే కోచింగ్ నచ్చలేదనే వార్తల నేపథ్యంలో సాహా స్పందించాడు. అసలు కుంబ్లే కోచింగ్ తో తమకు ఎటువంటి ఇబ్బందులు లేవని స్పష్టం చేశాడు. భారత క్రికెటర్ల పట్ల  కుంబ్లే 'హెడ్ మాస్టర్' లా ఉంటూ కఠినంగా ప్రవర్తించేవాడనే వార్తలను సాహా ఖండించాడు.
  
 'కుంబ్లే పర్యవేక్షణలో డ్రెస్సింగ్  రూమ్ లో ఆహ్లాదకరమైన వాతావారణం ఉండేది. నేను చూసినంత వరకూ మేమంతా జోక్లు వేసుకుంటూ ఎంజాయ్ చేసేవాళ్లం. నాతో పాటు ప్రతీ ఒక్కరితోనూ కుంబ్లే సరదాగా ఉండేవాడు. ముఖ్యంగా కుంబ్లే కోచ్ అయిన తరువాత వెస్టిండీస్ పర్యటనకు వెళ్లాం. అక్కడ నాకు అతని అనుభవం బాగా ఉపయోగపడింది. ఎటువంటి ఒత్తిడి లేకుండా ఆడమని కుంబ్లే చెప్పేవాడు. దాంతో పాటు చక్కటి సలహాలు కూడా ఇచ్చేవాడు. ఇది నేను టెస్టులు ఆడేటప్పుడు నాకు తెలిసిన అనిల్ గురించి చెబుతున్న విషయాలు. మరి వన్డేల్లో కుంబ్లే ఎలా ఉండేవాడో నాకైతే తెలియదు. కుంబ్లే పర్యవేక్షణలో ఉన్న సరదా సరదా వాతావరణం కొత్త కోచ్ రవిశాస్త్రి పర్యవేక్షణలో కూడా ఉంటుందని అనుకుంటున్నా'అని సాహా పేర్కొన్నాడు.


 న్యూఢిల్లీ: ఇటీవల భారత క్రికెట్ జట్టుకు ప్రధాన కోచ్ గా రవిశాస్త్రిని ఎంపిక చేసిన తరువాత అతి పెద్ద సస్పెన్స్ కు తెరపడింది. అయితే జహీర్ ఖాన్ ను బౌలింగ్ కోచ్ గా ఎంపిక చేయడం రవిశాస్త్రికి రుచించలేదు. తొలుత జహీర్ ఖాన్ ఎంపికను స్వాగతించిన రవిశాస్త్రి.. ఉన్నపళంగా మాటమార్చాడు. అసలు జహీర్ అనుభవం కోచ్ గా సరిపోదంటూ కొత్త పల్లవి అందుకున్నాడు. దాంతో బీసీసీఐ అడ్వైజరీ  కమిటీ(సీఏసీ) నిర్ణయాన్ని నేరుగా ప్రశ్నించినట్లయ్యింది. మరొకవైపు జహీర్ తో పాటు రాహుల్ ద్రవిడ్ ను సైతం భారత కోచింగ్ స్టాఫ్లో చేర్చడాన్ని క్రికెట్ పాలకుల కమిటీ(సీవోఏ) కూడా తప్పుబట్టింది. ఆ ఇద్దర్ని ఎంపిక చేయడంలో సీఏసీ ఆంతర్యం ఏమిటని సీవోఏ అసంతృప్తి వ్యక్తం చేసింది. బీసీసీఐ అడ్వైజరీ కమిటీకి అప్పజెప్పిన పని ఒకటైతే, మరో ఇద్దరి అభ్యర్ధుల్ని కోచింగ్ విభాగంలో ఎందుకు తీసుకురావాల్సి వచ్చిందంటూ ఆగ్రహం వ్యక్తం చేసింది.
  
 ఇక్కడ కోచ్ గా రవిశాస్త్రి అభ్యర్ధిత్వాని మాత్రమే స్వాగతించిన సీవోఏ.. జహీర్, ద్రవిడ్ ల ఎంపికపై అయిష్టత కనబరిచింది. ఆపై రవిశాస్త్రి కూడా .. జలింగ్ కోచ్ గా నియమించాలనే అభ్యర్ధను తెరపైకి తీసుకొచ్చాడు.హీర్ బౌలింగ్ కోచ్ గా సరిపోడు అంటూ వివాదానికి మరింత ఆజ్యం పోశాడు. ఈ క్రమంలోనే తనకు ఇష్టమైన భరత్ అరుణ్ ను బౌలింగ్ కోచ్ గా నియమించాలనే అభ్యర్ధను తెరపైకి తీసుకొచ్చాడు. దాంతో జహీర్ 150 రోజుల పాటు మాత్రమే బౌలింగ్ విభాగంలో సేవలందిస్తాడంటూ సీఏసీ స్పష్టం చేసింది. ఇక్కడ పరిస్థితులు ఎలా ఉన్నా రవిశాస్త్రి తన పంతాన్ని దాదాపు నెగ్గించుకున్నట్లయ్యింది.
 
 
 అనిల్ కుంబ్లేను అవమానకర రీతిలో కోచ్ పదవి నుంచి సాగనంపడాన్ని భారత క్రికెట్ అభిమానులు జీర్ణించుకోలేకపోతున్నారు. కుంబ్లేపై సహజమైన అభిమానంతో పాటు, కోచ్ గా కూడా జట్టును ముందుకు తీసుకెళ్లడం.. వివాద రహితుడు కావడం చేత కుంబ్లేపై అభిమానులకు మంచి అభిప్రాయం ఉంది. ఇక్కడ  కుంబ్లే వైదొలగడానికి కారణమైన కెప్టెన్ విరాట్ కోహ్లి తీరును కూడా అభిమానులు తప్పుబట్టారు.
 
 ఇదంతా ముగిసిన అధ్యాయం అయినప్పటికీ భారత క్రికెట్ జట్టు ప్రధాన కోచ్ గా రవిశాస్త్రి వచ్చేశాడు. అనేక సందిగ్ధతల మధ్య రవిశాస్త్రిని కోచ్ గా సీఏసీ ఎంపిక చేసింది. ఇది పూర్తిగా కోహ్లి ఇష్టానుసారంగానే రవిశాస్త్రి ఎంపిక జరిగిందనేది అందరికీ తెలిసిన సత్యమే. తొలుత కోచ్ ప్రకటనకు సంబంధించి కొన్ని రోజులు కావాలని తెలిపిన సీఏసీ.. ఆ మరసటి రోజే రవిశాస్త్రి పేరును ఖరారు చేసింది. ఇందుకు కారణం సీవోఏ. కోచ్ ఇంటర్వ్యూలు జరిగిన తరువాత జాప్యం చేయాల్సిన అవసరం ఏమిటని సీవోఏ ప్రశ్నించడంతో చేసేదిలేక కోహ్లికి ఇష్టమైన రవిశాస్త్రినే ఆ పదవి కట్టబెట్టింది. ఇదే సమయంలో జహీర్, ద్రవిడ్ లను కూడా కోచింగ్ స్టాఫ్ లో చేర్చింది. దాన్ని రవిశాస్త్రి ఘనంగా స్వాగతించాడు కూడా.
 
 మరి ఇప్పుడు తనకు బౌలింగ్ కోచ్ గా భరత్ అరుణ్ కావాలంటూ రవిశాస్త్రి 'పేచీ' పెట్టడానికి కారణం ఏమిటనేది సస్పెన్స్. వచ్చే వరల్డ్ కప్ వరకూ జట్టుకు ప్రధాన కోచ్ గా ఉండే రవిశాస్త్రికి వివాదం అవసరమా?, ఆటగాళ్లతో నవ్వుతూ సర్ధుకుపోతేనే మంచి ఫలితాలు వస్తాయనే రవిశాస్త్రి కొత్త వివాదం ఎందుకు?, సీఏసీలో సభ్యుడిగా ఉన్న సౌరవ్ గంగూలీపై ఇది పరోక్ష ప్రతీకారామా?.. ప్రస్తుతం వీటికి సమాధానం దొరకపోయినా తనను కోచ్ గా ఎంపిక చేసిన సీఏసీని సవాల్ చేయడం రవిశాస్త్రి భవిష్యత్ను ప్రశ్నార్ధకం చేసే అవకాశం కూడా లేకపోలేదు. మరి దీనికి కాలమే సమాధానం చెప్పాలి.


 భారత క్రికెట్‌ జట్టు కోచ్‌ ఎంపిక
 కోసం నేడు ఇంటర్వ్యూలు
 రవిశాస్త్రికి మెరుగైన అవకాశాలు
 
 ముంబై: భారత క్రికెట్‌ జట్టు హెడ్‌ కోచ్‌ను ఎంపిక చేసేందుకు రంగం సిద్ధమైంది. అనిల్‌ కుంబ్లే అనూహ్య రాజీనామాతో ఏర్పడ్డ ఈ కీలక పదవిని భర్తీ చేయడం కోసం అభ్యర్థులకు నేడు ఇంటర్వ్యూలు జరుగనున్నాయి. సచిన్‌ టెండూల్కర్, సౌరవ్‌ గంగూలీ, వీవీఎస్‌ లక్ష్మణ్‌ సభ్యులుగా ఉన్న క్రికెట్‌ సలహా కమిటీ (సీఏసీ) ఈ ఇంటర్వ్యూలు నిర్వహిస్తుంది. కోచ్‌ పదవి కోసం దరఖాస్తు చేసుకోమంటూ బీసీసీఐ ఇచ్చిన ప్రకటనకు అనుగుణంగా మొత్తం పది మంది దరఖాస్తు చేసుకున్నారు.
 
 అయితే ప్రాథమిక వడబోత అనంతరం ఆరుగురు బరిలో నిలిచారు. ఈ ఆరుగురికి మాత్రమే ఇంటర్వ్యూలు జరుగుతాయి. దక్షిణాఫ్రికా మాజీ ఆల్‌రౌండర్‌ లాన్స్‌ క్లూస్‌నర్, భారత జట్టు మాజీ పేసర్‌ దొడ్డ గణేశ్, ఒమన్‌ జట్టుకు కోచ్‌గా ఉన్న రంజీ ట్రోఫీ మాజీ ఆటగాడు రాకేశ్‌ శర్మలతో పాటు ఎలాంటి క్రికెట్‌ నేపథ్యం లేని ఇంజినీర్‌ ఉపేంద్రనాథ్‌ బ్రహ్మచారి దరఖాస్తులను మాత్రం సీఏసీ ముందుగానే తిరస్కరించినట్లు సమాచారం. నేడు జరిగే ఇంటర్వ్యూలలో ఈ నలుగురిని పిలిచే అవకాశాలు దాదాపుగా లేవని బోర్డు ప్రతినిధి ఒకరు వెల్లడించారు.
 
 సెహ్వాగ్‌పై నమ్మకముందా!
 జగమెరిగిన భారత మాజీ ఆటగాడు రవి శాస్త్రి కుంబ్లేకు ముందు టీమ్‌ డైరెక్టర్‌గా మంచి ఫలితాలు రాబట్టారు. అన్నింటికి మించి ఇప్పుడు పెద్ద అర్హతగా కనిపిస్తున్న ‘కెప్టెన్‌తో సత్సంబంధాలు’ విషయంలో ఆయన అందరికంటే ముందున్నారు. కోహ్లితో సాన్నిహిత్యమే శాస్త్రికి కలిసొచ్చే అంశం. కోచ్‌ పదవి కోసం ముందుగా దరఖాస్తు చేయని ఆయన, తేదీ పొడిగించిన తర్వాత బరిలోకి వచ్చారు. గత ఏడాది కోచ్‌ ఇంటర్వ్యూల సమయంలో సీఏసీ సభ్యుడు గంగూలీతో బహిరంగంగా గొడవకు దిగినా... ఈసారి సచిన్‌ సూచనతోనే ముందుకు వచ్చానని చెబుతున్నారు కాబట్టి అది ఇప్పుడు సమస్య కాకపోవచ్చు.
 
 విధ్వంసకర బ్యాట్స్‌మన్‌గా తనకంటూ ప్రత్యేక గుర్తింపు ఉన్న వీరేంద్ర సెహ్వాగ్‌ కూడా ప్రధానంగా పోటీలో ఉన్నారు. సీఏసీ సభ్యులతో ఉన్న స్నేహం వీరూకు అదనపు అర్హతలా కనిపిస్తోంది. అయితే ఐపీఎల్‌లో మెంటార్‌గా పని చేయడం మినహా ప్రధాన కోచింగ్‌లో వీరూకు ఎలాంటి అనుభవం లేదు. అంతర్జాతీయ, దేశవాళీల్లో కోచ్‌గా చాలా మంచి రికార్డు ఉన్న టామ్‌ మూడీ (ఆస్ట్రేలియా), గతంలో అఫ్ఘానిస్తాన్, ఐర్లాండ్‌లకు కోచ్‌గా వ్యవహరించిన ఫిల్‌ సిమన్స్‌ (విండీస్‌), గతంలో పాక్, బంగ్లాదేశ్‌లకు కోచ్‌గా వ్యవహరించిన రిచర్డ్‌ పైబస్‌ (దక్షిణాఫ్రికా) కూడా తమ అదృష్టాన్ని పరీక్షించుకోనున్నారు. 2007 టి20 ప్రపంచ కప్‌ గెలిచిన సమయంలో జట్టు మేనేజర్‌గా వ్యవహరించి, ఆ తర్వాత అఫ్ఘాన్‌ టీమ్‌తో మంచి ఫలితాలు రాబట్టిన లాల్‌చంద్‌ రాజ్‌పుత్‌ కూడా బరిలో నిలిచారు.
 
 నేరుగా కోచ్‌ పేరు ప్రకటన?
 మరోవైపు సరిగ్గా ఇంటర్వ్యూకు ముందు మరో కొత్త అంశం బోర్డులో చర్చకు వచ్చింది. అభ్యర్థులు అంతా తమ బయోడేటాలతో పాటు తమ ప్రణాళికలు కూడా స్పష్టంగా దరఖాస్తులోనే పంపించారు కాబట్టి మళ్లీ ప్రత్యేకంగా ఇంటర్వ్యూలు చేయాల్సిన అవసరం లేదని, సీఏసీ సభ్యులు, బీసీసీఐతో చర్చించి నేరుగా కోచ్‌ పేరు ప్రకటించాలనే చర్చ తెరపైకి వచ్చింది. గత ఏడాది గంగూలీ, శాస్త్రి మధ్య జరిగిన రచ్చను దీనికి కారణంగా కొందరు చూపిస్తున్నారు. అయితే చివరి నిమిషంలో ఇలాంటి నిర్ణయం తీసుకోవడం కష్టం కాబట్టి షెడ్యూ ల్‌ ప్రకారం ఇంటర్వ్యూలు కొనసాగుతాయని బోర్డు ప్రతినిధి ఒకరు వెల్లడించారు.


 ముంబై: భారత క్రికెట్ కెప్టెన్ విరాట్ కోహ్లితో పొసగక అనిల్ కుంబ్లే రాజీనామా చేయడం.. ఒక ఫ్రెండ్లీ కోచ్ కావాలని కోహ్లి చెప్పడం.. ఆ మేరకు బీసీసీఐ రెండోసారి దరఖాస్తులు ఆహ్వానించడం.. ఇక కోచ్ గా రానంటూనే అప్పటివరకూ భీష్మించుకుని కూర్చొన్న రవిశాస్త్రి ఒక్కసారిగా దరఖాస్తు చేయడం.. అందుకు మాస్టర్ బ్లాస్టర్ సచిన్ టెండూల్కర్ వెనుక ఉండటం.. ఇవన్నీ గత కొన్నిరోజులుగా జరుగుతున్న పరిణామాలు. దీన్ని బట్టి చూస్తుంటే రవిశాస్త్రి ప్రధాన కోచ్ గా ఎంపిక కావడం లాంఛనంగా కనబడుతోంది.
 
 సోమవారం(జూలై 10)వ తేదీన టీమిండియా క్రికెట్ జట్టు ప్రధాన కోచ్ కోసం సెలక్షన్ జరుగుతున్న క్రమంలో రవిశాస్త్రి మరోసారి వార్తల్లోకి వచ్చాడు. గతంలో టీమిండియా డైరెక్టర్గా పని చేసిన అనుభవం ఉన్న రవిశాస్త్రి కోచ్ అభ్యర్ధుల్లో టాప్ ప్లేస్లో ఉన్నాడు. మొత్తంగా చూస్తే రవిశాస్త్రితో పాటు సెహ్వాగ్, టామ్ మూడీ, రిచర్డ్ పైబస్, దొడ్డ గణేష్, లాల్ చంద్ రాజ్పుత్, లాన్స్ క్లూసెనర్, రాకేశ్ శర్మ, సిమన్స్, ఉపేంద్ర నాథ్ బ్రహ్మాచారిల నుంచి బీసీసీఐకి దరఖాస్తులు అందగా, స్క్రూట్నీ తరువాత రేసులో నిలిచింది మాత్రం ఆరుగురు మాత్రమేనని విశ్వసనీయ వర్గాల సమాచారం. ప్రధానంగా శాస్త్రితో పాటు సెహ్వాగ్, మూడీ, సిమన్స్, పైబస్, రాజ్పుత్లను మాత్రమే బీసీసీఐ అడ్వైజరీ కమిటీ(సీఏసీ) ఇంటర్య్యూ చేయనున్నట్లు తెలుస్తోంది.
  
 ఇదిలా ఉంచితే, కుంబ్లే రాజీనామా తరువాత ఫీల్డింగ్ కోచ్ ఆర్. శ్రీధర్ సైతం రవిశాస్త్రి వైపు మొగ్గుచూపాడు. కోహ్లి సేనను కుంబ్లే కంటే కూడా రవి బాగా నడిపించగలడని చెప్పడం అతని ఎంపిక లాంఛనమనే అభిప్రాయం కలుగుతోంది. ఇక రవిశాస్త్రి టీమిండియా డైరెక్టర్ గా ఉన్న సమయంలో ఆసీస్ పర్యటనలో టీ 20 సిరీస్ ను తొలిసారి గెలిచింది. రవిశాస్త్రి పర్యవేక్షణలో భారత జట్టు నంబర్ వన్ ర్యాంకును దక్కించుకుంది. 2015 వరల్డ్ కప్ లో సెమీస్ వరకూ చేరడంలో కూడా రవిశాస్త్రి పాత్ర ఉంది. మరొకవైపు ఆటగాళ్ల పట్ల 'హెడ్ మాస్టర్' లా వ్యవహరించకుండా తగిన స్వేచ్ఛనివ్వడం కూడా  రవికి కలిసొచ్చే అంశం. ఏమైనా అద్భుతాలు జరిగితే తప్పితే రవిశాస్త్రి కోచ్ కావడం ఖాయంగా కనబడుతోంది. ఇప్పటికే విండీస్ పర్యటనలో ఉన్న భారత ఆటగాళ్లు కూడా రవికే ఓటేసినట్లు తెలుస్తోంది. ఇటీవల కోచ్ ఎంపికకు సంబంధించి విండీస్ పర్యటనలో ఉన్న విరాట్ సేననుబీసీసీఐ చీఫ్ ఎగ్జిక్యూటివ్ ఆఫీసర్(సీఈవో) రాహుల్ జోహ్రి అభిప్రాయం కోరగా, అక్కడ రవికే మనోళ్లు ఓటేసినట్లు తెలుస్తోంది.


 న్యూఢిల్లీ: భారత కెప్టెన్‌ విరాట్‌ కోహ్లి, మాజీ కోచ్‌ అనిల్‌ కుంబ్లే మధ్య ఎలాంటి వివాదాస్పద సంఘటన జరగలేదని టీమ్‌ మేనేజర్‌ కపిల్‌ మల్హోత్ర తన నివేదికలో తెలిపారు. స్వదేశంలో లేక విదేశాల్లో భారత జట్టు సిరీస్‌ ముగిశాక బీసీసీఐకి జట్టు మేనేజర్‌ నివేదిక ఇవ్వడం పరిపాటి. దీంట్లో భాగంగా ఇచ్చిన నివేదికలో జట్టులో ఎలాంటి సమస్యలు లేవని ఆయన స్పష్టం చేశారు. కెప్టెన్‌తో విభేదాల కారణంగానే కోచ్‌ కుంబ్లే రాజీనామా చేశాడని గతంలో కథనాలు వచ్చిన విషయం తెలిసిందే.
 తన శైలిపై కెప్టెన్‌కు అభ్యంతరాలు ఉన్నాయనే విషయాన్ని కుంబ్లే సైతం అంగీకరించారు. అయితే కపిల్‌ నివేదిక మాత్రం వీటినేమాత్రం పేర్కొనలేదు. ‘మేనేజర్‌ నివేదిక అందింది. కోచ్‌తో కెప్టెన్‌ అభ్యంతరకరంగా ప్రవర్తించినట్టు ఆయన పేర్కొనలేదు. అలాగే ఇద్దరి మధ్య ఎలాంటి క్రమశిక్షణ ఉల్లంఘన జరగలేదనే దాంట్లో ఉంది’ అని బీసీసీఐ అధికారి ఒకరు తెలిపారు.


 కోల్కతా:టీమిండియా ప్రధాన కోచ్ పదవి నుంచి అనిల్ కుంబ్లే నిష్క్రమణ తర్వాత బీసీసీఐ అడ్వైజరీ కమిటీలో సభ్యుడిగా ఉన్న సౌరవ్ గంగూలీ మరోసారి పెదవి విప్పాడు. విరాట్ కోహ్లి-కుంబ్లేల వివాదాన్ని బీసీసీఐ పరిష్కరించడంలో విఫలమైందని కొన్ని రోజుల క్రితం వ్యాఖ్యానించిన గంగూలీ.. అసలు క్రికెట్ అనేది కెప్టెన్ గేమ్ అని తాజాగా అభిప్రాయపడ్డాడు. పనిలో పనిగా కోచ్లకు నైపుణ్యం ఉంటే సరిపోదని, వ్యక్తులతో ఎలా వ్యవహరించాలో తెలుసుండాలంటూ ఆసక్తికర వ్యాఖ్యలు చేశాడు.
 'క్రికెట్ అనేది కెప్టెన్ గేమ్. అందులో ఎటువంటి సందేహం లేదు. ఇక్కడ కోచ్ అనే వాడి బాధ్యత  కేవలం జట్టును ముందుకు తీసుకెళ్లడంలో సాయపడటం మాత్రమే. చక్కటి ప్రజంటేషన్ ఇచ్చినంత మాత్రాన మెరుగైన కోచ్లు కాలేరు. ముందు వ్యక్తులతో ఎలా మెలగాలో(మ్యాన్ మేనేజ్మెంట్ )తెలుసుండాలి' అని దాదా తెలిపాడు. కాగా, భారత జట్టును మరింత ఎత్తుకు తీసుకెళ్లేందుకు తమవంతు కృషిచేస్తామన్నాడు.
 
 భారత క్రికెట్ జట్టు ప్రధాన కోచ్ పదవి నుంచి కుంబ్లే తప్పుకున్న తర్వాత గంగూలీ ఇలా వ్యాఖ్యానించడం చర్చనీయాంశమైంది. అసలు గంగూలీ వ్యాఖ్యాల వెనుక ఉద్దేశం ఏమిటో అని క్రీడాభిమానులు చర్చించుకుంటున్నారు. ఇది కచ్చితంగా కుంబ్లేను మరింత అవమానపరచడంగా భావిస్తున్నారు.
  


 ఆంటిగ్వా: గత కొంతకాలంగా భారత క్రికెట్ జట్టులో చోటు చేసుకున్న విభేదాలపై  స్టార్ ఓపెనర్ శిఖర్ ధావన్ కాస్త భిన్నంగా స్పందించాడు. ప్రధానంగా కోచ్ గా పని చేసి ఆకస్మికంగా వైదొలిగిన అనిల్ కుంబ్లే, కెప్టెన్ విరాట్ కోహ్లి వివాదంపై అడిగిన ప్రశ్నకు ధావన్ తనదైన శైలిలో సమాధానమిచ్చాడు. 'నేను కుంబ్లే  శిక్షణలో ఎక్కువ మ్యాచ్ లు ఆడలేదు. కాబట్టి విభేదాలపై నేనేమీ మాట్లాడలేను.అయితే ప్రతీ ఒక్కరికీ వ్యక్తిగత అభిప్రాయంతో పాటు స్వాభిమానం కూడా ఉంటుంది. అలానే కోహ్లి, కుంబ్లే, ధోని ఇలా ఎవరికి తగ్గ వ్యక్తిగత అభిప్రాయాలు వారివి. అందులో్ ఎటువంటి సందేహం లేదు'అని ధావన్ తెలివిగా సమాధానం చెప్పాడు. అయితే తన గేమ్ పైనే ప్రస్తుతం దృష్టిసారించినట్లు ధావన్ పేర్కొన్నాడు. దేశానికి సేవ చేయడంతో పాటు, తన లక్ష్యాన్ని చేరడమే ముఖ్యమన్నాడు.
  
 ప్రస్తుతం వెస్టిండీస్ పర్యటనలో  ధావన్ వరుసగా రెండు అర్ధశతకాలతో మెరిశాడు. మరొకవైపు ఐసీసీ చాంపియన్స్ ట్రోఫీలో 338 పరుగులు తన ఫామ్ ను నిరూపించుకున్నాడు ధావన్. ఒక సెంచరీతో పాటు రెండు అర్ధ శతకాలను ధావన్ తన ఖాతాలో వేసుకున్నాడు. చాంపియన్స్ ట్రోఫీ ధావన్ అత్యధిక వ్యక్తిగత స్కోరు 125.
 
  


 న్యూఢిల్లీ: భారత క్రికెట్ మాజీ ప్రధాన కోచ్ అనిల్ కుంబ్లే, కెప్టెన్ విరాట్ కోహ్లిల మధ్య వివాదం తారాస్థాయికి చేరడానికి భారత క్రికెట్ కంట్రోల్ బోర్డే(బీసీసీఐ) కారణమని దిగ్గజ ఆటగాడు బిషన్ సింగ్ బేడీ ధ్వజమెత్తారు. ఈ వివాదంలో కుంబ్లేను బలిపశువును చేశారంటూ బీసీసీఐ తీరును బేడీ తీవ్రంగా తప్పుబట్టాడు. అసలు ఇలా జరిగి ఉండాల్సింది కాదన్న బేడీ.. ఇక్కడ కచ్చితంగా కుంబ్లేకు సారీ చెప్పాల్సి ఉందన్నారు.
 
 'ఇది క్రికెట్ లో ఆహ్వానించదగ్గ పరిణామం కాదు. ఆన్ ఫీల్డ్ లో బాస్ ఎవరు.. ఆఫ్ ఫీల్డ్ లో బాస్ ఎవరు అనేది ఇక్కడ అనవసరం. మనం చిన్న పిల్లలం కాదు. విచక్షణ తెలిసిన పెద్దలం. మనకు భిన్నాభిప్రాయాలు ఉండొచ్చు.. కానీ లక్ష్యం ఒక్కటే ఉంటుంది. మరి అటువంటప్పుడు నేను గొప్ప అనే భావన ఎందుకు. విరాట్-కుంబ్లేల వివాదం పెద్దది కావడానికి ఆజ్యం పోసింది బీసీసీఐ. బీసీసీఐలో ఎటువంటి అర్హత లేనివారు ఉండటమే సరిగా హ్యాండిల్ చేయలేకపోవడానికి కారణమైంది. 
 
 ఇక్కడ కుంబ్లేకు నేను సారీ చెప్పాలనుకుంటున్నా. అతను వైదొలిగిన తీరు చాలా బాధాకరం. ఒక ప్రధాన కోచ్ చేత బలవంతంగా షూస్ తీయించింది ఎవరు. బీసీసీఐలోని పెద్దలే కదా. దీన్ని కరెక్ట్ గా హ్యాండిల్ చేయడానికి ఎవరూ ముందుకు రాలేదు. చివరకు సౌరవ్ గంగూలీకి కూడా వివాదాన్ని పరిష్కరించలేకపోయాడు. ఈ తరహా రోత పుట్టించే వివాదంలో మీరు చేతులు కడుక్కోలేరు. ఏ సందేశాన్ని ప్రజలకు ఇవ్వదలుచుకున్నారు. ఇద్దరు మధ్య చోటు చేసుకున్న విభేదాన్ని పరిష్కరించే తీరు ఇదేనా' అని బేడీ విమర్శలు గుప్పించారు.


 
 
 న్యూఢిల్లీ:టీమిండియ ప్రధాన కోచ్‌గా అనిల్ కుంబ్లే నిష్క్రమణతో కొత్త కోచ్‌ ఎంపికకు వేట ప్రారంభమైంది. కోచ్ పదవికి కోసం ఒకసారి దరఖాస్తులు కోరిన బీసీసీఐ..రెండో సారి కూడా ఆప్లికేషన్స్ కోరుతూ ప్రకటన చేసింది.  దీనిపై కొంతమంది నేరుగానే అసహనం వ్యక్తం చేశారు.  ప్రధానంగా రెండోసారి బీసీసీఐ దరఖాస్తులు ఆహ్వానించడాన్ని కోచ్ పదవి కోసం  దరఖాస్తు చేసిన  లాల్ చంద్ రాజ్పుత్ తీవ్రంగా తప్పుబట్టాడు అసలు కోచ్ పదవి కోసం ముందుగా దరఖాస్తు చేసిన అభ్యర్ధులు సరిపోలేదా అంటూ నేరుగా విమర్శలకు దిగారు.
 పనిలో పనిగా కోచ్ పదవిని ఎవరికి కట్టబెట్టేందుకు మళ్లీ ఆప్లికేషన్స్ ను ఆహ్వానించాల్సి వచ్చిందంటూ మండిపడ్డాడు. ముందుగా టామ్‌ మూడీ, సెహ్వాగ్, రిచర్డ్‌ పైబస్, లాల్‌చంద్‌ రాజ్‌పుత్‌లు రేసులో ఉన్నా ఇప్పుడు రవిశాస్త్రి తెరమీదికొచ్చారు. ఉన్నపళంగా ఆయన దరఖాస్తు చేయడం ఆశ్చర్యపరిచినా... సచిన్‌ సూచనతోనే లండన్‌లో ఉన్న ఆయన కోచ్‌ పదవిపై ఆసక్తి కనబరిచినట్లు తెలిసింది. కెప్టెన్‌ కోహ్లి కూడా శాస్త్రిపైనే మొగ్గుచూపుతుండటంతో కోచ్‌ ఎంపిక ఆసక్తికరంగా మారింది.
 
 ఇప్పుడు దీనిపై సోషల్ మీడియాలో తీవ్రమైన చర్చనడుస్తోంది. ముఖ్యంగా రవిశాస్త్రిని టార్గెట్ చేస్తూ నెటిజన్లు విమర్శలు గుప్పిస్తున్నారు. ఆ క్రమంలోనే కోహ్లి-రవిశాస్త్రిల విడదీరయరాని బంధంపై సెటైర్లు వేస్తున్నారు. వాటిలో కొన్నింటిని చూద్దాం.
 
 *దరఖాస్తు చేసిన వారిని ఇంటర్య్యూ చేసే వారి ప్యానల్ లో సౌరవ్ గంగూలీ ఉన్నాడు జాగ్రత్త. రవిశాస్త్రికి కోచ్ పదవి దక్కడం కష్టమే.
 
 *కుంబ్లే తరువాత రవిశాస్త్రి.. ఆడీ కారు తర్వాత మారుతిని వాడినట్లు ఉంటుంది.
 
 *లెజెండ్స్ అనేవారు ఉద్యోగం ఖరారు అయిన తరువాత దరఖాస్తు చేస్తారు. రవిశాస్త్రి లెజెండ్ కాబట్టి ఉద్యోగం ఖాయం చేసుకుని దరఖాస్తు చేసుకున్నాడు.
 
 *కోహ్లి-రవిశాస్త్రిల ప్రేమ కథ.. ట్విలైట్ సినిమా కంటే బాగుంది
 
 *అప్పుడు గ్రెగ్ చాపల్ ను తీసుకుని గంగూలీ ఇబ్బంది పడ్డాడు.. ఇప్పుడు రవిశాస్త్రిని తీసుకువస్తే కోహ్లికి అదే పరిస్థితి వస్తుంది.
 కుంబ్లే వైదొలగడానికి రవిశాస్త్రి తెరవెనుకాల ముఖ్య పాత్ర పోషించాడు. ఈ విషయంలో బీసీసీఐ వైఫల్యం చెందింది.
 
 *ప్రతీరోజు మ్యాచ్ అయిన తరువాత రవిశాస్త్రి-కోహ్లిలు దబాంగ్ సినిమాలో ఐటమ్ సాంగ్ ను పాడుకోవచ్చు. అది వారికి మంచి స్ఫూర్తిగా ఉంటుంది.
 
 *టీమిండియా డైరెక్టర్ గా రవిశాస్త్రి పని చేసిన కాలంలో మంచి విజయాలు సాధించాడు. కోచ్ గా అతని ఎంపిక తప్పుకాకపోవచ్చు.