ఢిల్లీ: ఢిల్లీ నీటి సంక్షోభాన్ని పరిష్కరించాలని చేపట్టిన నిరవధిక నిరాహారదీక్షను ఆప్‌ జలవనరుల శాఖ మంత్రి అతిశీ విరమించారని ఆప్‌ ఎంపీ సంజయ్‌ సింగ్ వెల్లడించారు. నిరవధిక నిరాహారదీక్ష చేపట్టిన మంత్రి అతిశీ ఆరోగ్యం క్షీణించటంతో ఆమెను ఆస్పత్రికి తరలించినట్లు తెలిపారు. అదే విధంగా హర్యానా నుంచి ఢిల్లీకి రావాల్సిన నీటి వాటాను అందించాలని ప్రధాని నరేంద్రమోదీకి లేఖ రాసినట్లు తెలిపారు.‘‘మంత్రి అతిశీ ఆరోగ్యం క్షీణించింది. ఆమె బీపీ లెవల్స్‌ పడిపోయాయి. ఎల్‌ఎన్‌జేపీ ఆస్పత్రి వైద్యులు వెంటనే ఆమెను ఆస్పత్రితలో చేరి చికిత్స తీసుకోవాలన్నారు. హర్యానా నుంచి ఢిల్లీకి రావాల్సిన న్యాయమైన నీటి వాటాను కేటాయించాలని ఆమె గత ఐదు రోజులుగా నిరవధిక నిరాహారదీక్షలో ఉన్నారు. ప్రస్తుతం ఆమె ఎల్‌ఎన్‌జేపీ ఆస్పత్రి ఐసీయూలో జాయిన్‌ అయ్యారు. ఆమె త్వరగా కోలుకోవాలని ప్రార్థిస్తున్నా’’ అని ఆయన ‘ఎక్స్‌’లో తెలిపారు.తీవ్ర నీటీ సంక్షోభ సమయంలో హర్యానా నుంచి ఢిల్లీకి రావాల్సిన నీటి వాటా విషయంలో ప్రధాని మోదీ జోక్యం చేసుకోవాలని డిమాండ్‌ చేస్తూ మంత్రి అతిశీ జూన్‌ 21 నుంచి నిరవధిక నిరాహారాదీక్ష చేపట్టారు. మంగళవారం ఆమె ఆరోగ్యం క్షీణించటంతో దీక్ష విరమించి హాస్పిటల్‌లో చేరారు.

న్యూఢిల్లీ: నీటి ఎద్దడిని తీవ్రంగా ఎదుర్కొంటున్న ఢిల్లీ వాసుల కష్టాలు తీర్చాలంటూ ఆప్‌ నేత, ఢిల్లీ మంత్రి ఆతిశీ సింగ్‌ శుక్రవారం నిరాహార దీక్ష చేపట్టారు. యమునా నది అదనపు జలాలను హరియాణా తక్షణం ఢిల్లీకి విడుదల చేయాలంటూ డిమాండ్‌ చేశారు. రాజ్‌ఘాట్‌లో గాం«దీజీకి నివాళులరి్పంచి దీక్ష మొదలెట్టారు. ఢిల్లీ సీఎం అరవింద్‌ కేజ్రీవాల్‌ భార్య సునీత, ఆప్‌ ఎంపీ సంజయ్‌ సింగ్, సౌరభ్‌ భరద్వాజ్‌ తదితరులు ఆమెకు మద్దతుగా దీక్షలో కూర్చున్నారు. దీక్షకు మద్దతుగా తిహార్‌ జైలు నుంచి కేజ్రీవాల్‌ పంపిన సందేశాన్ని సునీత చదివి వినిపించారు. ‘‘ఆతిశి తపస్సు విజయవంతమవుతుంది. గొంతెండుతున్న వారి దప్పిక తీర్చడం మన సంప్రదాయం. తీవ్రమైన ఎండకాలంలో పొరుగురాష్ట్రాలు నీళ్లిచ్చి ఆదుకోవాలి. హరియాణాలోని బీజేపీ ప్రభుత్వం నీటిని విడుదలచేయకుండా ఆపి ఢిల్లీ ప్రజలు ఆప్‌ ప్రభుత్వాన్ని తిట్టుకునేలా చేయాలని మోదీ సర్కారు కుట్ర పన్నింది’’ అని అందులో కేజ్రీవాల్‌ ఆరోపించారు. ‘‘నీటి సమస్యపై మోదీకి లేఖ రాశా. హరియాణా ప్రభుత్వాన్ని వేడుకున్నా. ఢిల్లీ ప్రజలు, ముఖ్యంగా చిన్నారులు, మహిళల నీటి సమస్యలు చూడలేక నీటి సత్యాగ్రహానికి సిద్ధపడ్డా’’ అని ఆతిశి ప్రకటించారు. రోజూ 613 లక్షల గ్యాలెన్ల నీటిని విడుదలచేసే హరియాణా గత రెండు వారాలుగా కేవలం 513 లక్షల గ్యాలెన్ల నీటినే రోజూ విడుదలచేస్తోంది. గత రెండు రోజులుగా మరో 120 లక్షల గ్యాలెన్ల మేర కోత పెట్టింది.విమర్శించిన బీజేపీ దీక్షను రాజకీయ నాటకంగా బీజేపీ అభివరి్ణంచింది. ‘‘ఆతిశి విఫల మంత్రి. నీటి కష్టాలు తప్పవని ఫిబ్రవరిలోనే సూచనలు కనిపించినా ముందస్తు ఏర్పాట్లు చేయలేదు. ఎగువ హిమాచల్‌ ప్రదేశ్‌ నుంచో, ఆప్‌ పాలిత పంజాబ్‌ నుంచి ఎందుకు నీళ్లు అడగటం లేదు? ఢిల్లీ నీటి ట్యాంకర్‌ మాఫియాతో ఆప్‌ నేతలకు సంబంధముంది’’ అని ఆరోపించింది.నా భర్త ఏమన్నా మోస్ట్‌ వాంటెడ్‌ ఉగ్రవాదా: సునీతా కేజ్రీవాల్‌తన భర్త ఇండియాలోనే మోస్ట్‌ వాంటెడ్‌ ఉగ్రవాది అన్నట్లుగా ఈడీ వ్యవహరిస్తోందని కేజ్రీవాల్‌ భార్య సునీతా కేజ్రీవాల్‌ మండిపడ్డారు. ఆయన బెయిల్‌ను హైకోర్టులో సవాలు చేపడాన్ని తీవ్రంగా తప్పుబట్టారు. ‘‘బెయిల్‌ ఉత్తర్వు వెబ్‌సైట్‌లో అప్‌లోడ్‌ కూడా కాకముందే తెల్లవారుజామునే ఈడీ హైకోర్టును ఆశ్రయించిందని ఆక్షేపించారు. కేజ్రీవాల్‌ ఏమైనా ఉగ్రవాదా?’’ అంటూ దీక్షా స్థలి వద్ద మండిపడ్డారు.

సాక్షి, హైదరాబాద్‌ : ప్రభుత్వం చర్చలకు ఆహ్వానించేవరకు నిరశన కొనసాగిస్తానంటూ స్వీయ గృహ నిర్బంధం చేసుకున్న ఆర్టీసీ కార్మిక సంఘాల జేఏసీ కన్వీనర్‌ అశ్వత్థామరెడ్డి దీక్షను పోలీసులు భగ్నం చేశారు. లోపలి నుంచి గడియపెట్టుకుని కొందరు కార్మికులతో కలిసి నిరాహార దీక్ష చేస్తున్న అశ్వత్థామరెడ్డిని పోలీసులు ఆదివారం సాయం త్రం చాకచక్యంగా అరెస్టు చేశారు. రెండు రోజుల దీక్షతో ఆయన ఆరోగ్యం స్వల్పంగా క్షీణించిందని వైద్యులు ప్రకటించటంతో, ఆయనను వెంటనే చికిత్స కోసం ఉస్మానియా ఆసుపత్రికి తరలించారు. అశ్వత్థామరెడ్డి దీక్ష నేపథ్యంలో పెద్ద సంఖ్యలో కార్మికులు ఆయన ఇంటివద్దకు చేరుకుంటుండటం, ఆరోగ్యం క్షీణిస్తుండటంతో శాంతిభద్రతల పరంగా ఉద్రిక్తతలు నెలకొనే ప్రమాదం ఉండటంతో దీక్షను భగ్నం చేసేందుకు పోలీసులు ఆదివారం ఉదయం నుండి ప్రయత్నించారు. కానీ తలుపులు గడియవేసి ఉండటంతో లోనికి వెళ్లలేకపోయారు. దీక్ష నేపథ్యంలో ఆయన ఉంటున్న అపార్ట్‌మెంట్‌ ఫ్లాట్‌ వద్దకు పోలీసులు మీడియా ప్రతినిధులను తప్ప వేరేవారిని అనుమతించటం లేదు. కానీ అరెస్టు చేయాలంటే తలుపులు తీయాల్సి ఉండటంతో ఆదివారం సాయంత్రం వారు రూటు మార్చారు. సాయంత్రం ఐదు గంటల ప్రాంతంలో బీజేపీ నేతలు జితేందర్‌రెడ్డి, వివేక్‌లు వచ్చారు. అశ్వత్థామరెడ్డి ఇంట్లోకి వెళ్లి ఆయనను కలిసి బయటకు వచ్చే క్రమంలో పోలీసులు చాకచక్యంగా లోనికి ప్రవేశించారు. కార్మికులు పోలీసులను అడ్డుకునే ప్రయత్నం చేసినా వారిని వారించి ఆయనను ఆరెస్టు చేసి ఆసుపత్రికి తరలించారు. అంతకుముందు, తాను ఆరోగ్యంగానే ఉన్నానని, ఎవరూ ఆందోళన చెందాల్సిన పనిలేదని అశ్వత్థామరెడ్డి ప్రకటించారు. కానీ వైద్యులు వచ్చి పరీక్షించి బీపీ, షుగర్‌ లెవల్స్‌ పెరిగాయని ప్రకటించారు. వెంటనే చికిత్స తీసుకోని పక్షంలో ఆరోగ్యం క్షీణించే ప్రమాదం ఉందని పేర్కొన్నారు. పోలీసులు అరెస్టు చేసినా తన దీక్ష కొనసాగుతుందని, ఆసుపత్రిలో దీక్ష కొనసాగిస్తానని అశ్వత్థామరెడ్డి పేర్కొన్నారు. ప్రభుత్వం ఇప్పటికైనా మొండివైఖరి మానుకుని చర్చలకు సిద్ధం కావాలని కోరారు.  మరోసారి రాజిరెడ్డి అరెస్టు  జేఏసీ కోకన్వీనర్‌ రాజిరెడ్డిని పోలీసులు మరోసారి అరెస్టు చేసి పోలీసు స్టేషన్‌కు తరలించారు. శనివారం ఆయన రెడ్డి కాలనీలోని తన ఇంట్లో దీక్ష నిర్వహిస్తుండగా పోలీసులు అరెస్టు చేసి పహాడీషరీఫ్‌ స్టేషన్‌కు తరలించి సాయంత్రం వదిలిపెట్టిన విషయం తెలిసిందే. పోలీసు స్టేషన్‌లో కూడా దీక్ష కొనసాగించిన రాజిరెడ్డి ఇంటికి వచ్చి తిరిగి దీక్షలోనే ఉన్నారు. దీంతో ఉదయం ఆయన ఇంటికి వచ్చిన పోలీసులు దీక్షను విరమించాలని కోరారు. ఇందుకు ఆయన నిరాకరించారు. తలుపు గడియ పెట్టి ఉండటంతో బలప్రయోగంతో రాజిరెడ్డిని అరెస్టు చేసి పోలీసు స్టేషన్‌కు తరలించారు. అడ్డుకునే ప్రయత్నం చేసిన తోటి కార్మికులను కూడా అదుపులోకి తీసుకున్నారు. పోలీసులు, ప్రభుత్వం తీరును నిరసిస్తూ వ్యాన్‌లో నినాదాలు చేసే క్రమంలో రాజిరెడ్డి సొమ్మసిల్లి పడిపోయారు. వీరిద్దరి అరెస్టులను ఖండిస్తూ కార్మికులు రాష్ట్రవ్యాప్తంగా నిరసన కార్యక్రమాలు చేపట్టారు. డిపోల వద్ద సంఘీభావ దీక్షలు కొనసాగించారు.  మరోవైపు రాష్ట్రవ్యాప్తంగా ఆదివారం 68.32 శాతం బస్సులు తిప్పినట్టు ఆర్టీసీ అధికారులు ప్రకటించారు. 1,924 అద్దె బస్సులుసహా 6,114 బస్సులను తిప్పినట్టు వెల్లడించారు. 4,189 మంది తాత్కాలిక డ్రైవర్లు, 6,114 మంది తాత్కాలిక కండక్టర్లు విధులకు హాజరయ్యారని చెప్పారు. 5,864 బస్సుల్లో టిమ్‌ యంత్రాలు వాడామని, 174 బస్సుల్లో సంప్రదాయ పద్ధతిలో ట్రే టికెట్లు జారీ చేశామన్నారు.   ఉస్మానియాలో కొనసాగుతున్న దీక్ష  నిన్నటి నుండి తన నివాసంలో నిరాహారదీక్ష చేస్తున్న ఆశ్వత్థామరెడ్డిని వైద్య చికిత్స నిమిత్తం పోలీసులు ఉస్మానియా ఆసుపత్రికి తరలించారు. ఆసుపత్రిలోని మెడికల్‌ ఇన్సెంటివ్‌ కేర్‌ యూనిట్‌లో ఆయనను డాక్టర్ల పర్యవేక్షణలో ఉంచారు. బీపీ, షుగర్‌ ఉన్నందున వైద్యానికి సహకరించాలని వైద్యులు కోరుతున్నా ఆయన దీక్ష కొనసాగిస్తున్నారు. ప్రస్తుతం ఆయన ఆరోగ్య పరిస్థితి విషమంగా ఉందని, యూరిన్‌లో కీటోన్స్‌ వచ్చాయని, అవి పెరిగితే పరిస్థితి మరింత విషమంగా మారే అవకాశం ఉందని డ్యూటీ డాక్టర్‌ రాజ్‌కుమార్‌ అన్నారు. అశ్వత్థామరెడ్డిని పరామర్శించడానికి ఉస్మానియా ఆసుపత్రికి చేరుకున్న ప్రొఫెసర్‌ కోదండరామ్‌ మాట్లాడుతూ, ప్రభుత్వం మానవతా దృక్పథంతో ఆలోచించి ఆర్టీసీ కార్మికులను ఆదుకోవాలని కోరారు. కొట్లాడి తెచ్చుకున్న తెలంగాణలో దుర్మార్గమైన పాలన కొనసాగుతోందని విమర్శించారు.

యాదాద్రి భువనగిరి : ముగ్గురు బాలికలను పొట్టనబెట్టుకున్న సీరియల్‌ కిల్లర్‌ శ్రీనివాస్‌రెడ్డిని ఉరితీయాలంటూ హాజీపూర్‌ గ్రామస్తులు చేస్తున్న ఆమరణ నిరాహార దీక్షను పోలీసులు భగ్నం చేశారు. శనివారం తెల్లవారుజామున రెండు గంటల ప్రాంతంలో దీక్ష చేస్తున్న30మందిని అరెస్టు చేసి హైదరాబాద్‌లోని జవహర్‌ నగర్‌ పోలీస్‌స్టేషన్‌కు తరలించారు. శుక్రవారం (రెండోరోజు) ఆమరణదీక్ష కొనసాగించిన గ్రామస్తులు.. నిందితుడికి పడిన శిక్షలతో సమాజంలో నేరస్తులకు వెన్నులో వణుకు పుట్టాలని భీష్మించుకొని కూర్చున్నారు. బాలికలు శ్రావణి, మనీషా, కల్పన ఆత్మలు శాంతించాలంటే నిందితుడిని ఎన్‌కౌంటర్‌ చేయాలని హాజీపూర్‌ గ్రామస్తులు డిమాండ్‌ చేశారు. ఫాస్ట్‌ట్రాక్‌ కోర్టు ఏర్పాటు చేసి బాధితులకు న్యాయం చేయాలని, బాధిత కుంటుంబాకు రూ.50 లక్షల ఎక్స్‌గ్రేషియా, ఇంటికో ఉద్యోగం ఇవ్వాలనే నినాదాలతో మండల కేంద్రంలోని గుడిబావి చౌరస్తా మారుమ్రోగింది. ఎలాంటి అవాంఛనీయ ఘటనలు జరగకుండా ముందు జాగ్రత్తగా చర్యగా అరెస్టు చేసినుట్ట వెల్లడించారు. సంబంధిత వీడియో కోసం ఇక్కడ క్లిక్ చేయండి (చదవండి : మానవ మృగాన్ని ఉరి తీయాలి..)

యాదాద్రి భువనగిరి: బొమ్మల రామారం మండలం హాజీపూర్‌లో బాలికల వరస హత్యలతో రాష్ట్ర వ్యాప్తంగా కలకలం రేగిన సంగతి తెలిసిందే. ఫాస్ట్‌ట్రాక్‌ కోర్టుని ఏర్పాటు చేసి నిందితుడు శ్రీనివాస్‌రెడ్డిని వెంటనే ఉరి తీయాలని డిమాండ్‌ చేస్తూ.. హాజీపూర్‌ గ్రామస్తులు బొమ్మలరామారం చౌరస్తాలో గురువారం ఆమరణ నిరాహార దీక్ష చేపట్టారు. వారికి సంఘీభావం తెలపడానికి టీఆర్‌ఎస్‌ నేతలు రావడంతో అక్కడ ఘర్షణ వాతావరణం నెలకొంది. గత మూడు వారాలుగా గుర్తుకు రాని హాజీపూర్‌.. ఇప్పుడే గుర్తుకు వచ్చిందా.. అని గ్రామస్తులు, బాధితులు వారిని నిలదీశారు. ఎన్నికల కోడ్‌ ఉన్నందున ప్రభుత్వం ఏ ప్రకటనా చేయలేకపోయిందని టీఆర్‌ఎస్‌ నాయకులు సర్దిచెప్పే యత్నం చేయగా.. ఇప్పుడు కూడా కోడ్‌ అమలులోనే ఉందికదా అని గ్రామస్తులు ప్రశ్నించారు. ‘మీ సంఘీభావ యాత్రలతో పనిలేదు. స్థానిక ఎమ్మెల్యే​, సీఎం కేసీఆర్‌తో సమావేశం ఏర్పాటు చేయాలి’ అని వారు డిమాండ్‌ చేశారు. సంబంధిత వీడియో కోసం ఇక్కడ క్లిక్ చేయండి : ఇన్నాళ్లు గుర్తుకు రాని హాజీపూర్‌.. ఇప్పుడే గుర్తుకు వచ్చిందా

అహ్మదాబాద్‌: రైతు రుణమాఫీ, పటేళ్లకు రిజర్వేషన్ల డిమాండ్లతో గుజరాత్‌లో పాస్‌ (పటీదార్‌ అనామత్‌ ఆందోళన్‌ సమితి) కన్వీనర్‌ హార్దిక్‌ పటేల్‌ చేపట్టిన నిరవధిక నిరాహార దీక్ష కొనసాగుతోంది. గత నెల 25 నుంచి ఆయన దీక్ష చేస్తుండగా ఆరోగ్యం క్షీణించడంతో హార్దిక్‌ను శుక్రవారం ఆసుపత్రికి తరలించడం తెలిసిందే. తాజాగా ఆయన వైద్యశాల నుంచి డిశ్చార్జి అయ్యి, తన ఇంటివద్దనే 16వ రోజు దీక్ష కొనసాగించారు. అంతకుముందు హార్దిక్‌ ఇంటికి వెళ్తుండగా ఆ దారిలో భారీ సంఖ్యలో పోలీసులను ప్రభుత్వం మోహరించింది. హార్దిక్‌ను అనుసరిస్తున్న విలేకరులను పోలీసులు అడ్డుకోవడంతోపాటు కొంతమందిపై లాఠీ చార్జీ కూడా చేశారు. పోలీసుల చర్యను హార్దిక్‌ ఖండించారు. ఆగస్టు 25న హార్దిక్‌ పటేల్‌ దీక్ష ప్రారంభించారు. మంచినీళ్లు తీసుకోవడం కూడా మానేయడంతో ఆయనను ఆస్పత్రికి తరలించారు. ఇంట్లోనే నిరహార దీక్ష కొనసాగిస్తానని ఫేస్‌బుక్‌ లైవ్‌ ద్వారా ఆయన ప్రకటించారు.

సాక్షి, హైదరాబాద్‌: రాష్ట్ర ప్రభుత్వం, రేషన్‌ డీలర్లకు మధ్య వేడి రాజుకుంటోంది. ఓ వైపు జూలై ఒకటి నుంచి తలపెట్టిన సమ్మెపై రేషన్‌ డీలర్లు వెనక్కి తగ్గడం లేదు. మరోవైపు డీడీలు కట్టని డీలర్లపై చర్యలకు ప్రభుత్వం వెనుకాడటం లేదు. ప్రభుత్వ వైఖరిని నిరసిస్తూ రాష్ట్రవ్యాప్తంగా డీల ర్లు రోడెక్కగా... డీలర్లకు నోటీసులు జారీ చేసే ప్రక్రియను ప్రభుత్వం వేగిరం చేసింది. జూలై 5లోగా తమ డిమాండ్లపై ప్రభుత్వం స్పందించకుంటే ఆమరణ నిరాహార దీక్షకు వెనకాడబోమని డీలర్లు హెచ్చరిస్తుంటే.. సరుకుల పంపిణీకి ప్రభుత్వం విస్తృత ఏర్పాట్లు చేస్తోంది.   వేలమంది డీలర్లకు నోటీసులు రాష్ట్రవ్యాప్తంగా 2.75 కోట్ల మంది లబ్ధిదారులకు వచ్చే నెల నుంచి బియ్యం, కిరోసిన్‌ సరఫరా చేయాల్సి ఉంది. ఇందుకోసం మీ సేవ కేంద్రాల్లో రేషన్‌ సరుకుల కోసం డబ్బులు చెల్లించి, ఆర్‌ఓ (రిలీజ్‌ ఆర్డర్‌) తీసుకోవాలి. అయితే ఇంతవరకూ 17 వేల మంది డీలర్లలో 700 మంది వరకు మాత్రమే డీడీలు చెల్లించారు. దీంతో డీడీలు కట్టని డీలర్లపై ప్రభుత్వం చర్యలకు ఉపక్రమించింది. రాష్ట్ర ప్రజా పంపిణీ వ్యవస్థ కంట్రోలర్‌ ఆర్డర్‌–2016 ప్రకారం ప్రజా ప్రయోజనాల దృష్ట్యా ఏ డీలర్‌నైనా తొలగించే అధికారం, నిత్యావసర సరుకుల పంపిణీకి ఆటంకం కలిగిస్తే ఏ డీలర్‌నైనా తొలగించి, వారి స్థానంలో ఇతరులను నియమించే అధికారం ఉందని చెబుతూ డీలర్లకు నోటీసులు అందిస్తోంది. శుక్రవారం వేల సంఖ్యలో డీలర్లకు అధికారులు నోటీసులు అందించారు.   సస్పెన్షన్‌పై ఆచితూచి.. నోటీసులు అందుకున్న డీలర్లను సస్పెండ్‌ చేసే ఉత్తర్వులపై ప్రభుత్వం ఆచితూచి వ్యవహరిస్తోంది. సస్పెన్షన్‌పై న్యాయ సలహా తీసుకోవాలని నిర్ణయించింది. పౌర సరఫరాల శాఖ కమిషనర్‌ అకున్‌ సబర్వాల్‌ ఢిల్లీ పర్యటన లో ఉండటంతో శనివారం న్యాయ సలహా తీసుకొని, అనంతరం సస్పెన్షన్‌ ఉత్తర్వులపై ముం దుకెళ్లే అవకాశాలున్నాయి. డీలర్లు వెనక్కి తగ్గే సూచనలు కనిపించకపోవడంతో సరుకుల పంపిణీకి ఏర్పాట్లు ముమ్మరం చేసింది. గుర్తించిన మహిళా సంఘాలకు సరుకులను చేరవేసేందుకు రవాణా వాహనాలను, సరుకుల లోడింగ్‌ కోసం హమాలీలను సిద్ధం చేసుకునే పనుల్లో వేగం పెంచింది. కాంగ్రెస్‌ మద్దతు డీలర్ల సమ్మెకు కాంగ్రెస్‌ పార్టీ నుంచి మద్దతు లభించింది. ప్రతిపక్ష నేత జానారెడ్డి, పీసీసీ అధ్యక్షుడు ఉత్తమ్‌కుమార్‌రెడ్డి, పీసీసీ ఉపాధ్యక్షుడు పొన్నం ప్రభాకర్, ఎమ్మెల్సీ పొంగులేటి సుధాకర్‌రెడ్డి డీలర్లకు మద్దతు ప్రకటించారు. వారి సమస్య పరిష్కారానికి చొరవ చూపాలన్నారు. గాంధీభవన్‌లో మీడియాతో చిట్‌చాట్‌ చేసిన ఉత్తమ్‌కుమార్‌రెడ్డి.. రేషన్‌ డీలర్ల పట్ల కేసీఆర్‌ క్రూరంగా వ్యవహరిస్తున్నారని దుయ్యబట్టారు.  డీలర్లపై ప్రభుత్వ దౌర్జన్యాన్ని తీవ్రంగా ఖండిస్తున్నామని, ప్రభుత్వ నిర్వాకం వల్లే డీలర్‌ వాజిర్‌ ఖాన్‌ ఆత్మహత్యయత్నం చేశారని అన్నారు.  

సాక్షి, ఒంగోలు: ఏపీ ప్రజల కష్టాలతో పోల్చుకుంటే తమ పదవులు గడ్డిపోచలని వైఎస్సార్‌సీపీ ఎంపీ వైవీ సుబ్బారెడ్డి అన్నారు. ఏపీకి ప్రత్యేక హోదా కోసం తన ఎంపీ పదవికి రాజీనామా చేసి, ఢిల్లీలో ఆమరణ దీక్ష తర్వాత తొలిసారిగా ప్రకాశం జిల్లాలోకి అడుగుపెట్టిన వైవీ సుబ్బారెడ్డికి ఘన స్వాగతం లభించింది. వైఎస్సార్‌సీపీ నేతలు, కార్యకర్తలు పార్టీ ఎంపీలతో కలిసి వైవీ సుబ్బారెడ్డి చేస్తున్న పోరాటాన్ని కొనియాడారు. స్థానిక సింగరకొండ ఆంజనేయ స్వామి దేవాలయంలో ఎంపీ ప్రత్యేక పూజలు చేశారు. అనంతరం వైవీ సుబ్బారెడ్డి మీడియాతో మాట్లాడారు. రాష్ట్ర ప్రయోజనాల కోసం చిత్తశుద్ధితో ఎంపీ పదవులకు రాజీనామా చేశామన్నారు. పార్టీ అధ్యక్షుడు వైఎస్ జగన్‌మోహన్ రెడ్డి సూచన మేరకు భవిష్యత్ కార్యాచరణ కొనసాగిస్తామన్నారు. ఏపీ సీఎం చంద్రబాబు ఒకరోజు దీక్ష.. నయవంచన దీక్ష అని విమర్శించారు. టీడీపీ ఎంపీలు పదవులకు రాజీనామా చేయకుండా రాష్ట్ర ప్రజలను మోసం చేస్తున్నారంటూ మండిపడ్డారు. చంద్రబాబు మోసాలవల్లే రాష్ట్రానికి కేంద్ర ప్రభుత్వం హోదా ఇవ్వట్లేదని అభిప్రాయపడ్డారు. దీక్షతో చంద్రబాబు ప్రజాధనం కాజేయాలని చూస్తున్నారని చెప్పారు. ఉప ఎన్నికలు వస్తే ఎదుర్కోవడానికి సిద్ధమని, ప్రజాక్షేత్రంలోనే టీడీపీకి బుద్ధి చెప్తామని వైవీ సుబ్బారెడ్డి వ్యాఖ్యానించారు.

సాక్షి, విజయవాడ: ఆంధ్రప్రదేశ్‌కు ప్రత్యేక హోదా సాధన కోసం తమ పదవులకు రాజీనామా చేసి.. ఆమరణ నిరాహార దీక్ష చేపట్టిన తమ పార్టీ ఎంపీలను కలుసుకోవడం చాలా గర్వంగా ఉందని వైఎస్సార్‌సీపీ అధ్యక్షుడు వైఎస్ జగన్‌మోహన్ రెడ్డి పేర్కొన్నారు. ప్రత్యేక హోదా పోరాటంలో భాగంగా వైఎస్సార్‌సీపీ ఎంపీలు వైవీ సుబ్బారెడ్డి, మేకపాటి రాజమోహన్‌రెడ్డి, వరప్రసాద్, వైఎస్ అవినాష్ రెడ్డి, పెద్దిరెడ్డి మిథున్ రెడ్డి తమ పదవులకు రాజీనామాచేసి.. ఢిల్లీ వేదికగా ఆమరణ నిరాహార దీక్ష చేసిన విషయం తెలిసిందే. ఈ నేపథ్యంలో ఢిల్లీ నుంచి తిరిగొచ్చిన ఎంపీలు ప్రజాసంకల్పయాత్రలో ఉన్న పార్టీ అధ్యక్షుడు వైఎస్‌ జగన్‌ను కలిసిన సంగతి తెలిసిందే. ఈ విషయమై వైఎస్ జగన్ గురువారం ట్వీట్‌ చేశారు. ప్రత్యేక హోదా కోసం వైఎస్సార్‌సీపీ ఎంపీలు నిస్వార్థంగా నిరాహార దీక్ష చేశారని, బలవంతంగా ఆస్పత్రులకు తరలించేవరకు ప్రాణాలకు తెగించి దీక్ష చేశారని వారి పోరాటాన్ని వైఎస్‌ జగన్‌ కొనియాడారు. వైఎస్సార్‌సీపీ ఎంపీల దీక్ష స్ఫూర్తిదాయకంగా నిలుస్తుందని ప్రశంసించారు. ఏపీకి ప్రత్యేక హోదా కోసం వైఎస్సార్‌సీపీ తన పోరాటాన్ని కొనసాగిస్తూనే ఉంటుందని, కొందరి తరహాలో ప్రజలను మోసం చేసి.. మభ్యపెట్టే డ్రామాలు ఆడబోదని పరోక్షంగా చంద్రబాబు దీక్షను ఉద్దేశించి ఆయన పేర్కొన్నారు.   Proud to have met our 5 MPs who selflessly resigned from the LS for SCS & went on hunger strike, till forcibly hospitalized.Their actions are inspirational. YSRCP will continue its fight for #APSCS, unlike those interested only in hoodwinking, drama & token fasts. — YS Jagan Mohan Reddy (@ysjagan) 19 April 2018

సాక్షి, న్యూఢిల్లీ: ఆంధ్రప్రదేశ్‌కు ప్రత్యేక హోదా సాధన పోరాటంలో భాగంగా వైఎస్సార్‌ కాంగ్రెస్‌ పార్టీ ఎంపీలు ఆమరణ నిరాహార దీక్షకు దిగారు. ఢిల్లీలోని ఏపీ భవన్‌లో శుక్రవారం మధ్యాహ్నం 2:02 గంటలకు దీక్ష ప్రారంభమైంది. లోక్‌సభ స్పీకర్‌కు రాజీనామాలు సమర్పించిన అనంతరం మేకపాటి రాజమోహన్‌ రెడ్డి, వైవీ సుబ్బారెడ్డి, వరప్రసాద్‌, అవినాశ్‌ రెడ్డి, మిథున్‌ రెడ్డిలు నేరుగా ఏపీ భవన్‌కు వచ్చి దీక్షలో కూర్చున్నారు. ఈ దీక్షకు సంఘీభావం తెలిపేందుకు వైఎస్సార్‌సీపీ ఎమ్మెల్యేలు, పెద్ద సంఖ్యలో కార్యకర్తలు తరలివచ్చారు. ‘ఏపీకి తక్షణమే ప్రత్యేక హోదా కల్పించాల’నే నినాదాలు హోరెత్తాయి. అమరుల సాక్షిగా: దీక్షలో కూర్చోవడానికి ముందు.. ఏపీ భవన్‌ ప్రాంగణంలోని అంబేద్కర్‌ విగ్రహానికి వైఎస్సార్‌సీపీ ఎంపీలు పూలమాలలు వేసి నివాళులు అర్పించారు. ఆ తర్వాత.. ఏపీ ప్రత్యేక హోదా కోసం ప్రాణ త్యాగం చేసిన అమర వీరులు మునికోటి, రమణయ్య, లక్ష్మయ్య,ఉదయభాను, లోకేశ్వరరావులకు చిత్రపటాలపై పూలుచల్లి నివాళులు అర్పించారు. అటుపై మహానేత వైఎస్సార్‌ చిత్రపటానికి నమస్కరించారు. ఉత్తరాంధ్ర చర్చా వేదిక మద్దతు విభజన హామీలు అమలు కోసం వైఎస్సార్‌ సీపీ పార్లమెంట్ సభ్యులు చేసిన రాజీనామాలను స్వాగతిస్తున్నామని ఉత్తరాంధ్ర చర్చా వేదిక కన్వీనర్‌ కొణతాల రామకృష్ణ తెలిపారు. ఢిల్లీలో వైఎస్సార్‌ సీపీ ఎంపీలు చేస్తున్న నిరాహార దీక్షకు సంపూర్ణ మద్దతు ప్రకటించారు.

సాక్షి, న్యూఢిల్లీ: ప్రత్యేక హోదా పోరాటాన్ని ఢిల్లీ వరకు తీసుకెళ్లి.. పార్లమెంటు వేదికగా అలుపెరగని పోరాటం సాగించి.. అవిశ్వాస తీర్మానం ప్రతిపాదించేందుకు అవిశ్రాంతంగా ప్రయత్నించి.. దేశవ్యాప్తంగా చర్చనీయాం శంగా మార్చిన వైఎస్సార్‌ కాంగ్రెస్‌ పార్టీ నేడు అంతిమ పోరాటాన్ని ప్రారంభించింది. హోదా సాధన పోరాటంలో భాగంగా నేడు పదవులకు రాజీనామాలు చేయనున్న ఎంపీలు.. సంతకాలు చేసిన రాజీనామా పత్రాలను మహానేత వైఎస్సార్‌ పాదాల వద్ద ఉంచి, నమస్కరించారు. అనంతరం పార్లమెంట్‌కు బయలుదేరారు.. స్పీకర్‌ అపాయింట్‌మెంట్‌: ప్రత్యేక హోదా కోసం పదవులు త్యజించేందుకు సిద్ధమైన వైఎస్సార్‌సీపీ ఎంపీలు ఆమేరకు లోక్‌సభ స్పీకర్‌ను కలవనున్నారు. సభ నిరవధిక వాయిదా పడిన తర్వాత నేరుగా స్పీకర్‌ను కలవనున్న ఎంపీలు.. స్పీకర్‌ ఫార్మాట్‌లో రాజీనామాలు సమర్పించిన అనంతరం నేరుగా ఏపీ భవన్‌కు వెళ్లి ఆమరణ దీక్షలో కూర్చుంటారు. పార్లమెంట్‌ బడ్జెట్‌ సమావేశాల చివరి రోజైన శుక్రవారం సభ నిరవధిక వాయిదా ప్రకటన వెలువడగానే రాజీనామాలు సమర్పిస్తామని వైఎస్సార్‌సీపీ ఎంపీలు తెలిపారు. ఆ వెంటనే ఏపీ భవన్‌ వేదికగా ఆమరణ నిరాహార దీక్షలో కూర్చోనున్నారు. ఢిల్లీలో దీక్షకు దిగనున్న వైఎస్సార్‌సీపీ ఎంపీలకు మద్దతుగా ఏపీ వ్యాప్తంగా అన్ని చోట్లా సంఘీభావ దీక్షలు జరుగనున్నాయి. వైఎస్సీర్‌సీపీ అధ్యక్షుడు వై.ఎస్‌.జగన్‌మోహన్‌ రెడ్డి ఈ మేరకు విద్యార్థులు, యువతకు ఇదివరకే పిలుపునిచ్చిన సంగతి తెలిసిందే. అటు ఎంపీల దీక్షా శిబిరానికి కార్యకర్తల తాకిడి మొదలైంది. వేలాది మంది వైఎస్సార్‌సీపీ కార్యకర్తలు వివిధ మార్గాల ద్వారా ఢిల్లీకి పయనం అయ్యారు. వైఎస్సార్‌ సీపీ ఎంపీల రాజీనామా లేఖలు ఇవే..

సాక్షి, అమరావతి/సాక్షి, హైదరాబాద్‌: ప్రత్యేక హోదా, పునర్విభజన చట్టం అమలు కోసం ఐక్యంగా ఉద్యమించాలని జనచైతన్య వేదిక రాష్ట్ర అధ్యక్షుడు వి.లక్ష్మణరెడ్డి గురువారం ఓ ప్రకటనలో పిలుపునిచ్చారు. వైఎస్సార్‌ సీపీ, వామపక్షాలు మొదటి నుంచీ ప్రత్యేక హోదాపై ఒకే విధమైన అభిప్రాయంతో పనిచేస్తున్నాయని చెప్పారు. ఈ నెల 6 నుంచి వైఎస్సార్‌ సీపీ ఎంపీలు రాజీనామాలు చేసి ఆమరణ దీక్షకు పూనుకోవడం హర్షణీయమన్నారు. అదే రోజు జాతీయ రహదారులపై పాదయాత్ర పేరుతో మరో ఉద్యమాన్ని చేపట్టడం వల్ల సత్ఫలితాలు రావని అభిప్రాయపడ్డారు. ఒకేరోజు వేర్వేరు పార్టీలు వివిధ రకాల పోరాటాలకు పిలుపునిస్తే సత్ఫలితాలు రావని పేర్కొన్నారు. 25 మంది లోక్‌సభ సభ్యులు రాజీనామా చేసే విధంగా ఒత్తిడి తేవాలని, ఉద్యమానికి ఢిల్లీని కేంద్ర బిందువుగా చేయాలని పిలుపునిచ్చారు. ప్రతిపక్ష నేత వైఎస్‌ జగన్‌మోహన్‌రెడ్డి చొరవ తీసుకొని ప్రత్యేక హోదా సాధన, విభజన హామీల అమలు కోసం కృషి చేస్తున్న రాజకీయ పార్టీలు, ప్రజా సంఘాలను ఆహ్వానించి ఐక్య పోరాటానికి శ్రీకారం చుట్టాలని విజ్ఞప్తి చేశారు.

సాక్షి, న్యూఢిల్లీ: రాష్ట్రానికి ప్రత్యేక హోదా సాధన కోసం ప్రాణాలైనా అర్పిస్తామని వైఎస్సార్‌ కాంగ్రెస్‌ ఎంపీలు ప్రకటించారు. బడ్జెట్‌ మలివిడత సమావేశాల్లోపు కేంద్రం దిగి రాకపోతే వైఎస్సార్‌సీపీ ఎంపీలందరూ మూకుమ్మడిగా స్పీకర్‌ ఫార్మాట్‌లో రాజీనామాలు సమర్పిస్తామని.. అనంతరం ఏపీ భవన్‌లో ఆమరణ నిరాహార దీక్షకు దిగుతామని చెప్పారు. ఢిల్లీలో ఆ పార్టీ లోక్‌సభ ఎంపీలు మేకపాటి రాజమోహన్‌రెడ్డి, వైవీ సుబ్బారెడ్డి, వెలగపల్లి వరప్రసాదరావు, పీవీ మిథున్‌రెడ్డి, వైఎస్‌ అవినాష్‌రెడ్డి, రాజ్యసభ సభ్యులు వి.విజయసాయిరెడ్డి, వేమిరెడ్డి ప్రభాకర్‌రెడ్డి గురువారం ఇక్కడి కానిస్టిట్యూషన్‌ క్లబ్‌లో మీడియాతో మాట్లాడారు. మేకపాటి మాట్లాడుతూ.. ‘రాష్ట్రానికి ప్రత్యేక హోదా సాధన కోసం మా ప్రాణాలైనా అర్పించేందుకు సిద్ధంగా ఉన్నాం. బడ్జెట్‌ మలివిడత సమావేశాల్లోపు కేంద్రం దిగి రాకపోతే వైఎస్సార్‌సీపీ ఎంపీలందరూ రాజీనామాలు చేస్తారని మా పార్టీ అధ్యక్షుడు వైఎస్‌ జగన్‌మోహన్‌రెడ్డి ముందుగానే ప్రకటించారు. ఇచ్చిన మాటకు కట్టుబడి మా పదవులకు రాజీనామాలు చేసి ఏపీ భవన్‌లో ఆమరణ నిరాహార దీక్షకు దిగుతాం.  అవిశ్వాస తీర్మానానికి మద్దతు కూడగట్టే పేరుతో ఢిల్లీ వచ్చిన చంద్రబాబు గాంధీ విగ్రహం వద్ద, పార్లమెంటు ప్రధాన ద్వారం మెట్ల వద్ద ఫొటోలకు పోజులు ఇచ్చి వెళ్లారు. ఎన్నికల సమయంలో 10 ఏళ్లపాటు హోదా ఇస్తామన్న బీజేపీ.. కాదు 15 ఏళ్లు కావాలన్న చంద్రబాబు కలిసి రాష్ట్రానికి ద్రోహం చేశారు. వీటిని ప్రజలు గమనిస్తున్నారు..’ అని వివరించారు. టీడీపీ, బీజేపీ నిందారోపణలు: వైవీ ఎంపీ వైవీ సుబ్బారెడ్డి మాట్లాడుతూ.. ‘ప్రత్యేక హోదా విషయంలో బీజేపీ, టీడీపీ, జనసేన పార్టీలు ఒకరి మీద ఒకరు నిందలు వేసుకుంటున్నాయి. హోదాను విస్మరించిన చంద్రబాబు ఇప్పుడు కొత్తగా జాయింట్‌ పార్లమెంటరీ కమిటీ (జేపీసీ) వేయాలని ఎలా అడుగుతారు.  ప్రత్యేక హోదా రాష్ట్ర ఊపిరి.. ఆ ఊపిరిని సాధించుకొనేందుకు మా ఊపిరినైనా వదిలేస్తాం..’ అని చెప్పారు. మోసం చేశారు: వరప్రసాదరావు ‘తాము అధికారంలోకి వస్తే ప్రత్యేక హోదా ఇస్తామని బీజేపీ, టీడీపీలు ఎన్నికల మేనిఫెస్టోలో పెట్టి మోసగించాయి. ప్రత్యేక హోదా వస్తుందని ఆకాంక్షించి ప్రజలు వారిని గెలిపించారు. నాలుగేళ్లు కాపురం చేశారు. కానీ, ఒక్క సందర్భంలో కూడా ముఖ్యమంత్రి చంద్రబాబు ప్రత్యేక హోదా కావాలని అడగలేదు. పార్లమెంటు సమావేశాల్లో రోజుకు ఏడెనిమిది గంటలపాటు మా కాళ్లపై నిలబడి హోదా కోరుతూ నిరసన తెలిపాం. అయినా ఎన్డీయే  ప్రభుత్వం నుంచి ఎలాంటి స్పందన లేకపోయేసరికి మా నాయకుడు జగన్‌మోహన్‌రెడ్డి ఉద్యమాన్ని తీవ్రతరం చేశారు. అందులో భాగంగానే కేంద్రంపై అవిశ్వాసం పెట్టాల్సి వచ్చింది. దీంతో టీడీపీ కూడా మమ్మల్ని అనుసరించాల్సి వచ్చింది’ అని వెలగపల్లి ప్రసాదరావు వివరించారు. దర్యాప్తు జరపాలి:  మిథున్‌రెడ్డి ‘అవినీతిలో కూరుకుపోవడం వల్ల చంద్ర బాబు రాష్ట్ర ప్రయోజనాలను తాకట్టు పెట్టారు. ఓటుకు కోట్లు కేసులో దొరికిపోయారు. అనేక ప్రాజెక్టుల్లో అవినీతికి పాల్పడ్డారని కాగ్‌ నివేదిక చెబుతోంది. మరి బీజేపీ ఎందుకు చర్య తీసుకోలేదు? అసలు బీజేపీకి, టీడీపీకి మధ్య తేడాలు ఎందుకు వచ్చాయో ప్రజలు తెలుసుకోవాల నుకుంటున్నారు. రాష్ట్ర ప్రభుత్వ అక్రమాలపై దర్యాప్తు చేయాలని మేం డిమాండ్‌ చేస్తున్నాం. టీడీపీకి చిత్తశుద్ధి ఉంటే మాతో కలిసి రావాలి. రాజీనామా చేసి దీక్షకు కూర్చోవాలి..’ అని ఆయన డిమాండ్‌ చేశారు. కేంద్రానిదే బాధ్యత: అవినాష్‌రెడ్డి ‘ప్రత్యేక హోదా కోసం మా నాయకుడు జగన్‌మోహన్‌రెడ్డి ఒక కార్యాచరణ రూపొందించారు. దానిలో భాగంగానే అవిశ్వాస తీర్మానాలకు నోటీసులు ఇచ్చాం. కేంద్రం ప్రభుత్వం దానిని చర్చకు, ఓటింగ్‌కు తీసుకురాకుండా తప్పించుకునే ప్రయత్నం ఏ విధంగా చేస్తోందో చూస్తున్నాం. ఇందుకు కేంద్రమే పూర్తి బాధ్యత వహించాలి. ప్రధాని పార్లమెంటుకు వచ్చినా లోక్‌సభకు రారు. రేపైనా అవిశ్వాస తీర్మానం ప్రవేశపెట్టేందుకు అనుమతి వస్తుందో రాదో తెలియదు. శుక్రవారం సభ నిరవధిక వాయిదా పడిన తరువాత రాజీనామా చేసి ఆమరణ దీక్ష ప్రారంభిస్తాం.’.. అని అవినాష్‌రెడ్డి చెప్పారు.

సాక్షి, న్యూఢిల్లీ: పార్లమెంటు సాక్షిగా దేశ రాజధానిలో మరో చారిత్రక ఘట్టం ఆవిష్కృతం కానుంది. ఐదుకోట్లమంది ఆంధ్రులకు అపర సంజీవని వంటి ప్రత్యేకహోదా కోసం వైఎస్సార్‌ కాంగ్రెస్‌ పార్టీ ఎంపీలు తమ పదవులకు రాజీనామాలు చేసి ఆమరణ నిరాహార దీక్షకు కూర్చోబో తున్నారు. ప్రత్యేక హోదా పోరాటాన్ని ఢిల్లీ వరకు తీసుకెళ్లి.. పార్లమెంటు వేదికగా అలుపెరగని పోరాటం సాగించి.. అవిశ్వాస తీర్మానం ప్రతిపాదించేందుకు అవిశ్రాంతంగా ప్రయత్నించి.. దేశవ్యాప్తంగా చర్చనీయాం శంగా మార్చిన ఆ పార్టీ ఇపుడు అంతిమ పోరాటానికి సన్నద్ధమయ్యింది. కేంద్రంపై అవిశ్వాస తీర్మానం శుక్రవారం కూడా చర్చకు రాకుండా పార్లమెంటు నిరవధికంగా వాయిదా పడినట్లయితే ఆ మరుక్షణమే వైఎస్సార్‌ కాంగ్రెస్‌ లోక్‌సభ సభ్యులు తమ పదవులను తృణప్రాయంగా త్యజించనున్నారు.  స్పీకర్‌ ఫార్మాట్‌లో రాజీనామాలు చేసి ఆ లేఖలను కేంద్రం మొఖాన కొట్టి బయటకు రానున్నారు. రాజీనామాలను ఆమోదించాలని కోరనున్నారు. ఆ వెనువెంటనే ఆంధ్రప్రదేశ్‌ ప్రజల ఆస్తి అయిన ఏపీభవన్‌లో వారు ఆమరణ నిరాహార దీక్షకు దిగనున్నారు. పార్టీ అధ్యక్షుడు వై.ఎస్‌.జగన్‌మోహన్‌ రెడ్డి ఇచ్చిన పిలుపు మేరకు తమ నాలుగేళ్ల ప్రత్యేక హోదా పోరాటాన్ని పతాక స్థాయికి చేర్చిన ఎంపీలు తాజా బడ్జెట్‌ సమావేశాల్లో జాతీయ స్థాయిలో చర్చనీయాంశంగా మార్చగలిగారు. చరిత్రలో మునుపెన్నడూ ఎరుగని రీతిలో కేంద్రంపై 13సార్లు అవిశ్వాస తీర్మానానికి నోటీసులు ఇచ్చారు. జాతీయ పార్టీల మద్దతు కూడగట్టారు. అవిశ్వాస తీర్మానానికి అందరూ కలసి వచ్చే పరిస్థితి కల్పించారు. అవసరమైతే ప్రాణ త్యాగం చేస్తాం తప్ప ప్రత్యేకహోదా పోరాటాన్ని వదిలేది లేదని వైఎస్సార్‌ కాంగ్రెస్‌ ఎంపీలు ప్రకటించారు. ప్రత్యేక హోదా ముందు పదవులు తమకో లెక్క కాదన్నారు. ప్రత్యేక హోదాపై ప్రజల ఆకాంక్షలను బలంగా చాటిచెబుతామని, ప్రజాన్యాయస్థానంలోనే తేల్చుకుంటామని ప్రతిన పూనారు. కాగా పదవులను త్యాగం చేసి ఆమరణ నిరాహార దీక్షకు కూర్చుంటున్న ఎంపీలకు మద్దతుగా వైఎస్సార్‌ కాంగ్రెస్‌ పార్టీ నేతలు ఢిల్లీ తరలివచ్చారు. పార్టీ సీనియర్‌ నేతలు సజ్జల రామకృష్ణారెడ్డి, ఉమ్మారెడ్డి వెంకటేశ్వర్లు, బొత్స సత్యనారాయణ, అనంత వెంకట్రామిరెడ్డి, కారుమూరి నాగేశ్వరరావు, డాక్టర్‌ అరుణ్‌కుమార్‌ తదితరులు ఢిల్లీ చేరుకున్నారు. శుక్రవారం ఉదయం ఆ పార్టీ ఎమ్మెల్యేలు, ఇతర నేతలు ఢిల్లీ చేరుకుంటారని పార్టీ వర్గాలు తెలిపాయి.

సాక్షి, పేరేచర్ల: ఆంధ్రప్రదేశ్‌కు ప్రత్యేక హోదా సాధన పోరాటంలో భాగంగా వైఎస్సార్‌సీపీ సంచలన నిర్ణయం తీసుకుంది. ఇంతకుముందే ప్రకటించినట్లు పార్లమెంట్‌ సమావేశాలు ముగిసిన తర్వాత రాజీనామాలు చేయనున్న వైఎస్సార్‌సీపీ ఎంపీలు.. ఆ వెంటనే ఆమరణ నిరాహార దీక్ష చేపట్టనున్నారు. ప్రజాసంకల్పయాత్రలో భాగంగా శనివారం గుంటూరు జిల్లా పేరేచర్లలో జరిగిన బహిరంగ సభలో పార్టీ అధ్యక్షుడు వైఎస్‌ జగన్‌ మోహన్‌రెడ్డి ఈ విషయాన్ని తెలిపారు. ఏపీ భవన్‌లో ఆమరణ నిరశన: ‘‘హోదా విషయంలో ప్రభుత్వాలు ప్రజలను మోసం చేశాయి. పార్లమెంట్‌ సమావేశాలు ముగిసిన వెంటనే వైఎస్సార్‌సీపీ ఎంపీలు రాజీనామా చేస్తారని ఇదివరకే చెప్పాం. టీడీపీ ఎంపీలు రాజీనామాలు చేసినా, చెయ్యకున్నా వైఎస్సార్‌సీపీ ఎంపీలు మాత్రం స్పీకర్‌ ఫార్మాట్‌లో రాజీనామాలు సమర్పిస్తారు. అక్కడి నుంచి నేరుగా ఏపీ భవన్‌కు వెళతారు. ఆంధ్రప్రదేశ్‌ ప్రజల ఆస్తి అయిన ఏపీ భవన్‌లోనే నిరాహార దీక్షకు దిగుతారు’’ అని వైఎస్‌ జగన్‌ చెప్పారు. విద్యార్థులకు వైఎస్‌ జగన్‌ విజ్ఞప్తి: ‘‘ఢిల్లీలోని ఏపీ భవన్‌లో వైఎస్సార్‌సీపీ ఎంపీలు చేపట్టబోయే నిరాహార దీక్షకు విద్యార్థిలోకం, యువతరం సంఘీభావం తెలపాలని వైఎస్‌ జగన్‌ విజ్ఞప్తి చేశారు. ‘‘అక్కడ ఢిల్లీలో మన ఎంపీలు ఆమరణ దీక్ష చేస్తారు. వారికి మద్దతుగా ఏపీలోని అన్ని మండలాల్లో విద్యార్థులు వారి వారి కళాశాలల ప్రాంగణాల్లో సంఘీభావ దీక్షలు చేపట్టాలని కోరుతున్నాను. టీడీపీ ఎంపీలు కూడా మనతో కలిసి వస్తే, మొత్తానికి మొత్తం 25 మంది ఎంపీలు రాజీనామాలుచేసి ఆమరణ దీక్షకు దిగితే.. వారికి మద్దతుగా రాష్ట్రమంతటా నిరసనలు జరిగితే కేంద్రం తప్పక దిగివస్తుంది. ప్రత్యేక హోదా ఒక్కటే ఏపీకి సంజీవని. హోదా వస్తేనే ప్రతి జిల్లా కేంద్రం హైదరాబాద్‌ మాదిరి అవకాశాల గనిలా మారుతుంది’’ అని వైఎస్‌ జగన్‌ తెలిపారు.


 జైపూర్‌: నిరాహార దీక్ష శిబిరమే వివాహ వేదికగా మారింది. రిజర్వేషన్‌ కోటా అమలు చేయాలనే డిమాండ్‌తో దీక్షలో కూర్చున్న యువకుడు.. అక్కడే ఓ యువతి మెడలో మూడుముళ్లు వేశాడు. అనంతరం అతడు తన దీక్ష కొనసాగించగా నూతన వధువు అత్తవారింటికి వెళ్లిపోయింది. ఈ ఘటన రాజస్థాన్‌లో చోటుచేసుకుంది.  దౌసా జిల్లా సికిందరా ఏరియాకు చెందిన దేవరాజ్‌ గుజ్జర్‌(26)తో పాటు మరో పది మంది గత ఏడాది రాజస్థాన్‌ పబ్లిక్‌ సర్వీస్‌ కమిషన్‌ నిర్వహించిన పరీక్షలో ఎస్‌బీసీ కోటా కింద లెక్చరర్ల పోస్టులకు ఎంపికయ్యారు.
 
 ఇంతలోనే.. ప్రత్యేక వెనుకబడిన కులాల(ఎస్‌బీసీ) వారికి రిజర్వేషన్‌ రద్దుచేస్తూ రాజస్థాన్‌ హైకోర్టు తీర్పు వెల్లడించింది. దీంతో లెక్చరర్ల పోస్టుకు ఎంపికైన వీరికి కాల్‌ లెటర్లు అందలేదు. దీంతో వారు ఈ ఫిబ్రవరి 16వ తేదీ నుంచి ఆమరణ నిరాహార దీక్షకు చేస్తున్నారు. దేవరాజ్‌ గుజ్జర్‌కు మమత అనే యువతితో ఎనిమిది నెలల క్రితమే వివాహం నిశ్చమయింది. ఈ ఫిబ్రవరిలోనే వివాహం కావాల్సి ఉంది. తమ రిజర్వేషన్ కోటా కోసం దీక్ష చేస్తున్న దేవరాజ్‌ సూచన ప్రకారం.. దీక్ష శిబిరం వద్దే పెద్దలు వివాహ వేదిక ఏర్పాటు చేశారు. బంధుమిత్రుల సమక్షంలో పెళ్లి తంతు జరిపించారు.
 
 తన వివాహం అనంతరం దేవరాజ్‌ గుజ్జర్ మీడియాతో మాట్లాడాడు. ఎస్‌బీసీ కోటా రిజర్వేషన్లు తిరిగి అమలయ్యేలా దాకా దీక్ష కొనసాగిస్తానని చెప్పాడు. ఈ డిమాండ్‌ కోసం ప్రాణం పోయినా పరవాలేదని తెలిపాడు. నూతన వధువు మమత మాట్లాడుతూ... ఈ పరిస్థితుల్లో తన భర్త దీక్ష చేపట్టడం కాస్త ఇబ్బంది కలిగించే విషయం అయినప్పటికీ ఆయన ఒక మంచి ఆశయ సాధనకు దీక్ష చేపట్టడం గర్వంగా ఉందని తెలిపింది. ప్రభుత్వం స్పందించకుంటే తాను కూడా దీక్షలో కూర్చుంటానని చెప్పింది. అనంతరం వధువు మమత అత్తవారింటికి వెళ్లిపోగా దేవరాజ్‌ మాత్రం దీక్షలో కూర్చున్నాడు.


 హైదరాబాద్‌: నగరంలోని తిలక్‌నగర్‌లో హోంగార్డులు ఆందోళనకు దిగారు. తమను ప్రభుత్వ ఉద్యోగులుగా గుర్తించి పర్మినెంట్ చేయాలని ఆదివారం ఉదయం ధర్నాకు దిగారు. స్థానిక హోంగార్డుల కార్యాలయంలో ఆ సంఘం చైర్మన్ సకినాల నారాయణ ఆమరణ నిరాహార దీక్ష చేపట్టారు. ప్రభుత్వ ఉద్యోగులుగా గుర్తించాలని చేపట్టిన ఈ ఆందోళనలో సుమారు 200 మంది హోంగార్డులు పాల్గొన్నారు.


 ఎమ్మెల్యే వంశీచంద్‌రెడ్డి
 హైదరాబాద్: మహబూబ్‌నగర్ జిల్లా కల్వకుర్తి రెవెన్యూ డివిజన్ సాధనకు తన ప్రాణాలను సైతం లెక్క చేయకుండా ఆమరణ నిరాహారదీక్షకు పూనుకుంటే దాన్ని పోలీసులు భగ్నం చేశారని, తమ ప్రాంత ప్రజల కోసం ఎమ్మెల్యే పదవికి రాజీనామా చేసేందుకు కూడా సిద్ధంగా ఉన్నానని కల్వకుర్తి ఎమ్మెల్యే వంశీచంద్‌రెడ్డి అన్నారు. తాను టీఆర్‌ఎస్ లోకి వెళితే రెవెన్యూ డివిజన్ ప్రకటిస్తారని కొంతమంది సలహాలు ఇస్తున్నారని, తాను పదవికి రాజీనామా చేసినా పార్టీ మరే ప్రసక్తే లేదని చెప్పారు. అవసరమైతే తాను ఎన్నికల్లో పోటీ చేయకుండా టీఆర్‌ఎస్ అభ్యర్థికి మద్దతు పలుకుతానన్నారు.


 హైదరాబాద్ : రంగారెడ్డి జిల్లాలో.... జిల్లాల పునర్ విభజనపై ఆందోళనలు కొనసాగుతున్నాయి. అందులోభాగంగా వికారాబాద్, తాండూరు, పరిగి, చేవెళ్లలో బంద్ జరగుతుంది. ప్రత్యేక జిల్లా కోసం వికారాబాద్లో మాజీ మంత్రి చంద్రశేఖర్ చేపట్టిన ఆమరణ నిరాహార దీక్ష బుధవారం రెండో రోజుకు చేరింది. ఆయన 19 మండలాలతో కూడిన వికారాబాద్ జిల్లాను ఏర్పాటు చేయాలని డిమాండ్ చేస్తున్న సంగతి తెలిసిందే.
 ధారూర్ మండలంలో కెరెల్లిలో రాస్తారోకో కొనసాగుతుంది. వికారాబాద్, తాండూరు, పరిగిలోని ఆర్టీసీ డిపోలకు తాళాలు వేశారు. గత మూడు రోజులుగా బస్సులు డిపోలకే పరిమితమయ్యాయి. చేవెళ్లను జిల్లా కేంద్రంగా చేయాలంటూ స్థానిక ప్రజలు చేపట్టిన ఆందోళనలు బుధవారం నాలుగోరోజుకు చేరాయి. చేవెళ్లలో 144 సెక్షన్ అమలులో ఉంది.
  


  
 నెల్లూరు(అర్బన్‌) : ఆంధ్రప్రదేశ్‌కు ప్రత్యేకహోదా ఇవ్వాలంటూ పెద్దాసుపత్రిలో ఆమరణ దీక్ష చేస్తున్న ఏపీ ప్రజాసమితి రాష్ట్ర వ్యవస్థాపక అధ్యక్షుడు పెళ్లకూరు సురేంద్రరెడ్డిని పోలీసులు ఆదివారం తిరుపతికి తరలించారు. సురేంద్రరెడ్డి   హోదా కోసం నెల్లూరులోని కొండాయపాళెం గేటు సమీపంలో ఉన్న తన ఇంటిలో ఆమరణ దీక్షకు పూనుకున్నారు. ఐదు రోజులు గడిచేసరికి ఆరోగ్యం క్షీణించిందని ఆయన దీక్షను శనివారం రాత్రి పోలీసులు భగ్నం చేసి పెద్దాసుపత్రికి తరలించారు. అయితే ఆయన అక్కడ కూడా తన దీక్షను కొనసాగిస్తానని ప్రకటించారు. ఈ క్రమంలో ఆదివారం సురేంద్రరెడ్డిని పెద్దాసుపత్రిలో డాక్టర్లు పరిశీలించారు. గుండెకి సంబంధించి ఈసీజీలో మార్పులు వచ్చాయని, బీపీ సమస్య కూడా ఉందని తెలిపారు. ఈనేపథ్యంలో మెరుగైన వైద్యం అందించాలని డాక్టర్లు సూచించారు. గుంటూరు లేదా తిరుపతి ఆసుపత్రికి తీసుకెళ్లాలని పోలీసులకు రెఫర్‌ చేశారు.
 దీక్ష కొనసాగిస్తా..
  ఫిజిషియన్‌ శ్రీచందన్‌ సూచన మేరకు పోలీసులు తిరుపతికి తీసుకెళ్లేందుకు సురేంద్రరెడ్డి వద్దకు వెళ్లారు. ఆయన తిరుపతికి వెళ్లేందుకు అంగీకరించలేదు. తాను ఇదే ఆస్పత్రిలో దీక్ష కొనసాగిస్తానని పట్టుపట్టారు. ఐదో నగర పోలీసులు ఎస్సై జగత్‌ సింగ్‌ ఆధ్వర్యంలో ఆయన్ను బలవంతంగా తిరుపతికి తరలించబోగా అక్కడున్న కార్యకర్తలు ప్రత్యేక హోదా కోసం ప్రాణాలు అర్పిస్తాం అంటూ నినదించారు. పోలీసులు బలవంతంగా 108 వాహనంలో ఎక్కించి తిరుపతికి తరలించారు. ఈసందర్భంగా సురేంద్రరెడ్డి మాట్లాడుతూ తాను తిరుపతిలో కూడా దీక్ష కొనసాగిస్తానన్నారు. ఆయన వెంట సమితి జిల్లా అధ్యక్షుడు సాల్మన్‌రాజు, ప్రధాన కార్యదర్శి తిరుపతి యాదవ్‌ ఉన్నారు.


 ములుగు : ములుగును జిల్లాగా చేయాలని డిమాండ్‌ చేస్తూ జిల్లా సాధన సమితి ప్రధాన కార్యదర్శి నూనె శ్రీనివాస్‌ మండల కేంద్రంలోని గాంధీచౌక్‌ ఎదుట ఆమరణ నిరాహార దీక్షకు కూర్చున్నారు. పలు రాజకీయ పార్టీల నాయకులు, విద్యార్థి సంఘాల నాయకులు సంఘీభావం తెలిపారు. 
  
 కాంగ్రెస్‌ మండల అధ్యక్షుడు వేముల బిక్షపతి పూల మాల వేసి దీక్ష ప్రారంభించారు. ఈ సంధర్భంగా జిల్లా సాధన సమితి అధ్యక్షుడు ముంజాల బిక్షపతిగౌడ్, బిక్షపతి మాట్లాడుతూ జిల్లా సాధనకు ప్రాణాలను లెక్కచేయకుండా దీక్షకు కూర్చోవడం అభినందనీయమన్నారు. ఎన్నికల ముందు సీఎం కేసీఆర్‌ ఇచ్చిన హామీ ప్రకారం సమ్మక్క–సారలమ్మ గిరిజన జిల్లా ప్రకటించాలని కోరారు. ఎన్ని అడ్డంకులు ఎదురైనా దీక్ష విరమించేది లేదని శ్రీనివాస్‌ అన్నారు. కార్యక్రమంలో టీడీపీ మండల అధ్యక్షుడు పల్లె జయపాల్‌రెడ్డి, నాయకులు దూడబోయిన శ్రీనివాస్, బాబాఖాన్, గుండెమీది వెంకటేశ్వర్లు, దేవదాసు, శ్యాం, ప్రవీణ్, హరి, బాబి, షర్పోద్దీన్, అజయ్, రవిపాల్, వంగ రవియాదవ్‌ పాల్గొన్నారు.  


 ఇంఫాల్: మణిపూర్‌లో సాయుధ బలగాల ప్రత్యేకాధికారాల చట్టానికి (ఏఎఫ్‌ఎస్‌పీఏ) వ్యతిరేకంగా స్థానిక ‘ఉమెన్ అండ్ క్రైమ్ జర్నల్’  పత్రిక ఎడిటర్ రాంబం రోబితా శనివారం చేపట్టిన ఆమరణ నిరాహార దీక్షను పోలీసులు భగ్నం చేశారు. మణిపూర్ వర్సిటీ ముందున్న కాంచిపురలోని తన ఆఫీసులోనే ఆమె దీక్షకు పూనుకున్నారు. కూతుళ్ల భవిష్యత్తు, భర్త వ్యతిరేకత నేపథ్యంలో దీక్ష చేపట్టవద్దని సహచరులు సూచించినా పట్టించుకోలేదు. అయితే, పోలీసులు దీక్షాశిబిరం వద్దకు వచ్చి ఆమెను బలవంతంగా అదుపులోకి తీసుకున్నారు. ఏఎఫ్‌ఎస్‌పీఏ రద్దు కోసం 16 ఏళ్లుగా చేసిన నిరశనను ఇరోం షర్మిల ఇటీవల విరమించడం తెలిసిందే.


 
 సీఎం చంద్రబాబుపై మాజీ మంత్రి శైలజానాథ్ ధ్వజం
 
 కిర్లంపూడి(తూర్పుగోదావరి జిల్లా): ప్రజాస్వామ్యబద్ధంగా తన నివాసంలో ఆమరణ నిరాహార దీక్ష చేస్తున్న మాజీ మంత్రి, కాపు ఉద్యమ నేత ముద్రగడ పద్మనాభం కుటుంబంపై ప్రభుత్వం జరిపిన దాడి పాశవికమని మాజీ మంత్రి, కాంగ్రెస్ నేత శైలజానాథ్ అన్నారు. తూర్పు గోదావరి జిల్లా కిర్లంపూడిలో మంగళవారం రాత్రి ఆయన ముద్రగడను పరామర్శించారు. ఆసుపత్రిలో అధికారులు వ్యవహరించిన తీరును ముద్రగడ వివరించారు. దీనిపై శైలజానాథ్ విస్మయం చెందారు.
 అనంతరం ఆయన విలేకర్లతో మాట్లాడుతూ... ముఖ్యమంత్రి చంద్రబాబునాయుడు ఎన్నికల మేనిఫెస్టోలో కాపులకు ఇచ్చిన హామీలు నెరవేర్చాలని ముద్రగడ శాంతియుతంగా ఆందోళన నిర్వహిస్తుంటే.. ఆయన కుటుంబంపై పోలీసు వ్యవస్థను అడ్డుపెట్టుకుని చంద్రబాబాబు దౌర్జన్యం చేయించడం హేయమైన చర్య అన్నారు. దీని ఫలితాన్ని ప్రజాస్వామ్య వ్యవస్థలో పాలకులు అనుభవించి తీరాల్సిందేనని స్పష్టం చేశారు. చంద్రబాబు అధికారంలోకి రావడం కోసం సుమారు 400 హామీలు ఇచ్చారని, ఏ ఒక్కటీ నిలబెట్టుకోలేదని గుర్తు చేశారు. భవిష్యత్తులో ముద్రగడ చేపట్టబోయే ఉద్యమానికి సంపూర్ణ మద్దతు ఇస్తానని శైలజానాథ్ చెప్పారు.


 తెనాలి రూరల్:
 రాష్ట్రంలో హిట్లర్, మావో పాలన సాగుతోందని.. ప్రభుత్వ పెద్దల కళ్లు, చెవులు మూసుకుపోయాయని కాపు జాగృతి నేత హరిదాసు గౌరీశంకర్ దుయ్యబట్టారు. కాపుల మనోభావాలను దెబ్బతీస్తున్నారని, దీనికి భారీ మూల్యం చెల్లించుకోక తప్పదని హెచ్చరించారు. 2019లో టీడీపీని ఏపీలో ఖాళీ చేయించేందుకు కాపులంతా ఐక్యంగా పోరాడతారని చెప్పారు.
  
 కాపు, బలిజ, తెలగ, ఒంటరి కులాల రిజర్వేషన్ల కోసం ఆమరణ నిరాహార దీక్ష చేస్తున్న మాజీ మంత్రి ముద్రగడ పద్మనాభం ఆరోగ్య పరిస్థితి పూర్తిగా విషమించిందని, ఆయనకు ఏదైనా జరిగితే ప్రభుత్వమే పూర్తి బాధ్యత వహించాలని కాపు జాగృతి నేతలు అన్నారు. రాష్ట్ర కన్వీనర్, సుప్రీంకోర్టు న్యాయవాది జల్లా సతీష్ మాట్లాడుతూ ఆంధ్రప్రదేశ్‌లోని 13 జిల్లాల్లో కాపులను ఇళ్ల నుంచి బయటకు రానీయని పరిస్థితులను ప్రభుత్వం కల్పించిందన్నారు.
 
 మంత్రులు నిమ్మకాయల చినరాజప్ప, గంటా శ్రీనివాసరావు, ఎమ్మెల్యే బొండా ఉమ తదితర టీడీపీ నాయకులు కాపు కుల ద్రోహులని విమర్శించారు. ముద్రగడ కుటుంబంపై పోలీసుల దాడిని తీవ్రంగా ఖండిస్తున్నామని, కాకినాడ ఏఎస్పీ దామోదర్, డీఎస్పీ పల్లంరాజులను వెంటనే సస్పెండ్ చేసి విధుల నుంచి తప్పించాలని డిమాండ్ చేశారు. మీడియా మీద ఆంక్షలు విధించడం దారుణమన్నారు. కాపునాడు జిల్లా అధ్యక్షుడు దంతాల కిరణ్‌కుమార్ మాట్లాడుతూ కాపుల రిజర్వేషన్ అంశానికి సంబంధించి రాష్ట్ర ప్రభుత్వం దున్నపోతుపై వానపడిన చందంగా వ్యహరిస్తోందని విమర్శించారు. 


 కిర్లంపూడి : ఆమరణ నిరాహార దీక్షకు దిగిన ముద్రగడ పద్మనాభం నివాసం వద్ద ఉద్రిక్త వాతావరణం నెలకొంది. ఆయను అరెస్ట్ చేసేందుకు పోలీసులు యత్నించారు. దీంతో ఆగ్రహించిన ముద్రగడ ఇంటి లోపలికి వస్తే ఆత్మహత్య చేసుకుంటానని హెచ్చరించారు. పురుగు మందు డబ్బా చూపిస్తూ... దాన్ని తాగుతానని హెచ్చరికలు చేశారు.
 కాపు జాతి కోసం ప్రాణ త్యాగానికైనా సిద్ధమేనని అన్నారు. కాపుల రిజర్వేషన్లు అమలు చేయమంటే అరెస్ట్ చేస్తారా అంటూ ఆగ్రహం వ్యక్తం చేశారు.  అరెస్ట్ అయ్యేందుకు తాను సిద్ధమే అని, అయితే అందుకు సరైనా ఆధారాలు చూపించాలని డిమాండ్ చేశారు. తన ఇంటి వద్ద నుంచి పోలీసులు తక్షణమే వెళ్లిపోవాలని సూచించారు. తమ జీవితాలతో ఆడుకోవద్దని వార్నింగ్ ఇవ్వడంతో, పోలీసులు వెనక్కి తగ్గారు.
 దీంతో ముద్రగడ అరెస్ట్ను పోలీసులు తాత్కాలికంగా విరమించుకున్నారు. ఈ సందర్భంగా ముద్రగడతో పాటు దీక్షకు దిగిన ఆయన సతీమణి ఆందోళనకు గురై, కంటతడి పెట్టారు. ఆమెను ముద్రగడ ఏంకాదంటూ అనునయించారు. అలాగే వైద్య పరీక్షలు చేయించుకునేందుకు కూడా ముద్రగడ నిరాకరించారు.
 
 కాగా ముద్రగడ నివాసం వద్ద ఉన్న మీడియాను పోలీసులు పంపించి వేశారు. మరోవైపు డీఐజీ రామకృష్ణ కిర్లంపూడి చేరుకున్నారు. మరోవైపు ముద్రగడ నివాసానికి కాపులు పెద్ద సంఖ్యలో చేరుకుంటున్నారు. ఆయనకు మద్దతుగా, ప్రభుత్వానికి వ్యతిరేకంగా నినాదాలు చేశారు.


 కిర్లంపూడి: ఇచ్చిన హామీలను తుంగలోకి తొక్కి ప్రభుత్వం మోసం చేస్తోందని కాపు ఉద్యమ నేత, మాజీమంత్రి ముద్రగడ పద్మనాభం ధ్వజమెత్తారు. తుని ఘటన నేపథ్యంలో నమోదు చేసిన కేసులను ఎత్తివేయాలని డిమాండ్ చేస్తూ ఆయన గురువారం తన నివాసంలో సతీమణితో కలిసి ఆమరణ నిరాహార దీక్ష ప్రారంభించారు. ఈ సందర్భంగా ముద్రగడ మాట్లాడుతూ అరెస్ట్ల పర్వం చాలా బాధాకరమన్నారు. ఆగస్టులోపు కాపులను బీసీల్లో చేరుస్తామని హామీ ఇచ్చారని, ప్రతి ఏటా వెయ్యికోట్లు బడ్జెట్లో పెడతామని కూడా హామీ ఇచ్చారన్నారు.
 అలాగే తుని ఘటనలో కేసులను ఉపసంహరిస్తామన్నారని ముద్రగడ గుర్తు చేశారు. ఈ హామీలను ప్రభుత్వం తుంగలోకి తొక్కిందన్నారు. ఈ అరెస్ట్ల పర్వం చాలా ప్రమాదకరంగా మారే అవకాశం ఉందన్నారు. రౌడీ షీటర్లు అని ముద్రవేసి అరెస్ట్లు చేయడం సరికాదని అన్నారు. కాపు రిజర్వేషన్లతో పాటు, అరెస్ట్ చేసినవారిని వెంటనే విడుదల చేయాలని ముద్రగడ డిమాండ్ చేశారు. అరెస్ట్ల పర్వం ఆపాలంటే ప్రాణత్యాగం తప్ప తనకు రెండోదారి లేదని ముద్రగడ పేర్కొన్నారు.  తనను కూడా అరెస్ట్ చేయాలని చూస్తున్నారని, అందుకు భయపడేది లేదన్నారు.
 
 తనపై కేసులు పెట్టిన ఘటన చంద్రబాబుదేనని, తాను వెనక్కి తగ్గేది లేదని ముద్రగడ అన్నారు. ఎప్పుడు కావాలంటే అప్పుడు అరెస్ట్ చేసుకోవచ్చన్నారు.  కాపులను బీసీల్లో చేర్చుతామని గతంలో మాట ఇచ్చి దీక్షను విరమింప చేశారన్నారు. కాపు జాతి హక్కుల కోసం పోరాడటం తప్పా అని ఆయన ప్రశ్నించారు.  జీవితం అంతా జైల్లో ఉండేలా ఎన్ని కేసులు పెట్టినా భయపడేది లేదని ముద్రగడ స్పష్టం చేశారు. ఒకవేళ తనను జైల్లో పెట్టినా దీక్ష కొనసాగుతుందని ఆయన తెలిపారు.
 అరెస్ట్లకు భయపడి దాక్కోవడం కానీ, ముందస్తు బెయిల్ తెచ్చుకోవటం జరగదన్నారు. తమ జాతి కోసం ప్రాణ త్యాగం చేసేందుకు సిద్ధంగా ఉన్నామన్నారు. తన జాతి కోసం ప్రాణాలు అర్పించే అవకాశం ఇచ్చిన సీఎంకు ముద్రగడ ఈ సందర్భంగా కృతజ్ఞతలు తెలిపారు. తనను అరెస్ట్ చేయకుండా... తన జాతి కోసం మరణం పొందే అవకాశం ఇవ్వాలని ఆయన సీఎంను కోరారు. అలాగే ఇదే ఆఖరి ప్రెస్మీట్ అని, దయచేసి మాట్లాడేందుకు ప్రయత్నించవద్దని ముద్రగడ ఈ సందర్భంగా మీడియా ప్రతినిధులను కోరారు.


 కాకినాడ : తూర్పు గోదావరి జిల్లా కిర్లంపూడిలో హై టెన్షన్ నెలకొంది. తుని సంఘటన నేపథ్యంలో కేసులను ఎత్తివేయాలని డిమాండ్ తో కాపు ఉద్యమ నేత, మాజీమంత్రి ముద్రగడ పద్మనాభం  నేటి నుంచి ఆమరణ నిరాహార దీక్షకు దిగనున్న విషయం తెలిసిందే. ఈ నేపథ్యంలో కిర్లంపూడి పరిసరాల్లో పోలీసులు భారీగా మోహరించారు. ఎర్రవరం, పత్తిపాడు, కిర్లంపూడిలో పోలీసులు చెక్ పోస్టులు ఏర్పాటు చేశారు.  కిర్లంపూడి వచ్చే వ్యక్తులను పోలీసులు తనిఖీలు చేస్తున్నారు. మరోవైపు ముద్రగడకు సంఘీభావంగా కాపులు పెద్ద ఎత్తున కిర్లంపూడికి తరలి వస్తున్నారు.
 కాగా  తునిలో జనవరి 31న కాపు ఐక్యగర్జన సందర్భంగా చోటుచేసుకున్న ఘటనల నేపథ్యంలో ముద్రగడను ఏ-1గా చేరుస్తూ 76 కేసులు నమోదు చేసినట్టు సమాచారం.
  


 - ఒక్కడినే దీక్ష చేస్తా: ముద్రగడ
 - రాయబారానికి ఎవరూ రావద్దని విజ్ఞప్తి
  
  సాక్షిప్రతినిధి, కాకినాడ: కాపులను బీసీ జాబితాలో చేర్చాలని, తుని ఘటన నేపథ్యంలో నమోదు చేసిన కేసులను ఎత్తివేయాలని డిమాండ్ చేస్తూ కాపు ఉద్యమ నేత, మాజీ మంత్రి ముద్రగడ పద్మనాభం నేటి నుంచి ఆమరణ నిరాహార దీక్ష చేపట్టనున్నారు. ముద్రగడ ఆమరణ దీక్షను బుధవారం రాత్రి ప్రకటించడంతో ప్రభుత్వం అప్రమత్తమైంది. రిజర్వేషన్లకు ఇచ్చిన గడువు ఆగస్టు సమీపిస్తుండటంతో వేగంపెంచాలని, కేసులను బేషరతుగా ఉపసంహరించుకోవాలని ముద్రగడ బుధవారం వరకు ప్రభుత్వానికి గడువు విధించిన విషయం తెలిసిందే. ఇచ్చిన గడువు పూర్తరుునా ప్రభుత్వం నుంచి సానుకూల స్పందన కనిపించకపోవడంతో ఉదయం నుంచి సాయంత్రం వరకు కాపు నేతలతో పలు దఫాలుగా చర్చించిన అనంతరం ఆమరణ దీక్షను ప్రకటించారు. గురువారం ఉదయం 9 గంటల నుంచి ప్రారంభించనున్న దీక్షకు కిర్లంపూడిలో ఏర్పాట్లు చేస్తున్నారు. మరో వైపు అప్రమత్తమైన ప్రభుత్వం జిల్లా సరిహద్దుల వద్ద చెక్‌పోస్టులు ఏర్పాటు చేశారు. సుమారు ఐదువేల మంది పోలీసులను రంగంలోకి దింపారు.
 
  కేసులు ఎత్తేసే వరకు దీక్ష: ముద్రగడ
  తుని సంఘటన నేపథ్యంలో కేసులను ఎత్తివేసేంత వరకు ఆమరణ నిరాహార దీక్ష కొనసాగిస్తానని ముద్రగడ స్పష్టం చేశారు. తాను ఒక్కడినే దీక్ష ప్రారంభిస్తానని, రాయబారానికి ఎవరూ రావద్దని కోరారు. కిర్లంపూడిలో బుధవారం విలేకరుల సమావేశంలో ఆయన మాట్లాడుతూ.. ప్రభుత్వం కాపు జాతిని చీల్చేందుకు కుట్ర పన్నుతోందని, కాపు, తెలగ, బలిజ, ఒంటరి కులాలను నాలుగు గ్రూపులుగా విడదీయాలనే కుట్రతో తనను ఒంటరిని చేసేయ్యాలనుకుంటున్నారని ధ్వజమెత్తారు. తుని సభను దహనకాండ చేసేందుకు కూడా చంద్రబాబు కుట్ర పన్నారని, వేదికను, పార్కింగ్‌లో ఉన్న కార్లను దహనం చేసేందుకు పెట్రోలు ప్యాకెట్లతో పంపించారన్నారు. ఇటువంటి కుట్రలు చంద్రబాబుకే చేతనవుతాయన్నారు.
 
  ఏ-1గా ముద్రగడ
  కాగా, ముద్రగడపై నమోదైన కేసులకు సంబంధించి హోంమంత్రి, పోలీసు ఉన్నతాధికారులు బుధవారం సమీక్షించారు. కాకినాడలో హోంమంత్రి చినరాజప్ప, ఆర్థిక మంత్రి యనమల రామకృష్ణుడు భేటీ అనంతరం డీఐజీ, ఇతర పోలీసు అధికారులతో చినరాజప్ప చర్చించినట్టు సమాచారం. తునిలో జనవరి 31న కాపు ఐక్యగర్జన సందర్భంగా చోటుచేసుకున్న ఘటనల నేపథ్యంలో ముద్రగడను ఏ-1గా చేరుస్తూ 76 కేసులు నమోదు చేసినట్టు పోలీసు వర్గాల ద్వారా తెలిసింది.  రత్నాచల్ దహనం, పోలీసు స్టేషన్‌పై దాడి, పోలీసులపై దాడితోపాటు సెల్‌ఫోన్‌లు చోరీ కేసులో కూడా నిందితుడుగా చేర్చినట్టు తెలిసింది. అరెస్టు చేస్తే ఎదురయ్యే పరిణామాలను ప్రభుత్వం నిశితంగా పరిశీలిస్తోంది.


 ♦ సీఎం కేసీఆర్ మాటపై పూర్తి నమ్మకం ఉంది
 ♦ వీడీడీఎఫ్ రౌండ్ టేబుల్ సమావేశంలో ఎమ్మెల్యే సంజీవరావు
 ♦ జిల్లా కేంద్రంపై కాంగ్రెస్ పూర్తి సహకారం : మాజీ మంత్రి ప్రసాద్‌కుమార్
 వికారాబాద్ : జిల్లాల పునర్విభజనలో భాగంగా పశ్చిమ రంగారెడ్డిలోని వికారాబాద్ కేంద్రంగా కొత్త జిల్లా ఏర్పాటు ఖాయమని, ఎవరూ ఆందోళన చెందవద్దని ఎమ్మెల్యే బి.సంజీవరావు అన్నారు. అలా కానీ పక్షంలో ఉద్యమంలో ముందు నడిచి ఆమరణ నిరాహార దీక్ష చేసేందుకైనా సిద్ధమని ప్రకటించారు. వికారాబాద్ కేంద్రంగా జిల్లా ఏర్పాటు - అభివృద్ధి అనే అంశంపై మంగళవారం స్థానిక జిల్లా కేంద్ర గ్రంథాలయ సంస్థ సమావేశ మందిరం లో వికారాబాద్ డిస్ట్రిక్ట్ డెవలప్‌మెంట్ ఫోరం(వీడీడీఎఫ్) ఆధ్వర్యంలో రౌండ్ టేబుల్ సమావేశం నిర్వహించారు.
 ఈ సందర్భంగా ఎమ్మెల్యే మాట్లాడుతూ ముఖ్యమంత్రి కేసీఆర్ మాటపై నిలబడే వ్యక్తి అని, ఇచ్చిన హామీ ప్రకారం తప్పకుండా వికారాబాద్‌ను జిల్లా కేంద్రంగా చేస్తారన్నారు. ప్రజలు ఎలాంటి అపోహలు నమ్మవద్దని కోరారు. వికారాబాద్ జిల్లా నాలు గు నుంచి ఐదు నియోజకవర్గాలతో ఏర్పడడం ఖాయమన్నారు. మాజీ మంత్రి గడ్డం ప్రసాద్‌కుమార్ మాట్లాడుతూ కాంగ్రెస్ పార్టీ తరుపున జిల్లా కేంద్రం కోసం పోరాటం చేస్తున్నామన్నారు. కాంగ్రెస్ పెద్దలతో మాట్లాడి వికారాబాద్ జిల్లా కేంద్రం అయ్యేందుకు పూర్తిసహకారం అందిస్తామని చెప్పారు. వికారాబాద్ జిల్లా ఈ ప్రాంత ప్రజల చిరకాల స్వప్నమన్నారు. జిల్లా విషయంలో తేడా వస్తే ఊరుకునే ప్రసక్తే ఉండదన్నారు.
  ప్రభుత్వంపై ఒత్తిడి తేవాలి..
 వికారాబాద్ ప్రజలకు ముందు నుంచి పాల కులు అన్యాయం చేస్తూనే ఉన్నారని, గతంలో పార్లమెంట్ స్థానాన్ని చేవెళ్లకు, ప్రభుత్వ ఆసుపత్రిని తాండూరుకు తరలించి తీరని అన్యాయం చేశారని రౌండ్ టేబుల్ సమావేశంలో పాల్గొన్న పలువురు వక్తలు పేర్కొన్నారు. ప్రస్తుతం జిల్లా కేంద్రం అవుతుందంటే లేనిపోని ఆందోళనల తో ఆటంకాలు సృష్టిస్తున్నారని ఆవేదన వ్యక్తం చేశారు. ఈ ప్రాంత నాయకులు ఐక్యంగా ఉండి వికారాబాద్ జిల్లా కేంద్రం ఏర్పాటయ్యే వరకు ప్రభుత్వంపై ఒత్తిడి తీసుకురావాలని కోరారు. లేని పక్షంలో ప్రమాదం పొంచి ఉందన్నారు. జిల్లా కేంద్రం ఏర్పాటులో తేడా వస్తే ప్రత్యేక రాష్ర్ట తరహాలో ఉద్యమిస్తామని హెచ్చరించారు.
 ఈ సమావేశంలో జిల్లా గ్రంథాలయ సంస్థ చైర్మన్ ఎండీ హఫీజ్, వీడీడీఎఫ్ నాయకులు శుభప్రద్‌పటేల్, కె.శ్రీనివాస్, నర్సింహు లు, మారుతి, టీఆర్‌ఎస్ కేవీ జిల్లా అధ్యక్షుడు భూమోళ్ల కృష్ణయ్య, టీఆర్‌ఎస్ నాయకులు రత్నారెడ్డి, రాజు నాయక్, వేణుగోపాల్‌రెడ్డి, బీజేపీ నుంచి శివరాజ్, నాయకులు పెం డ్యాల అనంతయ్య, సురేష్, రవిశంకర్, టీయూటీఎఫ్ జిల్లా అధ్యక్షుడు యు.విఠల్, పీఆర్‌టీయూ నర్సింహులు, లక్ష్మయ్య పాల్గొన్నారు.


 న్యూఢిల్లీ: జవహర్‌లాల్ నెహ్రూ విశ్వవిద్యాలయం (జేఎన్‌యూ) వివాదం రోజురోజుకూ ముదిరిపోతుంది. వర్సిటీ ఏర్పాటు చేసిన ఐదుగురు సభ్యుల ఉన్నతస్థాయి కమిటీ విద్యార్థినేత కన్హయ్యకుమార్కు రూ.10 వేల జరిమానా విధించిన విషయంతెలిసిందే. ట్రాఫిక్‌కు అంతరాయం కలిగించాడన్న నేరంతో ఏబీవీపీ నాయకుడు సౌరభ్ శర్మకు కూడా రూ.20 వేల జరిమానా విధించింది. అయితే తాము జరిమానా కట్టే ప్రసక్తేలేదని విద్యార్థులు తేల్చి చెబుతున్నారు. ఉన్నతస్థాయి కమిటీ ఉత్తర్వుల ప్రకారం హాస్టల్ ఖాళీచేసి వెళ్లనున్నట్లు తెలిపారు.
 
 ఉత్తర్వులు రద్దుచేయాలంటూ నిరసనగా బుధవారం నుంచి నిరవధిక నిరాహారదీక్ష చేపట్టబోతున్నట్లు విద్యార్థిసంఘం నేత కన్హయ్యకుమార్ మీడియాకు వివరించారు. తమపై జరుగుతున్న విధానాలు, చర్యలు రాజ్యాంగ విరుద్ధంగా ఉన్నాయని ఆరోపించారు. ఆఫ్జల్‌గురు ఉరితీతకు వ్యతిరేకంగా గత ఫిబ్రవరి 9న కార్యక్రమం నిర్వహించిన విద్యార్థి సంఘం నేత కన్హయ్య కుమార్‌ కు జరిమానా విధించడంతో పాటు, ఉమర్, అనిర్బన్ భట్టాచార్యలు వర్సిటీలో మత హింసకు, మత సామరస్యాన్ని దెబ్బతీసేందుకు ప్రయత్నించిన కారణంగా ఉమర్‌ను ఒక సెమిస్టర్, ముజీబ్ గట్టూను రెండు సెమిస్టర్లు, భట్టాచార్యను జూలై 15 వరకు సోమవారం నాడు బహిష్కరించింది.


 రాజమండ్రి: ఆంధ్రప్రదేశ్ ప్రభుత్వంతో శనివారం జరిపిన చర్చలు విఫలమైనట్టు మాజీ మంత్రి ముద్రగడ పద్మనాభం పేర్కొన్నారు. చర్చల అనంతరం ముద్రగడ మీడియాతో మాట్లాడారు. తన దీక్షను యథావిధిగా కొనసాగిస్తామని పేర్కొన్నారు. ప్రభుత్వం ఒక్కమెట్టు కూడా దిగదంటా అంటూ ఆవేదన వ్యక్తం చేశారు. తమకు ఆరోగ్య పరీక్షలు అవసరం లేదని తేల్చి చెప్పారు.
 
 మా జాతి కోసం పోరాడతా' అంటూ ముద్రగడ స్పష్టం చేశారు. కాగా, కాపులను బీసీల్లో చేర్చాలని కోరుతూ మాజీ మంత్రి ముద్రగడ పద్మనాభం చేపట్టిన ఆమరణ నిరాహారదీక్ష రెండో రోజుకు చేరిన సంగతి తెలిసిందే.


 విజయవాడ: మాజీ మంత్రి ముద్రగడ పద్మనాభం ఆమరణ నిరాహార దీక్ష విరమించాలని ఆంధ్రప్రదేశ్ మంత్రి పి నారాయణ  కోరారు. శనివారం ఆయన విజయవాడలో విలేకరులతో మాట్లాడారు. డిసెంబర్ లోగా కమిషన్ నివేదిక వస్తుందని నారాయణ తెలిపారు. కాపులను బీసీల్లో చేర్చాలని కోరుతూ ముద్రగడ  ఆమరణ నిరహార దీక్షకు దిగిన సంగతి తెలిసిందే.
 
 ఆయన చేపట్టిన ఆమరణ నిరాహారదీక్ష రెండో రోజు కొనసాగుతోంది. ముద్రగడ దీక్షకు మద్దతుగా ఆంధ్రప్రదేశ్లోని పలు జిల్లాల్లో రిలే దీక్షలు, ఆందోళనలు ముమ్మరంగా సాగుతున్నాయి.


 * భార్యతో కలసి శుక్రవారం ఉదయం 9 గంటలకు దీక్ష ప్రారంభం
 * డిమాండ్లు సాధించేవరకు వెనుదిరిగేది లేదన్న ముద్రగడ... నిరాహార దీక్ష విషయంలో ఎలాంటి మార్పూ లేదని ప్రకటన
 * జాతి కోసం సహధర్మచారిణితోపాటు జీవితం అంకితమిస్తానని వెల్లడి
 * మధ్యాహ్నం భోజనం మానేసి ఖాళీ కంచాలతో నిరసనలకు పిలుపు
 * దీక్షపై పోలీసుల ఉక్కుపాదం
 * జిల్లాయేతరులు తూర్పుగోదావరిలో ప్రవేశించొద్దన్న ఎస్పీ.. జిల్లావాసులు కూడా కిర్లంపూడికి వెళ్లొద్దని సూచన
  
 (కిర్లంపూడి నుంచి సాక్షి ప్రత్యేక ప్రతినిధి): తెలుగుదేశం పార్టీ ఎన్నికల మేనిఫెస్టోలో కాపులకు ఇచ్చిన హామీలను నెరవేర్చాలని రాష్ట్ర ప్రభుత్వాన్ని డిమాండ్ చేస్తూ మాజీ మంత్రి, కాపు ఉద్యమ నేత ముద్రగడ పద్మనాభం జీవిత భాగస్వామి పద్మావతితో కలిసి తూర్పుగోదావరి జిల్లా కిర్లంపూడిలోని తన స్వగృహంలో శుక్రవారం ఉదయం 9 గంటల నుంచి ఆమరణ నిరాహార దీక్ష ప్రారంభించారు.
  
 కాపు జాతికి న్యాయం కోసమే దీక్ష: ముద్రగడ
 కాపు జాతికి న్యాయం చేయడం కోసమే దీక్ష చేపడుతున్నట్లు ముద్రగడ చెప్పారు. తాను కొత్త డిమాండ్లేమీ పెట్టలేదని, గొంతెమ్మ కోర్కెలేవీ కోరడం లేదని, టీడీపీ మేనిఫెస్టోలో పెట్టిన డిమాండ్లే నెరవేర్చాలని కోరుతున్నానని చెప్పారు. ప్రభుత్వ స్పందన కోసం ఎదురుచూడకుండా దీక్ష కొనసాగిస్తానని ప్రకటించారు.
  
 డిమాండ్లు సాధించేవరకు వెనుదిరిగే ప్రసక్తే లేదని పద్మనాభం అన్నారు. డిమాండ్లను పరిష్కరించే ప్రతిపాదనలతో వస్తే పరిశీలించి తాను తృప్తి చెందితే దీక్ష విరమిస్తానని చెప్పారు. తన దీక్షకు అడ్డుతగలవద్దని తనతో చర్చలకు వచ్చిన వారిని కోరానన్నారు. గత నెల 31న జరిగిన విధ్వంసంపై పూర్తిస్థాయిలో విచారణ జరపాలనీ, అవసరమైతే సీబీఐ చేత విచారణ చేయించాలని కోరినట్లు ముద్రగడ చెప్పారు.
 
 కాపు జాతి ప్రయోజనాల కోసం  తాను... తన శ్రీమతి పద్మావతి జీవితం అంకితమిచ్చేందుకు సిద్ధంగా ఉన్నామని పునరుద్ఘాటించారు. కాపులకు రిజర్వేషన్లు వర్తింపజేసే అంశంపై ఇప్పటివరకు ప్రభుత్వం నుంచి సానుకూల స్పందన రాలేదన్నారు. దీక్ష చేపడుతున్న తనకు మద్దతు తెలిపే ఉద్దేశంతో పెద్దసంఖ్యలో రావడం వల్ల మరోసారి అసాంఘిక మూకలకు అవకాశం కల్పించినట్లవుతుందన్నారు. ఇది ఆఖరి పోరాటమనీ, ఎవరూ ఆవే శపడి తొందరపాటు నిర్ణయాలు తీసుకుని ఆత్మహత్యలకు పాల్పడవద్దన్నారు. కాకినాడలో జరిగిన సోదరుడి ఆత్మహత్య సంఘటనల వంటివి పునరావృతం కారాదన్నారు.


 రెండు మూడ్రోజుల్లో రాష్ట్రపతి వద్దకు టీపీసీసీ నేతలు
  
 సాక్షి, హైదరాబాద్: టీపీసీసీ అధ్యక్షుడు ఎన్.ఉత్తమ్‌కుమార్ రెడ్డి, శాసనమండలిలో ప్రతిపక్షనేత షబ్బీర్ అలీపై దాడి జరిగినా ప్రభుత్వం నిర్లక్ష్యం చేయడం, వారిపైనే ఎదురుకేసులు నమోదు చేయడంపై కాంగ్రెస్ పార్టీలో తీవ్ర ఆగ్రహావేశాలు వ్యక్తమవుతున్నాయి. పార్టీలోని అంతర్గత విభేదాలను పక్కనబెట్టి ప్రభుత్వ తీరుపై ఐక్యంగా పోరాడకుంటే రాష్ట్రం టీఆర్‌ఎస్ రాజకీయ గుత్తాధిపత్యంలోకి పోతుందని పార్టీ ముఖ్యులు హెచ్చరిస్తున్నారు.
 ప్రతిపక్ష పార్టీ నేతలపై అధికార పార్టీ కక్షసాధింపు ధోరణికి పాల్పడుతోందని, దీన్ని నిరసిస్తూ పీసీసీ చీఫ్ ఆమరణ నిరాహార దీక్షకు దిగితే బాగుంటుందని సూచిస్తున్నారు. పాతబస్తీ సంఘటనలు పునరావృతం కాకుండా చర్యలను తీసుకోవాల్సిన ప్రభుత్వం ఎదురుదాడికి దిగుతోందని అంటున్నారు. ఆమరణ నిరాహారదీక్ష చేయడం ద్వారా ప్రభుత్వ చర్యలను ఎండగడితేనే ప్రజలకు వాస్తవాలు తెలుస్తాయని చెబుతున్నారు.
 
 రాష్ట్రపతి వద్దకు...
 రాష్ట్రంలో శాంతిభద్రతల పరిరక్షణలో ప్రభుత్వం విఫలమైందని, సెక్షన్ 8ని ఉపయోగించుకుని ప్రతిపక్ష పార్టీల నేతలను కాపాడాలని కోరుతూ రాష్ట్రపతి ప్రణబ్‌ముఖర్జీ వద్దకు వెళ్లాలని టీపీసీసీ నిర్ణయించింది. అఖిలపక్ష నేతలతో కలసి రెండు, మూడు రోజుల్లో ఢిల్లీకి వెళ్లాలని నిర్ణయించారు.


 కాకినాడ: కాపు గర్జన ఉద్యమం తీవ్రరూపం దాల్చే సంకేతాలు కనిపిస్తున్నాయి.  శుక్రవారం ఉదయం 9 గంటలకు ఆమరణ దీక్ష ప్రారంభించనున్నట్లు కాపు నేత, మాజీ మంత్రి ముద్రగడ పద్మనాభం స్పష్టం చేశారు. తూర్పుగోదావరి జిల్లా కాకినాడలో ఆయన మీడియాతో మాట్లాడారు. తనతో పాటు భార్య కూడా ఈ ఆమరణ దీక్షలో కూర్చోనున్నట్లు వెల్లడించారు. 
 కాపులకు రిజర్వేషన్ల సాధనే తన ధ్యేయమని ఆయన పేర్కొన్నారు. తన కాపు జాతి కోసం ఏమైనా చేయడానికి సిద్ధంగా ఉన్నట్లు ముద్రగడ వివరించారు. తనతో చర్చించడానికి ఎవరైనా వస్తే అందుకు తాను సిద్ధమని.. అయితే, కాపులకు న్యాయం జరుగుతుందని భావిస్తే మాత్రమే చర్చల్లో పాల్గొంటానని ముద్రగడ పద్మనాభం వివరించారు.
  


 వేములవాడ : కరీంనగర్ జిల్లా వేములవాడ మండలం సంతపల్లి గ్రామ శివారులో బుధవారం మిడ్‌మానేరు ముంపు గ్రామాల ప్రజలు ఆమరణ నిరాహారదీక్ష చేపట్టారు. ఈ నిరాహార దీక్షలో సుమారు 12 గ్రామాల ప్రజలు పాల్గొన్నారు. ముంపు గ్రామాల ప్రజలు చేపట్టిన దీక్షకు వివిధ పార్టీల నాయకులు సంఘీభావం తెలిపారు.
 
 మిడ్‌మానేరు ముంపు గ్రామాల ప్రజలందరికీ డబుల్ బెడ్‌రూం ఇళ్లు మంజూరు చేయాలని, మరో రెండు డిమాండ్‌లు కూడా నెరవేర్చాలని బాధితులు తెలంగాణ ప్రభుత్వాన్ని డిమాండ్ చేశారు.


 సాక్షి, హైదరాబాద్: దళిత విద్యార్థి వేముల రోహిత్ ఆత్మహత్యకు కారణమైన వారిని కఠినంగా శిక్షించాలని, కేంద్ర మంత్రులు దత్తాత్రేయ, స్మృతీ ఇరానీలు తమ పదవుల నుంచి వైదొలగాలని డిమాండ్ చేస్తూ సెంట్రల్ యూనివర్సిటీలో ఎనిమిది మంది రీసెర్చ్ స్కాలర్స్ చేస్తున్న ఆమరణ నిరాహార దీక్ష శుక్రవారం మూడో రోజుకు చేరింది. తమకు న్యాయం జరిగే వరకు దీక్షను విరమించబోమని వారు స్పష్టం చేశారు. అంబేద్కర్ స్టూడెంట్ అసోసియేషన్, ఎన్‌ఎస్‌యూఐ, డీఎస్‌యూ, బీఎస్‌ఎఫ్ తదితర విద్యార్ధి సంఘాలకు చెందిన విద్యార్థులు గుమ్మడి ప్రభాకర్, ఉమామహేశ్వర్, వైఖరి, జయారావు, మనోజన్, కృష్ణయ్య, జైలావ్, రమేశ్ ఈ దీక్షకు దిగారు.
 
 జేడీయూ బృందం ఈ రోజు హెసీయూకు చేరుకొని దీక్ష చేస్తున్న విద్యార్థులకు తమ సంఘీభావం తెలుపనున్నారు. దీక్ష చేస్తున్న విద్యార్థుల బీపీ, షుగర్ లెవెల్స్ పడిపోయాయని వైద్యులు తెలిపారు.


 సాక్షి, హైదరాబాద్: దళిత విద్యార్థి వేముల రోహిత్ ఆత్మహత్యకు కారణమైన వారిని కఠినంగా శిక్షించాలని, కేంద్ర మంత్రులు దత్తాత్రేయ, స్మృతీ ఇరానీలు తమ పదవుల నుంచి వైదొలగాలని డిమాండ్ చేస్తూ సెంట్రల్ యూనివర్సిటీలో ఎనిమిది మంది రీసెర్చ్ స్కాలర్స్ చేస్తున్న ఆమరణ నిరాహార దీక్ష గురువారం రెండో రోజుకు చేరింది. తమకు న్యాయం జరిగే వరకు దీక్షను విరమించబోమని వారు స్పష్టం చేశారు. అంబేద్కర్ స్టూడెంట్ అసోసియేషన్, ఎన్‌ఎస్‌యూఐ, డీఎస్‌యూ, బీఎస్‌ఎఫ్ తదితర విద్యార్ధి సంఘాలకు చెందిన విద్యార్థులు గుమ్మడి ప్రభాకర్, ఉమామహేశ్వర్, వైఖరి, జయారావు, మనోజన్, కృష్ణయ్య, జైలావ్, రమేశ్ ఈ దీక్షకు దిగారు.
 
 ఢిల్లీ ముఖ్యమంత్రి అరవింద్ కేజ్రీవాల్ గురువారం హెచ్‌సీయూకు రానున్నారు. బీఎస్పీ అధినేత్రి మాయావతి, సీపీఐ జాతీయ కార్యదర్శి సురవరం సుధాకర్ రెడ్డి కూడా హెచ్‌సీయూను సందర్శించనున్నారు. రేపు జేడీయూ బృందం హెసీయూకు చేరుకొని దీక్ష చేస్తున్న విద్యార్థులకు తమ సంఘీభావం తెలుపనున్నారు.


 విజయవాడ(గాంధీనగర్) : వీఆర్‌ఏల సమస్యలు పరిష్కరించాలని కోరుతూ బుధవారం సీఎం క్యాంపు కార్యాలయాన్ని ముట్టడించనున్నట్లు ఆ సంఘం రాష్ర్ట అధ్యక్షుడు వీవీ మహేశ్వరరెడ్డి తెలిపారు. లెనిన్ సెంటర్‌లో వీఆర్‌ఏలు చేస్తున్న నిరవధిక నిరాహార దీక్ష  సోమవారం రెండో రోజుకు చేరింది. 
 
 మహేశ్వరరెడ్డి మాట్లాడుతూ 50 రోజులుగా  ఆందోళన చేస్తున్నా ప్రభుత్వం పట్టించుకోవడం లేదన్నారు. అసోసియేషన్ జిల్లా అధ్యక్షుడు నాగరాజు మాట్లాడుతూ ఎంత కాలమైనా తమ పోరాటం సాగుతుందని స్పష్టం చేశారు.
  
  


 విజయవాడ: విజయవాడ లెనిన్ సెంటర్‌లో వీఆర్‌ఏలు సాగిస్తున్న నిరసన దీక్షలు శనివారం సాయంత్రం ఉద్రిక్త పరిస్థితులకు దారితీశాయి. నాలుగు రోజులుగా నిరాహార దీక్షల్లో పాల్గొంటున్న కొందరి ఆరోగ్య పరిస్థితి విషమంగా మారటంతో పోలీసులు దీక్షలను భగ్నం చేశారు. ఈ నేపథ్యంలో వీఆర్‌ఏలు పోలీసులను అడ్డుకోవడంతో తొక్కిసలాట చోటుచేసుకుని ఉద్రికత్త పరిస్థితికి దారితీసింది. ఈ తోపులాటలో పలువురు వీఆర్‌ఏలకు గాయాలయ్యాయి. ఆరోగ్యం విషమించిన ఐదుగురిని బలవంతంగా ఆస్పత్రికి, దాదాపు 20 మందిని పోలీస్‌స్టేషన్‌కు తరలించారు. పోలీసులు దీక్ష శిబిరాన్ని ఎత్తివేయటంతో ఆగ్రహానికి గురైన వీఆర్‌ఏలు పెద్ద సంఖ్యలో ఏలూరు రోడ్డులో రాస్తారోకోకు దిగారు. దీంతో పెద్ద సంఖ్యలో వాహనాలు నిలిచిపోయాయి.
 
 గాయాలపాలైన వారిని చికిత్స నిమిత్తం ఆస్పత్రికి తరలించారు. వీరిలో లక్ష్మణ్‌ అనే వీఆర్‌ఏ పరిస్థితి విషమంగా ఉండటంతో అంబులెన్స్‌లో తరలించినట్టు తెలిసింది. దాంతో వీఆర్‌ఏలలో ఆందోళన నెలకొని ప్రభుత్వానికి వ్యతిరేకంగా నినాదాలు చేశారు. కాగా, కనీస వేతనాల కోసం నాలుగు రోజులుగా ఐదుగురు వీఆర్‌ఏలు ఆమరణ నిరాహార దీక్షలు చేస్తున్న సంగతి తెలిసిందే.


 ఆ  నేడు
 నిన్నమొన్నటి వరకు ఆంధ్రప్రదేశ్, తెలంగాణ రాష్ట్రాలు కలిసి ఉన్నట్టే ఆంధ్ర, తమిళనాడు కలిసి ఉండేవి. దానినే ఉమ్మడి మద్రాసు రాష్ట్రం అనేవారు. అయితే తెలుగు భాష మాట్లాడేవారందరి కోసం ఒక ప్రత్యేక తెలుగు రాష్ట్రం కావాలని కోరుతూ నెల్లూరు జిల్లాకు చెందిన పొట్టి శ్రీరాములు అక్టోబర్ 19న బులుసు సాంబమూర్తి ఇంటిలో ఆమరణ నిరాహార దీక్షకు పూనుకున్నారు. అంతకు ముందే ఆయన అనేక పర్యాయాలు అనేక సమస్యల పరిష్కారం కోసం నిరాహార దీక్షలు చేసి, వాటిని సాధించారు. ఆ తర్వాత ఆంధ్రరాష్ట్ర సాధన కోసం ఆయన ఏకంగా ఆమరణ నిరాహార దీక్షకు కూర్చున్నారు.
 
 దాదాపు రెండు నెలలపాటు అంటే 57 రోజుల పాటు ఆయన మరణించే వరకు దీక్ష  ను కొనసాగించారు. ఆయన మరణంతో కేంద్రప్రభుత్వం దిగి వచ్చింది. డిసెంబర్ 19న ప్రత్యేక ఆంధ్రరాష్ట్రాన్ని ఏర్పాటు చేస్తున్నట్లు నాటి ప్రధాన మంత్రి జవహర్‌లాల్ నెహ్రూ ప్రకటించారు. ఆయన దీక్షకు గుర్తుగా 2008లో నెల్లూరు జిల్లాను శ్రీపొట్టి శ్రీరాములు నెల్లూరు జిల్లాగా పేరు మార్చారు. అంతేకాదు, హైదరాబాద్ నాంపల్లిలో శ్రీ పొట్టి శ్రీరాములు తెలుగు విశ్వవిద్యాలయం పేరిట యూనివర్శిటీని నెలకొల్పారు.


  ప్రతిపక్ష నేత ఆరోగ్యం మెరుగుపడిందన్న వైద్యులు
  యూరిక్ యాసిడ్ మినహా రిపోర్టులన్నీ నార్మల్‌కు చేరుకున్నాయని వెల్లడి
  హైదరాబాద్‌లోని ఇంటికి చేరుకున్న జగన్
  
 సాక్షి, గుంటూరు/విమానాశ్రయం(గన్నవరం)/ హైదరాబాద్: గుంటూరు ప్రభుత్వ సమగ్ర ఆసుపత్రి(జీజీహెచ్)లో చికిత్స పొందుతున్న వైఎస్సార్‌సీపీ అధ్యక్షుడు, ఏపీ ప్రతిపక్ష నేత వైఎస్ జగన్‌మోహన్‌రెడ్డి బుధవారం సాయంత్రం 3.30 గంటల సమయంలో డిశ్చార్జి అయ్యారు. తనకు రెండు రోజులుగా వైద్య సేవలందించిన వైద్యుల బృందానికి ఆయన ధన్యవాదాలు తెలిపారు. అనంతరం రోడ్డు మార్గంలో కృష్ణా జిల్లా గన్నవరం విమానాశ్రయానికి చేరుకున్నారు. అక్కడి నుంచి విమానంలో హైదరాబాద్ వెళ్లారు. జగన్ వెంట మాతృమూర్తి వైఎస్ విజయమ్మ, సతీమణి భారతి తదితరులు ఉన్నారు. రాష్ట్రానికి ప్రత్యేక హోదా సాధన కోసం నిరాహార దీక్ష చేస్తున్న జగన్‌ను మంగళవారం తెల్లవారుజామున 4.10 గంటలకు పోలీసులు బలవంతంగా జీజీహెచ్‌కు తరలించిన విషయం తెలిసిందే.
  
  ఆసుపత్రికి చేర్చే సమయానికి జగన్ ఆరోగ్య పరిస్థితి పూర్తిగా విషమించిందని గుర్తించిన వైద్యులు ఆయనకు బలవంతంగా ఫ్లూయిడ్స్ ఎక్కించారు. మంగళవారం 3 ప్లస్‌గా ఉన్న కీటోన్ బాడీస్ బుధవారానికి నెగటివ్‌కు చేరాయి. దీంతో జగన్ ఆరోగ్య పరిస్థితి మెరుగుపడినట్లు వైద్యుల బృందం నిర్ధారణకు వచ్చింది. ఒక్క యూరిక్ యాసిడ్ మినహా మిగతా రిపోర్టులన్నీ నార్మల్‌కు చేరుకున్నాయని గుర్తించింది. యూరిక్ యాసిడ్ అదుపులోకి వచ్చేందుకు మందులు వాడాలని జగన్‌కు సూచించామని, అందుకు ఆయన అంగీకరించారని వైద్యులు తెలిపారు. గుంటూరు జీజీహెచ్‌లో వైఎస్ జగన్‌ను వైఎస్సార్‌సీపీ ఎమ్మెల్యేలు, సీనియర్ నేతలు కలిశారు. జగన్‌ను చూసేందుకు మహిళలు, వృద్ధులు, విద్యార్థులు భారీగా తరలివచ్చారు. ఆయన వారికి అభివాదం చేస్తూ ముందుకు సాగారు. కొందరు మహిళలు ఆసుపత్రి నుంచి వెళ్తున్న జగన్‌కు గుమ్మడికాయతో దిష్టి తీశారు.
  
  నిలకడగా జగన్ ఆరోగ్యం
  ప్రతిపక్ష నేత వైఎస్ జగన్‌మోహన్‌రెడ్డి ఆరోగ్య పరిస్థితి నిలకడగా ఉందని, రిపోర్టులన్నీ నార్మల్‌గా రావడంతో డిశ్చార్జి చేశామని ఆయనకు వైద్య చికిత్సలు అందించిన వైద్యుల బృందం ఇన్‌చార్జి డాక్టర్ పురుషోత్తమరావు తెలిపారు. బుధవారం జగన్‌కు రెండుసార్లు యూరిన్ పరీక్ష నిర్వహించామని చెప్పారు. మంగళవారం యూరిన్‌లో కీటోన్ బాడీస్ 3 ప్లస్‌గా ఉన్నాయని, బుధవారం పరీక్షించగా నెగటివ్ రిపోర్టులు వచ్చాయని పేర్కొన్నారు. మంగళవారం బీపీ 130/80, పల్స్ రేట్ 55, బ్లడ్ షుగర్ 121, యూరిక్ యాసిడ్ 13.2, బరువు 72.8గా ఉన్నాయని, బుధవారం పరీక్షలు నిర్వహించగా బీపీ 120/80, పల్స్ రేట్ 72, బ్లడ్ షుగర్ 109, యూరిక్ యాసిడ్ 9.9, బరువు 72 కేజీలుగా ఉన్నారని వివరించారు. యూరిక్ యాసిడ్ మినహా మిగతా రిపోర్టులన్నీ నార్మల్‌గా ఉన్నాయన్నారు. యూరిక్ యాసిడ్ తగ్గడానికి కొంత సమయం పడుతుందని, మందులు ఇచ్చామని, ఆందోళన చెందాల్సిన అవసరం లేదని స్పష్టం చేశారు. జగన్ బుధవారం లిక్విడ్స్‌తోపాటు ఘన పదార్థాలు తీసుకున్నారని తెలిపారు.
  
  ఎయిర్‌పోర్టులో ఘన స్వాగతం
  గన్నవరం విమానాశ్రయం నుంచి బుధవారం రాత్రి శంషాబాద్ విమానాశ్రయానికి చేరుకున్న వైఎస్ జగన్‌కు పార్టీ కార్యకర్తలు ఘన స్వాగతం పలికారు. అనంతరం జగన్ లోటస్‌పాండ్‌లోని ఇంటికి చేరుకున్నారు.


 రాష్ట్ర ప్రతిపక్షనేత, వైఎస్సార్ సీపీ అధినేత వైఎస్ జగన్‌మోహన్‌రెడ్డికి బుధవారం జిల్లా ప్రజలు ఘన వీడ్కోలు పలికారు. రాష్ట్రానికి ప్రత్యేక హోదా ఇవ్వాలని డిమాండ్ చేస్తూ గుంటూరు వేదికగా నిరవధిక నిరాహార దీక్ష చేస్తున్న ఆయనను ఏడవ రోజు మంగళవారం తెల్లవారు జామున పోలీసులు బలవంతంగా ఆసుపత్రికి తరలించారు. గుంటూరులోని ప్రభుత్వ సమగ్ర ఆసుపత్రిలో చికిత్స అనంతరం ఆయనను వైద్యులు బుధవారం సాయంత్రం డిశ్చార్జి చేయడంతో బయలుదేరి హైదరాబాద్ వెళ్లారు. ఈ సందర్భంగా ఆసుపత్రి వద్దకు భారీగా ప్రజలు తరలివచ్చి వీడ్కోలు పలికారు. -సాక్షి, గుంటూరు
  
 గుంటూరు : ప్రత్యేక హోదా సాధన కోసం వైఎస్సార్ కాంగ్రెస్ పార్టీ అధ్యక్షుడు వైఎస్ జగన్ మోహన్‌రెడ్డి ఆరురోజులపాటు చేసిన నిరవధిక నిరాహార దీక్ష పార్టీ కార్యకర్తలు, నాయకులకు ఉత్తేజాన్ని కలిగించింది. ఆ స్ఫూర్తితో రాజధాని శంకుస్థాపనకు జిల్లాకు రానున్న దేశప్రధాని నరేంద్రమోదీపై ఒత్తిడి తీసుకువచ్చేందుకు సమాయత్తం అవుతున్నారు. పార్టీ ప్రకటించిన కార్యాచరణ ప్రణాళికను అమలులోకి తీసుకువచ్చేందుకు గ్రామస్థాయి నుంచి ప్రయత్నాలు ప్రారంభించారు. విషమించిన ఆరోగ్యాన్ని దృష్టిలో ఉంచుకుని దీక్షను ఉపసంహరించుకోవాలని వైద్యులు, పార్టీ సీనియర్లు పలుమార్లు విజ్ఞప్తి చేసినా మారని జగన్ వైఖరి మేధావి, విద్యార్థి లోకాన్ని ఆలోచింప చేస్తే, మహిళాలోకాన్ని కదిలించి వేసింది. పార్టీతో సంబంధం లేని కొన్ని వర్గాలు సడలని జగన్ దీక్షా, దక్షతలను కొనియాడాయి. కొన్ని రాజకీయ పార్టీలు తమ సిద్ధాంతాలు, ఆశయాలను పక్కన పెట్టి రాష్ట్ర అభివృద్ధిని కాంక్షిస్తూ జగన్ చేపట్టిన ఈ దీక్షకు సంఘీభావం పలికాయి. ఈ పరిణామాలన్నీ పార్టీకి మరింత బలాన్ని చేకూర్చుతాయని రాజకీయ విశ్లేషకులు భావిస్తున్నారు.
 
  జగన్‌కు పరామర్శల వెల్లువ ...
 ఈ నెల 7వ తేదీన గుంటూరు నల్లపాడు రోడ్డులో వైఎస్ జగన్ ప్రారంభించిన నిరవధిక నిరాహార దీక్షను పోలీసులు 13 వ తేదీ తెల్లవారుజామున భగ్నం చేశారు. విషమించిన ఆరోగ్యాన్ని దృష్టిలో ఉంచుకుని జగన్‌కు బలవంతంగా ఇంట్రావీనస్ ఫ్లూయిడ్స్ ఎక్కించారు. 24 గంటలపాటు వైద్యుల పర్యవేక్షణలో స్థానిక ప్రభుత్వ సమగ్ర ఆసుపత్రిలో చికిత్స పొందారు. ఆస్పత్రిలోనూ జగన్‌ను పరామర్శించేందుకు పార్టీ సీనియర్ నేతలతోపాటు మేథావి వర్గానికి చెందిన లావు రత్తయ్య వంటి ప్రముఖులు తరలివచ్చారు. ఆయన ఆరోగ్యం కుదుటపడటంతో బుధవారం సాయంత్రం 3.30 గంటల సమయంలో ఆస్పత్రి నుంచి డిశ్చార్జ్ అయి హైదరాబాద్ వెళ్లారు.
  
 అమలులోకి  కార్యాచరణ ..
  పార్టీ ప్రకటించిన కార్యాచరణ ప్రణాళికను నేతలు అమలులోకి తీసుకువచ్చారు. బుధవారం మధ్యాహ్నం విజయవాడలోని పీడబ్ల్యూడీ గ్రౌండ్స్ నుంచి సీఎం క్యాంపు కార్యాలయం వరకు తలపెట్టిన ‘నిరసన మార్చ్’ కార్యక్రమంలో ఎమ్మెల్యేలు పాల్గొన్నారు. జిల్లా  అధ్యక్షుడు మర్రి రాజశేఖర్ నేతృత్యంలో విజయవాడ తరలివెళ్లిన ఎమ్మెల్యేలు, పార్టీ నేతలను అక్కడి పోలీసులు అరెస్టుచేశారు. నిరసన మార్చ్‌కు అనుమతి లేదని పోలీసులు ఈ చర్య తీసుకోవడం పట్ల సర్వత్రా నిరసన వ్యక్తం అవుతోంది. రాష్ట్రంలో దుర్మార్గ పాలన కొనసాగుతోందని, ముఖ్య మంత్రి చంద్రబాబుకు రాష్ట్ర ప్రత్యేక హోదా కంటే ప్యాకేజీలే అవసరమని భావిస్తూ ఈ పోరాటాలను అణచివేసేందుకు ప్రయత్నాలు చేస్తున్నారని గుంటూ రు జిల్లా పార్టీ అధ్యక్షుడు మర్రి రాజశేఖర్ విజయవాడలో నిరసన మార్చ్ నుంచి సాక్షి ప్రతినిధికి ఫోన్‌లో వివరించారు.
  
 రిలే నిరాహార దీక్షలపై సమావేశాలు ...
 ఈ నెల 17 నుంచి 21 వరకు రాష్ట్ర వ్యాప్తంగా నియోజకవర్గ కేంద్రాల్లో చేపట్టనున్న నిరసన కార్యక్రమాల ఏర్పాట్లపై  నాయకులు బుధవారం కొన్ని చోట్ల సమావేశం అయ్యారు. మాచర్ల ఎమ్మెల్యే పిన్నెల్లి రామకృష్ణారెడ్డి విజయవాడలోని నిరసన మార్చ్‌కు హాజరుకావడంతో ఆయన సోదరుడు పార్టీ రాష్ట్ర యువజన విభాగం ప్రధాన కార్యదర్శి పిన్నెల్లి వెంకట్రామిరెడ్డి ఆధ్వర్యంలో ముఖ్యనేతల సమావేశం జరిగింది. మిగిలిన నియోజకవర్గాల్లో ముఖ్యనేతలు సమావేశమై నిర్ణయాలు తీసుకున్నారు. వీటిని పక్కాగా అమలు పరిచి రాజధాని శంకుస్థాపనకు హాజరుకానున్న ప్రధాని నరేంద్రమోదీకి ప్రత్యేక హోదా పట్ల ప్రజల ఆకాంక్షను వివరించేందుకు సమాయత్తం అవుతున్నారు.
  
  


 జగన్‌దీక్ష భగ్నం చేయడాన్ని నిరసిస్తూ గాజువాకలో వైఎస్సార్‌సీపీ కో ఆర్డినేటర్ తిప్పల నాగిరెడ్డితోపాటు పార్టీశ్రేణులు స్టీల్‌ప్లాంట్ గేటు ఎదురుగా కూర్మన్నపాలెం సెంటర్‌లో ధర్నా చేశారు.   మునగపాకలో మంత్రులు కామినేని శ్రీనివాసరావు, పత్తిపాటి పుల్లారావుల దిష్టిబొమ్మలను చెప్పులతో కొడుతూ ఊరేగించారు. అరకు పార్లమెంటు నియోజకవర్గ పరిశీలకుడు బొడ్డేడ ప్రసాద్ ఇక్కడి ఆందోళనలో పాల్గొన్నారు.యలమంచిలిలోని వైఎస్సార్ కూడలిలో జరిగిన ఆందోళనలో పార్టీ సమన్వయకర్త ప్రగడ నాగేశ్వరరావు..పార్టీ శ్రేణులు పాల్గొన్నాయి.
 
  జగన్ క్షేమం కోరుతూ పాయకరావు పేటలో శ్రీరాధారుక్మిణి సహిత పాండురంగస్వామి దేవస్థానంలో 101 కొబ్బరి కాయుల కొట్టి ప్రత్యేక పూజలు నిర్వహించారు. జెడ్పీ ప్లోర్ లీడర్ చిక్కాల రామారావు తదితరులు పాల్గొన్నారు.నర్సీపట్నంలో ప్రభుత్వానికి వ్యతిరేకంగా పెద్దపెట్టున నినాదాలతో నిరసన వ్యక్తం చేశారు.నియోజకవర్గ కో ఆర్డినేటర్ పెట్ల ఉమాశంకర్ గణేష్ పాల్గొన్నారు.మాకవారపాలెంలో  చేపట్టిన రిలే నిరాహారదీక్షలు కొనసాగుతున్నాయి.ఆంధ్ర విశ్వవిద్యాలయంలోని ఆర్ట్స్ కళాశాల ఎదుట విద్యార్థులు రాస్తారోకో చేశారు.ఏపీకి ప్రత్యేక హోదా ఇవ్వాలని కోరుతూ గత ఏడు రోజులుగా వైఎస్ జగన్ చేస్తున్న నిరవధిక నిరాహారదీక్షను భగ్నం చేయడం ప్రభుత్వానికి తగదని అరకు ఎమ్మెల్యే కిడారి సర్వేశ్వరరావు అన్నారు. దీక్షను భగ్నం చేయడం పట్ల అరకులో ఆయన నిరసన వ్యక్తం చేశారు.{పభుత్వ తీరుపై పాడేరు ఎంఎల్‌ఎ గిడ్డి ఈశ్వరి మండిపడ్డారు. ఉద్యమాన్ని తీవ్రతరం చేస్తామని ప్రకటించారు.
      
 హుకుంపేటలో వైఎస్సార్‌సీపీ శ్రేణులు మంగళవారం బైక్ ర్యాలీ నిర్వహించాయి. అనంతరం ప్రధాన రహదారిపై రాస్తారోకో చేశారు. ప్రభుత్వం ఎన్ని ఇబ్బందులు పెట్టినా వైఎస్ జగన్ పట్టువదలని విక్రమార్కుడిలా ప్రత్యేక హోదా కోసం ఉద్యమం సాగిస్తారని పార్టీ నేతలు పేర్కొన్నారు.
  


 గుంటూరు వెస్ట్ :  ఆంధ్రప్రదేశ్‌కు ప్రత్యేక హోదా కల్పించాలని వైఎస్సార్ సీపీ అధినేత వై.ఎస్.జగన్‌మోహన్‌రెడ్డి చేస్తున్న నిరవధిక నిరాహార దీక్షకు సీపీఐ(ఎంఎల్) న్యూడెమోక్రసీగుంటూరు జిల్లా కమిటీ సోమవారం పూర్తి మద్దతు ప్రకటించింది. ప్రత్యేక హోదా కోరుతూ నగరంలో భారీ ప్రదర్శన జరిపింది. అనంతరం జిల్లా పరిషత్ కార్యాలయం వద్ద జరిగిన సభలో సీపీఐ(ఎంఎల్) న్యూడెమోక్రసీ జిల్లా కార్యదర్శి నాదెండ్ల బ్రహ్మయ్య మాట్లాడుతూ ప్రత్యేక హోదా ఆంధ్రుల హక్కు అన్నారు. రాష్ట్రానికి పరిశ్రమలు రావాలంటే ప్రత్యేక హోదా కావాల్సిందేనని తెలిపారు. హోదా విషయంలో  కేంద్ర, రాష్ట్ర ప్రభుత్వాలు అనుసరిస్తున్న మొండి వైఖరిని ఆయన తప్పుపట్టారు.
 
 ప్రత్యేక హోదా సాధనకు ఆరు రోజుల నుంచి వైఎస్సార్ సీపీ అధినేత వైఎస్ జగన్ చేస్తున్న నిరవధిక నిరాహారదీక్ష న్యాయమైనదని తెలిపారు. ఆ దీక్షను ప్రజలు, ప్రజాస్వామిక వాదులు బలపరచాలని కోరారు. అఖిల భారత రైతుకూలీ సంఘం జిల్లా ప్రధాన కార్యదర్శి మేకలప్రసాద్, ప్రగతిశీల మహిళా సంఘం రాష్ర్ట అధ్యక్షురాలు ఎన్.విష్ణు, పార్టీ నాయకులు ఇందుర్తి సుబ్బయ్య, నక్కా పోతురాజు, పీవో డబ్ల్యు నాయకురాలు పి.శివపార్వతి, అధిక సంఖ్యలో కార్యకర్తలు పాల్గొన్నారు.
  
  


 గుంటూరు:  ‘ప్రత్యేక హోదా-ఏపీ హక్కు’ అనే నినాదంతో వైఎస్సార్‌సీపీ అధ్యక్షుడు, ప్రతిపక్ష నేత వైఎస్ జగన్‌ మోహన్‌ రెడ్డి చేపట్టిన నిరవధిక నిరాహారదీక్ష శనివారం నాలుగోరోజుకు చేరింది. వైఎస్ జగన్ చేపట్టిన దీక్షకు ప్రజల నుంచి భారీ మద్దతు లభిస్తోంది. విద్యార్థినీ, విద్యార్థులు, నిరుద్యోగ యువకుల కోలాహలం దీక్షా వేదిక వద్ద ఎక్కువగా కనిపిస్తోంది. బీపీ, షుగర్, పల్స్ సాధారణ స్థితిలోనే ఉన్నాయని శుక్రవారం రాత్రి వైద్యులు వెల్లడించారు. విద్యావేత్తలు స్వచ్ఛందంగా తమ మద్దతు ప్రకటించి, ప్రత్యేకహోదా ద్వారానే అభివృద్ధి సాధ్యమన్న వైఎస్ జగన్ అభిప్రాయంతో గొంతు కలుపుతున్నారు.
 
 రాష్ట్రంలోని అన్ని జిల్లాల్లోను ధర్నాలు, రాస్తారొకోలు, బైక్‌ర్యాలీలు, కేంద్ర కార్యాలయాల ముట్టడి వంటి నిరసన కార్యక్రమాలు గత మూడు రోజులుగా కొనసాగుతున్నాయి. ఏపీకి ప్రత్యేక హోదా సాధన కోసం గుంటూరులోని నల్లపాడులో బుధవారం నాడు వైఎస్ జగన్ నిరవధిక నిరాహారదీక్ష చేపట్టిన విషయం అందరికి విదితమే.


  వైఎస్ జగన్ దీక్షకు వెల్లువెత్తిన వివిధ వర్గాల మద్దతు
 ► అ నియోజకవర్గాల్లో సంఘీభావ దీక్షలు
 ప్రారంభించిన వైఎస్సార్ సీపీ కార్యకర్తలు
 ► వాషింగ్టన్‌లో పార్టీ ఎన్‌ఆర్‌ఐ విభాగం నిరాహార దీక్షలు
 ► దర్గాలో ప్రార్థనలు నిర్వహించిన ముస్లిం పెద్దలు
 ► ర్యాలీలతో కిక్కిరిసిన గుంటూరు నగర రహదారులు
 ► జగన్‌తో సెల్ఫీలు తీసుకున్న యువతీయువకులు
 ► ప్రతిఒక్కరినీ ఆప్యాయంగా పేరుపేరునా పలకరించిన జగన్
 జననేత జగన్‌కు మద్దతుగా దారులన్నీ జన ఏరులవుతున్నాయి...
  అన్ని వర్గాలు ఉద్యమ స్ఫూర్తితో రగులుతున్నాయి...
  మన కోసమే దీక్ష చేపట్టారంటూ ఉరుకుతున్నాయి...
  ప్రత్యేక హోదాతోనే ప్రగతి సాధ్యమని నమ్ముతున్నాయి...
  కదనరంగానికి అన్నట్టు దీక్షాప్రాంగణానికి కదులుతున్నాయి...
  సంకల్ప సిద్ధిని కాంక్షిస్తూ విపక్ష నేత నుదుట సిందూరం దిద్దుతున్నాయి...
  మీ పక్షానే మేము... మీ బాటను వీడబోమంటూ బాస చేస్తున్నాయి..
  ఈ పోరాటంలో మీ శ్వాసకు ఊపిరిమవుతామంటూ
  భరోసా నిస్తున్నాయి..
  ఆశయ సాధనలో జగన్ విజయం సాధించాలని ఆకాంక్షిస్తున్నాయి...
  
  సాక్షి ప్రతినిధి, గుంటూరు  : ప్రత్యేక హోదా సాధనకు వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి చేపట్టిన నిరవధిక నిరాహార దీక్ష గురువారం రెండో రోజుకు చేరుకుంది. ఉదయం 7.30 గంటల సమయంలో దీక్షకు కూర్చున్న జగన్ చెరగని చిరునవ్వుతో రాష్ట్రం నలుమూలల నుంచి వచ్చిన ప్రజలను ఆప్యాయంగా పలకరించారు. వారి సమస్యలు అడిగి తెలుసుకున్నారు. పదేళ్ల చిన్నారుల నుంచి 80 ఏళ్ల వృద్ధుల వరకు జగన్‌ను కలసిన వారిలో ఉన్నారు. కొందరు తమ కష్టాలు, బాధలు చెప్పుకుంటే, మరికొందరు రాష్ట్ర భవిష్యత్ కోసం జగన్ చేపట్టిన దీక్షకు సంఘీభావం పలికారు. ఎమ్మార్పీఎస్ వ్యవస్థాపక అధ్యక్షులు మంద కృష్ణమాదిగ, లోక్‌సత్తా పార్టీ జిల్లా అధ్యక్షులు గద్దె వెంకటేశ్వరరావు, జీజీహెచ్ కాంట్రాక్టర్స్ అసోసియేషన్, ఔట్ సోర్సింగ్ ఉద్యోగుల సంఘం, జిల్లా రెల్లి కులస్తుల సంఘం, వైఎస్సార్ సీపీ లీగల్ సెల్ ప్రతినిధులు, రాజధాని రైతులు, వ్యవసాయ కార్మికులు జగన్‌ను కలసి తమ సంఘీభావం తెలిపారు.
  
  మద్దతు తెలిపిన ముస్లిం పెద్దలు...
  ముస్లిం పెద్దలు జగన్ ఆరోగ్యం కోసం దర్గాలో ప్రత్యేక ప్రార్థనలు నిర్వహించి ఆయన పోరాటానికి మద్దతుగా నిలుస్తున్నామన్నారు. రాష్ట్రంలోని అన్ని నియోజకవర్గాల్లో పార్టీనేతలు, కార్యకర్తలు నిరాహార దీక్షలు ప్రారంభించారు. మరో వైపు వాషింగ్టన్‌లోని వైఎస్సార్ కాంగ్రెస్ ఎన్‌ఆర్‌ఐ విభాగ ప్రతినిధులు జగన్ దీక్షకు మద్దతుగా నిరాహార దీక్షలు చేపట్టారు. ఎక్కడో ఉండి జగన్ దీక్షకు మద్దతు పలికిన ఎన్‌ఆర్‌ఐ విభాగాన్ని పార్టీ సభాముఖంగా అభినందించింది.
  
  ఓ చిన్నారికి విజయమ్మగా నామకరణం
  ఉదయం నుంచి రాష్ట్రంలోని వివిధ ప్రాంతాల నుంచి తరలి వచ్చిన వివిధ వర్గాల ప్రజలు జగన్‌ను వ్యక్తిగతంగా కలుసుకున్నారు. కొందరు ర్యాలీలు, ప్రదర్శనలు నిర్వహించి దీక్షకు చేరుకోవడంతో నగరంలోని రహదారులన్నీ కిక్కిరిసిపోయాయి. యువతీ యువకులు జగన్‌తో సెల్ఫీలు తీసుకోవడానికి ఉత్సాహం చూపారు. స్థానిక స్వర్ణభారతీ నగర్‌కు చెందిన షేక్ మస్తాన్ బీ తన కుమార్తెకు జగన్‌తో విజయమ్మ అని నామకరణం చేయించుకుంది.
  ఆకట్టుకున్న వైఎస్సార్ సీపీ నేతల ప్రసంగాలు..
   పార్టీకి చెందిన పలువురు సీనియర్ నా యకులు ప్రత్యేక హోదా వల్ల కలిగే ప్ర యోజనాలు, చంద్రబాబు మోసపూరిత విధానాలపై చేసిన ప్రసంగాలకు ప్రజల నుంచి విశేష స్పందన లభించింది. ఉద్యోగం కావాలన్నా, సాగునీరు కావాలన్నా, పరిశ్రమలు రావాలన్నా, వస్తువుల రేట్లు తగ్గాలన్నా రాష్ట్రానికి ప్రత్యేక హోదా తప్పదని, దాని సాధన కోసం ఐక్యంగా పోరాటం సాగిద్దామన్న నేతల ప్రసంగాలకు ప్రజలు సాను కూలంగా స్పందించి జగన్ వెన్నంటి ఉంటామన్నా రు. నేతల ప్రసంగాలు లేని సమయాల్లో ప్రత్యేకంగా రూపొందించిన జగన్ ప్రసంగాలను ఎల్‌ఈడీ స్క్రీన్‌లపై ప్రదర్శిం చారు. చట్టసభల సాక్షిగా మంత్రి వెంకయ్యనాయుడు, ముఖ్యమంత్రి చంద్రబా బు ప్రత్యేక హోదా విషయంలో ప్రజలను మోసగించిన విధానాలను ఈ స్క్రీన్‌లపై చూపారు. వీటికి స్పందించిన విద్యార్థుల ఈలలు, చప్పట్లు, కేకలతో శిబిరం దద్దరిల్లింది. పార్టీ రూపొందించిన ప్రత్యేక పాటలు, వంగపండు ఉష బృందం సాంస్కృతిక ప్రదర్శనలు అందరినీ ఆకట్టుకున్నాయి. దీక్ష రెండవ రోజు కావడంతో ప్రభుత్వ వైద్యుల బృందం జగన్‌కు వైద్య పరీక్షలు నిర్వహించింది.
  
  పోటెత్తిన జనం
  ఉదయం నుంచే దీక్షా శిబిరం వద్ద జనం పోటెత్తారు. ఉదయం 7.30 గంటల ప్రాం తంలో దీక్షలో పాల్గొన్న జగన్ అప్పటికే శిబిరంలో వేచి ఉన్న ప్రజలను కలుసుకునే అవకాశం కల్పించారు. వివిధ వర్గా ల ప్రజలు వేదికపై ఉన్న జగన్‌ను కలుసుకుని అభినందనలు తెలిపారు. దీక్ష ముగి సే వరకు ఆయన నాయకులు, కార్యకర్తలు, విద్యార్థినీ, విద్యార్థులను పేరుపేరునా పలకరించారు. పార్టీ సీనియర్లతో చర్చించారు. సాయంత్రం జిల్లాలోని వివిధ ని యోజకవర్గాలతో పాటు నగరంలోని ప్రజలంతా ఒకేసారి శిబిరం వద్దకు చేరుకోవడంతో ప్రాంగణం అంతా కిక్కిరిసిపోయింది. వేదికపై ఉన్న జగన్‌ను చూసేం దుకు కొందరు అభిమానులు కుర్చీలపైకి ఎక్కడంతో కొన్ని విరిగిపోయాయి. ఒక దశలో పోలీసులు వారిని నియంత్రించలేని పరిస్థితి నెలకొంది.
  
  ‘కేంద్రం కదిలివస్తుందనే నమ్మకం ఉంది’..
  ప్రకాశం జిల్లా గిద్దలూరు నుంచి వచ్చిన బి. వెంకటరమణ ప్రత్యేక హోదా సాధనకు కృషి చేస్తున్న జగన్‌కు మద్దతుగా నిలుస్తానన్నారు. ఆయన దీక్షకు కేంద్రం కదలివస్తుందనే నమ్మకం తనకు ఉందన్నారు. కృష్ణాజిల్లా జి.కొండూరుకు చెందిన జి.రంజిత్ మాట్లాడుతూ జగన్ చేస్తున్న దీక్షకు చివర వరకు అండగా ఉంటానని, ఎన్ని ఉద్యమాలు, కార్యక్రమాలు చేసినా పాల్గొంటానని చెప్పారు. ముఖ్యమంత్రి  మాటలు ఎవరూ విశ్వసిం చడం లేదన్నారు. శిబిరంలో వైఎస్సార్ సీ పీ జిల్లా అధ్యక్షుడు మర్రి రాజశేఖర్, గుం టూరు నగర అధ్యక్షుడు లేళ్ల అప్పిరెడ్డి, ఎమ్మెల్సీ ఉమ్మారెడ్డి వెంకటేశ్వర్లు, ఎమ్మెల్యేలు పిన్నెల్లి రామకృష్ణారెడ్డి, ఆళ్ల రామకృష్ణారెడ్డి (ఆర్కే), కోన రఘుపతి,  నేతలు మేరుగ నాగార్జున, ఎండీ నసీర్ అహ్మద్, రాతంశెట్టి రామాంజనేయులు (లాలుపురం రాము), ఆతుకూరి ఆంజనే యులు, కావటి మనోహరనాయుడు, పోలూరి వెంకటరెడ్డి, లావు శ్రీకృష్ణదేవ రాయులు, నూనె ఉమామహేశ్వరరెడ్డి,  షేక్ గులాం రసూల్, మొగిలి మధు, సయ్యద్‌మాబు, బండారు సాయిబాబు, కొత్తా చిన్నపరెడ్డి, తిప్పారెడ్డి రామకృష్ణా రెడ్డి, ఉత్తమ్‌రెడ్డి, దేవళ్ల రేవతి, అంగడి శ్రీనివాసరావు, కొలకలూరి కోటేశ్వరరావు, డైమండ్‌బాబు, శిఖా బెనర్జీ, ఏలికా శ్రీకాంత్‌యాదవ్, కోట పిచ్చిరెడ్డి, ఆతుకూరి నాగేశ్వరరావు, గనిక ఝాన్సీరాణి, పల్లపు రాఘవ, పానుగంటి చైతన్య, షేక్ జానీ, ఆవుల సుందర్‌రెడ్డి తదితరులు పాల్గొన్నారు.
  
  జగన్ పోరాటస్ఫూర్తి అభినందనీయం
  రాష్ట్ర ప్రజల ఉజ్వల భవిష్యత్తు కోసం వై.ఎస్.జగన్ చేస్తున్న నిరాహార దీక్ష, ఆయన పోరాట స్ఫూర్తి అభినందనీయం. చరిత్ర గల గుంటూరులో నిరాహార దీక్ష చేయడం హర్షనీయం. రాష్ట్రం తిరిగి కోలుకోవాలంటే ప్రత్యేక హోదా కచ్చితంగా ఇవ్వాల్సిందే. కేంద్ర, రాష్ట్ర ప్రభుత్వాలు ఎన్నికల వాగ్దానాల్లో ఏ ఒక్కటి నెరవర్చలేదు. ప్రత్యేక హోదా రాష్ట్రానికి కచ్చితంగా సంజివినే.
  - గడికోట శ్రీకాంత్‌రెడ్డి, ఎమ్మెల్యే రాయచోటి
  
  ఓటుకు కోట్లు కేసులో బాబు నగ్నంగా దొరికాడు
  ఓటుకు కోట్లు కేసులో చంద్రబాబు నగ్నంగా దొరికారు. దాని నుంచి బయటపడేందుకు ప్రత్యేక హోదా అంశాన్ని మోదీ వద్ద తాకట్టు పె ట్టారు. రాష్ట్రం విడిపోయిన సమయంలో ప్రత్యేక హోదా కల్పిస్తామని పార్లమెంటు సాక్షిగా అప్పటి ప్రధాన మంత్రి ఇచ్చిన హామీ అమలు చేయకపోతే పార్లమెంటు వ్యవస్థపై నమ్మకం పోతుంది. పార్లమెంటులో ఐదు సంవత్సరాలు ఇస్తామంటే కాదు పది సంవత్సరాలు ఇవ్వాలని డిమాండ్ చేసిన బీజేపీ ఇప్పుడు మాట మారుస్తుంది.    
                 - జంగా కృష్ణమూర్తి, మాజీ ఎమ్మెల్యే , గురజాల
  
  చంద్రబాబుది బాధ్యతారాహిత్యం
  ప్రత్యేక హోదా రాష్ట్ర ప్రజల హక్కు. అటువంటి హోదా సంజీవిని కా దని రాష్ట్ర ముఖ్యమంత్రి చంద్రబాబు ప్రకటించడం హేయం. ప్రత్యేక హోదా కోసం బీజేపీపై పోరాటం చేయాల్సిన చంద్రబాబు బాధ్యతారాహిత్యంగా వ్యవహరిస్తున్నారు. అందుకే వైఎస్ జగన్ చేస్తున్న దీక్షకు ప్రజలు మద్దతు పలకాలి. హోదా సాధించుకోవాలి.
  - కొత్తా చిన్నపరెడ్డి, వైఎస్సార్ సీపీ సేవాదళ్ జిల్లా అధ్యక్షుడు
  
  మంత్రులు భాష మార్చుకోకుంటే బుద్ధి చెబుతాం
  ప్రత్యేక హోదా కోసం దీక్ష చేస్తున్న వై.ఎస్.జగన్ పై రాష్ట్ర మంత్రులు సిగ్గు లేని భాష మాట్లాడుతున్నారు. ప్రత్యేక హోదా తీసుకురావడం చేతకాకపోగా, దీక్ష చేస్తున్న జగన్‌ను విమర్శించడం మంత్రుల అవివేకానికి నిదర్శనం. మంత్రి దేవినేనికి వంద జన్మలెత్తినా జగన్‌ను విమర్శించే అర్హత రాదు. ప్రత్యేక హోదా వస్తే రాష్ట్రంలో పరిశ్రమలు వచ్చి నిరుద్యోగ సమస్య తీరుతుంది. దీక్షకు లక్షలాది మంది ప్రజలు సంఘీభావం తెలపాలి.    - బొల్లా బ్రహ్మనాయుడు, వైఎస్సార్ సీపీ వినుకొండ నియోజకవర్గ ఇన్‌చార్జి
  
  ఇది రాష్ట్రమా.. రావణ కాష్టమా..?
  ఇది రాష్ట్రమా.. రావణ కాష్టమా.. చంద్రబాబు పాలనా ఫలితమో.. అయ్యగారి జాతకమేమిటోగానీ వస్తూనే కరువు తీసుకొచ్చారు. రాష్ట్ర ప్రయోజనాల కోసం పోరాటం చేసే నాయకుడి మీద మంత్రులు అవాకులు చెవాకులు పేలుతున్నారు. జగన్ చేస్తున్న దీక్ష దగ్గరకు వచ్చి దీక్ష నాటకమని మాట్లాడితే ప్రజలు చెప్పులతో కొడతారు. చంద్రబాబు క్యాబినెట్ స్వార్ధపరుల గుంపు. వీల్లు రాజకీయ నాయకులు కాదు.. రాజకీయ రాబంధులు. చంద్రబాబు ముఖ్యమంత్రి అయిన నాటి నుంచి హెరిటేజ్‌కు లాభాలు వస్తున్నాయి. చంద్రబాబు రోబో లాంటివాడు.
  - వాసిరెడ్డి పద్మ, వైఎస్సార్ సీపీ రాష్ట్ర అధికార ప్రతినిధి
  


 తమ ప్రసంగాల్లో నొక్కిచెప్పిన నేతలు
  
 గుంటూరు: ప్రత్యేక హోదాతోనే రాష్ట్రం పురోభివృద్ధి చెందుతుందని పలువురు నేతలు అన్నారు. ఆంధ్రప్రదేశ్ కు ప్రత్యేకహోదా సాధన కోసం వైఎస్ జగన్‌మోహన్‌రెడ్డి చేపట్టిన నిరవధిక నిరాహార దీక్ష వేదికపై గురువారం పలువురు నేతలు మాట్లాడారు. ప్రత్యేక హోదా రాష్ట్రానికి కచ్చితంగా సంజీవనేనని.. పరిశ్రమలు రావాలన్నా, నిరుద్యోగులకు ఉపాధి అవకాశాలు కలగాలన్నా, ప్రత్యేక హోదా రావాల్సిన ఆవశ్యకత ఉందని ఎమ్మెల్యే గడికోట శ్రీకాంత్‌రెడ్డి అన్నారు.ప్రత్యేక హోదా రాదనే ఆందోళనలో ఆత్మ బలిదానాలు చేసుకున్న అమర వీరుల ప్రాణ త్యాగాలు వృథా కాకూడదని లోక్‌సత్తా పార్టీ గుంటూరు జిల్లా అధ్యక్షుడు గద్దె వెంకటేశ్వరరెడ్డి అన్నారు. వైఎస్ జగన్ చేపట్టిన నిరవధిక నిరాహార దీక్షకు లోక్‌సత్తా పార్టీ పూర్తి మద్దతుగా నిలుస్తుందని తెలిపారు.  కేంద్రంపై ఒత్తిడి తీసుకువచ్చి చంద్రబాబు రాష్ట్రానికి ప్రత్యేక హోదా సాధించకపోతే ప్రజాకోర్టులో మొదటి ముద్దాయిగా నిలబడాల్సి ఉంటుందని మాజీ మంత్రి మోపిదేవి వెంకటరమణ చెప్పారు. రాష్ట్ర ప్రయోజనాల కోసం పోరాటం చేసే నాయకుడి మీద మంత్రులు అవాకులు చెవాకులు పేలుతున్నారని.. జగన్ చేస్తున్న దీక్ష దగ్గరకు వచ్చి దీక్ష నాటకమని మాట్లాడితే ప్రజలు చెప్పులతో కొడతారని వైఎస్సార్‌సీపీ అధికార ప్రతినిధి వాసిరెడ్డి పద్మ అన్నారు.
 
 రాష్ట్ర ప్రజలకు ఉజ్వల భవిష్యత్తు కోసం జగన్ చేస్తున్న నిరవధిక దీక్షను అడ్డుకోవడం చంద్రబాబు తరం కాదుకదా, వాళ్ల బాబు తరం కూడా కాదని ఎమ్మెల్యే రోజా చెప్పారు. ‘ప్రత్యేక హోదా కోసం జగన్ చేస్తున్న దీక్ష తప్పని నిరూపించే ధైర్యం మీకుందా? పబ్లిక్‌గా చర్చకు వస్తారా? ఇది నా సవాల్’ అని అన్నారు. జగన్‌పై మంత్రుల వ్యాఖ్యలు చూస్తుంటే నవ్వొస్తుందన్నారు. ముఖ్యమంత్రి తనయుడు లోకేష్‌కు జాబ్ లేదని, అయినా ఆయన ఏడాదిన్నర కాలంలోనే రూ. 2.5 లక్షల కోట్లు దోచుకున్నారని పార్టీ ట్రేడ్ యూనియన్ రాష్ట్ర అధ్యక్షుడు గౌతంరెడ్డి విమర్శించారు.  రాష్ట్ర రాజధాని శంకుస్థాపన నిర్వహించేందుకు  22న జిల్లాకు వస్తున్న ప్రధాని నరేంద్రమోదీతో రాష్ట్రానికి ప్రత్యేక హోదా ఇస్తున్నట్లుగా చంద్రబాబు ప్రకటన చేయించాలని ఎమ్మెల్యే ఆళ్ల రామకృష్ణారెడ్డి డిమాండ్ చేశారు.   తెలుగుజాతి భవిష్యత్తు కోసం రాష్ట్రానికి ప్రత్యేక హోదా ఇవ్వాలంటూ జగన్ చేస్తున్న నిరవధిక నిరాహార దీక్ష చరిత్రలో మిగిలిపోతుందని నటుడు విజయచందర్ చెప్పారు.
  


 గుంటూరు: ఆంధ్రప్రదేశ్కు ప్రత్యేక హోదా సాధించడం కోసం నిరవధిక నిరాహార దీక్ష చేపట్టిన వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డికి గురువారం రాత్రి మరోసారి వైద్యులు ఆరోగ్య పరీక్షలు నిర్వహించారు.  ఏపీ ప్రత్యేక హోదా కోరుతూ ఆయన బుధవారం గుంటూరు జిల్లా నల్లపాడు వద్ద నిరవధిక నిరాహార దీక్షను ప్రారంభించారు.
  
 దీంతో వైఎస్ జగన్ చేపట్టిన దీక్ష నేటికి రెండో రోజుకు చేరుకోవడంతో ఆయనకు రెండోసారి వైద్య పరీక్షలు నిర్వహించారు.  ఈరోజు ఉదయం వైఎస్ జగన్ కు వైద్య  పరీక్షలు నిర్వహించిన సంగతి తెలిసిందే.


 గుంటూరు : ఏపీకి ప్రత్యేక హోదా కోసం వైఎస్ఆర్సీపీ అధినేత వైఎస్ జగన్ మోహన్ రెడ్డి చేపట్టిన నిరవధిక నిరాహార దీక్ష రెండో రోజుకు చేరింది. చంద్రబాబు నాయుడు సీఎం అయ్యాక ఒక్క ఉద్యోగం కూడా ఇవ్వలేదని, ఉన్న జాబులను తీసేశారని ఆయన మండిపడ్డారు. ప్రత్యేక హోదాపై సీఎం పూటకోమాట మాట్లాడుతున్నారని గుర్తుచేశారు.
 ప్రత్యేక హాదా కావాలని వీధివిధినా మాట్లాడిన బాబు రాష్ట్రంలో అధికారంలోకి వచ్చిన తర్వాత ఆ విషయాన్ని మర్చిపోయారని వైఎస్ జగన్ ఆగ్రహం వ్యక్తం చేశారు. రెండో రోజు కూడా దీక్షా స్థలానికి భారీ ఎత్తున ప్రజలు తరలివస్తున్నారు. ప్రత్యేక హోదా సాధన కోసం బుధవారం గుంటూరులోని నల్లపాడులో నిరవధిక నిరాహార దీక్ష చేపట్టిన విషయం విదితమే.


 - జగన్‌కు మద్దతుగా తరలివచ్చిన యువతీయువకులు
 - నిరవధిక నిరాహార దీక్షకు పోటెత్తిన జనసందోహం  
  
 సాక్షి, విజయవాడ బ్యూరో:  వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి చేపట్టిన నిరవధిక నిరాహార దీక్షకు అపూర్వ స్పందన లభించింది. దీక్షకు మొదటి నుంచీ ప్రభుత్వం అడ్డంకులు కల్పించినా, భారీగా జనసందోహం తరలి వచ్చింది. ప్రత్యేకించి ఈ దీక్షలో యువత ఉత్సాహంగా పాలుపంచుకుంది. ప్రత్యేకహోదా ఆవశ్యకతపై అవగాహన ఉన్న యువతీయువకులు జగన్ దీక్షకు మద్దతుగా నిలిచారు. గుంటూరు నగరం బుధవారం ఉదయం నుంచే జనంతో నిండిపోయిం ది. బెజవాడలో కనకదుర్గమ్మ ఆశీర్వాదం తీసుకుని దీక్షాస్థలికి బయలుదేరిన జగన్‌కు గుంటూ రు జిల్లా పెదకాకాని వద్ద వైఎస్సార్ కాంగ్రెస్ పార్టీ నాయకులు, శ్రేణులు అపూర్వ స్వాగతం పలికారు. అక్కడి నుంచి భారీస్థాయిలో మోటార్ సైకిళ్లు, కార్ల ర్యాలీతో జగన్‌మోహన్‌రెడ్డిని దీక్షా ప్రాంగణం వరకూ తీసుకొచ్చారు. భారీగా జనం రావడంతో పెదకాకాని నుంచి గుంటూరులో దీక్ష జరిగే నల్లపాడు చేరుకోవడానికి రెండు గంటలకు పైగా సమయం పట్టింది.
  
  ఆత్మార్పణ చేసుకున్న వారికీ నివాళులు
  సరిగ్గా మధ్యాహ్నం 2.15 గంటలకు వేదికపైకి వచ్చిన జగన్‌మోహన్‌రెడ్డి దివంగత మహానేత వైఎస్ రాజశేఖర్‌రెడ్డి ప్రతిమకు పూలమాల వేసి నివాళులర్పించారు. ప్రత్యేక హోదా రాదనే ఆం దోళనతో ప్రాణ త్యాగం చేసిన నెల్లూరు జిల్లాకు చెందిన లక్ష్మయ్య, వల్లం రమణయ్య, తిరుపతికి చెందిన మునికోటి, కడపకు చెందిన ధనుముల లోకేశ్వరరావు, కృష్ణా జిల్లాకు చెందిన సిరిపురపు ఉదయభాను ఫొటోలకు పూలమాలలు వేసి నివాళులర్పించారు. ప్రత్యేక హోదా ఆవశ్యకత, దానివల్ల వల్ల వచ్చే ప్రయోజనాలు, హిమాచల్‌ప్రదేశ్ వంటి రాష్ట్రాలు హోదాతో ఎలా అభివృద్ధి చెందాయనే విషయాలను తన ప్రసంగంలో జగన్ వివరించారు.
  
  హాజరైన ముఖ్యనేతలు...
  దీక్షలో వైఎస్సార్‌సీపీ రాష్ట్ర ప్రధాన కార్యదర్శి వి.విజయసాయిరెడ్డి, ముఖ్యనాయకులు బొత్స సత్యనారాయణ, సజ్జల రామకృష్ణారెడ్డి, ఉమ్మారెడ్డి వెంకటేశ్వర్లు, పెనుమత్స సాంబశివరాజు, ఎంపీలు వై.వి.సుబ్బారెడ్డి, మేకపాటి రాజమోహన్‌రెడ్డి, వై.ఎస్.అవినాష్‌రెడ్డి, పెద్దిరెడ్డి మిథున్‌రెడ్డి, వరప్రసాద్, వైఎస్సార్‌సీపీ ఎమ్మెల్యేలు, ఎమ్మెల్సీలు పాల్గొన్నారు.


 రాష్ట్రానికి ప్రత్యేక హోదాను సాధించుకోగల అవకాశాన్ని చేజేతులా జారవిడుచుకున్న చంద్రబాబు ప్రభుత్వం.. ప్రజల ఆకాంక్షకు అద్దంపడుతున్న ప్రధాన ప్రతిపక్ష నేత వైఎస్ జగన్‌కు లభిస్తున్న ప్రజాదరణను సహించలేకపోతోంది.
  
  ‘‘రాష్ట్రాభివృద్ధిని  అడ్డుకోవా లని చూసేవారి ఆటలు సాగ వ్. ఎవరైనా సరే... అరాచకా లకు పాల్పడితే అణచివేస్తాం. మీరు రాష్ట్రాభివృద్ధికి కలిసి వస్తే సంతోషం. కోలుకునే పరి స్థితుల్లో రాష్ట్రాన్ని దెబ్బకొట్టవ ద్దు. గతంలో రౌడీలను ఎలా పారద్రోలామో అలాగే వ్యవ హరిస్తాం. రాజీపడం’’ ఇది స్వయానా రాష్ట్ర ముఖ్య మంత్రిగారి బెదిరింపు హెచ్చరిక. ప్రధాన ప్రతిపక్షనేత వై.ఎస్.జగన్‌మోహన్‌రెడ్డి రాష్ట్రానికి ప్రత్యేకహోదా కోసం తలపెట్టిన నిరవధిక నిరాహారదీక్షను ఉద్దేశిస్తూ ఏపీ సీఎం నారా చంద్రబాబు నాయుడు సెప్టెంబర్ 25న విజయవాడలో మీడియా ప్రతినిధులతో మాట్లాడుతూ వాడిన తీవ్ర పదజాలం. దీనికి ఒక రోజు ముందు,  సెప్టెంబర్ 24న న్యూఢిల్లీలో మీడియాతో తీవ్రస్వరంతో దీక్ష చేసి ప్రాణం తీసుకుంటానంటే పర్మిషన్ ఇవ్వాలా? రోడ్డు మీద కూర్చొని దీక్ష చేస్తే ఊరుకోవాలా? అంటూ అసహనం వ్యక్తం చేశారు.
  
  ఆయన మాటలు విన్న ప్పుడు... ఎట్టి పరిస్థితుల్లోనూ వై.ఎస్. జగన్ దీక్ష చేయ టానికి అంగీకరించం అనే పట్టుదల కనిపించింది. రాష్ట్ర ప్రయోజనాల సాధన కోసం నిరవధిక నిరాహారదీక్షకు సిద్ధమైన ప్రధాన ప్రతిపక్షనేతను ఉద్దేశిస్తూ బాధ్యతగల సీఎం ఇటువంటి పరుష పదజాలంతో హెచ్చరికలు చేయడం గతంలో ఎప్పుడూ వినలేదు... చూడలేదు. ప్రతిపక్ష నేత ఏ పరిస్థితుల్లో నిరవధిక నిరాహార దీక్షకు కూర్చోవలసి వచ్చిందో గ్రహించడానికి... అర్థం చేసుకోవడానికి అధికార పార్టీ సిద్ధంగా లేదు. నవ్యాంధ్ర 16 నెలలపసిబిడ్డ అని, ఎన్నోకష్టాలు, ఇబ్బందులు పడు తూ పెంచుకుంటూ వస్తున్నామని, ఇప్పుడు బురదజ ల్లితే రాష్ట్రానికి ప్రజలకు నష్టమని ముఖ్యమంత్రి చంద్ర బాబు అదే మీడియా సమావేశంలో చెప్పుకొచ్చారు. సీఎం చెప్పినట్లు కొత్త రాష్ట్రంగా ఆంధ్రప్రదేశ్ ఎన్నో కష్టాలు ఎదుర్కొంటోంది. అందులో మరో అభిప్రాయా నికి తావులేదు. అయితే, ఇందులో కొన్ని సమస్యలు విభజనవల్ల సంక్రమిస్తే... మిగతావి తెలుగుదేశం ప్రభు త్వ అనాలోచిత విధానాల వల్ల వచ్చిపడినవి.
  అటువంటి ఇబ్బందుల్ని అధిగమించడానికి ప్రత్యేక హోదా సంజీవనిగా ఉపయోగపడుతుంది. అందుకే రాష్ట్ర విభజన సమయంలో పార్లమెంటు చర్చల మేరకు, ఆఖరి యూపీఏ కేబినెట్ నిర్ణయాల మేరకు, ఆనాటి బీజేపీ, టీడీపీల ఎన్నికల వాగ్దానాల మేరకు రావాల్సిన ప్రత్యేక హోదాను సాధించుకుందామని ప్రతి ఒక్కరూ రాజకీయాలకు అతీతంగా విజ్ఞప్తి చేస్తున్నారు.
  
  అయితే 16 నెలలుగా కేంద్ర, రాష్ట్ర ప్రభుత్వాలు వ్యవహరిస్తున్న ఉదాసీన వైఖరి, అసలు ప్రత్యేక హోదా అవసరం లేదం టూ చేస్తున్న వాదనల కారణంగా ప్రజాబాహుళ్యంతో ఏర్పడిన భయాందోళనల్ని దృష్టిలో పెట్టుకొని ప్రధాన ప్రతిపక్షనేత నిరసన దీక్షకు పూనుకుంటే దానిని బురద జల్లుడు కార్యక్రమంగా చిత్రీకరిస్తున్న వైఖరిని ఏ విధం గా అర్థం చేసుకోవాలి? ప్రజల్లో బలంగా ఉన్న ప్రత్యేక హోదా సెంటిమెం టుపై టీడీపీ మౌనం ప్రదర్శించడంపై వైఎస్సార్‌సీపీ ప్రజల పక్షం నిలిచి పోరాడటం ప్రభుత్వానికి కంటగిం పైంది. ఆత్మరక్షణలో పడిన పాలక ప్రభుత్వం ఎదురుదా డికి దిగే క్రమంలో ప్రజాస్వామ్య విలువలను తోసిరాజ నడం దిగ్భ్రాంతి కలిగిస్తోంది. వ్యక్తిగత కారణాలు, రాజ కీయ ఇబ్బందులు, సంకీర్ణ మొహమాటాలతో రాష్ట్రానికి ప్రత్యేక హోదా సాధించుకోగల అవకాశాన్ని టీడీపీ ప్రభు త్వం చేజేతులా జారవిడుచుకుంది. ప్రత్యేక హోదాకంటే ప్యాకేజీయే మేలు అంటూ కొత్త పల్లవి ఎత్తుకున్న చంద్ర బాబు చిత్తశుద్ధిని ప్రజలు శంకిస్తున్నారు.
  
  ప్రజల విశ్వా సం కోల్పోతున్నామన్న ఉక్రోషంతో ప్రతిపక్ష పార్టీలను చులకన చేసి మాట్లాడటం, తామెలా వ్యవహరించినా, ఏం మాట్లాడినా, ఏ నిర్ణయాలు తీసుకున్నా ప్రశ్నించ డానికి మీరెవరు? అనడం అహంకారానికి, నియంతృత్వ ధోరణికి పరాకాష్ట. ప్రతిపక్ష నేతలకు అభివాదం చేసిన జవహర్‌లాల్ నెహ్రూ కానీ, ప్రతిపక్ష పార్టీలకు తగిన గౌరవమిచ్చిన దివంగత ఎన్టీఆర్ కానీ ఎన్నడూ అప్రజాస్వామిక చర్య లను ప్రోత్సహించలేదు. ప్రతిపక్షానికున్న ప్రాముఖ్య తను, దాని రాజ్యాంగ హక్కులను గౌరవించే విజ్ఞతను టీడీపీ ప్రభుత్వం కోల్పోయింది. కానీ ప్రజాస్వామ్య సంప్రదాయాలను గాలికొది లేసిన పెడధోరణులు ప్రస్తుత ఆంధ్రప్రదేశ్‌లో చూడగ లుగుతున్నాం. పదేళ్లపాటు ప్రతిపక్షంలో ఉండి అధికా రంలోకి రాగానే... ప్రధాన ప్రతిపక్షం వాణి వినబడ కుండా గొంతు నొక్కేయడానికి ప్రయత్నించడం; అదే సమయంలో, చట్టాన్ని అతిక్రమిస్తున్న సొంత పార్టీ ఎమ్మెల్యేలను, నేతలను పరిరక్షించుకొనేందుకు రాజ్యాం గ విలువలను బాహాటంగా కాలరాస్తున్న తీరును సమా జం గమనిస్తూనే ఉంది.
  
  ప్రజల మేలు కోసం రాజకీయాల్లో ఉన్నప్పుడు కొన్ని అవమానాలు తాత్కాలికంగా భరించకతప్పదు.  చరిత్ర అందించే విలువైన పాఠాలను తెలుసుకొని టీడీపీ ప్రభుత్వం, నాయకత్వం... ప్రతిపక్ష పార్టీలకు సముచిత గౌరవం ఇవ్వగలిగితేనే... సమష్టి పోరాటాల ద్వారా రాష్ట్రానికి చెందవలసిన వాటిని సాధించగలిగితేనే... రాష్ట్రంలో సామరస్య వాతావరణం ఏర్పడుతుంది తప్ప అణచివేత విధానాల వల్ల, ప్రజాస్వామ్య వెక్కిరింపుల వల్ల ఫలితం ఉండదు. ప్రజాస్వామ్యం మనుగడ సాధిం చదు... ప్రజలు హర్షించరు. రాష్ట్రం పురోగమించదు.
  వ్యాసకర్త: ఎమ్మెల్సీ, కేంద్ర మాజీ మంత్రివర్యులు
  మొబైల్: 99890 24579
  - డా.ఉమ్మారెడ్డి వెంకటేశ్వర్లు


 ఆంధ్రప్రదేశ్ రాష్ట్రానికి ప్రత్యేక హోదా కోసం వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి వచ్చేనెల 7వ తేదీ నుంచి నిరవధిక నిరాహార దీక్ష చేస్తారని పార్టీ సీనియర్ నాయకుడు బొత్స సత్యనారాయణ తెలిపారు. గుంటూరులోనే ఆయన దీక్ష కొనసాగుతుందని స్పష్టం చేశారు. ఈ అంశంపై ఆయన ఏమన్నారంటే...
 
 ఎవరైనా చచ్చిపోతానని దరఖాస్తు పెడితే దానికి అనుమతిస్తామా అని చంద్రబాబు మాట్లాడుతున్నారు
 
 ఆయన అవహేళనగా, అహంభావంతో మాట్లాడుతున్నారు
 
 ప్రత్యేక హోదా అంశంపై అసలు రాష్ట్ర ప్రభుత్వ వైఖరి ఏంటో ప్రజలు ఆలోచించాలి
 
 కేంద్రం మీద, రాష్ట్ర ప్రభుత్వం మీద ఒత్తిడి తేవడానికి దీక్ష చేపడితే ఇలా మాట్లాడతారా?
 
 2010లో మీరు హైదరాబాద్లో నిరవధిక నిరాహార దీక్ష చేయలేదా
 
 అప్పట్లో ప్రజలు మిమ్మల్ని ఆశీర్వదించాలని కోరలేదా
 
 అప్పుడు మీరు చనిపోవడానికి దీక్ష చేశారా, లేదా రోజూ భోజనం చేసి ప్రజలను మోసం చేసి దీక్ష చేసినట్లు చూపించారా
 
 అప్పుడు ఏ చట్టం మీకు అనుమతి ఇచ్చిందని ప్రశ్నిస్తున్నా
 
 నిరాహార దీక్ష వల్లే, శాంతియుత పోరాటం వల్లే ఆంధ్ర రాష్ట్రం ఏర్పడిందని మర్చిపోవద్దు
 
 పొట్టి శ్రీరాములు చేసిన దీక్ష వల్లే తెలుగు రాష్ట్రం ఏర్పడింది
 
 ఇప్పుడు మనం స్వేచ్ఛా స్వాతంత్ర్యాలతో బతుకుతున్నామంటే అప్పటి పెద్దలు చేసిన త్యాగాలే కారణం
 
 శాంతియుతంగా, చట్టబద్ధంగా చేస్తున్న కార్యక్రమాన్ని కళ్లు నెత్తికెక్కి అవహేళన చేస్తున్నారు
 
 ఎవరైనా సరే ఒకసారి ఎన్నికైతే ఐదేళ్లే సీఎం అవుతారు తప్ప శాశ్వత సీఎం అనుకుంటే కాలగర్భంలో కలిసిపోయిన సందర్భాలు చాలా ఉన్నాయి
 
 చంద్రబాబు ఇలాంటి అహంభావపూరితమైన మాటలు మాట్లాడటం మంచిది కాదు
 
 ఏది ఏమైనా.. నిరాహార దీక్ష చేయాలని పార్టీ నిర్ణయించుకుంది
 
 వచ్చే నెల 7వ తేదీన గుంటూరులో వైఎస్ జగన్ దీక్ష ప్రారంభిస్తారని పార్టీ నిర్ణయించింది
 
 నేను, పార్టీ పెద్దలు ఎస్పీ, ఐజీ స్థాయి అధికారులను అనుమతి కోరాం.. వాళ్లు ఇక్కడ కాదు, వేరే స్థలం చూసుకోండి అని చెప్పారు
 
 మేం భేషజాలకు పోదలచుకోలేదు. రాష్ట్ర అభివృద్ధే మాకు ముఖ్యం
 
 గతంలో మేం ఎంచుకున్న ప్రదేశం అయితే ఇబ్బంది అవుతుందన్నారు కాబట్టి ప్రత్యామ్నాయ స్థలాన్ని వాళ్లకు చూపిస్తాం
 
 స్వార్థం, స్వలాభం కోసం మాటలు చెబితే ప్రజలు క్షమించరు
 
 స్వార్థం కోసం, మీ అవినీతి కోసం సింగపూర్ బృందాన్ని తీసుకొస్తున్నారు
 
 ఈ విషయాన్ని ప్రజలు కూడా త్వరలోనే తెలుసుకుంటారు
 
 ప్రధాన ప్రతిపక్షంగా మా వంతు బాధ్యతగా ప్రజల కోసం, ప్రజల తరఫున పోరాడతాం


 ఆంధ్రప్రదేశ్‌కు ప్రత్యేక హోదా కోరుతూ వైఎస్సార్ సీపీ నాయకుడు వైఎస్ జగన్‌మోహన్‌రెడ్డి నేటి నుంచి తలపె ట్టిన నిరవధిక నిరాహారదీక్షలు వాయిదా పడి ఉండవచ్చు. కానీ వాయిదాకు ముందు జరి గిన పరిణామాలూ, ప్రభుత్వ చర్యలూ చర్చనీయాంశాలుగా మిగిలి ఉన్నాయి. ముఖ్యంగా విపక్షానికి సైతం పాలక పక్షం మాట్లాడే హక్కు లేకుండా చేసే ప్రయత్నం ఇక్కడ కనిపిస్తుంది. ఇది నియంతృత్వం. అప్రకటిత ఎమర్జెన్సీ. చేసిన వాగ్దానాలను పాలకులు మరచిపోయినప్పు డు పార్లమెంట్‌లోను, శాసనసభలలోనూ వారిని నిలదీ యడం విపక్షాల పని.
 
 అందుకు అవకాశం ఇవ్వనప్పుడు ప్రతిపక్షాలు రోడ్డున పడి పాలకుల వైఖరిని ఎండగట్టడం అనివార్యం. ఎన్డీయే-2, టీడీపీ, టీఆర్‌ఎస్ ఎన్నికల సమ యంలో చేసిన వాగ్దానాలను నెరవేర్చడంలో విఫలమై నాయి. అధికారం చేపట్టాక గత పాలకులపై నెపం వేసి పబ్బం గడుపుకోవాలని ప్రయత్నిస్తున్నాయి. ఇలా అధి కారపక్షాలు విఫలమైనప్పుడల్లా ఆ అవకాశాన్ని విప క్షాలు అంది పుచ్చుకుని గళం విప్పాలి. నవ్యాంధ్రప్రదే శ్‌లో జగన్ దీక్షలు అందులో భాగమే.
  
  ప్రత్యేక హోదా ప్రకటించిన రెండు పార్టీలు అధికా రంలోకి వచ్చాక ఆ సంగతి మరిచాయి. ముఖం చాటే శాయి. ప్రత్యేక హోదా ఇవ్వడానికి కేంద్ర ం చెబుతున్న కుంటిసాకులూ, జగన్ దీక్షకు అనుమతి నిరాకరణకు రాష్ట్ర పోలీసుల ద్వారా చంద్రబాబు చెప్పించిన కారణా లూ ఒక్కలాగే ఉన్నాయి. మేము అనుమతిస్తే ముందుకు వెళ్లాలి, లేదంటే మానుకోవాలి అన్న తీరులో వారి అధి కార దర్పం కనిపిస్తున్నది. రాజ్యాంగంలోని 19వ ఆర్టికల్ ప్రకారం చూస్తే దీక్ష అనుమతి నిరాకరణకు వారు చెబు తున్నవి కుంటిసాకులే. ఈ ఆర్టికల్ (1) ఏబీసీ నిబం ధనల ప్రకారం దేశ స్వాతంత్య్రానికీ, అఖండతకీ, భద్ర తకీ, విదేశీ సంబంధాలతో పాటు శాంతికి విఘాతం కలు గుతుందనుకుంటే ఒక వ్యక్తి చేయబోయే దీక్షకు అను మతి నిరాకరించవచ్చు.
 
 ఇది ప్రభుత్వ బాధ్యత. మర్యా ద, అనైతికత, కోర్టు ధిక్కారం, పరువునష్టం, నేరానికి ప్రేరేపించే చర్యలు ఉన్నా కూడా అనుమతి నిరాకరించ వచ్చు. కాబట్టి కేవలం శాంతిభద్రతలకు విఘాతం అన్న సాకుతో అనుమతిని నిరాకరించడమంటే ఆర్టికల్ 19 ఇచ్చిన స్వేచ్ఛాస్వాతంత్య్రాలను నిరాకరించడమే. దీక్షకు ఎంచుకున్న ఉల్ఫ్‌హాల్ గ్రౌండ్, పరిసరాలను గురించి చూద్దాం. అక్కడ ప్రభుత్వ ఆస్పత్రికి ఇటీవల రెండో గేటు ను నిర్మించిన మాట నిజమే. కానీ ఆ సంగతి చాలా మందికి ఇప్పటికీ తెలియదు. అందువల్ల దీక్ష కారణంగా అక్కడ ప్రాణనష్టం జరుగుతుందని ముందే ఊహించ డం అసందర్భమే. ఉల్ఫ్‌హాల్ గ్రౌండ్ నగరం నడిబొడ్డే.
  
  కానీ వ్యాపార కూడలి కాదు. కాబట్టి అనుమతి నిరాక రణ కేవలం గొంతు నొక్కే చర్యే. రాజమండ్రి పుష్కరా లలో జరిగిన తొక్కిసలాటకు ప్రధాన కారకుడైన చంద్ర బాబును ముద్దాయిగా గుర్తించని పోలీసులు, జగన్ దీక్షతో సంభవించనున్న ప్రమాదం గురించి జోస్యం చెప్పడం హాస్యాస్పదం.  ఊహాజనితమైన ఆలోచనలతో ఒక వ్యక్తి భావ ప్రక టనా స్వేచ్ఛను శాంతిభద్రతల పేరిట నిలువరించడం సరికాదని ఫతేఘర్ వర్సెస్ డాక్టర్ రామ్‌మనోహర్ లోహి యా కేసులో (1966 ఎస్‌సీ 633)సుప్రీంకోర్టు పేర్కొ న్నది. కాబట్టి వైఎస్సార్‌సీపీ పార్టీ శ్రేణులకు ఉన్న సమా వేశపు హక్కును హరించే అధికారం పాలకులకు లేదు. ఇలాంటి ధోరణి ప్రజాస్వామ్యానికి శ్రేయస్కరం కాదు.
  
  ఈ అంశం మీద కోర్టులు షరతులతో కూడిన అను మతి ఇచ్చినా, ఇవ్వకున్నా వైఎస్సార్ సీపీ సహా, మిగిలిన విపక్షాలు ఏకం కావలసిన అవసరం ఇప్పుడు ఉంది. వీరంతా కలసి ఇప్పుడు తెలంగాణలో ప్రజలు కోరుతు న్నట్టు చట్టబద్ధ పాలన కోసం ఉద్యమించాలి. ప్రజాస్వా మ్యం కాబట్టి ప్రభుత్వ చర్యల పట్ల నిరసనను ప్రకటించే హక్కును నిలబెట్టుకోవాలి. ప్రజా సంఘాల సమావేశపు హక్కును, స్వేచ్ఛగా మాట్లాడే హక్కును అంతా కాపాడు కోవాలి. అప్పుడే ప్రతిపక్ష నేతలకూ, పార్టీలకూ కూడా ఆ హక్కు మిగిలి ఉంటుంది.
  (వ్యాసకర్త పౌరహక్కుల సంఘం ప్రధాన కార్యదర్శి తెలంగాణ, ఆంధ్రప్రదేశ్) మొబైల్: 84998 54214
  - చిలుకా చంద్రశేఖర్
  


 కలసి నడుద్దాం... హోదా సాధిద్దాం...
 ♦ విద్యార్థి యువభేరి సదస్సులో వైఎస్ జగన్‌మోహన్‌రెడ్డి
 ♦ పార్లమెంటు సాక్షిగా ప్రధాని ఇచ్చిన హామీ నెరవేరకపోతే ప్రజాస్వామ్యానికి అర్థమేమిటి? ... గతంలో 11 రాష్ట్రాలకు ఇచ్చిన హోదా మనకెందుకు ఇవ్వరు?
 ♦ ప్రత్యేకహోదా కోసం చంద్రబాబు కేంద్రాన్ని ఎందుకు నిలదీయడం లేదు?
 
 ♦ కేంద్రంలో టీడీపీ మంత్రులను ఉపసంహరించుకుంటే కేంద్రం దిగి వస్తుంది
 ♦ ఓటుకు కోట్లు కేసు మాఫీకోసం హోదా హక్కును పణంగా పెట్టారు
 ♦ హోదాకోసం వైఎస్సార్‌సీపీ నిరంతర పోరాటం
 ♦ 26 నుంచి గుంటూరులో నిరవధిక నిరాహారదీక్ష
 ♦ మీరూ కలసిరండి... కేంద్ర, రాష్ట్ర ప్రభుత్వాలను నిలదీద్దాం
 సాక్షి ప్రతినిధి, తిరుపతి: ప్రత్యేకహోదా మన హక్కు... దాని సాధనకోసం కలసి ఉద్యమిద్దాం... కేంద్ర రాష్ట్ర ప్రభుత్వాల మెడలు వంచి హోదా సాధిద్దాం.. అని  వైఎస్సార్ కాంగ్రెస్ పార్టీ అధ్యక్షుడు, ప్రతిపక్ష నేత వైఎస్ జగన్‌మోహన్‌రెడ్డి విద్యార్థులకు పిలుపునిచ్చారు. ఆంధ్రప్రదేశ్‌కు ఐదేళ్లపాటు ప్రత్యేకహోదా ఇస్తామని పార్లమెంటు సాక్షిగా ప్రధాని ఇచ్చిన హామీ నెరవేరకపోతే ఇక ప్రజాస్వామ్యానికి అర్థమేమిటని ప్రశ్నించారు. ఐదేళ్లుకాదు పదేళ్లు ప్రత్యేకహోదా తెస్తామని, ఇస్తామని ఎన్నికలముందు చెప్పిన టీడీపీ, బీజేపీ ఇప్పుడా ఊసెత్తడంలేదని విమర్శించారు.
 
 ఓటుకు కోట్లు కేసులో అడ్డంగా దొరికిపోయిన ముఖ్యమంత్రి చంద్రబాబు నాయుడు తన కేసులను మాఫీ చేసుకునేందుకు ప్రత్యేకహోదా హక్కును కేంద్రానికి తాకట్టు పెట్టారని దుయ్యబట్టారు. కేంద్ర, రాష్ట్ర ప్రభుత్వాలపై ఒత్తిడి తెచ్చి ప్రత్యేకహోదా సాధించుకుందామన్నారు. తిరుపతిలోని శ్రీ వేంకటేశ్వర విశ్వవిద్యాలయం విద్యార్థులు మంగళవారం స్థానిక పీఎల్‌ఆర్ కన్వెన్షన్ హాల్‌లో ‘రాష్ట్రానికి ప్రత్యేకహోదా- ఉద్యోగ అవకాశాలు- రాష్ట్రాభివృద్ధ అనే అంశంపై  విద్యార్థి యువభేరి సదస్సు నిర్వహించారు.
 
 విద్యార్థులు, ప్రొఫెసర్లు, మేధావులు, విద్యావేత్తలు పెద్దసంఖ్యలో హాజరైన ఈ సదస్సుకు వైఎస్ జగన్ ముఖ్య అతిథిగా హాజరయ్యారు. ప్రత్యేక హోదా కోసం ప్రాణత్యాగాలు చేసిన వారికి మౌనం పాటించి నివాళులర్పించారు. ఈ సందర్భంగా వైఎస్ జగన్ ప్రసంగం ఆయన మాటల్లోనే...
  
 ప్రత్యేకహోదా ఎందుకిచ్చారంటే...
 అన్ని పార్టీలూ కలసి ప్రజాభీష్టానికి వ్యతిరేకంగా రాష్ట్రాన్ని అన్యాయంగా విడగొట్టాయి. అప్పుడు వైఎస్సార్‌సీపీ తరఫున ఎంపీలుగా ఉన్న నన్ను, మేకపాటి రాజమోహన్‌రెడ్డిని సస్పెండ్ చేసి లోక్‌సభనుంచి గెంటేశారు. లోక్‌సభ తలుపులు మూసివేసి, టీవీ చానళ్ల ప్రసారాలు ఆపివేసి, అడ్డగోలుగా రాష్ట్రాన్ని విభజించారు. విభజనవల్ల ఆంధ్రప్రదేశ్ తీవ్రంగా నష్టపోతుంది. సాఫ్ట్‌వేర్ రంగంలో 95 శాతం హైదరాబాద్‌లోనే ఉంది.
 
 బీటెక్, బీసీఏ, ఎంసీఏ చేసిన విద్యార్థులందరూ ఉద్యోగాలకోసం చూసేది హైదరాబాద్ నగరంవైపే. ఉమ్మడి రాష్ట్రంలోని 70 శాతం పరిశ్రమలు హైదరాబాద్‌లోనే ఉన్నాయి. 70 శాతం ఉద్యోగాలు కూడా అక్కడే ఉన్నాయి. విభజనవల్ల హైదరాబాద్‌లాంటి గొప్ప నగరాన్ని ఏపీ కోల్పోతుంది. అందుకే ఆ నష్టాన్ని వీలైనంత భర్తీ చేసేందుకు రాష్ట్రానికి ఐదేళ్లు ప్రత్యేకహోదా ఇస్తామని రాజ్యసభలో అప్పటి ప్రధాని మన్మోహన్‌సింగ్ ప్రకటించారు.
 
 ఐదేళ్లు సరిపోదు, పదేళ్లు కావాలని అప్పుడు ప్రతిపక్షంలో ఉన్న బీజేపీ, టీడీపీ డిమాండ్ చేశాయి. తాము అధికారంలోకి వస్తే పదేళ్లు ప్రత్యేకహోదా ఇస్తామని, తెస్తామని బీజేపీ, టీడీపీ నేతలు ఎన్నికల ముందు ఊరూరా ఉపన్యాసాలిచ్చారు. ఇప్పుడు కేంద్రంలో, రాష్ట్రంలో ఆ రెండు పార్టీలే అధికారంలో ఉన్నాయి. కానీ ప్రత్యేకహోదా గురించి మాత్రం నోరెత్తడంలేదు.
  
 కేసులకు భయపడి హోదా తాకట్టు
 రాష్ట్రానికి ముఖ్యమంత్రిగా ఉన్న నారా చంద్రబాబు నాయుడు ప్రత్యేకహోదాకోసం కేంద్రాన్ని నిలదీయాల్సి ఉంది. కానీ ఆయన ఎందుకు నోరుమెదపడంలేదు? ఓ 15 రోజులో, నెలరోజులో గడువిచ్చి, ఆలోపు ప్రత్యేకహోదా ఇవ్వకపోతే కేంద్రంలో ఉన్న తమ మంత్రులను ఉపసంహరించుకుంటామని కేంద్రంపై ఎందుకు ఒత్తిడి తీసుకురాలేకపోతున్నారు? నాతోపాటు రాష్ట్ర ప్రజలందరికీ ఉన్న సందేహమిది. అయినా చంద్రబాబు నోరు మెదపరు.
 
 ఎందుకంటే... పట్టిసీమనుంచి పోలవరం వరకూ కమీషన్లు తీసుకుని, జీవో-22తో కొందరు కాంట్రాక్టర్లకు మేలుచేసి, కొందరికే మద్యం డిస్టిలరీ లెసైన్సులిచ్చి, ఇసుకనుంచి మట్టిదాకా పర్సెంటేజీలు తీసుకుని, బొగ్గు దగ్గరనుంచి పలు స్కాములు చేసి... ఏపీలో అక్రమంగా సంపాదించిన డబ్బుతో తెలంగాణ రాష్ట్రంలో ఎమ్మెల్సీ ఎన్నికల్లో గెలిచేందుకు ఒక్కో ఎమ్మెల్యేకు ఐదునుంచి రూ.20 కోట్ల లంచమిస్తూ ఆడియో, వీడియో టేపుల్లో అడ్డంగా దొరికిపోవడం మనమందరం చూశాం.
 
 ఆ కేసునుంచి బయటపడేందుకు చంద్రబాబు బీజేపీ మీద ఒత్తిడి తీసుకురాలేకపోతున్నారు. ప్రత్యేకహోదాకోసం కేంద్రంపై ఒత్తిడి తెస్తే ఓట్లుకు కోట్లు కేసులో తనను జైలుకు పంపుతారేమోనని చంద్రబాబు భయం. అందుకే తన స్వార్థం కోసం, కేసులనుంచి తప్పించుకునేందుకు చంద్రబాబు ఐదుకోట్ల ప్రజలను, ప్రత్యేకహోదాను కేంద్రం కాళ్ల దగ్గర తాకట్టుపెడుతున్నారు. గతంలో ఇదే చంద్రబాబు సోనియాగాంధీతో కలసి నా మీద కేసులు పెట్టారు. కానీ నేను భయపడలేదు. చంద్రబాబు నాయుడులా రెండుకళ్ల సిద్ధాంతం చెప్పలేదు. పోరాటం చేశా. రాష్ట్రాన్ని విభజించవద్దని గట్టిగా నిలదీశా.
  
 ప్రత్యేకహోదా గురించి చంద్రబాబు, ఆయన మంత్రివర్గ సభ్యులు అపహాస్యం చేస్తూ, వక్రభాష్యం చెబుతూ వ్యాఖ్యానాలు చేస్తున్నారు. ప్రత్యేకహోదాకన్నా ప్రత్యేక ప్యాకేజీ ముద్దని చెబుతున్నారు. తన వాదన సమర్థించుకునేందుకు.. కోడలు మగబిడ్డను కంటానంటే అత్త వద్దంటుందా అంటూ అక్కాచెల్లెమ్మలను కించపరిచేలా మాట్లాడారు. ఆడపిల్లలకు తోడుంటానని చెప్పాల్సిన సీఎం మాట్లాడిన తీరిది. తనను తాను కాపాడుకోవడం కోసం ప్రత్యేకహోదాను తాకట్టు పెడుతున్న బాబును మీరంతా ప్రశ్నించండి.
 
 అయ్యా చంద్రబాబూ... ప్రత్యేక ప్యాకేజీ పేరుతో మీరు చెప్తున్నవన్నీ, విభజన చట్టంలో హక్కుగా ఇచ్చిన హామీలు కాదా? అని నిలదీయండి. పోలవరం, మెట్రోరైలు, ఐఐఎం, ఐఐటీలన్నీ విభజన చట్టంలో హక్కుగా ఇస్తే... వాటిని కొత్తగా ప్యాక్ చేసి తానేదో సాధించానని మభ్యపెట్టాలని చూస్తున్న బాబును గట్టిగా ప్రశ్నించండి.
  
 సాకులు చెబుతున్న ప్రభుత్వాలు...
 ప్రత్యేకహోదాకు తమిళనాడు, ఒడిశా, మహారాష్ట్ర ఒప్పుకోవడంలేదంటారు. అయ్యా... రాష్ట్రాన్ని విడగొట్టేటప్పుడు ఈ రాష్ట్రాలు లేవా? ఈ రాష్ట్రాలు ఒప్పుకోవని అప్పుడు మీకు తెలీదా? ప్రత్యేకహోదా ఇచ్చేందుకు 14వ ఆర్థిక సంఘం ఒప్పుకోవడంలేదని అబద్ధాలు చెబుతున్నారు. కేంద్రం వసూలు చేసిన పన్నుల మొత్తాన్ని రాష్ట్రాలకు ఎలా పంచాలి, నాన్‌ప్లాన్ గ్రాంట్లు, లోన్లు ఎలా పంచాలన్నదే ఆర్థిక సంఘం పని.
 
 ప్రత్యేకహోదాతో దానికి ఎలాంటి సంబంధం లేదు. హోదా ఇవ్వాలా లేదా అన్న నిర్ణయం తీసుకోవాల్సింది ప్రధానమంత్రి. ఎందుకంటే కేంద్ర మంత్రిమండలి, నీతి ఆయోగ్, ప్రణాళికా సంఘం, జాతీయ అభివృద్ధి మండలి... అన్నింటికీ సారథ్యం వహించేది ప్రధానమంత్రి. ఆదొక ఎగ్జిక్యూటివ్ నిర్ణయం మాత్రమే. కేబినెట్ ఇవ్వాలనుకుంటే ప్రత్యేకహోదా ఇచ్చేయవచ్చు. గతంలో 11 రాష్ట్రాలకు ప్రత్యేకహోదా ఇచ్చారు.
 
 వాటన్నింటికీ కేబినెట్‌లో నిర్ణయం తీసుకుని అమలు చేశారే తప్ప ఎక్కడా ఒక యాక్ట్ ద్వారా వచ్చింది కానేకాదు. గతంలో వాజ్‌పేయి ప్రభుత్వం ఉత్తరాఖండ్‌ను విభజించి, ప్రత్యేక హోదా ఇచ్చాక జాతీయ అభివృద్ధి సంఘానికి అనుమతి కోసం పంపారు. అవన్నీ తెలిసినా చంద్రబాబు కావాలని ప్రజలను మభ్యపెడుతున్నారు.
  
 ప్రత్యేక హోదా వస్తే లక్షల్లో ఉద్యోగాలు...
 ప్రత్యేకహోదావస్తే ప్రధానంగా రెండు లాభాలున్నాయి. రాష్ట్రానికి కేంద్రంనుంచి వచ్చే నిధులు 90 శాతం నిధులు గ్రాంటుగా, 10 శాతం రుణాలుగా వస్తాయి. అంటే గ్రాంటును తిరిగి చెల్లించాల్సిన అవసరంలేదు. ప్రత్యేకహోదా లేని రాష్ట్రాలకు 70 శాతం నిధులు రుణాలుగా, 30 శాతం మాత్రమే గ్రాంట్లుగా వస్తాయి. అంటే రాష్ట్రంపై అప్పుల భారం పెరుగుతుంది. ప్రత్యేకహోదా ఉన్న రాష్ట్రాలకు మాత్రమే భారీగా పారిశ్రామిక రాయితీలు వస్తాయి.
 
 100 శాతం ఎక్సైజ్ పన్ను, ఆదాయపు పన్ను  మినహాయింపు ఉంటుంది. అలాంటి సదుపాయాలున్నప్పుడు పారిశ్రామికవేత్తలు రాష్ట్రానికి వస్తారు, పరిశ్రమలు స్థాపిస్తారు, లక్షల్లో ఉద్యోగాలు వస్తాయి. హిమాచల్‌ప్రదేశ్, ఉత్తరాఖండ్ వెళ్లి చూస్తే ప్రత్యేకహోదావల్ల జరిగిన మేలేమిటో తెలుస్తుంది. ఉత్తరాఖండ్‌లో రెండువేల పరిశ్రమలు వచ్చాయి. రూ.30 వేలకోట్ల పెట్టుబడులతో 130 శాతం అధికంగా పరిశ్రమలు రావడంవల్ల ఉపాధి అవకాశాలు 490 శాతం పెరిగాయి. హిమాచల్ ప్రదేశ్‌లో పదివేల పరిశ్రమలు వచ్చాయి.
 
 ఇవన్నీ చంద్రబాబుకు తెలిసినా ప్రత్యేకహోదా కోసం పట్టుపట్టకుండా పిల్లల జీవితాలతో చెలగాటమాడుతున్నారు. ఎన్నికలకు ముందు రాష్ర్టంలో ఏ టీవీ పెట్టినా.. జాబు రావాలంటే బాబు రావాలంటూ వినిపించేది. జాబు ఇవ్వకపోతే నెలకు రూ.రెండువేలు నిరుద్యోగ భృతి ఇస్తానన్నాడు. రాష్ట్రంలో 1.75 కోట్ల ఇళ్లున్నాయి. ఏ ఒక్కరికైనా జాబు వచ్చిందా? నిరుద్యోగ భృతి వచ్చిందా? ఆయన ఉద్యోగాలివ్వరు. ప్రత్యేకహోదా వల్ల పరిశ్రమలు వస్తాయని తెలిసినా పట్టించుకోడు. రాష్ట్రాభివృద్ధితో, బిడ్డల భవిష్యత్తుతో ఆడుకుంటున్న చంద్రబాబు మనిషేనా?
  
 హోదావస్తే ప్రతి జిల్లా ఒక హైదరాబాద్...
 972 కిలోమీటర్ల సముద్ర తీరమున్న రాష్ట్రం మనది. ప్రత్యేకహోదా వస్తే ప్రతి జిల్లా ఒక హైదరాబాద్ అవుతుంది. ఉద్యోగంకోసం మనం వెదుకులాడే పరిస్థితి నుంచి మనకు కావాల్సిన కంపెనీలో ఉద్యోగం చేసే పరిస్థితి వస్తుంది. అందుకే ప్రత్యేకహోదా వల్ల రాష్ట్రానికి, విద్యార్థులకు కలిగే లాభమేమిటో ప్రతి విద్యార్థికీ తెలియాలి. తెలిసినవారు మరో నలుగురికి చెప్పాలి. మనహక్కుకోసం మనం కలసి పోరాడదాం.
 
 కేంద్ర రాష్ట్ర ప్రభుత్వాలపై ఒత్తిడి తీసుకువచ్చేందుకు మంగళగిరిలో దీక్ష చేశాం. ఢిల్లీలో దీక్ష చేశాం. బంద్‌కు పిలుపునిచ్చాం. 26నుంచి గుంటూరులో నిరవధిక దీక్ష చేస్తున్నా. వీటన్నింటితోపాటు మీ సహకారం కావాలి. అందరం కలసి చంద్రబాబు నాయుడుపై ఒత్తిడి తీసుకురావాలి. ప్రత్యేకహోదా ఇవ్వకపోతే కేంద్ర ప్రభుత్వంనుంచి తన మంత్రులను ఉపసంహరించుకుంటానని ఏ రోజైతే చంద్రబాబు చెప్తాడో ఆ రోజు కేంద్రంలోని బీజేపీ ప్రభుత్వం దిగివస్తుంది, ప్రత్యేకహోదా ఇస్తుంది. ఈ పోరాటంలో మనమంతా కలసికట్టుగా కృషిచేస్తే విజయం సాధిస్తాం. రాష్ట్రానికి ప్రత్యేకహోదా సాధిస్తాం.
  
 కార్యక్రమంలో వైఎస్సార్ కాంగ్రెస్ పార్టీ ప్రధాన కార్యదర్శి విజయసాయిరెడ్డి, విద్యార్థి విభాగం రాష్ట్ర అధ్యక్షులు షేక్ సలాంబాబు, చిత్తూరు జిల్లా అధ్యక్షుడు వి.హరిప్రసాద్‌రెడ్డి, ఎస్వీయూ విశ్రాంత అధ్యాపక సంఘం అధ్యక్షుడు ఎం.సూర్యనారాయణరెడ్డి, తెలుగు అకాడమీ మాజీ అధ్యక్షుడు జె.ప్రతాప్‌రెడ్డి, ఎస్వీయూ అధ్యాపక సంఘం మాజీ అధ్యక్షుడు కె.రాజారెడ్డి, కార్యదర్శి ఎం.రెడ్డిభాస్కర్‌రెడ్డి, పీలేరు డిగ్రీ కళాశాల లెక్చరర్ చంద్రయ్య, రాష్ట్ర ఆడిటింగ్ రిటైర్డ్ అధికారి మునిరాజ మాట్లాడారు.
 
 ఈ కార్యక్రమానికి  వైఎస్సార్ కాంగ్రెస్ పార్టీ ప్రధాన కార్యదర్శులు పెద్దిరెడ్డి రామచంద్రారెడ్డి, భూమన కరుణాకర్‌రెడ్డి,  పార్టీ మహిళా విభాగం రాష్ట్ర అధ్యక్షురాలు ఆర్‌కే రోజా, ఎంపీలు పెద్దిరెడ్డి మిథున్‌రెడ్డి, వరప్రసాద్, ఎమ్మెల్యేలు  దేశాయ్‌తిప్పారెడ్డి, నారాయణస్వామి, డాక్టర్ సునీల్, కొరముట్ల శ్రీనివాసులు తదితరులు హాజరయ్యారు.
  
 విద్యార్థులదే నాయకత్వం
 ప్రత్యేక హోదా సాధన కోసం విద్యార్థి లోకం కదం తొక్కింది. తిరుపతిలో యువభేరి సదస్సును విజయవంతంగా నిర్వహించింది. సదస్సుకు పలువురు రాజకీయనాయకులు హాజరైనా ఆద్యంతం విద్యార్థులకే ప్రాధాన్యం ఇచ్చారు. వేదికపై కూడా విద్యార్థి నాయకులే ఎక్కువగా కనిపించారు. రాజకీయ నాయకులకు దిశా నిర్దేశం కలిగించేలా విద్యార్థుల ప్రసంగాలు నడిచాయి. విద్యార్థి ప్రతినిధులు లేఖశ్రీ, బి.తేజేశ్‌రెడ్డి ప్రసంగాలు ఆలోచన రేకెత్తిం చాయి.
 
 జగన్‌మోహన్‌రెడ్డి ప్రసంగానికి విశేష స్పందన లభించింది. విద్యార్థుల కేరింతలు, చప్పట్లు, జై జగన్ నినాదాలతో ప్రాంగణం మార్మోగింది. ప్రభుత్వం ఆంక్షలు విధించి ఎస్వీయూలో అనుమతి నిరాకరించినా సదస్సుకు వేలాది మంది విద్యార్థులు తరలి వచ్చి ప్రత్యేకహోదా అవసరాన్ని ఎలుగెత్తి చాటారు. హోదాకోసం ఉద్యమిస్తామంటూ, హోదా సాధిస్తామంటూ నినదించారు. రాష్ట్రాభివృద్ధికి, ఉద్యోగాల కల్పనకు హోదా అత్యంత అవసరమని స్పష్టం చేశారు.
  
 హోదాకోసం విద్యార్థులు ఉద్యమించాలి
 మనమంతా యువకులం. ఈ తరానికి చెందినవాళ్లం. పార్లమెంటులో ఏదైనా హామీ ఇస్తే అది నెరవేరుతుందని విశ్వసిస్తాం. పార్లమెంటును చూసి నేర్చుకోవాలనుకుంటాం. కానీ రాష్ర్ట విభజన జరిగిన సమయంలో పార్లమెంటు జరిగిన తంతు చూసి... ఇదా ప్రజాస్వామ్యమని భారతీయులుగా సిగ్గుతో తలదించుకోవాల్సి వచ్చింది.
 
 కానీ పార్లమెంటు సాక్షిగా ప్రధాని ఇచ్చిన హామీకి దిక్కూ దివాణం లేకపోతే మనమంతా ఎక్కడికి వెళ్లాలి? ఎవర్ని విశ్వసించాలి? కేంద్ర మంత్రుల్లో కొందరు ప్రత్యేకహోదా ఇస్తామంటారు, కొందరు రాదంటారు. చంద్రబాబు అది సంజీవని కాదంటారు. స్పీకర్ ఇది జిందా తిలిస్మాత్ కాదంటారు. అసలు ప్రత్యేకహోదా ఇస్తారో ఇవ్వరో స్పష్టంగా చెప్పకుండా ప్రజల్ని గందరగోళ పరుస్తున్నారు. ఈ నేపథ్యంలో యూనివర్సిటీలో చదువులు పూర్తిచేసి ఉద్యోగాలకోసం ఎదురుచూసే విద్యార్థులు ప్రత్యేకహోదా వల్ల వచ్చే ఉద్యోగావకాశాల గురించి తెలుసుకోవాల్సిన అవసరం ఉంది.
 
 అందుకే యూనివర్సిటీల్లో ప్రత్యేక హోదాపై చర్చ జరగాలి. విద్యార్థులు అవగాహన పెంచుకుని... కేంద్ర, రాష్ట్ర ప్రభుత్వాల్లోని పెద్దలకు బుద్ధి వచ్చేలా, గడ్డిపెట్టేలా ఉద్యమించాలి. కానీ ప్రభుత్వం మాత్రం దీనిపై విద్యార్థులకు అవగాహన కలగకూడదంటుంది. యూనివర్సిటీలో హోదాపై చర్చ జరగకూడదంటుంది. జగన్ వస్తున్నాడని తెలిసి వర్సిటీలో ఎలాంటి మీటింగులు జరగకూడదని హుకుం జారీ చేశారు సర్కారు పెద్దలు. అయ్యా చంద్రబాబూ...
 
 తెలుగుదేశం పార్టీ లెజిస్లేటివ్ పార్టీ మీటింగ్ జరిగింది ఈ యూనివర్సిటీలో కాదా? ప్రధాని నరేంద్రమోదీతో మీరు సమావేశం పెట్టించింది ఈ వర్సిటీలో కాదా? యూనివర్సిటీలో రాజకీయ సమావేశాలు జరగకూడదని ఆరోజు గుర్తుకురాలేదా? ఈ సమావేశ వేదికపైన ఉన్నది యూనివర్సిటీ ప్రొఫెసర్లు, మేధావులు. వచ్చింది విద్యార్థులు. ఇక రాజకీయం ఎక్కడుంది చంద్రబాబూ? మీ నిరంకుశ పోకడలను ప్రజలు గమనిస్తున్నారు. త్వరలోనే గట్టిగా బుద్ధి చెప్తారు.


 సాక్షి, హైదరాబాద్: ఆంధ్రప్రదేశ్ పురోభివృద్ధికి ఎంతో కీలకమైన ప్రత్యేక హోదా సాధన కోసం రాష్ట్రంలోని ఐదు కోట్ల మంది గర్జించాలని వైఎస్సార్ కాంగ్రెస్ పార్టీ పిలుపునిచ్చింది. రాష్ట్రం ప్రగతి పథంలో పయనించాలంటే ప్రత్యేక హోదా ఒక్కటే మార్గమని, అదే రాష్ట్రానికి ప్రాణవాయువు అని స్పష్టం చేసింది. తెలుగువాడి గర్జన ఢిల్లీ వరకు వినిపించాలని పేర్కొంది. ప్రత్యేక హోదా కోసం ప్రతిపక్ష నేత, వైఎస్సార్‌సీపీ అధ్యక్షుడు వైఎస్ జగన్‌మోహన్‌రెడ్డి ఇప్పటికే అనేక రూపాల్లో పోరాటం కొనసాగిస్తున్నారు.
 
 ఇందులో భాగంగా ఈ నెల 26 నుంచి గుంటూరులో నిరవధిక నిరాహార దీక్ష చేపడుతున్న నేపథ్యంలో ప్రత్యేక హోదా వల్ల రాష్ట్రానికి చేకూరే ప్రయోజనాలను సోదాహరణంగా వివరిస్తూ వైఎస్సార్‌సీపీ మంగళవారం ఒక కరపత్రాన్ని విడుదల చేసింది. హోదా వల్ల రాష్ట్రంలో యువతకు ఉద్యోగ, ఉపాధి అవకాశాలు పెరుగుతాయని కరపత్రంలో వెల్లడించిం ది. ప్యాకేజీ పేరుతో ప్రజలను మభ్యపెడుతున్న తీరును ఎండగట్టింది.
 
 హోదా సంజీవని కాదని, సర్వరోగ నివారిణి జిందా తిలిస్మాత్ కానేకాదంటూ అధికారంలో ఉన్న నేతల అడ్డగోలు ప్రకటనలు రాష్ట్ర ప్రయోజనాలను కాలరాయడమేనని విమర్శించింది. ఇలాంటి దుస్సాహసానికి ఒడిగడుతున్న పార్టీలు, నాయకులు, ప్రభుత్వాలకు వ్యతిరేకంగా ఉద్యమించాల్సిన సమయమిదేనని వివరించింది. ప్రత్యేక హోదా ఏపీ హక్కు, దానిని ఇవ్వడం ప్రభుత్వాల బాధ్యత అని గుర్తుచేసింది. ప్రత్యేక హోదాయే సంజీవని, శ్రీరామరక్ష అని స్పష్టం చేసింది. నిరాశ నిస్పృహల్లో ఉన్న యువతకు ఉద్యోగ, ఉపాధి అవకాశాలు కల్పించడానికి పరిశ్రమలు రావాల్సిన అవసరం ఉందని పేర్కొంది.
 
 హోదాతో ఎన్నో రకాల రాయితీలు లభించి, రాష్ట్రం పారిశ్రామికంగా ముందుకు వెళుతుందని తెలిపింది.  ప్రత్యేక హోదా సాధన కోసం ఈ నెల 26 నుంచి వైఎస్ జగన్ చేపడుతున్న నిరవధిక నిరాహార దీక్షకు బాసటగా నిలవాలని వైఎస్సార్‌సీపీ పిలుపునిచ్చింది. ప్రభుత్వ తప్పుడు ప్రచారం వల్ల ఇప్పటికే ఐదుగురు ఆత్మ బలిదానాలు చేసుకున్నారని ఆందోళన వ్యక్తం చేసింది. పోరాడి హోదా సాధించుకోవాలని పేర్కొంది. ప్రత్యేక హోదా ఇవ్వకుండా కాలయాపన చేయడమే కాకుండా దాన్ని నీరుగార్చే ప్రయత్నాలకు నిరసనగా ఆంధ్రులు చేసే గర్జన ఢిల్లీలో ప్రతిధ్వనించాలని కరపత్రంలో పిలుపునిచ్చింది.
  
 హోదా కోసం గర్జించు
 ప్రత్యేక హోదా ఏపీ ప్రజల హక్కు అని వైఎస్సార్‌సీపీ ఉద్ఘాటించింది. హోదా విషయంలో మోసం చేస్తున్న ప్రభుత్వాలపై పోరాడేందుకు అందరూ కలిసికట్టుగా ముం దుకు రావాలని కరపత్రంలో కోరింది. ‘‘రాష్ట్రాన్ని విభజించడమే అన్యాయం. ఆ అన్యాయం చేస్తున్న సమయంలో సాక్షాత్తూ పార్లమెంట్‌లో అప్పటి ప్రధాని ఆంధ్రప్రదేశ్‌కు ఐదేళ్లపాటు ప్రత్యేక హోదా ఇస్తామని హామీ ఇచ్చారు.
 
 ఐదేళ్లు చాలదు పదేళ్లు కావాలని బీజేపీ అప్పుడు డిమాండ్ చేసింది. తాము అధికారంలోకి వస్తే పదేళ్లు ఇస్తామని బీజేపీ ఏపీ ఎన్నికల మేనిఫెస్టోలో పెట్టింది. సీఎం చంద్రబాబు కూడా ప్రత్యేక హోదా పదేళ్లు కావాలని ఎన్నికలకు ముందు, ఆ తర్వాత చెప్పారు. అధికార, ప్రతిపక్ష పార్టీలు కలిసి రాష్ట్రాన్ని విభజించేముందు పార్లమెంట్‌లో ఇచ్చిన హామీకే దిక్కులేకపోతే ఇక ఆ చట్టసభకు విశ్వసనీయత ఏముం టుంది?’’ అని కరపత్రంలో సూటిగా ప్రశ్నించింది.
 
 ‘‘చంద్రబాబు ఏపీకి ప్రత్యేక హోదా కంటే తన ముఖ్యమంత్రి హోదా ఊడకుండా చూసుకోవడమే లక్ష్యంగా పనిచేస్తున్నారు. ఐదు కోట్ల మంది ప్రజలు, వారి పిల్లల భవిష్యత్తును, ముందు తరాల ప్రయోజనాలను తాకట్టు పెడుతూ ఢిల్లీకి వెళ్లి మరీ ప్రత్యేక హోదా సంజీవని కాదంటూ దుర్మార్గమైన ప్రకటన చేశారు’’ అని నిప్పులు చెరిగింది. ‘‘గర్జించు ఆంధ్రప్రదేశ్.. ప్రత్యేక హోదా కోసం గర్జించు’’ పేరుతో రూపొందించిన ఈ కరపత్రంలో ప్రత్యేక హోదా వల్ల దక్కే ప్రయోజనాలను తెలియజేశారు. ఈ కరపత్రాన్ని ప్రజల సౌలభ్యం కోసం వైఎస్సార్‌సీపీ తన వెబ్‌సైట్‌లో పొందుపరిచింది.


 రాష్ట్రానికి ప్రత్యేకహోదా కోసం గుంటూరు వేదికగా పోరాటం
  
 హైదరాబాద్: ఆంధ్రప్రదేశ్‌కు ప్రత్యేక హోదా సాధన కోసం వైఎస్సార్‌సీపీ అధ్యక్షుడు, ప్రతిపక్ష నేత వైఎస్ జగన్‌మోహన్‌రెడ్డి ఈ నెల 26వ తేదీ నుంచి గుంటూరు వేదికగా నిరవధిక నిరాహారదీక్ష చేపట్టాలని నిర్ణయించారు. పార్టీ కేంద్ర కార్యాలయంలో బుధవారం జగన్ అధ్యక్షతన జరిగిన పార్టీ జిల్లాల అధ్యక్షులు, ముఖ్యనేతల సమావేశంలో ఈ మేరకు నిర్ణయం తీసుకున్నారు. దీక్షను ఈ నెల 15వ తేదీ నుంచే చేపట్టాలని తొలుత భావించినప్పటికీ వినాయక చవితి, నిమజ్జనంతో పాటుగా బక్రీద్ పండుగ కూడా ఉండటంతో 26వ తేదీకి వాయిదా వేసుకున్నారు. గుంటూరు పట్టణంలో ప్రారంభమయ్యే ఈ దీక్షకు సంబంధించిన ఏర్పాట్లపై సమావేశంలో చర్చించారు. పార్టీ సంస్థాగత విషయాలపై కూడా చర్చించారు. రాష్ట్రంలోని అన్ని మండలాల్లో పార్టీ కమిటీలు, అనుబంధ విభాగాల కమిటీల నియామకాన్ని పదిహేను రోజుల్లోగా పూర్తి చేయాలని జగన్ ఈ సందర్భంగా పార్టీ నేతలకు సూచించారు.
 
 కింది స్థాయి నుంచీ పార్టీ నిర్మాణంపై ప్రత్యేక దృష్టి సారించినపుడే బలోపేతం అవుతుందన్నారు. ఇప్పటికే చాలా వరకూ మండలాల్లో కమిటీలు పూర్తయ్యాయని సమావేశంలో నేతలు వెల్లడించారు. మిగతా మండలాల్లో కూడా ఆలస్యం చేయకుండా నియామకాలు జరగాలని జగన్ అన్నారు. ఈ సమావేశంలో ఎంవీ మైసూరారెడ్డి, వైవీ సుబ్బారెడ్డి, సజ్జల రామకృష్ణారెడ్డి, వి.విజయసాయిరెడ్డి, జ్యోతు ల నెహ్రూ, పెద్దిరెడ్డి రామచంద్రారెడ్డి, ధర్మాన కృష్ణదాస్, అనంత వెంకట్రామిరెడ్డి, కొడాలి నాని, పి.మిథున్‌రెడ్డి, బాలినేని శ్రీనివాసరెడ్డి, సుజయ్ కృష్ణరంగారావు, కోలగట్ల వీరభద్రస్వామి, రెడ్డి శాంతితో పాటుగా పలువురు జిల్లా నేతలు పాల్గొన్నారు.
  దీక్ష పోస్టర్ విడుదల...: 26 నుంచి జగన్ చేయతలపెట్టిన నిరవధిక నిరాహారదీక్షకు సంబంధించి ప్రత్యేకంగా రూపొందించిన పోస్టర్‌ను పార్టీ కార్యాలయంలో ధర్మాన ప్రసాదరావు విడుదల చేశారు. హక్కుగా సాధించుకోవాల్సిన ప్రత్యేక హోదా విషయంలో టీడీపీ ప్రభుత్వం నిర్లక్ష్యంగా వ్యవహరిస్తోందని ఆయన అన్నారు. కేంద్రంపై గట్టిగా ఒత్తిడి తెచ్చి తీసుకు రావాల్సిన ప్రత్యేక హోదా అంశాన్ని టీడీపీ నేతలు తమ స్వలాభాల కోసం నీరుగార్చుతున్నారని గ్రహించే జగన్ ఈ దీక్షకు పూనుకుంటున్నారని వివరించారు. ప్రత్యేక హోదా పొందిన అనేక రాష్ట్రాల్లో పెట్టుబడులు పెరిగాయని, వాటి ఆర్థిక స్థితిగతులు బాగుపడ్డాయని ఆయన పేర్కొన్నారు.
 
 విభజన వల్ల దారుణంగా నష్టపోయిన ఆంధ్రప్రదేశ్ అభివృద్ధికి ప్రత్యేకహోదా ఒక్కటే పరిష్కారం అని వైఎస్సార్‌సీపీ గట్టిగా విశ్వసిస్తోందన్నారు. ప్రత్యేక హోదాకు ప్రత్యేక ప్యాకేజీ ఏ మాత్రం ప్రత్యామ్నాయం కానే కాదని హోదా శాశ్వ తం, ప్యాకేజీ తాత్కాలికమన్నారు. రాష్ట్రం లోని ఐదు కోట్ల మంది ప్రజలు ముఖ్యంగా నిరుద్యోగ యువత ప్రత్యేక హోదా కావాలనే ఆకాంక్షతో ఉన్నారని వారి తరఫున జగన్ పోరాటానికి సిద్ధమవుతున్నారన్నారు. ఈ కార్యక్రమంలో పార్టీ నేతలు అంబటి రాంబా బు, కొత్తపల్లి సుబ్బారాయుడు, మేరుగ నాగార్జున, మర్రి రాజశేఖర్, పి.గౌతంరెడ్డి, కత్తెర క్రిస్టినా పాల్గొన్నారు.
  
  


 హైదరాబాద్: ఆంధ్రప్రదేశ్కు ప్రత్యేక హోదా ఇవ్వాలని డిమాండ్ చేస్తూ వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి ఈ నెల 26 నుంచి గుంటూరులో నిరవధిక నిరాహారదీక్ష చేయనున్నారు. బుధవారం హైదరాబాద్లోని లోటస్పాండ్ వైఎస్ఆర్ సీపీ కార్యాలయంలో వైఎస్ జగన్ ఏపీలోని అన్ని జిల్లాల పార్టీ అధ్యక్షులు, ముఖ్య నేతలతో సమావేశమయ్యారు. పార్టీ నేతలతో వైఎస్ జగన్ చర్చించి దీక్ష తేదీని ఖరారు చేశారు. పార్టీ కమిటీల నిర్మాణం త్వరితగతిన పూర్తి చేయాలని వైఎస్ జగన్ పార్టీ నేతలను ఆదేశించారు.
 
 ఏపీకి ప్రత్యేక హోదా కోసం ఈ నెల 15 నుంచి గుంటూరులో దీక్ష చేపట్టాలని వైఎస్ జగన్ ఇంతకుముందు నిర్ణయించారు. అయితే 17న వినాయక చవితి పండగ ఉండటంతో పార్టీ శ్రేణుల సూచన మేరకు దీక్ష తేదీని వాయిదా వేసుకున్నారు. వైఎస్ జగన్ ఈ రోజు పార్టీ నేతలతో చర్చించి దీక్ష తేదీని ఖరారు చేశారు.


 రోడ్ మ్యాప్ తయారు చేస్తున్నపుడు డెడ్‌లైన్లు సరికాదు: సీఎం
 సాక్షి, హైదరాబాద్: రాష్ట్రానికి ప్రత్యేక హోదా సాధన కోసం ఢిల్లీకి అఖిలపక్షాన్ని తీసుకెళ్లాల్సిన అవసరం లేదని ముఖ్యమంత్రి చంద్రబాబు అన్నారు. రాష్ట్రానికి సాయం చేసేందుకు కేంద్ర ప్రభుత్వం రోడ్‌మ్యాప్ తయారు చేస్తున్న ఈ సమయంలో డెడ్‌లైన్లు పెట్టడం సరికాదన్నారు. అసెంబ్లీ గురువారానికి వాయిదా పడిన అనంతరం బుధవారం శాసనసభ ఆవరణలో ఆయన మీడియాతో మాట్లాడారు. ప్రతిపక్ష నేత వైఎస్ జగన్‌మోహన్‌రెడ్డి ఈ నెల 15 నుంచి చేస్తానంటున్న నిరవధిక నిరాహారదీక్షలో చిత్తశుద్ధి లేదని చంద్రబాబు వ్యాఖ్యానించారు.
 
 ప్రభుత్వం చేపట్టే ప్రతి పనిని రాజకీయం చేయాలని ప్రతిపక్షం చూస్తోందన్నారు. గతంలో రాజధాని నిర్మాణానికి వ్యతిరేకించారని, ఇపుడు పట్టిసీమ ప్రాజెక్టును వ్యతిరేకిస్తున్నారన్న సీఎం.. సాగునీటి ప్రాజెక్టుల వంటి మంచి అంశాలను రాజకీ యం చేయటం సరికాదన్నారు. పట్టిసీమను పూర్తి చేసి రాయలసీమకు నీరందిస్తామని పునరుద్ఘాటించారు. జగన్ సొంతూరుకు కూడా నీరందిస్తాం, అపుడు ఏం చెప్తారు, మేం వద్దన్నా నీరిచ్చారని చెప్తారా అని ప్రశ్నించారు. ప్రధాని మోదీతో భేటీ అయ్యేందుకు సాహసించలే ని వ్యక్తి ఏం సాధిస్తారని అన్నారు.
  
 సేవ చేయాలనే ఆలోచన ఉన్న వ్యక్తులు పార్టీలో చేరండి
 ప్రజలకు సేవ  చేయాలనే ఆలోచన ఉన్న బలమైన మంచి వ్యక్తులకు టీడీపీ ఆహ్వానం పలుకుతోందని ఆ పార్టీ అధ్యక్షుడు చంద్రబాబు అన్నారు. బుధవారం ప్రకాశం జిల్లా చీరాల ఎమ్మెల్యే ఆమంచి కృష్ణమోహన్, జిల్లా సహకార మార్కెటింగ్ సొసైటీ చైర్మన్ ఈదర మోహన్ టీడీపీలో చేరారు. వారికి చంద్రబాబు పచ్చ కండువా కప్పి పార్టీలోకి  ఆహ్వానించారు. అనంతరం ప్రసంగించారు.


 15లోగా ఏపీకి ప్రత్యేక హోదా ప్రకటన రాకుంటే గుంటూరు వేదికగా నిరశనకు దిగుతా: వైఎస్ జగన్
  
 హోదాపై బాబుకు చిత్తశుద్ధి లేదు 
 ఓటుకు కోట్లు కేసులో ఆయన అడ్డంగా చిక్కారు
 దాన్నుంచి తప్పించుకునేందుకు హోదాను తాకట్టు పెట్టారు
 ఆయన మాటలవల్లే ఐదుగురు బలిదానం చేసుకున్నారు
 ఇవ్వాళ కూడా మేం పట్టుబడితే తీర్మానం పెట్టారు
 కేంద్రంపై ఒత్తిడి పెంచేందుకే దీక్ష
  
 ఆంధ్రప్రదేశ్‌కు ప్రత్యేక హోదా సాధన కోసం ఈ నెల 15 నుంచి గుంటూరులో నిరవధిక నిరాహారదీక్ష చేపట్టనున్నట్టు వైఎస్సార్‌సీపీ అధ్యక్షుడు వైఎస్ జగన్ ప్రకటించారు. చంద్రబాబు అధికారంలోకి వచ్చి 15 నెలలైందని, ప్రత్యేక హోదాపై ఇంకా ఎంతకాలం సాగదీస్తారని ప్రశ్నిస్తే సమాధానం చెప్పడం లేదన్నారు. విభజన జరిగేటపుడు అప్పటి అధికారప్రతిపక్షాలు రెండూ కలసి పార్లమెంటు సాక్షిగా ఇచ్చిన ప్రత్యేక హోదా హామీపై 15 నెలలుగా ఏమీ జరగలేదు. ఎప్పటిలోగా చేస్తారంటే సమాధానం రాదు. హోదా కోసం కేంద్రంపై ఒత్తిడి తెచ్చే కార్యక్రమాన్ని ఇంకా తీవ్రతరం చేయాలని, దీనికి అందరూ ఒక్కటై పోరాడాలని జగన్ పిలుపు నిచ్చారు. ప్రత్యేక హోదా కావాలని తాను ఇప్పటికే మంగళగిరిలో, ఢిల్లీలో ఆందోళన కార్యక్రమాలు చేపట్టామని అన్నారు. వీటితోపాటు తమ పార్టీ పిలుపు మేరకు జరిగిన రాష్ట్ర బంద్‌ను, కమ్యూనిస్టులు చేసిన బంద్, తాను 15 నుంచి చేయబోతున్న నిరాహారదీక్షను కూడా చూపించి చంద్రబాబు హోదా కోసం పట్టుపట్టాలని జగన్ డిమాండ్ చేశారు. లేకుంటే బాబు మెడలు వంచైనా హోదా సాధిస్తామన్నారు.
  
 హైదరాబాద్: ఆంధ్రప్రదేశ్‌కు ప్రత్యేక హోదా సాధన కోసం ఈ నెల 15వ తేదీ నుంచి గుంటూరులో నిరవధిక నిరాహారదీక్షకు చేపట్టనున్నట్టు వైఎస్సార్‌సీపీ అధ్యక్షుడు, ప్రతిపక్ష నేత జగన్‌మోహన్‌రెడ్డి ప్రకటించారు. ప్రత్యేక హోదా కోసం ఒత్తిడి చేసే క్రమంలో భాగంగా తాను ఈరోజు నుంచి (మంగళవారం) 15 వ తేదీ వరకూ సమయం ఇస్తున్నానని, 15 వ తేదీన నిరాహారదీక్షను ప్రారంభిస్తానని చెప్పారు. ఆయన మంగళవారం సాయంత్రం పార్టీ కేంద్ర కార్యాలయంలో సహచర ఎమ్మెల్యేల సమక్షంలో విలేకరుల సమావేశంలో మాట్లాడారు. ప్రత్యేక హోదా సాధనపై ముఖ్యమంత్రి చంద్రబాబునాయుడుకు ఏ మాత్రం చిత్తశుద్ధి లేదనేది ఈరోజు శాసనసభలో చర్చ సందర్భంగా ఆయన మాట్లాడిన తీరును బట్టి స్పష్టంగా రుజువైందని, ఆయన నుంచి ఏ మాత్రం సంతృప్తికరమైన సమాధానం రాలేదని విమర్శించారు. హోదా కోసం కేంద్రంపై ఒత్తిడి తెచ్చే కార్యక్రమాన్ని ఇంకా తీవ్రతరం చేయాలని, దీనికి అందరూ ఒక్కటై పోరాడాలని జగన్ పిలుపు నిచ్చారు.
 
 ప్రత్యేక హోదా కావాలని తాను ఇప్పటికే మంగళగిరిలో రెండు రోజులపాటు నిరాహారదీక్ష చేశానని, ఆ తరువాత పార్టీ ఎమ్మెల్యేలు, ఎమ్మెల్సీలు, వేలాదిమంది కార్యకర్తలు, ప్రత్యేక హోదాను వాంఛించే ప్రజలతో కలిసి ఢిల్లీలో ఒక రోజు ధర్నా చేశామని గుర్తుచేశారు. ప్రత్యేక హోదా కోసం చేసిన ఆందోళన, తమ పార్టీ పిలుపు మేరకు జరిగిన రాష్ట్ర బంద్‌ను, కమ్యూనిస్టులు చేసిన బంద్‌ను చూపించి రాష్ట్ర ప్రజలు ప్రత్యేక హోదాను ఎంతగా వాంఛిస్తున్నారో కేంద్రానికి నచ్చజెప్పి తాను 15వ తేదీ నుంచి చేయబోతున్న నిరాహారదీక్షను కూడా చూపించి చంద్రబాబునాయుడు ప్రత్యేక హోదా కోసం గట్టిగా పట్టుపట్టాలని జగన్ డిమాండ్ చేశారు. రాష్ట్ర ప్రజల మనోభావాలను కేంద్రానికి చూపించి ప్రత్యేక హోదాను సాధించాలని, లేకుంటే చంద్రబాబు మెడలు వంచైనా ఇది సాధిస్తామని తేల్చిచెప్పారు. ఇంకా ఆయనేం చెప్పారంటే...
 
 ఎంత కాలమంటే చెప్పరెందుకు?
 చంద్రబాబు అధికారంలోకి వచ్చి 15 నెలలైంది. ప్రత్యేక హోదాపై ఇంకా ఎంతకాలం సాగదీస్తారని ప్రశ్నిస్తే సమాధానం చెప్పడం లేదు. విభజన జరిగేటపుడు అప్పటి ప్రధానమంత్రి, అధికారప్రతిపక్షాలు రెండూ కలిసి పార్లమెంటు సాక్షిగా ఇచ్చిన ప్రత్యేక హోదా హామీపై 15 నెలలుగా ఏమీ జరగలేదు. ఎప్పటిలోగా చేస్తారంటే సమాధానం రాదు. ఇవాళ తీర్మానం కూడా మేము గట్టిగా పట్టుపడితేనే పెటా ్టరు. ఈ తీర్మానానికి బలం రావాలి, కేంద్రంపై ఒత్తిడి పెరగాలి అంటే కేంద్రంలో ఉన్న టీడీపీ మంత్రులను ఉపసంహరించుకుంటేనే సాధ్యమవుతుందని చెప్పాం. 15 రోజులో లేదా ఒక నెల రోజులో  డెడ్‌లైన్‌ను ఇచ్చి... ఈలోపుగా కేంద్రం ప్రత్యేక హోదాను ప్రకటించకపోతే అందరమూ కలిసి మరో నాలుగడుగులు ముందుకేస్తామని కేంద్రానికి గట్టిగా చెప్పాలని డిమాండ్ చేశా. చంద్రబాబు ఏమీ చేయకపోగా ప్రజలను అయోమయంలో పడేసే విధంగా ప్రకటనలు చేస్తున్నారు.
 
 చంద్రబాబు ఢిల్లీలో ఒకరకంగా, విజయవాడలో మరో రకంగా మాట్లాడుతున్నారు. ఇక కేంద్ర మం త్రులైతే తలో రకంగా మాట్లాడుతూ గం దరగోళంలో పడేస్తున్నారు. ఇలా అయోమయపరిచే ప్రకటనలవల్ల, ఉద్యోగాలు రావనే భయంతో రాష్ట్రంలో ఐదుగురు మరణించారు. ముగ్గురు ఆత్మబలిదానాలు చేసుకుంటే మరో ఇద్దరు గుండె ఆగి మరణించారు. మరో ఐదుమంది ఆత్మహత్యాయత్నం చేసుకుని చికిత్స పొందుతున్నారు. ఆ బాధిత కుటుంబాలకు ఒక్క దమ్మిడీ కూడా ఆర్థిక సాయం ప్రభుత్వం ఇంతవరకూ చేయలేదంటే... ఆత్మబలిదానాలు చేసుకున్న కుటుం బాలపై ఎంత ప్రేమ ఉందో అర్థమవుతోంది.
  
  
 చంద్రబాబు, కేంద్రం మారాలి
 చంద్రబాబు మారాలి, చిత్తశుద్ధితో ఆయన కేంద్రంపై ఒత్తిడి తెస్తేనే ప్రత్యేక హోదా వస్తుందనే విషయం ఆయన మర్చిపోకూడదు. అలా కాకుండా లంచాలతో సంపాదించిన డబ్బుతో ఓటుకు కోట్లు ఇస్తూ... అడ్డగోలుగా సంపాదించిన బ్లాక్‌మనీని విచ్చలవిడిగా ఖర్చు చేస్తూ వీడియో, ఆడియో టేపుల్లో దొరికిపోయి, ఆ కేసుల నుంచి బయట పడేందుకు చంద్రబాబు ప్రయత్నిస్తున్నారు. రాష్ట్ర ప్రయోజనాలను ఫణంగా పెట్టి బయటపడే యత్నం చేస్తున్నారు. ప్రత్యేక హోదాపై కేంద్ర మంత్రివర్గం నిర్ణయం తీసుకోవాలి. కేంద్ర మంత్రివర్గానికి, నీతి ఆయోగ్‌కు, ప్రణాళికా సంఘం ఉంటే దానికి, ఎన్డీసీకి నేతృత్వం వహించేది ప్రధానమంత్రే. అన్నింటికీ  ఆయనే నేతృత్వం వహిస్తున్నప్పుడు ఒక ఎగ్జిక్యూటివ్ నిర్ణయం తీసుకోవడానికి ఎందుకింత ఆలస్యం అయిందంటే... సమాధానం చెప్పేవారు లేరు. అందుకే ప్రత్యేక హోదాకోసం కేంద్రంపై ఒత్తిడి తీవ్రతరం చేసేందుకే నిరాహారదీక్షకు పూనుకుంటున్నా. సెప్టెంబర్ 15 వ తేదీ నిరాహారదీక్షే కాదు రాబోయే రోజుల్లో ఇంకా ఎక్కువ ఒత్తిడి చేసే కార్యక్రమాలు చేపడతాం. ప్రత్యేక హోదాపై రాష్ట్ర, కేంద్ర ప్రభుత్వాల మెడలు వంచేవరకూ ఈ పోరాటం కొనసాగుతుంది.
  


 
 హైదరాబాద్ :  ఆంధ్రప్రదేశ్కు ప్రత్యేక హోదా ఇచ్చేంతవరకూ  వైఎస్ఆర్ కాంగ్రెస్ పార్టీ పోరాడుతుందని ఆ పార్టీ అధినేత వైఎస్ జగన్ మోహన్ రెడ్డి స్పష్టం చేశారు. ఈ నెల 15లోపు ప్రత్యేక హోదాపై ప్రకటన  రాకుంటే నివరధిక నిరాహార దీక్ష చేపడతామని ఆయన వెల్లడించారు.  వైఎస్ జగన్ మంగళవారం సాయంత్రం మీడియా సమావేశంలో మాట్లాడుతూ ప్రత్యేక హోదాపై కేంద్రంపై అందరూ కలిసికట్టుగా ఒత్తిడి తేవాలన్నారు.
 అప్పటికీ కేంద్రం నుంచి ప్రకటన రాకుంటే ...సెప్టెంబర్ 15వ తేదీన గుంటూరులో నివరధిక నిరాహార దీక్ష చేస్తామని వైఎస్ జగన్ తెలిపారు.  ప్రత్యేక హోదా విషయంలో కేంద్రం నుంచి తన మంత్రులను చంద్రబాబు నాయుడు ఉపసంహరించుకుంటానంటే కేంద్రంలో కదలిక వస్తుందని వైఎస్ జగన్ అన్నారు. కేంద్రంపై ఒత్తిడిని మరింత తీవ్రతరం చేస్తామన్నారు.
 
 
 వైఎస్ జగన్ ఏం మాట్లాడారంటే....
 
 ప్రత్యేక హోదాపై ఒక్కొక్కరు ఒక్కోలా మాట్లాడుతున్నారు
 
 హోదాను ఎప్పటిలోగా సాధిస్తారన్న దానిపై మేం చంద్రబాబును పదేపదే అడిగాం
 
 కానీ, చంద్రబాబు నోట నుంచి మాట రాలేదు
 
 ప్రత్యేక హోదాపై అసెంబ్లీలో చంద్రబాబు ఇచ్చిన వివరణ అస్పష్టంగా ఉంది
 
 ఏపీకి ప్రత్యేక హోదా కోసం ఆత్మార్పణ చేసుకున్నవారి పేర్లు కూడా ప్రభుత్వానికి తెలియదు
 
 హోదా కోసం ఆత్మార్పణ చేసుకున్న వారికి ఇంతవరకూ ఒక్క దమ్మిడి పైసా కూడా ప్రభుత్వం ఇవ్వలేదు
 
 చంద్రబాబు చెప్తున్న మాటల్లో, చేస్తున్న పనుల్లో చిత్తశుద్ధి కనిపించలేదు
 
 కేసుల్లోంచి బయటపడేందుకే చంద్రబాబు ఎక్కువ దృష్టి పెడుతున్నారు తప్ప హోదాపై కాదు
 
 ప్రత్యేక హోదా కోసం మంగళగిరిలో 2 రోజుల దీక్ష చేశాం. ఢిల్లీలో ధర్నా చేశాం. బంద్ కూడా పాటించాం
 
 కమ్యూనిస్టులు బంద్ చేస్తే మద్దతు ఇచ్చాం
 
 కేబినెట్, నీతి ఆయోగ్, ప్రణాళికా సంఘం, నేషనల్ డెవలప్మెంట్ కౌన్సిల్కు ప్రధానే అధ్యక్షుడు
 
 ఒక నిర్ణయం తీసుకోవడానికి ఎన్నిరోజులు పడుతుందని అడిగితే ఎవ్వరూ సమాధానం చెప్పడం లేదు
 
 బీజేపీ సభ్యులు బాధ్యతారహితంగా మాట్లాడుతున్నారు
 
 చంద్రబాబు తన మంత్రులను ఉపసంహరించుకుంటేనే కేంద్రంపై ఒత్తిడి వస్తుంది
 
 అది జరగాలి అంటే ఇక్కడ చంద్రబాబు ఒత్తిడి చేయాల్సి ఉంది
 
 ఏపీకి ప్రత్యేక హోదా కోసం చంద్రబాబు, కేంద్రం మెడలు వంచాల్సిన పరిస్థితి ఉంది
 
 ఏపీకి ప్రత్యేక హోదా కోసం అంతా ఒక్కటై పోరాడుదాం


 న్యూఢిల్లీ: రక్షణ శాఖలో ‘ఒకే ర్యాంకు ఒకే పెన్షన్(ఓఆర్‌ఓపీ)’ అమలు చేయాలన్న డిమాండ్‌తో ఉద్యమిస్తున్న మాజీ సైనికులు తమ ఆందోళనను మరింత తీవ్రం చేయాలని నిర్ణయించారు. ఈ నెల 24 నుంచి నిరవధిక నిరాహార దీక్షకు దిగనున్నట్టు ‘యునెటైడ్ ఫ్రంట్ ఆఫ్ ఎక్స్ సర్వీస్‌మెన్ మూవ్‌మెంట్’ మీడియా సలహాదారు కల్నల్(రిటైర్డ్) అనిల్ కౌల్ తెలిపారు.
 
 మాజీ జవాన్లు డిమాండ్ చేస్తున్న ఓఆర్‌ఓపీని  ప్రభుత్వం సూత్రప్రాయంగా ఆమోదించిందని పంద్రాగస్టున ప్రధాని చెప్పినప్పటికీ.. దీనిని ఎప్పటినుంచి అమలు చేసేది పేర్కొనకపోవడం వారిని నిరాశకు గురిచేసింది.   
  


 - ఢిల్లీలోని జంతర్‌మంతర్ వేదికగా ప్రారంభం
 - పార్లమెంటులో రైతుల సమస్యలపై చర్చించేందుకే
 - మాజీ ప్రధాని హెచ్.డి.దేవేగౌడ వెల్లడి
 సాక్షి, బెంగళూరు: కర్ణాటకలో రైతు ఆత్మహత్యలు సాగుతున్న నేపథ్యంలో పార్లమెంటులో రైతుల సమస్యలపై చర్చకు అవకాశం కల్పించాలనే డిమాండ్‌తో ఆమరణ నిరాహార దీక్ష చేపట్టనున్నట్లు మాజీ ప్రధాని హెచ్.డి.దేవేగౌడ వెల్లడించారు. ఢిల్లీలోని జంతర్-మంతర్‌లో సోమవారం నుంచి ఆమరణ నిరాహార దీక్ష చేపట్టనున్నట్లు తెలిపారు. శనివారమిక్కడి పార్టీ కార్యాలయంలో నిర్వహించిన విలేకరుల సమావేశంలో దేవేగౌడ మాట్లాడారు. కర్ణాటకతోపాటు దేశంలోని వివిధ ప్రాంతాల్లో రైతులు అనేక సమస్యలతో సతమతమవుతూ ఆత్మహత్యలకు పాల్పడుతున్నారని అన్నారు. వీరి సమస్యలపై చర్చించేందుకు పార్లమెంటులో అవకాశం లభించడం లేదని ఆవేదన వ్యక్తం చేశారు.
 
 రైతుల సమస్యలపై చర్చించేందుకు అవకాశం కల్పించాలని తాను ఇప్పటికే స్పీకర్‌కు లేఖ రాశానని, అయితే ఈ అంశంపై స్పీకర్ నుంచి ఎలాంటి సమాధానం లభించలేదన్నారు. అందుకే ఆమరణ నిరాహార దీక్ష చేపట్టాలని నిర్ణయించినట్లు చెప్పారు. పార్లమెంటులో రైతుల సమస్యలపై చర్చకు అనుమతించే వరకు నిరాహార దీక్షను విరమించబోనని దేవేగౌడ స్పష్టం చేశారు. కాంగ్రెస్ పార్టీ కేవలం బీజేపీని ఇరకాటంలో పెట్టాలనే వ్యూహంతోనే పార్లమెంటు సమావేశాలను అడ్డుకుంటోందని, ఇక పాలనా విషయంలో పూర్తిగా విఫలమైన బీజేపీ పార్లమెంటు సమావేశాలు కొనసాగకపోవడమే మంచిదన్నట్లు వ్యవహరిస్తోందని మండిపడ్డారు.
 
 ఇలాంటి సందర్భంలో రైతుల సమస్యలపై అర్ధవంతమైన చర్చ సాగేందుకు పార్లమెంటులో అవకాశం లేకుండా పోయిందని ఆవేదన వ్యక్తం చేశారు. రైతుల పేరు చెప్పుకొని అధికారంలోకి వచ్చిన పార్టీలు అధికారం చేజిక్కించుకున్న తర్వాత వారి సంక్షేమాన్ని గాలికొదిలేస్తున్నారని, ఇలాంటి పార్టీలన్నింటికి త్వరలోనే ప్రజలు సరైన బుద్ధి చెబుతారని పేర్కొన్నారు.


 మందస:  ‘జనజీవన స్రవంతి కలసిపోవాలన్న ఉద్దేశంతో ఆంధ్ర పోలీసు ఉన్నతాధికారుల ముందు లొంగిపోయిన నా కుమారునిపై కేసులు ఉన్నాయంటూ ఒడిశా పోలీసులు తీసుకుపోయారు. ఏళ్ల తరబడి జైలులో నిర్బంధించడంతో మానసికంగా, శారీరకంగా కుంగిపోయాడు. విధి లేక ఈ నెల 23 నుంచి ఆమరణ నిరాహార దీక్ష చేపట్టాలని నిర్ణయించుకున్నాడు. పరామర్శకు వెళ్లిన తనకు ఈ విషయం తెలియజేస్తూ కొన్ని డిమాండ్లతో కూడిన లేఖను నాకు అందజేశాడు. నిరాహార దీక్ష చేస్తే నా కుమారుడి ప్రాణానికి ముప్పు వాటిల్లుతుంది. అందువల్ల ఆంధ్ర, ఒడిశా పోలీసులు కరుణించి నా కుమారుడి విడుదలకు  సత్వర చర్యలు చేపట్టాలి’.. ఇదీ మాజీ మావోయిస్టు దున్న కేశవరావు అలియాస్ ఆజాద్ తల్లి కాములమ్మ కన్నీటి నివేదన. తన కుమారుడు ఇచ్చిన లేఖను మంగళవారం తన స్వగ్రామం నల్లబొడ్డులూరులో విలేకరులకు ఆమె అందజేశారు.
  
  లొంగిపోయినా నిర్బంధంలోనే..
  ఈ సందర్భంగా ఆమె అందజేసిన వివరాల ప్రకారం.. చిన్నతనంలోనే ఇంటి నుంచి వెళ్లిపోయిన కేశవరావు మావోయిస్టు ఉద్యమంలో చేరి అజ్ఞాత జీవితం గడిపాడు. రాష్ట్ర ప్రభుత్వ పిలుపు మేరకు జనజీవన స్రవంతిలో కలిసిపోయేందుకు 2011 మే 18న అప్పటి పలాస ఎమ్మెల్యే జుత్తు జగన్నాయకులు ద్వారా డీజీపీ అరవిందరావు సమక్షంలో పోలీసులకు లొంగిపోయారు. స్వగ్రామానికి వచ్చిన మూడు రోజులకే పోలీసులు వచ్చి పలాస డీఎస్పీ కార్యాలయానికి తీసుకెళ్లారు. అప్పటికే అక్కడ ఉన్న ఒడిశా పోలీసులు విచారణ జరిపి పంపేస్తామని చెప్పి తీసుకెళ్లారు. పలు కేసుల పెండింగులో ఉన్నాయంటూ భువనేశ్వర్‌లోని జార్పడ్ జైలులో నిర్బంధించారు. లొంగిపోయిన మాజీ మావోయిస్టును మూడున్నరేళ్లకుపైగా జైలులో ఉంచడం, దఫదఫాలుగా కేసులు బనాయిస్తూ వేధింపులకు గురి చేయడానికి నిరసనగా గతంలోనూ ఆజాద్ జైలులోనే నిరాహార దీక్ష చేపట్టాడు. తన కుమారుడిని విడుదల చేయాలని కాములమ్మ పలుమార్లు ఆంధ్ర, ఒడిశా ప్రభుత్వాలను కోరినప్పటికీ స్పందన లేదు. దీంతో విసిగిపోయిన ఆజాద్ తనను కారుణ్య మరణానికి(మెర్సీ కిల్లింగ్) అనుమతించాలని కోరుతూ కేంద్ర హోంశాఖతోపాటు ఆంధ్ర, ఒడిశా ప్రభుత్వాలకు, మానవ హక్కుల కమిషన్, హైకోర్టు, పలు ప్రజా సంఘాలకు లేఖ రాశాడు.
  
  లేఖలో నాలుగు డిమాండ్లు
  కాగా ఇటీవల కుమారుడిని చూసేందుకు జార్పడ్ జైలుకు వెళ్లిన తల్లి కాములమ్మకు అధికారులను ఉద్దేశించి రాసిన నాలుగు డిమాండ్లతో కూడిన లేఖను ఆజాద్ అందజేశాడు. కోర్టుల్లో ఉన్న కేసుల  విచారణ ప్రక్రియ వేగవంతం చేసి నిర్ణీత గడువులో పూర్తి చేయాలని, ఏళ్ల తరబడి జైలులో ఉన్న సమయంలోనే కొత్త కేసులు కట్టడం, బెయిల్‌పై విడుదలైన తరువాత జైలు గేటు వద్దే అరెస్టు చేసి మళ్లీ కేసులు పెట్టడం మానుకోవాలని డిమాండ్ చేశాడు. అరెస్టు అయిన వ్యక్తిపై ఇతర అభియోగాలు ఉంటే నిర్ధిష్ట సమయంలో కేసులు నమోదు చేసి కోర్టులో హాజరు పరచాలని, మావోయిస్టు పేరుతో అరెస్టై జైలు జీవితం గడుపుతున్న వారందరినీ రాజకీయ ఖైదీలుగా గుర్తించాలని డిమాండ్ చేశాడు. న్యాయమైన ఈ డిమాండ్లను తీర్చే వరకు ఈ నెల 23 నుంచి ఆమరణ దీక్ష చేస్తానని తెలిపారు. తన కుమారుడితో పాటు ఇటువంటి వేధింపులే అనుభవిస్తున్న మరో ఏడుగురు కూడా జైల్‌లో దీక్షకు పూనుకున్నారని కాములమ్మ చెప్పారు.
  
  కాములమ్మ ఇంటికి పోలీసులు
  ఈ నేపథ్యంలో నల్లబొడ్డులూరులోని కేశవరావు ఇంటికి మంగళవారం సోంపేట సీఐ సూరినాయుడు, మందస ఎస్సై వి.రవివర్మ వెళ్లారు. ఆయన తల్లి కాములమ్మతో మాట్లాడారు. కుటుంబ వివరాలు అడిగి తెలుసుకున్నారని అనంతరం కాములమ్మ చెప్పారు. ఈ విషయం సీఐ వద్ద ప్రస్తావించగా మాజీ, ప్రస్తుత మావోయిస్టుల ఇళ్లకు వెళ్లి వారి కుటుంబ సభ్యులను పరమార్శించడం సాధారణమేనని చెప్పారు.
  


 కడప: తాగు, సాగు నీటి కోసం వైఎస్‌ఆర్ జిల్లా వీరపునాయునిపల్లెలో కమలాపురం వైఎస్ఆర్ కాంగ్రెస్ పార్టీ ఎమ్మెల్యే రవీంద్రనాథ్‌రెడ్డి చేపట్టిన నిరవధిక నిరాహార దీక్ష నేటికి ఐదో రోజుకు చేరింది. ‘గాలేరు-నగరి’కి పూర్తి స్థాయిలో నిధులు కేటాయించి త్వరిత గతిన ప్రాజెక్టును పూర్తి చేయాలని గత అయిదు రోజులుగా నిరవధిక దీక్ష చేస్తున్న రవీంద్రనాథ్‌రెడ్డి ఆరోగ్యం పూర్తిగా క్షీణించింది.
  
 ఫ్లూయిడ్స్ తీసుకోవాలని, లేదంటే కోమాలోకి వెళ్లే ప్రమాదం ఉందని వైద్యులు ఆయనకు సూచించారు. పార్టీ నేతల దీక్షకు మద్దతుగా అన్ని నియోజకవర్గ కేంద్రాల్లో వైఎస్ఆర్ సీపీ నేతలు, కార్యకర్తలు రాస్తారోకోలు నిర్వహిస్తున్నారు. ఆయనతో పాటు కమలాపురం మండల కన్వీనర్ ఉత్తమారెడ్డి, రైతు విభాగం జిల్లా అధ్యక్షుడు సంబటూరు ప్రసాద్‌రెడ్డి నిరవధిక దీక్ష చేపట్టిన విషయం తెలిసిందే.


 సాక్షి ప్రతినిధి, కడప: ‘గాలేరు-నగరి’కి పూర్తి స్థాయిలో నిధులు కేటాయించి త్వరిత గతిన ప్రాజెక్టును పూర్తి చేయాలని నాలుగు రోజులుగా వైఎస్‌ఆర్ జిల్లా వీరపునాయునిపల్లెలో నిరవధిక నిరాహార దీక్ష చేస్తున్న కమలాపురం ఎమ్మెల్యే రవీంద్రనాథ్‌రెడ్డి ఆరోగ్యం పూర్తిగా క్షీణించింది. బుధవారం సాయంత్రానికి బాగా నీరసించిపోయారు. రక్తంలో చక్కెర నిల్వలు 54కు పడిపోయినట్లు స్థానిక ప్రభుత్వ వైద్యుడు అనిల్‌కుమార్ తెలిపారు. పరీక్షల అనంతరం  బిపీ 160/90, పల్స్ రేట్ 52, బరువు 71 కిలోలు ఉన్నట్లు తెలిపారు.
 
 ఫ్లూయిడ్స్ తీసుకోవాలని, లేదంటే కోమాలోకి వెళ్లే ప్రమాదం ఉందని సూచించారు. పరిస్థితిని దగ్గరుండి చూస్తున్న కార్యకర్తలు, నాయకులు తీవ్ర ఆందోళన చెందుతున్నారు. ఆయనతోపాటు దీక్షలో ఉన్న కమలాపురం మండల కన్వీనర్ ఉత్తమారెడ్డి బ్లడ్ షుగర్ 53కు, రైతు విభాగం జిల్లా అధ్యక్షుడు సంబటూరు ప్రసాద్‌రెడ్డి బ్లడ్ షుగర్ 51కి పడిపోయింది. దీక్షలో ఉన్న నేతల ఆరోగ్యం క్షీణించడంపై నేతలు, కార్యకర్తలు వీరపునాయునిపల్లెలో రాస్తారోకో నిర్వహించారు.


 ఇంఫాల్: సాయుధ బలగాల (ప్రత్యేక అధికారాల) చట్టాన్ని రద్దుచేయాలన్న డిమాండ్‌తో 14 ఏళ్లుగా ఆమరణ నిరాహార దీక్ష చేస్తున్న ఇరోం  షర్మిలను గురువారం ఇంఫాల్ జ్యుడీషియల్ కోర్టు విడుదల చేసింది. షర్మిలపై మోపిన ఆత్మహత్యాయత్నం అభియోగాలను కోర్టు తిరస్కరించింది. షర్మిల ఆత్మహత్యకు యత్నించారన్న దానిపై ప్రాసిక్యూషన్ ఎలాంటి ఆధారాలను సమర్పించలేకపోయిందని కోర్టు తెలిపింది. గురువారం సాయంత్రం విడుదలైన షర్మిల స్థానిక మార్కెట్‌లోని ఓ షెడ్‌లో తిరిగి నిరాహార దీక్షకు కూర్చున్నారు.
  


 కేయూ క్యాంపస్ : కాకతీయ యూనివర్సిటీలోని కామన్‌మెస్‌లో నాణ్యమైన భోజనం అందడం లేదని, యూనివర్సిటీ ఆధ్వర్యంలోనే ప్రైవేట్ మెస్‌ను నడిపించాలని డిమాండ్ చేస్తూ గురువారం వివిధ విద్యార్థి సంఘాల ఆధ్వర్యంలో విద్యార్థులు ఆమరణ దీక్షకు దిగారు. బుధవారం రాత్రి భోజనంలో ప్రైవేట్ కాంట్రాక్టర్ బీరకాయ కర్రి ఇచ్చారు. అది చేదుగా ఉందని కొందరు విద్యార్థులు అప్పుడే నిరసన తెలిపారు. ఈ క్రమంలో గురువారం ఉదయం విద్యార్థులు కామన్‌మెస్‌కు తాళం వేశారు. తరగతుల బహిష్కరించి ఆమరణ దీక్షకు దిగారు.
 
 సమాచారం అందుకున్న క్యాంపస్ ప్రిన్సిపాల్ ఎన్.రామస్వామి అక్కడికి వచ్చి ఆమరణ దీక్ష చేస్తున్న విద్యార్థులతో మాట్లాడారు. నాణ్యమైన భోజనం అందడం లేదని, కాంట్రాక్టర్‌ను మార్చాలని కోరామని... ఈ మేరకు హామీ ఇచ్చి మరచిపోయూరంటూ ఆయనతో విద్యార్థులు వాగ్వాదానికి దిగారు. బీరకాయ కూర చేదుగా ఉండడంతో వాంతులయ్యే పరిస్థితి ఏర్పడిందని చెప్పారు. నాణ్యమైన భోజనమందించేలా చర్యలు తీసుకుంటామని, ఆందోళన విరమించాలని విద్యార్థులకు ప్రిన్సిపాల్ సూచించారు. వారు ససేమిరా అనడంతో ఆయన వెళ్లిపోయారు. సాయంత్రం కేయూ ఇన్‌చార్జ్ రిజిస్ట్రార్ ఎంవీ.రంగారావు, ప్రిన్సిపాల్ రామస్వామి ,అసిస్టెంట్ రిజిస్ట్రార్ శ్యాంసన్ ఆమరణ దీక్ష చేస్తున్న విద్యార్థుల వద్దకు వచ్చి నచ్చజెప్పేందుకు యత్నించారు.
 
 ప్రైవేట్ మెస్‌ను ఎత్తివేసి యూనివర్సిటీ ఆధ్వర్యంలో కోరుతున్నా.. పట్టించుకోకోపోవడంతో ఆమరణ దీక్షకు దిగామని విద్యార్థులు చెప్పారు. యూనివర్సిటీలో ప్రైవేట్ మెస్‌లను ఎత్తివేయడం  తమ చేతుల్లో లేదని,  రెగ్యులర్ వీసీ వచ్చేవరకు  ఆగాలని రంగారావు వారికి సూచించారు. ప్రైవేట్ మెస్‌ను ఎత్తివేయకపోతే యూనివర్సిటీని బంద్‌చేసి ఆందోళనలు చేస్తామని విద్యార్థులు స్పష్టం చేయడంతో వారు వెళ్లిపోయూరు. కాగా,  కామన్‌మెస్ కు తాళం వేసి విద్యార్థులు ఆమరణ దీక్షకు దిగడంతో గురువారం ఉదయం అల్పాహారంతో సహా రెండు పూటల భోజనం బంద్ కావ డంతో పీజీ ఫైనలియర్ విద్యార్థులు ఇబ్బందులు పడ్డారు. కాగా, రాత్రి ఇన్‌చార్‌‌జ రిజిస్ట్రార్, క్యాంపస్ ప్రిన్సిపాల్ విద్యార్థులతో చర్చించారు. మూడు ప్రధాన సమస్యల పరిష్కారానికి హామీ ఇవ్వడంతో విద్యార్థులు రాత్రి పది గంటలకు దీక్ష విరమించారు.


 హైదరాబాద్ : చిన్న సినిమాల పాలిట శాపంగా మారిన థియేటర్ల లీజు విధానాన్ని రద్దు చేయాలనే డిమాండ్‌తో తెలంగాణ ప్రొడ్యూసర్స్ గిల్డ్ రామకృష్ణ గౌడ్ శనివారం జూబ్లీహిల్స్‌లోని ఫిలిం చాంబర్ ఎదుట ఆమరణ నిరాహార దీక్ష చేపట్టారు. ఈ సందర్భంగా ఆయన మాట్లాడుతూ ప్రతి ఏటా ఎన్నో చిన్న సినిమాలు విడుదలకు నోచుకోకపోవడానికి కారణం రాష్ట్రంలోని థియేటర్లన్నీ నలుగురైదుగురు వ్యక్తుల చేతుల్లోనే ఉండడమేనన్నారు. తెలంగాణ, ఆంధ్రప్రదేశ్ ఫిలించాంబర్లకు తక్షణమే వేరు వేరుగా ఎన్నికలు నిర్వహించాలని డిమాండ్ చేశారు.  రామకృష్ణ దీక్షకు మద్దతుగా పలువురు చిన్న సినిమా నిర్మాతలు సంఘీభావం ప్రకటించారు.


 సత్తుపల్లి, న్యూస్‌లైన్: సింగరేణి భూనిర్వాసితుల సమస్యల పరిష్కారానికిగాను ఉద్యమాన్ని ఉధృతం చేసేందుకు ఆమరణ నిరాహార దీక్ష చేస్తానని వైఎస్‌ఆర్ సీపీ ఖమ్మం పార్లమెంట్ నియోజకవర్గ సమన్వయకర్త పొంగులేటి శ్రీనివాసరెడ్డి చెప్పారు.  సత్తుపల్లిలో సింగరేణి భూనిర్వాసితుల రిలే నిరాహార దీక్ష శిబిరాన్ని ఆయన గురువారం సందర్శించి సంఘీభావం తెలిపారు. అనంతరం, ఆయన మాట్లాడుతూ.. నూతన భూసేకరణ చట్టం అమలులోకి వచ్చేదాకా ఆగకుండా, పాత చట్టం ప్రకారంగానే భూమిని సేకరించిన జిల్లా అధికారుల తీరును తీవ్రంగా తప్పుబట్టారు. ప్రజాప్రతినిధులు సరిగ్గా ఉంటే అధికారులు అత్యుత్సాహం చూపేవారు కాదని అన్నారు. రైతులపక్షాన ఉద్యమించేందుకు ఎంత దూరమైనా వెళ్తామన్నారు. రైతు బిడ్డగా.. కష్టాల్లో ఉన్న సాటి రైతులను ఆదుకోవాల్సిన బాధ్యత తనపై ఉందన్నారు. సత్తుపల్లిలోని సింగరేణి భూనిర్వాసితుల సమస్యలను వైఎస్‌ఆర్ సీపీ అధినేత వైఎస్.జగన్‌మోహన్ రెడ్డి దృష్టికి తీసుకెళ్తామని అన్నారు. కేంద్ర మంత్రి జైరాం రమేష్‌తో చర్చించి, నిర్వాసిత రైతులకు న్యాయం జరిగేలా ఒత్తిడి తెస్తామన్నారు. అందరితో చర్చించి ఉద్యమ ప్రణాళిక రూపొందిస్తామన్నారు.
  
  వైఎస్‌ఆర్ ఉంటే ఈ గతి పట్టేది కాదు...
  ‘సారూ.. వైఎస్.రాజశేఖర రెడ్డి బతికుంటే మాకు ఈ గతి పట్టేది కాదు.. మమ్మల్ని ఎవరూ పట్టించుకోవటం లేదు’ అంటూ, కొమ్మేపల్లి గ్రామానికి చెందిన భూనిర్వాసితులైన ముస్లిం, దళిత మహిళలు పొంగులేటి శ్రీనివాసరెడ్డి వద్ద విలపించారు. సరైన నష్ట పరిహారం ఇవ్వకుండా తమ భూములను లాక్కుంటే ఎలా బతకాలనిఆవేదనగా ప్రశ్నించారు. దీనికి పొంగులేటి స్పందిస్తూ... ‘మీకు వైఎస్‌ఆర్  సీపీ అండగా ఉంటుంది. న్యాయం జరిగేంత వరకు నేను చూసుకుంటా. మీరు (దళిత, ముస్లిం, గిరిజనులు) కోర్టుకు వెళ్లేందుకు ఎంత ఖర్చయినా భరిస్తా. ఎటువంటి ఆర్థికపరమైన సహాయ సహకారాలు అందించేందుకైనా సిద్ధంగా ఉన్నాం’ అని భరోసా ఇచ్చారు.
  
  ఈ కార్యక్రమంలో వైఎస్‌ఆర్ సీపీ సత్తుపల్లి నియోజకవర్గ సమన్వయకర్త డాక్టర్ మట్టా దయానంద్ విజయ్‌కుమార్, జిల్లా స్టీరింగ్ కమిటీ సభ్యుడు కీసర వెంకటేశ్వరరెడ్డి, మున్సిపల్-మండల కన్వీనర్లు కోటగిరి మురళీకృష్ణారావు, పాలకుర్తి యాకోబు, మాజీ ఎంపీపీ చల్లారి వెంకటేశ్వరరావు, నాయకులు మలిరెడ్డి పూర్ణచంద్రారెడ్డి, మందపాటి ప్రభాకర్‌రెడ్డి, మలిరెడ్డి మురళీరెడ్డి, జ్యేష్ట లక్ష్మణ్‌రావు, దేశిరెడ్డి దామోదర్‌రెడ్డి, ఎస్‌కె.మౌలాన, నారాయణవరపు శ్రీనివాస్, అరిగే సత్యనారాయణ చారి, ఎండి.బాబా, నూర్‌పాషా సంఘం మండల అధ్యక్షుడు ఎస్‌కె.మౌలాలి తదితరులు పాల్గొన్నారు.


 తాండూరు టౌన్ : సీమాంధ్ర ప్రాంత నాయకులు ఎన్ని కుట్రలు పన్నినా, అడ్డంకులు సృష్టించినా తెలంగాణ ప్రత్యేక రాష్ట్రం ఏర్పాటవడం తథ్యమని టీఆర్‌ఎస్ జిల్లా అధ్యక్షుడు నాగేందర్ గౌడ్ ధీమా వ్యక్తం చేశారు. తెలంగాణ రాష్ట్రం కోసం టీఆర్‌ఎస్ అధినేత కేసీఆర్ 2009 నవంబర్ 29వ తేదీన ఆమరణ నిరాహార దీక్షను చేపట్టిన రోజును పురస్కరించుకుని శుక్రవారం పార్టీ ఆధ్వర్యంలో దీక్షా దివస్ నిర్వహించారు. అంబేద్కర్ విగ్రహానికి నాయకులు పూలమాలలు వేసి నివాళులు అర్పించారు.
  
  అనంతరం నాగేందర్‌గౌడ్ మాట్లాడుతూ నాటి కేసీఆర్ ఆమరణ దీక్ష ఫలితమే నేడు తెలంగాణ రాష్ట్ర ఏర్పాటు అన్నారు. పార్లమెంటులో తెలంగాణ బిల్లు ఆమోదం పొందడమే మిగిలిందని, ఇక సీమాంధ్రుల కుట్రలు సాగవని అన్నారు. టీఆర్‌ఎస్ జిల్లా సలహాదారు రంగారావు మాట్లాడుతూ యువత బలిదానం, కేసీఆర్ రాజీలేని పోరాటం, ప్రజల అండదండలతో తెలంగాణ రాష్ట్రం సాధించుకోబోతున్నామన్నారు. అనంతరం నాయకులు, కార్యకర్తలు జిల్లా ప్రభుత్వాస్పత్రికి వెళ్లి రోగులకు పండ్లు, బ్రెడ్లు అందజేశారు.


 
 సాక్షి, హైదరాబాద్: సమైక్యాంధ్ర డిమాండ్‌తో ఐదురోజుల పాటు నిరవధిక నిరాహార దీక్ష చేసిన వైఎస్ జగన్‌మోహన్‌రెడ్డి నిమ్స్‌లో కోలుకుంటున్నారు. కీటోన్స్ మినహా చక్కెర స్థాయి, యూరియా తదితరాలు అన్నీ సాధారణ స్థితికి వచ్చినట్లుగా శుక్రవారంనాటి వైద్యపరీక్షల్లో తేలిందని వైద్యులు తెలిపారు. జగన్ ఆరోగ్య పరిస్థితిపై శుక్రవారం సాయంత్రం బులెటిన్ విడుదల చేసిన అనంతరం నిమ్స్ వైద్యులు డా.లక్ష్మీభాస్కర్, డా.నాగేశ్వరరావు, డా.వంశీ తదితరులు మీడియాతో మాట్లాడారు. జగన్ ఆరోగ్య పరిస్థితి మెరుగవుతోందని చెప్పారు. కీటోన్స్ ప్రమాదకర స్థాయి నుంచి తగ్గాయని, త్వరలోనే సాధారణ స్థాయికి చేరుకోవచ్చని తెలిపారు. శ్వాసకోశ సంబంధిత సమస్య (రెస్పిరేటరీ ట్రాక్ ఇన్‌ఫెక్షన్) ఉండటంతో రోగనిరోధక మందులు ఇస్తున్నామన్నారు.
  
   గురువారం సాయంత్రం వరకు ఐవీ ఫ్లూయిడ్స్ మాత్రమే ఇచ్చామని, అయితే త్వరగా కోలుకోవడంతో పాటు శరీరంలో కీటోన్స్ తగ్గేందుకు మంచి ఆహారం తీసుకోవాలని సూచించామన్నారు. ఈ మేరకు శుక్రవారం మధ్యాహ్నం నుంచి పళ్లరసాలు ఇస్తున్నట్లు వివరించారు. ప్రస్తుతం సుగర్ నిల్వలు 101గా ఉన్నట్టు, కీటోన్స్ నిమ్స్‌లో చేరిన రోజు 4 ప్లస్ ఉండగా, ఇప్పుడు 1ప్లస్‌కు చేరినట్టు పరీక్షల్లో తేలింది. కీటోన్స్ సాధారణంగా జీరో శాతం ఉండాలని, ఈ స్థాయికి చేరుకునేందుకు మరో రెండు, మూడురోజులు పట్టే అవకాశముందని వైద్యులు తెలిపారు. ఆరోగ్య పరిస్థితిని బట్టి శనివారం జగన్‌ను డిశ్చార్జి చేసే అవకాశం ఉందన్నారు.
  
  జగన్‌కు కుటుంబ సభ్యులు, పార్టీ నేతల పరామర్శ
  నిమ్స్‌లో చికిత్స పొందుతున్న జగన్‌మోహన్‌రెడ్డిని ఆయన కుటుంబ సభ్యులతో పాటు పలువురు నాయకులు శుక్రవారం పరామర్శించారు. జగన్ తల్లి విజయమ్మ, భార్య భారతి, ఇద్దరు కుమార్తెలు, సోదరి షర్మిలతోపాటు ఎంపీ మేకపాటి రాజమోహన్‌రెడ్డి, పార్టీ నేతలు వైవీ సుబ్బారెడ్డి, వైఎస్ వివేకానందరెడ్డి, వైఎస్ అనిల్‌రెడ్డి, మాజీ మంత్రి పి.విశ్వరూప్ తదితరులు పరామర్శించినవారిలో ఉన్నారు.


 ఆసుపత్రిలో దీక్ష కొనసాగిస్తున్న తెలంగాణ విద్యుత్ జేఏసీ కో ఆర్డినేటర్
  సాక్షి, హైదరాబాద్: సీమాంధ్ర విద్యుత్ సమ్మెలో అసాంఘిక శక్తులపై కఠిన చర్యలు తీసుకోవాలని డిమాండ్ చేస్తూ యాజమాన్య, ప్రభుత్వ నిర్లక్ష్య వైఖరికి నిరసనగా తెలంగాణ విద్యుత్ ఉద్యోగుల జేఏసీ కో ఆర్డినేటర్ రఘు చేపట్టిన 48గంటల నిరాహార దీక్షను మంగళవారం పోలీసులు భగ్నం చేశారు. పోలీసులు ఉదయం 9గంటలకే ఉద్యోగులు ఎవరూ కార్యాలయానికి రాకముందే రఘును అరెస్ట్‌చేసి ఉస్మానియా ఆసుపత్రికి తరలించారు.
  
  అయితే రఘు ఆసుపత్రిలోనూ దీక్షను కొనసాగిస్తున్నారు. ఆసుపత్రిలోని ఏఎంసీ వార్డులో  కిందకూర్చుని నిరసన వ్యక్తం చేశారు. తన దీక్షను భగ్నం చేయడం ప్రభుత్వ కుట్ర అని ఆసుపత్రిలో విలేకరులతో మాట్లాడుతూ ఆయన ఆరోపించారు. సీఎం కిరణ్ అసాంఘిక శక్తుల కుట్రలో భాగస్వామిగా మారుతున్నారని ధ్వజమెత్తారు. ఉస్మానియా ఆసుపత్రిలో రఘును టీజేఏసీ ఛైర్మన్ ఫ్రొఫెసర్ కోదండరామ్ పరామర్శించారు. రఘు అరెస్ట్ వార్త తెలుసుకున్న తెలంగాణ విద్యుత్ ఉద్యోగులు విద్యుత్ సౌధ వద్దకు చేరుకొని నిరసనలకు దిగారు.


 సాక్షి ప్రత్యేక ప్రతినిధి, న్యూఢిల్లీ:  ‘అందరితో చర్చించి రాష్ట్రాన్ని విభజించండి’ అనే డిమాండ్‌తో టీడీపీ అధ్యక్షుడు చంద్రబాబు చేపట్టిన నిరవధిక నిరాహార దీక్ష మంగళవారానికి రెండో రోజుకు చేరింది. సోమవారం జాతీయ, రాష్ట్ర మీడియా ప్రతినిధులు వేసిన ప్రశ్నలతో చంద్రబాబు ఉక్కిరిబిక్కిరి అయిన విషయం తెలిసిందే. మంగళవారం ఉదయాన్నే పత్రికలు చదివిన బాబు, తొలి రోజు దీక్షకు తగిన ప్రాధాన్యత రాలేదని, ఒకట్రెండు అనుకూల పత్రికలు మినహా మిగతా వాటన్నింట్లోనూవ్యతిరేక వార్తలే వచ్చాయని సన్నిహితుల ముందు అసంతృప్తి వ్యక్తం చేశారు. దాంతో నష్ట నివారణ ప్రయత్నాలకు శ్రీకారం చుట్టారు.
  
  ఈ బా ధ్యతను కుమారుడు నారా లోకేశ్‌తో పాటు కోటరీలో కీలకులైన ఎంపీలు నామా నాగేశ్వరరావు, సీఎం రమేశ్, సుజనా చౌదరిలకు బాబు అప్పగించారు. వారు జాతీయ స్థాయిలో తమకు మిత్రపక్షాల నేతలు సందర్శిస్తేనే మేలని నిర్ధారణకు వచ్చారు. ఆ మేరకు ఎంపిక చేసుకున్న పార్టీల నేతలను సంప్రదించారు. దాంతో పాంథ ర్స్ పార్టీ అధ్యక్షుడు భీమ్‌సింగ్, ఇండియన్ నేషనల్ లోక్‌దళ్ నాయకుడు అజయ్‌సింగ్ చౌతాలా, ఆ పార్టీ ఎమ్మెల్యులు, శిరోమణి అకాలీదళ్ ఎంపీ, మాజీ ప్రధాని ఐకే గుజ్రాల్ కుమారుడు నరేశ్ గుజ్రాల్, మాజీ ఎంపీ త్రిలోచన్‌సింగ్ తదితరులు శిబిరాన్ని సందర్శించారు. జాతీయ స్థాయిలో బీజేపీతో పొత్తు పెట్టుకోవాలనే యోచనలో బాబు ఉన్న నేపథ్యంలో మంగళవారం ఆయన దీక్షా శిబిరాన్ని సందర్శించిన వారిలో బీజేపీ నేతృత్వంలోని ఎన్డీఏ కూటమి వారే ఎక్కువగా ఉన్నారు.
  
  సాయంత్రం ఐదింటికి బాబు మీడియాతో మాట్లాడతారని తొలుత టీడీపీ మీడియా కమిటీ సమాచారం పంపింది. కానీ తెలంగాణపై మళ్లీ మీడియా నుంచి ప్రశ్నల వర్షం కురుస్తుందనే ఉద్దేశంతో, ‘దీక్షా శిబిరాన్ని సందర్శించిన వారినుద్దేశించి బాబు ప్రసంగిస్తారు’ అంటూ ఆ తర్వాత సమాచారం పంపారు. సందర్శకులు లేక బాబు శిబిరం వెలవెలబోతున్న వేళ ఎల్‌ఐసీ ఏజెంట్లు ఆదుకున్నారు. మంగళవారం నగరంలోని త్యాగరాజ స్పోర్స్ట్ కాంప్లెక్స్ చైర్మన్ క్లబ్‌లో జరిగిన ఎల్‌ఐసీ ఏజెంట్ల భేటీకి ఆంధ్ర ప్రదేశ్, తమిళనాడు తదితర రాష్ట్రాల నుంచి ఏజెంట్లు భారీగా కుటంబసభ్యులతో పాటు హాజరయ్యారు. దాంతో టీడీపీ ముఖ్యుల ప్రతినిధులు వచ్చి, ‘రాష్ట్రం కోసం చంద్రబాబు ఏపీభవన్‌లో దీక్ష చేస్తున్నారు, ఆయన్ను పరామర్శించండి’ అని కోరారు. దగ్గరుండి ఎల్‌ఐసీ ఏజెంట్లను దీక్ష వద్దకు తరలించారు. రవాణా బాధ్యతను ఆంధ్రప్రదేశ్‌కు చెందిన ఒక ట్రావెల్ ఏజెన్సీ తీసుకుంది. అయితే వారిని తీసుకొచ్చిన చోటే తిరిగి వదిలిపెట్టింది. టెంట్లు వెళ్లిపోవడంతోనే శిబిరంలో కుర్చీలన్నీ ఖాళీ అయ్యాయి. దాంతో ఢిల్లీలోని రాష్ట్రవాసులను తరలించారు.
  
  శిబిరం తొలగించాలని నోటీసు
  అనుమతి లేకుండా నిరవధిక దీక్ష చేస్తున్నందున దీక్షా శిబిరాన్ని వెంటనే తొలగించాలంటూ చంద్రబాబుకు ఏపీ భవన్ రెసిడెంట్ కమిషనర్ శశాంక్  గోయల్ మంగళవారం నోటీసులు జారీ చేశారు. నోటీసు కాపీని స్థానిక పోలీసులకు కూడా అందజేశారు.  పోలీసులు కూడా శిబిరాన్ని తొలగించేందుకు సాయంత్రం ఐదింటి సమయంలో వచ్చారు. లోకేశ్ తదితరులు వారితో సుదీర్ఘంగా మంతనాలు జరిపారు. తరవాత ఢిల్లీ పోలీసు అధికారులను కూడా వారు కలిశారు. మంగళవారం శిబిరాన్ని తొలగించబోమని హామీ వచ్చినట్టు అనంతరం నేతలు విలేకరులకు చెప్పారు.
  
  అఖిలపక్షం వేయాలి: బాబు
  ఆంధ్రప్రదేశ్‌లో నెలకొన్న సమస్యను పరిష్కరించేందు కు కేంద్రం అఖిలపక్ష సమావేశాన్ని ఏర్పాటు చేయాలని టీడీపీ అధ్యక్షుడు చంద్రబాబు డిమాండ్ చేశారు. రాష్ట్రంలోని ఇరు ప్రాంతాల జేఏసీలను, భాగస్వాములను పిలిచి చర్చించాలన్నారు. రాష్ట్ర సమస్యను కేంద్రం పరిష్కరించేదాకా తాను ఢిల్లీ వీడేది లేదని, ప్రాణత్యాగానికైనా సిద్ధమని చెప్పారు. మంగళవారం సాయంత్రం ఏపీ భవన్‌లో నిరవధిక దీక్ష వేదిక నుంచి బాబు ప్రసంగించారు. విభజన నిర్ణయంతో తలెత్తిన సమస్యను పరిష్కరించాలని తాను దీక్ష చేస్తుంటే ఏఐసీసీ ప్రధాన కార్యదర్శి దిగ్విజయ్‌సింగ్ రెచ్చగొట్టేలా వ్యవహరించటం సరికాదన్నారు.
  
   కేంద్రం నిర్వహించిన అఖిలపక్ష సమావేశంలో పలు పార్టీలు సమర్పించిన లేఖలను ఆయన విడుదల చేయడాన్ని తప్పుబట్టారు. షరామామూలుగా విభజనపై తన వైఖరేమిటో బాబు తన ప్రసంగంలో ఎక్కడా స్పష్టం చేయలేదు. టీడీపీని దెబ్బ తీసేందుకు విభజనకు అనుకూలంగా కాంగ్రెస్ నిర్ణయం తీసుకుందని, వైఎస్సార్‌సీపీ, టీఆర్‌ఎస్‌లతో మ్యాచ్‌ఫిక్సిం గ్ చేసుకుందని ఆరోపణలను మరోసారి విన్పించారు. సోనియా తన కుమారుడు రాహుల్‌ని ప్రధాని చేసేందుకు రాష్ర్ట విభజన చేస్తుంటే, వైఎస్సార్‌సీపీ గౌరవాధ్యక్షురాలు విజయమ్మ తన కుమారుడిని సీఎంచేసేందుకు సోనియాకు సహకరిస్తున్నారని ఆరోపించారు. సచివాలయ సీమాంధ్ర  ఉద్యోగుల సంఘం చైర్మన్ మురళీకృష్ణ, సభ్యులు బాబును కలిసి సంఘీభావం తెలిపారు.


 రాష్ట్రాన్ని సమైక్యంగా ఉంచాలంటూ నాలుగు రోజులుగా ఆమరణ నిరాహార దీక్ష చేస్తున్న వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్రెడ్డి ఆరోగ్యం బాగా క్షీణించింది. ఆయనకు ఉస్మానియా వైద్యులు పరీక్షలు చేశారు. వైఎస్‌ జగన్‌ డీహైడ్రేషన్‌తో బాధపడుతున్నారని, ఆయన బాగా నీరసించి పోయారని, గొంతు కూడా ఏమాత్రం సహకరించట్లేదని ఉస్మానియా ఆస్పత్రి అదనపు మెడికల్‌ సూపరింటెండెంట్‌ రంగనాథ్‌ తెలిపారు.
 
 ఆయన మూత్రంలో కీటోన్ బాడీస్ ఉన్నాయని, అందువల్ల వెంటనే జగన్ను ఆస్పత్రికి తరలించి వైద్య చికిత్సలు చేయాలని డాక్టర్ రంగనాథ్ చెప్పారు. జగన్‌ ఇలాగే దీక్ష కొనసాగిస్తే శరీరంలోని అవయవాలు దెబ్బతినే అవకాశం ఉందని, కిడ్నీలపై కూడా ప్రభావం చూపే ప్రమాదం ఉందని, అందువల్ల ఆయన వెంటనే ప్లూయిడ్స్ తీసుకోవాలని వివరించారు. జగన్‌ ఆరోగ్య పరిస్థితి నివేదికను పోలీసు అధికారులకు డాక్టర్లు అందజేశారు.
 
 మరోవైపు ఆరోగ్యం క్షిణిస్తున్నా లెక్కచేయకుండా జగన్ దీక్ష కొనసాగిస్తున్నారు. తనకు సంఘీభావం తెలిపేందుకు రాష్టం నలుమూలల నుంచి వచ్చిన అభిమానులను చిరునవ్వుతో పలకరిస్తున్నారు. జగన్ను కలిసి పలువురు నాయకులు మద్దతు తెలిపారు.


 హైదరాబాద్: రాష్ట రాష్ట్రాన్ని సమైక్యంగా ఉంచాలన్న డిమాండ్ తో నాలుగు రోజులుగా ఆమరణ నిరాహార దీక్ష చేస్తున్న వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి ఆరోగ్యం క్రమంగా క్షీణిస్తోంది. ఈ సాయంత్రం ఉస్మానియా ఆస్పత్రి వైద్యులు జగన్‌మోహన్‌రెడ్డికి  వైద్య పరీక్షలు చేశారు. వైఎస్‌ జగన్ ఆరోగ్యం క్రమేపి క్షీణిస్తోందని డాక్టర్లు తెలిపారు. ఆయన బాగా నీరసించారని వెల్లడించారు.
 
 షుగర్ లెవల్స్ క్రమేపి తగ్గుతున్నాయని పేర్కొన్నారు. చక్కెర లెవెల్స్ 58కి పడిపోయాయి. బీపీ 130/80, పల్స్‌రేట్ 70గా ఉన్నాయి. వైఎస్ జగన్‌ తీవ్రమైన వెన్ను నొప్పితో బాధపడుతున్నారని వైద్యులు చెప్పారు. ఆయన వెంటనే ప్లూయిడ్స్ తీసుకోవాలని కోరారు. అయితే వైద్యుల సూచనను వైఎస్ జగన్ సున్నితంగా తిరస్కరించారు.
 
 మరోవైపు ఆరోగ్యం క్షిణిస్తున్నా లెక్కచేయకుండా జగన్ దీక్ష కొనసాగిస్తున్నారు. తనకు సంఘీభావం తెలిపేందుకు రాష్టం నలుమూలల నుంచి వచ్చిన అభిమానులను చిరునవ్వుతో పలకరిస్తున్నారు. జగన్ను కలిసి పలువురు నాయకులు మద్దతు తెలిపారు.


 వరంగల్, న్యూస్‌లైన్:  టీడీపీ అధక్షుడు చంద్రబాబు నాయుడు ఢిల్లీలో సోమవారం నుంచి చేపట్టనున్న ఆమరణ దీక్ష... జిల్లాలోని ఆ పార్టీ నేతలను కలవరానికి గురిచేస్తోంది. తెలంగాణ కోసం ఏనాడో లేఖ ఇచ్చామని చెప్పుకుంటూ వచ్చిన చంద్రబాబు... విభజన తర్వాత మాటమార్చడం వారికి ఇప్పటికే ఇబ్బందిగా మారింది. ఈ క్రమంలో ప్రస్తుతం జరుగుతున్న పరిణామాలను రోజువారీగా విశ్లేషించేందుకంటూ స్ట్రాటజీ కమిటీ వేయడం... తాను చేపట్టనున్న దీక్షకు తెలంగాణ నేతలు అధిక సంఖ్యలో రావాలని టీడీపీ అధ్యక్షుడు ఆదేశాలివ్వడం ఆ పార్టీకి చెందిన జిల్లా నేతలకు తలనొప్పిగా మారింది. ప్రధానంగా నిన్నమొన్నటి వరకు ఎడమొహం.. పెడమొహంగా ఉన్న టీటీడీపీ ఫోరం కన్వీనర్ ఎర్రబెల్లి దయూకర్ రావు, ప్రజాపద్దుల సంఘం మాజీ చైర్మన్ రేవూరి ప్రకాష్‌రెడ్డికి స్ట్రాటజీ కమిటీలో చోటు కల్పించి.. దేశ రాజధానికి తప్పకుండా రావాలని ఆదేశించడం వారికి మింగుడుపడడం లేదు. పోతే ఎలా... పోకపోతే ఎలా అని తమ తమ అనుచర వర్గాల ద్వారా వారు ఆరా తీస్తుండడమే ఇందుకు నిదర్శనం.
  
  ఢిల్లీకెళ్తే తెలంగాణలో తిరగడం కష్టమే...
  ఢిల్లీలో ఆమరణ దీక్ష చేసే అంశంపై చంద్రబాబు  శనివారం సీమాంధ్ర, తెలంగాణ నేతలతో రాత్రి వరకూ సమావేశమయ్యారు. ఈ దీక్షతో తెలంగాణ ప్రాంతంలో తీవ్ర వ్యతిరేక వస్తుందని ఎర్రబెల్లి, రేవూరి ఆయన వద్ద అనుమానం వ్యక్తం చేసినట్లు సమాచారం. విభజన జరుగుతున్న తీరు... ఇప్పుడు జరుగుతున్న సీమాంధ్ర ఉద్యమం... నష్టం వంటి వ్యవహారాలపైనే దీక్ష చేస్తున్నానని, మద్దతుగా తెలంగాణ నుంచే పార్టీ నేతలు ఎక్కువగా రావాలని చంద్రబాబు అన్నట్లు తెలిసింది.
  
   రాష్ట్రంలో ఇరుప్రాంతాల్లో జరుగుతున్న రోజువారీ పరిస్థితులను తెలుసుకునేందుకే రెండు ప్రాంతాల నుంచి ఏడుగురి చొప్పున కమిటీని వేస్తున్నట్లు వారికి వివరించినట్లు సమాచారం. అరుుతే తెలంగాణకు వ్యతిరేకం కాదంటూ... విభజనతో జరుగుతున్న నష్టంపైనే దీక్ష అని బాబు చెబుతున్న సమాధానం తికమకగా ఉండడంతో తెలంగాణ నేతలు తలపట్టుకుంటున్నారు. ఢిల్లీకి వెళ్లి చంద్రబాబుతో దీక్షకు కూర్చుంటే... ఏ మొహంతో గ్రామాల్లోకి వెళ్తామని నేతలే ప్రశ్నించుకుంటున్నారు.విభజనపై వివరిస్తామని కొత్తగా చెబుతున్నా చివరకు తెలంగాణకు వ్యతిరేకమనే భావన వస్తుందని... ఈ పరిస్థితుల్లో అధినేతతో ఢిల్లీకి వెళ్తే... తిరిగి తెలంగాణ ప్రాంతంలో తిరగడం కష్టమేనని భాహాటంగానే చర్చించుకుంటున్నారు. ఇక చంద్రబాబు దీక్షకు మద్దతుగా నేడు ఢిల్లీకి వెళ్తామని... విభజన సమయంలో కాంగ్రెస్ వ్యవహరించిన తీరును ప్రచారం చేస్తామని రేవూరి ప్రకాష్‌రెడ్డి ‘న్యూస్‌లైన్’కు చెప్పారు.
  


 సాక్షి, హైదరాబాద్: ‘రాష్ట్రాన్ని విభజించండి. కానీ సంప్రదింపులు జరిపిన తర్వాతే ఆ పని చేయాలి’ అన్న డిమాండ్‌తో అక్టోబర్ 7వ తేదీ సోమవారం నుంచి టీడీపీ అధ్యక్షుడు చంద్రబాబు నాయుడు ఢిల్లీలో నిరవధిక నిరాహార దీక్ష చేయనున్నారు. శుక్రవారం రాత్రి విలేకరుల సమావేశంలో ఈ విషయాన్ని ఆయన వెల్లడించారు. ఈ సందర్భంగా అడిగిన ప్రశ్నకు సమాధానమిస్తూ, ‘రాష్ట్రాన్ని విభజించండి. అయితే అన్ని వర్గాలతో సంప్రదింపులు జరపండి’ అని తాను ఎన్నిసార్లు చెప్పినా కేంద్రం పట్టించుకోవటం లేదని బాబు అన్నారు. గతంలో ఏ రాష్ట్రాన్ని విభజించినప్పుడు కూడా ఇలాంటి పద్ధతిని అవలంబించలేదన్నారు.
  
   ప్రజల ప్రయోజనాలను పట్టించుకోకుండా రాజకీయ కారణాలతో చేసిన విభజనను ఖండిస్తున్నానన్నారు. రాష్ట్ర విభజన విషయంలో  కాంగ్రెస్ అనుసరించిన వైఖరి, దాని కుట్రలు, కుతంత్రాలను ప్రజలతో పాటు అన్ని పార్టీలకు వివరించేందుకు, దేశం దృష్టికి తీసుకెళ్లడంతో పాటు దోషిగా నిల బెట్టేందుకు దీక్ష చేస్తున్నట్టు తెలిపారు. రాజకీయ కారణాలతోనే కాంగ్రెస్ పార్టీ రాష్ట్రాన్ని విభజిస్తోందన్నారు. ‘మీరు ఢిల్లీలో చేయనున్న దీక్ష సమైక్య, విభజనవాదాల్లో దేనికి అనుకూలమో చెప్పండి’ అని అడిగిన విలేకరిపై చంద్రబాబు తీవ్ర ఆగ్రహం వ్యక్తం చేశారు.
  
   ‘మీరు ఎప్పుడూ అటే పోతూ ఉంటారు’అంటూ ఆగ్రహం ప్రదర్శించారు. ఇక షరామామూలుగానే వైఎస్సార్ కాంగ్రెస్ పార్టీ అధినేత వైఎస్ జగన్‌మోహన్‌రెడ్డిపై విమర్శలు గుప్పించారు. విభజన అంశాన్ని కేబినెట్ సమావేశంలో టేబుల్ ఐటంగా పెట్టడాన్ని తప్పుపట్టారు. ఇంత కీలకమైన అంశాన్ని అలా ఎలా పెడతారని ప్రశ్నించారు. ‘‘ప్రస్తుతం ఐదు రాష్ట్రాల ఎన్నికల షెడ్యూల్ విడుదలైంది. కాంగ్రెస్ నేతలతో పాటు అధికారులందరూ వాటిలో తీరిక లేకుండా ఉం టారు. ఆ తర్వాత మరో నాలుగు నెల ల్లో సాధారణ  ఎన్నికలు వస్తాయి. అటువంటప్పుడు ఇప్పుడిచ్చిన హామీలకు ఎవరు బాధ్యత వహిస్తారు? సొంత పార్టీ వారినే సముదాయించలేని కాంగ్రెస్ వారు ప్రజలకు ఏం చెబుతారు?’’ అని ప్రశ్నించారు. సమస్యను ఎవరికీ నష్టం జరగకుండా పరిష్కరించాలని తాను పోరాడుతుంటే, 175 అసెంబ్లీ స్థానాల్లోనే ఆందోళనలకు పిలుపునిచ్చిన జగన్‌మోహన్‌రెడ్డి, తాను సమైక్యవాద చాంపియన్‌నని చెప్పుకునేందుకు ప్రయత్నిస్తున్నారన్నారు.
  
  ఈ విలేకరుల సమావేశానికి ‘సాక్షి’ ప్రతినిధిని అనుమతించలేదు. పలు రూపాల్లో సేకరించిన సమాచారం మేరకు ఈ వార్తను ఇస్తున్నాం. ఒకవేళ ‘సాక్షి’ని అనుమతించి ఉంటే ఈ కింది ప్రశ్నలకు బాబు నుంచి సమాధానాలు రాబట్టేది..
  
  1. తెలంగాణ రాష్ర్టం ఏర్పాటుకు అవసరమైన రాజకీయ ప్రక్రియకు సహకరిస్తామని కేంద్రానికి పార్టీపరంగా తీర్మానం చేసి పంపింది మీ టీడీపీయే కాదా?
  2. 2008లో తెలంగాణకు అనుకూలంగా పొలిట్‌బ్యూరో తీర్మానం చేసినప్పుడు గానీ, కేంద్రానికి ఇచ్చిన లేఖలో ఎక్కడా చెప్పకుండా, ఇప్పుడు ‘సంప్రదింపులు జరిపి విభజించండి’ అని చెప్పడంలో అర్థమేమిటి?
  3. రాష్ట్రాన్ని విభజించండి గానీ అన్ని వర్గాలతో సంప్రదింపులు జరపాలని కోరుతూ నిరాహార దీక్ష చేయడమంటే రాష్ట్రాన్ని సమైక్యంగా ఉంచాలని కాకుండా, విభజన చేయమనే కదా మీ డిమాండ్?
  4. రాష్ట్రాన్ని విభజించిన తర్వాత సీమాంధ్రలో కొత్త రాజధాని నిర్మాణం కోసం నాలుగైదు లక్షల కోట్ల రూపాయలు కావాలని డిమాండ్ చేసిన మీరు, ఇప్పుడు మళ్లీ సంప్రదింపులు జరపాలని డిమాండ్ చేయడం ఏ మేరకు సరైనది?
  5. 2009 డిసెంబర్‌లో కేసీఆర్ దీక్ష చేసిన సమయంలో అప్పటి ముఖ్యమంత్రి కె.రోశ య్య ఏర్పాటు చేసిన అఖిలపక్ష సమావేశంలో తెలంగాణ రాష్ర్ట ఏర్పాటుకు అనుకూలంగా అసెంబ్లీలో తీర్మానం పెడితే సహకరిస్తామన్నది మీరే కదా? మరిప్పుడు ఒకవేళ అసెంబ్లీలో తీర్మానం వ స్తే సమర్థిస్తారా?   
  
  తమ్ముళ్లలో భిన్నాభిప్రాయాలు
  చంద్రబాబు దీక్షపై టీడీపీ నేతల్లోనే భిన్నాభిప్రాయాలు వ్యక్తమయ్యాయి. తెలంగాణ నేతలు దీక్షను పూర్తిగా వ్యతిరేకించారు. గతంలో చేసిన వ్యాఖ్యల వల్ల ఇప్పటికే తీవ్ర ఇబ్బందులు పడ్డామని, విభజన ప్రక్రియను నిరసిస్తూ ఇప్పుడు దీక్ష చేస్తే మళ్లీ నష్టం జరుగుతుందని వారు చెప్పినట్టు పార్టీ వర్గాలు తెలిపాయి. కానీ బాబు మాత్రం సీమాంధ్ర ప్రాంతంలో పార్టీ బతికి బట్టకట్టాలంటే ఏదో ఒకటి చేయాలంటూ వారిని సముదాయించినట్టు చెప్పాయి. దీక్షను ఢిల్లీలో చేస్తానన్న బాబు నిర్ణయంపైనా నేతలు అభ్యంతరం వ్యక్తం చేశారు. సమస్యను ఎదుర్కొంటున్నది రాష్ట్ర ప్రజలు గనుక హైదరాబాద్‌లో చేస్తే బాగుంటుందని సూచించారు. కానీ బాబు అందుకు అంగీకరించలేదు. విజయవాడ లేదా తిరుపతిల్లో దీక్ష చేస్తానన్నారు. దానికి నేతలు అయిష్టత చూపారు.
  
  సీమాంధ్రలో  సమైక్యాంధ్ర ఉద్యమం తీవ్రతరమైంది. పీసీసీ అధ్యక్షుడు బొత్స సత్యనారాయణ నివాసం, ఆయన వ్యాపార సంస్థలపై దాడులకు పాల్పడుతున్నారు. మంత్రుల ఇళ్లపై కూడా దాడులు జరుగుతున్నాయి. ఇలాంటి ఆవేశపూరిత పరిస్థితులున్నప్పుడు తెలంగాణకు అనుకూలంగా లేఖ ఇచ్చిన మీరు సీమాంధ్రలో అలాంటి ప్రయోగాలు చేయకపోవడమే మంచిది’’ అని వారు సూచించారు. దాంతో తీవ్ర తర్జనభర్జన తర్వాత, ఢిల్లీలో దీక్షకు నిర్ణయించారు. దీక్షా శిబిరాన్ని జాతీయ స్థాయి రాజకీయ నాయకులు విడతలవారీగా సందర్శించేలా ఆయా పార్టీల నేతలను సంప్రదించాలని ఎంపీలను బాబు ఈ సందర్భంగా ఆదేశించినట్టు కూడా పార్టీ నేతలు తెలిపారు. ‘తద్వారా మనం చేపట్టే దీక్షకు జాతీయ స్థాయిలో మంచి ప్రచారం లభిస్తుంది’ అని బాబు చెప్పినట్టు వివరించారు!


 టీడీపీ అధ్యక్షుడిపై అంబటి ఆగ్రహం
  త్వరగా విభజించాలని దీక్ష చేయడం అన్యాయం
 దేనికో భయపడే సీఎం రమేష్‌తో రాయబారం
  సీడబ్ల్యూసీ నిర్ణయం అమలుకు అప్పుడే ఒప్పందం
 మీరు కాంగ్రెస్‌తో కుమ్మక్కై మమ్మల్ని అంటారా?
  
  సాక్షి, హైదరాబాద్: ఆంధ్రప్రదేశ్‌ను విభజిస్తూ కేంద్ర మంత్రిమండలి తీసుకున్న నిర్ణయానికి నిరసనగా, రాష్ట్రాన్ని సమైక్యంగా ఉంచాలని కోరుతూ వైఎస్సార్ కాంగ్రెస్ పార్టీ అధినేత వైఎస్ జగన్‌మోహన్‌రెడ్డి ఆమరణ నిరాహారదీక్షను చేపడుతుంటే.. టీడీపీ అధ్యక్షుడు చంద్రబాబునాయుడు రాష్ట్రాన్ని త్వరగా విభజించాలని కోరుతూ ఢిల్లీలో నిరాహారదీక్ష చేస్తానని ప్రకటించడం అన్యాయం, దురదృష్టకరమని వైఎస్సార్ కాంగ్రెస్ అధికార ప్రతినిధి అంబటి రాంబాబు అన్నారు. సీమాంధ్ర అంతా ఆందోళనలతో భగ్గుమంటోంటే రాష్ట్ర విభజన త్వరగా చేయాలని దీక్ష చేయడం ఆ ప్రాంత ప్రజలకు ద్రోహం చేయడమేనని ఆగ్రహం వ్యక్తం చేశారు.
  
  చంద్రబాబు దేనికో భయపడి తన షాడో అయిన సీఎం రమేష్‌ను పీసీసీ అధ్యక్షుడు బొత్స సత్యనారాయణ ఇంటికి కాళ్లబేరానికి పంపారని అంబటి విమర్శించారు. సీడబ్ల్యూసీ తీసుకున్న నిర్ణయాన్ని అమలు చేయడానికి సహకరిస్తామని బాబు ఈ సందర్భంగా ఒప్పందం చేసుకున్నారని అన్నారు. ‘అలాంటి చంద్రబాబు.. కాంగ్రెస్‌తో కుమ్మక్కు అయ్యారని మమ్మల్ని అంటారా?’ అని అంబటి మండిపడ్డారు. ఆయన శుక్రవారం ఇక్కడ ‘సాక్షి’తో మాట్లాడారు. కాంగ్రెస్‌కు వ్యతిరేకంగా రాజకీయ పార్టీ పెట్టినందుకు అన్యాయంగా, అక్రమంగా 16 నెలలు జైల్లో ఉండి, ఎన్నో కష్టాలు పడిన జగన్.. బయటకు వచ్చిన తరువాత కూడా రాష్ట్ర ప్రజానీకం కష్టాల కన్నా తన కష్టాలు ఎక్కువకాదనే భావనతో రాష్ట్రాన్ని సమైక్యంగా ఉంచేందుకు పోరాడుతున్నారని ఆయన అన్నారు. ‘అలాంటి జగన్ కాంగ్రెస్‌తో కుమ్మక్కు అయ్యారా? సీడ బ్ల్యూసీ నిర్ణయాన్ని అమలు చేయడానికి ఆత్రత పడుతున్న చంద్రబాబు కుమ్మక్కయ్యాడా?..’ అని ప్రశ్నించారు. బాబు చెప్పే బుర్రకథలు, హరికథలు వినడానికి తెలుగు ప్రజలు సిద్ధంగా లేరన్నారు.
  
   తెలంగాణ, సీమాంధ్ర నాయకులిద్దరినీ వెంటబెట్టుకుని వెళ్లి విభజన త్వరితగతిన కావాలని, జగన్‌కు బెయిల్ రాకూడదని రాష్ట్రపతితో సహా ఎంతోమంది నేతలకు చెప్పినటువంటి చంద్రబాబు కాంగ్రెస్‌తో కుమ్మక్కయ్యారా, లేక జగన్ కుమ్మక్కయ్యారా? అని ప్రశ్నించారు. ‘టీడీపీ నేతలు నామా నాగేశ్వరరావు, ఎరబెల్లి దయాకర్‌రావు, రేవంత్‌రెడ్డి వంటి నాయకులంతా తెలంగాణ ప్రక్రియ ప్రారంభం అయిందని కేకులు కట్ చేసుకుని ఓ వైపు సంబరాలు చేసుకుంటుంటే.. మరోవైపు చంద్రబాబు కూడా ఢిల్లీ వెళ్లి రాష్ట్ర విభజన త్వరగా జరగాలని దీక్ష చేయడం తెలుగు జాతికి ద్రోహం చేయడం కాదా?’ అని ప్రశ్నించారు. సీమాంధ్రలో పుట్టి, ఇక్కడే పెరిగి, సీమాంధ్రుల దయాదాక్షిణ్యాలతో ఎమ్మెల్యే, సీఎం అయిన బాబు, సీమాంధ్ర రోదనలను పట్టించుకోకుండా ప్రత్యేక తెలంగాణ కోసం దీక్ష చేయడం దారుణమనీ, చంద్రబాబు చరిత్రహీనులుగా మిగిలిపోతారని అంబటి విమర్శించారు.


 సాక్షి, హైదరాబాద్: కేబినెట్ నిర్ణయాన్ని వ్యతిరేకిస్తూ కేంద్ర మంత్రులు, ఎంపీలు తమ పదవులకు రాజీ నామా చేసి ప్రజా ఉద్యమంలో భాగస్వాములవ్వాలని, ఈ పని చేయకుండా ఉద్యమానికి తూట్లు పొడవాలని చూస్తే.. వారికి రాజకీయ సమాధి తప్పదని సమైక్యాంధ్ర పరిరక్షణ వేదిక చైర్మన్ అశోక్‌బాబు స్పష్టం చేశారు. శుక్రవారమిక్కడ విలేకరులతో ఆయన మాట్లాడుతూ.. కేంద్రమంత్రులు రాజీనామా చేశారని మీడియాలో వస్తున్న వార్తల్లో నిజం లేదన్నారు.
  
  రాజీనామా చేశామని కొందరు ప్రకటనలు చేస్తున్నారేగానీ, తమ రాజీనామా పత్రాల్ని ప్రధానికి పంపలేదన్నారు. రాజీనామాలు చేశామంటూ ఢిల్లీలో కూర్చొని డ్రామాలాడుతున్న నేతల మాటలను ప్రజలు నమ్మే పరిస్థితి లేదన్నారు. రాజీనామాలు సమర్పించి ప్రజా ఉద్యమంలోకి రాకుంటే ఇకపై.. వారి చరిత్ర చీకట్లోనేనని మండిపడ్డారు. కేబినెట్ భేటీలో టీ నోట్‌ను ఇద్దరు మంత్రులు తీవ్రంగా వ్యతిరేకించినా కేంద్రం లెక్కచేయలేదంటే ఆంధ్రప్రదేశ్ నేతల దుస్థితి ఎలా ఉందో వేరే చెప్పనక్కర్లేదన్నారు. కేంద్ర మంత్రులు, ఎంపీలు ఢిల్లీలో ఉండాలో, పదవులు వదిలి ప్రజా ఉద్యమంలోకి రావాలో ఇప్పటికైనా తేల్చుకోవాలని సూచిం చారు.
  
  చిరుద్యోగులు 60 రోజులుగా జీతాల్లేకుండా సమ్మె చేస్తూ ఉద్యమాన్ని నడుపుతుంటే.. కొందరు నేతలు పదవులకోసం సోనియాగాంధీ వద్ద మోకరిల్లుతుండడం దౌర్భాగ్యమన్నారు. విభజనను అసెంబ్లీలో వ్యతిరేకిస్తామని సీమాంధ్ర ఎమ్మెల్యేలు, మంత్రులు తమ నియోజకవర్గాల  ప్రజలకు ప్రమాణ పత్రాలను ఇవ్వాలని డిమాండ్ చేశారు. ఇవ్వనివారిని ద్రోహులుగానే పరిగణిస్తామన్నారు. రాష్ట్రం విడిపోతే సీమాం ధ్రతోపాటు తెలంగాణ కూడా తీవ్రంగా నష్టపోవాల్సి వస్తుందని ఆర్థికవేత్తలు చెబుతున్నారని గుర్తుచేశారు. కేవలం స్వార్థ ప్రయోజనాలకోసం రాజకీయ నేతలు రాష్ట్రాన్ని రెండుగా చీల్చడం దురదృష్టకరమన్నారు. తెలంగాణపై నోట్‌కు కేబినెట్ ఆమోదం లభించినంత మాత్రాన విభజన జరిగిపోయినట్లు కాదని, కేబినెట్ ఆమోదం తెలపడం కూడా సీడబ్ల్యూసీ నిర్ణయం వంటిదేనన్నారు. కేబినెట్ నిర్ణయంపై సమైక్యవాదులు ఆందోళన చెందనక్కర్లేదన్నారు.
  
  ఉద్యమాన్ని, హింస కు తావులేకుండా మరింత ఉధృతం చేయాలని పిలుపునిచ్చారు. కడప, అనంతపురం, గుంటూరు, విజయనగరం జిల్లాల్లో జరిగిన ఆందోళనలు హింసాత్మకంగా మారినట్లు తమ దృష్టికొచ్చిందని, అయితే హింసాత్మక ఘటనలు రాజకీయ ప్రేరితమైనవేగాని, ఉద్యోగులకు సంబంధం లేదని స్పష్టంచేశారు. రాష్ట్ర విభజనపై కేంద్ర కేబినెట్ తీసుకున్న నిర్ణయం రాష్ట్ర చరిత్రలో విషాదకర సంఘటనగా మిగిలిపోతుందన్నారు. దివంగత నేత వైఎస్ రాజశేఖరరెడ్డి మరణం తర్వాత.. ఒక అంశంపై రాష్ట్ర ప్రజలంతా బాధపడిన  సంఘటన ఇదేనన్నారు. కొన్ని పార్టీలు సమైక్యాంధ్ర నినాదంతో ముందుకెళుతున్నా.. ఉద్యోగులందరం ఒంటరిగానే పోరాడాలని నిర్ణయించుకున్నామన్నారు. సమైక్య రాష్ట్ర పరిరక్షణ కోసం వైఎస్సార్‌సీపీ అధినేత జగన్‌మోహనరెడ్డి ఆమరణ నిరాహార దీక్షకు మద్దతు ఇస్తారా? అన్న ప్రశ్నకు ఆయన స్పందిస్తూ.. దీనిపై 6న జరిగే ఉద్యోగ సంఘాల భేటీలో నిర్ణయిస్తామన్నారు. కేబినెట్ తాజా నిర్ణయాన్ని వ్యతిరేకిస్తూ నర్సులు, విద్యుత్ ఉద్యోగులు తదితర అత్యవసర విభాగాల ఉద్యోగులు కూడా శుక్రవారం నుంచి సమ్మెలో పాల్గొంటున్నారని తెలిపారు. సమైక్యాంధ్ర ఉద్యమ సెగ కేంద్రానికి తాకేలా, వేలాది మంది ఉద్యోగులతో ఢిల్లీ వెళ్లి ఆందోళన చేయాలని యోచిస్తున్నట్లు చెప్పారు.


 సాక్షి, విజయవాడ : రాష్ట్ర విభజన నిర్ణయానికి కేంద్ర మంత్రివర్గం ఆమోదముద్ర వేయడాన్ని నిరసిస్తూ, సమైక్యాంధ్ర పరిరక్షణకు డిమాండు చేస్తూ వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహనరెడ్డి హైదరాబాద్‌లో శనివారం ఉదయం చేపడుతున్న ఆమరణ నిరాహార దీక్షకు సంఘీభావంగా నగరంలో మాజీ ఎమ్మెల్యే వంగవీటి రాధాకృష్ణ కూడా నిరవధిక దీక్షకు సిద్ధమయ్యారు. ఈ మేరకు పార్టీ నేతలు రాఘవయ్యపార్కు వద్ద నిరశన దీక్షా శిబిరానికి ఏర్పాట్లు చేస్తున్నారు.
  
 పెడనలో వైఎస్సార్‌సీపీ నియోజకవర్గ కన్వీనర్ ఉప్పాల రాము కూడా నిరవధిక నిరశన చేపడుతున్నారు. జగన్‌మోహన్‌రెడ్డి జైలులో చేపట్టిన దీక్షకు సంఘీభావంగా రాము ఐదురోజుల పాటు నిరవధిక నిరాహార దీక్ష చేసిన సంగతి తెలిసిందే. మరోవైపు రాష్ట్ర పార్టీ పిలుపు మేరకు జగ్గయ్యపేట ఆర్టీసీ బస్టాండ్ ఆవరణలో పార్టీ జిల్లా కన్వీనరు ఉదయభాను చేపట్టిన నిరవధిక దీక్ష మూడో రోజుకు చేరింది. దివంగత ముఖ్యమంత్రి ఎన్టీరామారావు సతీమణి లక్ష్మీపార్వతి, పెడన మాజీ శాసనసభ్యులు జోగి రమేష్  శుక్రవారం ఈ దీక్షా శిబిరాన్ని సందర్శించి సంఘీభావం తెలిపారు.
 
 హనుమాన్‌జంక్షన్‌లో పార్టీ నేత దుట్టా రవిశంకర్ చేపట్టిన దీక్షను శుక్రవారం సాయంత్రం పోలీసులు భగ్నంచేశారు. మచిలీపట్నంలో మాజీ ఎమ్మెల్యే పేర్ని నాని కోనేరుసెంటరులో నిర్వహిస్తున్న రిలే దీక్షలు రెండోరోజుకు చేరాయి. పార్టీ కేంద్ర పాలకమండలి సభ్యులు కుక్కల నాగేశ్వరరావు తదితరులు ఈ దీక్షల్లో పాల్గొన్నారు.
 
 మైలవరం నియోజకవర్గ సమన్వయకర్త జోగి రమేష్ ఆధ్వర్యంలో నిర్వహిస్తున్న రిలే నిరాహార దీక్షలు మూడోరోజుకు చేరాయి. స్థానిక భద్రాచలం రోడ్డులో డాక్టర్ హనిమిరెడ్డి కాంప్లెక్స్ ఎదుట ఉన్న వైఎస్ రాజశేఖరరెడ్డి కాంస్య విగ్రహం వద్ద ఏర్పాటు చేసిన ఈ శిబిరంలో శుక్రవారం కూర్చున్నవారికి పార్టీ మైలవరం పట్టణ కన్వీనర్ శీలం కోటిరెడ్డి, ఎన్. దుర్గాప్రసాద్, మహిళా నాయకురాలు వంగల పద్మ పూలమాలలు వేసి దీక్షలు ప్రారంభించారు. నూజివీడు జంక్షన్‌లో నిర్వహిస్తున్న రిలేదీక్షలు 39వ రోజుకు చేరాయి.
 
 ఈ దీక్షలను నియోజకవర్గ కన్వీనర్ మేకా వెంకట ప్రతాప్‌అప్పారావు ప్రారంభించారు. కైకలూరు వైఎస్సార్ సీపీ కార్యాలయం వద్ద పార్టీ నియోజకవర్గ సమన్వయకర్త దూలం నాగేశ్వరరావు ఆధ్వర్యంలో కొనసాగుతున్న దీక్షలు 59వ రోజుకు చేరాయి. పెడనలో పార్టీ నియోజకవర్గ సమన్వయకర్తలు డాక్టర్ వాకా వాసుదేవరావు, ఉప్పాల రాంప్రసాద్, పార్టీ రాష్ట్ర బీసీ సెల్ అడ్‌హక్ కమిటీ సభ్యులు గూడవల్లి కేదారేశ్వరరావు చేస్తున్న నిరవధిక నిరాహార దీక్షలను విరమించారు.
 
 అవనిగడ్డలో పార్టీ నియోజకవర్గ సమన్వయకర్త సింహాద్రి రమేష్‌బాబు దీక్షను పోలీసులు గురువారం రాత్రి భగ్నం చేయడంతో ఈ శిబిరంలో కొందరు నాయకులు రిలే నిరశన చేపట్టారు. టీనోట్ ప్రకటనకు నిరసనగా చల్లపల్లిలో వైఎస్సార్‌సీపీ మండల కన్వీనర్ చండ్ర వెంకటేశ్వరావు, టీడీపీ మండల పార్టీ అధ్యక్షులు నిడమానూరి దిలీప్‌కుమార్ శుక్రవారం ఆమరణ నిరాహారదీక్ష చేపట్టారు. వైఎస్సార్‌సీపీ పిలుపు మేరకు నగరం, జిల్లాలోని అన్ని నియోజకవర్గ కేంద్రాలలో నాయకులు, కార్యకర్తలు 72 గంటల బంద్ నిర్వహించారు. రోడ్లపై టైర్లు తగలబెట్టి తమ నిరసన తెలిపారు. రాస్తారోకోలు, ధర్నాలు చేశారు. షాపులు మూయించారు.
  
 బొత్స ఇక బార్‌షాపుల్లో బ్రోకర్‌గా చేయాల్సిందే..
 
 జగ్గయ్యపేట : రాష్ట్ర విభజనకు సహకరించిన పీసీసీ అధ్యక్షుడు బొత్స సత్యనారాయణ ఇకపై సీమాంధ్ర బార్‌షాపులో బ్రోకర్‌గా పనిచేయాల్సిందేనని వైఎస్సార్ సీపీ విజయవాడ నగర కన్వీనర్ జలీల్‌ఖాన్ విమర్శించారు. స్థానిక ఆర్టీసీ బస్టాండ్ సమీపంలో పార్టీ జిల్లా కన్వీనర్ సామినేని ఉదయభాను సమైక్యాంధ్రకు మద్దతుగా గత మూడు రోజులుగా నిర్వహిస్తున్న నిరవధిక నిరాహార దీక్ష శిబిరాన్ని శుక్రవారం రాత్రి ఆయన సందర్శించి సంఘీభావం తెలిపారు. అనంతరం మాట్లాడుతూ బొత్స జోడు పదవులను అడ్డం పెట్టుకొని సీమాంధ్ర ప్రజల్ని పట్టించుకోకుండా ఢిల్లీలో సోనియా భజన చేస్తూ తెలంగాణ రాష్ట్ర ఏర్పాటుకు మద్దతు తెలిపాడన్నారు. ఇటువంటి సీమాంధ్ర ద్రోహులను క్షమించరాదన్నారు. ఈ కార్యక్రమంలో నాయకులు విశ్వనాథం, నాగేశ్వరరావు, జిల్లా సమాఖ్య మాజీ అధ్యక్షురాలు వేల్పుల పద్మకుమారి తదితరులు పాల్గొన్నారు.
  


 హైదరాబాద్: రాష్ట్ర విభజనకు వ్యతిరేకంగా వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి రేపటి నుంచి ఆమరణ నిరాహార దీక్షకు దిగనున్నారు. సమన్యాయం పాటించకుండా రాష్ట్రాన్ని దారుణంగా విభజించడాన్ని ఆయన తీవ్రంగా వ్యతిరేకిస్తున్నారు. రాష్ట్రాన్ని ఇష్టం వచ్చినట్టు విభజిస్తే భవిష్యత్లో నీటి యుద్ధాలు తప్పవని ఆయన హెచ్చరించారు.
 
 విభజనకు వ్యతిరేకంగా తాను రేపటి నుంచి వైఎస్ఆర్ కాంగ్రెస్ పార్టీ కార్యాలయం ఎదుట చేపట్టబోతున్న ఆమరణ నిరాహార దీక్షకు అన్ని పార్టీలూ కలిసి రావాలని ఆయన పిలుపునిచ్చారు. అన్ని పార్టీల నాయకులూ వాళ్ల జెండాలు పట్టుకునే ఈ ఉద్యమంలో పాల్గొనాలని సూచించారు. జగన్ దీక్షపై మీ అభిప్రాయాలు మాతో పంచుకోండి. జననేత దీక్షకు సంఘీభావం ప్రకటించండి.


 హైదరాబాద్: సమన్యాయం చేయలేనపుడు రాష్ట్రాన్ని సమైక్యంగా ఉంచాలని కోరుతూ ఆరు రోజులుగా నిరవధిక నిరాహార దీక్ష చేస్తున్న వై.ఎస్.జగన్‌మోహన్‌రెడ్డి తన దీక్షను విరమించాలని పార్టీ రాజకీయ వ్యవహారాల కమిటీ విజ్ఞప్తి చేసింది. దీక్ష  చేస్తున్న జగన్ ఆరోగ్య పరిస్థితి ఆందోళనకరంగా ఉన్న నేపథ్యంలో శుక్రవారం ఉదయం పార్టీ గౌరవాధ్యక్షురాలు వై.ఎస్.విజయమ్మ అధ్యక్షతన కమిటీ అత్యవసరంగా సమావేశమైంది. ఆరోగ్యం క్షీణిస్తున్న రీత్యా రాష్ట్రం నలుమూలల నుంచీ అభిమానులు, పార్టీ కార్యకర్తల్లో భయాందోళనలు వ్యక్తం అవుతున్నందున దీక్ష విరమించాలని కోరుతూ విజయమ్మ ద్వారా జగన్‌కు విజ్ఞప్తి చేయించాలని నేతలు తీర్మానించారు. అయితే జగన్ నుంచి ఎలాంటి స్పందనా రాలేదు.
  
 ప్రజల్లో ఆందోళన: తమ్మినేని
 సాక్షి, హైదరాబాద్: వైఎస్ జగన్‌మోహన్‌రెడ్డి చేపట్టిన ఆమరణ దీక్ష పట్ల ప్రభుత్వం, పోలీసులు వ్యవహరిస్తున్న తీరు వల్ల శ్రీకాకుళం నుంచి అనంతపురం దాకా ప్రజలు ఆందోళనతో ఉన్నారని మాజీ మంత్రి, పార్టీ నేత తమ్మినేని సీతారాం పేర్కొన్నారు. జగన్‌ను పరామర్శించేందుకు ఉస్మానియా ఆసుపత్రికి వచ్చిన ఆయన్ను పోలీసులు అనుమతించకపోవడంతో నిరసన తెలిపారు.  ‘‘ఆసుపత్రి వద్ద పోలీసుల మోహరింపు దేనికి? చుట్టూ ముళ్ల కంచె వేయడమేంటి? ఇది ప్రజాస్వామ్యమా.. లేక ఎమర్జెన్సీ విధించారా?’’ అని ప్రశ్నించారు.
  


 సాక్షి నెట్‌వర్క్ : రాష్ట్ర విభజనలో సమన్యాయం కోసం నిరవధిక నిరాహారదీక్ష చేపట్టిన వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డికి సంఘీభావంగా సీమాంధ్ర జిల్లాల్లో పార్టీ శ్రేణులు జైల్‌భరో కార్యక్రమం నిర్వహించాయి. విజయవాడలో పార్టీ జిల్లా కన్వీనర్ సామినేని ఉదయభాను, నగర కన్వీనర్ జలీల్‌ఖాన్, రైతువిభాగం రాష్ట్ర కన్వీనర్ ఎంవీఎస్ నాగిరెడ్డి తదితరులు అరెస్టయ్యారు. కడప వన్‌టౌన్ పోలీసుస్టేషన్ ముట్టడించిన ఎమ్మెల్సీ దేవగుడి నారాయణరెడ్డి, ఎమ్మెల్యే శ్రీకాంత్‌రెడ్డి తదితరులు అరెస్టయ్యారు. రాజంపేటలో ఎమ్మెల్యే ఆకేపాటి అమర్‌నాథరెడ్డి ఆధ్వర్యంలో జరిగిన జైల్‌భరోలో  వెయ్యి మందిని అరెస్టు చేశారు. విశాఖ జిల్లా కంచరపాలెం పోలీస్‌స్టేషన్ వద్ద జైల్‌భరో చేపట్టడంతోపాటు జాతీయ రహదారిని దిగ్బంధించారు.
  
  అనంతపురంలో పార్టీ ఎమ్మెల్యేలు గుర్నాథ్‌రెడ్డి, కాపు రామచంద్రారెడ్డి ఆధ్వర్యంలో రూరల్ పోలీసుస్టేషన్ ఎదుట జైల్‌భరో కార్యక్రమం చేపట్టారు. శ్రీ పొట్టి శ్రీరాములు నెల్లూరు జిల్లాలో ఉదయగిరి ఎమ్మెల్యే మేకపాటి చంద్రశేఖర్‌రెడ్డి సహా పదిమంది నేతలు, కార్యకర్తలు అరెస్టయ్యారు. గుంటూరు జిల్లా మాచర్లలో ఎమ్మెల్యే పిన్నెల్లి రామకృష్ణారెడ్డి ఆధ్వర్యంలో ప్రత్యేక పూజలు నిర్వహించగా, బాపట్ల సముద్రంలో కోన రఘుపతి జలదీక్ష నిర్వహించారు. జగన్ కోసం నిడదవోలులో ముస్లిం మహిళలు ప్రార్ధనలు, భీమవరంలో వైఎస్సార్ సీపీ నేత గ్రంధి వెంకటేశ్వరరావు పూజలు నిర్వహించారు. చింతలపూడిలో మాజీ ఎమ్మెల్యే మద్దాల రాజేష్‌కుమార్ పోలీస్‌స్టేషన్‌ను ముట్టడించారు. విజయనగరంలో  సుజయ్‌కృష్ణ రంగారావు, పెనుమత్స సాంబశివరాజులతో పాటు వందలాది మంది కార్యకర్తలు జైల్‌భరోలో పాల్గొన్నారు. తిరుపతిలో ఎమ్మెల్యే భూమన కరుణాకరరెడ్డి ఆధ్వర్యంలో కొవ్వొత్తుల ర్యాలీ నిర్వహించారు. చంద్రగిరి నియోజకవర్గ సమన్వయకర్త చెవిరెడ్డి భాస్కర్‌రెడ్డి ఆధ్వర్యంలో  ఎర్రావారిపాళెం పోలీస్ స్టేషన్ ముందు జగన్‌మోహన్‌రెడ్డి మాస్క్‌లు వేసుకుని మౌన దీక్ష చేపట్టారు.  


 హైదరాబాద్: రాష్ట్రాన్ని యథాతథంగా ఉంచాలంటూ ఆగస్టు 24వ తేదీ సాయంత్రం నుంచి 126 గంటలుగా చంచల్‌గూడ జైల్లో నిరాహార దీక్ష చేస్తున్న వైఎస్సార్ కాంగ్రెస్ పార్టీ అధినేత వైఎస్ జగన్‌మోహన్‌రెడ్డి దీక్ష భగ్నానికి పోలీసులు గురువారం ప్రయత్నించారు. రాత్రి 11.58 గంటలకు ఆయనను బలవంతంగా ఉస్మానియా ఆస్పత్రికి తరలించారు. అయితే ఆస్పత్రిలోనే జగన్ తన దీక్షను కొనసాగిస్తున్నారు.
 
 ఉస్మానియా డాక్టర్ అశోక్ కుమార్ నేతృత్వంలో జగన్ కు వైద్య పరీక్షలు నిర్వహించారు. ఆయనకు బీపీ 140/80, 60 ఎంజీ కి పడిపోయాయి. షుగర్ లెవెల్, పల్స్ రేట్ 86కి పడిపోయాయి. ఆస్పత్రిలో జగన్ కు ఎంఎల్సీ 23528 నెంబరును డాక్టర్లు కేటాయించారు. ఫ్లూయిడ్స్ ఎక్కించడానికి వైద్యులు ప్రయత్నించగా ఆయన నిరాకరించారు. ఓపీ బిల్డింగ్లోని ఏఎంసీయూ 116 నెంబర్ గదిలో జగన్ కు చికిత్స అందిస్తున్నారు. అయితే ఈసీజీ లో స్వల్ప తేడాలున్నట్టు వైద్యులు తెలిపారు. ఎనిమిది మంది డాక్టర్ల బృందంలో జగన్ కు వైద్యం అందిస్తున్నారు.
 
 వైఎస్ జగన్మోహన్ రెడ్డి రక్తంలో గ్లూకోజ్ లెవెల్స్ చాలా తక్కువగా ఉన్నాయని ఉస్మానియా ఆర్ఎంవో డాక్టర్ మహ్మద్ రఫీ పేర్కొన్నారు. గ్లూకోజ్ తీసుకోమని తాము కోరినా జగన్ తిరస్కరిస్తున్నారనిన్నారు. జగన్ గ్లూకోజ్ తీసుకోవడం అత్యవసరమని ఆయన తెలిపారు. పోలీసులు, తాము ఎంతకోరినా ఆయన వైద్యానికి అంగీకరించటలేదని చెప్పారు. కీటోన్ బాడీస్ ఎక్కువగా ఉన్నాయని చెప్పారు. అయితే వైఎస్ జగన్ కు అనేక రకాల వైద్య పరీక్షలు నిర్వహించామని, ఇంకా రిపోర్ట్లు రావాల్సి ఉందని మహ్మద్ రఫీ తెలిపారు.  ఆయన ఆరోగ్య పరిస్థితిపై ఇంకో 24 గంటల వరకు ఏం చెప్పలేమని ఆర్ఎంవో మహ్మద్ రఫీ చెప్పారు.


 సాక్షి నెట్‌వర్క్:  జనంలో ఉన్నా.. జైల్లో ఉన్నా.. ప్రజాశ్రేయస్సే ఊపిరిగా ఉద్యమిస్తున్న జననేత వైఎస్ జగన్‌మోహన్‌రెడ్డికి ఆ ప్రజలే అండగా నిలుస్తున్నారు. రాష్ట్ర విభజనలో సమన్యాయం కోసం జైలులోనే నిరవధిక దీక్ష చేపట్టిన వైఎస్సార్ కాంగ్రెస్ పార్టీ అధ్యక్షుడు జగన్‌మోహన్‌రెడ్డి ఆరోగ్యంపై సర్వత్రా ఆందోళన వ్యక్తమవుతోంది.   ఆయన నిరవధిక దీక్ష ఐదురోజులు దాటినా పట్టించుకోని ప్రభుత్వ తీరుపై నిరసనలు వెల్లువెత్తుతున్నాయి. గురువారం సీమాంధ్ర జిల్లాల్లో ఎక్కడికక్కడ జాతీయరహదారుల దిగ్బంధనాలు చేపట్టారు. ప్రజానేత ఆరోగ్యం బాగుండాలంటూ అన్ని మతాల వారు ప్రార్థనలు నిర్వహించారు. ఇక జననేత దీక్షకు సంఘీభావంగా సీమాంధ్ర జిల్లాల్లో 117మంది చేపట్టిన ఆమరణ దీక్షలు కొనసాగిస్తుండగా, గురువారం ఒక్కరోజే 2956మంది రిలేదీక్షలు చేపట్టారు.
  
  అనంతపురం జిల్లా ధర్మవరం ఎమ్మెల్యే కేతిరెడ్డి వెంకట్రామిరెడ్డి చేపట్టిన 48గంటల నిరాహార దీక్ష కొనసాగింది. కాగా, తూర్పుగోదావరి జిల్లా రాజమండ్రి లాలాచెరువు సెంటర్‌లో పార్టీ ట్రేడ్ యూనియన్ రాష్ర్ట కార్యదర్శి టీకే విశ్వేశ్వరరెడ్డి, సీజీసీ సభ్యురాలు జక్కంపూడి విజయలక్ష్మి, సీజీసీ సభ్యుడు జ్యోతుల నెహ్రూల ఆధ్వర్యంలో వేర్వేరుగా ఎన్‌హెచ్-16ను దిగ్బంధించారు.
  
  అగ్నిదీక్ష : కాకినాడ అచ్చంపేట జంక్షన్ వద్ద ఎన్‌హెచ్-216ను జెడ్పీ మాజీ చైర్మన్ చెల్లుబోయిన వేణు ఆధ్వర్యంలో సుమారు రెండుగంటల పాటు దిగ్బంధించారు. చుట్టూ మంటలు ఏర్పాటు చేసి మధ్యలో వేణుతో సహా సుమారు 100 మంది కార్యకర్తలు కూర్చొని గంటకుపైగా అగ్నిదీక్ష చేపట్టారు.
  
  ప్రభుత్వ కార్యాలయాలకు తాళం: అనంతపురం జిల్లాలో గురువారం వైఎస్‌ఆర్‌సీపీ నేతలు, కార్యకర్తలు ప్రభుత్వ కార్యాలయాలకు తాళం వేసి నిరసన తెలియ జేశారు.  ఉరవకొండలో హంద్రీ-నీవాలో పార్టీ కార్యకర్తలు జలదీక్ష చేపట్టారు.
  
  గుడి, దర్గాల్లో పూజలు
  జగన్ ఆరోగ్యం నిలకడగా ఉండాలని కోరుతూ విశాఖనగరంలోని సంపత్ వినాయకుడి గుడి వద్ద 101 కొబ్బరికాయలు కొట్టి అనంతరం ప్రత్యేక పూజలు చేశారు. ఆరోగ్యంకుదుట పడాలని కోరుతూ గాజువాక బీసీరోడ్డులో, వైఎస్సార్ జిల్లా కడప పెద్దదర్గాలో సామూహికంగా ముస్లింలు ప్రార్థనలు నిర్వహించారు.
  
  మహిళల భారీ ర్యాలీ
  వైఎస్సార్ జిల్లా కడపలో మాజీ మేయర్ పి.రవీంద్రనాథ్‌రెడ్డి సతీమణి అరుణమ్మ, జిల్లా మహిళా విభాగం అధ్యక్షురాలు పత్తి రాజేశ్వరి ఆధ్వర్యంలో మహిళలు జియోన్ కళాశాల నుంచి కలెక్టరేట్ వరకు ర్యాలీ నిర్వహించి జగన్ దీక్షకు సంఘీభావం తెలిపారు. పులివెందులలో వైఎస్సార్ సీపీ నేత ఈసీ గంగిరెడ్డి, జిల్లా యువజన విభాగం అధ్యక్షుడు వైఎస్ అవినాష్‌రెడ్డి నేతృత్వంలో మహిళలు  ర్యాలీ  నిర్వహించారు. బద్వేలు నియోజకవర్గంలోని పోరుమామిళ్ల లో ముస్లింలు రిలే దీక్షల్లో కూర్చొన్నారు.
  


 హైదరాబాద్: రాష్ట్ర విభజన విషయంలో ఇరుప్రాంతాలకు సమన్యాయం చేయాలని, అలా చేయలేకపోతే రాష్ట్రాన్ని యథాతథంగా ఉంచాలన్న డిమాండ్తో  చంచల్గూడ జైలులో ఐదు రోజులుగా ఆమరణదీక్ష చేస్తున్న వైఎస్ఆర్ కాంగ్రెస్ పార్టీ అధ్యక్షుడు, ఎంపి జగన్మోహన రెడ్డి ఆరోగ్యంపై నిన్న సాయంత్రం నుంచి జైలు అధికారులు అధికారకంగా హెల్త్ బులెటన్ విడుదల చేయకపోవడంపై అనుమానులు తలెత్తున్నాయి. దీంతో జగన్ అభిమానుల్లో ఆందోళన వ్యక్తమవుతోంది. ప్రస్తుతం జగన్ ఆరోగ్య పరిస్థితి నిలకడగానే ఉందనే జైలు అధికారులు చెబుతున్నా, వారు చేసే హడావుడి చూస్తే మాత్రం ఆయన పరిస్థితి బాగాలేదని తెలుస్తోంది.
 
 ఈ నేపథ్యంలో జైల్లో నిరవధిక దీక్ష చేపట్టిన వైఎస్ జగన్ ఆరోగ్యంపై సమాచారం అందిచాల్సిన బాధ్యత ప్రభుత్వంపై ఉందని, గోప్యంగా ఉంచడం రాజ్యంగ ఉల్లంఘనేనని అంటూ వైఎస్ఆర్ సీపీ లీగల్ సెల్ కో ఆర్డినేటర్ నాగేశ్వరరావు విమర్శించారు. అంతేకాకుండా వైఎస్ జగన్ వ్యక్తిగత హక్కులను జైలు అధికారులు నిర్వీర్యంచేశారంటూ  ఆయన ఆరోపించారు. జగన్ దీక్షపై కోర్టుకు నివేదించడం కూడా మానవ హక్కుల ఉల్లంఘనేనని తెలిపారు. దీక్ష సమయంలో జగన్ ఎవ్వర్నీ కలవకపోయినా ములాఖత్‌లు రద్దుచేశామంటూ ప్రచారం చేశారని అన్నారు. అసలు ములాఖత్‌లు రద్దుచేశామంటూ ప్రచారంచేయడం కూడా హక్కుల ఉల్లంఘనేనని నాగేశ్వరరావు పేర్కొన్నారు.
 
 ఇదిలా ఉండగా, ఏ క్షణంలోనైనా వైఎస్ జగన్ ను ఉస్మానియా ఆస్పత్రికి తీసుకవెళ్లవచ్చుననే సమాచారంతో ముందుస్తు జాగ్రత్త చర్యగా ఉస్మానియా పరిసరాల్లో అణువుణునా తనిఖీలు చేపట్టారు. ఇప్పటికే చంచల్ గూడ జైలు వద్ద బారీ కేడ్లను ఏర్పాటుచేశారు.


 సాక్షి నెట్‌వర్క్: రాష్ట్ర విభజనలో సమన్యాయం కోసం జైలులోనే నిరవధిక నిరాహార దీక్ష చేపట్టిన వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డికి నగరం, పట్టణం, పల్లె చేయీ చేయీ కలిపి సంఘీభావం ప్రకటిస్తున్నాయి. నాలుగురోజుల కిందట సీమాంధ్ర జిల్లాల్లో 124 మంది చేపట్టిన ఆమరణ దీక్షా శిబిరాలు కొనసాగుతుండగా, బుధవారం ఒక్కరోజే కోస్తా, రాయలసీమ జిల్లాల్లో 2546 మంది రిలేదీక్షలు చేపట్టారు. ఇక వైఎస్సార్ కాంగ్రెస్ పార్టీ ఆధ్వర్యంలో బుధవారం  వినూత్న నిరసనలు చేపట్టారు. కర్నూలు జిల్లాలోని కర్నూలు, నంద్యాల, ఆదోని, కల్లూరు, డోన్ ప్రాంతాల్లో కేంద్ర, రాష్ట్ర ప్రభుత్వ కార్యాలయాలను మూసివేయించివ వైఎస్సార్ సీపీ శ్రేణులు ఎక్కడికక్కడ ధర్నాలు చేపట్టాయి. బనగానపల్లెలో ఎమ్మెల్యే కాటసాని రామిరెడ్డి చేపట్టిన ఆమరణ దీక్ష బుధవారంతో మూడురోజులు పూర్తి చేసుకుని గురువారానికి నాలుగోరోజు చేరింది.
  
  పాణ్యం ఎమ్మెల్యే కాటసాని రాంభూపాల్‌రెడ్డి నగరంలోని శ్రీకృష్ణదేవరాయల సర్కిల్‌లో బుధవారం నుంచి 48 గంటల నిరాహార దీక్ష చేపట్టారు. వైఎస్సార్ జిల్లాలో కడప నగరం, పులివెందుల, జమ్మలమడుగు పట్టణాల్లోని  కేంద్ర ప్రభుత్వ కార్యాలయాలకు వైఎస్‌ఆర్‌సీపీ మహిళా శ్రేణులు తాళాలు వేసి నిరసన వ్యక్తం చేశాయి. విజయవాడ వన్‌టౌన్‌లోని ప్రధాన పోస్టాఫీసు కార్యాలయానికి పార్టీ నగర కన్వీనర్ జలీల్‌ఖాన్  ఆధ్వర్యంలో తాళాలు వేశారు. గాంధీనగర్‌లోని పోస్టాఫీసుకు సెంట్రల్ నియోజకవర్గ సమన్వయకర్త గౌతంరెడ్డి నేతృత్వంలో తాళాలు వేశారు. పెడన మాజీ ఎమ్మెల్యే జోగి రమేష్ చేపట్టిన నిరవధిక దీక్ష ఐదోరోజుకు చేరింది. జగన్ దీక్షకు సంఘీభావంగా అనంతపురం జిల్లా ధర్మవరంలో   వైఎస్సార్‌సీపీ నేత, ఎమ్మెల్యే కేతిరెడ్డి వెంకట్రామిరెడ్డి ఆధ్వర్యంలో కార్యకర్తలు పెద్ద ఎత్తున ర్యాలీ నిర్వహించారు. అనంతరం 48 గంటల నిరాహార దీక్ష చేపట్టారు.  వైఎస్సార్‌సీపీ సీఈసీ సభ్యుడు కాకాణి గోవర్ధన్‌రెడ్డి ఆధ్వర్యంలో నెల్లూరు జిల్లా సర్వేపల్లి నియోజకవర్గంలో బుధవారం బంద్‌తో పాటు హైవేని దిగ్బంధించారు.  నెల్లూరు నగరంలో  పార్టీ సిటీ సమన్వయకర్త అనిల్‌కుమార్ యాదవ్ నేతృత్వంలో భారీ కొవ్వొత్తుల ప్రదర్శన జరిగింది. వైఎస్సార్ జిల్లా దువ్వూరులో జగన్ దీక్షకు మద్దతుగా డీసీసీబీ అధ్యక్షుడు తిరుపాల్‌రెడ్డి నేతృత్వంలో భారీ ర్యాలీ నిర్వహించి హైవేను దిగ్బంధనం చేసి వంటావార్పు చేపట్టారు. విశాఖ జిల్లా  ఉద్దండపురంలో జాతీయ రహదారిపై రాస్తారోకో నిర్వహించారు.
  
  రాజమండ్రిలో గోదావరి సమైక్యనాదం
  జగన్ దీక్షకు సంఘీభావంగా వైఎస్సార్ కాంగ్రెస్ పార్టీ ఆధ్వర్యంలో తూర్పుగోదావరి జిల్లా రాజమండ్రిలో ‘గోదావరి సమైక్యనాదం’ పేరిట 12 మరపడవలతో గోదావరిలో యాత్ర చేపట్టారు. సమైక్య రాష్ట్ర పతాకాలు, నినాదాలతో కూడిన బ్యానర్లు పట్టుకుని పార్టీ శ్రేణులు ఈ యాత్రలో పాల్గొన్నాయి. గుంటూరు  జిల్లా పార్టీ కన్వీనర్ మర్రి రాజశేఖర్ ఆధ్వర్యంలో చిలకలూరిపేటలో, నగర కన్వీనరు లేళ్ల అప్పిరెడ్డి ఆధ్వర్యంలో గుంటూరులోనూ మోటారు సైకిల్ ర్యాలీ చేపట్టారు. కాగా, జగన్ దీక్షకు మద్దతుగా సీమాంధ్రలోని 13 జిల్లాల్లో వైఎస్సార్‌టీఎఫ్ నాయకులు ర్యాలీలు, నిరాహార దీక్షలు చేపట్టాలని వైఎస్సార్ టీచర్స్ ఫెడరేషన్ రాష్ట్ర కన్వీనర్ కే.ఓబుళపతి బుధవారం అనంతపురంలో పిలుపునిచ్చారు.


  చంచల్‌గూడ వద్ద ఏర్పాటుకు దక్షిణ మండల డీసీపీ హామీ
   జైలు వద్ద పోలీసుల వైఖరిపై కమిషనర్‌కు వైఎస్సార్‌సీపీ ఫిర్యాదు
   సానుకూలంగా స్పందించిన అనురాగ్ శర్మ
  
  సాక్షి, హైదరాబాద్: నిరవధిక నిరాహారదీక్ష చేస్తున్న వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డికి సంఘీభావం తెలిపేందుకు వీలుగా చంచల్‌గూడ జైలు వద్ద ప్రత్యేక స్థలం ఏర్పాటు చే స్తామని పోలీసు అధికారులు హామీ ఇచ్చారు. జగన్‌కు సంఘీభావం తెలిపేందుకు వస్తున్న అభిమానులు, మహిళల పట్ల పోలీసులు వైఖరి మార్చుకోవాలని కోరుతూ వైఎస్సార్ కాంగ్రెస్ పార్టీ నేతలు బుధవారం నగర పోలీసు కమిషనర్ అనురాగ్ శర్మకు వినతిపత్రం అందజేశారు.
  
  పార్టీ నేతలు గట్టు రామచంద్రరావు, జనక్‌ప్రసాద్, రెహమాన్‌లతో కూడిన బృందం బషీర్‌బాగ్ కార్యాలయంలో ఆయన తో భేటీ అయ్యింది. జగన్‌కు సంఘీభావంగా అనేకమంది అభిమానులు, పార్టీ కార్యకర్తలు జైలు వద్దకు వస్తోంటే పోలీసులు వారిపై దురుసుగా ప్రవర్తిస్తున్నారని తెలిపింది. ఇతర పార్టీల వారికి మాదిరిగా వైఎస్‌ఆర్ సీపీకి అవకాశం ఇవ్వకుండా అమానుషంగా లాఠీచార్జి చేయడం, అరెస్టు చేసి పోలీసుస్టేషన్లలో పెట్టడం వంటి చర్యలకు పాల్పడుతున్నారని పార్టీ నేతలు వివరించారు.
  
  దీనిపై స్పందించిన కమిషనర్ సౌత్‌జోన్ డీసీపీతో మాట్లాడి సమస్యను పరిష్కరిస్తానని హామీ ఇచ్చారు. అనంతరం పార్టీ నేతలు కమిషనరేట్ వద్ద మీడియాతో మాట్లాడారు. ‘వైఎస్ జగన్‌మోహన్‌రెడ్డి ఏ పార్టీకీ వ్యతిరేకంగా దీక్ష చేయడం లేదు. తెలుగు ప్రజలందరి కోసం, సమన్యాయం పాటించాలని దీక్ష చేస్తున్నారు. ఆయనకు సంఘీభావం తెలపకూడదని పోలీసులు భావించడం దారుణం..’ అని అన్నారు. అనంతరం కమిషనర్ సూచనల మేరకు పార్టీ నేత రెహమాన్ సౌత్‌జోన్ డీసీపీ తరుణ్‌జోషీని పాతబస్తీలోని ఆయన కార్యాలయంలో కలిశారు. గురువారం తాను స్వయంగా జైలు వద్దకు వచ్చి సంఘీభావ కార్యక్రమాల కోసం ప్రత్యేక స్థలాన్ని ఏర్పాటు చేస్తానని డీసీపీ ఆయనకు హామీ ఇచ్చారు. ప్రతిరోజూ అరగంట పాటు ఈ కార్యక్రమం నిర్వహణకు సహకరిస్తామని చెప్పారు. అయితే ఈ సమయాన్ని పెంచాలని రెహమాన్ డీసీపీని కోరారు.


 దొమ్మేరు (కొవ్వూరు), న్యూస్‌లైన్ : వైఎస్సార్ సీపీ అధినేత వైఎస్ జగన్‌మోహన్‌రెడ్డి ఆమరణ దీక్షకు మద్దతుగా  కొవ్వూరు మండలం దొమ్మేరులో  రాష్ట్ర ఎంపీటీసీల సంఘం మాజీ అధ్యక్షుడు ముదునూరి నాగరాజు మంగళవారం ఆమరణ నిరాహారదీక్ష చేపట్టారు. ఆయనకు సంఘీభావంగా  పార్టీ  నాయకులు రిలే నిరాహార దీక్ష చేశారు. మాజీ ఎమ్మెల్సీ కోడూరి శివరామకృష్ణ నాగరాజుకు పూలమాల వేసి దీక్షను ప్రారంభించారు.
  
  రాజమండ్రి పార్లమెంటకీ నియోజకవర్గ నాయకుడు బొడ్డు వెంకట రమణ చౌదరి, మాజీ ఎమ్మెల్యే జొన్నకూటి బాబాజీరావు, జిల్లా స్టీరింగ్ కమిటీ సభ్యుడు పరిమి హరిచరణ్, మండల కన్వీనర్ ముళ్లపూడి కాశీవిశ్వనాథ్, రాష్ట్ర దళిత విభాగం నాయకుడు ముప్పిడి విజయరావు, నాయకులు వరిగేటి సుధాకర్, సుంకర సత్యనారాయణ, ముదునూరి సూర్యనారాయణరాజు, కోడూరి సత్యనారాయణ (సత్తులు), కుంటముక్కల రాంబాబు, ఎంఎస్ రాజు, పీతల ప్రసాద్‌బాబుతోపాటు పలువురు మండల నాయకులు దీక్షా శిబిరానికి వెళ్లి నాగరాజుకు సంఘీభావం తెలిపారు. వెంకట రమణ చౌదరి మాట్లాడుతూ సమైక్యాంధ్రప్రదేశ్‌ను విభజించాలంటే అన్ని ప్రాంతాల వారికి సమన్యాయం చేయాలని, లేనప్పుడు రాష్ట్రాన్ని యధాతథంగా ఉంచాలని వైఎస్సార్ కాంగ్రెస్ పార్టీ డిమాండ్ చేస్తోందన్నారు.
  
  జైలులోనే ఆమరణ నిరాహారదీక్ష చేస్తున్న జగన్‌మోహన్‌రెడ్డికి అన్నివర్గాల ప్రజలు నీరాజనాలు పలుకుతున్నారని చెప్పారు. జగన్‌మోహన్‌రెడ్డి దీక్షకు మద్దతుగా ఆమరణ నిరాహారదీక్ష చేపట్టిన నాగరాజును అభినందించారు. నాగరాజు మాట్లాడుతూ జగన్‌మోహన్‌రెడ్డి కోసం, సమైక్యాంధ్ర కోసం తన ప్రాణాలైనా అర్పిస్తానని తెలిపారు. నాగరాజు సతీ మణి, దొమ్మేరు సర్పంచ్ ముదునూరి జ్ఞానేశ్వరి, పలువురు వార్డుసభ్యులు నాగరాజుకు సంఘీభావం తెలిపారు.  నాగరాజు  దీక్షకు మద్దతుగా దొమ్మేరు వైఎస్సార్‌సీపీ కార్యకర్తలు తొర్లపాటి చంద్రశేఖర్, డేగపాటి సురేష్, సుంకర పైడేశ్వరరావు, మరపట్ల రాధాకృష్ణ, బోడిగట్ల జాకి, కొయ్య ప్రేమ్‌కుమార్, బోడిగట్ల శ్యాం, డేగపాటి శ్రీనివాస్ తది తరులు దీక్షలో కూర్చున్నారు. వైఎస్సార్‌సీపీ పట్టణ కన్వీనర్ మైపాల రాంబాబు, నాయకులు వల్లిపల్లి సాయి, చిలంకుర్తి బాబిలతోపాటు పలువురు నాయకులు నాగరాజు దీక్షకు సంఘీభావం తెలిపారు.
  


  సాక్షి ప్రతినిధి, విజయవాడ : కోట్ల మందికి సమన్యాయం కోసం ఒకే ఒక్కడు గొంతువిప్పితే సింహనాదమై మార్మోగుతోంది. అతని పిలుపే జన ప్రభంజనమైంది. అతని మాట, బాటే శ్రీరామరక్ష అంటూ లక్షలమంది అనుసరిస్తున్నారు. జనం కోసమే అతను.. అతని బాటలోనే జనం అని మరోమారు స్పష్టమైంది. సమన్యాయం చేస్తారా.. లేదా రాష్ట్రాన్ని యథాతథంగా ఉంచుతారా అంటూ తేల్చాలంటూ చంచల్‌గూడ జైలు నుంచే జననేత, వైఎస్సార్‌సీపీ అధినేత వైఎస్ జగన్‌మోహన్‌రెడ్డి రెండురోజులుగా చేస్తున్న ఆమరణ నిరశనదీక్షకు సంఘీభావంగా ఆ పార్టీ శ్రేణులు నిరాహార దీక్షలు, ఆందోళనలు, నిరసనలు చేపట్టడం ప్రజల పట్ల వైఎస్సార్‌సీపీకి ఉన్న నిబద్ధతను మారోమారు చాటిచెబుతోంది. ఆయనను అనుసరిస్తూ జిల్లాలో సోమవారానికి ఐదుగురు ఆమరణ దీక్షలు చేపట్టగా, పలుచోట్ల నిరసన దీక్షలు, ఆందోళనలు, ర్యాలీలు జరిగాయి. మంగళ, బుధవారాల్లో ఈ దీక్షలు మరిన్ని చోట్లకు విస్తరించే అవకాశం ఉంది.
  
 కొనసాగుతున్న జోగి, జ్యేష్ఠ దీక్షలు..
 
  మైలవరంలో తాజా మాజీ ఎమ్మెల్యే జోగి రమేష్, మాజీ ఎమ్మెల్యే జ్యేష్ఠ రమేష్‌బాబు తనయుడు శ్రీనాథ్‌లు చేపట్టిన ఆమరణ దీక్షలు సోమవారం రెండో కొనసాగాయి. జోగి రమేష్‌బాబు దీక్షాశిబిరం వద్దకు తరలివచ్చిన యువత ఆ ప్రాంగణంలోనే కబడ్డీ ఆడారు. ఏపీఎస్‌ఆర్టీసీ కార్మికులు, మైలవరం బార్ అసోషియేషన్ సభ్యులు, ఉపాధ్యాయ జేఏసీ, సమైక్యాంధ్ర జేఏసీ నాయకులు దీక్షాశిబిరాలకు వచ్చి జోగి రమేష్, జ్యేష్ఠ శ్రీనాథ్‌లకు సంఘీభావం తెలిపారు. వైఎస్సార్‌సీపీ నేతలు చేపట్టిన ఈ దీక్షలకు పోటీగా స్థానిక టీడీపీ ఎమ్మెల్యే దేవినేని ఉమామహేశ్వరరావు ఆ పార్టీకి చెందిన ఇద్దరు యువకులతో ఆమరణదీక్ష చేయించడం గమనార్హం.
 
  పెడ నలో ఉప్పాల రాము..
 
  పార్టీ పెడన నియోజకవర్గ సమన్వయకర్త ఉప్పాల రాము సోమవారం స్థానిక బంటుమిల్లి రోడ్డులోని వైఎస్ విగ్రహం వద్ద ఆమరణ దీక్ష చేపట్టారు. దీక్షకు ఎస్పీ అనుమతిలేదంటూ పోలీసులు అడ్డుకునే ప్రయత్నం చేశారు. తమ నాయకుడు జగన్‌మోహన్‌రెడ్డి బాటలోనే అవసరమైతే జైలుకు వెళతానేగానీ దీక్ష ఆపేదిలేదని రాము స్పష్టంచేశారు. పోలీసులు ఎన్ని అడ్డంకులు సృష్టించినా ఆయన అనుకున్న సమయానికి దీక్షను ప్రారంభించారు. దీక్షకు అభ్యంతరం పెట్టవద్దని, ఎస్పీతో తాను మాట్లాడతానని వైఎస్సార్‌సీపీ నాయకుడు, జెడ్పీ మాజీ చైర్మన్ కుక్కల నాగేశ్వరరావు పోలీసులకు స్పష్టంచేశారు.
 
  నగరంలో జవ్వాది రుద్రయ్య..
 
  కాళేశ్వరరావు మార్కెట్ సెంటర్‌లో కార్పొరేషన్ స్టాడింగ్ కమిటీ మాజీ చైర్మన్ జవ్వాది సూర్యనారాయణ(రుద్రయ్య) ఆమరణ నిరాహారదీక్ష చేపట్టారు. పశ్చిమ నియోజకవర్గంలో పలువురు డివిజన్ కన్వీనర్లు రిలే నిరాహారదీక్షలు ప్రారంభించారు. కుమ్మరపాలెం సెంటర్‌లో జాతీయ రహదారిని దిగ్బంధించారు. ఈ కార్యక్రమంలో పార్టీ నగర కన్వీనర్ జలీల్‌ఖాన్ పాల్గొన్నారు. పార్టీ కృష్ణాజిల్లా, విజయవాడ నగర డాక్టర్స్  విభాగం ఆధ్వర్యంలో జిల్లా పార్టీ కార్యాలయం వద్ద రిలే నిరాహారదీక్షలు చేపట్టారు. ఈ కార్యక్రమంలో డాక్టర్స్ సెల్ రాష్ట్ర అధ్యక్షుడు గోసుల శివభరత్‌రెడ్డి, గన్నవరం నియోజకవర్గ సమన్వయకర్త డాక్టర్ దుట్టా రామచంద్రరావు, సెంట్రల్ నియోజకవర్గ సమన్వయకర్త పి.గౌతంరెడ్డి, డాక్టర్స్ సెల్ జిల్లా కన్వీనర్ మహబూబ్ షేక్, సానికొమ్ము వెంకటేశ్వరరెడ్డి తదితరులు పాల్గొన్నారు.
 
  జయంతిలో గుంజి సుందర్రావు..
 
  నందిగామ నియోజకవర్గం వీరులపాడు మండలం జయంతి గ్రామంలో వైఎస్ జగన్‌మోహన్‌రెడ్డి అభిమాని గుంజి సుందర్రావు సోమవారం ఆమరణదీక్షను చేపట్టారు. జగ్గయ్యపేట నియోజకవర్గంలో వైఎస్సార్‌సీపీ ఆధ్వర్యంలో జాతీయ రహదారిపై రాస్తారోకో చేశారు. పెనుగంచిప్రోలులో జగన్‌మోహన్‌రెడ్డి మాస్క్‌లు ధరించి ర్యాలీ నిర్వహించారు. పార్టీ పెనమలూరు నియోజకవర్గ సమన్వయకర్తలు పడమటి సురేష్‌బాబు గంగూరులోను, తాతినేని పద్మావతి పెనమలూరులోను ర్యాలీలు నిర్వహించారు. పార్టీ అవనిగడ్డ నియోజకవర్గ కన్వీనర్ సింహాద్రి రమేష్‌బాబు ఆధ్వర్యంలో ప్లకార్డులతో ప్రదర్శన చేశారు.
 
 పార్టీ కైకలూరు నియోజకవర్గ సమన్వయకర్త దూలం నాగేశ్వరరావు ఆధ్వర్యంలో కైకలూరులో రెండో రోజు కూడా 20మంది రిలే నిరహారదీక్షలో పాల్గొన్నారు. రాత్రి కాగడాల ప్రదర్శన నిర్వహించారు. గుడివాడ నియోజకవర్గంలోని నందివాడలో పార్టీ మండల కన్వీనర్ పెయ్యల ఆదాము ఆధ్వర్యంలో ధర్నా చేశారు. పార్టీ గుడివాడ పట్టణ కన్వీనర్ ఎం.కృష్ణమూర్తి, నూజివీడులో లాకా వెంగళరావు యాదవ్, పెనుగంచిప్రోలులో వూట్ల నాగేశ్వరరావు, తిరువూరులో పిడపర్తి లక్ష్మీకుమారి మంగళవారం నుంచి ఆమరణదీక్షలు చేపట్టనున్నట్టు ప్రకటించారు. ఇలా జిల్లాలో వైఎస్సార్‌సీపీ శ్రేణులు ఎక్కడికక్కడ దీక్షలు, ధర్నాలు, ర్యాలీలతో తమ నాయకుడికి మద్దతుగా సమైక్య సమరసేనానులై కదులుతున్నారు.
  


 తిరుపతి (మంగళం), న్యూస్‌లైన్:  సమైక్యాంధ్ర కోసం జైల్లో నిరాహారదీక్ష చేస్తున్న జగన్ వెంటే జనం ఉన్నారని ఎమ్మెల్యే భూమన కరుణాకరరెడ్డి పేర్కొన్నారు. సమైక్యాంధ్రకు మద్దతుగా ఆదివారం తుడా సర్కిల్‌లోని వైఎస్‌ఆర్ విగ్రహం వద్ద రిలే నిరాహారదీక్ష చేస్తున్న ఎస్టీలకు ఎమ్మెల్యే పూలమాలలు వేసి దీక్షలో పాల్గొన్నారు. అంతకు ముందు సమైక్యాంధ్ర నినాదంతో జగన్ ఆమరణ నిరాహారదీక్షకు మద్దతుగా ఎమ్మెల్యే కరుణాకరరెడ్డి ఆధ్వర్యంలో వేలాదిమంది జగన్ ఫొటో ప్లకార్డులతో ఇందిరా ప్రియదర్శిని కూరగాయల మార్కెట్ సర్కిల్ వద్ద రాస్తారోకో చేశారు. సుమారు మూడుగంటల పాటు మండుటెండను సైతం లెక్కచేయకుండా ఆందోళన చేశారు.
 
 అనంతరం లంబాడీలు నృత్యాలు చేస్తూ నిరసన వ్యక్తం చేశారు. ఈ సందర్భంగా  కరుణాకరరెడ్డి మాట్లాడుతూ సమైక్యాంధ్ర కోసం జైల్లో ఉండి కూడా ఆమరణ నిరాహారదీక్ష చేపట్టిన వైఎస్.జగన్‌మోహన్‌రెడ్డి చరిత్రలో మహోన్నత వ్యక్తిగా నిలిచిపోతారన్నారు. భారతదేశ రాజకీయాల్లోనే సమైక్య రాష్ట్రం కోసం ఉద్యమాలను తీవ్రతరం చేస్తున్నది ఒక వైఎస్‌ఆర్ కాంగ్రెస్ పార్టీ మాత్రమేనన్నారు. ఏడు కోట్ల మంది జనం జగనన్న వెంట ఉన్నారని పేర్కొన్నారు. స్వార్థ రాజకీయాల కోసం విభజన ప్రకటన చేసిన సోనియాగాంధీ వెంటనే నిర్ణయాన్ని వెనక్కి తీసుకోవాలని డిమాండ్ చేశారు. లేనిపక్షంలో జగన్ ఆశయాలతో ఉద్యమాలను మరింత తీవ్ర ం చేస్తామని, అవసరమైతే ప్రాణాలైనా అర్పించేందుకు సిద్ధంగా ఉన్నామని స్పష్టంచేశారు.
 
  సమైక్యం కోసం కాంగ్రెస్, టీడీపీ నాయకులు ఎక్కడా ఉద్యమాలు చేసిన దాఖలాలు కనిపించడం లేదని, దీంతో సమైక్యాంధ్రపై వారికి ఉన్న శ్రద్ధ ఏపాటిదో అర్థమవుతోందన్నారు. కాంగ్రెస్, టీడీపీలు కుమ్మక్కు రాజకీయాలతోనే నేడు సీమాంధ్రులకు ఈ గతి పట్టిందని విమర్శించారు. ఈ కార్యక్రమంలో పార్టీ నాయకులు దొడ్డారెడ్డి సిద్దారెడ్డి, పాలగిరి ప్రతాప్‌రెడ్డి, ఎస్‌కే.బాబు, ఎస్టీ విభాగం నాయకుడు హనుమంత్‌నాయక్, జిల్లా మహిళా అధ్యక్షురాలు గాయత్రీదేవి తదితరులు పాల్గొన్నారు.
  


 రాష్ట్ర విభజన విషయంలో కాంగ్రెస్ పార్టీ నిరంకుశ వైఖరిని నిరసిస్తూ వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి చంచల్‌గూడ జైలులో నిరవధిక నిరాహార దీక్ష ప్రారంభించారు. ఈ మేరకు వైఎస్సార్ కాంగ్రెస్ పార్టీ ఒక ప్రకటన విడుదల చేసింది. ఆదివారం ఉదయం నుంచే వైఎస్ జగన్‌మోహన్‌రెడ్డి దీక్ష ప్రారంభించారు. ఉదయం టీ గానీ, అల్పాహారం గానీ ఆయన ముట్టుకోలేదు.
 
 వైఎస్ జగన్‌మోహన్‌రెడ్డి నిరవధిక నిరాహార దీక్ష నేపథ్యంలో చంచల్గూడ జైలు వద్ద భారీ బందోబస్తు ఏర్పాటు చేశారు. అభిమానులు, నాయకులు, కార్యకర్తలు భారీ సంఖ్యలో వచ్చే అవకాశం ఉన్నందువల్ల వారిని నియంత్రించేందుకు ఈ బందోబస్తు ఏర్పాటైంది. ఇరుప్రాంతాలకూ సమన్యాయం చేయాలని, అలా చేయలేని పక్షంలో రాష్ట్రాన్ని యథాతథంగా ఉంచాలనే డిమాండ్‌తో ఆయన జైలులోనే దీక్ష ప్రారంభించారు.
 
 కొణతాల, భూమా నాగిరెడ్డి తదితరులు శనివారం చంచల్గూడ జైల్లో ములాఖత్ ద్వారా జగన్‌ను కలిసి వచ్చిన అనంతరం విలేకరుల సమావేశంతో తమ పార్టీ అధినేత నిర్ణయాన్ని ప్రకటించారు. రాష్ట్రంలో చోటుచేసుకుంటున్న పరిణామాలు, కాంగ్రెస్ నియంతృత్వ పోకడలపై జగన్ ఆవేదనను, ఆందోళనను వీరు ఒక ప్రకటన రూపంలో మీడియాకు వెల్లడించారు. ఆ వివరాలు జగన్ మాటల్లోనే...
  
 స్పందించకపోతే రాష్ట్రం ఎడారి అవుతుంది...
 ‘‘రాష్ట్రంలో జరుగుతున్న పరిణామాలు అటు కాంగ్రెస్ పార్టీని, ఇటు తెలుగుదేశం పార్టీని ఎందుకు ఆలోచింపజేయలేకపోతున్నాయని చాలా బాధగా ఉంది. పార్టీ గౌరవాధ్యక్షురాలు విజయమ్మ చేపట్టిన నిరాహార దీక్షను భగ్నం చేసిన తీరు పట్ల ఆవేదనగా ఉంది. అధికార కాంగ్రెస్ పార్టీ, ప్రధాన ప్రతిపక్షం తెలుగుదేశం పార్టీ ఇంత కీలక సమయంలో వారి ఓట్లు, సీట్ల కోసం మౌనం వహించటం, అవకాశవాద రాజకీయాలు చేస్తుండటం బాధ కలిగిస్తోంది. స్పందించవలసిన ఈ సమయంలో మనం స్పందించకపోతే ఈ రాష్ట్రం ఏడారి అవుతుంది. కాబట్టి రేపటి నుంచి (ఆదివారం) జైలులోనే నేను నిరవధిక నిరాహార దీక్ష చేపడుతున్నా.
  
 అందరికీ ఆమోదయోగ్యమైన పరిష్కారం కోరాం...
 వైఎస్‌ఆర్ కాంగ్రెస్ తరఫున కేంద్ర హోంమంత్రికి మనం ముందే ఒక లేఖ రాశాం. మీరు తీసుకునే నిర్ణయంలో ఏదన్నా తేడా ఉంటే కోట్ల మందికి అన్యాయం జరుగుతుంది. మీ నిర్ణయానికి ముందు మీ వైఖరి ఇది అని చెప్పి, తరువాత కేంద్రం తరఫున అందరినీ పిలవండి. ఎవ్వరికీ అన్యాయం జరగకుండా, అందరికీ ఆమోదయోగ్యంగా పరిష్కారం ఇవ్వండి అని పార్టీ తరఫున చెప్పటం జరిగింది. అయినా లాభం లేకపోయింది.
 
 కాంగ్రెస్ వర్కింగ్ కమిటీ, యూపీయేల నిరంకుశ నిర్ణయంతో అన్యాయం జరుగుతుందన్న ఆందోళనతోనే మొత్తంగా పార్టీ ఎమ్మెల్యేలు అందుకు ఐదు రోజుల ముందే రాజీనామా చేశారు. ఢిల్లీ కాంగ్రెస్ వారికి ఇక్కడి ప్రజల ఆక్రందనల్ని ముందుగానే వినిపించి మనసు మార్చే ఉద్దేశంతో మన ఎమ్మెల్యేల రాజీనామాతో పాటు రాసిన లేఖలో కోట్ల మందికి జరగబోతున్న అన్యాయం గురించి వివరించటం జరిగింది. కొంచెం అయినా ఆ మాటలు వినిపించుకుంటారని ఆశపడ్డాం. అయినా అదంతా అరణ్య రోదనగానే మిగిలిపోయింది.
  
 ఇవన్నీ అన్యాయంగా కనిపిస్తూ ఉన్నా ఓట్లు, సీట్లు, క్రెడిట్ దక్కవేమో అని ఆరాటపడుతున్న వీరందరినీ చూసి ఏమనుకోవాలి? ఈ రోజున రాష్ట్రంలో కోట్లాది ప్రజలు రోడ్లమీదకు వచ్చి పోరాటం చేస్తున్నారు. వారి బాధ ఏమిటి.. ఎందుకీ ఆక్రందనలు.. అని తెలుసుకునే ప్రయత్నంలో అధికార కాంగ్రెస్ పార్టీకి చిత్తశుద్ధి లేకపోవటాన్ని మనం గమనిస్తున్నాం. వారు ఎంత అన్యాయంగా ప్రవర్తిస్తున్నారో చూడండి.. ప్రభుత్వ కమిటీ వేసి, సీమాంధ్ర ప్రజల వాదన వినేందుకు ప్రయత్నించకపోగా విభజన తమ సొంత వ్యవహారం అన్నట్లు పార్టీ కమిటీ వేశారు. ఆ కమిటీ వారికి, మన రాష్ట్రం వచ్చి ఇక్కడి ప్రజల అభిప్రాయాలు తెలుసుకునే సమయం లేదట. ఇక్కడి వారే కావాలంటే ఢిల్లీకి రండి అనటం వింటుంటే గుండె చివుక్కుమంటోంది. వారి వెటకారం చూస్తే.. పార్టీ కమిటీ ఎలా న్యాయం చేయగలుగుతుందన్న కనీస ఆలోచన కూడా లేకుండా వారు మాట్లాడుతున్నారు.
  
 ప్రజల ఆక్రందనలతో వారి మనసు కరగలేదు...
 పార్టీ గౌరవాధ్యక్షురాలు, నేను రాజీనామా చేశాం. ప్రధానికి ఉత్తరం రాశాం. అన్యాయాన్ని ఆపండి అని. చివరికి గౌరవాధ్యక్షురాలు ఆమరణ దీక్షకు కూర్చున్నా వారి మనసు కరగలేదు. ఇన్ని కోట్ల ప్రజల ఆక్రందనలు వారి హృదయాలను కదిలించటం లేదు. కాంగ్రెస్ వారు చివరికి వారి నియంతృత్వ పోకడలకు కొనసాగింపుగా విజయమ్మ ఆమరణ దీక్షను కూడా భగ్నం చేశారు. స్పందించాల్సిన ఈ సమయంలో స్పందించకపోతే ఈ రాష్ట్రం ఎడారి అయిపోతుంది. అందుకే ఆదివారం నుంచి నేను నిరవధిక నిరాహార దీక్ష చేపడుతున్నా’’ అంటూ జగన్ ఆవేదనతో తమకు వెల్లడించినట్లు పార్టీ నాయకులు కొణతాల రామకృష్ణ, భూమా నాగిరెడ్డి, ధర్మాన కృష్ణదాస్‌లు ఉమ్మడి ప్రకటనలో తెలిపారు.
 
 రాష్ట్ర ప్రజలకు జరుగుతున్న అన్యాయంపై జగన్ మరో పోరాటానికి సిద్ధమవుతున్నారని.. జనంలో ఉన్నా, అక్రమ కేసుల వల్ల జైల్లో ఉన్నా జగన్ జన నేతే అని ఈ దీక్ష ప్రకటనతో మరోసారి నిరూపణ అవుతోందని పేర్కొన్నారు. త్వరలో షర్మిల బస్సుయాత్ర కూడా ప్రారంభమవుతుందని వారు తెలిపారు.
  
 ప్రతిపక్ష నేత స్పందించకపోవటం దారుణం...
 అన్ని ప్రాంతాల ప్రయోజనాలనూ దృష్టిలో పెట్టుకుని నిర్ణయం తీసుకోవాల్సిన బాధ్యత ఉన్న కాంగ్రెస్ పార్టీ కేవలం సీట్లూ, ఓట్లూ లక్ష్యంగా నిర్ణయం తీసుకుంది. అలాంటి నిర్ణయాన్ని కాంగ్రెస్ తీసుకోబోతోందని స్పష్టంగా తెలిసినా.. మరోవైపు ప్రధాన ప్రతిపక్ష నాయకుడైన చంద్రబాబునాయుడు స్పందించకపోవటం దారుణం. ముఖ్యంగా చంద్రబాబు రాష్ట్ర విభజన కోసం బ్లాంక్ చెక్‌లా తాను ఇచ్చిన లేఖను వెనక్కు తీసుకోకపోవటం, తాను రాజీనామా చేయకపోవటం, తన ఎమ్మెల్యేలు, తన ఎంపీలు అందరిచేతా జూలై 25న గానీ, ఆ తరువాత గానీ రాజీనామాలు చేయాల్సిందిగా అడగకపోవటం.. కాంగ్రెస్ ప్రకటించిన విధంగా విభజిస్తే సీమాంధ్ర ప్రాంతానికి అన్యాయం జరుగుతోందని ఏపీఎన్జీవోలు ప్రాధేయపడుతూ, లేఖను వెనక్కు తీసుకోండని అడిగినా కనీస కనికరం కూడా చూపించకుండా ఆ లేఖను వెనక్కి తీసుకోనని చంద్రబాబు తెగేసి చెప్పటం... ఓట్ల కోసమో, సీట్ల కోసమో కాంగ్రెస్ వారు సీమాంధ్రకు అన్యాయం చేస్తుంటే ఆ ఓట్లు తనకూ పోతాయని, ఆ సీట్లు తనకు రావని, ఆ క్రెడిట్ తనకు దక్కదేమో అని కోట్ల ప్రజలకు అన్యాయం జరుగుతున్నా కూడా స్పందించకపోవటం చాలా బాధ కలిగిస్తోంది. అసలు చంద్రబాబు తాను, తన ఎమ్మెల్యేలు, ఎంపీలు అంతా రాజీనామా చేసి ఉంటే ఈ పరిస్థితి వచ్చేది కాదు..
  
 ఈ అన్యాయాలు వారికి ఎందుకు కనపడటం లేదు?
 రాష్ట్రం ఒకటిగా ఉన్నప్పుడే.. కృష్ణా నీరు మహారాష్ట్ర అవసరాలు తీరిన తరువాత గానీ, కర్ణాటకలోని ఆల్మట్టి, నారాయణపూర్ డ్యామ్‌లు నిండితే తప్ప కిందికి వదలని పరిస్థితి ఉంది. మరి ఇలాంటి పరిస్థితుల్లో మన రాష్ట్రాన్నే చీల్చి మధ్యలో ఇంకొక రాష్ట్రం వస్తే శ్రీశైలం ప్రాజెక్టుకు నీళ్ళు ఎలా వస్తాయి? ఆ తర్వాత నాగార్జునసాగర్‌కు నీళ్ళు ఎలా వస్తాయి? దిగువ రాష్ట్రం కుప్పం నుంచి శ్రీకాకుళం వరకు సముద్రం నీళ్ళు తప్ప మంచినీళ్ళు ఎక్కడ ఉన్నాయి? కృష్ణా ఆయకట్టులో రోజూ రైతులు తమలో తాము కొట్టుకునే పరిస్థితి రాదా? పోలవరానికి జాతీయ హోదా అని అంటున్నారు. కానీ రాష్ట్రాన్ని విడగొడితే పోలవరానికి నీళ్లు ఎక్కడి నుంచి ఇస్తారు? రాష్ట్ర ప్రజలందరూ 60 ఏళ్ళు కలిసి కట్టుకున్న హైదరాబాద్‌ను వదిలి వెళ్లిపొమ్మంటున్నారు.
 
 రాష్ట్ర బడ్జెట్‌లో 50 శాతం నిధులు ఒక్క హైదరాబాద్ నుంచే వస్తున్న పరిస్థితుల్లో ఈ నిధులే రాకపోతే ఉద్యోగులకు జీతాలు ఎలా ఇవ్వగలరు? అవ్వ, తాతల పింఛన్ ఎలా ఇవ్వగలరు? ఫీజు రీయింబర్స్‌మెంట్ పథకానికి డబ్బులు ఎక్కడ నుంచి వస్తాయి? ఆరోగ్యశ్రీ వంటి సంక్షేమ పథకాలకు నిధులు ఎక్కడి నుంచి వస్తాయి? ఈ హైదరాబాద్ లేకుండా పోతే చదువుకున్న ప్రతి పిల్లవాడు ఉద్యోగం కోసం ఎక్కడికి పోవాలి? హైదరాబాద్‌లోని సీమాంధ్రులు, ఇప్పటికే ఇక్కడ స్థిరపడిన వారి పరిస్థితి ఏంటి? ఇవన్నీ కాంగ్రెస్ వారికి, తెలుగుదేశం వారికి ఎందుకు కనపడటం లేదు?


 కోవూరులో ప్రసన్నకుమార్, కర్నూలులో ఎస్‌వీ మోహన్‌రెడ్డి, రాయదుర్గంలో భారతి, కడపలో అవినాష్, పుట్టపర్తిలో డాక్టర్ హరికృష్ణ, తాడిపత్రిలో నర్సింహయ్య ఆమరణ దీక్షలు, కదిరిలో ఇస్మాయిల్ నిరశన, జంగారెడ్డిగూడెంలోఆదివిష్ణు ఆమరణ దీక్ష భగ్నం
  
  సాక్షి నెట్‌వర్క్: రెండు ప్రాంతాలకు సమన్యాయం చేయలేనప్పుడు రాష్ట్రాన్ని యథాతథంగానే ఉంచాలన్న డిమాండ్‌తో వైఎస్సార్‌సీపీ గౌరవాధ్యక్షురాలు వైఎస్ విజయమ్మ గుంటూరులో చేపట్టిన ఆమరణ నిరాహార దీక్షకు మద్దతుగా ఆ పార్టీ నాయకులు చేపట్టిన ఆమరణ దీక్షలు శుక్రవారం ఐదో రోజుకు చేరుకున్నాయి. అనంతపురం జిల్లా రాయదుర్గంలో ఎమ్మెల్యే కాపు రామచంద్రారెడ్డి భార్య కాపు భారతి, తాడిపత్రిలో పార్టీ సీఈసీ సభ్యుడు పైలా నర్సింహయ్య, పుట్టపర్తిలో పార్టీ నాయకుడు డాక్టర్ హరికృష్ణ, కడప కలెక్టరేట్ ఎదుట వైఎస్ అవినాష్‌రెడ్డి, అంజాద్ బాషా, నాగిరెడ్డి, కర్నూలులో మాజీ ఎమ్మెల్సీ ఎస్‌వీ మోహన్‌రెడ్డి చేపట్టిన ఆమరణ దీక్షలు గురువారం నాటికి నాలుగురోజులు పూర్తయ్యాయి.
  
  జంగారెడ్డిగూడెంలో రాఘవరాజు ఆదివిష్ణు ఆమరణ నిరాహారదీక్షను గురువారం రాత్రి పోలీసులు భగ్నం చేశారు. కదిరిలో పార్టీ సమన్వయకర్త ఎస్‌ఎండీ ఇస్మాయిల్ రెండోరోజు ఆమరణ దీక్ష కొనసాగించారు. రాయదుర్గంలో ఆమరణ దీక్ష చేస్తున్న కాపు భారతికి అనంతపురం ఎమ్మెల్యే గురునాథరెడ్డి, పార్టీ జిల్లా కన్వీనర్ శంకర్‌నారాయణ, సీఈసీ సభ్యుడు విశ్వేశ్వరరెడ్డి సంఘీభావం తెలిపారు. కడప కలెక్టరేట్ ఎదుట దీక్షలకు జిల్లా కన్వీనర్ కె.సురేష్‌బాబు, ఎమ్మెల్యే ఆకేపాటి అమర్‌నాథరెడ్డి, మాజీ ఎమ్మెల్యే ఎస్.రఘురామిరెడ్డి, డీసీసీబీ అధ్యక్షుడు తిరుపాల్‌రెడ్డి, వైఎస్సార్‌సీపీ నేతలు ఈసీ గంగిరెడ్డి, వైఎస్ కొండారెడ్డి సంఘీభావం తెలిపారు. కర్నూలులో ఎస్వీ మోహన్‌రెడ్డితోపాటు ఆయన కుటుంబసభ్యులు దీక్షలో కూర్చున్నారు.
  
  ఎమ్మెల్యే ప్రసన్నకుమార్‌రెడ్డికి ఎంపీ మేకపాటి రాజమోహన్‌రెడ్డి, వైఎస్సార్‌సీపీ జిల్లా కన్వీనర్ మేరిగ మురళీతోపాటు సీఈసీ సభ్యులు కాకాణి గోవర్దన్‌రెడ్డి, సూళ్లూరుపేట సమన్వయకర్త నెలవెల సుబ్రమణ్యంలు సంఘీభావం తెలిపారు. కళ్యాణదుర్గంలో వైఎస్సార్ సీపీ కార్యకర్తలు చేపట్టిన రిలే దీక్షలకు పార్టీ జిల్లా కన్వీనర్ శంకర్‌నారాయణ, రాప్తాడులో పార్టీ కార్యకర్తలు చేపట్టిన రిలే దీక్షలకు పార్టీ సమన్వయకర్త తోపుదుర్తి ప్రకాష్‌రెడ్డి మద్దతు తెలిపారు. ఇదిలాఉండగా, విజయమ్మ దీక్షకు మద్దతుగా సీమాంధ్రలోని అన్నిజిల్లాల్లో రిలేదీక్షలు జరుగుతున్నాయి. పారీ నేతలు చేపడుతున్న ఆమరణ నిరాహార దీక్షలతోపాటు, రిలే దీక్షలకు పెద్దఎత్తున మహిళలు, యువత తరలివచ్చి మద్దతు తెలుపుతున్నారు.


 సాక్షి, హైదరాబాద్: జీవీకే యాజమాన్యం మొండివైఖరికి నిరసనగా గురువారం నుంచి స్థానిక ఇందిరాపార్క్ వద్ద నిరవధిక నిరాహార దీక్షలు చేపడుతున్నట్లు 108 కాంట్రాక్టు ఉద్యోగుల అసోసియేషన్ గౌరవాధ్యక్షుడు భూపాల్ బుధవారం ఓ ప్రకటనలో తెలిపారు. డిమాండ్ల పరిష్కారం కోరుతూ 34 రోజులుగా సమ్మె చేస్తున్నప్పటికీ ప్రభుత్వం గానీ, జీవీకే యాజమాన్యం గానీ పట్టించుకోలేదని, అందుకే నిరాహార దీక్షలు చేపడుతున్నామని వివరించారు.


 
 
 
 
 
 
 


 సాక్షి, కాకినాడ  : సమైక్యాంధ్ర ఉద్యమంలో వైఎస్సార్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ చేపట్టిన ఆమరణ దీక్ష కీలకఘట్టమని పలువురు వక్తలు అభిప్రాయపడ్డారు. ఆమె దీక్షతో రాజకీ య పార్టీలకు కనువిప్పు కలగాలని ఆకాంక్షించారు. రాష్ట్రంలో అందరికీ సమన్యాయం జరగాలని, లేదంటే సమైక్య రాష్ట్రాన్ని యథాతథంగా కొనసాగించాలనే విజయమ్మ డిమాండ్‌తో వీరంతా గొంతు కలిపారు. ఆమరణ నిరాహార దీక్ష నిర్ణయాన్ని అభినందించారు. సాక్షి పత్రిక, సాక్షి టీవీ ఆధ్వర్యంలో తూర్పుగోదావరి జిల్లా కాకినాడ సూర్యకళా మందిరంలో మంగళవారం ‘ఎవరెటు’  చైతన్యపథం చర్చా వేదిక నిర్వహించారు. వివిధ రంగాల నిపుణులు, ఉద్యోగులు, కార్మికులు, విద్యావేత్తలు, విద్యార్థులు, గృహిణులు పాల్గొని సమైక్యాంధ్ర కోసం గళమెత్తారు.
  
   ‘తెలంగాణ  ఉద్యమం కేవలం కొంతమంది రాజకీయ నాయకులు తమ స్వార్ధ ప్రయోజనాల కోసం చేసింది, కానీ సీమాంధ్రలో ప్రస్తుతం జరుగుతున్నది ప్రజాఉద్యమం.. తెలుగువారి ఆత్మగౌరవం.. ఐక్యతల కోసం సాగిస్తున్నది. ఈ పోరు సమైక్యాంధ్రను సాధించుకునేంత వరకు ఎవరెన్ని కుట్రలు..కుతంత్రాలకు పాల్పడినా ఆగే ప్రసక్తే లేదు’ అంటూ వక్తలు తెగేసి చెప్పారు. పెద్ద రాష్ట్రాలతోనే అభివృద్ధి సాధ్యమని, ఛత్తీస్‌గఢ్, జార్ఖండ్, ఉత్తరాంచల్ రాష్ట్రాల దుస్థితి ఏవిధంగా ఉందో కళ్లారా చూస్తున్నామన్నారు. తెలుగువారంతా ఒక్కటిగా ఉండాలన్నదే మా అభిమతం.. అందుకోసం ఎంతటి త్యాగానికైనా వెనుకాడం.. ఎన్నినెలలైనా సమ్మె చేస్తామని ఉద్యోగ సంఘాల జేఏసీ చైర్మన్ బూరిగ ఆశీర్వాదం పేర్కొన్నారు. విజయమ్మ దీక్షను చూసి నేటి రాజకీయవేత్తలు సిగ్గెరిగి వ్యవహరించాలని కాకినాడ జీజీహెచ్ వైద్యుల సంఘం అధ్యక్షుడు డాక్టర్ యు.రాఘవేంద్రరావు కోరారు. భాషా ప్రయుక్త రాష్ట్రాలను విడగొట్టడం వల్ల దేశ సమైక్యత దెబ్బతింటోందని జేఎన్‌టీయూకే రెక్టార్ ప్రొఫెసర్ పి.ప్రభాకరరావు అభిప్రాయపడ్డారు.     
  
  ఎటు ఓటుంటే అటు ఉంటున్నారు
  రాజకీయ నాయకులు ఎటు ఓటు ఉంటే అటు మాట్లాడుతున్నారు. ప్రజాభిప్రాయానికి విరుద్ధంగా రాష్ర్ట విభజన చేస్తే చెల్లుబాటుకాదు. ఒకవేళ పార్లమెంటులో బిల్లు ఆమోదం పొందినా సుప్రీం కోర్టుకు వెళ్తే అది నిలబడదు. రాష్ర్టం సమైక్యంగా ఉంచడమే ప్రస్తుత సమస్యకు పరిష్కారమార్గం.
  - జవహర్ అలీ, బార్ అసోసియేషన్ అధ్యక్షుడు
  
  జల వివాదాలు ఏర్పడ తాయి
  రాష్ర్ట విభజన జరిగితే ముం దుగా తెలుగువారు సాగు, తాగునీటి కోసం కొట్టుకునే పరిస్థితి ఏర్పడుతుంది.ఇప్పటికే జలవివాదాలతో పొరుగు రాష్ట్రాలతో పోరాడుతున్నాం. ఇలాంటి సున్నితమైన అంశాలపై ముందుగా ఏకాభిప్రాయం సాధించిన తర్వాత విభజించినా ఎవరికీ అభ్యంతరం ఉండదు.
  - వి.సంధ్య, ప్రముఖ విద్యావేత్త


  సమన్యాయం చేయనపుడు సమైక్యంగా ఉంచాల్సిందే: విజయమ్మ
  గుంటూరులో మూడో రోజుకు చేరుకున్న ఆమరణ దీక్ష
 కాంగ్రెస్, టీడీపీలు కూడబలుక్కుని నిరంకుశ విభజనకు తెరతీశాయి
 ఓట్ల కోసం, సీట్ల కోసం తమకిష్టమొచ్చిన రీతిలో వ్యవహరిస్తున్నాయి
 ప్రజలు వారికి బుద్ధి చెప్పేందుకు సిద్ధంగా ఉన్నారు
  
  సాక్షి, గుంటూరు: రాష్ట్ర ప్రజలకు సమన్యాయం జరిగేవరకూ విశ్రమించేది లేదని.. సమన్యాయం జరగనపుడు రాష్ట్రం సమైక్యంగా ఉండేందుకు బొందిలో ప్రాణం ఉన్నంత వరకూ పోరాడతానని వైఎస్సార్ కాంగ్రెస్ గౌరవాధ్యక్షురాలు వై.ఎస్.విజయమ్మ స్పష్టంచేశారు. రాష్ట్రం ఒక కుటుంబం లాంటిదని.. కుటుంబానికి పెద్ద తన పిల్లలందరికీ ఒకేలా న్యాయం చేస్తాడని.. కానీ కాంగ్రెస్ ప్రభుత్వం ఒకరికి ఒక న్యాయం, మరొకరికి అన్యాయం చేసేందుకు ప్రయత్నిస్తోందని ఆమె ఆగ్రహం వ్యక్తంచేశారు. కాంగ్రెస్ ప్రభుత్వం, ప్రతిపక్ష టీడీపీలు కూడబలుక్కుని ఓట్ల కోసం, సీట్ల కోసం రాష్ట్రాన్ని వారికిష్టమొచ్చిన రీతిలో నిరంకుశంగా విభజించటానికి పూనుకున్నాయని ధ్వజమెత్తారు. ప్రజలు పిచ్చివాళ్లు కాదని వారికి బుద్ధిచెప్పేందుకు సిద్ధంగా ఉన్నారని హెచ్చరించారు. ఉద్యమం కోసం ఎవరూ ఆత్మహత్యలకు పాల్పడవద్దని.. ఈ పోరాటంలో అంతా సంయమనం పాటించాలని కోరారు.
  
  రాష్ట్ర విభజన విషయంలో కాంగ్రెస్ నిరంకుశ నిర్ణయాన్ని వ్యతిరేకిస్తూ విజయమ్మ సోమవారం గుంటూరులో ప్రారంభించిన ఆమరణ నిరాహారదీక్ష మంగళవారం రెండో రోజుకు చేరుకుంది. ఈ సందర్భంగా సమర దీక్ష వేదిక వద్ద ఆమె మీడియాతో మాట్లాడారు. వైఎస్సార్ కాంగ్రెస్ మొదటి నుంచీ ఒకే మాటకు కట్టుబడి ఉందని, ప్రజలకు సమన్యాయం చేయాలని, లేకుంటే రాష్ట్రాన్ని యథాతథంగా ఉంచాలనేదే తమ విధానమని పునరుద్ఘాటించారు. టీడీపీ అధినేత చంద్రబాబు తెలంగాణకు తాము అనుకూలమని లేఖ రాయడం వల్లే కాంగ్రెస్ విభజనకు శ్రీకారం చుట్టిందన్నారు. ఇప్పుడు చంద్రబాబు ఆత్మగౌరవ యాత్ర చేస్తానంటున్నారు.. ఆయన ఏం మొహం పెట్టుకుని ప్రజల్లోకి వస్తారని ప్రశ్నించారు. ప్రజలే ఆయనకు బుద్ధి చెప్తారని, కాంగ్రెస్, టీడీపీలకు బుద్ధి చెప్పే సమయం ఆసన్నమైందని అన్నారు.
  
  హైదరాబాద్ తెలుగు ప్రజలందరిదీ...
  దివంగత ముఖ్యమంత్రి వై.ఎస్.రాజశేఖరరెడ్డి తెలంగాణను, సీమాంధ్రను రెండు కళ్ళలా ఒకే రకంగా చూశారని విజయమ్మ పేర్కొన్నారు. కానీ ప్రస్తుత ప్రభుత్వం తన స్వలాభం కోసం ప్రతిపక్ష టీడీపీతో చేతులు కలిపి కుట్రలతో నిరంకుశ విభజనకు తెరతీసిందని మండిపడ్డారు. రాష్ట్ర రాజధాని హైదరాబాద్ నగరం తెలుగు ప్రజలందరికీ చెందుతుందని.. అది అరవై ఏళ్లుగా తెలుగు ప్రజలు కష్టపడి కట్టుకున్న అపురూప కట్టడమని అభివర్ణించారు. 1956 నుంచీ ప్రభుత్వం ఎన్నో ప్రభుత్వ రంగ సంస్థలను హైదరాబాద్‌లో నిర్మించిందని గుర్తుచేశారు. ఇప్పుడు ప్రభుత్వమే ప్రభుత్వ రంగ సంస్థలను ఏర్పాటు చేయడం లేదని, అన్నీ ప్రభుత్వ-ప్రైవేటు భాగస్వామ్యంతో ఏర్పాటు చేస్తోందని, ఇక కొత్త రాష్ట్రం ఏర్పాటు చేస్తే అక్కడ ప్రభుత్వ రంగ సంస్థలు వచ్చే అవకాశాలు లేవని అన్నారు. పేద, ధనిక అన్న తేడా లేకుండా ప్రతి గ్రామం నుంచి యువకులు, వ్యాపారులు, ఉద్యోగులు హైదరాబాద్ వెళ్లి పని చేసుకుంటున్నారని వారందరికీ హైదరాబాద్ కావల్సిందేనని స్పష్టంచేశారు.
  
  ప్రభుత్వ చర్యలకు భయపడొద్దు...
  సీమాంధ్రలో ఎన్‌జీవోలు చేపట్టిన సమ్మెను అణచివేసేందుకు ప్రభుత్వం ఎస్మాను ప్రయోగించటం కుట్రలో ఒక భాగమేనని విజయమ్మ పేర్కొన్నారు. ప్రభుత్వం ఇబ్బందులు పెడుతోందని ఉద్యోగులు భయపడవద్దన్నారు. రానున్నది రామరాజ్యం కనుక ఇప్పుడున్న ప్రభుత్వం ఎన్నికుట్రలు పన్నినా వైఎస్సార్ సీపీ వారికి న్యాయం చేస్తుందని అభయమిచ్చారు. ప్రజల ఆగ్రహానికి ప్రభుత్వం గురికాకతప్పదని.. ప్రజాగ్రహంతో ప్రభుత్వాలు కూలటం తథ్యమని స్పష్టంచేశారు. విద్యార్థులు సమైక్యాంధ్ర ఉద్యమంలో పాల్గొన్నా తమ విద్యను మరవొద్దని చక్కగా చదువుకుని ఉన్నత స్థానాలకు ఎదగాలని పిలుపునిచ్చారు.
  రైతులను నట్టేట ముంచారు: దివంగత మహానేత వై.ఎస్.రాజశేఖరరెడ్డి అధికారంలో ఉండగా ఎన్నో ప్రాజెక్టులకు రూపకల్పన చేశారని, పులిచింతల ప్రాజెక్టు నిర్మాణం పూర్తయితే సాగునీటి సమస్య తొలగుతుందని విజయమ్మ పేర్కొన్నారు. ఆయన బతికుండగానే 90 శాతం పూర్తయిన ప్రాజెక్టు మిగిలిన పనులు పూర్తి చేయటానికి ప్రభుత్వం ఎందుకు జాప్యం చేస్తోందో ప్రజలు ఆలోచించాలన్నారు. ప్రభుత్వానికి ప్రజల విషయంలో చిత్తశుద్ధిలేదని.. అదే ఉంటే వైఎస్ ఆశయాలను తుంగలో తొక్కి మోసం చేసేదికాదన్నారు. రాష్ట్రంలో రైతులను నట్టేట ముంచారని ఆమె ధ్వజమెత్తారు. పార్టీలో అందరూ ఒకే మాట ఒకే బాట అన్నట్లుగా ప్రజల కోసం, వారి క్షేమం కోసం పదవులను త్యజించి రాజీనామాలు చేసి ఉన్నతాశయాలతో పోరాటం చేస్తున్నామని విజయమ్మ పేర్కొన్నారు.
  
  వారిద్దరూ ఒకరికొకరు సలహాదారులే...
  అధికారంలో ఉన్న ముఖ్యమంత్రి కిరణ్‌కుమార్‌రెడ్డి విభజన ప్రకటన వెలువడిన తరువాత పది రోజులకు తాను విభజనకు వ్యతిరేకమంటూ ప్రకటన చేయటం పట్ల ఆమె ఆవేదన వ్యక్తం చేశారు. ‘‘అధికారంలో ఉన్న వారికి తెలియకుండా విభజన జరుగుతుందా?’’ అని ప్రశ్నించారు. ఆ రోజే ఎందుకు ఎదురు తిరగలేదని నిలదీశారు. ఇప్పుడు ప్రజల్లో వైఎస్సార్ కాంగ్రెస్ పట్ల పెరుగుతున్న ఆదరణ చూసి భయపడి కిరణ్‌కుమార్‌రెడ్డి విభజనకు వ్యతిరేకమంటూ మాటలు చెప్తున్నారని తూర్పారబట్టారు. కిరణ్‌కు చంద్రబాబు ఒకరికొకరు సలహాదారులేనని.. కూడబలుక్కుని ప్రజలను మోసం చేసేందుకు నాటకాలాడుతున్నారని ధ్వజమెత్తారు.
  
  దీక్షలో రెండో రోజు...
  వై.ఎస్.విజయమ్మ మంగళవారం ఉదయం ఎనిమిది గంటలకే దీక్షా వేదికపైకి చేరుకున్నారు. అప్పటికే దీక్షా ప్రాంగణం మొత్తం పెద్ద ఎత్తున మహిళలు, యువకులతో కిక్కిరిసిపోయింది. దీక్షా ప్రాంగణం వద్ద కేంద్ర బలగాల్ని భారీగా మోహరించారు. వైఎస్సార్ సీపీ నేతలతో పాటు సమైక్య ఉద్యమకారులు కేంద్ర ప్రభుత్వ అనాలోచిత నిర్ణయంపై మండిపడ్డారు. ఓట్ల రాజకీయం కోసం కాంగ్రెస్‌కు జత కలిసిన చంద్రబాబుపై వైఎస్సార్ సీపీ నేతలు దాడి వీరభద్రరావు, బాలినేని శ్రీనివాసరెడ్డిలు నిప్పులు చెరిగారు. సీమాంధ్రకు చెందిన కేంద్ర మంత్రులు ఆహార భద్రత బిల్లు పాస్ కాకుండా చూడాలని బాలినేని డిమాండ్ చేశారు. సోమవారం హైదరాబాద్ నుంచి బయలుదేరినప్పట్నుంచి విజయమ్మ నిరాహార దీక్షలోనే ఉన్నారు. మంగళవారం రాత్రి ఎనిమిది గంటలకు 32 గంటలు గడిచింది. గుంటూరు జీజీహెచ్ వైద్యుల బృందం విజయమ్మకు వైద్య పరీక్షలు నిర్వహించారు.
  
  వెల్లువలా సంఘీభావం
  అన్యాయానికి గురవుతున్న ప్రజల పక్షాన పోరాటం అందుకున్న విజయమ్మకు అన్ని వర్గాల ప్రజల నుంచి పెద్ద ఎత్తున మద్దతు పెల్లుబుకుతోంది. తానే పుట్టెడు కష్టాల్లో ఉండి కూడా.. రాష్ట్రం కోసం, ప్రజల సంక్షేమం కోసం ప్రాణాలను పణంగా పెట్టి ఆమరణ దీక్ష చేపట్టిన ప్రజానాయకురాలికి సంఘీభావం తెలిపేందుకు జనం వెల్లువెత్తుతున్నారు. దీక్ష రెండో రోజైన మంగళవారం వివిధ జిల్లాల నుంచి వైఎస్ అభిమానులు, వైఎస్సార్ సీపీ నేతలు, కార్యకర్తలు, వ్యాపారులు, విద్యార్థులు, సామాజిక వర్గాల సంఘాల నాయకులు, ఉద్యోగ, కార్మిక, కర్షక వర్గాల వారు విజయమ్మ దీక్షకు సంఘీభావం తెలిపేందుకు భారీగా తరలివచ్చారు.
  
  మహిళలు పెద్ద సంఖ్యలో విజయమ్మను చూసేందుకు దీక్షా వేదిక వద్ద బారులు తీరుతున్నారు. ఆర్‌టీసీ సిబ్బంది సమ్మె నేపథ్యంలో బస్సులు లేకపోవటంతో.. జిల్లాల నుంచి ఎవరికి వారు బృందాలుగా ప్రైవేటు ట్రావెల్స్ బస్సుల్ని అద్దెకు మాట్లాడుకుని వచ్చారు. కృష్ణా జిల్లా పార్టీ నేతలు వంగవీటి రాధాకృష్ణ, కొడాలి నానిలు విజయమ్మను కలిశారు. విజయమ్మ దీక్షా శిబిరానికి వివిధ ప్రాంతాల నుంచి ప్రజలు తరలివచ్చిన వాహనాల్ని గుంటూరు శివారుల్లోనే పోలీసులు నిలువరించటంపై విమర్శలు వ్యక్తమవుతున్నాయి. దూరప్రాంతాల నుంచి వచ్చిన తమను పోలీసు అధికారులు భయభ్రాంతులకు గురిచేస్తున్నారంటూ పలువురు ఆగ్రహం వ్యక్తంచేశారు.
  
  పులిచింతల ఊసేదీ?: విజయమ్మ
  దశాబ్దాలుగా వృథా అవుతున్న మిగులు జలాల్ని, వరదనీటిని సద్వినియోగం చేసుకుని.. కరువు ప్రాంతాలను సస్యశ్యామలం చేసేందుకు దివంగత ముఖ్యమంత్రి వై.ఎస్.రాజశేఖర్‌రెడ్డి చేపట్టిన ‘జలయజ్ఞం’ సాగునీటి పథకాల నిర్మాణాల్ని కిరణ్‌కుమార్‌రెడ్డి ప్రభుత్వం నీరుగారుస్తోందని విజయమ్మ ధ్వజమెత్తారు. కృష్ణా డెల్టాలో ఖరీఫ్‌కు సకాలంలో నీటిని అందించి, వరదలు, తుపాన్ల నుంచి పంటల్ని కాపాడేందుకు చేపట్టిన పులిచింతల ప్రాజెక్టును ఇప్పటికీ పూర్తిచేయలేదని తప్పుపట్టారు.
  
  ఈ ఏడాది ఆగస్టు 15న డెల్టాకు ఈ ప్రాజెక్ట్‌ను అంకితం చేస్తామని ముఖ్యమంత్రి కిరణ్ ఆర్భాటంగా ప్రకటించినా.. ఆచరణలో నిమ్మకునీరెత్తినట్లు వ్యవహరిస్తున్నారని.. స్వయంగా చెప్పిన గడువు దాటిపోయినా పులిచింతల ఊసే ఎత్తటం లే దని ఎండగట్టారు. ఈ సీజన్‌లోనూ కృష్ణా డెల్టా రైతాంగానికి పులిచింతల ఉపయోగపడటం సాధ్యం కాదని తేలిపోయిందన్నారు. ప్రాజెక్టులో ఆరు గేట్ల ఏర్పాటు ఇంకా పూర్తికాలేదని పేర్కొన్నారు. ఫలితంగా వరదనీటిని నిల్వచేసే అవకాశం లేకపోవటంతో ప్రస్తుతం కృష్ణాలోని వరద నీరంతా వృథాగానే పోతోందని ఆవేదన వ్యక్తంచేశారు. వైఎస్సార్ కాంగ్రెస్ పార్టీ ఈ పరిస్థితిపై ముందుగానే హెచ్చరించినా ప్రభుత్వం నిర్లక్ష్యం చేయటంతో రైతులు మరో ఏడాది కాలాల్ని కోల్పోవాల్సి వచ్చిందన్నారు.
  
  రూ. 1,281 కోట్ల వ్యయంతో కొనసాగుతున్న ప్రాజెక్టును పూర్తిచేసేందుకు వైఎస్ ఎంతగానో ఆసక్తి చూపారని, ఈ ప్రాజెక్ట్‌పై అప్పట్లో కొన్ని ప్రాంతాల ప్రజల్లో వ్యక్తమైన ఆపోహలను తొలగించి యుద్ధప్రాతిపదికన నిర్మాణం పూర్తిచేసేందుకు ఆయన కృషిచేశారని విజయమ్మ వివరించారు. కానీ ప్రస్తుత ప్రభుత్వం గత మూడేళ్లుగా తీవ్ర నిర్లక్ష్యం చేస్తూ రైతుల ఆశలను నిలువునా ముంచిందని విమర్శించారు. పులిచింతల నిర్మాణం పూర్తికావటం ద్వారా కృష్ణా పశ్చిమ డెల్టాలో ఐదు లక్షల ఎకరాల ఆయకట్టును స్థిరీకరించి సకాలంలో సాగునీరు అందించటంతో రైతులు తుపానులు, వరదలతో పంట నష్టపోకుండా ఆదుకోవటం సాధ్యమవుతుందని చెప్పారు.


 సమన్యాయం చేయనపుడు సమైక్యంగా ఉంచాల్సిందే: విజయమ్మ
 గుంటూరులో మూడో రోజుకు చేరుకున్న ఆమరణ దీక్ష
 కాంగ్రెస్, టీడీపీలు కూడబలుక్కుని నిరంకుశ విభజనకు తెరతీశాయి
 ఓట్ల కోసం, సీట్ల కోసం తమకిష్టమొచ్చిన రీతిలో వ్యవహరిస్తున్నాయి
 ప్రజలు వారికి బుద్ధి చెప్పేందుకు సిద్ధంగా ఉన్నారు
  
  సాక్షి, గుంటూరు: రాష్ట్ర ప్రజలకు సమన్యాయం జరిగేవరకూ విశ్రమించేది లేదని.. సమన్యాయం జరగనపుడు రాష్ట్రం సమైక్యంగా ఉండేందుకు బొందిలో ప్రాణం ఉన్నంత వరకూ పోరాడతానని వైఎస్సార్ కాంగ్రెస్ గౌరవాధ్యక్షురాలు వై.ఎస్.విజయమ్మ స్పష్టంచేశారు. రాష్ట్రం ఒక కుటుంబం లాంటిదని.. కుటుంబానికి పెద్ద తన పిల్లలందరికీ ఒకేలా న్యాయం చేస్తాడని.. కానీ కాంగ్రెస్ ప్రభుత్వం ఒకరికి ఒక న్యాయం, మరొకరికి అన్యాయం చేసేందుకు ప్రయత్నిస్తోందని ఆమె ఆగ్రహం వ్యక్తంచేశారు. కాంగ్రెస్ ప్రభుత్వం, ప్రతిపక్ష టీడీపీలు కూడబలుక్కుని ఓట్ల కోసం, సీట్ల కోసం రాష్ట్రాన్ని వారికిష్టమొచ్చిన రీతిలో నిరంకుశంగా విభజించటానికి పూనుకున్నాయని ధ్వజమెత్తారు. ప్రజలు పిచ్చివాళ్లు కాదని వారికి బుద్ధిచెప్పేందుకు సిద్ధంగా ఉన్నారని హెచ్చరించారు. ఉద్యమం కోసం ఎవరూ ఆత్మహత్యలకు పాల్పడవద్దని.. ఈ పోరాటంలో అంతా సంయమనం పాటించాలని కోరారు.
  
  రాష్ట్ర విభజన విషయంలో కాంగ్రెస్ నిరంకుశ నిర్ణయాన్ని వ్యతిరేకిస్తూ విజయమ్మ సోమవారం గుంటూరులో ప్రారంభించిన ఆమరణ నిరాహారదీక్ష మంగళవారం రెండో రోజుకు చేరుకుంది. ఈ సందర్భంగా సమర దీక్ష వేదిక వద్ద ఆమె మీడియాతో మాట్లాడారు. వైఎస్సార్ కాంగ్రెస్ మొదటి నుంచీ ఒకే మాటకు కట్టుబడి ఉందని, ప్రజలకు సమన్యాయం చేయాలని, లేకుంటే రాష్ట్రాన్ని యథాతథంగా ఉంచాలనేదే తమ విధానమని పునరుద్ఘాటించారు. టీడీపీ అధినేత చంద్రబాబు తెలంగాణకు తాము అనుకూలమని లేఖ రాయడం వల్లే కాంగ్రెస్ విభజనకు శ్రీకారం చుట్టిందన్నారు. ఇప్పుడు చంద్రబాబు ఆత్మగౌరవ యాత్ర చేస్తానంటున్నారు.. ఆయన ఏం మొహం పెట్టుకుని ప్రజల్లోకి వస్తారని ప్రశ్నించారు. ప్రజలే ఆయనకు బుద్ధి చెప్తారని, కాంగ్రెస్, టీడీపీలకు బుద్ధి చెప్పే సమయం ఆసన్నమైందని అన్నారు.
  
  హైదరాబాద్ తెలుగు ప్రజలందరిదీ...
  దివంగత ముఖ్యమంత్రి వై.ఎస్.రాజశేఖరరెడ్డి తెలంగాణను, సీమాంధ్రను రెండు కళ్ళలా ఒకే రకంగా చూశారని విజయమ్మ పేర్కొన్నారు. కానీ ప్రస్తుత ప్రభుత్వం తన స్వలాభం కోసం ప్రతిపక్ష టీడీపీతో చేతులు కలిపి కుట్రలతో నిరంకుశ విభజనకు తెరతీసిందని మండిపడ్డారు. రాష్ట్ర రాజధాని హైదరాబాద్ నగరం తెలుగు ప్రజలందరికీ చెందుతుందని.. అది అరవై ఏళ్లుగా తెలుగు ప్రజలు కష్టపడి కట్టుకున్న అపురూప కట్టడమని అభివర్ణించారు. 1956 నుంచీ ప్రభుత్వం ఎన్నో ప్రభుత్వ రంగ సంస్థలను హైదరాబాద్‌లో నిర్మించిందని గుర్తుచేశారు. ఇప్పుడు ప్రభుత్వమే ప్రభుత్వ రంగ సంస్థలను ఏర్పాటు చేయడం లేదని, అన్నీ ప్రభుత్వ-ప్రైవేటు భాగస్వామ్యంతో ఏర్పాటు చేస్తోందని, ఇక కొత్త రాష్ట్రం ఏర్పాటు చేస్తే అక్కడ ప్రభుత్వ రంగ సంస్థలు వచ్చే అవకాశాలు లేవని అన్నారు. పేద, ధనిక అన్న తేడా లేకుండా ప్రతి గ్రామం నుంచి యువకులు, వ్యాపారులు, ఉద్యోగులు హైదరాబాద్ వెళ్లి పని చేసుకుంటున్నారని వారందరికీ హైదరాబాద్ కావల్సిందేనని స్పష్టంచేశారు.
  
  ప్రభుత్వ చర్యలకు భయపడొద్దు...
  సీమాంధ్రలో ఎన్‌జీవోలు చేపట్టిన సమ్మెను అణచివేసేందుకు ప్రభుత్వం ఎస్మాను ప్రయోగించటం కుట్రలో ఒక భాగమేనని విజయమ్మ పేర్కొన్నారు. ప్రభుత్వం ఇబ్బందులు పెడుతోందని ఉద్యోగులు భయపడవద్దన్నారు. రానున్నది రామరాజ్యం కనుక ఇప్పుడున్న ప్రభుత్వం ఎన్నికుట్రలు పన్నినా వైఎస్సార్ సీపీ వారికి న్యాయం చేస్తుందని అభయమిచ్చారు. ప్రజల ఆగ్రహానికి ప్రభుత్వం గురికాకతప్పదని.. ప్రజాగ్రహంతో ప్రభుత్వాలు కూలటం తథ్యమని స్పష్టంచేశారు. విద్యార్థులు సమైక్యాంధ్ర ఉద్యమంలో పాల్గొన్నా తమ విద్యను మరవొద్దని చక్కగా చదువుకుని ఉన్నత స్థానాలకు ఎదగాలని పిలుపునిచ్చారు.
   రైతులను నట్టేట ముంచారు: దివంగత మహానేత వై.ఎస్.రాజశేఖరరెడ్డి అధికారంలో ఉండగా ఎన్నో ప్రాజెక్టులకు రూపకల్పన చేశారని, పులిచింతల ప్రాజెక్టు నిర్మాణం పూర్తయితే సాగునీటి సమస్య తొలగుతుందని విజయమ్మ పేర్కొన్నారు. ఆయన బతికుండగానే 90 శాతం పూర్తయిన ప్రాజెక్టు మిగిలిన పనులు పూర్తి చేయటానికి ప్రభుత్వం ఎందుకు జాప్యం చేస్తోందో ప్రజలు ఆలోచించాలన్నారు. ప్రభుత్వానికి ప్రజల విషయంలో చిత్తశుద్ధిలేదని.. అదే ఉంటే వైఎస్ ఆశయాలను తుంగలో తొక్కి మోసం చేసేదికాదన్నారు. రాష్ట్రంలో రైతులను నట్టేట ముంచారని ఆమె ధ్వజమెత్తారు. పార్టీలో అందరూ ఒకే మాట ఒకే బాట అన్నట్లుగా ప్రజల కోసం, వారి క్షేమం కోసం పదవులను త్యజించి రాజీనామాలు చేసి ఉన్నతాశయాలతో పోరాటం చేస్తున్నామని విజయమ్మ పేర్కొన్నారు.
  
  వారిద్దరూ ఒకరికొకరు సలహాదారులే...
  అధికారంలో ఉన్న ముఖ్యమంత్రి కిరణ్‌కుమార్‌రెడ్డి విభజన ప్రకటన వెలువడిన తరువాత పది రోజులకు తాను విభజనకు వ్యతిరేకమంటూ ప్రకటన చేయటం పట్ల ఆమె ఆవేదన వ్యక్తం చేశారు. ‘‘అధికారంలో ఉన్న వారికి తెలియకుండా విభజన జరుగుతుందా?’’ అని ప్రశ్నించారు. ఆ రోజే ఎందుకు ఎదురు తిరగలేదని నిలదీశారు. ఇప్పుడు ప్రజల్లో వైఎస్సార్ కాంగ్రెస్ పట్ల పెరుగుతున్న ఆదరణ చూసి భయపడి కిరణ్‌కుమార్‌రెడ్డి విభజనకు వ్యతిరేకమంటూ మాటలు చెప్తున్నారని తూర్పారబట్టారు. కిరణ్‌కు చంద్రబాబు ఒకరికొకరు సలహాదారులేనని.. కూడబలుక్కుని ప్రజలను మోసం చేసేందుకు నాటకాలాడుతున్నారని ధ్వజమెత్తారు.
  
  దీక్షలో రెండో రోజు...
  వై.ఎస్.విజయమ్మ మంగళవారం ఉదయం ఎనిమిది గంటలకే దీక్షా వేదికపైకి చేరుకున్నారు. అప్పటికే దీక్షా ప్రాంగణం మొత్తం పెద్ద ఎత్తున మహిళలు, యువకులతో కిక్కిరిసిపోయింది. దీక్షా ప్రాంగణం వద్ద కేంద్ర బలగాల్ని భారీగా మోహరించారు. వైఎస్సార్ సీపీ నేతలతో పాటు సమైక్య ఉద్యమకారులు కేంద్ర ప్రభుత్వ అనాలోచిత నిర్ణయంపై మండిపడ్డారు. ఓట్ల రాజకీయం కోసం కాంగ్రెస్‌కు జత కలిసిన చంద్రబాబుపై వైఎస్సార్ సీపీ నేతలు దాడి వీరభద్రరావు, బాలినేని శ్రీనివాసరెడ్డిలు నిప్పులు చెరిగారు. సీమాంధ్రకు చెందిన కేంద్ర మంత్రులు ఆహార భద్రత బిల్లు పాస్ కాకుండా చూడాలని బాలినేని డిమాండ్ చేశారు. సోమవారం హైదరాబాద్ నుంచి బయలుదేరినప్పట్నుంచి విజయమ్మ నిరాహార దీక్షలోనే ఉన్నారు. మంగళవారం రాత్రి ఎనిమిది గంటలకు 32 గంటలు గడిచింది. గుంటూరు జీజీహెచ్ వైద్యుల బృందం విజయమ్మకు వైద్య పరీక్షలు నిర్వహించారు.
  
  వెల్లువలా సంఘీభావం
  అన్యాయానికి గురవుతున్న ప్రజల పక్షాన పోరాటం అందుకున్న విజయమ్మకు అన్ని వర్గాల ప్రజల నుంచి పెద్ద ఎత్తున మద్దతు పెల్లుబుకుతోంది. తానే పుట్టెడు కష్టాల్లో ఉండి కూడా.. రాష్ట్రం కోసం, ప్రజల సంక్షేమం కోసం ప్రాణాలను పణంగా పెట్టి ఆమరణ దీక్ష చేపట్టిన ప్రజానాయకురాలికి సంఘీభావం తెలిపేందుకు జనం వెల్లువెత్తుతున్నారు. దీక్ష రెండో రోజైన మంగళవారం వివిధ జిల్లాల నుంచి వైఎస్ అభిమానులు, వైఎస్సార్ సీపీ నేతలు, కార్యకర్తలు, వ్యాపారులు, విద్యార్థులు, సామాజిక వర్గాల సంఘాల నాయకులు, ఉద్యోగ, కార్మిక, కర్షక వర్గాల వారు విజయమ్మ దీక్షకు సంఘీభావం తెలిపేందుకు భారీగా తరలివచ్చారు.
  
  మహిళలు పెద్ద సంఖ్యలో విజయమ్మను చూసేందుకు దీక్షా వేదిక వద్ద బారులు తీరుతున్నారు. ఆర్‌టీసీ సిబ్బంది సమ్మె నేపథ్యంలో బస్సులు లేకపోవటంతో.. జిల్లాల నుంచి ఎవరికి వారు బృందాలుగా ప్రైవేటు ట్రావెల్స్ బస్సుల్ని అద్దెకు మాట్లాడుకుని వచ్చారు. కృష్ణా జిల్లా పార్టీ నేతలు వంగవీటి రాధాకృష్ణ, కొడాలి నానిలు విజయమ్మను కలిశారు. విజయమ్మ దీక్షా శిబిరానికి వివిధ ప్రాంతాల నుంచి ప్రజలు తరలివచ్చిన వాహనాల్ని గుంటూరు శివారుల్లోనే పోలీసులు నిలువరించటంపై విమర్శలు వ్యక్తమవుతున్నాయి. దూరప్రాంతాల నుంచి వచ్చిన తమను పోలీసు అధికారులు భయభ్రాంతులకు గురిచేస్తున్నారంటూ పలువురు ఆగ్రహం వ్యక్తంచేశారు.
  
  పులిచింతల ఊసేదీ?: విజయమ్మ
  దశాబ్దాలుగా వృథా అవుతున్న మిగులు జలాల్ని, వరదనీటిని సద్వినియోగం చేసుకుని.. కరువు ప్రాంతాలను సస్యశ్యామలం చేసేందుకు దివంగత ముఖ్యమంత్రి వై.ఎస్.రాజశేఖర్‌రెడ్డి చేపట్టిన ‘జలయజ్ఞం’ సాగునీటి పథకాల నిర్మాణాల్ని కిరణ్‌కుమార్‌రెడ్డి ప్రభుత్వం నీరుగారుస్తోందని విజయమ్మ ధ్వజమెత్తారు. కృష్ణా డెల్టాలో ఖరీఫ్‌కు సకాలంలో నీటిని అందించి, వరదలు, తుపాన్ల నుంచి పంటల్ని కాపాడేందుకు చేపట్టిన పులిచింతల ప్రాజెక్టును ఇప్పటికీ పూర్తిచేయలేదని తప్పుపట్టారు.
  
  ఈ ఏడాది ఆగస్టు 15న డెల్టాకు ఈ ప్రాజెక్ట్‌ను అంకితం చేస్తామని ముఖ్యమంత్రి కిరణ్ ఆర్భాటంగా ప్రకటించినా.. ఆచరణలో నిమ్మకునీరెత్తినట్లు వ్యవహరిస్తున్నారని.. స్వయంగా చెప్పిన గడువు దాటిపోయినా పులిచింతల ఊసే ఎత్తటం లే దని ఎండగట్టారు. ఈ సీజన్‌లోనూ కృష్ణా డెల్టా రైతాంగానికి పులిచింతల ఉపయోగపడటం సాధ్యం కాదని తేలిపోయిందన్నారు. ప్రాజెక్టులో ఆరు గేట్ల ఏర్పాటు ఇంకా పూర్తికాలేదని పేర్కొన్నారు. ఫలితంగా వరదనీటిని నిల్వచేసే అవకాశం లేకపోవటంతో ప్రస్తుతం కృష్ణాలోని వరద నీరంతా వృథాగానే పోతోందని ఆవేదన వ్యక్తంచేశారు. వైఎస్సార్ కాంగ్రెస్ పార్టీ ఈ పరిస్థితిపై ముందుగానే హెచ్చరించినా ప్రభుత్వం నిర్లక్ష్యం చేయటంతో రైతులు మరో ఏడాది కాలాల్ని కోల్పోవాల్సి వచ్చిందన్నారు.
  
  రూ. 1,281 కోట్ల వ్యయంతో కొనసాగుతున్న ప్రాజెక్టును పూర్తిచేసేందుకు వైఎస్ ఎంతగానో ఆసక్తి చూపారని, ఈ ప్రాజెక్ట్‌పై అప్పట్లో కొన్ని ప్రాంతాల ప్రజల్లో వ్యక్తమైన ఆపోహలను తొలగించి యుద్ధప్రాతిపదికన నిర్మాణం పూర్తిచేసేందుకు ఆయన కృషిచేశారని విజయమ్మ వివరించారు. కానీ ప్రస్తుత ప్రభుత్వం గత మూడేళ్లుగా తీవ్ర నిర్లక్ష్యం చేస్తూ రైతుల ఆశలను నిలువునా ముంచిందని విమర్శించారు. పులిచింతల నిర్మాణం పూర్తికావటం ద్వారా కృష్ణా పశ్చిమ డెల్టాలో ఐదు లక్షల ఎకరాల ఆయకట్టును స్థిరీకరించి సకాలంలో సాగునీరు అందించటంతో రైతులు తుపానులు, వరదలతో పంట నష్టపోకుండా ఆదుకోవటం సాధ్యమవుతుందని చెప్పారు.


 సాక్షి నెట్‌వర్క్: అడ్డగోలు విభజనను వ్యతిరేకిస్తూ వైఎస్సార్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ గుంటూరులో చేపట్టిన ఆమరణ దీక్షకు సీమాంధ్ర జిల్లాల్లో సంఘీభావం వెల్లువెత్తుతోంది. ఆమె దీక్షకు మద్దతుగా స్వచ్ఛందంగా ప్రజలు, వైఎస్సార్ కాంగ్రెస్ పార్టీ ఎమ్మెల్యేలు, నేతలు నిరవధిక నిరాహార దీక్షలకు దిగుతున్నారు. కోస్తా, రాయలసీమలోని అన్ని ప్రాంతాల్లోనూ నిరశనలు చేపడుతున్నారు. రాష్ట్రాన్ని సమైక్యంగా ఉంచేందుకు నాటి ప్రధాని ఇందిరాగాంధీ కృషిచేయగా, నేడు ఆమె కోడలు సోనియా అత్త ఆశయాలను తుంగలో తొక్కి రాష్ట్రాన్ని ముక్కలు చేసి పాలించాలనుకోవడం సిగ్గుచేటని శ్రీ పొట్టి శ్రీరాములు నెల్లూరు జిల్లా కోవూరు ఎమ్మెల్యే నల్లపరెడ్డి ప్రసన్నకుమార్‌రెడ్డి ధ్వజమెత్తారు. మంగళవారం కోవూరులోని దీక్షాశిబిరంలో ఆయన మాట్లాడుతూ.. రాహుల్‌కు ప్రధాని పదవి కట్టబెట్టేందుకే తెలుగుజాతిని ముక్కలు చేస్తున్నారని  మండిపడ్డారు. వైఎస్సార్సీపీ కర్నూలు నియోజకవర్గ సమన్వయకర్త ఎస్వీ మోహన్‌రెడ్డి చేపట్టిన ఆమరణ దీక్ష శిబిరాన్ని పార్టీ సీనియర్ నేత, మాజీమంత్రి ఎస్వీ సుబ్బారెడ్డి సందర్శించి, సంఘీభావం తెలిపారు.
  
   తెలంగాణ కోసం జరిగిన ఉద్యమాలు నేతల నుంచి వచ్చాయని.. కానీ సీమాంధ్రలో ప్రజలే ముందుండి ఉద్యమాన్ని నడిపిస్తుండటం హర్షణీయమని ఆయన అన్నారు. అనంతపురం జిల్లా రాయదుర్గం ఎమ్మెల్యే కాపు రామచంద్రారెడ్డి సతీమణి కాపు భారతి, తాడిపత్రిలో సీఈసీ సభ్యుడు పైలా నర్సింహయ్య, పుట్టపర్తిలో పార్టీ నేత డాక్టర్ హరికృష్ణ ఆమరణ దీక్ష రెండో రోజూ విజయవంతంగా కొనసాగాయి. ధర్మవరంలో పార్టీ సమన్వయకర్త తాడిమర్రి చంద్రశేఖర్‌రెడ్డి ఆధ్వర్యంలో రిలే దీక్షలు చేపట్టారు. కడప కలెక్టరేట్ ఎదుట యువజన విభాగం అధ్యక్షుడు వైఎస్ అవినాష్‌రెడ్డి, అంజాద్‌బాషా, నాగిరెడ్డిల ఆమరణదీక్షకు జిల్లా వ్యాప్తంగా యువకులు, అన్నివర్గాల ప్రజలు, ఉద్యోగులు వేలాదిగా తరలివచ్చి బాసటగా నిలిచారు. వైఎస్సార్ సీపీ కేంద్ర పాలక మండలి సభ్యుడు ఎంవీ మైసూరారెడ్డి, మాజీ మేయర్ రవీంద్రనాథ్, మాజీ ఎమ్మెల్యే ఎస్ రఘురామిరెడ్డి, ఎమ్మెల్సీ నారాయణరెడ్డి, వైఎస్ కొండారెడ్డిలు సంఘీభావం తెలిపారు.
  
  ఏలూరులో ఆళ్ల నాని దీక్ష: వైఎస్ విజయమ్మ ఆమరణ దీక్షకు సంఘీభావంగా పశ్చిమగోదావరి జిల్లా ఏలూరు ఫైర్‌స్టేషన్ సెంటర్‌లో మంగళవారం ఏలూరు తాజా మాజీ ఎమ్మెల్యే ఆళ్ల నాని మంగళవారం ఒకరోజు నిరాహార దీక్ష చేపట్టారు. వివిధ సంఘాల ప్రతినిధులు, కార్యకర్తలు, ప్రజలు, మహిళలు, విద్యార్థులు, యువత పెద్దసంఖ్యలో నానిని కలిసి సంఘీభావం తెలిపారు. వైఎస్సార్ కాంగ్రెస్ పార్టీ జిల్లా కన్వీనర్ తెల్లం బాలరాజు, చింతలపూడి మాజీఎమ్మెల్యే మద్దాల రాజేష్‌కుమార్ మద్దతు ప్రకటించారు. భారీ ఎత్తున తరలివచ్చిన జనసందోహాన్ని ఉద్దేశించి ఆళ్ల నాని మాట్లాడుతూ... రాష్ట్రాన్ని ముక్కలు చేస్తే సీమాంధ్ర ప్రజలు చూస్తూ ఊరుకోరని సోనియాను హెచ్చరించారు.
  
  తిరుపతిలో రిలే దీక్షలు: చిత్తూరు జిల్లా తిరుపతిలో వైఎస్‌ఆర్ కాంగ్రెస్ పార్టీ ఎమ్మెల్యే భూమన కరుణాకర్‌రెడ్డి నాయకత్వంలో రిలే నిరాహారదీక్షలు ప్రారంభించారు. తొలిరోజున పార్టీ మహిళా విభాగం నాయకులు, కార్యకర్తలు దీక్షలో పాల్గొన్నారు. కరుణాకర్‌రెడ్డి మాట్లాడుతూ, విభజన వల్ల వైఎస్ కలలుగన్న జల యజ్ఞం పూర్తికాదన్నారు. విభజనకు వ్యతిరేకంగా వైఎస్‌ఆర్ కాంగ్రెస్ పార్టీ తీసుకున్న నిర్ణయాన్ని అభినందిస్తున్నట్లు దీక్షాశిబిరంలో గజల్ శ్రీనివాస్ తెలిపారు. విజయమ్మ దీక్షకు సంపూర్ణ మద్దతు ఇస్తున్నట్లు ఆయన ప్రకటించారు. శ్రీకాళహస్తిలో వైఎస్‌ఆర్ సీపీ నేతల రిలే నిరాహార దీక్షలు రెండో రోజుకు చేరుకున్నాయి. గంగాధర నెల్లూరు నియోజకవర్గంలో పార్టీకన్వీనర్లు రిలే దీక్షలు కొనసాగిస్తున్నారు.


 రాజంపేట, న్యూస్‌లైన్: సమైక్యాంధ్ర కోసం వైఎస్సార్ జిల్లా రాజంపేట ఎమ్మెల్యే ఆకేపాటి అమరనాథరెడ్డి చేపట్టిన ఆమరణ దీక్షను ఏడో రోజైన మంగళవారం రాత్రి 9 గంటల ప్రాంతంలో పోలీసులు భగ్నం చేశారు. డీఎస్పీ జయచంద్రుడు ఆధ్వర్యంలో భారీగా పోలీసులు దీక్షా శిబిరం వద్ద మోహరించారు. శిబిరంలోకి ప్రవేశించగానే అక్కడే ఉన్న కార్యకర్తలు వారిని అడ్డుకున్నారు.
 
 తోపులాట చోటుచేసుకుంది. 15 నిమిషాలపాటు దీక్షా శిబిరం వద్ద ఉద్రిక్తత నెలకొంది. పోలీసులకు వ్యతిరేకంగా, సమైక్యాంధ్రకు మద్దతుగా కార్యకర్తలు పెద్దఎత్తున నినాదాలు చేశారు. పోలీసులు వ్యూహం ప్రకారం దీక్షను భగ్నం చేశారు. 108 వాహనంలో ఎమ్మెల్యేను బలవంతంగా ఆస్పత్రికి తరలించారు.
 
 దీక్షను కొనసాగిస్తా..
 సమైక్యాంధ్ర కోసం తాను చేపట్టిన ఆమరణ దీక్షను ఆస్పత్రిలో కూడా కొనసాగిస్తానని అమరనాథరెడ్డి తెలిపారు. సమైక్యాంధ్ర కోసం శాంతియుతంగా ఉద్యమిస్తామన్నారు. కార్యకర్తలు, అభిమానులు సహనం పాటించాలని కోరారు.
 
 ఏడో రోజూ... కొరముట్ల నిరశన
 వైఎస్సార్ జిల్లా రైల్వే కోడూరులో వైఎస్సార్ సీపీ ఎమ్మెల్యే కొరముట్ల శ్రీనివాసులు ఆమరణ దీక్ష ఏడో రోజూ కొనసాగింది. పెద్దఎత్తున ప్రజలతోపాటు ఉద్యోగులు, విద్యార్థులు, అన్నిసంఘాల వారు తరలివచ్చి కొరముట్లకు తమ మద్దతు ప్రకటించారు. షుగర్, బీపీ లెవెల్స్ తగ్గడంతో కుటుంబ సభ్యులు, పార్టీ శ్రేణులు అందోళన చెందుతున్నాయి.
 
 వీరి దీక్షలకు డీసీసీబీ చైర్మన్ తిరుపాల్‌రెడ్డి, ఎమ్మెల్సీ దేవగుడి నారాయణరెడ్డి, మాజీ ఎమ్మెల్యే రఘురామిరెడ్డి, దుగ్గాయపల్లె మల్లికార్జునరెడ్డి, నేషనల్ టూరిజం డెరైక్టర్ సురేంద్రకుమార్ సంఘీభావం తెలిపారు.


 సాక్షి, గుంటూరు: ఉద్యమాల పురిటి గడ్డ గుంటూరు గర్జించింది. సమైక్య నినాదాలు మిన్నంటాయి. రాష్ట్రంలోని అన్ని ప్రాంతాలకు సమ న్యాయం చేయలేని కేంద్ర సర్కారుకు వాటిని విడగొట్టే అధికారం ఎవరిచ్చారని ప్రశ్నిస్తూ, న్యాయం చేయలేనప్పుడు రాష్ట్రాన్ని సమైక్యంగానే ఉంచాలనే డిమాండ్‌తో వైఎస్సార్ కాంగ్రెస్ పార్టీ గౌరవ అధ్యక్షురాలు వైఎస్ విజయమ్మ ప్రారంభించిన ఆమరణ నిరాహార దీక్షకు మద్దతు వెల్లువెత్తింది. ‘సమర దీక్ష’ శిబిరానికి పలు జిల్లాల నుంచి జనం వెల్లువలా కదిలి వచ్చారు. దివంగత వైఎస్సార్ ఆశయాల సాధనే లక్ష్యంగా ఉద్యమ స్ఫూర్తిని కొనసాగిస్తున్న విజయమ్మకు బాసటగా నిలుస్తూ తొలి రోజు కార్యక్రమంలో ప్రజలు భారీ సంఖ్యలో పాల్గొన్నారు. ప్రాణాలను లెక్క చేయకుండా, రాష్ట్ర ప్రజల సంక్షేమమే ధ్యేయంగా ఆమరణ దీక్ష తలపెట్టిన తెగువను మెచ్చుకున్నారు.
  
  విజయమ్మ హైదరాబాద్ నుంచి ఉదయాన్నే గన్నవరం విమానాశ్రయం చేరుకుని రోడ్డు మార్గాన గుంటూరు వచ్చారు.  విజయవాడ, మంగళగిరి, పెదకాకాని... ఇలా అడుగడుగునా వైఎస్సార్‌సీపీ నేతలు, కార్యకర్తలతో పాటు వివిధ సమైక్య జేఏసీ సంఘాల నుంచి ఆమెకు ఘన స్వాగతం లభించింది. గుంటూరు, విజయవాడ పార్టీ నేతల ఆధ్వర్యంలో జరిగిన భారీ ర్యాలీ నడుమ దీక్షా స్థలికి చేరుకున్నారు. నాగార్జున వర్సిటీ ప్రధాన ద్వారం దగ్గర జేఏసీ రిలే దీక్షల శిబిరం వద్ద ఆగి సంఘీభావం తెలిపారు. సరిగ్గా మధ్యాహ్నం 12.05కు దీక్షా శిబిరానికి చేరుకుని, తొలుత వైఎస్సార్ విగ్రహానికి పూలమాల వేసి నివాళులు అర్పించారు. సమర దీక్ష చేపట్టేందుకు దారితీసిన కారణాల్ని సమగ్రంగా వివరించారు. విభజన నిర్ణయంతో రాష్ట్రం అట్టుడుకుతుండటం చూసి జగన్ ఎంతో మథన పడుతున్నారన్నారు.
  
  నాలుగేళ్లుగా రాష్ట్రాన్ని రావణకాష్టంలా మార్చారన్నప్పుడు, తండ్రిలా న్యాయం చేయలేనప్పుడు విభజించే హక్కు కేంద్రానికి ఎవరిచ్చారని  ప్రశ్నించినప్పుడు హర్షద్వానాలు మిన్నంటాయి. వైఎస్ ఆశయాలను, ఆయన ప్రవేశపెట్టిన సంక్షేమ పథకాలను నూటికి నూరుపాళ్లు అమలు చేస్తే రాష్ట్రాన్ని విడగొట్టాల్సిన అగత్యమే రాదనప్పుడు ‘వైఎస్సార్‌కు జోహార్లు’ అంటూ నినాదాలు మారుమోగాయి. రెండున్నరేళ్లు ఓదార్పు యాత్రతో జనం మధ్య గడిపిన తన బిడ్డ జగన్ ఈ రాష్ట్ర ప్రజల సమస్యలను దగ్గరగా చూసి చలించి, తండ్రి వైఎస్సార్ కలల్ని నిజం చేసేందుకు, ఆశయాలను సాధించేందుకు పూనుకోవడం చూసి కాంగ్రెస్‌కు కన్ను కుట్టిందన్నప్పుడు జనం కళ్లు చెమ్మగిల్లాయి. జగన్ జైల్లో ఉన్నా రాష్ట్ర ప్రజల బాగు కోసమే తపిస్తున్నారని, రెండు ప్రాంతాల ప్రజల ఆందోళన నేపథ్యంలో రాత్రిళ్లు నిద్ర పట్టడం లేదని తనతో చెప్పారని విజయమ్మ వివరించారు. సమరదీక్షకు సంఘీభావం తెలిపేందుకు వచ్చిన అశేష జన స్పందనను జగన్‌కు తెలియజేస్తానని చెప్పగానే జనం జగన్‌కు జేజేలు పలికారు. పలికారు. మేధావులు, సమైక్యవాదుల ఆశీర్వచనాలతో సమర దీక్షను ప్రారంభిస్తున్నట్టు చెప్పి దీక్షకు కూర్చున్నారు.
  
  కిటకిటలాడిన గుంటూరు
  సమర దీక్ష శిబిరానికి తరలివచ్చిన సమైక్యవాదులతో గుంటూరు కిటకిటలాడింది. ఉభయ గోదావరి, కృష్ణా, విశాఖపట్నం జిల్లాల నుంచి పెద్ద ఎత్తున ప్రజలు, వైఎస్సార్‌సీపీ కార్యకర్తలు, సీనియర్ సిటిజన్లు, మహిళలు, వికలాంగులు పార్టీ జెండాలు చేబూని వచ్చారు.  టీచర్స్ ఫెడరేషన్, ఏపీ ఫోటోగ్రాఫర్ల అసోసియేషన్ నేతలు విజయమ్మను కలిసి దీక్షకు సంఘీభావం తెలిపారు. దీక్షలో ఉన్న విజయమ్మకు వైద్య పరీక్షలు చేసేందుకు గుంటూరు ప్రభుత్వ ఆస్పత్రి నుంచి వైద్య బృందం రాగా ఆమె తిరస్కరించారు.


 సాక్షి, విజయవాడ : రాష్ట్ర విభజనకు నిరసనగా తెలుగుదేశం పార్టీ జిల్లా అధ్యక్షుడు దేవినేని ఉమామహేశ్వరరావు, రాష్ట్ర కార్యదర్శి బొండా ఉమామహేశ్వరరావులు తలపెట్టిన ఆమరణ నిరాహారదీక్ష ఆ పార్టీ నేతల మధ్య విభేదాలు సృష్టించింది. శనివారం ఉదయం వీరిద్దరూ  చేపట్టబోయిన దీక్షను పోలీసులు భగ్నం చేశారు. వారి వారి ఇళ్ల వద్ద ఉదయం అరెస్టు చేశారు. ఈ సందర్భంగా స్వల్ప ఉద్రిక్తతలు  నెలకొన్నా కొద్దిసేపటికే సర్దుకున్నాయి. దేవినేని ఉమాతోపాటు పార్లమెంట్ నియోజకవర్గ ఇన్‌చార్జి కేశినేని శ్రీనివాస్ (నాని), అర్బన్ అధ్యక్షుడు నాగుల్‌మీరాలను పోలీసులు అరెస్టుచేసి మాచవరం పోలీసుస్టేషన్‌కు తరలించగా, బొండా ఉమాను పటమట పీఎస్‌కు తరలించారు.
  
 దీక్ష కొనసాగింపులో భిన్నాభిప్రాయాలు..
 మాచవరం పోలీసుస్టేషన్‌కు చేరుకున్న నేతలకు స్టేషన్ బెయిల్ ఇచ్చి పంపించేందుకు పోలీసులు సిద్ధమయ్యారు. స్టేషన్ ఎదుట కొద్దిసేపు నిరసన ప్రదర్శనలు నిర్వహించిన తరువాత స్టేషన్ బెయిల్ తీసుకుని వెళ్లిపోయేందుకు నేతలు సమాయత్తమయ్యారు.  దీనికి దేవినేని ఉమా అంగీకరించలేదు. తాను పోలీసుస్టేషన్‌లోనే దీక్ష కొనసాగిస్తానంటూ పట్టుబట్టారు. దీనిపై కేశినేని నాని, నాగుల్‌మీరా, బుద్దా వెంకన్న తదితరులు చర్చలు జరిపారు. ప్రస్తుతం అవనిగడ్డ ఉపఎన్నిక కోడ్ అమలులో ఉన్నందునే పోలీసులు అరెస్టు చేశారని, ఇప్పుడు స్టేషన్‌లోనే ఆమరణదీక్షకు దిగితే కోడ్ ఉల్లంఘన అవుతుందని, అందువల్ల  స్టేషన్ బెయిల్ తీసుకుని వెళ్లిపోవడం మం చిదని నిర్ణయించుకున్నారు.
 
 ఆ మేరకు వారంతా బెయిల్ తీసుకుని వెళ్లిపోయారు. వారితో విభేదించిన ఉమా మాత్రం రాత్రి వరకు స్టేషన్‌లోనే బైఠాయించి హైడ్రామా సృష్టించారు. పటమట పోలీసుస్టేషన్‌లో ఉన్న బొండా ఉమా కూడా ఎన్నికల నిబంధనలకు లోబడే మధ్యాహ్నమే స్టేషన్ బెయిల్ తీసుకుని వెళ్లిపోయారు. దేవినేని ఉమా వైఖరితో విసుగు చెందిన పోలీసులు ఆయన్ను బలవంతంగా ఇంటి వద్దకు తీసుకువెళ్లి వదిలివేశారు. ఉదయం నుంచి రాత్రి వరకు జరిగిన ఆమరణదీక్ష హైడ్రామాపై ఆ పార్టీ నేతల నుంచే విమర్శలు వస్తున్నాయి.
 
 ఉదయం నుంచీ హడావుడే!
 ఆమరణ నిరహారదీక్షకు సిద్ధమైన దేవినేని ఉమా ను గృహ నిర్బంధం, గొల్లపూడిలోనే అరెస్టు చేస్తారంటూ శుక్రవారం అర్ధరాత్రి నుంచే జోరుగా ప్రచారం జరిగింది. శనివారం ఉదయం గొల్లపూడిలోని ఆయన ఇంటికి చేరిన మీడియాతో ఆయన గదిలోనే కటకటాల వెనుక నిలబడి మాట్లాడారు. అయితే ఆయన్ను గొల్లపూడిలో అరెస్టు చేయబోరని పోలీసులు స్పష్టం చేయడంతో చివరకు బయటకు వచ్చి విజయవాడకు పాదయాత్రగా బయలుదేరారు. మధ్యలో   ఏదైనా కారు ఎక్కి మాయమై దీక్షాస్థలి వద్దకు చేరుకుంటారేమో అనుమానించిన పోలీసులు గొల్లపూడి నుంచి విజయవాడ వైపు వచ్చే ప్రతి వాహనాన్ని సోదా చేశారు. ఉమా పక్కన కూడా మఫ్టీలో పోలీసుల్ని ఉంచారు. ఆయన విజయవాడ సరిహద్దులోకి రాగానే అరెస్టు చేసి పోలీసుస్టేషన్‌కు తరలించారు. గంటసేపు జాతీయ రహదారిపై ట్రాఫిక్ ఇబ్బందులు ఏర్పడ్డాయి.
  


 సాక్షి, విజయవాడ : ఇరు ప్రాంతాలకు సమన్యాయం చేయండి.. లేదా రాష్ట్రాన్ని సమైక్యంగా ఉంచండి.. అని కోరుతూ వైఎస్సార్ సీపీ గౌరవాధ్యక్షురాలు వైఎస్ విజయమ్మ ఈ నెల 19 నుంచి విజయవాడలో తలపెట్టిన ఆమరణ నిరాహారదీక్షకు అవనిగడ్డ ఉపఎన్నిక కోడ్ సాకుగా చూపించి పోలీసులు అనుమతి నిరాకరించారు. దీంతో దీక్షావేదికను గుంటూరు నగరానికి మార్చారు. పార్టీ రాష్ట్ర ప్రోగ్రామింగ్ కమిటీ కన్వీనర్ తలశిల రఘురామ్ మాట్లాడుతూ..
 
 ఎన్నికల కమిషన్ నుంచి స్పష్టమైన ఆదేశాలున్నా విజయవాడ పోలీసుల నిరంకుశ వైఖరి కారణంగా అనుమతి నిరాకరించారని, పార్టీలో తర్జనభర్జనల అనంతరం వివాదాలకు తావుండకూడదనే సదుద్దేశంతో దీక్షావేదికను గుంటూరుకు మార్చినట్టు ప్రకటించారు. ప్రజలకు మేలు చేయడమే విజయమ్మ దీక్ష ఉద్దేశమని, డ్రామాలు చేయడం కాదన్నారు. అందుకే గుంటూరు బస్టాండ్ సమీపంలోని ఒక ప్రైవేటు స్థలంలోకి మార్చినట్టు చెప్పారు. రాష్ట్రం సుభిక్షంగా ఉండాలని చేపట్టిన దీక్ష ప్రజలకు న్యాయం జరిగేవరకూ కొనసాగుతుందని   స్పష్టం చేశారు.
 
 విజయమ్మ దీక్షకు అనుమతి ఇవ్వడం లేదని శనివారం సాయంత్రం విజయవాడ పోలీసు కమిషనర్ బత్తిన శ్రీనివాసులు ప్రకటించారు. ఈ మేరకు ఆయన లిఖితపూర్వకంగా  పార్టీ నేతలకు సమాచారం ఇచ్చారు. దేవినేని ఉమామహేశ్వరరావు, వైఎస్ విజయమ్మ దీక్షల కోసం పెట్టిన దరఖాస్తులను ఎన్నికల కమిషన్‌కు పంపించామని, అక్కడి నుంచి అనుమతి వచ్చే వరకు ముందుకు వెళ్లవద్దంటూ దేవినేని ఉమామహేశ్వరరావుకు శుక్రవారమే నోటీసులు ఇచ్చారు. శనివారం ఉదయం దీక్షకు బయలుదేరిన ఉమామహేశ్వరరావు బృందాన్ని పోలీసులు అరెస్టు చేశారు. శనివారం సాయంత్రానికి ఎన్నికల సంఘం నుంచి వివరణ వచ్చింది.  
 
 ఎన్నికల సంఘం ఏ పార్టీ అయినా దీక్షలు చేస్తే, వాటిని నిషేధించదని, శాంతిభద్రతల వ్యవహారాన్ని స్థానిక యంత్రాంగమే చూసుకోవాలని ఎన్నికల కమిషనర్ భన్వర్‌లాల్ స్పష్టం చేశారు. శాంతిభద్రతలు, కోడ్ అమలు నేపథ్యంలో దీక్షలకు ఎట్టిపరిస్థితుల్లోనూ అనుమతి ఇవ్వడం లేదని సీపీ శ్రీనివాసులు చెబుతున్నారు. పార్టీ నగర నేతలు జలీల్‌ఖాన్, గౌతమ్‌రెడ్డి, అడుసుమిల్లి జయప్ర కాష్ సీపీని శనివారం సాయంత్రం కలిసి చర్చలు జరిపారు.  ఎన్నికల కోడ్ అమలులో ఉన్నందున తాను అనుమతి ఇవ్వలేనని సీపీ స్పష్టం చేయడంతో వారు చట్టబద్ధంగా దీక్షలు చేయడానికి ఉన్న అవకాశాలను పరిశీలించారు.
 
  అనుమతి ఇవ్వలేదు : సీపీ
  ఎన్నికల కోడ్ అమలులో ఉన్నందున వైఎస్ విజయమ్మ దీక్షకు అనుమతి ఇవ్వడం సాధ్యం కాదని విజయవాడ పోలీసు కమిషనర్ బత్తిన శ్రీనివాసులు ‘సాక్షి’కి చెప్పారు.  ఈ నెల 19న ఎన్నికల ప్రచారం ముగుస్తుండడంతో ప్రదర్శనలు, లౌడ్‌స్పీకర్లకు అనుమతి ఉండదన్నారు. ఎన్నికల కమిషన్ దీక్షలకు అభ్యంతరం లేదని చెప్పినా ఎన్నికలను నిర్వహించే బాధ్యత తమపై ఉన్నందున అనుమతి నిరాకరిస్తున్నట్లు తెలి పారు. ప్రస్తుతం తాము ఎన్నికల కమిషన్ ఆధీనంలో పనిచేస్తున్నామని, ఈ సమయంలో కోడ్‌ను ఉల్లంఘించి అనుమతి ఇవ్వడం సాధ్యం కాదన్నారు. ఇప్పటికే తెలుగుదేశం నేత దేవినేని ఉమామహేశ్వరరావు దీక్షను అడ్డుకున్న విషయాన్ని ఆయన గుర్తు చేశారు.
 
  ఇది అప్రజాస్వామికం : ఉదయభాను
  విజయమ్మ దీక్షకు అనుమతి నిరాకరించడం పూర్తిగా అప్రజాస్వామికమని వైఎస్సార్ సీపీ జిల్లా కన్వీనర్ సామినేని ఉదయభాను విమర్శించారు. కాంగ్రెస్, తెలుగుదేశం పార్టీలు కుమ్మక్కై అధికారులపై ఒత్తిడి తెచ్చి అనుమతి నిరాకరించేలా చేశారన్నారు. విజయమ్మ దీక్ష చేపడితే రాష్ట్రమంతా ఆమె వైపు చూస్తుందనే అక్కసుతోనే ప్రభుత్వం ఈ నిర్ణయం తీసుకుందన్నారు. ఎన్నికల కమిషన్ దీక్షకు అనుమతి ఇచ్చినా జిల్లా కలెక్టర్, విజయవాడ పోలీసు కమిషనర్ అనుమతి నిరాకరించడం సరికాదన్నారు. చెప్పిన మాట ప్రకారం సమైక్య రాష్ట్రం కోసం దీక్ష చేయడం కోసమే వేదికను గుంటూరుకు మార్చినట్టు ఆయన తెలిపారు.
  


 సాక్షి, కడప: వైఎస్‌ఆర్ జిల్లా కడప కలెక్టరేట్ వద్ద ఎమ్మెల్యే శ్రీకాంత్‌రెడ్డి, మాజీ మేయర్ పి.రవీంద్రనాధరెడ్డి చేపట్టిన ఆమరణ నిరాహార దీక్షలు శనివారంతో ఆరోరోజు పూర్తయ్యాయి. రాత్రి 8గంటలకు వీరిని వైద్యులు పరీక్షించారు. ఆరోగ్య పరిస్థితి బాగా లేదని చెప్పారు. అయినా దీక్షలు కొనసాగించడానికే శ్రీకాంత్‌రెడ్డి, రవీంద్రనాథ్‌రెడ్డి నిర్ణయించారు. పెద్ద ఎత్తున ప్రజలు, అధికారులు, అన్ని వర్గాల వారు తరలివచ్చి  వీరికి సంఘీభావం  ప్రకటిస్తున్నారు.
  
 మాజీ మంత్రులు వైఎస్ వివేకానందరెడ్డి, పెద్డిరెడ్డి రామచంద్రారెడ్డిలతోపాటు వైఎస్సార్ కాంగ్రెస్ పాలక మండలి సభ్యులు జ్యోతుల నెహ్రూ, వైఎస్సార్ కాంగ్రెస్ నేతలు ఈసీ గంగిరెడ్డి, జిల్లా కన్వీనర్ సురేష్‌బాబు సంఘీభావం తెలిపారు. రైల్వేకోడూరులో ఎమ్మెల్యే కొరముట్ల శ్రీనివాసులు, రాజంపేటలో ఎమ్మెల్యే ఆకేపాటి అమరనాధరెడ్డి దీక్షలు శనివారంతో మూడవ రోజు పూర్తి చేసుకుని ఆదివారంతో నాలుగురోజుకు చేరాయి.


 అందరికీ ఆమోదయోగ్యమైన పరిష్కారం చూపకుండా.. ఓట్లు, సీట్ల కోసం రాష్ట్రాన్ని విభజించాలని నిర్ణయం తీసుకున్న కాంగ్రెస్ నిరంకుశ వైఖరికి నిరసనగా వైఎస్సార్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ చేపడుతున్న ఆమరణ దీక్ష వేదిక మారింది. ఈనెల 19వ తేదీ నుంచి విజయవాడ బందరు రోడ్డులోని పీవీపీ కాంప్లెక్సు ఎదురుగా దీక్ష చేపట్టాలని తొలుత నిర్ణయించినా, తర్వాత ఈ వేదికను గుంటూరుకు మారుస్తూ పార్టీ అగ్ర నాయకులు నిర్ణయం తీసుకున్నారు. గుంటూరు బస్టాండు ఎదురుగా గల ఓ ప్రైవేటు స్థలంలో విజయమ్మ దీక్ష చేపట్టనున్నారు.
 
 ఈ నెల 19 ఉదయం గుంటూరులో వైఎస్ విజయమ్మ దీక్షను ప్రారంభిస్తారు. విజయమ్మతో పాటు అనేక మంది నాయకులు, కార్యకర్తలు ఆమరణ నిరాహార దీక్ష చేసేందుకు సిద్ధమవుతున్నారు. అయితే వారిని పార్టీ నేతలు వారిస్తున్నారు. విజయమ్మ మాత్రమే దీక్ష చేస్తారని, పార్టీ నేతలు, కార్యకర్తలు ఆమెకు మద్దతుగా రిలే  నిరాహార దీక్షలు చేయొచ్చని సూచిస్తున్నారు.


 * పంద్రాగస్టు వేడుకల్లో విజయమ్మ ఆవేదన
 * కోట్లాది మంది రోడ్లెక్కుతున్నా పట్టదా?
 * ప్రజలే సైన్యంగా మారే రోజులు తొందర్లో వస్తాయి
 * కాంగ్రెస్ కుట్రలకు వారే తెరదించుతారు
 * అధికార పార్టీ ఓట్లు, సీట్లే లక్ష్యంగా వ్యవహరిస్తోంది
 * ఏ ఒక్కరితో చర్చించకుండా తనకు తాను నిర్ణయాలు తీసుకుంటోంది
 * ఇరు ప్రాంతాలకు సర్దిచెప్పాల్సిన అంశాలు ఎన్నో ఉన్నాయి
 * కాంగ్రెస్ వైఖరికి నిరసనగానే ఆమరణ దీక్ష
  
 సాక్షి, హైదరాబాద్: గత పక్షం రోజులుగా రాష్ట్రంలో కోట్లాది మంది ప్రజలు రోడ్లపైకి వచ్చి నిరసనలు వ్యక్తం చేస్తున్నా కాంగ్రెస్ పార్టీకి ఏమాత్రం పట్టడం లేదని వైఎస్సార్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ నిప్పులు చెరిగారు. రాష్ట్రంలో పరిస్థితులను చూస్తుంటే ఎమర్జెన్సీ పాలన తలపిస్తోందని ఆవేదన వ్యక్తం చేశారు. ప్రజా ప్రయోజనాలు ఏమాత్రం పట్టకుండా ఓట్లు, సీట్లే లక్ష్యంగా అధికార పార్టీ వ్యవహరిస్తున్న తీరుకు నిరసనగా ఈనెల 19న విజయవాడలో ఆమరణ దీక్షకు సిద్ధమైనట్లు తెలిపారు. ప్రజలే సైన్యంగా మారి  కాంగ్రెస్ కుట్రలకు తెరదించే రోజులు తొందర్లోనే ఉన్నాయని ఆశాభావం వ్యక్తం చేశారు.
 
 67 వ స్వాతంత్య్ర దినోత్సవ వేడుకలను పురస్కరించుకుని గురువారం పార్టీ కార్యాలయంలో విజయమ్మ త్రివర్ణ పతాకాన్ని ఎగురవేశారు. అనంతరం దివంగత ముఖ్యమంత్రి వైఎస్ రాజశేఖరరెడ్డి చిత్రపటానికి నివాళి అర్పించారు. ఈ సందర్భంగా రాష్ర్టంలో నెలకొన్న పరిస్థితులు, కేంద్ర, రాష్ట్ర ప్రభుత్వాలు అనుసరిస్తున్న తీరు, ప్రజా ఆందోళనలను ప్రస్తావిస్తూ ప్రసంగించారు. ప్రసంగం ఆమె మాటల్లోనే...
 
 తండ్రిలా న్యాయం చేయాలని అడుగుతున్నాం..
 కేంద్రంలో అధికారంలో ఉన్న వారు తండ్రిలా న్యాయం చేయాలని అడుగుతున్నాం. రాష్ట్రంలో అందరితో చర్చించాలని అడుగుతున్నాం. కానీ మనం అడిగే ప్రశ్నలకు కేంద్రం, కాంగ్రెస్ పార్టీ న్యాయం చేసే పరిస్థితిలేదు. ఒక ప్రాంతానికి మంచి చేయడమంటే గర్వించదగినదే. కానీ ఇతర ప్రాంతాలను గురించి ఆలోచన చేయకుండా కేవలం ఓట్లు, సీట్ల కోసం నిర్ణయాలు తీసుకోవడం దారుణం. ఏ ఒక్కరితో చర్చించకుండా తనకు తాను నిర్ణయాలు తీసేసుకుంటోంది. జస్టిస్ శ్రీకృష్ణ కమిటీ చెప్పిన విషయాలను పెడచెవిన పెట్టింది.
 
 ఇరు ప్రాంతాలకు న్యాయం చేయని పక్షంలో విభజించే హక్కు ఎక్కడిదని ప్రశ్నిస్తున్నాం. న్యాయం చేయలేని పక్షంలో యథాతథంగా ఉంచాలని కోరుతున్నాం. తెలంగాణకు న్యాయం జరిగితే మంచిదే, అడ్డుపడే వాళ్లం కూడా కాదు. కానీ రెండు ప్రాంతాలకు సర్దిచెప్పాల్సిన అంశాలు ఎన్నో ఉన్నాయి. జటిలమైన సమస్యలకు జవాబు చెప్పాలి. అయితే కాంగ్రెస్ తీసుకున్న నిర్ణయం ఏ ఒక్క సమస్యకు పరిష్కారం చూపడంలేదు. కేంద్రం.. ఒక తండ్రిలా బిడ్డలందరికీ సమ వాటాలు పంచివ్వాలి. వారి నిర్ణయం అలా లేదు. కాంగ్రెస్ పార్టీ కేవలం ఓట్లు, సీట్ల ప్రాతిపదికన ఎన్ని ఎంపీ, ఎమ్మెల్యే స్థానాలు గెలుస్తామనే ఆలోచనతోనే ఉంది. ఇలాంటి నిర్ణయాలు తీసుకుంటే ఈ ప్రభావం భవిష్యత్తు తరాలపై కొన్ని దశాబ్దాల పాటు ఉంటుంది.
 
 వైఎస్ ఆకాంక్ష.. పేదవాడి ముఖంలో చిరునవ్వు
 ప్రతీ పేదవాడి ముఖంలో చిరునవ్వు చూడాలని వైఎస్ రాజశేఖరరెడ్డి ఆకాంక్షించారు. పేదవాడికి ప్రభుత్వం భరోసా ఉండాలని కోరుకున్నారు. మాటలే కాదు చేతల్లో కూడా చేసి చూపించారు. రాజశేఖరరెడ్డి హయాంలో జలయజ్ఞం, ఆరోగ్యశ్రీ, 108, 104, ఎస్సీ, ఎస్టీలకు భూ పంపిణీ, పేద విద్యార్థులు ఉన్నత చదవులు అభ్యసించేందుకు ఫీజు రీయింబర్స్‌మెంట్, రైతులు గర్వంగా తలెత్తుకొని బతికేందుకు ఉచిత విద్యుత్, కరెంటు బకాయిలు ఎత్తేయడం, రుణమాఫీ వంటి కార్యక్రమాలు చేశారు. మైనార్టీలకు నాలుగు శాతం రిజర్వేషన్లు, గ్రామీణ ఉపాధి, ఉద్యోగాలు ఇలా పేదరికం నుంచి ప్రజలను బయటకు తీసుకొచ్చే ఎన్నో ప్రయత్నాలు చేశారు.
 
 వైఎస్ రాష్ట్రంలోని మూడు ప్రాంతాలకు మేలు చేసే సీఎంగా నిలబడ్డారు. ఆయన ఏనాడు కూడా ఒక ప్రాంతానికి మంచి చేయడం కోసం మరో ప్రాంతానికి హాని తలపెట్టే ఆలోచన చేయలేదు. మూడు ప్రాంతాల్లో కూడా ప్రాజెక్టులు చేపట్టి సాగునీరు, తాగునీరు సమృద్ధిగా ఉండాలని ఆకాంక్షించారు. జిల్లాకో విశ్వవిద్యాలయం, మెడికల్ కాలేజీ, జేఎన్‌టీయూ, ఐఐటీ, ఐఐఐటీ, బిట్‌‌సిపిలానీ, జేకేసీ ఏర్పాటు చేశారు. ఐటీ రంగంలో ప్రఖ్యాత కంపెనీలను తీసుకొచ్చారు.
 
 హైదరాబాద్‌ను కూడా అన్ని రంగాల్లో అభివృద్ధి చేశారు. ఔటర్ రింగ్‌రోడ్డు, పీవీ నర్సింహారావు ఎక్స్‌ప్రెస్ వే, అంతర్జాతీయ విమానాశ్రయం, కృష్ణా జలాలు, మెట్రోరైల్ ఇలా ఎన్నో చేశారు. సంక్షేమ పథకాల ద్వారా మనిషికి కావాల్సినవన్నీ ఇచ్చారు. శాచ్యురేషన్ పద్ధతిలో అన్ని సామాజిక వర్గాలు అభివృద్ధి చెందేందుకు కృషి చేశారు. అభివృద్ధి, సంక్షేమం రెండు కళ్లలా భావించి రాష్ట్రాన్ని ముందుకు తీసుకెళ్లారు. ఆయన ఉండుంటే రాష్ట్రం మరింత అభివృద్ధి చెందేది.
 
 రాజ్యాంగ అధికారాలు దుర్వినియోగం..
 అభియోగాల మీద విచారణ కూడా చేయకుండా జనం మధ్యలో ఉన్న జగన్‌బాబును 15 నెలలుగా అక్రమంగా నిర్భంధించారు. స్వాతంత్య్ర ఉద్యమంలో బ్రిటిష్ వారు సైతం ఇలా చేసుండరు. సీబీఐని చేతిలో పెట్టుకొని, అన్ని వ్యవస్థలను మేనేజ్ చేస్తూ పరిపాలన సాగిస్తున్నారు. రాజ్యాంగం ఇచ్చిన అధికారాలను దుర్వినియోగ పరుస్తూ, ఈ రోజు ఎమర్జెన్సీ పరిస్థితులను తలపించేలా చేస్తున్నారు. వ్యతిరేకంగా ఉన్న వారిని జైల్లో పెడుతున్నారు.
 
 చంద్రబాబు మద్దతుతోనే అడ్డగోలు విభజన
 రాష్ట్రానికి సంబంధించి గత కొంత కాలంగా రకరకాల వార్తలు వెలువడుతున్నా ప్రధాన ప్రతిపక్షంలో ఉన్న చంద్రబాబుకు అన్నీ తెలిసినా ఎందుకు స్పందించలేదని అడుగుతున్నాం. వైఎస్సార్ కాంగ్రెస్ పార్టీ మాదిరిగా ముందే కేంద్రాన్ని హెచ్చరించి ఉంటే ఈ పరిస్థితి దాపురించేది కాదు. మా ఎమ్మెల్యేలు రాజీనామా చేసినప్పుడు వారు చేసుంటే కేంద్రంపై ఒత్తిడి పెరిగి జూలై 30న విభజనపై తొందరపాటు ప్రకటన వచ్చి ఉండేది కాదు. అయితే  చంద్రబాబు పూటకో మాట మాట్లాడుతూ ప్రజలను గందరగోళపరుస్తున్నారు.
 
 2008, 2012లో ఒక బ్లాంక్ చెక్ ఇచ్చేసిన మాదిరిగా లేఖ ఇచ్చి రాష్ట్రాన్ని ఇష్టమున్నట్లు విభజించుకోండని చెప్పారు. చంద్రబాబు సహకారం వల్లే విభజన ప్రకటన వచ్చింది. అన్ని ప్రాంత ప్రజల అభిప్రాయాలు తీసుకోవాలని గట్టిగా ఎందుకు చెప్పలేకపోయారు. ఈరోజు రాష్ట్ర పరిస్థితి చూస్తే ప్రధాన నదులైన కృష్ణా, గోదావరి జలాల విషయంలో చిక్కుముడులున్నాయి. విభజన వల్ల కుప్పం నుంచి శ్రీకాకుళం వరకు మంచినీరు ఎక్కడి నుంచి వస్తాయో చెప్పాలి.
 
 పోలవరం ప్రాజెక్టుకు జాతీయ హోదా ఇస్తామంటున్నారు కానీ దానికి నీరు ఎక్కడ్నుంచి వస్తోంది? అలాగే శ్రీశైలం ప్రాజెక్టు పరిస్థితి కూడా అంతే. వీటికి జవాబేలేదు. ఈ రోజు రాష్ట్రంలోని ప్రతీ గ్రామం నుంచి పది మందికి పైగా హైదరాబాద్‌లో ఉంటున్నారు. ఉన్నత చదువులు, ఉద్యోగాలు ఇలా ఏదో ఒక విధంగా హైదరాబాద్‌కు వస్తున్నారు. ఇలా అరవై ఏళ్లుగా ఉంటున్న వారి విషయంలో కేసీఆర్ మాటలు చూస్తే భయాందోళనలు కలుగుతున్నాయి. అంతేకాదు రాష్ట్ర బడ్జెట్‌లో హైదరాబాద్ నుంచే రూ.90 వేల కోట్ల ఆదాయం లభిస్తోంది.
 
 రాష్ట్రాన్ని విభజిస్తే సీమాంధ్రకు ఆదాయం ఎక్కడి నుంచి వస్తుంది? సంక్షేమ పథకాలు ఏ విధంగా నడిపించాలి. పరిస్థితులు అంతా ఈ విధంగా ఉంటే చంద్రబాబు మాత్రం... నాలుగు లక్షల కోట్లు ఇస్తే అన్ని సర్దుకొని వెళ్లిపోతాం. కొత్త రాజధాని నిర్మించుకుంటామంటున్నారు. చంద్రబాబు తోడుగా ఉన్నారనే కాంగ్రెస్ ముందూవెనక ఆలోచన చేయకుండా విభజన చేస్తోంది. పైగా సీమాంధ్రకు సంబంధించి రాజధాని విషయంలో కూడా కాంగ్రెస్ పార్టీ చిచ్చుపెడుతోంది. కర్నూలు, ఒంగోలు, గుంటూరు, నెల్లూరు అంటూ ఒక్కోసారి ఒక్కో పేరు చెబుతూ ఇక్కడ కూడా విద్వేషాలు రగిలిస్తోంది.
  
 అందుకే దీక్ష చేస్తున్నా...
 కాంగ్రెస్ పార్టీ ఒక వైపు తెలంగాణ ప్రక్రియ ఆగదు అంటూనే మరోవైపు ఏమైనా సమస్యలుంటే ఆంటోని కమిటీకి చెప్పండని అంటోంది. ఆ కమిటీ కూడా రాష్ట్రానికి రాదట! ఢిల్లీ వచ్చి చెప్పమంటోంది. ఇప్పటిదాకా ప్రణబ్ కమిటీ, రోశయ్య, జస్టిస్ శ్రీకృష్ణ కమిటీలన్నీ చూశాం. ఆంటోనీ కమిటీ వల్ల న్యాయం జరుగుతుందని నమ్మకం లేకనే జగన్‌బాబు, నేను పదవులకు రాజీనామా చేశాం. పది, పదిహేను రోజులుగా ఇన్ని కోట్ల మంది రోడ్లెక్కి ఉద్యమం చేస్తున్నా.. ఎన్జీవోలు పెన్‌డౌన్ చేస్తున్నా కాంగ్రెస్‌కు పట్టడం లేదు. అందుకే నేను ఈనెల 19 నుంచి ఆమరణ నిరాహార దీక్ష చేపట్టాలని నిర్ణయించా. వైఎస్సార్ కాంగ్రెస్ పార్టీ ఒక్కటే ఆకాంక్షిస్తుంది.. ప్రజల మధ్య అసూయకు తావు లేకుండా ఉండాలనేదే మా ధేయ్యం.


 ఎన్నో చారిత్రక ఉద్యమాలకు వేదికగా నిలిచిన బెజవాడ గడ్డ మరోసారి వార్తల్లోకెక్కింది. కాంగ్రెస్ పార్టీ ఏకపక్షంగా తీసుకున్న రాష్ట్ర విభజన నిర్ణయంపై ఇప్పటికే సీమాంధ్ర అట్టుడుకుతోంది. ఆపై ఉద్యోగులు కూడా నగరం నుంచే సమ్మె శంఖం పూరించి సోమవారం అర్ధరాత్రి నుంచి విధులను బహిష్కరించిన సంగతి విదితమే. తాజాగా వైఎస్సార్ సీపీ గౌరవాధ్యక్షురాలు వైఎస్ విజయమ్మ తెలుగుజాతి ఆత్మగౌరవం కోసం 19వ తేదీ నుంచి ఇక్కడే ఆమరణ దీక్ష చేపట్టనున్నట్టు బుధవారం ప్రకటించారు.  
  
 సాక్షి ప్రతినిధి, విజయవాడ : రాష్ట్ర విభజన నిర్ణయాన్ని కాంగ్రెస్ పార్టీ ఏకపక్షంగా తీసుకున్నట్లు వైఎస్సార్ సీపీ మొదటినుంచి విమర్శిస్తోంది. రాష్ట్రాన్ని సమన్యాయంతో విభజన చేయాలని, లేనిపక్షంలో యథాతథంగా ఉంచాలని డిమాండ్ చేస్తోంది. విభజనకు టీడీపీతో కలిసి కాంగ్రెస్ అనుసరిస్తున్న విధానాలకు నిరసనగా వైఎస్సార్ సీపీ ఎంపీలు, ఎమ్మెల్యేలు ముందుగా తమ పదవులకు రాజీనామా చేశారు. కేంద్రం నుంచి స్పందన లభించకపోవడంతో పార్టీ అధ్యక్షుడు వైఎస్ జగన్‌మోహన్‌రెడ్డి, గౌరవాధ్యక్షురాలు వైఎస్ విజయమ్మలు తమ పదవులకు రాజీనామా చేసి ఒత్తిడి పెంచారు. ఈ నేపథ్యంలోనే జనంకోసం వైఎస్ కుటుంబం విజయవాడ వేదికగా ‘సమరదీక్ష’కు శ్రీకారం చుట్టబోతున్నారు. రాజకీయ, సామాజిక, సాహిత్య రంగాల్లో అణువణువునా చైతన్యాన్ని నింపుకొన్న కృష్ణా జిల్లాలో పీడిత, తాడిత జనవిముక్తి కోసం అనేక చారిత్రక పోరాటాలు జరిగాయి. స్వాతంత్య్ర ఉద్యమంలోను ఈ జిల్లా కీలక భూమిక పోషించింది. జిల్లాకు కేంద్రబిందువైన విజయవాడ అనేక ఉద్యమాలకు వేదికగా నిలిచింది.  ఆ స్ఫూర్తితో వైఎస్ కుటుంబం ఇక్కడినుంచి అనేక దీక్షలు చేపట్టింది.
 
  కృష్ణానుంచే జగన్ పోరుబాట...
  రైతులను నిర్లక్ష్యం చేస్తున్న పాలకుల తీరును నిరసిస్తూ, రైతుల మేలు కోరుతూ  వైఎస్సార్ సీపీ అధ్యక్షుడు వైఎస్ జగన్‌మోహన్‌రెడ్డి విజయవాడలో రెండున్నరేళ్ల క్రితం మూడు రోజలపాటు లక్ష్యదీక్షను నిర్వహించారు. అప్పట్లో పంట నష్టపోయిన రైతులను పరామర్శించేందుకు జిల్లాలో పర్యటించిన జగన్‌మోహన్‌రెడ్డి బందరులో జరిగిన సభలో మాట్లాడుతూ రైతులను ప్రభుత్వం ఆదుకోవాలని డిమాండ్ చేశారు. అప్పుడే లక్ష్యదీక్ష చేస్తానని ప్రకటించారు. 2010 డిసెంబర్ 22 ఆయన పుట్టినరోజునాడు విజయవాడ కృష్టాతీరంలో లక్ష్యదీక్షకు శ్రీకారం చుట్టి 23, 24వ తేదీల్లోనూ కొనసాగించారు. ఆ మూడు రోజులు ఆ ప్రాంతం జనసంద్రమైంది. ఆ తర్వాత జిల్లాలో ఓదార్పుయాత్ర ముగింపు సందర్భంగా రైతుల కోసం 2011 అక్టోబర్ 1న విజయవాడ సబ్‌కలెక్టర్ ఆఫీసు వద్ద వైఎస్ జగన్ రైతుదీక్ష నిర్వహించారు. రైతు పండించిన పంటకు మద్దతు ధర ఇవ్వాలని, పంటలు కోల్పోయిన రైతులను తక్షణం ఆదుకోవాలని, సాగునీరు సక్రమంగా ఇవ్వాలని ఆయన ప్రభుత్వాన్ని డిమాండ్ చేశారు.
 
  కుమ్మక్కు కుట్రలు పన్నినా...
  జగన్‌మోహన్‌రెడ్డిని జనానికి దూరం చేయాలన్న కుమ్మక్కు కుట్రలతో కాంగ్రెస్, టీడీపీలు సీబీఐతో కేసులు పెట్టించి అరెస్టు చేయించినప్పటికీ జనం కోసం వైఎస్ కుటుంబం దీక్షలు ఆగలేదు. భర్తను కోల్పోయినా, కొడుకు జైలులో ఉన్నా...  బాధను దిగమింగుకుంటూ విజయమ్మ జనం కోసం పోరాడుతున్నారు. ప్రజలపై కరెంటు చార్జీల భారం తగ్గించాలని, సర్‌చార్జీల మోత ఉప సంహరించాలని ప్రభుత్వాన్ని డిమాండ్ చేస్తూ విజయమ్మ బెజవాడలోనే 2012 జూలై 17న కరెంటు దీక్ష చేశారు. ఇటీవల ఇక్కడే ప్రాంతీయ సదస్సును నిర్వహించిన విజయమ్మ స్థానిక సంస్థల ఎన్నికల సమాయత్తానికి శ్రీకారం చుట్టారు. వైఎస్ జగన్‌మోహన్‌రెడ్డి సోదరి షర్మిల నిర్వహించిన మరోప్రజాప్రస్థానం పాదయాత్రను సైతం ప్రజలు ఆదరించి ఆమెను అనుసరించారు. ఇలా వైఎస్ కుటుంబసభ్యులు ప్రజల కోసం, ప్రజల మధ్య, చారిత్రక పోరాటాలకు తమదైన శైలిలో నాయకత్వం వహిస్తునే ఉన్నారు. ఇప్పుడు రాష్ట్ర విభజనపై కాంగ్రెస్ అధిష్టానం తీసుకున్న ఏకపక్ష నిర్ణయంపై విజయమ్మ ప్రాణత్యాగానికి సైతం సిద్ధపడి ఈ నెల 19న విజయవాడలో ఆమరణదీక్ష చేపట్టనున్నట్టు ప్రకటించారు.
     
  తెలుగు ప్రజల మధ్య చిచ్చుపెట్టేలా కేంద్ర, రాష్ట్ర ప్రభుత్వాలు వ్యవహరిస్తున్న తీరును నిరసిస్తూ ఆమె చేపట్టబోయే ఆమరణ దీక్షకు మద్దతు పలికేందుకు జిల్లావాసులు ఉవిళ్ళూరుతున్నారు.
  


 * 19 నుంచి విజయవాడ కేంద్రంగా నిరశన
 *  నిరంకుశ విభజన నిర్ణయంపై సత్యాగ్రహం
 *  సమన్యాయం చేయలేనపుడు రాష్ట్రాన్ని యథాతథంగా ఉంచాలి
 *  ఓట్లు, సీట్ల కోసం విభజన నిర్ణయం కాంగ్రెస్ నిరంకుశ వైఖరే
 *  పది సీట్ల కోసం ఏకపక్షంగా విభజనపై ముందుకెళుతోంది
 *  విభజన నిర్ణయానికి ప్రాతిపదిక, హేతుబద్ధత ఏమీ లేదు
 *  శ్రీకృష్ణ నివేదికపై కనీసం చర్చించిన పాపాన కూడా పోలేదు
 *  సాగునీటి సమస్యలకు పరిష్కార మార్గాలూ చెప్పటం లేదు
 *  కృష్ణా డెల్టా భవితవ్యం అంధకారంగా మారే ప్రమాదం
 *  పరిష్కారం లేకుండా విభజిస్తే కళ్ల ముందే నీటి యుద్ధాలు
 *  కాంగ్రెస్, టీడీపీ నేతలది అంతా డ్రామానే: మైసూరా
  
 సాక్షి, హైదరాబాద్: అందరికీ ఆమోదయోగ్యమైన పరిష్కారం చూపకుండా.. ఓట్లు, సీట్ల కోసం రాష్ట్రాన్ని విభజించాలని నిర్ణయం తీసుకున్న కాంగ్రెస్ నిరంకుశ వైఖరికి నిరసనగా వైఎస్సార్ కాంగ్రెస్ పార్టీ గౌరవాధ్యక్షురాలు విజయమ్మ ఈ నెల 19వ తేదీ నుంచి విజయవాడ కేంద్రంగా ఆమరణ నిరాహార దీక్ష చేపట్టాలని నిర్ణయించారు. ‘‘సమ న్యాయం చేయలేనపుడు, అన్ని ప్రాంతాలకు ఆమోదయోగ్యమైన పరిష్కారం చూపించలేనపుడు రాష్ట్రాన్ని యథాతథంగా ఉంచాలి’’ అని డిమాండ్ చేస్తూ ఆమె ఈ దీక్ష చేపడుతున్నట్లు పార్టీ రాజకీయ వ్యవహారాల కమిటీ సభ్యుడు ఎం.వి.మైసూరారెడ్డి ప్రకటించారు.
 
 బుధవారం పార్టీ కేంద్ర కార్యాలయంలో వైఎస్సార్ సీపీ రాజకీయ వ్యవహారాల కమిటీ సమావేశం ఈ మేరకు నిర్ణయం తీసుకుంది. ఎలాంటి ప్రాతిపదిక లేకుండా, చర్చలు, సంప్రదింపులు జరపకుండానే ఆంధ్రప్రదేశ్‌ను విభజించాలని జూలై 30న సీడబ్ల్యూసీ నిర్ణయం తీసుకున్న దరిమిలా ఉత్పన్నమైన పరిణామాలను సమావేశంలో సుదీర్ఘంగా చర్చించిన తర్వాత విజయమ్మ ఆమరణ నిరాహార దీక్ష నిర్ణయం తీసుకున్నారు. సమావేశం అనంతరం మైసూరారెడ్డి పార్టీ నేతలు, మాజీ ఎమ్మెల్యేలు మద్దాలి రాజేష్‌కుమార్, ఎ.వి.ప్రవీణ్‌కుమార్‌రెడ్డిలతో కలిసి పార్టీ కేంద్ర కార్యాలయంలో విలేకరుల సమావేశంలో మాట్లాడారు.
 పది సీట్ల ఆశతోనే విభజన...
 అందరికీ ఆమోదయోగ్యమైన రీతిలో పరిష్కారం చేయాలని కోరుతున్నా ఇప్పటి వరకూ కేంద్రం ఆ దిశలో పయనించటం లేదని మైసూరా విమర్శించారు. వారి వైఖరి చూస్తుంటే ఏకపక్షంగా నిరంకుశంగా, రాజకీయ లబ్ధి కోసమే వారికి తోచిన విధంగా రాష్ట్రాన్ని విభజించాలనే కుట్ర చేస్తున్నట్లు స్పష్టమవుతోందని ఆందోళన వ్యక్తంచేశారు. అందుకు నిరసనగా పార్టీ గౌరవాధ్యక్షురాలు విజయమ్మ ఈ నెల 19 నుంచి ఆమరణ నిరాహారదీక్ష చేపడుతున్నారని తెలిపారు.
 
 ‘‘కాంగ్రెస్ నిర్ణయం ఏ కోణంలో చూసినా పది సీట్ల ఆశతోనే విభజన చేస్తున్నట్లుగా కనిపిస్తోంది.. ఓట్లు, సీట్లు అన్న ఆలోచన మినహా.. ఒక ప్రాతిపదిక, ఒక హేతుబద్ధత ఏదీ లేకుండా విభజనపై ముందుకెళుతున్నారు’’ అని మైసూరా మండిపడ్డారు. శ్రీకృష్ణ కమిటీ ఇచ్చిన నివేదికపై కనీసం చర్చించిన పాపాన కూడా పోలేదని.. కేవలం రాజకీయ దృష్టితోనే ప్రభుత్వం విభజనకు పూనుకుంటోందని ధ్వజమెత్తారు.
 
  కాంగ్రెస్ కమిటీ వద్దకు ఇతర పార్టీలు ఎలా వెళతాయి?
 ‘‘ఆంటోనీ నేతృత్వంలో ఏర్పాటు చేసిన నలుగురు సభ్యుల కమిటీ కేవలం కాంగ్రెస్ పార్టీకి సంబంధించింది మాత్రమే. అలాంటి కమిటీ ముందుకు ఇతర పార్టీల వారు, ప్రజా సంఘాల ప్రతినిధులు, ఈ అంశంలో ఇమిడి ఉన్న భాగస్వాములు ఎలా వెళతారు?’’ అని మైసూరా సూటిగా ప్రశ్నించారు. తమ పార్టీ ఆంటోనీ కమిటీ ముందుకు వెళ్లే సమస్యే లేదని ఆయన స్పష్టం చేశారు. ‘‘ఈ కమిటీని కలవాలంటే ముందు పీసీసీ అధ్యక్షుడిని సంప్రదించాలట..! ఆయన్ను అడుక్కోవాల్సిన ఖర్మ ఎవరికి పట్టింది?’’ అని విమర్శించారు.
 
 ఈ వ్యవహారాలన్నీ చూస్తూంటే కేంద్ర ప్రభుత్వం పూర్తిగా ఏకపక్షంగా వ్యవహరిస్తోందనేది తేటతెల్లమవుతోందన్నారు. ‘‘రాజధాని విషయంలో రాజ్యాంగపరమైన  చిక్కులు ఎదురవుతాయి.. ఒకే ప్రాంతంలో రెండు రాజధానులు ఎలా ఇముడుతాయి? ఒక చోట నుంచి మరో ప్రాంతాన్ని ఎలా పరిపాలించుకుంటారనే ఇంగిత జ్ఞానమైనా లేకుండా కాంగ్రెస్ వాళ్లు మాట్లాడుతున్నారు.. అసలు వీళ్లు దేశాన్ని పాలించే నాయకులా? లేక ఏదైనా గ్రామ నాయకులా? అర్థం కావడం లేదు’’ అంటూ మండిపడ్డారు.
 
 కళ్ల ముందే నీటియుద్ధాలు చూస్తాం...
 ఉమ్మడి రాష్ట్రంగా ఉన్నపుడు నిర్మించిన జలాశయాల విషయం, సాగునీటి సమస్యల గురించి కూడా వారు ఆలోచించటం లేదని, వాటికి పరిష్కార మార్గాలు కూడా చెప్పటం లేదు అని మైసూరారెడ్డి తప్పుపట్టారు. ‘‘సాగునీటి పంపిణీ అనేది చాలా జటిలమైన సమస్య. కృష్ణా నదిపై శ్రీశైలం, నాగార్జునసాగర్ ప్రాజెక్టులను ఉమ్మడి రాష్ట్రంలో నిర్మించుకున్నాం. సాగునీటిపై స్పష్టత లేకుండా విభజిస్తే.. కృష్ణా జలాలపై ఆధారపడిన కృష్ణా డెల్టా ఆయకట్టు భవితవ్యం అంధకారమవుతుంది’’ అని ఆందోళన వ్యక్తం చేశారు.
 
 ‘‘కృష్ణా డెల్టా రైతాంగం ఇపుడు 181 టీఎంసీల నీటిని వాడుకుంటోంది. శ్రీశైలం నుంచి 20 టీఎంసీలు భీమా ప్రాజెక్టుకు కేటాయించటం వల్ల ఇపుడు అది 161 టీఎంసీలకు తగ్గింది. ఇదికాక మరో 40 టీఎంసీల నీరు అదనంగా కృష్ణా డెల్టా రైతులకు వెళుతోంది. విభజన జరిగి ట్రిబ్యునల్, బోర్డు వస్తే అక్కడి రైతాంగం తన్నుకు చావాల్సిందే.. కళ్ల ముందే నీటియుద్ధాలు చూస్తాం’’ అని ఆయన పేర్కొన్నారు. ఇలాంటి సమస్యలను వేటినీ చూడకుండా, ఒంటెత్తు పోకడలతో నిర్ణయాలు తీసుకుంటున్నారని దుయ్యబట్టారు.
 
 ప్రజలు స్వచ్ఛందంగా ఉద్యమం చేస్తున్నారు...
 ఒక తండ్రిగా అందరికీ సమన్యాయం చేయాలనీ, ఆమోదయోగ్యమైన రీతిలో పరిష్కరించాలని తాము కోరుతుంటే.. తుపాకీ నెత్తికి గురిపెట్టి విభజన కు అంగీకరించాల్సిందేనని హుకుం జారీచేయటం సరికాదని మైసూరా తప్పుపట్టారు. అందరికీ ఆమోదయోగ్యమైన రీతిలో పరిష్కారం చేయలేకపోతే ఈ రాష్ట్రాన్ని యథాతధంగా వదలివేయండని కేంద్రాన్ని కోరుతున్నట్లు చెప్పారు. సీమాంధ్ర ప్రాంతంలో ప్రజలు స్వచ్ఛందంగా ముందుకు వచ్చి ఉద్యమం చేస్తుంటే ప్రభుత్వం పట్టించుకోవటం లేదని, రాజకీయ పార్టీలు కూడా పట్టించుకోకపోతే ఎలా అని ప్రశ్నించారు. అందుకే విజయమ్మ ఆమరణ నిరాహారదీక్ష చేపడుతున్నట్లు వెల్లడించారు.
 
 కాంగ్రెస్ ఎమ్మెల్యేల రాజీనామా ఒక డ్రామా
 అధికార కాంగ్రెస్ ఎమ్మెల్యేలు రాజీనామాలు చేయటమన్నది ఒక డ్రామా తప్ప మరొకటి కాదని మైసూరా ఎండగట్టారు. వారికి నిజంగా చిత్తశుద్ధి ఉంటే కాంగ్రెస్ ఎమ్మెల్యేలంతా సీఎల్పీలో సమావేశమై ఈ ప్రభుత్వంపై తమకు విశ్వాసం లేదని పేర్కొని గవర్నర్‌కు సమాచారం ఇవ్వొచ్చని.. లేదా నేరుగా గవర్నర్‌ను కలుసుకుని తమకు ప్రభుత్వంపై విశ్వాసం లేదని లేఖ ఇచ్చినా ప్రభుత్వం పడిపోతుందని ఆయన పేర్కొన్నారు. నిజంగా అలా జరిగి ఉంటే ఈ దుస్థితి వచ్చేది కాదన్నారు. అవేమీ చేయకుండా పార్లమెంటులో భద్రతా నిబంధనలు అతిక్రమించి గాంధీ బొమ్మ వద్ద ధర్నా చేయటం ఏమిటని ఆయన ప్రశ్నించారు.
 
 విభజనకు లేఖ ఇచ్చి.. పార్లమెంటులో డ్రామా...
 ప్రధాన ప్రతిపక్షమైన తెలుగుదేశం పార్టీ ఒకవైపు తెలంగాణకు అనుకూలంగా లేఖ ఇచ్చి.. మరోవైపు తన ఎంపీలతో పార్లమెంటును స్తంభింప చేయటం హాస్యాస్పదంగా ఉందన్నారు. టీడీపీ ఎమ్మెల్యేలు కూడా గవర్నర్ వద్దకు వెళ్లి ప్రభుత్వంపై తమకు విశ్వాసం లేదని చెప్పవచ్చని ఆయన సూచించారు. దిగ్విజయ్‌సింగ్ కాంగ్రెస్ వ్యవహారాల ఇన్‌చార్జ్‌గా కాకుండా ఒక రాజ్యాంగేతర శక్తిగా వ్యవహరిస్తున్నారని మైసూరా ఆగ్రహం వ్యక్తం చేశారు. ఆయన ముఖ్యమంత్రితో సహా ఎమ్మెల్యేలను, ఎంపీలను బెదిరిస్తూ మాట్లాడుతున్నారని తప్పుపట్టారు.
 
 అసెంబ్లీలో తీర్మానం అంశంపై దిగ్విజయ్ చేసిన వ్యాఖ్యలపై మైసూరా స్పందిస్తూ.. మధ్యప్రదేశ్ ముఖ్యమంత్రిగా ఉన్నపుడు ఆయనే స్వయంగా ఛత్తీస్‌గఢ్ ఏర్పాటుకు ఏకగ్రీవ తీర్మానం చేయించి పంపిన విషయం మరిచారేమో అని పేర్కొన్నారు. రాజ్యాంగంలోని ఆర్టికల్ 3తో నిమిత్తం లేకుండా అసెంబ్లీలో తీర్మానం పెట్టాల్సిందిగా ముఖ్యమంత్రి కిరణ్‌కుమార్‌రెడ్డిని ఆదేశించవచ్చని చెప్పారు. మాయావతి ఉత్తరప్రదేశ్ ముఖ్యమంత్రిగా ఉన్నపుడు నాలుగు రాష్ట్రాలు ఏర్పాటు చేయాలంటూ తీర్మానం చేసి పంపిన విషయాన్ని కూడా మైసూరా గుర్తుచేశారు. బహుశా దిగ్విజయ్‌కు మతిమరుపు ఎక్కువైందేమోనని, ఆయనకు మెదడు చెడిపోయినట్లుందని మండిపడ్డారు.


  యలమంచిలి/యలమంచిలి రూరల్, న్యూస్‌లైన్: రాష్ట్రాన్ని విభజిస్తూ కేంద్ర ప్రభుత్వం తొందరపాటు నిర్ణయం తీసుకుందని యలమంచిలి ఎమ్మెల్యే యు.వి.రమణమూర్తిరాజు విమర్శించారు. సమైక్యాంధ్రకు మద్దతుగా యలమంచిలి తహశీల్దార్ కార్యాలయం వద్ద ఆమరణ నిరాహార దీక్ష చేస్తున్న వైఎస్సార్ సీపీ నేతలు కొఠారు సాంబశివరావు, నక్కా వెంకటరమణలకు మద్దతుగా శనివారం దీక్షలో పాల్గొన్నారు. ఈ సందర్భంగా ఆయన వారిద్దరినీ అభినందించారు.
 
 అనంతరం మాట్లాడుతూ సమైక్యాంధ్ర ఉద్యమానికి అన్ని పార్టీల నేతలు, కార్యకర్తలు, ఉద్యోగ సంఘాలు, స్వచ్ఛంద సంస్థలు సహకరించాలని కోరారు. యలమంచిలి ఉపాధ్యాయుడు వి.నాగేశ్వరరావు రూపొందించిన సమైక్యాంధ్ర సీడీని ఎమ్మెల్యే ఆవిష్కరించారు. టీడీపీ నియోజకవర్గ ఇన్‌చార్జి సుందరపు విజయ్‌కుమార్ కూడా శిబిరంలో పాల్గొన్నారు. ఎన్‌జీవో హోంలో సాయంత్రం జరిగిన అఖిపక్ష సమావేశానికి ఎమ్మెల్యే హాజరయ్యారు.
 
 సమైక్యాంధ్ర ఉద్యమాన్ని తీవ్రతరం చేయడానికి యలమంచిలి పట్టణంలో రాజకీయపార్టీలు, ఉద్యోగసంఘాలు, వ్యాపారులు, స్వచ్ఛందసంస్థలు, ఆటో, మోటార్ యూనియన్లు, పెన్షనర్ల అసోసియేషన్‌లు జేఏసీగా ఏర్పడ్డాయి. ఈ నెల 13న యలమంచిలి పట్టణంలో బంద్ చేయాలని నిర్ణయించాయి. సమావేశంలో బొద్దపు ఎర్రయ్యదొర, ఆడారి శ్రీధర్, పిళ్లా రమాకుమారి, సిహెచ్.సోమేశ్వరరావు, ఓరుగంటి విద్యాసాగర్, జాగారపు కొండబాబు, ఎల్లపు సూరి అప్పారావు, వి.జె.ఆర్.వర్మ, అల్లుమళ్ల నాగు తదితరులు పాల్గొన్నారు.  
  


 విశాఖపట్నం, న్యూస్‌లైన్ : సమైక్యాంధ్రకు మద్దతుగా జీవీఎంసీ వద్ద వైఎస్సార్ సీపీ నాయకులు కంపా హనోకు, గుడిమెట్ల రవిరెడ్డి చేపట్టిన ఆమరణ నిరహారదీక్ష రెండో రోజుకు చేరుకుంది. వీరికి సంఘీభావంగా గురువారం నాయకులు, విద్యార్థులు పెద్దఎత్తున తరలివచ్చారు. సమైక్యాంధ్ర నాయకులు ఆడారి కిషోర్‌కుమార్, ఏయూ జేఏసీ నాయకులు ఆరేటి మహేష్, కాంతారావు, లగుడు గోవింద్,  పార్టీ నగర కన్వీనర్ వంశీకృష్ణ శ్రీనివాస్, సమన్వయకర్తలు జీవీ రవిరాజు, తిప్పల నాగిరెడ్డి మద్దతు తెలిపారు.