బనశంకరి: ప్రభుత్వ ఉద్యోగం మాటున అవినీతి రుచిమరిగిన అధికారులకు లోకాయుక్త షాక్‌ ఇచ్చింది. రవాణాశాఖ జాయింట్‌ డైరెక్టర్‌తో పాటు 8 మంది అధికారుల ఇళ్లు, ఆఫీసులు, వారి బంధుమిత్రుల ఇళ్లలో ముమ్మర సోదాలు నిర్వహించింది. ఈ దాడుల్లో భారీగా అక్రమ సంపాదన బయటపడింది. బెంగళూరు, చిక్కమగళూరు, బీదర్, బెళగావి, తుమకూరు, గదగ్, బళ్లారి, రాయచూరు జిల్లాల్లో బుధవారం ఉదయం నుంచి ఒకేసారి దాడులు మొదలయ్యాయి. పెద్దసంఖ్యలో లోకాయుక్త పోలీసులు, సిబ్బంది పాల్గొన్నారు. వార్డెన్‌ లోకేశ్‌ లీలలు బళ్లారి తాలూకా వెనుకబడిన వర్గాల శాఖ తాలూకా అధికారి ఆర్‌హెచ్‌ లోకేశ్‌ ఇంట్లో సోదాలు జరిగాయి. రూ.2 కోట్లకు పైగా విలువ చేసే రెండు ఇళ్లను గుర్తించారు. కుడితిని గ్రామానికి చెందినవారు. బీసీఎం హాస్టల్‌లో చదువుకుని వార్డెన్‌గా ఉద్యోగం సంపాదించారు. ఉద్యోగానికి, సంపాదించిన ఆస్తులకు పొంతన లేదు. కురుగోడు వద్ద 4 ఎకరాల తోట ఉంది. ఇతడి పుట్టినరోజుకు బీసీఎం హాస్టల్‌ విద్యార్థులు భారీ పూలమాల వేసి సంబరాలు చేశారు. అలా చేయకపోతే వేధింపులకు పాల్పడేవాడని ఆరోపణలు ఉన్నాయి. ప్రభుత్వ ఉద్యోగుల సంఘంలోనూ చురుగ్గా ఉన్నాడు. ఉన్నతాధికారుల అనుమతి తీసుకోకుండా విదేశీ పర్యటన చేశారు. లోకాయుక్త దాడి గురించి ముందే తెలిసిందే ఏమోగానీ అజ్ఞాతంలోకి జారుకున్నాడు. గదగ్, బెళగావిలో.. గదగ్‌–బేటగేరి నగరసభ కార్యనిర్వాహక ఇంజనీర్‌ హుచ్చేశ్‌బండి వడ్డర్‌ నివాసం, కార్యాలయం, ఫాం హౌస్‌పై అధికారులు దాడిచేశారు. గదగ, గజేంద్రగడ, బాగల్‌కోటే తో పాటు ఐదుచోట్ల సోదాలు సాగాయి. ఆస్తిపాస్తుల పత్రాలు, ఫైళ్లను పరిశీలన చేపట్టారు. బెళగావి జిల్లా ఖానాపుర తహశీల్దార్‌ ప్రకాశ్‌ గైక్వాడ్‌ ఆఫీసు, బెళగావి నగర లక్ష్మీటెక్‌లోని ఇల్లు, నిప్పాణి నివాసం తో పాటు 6 చోట్ల దాడిచేశారు. పెద్దమొత్తంలో ఆస్తుల పత్రాలు లభించాయి. రిటైర్డు అధికారికి షాక్‌ లంచాలతో అక్రమాస్తులు సంపాదించుకుని రిటైరయ్యాను అని ధీమాగా ఉన్న తుమకూరు రిటైర్డు ఆర్‌టీఓ ఎస్‌.రాజు ఇంట్లో గాలింపు జరిపారు. ఎస్పీ హనుమంతరాయప్ప ఆధ్వర్యంలో సోదాలు జరిపి పెద్దమొత్తంలో ఆస్తుల వివరాలను సేకరించారు. వస్తు సామగ్రి లెక్కింపుమొత్తం దాడుల్లో అధికారుల నుంచి స్వాధీనం చేసుకున్న నగదు, బంగారు–వెండి ఆభరణాలు, విలాసవంతమైన వస్తువులు, ఆస్తిపాస్తుల పత్రాలు, ఫైళ్లు, బ్యాంకు పాస్‌బుక్కులు, లాకర్ల సమాచారాన్ని పరిశీలన చేపట్టారు. కాగా, లోకాయుక్త గత మూడు నెలల నుంచి తరచుగా దాడులు చేస్తుండడంతో లంచగొండి ఉద్యోగుల్లో భయం ఆవహించింది.దాడులు ఎవరిపై.. ఎక్కడెక్కడ.. ⇒ శోభా – జాయింట్‌ కమిషనర్‌ రవాణాశాఖ, బెంగళూరు ⇒ డాక్టర్‌ ఎస్‌ఎన్‌.ఉమేశ్‌ ఆరోగ్య, కుటుంబ సంక్షేమశాఖ అధికారి, కడూరు, చిక్కమగళూరు జిల్లా ⇒ రవీంద్ర, ఇన్‌స్పెక్టర్‌ చిన్ననీటి పారుదల శాఖ అంతర్జల అభివృద్ధి ఉప విభాగం, బసవ కళ్యాణ, బీదర్‌ జిల్లా ⇒ ప్రకాశ్‌ శ్రీధర్‌ గైక్వాడ్, తహశీల్దార్, ఖానాపుర– బెళగావి జిల్లా ⇒ హుచ్చేశ్, అసిస్టెంట్‌ కార్యనిర్వాహక ఇంజనీర్‌ (ఇన్‌చార్జ్‌) బేటగేరి పురసభ, గదగ్‌ ⇒ ఆర్‌హెచ్‌ లోకేశ్, వెనుకబడిన వర్గా శాఖ సంక్షేమ అధికారి, బళ్లారి ⇒ హులి రాజ, గిల్లేసుగూరు కేంద్రం జూనియర్‌ ఇంజనీర్, రాయచూరు ⇒ ఎస్‌.రాజు, రిటైర్డు ఆర్‌టీఓ, రవాణాశాఖ తుమకూరు

న్యూఢిల్లీ: సుప్రీంకోర్టు మాజీ ప్రధాన న్యాయ మూర్తి(సీజేఐ) జస్టిస్‌ డీవై చంద్రచూడ్‌పై అవినీతి ఆరోపణలకు సంబంధించిన కేసును లోక్‌పాల్‌ కొట్టివేసింది. తన న్యాయ పరిధికి మించిన అంశమని ఒక ఉత్తర్వులో పేర్కొంది. ఓ రాజకీయ పార్టీని, ఓ రాజకీయ నేతను కాపాడేందుకు తన అధికారాన్ని దుర్వినియోగం చేశారని ఆరోపిస్తూ గతేడాది అక్టోబర్‌ 18వ తేదీన అప్పటి సీజేఐ జస్టిస్‌ చంద్రచూడ్‌పై ఫిర్యాదు అందింది. గతేడాది నవంబర్‌ 10వ తేదీన పదవి నుంచి ఆయన రిటైరయ్యారు. లోక్‌పాల్, లోకాయుక్త చట్టంలోని సెక్షన్‌–14 ప్రకారం సిట్టింగ్‌ సీజేఐ, సుప్రీంకోర్టు జడ్జీలు తమ న్యాయపరిధిలోకి రారని, ఈ అంశాన్ని పరిశీలించరాదని నిర్ణయించుకున్నామని లోకా యుక్త ఈ నెల 3న జారీ చేసిన ఉత్తర్వుల్లో స్పష్టం చేసింది. చట్ట ప్రకారం ఇతర మార్గాలను అనుసరించే స్వేచ్ఛ పిటిషనర్‌కు ఉందని తెలిపింది.

సాక్షి, అమరావతి: ఆంధ్రప్రదేశ్‌ లోకాయుక్త చట్టానికి సవరణలు తీసుకొస్తూ కూటమి ప్రభుత్వం ప్రవేశపెట్టే ప్రతిపాదనలు పార్లమెంటరీ ప్రజాస్వామ్య స్ఫూర్తికి అనుగుణంగాలేవని పీడీఎఫ్‌ ఎమ్మెల్సీ కేఎస్‌ లక్ష్మణ్‌రావు అభిప్రాయపడ్డారు. సీఎం పేరుతో మంత్రి నారా లోకేశ్‌ లోకాయుక్త చట్ట సవరణ బిల్లు ఆమోదం కోసం శుక్రవారం ‘మండలి’లో ప్రవేశపెట్టగా, దానిపై కొద్దిసేపు చర్చ జరిగింది. బిల్లులో సవరణలపై లోకేశ్‌ వివరిస్తూ.. లోకాయుక్త, సభ్యుల నియామక కమిటీలో సీఎం చైర్మన్‌గా, అసెంబ్లీ స్పీకర్, మండలి చైర్మన్, శాసనసభలో ప్రతిపక్ష నాయకుడు, హోంమంత్రి లేదా సీఎం నామినేట్‌ చేసే మంత్రి సభ్యులుగా ఉంటారని.. అసెంబ్లీలో ప్రతిపక్ష నేత లేనిపక్షంలో మిగతా నలుగురు సభ్యులతో లోకాయుక్త కమిటీ సమా­వేశం ఏర్పాటుకు ఈ బిల్లును ప్రవేశపెడుతున్నట్లు వివరించారు. దీనిపై లక్ష్మణ్‌రావు మాట్లాడుతూ.. ‘ప్రజాస్వామ్యంలో అధికార పక్షం, ప్రతిపక్షం రెండూ జోడు గుర్రాల్లా వెళ్లాలని ఓ రాజనీతిశాస్త్ర అధ్యాపకుడిగా నేను భావిస్తున్నా. బిల్లు సారాంశం నాకు అర్థమైనంత వరకు.. ప్రతిపక్ష నాయకుడు లేరు కాబట్టి ఆయనను మినహాయిస్తూ, మిగిలిన నలుగురితో చేయాలని అనుకుంటున్నట్లుగా ఉంది. నిజానికి.. ప్రతిపక్ష నాయకుడు లేకపోయినా, ప్రతిపక్షం ఉంది. ప్రతిపక్షం నుంచి ఎవరైనా ఒక సభ్యుడు ఉండేలా కమిటీ ఉంటే బాగుంటుంది అని నా అభిప్రాయం. దానికి ప్రతిపక్ష హోదా అక్కరలేదు. ప్రతిపక్ష పార్టీ అక్కడ ఉంది. ఆ పార్టీని ఎవరో ఒక సభ్యుడిని నామినేట్‌ చేయమని అడగొచ్చు. మీ ప్రతిపాదనలు ప్రజాస్వామ్య స్పిరిట్‌ కాదు’ అంటూ మాట్లాడారు. ఈ సమయంలో పలువురు టీడీపీ సభ్యులు పెద్దగా మాట్లాడే ప్రయత్నం చేయగా.. లక్ష్మణరావు స్పందిస్తూ.. ‘వాదనలు చేయాలంటే చాలా చెయ్యొచ్చు. పార్లమెంటరీ ప్రజాస్వామ్య సూత్రం చెబుతున్నా. ఆచరిస్తే ఆచరించండి లేకపోతే లేద’ని తెలిపారు.ప్రజాస్వామ్యయుతంగానే ముందుకు..లక్ష్మణరావు చేసిన సూచనపై లోకేశ్‌ స్పందిస్తూ.. ‘ప్రతిపక్ష నేత లేనిపక్షంలో అని బిల్లులో పేర్కొన్నాం.. అంతేగానీ ఏమీ తీసివేయ­డంలేదు. ఆయన లేనిపక్షంలో నలుగురుతో జరుగుతుందని మాత్రమే బిల్లులో పేర్కొన్నాం’.. అని చెప్పారు. ప్రజా­స్వామ్య­యుతంగానే లోకా­యుక్త­ను తమ ప్రభుత్వం ముందుకు తీసుకెళ్తుందన్నారు. మాజీ సీఎం జగన్‌ రెండు సమావేశాల నుంచి సభకు రాని పరిస్థితి అని.. అన్నీ పరిగ­ణనలోకి తీసుకునే నిర్ణయం తీసు­కున్నామని చెప్పారు. చర్చ అనంతరం, సభ మూజు­వాణితో బిల్లు ఆమోదం పొందినట్లు మండలి చైర్మన్‌ ప్రకటించారు.మరో ఏడు బిల్లులు కూడా.. జ్యుడీషియల్‌ ప్రివ్యూకు రద్దుఇప్పటికే అసెంబ్లీ ఆమోదం పొందిన లాండ్‌ గ్రాబింగ్‌ సవరణ బిల్లు, పీడీ యాక్ట్‌ సవరణ బిల్లు, దేవదాయశాఖ పాలక మండలి కమిటీ అదనపు సభ్యుల నియామకం సవరణ బిల్లు, జ్యుడీషియల్‌ ప్రివ్యూకు సంబంధించిన బిల్లులతో పాటు మున్సిపల్‌ చట్ట సవరణ బిల్లు, జీఎస్టీ చట్ట సవరణ బిల్లు, వ్యాట్‌ చట్ట సవరణ బిల్లులు కూడా శుక్రవారం మండలిలో ఆమోదం పొందాయి.

ఐదేళ్లపాటు ప్రతిపక్షంలో ఉండి మళ్ళీ తిరిగి అధికారంలోకి వచ్చిన పార్టీ ప్రభుత్వ చర్యలూ, దాని ప్రాధాన్యతలపై సహజంగానే ప్రజలకు ఆసక్తి ఉంటుంది. కర్నూలు నుంచి న్యాయ సంస్థలు– ‘లోకాయుక్త’ మానవ హక్కుల కమిషన్, సీబీఐ కోర్టు, ఉన్నత ‘లా’ విద్యాసంస్థలు వంటి వాటిని అక్కడ నుంచి ‘అమరావతి’కి తరలిస్తున్నట్టు, స్థానికులు ఆందోళన చేస్తున్నట్టుగా వచ్చిన వార్తల నేపథ్యంలో... గత పదేళ్ల పరిణామాల సమీక్ష తప్పడం లేదు.ఈ విషయంలో మొదట ఒకమాట అనుకుని అప్పుడు ముందుకు వెళ్ళడం బాగుంటుంది. ఉమ్మడి రాష్ట్రం ఎందుకు రెండుగా విభజించబడింది అనే విషయంలో పదేళ్ళ తర్వాత అయినా మనకు స్పష్టత అవసరం. ఇక్కడ రాష్ట్రాల్లో అయినా అక్కడ ఢిల్లీలో అయినా ఐదేళ్లకు ఒకసారి ప్రభుత్వంలోకి ప్రవేశించే ‘లెజిస్లేచర్‌’ కాకుండా, శాశ్వతమైన ‘ఎగ్జిక్యూటివ్‌’ అనే శక్తిమంతమైన వ్యవస్థ మరొకటి ఉంది. ఈ రెండింటిపై ‘జ్యుడిషియరీ’ ఉంది. ప్రభుత్వాలు ఉనికిలో లేని విరామాల మధ్య కూడా వాళ్ళు అధికారంలో ఉంటారు. అప్పటి ముఖ్యమంత్రి కె. కిరణ్‌కుమార్‌ రెడ్డి రాజీనామా చేస్తే, 2014 ఫిబ్రవరి 20 నుంచి జూన్‌ 8 వరకు రాష్ట్రం ‘గవర్నర్‌ పాలన’లో ఉంది. దేశ ప్రాదేశిక భద్రత విషయమై గురుతరమైన బాధ్యత ఈ వ్యవస్థలకు ఉంటుంది. పరిపాలనలో కేంద్ర– రాష్ట్ర సంబంధాలు ఢిల్లీలో ‘హోమ్‌’శాఖ వద్ద ఎందుకు ఉంటాయో మనకు అర్థం కావాలి. అలాగే, 2014 మొదట్లో ‘యూపీఏ–2’ ప్రభుత్వంలో ఢిల్లీలో రాష్ట్ర విభజన ప్రక్రియ మొదలయినప్పుడు; అధికారుల కమిటీ కాకుండా, ప్రభుత్వం మంత్రులతో ఏర్పాటు చేసిన మంత్రివర్గ ఉపసంఘానికి కేంద్ర రక్షణశాఖ మంత్రి ఎందుకు అధ్యక్షుడుగా ఉన్నారో మనకు అర్థం కావాలి. అటువంటి గ్రహింపుతో మొత్తంగా భారత ప్రభుత్వం సమగ్రమైన తూర్పు దృష్టి (లుక్‌ ఈస్ట్‌) ‘డ్రైవ్‌’ అంతా కేవలం ఆగ్నేయ ఆసియా వైపు ఎందుకు ఉందో కూడా మనకు తెలియాలి. కీలకమైన కేంద్ర మంత్రిత్వశాఖలు ఆంధ్రప్రదేశ్‌లో ఒక్కొక్క ప్రాంతంలో ఒక్కొక్క రీతిగా ఎందుకు తమ కార్యకలాపాల వేగాన్ని పెంచుతున్నాయో మనకు తెలియాలి. గత జగన్‌ మోహన్‌ రెడ్డి ప్రభుత్వం విశాఖపట్టణం రాష్ట్ర రాజధాని ప్రతిపాదనతో ముందుకు వచ్చింది. అది రాష్ట్ర పరిధిలోని అంశం. దానితో పనిలేకుండా కేంద్రం 2022 అక్టోబర్‌ నాటికి కాకినాడ వద్ద ‘ఇండియన్‌ ఇనిస్టిట్యూట్‌ ఆఫ్‌ ఫారెన్‌ ట్రేడ్‌’ సౌత్‌ ఇండియా కేంపస్‌ తెచ్చింది. మార్చి 2024 నాటికి బాపట్ల సమీపాన ‘ఇండియన్‌ ఎయిర్‌ ఫోర్స్‌’ దళాల కోసం ఎమర్జెన్సీ ల్యాండింగ్‌ ఫెసిలిటీ ఏర్పడింది. ‘డిఫెన్స్‌ రీసెర్చ్‌ అండ్‌ డెవలప్మెంట్‌ ఆర్గ నైజేషన్‌’ (డీఆర్‌డీఓ) రూ. 100 కోట్లతో ‘మిస్సైల్‌ టెస్ట్‌ రేంజ్‌ సెంటర్‌’ మచిలీ పట్టణం సమీపాన నాగాయలంక దగ్గరలోని గుల్లలమోద వద్ద నిర్మి స్తున్నది. గత ప్రభుత్వంలో జరిగిన పరిపాలనా వికేంద్రీకరణలో భాగంగా బాపట్ల–బందరు రెండూ కూడా విజయవాడ, గుంటూరు నగరాలతో సంబంధం లేని సొంత కలెక్టరేట్లతో జిల్లా కేంద్రాలుగా మారాయి.చ‌ద‌వండి: శ్రీబాగ్‌ ఒడంబడిక అమలే కీలకం!కేంద్ర ఆర్థికశాఖ అనంతపురం జిల్లాలో ‘నేషనల్‌ అకాడమీ ఆఫ్‌ కస్టమ్స్, ఇన్‌డైరెక్ట్‌ ట్యాక్సెస్‌ అండ్‌ నార్కోటిక్స్‌’ వంటి దేశంలోనే అత్యున్నత స్థాయి శిక్షణా సంస్థను 2022 నాటికి బెంగళూరు సమీపాన ఆంధ్రప్రదేశ్‌లో ప్రారంభించింది. అదే కాలానికి రాష్ట్ర ప్రభుత్వం కొత్త జిల్లాల ఏర్పాటులో భాగంగా అనంతపురం జిల్లా నుంచి పుట్టపర్తి ప్రాంతాన్ని వేరుచేసి; సత్యసాయి జిల్లా పేరుతో కొత్తగా మరో జిల్లా ఏర్పాటు చేయడంతో ఇప్పుడు ఈ సంస్థ ఆ కొత్త జిల్లాలో ఉంది. మరి వీటిలో దేన్నైనా ఇది ఇక్కడ కాదు, అని మరొకచోటికి తరలించే ప్రయత్నం ఇక్కడ రాష్ట్ర ప్రభుత్వం కానీ; లేదా ‘కూటమి’లో భాగస్వామి అయిన బీజేపీ నడుపుతున్న కేంద్రంలోని ఎన్డీఏ ప్రభుత్వం కానీ ఎందుకు అనడం లేదనే సందేహం మనకు రావాలి. అప్పుడు ఐదేళ్ళ ప్రభుత్వాల అవసరాల కంటే, విస్తృతమైన దేశప్రయోజనాల కోసం కేంద్రంలో – రక్షణ, వాణిజ్యం, ఉపరితల రవాణా, రైల్వే, స్పేస్‌ సైన్స్, వంటి కొన్ని మంత్రిత్వశాఖల్లో– ‘ఏపీ’ కోసం ఒక ప్రత్యేకమైన ‘ప్లానింగ్‌’ ఎందుకు జరుగుతున్నది? అనే ప్రశ్న వైపుకు అవి మనల్ని మన రాష్ట్రం ‘జాగ్రఫీ’ వైపుకు తీసుకువెళతాయి.చ‌ద‌వండి: వాగ్దానాలు గాలికి వదిలినట్లేనా?అయితే, జరిగినవి ఏవీ గత పదేళ్లుగా బీజేపీ ప్రభుత్వం మనపట్ల ప్రేమతో చేయలేదు. ‘మెతుకు ముట్టుకుంటే అన్నం సోకు తెలుస్తుంది’ అన్నట్టుగా, రాష్ట్ర విభజన జరిగి ఆ ‘షాక్‌’ నుంచి ఇంకా మనం కోలుకోక ముందే 2014 మధ్యలోనే బందరు వద్ద భూమి కూడా ఎంపిక చేసిన ‘మెరైన్‌ పోలీస్‌ అకాడమీ’ని ఇక్కణ్ణించి ఉత్తరాదికి వారు తరలించారు. అదే ఏడాది డిసెంబరులో ‘ఏపీ’కి కూడా మరొక ‘అకాడమీ’ ఇస్తున్నాం అన్నారు. ఇప్పటికి అటువంటిది ఏమీ లేదు. జరుగుతున్నవి అన్నీ ఇటీవల కొత్తగా వాడుకలోకి వచ్చిన ‘జియో – పాలి టిక్స్‌’లో భాగంగా దేశ ప్రాదేశిక అవసరాల మేరకు ‘బ్యురోక్రసీ’ స్థాయిలో జరుగుతున్న విధాన నిర్ణయాలు. ఇంతటి సమగ్రమైన వైశాల్యంతో మారిన కొత్త ‘మ్యాప్‌’లోని రాష్ట్రాన్ని అధికారంలో ఉన్న ప్రభుత్వం చూడగలిగినప్పుడే, ఇక్కడ అది అమలు చేయాల్సిన స్వల్పకాలిక – దీర్ఘకాలిక ‘ప్లానింగ్‌’ ఎలా ఉండాల్సిందీ దానికి అర్థమవుతుంది. అప్పుడు ఈ మొత్తంలో – ‘రాజధాని’ అనే అంశానికి ఉన్న జాగా ఎంతో కూడా మనకు అర్థమవుతుంది.- జాన్‌సన్‌ చోరగుడి అభివృద్ధి– సామాజిక అంశాల వ్యాఖ్యాత

బెంగళూరు: మైసూర్‌ అర్బన్‌ డెవెలప్‌మెంట్‌ అథారిటీ (MUDA) కుంభకోణం కేసు కర్ణాటకలో రాజకీయంగా సంచలనం సృష్టించింది. అయితే.. తాజాగా ముఖ్యమంత్రి సిద్దరామయ్యను లోకాయుక్త పోలీసులు విచారణకు పిలిచారు.అందులో భాగంగా ఆయనకు లోకాయుక్త పోలీసులు నోటీసులు జారీ చేశారు. ఇక..బుధవారం (నవంబర్‌ 6) ఉదయం సీఎం సిద్ధరామయ్య తమ ముందు హాజరు కావాల్సిందిగా నోటీసుల్లో కోరినట్లు లోకాయుక్త సీనియర్ అధికారి తెలిపారు. మరోవైపు.. ఈ విషయంపై సీఎం సిద్ధరామయ్య స్పందించారు.‘‘ముడాకు సంబంధించి మైసూర్ లోకాయుక్త పోలీసులు నోటీసు జారీ చేశారు. నవంబర్ 6న మైసూర్ లోకాయుక్తకు వెళ్లుతా’ అని అన్నారు. ఇక.. ఇదే కేసులో ఇటీవల సీఎం సిద్ధరామయ్య భార్య పార్వతి లోకాయుక్త ప్రశ్నించిన విషయం తెలిసిందే.సిద్ధరామయ్య భార్య పార్వతి సోదరులు మల్లికార్జున స్వామి, దేవరాజు స్వామి కొంత భూమి కొనుగోలు చేసి ఆమెకు బహుమతిగా ఇచ్చారు. ఈ భూమి వివాదంలో ఉండటంతో మైసూరులోని లోకాయుక్త పోలీసులు సెప్టెంబర్ 27న ఎఫ్‌ఐఆర్‌ నమోదు చేశారు.Haveri: Karnataka CM Siddaramaiah says, "Yes, Mysore Lokayukta has issued a notice regarding MUDA. I will go to Mysore Lokayukta on 6th November." pic.twitter.com/cWNydSusOR— ANI (@ANI) November 4, 2024ఏమిటీ ముడా భూవివాదం?సిటీ ఇంప్రూవ్‌మెంట్‌ ట్రస్ట్‌ బోర్డ్‌గా 1904లో ఏర్పాటై తదనంతరకాలంలో మైసూర్‌ అర్బన్‌ డెవలప్‌మెంట్‌ అథారిటీ(ముడా)గా అవతరించిన సంస్థ ఇప్పుడు భూకేటాయింపుల వివాదంలో కేంద్రబిందువుగా నిలిచింది. కెసెరె గ్రామంలో సీఎం సిద్ధరామయ్య భార్య పార్వతికి 3 ఎకరాల 16 గుంటల భూమి ఉంది.ఈ గ్రామంలో దేవనార్‌ 3ఫేజ్‌ లేఅవుట్‌ కోసం ముడా ఈ భూమిని సేకరించింది. నష్టపరిహారంగా 2021లో మైసూర్‌లోని విజయనగర మూడో, నాలుగో ఫేజ్‌ లేఅవుట్లలో 38,284 చదరపు అడుగుల విస్తీర్ణంలో 14 ప్లాట్లను కేటాయించింది. అయితే పార్వతి నుంచి తీసుకున్న భూముల కంటే కేటాయించిన ప్లాట్ల విలువ రూ.45 కోట్లు ఎక్కువ అని ఆర్టీఐ కార్యకర్త అబ్రహాం లోకాయుక్త పోలీసులకు ఫిర్యాదుచేయడంతో కేటాయింపుల అంశం వార్తల్లోకెక్కింది.కెసెరె భూమిని పార్వతికి ఆమె సోదరుడు మల్లిఖార్జున స్వామి 2010 అక్టోబర్‌లో బహుమతిగా ఇచ్చాడు. ప్రభుత్వం సేకరించాక 2014 జూన్‌లో నష్టపరిహారం కోసం పార్వతి దరఖాస్తు చేసుకున్నారు. ప్లాట్ల కేటాయింపుపై సిద్ధూ గతంలోనే స్పష్టతనిచ్చారు.‘‘2014లో నేను సీఎంగా ఉన్నపుడు పరిహారం కోసం దరఖాస్తు చేసుకుంటే సీఎంగా ఉన్నంతకాలం ఆ పరిహారం ఇవ్వడం కష్టమని అధికారులు చెప్పారు. బీజేపీ అధికారంలో ఉన్నపుడు 2021లో మళ్లీ దరఖాస్తు చేసుకుంటే ఈ ప్లాట్లను కేటాయించారు’’ అని సిద్దూ అన్నారు.అయితే గతంలో ముడా 50: 50 పేరిట ఒక పథకాన్ని అమలుచేసింది. నిరుపయోగ భూమి తీసుకుంటే వేరే చోట ‘అభివృద్ధి చేసిన’ స్థలాన్ని కేటాయిస్తారు. ప్రతీ కేటాయింపు ముడా బోర్డు దృష్టికి తేవాలి. అయితే కొందరు ముడా అధికారులతో చేతులు కలిపి, బోర్డు దృష్టికి రాకుండా, పథకంలోని లోపాలను వాడుకుని సిద్ధరామయ్య కుటుంబం ఎక్కువ ప్లాట్లను రాయించుకుందని విపక్షాలు ఆరోపిస్తున్నాయి. లోపాలున్న పథకాన్ని 2023 అక్టోబర్‌లో రద్దుచేశారు.అయితే తన భూమికి ఎక్కువ విలువ ఉంటుందని రూ.62 కోట్ల నష్టపరిహారం కావాలని సిద్ధరామయ్య ఈఏడాది జూలై నాలుగున డిమాండ్‌ చేయడం విశేషం. అయితే అసలు ఈ భూమి పార్వతి సోదరుడు మల్లికార్జున స్వామిది కాదని, అక్రమంగా ఫోర్జరీ పత్రాలు సృష్టించి 2004లో తన పేరిట రాయించుకున్నాడని ఆరోపణలున్నాయి.

న్యూఢిల్లీ/బెంగళూరు: కర్నాటక ముఖ్యమంత్రి సిద్ధరామయ్యపై ఎన్‌ఫోర్స్‌మెంట్‌ డైరెక్టరేట్‌ సోమవారం మనీలాండరింగ్‌ కేసు నమోదు చేసింది. మైసూర్‌ అర్బన్‌ డెవలప్‌మెంట్‌ అథారిటీ (ముడా) ప్లాట్ల కేటాయింపులో అక్రమాలు జరిగాయని లోకాయుక్త నమోదు చేసిన ప్రాథమిక సమాచార నివేదిక (ఎఫ్‌ఐఆర్‌) ఆధారంగా ఈ చర్యకు దిగింది. సిద్ధరామయ్య, భార్య పార్వతి, బావమరిది మల్లికార్జున స్వామి తదితరులపై కేస్‌ ఇన్ఫర్మేషన్‌ రిపోర్టు నమోదు చేసింది. పార్వతి నుంచి 3.16 ఎకరాలను సేకరించిన ముడా ప్రతిగా 50:50 నిష్పత్తిలో ఖరీదైన ప్రాంతంలో ఆమెకు 14 ప్లాట్లను కేటాయించింది. దీంట్లో అవినీతి, అధికార దురి్వనియోగం జరిగినట్టు ఆరోపణలున్నాయి. ఈ కేసులో సిద్ధరామయ్యను ప్రాసిక్యూట్‌ చేయడానికి గవర్నర్‌ థావర్‌చంద్‌ గెçహ్లాట్‌ అనుమతి మంజూరు చేశారు. దీన్ని సిద్ధూ హైకోర్టులో సవాల్‌ చేసినా చుక్కెదురైంది. అనంతరం బెంగళూరులోని ప్రత్యేక కోర్టు ఆదేశాల మేరకు ఆయనపై లోకాయుక్త పోలీసులు ఎఫ్‌ఐఆర్‌ నమోదు చేశారు. దాని ఆధారంగా సిద్ధరామయ్య తదితరులపై ఈడీ సోమవారం కేసు నమోదు చేసింది. విచారణకు రావాలంటూ ఆయనకు సమన్లు జారీ చేసే వీలుంది. అలాగే ఆస్తులను కూడా అటాచ్‌ చేయవచ్చు. 14 ప్లాట్లను వెనక్కి ఇచ్చేస్తా ముడా కమిషనర్‌కు పార్వతి లేఖ మైసూరు: భూపరిహారంగా ముడా తనకు కేటాయించిన 14 ప్లాట్లను వెనక్కి ఇచ్చేందుకు కర్నాటక సీఎం సిద్ధరామయ్య భార్య పార్వతి ముందుకు వచ్చారు. ఈ మేరకు ముడా కమిషనర్‌కు సోమవారం ఆమె లేఖ రాశారు. మైసూరు కేసరే గ్రామంలో తనకు చెందిన 3.16 ఎకరాల భూమిని ముడా తీసుకొని.. విజయనగర లేఔట్‌ ఫేజ్‌–3, ఫేజ్‌–4లో తనకు 14 ప్లాట్లను కేటాయించిందని ఆమె వివరించారు. ‘సేల్‌ డీడ్‌ను రద్దు చేయడం ద్వారా నేనీ 14 ప్లాట్లను తిరిగి ఇచ్చేయడానికి సిద్ధంగా ఉన్నాను. ముడా ఈ ప్లాట్లను స్వాధీనం చేసుకోవాలని కోరుతున్నాను. ఈ దిశగా సాధ్యమైనంత త్వరగా చర్యలు చేపట్టాలని విజ్ఞప్తి చేస్తున్నాను’ అని పార్వతి ముడా కమిషనర్‌ను కోరారు. ముడా కేటాయింపుల్లో సిద్ధరామయ్యపై దర్యాప్తునకు హైకోర్టు గ్రీన్‌సిగ్నల్‌ ఇవ్వడం, లోకాయుక్త పోలీసుల కేసు నమోదు, తాజాగా సోమవారం ఈడీ కేసు నమోదు నేపథ్యంలో.. ప్లాట్లను తిరిగి ఇచ్చేయాలని పార్వతి నిర్ణయం తీసుకున్నారు.

బెంగళూరు: కర్ణాటక రాజకీయాల్లో మైసూర్‌ అర్బర్‌ డెవలప్‌మెంట్‌ అథారిటీ(ముడా) భూ కుంభకోణం వ్యవహారం సంచలనం సృష్టిస్తోంది. తాజాగా ఈ కేసులో కర్ణాటక ముఖ్యమంత్రి సిద్దరామయ్యపై లోకాయుక్త పోలీసులు ఎఫ్‌ఐఆర్‌ నమోదు చేశారు. ఎఫ్‌ఐఆర్‌లో సిద్ధరామయ్యను మొదటి ముద్దాయిగా పేర్కొనగా.. ఆయన సతీమణి పార్వతి, బావమరిది మల్లికార్జున్ స్వామి, దేవరాజ్‌, మల్లికార్జున స్వామిలను వరుస నిందితులుగా చేర్చింది.మూడా భూ కుంభకోణానికి సంబంధించి సిద్ధరామయ్యపై కేసు నమోదు చేయాలని ట్రయల్ కోర్టు ఆదేశించిన విషయం తెలిసిందే. ప్రజా ప్రతినిధుల ప్రత్యేక కోర్టు ఆదేశించింది. ఈ నేపథ్యంలోనే లోకాయుక్త పోలీసులు ఈ చర్యలు తీసుకున్నారు. మరోవైపు ముడా భూ కుంభకోణం కేసులో సీఎం సిద్ధరామయ్యపై విచారణకు గవర్నర్‌ అనుమతివ్వడాన్ని బుధవారం హైకోర్టు సమర్ధించిన విషయం తెలిసిందే. ఈ అనుమతిని సవాల్‌ చేస్తూ సీఎం వేసిన పిటిషన్‌ను కొట్టివేస్తూ.. గవర్నర్‌ చర్యలుచట్ట ప్రకారం ఉన్నాయని తెలిపింది. చదవండి: రాహుల్‌ ధైర్యవంతుడు, నిజాయితీ కలిగిన నేత: సైఫ్‌ ప్రశంసలు

బెంగళూరు: కర్ణాటకలో మైసూర్ నగరాభివృద్ధి సంస్థ (ముడా) స్కాంలో సీఎం సిద్ధరామయ్య చుట్టూ ఉచ్చు బిగుస్తోంది. ఇళ్ల స్థలాల కేటాయింపునకు సంబంధించిన ముడా స్కాంలో సిద్ధరామయ్య అవకతవకు పాల్పడ్డారని, ఆయన వెంటనే సీఎం పదవికి రాజీనామా చేయాలని ప్రతిపక్షాలు డిమాండ్‌ చేస్తున్నాయి.ఈ తరుణంలో సిద్ధరామయ్య సీఎం పదవికి రాజీనామా చేయాలని జనతాదళ్ (సెక్యులర్) అధినేత హెచ్‌డీ కుమారస్వామి డిమాండ్‌ చేశారు. అదే సమయంలో తన మిత్రపక్షమైన బీజేపీపై సైతం విమర్శలు గుప్పించారు. సిద్ధరామయ్య సీఎం పదవికి రాజీనామా చేయాలని బీజేపీ ఎందుకు డిమాండ్‌ చేయడం లేదని ప్రశ్నించారు. ఆయన ప్రధాని నరేంద్ర మోదీ కేబినెట్‌లో మంత్రా అని ప్రశ్నించారు. Mr. @siddaramaiah..Ughe Ughe to your 'Sidvilasa'Then: To escape from scams, you build a 'samadhi' for Lokayukta and formed ACB!Now: The same Lokayukta is a place you found to get rid of 'Mudahagaran'!!Isn't it Karma Mr siddaramaiah?ACB was also dismissed by the High Court…— ಹೆಚ್.ಡಿ.ಕುಮಾರಸ್ವಾಮಿ | H.D.Kumaraswamy (@hd_kumaraswamy) September 27, 2024మోదీ కేబినెట్‌లో కేంద్ర ఉక్కు, భారీ పరిశ్రమలశాఖ మంత్రి హెచ్‌డీ కుమారస్వామి.. ముఖ్యమంత్రిగా ఉన్న సిద్ధరామయ్య స్వయం ప్రతిపత్తి వ్యవస్థ లోకాయుక్తపై ఆంక్షలు విధించి..అవినీతి నిరోధక బ్యూరో (ఏసీబీ)ని ఏర్పాటు చేసే ప్రయత్నాలను ఆయన ఎత్తి చూపారు.కర్మ సిద్ధాంతం అంటే ఇదేగతంలో లోకాయుక్తాకు బదులు ఏసీబీని ఏర్పాటు చేయాలని సీఎం సిద్ధరామయ్య అనుకున్నారు. కానీ 2022లో హైకోర్టు రాష్ట్రంలో లోకాయుక్త లేదంటే ఏసీబీ ఏదో ఒకటి ఉండాలని తీర్పు ఇచ్చింది. దీనిపై కుమారస్వామి స్పందిస్తూ.. ఇది కర్మ కాదా..సిద్ధరామయ్య. లోకాయుక్త వద్దనుకున్నారు. ఇప్పుడు మీరు వద్దనుకున్న లోకాయుక్త ఆధ్వర్యంలో ముడా స్కామ్‌లో విచారణ ఎదుర్కోనున్నారు అంటూ సెటైర్లు వేశారు. చదవండి : ముడా స్కామ్‌లో సీఎం సిద్ధరామయ్యాకు చిక్కులు

బెంగళూరు: మైసూరు పట్టణాభివృద్ధి ప్రాధికార సంస్థ (ముడా) స్థలాల పంపిణీలో అక్రమాలు జరిగాయన్న ఉదంతంలో కర్ణాటక ముఖ్యమంత్రి సిద్ధరామయ్యను విచారించేందుకు రంగం సిద్ధమైంది. సిద్ధరామయ్యను విచారించాలని లోకాయక్త పోలీసులకు బుధవారం బెంగళూరు ప్రత్యేక కోర్టు ఆదేశాలిచి్చంది. దీంతో సిద్ధూపై ఎఫ్‌ఐఆర్‌ నమోదుచేసి కేసు విచారణను లోకాయుక్త పోలీసులు మొదలుపెట్టనున్నారు. సిద్ధూ భార్యకు ప్రభుత్వ వెంచర్లలో 14 ప్లాట్లను అక్రమంగా కేటాయించారన్న ఫిర్యాదుల మేరకు సిద్ధూపై విచారణకు కర్ణాటక గవర్నర్‌ థావర్‌చంద్‌ గెహ్లోత్‌ అనుమతి ఇవ్వడాన్ని సిద్ధూ కర్ణాటక హైకోర్టులో సవాల్‌ చేయడం, ఆయన పిటిషన్‌ను కోర్టు కొట్టేయడం తెల్సిందే. ఈ నేపథ్యంలో బుధవారం బెంగళూరు ప్రత్యేక కోర్టు జడ్జి సంతోశ్‌ గజానన్‌ భట్‌ ఆదేశాలిచ్చారు. ఆర్టీఐ కార్యకర్త స్నేహమయి కృష్ణ ఇచి్చన ఫిర్యాదు మేరకు మాజీ, సిట్టింగ్‌ ఎమ్మెల్యేలు/ఎంపీల సంబంధిత కేసులను విచారించే ఈ కోర్టు తదుపరి చర్యలకు ఆదేశాలిచి్చంది. మూడు నెలల్లోగా అంటే డిసెంబర్‌ 24వ తేదీకల్లా సమగ్ర దర్యాప్తు జరిపి నివేదికను సమరి్పంచాలని జడ్జి సూచించారు. ముఖ్యమంత్రిపై ఉన్న ఫిర్యాదులపై ఎలాంటి నిర్ణయం తీసుకోవద్దని స్పెషల్‌ కోర్టుకు ఆగస్ట్‌ 19న తాము ఇచ్చిన ఆదేశాలను హైకోర్టు తాజాగా ఉపసంహరించుకోవడంతో స్పెషల్‌ కోర్టు బుధవారం ఆదేశాలు ఇవ్వడానికి వీలు కల్గింది. ఈ కేసులో సిద్ధరామయ్య భార్య బీఎం పార్వతి, పార్వతి సోదరుడు మల్లికార్జున స్వామి, స్వామికి ఈ భూమిని అమ్మిన దేవరాజులను ప్రతివాదులుగా కోర్టు చేర్చింది. విచారణను ఎదుర్కోవడానికి సిద్ధం దర్యాప్తు మొదలుపెట్టాలని లోకాయుక్తకు ఆదేశాలు రావడంపై సిద్ధరామయ్య స్పందించారు. ‘‘ ఎలాంటి దర్యాప్తునైనా ఎదుర్కొనేందుకు సిద్ధమని గతంలోనే చెప్పా. ఎలాంటి దర్యాప్తునకు నేను భయపడను. చట్టప్రకారం పోరాటానికి నేను సిద్ధం. కోర్టు ఉత్తర్వుల కాపీలో ఏముందో చదివాక మళ్లీ మాట్లాడతా’’ అని సిద్ధరామయ్య అన్నారు.

బెంగళూరు:మైసూర్‌ అర్బన్‌ డెవలప్‌మెంట్‌ అథారిటీ(ముడా) స్కామ్‌లో విచారణకు తాను సిద్ధంగా ఉన్నానని కర్ణాటక సీఎం సిద్ధరామయ్య తెలిపారు. విచారణకు భయపడటం లేదన్నారు.ఈ విషయమై సిద్ధరామయ్య బుధవారం(సెప్టెంబర్‌25) సిద్ధరామయ్య మీడియాతో మాట్లాడారు. ముడా స్కామ్‌పై బెంగళూరు ప్రత్యేక కోర్టు బుధవారం విచారణకు ఆదేశించింది. కర్ణాటక లోకాయుక్త ఆధ్వర్యంలో దర్యాప్తునకు అనుమతించింది.మూడు నెలల్లో ముడా స్కామ్‌పై సమగ్ర దర్యాప్తు చేసి నివేదిక సమర్పించాలని మైసూర్‌ పోలీసులను ఆదేశించింది.ఈ కేసులో సిద్ధరామయ్యకు మంగళవారం హైకోర్టులో ఎదురు దెబ్బ తగిలింది. ముడా స్కామ్‌లో తనను విచారించేందుకుగాను గవర్నర్ అనుమతి మంజూరు చేయడంపై సీఎం హైకోర్టులో సవాల్ చేశారు. ఈ పిటిషన్‌ను హైకోర్టు కొట్టివేసింది.

బెంగళూరు : అక్రమాస్తుల కేసులో కోర్టు నిర్ణయాన్ని దేవుడి నిర్ణయంగా భావిస్తా. నేను కోర్టు తీర్పు, దేవుణ్ణి నమ్ముతాను’ అని కర్ణాటక డిప్యూటీ సీఎం, కేపీసీసీ అధ్యక్షుడు డీకే శివకుమార్‌ ఆసక్తికర వ్యాఖ్యలు చేశారు. అక్రమాస్తుల కేసులో డీకే శివకుమార్‌కు ఊరట లభించింది. డీకే శివకుమార్‌ విచారణను కొనసాగించాలంటూ సీబీఐ, బీజేపీ ఎమ్మెల్యే ఎమ్మెల్యే బసనగౌడ పాటిల్‌ యత్నాల్‌లు కర్ణాటక హైకోర్టులో పిటిషన్‌ దాఖలు చేశారు. ఆ రెండు పిటిషన్లపై విచారణ చేపట్టిన హైకోర్టు బుధవారం కొట్టి వేసింది.కోర్టు తీర్పు వెలువరించిన తరుణంలో సకలేశ్‌పురలోని యెత్తినహోల్‌ ఇంటిగ్రేటెడ్‌ డ్రింకింగ్‌ వాటర్‌ ప్రాజెక్టును పరిశీలించిన సందర్భంగా అక్రమాస్తుల కేసుకు సంబంధించి మీడియా అడిగిన ప్రశ్నలకు శివకుమార్‌ పై విధంగా వ్యాఖ్యానించారు. 2013-2018 కాంగ్రెస్‌ ప్రభుత్వ హయాంలో డీకే శివ కుమార్‌ మంత్రిగా పనిచేశారు. ఆ సమయంలో ఆయన ఆదాయానికి మించిన ఆస్తుల్ని కూడబెట్టారనే ఆరోపణలు వెల్లువెత్తాయి. ఆ ఆరోపణల నేపథ్యంలో ఆయనపై సెప్టెంబరు 2020న సీబీఐ ఎఫ్‌ఐఆర్ ఫైల్‌ చేసింది. విచారణ ప్రారంభించింది. దర్యాప్తు కొనసాగుతుండగానే ఆ కేసు సీబీఐ నుంచి ఈ ఏడాది ఫిభ్రవరిలో లోకాయుక్త పోలీసులకు బదిలీ అయ్యింది. ఈ కేసు విచారణలో భాగంగా డీకే శివకుమార్‌ గత వారం లోకాయుక్త పోలీసుల ముందు హాజరయ్యారు. సుప్రీంలోనూ ఎదురుదెబ్బ అక్రమాస్తుల కేసులో సీబీఐ తనపై నమోదు చేసిన ఎఫ్‌ఐఆర్‌ను సవాల్‌ చేస్తూ కర్ణాటక డిప్యూటీ సీఎం డీకే శివకుమార్‌ గత నెలలో సుప్రీం కోర్టును ఆశ్రయించారు. ఆ పిటిషన్‌ను సుప్రీం కోర్టు తిరస్కరించింది. ఈ వ్యవహారంలో కర్ణాటక హైకోర్టు ఇచ్చిన ఉత్తర్వులపై తాము జోక్యం చేసుకోలేమని స్పష్టం చేసింది. సిద్ధరామయ్యకు ఏం జరగదు అక్రమాస్తుల కేసుతో పాటు మైసూరు అర్బన్ డెవలప్‌మెంట్ అథారిటీ (ముడా) భూకేటాయింపుల కుంభకోణంలో కర్ణాటక సీఎం సిద్ధరామయ్య,ఆయన భార్య పార్వతిలపై వస్తున్న ఆరోపణలపై డీకే శివకుమార్ స్పందించారు. సీఎంకి ఏం కాదు.‘కొందరు ముఖ్యమంత్రిపై ఎందుకు విరుచుకుపడుతున్నారో నాకు తెలియదు. ఆయనకు ఏం కాదు. ముడా వ్యవహారంలో ఆయనకు ప్రమేయం లేదనే అభిప్రాయం వ్యక్తం చేశారు డీకే శివకుమార్‌.

కర్ణాటక: ప్రభుత్వ ఉద్యోగిగా పనిచేస్తూ ప్రజలకు సేవ చేయడానికి బదులు అడ్డదారుల్లో ఆస్తులు సంపాదించినవారిపై లోకాయుక్త ముమ్మర దాడులు చేసింది. బెంగళూరు, మైసూరు, బీదర్‌, బళ్లారి, విజయనగరతో పాటు రాష్ట్రవ్యాప్తంగా 63కు పైగా ప్రాంతాల్లో 13 మంది అధికారులు, ఉద్యోగుల ఆఫీసులు, ఇళ్లు, వారి బంధువుల ఇళ్లలో మంగళవారం తెల్లవారుజాము నుంచి సోదాలు జరిపింది. ఇందులో కోట్లాది విలువ చేసే నగదు, బంగారం, స్థిరాస్తుల పత్రాలను స్వాధీనం చేసుకుంది. లెక్చరర్‌ వ్యాపారాలు మైసూరు నంజనగూడు ప్రభుత్వకాలేజీ లెక్చరర్‌ మహదేవస్వామికి చెందిన మైసూరు గురుకుల లేఔట్‌ నివాసంతో పాటు 12 చోట్ల దాడులు చేశారు. పేరుకే ఆయన అధ్యాపకుడు, కానీ ఎంఎస్‌ గ్రూప్‌ కంపెనీ నిర్వహిస్తున్నారు. భారీగా అక్రమాస్తులు పోగేసినట్లు తెలిసి సోదాలు చేపట్టారు. మైసూరులోని ఇళ్లు, కార్యాలయం, పాఠశాల, వాణిజ్య కట్టడాల్లో గాలింపు జరిపారు. ఒక విద్యాసంస్థ, స్టీల్‌, వస్త్ర దుకాణాలు గుర్తించారు. ఆయన కార్ల పార్కింగ్‌ కోసమే విశాలమైన స్థలాన్ని ఏర్పాటు చేసుకున్నారు. ఘనాపాఠి తిమ్మరాజ కేఆర్‌ఐడీఎల్‌ సూపరిన్‌టెండెంట్‌ ఇంజనీర్‌ తిమ్మరాజప్ప బంగ్లా చూసి లోకాయుక్త అధికారులు షాక్‌ తిన్నారు. కోలారు, బెంగళూరు, బెళగావితో పాటు 8 చోట్ల దాడులు చేశారు. కోలారు జిల్లా కేజీఎఫ్‌ తాలూకాలోని సొంతూరు మహదేవపురలో బృహత్‌ బంగ్లా కట్టుకున్నారు. బెంగళూరులోనూ తిమ్మరాజప్ప 7 ప్రాంతాల్లో ఇళ్లు, ఫ్లాట్లు ఉన్నాయి. కోట్లాది రూపాయల విలువచేసే నివాసం, ఆస్తులు, భూములు రికార్డులు లభ్యమయ్యాయి. విజయేంద్ర బావమరిదిపై... బళ్లారి గనులు, భూ విజ్ఞానశాఖ చంద్రశేఖర్‌, అటవీశాఖ డీఆర్‌ఎఫ్‌ఓ మారుతి ఇళ్లలో తనిఖీలు చేశారు. చంద్రశేఖర్‌ బళ్లారిలో పనిచేస్తుండగా ఇల్లు హోసపేటెలో ఉంది. బీదర్‌లో పశువైద్య యూనివర్శిటీ ఉద్యోగి సునీల్‌కుమార్‌ నివాసం, వాణిజ్య కాంప్లెక్స్‌లో సోదాలు జరుగుతున్నాయి. బీజేపీ రాష్ట్రాధ్యక్షుడు బీవై. విజయేంద్ర భార్య సోదరుడు, యాదగిరి డీహెచ్‌ఓ డాక్టర్‌ ప్రభులింగ మానకర్‌ కలబురిగి నివాసంలోను సోదాలు చేపట్టారు. అందరి ఆస్తుల వివరాలు, బ్యాంకు ఖాతాలు, లాకర్లు తదితరాల తనిఖీ కొనసాగుతోంది. బెంగళూరులో ముగ్గురు.. బెంగళూరులో మూడుచోట్ల... బెస్కాం జాగృతి దళం అధికారి టీఎన్‌.సుధాకర్‌రెడ్డి, సహకార సంఘం సీఈఓ హెచ్‌ఎస్‌.కృష్ణమూర్తి, జయనగర బెస్కాం ఎగ్జిక్యూటివ్‌ ఇంజనీర్‌ హెచ్‌డీ. చెన్నకేశవల ఇళ్లు, ఆఫీసుల్లో తనిఖీలు చేశారు. చెన్నకేశవకు చెందిన అమృతహళ్లి ఇంటిలో రూ.6 లక్షలు నగదు, 3 కిలోల బంగారు నగలు, 28 కేజీల వెండి, రూ.25 లక్షల విలువచేసే వజ్రాభరణాలు, రూ.5 లక్షలు విలువైన 7 పురాతన వస్తువులు లభించాయి. వీటన్నింటి ప్రాథమిక విలువ రూ.1.5 కోట్లు ఉంటుందని అంచనా. ఈయన కరెంటు కనెక్షన్‌ ఇవ్వాలంటే లక్షలాది రూపాయల ముడుపులు తీసుకుంటారని ఆరోపణలున్నాయి. ఇటీవల ఫిర్యాదులు కూడా అందాయి. మొదటి భార్య భవనం చిక్కబళ్లాపురం: రామనగర జిల్లాలో వ్యవసాయశాఖ కార్యాలయంలో డిప్యూటీ డైరెక్టర్‌గా పనిచేసే మునేగౌడపై లోకాయుక్త దాడులు చేసింది. ఇక్కడ నంది క్రాస్‌లో ఉన్న మొదటి భార్య ఉండే విలాసవంతమైన బంగ్లాలో సోదాలు చేశారు. పాలిహౌస్‌ల కొనుగోలులో భారీగా అక్రమాలకు పాల్పడినట్లు ఆరోపణలున్నాయి. రామనగర, బెంగళూరు, సొంతూరు శిడ్లఘట్ట, చిక్కబళ్లాపురంలోనూ బంధువుల ఇళ్లలో సోదాలు జరిపారు. బంగారం, నగదు, ఆస్తిపత్రాలు లభించాయి. చిక్కబళ్లాపురం లోకాయుక్త ఎస్పీ రామ్‌, డీఎస్పీ వీరేంద్రకుమార్‌, ఇన్స్‌పెక్టర్లు శివప్రసాద్‌, మోహన్‌ పాల్గొన్నారు.

CMDRF Scam Pinarayi Vijayan: ముఖ్యమంత్రి విపత్తు సహాయ నిధి (సీఎండీఆర్‌ఎఫ్) దుర్వినియోగానికి సంబంధించిన ఆరోపణల కేసులో కేరళ సీఎం పినరయి విజయన్‌ ప్రభుత్వానికి ఊరట లభించింది.  గతంలో ప్రభుత్వ తీసుకున్న నిర్ణయాలను సమర్థిస్తూ లోకాయుక్త సోమవారం తీర్పు చెప్పింది. ఈ సందర్భంగా  పినరయి విజయన్‌తో పాటు 18 మంది మాజీ కేబినెట్ మంత్రులపై వేసిన పిటిషన్‌ను లోకాయుక్త  తిరస్కరించింది. బంధుప్రీతి లేదా అవినీతి జరిగిందనడానికి ఎటువంటి ఆధారాలు లేవని లోకాయుక్త జస్టిస్ సిరియాక్ జోసెఫ్, అప్ లోకాయుక్తలు జస్టిస్ హరూన్ అల్ రషీద్, జస్టిస్ బాబు మాథ్యూ పి జోసెఫ్‌లతో కూడిన లోకాయుక్త బెంచ్ పేర్కొంది.  సీఎండీఆర్‌ఎఫ్‌లోని నిధులను దుర్వినియోగం చేశారంటూ 2018లో  సీఎంతో పాలు పలువురు మంత్రులపై కేసు నమోదైంది.  నిబంధనలకు విరుద్ధంగా  ఎన్సీపీ మాజీ చీఫ్ ఉజ్వూర్ విజయన్ కుటుంబానికి రూ.25 లక్షలు, దివంగత ఎమ్మెల్యే రామచంద్రన్ నాయర్ కుటుంబానికి రూ.9 లక్షలు, ప్రమాదంలో మరణించిన పోలీసు అధికారి కుటుంబానికి రూ.20 లక్షల ఆర్థిక సాయం అందించారని ఆరోపిస్తూ  అవినీతి వ్యతిరేక ఉద్యమకారుడు ఆర్ఎస్ శశికుమార్  పిటిషన్‌ దాఖలు  చేశారు.  జస్టిస్ సిరియాక్ జోసెఫ్, జస్టిస్ హరున్ ఉల్ రషీద్‌లతో కూడిన డివిజన్ బెంచ్ ఈ వ్యాజ్యాన్ని విచారించింది. అయితే సభ్యుల మధ్య అభిప్రాయ భేదాలు రావడంతో ధర్మాసనం ఏకగ్రీవ నిర్ణయానికి రాలేకపోయింది. దీంతో మార్చి 2023లో, ఈ కేసును పెద్ద బెంచ్‌కు రిఫర్ చేసింది. ఇది ఊహించిందే, హైకోర్టుకెళతా ఇది ఇలా ఉంటే తాజా నిర్ణయాన్ని కేరళ హైకోర్టులో సవాల్‌ చేస్తానని పిటిషన్‌ ఆర్‌ఎస్‌ శశికుమార్‌ తెలిపారు. తీర్పు ఊహించినదేనని, దీనికి వ్యతిరేకంగా అప్పీల్ చేస్తానని చెప్పారు. లోకాయుక్తలో గతంలో రెండు వేలుండే కేసులు ఇపుడు 200కి తగ్గాయని పేర్కొ‍న్నారు. ఈ సంస్థపై ప్రజలకు నమ్మకం పోయిందనడానికి ఇదే నిదర్శనమని ఆయన ఆరోపించారు

సాక్షి, చైన్నె: పరప్పన అగ్రహార జైలులో లగ్జరీ జీవితం గడపిన వ్యవహారంలో దివంగత సీఎం జయలలిత నెచ్చెలి, చిన్నమ్మ శశికళ, ఈమె వదినమ్మ ఇలవరసిపై పీటీ వారెంట్‌ జారీ అయ్యింది. బెంగళూరు లోకాయుక్త మంగళవారం ఈ ఉత్తర్వులు ఇచ్చారు. అదే సమయంలో స్టే ఉండగా ఎలా..? వారెంట్‌జారీ చేస్తారని చిన్నమ్మ తరపు న్యాయవాదులు ప్రశ్నిస్తున్నారు. వివరాలు.. అక్రమాస్తుల కేసులో చిన్నమ్మ శశికళ, ఆమె వదినమ్మ ఇలవరసి బెంగళూరు పరప్పన అగ్రహార చెరలో జైలు శిక్షను అనుభవించిన విషయం తెలిసిందే. ఈ సమయంలో వీరు ఆ జైల్లో లగ్జరీ జీవితాన్ని గడిపినట్టు వెలుగులోకి వచ్చింది. జైలు నుంచి తరచూ బయటకు షాపింగ్‌కు వెళ్లడం వంటి దృశ్యాలు సీసీటీవీ ఫుటేజీ ద్వారా వెలుగులోకి వచ్చాయి. జైళ్ల శాఖలో పనిచేస్తున్న అధికారులు అవినీతికి మరిగి, లంచం పుచ్చుకుని చిన్నమ్మ, వదినమ్మకు లగ్జరీ జీవితం గడిపే అవకాశం కల్పించినట్లు విచారణలో తేలింది. ఈ వ్యవహారంపై నియమించిన కమిటీ ఇచ్చిన సిఫార్సు మేరకు బెంగళూరు ఏసీబీ అధికారులు శశికళ, ఇలవరసిని కూడా టార్గెట్‌ చేశారు. విచారణకు హాజరుకాకపోవడంతో.. ఈకేసులో తొలి నిందితుడిగా అక్కడి జైళ్ల శాఖ పర్యవేక్షణాధికారి కృష్ణకుమార్‌, పరప్పన అగ్రహార జైలు అధికారులు అనిత, సురేష్‌ నాగరాజ్‌కు సంబంధించిన కేసు లోకాయుక్త కోర్టులో విచారణకు వచ్చింది. కేసు తొలి నిందితులిగా జైలు పర్యవేక్షణాధికారి కృష్ణకుమార్‌, పరస్పన అగ్రహార అధికారులు అనిత, సురేష్‌ నాగరాజ్‌ను రెండు, మూడు, నాలుగో నిందితులుగా పేర్కొన్నారు. అలాగే, ఐదు, ఆరో నిందితులుగా శశికళ, ఇలవరసి ఉన్నారు. ఈ కేసు బెంగళూరు లోకాయుక్తలో విచారణలో ఉంది. ఈ విచారణకు నేరుగా హాజరు కావడం నుంచి మినహాయింపు ఇవ్వాలని కోరుతూ గతంలో కోర్టును ఆశ్రయించారు. మినహాయింపు పొందారు. అయితే, అవసరమైనప్పుడు విచారణకు హాజరు కావాలని కోర్టు ఇది వరకు సూంచింది. ఆ మేరకు పలుమార్లు విచారణకు హాజరు కావాలని సమన్లు జారీ అయ్యాయి. అయితే, విచారణకు ఈ ఇద్దరు వెళ్లలేదు. దీంతో లోకాయక్త కోర్టు కన్నెర్ర చేసింది. ఈ ఇద్దరికీ పిటీ వారెంట్‌ జారీ చేస్తూ ఉత్తర్వులు జారీ చేసింది. తదుపరి విచారణ అక్టోబరు 6వ తేదీకి వాయిదా పడింది. కాగా చిన్నమ్మను అరెస్టు చేస్తారేమో అన్న బెంగ ఆమె మద్దతు దారులలో నెలకొంది. అయితే కోర్టు విచారణకు హాజరు కావడంలో కోర్టు మినహాయింపు ఉన్నా.. ఎలా వారెంట్‌ జారీ చేస్తారని, దీనిపై న్యాయ స్థానాన్ని ఆశ్రయిస్తామని చిన్నమ్మ న్యాయవాదులు వెల్లడించారు.

భోపాల్‌: హేమా మీనా.. ఈమె ప్రభుత్వ కాంట్రాక్ట్‌ ఉద్యోగి. నెలకు జీతం రూ. 30వేలు. కానీ, మీనా ఆస్తులు చిట్టా చూసి అధికారులు షాకయ్యారు. 7 లగ్జరీ కార్లు, రూ.30 లక్షల విలువ చేసే 98 ఇంచెస్‌ అత్యాధునిక టీవీ, విలాసవంతమైన భవనాన్ని అధికారులు గుర్తించారు. దీంతో, రంగంలోకి దిగిన అధికారులు సోదాలు నిర్వహించగా ఆమె ఆస్తుల వివరాలు చూసి నివ్వెరపోయారు. ఈ నేపథ్యంలో హేమపై అవినీతి నిరోధక చట్టం కింద కేసు నమోదు చేశారు. ఈ ఘటన మధ్యప్రదేశ్‌లో చోటుచేసుకుంది.  వివరాల ప్రకారం.. మధ్యప్రదేశ్‌ రాష్ట్ర పోలీసు హౌసింగ్‌ కార్పొరేషన్‌లో కాంట్రాక్టు ఇన్‌ఛార్జి అసిస్టెంట్‌ ఇంజినీర్‌గా హేమా మీనా పనిచేస్తోంది. కాగా, ఆమె భారీగా ఆస్తులు సంపాదించినట్టు గుర్తించిన లోకాయుక్త అధికారులు రంగంలోకి దిగారు. ఈ క్రమంలో భోపాల్‌లోని హేమా మీనా నివాసంలో లోకాయుక్త అధికారులు గురువారం ఉదయం నుంచి సోదాలు నిర్వహించారు. ఇప్పటి వరకు రూ.7 కోట్ల విలువైన ఆస్తులు బయటపడ్డాయి. అంతేకాకుండా సుమారు 20 వాహనాలు హేమా మీనా కొనుగోలు చేసినట్లు అధికారులు తమ విచారణలో గుర్తించారు. అందులో ట్రాక్టర్లు, వరి నాట్లు యంత్రాలు, హార్వెస్టర్లు, అనేక వ్యవసాయ పరికరాలు ఉన్నాయి. ఇదిలా ఉండగా.. కాంట్రాక్ట్‌ ఉద్యోగి అయిన హేమా మీనా నెల జీతం కేవలం రూ.30 వేలు మాత్రమే. ఆమె జీతంతో పోలిస్తే ఆస్తుల విలువ 232 శాతం ఎక్కువ. సోదాల సందర్బంగా 7 లగ్జరీ కార్లు, విలువైన గిర్‌ జాతికి చెందిన రెండు డజన్ల పశువులతోపాటు రూ.30 లక్షల విలువ చేసే 98 ఇంచెస్‌ అత్యాధునిక టీవీని అధికారులు గుర్తించారు. హేమా తన తండ్రి పేరుమీద 20,000 చదరపు అడుగుల విస్తీర్ణంలో స్థలం కొనుగోలు చేసి అందులో రూ.కోటి వెచ్చించి విలాసవంతమైన ఇంటిని నిర్మించినట్లు గుర్తించారు. వీటితోపాటు ఇతర ప్రాంతాల్లో స్థలాలు కూడా కొనుగోలు చేసినట్లు తేల్చారు. ఆమె నివాస ప్రాంగణంలో 100 కుక్కలు, పూర్తి వైర్‌లెస్‌ కమ్యూనికేషన్‌ సిస్టమ్‌, మొబైల్‌ జామర్‌లు, ఇతర విలువైన వస్తువులు కూడా అధికారుల సోదాల్లో బయటపడ్డాయి. ప్రస్తుతం ఆమెకు సంబంధించిన పలు ప్రాంతాల్లో అధికారులు సోదాలు చేస్తున్నారు. మరిన్ని ఆస్తుల వివరాలు బయటకు వచ్చే అవకాశం ఉంది. ఇక, ఈ విషయం రాష్ట్రవ్యాప్తంగా హాట్‌టాపిక్‌గా మారింది.  ఇది కూడా చదవండి: బెంగాల్‌, తమిళనాడు సర్కార్‌కు బిగ్‌ షాక్

తుమకూరు: కర్ణాటక సోప్స్‌ అండ్‌ డిటర్జెంట్స్‌ లిమిటెడ్‌(కేఎస్‌డీఎల్‌)కు సంబంధించిన లంచం కేసులో బీజేపీ ఎమ్మెల్యే ఎం.విరూపాక్షప్పను ఎట్టకేలకు లోకాయుక్త పోలీసులు సోమవారం అరెస్ట్‌ చేశారు. అంతకుముందు, ఆయన పెట్టుకున్న ముందస్తు బెయిల్‌ పిటిషన్‌ను కర్ణాటక హైకోర్టు తిరస్కరించింది. తుమకూరు నుంచి బెంగళూరు వస్తుండగా మార్గమధ్యంలోనే విరూపాక్షను అదుపులోకి తీసుకున్నట్లు లోకాయుక్త ఐజీ తెలిపారు. విరూపాక్ష కుమారుడు ప్రశాంత్‌ మార్చి 2న ఓ కాంట్రాక్టర్‌ నుంచి రూ.40 లక్షల లంచం తీసుకుంటూ పట్టుబడ్డారు. విరూపాక్ష నివాసంపై జరిపిన దాడుల్లో మరో రూ.8.23 కోట్లు దొరికాయి. అనంతరం కోర్టు ప్రభుత్వ రంగ కేఎస్‌డీఎల్‌కు చైర్మన్‌గా కూడా ఉన్న విరూపాక్షకు బెయిలిచ్చింది. అయితే, ప్రధాన ముద్దాయిగా ఉన్న విరూపాక్షప్ప కేసు విచారణలో సహకరించడం లేదంటూ లోకాయుక్త పిటిషన్‌ వేయగా కోర్టు బెయిల్‌ను రద్దు చేసింది. అసెంబ్లీ ఎన్నికల వేళ చోటుచేసుకున్న ఈ పరిణామం బీజేపీకి ఇబ్బందికరంగా మారింది.

బెంగళూరు: కన్నడనాట రాజకీయ ప్రకంపనలు సృష్టించిన ముడుపుల వ్యవహారం.. అధికార బీజేపీకి తలనొప్పిగా మారింది. ఇప్పటికే బీజేపీ ఎమ్మెల్యే మాడాళ్‌విరూపాక్షప్ప తనయుడు ప్రశాంత్‌ ఈ కేసులో  అరెస్ట్‌ కాగా, ఈ స్కాంకు సంబంధించి ప్రధాన సూత్రధారి పరారీలో ఉన్న ఎమ్మెల్యే విరూపాక్షప్ప కోసం గాలింపు చేపట్టారు పోలీసులు.  కర్ణాటక లోకాయుక్త డిప్యూటీ సూపరిడెంట్స్‌ నేతృత్వంలో ఏడు బృందాలను ఏర్పాటు చేసింది. ముడుపుల వ్యవహారంలో ప్రధాన నిందితుడిగా అభియోగాలు ఎదుర్కొంటున్న చన్నగిరి ఎమ్మెల్యే విరూపాక్షప్ప కోసం గాలింపు చేపట్టాలని, అరెస్ట్‌ చేయాలని ఆదేశించింది. ఇప్పటికే విరూపాక్షప్ప కోసం ఆయా బృందాలు రాష్ట్రాన్ని జల్లెడ పట్టడం ప్రారంభించాయి. ప్రధానంగా బెంగళూరు, దావణగెరెలో గాలింపు జరుగుతున్నట్లు తెలుస్తోంది. అదే సమయంలో..  పరారీలో ఉన్న ఎమ్మెల్యే విరూపాక్షప్ప కు లోకాయుక్త అధికారులు సీఆర్‌పీసి– 41 ఏ కింద నోటీస్‌ జారీచేశారు. సోమవారం తమ ఎదుట విచారణకు హాజరుకావాలని లేఖలో పేర్కొన్నారు. బెంగళూరు, దావణగెరెలోని విరూపాక్షప్ప నివాసాలతో పాటు అధికారిక నివాసం, చన్నగిరిలోని కార్యాలయంతో పాటు ఆయనకు సంబంధించిన కర్ణాటక సోప్స్‌ అండ్‌ డిటర్జెంట్స్‌ లిమిటెడ్‌(కేఎస్‌డీఎల్‌) కార్యాలయం వద్ద కూడా నోటీసులు అంటించారు.  విరూపాక్షప్ప తనయుడు ప్రశాంత్‌.. సబ్బులు, డిటర్జెంట్‌ల తయారీకి అవసరమైన ముడి సరుకుల డీల్‌ను క్లియర్ చేయడానికి రూ. 40 లక్షల లంచం రెడ్‌హ్యాండెడ్‌గా దొరకడం, ఆ మరుసటిరోజు జరిగిన సోదాల్లో ఇంట్లో రూ. 6 కోట్లకు మించిన నగదు లభ్యం కావడం, అలాగే ప్రైవేట్‌ కార్యాయలంలో మరో రూ. 2 కోట్లు లభించడం.. మొత్తంగా ముడుపుల వ్యవహారం బయటపడింది. ఆ వెంటనే కేఎస్‌డీఎల్‌ చైర్మన్‌ పదవికి రాజీనామా చేసిన విరూపాక్షప్ప.. అజ్ఞాతంలోకి వెళ్లిపోయారు. ముడుపుల స్కాంలో బీజేపీ ఎమ్మెల్యే విరూపాక్షప్పనే ప్రధాన సూత్రధారిగా నిర్ధారించుకున్న అధికారులు.. ఆయన కోసం గాలింపు చేపట్టారు. మరోవైపు తనయుడు ప్రశాంత్‌ను, మరో నలుగురు జ్యూడిషియల్‌ కస్టడీ కింద జైలుకు తరలించారు. సరిగ్గా ఎన్నికల ముందు జరిగిన ఈ పరిణామం అధికార బీజేపీని ఇరకాటంలో పడేసినట్లయ్యింది. కాంగ్రెస్‌ ఈ పరిణామంపై తీవ్ర విమర్శలు గుప్పిస్తూ.. రాష్ట్రవ్యాప్త నిరసన ప్రదర్శనలు, ఆందోళనలు చేపట్టింది.  అయితే కర్ణాటక ప్రభుత్వం మాత్రం పార్టీనే(బీజేపీ) ఈ వ్యవహారం చూసుకుంటుందని చెబుతోంది.

బెంగళూరు: అవినీతి ఆరోపణలు ఎదుర్కొంటున్న కర్ణాటక బీజేపీ ఎమ్మెల్యే మదల్ విరూపాక్షప్ప కీలక పదవికి రాజీనామా చేశారు. కర్ణాటక సోప్స్ అండ్ డిటర్జెంట్స్ లిమిటెడ్(కేఎస్‌డీఎల్‌) ఛైర్మన్ పదవి నుంచి వైదొలుగుతున్నట్లు ప్రకటించారు. ప్రభుత్వానికి చెందిన ఈ సంస్థ మైసూర్ శాండిల్‌ సబ్బులతో పాటు ఇతర ఉత్పత్తులను తయారు చేస్తుంది. విరూపాక్షప్ప దేవనగెరె జిల్లా చిన్నగిరి నియోజకవర్గం నుంచి ప్రాతినిధ్యం వహిస్తున్నారు. ఈయన కుమారుడు ప్రశాంత్ మదల్ బెంగళూరు నీటి సరఫరా, మురుగునీటి బోర్డులో చీఫ్ అకౌంటెంట్‌గా పని చేస్తున్నాడు. అయితే తండ్రి తరఫున ఇతడు లంచాలు తీసుకుంటాని ఆరోపణలున్నాయి. ఈ నేపథ్యంలోనే కేఎస్‌డీఎల్‌ కార్యాలయంలో రూ.40లక్షలు తీసుకుంటున్న ప్రశాంత్‌ను లోకాయుక్త అధికారులు గురువారం రెడ్ ‍ హ్యాండెడ్‌గా పట్టుకున్నారు. ఈ కార్యాలయంలోనే రూ.1.7కోట్ల నగదును గుర్తించారు. అనంతరం విరూపాక్షప్ప ఇల్లు, కార్యాలయాల్లో సోదాలు నిర్వహించి మొత్తం రూ.6కోట్లు సీజ్ చేశారు. అవినీతి డబ్బుతో కుమారుడు రెడ్‌ హ్యాండెడ్‌గా పట్టుబడటంతో విరూపాక్షప్ప కేఎస్‌డీఎల్ ఛైర్మన్ పదవి నుంచి తప్పుకున్నారు. అయితే లోకాయుక్తకు పట్టుబడ్డ డబ్బుతో తనకు ఎలాంటి సంబంధం లేదని, తన కుటుంబంపై కుట్ర జరగుతోందని ఆయన ఆరోపించారు.  కాగా.. ప్రశాంత్ అవినీతికి పాల్పడుతూ లంచాలు తీసుకుంటున్నాడని లోకాయుక్తకు ఓ వ్యక్తి ఫిర్యాదు చేయడంతో వారు గురువారం చాక్యచక్యంగా అతడ్ని రెడ్ హ్యాండెడ్‌గా పట్టుకున్నారు. కాంగ్రెస్ విమర్శలు.. అధికార పార్టీ ఎమ్మెల్యే కుమారుడు అవినీతికి పాల్పడుతున్నట్ల రుజువుకావడంతో ప్రతిపక్ష కాంగ్రెస్ విమర్శలకు ఎక్కుపెట్టింది. బీజేపీ భ్రష్ట జనతా పార్టీ అని కాంగ్రెస్ అధికార ప్రతినిధి రణ్‌దీప్ సుర్జేవాలా ధ్వజమెత్తారు. చివరకు మైసూర్ శాండిల్ సబ్బు అందమైన సువాసనను కూడా 40శాతం కమిషన్ సర్కారు కలుషితం చేసిందని మండిపడ్డారు. చదవండి: కేంద్రంపై రాహుల్‌ గాంధీ సంచలన ఆరోపణలు.. పెగాసెస్‌పై కామెంట్స్‌ ఇవే..

సాక్షి, కర్ణాటక: పెట్రోల్‌ బంక్‌ రెన్యూవల్‌కు అవసరమైన ధ్రువీకరణపత్రం మంజూరుకు లంచం తీసుకుంటూ తూనికలు, కొలతల అధికారిణి  ఎస్‌.మాలాకిరణ్‌ లోకాయుక్తకు చిక్కారు. వివరాలు... చిక్కబళ్లాపురం జిల్లా శిడ్లఘట్ట రోడ్డులో బసవేశ్వర పెట్రోల్‌ బంక్‌ ఉంది. బంక్‌ రెన్యూవల్‌కు అవసరమైన పత్రం కోసం యజమాని తూనికలు, కొలతల అధికారి కార్యాలయానికి దరఖాస్తు చేసుకున్నాడు. అయితే ధ్రువీకరణ పత్రం ఇచ్చేందుకు అధికారిని మాలకిరణ్‌ రూ.8వేలు డిమాండ్‌ చేశారు. ఏపీఎంసీ ఆవరణలోని కార్యాలయంలో నగదు తీసుకుంటుండగా లోకాయుక్త అధికారులు దాడి చేశారు. నగదను స్వాధీనం చేసుకొని మాలకిరణ్‌ను అదుపులోకి తీసుకున్నారు. అనంతరం కోర్టులో హాజరు పరచగా 14 రోజులపాటు రిమాండ్‌కు ఆదేశించారు. మరో వైపు బెంగళూరులోని మాలకిరణ్‌ నివాసంలో సోదాలు చేస్తున్నారు.   

బెంగళూరు: బీజేపీ అగ్రనేత, కర్ణాటక మాజీ సీఎం యడియూరప్పకు షాక్‌ తగిలింది. ఆయనతో పాటు ఆయన కుటుంబసభ్యులపై లోకాయుక్త పోలీసులు కేసు నమోదు చేశారు. ఆయనతో పాటు ఆయన కుమారుడు, బీజేపీ యువమోర్చా రాష్ట్ర అధ్యక్షుడు విజయేంద్రలపై లోకాయుక్త కేసు నమోదు చేసింది.  2019లో పనిచేసిన బెంగళూరు డెవలప్‌మెంట్‌ అథారిటీ కమిషనర్‌(బీడీఏ)పైనా ప్రత్యేక కోర్టు ఆదేశాల మేరకు శుక్రవారం కేసు నమోదైంది. బీడీఏ కాంట్రాక్టులు కట్టబెట్టినందుకు వీరంతా లంచాలు తీసుకున్నారంటూ సామాజిక కార్యకర్త టీజే అబ్రహాం చేసిన ఫిర్యాదు మేరకు అవినీతి నిరోధక చట్టం, ఐపీసీ కింద కేసులు నమోదు చేసినట్లు పోలీసులు తెలిపారు.   కింది కోర్టు అబ్రహాం వేసిన పిటిషన్‌ను తిరస్కరించినప్పటికీ.. హైకోర్టు మాత్రం స్వీకరించింది. పిటిషన్ ను విచారించిన హైకోర్టు యడ్డీ, ఆయన కుమారుడిపై ఎఫ్ఐఆర్ నమోదు చేయాలని ఆదేశించింది. ఈ నేపథ్యంలో లోకాయుక్త కేసు నమోదు చేసింది. మరోవైపు, తమపై వచ్చిన ఆరోపణలు అవాస్తవమని యడియూరప్ప వ్యాఖ్యానించారు. ఇదీ చదవండి: ఆప్‌లో చేరిక కన్నడ సినీ నటి

బి.కొత్తకోట: రాష్ట్ర లోకాయుక్తలో 5 వేలకు పైగా కేసులు పెండింగ్‌లో ఉన్నాయని ఏపీ లోకాయుక్త జస్టిస్‌ పి.లక్ష్మణరెడ్డి చెప్పారు. వీటిని పరిష్కరించి ప్రజలకు సత్వర సేవలు అందించేందుకు వీలుగా ఉత్తరాంధ్ర, కోస్తా, రాయలసీమ ప్రాంతాలకు మూడు ఉప లోకాయుక్తలను నియమించాలని కోరుతూ ప్రభుత్వానికి లేఖ రాశామని తెలిపారు. అన్నమయ్య జిల్లా బి.కొత్తకోట మండలంలోని హార్సిలీహిల్స్‌ వచ్చిన ఆయన బుధవారం మీడియాతో మాట్లాడారు. గత ప్రభుత్వంలో మూడేళ్లు లోకాయుక్త నియామకం జరగలేదని, దీనితో కేసుల సంఖ్య పెరిగిందని చెప్పారు. పైసా ఖర్చు లేకుండా, న్యాయవాది అవసరం లేకుండా ఫిర్యాదులకు న్యాయం చేస్తామని.. దీనిని సద్వినియోగం చేసుకోవాలని కోరారు.  బోగస్‌ ఫిర్యాదులకు ఆధార్‌తో చెక్‌.. బోగస్‌ ఫిర్యాదుల వల్ల తమ విలువైన సమయం వృథా అవుతోందని, వీటిని నివారించేందుకు ఫిర్యాదుదారు ఫొటో, ఆధార్‌ నంబర్‌ జత చేసేలా నిబంధన విధించాలని ఆలోచిస్తున్నామని జస్టిస్‌ లక్ష్మణరెడ్డి పేర్కొన్నారు. దీనిపై త్వరలోనే నిర్ణయం తీసుకుంటామని చెప్పారు. జాతీయ, అంతర్జాతీయ స్థాయిలో క్రీడల్లో ప్రతిభ చూపిన వారికి ప్రభుత్వం ఇచ్చే ప్రోత్సాహకం రూ.50 లక్షలకు మించకూడదనే నిబంధన ఉందని,  ఒకరికి ఎక్కువ, మరొకరికి తక్కువ ఇచ్చే పద్ధతి పాటించకుండా అందరినీ సమంగా చూసే విధంగా నిబంధనలు పాటించాలని ప్రభుత్వానికి ఆదేశాలిచ్చామని తెలిపారు. పంచాయతీల పరిధిలోని ప్రభుత్వ భూములు, ఆస్తుల రక్షణ బాధ్యత రెవెన్యూ శాఖకు ఉందని, దీనిపై 2011లో జారీ అయిన జీవో అమలుకావడం లేదని పేర్కొన్నారు. దీనిపై జిల్లా, డివిజన్‌ స్థాయి అధికారిక కమిటీలు సమావేశాలు, సమీక్షలు జరిపి ఆస్తులను కాపాడాలని కలెక్టర్లకు లేఖలు రాశామన్నారు. హార్సిలీహిల్స్‌ సహకార గృహ నిర్మాణ సంఘానికి ప్రభుత్వం విక్రయించిన భూమి ఏ స్థితిలో ఉంది, భూమి కేటాయింపు, ఆక్రమణలపై సమగ్ర విచారణకు చర్యలు తీసుకుంటున్నామన్నారు. పోలవరం ప్రాజెక్టు భూ పరిహారం, నిర్వాసితులకు అందాల్సిన ఆర్థిక సహాయంపై బోగస్‌ లబ్ధిదారులు పుట్టుకొచ్చినట్టు ఫిర్యాదులు అందాయని, దీనిపై పోలవరంలో క్యాంపు ఏర్పాటు చేసి విచారణ చేపడతామని చెప్పారు. రాష్ట్రంలోని వివిధ ఆలయాలకు చెందిన భూములు అన్యాక్రాంతమైనట్టు ఆ శాఖ కమిషనర్‌ నివేదిక ఇచ్చారని, దీనిపై చర్యలకు ఆదేశిస్తామని చెప్పారు. లోకాయుక్తకు చేసే ఫిర్యాదుల విషయంలో దళారులను అశ్రయించవద్దని కోరారు.  

ఎట్టకేలకు ఆంధ్రప్రదేశ్‌ లోకాయుక్త కార్యాలయాన్ని తెలంగాణ నుంచి కర్నూలు నగరానికి మార్చారు. ఏడాది క్రితం ఏపీ మానవహక్కుల కమిషన్, లోకాయుక్తలను ఏర్పాటు చేశారు. మానవహక్కుల కమిషన్‌ ప్రారంభం నుంచీ కర్నూలులో కార్యకలాపాలు చేపట్టింది. అయితే లోకాయుక్తను మాత్రం భవనం, ఇతర సౌకర్యాల కొరత వల్ల... ఏడాదిపాటు తెలంగాణ లోకాయుక్త కార్యాలయంలోనే కొనసాగించి... చివరికి మార్చి 18న కర్నూలుకు మార్చారు.  లోకాయుక్త చట్టం ప్రకారం... ప్రభుత్వంలోని కిందిస్థాయి అటెండర్‌ నుంచి అత్యున్నత స్థాయి ప్రభుత్వ ప్రధాన కార్యదర్శి వరకూ అన్ని స్థాయిల్లో జరిగే అవినీతిని ప్రశ్నిస్తూ పిటిషన్‌ వేయడానికి అవకాశం ఉంది. ఇలాగే... గ్రామస్థాయి ఎంపీటీసీలు, సర్పంచ్‌ల నుంచి ఇతర మండలస్థాయి ప్రజాప్రతినిధులు, జిల్లాస్థాయి ప్రజాప్రతి నిధులు, మంత్రులు, ఎమ్మెల్యేలు, ఎమ్మెల్సీల అక్రమాల వరకూ ఆధారాలతో లోకాయుక్తలో పిటిషన్లు వేయ వచ్చు. అయితే ముఖ్యమంత్రి మీద ఆరోపణలు చేస్తూ పిటిషన్లు వేయడానికి లోకాయుక్త చట్టం ఒప్పుకోదు. ఇది రాష్ట్ర స్థాయి చట్టం. ఉమ్మడి ఆంధ్రప్రదేశ్‌కు ఎన్టీ రామారావు ముఖ్యమంత్రిగా ఉన్నప్పుడు 1985–1986ల మధ్య మొదటి సారి లోకాయుక్తను ఏర్పాటు చేశారు. ఆనాటి లోకాయుక్త చట్టమే నేటి తెలంగాణ, ఆంధ్రప్రదేశ్‌ ప్రభుత్వాలు అనుసరిస్తున్నాయి. లోకాయుక్త కార్యాలయంలో లభించే సంబంధిత ఫార్మాట్‌లో వివరాలు భర్తీ చేసి, ఆరోపణలకు సంబంధించిన ఆధారాలు జతచేసి, విజ్ఞాపన పత్రాన్ని కూడా చేర్చి కేవలం రూ. 150 ఫీజు చెల్లించి అప్లికేషన్‌ సమర్పించాలి. ఈ అప్లికేషన్‌ను ఒక అడ్వకేట్‌తో సర్టిఫై చేయించాలి. లోకాయుక్తకు ఛైర్మన్‌గా పదవీ విరమణ పొందిన హైకోర్ట్‌ జడ్జీలను నియమిస్తున్నారు. రిజిస్ట్రార్లుగా జిల్లా జడ్జీలు పనిచేస్తు న్నారు. సివిల్, క్రిమినల్‌ కోర్టులకున్న అధికారాలన్నీ లోకాయుక్తకు ఉన్నాయి. లోకాయుక్తకు పిటీషన్లు పోస్టు ద్వారా కూడా పంపవచ్చు.  ప్రస్తుత లోకాయుక్త చిరునామా: ఏపీ లోకాయుక్త, 96/3/721241, సంతోష్‌ నగర్, మెయిన్‌రోడ్, మహేంద్ర షోరూమ్‌ పక్కన, కర్నూలు–518006. – కె. ధనలక్ష్మి, సెక్రెటరీ, లీగల్‌ సర్వీసెస్‌ రైట్స్‌ ప్రొటెక్షన్‌

జుహూలోని అమితాబ్ బచ్చన్‌కు చెందిన ప్రతీక్షా బంగ్లాలో కొంత భాగాన్ని కూల్చివేయడంలో బృహన్‌ ముంబై మున్సిపల్ కార్పొరేషన్ (బీఎంసీ) వైఫల్యంపై కాంగ్రెస్ మహారాష్ట్ర లోకాయుక్తకు ఫిర్యాదు చేసింది. అయితే జులైలో ఈ భాగాన్ని గుర్తించాలని రోడ్డు సర్వే అధికారులను కోరినప్పటికీ బీఎంసీ చర్యలు తీసుకోలేదని కాంగ్రెస్ ఆరోపించింది. ఈ మేరకు లోకాయుక్త జస్టిస్ వీఎం కనడే రోడ్డు విస్తరణ కోసం భూమిని సేకరించేందుకు తీసుకున్న చర్యల వివరాలతో కూడిన నివేదికను నాలుగు వారాల్లోగా సమర్పించాలని బీఎంసీని ఆదేశించారు. (చదవండి: టిక్‌టాక్‌ పిచ్చి.. డాక్టర్‌ వికృత చేష్టలు.. ఆపరేషన్‌ మధ్యలోనే వదిలేసి..) అయితే ముంబై మునిసిపల్ కార్పొరేషన్ (ఎంఎంసీ) చట్టంలోని సెక్షన్ 299 కింద తాము బచ్చన్‌కు నోటీసులు పంపించాం అని విచారణ సందర్భంగా బీఎంసీ పేర్కొంది. కాకపోతే అతని నుంచి ఎటువంటి స్పందన రాకపోవడంతోనే ఆలస్యమైందని వివరణ ఇచ్చింది. దీంతో కాంగ్రెస్ కార్పొరేటర్ తులిప్ మిరాండా ఇది చాలా అన్యాయం, నిబంధనలకు విరుద్ధం అని విరుచుకుపడ్డారు. అంతేకాదు తాను తంలో బీఎంసీకి సంబంధించిన కే-వెస్ట్ వార్డుతో సమస్యను లేవనెత్తడమే కాక రహదారి విస్తరణ పనులను వేగవంతం చేయాలని కోరిన సంగతిని ఈ సందర్భంగా గుర్తు చేశారు. అయితే ఇప్పటి వరకు అన్ని ఇతర ఆస్తులు కొనుగోలు చేశారు. కానీ బచ్చన్ ఆస్తి కొనుగోలులో ఉద్దేశపూర్వక జాప్యం కనిపిస్తోందంటూ మిరాండా విమర్శించారు. అయితే గతంలో 2017లో బీఎంసీ రోడ్డు విస్తరణ పనుల గురించి బచ్చన్‌ తోపాటు అదే ప్రాంతంలోనే ఉంటున్న మరో ఏడుగురు తెలియజేసిన సంగతి తెలిసిందే.ఈ మేరకు ప్రతీక్ష నుండి ఇస్కాన్ టెంపుల్ వరకు వెళ్లే మార్గంలోని ట్రాఫిక్ ఇబ్బందులను తగ్గించేందుకు పౌరసరఫరాల సంస్థ ఈ నిర్మాణాల కాంపౌండ్ భాగాన్ని తీసుకుని సంత్ జ్ఞానేశ్వర్ రోడ్డును 40 అడుగుల నుంచి 60 అడుగులకు విస్తరిస్తామని అధికారులు తెలిపారు. అయితే 2019లో బీఎంసీ బచ్చన్ బంగ్లాకు ఆనుకుని ఉన్న భవనాల సరిహద్దు గోడను కూల్చివేసింది. అయితే ప్రతీక్ష కాంపౌండ్ మాత్రం అటకెక్కింది.  (చదవండి: చదువుల తల్లికి కోర్టు అండ.. అడ్మిషన్‌ ఫీజు అందించిన వైనం)

అమరావతి: కర్నూలులో మానవ హక్కుల కమిషన్, లోకాయుక్త ఏర్పాటుపై దాఖలైన పిటిషన్‌లపై మంగళవారం హైకోర్టులో విచారణ జరిగింది. క్యాబినెట్ మంత్రులతో పాటు వైఎస్సార్ కాంగ్రెస్ పార్టీని.. పార్టీలుగా చేసి అందరికీ నోటీసులు జారీ చేయాలని పిటిషనర్‌ కోరారు. కాగా పిటిషనర్ వాదనను ఏపీ హైకోర్టు తోసిపుచ్చింది. చదవండి: కూన రవిపై ప్రివిలేజ్‌ కమిటీ ఆగ్రహం క్యాబినెట్ మంత్రులకు, వైఎస్సార్ కాంగ్రెస్ పార్టీకి నోటీసులు ఇవ్వాల్సిన అవసరం లేదని కోర్టు తేల్చి చెప్పింది. మానవ హక్కుల కమిషన్, లోకాయుక్త ఏర్పాటుపై దాఖలైన పిటిషన్లు అన్ని కలిపి వింటామన్న హైకోర్టు.. కోర్టు ఇచ్చే తుది తీర్పునకు అనుగుణంగానే కార్యాలయాలు ఏర్పాటు చేయాల్సి ఉంటుందని తెలిపింది. కాగా తదుపరి విచారణ 5 వారాలకు వాయిదా వేసింది. చదవండి: ఏపీలో కొనసాగుతున్న వ్యాక్సినేషన్‌ స్పెషల్‌ డ్రైవ్‌

కర్నూలు (సెంట్రల్‌): లోకాయుక్త కార్యాలయాన్ని శనివారం కర్నూలులో ప్రారంభించారు. రాష్ట్ర ప్రభుత్వ అతిథి గృహంలోని మూడో గదిలో ఏర్పాటు చేసిన ఈ కార్యాలయాన్ని లోకాయుక్త జస్టిస్‌ లక్ష్మణరెడ్డి ప్రారంభించి.. తన చాంబర్‌లో ఆశీనులయ్యారు. ఈ సందర్భంగా లోకాయుక్త జస్టిస్‌ లక్ష్మణరెడ్డికి కలెక్టర్‌ పి.కోటేశ్వరరావు, డీఐజీ వెంకట్రామిరెడ్డి, ఎస్పీ సుధీర్‌కుమార్‌రెడ్డి, జేసీలు ఎస్‌.రామ్‌సుందర్‌రెడ్డి, ఎంకేవీ శ్రీనివాసులు, డీఆర్వో బి.పుల్లయ్య తదితరులు శుభాకాంక్షలు తెలిపారు. అనంతరం జస్టిస్‌ లక్ష్మణరెడ్డి మీడియాతో మాట్లాడారు. రాయలసీమ ప్రజలు లోకాయుక్త గురించి అవగాహన పెంచుకోవాల్సిన అవసరముందన్నారు. చదవండి: Andhra Pradesh: పేద విద్యార్థులకు... టాప్‌ వర్సిటీల్లో సీట్లు ప్రజలు తమకు అన్యాయం జరిగినప్పుడు పోస్టు, మెయిల్‌ ద్వారా గానీ, లేదంటే వాట్సాప్, ఫోన్‌ ద్వారా తమ సమస్యను చెబితే చాలన్నారు. వాటిని విచారించి న్యాయం చేస్తామని తెలిపారు. గతంలో హైదరాబాద్‌లో లోకాయుక్త కార్యాలయముండేదని గుర్తు చేశారు. ఆ సమయంలో ఏపీలోని కోస్తాంధ్ర నుంచి ఎక్కువగా ఫిర్యాదులు వచ్చాయని వివరించారు. అక్కడి ప్రజలు తమకు చిన్న సమస్య వచ్చినా కూడా లోకాయుక్తను ఆశ్రయించేవారన్నారు. రాయలసీమ ప్రాంత ప్రజలకు దీని గురించి సరైన అవగాహన లేకపోవడంతో.. ఫిర్యాదులు పెద్దగా వచ్చేవి కాదన్నారు. రాయలసీమ ప్రజలు కూడా లోకాయుక్త గురించి తెలుసుకొని న్యాయం పొందాలని కోరారు.  చదవండి: పంటలకు ‘ధ్రువీకరణ’ ధీమా మొదటి రోజే ఫిర్యాదు..  కర్నూలులో కార్యాలయం ప్రారంభమైన మొదటి రోజే లోకాయుక్తకు ఒక ఫిర్యాదు అందింది. కోడుమూరు మండలం పులకుర్తికి చెందిన వరలక్ష్మమ్మ అనే వృద్ధురాలి నుంచి జస్టిస్‌ లక్ష్మణరెడ్డి ఫిర్యాదును నేరుగా స్వీకరించారు. తమ గ్రామంలో దేవుడి మాన్యం ఆక్రమణలపై ఆమె ఫిర్యాదు చేసింది. కార్యక్రమంలో లోకాయుక్త రిజిస్ట్రార్‌ విజయలక్ష్మి, సెక్రటరీ అమరేందర్‌రెడ్డి, డిప్యూటీ రిజిస్ట్రార్‌ పోలయ్య, ఆర్డీవో హరిప్రసాదు, కల్లూరు తహసీల్దార్‌ రమేష్‌బాబు, దేవదాయశాఖ అసిస్టెంట్‌ కమిషనర్‌ ఆదిశేషునాయుడు పాల్గొన్నారు.   

లక్డీకాపూల్‌: నిమ్స్‌ ఆస్పత్రికి తెలంగాణ లోకాయుక్త నోటీసులు జారీ చేసింది. వార్షిక ఆదాయ వ్యయాలపై లెక్కలు సరిగా లేవని, ఆడిటింగ్‌కు సహకరించడం లేదని ఆడిట్‌ శాఖ ఈమేరకు లోకాయుక్తకు ఫిర్యాదు చేసింది. దీంతో నిమ్స్‌ లెక్కలపై డొల్లతనం బయటపడుతోంది.   ♦ నిమ్స్‌లో ఆదాయం-వ్యయాలపై యాజ మాన్యం ఆజమాయిషీ ఉండడం లేదు. దీంతో చెల్లింపులు అడ్డగోలుగా జరుగుతున్నాయనే ఆరోపణలు విన్పిస్తున్నాయి. ఈ మేరకు ఒక అధికారికి ఒకే నెలలో రెండుమార్లు వేతనం జమ అయినట్లు తెలుస్తోంది.  ♦ లాగే ఓ కాంట్రాక్టర్‌కు చెల్లించాల్సిన రూ.5 లక్షలు రెండుమార్లు చెల్లించినట్లు తెలుస్తోంది.  ♦ మ్యాన్‌పవర్‌ ఏజెన్సీలకు సంబంధించిన టెండర్ల ప్రక్రియ కూడా సరిగా ఉండడం లేదు. ఇప్పటికి నాలుగుసారు ఈ–టెండర్లు పిలవడం..రద్దు చేయడం ద్వారా వృథా ఖర్చులు పెంచుతున్నారు.   ♦ ఇక వార్షిక గణాంకాలను సక్రమంగా నిర్వహించని కారణంగా టీడీఎస్‌ రూపంలో నిమ్స్‌ ఖజానాకు గండి పడుతోంది. సరైన లెక్కలు చూపిస్తే.. ప్రభుత్వం నుంచి వచ్చే నిధుల్లో 10 శాతం నిధులు టీడీఎస్‌ రూపంలో మిగిలే అవకాశం ఉంది. కానీ ఇక్కడ అలా జరగడం లేదు.   ♦  ఆస్పత్రికి ఏటా రూ.250 నుంచి 280 కోట్ల మేరకు రాష్ట్ర ప్రభుత్వం నిధులను కేటాయిస్తుంది. ఈ నిధుల ఖర్చుపై నియంత్రణ లేదు. ఆజమాయిషీ..రోజు వారి లెక్కలు చూసే నాథుడే లేడు.  ♦  క్రమం తప్పకుండా లెక్కలు చూపితే.. టీడీఎస్‌ చెల్లించాల్సిన అవసరం ఉండదని, వాస్తవానికి ఆస్పత్రులకు టీడీఎస్‌ నుంచి ప్రభుత్వం మినహాయింపు ఇచ్చిందని, నిమ్స్‌లో మాత్రం టీడీఎస్‌ చెల్లిస్తున్నారని ఓ సీనియర్‌ అధికారి వాపోయారు.   ♦  ఈ పరిణామాల నేపథ్యంలో రాష్ట్ర ప్రభుత్వ ఆడిట్‌ శాఖ లెక్కల విషయంలో నిమ్స్‌ అనుసరిస్తున్న వైఖరిని తీవ్రంగా పరిగణించింది. ఆడిట్‌ నిర్వహణకు అధికారులు సహకరించడం లేదని ఆడిట్‌ అధికారిగా వ్యవహరిస్తున్న పి.కోటేశ్వరరావు యాజమాన్యం దృష్టికి తీసుకువచ్చారు. దానిపై ఎలాంటి స్పందన రాకపోవడంతో ఆయన (ఫిర్యాదు నెం.1771/14/బి1) లోకాయుక్తను ఆశ్రయించారు. దీంతో వచ్చే నెల 17వ తేదీ ఉదయం 11 గంటలకు జమాఖర్చుల నివేదికతో హాజరు కావాల్సిందిగా నిమ్స్‌ యాజమాన్యానికి లోకాయుక్త నోటీసు(నెం.1771/2014/బి1/లోక్‌/5571/2021) జారీ చేసింది.  ఆడిట్‌ అధికారుల వైఫల్యమా?  ఇదిలా ఉండగా ఆడిట్‌ అధికారుల వైఫల్యం కారణంగానే నిమ్స్‌ లెక్కల వ్యవహారం అస్తవ్యస్థంగా తయారైందని ఆస్పత్రి అడ్మినిస్ట్రేషన్‌ విభాగానికి చెందిన ఓ అధికారి ఆరోపించారు. ఆడిట్‌ చేసేందుకు ముందుకు రాకుండా నిమ్స్‌ లెక్కలపై అభ్యంతరాలు వ్యక్తం చేస్తున్నారని, ఇది ఎంత వరకు న్యాయమని ఆ అధికారి నిలదీయడం గమనార్హం.  

సాక్షి, అమరావతి: హైదరాబాద్‌లో ఉన్న లోకా యుక్త కార్యాలయాన్ని ఏపీకి తరలించేందుకు చర్యలు చేపట్టామని రాష్ట్ర ప్రభుత్వం మంగళవారం హై కోర్టుకు నివేదించింది. ఈ విషయంలో పలు నిబం ధనలకు సవరణలు కూడా చేశామని  అడ్వొకేట్‌ జనరల్‌(ఏజీ) ఎస్‌.శ్రీరామ్‌ వివరించారు. పూర్తి వివరాలను కోర్టు ముందుంచుతానని తెలిపారు. ఈ వాదనలను పరిగణనలోకి తీసుకున్న హైకోర్టు.. ఈ వ్యాజ్యంలో ప్రతివాదులుగా ఉన్న ప్రభుత్వ ప్ర ధాన కార్యదర్శి, జీఏడీ ముఖ్య కార్యదర్శి, లోకా యుక్త రిజిస్ట్రార్‌లకు నోటీసులిచ్చింది. తదుపరి విచారణను ఆగస్టు 31కి వాయిదా వేస్తూ ప్రధాన న్యాయమూర్తి(సీజే) జస్టిస్‌ అరూప్‌ కుమార్‌ గోస్వామి, న్యాయమూర్తి జస్టిస్‌ నైనాల జయసూర్యలతో కూడిన ధర్మాసనం ఉత్తర్వులు జారీ చేసింది.  విజయవాడలోనే పెట్టాలని లేదు.. ఏపీలోకాయుక్త కార్యాలయం హైదరాబాద్‌లో ఉండటంతో, అక్కడికి వెళ్లి ఫిర్యాదు చేయడానికి ప్రజలు ఇబ్బంది పడుతున్నారంటూ ఈ అంశాన్ని హైకోర్టు సుమోటో పిల్‌గా విచారణకు తీసుకుంది. దీనిని సీజే ధర్మాసనం మంగళవారం విచారించింది. ఈ సందర్భంగా ఏజీ శ్రీరామ్‌ వాదనలు వినిపిస్తూ.. లోకాయుక్త కార్యాలయాన్నిఏపీకి తీసుకొస్తున్నామని వివరించారు. సీజే స్పందిస్తూ.. లోకాయుక్త కార్యాలయాన్ని విజయవాడలోనే పెట్టాలని ఏమీ లేదని వ్యాఖ్యానించారు. ధర్మాసనం విచారణను ఆగస్టు 31కి వాయిదా వేసింది.  

సాక్షి, అమరావతి: హైదరాబాద్‌లో ఉన్న రాష్ట్ర లోకాయుక్త కార్యాలయాన్ని విజయవాడకు తరలించేలా రాష్ట్ర ప్రభుత్వాన్ని ఆదేశించాలని కోరుతూ హైకోర్టులో ప్రజా ప్రయోజన వ్యాజ్యం (పిల్‌) దాఖలైంది. లోకాయుక్త కార్యాలయాన్ని విజయవాడ ఆర్‌ అండ్‌ బీ భవనంలో ఏర్పాటు చేసేలా ఆదేశాలు ఇవ్వాలంటూ న్యాయవాది వై.సోమరాజు ఈ వ్యాజ్యాన్ని దాఖలు చేశారు. ఇందులో ప్రభుత్వ ప్రధాన కార్యదర్శి, జీఏడీ ముఖ్యకార్యదర్శి, లోకాయుక్త రిజిస్ట్రార్‌ తదితరులను ప్రతివాదులుగా పేర్కొన్నారు. ‘2019 మేలో లోకాయుక్త, ఉప లోకాయుక్త డిప్యూటీ రిజిస్ట్రార్‌ ఆంధ్రప్రదేశ్‌ ప్రభుత్వానికి లేఖ రాశారు. ఏపీ పునర్విభజన చట్టం ప్రకారం ఉద్యోగులు, పోస్టుల విభజన చేపట్టాలని కోరారు. విజయవాడ ఆర్‌ అండ్‌ బీ భవనంలో కార్యాలయాన్ని కేటాయించాలని కోరారు. ప్రభుత్వం ఈ అభ్యర్థనను ఆమోదించింది. ఆర్‌ అండ్‌ బీ భవనంలో గదులు కూడా కేటాయించింది. విజయవాడలో లోకాయుక్త, ఉప లోకాయుక్త కార్యాలయం నిర్మాణంలో ఉందని, ఇది పూర్తయ్యే వరకు లోకాయుక్త, ఉప లోకాయుక్త కార్యాలయం హైదరాబాద్‌ నుంచి పనిచేస్తుందంటూ ప్రభుత్వం 2019 సెప్టెంబర్‌లో నోటిఫికేషన్‌ ఇచ్చింది. అప్పటి నుంచి లోకాయుక్త హైదరాబాద్‌ నుంచే కార్యకలాపాలు నిర్వహిస్తోంది. లోకాయుక్త ముందు ఫిర్యాదులు దాఖలు చేయడానికి హైదరాబాద్‌ వెళ్లాల్సి రావడంతో ప్రజలు తీవ్ర ఇబ్బందులు పడుతున్నారు. ఫిర్యాదుదారులే న్యాయవాది సాయం లేకుండా నేరుగా ఫిర్యాదు చేయవచ్చు. రాష్ట్ర విభజన తరువాత ప్రభుత్వ కార్యాలయాలన్నీ కృష్ణా, గుంటూరు జిల్లాలకు తరలి వచ్చాయి. హైకోర్టు కూడా అమరావతి నుంచి కార్యకలాపాలు నిర్వర్తిస్తోంది. లోకాయుక్త కార్యాలయం విజయవాడలో ఉంటే ఫిర్యాదుదారులకు, అధికారులకు చాలా సౌకర్యవంతంగా ఉంటుంది. వీటన్నింటినీ పరిగణనలోకి తీసుకుని హైదరాబాద్‌లో ఉన్న లోకాయుక్త కార్యాలయాన్ని విజయవాడకు తరలించేలా రాష్ట్ర ప్రభుత్వాన్ని ఆదేశించండి.’అని సోమరాజు తన పిటిషన్‌లో కోర్టును కోరారు.  

తిరువనంతపురం: లోకాయుక్త నుంచి నెపోటిజం, అధికార దుర్వినియోగం వంటి అభియోగాలను ఎదుర్కొన్న కేరళ ఉన్నత విద్యా మంత్రి కేటీ జలీల్‌ మంగళవారం రాజీనామా చేశారు. ఆయన తన రాజీనామా లేఖను ముఖ్యమంత్రికి పంపించారు. అనంతరం అది గవర్నర్‌ను చేరగా, గవర్నర్‌ ఆరిఫ్‌ మొహమ్మద్‌ ఖాన్‌ దాన్ని ఆమోదించారని ముఖ్యమంత్రి కార్యాలయం చెప్పింది.  తన రక్తం తాగుతున్న కొందరు వ్యక్తులు ఇప్పుడు సంతోషంగా ఉండి ఉంటారంటూ జలీల్‌ వివాదాస్పద వ్యాఖ్య చేశారు. రెండేళ్ల పాటు మీడియా దాడికి గురయ్యాయనని పేర్కొన్నారు. చదవండి: బీజేపీ నేతలపై ఈసీ వేటు

భువనేశ్వర్‌: ఒడిశా అసెంబ్లీ శనివారం రణరంగంగా మారింది. చర్చ జరపకుండా ఒడిశా లోకాయుక్త సవరణ బిల్లును సభ ఆమోదించడంపై బీజేపీ సభ్యులు మండిపడ్డారు. తమకు మాట్లాడడానికి అవకాశం ఇవ్వని స్పీకర్‌ పాత్రోపై ఆగ్రహం వ్యక్తం చేస్తూ పోడియం వైపు చెప్పులు, కాగితం ఉండలు, మైక్రోఫోన్‌లను విసిరారు. దాంతో సభను స్పీకర్‌ వాయిదా వేశారు. ముగ్గురు బీజేపీ సభ్యులపై సస్పెన్షన్‌ వేటు వేశారు. సమావేశాలు ముగిసేవరకు సస్పెన్షన్‌ అమల్లో ఉంటుందని, తక్షణమే వారు సభను వీడి వెళ్లాలని ఆదేశించారు. ఈ నేపథ్యంలో బడ్జెట్‌ సమావేశాలను, షెడ్యూల్‌ కన్నా ఐదు రోజుల ముందే, నిరవధికంగా వాయిదా వేశారు. మధ్యాహ్న భోజన విరామానికి ముందు, ఎలాంటి చర్చ జరపకుండానే లోకాయుక్త సవరణ బిల్లును ఆమోదించడాన్ని బీజేపీ తీవ్రంగా వ్యతిరేకించింది. మరోవైపు, మైనింగ్‌ కార్యకలాపాల్లో అవినీతిపై చర్చ జరపాలన్న తమ డిమాండ్‌ను స్పీకర్‌ తోసిపుచ్చడంతో కాంగ్రెస్‌ సభ్యులు కూడా వారితో జత కలిశారు. బీజేపీ సభ్యులు మైక్రోఫోన్‌లను లాగి, తమ ముందున్న కాగితాలను ఉండలుగా చుట్టి స్పీకర్‌ పోడియం వైపు విసిరారు. చివరకు స్లిప్పర్లను కూడా విసిరారు. అవి స్పీకర్‌ పోడియం దగ్గరలో పడ్డాయి. గందరగోళం నెలకొని, సభ అదుపు తప్పిన పరిస్థితులో స్పీకర్‌ పాత్రో సభను వాయిదా వేశారు. లంచ్‌ అనంతరం తిరిగి సమావేశమైన తరువాత, అసెంబ్లీలో బీజేపీ ఉపనాయకుడు బీసీ సేథీ, పార్టీ విప్‌ మోహన్‌ మాఝీ, ఎమ్మెల్యే జేఎన్‌ మిశ్రాలను సభ నుంచి సస్పెండ్‌ చేస్తున్నట్లు స్పీకర్‌ ప్రకటించారు. అనంతరం, వారు అసెంబ్లీ ప్రాంగణంలోని మహాత్మాగాంధీ విగ్రహం వద్ద ధర్నా జరిపారు. ఆర్థిక మంత్రి నిరంజన్‌ పూజారి కాగ్‌ నివేదికను సభలో ప్రవేశపెట్టిన అనంతరం, సభను నిరవధికంగా వాయిదా వేస్తున్నట్లు స్పీకర్‌ ప్రకటించారు. ఒడిశా అసెంబ్లీలో బీజేపీకి 22 మంది ఎమ్మెల్యేలున్నారు. ‘మా వాళ్లు తప్పేం చేయలేదు. మాట్లాడే అవకాశం ఇవ్వకపోవడంతో అలా చేశారు’ అని బీజేపీ నేత పీకే నాయక్‌ పేర్కొన్నారు.

సాక్షి, అమరావతి: ఎస్‌ఈసీ నిమ్మగడ్డ రమేష్‌ హైదరాబాద్‌లో నివాసముంటూ ప్రతి నెలా ఇంటి అద్దె పొందుతున్న అంశంపై లోకాయుక్తలోనూ ఫిర్యాదు చేసినట్టు యునైటెడ్‌ ఫోరం ఫర్‌ ఆర్‌టీఐ కాంపెయిన్‌ ప్రతినిధి జంపాన శ్రీనివాసగౌడ్‌ సోమవారం తెలిపారు. గతంలో ఇదే అంశంపై ఫోరం ప్రతినిధులు గవర్నర్‌కు కూడా ఫిర్యాదు చేసిన విషయం తెలిసిందే. (చదవండి: సర్పంచ్‌ అభ్యర్థి భర్త అపహరణ) స్వతంత్ర సర్పంచ్‌ పైనా ‘పచ్చ’మార్కు!  

సాక్షి, అనంతపురం : దివాకర్ ట్రావెల్స్ ఫోర్జరీ కేసులో కొత్త ట్విస్ట్ చోటుచేసుకుంది. ఎమ్మెల్యే కేతిరెడ్డి పెద్దారెడ్డి దివాకర్ ట్రావెల్స్ అక్రమాలపై కర్ణాటక లోకాయుక్తను ఆశ్రయించారు. జేసీ దివాకర్‌రెడ్డి, జేసీ ప్రభాకర్‌రెడ్డి ముఖ్య అనుచరుడు చవ్వా గోపాల్‌రెడ్డి ఫోర్జరీలపై లోకాయుక్తకు ఆధారాలు సమర్పించారు. జేసీకి సహకరించిన కర్ణాటక రవాణా శాఖ అధికారుల పాత్రపైనా ఫిర్యాదు చేశారు. ( డబ్బు తీసుకుంటే ఆస్పత్రి సీజ్‌ చేస్తా ) కర్ణాటక డీజీపీ, పలువురు మంత్రులకు వీరిపై ఫిర్యాదు చేశారు. కాగా, 2017లో బీఎస్-3 వాహనాలను సుప్రీంకోర్టు నిషేధించిన సంగతి తెలిసిందే. అయితే దివాకర్‌ ట్రావెల్స్‌ నిషేధిత వాహనాలను నకిలీ పత్రాలతో రిజిస్టర్ చేయించింది. స్ర్కాప్ కింద కొనుగోలు చేసిన 33 బస్సులు, లారీలను కర్ణాటకలో నడుపుతోంది.

సాక్షి, హైదరాబాద్‌: రాజ్యాంగంలో పొందుపర్చిన ప్రాథమిక హక్కులే మానవ హక్కులని రాష్ట్ర మానవ హక్కుల కమిషన్‌ చైర్మన్‌ జస్టిస్‌ జి.చంద్రయ్య అన్నారు. డాక్టర్‌ బీఆర్‌ అంబేడ్కర్‌ దూరదృష్టితో రాజ్యాంగంలోని ఆదేశిక సూత్రాల్లోనే ప్రాథమిక హక్కుల రూపంలో మానవ హక్కులను పొందుపర్చారని ఆయన చెప్పారు. చాలామందికి మానవ హక్కులంటే ఏమిటో అవగాహన తక్కువగా ఉందని, వ్యక్తిగత తగాదాలు, అధికారులు పనులు చేయకపోవడం, ఇతరత్రా సమస్యలతో కమిషన్‌కు పలువురు అర్జీలతో రావడం సబబుకాదని చెప్పారు. మానవ హక్కులపై అన్ని స్థాయిల్లోనూ అవగాహన కల్పించేందుకు రాష్ట్రవ్యాప్తంగా పర్యటిస్తామన్నారు. జిల్లా స్థాయిలో కలెక్టర్, ఎస్పీ ఆధ్వర్యంలో అధికారులతో సమావేశాలు నిర్వహిస్తామని చెప్పారు. రాష్ట్ర మానవహక్కుల కమిషన్‌ చైర్మన్‌గా బాధ్యతలు స్వీకరించిన సందర్భంగా బీసీ సంక్షేమ సంఘం అధ్యక్షుడు ఎర్ర సత్యనారాయణమూర్తి అధ్యక్షతన శనివారం బషీర్‌బాగ్‌ ప్రెస్‌క్లబ్‌లో జరిగిన సన్మాన కార్యక్రమంలో ఆయన ప్రసంగించారు. ఆదిలాబాద్‌ జిల్లాలోని కుగ్రామంలో జన్మించిన తాను గ్రామపెద్దకు భయపడేవాడినని, అయితే తాను పదోతరగతి ఉత్తీర్ణుడైనప్పుడు ఆ గ్రామపెద్ద వచ్చి భుజం తట్టి తనను ప్రోత్సహించారని గుర్తు చేసుకున్నారు. అందరూ ప్రభుత్వ విద్యా సంస్థల్లో చదువుకోవాలని జస్టిస్‌ చంద్రయ్య హితవు చెప్పారు. రాష్ట్రంలో మానవ హక్కుల కమిషన్, లోకాయుక్త 2 పదవులూ బీసీలకు ఇవ్వడంపై బీసీ సంక్షేమ సంఘం జాతీయ అధ్యక్షుడు ఆర్‌.కృష్ణయ్య సీఎం కేసీఆర్‌కు అభినందనలు తెలిపారు. జనాభా నిష్పత్తి ప్రకారం న్యాయమూర్తుల పోస్టులు భర్తీ చేసేలా స్వతంత్ర జ్యుడీషియల్‌ కమిషన్‌ ఏర్పాటు చేయాలని ఆయన డిమాండ్‌  చేశారు. హక్కుల ఉల్లంఘనల కేసుల్లో కమిషన్‌ సత్వర న్యాయం అందించాలని తెలంగాణ జనస మితి అధ్యక్షుడు ప్రొఫెసర్‌ కోదండరాం కోరారు. మానవహక్కుల రక్షణకు కమిషన్‌ సుమో టోగా కేసుల్ని స్వీకరించి న్యాయం చేయాలని సభాధ్యక్షు డు సత్యనారాయణమూర్తి కోరారు. హక్కుల రక్ష ణకు కృషి చేస్తానని రాష్ట్ర మానవహక్కుల కమిషన్‌ నాన్‌ జ్యుడీషియల్‌ మెంబర్‌ మహ్మద్‌ ఇర్ఫాన్‌ మెయినుద్దీన్‌ చెప్పారు. అనంతరం జస్టిస్‌ చంద్రయ్యను కృష్ణయ్య, కోదండరాం సన్మానించారు.

సాక్షి, హైదరాబాద్‌: తెలంగాణ రాష్ట్ర లోకాయుక్తగా హైకోర్టు రిటైర్డ్‌ న్యాయమూర్తి జస్టిస్‌ చింతపంటి వెంకట రాములు, రాష్ట్ర మానవ హక్కుల సంఘం (హెచ్‌ఆర్సీ) చైర్మన్‌గా హైకోర్టు రిటైర్డ్‌ జడ్జి జస్టిస్‌ గుండా చంద్రయ్య నియమితులయ్యారు. అలాగే ఉప లోకాయుక్తగా జిల్లా, సెషన్స్‌ రిటైర్డ్‌ జడ్జి వొలిమినేని నిరంజన్‌రావు, హెచ్‌ఆర్సీ సభ్యులుగా జిల్లా, సెషన్స్‌ రిటైర్డ్‌ జడ్జి నడిపల్లి ఆనందరావు(జ్యుడీషియల్‌), ముహమ్మద్‌ ఇర్ఫాన్‌ మొయినొద్దీన్‌ (నాన్‌ జ్యుడీషియల్‌) నియమితులయ్యారు. ముఖ్యమంత్రి కె.చంద్రశేఖర్‌రావు నేతృత్వంలో లోకాయుక్త, హెచ్‌ఆర్సీ చైర్మన్‌ ఎంపిక కమిటీలు గురువారం ప్రగతి భవన్‌లో సమావేశమై ఈ మేరకు వారి ఎంపికను ఖరారు చేశాయి. ఆ వెంటనే వారిని నియమిస్తూ రాష్ట్ర ప్రభుత్వ ప్రధాన కార్యదర్శి ఎస్‌కే జోషి వేర్వేరు ఉత్తర్వులు జారీ చేశారు. పదవీ బాధ్యతలు చేపట్టిన రోజు నుంచి లోకాయుక్త, ఉప లోకాయుక్త ఐదేళ్లపాటు, హెచ్‌ఆర్సీ చైర్మన్, సభ్యులిద్దరూ మూడేళ్లపాటు పదవుల్లో కొనసాగుతారని ఉత్తర్వుల్లో పేర్కొన్నారు. ముఖ్యమంత్రి నేతృత్వంలో జరిగిన లోకాయుక్త, హెచ్‌ఆర్సీ ఎంపిక కమిటీల సమావేశంలో రాష్ట్ర శాసన మండలి చైర్మన్‌ గుత్తా సుఖేందర్‌రెడ్డి, శాసనసభ స్పీకర్‌ పోచారం శ్రీనివాస్‌రెడ్డి, మండలిలో విపక్ష నేత సయ్యద్‌ అమీనుల్‌ హసన్‌ జాఫ్రీ పాల్గొన్నారు. శాసనసభలో విపక్ష నేత అక్బరుద్దీన్‌ ఒవైసీ లండన్‌ పర్యటనలో ఉండటంతో ఆయన తరఫున ఎంఐఎం సీనియర్‌ శాసనసభ్యుడు సయ్యద్‌ పాషా ఖాద్రీ హాజరయ్యారు. జస్టిస్‌ సీవీ రాములు, జస్టిస్‌ చంద్రయ్య నేపథ్యాలివీ జస్టిస్‌ సీవీ రాములు (రాష్ట్ర లోకాయుక్త)  నిజామాబాద్‌ జిల్లా బోధన్‌ సమీపంలోని అచ్చన్నపల్లి గ్రామంలో 1949 ఫిబ్రవరి 20న జన్మించారు. బోధన్‌లోని శంకర్‌నగర్‌లో ప్రాథమిక విద్య అనంతరం నిజామాబాద్‌లోని గిరిరాజ్‌ ప్రభుత్వ డిగ్రీ కాలేజీలో డిగ్రీ చదివారు. 1978లో ఎల్‌ఎల్‌బీ పూర్తి చేశారు. అదే ఏడాది న్యాయవాదిగా ఎన్‌రోల్‌ అయ్యాక సీనియర్‌ న్యాయవాది సి.ఆనంద్‌ దగ్గర జూనియర్‌గా చేశారు. ఉమ్మడి ఏపీలో 24ఏళ్ల పాటు న్యాయవాదిగా ప్రాక్టీస్‌ చేశారు. కేంద్ర ప్రభుత్వానికి, ఆర్టీసీకి 13 ఏళ్లకు పాటు స్టాండింగ్‌ కౌన్సిల్‌గా పని చేశారు. 2002 డిసెంబర్‌ 2న హైకోర్టు అదనపు న్యాయమూర్తిగా నియమితులయ్యారు. తర్వాత పూర్తిస్థాయి న్యాయమూర్తిగా పలు తీర్పులు చెప్పారు.    జస్టిస్‌ జి.చంద్రయ్య (హెచ్చార్సీ చైర్మన్‌)  ఆదిలాబాద్‌ జిల్లా జొన్నారం మండలం తిమ్మాపూర్‌ గ్రామంలో 1954 మే 10న జన్మించారు. స్వగ్రామంలో మూడో తరగతి వరకు చదివారు. తపలాపూర్‌లో పదో తరగతి చదివాక ఆదిలాబాద్‌లోని ప్రభుత్వ ఆర్ట్స్‌ అండ్‌ సైన్స్‌ కాలేజీలో ఇంటర్, బీఏ పూర్తి చేశారు. ఉస్మానియా యూనివర్సిటీలో ఎల్‌ఎల్‌బీ, ఎల్‌ఎల్‌ఎం, ఎంఏ పొలిటికల్‌ సైన్స్‌ చేశారు. 1980 నవంబర్‌ 6న న్యాయవాదిగా ఎన్‌రోల్‌ అయ్యారు. సాంఘిక సంక్షేమ, మున్సిపల్‌ శాఖలకు ప్రభుత్వ న్యాయవాదిగా పనిచేశారు. 2005 మే 26న హైకోర్టు అదనపు న్యాయమూర్తిగా నియమితులయ్యారు. తర్వా త శాశ్వత న్యాయమూర్తి అయ్యారు. న్యాయమూర్తిగా తన పరిధిలోని అనేక అంశాలపై కక్షిదారులకు ఉపయుక్తంగా ఉండేలా మానవీయ కోణంలో పలు తీర్పులు చెప్పారు. 2016 మే 9న పదవీ విరమణ చేశారు.   వొలిమినేని నిరంజన్‌రావ్‌ (రాష్ట్రఉప లోకాయుక్త)  జిల్లా జడ్జిగా పలు జిల్లాల్లో పనిచేశారు. సీనియర్‌ జిల్లా జడ్జిగా ఉండగా రాష్ట్ర న్యాయ శాఖ కార్యదర్శిగా సమర్ధంగా విధులు నిర్వహించారు. దీంతో పదవీ విరమణ చేసిన తర్వాత కూడా ప్రభుత్వం ఆయన సేవలను కొనసాగించింది. ఇటీవలే ఆయన న్యాయ శాఖ కార్యదర్శిగా పదవీ విరమణ చేశారు. ఆయన పనితీరు, సమర్థతను సీఎం కేసీఆర్‌ సైతం పలుమార్లు అభినందించారు.   

సాక్షి, హైదరాబాద్‌: లోకాయుక్తగా హైకోర్టు రిటైర్డ్‌ జడ్జి జస్టిస్‌ విలాస్‌ వి అఫ్జల్‌ పుర్కర్, ఉప లోకాయుక్తగా జిల్లా రిటైర్డ్‌ జడ్జి నిరంజన్‌ రావు, రాష్ట్ర మానవ హక్కుల సంఘం చైర్మన్‌గా హైకోర్టు రిటైర్డ్‌ జడ్జి జస్టిస్‌ చంద్రయ్యను రాష్ట్ర ప్రభుత్వం నియమించనున్నట్లు తెలిసింది. వీరి ఎంపిక లాంఛనమేనని చర్చ జరుగుతోంది. ముఖ్యమంత్రి కె.చంద్రశేఖర్‌రావు నేతృత్వంలోని ఎంపిక కమిటీలు గురువారం ప్రగతి భవన్‌లో సమావేశమై లోకాయుక్త, ఉప లోకాయుక్త, హెచ్‌ఆర్సీ చైర్మన్, సభ్యుల ఎంపికపై నిర్ణయం తీసుకోనున్నాయి.

సాక్షి, హైదరాబాద్‌: రాష్ట్ర లోకాయుక్త, ఉప లోకాయుక్త, మానవ హక్కుల కమిషన్‌ (హెచ్‌ఆర్సీ) చైర్మన్, సభ్యుల పోస్టులను రాష్ట్ర ప్రభుత్వం భర్తీ చేయకపోవడంపై హైకోర్టు విస్మయం వ్యక్తం చేసింది. హెచ్‌ఆర్సీ, లోకాయు క్తల పోస్టులు ఏళ్ల తరబడి ఖాళీగా ఉన్నా, వాటి భర్తీకి ప్రభుత్వం చర్యలు తీసుకోకపోవడాన్ని ఆక్షేపించింది. హక్కుల కమిషన్‌ చైర్మన్, సభ్యుల నియామకాలతోపాటు లోకాయుక్త, ఉప లోకాయుక్త పోస్టులను భర్తీ చేసి తీరాల్సిందేనని ప్రధాన న్యాయమూర్తి జస్టిస్‌ రాఘవేంద్రసింగ్‌ చౌహాన్, న్యాయమూర్తి జస్టిస్‌ అభిషేక్‌రెడ్డిల ధర్మాసనం శుక్రవారం ప్రభుత్వాని కి తేల్చి చెప్పింది. తదుపరి విచారణను ఈ నెల 29కి వాయిదా వేసింది. ఖమ్మం జిల్లా, లెనిన్‌ నగర్‌కు చెందిన వెంకన్న ఈ పిల్‌ దాఖలు చేశారు.

సాక్షి, హైదరాబాద్‌: గత ఐదేళ్ల టీడీపీ ప్రభుత్వ పాలనలో విచ్చలవిడిగా అవినీతి జరిగిందని బీసీ సంఘం జాతీయ అధ్యక్షుడు డేరంగుల ఉదయకిరణ్ విమర్శించారు. టీడీపీ ప్రభుత్వ హయాంలో జరిగిన అవినీతిపై ఆయన గురువారం లోకాయుక్తకు ఫిర్యాదు చేశారు. అధికారంలో ఉన్నప్పుడు చంద్రబాబు నాయుడు, మంత్రులు, ఎమ్మెల్యేలు ఇష్టానుసారంగా వేల కోట్ల రూపాయల అవినీతికి పాల్పడ్డారని ఫిర్యాదులో పేర్కొన్నారు. గత టీడీపీ పాలనలో ఇసుక మాఫియా, రాజధాని, పోలవరం ప్రాజెక్టుల్లో అక్రమాలపై ఫిర్యాదు చేశారు. ప్రజాధనాన్ని లూటీ చేసిన చంద్రబాబు, మంత్రులపై విచారణ జరిపి చర్యలు తీసుకోవాలని ఉదయ్‌కిరణ్‌ డిమాండ్‌ చేశారు. వారి అక్రమ సంపాదనను ఏపీ ప్రభుత్వం స్వాధీనం చేసుకోవాలని కోరారు.  

సాక్షి, అమరావతి : రాష్ట్ర లోకాయుక్తగా హైకోర్టు విశ్రాంత న్యాయమూర్తి జస్టిస్‌ పి.లక్ష్మణ్‌రెడ్డి ఆదివారం ప్రమాణ స్వీకారం చేశారు. విజయవాడ తుమ్మలపల్లి కళాక్షేత్రంలో జరిగిన కార్యక్రమంలో గవర్నర్‌ విశ్వభూషణ్‌ హరిచందన్‌ ప్రమాణం చేయించారు. అనంతరం జస్టిస్‌ లక్ష్మణ్‌రెడ్డిని సీఎం వైఎస్‌ జగన్‌మోహన్‌రెడ్డి అభినందించారు. కార్యక్రమానికి హైకోర్టు న్యాయమూర్తి జస్టిస్‌ మఠం వెంకటరమణ, టెండర్ల న్యాయ పరిశీలన జడ్జి జస్టిస్‌ బి.శివశంకరరావు, ప్రభుత్వ సలహాదారు సజ్జల రామకృష్ణారెడ్డి,  సీఎం ముఖ్య సలహాదారు అజేయ కల్లం, పలువురు హైకోర్టు విశ్రాంత న్యాయమూర్తులు, న్యాయవాదులు హాజరయ్యారు. ముఖ్యమంత్రి వైఎస్‌ జగన్‌తో సంభాషిస్తున్న గవర్నర్‌ విశ్వభూషణ్‌ హరిచందన్‌  కార్యక్రమం అనంతరం జస్టిస్‌ లక్ష్మణ్‌రెడ్డి లోకాయుక్తగా తన విధులు మొదలెట్టారు. తాజా ఫిర్యాదులపై విచారణ జరిపి.. అధికారుల నుంచి నివేదికలు కోరారు. మొన్నటి వరకు హైదరాబాద్‌లో కొనసాగిన ఏపీ లోకాయుక్త కార్యాలయం ఇటీవల విజయవాడలోని ఆర్‌ అండ్‌ బీ భవనానికి మారింది. లోకాయుక్త ఉద్యోగుల విభజన మాత్రం ఇంకా పూర్తికాలేదు. ఆర్‌ అండ్‌ బీ భవనంలో కార్యాలయం సిద్ధమై.. ఉద్యోగుల విభజన పూర్తయ్యేంత వరకూ హైదరాబాద్‌లోని లోకాయుక్త కార్యాలయం నుంచే జస్టిస్‌ లక్ష్మణ్‌రెడ్డి విధులు నిర్వర్తిస్తారు.  

సాక్షి, అమరావతి: ఆంధ్రప్రదేశ్‌ లోకాయుక్తగా జస్టిస్‌ పి.లక్ష్మణ్‌రెడ్డి పదవీ స్వీకార ప్రమాణం చేశారు. విజయవాడ తుమ్మలపల్లి కళాక్షేత్రంలో ఆదివారం ఉదయం 11 గంటలకు గవర్నర్‌ బిశ్వభూషణ్‌ హరిచందన్‌ ఆయనచే ప్రమాణ స్వీకారం చేశారు. ఐదేళ్ల పాటు లక్ష్మణ్‌రెడ్డి ఈ పదవిలో కొనసాగనున్నారు. ఈ కార్యక్రమంలో ముఖ్యమంత్రి వైఎస్‌ జగన్‌మోహన్‌రెడ్డి, అధికారులు పాల్గొన్నారు. రాష్ట్రంలో అవినీతి నిరోధానికి తీసుకుంటున్న చర్యల్లో భాగంగా ఏపీ ప్రభుత్వం లోకాయుక్తగా జస్టిస్‌ పి.లక్ష్మణ్‌రెడ్డిని నియమించిన విషయం తెలిసిందే. జస్టిస్‌ పి.లక్ష్మణ్‌రెడ్డి గతంలో ఏపీ ఉమ్మడి హైకోర్టు జడ్జిగా పనిచేశారు. లోకాయుక్త నియామకంతో పెండింగ్‌ కేసుల పరిష్కారం వేగవంతం కానున్నాయి. బాధ్యతలు స్వీకరించిన అనంతరం నూతన లోకాయుక్తకు  వైఎస్ జగన్‌ అభినందనలు తెలిపారు.

సాక్షి, అమరావతి/సాక్షి, అమరావతి బ్యూరో/మంగళగిరి: అవినీతిపై ప్రజా ఆయుధంగా లోకాయుక్త వ్యవస్థ తోడ్పడుతుందని ఆంధ్రప్రదేశ్‌ లోకాయుక్త జస్టిస్‌ పి.లక్ష్మణ్‌రెడ్డి అన్నారు. జనచైతన్య వేదిక రాష్ట్ర కమిటీ ఆధ్వర్యంలో శనివారం విజయవాడలోని ఓ ప్రైవేట్‌ హోటల్లో ఆయనకు ఆత్మీయ సత్కారం నిర్వహించారు. ఆయన మాట్లాడుతూ అవినీతిపై సాక్ష్యాలుంటే లోకాయుక్తకు ఫిర్యాదు చేయాలని, న్యాయం చేసేందుకు కృషి చేస్తామని హామీ ఇచ్చారు. జనచైతన్య వేదిక రాష్ట్ర అధ్యక్షుడు వి.లక్ష్మణరెడ్డి మాట్లాడుతూ సీఎం వైఎస్‌ జగన్‌ అవినీతి రహిత, పారదర్శక పాలన అందించాలని బలంగా కోరుకుంటున్నారని, లోకాయుక్త నియామకం ద్వారా ఆయన ఆకాంక్ష నెరవేరుతుందన్నారు. కార్యక్రమంలో మానసిక నిపుణుడు డా. ఇండ్ల రామసుబ్బారెడ్డి, సెంట్రల్‌ కస్టమ్స్‌ జాయింట్‌ కమిషనర్‌ శ్రీకాంత్, జీఎస్టీ డిప్యూటీ కమిషనర్‌ సీఎస్‌ రాజు, జనచైతన్య వేదిక రాష్ట్ర ఉపాధ్యక్షుడు ప్రొఫెసర్‌ జి విజయసారథి పాల్గొన్నారు.  సీఎంను కలిసిన జస్టిస్‌ లక్ష్మణ్‌రెడ్డి  లోకాయుక్త జస్టిస్‌ లక్ష్మణ్‌రెడ్డి తాడేపల్లిలోని సీఎం క్యాంపు కార్యాలయంలో సీఎం వైఎస్‌ జగన్‌ని మర్యాదపూర్వకంగా కలుసుకున్నారు. మంగళగరి పట్టణంలోని లక్ష్మీనృసింహస్వామిని జస్టిస్‌ లక్ష్మణ్‌రెడ్డి.. కుటుంబ సభ్యులతో కలిసి దర్శించుకున్నారు.   (టీడీపీ) తదితరులు 

సాక్షి; అమరావతి:  ప్రజాధనం దుర్వినియోగం కాకుండా చూసేందుకు తన వంతు ప్రయత్నం చేస్తానని హైకోర్టు విశ్రాంత న్యాయమూర్తి జస్టిస్‌ బి. శివశంకరరావు అన్నారు. టెండర్ల ప్రక్రియ న్యాయ పరిశీలన కమిటీ చైర్మన్‌గా శనివారం సచివాలయంలో ఆయన బాధ్యతలు చేపట్టారు. ఈ సందర్భంగా ఆయన మాట్లాడుతూ... టెండర్ల విధానాన్ని పూర్తిగా ప్రక్షాళన చేసేందుకు రాష్ట్ర ప్రభుత్వం ఏపీ మౌలిక సదుపాయాల (న్యాయ పరిశీలన ద్వారా పారదర్శకత) చట్టాన్ని తెచ్చి, దీన్ని అమలు చేయడానికి ఒక న్యాయమూర్తిని నియమించడం ఇదే తొలిసారని పేర్కొన్నారు. విదేశాల్లో కూడా ఈ తరహా విధానం ఎక్కడా లేదని వెల్లడించారు. లోకకళ్యాణం కోసం మనమంతా జీవించాలని, ప్రజా సేవకు ప్రతి ఒక్కరూ పునరంకితం కావాలని కోరారు. హక్కుల కోసం పోరాడేవారు బాధ్యతగా ఉండాలని.. కర్మబద్దంగా.. ధర్మబద్దంగా అందరూ పని చేయాలని ఆయన అన్నారు. బాధ్యతలు చేపట్టడానికి ముందు తాడేపల్లి కార్యాలయంలో ముఖ్యమంత్రి వైఎస్‌ జగన్‌మోహన్‌రెడ్డిని జస్టిస్‌ శివశంకరరావు మర్యాదపూర్వకంగా కలిశారు. సీఎం జగన్‌ను కలిసిన లక్ష్మణ్‌రెడ్డి తాడేపల్లి కార్యాలయంలో ముఖ్యమంత్రి వైఎస్‌ జగన్ మోహన్‌రెడ్డిని విశ్రాంత న్యాయమూర్తి జస్టిస్ పి. లక్ష్మణ్‌రెడ్డి మర్యాదపూర్వకంగా కలిశారు. రాష్ట్ర లోకాయుక్తగా ఆయన రేపు బాధ్యతలు చేపట్టనున్నారు. బాధ్యతలు చేపట్టిన నాటి నుంచి ఐదేళ్ల పాటు ఆయన ఈ పదవిలో కొనసాగనున్నారు.

సాక్షి, అమరావతి: ఆంధ్రప్రదేశ్‌ లోకాయుక్తగా నియమితులైన జస్టిస్‌ పి.లక్ష్మణ్‌రెడ్డి ఈనెల 15న ప్రమాణస్వీకారం చేయనున్నారు. విజయవాడ తుమ్మలపల్లి కళాక్షేత్రంలో ఉదయం 11 గంటలకు ప్రమాణస్వీకారోత్సవం జరుగనుంది.రాష్ట్రంలో అవినీతి నిరోధానికి తీసుకుంటున్న చర్యల్లో భాగంగా ఏపీ ప్రభుత్వం ఏపీ లోకాయుక్తగా జస్టిస్‌ పి.లక్ష్మణ్‌రెడ్డిని నియమించింది. జస్టిస్‌ పి.లక్ష్మణ్‌రెడ్డి గతంలో ఏపీ ఉమ్మడి హైకోర్టు జడ్జిగా పనిచేశారు. లోకాయుక్త నియామకంతో పెండింగ్‌ కేసుల పరిష్కారం వేగవంతం కానున్నాయి. ఐదేళ్ల పాటు లక్ష్మణ్‌రెడ్డి ఈ పదవిలో కొనసాగనున్నారు.

సాక్షి, అమరావతి: రాష్ట్రంలో అవినీతి నిరోధానికి తీసుకుంటున్నచర్యల్లో భాగంగా వైఎస్‌ జగన్‌మోహన్‌రెడ్డి ప్రభుత్వం ఏపీ లోకాయుక్తగా జస్టిస్‌ పి.లక్ష్మణ్‌రెడ్డిని నియమించింది. ఐదేళ్ల పాటు ఆయన ఈ పదవిలో కొనసాగనున్నారు. జస్టిస్‌ పి.లక్ష్మణ్‌రెడ్డి గతంలో ఏపీ ఉమ్మడి హైకోర్టు జడ్జిగా పనిచేశారు. లోకాయుక్త నియామకంతో పెండింగ్‌ కేసుల పరిష్కారం వేగవంతం కానున్నాయి. ఇటీవల తీసుకొచ్చిన లోకాయుక్త సవరణ చట్టం ప్రకారం హైకోర్టు విశ్రాంత ప్రధాన న్యాయమూర్తి లేదా విశ్రాంత న్యాయమూర్తిని లోకాయుక్తగా నియమించుకునే వెసులు బాటు ప్రభుత్వానికి ఉంది. లక్ష్మణ్‌రెడ్డిని లోకాయుక్తగా నియమిస్తూ ప్రభుత్వం ఉత్తర్వులు జారీ చేసింది.

సాక్షి, అమరావతి: రాష్ట్రంలో అవినీతి నిరోధానికి తీసు కుంటున్న చర్యల్లో భాగంగా వైఎస్‌ జగన్‌మోహన్‌రెడ్డి ప్రభుత్వం.. లోకాయుక్త నియామకానికి చర్యలు ప్రారం భించింది. రాష్ట్ర లోకాయుక్తగా విశ్రాంత న్యాయమూర్తి జస్టిస్‌ పి.లక్ష్మణ్‌రెడ్డిని నియమించాలని నిర్ణయించింది. ఇటీవల తీసుకొచ్చిన లోకాయుక్త సవరణ చట్టం ప్రకారం హైకోర్టు విశ్రాంత ప్రధాన న్యాయమూర్తి లేదా విశ్రాంత న్యాయమూర్తిని లోకాయుక్తగా నియమించుకునే వెసులు బాటు ప్రభుత్వానికి ఉంది. లోకాయుక్త నియామకం విషయంలో హైకోర్టు ప్రధాన న్యాయమూర్తిని సంప్రదిం చాల్సి ఉంటుంది. ఇటీవల లోకాయుక్త నియామక ఫైలును పరిశీలించిన హైకోర్టు తాత్కాలిక ప్రధాన న్యాయమూర్తి (ఏసీజే) జస్టిస్‌ చాగరి ప్రవీణ్‌కుమార్‌.. లక్ష్మణ్‌రెడ్డి నియామకానికి ఆమోదముద్ర వేశారు. తర్వాత ప్రభుత్వం కూడా ఆయన నియామకానికి గ్రీన్‌ సిగ్నల్‌ ఇవ్వడంతో త్వరలో ఉత్తర్వులు వెలువ డనున్నాయి. లోకాయుక్త పరిధి.. ఉప ముఖ్యమంత్రి, మంత్రులు, పార్లమెంటరీ కార్య దర్శులపై వచ్చే ఫిర్యాదులను విచారించే పరిధి లోకాయుక్తకు ఉంది. ఎమ్మెల్యే, ఎమ్మెల్సీ, చీఫ్‌ విప్‌లతో పాటు.. ప్రజా వ్యవహారాలకు సంబంధించి ప్రభుత్వం నియమించే ఏ అధికారిపైనైనా కూడా ఫిర్యాదు చేయ వచ్చు. జెడ్పీ, మండల పరిషత్‌ చైర్‌పర్సన్, వైస్‌ చైర్‌పర్సన్లు, సభ్యులు, సర్పంచ్, ఉప సర్పంచ్, మేయర్, డిప్యూటీ మేయర్, వార్డు సభ్యులు, మునిసిపాలిటీ చైర్‌పర్సన్, ఇతర సభ్యులు తదితరులపై వచ్చే ఫిర్యాదుల న్నింటిపై లోకాయుక్త విచారణ జరపవచ్చు. న్యాయమూర్తులు, జ్యుడీషియల్‌ సర్వీసు సభ్యులు.. లోకాయుక్త పరిధిలోకి రారు.  రాష్ట్రంలోనే ఏదైనా కోర్టు అధికారి, ఉద్యోగి కూడా లోకాయుక్త పరిధిలోకి రారు. ఏపీ అకౌంటెంట్‌ జనరల్, ఏపీపీఎస్సీ చైర్మన్, సభ్యులు, ఎన్నికల అధికారులు స్పీకర్, డిప్యూటీ స్పీకర్, మండలి చైర్మన్, డిప్యూటీ చైర్మన్, ఏపీఏటీ చైర్మన్, ఇతర సభ్యులను విచారించే పరిధి లోకాయుక్తకు ఉండదు. అవినీతి, అధికార దుర్వినియోగం తదితరాల విషయంలో ఏ వ్యక్తి అయినా లోకాయుక్తను ఆశ్రయించవచ్చు. ఫిర్యాదుదారు తన పూర్తి వివరాలతో ఫారమ్‌ 1, 2ను పూర్తిచేసి.. లోకాయుక్త రిజిస్ట్రార్‌ పేరిట రూ.150 ఫీజు చెల్లించాలి. తప్పుడు ఫిర్యాదు ఇచ్చినట్లు తేలితే ఫిర్యాదుదారుని ప్రాసిక్యూషన్‌ చేయవచ్చు. గరిష్టంగా ఏడాది జైలు శిక్ష కూడా విధించవచ్చు. 

విపక్షంలో ఉన్నప్పుడు ఒకవిధంగా, అధికారంలో ఉన్నప్పుడు మరొకలా మాట్లాడటమే రివాజుగా మారిన వర్తమాన కాలంలో ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌ రెడ్డి అందరి ప్రశంసలూ అందుకొనే రీతిలో నిర్ణయాలు తీసుకుంటున్నారు.  రాష్ట్రంలో లోకాయుక్త నియామకం వీలయ్యేవిధంగా తీసుకొచ్చిన లోకాయుక్త సవరణ చట్టం–2019 అమలుకు గురువారం గెజెట్‌ నోటిఫికేషన్‌ విడుదల చేయడం ఇందుకు తాజా ఉదాహరణ. అధికారంలోకొచ్చిన నెలరోజుల వ్యవధిలోనే లోకాయుక్త సవరణ బిల్లు ఆమోదానికి ప్రభుత్వం చర్యలు తీసుకుంది. ఇప్పుడు ఆ చట్టం అమలును నోటిఫై చేసింది. ముఖ్యమంత్రి స్థానంలో ఉన్నవారికి చిత్తశుద్ధి, సంకల్ప దీక్ష ఉంటే పను లు ఎంత చకచకా జరిగిపోతాయో చెప్పడానికి లోకాయుక్త సవరణ చట్టం మరో ఉదాహరణ. తాను అధికారంలోకొస్తే పారదర్శక పాలనను అందిస్తానని, ప్రజలకు జవాబుదారీగా ఉంటానని ప్రజా సంకల్పయాత్ర సందర్భంగా జగన్‌మోహన్‌రెడ్డి హామీ ఇచ్చారు. పారదర్శకమైన, నీతిమంతమైన పాలన అందిస్తానని ప్రమాణస్వీకారం రోజునే చెప్పారు. అధికారం ఒళ్లో వాలిన మరుక్షణమే వాగ్దా నాలన్నిటినీ గాలికొదిలే దుష్ట సంస్కృతే అన్నిచోట్లా రాజ్యమేలుతున్న కాలంలో  ఆయన తమ పార్టీ ఎన్నికల మేనిఫెస్టోను అదే వేదికపై చూపుతూ దీన్ని తాను ఖురాన్‌లా, బైబిల్‌లా, భగవద్గీతలా భావిస్తానని...అందులోని ప్రతి ఒక్క వాగ్దానాన్నీ నెరవేర్చడానికి త్రికరణ శుద్ధిగా కృషి చేస్తానని ప్రకటించారు. అంతక్రితం అయిదేళ్లూ రాష్ట్రాన్ని మహమ్మారిలా చుట్టుముట్టిన అవినీతిని అంతం చేయడానికి తీసుకోబోయే చర్యలేమిటో కూడా ఆరోజే వెల్లడించారు. టెండర్ల విధానంలో పార దర్శకత ప్రవేశపెడతామని, అవినీతికి కాస్తయినా చోటీయనివిధంగా రివర్స్‌ టెండరింగ్‌ విధానాన్ని అమలు చేస్తామని చెప్పారు. ఇప్పుడు అమల్లోకి తీసుకొచ్చిన లోకాయుక్త సవరణ చట్టం ఆ వరసలో తదుపరి చర్యగా భావించాలి.  మన దేశంలో రాజకీయ అవినీతి  ఎంతగా ఊడలు వేసిందో కనబడుతూనే ఉంది. ఎన్నడో 1966లో తొలిసారి మొరార్జీ దేశాయ్‌ నాయకత్వంలోని పాలనా సంస్కరణల సంఘం(ఏఆర్‌సీ) తాత్కాలిక నివేదికలో లోక్‌పాల్, లోకాయుక్తల ప్రస్తావన చేసింది. ఈ రెండు వ్యవస్థలూ అందు బాటులోకొస్తే ప్రజా సమస్యలు చాలావరకూ తీరుతాయని భావించింది. కానీ ఆ తర్వాత మరో అయిదారేళ్లకుగానీ తొలి లోకాయుక్త వ్యవస్థ ఆవిర్భవించలేదు. ఆ పని మహారాష్ట్ర చేసింది. చిత్ర మేమంటే...అనంతరకాలంలో మొరార్జీ దేశాయ్‌ ప్రధానిగా పనిచేసినా జాతీయ స్థాయిలో ఆయన లోక్‌పాల్‌ వ్యవస్థ తీసుకురాలేకపోయారు. మొన్న మార్చిలో సుప్రీంకోర్టు మాజీ న్యాయమూర్తి జస్టిస్‌ పినాకిచంద్ర ఘోష్‌ను తొలి లోక్‌పాల్‌గా నియమించారు. అవినీతి అంతం విషయంలో మన రాజకీయ నాయకత్వం ఎలా నత్త నడక నడుస్తుందో చెప్పడానికి ఇదో ఉదాహరణ. ఆంధ్రప్రదేశ్‌లో నిక్షేపంలా ఉండే లోకాయుక్త వ్యవస్థకు  చంద్రబాబు తన హయాంలో తూట్లు పొడిచారు. ప్రస్తుత హైకోర్టు న్యాయమూర్తి లేదా హైకోర్టు మాజీ ప్రధాన న్యాయమూర్తి లోకాయుక్త పదవికి అర్హులన్న ఆ చట్టంలోని నిబంధన అడ్డు పెట్టుకుని ఆ రెండు కేటగిరీల్లోనివారూ లభ్యం కావడంలేదని సాకు చెప్పి లోకాయుక్త నియామకం జోలికే బాబు పోలేదు. ఏ చట్టమైనా, నిబంధనైనా పనులు సజావుగా, సక్రమంగా సాగడానికే తప్ప వాటికి నిలువుగా, అడ్డంగా అడ్డుపడటానికి కాదు. అమలులో సమస్యలుంటే వాటిని అధిగమించడానికి ఏం చేయాలో ఆలోచించాలి. తనకు తోచకపోతే నిపుణుల సలహా తీసుకోవాలి. కానీ బాబు ఈ రెండూ చేయలేదు. ఇదే అదునని ఎడాపెడా నొల్లుకున్నారు. కుమారుడు లోకేష్‌ను కూడా తోడు తెచ్చుకున్నారు. వెరసి ఆంధ్రప్రదేశ్‌ అప్పట్లో అవినీతికి కేరాఫ్‌ అడ్రస్‌గా మారింది. అదే సమయంలో ఆయన సూక్తిముత్యాలు వల్లించడానికి ఎక్కడా వెరవలేదు. నిప్పులాంటివాడినని చెప్పుకోవడం ఆపలేదు.   జగన్‌మోహన్‌ రెడ్డి ప్రభుత్వం తీసుకొచ్చిన లోకాయుక్త సవరణ చట్టం అవినీతిపై బ్రహ్మాస్త్రమే. ఎక్కడ అక్రమాలు జరిగాయని భావించినా, ప్రజాధనం దుర్వినియోగమైందనుకున్నా లోకాయుక్త తనంత తానే దర్యాప్తు చేస్తుంది. ఎవరి ఫిర్యాదులనైనా విచారణకు స్వీకరిస్తుంది. అవినీతి, అక్రమాలపై వివిధ మాధ్యమాల్లో వచ్చే ఆరోపణలను పరిగణనలోకి తీసుకుంటుంది. ఆఖరికి ఊరూ పేరూ లేకుండా రాసే ఉత్తరాలకు సైతం విలువనిచ్చి విచారణ జరిపిస్తుంది. సారాంశంలో ఇది పాలనా వ్యవస్థలోని ఏ ఒక్కరూ అవినీతికి పాల్పడకుండా కట్టడి చేస్తుంది. అలాగే బాధ్యతారహితంగా నోటికొచ్చినట్టు మాట్లాడే రాజకీయ నాయకులకు, గాలి వార్తలు పోగేసే మాధ్యమాలకు కూడా క్రమశిక్షణ నేర్పుతుంది. ఇష్టానుసారం ఏదంటే అది ఆరోపణ చేయడంకాక, చేసినవాటికి సాక్ష్యాధారాలు సమర్పించాల్సి వస్తుంది. లోకాయుక్త సవరణ చట్టం అమలైతే ఏమవుతుందో అందరికన్నా బాబుకు బాగా తెలుసు. అందుకే కాబోలు సంబంధిత బిల్లుపై శాసనసభలో చర్చ జరుగుతున్నప్పుడు అసంబద్ధమైన అంశాలను లేవనెత్తడానికి ఆయన విఫలయత్నం చేశారు. చివరకు తన పాచిక పారడంలేదని గ్రహించాక, సభలో ఉంటే ఎక్కడ మాట్లాడక తప్పని స్థితి ఏర్పడుతుందోనని జడిసి వాకౌట్‌ అస్త్రాన్ని ప్రయోగించి నిష్క్రమించారు. అంతక్రితం శాశ్వత బీసీ కమిషన్‌ ఏర్పాటుతోసహా అట్టడుగు వర్గాలకు, మహిళలకు లబ్ధి చేకూర్చే వివిధ చరిత్రాత్మక బిల్లుల విషయంలోనూ ఆయన ప్రవర్తన డిటోయే. అవినీతిని అంతం చేయడానికి మాటలు చాలవు. చేతలు అవసరం. ఒక్క రూపాయి ప్రజాధనం కూడా దుర్వినియోగం కానీయరాదన్న సత్సంకల్పం పాలకులకు ఉన్నప్పుడే ఆ ఆదర్శం అట్టడుగు స్థాయి వరకూ విస్తరిస్తుంది. కనుకనే లోకాయుక్త సవరణ చట్టం నోటిఫై చేయడం ప్రశంసించదగ్గ చర్య. ఇక నియామకం ప్రక్రియ కూడా సాధ్యమైనంత త్వరగా పూర్తయి రెప్పవాల్చని నిఘాతో అది కర్తవ్య నిర్వహణకు పూనుకుంటుందని ఆశించాలి.

సాక్షి, అమరావతి : రాష్ట్రంలో అవినీతికి అడ్డుకట్ట వేయడమే లక్ష్యంగా వైఎస్‌ జగన్‌ సర్కారు లోకాయుక్త ఏర్పాటుకు చకచకా ఏర్పాట్లు చేస్తోంది.  ప్రభుత్వం ఏర్పాటైన రెండు నెలల్లోనే లోకాయుక్త నియామకానికి వీలుగా శాసనసభ, శాసన మండలిలో చట్ట సవరణ చేసి గురువారం గెజిట్‌ నోటిఫికేషన్‌ జారీ చేసింది. స్వతంత్ర ప్రతిపత్తిగల రాజ్యాంగ బద్ధమైన లోకాయుక్త ఉంటే తాను, తన కిచెన్‌ కేబినెట్‌ సభ్యులు సాగించే అవినీతి బట్టబయలయ్యే ప్రమాదం ఉందనే భయంతోనే ఇదివరకటి ముఖ్యమంత్రి చంద్రబాబు నాయుడు అయిదేళ్లపాటు ఆ నియామకాన్ని గాలికి వదిలేశారు. ఎక్కడ అక్రమాలు జరిగినా, ప్రజాధనం దుర్వినియోగమైనా తనంతట తానుగా (సుమోటో) దర్యాప్తు చేసే అధికారం లోకాయుక్తకు ఉంటుంది. అవినీతి, అక్రమాలకు సంబంధించి పత్రికల్లో, టీవీల్లో, సోషల్‌ మీడియాలో వచ్చే వార్తలను, ఆకాశ రామన్న ఉత్తరాలను కూడా పరిగణనలోకి తీసుకుని విచారణ జరిపించే విస్తృతాధికారం లోకాయుక్తకు ఉంటుంది. అందువల్లే అప్పటి ముఖ్యమంత్రి చంద్రబాబు నాయుడు లోకాయుక్త ఉండరాదనే ఉద్దేశంతో వ్యవహరించారు.  భయంతోనే నాడు బాబు వెనుకంజ అవినీతి రహిత, పారదర్శక పాలన అందిస్తానని ఎన్నికల ముందు చెప్పినట్లుగానే వైఎస్‌ జగన్‌మోహన్‌రెడ్డి ఆచరించి చూపుతున్నారు. తన మాటను విశ్వసించి అఖండ విజయం అందించిన ప్రజల నమ్మకాన్ని నిలబెట్టుకోవాలని, ప్రతి రూపాయి ప్రజా ధనాన్ని పారదర్శకంగా, జవాబుదారీగా ఖర్చు చేయాలని అంకిత భావంతో పని చేస్తున్నారు. అధికారంలోకి రాగానే లోకాయుక్త నియామకం కోసం చట్ట సవరణ చేయడం, రూ.వంద కోట్లు దాటిన ప్రతి పనికి సంబంధించిన టెండర్లను న్యాయ సమీక్ష తర్వాత సవరణలు చేసి నిర్వహించాలని అసెంబ్లీలో సాహసోపేత బిల్లును ఆమోదించడం ఇందుకు ప్రత్యక్ష నిదర్శనాలు. హైకోర్టు సిట్టింగ్‌ జడ్డి, రిటైర్డు ప్రధాన న్యాయమూర్తి దొరకడం లేదనే సాకుతోనే చంద్రబాబు సర్కారు లోకాయుక్తను నియమించకుండా వదిలేసింది. గతంలో కర్ణాటక రాష్ట్రంలో ఇనుప ఖనిజ లైసెన్సుల జారీలో, తవ్వకాల్లో జరిగిన అక్రమాలను అక్కడి లోకాయుక్త ఎండగట్టింది. దీనిని సుమోటోగా తీసుకుని దర్యాప్తు జరిపి నిగ్గుతేల్చింది. ఈ దృష్ట్యా లోకాయుక్తను నియమిస్తే ఎప్పటికైనా తనకూ ఇదే గతి పడుతుందని భయంతోనే చంద్రబాబు ఆ పని చేయలేదని అప్పట్లో అధికార వర్గాలు బహిరంగంగానే వ్యాఖ్యానించాయి.  రెండు నెలల్లోనే ఆచరణ మే 30న సీఎంగా ప్రమాణ స్వీకారం చేసిన వైఎస్‌ జగన్‌మోహన్‌రెడ్డి జూన్‌ 8న మంత్రివర్గం ఏర్పాటు చేశారు. తర్వాత నెల రోజులకే అసెంబ్లీ బడ్జెట్‌ సమావేశాల్లో ఆంధ్రప్రదేశ్‌ లోకాయుక్త సవరణ బిల్లును శాసనసభ, శాసనమండలిలో పెట్టారు. దీనిని ఆమోదించి ఆంధ్రప్రదేశ్‌ లోకాయుక్త సవరణ చట్టం – 2019 తెచ్చారు. హైకోర్టు సిట్టింగ్‌ జడ్జి లేదా హైకోర్టు రిటైర్డు చీఫ్‌ జస్టిస్‌లను లోకాయుక్తగా నియమించాలని గతంలో చట్టం ఉండేది. వీరు తగు సంఖ్యలో అందుబాటులో లేనందున హైకోర్టు రిటైర్డు జడ్జిలను లోకాయుక్తగా నియమించడానికి వీలు కల్పిస్తూ చట్ట సవరణ చేశారు. తక్షణమే ఈ చట్టం అమల్లోకి వచ్చినట్లు సాధారణ పరిపాలన శాఖ ముఖ్య కార్యదర్శి ఆర్పీ సిసోడియా గురువారం ఉత్తర్వులు జారీ చేశారు. ఈ మేరకు రాష్ట్ర ప్రభుత్వం గురువారమే గెజిట్‌ నోటిఫికేషన్‌ కూడా జారీ చేసింది. దీంతో ప్రభుత్వం లోకాయుక్త నియామకానికి నోటిఫికేషన్‌ ఏ క్షణమైనా జారీ చేసే అవకాశం ఉంది.     

సాక్షి, అమరావతి: విపక్షం నిరసనలు, వాకౌట్‌ మధ్య ఆంధ్రప్రదేశ్‌ లోకాయుక్త సవరణ బిల్లు – 2019ను శాసనసభ శుక్రవారం ఆమోదించింది. ముఖ్యమంత్రి వైఎస్‌ జగన్‌మోహన్‌రెడ్డి దూరదృష్టి, పారదర్శక పాలనకు ప్రభుత్వం రూపొందిస్తున్న బిల్లులే నిదర్శనమని అధికారపక్ష సభ్యులు ప్రశంసించారు. లోకాయుక్త, న్యాయ పరిశీలన బిల్లుల ద్వారా ముఖ్యమంత్రి దేశానికే ట్రెండ్‌ సెట్టర్‌లా చరిత్రలో నిలిచిపోతారని పేర్కొన్నారు. లోకాయుక్త సవరణ బిల్లును ముఖ్యమంత్రి తరఫున డిప్యూటీ సీఎం, రెవెన్యూ మంత్రి పిల్లి సుభాష్‌ చంద్రబోస్‌ సభలో ప్రవేశపెట్టారు. అనంతరం ఆర్థిక, శాసనసభా వ్యవహారాల మంత్రి బుగ్గన రాజేంద్రనాథ్‌ బిల్లును ప్రతిపాదించగా సభ్యుల హర్షధ్వానాల మధ్య సభ ఆమోదించింది. బిల్లు గురించి వైఎస్సార్‌సీపీ ఎమ్మెల్యే కాపు రామచంద్రారెడ్డి సభ్యులకు వివరించారు.  సుపరిపాలన దిశగా ఆదర్శవంతమైన బిల్లులు.. ఒకవైపు రాష్ట్ర అభివృద్ధి, సంక్షేమం కోసం అద్భుతమైన చట్టాలు తెస్తూ మరోవైపు అవినీతి నిర్మూలన, సుపరిపాలన కోసం ముఖ్యమంత్రి ఆదర్శవంతమైన బిల్లులు ప్రవేశపెడుతున్నారని ఎమ్మెల్యే కాపు రామచంద్రారెడ్డి తెలిపారు. ‘గత ప్రభుత్వం కనీసం సమాచార ప్రధాన కమిషనర్‌ను కూడా నియమించలేదు. ఇటీవల వరకు కమీషనర్లను సైతం నియమించలేదు. గిరిజన సలహా మండలి లేదు. చివరివరకు మైనారిటీలకు మంత్రి పదవి కూడా ఇవ్వలేదు’ అని పేర్కొన్నారు. హైకోర్టు ప్రధాన న్యాయమూర్తులు, న్యాయమూర్తుల కొరత ఉన్నందున వీరి స్థానంలో హైకోర్టు రిటైర్డ్‌ ప్రధాన న్యాయమూర్తులు, న్యాయమూర్తులను లోకాయుక్తగా నియమించుకోవడం కోసం చట్ట సవరణ అవసరమన్నారు. రిటైర్డ్‌ న్యాయమూర్తులు అందుబాటులో ఉన్నందున లోకాయుక్త నియామకానికి ఇబ్బంది ఉండదనే సదుద్దేశంతో చట్ట సవరణ చేస్తున్నామని వివరించారు. ‘లోకాయుక్త కేవలం అవినీతి కేసులను విచారించడానికి మాత్రమే కాదు. పరిపాలనలో అధికారుల తప్పిదాలు, నిర్లక్ష్యం లాంటివి కూడా విచారిస్తారు’ అని తెలిపారు. చంద్రబాబు అధికారంలో ఉన్నన్నాళ్లూ ఏమీ చేయకుండా రహస్య జీవోలతో కాలం గడిపారని  విమర్శించారు. ఐదేళ్లుగా జరిగిన లోటుపాట్లపై లోకాయుక్త విచారిస్తుందన్నారు. కర్ణాటకలో లోకాయుక్త పలు కుంభకోణాలను నిగ్గు తేల్చిందని గుర్తు చేశారు. 

సాక్షి, అమరావతి: దేశ చరిత్రలోనే పారదర్శకతకు ఆంధ్రప్రదేశ్‌ వేదిక కానుందని ముఖ్యమంత్రి వైఎస్‌ జగన్‌మోహన్‌రెడ్డి అన్నారు. అవినీతిని నిర్మూలించి ప‍్రతి పనిలోనూ పారదర్శకత తీసుకురావాలన్నదే తమ ఉద్దేశమని ఆయన తెలిపారు. అవినీతిని నిరోధించడానికి, మరింత మెరుగైన పరిపాలన అందించడానికి ముందస్తు న్యాయ సమీక్ష బిల్లు తీసుకువస్తున్నట్లు చెప్పారు. ఈ బిల్లుపై శుక్రవారం అసెంబ్లీలో జరిగిన చర్చలో ఆయన మాట్లాడారు. ‘ఈ రోజు ఓ చారిత్రాత్మకమైన బిల్లును తీసుకువచ్చాం. దేశ చరిత్రలోనే పారదర్శకత ఏపీ నుంచి మొదలు అవుతోంది. వ్యవస్థలో మార్పు తీసుకు రావడానికి ఈ బిల్లు ఏ రకంగా ఉపయోగపడుతుందనేది సభ్యులు ఇప్పటికే సభలో చెప్పారు. గత ప్రభుత్వ పాలనలో ఎక్కడ చూసిన అవినీతి కనిపిస్తోంది. వ్యవస్థలో మార్పు రావాలంటే ముందుగా ఎవరైనా ప్రారంభిస్తేనే వస్తుంది.  ముందస్తు న్యాయసమీక్ష అనేది ఇప్పటివరకూ దేశ చరిత్రలో ఎక్కడ జరుగలేదు. అది మన రాష్ట్రం నుంచే మొదలవుతుంది. పారదర్శకత అన్న పదానికి అర్థం ఇక్కడి నుంచి మొదలైతే దేశం మొత్తం వ్యాపిస్తుంది. దేశంలో ఎప్పుడు జరగని విధంగా.. అవినీతిని అంతమొందించేందుకు, వ్యవస్థలోకి పారదర్శకతను తీసుకురావాలని అడుగులు వేస్తున్నాం. చాలాసార్లు అవినీతికి వ్యతిరేకంగా నాయకులు మాట్లాడారు. నిజంగా ఏం చేస్తే అవినీతి లేకుండా చేస్తామన్నది ఎప్పుడు జరుగలేదు. నిజంగా పారదర్శకత అన్నదానికి అర్థం తెచ్చేందుకు ఈ బిల్లు తెచ్చాం. గత ఐదేళ్ల చంద్రబాబు పాలన గమనిస్తే..మనం కూర్చున్న ఈ బిల్డింగ్‌ గమనిస్తే స్కామ్‌ కనిపిస్తుంది. తాత్కాలిక భవనం కట్టడానికే అడుగుకు రూ.10 వేలు ఖర్చు అయిన పరిస్థితి చూశాం. ఏదీ తీసుకున్నా కూడా స్కామ్‌లమయమే. ఇలాంటి పరిస్థితి పూర్తిగా మారాలంటే ఈ బిల్లు ఏ రకంగా ఉపయోగపడుతుందన్నది నాకంటే ముందు మాట్లాడిన వారు చెప్పారు. ఈ బిల్లు ద్వారా రూ.100కోట్లు, దానికి పైబడిన ప్రతి టెండర్‌ ప్రభుత్వ టెండర్‌ ఏదైనా జడ్జి పరిధిలోకి వస్తుంది. టెండర్ల పరిశీలనకు హైకోర్టు జడ్జి లేదా రిటైర్డ్‌ జడ్జి నేతృత్వంలో కమిషన్‌ ఏర్పాటు అవుతుంది. నియమించిన జడ్జి ఒక్కసారి బాధ్యతలు తీసుకున్న తరువాత ప్రభుత్వం పిలిచే ఏ టెండర్‌ అయినా సరే ఆ జడ్జి వద్దకు పంపిస్తాం. ఆ జడ్జి ఆ టెండర్‌ డాక్యుమెంట్‌ పబ్లిక్‌ డొమైన్‌లో వారం రోజుల పాటు పెడతాం. నేరుగా జడ్జికే సలహాలు, సూచనలు ఇవ్వవచ్చు. ఆ జడ్జి వద్ద టెక్నికల్‌గా తోడుగా ఉండేందుకు ఎవరినైనా కోరవచ్చు.  జడ్జి వీళ్లు ఎవరూ వద్దు, ఫలాని వారు కావాలని కోరితే వారిని ఇచ్చేందుకు కూడా ప్రభుత్వం సిద్ధంగా ఉంటుంది. జడ్జి టెండర్‌కు సంబంధించిన సలహాలు తన వద్ద ఉన్న టెక్నికల్‌ టీమ్‌తో చర్చిస్తారు. ఆ తరువాత జడ్జి సంబంధిత శాఖను పిలిచి తాను ఏదైతే సబబు అనుకుంటారో..వాటిని సూచిస్తూ మార్పులు చేస్తారు. అదే మార్పులు తూచా తప్పకుండా చేసిన తరువాతే టెండర్‌ డాక్యుమెంట్‌ పూర్తి చేస్తాం. ఇంత నిజాయితీగా, పారదర్శకంగా ఒక వ్యవస్థను తయారు చేయడం దేశ చరిత్రలో ఇప్పటివరకూ ఎక్కడా జరుగలేదు. ఏపీ నుంచే ఇది మొదలవుతుంది. ఇంత పారదర్శకంగా, నిజాయితీగా ఒక వ్యవస్థను సృష్టించి, వ్యవస్థ ద్వారా పారదర్శకత ఒక స్థాయి నుంచి మరోస‍్థాయికి తీసుకు వెళ్లడం బహుశా రాష్ట్ర చరిత్రలోనే కాదు, దేశ చరిత్రలోనే ఎక్కడా జరగలేదు. దీనివల్ల పూర్తిగా నమ్మకం, విశ్వాసం పెరుగుతాయి. ఇది ఇక్కడితో ఆగిపోదు, మిగిలిన రాష్ట్రాలు కూడా దీన్ని అనుసరిస్తాయి. ఇక్కడ మనం బీజం వేశాం. ఈ బీజం మహా వృక్షం అవుతుంది. దేశానికి దశ, దిశా చూపించే గొప్ప బిల్లు అవుతుందని గర్వంగా కూడా చెబుతున్నాను. ఇక లోకాయుక్తా బిల్లును కూడా ఇవాళ తీసుకువచ్చాం. గతంలో ఈ బిల్లు ఎందుకు లేదు అంటే దానికి సమాధానం లేదు. ఐదేళ్ల చంద్రబాబు పాలనలో ఏపీలో లోకాయుక్తా అన్నది లేనే లేదు. అవినీతి లేకుండా ఉండాలని గత ప్రభుత్వం అనుకుని ఉంటే ఇది జరిగేది కాదు. కానీ ఆ ఆలోచన వారికి లేదు.  చిన్న చిన్న మార్పులు చేస్తే ఇది జరిగి ఉండేది. లోకాయుక్తలో ఒక సిట్టింగ్‌ జడ్జి గాని, రిటైర్డ్‌ చీఫ్‌ జస్టిస్‌ ఉంటేకాని లోకాయుక్తను నియమించలేమన్న నిబంధనను కాస్త మార్పు చేసి ఉంటే అయిదేళ్ల క్రితమే లోకాయుక‍్త వచ్చి ఉండేది. కానీ  లోకాయుక్త అన్నది రానేరాకుండా, గత అయిదేళ్లుగా పెండింగ్‌లో పెట్టారంటే ఈ వ‍్యవస్థ ఎంత దారుణంగా ఉందో అర్థం చేసుకోవచ్చు. అధికారంలోకి వచ్చిన 45రోజుల్లోనే పారదర్శకత, వ్యవస్థలో మార్పు కోసం ఇలాంటి గొప్ప కార్యక్రమాలకు శ్రీకారం చుట్టడం గర్వంగా ఉంది.’ అని అన్నారు. కాగా లోకాయుక్తా, ముందస్తు న్యాయ సమీక్ష బిల్లులకు ఆమోదం అనంతరం శానససభ సోమవారానికి వాయిదా పడింది.

సాక్షి, అమరావతి: ఆంధ్రప్రదేశ్‌ లోకాయుక్త సవరణ బిల్లుకు శాసనసభ శుక్రవారం ఆమోదం తెలిపింది. దీంతోపాటు వేతన సవరణ బిల్లుకు కూడా అసెంబ్లీ ఆమోదం తెలిపింది. అంతకుముందు లోకాయుక్త సవరణ బిల్లుపై ప్రభుత్వ విప్‌, వైఎస్సార్‌సీపీ సభ్యుడు కాపు రామచంద్రారెడ్డి చర్చను ప్రారంభిస్తూ.. ఒకవైపు రాష్ట్ర అభివృద్ధి, సంక్షేమం కోసం చట్టాలు తీసుకొస్తూనే.. మరోవైపు అవినీతి నిరోధించడానికి, పరిపాలనను మరింత మెరుగ్గా అందించడానికి కూడా ముఖ్యమంత్రి వైఎస్‌ జగన్‌మోహన్‌రెడ్డి బిల్లులు తీసుకువస్తున్నారని, ఇందులో భాగంగా ఆంధ్రప్రదేశ్‌ లోకాయుక్త సవరణ బిల్లు, జ్యుడీషియల్‌ కమిషన్‌ బిల్లులను తీసుకువస్తున్నారని అన్నారు.  ఆంధ్రప్రదేశ్‌ లోకాయుక్త సవరణ బిల్లు సీఎం వైఎస్‌ జగన్‌ దార్శనికతకు ఒక నిదర్శనమని, అవినీతి రహిత మెరుగైన పరిపాలన విషయంలో సీఎం వైఎస్‌ జగన్‌ ఒక ట్రెండ్‌ సెట్టర్‌గా నిలిచిపోతారని కొనియాడారు. గత చంద్రబాబు ప్రభుత్వం కనీసం సమాచార కమిషనర్లను కూడా నియమించలేదని, ట్రైబల్‌ వెల్ఫేర్‌ కమిటీని కూడా వేయలేదని తప్పుబట్టారు. లోకాయుక్త కమిషన్‌ను ఏర్పాటు చేయలంటే ప్రస్తుతం హైకోర్టు చీఫ్‌ జస్టిస్‌ లేదా హైకోర్టు జస్టిస్‌ను నియమించాలని, అయితే, దేశంలో న్యాయమూర్తుల కొరత ఉండటంతో ఇది సమస్యగా మారిందన్నారు. దేశంలో మొత్తం 1079 మంది న్యాయమూర్తుల అవసరం ఉండగా.. ప్రస్తుతం 534 మంది న్యాయమూర్తులు, 132 మంది అదనపు న్యాయమూర్తులు మాత్రమే అందుబాటులో ఉన్నారని తెలిపారు. 239 న్యాయమూర్తుల పోస్టులు, 174 అదనపు న్యాయమూర్తుల పోస్టులు ప్రస్తుతం ఖాళీగా ఉన్నాయన్నారు. ఏపీ విషయానికొస్తే.. రాష్ట్రంలో 28 మంది న్యాయమూర్తులు, తొమ్మిది మంది అదనపు న్యాయమూర్తులు అవసరముండగా.. 13మంది న్యాయమూర్తులు మాత్రమే అందుబాటులో ఉన్నారని, 24 పోస్టులు ఖాళీగా ఉన్నాయని వివరించారు.  ఈ నేపథ్యంలో హైకోర్టు న్యాయమూర్తులు లేదా హైకోర్టు ప్రధాన న్యాయమూర్తులను లోకాయుక్తగా నియమించడమంటే ప్రాక్టికల్‌గా సాధ్యం కాదని, అందుకే హైకోర్టు రిటైర్డ్‌ చీఫ్‌ జస్టిస్‌ లేదా, హైకోర్టు రిటైర్డ్‌ జస్టిస్‌ను లోకాయుక్తగా నియమించవచ్చునని వైఎస్‌ జగన్‌మోహన్‌రెడ్డి ప్రభుత్వం లోకాయక్త చట్టంలో సవరణ తీసుకొచ్చిందని, దేశంలో, రాష్ట్రంలో పలువురు రిటైర్డ్‌ న్యాయమూర్తులు అందుబాటులో ఉన్నారని తెలిపారు. ఈ మేరకు చట్టంలో సవరణ తీసుకురావడం ద్వారా రాష్ట్రంలో లోకాయుక్త నియామకానికి సీఎం వైఎస్‌ జగన్‌ మార్గం సుగమం చేశారని అన్నారు. లోకాయుక్త కేవలం అవినీతి కేసులనే కాకుండా.. పరిపాలనలో అధికారుల తప్పిదాలు, నిర్లక్ష్యం.. చేయాల్సిన పనులు చేయకపోవడం, చేయకూడని పనులు చేయడం వంటివి విచారిస్తుందని తెలిపారు. లోకాయుక్త వ్యవస్థను బలపరచడం ద్వారా పరిపాలనను మరింత మెరుగు చేయవచ్చునని, మరింత పారదర్శకత తీసుకురావచ్చునని కాపు రామచంద్రారెడ్డి వివరించారు.

సాక్షి, హైదరాబాద్‌ : హైకోర్టు మాజీ న్యాయమూర్తి జస్టిస్ సుభాషణ్‌ రెడ్డి (76) బుధవారం అనారోగ‍్యంతో కన్నుమూశారు. గచ్చిబౌలిలోని ఏఐజీ ఆస్పత్రి (ఏషియన్ ఇనిస్టిట్యూట్ ఆఫ్ గ్యాస్ట్రో ఎంటరాలజీ)లో చికిత్స పొందుతూ ఆయన ఇవాళ ఉదయం మరణించారు. గత నెలరోజులుగా జస్టిస్ సుభాషణ్‌ రెడ్డి ఏఐజీలో చికిత్స పొందుతున్నారు. లోకాయుక్త చైర్మన్‌గా పనిచేసిన ఆయన మృతి పట్ల పలువురు సంతాపం తెలిపారు. మరోవైపు  జస్టిస్ సుభాషణ్‌ రెడ్డి భౌతికకాయాన్ని అవంతినగర్‌లోని ఆయన నివాసానికి తరలించారు. ఇవాళ సాయంత్రం మహాప్రస్థానంలో కుటుంబసభ్యులు అంతిమ సంస్కారాలు నిర్వహిస్తారు. జస్టిస్‌ సుభాషణ్‌ రెడ్డికి ముగ్గురు కుమారులు. ఇద్దరు న్యాయవాద వృత్తిలో ఉన్నారు. మరొకరు ఇంజనీరు. జస్టిస్‌ సుభాషణ్‌ రెడ్డి 1942 మార్చి 2న హైదరాబాద్‌లో జన్మించారు. హైదరాబాద్‌ సుల్తాన్‌ బజార్‌, చాదర్‌ఘాట్‌ పాఠాశాలల్లో చదువుకున్న ఆయన ఆ తర్వాత ఉస్మానియాలో లా పూర్తి చేశారు. 1966 ఆ ప్రాంతంలో న్యాయవాదిగా ప్రాక్టీస్‌ ప్రారంభించిన సుభాషణ్‌ రెడ్డి1991, నవంబర్‌ 25న ఆంధ్రప్రదేశ్‌ హైకోర్టు జడ్జిగా నియమితులయ్యారు. ఆ తర్వాత 2001, సెప్టెంబర్‌ 12న మద్రాస్‌ హైకోర్టులో చీఫ్‌ జస్టిస్‌ అయ్యారు. మూడేళ్ల అనంతరం కేరళ హైకోర్టుకు బదిలీ అయ్యారు. 2005, మార్చి 2న రిటైర్‌ అయ్యారు. ఆంధ్రప్రదేశ్‌ మానవ హక్కుల కమిషన్‌కు తొలి ఛైర్మన్‌గా ఆయన సేవలు అందించారు.  సీఎం కేసీఆర్‌ సంతాపం జస్టిస్ సుభాషణ్ రెడ్డి మరణం పట్ల ముఖ్యమంత్రి కేసీఆర్ తీవ్ర సంతాపం వ్యక్తం చేశారు. దేశానికి ఆయన అందించిన సేవలను స్మరించుకున్నారు. జస్టిస్ సుభాషణ్‌ రెడ్డి కుటుంబ సభ్యులకు ప్రగాఢ సానుభూతి తెలిపారు.అధికార లాంఛనాలతో జస్టిస్ జస్టిస్ సుభాషణ్‌ రెడ్డి అంత్యక్రియలు నిర్వహించాలని రాష్ట్ర ప్రభుత్వ కార్యదర్శిని ముఖ్యమంత్రి కేసీఆర్ ఆదేశించారు. జస్టిస్‌ సుభాషణ్‌ రెడ్డి కుటుంబానికి వైఎస్‌ జగన్‌ ప్రగాఢ సానుభూతి జస్టిస్‌ సుభాషణ్‌ రెడ్డి మృతిపట్ల వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి సంతాపం తెలిపారు. ఆయన కుటుంబసభ్యులకు తన ప్రగాఢ సానుభూతి వ్యక్తం చేశారు. తెలుగువారు గర్వించదగ్గ న్యాయకోవిదుడు: అల‍్లోల జస్టిస్ సుభాషణ్ రెడ్డి మృతి పట్ల న్యాయ శాఖ మంత్రి అల్లోల ఇంద్రకరణ్ రెడ్డి ప్రగాఢ సంతాపం వ్యక్తం చేశారు. ఉమ్మడి ఆంధ్రప్రదేశ్ హైకోర్టు న్యాయమూర్తిగా, తమిళనాడు,కేరళ హైకోర్టు ప్రధాన న్యాయమూర్తిగా,  మానవ హక్కుల కమిషన్ చైర్మన్ గా, లోకయుక్తగా సుభాషణ్ రెడ్డి ఎనలేని సేవలు అందించారని ఆయన కొనియాడారు. సామాన్య ప్రజల హక్కుల పరిరక్షణకు కృషి చేసిన ఆయన సామాజిక స్పృహ గల న్యాయమూర్తిగా పేరు తెచ్చుకున్నారన్నారు. జస్టిస్‌ సుభాషణ్ రెడ్డి కుటుంబ సభ్యులకు మంత్రి అల్లోల తన ప్రగాఢ సానుభూతిని తెలియజేశారు. తెలుగువారందరూ గర్వించదగిన న్యాయకోవిదుడు  సుభాషణ్ రెడ్డి మరణం తీరని లోటు అని ఓ ప్రకటనలో పేర్కొన్నారు.

సాక్షి, న్యూఢిల్లీ : లోక్‌పాల్, లోకాయుక్త బిల్లును భారత పార్లమెంట్‌ ఆమోదించి ఐదేళ్ల అనంతరం నరేంద్ర మోదీ ప్రభుత్వం తొలి లోక్‌పాల్‌గా సుప్రీం కోర్టు మాజీ జడ్జి జస్టిస్‌ పినాకీ చంద్ర ఘోష్‌ను ఆదివారం నియమిస్తూ రాష్ట్రపతికి సిఫార్సు చేసిన విషయం తెల్సిందే. ఇంకా ఈ లోక్‌పాల్‌ కమిటీలోకి ఎనిమిది మంది సభ్యులను తీసుకోవాల్సి ఉంది. కమిటీలో షెడ్యూల్డ్‌ తెగలు, షెడ్యూల్డ్‌ కులాలు, బీసీలు, మైనారిటీలు, మహిళలకు ప్రాతినిధ్యం కల్పించాల్సి ఉంది. ఈ బిల్లును పార్లమెంట్‌ ఆమోదించిన నేపథ్యంలోనే దేశంలో నల్ల డబ్బును నిర్మూలిస్తానని, అవినీతిని అంతం చేస్తానని తెగ ప్రచారం చేయడం ద్వారా నరేంద్ర మోదీ అధికారంలోకి వచ్చారు. కేంద్ర స్థాయిలో వెంటనే లోక్‌పాల్‌ను నియమిస్తారని సామాజిక కార్యకర్తలు ఆశించారు. తొలి లోక్‌పాల్‌ను నియమించడానికి నరేంద్ర మోదీకి ఐదేళ్లు పట్టింది. అదీ నాడు లోక్‌పాల్‌ కోసం ఉద్యమించిన అన్నా హజారే, లోక్‌పాల్‌ను నియమించాలంటూ మళ్లీ నిరశనకు దిగడం, మరోపక్క ఫిబ్రవరి నెలలోగా లోక్‌పాల్‌ను నియమించాలంటూ సుప్రీం కోర్టు ఉత్తర్వులు జారీ చేయడం పరిణామాల మధ్య మోదీ నాయకత్వంలోని ఎంపిక కమిటీ ఎట్టకేలకు తొలి లోక్‌పాల్‌ను సిఫార్సు చేసింది. అదీ పార్లమెంట్‌ ఎన్నికల షెడ్యూలు ప్రకటించాక. మిగతా ఎనిమిది మంది సభ్యుల నియామకం ఎన్నికల్లోగా జరుగుతుందన్న నమ్మకం లేదు. సుప్రీం కోర్టు విధించిన గడువుకాలం ముగిసిన తర్వాత లోక్‌పాల్‌ను ఖరారు చేసినందున ఆయన నియామకం చెల్లుతుందన్న గ్యారంటీ లేదు. అవినీతి జరగకుండా చూసేందుకు ‘నేను కాపలాదారుడిని’ అని ప్రచారం చేసుకుంటున్న మోదీకి, మరింత ఎన్నికల ప్రచారం కోసం లోక్‌పాల్‌ నియామకం పనికి వస్తుందేమో! ఎంపిక కమిటీలో ప్రతిపక్షం మాటకు ఏం మాత్రం విలువ లేనప్పుడు లోక్‌పాల్‌ కమిటీ వల్ల ప్రభుత్వంలో అవినీతిని అరికట్టవచ్చని భావించడం అత్యాశే కావచ్చు! గుజరాత్‌ ముఖ్యమంత్రిగా లోక్‌పాల్‌ బిల్లును తీవ్రంగా వ్యతిరేకించిన నరేంద్ర మోదీ ‘లోక్‌పాల్‌ వ్యవస్థను తీసుకొస్తారనుకోవడం పొరపాటే కావచ్చు! 1968లోనే లోక్‌పాల్‌ గురించి చర్చ ప్రభుత్వ స్థాయిలో అవినీతిని అరికట్టేందుకు ఓ వ్యవస్థ కావాలంటూ 1968లో పెద్ద ఎత్తున ప్రజలు ఆందోళన చేయడంతో నాలుగవ లోక్‌సభలో లోక్‌పాల్‌ వ్యవస్థ గురించి మొదటిసారి చర్చకు వచ్చింది. లోక్‌పాల్‌ వ్యవస్థకు భయపడడం వల్ల ప్రధాని సహా కేబినెట్‌ మంత్రులు తమ విధులను సక్రమంగా నిర్వహించలేరన్న వాదనతో దాన్ని వాయిదా వేశారు. ఆ తర్వాత అనేక సార్లు ఈ ప్రతిపాదన వచ్చినా అదే వాదనతో దాన్ని పక్కన పెడుతూ వచ్చారు. దేశంలో అవినీతి అరికట్టేందుకు లోక్‌పాల్‌ వ్యవస్థ కావాలంటూ 2011లో అన్నా హజారే, నేటి ఢిల్లీ ముఖ్యమంత్రి అరవింద్‌ కేజ్రివాల్, ఇతర సామాజిక కార్యకర్తలు ఉద్యమించడంతో అప్పటి యూపీఏ ప్రభుత్వం తప్పనిసరి పరిస్థితుల్లో లోక్‌పాల్‌ బిల్లుకు అంగీకరించింది. బిల్లును తీసుకరావడానకి రెండేళ్లు పట్టింది. 2013లో తీసుకొచ్చినప్పటికీ బిల్లులో మార్పులు, చేర్పుల కోసం పార్లమెంట్‌ సెలెక్ట్‌ కమిటీలు, స్థాయి సంఘాల చుట్టూ తిప్పడంతో 2014, జనవరి 1వ తేదీన చట్టరూపం దాల్చింది. లోక్‌పాల్‌ నియామకంపై జరుగుతున్న జాప్యానికి మూడున్నర ఏళ్లపాటు మౌనం వహించిన రాహుల్‌ గాంధీ 2018, జనవరి నెల నుంచి నరేంద్ర మోదీపై దాడి చేయడం ప్రారంభించారు. అప్పటి నుంచి అవకాశం దొరికినప్పుడల్లా ఈ విషయమై నిలదీస్తూ వచ్చారు.

రాలెగావ్‌ సిద్ధి (మహారాష్ట్ర): లోక్‌పాల్, లోకాయుక్తాల నియామకాలు చేపట్టాలని, రైతుల సమస్యలను పరిష్కరించాలని డిమాండ్‌ చేస్తూ సామాజిక కార్యకర్త అన్నా హజారే చేపట్టిన దీక్ష సోమవారం ఆరో రోజుకు చేరింది. దీక్ష కారణంగా అన్నాహజారే 4.25 కేజీల బరువు తగ్గారని, బీపీ పెరిగిందని డాక్టర్‌ ధనంజయ్‌ పొటే తెలిపారు. ఆయన ఆరోగ్యంపై ఆందోళన వ్యక్తం చేస్తూ అన్నా హజారే ప్రాణాలను కాపాడాలని శివసేన, మహారాష్ట్ర నవనిర్మాణ సేన (ఎమ్‌ఎన్‌ఎస్‌) కేంద్ర ప్రభుత్వాన్ని డిమాండ్‌ చేశాయి. ఎమ్‌ఎన్‌ఎస్‌ అధ్యక్షుడు రాజ్‌ ఠాక్రే,, సామాజిక కార్యకర్త రాజేంద్ర సింగ్‌ సోమవారం హజారేను కలిశారు. ‘హజారే 2013లో చేసిన దీక్ష కారణంగానే బీజేపీ 2014లో అధికారంలోకి వచ్చింది. హజారే వల్లే కేజ్రీవాల్‌ ఎవరో దేశానికి తెలిసింది. అలాంటి వ్యక్తి కనీసం ధర్నాకు మద్దతు తెలియజేయలేదు’ అని ఠాక్రే అన్నారు.

రాలేగావ్‌సిద్ధి: కేంద్ర ప్రభుత్వం తన డిమాండ్లను నెరవేర్చకపోతే ఇచ్చిన పద్మభూషణ్‌ పురస్కారాన్ని తిరిగి ఇచ్చేస్తానని సామాజిక కార్యకర్త అన్నాహజారే హెచ్చరించారు. రాలేగావ్‌ సిద్ధిలో చేపట్టిన ఆమరణ దీక్ష ఆదివారం నాటికి ఐదోరోజుకు చేరింది. ఆయన  ఆదివారం విలేకరులతో మాట్లాడుతూ..మోదీ ప్రభుత్వం తమ డిమాండ్లను నెరవేర్చకపోతే 1992లో ఇచ్చిన పద్మభూషణ్‌ పురస్కారాన్ని వాపసు చేస్తానని హెచ్చరించారు. ఈ ప్రభుత్వం ప్రజల విశ్వాసాన్ని కోల్పోయిందన్నారు. తక్షణమే లోక్‌పాల్, లోకాయుక్తలను ఏర్పాటు చేయడంతో పాటు  స్వామినాథన్‌ కమిషన్‌ సిఫార్సులను అమలు చేయాలని కోరారు. ఎన్నికల సంస్కరణలు చే పట్టాలని డిమాండ్‌ చేశారు. కాగా, హజారేకు డాక్టర్‌ ధనంజయ పొటే ఆరోగ్య పరీక్షలు నిర్వహించారు. ఈ ఐదురోజుల్లోనూ ఆయన 3.8 కేజీల బరువు తగ్గిపోయినట్లు తెలిపారు. హజారే ఆరోగ్యంపై ఆందోళన వ్యక్తం చేస్తూ రాలేగావ్‌ సిద్ధి గ్రామప్రజలు  అహ్మద్‌నగర్‌–పుణె జాతీయ రహదారిపై పెద్ద సంఖ్యలో బైఠాయించారు. దీంతో  ఆరు కిలోమీటర్ల మేర వాహనాలు నిలిచిపోయాయి.

రాలేగావ్‌ సిద్ధి(మహారాష్ట్ర): సామాజిక కార్యకర్త అన్నా హజారే మరోసారి దీక్షకు దిగారు. లోక్‌పాల్‌ బిల్లు, లోకాయుక్త చట్టం నియామకాల్లో కేంద్రం, మహారాష్ట్ర ప్రభుత్వ జాప్యాన్ని నిరసిస్తూ బుధవారం ఆయన నిరహార దీక్ష చేపట్టారు. తొలుత ఆయన తన స్వగ్రామం రాలేగావ్‌ సిద్ధిలోని పద్మావతి ఆలయంలో పూజలు నిర్వహించారు. ఆ తర్వాత విద్యార్థులు, యువకులు, రైతులతో కలిసి అక్కడికి సమీపంలోని యాదవ్‌బాబా ఆలయానికి వెళ్లిన హజారే అక్కడే దీక్ష ప్రారంభించారు. ఈ సందర్భంగా ఆయన మాట్లాడుతూ.. రాష్ట్ర ముఖ్యమంత్రిని లోకాయుక్త పరిధిలోకి తేవాలని మహారాష్ట్ర క్యాబినేట్‌ తీసుకున్న నిర్ణయాన్ని స్వాగతిస్తున్నట్టు తెలిపారు. అయినప్పటికీ తన దీక్ష కొనసాగుతుందని ఆయన స్పష్టం చేశారు. బీజేపీ ప్రభుత్వం అధికారంలో రాకముందు లోక్‌పాల్‌, లోకాయుక్త, రైతు సమస్యలపై ఇచ్చిన హామీలను నెరవేర్చే వరకు దీక్ష కొనసాగిస్తానని తెలిపారు. కాగా, తాను దీక్ష ప్రారంభించనున్న విషయాన్ని సోమవారం మహారాష్ట్ర ముఖ్యమంత్రి దేవేంద్ర ఫడ్నవీస్‌కు రాసిన లేఖలో హజారే పేర్కొన్న సంగతి తెలిసిందే. 

న్యూఢిల్లీ : అవినీతి నిర్మూలన లక్ష్యంగా ఉద్యమిస్తున్న సామాజిక కార్యకర్త అన్నా హజారే మరోసారి ఆమరణ నిరాహార దీక్ష చేపట్టేందుకు సిద్ధమవుతున్నట్లు ప్రకటించారు. దీని గురించి ఆయన ప్రధాని నరేంద్ర మోదీకి లేఖ రాశారు. ఈ లేఖలో అన్నా.. ప్రధాని చాలా పెద్ద పెద్ద హామీలు ఇస్తారు.. కానీ చేతల్లో మాత్రం శూన్యమంటూ ఆరోపించారు. బీజేపీ అధికారంలోకి వచ్చి నాలుగేళ్లు గడిచాయి. కానీ ఇప్పటివరకూ లోక్‌పాల్‌, లోకాయుక్తను నియమించలేదన్నారు. అందుకు నిరసనగా కేంద్రంలో లోక్‌పాల్, రాష్ర్టాల్లో లోకాయుక్త తీసుకురావాలన్న డిమాండ్‌పై గాంధీ జయంతి(అక్టోబర్‌ 2) నుంచి ఆమరణ నిరాహార దీక్ష చేస్తానని అన్నా హజారే ప్రకటించారు. అంతేకాక కేంద్రంలో అధికారంలో ఉన్న బీజేపీ ప్రభుత్వం రైతులకు మేలు చేసే వ్యవసాయ వ్యయాలు, ధరల కమిషన్‌(సీఏసీపీ)కి స్వయం ప్రతిపత్తి కల్పిస్తానని హమీ ఇచ్చింది. కానీ ఇంత వరకూ అందుకు సంబంధించి ఎటువంటి చర్య తీసుకోలేదని ఆరోపించారు. సీఏసీపీకి స్వయం ప్రతిపత్తి కల్పిస్తే ఆ కమిషనే వివిధ వ్యవసాయ ఉత్పత్తుల ధరలను నిర్ణయిస్తుందని గుర్తు చేశారు. కనీస మద్దతు ధర లేకనే రైతులు ఆత్మహత్యలకు పాల్పడుతున్నారని తెలిపారు. లోక్‌పాల్‌, లోకాయుక్త డిమాండ్లపై ఈ ఏడాది మార్చిలో ఢిల్లీలోని చరిత్రాత్మక రామ్ లీలా మైదానంలో అన్నా హజారే నిరవధిక నిరాహార దీక్ష చేపట్టిన సంగతి తెలిసిందే.

 సాక్షి, బెంగళూరు : కర్ణాటకలో ఓవ్యక్తి ఏకంగా ఆ రాష్ట్ర లోకాయుక్తను కత్తితో పలుమార్లు పొడిచేసి కలకలం సృష్టించాడు. నేరుగా బెంగళూరులోని లోకాయుక్త ఆఫీసుకు వెళ్లి అక్కడ లోకాయుక్తగా పనిచేస్తున్న జస్టిస్‌ పీ విశ్వనాథ శెట్టి(74)పై కత్తితో పలుమార్లు దాడి చేశాడు. ఈ ఘటనతో ఉలిక్కిపడిన భద్రతా సిబ్బంది అప్రమత్తమై అతడిని అదుపులోకి తీసుకొని పోలీసులకు అప్పగించారు. పలు కత్తిపోట్లకు గురైన లోకాయుక్త జస్టిస్‌ విశ్వనాథశెట్టిని హుటాహుటిన ఆస్పత్రికి తరలించడంతో ప్రాణాపాయం నుంచి బయటపడ్డారు. దాడికి పాల్పడిన వ్యక్తిని తేజస్‌ శర్మ అనే వ్యక్తిగా గుర్తించారు. ఈ మేరకు కర్ణాటక హోమంత్రి రామలింగ రెడ్డి ప్రకటన చేశారు. పోలీసుల వివరాల ప్రకారం ఓ ఫిర్యాదు చేసేందుకు వచ్చిన ఓ వ్యక్తి తన ఫిర్యాదుపై అలసత్వం ప్రదర్శించారనే ఆగ్రహంతో ఏకంగా జస్టిస్‌ శెట్టిపై కత్తితో దాడికి పాల్పడినట్లు తెలిసింది. ఈ ఘటన జరిగిన వెంటనే కర్ణాటక ముఖ్యమంత్రి సిద్ద రామయ్య నేరుగా ఆస్పత్రికి వెళ్లి జస్టిస్‌ శెట్టిని పరామర్శించారు. ఈ ఘటనపై కాంగ్రెస్‌పార్టీ నేత బ్రిజేశ్‌ కలప్పా స్పందిస్తూ లోకాయుక్తను ఎవరైనా కలుసుకోవచ్చని అన్నారు. ఏదైనా ఒక అవినీతి అంశానికి సంబంధించి ఆధారాలుంటే వాటిని తీసుకొని సామాన్యుడు సైతం లోకాయుక్తను కలిసేందుకు అవకాశం ఉందని, కనీసం ఒక ఆయుధం కలిగిన భద్రతా సిబ్బంది కూడా అక్కడ లేరని చెప్పారు. బహుశా దాడికి పాల్పడిన వ్యక్తి మతిస్థిమితం సరిగా లేని వ్యక్తి అయ్యుంటాడని అనుమానం వ్యక్తం చేశారు. ’పలు చోట్ల సీసీటీవీ కెమెరాలు ఉన్నాయి. మెటల్‌ డిటెక్టర్‌ కూడా ఉంది. ఎంతోమందిని గమనిస్తునే ఉంటారు.. అలాంటిది అక్కడ భద్రతా మొత్తానికే లేదని కూడా అనలేం’ అని ఆయన మరో అభిప్రాయం వ్యక్తం చేశారు. అయితే, మాజీ లోకాయుక్త సంతోష్‌ హెగ్దే దీనిపై స్పందిస్తూ కచ్చితంగా ఈ దాడి వెనుక కుట్ర కోణం ఉండి ఉంటుందని అనుమానం వ్యక్తం చేశారు.

సాక్షి, హైదరాబాద్‌: రాష్ట్ర ప్రభుత్వం బుధవారం రెండు కీలకమైన బిల్లులను శాసనసభలో ప్రవేశపెట్టింది. తెలంగాణ రాష్ట్రానికి ప్రత్యేకంగా లోకాయుక్త ఏర్పాటు, రాష్ట్రంలో ఉర్దూను రెండో అధికార భాషగా ప్రకటించేందుకు అవసరమైన బిల్లును మంత్రి తుమ్మల నాగేశ్వరరావు ప్రవేశపెట్టారు. ‘ఆంధ్రప్రదేశ్‌ రాష్ట్ర విభజనకు ముందు రాష్ట్రంలో తెలుగు అధికార భాషగా ఉండింది. తెలంగాణలో ఖమ్మం జిల్లాలో మినహా మిగిలిన జిల్లాల్లో ఉర్దూ రెండో అధికార భాషగా అమలైంది. తెలంగాణ రాష్ట్రం ఏర్పడిన తర్వాత 2016 అక్టోబరులో పది జిల్లాలను 31 జిల్లాలుగా పునర్‌వ్యవస్థీకరించాం. ఉర్దూ మాట్లాడే వారి జనాభా 31 జిల్లాల్లోనూ ఉంది. రాష్ట్రం మొత్తం జనాభాలో ఉర్దూ మాట్లాడేవారి జనాభా 12.69 శాతం ఉంది. తెలంగాణ అధికార భాషల చట్టంను సవరించి రాష్ట్రం మొత్తానికి ఉర్దూను రెండో భాషగా ప్రకటించాలని ప్రభుత్వం నిర్ణయించింది’ అని ప్రభుత్వం ఈ సందర్భంగా ప్రకటన జారీ చేసింది. అలాగే లోకాయుక్త సవరణ బిల్లు విషయంలోనూ మరో ప్రకటన జారీ చేసింది. ‘తెలంగాణ రాష్ట్ర అవసరాలకు అనుగుణంగా లోక్‌పాల్, లోకాయుక్త చట్టం నిబంధనలను అమలు చేయాలని నిర్ణయించాము. రాష్ట్రానికి విడిగా లోకాయుక్త, ఉప లోకాయుక్త సంస్థను స్థాపించేందుకు తెలంగాణ లోకాయుక్త చట్టంలో కొన్ని సవరణలు చేసేందుకు ఈ బిల్లు ఉద్దేశించినది’అని పేర్కొన్నారు.

సాక్షి, హైదరాబాద్‌: తెలంగాణ, ఏపీలకు లోకాయుక్తగా వ్యవహరిస్తున్న విశ్రాంత న్యాయమూర్తి జస్టిస్‌ బి.సుభాషణ్‌ రెడ్డి బుధవారం పదవీ విరమణ చేశారు. లోకాయుక్త కార్యాలయ ప్రాంగణంలో ఆయనకు సన్మానం చేశారు. కార్యక్రమంలో హైకోర్టు విశ్రాంత న్యాయమూర్తులు జస్టిస్‌ ఎ.గోపాల్‌రెడ్డి, జస్టిస్‌ పి.స్వరూప్‌రెడ్డి, జస్టిస్‌ జి.చంద్రయ్య, ఉపలోకాయుక్త గంగిరెడ్డి పాల్గొన్నారు. మానవ హక్కుల కమిషన్‌ చైర్మన్‌ పోస్టు ఎంత ఆత్మ సంతృప్తి కలిగించిందో.. లోకాయుక్త పోస్టు కూడా అంతే సంతృప్తి కలిగించిందని జస్టిస్‌ సుభాషణ్‌రెడ్డి పేర్కొన్నారు. ఈ పోస్టుల ద్వారా అనేక మంది పేదలకు న్యాయం చేసే అవకాశం కలిగిందన్నారు. పెన్షన్‌లు, రేషన్‌ కార్డులు వంటివి అందక ఇబ్బందిపడే పేద ప్రజలకు న్యాయం జరిగేలా చూశానని, ఇది ఎంతో ఆనందం కలిగించిందని ఆయన చెప్పారు. పేదలకు న్యాయం చేసేందుకు ఒక్కోసారి చట్ట పరిధి దాటి కూడా వ్యవహరించాల్సి వచ్చిందన్నారు. తన సిబ్బంది సహాయ సహకారాలు అందించారని, లోకాయుక్తలో భర్తీ చేసిన పోస్టుల విషయంలో ఎక్కడా పక్షపాతానికి తావివ్వలేదని పేర్కొన్నారు. ఏ వృత్తిలోనైనా కష్టపడితేనే ఫలితం దక్కుతుందని పేర్కొన్నారు. జస్టిస్‌ సుభాషణ్‌రెడ్డి గొప్ప మానవతావాదని ఉపలోకాయుక్త గంగిరెడ్డి కొనిడాయారు. విధి నిర్వహణలో సుభాషణ్‌రెడ్డి ఎంతో మందికి ఆదర్శప్రాయులని తెలిపారు. అనంతరం జస్టిస్‌ సుభాషణ్‌రెడ్డి దంపతులను ఘనంగా సన్మానించారు. లోకాయుక్తగా జస్టిస్‌ సుభాషణ్‌రెడ్డి పదవీ విరమణ చేసిన నేపథ్యంలో కొత్త లోకాయుక్త నియామకానికి ఉత్తర్వులు వెలువడాల్సి ఉంది. అప్పటి వరకు ఉప లోకాయుక్త గంగిరెడ్డి లోకాయుక్తగా బాధ్యతలు నిర్వర్తిస్తారు.   


 - జీవన్‌రెడ్డి ఫిర్యాదుపై స్పందించిన లోకాయుక్త
 - విచారణ నవంబర్‌ 23కి వాయిదా
 
 సాక్షి, హైదరాబాద్‌: వ్యవసాయ యాంత్రీకరణ పథకంలో భాగంగా జరుగుతోన్న ట్రాక్టర్ల పంపిణీలో అక్రమాలపై నివేదిక ఇవ్వాలని రాష్ట్ర ప్రభుత్వాన్ని లోకాయుక్త ఆదేశించింది. ట్రాక్టర్ల పంపిణీ కార్యక్రమంలో టీఆర్‌ఎస్‌ పార్టీ కార్యకర్తలే లబ్ధి పొందుతున్నారని, అర్హులకు ట్రాక్టర్లు అందడం లేదంటూ జీవన్‌రెడ్డి చేసిన ఫిర్యాదుపై లోకాయుక్త స్పందించింది.
 
 ట్రాక్టర్లు ఎవరెవరికి ఇవ్వాలో మంత్రులే జాబితాలు సిద్ధం చేసి పంపుతున్నారని, దీంతో టీఆర్‌ఎస్‌ నాయకులు అధికారులపై ఒత్తిడి తెచ్చి ఆ మేర ట్రాక్టర్లు పంపిణీ చేస్తున్నారని ఫిర్యాదులో పేర్కొన్నారు. ఈ అంశాలను పరిగణనలోకి తీసుకున్న లోకాయుక్త ఈ మొత్తం వ్యవహారంపై నివేదిక ఇవ్వాలని వ్యవసాయశాఖ అధికారులను ఆదేశించింది. తదుపరి విచారణను నవంబర్‌ 23కి వాయిదా వేసింది.


 కర్నూలు(అగ్రికల్చర్‌): నాన్‌ గజిటెడ్‌ ఆఫీసర్స్‌ అసోషియేషన్‌ జిల్లా అధ్యక్షుడు వీసీహెచ్‌ వెంగళరెడ్డిపై వచ్చిన ఆరోపణలపై శ్రీశైలం ప్రాజెక్టు స్పెషల్‌ కలెక్టర్‌ వెంకటసుబ్బారెడ్డి విచారణ జరిపారు. వైద్య ఆరోగ్య శాఖలో పనిచేసే రామచంద్రరావు.. వెంగళరెడ్డిపై వివిధ ఆరోపణలతో గతంలో లోకాయుక్తను ఆశ్రయించారు. ఈ మేరకు లోకాయుక్త సమగ్రంగా విచారణ నిర్వహించి నివేదిక సమర్పించాలని జిల్లా కలెక్టర్‌ను ఆదేశించారు. కలెక్టర్‌.. ప్రత్యేక కలెక్టర్‌ను విచారణ అధికారిగా నియమించారు. ఇందులో భాగంగా  ఫిర్యాదు దారుడయిన రామచంద్రరావును సోమవారం విచారించారు. ఆయన తన దగ్గర ఉన్న ఆధారాలను విచారణ అధికారికి సమర్పించారు. అనంతరం ఆరోపణలపై వెంగళరెడ్డిని విచారించారు. ఆరోపణలకు సంబంధించి ఆయన స్టేట్‌మెంట్‌ కూడా రికార్డు చేశారు.
  


 లోకాయుక్త జస్టిస్‌ బి.సుభాషణ్‌రెడ్డి
 
 సాక్షి, హైదరాబాద్‌: అంకితభావంతో పనిచేసి చేపట్టిన పదవులకు వన్నెతెచ్చేలా పనిచేయాలని ఉమ్మడి రాష్ట్రాల లోకాయుక్త జస్టిస్‌ బి.సుభాషణ్‌రెడ్డి పేర్కొన్నారు. హైకోర్టు న్యాయమూర్తిగా, తమిళనాడు, కేరళ హైకోర్టుల ప్రధాన న్యాయమూర్తిగా, రాష్ట్ర మానవ హక్కుల కమిషన్‌ చైర్మన్‌గా, ఇప్పుడు ఉమ్మడి రాష్ట్రాల లోకాయుక్తగా ప్రజలకు సత్వర న్యాయం అందించే దిశగా శాయశక్తులా కృషి చేశానని, ఆయా పదవులకు న్యాయం చేసేలా...వన్నెతెచ్చేలా పనిచేశానని వివరించారు. జస్టిస్‌ సుభాషణ్‌రెడ్డి 74వ జన్మదినోత్సవం సందర్భంగా లోకాయుక్త సిబ్బంది కార్యాలయ ఆవరణలో గురువారం పుట్టిన రోజు వేడుకలను ఘనంగా నిర్వహించారు.
 
  ఈ సందర్భంగా జస్టిస్‌ సుభాషణ్‌రెడ్డి మాట్లాడుతూ...పాలనా యంత్రాంగం తప్పులను సరిదిద్ది, ప్రజలకు సుపరిపాలన అందేలా చూడాల్సిన బాధ్యత తమపై ఉందన్నారు. లోకాయుక్తగా నాలుగున్నరేళ్ల పనితీరు తనకు సంతృప్తిని కల్గించిందన్నారు. తమిళనాడు హైకోర్టు ప్రధాన న్యాయమూర్తిగా జస్టిస్‌ సుభాషణ్‌రెడ్డి పనిచేసినప్పుడు రికార్డు స్థాయిలో కేసులను పరిష్కరించారని తమిళనాడు పూర్వ న్యాయమూర్తులు జస్టిస్‌ గోవిందరాజన్, జస్టిస్‌ కన్నదాసన్‌ వివరించారు. కార్యక్రమంలో ఉపలోకాయుక్త గంగిరెడ్డి, పూర్వ ఉపలోకాయుక్త కృష్ణాజీరావు, రిజిస్ట్రార్‌ జగన్నాథరెడ్డి, డైరెక్టర్‌ (లీగల్‌) నవమోహన్‌రావు, దర్యాప్తు విభాగం డైరెక్టర్‌ నరసింహారెడ్డి, డిప్యూటీ రిజిస్ట్రార్‌ శేఖర్‌రెడ్డి, అధికారులు మురళీకృష్ణ, తాజుద్దీన్, అమరేందర్‌రెడ్డి, సోమిరెడ్డి తదితరులు పాల్గొన్నారు.
  


 బెంగళూరు :
 కర్ణాటకలోని దొడ్డబళ్లాపురంలో రోడ్డుప్రమాదంలో దుర్మరణం పాలైన మైసూరు లోకాయుక్త ఎస్పీ  రవికుమార్‌ (36) అంత్యక్రియలు ప్రభుత్వ లాంఛనాలతో జరిగాయి. బెంగళూరు నుంచి మైసూరుకు తిరిగివెళ్తూ ఆయన ప్రయాణిస్తున్న కారు రామోహళ్లి వద్ద బోల్తా పడడంతో దుర్మరణం పాలయ్యారు. గురువారం రవికుమార్‌ భౌతికకాయాన్ని స్వగ్రామానికి తీసుకువచ్చారు. కడసారి చూసేందుకు బంధువులే కాకుండా పార్టీలకతీతంగా రాజకీయ నాయకులు, జనం తరలివచ్చారు. సాసలు గ్రామంలో చిన్ననాటి స్నేహితులు రవిని తలుచుకుని కన్నీటిపర్యంతమయ్యారు. కుటుంబ సభ్యులను సముదాయించడం ఎవరితరం కాలేదు.   
 
 నిరుపేద కుటుంబం నుంచి ఉన్నతస్థాయికి
 మూడేళ్ల క్రితం రవికుమార్‌కు అనిత అనే యువతితో వివాహం జరుగగా 10 రోజుల క్రితమే వారికి ఆడపాప జన్మించింది. పురిటి బిడ్డ కన్నతండ్రిని కళ్లుతెరిచి చూసే లోపే శాశ్వతంగా తండ్రి దూరమవడం అందరినీ కంటతడి పెట్టించింది. రవికుమార్‌ తల్లిదండ్రులు తీవ్ర శోకంలో మునిగిపోయారు. నిరుపేద రైతు కుటుంబానికి చెందిన రవికుమార్‌ పట్టుదలతో చదివి పోలీసు అధికారిగా ఉద్యోగంలో చేరారు. స్వశక్తితో జీవితంలో ఉన్నతస్థానానికి చేరుకుంటున్న తరుణంలో విధికి కన్నుకుట్టింది. ఆయనకు ఇద్దరు అన్నలు ఉండగా ఒకరు టీచరు, మరొకరు రైతు. భార్య అనిత గృహిణి. భర్త లేడనే చేదు నిజం నమ్మలేక ఆమె షాక్‌కు గురైంది. పాప పుట్టాక భర్త ఒక్కసారి చూసి వెళ్లారు. త్వరలోనే వస్తానంటూ తిరిగిరాని లోకాలకు వెళ్లిపోయాడని బంధువులు విలపించారు.
    
 తిరిగిచూడని మంత్రులు.. భగ్గుమన్న స్థానికులు  
 మధ్యాహ్నం ఒంటిగంట అయినా ఒక్క మంత్రి కూడా రవికుమార్‌కు నివాళులర్పించడానికి రాకపోవడం పట్ల గ్రామస్తులు ఆగ్రహించారు. ఒక ఉన్నతాధికారి విధినిర్వహణలో మరణిస్తే కనీసం నివాళులర్పించలేరా? అని ప్రశ్నించారు. హోం మినిస్టర్‌ పరమేశ్వర్, జిల్లా ఇన్‌చార్జి మంత్రి కృష్ణభైరేగౌడ తక్షణం రావాలని డిమాండు చేస్తూ గంటపాటు రవికుమార్‌ భౌతికకాయంతో ధర్నా చేపట్టారు. అనంతరం అక్కడకు చేరుకున్న స్థానిక ఎమ్మెల్యే వెంకట రమణయ్య మాట్లాడుతూ మంత్రులు రాలేని పరిస్థితిలో ఉన్నారని వివరణ ఇచ్చి శాంతింపజేశారు. జిల్లా కలెక్టర్‌ పాలయ్య, ఏసీ జగదీష్, తహసీల్దార్‌ మోహన్, బెంగళూరు ఐజీ సీమంత్‌కుమార్‌సింగ్, మైసూరు ఐజీ నితిన్‌కుమార్, ఉన్నతాధికారులు రవికుమార్‌ను కడసారి దర్శించి నివాళులర్పించారు.


 బెంగుళూరు: బెంగుళూరు-మైసూరు రహదారిపై బుధవారం అర్ధరాత్రి ఘోర ప్రమాదం జరిగింది. ఈ ఘటనలో కారులో ప్రయాణిస్తున్న లోకాయుక్తా ఎస్పీ, కారు డ్రైవర్‌ ప్రాణాలు కోల్పోయారు. పోలీసులు తెలిపిన వివరాల ప్రకారం.. లోకాయుక్తా మైసూర్‌ విభాగానికి చెందిన ఎస్పీ రవికుమార్‌ బుధవారం బెంగుళూరు వెళ్లారు. అనంతరం రాత్రి మైసూరుకు తిరిగి వెళ్తుండగా రామోహళ్లి సమీపంలో డివైడర్‌ను ఢీ కొట్టింది.
  
 ఆ తర్వాత ఎదురుగా వస్తున్న టిప్పర్‌, ఆటోలను ఢీ కొట్టడంతో కారు నుజ్జుయింది. కారులో ప్రయాణిస్తున్న ఎస్పీ రవికుమార్‌, కారు డ్రైవర్‌ కిరణ్‌లు అక్కడికక్కడే ప్రాణాలు కోల్పోయారు. కేసు నమోదు చేసుకున్న కంబళగూడు పోలీసులు మృతదేహాలను స్ధానిక రాజరాజేశ్వరి ఆసుపత్రికి తరలించారు.


 తికమ్‌గర్‌ (మధ్యప్రదేశ్‌) :
 మధ్యప్రదేశ్‌లోని కో ఆపరేటివ్‌ కౌన్సిల్‌లోని ఓ ఉన్నతాధికారి ఇంటిపై శుక్రవారం లోకాయుక్త మెరుపు దాడి చేసింది. తికమ్‌గర్లోని ఇంటితోపాటూ ఆఫీస్‌పై ఏకకాలంలో దాడులు నిర్వహించిన అధికారులకు దాదాపు రూ. 9 కోట్ల విలువ చేసే ఆస్తులను గుర్తించారు. ఈ దాడులు ఇంకా కొనసాగుతున్నాయని అధికారులు తెలిపారు.


 సాక్షి, హైదరాబాద్‌: ప్రజలందరికీ కూడూ, గూడూ, గుడ్డతోపాటు సత్వర న్యాయం అందినప్పుడే భారత రాజ్యాంగ లక్ష్యం నెరవేరుతుందని ఉమ్మడి రాష్ట్రాల లోకాయుక్త జస్టిస్‌ బి.సుభాషణ్‌రెడ్డి పేర్కొన్నారు. గురువారం గణతంత్ర దినోత్సవం సందర్భంగా లోకాయుక్త కార్యాలయం ఆవరణలో జాతీయ పతాకాన్ని ఎగురవేసిన అనంతరం ఆయన ప్రసంగించారు. జనాభాకు తగ్గట్టుగా న్యాయస్థానాల్లో న్యాయమూర్తులు లేకపోవడంతో ప్రజలకు సత్వర న్యాయం అందడం లేదన్నారు. లోకాయుక్తగా తాను బాధ్యతలు చేపట్టిన తర్వాత కేసుల సంఖ్య గణనీయంగా పెరిగిందన్నారు. ఈ నాలుగేళ్ల కాలంలో దాదాపు 20 వేల కేసులు దాఖలయ్యాయని, ఇందులో మెజారిటీ కేసులను పరిష్కరించామని అన్నారు. ప్రజలకు ఉపశమనం లభిస్తుండడంతోనే ఎక్కువ సంఖ్యలో న్యాయం కోసం లోకాయుక్తను ఆశ్రయిస్తున్నారని పేర్కొన్నారు. ఈ కార్యక్రమంలో ఉపలోకాయుక్త టి.గంగిరెడ్డి, రిజిస్ట్రార్‌ జగన్నాథరెడ్డి, డైరెక్టర్‌ (దర్యాప్తు) నరసింహారెడ్డి, డైరెక్టర్‌ (లీగల్‌) నవమోహనరావు, అధికారులు శేఖర్‌రెడ్డి, అమరేందర్‌రెడ్డి, తాజుద్దీన్, సోమిరెడ్డి తదితరులు పాల్గొన్నారు.
 
 ఆరోగ్యశ్రీ గొప్ప పథకం
 ఆరోగ్యశ్రీ పథకం పేద ప్రజలకు గొప్ప వరమని, కార్పొరేట్‌ ఆసుపత్రులవైపు కన్నెత్తిæకూడా చూడలేని నిరుపేదలు ఆ ఆసుపత్రుల్లో దర్జాగా వైద్యం పొందుతున్నారని జస్టిస్‌ సుభాషణ్‌రెడ్డి పేర్కొన్నారు. ఫీజు రీయింబర్స్‌మెంట్‌ లాంటి ఎన్నో సంక్షేమ పథకాలు పేదలకు మేలు చేస్తున్నాయని అన్నారు. భూసేకరణ కోసం కేంద్ర ప్రభుత్వం 2013లో తెచ్చిన చట్టం అమలులో ఉన్నప్పటికీ తెలంగాణ ప్రభుత్వం భూసేకరణ కోసం ఇటీవల మరో చట్టం తెచ్చిందని, ఉమ్మడి జాబితాలోని అంశాల్లో రాష్ట్రాలు కూడా చట్టాలు చేసుకునే వెసులుబాటు రాజ్యాంగం కల్పించిందని, అయితే రాష్ట్రాలు చేసిన చట్టాలకు రాష్ట్రపతి ఆమోదం తప్పనిసరని తెలిపారు.


 ► ఈ ఏడాది మరింత సమర్థవంతంగా పనిచేస్తాం
 ► ఉమ్మడి రాష్ట్రాల లోకాయుక్త జస్టిస్‌ సుభాషణ్‌రెడ్డి
 
 సాక్షి, హైదరాబాద్‌: అధికార యంత్రాంగం నిర్లక్ష్యం, బాధ్యతారాహిత్యం, అవినీతిపై దాఖలైన 5282 కేసులను పరిష్కరించి ప్రజలకు న్యాయం అందించామని ఉమ్మడి రాష్ట్రాల లోకాయుక్త జస్టిస్‌ బి.సుభాషణ్‌రెడ్డి అన్నారు. శనివారం లోకాయుక్త కార్యాలయం ఆవరణలో ఈ ఏడాదిలో తన కార్యాలయం పనితీరుపై ఆయన సమీక్షా సమావేశం నిర్వహించారు. ఇక్కడ దాఖలయ్యే కేసులు లోకాయుక్త పరిశీలనకు నెల తర్వాత వచ్చే వని, తాను బాధ్యతలు చేపట్టిన తర్వాత వెంటనే తన ముందుకు వచ్చేలా నిబంధ నలను సరళతరం చేశానని వివరించారు. లోకాయుక్త కార్యాలయంపై ప్రజలకు విశ్వాసం ఏర్పడిందని, కేసుల సంఖ్య గణనీయంగా పెరగడమే ఇందుకు నిదర్శనమన్నారు.
 నూతన సంవత్సరంలో మరింత సమర్థవం తంగా పనిచేసేందుకు ప్రయత్నిస్తామని పేర్కొన్నారు. తమ సిబ్బంది పూర్తిగా సహకరించడం వల్లనే ప్రజలకు వీలైనంత త్వరగా న్యాయం అందించగలుగుతున్నామ న్నారు. తెలంగాణ ప్రత్యేక ఇంక్రిమెంట్‌ను సిబ్బందికి అందేలా చర్యలు తీసుకుంటానని హామీ ఇచ్చారు. కార్యక్రమంలో రిజిస్ట్రార్‌ జగన్నాథరెడ్డి, దర్యాప్తు విభాగం డైరెక్టర్‌ నరసింహారెడ్డి, ఉన్నతాధికారులు శేఖర్‌రెడ్డి, అమరేందర్‌రెడ్డి, తాజుద్దీన్తదితరులు పాల్గొన్నారు.


 నార్త్‌జోన్ డీసీపీకి లోకాయుక్త ఆదేశం
  సాక్షి, హైదరాబాద్: బలవంతంగా ఉపవాస దీక్ష చేయించి చిన్నారి ఆరాధన మృతికి కారణమైన ఘటనపై దర్యాప్తు చేసి ఈ నెల 24లోగా సమగ్ర నివేదిక సమర్పించాలని నార్త్‌జోన్ డీసీపీని ఉమ్మడి రాష్ట్రాల లోకాయుక్త జస్టిస్ బి.సుభాషణ్‌రెడ్డి గురువారం ఆదేశిం చారు. ఆరాధనతో 68 రోజులు ఉపవాస దీక్ష చేయించి ఆమె మృతికి కారణమైన తల్లిదండ్రులు లక్ష్మీచంద్ సమ్‌దారియా, మనిషాలతోపాటు ఉపవాస దీక్షను ప్రోత్సహించిన వారందరిపై ఐపీసీ సెక్షన్ 302 కింద కేసు నమోదు చేసేలా ఆదేశాలు జారీచేయాలని కోరుతూ బాలల హక్కుల సంఘం అధ్యక్షురాలు అనురాధా రావు దాఖలు చేసిన పిటిషన్‌ను లోకాయుక్త విచారణకు స్వీకరించింది.
  


 హైదరాబాద్: ఉపవాస దీక్షతో మృతిచెందిన ఆరాధన కేసు వ్యవహారంపై గురువారం లోకయుక్తలో ఫిర్యాదు నమోదైంది. నగరానికి చెందిన ఓ వ్యాపారికి ఇటీవలి కాలంలో తరచూ నష్టాలు వస్తుండటంతో.. కుటుంబ సభ్యుల బలవంతంతో ఆయన పదమూడేళ్ల కూతురు ఆరాధన 68 రోజుల పాటు ఉపవాస దీక్ష చేసి డీహైడ్రేషన్‌కు గురై ఇటీవల మృతిచెందిన విషయం తెలిసిందే.
 
 ఈ అంశంలో జోక్యం చేసుకున్న బాలల హక్కుల సంఘం లోకయుక్తలో ఫిర్యాదు చేసింది. ఆరాధన మృతికి కారకులైనవారిపై చర్యలు తీసుకోవాలని ఫిర్యాదులో పేర్కొంది. ఈ వ్యవహారంపై సెక్షన్ 302 కింద కేసు నమోదు చేసి ఈ నెల 24 లోపు సమగ్ర నివేదికం అందించాలని నార్త్‌జోన్ డీసీపీకి లోకయుక్త ఆదేశాలు జారీ చేసింది.


 * నిధుల వినియోగం, పనుల కేటాయింపులపై ఆరోపణలు
 * ఫిర్యాదు దాఖలు చేసిన గుంటూరు వాసి
 * నవంబర్‌ 22న హాజరు కావాలని ఏఎన్‌యూ రిజిస్ట్రార్‌కు లోకాయుక్త సూచన
  
 ఏఎన్‌యూ: ఆచార్య నాగార్జున యూనివర్సిటీలో గతంలో జరిగిన పలు ఆర్థికపరమైన లావాదేవీలు, ఉద్యోగులకు చెల్లింపులు, వివిధ పరికరాల కొనుగోలు, నిర్మాణ పనులకు అధికంగా చెల్లింపులు చేశారనే అంశాలపై గుంటూరుకు చెందిన కేవీఆర్‌ శివరాంప్రసాద్‌ లోకాయుక్తలో ఫిర్యాదు చేశారు. యూనివర్సిటీకి ప్రహరీ నిర్మాణానికి ఓ కాంట్రాక్టర్‌ రూ.76 లక్షలకు పనులు చేసేందుకు సిద్ధంగా ఉంటే వర్సిటీ అధికారులు మరో కాంట్రాక్టర్‌కు అదే పనిని కోటి రూపాయలకు పైగా ఇచ్చి చేయించారని,  దూరవిద్యా కేంద్రంలో కొన్ని కాంట్రాక్ట్, ఔట్‌ సోర్సింగ్, రోజువారీ వేతన ఉద్యోగుల నియామకం ఉన్నతాధికారుల అనుమతులతో జరగలేదని, కాంట్రాక్ట్‌ తదితర ఉద్యోగులను మూడు నెలల కాల వ్యవధితో నియమించుకుని వారికి నాలుగు కోట్ల రూపాయలకు పైగా చెల్లింపులు చేశారని ఫిర్యాదులో పేర్కొన్నారు.
  
 ఉద్యోగుల సర్వీస్‌ రిజిస్ట్రర్‌ను సక్రమంగా నిర్వహించటం లేదని, పీఆర్‌సీ బకాయిల చెల్లింపులో కోట్ల రూపాయలు గోల్‌మాల్‌ జరిగాయని ఫిర్యాదులో ఆరోపించారు. పర్చేజింగ్‌ కమిటీ నిబంధనలు, అనుమతులు పొందకుండానే కొన్ని కొనుగోళ్లు చేశారని,  టెండర్లు లేకుండానే ఆస్ట్రేలియా నుంచి రూ.25.46 లక్షల విలువ చేసే పరికరం కొనుగోలు చేశారని, 2012–13లో కమ్యూనిటీ రేడియో స్టేషన్‌కు సంబంధించి రూ.18.45 లక్షల పనులకు టెండర్లు పిలవలేదని పేర్కొన్నారు. యూనివర్సిటీకి చెందిన కొందరు అధ్యాపకులు రూ.4.16 కోట్ల యూజీసీ నిధులను అడ్వాన్స్‌ల  రూపంలో తీసుకుని వాటికి లెక్కలు చేపలేదని, కార్‌ అలవెన్స్‌ల రూపంలో రూ.1.48 కోట్లను నిబంధనలకు విరుద్ధంగా చెల్లింపులు చేశారని ఫిర్యాదులో పేర్కొన్నారు. ఫిర్యాదును స్వీకరించిన లోకాయుక్త ఈ ఏడాది నవంబర్‌ 22వ తేదీ∙హైదరాబాద్‌లోని లోకాయుక్త కార్యాలయంలో హాజరుకావాలని యూనివర్సిటీ రిజిస్ట్రార్‌కు లేఖ పంపింది.


  -ఏపీ సర్కారుకు లోకాయుక్త ఆదేశం
 సాక్షి, హైదరాబాద్
 రాజధాని నిర్మాణం కోసం అవసరమయ్యే భూమిని బలవంతంగా సేకరించరాదని, 2013 భూసేకరణ చట్టం ప్రకారం మాత్రమే సేకరించాలని లోకాయుక్త జస్టిస్ బి.సుభాషణ్‌రెడ్డి స్పష్టం చేశారు. ఈ మేరకు సోమవారం ఏపీ సర్కారుకు ఉత్తర్వులు జారీచేశారు. రాజధాని నిర్మాణం కోసం సారవంతమైన భూములను రైతులను బెదిరించి బలవంతంగా సేకరిస్తున్నారంటూ హైకోర్టు న్యాయవాది రాజ్‌కుమార్ దాఖలు చేసిన పిటిషన్‌ను జస్టిస్ సుభాషణ్‌రెడ్డి సోమవారం మరోసారి విచారించారు. మా పొట్టకొట్టి కట్టేది ప్రజా రాజధాని అవుతుందా’’ అంటూ రైతుల అభిప్రాయాలతో గతంలో సాక్షి ప్రచురించిన కథనాన్ని ఈ సందర్భంగా ఆయన లోకాయుక్త దృష్టికి తెచ్చారు. ల్యాండ్ పూలింగ్ కింద స్వచ్ఛందంగా ఇచ్చే రైతుల నుంచి మాత్రమే భూములను సేకరిస్తున్నామని, ఇందుకు సిద్దంగాలేని రైతుల నుంచి భూసేకరణచట్టం ప్రకారం భూమిని సేకరిస్తామని అధికారులు నివేదిక సమర్పించారు. ఈ నివేదికను పరిగణలోకి తీసుకున్న లోకాయుక్త...ఈ పిటిషన్‌పై విచారణను ముగించారు.


 సాలూరు : మండలంలోని శివరాంపురం గ్రామ సహాయకుడు(తలయారీ) ప్రభుత్వం భూమిని అమ్మేసుకున్నాడని లోకాయుక్తకు ఫిర్యాదు అందడంతో పార్వతీపురం ఆర్డీఓ ఆర్‌.గోవిందరావు శుక్రవారం విచారణ జరిపారు. స్థానిక తహశీల్దార్‌ కార్యాలయంలో నిర్వహించిన విచారణలో తలయారీ, గ్రామస్తులతో మాట్లాడారు. తలయారీ వెలగాడ సింహాచలం 1984లో ప్రభుత్వ భూమిని ఇతరులకు అమ్మేశాడని అదే గ్రామానికి చెందిన వెలగాడ సుందరరావు అనే వ్యక్తి లోకాయుక్తకు ఫిర్యాదు చేశారు. దీంతో ఆర్డీఓ విచారణ జరిపారు. అయితే తాను ఉద్యోగంలో చేరింది 1985లోనని తన తాతల నుంచి  సంక్రమించినట్టుగా క్రయపత్రాలున్నాయని, వాటి ఆధారంగా భూమిని అమ్మానని సింహాచలం చెబుతున్నాడు. విచారణ అంశాలను లోకాయుక్తకు పంపనున్నట్లు ఆర్డీఓ తెలిపారు.
  
  
  
  


 వరంగల్ జిల్లా గణపురం మండలం చెల్పూరు శివారులోని కాకతీయ థర్మల్ విద్యుత్ కేంద్రం (కేటీపీపీ) సీఈ శివకుమార్‌కు లోకాయుక్త నోటీసులు జారీ చేసింది. కేటీపీపీలో ఉద్యోగ నియామకాల్లో, క్యాజువల్ లేబర్ ఎంపికలో అధికారులు అవినీతికి పాల్పడ్డారని స్థానిక నిరుద్యోగులు లోకాయుక్తకు జూన్ 17వ తేదీన ఫిర్యాదు చేశారు.
  
 ఫిర్యాదును స్వీకరించిన లోకాయుక్తా సంబంధిత అధికారులకు నోటీసులు పంపించింది. కేటీపీపీ అధికారుల వింత నిర్ణయాల మూలంగా ప్లాంట్‌లో స్థానికేతరులకు ఉద్యోగాలు లభించాయి. ఇటీవల చేపట్టిన 420 జేపీఏ(జూనియర్ ప్లాంట్ అసిస్టెంట్) ఉద్యోగ నియూమకాల్లో అక్రమాలు జరిగినట్లు ఆరోపణలు కూడా వచ్చాయి. దీనిపై సీఈకి నోటీసులు జారీ చేసిన లోకాయుక్త.. 24న తమ కార్యాలయంలో హాజరు కావాలని ఆదేశించింది.


 బెంగళూరు: నివృత్త లోకాయుక్త భాస్కర్‌రావ్ అరెస్టుకు రంగం సిద్ధమైనట్లు తెలుస్తోంది. ఇందుకు సంబంధించి హోంశాఖ అన్ని ఏర్పాట్లు పూర్తి చేసుకున్నట్లు సమాచారం. భాస్కర్‌రావ్ కుమారుడైన అశ్విన్‌రావ్ తండ్రి అధికారాన్ని అడ్డం పెట్టుకుని లోకాయుక్త జాయింట్ కమిషనర్ రియాజ్ సహకారంతో అక్రమాలకు పాల్పడిన కేసులను స్పెషల్ ఇన్వెస్టిగేషన్ టీం (ఎస్‌ఐటీ) దర్యాప్తు చేస్తోంది. ఈ కేసుకు సంబంధించి భాస్కర్‌రావ్ నుంచి కొంత సమాచారం తీసుకున్నా అయన్ను నిందితుడి స్థానంలో ఉంచి విచారణ చేయడానికి గవర్నర్ అనుమతి అవసరం.
 
 
 ఈ నేపథ్యంలో పరిస్థితని వివరిస్తూ సీఐటీ ప్రభుత్వానికి లేఖ రాసింది. సదరు లేఖ ప్రభుత్వం నుంచి రాజ్‌భవన్‌కు  చేరడంతో గవర్నర్ వజుభాయ్ రుడాభాయ్ వాలా భాస్కర్‌రావ్‌ను విచారించడానికి మంగళవారం రాత్రి పొద్దుపోయిన తర్వాత అనుమతించినట్లు సమాచారం. దీంతో ఇప్పటి వరకూ సాక్షి స్థానంలో ఉన్న భాస్కర్‌రావ్‌ను సీఐటీ సంస్థ విచారించి అటు పై అరెస్టు చేయడానికి  సిద్ధమవుతోందని తెలుస్తోంది. ఇంజనీర్ కృష్ణమూర్తిని డబ్బులు డిమాండ్ చేసిన కేసులో భాస్కర్‌రావ్‌కు సంబంధం ఉందని తేలడంతో ఆయన్ను అరెస్టు చేయడానికి ఎస్‌ఐటీ అధికారులు సిద్ధమవుతున్నట్లు సమాచారం.
  
  


 హైదరాబాద్ : సరోజినీదేవి కంటి ఆస్పత్రిలో శస్త్రచికిత్సలు వికటించిన ఘటనపై లోకాయుక్తా శనివారం విచారణ ముమ్మరం చేసింది. లోకాయుక్తా పరిశోధనాధికారి నర్సింహారెడ్డి ఆధ్వర్యంలో జరిగిన విచారణకు డైరెక్టరేట్ ఆఫ్ మెడికల్ హెల్త్ వైద్యులు హాజరయ్యారు. లోపం ఎక్కడుందన్న దానిపై విచారణ జరిపారు. అయితే తాము ఎలాంటి తప్పు చేయలేదని వైద్యులు స్పష్టం చేస్తూ, తమపై క్రిమినల్ కేసులను నమోదు చేయటాన్ని వైద్యులు బృందం ఖండించింది. కాగా కంటిచూపు మందగించడంతో దానిని మెరుగుపర్చుకోవడం కోసం సరోజినీ ఆస్పత్రిలో గత నెల 30న 21 మంది క్యాటరాక్ట్ శస్త్రచికిత్సలు చేయించుకున్నారు. అయితే వారిలో 13 మంది ఇన్‌ఫెక్షన్ బారినపడగా.. ఏడుగురికి కంటిచూపు పోయిన విషయం తెలిసిందే.
 
 అయితే సెలైన్లో బ్యాక్టీరియా ఉండటం వల్లే ఈ ఘటనకు కారణమని వైద్యులు చెబుతున్నారు. ఇలాంటి సెలైన్లు చాలా ప్రభుత్వ ఆస్పత్రులకు పంపిణీ చేశారని, వాటిన్నింటినీ తిరిగి స్వాధీనం చేసుకోవాలన్నారు. సెలైన్ల పంపిణీపై పూర్తిస్థాయిలో విచారణ చేపట్టాలని డాక్టర్స్ అసోసియేషన్ డిమాండ్ చేసింది. నిపుణులైన వైద్యులే శస్త్రచికిత్సలు చేశారని తెలిపారు. ఇక లోకాయుక్త డిప్యూటీ డెరైక్టర్ తాజుద్దీన్, ఇన్వెస్టిగేషన్ ఆఫీసర్ నర్సయ్యలతో కూడిన బృందం నిన్న సాయంత్రం సరోజినీ ఆస్పత్రిలో విచారణ జరిపి, బాధితుల నుంచి వివరాలు సేకరించింది. ఈ బృందం ఇవాళ ఉదయం మరోసారి ఆస్పత్రిలో పర్యటించింది. ఆస్పత్రిలో ప్రతి ఒక్కరి నుంచి  విచారణ బృందం వివరాలు సేకరించింది. రోగులతో పాటు డాక్టర్లను, నర్సులను విచారణ చేశారు. ఆపరేషన్ థియేటర్ను క్షుణ్ణంగా పరిశీలించింది.
 
 అలాగే ప్రభుత్వం ఏర్పాటు చేసి కంటి ఆస్పత్రుల రీజనల్ కమిటీ కూడా విచారణ జరిపింది. ఈ ఘటనపై ఆ కమిటీ సాయంత్రం ప్రభుత్వానికి నివేదిక ఇవ్వనుంది. ఈ సందర్భంగా ఐ ఆస్పత్రి రీజనల్ కమిటీ జాయింట్ డైరెక్టర్ వెంకటేశ్వర్లు మాట్లాడుతూ సెలైన్లో ఫంగస్ ఉందన్నారు.  అలాగే ఈ కేసును సుమోటోగా స్వీకరించిన హెచ్చార్సీ... పూర్తి వ్యవహారంపై ఈనెల 21లోగా నివేదిక ఇవ్వాలని ప్రభుత్వ ప్రధాన కార్యదర్శి, వైద్య ఆరోగ్యశాఖ ముఖ్య కార్యదర్శి, సరోజినీ ఆస్పత్రి సూపరింటెండెంట్‌లను ఆదేశించింది.


 విజయనగరం కంటోన్మెంట్: విజయనగరం జిల్లాలో అధికారం అండతో ఇష్టానుసారం వ్యవహరించి...అర్హులకు దగ్గాల్సిన పోస్టుల్ని అమ్ముకున్న వైనంపై లోకాయుక్త దృష్టిసారించింది. ఈ మేరకు గజపతినగరం ఎమ్మెల్యే లేఖలపై స్థానికులు చేసిన ఫిర్యాదు మేరకు వచ్చేనెల 28న లోకాయుక్త కు హాజరు కావాలని ఈపీడీసీఎల్ సూపరింటెండెంట్, ఎమ్మెల్యే రాసిన లేఖల ప్రకారం పోస్టుల పందేరం చేసిన కాంట్రాక్టర్ స్వామినాయుడుకు నోటీసులు జారీ చేసింది.
 
 షిఫ్ట్ ఆపరేటర్ పోస్టుల్లో ఎమ్మెల్యే జోక్యం
 ఈపీడీసీఎల్ పరిధిలోని సబ్‌స్టేషన్లలో షిఫ్ట్‌ఆపరేటర్ల పోస్టుల్లో డబ్బులిచ్చినవారినే గజపతినగరం ఎమ్మెల్యే కేఏ నాయుడు నియమించుకునేలా సిఫార్సుల లేఖలిచ్చారని గజపతినగరం మండలం లోగిశ గ్రామానికి చెందిన టీడీపీ మాజీ పరిశీలకుడు సామంతుల పైడిరాజు మార్చి 23న లోకాయుక్తను ఆశ్రయించారు. కాంట్రాక్టర్ స్వామినాయుడు, ఎస్‌ఈ తదితరులందరికీ సిఫార్సు లేఖలిచ్చారని రంగంలోకి లోకాయుక్త ఫిర్యాదులో పేర్కొన్నారు. కాంట్రాక్టర్ స్వామినాయుడు
 నిబంధనలనకు విరుద్ధంగా వ్యవహరించారనీ, ఎంప్లాయ్‌మెంట్ కార్యాలయంలో పేర్లు నమోదు చేసుకున్న నిరుద్యోగులను పట్టించుకోలేదని చెప్పారు. పత్రికా ప్రకటనలు గానీ, రూల్ ఆఫ్ రిజర్వేషన్‌ను కానీ పట్టించుకోకుండా కేవలం ఎమ్మెల్యే లేఖలనే ఆధారంగా చేసుకుని అర్హులకు అన్యాయం చేశారని ఫిర్యాదు చేయడంతో లోకాయుక్త దీనిని విచారణకు తీసుకుంది.
 
 సాక్షి కథనాల ఆధారంగా ఫిర్యాదు
 ఎమ్మెల్యే కేఏ నాయుడు తన సిఫార్సు లేఖలతో నిరుద్యోగులకు అన్యాయం చేస్తున్నారని తన అధికారంతో ఏ పోస్టుల్నీ వదలడం లేదనీ సాక్షి దినపత్రికలో ఈ అంశంపై వరుస కథనాలు ప్రచురితమయ్యాయి. జనవరి 29న ‘పైరవీలే పరమావధి’ అంటూ ఎమ్మెల్యే రాసిచ్చిన పైరవీ లేఖలతో ప్రచురణ అయింది. అనంతరం ‘ఎమ్మెల్యే అభ్యర్ధా? అయితే ఓకే! ’ అంటూ మరో శీర్షికతో సాక్షి దినపత్రిక ప్రధాన సంచికలో కూడా కథనం ప్రచురితమైంది. ఈ కథనాలపై వివిధ పార్టీలు, వైఎస్సార్ సీపీ కూడా ధర్నాలు చేపట్టాయి. ఈ కథనాలను ఆధారంగా చేసుకుని సామంతుల పైడిరాజు లోకాయుక్తకు ఫైల్ చేశారు. విచారణకు స్వీకరించిన లోకాయుక్త విచారణకు ఆదేశాలు జారీ చేసింది.
 
 ఇప్పుడే ప్రారంభమైంది.
 ఎమ్మెల్యే కె.ఎ.నాయుడి చర్యల వల్ల నిరుద్యోగులు బలైపోయారు. తాను సూచించిన వారికే ఉద్యోగాలివ్వాలని పైరవీల లేఖలు రాశారు. స్థానికులకు కాకుండా ఇతర నియోజకవర్గాలు, మండలాలకు చెందిన అనర్హులకు పోస్టులను కేటాయించారు. దీనిపై లోకాయుక్తను ఆశ్రయించాను. ఎమ్మెల్యే అక్రమాలపై మేం చేసే అసలు పోరాటం ఇప్పుడే ప్రారంభమైంది. లోకాయుక్త న్యాయ స్థానంలో  అర్హులకు అనుకూలంగా తీర్పు వస్తుందని ఆశిస్తున్నాం.
 - సామంతుల పైడిరాజు, లోగిశ, గజపతినగరం
  
  
  
  


 తలమంచిలో పనులను తనిఖీ చేసిన డీడీ
 తలమంచి(కొడవలూరు):  మండలంలోని తలమంచిలో నీరు-చెట్టు పనుల్లో జరిగిన అక్రమాలపై లోకాయుక్త విచారణ మొదలుపెట్టింది. గ్రామంలో గతేడాది నీరు-చెట్టు పథకం కింద జరిగిన పనులను లోకాయుక్త డిప్యూటీ డెరైక్టర్ వి.గంగరాజు సోమవారం క్షుణ్ణంగా పరిశీలించారు. పంచాయతీ పరిధిలో గతేడాది నీరుచెట్టు పథకం కింద 12 చోట్ల కాలువల పూడిక తీత పనులకు రూ.12.50 లక్షలు మంజూరయ్యాయి. ఈ పనులన్నింటినీ గ్రామానికి చెందిన అధికార పార్టీ నాయకుడు జొన్నా శివకుమార్ చేపట్టారని, అయితే పనులు చేయకుండానే బిల్లులు స్వాహా చేశారని గ్రామానికే చెందిన పిట్టి సూర్యనారాయణ అనే రైతు మూడ్నెల్ల క్రితం లోకాయుక్తకు ఫిర్యాదు చేశారు. ఈ ఫిర్యాదును విచారణకు స్వీకరించింది. లోకాయుక్త ఇన్వెస్టిగేషన్ విభాగం డిప్యూటీ డెరైక్టర్ గ్రామానికి వచ్చారు. అక్రమాలు జరిగినట్లు ఫిర్యాదులో పేర్కొన్న 12 పనులను పరిశీలించారు.
 
 ఫిర్యాదుదారైన సూర్యనారాయణను పిలిచి విచారించారు. ఫిర్యాదుదారు కాలువ పనుల్లో జరిగిన అక్రమాలను డీడీకి వివరించారు. అసలు కాలువల్లో పూడిక తీయకుండానే బిల్లులు స్వాహా చేశారని చెప్పారు. మొదటి పంట సమయంలో పూడిక తీయక సాగు నీరందని పరిస్థితి నెలకొనగా, రైతులే స్వచ్ఛందంగా కాలువలు పూడిక తీసుకొన్నారని తెలిపారు. నీరుచెట్టు కింద పనులు చేసినట్టు చూపిన కాలువలనే మళ్లీ ఎఫ్‌డీఆర్(ఫ్లడ్ డామేజ్ రిపేర్స్)కింద చేపట్టారని చెప్పారు. ఈ పనులు కూడా అత్యంత అధ్వానంగా జరిగాయని వివరించారు. అనంతరం డీడీ మాట్లాడుతూ గ్రామంలో నీరు-చెట్టు పనుల్లో భారీగా అవినీతి జరిగినట్టు ఫిర్యాదు అందినందున విచారణకు స్వీకరించడం జరిగిందన్నారు. అందులో భాగంగా ఫిర్యాదుదారు చేసిన ఆరోపణలు వాస్తవమా కాదా అని తనిఖీ చేశామన్నారు. తదుపరి విచారణలో ఇరిగేషన్ అధికారుల నుంచి ఆ పనులకు సంబంధించిన ఎస్టిమేషన్, మంజూరు, ఎంబుక్, బిల్లుల చెల్లింపుల వివరాలను ఇరిగేషన్ అధికారుల నుంచి తెప్పిస్తామన్నారు. 
 
  


 హైదరాబాద్: ఆంధ్రప్రదేశ్‌లో రామరాజ్యం స్థాపిస్తానని చెప్పి అధికారంలోకి వచ్చిన ముఖ్యమంత్రి చంద్రబాబు ప్రస్తుతం రావణ రాజ్యాన్ని కొనసాగిస్తున్నారని ఆంధ్రప్రదేశ్ బీసీ సంఘం రాష్ట్ర అధ్యక్షుడు డేరంగుల ఉదయ్‌కిరణ్ దుయ్యబట్టారు. శుక్రవారం ఆయనిక్కడ విలేకరుల సమావేశంలో మాట్లాడుతూ సొంత ప్రచారం కోసం కోట్లాది రూపాయల ప్రజాధనాన్ని వృధాగా ఖర్చు పెడుతున్న బాబు వైఖరిపై రాష్ట్రపతి జోక్యం చేసుకోవాలని డిమాండ్ చేశారు. దేశంలో ఏ ముఖ్యమంత్రికి లేనంత భద్రత చంద్రబాబుకు ఉందని, ఇంత ఖర్చు అవసరమా అని ఆయన ప్రశ్నించారు. అన్ని రాష్ట్రాల్లో సీఎం పైన కేసు నమోదు చేసేందుకు లోకాయుక్త ఉండగా ఆంధ్రప్రదేశ్‌లో మాత్రం లోకాయుక్త లేకుండా చూస్తున్నారని అన్నారు. లోకాయుక్త ఉంటే బాబు జైలుకు వెళ్లడం ఖాయమని చెప్పారు.


 జవదేకర్ జోస్యం
 సాక్షి, చెన్నై: రాష్ట్రంలోకి లోకాయుక్తా వస్తే, అమ్మ మళ్లీ జైలు కెళ్లినట్టే. అని కేంద్ర మంత్రి ప్రకాష్ జవదేకర్ వ్యాఖ్యానిస్తున్నారు. ఆ నినాదం ఆమె నోటి మాటే, అని చమత్కరిస్తున్నారు. రాష్ర్టంలో అవినీతి నిర్మూలన లక్ష్యంగా రాజకీయ పక్షాలన్నీ నినాదాల్ని అందుకుని ఉన్నాయి. ఇందులో బీజేపీ కూడా ఉంది. డీఎంకే, అన్నాడీఎంకే, డీఎండీకే, ప్రజాసంక్షేమ కూటమి, కాంగ్రెస్ ఇలా ఎవరికి వారు విడుదల చేసుకున్న మేనిఫెస్టోల్లో ‘లోకాయుక్తా’ నినాదం తప్పని సరిగా ఉన్నాయి. అవినీతిని రూపు మాపాలంటే లోకాయుక్తాతోనే సాధ్యం అన్నట్టుగా ప్రచారాల్లో గళం విప్పే పనిలో పడ్డాయి.
 
 ఇంతవరకు బాగానే, ఉన్నా లోకాయుక్తా వస్తే మాత్రం జైలుకు వెళ్లేది జయలలితే అని గంటాపథంగా జవదేకర్ వ్యాఖ్యానిస్తుండడం గమనించాల్సిన విషయమే. చెన్నైలో శుక్రవారం మీడియా ముందుకు వచ్చిన జవదేకర్ జయలలితను ఉద్దేశించి సెటెర్లు విసిరారు. గతంలో ఇంటికి 20 లీటర్ల ఉచిత మినరల్ వాటర్ అని ప్రకటించి లీటరు రూ. పదికి అమ్ముకున్న వాళ్లు, విద్యుత్ మిగులు అని ఎన్నికల ఫీట్లు చేస్తున్న వాళ్లు, ఇప్పుడేమో లోకాయుక్తా అన్న నినాదం అందుకోవడం విడ్డూరంగా ఉందని ఎద్దేవా చేశారు. లోకాయుక్త అమ్మ పెదవి నోటి మాటకే పరిమితం. అది అమలయ్యేది డౌటే. ఎందుకంటే, అది వస్తే జైలుకు వెళ్లేది జయలలితే అని చమత్కరించడం గమనార్హం.
  
 ఈ పరిస్థితుల్లో  ఇప్పటికే ఆదాయానికి మించిన ఆస్తు ల కేసు సుప్రీంలో వి చారణలో ఉన్నం దు, రాష్ట్రంలో లోకాయుక్తా అవసర మా..? అని పెదవి విప్పే అన్నాడీఎంకే వాళ్లూ ఉన్నారు. అదే సమయంలో లోకాయుక్త వస్తే, అమ్మ ఒక్కట్టేనా...?తాతయ్య అండ్ ఫ్యామిలీ వెళ్లదా..? అని జవదేకర్‌కు ప్రశ్నల్ని సంధించే వాళ్లు  ఉండడం ఆలోచించాల్సిందే. అవినీతిలో డీఎంకే, అన్నాడీఎంకేలు దొందు దొందే అని వ్యాఖ్యానించే కమలం పెద్ద, ఒక్క అమ్మకే జైలు అని వ్యాఖ్యానించడాన్ని తీవ్రంగా పరిగణించాల్సిందే.


 -అక్రమాస్తులను ప్రభుత్వం స్వాధీనం చేసుకోవాలి
 -లోకాయుక్తకు ఏపీ బీసీ సంఘం అధ్యక్షుడి ఫిర్యాదు
 -సీఎం తమ పరిధిలోకి రాడని పేర్కొన్న లోకాయుక్త
 
  హైదరాబాద్: ఆంధ్రప్రదేశ్ ముఖ్యమంత్రి నారా చంద్రబాబు నాయుడు ప్రజాధనాన్ని దుర్వినియోగంచేస్తూ పెద్ద ఎత్తున అక్రమార్జనకు పాల్పడుతున్నాడని, ఆయన అవినీతి, అక్రమాలపై సీబీఐ దర్యాప్తునకు ఆదేశించాలని కోరుతూ ఏపీ వెనుకబడిన తరగతుల సంఘం లోకాయుక్తను ఆశ్రయించింది. ఈ మేరకు సంఘం రాష్ట్ర అధ్యక్షులు డేరంగుల ఉదయ్‌కిరణ్ శుక్రవారం లోకాయుక్త జస్టిస్ బి.సుభాషణ్‌రెడ్డిని ప్రత్యక్షంగా కలిసి ఫిర్యాదు చేశారు.
  
 గత రెండేళ్లుగా అక్రమంగా ఆర్జించిన డబ్బుతో వైఎస్‌ఆర్‌సీపీ ఎమ్మెల్యేలను కొనుగోలు చేస్తున్నారని తెలిపారు. ప్రజలు తమకు నచ్చిన పార్టీకి ఓటు వేశారని, అయితే చంద్రబాబునాయుడు ప్రజల మనోభావాలకు విర్దుదంగా ఎమ్మెల్యేలను కొంటున్నారని పేర్కొన్నారు. ముఖ్యమంత్రి అవినీతిపై చట్టపరమైన దర్యాప్తు చేపట్టి అక్రమ ఆస్తులను ప్రభుత్వం స్వాధీనం చేసుకునేలా చూడాలని విజ్ఞప్తి చేశారు. రాజ్యాంగం కల్పించిన హక్కులు అమలు చేయాలని పోరాటం చేస్తున్నందుకు తనను చంపాలని చూస్తున్నారని, అలాగే తన కుమార్తెను కిడ్నాప్ చేసేందుకు ప్రయత్నించాలని తెలిపారు. ప్రజల హక్కులను, ప్రజాధనాన్ని దుర్వినియోగం కాకుండా కాపాడాలని విజ్ఞప్తి చేశారు.
 కాగా ‘ముఖ్యమంత్రిని విచారించే పరిధి మాకు లేదు. ఇతర రాష్ట్రాల్లో లోకాయుక్త సమర్ధవంతంగా ఉంది. ఇక్కడ మాత్రం ముఖ్యమంత్రిని విచారించే పరిధి మాకు ఇవ్వలేదు. ఈ నేపథ్యంలో ఈ పిటిషన్‌ను విచారణకు స్వీకరించలేం. న్యాయం కోసం హైకోర్టును ఆశ్రయించండి’ అని లోకాయుక్త జస్టిస్ సుభాషణ్‌రెడ్డి ఈ సందర్బంగా సూచించారు.


 బెంగళూరు: లోకాయుక్త ప్రత్యేక కోర్టులో తనపై నమోదైన కేసులను హైకోర్టు కొట్టేసినప్పటికీ, ఆ కేసులపై సుప్రీంకోర్టుకు వెళ్లేందుకు రాష్ట్ర ప్రభుత్వం సన్నద్ధమవడం ద్వారా తనపై ప్రతీకార చర్యలకు దిగుతున్నారని బీజేపీ రాష్ట్ర శాఖ అధ్యక్షుడు బి.ఎస్.యడ్యూరప్ప మండిపడ్డారు. రాష్ట్ర ప్రభుత్వ చర్యలకు తానెంత మాత్రం భయపడబోనని అన్నారు. గురువారమిక్కడ తనను కలిసిన విలేకరులతో ఆయన మాట్లాడారు. తనపై దాఖలైన కేసుల్లో నిజం లేకపోవడం వల్లే హైకోర్టు ఆ కేసులను కొట్టేశారని అన్నారు. అయితే మరోసారి ఆ కేసులపై సుప్రీంకోర్టులో అప్పీల్ చేసేందుకు సన్నాహాలు చేస్తోందని తెలిపారు.
 
 
 ఇది ప్రతీకార పూరితమైన రాజకీయాలు కాకపోతే మరేమిటని యడ్యూరప్ప రాష్ట్ర ప్రభుత్వాన్ని ప్రశ్నించారు. సుప్రీంకోర్టులో అప్పీల్ చేయడం ద్వారా తనను మానసికంగా కుంగుబాటుకు గురిచేయాలన్నది ప్రభుత్వ దురాలోచనగా తెలుస్తోందని పేర్కొన్నారు. అయితే ప్రభుత్వ చర్యలకు తానెంతమాత్రం భయపడబోనని స్పష్టం చేశారు. హైకోర్టులో లభించినట్లుగానే సుప్రీంకోర్టులో సైతం తనకు న్యాయం లభిస్తుందని నమ్ముతున్నానని అన్నారు. 
  
  


 విచారణ చేయాలని ఆప్ ఫిర్యాదు
 
 బెంగళూరు: మ్యాట్రిక్స్ సంస్థ ల్యాబ్‌ల ఏర్పాటుకు సంబంధించి అనుమతులు పొందడంపై సీఎం సిద్ధరామయ్య కుమారుడు డాక్టర్ యతీంద్రపై లోకాయుక్తలో ఫిర్యాదు నమోైదె ంది. వివరాలు... ప్రభుత్వ ఆస్పత్రుల్లో ల్యాబ్‌ల ఏర్పాటుకు సంబంధించి మ్యాట్రిక్స్ సంస్థకు నిబంధనలకు విరుద్దంగా అనుమతులు మంజూరు చేశారని, సీఎం కుమారుడు యతీంద్ర డెరైక్టర్‌గా ఉన్నందువల్లే ఆ కంపెనీకి అనుమతులను కట్టబెట్టారని ఆరోపణలు వెల్లువెత్తిన విషయం తెలిసిందే. ఈ నేపథ్యంలో అనుమతుల మంజూరు విషయంలో డాక్టర్ యతీంద్ర పాత్రపై విచారణ జరపాలని కోరుతూ ఆమ్ ఆద్మీ పార్టీ (ఆప్) సభ్యులు సోమవారమిక్కడ లోకాయుక్తలో ఫిర్యాదు చేశారు.
 
 
 అనంతరం ఆప్ రాష్ట్ర శాఖ ప్రతినిధి శివకుమార్ చెంగల్‌రాయ మాట్లాడుతూ... కేవలం స్వజనపక్షపాతంతోనే ఈ టెండర్లను మ్యాట్రిక్స్‌కు కట్టబెట్టినట్లు ఇప్పటికే తేటతెల్లమైందని విమర్శించారు. డాక్టర్ యతీంద్ర తన తండ్రి పదవిని అడ్డుపెట్టుకొని ఈ టెండర్‌ను దక్కించుకున్నారని ఆరోపించారు. అందువల్ల ఈ విషయంపై నిష్పక్షపాత విచారణను జరిపించాలని లోకాయుక్తను కోరినట్లు చెప్పారు. లోకాయుక్తలో నిష్పక్షపాత విచారణ జరగకపోతే తాము న్యాయం కోసం హైకోర్టును ఆశ్రయిస్తామని పేర్కొన్నారు. ఇక ఇదే సందర్భంలో తన కుమారుడి కోసం నిబంధనలను పక్కకు పెట్టిన ముఖ్యమంత్రి సిద్ధరామయ్య తక్షణమే తన పదవికి రాజీనామా చేయాలని శివకుమార్ డిమాండ్ చేశారు.


 సబ్‌కలెక్టర్, లోకాయుక్తకు ఫిర్యాదు
  
 మదనపల్లె:  అధికార పార్టీ ప్రజాప్రతినిధుల ప్రచార ఆర్భాటం ప్రొటోకాల్ వివాదాలకు దారితీసింది. మదనపల్లె నియోజకవర్గ ఎమ్మెల్యేకు ఇవ్వాల్సిన కనీస ప్రాధాన్యం ప్రభుత్వ సంక్షేమ పథకాల ప్రారంభంలో ఇవ్వకపోవడంతో ఆయ న తీవ్ర ఆగ్రహం వ్యక్తం చేశారు. కేంద్ర ప్రభుత్వం ప్రతిష్టాత్మకంగా ప్రారంభిం చిన‘ హౌస్‌ఫర్‌ఆల్’ పథకానికి సంబంధించి స్థానిక మున్సిపల్ కార్యాలయం లో గురువారం పైలాన్ ప్రారంభించారు. సంబంధిత శిలాఫలకంలో ఎమ్మెల్యేకు ప్రాధాన్యత ఇవ్వలేదు. నియోజకవర్గ ఎమ్మెల్యేగా మొదట ముద్రించాల్సిన పేరును ఎనిమిదో పేరుగా ముద్రించారు. మదనపల్లె నియోజకవర్గానికి సంబంధం లేని పేర్లను మొదటి నుంచి వరుస క్రమంలో ముద్రించారు. దీనిపై ఎమ్మెల్యే డాక్టర్ దేశాయ్ తిప్పారెడ్డి సీరియస్ అయ్యారు. స్థానిక సబ్‌కలెక్టర్, లోకాయుక్తాకు కూడా ఫిర్యాదు చేయనున్నారు.
  
 అసలు శిలాఫలకంపై ఎమ్మెల్యే పేరును ఎందుకు ప్రాధాన్యత తగ్గించి ముద్రించాల్సి వచ్చిందో సమాధానం చెప్పాలని హౌసింగ్ ఈఈ రాజేంద్రకుమార్, డీ మునీశ్వర్ నాయుడులను ప్రశ్నించారు. వారి వద్ద నుంచి సరైన సమాధానం రాలేదు. ప్రోటోకాల్ ఉల్లంఘన చట్టం కింద చర్యలను తీసుకునేందుకు వెనుకాడనని ఎమ్మెల్యే హెచ్చరించారు. అంతేకాకుండా సబ్‌కలెక్టర్, లోకాయుక్తాలకు ఫిర్యాదులను కూడా పంపారు.
  
  


  లోకాయుక్తకు ఫిర్యాదు చేయడంతో కదిలిన డొంక
  బాధ్యులెవరన్నదానిపై తీస్తున్న ఆరా
  నాడు పనిచేసిన అధికారుల్లో గుబులు
  సెలవుపై వెళ్లేందుకు యత్నాలు
  
 విజయనగరం : ఏసీబీ వలలో చిక్కుకుని విచారణ తరువాత కేసు రుజువై ఉద్యోగం నుంచి తొలగించిన వ్యక్తికి రెండేళ్లపాటు జీతం అందించిన వైనమిది. ఒకరు లోకాయుక్తకు చేసిన ఫిర్యాదుతో ఆ రహస్యం కాస్తా బట్టబయలైంది. దీనికి బాధ్యులైనవారందరి మెడకూ ఈ ఉచ్చు బిగుసుకుంటుండటంతో రెవెన్యూ వర్గాల్లో తీవ్ర చర్చనీయాంశమైంది. దీనికి సంబంధించిన వివరాలిలా ఉన్నాయి. జిల్లాలోని మెరకముడిదాం మండలంలో వీఆర్వోగా పనిచేసిన ఆర్.చలపతిరావు 2010లో ఏసీబీ వలలో చిక్కుకున్నారు. విచారణ జరుగుతున్న సమయంలో తిరిగి తాత్కాలికంగా భోగాపురంలో ఉద్యోగమిచ్చారు. ఆయన భోగాపురం మండలంలో పనిచేస్తుండగానే ఏసీబీ కేసు రుజువయింది. ప్రభుత్వం ఆయన్ను ఉద్యోగం నుంచి తొలగించింది. ఆ ఉత్తర్వులను గతంలో ఆయన పనిచేసిన మెరకముడిదాం మండల తహశీల్దార్ కార్యాలయానికి ఉత్తర్వులు పంపించారు.
 ఆ ఉత్తర్వులను సంబంధిత అధికారులు చలపతిరావు ఎక్కడ పనిచేస్తున్నారో తెలుసుకోకుండా, ఎటువంటి రికార్డులూ నమోదు చేయకుండా వీఆర్వోకు వేరే వ్యక్తి ద్వారా సాధారణంగా భావించి పంపించేశారు. భోగాపురం మండలంలో పనిచేస్తున్న ఆయన ఆ ఉత్తర్వులను దాచేసి అక్కడే ఎంచక్కా రెండేళ్ల పాటు పని చేశారు. ఇదీ జరిగిన కథ! అప్పట్లో కొంత మందికి ఛార్జి మెమోలను కలెక్టర్ ద్వారా చేరాయి.  విషయం తెలుసుకున్న కనిమెరకకు చెందిన బగ్గాం ఎర్రయ్య అనే వ్యక్తి  తొలగించిన తరువాత రెండేళ్ల పాటు వేతనాలెలా ఇచ్చారంటూ లోకాయుక్తను ఆశ్రయించడంతో ఈ వ్యవహారం పోలీసులకు కూడా పాకింది. వెంటనే దర్యాప్తు మొదలైంది.
  
 బాధ్యులందరి మెడకూ ఉచ్చు ! 
 కలెక్టరేట్‌లోని ఏఓ, ఏ-2 లతో పాటు డీఆర్వో, ఉత్తర్వులను తిప్పి పంపకుండా వ్యక్తుల ద్వారా చేరవేసిన తహశీల్దార్, వేతనాలు ఇచ్చిన ట్రెజరీ సిబ్బంది ఇలా చాలా మంది మెడకు ఉచ్చు బిగుసుకునే పరిస్థితి ఏర్పడింది. ఇటీవల కలెక్టరేట్‌లోని కొన్ని సెక్షన్లకు పోలీసులు వచ్చి అప్పటి కేసుపై ఎవరెవరు బాధ్యులన్న సమాచారాన్ని సేకరించారు. త్వరలో ఈ కేసుకు సంబంధించి చార్జిషీట్లు కూడా నమోదయ్యే అవకాశం ఉందని తెలుస్తోంది. అయితే పోలీసులనుంచి ఏ క్షణాన్నైనా పిలుపు వస్తుందేమోనన్న భయంతో అప్పటి ఉద్యోగులు సెలవు పెట్టి వెళ్లిపోతున్నట్టు తెలుస్తోంది.
  


 ‘లోకాయుక్త’పై చర్చకు ఒకరోజు సమయం
 స్పీకర్ హామీతో శాంతించిన విపక్షాలు
 నిరసన ఉపసంహరణ సజావుగా సభా కార్యక్రమాలు
  
 బెంగళూరు: ఎట్టకేలకు విపక్షాలు శాంతించాయి. దీంతో రాష్ట్ర చట్టసభల్లో కార్యక్రమాలు మంగళవారం సజావుగా సాగాయి. లోకాయుక్తను నిర్వీర్యం చేయడానికే అవినీతి నిరోధక దళం పేరుతో కొత్త వ్యవస్థను ప్రభుత్వం ఏర్పాటు చేస్తోందని చెబుతూ భారతీయ జనతా పార్టీతో పాటు జేడీఎస్ సభ్యులు బడ్జెట్ సమావేశాల్లో భాగంగా శాసనసభ, శాసనమండలిలో ప్రభుత్వ వ్యతిరేక నినాదాలు చేస్తూ నిరసన దీక్షకు దిగిన విషయం తెలిసిందే. ఈ నేపథ్యంలో మంగళవారం శాసనసభలో సమావేశాలు ప్రారంభమైన వెంటనే విపక్ష సభ్యులు వెల్‌లోకి దూసుకెళ్లి ప్రభుత్వ వ్యతిరేక నినాదాలు చేశాయి. ఈ సమయంలో కలుగజేసుకున్న ముఖ్యమంత్రి సిద్ధరామయ్య ఎట్టి పరిస్థితుల్లోనూ ఏసీబీ ఏర్పాటు చేస్తూ ప్రభుత్వం తీసుకున్న నిర్ణయాన్ని వెనక్కు తీసుకోబోదని స్పష్టం చేశారు. దీంతో అధికార విపక్షాల మధ్య వాగ్వాదం చెలరేగింది. ఎవరు ఏం మాట్లాడుతున్నారో తెలియని పరిస్థితి ఏర్పడింది. ఇంతలో స్పీకర్ కాగోడు తిమ్మప్ప కలుగజేసుకుని స్పీకర్ అధికార, విపక్ష పార్టీలకు చెందిన ముఖ్య నాయకులను తన కార్యాలయంలోకి పిలిపించి వారి మధ్య సయోధ్య కుదర్చడానికి ప్రయత్నించారు. ప్రజలు తాగు, సాగునీటి కోసం పలు ఇబ్బందులు ఎదుర్కొంటున్నారని వాటి పై చర్చించాలని సూచించారు. అదే సందర్భంలో లోకాయుక్త నిర్వీర్యం కాకుండా సంస్థ మరింత బలోపేతం కావడానికి చర్యలు చేపట్టే విషయమై చట్ట సభలో చర్చ జరపాలని  ఇందుకు ఒక రోజు మొత్తాన్ని కేటాయిస్తానని తెలిపారు.
 
 ఇందుకు అధికార పక్షం సభ్యులతో పాటు విపక్షాలు కూడా అంగీకరించాయి. ఇదే విషయాన్ని స్పీకర్ కాగోడు తిమ్మప్ప శాసనసభలో ప్రకటించారు. దీంతో అప్పటి వరకూ నిరసనకు దిగిన భారతీయ జనతా పార్టీ, జేడీఎస్‌తో పాటు ఇతర విపక్ష సభ్యులు ‘విలువైన సభా సమయంలో ప్రజా సమస్యలపై చర్చించాలని భావిస్తూ నిరసనను వెనక్కు తీసుకుంటున్నాం. అయితే లోకాయుక్తను నిర్వీర్యం చేసే ప్రయత్నం చేస్తే మాత్రం ఆందోళనకు దిగుతాం.’ అని పేర్కొంటూ విపక్ష సభ్యులు ఎవరి స్థానాల్లో వారు కుర్చొండి పోయారు. దీంతో సభా కార్యక్రమాలు సజావుగా సాగాయి.
  
  


 ప్రభుత్వం ‘ఏసీబీ’ ఏర్పాటు చేయడంపై హీరేమఠ్ వ్యాఖ్యలు
  
  బెంగళూరు: సీఎం సిద్ధరామయ్యతో పాటు మరో ఐదుగురు మంత్రులపై లోకాయుక్తలో ఉన్న కేసుల నుంచి బయట పడేందుకే (యాంటీ కరప్షన్ బ్యూరో-ఏసీబీ)ను రాష్ట్ర ప్రభుత్వం ఏర్పాటు చేస్తోందని సమాజ పరివర్తనా సంస్థ ప్రతినిధి ఎస్.ఆర్.హీరేమఠ్ ఆరోపించారు. బుధవారమిక్కడ నిర్వహించిన విలేకరుల సమావేశంలో ఆయన మాట్లాడారు. ఏసీబీ ఏర్పాటు ద్వారా లోకాయుక్త సంస్థను పూర్తిగా నిర్వీర్యం చేసేందుకు ప్రభుత్వం ప్రయత్నిస్తోందని విమర్శించారు.
 
 ఏసీబీ రాష్ట్ర ప్రభుత్వ ఆధ్వర్యంలో పనిచేయనుందని, తద్వారా సీఎంతో పాటు ఐదుగురు మంత్రులపై లోకాయుక్తలో ఉన్న కేసులను లోకాయుక్త నుండి ఏసీబీకి బదలాయించి ఆయా కేసుల నుండి బయటపడాలన్నది రాష్ట్ర ప్రభుత్వ వ్యూహమని ఆరోపించారు. లోకాయుక్తలో ఉన్న 700 కేసులను సైతం ఇప్పటికే ఏసీబీకి బదలాయించేలా రాష్ట్ర ప్రభుత్వం నిర్ణయం తీసుకుందని తెలిపారు. త్వరలో ఏసీబీ ఏర్పాటుపై కోర్టులో ప్రజా ప్రయోజనాల వ్యాజ్యాన్ని దాఖలు చేయనున్నట్లు వెల్లడించారు.
  


 లోకాయుక్త కోసం సిఫార్సు చేసిన ‘నాయక్’ పేరును తిరస్కరించిన గవర్నర్
  
 బెంగళూరు: లోకాయుక్త స్థానానికి న్యాయమూర్తి ఎస్.ఆర్.నాయక్ పేరును సిఫార్సు చేస్తూ రాష్ట్ర ప్రభుత్వం పంపిన ప్రతిపాదనను గవర్నర్ వజుభాయ్ రుడాభాయ్ వాలా తిరస్కరించినట్లు సమాచారం. ఈ నేపథ్యంలో లోకాయుక్త నియామకం మరింత ఆలస్యమయ్యే అవకాశాలు కనిపిస్తున్నాయి. లోకాయుక్త స్థానానికి న్యాయమూర్తి ఎస్.ఆర్.నాయక్ పేరును సిఫార్సు చేస్తూ ఇప్పటికే రాష్ట్ర ప్రభుత్వం గవర్నర్‌కు ప్రతిపాదనలు పంపించింది.
 
 న్యాయమూర్తి ఎస్.ఆర్.నాయక్ పేరును సిఫార్సు చేసేందుకు ప్రతిపక్షాలు అంగీకరించకపోయినప్పటికీ సీఎం సిద్ధరామయ్య తన నిర్ణయమే ఫైనల్ అంటూ న్యాయమూర్తి ఎస్.ఆర్.నాయక్ పేరును గవర్నర్ పరిశీలనకు పంపారు. ఈ నేపథ్యంలో న్యాయమూర్తి ఎస్.ఆర్.నాయక్‌కు బదులుగా మరొకరి పేరును సిఫార్సు చేయాలంటూ గవర్నర్ రాష్ట్ర ప్రభుత్వానికి సూచించారని తెలుస్తోంది. గవర్నర్ నిర్ణయం కారణంగా సీఎం సిద్ధరామయ్యకు భారీ ఎదురు దెబ్బ తగిలిందనే చెప్పవచ్చు.
  
  


 పేరు సిఫార్సు చేసిన సీఎం
  
 బెంగళూరు: లోకాయుక్త న్యాయమూర్తి స్థానానికి నివృత్త న్యాయమూర్తి ఎస్.ఆర్.నాయక్ పేరును సిఫార్సు చేసేందుకు ముఖ్యమంత్రి సిద్ధరామయ్య నిర్ణయించారు. అయితే ముఖ్యమంత్రి నిర్ణయంపై ప్రతిపక్ష బీజేపీ మాత్రం మండిపడుతోంది. వివరాలు...లోకాయుక్త నియామకానికి సంబంధించి శుక్రవారం సాయంత్రం కుమారకృపా అతిథి గృహంలో ఉన్నతస్థాయి సమావేశం నిర్వహించారు.  ముఖ్యమంత్రి సిద్ధరామయ్యతో పాటు ప్రతిపక్ష నేత జగదీష్ శెట్టర్, రాష్ట్ర  న్యాయశాఖ మంత్రి టి.బి.జయచంద్ర, స్పీకర్ కాగోడు తిమ్మప్ప, విధానపరిషత్ సభాపతి శంకరమూర్తి పాల్గొన్నారు. ఈ సందర్భంగా ముఖ్యమంత్రి సిద్ధరామయ్య నివృత్త న్యాయమూర్తి ఎస్.ఆర్.నాయర్ పేరును లోకాయుక్త పదవికి సిఫార్సు చేశారు. అయితే జగదీష్ శెట్టర్ మాత్రం ఈ నిర్ణయాన్ని తీవ్రంగా వ్యతిరేకించారు. నివృత్త న్యాయమూర్తి విక్రమ్‌జిత్ సేన్ పేరును సిఫార్సు చేయాల్సిందిగా సూచించారు. కానీ ముఖ్యమంత్రి  మాత్రం ఆ సూచనను పరిగణనలోకి తీసుకోలేదు. దీంతో జగదీష్ శెట్టర్ ఈ సభలో తీవ్రఅసహనం వ్యక్తం చేశారు.
 
 ‘ఏకపక్షంగా మీరే నిర్ణయాలు తీసుకునేటట్లయితే మమ్మల్ని ఈ సభకు ఎందుకు పిలిచినట్లు? మీరే ఏదో ఒక పేరును సిఫార్సు చేస్తే సరిపోయేది కదా? అయినా కేవలం పేరుకు మాత్రమే ప్రతిపక్షాలను పిలిచేలా ఉంటే అసలు మమ్మల్ని ఇలాంటి సమావేశాలకు పిలవకండి. ప్రతిపక్షాల నిర్ణయానికి గౌరవమంటూ లేదా’అని మండిపడ్డారు. దీంతో సిద్ధరామయ్య సైతం ‘నేను చెప్పినదే తుది నిర్ణయం,’ అంటూ సమావేశం నుండి వెళ్లిపోయినట్లు సమాచారం. 


 సాక్షి, బెంగళూరు: ముఖ్యమంత్రి సిద్ధరామయ్య ధరించే అత్యంత ఖరీదైన ‘హ్యూబ్లోట్’ వాచ్ వ్యవహారం లోకాయుక్తకు చేరింది. రూ.50-70లక్షల విలువ చేసే వాచ్‌ను సీఎం సిద్ధరామయ్య తన ఆస్తుల్లో చూపకుండానే అఫిడవిట్‌ను దాఖలు చేశారంటూ మానవ హక్కుల రక్షణా సమితి కార్యకర్త రామమూర్తి గౌడ లోకాయుక్తకు ఫిర్యాదు చేశారు. సీఎం ధరించే ఈ అత్యంత ఖరీదైన వాచ్‌కు సంబంధించి పూర్తి స్థాయిలో విచారణ జరపాల్సిందిగా రామమూర్తి గౌడ లోకాయుక్తను కోరారు. ఇంత ఖరీదైన వాచ్‌కు సంబంధించిన వివరాలను 2015 మార్చి 31లో లోకాయుక్తకు అందజేసిన నివేదికలో పొందుపరచలేదు. నిబంధనల ప్రకారం ముఖ్యమంత్రి  విలువైన ఏ వస్తువును కొన్నా, లేదా ఆయనకు బహుమతిగా లభించినా అందుకు సంబంధించిన వివరాలను ఈ నివేదికలో పొందుపరచాల్సి ఉంటుంది.
  
 కానీ ఈ వాచ్‌కు సంబంధించిన వివరాలు గత నివేదికలో ముఖ్యమంత్రి సిద్ధరామయ్య పొందుపరచలేదు. ఇక లోకాయుక్తకు సీఎం సిద్ధరామయ్య అందజేసిన వివరాల ప్రకారం సీఎం సిద్ధరామయ్యకు వ్యవసాయం ద్వారా ఏడాదికి రూ. 2 లక్షల వరకు ఆదాయం వస్తోంది. వివిధ ప్రాంతాల్లో కొన్ని సంస్థలకు ఇచ్చిన కట్టడాలకు బాడుగ రూపంలో ఏడాదికి రూ. 38 లక్షల ఆదాయం లభిస్తుండగా, భార్య పార్వతి పేరిట బ్యాంకుల్లో ఉన్న ఫిక్స్‌డ్ డిపాజిట్‌లకు ఏడాదకి రూ.1.25 లక్షల ఆదాయం వస్తోంది. ఇక ఈ నివేదికను సమర్పించే నాటికి ఇద్దరు కుమారులతో ఉన్న ఉమ్మడి కుటుంబానికి వ్యవసాయం ద్వారా ఏడాదికి రూ. 25 లక్షల ఆదాయం వస్తున్నట్లు వివరించారు. 


 లోకాయుక్త జస్టిస్ బి.సుభాషణ్‌రెడ్డి
  సాక్షి, హైదరాబాద్: ఓటు వేయడం ప్రాథమిక విధి అని లోకాయుక్త సుభాషణ్‌రెడ్డి అన్నారు. జాతీయ ఓటరు దినోత్సవం సందర్భంగా ఎన్నికల కమిషన్ సోమవారం రవీంద్రభారతిలో ఏర్పాటు చేసిన కార్యక్రమంలో ఆయన మాట్లాడారు. ఆర్టికల్ 51-ఎ లో ప్రాథమిక విధులు ఉన్నాయని, ఓటు వేయడాన్ని తప్పనిసరి చేస్తూ ఆ విధుల్లో చేర్చాలని, దీని కోసం చట్టసభల ప్రతినిధులు కృషి చేయాలన్నారు. నూరు శాతం ఓటింగ్ జరిగినప్పుడే ప్రజాస్వామ్యం నిండుగా ఉంటుందని, ఈ దిశగా యువతను చైతన్యం చేయాలన్నారు. స్వేచ్ఛాయుతంగా, శాంతియుతంగా, ప్రలోభాలకు గురికాకుండా సేవ చేసే అభ్యర్థులకు ఓటు వేయాలని సూచించారు.
 ఓటు హక్కును వినియోగించుకోవడం ప్రతి పౌరుడి బాధ్యతని ప్రభుత్వ ప్రధానకార్యదర్శి రాజీవ్ శర్మ అన్నారు. ఓటింగ్‌లో పాల్గొనేలా చైతన్యం చేయాలని ఎన్నికల ప్రధాన అధికారి భన్వర్‌లాల్ అన్నారు. మంచివారిని ఎన్నుకోవాలని, ఓటింగ్ ప్రక్రియలో ఎటువంటి ప్రలోభాలకు గురి కావద్దని విజ్ఞప్తి చేశారు. చదువుకున్నవారు నివసించే ప్రాంతాల్లోనే ఓటింగ్ తక్కువగా జరుగుతోందని జీహెచ్‌ఎంసీ కమిషనర్ జనార్దన్‌రెడ్డి ఆవేదన వ్యక్తం చేశారు.  పోలింగ్ కేంద్రం సమాచారంతో ఓటర్ స్లిప్పులను ఇంటింటికి అందజేస్తున్నామని, ఇప్పటికే 20 లక్షలకుపైగా స్లిప్పులను అందజేశామన్నారు.
 ఓటర్ స్లిప్పులను ఎలక్షన్ కమిషన్ వెబ్‌సైట్ నుంచి కూడా డౌన్‌లోడ్ చేసుకోవచ్చన్నారు. మతం, జాతి, కులం, వర్గం, భాష సహా ఇతర ప్రభావాలకు లోనుకాకుండా ప్రతి ఎన్నికల్లో నిర్భయంగా ఓటు వేస్తామంటూ రెండు రాష్ట్రాల నుంచి వచ్చిన వందలాది మంది విద్యార్థులతో జస్టిస్ సుభాషణ్‌రెడ్డి ప్రతిజ్ఞ చేయించారు. ఓటుహక్కు నమోదులో ముందు వరుసలో నిలిచిన కర్నూలు కలెక్టర్ విజయ్‌మోహన్, అప్పట్లో నిజామాబాద్ కలెక్టర్‌గా ఉన్న ప్రస్తుత మెదక్ కలెక్టర్ రోనాల్డ్‌రాస్‌తోపాటు ఇతర అధికారులను జస్టిస్ సుభాషణ్‌రెడ్డి సన్మానించారు. 1954 నుంచి క్రమం తప్పకుండా ఓటింగ్‌లో పాల్గొంటున్న సీనియర్ సిటిజన్లు శ్రీరాములు(88), సుదర్శన్‌రాజు తదితరులను సన్మానించారు. ఇటీవల ఓటు హక్కు పొందిన యువతకు ఓటరు కార్డులను అందించారు.


 న్యూఢిల్లీ: లోకాయుక్త నియామకం విషయంలో అఖిలేశ్ యాదవ్ ప్రభుత్వాన్ని సుప్రీంకోర్టు గట్టిగా హెచ్చరించింది. ఈ విషయాన్ని ఇక తామే తేల్చుకుంటామని సర్వోన్నత న్యాయస్థానం ఆగ్రహంగా వ్యాఖ్యానించింది. ఉత్తరప్రదేశ్ లోకాయుక్తగా మాజీ జడ్జి వీరేంద్రసింగ్‌ నియామకాన్ని కొనసాగించాలా? లేక రద్దుచేయాలా? అన్నది తాము త్వరలో నిర్ణయం తీసుకుంటామని స్పష్టం చేసింది.
 
 దాదాపు ఏడాది జాప్యం తర్వాత గత నెలలో యూపీ లోకాయుక్తగా జస్టిస్ (రిటైర్డ్) వీరేంద్రసింగ్‌ను సుప్రీంకోర్టును నియమించింది. అయితే, ఈ నియామకం విషయంలో యూపీ ప్రభుత్వం తమను తప్పుదోవ పట్టించిందని, ఈ నేపథ్యంలో ఈ నియామకం సరైనదా? కాదా? అన్నది తామే నిర్ణయిస్తామని కోర్టు పేర్కొంది. యూపీ సీఎం అఖిలేశ్ యాదవ్, ఆ రాష్ట్ర ప్రతిపక్ష నేత, అలహాబాద్‌ హైకోర్టు చీఫ్ జస్టిస్ డీవై చంద్రచూడ్‌తో కూడిన కమిటీ వీరేంద్రసింగ్‌ నియామకాన్ని ఏకగ్రీవంగా ఆమోదించినట్టు యూపీ ప్రభుత్వం సుప్రీంకోర్టుకు తెలిపింది.
 
 అయితే, జస్టిస్ వీరేంద్రసింగ్‌కు సరైన వ్యక్తిత్వం లేదని అలహాబాద్ హైకోర్టు చీఫ్ జస్టిస్‌ సుప్రీంకోర్టుకు లేఖ రాశారు. యూపీ ప్రతిపక్ష నాయకుడు, బీఎస్పీ నేత స్వామిప్రసాద్ మౌర్య కూడా ఈ నియామకాన్ని వ్యతిరేకించినట్టు న్యాయస్థానానికి తెలిపారు. దీంతో తమను తప్పుదోవ పట్టించిన అఖిలేశ్ ప్రభుత్వంపై సుప్రీంకోర్టు తీవ్ర ఆగ్రహం వ్యక్తం చేసింది. లోకాయుక్త నియామకం విషయం తామే చూసుకుంటామని తేల్చి చెప్పింది.  
  


 అతడో సాధారణ ట్రాఫిక్ కానిస్టేబుల్. కానీ, అతడి ఆస్తిపాస్తులు చూస్తే మాత్రం కళ్లు తిరగక మానదు. అతగాడికి నాలుగు కార్లు, ఆరు ఇళ్లు, 8 బ్యాంకు ఖాతాలతో పాటు కోట్లాది రూపాయల ఆస్తులు ఉన్నాయి. ఈ ఘటన మధ్యప్రదేశ్‌లోని ఇండోర్‌లో వెలుగు చూసింది. అరుణ్ సింగ్ అనే ఈ హెడ్ కానిస్టేబుల్ ఇళ్ల మీద సోమవారం ఉదయం నుంచి లోకాయుక్త పోలీసులు దాడులు ప్రారంభించారు. మధ్యాహ్నానికి వాళ్ల చేతికి.. ఇండోర్‌ నగరంలో 6వేల చదరపు అడుగుల చొప్పున ఉన్న రెండు ప్లాట్లు, ఒక ఫాంహౌస్, రెండు ఫ్లాట్ల పత్రాలు లభించాయి.
 
 వాటితోపాటు రేవా నగరంలో 25 ఎకరాల ఫాం హౌస్, 8వేల చదరపు అడుగుల చొప్పున రెండు ప్లాట్లు, రెండు ఇళ్ల డాక్యుమెంట్లు కూడా ఉన్నాయి. అతడి వద్ద నుంచి నాలుగు కార్లు, 8 బ్యాంకు ఖాతాలను కూడా స్వాధీనం చేసుకున్నారు. చివరికి అతడి ఆస్తుల విలువ రూ. 5 కోట్లుగా నిర్ధారించారు. జబల్‌పూర్ ట్రాఫిక్ విభాగంలో పనిచేసే అతడి ఆదాయంతో పోలిస్తే ఈ ఆస్తి చాలా రెట్లు ఎక్కువని పోలీసులు చెబుతున్నారు.


 మధ్యప్రదేశ్: అతను ఓ మాములు ప్రభుత్వ ఉద్యోగి. జీతం కూడా సాదాసీదాగానే.. కానీ, కూడబెట్టిన ఆస్తులు మాత్రం తనిఖీలకు వచ్చిన అధికారులను నోళ్లు వెళ్ళబెట్టేలా చేశాయి. మొత్తం రూ.60 లక్షల పైబడిన ఆస్తులు అతడి వద్ద ఉన్నట్లు గుర్తించడంతోపాటు ఇంట్లో ఒక్క పరుపు కిందే ఏకంగా రూ. ఏడులక్షలు లిక్విడ్ క్యాష్ తో పాటు ఐదు ఐఫోన్లు, 20 ఖరీదైన గడియారాలు అధికారులకు లభించాయి. వివరాల్లోకి వెళితే.. మధ్యప్రదేశ్ లోని నీమూచ్ అనే ప్రాంతంలో నరేంద్ర గాంగ్వల్ అనే వ్యక్తి ఓ కలెక్టరేట్ లో చిరుద్యోగి.
 
 ఇటీవల కాలంలో అతడు ఎక్కువ మొత్తంలో అక్రమాస్తులు పోగేశాడని సమాచారం అందడంతో లోకాయుక్త పోలీసులు అతడి ఇంటిపై అనూహ్యంగా దాడులు నిర్వహించారు. ఈ దాడుల్లో వారికి మొత్తం రూ.55 లక్షల విలువైన ఆస్తుల ధ్రువపత్రాలు, రూ.7లక్షల నగదు, పది లక్షల విలువైన బంగారు ఆభరణాలు బెడ్ కింద లభించాయి. సరిగ్గా గాంగ్వాల్ గోవా టూర్ కు వెళదామనుకున్న సమయంలోనే అధికారులు ఈ దాడులు చేసి అతగాడికి ఝలక్ ఇచ్చారు. ఇక బ్యాంకు లాకర్ నుంచి రెండు కేజీల వెండి, పావు కేజీ బంగారం కూడా స్వాధీనం చేసుకున్నారు. ఈ మేరకు సంబంధిత ఆరోపణల పేరిట కేసు నమోదుచేసి దర్యాప్తు చేపడుతున్నట్లు అధికారులు తెలిపారు.


 న్యూఢిల్లీ: ఉత్తరప్రదేశ్ లోకాయుక్తగా జస్టీస్ వీరేంద్ర సింగ్ ప్రమాణస్వీకారం అనూహ్యంగా వాయిదాపడింది. ఈ నెల 20లోగా లోకాయుక్త పదవీ ప్రమాణం చేయాలన్ని సుప్రీంకోర్టు.. సదరు తేదీకి ఒకరోజు ముందు కార్యక్రమాన్ని వాయిదా వేయాల్సిందిగా యూపీ ప్రభుత్వాన్ని ఆదేశించింది. తదుపరి ఉత్తర్వులు వెలువడేవరకు ఎలాంటి చర్యలు ఉండరాదంటూ విచారణను జనవరి 6కు వాయిదా వేసింది.
 
 దేశచరిత్రలోనే మొదటిసారి సుప్రీంకోర్టు తనకున్న విశేష అధికారాలను వినియోగించుకుని యూపీకి జస్టీస్ వీరేంద్ర సింగ్ ను లోకాయుక్తగా నియమించిన సంగతి తెలిసిందే.


 కర్ణాటక లోకాయుక్త జస్టిస్ వై.భాస్కర రావు రాజీనామా చేశారు. ఆయన రాజీనామాను గవర్నర్ తక్షణం ఆమోదించారు. లోకాయుక్త కార్యాలయం నుంచి బెదిరించి డబ్బు వసూలుచేసే రాకెట్ ఒకటి నడుస్తోందంటూ గత కొంత కాలంగా ఆరోపణలు వస్తున్నాయి. జస్టిస్ భాస్కరరావు కుమారుడు అశ్విన్‌ను జూలై నెలలో ఇదే కేసులో అరెస్టు చేశారు. లోకాయుక్త కార్యాలయం నుంచి పొందిన సమాచారంతో బెదిరింపులకు పాల్పడటంతో అశ్విన్ అరెస్టయ్యాడు. లోకాయుక్త దాడులు జరగకుండా ఉండాలంటే లంచం ఇవ్వాలని అతడు డిమాండ్ చేసినట్లు తెలుస్తోంది.
 
 అప్పటినుంచి జస్టిస్ భాస్కరరావు రాజీనామా చేయాలన్న డిమాండ్లు పలు వర్గాల నుంచి వినవస్తున్నాయి. మాజీ లోకాయుక్త జస్టిస్ సంతోష్‌ హెగ్డే కూడా వాళ్లతో గొంతు కలిపారు. దీంతో జూలై చివరి వారం నుంచి లోకాయుక్త సెలవులో వెళ్లారు.
 
 ఇక లోకాయుక్తను తొలగించే ప్రక్రియను సులభతరం చేస్తూ కర్ణాటక అసెంబ్లీ ఆ చట్టంలో సవరణలు తెచ్చింది. దాని ప్రకారం మూడోవంతు మంది సభ్యులు తీర్మానం మీద సంతకం చేస్తే చాలు.. లోకాయుక్తను తప్పించేయొచ్చు. ఈ విషయం తెలియడంతో.. ఇక వాళ్లు తప్పించేకంటే తాను తప్పుకొంటే మంచిదన్న ఉద్దేశంతో జస్టిస్ భాస్కరరావు రాజీనామా చేసినట్లు తెలుస్తోంది.


 నీటి కాలుష్యంపై బాలల హక్కుల సంఘం గురువారం లోకాయుక్తలో ఫిర్యాదు చేసింది. సాక్షి దినపత్రికలో నీటి కాలుష్యంపై  వచ్చిన కథనం ఆధారంగా.. ఈ ఫిర్యాదు చేసినట్లు సంస్థ ప్రతినిధులు తెలిపారు. కాగా.. లోకాయుక్త ఈ అంశాన్ని సీరియస్ గా తీసుకుంది. వాటర్ వర్క్స్ ఎండీకి నోటీసులు జారీ చేసింది.
 
  


 పుష్కరాల సమయంలో నగర సుందరీకరణలో, భోజనాల బిల్లుల విషయంలో భారీ ఎత్తున అవినీతి జరిగిందని బీజేపీ ఎమ్మెల్సీ సోము వీర్రాజు ఆరోపించారు. ఈ విషయం గురించి లోకాయుక్త, విజిలెన్స్ అధికారులకు ఫిర్యాదు చేయనున్నట్లు తెలిపారు. కార్పొరేషన్ సమావేవంలో చర్చించి బిల్లులను నిలిపివేయాలని సంబంధిత అధికారులకు తెలిపినా సరిగా స్పందించలేదని ఆయన ఆరోపించారు. ఇంచార్జి కమిషనర్ సకలారెడ్డి ఈ విషయంలో బాధ్యతారహితంగా వ్యవహరిస్తున్నారని అన్నారు.
  


 కడప : వైఎస్సార్ జిల్లా కలెక్టర్‌పై అందిన ఫిర్యాదులకు లోకాయుక్త స్పందించింది. కడప నగరంతోపాటు జిల్లాలోని నియోజకవర్గాల్లో చేపట్టే వివిధ కార్యక్రమాలపై కలెక్టర్ కె.వి.రమణ వ్యవహరిస్తున్న తీరుపై ఇటీవల వైఎస్సార్ కాంగ్రెస్ పార్టీ లోకాయుక్తకు ఫిర్యాదు చేసింది. దీనిపై స్పందించిన లోకాయుక్త విచారణ ప్రారంభించింది.
 సోమవారం కడప నగరానికి చేరుకున్న లోకాయుక్త డెరైక్టర్ నర్సింహారెడ్డిని వైఎస్సార్ సీపీ ఎంపీ అవినాష్‌రెడ్డితో పాటు ఆ పార్టీ ఎమ్మెల్యేలు అంజాద్‌పాషా తదితరులు కలిశారు. ఈ సందర్భంగా కలెక్టర్ వ్యవహార శైలిపై వారు వివరించారు. ఈ మేరకు నర్సింహారెడ్డి సాయంత్రం కలెక్టర్‌తో రమణతో సమావేశం కానున్నారు


 వరంగల్ అర్బన్ : లోకాయుక్త జస్టిస్ సుభాషణ్‌రెడ్డి గ్రేటర్ వరంగల్ కమిషనర్ సర్ఫరాజ్ అహ్మద్‌కు సమన్లు జారీ చేశారు. మహా నగరంలోని రామన్నపేట, సిటీలోని రెండు అపార్ట్‌మెంట్లు ప్లాన్‌కు విరుద్ధంగా నిర్మాణాలు చేపట్టారని వినియోగదారుల మండలి అధ్యక్షుడు సాంబరాజు చక్రపాణి నాలుగు నెలల క్రితం లోకాయక్తను ఆశ్రయించారు.
 
 స్పందించిన లోకాయుక్త అనుమతుల పత్రాలు అందజేయూలని ఆదేశించింది. ఈ విషయమై టౌన్‌ప్లానింగ్ అధికారులు స్పందించకపోవడంతో పలుమార్లు నోటీసులు జారీ చేశారు. అధికారుల నిర్లక్ష్యాన్ని తప్పుపడుతూ కమిషనర్ ఈనెల 31వ తేదీన తన ఎదుట హాజరుకావాలని శుక్రవారం లోకాయుక్త ఆదేశాలు జారీ చేశారు.
  


 గుంటూరు: గుంటూరు ప్రభుత్వ ఆస్పత్రిలో పసికందును ఎలుకలు కొరికిన ఘటనపై లోకాయుక్త విచారణ ప్రారంభమైంది. లోకాయుక్త ఉప సంచాలకుడు రాజ్‌కుమార్ శుక్రవారం ఉదయం హైదరాబాద్ నుంచి ఆస్పత్రికి చేరుకుని వైద్యాధికారులతో సమావేశమయ్యారు. ఆస్పత్రి వార్డులను, పరిసరాలను పరిశీలించారు. అనంతరం సిబ్బందిని వివరాలు అడిగి తెలుసుకున్నారు. లోకాయుక్త విచారణ ఈ నేపథ్యంలో ఆస్పత్రి వార్డులను సిబ్బంది యుద్ధప్రాతిపదికన శుభ్రం చేయటం ప్రారంభించారు.
  


  లోకాయుక్తను కోరలు లేని పాముగా మారుస్తున్నారు
 {పభుత్వంపై విరుచుకు పడిన విపక్ష ఎమ్మెల్సీలు
 వాదనలతో లోకాయుక్త సవరణ బిల్లుకు ఆమోదం
  
  బెంగళూరు : న్యాయమూర్తి వై.భాస్కర్‌రావును లోకాయుక్త  పదవి నుంచి తప్పించేందుకు గాను రాష్ట్ర ప్రభుత్వం రూపొందించిన కర్ణాటక లోకాయుక్త(సవరణ) ముసాయిదా బిల్లు-15తో లోకాయుక్త సంస్థ పూర్తిగా కోరల్లేని పాములా మారిపోనుందని ప్రభుత్వంపై విపక్ష ఎమ్మెల్సీలు విరుచుకుపడ్డారు. లోకాయుక్త(సవరణ) ముసాయిదా బిల్లును రాష్ట్ర న్యాయ, శాసనసభా వ్యవహారాల శాఖ మంత్రి టి.బి.జయచంద్ర శుక్రవారం శాసనమండలిలో ప్రవేశపెట్టారు. ఈ సందర్భంగా జరిగిన చర్చలో విపక్ష సభ్యుడు సోమణ్ణ మాట్లాడుతూ.... ప్రస్తుతం లోకాయుక్తపై అవినీతి ఆరోపణలు వెల్లువెత్తిన నేపథ్యంలో లోకాయుక్తను ఆ పదవి నుంచి తప్పించేందుకంటూ రాష్ట్ర ప్రభుత్వం ఈ ముసాయిదా బిల్లును రూపొందించిందని, అయితే ఈ బిల్లు పూర్తిగా గందరగోళంగా ఉందని అన్నారు. ఈ బిల్లును ఎందుకోసమైతే రూపొందించారో ఆ లక్ష్యం నెరవేరకుండా, పూర్తిగా లోకాయుక్త సంస్థనే నిర్వీర్యం చేసే అంశాలను బిల్లులో చేర్చారని విమర్శించారు.
 
 ఇక అసెంబ్లీ సమావేశాలు  ముగిసే సందర్భంలో ఇంత హుటాహుటిన ఈ బిల్లును ప్రవేశపెట్టాల్సిన అవసరం ఏమొచ్చిందని సోమణ్ణ ప్రశ్నించారు. అసలు లోకాయుక్తను కాపాడేందుకు రాష్ట్ర ప్రభుత్వం ఎంత గా ప్రయత్నించిందో ముందుగా రాష్ట్ర ప్రజలందరికీ తెలియాల్సిన అవసరం ఉందని అన్నారు. ఇందుకు శాసనమండలిలో ప్రతిపక్ష నేత కె.ఎస్.ఈశ్వరప్ప మద్దతునిస్తూ లోకాయుక్త సంస్థకు అవినీతి దయ్యం పట్టుకుందని విమర్శనాస్త్రాలు సంధించారు. ప్రస్తుత బిల్లు ప్రకారం లోకాయుక్తను పదవి నుంచి తప్పించడం సాధ్యం కాదని, న్యాయనిపుణులతో చర్చించి ఈ బిల్లులో మార్పు చేర్పులు తీసుకురావాల్సిన అవసరం ఉందని సూచించారు. ఇదే సందర్భంలో లోకాయుక్తగా ఇతర రాష్ట్రాలకు చెందిన న్యాయమూర్తులను కాకుండా కర్ణాటకకే చెందిన వారినే నియమించేలా విధివిధానాలను రూపొందించాల్సిన అవసరం ఉందని అన్నారు. కాగా కర్ణాట క లోకాయుక్త(సవరణ) ముసాయిదా బిల్లు శుక్రవారం సాయంత్రం సమయంలో శాసనమండలిలో ఆమోదం పొందింది.
  


  హైదరాబాద్‌లో అరెస్ట్ చేసిన  ఎస్‌ఐటీ అధికారులు
  నేడు లోకాయుక్త పదవికి ‘భాస్కర్‌రావు’ రాజీనామా!
  
 బెంగళూరు: ‘లోకాయుక్త’ అవినీతికి సంబంధించి ప్రధాన నిందితుడిగా ఆరోపణలు ఎదుర్కొంటున్న లోకాయుక్త న్యాయమూర్తి వై.భాస్కర్‌రావు కుమారుడు అశ్విన్‌రావును ప్రత్యేక విచారణ బృందం(ఎస్‌ఐటీ) అధికారులు  అరెస్ట్ చేశారు. సోమవారం ఉదయం హైదరాబాద్‌లో అశ్విన్‌రావును అరెస్ట్ చేసిన ఎస్‌ఐటీ అధికారులు ఆయన్ను బెంగళూరు తీసుకు వచ్చేందుకు సన్నాహాలు చేస్తున్నారు. అశ్విన్‌రావును లోకాయుక్త ప్రత్యేక కోర్టులో హాజరుపరిచి, కస్టడీకి అనుమతి కోరనున్నట్లు ఎస్‌ఐటీ వర్గాల ద్వారా తెలుస్తోంది. అశ్విన్‌రావుతో  పాటు మరో వ్యక్తిని సైతం ఎస్‌ఐటీ అధికారులు అదుపులోకి తీసుకున్నట్లు సమాచారం. అయితే ఆ వ్యక్తి వివరాలను వెల్లడించేందుకు మాత్రం అధికారులు నిరాకరిస్తున్నారు. ఓ లోకాయుక్త న్యాయమూర్తి కుమారుడిని అవినీతి ఆరోపణలపై అరెస్ట్ చేయడం లోకాయుక్త చరిత్రలోనే ఇదే మొదటి సారి కావడం గమనార్హం.  కాగా, లోకాయుక్తలో జరిగిన అవినీతి కేసుకు సంబంధించి విచారణకు హాజరు కావాల్సిందిగా ఎస్‌ఐటీ అధికారులు అశ్విన్‌రావుకు నోటీసులు జారీ చేశారు. అయితే ఈ నోటీసులకు అశ్విన్‌రావు స్పందించకపోవడంతో కేసులో తదుపరి విచారణకు గాను ఎస్‌ఐటీ అధికారులు అశ్విన్‌రావును అరెస్ట్ చేశారు. ఇక ఇదే సందర్భంలో అశ్విన్‌రావు అరెస్ట్ నేపథ్యంలో లోకాయుక్త న్యాయమూర్తి వై.భాస్కర్‌రావు నేడు(మంగళవారం) తన పదవికి రాజీనామా చేయనున్నట్లు తెలుస్తోంది.
 
 లోకాయుక్త సంస్థ పై అవినీతి ఆరోపణలు రావడం, ఈ అంశంలో స్వయంగా లోకాయుక్త న్యాయమూర్తి కుమారుడు అశ్విన్‌రావే భాగస్వామి అయ్యారనే వార్తలు వచ్చినప్పటి నుంచి భాస్కర్‌రావు రాజీనామా కోసం డిమాండ్‌లు వినిపిస్తూనే ఉన్నాయి. అయితే ఆయన మాత్రం రాజీనామాకు సిద్ధపడలేదు. ఇక అశ్విన్‌రావును ఎస్‌ఐటీ అధికారులు అరెస్ట్ చేసిన నేపథ్యంలో లోకాయుక్త న్యాయమూర్తి వై. భాస్కర్‌రావు రాజీనామా చేయక తప్పని పరిస్థితి ఏర్పడింది. దీంతో గవర్నర్ వజుభాయ్ వాలాను మంగళవారం కలిసి లోకాయుక్త భాస్కర్‌రావు తన రాజీనామాను అందజేయనున్నారని తెలుస్తోంది. ఇదిలా ఉండగా అశ్విన్‌రావు అరెస్టుకు సంబంధించి మరో వాదన కూడా వినిపిస్తోంది. అశ్విన్‌రావు తనను బెదిరిస్తున్నట్లు నీటిపారుదల శాఖలో అసిస్టెంట్ ఇంజనీర్‌గా విధులు నిర్వర్తిస్తున్న చెన్నబసప్ప గతంలో లోకాయుక్తకు ఫిర్యాదు చేశారు. ఈ కేసులోనే అశ్విన్‌రావును అరెస్టు చేశారు. అయితే ఈ విషయాన్ని అధికారులు ధృవీకరించాల్సి ఉంది.
 
  రియాజ్‌కు 12 రోజుల జుడీషియల్ కస్టడీ
  ఇక లోకాయుక్త అవినీతి కేసులో ఆరోపణలు ఎదుర్కొంటున్న లోకాయుక్త ప్రజా సంబంధాల శాఖ అధికారి రియాజ్‌ను ఆదివారం రాత్రి పొద్దు పోయాక అరెస్ట్ చేసిన ఎస్‌ఐటీ అధికారులు ఆయన్ను సోమవారమిక్కడి లోకాయుక్త ప్రత్యేక కోర్టులో హాజరు పరిచారు. ఈ సందర్భంగా రియాజ్‌ను 12 రోజుల జుడీషియల్ కస్టడీకి అప్పగిస్తూ లోకాయుక్త ప్రత్యేక న్యాయస్థానం ఆదేశాలు జారీ చేసింది.  
  
  
  


 ఉప లోకాయుక్తకు ఫిర్యాదు చేశానన్న ఏడీజీపీ సుశాంత్ మహాపాత్ర
 సాక్షి, బెంగళూరు: లోకాయుక్త వై.భాస్కర్‌రావుపై వస్తున్న అవినీతి ఆరోపణల వేడి చల్లారక ముందే మరో ఉన్నత స్థాయి అధికారిపై వస్తున్న అవినీతి ఆరోపణలు ప్రజలతో పాటు అధికారుల్లోనూ ప్రకంపనలు రేపుతున్నాయి. సాధారణంగా నగర పోలీస్ కమిషనర్ నియామకం సమయంలో ఆ స్థానానికి రేసులో ఉన్న సీనియర్ ఐపీఎస్ అధికారులు ఒకరిపై ఒకరు ఆరోపణలకు దిగడం షరామామూలే. అయితే ఈ సారి ఈ ఆరోపణల పర్వం మరింత ముందే మొదలైంది. ప్రస్తుత నగర పోలీస్ కమిషనర్ ఎం.ఎన్.రెడ్డి త్వరలోనే ఉద్యోగోన్నతిపై వెళ్లనున్నారు.
 
 ఈ నేపథ్యంలో ఆయన కర్ణాటక పోలీస్ హౌసింగ్ సొసైటీ ఏడీజీపీగా ఉన్న సమయంలో కొత్త పోలీస్ స్టేషన్‌లు, పోలీసుల క్వార్టర్స్ నిర్మాణంలో అవకతవకలకు పాల్పడ్డారంటూ హౌసింగ్ సొసైటీ ప్రస్తుత ఏడీజీపీ సుశాంత్ మహాపాత్ర ఆరోపణలు చేశారు. ఈ వ్యవహారంపై తాను ఇప్పటికే రాష్ట్ర ప్రభుత్వ ప్రధాన కార్యదర్శితో పాటు రాష్ట్ర హోం శాఖ కార్యదర్శి, రాష్ట్ర ఆర్థిక శాఖకు సైతం ఫిర్యాదు చేశానని పేర్కొన్నారు. అయితే ఈ విషయంలో వీరెవరూ స్పందించకపోవడంతో తాను ఉప లోకాయుక్త సుభాష్ బి.ఆడికి ఫిర్యాదు చేసినట్లు చెప్పారు. అయితే సుశాంత్ మహాపాత్ర చేసిన ఆరోపణల్లో ఎంతమాత్రం నిజం లేదని నగర పోలీస్ కమిషనర్ ఎం.ఎన్.రెడ్డి వెల్లడించారు.  తనపై లేనిపోని ఆరోపణలు చేస్తున్నారని, ఏ సాక్ష్యాలతో తనపై  సుశాంత్ మహాపాత్ర ఇలాంటి ఆరోపణలు చేస్తున్నారో తెలుసుకున్న తర్వాత ఈ అంశంపై పూర్తిగా స్పందిస్తానని పేర్కొన్నారు.


 చర్చకు రాని ప్రముఖ ముసాయిదా బిల్లులు
  ఈ నెల 24కు ముగియనున్న అసెంబ్లీ సమావేశాలు
  సమావేశాల గడువును విస్తరించే దిశగా ప్రభుత్వ సన్నాహాలు
  
 బెంగళూరు: ప్రభుత్వం రూపొందించిన కొన్ని ముఖ్యమైన ముసాయిదా బిల్లులను ఇప్పటికీ అసెంబ్లీ సమావేశాల్లో ప్రవేశపెట్టకపోవడంతో వర్షాకాల సమావేశాలను విస్తరించేందుకు రాష్ట్ర ప్రభుత్వం నిర్ణయించింది. గతంలో నిర్ణయించిన షెడ్యూల్ ప్రకారం ఈనెల 24తో వర్షాకాల అసెంబ్లీ సమావేశాలు ముగియాల్సి ఉన్నప్పటికీ ఈ బిల్లులను సభలో ప్రవేశపెట్టి సభ అనుమతి పొందేందుకు గాను ఐదు రోజుల పాటు సమావేశాల నిర్వహణను విస్తరించాలని ప్రభుత్వం నిర్ణయించినట్లు సమాచారం. ఇందుకు సంబంధించి గురువారం సాయంత్రం బెళగావిలోని సువర్ణసౌధలో జరిగిన సభా సలహా సమితి సమావేశంలో సైతం తీర్మానం చేసినట్లు విశ్వసనీయ వర్గాల సమాచారం. దీంతో ఈనెల 24న ముగియాల్సి ఉన్న అసెంబ్లీ సమావేశాలు 29 వరకు కొనసాగే అవకాశం ఉందని తెలుస్తోంది. ఇక బెళగావిలో సువర్ణసౌధలో 10రోజుల పాటు సాగిన అసెంబ్లీ సమావేశాల్లో మొదటి మూడు రోజులు చెరకు రైతుల ఆత్మహత్యలే ప్రతిధ్వనించాయి. చెరుకు రైతులకు చెల్లించాల్సిన వేల కోట్ల రూపాయల బకాయిల పట్ల చక్కెర కర్మాగారాల యాజమాన్యాలు నిర్లక్ష్యం వహిస్తున్న నేపథ్యంలో కన్నడనాడులో చెరుకు రైతులు ఆత్మహత్యలకు పాల్పడుతున్న విషయం తెలిసిందే.
 
 ఈ నేపథ్యంలో చెరుకు రైతులకు రావాల్సిన బకాయిలను తక్షణమే ఇప్పించడంతో పాటు రైతుల సమస్యల పరిష్కారాన్ని కోరుతూ ప్రతిపక్షాలు మూడు రోజుల పాటు సభా కార్యకలాపాలను సజావుగా సాగనివ్వలేదు. అనంతరం లోకాయుక్తపై వచ్చిన అవినీతి ఆరోపణలతో ఉభయ సభలు అట్టుడికాయి. లోకాయుక్త వై.భాస్కర్‌రావును పదవీచ్యుతిడిని చేయాలనే డిమాండ్‌తో బీజేపీ, జేడీఎస్‌లు సంయుక్తంగా ఎమ్మెల్యేల సంతకాల సేకరణను సైతం ప్రారంభించాయి. ఇక ఇంకోరోజు రాష్ట్ర సాంఘిక, సంక్షేమ శాఖలో వెలుగుచూసిన పరుపులు, దిండ్ల కుంభకోణంతో ఉభయ సభల్లోనూ ప్రతిపక్షాలు అధికార పక్షాన్ని నిలదీశాయి. ఇలా బెళగావిలోని సువర్ణసౌధలో 10రోజుల పాటు జరిగిన అసెంబ్లీ సమావేశాల్లో అధికార పక్షం, విపక్షాల మధ్య వాగ్యుద్ధానికే ఎక్కువ సమయం కేటాయించారు. దీంతో ప్రభుత్వం రూపొందించిన కొన్ని ముఖ్యమైన ముసాయిదా బిల్లులను సభల్లో ప్రవేశపెట్టలేకపోయారు.
 
 ఇక సువర్ణసౌధలో ఏర్పాటు చేసిన అసెంబ్లీ సమావేశాలు శుక్రవారంతో ముగిశాయి. తిరిగి సోమవారం నుంచి బెంగళూరులోని విధానసౌధలో అసెంబ్లీ సమావేశాలు ప్రారంభంకానున్నాయి. షెడ్యూల్ ప్రకారం ఈనెల 24నాటికి ఈ సమావేశాలు పూర్తి కావాల్సి ఉన్నప్పటికీ, ముఖ్యమైన బిల్లులను సభలో ప్రవేశపెట్టి సభ ఆమోదాన్ని పొందేందుకు గాను ఐదు రోజుల పాటు సభా కార్యకలాపాలను పొడిగించేందుకు రాష్ట్ర ప్రభుత్వం నిర్ణయించినట్లు తెలుస్తోంది.
  
  


 12 మంది అధికారులను ఎస్‌ఐటీలో నియమించిన ప్రభుత్వం
 గురువారం నుంచే ప్రారంభం కానున్న దర్యాప్తు
  
 బెంగళూరు: లోకాయుక్తపై వచ్చిన అవినీతి ఆరోపణల విచారణకు గాను రాష్ట్ర ప్రభుత్వం ఏర్పా టు చేసిన ప్రత్యేక విచారణ బృందానికి(ఎస్‌ఐటీ) గాను అధికారుల నియామకం పూర్తైది. ఈ విచారణ బృందానికి రాష్ట్ర జైళ్ల శాఖ ఏడీజీపీ కమల్‌పంత్ నేతృత్వం వహించనున్న విషయం తెలిసిందే. కాగా ఈ బృందంలో కేఎస్‌ఆర్‌టీసీ విజిలెన్స్ విభాగం డెరైక్టర్ సోమేందు ముఖర్జీ, బెంగళూరు పశ్చిమ విభాగం డీసీపీ లాబూరామ్‌లతో పాటు మొత్తం 12 మంది అధికారుల ను నియమిస్తూ రాష్ట్ర ప్రభుత్వం ఆదేశాలు జారీ చేసింది. ఈ బృందం నేటి(గురువారం) నుంచే విచారణను ప్రారంభించనున్నట్లు సమాచారం. ఈ బృందంలోని సభ్యుల నియామకానికి సం బంధించి డీజీపీ ఓం ప్రకాష్ రావు ఇప్పటికే ము ఖ్యమంత్రి సిద్ధరామయ్యతో పాటు రాష్ట్ర హోం శాఖ మంత్రి కె.జె.జార్జ్‌కు నివేదిక అందజేయ గా, సిద్ధరామయ్యతో పాటు జార్జ్ సైతం అం గీకారం తెలిపినట్లు విశ్వసనీయ సమాచారం. తనపై వచ్చిన ఆరోపణలకు సంబంధించి సమగ్ర విచారణ జరిపించాలంటూ లోకాయుక్త  వై.భాస్కర్‌రావే స్వయంగా గత నెల 28న రాష్ట్ర ప్రభుత్వానికి లేఖ రాసిన నేపథ్యంలో ప్రత్యేక విచారణ బృందాన్ని (ఎస్‌ఐటీ) ఏర్పాటు చేస్తూ రాష్ట్ర ప్రభుత్వం ఆదేశాలు జారీ చేసింది.
  
 అశ్విన్‌రావ్‌పై మరో ఫిర్యాదు
  లోకాయుక్త సంస్థ పేరును అడ్డు పెట్టుకుని అవినీతి కార్యకలాపాలకు పాల్పడ్డారనే ఆరోపణలు ఎదుర్కొంటున్న లోకాయుక్త న్యాయమూర్తి వై.భాస్కర్‌రావు కుమారుడు అశ్విన్‌రావుపై మరో ఫిర్యాదు నమోదైంది. తన వద్ద రూ.20లక్షలు తీసుకుని మోసం చేశారంటూ బెంగళూరుకి చెందిన రియల్ ఎస్టేట్ వ్యాపారి కృష్ణమూర్తి ప్రత్యేక విచారణ బృందం అధికారి కమల్‌పంత్‌కు బుధవారమిక్కడ ఫిర్యాదు చేశారు. ఈ సందర్భంగా కృష్ణమూర్తి విలేకరులతో మాట్లాడుతూ....‘రియల్ ఎస్టేట్ వ్యవహారానికి సంబంధించి కాంగ్రెస్ ఎమ్మెల్యే మునిరత్న  నాకు రూ.8కోట్లు బాకీ పడ్డారు. ఈ మొత్తాన్ని చాలా రోజుల వరకు ఇవ్వకుండా నన్ను ఇబ్బంది పెడుతున్నారు. దీంతో ఈ మొత్తాన్ని నాకు ఇప్పిం చాల్సిందిగా నేను అశ్విన్‌రావును కోరాను. ఇందుకు అశ్విన్‌రావు తనకు రూ.2కోట్లు ఇస్తే మునిరత్న నుంచి రూ.8కోట్లు ఇప్పిస్తానని చెప్పారు. అయితే నేను అంత మొత్తాన్ని ఒకేసారి ఇచ్చుకోలేనని చెప్పాను. దీంతో రెండు విడతల్లో ఒక్కొసారి రూ.10లక్షల చొప్పున మొత్తం రూ.20లక్షలు అందజేశాను. ఈ డబ్బులు తీసుకున్న తర్వాత అశ్విన్‌రావు నా నుంచి తప్పించుకు తిరుగుతున్నారు’ అని తెలిపారు. తాను అశ్విన్‌రావుకు ఇచ్చి న రూ.20లక్షలను ఎలాగైనా సరే తనకు ఇప్పించాలని కమల్‌పంత్‌కు ఇచ్చిన ఫిర్యాదులో పేర్కొన్నట్లు కృష్ణమూర్తి వెల్లడించారు.
  
  
  


 బెంగళూరు: లోకాయుక్త న్యాయమూ ర్తి వై.భాస్కర్‌రావును పదవి నుంచి తొల గించే అంశంపై న్యాయనిపుణులతో చర్చిం చి నిర్ణయం తీసుకోనున్నట్లు స్పీకర్ కాగో డు తిమ్మప్ప వెల్లడించారు. బెళగావిలోని సువర్ణసౌధలో సోమవారం తనను కలిసిన విలేకరులతో ఆయన మాట్లాడారు. లోకాయుక్తను పదవి నుంచి తొలగించాలని ప్రతి పక్షాల ఎమ్మెల్యేలు సంతకాలు చేసి ఇవ్వడంపై ప్రస్తుతం తాను స్పందించలేనని కాగోడు తిమ్మప్ప తెలిపారు. లోకాయుక్తను పదవి నుంచి తొలగించే అంశంపై ఉన్నట్లుండి నిర్ణయం తీసుకోలేమని, ఈ విషయానికి సంబంధించి న్యాయపరమైన చిక్కుల గురించి సైతం ఆలోచించాల్సి ఉంటుందని స్పీకర్ కాగోడు తిమ్మప్ప వెల్లడించారు.
  
 సవరణలు చేసే వరకు సాధ్యం కాదు
  లోకాయుక్త న్యాయమూర్తి వై.భాస్కర్‌రావును ఆ పదవి నుంచి తొలగించే అంశానికి సంబంధించి చట్టసభల్లో చర్చను చేపట్టాలని ప్రతిపక్షాలు పట్టుపడుతున్న నేపథ్యం లో సోమవారం సాయంత్రం స్పీకర్ నేతృత్వంలో శాసనసభా సలహా సమితి సభ జరిగింది. లోకాయుక్తను పదవి నుంచి తొలగించేందుకుగాను చర్చ చేపట్టడానికి గల సాధ్యాసాధ్యాలను సమీక్షించేందుకు స్పీకర్ కాగోడు తిమ్మప్ప, ముఖ్యమంత్రి సిద్ధరామయ్యతోపాటు అన్ని పార్టీలకు చెందిన ముఖ్య నేతలు ఈ సమావేశంలో పాల్గొన్నారు. ఈ సమావేశంలో పాల్గొన్న అడ్వొకేట్ జనరల్ రవివర్మ కుమార్, న్యాయమూర్తుల తొలగింపునకు సంబంధించి ప్రస్తుతం ఉన్న చట్టాల్లో సవరణలు తీసుకొచ్చే వరకు చట్టసభల్లో ఈ అంశంపై చర్చించడం సాధ్యం కాదని సలహా సమితికి వివరించారు. ముందుగా న్యాయమూర్తుల తొలగింపు చట్టంలో సవరణలు తీసుకురావాలని, ఆ తర్వాత మాత్రమే లోకాయుక్తను ఆ పదవి నుంచి తొలగించే అంశంపై చట్టసభల్లో చర్చించేందుకు సాధ్యమవుతుందని అడ్వకేట్ జనరల్ స్పష్టం చేయడంతో తదుపరి చర్యలపై పార్టీల నేతలు సమాలోచనలు చేస్తున్నారు.     
  
  


 అవినీతి ఆరోపణలపై లోకాయుక్త
 న్యాయమూర్తికి ఫోన్ చేసిన గవర్నర్
 పూర్తి స్థాయి నివేదిక అందజేయాలని
 రాష్ట్ర ప్రభుత్వానికి ఆదేశాలు
  
 బెంగళూరు: లోకాయుక్త సంస్థ పేరును అడ్డుపెట్టుకొని లోకాయుక్త న్యాయమూర్తి వై. భాస్కర్‌రావు కుమారుడు అశ్విన్‌రావు భారీ ఎత్తున అవినీతికి పాల్పడ్డారంటూ వస్తున్న ఆరోపణలపై గవర్నర్ వజుభాయ్ రుడాభాయ్ వాలా(వి.ఆర్.వాలా) స్పందించారు. ఈ మొ త్తం వ్యవహారంపై లోకాయుక్త భాస్కర్‌రావుతో గవర్నర్ వి. ఆర్.వాలా సోమవారమిక్కడ ఫోన్‌లో సంభాషించినట్లు సమాచారం. లోకాయుక్త వ్యవహారంపై ఇన్ని రోజులు మౌనంగా ఉన్న గవర్నర్ వి.ఆర్.వాలా, లోకాయుక్త రాజీనామాను డిమాండ్ చేస్తూ రాష్ట్ర వ్యాప్తంగా ఆందోళనలుఉధృతమవుతుండడంతో ఈ అంశంపై గవర్నర్ స్పందించారు. లోకాయుక్త పై వచ్చిన ఆరోపణలతోపాటు ఎలాంటి ఫిర్యాదులు తీసుకోవద్దంటూ లోకాయుక్త న్యాయమూర్తి వై.భాస్కర్‌రావు లోకాయుక్త అధికారులకు ఇచ్చిన ఆదేశాలకు సంబంధించిన సమాచారాన్ని సైతం గవర్నర్ ఈ సందర్భంగా అడిగి తెలుసుకున్నట్లు సమాచారం.
 
 లోకాయుక్త అవినీతి ఆరోపణలకు  సంబంధించిన సమగ్ర నివేదికను అందజేయాలని రాష్ట్ర ప్రభుత్వాన్ని సైతం గవర్నర్ వి.ఆర్.వాలా ఆదేశించినట్లు విశ్వసనీయ వర్గాల సమాచారం. ఇదే సందర్భంలో రాష్ట్ర ప్రభుత్వ తీరుపై సైతం గవర్నర్ ఒకింత అసహనాన్ని ప్రదర్శించినట్లు తెలుస్తోంది. లోకాయుక్త న్యాయమూర్తి పైనే అవినీతి ఆరోపణలు వచ్చిన నేపథ్యంలో ప్రజలంతా వీధుల్లోకి వచ్చి నిరసన కార్యక్రమాలు చేపడుతున్నారని, ఇదిలాగే కొనసాగితే ప్రజలు ఏ దర్యాప్తు సంస్థను కూడా నమ్మే పరిస్థితి ఉండదని గవర్నర్ ఈ సందర్భంగా పేర్కొన్నట్లు అధికార వర్గాలే చెబుతున్నాయి. లోకాయుక్త అవినీతి ఆరోపణలకు సంబంధించిన సమగ్ర నివేదికను వీలైనంత త్వరగా తనకు అందజేయాలని రాష్ట్ర ప్రభుత్వ ప్రధాన కార్యదర్శి కౌశిక్ ముఖర్జీని గవర్నర్ వి.ఆర్.వాలా ఆదేశించినట్లు సమాచారం.
  
  4.
  


 సిబ్బందికి లోకాయుక్త మౌఖిక ఆదేశాలు !
 లోకాయుక్త రాజీనామాపై శుక్రవారం సైతం కొనసాగిన ఆందోళనలు
  
 బెంగళూరు: అవినీతి ఆరోపణలు ఎదుర్కొంటున్న లోకాయుక్త న్యాయమూర్తి వై.భాస్కర్‌రావు లోకాయుక్తలో ఫిర్యాదుల స్వీకరణకు తాత్కాలికంగా నిలుపుదల చేసినట్లు సమాచారం. స్వయంగా లోకాయుక్త పైనే ఆరోపణలు వస్తున్న నేపథ్యంలో ఈ వ్యవహారం ఓ కొలిక్కి వచ్చే వరకు ప్రజల నుంచి ఎలాంటి ఫిర్యాదులు స్వీకరించరాదని ఆయన లోకాయుక్త సిబ్బందికి మౌఖిక ఆదేశాలు జారీ చేసినట్లు తెలుస్తోంది. లోకాయుక్త వై.భాస్కర్‌రావు కుమారుడు   అశ్విన్‌రావుపై కోట్ల రూపాయల్లో అవినీతి ఆరోపణలు వస్తుండడంతో పాటు ఇందుకు భాస్కర్‌రావు సైతం మద్దతుగా నిలిచారనే ఆరోపణల మధ్య లోకాయుక్త రాజీనామా చేయాలంటూ ప్రజాసంఘాలు, న్యాయవాదులు లోకాయుక్త కార్యాలయంతో పాటు ఆయన నివాసం ఎదుట సైతం నిరసనకు దిగుతున్న విషయం తెలిసిందే. ఈ నేపథ్యంలో అధికారుల అవినీతికి సంబంధించి ఆర్‌టీఐ కార్యకర్తలు, సాధారణ ప్రజలు ఇచ్చే ఫిర్యాదులను స్వీకరించవద్దని, ఎలాంటి విచారణను చేపట్టవద్దని లోకాయుక్త భాస్కర్‌రావు, లోకాయుక్త ఏడీజీపీ ప్రేమ్‌శంకర్ మీనాను ఆదేశించినట్లు సమాచారం. దీంతో ఫిర్యాదులు చేసేందుకు వస్తున్న సామాన్యులను లోకాయుక్త కార్యాలయం ఎదుట ఉన్న పోలీసులు బయటి నుంచే పంపించి వేస్తున్నారు. తమను ఇబ్బంది పెట్టే అవినీతి అధికారుల గురించి ఫిర్యాదు చేసేందుకు ఎంతో వ్యయ ప్రయాసల కోర్చి నగరానికి వచ్చిన సామాన్యులు తమ ఫిర్యాదులు నమోదు చేసుకోకుండానే వెనక్కు పంపేస్తుండడంతో ఏం చేయాలో దిక్కుతోచక తీవ్ర ఆవేదనతో లోకాయుక్త కార్యాలయం నుంచి వెనుదిరుగుతున్నారు.
 
 శుక్రవారం సైతం కొనసాగిన ఆందోళనలు....
 ఇక లోకాయుక్త వై.భాస్కర్‌రావు తక్షణమే రాజీనామా చేయాలనే డిమాండ్‌తో శుక్రవారం సైతం ఆందోళనలు కొనసాగాయి. లోకాయుక్త రాజీనామాను డిమాండ్ చేస్తూ కర్ణాటక రక్షణా వేదిక కార్యకర్తలు నగరంలో ర్యాలీని నిర్వహించారు. గాంధీనగర నుంచి ర్యాలీగా బయలుదేరిన కరవే కార్యకర్తలు లోకాయుక్త కార్యాలయానికి చేరుకొని, లోకాయుక్తను ముట్టడించే ప్రయత్నం చేశారు. ఈ సందర్భంలో కొంతమంది కార్యకర్తలను పోలీసులు అదుపులోకి తీసుకున్నారు. ఇక బార్‌కౌన్సిల్ సభ్యులు సైతం లోకాయుక్త కార్యాలయం ఎదుట నిరసనకు దిగారు. ఈ కేసును సీబీఐకి అప్పగించే వరకు తమ పోరాటాన్ని ఆపబోమని న్యాయవాదులు, ప్రజాసంఘాల నేతలు తెలిపారు. ఇక లోకాయుక్త పై వచ్చిన ఆరోపణలను సాకుగా చూపుతూ కొన్ని చిన్న చేపలను బలిపశువులు చేసి ఎన్నో పెద్ద తిమింగళాలు తప్పించుకునే ప్రయత్నం చేస్తునానయని ‘న్యాయక్కాగి నావు’ సంస్థ విమర్శించింది. శుక్రవారమిక్కడ నిర్వహించిన విలేకరుల సమావేశంలో సంస్థ పదాధికారుల్లో ఒకరైన అగ్ని శ్రీధర్ మాట్లాడుతూ....‘ఎంతో కాలంగా లోకాయుక్తలో అవినీతి జరుగుతూనే ఉంది. ఈ అవినీతిని అడ్డుకోవాల్సిన బాధ్యత అందరిపై ఉంది. ఇందుకు ప్రజల నుంచి భారీ ఎత్తున స్పందన రావాలి’ అని పేర్కొన్నారు. కాగా, ఈ విషయంపై ప్రముఖ న్యాయవాది ఎ.కె.సుబ్బయ్య స్పందిస్తూ అవినీతి ఆరోపణలు వచ్చినంత మాత్రాన లోకాయుక్త పదవిలో ఉన్న వారు రాజీనామా చేయాల్సిన అవసరం లేదని అన్నారు. ఆరోపణలు రుజువైతేనే రాజీనామా కోరాల్సి ఉంటుందంటూ భాస్కర్‌రావుకు మద్దతుగా నిలిచారు.
  


 లోకాయుక్తను తొలగించడానికి బీజేపీ, జేడీఎస్ సహా 57 మంది ఎమ్మెల్యేల సంతకాలు
  
 బెంగళూరు:  అవినీతి ఆరోపణలు ఎదుర్కొంటున్న లోకాయుక్త భాస్కర్‌రావ్‌ను వాయిదా తీర్మానం ద్వారా (మహాభియోగం) ఆ పదవి నుంచి దించడానికి విపక్షాలు తమ ప్రయత్నాలను ఉ దృతం చేశాయి. అందులో భాగంగా లోకాయుక్తను పదవి నుంచి తొలగించే విషయమై రూపొందించిన పత్రంలో శాసనభలో ప్రధాన విపక్షమైన భారతీయ జనతా పార్టీ, జేడీఎస్‌తో సహా 57 మంది శాసనసభ్యులు సంతకాలు చేశారు. శాసనసభ్యుల సంతకాలతో కూడిన ప్రతిని శాసనసభలో ఆయా పార్టీల ఫ్లోర్‌లీడర్లయిన జగదీష్‌శెట్టర్, కుమారస్వామిలు స్పీకర్ కాగోడు తిమ్మప్పకు శుక్రవారమే అందజేశారు. అనంతరం వారు బెళగావిలోని సువర్ణ విధానసౌధలో మీడియా సమావేశం నిర్వహించి మాట్లాడారు. లోకాయుక్త భాస్కర్ రావు, ఆయన కొడుకు అశ్విన్‌రావుతో కలిసి అక్రమాలకు పాల్పడుతూ ఎంతో పవిత్రమైన ఆ పదవికి కళంకం తెచ్చారని ఆగ్రహం వ్యక్తం చేశారు.
 
 అందువల్లే భా స్కర్‌రావును         ఆ పదవి నుంచి తొలగించాలని బీజేపీ, జేడీఎస్‌లు నిర్ణయించుకున్నాయని స్పష్టం చేశారు. నిబంధనలను అనుసరించి మహాభియోగ తీర్మానం ద్వారా ఆయన్ను తొలగించడానికి ప్రణాళికలు రూపొందిస్తున్నామని తెలిపారు. ఏదేని వ్యక్తిని ఓ పదవి నుంచి మహాభియోగ తీర్మానం ద్వారా తొలగించాలంటే చట్టసభలో మొదటగా నోటీసు ఇచ్చి అటుపై చర్చ జరగాల్సి ఉంటుందన్నారు. నోటీసుపై శాసనసభ సంఖ్యాబలంలో 20 శాతం మంది శాసనసభ్యులు సంతకాలు చేయాల్సి ఉంటుందన్నారు. ఈ మేరకు తాము రూపొందించిన నోటీసుపై 56 మంది శాసనసభ్యులు సంతకాలు చేశారని తెలిపారు. ఈ నోటీసును స్పీకర్ కాగోడు తిమ్మప్పకు అందజేసినట్లు వెల్లడించారు. శాసనసభ వ్యవహారాల సలహా సమితితో సంప్రదించి ఈ నోటీసుపై చట్టసభలో చర్చించడానికి అవకాశం కల్పించనున్నట్లు స్పీకర్ కాగోడు తిమ్మప్ప భరోసా ఇచ్చారన్నారు. లోకాయుక్త ప్రతిష్టను నిలపడానికి రాజకీయాలకు అతీతంగా అందరూ మద్దతు ఇస్తున్నారన్నారు. ఈ క్రమంలో స్వతంత్ర అభ్యర్థులతో పాటు కొంతమంది కాంగ్రెస్ నాయకులు కూడా తమతో కలిసి నడవడానికి ముందుకు వస్తున్నారని పేర్కొన్నారు. ఈ క్రమంలోనే కాంగ్రెస్ శాసనసభ్యుడు ఏ.ఎస్ పాటిల్ కూడా మహాభియోగ తీర్మానానికి మద్దతు తెలుపుతూ నోటీసుపై సంతకం చేశారని తెలిపారు.
  


 బెంగళూరు:  లోకాయుక్తపై వచ్చిన ఆరోపణల విషయమై సీబీఐ చేత దర్యాప్తు జరిపించాలనే విపక్షాల డిమాండ్‌ను ప్రభుత్వం తోసిపుచ్చింది. దీంతో ప్రభుత్వ చర్యలను నిరసిస్తూ బీజేపీ నాయకులు పరిషత్ నుంచి గురువారం వాకౌట్ చేశారు. వివరాలు...పరిషత్‌లో కార్యకలాపాలు ప్రారంభమైన వెంటనే బీజేపీ నాయకులు లోకాయుక్తపై వచ్చిన ఆరోపణల విషయమై చర్చకు పట్టుబట్టారు. ఈ క్రమంలో    కలుగజేసుకున్న పరిషత్ అధ్యక్షుడు శంకరమూర్తి ‘ఈ విషయమై ఇప్పటికే శాసనసభలో చర్చ జరిగింది. అందుకు అనుగుణంగా ముఖ్యమంత్రి సిద్ధరామయ్య కూడా సమాధానం ఇచ్చారు.
 
 ప్రశ్నోత్తరాల కార్యక్రమం తర్వాత మాత్రమే ఏ విషయానైనా చర్చించడం సంప్రదాయం. స్థానిక సమస్యలపై చర్చలు జరపడం కోసమే బెళగావిలో శాసనసభ సమావేశాలు జరుపుతున్నాం. ఈ కారణాల వల్ల నేను లోకాయుక్తపై వచ్చిన ఆరోపణలపై ప్రస్తుతం పరిషత్‌లో చర్చ జరపడానికి ప్రస్తుతం అనుమతించడం లేదు.’ అని స్పష్టం చేశారు. అయినా కూడా విషయ గంభీరత దృష్ట్యా చర్చకు అనుమతించాల్సిందేనని కే.ఎస్ ఈశ్వరప్ప పట్టుబట్టారు. ఈ సమయంలో ఎస్.ఆర్ పాటిల్ కలుగజేసుకుని ఈ విషయం హైకోర్టు పరిధిలో ఉన్నందు వల్ల ఇక చర్చ సరికాదని పరిషత్‌కు తెలియజేశారు. అంతేకాక ఆరోపణలపై దర్యాప్తునకు ప్రత్యేక తనిఖీ బృందాన్ని (స్పెషల్ ఇన్వెస్టిగేషన్ టీం-సిట్) ఏర్పాటు చేసినందువల్ల సీబీఐకు అప్పగించడం కూడా సరికాదన్నారు. అయినా కూడా బీజేపీ నాయకులు చర్చ ప్రారంభించడానికి తయారయ్యారు. దీంతో అధికార విపక్షాల మధ్య తీవ్ర వాగ్వాదం చెలరేగింది. ఎవరు ఏం మాట్లాడుతున్నారో అర్థంకాని పరిస్థితి ఏర్పడింది. ఈ నేపథ్యంలో ప్రభుత్వ చర్యలను నిరసిస్తూ విపక్ష నాయకులు సభ నుంచి వాకౌట్ చేశారు. ఇదిలా ఉండగా ప్రజాస్వామ్యంలో చర్చల వల్ల అన్ని సమస్యలు పరిష్కారం అవుతాయని అందువల్ల వాకౌట్ చేయడం సరికాదని సీఎం సిద్ధరామయ్య చెప్పడానికి ప్రయత్నించినా ఫలితం లేకపోయింది. సిద్ధరామయ్య మాటలను పట్టించుకోకుండా బీజేపీ నాయకులు పరిషత్ నుంచి బయటకు వెళ్లిపోయారు.
 
 సంతకాల సేకరణకు పూనుకున్న విపక్షాలు...
  ఇదిలా ఉండగా శాసనసభలో బీజేపీ, జేడీఎస్ ఫ్లోర్‌లీడర్లయిన జగదీష్‌శెట్టర్, కుమారస్వామి మీడియాతో మాట్లాడారు. ‘లోకాయుక్త భాస్కర్‌రావును ఆ స్థానం నుంచి తొలగించడానికి ప్రభుత్వానికి అధికారాలతో పాటు అనేక అవకాశాలు ఉన్నాయి. అయినా కూడా ప్రభుత్వం ఎటువంటి చర్యలు చేపట్టడం లేదు. మరోవైపు ఎవరి పైన ఆరోపణలు వచ్చాయో (లోకాయుక్త భాస్కర్‌రావు) అతని నుంచే సలహాలు తీసుకుని ఈ కేసుకు సంబంధించి దర్యాప్తు చేసే ప్రక్రియను ప్రభుత్వం నిర్వహిస్తోంది. ఈ పరిణామాలన్నింటినీ గమనిస్తే ఈ అక్రమాల్లో ప్రభుత్వంలోని పలువురు నాయకులు, ఉన్నతాధికారుల ప్రమేయం ఉందేమోనన్న అనుమానం కలుగుతోంది. ఇక విపక్షాలుగా మా బాధ్యతను నిర్వహించాలి. అందుకోసం లోకాయుక్త భాస్కర్‌రావును తొలిగించే విషయమై సంతకాల సేకరణ కార్యక్రమాన్ని నిర్వహించి లిఖిత పూర్వకంగా స్పీకర్‌కు అందజేయనున్నాం. మనఃసాక్షిని అనుసరించి సంతకాలు చేయమని కాంగ్రెస్ పార్టీకు చెందిన వారిని కూడా కోరుతాం’ అని వివరించారు. నేటి (శుక్రవారం) సాయంత్రం లేదా సోమవారం స్పీకర్‌కు సంతకాల సేకరణ ప్రతిని అందజేస్తాం అని మీడియా అడిగిన ఓ ప్రశ్నకు వారు సమాధానమిచ్చారు.              
  


 లోకాయుక్త రాజీనామాకు పెరుగుతున్న డిమాండ్
 రాజ్‌భవన్‌నూ తాకిన సెగ
 గవర్నర్‌పై ఆప్ మండిపాటు
  
 బెంగళూరు: లోకాయుక్త న్యాయమూర్తి వై.భాస్కర్‌రావు రాజీనామా చేయాలనే డిమాండ్ రాష్ట్ర వ్యాప్తంగా ఉదృతమవుతోంది. ఆయన కుమారుడు అశ్విన్‌రావ్ లోకాయుక్త అధికారులను బెదిరించి డబ్బు వసూలుకు ప్రయత్నించాడన్న ఆరోపణలు వచ్చిన విషయం తెలిసిందే. ఈ నేపథ్యంలోనే లోకాయుక్త భాస్కర్‌రావు సైతం అవినీతి కార్యకలాపాలకు మద్దతుగా నిలిచారని అందువల్ల ఆయన తక్షణమే తన పదవికి రాజీనామా చేయాలని రాష్ట్ర న్యాయవాదులతో పాటు వివిధ ప్రజాసంఘాల నేతలు సైతం డిమాండ్ చేస్తున్నారు. లోకాయుక్త తన పదవికి రాజీనామా చేయాలని అటు చట్టసభల్లో విపక్షాలు పట్టుపడుతుండగా కొన్ని స్వచ్ఛంద సంస్థలు లోకాయుక్త కార్యాలయం, నివాసం ఎదుటే నిరసన కార్యక్రమాలు చేపడుతున్నాయి. ఇక లోకాయుక్త రాజీనామా చేయాలనే డిమాండ్‌తో శాసనసభ సమావేశాల్లో విపక్షాలు ప్రభుత్వాన్ని నిలదీశాయి. ఇక లోకాయుక్త ఎస్పీ సోనియా నారంగ్ చేపట్టిన విచారణపై హైకోర్టు స్టే విధించడానికి కాసేపు ముందే ఆమె ఇందుకు సంబంధించిన ఎఫ్‌ఐఆర్‌ను రిజిస్టర్ చేశారని, ఇందులో లోకాయుక్త న్యాయమూర్తి వై.భాస్కర్‌రావు కుమారుడు అశ్విన్‌రావు, కృష్ణారావు పేరుతో అక్రమాలకు పాల్పడ్డారని పేర్కొంటూ అశ్విన్‌రావు పేరును ఎఫ్‌ఐఆర్‌లో చేర్చారని తెలుస్తోంది. ఇదే   సందర్భంలో ఈ కేసు విచారణకు గాను జైళ్ల శాఖ ఏడీజీపీ కమల్‌పంత్ నేతృత్వంలో రాష్ట్ర ప్రభుత్వం ప్రత్యేక విచారణ బృందాన్ని ఏర్పాటు చేసిన నేపథ్యంలో కమల్‌పంత్ బృందం త్వరలోనే ఈ కేసు విచారణను ప్రారంభించేందుకు సన్నాహాలు చేస్తున్నారు.  
  రాజ్‌భవన్‌నూ తాకిన సెగ......
  ఇక లోకాయుక్త పదవి నుంచి తప్పుకునేందుకు భాస్కర్‌రావు నిరాకరిస్తున్న నేపథ్యంలో ఆయన్ను తక్షణమే ఆ పదవి నుంచి తప్పించాలని గవర్నర్‌ను కోరుతున్న వారి సంఖ్య కూడా రోజురోజుకు పెరుగుతోంది. ఇదే సందర్భంలో లోకాయుక్తలో ఇంత పెద్ద ఎత్తున అవినీతి కార్యకలాపాలు బయటపడుతున్నా గవర్నర్ వజుభాయ్ రుడాభాయ్ వాలా స్పందించకపోవడంపై ఆమ్ ఆద్మీ పార్టీ (ఆప్) నేతలు మండిపడుతున్నారు. ప్రజా ప్రయోజనాలను దృష్టిలో ఉంచుకొని ఈ విషయంలో గవర్నర్ కలగజేసుకోవాలని, అంతేకాక లోకాయుక్తను ఆ పదవి నుంచి తప్పించాలని ఆప్ డిమాండ్ చేసింది. ఇక బీజేపీ ప్రతినిధుల బృందం సైతం ఈ అంశంపై గవర్నర్‌ను కలిసి వినతి పత్రం అందజేసేందుకు సన్నాహాలు చేస్తోంది.
 
 ఆప్తులతో భాస్కర్‌రావు సమాలోచనలు.....
 ఇక లోకాయుక్త రాజీనామా డిమాండ్ రాష్ట్ర వ్యాప్తంగా వినిపిస్తున్న నేపథ్యంలో భవిష్యత్ ప్రణాళికపై లోకాయుక్త న్యాయమూర్తి వై.భాస్కర్‌రావు తన సన్నిహితులతో సమాలోచనలు జరుపుతున్నట్లు సమాచారం. ఇప్పటికే అశ్విన్‌రావుపై ఎఫ్‌ఐఆర్ నమోదైన నేపథ్యంలో చట్టపరంగా ఎలాంటి చర్యలు చేపట్టాలనే అంశంపై సైతం భాస్కర్‌రావు న్యాయనిపుణులతో చర్చిస్తున్నట్లు తెలుస్తోంది.
  
  


 బెంగళూరు: లోకాయుక్తపై వస్తున్న అవి నీతి ఆరోపణలకు సంబంధించి జేడీఎస్ నేత, మాజీ ముఖ్యమంత్రి హెచ్.డి.కుమారస్వామి సంచలన వ్యాఖ్యలు చేశారు. ఈ అవినీతి కార్యకలాపాల్లో ఓ మంత్రి కుమారుడి హస్తం కూడా ఉందని, త్వరలోనే ఆ పేరును వెల్లడిస్తామని బెళగావిలోని సువర్ణసౌధలో బుధవారం ప్రకటించారు. లోకాయుక్తలో జరిగిన అవినీతి కార్యకలాపాల్లో ఓ మంత్రి కుమారుడి హస్తం సైతం ఉందన్న కుమారస్వామి, ఈ అంశంపై శాసనసభలో పూర్తి స్థాయి చర్చకు తాము సిద్ధంగా ఉన్నామని అన్నారు.
 
 చర్చ పూర్తయిన అనంతరం మంత్రి కుమారుడి పేరును ప్రకటిస్తామని తెలిపారు. అంతేకాక ఈ మొత్తం అవినీతి పర్వంలో రెవెన్యూ శాఖ మంత్రి పర్సనల్ సెక్రటరీ నాగరాజ్‌తోపాటు సీనియర్ ఐఏఎస్ అధికారులు సైతం భాగస్వాములయ్యారని ఆరోపించారు. ఈ అధికారులకు సంబంధించిన జాబితా కూడా తమ వద్ద ఉందని, జాబితాను స్పీకర్‌కు అందజేసేందుకు సిద్ధంగా ఉన్నామని ప్రకటించారు.  
  
  


 న్యాయనిపుణులతో చర్చించి నిర్ణయం తీసుకుంటామన్న సీఎం
 లోకాయుక్త న్యాయమూర్తి రాజీనామాకు పెరుగుతున్న డిమాండ్
  
 బెంగళూరు: రాష్ట్ర చరిత్రలోనే తొలిసారిగా లోకాయుక్త స్థానంలో ఉన్న వ్యక్తిపై భారీ స్థాయిలో అవినీతి ఆరోపణలు వెల్లువెత్తుతున్న నేపథ్యంలో ఈ కేసును సీబీఐకి అప్పగించాలనే డిమాండ్ పెరుగుతోంది. లోకాయుక్తపై వచ్చిన అవినీతి ఆరోపణలకు సంబంధించి విచారణ జరిపేందుకుగాను ప్రత్యేక విచారణ బృందాన్ని(ఎస్‌ఐటీ) ఏర్పాటు చేస్తూ రాష్ట్ర ప్రభుత్వం మంగళవారం ఆదేశాలు జారీ చేసిన విషయం తెలిసిందే. అయితే ఎస్‌ఐటీ విచారణ పారదర్శకంగా సాగే అవకాశాలు కనిపించడం లేదని, అందువల్ల ఈ అంశంలో నిజానిజాలు వెల్లడి కావాలంటే ఈ కేసును సీబీఐకి అప్పగించాలని కోరుతున్న వారి సంఖ్య రోజురోజుకూ పెరుగుతోంది. ఇక ఇదే విషయంపై అసెంబ్లీలో విపక్షాలు తమను నిలదీసేందుకు వ్యూహం రచిస్తున్నాయని తెలుసుకున్న ప్రభుత్వం విపక్షాలకు ఆ అవకాశం ఇవ్వకుండా ముందుగా తనే నిర్ణయం తీసుకోవాలనే దిశగా పావులు కదుపుతోంది. ఇక ఈ అంశంపై ముఖ్యమంత్రి సిద్ధరామయ్య చేసిన వ్యాఖ్యలు సైతం ఇందుకు ఊతమిస్తున్నాయి. బెళగావిలోని సువర్ణసౌధ వద్ద ముఖ్యమంత్రి సిద్ధరామయ్య ఈ విషయంపై స్పందిస్తూ, ఈ కేసును సీబీఐకి అప్పగించే విషయంపై న్యాయనిపుణులతో చర్చించి నిర్ణయం తీసుకోనున్నట్లు తెలిపారు. లోకాయుక్త ఒక స్వతంత్ర ప్రతిపత్తి కలిగిన సంస్థ కావడంతో తాము వెంటనే నిర్ణయం తీసుకోలేకపోతున్నామని సిద్ధరామయ్య తెలిపారు. ఇక  ఇదే అంశంపై ప్రతిపక్షం జేడీఎస్ శాసనసభలో అధికార పక్షాన్ని నిలదీసింది. జేడీఎస్ శాసనసభ్యులు వై.వి.దత్తా మాట్లాడుతూ, ‘ఏడీజీపీ కమల్‌పంత్ మూడు నెలల విదేశీ పర్యటనకు వెళుతున్నారు. అలాంటి సందర్భంలో ఆయన నేతృత్వంలో ఎస్‌ఐటీని ఏర్పాటు చేయడంపై ప్రభుత్వ వైఖరిని ఎలా అంచనా వేయాలి?’ అని ప్రశ్నించారు.
 
 లోకాయుక్త రాజీనామాకు పెరుగుతున్న డిమాండ్
  ఇక లోకాయుక్త న్యాయమూర్తి వై.భాస్కర్‌రావు రాజీనామా చేయాలనే డిమాండ్ రోజురోజుకు పెరుగుతోంది. ముఖ్యంగా రాష్ట్రంలోని న్యాయవాదులు లోకాయుక్త భాస్కర్‌రావు రాజీనామా చేయాల్సిందేనంటూ ధర్నాలకు దిగుతున్నారు. న్యాయవాదుల సంఘంతోపాటు మరికొన్ని ప్రజాసంఘాల కార్యకర్తలు బుధవారమిక్కడి ఎం.ఎస్.బిల్డింగ్‌లోని లోకాయుక్త కార్యాలయం ఎదుట ధర్నాకు దిగారు. ఈ సందర్భంగా రాష్ట్ర న్యాయవాదుల పరిషత్ అధ్యక్షుడు పి.పి.హెగ్డే మాట్లాడుతూ, లోకాయుక్త కార్యాలయంతోపాటు ఆయన నివాసంలో సైతం ఎంతో మంది అధికారులను బెదిరించి లోకాయుక్త న్యాయమూర్తి వై.భాస్కర్‌రావు కోట్ల రూపాయల అవినీతికి పాల్పడ్డారని ఆరోపించారు. కుమారుడితో కలిసి కోట్ల రూపాయల డీలింగ్‌లకు పాల్పడ్డ వై.భాస్కర్‌రావు ఆ పదవిలో కొనసాగేందుకు ఎంత మాత్రం అర్హులు కారని విమర్శించారు. ఇక పెద్ద సంఖ్యలో లోకాయుక్త కార్యాలయానికి చేరుకున్న న్యాయవాదులు లోకాయుక్త కార్యాలయంలోకి చొచ్చుకొని వెళ్లేందుకు ప్రయత్నించడంతో కాసేపు ఆ ప్రాంతంలో ఉద్రిక్త పరిస్థితులు నెలకొన్నాయి. అనంతరం పోలీసులు అక్కడికి చేరుకొని న్యాయవాదులకు నచ్చజెప్పి అక్కడి నుంచి పంపించి వేశారు. ముందు జాగ్రత్త చర్యల్లో భాగంగా లోకాయుక్త కార్యాలయం వద్ద భారీ ఎత్తున పోలీసులను మోహరించారు.
  


 లోకాయుక్త జస్టిస్ సుభాషణ్‌రెడ్డి
 హైదరాబాద్: పాశ్చాత్య దేశాల్లో చట్టాలను గౌరవిస్తుంటే, మన దేశంలో మాత్రం చట్టాలను నిర్లక్ష్యం చేస్తున్నారని ఆంధ్రప్రదేశ్, తెలంగాణ రాష్ట్రాల లోకాయుక్త జస్టిస్ సుభాషణ్‌రెడ్డి అన్నారు. గాదలె లక్ష్మీభాయి కృష్ణారావు చారిటబుల్ ట్రస్ట్ ఆధ్వర్యంలో బేగంపేట్ ఫార్చూన్ మనోహర్ హోటల్‌లో ఏర్పాటు చేసిన కార్యక్రమంలో సుభాషణ్‌రెడ్డి మాట్లాడారు. దే శంలో ఎన్నో చట్టాలు కేవలం పేరుకే ఉన్నాయని, వాటిని అమలు చేయడం లేదని అన్నారు.
 
 2009 లో విద్యాహక్కు చట్టం తీసుకొచ్చినా ఇంకా బడిలో చేరని పిల్లల సంఖ్య పెరుగుతూనే ఉందని ఆవేదన వ్యక్తం చేశారు. వైద్యం కోసం రోగులు తమ ఆస్తులను కూడా అమ్ముకోవాల్సిన పరిస్థితులు దేశంలో ఇంకా ఉన్నాయన్నారు. డాక్టర్లు, లాయర్లు, ఇంజనీర్లు అందరూ తమ రంగాల్లో సేవాభావాన్ని జోడించి సమాజ హితానికి ముందుకురావాలని పిలుపునిచ్చారు.
 
 ఈ సందర్భంగా చార్టర్డ్ అకౌంటెంట్ జి.కల్యాణ్ దాస్ జీవిత చరిత్ర పుస్తకం ‘ఏ రివర్ త్రూ హిల్‌లాక్స్’ ను జస్టిస్ విలాస్ అఫ్జల్‌పుర్కర్ ఆవిష్కరించారు. కార్యక్రమంలో ఇనిస్టిట్యూట్ ఆఫ్ చార్టర్డ్ అకౌంటెంట్ ఆఫ్ ఇండియా ప్రెసిడెంట్ సీఏ మనోజ్ ఫడ్నీస్, శక్తి గ్రూప్ ఆఫ్ కంపెనీస్ చైర్మన్ నారాయణరావు, డాల్ఫిన్ మార్డ్ ప్రైవేట్ లిమిటెడ్ చైర్మన్ కేవీ రావు తదితరులు పాల్గొన్నారు.


 హైదరాబాద్: మంత్రి జగదీశ్ రెడ్డిపై వచ్చిన అవినీతి ఆరోపణలపై లోకాయుక్త సోమవారం విచారణ చేపట్టింది.  ఈ నేపథ్యంలో కాంగ్రెస్ పార్టీ ఎమ్మెల్యే సంపత్ కుమార్, మాజీ ఎంపీ పొన్నం ప్రభాకర్  లోకాయుక్త ముందు విచారణకు హాజరయ్యారు. అయితే ఈ కేసులో ఉన్నతాధికారులు కోర్టుకు హాజరుకాలేదు.  ఈ కేసులో నివేదిక సమర్పించడానికి 4 వారాల గడువు కోరిన ఉన్నతాధికారుల విఙ్ణప్తిని లోకాయుక్త తిరస్కరించింది.  ఈ రోజు మధ్యాహ్నం 2 గంటల 15 నిమిషాలకు ఎట్టి పరిస్థితుల్లోనూ విచారణకు హాజరుకావాల్సిందేనని లోకాయుక్త, జస్టిస్ సుభాషణ్ రెడ్డి  ఉన్నతాధికారులను ఆదేశించారు.


 పాలికె అక్రమాలపై దర్యాప్తు చేస్తున్న ఎస్‌పీ బదిలీపై నిలదీత
 అది సాధారణ బదిలీల్లో భాగమే అంటూ సీఎం జోక్యం
 విపక్షల రాద్ధాంతం అంటూ వ్యాఖ్య
  
 బెంగళూరు:  బృహత్ బెంగళూరు మహానగర పాలికేలో జరిగిన అక్రమాలపై దర్యాప్తు జరుపుతున్న లోకాయుక్త తీరుపై రాష్ట్ర శాసన సభ విపక్ష నాయకుడు జగదీష్‌శెట్టర్ అనుమానం వ్యక్తం చేశారు. ఏకంగా విధానసభలో ఈ విషయాన్ని ప్రస్తావించారు. శాసనసభలో సోమవారం కార్యక్రమాలు ప్రారంభమైన వెంటనే జగదీష్‌శెట్టర్ తన స్థానం నుంచి లేచి నిలబడి ‘బీబీఎంపీలో కోట్లాది రూపాయల అక్రమాలు జరిగిన వైనంపై దర్యాప్తు జరుపుతున్న లోకాయుక్త ఎస్పీని బదిలీ చేశారు. కొన్ని దస్త్రాల్లోని సమాచారాన్ని మారుస్తున్నారు. ఈ విషయాలపై లోకాయుక్త దృష్టి సారించలేదనే సమాచారం ఉంది. ఈ విషయమై చర్చించేందుకు అనుమతి ఇవ్వాలి.’ అని స్పీకర్ కాగోడు తిమ్మప్పను కోరారు. అయితే స్పీకర్ సూచన మేరకు జగదీష్‌శెట్టర్ ఈ  విషయంపై మరోసారి చర్చించడానికి ముందుకు వచ్చారు. అయితే ఈ సమయంలో కలుగుజేసుకున్న స్పీకర్ ‘బీబీఎంపీ అక్రమాలపై ఇప్పటికే లోకాయుక్త దర్యాప్తును కొనసాగిస్తోంది. ఈ సమయంలో చర్చించడం వల్ల దర్యాప్తు విధానం పక్కదారి పట్టే అవకాశం ఉంది. అందువల్ల చర్చ అవసరం లేదు.’ అని పేర్కొన్నారు.
 
 ఈ సమయంలో కలుగజేసుకున్న ముఖ్యమంత్రి సిద్ధరామయ్య సాధారణ బదిలీల్లో భాగంగానే లోకాయుక్త ఎస్‌పీని మరోచోటికి పంపించామన్నారు. ఈ విషయంపై విపక్షాలు అనవసర రాద్ధాంతం చేస్తున్నాయని అసహనం వ్యక్తం చేశారు. అందువల్ల చర్చ అవసరం లేదని పేర్కొన్నారు. ఇందుకు అంగీకరించని శెట్టర్ లోకాయుక్త దర్యాప్తు తీరుపై చర్చ జరిగించాల్సిందేనని పట్టుబట్టారు. ఈ సమయంలో అధికార విపక్షాల మధ్య స్వల్ప వాగ్వాదం నడిచింది. అయితే ఇప్పటికిప్పుడు ఈ విషయంపై చర్చకు అవకాశం కల్పించలేనని సరైన సమయంలో ఇందుకు అవకాశం కల్పిస్తామనని పేర్కొనడంతో శాసనసభలో పరిస్థితి సద్దుమణిగింది
  


 బెంగళూరు : అక్రమ మార్గంలో ఆదాయానికి మించి ఆస్తులు కూడబెట్టారన్న ఆరోపణలు కలిగిన ఆరుగురు ప్రభుత్వ అధికారుల ఇళ్లు, కార్యాలయాల్లో లోకాయుక్త శనివారం సోదాలు నిర్వహించింది. రాష్ట్ర వ్యాప్తంగా 21 చోట్ల ఏక కాలంలో నిర్వహించిన ఈ సోదాల్లో కోట్లాదిరుపాయాల స్థిర, చరాస్తులు బయటపడ్డాయని రాష్ట్ర లోకాయుక్త అదనపు డెరైక్టర్ జనరల్ ప్రేమ్‌శంకర్ మీన వెల్లడించారు. వివరాలు...
 
 కొప్పల్‌లో ఆర్టీవోగా విధులు నిర్వర్తిస్తున్న పీ.జీ పాండురంగశెట్టి దాదాపు రూ.1.22 కోట్ల స్థిరచరాస్తులను కూడబెట్టారు. ఆదాయంతో పోల్చినప్పుడు వీటి విలువ 144 శాతం ఎక్కువ.
 
 ►బీదర్ జిల్లా ఎస్పీ కార్యాలయంలో ఎస్పీకు పీఏగా విధులు నిర్వర్తిస్తున్న అశోక్ జీ మహాలింగ ఆస్తుల విలువ అతని ఆదాయంతో పోల్చినప్పుడు 209 శాతం అధికం.
 
 ► హాసన్‌లో ఫుడ్ ఇన్‌స్పెక్టర్‌గా విధులు నిర్వర్తిస్తున్న ఎం.దొరైస్వామి ఆదాయంతో పోల్చితే 103 రెట్ల అక్రమ ఆస్తులు కలిగి ఉన్నారు.
 
 ► మండ్యాలోని హసబా హోబ్లీలో రెవెన్యూ ఇన్‌స్పెక్టర్‌గా విధులు నిర్వర్తిస్తున్న దొడ్డయ్య దాదాపు రూ.1.23 కోట్ల స్థిర, చరాస్తులను కలిగి ఉన్నారు. వీటి విలువ అతని ఆదాయంతో పోల్చినప్పుడు 363 రెట్లు ఎక్కువ.
 
 ► శివమొగ్గాలో మైసూరు పేపర్ మిల్స్ లిమిటెడ్‌లో అసిస్టెంట్ జనరల్ మేనజర్‌గా ఉన్న జీవీ నంజయ్య దాదాపు రూ.1.30 కోట్ల స్థిర, చరాస్తులు కలిగి ఉన్నారు. ఆదాయంతో పోల్చినప్పుడు వీటి విలువ 145 రెట్లు ఎక్కువ.
 
 ► {పజాపనుల శాఖ మంగళూరు జిల్లా కార్యాలయంలో జూనియర్ ఇంజనీర్ అయిన అరుణ్‌ప్రకాశ్ డిసౌజా దాదాపు రూ.1.24 కోట్ల ఆస్తులు కలిగి ఉన్నారు. ఆదాయంతో పోల్చినప్పుడు వీటి విలువ 266 రెట్లు ఎక్కువ.
  
  


 బెంగళూరులో 90 శాతం రహదారుల్లో నాణ్యత కరువు
 క్యూసీఈ పరిశీలనలో  తేలిన వైనం
 ప్రభుత్వ ఖజానాకు  రూ. వెయ్యి కోట్ల నష్టం
 విచారణకు ఆదేశించిన లోకాయుక్త
  
 బెంగళూరు :  కొందరు అధికారులు, గుత్తేదారులు కుమ్మక్కయ్యారు! దీంతో బృహత్ బెంగళూరు మహానగర పాలికే పరిధిలో రోడ్లు నరక కూపాలుగా మారుతున్నాయి. 90 శాతం రహదారుల్లో నాణ్యత నిర్ధిష్ట ప్రమాణాల్లో లేకపోవడం ఆయా దారుల్లో ప్రమాదాలు పెరుగుతుండటమే కాకుండా ప్రభుత్వ ఖజానాకు కోట్లాది రూపాయల నష్టం చేకూరిందని తేలింది. బీబీఎంపీలోని క్వాలిటీ కంట్రోల్ ఇంజనీరింగ్ (క్యూసీఈ) విభా గం ఈ ఏడాది ఏప్రిల్ నుంచి సెప్టెంబర్ మధ్య  నగరంలోని 189లోని రోడ్ల నాణ్యతను పరిశీలించగా అందులో 171 రోడ్లు నిర్ధిష్టం కంటే తక్కువ ప్రమాణాలు కలిగి ఉన్నాయని తేలింది. దీంతో చిన్నపాటి వర్షాలకే గుంతలు తేలడం, రోడ్డు వేసిన మూడు నెలల్లోపే సదరు రహదారి వాహన సంచారానికి అనువుగా లేకపోవడం వంటి విషయాలు వెలుగు చూస్తున్నాయని క్యూసీఈ తన నివేదికలో పేర్కొంది. అయితే రోడ్లు నిర్మించిన గుత్తేదార్లకు బిల్లులు చెల్లించివేశారని అధికారుల పరిశీలనలో తేలింది. ఈ విషయంలో అధికారులు, గుత్తేదారుల మధ్య కోట్లాది రూపాయలు చేతులు మారాయని తెలుస్తోంది.
 
 మరోవైపు నాణ్యత తక్కువగా ఉన్న రోడ్లలో వాహనదారులు ప్రయాణించడం వల్ల తరుచూ ప్రమాదాలకు గురవుతున్నారని అధికారులు తమ నివేదికలో పేర్కొన్నారు. ఈ విషయాలన్నింటినీ పేర్కొంటూ కర్ణాటక జనహిత వేదిక స్వచ్ఛంద సంస్థ అధ్యక్షుడు సాయిదత్త లోకాయుక్తకు ఇటీవల ఫిర్యాదు చేశారు. ఈ విషయంపై సాయిదత్త మాట్లాడుతూ... 2013-14 ఏడాది మధ్య బీబీఎంపీ పరిధిలో చేపట్టిన రోడ్ల నిర్మాణం, అభివృద్ధి పనుల్లో రూ.1,000 కోట్ల అక్రమాలు జరిగాయి. సంబంధిత అధికారులపై ప్రభుత్వం చర్యలు తీసుకునేంతవరకూ తన పోరాటం ఆగదని స్పష్టం చేశారు. ఫిర్యాదును విచారణకు స్వీకరించిన లోకాయుక్త రోడ్ల నిర్మాణం, నిర్వహణలో నాణ్యత తక్కువగా ఉండటానికి కారణాలు, ఇందుకు బాధ్యులు, వారిపై తీసుకున్న చర్యలు తదితర విషయాలపై వచ్చే జనవరి 7లోపు పూర్తి స్థాయి నివేదికను అందజేయాల్సిందిగా బీబీఎంపీకు లేఖ రాసినట్లు తెలిసింది.
 
 క్యూసీఈ పరిశీలలో తేలిన కొన్ని వాస్తవాలు
 
 దక్షిణ విభాగం : 42 రోడ్డు పనులు పరిశీలన, 32 పనుల్లో నాణ్యత కరువు
 తూర్పు విభాగం : 21రోడ్డు పనులు పరిశీలన, అన్నింటిలోనూ నాణ్యత లేమి
 పశ్చిమ విభాగం : 37 రోడ్డు పనుల్లో 32లో అంతే
 మహాదేవపుర : 18 రోడ్డు పనుల్లో 14 నాణ్యత లేని స్థితి
 దాసరహళ్లి : ఆరింటిలో నాలుగు పనుల్లో నాణ్యత లేని వైనం
 రాజరాజేశ్వరి నగర్ : 20 రోడ్డు పనుల్లో 17              
      
  
  
  


 హైదరాబాద్: విద్యుత్ ఒప్పందాల ఉల్లంఘనపై ఏపీ ప్రభుత్వానికి లోకాయుక్త బుధవారం నోటీసులు జారీ చేశారు.  తెలంగాణకు రావాల్సిన విద్యుత్ ఎందుకు నిలిపివేశారో  వెల్లడించాలని లోకాయుక్త ఏపీ ప్రభుత్వాన్ని ఆదేశించారు. ఈ అంశంపై జనవరి 19 లోపల సమాధానం ఇవ్వాలని ఏపీ ప్రభుత్వానికి జారీ చేసిన ఆదేశాలలో లోకాయుక్త పేర్కొన్నారు.
 రాష్ట్ర విభజన నేపథ్యంలో ఏపీ ప్రభుత్వం విద్యుత్ ఒప్పందాలను ఉల్లంఘిస్తుందంటూ తెలంగాణకు చెందిన అడ్వొకేట్ జానార్దన్గౌడ్ లోకాయుక్తను ఆశ్రయించారు. దీంతో లోకాయుక్త బుధవారంపై విధంగా స్పందించారు.


 నలుగురు అవినీతి తిమింగలాల బాగోతం బట్టబయలు
 భారీ ఆస్తులు కూడబెట్టుకున్న ఏఎస్‌ఐ
  
 బెంగళూరు:   అక్రమ మార్గంలో ఆదాయానికి మించి ఆస్తులు సంపాదించారన్న ఆరోపణలపై నలుగురు ప్రభుత్వ ఉద్యోగుల ఇళ్లు, కార్యాలయూల్లో శనివారం ఏకకాలంలో లోకాయుక్త రాష్ట్రంలోని వివిధ చోట్ల సోదాలు నిర్వహించింది. అధికారుల సోదాల్లో కోట్లాది రూపాయల విలువ చేసే స్థిర, చరాస్తులు బయటపడ్డాయి.
 
 లోకాయుక్త ఏడీజీపీ ప్రేమ్‌కుమార్‌మీన తెలిపిన వివరాల ప్రకారం... బెంగళూరు గ్రామీణ జిల్లా ఆనేకల్‌లోని పీఎల్‌డీ బ్యాంక్ మేనేజర్‌గా విధులు నిర్వర్తిస్తున్న వై వెంకట్‌రాజు సుమారుగా రూ.1.86 కోట్ల స్థిర, చరాస్తులు కూడబెట్టినట్లు లోకాయుక్త సోదాల్లో బయటపడింది. ఇతని ఆదాయంతో పోలిస్తే సంపద విలువ 194 రెట్లు ఎక్కువని లోకాయుక్త అధికారులు లెక్కగట్టారు. చిత్రదుర్గ జిల్లా చెళ్లకెరెలోని నాయకనాథహట్టి పోలీస్‌స్టేషన్‌లో ఏఎస్‌ఐగా విధులు నిర్వర్తిస్తున్న ఎం.రహ్మతుల్లా ఆదాయంతో పోల్చినప్పుడు సంపద విలువ 90 రెట్లు ఎక్కువగా ఉన్నటు బయటపడింది. చిత్రదుర్గలో గ్రామీణాభివృద్ధి, పంచాయతీరాజ్ శాఖ అకౌంట్స్ విభాగంలో సూపరింటెండెంట్‌గా విధులు నిర్వర్తిస్తున్న ఆర్.తిమ్మబోవి దాదాపు కోటిరూపాయలు అక్రమమార్గంలో సంపాదించినట్లు లోకాయుక్త గుర్తించింది. ఆదాయంతో పోల్చినప్పుడు ఇతని సంపాదన 155 రెట్లు ఎక్కువ. రాష్ట్రపారిశ్రామికాభివృద్ధి శాఖ బెల్గాం విభాగంలో జాయింట్ డెరైక్టర్‌గా విధులు నిర్వర్తిస్తున్న కే.పీ పరమేశ్వరప్ప దాదాపు రూ.1.50 కోట్ల స్థిర,చరాస్తులు కలిగి ఉన్నట్లు తేలింది. దాదాపు 143 రెట్లు ఎక్కువ ఆస్తులను కూడబెట్టినట్లు లోకాయుక్త మీడియాకు విడుదల చేసిన ప్రకటనలో పేర్కొంది.
  


  సాక్షి, న్యూఢిల్లీ: ఢిల్లీలో లోకాయుక్త నియామకం ఎంతవరకు వచ్చిందని ఢిల్లీ హైకోర్టు కేంద్ర ప్రభుత్వాన్ని ప్రశ్నించింది. గత సంవత్సరం జూన్‌లో న్యాయమూర్తి మన్మోహన్ సరీన్ పదవీకాలం ముగిసినప్పటి నుంచి ఢిల్లీలో లోకాయుక్త పదవి ఖాళీగానే ఉంది. ఈ పదవిలో మరొకరి నియమించే పద్ధతి గురించి తెలియచేయాలని హైకోర్టు కేంద్రాన్ని కోరింది. లోకాయుక్త నియామకంపై దాఖలైన  ఓ ప్రజాప్రయోజన వ్యాజ్యాన్ని విచారించిన ప్రధాన న్యాయమూర్తి జి. రోహిణి, న్యాయమూర్తి ఆర్.ఎస్. ఎండ్లాతో కూడిన ధర్మాసనం లోకాయుక్త నియామకంపై కేంద్రం నుంచి ఆదేశాలను తీసుకోవలసిందిగా అదనపు సొలిసిటర్ జనరల్ సంజయ్ జైన్‌ను ఆదేశించింది. కొత్త లోకాయుక్తను నియమించాలని లేదా మాజీ లోకాయుక్త చైర్మన్ మన్మోహన్ సరీన్ పదవీకాలాన్ని పొడిగించాలని పిటిషనర్ కోరారు.
  
  ఈ కేసుపై విచారణను సెప్టెంబర్ 17న చేపట్టనున్నట్లు ప్రకటించిన ధర్మాసనం లోకాయుక్త నియామకం కోసం పాటించే పద్ధతి ఏమిటని అదనపు సొలిసిటర్ జనరల్‌ను ప్రశ్నించింది. ఇందుకు సంబంధించి ప్రభుత్వం నుంచి వివరణ తీసుకోవాలని, ఈ తరవాత తామే అవసరమైన చర్యలు తీసుకుంటామని ధర్మాసనం పేర్కొంది.లోకాయుక్త నియామకాన్ని కోరుతూ కమ్రాన్ సిద్ధిఖీ ప్రజాప్రయోజన వ్యాజ్యాన్ని దాఖలు చేశారు.  ఓఖ్లా ఎమ్మెల్యే ఆసిఫ్ మహ్మద్ ఖాన్‌పై ఆయన పిటిషన్ దాఖలు చేశారు. ఖాన్ ప్రజా నిధులను తన నియోజకవర్గరంలో కనీస వసతులను కల్పించడంపై వెచ్చించకుండా శ్మశానవాటిన సుందరీకరణపై ఖర్చు చేస్తున్నారని సిద్ధికీ ఆరోపించారు.
  
  పజల సొమ్మును దుర్వినియోగం చేయకుండా ఖాన్‌ను అడ్డుకోవాలని ఆయన కోరారు. ఇటువంటి కేసులపై మాజీ లోకాయుక్త మన్మోహన్ సరీన్ దర్యాప్తులు ప్రారంభించారని, ఈ దర్యాప్తులు చివరి దశలో ఉండగా సరీన్ పదవీకాలం ముగిసిం దని సిద్దిఖీ తరపు న్యాయవాది కమ్రాన్ మాలిక్ చెప్పారు. ఈ కేసులకు సంబంధించిన దర్యాప్తులు కొనసాగేందుకు సరీన్ పదవీకాలాన్ని పొడిగించాలని లేదా కొత్త లోకాయుక్తను నియమించాలని పిటిషనర్ విజ్ఞప్తి చేశారు. ఎమ్మెల్యే ఆసిఫ్ మహ్మద్ ఖాన్‌పై 17 క్రిమినల్ కేసులున్నాయని పిటిషనర్ తరపు న్యాయవాది మాలిక్ కోర్టుకు చెప్పారు.
  
  వాటిలో చాలా కేసులు ప్రభుత్వాధికారులపై దాడులు, డీడీఏకు చెందిన స్థలాల ఆక్రమణకు సంబంధించిన కేసులని ఆయన న్యాయస్థానానికి తెలిపారు. ఎమ్మెల్యే లాడ్ నిధులను బాట్లా హౌస్ ప్రాంతంలోని శ్మశానవాటికను సుందరంగా తీర్చిదిద్దడం కోసం ఖాన్ దుర్వినియోగం చేస్తున్నారని మాలిక్ ఆరోపించారు. బాగానే ఉన్న గోడను కూల్చి కొత్త గోడను నిర్మించేందుకు రూ. 2.8 కోట్లు ఖర్చు చేస్తున్న విషయాన్ని కోర్టు దృష్టికి తీసుకువచ్చారు.
  


 బెంగళూరు: తన కుమారుడి మృత దేహం ఎలుకల పాలు కావడానికి కారణమైన వారిపై చర్యలు తీసుకుని తనకు న్యాయం చేయాలని ఓ మాతృమూర్తి లోకాయుక్తను ఆశ్రయించిన సంఘటన బుధవారం జరిగింది. వివరాలు... అరసికెరెకు చెందిన జగదీష్, యోగమ్మ దంపతులు రెండు నెలల కుమారుడు ఇటీల ఓ ప్రైవేటు ఆస్పత్రిలో చికిత్స పొందుతూ మరణించాడు. వైద్యుల నిర్లక్ష్యం వల్లే తన చిన్నారి చనిపోయాడని స్థానిక పోలీస్ స్టేషన్‌లో యోగమ్మ ఫిర్యాదు చేశారు. కేసు విచారణలో భాగంగా పోస్ట్‌మార్టం కోసం శిశువు మృతదేహాన్ని హాసన్ ఇన్‌స్టిట్యూట్ ఆఫ్ మెడికల్ సైన్స్’ లోని మార్చురీలో ఉంచారు.
 
 అయితే శిశువు కళ్లు, చెవులతో పాటు మొహం లోని కొన్ని భాగాలు ఎలుకలు తిన్న ఘటన వెలుగులోకి వచ్చింది. ఈ విషయమై లోకాయుక్తలో బుధవారం బాధితురాలు ఫిర్యాదు చేశారు.  ఆమె ఫిర్యాదులో.. ‘నాతో పాటు నా భర్తకూడా వికలాంగుడు. ఇకపై నేను గర్భం దాల్చలేను. వైద్యుల నిర్లక్ష్యం వల్ల వంశోద్ధారకుడిని కోల్పాయాం. ఈ విషయమై పోలీస్ స్టేషన్‌లో ఫిర్యాదు చేసినా సరైన స్పందనలేదు. పైగా నా కుమారుడి ముఖాన్ని ఆఖరు సారిగా చూసుకుందామన్నా వీలు లేకుండా పోయిం ది. అందువల్ల ఘటనకు బాధ్యులపై చర్యలు తీసుకుండి.’ అని పేర్కొన్నారు. కేసు  విచారణకు స్వీకరించిన లోకాయుక్త ఘటనపై సమగ్ర దర్యాప్తునకు ఆదేశించింది.  
  
  


 సాక్షి, హైదరాబాద్: రాష్ట్ర ప్రభుత్వంలో అత్యంత కీలకమైన పలు విభాగాలు, సంస్థల విభజనపై సందిగ్ధం నెలకొంది. రాష్ట్రంలో లోకాయుక్త, ప్రజాహక్కుల పరిరక్షణకు పెద్ద దిక్కుగా మారిన మానవహక్కుల కమిషన్, రాష్ట్ర ప్రభుత్వ ఉద్యోగుల హక్కులను పరిరక్షిస్తున్న పరిపాలనా ట్రిబ్యునల్(ఏపీఏటీ), ప్రభుత్వ భూముల దురాక్రమణను నియంత్రించేందుకు దేశంలోనే మొదటిసారిగా ఏర్పాటైన భూ ఆక్రమణల నియంత్రణ ప్రత్యేక కోర్టు, వినియోగదారుల హక్కులను పరిరక్షించే రాష్ట్ర వినియోగదారుల ఫోరం సహా అనేక సంస్థల విషయంలో స్పష్టత కరువైంది. అపాయింటెడ్ డే అయిన జూన్ 2 నుంచి ఇవి రెండు రాష్ట్రాలకు ఉమ్మడిగా పనిచేస్తాయా లేక ప్రత్యేకంగా ఏర్పాటవుతాయా? అన్నది అయోమయంగా మారింది. రాష్ట్ర విభజన చట్టంలో స్పష్టత లేని కారణంగా ఈ సంస్థల నిర్వహణ గందరగోళంగా మారనుంది. ఏ రాష్ర్ట ప్రభుత్వ పరిధిలో అవి విధులు నిర్వహించాలి? ఈ సంస్థల ఉద్యోగులకు జీతాలు ఎవరు చెల్లించాలి? తదితర అంశాలపై ఇప్పటికీ ఏమీ తేల్చలేదని న్యాయ నిపుణులు విస్మయం వ్యక్తం చేస్తున్నారు. ఏడాదిపాటు రెండు రాష్ట్రాలకు ఉమ్మడిగా విధులు నిర్వహించేలా చట్టంలోని పదో షెడ్యూల్‌లో దాదాపు 107 రాష్ట్ర ప్రభుత్వ సంస్థలను చేర్చారు. ఇందులో లోకాయుక్త, హక్కుల కమిషన్ సహా నిత్యం ప్రజలకు అందుబాటులో ఉండే 38 సంస్థలను మాత్రం చేర్చలేదు. అయితే రెండు రాష్ట్రాలకు వీటిని విభజించడం ఇప్పట్లో సాధ్యపడేలా లేదు. దీంతో సదరు సంస్థలను పదో షెడ్యూల్‌లో చేర్చాలని గవర్నర్ నరసింహన్ ఇటీవల కేంద్ర ప్రభుత్వానికి సిఫార్సు చేశారు. అయితే దీనిపై కేంద్రం ఇంకా నిర్ణయం తీసుకోలేదు. మరో రెండు రోజుల్లో ఆర్డినెన్స్ రూపంలో కేంద్రం ఈ సంస్థలను 10వ షెడ్యూల్‌లో చేర్చకపోతే జూన్ 2 తర్వాత వాటి నిర్వహణ ఇబ్బందిగా మారనుంది. కాగా, 10వ షెడ్యూల్‌లో చేర్చిన సంస్థల సంఖ్య ఇప్పటికే దాదాపు 150కి చేరడంతో ఈ సంస్థల నిర్వహణ అస్తవ్యస్తంగా మారే అవకాశం ఉందని న్యాయ నిపుణులు అభిప్రాయపడుతున్నారు. ప్రజా ప్రయోజనాల దృష్ట్యా లోకాయుక్త, హక్కుల కమిషన్ వంటి న్యాయ సంస్థల విషయంలో కేంద్ర ం వెంటనే స్పష్టతనివ్వాల్సి ఉందని హైకోర్టు మాజీ జడ్జి జస్టిస్ పి.లక్ష్మణ్‌రెడ్డి అభిప్రాయపడ్డారు.
  


  శ్రీశైలం, న్యూస్‌లైన్: కర్నూలు జిల్లా శ్రీశైల దేవస్థానం పరిధిలో ఈఓ ఆజాద్ చేపట్టిన అభివృద్ధి పనులను పర్యవేక్షించేందుకు రాష్ట్ర లోకాయుక్త ముగ్గురు సభ్యులతో కూడిన కమిటీని ఏర్పాటు చేసింది. ఈ మేరకు దేవాదాయశాఖ సహాయ కమిషనర్ దొడ్డా వెంకటేశ్వరరెడ్డి గురువారం ఒక ప్రకటన విడుదల చేశారు. ఆలయప్రాంగణంలో, వెలుపల భక్తుల సౌకర్యార్థం నిర్మిస్తున్న, ఇప్పటికే నిర్మించిన కట్టడాల పరిశీలన తదితర అంశాలను పర్యవేక్షించడానికి కమిటీ ఏర్పాటైందని పేర్కొన్నారు. ఈ కమిటీలో విశ్రాంత ఇన్‌స్పెక్టర్ జనరల్ ఆఫ్ పోలీస్ , డెరైక్టర్ ఆఫ్ ఇన్వేస్టిగేషన్ నరసింహారెడ్డి, స్థానిక తహశీల్దార్ మల్లికార్జున, స్థానిక సీఐ వేణుగోపాల్‌రెడ్డి సభ్యులుగా ఉంటారన్నారు. ఆలయ ప్రాంగణంలో జరుగుతున్న అభివృద్ధి పనులతో పాటు వివిధ ప్రదేశాలలో జరుగుతున్న పనులపై ఈ కమిటీ పర్యవేక్షిస్తుందన్నారు.


 గుజరాత్ ఎన్నికల ప్రచారంలో రాహుల్
  
  న్యూఢిల్లీ/అమ్రేలి(గుజరాత్): గుజరాత్‌లో లోకాయుక్తను ఏర్పాటు చేసినట్లయితే.. జైలుకు వెళ్లే మొదటి వ్యక్తి బీజేపీ ప్రధానమంత్రి అభ్యర్థి నరేంద్రమోడీయే అని కాంగ్రెస్ ఉపాధ్యక్షుడు రాహుల్ గాంధీ చెప్పారు. సార్వత్రిక ఎన్నికల ప్రచారంలో భాగంగా శనివారం ఆయన గుజరాత్‌లో పర్యటించారు. ఈ సందర్భంగా మోడీపై తీవ్ర స్థాయిలో ధ్వజమెత్తారు. ‘‘తాను దేశానికి ‘చౌకీదార్’(కాపలాదారు)గా ఉంటానని మోడీ చెప్పారు. పేదల భూములను కారుచౌకగా పారిశ్రామికవేత్తలకు కట్టబెట్టిన చౌకీదార్‌ను మీరు నమ్ముతారా. ఆ వ్యక్తి దేశానికి చౌకీదారుగా ఉంటే ఏం జరుగుతుందో ఒక్కసారి ఆలోచించండి’’ అని ఆయన ప్రజలకు సూచించారు. మోడీకి గుజరాత్ వ్యాపార దిగ్గజం అదానీకి మధ్య భాగస్వామ్యం ఉందని రాహుల్‌గాంధీ ఆరోపించారు.
 
 గుజరాత్ ప్రభుత్వం నుంచి తాను పొందుతున్న ప్రయోజనాలకు ప్రతిఫలంగా మోడీ ఎన్నికల ప్రచారానికి అదానీ నిధులు అందిస్తున్నారని పేర్కొన్నారు. విద్యుత్ కొనుగోలు కోసం అదానీ కంపెనీకి మోడీ ప్రభుత్వం రూ. 26 వేల కోట్ల కాంట్రాక్టును కట్టబెట్టిందని, అలాగే తక్కువ ధరకు భూములు అప్పగించి మరో పది వేల కోట్ల రూపాయల లాభం చేకూర్చిందని ఆరోపించారు. గుజరాత్ అభివృద్ధి మోడల్‌పై మోడీ చేస్తున్న ప్రచారాన్ని కూడా రాహుల్ తప్పుబట్టారు.
  
  


 అవినీతిపై పోరు గురించి పదేపదే మాట్లాడుతున్న నరేంద్ర మోడీ తమ రాష్ట్రంలో లోకాయుక్త నియామకాన్ని పదేళ్లుగా అడ్డుకుంటున్నది దేనికి? పాలనలో అవినీతినీ, రాజ్యాధికార నిరంకుశ, అరాచక చర్యలనూ లోకాయుక్త విచారణ పరిధిలోకి రాకుండా జాగ్రత్తపడేందుకే! గుజరాత్ ‘నమూనా అభివృద్ధి’ అంటే ఇప్పడు అర్థమైంది గదా. ఒట్టి ‘ఊదర’ అని!
  
  ‘‘ఈ ఎన్నికల నాటకాన్ని పరిశీలిస్తున్నకొద్దీ ఒక్కో అభ్యర్థి తనదైన ప్రాపంచిక దృక్పథాన్నో, సొంత తత్వాన్నో ప్రదర్శించుకోవడం కన్పిస్తుంది. రాహుల్ గాంధీ పతనావస్థలో ఉన్న కాంగ్రెస్‌కు ప్రతినిధి, కేజ్రీవాల్ ‘ఆమ్ ఆద్మీ’ పార్టీ పేరిట ఓ నూతన రాజకీయ వాతావరణానికి ప్రతినిధి. ఇక నరేంద్ర మోడీ భారతీయ జనతాపార్టీకి ఓ పేలవమైన ప్రతినిధి. మోడీ మాట్లాడే తీరులో సాధికారత, సందర్భ శుద్ధి కన్పించదు. ఆయన రాజకీయ పరిజ్ఞానం అంతంత మాత్రమే. ఆయన నేర్చుకోవల్సింది అనంతం. మోడీలో నాగరిక లక్షణం తక్కువ. కృత్రిమమైన స్వదేశీ తత్వాన్ని సృష్టించడం ఆయనకు అలవాటు. ఆయన ‘స్వదేశీ’ భావన స్థానిక ప్రజలకూ, ప్రాంతానికీ సాధికారికత కల్పించేదికాదు. ఆయన రాజకీయం ఎంతసేపూ ‘గల్లీ’లో చిల్లర తరహా నాయకుడిదేగాని ఒక జాతి నాయకుడిది కాదు.’’
  - ప్రొఫెసర్ శివ విశ్వనాథన్, జిందాల్ స్కూల్ ఆఫ్ గవర్నమెంట్ అండ్ పబ్లిక్ పాలసీ
 
  గుజరాత్ ముఖ్యమంత్రి, ‘నమో’గా ప్రాచుర్యం పొందిన బీజేపీ ప్రధాని అభ్యర్థి నరేంద్ర మోడీకి భారత రాజ్యాంగ విషయాలలో ఎంతటి పరిజ్ఞానముందో మన కి తెలియదుగాని ఉన్నట్టుండి భారత రాజ్యాంగ ముసాయిదా రచనా సంఘానికి అధ్యక్షుడిగానూ, రాజ్యాంగ నిర్మాతలలో అగ్రగణ్యుడుగానూ గణుతికెక్కిన డాక్టర్ బీఆర్ అంబేద్కర్‌పై ఈమధ్య ఎక్కడలేని ‘ప్రేమ’, ‘గౌరవం’ పుట్టుకొచ్చాయి! దాంతోపాటు తన జీవితాంతం దేశంలోని అట్టడుగువర్గాల ప్రజల కడగండ్లు బాపడానికి, హైందవ సమాజంలోని వర్గ, వర్ణవివక్ష, దోపిడీలనుంచి, అవమానాల నుంచి వారిని విముక్తి చేయడానికి మహోన్నతస్థాయిలో పోరాడిన అంబేద్కర్‌ను కొత్తగా పొగడ్తలతో ముంచెత్తడానికి మోడీ ఎన్నికల వేళ ఉపక్రమించారు.
 
 నిజానికి అంబేద్కర్‌ను న్యూనపరచడంలో, రకరకాలుగా అవమానపరచడంలో, రాజ్యాంగ రచనా క్రమంలోనూ, రాజ్యాంగ నిర్ణయ సభా చర్చలలోనూ కాంగ్రెస్, ఆ తర్వాత బీజేపీ పోటీపడుతూ వచ్చినవే! ఆ వాచా పొగడ్తలు, ఆచరణలో అంబేద్కర్ స్ఫూర్తికి విరుద్ధం! మనకొక్కటే నిదర్శనం. రాజ్యాంగం నడవడిక సవ్యంగా సాగితే తన గొప్ప అనీ, ఆ నడత సవ్యంగా సాగకుండా కుంటుతూ ఉంటే అదంతా అంబేద్కర్ తప్పు అని చాటడానికే నాటి కాంగ్రెస్ నాయకులు అంబేద్కర్‌ను అలస్యంగా ముసాయిదా రచనా సంఘానికి అధ్యక్షుడిగా నియమించారు! ఈ కుట్రను కనిపెట్టే అంబేద్కర్ సాధ్యమైనంత జాగరూకతతో మెలగవలసివచ్చింది. తరతరాలుగా బానిసత్వంలో మగ్గిన దళి తులు, అణగారిన వర్గాలు పడుతున్న బాధలకు అహిం సామార్గం ద్వారానే స్వాతంత్య్రానంతరం శాశ్వత విమోచన కల్గించడానికి రాజ్యాంగ రచనను ఒక మార్గంగా భావించాడాయన. కానీ స్వార్థపర వర్గం అడ్డంకుల మూలంగా రచనా ప్రక్రియలో ఆయన కొంతమేర రాజీ పడాల్సి వచ్చింది. అందుకు తర్వాత అంబేద్కరే నొచ్చుకోవలసివచ్చింది.
 ఆ విషయాన్ని ఆయన దాచుకోలేదు.
 
  ఈ రాజకీయ పార్టీలకు ఎన్నికల సమయంలోనే అంబేద్కర్ సేవలు గుర్తుకు రావడం ఖండనార్హం. ఎందుకంటే దేశ సేవకులకు విగ్రహాలు నెలకొల్పడం, పద్మశ్రీలు, భారతరత్న బిరుదులివ్వడం అసలు నివాళి కాదు. భారత రాజ్యాంగ నిర్మాతగా ‘ఆదేశిక సూత్రాలు’ వేటిని భారత పాలకులు, రాష్ట్రాధినేతలు అమలు చేయాలని అంబేద్కర్ పేర్కొన్నారో వాటిని పాలకపక్షాలు ఎందుకు అమలు జరపడంలేదో ముందు నిగ్గు తేల్చాల్సిన విషయం. సమసమాజ నిర్మాణంలో ఆచరణలో అంతర్భాగం కావల్సిన ‘ఆదేశిక సూత్రాల’ను కాంగ్రెస్, బీజేపీ పాలకపక్షాలు ఇంతకాలం ఎందుకు పట్టించుకోలేదు. ఒక పార్టీ తన హయాంలో దేశం ‘అంతా వెలిగిపోతోంద’ని డబ్బా కొడితే, తాను ‘వికాస భారతాన్ని’ నిర్మిస్తున్నానని  మరొక పార్టీ ‘డప్పు’ కొడుతూ ప్రజల్ని ఇంకా తప్పుదారి  పట్టిస్తూనే ఉంది.
  
 ఇదేనా దళితులకిచ్చే గౌరవం
 
  అంతేగాదు. అంబేద్కర్ దళితులన్నా, అణగారిన ప్రజ లన్నా అన్ని మతాలలోని, మైనారిటీలలోని, మహిళల్లోని వర్గ, వర్ణ దోపిడీ, దౌర్జన్యాలకు గురవుతున్న యావన్మందినీ - దళితులుగా నిర్వచించారు. నేటి బీజేపీ, ఇందుకు విరుద్ధంగా మైనారిటీల పట్ల వివక్షతో వ్యవహరిస్తోంది. నేటి గుజరాత్‌లో ఇంతవరకూ మోడీ హయాంలో ఒకే ఒక్క మైనారిటీ(ముస్లిం) అభ్యర్థి లోక్‌సభకు ఎన్నిక కావడం జరిగింది!  ఈ రకమైన వివక్షకు అంబేద్కర్ పరమ వ్యతిరేకి అని మోడీకి తెలిసికూడా అంబేద్కర్ పేరును ఎన్నికల ప్రయోజనాలకు వాడుకోవాలని చూస్తున్నారు. ఉదాహరణకు గుజరాత్‌లో ఒక కేంద్రంలో నెలకొల్పిన అంబేద్కర్ విగ్రహాన్ని తీసుకుపోయి, అన్ని మతాల, కులాలవారు ప్రేమించిన చోటునుంచి మార్చి కేవలం దళితవాడలో ఒక మూల నెలకొల్పారు.  అంతేకాదు మోడీ, ఆయన వర్గీయుల దళిత‘స్పృహ’కు ఆయన రాసిన ‘కర్మయోగ్’ పుస్తకమే ప్రబల నిదర్శనం. ఇందులో పేర్కొన్న అంశాలన్నీ దళితుల ఆత్మగౌరవాన్ని దెబ్బతీసేవే. తాను ‘దళితుడినని’ చెప్పుకునే మోడీలో దళిత‘స్పృహ’ కనపడకపోగా, అందులో అంతా ఎత్తిపొడుపులూ, అవహేళనలే ఉన్నాయి! ఆయన తన ‘కర్మ్‌యోగ్’ పుస్తకంలో దళితులైన సంప్రదాయ వాల్మీకి తెగలోని పారిశుద్ధ్య కార్మికుల్ని ఉద్దేశించి ఇలా అన్నాడు... ‘‘వాల్మీకులు తాము జీవనభృతిని నిలుపుకోవడం కోసం ఈ పాచి ఊడ్చే పనులు చేస్తున్నారు.
 
 అలాకాకపోతే తరాలకొద్దీ ఈ వృత్తిలో కొనసాగేవారు కారు. కానీ కాలగమనంలో ఎవరికో జ్ఞానోదయం కలిగి, మొత్తం సమాజం సౌఖ్యం కోసం సంతోషం కోసం, దేవుడి తృప్తి కోసం వాల్మీకులు పాచిపనులు చేయడమే ధర్మం అని భావించారు! దైవాజ్ఞ ప్రకారమే తమకు సంక్రమించిన ఈ పారిశుద్ధ్యం పనులను వారు నెరవేర్చాలి. ఇది వారికి శతాబ్దాల తరబడి వస్తున్న ఆధ్యాత్మిక కార్యకలాపం. ఇది దైవాజ్ఞ కాకపోతే, వారి పూర్వీకులు మరో వృత్తినో, పనినో చేపట్టగల అవకాశం లేదని భావించడానికి వీల్లేదు’’!! దీన్ని బట్టి దళిత వాల్మీకుల పట్ల మోడీకి ఎంతటి ఘోరమైన దురవగాహన, చిన్నచూపు ఉందో అర్థమవుతుంది! గుజరాతీ సమాజాన్ని హిందుత్వ ప్రజావ్యతిరేక విధానం వైపు నెట్టిన మోడీ పుస్తకాన్ని గుజరాత్ ప్రభుత్వ పెట్రోలియం కార్పొరేషన్ ముద్రించడానికి సాహసించింది! గుజరాత్‌లో  ‘లోకాయుక్త’ నియామకాన్ని పదేళ్లుగా అడ్డుకుంటున్నది దేని కి? పాలనలో అవినీతినీ, రాజ్యాధికార నిరంకుశ, అరాచక చర్యలనూ లోకాయుక్త విచారణ పరిధిలోకి రాకుం డా జాగ్రతపడేందుకే! గుజరాత్ ‘నమూనా అభివృద్ధి’ అంటే ఇప్పడు ‘అర్థమైంది’ గదా! ఒట్టి ‘ఊదర’అని!
 
  చెరిగిపోని ‘చరిత్ర’
 
  గుజరాత్‌లో 2002లో జరిగిన ముస్లింల ఊచకోతకు బాధ్యత వహించని ముఖ్యమంత్రి, క్షమాపణ వేడుకోని ప్రభుత్వాధినేత, క్షమాపణ చెప్పే ప్రసక్తే లేదని మొరాయిస్తున్న వ్యక్తి, ఊచకోతల సందర్భంలో ‘రాజ ధర్మం తప్పావు’ ముఖ్యమంత్రి పదవికి తగవని నాటి ప్రధాని వాజపేయి హెచ్చరించినా వెరవని వ్యక్తి నరేంద్ర మోడీ! అల్లర్లకు సంబంధించి సుప్రీంకోర్టు విచారణ నిమిత్తం నియమించిన ‘సిట్’ తనను నిర్దోషిగా ప్రకటించినా, అదే కోర్టు ప్రత్యేక సహాయకుడిగా(ఎమికస్ క్యూరీ) నియమించిన న్యాయవాది రాజు రామచంద్రన్ ‘‘అయి నా, మోడీని విచారించడానికి  తగిన సాక్ష్యం లేకపోలేదు’’ అని చాటినా వెరవని ఘనాపాఠే, గుజరాత్ ‘‘గెస్టెపో’’ దళాధిపతి మోడీ! చరిత్రను ఎవరూ మాపలేరు!
 
  ఏబీకే ప్రసాద్ (వ్యాసకర్త సీనియర్ సంపాదకులు)
  


 సాధారణంగా ప్రభుత్వ శాఖలో నాలుగోతరగతి స్థాయి ఉద్యోగి ఇంట్లో తనిఖీలు నిర్వహిస్తే ఎంత దొరుకుతుంది... మహా అయితే రూ. 10 వేలు లేదా రూ. 20 వేలు. ప్రభుత్వ పబ్లిక్ వర్క్స్ డిపార్ట్మెంట్లో (చౌకీదారు) గార్డ్గా విధులు నిర్వర్తిస్తున్న గురు కృపాల్ సింగ్ ఇండోర్ నగరంలోని తిలక్ నగర్లో నివసిస్తున్నాడు. అతగాడి నివాసంపై శుక్రవారం లోకాయుక్త అధికారులు దాడులు నిర్వహించారు. సదరు గార్డుగారి నివాసంలో సంపద చూసి లోకాయుక్త అధికారుల కళ్లు బైర్లు కమ్మాయి.
  
 లక్ష... పది లక్షలు కాదు.. కోటీ... పది కోట్లు కాదు ఏకంగా రూ. 22 కోట్ల అతడి సంపద చూసే సరికి అధికారులు నిర్ఘాంతపోయారు. ఇంట్లోనే రూ. 12 లక్షల 44 వేల నగదును కనుగోన్నారు. లెక్కకు మిక్కిలిగా ఆభరణాలు, పలు డాక్యుమెంట్ పేపర్లును పోలీసులు స్వాధీనం చేసుకున్నారు. వీటీతోపాటు చాలా ఖరీదైన మూడు కార్లుతోపాటు రెండు ద్విచక్రవాహనాలను అధికారులు సీజ్ చేశారు. అంతేకాకుండా  14 ఇళ్లు, 20 ఏకరాల వ్యవసాయ భూమి  కృపాల్ సింగ్ పేరుతో ఉన్నాయి. ఇంతకీ కృపాల్ సింగ్ నెల జీతం ఎంతో తెలుసా అక్షరాల రూ. 22 వేలు.


 హైదరాబాద్: సంక్రాంతి సందర్భంగా కోడి పందాలు, బెట్టింగ్‌లు నిర్వహించకుండా జంతుహింస నిరోధక చట్టాలను సమర్ధవంతంగా అమలు చేయాలని తూర్పు, పశ్చిమ గోదావరి, కష్ణా జిల్లాల ఎస్పీలను లోకాయుక్త జస్టిస్ బి.సుభాషణ్‌రెడ్డి శుక్రవారం ఆదేశించారు. దీనిపై ఈనెల 27 లోగా సమగ్ర నివేదిక సమర్పించాలని ఉత్తర్వుల్లో పేర్కొన్నారు. కోడిపందాలు, బెట్టింగ్‌లు బహిరంగంగా జరుగుతున్నా పోలీసులు చర్యలు చేపట్టడం లేదంటూ హైకోర్టు న్యాయవాది జి.రోనాల్డ్‌రాజ్, పీడీ రాయులు దాఖలు చేసిన పిటిషన్‌ను లోకాయుక్త విచారణకు స్వీకరించి ఈమేరకు ఉత్తర్వులు జారీ చేశారు.
  
 పందేల ద్వారా ఏటా రూ.300 కోట్లు చేతులు మారుతున్నాయని, ఈ వైనాన్ని మీడియా ప్రత్యక్షంగా చూపుతున్నా పోలీసులు స్పందించడం లేదని పిటిషనర్లు తెలిపారు. మంత్రులు, ఎమ్మెల్యేలు, ఎంపీలు, ప్రజాప్రతినిధులు ఇందులో పాల్గొంటూ చట్టాలను ఉల్లంఘిస్తున్నారని చెప్పారు. ఎక్కువ సమయం లేనందున అత్యవసరంగా జోక్యం చేసుకోవాలని లోకాయుక్తను కోరారు.
  


 సాక్షి, కొత్తగూడెం: పంటనే నమ్ముకున్న అన్నదాత కడుపుకొట్టి.. వచ్చిన పరిహారం గోల్‌మాల్ చేసిన అధికారుల్లో హైరానా నెలకొంది. ఈ వ్యవహారంలో లోకాయుక్త సీరియస్‌గా స్పందించడంతో ఏ క్షణాన ఏం జరుగుతుందోనని సంబంధిత అధికారులకు వణుకు పుడుతోంది. పరిహారం నొక్కేసిన వైనంపై పూర్తి స్థాయిలో విచారణ చేస్తే అక్రమాలు వెలుగుచూడనున్నాయి.
  
  జిల్లాలో 2009 నుంచి 2012 వరకు జరిగిన పంట నష్టపరిహారం పంపిణీని ఇష్టారాజ్యంగా చేశారు. ఇందులో క్షేత్రస్థాయి అధికారుల పాత్ర ఎక్కువగా ఉంటే.. సంబంధిత ఉన్నతాధికారులు కూడా స్వాహా పర్వానికి గ్రీన్ సిగ్నల్ ఇవ్వడంతో యథేచ్ఛగా దండుకున్నారు. ప్రభుత్వం ఇప్పటి వరకు విడుదల చేసిన రూ.99 కోట్ల పరిహారంలో సుమారు రూ. 20 కోట్లు పక్కదారి పట్టినట్లు సమాచారం. అసలు పంట నష్టం అంచనాలోనే క్షేత్రస్థాయి సిబ్బంది తమ మాయాజాలన్ని ప్రదర్శించినట్లు తెలిసింది. ఎక్కువ సంఖ్యలో రైతులు పంట నష్టపోయినట్లు ప్రభుత్వానికి నివేదికలు పంపడంతో.. దానిపై మళ్లీ క్షేత్ర స్థాయిలో ఆయా అధికారులు పరిహారానికి ఎవరు అర్హులో అనేది విచారణ చేయించలేదు. దీంతో ప్రభుత్వానికి పంపిన తొలి విడత జాబితాలోనే ఎక్కువ మంది అనర్హులకు కూడా పరిహారం అందేలా చోటు దక్కింది. మండల స్థాయి అధికార పార్టీ నాయకులు సంబంధిత శాఖల సిబ్బందితో మిలాఖత్ అయి జాబితాలో అనర్హులకు స్థానం కల్పించేలా చక్రం తిప్పారు. అర్హులైన బాధిత రైతులకు ఈ జాబితాలో చోటు దక్కలేదు. దీనిపై వ్యవసాయ, రెవెన్యూ అధికారుల చుట్టూ వారు ప్రదక్షిణలు చేసినా ఫలితం లేకుండా పోయింది. చివరకు ఆయా రైతులు లోకాయక్తను ఆశ్రయించడంతో అక్రమాలకు పాల్పడిన అధికారులు ఆందోళన చెందుతున్నారు.
  
  ఇష్టారాజ్యంగా పరిహారం..
  ఖమ్మం రూరల్ మండలంలో ఈ పరిహారం పంపిణీ అడ్డగోలుగా చేసినట్లు బాధిత రైతులు లోకాయుక్తకు ఫిర్యాదు చేశారు. పరిహారం పంపిణీలో జరిగిన అవకతవకలపై ఆధారాాలతో సహా లోకాయుక్తకు అందజేశారు. ఆదర్శ రైతుల కుటుంబాల్లో నాలుగు నుంచి ఐదుగురి వరకు పరిహారం చెక్కులు రావడం, ఒక గ్రామానికి చెందిన రైతులను మరో గ్రామంలోని జాబితాలో పెట్టడం వంటి రుజువులు చూపించారు. అలాగే ఇల్లెందు మండలానికి చెంది.. ఖమ్మం రూరల్ మండలంలోని బంధువుల ఇంట్లో ఉండి చదువుకుంటున్న 8వ తరగతి విద్యార్థి పేరు కూడా ఈ జాబితాలో ఉన్నట్లు ఫిర్యాదులో పేర్కొన్నారు. ఒక సర్వే నంబర్ పరిధిలో ఉన్న తరి భూమిలో పత్తి సాగు చేసినట్లు రికార్డుల్లో చూపించారు. అసలు ఈ భూమి వరిసాగుకు మాత్రమే అనుకూలం. ఇలా అనేక అవకతవకలకు పాల్పడ్డారు. ఖమ్మం రూరల్ మండలంలోనే కాకుండా జిల్లా వ్యాప్తంగా అన్ని మండలాల్లో పరిహార స్వాహా పర్వం జరిగినట్లు ఆరోపణలు వెల్లువెత్తుతున్నాయి. జిల్లా వ్యాప్తంగా రూ. కోట్ల పరిహారం అనర్హులకు దక్కినట్లు సమాచారం. అర్హులైన రైతులకు కూడా పరిహారం పంపిణీ ప్రహసనంగా జరగడంతో అక్రమాలకు పాల్పడే అవకాశం ఆయా సిబ్బంది, అధికారులకు కలిసివచ్చిందనే ఆరోపణలున్నాయి.
  
  రికార్డులను తారుమారు చేసే యత్నం..
  బాధిత రైతులు లోకాయుక్తను ఆశ్రయించగా, దీనిపై విచారణ జరపాలని కలెక్టర్‌కు ఆదేశాలు జారీ చేసిన విషయం విదితమే. ఇలా పరిహారం గోల్‌మాల్‌పై ‘సాక్షి’ ప్రధాన సంచికలో ‘ఇన్‌ఫుట్ సబ్సిడీ.. ఔట్’ శీర్షికన కథనం వెలువడడంతో అధికారులు ఉరుకులు.. పరుగులు పెడుతున్నా రు. గతంలో ఎంత మందికి పరిహారం పంపిణీ అయింది, అనర్హులు ఎవరికి ఇచ్చాం.. అన్న కోణంలో రికార్డులను చూసుకుంటున్నట్లు సమాచారం. లోకాయుక్త సీరియస్‌గా స్పందించడంతో ఈ వ్యవహారంలో పూర్తి స్థాయిలో విచారణ జరిగి ఉద్యోగానికి ఎసరు పడుతుందన్న భయంతో రికార్డులను తారుమారు చేసే యత్నంలో ఉన్నట్లు తెలిసింది. అంతేకాకుండా కొంతమంది అధికారులు.. లోకాయుక్తను ఆశ్రయించిన రైతుతో కూడా ఈవ్యవహారంపై చర్చించి.. ‘తమ ఉద్యోగాలు పోగొడతారా..?’ అని ఆందోళన వ్యక్తం చేసినట్లు సమాచారం. అధికారుల వణుకుతో తీగలాగితే జిల్లా వ్యాప్తంగా పంట పరిహారం స్వాహా పర్వం డొంక కదిలే అవకాశం ఉంది.


 లోకాయుక్త జస్టిస్ సుభాషణ్‌రెడ్డి
 
 సాక్షి, హైదరాబాద్: సమాజంలో రోగుల పట్ల వైద్యులు మానవతావాద దృక్పథంతో వ్యవహరించాలని, వైద్యులను పేషెంట్లు ధర్మరాజులుగా చూడాలి కానీ యమధర్మరాజుల్లా చూసే పరిస్థితి ఉండకూడదని లోకాయుక్త జస్టిస్ సుభాషణ్‌రెడ్డి చెప్పారు. ఆయన సోమవారం ‘పీపుల్స్ ఫర్ బెటర్ ట్రీట్‌మెంట్’, ‘సెంటర్ ఫర్ హ్యూమన్ సెక్యూరిటీ స్టడీస్’ సంయుక్త ఆధ్వర్యంలో వైద్య నిర్లక్ష్యంపై నిర్వహించిన సమావేశంలో పాల్గొన్నారు. వైద్యులకు, వైద్యానికి సంబంధించిన భారతీయ వైద్య మండలి (ఎంసీఐ), ఇండియన్ మెడికల్ అసోసియేషన్ (ఐఎంఏ) లాంటివే సక్రమంగా పనిచేయడం లేదని చెప్పారు. వైద్యవిభాగంలో నైతిక విలువలు పతనమయ్యాయని జాతీయ బీసీ కమిషన్ చైర్మన్ జస్టిస్ ఈశ్వరయ్య ఆవేదన వ్యక్తంచేశారు. తన భార్య వైద్యుల నిర్లక్ష్యం కారణంగానే 2003లో మృతి చెందిందని, ప్రస్తుతం కేసు నడుస్తోందని ప్రాంతీయ పాస్‌పోర్ట్ అధికారి శ్రీకర్‌రెడ్డి చెప్పారు. సమావేశంలో రాష్ట్ర ఆర్థిక శాఖ ముఖ్య కార్యదర్శి పీవీ రమేష్, ఎమ్మెల్సీ నాగేశ్వర్, ఉస్మానియా ఆస్పత్రి రిటైర్డ్ ప్రొఫెసర్ డాక్టర్ నారాయణరెడ్డి తదితరులు పాల్గొన్నారు.
  


 = రాష్ట్ర వ్యాప్తంగా 32 చోట్ల సోదాలు
  = 10 మంది అధికారుల అవినీతి గుట్టు రట్టు
  = ప్రకాశం జిల్లాలోనూ తనిఖీలు
  
  బెంగళూరు, న్యూస్‌లైన్ : రాష్ట్ర లోకాయుక్త మళ్లీ పంజా విసిరింది. శుక్రవారం రాష్ట్ర వ్యాప్తంగా పలు జిల్లాల్లో ఏక కాలంలో దాడులు నిర్వహించి, పది మంది అవినీతి అధికారుల భరతం పట్టింది. ఆంధ్రప్రదేశ్‌లోని ప్రకాశం జిల్లా గిద్దలూరులోనూ అధికారులు తనిఖీలు నిర్వహించారు. ఈ సందర్భంగా రూ. 15.5 కోట్ల విలువైన అక్రమ ఆస్తులను గుర్తించినట్లు లోకాయుక్త అదనపు డీజీపీ హెచ్‌ఎన్ సత్యనారాయణరావు తెలిపారు. బెంగళూరు, మండ్య, బళ్లారి, తుమకూరు, చిత్రదుర్గ, కుందాపుర, ధార్వాడ, ఉడిపి, కొప్పళ, ఉత్తర కన్నడ, బీజాపుర, ఆంధ్రప్రదేశ్‌లోని ప్రకాశం జిల్లాలు సహా 32 చోట్ల సోదాలు నిర్వహించినట్లు  వివరించారు.
  
  = నరేంద్రకుమార్, బీడీఏ సర్వేయర్, బెంగళూరు :
  బెంగళూరు నగరంలో శ్రీమంతులు నివాసం ఉండే సదాశివనగరలో కళ్లు చెదిరే నాలుగు అంతస్తుల భవనాన్ని నిర్మించాడు. ఇంటి చుట్టూ ఉన్న పెద్ద తోటను చూసి లోకాయుక్త అధికారులు ముక్కున వేలేసుకున్నారు. రూ. 3.33 కోట్ల అక్రమ ఆస్తులను గుర్తించారు.
  
  = ప్రసన్న కుమార్, రెవెన్యూ శాఖ సీనియర్ అధికారి, బీబీఎంపీ, బెంగళూరు :
  బెంగళూరులోని హెచ్‌ఎస్‌ఆర్ లేఔట్‌లో నివాసం ఉంది. ఇంటితో పాటు కార్యాలయంలో సోదాలు చేసి విలువైన డాక్యుమెంట్లు, పత్రాలు స్వాధీనం చేసుకున్నారు. అక్రమ ఆస్తుల విలువ రూ.52.33 లక్షలని లెక్కగట్టారు.
  
  = సుబ్రహ్మణ్యరెడ్డి, అసిస్టెంట్ ఇంజినీరు, బళ్లారి  :
  బళ్లారిలోని ల్యాండ్ ఆర్మీ కార్పొరేషన్‌లో అసిస్టెంట్ ఇంజినీరు.  సత్యనారాయణపేటలోని కంటోన్మెంట్‌లో నివాసం ఉంటున్నారు. అనేక విలువైన పత్రాలు, డాక్యుమెంట్లను స్వాధీనం చేసుకున్నారు. ప్రకాశం జిల్లా గిద్దలూరులో కూడా రూ.కోట్ల విలువైన ఆస్తులు కొనుగోలు చేశారని లోకాయుక్తకు ఫిర్యాదులు అందాయి. అక్రమ ఆస్తుల విలువ రూ.2.17 కోట్లు.
  
  = డాక్టర్ వీఎస్ నందీశ్, మండ్య మెడికల్ కాలేజ్ చీఫ్ సర్జన్, మండ్య :
  మండ్యలోని అశోక్‌నగరలో నివాసం ఉంటున్నారు. నివాసంతో పాటు మళవళ్లి తాలూకా వీరాజపురలోని ఫాం హౌస్‌లో సోదాలు నిర్వహించారు. ఆయన నిర్వహిస్తున్న ప్రైవేట్ ఆస్పత్రిలోనూ సోదాలు జరిగాయి. విలువైన పత్రాలను అధికారులు స్వాధీనం చేసుకున్నారు. అక్రమ ఆస్తుల విలువ రూ.2.56 కోట్లుగా తేల్చారు.
  
  = ఎం. ఉమేష్, వ్యవసాయ సహకార సంఘం కార్యదర్శి, గుబ్బి, తుమకూరు జిల్లా :
  ఉమేష్‌కు చెందిన రెండు ఇళ్లు, కార్యాలయం, వ్యవసాయ క్షేత్రంలోని ఇంటిలో సోదాలు జరిగాయి. వ్యవసాయ క్షేత్రంలో ఒక ట్రాక్టర్, కారును సీజ్ చేశారు. అక్రమ ఆస్తుల విలువ రూ.99.18 లక్షలని తేల్చారు.
  
  = ఆంథోని కే. కుంజునాథ్, బెస్కాం జేఈ, సిద్ధాపుర, ఉత్తర కన్నడ జిల్లా :సిద్ధాపురతో పాటు ఆ తాలుకాలోని వివిధ ప్రాంతాల్లో ఉన్న  ఇండ్లు, కార్యాలయం, ఫ్యాక్టరీలలో సోదాలు జరిగాయి. విలువైన డాక్యుమెంట్లను అధికారులు స్వాధీనం చేసుకున్నారు. అక్రమ ఆస్తుల విలువ రూ.1.86 కోట్లకు పైగానే ఉన్నట్లు తేలింది.
  
  = ఎం.నారాయణ కార్వి, ఏఈఈ, కుందాపుర, ఉడిపి జిల్లా :    ఇండ్లు, కార్యాలయాలపై సోదాలు జరిగాయి. ఆదాయానికి మించి రూ.1.70 కోట్ల విలువైన ఆస్తిని కలిగి ఉన్నట్లు గుర్తించారు.
  
  = మూడల గిరియప్ప, జిల్లా నిర్మితి కేంద్ర అధికారి, చిత్రదుర్గ :  ఇల్లు, కార్యాలయాల్లో సోదాలు జరిగాయి. రూ.83.80 లక్షల అక్రమ ఆస్తులు బహిర్గతమయ్యాయి.
  
  = బసవరాజ్, ప్రజా పనుల శాఖ ఏఈఈ, కొప్పళ :  ఇంటిలో సోదాలు నిర్వహించిన అధికారులు విలువైన డాక్యుమెంట్లను స్వాధీనం చేసుకున్నారు. ఆదాయానికి మించి రూ.1.14 కోట్ల ఆస్తులు ఉన్నట్లు తేలింది.
  
  = మంజునాథ గుండప్ప, కుందగుళ డిప్యూటీ తహశీల్దార్, బీజాపుర : ఇంటిలో సోదాలు నిర్వహించి విలువైన డాక్యుమెంట్లను స్వాధీనం చేసుకున్నారు. రూ.40.64 లక్షల అక్రమ ఆస్తులు ఉన్నట్లు తేలింది.  
  


 
  లోక్‌పాల్ పరిధిలో ప్రధాని, మంత్రులు, ప్రస్తుత, మాజీ ఎంపీలు, కేంద్ర ప్రభుత్వ, ప్రభుత్వ సంస్థల ఉద్యోగులు
 
  ప్రధానిపై దర్యాప్తుకు లోక్‌పాల్
 
  ఫుల్ బెంచ్ కానీ, సభ్యుల్లో మూడింట
 
  రెండో వంతు మంది కానీ ఆమోదించాలి 
 
  లోక్‌పాల్ కేసుల్లో సీబీఐ సహా ఏ సంస్థ దర్యాప్తుపై అయినా లోక్‌పాల్‌కు పర్యవేక్షణ, దిశానిర్దేశం చేసే అధికారం
 
  నిజాయితీగల ఉద్యోగులకు భద్రత.. తప్పుడు ఆరోపణలు చేస్తే ఏడాది జైలు, లక్ష  జరిమానా
 
  లోక్‌పాల్ కేసును దర్యాప్తు చేస్తున్న సీబీఐ అధికారిని లోక్‌పాల్ ఆమోదం లేకుండా బదిలీ చేయటానికి వీలులేదు
 
  విచారణ పెండింగ్‌లో ఉన్నా కూడా..
 
  అవినీతి మార్గాల్లో సంపాదించిన ఆస్తుల అటాచ్‌మెంట్, జప్తుకు అవకాశం
 
  లోక్‌పాల్ కేసుల దర్యాప్తులో దోషులుగా నిర్ధారితులైన వారికి గరిష్టంగా పదేళ్ల జైలు శిక్ష విధించే అవకాశం
 
  
  కేంద్ర ప్రభుత్వంలో అత్యున్నత స్థాయిలో అవినీతికి చెక్ పెట్టేందుకు.. చిరకాలంగా ప్రయత్నిస్తున్న లోక్‌పాల్ బిల్లు ఎట్టకేలకు పార్లమెంటు ఆమోదం పొందింది. బలమైన లోక్‌పాల్ వ్యవస్థ కోసం సామాజిక ఉద్యమనేతలు, ప్రజానీకం ఉధృతంగా ఉద్యమించటంతో.. ఆ ఒత్తిడికి కేంద్ర ప్రభుత్వం తల ఒగ్గింది. లోక్‌పాల్ బిల్లును రూపొందించిన 44 ఏళ్ల తర్వాత.. ఎనిమిది సార్లు పార్లమెంటు ముందుకు వచ్చిన తర్వాత.. బిల్లులో అనేక మార్పుచేర్పులు, సవరణల తర్వాత.. చివరకు ఉభయసభల ఆమోదం పొందింది. ప్రధానమంత్రి సహా.. కేంద్రమంత్రులు, ప్రస్తుత, మాజీ పార్లమెంటు సభ్యులు, ప్రభుత్వ ఉద్యోగులపై అవినీతి ఆరోపణలను దర్యాప్తు చేసేందుకు స్వతంత్ర సంస్థను ఏర్పాటు చేస్తూ చరిత్రాత్మక లోక్‌పాల్, లోకాయుక్త బిల్లును పార్లమెంటు బుధవారం ఆమోదించింది. లోక్‌పాల్, లోకాయుక్త చట్టం అమలులోకి వచ్చిన రోజు నుంచి 365 రోజుల్లోగా (అంటే ఏడాది కాలం లోగా) ఆయా రాష్ట్రాలు తమ రాష్ట్ర శాసనసభల్లో చట్టం చేయటం ద్వారా.. రాష్ట్రస్థాయిలో అవినీతిపై దర్యాప్తు కోసం లోకాయుక్తను ఏర్పాటు చేయాలి. లోకాయుక్త స్వరూప, స్వభావాలను నిర్ణయించుకునే స్వేచ్ఛ రాష్ట్రాలకు ఉంటుంది. తాజాగా ఆమోదించిన లోక్‌పాల్ బిల్లులోని ముఖ్యాంశాలివీ...
  
  ఒక చైర్మన్, 8 మంది సభ్యులు...
  
  లోక్‌పాల్.. కేంద్రం స్థాయిలో ఉండే స్వతంత్ర దర్యాప్తు సంస్థ. ఇందులో చైర్మన్, గరిష్టంగా 8 మంది సభ్యులు ఉంటారు. అందులో సగం మంది న్యాయ సభ్యులై ఉంటారు. మరో సగం మంది ఎస్‌సీ/ఎస్‌టీ/ఓబీసీ వర్గాలు, మైనారిటీలు, మహిళలు ఉంటారు. లోక్‌పాల్‌కు సొంత దర్యాప్తు విభాగంతో పాటు, సొంతంగా విచారణ (ప్రాసిక్యూషన్) విభాగం కూడా ఉంటుంది. లోక్‌పాల్ నిర్వహణకు అయ్యే వ్యయాన్ని కేంద్ర ప్రభుత్వమే సమకూరుస్తుంది. 
  
  ఎంపిక ఇలా: లోక్‌పాల్ చైర్‌పర్సన్, సభ్యుల ఎంపిక ఒక కమిటీ ద్వారా జరుగుతుంది. ఈ కమిటీలో.. ప్రధానమంత్రి, లోక్‌సభ స్పీకర్, లోక్‌సభలో ప్రతిపక్ష నేతలతో పాటు, భారత ప్రధాన న్యాయమూర్తి లేదా ప్రధాన న్యాయమూర్తి నామినేట్ చేసిన సుప్రీంకోర్టు సిటింగ్ జడ్జి, ఈ నలుగురూ చేసిన సిఫారసుల ఆధారంగా రాష్ట్రపతి నియమించే ప్రముఖ న్యాయనిపుణుడు.. మొత్తం ఐదుగురు సభ్యులుగా ఉంటారు. 
   ఈ కమిటీ.. తనకు సాయంగా ఏడుగురు నిపుణులతో ఒక సెర్చ్ కమిటీని ఏర్పాటు చేసుకుంటుంది. 
   లోక్‌పాల్ సభ్యులు ఏ రాజకీయ పార్టీకీ అనుబంధంగా ఉండరాదు. 
  
   లోక్‌పాల్ పదవీ కాల పరిమితి ఐదేళ్లు, లేదా.. చైర్మన్ కానీ, సభ్యులు కానీ వారికి 75 ఏళ్ల వయసు నిండే వరకూ పదవిలో కొనసాగుతారు. 
  
  లోక్‌పాల్ సభ్యులపై ఆరోపణలు వస్తే... 
  ఎవరైనా లోక్‌పాల్ సభ్యుడు/సభ్యురాలిపై కనీసం 100 మంది పార్లమెంటు సభ్యులు సంతకాలు చేసి పిటిషన్ సమర్పించినట్లయితే.. రాష్ట్రపతి సూచన మేరకు సుప్రీంకోర్టు సదరు సభ్యుడు/సభ్యురాలిపై విచారణ చేపట్టవచ్చు. లోక్‌పాల్ సభ్యుడిని/సభ్యురాలిని సుప్రీంకోర్టు సిఫారసు లేదా మధ్యంతర ఉత్తర్వు మేరకు రాష్ట్రపతి సస్పెండ్ చేయవచ్చు. ఎవరైనా లోక్‌పాల్ సభ్యుడు/సభ్యురాలిపై సుప్రీంకోర్టు విచారణ అనంతరం.. సదరు సభ్యుడు/సభ్యురాలిని రాష్ట్రపతి తొలగించవచ్చు. 
  
  పరిధిలో ప్రధాని, ఎంపీలు...
  దేశ ప్రధానమంత్రి కూడా లోక్‌పాల్ పరిధిలో ఉంటారు. అంతర్జాతీయ సంబంధాలు, భద్రత, ప్రజా శాంతి, అణుశక్తి, అంతరిక్ష రంగాలకు సంబంధించిన అవినీతి ఆరోపణలు మినహా.. ఇతరత్రా అవినీతి ఆరోపణలకు సంబంధించి ప్రధానిపై దర్యాప్తు చేపట్టే అధికారం లోక్‌పాల్‌కు ఉంటుంది. అయితే.. ప్రధానిపై దర్యాప్తు చేపట్టేందుకు లోక్‌పాల్ ఫుల్ బెంచ్ (సభ్యులందరూ) కానీ, సభ్యుల్లో మూడింట రెండో వంతు మంది కానీ ఆమోదం తెలిపాలి. ప్రధానమంత్రిపై విచారణను రహస్యంగా (ఇన్-కెమెరా) నిర్వహిస్తారు. లోక్‌పాల్ అభీష్టం మేరకు.. ఈ సమావేశం విచారణ వివరాలను ప్రచురించటం కానీ, ఎవరికీ తెలియజేయటం కానీ జరగదు. 
  
   కేంద్ర ప్రభుత్వ మంత్రులు, ప్రస్తుత, మాజీ పార్లమెంటు సభ్యులు కూడా లోక్‌పాల్ పరిధిలోకి వస్తారు. అయితే.. పార్లమెంటులో చెప్పిన అంశాలపై కానీ, అక్కడ ఓటింగ్ జరిగిన అంశాలపై కానీ లోక్‌పాల్ ప్రమేయం ఉండదు. 
  
   అవినీతి నిరోధక చట్టం - 1988 కింద భాష్యం చెప్పిన గ్రూప్-ఏ, బీ, సీ, డీ తరగతుల్లోని ప్రభుత్వ ఉద్యోగులు, ప్రభుత్వ నిధులతో నడుస్తున్న, ప్రభుత్వ నియంత్రణలో ఉన్న సంస్థల ఉద్యోగులు అందరూ కూడా లోక్‌పాల్ పరిధిలోకి వస్తారు. అయితే.. గ్రూప్-ఏ,  బీ తరగతుల అధికారులపై వచ్చిన అవినీతి ఆరోపణలు.. దర్యాప్తు తర్వాత లోక్‌పాల్‌కు వస్తాయి. గ్రూప్-ిసీ, డీ ఉద్యోగులపై ఆరోపణలను చీఫ్ విజిలెన్స్ కమిషనర్ దర్యాప్తు చేసి, లోక్‌పాల్‌కు నివేదిస్తారు. నిజాయితీ, నిబద్ధత గల ప్రభుత్వోద్యోగులకు తగినంత భద్రత ఉంటుంది. 
  
   ప్రభుత్వం నిధులు అందించే సొసైటీలు, ట్రస్టులు, సంఘాలు లోక్‌పాల్ పరిధిలోకి వస్తాయి. విదేశీ విరాళాల నియంత్రణ చట్టం (ఎఫ్‌సీఆర్‌ఏ) కింద విదేశాల నుంచి ఏటా రూ. 10 లక్షలకు మించి నిధులు అందుకునే అన్ని సంస్థలూ దీని పరిధిలో ఉంటాయి. ప్రార్థనాస్థలాల నిర్మాణాలకు, మతపరమైన కార్యక్రమాలకు, సేవా కార్యక్రమాలకు సంబంధించిన ప్రభుత్వేతర, స్వచ్ఛంద సంస్థలు లోక్‌పాల్ పరిధిలోకి రావు. - సాక్షి, సెంట్రల్ డెస్క్
  
  లోక్‌పాల్ దర్యాప్తు ఇలా...
  ఎవరైనా ప్రభుత్వాధికారిపై ఏదైనా అవినీతి ఆరోపణపై దర్యాప్తుకు ముందుకు వెళ్లాలని లోక్‌పాల్ నిర్ణయిస్తే.. అందులో ప్రాథమిక ఆధారాలు ఉన్నాయా అనేది నిర్ధారించుకునేందుకు తన దర్యాప్తు విభాగం ద్వారా కానీ, సీబీఐ సహా మరే ఇతర దర్యాప్తు సంస్థ ద్వారా అయినా కానీ ప్రాథమిక దర్యాప్తుకు ఆదేశించవచ్చు. ఆరోపణలు ఎదుర్కొంటున్న ప్రభుత్వ ఉద్యోగి వాదనను విన్న తర్వాతే లోక్‌పాల్ దర్యాప్తుకు ఆదేశిస్తుంది. 
  
  లోక్‌పాల్‌కు.. సీబీఐతో సహా ఏ దర్యాప్తు సంస్థకైనా తాను రిఫర్ చేసే కేసుల దర్యాప్తుపై స్వయంగా పర్యవేక్షణ, దిశానిర్దేశం చేసే అధికారం ఉంటుంది. లోక్‌పాల్ రిఫర్ చేసిన కేసును దర్యాప్తు చేస్తున్న సీబీఐ అధికారి ఎవరినైనా సరే.. లోక్‌పాల్ ఆమోదం లేకుండా బదిలీ చేయటానికి వీలులేదు. లోక్‌పాల్ సిఫారసు చేసిన కేసులను సీబీఐ దర్యాప్తు చేస్తున్నట్లయితే.. అందుకు అవసరమయ్యే నిధులను కేంద్ర ప్రభుత్వం సమకూరుస్తుంది. 
  
  సీబీఐ డెరైక్టర్ ఎంపికను ప్రధానమంత్రి నేతృత్వంలోని ఉన్నతాధికార కమిటీ సిఫారసు చేస్తుంది. సీబీఐలో ప్రత్యేకంగా డెరైక్టర్ ఆఫ్ ప్రాసిక్యూషన్ ఆధ్వర్యంలో ఒక డెరైక్టరేట్ ఆఫ్ ప్రాసిక్యూషన్‌ను ఏర్పాటు చేస్తారు. సీబీఐ డెరైక్టర్ ఆఫ్ ప్రాసిక్యూషన్‌ను కేంద్ర విజిలెన్స్ కమిషన్ (కాగ్) సిఫారసుల ఆధారంగా నియమిస్తారు. సీబీఐ డెరైక్టర్‌కు, డెరైక్టర్ ఆఫ్ ప్రాసిక్యూషన్‌కు రెండేళ్ల నిర్ణీత పదవీ కాల పరిమితి ఉంటుంది. 
  
  కేసులో ప్రాథమిక విచారణకు, దర్యాప్తుకు, కోర్టు విచారణకు స్పష్టమైన కాల పరిమితులు ఉంటాయి. ప్రాథమిక విచారణను 60 రోజుల్లో పూర్తిచేయాలి. దర్యాప్తును ఆరు నెలల్లో పూర్తి చేయాలి. విచారణను రెండు సంవత్సరాల్లో ముగించాలి. ఇందుకోసం ప్రత్యేక కోర్టులను ఏర్పాటు చేస్తారు. 
  
  విచారణ పెండింగ్‌లో ఉన్నాకూడా.. అవినీతి మార్గాల్లో సంపాదించిన ఆస్తుల అటాచ్‌మెంట్, జప్తుకు కూడా అవకాశముంటుంది. ఈ చట్టం కింద దోషులుగా నిర్ధారితులైన వారికి గరిష్టంగా పదేళ్ల జైలు శిక్ష విధించవచ్చు. తప్పుడు ఫిర్యాదులు చేసినట్లయితే ఏడాది వరకూ జైలు శిక్ష, లక్ష రూపాయల జరిమానా విధించటం జరుగుతుంది. 


 
  చరిత్రాత్మక లోక్‌పాల్ బిల్లుకు లోక్‌సభ ఆమోదం
 
  కేంద్రం స్థాయిలో అవినీతిపై స్వతంత్ర దర్యాప్తు సంస్థ
 
  ప్రధాని, ఎంపీలు, ఉద్యోగులంతా లోక్‌పాల్ పరిధిలోకి
 
   రాజ్యసభ సవరణలతో సహా బిల్లుకు లోక్‌సభ ఆమోదం
 
   రాష్ట్ర విభజనపై సభ్యుల ఆందోళన మధ్యలోనే చర్చ
 
   బిల్లుకు మద్దతు ప్రకటించిన బీజేపీ, వైఎస్సార్ కాంగ్రెస్ 
 
   ఇది కాంగ్రెస్ ఘనతగా చెప్పుకోవటంపై సుష్మా విమర్శ
 
   మరిన్ని బిల్లుల కోసం భేటీలను పొడిగించాలన్న రాహుల్
 
  
  ఈ ఘనత ప్రజలు, ఆ పెద్దాయనదే: సుష్మా
  లోక్‌పాల్ బిల్లుపై జరిగిన స్వల్ప చర్చ సందర్భంగా ప్రతిపక్ష నాయకురాలు సుష్మాస్వరాజ్ మాట్లాడుతూ..  లోక్‌పాల్ బిల్లు గతంలో బలహీనంగా ఉన్నందున బీజేపీ వ్యతిరేకించిందన్నారు. అయితే  రాజ్యసభలో ఈ బిల్లును తగినవిధంగా సవరించినందున మద్దతు ప్రకటించామన్నారు. బిల్లు ఘనత తమదేనని కాంగ్రెస్ చెప్పుకోవటాన్ని తప్పుపట్టారు. ఈ ఘనత దేశ ప్రజలతో పాటు.. పలుమార్లు నిరాహార దీక్షలు చేపట్టిన పెద్దాయన (అన్నాహజారే)కు దక్కాలని వ్యాఖ్యానించారు.
  
  అవినీతిపై పోరుకు లోక్‌పాల్ సరిపోదు: రాహుల్
  కాంగ్రెస్ ఉపాధ్యక్షుడు రాహుల్‌గాంధీ ప్రసంగిస్తూ.. అవినీతిపై పోరాటానికి లోక్‌పాల్ బిల్లు ఒక్కటే సరిపోదని.. సమగ్రమైన అవినీతి వ్యతిరేక నియమావళి అవసరమని చెప్పారు. యూపీఏ సర్కారు అవినీతి వ్యతిరేక వ్యవస్థను రూపొందించిందని, ఇందులో భాగమైన మరో ఆరు బిల్లులను ఆమోదించటానికి పార్లమెంటు శీతాకాల సమావేశాలను పొడిగించాలని ఆయన సూచించారు. అవినీతి నిరోధక చట్టానికి సవరణ బిల్లు, న్యాయ ప్రమాణాలు, బాధ్యత బిల్లు, సేవలు అందించటానికి నిర్ణీత కాలాన్ని నిర్దేశించే బిల్లు, ప్రభుత్వ సేకరణ, విదేశీ లంచాలు వంటి బిల్లులు పెండింగ్‌లో ఉన్న విషయాన్ని ఆయన పరోక్షంగా ప్రస్తావించారు.
  
  న్యూఢిల్లీ: ఐదు దశాబ్దాలుగా ఎనిమిది సార్లు విఫలయత్నాల అనంతరం.. భారతదేశం చరిత్రాత్మక లోక్‌పాల్ చట్టాన్ని ఆమోదించింది. ప్రధానమంత్రి సహా.. కేంద్రమంత్రులు, పార్లమెంటు సభ్యులు, ప్రభుత్వోద్యోగులపై అవినీతి ఆరోపణలను దర్యాప్తు చేసేందుకు స్వతంత్ర సంస్థను ఏర్పాటు చేసేందుకు ఉద్దేశించిన లోక్‌పాల్, లోకాయుక్త బిల్లు - 2013ను బుధవారం లోక్‌సభ ఆమోదించింది. ఈ బిల్లును 2011 డిసెంబర్‌లోనే లోక్‌సభ తొలిసారి ఆమోదించింది. అయితే.. మంగళవారం రాజ్యసభలో ఈ బిల్లు ఆమోదానికి ముందు పలు సవరణలు చేసింది. ఆ బిల్లును బుధవారం న్యాయశాఖ మంత్రి కపిల్ సిబల్ లోక్‌సభలో ప్రవేశపెట్టారు. ఆంధ్రప్రదేశ్ విభజనను వ్యతిరేకిస్తూ సీమాంధ్ర సభ్యులు చేస్తున్న ఆందోళనతో సభలో గందరగోళం కొనసాగుతున్నప్పటికీ.. మూజువాణి ఓటుతో లోక్‌పాల్ బిల్లును సవరణలతో సహా లోక్‌సభ ఆమోదించింది. సమాజ్‌వాది, శివసేన మినహా మిగతా పార్టీలన్నీ బిల్లుకు మద్దతు తెలిపాయి. 
  
  ఇది అరాచకానికి దారితీస్తుంది: ములాయం
  లోక్‌పాల్ బిల్లు ప్రమాదకరమైనదని.. ఇది అరాచకానికి దారితీస్తుందని సమాజ్‌వాది పార్టీ అధినేత ములాయంసింగ్‌యాదవ్ నిరసన వ్యక్తంచేశారు. పార్టీ సభ్యులతో కలిసి వాకౌట్ చేసే ముందు ఆయన లోక్‌సభలో మాట్లాడుతూ.. బిల్లును ఉపసంహరించుకోవాలని యూపీఏ చైర్‌పర్సన్ సోనియాగాంధీకి విజ్ఞప్తి చేశారు. లోక్‌పాల్ బిల్లు ఆమోదం పొందితే ప్రభుత్వ ఉద్యోగులెవరూ భయంతో పనిచేయరని, అభివృద్ధి ఉండదని, పదేళ్లు వెనక్కి వెళ్లిపోతామని పేర్కొన్నారు. ఈ బిల్లుకు బీజేపీ ఎందుకు మద్దతిస్తోందని ఆ పార్టీ సీనియర్ నాయకుడు ఎల్.కె.అద్వానీని ప్రశ్నించారు. శివసేన పార్టీ నేత అనంత్‌గీతె కూడా పార్టీ సభ్యులతో కలిసి వాకౌట్ చేశారు. ప్రధానిని లోక్‌పాల్ పరిధిలోకి తేవటం ద్వారా.. ఆయన పార్లమెంటుకు కాకుండా మరెక్కడో జవాబుదారీగా ఉండాల్సి వస్తుందని జేడీ(యూ) నేత శరద్‌యాదవ్ అభ్యంతరం వ్యక్తంచేశారు. 
  
  బిల్లుకు వైఎస్సార్ కాంగ్రెస్ మద్దతు...
  లోక్‌పాల్ బిల్లుకు మద్దతు ప్రకటిస్తూ వైఎస్సార్ కాంగ్రెస్ పార్టీ లోక్‌సభ స్పీకర్‌కు లేఖ ఇచ్చింది. తృణమూల్ కాంగ్రెస్ సభ్యుడు సౌగతారాయ్ మాట్లాడుతూ.. రాజ్యసభలో మంగళవారం చేసిన సవరణలకు సంబంధించిన కాపీలను లోక్‌సభ సభ్యులకు బుధవారం నాడే అందించారని, నిబంధనల ప్రకారం.. ఏ చట్టాన్నయినా మరొక సభ ఆమోదం కోసం తీసుకునేటపుడు కనీసం రెండు రోజుల సమయం ఇవ్వాలని పాయింట్ ఆఫ్ ఆర్డర్ లేవనెత్తారు. దీనిని స్పీకర్ రద్దు చేస్తూ.. రెండు రోజుల నిబంధనను సడలించటానికి తాను అంగీకరించానని తెలిపారు. 
  
  గందరగోళంలోనే చర్చ, ఆమోదం: బిల్లుపై చర్చ జరుగుతున్నంత సేపూ.. ఆంధ్రప్రదేశ్ విభజనను వ్యతిరేకిస్తూ.. వైఎస్సార్ కాంగ్రెస్ అధ్యక్షుడు జగన్‌మోహన్‌రెడ్డి సారథ్యంలో ఆ పార్టీ ఎంపీలు రాష్ట్ర విభజనకు వ్యతిరేకంగా వెల్‌లో నిలుచుని నినాదాలు చేస్తూనే ఉన్నారు. మరోవైపు కాంగ్రెస్, టీడీపీలకు చెందిన సీమాంధ్ర, తెలంగాణ ప్రాంతాల సభ్యులు కూడా వెల్‌లోనే ఉండి తమ ప్రాంతాలకు అనుగుణంగా డిమాండ్లు చేస్తున్నారు. అస్సాంలో గిరిజనులపై దాడికి నిరసనగా బోడోలాండ్ పీపుల్స్ ఫ్రంట్ ఎంపీ ఎస్.కె.బిస్వ్‌ముతియారీ కూడా వెల్‌లో నిలుచుని ఆందోళన చేపట్టారు. ఈ ఆందోళనలు, గందరగోళం మధ్యనే స్పీకర్ మీరాకుమార్ లోక్‌పాల్ బిల్లుపై ఓటింగ్ నిర్వహించి.. మూజువాణి ఓటుతో బిల్లు ఆమోదం పొందినట్లు ప్రకటించారు. 
  
  అవినీతిపై పోరులో చారిత్రక ఘట్టం: ప్రధాని
  లోక్‌సభలో బిల్లు ఆమోదం పొందిన తర్వాత ప్రధాని పార్లమెంటు వెలుపల మీడియాతో మాట్లాడుతూ..‘‘ఇది చరిత్రాత్మక చట్టం. పార్లమెంటు తన విజ్ఞతతో ఈ చట్టం చేయాలని నిర్ణయించటం పట్ల మేం ఎంతో సంతోషిస్తున్నాం’’ అని  పేర్కొన్నారు. ‘‘బిల్లు ఆమోదం పట్ల మేం చాలా సంతోషంగా ఉన్నాం’’ అని సోనియా చెప్పారు. అవినీతిపై పోరాటానికి ఇంకా చాలా చేయాలని  మరో ఏడు బిల్లులను ఆమోదించాల్సి ఉందని చెప్పారు.
  
  బిల్లు ఆమోదంలో రాహుల్‌దే కీలక పాత్ర: కాంగ్రెస్
  
  లోక్‌పాల్ బిల్లు ఆమోదంలో రాహుల్‌గాంధీ కీలక పాత్ర పోషించారని కాంగ్రెస్ పార్టీ శ్లాఘించింది. ‘‘రాహుల్ మనోభావాల్లో ఒక సందేశం ఉంది... అది.. ప్రజల ఆకాంక్షలకు కాంగ్రెస్ అత్యున్నత ప్రాధాన్యం ఇస్తుందనేది. ఒక్క లోక్‌పాల్ ద్వారానే అవినీతిపై పోరాడలేమని కూడా రాహుల్ చెప్పారు. ఆర్‌టీఐ చట్టం పునాదిగా సమగ్ర అవినీతి వ్యతిరేక నియామవళి అవసరముందని చెప్పారు’’ అని పార్టీ అధికార ప్రతినిధి రాజ్‌బబ్బర్ బుధవారం మీడియాతో పేర్కొన్నారు. 
  
  లోక్‌పాల్‌ను రాజకీయ వర్గమే పాలిస్తుంది: ఆప్
  
  చెన్నై: పార్లమెంటు ఆమోదించిన లోక్‌పాల్ బిల్లుపై ఆమ్ ఆద్మీ పార్టీ అసంతృప్తి వ్యక్తం చేసింది. ఈ బిల్లు తాము కోరినట్లుగా లేదని, లోక్‌పాల్‌ను కూడా రాజకీయ వర్గమే పరిపాలిస్తుందని ఆ పార్టీ నేత యోగేంద్రయాదవ్ విమర్శించారు. ‘‘అన్నాహజారేకు పార్లమెంటు ఇచ్చిన మూడు హామీలను నెరవేర్చలేదు’’ అని ఆయన బుధవారం చెన్నైలో మీడియాతో మాట్లాడుతూ వ్యాఖ్యానించారు. బిల్లును హజారే అంగీకరించిన విషయాన్ని ప్రస్తావించగా.. అది ఆయన కోరుకున్న బిల్లు కాదని ఆయన గుర్తిస్తారని తాను ఆశిస్తున్నట్లు చెప్పారు. 
  
  హజారే పట్టుదలకు నివాళి: మోడీ
  అహ్మదాబాద్: లోక్‌పాల్ బిల్లును పార్లమెంటు ఆమోదించటం.. అవినీతి వ్యతిరేక ఉద్యమకారుడు అన్నాహజారే పోరాటానికి, పట్టుదలకు నివాళి అని గుజరాత్ ముఖ్యమంత్రి నరేంద్రమోడీ అభివర్ణించారు. హజారే ఆరోగ్యంగా ఉండాలని తాను ప్రార్థిస్తున్నట్లు బుధవారం ట్విటర్‌లో వ్యాఖ్యానించారు. ఈ బిల్లు ఆమోదం ప్రజలందరి విజయమంటూ పార్లమెంటు సభ్యులకు అభినందనలు తెలిపారు. 


  ఒంగోలు సెంట్రల్, న్యూస్‌లైన్ : డీఆర్‌డీఏలో అవినీతిపై లోకాయుక్త విచారణ చేపట్టింది. గతంలో దీనిపై ఏసీబీ అధికారులు చేపట్టిన విచారణ తూతూమంత్రంగానే ఉందనే ఆరోపణలున్నాయి. జిల్లా గ్రామీణాభివృద్ధి సంస్థలో 2009-11 కాలంలో పీడీగా పని చేసిన జీ నీలకంఠం అనేక అక్రమాలకు పాల్పడ్డారని ఓ వ్యక్తి ఏసీబీ, మానవహక్కుల కమిషన్‌కు ఫిర్యాదు చేశారు. దీంతో ఏసీబీ అధికారులు తనిఖీకి వస్తున్నట్లు రెండు రోజుల ముందుగా స్థానిక డీఆర్‌డీఏ కార్యాలయానికి సమాచారమిచ్చారు. దీంతో అధికారులు రేయింబవళ్లు కష్టపడి నకిలీ ఫైళ్లను సిద్ధం చేశారు.
  
   అనంతరం ఏసీబీ అధికారులొచ్చి తమతోపాటు కొన్ని ఫైళ్లను నెల్లూరు తీసుకెళ్లి తనిఖీ చేశారు. వీటిలో లోపాలున్నట్లు గుర్తించారు. దీంతో అవినీతి జరిగిందని భావించి అప్పటి పీడీ నీలకంఠంతోపాటు కొందరు ఉద్యోగులను నెల్లూరు పిలిపించుకుని వారి వద్ద నుంచి రాత పూర్వకంగా వివరణ తీసుకున్నారు. ఆ తర్వాత దీనిపై పట్టించుకోలేదు. విచారణను అటకెక్కించారని భావించిన ఫిర్యాదు దారుడు తిరిగి లోకాయుక్తను ఆశ్రయించారు. దీంతో లోకాయుక్త స్పందించి దీనిపై విచారణకు గుంటూరు రీజియన్‌కు చెందిన రిటైర్డు డీఎస్పీ సీహెచ్ వెంకటరెడ్డిని ప్రత్యేక అధికారిగా నియమించింది. రిటైర్డ్ డీఎస్పీ వారం క్రితం ఒంగోలు చేరుకుని వివరాలు సేకరిస్తున్నారు. అవినీతికి సంబంధించి ఫైళ్లు కావాలని డీఆర్‌డీఏ అధికారులను ఆయన కోరారు. ఫైళ్లు తమ వద్ద లేవని, ఏసీబీ అధికారులు తీసుకెళ్లారని డీఆర్‌డీఏ కార్యాలయ పర్యవేక్షకుడు శాస్త్రి, ఏఓ ప్రసాద్ చెప్పుకొచ్చారు. ఈ విషయాన్ని వెంకటరెడ్డి ఉన్నతాధికారుల దృష్టికి తీసుకెళ్లారు. కనీసం జెరాక్స్ కూడా తీసుకోకుండా ఫైళ్లన్నీ ఏసీబీ అధికారులకు ఇవ్వడం, రెండేళ్లుగా ఆయా ఫైళ్లకు సంబంధించి కంటిన్యూషన్ లేకపోవడంతో ఈ అక్రమాల వెనుక ఉన్నతాధికారుల హస్తం ఉన్నట్లు ఆరోపణలు వినిపిస్తున్నాయి. ప్రస్తుతం డీఆర్‌డీఏ అధికారులు కొత్త ఫైళ్లు తయారు చేసుకుని విధులు నిర్వర్తిస్తున్నారు.
  
  ఇప్పటి వరకు అక్రమాలు జరిగినట్లు అధికారులు గుర్తించినవి ఇవే..
  ఉపాధి కూలీలకు గడ్డపారలు కొనుగోలు చేయాలని కేంద్ర ప్రభుత్వం *3.50 కోట్లు మంజూరు చేసింది. అప్పటి పీడీ నీలకంఠం నాసిరకం గడ్డపారలు కొనుగోలు చేసి భారీ స్థాయిలో కమీషన్ తీసుకున్నారు. గడ్డపారలను ఐకేపీ సిబ్బంది ద్వారా కూలీలకు పంపిణీ చేశారు. అనంతరం ఐకేపీ సిబ్బంది కూలీల వద్ద గడ్డపారలను సగం రేటుకే కొనుగోలు చేశారు. వీటిని మరో గ్రామంలో విక్రయించి సుమారు కోటి రూపాయల వరకు అక్రమాలకు పాల్పడ్డారు. అప్పట్లో టీటీడీసీకి రోడ్డు వేయకుండానే వేసినట్లు చూపించి లక్షల రూపాయల దిగమింగారు. జిల్లా సమాఖ్య అనుమతులు లేకుండా పది వేల సెట్ల పుస్తకాలను ముద్రించారు. అయితే వీటి అవసరం లేకపోవడంతో చెదలుపట్టి నిధులు దుర్వినియోగమయ్యాయి.
  జిల్లా సమాఖ్యలో అవుట్ సోర్సింగ్ ఉద్యోగాలకు వేల రూపాయలు లంచం తీసుకున్నట్లు గుర్తించారు. పీడీ నీలకంఠం తన ఇద్దరు కుమార్తెలకు తగిన విద్యార్హత లేకున్నా అక్రమంగా డీఆర్‌డీఏలో ఉద్యోగాలిచ్చారు. అప్పట్లో సదరమ్‌కు ఇన్‌చార్జిగా పని చేసిన డీఆర్‌డీఏ అధికారి పీడీతో కలిసి సుమారు *50 లక్షల వరకు అవినీతికి పాల్పడ్డారు. దీనిపై ప్రశ్నించిన వికలాంగుల సంఘాల నాయకులకు వ్యాన్ బహూకరించారు. దీంతోపాటు డీఆర్‌డీఏలో ఉద్యోగాలు కల్పించారు.
  
  అభయహస్తం ప్రారంభ దశలో కరపత్రాల ముద్రణ కోసం నిధులు దుర్వినియోగం చేశారు. వర్షాలకు కొన్ని కంప్యూటర్లు తడిశాయని చెప్పి..తడవని వాటినీ తడిసిన వాటి జాబితాలో చేర్చారు. దీంతో మళ్లీ కొత్త కంప్యూటర్లు కొనుగోలు చేశారు.
  
  స్వచ్ఛంద సంస్థల ముసుగులో కొన్ని సంస్థలు నిరుద్యోగ యువతకు శిక్షణ ఇచ్చేందుకు అనుమతులు మంజూరు చేయించుకున్నాయి. శిక్షణను కాగితాలకే పరిమితం చేసి అవినీతికి పాల్పడ్డాయి.
  ఈ అక్రమాల వ్యవహారంలో అవినీతి నిరోధక శాఖ, మానవ హక్కుల కమిషన్ విచారణ పేరుతో కాలయాపన చేశాయనే విమర్శలు వినిపిస్తున్నాయి.


 ఉత్తర ప్రదేశ్ : బీఎస్పీ అధినాయకురాలు మాయావతికి లోకాయుక్తా క్లీన్చిట్ ఇచ్చింది. మాయావతి పార్టీ తరఫున నిర్వహిస్తున్న ట్రస్టుకు కేంద్రం కేటాయించిన భవంతులను నిబంధనలకు విరుద్ధంగా విలీనం చేసిన అంశంపై ఆమె ప్రభుత్వానికి క్లీన్చిట్ లభించింది.  ఈ ఉదంతంపై ఫిర్యాదులు రావడంతో ఉత్తర ప్రదేశ్ లోకాయుక్త విచారణకు స్వీకరించింది. ఈ మేరకు విచారించిన జడ్జి ఎన్.కె.మెహరోత్రా.. మాయావతి ప్రభుత్వంలో భవంతులు అంశానికి సంబంధించి ఎటువంటి అవతవకలు జరగలేదని పేర్కొన్నారు.
  
 ఢిల్లీలో పార్లమెంటుకు చేరువలోని అత్యంత కీలక ప్రాంతమైన గురుద్వారా రఖాబ్‌గంజ్ రోడ్డులో కేంద్రం బీఎస్పీ అధినాయకురాలికి, ఆమె పార్టీకి, పార్టీకి చెందిన ట్రస్టుకు మూడు భవనాలను కేటాయించింది. మూడు భవనాలకు వేరుగా ఇదే ప్రాంతంలో మాయావతికి మరో భవంతి కూడా ఉంది. అయితే, మాయావతి కేంద్రం కేటాయించిన మూడు భవంతులను విలీనం చేసి, ఒకే భారీ భవంతిగా నిర్మాణం చేపట్టారని ఆరోపణలు వచ్చాయి. ఈ అంశాన్ని సమాచార హక్కు కార్యకర్త సుభాష్ అగ్రవాల్ దీనిపై దరఖాస్తు చేయడంతో ఈ వ్యవహారం వెలుగులోకి వచ్చింది.


 లోకాయుక్త ఆదేశాలను తప్పుబట్టిన హైకోర్టు
  సాక్షి, హైదరాబాద్: ఉద్యోగుల సర్వీసు వివాదంలో ఇద్దరు ముఖ్య కార్యదర్శులను ప్రత్యక్షంగా హాజరై వివరణ ఇవ్వాలంటూ లోకాయుక్త జారీచేసిన ఉత్తర్వులను హైకోర్టు తప్పుబట్టింది. సర్వీసు వివాదాలను విచారణకు స్వీకరించడం పరిపాలనా ట్రిబ్యునల్స్ అధికారాల్లో జోక్యం చేసుకోవడమేనని అభిప్రాయపడింది. రెండు విభాగాల ముఖ్య కార్యదర్శులను హాజరుకావాలంటూ లోకాయుక్త జారీచేసిన ఉత్తర్వులను కొట్టివేస్తూ ప్రధాన న్యాయమూర్తి జస్టిస్ కళ్యాణ్ జ్యోతిసేన్ గుప్తా, జస్టిస్ పీవీ సంజయ్‌కుమార్ నేతృత్వంలోని ధర్మాసనం బుధవారం తీర్పునిచ్చింది. పదవీ విరమణ చేసిన ఓ ఉద్యోగి సీనియారిటీ వివాదంపై దాఖలు చేసిన పిటిషన్‌ను విచారణకు స్వీకరించిన లోకాయుక్త... ఆర్థిక, సాధారణ పరిపాలనా శాఖ ముఖ్య కార్యదర్శులను ప్రత్యక్షంగా హాజరుకావాలంటూ గత జూన్ 16న సమన్లు జారీచేసింది. ఈ ఉత్తర్వులను సవాల్ చేస్తూ రాష్ట్ర ప్రభుత్వం హైకోర్టును ఆశ్రయించింది. ఉద్యోగుల సర్వీసు వివాదాలను ట్రిబ్యునళ్లు మాత్రమే పరిష్కరించాలని సుప్రీంకోర్టు స్పష్టమైన తీర్పులు ఇచ్చిందని రాష్ట్ర ప్రభుత్వం తరఫు న్యాయవాది నివేదించారు. ఈ వాదనతో ధర్మాసనం ఏకీభవించింది.


  సాక్షి, రంగారెడ్డి జిల్లా ప్రతినిధి: లోకాయుక్త అక్షింతలతో హైదరాబాద్ మహానగరాభివృద్ధి సంస్థ(హెచ్‌ఎండీఏ) కళ్లు తెరిచింది. చెరువులు ఉన్నాయా? ఉంటే అవెక్కడ ఉన్నాయో గుర్తించే పనిలో పడింది. ఈ మేరకు రంగారెడ్డి జిల్లా పరిధిలోని చెరువుల స్థితిగతులు, వాటి వివరాలను అందజేయాలని జిల్లా కలెక్టర్ బి.శ్రీధర్‌కు లేఖ రాసింది. హెచ్‌ఎండీఏ పరిధిలో మాస్టర్ డేటా బేస్ ఆధారంగా 2,857 చెరువులు ఉన్నట్లు లెక్కతీసిన అధికారులు.. వాటి వివరాలను జిల్లా యంత్రాంగానికి పంపారు. రికార్డుల్లో ఉన్నవాటిలో సగం వరకు అన్యాక్రాంతం కావడం, కొన్ని చోట్ల చెరువులు ఉన్నప్పటికీ రికార్డుల్లేకపోవడాన్ని హెచ్‌ఎండీఏ గుర్తించింది.
  
  ఈ నేపథ్యంలో చెరువులకు సంబంధించి సమగ్ర సమాచారాన్ని తమకు పంపాలని నివేదించింది. వచ్చే ఏడాది జనవరి ఏడో తేదీనాటికి చెరువుల పరిరక్షణకు లోకాయుక్త గడువు విధించడంతో ఆ మేరకు చర్యలు తీసుకుంటోంది. ఔటర్ రింగ్‌రోడ్డు లోపలి భాగంలో 455 చెరువులు, ఔటర్ అవతల 2402 జలవనరులు ఉన్నట్లు హెచ్‌ఎండీఏ రికార్డులు స్పష్టం చేస్తున్నా... క్షేత్రస్థాయిలో మాత్రం వాటిలో పలు చెరువుల అక్రమార్కుల చెరల్లోకి వెళ్లాయి.
  


 బెంగళూరు, న్యూస్‌లైన్ : అవినీతిపరులపై లోకాయుక్త మళ్లీ పంజా విసిరింది. బెంగళూరు, బీదర్, గుల్బర్గ, బాగల్‌కోటె, దావణగెరెలలోని ఏడుగురు అధికారుల నివాసాలు, కార్యాలయాలపై గురువారం వేకువ జామున ఏక కాలంలో సోదాలు ప్రారంభించింది. వారి వద్ద  రూ.7.5 కోట్ల విలువైన అక్రమ ఆస్తులున్నట్లు గుర్తించామని లోకాయుక్త ఏడీజీపీ హెచ్‌ఎస్. సత్యనారాయణరావు తెలిపారు. గురువారం సాయంత్రం ఇక్కడి లోకాయుక్త కార్యాలయంలో ఏర్పాటు చేసిన విలేకరుల సమావేశంలో ఆయన వెల్లడించిన వివరాల ప్రకారం...
  
 = రాష్ట్ర ఐటీ, బీటీ శాఖ మంత్రి ఎస్‌ఆర్. పాటిల్ వ్యక్తిగత కార్యదర్శిసిద్ధప్ప బాళప్ప అథణి బాగలకోటెలో నివాసం ఉంటున్నారు. ఆయన ఇల్లు, కార్యాలయంలో, మంత్రి ఇంటిలోని కార్యాలయంలో సోదాలను నిర్వహించి కీలక పత్రాలను స్వాధీనం చేసుకున్నారు.
  
 = బీదర్ జిల్లా ఎక్సైజ్ శాఖ అధికారి ఎస్‌ఎస్. సావళగికి చెందిన బీదర్ కాళిదాస నగరలోని  నివాసం, కార్యాలయాల్లో సోదాలు జరిగాయి.
  
 = గుల్బర్గ జిల్లా చించోళిలోని సీనియర్ ఆరోగ్య శాఖాధికారి సిద్ధన్న పాటిల్ నివాసంలో కూడా విస్తృతంగా సోదాలను నిర్వహించారు.
  
 = కర్ణాటక గృహ నిర్మాణ మండలి బీదర్ చీఫ్ ఇంజనీరుగా పని చేస్తున్న టీ. మల్లన్న ఇల్లు, కార్యాలయాల్లో సోదాలు చేసిన అధికారులు కీలక పత్రాలను స్వాధీనం చేసుకున్నారు.
  
 = బిజాపుర నిర్మిత కేంద్రం ఏఈఈగా పని చేస్తున్న గోపీనాథ్ మజగికి చెందిన హొన్నాకట్టిలోని ఫామ్‌హౌస్, ఇల్లు, కార్యాలయా ల్లో కూడా సోదాలు జరిగాయి.
  
 = బెంగళూరులోని కేఐఏడీబీ అభివృద్ధి అధికారిగా పని చేస్తున్న హెచ్‌వీ. ఓంకారమూర్తి ఇల్లు, కార్యాలయాల్లో సోదాలు నిర్వహించారు.
  
 = ఎగువ భద్ర పథకం అసిస్టెంట్ ఇంజనీరు సేవా నాయక్‌కు చెందిన దావణగెరెలోని కార్యాలయంతో పాటు అక్కడి సర్వసతి లేఔట్‌లోని నివాసంలో,  సోదాలు జరిగాయి.
 
  ఆయా జిల్లాలో లోకాయుక్త ఎస్పీల ఆధ్వర్యంలో ఇన్‌స్పెక్టర్లు, సిబ్బంది ఒకే సారి సోదాలు నిర్వహించారని సత్యనారాయణ రావు తెలిపారు. ప్రాథమిక అంచనా ప్రకారం అక్రమ ఆస్తుల విలువ లెక్కగట్టినా, ఇంకా లాకర్లు, బంగారు నగలు, విలువైన వస్తువులను పరిశీలించాల్సి ఉంది. గోపీనాథ్ మగజి రూ.1.75 కోట్లు, సిద్ధన్న పాటిల్ రూ.98 లక్షలు, ఎస్.ఎస్. సావళగి రూ.95 లక్షలు,  సేవా నాయక్ రూ.89 లక్షలు, సిద్ధప్ప బాళప్ప అథణి రూ.85 లక్షలు, హెచ్.వీ. ఓంకారమూర్తి రూ.81 లక్షలు, టీ. మల్లన్న రూ.64 లక్షల అక్రమ ఆస్తులను కలిగి ఉన్నట్లు గుర్తించారు.
  


 ఒక్క సబ్జెక్టు ఫెయిలవడంతో ఏడాది కోల్పోవాల్సి వస్తోంది
  గత ఐదేళ్లుగా ఇటువంటి నిబంధనేదీ అమలు చేయలేదు
  లోకాయుక్తను ఆశ్రయించిన ట్రిపుల్‌ఐటీ విద్యార్థులు
  సెప్టెంబర్ 4లోగా వివరణ ఇవ్వాలని వీసీకి లోకాయుక్త ఆదేశం
  
  సాక్షి, హైదరాబాద్: ఇంజనీరింగ్ మొదటి సంవత్సరంలోని 10 సబ్జెక్టుల్లో ఒక సబ్జెక్ట్ ఫెయిల్ అయ్యారన్న కారణంగా రెండో సంవత్సరంలోకి ప్రవేశం కల్పించరాదన్న కొత్త నిబంధనతో తాము విద్యా సంవత్సరం కోల్పోవాల్సి వస్తోందని రాజీవ్‌గాంధీ వైజ్ఞానిక విశ్వవిద్యాలయం(ఆర్జీయూకేటీ) పరిధిలోని నూజివీడు ట్రిపుల్ ఐటీ విద్యార్థులు లోకాయుక్తను ఆశ్రయించారు. దాదాపు యాభై మంది విద్యార్థులు బుధవారం లోకాయుక్తలో ఈ మేరకు ఫిర్యాదు చేశారు. విద్యా సంవత్సరం ప్రారంభం సమయంలో 60 శాతం మార్కులు సాధించినా, ఒక సబ్జెక్టు ఫెయిలైనా రెండో సంవత్సరంలోకి ప్రవేశం కల్పిస్తామని ప్రకటించారని తెలిపారు. కానీ విద్యాసంవత్సరం మధ్యలో తెచ్చిన కొత్త నిబంధన ప్రకారం ఒక సబ్జెక్టు ఫెయిలైనా రెండో సంవత్సరంలోకి ప్రవేశం కల్పించరని, ఈ విషయాన్ని సెమిస్టర్ పరీక్షలు పూర్తయి బ్రాంచ్‌లు కేటాయించే సమయంలో చెప్పారని ఆవేదన వెలిబుచ్చారు.
  
  గత ఐదేళ్లుగా ఇలాంటి నిబంధనేదీ లేదని, తమ సీనియర్లకు రెండు సబ్జెక్టులు ఫెయిలైనా రెండో సంవత్సరంలోకి ప్రవేశం కల్పించారని వివరించారు. తామంతా గ్రామీణ ప్రాంతాలకు చెందిన నిరుపేద కుటుంబాల నుంచి వచ్చామని, ఏడాదిపాటు బయట ఉండి పరీక్షలకు ప్రిపేరయ్యే అవకాశం లేదని కన్నీటి పర్యంతమయ్యారు. తాజా నిబంధనలతో బాసర, ఇడుపులపాయ క్యాంపస్‌లతో కలిపి దాదాపు 250 మంది విద్యార్థులు విద్యా సంవత్సరాన్ని కోల్పోవాల్సి వస్తోందన్నారు. తమ సీనియర్లకు అవకాశం కల్పించిన రీతిలోనే తమకూ రెండో సంవత్సరంలో ప్రవేశానికి అనుమతించాలని కోరారు. పిటిషన్‌ను విచారణకు స్వీకరించిన లోకాయుక్త... సెప్టెంబర్ 4లోగా నివేదిక సమర్పించాలని ఆర్జీయూకేటీ వైస్‌చాన్సలర్‌ను ఆదేశిస్తూ నోటీసులు జారీ చేశారు.