నయనతార(Nayanthara) నటించిన ‘ది టెస్ట్‌’(The Test) సినిమా డైరెక్ట్‌గా ఓటీటీలో (OTT) విడుదల కానుంది. వైనాట్‌ స్టూడియోస్‌ ఈ చిత్రాన్ని తెరకెక్కిస్తుంది. క్రికెట్‌ నేపథ్యంలో తెరకెక్కిన ఈ సినిమాలో నయనతారతో పాటు మాధవన్, సిద్ధార్థ్‌ (Siddharth) లీడ్‌ రోల్స్‌ చేశారు. మీరా జాస్మిన్‌ ఓ కీలక పాత్రలో నటించిన ఈ సినిమాతో నిర్మాత శశికాంత్‌ దర్శకుడిగా పరిచయం అవుతున్నారు. సుమారు రెండు దశాబ్దాలుగా కథానాయకిగా వెలుగొందుతున్న నటి నయనతార. వృత్తి పరంగానూ వ్యక్తిగతంగానూ ఈమె చూడాల్సిన ఎత్తుపల్లాలు లేవని చెప్పవచ్చు. వృత్తిపరంగా ఎన్నో అవమానాలను ఎదుర్కొని లేడి సూపర్‌ స్టార్‌ స్థాయికి ఎదిగారు. ఇక వ్యక్తిగతం గాను పలుమార్లు ప్రేమలో విఫలం అయ్యారు. అయినప్పటికీ మనోధైర్యంతో ముందుకు సాగుతూ ఇప్పుడు భార్యాగానూ ఇద్దరు కవల పిల్లలకు తల్లిగానూ అందమైన సంసార జీవితాన్ని కొనసాగిస్తున్నారు. అయితే వివాదాస్పద నటి అన్నది నయనతార పేరుకు ముందు అంటి పెట్టుకునే ఉంటుంది. అయినప్పటికీ కథానాయకిగా ఇప్పటికీ బిజీ నటినే. చిత్రానికి రూ.12 నుంచి రూ. 15 కోట్లు పారితోషికం తీసుకుంటూ అగ్ర కథానాయకిగా రాణిస్తున్నారు. పలు చిత్రాలు చేతిలో ఉన్నాయి. వాటిలో ఒకటి టెస్ట్‌. నిర్మాత శశికాంత్‌ స్వీయ దర్శకత్వంలో నిర్మించిన ఈ చిత్రం కొన్ని నెలల క్రితమే నిర్మాణ కార్యక్రమాలు పూర్తి చేసుకుంది. దీంతో చిత్ర విడుదల కోసం నయనతార అభిమానులు ఆసక్తిగా ఎదురుచూస్తున్నారు. కాగా తాజా సమాచారం ప్రకారం టెస్ట్‌ చిత్రాన్ని థియేటర్లో కాకుండా నేరుగా ఓటీటీలో విడుదల కానుందని తెలిసింది. దీనికి సంబంధించిన అధికారిక ప్రకటన త్వరలోనే నిలబడే అవకాశం ఉంది. చెన్నైలో జరిగిన ఓ అంతర్జాతీయ టెస్ట్‌ క్రికెట్‌ మ్యాచ్‌ ముగ్గురు వ్యక్తుల జీవితాలను ఎలా ప్రభావితం చేసిందనే ప్రధాన కాన్సెప్ట్‌తో స్పోర్ట్స్‌ డ్రామాగా తెరకెక్కించారు. ఈ చిత్రంలో 'కుముధ' అనే పాత్రలో నయన్‌ కనిపించనుంది. ఇకపోతే ఇంతకుముందు కూడా నయనతార ప్రధాన పాత్రను పోషించిన మూకుత్తి అమ్మన్‌(అమ్మోరు తల్లి), నెట్రికన్‌ చిత్రాలు నేరుగా ఓటీటీలోనే విడుదల కావడం గమనార్హం. ఈ సినిమా తర్వాత నయన్‌ చేతిలో డియర్‌ స్టూడెంట్స్‌, అమ్మోరు తల్లి 2 చిత్రాలు ఉన్నాయి.

కోలీవుడ్‌ నటి నయనతారపై నటుడు ధనుష్‌ చెన్నై హైకోర్టులో వేసిన పిటిషన్‌పై న్యాయస్థానం నుంచి వచ్చే తీర్పుపై ఆసక్తి నెలకొంది. నయనతార తన బయోపిక్‌ను 'నయనతార బిహైండ్‌ ది ఫెయిరీ టెల్‌' పేరుతో డాక్యుమెంటరీ చిత్రాన్ని రూపొందించిన విషయం తెలిసిందే. దీని విడుదల హక్కులను నెట్‌ప్లిక్స్‌ ఓటిటి సంస్థ పొంది ఇటీవలే విడుదల చేసింది. కాగా ఈ చిత్రంలో నటుడు ధనుష్‌ తన వండర్‌ ఫిలిమ్స్‌ పతాకంపై విజయ్‌ సేతుపతి, నయనతార జంటగా నిర్మించిన నాను రౌడీదాన్‌ చిత్రంలోని రెండు మూడు నిమిషాల నిడివి కలిగిన సన్నివేశాలను ఆ డాక్యుమెంటరీ చిత్రంలో వాడుకున్నారు. దీంతో తన అనుమతి లేకుండా తన చిత్రంలోని సన్నివేశాలను వాడుకున్నందుకుగాను నటుడు ధనుష్‌ నయనతారపై రూ.10 కోట్లు నష్టపరిహారం కోరుతూ చెన్నై హైకోర్టులో పిటిషన్‌ దాఖలు చేసిన విషయం తెలిసిందే. దీంతో న్యాయస్థానం అ పిటిషన్‌ పై వివరణ కోరుతూ గత నెల 8వ తేదీన నటి నయనతార, దర్శకుడు విఘ్నేశ్‌ శివన్‌తోపాటూ నెట్‌ప్లిక్స్‌ ఓటీటీ సంస్థకు నోటీసులు జారీ చేసింది. కాగా ఈ కేసు తాజాగా మరోసారి కోర్టులో న్యాయమూర్తి అబ్దుల్‌ ఖుదూస్‌ సమక్షంలో విచారణకు వచ్చింది. కాగా నెట్‌ ఫిక్స్‌ ఓటీటీ సంస్థ వివరణ ఇవ్వడానికి తమకు మరికొంత సమయం కావాలని కోరడంతో, అందుకు అవకాశం ఇచ్చిన న్యాయమూర్తి తదుపరి విచారణ ఈనెల 22వ తేదీకి వాయిదా వేశారు.చంద్రముఖితో కూడా అదే వివాదంనయనతార చంద్రముఖి సినిమాతో కూడా వివాదంలో చిక్కుకుంది. తమ అనుమతి లేకుండా చంద్రముఖి సినిమాలోని సన్నివేశాలను తన డాక్యుమెంటరీలో వాడుకున్నందుకు నిర్మాతలు నయనతారకు నోటీసులు పంపించారు. హీరోయిన్‌, ఓటీటీ ప్లాట్‌ఫామ్‌ నెట్‌ఫ్లిక్స్‌ తమకు రూ.5 కోట్ల నష్టపరిహారం ఇవ్వాలని డిమాండ్‌ చేశారు. ధనుష్‌పై పదునైన మాటలతో విరుచుకుపడిని నయన్‌.. చంద్రముఖి చిత్ర యూనిట్‌పై ఎలాంటి కామెంట్‌ చేయలేదు.ధనుష్‌పై భగ్గుమన్న నయన్‌ధనుష్‌ తమపై చాలాకాలంగా ద్వేషాన్ని పెంచుకున్నాడని నయన్‌ తెలిపింది. తనలోని దాగి ఉన్న పగన ఇలా చూపించడం వల్లే తాము బాధపడాల్సి వస్తోందని ఆమె అన్నారు. 'నేనూ రౌడీనే షూటింగ్ టైంలో మేం మా ఫోన్‌లో తీసుకున్న వీడియోని ట్రైలర్‌లో 3 సెకన్లు ఉపయోగించినందుకు నువ్వు రూ.10 కోట్ల నష్టపరిహారం డిమాండ్ చేయడం చాలా దారుణం. నువ్వు ఇంతలా దిగజారుతావ్ అనుకోలేదు. దీన్నిబట్టి నీ క్యారెక్టర్ ఏంటో అర్థమవుతోంది. నీ అభిమానుల ముందు, బయట ఎంతలా నటిస్తున్నావో తెలుస్తోంది. మాతో మాత్రం అలా ప్రవర్తించకు. సినిమా సెట్‌లో ఉన్న వాళ్లందరి జీవితాల్ని శాసించే హక్కు నిర్మాతకు ఉందా..?' అని ఆగ్రహం వ్యక్తం చేసింది.

కోలీవుడ్‌లో విలక్షణ నటుడు విజయ్‌ సేతుపతి చేతినిండా చిత్రాలతో బిజీగా ఉన్న విషయం తెలిసిందే. ఈయన హీరో, విలన్‌ అన్న తారతమ్యం లేకుండా పాత్ర నచ్చితే నటించడానికి రెడీ అంటున్నారు. గత ఏడాదిలో 'జవాన్'‌ చిత్రంలో షారుఖ్‌ ఖాన్‌కు విలన్‌గా నటించి ప్రశంసలు అందుకున్నారు. అంతకుముందే విజయ్‌ కథానాయకుడిగా నటించిన మాస్టర్‌ చిత్రంలో ప్రతి నాయకుడిగా నటించి ఆ చిత్ర విజయంలో భాగమయ్యారు. ఇక ఇటీవల ఈయన కథానాయకుడిగా నటించిన మహారాజా చిత్రం సంచలన విజయాన్ని సాధించింది. తాజాగా విడుదలై 2 చిత్రం ఇటీవల విడుదలై విజయవంతంగా ప్రదర్శింపబడుతోంది. ప్రస్తుతం ఈయన నటిస్తున్న ట్రైన్‌, ఏస్‌, గాంధీ టాకీస్‌ చిత్రాలు నిర్మాణంలో ఉన్నాయి. కాగా తాజాగా విజయ్‌ సేతుపతి కథానాయకుడిగా మరో చిత్రంలో నటించడానికి గ్రీన్‌ సిగ్నల్‌ ఇచ్చినట్లు ప్రచారం సామాజిక మాధ్యమంలో వైరల్‌ అవుతోంది. కమర్షియల్‌ డైరెక్టర్‌గా పేరుగాంచిన హరి దర్శకత్వంలో విజయ్‌ సేతుపతి నటించే విషయమై చర్చలు జరుగుతున్నట్లు తాజా సమాచారం. దర్శకుడు హరి గతంలో సూర్యతో సింగం సీక్వెల్స్‌ చిత్రాలను తెరకెక్కించి హిట్‌ అందుకున్నారు. ఆపై హీరో విశాల్‌తో పూజై సినిమాతో బిగ్‌ హిట్‌ ఇచ్చారు. ఇప్పుడు విజయ​ సేతుపతితో సినిమా నిజమైతే వారిద్దరి కాంబినేషన్లో తెరకెక్కే తొలి చిత్రం ఇదే అవుతుంది. ఈ చిత్రాన్ని రౌడీ పిక్చర్స్‌ పతాకంపై నటి నయనతార, విగ్నేష్‌ శివన్‌ నిర్మించడానికి సన్నాహాలు చేస్తున్నట్లు సమాచారం. ఇప్పటికే ఈ సంస్థలో పలు వైవిద్య భరిత సక్సెస్‌ఫుల్‌ చిత్రాలను నిర్మించిన నయనతార విగ్నేశ్‌ శివన్‌ లు తాజాగా విజయ్‌ సేతుపతి హీరోగా చిత్రం చేస్తున్నారన్న ప్రచారం జరగడంతో దీనిపై ఆసక్తి నెలకొంది. కాగా దీనికి సంబంధించిన అధికారిక ప్రకటన ఇంకా వెలువడ లేదన్నది గమనార్హం.

నటి నయనతారకు ధన అహంకారం పెరిగిందని, సంచలన గాయని నటి సుచిత్ర పేర్కొన్నారు. ఇంతకుముందు పేరుతో పలువురు ప్రముఖ అంతరంగిక విషయాలను బయటపెట్టి కలకలం సృష్టించిన ఈమె కొద్దిగా సైలెంట్‌గా ఉండి ఇప్పుడు మళ్లీ తన మార్కు విమర్శలు, ఆరోపణలు చేయడం మొదలు పెట్టారు. తాజాగా నటి నయనతారపై విరుచుకుపడ్డారు. నటి నయనతార ఇటీవల యూట్యూబ్‌ ఛానల్‌ భేటీలో పాల్గొన్నారు. దానిపై గాయని సుచిత్ర స్పందిస్తూ నటి నయనతార ఇటీవల నటుడు ధనుష్‌ను విమర్శిస్తూ విడుదల చేసిన ప్రకటనను తాను చూశానన్నారు. అందులో ధనుష్‌పై ఉన్న ఆరోపణలన్నీ నయనతార వెల్లడించారన్నారు. దీంతో తాను నయనతారను అభినందించానన్నారు. అయితే ప్రస్తుతం కోర్టులో జరుగుతున్న వివాదం ధనవంతులైన ఇద్దరి (నటుడు ధనుష్‌, నయనతార) మధ్య జరుగుతున్న పోరు అని పేర్కొన్నారు. మీ ఇద్దరి ఇళ్లల్లోనూ డబ్బు రూ.కోట్లలో మూలుగుతోందన్నారు. ఈ ఇద్దరికీ డబ్బు అహంకారం పెరిగిపోయిందన్నారు. కాగా నటి నయనతార చాలా గౌరవప్రదంగా మాట్లాడే వారిని అయితే ఇటీవల ఆమె ఒక యూట్యూబ్‌ చానల్‌కు ఇచ్చిన ఇంటర్వ్యూలో తాను నటించిన చిత్రాల కంటే తన డాక్యుమెంట్‌ చిత్రాన్ని ప్రేక్షకులు అధికంగా చూశారని పేర్కొనడం నయనతారలో ఎంత అహంకారం పెరిగిన దానికి నిదర్శనం అని పేర్కొన్నారు. బాలీవుడ్‌కు చెందిన అనుపమ చోఫ్రా గత రెండేళ్లుగా ప్రముఖులను ఇంటర్వ్యూ చేస్తున్నారని, ఆమె ప్రముఖులను మోయడమే పనిగా పెట్టుకున్నారని విమర్శించారు. అలాగే ఆమె నటి నయనతారను పొగడ్తలు ముంచేశారన్నారు. అందుకు ఆమె భారీగా డబ్బు పొందినట్లు తెలిసిందన్నారు. ఈ ఇంటర్వ్యూ ద్వారా నటి నయనతార ఒక్క దెబ్బకు రెండు పిట్టలు అన్న సామెతలా తాను నటుడు ధనుష్‌ ను ఢీకొంటున్నట్లు చెప్పడంతో పాటు, జవాన్‌ చిత్రం తర్వాత హిందీలో మరో అవకాశం రాకపోవడంతో అక్కడ అవకాశాలు పొందే ప్రయత్నం చేస్తున్నట్లు తెలుస్తోందని గాయని సుచిత్ర పేర్కొన్నారు. ఈమె వ్యాఖ్యలు ఇప్పుడు సామాజిక మాధ్యమాల్లో వైరల్‌ అవుతున్నాయి.

పాన్‌ ఇండియా కథానాయకిగా రాణిస్తున్న నటి నయనతార. పెళ్లి అయ్యి, ఇద్దరు కవల పిల్లలకు తల్లి అయినా కథానాయకిగా తగ్గేదేలే అంటున్న నటి ఈ భామ. నాలుగు పదుల వయసులోనూ సీనియర్‌ హీరోల నుంచి, యూత్‌ హీరోల వరకూ నటిస్తూ తన ఇమేజే వేరు అంటున్నారు. ఈమె మాధవన్, సిద్ధార్థ్‌తో కలిసి నటించిన టెస్ట్‌ చిత్రం త్వరలో తెరపైకి రావడానికి సిద్దం అవుతోంది. అదేవిధంగా ఉమెన్‌ సెంట్రిక్‌ కథా చిత్రం రాక్కాయి, మన్నాంగట్టి సిన్స్‌ 1960, మూక్కుత్తి అమ్మన్‌ 2, కన్నడంలో టాక్సిక్, మలయాళంలో ఎంఎంఎంఎన్‌ చిత్రాలు చేస్తున్నారు. ఇలా తమిళం, మలయాళం, కన్నడం భాషల్లో నటిస్తూ బిజీగా ఉన్న నయనతార తాజాగా తెలుగులో నటుడు ప్రభాష్‌ కథానాయకుడిగా నటిస్తున్న రాజాసాబ్‌ చిత్రంలో ప్రత్యేక పాటలో నటించడానికి సిద్ధం అవుతున్నట్లు ప్రచారం జరుగుతోంది. కాగా ఇప్పుడు ఆమె నటిస్తున్న చిత్రాల్లో యువ నటుడు కవిన్‌తో జత కడుతున్న చిత్రం ఒకటి. దీని గురించి నయనతార పేర్కొంటూ తాను తొలి జనరేషన్‌కు చెందిన నటుడు రజనీకాంత్, మోహన్‌లాల్, మమ్ముట్టిలతోనూ, రెండవ జనరేషన్‌కు చెందిన విజయ్, అజిత్‌లతోనూ, మూడవ జనరేషన్‌కు చెందిన సూర్య, విక్రమ్‌తోనూ, నాలుగవ జనరేషన్‌కు చెందిన ధనుష్‌, శింబుతోనూ అయిదవ జనరేషన్‌కు చెందిన శివకార్తికేయన్‌తోనూ నటించినట్లు చెప్పారు. తాజాగా ఆరో జనరేషన్‌కు చెందిన కవిన్‌తో జత కడుతున్నట్లు చెప్పారు. ఇలా ఆరు జనరేషన్స్‌కు చెందిన వారితో కథానాయకిగా నటించడం సంతోషంగా ఉందన్నారు. ఇది రిమేర్కబుల్‌ జర్నీ అని పేర్కొన్నారు. కాగా నయనతార, నటుడు కవిన్‌ జంటగా నటిస్తున్న చిత్రానికి విష్ణు ఎడవన్‌ దర్శకత్వం వహిస్తున్నారు. ఈయన దర్శకుడు లోకేశ్‌ కనకరాజ్‌ శిష్యుడు కావడం గమనార్హం. కాగా ఈ చిత్రాన్ని సెవెన్‌ స్క్రీన్‌ స్డూడియో పతాకంపై ఎస్‌ఎస్‌.లలిత్‌కుమార్‌ నిర్మిస్తున్నారు. రొమాంటిక్‌ ప్రేమ కథాంశంతో రూపొందుతున్న ఈ చిత్రం శరవేగంగా షూటింగ్‌ జరుపుకుంటోంది. ఇందులో నటి నయనతార పాత్ర చాలా కొత్తగా ఉంటుందని చిత్ర వర్గాలు పేర్కొన్నారు. దీంతో చిత్రంపై ఆసక్తి నెలకొంది.

కోలీవుడ్‌లో నటి నయనతార, ధనుష్‌ మధ్య వివాదం కొనసాగుతూనే ఉంది. ఆమెపై తెరకెక్కిన డాక్యుమెంటరీ విషయంలో వారిద్దరి మధ్య గొడవ మొదలైంది. ఈ క్రమంలో నయనతారతో పాటు ఆమె భర్త, దర్శకుడు విఘ్నేశ్‌ శివనన్‌పై ధనుష్‌ దావా వేసిన సంగతి తెలిసిందే. కోర్టు కూడా సమాధానం చెప్పాలని నయన్‌ను కోరింది. అయితే, తాజాగా సోషల్‌మీడియాలో ఆమె పెట్టిన పోస్ట్‌ ఒకటి నెట్టింట వైరల్‌ అవుతుంది. ధనుష్‌ను టార్గెట్‌ చేసే నయన్‌ పోస్ట్‌ చేసింది అంటూ నెటిజన్లు పేర్కొంటున్నారు.కోలీవుడ్‌లో నయనతార, ధనుష్‌ వివాదం ఇప్పట్లో తగ్గేలా లేదు. సుమారు మూడు పేజీలతో ధనుష్‌పై నయన్‌ సంచలన ఆరోపణలు చేస్తూ ఒక లేఖ విడుదల చేసి కొద్దిరోజులు కాకముందే ఆమె మరోసారి పరోక్షంగా పదునైన వ్యాఖ్యలు చేసింది. ధనుష్‌ను హెచ్చరిస్తూ నయన్‌ ఇలా పోస్ట్‌ చేసింది. 'అబద్ధాలతో పక్క వారి జీవితాన్ని నాశనం చేసేందుకు ప్రయత్నించకండి. అది కూడా అప్పుతో సమానమే. ఏదో ఒకరోజు మీకు కూడా అంతకు మించి వడ్డీతో సహా తిరిగి వస్తుంది. ఈ విషయం తప్పకుండా గుర్తుపెట్టుకోండి.' అంటూ ఒక నోట్‌ను నయన్‌ పంచుకుంది.సోషల్‌మీడియాలో ఆమె ఎవరి గురించి ఈ పోస్ట్‌ చేసిందో తెలియదు. కానీ, కోలీవుడ్‌లో మాత్రం ధనుష్‌ను టార్గెట్‌ చేస్తూనే ఈ పోస్ట్‌ ఉందని చాలామంది అభిప్రాయపడుతున్నారు. 'నయనతార: బియాండ్‌ ది ఫెయిరీ టేల్‌' డాక్యుమెంటరీ విషయంలో వారిద్దరి మధ్య గొడవ మొదలైంది. ధనుష్‌ నిర్మాతగా తెరకెక్కించిన ‘నానుమ్‌ రౌడీ దాన్‌’కు సంబంధించిన ఫుటేజ్‌ను నయన్‌ ఉపయోగించారు. అందుకు పరిహారంగా రూ.10 కోట్లు డిమాండ్‌ చేస్తూ ధనుష్‌ లీగల్‌ నోటీసులు పంపించారు. ఈ కారణంతో వారిద్దరి మధ్య గొడవ ప్రారంభమైంది.

'నయనతార: బియాండ్‌ ది ఫెయిరీ టేల్‌' అనే డాక్యుమెంటరీతో నెట్‌ఫ్లిక్స్‌ ద్వారా తన అభిమానులను పలకరించింది. అయితే, ఈ డాక్యుమెంటరీ చిత్రకరణలో తనకు సహకరించిన వారందరికీ ఆమె కృతజ్ఞతలు తెలిపారు. ఈమేరకు మూడు పేజీల లేఖను ఇన్‌స్టాలో పోస్ట్‌ చేశారు. తనకు సాయం చేసిన తెలుగు,తమిళ్‌,మలయాళ,హిందీ ఇండస్ట్రీలకు చెందిన ప్రముఖులతో పాటు నిర్మాణ సంస్థల పేర్లను తెలుపుతూ లేఖ రాశారు.నయనతార సౌత్‌ ఇండియా చిత్రసీమలో అగ్రనటి. దర్శకుడు విఘ్నేష్ శివన్‌ని ప్రేమించి పెళ్లి చేసుకుంది. వీరిద్దరి పెళ్లి 2022లో మామల్లపురంలో జరిగింది. ఈ సందర్భంలో నటి నయనతార వ్యక్తిగత జీవితం, ప్రేమ, వివాహాన్ని కవర్ చేస్తూ నయనతార: బియాండ్ ది ఫెయిరీటేల్ అనే డాక్యుమెంటరీ రూపొందించింది. నవంబర్ 18న నెట్‌ఫ్లిక్స్ లో విడుదలైన ఈ డాక్యుమెంటరీలో ఆమె ఇంటర్వ్యూ, షూట్‌లో పాల్గొన్న దృశ్యాలు, ఆమె మేకప్‌తో సహా అనేక సన్నివేశాలు ఉన్నాయి.తన డాక్యుమెంటరీ నిర్మాణం కోసం నో హోల్డ్-బార్డ్ సర్టిఫికేట్ ఇచ్చిన వారందరికీ ధన్యవాదాలు తెలుపుతూ నయన్‌ ఒక ప్రకటన విడుదల చేసింది. 'ఇప్పటి వరకు నేను చాలా సినిమాల్లో నటించాను. అవన్నీ నాకు ప్రత్యేకమే, నా కెరీర్‌లో చాలా ముఖ్యమైన భాగం అయ్యాయి. ఇందులో చాలా సంతోషకరమైన క్షణాలు ఉన్నాయి. అందుకే ఆ సినిమాల జ్ఞాపకాలను నా డాక్యుమెంటరీలో పొందుపరచాలని అనుకున్నాను. అందుకోసం ఆయా చిత్రాల నిర్మాతలను సంప్రదించినప్పుడు వారు వెంటనే ఒప్పుకోవడమే కాకుండా.. ఎలాంటి అభ్యంతరం చేయకుండా నాకు అన్‌హిండెర్డ్ సర్టిఫికేట్ ఇచ్చారు. వారందరినీ ఎప్పటికీ కృతజ్ఞతతో గుర్తుంచుకుంటాను.' అని తెలిపింది.నయనతారకు సహకరించిన నిర్మాణ సంస్థల పేర్లతో పాటు నిర్మాతలకు ధన్యవాదాలు చెబుతూ ఒక లిస్ట్‌ విడుదల చేసింది. బాలీవుడ్‌లో నటుడు షారూఖ్ ఖాన్, అతని భార్య గౌరీ ఖాన్‌ ఉంటే టాలీవుడ్‌ నుంచి చిరంజీవి, రామ్ చరణ్‌లు ఉన్నారు. ఈ జాబితాలో తెలుగు, మలయాళ, తమిళ చిత్ర పరిశ్రమలకు చెందిన చాలా నిర్మాణ సంస్థలు ఉన్నాయి. View this post on Instagram A post shared by N A Y A N T H A R A (@nayanthara)

కోలీవుడ్‌ స్టార్‌ హీరోయిన్‌ నయనతారను హెచ్చరిస్తూ ధనుష్‌ లాయర్‌ మరో నోటీసు పంపారు. నయనతారపై తెరకెక్కించిన డాక్యుమెంటరీలో తమ సినిమాకు సంబంధించిన ఫుటేజీని తొలగించాలని ఆయన కోరారు. ఈమేరకు ఇప్పటికే నోటీసులు కూడా పంపడం జరిగిందని ఆయన గుర్తుచేశారు. 24 గంటల్లో ఆ ఫుటేజీని తొలగించకపోతే చట్టపరమైన చర్యలు తప్పకుండా తీసుకుంటామని ధనుష్‌ లాయర్‌ మరోసారి హెచ్చరిస్తూ నయన్‌కు నోటీసులు పంపారు.నయనతార డాక్యుమెంటరీ కోసం ధనుష్‌ నిర్మాతగా వ్యవహరించిన 'నేనూ రౌడీనే' సినిమా నుంచి మూడు సెకండ్ల వీడియోను ఆమె ఉపయోగించుకుంది. దీంతో ధనుష్‌ కాపీరైట్‌ చట్టం కింద నయన్‌పై రూ. 10 కోట్లు నష్టపరిహారం కేసు వేశారు. అయితే, తాజాగా నెట్‌ఫ్లిక్స్‌లో ఆ డాక్యుమెంటరీ స్ట్రీమింగ్‌ అవుతుండంతో అందులో ఈ సినిమా నుంచి తీసుకున్న ఫుటేజీ కూడా ఉంది. దీంతో ధనుష్‌ న్యాయవాది అభ్యంతరం తెలిపారు. ఈ క్రమంలో ఆమెతో పాటు నెట్‌ఫ్లిక్స్‌కు హెచ్చరికతో ధనుష్‌ అడ్వకేట్‌ నోటీసు జారీ చేశారు.ధనుష్‌ లాయర్‌ తాజాగా నయన్‌ అడ్వకేట్‌కు ఒక లేఖ ఇలా రాశారు 'నా క్లయింట్‌కు హక్కులు కలిగి ఉన్న సినిమాలోని వీడియోను నయనతార డాక్యుమెంటరీలో ఉపయోగించారు. ధనుష్‌ అనుమతి లేకుండా అలా చేయడం చట్టరిత్యా నేరం. 24 గంటల్లో దానిని తొలగించాలి. ఈ విషయంలో మీ క్లయింట్‌కు (నయనతార) సలహా ఇవ్వండి. లేని పక్షంలో మీ క్లయింట్‌కు వ్యతిరేకంగా నా క్లయింట్ చట్టపరమైన తగిన చర్యలు తీసుకోవాల్సి వస్తుంది. రూ. 10 కోట్ల నష్టపరిహారం విషయంలో నయనతారతో పాటు నెట్‌ఫ్లిక్స్ ఇండియా కూడా బాధ్యత తీసుకోవాల్సి వస్తుంది.' అని ప్రకటన ముగించారు. దీంతో నయనతారకు పుట్టినరోజు కానుకను ధనుష్‌ ఇలా ప్లాన్‌ చేశాడా అంటూ నెటిజన్లు ఫన్నీగా కామెంట్లు చేస్తున్నారు.Dhanush has given them 24 hours to remove the contents of NRD movie from the documentary. If not, then #Nayanthara, @VigneshShivN and @NetflixIndia will have to face legal actions, and will also be subjected to a 10cr damage pay. But Couples can’t tolerate this appeal . So they… pic.twitter.com/JpMfotdT7E— Dhanush Trends ™ (@Dhanush_Trends) November 17, 2024

లేడీ సూపర్‌స్టార్‌ నయనతార పుట్టినరోజు సందర్భంగా అభిమానులకు అదిరిపోయే కానుక ఇచ్చింది. తాజాగా తన నటించనున్న కొత్త సినిమా టైటిల్‌ టీజర్‌ను మేకర్స్‌ విడుదల చేశారు. వరుస ప్రాజెక్ట్‌లతో బిజీగా ఉన్న నయన్‌ 'రక్కయీ' (RAKKAYIE) అనే కొత్త సినిమాను ప్రకటించింది. కథలో ఉమెన్‌ పాత్రకు ఎక్కువ ప్రధాన్యతను ఇచ్చేలా టీజర్‌ ఉంది. ఈ చిత్రానికి సెంథిల్‌ నల్లసామి దర్శకత్వం వహిస్తున్నారు. డ్రమ్ స్టిక్స్‌ ప్రోడక్షన్‌, మూవీ వర్స్‌ఇండియా సంయుక్తంగా ఈ ప్రాజెక్ట్‌ను నిర్మిస్తున్నాయి. తల్లి పాత్రలో నటిస్తున్న నయన్‌తన కూతురు కోసం చేసే పోరాటం చాలా భయంకరంగా ఉండబోతుందని దర్శకుడు టీజర్‌లోనే చూపించాడు. పాన్‌ ఇండియా రేంజ్‌లో తెరకెక్కుతున్న ఈ చిత్రం తెలుగులో కూడా విడుదల కానుంది.

అందమైన నయనాలే కాదు వాటికి పైన ఉండే కనుబొమలతోనూ ముఖ కవళికల్లో మార్పులు తీసుకురావడం సాధ్యమేనా?! అని అడిగితే సాధ్యమే అంటోంది నటి నయనతార. ముఖాకృతిలో మార్పులకు కనుబొమలు కీలకమైనవి అంటోందామె.జవాన్‌ చిత్రంలో షారుఖ్‌ ఖాన్‌ సరసన బాలీవుడ్‌లోకి అడుగుపెట్టినప్పటి నుంచి దేశవ్యాప్తంగా నయనతార ఇమేజ్‌ పెరుగుతూ వచ్చింది. దీంతో ఆమెలో వచ్చిన మార్పును సూచిస్తూ పాత, కొత్త ఫోటోలు పెట్టి, నయన్‌ ముఖానికి ప్లాస్టిక్‌ సర్జరీ, సన్నబడటానికి లై పోసక్షన్‌ చేయించుకుందని సోషల్‌ మీడియాలో కామెంట్స్‌ చేస్తున్నారు కొందరు. ఇటీవల ఓ ఇంటర్వ్యూలో ఆమె ఈ పుకార్లకు స్పందించి, కనుబొమల తీరులో, ఆహారంలో మార్పులు చేసుకోవడం వల్లనే ఇది సాధిస్తున్నానని, ఇందుకు ΄్లాస్టిక్‌ సర్జరీ అవసరమే లేదని తెలిపింది. ‘ఇది నిజమైన గేమ్‌ ఛేంజర్‌. నా కనుబొమలలో మార్పులు తీసుకురావడం నాకు చాలా ఇష్టం. కొన్నేళ్లుగా విభిన్న రకాల కనుబొమలను ట్రై చేస్తూ వచ్చాను. అది ఇప్పుడు వర్క్‌ ఔట్‌ అయిందనుకుంటా! అలాగే సన్నగా కనిపించేందుకు లైపోసక్షన్‌ చేయించుకున్నాననే వార్తలు కూడా వచ్చాయి. కానీ, అది నిజం కాదు. ఆహారాన్ని బట్టి బరువు హెచ్చుతగ్గుల్లో చాలా మార్పులు తీసుకురావచ్చు. ఆ మార్పుల్లో భాగంగా ఒకసారి నా బుగ్గలు లోపలికి వెళ్లినట్టు, మరోసారి బయటికి వచ్చినట్టు కనిస్తాయి. కావాలంటే నా బుగ్గలను నొక్కి చూడవచ్చు, వీటిలో ΄్లాస్టిక్‌ లేదు’ అంటూ నవ్వుతూ సమాధానమిచ్చింది నయన్‌.

సౌత్‌ ఇండియా స్టార్‌ హీరోయిన్‌ నయనతారకు సమంత లాంటి పరిస్థితే వచ్చింది. కొద్దిరోజుల క్రితం సమంత ఒక హెల్త్‌ టిప్ పంచుకుంది. నీటిలో హైడ్రోజన్ పెరాక్సైడ్ కలిపి నెబ్యులైజ్ (పీల్చడం) చెయ్యండం వల్ల వైరల్ ఇన్ఫెక్షన్లు తగ్గుతాయని సలహా ఇచ్చింది. అప్పుడు ఆ రెమిడీని ది లివర్ డాక్ తప్పుపట్టారు. ఇప్పుడు అలాంటి వివాదమే మళ్లీ చర్చకు వచ్చింది. అదే డాక్టర్‌ నయనతారతో పేచీ పెట్టుకున్నాడు.తాజాగా నయనతార తన ఇన్‌స్టాగ్రామ్‌లో ఒక పోస్ట్‌ చేసింది. మందార టీతో ఎన్నో లాభాలు ఉన్నాయంటూ ఆమె తెలిపింది. మందార టీలో విటమిన్లు పుష్కలంగా ఉంటాయని, దీనిని తీసుకోవడం వల్ల మన రోగనిరోధక వ్యవస్థను సమతౌల్యంగా ఉంచుతుందని నయన్‌ తెలిపింది. ఇది సీజనల్ ఇన్‌ఫెక్షన్/అనారోగ్యం నుండి రక్షించే యాంటీ బాక్టీరియల్ ప్రభావాలను కలిగి ఉంటుందని చెప్పింది. డయాబెటిస్ నుంచి మొటిమల వరకు ఎన్నింటినో ఈ టీ పెద్ద ఉపసమనాన్ని కలిగిస్తుందని ఆమె పేర్కొంది. ఆపై మందారం టీ ఎలా తయారు చేసుకోవాలో రెసిపీని కూడా ఆమె పంచుకుంది.నయనతార ఆరోగ్య చిట్కా గురించి డాక్టర్‌ లివర్ డాక్ ఫైర్‌ అయ్యారు. మందార టీ కాస్త టేస్టీగా ఉంటుందని చెప్పి ఆపి ఉంటే పర్వాలేదు.. కానీ, ఇలా అవగాహన లేని చిట్కాలు ఎందుకు చెబుతున్నారంటూ ఆయన మండిపడ్డారు. ప్రజారోగ్యంపై సర్జికల్ స్ట్రైక్ లాగా సెలబ్రిటీల అందరూ ఈ రకమైన ఉచిత సలహాలు ఇవ్వడాన్ని అరికట్టాలని పిలుపునిచ్చారు. అందుకు కావాల్సిన చట్టాలను తీసుకురావాలని ఆయన కోరారు. శాస్త్రీయంగా ఎలాంటి ఆధారాలు లేకుండా ఆరోగ్య సలహాలు ఇవ్వకూడదని అలా చేయడం వల్ల ప్రజారోగ్యం దెబ్బతింటుందని ఆయన పేర్కొన్నారు.మందారం టీ మధుమేహం, రక్తపోటు, మొటిమలకు ప్రయోజనకరమైనదని, యాంటీ బాక్టీరియల్ కలిగి ఉంటుందని నయనతార చెప్పడం వల్ల వారు తమ ఆరోగ్య-నిరక్షరాస్యతను చాటుకుంటున్నారని ఆయన అన్నారు. పైన పేర్కొన్న మెడికల్ క్లెయిమ్‌లు ఎక్కడా ధృవీకరించబడలేదని ఆయన తెలిపారు.మందారం టీ గురించి ఉన్న పోస్ట్‌ను నయనతార తొలిగించింది. కానీ, అందుకు క్షమాపణ చెప్పలేదని లివర్‌ డాక్‌ కామెంట్‌ చేశారు. మందారం టీ గురించి నయనతార తన హెల్త్ కేర్ ఎక్స్‌పర్ట్ మున్మున్ గనేరివాల్ (@munmun.ganeriwal) చెప్పినట్లుగా మాత్రమే ఆమె తెలిపింది. కానీ లివర్‌ డాక్‌ మాత్రం ఆమెపై ఫైర్‌ అయ్యారు.కొంత సమయంలో తర్వాత నయనతార పరోక్షంగా స్పందిస్తూ ఇన్‌స్టాలో మరో పోస్ట్‌ చేసింది. ప్రముఖ రచయిత మార్క్ ట్వెయిన్ చెప్పిన పాపులర్ కోటేషన్‌ను తన స్టోరీలో పంచుకుంది. 'మూర్ఖులతో ఎప్పుడూ వాదించకండి, వారు మిమ్మల్ని వారి స్థాయికి లాగి, ఆపై అనుభవంతో మిమ్మల్ని కొడతారు' అని తెలిపింది. ఇదంతా డాక్టర్‌ లివర్‌ డాక్‌ గురించే నయనతార కామెంట్‌ చేసిందని తెలుస్తోంది.

తమిళసినిమా: నటుడు విజయ్‌ చివరి చిత్రంలో నటించనున్న కథానాయకి ఎవరన్నది ఇప్పటికీ ఆసక్తిగా మారింది. రాజకీయ పార్టీని ప్రారంభించిన నటుడు విజయ్‌ ప్రస్తుతం కోర్ట్‌ చిత్రాన్ని పూర్తి చేశారు. వెంకట ప్రభు దర్శకత్వంలో ఏజీఎస్‌ ఎంటర్‌టైన్‌మెంట్‌ సంస్థ నిర్మిస్తున్న ఈ భారీ బడ్జెట్‌ కథా చిత్రం ప్రస్తుతం నిర్మాణాంతర కార్యక్రమాలను జరుపుకుంటోంది.కాగా తదుపరి ఒక్క చిత్రంలో నటించి విజయ్‌ నటనకు స్వస్తి పలికి రాజకీయాలపై పూర్తిగా దృష్టి సారిస్తారని ప్రచారం విస్తృతంగా జరుగుతోంది. అదే ఈయన 69వ చిత్రం. దీనికి హెచ్‌ వినోద్‌ కథ, దర్శకత్వం బాధ్యతలను నిర్వహించనున్నట్లు సమాచారం. ఇది పూర్తి రాజకీయ నేపథ్యంలో సాగే కళా చిత్రంగా ఉంటుందని, విజయ్‌ రాజకీయ జీవితానికి హెల్ప్‌ అయ్యే చిత్రంగా ఉంటుందని ప్రచారం జరుగుతోంది.అయితే ఈ చిత్రంలో విజయ్‌తో జతకట్టే కథానాయకి ఎవరన్న విషయంపై చాలా ఊహాగానాలు సాగుతున్నాయి. ఇందులో నటి నయనతార మరోసారి విజయ్‌తో జత కట్టనున్నట్లు, కాదు టాలీవుడ్‌ యువ క్రేజీ నటి శ్రీలీల ఈ చిత్రం ద్వారా పరిచయం కానున్నారని ప్రచారం జోరుగా జరుగుతోంది. ఇలాంటి పరిస్థితుల్లో వారు ఎవరు కాదు ఆ లక్కీ ఛాన్స్‌ మరోసారి సంచలన నటి సమంత కే దక్కిందన్నది సమాచారం.మయోసైటీస్‌ అనే అరుదైన వ్యాధికి గురైన సమంత కృషి చిత్రం తర్వాత ఇప్పటివరకు ఏ చిత్రంలోనూ నటించలేదు. అయితే మళ్లీ తన రీ ఎంట్రీ భారీగా ఉండాలని ప్రయత్నాలు మాత్రం చేస్తున్నారు. హలో ఈమె సొంతంగా చిత్రం నిర్మాణం చేపట్టనున్నట్లు ప్రకటించారు కూడా. అలాగే ఒక మలయాళంలోనూ, ఒక హిందీ చిత్రంలోను నటించే అవకాశాలు వచ్చాయని ప్రచారం కూడా జరిగింది. కాగా విజయ్‌తో సమంత ఇప్పటికే తెరి, మెర్సల్, కత్తి చిత్రాల్లో నటించారన్నది గమనార్హం. కాగా తాజాగా ఆయనతో నాలుగో సారి జత కట్టడానికి సిద్ధమవుతున్నట్లు తెలిసింది. ఈ చిత్రం అక్టోబర్‌ నెలలో సెట్‌పైకి వెళ్లనున్నట్లు సమాచారం. అయితే దీనికి సంబంధించిన అధికారిక ప్రకటన ఇంకా వెలువడలేదన్నది గమనార్హం.

ఒక సినిమా కోసం కోట్ల రూపాయలు ఖర్చు పెట్టి నిర్మించినా అది జనాల్లోకి వెళ్లాలంటే ప్రమోషన్స్‌ తప్పనిసరి. ఈ క్రమంలో సినిమా విడుదలకు ముందే పోస్టర్‌లు, టీజర్‌, ట్రైలర్‌ అంటూ ప్రేక్షకులకు దగ్గర చేస్తారు. అన్నింటికి మించి సినిమా విడుదలకు ముందు అందులో నటించిన నటీనటులతో ఒక ఈవెంట్‌ను ఏర్పాటు చేస్తారు. ఆ సమయంలో వారందరూ కూడా హాజరవడం జరుగుతుంది. కానీ లేడీ సూపర్ స్టార్‌గా పిలుచుకునే నయనతార మాత్రం సినిమా ప్రమోషన్స్‌ కార్యక్రమాలకు దూరంగా ఉంటుంది. చివరకు తను నటించిన చిత్రాల కార్యక్రమాల్లో కూడా ఆమె పాల్గొనదు. ఒక ప్రాజెక్ట్‌కు సంతకం పెట్టే సమయంలోనే ప్రమోషన్స్‌ కార్యక్రమాలకు రానని ముందే స్పష్టంగా చెప్పి రూల్‌ పెట్టేస్తుంది.చిరంజీవి,షారూఖ్‌ఖాన్‌ వంటి స్టార్స్‌తో నటించిన నయనతార వారితో పాటు ఎలాంటి ప్రమోషన్స్‌ కార్యక్రమాల్లో పాల్గొనలేదు. కానీ తాజాగా ఒక డైరెక్టర్‌ కోసం తన రూల్‌ను బ్రేక్‌ చేసింది నయనతార. కానీ తెలుగులో పవన్‌ కల్యాణ్‌ నటించిన 'పంజా' సినిమా దర్శకుడు విష్ణువర్ధన్ కోసం ఆమె ఒక ప్రమోషన్‌ కార్యక్రమంలో పాల్గొంది. తాజాగా విష్ణువర్ధన్ 'నేసిప్పయ' అనే సినిమా తీశారు. అందులో అదితి శంకర్ ప్రధాన పాత్ర పోషించింది. కానీ ఈ సినిమాకు పెద్దగా బజ్‌ లేదు. దీంతో ఈ సినిమా ప్రమోషన్‌ కోసం నయనతారను కోరితే ఆమె ఒప్పేసుకుంది. అందుకు ఒక కారణం కూడా ఉంది అని చెప్పవచ్చు. విష్ణువర్ధన్ తమిళ్‌లో బిల్లా సినిమాను డైరెక్ట్‌ చేశాడు. ఆ చిత్రంలో నయనతారను ఎంపిక చేయడం వల్ల ఆమె కెరియర్‌ మారిపోవడం జరిగింది. ఆ సినిమా తర్వాత నయనతారకు భారీగా డిమాండ్‌ పెరిగింది. వరుసుగా సినిమా ఆఫర్లు క్యూ కట్టేశాయ్‌. అలా ఇప్పుడు అభిమానులు లేడీ సూపర్ స్టార్‌గా పిలుచుకునే రేంజ్‌కు నయనతార చేరుకుంది. ఆ అభిమానంతోనే నయనతార తన రూల్స్‌ను పక్కన పెట్టినట్లు తెలుస్తోంది. విష్ణువర్ధన్ తన కుటుంబ సభ్యుడు లాంటి వాడు కావడం వల్లే ఈ కార్యక్రమానికి వచ్చినట్లు నయన్‌ చెప్పుకొచ్చింది.

తమిళ ఫ్యాంటసీ కామెడీ డ్రామా ‘మూకుత్తి అమ్మన్‌’కు సీక్వెల్‌గా ‘మూకుత్తి అమ్మన్‌ 2’ సెట్స్‌పైకి వెళ్లేలా సన్నాహాలు జరుగుతున్నాయనే టాక్‌ కోలీవుడ్‌లో వినిపిస్తోంది. ‘మూకుత్తి అమ్మన్‌’ చిత్రంలో నయనతార టైటిల్‌ రోల్‌ చేయగా, ఆర్‌జే బాలాజీ మరో లీడ్‌లో నటించారు. ఎన్‌జే శరవణన్‌తో కలిసి ఆర్‌జే బాలాజీ దర్శకత్వం వహించిన ఈ చిత్రం 2020లో డైరెక్ట్‌గా ఓటీటీలో విడుదలైంది.వీక్షకుల నుంచి మంచి స్పందన లభించింది. తాజాగా ‘మూకుత్తి అమ్మన్‌ 2’ పనులను మొదలు పెట్టారట ఆర్‌జే బాలాజీ. అయితే సీక్వెల్‌లో నయనతార కాకుండా త్రిష నటించనున్నారనే ప్రచారం జరుగుతోంది. అంతేకాదు.. ఈసారి ఆర్‌జే బాలజీయే పూర్తి స్థాయిలో దర్శకత్వ బాధ్యతలు తీసుకోనున్నారట. మరి.. సీక్వెల్‌లో త్రిష నటిస్తారా? లెట్స్‌ వెయిట్‌ అండ్‌ సీ.

Mercedes-Benz Maybach: ప్రముఖ నటి నయనతార నవంబర్ 18న తన 39వ పుట్టినరోజు జరుపుకుంది. బర్త్‌డే జరిగిన రెండు వారాల తరువాత తన భర్త శివన్ నుంచి ఓ ఖరీదైన గిఫ్ట్ అందుకుంది. దీనికి సంబంధించిన ఫొటోలు తన ఇన్‌స్టాగ్రామ్ అకౌంట్ ద్వారా షేర్ చేసింది. మరిన్ని వివరాలు ఈ కథనంలో తెలుసుకుందాం. నయనతార కోసం.. శివన్ సుమారు రూ. 3 కోట్ల జర్మన్ లగ్జరీ కారు మెర్సిడెస్ బెంజ్ గిఫ్ట్‌గా ఇచ్చాడు. ఖరీదైన గిఫ్ట్ అందుకున్న నయన్ ఇన్‌స్టాగ్రామ్ ఖాతాలో ఫోటోలు షేర్ చేస్తూ.. వెల్కమ్ హోమ్ యూ బ్యూటీ అంటూ.. మై డియర్ హస్బెండ్, మధురమైన పుట్టినరోజు గిఫ్ట్ ఇచ్చినందుకు ధన్యవాదాలు, లవ్ యు అంటూ వెల్లడించింది. ఈ పోస్ట్ చూసిన నెటిజన్లు తమదైన రీతిలో శుభాకంక్షలు తెలియజేస్తున్నారు. నయనతార గిఫ్ట్‌గా పొందిన కారు మెర్సిడెజ్ బెంజ్ మేబ్యాచ్ అని తెలుస్తోంది. అయితే ఇందులో ఏ మోడల్ అనేది స్పష్టంగా తెలియడం లేదు. బెంజ్ మేబ్యాచ్ కార్లు జీఎల్ఎస్, ఎస్-క్లాస్ అనే రెండు వేరియంట్లలో లభిస్తున్నాయి. ఈ రెండు లగ్జరీ కార్ల ధరలు రూ. 3 కోట్ల కంటే ఎక్కువే అని తెలుస్తోంది. ఇదీ చదవండి: రతన్ టాటా మేనేజర్ కొత్త కారు ఇదే.. చూసారా! ఇప్పటికే ఈ లగ్జరీ కారుని దీపికా పదుకొణె, కృతి సనన్, రామ్ చరణ్ వంటి ప్రముఖ సినీతారలు కూడా కొనుగోలు చేశారు. భారతదేశంలో లభిస్తున్న అత్యంత ఖరీదైన బీవేంజ్ కార్లలో మేబ్యాచ్ కూడా ఒకటి. ఇది చూడగానే ఆకర్శించే డిజైన్ కలిగి, అంతకు మించిన ఫీచర్స్  పొందుతుంది. ఈ కారణంగానే చాలామంది సెలబ్రిటీలు దీనిని ఎగబడి మరీ కొనుగోలు చేస్తున్నారు. View this post on Instagram A post shared by N A Y A N T H A R A (@nayanthara)

• నాలుగు రోజుల్లో 'జవాన్‌'కు రూ. 500 కోట్లు • ఆదివారం ఒక్కరోజే 28 లక్షలకు పైగా టికెట్లు • షారుక్‌ తర్వాతి సినిమా ఇదే ఈ ఏడాదిలో  పఠాన్', జవాన్ చిత్రాలతో బ్యాక్ టు బ్యాక్​ వరుస భారీ బ్లాక్ బస్టర్లను బాలీవుడ్ బాద్​ షా షారుక్ ఖాన్‌ అందుకున్నాడు. కొంతకాలం క్రితం బాలీవుడ్‌లో సరైన భారీ హిట్ సినిమాలు లేవు.. ఏ సినిమా వచ్చినా బాక్సాఫీస్‌ వద్ద బోల్తా కొట్టాయి. దీంతో బాలీవుడ్‌ ఇండస్ట్రీ సతమతమవుతున్న సమయంలో సౌత్ ఇండస్ట్రీ మాత్రం వరసు పాన్ ఇండియా సక్సెస్​లను అందుకుంటూ బాలీవుడ్‌లో వందల కోట్ల వసూళ్లను ఖాతాలో వేసుకుంది.  సరిగ్గా అలాంటి సమయంలో ఐదేళ్ల పాటు గ్యాప్​ ఇచ్చి పఠాన్​తో వచ్చిన షారుక్ అక్కడి బాక్సాఫీస్‌ను షేక్‌ చేశాడు. ఆ సినిమాతో ఏకంగా రూ.1000 కోట్ల కలెక్షన్లను సాధించి హిందీ పరిశ్రమకు పునఃవైభవాన్ని తీసుకొచ్చాడు. (ఇదీ చదవండి: మెగా ఫ్యాన్స్‌ ఎఫెక్ట్‌.. కీలక నిర్ణయం తీసుకున్న లావణ్య త్రిపాఠి) దీంతో బాలీవుడ్‌ బాద్‌ షా తాను మాత్రమేనని నిరూపించాడు. ఇప్పుడు మళ్లీ ఏడు నెలల గ్యాప్​లోనే సెప్టెంబర్ 7న జవాన్​గా మళ్లీ ప్రేక్షకుల ముందుకు వచ్చి మరో భారీ బ్లాక్ బస్టర్​ను ఖాతాలో వేసుకున్నాడు. కేవలం నాలుగు రోజుల్లోనే జవాన్‌ చిత్రం రూ. 500 కోట్లు కలెక్ట్‌ చేసినట్లు ఇండస్ట్రీ ట్రేడ్‌ వర్గాలు తెలుపుతున్నాయి. కొంత సమయంలో అధికారికంగా ప్రకటించే అవకాశం కూడా ఉంది. ఒకే ఏడాదిలో రెండు సినిమాలు రూ. 500 కోట్ల క్లబ్‌లో చేరడంతో షారుక్‌ రికార్డుకెక్కాడు. కేవలం ఆదివారం ఒక్కరోజే దేశవ్యాప్తంగగా జవాన్‌ సినిమా టికెట్లు 28 లక్షలు అమ్ముడుపోయినట్లు ట్రేడ్‌ వర్గాలు తెలుపుతున్నాయి. ఇండియన్‌ సినిమా చరిత్రలో ఇదీ ఎవరూ అందుకోలేని రికార్డు అంటూ పలువురు తెలుపుతున్నారు. దీంతో  లాంగ్ రన్ టైమ్​లో జవాన్‌ రూ.1000 కోట్ల మార్క్‌ను పక్కాగా దాటుతుందని  ట్రేడ్ వర్గాలు అంచనా వేస్తున్నాయి. ఇక షారుక్ చేతిలో మరో సినిమా మాత్రమే మిగిలి ఉంది. అదే 'డంకీ'. ఇక ఈ సినిమా కూడా సూపర్ సక్సెస్​ సాధిస్తే. షారుక్ హ్యాట్రిక్ హిట్​ అందుకున్నట్టే. Jawan creates HISTORY. Sold a RECORD 2⃣8⃣7⃣5⃣9⃣6⃣1⃣ tickets from tracked shows alone in India on the 4th day. Biggest ever for a bollywood film. ||#ShahRukhKhan|#Nayanthara|#Jawan|| Worldwide hits ₹500 cr gross club, making Shah Rukh Khan the only actor to achieve this feat… pic.twitter.com/CHeMFO7wmS — Manobala Vijayabalan (@ManobalaV) September 11, 2023  

షారుఖ్‌ ఖాన్‌, నయనతార జంటగా నటించిన పాన్‌ ఇండియా చిత్రం ‘జవాన్‌’.‘పఠాన్‌’లాంటి బ్లాక్‌ బస్టర్‌ తర్వాత బాలీవుడ్ బాద్‌షా షారుక్‌ ఖాన్ నటిస్తున్న పాన్‌ ఇండియా చిత్రమిది.  నయనతార, విజయ్ సేతుపతి, దీపికా పదుకొణె, ప్రియమణి ఇతర కీలక పాత్రలు పోషించారు. అట్లీ దర్శకత్వం వహిస్తున్న ఈ చిత్రాన్ని రెడ్‌ చిల్లీస్‌ ఎంటర్‌టైన్మెంట్‌ సం‍స్థ అత్యంత ప్రతిష్టాత్మకంగా నిర్మిస్తోంది.  అనిరుధ్ రవిచందర్ సంగీతం సమకూర్చాడు. ఇప్పటికే విడుదలైన ట్రైలర్‌, పాటలకు ప్రేక్షకుల నుంచి మంచి స్పందన లభించింది. దానికి తోడు మూవీ ప్రమోషన్స్‌ కూడా గ్రాండ్‌గా నిర్వహించడంతో ‘జవాన్‌’పై హైప్‌ క్రియేట్‌ అయింది. భారీ అంచనాల మధ్య నేడు(సెప్టెంబర్‌ 7)ఈ చిత్రం ప్రేక్షకుల ముందుకు వచ్చింది. ఇప్పటికే ఓవర్సీస్‌తో పలు చోట్ల ఫస్ట్‌డే ఫస్ట్‌ షో పడిపోయింది.  (చదవండి: షారుఖ్‌ రిస్కీ ఫైట్స్‌.. నయన్‌కు ఫస్ట్‌.. అట్లీ సెకండ్‌.. ‘జవాన్‌’విశేషాలివీ!) దీంతో సినిమా చూసిన ప్రేక్షకులు సోషల్‌ మీడియా వేదికగా తమ అభిప్రాయాన్ని తెలియజేస్తున్నారు. జవాన్‌ మూవీ ఎలా ఉంది?స్టోరీ ఏంటి? తదితర విషయాలు  ట్విటర్‌ వేదికగా చర్చిస్తున్నారు. అవేంటో చూడండి. ఇది కేవలం ప్రేక్షకుల అభిప్రాయం మాత్రమే. ఇందులో పేర్కొన్న అంశాలకు ‘సాక్షి’ బాధ్యత వహించదు. ‘జవాన్‌’కి ట్విటర్‌లో పాజిటివ్‌ రెస్పాన్స్‌ వస్తోంది. షారుఖ్‌ ఖాతాలో మరో భారీ హిట్‌ పడిందని కామెంట్‌ చేస్తున్నారు. షారుఖ్‌ యాక్షన్‌ సీక్వెన్స్‌ అదిరిపోయాయని అంటున్నారు. జవాన్‌ బాక్సాఫీస్‌ వద్ద సునామీ క్రియేట్‌ చేయడం ఖాయమని, షారుఖ్‌ కెరీర్‌లోనే బ్లాక్‌ బస్టర్‌ హిట్‌ అని  కొంతమంది ట్వీట్స్‌ చేస్తున్నారు.  Just started watching #Jawan, and I'm already hooked! The action scenes are intense, and the story is gripping. Can't wait to see how the hero saves the day. Any recommendations for similar action-packed movies? #MovieNight 🍿 — RushLabs (@RushLab) September 7, 2023 ఇప్పుడే జవాన్‌ చూశాను. యాక్షన్‌ సీక్వెన్స్‌ అదిరిపోయాయి. కథనం ఆకట్టుకుంది. షారుఖ్‌ నటన అదుర్స్‌ అని ఓ నెటిజన్‌ కామెంట్‌ చేశాడు.  #Jawan Early Review B L O C K B U S T E R: ⭐️⭐️⭐️⭐️⭐️#Atlee has delivered a masterpiece, an exhilarating blend of emotion and mass action This year belongs to the baadhshah #ShahRukhKhan𓃵 👑 #VijaySethupathi #Nayantara & rest were great DON'T MISS IT !!#JawanReview pic.twitter.com/lKuYZ6oWGr — ConectMagnet (@ConectMagnet) September 7, 2023 ‘జవాన్‌ బ్లాక్‌ బస్టర్‌ హిట్‌. అట్లీ ఓ అద్భుతమైన కళాఖండాన్ని అందించాడు. ఎమోషన్స్‌ మరియు మాస్‌ యాక్షన్స్‌తో అద్భుతంగా సినిమాను తీర్చిదిద్దాడు. ఈ ఏడాది షారుఖ్‌ ఖాన్‌దే. విజయ్‌ సేతుపతి, నయనతార అద్భుతంగా నంటించారు. జవాన్‌ చూడడం మిస్‌ కాకండి’ అని మరో నెటిజన్‌ కామెంట్‌ చేశాడు.  #Atlee#OneWordReview #Jawan : BLOCKBUSTER. Rating: ⭐️⭐️⭐️⭐️½ Jawan is a WINNER and more than lives up to the humongous hype… Atlee immerses us into the world of Mass pan-Indian film, delivers a KING-SIZED ENTERTAINER… Go for it. MUST WATCH. #JawanReview #ShahRukhKhan pic.twitter.com/WgtqoKFyjD — Rithik Modi (@rithiek) September 7, 2023 జవాన్‌ విజయం సాధించాడు. సినిమాపై పెరిగిన అంచనాల కంటే ఎక్కువగానే ఉంది. మాస్ పాన్ ఇండియా మూవీ అంటే ఎలా ఉండాలో అలాంటి సినిమాను అట్లీ ఇచ్చాడు. కింగ్ సైజ్‌డ్ ఎంటర్‌టైనర్ సినిమాను అందించాడు. జవాన్ తప్పకుండా చూడండి’అని ఓ నెటిజన్‌ ట్వీట్‌ చేశాడు.   #jawanReview..!!! 1st Half ok👍 2nd Half average.. Nayanthara Entry 🔥 VJ sethupathi Acting🙏 🔥 'One word ' #Jawan film loved by Shahrukh Khan fans#JawanFirstDayFirstShow#JawanFDFS #ShahRukhKhan𓃵 #AskSRK pic.twitter.com/qC7eArxP79 — Raj (@Rajwriter7) September 7, 2023 ‘ఫస్టాఫ్‌ ఓకే. సెకండాఫ్‌ యావరేజ్‌. నయనతార ఎంట్రీ బాగుంది. విజయ్‌ సేతుపతి నటన అద్భుతం. ఒక్క మాటలో చెప్పాలంటే...‘జవాన్‌’ షారుఖ్‌ అభిమానులను అలరిస్తుంది’ అని ఓ నెటిజన్‌ ట్వీట్‌ చేశాడు.  The film @iamsrk starer #jawan will create a tsunami at Bharat & overseas box office 🔥🔥🔥 from its Day1, all the existing records in danger. People are going to witness what happens when the world's biggest superstar comes with mass Avtar 💥💥💥 #JawanFDFS #ShahRukhKhan𓃵 💓 — basha (@Noone47949911) September 6, 2023 My friends from New Zealand told me. It's going to be tsunami at the box office for #Jawan. #KingKhan SRK is going to rule Global Box Office. The collections will be earth shattering. 🔥🔥 — Says A man (@saysAmann) September 7, 2023 Jawan came to creat history at box office. Biggest blockbuster of bollywood industry. CRAZE for #Jawan is unmatchable. Even in early morning 🔥🔥🔥#JawanFirstDayFirstShow #JawanReview #JawanAdvanceBooking #JawanFDFS pic.twitter.com/Ta0uM5gZwv — Satya Prakash (@Satya_Prakash08) September 7, 2023 #JawanReview :⭐⭐⭐⭐#Jawan is a fascinating crime filled movie told from multiple perspectives with perfect pace & cinematography. An absolute entertainer package with action, comedy, thrill & what else.. @iamsrk @VijaySethuOffl & @Atlee_dir keep us on the edge of our seat pic.twitter.com/kBVFX3UK4B — Shams Ansari (@realshams01) September 7, 2023 #Jawan craze is like a festival 🔥 This is unbelievable and Unmatchable for other stars.#ShahRukhKhan𓀠 is ready to rule the box office and wins hearts ✅#JawanTsunamiTomorrow #JawanFirstDayFirstShow #Jawan #ShahRukhKhan𓀠 #JawanReviews #Nayanthara #ThalapathyVijay pic.twitter.com/sohSZzbeom — Jani ( Fan Account) (@filmy49515) September 7, 2023

ప్రపంచవ్యాప్తంగా ఆసక్తిగా ఎదురు చూస్తున్న చిత్రం జవాన్‌. దీనికి కారణాలెన్నో. ముఖ్యంగా పఠాన్‌ వంటి సంచలన విజయం సాథించిన చిత్రం తరువాత తెరపైకి వస్తున్న చిత్రం ఇది కావడం. అదేవిధంగా కోలీవుడ్‌ దర్శకుడు అట్లీ దీనికి దర్శకుడు కావడం. లేడీ సూపర్‌స్టార్‌ నయనతార జవాన్‌ చిత్రం ద్వారా బాలీవుడ్‌కు ఎంట్రీ ఇవ్వడం. క్రేజీ సంగీత దర్శకుడు అనిరుధ్‌ సంగీతం, తమిళ నటుడు విజయ్‌సేతుపతి ప్రతినాయకుడిగా నటించడం, దీపికా పదుకునే గెస్ట్‌ అపీరియన్స్‌ ఇవ్వడం ఇలా చెప్పుకుంటూ పోతే చాలా ప్రత్యేకతలు ఉన్నాయి. (ఇదీ చదవండి: ఈ శుక్రవారం ఓటీటీల్లోకి 23 సినిమాలు) ఈ చిత్రం నిర్మాణ కార్యక్రమాలను పూర్తి చేసుకుని నేడు (సెప్టెంబర్‌ 7) ప్రపంచవ్యాప్తంగా విడుదల కానుంది. ఈ సందర్భంగా దర్శకుడు అట్లీ మీడియాతో ముచ్చటిస్తూ తాను బాలీవుడ్‌ చిత్రానికి దర్శకత్వం వహిస్తానని ఊహించలేదన్నారు. దీనికి కర్త, కర్మ, క్రియ బాలీవుడ్‌ బాద్‌షా షారూఖ్‌ ఖాన్‌నేనని పేర్కొన్నారు. ఆయన నమ్మకమే జవాన్‌ చిత్రం అని పేర్కొన్నారు. ఒకసారి క్రికెట్‌ మ్యాచ్‌ చూడడానికి చైన్నె వచ్చినప్పుడు షారూఖ్‌ఖాన్‌ తన కార్యాలయాలనికి వచ్చారన్నారు. తామిద్దరం సుమారు మూడున్నర గంటలు మాట్లాడుకున్నామని చెప్పారు. అప్పుడే జవాన్‌ చిత్రానికి బీజం పడిందని చెప్పారు. రూ.350 కోట్లు బడ్జెట్‌లో చిత్రం చేయడానికి సిద్ధమయ్యామన్నారు. కరోనా కాలంలో షారూఖ్‌ఖాన్‌ ధైర్యం చేసి ఈ చిత్రాన్ని నిర్మించారని చెప్పారు. అయితే తనకు పూర్తి స్వేచ్ఛనిచ్చారని చెప్పారు. అలా నటి నయనతార, విజయ్‌సేతుపతి, యోగిబాబు, సంగీత దర్శకుడు అనిరుధ్‌, ఎడిటర్‌ రూపన్‌ ఇలా అందరినీ తానే ఈ చిత్రంలోని తీసుకున్నానని చెప్పారు. అయితే చిత్రం అన్ని వర్గాలను అలరించే విధంగా రూపొందించాలన్నదే లక్ష్యంగా భావించామన్నారు. జవాన్‌ చిత్రం అందరికీ సంతృప్తికరంగా వచ్చిందన్నారు. పఠాన్‌ వంటి సూపర్‌ హిట్‌ చిత్రం తరువాత వస్తున్న చిత్రం కాబట్టి ఆ చిత్రాన్ని రీచ్‌ అవుతుందా? అన్న విషయం గురించి ఆలోచించలేదన్నారు. ఒక మంచి చిత్రం చేయాలన్న ధ్యేయంతోనే జవాన్‌ చిత్రం చేశామని అట్లీ చెప్పారు.

ఏదైనా సినిమా జనాల్లో క్లిక్‌ అయిందంటే చాలు అందులో నటించిన హీరోహీరోయిన్ల పెయిర్‌ బాగుందని మెచ్చుకుంటారంతా! వాళ్లిద్దరూ మళ్లీ కలిసి నటిస్తే చూడాలని తహతహలాడుతారు అభిమానులు. అయితే ఆన్‌స్క్రీన్‌పై కలిసి ఉండే సెలబ్రిటీలు ఆఫ్‌స్క్రీన్‌లోనూ అదే విధంగా ఉంటారనుకుంటే పొరపాటే! చాలామటుకు ఇండస్ట్రీకి సంబంధం లేని వ్యక్తులనే పెళ్లి చేసుకుంటారు. అయితే కొందరు మాత్రం షూటింగ్‌లో ప్రేమలో పడి నెక్స్ట్‌ సినిమాకు పెళ్లితో ఒక్కటవుతారు. అలా ప్రేమించి పెళ్లి చేసుకున్న తారలు చాలామందే ఉన్నారు. వరుణ్‌ తేజ్‌- లావణ్య త్రిపాఠి కూడా త్వరలో ఈ జాబితాలో చేరనున్నారు. ఈ సందర్భంగా  ప్రేమపెళ్లి చేసుకున్న జంటలను, వారి ప్రేమాయణాలను పారాయణం చేద్దాం.. కృష్ణ-విజయ నిర్మల సూపర్‌ స్టార్‌ కృష్ణ అందగాడు. ఎంతోమంది హీరోయిన్లతో ఆడిపాడిన ఆయన 1961లో మరదలు ఇందిరను పెళ్లాడారు. ఆ తర్వాత బాపు దర్శకత్వంలో వచ్చిన ‘సాక్షి’ సినిమాలో విజయ నిర్మలతో జోడీ కట్టారు. షూటింగ్‌లో మనసారా ఆమెను ప్రేమించారు. ఆమె కూడా కృష్ణను ప్రేమించారు. దీంతో 1969లో విజయ నిర్మలను కృష్ణ రెండో వివాహం చేసుకున్నారు. ఇద్దరికి ఇది రెండో పెళ్లే అయినప్పటికి ఎటువంటి గొడవలు లేకుండా అన్యోన్య దంపతులగా గుర్తింపు తెచ్చుకున్నారు. శ్రీకాంత్‌-ఊహ ‘ఆమె’ సినిమా షూటింగ్‌ సమయంలో శ్రీకాంత్‌, ఊహల మధ్య పరిచయం ఏర్పడింది. ఆ తర్వాత వీరిద్దరూ కలిసి నాలుగు సినిమాల్లో కలిసి నటించారు. అలా మరింత క్లోజ్‌ అయ్యారు. తన ఇంట్లో జరిగే ప్రతి ఫంక్షన్‌కు ఊహను పిలిచేవాడు శ్రీకాంత్‌. దీంతో శ్రీకాంత్‌ కుటుంబసభ్యులకు ఊహ అలవాటయ్యారు. ఆ తరువాత ఇరువురి ఇంట్లో ఒప్పుకోవడంతో శ్రీకాంత్‌ - ఊహ 1997లో పెళ్లి చేసుకున్నారు. వీరికి రోషన్, మేధా, రోహన్‌ అనే ముగ్గురు పిల్లలు ఉన్నారు. జీవిత-రాజశేఖర్‌ ఎప్పుడూ వార్తల్లో ఉండే ఈ జంట ప్రేమ, పెళ్లి అంతా విచిత్రంగానే జరిగింది. ఓ తమిళ నిర్మాత తన సినిమాకోసం రాజశేఖర్‌కు జోడీగా జీవితను తీసుకున్నారు. మొదటిసారి జీవితను చూసిన రాజశేఖర్ ‘ఈమెను తీసేయండి అని చెప్పారు. కానీ దర్శకనిర్మాతలు రాజశేఖర్‌కు షాకిస్తూ అతడినే తొలగించారు. తరువాత ఈ ఇద్దరూ కలిసి ‘తలంబ్రాలు’  సినిమాలో కలిసి నటించగా అప్పుడే ఇద్దరి మధ్య పరిచయం పెరిగి ప్రేమించుకున్నారు. ‘ఆహుతి’ సినిమాలోను కలిసి నటించారు. ఆ సినిమా షూటింగ్‌లో రాజశేఖర్ గాయపడగా జీవిత ఆయనను కంటికి రెప్పలా చూసుకున్నారు. రాజశేఖర్‌పై జీవితకి ఉన్న ప్రేమని అర్థం చేసుకున్న ఆయన కుటుంబ సభ్యులు వీరిద్దరి పెళ్ళికి అంగీకరించారు. 1991 జూలై 10 చెన్నైలో వివాహం చేసుకున్న ఈ జంట‌కి శివానీ, శివాత్మిక అనే ఇద్ద‌రు అమ్మాయిలున్నారు. ప్రస్తుతం వీరిద్దరూ హీరోయిన్లుగా రాణిస్తున్నారు. నాగార్జున- అమల తెలుగు చిత్ర పరిశ్రమలో స్టార్ యాక్టర్స్‌గా వెలుగొందుతున్న సమయంలో నాగార్జున, అమల ప్రేమలో పడ్డారు. ఒకరినొకరు అర్థం చేసుకొని వివాహ బంధంతో ఒకటయ్యారు. నాగార్జున - అమల జంట'ప్రేమయుద్ధం', 'కిరాయి దాదా', 'శివ', 'నిర్ణయం' సినిమాలలో కలిసి నటించి ప్రేక్షకులను అలరించారు. కాగా 1992 జూన్ 11న వివాహం చేసుకున్నారు. అయితే అంతకు ముందే నాగార్జునకు వెంకటేశ్‌ సోదరితో వివాహం జరగ్గా విడాకులు తీసుకున్నారు. మహేశ్‌బాబు-నమ్రత అమ్మాయిల కలల రాకుమారుడు ప్రిన్స్‌ మహేశ్‌ బాబు. కానీ ఆయనకు మాత్రం భార్య నమ్రత అంటే వల్లమాలిన ప్రేమ. 2000 సంవత్సరంలో వచ్చిన వంశీ చిత్రంలో వీరిద్దరూ కలిసి నటించారు. అప్పుడే ప్రేమలో పడ్డారు. ఐదేళ్ల ప్రేమాయణం తర్వాత 2005లో వివాహ బంధంతో భార్యాభర్తలుగా మారారు. వీరికి గౌతమ్, సితార అని ఇద్దరు పిల్లలు ఉన్నారు.  షాలిని- అజిత్‌ చిన్నప్పుడే సినిమాల్లోకి వచ్చారు షాలిని. బేబీ షాలినిగా ఫుల్‌ క్రేజ్‌ సంపాదించుకున్నారు. తరువాత హీరోయిన్‌గానూ నటించారు. 2000 సంవత్సరంలో కోలీవుడ్‌ స్టార్‌ అజిత్‌ని వివాహం చేసుకున్నారు షాలిని. వీరిది కూడా అన్యోన్య దాంపత్యం. సూర్య- జ్యోతిక తమిళంలోనే కాకుండా సౌత్ మొత్తం మీద పాపులారిటీ ఉన్న హీరోలలో సూర్య ఒకరు. సమయం దొరికితే చాలు ఆయన కుటుంబంతో గడిపేందుకు ఆసక్తి చూపిస్తారు. ఇక సూర్య కూడా హీరోయిన్‌ జ్యోతికని ప్రేమించి పెళ్లి చేసుకున్నారు. 2006 లో వివాహం చేసుకున్న ఈ జంటకు ఒక పాప ఒక బాబు సంతానం.  పాప పేరు దియా కాగా బాబు పేరు దేవ్. నయనతార- విఘ్నేశ్‌ శివన్‌ లేడీ సూపర్‌స్టార్‌గా పేరు తెచ్చుకుంది నయనతార. డైరెక్టర్‌ విఘ్నేశ్‌ శివన్‌తో ప్రేమలో పడ్డ ఆమె ప్రియుడితో సహజీవనం చేస్తున్నట్లు ప్రచారం జరిగింది. ఏళ్లు గడిచినా నోరు విప్పని నయన్‌ 2022, జూన్‌ 7న విఘ్నేశ్‌తో ఏడడుగులు వేసింది. మహాబలిపురంలోని ఓ హోటల్‌లో గ్రాండ్‌గా వీరి పెళ్లి జరిగింది. ఆది పినిశెట్టి- నిక్కీ గల్రానీ కొన్ని ప్రేమకథలు గొడవలతో మొదలువతాయంటారు కదా! ఆ జాబితాలోకే వీరి లవ్‌ స్టోరీ కూడా వస్తుంది. ఆది-నిక్కీ మలుపు సినిమాలో కలిసి నటించారు. మొదట్లో స్నేహితులుగా ఉన్న వీరికి ఈ సినిమా షూటింగ్‌ సమయంలో గొడవలు, మనస్పర్థలు వచ్చాయి. కొంతకాలం పాటు మాట్లాడుకోలేదు కూడా! షూటింగ్‌ చివర్లో మళ్లీ కలిసిపోయిన వీరిద్దరూ ఆ తర్వాత పలు సినిమాలు చేశారు. ఈ ప్రయాణంలోనే ప్రేమలో పడ్డారు. గతేడాది మే 18న మూడుముళ్ల బంధంతో ఆఫ్‌స్క్రీన్‌ జంటగా స్థిరపడిపోయారు. ఇక వీరే కాక శివ బాలాజీ - మధుమిత, వరుణ్‌ సందేశ్‌-వితిక, రాధిక-శరత్‌ కుమార్‌, ఆర్య-సాయేషా సైగల్‌ ఉండగా ఇక బాలీవుడ్‌లో బిగ్‌ బీ- జయా బచ్చన్‌, అభిషేక్‌- ఐశ్వర్య, కరీనా-సైఫ్‌ అలీ ఖాన్‌, దీపికా- రణ్‌వీర్‌ దంపతులు కూడా ప్రేమించి పెళ్లిచేసుకున్న జంటలే! ఇప్పటికీ వీరంతా కొత్త జంటగా ఎంతో అన్యోన్యంగా ఉంటూ ఎంతోమందికి ఆదర్శంగా నిలుస్తున్నారు.  చదవండి: కోలీవుడ్‌ నుంచి పిలుపు, నో చెప్పిన శ్రీలీల

నయనతార అందమైన నటి. ఈ మాట అన్నది ఎవరో కాదు బాలీవుడ్‌ బాద్షా షారుక్‌ ఖాన్‌. పఠాన్‌ చిత్రంతో ప్రపంచవ్యాప్తంగా కలెక్షన్లను కొల్లగొట్టిన ఈయన తాజాగా జవాన్‌ చిత్రంతో తెరపైకి రావడానికి ముస్తాబ్‌ అవుతున్నారు. రెడ్‌ చిల్లీస్‌ ఎంటర్‌టైన్మెంట్‌ సంస్థ నిర్మించిన ఈ చిత్రంలో నయనతార నాయికగా నటించగా నటుడు విజయ్‌ సేతుపతి తదితరులు ముఖ్యపాత్ర పోషించారు. కోలీవుడ్‌ యువ దర్శకుడు అట్లీ దర్శకత్వం వహిస్తున్న ఈ చిత్రం షూటింగ్‌ను పూర్తి చేసుకుని ప్రస్తుతం నిర్మాణానంతర కార్యక్రమాలు జరుపుకుంటోంది. చదవండి: విజయ్‌ దేవరకొండ స్టైల్‌లో 'మేమ్‌ ఫేమస్‌' రిలీజ్‌ డేట్‌ ఈ సందర్భంగా షారుక్‌ ఖాన్‌ జవాన్‌ చిత్ర విడుదల తేదీని సోమవారం అధికారికంగా ప్రకటించారు. ఈ చిత్రాన్ని సెప్టెంబర్‌ 7వ తేదీన ప్రపంచవ్యాప్తంగా విడుదల చేయనున్నట్లు ఆయన ఆన్‌లైన్‌ ద్వారా వెల్లడించారు. ఈ సందర్భంగా అభిమానుల ప్రశ్నలకు బదులిస్తూ జవాన్‌ పక్క కమర్షియల్‌ అంచాలతో కూడిన యాక్షన్‌ కథా చిత్రంగా ఉంటుందని చెప్పారు. నటి నయనతారతో కలిసి ఈ చిత్రంలో నటించడం చాలా సంతోషమని పేర్కొన్నారు. ఆమె చాలా అందగత్తె అనీ, స్వీటీ అని పేర్కొన్నారు. నటుడు విజయశాంతి చాలా ప్రతిభావంతుడని, చాలా ఒదిగి ఉండే నటుడు అనీ, ఆయన నుంచి చాలా నేర్చుకున్నాను అని అన్నారు. నటుడు అఖిల్‌ గురించి చెప్పాలంటే ఆయన తనను రెండు విధాలుగా తెరపై ఆవిష్కరించే ప్రయత్నం చేశారని పేర్కొన్నారు. అట్లీ సంగీత దర్శకుడు కలిసి తనను ఈ చిత్రంలోని పాటల్లో కొన్ని పదాలను పాడించారని చెప్పారు. చదవండి: ఆ బాలీవుడ్‌ హీరోతో పూజాహెగ్డే రొమాన్స్‌

ఇండియన్‌ మైఖేల్‌ జాన్సన్‌గా పేరు తెచ్చుకున్న ప్రభుదేవా వ్యక్తిగత జీవితంలో మాత్రం ఎన్నో వివాదాలు ఉన్నాయి. హీరోగా, డ్యాన్సర్‌, కొరియోగ్రఫర్‌గా, దర్శకుడిగా..ఇలా మల్టీటాలెంటెడ్‌ ఆర్టిస్ట్‌గా పాపులారిటీ పొందిన ప్రభుదేవా పర్సనల్‌ లైఫ్‌ మాత్రం కాంట్రవర్సీలకు కేరాఫ్‌ అడ్రస్‌గా మారింది. భార్య ఉండగానే హీరోయిన్‌ నయనతారతో ప్రేమాయణం నడిపిన ప్రభుదేవాకు ఆ బంధం కూడా చేదు ఙ్ఞాపకాన్నే మిగిల్చింది. చదవండి: 'ఖుషి' మూవీ నుంచి సమంత లుక్‌ చూశారా? ఫోటో వైరల్‌ అప్పటికే పెళ్లై, ఇద్దరు పిల్లలున్న ప్రభుదేవా నయనతార కోసం కుటుంబాన్ని వదిలేశాడని, పచ్చని సంసారంలో నయనతార నిప్పులు పోసిందంటూ ప్రభుదేవా మొదటి భార్య రమాలత్‌ బహిరంగంగానే అప్పట్లో చేసిన వ్యాఖ్యలు కోలీవుడ్‌లో ఇప్పటికీ సంచనలమే. కట్‌ చేస్తే.. చాన్నాళ్ల పాటు డేటింగ్‌ చేసిన ఈ జంట ఆ తర్వాత తమ దారులు వేరంటూ బ్రేకప్‌ చెప్పేసుకున్నారు. దీంతో నయనతార దర్శకుడు విఘ్నేశ్‌ శివన్‌ను పెళ్లి చేసుకోగా,ప్రభుదేవా 2020లో హిమానీ సింగ్‌ను రెండో పెళ్లి చేసుకున్నారు. కానీ వీరిద్దరూ బయట ఎక్కడా కలిసి కనిపించలేదు. అయితే ఇటీవలె ప్రభుదేవా 50వ పుట్టినరోజు సందర్భంగా అతడికి విషెస్‌  తెలియజేస్తూ తొలిసారి ఓ షోలో కనిపించింది హిమానీ సింగ్‌. చదవండి: హీరోయిన్‌తో వీడియో కాల్‌ మాట్లాడాలా? జస్ట్‌ రూ. 14వేలు చెల్లించండి 'మీరు చాలా అద్భుతమైన మనిషి. మిమ్మల్ని పెళ్లి చేసుకోవడం అదృష్టంగా భావిస్తున్నా' అంటూ భర్తను ఆకాశానికెత్తేసింది. తాజాగా వీళ్లిద్దరూ కలిసి ఉన్న ఫోటోలు, వీడియోలు నెట్టింట వైరల్‌ అవుతున్నాయి. View this post on Instagram A post shared by Prabhu Deva Fans (@prabhu_deva_fans)

నయనతార, విఘ్నేశ్‌ శివన్‌ జంట సరోగసి ద్వారా కవల పిల్లలకు తల్లిదండ్రులుగా మారిన విషయం అందరికీ తెలిసిందే! ఈ కవలలను కంటికి రెప్పలా చూసుకుంటున్న ఈ దంపతులు తమ పిల్లల ముఖాలను మాత్రం ఇంతవరకు చూపించనేలేదు. కనీసం పేర్లు కూడా వెల్లడించలేదు. ఎప్పుడెప్పుడు వారి ముఖాలు రివీల్‌ చేస్తారా? అని అభిమానులు ఆతృతగా ఎదురుచూస్తున్నారు. ఎట్టకేలకు ఆ రోజు రానే వచ్చింది. సస్పెన్స్‌కు తెర దించుతూ విఘ్నేశ్‌ ఫ్యామిలీ ఫోటోను షేర్‌ చేశాడు. ఇందులో కిటికీ దగ్గర కూర్చున్న నయన్‌ చేతిలో ఇద్దరు పిల్లలు ఉన్నారు. ఎంతో క్యూట్‌గా కనిపిస్తున్న పిల్లల పేర్లను కూడా బయటపెట్టాడు విఘ్నేశ్‌. 'ఉయిర్‌ రుద్రనీల్‌ ఎన్‌ శివన్‌, ఉలగ్‌ దైవిక్‌ ఎన్‌ శివన్‌.. ఈ ప్రపంచంలోనే ఉత్తమ తల్లి నయనతారకు సంకేతంగా ఇద్దరి పేర్లలో ఎన్‌ను చేర్చాం. మా పిల్లల పేర్లను పరిచయం చేస్తున్నందుకు సంతోషంగా ఉంది' అని క్యాప్షన్‌లో రాసుకొచ్చాడు. కాగా చాలాకాలం డేటింగ్‌లో ఉన్న నయన్‌, విఘ్నేశ్‌ 2022 జూన్‌ 9న పెళ్లిపీటలెక్కారు. అక్టోబర్‌లో సరోగసి ద్వారా కవలలకు పేరెంట్స్‌ అయ్యారు. View this post on Instagram A post shared by Vignesh Shivan (@wikkiofficial)

లేడీ సూపర్‌ స్టార్‌ నయనతార-దర్శకుడు విఘ్నేశ్‌ గతేడాది జూన్‌లో పెళ్లి బంధంతో ఒక్కటైన సంగతి తెలిసిందే. దాదాపు 5 ఏళ్లు ప్రేమలో మునిగి తేలిన నయన్, విఘ్నేశ్‌లు లివింగ్ రిలేషన్‌లో ఉన్నారు. ఈ క్రమంలో 2022లో పెళ్లి చేసుకున్న ఈ జంట ఐదు నెలలు తిరక్కుండానే సరోగసి ద్వారా కవలకు తల్లిదండ్రులయ్యారు. అప్పట్లో ఈ వ్యవహరం వివాదం మారింది. అన్ని నిబంధనల ప్రకారమే తాము సరోగసికి వెళ్లామని నయన్‌ దంపతులు ప్రభుత్వానికి వివరణ ఇచ్చుకోవడంతో వివాదం సద్దుమనిగింది.  చదవండి: గుర్తు పట్టలేనంతగా మారిపోయిన ‘మాతృదేవోభవ’ హీరోయిన్‌.. ఫొటోలు వైరల్‌ కవలలు జన్మించి నెలలు గడుస్తున్న ఇంతవరకు వారి ఫేస్‌ రివీల్‌ చేయలేదు ఈ జంట. దీంతో నయన్‌ పిల్లలను చూసేందుకు నెటిజన్లు, ఫ్యాన్స్‌ ఆసక్తిగా ఎదురుచూస్తున్నారు. ఈ క్రమంలో ఆమె భర్త విఘ్నేశ్‌ తాజాగా చిన్నారుల క్యూట్‌ పిక్స్‌ షేర్‌ చేశాడు. ఎప్పటిలాగే వారి ముఖం కనిపించకుండ విఘ్నేశ్‌ జాగ్రత్త పడ్డాడు. దీంతో నెటిజన్లు వారిపై అసహనం వ్యక్తం చేస్తున్నారు. ‘ఇంకా ఎంతకాలం ఇలా చేస్తారు’ అంటూ నెటిజన్లు ఫైర్‌ అవుతున్నారు.  చదవండి: షాకింగ్‌: లాకర్‌లోని రజనీకాంత్‌ కూతురు ఐశ్వర్య బంగారం, వజ్రాలు చోరీ కాగా నయన్‌, విఘ్నేశ్‌లు చిన్నారుల చేతులు పట్టుకుని ఉన్న ఫొటోలన పోస్ట్‌ చేస్తూ.. ‘ఆనందం అనేది మన ప్రియమైన వారితోనే ముడిపడి ఉంటుంది. ప్రేమ అంటేనే ఆనందం.. ఆనందం అంటనే ప్రేమ’ అంటూ విఘ్నేశ్‌ తన పోస్ట్‌కు రాసుకొచ్చాడు. కాగా ఇటీవల ఈ స్టార్‌ కపుల్‌ తమ కవలలతో ముంబై ఎయిర్‌పోర్టులో దర్శనం ఇచ్చిన సంగతి తెలిసిందే. దీంతో  మీడియా వాళ్ళ కెమెరాలకు పనిచేప్పారు. స్టార్ కపుల్ వెంట పడ్డారు. ఇందుకు సంబంధించిన వీడియోలు, ఫొటోలు నెట్టంట వైరల్‌గా మారాయి. కాగా తమ పిల్లలకు ఉయిర్, ఉలగం అని పేర్లు పెట్టినట్టు తెలుస్తోంది. ఉయిర్ అంటే ప్రపంచం అని.. ఉలగం అంటే జీవితం అని అర్ధం.  View this post on Instagram A post shared by Vignesh Shivan (@wikkiofficial) View this post on Instagram A post shared by Viral Bhayani (@viralbhayani)

తమిళసినిమా: నృత్య దర్శకుడు లారెన్స్‌ ఇప్పుడు కథానాయకుడిగా చేతినిండా సినిమాలతో బిజీగా ఉన్నారు. ఈయన నటిస్తున్న రుద్రన్‌ షూటింగ్‌ పూర్తి చేసుకుని నిర్మాణాంతర కార్యక్రమాలు జరుపుకుంటోంది. ఏప్రిల్‌ 14న తెరపైకి రావడానికి ముస్తాబవుతోంది. కాగా పి.వాసు దర్శకత్వంలో నటిస్తున్న చంద్రముఖి–2 చిత్రం షూటింగ్‌ దశలో ఉంది. దీంతోపాటు అధికారం, జిగర్‌ తండా-2 చిత్రాలు నిర్మాణంలో ఉన్నాయి. తాజాగా మరో నూతన చిత్రానికి కమిట్‌ అయినట్లు సమాచారం. లారెన్స్‌కు హర్రర్‌ కామెడీ జానర్‌ లక్కీ అనే చెప్పాలి. ఇంతకుముందు ఈయన నటించిన కాంచన చిత్రం సీక్వెల్‌ అన్నీ ఈ జానర్‌లో రూపొంది విజయం సాధించిన చిత్రాలే. అదేవిధంగా శివలింగ చిత్రం, ప్రస్తుతం నటిస్తున్న చంద్రముఖి 2 చిత్రం హర్రర్‌తో కూడిన ఫ్యామిలీ ఎంటర్‌టైనర్‌ కథా చిత్రాలే. తాజాగా ఈయన అంగీకరించిన చిత్రం కూడా హర్రర్‌ కామెడీ కథా చిత్రమేనని సమాచారం. ఈ చిత్రాన్ని మేయాదమన్‌ చిత్రం ఫేమ్‌ రతన్‌కుమార్‌ దర్శకత్వం వహించనున్నట్లు తెలిసింది. దీన్ని దర్శకుడు లోకేష్‌ కనకరాజ్‌ నిర్మించబోతున్నట్లు సమాచారం. ఇకపోతే ఇందులో నయనతారను నాయకిగా నటింపజేయడానికి చర్చలు జరుపుతున్నట్లు తెలిసింది. ప్రస్తుతం ఈ సంచలన నటి హిందీలో షారూఖ్‌ఖాన్‌ సరసన నటిస్తున్న జవాన్‌ చిత్రం ఒక్కటే ఉంది. జయంరవి సరసన నటిస్తున్న ఇరైవన్‌ చిత్రం షూటింగ్‌ పూర్తిచేసుకుంది. లారెన్స్‌ జతకట్టే అవకాశాలే ఎక్కువగా కనిపిస్తున్నాయి. దీనికి సంబంధించిన అధికారిక ప్రకటన త్వరలో వెలువడే అవకాశం ఉందని సమాచారం.   

లేడీ సూపర్‌ స్టార్‌ నయనతారకు పెళ్లి తర్వాత కలిసిరావడం లేదని అనిపిస్తోందంటున్నారు ఆమె ఫ్యాన్స్‌. సౌత్‌ లేడీ సూపర్‌ స్టార్‌గా ఎనలేని క్రేజ్‌ను సంపాదించుకున్న ఆమె గతేడాది ప్రియుడు, దర్శకుడు విఘ్నేశ్‌ శివన్‌ను పెళ్లి చేసుకున్న సంగతి తెలిసిందే. పెళ్లికి ముందు వరుస ఆఫర్లు చేతి నిండా సినిమాలతో దూసుకుపోయిన నయన్‌కు పెళ్లి అనంతరం బ్రేక్‌ పడిందంటూ ఫ్యాన్స్‌ అభిప్రాయ పడుతున్నారు. దీనికి కారణం ప్రస్తుతం ఆమె చేతిలో పెద్దగా ఆఫర్స్‌ లేకపోవడమే. చదవండి: అప్పుడే ఓటీటీకి వచ్చేస్తోన్న ‘బుట్టబొమ్మ’! స్ట్రీమింగ్‌ ఎప్పుడు, ఎక్కడంటే.. ఇంతకి అసలు సంగతి ఏంటంటే.. దక్షిణాదిలోనే అత్యధిక పారితోషికం తీసుకుంటూ.. ఇటీవలే బాలీవుడ్‌లోనూ రంగప్రవేశం చేసింది నయన్‌. హిందీలో షారూఖ్‌ ఖాన్‌కి జంటగా నటించిన జవాన్‌ చిత్రం, తమిళంలో జయం రవి సరసన నటిస్తున్న ఇరైవన్‌ చిత్రం షూటింగ్‌ ఇటీవల పూర్తి చేసుకున్నాయి. వీటి విడుదల కోసం ఎదురుచూస్తున్న ఈమెకు తర్వాత చిత్రం ఏంటి అన్న ప్రశ్న ఎదురవుతోంది.దీనికి కారణం కొత్త చిత్రాలేవీ చేతిలో ఏమీ లేకపోవడమే. అధిక పారితోషికం డిమాండ్‌ చేయడంతో అంగీకరించిన చిత్రాలు సైతం వెనక్కి వెళ్లిపోయినట్లు తెలుస్తోంది.  హీరోయిన్‌ ఓరియెంటెడ్‌ కథా చిత్రాలకు కేరాఫ్‌గా మారిన నయనతార ఇటీవల నటించిన ఆ తరహా చిత్రాలు నిరాశపరిచాయి. మరో విషయం ఏంటంటే నయనతార ఒక ప్రముఖ నిర్మాణ సంస్థలో రెండు లేడీ ఓరియంటెడ్‌ కథా చిత్రాలు చేయడానికి అంగీకరించారని. అందుకు ఒక్కో చిత్రానికి రూ. 10 కోట్లు చొప్పున రెండు చిత్రాలకు రూ. 20 కోట్లు డిమాండ్‌ చేశారని సమాచారం. అయితే అడ్వాన్స్‌ తీసుకుని రెండేళ్లుగా కాలయాపన చేయడంతో వారు చిత్రాలను నిలిపివేయడమే కాకుండా.. నగదు వెనక్కి తీసుకున్నట్లు తెలిసింది.  చదవండి: మృణాల్‌కు పెళ్లి ప్రపోజల్‌.. హీరోయిన్‌ రియాక్షన్‌ ఇదే! ఇదిలా ఉంటే నయనతార భర్త, దర్శకుడు విఘ్నేష్‌ శివన్‌ పరిస్థితి కూడా దాదాపు ఇలానే ఉంది. ఆయన అజిత్‌ కథానాయకుడిగా దర్శకత్వం వహించాల్సిన చిత్రం చేజారిపోయిన విషయం తెలిసిందే. ఈ ఘటనలు వీరిద్దరి కెరీర్‌కూ పెద్ద ఎదురుదెబ్బ అనే వాదనలూ వినిపిస్తున్నాయి. ఇవి ఇలా ఉండగా.. నయన్‌ నటనకు స్వస్తి చెప్పారనే ప్రచారం హోరెత్తుతోంది. దీంతో నయనతారకు టైమ్‌ బాగాలేదా? అంటూ కొందరు నెటిజన్లు కామెంట్స్‌ చేస్తున్నారు.   

దక్షిణాదిలో లేడీ సూపర్‌ స్టార్‌గా రాణిస్తున్న నటి నయనతార. జవాన్‌ చిత్రంతో బాలీవుడ్‌లోనూ పాగా వేసిన సంచలన నటి మరోసారి వార్తల్లో నానుతున్నారు. నయనతార పెళ్లి అయిన తర్వాత పలు సమస్యలను ఎదుర్కొంటున్నారనే చెప్పాలి. ఆ మధ్య సరోగసీ ద్వారా కవల పిల్లలకు తల్లి అయ్యి రచ్చకెక్కిన విషయం తెలిసిందే. ఆ తర్వాత ఈమె నటించిన చిత్రాలు ఏమీ ఆశించిన విధంగా విజయాలు సాధించలేదు. ఇక తన భర్త విఘ్నేష్‌ శివన్‌ విషయంలో ఘోర పరాభవం జరిగింది. ఈయన నటుడు అజిత్‌ కథానాయకుడుగా చిత్రాన్ని తెరకెక్కించడానికి ప్రీ ప్రొడక్షన్‌ కార్యక్రమాలన్నీ పూర్తి చేసుకున్నారు. దీన్ని లైకా ప్రొడక్షన్స్‌ నిర్మించనున్నట్లు ప్రకటన కూడా జరిగింది. ఇక షూటింగ్‌కు వెళ్లడమే ఆలస్యం అన్న తరుణంలో సినిమా కథ నచ్చలేదంటూ ఇటు అజిత్, అటు సంస్థ పేర్కొనడమే కాకుండా చిత్రం నుంచి దర్శకుడు విఘ్నేశ్‌ శివన్‌ను తొలగించారు. ఇది దర్శకుడు విఘ్నేష్‌ శివన్‌ కంటే ఆమె భార్య, నటి  నయనతారను బాగా గాయపరచిందనే ప్రచారం వైరల్‌ అయ్యింది. దీనికి కారణం ఈ వ్యవహారంలో ఆమె చేసిన సంధి ప్రయత్నం కూడా విఫలం కావడమే. దీంతో అజిత్‌కు బదులుగా నటుడు విజయ్‌ సేతుపతిని తీసుకొని విఘ్నేష్‌ శివన్‌ చిత్రం చేసేలా నయనతార చక్రం తిప్పిందనే ప్రచారం ఇప్పుడు సామాజిక మాధ్యమాల్లో జోరుగా సాగుతోంది. అందుకు కారణం కూడా ఉంది. హిందీ, తెలుగు చిత్రాల్లో నటిస్తూ బిజీగా ఉన్నా నటుడు విజయ్‌ సేతుపతి తమిళంలో సుందర్‌.సీ దర్శకత్వంలో అరణ్మణై 4 చిత్రంలో నటించడానికి అంగీకరించారు. అయితే తాజాగా ఆ చిత్ర కథ నచ్చలేదంటూ సుందర్‌.సి కి హ్యాండ్‌ ఇచ్చారు. అయితే దీని వెనుక నటి నయనతార హస్తం ఉందనే ప్రచారం జరుగుతోంది. అదేవిధంగా అజిత్‌ తిరస్కరించిన కథలోనే విజయ్‌ సేతుపతిని నటింపజేస్తూ తన ఈగోను తృప్తి పరచుకుంటోందనే వాదన కూడా వినిపిస్తోంది. కాగా విజయ్‌ సేతుపతి, నయనతార, విఘ్నేష్‌ శివన్‌ కాంబోలో ఇంతకు ముందు నానుమ్‌ రౌడీదాన్, కాత్తు వాక్కుల రెండు కాదల్‌ చిత్రాలు రూపొందాయి.  

లేడీ సూపర్‌స్టార్‌ నయనతార గురించి ప్రత్యేకంగా పరిచయం చేయాల్సిన పనిలేదు. గ్లామరస్‌ పాత్రలతో కెరీర్‌ ఆరంభించిన నయన్‌ ఇప్పుడు లేడీ ఓరియెంటెడ్‌ సినిమాలు చేస్తూ తనకంటూ ప్రత్యేక పాపులారిటీని సంపాదించుకుంది. మాలీవుడ్‌లో తన ప్రస్థానం మొదలుపెట్టి తమిళం, తెలుగు, హిందీ చిత్రాల్లో నటిస్తూ బిజీగా ఉన్నారు.అంతేకాదు దక్షిణాదిలోనే అత్యధిక పారితోషికం తీసుకుంటున్న హీరోయిన్‌గానూ నయన్‌కి పేరుంది. అయితే ఇప్పుడు నయనతార అభిమానులకు టెన్షన్‌ పెట్టే ఓ వార్త నెట్టింట వైరల్‌గా మారింది. కొంతకాలం పాటు నయనతార నటనకు దూరంగా ఉండాలని నిర్ణయించుకున్నట్లు టాక్‌ వినిపిస్తుంది. ప్రస్తుతం ఆమె షారుక్‌ ఖాన్‌ సరసన జవాన్‌ సినిమాలో నటిస్తున్న సంగతి తెలిసిందే. ఈ మూవీ షూటింగ్‌ పూర్తయిన తర్వాత సినిమాలకు గుడ్‌బై చెప్పాలని నయన్‌ డిసైడ్‌ అయినట్లు తెలుస్తుంది. పిల్లల ఆలనా పాలనా నేపథ్యంలో నయన్‌ ఈ నిర్ణయం తీసుకుందని నెట్టింట జోరుగా ప్రచారం జరుగుతుంది. మరి ఈ వార్తలో ఎంత నిజం ఉందన్నది తెలియాలంటే ఇంకొన్ని రోజులు వేచి చూడాల్సిందే. 

నయనతార నటించిన లేటెస్ట్‌ హారర్‌ థ్రిల్లర్‌ కనెక్ట్‌. అశ్విన్‌ శరవణన్‌ ఈ సినిమాకు దర్శకత్వం వహించగా, రౌడీ పిక్చర్స్ పతాకంపై విఘ్నేష్ శివన్ నిర్మించారు. బాలీవుడ్‌ నటుడు అనుపమ్‌ ఖేర్‌ ఇందులో కీలక పాత్రలో కనిపించారు. కుటుంబ నేపథ్యంలో హర్రర్‌ కథాంశంతో తెరెకెక్కిన ఈ సినిమా డిసెంబర్‌ 22న ప్రేక్షకుల ముందుకు వచ్చింది. రిలీజ్‌ అయి రెండు నెలలు కావొస్తున్నా ఇప్పటివరకు ఈ చిత్రం ఓటీటీ రిలీజ్‌ డేట్‌ ప్రకటించలేదు. అయితే తాజాగా నెట్టింట అందుతున్న సమాచారం ప్రకారం.. ఈ సినిమా ఓటీటీ రైట్స్‌ను డిస్నీ ప్ల‌స్ హాట్‌స్టార్ దక్కించుకున్నట్లు తెలుస్తుంది. ఈనెల 24న ఈ చిత్రం ఓటీటీలో విడుదల కానున్నట్లు టాక్‌ వినిపిస్తుంది. తెలుగుతో పాటు తమిళంలోనూ ఒకేసారి స్ట్రీమింగ్‌ కానంఉదట. త్వరలోనే దీనికి సంబంధించి అఫీషియల్‌ అనౌన్స్‌మెంట్‌ రానుంది.   

లేడీ సూపర్‌ స్టార్‌ అంటే ఎవరికైనా టక్కున గుర్తొచ్చే పేరు నయనతార. అయితే నయన్‌కు ఆ బిరుదు అవసరం లేదంటూ హీరోయిన్‌ మాళవిక మోహనన్‌ చేసిన వ్యాఖ్యలు తీవ్ర చర్చనీయాంశమయ్యింది. గత కొన్ని రోజులుగా నయన్‌-మాళవిక మధ్య కోల్డ్‌వార్‌ జరుగుతున్న సంగతి తెలిసిందే. తాజాగా ఓ ఇంటర్వ్యూలో పాల్గొన్న మాళవిక మోహనన్‌ మరోసారి నయన్‌ను అవమానించింది. లేడీ సూపర్ స్టార్ నయనతార గురించి మీ అభిప్రాయం ఏంటి అన్న ప్రశ్నకు వెంటనే కల్పించుకున్న మాళవికా మోహనన్.. 'లేడీ సూపర్ స్టార్ అనడం తనకు నచ్చదని,హీరోయిన్లను సూపర్ స్టార్ అంటే చాలు. లేడీ సూపర్ స్టార్ అనడం ఏంటి' అంటూ బదులిచ్చింది. ఆమె వ్యాఖ్యలపై నయన్‌ ఫ్యాన్స్‌ తీవ్రస్థాయిలో విరుచుకుపడ్డారు. నయన్‌ స్టార్‌డమ్‌ చూసి ఓర్వలేకనే మాళవిక ఇలా ప్రతీసారి నయన్‌ పేరు వాడుకుంటుందంటూ సోషల్‌ మీడియాలో ట్రోల్స్‌ చేస్తుండటంతో దిగొచ్చిన మాళవిక మరో ట్వీట్‌ చేస్తూ తను చేసిన కామెంట్స్‌పై వివరణ ఇచ్చింది. హీరోయిన్ల విషయంలో నా అభిప్రాయన్నా చెప్పాను తప్పా ఓ హీరోయిన్‌ని టార్గెట్‌ చేస్తూ నేనలా అనలేదు. నిజానికి నయనతార అంటే నాకు ఇష్టం. ఆమెను ఎంతో గౌరవిస్తాను. సీనియర్‌గా ఆమె కెరీర్‌ చూసి ప్రేరణ పొందుతాను కాబట్టి దయచేసి అందరూ కాస్త శాంతించండి అంటూ మాళవిక పేర్కొంది.  Dont Call As Lady Super #MalavikaMohanan pic.twitter.com/OS3wTml8j4 — chettyrajubhai (@chettyrajubhai) February 11, 2023 My comment was about a term that is used to describe female actors & not about any specific actor. I really respect & admire Nayanthara, and as a senior really look upto her incredible journey. Can people please calm down. Especially the tabloid journos. Only ♥️ to Miss N https://t.co/QyrfqOoJWU — Christy (@MalavikaM_) February 12, 2023

తమిళ సినిమా: నటి నయనతార–మాళవికా మోహన్‌ మధ్య కోల్డ్‌వార్‌ జరుగుతోందా అన్న సందేహం కలుగుతోంది. అందుకు కారణం లేకపోలేదు. ఇటీవల మాళవికా మోహన్‌ సమయం దొరికినప్పుడల్లా విమర్శలు గుప్పిస్తున్నారు. నయనతార నటించి, నిర్మించిన కనెక్ట్‌ చిత్రం గత డిసెంబర్‌ 22వ తేదీ విడుదలైంది. ఆ సందర్భంలో ఆస్పత్రిలో బెడ్‌పై పడుకున్న సన్నివేశంలోనూ ఫుల్‌ మేకప్‌తో జుట్టు కూడా చెదరకుండా నటించినట్లు నటి నయనతార పేరు చెప్పకుండా విమర్శించారు. ఆమెకు కౌంటర్‌ ఇచ్చే విధంగా కనెక్ట్‌ చిత్రం ఆర్ట్‌ ఫీలింగ్‌ కాదని, కమర్షియల్‌ చిత్రం అని, అందుకే దర్శకుడు అశ్విన్‌ సూచన మేరకే తాను అలా నటించానని  నయన్‌ పేర్కొన్న సంగతి తెలిసిందే. అయితే ఇప్పుడు తాజాగా మాళవిక మోహన్‌ మరోసారి నటి నయనతారను అవమానించే విధంగా వివాదాస్పద వ్యాఖ్యలు చేశారు. ఒక విలేకరి లేడీ సూపర్‌స్టార్‌ నయనతార గురించి మీ అభిప్రాయం ఏంటన్న ప్రశ్నకు వెంటనే కల్పించుకున్న మాళవికా మోహన్‌ లేడీ సూపర్‌ స్టార్‌ అనడం తనకు నచ్చదని అన్నారు. హీరోయిన్లను సూపర్‌స్టార్‌ అంటే చాలని లేడీ సూపర్‌స్టార్‌ అనడం ఏంటని ప్రశ్నించారు. హిందీలో కూడా దీపికా పడుకొనే, కత్రినా కైఫ్, అలియా భట్‌ వంటి సూపర్‌ స్టార్‌ హీరోయిన్లు ఉన్నారని, వారు ఎవరు లేడీ సూపర్‌స్టార్స్‌ అనడం లేదని పేర్కొన్నారు. దీంతో నయనతారపై ఈ అమ్మడుకి ఎందుకంత కోపం అంటూ సినీవర్గాల్లో చర్చ జరుగుతోంది.  

తమిళ సినిమా: కుటుంబ కథా చిత్రాల దర్శకుడిగా పేరు తెచ్చుకున్న మిత్రన్‌ కొత్త చిత్రానికి సిద్ధమవుతున్నారు. ఇంతకుముందు యారడీ నీ  మోహిని, కుట్టి, ఉత్తమ పుత్తిరన్, మీండుమ్‌ ఆరు కాదల్‌ క్రైం, మదిల్‌ వంటి చిత్రాలకు దర్శకత్వం వహించిన ఈయన ఇటీవల ధనుష్‌ కథానాయకుడిగా తిరుచ్చిట్రం ఫలం చిత్రాన్ని తెరకెక్కించారు. నాలుగు చిత్రాలకు ధనుష్‌నే హీరో కావడం గమనార్హం. కాగా తిరుచ్చిట్రం ఫలం మంచి విజయాన్ని సాధించింది. ఇందులో ధనుష్‌, నిత్యామీనన్‌ నటన ప్రేక్షకులను విపరీతంగా అలరించింది. కాగా దర్శకుడు మిత్రన్‌ జోహార్‌ తాజా చిత్రానికి సిద్ధమయ్యారు. ఇందులో నయనతారను కథానాయకిగా నటింపజేసే ప్రయత్నాలు జరుగుతున్నట్లు సమాచారం. ఈ విషయమై ఆమెతో చర్చలు జరుపుతున్నట్లు తెలిసింది. ఇది కథానాయకి నేపథ్యంలో సాగే  కథా చిత్రమా? లేక కమర్షియల్‌ అంశాలతో హీరో ఓరియంటెడ్‌ కథా చిత్రమా అన్నది తెలియాల్సి ఉంది. నయనతార ఇటీవల ఎక్కువగా హీరోయిన్‌ ఓరియంటెడ్‌ కథా చిత్రంల్లోనే  నటిస్తున్నారు. ఈమె ఇంతకుముందు ధనుష్‌ సరసన యారడీ నీ మోహిని చిత్రంలో నటించారు. ఆ చిత్రం మంచి విజయాన్ని అందుకుంది. తాజాగా మిత్రన్‌ జవహర్‌ దర్శకత్వంలో నటించడానికి అంగీకరించే అవకాశం ఎక్కువగా ఉంది. అంతేకాకుండా ప్రస్తుతం ఈమె చేతిలో కొత్త చిత్రాలు ఏమీ లేవు. షారుక్‌ ఖాన్‌ జంటగా నటించిన హిందీ చిత్రం జవాన్‌ త్వరలో విడుదలకు సిద్ధమవుతోంది. 

ఇండస్ట్రీలో కాస్టింగ్‌ కౌచ్‌  ఇబ్బందుల గురించి ఇప్పటికే చాలామంది మాట్లాడిన సంగతి తెలిసిందే. సీనియర్‌ హీరోయిన్ల దగ్గర్నుంచి యంగ్‌స్టర్స్‌ వర​కు ఎంతోమంది హీరోయిన్లు కాస్టింగ్‌ కౌచ్‌ గురించి సంచలన కామెంట్స్‌ చేశారు. తాజాగా సౌత్‌ లేడీ సూపర్‌స్టార్‌ నయనతార తొలిసారిగా ఈ విషయం గురించి ఓపెన్‌ అయ్యింది. తమిళంతో పాటు తెలుగులోనూ ఎన్నో సూపర్‌ హిట్‌ సినిమాలు చేసిన నయనతార తాజాగా ఓ ఇంటర్వ్యూలో కాస్టింగ్‌ కౌచ్‌పై కీలక వ్యాఖ్యలు చేసింది. ఇండస్ట్రీలో క్యాస్టింగ్ కౌచ్ ఉందా లేదా అనే విషయంపై నేను మాట్లాడను. మన ప్రవర్తనను బట్టి కూడా ఇబ్బందులు ఎదురవుతాయి. నేను ఇండస్ట్రీలోకి వచ్చిన కొత్తలో నన్ను కూడా కమిట్‌మెంట్‌ అడిగారు. నాకు ఇష్టం లేదని నిర్మొహమాటంగా చెప్పేశాను. కేవలం నా టాలెంట్‌ను నమ్ముకొని ఈ స్థాయికి వచ్చాను అంటూ చెప్పుకొచ్చొంది. అయితే నయన్‌ చేసిన ఈ కామెంట్స్‌పై కొందరు భిన్నంగా స్పందిస్తున్నారు. ఇండస్ట్రీలో ఎ‍ప్పుడో జరిగితే ఇప్పుడు చెప్పడం ఏంటి? మీటూ మూమెంట్స్‌ జరిగినప్పుడు కూడా సైలెంట్‌గా ఉంది కదా అంటూ అభిప్రాయం వ్యక్తం చేస్తున్నారు. 

తమిళ సినిమా:  చిత్ర పరిశ్రమను విచిత్ర పరిశ్రమ అంటారు. ఇక్కడ లక్కు కిక్కు కంటే కూడా మరొకటి ఉంటుంది. అదేంటో దర్శకుడు, నటి నయనతార భర్త విగ్నేష్‌ శివన్‌ను చూస్తే తెలుస్తుంది. పోడాపోడి చిత్రం ద్వారా దర్శకుడిగా పరిచయమైనా నానుమ్‌ రౌడీదాన్‌ చిత్రంతో మంచి గుర్తింపు తెచ్చుకున్నారు. ఆ తర్వాత పలు చిత్రాలు చేసినా, అవి ఆశించిన స్థాయిలో విజయాలు సాధించలేదు. తాజాగా నటుడు అజిత్‌ను డైరెక్ట్‌ చేసే అవకాశం వరించింది. అజిత్‌ చిత్రం తుణివు ఇటీవల విడుదలై సక్సెస్‌ ఫుల్‌గా రన్‌ అవుతోంది. తదుపరి విగ్నేష్‌ శివన్‌ దర్శకత్వంలో నటించడానికి సిద్ధమయ్యారు. దీనిని లైకా ప్రొడక్షన్స్‌ సంస్థ నిర్మించనుంది. అనిరుద్‌ సంగీతాన్ని అందిస్తున్నట్లు సమాచారం. చిత్రం ఫిబ్రవరి మొదటి వారంలో సెట్‌పైకి వెళ్లనున్నట్లు ప్రచారం జరుగుతోంది. ఇలాంటి పరిస్థితుల్లో అనూహ్య సంఘటన చోటుచేసుకుంది. చిత్రం నుంచి దర్శకుడు విగ్నేష్‌ శివన్‌ వైదొలిగినట్లు సామాజిక మాధ్యమాల్లో వైరల్‌ అవుతోంది. అందుకు కారణం విగ్నేశ్‌ శివన్‌ చెప్పిన కథ నటుడు అజిత్‌కు, లైకా సంస్థకు సంతృప్తినివ్వక పోవడమేనని సమాచారం. కథలో కొన్ని మార్పులు చేయాలని సంస్థ చెప్పినా అందుకు విగ్నేష్‌ శివన్‌ నిరాకరించినట్లు టాక్‌. దీంతో నటి నయనతార రంగంలోకి దిగి ఇరువురి మధ్య సంధి కుదిర్చే ప్రయత్నం చేసినా ఫలితం లేకపోయిందని ప్రచారం జరుగుతోంది. అజిత్‌ కన్విన్స్‌ అయినా లైకా ప్రొడక్షన్స్‌ ససేమిరా అన్నట్లు సమాచారం. ప్రస్తుతం అజిత్‌ 62వ చిత్రానికి మగిళ్‌ తిరుమేణి దర్శకత్వం వహించనున్నట్లు తాజా సమాచారం. ఈయన ఇంతకుముందు మిగామన్, తడం, కలగతలైవన్‌ వంటి చిత్రాలకు దర్శకత్వం వహించారు. కాగా విజయ్‌ కోసం తయారు చేసిన కథను అజిత్‌తో చేయడానికి సిద్ధమవుతున్నట్లు టాక్‌.

‘‘ప్రేక్షకులు చూపు తిప్పుకోకుండా చూసే సినిమాలు తెరకెక్కించడానికి ఇష్టపడతాను. గతంలో నేను చేసిన సినిమాలు అలాంటివే. ఇప్పుడు చేసిన ‘కనెక్ట్‌’ కూడా ఆ తరహా చిత్రమే’’ అన్నారు దర్శకుడు అశ్విన్‌ శరవణన్‌. నయనతార కథానాయికగా ‘మయూరి’, తాప్సీ లీడ్‌ రోల్‌లో ‘గేమ్‌ ఓవర్‌’ వంటి  చిత్రాలను తెరకెక్కించారు అశ్విన్‌ శరవణన్‌. మళ్లీ నయనతార కథానాయికగా ఆయన దర్శకత్వం వహింన తాజా చిత్రం ‘కనెక్ట్‌’. ఈ నెల 22న యూవీ క్రియేషన్స్‌ ఈ చిత్రాన్ని తెలుగులో విడుదల చేస్తోంది. ఈ సందర్భంగా అశ్విన్‌ శరవణన్‌ మాట్లాడుతూ – ‘‘హారర్‌ థ్రిల్లర్‌ సబ్జెక్ట్‌తో ‘కనెక్ట్‌’ చిత్రాన్ని రపొందించాను. లాక్‌డౌన్‌లో పనుల మీద వేరే ప్రాంతానికి వెళ్లినవాళ్లు కుటుంబానికి దరంగా అక్కడే స్ట్రక్‌ అయ్యారు. అలా ఓ తల్లీకతురు ఒక ఇంట్లో ఉండిపోతారు. అయితే కొన్ని రోజులకు కూతురు ప్రేతాత్మ ఆవహింనట్లు ప్రవర్తిస్తుంటుంది. అప్పుడు కూతుర్ని కాపాడుకోవడానికి ఆ తల్లి ఏం చేసింది? అనేది కథ. మామూలుగా హాలీవుడ్‌ చిత్రాలకు ఇంటర్వెల్‌ ఉండదు. కథ ఒక ఫ్లోలో వెళుతున్నప్పుడు విరామం ఇస్తే ప్రేక్షకులు డైవర్ట్‌ అవుతారని పెట్టరు. మా ‘కనెక్ట్‌’కి కూడా ఉండదు. ఈ సినిమా నిడివి గంటన్నర మాత్రమే. అదే మూడు గంటల సినిమా అయితే ఇంటర్వెల్‌ ఇవ్వాల్సి వచ్చేది. ఇక నయనతార మంచి నటి. ఆమె ఈ కథ విని అంతర్జాతీయ స్థాయి సినిమాగా నిర్మిస్తే బాగుంటుందనుకున్నారు. అందుకే తన భర్త విఘ్నేష్‌తో కలిసి నిర్మించారామె’’ అన్నారు.

లేడీ సూపర్‌ స్టార్‌ నయనతార నటించిన మరో హారర్‌ చిత్రం కనెక్ట్‌. అశ్విన్‌ శరవణన్‌ దర్శకత్వం వహించిన ఈ చిత్రాన్ని రౌడీ పిక్చర్స్‌ బ్యానర్‌పై నయన్‌ స్వయంగా నిర్మించింది. తెలుగులో ప్రముఖ నిర్మాణ సంస్థ యూవీ క్రియేషన్స్‌ ఈ చిత్రాన్ని విడుదల చేయనున్నారు. డిసెంబర్‌ 22న ఈ సినిమా విడుదల కానుంది. ఈ నేపథ్యంలో గురువారం అర్థరాత్రి ట్రైలర్‌ను రిలీజ్‌ చేశారు మేకర్స్‌. కరోనా లాక్‌డౌన్‌ సమంలో అందరూ ఇంటికే పరిమితం కావడం, ఇదే సమయంలో నయన్‌ ఆన్‌లైన్‌ మీటింగ్‌లో పాల్గొననగా వారికి దెయ్యం ఉన్నట్లు కొన్ని శబ్దాలు వినిపించడం వంటివి క్యూరియాసిటీని క్రియేట్‌ చేస్తుంది. 2.22 నిమిషాల నిడివి ఉన్న ట్రైలర్‌ ఆద్యంతం ఆసక్తికరంగా సాగింది. 99 నిమిషాల నిడివితో ప్ర‌యోగాత్మ‌కంగా ఇంట‌ర్వెల్ బ్రేక్ లేకుండా ఈ సినిమాను రిలీజ్ చేయబోతుండటం మరో విశేషం. పూర్తిగా హారర్‌ నేపథ్యంలో తెరకెక్కుతున్న ఈ సినిమా ట్రైలర్‌కు తగ్గట్లే సినిమాలోనూ సస్పెన్స్‌ క్రియేట్‌ చేస్తుందా లేదా అన్నది చూడాల్సి ఉంది. 

తమిళ సినిమా: వరుస సక్సెస్‌లు అందుకుంటున్న అగ్ర నటి నయనతార. మాయ చిత్రంతో ఈమె హర్రర్‌ కథా చిత్రాల ప్రస్థానం మొదలైంది. తాజాగా కనెక్ట్‌ చిత్రం ద్వారా ముందుకొస్తోంది. నయన్‌ ప్రధాన పాత్ర పోషించగా ఆమె భర్త, దర్శకుడు విగ్నేష్‌ శివన్‌ తన రౌడీ పిక్చర్స్‌ పతాకంపై ఈ చిత్రం నిర్మించడం విశేషం. వినయ్, బాలీవుడ్‌ నటుడు అనుపమ్‌ ఖేర్‌ తదితరులు ముఖ్య పాత్రలు పోషించారు. ఈ చిత్రానికి మాయ చిత్రం ఫేమ్‌ అశ్విన్‌ శరవణన్‌ కథ, కథనం, దర్శకత్వం బాధ్యతలను నిర్వహించారు. నిర్మాణ కార్యక్రమాలు పూర్తి చేసుకుని ఈ నెల 22వ తేదీ విడుదలకు సిద్ధమవుతోంది. ఈ సందర్భంగా చిత్ర దర్శకుడు అశ్విన్‌  శరవణన్‌ మాట్లాడుతూ.. ఇది లాక్‌డౌన్‌ కాలంలో జరిగే కథ చిత్రంగా ఉంటుందన్నారు. కుటుంబ నేపథ్యంలో సాగే హర్రర్‌ సన్నివేశంతో కూడిన చిత్రం కలెక్ట్‌ అని చెప్పారు. నయనతార ఇంట్లోకి దెయ్యం ఎలా వస్తుంది? దాంతో ఎవరు బాధింపునకు గురవుతారు? చివరికి దాన్ని ఎలా తరిమేస్తారు అన్న ఆసక్తికత విషయాలతో ఈ చిత్రం ఉంటుందన్నారు. కథ విన్న తరువాత నయనతారకు నచ్చడంతో చిత్రాన్ని తామే నిర్మిస్తామని చెప్పి విఘ్నేష్‌ శివన్‌ను కలవమని చెప్పారన్నారు. ఆయనకీ కథ నచ్చడంతో కనెక్ట్‌ సెట్‌పైకి వెళ్లిందని తెలిపారు. హాలీవుడ్‌ చిత్రంలా కనెక్ట్‌ చిత్రం నిడివి 90 నిమిషాలు మాత్రమే ఉంటుందని చెప్పారు. దీన్ని థీయోటర్లలో రోజుకు ఆరు ఆటలు ప్రదర్శించే సౌలభ్యం ఉంటుందని అన్నారు. ఈ విషయమై థియేటర్ల యాజమాన్యాలతో సంప్రదిస్తున్నట్లు అశ్విన్‌  శరవణన్‌ తెలిపారు.

తమిళసినిమా: లేడీ సూపర్‌ స్టార్‌ నయనతార తాజాగా మరో కొత్త చిత్రానికి పచ్చజెండా ఊపినట్లు ప్రచారం తెరపైకి వచ్చింది. ఈమె నటిగానే కాకుండా, ప్రేమలోనూ, బ్రేకప్స్‌లోనూ, సహజీవనంలోనూ, పెళ్లి విషయంలోనూ, చివరికి తల్లి కావడంలోనూ సంచలనమే. అసలు వీటన్నింటినీ గమనిస్తే.. నయనతార ముందు పుట్టి ఆ తర్వాత సంచలనం అనే పదం పుట్టిందేమో అనిపిస్తోంది. మొదట్లో గ్లామర్‌తో తన సినీ పయనాన్ని పదిలం చేసుకున్న ఈమె ఆ తర్వాత నటనతో అందలం ఎక్కిందని చెప్పవచ్చు. ప్రస్తుతం లేడీ సపర్‌ స్టార్‌గా వెలుగొందుతున్న నయనతార ఎక్కువగా హీరోయిన్‌ ఓరియంటెడ్‌ కథల్లోనే నటిస్తోంది. మధ్య మధ్యలో హీరోలతోన జతకడుతూ ఆ వర్గం ఆడియన్స్‌ను అలరిస్తున్నారు. ఆ మధ్య తెలుగులో చిరంజీవితో కలిసి నటించిన గాడ్‌ ఫాదర్‌ ఈమెకు మంచి పేరే తెచ్చిపెట్టింది. కాగా నయనతార సెంట్రిక్‌ పాత్రలో నటించిన కనెక్ట్, అలాగే జయంరవితో జత కట్టిన ఇరైవన్‌ చిత్రాలు త్వరలో విడుదలకు సిద్ధమవుతున్నాయి. ప్రస్తుతం తొలి బాలీవుడ్‌ చిత్రం జవాన్‌లో నటిస్తున్నారు. షారుక్‌ ఖాన్‌ కథానాయకుడు. అట్లీ దర్శకత్వం వహిస్తున్న  ఈ చిత్రం షటింగ్‌ తుది దశకు చేరుకుంది. దీంతో ఈమె మరో కొత్త చిత్రానికి గ్రీన్‌ సిగ్నల్‌ ఇచ్చినట్లు కోలీవుడ్‌ వర్గాల టాక్‌. శశికాంత్‌ దర్శకత్వం వహించనున్న ఈ చిత్రంలో నటుడు వధవన్‌కు జంటగా నటించడానికి నయనతార ఓకే చెప్పినట్లు సమాచారం. ఇందులో నటుడు సిద్ధార్థ్‌ కూడా ముఖ్య పాత్రను పోషించనున్నట్లు తెలిసింది.. అయితే ఈ చిత్రానికి సంబంధింన అధికారిక ప్రకటన మాత్రం ఇంకా వెలువడలేదు.

స్టార్‌ హీరోయిన్‌ నయనతార దంపతుల సరోగసి వివాదంపై తమిళనాడు ప్రభుత్వం నియమించిన కమిటీ విచారణ పూర్తి చేసింది. రేపు(బుధవారం) తమిళనాడు సర్కారుకు కమిటీ సభ్యులు నివేదిక అందించనున్నారు. కాగా లేడీ సూపర్‌స్టార్‌ నయనతారదంపతుల సరోగసి వివాదం పెద్ద చర్చకు దారి తీసిన సంగతి తెలిసిందే. పెళ్లైన నాలుగు నెలలకే ఈ జంట కవల పిల్లలకు జన్మనివ్వడం హాట్‌టాపిక్‌గా మారింది. సరోగసి విధానంలో నిబంధనలు పాటించలేదంటూ వార్తలు తెరపైకి వచ్చాయి. ఈ నేపథ్యంలోనే తమిళనాడు ప్రభుత్వం విచారణకు ఆదేశించింది. మంగళరం ఈ విచారణ పూర్తయింది. ఈ ‍క్రమంలో నయన్‌ దంపతలు కమిటీకి అపిడవిట్‌ పంపారు. తమకు ఆరేళ్ల క్రితమే రిజిస్టర్‌ మ్యారేజ్‌ అయ్యిందని తెలిపారు. గతేడాది డిసెంబర్‌లోనే సరోగసి కోసం దరఖాస్తు చేసుకున్నామని, ఇందులో నిబంధనలు అతిక్రమించలేదని పేర్కొన్నారు. ఈ వివాదంపై విచారణ పూర్తిచేసిన కమిటీ నివేదికను ప్రభుత్వానికి అందిచనున్న నేపథ్యంలో నివేదికలో ఏం ఉండనున్నదనే దానిపై సస్పెన్స్‌ నెలకొంది.   

తమిళసినిమా: నటి నయనతార సరోగసి పద్ధతి ద్వారా కవలపిల్లలకు తల్లి అయిన వి షయం తెలిసిందే. అయితే ఇదే ఇప్పుడు చర్చనీయాంశంగా మారింది. నయనతార ఈ వ్యవహారంలో నిబంధనలను పాటించారా? లేదా? అన్న విషయంపై పెద్ద చర్చే జరుగుతోంది. కారణం సరోగసి విధానంతో అద్దె తల్లి ద్వారా పిల్లలను కనడం అన్న అంశంపై ఈ ఏడాది జనవరిలోనే నిషేధం విధించారు. అలాంటిది గత జూన్‌ నెలలో నయనతార దర్శ కుడు విఘ్నేష్‌ శివన్‌ను పెళ్లి చేసుకున్నారు. నాలుగు నెలల్లోనే నయనతార ఈ జంట సరోగసి ద్వారా కవల పిల్లలకు తల్లిదండ్రులు కావడం వివాదంగా మారింది. సరోగసి పద్ధతి ద్వారా పిల్లలను కనడానికి కొన్ని చట్టపరమైన నిబంధనలు పాటించాల్సి ఉంటుంది. ఈ విషయాన్ని నటి కస్తరి లేవనెత్తారు. సరోగసి ద్వారా తల్లిదండ్రులు కావాలనుకుంటే వారికి పెళ్లి జరిగి కనీసం మూడేళ్లు పూర్తవ్వాలి. అలాగే తల్లికి పిల్లలు పుట్టే అర్హత లేకపోవడమో, లేక ఆమెకి ఇష్టం లేకపోవడమో వంటి తగిన ఆధారాలను చూపించాల్సి ఉంటుంది. అయితే నటి నయనతార ఈ విషయంలో విధి, విధానాలను మీరినట్లు ఆరోపణలు వస్తున్నాయి. ఈ వ్యవహారంలో నటి నయనతారను వివరణ కోరుతామని రాష్ట్ర ఆరోగ్యశాఖ మంత్రి ఎం.సుబ్రమణియన్‌ పేర్కొన్న విషయం తెలిసిందే. ఆయన వ్యాఖ్యలపై కూడా పెద్ద చర్చే జరుగుతోంది. ఈ వ్యవహారంలో న్యాయనిపుణులు కూడా నయనతారకు అనుకూలంగానూ, వ్యతిరేకంగానూ వ్యాఖ్యలు చేస్తున్నారు. పిల్లలను పొందడానికి నయనతార, విఘ్నేష్‌ శివన్‌ ముందుగానే చట్టబద్ధంగా నమోదు చేసుకున్నారని, కాబట్టి వారిపై ఎలాంటి చట్టపరమైన చర్యలు తీసుకునే అవకాశం లేదని కొందరు న్యాయనిపుణులు పేర్కొంటున్నారు. వీరి సంగతి ఇలా ఉంటే వీరికి అద్దె తల్లి ద్వారా కవల పిల్లలు జన్మించారు. చెన్నైలోని ఓ ప్రముఖ ప్రైవేట్‌ ఆస్పత్రికి చెందిన ప్రముఖ వైద్యుడు నయనతారకు అద్దె తల్లి ద్వారా పిల్లలకు తల్లి కావచ్చని సలహా ఇచ్చినట్లు సమాచా రం. దీంతో వైద్యాధికారులు ఆస్పత్రి సిబ్బంది, వైద్యులపై చర్యలు తీసుకునే విషయమై చర్చిస్తున్నట్లు తెలుస్తోంది. దీంతో ఈ వ్యవహారం ఎటు దారి తీస్తుందో అనే ఆసక్తి నెలకొంది

తల్లిదండ్రులైన మరుసటి రోజే సౌత్‌ స్టార్‌ కపుల్‌ నయనతార-విఘ్నేశ్‌ శివన్‌ దంపతులకు షాక్‌ తగిలింది. ఈ ఏడాది జూన్‌ 9న పెళ్లి పీటలు ఎక్కిన నయన్‌-విఘ్నేశ్‌లు ఐదు నెలల తిరక్కుండానే తల్లిదండ్రులు అయ్యారు. తాము కవలలకు తల్లిదండ్రులమయ్యామంటూ నయన్‌ భర్త, దర్శకుడు విఘ్నేశ్‌ సోషల్‌ మీడియా వేదికగా ఆదివారం ప్రకటించిన సంగతి తెలిసిందే. చదవండి: నయన్‌ను టార్గెట్‌ చేసిన నటి, నెట్టింట దుమారం రేపుతున్న ట్వీట్‌ ఈ సందర్భంగా వారిద్దరు చిన్నారుల పాదాలను ముద్దాడుతున్న ఫొటోలను షేర్‌ చేస్తూ మురిసిపోయాడు విఘ్నేశ్‌. దీంతో సరోగసి(అద్దే గర్భం ద్వారా పిల్లలను కనడం) ద్వారానే నయన్‌-విఘ్నేశ్‌ తల్లిదండ్రులు అయ్యారనే వాదన వినిపిస్తోంది. ఈ తరుణంలో సీనియర్‌ నటి కస్తూరి సరోగసి ద్వారా నయన్‌ తల్లి కావడంపై పరోక్షంగా స్పందించింది. సరోగసీని దేశంలో నిషేధించారని, ఈ ఏడాది దీనిపై ఉత్తర్వులు కూడా వచ్చాయంటూ ఆమె ట్వీట్‌ చేసింది. దీంతో ఆమె ట్వీట్‌ ప్రస్తుతం నెట్టింట చర్చనీయాంశమైంది. చదవండి: వివాదంలో నాగచైతన్య మూవీ! చిత్ర బృందంపై గ్రామస్తుల దాడి? నటి కస్తూరితోపాటు చాలామంది అదే అనుమానం వ్యక్తం చేశారు. నిబంధనలకు విరుద్ధంగా నయన్‌ దంపతులు వ్యవహరించారంటూ సోషల్‌ మీడియా వేదికగా ట్రోల్స్‌కు తెరలేపారు. ఇవన్నీ చూస్తుంటే.. నయన్‌ దంపతులు వివాదంలో చిక్కుకున్నట్లు తెలుస్తోంది. వారు తల్లిదండ్రులు అయిన తీరుపై తాజాగా తమిళనాడు ప్రభుత్వం స్పందిందించింది. ఈ మేరకు స‌రోగ‌సీపై నయనతార-విఘ్నేశ్‌ శివన్‌లు ప్రభుత్వానికి వివరాలు అందజేయాలని ఆదేశించినట్లు రాష్ట్ర ఆరోగ్య శాఖ మంత్రి సుబ్ర‌హ్మణియ‌న్ పేర్కొన్నారు. అంతేకాదు స‌రోగ‌సీ ప్రక్రియ స‌క్ర‌మంగా జ‌రిగిందా? లేదా? అన్న దానిపై కూడా న‌య‌న్ దంపతుల‌ను ఆరా తీస్తామని ఆయన తెలిపారు.  View this post on Instagram A post shared by Vignesh Shivan (@wikkiofficial)

‘‘మీరు(అభిమానులు) నన్ను ‘గాడ్‌ఫాదర్‌’ అని అంటున్నారు. కానీ, ఏ గాడ్‌ఫాదర్‌ లేకుండా వచ్చిన నాకు ఈ సినిమా ఇండస్ట్రీలో నిలదొక్కుకోవడానికి అవకాశం కల్పించి, ఈ స్థాయి ఇచ్చిన ప్రతి అభిమాని నాకు ‘గాడ్‌ఫాదర్‌’. చిరంజీవి వెనకాల ఏ గాడ్‌ఫాదర్‌ లేరని అంటుంటారు.. కానీ నేను ఇప్పుడు అంటున్నాను.. నా వెనకాల లక్షలమంది గాడ్‌ఫాదర్స్‌ ఉన్నారు.. నా అభిమానులే నా ‘గాడ్‌ఫాదర్స్‌’’ అని చిరంజీవి అన్నారు. మోహన్‌ రాజా దర్శకత్వంలో చిరంజీవి హీరోగా రూపొందిన చిత్రం ‘గాడ్‌ ఫాదర్‌’. నయనతార, సల్మాన్‌ఖాన్, సత్యదేవ్, పూరి జగన్నాథ్‌ ప్రధాన పాత్రల్లో నటించారు. కొణిదెల సురేఖ సమర్పణలో ఆర్‌బీ చౌదరి, ఎన్వీ ప్రసాద్‌ నిర్మించిన ఈ చిత్రం అక్టోబరు 5న రిలీజ్‌ కానుంది. ఈ సందర్భంగా బుధవారం అనంతపురంలో జరిగిన ఈ సినిమా ప్రీ రిలీజ్‌ వేడుకలో నిర్మాతలు ఆర్‌బీ చౌదరి, ఎన్వీ ప్రసాద్‌ ‘గాడ్‌ఫాదర్‌’ ట్రైలర్‌ను రిలీజ్‌ చేశారు. అనంతరం చిరంజీవి మాట్లాడుతూ– ‘‘నేను ఎప్పుడు రాయలసీమకు వచ్చినా ఈ నేల తడుస్తుంది. ఈ రోజు కూడా ఇలా వర్షం కురవడం శుభ పరిణామంగా అనిపిస్తోంది. ఇక ‘గాడ్‌ఫాదర్‌’ విషయానికొస్తే.. మలయాళ హిట్‌ మూవీ ‘లూసిఫర్‌’ చిత్రాన్ని నేను తెలుగులో ‘గాడ్‌ఫాదర్‌’గా చేయడానికి ప్రధాన కారణం రామ్‌చరణ్‌. దర్శకుడు మోహన్‌ రాజా పేరును కూడా చరణే సూచించాడు. మాపై నమ్మకం, ప్రేమ, గౌరవంతో ‘గాడ్‌ఫాదర్‌’ కథ వినకుండా నటించిన సల్మాన్‌ఖాన్‌గారికి థ్యాంక్స్‌. నయనతార ఈ సినిమా ఒప్పుకోవడం మా విజయానికి తొలిమెట్టు.  ఆర్‌బీ చౌదరి, ఎన్వీ ప్రసాద్‌ ఈ సినిమాలో భాగస్వాములవడంసంతోషం. తెలుగువారికి జాతీయ అవార్డులు రావడం అరుదు. అలాంటిది చిన్న వయసులోనే జాతీయ అవార్డు సాధించిన తమన్‌కు అభినందనలు. మా సినిమాకి రీ రికార్డింగ్‌ అద్భుతంగా ఇచ్చాడు. పొలిటికల్‌ అండ్‌ ఫ్యామిలీ డ్రామా సినిమా ఇది.. ప్రేక్షకులను అలరిస్తుందని నేను గ్యారంటీ ఇస్తున్నాను. నేను సినిమా చూశాను కాబట్టే ఇంత ఆత్మ విశ్వాసంతో మాట్లాడుతున్నాను. కానీ, ప్రేక్షకుల తీర్పును ఎప్పుడూ గౌరవిస్తాం. మా సినిమాతో పాటు విడుదలవుతున్న నా మిత్రుడు నాగార్జున ‘ది ఘోస్ట్‌’, గణేష్‌ ‘స్వాతిముత్యం’ సినిమాలు కూడా విజయం సాధించాలి. పెద్ద సినిమాలు, చిన్న సినిమాలు.. రెండూ ప్రేక్షకులచేత ఆదరించబడినప్పుడే పరిశ్రమ పచ్చగా ఉంటుంది’’ అన్నారు. ఈ కార్యక్రమంలో తమన్, ఫైట్‌మాస్టర్స్‌ రామ్‌–లక్ష్మణ్‌ పాల్గొన్నారు.   ఈ మధ్యకాలంలో కాస్త స్తబ్ధత ఏర్పడింది. జయాపజయాలు మన చేతుల్లో ఉండవని తెలుసు. కానీ ప్రేక్షకులను అలరించలేకపోయామే, వారిని అసంతృప్తికి గురిచేశామే అనే బాధ ఉంది. దానికి సమాధానం, నాకు ఊరట ఈ ‘గాడ్‌ఫాదర్‌’. ఈ సినిమా కచ్చితంగా నిశ్శబ్ధ విస్ఫోటనం అవుతుంది.. ఇందుకు ప్రేక్షకుల ఆశీస్సులు ఉండాలి. బుధవారం ఉదయం ఓ విషాదం చోటు చేసుకుంది. సూపర్‌స్టార్‌    కృష్ణ గారి సతీమణి, సోదరుడు మహేశ్‌బాబుగారి మాతృమూర్తి ఇందిరాదేవిగారు మృతిచెందారు. ఆ  కుటుంబం విషాదంలో ఉంది. వారి కుటుంబానికి నా ప్రగాఢ సానుభూతి తెలియజేస్తున్నాను. ఆమె ఆత్మకు శాంతి చేకూరాలి.

ఎప్పటినుంచో చక్కర్లు కొడుతున్న నయనతార-విఘ్నేష్​ శివన్​ పెళ్లి పుకార్లు ఎట్టకేలకు నిజమయ్యాయి. సౌత్​ ఇండస్ట్రీలో లేడీ సూపర్​స్టార్​గా నయనతార, సక్సెస్​ఫుల్​ డైరెక్టర్​గా విఘ్నేష్​ శివన్​ గుర్తింపు పొందిన వీరిద్దరి వివాహంపై అనేక వార్తలు వచ్చిన విషయం తెలిసిందే. మంగళవారం (జూన్​ 7) వారిద్దరు జూన్ 9న మహాబలిపురంలో పెళ్లిపీటలు ఎక్కబోతున్నట్లు విఘ్నేశ్ అధికారికంగా ప్రకటించాడు. అత్యంత సన్నిహితుల మధ్య ఈ వేడుక జరగనుందని కూడా తెలిపాడు. తాజాగా ఈ నయన్​-విఘ్నేష్​ వెడ్డింగ్​ ఇన్విటేషన్​ వీడియో నెట్టింట గింగిరాలు తిరుగుతోంది. ఈ యానిమేటేడ్ వీడియోలో వధువు, వరుడు తమిళ సాంప్రదాయ దుస్తులు ధరించి కలిసి నడుస్తున్నట్లుగా చూపించారు. ఇందులో నయనతార, విఘ్నేష్​ తల్లిదండ్రుల పేర్లు, పెళ్లి తేది, జరిగే సమయం, వేదికను పొందుపర్చారు. ఇదిలా ఉంటే పెళ్లి జరిగే మహాబలిపురంలోని రిసార్ట్​లో ఇప్పటికే భద్రత ఏర్పాట్లు చేసినట్లు సమాచారం. ​ఈ వేడుకకు వచ్చే అతిథులందరూ ప్రత్యేక డ్రెస్ కోడ్​లో హాజరుకానున్నట్లు తెలుస్తోంది.  చదవండి: అయోమయంగా నయనతార.. నవ్వుతున్న పృథ్వీరాజ్ సుకుమారన్ View this post on Instagram A post shared by Hanoosh🧿❤Narin🧿 (@hanaz_worldmusic)

ఎకనామిక్‌ హిట్‌మ్యాన్‌ ఒక దేశ ఆర్థిక వ్యవస్థను ఎలా నాశనం చేస్తారు అనేది చాలా మందికి తెలియని రహస్యం. ఇప్పుడు అదే థీమ్‌తో‘పేపర్ బాయ్’ఫేమ్‌ జయశంకర్‌  ఓ సినిమాను తెరకెక్కించబోతున్నాడు. త్వరలో ఆయన నయనతారతో ఓ లేడి ఓరియెంటెడ్‌ మూవీని తెరకెక్కింబోతున్న విషయం తెలిసిందే. తొలుత ఈ చిత్రానికి కాజల్‌ని హీరోయిన్‌గా అనుకున్నారు. కానీ ప్రెగ్నెన్సీ కారణంగా ఆమె ఈ ప్రాజెక్టు నుంచి తప్పుకుంది. దీంతో కాజల్‌ ప్లేస్‌లో నయనతారను తీసుకున్నారు. ఇప్పటికే దర్శకుడు నయన్‌కు స్టోరీ వినిపించాడట.ఆమెకు కథ బాగా నచ్చడంతో వెంటనే గ్రీన్‌ సిగ్నల్‌ ఇచ్చిందట. త్వరలోనే ఈ చిత్రానికి సంబంధించిన అధికారిక ప్రకటన వచ్చే అవకాశం ఉంది. (చదవండి: నయన్‌, విఘ్నేశ్‌ల పెళ్లి డేట్‌ ఫిక్స్‌..తిరుమలలో వివాహం!) ఇదిలా ఉంటే... ఈ చిత్రానికి సంబంధించిన క్రేజీ రూమర్‌ ఒకటి బయటకు వచ్చింది. తెలుగులో ఇంతవరకు ఎవరు టచ్‌ చేయని సరికొత్త పాయింట్‌తో ఈ సినిమాను తెరకెక్కించబోతున్నాడట జయశంకర్‌. ఎకనామిక్‌ హిట్‌మ్యాన్‌ అనే సరికొత్త కాన్సెప్ట్‌ని తెలుగు ప్రేక్షకులకు పరిచయం చేయబోతున్నాడట. ఎకనామిక్‌ హిట్‌మ్యాన్‌ ప్రపంచ ఆర్థిక వ్యవస్థని ఎలా కంట్రోల్‌ చేస్తారు? వారు ఓ దేశ ఆర్థిక వ్యవస్థని ఎలా నాశనం చేస్తారనే విషయాన్ని తెరపై చూపించబోతున్నాడట. రీవేంజ్‌ డ్రామాగా తెరకెక్కబోతున్న ఈ చిత్రంలో నయనతార సరికొత్త లుక్‌లో కనిపించబోతున్నట్లు తెలుస్తోంది. భారీ బడ్జెట్‌తో రూపొందించబోతున్న ఈ చిత్రంలో ప్రముఖ నటులు కీలక పాత్రలో కనిపించబోతున్నట్లు సమాచారం. జయశంకర్‌ ప్రస్తుతం అనసూయతో ఓ సినిమాను తెరకెక్కిస్తున్నాడు.షూటింగ్‌ పూర్తి చేసుకున్న ఈ మూవీ..ప్రస్తుతం పోస్ట్‌ ప్రొడక్షన్స్‌ పనుల్లో బిజీగా ఉంది. ఢిఫరెంట్‌ కాన్సెఫ్ట్‌లో తెరకెక్కుతున్న ఈ చిత్రానికి ‘అరి’అనే టైటిల్‌ ఖరారు చేసినట్లు సమాచారం. సాయి కుమార్, అక్షపర్దసాని, అతుల్ కులకర్ణి కీలక పాత్రల్లో కనిపించబోతున్నారు. అనూప్ రూబెన్స్ సంగీతం అందిస్తున్నాడు. 

కోలీవుడ్‌ లవ్‌బర్డ్స్‌ నయనతార, విఘ్నేశ్‌ శివన్‌లు త్వరలోనే వివాహ బంధంలోకి అడుగుపెట్టబోతున్నారు. తమ ప్రేమ ప్రయాణానికి ముగింపు పలికి.. పెళ్లి బంధం కొత్త జీవితాన్ని ప్రారంభించడానికి సిద్దమైనట్లు తెలుస్తోంది.ఇప్పటికే పెళ్లి డేట్‌, ప్లేస్‌ కూడా ఫిక్స్‌ చేసుకున్నారట. జూన్‌ 9న, పవిత్ర పుణ్యక్షేత్రం తిరుమల తిరుపతిలో నయన్‌, విఘ్నేశ్‌ల వివాహం జరగబోతున్నుట్ల తెలుస్తుంది. ఇందులో భాగంగానే  పెళ్లి వేదికను బుక్‌ చేసుకునేందుకే నయన్‌, విఘ్నేశ్‌లు శనివారం తిరుమల వచ్చినట్లు సమాచారం. అయితే తమ పెళ్లి గురించి వస్తోన్న వార్తలపై నయన్‌ కానీ, విఘ్నేశ్‌ కానీ ఇప్పటివరకూ అధికారికంగా ఎలాంటి ప్రకటన చేయలేదు. 'నేనూ రౌడీనే' సినిమా షూటింగ్‌ సమయంలో నయన్‌కు విఘ్నేశ్‌తో పరిచయం ఏర్పడింది. కొన్నాళ్ల తర్వాత ఆ పరిచయం కాస్త ప్రేమగా మారింది. వీరు కలిసి దిగిన పలు ఫొటోలను విఘ్నేశ్‌.. అప్పుడప్పుడు ఇన్‌స్టాలో పంచుకుంటూ ఉంటాడు. తాజాగా విఘ్నేశ్‌ దర్శకత్వం వహించిన  'కాతు వాకుల రెండు కాదల్‌' చిత్రంలో నయనతార నటించిన విషయం తెలిసిందే. విజయ్‌ సేతుపతి, సమంత ప్రధాన పాత్రల్లో నటించిన ఈ చిత్రం ఏప్రిల్‌ 28న విడుదలై.. బాక్సాఫీస్‌ వద్ద ఆశించిన స్థాయిలో కలెక్షన్లను రాబట్టలేకపోయింది. 

Nayanthara And Vignesh Shivan Got Married?: సౌత్‌ లవ్‌బర్డ్స్‌ నయనతారా, విఘ్నేశ్‌ శివన్‌లకు సంబంధించిన షాకింగ్‌ న్యూస్‌ ప్రస్తుతం నెట్టింట హాట్‌టాపిక్‌గా మారింది. ‘నానూ రౌడీదాన్‌’ మూవీ షూటింగ్‌ సమయంలో ప్రేమలో పడ్డ ఈ జంట అప్పటి ప్రేమలో మునిగితేలుతున్నారు. ఈ క్రమంలో కొంతకాలంగా సహజీవనం చేస్తున్న ఈ లవ్‌బర్డ్స్‌ లాక్‌డౌన్‌లో సీక్రెట్‌ నిశ్చితార్థం చేసుకున్న సంగతి తెలిసిందే. ఎంగేజ్‌మెంట్‌ రహస్యం చేసుకున్నారు కదా.. మరి పెళ్లెప్పుడు అని అడగ్గా లాక్‌డౌన్‌ అనంతరం ఘనంగా చేసుకోవాలనుకుంటున్నామని సమాధానం ఇచ్చారు. చదవండి: ప్రభాస్‌పై పూనమ్‌ కౌర్‌ ఆసక్తికర వ్యాఖ్యలు ఇక పెళ్లి ఎప్పుడెప్పుడాని ఎదురు చేస్తున్న వీరి ఫ్యాన్స్‌, ఫాలోవర్స్‌కు షాకిస్తూ ఓ వీడియో సోషల్‌ మీడియాల్లో వైరల్‌గా మారింది. ఈ వీడియో చూసిన వారంత వీరిద్దరూ పెళ్లి చేసుకున్నారా? అంటూ ఆశ్చర్యం వ్యక్తం చేస్తున్నారు. ఈ ఇంతకి ఈ వీడియో ఏం ఉందంటే.. లాక్‌డౌన్‌ ఎత్తివేసినప్పటి నుంచి నయన్‌, విఘ్నేశ్‌లు జంటగా దేశంలోని ప్రముఖ దేవాలయాలన్ని చూట్టేస్తున్న సంగతి విధితమే. ఈ క్రమంలో ఇటీవల తమిళనాడులోని ఓ అమ్మావారి ఆలయానికి వెళ్లారు. అయితే అక్కడ ఉన్న అభిమానులు తమ కెమెరాల్లో బంధించారు. చదవండి: పర్స్‌లు కొట్టేస్తూ పోలీసులకు చిక్కిన నటి, విచారణలో షాకింగ్‌ విషయాలు వీరి ఫోటోలు, వీడియోలు తీసి సామాజిక మాధ్యమాల్లో షేర్‌ చేస్తున్నారు. అలా ఓ ఫ్యాన్ తీసిన వీడియోలో నయనతార నుదుటిపై కుంకుమ పెట్టుకొని కనిపించింది. అది చూసిన నెటిజన్లు నయనతారకు, విఘ్నేశ్‌కు పెళ్లి అయిపోయిందని, అయినా వీరిద్దరు బయటికి చెప్పడం లేదంటూ అభిప్రాయపడుతున్నారు. మరి నిజంగానే ఈ జంట పెళ్లి చేసుకున్నారా? లేదా? అనేది తెలియాలంటే ఈ జంట క్లారిటీ ఇచ్చేవరకు వేచి చూడాలి. కాగా ప్రస్తుతం వీరిద్దరూ కాతువాక్కుల రెండు కాదల్‌ మూవీతో బిజీగా ఉన్నారు. విఘ్నేశ్‌ దర్శకత్వంలో తెరకెక్కితున్న ఈ మూవీలో నయనతారా, సమంతవ, విజయ్‌ సేతుపతిలో లీడ్‌రోల్‌ పోషిస్తున్నారు.  View this post on Instagram A post shared by 𝑵𝒂𝒚𝒂𝒏𝒕𝒉𝒂𝒓𝒂 (@nayanthara.kurian)

టాలీవుడ్‌ స్టార్‌ చిరంజీవి, బాలీవుడ్‌ స్టార్‌ సల్మాన్‌ ఖాన్‌ ఒకే స్టూడియోలోకి అడుగుపెట్టనున్నారు. డైరెక్టర్‌ స్టార్ట్‌ అనగానే గెట్‌.. సెట్‌.. షూట్‌ అంటూ నటించడానికి రెడీ అవుతున్నారు. చిరంజీవి హీరోగా నటిస్తున్న ‘గాడ్‌ ఫాదర్‌’ చిత్రంలో సల్మాన్‌ ఓ కీలక పాత్ర చేయనున్న విషయం తెలిసిందే. మోహన్‌ రాజా దర్శకత్వం వహిస్తున్న ఈ చిత్రం తాజా షెడ్యూల్‌ శనివారం ముంబయ్‌లో ఆరంభం కానుందని టాక్‌. కజ్రత్‌లోని ఎన్‌డీ స్టూడియోలో జరగనున్న ఈ షెడ్యూల్‌లో చిరంజీవి, సల్మాన్‌ పాల్గొనగా కొన్ని యాక్షన్‌ సీన్స్‌తో పాటు ఎమోషన్‌ సీన్స్‌ కూడా చిత్రీకరించనున్నారని టాక్‌. దాదాపు వారం పాటు ఈ షెడ్యూల్‌ జరుగుతుందట. రాజకీయాల నేపథ్యంలో సాగే ఈ సినిమా మలయాళ ‘లూసిఫర్‌’కి  రీమేక్‌. ఇందులో నయనతార కీలక పాత్ర చేస్తున్నారు. కొణిదెల సురేఖ సమర్పణలో ఆర్బీ చౌదరి, ఎన్వీ ప్రసాద్‌ ఈ చిత్రాన్ని నిర్మిస్తున్నారు.  

హీరో, హీరోయిన్ల రెమ్యునరేషన్‌ విషయంలో చాలా వ్యత్యాసం ఉటుందన్న విషయం అందరికి తెలిసిందే. హీరోలతో పోల్చితే హీరోయిన్ల పారితోషికం చాలా తక్కువగా ఉంటుంది. స్టార్‌ హీరోయిన్లకి సైతం ఓ మామూలు హీరోకి ఇచ్చే రెమ్యునరేషన్‌ ఇవ్వరనేది పచ్చి నిజం. కానీ ఇప్పడు వారు రెమ్యునరేషన్‌ విషయంలో తగ్గేదే లే అంటున్నారు. కాగా సినిమా సినిమాకు మన హీరోయిన్లు క్రేజ్‌ పెరిగిపోతోంది. లేడి ఒరియంటెడ్‌ పాత్రలకు సైతం సై అంటూ హీరోలకు పోటీ ఇస్తున్నారు. ఈ క్రమంలో వారి రెమ్మునరేషన్‌ పెంచుకుంటూ పోతున్నారు. బాలీవుడ్ హీరోయిన్ల‌కు ఏ మాత్రం తీసిపోకుండ వారి పారితోషికం ఉండేలా చూసుకుంటున్నారు. ఈ క్రమంలో పాత్రను బట్టి ఆ సినిమా రెమ్యునరేషన్‌ డిమాండ్‌ చేస్తున్నారు. ఇలా కోట్ల నుంచి లక్షల వరకు పారితోషికంగా అందుకుంటున్న సౌత్‌ హీరోయిన్లు ఎవరూ, ఎవరెంత డిమాండ్‌ చేస్తున్నారు. వారి రెమ్మునరేషన్‌ ఎలా ఉన్నాయో తెలుసుకోవాలంటే ఇక్కడ ఓ లుక్కేయండి.  నయనతార: ఒక్కో సినిమాకు ఇప్పటికీ రూ.4 కోట్ల వరకు తీసుకుంటుంది నయన్. ఇప్పటికీ అదే రేంజ్ మెయింటేన్ చేస్తుంది. ప్రస్తుతం చిరంజీవి గాడ్‌ ఫాదర్‌లో కథానాయికగా చేస్తున్న నయన్‌ ఈ మూవీకి భారీగానే డిమాండ్‌ చేసిందని వినికిడి.   పూజా హెగ్డే: వరస విజయాలతో దూసుకుపోతున్న ఈ భామ ప్రస్తుతం ఇండస్ట్రీలో లక్కీ లెగ్‌ అనిపించుకుంటుంది. దీంతో ఆమెను హీరోయిన్‌గా మాత్రమే కాకుండా... ఇతర చిత్రాల ఈవెంట్స్‌కు కూడా ముఖ్య అతిథిగా స్వాగతం ఇస్తున్నారు. దీంతో దీపం ఉండగానే ఇల్లు చక్కబెట్టుకోవాలనే నానుడిని పాటిస్లూ పూజ రెమ్యునరేషన్‌ను కూడా భారీగా డిమాండ్‌ చేస్తుందట.  ఇప్పుడు ఒక్కో సినిమాకు 3 నుంచి 4 కోట్ల మధ్యలో అడుగుతుందని, ఇక మూవీ ఈవెంట్స్‌కు లక్షల్లో డిమాండ్‌ చేస్తున్నట్లు సినీవర్గాలు చెవులు కొరుక్కుంటున్నాయి. సమంత: పెళ్లైన త‌ర్వాత కూడా స‌మంత‌తో సినిమా చేయ‌డానికి ద‌ర్శ‌క నిర్మాత‌లు ఆస‌క్తి చూపిస్తున్నారు. విడాకుల తర్వాత వరస సినిమాలకు సైన్ చేస్తుంది. ఈ మధ్యే యశోద సినిమాకు 3 కోట్లు తీసుకున్నట్లు ప్రచారం జరుగుతుంది.  అనుష్క శెట్టి: అరుంధతి మూవీ రూ. 5 కోట్ల వరకు పారితోషికం తీసుకున్న స్వీటీ.. ప్రస్తుతం రూ.3 కోట్ల వరకు డిమాండ్‌ చేస్తోందట. ఇటిటీవల కమిటైన యూవీ క్రియేషన్స్ సినిమాకు కూడా భారీగానే తీసుకుంటున్నట్లు సమాచారం. రష్మిక మందన్న: ఒక్కో సినిమాకు ఇప్పుడు 2.25 కోట్ల నుంచి రూ. 3 కోట్లవరకు తీసుకుంటుంది రష్మిక. హిందీలో అయితే అంతకంటే ఎక్కువగానే అందుకుంటుందని అంచనా. కీర్తి సురేశ్‌: సినిమాల విజయాలు, వైఫల్యాలతో సంబంధం లేకుండ కీర్తి ఒక్కో సినిమాకు రూ. 2 కోట్ల వరకు రెమ్యునరేషన్ అందుకుంటుందట.  సాయి పల్ల‌వి: సైలెంట్‌గా సంచలనాలు సృష్టించడంలో సాయి పల్లవి తర్వాతే ఎవరైనా. ఈ ముద్దుగుమ్మ కూడా ఒక్కో సినిమాకు సుమారు రూ. 1.50 కోట్ల నుంచి రూ. 2 కోట్ల వరకు అందుకుంటుంది.  కాజ‌ల్ అగ‌ర్వాల్‌: ఎంతమంది కొత్తవాళ్లు వచ్చిన కాజల్‌ క్రేజ్‌ మాత్రం తగ్గడం లేదు. ఇప్పటికి కాజల్‌ రూ. 3 కోట్ల నుంచి రూ. 2 కోట్లకు పైగానే పారితోషికం అందుకుంటుంది. త‌మ‌న్నా: ఒకప్పుడు కోట్లలో పారితోషికం తీసుకునే తమన్నా.. కాస్తా తన క్రేజ్‌ తగ్గడంతో రూ. కోటి నుంచి కోటిన్నరకుపైగా డిమాండ్‌ చేస్తుందట. స్పెషల్‌ సాంగ్‌ అరకోటి నుంచి కోటి వరకు అందుకుంటుంది. టీవీ షోలకు రూ. 30 లక్షల నుంచి రూ. 50 లక్షల వరకు డిమాండ్‌ చేస్తూ ముందుకు సాగుతోంది ఈ మిల్కీ బ్యూటీ. రాశీ ఖ‌న్నా: జై లవకుశ వంటి సినిమాలలో నటించిన తర్వాత కూడా రాశీ ఖన్నా రేంజ్ పెరగలేదు. దీంతో ఇప్పుడు సినిమాకు రూ. 60 లక్షల వరకు తీసుకుంటున్నట్లు  అంచనా. ర‌కుల్ ప్రీత్ సింగ్: మొన్నటి వరకు కోటికి తగ్గని రకుల్ ప్రీత్ సింగ్.. ఇప్పుడు సినిమాకు 70 లక్షల వరకు పారితోషికం అందుకుంటున్నట్లు వార్తలు వస్తున్నాయి.

సాక్షి, చెన్నై: లవ్‌బర్డ్స్‌ నయనతార, దర్శకుడు విఘ్నేష్‌ శివన్‌ గుజరాతీ చిత్రసీమలోకి ఎంట్రీ ఇస్తున్నారు. వీరిద్దరూ  నిర్మాతలుగా మారి రౌడీ పిక్చర్స్‌ పతాకంపై తమిళంలో ఇప్పటికే పలు చిత్రాలను నిర్మిస్తున్న విషయం తెలిసిందే. కాగా ఇప్పుడు గుజరాతీ భాషలో చిత్రం నిర్మించడానికి సిద్ధమయ్యారు. తమిళంలో విజయం సాధించిన ఆండవన్‌ కట్టలై చిత్రాన్ని గుజరాతీ భాషలో రీమేక్‌ చేస్తున్నారు. దీనికి శుభయాత్ర అనే టైటిల్‌ను ఖరారు చేశారు. ఇందులో గుజరాతీ చిత్ర పరిశ్రమలో సూపర్‌స్టార్‌గా వెలుగొందుతున్న మల్హర్‌ టక్కర్, నటి మొనాల్‌ గజ్జర్‌ హీరో హీరోయిన్లుగా నటించనున్నారు. దీనికి ప్రముఖ గుజరాతీ దర్శకుడు మనీష్‌ సైనీ దర్శకత్వం నిర్వహించనున్నట్లు ఆదివారం ప్రకటనను నయనతార, విఘ్నేష్‌ శివన్‌ విడుదల చేశారు. ఇకపై గుజరాతీ భాషలోనూ వరుసగా చిత్రాలను నిర్మించనున్నట్లు వెల్లడించారు. కాగా విఘ్నేష్‌ శివన్‌ దర్శకత్వంలో విజయ్‌ సేతుపతి, నయనతార, సమంత హీరో హీరోయిన్లుగా నటించిన కాత్తువాక్కుల రెండు కాదల్‌ చిత్రం ఏప్రిల్‌ 28వ తేదీన తెరపైకి రావడానికి ముస్తాబవుతోంది.   

టాలీవుడ్‌ స్టార్‌ హీరోయన్‌ సమంత, సౌత్‌ లేడీ సూపర్‌ స్టార్‌ నయతారా లీడ్‌ రోల్‌లో నటిస్తున్న చిత్రం కాతువాకుల రెండు కాదల్‌. ఇందులో తమిళ స్టార్‌ హీరో విజయ్‌ సేతుపతి కథానాయకుడు. నయన్‌ ప్రియుడు విఘ్నేశ్‌ శివన్‌ దర్శకత్వం వహిస్తున్న ఈ చిత్రం షూటింగ్‌ దాదాపు చివరి దశకు చేరుకుంది. లాస్ట్‌ షెడ్యూల్‌తో పాటు పోస్ట్‌ ప్రొడక్షన్‌ పనులను జరుపుకుంటున్న ఈ చిత్రంలో ఒకప్పటి టిమిండియా ఆటగాడు కీ రోల్‌ పోషిస్తున్నట్లు తాజాగా చిత్ర బృందం ప్రకటించింది.  చదవండి: శంకర్‌ పిలిచి ఆఫర్‌ ఇస్తే ఆ హీరో నో చెప్పాడట, ఆ తర్వాత చూస్తే బ్లాక్‌బస్టర్‌ హిట్‌ టిమిండియా బౌలర్‌, నటుడు శ్రీశాంత్‌ ఈ చిత్రంలో నటిస్తున్నట్లు చిత్రం బృందం వెల్లడించింది. అంతేకాదు ఈ సినిమాని అతడి ఫస్ట్‌లుక్‌ను కూడా విడుదల చేశారు. ఇందులో శ్రీశాంత్‌ మహ్మద్‌ మోబీ అనే పాత్రలో కనిపించనున్నాడట. కాగా ఇప్పటికే ఈ మూవీ నుంచి సమంత, నయనతార, విజయ్‌ సేతుపతిల లుక్‌ విడుదల కాగా వాటికి మంచి రెస్పాన్స్‌ వచ్చింది. చదవండి: 2022 ఆగస్ట్‌ 7వ తేదీ ఉదయం 7గంటలకు బిడ్డకు జన్మనిస్తా: సామ్‌ కామెంట్స్‌ వైరల్‌ ఈ సినిమాలో శ్రీశాంత్‌, సమంత సరసన పలు సన్నివేశాల్లో కనిపించనున్నట్లు జోరుగా వార్తలు వినిపిస్తున్నాయి. కాగా ఇప్పటికే  శ్రీశాంత్‌ ఓ మూవీతో హీరోగా పరిచమైన సంగతి తెలిసిందే. అయితే ఆ సినిమా ఆశించిన స్థాయిలో గుర్తింపు పొందలేదు. ఈ క్రమంలో మరోసారి నటుడిగా నిరూపించుకోవాలని ఎదురు చూస్తున్న శ్రీశాంత్‌కు ఇది మంచి అవకాశమని చెప్పుకోవాలి. దీనితో పాటు శ్రీశాంత్‌ మరో రెండు సినిమాల్లో నటింస్తున్నట్లు తెలుస్తోంది.  Controversy’s Child, Cricketer Sreesanth to Star in Samantha Movie.#Sreesanth #Nayanthara #Samantha #SamanthaRuthPrabhu #VijaySethupathi #VigneshShivan #KaathuVaakulaRenduKaadhal #KVRK #MohammedMobi #Cricket https://t.co/ahXn73TOzw — yousaytv (@yousaytv) February 10, 2022

Nayanthara Starts New Business With Renitha Rajan: ఒకవైపు సినిమాలతో ఫుల్‌ బిజీగా ఉన్న హీరోయిన్లంతా మరోవైపు వ్యాపార రంగంపై ఆసక్తి చూపుతున్నారు. ఉత్తరాది నుంచి దక్షిణాది వరకు ఉన్న స్టార్‌ హీరోయిన్స్‌ వ్యాపార రంగంలోకి అడుగుపెడుతున్నారు. ఇప్పటికే అలియా భట్‌, కత్రినా కైఫ్‌, రకుల్‌ ప్రీత్‌ సింగ్‌, సమంత, నయన తారలు బిజినెస్‌లో రాణిస్తున్నారు. ఈ క్రమంలో లేడీ సూపర్‌ స్టార్‌ తాజాగా మరో కొత్త వ్యాపారంలోకి అడుగుపెట్టింది. ది లిప్‌బామ్‌ కంపెనీ  పేరుతో ఆమె ఓ బ్యూటీ రిటైల్‌ బ్రాండ్‌ను ప్రారంభించింది. చదవండి: Pushpa Movie: సమంత స్పెషల్‌ సాంగ్‌పై ట్రోల్స్‌ చర్మవ్యాధి నిపుణురాలు అయిన రేణిత రాజన్‌తో కలిసి నయన్‌ ఈ బ్రాండ్‌ను తాజాగా ప్రారంభించింది. ఈ సందర్భంగా రేణిత రాజన్‌ మాట్లాడుతూ.. ‘మా ఇద్దరికీ దశాబ్ద కాలంగా పరిచయం ఉంది. నయనపై నాకు చాలా నమ్మకముంది. అందుకే ఈ బ్రాండ్‌ ఎంటర్‌ప్రెన్యూర్‌షిప్‌లో భాగమయ్యాం. ‘ది లిప్‌బామ్‌ కంపెనీ’ కి సంబంధించి గత కొన్నేళ్లుగా మా ఇద్దరి మధ్య చర్చలు నడుస్తున్నాయి. కరోనా కారణంగా మరింత ఆలస్యమైంది. అయితే ఎట్టకేలకు మా బ్యూటీ బ్రాండ్‌ను ప్రారంభించాం’ అని రాజన్‌ చెప్పుకొచ్చారు. చదవండి: ఆ తెలుగు హీరో చాలా చాలా హాట్‌.. సారా షాకింగ్‌ కామెంట్స్‌ కాగా గతంలో కత్రినా కైఫ్‌ కూడా ఇలాగే బ్యూటీ బిజినెస్‌లోకి అడుగుపెట్టిన సంగతి తెలిసిందే. త్వ‌ర‌లో తమిళ డైరెక్టర్‌ విఘ్నేష్ శివన్‌ని పెళ్లి చేసుకోనున్న న‌య‌న‌తార కేరీర్‌ పరంగా దూసుకుపోతోంది. ప్రస్తుతం చేతినిండా సినిమాలతో ఫుల్‌ బిజీగా ఉంది. కాబోయే భర్త డైరెక్షన్‌లో ఇటీవల న‌య‌న్ న‌టించిన‌ ‘కాత్తువక్కుల రెండు కాదల్’ త్వరలోనే విడుదల కానుంది. అలాగే చిరంజీవి సరసన ‘గాడ్‌ ఫాదర్‌’లో నటిస్తోంది. వీటితో పాటు మరిన్ని ప్రాజెక్ట్స్‌ నయన్‌ సంతకం చేసింది. 

Nayantara Buys A New House At Poes Garden In Chennai: నయనతార.. ఈ స‍్టార్‌ హీరోయిన్‌ అందం, అభినయం గురించి ఎంత చెప్పిన తక్కువే. పుట్టింది కేరళలోని తిరువల్ల అయిన తెలుగు అమ్మాయికి ఏమాత్రం తీసిపోదు. లక్ష్మీ, తులసి, యోగి వంటి చిత్రాలతో తెలుగు ప్రేక్షకులను అలరించింది. నయన్‌ తాజాగా చెన్నైలోని పొయెస్‌ గార‍్డెన్‌లో నాలుగు పడక గదుల ఇంటిని కొనుగోలు చేసిందని సమాచారం. త్వరలో తనకు కాబోయే భర్త విఘ్నేష్‌ శివన్‌తో కలిసి కొత్త ఇంటికి మారనుందని ప్రచారం జరుగుతోంది. నయన్ కొత్త ఇళ్లు తీసుకున్న పొయెస్‌ గార్డెన్‌ చెన్నైలోని నాగరిక ప్రదేశాలలో ఒకటి. ఈ గార్డెన్‌కు మంచి సెలబ్రిటీ చరిత్ర కూడా ఉంది. తమిళనాడు దివంగత ముఖ్యమంత్రి జయలలిత, రజనీకాంత్‌ల నివాసాలు ఈ పొయెస్‌ గార్డెన్‌లోనే ఉన్నాయి. రజనీ కాంత్‌ ఇంటిపక్కనే ధనుష్‌ తన డ్రీమ్ హౌజ్‌ను నిర్మిస్తున్నాడు.  చెన్నైలోని పొయెస్‌ గార్డెన్‌లో భారీ మొత్తాన్ని వెచ్చించి ఈ కొత్త ఇంటిని కొనుగోలు చేసినట్లు పలు నివేదికలు చెబుతున్నాయి. అదే ప్రాంతంలో మరో ఇంటిని కూడా కొనుగోలు చేయాలని ఆలోచిస్తుందట. సుమారు అక్కడ ఫ్లాట్స్‌ కోట్లలో ఉండొచ్చని సమాచారం. నయనతార ఇటీవలే 37 సంవత‍్సరాలు పూర్తి చేసుకుంది. కాతువాకుల రెండు కాదల్‌ సినిమా సెట్‌లో తన ప్రియుడు విఘ్నేష్‌ శివన్‌తో పుట్టిన రోజు జరుపుకుంది. వివిధ భాషల్లో చిత్రాలతో బిజీగా ఉన్న నయన్. ఈ సంవత్సరం ప్రారంభంలో వారి కుటుంబ సభ‍్యుల సమక్షంలో విఘ్నేష్‌తో నిశ్చితార్థం చేసుకున్నారు. ఇటీవల జరిగిన ఓ ఇంటర్య‍్వూలో ఈ విషయాన్ని చెప్పింది నయన తార. 

Samantha Wishes Her Co-Star Nayantara On Her Birthday: లేడీ సూపర్‌స్టార్‌ అంటూ ఫ్యాన్స్‌తో నీరాజనాలు అందుకుంటున్న స్టార్‌ హీరోయిన్‌ నయనతార ఈ రోజు (నవంబరు18) 37వ పుట్టినరోజును జరుపుకుంటున్నారు. ఈ సందర్భంగా సోషల్‌ మీడియాలో ఆమెకు శుభాకాంక్షలు వెల్లువెత్తున్నాయి. పలువురు సినీ ప్రముఖులు, సహా నటీనటులు నయన్‌కు బర్త్‌డే విషెస్‌ తెలుపుతున్నారు. అలాగే ఆమె ప్రియుడు కాబోయే భర్త , దర్శకుడు విఘ్నేష్ శివన్ నయన్‌ పుట్టిన రోజును గ్రాండ్‌గా సెలబ్రేట్‌ చేశాడు. స్పెషల్‌ పార్టీతో తన లేడీ లవ్‌ను సర్‌ప్రైజ్‌ చేశాడు. చదవండి: VikkyNayan: విక్కీ సర్‌ప్రైజ్‌, బర్త్‌డే బ్యాష్‌ మామూలుగా లేదుగా ఈ నేపథ్యంలో నిన్న అర్థరాత్రి నుంచి చెన్నైలో నయన్‌ పుట్టిన రోజు సంబరాలు మొదలయ్యాయి. అర్థరాత్రి నయన్‌తో కేక్‌ కట్‌ చేయించి బాణాసంచాలు పేలుస్తూ నానా హడావుడి చేశాడు విఘ్నేశ్‌. ఇదిలా ఉంటే కాబోయే భర్త డైరెక్షన్‌లో నయన్‌ ‘కాతువాకుల రెండు కాదల్‌’ అనే తమిళ మూవీ చేస్తున్న సంగతి తెలిసిందే. ఈ సినిమాలో విజయ్‌ సేతుపతి, సమంతలు కూడా లీడ్‌రోల్‌ పోషిస్తున్నారు. ఈ క్రమంలో ఈ మూవీ సెట్‌లో కూడా నయనతార బర్త్‌డే సెలబ్రెషన్స్‌ జరిగాయి. చదవండి: కృతిశెట్టి లుక్‌ షేర్‌ చేసిన చై, కొడుకును ఇలా ప్రశ్నించిన నాగ్‌.. సమంత, విఘ్నేశ్‌ సమక్షంలో నయన్‌ కేక్‌ కట్‌ చేసింది. ఇందుకు సంబంధించిన ఫొటోలను సామ్‌ తన ఇన్‌స్టాగ్రామ్‌లో షేర్‌ చేసింది. దీంతో ప్రస్తుతం ఈ ఫొటోలు నెట్టింట సందడి చేస్తున్నాయి. ఇందులో నయన్‌కు టైట్‌ హగ్‌ ఇస్తూ దిగింది సమంత. ఈ ఫొటోలను పంచుకుంటూ సామ్‌ తన పోస్ట్‌లో నయన్‌కు బర్త్‌డే శుభాకాంక్షలు చెబుతూ ఆమె చాలా ధైర్యవంతురాలని అంటూ ఆమెపై ప్రశంసలు కురిపించింది. అంతేగాక ఆసక్తికర రీతిలో నయన్‌ గురించి క్యాప్షన్‌ ఇస్తూ రాసుకొచ్చింది. ఈ సందర్భంగా నయన్‌ ఆమె క్వీన్‌ అని పిలిచింది.  View this post on Instagram A post shared by Samantha (@samantharuthprabhuoffl)

మేక్సిమ్‌ గోర్కి ప్రఖ్యాత నవల ‘అమ్మ’లో ఫ్యాక్టరీ కార్మికుడిగా పని చేసే తండ్రి తల్లిని ఎందుకు చితక బాదుతున్నాడో చాలారోజులకు గాని అర్థం కాదు కొడుక్కు. పురుషుడిలోని హింసకు బాహ్య కారణాలూ ఉంటాయి. కరువు నేలలో పురుషులకు పని ఉండదు. స్త్రీలను హింసించడమే వారి పని. 2022 ఆస్కార్‌కు మన దేశం తరఫున అఫీషియల్‌ ఎంట్రీ అయిన ‘కూళాంగల్‌’ మధురై ప్రాంతంలో స్త్రీల మీద జరిగే హింసను పరోక్షంగా చర్చించింది. భర్త దాడికి పుట్టింటికి నిత్యం పారిపోయే భార్యను తిరిగి తేవడానికి తండ్రీ కొడుకులు బయలుదేరడమే ఈ కథ. నేడు కరోనా వల్ల ఉపాధులు తలకిందులై ఇళ్లల్లో చోటు చేసుకుంటున్న హింసను చర్చించడానికీ ఇది సందర్భమే. ‘కూళాంగల్‌’ సినిమాలో ఒక సీన్‌ ఉంటుంది. బస్‌ ఆగుతుంది. ఒక ఆడమనిషి మూడు నీళ్లు నిండిన బిందెలను అతి జాగ్రత్తగా బస్సులోకి ఎక్కిస్తుంది. ఆ నీళ్లను ఆమె ఇంటికి తీసుకెళ్లాలి. ఆమె ఎవరో? ఎన్ని గంటలకు నిద్ర లేచిందో. ఎక్కడి నుంచి బస్సెక్కి ఇక్కడి దాకా వచ్చిందో. నీళ్లు పట్టుకోవడానికి ఎంతసేపు పట్టిందో. నీళ్లు ఇంటికి చేరడానికి ఇంకెంత సేపు పడుతుందో. ఇవన్నీ దర్శకుడు చెప్పడు. చూపడు. కాని చూస్తున్న ప్రేక్షకులకు ఇన్ని ఆలోచనలు తప్పక వస్తాయి. కరువు ఆ ప్రాంతంలో. కరువు అంటే  నీటి సమస్య. నీటి సమస్య ఎప్పుడూ స్త్రీల సమస్యే. ఎందుకంటే ఇంట్లో ప్రతి అవసరానికి నీళ్లు కావాల్సింది వారికే కదా. ‘కూళాంగల్‌’ సినిమాలో ఒక సన్నివేశం ‘కూళాంగల్‌’ సినిమాను తమిళనాడు మధురై జిల్లాలోని మేలూరుకు దగ్గరగా ఉన్న అరిట్టపట్టి అనే ఊళ్లో 2019 మే నెలలో మొదలెట్టి తీశారు. దర్శకుడు వినోద్‌రాజ్‌ ది ఆ ప్రాంతమే. ఇది అతడి మొదటి సినిమా. ‘నా సినిమాలో మూడే కేరెక్టర్లు ప్రధానం. తండ్రి.. కొడుకు... కరువు’ అంటాడు వినోద్‌రాజ్‌. ‘కరువు చాలా అసహనం ఇస్తుంది. అది మానవ సంబంధాలను ఛిన్నాభిన్నం చేస్తుంది. కరువు ఉన్న ప్రాంతం పురుష పెత్తనం ఎక్కువగా ఉంటే ఆ హింస భరించడం స్త్రీల వంతు అవుతుంది. నాకు 14 ఏళ్లు ఉన్నప్పుడు మా చిన్నక్కకు, ఆమె భర్తకు తగాదా వస్తే మా చిన్నక్క అత్తింటి నుంచి పుట్టింటికి 10 కిలోమీటర్లు పరిగెత్తుకుంటూ వచ్చింది. ఆ పది కిలోమీటర్లు మా బావ ఆమెను వెంటాడుతూనే వచ్చాడు. ఈ సినిమాకు ఆ సంఘటన ఒక స్ఫూర్తి’ అంటాడు దర్శకుడు వినోద్‌రాజ్‌. మధురైలోని కరువు ప్రాంతాల్లోని పల్లెల్లో ఏమీ పండదు. మగవారికి పని ఉండదు. నీళ్ల కటకట వల్ల శుభ్రత ఉండదు. అసహనంతో తాగడం. పేకాట ఆడటం. తగాదాలు పడటం. ఇంటికొచ్చి భార్యను హింసించడం... ఇవే పనులు. పిల్లల మీద ఈ తగాదాలు విపరీతంగా ప్రభావం చూపుతాయి. స్త్రీలు ఇళ్ల నుంచి పారిపోతుంటారు. ‘కూళాంగల్‌’లో తండ్రి కొడుకును అడుగుతాడు– ‘నీకు నేనంటే ఇష్టమా.. మీ అమ్మంటే ఇష్టమా’ అని. దానికి కొడుకు సమాధానం చెప్పడు. కాని సినిమాలో ఒకచోట వాడు ఒక రాయి మీద తల్లి పేరు, చెల్లిపేరు, తన పేరు రాసుకుంటాడు తప్ప తండ్రి పేరు రాయడు. తండ్రి దారుణమైన ప్రవర్తనకు అతడి నిరసన అది. ‘కూళాంగల్‌’ అంటే నున్నటి గులకరాళ్లు. ఈ సినిమా కథ భర్తతో తగాదాపడి పుట్టింటికి వెళ్లిన భార్యను వెతుక్కుంటూ కాలినడకన భర్త, అతని వెనుక కొడుకు బయలుదేరుతారు. కాని దారంతా కరువు ఎలా ఉంటుందో, పచ్చటి మొక్క కూడా మొలవక ఆ పరిసరాలు ఎంత నిస్సారంగా ఉంటాయో, కిర్రుమనే చప్పుడు... మనిషి అలికిడి లేకపోవడం ఎంత దుర్భరంగా ఉంటుందో దర్శకుడు చూపుకుంటూ వెళతాడు. నీళ్లు చుక్క దొరకని ఆ దారిలో దాహానికి స్పృహ తప్పకుండా ఉండేందుకు పిల్లలు నున్నటి గులకరాయి తీసి బుగ్గన పెట్టుకుని చప్పరిస్తూ ఉంటారు. ఈ సినిమాలో పదేళ్ల కొడుకు కూడా అలాగే చేస్తుంటాడు. కాని వాడి దగ్గర అప్పటికే చాలా గులకరాళ్లు పోగుపడి ఉంటాయి. అంటే తల్లి పారిపోవడం, తండ్రి వెళ్లి తిరిగి తేవడం, దారిలో ఈ పిల్లవాడు గులకరాయి చప్పరించడం ఆనవాయితీ అన్నమాట. కరువు ప్రాంతాల్లో మగవాళ్లు తీవ్రమైన అసహనంతో ఉంటే స్త్రీలు ఎలాగోలా చేసి, ఎలుకనో కుందేలునో పట్టుకుని ఏదో విధాన నాలుగు ముద్దలు వండి పెట్టడానికి పడే తాపత్రయాన్ని, నీళ్ల భారం మోయలేక వాళ్లు పడే అవస్థను దర్శకుడు చూపుతాడు. నటి నయనతార ఈ సినిమా చూసి దీని ఒక నిర్మాతగా మారడం విశేషం. ఆ విధంగా ఒక స్త్రీ ఈ స్త్రీల బాధను అర్థం చేసుకుందని భావించాలి. 2022 ఆస్కార్‌కు మన దేశం తరఫున అఫీషియల్‌ ఎంట్రీగా వెళ్లనున్న ఈ సినిమా నామినేషన్స్‌కు వెళ్లగలిగితే ‘బెస్ట్‌ ఇంటర్నేషనల్‌ ఫీచర్‌ ఫిల్మ్‌’ కేటగిరిలో పోటీ పడవలసి వస్తుంది. అంటే నామినేషన్‌కు చేరుకుంటే తర్వాతి మెట్టు అవార్డు గెలవడమే. గతంలో మన దేశం నుంచి ‘మదర్‌ ఇండియా’, ‘సలాం బాంబే’, ‘లగాన్‌’, ‘జల్లికట్టు’, ‘గల్లీబాయ్‌’ సినిమాలు అఫీషియల్‌ ఎంట్రీగా వెళ్లాయి. కాని కొన్ని నామినేషన్స్‌ వరకూ చేరాయి. చూడాలి ఈసారి ఏం జరుగుతుందో. అన్నట్టు ‘కూళాంగల్‌’ గత సంవత్సరంగా అంతర్జాతీయ చలన చిత్రోత్సవాల్లో ప్రదర్శితం అవుతోంది. భారతదేశంలో విడుదల కాలేదు. ఇప్పుడు వచ్చిన పేరు వల్ల ఈ డిసెంబర్‌లో రిలీజ్‌ కు ప్రయత్నాలు జరుగుతున్నాయి. ఫ్యాక్టరీలోని దారుణమైన చాకిరీకి, తక్కువ రాబడికి అసహనం పొంది తన తండ్రి తల్లిని కొడుతున్నట్టు కొడుక్కు అర్థం అవుతుంది ‘అమ్మ’ నవలలో. ఆ పరిస్థితులు మార్చడానికి అతడు బయలదేరుతాడు. నేడు కరోనా పరిస్థితుల్లో ఉద్యోగాలు పోయిన ఇళ్లల్లో అసహనం చోటు చేసుకోవడం సహజం. కాని అది స్త్రీల మీద హింసగా ఏ మాత్రం రూపాంతరం చెందకూడదు. హింసకు తావులేని అవగాహనే ఇప్పుడు భార్యాభర్తల మధ్య కావాల్సింది. ‘కూళాంగల్‌’ వంటి సినిమాలు చెబుతున్నది అదే. కరువు చాలా అసహనం ఇస్తుంది. అది మానవ సంబంధాలను ఛిన్నాభిన్నం చేస్తుంది. కరువు ఉన్న ప్రాంతం పురుష పెత్తనం ఎక్కువగా ఉంటే ఆ హింస భరించడం స్త్రీల వంతు అవుతుంది. - ‘కూళాంగల్‌’ నిర్మాత నయనతార

Samantha New Conditions To Directors: విడాకుల అనంతరం సమంత వరుస ప్రాజెక్ట్స్‌కు ఒకే చెబుతోంది. వ్యక్తిగత జీవితంలో ఇబ్బందులు వచ్చినప్పటికి తన కెరీర్‌ను ఏమాత్రం ఆలస్యం చేయడం లేదు సామ్‌. ఇప్పటికే ఆమె శాకుంతలంలో నటించగా, తమిళంలో విజయ్‌ సేతుపతితో  ‘కాత్తు వాక్కుల రెండు కాదల్‌’ సినిమా నటిస్తోంది. ఇదిలా ఉంటే తాజాగా డ్రీమ్‌ వారియర్‌ పిక్చర్స్‌ నిర్మిస్తోన్న 30వ చిత్రానికి ఆమె సంతకం చేసింది. దీనిపై ఇటీవల అధికారిక ప్రకటన వెలువడిన సంగతి తెలిసిందే. ఇదిలా ఉంటే సామ్‌ ఇప్పుడు లేడీ సూపర్‌ స్టార్‌ నయన తారను ఫాలో అవుతున్నట్లు తెలుస్తోంది. విడాకుల అనంతరం సమంత తన సినిమాలు, షూటింగ్‌ల విషయంలో దర్శకులకు కొత్త నిబంధనలు పెడుతోందట. వాటికి సరే అంటేనే సినిమా సైన్ చేస్తోందట.  చదవండి: ‘మా’ ఎన్నికలు: ట్రోలర్స్‌పై మండిపడ్డ మంచు లక్ష్మి ఇక సమంత కండీషన్స్‌ కూడా అంత ఇబ్బందికరంగా లేకపోవడంతో దర్శక-నిర్మాతలు కూడా ఒకే అంటున్నారట. తాను ఒప్పుకుంటున్న సినిమాల షూటింగ్స్‌ కేవలం చెన్నై పరిసర ప్రాంతాల్లోనే పెట్టాలని నిర్మాతలకు కండీషన్స్‌ పెడుతోందట సామ్‌. ఒకవేళ హైదరాబాద్‌లో షూటింగ్‌ అయితే ఇండోర్‌ మాత్రమే పెట్టాలని కొరుతుందట. ఏం చేసిన ఇండోర్‌ షూట్స్‌ పెట్టమని చెబుతున్నట్లు సమాచారం. ఇక పబ్లిక్‌లో షూటింగ్‌ అయితే అసలు వద్దని చెబుతోందట. తన కండీషన్స్‌కు ఓకే చెప్తేనే సినిమాలకు సైన్ చేస్తోందట లేదంటే నో చెబుతోందని వినికిడి. నాగ చైతన్యతో విడాకులు తీసుకున్న తర్వాత హైదరాబాద్‌లో షూటింగ్ చేయడానికి సమంత పెద్దగా ఆసక్తి చూపడం లేదని, ఇంకా కొంతకాలం తను చెన్నైలోనే ఉండాలని నిర్ణయించుకున్నట్లు సన్నిహిత వర్గాల నుంచి సమాచారం. చదవండి: రాజీనామాలపై అప్పుడే ఆలోచిస్తా: ‘మా’ అధ్యక్షుడు మంచు విష్ణు ఇదిలా ఉంటే  శ్రీదేవి మూవీస్‌ పతాకంపై శివలెంక కృష్ణ ప్రసాద్‌ నిర్మించబోతున్న ఓ మూవీ కోసం ఆయన సమంతను సంప్రదించినట్లు సమాచారం. అయితే ఈ మూవీకి తాను సైన్‌ చేసేందుకు పైన పేర్కొన్న కండిషన్స్‌ పెట్టిందట సమంత. అలాగే తెలుగు-తమిళ ద్విభాషా చిత్రంలో తెరకెక్కే ఈ చిత్రం కోసం సామ్‌ ఏకంగా 3 కోట్ల రెమ్యునరేషన్ డిమాండ్‌ చేసినట్లు కూడా వార్తలు వినిపిస్తున్నాయి. హరి, హరీశ్‌లు సంయుక్తంగా దర్శకత్వం వహించబోయే ఈ చిత్రం షూటింగ్‌ నవంబర్‌ నుంచి మొదలు కానుందట. కాగా కేవలం ఇండోర్‌ షూటింగ్స్‌కే నయన్‌ ఆసక్తి చూపుతోందని గతంలో వార్తలు వినిపించాయి. అలాగే సినిమా ప్రమోషన్స్‌కు కానీ, ఇతర ఈవెంట్స్‌కు నయన్‌ హజరయ్యేందుకు ఇష్టం పడటం లేదు. ఈ నేపథ్యంలో ఇప్పుడు సామ్‌ కూడా నయనతార తరహాలోనే కండిషన్స్‌ పెడుతోందంటూ సినీ వర్గాలు చర్చించకుంటున్నాయి. 

గోపీచంద్, నయనతార జంటగా బి. గోపాల్‌ దర్శకత్వంలో తెరకెక్కిన త్రం ‘ఆరడుగుల బుల్లెట్‌’. జయబాలాజీ రీల్‌ మీడియా పతాకంపై తాండ్ర రమేష్‌ నిర్మింన ఈ చిత్రం అక్టోబర్‌లో ప్రేక్షకుల ముందుకు రానుంది. యాక్షన్‌ ఎంటర్‌టైనర్‌గా తెరకెక్కిన చిత్రమిది. వక్కంతం వంశీ కథ, మణిశర్మ మ్యూజిక్‌ ఈ చిత్రానికి హైలెట్స్‌. త్వరలోనే ప్రవెషన్స్‌ను స్టార్ట్‌ చేయబోతున్నామని చిత్రవర్గాలు పేర్కొన్నాయి. ఈ చిత్రంలో బ్రహ్మానందం, ప్రకాష్‌రాజ్, అభిమన్యు సిన్హా తదితరులు నటించారు.  

లేడీ సూపర్‌ స్టార్‌ నయనతార త్వరలో ప్రియుడు విఘ్నేశ్‌ శివన్‌ను పెళ్లి చేసుకోబోతోన్న సంగతి తెలిసిందే. అయిదేళ్లుగా ప్రేమలో మునిగి తేలిన ఈ జంట ఇటీవల సీక్రెట్‌గా ఎంగేజ్‌మెంట్‌ చేసుకున్నారు. ఈ నేపథ్యంలో నయన్‌ పెళ్లి అనంతరం నటిస్తుందా లేదా అనేది ఇప్పుడు ఫిలిం దూనియాలో చర్చనీయాంశంగా మారింది. దశాబ్ద కాలంగా తెలుగు, తమిళ పరిశ్రమలో స్టార్‌ హీరోయిన్‌గా రాణిస్తోంది నయన్‌. కాగా ఈ మధ్య గ్లామర్‌ రోల్‌లు పక్కన పెట్టి లేడీ ఓరియంటెడ్‌ చిత్రాలతో పాటు వైవిధ్యమైన కథలను ఎంచుకుంటూ ప్రేక్షకులను అలరిస్తోంది. అలా లేడీ సూపర్‌ స్టార్‌గా ఎదిగింది. అంతేగాక దక్షిణాన అత్యధిక పారితోషికం అందుకుంటున్న అగ్ర నటిగా నయన్‌ గుర్తింపు పొందింది. చదవండి: ఆర్జీవీతో అశు బోల్డ్‌ ఇంటర్వ్యూ చూసిన ఆమె తల్లి రియాక్షన్‌ చూశారా! అయితే విఘ్నేశ్‌తో వివాహనంతరం ఆమె నటిస్తారా లేదా అనే దానిపై ఫ్యాన్స్‌ అందోళన చెందుతున్నారు. ఈ నేపథ్యంలో తను నటనను వదిలిపెట్టే ప్రసక్తి లేదని, పెళ్లి తర్వాత తన సినీ కేరీర్‌కు వచ్చిన ఇబ్బంది ఏమి లేదని స్పష్టం చేసినట్లు సన్నిహిత వర్గాల నుంచి సమాచారం. కాగా ప్రస్తుతం నయనతార చిరంజీవి ‘గాడ్‌ ఫాదర్‌’ మూవీలో నటిస్తోన్న సంగతి తెలిసిందే. దీనితో పాటు ఆమె హిందీలో షారుక్‌ ఖాన్‌తో ‘అట్లీ’, ప్రియుడు దర్శకత్వంలో రూపొందుతోన్న ‘కాతువాకుల రెండు ఖాదల్‌’ మూవీలో నటిస్తోంది. ఇందులో విజయ్‌ సేతుపతి, అక్కినేని కోడలు సమంత కూడా నటిస్తున్నారు. కాగా లాక్‌డౌన్‌లో నిశ్చితార్థం చేసుకున్న ఈ లవ్‌ బర్డ్స్‌ డిసెంబర్‌లో పెళ్లి బంధంతో ఒక్కటవ్వాలనుకుంటున్నట్లు సమాచారం.  

బాలీవుడ్‌ బాద్‌షా షారుక్‌ ఖాన్‌ దక్షిణాది దర్శకుడు అట్లీతో ఓ సినిమా చేయనున్నారని ఇటీవల వార్తలు వెలువడిన సంగతి తెలిసిందే. ఇటీవల అట్లీ చెప్పిన ఫైనల్‌ కథకు షారుక్‌ గ్రీన్‌ సిగ్నల్‌ ఇవ్వడంతో శుక్రవారం ఈ మూవీ సెట్స్‌పై వెళ్లినట్లు తెలుస్తోంది. కాగా పూణేలో జరిగే షూటింగ్‌ కోసం శుక్రవారం నయతార, ప్రియమణిలు పమయనమైనట్లు సమాచారం. పుణే ఎయిర్‌పోర్ట్‌ నుంచి వారిద్దరూ బయటకు వస్తున్న ఫొటోలు నెట్టింట దర్శనమించాయి. దీంతో ఈ ఫొటోలు వైరల్‌గా మారాయి. కాగా ఈ మూవీలో షారుక్‌ డబుల్‌ రోల్‌ పోషించనున్నట్లు తెలుస్తోంది. నయనతార, ప్రియమణిలు కథానాయికలు. ఇదిలా ఉండగా గతంలో ప్రియమణి, షారుక్‌తో చెన్నై ఎక్స్‌ప్రస్‌లో స్క్రిన్‌ షేర్‌ చేసుకున్న సంగతి తెలిసిందే. అయితే నయనతారకు మాత్రం బాలీవుడ్‌లో ఇది తొలి చిత్రం. ఈ మూవీతో డైరెక్టర్‌ అట్లీ బాలీవుడ్‌ అరంగేట్రం చేయనున్నాడు.

మెగాస్టార్‌ చిరంజీవి కథానాయకుడిగా దర్శకుడు మోహన్‌ రాజా దర్శకత్వంలో తమిళ రీమేక్‌ ‘లూసిఫర్‌’ మూవీ తెరకెక్కుతోన్న విషయం తెలిసిందే. ఆదివారం చిరు బర్త్‌డే సందర్భంగా ఈ మూవీకి గాడ్‌ ఫాదర్‌ అనే టైటిల్‌ ఖారారు చేసినట్లు చిత్ర బృందం ప్రకటించింది. ఇటీవల ఆచార్య షూటింగ్‌ను పూర్తి చేసుకున్న చిరు ‘గాడ్‌ ఫాదర్‌’ షూటింగ్‌ను ప్రారంభించాడు. చదవండి: Nayantara: సత్యదేవ్‌కు భార్యగా నయనతార ఈ నేపథ్యంలో ఈ మూవీలో మిగతా తారగణం ఒక్కొరి పేర్లు బయటకు వస్తున్న నేపథ్యంలో బాలీవుడ్‌ భాయిజాన్‌ సల్మాన్‌ ఖాన్‌ పేరు తెరపైకి వచ్చింది. సల్మాన్‌ ఈ మూవీలో కీలక పాత్ర పోషిస్తున్నట్లు వినిపించగా దీనిపై క్లారిటీ లేదు. ఈ క్రమంలో సల్మాన్‌ గాడ్‌ ఫాదర్‌లో నటించేందుకు గ్రీన్‌ సిగ్నల్‌ ఇచ్చినట్లు వార్తలు వినిపిస్తున్నాయి. ఈ తాజా బజ్‌ ప్రకారం.. సల్మాన్‌ తన డెట్స్‌ సర్దుబాటు చేసి ‘గాడ్‌ ఫాదర్‌’ మూవీకి తన షెడ్యూల్‌ కెటాయించినట్లు కూడా తెలుస్తోంది. కాగా ఈ మూవీలో బాలీవుడ్‌, టాలీవుడ్‌, కోలీవుడ్‌ చెందిన స్టార్‌ నటీనటులు కూడా భాగస్వామ్యం అవుతున్న సంగతి తెలిసిందే.  ఈ నేపథ్యంలో సల్మాన్‌ ఖాన్‌ను మేకర్స్‌ సంప్రదించగా ఆయన వెంటనే ఓకే చెప్పాడట. చదవండి: మహానటి సావిత్రి చేతిలో ఉన్న ఈ బుడ్డోడు.. ఇప్పటి స్టార్‌ హీరో తెలుసా!  అయితే తెలుగులో నటించడానికి సల్మాన్‌ ఆసక్తిగా లేడని, ఈ నేపథ్యంలో గాడ్‌ ఫాదర్‌ ఆఫర్‌ను తిరస్కరించినట్లు మొదట్లో వార్తలు వచ్చాయి. అయితే అవన్ని పుకార్లనేనని, ఈ చిరంజీవి సినిమా ఆఫర్‌ అనగానే సల్మాన్‌ హ్యాపీగా ఫీల్‌ అయినట్లు ఆయన సన్నిహితులు నుంచి సమాచారం. కాగా తమిళంలో పృథ్విరాజ్ సుకుమార‌న్ పాత్ర‌లో స‌ల్మాన్ ఖాన్ నటించనున్నాడట. మరి దీనిపై స్పష్టత రావాలంటే అధికారిక ప్రకటన వెలువడే వరకు వేచి చూడాలి. అయితే ఇందులో చిరుకు సోదరిగా లేడి సూపర్‌స్టార్‌ నయనతార నటిస్తోంది. సత్యదేవ్‌ ఓ కీలక పాత్ర పోషిస్తున్నాడు. ఈ మూవీలో నయన్‌, సత్యదేవ్‌లు భార్యభర్తలుగా కనిపించనున్నారట.  చదవండి: Allu Arjun: ‘పుష్ప’ కోసం బన్ని డెడికేషన్‌, మేకప్‌కు అంత సమయమా..!

విఘ్నేశ్‌ శివన్‌ దర్శకత్వంలో తెరకెక్కుతున్న చిత్రం ‘కాతువాకుల రెండు కాదల్‌’. ఇందులో సమంత,  విజయ్‌ సేతుపతి, నయనతారలు లీడ్‌ రోల్‌ పోషిస్తున్న సంగతి తెలిసిందే. ప్రస్తుతం ఈ మూవీ పుదుచ్చేరిలో షూటింగ్‌జరుపుకుంటోంది. ఈ నేపథ్యంలో బస్సులో చిత్రీకరించిన ఓ సన్నివేశానికి సంబంధించిన వీడియో ఒకటి సోషల్‌ మీడియాలో వైరల్‌ అవుతోంది. ఇందులో విజయ్‌ సేతుపతి, నయనతార, సమంతలు బస్సులో ఫుట్‌బోర్డ్‌పై నిలబడి ఉన్నారు. అయితే ఈ సీన్‌ చూస్తుంటే అచ్చం అమలా, కమల్‌ హాసన్‌ జంటగా గతంలో వచ్చిన సూపర్‌ హిట్‌ చిత్రం సత్యా మూవీలోని ‘వలై ఓసై’ పాట సీన్‌ను తలపిస్తుంది. చదవండి: ‘కాంచన 3’ మూవీ హీరోయిన్‌ అనుమానాస్పద మృతి.. ఇందులో కమల్ హాసన్ లాగే విజయ్‌ సేతుపతి వైట్‌ షర్ట్‌, టైతో నల్ల ప్యాంటు ధరించి ఉండగా.. పక్కనే సమంత, నయన్‌లు అమలా మాదిరిగా తెల్ల చీర కట్టుకుని ఉన్నారు. కాగా ఇండియన్‌ ఫిల్మ్‌ ఫెస్టివల్‌ ఆఫ్‌ మెల్‌బోర్న్‌ (ఐ.ఎఫ్‌.ఎఫ్‌.ఎం) 2021 గాను సమంతకు ఉత్తమ నటి అవార్డు వరించిన సంగతి తెలిసిందే. సినీ నటులు ప్రతిష్టాత్మకంగా భావించే ఐఎఫ్‌ఎఫ్‌ఎం 2021 ఈ అవార్డ్స్‌కు ఎన్నికైన నటీనటుల జాబితాను ఇటీవల ప్రకటించింది. ఇందులో ‘ఫ్యామిలీ మ్యాన్‌-2’కు రెండు అవార్డులు దక్కాయి. ఉత్తమ నటిగా సమంత ఈ ఆవార్డును అందుకోనుంది. చదవండి: IFFM: రాజీ నటనకు దిగొచ్చిన అవార్డు.. ఉత్తమ నటిగా సమంత Kaathuvaakula Rendu Kaadhal shoot. Vignesh Shivan aa nambalamaa? pic.twitter.com/DUtgvgyBwZ — Selva (@seldicap17) August 23, 2021

మెగాస్టార్‌ చిరంజీవి కథానాయకుడిగా దర్శకుడు మోహన్‌ రాజా దర్శకత్వంలో తమిళ రీమేక్‌ ‘లూసిఫర్‌’ మూవీ తెరకెక్కుతోన్న విషయం తెలిసిందే. ఇటీవల ఆచార్య షూటింగ్‌ను పూర్తి చేసుకున్న చిరు ‘లూసిఫర్‌’ షూటింగ్‌ను ప్రారంభించాడు. ఈ నేపథ్యంలో ఈ మూవీలో మిగతా తారగణం ఒక్కొరి పేర్లు బయటకు వస్తున్నాయి. ఈ క్రమంలో ఈ మూవీకి సంబంధించిన ఓ క్రేజీ అప్‌డేట్‌ బయటకు వచ్చింది. అయితే ఇందులో మెగాస్టార్‌ సోదరిగా లేడీ సూపర్‌ స్టార్‌ నయనతార నటిస్తున్న సంగతి తెలిసిందే. అంతేగాక నటుడు సత్యదేవ్‌ కూడా ఈ చిత్రంలో కీలక పాత్ర పోషిస్తున్నాడు. ఒరిజినల్‌ వెర్షన్‌లో వివెక్‌ ఒబెరాయ్‌ పోషించిన పాత్రను తెలుగులో సత్యదేవ్‌ చేస్తున్నాడు. చదవండి: పెళ్లి త్వరలోనే, ఈ సారి ఎలాంటి దాపరికం లేదు: నయన్‌ ఇదిలా ఉంటే ఈ మూవీలో సత్యదేవ్‌కు నయనతార భార్యగా కనిపించనుందట. ఈ పాత్రకు నయన్‌ కూడా గ్రీన్‌ సిగ్నల్‌ ఇచ్చినట్లు సమాచారం. సోలో హీరోగా స‌క్సెస్ రూట్‌లోకి వ‌చ్చిన స‌త్య‌దేవ్ కెరీర్కు ఈ చిత్రం పెద్ద ట‌ర్నింగ్ పాయింట్ అవుతుంద‌న‌డంలో ఎలాంటి సందేహం లేదు. కాగా బాలీవుడ్‌, టాలీవుడ్‌, కోలీవుడ్‌ చెందిన స్టార్‌ నటీనటులు ఈ మూవీలో భాగస్వామ్యం అవుతున్న సంగతి తెలిసిందే. ఇప్పటికే ఇందులో సల్మాన్‌ ఖాన్‌ నటిస్తున్నట్లు వార్తలు వినిపించగా.. తమిళంలో పృథ్విరాజ్ సుకుమార‌న్ పాత్ర‌లో స‌ల్మాన్ ఖాన్ క‌నిపించనున్నట్లు తెలుస్తోంది. మాలయాళంలో సూపర్‌ హిట్‌గా నిలిచిన లూసిఫర్‌కు తెలుగు రీమేక్‌లో గాడ్‌ ఫాదర్‌ అనే టైటిల్‌ను మేకర్స్‌ పరిశీలిస్తున్నట్లు తెలిసిందే.  చదవండి: బిగ్‌బాస్‌ 5: కంటెస్టెంట్స్‌ కొత్త జాబితా, ఈసారి వీళ్లే నో డౌట్‌!

ఐదేళ్లుగా ప్రేమలో మునిగి తేలుతున్న లవ్‌బర్డ్స్‌ నయనతార, విఘ్నేశ్‌ శివన్‌లు సీక్రెట్‌గా నిశ్చితార్థం చేసుకున్న విషయం తెలిసిందే. ఇటీవల ఓ టీవీ షోకు హజరైన నయన్‌ ఎంగేజ్‌మెంట్‌ జరిగినట్లు వెల్లడించింది. లాక్‌డౌన్‌లో కొద్దిమంది కుటుంబ సభ్యులు మధ్య ఈ వేడుక జరిగినట్లు తెలిపింది. అయితే త్వరలోనే పెళ్లి కూడా జరగనున్నట్లు స్పష్టం చేసింది. అయితే నిశ్చితార్థం కేవలం కుటుంబ సభ్యుల మధ్యే జరిగింది.. కానీ పెళ్లి మాత్రం గ్రాండ్‌గా అందరి సమక్షంలో చేసుకోవాలనుకుంటున్నట్లు చెప్పింది. పెళ్లి విషయంలో మాత్రం ఎలాంటి దాపరికం లేకుండా అందరిని ఆహ్వానిస్తానని పేర్కొంది. విఘ్నేశ్‌శివన్‌ తన జీవితంలోకి ప్రవేశించిన తర్వాత కెరీర్‌ మరింత ఊపందుకుందని, అతని ప్రోత్సాహంతో వరుసగా సినిమాలు చేస్తూ ఉన్నత లక్ష్యాల్ని ఎంచుకున్నానని పేర్కొంది. కాగా 2015లో ‘నానుమ్ రౌడీదాన్’ సినిమా స‌మ‌యంలో న‌య‌న్‌, విఘ్నేశ్‌లు ప్రేమ‌లో ప‌డ్డారు. అప్పటి నుంచి ఇప్పటివ‌ర‌కు ఎన్నో విహార‌యాత్రలు ప్లాన్ చేస్తూ ప‌నిలో ప‌నిగా ప‌లు దేశాలు కూడా చుట్టొచ్చేశారు. పండగలు, పుట్టిన రోజులు అన్నీ కలిసి సెలబ్రేట్‌ చేసుకున్న వీళ్లిద్దరూ మొత్తానికి ఒకింటివారవుతుండటంతో ఫ్యాన్స్‌ ఫుల్‌ ఖుషీగా ఉన్నారు. ఇదిలా వుంటే విఘ్నేశ్‌ ప్రస్తుతం కాతువాక్కుల రెండు కాదల్‌ సినిమాకు దర్శకుడిగా వ్యవహరిస్తున్నాడు. ఇందులో విజయ్‌ సేతుపతి, నయనతార, సమంత అక్కినేని ప్రధాన పాత్రల్లో నటిస్తున్నారు. 

ఇటు సినిమాలు అటు వెబ్‌ సిరీస్‌లను మ్యానేజ్‌ చేస్తూ కెరీర్‌లో మరో లెవల్‌కు వెళ్తున్న హీరోయిన్లు సమంత, కాజల్‌ అగర్వాల్, తమన్నా, శ్రుతీహాసన్, రాశీ ఖన్నాల జాబితాలో హీరోయిన్‌ నయనతార కూడా చేరారు. ఓ ప్రముఖ ఓటీటీ సంస్థ నిర్మించనున్న ‘బాహుబలి: బిఫోర్‌ ది బిగినింగ్‌’ వెబ్‌ సిరీస్‌లో కీలక పాత్ర చేసేందుకు నయనతార పచ్చ జెండా ఊపారని తెలిసింది. ఆమెకు ఇదే తొలి ఓటీటీ ప్రాజెక్ట్‌. సో.. డిజిటల్‌ ఎంటర్‌టైన్‌మెంట్‌లో నయనతార తొలి అడుగు వేస్తున్నారన్న మాట. రెండు సీజన్స్‌గా రాబోతున్న ‘బాహుబలి: బిఫోర్‌ ది బిగినింగ్‌’ షూటింగ్‌ ఈ ఏడాది సెప్టెంబరులో ఆరంభం కానుంది. ‘బాహుబలి’లో రమ్యకృష్ణ చేసిన శివగామి పాత్ర ఎంత పవర్‌ఫుల్‌గా ఉంటుందో తెలిసిందే. ఈ పాత్ర పూర్వాపరాల మీద వెబ్‌ సిరీస్‌ ఉంటుందని టాక్‌. 2015లో వచ్చిన ‘భలే మంచి రోజు’ చిత్రంలో హీరోయిన్‌గా నటించిన పంజాబీ నటి వామికా గబ్చి ఈ శివగామి పాత్ర చేయనున్నారని సమాచారం. అదే నిజమైతే నయనతార పాత్ర ఏంటనేది తెలియాల్సి ఉంది. ఇక నయనతార నటించిన తాజా చిత్రాలు ‘అన్నాత్తే’, ‘కాత్తు వాక్కుల రెండు కాదల్‌’, ‘నెట్రిక్కన్‌’ రిలీజ్‌కి రెడీ అవుతున్నాయి.

రజనీకాంత్‌ అభిమానులకు గురువారం సన్‌ పిక్చర్స్‌ ఓ తీపి వార్త అందించింది. ‘అన్నాత్తే.. దీపావళిక్కు రెడీయా’ (అన్నయ్యా.. దీపావళికి రెడీయా) అంటూ రజనీ వెనక్కి తిరిగి ఉన్న ఒక ఫొటోను ట్విట్టర్‌లో పోస్ట్‌ చేసింది. రజనీకాంత్‌ హీరోగా శివ దర్శకత్వంలో సన్‌ పిక్చర్స్‌ నిర్మించిన చిత్రం ‘అన్నాత్తే’. ఇటీవల వైద్య పరీక్షల కోసం రజనీ అమెరికా వెళ్లిన విషయం తెలిసిందే. అయితే అక్కడికి వెళ్లక ముందే ఆయన ఈ సినిమా షూటింగ్‌ను పూర్తి చేశారు. దాంతో కరోనా లాక్‌డౌన్‌లాంటివి ఏమీ లేకపోతే ముందు అనుకున్నట్లుగానే చిత్రాన్ని నవంబర్‌ 4న విడుదల చేయాలని సన్‌ పిక్చర్స్‌ నిర్ణయించుకుంది. ఆ విషయాన్ని సూచించే విధంగానే గురువారం ట్వీట్‌ చేశారు. సో.. పండగకి రజనీ సినిమా వస్తే ఆయన అభిమానులకు పండగే పండగ. కీర్తీ సురేశ్, నయనతార, మీనా, ఖుష్బూ తదితరులు నటించిన ఈ సినిమాలో రజనీకాంత్‌ గ్రామ పెద్ద పాత్రలో కనిపిస్తారు.

ప్రస్తుతం ‘పఠాన్‌’ సినిమాతో బిజీగా ఉన్న బాలీవుడ్‌ బాద్‌షా షారుక్‌ ఖాన్‌ త్వరలో దక్షిణాది దర్శకుడు అట్లీతో ఓ సినిమా చేయనున్నారని వార్తలు వస్తున్న సంగతి తెలిసిందే. ఇటీవల అట్లీ చెప్పిన ఫైనల్‌ కథకు షారుక్‌ గ్రీన్‌ సిగ్నల్‌ ఇచ్చారట. దీంతో సినిమాలో ఇతర ప్రధాన తారాగణం ఎంపికపై ఫోకస్‌ పెట్టారని టాక్‌. ఈ ప్రక్రియలో భాగంగానే తన దర్శకత్వంలో వచ్చిన ‘రాజా– రాణి’ (2013), ‘బిగిల్‌’ (2019) చిత్రాల్లో హీరోయిన్‌గా నటించిన సౌత్‌ స్టార్‌ హీరోయిన్‌ నయనతార పేరును పరిశీలిస్తున్నారట అట్లీ. ఆల్రెడీ నయనతారతో సంప్రదింపులు కూడా మొదలుపెట్టారనే టాక్‌ వినిపిస్తోంది. అయితే పదిహేనేళ్లుగా సౌత్‌లో అగ్ర కథనాయికగా రాణిస్తున్న నయనతార ఇంతవరకూ హిందీ సినిమా చేయలేదు. మరి.. షారుక్‌తో నయనతార జోడీ కడతారా? హిందీ సినిమాకు నయనతార సైన్‌ చేస్తారా? వేచి చూడాల్సిందే. చదవండి: నయనతారలో నచ్చేది అదే : విఘ్నేష్‌ శివన్‌

కొంతకాలంగా ప్రేమలో మునిగి తేలుతున్న స్టార్‌ జంట నయనతార, విఘ్నేశ్‌ శివన్‌ పెళ్లి తలంబ్రాలు పోసుకునేందుకు రెడీగా ఉన్నారట. ఈమేరకు నిశ్చితార్థం కూడా చేసుకున్నట్లు వార్తలు వినిపిస్తున్నాయి. నయన్‌ ప్రియుడు షేర్‌ చేసిన ఫొటోనే ఈ ఊహాగానాలకు మరింత ఊతమిస్తోంది. కాగా విఘ్నేశ్‌ శివన్‌ గురువారం ఉదయం ఓ ఆసక్తికర ఫొటోను ఇన్‌స్టాగ్రామ్‌లో అభిమానులతో పంచుకున్నాడు. అందులో నయనతార చేయి అతడి గుండెల మీద ఉండగా ఆమె వేలికి ఉంగరం తొడిగి ఉంది. ఇది చూసిన అభిమానులు సంభ్రమాశ్చర్యాలకు లోనవుతున్నారు. ఈ ప్రేమ పక్షులు ఎంగేజ్‌మెంట్‌ చేసుకున్నారంటూ కామెంట్లతో ఊదరగొడుతున్నారు. దీంతో ఈ ఫొటో సోషల్‌ మీడియాలో తెగ గింగిరాలు తిరుగుతోంది. కాగా 2015లో 'నానుమ్ రౌడీదాన్' సినిమా స‌మ‌యంలో న‌య‌న్‌, విఘ్నేష్‌లు ప్రేమ‌లో ప‌డ్డారు. అప్పటి నుంచి ఇప్పటివ‌ర‌కు ఎన్నో విహార‌యాత్రలు ప్లాన్ చేస్తూ ప‌నిలో ప‌నిగా ప‌లు దేశాలు కూడా చుట్టొచ్చేశారు. పండగలు, పుట్టిన రోజులు అన్నీ కలిసి సెలబ్రేట్‌ చేసుకున్న వీళ్లిద్దరూ మొత్తానికి ఒకింటివారవుతుండటంతో ఫ్యాన్స్‌ ఫుల్‌ ఖుషీగా ఉన్నారు. మరి వీరిద్దరూ నిజంగానే ఏడడుగులు వేస్తున్నారా? లేదా? అనేది తెలియాల్సి ఉంది. ఇదిలా వుంటే విఘ్నేశ్‌ ప్రస్తుతం కాతువాక్కుల రెండు కాదల్‌ సినిమాకు దర్శకుడిగా వ్యవహరిస్తున్నాడు. ఇందులో విజయ్‌ సేతుపతి, నయనతార, సమంత అక్కినేని ప్రధాన పాత్రల్లో నటిస్తున్నారు. View this post on Instagram A post shared by Vignesh Shivan (@wikkiofficial) చదవండి: ప్రియుడి బ‌ర్త్‌డే: న‌య‌న్ ఎంత ఖ‌ర్చు పెట్టిందో తెలుసా?

‘అన్నాత్తే’ తిరిగి షూటింగ్‌ను స్టార్ట్‌ చేయబోతున్నాడు. రజనీకాంత్‌ హీరోగా శివ దర్శకత్వంలో రూపొందుతోన్న సినిమా ‘అన్నాత్తే’. పెద్దన్నయ్య అని అర్థం. ఈ చిత్రంలో మీనా, ఖుష్బూ, కీర్తీ సురేష్, నయనతార నటిస్తున్నారు. గత ఏడాది డిసెంబరులో హైదరాబాద్‌లో ‘అన్నాత్తే’ సినిమా షూటింగ్‌ను స్టార్ట్‌ చేశారు. కానీ చిత్రబృందంలో కొందరు కరోనా బారిన పడటంతో సినిమా షూటింగ్‌ ఆగిపోయింది. ఇప్పుడు ఈ సినిమా షూటింగ్‌ను తిరిగి ప్రారంభించడానికి దర్శకుడు శివ సన్నాహాలు చేస్తున్నారు. డిసెంబర్‌లో స్వల్ప అస్వస్థతకు గురయ్యాక, విశ్రాంతిలో ఉన్న రజనీ షూటింగ్‌లో పాల్గొనడానికి రెడీ అయ్యారట. మార్చి 15న చిత్రీకరణ ఆరంభించడానికి సన్నాహాలు చేస్తున్నారని తెలిసింది. ఈ షెడ్యూల్‌లోనే రజనీకాంత్‌ కూడా పాల్గొంటారట. ఇప్పటికే షూటింగ్‌ బాగా ఆలస్యమైందని...ఆర్టిస్టుల కాల్షీట్స్‌ ఇబ్బంది లేకుండా సినిమా షూటింగ్‌ను తొందరగా కంప్లీట్‌ చేయాలని భావిస్తున్నారట శివ. నవంబరు 4న ‘అన్నాత్తే’ విడుదల కానుంది.

మలయాళ సూపర్‌ హిట్‌ చిత్రం ‘లూసీఫర్‌’ తెలుగులో రీమేక్‌ కాబోతున్న విషయం తెలిసిందే. చిరంజీవి హీరోగా నటించనున్న ఈ సినిమా చిత్రీకరణ ఆరంభించడానికి డేట్‌ ఫిక్స్‌ చేశారని తెలిసింది. ఈ నెల 20న ఈ సినిమా రెగ్యులర్‌ షూటింగ్‌ ప్రారంభం కానుంది. ఇప్పటికే కొరటాల శివ దర్శకత్వంలో ‘ఆచార్య’ సినిమా చిత్రీకరణలో పాల్గొంటున్నారు చిరంజీవి. 20 నుంచి ‘ఆచార్య, లూసీఫర్‌’ ఈ రెండు చిత్రాల షూటింగ్స్‌తో చిరంజీవి బిజీ బిజీగా ఉంటారని ఊహించవచ్చు. మోహన్‌రాజా దర్శకత్వంలో రూపొందే ‘లూసీఫర్‌’ రీమేక్‌ పొలిటికల్‌ డ్రామా. ఈ సినిమాలో నయనతార, సత్యదేవ్‌ కీలక పాత్రల్లో నటించనున్నారు. 

మలయాళ చిత్రం ‘లూసీఫర్‌’ తెలుగులో చిరంజీవి హీరోగా రీమేక్‌ అవుతున్న సంగతి తెలిసిందే. మోహన్‌ రాజా దర్శకత్వంలో ఈ సినిమాను ఎన్వీ ప్రసాద్, రామ్‌చరణ్‌ నిర్మిస్తున్నారు. ఈ సినిమాలో చిరంజీవితో నయనతార స్క్రీన్‌ షేర్‌ చేసుకోనున్నారట. ‘సైరా’లో చిరు భార్యగా నయన నటించిన సంగతి తెలిసిందే. అయితే ‘లూసీఫర్‌’ రీమేక్‌లో చిరంజీవికి జోడీగా కాదు.. విలన్‌ పాత్రకు వైఫ్‌గా కనిపించనున్నారట నయనతార. అలానే యంగ్‌ హీరో సత్యదేవ్‌ కూడా ఓ కీలక పాత్రలో నటించనున్నారని సమాచారం. అయితే సత్యదేవ్‌ది విలన్‌ పాత్ర కాదట. మరి.. విలన్‌గా ఎవరు నటిస్తారనేది తెలియాల్సి ఉంది. సంక్రాంతి తర్వాత ఈ చిత్రం సెట్స్‌ మీదకు వెళ్లనుంది.

కుంచక్కో బొబన్, నయనతార ముఖ్య పాత్రల్లో తెరకెక్కిన తమిళ చిత్రం ‘నిళల్‌’. ‘నిళల్‌’ అంటే నీడ అని అర్థం. ఈ మిస్టరీ థ్రిల్లర్‌ చిత్రం షూటింగ్‌ ఇటీవలే పూర్తయింది. ఇందులో నయనతార పాత్ర ఫుల్‌ పవర్‌ఫుల్‌గా ఉండబోతోందని తెలిసింది. ఈ సినిమాలో మిస్టరీను కనుగొనే పాత్రలో నయన కనిపిస్తారట. కేరళలోని కొచ్చి పరిసర ప్రాంతాల్లో చిత్రీకరణ జరిపారు. నాన్‌స్టాప్‌గా నలభై ఐదు రోజుల చిత్రీకరణతో ఈ సినిమాను ముగించారు. ‘‘సినిమాలో హీరోయిన్‌ పాత్రకు చాలా ప్రాముఖ్యత ఉంది. ఈ పాత్రకు లేడీ సూపర్‌స్టార్‌ నయనతారే కరెక్ట్‌ అని చిత్రబృందం భావించాం. అనుకున్నట్టుగానే నయనతార తన పాత్రకు న్యాయం చేశారు’’ అన్నారు దర్శకుడు అప్పు ఎన్‌. బట్టాతిరి.

నయనతార లేడీ సూపర్‌ స్టార్‌. వరుస బ్లాక్‌బస్టర్‌ హిట్స్‌తో ఎప్పుడూ వెలుగులోనే ఉంటారు. కానీ నయనతార నీడలో ఉండిపోబోతున్నారట. అయితే ఇదంతా సినిమా కోసమే. నయనతార తాజాగా మలయాళంలో ఓ సినిమా కమిటయ్యారు. ‘నిళల్‌’ టైటిల్‌తో తెరకెక్కనున్న ఈ  మలయాళ థ్రిల్లర్‌లో హీరోయిన్‌గా నటించనున్నారామె. కున్చాచ్కో బోబన్‌ హీరోగా కనిపిస్తారు. అప్పు యన్‌. బట్టాత్తిరి దర్శకత్వం వహిస్తారు. నేటి నుంచి ఈ సినిమా చిత్రీకరణ కేరళలో ప్రారంభం కానుందని తెలిసింది. ప్రస్తుతం నయనతార చేతిలో ఉన్న సినిమాల చిత్రీకరణలన్నీ కోవిడ్‌ వల్ల బ్రేక్‌లో ఉన్నాయి. తక్కువ మంది యూనిట్‌ సభ్యులు, తక్కువ రోజుల్లో ‘నిళల్‌’ సినిమా చిత్రీకరణ ను ప్లాన్‌ చేశారు. సినిమా పూర్తయ్యే వరకూ ఏకథాటిగా షూటింగ్‌ జరగనుందని తెలిసింది. నయనతార పోషించే పాత్ర సినిమాకు చాలా కీలకమని, నయనతారే ఈ పాత్రకు సరిగ్గా సరిపోతారని చిత్రబృందం తెలిపింది.

రజనీకాంత్‌ నటిస్తున్న లేటెస్ట్‌ చిత్రం ‘అన్నాత్తే’. శివ దర్శకత్వం వహిస్తున్న ఈ సినిమాలో ఖుష్భూ, మీనా, నయనతార, కీర్తీ సురేశ్‌ ముఖ్య పాత్రల్లో నటిస్తున్నారు. సన్‌ పిక్చర్స్‌ సంస్థ నిర్మిస్తోంది. అయితే ఈ సినిమాలో విలన్‌గా ఎవరు నటిస్తారనే విషయం ఇప్పటివరకూ ప్రకటించలేదు. తాజాగా ఈ సినిమాలో విలన్‌ పాత్రలో బాలీవుడ్‌ నటుడు జాకీ ష్రాఫ్‌ నటిస్తారని తెలిసింది. ఈ ఫ్యామిలీ డ్రామాలో జాకీతో తలపడనున్నారట రజనీకాంత్‌. ఈ ఏడాది చివర్లో చెన్నైలో వేసిన ప్రత్యేక సెట్లో ఈ సినిమా చిత్రీకరణను ప్రారంభిస్తారని సమాచారం. వచ్చే ఏడాది సంక్రాంతికి ఈ సినిమాను విడుదల చేయాలనుకుంటున్నాం అని చిత్రబృందం తెలిపింది. కానీ ప్రస్తుత పరిస్థితుల్లో అది జరిగేలా కనిపించడం లేదు.

వీలున్నప్పుడల్లా వెకేషన్‌కు వెళ్లడం లవ్‌బర్డ్స్‌ విఘ్నేష్‌ శివన్, నయనతారకు అలవాటు. కోవిడ్‌ వల్ల కొన్ని నెలలుగా అందరూ ఇళ్లకే పరిమితం కావాల్సింది వచ్చింది. మొన్నే ఓనమ్‌ పండగకు నయనతార సొంతూరు కొచ్చిన్‌కి వెళ్లారు. నయనతో పాటు విఘ్నేష్‌ కూడా కొచ్చిలో పండగ జరుపుకున్నారు. ఆ తర్వాత ఇద్దరూ గోవా ట్రిప్‌ ప్లాన్‌ చేశారు. గోవాలో హాలిడే చేసుకుంటున్న ఫోటోలను విఘ్నేష్‌ తన ఇన్‌స్టాగ్రామ్‌ ద్వారా షేర్‌ చేశారు. ఈ హాలిడేలో విఘ్నేష్‌ తల్లి కూడా జాయిన్‌ అయ్యారు. ఇక సినిమాల విషయానికి వస్తే.. నయనతార నటిస్తున్న ‘నెట్రికన్‌’ అనే సినిమాను నిర్మిస్తున్నారు విఘ్నేష్‌. ఆయన దర్శకత్వం వహిస్తున్న ‘కాదువాక్కుల రెండు కాదల్‌’లో ఓ హీరోయిన్‌గా నటిస్తున్నారు నయనతార. త్వరలోనే ఈ చిత్రం సెట్స్‌ మీదకు వెళ్లనుంది.

ద‌క్షిణాది స్టార్ హీరోయిన్‌ న‌య‌న‌తార‌, కొరియోగ్రాఫ‌ర్, న‌టుడు, డ్యాన్స‌ర్‌, ద‌ర్శ‌కుడు ప్ర‌భుదేవాల మ‌ధ్య చిగురించిన ప్రేమ ఎక్కువ‌కాలం నిల‌వ‌లేదు. అయితే వీరు గాఢంగా ప్రేమించుకుంటున్న స‌మ‌యంలో న‌య‌న్ అత‌ని పేరును ప‌చ్చ‌బొట్టు పొడిపించుకుంది. ప్ర‌భుదేవా పేరుని స‌గం ఇంగ్లీషులో, మిగ‌తా స‌గం తమిళంలో వేయించుకుంది. అయితే త‌ర్వాత ఏమైందో కారీ ఈ ప్రేమ‌ప‌క్షులు విడిపోయారు. కానీ ఆ టాటూ మాత్రం అలాగే ఉండిపోయింది. అయితే న‌య‌న్ తాజాగా షేర్ చేసిన ఫొటో ద్వారా టాటూను మార్చివేసిన‌ట్లు తెలుస్తోంది. ప్ర‌భుదేవాని కాస్తా రీడిజైన్ చేయించి పాజిటివిటీగా మార్చింది. (మళ్లీ ఒంటరైన నయన) న‌య‌న్ తీసుకున్న అభిప్రాయం స‌రైన‌దని ఆమె అభిమానులు సంతోషం వ్య‌క్తం చేస్తున్నారు. మొద‌ట్లో శింబుతో, త‌ర్వాత ప్ర‌భుదేవాతో.. ఇలా రెండుసార్లు ప్రేమ బెడిసికొట్ట‌డంతో న‌య‌న్‌ మాన‌సిక వేద‌న‌కు గురైంది. అనంత‌రం దాని నుంచి కోలుకుని సినిమాల‌పై ద‌ష్టి పెట్టిన ఈ హీరోయిన్‌ ప్ర‌స్తుతం డైరెక్ట‌ర్ విఘ్నేష్ శివ‌న్‌తో ప్రేమలో ఉన్న విష‌యం తెలిసిందే. 2015 నుంచి వీరిద్ద‌రూ  చెట్టాప‌ట్టాలేసుకుని తిరుగుతున్నారు. ఇప్ప‌టికే రెండుసార్లులో ప్రేమ‌లో విఫ‌ల‌మైన న‌య‌న్ ఈసారైనాపెళ్లివ‌ర‌కు వెళుతుందో లేదో చూడాలి. (నయన్‌ విషయంలోనూ అలాగే జరగనుందా?) View this post on Instagram us ❤️ #vn💍#santorini A post shared by nayanthara🔵 (@nayantharaaa) on Jun 10, 2019 at 7:21am PDT

సినిమా: మీకు అలా అర్థమైందా? అని అడుగుతున్నారు నటి సమంత. ఈ బ్యూటీ సమంత అక్కినేని అయిన తరువాత హైదరాబాద్‌లో సెటిల్‌ అవడంతో పాటు తెలుగు చిత్రాల్లోనే ఎక్కువగా నటిస్తున్నారు. ప్రస్తుతం కమర్శియల్‌ కథా చిత్రాలకంటే మంచి కథా బలం ఉన్న చిత్రాల్లోనే నటించడానికి ఆసక్తి చూపుతున్నారు. అదేవిధంగా నటనకు అవకాశం ఉన్న పాత్రలనే ఎంపిక చేసుకుని నటిస్తున్నారు. అలా నటించిన ‘ఓ బేబీ’ చిత్రం మంచి విజయాన్ని సాధించింది. తమిళంలో సూపర్‌డీలక్స్‌ చిత్రం తరువాత కోలీవుడ్‌లో చిత్రం చేయలేదు. త్వరలో ఒక క్రేజీ చిత్రం చేయనున్నట్లు ప్రచారం జరుగుతున్న విషయం తెలిసిందే. విజయ్‌ సేతుపతి, నయనతారలతో కలిసి విఘ్నేశ్‌ శివన్‌ దర్శత్వంలో నటించనున్నట్లు ప్రచారం జరుగుతోంది. ఇదిలా ఉంటే ఇటీవల తెలుగులో సమంత నటించిన తాజా చిత్రం ‘జాను’. ఇది తమిళంలో సంచలన విజయం సాధించిన ‘96’ చిత్రానికి రీమేక్‌. కాగా జాను చిత్ర ప్రచారంలో భాగంగా సమంత మాట్లాడుతూ.. మరో రెండు మూడేళ్లలో నటనకు గుడ్‌బై చెబుతానని అన్నట్టుగా సామాజిక మాధ్యమాల్లో వైరల్‌ అవుతోంది. ఈ ప్రచారం మితి మీరడంతో సమంత స్పందిస్తూ.. ‘ఓహో నేను చెప్పింది మీకు అలా అర్థం అయ్యిందా?’ అని ప్రశ్నించారు. నిజానికి తాను 3 ఏళ్ల తరువాత సినిమాకు గుడ్‌బై చెబుతానని చెప్పలేదన్నారు. పదేళ్లకు పైగా నటిగా కొనసాగుతున్నానని సినిమా ప్రపంచం సవాల్‌తో కూడుకున్నదని అన్నట్టు చెప్పారు. ఇక్కడ నటీమణులు ఎక్కువ కాలం కొనసాగడం కష్టం అని చెప్పానన్నారు. అలా అవకాశాలు లేక తాను నటించలేకపోయినా, ఏదోవిధంగా  సినిమాలోనే కొనసాగుతానని చెప్పానన్నారు. నటనకు కొంచెం గ్యాప్‌ రావచ్చునని, దీంతో సినిమాకు దూరం అవుతానని ఎవరూ భావించాల్సిన అవసరం లేదంటూ.. తన గురించి వైరల్‌ అవుతున్న అసత్య ప్రచారంపై సమంత క్లారిటీ ఇచ్చారు. స్నేహితులతో కలిసి పేద విద్యార్దుల కోసం ఒక పాఠశాలను కూడా సమంత కట్టిస్తున్నట్టు సమాచారం.

తమిళనాడు, పెరంబూరు: నటనలో నేను సాధించానని అనుకోవడం లేదు అని సూపర్‌స్టార్‌ రజనీకాంత్‌ పేర్కొన్నారు. దక్షిణాది సూపర్‌స్టార్‌గా కొనియాడబడుతున్న ఈయన తాజాగా నటించిన చిత్రం దర్బార్‌. నయనతార నాయకిగా నటించిన ఈ చిత్రాన్ని ఏఆర్‌.మురుగదాస్‌ దర్శకత్వంలో లైకా సంస్థ భారీ ఎత్తున నిర్మిస్తోంది. నిర్మాణ కార్యక్రమాలను పూర్తి చేసుకున్న ఈ చిత్రం సంక్రాంతికి తెరపైకి రానుంది. కాగా దర్బార్‌ హిందీలోనూ విడుదల కానుండడంతో ఇటీవల చిత్ర యూనిట్‌ ముంబైలోనూ మీడియా సమావేశాన్ని నిర్వహించారు. ఈ సందర్భంగా విలేకరులు అడిగిన ప్రశ్నలకు రజనీకాంత్‌ ఇచ్చిన సమాధానాలను చూద్దాం. ప్ర: నటనలో మీకింత సామర్థ్యం ఎక్కడ నుంచి వచ్చింది? జ: నిజం చెప్పాలంటే డబ్బే నాకు సామర్థ్యాన్ని ఇచ్చింది. తీసుకున్న పారితోషికానికి తగ్గట్టుగా నేను ఆ పాత్రలకు న్యాయం చేయాలి. ఇక నటించడం అన్నది నాకు చాలా ఆసక్తి. కెమెరా ముందుకు రావడం, వెలుగులో ఉండడం నాకు ఇష్టం. అదే నాకు సమర్థతను కలిగిస్తుంది. ప్ర: నటుడిగా ఎంత వరకూ ఎదిగానని అనుకుంటున్నారు? జ: వాస్తవంగా చెప్పాలంటే నేను నటుడిగా ఎదగలేదనే భావిస్తాను.ఆరంభంలో కొంచెం బిడియంగానూ, బెదురుగానూ ఉండేది. నటించగా నటించగా ఆత్మవిశ్వాసం పెరిగింది. మరో విషయం ఏమిటంటే నేను దర్శకుల నటుడిని. నటన అనేది నాకిచ్చిన పాత్రల పరిస్థితిని బట్టి ఉంటుంది. ఎలానో ప్రేక్షకులకు నేను నచ్చేశాను. అంతే కానీ నటనలో నేనే ఎదిగానని భావించడం లేదు.అప్పుడు ఇప్పుడు ఓకే రజనీకాంత్‌ ప్ర: గత 8 నుంచి 12 ఏళ్లలో అమితాబ్‌ నటించిన చిత్రాల్లో ఏ చిత్రానైనా రీమేక్‌ చేయాలనిపించిన చిత్రం ఉందా? జ: షమితాబ్‌ చిత్రం ప్ర: మీకు ప్రపంచ వ్యాప్తంగా అబిమానులు ఉన్నారు. అయినా ఒకే ఒక్క హాలీవుడ్‌లో మాత్రమే నటించారే? జ:  మంచి కథ, అవకాశాలు రాలేదు. అలాంటి అవకాశం వస్తే కచ్చితంగా నటిస్తాను. ప్ర:ముంబైలో మీకు నచ్చింది? జ:  ఒకటని కాదు ముంబై అంటేనే చాలా ఇష్టం, ప్ర:మీ చిత్రంలో నటించిన సునిల్‌శెట్టి గురించి? జ:  ఆయన గురించి చెప్పాలంటే చాలా ఉంది. ముఖ్యంగా వరుసగా చిత్రాలు చేస్తున్న సునిల్‌శెట్టి ఆయన తండ్రికి ఆరోగ్యం బాగోలేకపోతే నటనను దూరంగా పెట్టి ఆయనకు వైద్యం చేయించడానికే సమయాన్ని కేటాయించారు. అలా నాలుగేళ్ల విరామం తరువాత ఇప్పుడు మళ్లీ నటించడానికి సిద్ధం అయ్యారు. అంత గొప్ప వ్యక్తిత్వం కలిగిన వారు సునిల్‌శెట్టి.

సినిమా : నటి నయనతారకు భక్తి అధికమేనని చెప్పవచ్చు. ఆ మధ్య అమృత్‌సర్‌లోని గోల్డెన్‌ టెంపుల్‌కు ప్రియుడు విఘ్నేశ్‌శివన్‌తో కలిసి వెళ్లి దైవదర్శనం చేసుకున్నారు. ఇటీవల తిరుమలకు వెళ్లి దేవదేవుడిని దర్శించుకున్నారు. తాజాగా కన్యాకుమారిలోని ప్రసిద్ధి చెందిన భగవతి అమ్మవారి ఆలయానికి వెళ్లి అక్కడ మూక్కుత్తి అమ్మన్‌గా దర్శనం ఇచ్చే అమ్మవారు చాలా మహిమ కలిగిన దేవతగా ప్రతీతి. కాగా నటి నయనతార త్వరలో మూక్కుత్తి అమ్మన్‌ అనే భక్తి రస కథా చిత్రంలో అమ్మవారిగా నటించనున్నారు. ఈ చిత్రం ఇప్పటికే కన్నాకుమారిలో ప్రారంభమైంది. అయితే నయనతార ఆ సమయంలో విదేశాల్లో ఉండడంతో ఈ చిత్ర షూటింగ్‌లో పాల్గొనలేకపోయారని చిత్ర వర్గాలు తెలిపారు. కాగా ఇటీవలే విదేశాల నుంచి తిరిగొచ్చిన నయనతార తన ప్రియుడితో కలిసి సోమవారం కన్యాకుమారికి వెళ్లి సాయంత్రం 7 గంటల ప్రాంతంలో భగవతి ఆలయాన్ని సందర్శించి మూక్కూత్తి అమ్మన్‌ను దర్శించుకున్నారు. అమ్మవారి ముందు సుమారు అరగంట పాటు కూర్చుని ప్రార్థించుకున్నారు. అనంతరం గుడి చుట్టూ ప్రదర్శనం చేశారు. కాగా ఇది శబరిమలకు వెళ్లే సీజన్‌ కాబట్టి మూక్కుత్తి అమ్మన్‌ అలయం అయ్యప్ప భక్తులతో కళకళలాడుతోంది. కాగా  నయనతార అక్కడ ఉన్న అయ్యప్ప భక్తులకు నమస్కరించారు. నయనతార గుడికి వచ్చిన విషయం ఆ ప్రాంతం అంతా వ్యాపించడంతో చుట్టు పక్కల ప్రాంతాలను నుంచి ప్రజలు ఆమెను చూడడానికి పోటెత్తారు.దీంతో ఆ ప్రాంతంలో తోపులాట జరిగింది. అయితే నయనతార ఆలయానికి రానుండడంతో దేవాలయ నిర్వాహకులు పోలీసు భద్రతను ఏర్పాటు చేశారు. కొందరు మహాళా పోలీసులు నయనతారకు రక్షణగా నిలిచారు. వారి సాయంతో నయనతార క్షేమంగా అక్కడ నుంచి బయట పడ్డారు. కాగా మహిళా పోలీసులు నయనతారతో ఫొటోలు తీసుకోవడానికి ఆసక్తి చూపడంతో ఆమె వారితో సెల్ఫీలు దిగి సంతోష పరిచారు. కాగా నయనతార త్వరలో కన్యాకుమారిలో జరుగుతున్న మూక్కుత్తి అమ్మన్‌ చిత్ర షూటింగ్‌లో పాల్గొననున్నారు. ఈ చిత్ర షూటింగ్‌ కాలం అంతా నయనతార శాఖాహారిగా మారి నియమాలను పాఠించనున్నట్లు చిత్ర వర్గాలు తెలిపారు.

సినిమా: దక్షిణాదిలో అగ్రకథానాయకిగా రాణిస్తున్న నటి నయనతార. ఇప్పటికే రెండుసార్లు ప్రేమపేరుతో మోసగించిపోయిందన్న విషయం తెలిసిందే. అయినా మూడోసారి ప్రేమనే నమ్ముకుంది. శింబుతో ప్రేమ పెళ్లి వరకూ చేరలేదు. ప్రభుదేవాతో పెళ్లి వరకూ వచ్చి ఆగిపోయింది. ఇప్పుడు దర్శకుడు విఘ్నేశ్‌శివన్‌తో ప్రేమలో మునిగితేలుతోంది. వీరిద్దరూ సహజీవనం చేస్తున్నారు కూడా. అయినా సమాజంలో జీవిస్తున్నారు కనుక పెళ్లి చేసుకోవాలనే నిర్ణయానికి వచ్చినట్లు సమాచారం. మరోవైపు దర్శకుడు విఘ్నేశ్‌శివన్‌ ఇంట్లో పెళ్లి ఒత్తిడి పెరగడంతో పెళ్లి చేసుకోవాన్న నిర్ణయానికి ఇదీ ఒక కారణం అని ప్రచారం జరుగుతోంది. కాగా ఓ ప్రముఖ జ్యోతిష్కుడు కూడా నయనతార వివాహం డిసెంబరులో జరుగుతుందని చెప్పారు. ఈ జంట కూడా పెళ్లికి రెడీ అయినట్లు ఇటీవల జోరుగా ప్రచారం సాగింది. అయితే తాజాగా పెళ్లి వాయిదా వేసుకున్నట్లు టాక్‌ స్ప్రెడ్‌ అయ్యింది. లేడీ సూపర్‌స్టార్‌గా దక్షిణాదిలో  బిజీగా ఉన్న నయన్‌ ఇటీవల విజయ్‌తో బిగిల్‌ చిత్రంతో ప్రేక్షకుల ముందుకు వచ్చింది. రజనీకాంత్‌ సరసన నటించిన దర్బార్‌ చిత్రం 2020 జనవరిలో తెరపైకి రావడానికి సిద్ధం అవుతోంది. ప్రస్తుతం తన ప్రియుడు విఘ్నేశ్‌శివన్‌ నిర్మిస్తున్న వెట్రికన్‌ అనే లేడీ ఓరియెంటెడ్‌ కథా చిత్రంలో నటిస్తోంది. ఈ చిత్రం తరువాత  పెళ్లి చేసుకోవాలనుకున్నట్లు ప్రచారం సాగింది. అలాంటిది తాజాగా నయనతార మరో చిత్రానికి గ్రీన్‌ సిగ్నల్‌ ఇచ్చేసింది. ఎల్‌కేజీ చిత్రంతో పాపులర్‌ అయిన ఆర్‌జే.బాలాజీ దర్శకుడిగా అవతారమెత్తి ప్రధాన పాత్రలో నటించడానికి రెడీ అయ్యారు. ఐసరి గణేశ్‌ తన వేల్స్‌ ఇంటర్నేషనల్‌ పతాకంపై నిర్మించనున్న ఈ చిత్రానికి ముక్కుత్తి అమ్మన్‌ అనే టైటిల్‌ను కూడా నిర్ణయించారు. కథానాయకి పాత్రలో నయనతార నటించడానికి సిద్ధం అవుతున్నారు. ఇందులో ఆమె పోలీస్‌అధికారిగా నటించబోతున్నట్లు సమాచారం. దీంతో నయనతార పెళ్లిని వాయిదా వేసుకున్నట్లు సామాజిక మాధ్యమాల్లో వైరల్‌ అవుతోంది.

సినిమా: జీవితంలో తాను చేసిన అతి పెద్ద తప్పు అదే అని సంచలన వ్యాఖ్యలు చేసింది నటి నయనతార. ఆమె చేసిన కామెంట్‌ ఇప్పుడు సామాజిక మాధ్యమాల్లో వైరల్‌ అవుతూ కలకలం సృష్టిస్తోంది. ఇంతకీ ఈ అమ్మడు ఏమనందనేగా మీ ఆసక్తి. ఈలేడీ సూపర్‌ స్టార్‌ నట జీవితమే కాదు, వ్యక్తిగత జీవితం సంచలనమే. ఎందుకంటే అన్ని సంఘటనలు తన జీవితంలో జరిగాయి. తన చిత్రాల ప్రమోషన్‌ కార్యక్రమాలకు కూడా ఆమె దూరంగా ఉంటుంది. అలాంటిది ఈ మధ్య ఒక ఆంగ్ల పత్రికకు భేటీ ఇచ్చింది. అది సంచలనంగా మారింది. తాజాగా ఒక ఎఫ్‌ఎం రేడియోకు ఇచ్చిన ఇంటర్వ్యూ ఇంకా ప్రకంపనలు పుట్టిస్తోంది. ఇందులో తన ప్రేమ వ్యవహారంతో సహా పలు విషయాల గురించి మాట్లాడింది. ముఖ్యంగా ప్రముఖ దర్శకుడు ఏఆర్‌ మురుగదాస్‌పై ఆగ్రహాన్ని వ్యక్తం చేసినట్లు సామాజిక మాధ్యమాల్లో వైరల్‌ అవుతోంది. ప్రస్తుతం ఈ సంచలన నటి ఏఆర్‌ మురుగదాస్‌ దర్శకత్వంలో రజనీకాంత్‌కు జంటగా దర్బార్‌ చిత్రంలో నటించింది. 11 ఏళ్ల క్రితం ఆయన దర్శకత్వంలో గజిని చిత్రంలో నటించింది. ఆ చిత్రంలో దర్శకుడు తనకు చెప్పిన కథాపాత్ర వేరని, చిత్రంలో చూపించింది వేరని, తనను ఆ చిత్రంలో డమ్మీని చేశారని ఆరోపణలు చేసింది. తాను జీవితంలో చేసిన అతి పెద్ద తప్పు గజని చిత్రంలో నటించడం అని సంచలన వ్యాఖ్యలు చేసింది. గజిని తర్వాత నయనతార ఇప్పటివరకు మురుగదాస్‌ దర్శకత్వంలో నటించలేదు. మళ్లీ ఇప్పుడు రజనీకాంత్‌కు జంటగా దర్బార్‌ చిత్రంలో నటించింది.  మురుగదాస్‌పై మళ్లీ ఆగ్రహించడానికి కారణం దర్బార్‌ చిత్ర పారితోషికమే కారణం అని సమాచారం. ఈ చిత్రంలో నటించినందుకు నయనతారకు పారితోషికం బాకీ ఉందట. దీంతో ఒక రోజు షూటింగ్‌కు కూడా రాకపోవడంతో హీరో రజనీకాంత్‌ కూడా ఎదురుచూడాల్సి వచ్చిందట. దర్శకుడు మురుగదాస్‌ కల్పించుకుని సమాధాన పరిచి నయనతారను నటింపజేసినట్లు టాక్‌. పారితోషికం చెల్లిస్తేనే నటిస్తానన్న వార్తలు తను ఇమేజ్‌ను డామేజ్‌ చేస్తాయని నయనతార భావించినట్లుంది. ఈ కారణంగానే నయనతార తన ఇంటర్వ్యూలో మురుగదాస్‌పై ఆగ్రహాన్ని వ్యక్తం చేసినట్లు తెలిసింది. దర్బార్‌ చిత్రంలోనూ నయనతార పాత్రకు పెద్దగా ప్రాధాన్యత లేకపోవడంతో గజనీ చిత్రంతోనే మోసపోయాననుకుంటే మళ్లీ అదే మోసమా అన్న ఆగ్రహంతోనే తాజాగా నయనతార మరోసారి మురుగదాస్‌పై ఆగ్రహిం‍చినట్టు సామాజిక మాధ్యమాల్లో ప్రచారం జరుగుతోంది. దీని గురించి దర్శకుడు మురుగదాస్‌ ఎలా స్పందిస్తారో, దర్బార్‌ చిత్ర వర్గాల రియాక్షన్‌ ఎలా ఉండబోతోందో చూడాలి.

తిరుమల: ప్రముఖ సినీనటి నయనతార తిరుమలలో గురువారం సందడి చేసింది. శ్రీవారి దర్శనార్థం తిరుమలకు వచ్చిన ఆమె శ్రీవారిని దర్శించుకున్నారు. వీరికి ఆలయ అధికారులు ప్రత్యేక దర్శన ఏర్పాట్లు చేశారు. ఆలయ రంగనాయకుల మండపంలో స్వామివారి లడ్డూప్రసాదాలు, చిత్రపటాలతో వేదాఆశీర్వచనం అందించారు. శ్రీవారి దర్శన అనంతరం నయనతారను చూసేందుకు అభిమానులు ఎగబడుతూ సెల్ఫీలు తీసుకున్నారు. ఆమెతో పాటు తమిళ డైరెక్టర్‌ విఘ్నేష్‌ శివన్‌ ఉన్నారు.

సినిమా: అందమె ఆనందం. ఆనందమే జీవిత మకరందం అన్నారో మహాకవి. అందానికి అంత ప్రాముఖ్యత ఉంటుంది. ఇక సినీ కథానాయికలకైతే ఆదే ప్రథమాయుధం. ఆ తరువాతే అభినయం గట్రా. అందులోనూ అగ్ర కథానాయకిగా వెలిగిపోతున్న నయనతార వంటి వారికి అందం విలువ చాలా తెలుసు. అంతే కాస్త వయసు పైబడుతున్న విషయం అవగతం అవడంతో  తన బాహ్య అందం గురించి ఈ బ్యూటీ ఇటీవల చాలా కలత చెందిందట. కారణం తన శరీర సౌష్టవం కంటే ముఖం ముదిరినట్లు కనిపించడమే. ఎంతగా జిమ్‌లో కసరత్తులు, యోగాలు వంటివి చేసినా వయసు భారం అనేది ఒకటుంటుంది కదా.. నయనతారకు ఇప్పుడు 34 ఏళ్లు. అది తన ముఖంలో తెలుస్తుండడమే ఈ అమ్మడి చింతకు కారణం. అంతే అందాన్ని పరిరక్షించుకోవడానికి పరిష్కారం కోసం ప్రయత్నాలు మొదలెట్టగా, తన మాతృగడ్డ అయిన కేరళలోనే అందుకు తగిన చికిత్స ఉందని తెలుసుకుందట. అంతే షూటింగ్‌లకు కాస్త గ్యాప్‌ చూసుకుని ఇటీవల అందాన్ని మెరుగు పరిచే చికిత్సను తీసుకుందనే ప్రచారం ఇప్పుడు సామాజిక మాధ్యమాల్లో వైరల్‌ అవుతోంది. నయనతార 1984లో పుట్టింది. 34 ఏళ్ల ఈ సంచలన నటి  దర్శకుడు విఘ్నేశ్‌శివన్‌తో సహజీవనం చేస్తున్న విషయం తెలిసిందే. అయితే విఘ్నేశ్‌శివన్‌ 1985లో పుట్టాడు. ఆయన వయసు 33 ఏళ్లు. అంటే నయనతార కంటే ఏడాది చిన్నవాడన్నమాట. అయితే తన కంటే కాస్త వయసులో చిన్నవారిని అమ్మాయిలు ప్రేమించి పెళ్లి చేసుకోవడం అరుదైన విషయమేమీ కాదు. కానీ విఘ్నేశ్‌శివన్, నయనతార కలిసి సహజీవనం చేస్తున్నా, ఆ విషయాన్ని గానీ, వారి ప్రేమ బంధాన్ని కాన్నీ బహిరంగంగా ఎక్కడా వెల్లడించలేదు. అయితే వారి పెళ్లిపై జరుగుతున్న ప్రచారాన్ని మాత్రం విఘ్నేశ్‌శివన్‌ ఖండించారు. ఇక ఇటీవల ఒక ఆంగ్ల పత్రికకు స్పెషల్‌ ఫొటో సెషన్‌తో పాటు ఇంటర్వ్యూ కూడా ఇచ్చిన నయనతార తానేమనుకుంటున్నానో ఆ ప్రపంచానికి తెలియాల్సిన అవసరం లేదు అని పేర్కొంది. అందుకే నటించడం మినహా బయట ప్రపంచంతో తనకు సంబంధం లేనట్టుగా ఏ కార్యక్రమంలోనూ పాల్గొనడానికి ఇష్టపడడం లేదు. బహుశా గతంలో తాను ఎదుర్కొన్న చేదు అనుభవాలే ఇందుకు కారణం కావచ్చు. ఒక్క విషయాన్ని మాత్రం నయనతార స్పష్టంగా చెప్పింది. తాను ప్రతి నిమిషం భయంతోనే జీవిస్తున్నానని, అందుకు కారణం మంచి చిత్రాన్ని తన అభిమానులకు ఇవ్వలేనానని చెప్పింది. ఇకపోతే తాను మాట్లాడడం కంటే తన చిత్రాలే మాట్లాడాలని భావించే నటిని తానని ఈ సంచలన నటి పేర్కొంది. నయనతార నటుడు విజయ్‌తో నటించిన బిగిల్‌ చిత్రం షూటింగ్‌ను పూర్తి చేసుకుని నిర్మాణాంతర కార్యక్రమాలను జరుపుకుంటోంది. ఈ చిత్రం దీపావళికి థియేటర్లలో సందడి చేయడానికి సిద్ధం అవుతోంది. ఆ తరువాత రజనీకాంత్‌తో జతకట్టిన దర్బార్‌ సంక్రాంతి సంబరాలకు సన్నద్ధం అవుతోంది. ఇకపోతే ఈ అమ్మడు నవఅందాలతో దిగిన ఫొటోలను నెటిజన్లు ప్రసారం చేస్తూ పండగ చేసుకుంటున్నారు. 

నయనతార లీడ్‌ రోల్‌లో నటించిన ఓ తమిళ సినిమాని ‘వసంత కాలం’ పేరుతో తెలుగులో అనువదిస్తున్నారు. చక్రి తోలేటి దర్శకత్వం వహించిన ఈ సినిమాలో భూమిక, ప్రతాప్‌ పోతన్, రోహిణి హట్టంగడ్‌ ముఖ్య పాత్రల్లో నటించారు. సస్పెన్స్, హారర్‌ థ్రిల్లర్‌గా రూపొందిన ఈ చిత్రాన్ని నిర్మాత దామెర వి.ఎస్‌.ఎన్‌. శ్రీనివాస్‌ తెలుగులో విడుదల చేస్తున్నారు. ఈ సందర్భంగా ఆయన మాట్లాడుతూ– ‘‘గతంలో ‘ఏకవీర, వేటాడు వెంటాడు’ వంటి చిత్రాలను తెలుగులో విడుదల చేశాం. ‘వసంత కాలం’ డబ్బింగ్‌ కార్యక్రమాలు పూర్తయ్యాయి. నవంబర్‌లో మూవీ రిలీజ్‌కి ప్లాన్‌ చేస్తున్నాం. తెలుగులోనూ ఈ సినిమా ఘన విజయం సాధిస్తుందనే నమ్మకం ఉంది’’ అన్నారు.

సినిమా: సినిమా మగాళ్ల కట్టుబాటులోనే ఉంది అని అగ్రనటి నయనతార పేర్కొంది. సంచలన నటి ఈ బ్యూటీ. ఆది నుంచి తన సత్తా చాటుకుంటూ నటిగా ఎదుగుతూనే ఉంది. ఆరంభంలో అందాలారబోతల్లో హద్దులు దాటినా, ఒక స్థాయికి వచ్చిన తరువాత ఎక్స్‌పోజ్‌ కంటే ఎక్స్‌ప్రెషన్‌కే ప్రాధాన్యత నిస్తూ వచ్చింది. అందుకే అగ్రనటి, లేడీ సూపర్‌స్టార్, సౌత్‌ ఇండియన్‌ నంబర్‌ఒన్‌ హీరోయిన్‌ వంటి పట్టాలను సొంతం చేసుకోగలిగింది. తాజాగా మరో ప్రత్యేకతను చాటుకుంది. అదే వోక్‌ అనే ఉత్తరాదికి చెందిన ప్రముఖ మాసపత్రిక ముఖ చిత్రంపైకి ఎక్కింది. విశేషం ఏమిటంటే ఈ పత్రిక ముఖ చిత్రంలో ఇప్పటి వరకూ ఏ దక్షిణాది హీరోయిన్‌ మెరవలేదు. అందరూ బాలీవుడ్‌ భామల ఫొటోలనే ముఖచిత్రంగా ప్రచురించారు. అలాంటిది మొట్టమొదటి సారి దక్షిణాదికి చెందిన నయనతార ఆ పత్రిక ముఖ చిత్రంలోకెక్కింది. దీని కోసమే ఇటీవల నయనతార స్పెషల్‌ ఫొటో సెషన్‌కు టైమ్‌ కేటాయించింది. అంతే కాదు ఆ పత్రికకు ఇంటర్వ్యూ కూడా ఇచ్చింది. అందులో ఈ సంచలన నటి చెప్పిన విషయాలను కొన్ని చూద్దాం. సినిమా అన్నది పూర్తిగా మగాళ్ల గుప్పిట్లోనే ఉంది. అయినా నా వరకూ నేను సర్దుకుపోలేదు. నా ఇష్టానికే కథలను ఎంపిక చేసుకుంటున్నాను. షూటింగ్‌లకు వెళ్లడం, కాస్ట్యూమ్స్‌ ధరించడం, మేకప్‌ వంటి విషయాల్లో నేనే నిర్ణయం తీసుకుంటాను. అయితే కొన్ని సందర్భాల్లో తనను మీరి కథానాయకుల కోసం గ్లామర్‌ దుస్తులను ఒత్తిడి ఎదురవుతుంటుంది. ఎన్నిసార్లు నో అని చెప్పగలగం. ఏకాంతాన్ని ఇష్టపడే నేను టీవీల్లో ప్రసారం అయ్యే నేను నటించిన పాటలను, ఇతర సన్నివేశాలను కూడా చూడడం లేదు. ఈ లోకం నా గురించి ఏ అనుకుంటుందన్న విషయం గురించిన చింతే లేదు. ఒకటి రెండు సార్లు నా మాటలను వక్రీకరించడంతో గత 10 ఏళ్లుగా నేను ఎవరికీ ఇంటర్వ్యూ కూడా ఇవ్వడం లేదు. చిత్రాల్లో నటించడమే నా పని. అది మట్టుకు సక్రమంగా చేసి మంచి పేరు తెచ్చుకోవాలని భావిస్తున్నాను అంటూ 10 ఏళ్ల తరువాత తన మనసులోని భావాలను పంచుకుంది సంచలన నటి నయనతార.

సినిమా: లేడీ సూపర్‌స్టార్‌. అభిమానులు నయనతారకిచ్చిన పట్టం ఇది. అందుకు తగ్గట్టుగానే ఈ సంచలన నటి తన స్టార్‌డంను పెంచుకుంటూపోతోంది. ఆదిలో నయనతారకు గ్లామర్‌ పాత్రలే తలుపు తట్టేవి. ఇప్పుడు నటనకు అవకాశం ఉన్న పాత్రలు వరిస్తున్నాయి. ఇకపోతే ఈ అమ్మడిపై వచ్చినన్ని వదంతులు, తను ఎదురొడ్డిన ఎదురీతలు చాలానే. ముఖ్యంగా వ్యక్తిగతంగానే పలు విమర్శలను ఎదుర్కొంటోంది. అందులో ఒకటి నయనతార తన చిత్రాల ప్రారంభోత్సవాల్లోనూ, చిత్ర ప్రచార కార్యక్రమాల్లోనూ పాల్గొనదనేది. నిజమే ఈ అమ్మడు తను నటించిన ఏ చిత్ర ప్రమోషన్‌ కార్యక్రమాలకు రాదు. అది ఎంత పెద్ద చిత్రం అయినా, చివరికి సొంత చిత్రం అయినా కావచ్చు. అలాంటిది ఇటీవల విజయ్‌కు జంటగా నటించిన బిగిల్‌ చిత్ర ఆడియో ఆవిష్కరణ కార్యక్రమంలో పాల్గొననుందనే ప్రచారం జరిగింది. అదేకాదు, తెలుగులో చిరంజీవికి జంటగా నటించిన సైరా నరసింహారెడ్డి చిత్ర ప్రచార కార్యక్రమానికి యథాతథంగా నయనతార డుమ్మా కొట్టింది. అంత వరకూ ఎందుకు తాను తన ప్రియుడిని నిర్మాతగా చేస్తూ నిర్మిస్తున్న నెట్రికన్‌ చిత్ర ప్రారంభోత్సవ కార్యక్రమానికి కూడా రాలేదు. దీంతో తన చిత్ర ప్రారంభోత్సవానికి రాకపోవడం ఏమిటీ? అనే విమర్శలు వెల్లువెత్తుతున్నాయి. దీంతో అసలు విషయాన్ని నయనతార తన సన్నిహితుల వద్ద చెప్పుకుని బాధ పడిందట. తాను ఏ చిత్ర  ప్రారంభోత్సవాల్లో పాల్గొన్న ఆ చిత్రాలు బాగా ఆడలేదని చెప్పింది. ఆ సెంటిమెంట్‌ కారణంగానే తానీ చిత్ర ప్రారంభోత్సవాల్లోనూ, ప్రచార కార్యక్రమాల్లోనూ పాల్గొనడం లేదని అసలు విషయాన్ని బయటపెట్టింది. దీంతో నయనతార కూడా ఇంత సెంటిమెంటల్‌ ఉమెన్‌నా అంటూ చాలా మంది ఆశ్యర్యపోతున్నారు. ఇదిలాఉండగా, నయనతార దర్శకుడు విఘ్నేశ్‌శివన్‌ల ప్రేమ వ్యవహారం గురించి ఇప్పుడు కొత్తగా చెప్పాల్సిన అవసరం ఉండదు. ఈ సంచలన జంట చాన్నాళ్లుగా సహజీవనం చేస్తున్నారు. ఇదీ బహిరంగమే. అయితే ఇటీవల నయనతార, విఘ్నేశ్‌శివన్‌ పెళ్లికి సిద్ధం అయ్యారని, వీరి పెళ్లి తేదీ కూడా ఖరారైట్లు, డిసెంబర్‌ 25న ముహూర్తం, విదేశంలో వివాహతంతు ఇలాంటి ప్రచారాలు సామాజిక మాధ్యమాల్లో వైరల్‌ అవుతూ అభిమానుల్లో ఆసక్తిని రేకెత్తిస్తున్నాయి. అయితే వీటికి ఫుల్‌స్టాప్‌ పెట్టే విధంగా నయనతార ప్రియుడు, దర్శకుడు విఘ్నేశ్‌శివన్‌ ఒక ప్రకటనను తన ట్విట్టర్‌లో పేర్కొన్నారు. అందులో ఎవరేమైనా రాసుకోండి. దాని గురించి మాకు బాధ లేదు. మాకు చాలా పనులు ఉన్నాయి. ప్రస్తుతానికి పెళ్లి ఆలోచన లేదు. అసలు ఆ విషయం గురించి వివరించడం కుదరదని పేర్కొన్నాడు. మరి ఇకనైనా ఈ జంట గురించి వదంతులు ఆగుతాయో లేదో చూడాలి.   

సినిమా: మణిరత్నం ప్రఖ్యాత దర్శకుడని ఇప్పుడు ప్రత్యేకంగా చెప్పాల్సిన పనిలేదు. ఈయన భారీ చిత్రాలనూ తెరకెక్కించగలరు, బడ్జెట్‌ చిత్రాలను బ్రహ్మాండంగా తెరపై ఆవిష్కరించగలరు. అలాగే ప్రేమకథా చిత్రాలను వైవిధ్యంగా చెక్కడంలో సిద్ధహస్తుడు. అయితే ఈ మధ్య కాస్త తడబడ్డ మణిరత్నం సెక్క సివంద వానం చిత్రంతో మళ్లీ గాడిలో పడ్డారు. అది మల్టీస్టారర్‌ చిత్రం. ఆ చిత్రం ఇచ్చిన ఉత్సాహంతో ఒకసారి వాయిదా వేసుకున్న పొన్నియన్‌ సెల్వన్‌ చిత్రాన్ని ఇప్పుడు మళ్లీ భుజానేసుకోవడానికి సిద్ధమయ్యారు. ఇది కల్కీ అనే రచయిత రాసిన పొన్నియన్‌ సెల్వన్‌ నవల ఆధారంగా అదే పేరుతో తెరకెక్కించనున్న చిత్రం. ఇందులో  నటుడు విక్రమ్, కార్తీ, జయంరవి, బాలీవుడ్‌ బిగ్‌బీ అమితాబ్‌బచ్చన్, తెలుగు నటుడు మోహన్‌బాబు, ఐశ్వర్యరాయ్, నయనతార, కీర్తీసురేశ్‌ నటించనున్నారు.  కాగా వీరితో పాటు నటి అనుష్క కూడా ముఖ్యపాత్రలో నటించనున్నట్లు ప్రచారం జరిగింది.  ఆ తరువాత ఆమె నటించడం లేదనే ప్రచారం వైరల్‌ అయ్యింది. అందుకు కారణం నయనతార కంటే తన పాత్ర తక్కువ కావడమేననే ప్రచారం దొర్లింది. అయితే మణిరత్నం చిత్రం నుంచి నటి అనుష్క నటించడం లేదన్నది వాస్తవమే అయినా, అందుకు కారణం నయనతార కాదట. పారితోషికమేనన్న విషయం ఇప్పుడు వెలుగులోకొచ్చినట్లు తాజా సమాచారం. దక్షిణాదిలో నయనతారకు దీటుగా పేరు తెచ్చుకున్న నటి అనుష్క. ఆమె పొన్నియన్‌ సెల్వన్‌ చిత్రంలో నటించడానికి రూ.4 కోట్లు డిమాండ్‌ చేసిందని, దీంతో దర్శకుడు మణిరత్నంకు షాక్‌ కొట్టినంత పనైందని సమాచారం. రూ.కోటి ప్లస్‌ జీఎస్‌టీ కలిపి చెల్లిస్తామని చెప్పడంతో ఈ సారి అనుష్కకు షాక్‌ కొట్టినంత పనైందట. ఈ బ్యూటీ పారితోషికం విషయంలో బెట్టు సడలించకపోవడంతో అంతకు వర్త్‌ లేదంటూ మణిరత్నం ఆమె పాత్రలో మరో నటిని ఎంపిక చేసే పనిలో పడ్డారట. అలా ఆ పాత్రకు చెన్నై చిన్నది త్రిష సెట్‌ అయ్యిందని సమాచారం. అయితే అంతకు వర్త్‌ లేదన్న మణిరత్నం మాటల్లో అర్థం, అనుష్కకు అంత సీన్‌ లేదనా లేక ఆ చిత్రంలో ఆమె పాత్రకు అంత వర్త్‌లేదనా అన్నదిప్పుడు చర్చనీయాం«శంగా మారింది. అయితే నటి ఐశ్వర్యారాయ్‌ ద్విపాత్రాభినయం చేయనుండడంతో ఇక అనుష్క పాత్రకు పెద్ద ప్రాధాన్యత ఏముంటుంది? అనే చర్చా జరుగుతోంది.అయినా రూ.4 కోట్లు తీసుకునే అనుష్కను రూ.కోటి పారితోషికం అంటే ఎలా ఒప్పుకుంటుంది. కాగా లైకా ప్రొడక్షన్స్‌తో కలిసి మణిరత్నం మెడ్రాస్‌ టాకీస్‌ నిర్మించనున్న ఈ చిత్రానికి సంగీతాన్ని ఏఆర్‌.రెహ్మాన్‌ అందిస్తున్నారు. వైరముత్తు రాసిన గీతాలకు ఏఆర్‌.రెహ్మాన్‌ బాణీలను సిద్ధం చేసేశారట. డిసెంబర్‌లో పొన్నియన్‌ సెల్వన్‌ చిత్రం సెట్‌పైకి వెళ్లనుందని సమాచారం.

చెన్నై : సంచలన నటి, అగ్రకథానాయకి, లేడీసూపర్‌స్టార్‌ ఇలా చాలా పేర్లకు సొంతదారి నయనతార. ఎక్కడో కేరళలోని ఒక మారు మూలగ్రామంలో డయానా కురియన్‌గా పుట్టి ఆ తరువాత మాతృభాషలో నటిగా పరిచయమై, ఆ తరువాత తమిళ చిత్ర పరిశ్రమకు ‘అయ్యా’ చిత్రంతో రంగప్రవేశం చేసి, ప్రస్తుతం దక్షిణాది సినీ పరిశ్రమలోనే అగ్రకథానాయకిగా వెలిగిపోతున్న నటి నయనతార. ఈ స్థాయికి చేరుకుంటానని తనే ఊహించి ఉండదు. అయితే తన ఈ వెలుగు వెనుక పడిన వెతలెన్నో ఉన్నాయని చాలా మందికి తెలుసు. నటిగా ఎన్నో ఒడిదుడుకులు చవిచూసింది. వ్యక్తిగతంగానూ చాలాసార్లు నమ్మి మోసపోయింది. ఆత్మస్థైర్యంతో వాటినన్నింటినీ ఎదురొడ్డి నిలబడి ఎందరో అబలలకు స్ఫూర్తిగా నిలిచిందని చెప్పవచ్చు. ప్రేమలో పలుమార్లు మోసపోయిన నయనతారకు యువ దర్శకుడు విఘ్నేశ్‌శివన్‌ తోడుగా నిలిచారు. ప్రేమ, పెళ్లి విషయాలను పక్కన పెడితే విఘ్నేశ్‌శివన్, నయనతార ఒకరిని ఒకరు నమ్మారు. ఆ నమ్మకమే నయనతారను మూడోకన్ను తెరిచేలా చేసింది. ఈ మూడో కన్ను సంగతేంటంటారా? నయనతార తాజాగా నటిస్తున్న చిత్రం పేరు నెట్రికన్‌. నెట్రికన్‌ అంటే మూడోకన్ను అని అర్థం. నయనతార నటిస్తున్న చిత్రం పేరు నెట్రికన్‌ ఇందులో ప్రత్యేకత ఏముందీ? తన చేస్తున్న చిత్రాల్లో ఇది ఒకటి అని అనుకుంటున్నారా? మీరలా అనుకోవడంలో తప్పేలేదు. విషయం ఏమిటంటే ఇది హీరోయిన్‌ ఓరియెంటెడ్‌ కథా చిత్రం. దీనికి నయనతార హీరోయిన్‌ అయితే, ఆయన ప్రియుడు విఘ్నేశ్‌శివన్‌ నిర్మాత. ఈ చిత్ర నిర్మాణ సంస్థకు ఈ సంచలన జంట పెట్టిన పేరు రౌడీ పిక్చర్స్‌. ఇవన్నీ ఆసక్తికరమైన అంశాలే కదా? రౌడీ పిక్చర్స్‌ పేరు వెనుక కారణం ఉంది. విఘ్నేశ్‌శివన్‌ దర్శకత్వం వహించిన రెండవ చిత్రం నానుమ్‌ రౌడీదాన్‌. ఇందులో నయనతార కథానాయకి. అందులో నయనతార చెవిటి యువతిగా నటించింది. ఆ పాత్ర ఆమెకు మంచి పేరు తెచ్చి పెట్టడమే కాకుండా విజయవంతమైంది. అంతే కాదు ఈ చిత్ర షూటింగ్‌ సమయంలోనే నయనతారకు, దర్శకుడు విఘ్నేశ్‌శివన్‌ల పరిచయం ప్రేమగా మారిందని సమాచారం. అలా మొదలైన ప్రేమ ఇప్పుడు వారి సహజీవనానికి దారి తీసింది. త్వరలో పెళ్లికీ దారి తీస్తుందని చెప్పవచ్చు. ఆ జ్ఞాపకార్థమే తమ చిత్ర నిర్మాణ సంస్థకు రౌడీ పిక్చర్స్‌ అని పేరు నిర్ణయించుకుని ఉంటారని భావించవచ్చు. ఇంక ఇందులోనూ నయనతార అంధురాలిగా హీరోయిన్‌ సెంట్రిక్‌ కథా పాత్రలో నటిస్తోంది. దీనికి మిలింద్‌రావ్‌ దర్శకత్వం వహిస్తున్నారు. ఆయన ఇంతకు ముందు సిద్ధార్థ్‌ నిర్మాతగా మారి హీరోగా నటించిన అవళ్‌ చిత్రం ద్వారా దర్శకుడిగా పరిచయం అయ్యారన్నది గమనార్హం. ఆ చిత్రం హిట్‌. ఇప్పుడు నయనతార తన ప్రియుడిని నిర్మాతగా చేసి నిర్మించి నటిస్తున్న చిత్రానికి దర్శకత్వం వహిస్తున్నారు. ఈ చిత్ర షూటింగ్‌ను సైలెంట్‌గా ఆదివారం ప్రారంభించారు. అంతే కాదు నెట్రికన్‌ టైటిల్‌ను విడుదల చేశారు. ఇదీ హర్రర్, థ్రిల్లర్‌ కథా చిత్రంగానే ఉంటుందట. సూపర్‌స్టార్‌కు ధన్యవాదాలు మధ్యలో సూపర్‌స్టార్‌ గొడవేంటీ అని అనుకుంటున్నారా? విషయం ఏమిటంటే ఈ చిత్రానికి సూపర్‌స్టార్‌ రజనీకాంత్‌కు కనెక్షన్‌ ఉంది. నెట్రికన్‌ టైటిల్‌తో రజనీకాంత్‌ 1981లోనే సూపర్‌హిట్‌ చిత్రం చేశారు. కమితాలయ ఫిలింస్‌ సంస్థ నిర్మించిన ఈ చిత్రానికి ఎస్‌పీ. ముత్తురామన్‌ దర్శకుడు. ఈ టైటిల్‌ హక్కులను ఆ సంస్థ నుంచి నయనతార వర్గం అధికారికంగా పొందిందట. దీంతో నెట్రికన్‌ చిత్ర టైటిల్‌ విడుదలతో పాటు కమితాలయ సంస్థకు, నటుడు రజనీకాంత్‌కు ధన్యవాదాలు తెలుపుతూ పోస్ట్‌ చేశారు. 

సినిమా: నటి నయనతార పెళ్లి ప్రస్తావన మరోసారి తెరపైకి వచ్చింది. ఈ సంచలన మలయాళ బ్యూటీకి నటిగా ప్రమోషన్‌ అవుతోంది కానీ, పెళ్లి విషయంలో ఎలాంటి స్పష్టత రావడం లేదు. ఇప్పటికే పెళ్లి విషయంలో రెండు సార్లు భంగపడింది. మొదట్లో నటుడు శింబుతో డీప్‌ లవ్‌లో పడినా అది అక్కడితోనే బెడిసి కొట్టింది. మ్యారేజ్‌ వరకూ దారి తీయలేదు. రెండోసారి ప్రభుదేవాతో ప్రేమ దాదాపు పెళ్లి వరకూ వచ్చింది కానీ అదీ కథ కంచికే అన్నట్లుగా అయ్యింది. పాపం ఆయనతో పెళ్లి కోసం నయనతార మతం కూడా మార్చుకుంది. అయినా ఫలితం లేకపోయింది. ఆ తరువాత ప్రేమ వ్యవహారానికి కొంత దూరంగా ఉండి కెరీర్‌పై దృష్టి సారించిన నయనతార అగ్ర కథానాయకి స్థాయికి చేరుకుంది. దీంతో ఆమెలో అణగారిన ప్రేమ మరోసారి బుసలు కొట్టింది. అంతే దర్శకుడు విఘ్నేశ్‌శివన్‌లో పరిచయం ప్రేమగా మారింది. ఈ సారి నయనతార కాస్త జాగ్రత్త పడింది. ముందు చేసిన తప్పులు మళ్లీ చేయకుండా విఘ్నేశ్‌శివన్‌తో తన ప్రేమను సహజీవనంగా మార్చుకుంది. అవును వారిద్దరూ కలిసి సహజీవనం చేస్తున్నారు. ఒకే ఇంటిలో నివశిస్తూ ఒకరికొకరుగా కలిసి జీవిస్తున్నారు. ఈ జీవితాన్ని వారు మూడు బర్త్‌డేలు, ఆరు విహారయాత్రలుగా ఎంజాయ్‌ చేస్తున్నారు. అయితే ఇక్కడ దర్శకుడు విఘ్నేశ్‌శివన్‌ కుటుంబసభ్యులు పెళ్లి చేసుకోమని ఆయనపై ఒత్తిడి తీసుకొస్తున్నట్లు ప్రచారంలో ఉంది. ఇదే విషయాన్ని విఘ్నేశ్‌శివన్‌ పలుమార్లు నయనతారతో చెప్పి పెళ్లి చేసుకుందామని చెప్పినట్లు సమాచారం. దీంతో నయనతార కూడా పెళ్లికి సిద్ధమైనట్లు ఈ ఏడాదిలోనే ఈ సంచలన జంట వివాహం జరగనున్నట్లు ప్రచారం ఆ మధ్య జోరుగా సాగింది. అయితే ఇప్పుడు మరో కొత్త ప్రచారం తెరపైకి వచ్చింది. నయనతారకు కథానాయకిగా క్రేజ్‌ పెరుగుతోందే కానీ, తరగడం లేదు. ఆ మధ్య వర్ధమాన నటులతో, హీరోయిన్‌ సెంట్రిక్‌ పాత్రల్లోనూ నటిస్తూ వచ్చిన నయనతార ఇటీవల సూపర్‌స్టార్‌ రజనీకాంత్, దళపతి విజయ్, తెలుగులో మెగాస్టార్‌ చిరంజీవి వంటి వారితో నటించే అవకాశం రావడంతో ఇప్పుడే పెళ్లి చేసుకోవడం ఇష్టం లేదని సమాచారం. స్టార్‌ హీరోలతో నటిస్తున్న నయనతార దక్షిణాదిలోనే అత్యధిక పారితోషికం తీసుకుంటున్న నటిగా వాసి కెక్కింది. దీంతో దక్షిణాదిలో స్టార్‌ హీరోలతో మరో రౌండ్‌ కొట్టాలనుకుంటోందని సమాచారం. అందుకు పెళ్లి ప్రతిబంధకం అవుతుందనే భావనతో విఘ్నేశ్‌శివన్‌తో వివాహాన్ని వాయిదా వేయమని చెప్పినట్లు తాజా సమాచారం. ప్రస్తుతం విఘ్నేశ్‌శివన్‌ కూడా దర్శకుడిగానూ, నిర్మాతగానూ బిజీగా ఉండడంతో పెళ్లికి తొందర పడే అవకాశవం లేదనే టాక్‌ వినిపిస్తోంది. ఇప్పుడాయన నటుడు శివకార్తికేయన్‌ హీరోగా చిత్రాన్ని తెరకెక్కించే పనిలో ఉన్నాడు. అదేవిధంగా నయనతార ప్రధాన పాత్రలో నటించే చిత్రాన్ని నిర్మించడానికి సన్నాహాలు చేస్తున్నాడు. మొత్తం మీద నయనతార పెళ్లి మరోసారి అలా వాయిదా పడబోతోందన్నమాట.

ప్రియురాలు నాయకిగా ప్రియుడు చిత్రం నిర్మించడానికి సిద్ధం అవుతున్నాడన్నది తాజా సమాచారం. సంచలన నటి నయనతార కథానాయకిగా నటించనున్న చిత్రాన్ని దర్శకుడు విఘ్నేశ్‌శివన్‌ నిర్మించనున్నారు. అగ్రనటి నయనతార నటించిన నాలుగు చిత్రాలు ఈ ఏడాది తెరపైకి వచ్చాయి. అజిత్‌కు జంటగా నటించిన విశ్వాసం, హీరోయిన్‌ సెంట్రిక్‌ పాత్రల్లో నటించిన ఐరా, కొలైయుధీర్‌ కాలం చిత్రాలతో పాటు శివకార్తికేయన్‌కు జంటగా నటించిన మిస్టర్‌ లోకల్ చిత్రాలు విడుదలయ్యాయి‌. కాగా వీటిలో విశ్వాసం మినహా మిగిలిన మూడు చిత్రాలు నయనతారకు నిరాశనే మిగిల్చాయి. అయితే ప్రస్తుతం ఈ అమ్మడి చేతిలో చాలా భారీ చిత్రాలే ఉన్నాయి. రజనీకాంత్‌ సరసన నటిస్తున్న దర్బార్, విజయ్‌తో జత కట్టిన బిగిల్, తెలుగులో చిరంజీవికి జంటగా తొలిసారిగా నటిస్తున్న సైరా నరసింహారెడ్డి, తెలుగులో లవ్‌ యాక్షన్‌ డ్రామా చిత్రాలు ఉన్నాయి. కాగా ఈ నాలుగు చిత్రాల నిర్మాణం దాదాపు చివరి దశకు చేరుకున్నాయి. వీటిలో సైరా చిత్రం గాంధీ జయంతి సందర్భంగా అక్టోబర్‌ 2న, విజయ్‌తో నటిస్తున్న బిగిల్‌ దీపావళికి, రజనీకాంత్‌తో నటిస్తున్న దర్బార్‌ సంక్రాంతికి అంటూ వరుసగా తెరపైకి రావడానికి ముస్తాబవుతున్నాయి. ఇక నయనతారకు నెక్ట్స్‌ ఏంటీ? అన్న ప్రశ్న తలెత్తేలోపే ఈ బ్యూటీ కొత్త చిత్రానికి రెడీ అయ్యిపోతోంది. ఇక్కడ ప్రత్యేకత ఏమిటంటే తన తదుపరి చిత్రాన్ని ఆమె ప్రియుడిగా ప్రచారంలో ఉన్న దర్శకుడు విఘ్నేశ్‌శివన్‌ నిర్మించనుండడమే. అవును ఈ మధ్య నయనతార నటించిన హీరోయిన్‌ సెంట్రిక్‌ కథా చిత్రాలు ఆశించిన విజయాలను అందుకోలేకపోవడంతో మరోసారి తన అదృష్టాన్ని పరీక్షించుకునేందుకు నయనతార సిద్ధమైంది. అందుకు నిర్మాతగా తన ప్రియుడినే ఎంచుకుంది. అంటే ఒక రకంగా సొంత నిర్మాణమే అని చెప్పవచ్చు. ఇకపోతే ఈ చిత్రానికి మిలింద్‌రావ్‌ దర్శకత్వం వహించనున్నారు. మిలింద్‌ ఇంతకు ముందు సిద్ధార్థ్‌ సొంతంగా నిర్మించి కథానాయకుడిగా నటించిన అవళ్‌ చిత్రాన్ని తెరకెక్కించారు. ఆ చిత్రం 2017లో విడుదలై మంచి విజయాన్ని సాధించి నటుడు సిద్ధార్థ్‌ను హిట్‌ ట్రాక్‌లోకి తీసుకొచ్చింది.ఇక నయనతార నటించనున్న కొత్త చిత్రంలో కుక్క కీలక పాత్రను పోషించనుందట. దీనికి సంబంధించిన పూర్తి వివరాలు తెలియాలంటే మరి కొద్ది రోజులు ఆగాల్సిందే. 

సౌత్‌లో లేడీ సూపర్‌ స్టార్‌గా మంచి ఫాంలో ఉన్న బ్యూటీ నయనతార. వరుసగా లేడీ ఓరియంటెడ్‌ సినిమాలతో విజయాలు సాధిస్తున్న ఈ భామ, సినిమా ప్రమోషన్‌ కార్యక్రమాలకు మాత్రం దూరంగా ఉంటారు. తాను లీడ్‌ రోల్‌లో నటించిన సినిమాలను ప్రమోట్‌ చేయడానికి కూడా నయనతార ఇష్టపడరు. అయితే ప్రస్తుతం ఈ భామ మెగాస్టార్‌ చిరంజీవి హీరోగా నటించిన సైరా నరసింహారెడ్డి సినిమాలో చిరుకు జోడిగా నటించారు. మెగాస్టార్‌ సినిమా కావటం, ప్రతిష్టాత్మకంగా తెరకెక్కిన భారీ చిత్రం కావటంతో ఈ సినిమా ప్రమోషన్‌ కార్యక్రమాల్లో నయనతార పాల్గొంటారన్న టాక్‌ వినిపించింది. కానీ నయన్‌ మాత్రం చిరంజీవి సినిమా అయితే ఏంటి? అన్నట్టుగా వ్యవహరిస్తున్నారు. ఇటీవల ముంబైలో జరిగిన సైరా టీజర్‌ లాంచ్‌ కార్యక్రమంలో చిరంజీవితో పాటు సుధీప్‌, విజయ్‌ సేతుపతి, రవికిషన్‌ లాంటి నటులు పాల్గొన్నా.. నయనతార మాత్రం ఆ కార్యక్రమానికి హాజరు కాలేదు. దీంతో నయనతార.. సైరా ప్రచార కార్యక్రమాల్లో కనిపించటం కూడా అనుమానమే అన్న టాక్‌ వినిపిస్తోంది. మెగా పవర్‌ స్టార్‌ రామ్‌ చరణ్‌ నిర్మిస్తున్న సైరా నరసింహారెడ్డి సినిమాకు సురేందర్‌ రెడ్డి దర్శకుడు. తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి కథతో రూపొందుతున్న ఈ సినిమాలో బాలీవుడ్ మెగాస్టార్ అమితాబ్ బచ్చన్‌, కన్నడ స్టార్ హీరో సుధీప్, తమిళ సెన్సేషన్‌ విజయ్‌ సేతుపతి, బోజ్‌పురి స్టార్‌ రవికిషన్‌, టాలీవుడ్ సీనియర్‌ నటుడు జగపతి బాబు, మిల్కీ బ్యూటీ తమన్నాలు కీలక పాత్రల్లో నటిస్తున్నారు. ఈ సినిమా అక్టోబర్‌ 2న ప్రేక్షకుల ముందుకు రానుంది. సైరా టీజర్‌ లాంచ్‌ కార్యక్రమంలో విజయ్ సేతుపతి, రామ్‌చరణ్‌, తమన్నా, చిరంజీవి, సుధీప్‌, రవికిషన్‌

కమర్షియల్ చిత్రాల హీరోయిన్‌గా మంచి పేరు తెచ్చుకున్న త్రిష ఇప్పుడు హీరోయిన్‌ సెంట్రిక్‌ చిత్రాల మీద దృష్టి పెట్టింది. నటి నయనతార మాదిరిగా హర్రర్‌ కథా చిత్రాన్ని ఎంచుకుంది. అలా తెరకెక్కిన చిత్రమే నాయకి. అయితే ఆ చిత్రం త్రిషను పూర్తిగా నిరాశ పరిచింది. అయినా మోహిని చిత్రంతో మరో ప్రయత్నం చేసింది. అదీ సత్ఫలితాన్ని ఇవ్వలేదు. ప్రస్తుతం ఆ తరహా చిత్రాలే మరో మూడు త్రిష చేతిలో ఉన్నాయి. వాటిలో  పరమపదం విళైయాట్టు, గర్జన చిత్రాలు నిర్మాణ కార్యక్రమాలను పూర్తి చేసుకుని విడుదలకు ముస్తాబవుతున్నాయి. తాజాగా రాంగీ అనే చిత్రంలో నటిస్తోంది. ఈ చిత్రంపై అంచనాలు భారీ స్థాయిలోనే ఉన్నాయి. కారణం దీనికి కథ, మాటలను ప్రముఖ దర్శకుడు ఏఆర్‌.మురుగదాస్‌ అందించడమే. ఆయన శిష్యుడు శరవణన్‌ దర్శకత్వం వహిస్తున్న రాంగీ చిత్రాన్ని  లైకా ప్రొడక్షన్స్‌ సంస్థ నిర్మిస్తోంది. ఇది పూర్తి యాక్షన్‌ ఓరియన్‌టెడ్‌ కథా చిత్రంగా ఉంటుందట. ఫైట్స్‌ సన్నివేశాల్లో త్రిష డూప్‌ లేకుండా నటించేస్తోందట. ఇప్పటికే అధిక భాగం చిత్రీకరణను పూర్తి చేసుకున్న రాంగీ చిత్రం ప్రస్తుతం చెన్నైలో షూటింగ్‌ జరుపుకుంటోంది. కాగా వచ్చే నెలలో కొన్ని యాక్షన్‌ సన్నివేశాలను ఉజ్బేకిస్తాన్‌లో చిత్రీకరించనున్నారని తెలిసింది. అందు కోసం త్వరలో చిత్ర యూనిట్‌ ఉజ్బేకిస్తాన్‌కు పయనం అవుతోందట. రాంగీ చిత్రాన్ని సెప్టెంబరు చివరి వారంలో విడుదల చేయడానికి సన్నాహాలు చేస్తున్నట్లు తెలిసింది. కాగా హీరోయిన్‌ ఓరియన్‌టెడ్‌ కథా చిత్రాల నాయకిగా ఇప్పటి వరకూ చేసిన ప్రయత్నాలు త్రిషను నిరాశ పరిచాయి. ఇక గర్జన, పరమపద విళైయాట్టు చిత్రాలు విడుదలలో జాప్యం జరుగుతోంది. దీంతో రాంగీ చిత్రాన్ని సెప్టెంబరు నెలలో తెరపైకి తీసుకురావడానికి ప్రయత్నాలు జరగుతుండటంతో త్రిష ఈ చిత్రంపై చాలా ఆశలు పెట్టుకుంది. దీని కోసం చాలా కసరత్తులు చేసి తనను మార్చుకుంది కూడా. చూద్దాం ఈ సారైన హీరోయిన్‌ ఓరియన్‌టెడ్‌ చిత్రాల నాయకిగా ఈ బ్యూటీ సక్సెస్‌ను అందుకుంటుందేమో.

వరుస విజయాలతో లేడీ సూపర్‌స్టార్‌ స్థాయికి ఎదిగిన నటి నయనతార. లేడీ ఓరియన్‌టెడ్‌ సినిమాల హీరోయిన్‌గా వెలిగిపోతున్న నయనతారకు ఇటీవల విజయాలు దూరం అవుతున్నాయి. ఈ ఏడాది విశ్వాసం చిత్రం ఒక్కటే నయనతార లిస్ట్‌లో పడ్డ హిట్‌. అయితే ఫ్లాప్‌లు మాత్రం వరుసగా మూడు పడ్డాయి.  ఐరా, కొలైయుధీర్‌ కాలం,  మిస్టర్‌ లోకల్‌ చిత్రాలు బోల్తా పడ్డాయి. కొలైయుధీర్‌ కాలం చిత్రం నయనతారను చాలా నిరాశ పరిచింది.  దీంతో నయనతార ఖాతాలో వరుసగా మూడో ఫ్లాప్‌గా కొలైయుధీర్‌ కాలం చిత్రం నిలవక తప్పలేదు.  అయితే నయనతార విజయాలకు దూరం అయినా, అవకాశాలకు దూరం కాలేదు. ఇప్పుడామే చేతిలో మూడు, నాలుగు భారీ చిత్రాలు ఉన్నాయి. విజయ్‌కు జంటగా నటిస్తున్న బిగిల్, రజనీకాంత్‌ సరసన నటిస్తున్న దర్భార్‌ చిత్రంతో పాటు తెలుగులో చిరంజీవితో జతకట్టిన సైరా నరసింహారెడ్డి చిత్రాలతో పాటు మరో కొత్త చిత్రం ఉంది. అయితే వీటిలో హీరోయిన్‌ ఓరియన్‌టెడ్‌ కథా చిత్రం లేకపోవడం గమనార్హం.  ఇకపోతే ఇప్పుడు ఈ అమ్మడిపై కీర్తీసురేశ్‌ అభిమానులు ఆగ్రహం వ్యక్తం చేస్తున్నారు. అందుకు కారణం నయనతార నటించిన కొలైయుధీర్‌ కాలం చిత్ర ప్రచారంలో భాగంగా ఆ చిత్ర పోస్టర్లపై  నడిగైయార్‌ తిలగం(మహానటి) సావిత్రికి సవాల్‌ విసిరే నయనతార నటన అని పేర్కొన్నారు. దీంతో ఇటీవలే నడిగైయార్‌ తిలగం చిత్రంకు గానూ  నటి కీర్తీసురేశ్‌ జాతీయ అవార్డును గెలుచుకున్న విషయం తెలిసిందే. దీంతో నయనతార చిత్రంపై అభిమానులు ట్విట్టర్‌లో రచ్చ చేస్తున్నారు. సావిత్రి నటనకు ధీటుగా అంటారా? అని ఆగ్రహం వ్యక్తం చేస్తున్నారు. ఇదంతా చేస్తుంటే మూలిగే నక్కపై తాటికాయ పడ్డట్టు సామెత గుర్తుకొస్తుంది కదూ!

నయనతార చిత్ర దర్శకుడి తాజా చిత్రంలో నటి సమంత నటించబోతున్నారా? ఇప్పుడు సామాజిక మాధ్యమాల్లో ట్రెండింగ్‌ వార్త ఇదే. 2019లో విజయపథంలో సాగిన నటి సమంత. తమిళంలో ఈ బ్యూటీ డేర్‌ చేసి నటించిన చిత్రం సూపర్‌ డీలక్స్‌. సమంత అగ్రనటిగా వెలుగొందుతున్న తరుణంలో ఈ చిత్రంలో ఏ నటి నటించడానికి సాహసం చేయని పాత్రలో నటించారు. దీనిపై మొదట్లో విమర్శలు ఎదురైనా, చిత్రం విడుదలై సక్సెస్‌ అవడంతో పాటు, బాలీవుడ్‌లోనూ రీమేక్‌ కానుంది. అంతే కాదు పలు అంతర్జాతీయ చిత్రోత్సవాల్లో ప్రదర్శింపబడుతోంది. ఇకపోతే తెలుగులో తన భర్తతో కలిసి నటించిన మజిలి చిత్రం మంచి విజయాన్ని సాధించింది. ప్రస్తుతం ఓ బేబీ చిత్రాన్ని పూర్తి చేశారు. కొరియన్‌ చిత్ర రీమేక్‌ అయిన ఈ మూవీలో కొత్త సమంతను చూస్తారని అంటున్న ఈ అమ్మడికి కోలీవుడ్‌లో మరో హీరోయిన్‌ సెంట్రిక్‌ కథా చిత్రం తలుపు తట్టిందనే ప్రచారం తాజాగా సామాజిక మాధ్యమాల్లో వైరల్‌ అవుతోంది. ఇంతకు ముందు నయనతార హీరోయిన్‌గా డోరా చిత్రాన్ని తెరకెక్కించిన దర్శకుడు దాస్‌ రామస్వామి మరో చిత్రానికి రెడీ అయినట్లు సమాచారం. హర్రర్, థ్రిల్లర్‌ ఇతి వృత్తంతో రూపొందిన డోరా చిత్రం 2017లో విడుదలై మిశ్రమ టాక్‌నే తెచ్చుకుంది. కాగా దర్శకుడు దాస్‌ రామస్వామి రెండవ చిత్రానికి హర్రర్‌ ఇతివృత్తాన్నే ఎంచుకున్నట్లు, ఇందులో నటి సమంతను కథానాయకిగా నటింపజేసే ప్రయత్నాలు చేస్తున్నట్లు టాక్‌ స్ప్రెడ్‌ అయ్యింది. అయితే ఇందులో వాస్తవం ఎంత అన్నది తెలియాలంటే మరి కొద్ది రోజులు ఆగాల్సిందే. కాగా ఇంతకు ముందు సమంత తెలుగులో రాజుగారి గది 2 హర్రర్‌ కథా చిత్రంలో నటించారు సమంత. అయితే అది సక్సెస్‌ కాలేదు. ఇక దాస్‌ రామస్వామి తెరకెక్కించిన తొలి చిత్రం డోరా ఆశించిన విజయాన్ని అందుకోలేదు. అలాంటిది ఇప్పుడు మళ్లీ తమిళంలో ఆయన దర్శకత్వంలో హర్రర్‌ ఇతివృత్తంతో కూడిన చిత్రంలో నటించడానికి సమ్మతిస్తారా? అన్నది కూడా ఆలోచించాల్సిన విషయం.

సినిమా: కోలీవుడ్‌లో ఇప్పుడు టాక్‌ ఆఫ్‌ ది టాక్‌గా మారిన చిత్రం దర్బార్‌. కారణం టాప్‌ స్టార్స్‌ కలయికలో రూపొందుతుండడమే కాదు. చాలా ఆసక్తికరమైన అంశాలను చోటుచేసుకున్న చిత్రం దర్బార్‌. ప్రధాన అంశం ఇది సూపర్‌స్టార్‌ దర్బార్‌ కావడం. రెండో అంశం లేడీ సూపర్‌స్టార్‌ నయనతార నటించడం. మూడోది సంచలన దర్శకుడు ఏఆర్‌.మురుగదాస్‌ దర్శకుడు కావడం. ఇవి చాలవా? దర్బార్‌ ప్రత్యేకతకు. లైకా సంస్థ నిర్మిస్తున్న ఈ క్రేజీ చిత్రానికి యువ సంగీతదర్శకుడు అనిరుధ్‌ సంగీతాన్ని అందిస్తుండడం మరో విశేషం. ఇటీవలే దర్బార్‌ చిత్ర షూటింగ్‌ను ముంబైలో ప్రారంభించారు.ఇందులో రజనీకాంత్‌ ద్విపాత్రాభినయం చేస్తున్నారనే ప్రచా రం ఒక పక్క జరుగుతున్నా, ఆయన చాలా కాలం తరువాత ఒక పవర్‌ఫుల్‌ పోలీస్‌ అధికారిగా నటిస్తున్నారన్న ప్రచారం మరో పక్క జరుగుతోంది. కాగా చంద్రముఖి, కుశేలన్‌ చిత్రాల తరువాత రజనీకాంత్, నయనతార కలిసి నటిస్తున్న చిత్రం దర్బార్‌. దీంతో వీరిద్దరూ జంటగా నటిస్తున్నారని అనుకుంటున్న తరుణంలో జంటగా కాదు మరోలా నటిస్తున్నారనే టాక్‌ తాజాగా స్ప్రెడ్‌ అయ్యింది. వేరేలా అంటే అసలు ఇందలో రజనీకాంత్‌కు జోడీనే లేదని, తండ్రీ, కూతుళ్ల మధ్య ప్రేమానుబంధాలను ఆవిష్కరించే ఈ చిత్రంలో రజనీకాంత్‌కు కూతురిగా నటి నివేదా థామస్‌ నటించబోతోందని సమాచారం. మరి నయనతార పాత్రేంటి అనే ఆసక్తి కలగవచ్చు. దర్బార్‌లో రజనీకాంత్, నయనతారల మధ్య సరసాలు ఉండవట. జగడమేనట. అంటే ఇందులో నయనతార ప్రతికథానాయకి పాత్రలో నటిస్తోందనే ప్రచారం జోరుగా సాగుతోంది. పాత్రకు ప్రాముఖ్యత ఉండడంతో నటించడానికి అంగీకరించిందని, అంతే కాకుండా ఈ చిత్రం కోసం సంచలన నటి నయతార ఏకంగా 60 రోజులు కాల్‌షీట్స్‌ కేటాయించిందని సమాచారం. ఈ బ్యూటీ చిత్రం అంతా కనిపిస్తుందట. దర్బార్‌ టైటిల్‌ విడుదలతోనూ చిత్రంపై హైప్‌ పెరిగిపోయింది. ఇప్పుడు నయనతార విలనీయం అనగానే దర్బార్‌ చిత్రంపై మరింత ఆసక్తి కలుగుతోంది కదూ! అయితే ఈ విషయం గురించి స్పష్టమైన ప్రకటన చిత్ర వర్గాల నుంచి రావలసి ఉందన్నది గమనార్హం. 

వరుస విజయాలతో కోలీవుడ్ బాక్సాఫీస్‌ను దున్నేస్తున్న విజయ్‌ ప్రస్తుతం అట్లీ దర్శకత్వంలో ఓ సినిమా చేస్తున్నాడు. విజయ్‌ 63వ సినిమాగా తెరకెక్కుతున్న ఈ మూవీ ఇప్పటికే రెండు షెడ్యూల్స్‌ షూటింగ్ పూర్తి చేసుకుంది. కీలకమైన మూడో షెడ్యూల్‌ కోసం చెన్నైలోని ఈవీపీ స్టూడియోస్‌లో భారీ సెట్‌ను రెడీ చేస్తున్నారు. గతంలో విజయ్‌, అట్లీ కాంబినేషన్‌లో రూపొందిన తేరి, మెర్సల్‌ సినిమాలు ఘనవిజయం సాధించటంతో ఈ మూవీపై భారీగా ఖర్చు పెడుతున్నారు. క్రీడా నేపథ్యంలో తెరకెక్కుతున్న ఈ సినిమాలో విజయ్‌ ఫుట్‌బాల్‌ కోచ్‌గా కనిపించనున్నాడు. తదుపరి షెడ్యూల్‌లో గేమ్‌కు సంబంధించిన సన్నివేశాలను చిత్రీకరించనున్నారు. 50 రోజుల పాటు షూటింగ్ నిర్వహించాల్సి ఉండటంతో ఫుట్‌బాల్‌ స్టేడియం సెట్‌ను రెడీ చేస్తున్నారు. కేవలం ఈ సెట్‌ కోసం 6 కోట్ల రూపాయలు ఖర్చు చేస్తున్నారట. ఏజీయస్‌ ఎంటర్‌టైన్మెంట్స్ బ్యానర్‌లో తెరకెక్కుతున్న ఈ సినిమాలో నయనతార హీరోయిన్‌గా నటిస్తుండగా ఏఆర్‌ రెహమాన్ సంగీతమందిస్తున్నాడు.

సినిమా: మనిషి అన్నాక కాసింతైనా ఆశ ఉండాలి. కానీ అత్యాశ ఉండకూడదు. అయితే లేడీ సూపర్‌స్టార్‌ నయనతార అత్యాశకు పోతోందని చిత్ర వర్గాల గుసగుసలు. చేతి నిండా సినిమాలతో సూపర్‌స్టార్స్‌ నుంచి యువస్టార్స్‌ వరకూ వరుస పెట్టి సినిమాలు చేస్తోంది నయనతార. అంతే కాదు హీరోయిన్‌ ఓరియంటెడ్‌ కథా చిత్రాలతోను మెప్పించేస్తోంది. నటిగా దశాబ్ద కాలం అధిగమించిన తరువాత ఈ అమ్మడు తొలిసారిగా ద్విపాత్రాభినయం చేస్తున్న చిత్రం ఐరా. ఇందులో రెండు పాత్రల్లోనూ నటనలోనూ, గెటప్‌లోనూ ఎంతో వైవిధ్యం చూపించినట్లు చిత్ర ట్రైలర్‌ చూస్తేనే అర్థం అవుతోంది. ఈ నెల 28వ తేదీన తెరపైకి రావడానికి ఐరా ముస్తాబవుతోంది. ఇక ఈ సినిమా గురించి పక్కన పెడితే నయనతార మనసులో చాలా కాలంగా ఒక ఆశ ఉందట. దక్షిణాదిలోనే నంబర్‌వన్‌ కథానాయకిగా వెలుగొందుతున్న నయనతార పారితోషికం కూడా ఆ రేంజ్‌లోనే పుచ్చుకుంటోంది. ఇప్పటికే 5 కోట్లు తీసుకుంటున్నట్లు సమాచారం. అయితే ఈ సుందరి విజయ్, అజిత్‌ వంటి స్టార్‌ హీరోలకు ధీటైన పాత్రల్లో నటిస్తోంది. కాబట్టి పాత్రల్లోనే కాకుండా పారితోషికం విషయంలోనే వారిని మించిన స్థాయిలో ఉండాలన్నది ఈ అమ్మడి చిరకాల ఆశ అట. అదీ ఏకంగా రూ.50 కోట్లు పారితోషికం అందుకోవాలని ఆశ పడుతోందట. ఇది సాధ్యమేనా? ప్రస్తుతం నయనతార నటుడు విజయ్‌తో ఆయన63వ చిత్రంలో రొమాన్స్‌ చేస్తోంది. సుమారు 10 ఏళ్ల తరువాత ఈ క్రేజీ జంట కలిసి నటిస్తున్న చిత్రం ఇది. కాగా మరో విషయం ఏంటంటే కేజేఆర్‌ స్టూడియోస్‌ చిత్ర నిర్మాణ సంస్థ నయనతార హీరోయిన్‌గా వండర్‌ఉమెన్, కెప్టెన్‌ మార్వెల్‌ వంటి హాలీవుడ్‌ చిత్రాల తరహాలో చిత్రం చేయడానికి ప్రయత్నాలు చేస్తున్నట్లు తాజా సమాచారం. ఇది గనుక కార్యరూపం దాల్చితే నయనతార చిర కాల ఆశ నెరవేరుతుందో? లేదో? గానీ, ఇండియన్‌ లేడీ సూపర్‌స్టార్‌ పేరు తెచ్చుకోవడం ఖాయం అంటున్నారు సినీ వర్గాలు.

అర్జున్‌ రెడ్డి సినిమాతో సెన్సేషనల్‌ స్టార్‌గా ఎదిగిన విజయ్‌ దేవరకొండ, ఇతర భాషల్లోనూ తన మార్కెట్‌ను విస్తరించుకునే పనిలో ఉన్నాడు. ఇప్పటికే నోటా సినిమాతో కోలీవుడ్ లో ఎంట్రీ ఇచ్చిన విజయ్‌, ఆశించిన ఫలితం సాధించలేకపోయాడు. అయినా పట్టు వదలని విక్రమార్కుడిలా మరోసారి కోలీవుడ్ లో అదృష్టాన్ని పరీక్షించుకునేందుకు రెడీ అవుతున్నాడు. ప్రస్తుతం డియర్‌ కామ్రేడ్‌తో పాటు క్రాంతి మాధవ్‌ దర్శకత్వంలో మరో సినిమా చేస్తున్న విజయ్‌ దేవరకొండ తమిళంలోనూ ఓ సినిమాకు కమిట్ అయ్యాడు. ప్రముఖ నిర్మాత ఎస్‌ఆర్‌ ప్రభు, కొత్త దర్శకుడిని పరిచయం చేస్తూ తెరకెక్కిస్తున్న సినిమాలో విజయ్‌ దేవరకొండ హీరోగా నటించనున్నాడు. ఈ సినిమాలో విజయ్ సరసన లేడీ సూపర్‌ స్టార్‌ నయనతార హీరోయిన్‌గా నటించనుందన్న టాక్‌ వినిపిస్తోంది. దీంతో ఈ ప్రాజెక్ట్ పై కోలీవుడ్‌తో పాటు టాలీవుడ్‌ లో కూడా భారీ హైప్‌ క్రియేట్ అవుతుందని భావిస్తున్నారు చిత్రయూనిట్. ప్రస్తుతం చర్చల దశలో ఉన్న ప్రాజెక్ట్‌పై త్వరలోనే అధికారిక ప్రకటన వెలువడనుంది.

సంచలన తార నయనతార మరో హీరోయిన్‌ సెంట్రిక్‌ కథా చిత్రానికి గ్రీన్‌ సిగ్నల్‌ ఇచ్చారు. దక్షిణాది అగ్ర కథానాయకిగా వెలిగిపోతున్న నటి నయనతార. ఈ బ్యూటీ ఒక పక్క హీరోయిన్‌ ఓరియెంటెడ్‌ కథా చిత్రాలు చేస్తూనే మరో పక్క స్టార్‌ సీనియర్‌ హీరోల నుంచి యువ హీరోల వరకూ జత కట్టేస్తోంది. ఇంతకు ముందు కోలమావు కోకిల, ఇమైకా నొడిగళ్‌ వంటి చిత్రాల సక్సెస్‌లు నయనతార ఖాతాలో పడ్డాయి. అజిత్‌తో జత కట్టిన విశ్వాసం చిత్రం ఇటీవల విడుదలై  విజయం సాధించింది. త్వరలో నయన్‌ నటించిన హీరోయిన్‌ ఓరియెంటెడ్‌ కథా చిత్రం ఐరా, శివకార్తికేయన్‌కు జంటగా నటించిన మిస్టర్‌ లోకల్‌ చిత్రాలు విడుదలకు ముస్తాబవుతున్నాయి. ఇక తెలుగులో చిరంజీవితో నటిస్తున్న భారీ చారిత్రాత్మక కథా చిత్రం సైరా నరసింహారెడ్డి నిర్మాణంలో ఉంది. ఇక అదే హీరోతో మరో చిత్రం కమిట్‌ అయ్యింది. అదే విధంగా తన ప్రియుడిగా ప్రచారంలో ఉన్న దర్శకుడు విఘ్నేశ్‌శివన్‌కు నిర్మాణ బాధ్యతలను అప్పగించి తాను నిర్మించే చిత్రంలోనూ నటించనుందనే ప్రచారం జరుగుతోంది. ప్రస్తుతం విజయ్‌తో అట్లీ దర్శకత్వంలో నటిస్తోంది. కాగా తాజాగా మరో చిత్రానికి పచ్చజెండా ఊపిందన్నది తాజా సమాచారం. పునీత్ రాజ్‌కుమార్ మేనేజర్‌ కుమార్‌ నిర్మించనున్న నూతన చిత్రంలో నయనతార నటించబోతోంది. ఈయన నిర్మిస్తున్న తమిళ చిత్రానికి సీ.వేల్మతి దర్శకత్వం వహించనున్నారు. ఈయన ఇంతకు ముందు అండావ కానోమ్‌ చిత్రానికి దర్శకత్వం వహించారు. ఈ చిత్రం విడుదల కావలసి ఉంది. నయనతార హీరోయిన్‌గా నటించే చిత్రం గురించి అధికారిక ప్రకటన వెలువడాల్సి ఉంది. 

నయనతార అగ్రనటి, లేడీ సూపర్‌స్టార్, ఇంకా చెప్పాలంటే సంచలన నటి కూడా. ఆమెలో మరో కోణం కూడా ఉంది. నయనతార తాను నటించిన చిత్రాల ప్రమోషన్‌కు కూడా రాదు గానీ, చిత్ర యూనిట్‌కు మాత్రం నయనతార అంటే చాలా సాఫ్ట్‌కార్నరే ఉంటుంది. అందుకు కారణం తను నటించే చిత్రం షూటింగ్‌ పూర్తి కాగానే యూనిట్‌లోని వారందరికీ మంచి కానుకలను అందించే సత్సంప్రదాయాన్ని నయనతార పాటిస్తుంది. ఇది సినీ వర్గాల్లో చాలా అరుదుగానే జరుగుతుంది. అప్పట్లో మహానటి సావిత్రి ఈ పని చేసేవారట. ఇక ఇటీవల నటుడు విజయ్‌ ఇలాంటి సంప్రదాయాన్ని కొనసాగిస్తుంటారు. అజిత్‌ అయితే మంచి బిరియానీ విందునిస్తుంటారు. ఆ మధ్య నటి మహానటి చిత్ర షూటింగ్‌ పూర్తి అయిన తరువాత నటి కీర్తీసురేశ్‌ కూడా చిత్ర యూనిట్‌కు కానుకలను అందించింది. నటి నయనతార తన ప్రతి చిత్రానికి ఇలాంటి ఏదో రకమైన కానుకలను యూనిట్‌ వారికి ఇచ్చి వారిని సంతృప్తి పరుస్తుంటుంది. తాజాగా ఈ బ్యూటీ శివకార్తి కేయన్‌కు జంటగా నటిస్తున్న మిస్టర్‌ లోకల్‌ చిత్ర షూటింగ్‌ గత నెల 6వ తేదీతో పూర్తి అయ్యింది. దీంతో నయనతార యూనిట్‌లోని వారందరికీ మంచి ఖరీదైన వాచ్‌లను కానుకగా అందించారట. దీంతో మిస్టర్‌ లోకల్‌ చిత్ర యూనిట్‌ అంతా ఆనందంలో పడిపోయారు. అలా ఆ రోజు నయనతార టైమ్‌గా మారింది. స్టూడియోగ్రీన్‌ స్టూడియో పతాకంపై కేఈ. జ్ఞానవేల్‌రాజా నిర్మిస్తున్న మిస్టర్‌ లోకల్‌ చిత్రం సమ్మర్‌ స్పెషల్‌గా తెరపైకి రావడానికి ముస్తాబుతోంది.

లేడీ సూప‌ర్ స్టార్ న‌య‌న‌తార న‌టించిన బ్లాక్ బ‌స్టర్ సినిమా ఇమైక్క నోడిగ‌ల్. ఈ చిత్రాన్ని తెలుగులో ‘అంజ‌లి సీబీఐ’  పేరుతో అనువదిస్తున్నారు. ఆర్ అజ‌య్ జ్ఞాన‌ముత్తు ఈ క్రైమ్ థ్రిల్లర్ తెర‌కెక్కించారు. న‌య‌న‌తార సిబిఐ ఆఫీస‌ర్ గా టైటిల్ రోల్ లో న‌టించింది. ఈ చిత్రంలో అథ‌ర్వ‌, రాశీఖ‌న్నా కీల‌క పాత్రల్లో న‌టించ‌గా.. బాలీవుడ్ ద‌ర్శకుడు అనురాగ్ క‌శ్యప్ ప్రతినాయకుడిగా న‌టించారు. ప్రముఖ హీరో విజ‌య్ సేతుప‌తి విక్రమాదిత్య అనే అతిథి పాత్రలో న‌టించారు. న‌య‌న‌తార భ‌ర్త పాత్ర ఇది. ఈ చిత్రాన్ని క్యామియో ఫిల్మ్స్ బ్యాన‌ర్ సంస్థలో సీజే జ‌య‌కుమార్ నిర్మించారు. హిప్ హాప్ త‌మిళ‌న్ ఈ చిత్రానికి సంగీతం అందించగా.. ఆర్ డి రాజ‌శేఖ‌ర్ సినిమాటోగ్రఫీ అందించారు. తెలుగు అనువాద కార్యక్రమాలు వేగంగా జ‌రుగుతున్నాయి. విశ్వశాంతి క్రియేష‌న్స్ బ్యాన‌ర్ పై తెలుగు హ‌క్కుల‌ను ద‌క్కించుకున్నారు నిర్మాత‌లు సిహెచ్ రాంబాబు, ఆచంట గోపీనాథ్. ఫిబ్రవ‌రి 22న అంజ‌లి సీబీఐ ఆఫీస‌ర్ విడుద‌ల కానుంది.

సినిమా: సినీ వర్గాల్లో ఐరా చిత్రం ఆసక్తిని రేకెత్తిస్తోంది. దక్షిణాదిలో స్టార్‌ హీరోల చిత్రాలకు దీటుగా హీరోయిన్‌ ఓరియెంటెడ్‌ చిత్రాలు ఉంటున్నాయంటే అవి నయనతార నటించినవేనని చెప్పడం అతిశయోక్తి కాదు. ఈ అగ్రనటి నటించిన హీరోయిన్‌ సెంట్రిక్‌ చిత్రాలు ఒకటి రెండు ఏవరేజ్‌ అయ్యాయేమో. మిగిలినవన్నీ హిట్టే. అలా మాయ చిత్రంతో ప్రారంభమైన నయనతార కథలో నాయకిగా నటించిన చిత్రాల సక్సెస్‌ అరమ్‌ వరకూ సాగింది. అ తరువాత ఈ జాణ నటించిన ఇమైకా నొడగళ్‌ వంటి చిత్రాల విజయాన్ని కూడా నయనతార ఖాతాలోనే పడుతుంది. తాజాగా నటిస్తున్న చిత్రం ఐరా. ఇదీ హర్రర్‌ థ్రిల్లర్‌ కథా చిత్రమే. ఇందులో విశేషం ఏమిటంటే నయనతార తొలిసారిగా ద్విపాత్రాభినయం చేయడం. ఈ చిత్రంలో నయనతార బాడీలాంగ్వేజ్‌ చాలా కొత్తగా ఉంటుందంటున్నాడు దర్శకుడు సర్జన్‌. ఈయన లక్ష్మీ అనే లఘు చిత్రం ద్వారా మంచి పేరు తెచ్చుకుని ఐరా ద్వారా సినీరంగానికి పరిచయం అవుతున్నారు. ఈ చిత్ర టైటిల్‌ మాత్రమే కాదు, ఇటీవల విడుదలైన టీజర్‌ కూడా చాలా ఆసక్తిగా ఉంది. నిర్మాణ కార్యక్రమాలు పూర్తి చేసుకుని త్వరలో తెరపైకి రావడానికి ముస్తాబవుతున్న ఐరా చిత్ర వివరాలను దర్శకుడు తెలుపుతూ దీని కోసం నయనతార చాలా ప్రత్యేక శ్రద్ధ చూపుతున్నారన్నారు. తన మేకప్‌ నుంచి అన్ని విషయాలు కొత్తగా ఉండాలని సాధారణ మేకప్‌ వదిలేశారని చెప్పారు. నయనతార ఇంత వరకూ నటించనటువంటి పాత్రలో నటింపజేయాలన్న ప్రయత్నమే ఐరా చిత్రం అన్నారు. ఇందులో నయనతార బాడీలాంగ్వేజ్‌ను చూసి ప్రేక్షకులు విస్మయం చెందుతారని అన్నారు. నయనతార ఈ చిత్రంలో తొలిసారిగా ద్విపాత్రాభినయం చేయడం విశేషం అన్నారు. భవానీ అనే పాత్రలో బ్లాక్‌ అండ్‌ వైట్‌లోనే ఆమె కనిపిస్తుందని చెప్పారు. ఫ్లాష్‌బ్యాక్‌లో వచ్చే ఆ సన్నివేశాలు తనకే చాలా నచ్చాయన్నారు. అలా చూపిం చాలని కథ రాసుకున్నప్పుడే నిర్ణయించుకున్నానని చెప్పారు. ఇక రెండో పాత్రలో నయనతార ఒక సాధారణ కుటుంబానికి చెందిన అమ్మాయిగా కనిపిస్తుందని తెలిపారు. సాధారణం ఇద్దరూ ఒకేలా ఉంటే వారు కవలపిల్లలైనా అయిఉండాలి, లేక అక్కచెళ్లెళ్లు అయినా అయి ఉంటారన్నారు. అయితే ఐరా చిత్రంలో నయనతార రెండు పాత్రలకు ఎలాంటి సంబంధం ఉండదని చెప్పారు. చిత్ర టీజర్‌ను ఇటీవల విడుదల చేయగా చాలా మంచి స్పందన ప్రేక్షకుల నుంచి వచ్చిందన్నారు. దీంతో చిత్ర విజయం ఖాయం అనే నమ్మకం ఏర్పడిందని, త్వరలోనే ఐరాను తెరపైకి తీసుకురావడానికి సన్నాహాలు చేస్తున్నట్లు దర్శకుడు తెలిపారు.

సినిమా: నటి నయనతార కొత్తగా జాగ్వర్‌ కారు కొన్నది. దానికి డ్రైవర్‌ ఎవరో తెలుసా? అగ్ర కథానాయకిగా రాణిస్తున్న నటి నయనతార. ఇంతకు ముందు యువ హీరోలను సపోర్ట్‌గా చేసుకుని హీరోయిన్‌ ఓరియెంటెడ్‌ కథా చిత్రాలకే అధిక ప్రాముఖ్యతనిస్తూ వచ్చిన ఈ సంచలన నటి ఈ మధ్య స్టార్‌ హీరోలతో కమర్శియల్‌ చిత్రాలు చేయడానికి ఆసక్తి చూపుతోందని చెప్పవచ్చు. ప్రస్తుతం అజిత్‌కు జంటగా విశ్వాసం చిత్రంలో నటించిన ఈ జాణ తదుపరి విజయ్‌తో జత కట్టనుంది. మరో పక్క అరమ్‌–2 వంటి కథానాయకి సెంట్రిక్‌ పాత్ర చిత్రాలను చేయడానికి సిద్ధం అవుతోందనుకోండి. ఈ బ్యూటీ సినిమా విషయాలను పక్కన పెడితే వ్యక్తిగతంగా చూస్తే ఇటీవల ఈ అమ్మడు జాగ్వర్‌ అనే ఖరీదైన కారును కొనుగోలు చేసింది. అయితే ఆమె ప్రస్తుత స్థాయికి అలాంటి కారు కొనడం పెద్ద విషయమేమీ కాదు. ఒక చిత్రానికి రూ.5 కోట్ల వరకూ పారితోషికం పుచ్చుకుంటోంది. కాగా నయనతార బయట ప్రాంతాల్లో షూటింగ్‌ అయితే బీఎండబ్ల్యూ కారును వాడుతుందట. అందుకు ఒక డ్రైవర్‌ ఉన్నాడు. కొత్తగా కొన్న జాగ్వర్‌ కారును చెన్నైలో షూటింగ్‌లకు ఉపయోగిస్తుందట. దీనికి మాత్రం డ్రైవర్‌ తన లవర్‌ విఘ్నేశ్‌శివన్‌నే నట. ఆయన నయనతారపై ఉన్న ప్రేమతో ఆమె డ్రైవర్‌ బాధ్యతలను తనే తీసుకున్నాడట. నయనతార కారుకు డ్రైవర్‌గా మారడమే కాకుండా, ఆమె నటించే చిత్రాల కథలను తనే వింటున్నారు. తన ప్రియురాలు సంతోషంగా ఉండాలని ఆమెకు నచ్చిన విషయాలను చేస్తున్నారట. అందుకే విఘ్నేశ్‌ శివన్‌ సాన్నిహిత్యంలో ఉన్నప్పుడు నయనతార చాలా ఆనందంగా కనిపిస్తుంది. నయనతారను సంతోషంగా ఉంచడం బాగానే ఉందిగానీ,ఆమెను త్వరలో పెళ్లి చేసుకోవలసిందిగా విఘ్నేశ్‌ శివన్‌ను అభిమానులు ఒత్తిడి చేస్తున్నారట. వారి కోరికలోనూ న్యాయం ఉంది కదా!

సర్కార్‌ సినిమాతో బాక్సాఫీస్‌పై దండెత్తిన ఇళయ దళపతి విజయ్‌.. తన తదుపరి చిత్రం కోసం రెడీ అవుతున్నాడు. మెర్సెల్‌, సర్కార్‌ లాంటి బిగ్గెస్ట్‌ హిట్స్‌ తరువాత విజయ్‌ చేయబోయే ఈ సినిమాపై అంచనాలు భారీగానే నెలకొన్నాయి. ఇప్పటికీ సర్కార్‌ హవా కొనసాగుతూనే ఉంది. వివాదాల మధ్య ఈ సినిమా సక్సెస్‌ఫుల్‌గా రన్‌ అవుతూ.. మెర్సెస్‌ రికార్డులను బద్దలుకొట్టింది.  విజయ్‌ తన 63వ చిత్రాన్ని అట్లీ డైరెక్షన్‌లో చేయబోతున్నాడు. ఇప్పటికే వీరి కాంబినేషన్‌లో వచ్చిన ‘తేరి’, ‘మెర్సెల్‌’ ఘన విజయం సాధించిన సంగతి తెలిసిందే. ఇక వీరిద్దరు హ్యాట్రిక్‌ కొట్టడానికి రంగం సిద్దం చేసుకుంటున్నారు. ఈ చిత్రంలో లేడీ సూపర్‌స్టార్‌ నయనతార హీరోయిన్‌గా నటించబోతున్నట్లు మేకర్స్‌ ప్రకటించారు. ఏజీఎస్‌ ఎంటర్‌టైన్‌మెంట్స్‌పై ఈ చిత్రాన్ని నిర్మిస్తుండగా.. ఏఆర్‌ రెహమాన్‌ సంగీతాన్ని అందిస్తున్నారు. ఇతర తారాగణం, సాంకేతిక నిపుణులు, సినిమా టైటిల్‌ తదితర వివరాలను త్వరలోనే ప్రకటించనున్నారు.  A heroine needs to be Strong, Smart and add Strength to the Story AGS is super happy to announce that our very own #Nayan has come on board #Thalapathy63 Like all fans I am super excited to see our #Thalapathy #Nayan combo on screen after a longtime ⁦⁦@Atlee_dir⁩ #Ags pic.twitter.com/krrla9cBuU — Archana Kalpathi (@archanakalpathi) 25 November 2018

సినిమా: బంగారమే (తంగమే) హ్యాపీ బర్త్‌డే అంటూ ఎవరు ఎవరికి పుట్టినరోజు శుభాకాంక్షలు చెప్పారో అందరికీ అర్థమయ్యే ఉంటుంది. ఎస్‌. సంచలన నటి, అగ్రనటి, లేడీ సూపర్‌స్టార్‌ నయనతారకు ఆమె ప్రియుడు, యువ దర్శకుడు విఘ్నేశ్‌శివ తెలిపారు. అవును ఆదివారం మరియా కురియన్‌ ( నయనతార అసలు పేరు) పుట్టిన రోజు. అయ్యా చిత్రంతో కోలీవుడ్‌కు ఎంట్రీ ఇచ్చిన ఈ కేరళా కుట్టి ఆ తరువాత అంచెలంచెలుగా ఎదిగి ఇప్పుడు హీరోలకు దీటుగా లేడీ సూపర్‌స్టార్‌గా రాణిస్తున్నారు. వ్యక్తిగత జీవితంలో పలు ఒడిదుడుకులను ఎదురొడ్డి గెలిచిన నటి నయనతార. నటుడు శింబు, ప్రభుదేవాతో ప్రేమ వ్యవహారం చేదు అనుభవాన్నే అందించినా, మనోధైర్యంతో ఆ అపజయాల నుంచి బయట పడి నటిగా తన విజయ పరంపరను కొనసాగిస్తున్నారు. తాజాగా దర్శకుడు విఘ్నేశ్‌శివతో ప్రేమ, సహజీవనం అంటూ చాలా కాలంగా ప్రచారం జరుగుతున్న విషయం తెలిసిందే. వీరిద్దరి ప్రేమ గురించి బయటకు చెప్పకపోయినా, బాహాటంగానే బాహ్య ప్రపంచంలో భార్యాభర్తలా తిరిగేస్తూ ఎంజాయ్‌ చేస్తున్నారు. ఒకరి పుట్టినరోజన మరోకరు శుభాకాంక్షలు తెలుపుకుంటూ, దేశ, విదేశాల్లో విహాంగ ప్రేమ పక్షుల్లా చుట్టేయడంతో పాటు ఆ దృశ్యాలను సోషల్‌మీడియాల్లో విడుదల చేస్తూ వార్తల్లో కెక్కుతున్నారు. తాజాగా ఆదివారం నయనతార 34వ జన్మదినం. దీంతో ఆమె పుట్టిన రోజును పురస్కరించుకుని ప్రియుడు, పెళ్లి కాని భర్త భారీ ఎత్తున ఏర్పాట్లు చేశాడు. ఒక భారీ కేక్‌పై నయనతార ఫొటోను ఏర్పాటు చేసి, కింద భాగాన హ్యాపీ బర్త్‌డే, విత్‌ లాంగ్స్‌ ఆఫ్‌ లవ్‌ అని అందమైన అక్షరాలను పొందుపరిచాడు. ఇప్పుడీ కేక్‌ ఫొటోతో పాటు విఘ్నేశ్‌శివ, నయనతారల అలింగన దృశ్యం సామాజిక మాధ్యమాల్లో హల్‌ చల్‌ చేస్తున్నాయి. అంతే కాదు బంగారం హ్యాపీ బర్త్‌డే అంటూ విఘ్నేశ్‌శివ తన ఇన్‌స్ట్రాగామ్‌తో శుభాకాంక్షలను పోస్ట్‌ చేశాడు. ఇక పలువురు సినీ ప్రముఖులు, అభిమానులు నయనతారకు ఫోన్ల ద్వారా, ట్విట్టర్లలో శుభాకాంక్షల వర్షం కురిపిస్తున్నారు.

సినిమా: తారల మార్కెట్‌ అయినా, పారితోషికాలు అయినా వారి సక్సెస్‌ రేటింగ్‌ను బట్టే ఉంటాయి. అయితే కథానాయికల మార్కెట్‌కు కాలపరిమితులు ఉంటాయి. ఎక్కువ కాలం వారు ప్రైమ్‌ టైమ్‌లో కొనసాగడం కష్టతరమే. అయితే నటి నయనతార, సమంత వంటి వారు ఆ పరిధిని దాటేశారనే చెప్పాలి. ప్రస్తుతం అగ్రనటిగా రాణిస్తున్న నటి నయనతార. వృత్తిపరంగా, వ్యక్తిగతంగా పలు ఆటంకాలను అధిగమించి హీరోయిన్‌గా తన క్రేజ్‌ను కాపాడుకుంటూ వస్తోంది. అందుకు అదృష్టం కలిసొస్తోందనే చెప్పాలి. లేడీ ఓరియెంటెడ్‌ కథా చిత్రాల నాయకి స్థాయికి ఎదిగిన నయనతార పారితోషికం ఎంతో తెలుసా? చిత్రానికి అక్షరాలా రూ.కోట్లు పుచ్చుకుంటుందట. ఏమిటీ ఆశ్చర్యపోతున్నారా? ఇంకా ఆశ్చర్యపోయే విషయం ఏమిటంటే చేతి నిండా చిత్రాలతో ఊపిరి పీల్చుకోవడానికి కూడా వీలులేనంత బిజీగా ఉన్న నయనతార ఈ మధ్య వాణిజ్య ప్రకటనల్లోనూ నటించడం మొదలెట్టింది. అలాంటి చిత్రాల్లో ఒకటి రెండు రోజుల్లో నటించేస్తుంది. అందుకు ఈ సంచలన నటి పుచ్చుకుంటున్న పారితోషికం రూ.3 కోట్లు అట. ఇప్పుడు ఆశ్చర్యపోకండి. వాణిజ్య ప్రకటనలకు ఇంత పారితోషికం పుచ్చుకుంటున్న దక్షిణాది నటి నయనతారనేనట. ఇక మరో క్రేజీ నటి సమంత. ఈ బ్యూటీ గ్రోత్‌ను చూసి ఎవరైనా ఆహా అని అనుకోకండా ఉండలేరు. పెళ్లైతే హీరోయిన్‌ పనంతే అనే అపవాదును బ్రేక్‌ చేసిన నటి సమంత. వివాహానంతరం హీరోయిన్‌గా బిజీగా ఉంటూ వరుస విజయాలను సాధిస్తున్న నటి ఈ అమ్మడు. ఇక ఈ సుందరి వాణిజ్య ప్రకటనల్లో నటిస్తోంది. అందుకు ఈ ముద్దుగుమ్మ డిమాండ్‌ చేస్తున్న పారితోషికం రూ.2 కోట్లని తెలిసింది. డబ్బు చెట్లకు కాస్తాయా అంటారు. ఆ విషయాన్ని పక్కన పెడితే ఈ బ్యూటీస్‌ కాల్‌షీట్స్‌కు మాత్రం రాలుతున్నాయి. ఇలానే నటి అనుష్క, కాజల్‌అగర్వాల్, అమలాపాల్, తమన్నా లాంటి సుందరీమణులు యాడ్‌ ప్రపంచంలోనూ సంపాదించుకుంటున్నారు. ఫేస్‌ వ్యాల్యూ అంటే ఇదేమరి!

కోలీవుడ్ టాప్‌ స్టార్‌ తలా అజిత్‌ హీరోగా తెరకెక్కుతున్న తాజా చిత్రం విశ్వాసం. అజిత్‌ హీరోగా వీరం, వేదలం, వివేగం లాంటి సూపర్‌ హిట్స్ అందించిన శివ దర్శకత్వంలో ఈ సినిమా తెరకెక్కుతోంది. సత్యజ్యోతి ఫిలింస్‌ బ్యానర్‌పై నిర్మిస్తున్న ఈ సినిమాలో అజిత్‌ ద్విపాత్రాభినయం చేస్తున్నారు. నయనతార హీరోయిన్‌గా నటిస్తున్న ఈ చిత్రషూటింగ్ పనులు పూర్తయ్యాయి. ఇప్పటికే నిర్మాణానంతర కార్యక్రమాలు ప్రారంభించిన చిత్రయూనిట్‌ సినిమాను 2019 సంక్రాంతి కానుకగా జనవరి 10న రిలీజ్ చేసేందుకు ప్లాన్‌ చేస్తున్నారు. వివేగం సినిమా తరువాత అజిత్‌ లాంగ్‌ గ్యాప్ తీసుకోవటంతో విశ్వాసం సినిమా కోసం అభిమానులు చాలా కాలంగా ఎదురుచూస్తున్నారు. శివ మార్క్‌ మాస్‌ ఎంటర్‌టైనర్‌గా తెరకెక్కుతున్న ఈ సినిమాతో అజిత్‌కు మరో సూపర్‌ హిట్‌ కన్ఫామ్‌ అంటున్నారు ఫ్యాన్స్‌.

సినిమా: దక్షిణాదిలో పెళ్లీడు దాటిపోతున్న హీరోయిన్ల పట్టిక చూస్తే చాలా పెద్దగానే ఉంటుంది. నయనతార, అనుష్క, త్రిష ఇలా చెప్పుకుంటూ పోతే చాలామంది ఆ ఘడియల కోసం ఎదురుచూస్తున్నారు. వారిలో నయనతార విషయాన్ని పక్కన పెట్టవచ్చు. ఎందుకంటే ఆమె ఇప్పటికే దర్శకుడు విఘ్నేశ్‌శివన్‌తో సహజీవనం సాగిస్తోంది. అంతేకాదు అసలు ఆమెకు పెళ్లి చేసుకునే ఉద్దేశమే లేదనే ప్రచారం జరుగుతోంది. అందుకు వేరే కథ ఉందనేది ఇప్పటికే వైరల్‌ అవుతున్న విషయం తెలిసిందే. అవివాహిత అయితే నయనతార ముఖ్యమంత్రి అయ్యే అవకాశం ఉందని ఒక జ్యోతిష్కుడు చెప్పినట్టు టాక్‌ ఇప్పటికే స్ప్రెడ్‌ అయ్యింది. ఇక అందాల బ్యూటీ అనుష్క త్వరలోనే శుభవార్త వెల్లడించే అవకాశం ఉందనే ప్రచారం హల్‌చల్‌ చేస్తున్న విషయం తెలిసిందే. ఇక త్రిష ఆ తరుణం వచ్చినప్పుడు పెళ్లి తప్పకుండా చేసుకుంటానంటోంది. వీళ్ల పెళ్లిళ్ల సంగతేమోగానీ సంచలన నటి అమలాపాల్‌ మాత్రం రెండో పెళ్లికి రెడీ అంటోంది. చిత్రపరిశ్రమలోకి ప్రవేశించిన అతి తక్కువ కాలంలోనే దర్శకుడు విజయ్‌తో ప్రేమలో పడి వెంటనే పెళ్లి కూడా చేసేకున్న అమలాపాల్‌ అంతే త్వరగా ఆయన్నుంచి విడిపోయింది. మళ్లీ నటనకు దగ్గరైన ఈ అమ్మడి రెండో పెళ్లి గురించి చాలా రోజులుగానే చర్చ జరుగుతోంది. అయితే ప్రస్తుతానికి అలాంటి ఆలోచన లేదంటూ వచ్చిన ఈ కేరళా భామ మాటలో ఇప్పుడు తేడా కనిపిస్తోంది. దీని గురించి అమలాపాల్‌ ఒక ఇంటర్వ్యూలో పేర్కొంటూ చాలా మంది తన పెళ్లి గురించే అడుగుతున్నారని, రెండో పెళ్లి చేసుకునే ఆలోచన ఉందా అని ప్రశ్నిస్తున్నారని అంది. అయితే రెండో పెళ్లి చేసుకోకూడదని ఎక్కడా లేదని, అయితే మొదట తాను చేసుకున్న పెళ్లి తన ఇష్టప్రకారం జరిగిందని తెలిపింది. అది సక్సెస్‌ అవ్వలేదని, సో తన రెండో పెళ్లి విషయాన్ని తన తల్లిదండ్రుల ఇష్టానికే వదిలేశానని చెప్పింది. వారు కుదిర్చిన పెళ్లి కొడుకును చేసుకోవడానికి తాను సమ్మతిస్తానని అంది. అయితే అంత త్వరగా పెళ్లి చేసుకునే ఆలోచన మాత్రం తనకు లేదని పేర్కొంది. దీంతో ఈ అమ్మడికి ఇంట్లో రెండో పెళ్లికి ప్రయత్నాలు జరుగుతున్నాయని అనిపిస్తోంది కదూ!

సినిమా: తమిళ సినిమాలో ప్రస్తుతం హాస్య నటుడు యోగిబాబు అంత బిజీ నటుడు మరోకరు లేరన్నది వాస్తవం. అంతే కాదు ఆయనంత లక్కీ నటుడు ఇంకోకరు లేరనే చెప్పాలి. అగ్రనటి నయనతారతో రొమాన్స్‌ చేయడానికి చాలా మంది యువ నటులు కలలు కంటుంటే కొలమావు కోకిల చిత్రంలో యోగిబాబు ఆమెను పిచ్చపిచ్చగా ప్రేమించే యువకుడిగా నటించి మెప్పించాడు. తాజాగా ఒక కెనడా మోడల్‌తో నటించడానికి రెడీ అవుతున్నాడు. అవును ఈయన గూర్ఖా అనే చిత్రంలో ప్రధాన పాత్రను పోషించనున్నారు. ఇందులో ఆయనతో కెనడాకు చెందిన ప్రముఖ మోడల్‌ ఎలిస్సా నటించనుంది. శ్యామ్‌ ఆంటన్‌ దర్శకత్వం వహించనున్న ఈ చిత్రం గురించి ఆయన తెలుపుతూ అమెరికాతో సహా పలువురు మోడల్స్‌ను పరిశీలించి చివరికి కెనడా మోడల్‌ ఎలిస్సాను ఎంపిక చేసినట్లు దర్శకుడు తెలిపారు. ఆడిషన్‌లో చెప్పింది అర్థం చేసుకుని చక్కగా నటించి ఎలిస్సా ఈ అవకాశాన్ని దక్కించుకుందన్నారు. అయితే అందరూ ఊహించుకున్నట్లు ఎలిస్సా నటుడు యోగిబాబుకు జంటగా నటించడం లేదని, వీరి మధ్య రొమాన్స్‌ సన్నివేశాలు ఉండవని  చెప్పారు. డిశంబరులో చిత్ర షూటింగ్‌ను ప్రారంభించి ఒకే షెడ్యూల్‌లో పూర్తి చేయనున్నట్లు తెలిపారు. ప్రస్తుతం చిత్ర యూనిట్‌ రిహార్సల్స్‌లో ఉందని చెప్పారు. ఇందులో కుక్క ముఖ్య పాత్రను పోషించనుందని తెలిపారు. దీన్ని 4 మంకీస్‌ స్టూడియోస్‌ సంస్థ నిర్మించనుంది. మరికొందరు ప్రముఖ నటీనటులు నటించనున్న ఈ చిత్రానికి కృష్ణన్‌ వసంత్‌ ఛాయాగ్రహణం, రూపన్‌ ఎడిటింగ్‌ బాధ్యతలను నిర్వహిస్తున్నట్లు తెలిపారు. ఇతర నటీనటులను, సాంకేతిక వర్గాన్ని త్వరలోనే వెల్లడించనున్నట్లు దర్శకుడు తెలిపారు. ఈయన ప్రస్తుతం నటుడు అధర్వ హీరోగా నటిస్తున్న 100 చిత్రాన్ని పూర్తి చేసే పనిలో ఉన్నారు.

తన జీవితంలో మరపురాని, మధురమైన అనుభూతి ఇది అంటున్నారు నటుడు శివకార్తికేయన్‌. ఒక బుల్లితెర యాంకర్‌గా జీవితాన్ని ప్రారంభి, రాణించిన ఈయన అందులోనే ఆనందాన్ని వెతుక్కోకుండా, నటుడిగా అవతారమెత్తి చాలా వేగంగా టాప్‌ హీరోగా ఎదిగిపోయారు. ఈయన నటించిన తాజా చిత్రం సీమరాజా మిశ్రమ స్పందనను పొందినా, ప్రస్తుతం స్టూడియో గ్రీన్‌ పతాకంపై జ్ఞానవేల్‌రాజా నిర్మిస్తున్న చిత్రంలో నటిస్తూ బిజీగా ఉన్నారు. రాజేశ్‌ దర్శకత్వం వహిస్తున్న ఈ సినిమాలో నయనతార నాయకిగా నటిస్తోంది. కాగా శివకార్తికేయన్‌ నిర్మాతగా మారి కణా అనే చిత్రాన్ని నిర్మిస్తున్నారు. ఐశ్వర్యరాజేశ్, సత్యరాజ్, దర్శన్‌ ప్రధాన పాత్రలు పోషిస్తున్న ఈ చిత్రానికి అరుణ్‌రాజా కామరాజ్‌ దర్శకుడు. షూటింగ్‌ కార్యక్రమాలు పూర్తి చేసుకున్న ఈ చిత్రం నిర్మాణాంతర కార్యక్రమాలు జరుపుకుంటోంది. ఈ మూవీకి దిబు నినన్‌ థామస్‌ సంగీతాన్ని అందిస్తున్నారు. కణా చిత్ర ఆడియో ఇటీవల విడుదలై సంగీతప్రియుల నుంచి మంచి ఆదరణను పొందుతోంది. ముఖ్యంగా ఈ ఆల్బంలోని  వాయాడి పెత్త పుళ్ల అనే పాటను యూట్యూబ్‌లో 50 మిలియన్ల మంది చూశారట. మరో విశేషం ఏమిటంటే ఈ పాటను  శివకార్తికేయన్‌ తన ఐదేళ్ల కూతురు ఆరాధనతో కలిసి పాడడం. దీంతో పుత్రికోత్సాహంతో ఉప్పొంగిపోతున్న శివకార్తికేయన్‌ తన ఆనందాన్ని పంచుకుంటూ కొన్ని సమయల్లో మనం ఊహించన సంఘటనలు జరిగి సంతోషంలో ముంచేస్తాయన్నారు. అలాంటి సంతోషాన్నే సంగీత ప్రేమికులు తమ చిత్రంలోని వాయాడి పెత్త పుళ్ల పాటకు అందించారన్నారు. తండ్రి, కూతుళ్ల ప్రేమానుబంధాలను ఆవిష్కరించే పాటగా ఇంది ఉంటుందన్నారు. ఇది సంగీత దర్శకుడు దిబు నినన్‌ థామస్, గీత రచయిత జీకేపీల సమష్టి కృషికి దక్కిన విజయంగా పేర్కొన్నారు. తన కూతురు ఆరాధనకు తనకు మధ్య ప్రేమానుబంధాన్ని కాలమంతా గుర్తుండిపోయి, మధురానుభూతిని కలిగించేలా చేసే ఈ పాటను అందించిన వారిద్దరికీ కృతజ్ఞతలు చెప్పుకుంటున్నాన్నారు. ఆరాధన తీయని గొంతు ఈ పాట ఇంత మధురంగా రావడానికి కారణం అన్నారు. అన్నిటికీ మించి తనను, తన కూతురిని ఈ పాట పాడించాలన్న ఆలోచనను తీసుకొచ్చిన దర్శకుడు అరుణరాజు కామరాజ్‌కు ధన్యవాదాలు తెలుపుకుంటున్నానన్నారు. కణా చిత్ర నిర్మణాంతర కార్యక్రమాలను పూర్తి చేసి డిసెంబర్‌లో విడుదల చేయడానికి సన్నాహాలు చేస్తున్నట్లు శివకార్తికేయన్‌ తెలిపారు. ఇది తండ్రి కొడుకుల అనుబంధాన్ని, రైతుల జీవితాలను ఆవిష్కరించే కథా చిత్రంగా తెరకెక్కుతోంది. అథ్లెట్స్‌ క్రీడల్లో రాణించాలన్న కూతురు కలను నెరవేర్చడానికి తండ్రి ఏం చేశారన్నది ప్రధాన ఇతివృత్తంగా ఉంటుంది.

సినిమా: తెలుగులో చిరంజీవికి జంటా సైరా చిత్రంలో నటిస్తున్న నటి నయనతార తమిళంలో ఐరా చిత్రంలో నటిస్తుండడం విశేషం. దక్షిణాదిలోనే అత్యధిక పారితోషికం పుచ్చుకుంటున్న ఏకైక కథానాయకి నయనతార. అదేవిధంగా చేతి నిండా చిత్రాలతో బిజీగా ఉన్న నటి ఈమె. ఈమె సెంట్రిక్‌ కథా పాత్రల్లో నటించిన మాయ, ఆరం వంటి చిత్రాలు సక్సెస్‌ కావడంతో ఆ తరహా చిత్రాలు నయనతార వైపే చూస్తున్నాయి. ఇటీవల ఈ సంచలన నటి నటించిన కోలమావు కోకిల, ఇమైకా నొడిగళ్‌ చిత్రాలు వరుసగా విజయం సాధించడంతో నయనతార క్రేజ్‌ మరింత పెరిగింది. తాజాగా మరోసారి హీరోయిన్‌ ఓరియంటెడ్‌ కథా చిత్రంతో తెరపైకి రావడానికి నయనతార సిద్ధం  అవుతోంది. ఇంతకుముందు అరమ్, గులేభకావళి వంటి విజయవంతమైన చిత్రాలను నిర్మించిన కేజేఆర్‌ స్టూడియోస్‌ సంస్థ తాజాగా నయనతార హీరోయిన్‌గా నిర్మిస్తున్న చిత్రానికి సర్జిన్‌ దర్శకత్వం వహిస్తున్నారు. ఈయన ఇంతకు ముందు హెచ్చరికై ఇదు మణిదర్‌గళ్‌ నడమాడుం ఇదం అనే సక్సెస్‌ఫుల్‌ చిత్రాన్ని తెరకెక్కించారన్నది గమనార్హం. ఈయన తాజా చిత్రం షూటింగ్‌ దాదాపు పూర్తి చేసుకుంది. దీని ఫస్ట్‌లుక్, టైటిల్‌ను మంగళవారం సాయంత్రం విడుదల చేశారు. దీనికి ఐరా అనే టైటిల్‌ను ఖరారు చేశారు. దీని గురించి దర్శకుడు సర్జన్‌ తెలుపుతూ నయనతార తొలిసారిగా ద్విపాత్రాభినయం చేస్తున్న చిత్రం ఇదని చెప్పారు. హర్రర్‌ థ్రిల్లర్‌గా తెరకెక్కిస్తున్న ఐరా చిత్రంలో ఆమె ఇంతకు ముందెప్పుడూ నటించనటువంటి పాత్రలో  కనిపించనున్నారని తెలిపారు. ఇందులో రెండు పాత్రలు ఒక దానికి ఒకటి సంబంధం లేకుండా కాంట్రస్ట్‌గా ఉంటాయని చెప్పారు. ఐరా అంటే ఇంద్రుడి వాహనం ఐరావతం అని అర్థం, ఇందులో ఏనుగు లాంటి బలమైన పాత్రలో నయనతార నటించారని తెలిపారు. ఈ చిత్రాన్ని డిసెంబరులో క్రిస్మస్‌ పండగ సందర్భంగా విడుదలకు సన్నాహాలు చేస్తున్నట్లు దర్శకుడు తెలిపారు. ఐరా ఫస్ట్‌లుక్‌ పోస్టర్‌ను చూసి నయనతార అభిమానులు ఫుల్‌ ఖుషీ అవుతున్నారు.

నయనతార చిత్ర సీక్వెల్‌లో నటించే అవకాశం కాజల్‌అగర్వాల్‌ను వరించిందనే వార్త వైరల్‌ అవుతోంది. కోలీవుడ్‌లో లేడీ సూపర్‌స్టార్‌గా వెలిగిపోతున్న హీరోయిన్‌ నయనతార. ఈ అమ్మడికి వద్దంటే అవకాశాలు అన్న పరిస్థితి. పారితోషికం భారీగానే ఉన్న నయన చుట్టూనే అవకాశాలు తిరుగుతున్నాయి. ఇక కాజల్‌ అగర్వాల్‌ అగ్ర కథానాయికల పట్టికలో ఉన్నా, ప్రస్తుతం అవకాశాలు మాత్రం అంతంత మాత్రమే. ఎందుకో గానీ టాలీవుడ్‌లో ఉన్నంత క్రేజ్‌ ఈ అమ్మడికి కోలీవుడ్‌లో రాలేదు. విజయ్,  అజిత్, కార్తీ, విశాల్‌ లాంటి స్టార్‌ హీరోలతో రొమాన్స్‌ చేసినా అంతగా స్టార్‌డమ్‌ను పొందలేకపోయింది. ప్రస్తుతం తమిళంలో ప్యారీస్‌ ప్యారీస్‌ అనే ఒక్క చిత్రమే చేతిలో ఉంది. తెలుగులోనూ ఒకటి రెండు చిత్రాల్లో నటిస్తోంది. మూడు పదులు దాటిన పెళ్లి కాని కథానాయకిల లిస్ట్‌లో ఈ అమ్మడు ఒకరు. అయినా పెళ్లి ప్రయత్నాలు చేస్తున్నట్లు కనిపించని కాజల్‌కు కోలీవుడ్‌లో తాజాగా మరో క్రేజీ ఆఫర్‌ తలుపుతట్టినట్లు సమాచారం. ఇంతకు ముందు జయంరవి హీరోగా తెరపైకి వచ్చి సంచలన విజయాన్ని నమోదు చేసుకున్న చిత్రం తనీఒరువన్‌. మోహన్‌రాజా దర్శకత్వం వహించిన ఇందులో నయనతార కథానాయకి. తాజాగా ఈ చిత్రానికి సీక్వెల్‌ తెరకెక్కించనున్నట్లు దర్శకుడు ఇటీవల అధికారిక పూర్వకంగా వెల్లడించిన విషయం తెలిసిందే. ఇందులో జయంరవికి జంటగా ఇద్దరు భామలు నటించనున్నారని, అందులో మొదటి భాగంలో నటించిన నయనతారనే నటించనున్నట్లు ప్రచారం జరిగింది. మరో నాయకిగా నటి సాయోషాసైగల్‌ నటించే అవకాశం ఉన్నట్లు, ఇక అరవిందస్వామి పాత్రలో మలయాళ సూపర్‌స్టార్‌ మమ్ముట్టిని నటింపజేసే ప్రయత్నాలు జరుగుతున్నట్లు సామాజిక మాధ్యమాల్లో ప్రచారం జరిగింది. అయితే తాజా సమాచారం ప్రకారం ఇందులో నయనతారకు బదులు నటి కాజల్‌ అగర్వాల్‌ను నటింపజేసే పనిలో చిత్ర యూనిట్‌ ఉన్నట్లు తెలిసింది. ఇక సాయేషాసైగల్‌ విషయంలో ఎలాంటి మార్పు లేకపోయినా, తనీఒరువన్‌ పార్టు 1లో విలన్‌గా విజృంభించిన అరవిందస్వామినే పార్టు 2లోనూ నటింపజేయాలని చిత్ర దర్శక నిర్మాతలు చేస్తున్నట్లు సమాచారం. ఇందుకు సంబంధించి చర్చలు జరుగుతున్నట్లు తెలిసింది. ఈ క్రేజీ ప్రాజెక్ట్‌ పూర్తి వివరాలు తెలియాలంటే మరి కొద్ది రోజులు ఆగక తప్పదు.

తమిళసినిమా: అధర్వ, నయనతార, విజయ్‌సేతుపతి, రాశీఖన్నా, హిందీ దర్శకుడు అనురాగ్‌ కశ్యప్‌ వంటి ప్రముఖ నటీనటులు నటించిన మల్టీస్టారర్‌ చిత్రం ఇమైకా నొడిగళ్‌ భారీ అంచనాల మధ్య ఈ నెల 30వ తేదీన తెరపైకి రానుంది. క్యామియో ఫిలింస్‌ పతాకంపై సీజే. జయకుమార్‌ నిర్మించిన ఈ చిత్రానికి డిమాంటీ కాలనీ చిత్రం ఫేమ్‌ అజయ్‌ జ్ఞానముత్తు దర్శకత్వం వహించారు. హిప్‌హాప్‌ తమిళా సంగీతాన్ని, ఆర్‌డీ.రాజశేఖర్‌ ఛాయాగ్రహణం అందించిన ఈ చిత్ర వివరాలను తెలియజేయడానికి చిత్ర యూనిట్‌ బుధవారం స్థానిక సాలిగ్రామంలోని ప్రసాద్‌ల్యాబ్‌లో విలేకరుల సమావేశాన్ని నిర్వహించారు. ఈ సందర్భంగా  చిత్ర నిర్మాత  సీఏ.జయకుమార్‌ మాట్లాడుతూ ఇది మల్టీస్టారర్‌ చిత్రం అని, రెండేళ్ల కఠిన శ్రమ, అవమానాలను దాటి ఈ నెల 30వ తేదీన విడుదల కానుందన్నారు. చిత్రంపై దర్శకుడి నమ్మకంతో విడుదలకు ఐదు రోజుల ముందు పత్రికల వారికి ప్రదర్శనను ఏర్పాటు చేయనున్నామన్నారు. ఇది యాక్షన్‌ థ్రిల్లర్‌ కథా చిత్రంగా ఉంటుందన్నారు. ఇందులో హిందీ నటుడు అనురాగ్‌ కశ్యప్‌ నటన యూత్‌ను బాగా ఆకట్టుకుంటుందన్నారు. అదే విధంగా అధర్వ, రాశీఖన్నాల జంట చాలా ఫ్రెష్‌గా అనిపిస్తుందని చెప్పారు. ఇక విజయ్‌సేతుపతి, నయనతారల సన్నివేశాలు అందరిని కంటతడి పెట్టిస్తాయని అన్నారు. చిత్రంలోని యాక్షన్‌ సన్నివేశాల చిత్రీకరణలో తాము ఎలాంటి కాంప్రమైజ్‌ కాలేదన్నారు. పోరాట దృశ్యాలకు అవసరమైన వాటిని నిర్మాత నుంచి ఎలా అడిగి తీసుకోవాలో ఫైట్‌ మాస్టర్‌ స్టన్‌ శివకు బాగా తెలుసన్నారు. హిప్‌హాప్‌ తమిళా నేపథ్య సంగీతంతో కలిపి చిత్రాన్ని చూడడానికి తానూ ఆసక్తిగా ఎదురుచూస్తున్నానని నిర్మాత అన్నారు. చిత్ర కథానాయకుడు అధర్వ మాట్లాడుతూ ఇమైకా నొడిగళ్‌ రోలర్‌ కోస్టర్‌ రైడ్‌ కంటే కష్టమైనదని, ఏమైనా ఎలాంటి కాంప్రమైజ్‌ కాకుండా చేయాలని తాను దర్శకుడు అజయ్‌ జ్ఞానముత్తు భావించామని అన్నారు. చాలా శ్రమ తరువాత  నిర్మాత జయ్‌కుమార్‌ ఈ చిత్రంలోకి వచ్చారని తెలిపారు.ఆయన కథను నమ్మి ఖర్చు పెట్టారని తెలిపారు. నయనతార, అనురాగ్‌ కశ్యప్, ఛాయాగ్రాహకుడు ఆర్‌డీ.రాజశేఖర్‌ అంటూ తన ఫేవరేట్స్‌ లిస్ట్‌లో ఉన్న వారందరూ ఈ చిత్రంలో పనిచేయడం పెద్ద సర్‌ప్రైజ్‌ అని అన్నారు. ఈ చిత్ర ఆల్బమ్‌ తనకు చాలా నచ్చిందని అన్నారు. ఈ చిత్రంలో పోరాట దృశ్యాల్లో నటించడం మరచిపోలేని అనుభవం అని అధర్వ పేర్కొన్నారు. రాశీఖన్నా, సంగీతదర్శకుడు హిప్‌ హాప్‌ తమిళ, దర్శకుడు అజయ్‌ జ్ఞానముత్తు పాల్గొన్నారు. 

తమిళసినిమా: లోకం ఏమనుకున్నా డోంట్‌కేర్‌ అంటోంది నటి నయనతార. నటుడు శింబుతో ప్రేమ విఫలం, ప్రభుదేవాతో పెళ్లి విఫలం వంటి సంఘటనలను అధిగమించి కథానాయకిగా రాణిస్తున్న లక్కీ నటి నయనతార. ప్రేమ, పెళ్లి వంటి వివాదాల్లో చిక్కి విసిగిపోయిన ఈ అమ్మడు ఇప్పుడు దర్శకుడు విఘ్నేశ్‌శివతో సహజీవనం చేస్తోందని సమాచారం. అయితే ఈ విషయం గురించి ఇద్దరిలో ఏ ఒక్కరూ బహిరంగంగా చెప్పుకోవడం లేదు. ఒకరి పుట్టిన రోజున ఒకరు శుభాకాంక్షలు తెలుపుకుంటూ దేశ, విదేశాల్లో విహారయాత్రలు చేస్తూ జీవితాన్ని ఫుల్‌గా ఎంజాయ్‌ చేస్తున్నారు. నటి నయనతార తన ప్రియుడు విఘ్నేశ్‌శివకు అత్యంత ఖరీదైన కారును బహుమతిగా ఇచ్చిందనే ప్రచారం జోరుగా సాగుతోంది. దీంతో వీరి విషయం గురించి లోకం కోడై కూస్తోంది. ఇదిలాఉండగా కేరీర్‌ పరంగా మాత్రం నయనతార అగ్ర కథానాయకిగానే వెలిగిపోతోంది. ప్రస్తుతం ఇమైకా నోడిగళ్, కొలమావు కోకిల, కొలైయుధీర్‌ కాలం వంటి హీరోయిన్‌ ఓరియంటెడ్‌ చిత్రాలతో పాటు అజిత్‌ సరసన విశ్వాసం, తెలుగులో చిరంజీవితో సైరా నరసింహారెడ్డి, శివకార్తికేయన్‌ సరసన ఒక చిత్రం చేస్తూ యమ బిజీగా ఉంది. వీటిలో కొలమావు కోకిల చిత్రం ఈ నెల 17న తెరపైకి రానుంది. ఇందులో ఈ అమ్మడు మాదక ద్రవ్యాలు విక్రయించే యువతిగా నటించినట్లు సమాచారం. సాధారణంగా తన చిత్రాల ప్రచార కార్యక్రమాలకు దూరంగా ఉండే నయన్‌ కొలమావు కోకిల చిత్ర ప్రమోషన్‌లో పాల్గొనడం విశేషం. ఇటీవలే ఈ చిత్రంలోని ఒక పాటను తన ప్రియుడుగా ప్రచారంలో ఉన్న దర్శకుడు విఘ్నేశ్‌శివతో ఆవిష్కరింపజేసింది. తాజాగా ఒక టీవీ భేటీలో పాల్గొంది. ఈ సందర్భంగా తన ప్రేమ గురించి చర్చించుకునే వారి గురించి ఈ సక్కనమ్మ బదులిస్తూ ఈ ప్రపంచం మిమ్మల్ని చూసే విధం రోజుకో విధంగా మారిపోతూనే ఉంటుంది. కొందరికి ఈ రోజు నచ్చుతారు. రేపు వారికి నచ్చకపోవచ్చు. ఇతరులు ఏమనుకుంటారో అని ఆలోచిస్తూ కూర్చుంటే మనం జీవితాన్ని అనుభవించలేం అని పేర్కొంది.

తమిళసినిమా: ఈ ప్రేమలో స్నేహం ఉంది అన్నారు యువ దర్శకుడు విఘ్నేశ్‌శివ. కోలీవుడ్‌లో ఈయన గురించి తెలియని వారుండరు. ఈయన ఫేమ్‌కు కారణం సంచలన నటి నయనతార. ఒక మగాడి విజయం వెనుక ఆడది ఉంటుందంటారు. విఘ్నేశ్‌శివ ఫేమ్‌ వెనుక నయనతార ఉందని చెప్పడం అతిశయోక్తి కాదు. వీరి మధ్య ప్రేమ వ్యవహారం నడుస్తోందన్న విషయాన్ని ఇప్పుడు ప్రత్యేకంగా చెప్పనక్కర్లేదు. వీరి ప్రేమ ఇప్పటికే స్వదేశం దాటి అమెరికా వంటి విదేశాల్లో పలుమార్లు షికార్లు కొట్టొచ్చింది. ఇద్దరూ సహజీవనం సాగిస్తున్నారనే ప్రచారం జోరుగానే సాగుతోంది. ఒకరి పుట్టినరోజున మరోకరు శుభాకాంక్షలు చెప్పుకోవడం. వాటిని ట్విట్టర్‌ లాంటి సామాజిక మాధ్యమాల్లో పొందుపరచి ఉచిత ప్రచారం పొందడం ఈ సంచలన జంటకు పరిపాటిగా మారింది. తాజాగా మరోసారి వార్తల్లోకెక్కారు. స్నేహితుల దినోత్సవం సందర్భంగా ఆదివారం పలువురు ప్రత్యక్షంగానూ, ఫోన్ల ద్వారా,  ట్విట్టర్, ఫేస్‌బుక్‌ వంటి సోషల్‌ మీడియాల ద్వారా శుభాకాంక్షలు తెలుపుకున్నారు. దర్శకుడు విఘ్నేశ్‌ శివ కూడా నయనతారకు తన ఇన్‌స్ట్రాగామ్‌లో ఒక ట్వీట్‌ చేశారు. అంతే కాదు తను ఆమె కరములందుకున్న ఫొటోను కూడా పోస్ట్‌ చేశారు. ఇది ప్రేమికుల రోజు కాదు, పైగా వారు స్నేహితులు కాదుగా ఆయన ఆమెకెందుకు శుభాకాంక్షలు  చెప్పారు అనే సందేహం రావచ్చు. అందులో ఆయన ఏం పేర్కొన్నారంటే ఈ ప్రేమలో అపరిమితమైన స్నేహం ఉంది. స్నేహంలోనూ అమితమైన ప్రేమ ఉంది అని పేర్కొన్నారు. ఎంతైనా మాటలు, గీత రచయిత, దర్శకుడు కదా! తన భాషా ప్రావీణ్యాన్ని ఇలా తన ప్రేయసిపై ప్రదర్శించారన్నమాట. ఇప్పుడు ఇదే సోషల్‌ మీడియాలో వైరల్‌ అవుతోంది.

తమిళసినిమా: సినిమాకు కథ తరువాత సంగీతం అంత బలంగా మారిందన్నది ప్రత్యేకంగా చెప్పనక్కర్లేదు. ముఖ్యంగా పాటలు హిట్‌ అయితే సినిమా సగం హిట్‌ అయినట్టే. అందుకే సంగీతానికి ప్రాధాన్యత ఉంటుంది. ఇకపోతే వరుస విజయాలతో దూసుకుపోతున్న యువ నటుడు శివకార్తీకేయన్‌ సీమరాజా చిత్రాన్ని పూర్తి చేసి తాజా చిత్రానికి రెడీ అయ్యారు. ఇది ఆయన 13వ చిత్రం. అందుకే ఎస్‌కే– 13గా పేరుతో ఈ చిత్రాన్ని స్టూడియోగ్రీన్‌ పతాకంపై నిర్మాత కేఈ జ్ఞానవేల్‌రాజా నిర్మిస్తున్నారు. రాజేశ్‌ ఎం దర్శకత్వం విహిస్తున్న చిత్రంలో అగ్రనటి నయనతార నాయకిగా నటిస్తున్నారు. వేలైక్కారన్‌ వంటి విజయవంతమై చిత్రం తరువాత ఈ జంట కలిసి నటిస్తున్న రెండవ చిత్రం ఇది. కాగా ఇప్పుటికే చిత్రీకరణలో ఉన్న ఈ చిత్రానికి నటీనటులతో పాటు సాంకేతిక వర్గం ఎంపిక పూర్తైంది. సంగీత దర్శకుడిగా హిప్‌ హాప్‌ తమిళ సంగీత బాణీలు కడుతున్నారు. చిత్ర నిర్మాత కేఈ జ్ఞానవేల్‌రాజా మాట్లాడుతూ ఈ తరం యువ నాడి తెలిసిన సంగీత దర్శకుడిని ఎంపిక చేయాలన్న విషయంలో స్పష్టంగా ఉన్నామన్నారు. అందుకే హిప్‌ హాప్‌ తమిళాను ఎంపిక చేశామని చెప్పారు. హీరో, దర్శకత్వం, సంగీతం అంటూ బిజీగా ఉన్న ఆయన తమ చిత్రానికి సమయాన్ని కేటాయిస్తారా? అన్న సంశయంతోనే ఆయన్ని సంప్రదించామన్నారు. అయితే కథ విన్న వెంటనే హిప్‌ హాప్‌ తమిళా సంగీతాన్ని అంగీకరించారని తెలిపారు. శివకార్తీకేయన్, నయనతార జంటను కుటుంబ సమేతంగా చిత్రం చూసే ప్రేక్షకులు అధికం అన్నారు. వారికి హిప్‌హాప్‌ తమిళా జోడైతే చిత్ర విజయం తథ్యమన్నారు. అన్ని వర్గాల వారిని సంతృప్తి పరచే దర్శకుడు రాజేశ్‌ ఈ చిత్రానికి దర్శకుడు కావడంతో జనరంజక చిత్రం అవుతుందని కచ్చితంగా చెప్పగలనని నిర్మాత పేర్కొన్నారు.

తమిళసినిమా: కోలీవుడ్‌లో హర్రర్‌ చిత్రాల ట్రెండ్‌ కొనసాగుతూనే ఉంది. నిర్మాతలకు మంచి లాభదాయకంగా ఉండడమే అందుకు కారణం కావచ్చు. అంతే కాదు అగ్రనటిగా రాణిస్తున్న నయనతారకు హర్రర్‌ ట్రెండీ వర్కౌట్‌ అయ్యింది. మాయ చిత్రం ఆమె కెరీర్‌కు మంచి హెల్ప్‌ అయ్యిందని చెప్పక తప్పదు. అయితే అదే బాటలో పయనించాలని భావించిన నటి త్రిషకు వర్కౌట్‌ కాలేదు. కమర్శియల్‌ చిత్రాల నాయకిగా వెలుగుతున్న త్రిష. నాయకి చిత్రంలో హీరోయిన్‌ సెంట్రిక్‌ చిత్రాల నాయకిగా రాణించాలని ఆశ పడింది. అయితే అది మొదట్లోనే గండి పడింది. తమిళం, తెలుగు భాషల్లో తెరకెక్కిన ఆ చిత్రం అట్టర్‌ ఫ్లాప్‌ అయ్యింది. అయినా మరో ప్రయత్నం చేద్దామని చేసిన మోహిని చిత్రం త్రిషను పూర్తిగా నిరాశ పరచింది. ఇందులో తను తొలిసారిగా  ద్విపాత్రాభినయం చేసింది కూడా. ఈ చిత్ర విడుదలకు ముందు పత్రికల వారితో తనకు హర్రర్‌ చిత్రాలంటే ఇష్టం అని, అదీ దెయ్యాలంటే నమ్మకం ఉందని చెప్పుకొచ్చింది. అంతేకాదు ఇకపై కూడా హర్రర్‌ కథా చిత్రాలు చేస్తానని పేర్కొంది. అలాంటిది ఇప్పుడు చాలా స్ట్రాంగ్‌ డెసిషన్‌ తీసుకుందట. అదేమై ఉంటుందో ఊహించగలరా?  నాయకి, మోహిని చిత్రాలు ఘోరంగా నిరాశపరచడంతో ఇకపై ఇలాంటి హర్రర్‌ కథా చిత్రాలను చేయనన్నదే ఆ నిర్ణయం. అంతే కాదు మోహినీ చిత్ర దెబ్బకు త్రిష వారం రోజుల పాటు ఏకాంతం కోరుకుంది. తన చిత్రాలకు సంబంధించిన అన్ని పనులకు దూరంగా ఉంటుందట అవును ఈ విషయాన్ని ఒక వీడియో ద్వారా పేర్కొని దాన్ని తన ఇన్‌స్ట్రాగామ్‌లో పోస్ట్‌ చేసింది. కొత్త చిత్ర కథా చర్చలపై ప్రత్యేక దృష్టి సారించడానికే ఈ విరామం తీసుకున్నట్లు అందులో పేర్కొంది. ఈ అమ్మడి చేతిలో విజయ్‌సేతుపతితో నటిస్తున్న 96, లేడీ ఓరియెంటెడ్‌ కథా చిత్రంగా తెరకెక్కుతున్న గర్జన, 1818, అరవిందస్వామి సరసన నటిస్తున్న చతురంగవేట్టై 2 చిత్రాలు ఉన్నాయి. అయితే ఇవన్నీ షూటింగ్, నిర్మాణాంతర కార్యక్రమాలు చివరి దశకు చేరుకున్నాయన్నది గమనార్హం. ప్రస్తుతం ఫ్లాప్‌ల్లో ఉన్న త్రిషకు నిర్మాణంలో ఉన్న ఏ చిత్రం విజయానందాన్ని ఇస్తుందో చూడాలి.

తమిళసినిమా: నటి సమంత గురించి ప్రత్యేకంగా చెప్పనక్కర్లేదు. ప్రస్తుతం సక్సెస్‌పరంగా టాప్‌ గేర్‌లో ఉన్న క్రేజీ నటి. వివాహానంతరం కథానాయకిగా రాణిస్తున్న రేర్‌ నటి సమంత. మహానటి, రంగస్థలం, తమిళంలో ఇరుంబుతిరై ఇలా వరుసగా హ్యాట్రిక్‌ కొట్టిన నాయకి ఈ బ్యూటీ. ప్రస్తుతం కన్నడ చిత్రం యూటర్న్‌ రీమేక్‌లో నటిస్తోంది. ఇది హీరోయిన్‌ ఓరియెంటెడ్‌ కథా చిత్రం. అదే విధంగా తన భర్త నాగచైతన్యతో కలిసి ఒక చిత్రం చేస్తోంది. ఇకపోతే తమిళంలో శివకార్తికేయన్‌కు జంటగా నటించిన సీమరాజా నిర్మాణాంతర కార్యక్రమాలు జరుపుకుంటోంది. మరో పక్క విజయ్‌సేతుపతితో సూపర్‌డీలక్స్‌ చిత్రంలో నటిస్తోంది. ఇక నటి నయనతార గురించి అస్సలు చెప్పాల్సిన అవసరం ఉండదు. ఎందుకుంటే లేడీ సూపర్‌స్టార్‌ ఇమేజ్‌ను అందుకున్న నటి. కోలీవుడ్‌లో అగ్రనటిగా రాణిస్తున్న నయనతార చేతినిండా చిత్రాలే. ఈమె గురించి చాలా ప్రచారంలో ఉంది. దర్శకుడు విఘ్నేశ్‌శివన్‌తో ప్రేమ అని, సహజీవనం చేస్తున్నారని, రహస్యంగా పెళ్లి చేసేసుకున్నారని ఇలా చాలానే. అయినా నయనతారకు వద్దంటే అవకాశాలు అన్న పరిస్థితి. ఇకపోతే ఈ సంచలన నటి నటించిన కొలమావు కోకిల చిత్రం గురించే ఇప్పుడు చర్చ అంతా. నయనతార  ప్రధాన పాత్రను పోషించిన ఈ చిత్రానికి అనిరుద్‌ సంగీతం అందించారు. ఆయన ఈ చిత్రం కోసం ఆరు పాటలకు బాణీలు కట్టారు. అందులో కల్యాణం వయసు... అనే పాటను నటుడు శివకార్తికేయన్‌ రాసి రచయితగానూ అవతారమెత్తారు. లైకా సంస్థ నిర్మిస్తున్న ఈ చిత్రం త్వరలోనే తెరపైకి రావడానికి ముస్తాబవుతోంది. ఈ పాట 5న మార్కెట్‌లోకి విడుదలై విశేష ఆదరణను పొందుతోంది. ఇక చిత్ర ట్రైలర్‌ కూడా విడుదలై ప్రేక్షకులను విశేషంగా ఆకట్టుకుంటోంది. ఈ టీజర్‌ను ఇప్పటికే 38 లక్షల మంది తిలకించారంటే నమ్మండి. ఆ టీజర్‌ నచ్చిన వారిలో నటి సమంత ఉంది.ఈ ట్రైలర్‌ గురించి ఈ అమ్మడు కాస్త లేట్‌గా అయినా చాలా క్యూట్‌గా స్పందించింది. తనేమందంటే కొంచెం ఆలస్యంగా చెబుతున్నానన్నది తెలుసు. కోలమావు కోకిల ట్రైలర్‌ అద్భుతం. చిత్రం యూనిట్‌కు శుభాకాంక్షలు. నయనతార కీర్తి, కిరీటాల్లో ఈ చిత్రం మరో డైమండ్‌స్టోన్‌గా నిలిచిపోతుంది అని తన ట్విట్టర్‌లో పోస్ట్‌ చేసింది. అసూయ, రాగద్వేషాలు కలిగిన ఈ రంగంలో సహ నటి గురించి రెండు మంచి మాటలు చెప్పడానికే అంగీరించని ఈ రోజుల్లో అభినందించడానికి చాలా పెద్ద మనసు కావాలి. అది సమంతకు ఉంది. అందుకే ఆమె సహనటి నయనతారను ప్రశంసించింది అంటున్నారు సినీ వర్గాలు. దటీజ్‌ సమంత. చాలా బోల్డ్‌ మనిషి. తకు ఏది అనిపిస్తే అది అనేస్తుందని ఆమె భర్త నాగచైతన్యనే ఇటీవల కితాబిచ్చేశాడు.

తమిళసినిమా: నయనతార మార్కెట్‌ నానాటికీ పెరిగిపోతోంది. మొదట్లో అందాలొలకబోయడానికే పరిమితం అయిన ఈ కేరళా భామ ఆ తరువాత అభినయానికి అవకాశం ఉన్న పాత్రల్లో సత్తా చాటుకుంటోంది. ఇంకా చెప్పాలంటే అరం చిత్రానికి ముందు, ఆ తరువాత అన్నంతగా నయనతార స్థాయి మారిపోయింది. లేడీ సూపర్‌స్టార్‌గా వెలుగొందుతున్న ఈ సంచలన నటి స్థాయికి తగ్గట్టుగా పారితోషికాన్ని పెంచుకుంటూ పోతోందనే చెప్పాలి. అయినా చిత్ర అవకాశాలు పెరుగుతున్నాయే తప్ప తగ్గడం లేదు. ప్రస్తుతం చేతిలో అరడజనుకు పైగా చిత్రాలు ఉన్నాయి. వాటిలో సగం వరకూ లేడీ ఓరియెంటెడ్‌ కథా చిత్రాలే కావడం విశేషం. అగ్రనటిగా రాణిస్తున్న నయనతార మరో లేడీ ఓరియెంటెడ్‌ చిత్రంలో నటించడానికి పచ్చజెండా ఊపిందన్నది తాజా సమాచారం. కథలను నమ్ముకుని చిత్రాలు చేసే దర్శకుల్లో విజయ్‌ ఒకరు. ఈయన ఇంతకు ఇటీవల ప్రభుదేవా, తమన్నా జంటగా దేవి, సాయిపల్లవిని కోలీవుడ్‌కు పరిచయం చేస్తూ దియా చిత్రాలను చేశారు. ప్రస్తుతం ప్రభుదేవా,ఐశ్వర్యరాజేశ్‌ హీరోహీరోయిన్‌గా లక్ష్మీ చిత్రాన్ని పూర్తి చేశారు. ఇది డాన్స్‌ నేపథ్యంలో తెరకెక్కించిన చిత్రం. తాజాగా జీవీ.ప్రకాశ్‌కుమార్‌ హీరోగా హర్రర్‌ చిత్రాన్ని తెరక్కెస్తున్నారు. దీని తరువాత నయనతార ప్రధాన పాత్రలో ఒక చిత్రం చేయడానికి రెడీ అవుఉన్నారు. ఈ చిత్రంలో నయనతారకు పారితోషికం అక్షరాలా రూ. 5.5 కోట్లనే ప్రచారం సామాజిక మాధ్యమాల్లో హల్‌చల్‌ చేస్తోంది. ఇదే గనక నిజం అయితే దక్షిణాదిలో అత్యధిక పారితోషికం తీసుకునే నటిగా నయనతార పేరు నమోదవుతుంది. ఈ చిత్రం తరువాత విజయ్‌ దేవి–2 చిత్రం, విక్రమ్‌ హీరోగా చిత్రం అంటూ బిజీగా ఉన్నారు.

తమిళసినిమా: అగ్రనటిగా రాణిస్తున్న నటి నయనతార. లేడీ సూపర్‌స్టార్‌ పట్టాన్ని కూడా అందుకున్న ఈ బ్యూటీ చేతిలో స్టార్స్‌తో నటిస్తున్న చిత్రాలు, లేడీ ఓరియెంటెడ్‌ చిత్రాలు అంటూ అరడజనుకుపైనే ఉన్నాయి. తెలుగులో చిరంజీవి సరసన సైరా నరసింహారెడ్డి, అజిత్‌కు జంటగా విశ్వాసం చిత్రాల్లో నటిస్తూ బిజీగా ఉన్న నయనతార త్వరలో కమలహాసన్‌తో ఇండియన్‌ 2 చిత్రంలో జత కట్టడానికి రెడీ అవుతోంది. అంత క్రేజ్‌ ఉన్న నటి చిత్రాలు చూడాలని సగటు ప్రేక్షకుడికి ఉంటుంది. అలాంటిది అరమ్‌ చిత్రం తరువాత ఆమె నటించిన చిత్రమేదీ తెరపైకి రాలేదు. ఇది ఆమె అభిమానులకు  కాస్త నిరాశ పరచే విషయమే. అయితే నయనతార నటించిన లేడీ ఓరియెంటెడ్‌ కథా చిత్రాలు ఇమైకా నొడిగళ్, కొలమావు కోకిల త్వరలో వరుసగా థియేటర్లలో సందడి చేయడానికి రెడీ అవుతున్నాయి. ఇమైకా నొడిగళ్‌ చిత్రంలో నయనతార సీబీఐ అధికారిగా ఒక పవర్‌ఫుల్‌ పాత్రను పోషించింది. అదేవిధంగా కొలమావు కోకిల చిత్రంలో డ్రగ్స్‌ స్మగ్లర్‌గా నటించింది. ఈ చిత్రం ఇటీవలే సెన్సార్‌ కార్యక్రమాలను పూర్తి చేసుకుంది. సెన్సార్‌బోర్డు దీనికి యూ/ఏ సర్టిఫికెట్‌ను ఇచ్చింది. నయనతార నటించిన ఈ రెండు చిత్రాలపైనా భారీ అంచనాలే నెలకొన్నాయి. వీటిలో కొలైమావు కోకిల జూలైలో తెరపైకి వచ్చే అవకాశం ఉంది. ఇమైకా నొడిగళ్‌ చిత్రాన్ని నిర్మాతలు జూలై చివరి వారంలో విడుదలకు సన్నాహాలు చేస్తున్నట్లు ఇటీవల నిర్వహించిన ఆడియో ఆవిష్కరణ వేదికపై వెల్లడించారు. మొత్తం మీద నయనతార చిత్రాలు త్వరలో వరుసగా థియేటర్లలో సందడి చేయబోతున్నాయన్నమాట.

తమిళసినిమా: భర్తను హీరోగా పరిచయం చేయడం కోసమో, సోదరులను నిర్మాతలుగానో, నటులు గానో పరిచయం చేయడం కోసమో హీరోయిన్లు చిత్ర నిర్మాణం చేపట్టడం అన్నది సాధారణంగా జరుగుతున్నదే. కాగా అగ్రనటి నయనతార కూడా ఇప్పుడు అదే బాట పట్టనున్నారనే ప్రచారం సోషల్‌మీడియాలో వైరల్‌ అవుతోంది. లేడీ సూపర్‌స్టార్‌గా వెలుగొందుతున్న నయనతార హీరోయిన్‌ ఓరియంటెడ్‌ కథా చిత్రాలతో పాటు స్టార్‌ హీరోలతోనూ నటిస్తూ బిజీగా ఉంది. ఆ మధ్య అరమ్‌ చిత్రంలో నటించింది. ఆ చిత్రం ఆమెకు చాలా మంచి పేరును తెచ్చి పెట్టింది. ఆ చిత్రానికి నిర్మాత ఆమె మేనేజర్‌ అని చెప్పినా, తరువాత పెట్డుబడి అంతా నయనతారదేననే ప్రచారం జరిగింది. దీన్ని ఎవరూ ఖండించలేదు కూడా. ఇప్పుడు ఈ సంచలన నటి నేరుగానే చిత్ర నిర్మాణంలోకి దిగుతోందన్నది తాజా సమాచారం. తన ప్రియుడుగా ప్రచారంలో ఉన్నదర్శకుడు విఘ్నేశ్‌శివ కోసం నయనతార ఒక చిత్రాన్ని నిర్మించడానికి సిద్ధం అయినట్లు టాక్‌. విఘ్నేశ్‌శివ సూర్య హీరోగా చేసిన తానాసేర్నద కూటం చిత్రం తరువాత మరో చిత్రం కమిట్‌ కాలేదు. తాజాగా నయనతార నిర్మించనున్న చిత్రానికి దర్శకత్వం వహించడానికి రెడీ అవుతున్నారట. ఇందులో యువ నటుడు అధర్వ హీరోగా నటించనున్నారని, దీనికి ఇదయం మురళి అనే టైటిల్‌ను నిర్ణయించినట్లు సమాచారం. మరో విషయం ఏమిటంటే నయనతార, అధర్వ కలిసి ఇమైకా నోడిగళ్‌ అనే చిత్రంలో నటించారు. ఈ చిత్రం త్వరలో తెరపైకి రానుంది. కాగా తన ప్రియుడి కోసం తాను నిర్మించే చిత్రంలో ఆమె నటిస్తుందా? లేదా? అన్నది వేచి చూడాలి. అసలు ఈ ప్రచారంలో నిజమెంత అన్నది తెలియాల్సి ఉంది. 

తమిళసినిమా: ప్రేయసి కోసం ప్రియుడు పాట రాస్తే ఆ పాటలో నిజంగా మజా ఉంటుందని చెప్పవచ్చు. అదీ అగ్రనటి నయనతార కోసం ఆమె ప్రియుడు, యువదర్శకుడు విఘ్నేశ్‌శివ పాట రాస్తే దానికి ప్రేక్షకుల నుంచి వచ్చే క్రేజే వేరు. అలాంటి ఒక పాట కోలమావు కోకిల చిత్రంలో చోటుచేసుకుంది. లేడీ సూపర్‌స్టార్‌గా రాణిస్తున్న నయనతార నటించిన ఇమైకా నోడిగళ్, కొలైయుధీర్‌ కాలం, కొలమావు కోకిల వంటి లేడీ ఓరియెంటెడ్‌ కథా చిత్రాలు షూటింగ్‌ పూర్తి చేసుకుని నిర్మాణాంతర కార్యక్రమాల దశలో ఉండగా, అజిత్‌కు జంటగా నటిస్తున్న విశ్వాసం, తెలుగులో చిరంజీవికి జంటగా సైరా నరసింహారెడ్డి చిత్రాలు నిర్మాణంలో ఉన్నాయి. ఇకపోతే నయనతార నటించిన కొలమావు కోకిల చిత్రం త్వరలో తెరపైకి రావడానికి రెడీ అవుతోంది. ఈ చిత్రానికి సంచలన సంగీత దర్శకుడు అనిరుద్‌ సంగీత బాణీలను అందించారు. ఇప్పటికే అనిరుద్‌ పాటలను మెచ్చుకున్న నయనతార కోసం ఆమె ప్రియుడిగా ప్రచారంలో ఉన్న దర్శకుడు విఘ్నేశ్‌శివ ఈ చిత్రంలో ఒక పాట రాశారు. ఒరే ఒరు..అంటూ సాగే ఈ పాటను సంగీత దర్శకుడు అనిరుద్‌ శుక్రవారం సాయంత్రం విడుదల చేయనున్నారు. ఆరు పాటలున్న ఈ చిత్రంలో ఒక పాటను నటుడు శివకార్తికేయన్‌ రాయడం విశేషం. ఎదువరై అనే పాటను ఆ మధ్య విడుదల చేయగా సంగీత ప్రియుల నుంచి మంచి ఆదరణను పొందిందట. అదే విధంగా శివకార్తికేయన్‌ రాసిన కల్యాణ వయసు అనే పాట విడుదలై మంచి స్పందనను పొందింది. తాజాగా విఘ్నేశ్‌శివ పాటకు మరింత ప్రేక్షకాదరణ వస్తుందని చిత్ర వర్గాలు ఆశాభావాన్ని వ్యక్తం చేస్తున్నారు. నెల్సన్‌ దర్శకత్వం వహిస్తున్న ఈ చిత్రంపై అంచనాలు భారీగానే నెలకొన్నాయి. ఇందులో నయనతార డ్రగ్‌ స్మగ్లర్‌గా నటిస్తున్నారు. ఆమెకు పెయిర్‌ ఉండరట. అయితే హాస్య నటుడు యోగిబాబు ఆమెను విపరీతంగా ప్రేమించే ఒన్‌సైడ్‌ లవ్‌ ట్రాక్‌ ప్రేక్షకులకు మంచి ఎంటర్‌టైనింగ్‌ ఇస్తుందని చిత్ర వర్గాలు పేర్కొన్నారు.

తమిళసినిమా: లేడీ సూపర్‌స్టార్‌ నయనతార స్మగ్లర్‌ అవతారమెత్తారట. ఈ బ్యూటీ నటించిన చిత్రాలకిప్పుడు యమ క్రేజ్‌ ఉన్న విషయం తెలిసిందే. తమిళంతో పాటు తెలుగులోనూ చేతి నిండా అవకాశాలు ఉన్నాయి. మరిన్ని చిత్రాలు ఈ అమ్మడి కోసం వెయిటింగ్‌లో ఉన్నాయి.  స్టార్‌ హీరోల చిత్రాలకు దీటుగా నయనతార ప్రధాన పాత్రల్లో నటించిన చిత్రాలకు మార్కెట్‌ ఉంది. ఈ మధ్య అరమ్‌ చిత్రం సాధించిన వసూళ్లే అందుకు సాక్ష్యం. నయనతార అరమ్‌ చిత్రంలో ప్రజల కోసం పోరాడిన కలెక్టర్‌గా ప్రేక్షకులను అలరించారు. అలాంటి ఇమేజ్‌ తెచ్చుకున్న నయనతారను స్మగ్లర్‌గా  చూడగలమా? చూసి తీరాల్సిందే. ఎందుకంటే తన తాజా చిత్రంలో డ్రగ్స్‌ స్మగ్లర్‌గా ఈ అగ్ర నటి ప్రేక్షకుల ముందుకు రాబోతున్నారన్నది తాజా సమాచారం. నయనతార నటిస్తున్న లేడీ ఓరియంటెడ్‌ కథా చిత్రాల్లో కొలమావు కోకిల ఒకటి. నిర్మాణ కార్యక్రమాలు చివరి దశకు చేరుకున్న ఈ చిత్రానికి యువ సంగీత దర్శకుడు అనిరుద్‌ సంగీత భాణీలు కడుతున్నారు. అంతే కాదు ఇందులో  ఒక గెస్ట్‌ పాత్రలో మెరవనున్నారనే ప్రచారం సోషల్‌ మీడియాల్లో వైరల్‌ అవుతోంది. ఇటీవల అనిరుద్‌ ఓ ఇంటర్వ్యూలో పేర్కొంటూ కొలమావు కోకిల చిత్రంలో నయనతార ఇంట్లోనే మాదక ద్రవ్యాలను విక్రయించే యువతిగా నటిస్తున్నట్లు తెలిపారు. అయితే ఆమె అలా డ్రగ్స్‌ స్మగ్లర్‌గా ఎందుకు మారారన్నది చిత్రంలో ఆసక్తికరమైన అంశంగా ఉంటుందని చెప్పారు. ఏదేమైనా కొలమావు కోకిల చిత్రం డార్క్‌ హ్యూమర్‌ కథా చిత్రంగా అందరికీ వినోదాన్ని పంచుతుందని చిత్ర వర్గాలు పేర్కొంటున్నాయి. ఇందులో నయనతారతో పాటు, జాక్యూలైన్, యోగి బాబు, శరణ్య, నిషా ప్రధాన పాత్రలను పోషిస్తున్నారు. ఈ చిత్రం కోసం నటుడు శివకార్తీకేయన్‌ ఒక పాటను రాయడం విశేషం.

సమ్మర్‌ హాలిడేస్‌ స్కూల్‌ పిల్లలకే కాదు. అందరికీ వర్తిస్తుంది అంటున్నారు కోలీవుడ్‌ లవ్‌ బర్డ్స్‌ నయనతార, విఘ్నేశ్‌ శివన్‌. అన డమే కాదు క్విక్‌గా కొన్ని హాలిడేస్‌ కూడా తీసుకున్నారీ జంట. ఈ లవ్‌ కపుల్‌ వీలు దొరికినప్పుడల్లా హాలీడేకు వెళ్తుంటారన్న విషయం తెలిసిందే. మరి ఇప్పుడెక్కడకు వెళ్లారు అంటే.. మ్యూజిక్‌ ఫెస్టివల్‌కు. అమెరికాలోని కొచెల్లా మ్యూజిక్‌ ఫెస్టివల్‌కు. రాక్, పాప్, ఎలక్ట్రానిక్‌ ఇలా రకరకాల మ్యూజిక్, చాలా మంది ఆర్టిస్ట్స్‌ అందరూ కలిసి మ్యూజిక్‌ సంబరంగా జరుపుకుంటారు. ఆ సంగీతాన్ని ఎంజాయ్‌ చేయడానికి వారం రోజుల వెకేషన్‌కు వెళ్లారు విఘ్నేశ్, నయన్‌. ఈ ట్రిప్‌లోని ఫోటోలను ఇన్‌స్టాగ్రామ్‌లో షేర్‌ చేశారు విఘ్నేశ్‌. ఈ ట్రిప్‌ విశేషాలని వివరిస్తూ–‘ ‘కొచెల్లాలో అమేజింగ్‌ టైమ్‌ స్పెండ్‌ చేశాం. నా స్టార్‌ (నయనతార)తో చిన్న మ్యూజికల్‌ జర్నీ. గ్రేట్‌ ఎక్స్‌పీరియన్స్‌. స్టార్‌ సింగర్‌ బియాన్స్‌ పర్ఫార్మెన్స్‌ బెస్ట్‌ మూమెంట్స్‌ మాకు. చిన్న ట్రిప్‌తో సమ్మర్‌ వెకేషన్‌ ముగిసింది. ఇక బ్యాక్‌ టు వర్క్‌’’ అని పేర్కొన్నారు.  

తమిళసినిమా: లేడీ సూపర్‌స్టార్‌ నయనతారకు సంబంధించిన న్యూస్‌ అంటేనే సినీ ప్రేక్షకులకు సమ్‌థింగ్‌ స్పెషల్‌గా మారిపోయింది. దశాబ్దం దాటినా అగ్రనటిగా రాణిస్తున్న అరుదైన నటి ఈ కేరళా బ్యూటీ. తమిళం, తెలుగు, మలయాళం భాషల్లో బిజీబిజీగా నటించేస్తున్న నయనతారను చూసి సహ నటీమణులు ఈర్ష్య పడుతున్నారు. మాయ, అరమ్‌ వంటి చిత్రాలు ఈ నటి స్థాయిని మరింత పెంచేశాయి. తాజాగా నయనతార నటిస్తున్న అలాంటి లేడీ ఓరియెంటెడ్‌ చిత్రం కొలమావు కోకిల (కొకో). నిర్మాణంలో ఉన్న ఈ చిత్రంలో పలు ప్రత్యేకతలు చోటు చేసుకుంటాయంటున్నారు చిత్ర వర్గాలు. నానుమ్‌ రౌడీదాన్‌ చిత్రం ఆమెకు సినీకేరీర్‌ పరంగానూ, వ్యక్తిగత జీవితం పరంగానూ పెద్ద ప్లస్‌ అయ్యింది. అందులో నటనకు ప్రశంసలు, అవార్డులు అందుకున్న నయనతార జీవితంలోకి ఆ చిత్రం దర్శకుడు విఘ్నేశ్‌శివ ప్రేమికుడిగా వచ్చారు. ఇక కొలమావు కోకిల చిత్రానికి వస్తే ఇందులో నయనతార మూగ యువతి పాత్రలో నటిస్తున్నారని సమాచారం. ఇందులో నటి శరణ్య పొన్‌వన్నన్, జాక్విలిన్, అరంతంగి నిషా, యోగిబాబు  ముఖ్యపాత్రలను పోషిస్తున్నారు. ఇక మంచి రైజింగ్‌లో ఉన్న యువ సంగీతదర్శకుడు అనిరుధ్‌ ఈ చిత్రానికి సంగీత బాణీలను కడుతున్నారు. ఈ సందర్భంగా ఆయన ఒక ట్విట్‌ చేశారు. కొలమావు కోకిల చిత్రంలో ఐదు పాటలు ఉంటాయని తెలిపారు. నవ దర్శకుడు నెల్సన్‌ దిలీప్‌కుమార్‌ కథ, కథనం, దర్శకత్వం బాధ్యతలను నిర్వహిస్తున్న ఈ చిత్రాన్ని లైకా సంస్థ నిర్మిస్తోంది. ఈయన అనిరుధ్‌కు బాల్యమిత్రుడట. ఈ విషయాన్ని ఎందుకు చెప్పాల్సి వచ్చిందంటే ఇందులో ఈ సంచలన సంగీతదర్శకుడు ఒక ముఖ్య పాత్రను పోషిస్తున్నారనే ప్రచారం కోలీవుడ్‌లో వైరల్‌ అవుతోంది. వడకర్రి లాంటి కొన్ని చిత్రాల్లో పాటల్లో తళుక్కున మెరిసి వెళ్లిపోయిన అనిరుధ్‌ నయనతార చిత్రంలో ఒక కీలక పాత్రలో నటిస్తున్నట్లు సమాచారం. ఇంతకు ముందు చాలా మంది నటించమని కోరినా నిరాకరించిన అనిరుధ్‌ను దర్శకుడు ఈ చిత్రంలో నటించడానికి ఒప్పించినట్లు టాక్‌. సంగీతదర్శకుడు జీవీ.ప్రకాశ్‌కుమార్‌ కూడా ఇలా అప్పుడప్పుడూ పాటల్లో మెరిసి ఈ తరువాత ఫుల్‌టైమ్‌ హీరోగా మారిపోయారు. మరి అనిరుధ్‌ కెరీర్‌ ఎలా టర్న్‌ అవుతుందో చూడాలి.

తమిళసినిమా: ఎదురు దెబ్బలను తట్టుకుని నిలబడితే ఆ తరువాత అంతా ఆనందమే. ఇందుకు నటి నయనతార ఒక ఉదాహరణ అని చెప్పవచ్చు. స్టార్ హీరోయిన్‌ నయనతార ఆదిలో ఎన్నో అవమానాలను, అవరోధాలను ఎదుర్కొన్నారు. వ్యక్తిగతంగా చాలా ఒడిదుడుకులు చవిచూశారు. ప్రేమలోనూ రెండు సార్లు విఫలమయ్యారు. వాటన్నింటినీ ఎదురొడ్డి ఇప్పుడు అగ్రనటి స్థానాన్ని దక్కించుకున్నారు. ఒకప్పుడు గ్లామర్‌ పాత్రల్లో దుమ్మురేపిన నయనతార ఇప్పుడు అభినయంతోనూ అదరగొడుతున్నారు. ఇంత బిజీగా ఉన్నా దర్శకుడు విఘ్నేశ్‌ శివన్‌తో ప్రేమ, షికార్లు చేస్తున్నారు. ఇటీవల పర్సనల్‌ లైఫ్‌ కోసం కాస్త సమయాన్ని కేటాయించి విఘ్నేశ్‌శివన్‌తో విదేశాలకు చెక్కేశారు. సింగపూర్, దుబాయ్‌లో విహరించి ఆ తరువాత అమెరికా చేరుకున్నారు. అటు నుంచి సొంత గడ్డ (కేరళలోని కొచ్చి)కి చేరుకుంటారట. అక్కడ మలయాళ సూపర్‌స్టార్‌తో కలిసి నటించే భారీ చిత్రంలో పాల్గొంటారని సమాచారం.  తాజా సమాచారం ఏమిటంటే నయనతార ఇంతకుముందు పారితోషికంగా రూ.3కోట్లు పుచ్చుకునే వారు. అయితే తను సెంట్రల్‌ రోల్‌ పోషించిన అరమ్‌ చిత్రం విజయం మరింత ఇమేజ్‌ను తెచ్చి పెట్టింది. అంతే అమ్మడు పారితోషికాన్ని రూ.4కోట్లకు పెంచేశారనే ప్రచారం జోరందుకుంది. ప్రస్తుతం స్టార్‌ హీరోల చిత్రాలు తనవైపు రావడంతో పారితోషికం విషయంలో మరింత డిమాండ్‌ చేస్తున్నారనే టాక్‌ సోషల్‌ మీడియాల్లో వైరల్‌ అవుతోంది. నయనతార తెలుగులో చిరంజీవికి జంటగా సైరా నరసింహారెడ్డి చిత్రంలో నటిస్తున్నారు. త్వరలో అజిత్‌ సరసన విశ్వాసం చిత్రంలో నటించడానికి రెడీ అవుతున్నారు. ఇక సూపర్‌స్టార్‌ రజనీకాంత్‌ తాజా చిత్రంలోనూ నయనే నాయకి అనే ప్రచారం జోరందుకుంది. ఇలాంటి పరిస్థితుల్లో మమ్ముట్టితో కలిసి నటించనున్న తాజా చిత్రం కోసం తన పారితోషికాన్ని అక్షరాల రూ.5కోట్లు డిమాండ్‌ చేసినట్లు టాక్‌ స్ప్రెడ్‌ అయ్యింది. ఇది తమిళం, తెలుగు, మలయాళం భాషల్లో తెరకెక్కనుందని సమాచారం. దక్షిణాదిలో ఇంత మొత్తంలో పారితోషికం తీసుకుంటున్న ఏకైక నటి నయనతారనే అవుతుంది. ఇలా అగ్రనాయకిగా వెలుగొందుతున్న నయనతార పారితోషికంలోనూ అగ్రస్థానాన్నే అధిరోహించిందన్న మాట.

చెన్నై : డబ్బు, పేరు, ప్రఖ్యాతులు ఉన్నా మనిషికి జీవితంలో ముఖ్యంగా కావలసింది ఒకటుంది. అదే మనశాంతి. అందుకు దైవానుగ్రహం ఉండాలి. వీలున్నప్పుడు  దైవ దర్శనం చేసుకుంటే భారం అంతా దిగిపోతుంది.  నటి నయనతార ఇటీవల అమృత్‌సర్‌లోని గోల్డెన్‌ టెంపుల్‌ను సందర్శించారు.  తాజాగా హీరోయిన్‌ తమన్న ప్రసిద్ధి చెందిన దేవాలయానికి వెళ్లి దైవ దర్శనం చేసుకుని అలౌకిక ఆనందాన్ని పొందా రు. దశాబ్దం దాటినా కథానాయకిగా తన స్థానా న్ని పదిలపరచుకుంటూ, తమిళం, తెలుగు, హింది భాషల్లో నటిస్తూ బిజీగా ఉంది తమన్న. కోలీవుడ్‌లో ఇటీవల విక్రమ్‌తో జత కట్టిన తమన్నకు స్కెచ్‌ చిత్ర విజయం నూతనోత్సాహాన్నిచ్చిందనే చెప్పాలి. ప్రస్తుతం తమిళంలో శీనూరామసామి దర్శకత్వంలో కన్నె కలైమానే చిత్రంలో నటిస్తున్నారు. ఆమె ఇంతకు ముందు ఈ దర్శకుడి  దర్శకత్వంలో నటించిన ధర్మదురై మంచి విజయాన్ని సాధించిందన్నది గమనార్హం. తాజా చిత్రంలో ఉదయనిధి స్టాలిన్‌తో నటిస్తున్నారు. ఈ చిత్రం మధురై పరిసర ప్రాంతాల్లో చిత్రీకరణను జరుపుకుంటోంది. చిత్ర షూటింగ్‌లో పాల్గొంటున్న తమన్న సోమవారం ఉదయం మీనాక్షి అమ్మవారి ఆలయానికి వెళ్లారు. ఇతర భక్తులతో పాటు వరుసలో నిలబడి అమ్మవారి, సుందరేశ్వరుడు సన్నిధిని దర్శించుకున్నారు.  ఈ సంగతి స్థానికులకు తెలియడంతో తమన్నను చూసేందుకు ఆలయం ముందు గుమిగూడారు. దీంతో ఆ ప్రాంతంలో కాస్త కలకలం చెలరేగింది. దైవ దర్శనం అనంతరం వెలపలికి వచ్చిన ఆమెను పోలీసుల భద్రత నడుమ సురక్షితంగా అక్కడి నుంచి వెళ్లారు.   

నేప్‌క్వీన్‌ వయసుకు తగిన పనే అయినప్పటికీ, పదిహేడేళ్ల అమికా జార్జి తన వయసుకు మించిన కార్యాన్నే భుజాన వేసుకున్నారు! లండన్‌లో చదువుకుంటున్న ఈ కేరళ అమ్మాయిని.. టీవీలో యథాలాపంగా కనిపించిన వార్త ఒకటి ‘ఫ్రీ పీరియడ్స్‌’ అనే ఉద్యమానికి పురికొల్పేలా చేసింది! ఇంగ్లండ్‌కు ఉత్తరాన ఉన్న లీడ్స్‌ నగరంలోని అనేక నిరుపేద కుటుంబాలలో శానిటరీ నేప్‌కిన్స్‌ కొనే స్తోమత లేక, నెలకు కనీసం నాలుగైదు రోజులు స్కూలు మానేస్తున్న పదీ, ఆపై వయసుగల బాలికలపై వచ్చిన ప్రత్యేక వార్తాకథనం అది.  అంతగా ఆ వార్త తనను కదిలించిన కొన్నాళ్ల తర్వాత అమికా జార్జి ‘ఫ్రీ పీరియడ్స్‌’ ఉద్యమాన్ని ప్రారంభించి, లక్షా ముప్పైవేల సంతకాలు సేకరించి గత నెలలో బ్రిటన్‌ ప్రభుత్వ దృష్టికి ఈ ‘నెలసరి పేదరికాన్ని’ తీసుకెళ్లారు. త్వరలోనే ఆమె బ్రిటన్‌ విద్యాశాఖ మంత్రి జస్టీన్‌ గ్రీనింగ్‌ని కూడా కలిసి, బాలికల చదువుకు ఆటంకం కలిగిస్తున్న ‘పీరియడ్‌ పావర్టీ’ని నిర్మూలించేందుకు తక్షణ చర్యలు తీసుకోవాలని అభ్యర్థించబోతున్నారు! స్త్రీల అసౌకర్యాలను గుర్తించడం కూడా స్త్రీల సదుపాయాల కల్పనలో ఒక భాగమేనని అంత పెద్ద ప్రభుత్వానికి ఇంత చిన్న పిల్ల గుర్తుచేయవలసి వచ్చింది! జ్ఞాపకాల రచయిత్రి బెర్లిన్‌లోని పార్లమెంటు భవనం ‘రీచ్‌స్టాగ్‌’ గోడలపై రెండో ప్రపంచ యుద్ధ కాలం నాటి రష్యా సైనికుల భావోద్వేగ లేఖనాలు ఇంకా అలాగే పదిలంగా ఉన్నాయి. జర్మనీని ఓడించే క్రమంలో రీచ్‌స్టాగ్‌లో భవనంలోకి ప్రవేశించిన రష్యా సైనికులు అక్కడి గోడల నిండా జర్మనీ దురహంకారంపై నిప్పులు చెరుగుతూ ఆగ్రహావేశాలతో కూడిన వ్యాఖ్యలను లిఖించారు.  ‘నీకు జరగవలసిందే జరిగింది’, ‘ఏ విత్తనాలైతే నువ్వు వేశావో, అవే విత్తనాలు నీకోసం మొలకెత్తాయి’, ‘లక్షల కుటుంబాలను విచ్ఛిన్నం చేసిన జర్మనీ ఇప్పుడు తన కుటుంబాన్ని కోల్పోయి దిగాలుగా కూర్చోబోతోంది’.. ఇలా వివిధ ఉద్వేగాలు అక్షరాలుగా గోడలకెక్కాయి. యుద్ధం అనంతరం వచ్చిన ప్రభుత్వాలు రీచ్‌స్టాగ్‌ భవనానికి ఎన్ని మెరుగులు దిద్దినప్పటికీ గోడలపై రాతల రూపంలో ఉన్న ఆనాటి జ్ఞాపకాలు చెరిగిపోకుండా జాగ్రత్త పడ్డాయి.  ఇప్పుడు వీటన్నిటినీ కెరిన్‌ ఫెలిక్స్‌ అనే 68 ఏళ్ల జర్మన్‌ మహిళ పుస్తక రూపంలోకి తేబోతున్నారు! ఆ కుడ్య లేఖనాలన్నిటినీ ఒక క్రమ పద్ధతిలో అమర్చి, అనువదించి, వాటికి ఓ ముప్పై వరకు రష్యన్‌ సైనికుల కథలను ఆమె జోడిస్తోంది. ఈ గెలుపు ఓటముల ప్రపంచంలో జ్ఞాపకాలు, గుణపాఠాలు మిగిలేది ఎప్పటికైనా మహిళల వల్లనే.  ఏం చదివారు? ఆడపిల్లలు చదువుకు వ్యాల్యూ ఇస్తారు. శ్రద్ధగా చదువుతారు.  మంచి మార్కులు సంపాదిస్తారు. ఇంకా చదివిస్తే మంచి ఉద్యోగం కూడా తెచ్చుకుంటారు. మనమే చదివించం! మన బాధ్యతలు మనకు ఉంటాయి కదా, మంచి అబ్బాయిని చూసి పెళ్లి చేసేయాలని! మన భయాలు మనకు ఉంటాయి కదా, ఆడపిల్లను ఎక్కువ చదివిస్తే, అబ్బాయి దొరకడం కష్టమౌతుందని! (మన బాధ్యతలు నిజమే కానీ, మన భయాలు నిజమైనవి కావు. అమ్మాయిలను చక్కగా చదివించి చూడండి.. భయాలు ఎగిరిపోయి, బాధ్యతలు తేలికైపోతాయి).  మన అమ్మాయిలే కాదు, బాగా డబ్బు, అందం, సొసైటీలో పలుకుబడి ఉన్న సినీ సెలబ్రిటీ కుటుంబాలలోని ఆడపిల్లలు కూడా చదువునే ఎక్కువగా ఇష్టపడతారు. కాలేజీలో ఉన్నప్పుడు సినిమా చాన్స్‌ వస్తే, ముందు స్టడీస్‌ ఫినిష్‌ అవ్వాలి అంటారు. సొసైటీలో కూడా చదువుకున్న అమ్మాయిలంటే రెస్పెక్ట్‌ ఉంది. అందుకే చూడండి, సినిమాల్లో ఎంత పెద్ద స్టార్‌ అయినా, ఏదో ఒక ఇంటర్వ్యూలో ‘ఏం చదువుకున్నారు?’ అని ప్రశ్న వచ్చేస్తుంది. ప్రస్తుతం నయనతార మన తెలుగు స్క్రీన్‌ మీద ఉన్నారు. ఆమెతో పాటు, మరికొందరు సినీ తారలు ఏం చదువుకుని, వెండితెరపైకి వచ్చారో ఒక లుక్కేద్దాం. వాళ్ల బుక్కుల్ని తిరగేద్దాం.  నయనతార బి.ఎ. ఇంగ్లిష్‌ లిటరేచర్, అనుష్క బి.సి.ఎ. (బ్యాచిలర్‌ ఆఫ్‌ కంప్యూటర్‌ అప్లికేషన్స్‌), సమంత బి.కాం., తమన్నా  బి.ఎ., త్రిష బి.బి.ఎ. (బ్యాచిలర్‌ ఇన్‌ బిజినెస్‌ అడ్మినిస్ట్రేషన్‌), కాజల్‌ మాస్‌ మీడియాలో బ్యాచిలర్స్‌ డిగ్రీ , రకుల్‌ప్రీత్‌ సింగ్‌ మాస్‌ మీడియాలో బ్యాచిలర్స్‌ డిగ్రీ , శ్రియ బి.ఎ. (లిటరేచర్‌), తాప్సీ బి.టెక్‌. కంప్యూటర్‌ సైన్స్, అమలా పాల్‌ బి.ఎ. (కమ్యూనికేటివ్‌ ఇంగ్లిష్‌), నిత్యా మీనన్‌ జర్నలిజంలో గ్రాడ్యుయేషన్, సాయి పల్లవి ఎం.బి.బి.ఎస్‌.

సాక్షి, చెన్నై : మంచి అంచనాలు ఉన్న చిత్రాల్లో వేల్లైక్కారన్‌ ఒకటని చెప్పవచ్చు. కారణం.. వరుస విజయాల జోరు మీదున్న శివకార్తికేయన్‌ కథానాయకుడిగా నటిస్తున్న తాజా చిత్రం ఇది. రెమో వంటి సెన్సేషనల్‌ సక్సెస్‌పుల్‌ చిత్ర నిర్మాణ సంస్థ 24ఏఎం ఫిలింస్‌ అధినేత ఆర్‌డీ.రాజా నిర్మిస్తున్న నూతన చిత్రం వేల్లైక్కారన్‌. అదే విధంగా తనీఒరువన్‌ వంటి సూపర్‌హిట్‌ చిత్రం తరువాత మోహన్‌రాజా తెరకెక్కిస్తున్న మూవీ ఇదే. ఇక అన్నింటికీ మించి స్టార్ హీరోయిన్ నయనతార నాయకిగా నటిస్తున్న చిత్రం వేల్లైక్కారన్‌. ఇంకా నటి స్నేహా, ఫాహద్‌ పాజిల్‌ తదితరులు ప్రధాన పాత్రలు పోషించిన ఈ చిత్రానికి అనిరుధ్‌ సంగీతాన్ని అందించారు. సెప్టెంబరు నెలలోనే విడుదల కావలసిన ఈ చిత్రం నిర్మాణంలో జాప్యం కారణంగా వాయిదా పడింది. అయితే ఇటీవల చిత్ర నిర్మాత చిత్ర యూనిట్‌కు థ్యాంక్స్‌ మీట్‌ను ఏర్పాటు చేసి పసందైన విందునిచ్చారు. అందులో నటి నయనతార పాల్గొనడం విశేషం. కాగా ఈ చిత్ర ఆడియో ఆవిష్కరణ కార్యక్రమాన్ని నిర్మాత డిసెంబరు 3వ తేదీన గ్రాండ్‌గా నిర్వహించడానికి సన్నాహాలు చేస్తున్నారు. ఈ కార్యక్రమంలో చిత్ర యూనిట్‌తో పాటు నయనతార కూడా పాల్గొనుందనే ప్రచారం జరుగుతోంది. అయితే తన చిత్రాల ప్రమోషన్‌ కార్యక్రమాల్లో కూడా పాల్గొనని నయనతార వేల్లైక్కారన్‌ చిత్ర ఆడియో ఆవిష్కరణ కార్యక్రమంలో పాల్గొంటుందా? అన్న సందేహం కలగక మానదు. అప్పుడెప్పుడో నటుడు ఆర్య చిత్ర ఆడియో ఆవిష్కరణ కార్యక్రమంలో పాల్గొన్న ఈ బ్యూటీని ఆ తరువాత ఎలాంటి వేడుకలోనూ చూడలేదు. అలాంటిది వేలైక్కారన్‌ చిత్ర ఆడియో ఆవిష్కరణ వేడుకలో పాల్గొని ఆ కార్యక్రమాన్ని స్పెషల్‌ చేస్తుందా? అన్నది వేచి చూడాల్సిందే.

శింబు తెలుసు కదా! నయనతారతో ఒక పది వేల ఎపిసోడ్‌ల లవ్‌ స్టోరీ నడిచింది. అంటే మొగలిరేకుల కంటే ఎక్కువ రేకులు అన్నమాట. అంత హడావుడిగా ఉండే హీరో ఎప్పుడో అప్పుడు, ఎక్కడో అక్కడ, ఎందుకో అందుకు.. కుప్పలో కాలేయకుండా ఉంటాడా?! కుప్పలో కాలా! అలా రాస్తే శింబూకి కాలదూ? మరి కెరీర్‌ మీద ఫోకస్‌ లేకుండా, కేర్‌లెస్‌గా ఉంటే ఎక్కడ నడుస్తామో అర్థమౌతుందా?! అసలు పేరే శిలంబరసన్‌. ‘శిలంబు’ అంటే కాలికేసుకునే గండపెండేరం. ‘అరసన్‌’ అంటే రాజు. సన్‌ ఆఫ్‌ ది కింగ్‌ అని. అలాంటి కింగు గండపెండేరం వేసుకుని సరిగా వాకింగ్‌ చెయ్యకపోతే సినిమా ఇండస్ట్రీ రాకింగ్‌ చెయ్యదా? కాలరు పట్టుకుని మరీ రాకింగ్‌ చెయ్యదూ? రాకింగ్‌ అంటే ఊపేయడం లెండి. శింబు.. టైమ్‌కి రాడనీ, టైమ్‌కి వస్తే శింబు కాదనీ, ఆయన వల్ల కొంచెం టైమ్‌ వేస్ట్‌ అయినా పర్వాలేదు కానీ, ఏకంగా ఎయిటీన్‌ క్రోర్స్‌ వేస్ట్‌ అయిపోయాయనీ, ఓ నలుగురు నిర్మాతలు ‘నడిగర్‌ సంగం’ కి కంప్లయింట్‌ చేశారు. కంప్లయింట్‌లో సత్యాసత్యాలు తేలేదాకా.. శింబు యాక్టింగ్‌ చెయ్యకూడదని, బల్లల్ని గుద్దేశారు. ‘ఇదంతా అసత్య ప్రచారం, నేనేంటీ లేటేంటీ, నేనెప్పుడూ లేటెస్టే. కావాలంటే నయనతారను అడిగి కనుక్కోండి... నేనెంత సిన్సియరో’’ అని శింబు ఇప్పుడు యమాక్టింగ్‌ చేసేస్తున్నాడట.


 తమిళసినిమా: నటి నయనతార మరో హీరోయిన్‌ ఓరియెంటెడ్‌ కథా చిత్రంలో నటించడానికి పచ్చజెండా ఊపారన్నది తాజా సమాచారం. మాయ చిత్రంతో నటిగా తనలోని మరో కోణాన్ని ఆవిష్కరించుకున్న నటి నయనతార. అప్పటి వరకూ కమర్శియల్‌ చిత్రాల నాయకిగా రాణించిన ఈ సంచలన నటి మాయ చిత్రంతో చిత్ర కథను తన భుజాన వేసుకుని విజయ తీరానికి చేర్చే స్థాయికి చేరారు.
 
 ఆ తరువాత నటించిన డోరా చిత్రం నిరాశపరచినా, నయనతారకు దాని ఎఫెక్ట్‌ ఏమాత్రం పడలేదు. ప్రేమ వివాదాల్లో ఒడుదుడుకులను ఎలాగైతే వాటిని అధిగమించారో, నటిగానూ అపజయాలను దాటి విజయాల బాట పట్టారు. ప్రస్తుతం అరమ్, కొలైయుధీర్‌ కాలం, ఇమైకా నోడిగళ్, నేర్‌వళి వంటి హీరోయిన్‌ఓరియెంటెడ్‌ చిత్రాలతో పాటు మరోపక్క హీరోలతో కమర్షియల్‌ చిత్రాలను నటిస్తూ తెగ బిజీగా ఉన్నారు.
 
 ఈ శుక్రవారం శివకార్తికేయన్‌తో జత కట్టిన వేలైక్కారన్‌ చిత్రం విడుదల కావలసి ఉన్నా, నిర్మాణ కార్యక్రమాలు పూర్తికాకపోవడంతో ఆ చిత్రం వెనక్కు వెళ్లింది. అయితే త్వరలో ఇమైకా నోడిగళ్, ఆరమ్‌ చిత్రాలు తెరపైకి రావడానికి రెడీ అవుతున్నాయి. ఇకపోతే తెలుగులో చిరంజీవికి జంటగా సైరా నరసింహారెడ్డి చిత్రంలో నటిస్తున్న నయనతార తాజాగా మరో హీరోయిన్‌ సెంట్రిక్‌ చిత్రంలో నటించడానికి రెడీ అవుతున్నారు.
 
 కుట్రం 23 వంటి క్రైమ్‌ థ్రిల్లర్‌ చిత్రాలు తెరకెక్కించడంలో సిద్ధహస్తుడైన అరివళగన్‌ దర్శకత్వంలో నయనతార నటించనున్నారన్నది తాజా సమాచారం. ఇందులో సీనియర్‌ నటుడు రాజ్‌కిరణ్‌ ప్రధాన పాత్రను పోషించనున్నారట. ఈ చిత్ర ఫ్రీ ప్రొడక్షన్‌ కార్యక్రమాలు ఇప్పటికే ప్రారంభమయ్యాయని తెలిసింది. అయితే చిత్ర వివరాలను త్వరలోనే అధికారికపూర్వకంగా చిత్ర యూనిట్‌ వెల్లడించే అవకాశం ఉందంటున్నారు కోలీవుడ్‌ వర్గాలు.


 తమిళసినిమా: తెలుగు చిత్రపరిశ్రమలో 15 శాతం జీఎస్టీ అమలవుతోందని, అక్కడ రాష్ట్రప్రభుత్వం అధనంగా పన్ను విధించడం లేదని సీనియర్‌ నటుడు, దర్శకుడు టీ.రాజేందర్‌ పేర్కొన్నారు. ఈయన కొడుకు, నటుడు శింబు కథానాయకుడిగా నటించిన ఇదునమ్మఆళు చిత్రం సరసుడు పేరుతో శుక్రవారం ఆంధ్రప్రదేశ్, తెలంగాణ, కర్ణాటకతో పాటు తమిళనాడులోనూ విడుదల కానుంది. తమిళంలో శింబు, నయనతార జంటగా నటించిన ఈ చిత్రాన్ని శింబు ఆర్ట్స్‌ పతాకంపై టీ.రాజేంద్రన్‌ నిర్మించిన విషయం తెలిసిందే. 
 
 ఈ చిత్రంలో 50, 60 సన్నివేశాలను రీషూట్‌ చేసి తెలుగులో నేరుగా టీ.రాజేందర్‌ విడుదల చేస్తున్నారు. ఇందులో టీ.రాజేందర్‌ ఒక పాటను రాయడంతో పాటు ఒక పాటను పాడటం విశేషం. సరసుడు చిత్రాన్ని తానే శింబు ఆర్ట్స్‌ బ్యానర్‌లో సొంతంగా విడుదల చేస్తున్నట్లు ఆయన తెలిపారు. ప్రేమసాగరం చిత్రం నుంచి తనను తెలుగు ప్రేక్షకులు ఆదరిస్తున్నారని, అదే విధంగా శింబు నటించిన పలు తమిళ చిత్రాలు తెలుగులో అనువాదం అయ్యి మంచి విజయాన్ని సాధించాయన్నారు. సరసుడు చిత్రాన్ని తెలుగు ప్రేక్షకులు ఆదరిస్తారనే నమ్మకం ఉందన్నారు.


 నందమూరి బాలకృష్ణ హీరోగా కె.ఎస్‌. రవికుమార్‌ దర్శకత్వంలో రూపొందుతోన్న సినిమా షూటింగ్‌ ప్రస్తుతం కుంభకోణంలో జరుగుతోంది. సి.కె. ఎంటర్‌టైన్మెంట్స్‌ పతాకంపై సి. కళ్యాణ్‌ నిర్మిస్తున్నారు. నయనతార, నటాషా దోషి కథానాయికలు. సి. కళ్యాణ్‌ మాట్లాడుతూ– ‘‘సెన్సేషనల్‌ డైరెక్టర్‌ కె.ఎస్‌. రవికుమార్‌ దర్శకత్వంలో బాలకృష్ణగారి 102వ చిత్రాన్ని నిర్మిస్తుండటం చాలా సంతోషంగా ఉంది. భారీ బడ్జెట్‌తో అత్యాధునిక సాంకేతిక నైపుణ్యంతో ఈ సినిమా రూపొందుతోంది.
 
 ఎం. రత్నం మంచి కథ అందించారు. ఆర్‌.ఎఫ్‌.సి.లో 30 రోజులు చిత్రీకరణ ముగించుకుని, కుంభకోణంలో మొదలుపెట్టాం. ఆదివారం బాలకృష్ణ సెట్లో అడుగుపెట్టారు. ఈ షెడ్యూల్‌లో  కీలక సన్నివేశాలతో పాటు, పోరాట ఘట్టాల్ని తెరకెక్కిస్తాం’’ అన్నారు. ప్రకాశ్‌రాజ్, మురళీమోహన్, బ్రహ్మానందం, జయప్రకాష్‌రెడ్డి తదితరులు నటిస్తున్న ఈ చిత్రానికి కెమెరా: రాంప్రసాద్, సంగీతం: చిరంతన్‌ భట్, సహ–నిర్మాత: సి.వి.రావు, ఎగ్జిక్యూటివ్‌ నిర్మాతలు: వరుణ్‌–తేజ.


 తమిళసినిమా: వేలైక్కారన్‌ చిత్ర విడుదల దాదాపు మూడు నెలల వెనక్కి వెళ్లిపోయింది. శివకార్తికేయన్, నయనతార తొలిసారిగా కలిసి నటిస్తున్న క్రేజీ చిత్రం వేలైక్కారన్‌. ఫాహద్‌ ఫాజిల్‌ ముఖ్య పాత్ర పోషిస్తున్న ఈ చిత్రాన్ని మోహన్‌రాజా తెరకెక్కిస్తున్నారు. ఇంతకుముందు రెమో వంటి విజయవంతమైన చిత్రాన్ని నిర్మించిన 24 ఏఎం.స్టూడియోస్‌ పతాకంపై ఆర్‌డీ.రాజా నిర్మిస్తున్న తాజా చిత్రం వేలైక్కారన్‌.
 
 భారీ అంచనాలను సంతరించుకున్న ఈ చిత్రాన్ని సెప్టెంబర్‌ 29వ తేదీన విడుదల చేయనున్నట్లు చిత్ర నిర్మాత ముందుగానే వెల్లడించారు. తాజా పరిణామాల కారణంగా చిత్ర విడుదల డిసెంబర్‌ 22వ తేదీన విడుదల చేయనున్నట్లు నిర్మాత ఒక ప్రకటనలో వెల్లడించారు. అందుకు కారణాలను తెలుపుతూ వేలైక్కారన్‌ చిత్రం టాకీ పార్టును పూర్తి చేసుకుందని, అయితే ఇంకా రెండు పాటల చిత్రీకరణ మిగిలి ఉందని తెలిపారు.
 
 అదే విధంగా తనీఒరువన్‌ వంటి సంచలన విజయం సాధించిన చిత్ర దర్శకుడు మోహన్‌రాజా తాజా చిత్రం కావడంతో అన్ని అంశాలు చాలా బలంగా ఉండాలని ఆశించడంతో ఆ దిశగా వర్క్‌ జరుగుతోందన్నారు. సెన్సార్‌ బోర్డు నూతన నిబంధనల ప్రకారం చిత్రానికి సెన్సార్‌ సర్టిఫికెట్‌ రావడానికి మూడు లేక నాలుగు వారాలు పడుతుందని తెలిపారు.ఇకపోతే అక్టోబర్‌లో దీపావళి పండగ సందర్భంగా ఇప్పటికే పలు చిత్రాలు బరిలో ఉన్నాయని, నవంబర్‌లో ఎలాంటి పండగలు లేకపోవడంతో వేలైక్కారన్‌ చిత్రాన్ని క్రిస్మస్‌ పండగ సందర్భంగా డిసెంబర్‌ 22వ తేదీన విడుదల చేయాలని నిర్ణయించుకున్నట్లు నిర్మాత వివరించారు.


 బాలకృష్ణ హీరోగా నటిస్తున్న 102వ సినిమాతో తెలుగు తెరకు పరిచయమవుతోన్న హీరోయిన్‌ నటాషా దోషి. మలయాళంలో ‘హైడ్‌ అండ్‌ సీక్, నయన, కాల్‌ మిః’ సినిమాల్లో నటించారీమె. ప్రస్తుతం బాలకృష్ణ, నటాషాలపై కీలక సన్నివేశాలు తెరకెక్కిస్తున్నారు. కేఎస్‌ రవికుమార్‌ దర్శకత్వంలో సి. కల్యాణ్‌ నిర్మిస్తున్న ఈ సిన్మాలో నయనతార మెయిన్‌ హీరోయిన్‌. మరొక హీరోయిన్‌ని ఎంపిక చేయాల్సి ఉంది.

...నటించే ఛాన్స్‌ ప్రగ్యా జైస్వాల్‌ చెంతకు వచ్చిందని విశ్వసనీయ వర్గాలు చెబుతున్నాయి. అదీ ముగ్గురు కథానాయికల్లో ఒకరిగా! చిరంజీవి హీరోగా తొలితరం తెలుగు స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితకథతో రూపొందుతోన్న సినిమా ‘సైరా నరసింహారెడ్డి’. ఇందులో ముగ్గురు నాయికలకు చోటుంది. అంటే... ఉయ్యాలవాడ జీవితంలో ముగ్గురు మహిళలు ప్రముఖ పాత్ర పోషించారట! అందులో ఒకరిగా నయనతారను ఎంపిక చేసిన సంగతి తెలిసిందే. స్వాతంత్య్ర పోరాటంలో ఉయ్యాలవాడకు చేదోడు వాదోడుగా నిలిచిన యోధురాలిగా ఆమె పాత్ర ఉండనుందట. మిగతా రెండిటిలో... ఒకటి యవ్వనంలో ఉయ్యాలవాడతో ప్రేమలో పడిన అమ్మాయి పాత్ర, ఇంకొకటి శక్తివంతమైన మహిళ పాత్ర అని తెలుస్తోంది. ఆ ప్రేమలో పడిన అమ్మాయి పాత్రకు ప్రగ్యాను తీసుకోవాలనుకుంటున్నారట. మరో పాత్రకు అనుష్క పేరు వినిపిస్తోంది! సురేందర్‌రెడ్డి దర్శకత్వంలో రామ్‌చరణ్‌ నిర్మిస్తున్న ఈ సినిమాకు ఏఆర్‌ రెహమాన్‌ స్వరకర్త. అమితాబ్‌ బచ్చన్, జగపతిబాబు, సుదీప్, విజయ్‌ సేతుపతి ముఖ్య తారాగణం!


 తమిళసినిమా: దక్షిణాదిలో అగ్ర కథానాయికలుగా రాణిస్తున్న తారలిద్దరే అని చెప్పవచ్చు. అందులో ఒకరు నయనతార, మరొకరు అనుష్క అని గంటాపథంగా చెప్పవచ్చు. చిత్ర కథను తమ భుజాలపై వేసుకుని విజయతీరానికి చేర్చగల సత్తా ఉన్న భామలు వీరు. నయనతార మాయ చిత్రంతో హీరోయిన్‌ ఓరియెంటెడ్‌ నాయకిగా మారినా, అనుష్క మాత్రం అంతకు ముందే అరుంధతి చిత్రంలో అద్భుత నటనను ప్రదర్శించి ఆ చిత్ర సంచలన విజయానికి ప్రధాన కారణంగా నిలిచారు. ఈ తరువాత ఈ ఇద్దరు బ్యూటీస్‌కు హీరోయిన్‌ సెంట్రిక్‌ కథా చిత్రాల అవకాశాలు వరిస్తున్నాయి. ప్రస్తుతం నయనతార చేతిలో ఆ తరహా చిత్రాలు నాలుగైదు ఉన్నాయి. అనుష్క భాగమతి అనే చిత్రంలో నటిస్తున్నారు. కాగా ఇప్పుడీ ఇద్దరిలో కౌన్‌ బనేగా డీఐజీ అన్న ఆసక్తి సినీ వర్గాల్లో నెలకొంది.
 
 
 విషయం ఏమిటంటే  యథార్థ సంఘటనల ఇతివృత్తాలతో చిత్రాలు చేసే దర్శకుడిగా పేరొందిన వ్యక్తి ఏఎంఆర్‌.రమేశ్‌. ఆ మధ్య రాజీవ్‌గాంధీ హత్య నేపథ్యంలో చిత్రం, బాబ్రీమసీద్‌ ఇతి వృత్తంతో మరో చిత్రం తెరకెక్కించి సంచలన దర్శకుడిగా వాసికెక్కారు. తాజాగా కర్ణాటక డీఐజీ రూప ఇతివృత్తంతో చిత్రం చేయడానికి సిద్ధమయ్యారు. డీఐజీ రూప అనగానే అన్నాడీఎంకే పార్టీలో ప్రకంపనలు పుట్టిస్తున్న శశికళ ఖైదీ జీవితం గుర్తుకు వస్తుంది. ఆదాయానికి మించిన ఆస్తుల కేసులో ప్రస్తుతం కర్ణాటకలో జైలు జీవితాన్ని గడుపుతున్న శశికళ ఆక్కడి జైల్లో  ఆడంబర జీవితాన్ని అనుభవిస్తున్న విషయాన్ని డీఐజీ రూప ఆధారాలు సహా బట్టబయలు చేసి పెద్ద కలకలానికే దారి తీసిన విషయం తెలిసిందే.
 
  జైలు అధికారి సత్యనారాయణ రూ.2 కోట్ల లంచం తీసుకుని శశికళకు వీఐపీ వసతులు కల్పించారని ఆరోపణలు చేశారు. ఫలితంగా రూప బదిలీకి గురయ్యారు. అయితే డీఐజీ రూప విధి నిర్వహణకు, కర్తవ్య దక్షణకు ఈ సంఘటన ఒక్కటే కాదు అంతకు ముందు కూడా చాలా అంశాలు ఉన్నాయి. రాష్ట్రపతి నుంచి మెడల్‌ను అందుకున్న రూప జీవిత సంఘటనలతో దర్శకుడు ఏఎంఆర్‌.రమేశ్‌ చిత్రాన్ని తెరకెక్కించడానికి సన్నాహాలు చేస్తున్నారు. అందుకు డీఐజీ రూప కూడా అనుమతి ఇచ్చారట.ఇక ఆమె పాత్రలో నటించే నటీమణులు ఎవరన్న అంశంలో ఆయన కళ్ల ముందు కదలాడిన తారలు నయనతార, అనుష్కలేనట. వారిలో ఒకరిని ఈ చిత్రంలో నటింపజేయడానికి ప్రయత్నాలు జరుగుతున్నట్లు దర్శకుడు రమేశ్‌ వర్గాల సమాచారం. మరి నయనతార, అనుష్కలలో కౌన్‌ బనేగా డీఐజీ అన్నది తెలియాలంటే మరి కొద్ది రోజులు ఆగాల్సిందే.


 తమిళసినిమా:  ప్రస్తుతం హీరోయిన్‌ ఓరియెంటెడ్‌ కథా చిత్రాల్లో నటించాలంటే కోలీవుడ్‌లో నయనతార, టాలీవుడ్‌లో అనుష్కలే ముందు గుర్తుకొస్తారని చెప్పవచ్చు. అలాంటిది అనుష్క చేతిలో ప్రస్తుతం ఒకే ఒక్క చిత్రం ఉంది. తను పెళ్లికి రెడీ అవుతోందని, అందుకే కొత్త చిత్రాలు అంగీకరించడం లేదనే ప్రచారం జరుగుతోంది. నిజాలేమిటన్నది అనుష్క నోరు విప్పితే కానీ తెలియదు. నయనతార మాత్రం తన జోరును కొనసాగిస్తోంది. ఈమె గురించి పెళ్లి వార్తలు కాదుగానీ, యువ దర్శకుడు విఘ్నేశ్‌శివతో సహజీవనం చేస్తున్న ప్రచారం మాత్రం మీడియాలో హల్‌ చల్‌ చేస్తోంది. అసలు విషయానికి వస్తే నయనతార చేతి నిండా చిత్రాలతో తమిళంతో పాటు, తెలుగు, మలయాళం భాషల్లోనూ నటిస్తూ యమ బిజీగా ఉంది.
 
 మాయ చిత్రం తరువాత హీరోయిన్‌ ఓరియెంటెడ్‌ చిత్రాలు వరుసగా నయనతార తలుపు తడుతున్నాయి. మధ్యలో డోర చిత్రం నిరాశపరచినా, నయనతార క్రేజ్‌ మాత్రం తగ్గలేదు. అరమ్, ఇమైకా నోడిగళ్, కొలైయూర్‌ కాలం హీరోయిన్‌ సెంట్రిక్‌ కథా చిత్రాలతో పాటు, శివకార్తికేయన్‌కు జంటగా వేలైక్కారన్‌ వంటి కమర్శియల్‌ చిత్రంలోనూ నటిస్తోంది. తాజాగా టాలీవుడ్‌లో మెగాస్టార్‌ చిరంజీవికి జంటగా సైరా నరసింహారెడ్డి చిత్రంతో పాటు, మలయాళంలో నవీన్‌పాల్‌తో ఒక చిత్రం చేస్తోంది. వీటిలో శివకార్తికేయన్‌తో రొమాన్స్‌ చేసిన వేలైక్కారన్‌ చిత్రం వచ్చే నెల 29న తెరపైకి రావడానికి రెడీ అవుతోంది.
 
 తాజాగా నయనతార మరో కథానాయకి పాత్ర చుట్టూ తిరిగే చిత్రంలో నటించడానికి గ్రీన్‌ సిగ్నల్‌ ఇచ్చినట్లు ఇప్పటికే వార్తలు వెలువడ్డాయి. బ్లాక్‌ కామెడీ కథా చిత్రంగా తెరకెక్కనున్న ఇందులో నటుడు యోగిబాబు ప్రధాన పాత్రను పోషించనున్నారు. ఈ చిత్రానికి ఖోఖో అనే టైటిల్‌ నిర్ణయించినట్లు ప్రచారం జరగడంతో ఇదేదో క్రీడా నేపథ్యంలో సాగే చిత్రం అని చాలా మంది భావించారు. నిజానికి ఈ చిత్ర టైటిల్‌ ఖోఖో కాదట. కోకో అట. కోకో అంటే కోలమావు కోకిల అట. లైకా సంస్థ నిర్మించనున్న ఈ చిత్రానికి అనిరుధ్‌ సంగీతాన్ని అందిస్తున్నారు. నయనతార చిత్రానికి ఈయన సంగీత బాణీలు కట్టడం అన్నది ఇదే తొలిసారి అవుతుంది. ఈ చిత్ర షూటింగ్‌ త్వరలో ప్రారంభంకానుంది.


 చెన్నై: ప్రస్తుతం హీరోయిన్‌ ఓరియంటెడ్‌ కథా చిత్రాలలో నటించాలంటే కోలీవుడ్‌లో నయనతార, టాలీవుడ్‌లో అనుష్కలే ముందు గుర్తుకొస్తారని చెప్పవచ్చు. అలాంటిది అనుష్క చేతిలో ప్రస్తుతం ఒకే ఒక్క చిత్రం ఉండగా.. నయన మాత్రం తన జోరును కొనసాగిస్తోంది. ఈమె గురించి పెళ్లి వార్తలు కాదు గానీ, యువ దర్శకుడు విఘ్నేశ్‌శివతో సహజీవనం చేస్తున్న ప్రసారం మాత్రం మీడియాలో హల్‌ చల్‌ చేస్తోంది.
 
 చేతినిండా చిత్రాలతో తమిళంతో పాటు తెలుగు, మలయాళంలోనూ నయన యమ బిజీగా ఉంది. మాయ చిత్రం తరువాత హీరోయిన్‌ ఓరియంటెడ్‌ చిత్రాలు వరుసగా ఆమె తలుపు తడుతున్నాయి. మధ్యలో డోర చిత్రం నిరాశపరిచినా ఆమె క్రేజ్‌ మాత్రం తగ్గలేదు. అరమ్, ఇమైకా నోడిగళ్, కొలైయూర్‌ కాలం మొదలగు హీరోయిన్‌ సెంట్రిక్‌ కథా చిత్రాలతో పాటు, శివకార్తికేయన్‌కు జంటగా వేలైక్కారన్‌ వంటి కమర్షియల్‌ చిత్రంలోనూ నటిస్తోంది. తాజాగా టాలీవుడ్‌లో మెగాస్టార్‌ చిరంజీవికి జంటగా సైరా నరసింహారెడ్డి చిత్రంతో పాటు, మలయాళంలో నివీన్‌పాల్‌తో ఒక చిత్రం చేస్తోంది. వీటిలో శివకార్తికేయన్‌తో రొమాన్స్‌ చేసిన వైలైక్కారన్‌ వచ్చే నెల 29న తెరపైకి రానుంది.
 
 తాజాగా నయనతార మరోసారి లేడి ఓరియంటెడ్ గ్రీన్‌ సిగ్నల్‌ ఇచ్చినట్లు ఇప్పటికే వార్తలు వెలువడ్డాయి. బ్లాక్‌ కామెడీ కథా చిత్రంగా తెరకెక్కనున్న మూవీలో యోగిబాబు ప్రధాన పాత్రలో కనిపిస్తాడు. ఈ చిత్రానికి ఖోఖో అనే టైటిల్‌ నిర్ణయించినట్లు ప్రసారం జరగడంతో ఇదేదో క్రీడా నేపథ్యంలో సాగే చిత్రమని భావించారు. నిజానికి ఈ చిత్ర టైటిల్‌ ఖోఖో కాదట. కోకో అట. కోకో అంటే కోలమావు కోకిల అట. లైకా సంస్థ నిర్మించనున్న ఈ చిత్రానికి అనిరుధ్‌ సంగీతాన్ని అందించనున్నాడు. మూవీ షూటింగ్‌ త్వరలో ప్రారంభం కానుంది.


 నటసింహ నందమూరి బాలకృష్ణ హీరోగా సి.కె.ఎంటర్‌టైన్‌మెంట్స్‌ ప్రై. లిమిటెడ్‌ పతాకంపై కె.ఎస్‌.రవికుమార్‌ దర్శకత్వంలో ప్రముఖ నిర్మాత సి.కళ్యాణ్‌ ఓ భారీ చిత్రాన్ని నిర్మిస్తున్నారు. ఇటీవల ఘనంగా ప్రారంభోత్సవం జరుపుకొన్న ఈ చిత్రంలో నయనతారను కథానాయికగా ఎంపిక చేసిన విషయం తెలిసిందే. ఈ రోజు (మంగళవారం) నుంచి ఈ సినిమా రెగ్యులర్ షూటింగ్ లో నయన్ పాల్గొంటుంది.
 
 మాస్ యాక్షన్ ఎంటర్ టైనర్ గా రూపొందుతున్న ఈ చిత్రం రెగ్యులర్ షెడ్యూల్ ప్రస్తుతం హైద్రాబాద్ లోని రామోజీ ఫిలిమ్ సిటీలో జరుగుతోంది. ఈ సందర్భంగా చిత్ర నిర్మాత సి.కళ్యాణ్‌ మాట్లాడుతూ.. 'సింహా, శ్రీరామరాజ్యం లాంటి బ్లాక్ బస్టర్ హిట్స్ అనంతరం బాలకృష్ణ, నయనతార కాంబినేషన్ లో వస్తున్న సినిమా ఇది. ఆ సినిమాల స్థాయిలోనే ఈ సినిమాలోనూ వారి మధ్య కెమిస్ట్రీ ఉండనుంది. బాలకృష్ణగారి కెరీర్‌లోనే ఇది మరో సంచలన చిత్రం అవుతుంది' అన్నారు. తమిళ స్టార్ డైరెక్టర్ కేయస్ రవికుమార్ దర్శకత్వంలో తెరకెక్కుతున్న ఈ సినిమాకు చిరంతన్ భట్ సంగీతమందిస్తున్నారు.


 సాక్షి, హైదరాబాద్‌: నటి నయనతార అనగానే చాలా మందికి ఆమె నటన, పారితోషికం, ప్రేమలో పడటం, పెళ్లి విషయంలో ఓడిపోవడం ఈ విషయాలే తెలుసు. ఇలాంటి విషయాల గురించి ఎంతసేపు మాట్లాడుకుంటారు.. నాణానికి బొమ్మా బొరుసులాగా ప్రతి మనిషిలోనూ పలు కోణాలుంటాయి. అలా నయనతారలో మరో కోణం చూస్తే చాలా ఆసక్తికరమైన విషయాలు తెలుస్తాయి. నయనతారలో మంచి చెఫ్‌ ఉన్నారు. షూటింగ్‌ లేని సమయాల్లో రకరకాల వంటకాలతో ప్రయోగం చేయడం ఆమె కాలక్షేపాల్లో ఒక అంశం అట.
 
 నయనతారలో మరో ముఖ్య అంశం తనలో మంచి కవయిత్రి ఉన్నారట. ఇప్పటికే చాలా కవితలు రాశారట. వాటిని చాలా జాగ్రత్తగా భద్రపరచుకున్నారట. విశేషం ఏమిటంటే తను రాసిన కవితలన్నిటిలోనూ ప్రేమ తొణికిసలాడుతుందని టాక్‌.  ప్రాణానికి ప్రాణంగా ప్రేమించుకున్న వాళ్లు ఎలా ఉండాలన్న విషయాలు ఆ కవితల్లో చోటు చేసుకుంటాయట. తన రాసిన కవితలను తరచూ చదువుకుంటారట. ఆ కవితలను ఒక పుస్తకంగా ముద్రించాలా? లేక సినిమా పాటలుగా ఉపయోగించాలా అన్న విషయం గురించి ఆలోచిస్తున్నట్లు సమాచారం. మొత్తంమీద నయనతార కవితలను త్వరలో పుస్తకం రూపంలోనో, పాటల రూపంలోనో చదవడమో, వినడమో చేయబోతున్నామన్న మాట.


 తమిళసినిమా:  యువ నటుడు శివకార్తికేయన్‌కిప్పుడున్న క్రేజ్‌ ఏమిటన్నది ప్రత్యేకంగా చెప్పనక్కర్లేదు. వరుస విజయాలతో యమ జోరులో ఉన్న ఆయన తనతో రొమాన్స్‌ చేసే హీరోయిన్ల విషయంలోనూ స్థాయిని పెంచుకుంటూ పోతున్నారు. తొలి రోజుల్లో  వర్ధమాన నటీమణులతో డ్యూయెట్లు పాడిన శివకార్తికేయన్‌ మాన్‌ కరాటే చిత్రంలో తొలిసారిగా క్రేజీ నటి హన్సికతో జోడీ కట్టారు. అప్పట్లో ఈ విషయాన్నే మీడియా ప్రసారం చేసింది.
 
 ఆ చిత్రం మంచి విజయం సాధించింది. ఆ తరువాత రజనీమురుగన్, రెమో చిత్రాల్లో కీర్తీసురేశ్‌తో యుగళగీతాలు పాడారు. అవి సంచలన విజయాలను నమోదు చేసుకోవడంతో ఇప్పుడు అగ్రనాయకిగా రాణిస్తున్న నయనతారతో వేలైక్కారన్‌ చిత్రంలో నటిస్తున్నారు. ఈ చిత్రం చిత్రీకరణను పూర్తి చేసుకుంది. తాజాగా సమంతతో జత కడుతున్నారు. పొన్‌రాం దర్శకత్వం వహిస్తున్న ఈ చిత్రం షూటింగ్‌ దశలో ఉంది. తదుపరి నేట్రు ఇండ్రు నాళై చిత్రం ఫేమ్‌ రవికుమార్‌ దర్శకత్వంలో ఒక చిత్రం చేయనున్నారు.
 
 ఆ తరువాత యువ దర్శకుడు విఘ్నేశ్‌శివతో చిత్రం చేయడానికి సంసిద్ధత వ్యక్తం చేశారన్నది తాజా సమాచారం. ఇందులో కథానాయకి ఎవరన్నది చర్చనీయాంశంగా మారింది.అయితే ఇందులో నయనతారను నటింపజేయడానికి ఆమెతో చర్చలు జరుగుతున్నాయన్నది కోలీవుడ్‌ వర్గాల టాక్‌. దర్శకుడు విఘ్నేశ్‌శివకు నయనతారకు మధ్య లవ్‌ ట్రాక్‌ నడుస్తోందన్న ప్రచారం చాలా కాలంగా సాగుతున్న విషయం తెలిసిందే.
 
 అంతేకాదు ఈ ప్రేమ జంట ఇప్పటికే సహజీవనం సాగిస్తున్నారన్నది ప్రచారంలో ఉన్నదే. అదే విధంగా నయనతార ఇంతకు ముందు తన లవర్‌గా ప్రచారంలో ఉన్న విఘ్నేశ్‌శివ దర్శకత్వంలో నానుమ్‌రౌడీదాన్‌ చిత్రంలో విజయ్‌సేతుపతికి జంటగా నటించి సక్సెస్‌ను అందుకున్న విషయం తెలిసిందే. మరోసారి విఘ్నేశ్‌శివ దర్శకత్వంలో శివకార్తికేయన్‌తో రొమాన్స్‌ చేసే అవకాశం మెండుగా ఉందంటున్నారు కోలీవుడ్‌ వర్గాలు.


 తమిళసినిమా: రెమో వంటి సంచలన చిత్రం తరువాత నేటి క్రేజీ హీరో శివకార్తికేయన్‌ నటిస్తున్న చిత్రం వేలైక్కారన్‌. దీంతో చిత్రంపై భారీ అంచనాలే నెలకొన్నాయి. గతంలో సూపర్‌స్టార్‌ రజనీకాంత్‌ నటించిన ఈ టైటిల్‌తో వస్తున్న శివకార్తికేయన్‌కు జంటగా అగ్రనాయకి నయనతార నటించడం మరో విశేషం. ఇక తనీఒరువన్‌ వంటి సూపర్‌హిట్‌ చిత్రం తరువాత మోహన్‌రాజా దర్శకత్వం వహిస్తున్న చిత్రం వేలైక్కారన్‌.
 రెమో వంటి విజయవంతమైన చిత్రాన్ని అందించిన 24ఏఎం.స్టూ డియోస్‌ అధినేత ఆర్‌డీ.రాజా నిర్మిస్తున్న తాజా చిత్రం వేలైక్కారన్‌. ఈ చిత్రం ద్వారా మలయాళ నటుడు షాహిద్‌ ఫాజిల్‌ కోలీవుడ్‌కు పరిచయం అవుతున్నారు. దీనికి అనిరుధ్‌ సంగీతాన్ని అందిస్తున్నారు. ఇటీవలే విడుదల చేసిన చిత్ర ఫస్ట్‌లుక్‌ పోస్టర్‌కు మంచి స్పందన వచ్చింది.
 
 త్వరలో ఆడియో ఆవిష్కరణకు సన్నాహాలు చేస్తున్నట్లు చిత్ర వర్గాలు తెలిపాయి. అంతకంటే ముందు నటుడు ఫాహిద్‌ ఫాజిల్‌ పుట్టిన రోజు సందర్భంగా ఈ నెల 8వ తేదీన చిత్ర రెండో పోస్టర్‌ను విడుదల చేయనున్నారు. అదే విధంగా చిత్ర టీజర్‌ను పంద్రాగస్ట్‌ సందర్భంగా ఈ నెల 14న రీలీజ్‌ చేయనున్నట్లు తెలిపారు. కాగా చిత్రాన్ని సెప్టెంబరు నెలలో విడుదల చేయనున్నట్లు నిర్మాత ఆర్‌డీ.రాజా ఇప్పటికే వెల్లడించారు.


 తమిళసినిమా: ప్రేమ ఎంత మధురం.. ప్రియురాలు అంత కఠినం అన్నది పాత పాట. ప్రేమ ఎంత మధురం..ప్రియురాలు అంత మురిపం అన్నది నేటి మాట అనాలనిపిస్తోంది నటి నయనతారను చూస్తుంటే. నయనతార ఇప్పుడీ ఒక్క పేరు చాలు నిర్మాతలకు లాభాలు తెచ్చిపెట్డడానికి. కొందరు స్టార్‌ నటుల మాదిరి జయాపజయాలకు అతీతంగా మారిపోయింది నయనతార మార్కెట్‌. ప్రేమకు, పాటలకు పరిమితమైన పాత్రలను అధిగమించి కథానాయకి పాత్రలకు ప్రాముఖ్యత కలిగిన కథా చిత్రాల్లో నటించే స్థాయికి ఎదిగిన టాప్‌ హీరోయిన్‌ నయనతార.
 
 ఈమె నటించిన  హీరోయిన్‌ ఓరియెంటెడ్‌ కథా చిత్రం మాయ అనూహ్య విజయాన్ని సాధించింది.అయితే ఆ తరువాత నటించిన డోరా నిరాశపరచింది. అయినా ఈ స్టార్‌ నటి మార్కెట్‌ ఏమాత్రం తగ్గలేదు. ప్రస్తుతం అదే తరహా చిత్రాలు అరమ్, ఇమైకా నోడిగళ్, కొలైయుదీర్‌ కాలం, నేర్‌వళి చిత్రాలతో పాటు తాజాగా అంగీకరించిన ఖోఖో అంటూ చేతి నిండా చిత్రాలతో బిజీగా ఉన్నారు. అదేవిధంగా శివకార్తికేయన్‌కు జంటగా నటించిన వేలైక్కారన్‌ చిత్రం త్వరలో విడుదలకు ముస్తాబవుతోంది. కాగా నయనతార వ్యక్తిగత జీవితాన్ని తీసుకుంటే చాలా ఒడిదుడుకులను ఎదుర్కొన్నారు. ముఖ్యంగా ప్రేమలో రెండుసార్లు ఘోరంగా ఓటమిని చవి చూశారు. ఇప్పుడు ముచ్చటగా మూడోసారి ప్రేమలో మునిగి తేలుతున్నట్లు ప్రచారం చాలా కాలంగా జోరుగా సాగుతున్న విషయం తెలిసిందే.
 
 యువ దర్శకుడు విఘ్నేశ్‌శివతో నయనతార ప్రేమ ఆయనతో సహజీవనం సాగించే స్థాయికి తీసుకెళ్లిందంటున్నారు. ఈ విషయం గురించి ఇద్దరూ మౌనం వహిస్తున్నా, వీరి మధ్య ప్రేమ కొనసాగుతోందనడానికి చాలా కారణాలు వెలుగు చూస్తున్నాయి. తాజాగా ఈ బ్యూటీ తన ప్రియుడికి అతి ఖరీదైన బీఎండబ్ల్యూ కారును గిఫ్ట్‌గా కొనిచ్చారట. ఇప్పుడీ విషయమే సోషల్‌మీడియాలో వైరల్‌ అవుతోంది.నయనా మజాకా!
  


 చిన్నప్పుడు ఆడుకున్న ఆటలు ఎప్పటికీ గుర్తుండిపోతాయి. ‘ఖో ఖో’ ఆట గుర్తుండే ఉంటుంది. ఇప్పుడు నయనతార లీడ్‌ రోల్‌ చేయనున్న ఓ సినిమాకి ఇదే టైటిల్‌ పెట్టారు. స్పోర్ట్స్‌ బ్యాక్‌డ్రాప్‌ సినిమా కాదిది. మరి.. ‘ఖో ఖో’ అని టైటిల్‌ ఎందుకు పెట్టినట్లు? అంటే... టైటిల్‌ వెనక అసలు కారణం తెలియడానికి ఇంకాస్త టైమ్‌ పడుతుంది. ఎందుకంటే, నయనతారతో ఈ సినిమా తీయనున్న లైకా ప్రొడక్షన్స్‌ ప్రస్తుతానికి పెద్దగా వివరాలేం బయటపెట్టలేదు.
 
 ‘డార్క్‌ కామెడీ’ నేపథ్యంలో సినిమా ఉంటుందని మాత్రం పేర్కొన్నారు. నెల్సన్‌ దిలీప్‌ కుమార్‌ తెరకెక్కించనున్న ఈ చిత్రానికి అనిరు«ద్‌ రవిచంద్రన్‌ స్వరకర్త. ప్రస్తుతం రజనీకాంత్‌ హీరోగా శంకర్‌ దర్శకత్వంలో దాదాపు 400 కోట్ల బడ్జెట్‌తో 2.0’ నిర్మిస్తున్న లైకా ప్రొడక్షన్స్‌ ‘ఖో ఖో’ని కూడా భారీ బడ్జెట్‌తో నిర్మించనుందట. అఫ్‌కోర్స్‌ ‘2.0’ అంత భారీ బడ్జెట్‌ కాకపోయినా, లేడీ ఓరియంటెడ్‌ సినిమాల్లో ఎక్కువ బడ్జెట్‌తో రూపొందే సినిమా అవుతుందట.


 టాలీవుడ్‌లో ప్రజెంట్‌ డ్రగ్స్‌ వ్యవహారం ప్రకంపనలు సృష్టిస్తోంది. ఆ సంగతెలా ఉన్నా రీల్‌పై డ్రగ్స్‌ కుంభకోణాన్ని చూడనున్నాం. డ్రగ్స్, అత్యాచారం నేపథ్యంలో తెరకెక్కిన మలయాళ చిత్రం ‘పుదియ నియమం’. ఈ చిత్రాన్ని శ్రీరామ్‌ సినిమా పతాకంపై ఏఆర్‌ మోహన్‌ ‘వాసుకి’ పేరుతో తెలుగులోకి అనువదించారు.
 
 నయనతార కథానాయికగా నటించిన ఈ చిత్రానికి ఏకే సాజన్‌ దర్శకుడు. ఈ నెల 28న సినిమా విడుదల కానుంది. ‘‘డ్రగ్స్‌ బాధితులైన కొందరు యువకులు ఎలాంటి దారుణానికి పాల్పడ్డారు. డ్రగ్స్‌ తీసుకున్నప్పుడు వారి ప్రవర్తన ఎలా ఉంటుంది? వాసుకీకి, డ్రగ్స్‌కి బానిసలైన వాళ్లకూ లింక్‌ ఏంటి? వాళ్లపై ఎందుకు ప్రతీకారం తీర్చుకోవాలనుకుంది? అనే అంశాలతో సినిమా ఆసక్తికరంగా ఉంటుంది’’ అన్నారు ఏఆర్‌ మోహన్‌.