సాక్షి, వైఎస్సార్‌ జిల్లా : వైఎస్సార్‌ కడప జిల్లా వల్లూరు జిల్లా పరిషత్‌ ఉన్నత ఉన్నత పాఠశాల ‘బి’ కేంద్రంలో లీకైన గణితం ప్రశ్నాపత్రం లీకేజీలో కీలక పరిణామం చోటు చేసుకుంది. ప్రశ్నాపత్రం లీకేజీలో ప్రమోయమున్న తొమ్మదిమందిని పోలీసులు అరెస్ట్‌ చేశారు.ఏపీలో పదోతరగతి వార్షిక పరీక్షలు కొనసాగుతున్నాయి. ఇప్పటికే కొన్ని సబ్జెక్టులు పూర్తి కాగా, ఇటీవల నిర్వహించిన గణితం పరీక్షలో పేపర్‌ లీకేజీ జరిగింది. వైఎస్సార్‌ కడప జిల్లా వల్లూరు జిల్లా పరిషత్‌ ఉన్నత ఉన్నత పాఠశాల బి కేంద్రంలో గణితం ప్రశ్నా పత్రం వాట్సప్‌లో షేర్‌ చేసినట్లు తెలిసింది.పేపర్‌ లీకేజీపై సమాచారం అందుకున్న పోలీసులు కేసు నమోదు చేసి దర్యాప్తు ముమ్మరం చేశారు. అయితే, పోలీసుల విచారణలో సాయి అనే వాటర్‌ బాయ్‌ ద్వారా ప్రశ్నాపత్రం ఫోటో తీయించి లీక్‌ చేసినట్లు నిర్ధారించారు.ప్రశ్నాపత్రాన్ని ఫొటో తీసి వాటర్‌ బాయ్‌ వాట్సప్ ద్వారా కమలాపురం వివేకానంద ఇంగ్లీష్‌ మీడియం యాజమాన్యానికి పంపినట్లు తేలింది. నిందితుల్లో వివేకానంద స్కూల్‌ కరస్పాండెంట్‌ రామసుబ్బారెడ్డితో సహా పలువురు ప్రభుత్వ ఉద్యోగులు ప్రమోయం ఉన్నట్లు తేలింది. మాస్‌ కాపీయింగ్‌ కోసమే పేపర్‌ లీక్‌ చేశారంటూ పోలీసుల సైతం ప్రకటించారు.

నకిరేకల్‌: పదోతరగతి తెలుగు ప్రశ్నపత్రం లీకేజీ కేసులో 13 మంది పాత్ర ఉందని, అందులో 11 మందిని అదుపులోకి తీసుకున్నట్టు నల్ల గొండ డీఎస్పీ శివరాంరెడ్డి చెప్పారు. మంగళవారం డీఎస్పీ వెల్లడించిన వివరాల ప్రకారం.. నల్లగొండ జిల్లా నకిరేకల్‌లోని సాంఘిక సంక్షేమ గురుకుల పాఠశాల కేంద్రంలో ఈ నెల 21న పదోతరగతి తెలుగు పరీ క్ష ప్రారంభమైన అరగంట తర్వాత ప్రశ్నపత్రం వాట్సాప్‌లో చక్కర్లు కొడుతూ డీఈఓకు చేరింది. వెంటనే ఆయన ఎంఈవో నాగయ్యకు ఫోన్‌ చేయగా, నకిరేకల్‌ పోలీస్‌స్టేషన్‌లో ఫిర్యాదు చేశారు. కేసు నమోదు చేసిన పోలీసులు 13 మందిని అదుపులోకి తీసుకొని విచారించారు. వీరిలో 11 మందిని స్నేహితులుగా పోలీసులు గుర్తించారు. ఆ రోజు(21న) ప్లాన్‌ ప్రకా రం ఏ–1 చిట్ల ఆకాశ్, ఏ–3 చిట్ల శివ, ఒక బాలుడు కలిసి గురుకుల పాఠశాల వద్దకు స్కూటీపై వెళ్లారు. గేట్‌ వద్ద అప్పటికే పోలీసులు ఉండటంతో లోప లకు వెళ్లడానికి వారికి వీలు కాలేదు. దీంతో ఆ ముగ్గురు వెనుక వైపునకు వెళ్లారు. అక్కడ ఏ–11 రాహుల్‌ ఉన్నాడు. బాలుడు పరీక్ష కేంద్రం ఒకటో అంతస్తులోని రూమ్‌ నంబరు 8 వద్దకు చేరుకున్నా డు. ఆ గదిలో పరీక్ష రాస్తున్న తనకు పరిచయ మున్న విద్యార్థిని ఉండటంతో ప్రశ్నపత్రం చూపించమని సైగ చేయగా, అతని వెనకాల మరో ఇద్దరు కూడా అక్కడకు చేరుకున్నారు. అయితే రాహుల్‌తో ఉన్న పరిచయం మేరకు ఆ విద్యార్థిని వెంటనే ఆ బాలుడికి ప్రశ్నపత్రం చూపించింది. ఆ బాలుడు తన ఫోన్‌లో ప్రశ్నపత్రం ఫొటో తీసుకొని కిందకు దిగాడు. ఆ బాలుడు తీసిన ఆ ఫొటో పేపర్‌ను మిగతా నిందితులు ఒకరి నుంచి ఒకరికి పంపుకున్నారు. ఆ పేపర్‌లో ఉన్న ప్రశ్నలకు.. ఏ–4 అయిన ప్రైవేట్‌ ఉపాధ్యాయుడు గుడుగుంట్ల శంకర్‌ సమాధానాలు తయారు చేయగా, వాటిని రవిశంకర్‌ జెరాక్స్‌ షాప్‌లో జెరాక్స్‌ తీసుకున్నారు. నిందితులు సమాధాన పత్రాలను వారికి తెలిసిన వారికి ఇవ్వడానికి పరీక్ష కేంద్రానికి వెళ్లగా, అక్కడ పోలీసులను చూసి దొరికి పోతామేమోనని వెళ్లిపోయారు. ఈ కేసుపై పోలీసులు 13 మంది నిందితులను అదుపులోకి తీసుకొని విచారించగా, పేపర్‌ లీకేజీ వ్యవహారాన్ని బయటపెట్టారని డీఎస్పీ శివరాంరెడ్డి వివరించారు. బంధువుల పిల్లల కోసం... నకిరేకల్‌కు చెందిన చిట్ల ఆకాశ్, చిట్ల శివ, గుడుగుంట్ల శంకర్, బి.రవిశంకర్, బండి శ్రీనుతో పాటు ఓ బాలుడిని ఈ నెల 23న రిమాండ్‌కు పంపామని డీఎస్పీ చెప్పారు. పోగుల శ్రీరాములు, తలారి అఖిల్‌కుమార్, ముత్యాల వంశీ, పల్స అనిల్‌కుమార్, పల్ల మనోహర్‌ను విచారిస్తున్నామన్నారు. రాహుల్‌తోపాటు మరోబాలుడు పరారీలో ఉన్నారని చెప్పారు. తమ బంధువుల పిల్లలు పదోతరగతిలో ఎక్కువ మార్కులు సాధించాలని కొంతమంది ఆకతాయిలు ఇదంతా చేశారన్నారు.కూతురి పరీక్ష.. తల్లిదండ్రులే ఇన్విజిలేటర్లుకోరుట్ల: జగిత్యాల జిల్లా కోరుట్లలోని ఒక పాఠశాలలో ఉపాధ్యాయ దంపతులు ఇన్విజిలేషన్‌ నిర్వహిస్తున్న కేంద్రంలోనే.. వారి కూతురు పరీక్ష రాయటం వివాదాస్పదంగా మారింది. తాము ఇన్విజిలేషన్‌ నిర్వహించే పరీక్ష కేంద్రాల్లో సంతానం పరీక్ష రాయటం లేదని.. ఉపాధ్యాయులు పరీక్షలకు ముందే డిక్లరేషన్‌ ఇవ్వాల్సి ఉంటుంది.అలాంటి డిక్లరేషన్‌ ఇచ్చి కూడా.. తమ కూతురు పరీక్ష రాసే కేంద్రంలోనే ఉపాధ్యాయ దంపతులు ఇన్విజిలేషన్‌ చేశారు. దీనిపై ఇతర విద్యార్థుల తల్లిదండ్రులు అభ్యంతరం తెలపడంతో ఈ విషయం వెలుగు చూసింది. ఇది ఉన్నతాధికారులతోపాటు కలెక్టర్‌ దృష్టికి కూడా వెళ్లడంతో.. ఉపాధ్యాయ దంపతులను పిలిపించి మాట్లాడినట్లు సమాచారం.

మంచిర్యాల: తెలంగాణ పదో తరగతి పరీక్షలు ఆరంభమైన తొలి రోజే జిల్లాలో గందరగోళం చోటు చేసుకుంది. ఒక ప్రశ్నా పత్రం ప్లేస్ లో మరొక ప్రశ్నా పత్రం ఇవ్వడం నిర్లక్ష్యానికి అద్దం పడుతోంది. మంచిర్యాలలోని బాయ్స్ హై స్కూల్ లో ఈ ఘటన చోటు చేసుకుంది. ఈ రోజు(శుక్రవారం)ఫస్ట్ లాంగ్వేజ్ ఎగ్జామ్ జరిగింది. అయితే ఇది రెండు పేపర్లు కింది విభజించారు. పార్ట్ 1(పేపర్ 1), పార్ట్ 2( పేపర్2) గా విడదీసి ఒకే రోజు జరపాలని షెడ్యూల్ చేశారు. అయితే పేపర్ 1 ప్లేస్ లో , పేపర్ 2 ఇవ్వడంతో విద్యార్థుల్లో గందరగోళం నెలకొంది. సుమారు రెండు గంటల పాటు పేపర్‌ 2 ఇచ్చిన విషయాన్ని అధికారులు గమనించలేనట్లు సమాచారం. . ఆ తర్వాత తాము చేసిన తప్పును తెలుసుకుని నాలుక్కరుచుకున్న అధికారులు పేపర్ ను మార్చారు. ఈ నేపథ్యంలోనే విద్యార్థులకు అదనపు సమయం కేటాయించారు. అయితే బయట వేచి చూస్తున్న విద్యార్థుల తల్లిదండ్రలకు ఈ విషయం తెలియక పోవడంతో ఆందోళనకు గురయ్యారు,. ఆ తర్వాత అసలు విషయం తెలిసి ఊపిరి తీసుకున్నారు. ఈ ఘటనపై డీఈవో, జిల్లా కలెక్టర్ ఆగ్రహం వ్యక్తం చేసినట్లు సమాచారం.

అన్నమయ్య జిల్లా: తండ్రి మరణించడంతో పుట్టెడు దుఃంఖంలోనూ ఆ విద్యార్థిని పది పరీక్షలకు హాజరైంది. అన్నమయ్య జిల్లా పీటీఎం మండలం కందుకూరు పంచాయతీ గొడుగు వారి పల్లికి చెందిన కొత్తోళ్ల వెంకట్రమణ(55) ఆదివారం చింతచెట్టు పైనుంచి ప్రమాదవశాత్తు కింద పడి ప్రాణాలు విడిచాడు. ఆయన భార్య పదేశ్ల కిందటే అదృశ్యమైంది. వీరికి ఇద్దరు పిల్లలు. కుమారుడు గణేష్, కుమార్తె గిరిజ. అయితే దుఃఖాన్ని దిగమింగుకుని గిరిజ సోమవారం పదో తరగతి పరీక్షలకు హాజరైంది. పరీక్షల అనంతరం తండ్రి కడచూపు కోసం కన్నీటితో ఇంటికి వెళ్లింది. మద్యం మత్తులో ఎంఈవో!ఓ వైపు పదో తరగతి పరీక్షలు జరుగుతున్నా ఆ ఎంఈవో మాత్రం మద్యం మత్తులో మునిగితేలుతున్నాడు. శ్రీపొట్టిశ్రీరాములునెల్లూరు జిల్లా ఉలవపాడు ప్రభుత్వ ఉన్నత పాఠశాల హెచ్‌ఎం శివనాగేశ్వరరావు ఉలవపాడు–1 ఎంఈవోగా ఉన్నారు. ఆయన సోమవారం వి«ధి నిర్వహణలో ఉండగానే యథేచ్ఛగా మద్యం తాగారు. ఉదయం 9.30 నుంచి స్థానికంగా ఉన్న బ్రాందీషాపు పక్కనే ఉన్న దుకాణం వద్ద కూర్చుని దాదాపు గంట సేపు మద్యం తాగారు. అంతేకాదు.. రాత్రి వేళల్లో ఉలవపాడు ప్రభుత్వ ఉన్నత పాఠశాలలోనే నివాసం ఉంటూ.. రాత్రివేళ పాఠశాలలో సైతం మద్యం తాగుతుంటారని స్థానికులు, విద్యార్థులు చెబుతున్నారు. అదేమంటే.. తనకు మంత్రి అనగాని సత్యప్రసాద్‌ మిత్రుడని.. చెబుతుండటంతో ఫిర్యాదు చేసేందుకు ఉపాధ్యాయులు, చర్యలు తీసుకునేందుకు ఉన్నతాధికారులు సైతం వెనుకాడుతున్నారు.

సాక్షి, హైదరాబాద్‌: పదో తరగతి(Tenth class) అంతర్గత మార్కులపై ప్రైవేటు,(Private schools) కార్పొరేట్‌ విద్యా సంస్థలు దందా మొదలుపెట్టాయి. ఎక్కువ ఇంటర్నల్‌ మార్కులు వేసే పేరిట అదనపు వసూళ్లు మొదలు పెట్టాయి. ఇలా ఎక్కువ మార్కులు వేస్తే, మొత్తంగా మార్కులు పెరి గి... జీపీఏ ఎక్కువగా వస్తుందని ఒత్తిడి చేస్తున్నాయి. ఇంటర్నల్‌ మార్కుల(internal marks) తనిఖీలకు వచ్చే బృందాలకు కొంత ముట్టజెబుతున్నాయి. జిల్లా, రాష్ట్రస్థాయి అధికారులకూ అందులో వాటాలు వెళుతున్నట్టు ఆరోపణలు వినిపిస్తున్నాయి.‘ఇంటర్నల్స్‌’వసూళ్ల దందా దాదాపు రూ.వంద కోట్ల వరకు ఉన్నట్టు అంచనా. విద్యాశాఖ డైరెక్టరేట్‌ కార్యాలయంలో ఓ అధికారి కనుసన్నల్లో ఇదంతా నడుస్తున్నట్టు విద్యాశాఖ వర్గాలే పేర్కొంటుండటం గమనార్హం. ప్రతీ జిల్లాకు టార్గెట్లు పెట్టి మరీ వసూలు చేస్తున్నట్టు సమాచారం. హైదరాబాద్, రంగారెడ్డి, మెదక్‌ జిల్లాలతోపాటు గ్రేటర్‌ హైదరాబాద్‌ పరిసర ప్రాంతాల్లోని ప్రైవేటు స్కూళ్లు పెద్ద ఎత్తున ‘ఇంటర్నల్స్‌’ఖర్చు పెడుతున్నాయి. విద్యార్థుల జీపీఏ పెంచుకోవడం, దాన్ని ప్రచారానికి వాడుకోవడం, తద్వారా మార్కెట్‌ పెంచుకోవడమే దీని ముఖ్య ఉద్దేశంకాగా.. ఈ అక్రమాలకు విద్యాశాఖ అధికారులు సహకరిస్తుండటంపై విమర్శలు వస్తున్నాయి. మొత్తం మార్కులూ వేసుకుని.. టెన్త్‌ క్లాస్‌లో ఒక్కో సబ్జెక్టుకు వంద మార్కులుంటాయి. 80 మార్కులు థియరీ పరీక్షల ద్వారా వస్తాయి. ఇంటర్నల్‌ మార్కులు 20. విద్యార్థులకు ఈ మార్కులు వేయడానికి విద్యాశాఖ కొన్ని నిబంధనలు పెట్టింది. సంవత్సరంలో నిర్వహించే అంతర్గత పరీక్షలన్నింటినీ కొలమానంగా తీసుకోవాలి. స్లిప్‌ టెస్టులకు 5 మార్కులు, ప్రాజెక్టు వర్క్‌కు 5, టెక్ట్స్‌బుక్స్‌ రైటింగ్, రీడింగ్‌కు 5, పుస్తక సమీక్షకు 5 మార్కులు వేయాలి. ప్రతీ ప్రైవేటు పాఠశాల ఈ మార్కులను మొత్తం 20కి 20గా వేసుకుంటున్నాయి. నిజానికి ఈ మార్కుల శాస్త్రీయతను జిల్లా విద్యాశాఖ నేతృత్వంలోని కమిటీలు పరిశీలించాలి.డీఈవో నేతృత్వంలో ప్రతి మండలానికి కొన్ని కమిటీలను వేస్తారు. జిల్లావ్యాప్తంగా 60 నుంచి వంద కమిటీల వరకూ వేస్తుంటారు. ఒక్కో కమిటీలో ఒక గెజిటెడ్‌ హెచ్‌ఎం, నాన్‌–లాంగ్వేజ్, లాంగ్వేజ్‌ టీచర్‌ కలిపి ముగ్గురు ఉంటారు. వారు ప్రైవేటు స్కూళ్లకు వెళ్లి.. విద్యార్థులకు వేసిన ఇంటర్నల్స్‌ మార్కులు సరిగానే ఉన్నాయా? లేదా? పరిశీలిస్తారు. తర్వాత మార్కులను డీఈవో కార్యాలయానికి పంపుతారు. అక్కడ రాష్ట్రస్థాయి పోర్టల్‌లో ఈ మార్కులను ఫీడ్‌ చేస్తారు.థియరీ పరీక్షల్లో మార్కులను, ఇంటర్నల్‌ మార్కులను కలిపి తుది ఫలితాన్ని ఇస్తారు. ప్రైవేటు విద్యా సంస్థలు విద్యార్థులకు వేసిన మార్కులు సరైనవేనని తనిఖీ కమిటీలు నిర్ధారిస్తున్నాయి. ప్రభుత్వ స్కూళ్లలో విద్యార్థులకు ఇంటర్నల్‌ మార్కులు 14కు మించని పరిస్థితి ఉంటే.. ప్రైవేటు బడుల్లో మాత్రం కనిష్టంగా 18 నుంచి గరిష్టంగా 20 వరకు వేసినా కమిటీలు ఆమోదం చెబుతున్నాయి.జరుగుతున్న తంతు ఇదీ... ⇒ ప్రైవేటు స్కూళ్లలో ఇంటర్నల్‌ అసెస్‌మెంట్‌పై తనిఖీ బృందాలే ఆశ్చర్యం వ్యక్తం చేస్తున్నా యి. ఎక్కడా శాస్త్రీయత లేదని సభ్యులు పేర్కొంటున్నారు. అయినా ప్రైవేటు స్కూళ్ల యాజమాన్యాలు ఉన్నతాధికారులపై ఒత్తిడి చేయడం వల్ల తామేమీ చేయలేపోతున్నా మని అంటున్నారు. తనిఖీ బృందాలు ఇచ్చి న ఫీడ్‌ బ్యాక్‌ ప్రకారం కొన్ని ఉదాహరణలివీ.. ⇒ హైదరాబాద్‌లోని నాలుగు ప్రైవేటు స్కూళ్లలో విద్యార్థుల ప్రాజెక్టు వర్క్‌ అందరిదీ ఒకే రకంగా ఉంది. దాన్ని గూగుల్‌ నుంచి కాపీ కొట్టినట్టు తెలుస్తోంది. ఒకరిద్దరు విద్యార్థులను ఆ ప్రాజెక్టు వర్క్‌పై ప్రశి్నస్తే.. సమాధానం చెప్పలేకపోయారు. ⇒ ఖమ్మంలోని ఓ ప్రైవేటు స్కూల్‌లో వంద మంది విద్యార్థుల రికార్డులు ఒకే రకంగా ఉన్నాయి. అవి కూడా ఎవరో రాసినట్టు తెలుస్తోంది. కొన్ని పదాలు పూర్తిగా ఆన్‌లైన్‌ నుంచి తీసుకున్నట్టుగా ఉంది. భాష కఠినమైన, పొంతనలేని తరహాలో ఉంది. దీనిపై విద్యార్థులకు ఏమాత్రం అవగాహన లేదు. ⇒ నిజామాబాద్‌లోని ఓ ప్రైవేటు స్కూల్‌లో అంతర్గత పరీక్షలకు హాజరవని విద్యార్థులకూ ఇంటర్నల్‌ మార్కులు వేశారు. పరీక్ష పేపర్లు ఎక్కడో పోయినట్టు వారు పేర్కొనడం గమనార్హం. ఓ రాజకీయ నాయకుడి బంధువు స్కూల్‌ కావడంతో ఏమీ చేయలేని పరిస్థితి ఏర్పడిందని అంటున్నారు.రూ.వంద కోట్ల దందా.. రాష్ట్రంలో ఈ సంవత్సరం 5,09,391 మంది టెన్త్‌ పరీక్షలు రాయనున్నారు. అందులో రెగ్యులర్‌గా రాసేవాళ్లు 4,97,341 మంది, గత ఏడాది ఫెయిలైన విద్యార్థులు మరో 12,050 ఉన్నారు. 11,544 ప్రైవేటు స్కూళ్ల నుంచి ఈ ఏడాది 2,36,674 మంది టెన్త్‌ పరీక్షలు రాస్తున్నారు. వీరిలో చాలా మంది ఓ నాలుగైదు కార్పొరేట్‌ విద్యాసంస్థలకు చెందిన వారేనని అంచనా. ఇంటర్నల్‌ మార్కులు ఎక్కువ వస్తే జీపీఏ పెరుగుతుందని ఆ స్కూళ్లు చెబుతున్నాయి. ఇందుకోసం ఒక్కో విద్యార్థి నుంచి స్కూల్‌ స్థాయిని బట్టి రూ.5 వేలు మొదలు రూ.10 వేల వరకు వసూలు చేస్తున్నట్టు ఆరోపణలు వినిపిస్తున్నాయి.2 లక్షల మందికిపైగా విద్యార్థులు ఇంటర్నల్‌ మార్కుల కోసం అదనంగా డబ్బులు ఇవ్వాల్సి వస్తోందని.. ఈ మొత్తం రూ.వంద కోట్ల వరకు ఉంటుందని అంచనా. ప్రతీ స్కూల్‌ కూడా తనిఖీ బృందాల్లో ముగ్గురికి రూ.లక్షల్లో ముట్టజెబుతున్నారని.. ఎంఈవోలు, డీఈవోలు, రాష్ట్ర విద్యాశాఖలోని ఉన్నతాధికారులకూ ముడుపులు వెళ్తున్నాయన్న ఆరోపణలు వినిపిస్తున్నాయి. దీంతో స్కూళ్లు వేసిన మార్కులు సరికాదని తెలిసినా.. కమిటీలు తూతూమంత్రంగానే తనిఖీ చేసి ఆమోదించాల్సి వస్తోందన్న అభిప్రాయం వ్యక్తమవుతోంది.విచారణకు ఆదేశిస్తాం ఇంటర్నల్‌ మార్కుల తనిఖీ వ్యవహారంపై విచారణ జరిపిస్తాం. అనుమానమున్న జిల్లాలు, ప్రాంతా ల్లోని పరిస్థితిని సమీక్షించాలని అధికారులకు ఆదేశి స్తాం. ఇంత వరకు ఈ వ్యవహారంపై ఎలాంటి ఫిర్యాదు రాలేదు. అయినా ఎక్కడైనా పొరపాట్లు ఉన్నాయేమో పరిశీలించి, అలాంటివి ఉంటే కఠిన చర్యలు తీసుకుంటాం. – ఈవీ నర్సింహారెడ్డి, పాఠశాల విద్య డైరెక్టర్‌దగ్గరుండి పరిశీలిస్తున్నాం ప్రైవేటు స్కూళ్లలో అంతర్గత మార్కులను తనిఖీ బృందాలు పరిశీలించిన తర్వాత.. జిల్లా విద్యాశాఖ అధికారి కార్యాలయంలో మరోసారి పరిశీలన చేస్తున్నాం. ఎక్కడైనా అనుమానం వస్తే స్వయంగా వెళ్లి పరిశీలిస్తాం. బృందాలు ఇంకా మార్కులు ఫీడ్‌ చేయలేదు. చేసిన తర్వాత ఈ ప్రక్రియ ఉంటుంది. – సోమశేఖరశర్మ, డీఈవో, ఖమ్మంఇలా చేయడం దారుణం.. తనిఖీ బృందాలకు ముట్టజెప్పాలనే పేరుతో ప్రైవేటు స్కూళ్లు డబ్బులు వసూలు చేయడం దారుణం. దీనికి టీచ ర్లు ఎట్టి పరిస్థితుల్లోనూ అనుమతించకూడదు. దీనిపై సమ గ్ర విచారణ జరిపించాల్సి ఉంది. అంతర్గత మార్కులు పెంచేందుకు అన్యాయంగా అనుమతిస్తే.. సంబంధిత తనిఖీ బృందాల్లోని టీచర్లపై చర్య లు తీసుకోవాలి. – ఆర్‌.రాజగంగారెడ్డి, గెజిటెడ్‌ ఉపాధ్యాయుల సంఘం రాష్ట్ర అధ్యక్షుడురూ.10 వేలు అడిగారు ఇంటర్నల్‌ మార్కులు జీపీఏ పెరగడానికి కీలకమని కరస్పాండెంట్‌ చెప్పారు. అధికారులను మేనేజ్‌ చేయాలని, అందుకోసం రూ.10 వేలు ఇవ్వాలని డిమాండ్‌ చేశారు. ఇవ్వకుంటే మార్కులు తగ్గిస్తారని చెప్పారు. అందరూ ఇస్తున్నారు కాబట్టి భయంతో మేం కూడా ఇచ్చాం. – హైదరాబాద్‌కు చెందిన ఓ ప్రైవేటు స్కూల్‌ విద్యార్థి

సాక్షి, అమరావతి: రాష్ట్రంలో పదో తరగతి పరీక్షలను మార్చి 15వ తేదీ నుంచి నిర్వహించాలని పాఠశాల విద్యా శాఖ భావిస్తోంది. మార్చి నెలాఖరుకల్లా పరీక్షల ప్రక్రియను పూర్తి చేయాలనే ఆలోచనలో ఉన్నట్లు సమాచారం. ఈ మేరకు పరీక్షల టైమ్‌ టేబుల్‌ను ప్రభుత్వ పరిశీలనకు పంపించినట్టు తెలిసింది. ఇతర పరీక్షల షెడ్యూళ్లు కూడా పరిగణనలోకి తీసుకుని.. పదో తరగతి పరీక్షల షెడ్యూల్‌ను విడుదల చేసే అవకాశం ఉంది. మరోవైపు ప్రభుత్వ పాఠశాలల్లో చదువుతున్న విద్యార్థులను పదో తరగతి పబ్లిక్‌ పరీక్షలకు సన్నద్ధం చేసేందుకని పాఠశాల విద్యా శాఖ 100 రోజుల యాక్షన్‌ ప్లాన్‌ను విడుదల చేసింది. టైమ్‌ టేబుల్‌తో కూడిన ప్రణాళికను పాఠశాల విద్య డైరెక్టర్‌ విజయ్‌ రామరాజు సోమవారం రాష్ట్రంలోని అన్ని మెనేజ్‌మెంట్లలోని ఉన్నత పాఠశాలలకు పంపించారు. ప్రతిరోజూ ఉదయం 8 గంటల నుంచి సాయంత్రం 5 గంటల వరకు ఆరు సెషన్లలో తరగతులు నిర్వహించాలని.. ఈనెల ఒకటో తేదీ నుంచి మార్చి 10వ తేదీ వరకు ప్రత్యేక ప్రణాళిక అమలు చేయాలని ఆదేశించారు. విద్యార్థులకు పరీక్షలపై భయం పోయేలా స్లిప్‌ టెస్టులు నిర్వహించాలని.. చదువులో వెనుకబడిన విద్యార్థులకు ప్రత్యేక తరగతులు నిర్వహించాలని సూచించారు. ఆదివారాలతో పాటు సెలవు దినాల్లో ప్రత్యేక తరగతులు నిర్వహించాలని స్పష్టం చేశారు. శిక్షణ అనంతరం విద్యార్థులను ఇంటికి పంపే వరకు ఉపాధ్యాయులు పర్యవేక్షించాలని ఆదేశించారు. ఈనెల 7న జరిగే పేరెంట్స్‌–టీచర్స్‌ సమావేశంలో దీనిపై చర్చించాలని.. ఉపాధ్యాయులు సెలవు రోజుల్లో పనిచేసినందుకు ప్రత్యేక సీసీఎల్‌ మంజూరు చేస్తామని చెప్పారు. మెరిట్‌ విద్యార్థులకు అదనపు అభ్యాసాలు ఇవ్వాలని.. అభ్యసన ప్రణాళికలను తల్లిదండ్రులకు కూడా వివరించాలని ప్రధానోపాధ్యాయులను ఆదేశించారు. సెలవు రోజులను మినహాయించాలి.. పదో తరగతి యాక్షన్‌ ప్లాన్‌ షెడ్యూల్‌లో సెలవు రోజులను మినహాయించాలని విద్యా శాఖను ఏపీటీఎఫ్‌ అమరావతి రాష్ట్ర అధ్యక్షుడు సీవీ ప్రసాద్‌ కోరారు. ఇంకా సిలబస్‌ పూర్తి కానందున కార్యాచరణ ప్రణాళికను సమ్మేటివ్‌–1 పరీక్షల అనంతరం ప్రారంభించాలని విజ్ఞప్తి చేశారు. విద్యార్థులకు ఉదయం, సాయంత్రం అల్పాహారం అందించాలని.. సగటు విద్యార్థి ఉత్తీర్ణత సాధించేలా ప్రతి సబ్జెక్టుకూ ముఖ్య ప్రశ్నలను రూపొందించి పుస్తకాలు అందించాలని కోరారు.

సాక్షి, సిటీబ్యూరో: ఎస్సీ, ఎస్టీ, బీసీ విద్యార్థులకు పదో తరగతి పరీక్ష ఫీజు రాయితీ అందడం లేదు. ఇందుకు ఏళ్ల కిందట రూపొందించిన నిబంధనలే కారణమని తల్లిదండ్రులు వాపోతున్నారు. ఈ విషయంపై తగిన మార్పుల కోసం రాష్ట్ర విద్యాశాఖ దృష్టి సారించడం లేదని వారంటున్నారు. రాయితీ నిబంధనలను ప్రస్తుత ఆర్థిక పరిస్థితులకు తగ్గట్టుగా సవరించాలని విద్యార్థుల తల్లిదండ్రులు, నగర విద్యార్థి సంఘాలు కోరుతున్నాయి. రాయితీ పొందాలంటే.. ప్రస్తుతం 2024–25 విద్యా సంవత్సరానికి సంబంధించి పదో తరగతి విద్యార్థుల పరీక్ష ఫీజు చెల్లింపు షెడ్యూల్‌ ఇటీవల విడుదలైంది. ఈ నెల 28వ తేదీతో గడువు ముగియనుంది. విద్యార్థులంతా ఫీజులు చెల్లించే పనుల్లో నిమగ్నమయ్యారు. నిబంధనల ప్రకారం ఒక విద్యార్థి పరీక్ష రుసుం కింద రూ.125 చెల్లించాలి. వంద శాతం రాయితీ పొందాలంటే విద్యార్థులు వార్షిక ఆదాయ ధ్రువపత్రాన్ని సమరి్పంచాలి. హైదరాబాద్‌ నగరంతో సహా శివారు జిల్లాల్లోని విద్యాసంస్థల్లో ఈ ఏడాది పదో తరగతి చదువుతున్న విద్యార్థులు సుమారు 1.18 లక్షల మంది వరకు ఉన్నారు. వీరిలో సుమారు 60 శాతం మంది ఎస్సీ, ఎస్టీ, బీసీలు ఉంటారని విద్యార్థి సంఘాలు పేర్కొంటున్నాయి. వీరి కుటుంబ వార్షిక ఆదాయం పట్టణ ప్రాంతాల్లో రూ.24 వేలు, గ్రామీణ ప్రాంతాల్లో రూ.20 వేల లోపు ఉంటేనే వంద శాతం ఫీజు రాయితీ వర్తిస్తుంది. కానీ ప్రస్తుతం అంత తక్కువ ఆదాయ ధ్రువీకరణ పత్రాలు ఎక్కడా ఇవ్వడం లేదు. ఈ నిబంధన చాలా ఏళ్ల కిందట రూపొందించారు. ఇప్పుడు సగటున వార్షిక ఆదాయం రూ.లక్షన్నర నుంచి రెండు లక్షల వరకు ఉండాలని ప్రభుత్వ ఉత్తర్వులు పేర్కొంటున్నాయి. ఈ నేపథ్యంలో ఏ విద్యారి్థకీ రాయితీ లభించడం లేదు. ఆదాయ పరిమితిని సవరిస్తేనే ఫలితం ఉంటుందని టెన్త్‌ విద్యార్థుల తల్లిదండ్రులు పేర్కొంటున్నారు.పదో తరగతి పరీక్ష ఫీజు షెడ్యూల్‌ ఇలా అపరాధ రుసుం లేకుండా గడువు: ఈ నెల 28 వరకు రూ.50 అపరాధ రుసుం: డిసెంబరు 2 రూ.200 అపరాధ రుసుం: డిసెంబరు 12 రూ.500 అపరాధ రుసుంతో: డిసెంబరు 21 వరకు..

స్టేషన్‌ఘన్‌పూర్‌/చిల్పూరు: బాగా చదువుకుని మమ్మల్ని ఉద్దరిస్తావనుకుంటే వదిలెళ్లిపోయావా అంటూ శుక్రవారం వంగాలపల్లి రైల్వేగేట్‌ సమీపంలో ఆత్మహత్య చేసుకున్న విద్యార్థి తల్లిదండ్రుల రోదనలు మిన్నంటాయి. మృతుడి బంధువులు తెలిపిన వివరాల ప్రకారం.. జనగామ జిల్లా జఫర్‌గఢ్‌ మండలం ఉప్పుగల్లు గ్రామానికి చెందిన కొడారి రాజు, రమ దంపతులకు ఇద్దరు కుమారులు. పెద్దకుమారుడు కొడారి రాజ్‌కుమార్‌(15) స్టేషన్‌ఘన్‌పూర్‌ మండలంలోని శివునిపల్లి సెయింట్‌థామస్‌ హైస్కూల్‌ హాస్టల్‌లో ఉంటూ 10వ తరగతి చదువుతున్నాడు. అతడి తమ్ముడు కూడా అదేపాఠశాలలో 8వ తరగతి చదువుతున్నాడు. కాగా శుక్రవారం ఉదయం హాస్టల్‌లో విద్యార్థి కనిపించలేదు. దాంతో పాఠశాల ప్రిన్సిపాల్‌.. తల్లిదండ్రులకు సమాచారం అందించారు. అనంతరం స్థానిక పోలీస్‌స్టేషన్‌లో ఫిర్యాదు చేశారు. ఈనేపథ్యంలో విద్యార్ధి రాజ్‌కుమార్‌ వంగాలపల్లి రైల్వేగేటు సమీపాన విగతజీవిగా పడి ఉన్నట్లు మధ్యాహ్నం సమయంలో తెలిసింది. అయితే సెయింట్‌థామస్‌ పాఠశాల యాజమాన్యం నిర్లక్ష్యం కారణంగానే రాజ్‌కుమార్‌ మృతిచెందాడని తల్లిదండ్రులు, బంధువులు ఆరోపిస్తున్నారు. రూ.లక్షల్లో ఫీజులు తీసుకునే పాఠశాల హాస్టల్‌కు కనీసం వాచ్‌మన్‌ లేకపోవడం ఏంటని మండిపడ్డారు. కొద్ది రోజుల క్రితం బయటి వ్యక్తులు రాజ్‌కుమార్‌పై పాఠశాలలో దాడి చేశారని, బయటి వ్యక్తులు పాఠశాలలో విద్యార్థిపై దాడి చేస్తే మాకు చెప్పరా.. అని ప్రశ్నించారు. విద్యార్థి నాలుగు రోజులుగా మూడీగా ఉంటున్నట్లు తెలిసిందని, సమాచారం ఇవ్వలేదన్నారు. రాజ్‌కుమార్‌కు ఆత్మహత్య చేసుకోవాల్సిన గత్యంతరం లేదని వాపోయారు. విద్యార్థి మృతికి పాఠశాల యాజమాన్యమే కారణమని, యాజమాన్యంపై కఠిన చర్యలు తీసుకోవాలని వారు డిమాండ్‌ చేశారు. కాగా, విద్యార్థి ఆత్మహత్య విషయం తెలుసుకున్న ఏఐఎస్‌ఎఫ్‌, ఎస్‌ఎఫ్‌ఐ తదితర విద్యార్థి సంఘాల నాయకులు పాఠశాల వద్దకు చేరుకున్నారు. అప్పటికే పాఠశాల వద్దకు మృతిచెందిన విద్యార్థి రాజ్‌కుమార్‌ బంధువులు, ఉప్పుగల్లు గ్రామస్థులు అధిక సంఖ్యలో చేరుకుని పాఠశాల ఎదుట ఆందోళన చేశారు. ఇదిలా ఉండగా.. విద్యార్థి ఆత్మహత్య చేసుకోవడంతో సెయింట్‌థామస్‌ స్కూల్‌ వద్ద శుక్రవారం స్టేషన్‌ఘన్‌పూర్‌ ఏసీపీ భీమ్‌శర్మ, సీఐ వేణు.. ఎస్సైలు, ఏఎస్సై, పోలీసు సిబ్బందితో బందోబస్తు నిర్వహించారు. అయితే విద్యార్థి రాజ్‌కుమార్‌ కుటుంబానికి న్యాయం చేయాలని వారి బంధువులు పాఠశాల యాజమాన్యంతో రాత్రి వరకు చర్చలు జరిపారు. కాగా, ఉప్పుగల్లు గ్రామానికి చెందిన కొడారి లోకేశ్‌ అనే డిగ్రీ విద్యార్థి సైతం వంగాపల్లి రైల్వేగేటు సమీపంలో 13 నెలల క్రితం ఆత్మహత్య చేసుకున్నాడు. ప్రస్తుతం ఆత్మహత్య చేసుకున్న రాజ్‌కుమార్‌కు లోకేశ్‌ వరుసకు బాబాయి.ఉదయమే గుర్తించాం..విద్యార్థి పాఠశాల నుంచి పారిపోయినట్లు శుక్రవారం ఉదయం గుర్తించాం. రోజూ మాదిరిగానే ఉదయం టిఫిన్‌ సమయానికి ముందు హాజరు తీసుకుంటాం. ఉదయం రాజ్‌కుమార్‌ లేకపోవడంతో ఇతర విద్యార్థులను విచారించి పాఠశాల నుంచి పారిపోయినట్లు గుర్తించాం. పేరెంట్స్‌కు సమాచారం అందించి పోలీస్‌స్టేషన్‌లో ఫిర్యాదు చేశాం. విద్యార్థి మృతిచెందడం చాలా బాధాకరం.– పాఠశాల ప్రిన్సిపాల్‌ కేసీ జాన్‌బన్నీ

సాక్షి, అమరావతి: ప్రభుత్వ విద్యాసంస్థల్లో చదువుకుని 2022–23లో పదో తరగతి, ఇంటర్మీడియట్‌ పబ్లిక్‌ పరీక్షల్లో ఉత్తమ మార్కులు సా­ధించిన విద్యార్థులను ‘జగనన్న ఆణిము­త్యా­లు’ పేరిట ప్రభుత్వం సత్కరించనుంది. ని­యో­జకవర్గస్థాయిలో విద్యార్థులను గురువా­రం సత్కరించేందుకు రాష్ట్రంలోని 175 నియోజకవర్గాల్లోను ఏర్పాట్లు చేశారు. స్థానిక ప్రజాప్రతినిధులు, అధికారుల సమక్షంలో ఈ వేడుక జరుగుతుంది. జెడ్పీ, ప్రభుత్వ, మున్సిపల్, ఏపీ మోడల్, బీసీ రెసిడెన్షియల్, ఏపీ రెసిడెన్షియల్, సోషల్‌ వెల్ఫేర్‌ రెసిడెన్షియల్, ట్రైబల్‌ వెల్ఫేర్‌ రెసిడెన్షియల్, కేజీబీవీ మేనేజ్‌మెంట్లలో  విద్యాసంస్థలున్నాయి. ఒక్కో మేనేజ్‌మెంట్‌ పరిధిలోని సంస్థల్లో పదోతరగతిలో మొదటి మూడుస్థానాల్లో నిలిచిన విద్యార్థులను సన్మానిస్తారు. ఇలా నియోజకవర్గస్థాయిలో మొదటి మూడుస్థానాల్లో నిలిచిన పదో తరగతి విద్యార్థులు 678 మంది ఉన్నారు. ఇంటర్మీడియట్‌లో కూడా వివిధ మేనేజ్‌మెంట్‌ జూనియర్‌ కాలేజీల్లో  ఎంపీసీ, బైపీసీ, హెచ్‌ఈసీ, సీఈసీ/ఎంఈసీ గ్రూపుల వారీగా అత్యధిక మార్కులు సాధించి మొదటిస్థానంలో నిలిచిన విద్యార్థులు 662 మంది ఉన్నారు. విద్యారంగంలో పలు సంస్కరణలను అమలు చేస్తున్న ప్రభుత్వం.. విద్యలో నాణ్యత, విద్యార్థుల్లో నైపు­ణ్యాన్ని ప్రోత్సహించేందుకు ఈ వేడుక నిర్వహిస్తోంది. విద్యార్థులకు నగదు పురస్కారం, మెడల్, మెరిట్‌ సర్టిఫికెట్, పాఠశాలకు మెమెంటో ఇవ్వడంతోపాటు సంబంధిత పాఠశాల ప్రధానోపాధ్యాయులను, విద్యార్థుల తల్లిదండ్రులను కూడా సత్కరించనున్నారు. నియోజకవర్గస్థాయిలో పదో తరగతి విద్యార్థులకు మొదటి బహుమతిగా రూ.15 వేలు, రెండో బహుమతిగా రూ.10 వేలు, మూడో బహుమతిగా రూ.5 వేలు చొప్పున నగదు బహుమతి అందజేస్తారు. ఇంటర్మీడియట్‌లో గ్రూప్‌ టాపర్‌కు రూ.15 వేలు చొప్పున ఇస్తారు. 20న రాష్ట్రస్థాయిలో..   రాష్ట్రస్థాయిలో జగనన్న ఆణిముత్యాలను ఈ­నెల 20న విజయవాడలో ముఖ్యమంత్రి వైఎస్‌ జగన్‌మోహన్‌రెడ్డి సత్కరించనున్నా­రు. రాష్ట్రస్థాయిలో పదో తరగతిలో మొద­టి మూడు­స్థానాల్లో నిలిచిన 42 మందిని, ఇంటర్‌­లో మొదటి స్థానంలో నిలిచిన 28 మందిని ఆయన సన్మానించనున్నారు. పదో తరగతిలో మొదటి స్థానంలో నిలిచిన విద్యార్థికి రూ.లక్ష, రెండోస్థానంలోని వారికి రూ.­75 వేలు, మూడోస్థానంలో నిలిచిన వారి­కి రూ.50 వేలు,  ఇంటర్‌ టాపర్స్‌కు రూ.­లక్ష చొప్పున నగదు బహుమతి ఇవ్వనున్నారు.    17న జిల్లాస్థాయిలో..   జిల్లాస్థాయిలో టాపర్స్‌గా నిలిచిన పదో తరగతి, ఇంటర్‌ విద్యార్థులను ఈ నెల 17న ఆయా జిల్లా కేంద్రాల్లో సన్మానించనున్నారు. జెడ్పీ, ప్రభుత్వ, మున్సిపల్, ఏపీ మోడల్, బీసీ రెసిడెన్షియల్, ఏపీ రెసిడెన్షియల్, సోషల్‌ వెల్ఫేర్‌ రెసిడెన్షియల్, ట్రైబల్‌ వెల్ఫేర్‌ రెసిడెన్షియల్, కేజీబీవీ మేనేజ్‌మెంట్లలోని సంస్థల్లో ఒక్కో మేనేజ్‌మెంట్‌లో మొదటి మూడుస్థానాల్లో నిలిచిన పదో తరగతి విద్యార్థులను సన్మానిస్తారు. ఇంటర్మీడియట్‌లో కూడా వివిధ మేనేజ్‌మెంట్‌ జూనియర్‌ కాలేజీల్లో ఎంపీసీ, బైపీసీ, హెచ్‌ఈసీ, సీఈసీ/ఎంఈసీ గ్రూపుల వారీగా అత్యధిక మార్కులు సాధించి జిల్లాస్థాయిలో మొదటి స్థానంలో నిలిచిన విద్యార్థులను సత్కరిస్తారు. జిల్లాస్థాయిలో పదో తరగతి విద్యార్థులు 606 మందిని, ఇంటర్‌ టాపర్స్‌ 392 మందిని సత్కరించనున్నా­రు. పదో తరగతిలో జిల్లా టాపర్‌కు రూ.50 వేలు, రెండో బహుమతిగా రూ.30 వే­లు, మూడో బహుమతిగా రూ.15 వేలు నగదు బహుమతి అందిస్తారు. ఇంటర్‌లో ఒక్కొక్కరికి రూ.50 వేలు నగదు బహుమతి ఇస్తారు.

సాక్షి, అమరావతి: రాష్ట్ర ప్రభుత్వం చేపట్టిన విప్లవాత్మక సంస్కరణలతో ప్రభుత్వ పాఠశాలలు, కళాశాలల్లో విద్యా ప్రమాణాలు పెరిగాయని విద్యా శాఖ మంత్రి బొత్స సత్యనారాయణ తెలిపారు. టెన్త్, ఇంటర్‌ ఫలితాలే అందుకు నిదర్శనమన్నారు. ఈ విద్యా సంవత్సరం పదో తరగతి, ఇంటర్‌ ఫలితాల్లో అత్యధిక మార్కులు సాధించిన ప్రభుత్వ పాఠశాలలు, కళా­శాలల విద్యార్థులను సన్మానించనున్నట్లు బొత్స ప్రక­టించారు. బుధవారం విజయవాడలోని సమగ్ర శిక్ష రాష్ట్ర కార్యాలయంలో ఆయన మీడియాతో మాట్లా­డారు. నియోజకవర్గం, జిల్లా, రాష్ట్ర స్థాయిలో తొలి మూడు స్థానాల్లో నిలిచిన ప్రభుత్వ విద్యాసంస్థల విద్యార్థులను అవార్డులు, నగదు పురస్కారాలతో సత్కరిస్తామన్నారు. జడ్పీ, ప్రభుత్వ, మున్సిపల్, ఏపీ మోడల్, బీసీ రెసిడెన్షియల్, ఏపీ రెసిడెన్షియల్, సోషల్‌ వెల్ఫేర్‌ రెసిడెన్షియల్, ట్రైబల్‌ వెల్ఫేర్‌ రెసిడెన్షియల్, జీటీడబ్ల్యూ ఆశ్రమ స్కూళ్లు, కేజీబీవీ విద్యార్థులకు ఈ అవకాశం కల్పించినట్లు తెలిపారు. మార్కుల ఆధారంగా టెన్త్, ఇంటర్‌లో 2,831 మంది విద్యార్థులను సత్క­రించనున్నట్లు చెప్పారు. విద్యారంగాన్ని ప్రోత్సహిస్తూ పేదలు అధికంగా చదివే ప్రభుత్వ పాఠశాలల విద్యా­ర్థులను ప్రపంచంతో పోటీ పడేలా తీర్చిదిద్దాలన్నదే సీఎం జగన్‌ సంకల్పమన్నారు. అందుకు అనుగుణంగా మౌలిక వసతుల కల్పన, దీర్ఘకాలిక ప్రయోజనాల దిశగా అధునాతన వసతులు, డిజిటల్‌ విద్యా బోధన తదితరాలను అందుబాటులోకి తెచ్చినట్లు చెప్పారు. ఇప్పటివరకు అమలు చేసిన విప్లవాత్మక కార్యక్ర­మాలకు తోడు ఈ ఏడాది నుంచి టెన్త్, ఇంటర్‌ పబ్లిక్‌ పరీక్షల్లో అత్యుత్తమ ఫలితాలు సాధించిన వారిని ప్రోత్సహించే కార్యక్రమాలకు శ్రీకారం చుడుతున్నట్లు వివరించారు. విద్యార్థులతో పాటు వారి తల్లిదండ్రులు, ప్రధానోపాధ్యాయులు, కళాశాల ప్రిన్సిపాళ్లను కూడా సత్కరిస్తామన్నారు. ఆరోగ్యకరమైన పోటీతో ప్రోత్సహించేందుకే.. ఈ నెల 23న నియోజకవర్గ స్థాయిలో సత్కార వేడుక నిర్వహించి మొదటి మూడు స్థానాల్లో నిలిచిన విద్యార్థులకు పతకం, సర్టిఫికెట్‌ ప్రదానం చేస్తామని బొత్స తెలిపారు. మే 27న జిల్లా స్థాయిలో సత్కారంలో విద్యార్థులకు మొదటి బహుమతిగా రూ.50 వేలు, రెండో బహుమతిగా రూ.30 వేలు, మూడో బహుమతిగా రూ.10 వేలు నగదు అందచేస్తామన్నారు. రాష్ట్రస్థాయిలో తొలి మూడు స్థానాల్లో నిలిచిన వారికి వరుసగా రూ.లక్ష, రూ.75 వేలు, రూ.50 వేలు చొప్పున నగదు పురస్కారాలతో సత్కరిస్తామని వెల్లడించారు. ఈనెల 31న జరిగే రాష్ట్ర స్థాయి కార్యక్రమానికి ముఖ్యమంత్రి వైఎస్‌ జగన్‌మోహన్‌రెడ్డి ముఖ్య అతిథిగా హాజరయ్యే అవకాశం ఉందన్నారు. ఆరోగ్యకరమైన పోటీతో ప్రతిభను ప్రోత్సహించేందుకే మెరిట్‌ అవార్డులు ఇస్తున్నట్లు స్పష్టం చేశారు. సమావేశంలో విద్యాశాఖ ప్రిన్సిపల్‌ సెక్రటరీ ప్రవీణ్‌ ప్రకాష్, కమిషనర్‌ ఎస్‌.సురేష్‌ కుమార్, ఇంటర్‌ బోర్డు కార్యదర్శి ఎం.వి.శేషగిరిబాబు, పాఠశాల విద్య పరీక్షల విభాగం డైరెక్టర్‌ డి.దేవానందరెడ్డి, కేజీబీవీ కార్యదర్శి డి.మధుసూదనరావు, ఏపీ రెసిడెన్షియల్‌ స్కూల్స్‌ సెక్రటరీ ఆర్‌.నరసింహారావు, సమగ్ర శిక్షా ఏఓ కె.శ్రీనివాసరావు తదితరులు పాల్గొన్నారు. 

‘‘మా నాన్న వ్యవసాయ కూలీగా ఉంటూ కుటుంబాన్ని పోషించేవారు. ఆ సం పాదన మా చదువులకు సరిపోదని విశాఖ వచ్చి పూర్ణామార్కెట్‌లో కలాసీగా పనిచేస్తున్నారు. నాకు మంచి మార్కులు వస్తున్నాయని, బాగా చదివించమని మా ఉ పాధ్యాయులు చెప్పడంతో నాన్న ఎప్పుడూ నా గురించే ఆలోచించేవారు. చాలీచాలని సం పాదనతో ఎలా చదివించాలన్నదే ఆయన ఆందోళన. అలాంటి సమయంలో నేను 8వ తరగతిలో ఉండగా మొదటిసారి అమ్మ ఒడి అందింది. వరుసగా మూడేళ్లు ఆ పథకం వల్ల లబ్ధి ΄పొందడం వల్ల నా చదువు ఎలాంటి భారం లేకుండా సునాయాసంగా సాగిపోయింది. మా పాఠశాల ఉ పాధ్యాయులందరూ ప్రత్యేక శ్రద్ధతో నన్ను తీర్చిదిద్దారు. ప్రభుత్వ పాఠశాలలో చదివి టాపర్‌గా నిలవడం ఆనందంగా ఉంది’’  ఆంధ్రప్రదేశ్‌లో నిర్వహించిన పదో తరగతి పరీక్షల్లో 594 మార్కులు సాధించి ప్రభుత్వ స్కూళ్ల విద్యార్థుల్లో టాపర్‌గా నిలిచిన అనకాపల్లి జిల్లా అచ్యుతాపురంలోని ఏపీ రెసిడెన్షియల్‌ బాలికల పాఠశాల విద్యార్థిని కామిరెడ్డి హేమశ్రీ మనోగతమిది. అతి సామాన్య కుటుంబం నుంచి వచ్చి  చదువుల సరస్వతిగా నిలిచింది. తల్లిదండ్రులకు, ఉ పాధ్యాయులకు మంచి పేరు తెచ్చింది. ఒకప్పుడు కార్పొరేట్‌ స్కూళ్లకే పరిమితమైన టెన్త్‌ టాపర్లు.. ఈ ఏడాది ప్రభుత్వ పాఠశాలల నుంచి పుట్టుకొచ్చారు. అలాంటి టాపర్లలో ఈమె ఒకరు. ఆమెతో ‘సాక్షి’ సంభాషించింది. హేమశ్రీ ఎలా ఈ స్థాయికి చేరుకుందో ఆమె మాటల్లోనే..  నాన్న మాటలే స్ఫూర్తి  ‘‘అమ్మ గోవిందమ్మ, మా నాన్న శ్రీనివాసరావు. నాన్న పదో తరగతిలో రెండు సబ్జెక్టులు ఫెయిల్‌. ప్రస్తుతం విశాఖలోని పూర్ణా మార్కెట్లో కలాసీ. ఓ రకంగా నాన్నే నా విజయానికి స్ఫూర్తి. తను బాగా చదవలేకపోవడం వల్లే టెన్త్‌ ఫెయిలయ్యారు. కలాసీగా రాత్రీపగలూ కష్టపడుతున్నారు. అదే మాకు పదేపదే చెప్పేవారు. తానెన్ని కష్టాలుపడ్డా.. అదంతా నా కోసం, నా తమ్ముడి కోసమేనని గుర్తు చేసేవారు. మా చదువులకు డబ్బులు అవసరమవుతాయనే ఆరేళ్ల క్రితం దేవరాపల్లి నుంచి విశాఖ వచ్చేశారు. నాన్న కష్టం తెలుసు. అందుకే చదువు తప్ప వేరే ధ్యాసలేకపోయింది. అదే నన్ను పదో తరగతి ఫలితాల్లో 594 మార్కులతో టాపర్‌గా నిలిపింది.   చదువంతా సర్కారీ స్కూల్లోనే..  ఒకటో తరగతి నుంచి 4వ తరగతి వరకూ మా స్వగ్రామం దేవరాపల్లి మండలం కొత్తపెంటలోని మండల పరిషత్‌ ్ర పాథమిక పాఠశాలలో చదువుకున్నా. ఏపీ రెసిడెన్షియల్‌ స్కూళ్ల ప్రవేశ పరీక్షలో 92 మార్కులు సాధించా. దీంతో అచ్యుతాపురం ఏపీ రెసిడెన్షియల్‌ స్కూల్‌ (గరల్స్‌)లో సీటు వచ్చింది. నా జీవితంలో నేను సాధించిన తొలి విజయమది. ఐదోతరగతి నుంచి పదో తరగతి వరకూ ఇక్కడే. అమ్మానాన్నల కష్టం తెలియడంతో వారికి ఏ రోజూ నా చదువు భారం కాకూడదనుకున్నాను. ఎంత బాగా చదివితే.. నా చదువుకు అంత తక్కువ ఖర్చవుతుందని తెలుసుకున్నాను. దీనికి నా తల్లిదండ్రుల ఆర్థిక స్థోమత తెలియడం ఒక కారణమైతే, మా స్కూల్‌ టీచర్లు మరో కారణం. ఇక్కడ చదువుతున్న వారిలో దాదాపు అంతా దిగువ మధ్యతరగతికి చెందిన వారే. అందుకే మా టీచర్లు చదువు విలువ తెలిసేలా, పరీక్షల భయం పోయేలా నిత్యం మమ్మల్ని ్రపోత్సహించారు.   వసతులు పెరిగాయి  సాధారణంగా రెసిడెన్షియల్‌ స్కూళ్లు మిగిలిన ప్రభుత్వ స్కూళ్లతో పోల్చుకుంటే కాస్త మెరుగ్గానే ఉంటాయి. అయితే నా వ్యక్తిగత అవసరాలకు మొదటి మూడేళ్లు ఇంటి నుంచి కొంత డబ్బులు తీసుకొచ్చేదాన్ని గత మూడేళ్లుగా పరిస్థితి చాలా మారింది. వసతులు మరింత మెరుగయ్యాయి. పర్యవేక్షణ పెరిగింది. పుస్తకాలు, యూనిఫాం, షూస్‌.. ఇలాంటి వాటి కోసం అమ్మానాన్నల్ని డబ్బులడిగే అవసరం లేకుండా పోయింది. మూడుసార్లు అమ్మ ఒడి అందుకున్నా. సీఎం జగన్‌ మామయ్య ప్రభుత్వంలో కార్పొరేట్‌ స్కూళ్లను మించి ప్రభుత్వ స్కూళ్లు బాగుపడ్డాయి.   ఇంజినీర్‌ కావడమే లక్ష్యం  ఇంజినీర్‌ కావాలన్నది నా కల. అందుకు రూ.లక్షల్లో ఖర్చుపెట్టే స్థోమత నా కుటుంబానికి లేదు. బాగా చదవడమే ఖర్చులేని దారని నాకు తెలుసు. అందుకే టీచర్లు చెప్పిన పాఠాలను ఎప్పటికప్పుడు పునఃశ్చరణ చేసుకునేదాన్ని. అర్థంకాని విషయాల్ని ఎప్పుడు అడిగినా, టీచర్లు ఓపిగ్గా విడమరిచి చెప్పేవారు. నా తమ్ముడు సందీప్‌ ప్రస్తుతం 7వ తరగతి పూర్తి చేసుకున్నాడు. మా అమ్మానాన్నలకు మేం భరోసాగా నిలవాలన్నదే నా కోరిక. దాన్ని నెరవేర్చేందుకు చదువు తప్ప, నాకు వేరే మార్గం తెలియదు. ఇంజినీర్‌గా స్థిరపడి నాలాంటి వారికి ఆసరాగా నిలవగలిగితే చాలు. ‘కలాసీ కూతురు ఇంజినీర్‌’ అని నలుగురూ చెప్పుకుంటే.. మా నాన్న కళ్లలో కనిపించే ఆనందాన్ని చూడాలి.. అంతే..!’’ మిట్టు.. సూపర్‌ హిట్టు టెన్త్‌లో  594 మార్కులు శ్రీకాకుళం జిల్లా (ఆంధ్రప్రదేశ్‌) పాతపట్నం ప్రభుత్వ ఉన్నత పాఠశాలలో టెన్త్ చదివిన మిట్టు మహా పాత్రో 600కు 594 మార్కులు సాధించాడు. పాతపట్నంలోని సెయింట్‌ ఆన్స్‌ స్కూల్‌ ఎదురుగా ప్రధాన రహదారిలో వీరి ఇల్లు. మహా పాత్రో తండ్రి దుర్గాప్రసాద్‌ మహా పాత్రో ద్విచక్రవాహనాల టైర్లకు పంక్చర్లు వేస్తుంటారు. తల్లి మమత మహా పాత్రో గృహిణి. మిట్టు పాఠశాల సెలవుల్లోను, ఇంటి వద్ద ఉన్నప్పుడు సైకిల్‌కు, బైక్‌లకు పంక్చర్లు వేయడంలో తండ్రికి సహాయం చేస్తుండేవాడు. ఒడియా బ్రహ్మణ కుటుంబానికి చెందిన పేద కుటుంబం వీరిది. మిట్టుకు పదో తరగతిలోఅత్యధిక మార్కులు రావడంతో ఆ కుటుంబంపై ఇప్పుడు ప్రశంసలు కురుస్తున్నాయి. పాతపట్నంలో 20 ప్రభుత్వ, ప్రైవేటు పాఠశాలలు ఉన్నా అత్యధిక మార్కులు మాత్రం ప్రభుత్వ ఉన్నత పాఠశాలలో చదివిన మిట్టు సాధించాడు. తన కుమారుడికి పదో తరగతిలో జిల్లా మొదటి స్థానం రావడంతో ఆనందంగా ఉందని తండ్రి దుర్గా ప్రసాద్‌ తెలి పారు. మిట్టు ఒకటో తరగతి నుంచి 5వ తరగతి వరకు పాతపట్నం ప్రభుత్వ ్ర పాథమిక ఒడియా పాఠశాలలో చదివాడు. – రవి కుమార్, సాక్షి పాతపట్నం  ఇంజినీర్‌ అవుతా... అమ్మ, నాన్న, ఉ పాధ్యాయుల ్రపోత్సాహంతో పదో తరగతిలో మంచి మార్కులు సాధించాను. ట్రిపుల్‌ ఐటీ చదివి, ఇంజినీర్‌ అవుతా.           – మిట్టు మహా పాత్రో – లోవరాజు, సాక్షి, అనకాపల్లి.

సాక్షి, హైదరాబాద్‌: పదో తరగతి జవాబుపత్రాల మూల్యాంకనానికి తిప్పలు తప్పడం లేదు. ఓవైపు ఇబ్బందులు, మరోవైపు టీచర్ల అనాసక్తి కారణంగా జవాబు పత్రాలను దిద్ది మార్కులు వేసే ప్రక్రియ మందకొడిగా సాగుతోంది. కొందరు టీచర్లు అనారోగ్యమనో, మరో అత్యవసర కారణమో చూపుతూ స్పాట్‌ వ్యాల్యూయేషన్‌ను తప్పించుకుంటున్నారని.. మరికొందరు చెప్పకుండానే హాజరుకావడం లేదని అధికారులు చెప్తున్నారు. మరోవైపు స్పాట్‌ వాల్యూయేషన్‌ కేంద్రాల వద్ద ఎలాంటి సౌకర్యాలూ ఉండటం లేదని, అసలే వేసవి కావడంతో తీవ్రంగా అవస్థలు పడుతున్నామని టీచర్లు ఆగ్రహం వ్యక్తం చేస్తున్నారు.  డ్యూటీ వేసినా కూడా..  రాష్ట్రవ్యాప్తంగా ఇటీవలే టెన్త్‌ పరీక్షలు ముగిశాయి. స్పాట్‌ వాల్యూయేషన్‌ ప్రక్రియను గురువారం నుంచి మొదలు పెట్టారు. గతంలో మూల్యాంకన కేంద్రాలు 12 ఉంటే, ఈసారి 18కి పెంచారు. జిల్లా ల వారీగా సబ్జెక్టు, లాంగ్వేజ్‌ నిపుణులను మూ ల్యాంకన విధులకు తీసుకున్నారు. సాధారణంగా విద్యాశాఖ అధికారులు మూల్యాంకన ప్రక్రియ మొదలవడానికి కేవలం రెండు రోజుల ముందుగా టీచర్లకు విధులు వేస్తుంటారు. ఈసారి కూడా అలా గే చేశారు. అయితే డ్యూటీ వేశారని తెలియడంతోనే కొందరు టీచర్లు నేరుగా వైద్యులను సంప్రదించి, ఏదో ఒక అనారోగ్యంతో బాధపడుతున్నట్టు మెడిక ల్‌ సర్టిఫికెట్‌ తీసుకొచ్చి.. మూల్యాంకనం విధుల నుంచి తప్పించాలని కోరారు. మరికొందరు తొలి రోజు విధులకు హాజరవ్వలేదు. కరీంనగర్, ఆదిలా బాద్‌ జిల్లాలో ఎక్కువ మంది ఇలా డుమ్మా కొట్టడంతో అధికారులు వారికి నోటీసులు జారీ చేశారు.  కఠినంగా వ్యవహరించాల్సిందే..  మూల్యాంకన విధులకు హాజరవని టీచర్ల పట్ల కఠినంగా వ్యవహరించాలని విద్యాశాఖ ఉన్నతాధికారులు నిర్ణయించినట్టు తెలిసింది. ఈ మేరకు జిల్లా విద్యాశాఖ అధికారులకు ఆదేశాలు జారీ చేసినట్టు సమాచారం. బలమైన కారణాలుంటే తప్ప, మెడికల్‌ సర్టిఫికెట్లను అనుమతించకూడదని స్పష్టం చేసినట్టు తెలిసింది. అయితే కొన్ని సంఘాల నేతలు తమ వారిని విధుల నుంచి తప్పించాలని ఉన్నతాధికారులపై ఒత్తిడి తెస్తున్నట్టు ఆరోపణలు వినిపిస్తున్నాయి. మరోవైపు ఆన్‌లైన్‌ మూల్యాంకన విధానం చేపడితే ఈ తిప్పలు ఉండవని.. విద్యాశాఖ ఆ దిశగా ఎందుకు ఆలోచించడం లేదని ఉపాధ్యాయ సంఘాలు అంటున్నాయి. మొత్తంగా 30 లక్షలకుపైగా సమాధాన పత్రాలను మూల్యాంకనం చేయాల్సి ఉండగా.. వివిధ సమస్యలతో ఈ ఏడాది స్పాట్‌ వాల్యూయేషన్‌ ఆలస్యమయ్యే అవకాశం ఉందనే అభిప్రాయం వ్యక్తమవుతోంది. ఇది టెన్త్‌ ఫలితాల వెల్లడిపైనా ప్రభావం చూపుతుందని అంటున్నారు. ఈ విషయమై పాఠశాల విద్య డైరెక్టర్‌ దేవసేనను వివరణ కోరేందుకు ప్రయత్నించగా ఆమె స్పందించలేదు.  టీచర్లు చెప్తున్న ఇబ్బందులేమిటి?  ♦ మూల్యాంకనం చేసే జవాబుపత్రాలకు ఒక్కోదానికి రూ.10 చెప్పున టీచర్లకు చెల్లిస్తారు. ఒక్కో టీచర్‌ రోజుకు 36 కన్నా ఎక్కువ సమాధాన పత్రాలను దిద్దలేరు. దూరప్రాంతాల నుంచి వచ్చే టీచర్లకు టీఏ, డీఏలేమీ ఇవ్వడం లేదు. పైగా మూల్యాంకన కేంద్రాల్లో ఉదయం నుంచి సాయంత్రం వరకూ ఉండాలి. శ్రమ ఎక్కువ, ఫలితం తక్కువ అని కొందరు టీచర్లు అసంతృప్తి వ్యక్తం చేస్తున్నారు.  ♦  మూల్యాంకన కేంద్రాలను ఎక్కువగా ప్రైవేటు స్కూళ్లలో ఏర్పాటు చేశారు. అక్కడ విద్యార్థు లు కూర్చునే చిన్న బల్లలు ఉన్నాయి. ఉదయం నుంచి సాయంత్రం వరకూ వాటిపై కూర్చుని పేపర్లు దిద్దడం కష్టంగా ఉంటోందని, వెన్నునొప్పి వస్తోందని టీచర్లు అంటున్నారు.  ♦  ఈసారి ఆరు పేపర్లతోనే టెన్త్‌ పరీక్షలు నిర్వహించారు. గతంలో మొత్తంగా 11 పేపర్లు ఉండేవి. దీనితో ఎక్కువ పేపర్లు మూల్యాంకనం చేసే అవకాశం ఉండటం లేదని అంటున్నారు.  ♦ స్పాట్‌ వాల్యూయేషన్‌ కేంద్రాలకు టీచర్లు  కచ్చితంగా ఉదయం 8.30 గంటలకు చేరుకోవాలి. ఐదు నిమిషాలు ఆలస్యమైనా క్యాంపు ఆఫీసర్లు గేటు వద్దే ఆపేస్తున్నారు. దీన్ని టీచర్లు అవమానంగా భావిస్తున్నారు. దూర ప్రాంతాల నుంచి వస్తున్న తమ కష్టాలు చూడకుండా నిలిపివేయడం ఏమిటని ప్రశ్నిస్తున్నారు.  

సాక్షి, హైదరాబాద్‌: టెన్త్‌ పేపర్ లీక్ వ్యవహారానికి సంబంధించి నిందితుల రిమాండ్ రిపోర్టులు కీలక విషయాలు వెల్లడయ్యాయి.  తెలిసిన విద్యార్థుల కోసమే బందెప్ప, సందెప్ప పేపర్ లీక్ చేసినట్లు అధికారులు పేర్కొన్నారు. స్లిప్‌ల రూపంలో సమాధానాలు పంపేందుకే ఇలా చేసినట్లు తెలిపారు. క్వచ్చన్ పేపర్‌ ఫొటో పెట్టాలని బందెప్పను సమ్మప్ప కోరగా.. పరీక్షకు రాని ఓ విద్యార్థి ప్రశ్నాపత్రాన్ని అతను పంపినట్లు రిమాండ్ రిపోర్టులో వివరించారు.   పొరపాటున మరో వాట్సాప్‌ గ్రూప్‌లో కూడా ప్రశ్నాత్రాన్ని బందెప్ప పోస్ట్ చేశాడని,  అప్రమత్తమై డిలీచ్ చేసే లోపే పలువురు స్క్రీన్ షాట్ తీసుకున్నట్లు చెప్పారు. బందెప్ప నుంచే పేపర్ బయటకు వచ్చినట్లు గుర్తించారు. ఆన్సర్‌ పేపర్ మిస్సింగ్‌.. ఇద్దరు అధికారులపై సస్పెన్షన్ వేటు.. అదిలాబాద్ జిల్లా ఉట్నూర్ మండల కేంద్రంలో సోమవారం పదో తరగతి ఆన్సర్‌షీట్‌ల కట్ట మిస్‌ అయ్యింది. తపాలా కార్యాలయం నుంచి ఉట్నూర్ బస్టాండ్‌కు తీసుకు వస్తున్న క్రమంలో ఇవి ఆటో నుంచి మాయమయ్యాయి. విషయం బయటకు రావడంతో అధికారులు బాధ్యతులపై కఠిన చర్యలు తీసుకున్నారు.  ఆన్సర్ పేపర్  మిస్సింగ్‌కు కారణమైన  ఇద్దరు తపాలా ఉద్యోగులపై సస్పెన్షన్ వేటు వేశారు.  పోస్ట్ ఆఫీస్‌లో పనిచేస్తున్న వీ రజిత(ఎంటీఎస్‌), నాగరాజు(ఔట్ సోర్సింగ్‌)లను విధుల నుంచి తాత్కాలికంగా తొలగించారు. చదవండి: పేపర్‌ లీక్‌ కాదు.. పరీక్ష మధ్యలో బయటకు వచ్చిందంతే!: వరంగల్‌ సీపీ

సాక్షి, ఆదిలాబాద్‌: ఉట్నూరు ootnur మండల కేంద్రంలో పదవ తరగతి ఆన్సర్‌షీట్‌ల కట్ట మిస్‌ అయ్యింది. తపాలా కార్యాలయం నుంచి ఉట్నూర్ బస్టాండ్‌కు తీసుకు వస్తున్న క్రమంలో ఆటో నుంచి మాయమైనట్లు పోలీసులు భావిస్తున్నారు.  దాదాపు ఇరవై మంది విద్యార్థుల జవాబు పత్రాలు కనిపించకుండా పోయినట్లు తెలుస్తోంది. పోస్టల్‌ అధికారి ఫిర్యాదు తర్వాత ఈ విషయం వెలుగులోకి వచ్చింది. కేసు నమోదు చేసుకున్న పోలీసులు దర్యాప్తు చేపట్టారు.  పేపర్లు ఆటోలో తరలిస్తుండగా.. కిందపడిపోయి ఉంటాయా? లేదంటే ఎవరైనా కావాలని మాయం చేశారా? అనే తేల్చే పనిలో ఉన్నారు ఎస్సై భరత్. మరోవైపు అవి ఏ సెంటర్‌ పేపర్లు అనేది స్పష్టత లేకపోవడంతో.. విద్యార్థులు, తల్లిదండ్రుల్లో ఆందోళన నెలకొంది. ఈ వ్యవహారంపై విద్యాశాఖ స్పందించింది. సాక్షితో డీఈఓ ప్రణీత మాట్లాడుతూ..  ‘‘ఉట్నూరు పదవ తరగతి జవాబు పత్రాలు మాయం అయ్యాయి.  పదిహేను మంది  విద్యార్థుల తెలుగు జవాబు పత్రాలు మాయం అయినట్లు గుర్తించాం. పోస్టాఫీస్‌ నుంచి బస్టాండ్‌కు తరలిస్తుండగానే అవి పోయాయి. కాబట్టి, పోస్టల్‌ అధికారులదే బాధ్యత. వాళ్లకు ఆన్సర్‌షీట్లు అప్పగించినట్లు మా దగ్గర రిసిప్ట్‌ కూడా ఉంది. ఇది కేవలం వాళ్ల నిర్లక్ష్యమే. ఇందులో మా తప్పిదం ఏం లేదు. దర్యాప్తు ఆధారంగా చర్యలు తీసుకుంటాం’’ అని తెలిపారామె.    ఇదీ చదవండి: పరీక్ష ప్రారంభమైన కాసేపటికే.. టెన్త్‌ పేపర్‌ అవుట్‌!

చిత్తూరు అర్బన్‌: పదో తరగతి చదివే ఇద్దరు పిల్లలున్న ఓ మహిళ మోజులో పడిన 21 ఏళ్ల యువకుడు కన్న తండ్రిపైనే దాడిచేసి తీవ్రంగా గాయపరచా డు. తాను కొడుతున్న దృశ్యాన్ని ప్రియురాలికి వీడియోకాల్‌ చేసి తండ్రిని చితకబాదాడు. చిత్తూరు నగరంలో ఆదివారం జరిగిన ఈ ఘటనకు సంబంధించి టూటౌన్‌ ఎస్‌ఐ మల్లికార్జున, బాధితుడి కథనం మేరకు.. ఢిల్లీబాబు అనే వ్యక్తి గాంధీరోడ్డులో కాపురముంటూ హోంగార్డుగా పనిచేస్తున్నాడు.  ఇతని కొడుకు భరత్‌ (21) ఇంట్లో తల్లిదండ్రుల మాట వినకుండా జులాయిగా తిరుగుతున్నాడు. పదో తరగతి చదివే ఇద్దరు పిల్లలు ఉన్న 39 ఏళ్ల ఓ మహిళతో ఇతను సన్నిహితంగా ఉండేవాడు. ఇది నచ్చకపోవడంతో కుమారుడిని పలు మార్లు ఢిల్లీబాబు హెచ్చరించాడు. ఈవిషయమై తండ్రీకొడుకుల మధ్య మనస్పర్థలున్నాయి.  ఆదివారం ఇంట్లో భోజనం చేస్తున్న తండ్రి వద్దకు వచ్చిన భరత్‌.. మహిళకు వీడియోకాల్‌ చేసి తన తండ్రిని కొడుతున్న దృశ్యం చూడమంటూ ఫోన్‌ ఆన్‌లోనే ఉంచి దాడి చేశాడు. చింతకట్టెతో తలపై తీవ్రంగా కొ ట్టడంతో ఢిల్లీబాబుకు రక్తగాయాలయ్యాయి. గాయపడ్డ ఢిల్లీబాబును కుటుంబ సభ్యులు చిత్తూరు ప్రభుత్వ ఆస్పత్రికి తరలించారు. టూటౌన్‌ పోలీసులు కేసు నమోదుచేసి దర్యాప్తు చేస్తున్నారు.

ఝరాసంగం (జహీరాబాద్‌): 70 సంవత్సరాల  వృద్ధుడు పదో తరగతి ఉత్తీర్ణత సాధించి చదువుకు వయసు అడ్డు కాదని నిరూపించాడు. సంగారెడ్డి జిల్లా ఝరాసంగం మండల పరిధిలోని కొల్లూరు గ్రామానికి చెందిన రైతు గాల్‌రెడ్డి ఝరాసంగం గ్రామానికి చెందిన ఓపెన్‌ స్కూల్‌లో పదో తరగతి విద్యను అభ్యసించారు. 2021 – 22 విద్యా సంవత్సరంలో నిర్వహించిన పది పరీక్షల్లో ఆయన ఉత్తీర్ణత సాధించారు. జూలైలో ఫలితాలు విడుదల కాగా శనివారం విద్యాశాఖ అధికారుల నుంచి సర్టిఫికెట్‌ అందుకున్నారు. ఈ సందర్భంగా గాల్‌రెడ్డిని శాలువాతో సన్మానించారు. సర్పంచ్‌గా పోటీ చేయాలంటే పదో తరగతి విద్యార్హత కలిగిన వారు అర్హులని ప్రభుత్వం ప్రకటించడంతో పదో తరగతి పరీక్ష రాశానని గాల్‌రెడ్డి తెలిపారు. (చదవండి: స్థలం కేటాయిస్తే సైన్స్‌ సిటీ ఏర్పాటు: కేంద్ర మంత్రి కిషన్‌రెడ్డి)

విద్యార్థులపై ఒత్తిడి తగ్గించి.. నాణ్యమైన విద్యాబోధనే లక్ష్యంగా రాష్ట్ర ప్రభుత్వం విద్యావ్యవస్థలో నూతన సంస్కరణల వైపు అడుగులు వేస్తోంది. విద్యార్థుల భవిష్యత్‌కు టెన్త్‌ కీలక మలుపు. పదో తరగతి పరీక్షలంటే విద్యార్థుల్లో ఎక్కడాలేని భయం.    ఈ భయాన్ని పోగొట్టే విధంగా రాష్ట్ర ప్రభుత్వం చర్యలు చేపట్టింది.  ఈ విద్యా సంవత్సరం నుంచి పదో తరగతి పరీక్షల్లో సమూల మార్పులు తీసుకు వచ్చింది. పది పబ్లిక్‌ పరీక్షల్లో 11 పేపర్లకు బదులు 6 పేపర్లు నిర్వహించాలని రాష్ట్ర పాఠశాల విద్యాశాఖ అధికారులు నిర్ణయించారు. సీబీఎస్‌ఈ తరహాలో పరీక్షలు నిర్వహించనున్నారు.  నెల్లూరు (టౌన్‌):  టెన్త్‌ పరీక్షలంటే.. ఇక నో టెన్షన్‌. విద్యా వ్యవస్థలో రాష్ట్ర ప్రభుత్వం తీసుకువస్తున్న సంస్కరణలతో విద్యార్థులపై చదువులు, ర్యాంక్‌లు, మార్కులు ఒత్తిడి తగ్గనుంది. తద్వారా నాణ్యమైన విద్య ప్రమాణాలు అందనున్నాయి. ఈ విద్యా సంవత్సరం నుంచి పబ్లిక్‌ పరీక్షల్లో 6 పేపర్లనే ఉండడంతో విద్యార్ధులపై ఒత్తిడి తగ్గుతుందని పలువురు విద్యావేత్తలు చెబుతున్నారు. విద్యార్థులు, తల్లిదండ్రులు కూడా ప్రభుత్వం నిర్ణయంపై సంతోషాన్ని వ్యక్తం చేస్తున్నారు.   జిల్లాలో ప్రభుత్వ, ప్రైవేట్‌ ఉన్నత పాఠశాలలు 420 వరకు ఉన్నాయి. వీటిల్లో 35 వేల మందికి పైగా విద్యార్థులు పదో తరగతి చదువుతున్నారు. గతంలో పదో తరగతి పబ్లిక్‌ పరీక్షల్లో మొత్తం 11 పేపర్లు ఉండేవి. హిందీ మినహా మిగిలిన ఒక్కో సబ్జెక్ట్‌కు రెండు పేపర్లు ఉండేవి. కోవిడ్‌ కారణంగా గతేడాది çపది పబ్లిక్‌ పరీక్షల్లో 7 పేపర్లు నిర్వహించారు. కరోనా తీవ్రత నేపథ్యంలో 2019–20, 2020–21 విద్యా సంవత్సరాల్లో పది పబ్లిక్‌ పరీక్షలు నిర్వహించలేదు. సమ్మేటివ్‌ పరీక్షల్లో వచ్చిన మార్కులను ప్రామాణికంగా తీసుకుని పబ్లిక్‌ పరీక్షలకు సంబంధించి మార్కులు కేటాయించారు. 2022–23 విద్యా సంవత్సరం నుంచి పది పబ్లిక్‌ పరీక్షల్లో 6 పేపర్లు మాత్రమే నిర్వహించాలని నిర్ణయించారు. దీని వల్ల విద్యార్థులకు భారం తగ్గడంతో పాటు మానసిక ఒత్తిడి నుంచి కొంత ఉపశమనం కలుగుతుందని విద్యావేత్తలు అభిప్రాయ పడుతున్నారు. పది పబ్లిక్‌ పరీక్షల్లో తెలుగు, హిందీ, ఇంగ్లి‹Ù, గణితం, సైన్స్, సోషల్‌ సబ్జెక్ట్‌లు ఉంటాయి. వీటిల్లో హిందీకి తప్ప మిగిలిన సబ్జెక్ట్‌లకు రెండేసి పరీక్షలు నిర్వహిస్తున్నారు. అయితే ఈ విద్యా సంవత్సరం నుంచి బోర్డు ఆఫ్‌ సెకండరీ ఎడ్యుకేషన్‌ తరహాలో ఒక్కో సబ్జెక్ట్‌కు ఒక్కో పరీక్షను మాత్రమే నిర్వహించనున్నారు. ఇందుకు సంబంధించి మోడల్‌ పేపర్లను సిద్ధం చేసి ఉపాధ్యాయులకు అందజేశారు.   చదువుకునేందుకు ఎక్కువ సమయం  పదో తరగతి పబ్లిక్‌ పరీక్షల్లో 6 పేపర్లకు తగ్గించడంతో విద్యార్థులు చదువుకునేందుకు ఎక్కువ సమయం దొరుకుతుంది. ఎక్కువ రోజులు పరీక్షలు జరగకుండా నూతన పరీక్ష విధానం వల్ల పరీక్షలు కేవలం 6 రోజుల్లోనే ముగిసిపోతాయి. దీని వల్ల విద్యార్థుల్లో మానసిక ఒత్తిడి తగ్గుతుంది. పరీక్షల సమయంలో ప్రశాంతంగా రాసి ఎక్కువ మార్కులు తెచ్చుకునేందుకు ఉపయోగపడుతుంది. పోటీ పరీక్షలకు కూడా విద్యార్థులు టెన్షన్‌ను పక్కన బెట్టి రాసేందుకు సిద్ధమవుతారు.   – పి. రమేష్‌, డీఈఓ  ఆనందం వ్యక్తం చేస్తున్న విద్యార్థులు పదో తరగతి పబ్లిక్‌ పరీక్షల్లో 6 పేపర్లు నిర్వహించాలని నిర్ణయించడంతో విద్యార్థులు ఆనందం వ్యక్తం చేస్తున్నారు. పబ్లిక్‌ పరీక్షల్లో తక్కువ పేపర్లు నిర్వహించడం వల్ల చదువుకునేందుకు సమయం ఎక్కువగా ఉంటుందని చెబుతున్నారు. దీంతో పాటు టెన్షన్‌ కూడా తగ్గుతుందంటున్నారు. నూతన జిల్లాల్లోనే పది పబ్లిక్‌ పరీక్షలు నిర్వహించే విధంగా అధికారులు చర్యలు చేపట్టారు. పరీక్షలను కూడా పకడ్బందీగా నిర్వహించేలా ఇప్పటి నుంచే కార్యాచరణ రూపొందించారు. 

సాక్షి, హైదరాబాద్‌: పదోతరగతి అడ్వాన్స్‌డ్‌ సప్లిమెంటరీ పరీక్షల్లో 79.82 శాతం విద్యార్థులు ఉత్తీర్ణుల య్యాయి. పాసయిన వారిలో బాలికలే ఎక్కువగా ఉన్నారు. ఫలితాల్లో సిద్దిపేట జిల్లా ముందు వరుసలో (97.99 శాతం) ఉంటే, కొమురంభీం ఆసిఫాబాద్‌ జిల్లా (53.11 శాతం)లో అతి తక్కువ ఉత్తీర్ణత శాతం నమోదైంది. ఆగస్టు 1 నుంచి 10 వరకూ జరిగిన టెన్త్‌ అడ్వాన్స్‌డ్‌ సప్లిమెంటరీ పరీక్షల ఫలితాలను పాఠశాల విద్యాశాఖ డైరెక్టర్‌ దేవసేన శుక్రవారం హైదరాబాద్‌లో విడుదల చేశారు. పరీక్షల విభాగం డైరెక్టర్‌ కృష్ణారావుతో పాటు పలువురు ఉన్నతాధికారులు ఈ కార్యక్రమంలో పాల్గొన్నారు. రెగ్యులర్‌గా జరిగిన పరీక్షల్లో కూడా ఈసారి 90 శాతంపైనే ఫలితాలు వచ్చినట్టు దేవసేన తెలిపారు. కరోనా కారణంగా రెండేళ్లుగా పరీక్షలు లేకపోయినా, ఈసారి మంచి ఫలితాలు వచ్చాయని ఆమె తెలిపారు.  నేటి నుంచి రీ కౌంటింగ్‌ రీ కౌంటింగ్, రీ వెరిఫికేషన్‌ కోరుకునే విద్యార్థులు ఈ నెల 3వ తేదీ నుంచి 12వ తేదీ వరకు దరఖాస్తు చేసుకోవచ్చు. రీ కౌంటింగ్‌కు ఒక్కో సబ్జెక్టుకు రూ.500, రీ వెరిఫికేషన్‌కు ఒక్కో సబ్జెక్ట్‌కు రూ.వెయ్యి చెల్లించాల్సి ఉంటుంది. రీ కౌంటింగ్‌లో విద్యార్థి పేపర్‌ను ఉపాధ్యాయులే తిరిగి పరిశీలిస్తారు. రీ వెరిఫికేషన్‌కు దరఖాస్తు చేస్తే, విద్యార్థి రాసిన సమాధాన పత్రం ప్రతిని ఇంటికి పంపుతారు. దీంతో విద్యార్థి స్వయంగా పరిశీలించుకునే వీలుంటుంది.  పాలిటెక్నిక్‌ కోర్సుల్లో ప్రవేశానికి అవకాశం: దేవసేన టెన్త్‌ అడ్వాన్స్‌డ్‌ సప్లిమెంటరీ పరీక్ష ఫలితాలు వెలువడిన నేపథ్యంలో ఇందులో ఉత్తీర్ణులైన విద్యార్థులకు పాలిటెక్నిక్‌ కోర్సుల్లో ప్రవేశానికి అవకాశం కల్పించాలని సంబంధిత అధికారులను కోరుతామని పాఠశాల విద్యాశాఖ సంచాలకురాలు దేవసేన తెలిపారు. కాగా, రాష్ట్రంలోని స్కూల్‌ విద్యార్థులకు మొదటి విడత యూనిఫాంలు పంపామని, రెండో విడత కూడా పంపేందుకు సన్నాహాలు చేస్తున్నామని పేర్కొన్నారు. ఈ ఏడాది 2.5 లక్షల మంది కొత్తగా ప్రభుత్వ పాఠశాలల్లో చేరారని, ఆ పిల్లలను క్రమంతప్పకుండా స్కూళ్లకు పంపే విషయంలో తల్లిదండ్రులు తగిన శ్రద్ధ తీసుకోవాలని ఆమె సూచించారు. కాగా, టీచర్ల నియామకం గురించి ప్రభుత్వానికి వినతి పంపామని ఆమె వివరించారు.  

సాక్షి, విజయవాడ: పదో తరగతి పరీక్షా విధానంలో ఆంధ్రప్రదేశ్‌ ప్రభుత్వం మార్పులు తీసుకొచ్చింది. 6 పేపర్లతో పదో తరగతి పరీక్షలు నిర్వహించనున్నారు. ఈ మేరకు విద్యా శాఖ కార్యదర్శి రాజశేఖర్ ఉత్తర్వులు జారీ చేశారు. సీబీఎస్‌ఈ సిలబస్‌ నేపథ్యంలో 6 పేపర్ల విధానం అమలు చేయనున్నారు. 2022-23 విద్యా సంవత్సరం నుండి అమలు చేయాలని విద్యా శాఖ నిర్ణయించింది. చదవండి: సాఫ్ట్‌వేర్‌ లవ్‌స్టోరీ.. బెంగళూరులో వివాహం.. రక్షణ కల్పించాలంటూ..

వంట చేయడం గొప్ప కళ. ఆ కళను ఉపాధి మార్చుకుని అదిరేటి రుచులు అందించే వారే ఆధునిక నలభీములు. ఆతిథ్య రంగంలో చెఫ్‌లకు అంతర్జాతీయంగా ఎప్పుడూ ఆదరణ ఉంటుంది. ప్రాంతీయ సంస్కృతికి ప్రాధాన్యమిస్తూనే ఆహారంలో ఆధునికత, కొత్త ఆవిష్కరణలతో రాణిస్తే.. కాకా హోటల్‌ నుంచి కార్పొరేట్‌ కిచెన్‌ వరకు విస్తృతమైన అవకాశాలు ఉంటాయి. ఈ అవకాశాలను అందుకోవాలంటే నైపుణ్యాలు తప్పనిసరి. పాకశాస్త్రంలో సిద్ధహస్తులను తయారు చేస్తున్న సంస్థలెన్నో ఉన్నా.. రాష్ట్రంలో ప్రభుత్వం ఆధ్వర్యంలో నడిచే సంస్థ ఒక్కటే ఉంది. అదే విశాఖలో నిర్వహిస్తున్న ఫుడ్‌క్రాఫ్ట్‌ ఇన్‌స్టిట్యూట్‌. ఈ నలభీముల తయారీ సంస్థకు 35 ఏళ్లు పూర్తయింది. ఇక్కడ శిక్షణ పొందిన ఎందరో దేశ, విదేశాల్లో చెఫ్‌లుగా రాణిస్తూ.. ఆహా అనిపించే కమ్మని రుచులను అందిస్తున్నారు. విశాఖపట్నం: నగరంలో జాతీయ రహదారిని ఆనుకుని రూరల్‌ తహసీల్దార్‌ కార్యాలయం పక్కనే ఫుడ్‌క్రాఫ్ట్‌ ఇన్‌స్టిట్యూట్‌ ఉంది. అతి తక్కువ ఫీజుతో ప్రభుత్వమే నిర్వహిస్తున్న ఈ ఇన్‌స్టిట్యూట్‌కు 35 ఏళ్లు పూర్తయింది. ప్రస్తుతం ఇక్కడ అడ్మిషన్లు జరుగుతున్నాయి. ఇక్కడ పరిమితమైన సీట్లు మాత్రమే ఉన్నాయి. రాష్ట్రంలోనే ఏకైక ఫుడ్‌క్రాఫ్ట్‌ ఇన్‌స్టిట్యూట్‌ను డిపార్ట్‌మెంట్‌ ఆఫ్‌ టెక్నికల్‌ ఎడ్యుకేషన్‌ నిర్వహిస్తోంది. ఈ విద్యా సంవత్సరంలో ఆగస్టు 11 నుంచి తరగతులు ప్రారంభం కానున్నాయి.   కనీస అర్హత 10వ తరగతి  ఈ ఇన్‌స్టిట్యూట్‌లో చేరడానికి కనీస అర్హత పదో తరగతి. 25 ఏళ్లు లోపు ఉండాలి. దీన్ని ఈ ఏడాది నుంచి 30 ఏళ్లకు పెంచాలని వినతులు వచ్చినట్లు ఉపాధ్యాయులు తెలిపారు. ఇక్కడ శిక్షణ పొందిన వారికి స్టేట్‌ బోర్డు ఆఫ్‌ టెక్నికల్‌ ఎడ్యుకేషన్‌ అండ్‌ ట్రైనింగ్, ఆంధ్రప్రదేశ్‌ ఆధ్వర్యంలో కోర్సు ముగిసిన తర్వాత పరీక్షలు నిర్వహిస్తారు. అనంతరం ఇండ్రస్టియల్‌ ట్రైనింగ్‌ ఇచ్చి సర్టిఫికెట్‌ అందజేస్తారు. ఉద్యోగ, ఉపాధి అవకాశాలు ఎక్కువగా ఉండటం వల్ల ఈ కోర్సులకు డిమాండ్‌ పెరుగుతోంది. దీంతో ఇక్కడ మరింత నాణ్యత ప్రమాణాలతో కూడిన ల్యాబ్‌ (ప్రయోగశాల)ను ఇటీవల ఆధునికీకరించారు. ప్రైవేట్‌ ఫుడ్‌క్రాఫ్ట్‌ ఇన్‌స్టిట్యూట్‌లకు దీటుగా ఇక్కడ అనుభవజ్ఞులైన ఉపాధ్యాయులు విద్యార్థులకు శిక్షణ ఇస్తున్నారు. అన్ని రకాలైన వంటకాల్లోనూ తరీ్ఫదు ఇచ్చి వారితోనే తయారు చేయిస్తున్నారు. ఇక్కడ విద్యార్థులు తయారు చేస్తున్న వంటకాలను ఉపాధ్యాయులు, ప్రిన్సిపాల్‌ ఎప్పటికప్పుడు రుచులు చూసి.. మరింత మెరుగు కోసం సూచనలు, సలహాలు ఇస్తున్నారు.   ఇక్కడ అందించే కోర్సులివే..  ప్రస్తుతం ఇక్కడ ఫుడ్‌ ప్రొడెక్షన్‌ అండ్‌ పెటిసరీ, బేకరీ అండ్‌ కన్ఫెక్షనరీ, ఫుడ్‌ సరీ్వస్‌ ఆపరేషన్స్‌ కోర్సులు నిర్వహిస్తున్నారు. ఇవన్నీ ఏడాదిన్నర కాల వ్యవధి గల కోర్సులు. ఏడాది పాటు థియరీ, ఆరు నెలల పాటు ఇండ్రస్టియల్‌ ట్రైనింగ్‌ ఇస్తారు. ఇందులో భాగంగా నగరంలో స్టార్‌ హోటళ్లలో ఇండ్రస్టియల్‌ ట్రైనింగ్‌కు పంపిస్తారు. ఇక్కడ ప్రయోగశాలలో ప్రాక్టీస్‌ చేయిస్తారు. ఇక్కడ విశాలమైన వంట గది(ప్రయోగశాల) ఉంది. ఇందులో శిక్షణ పొందే వారికి వివిధ రకాల వంటకాలు తయారు చేయడంలో తరీ్ఫదు ఇస్తారు. ఆంధ్ర, తెలంగాణ వంటకాలు, దక్షిణ, ఉత్తర భారత దేశంలో ప్రసిద్ధి వంటకాలు చేయడం నేర్పుతారు. ఇక్కడ శిక్షణ పొందిన వారు నగరంతో పాటు వివిధ ముఖ్య పట్టణాలు, దేశ విదేశాల్లోని స్టార్‌ హోటళ్లు, ఆతిథ్య రంగంలో ఉపాధి పొందుతున్నారు. షిప్‌ల్లో కూడా పనిచేస్తున్నారు. కొందరు సొంతంగా హోటళ్లు, పార్లర్లు, పాస్ట్‌ ఫుడ్‌ సెంటర్లు నిర్వహిస్తూ.. 10 మందికి ఉపాధి కల్పిస్తున్నారు.  ప్రవేశాలు జరుగుతున్నాయి  ఇక్కడ తక్కువ ఫీజుతో కోర్సుల్లో శిక్షణ ఇస్తున్నాం. రాష్ట్రంలో ఇదొక్కటే ప్రభుత్వ ఆధ్వర్యంలో నడుస్తున్న ఫుడ్‌క్రాఫ్ట్‌ ఇన్‌స్టిట్యూట్‌. అందుకే ఇక్కడ కోర్సులకు డిమాండ్‌ ఉంది. 10 తరగతి చదువుకుని 25 ఏళ్ల వయసు లోపు వారికి ప్రవేశాలు కలి్పస్తున్నాం. ఇక్కడ శిక్షణ పొందిన వారికి విదేశాల్లో సైతం ఉద్యోగాలు లభిస్తున్నాయి. అందుకే 25 ఏళ్లు దాటిన వారు కూడా శిక్షణ కావాలని కోరుతున్నారు. కనీస అర్హత 30 ఏళ్లకు పొడిగిస్తే మరింత మంది శిక్షణ తీసుకుని అవకాశం ఉంటుంది. ఈ విషయాన్ని ప్రభుత్వ దృష్టికి తీసుకెళ్తాం. ఈ విద్యా సంవత్సరానికి ఆగస్టు 11 నుంచి తరగతులు ప్రారంభిస్తాం. ప్రవేశాలు పొందాలనుకునే వారు నేరుగా వచ్చి ఇన్‌స్టిట్యూట్‌లో సంప్రదించవచ్చు.  – రవి, ప్రిన్సిపాల్, ఫుడ్‌క్రాఫ్ట్‌ ఇన్‌స్టిట్యూట్‌   

అమెరికాలో సాఫ్ట్‌వేర్‌ జాబ్‌. పైసా ఖర్చులేకుండా భారత్‌ నుంచి అమెరికా వచ్చేందుకు ఫ్రీగా ఫ్లైట్‌ టికెట్‌. కళ్లు చెదిరే ప్యాకేజీ ఇస్తామంటూ పిలుపు అందింది. కుర్రాడి ఆనందానికి అవధులు లేకుండా పోయింది. కానీ అంతలోనే సదరు సంస్థ ఆ కుర్రాడికి భారీ షాకిచ్చింది.  నాగపూర్‌కు చెందిన రాజేష్‌, అశ్వనీ దంపతుల కుమారుడు వేదాంత్ డియోకటే (15) 10వ తరగతి చదువుతున్నాడు. కరోనా కారణంగా విద్యార్ధులకు ఆన్‌లైన్‌ క్లాసులు నిర్వహించిన విషయం తెలిసిందే. అయితే టెన్త్‌ క్లాస్‌ చదివే వేదాంత్‌ ఆన్‌లైన్‌ క్లాసులతో పాటు ఆన్‌లైన్‌లో డజన్ల కొద్ది కోడింగ్‌ కోర్స్‌లు నేర్చుకున్నాడు.  రెండు రోజుల్లో ఈ తరుణంలో తల్లీ అశ్వినీకి చెందిన ల్యాప్‌ట్యాప్‌లో వేదాంత్‌ ఇన్‌స్ట్రాగ్రామ్‌ బ్రౌజ్‌ చేస్తుండగా..వెబ్‌సైట్‌ డెవలప్మెంట్ కాంపిటీషన్‌ జరుగుతుంది. ఎవరైనా పాల్గొన వచ్చంటూ ఓ లింక్‌ కంట పడింది. అంతే ఏమాత్రం ఆలస్యం చేయకుండా ఈ 15ఏళ్ల కుర్రాడు కోడింగ్‌ కాపింటీషన్‌లో పాల్గొన్నాడు. రెండు రోజుల్లో హెచ్‌టీఎంఎల్‌,జావా స్క్రిప్ట్‌,వర్చువల్‌ స్టూడియో కోడ్‌ (2022) 2,066 రాశాడు. దేశ వ్యాప్తంగా 1000మంది పాల్గొన్న ఈ కోడింగ్‌ కాంపిటీషన్‌లో వేదాంత్‌ తనకిచ్చిన టార్గెట్‌ను విజయవంతంగా పూర్తిచేశాడు. ఖండాంతరాలు దాటిన ప్రతిభ ఈ కాంపిటీషన్‌లో వేదాంత్‌ చూపించిన ప్రతిభ ఖండాంతరాలు దాటింది. అమెరికా న్యూజెర్సీకి చెందిన యాడ్‌ ఏజెన్సీ సంస్థ ఆర్‌ అండ్‌ డి డిపార్ట్‌మెంట్‌లో జాబ్‌ ఇస్తామని, సంవత్సరానికి రూ.33లక్షల ప్యాకేజీ ఇస్తామని పిలిచింది. తీరా వేదాంత్‌ ఎడ్యుకేషన్‌తో పాటు వయస్సు చాలా చిన్నది కావడంతో తాము ఇస్తామన్న ఆఫర్‌ను విరమించుకుంటున్నామని.. విద్యార్ధిగా సాధించిన విజయాలు ఇంకా ఉన్నాయంటూ యూఎస్‌  కంపెనీ తెలిపింది.    వేదాంత్‌ ప్రతిభ అమోఘం  ఈ కుర్రాడి ప్రతిభ అమోఘం, అనుభవం, ప్రొఫెషనలిజం, అప్రోచ్‌ అయ్యే విధానం చాలా బాగుంది. వేదాంత్‌కు జాబ్‌ ఇప్పుడు ఇవ్వలేకున్నా.. ఉన్నత చదువులు పూర్తి  చేసిన తర్వాత అతను కోరుకున్న జాబ్‌ ఇచ్చేందుకు సిద్ధంగా ఉన్నాం.ఎప్పుడు కావాలనుకుంటే అప్పుడు మమ్మల్ని సంప్రదించవచ్చంటూ అమెరికన్‌ యాడ్‌ ఏజెన్సీ ప్రతినిధులు తెలిపారు.

సాక్షి, చెన్నై: తమిళనాడు రాష్ట్రంలో దారుణం చోటుచేసుకుంది. పదోతరగతి చదువుతున్న 15 ఏళ్ల బాలికపై తోటి స్నేహితులు సామూహిక అత్యాచారానికి పాల్పడ్డారు.  విద్యార్థులతో సహా మొత్తం నలుగురు నిందితులను పోలీసులు అరెస్టు చేశారు. నిందితులంతా మైనర్లే కావడం గమనార్హం. వివరాలు.. కడలూరు జిల్లాకు చెందిన విద్యార్థి స్థానిక ప్రభుత్వ ఉన్నత పాఠశాలలో పదో తరగతి చదువుతోంది. గత నెల 22వ తేదీ ఆమెతో చదువుతున్న మరో విద్యార్థి పుట్టినరోజు కార్యక్రమం జరిగింది. ఇందులో పలువురు విద్యార్థులు పాల్గొన్నారు. కేక్‌ కట్‌ చేసిన విద్యార్థి సమీపంలో సంబంధిత విద్యార్థిని నిలబడి ఉండగా ఆమె పక్కకు వచ్చిన విద్యార్థులు ముగ్గురు ఆ విద్యార్థినికి తెలియకుండా ఆమెతో సెల్‌ఫోన్‌లో ఫొటోలు తీసుకున్నారు.తర్వాత ముగ్గురు తరచూ ఆ ఫొటోను చూపెడుతూ బెదిరింపులకు పాల్పడ్డారు. పాఠశాల వెనకాల ఉన్న తన ఇంటికి రావాలని లేదంటే సామాజిక మాధ్యమంలో పోస్టు చేస్తామని బ్లాక్‌మెయిల్‌ చేశారు. జూలై ఒకటో తేదీన విద్యార్థినిపై సామూహిక లైంగిక దాడికి పాల్పడ్డారు. ఆ సమయంలో తీసిన వీడియోలు చూపెట్టి తిరిగి బెదిరింపులకు పాల్పడడంతో విషయాన్ని తల్లికి చెప్పింది. ఆమె ఫిర్యాదు మేరకు పోలీసులు కేసు నమోదు చేసి విచారణ చేపట్టి ముగ్గురు విద్యార్థులతో కలిసి పుట్టినరోజు వేడుకలు జరుపుకున్న విద్యార్థినిని అరెస్టు చేశారు. నలుగురిని కోర్టులో హాజరుపరచి కడలూరు జువైనల్‌ హోమ్‌కు తరలించారు.   చదవండి: పెళ్లైన 15 ఏళ్లకు పుట్టిన ఒక్కగానొక్క బిడ్డ.. యువకుల ‘మత్తు’కు బలి లైంగిక దాడి కేసులో నిందితుల అరెస్ట్‌  మూడున్నరేళ్ల చిన్నారిపై లైంగికదాడి చేసిన కామాంధుడు, అందుకు సహకరించిన మరో ఇద్దరిని పోలీసులు అరెస్టు చేశారు. ఈరోడ్‌కు చెందిన శ్రీనివాసన్‌ టీ దుకాణంలో మాస్టర్‌గా పని చేస్తున్నాడు. భార్య దివ్య (24). వీరికి కుమారుడు (7), మూడున్నర ఏళ్ల కుమార్తె ఉంది. దివ్య ఇటుకల బట్టిలో పనిచేస్తుంది. అక్కడ ఆమెకు జగన్‌ అనే వ్యక్తితో వివాహేతర సంబంధం ఏర్పడింది. విషయం తెలుసుకున్న శ్రీనివాసన్‌ భార్యను హెచ్చరించాడు. దీంతో భార్యాభర్తలు ఇద్దరూ విడిపోయారు. దివ్య జగన్‌తో కలిసి ఉంటోంది. ఈ క్రమంలో గత 30వ తేదీ జగన్‌ బాలికపై లైంగిక దాడి చేశాడు. స్పృహ తప్పిన బాలికను ఆస్పత్రికి తీసుకెళ్లగా అక్కడ చికిత్స పొందుతూ మృతి చెందింది. దీనిపై ఫిర్యాదు అందుకున్న విరాలిమలై పోలీసులు కేసు నమోదు చేసి చిన్నారి మృత దేహాన్ని శవ పరీక్ష కోసం ప్రభుత్వాస్పత్రికి తరలించారు. లైంగిక దాడి చేసిన జగన్, అతని స్నేహతుడు పలని యప్పన్‌ను, చిన్నారి తల్లి దివ్యను పోలీసులు అరెస్టు చేసి విచారిస్తున్నారు.   

AP SSC Improvement Exams 2022: టెన్త్‌ విద్యార్థులకు ఏపీ ప్రభుత్వం తీపి కబురు అందించింది. తొలిసారి టెన్త్‌ విద్యార్థులకు బెటర్‌మెంట్‌ అవకాశమిచ్చింది ముఖ్యమంత్రి వైఎస్‌ జగన్‌మోహన్‌రెడ్డి నేతృత్వంలోని రాష్ట్ర ప్రభుత్వం. ఇప్పటివరకూ ఇంటర్‌ ఫస్టియర్‌ విద్యార్థులకు మాత్రమే బెటర్‌మెంట్‌ అవకాశం ఉంది. కాగా, రెండేళ్ల కోవిడ్‌ పరిస్థితులతో ఉత్తీర్ణతాశాతం తగ్గిన నేపథ్యంలో పదవ తరగతి విద్యార్థుల సౌలభ్య కోసం బెటర్‌మెంట్‌ అవకాశమిస్తూ నిర్ణయం తీసుకుంది. 50 మార్కుల కంటే తక్కువ వచ్చిన ఏదైనా రెండు సబ్జెక్ట్‌లకు సప్లిమెంటరీలో బెటర్‌మెంట్‌ రాసే అవకాశమిస్తూ విద్యాశాఖ ఉత్తర్వులు జారీ చేసింది. ఇందుకుగాను సబ్జెక్ట్‌కు 500 రూపాయల చొప్పున రెండు సబ్జెక్ట్‌లకు 1000 రూపాయిల ఫీజుగా నిర్ణయించింది. 

పదో తరగతిలో ఫెయిలైన విద్యార్థులు విద్యా సంవత్సరం నష్టపోకుండా వారిని పరీక్షలకు మరింత సన్నద్ధం చేసేందుకు ప్రభుత్వం ప్రత్యేక కార్యచరణ రూపొందించింది. దీనిలో భాగంగా ఈనెల 13 నుంచి ఫెయిలైన విద్యార్థులకు ఆయా పాఠశాలలో ప్రత్యేక తరగతులు నిర్వహించనున్నారు.   సాక్షి, భీమవరం: కోవిడ్‌ కారణంగా రెండేళ్లపాటు విద్యాబోధన సక్రమంగా సాగకపోవడంతో ఇటీవల ప్రకటించిన 10వ తరగతి పరీక్షల్లో ఆశించిన ఫలితాలు రాలేదు. గత రెండేళ్లు పదో తరగతి పబ్లిక్‌ పరీక్షలు లేకుండానే విద్యార్థులను పాస్‌ చేశారు. ప్రస్తుత విద్యాసంçవత్సరం తరగతులు నిర్వహించిన రోజులు తక్కువ కావడంతో ప్రభుత్వం పరీక్షా విధానంలో మార్పులు చేసింది. ఉమ్మడి పశ్చిమగోదావరి జిల్లాలో ఈసారి 57.55 శాతం మాత్రమే పాస్‌ అయ్యారు. పశ్చిమగోదావరి, ఏలూరు జిల్లాల్లో సుమారు 47వేల మంది పరీక్షలకు హాజరుకాగా వీరిలో దాదాపు 27 వేల మంది విద్యార్ధులు ఉత్తీర్ణత సాధించారు.  ప్రభుత్వ పాఠశాలలో 31,254 మంది విద్యార్థులకు 13,274 మంది పాస్‌ అయ్యారు. పశ్చిమగోదావరి జిల్లాలో 9,303 మంది విద్యార్థులు తప్పగా వారిలో ఒక సబ్జెక్ట్‌ తప్పినవారు 3,226 మంది, రెండు సబ్జెక్టŠట్స్‌లో తప్పినవారు 2,272 మంది, మూడింటిలో తప్పినవారు 1,856 మంది, నాలుగింటిలో తప్పినవారు 1,079 మంది ఉన్నారు. 602 మంది అయిదు సబ్జెక్ట్స్‌ లో, 268 మంది అన్నింటిలో ఫెయిల్‌ అయ్యారు.  ఈ నేపథ్యంలో వారిని సన్నద్ధం చేసి జూలైలో నిర్వహించే పరీక్షల్లో ఉత్తీర్ణత సా«ధించేలా తీర్చిదిద్దేందుకు ప్రత్యేక తరగతులు నిర్వహించనున్నారు. ఏ పాఠశాలలో ఎంతమంది ఫెయిల్‌ అయ్యారు.. ఏఏ సబ్జెక్సŠట్‌లో తప్పారు అన్న విషయాలను సేకరించి దానికి అనుగుణంగా ఆయా పాఠశాలల్లో ఈ నెల 13 నుంచి ప్రతి రోజు ఉదయం 9.30 నుంచి ప్రత్యేక తరగతుల నిర్వహణకు రూపకల్పన చేశారు.  ఏ స్కూల్లో ఎన్ని తరగతులు నిర్వహించాలనే అంశాన్ని ఆయా పాఠశాలల ప్రాధానోపాధ్యాయులకే అప్పగించారు. విద్యార్థులకు సబ్జెక్సŠట్‌ వారిగా తరగతులు నిర్వహించి ఉత్తీరణ సాధించేలా సన్నద్ధం చేయడానికి రూపకల్పన చేశారు. కంపార్ట్‌మెంట్‌ పాస్‌గా కాకుండా రెగ్యులర్‌ పాస్‌గా ప్రకటిస్తామని ప్రభుత్వం చెప్పడంతో ఉత్తీర్ణత శాతంన్ని పెంచడానికి విద్యాశాఖాధికారులు ఉపాధ్యాయ సంఘాలతో మాట్లాడి ప్రత్యేక తరగతుల నిర్వహణకు ఏర్పాట్లు చేస్తున్నారు. అడ్వాన్స్‌డ్‌ పరీక్షల్లో ఉత్తీర్ణత శాతం పెరిగే అవకాశం ఉంటుందని ఉపాధ్యాయులు భావిస్తున్నారు.  ప్రత్యేక కార్యాచరణతో తరగతుల నిర్వహణ  పదో తరగతి అడ్వాన్స్‌డ్‌ పరీక్షలను ప్రత్యేకంగా సన్నద్ధం చేయడానికి కార్యాచరణ రూపొందించాం. ఎక్కువ మంది విద్యార్థులు ఒకటి, రెండు సబ్జ్‌క్ట్స్‌లో ఫెయిల్‌ అయినందున వారికి ప్రత్యేక తరగతులు నిర్వహించడం ద్వారా పరీక్షలకు సన్నద్ధం చేస్తాం. తరగతులు ఎలా నిర్వహించాలో ఆయా పాఠశాలల ప్రధానోపాధ్యాయులదే నిర్ణయం. ఫెయిలయిన విద్యార్థులకు సబ్జ్‌క్ట్‌ల బట్టి తరగతులు నిర్వహిస్తారు. పరీక్షలు ముగిసేవరకు ప్రత్యేక తరగతులు ఉంటాయి.  – ఆర్‌వీ రమణ, జిల్లా విద్యాశాఖాధికారి, భీమవరం

మదనపల్లె సిటీ:  కోవిడ్‌ మహమ్మారితో రెండు సంవత్సరాలుగా పదో తరగతి పబ్లిక్‌ పరీక్షలు నిర్వహించలేదు. ఈ ఏడాది కోవిడ్‌ తగ్గుముఖం పట్టడంతో పరీక్షలు సజావుగా నిర్వహించారు. ఎలాంటి ఒడిదుడుకులు, ఇబ్బందులు తలెత్తకుండా ప్రభుత్వం అన్ని ఏర్పాట్లు చేయగా ఏప్రిల్‌ 27 నుంచి మే 9 వరకు  ప్రశాంత వాతావరణంలో పరీక్షలు జరిగాయి.   అనంతరం మూల్యాంకనాన్ని శరవేగంగా పూర్తి చేశారు. ఈ కసరత్తు పూర్తి కావడంతో  జిల్లా వ్యాప్తంగా సోమవారం ఉదయం 11 గంటలకు రాష్ట్ర స్థాయిలో  ఫలితాలు విడుదల చేసేందుకు అధికారులు సమాయత్తమయ్యారు. అన్నమయ్య జిల్లా వ్యాప్తంగా పది పరీక్షలు 153 కేంద్రాల్లో నిర్వహించగా 23,752 మంది విద్యార్థులు హాజరయ్యారు.   దీంతో అందరిలో ఉత్కంఠ నెలకొంది. ఫలితాలు విడుదలవుతుండటంతో పిల్లలకు మార్కులు ఎలా వస్తాయోనని తల్లిదండ్రులు తీవ్ర ఉత్కంఠతో ఎదురు చూస్తున్నారు. మరో వైపు జిల్లా ఏ స్థానంలో నిలుస్తుందోనని అ«ధికారుల్లో సైతం ఆసక్తి నెలకొంది. గతంలో పరీక్షలలో మార్కులు తగ్గాయంటూ చాలా మంది పిల్లలు అ«çఘాయిత్యాలకు పాల్పడిన సందర్భాలు ఉన్నాయి. పిల్లలు ఉజ్వల భవిష్యత్తు గురించి ఆలోచించకుండా క్షణికావేశంలో కఠిన నిర్ణయాలు తీసుకుని కుటుంబాల్లో తీవ్ర విషాదాన్ని నింపిన సంఘటనలూ లేకపోలేదు. కనిపెంచిన తల్లిదండ్రులకు కడుపుకోతను మిగిల్చిన సందర్భాలు కనిపించేవి. ఈ నేపథ్యంలో సోమవారం పదో తరగతి పరీక్షా ఫలితాలు విడుదలవుతున్నాయి. విద్యార్థులు తీసుకోవాల్సిన జాగ్రత్తలు, తల్లిదండ్రుల బాధ్యత తదితర అంశాలను తెలుసుకోవాల్సిన అవసరం ఎంతైనా ఉందని మానసిక వైద్యనిపుణులు, విద్యావేత్తలు అభిప్రాయపడుతున్నారు.   ఫలితాలు ర్యాంకులే జీవితం కాదు  జీవితంలో పరీక్షా ఫలితాలు వాటి ర్యాంకులే ముఖ్యం కాదు. కాలం, ప్రాణాన్ని మించి ఏదీ ముఖ్యం కాదనే విషయాన్ని తెలుసుకోవాలి. క్షణికావేశంలో తీసుకునే నిర్ణయాలు జీవితాన్ని ప్రభావితం చేస్తాయి. ఓటమి గెలుపునకు తుదిమెట్టు అన్న విషయాన్ని విద్యార్థులు గుర్తించుకోవాలి. ఫలితాలు ఎలా ఉన్నా ధైర్యంగా ముందుకు సాగితే ఉజ్వల భవిష్యత్తు సాధ్యపడుతుంది.   క్షణికావేశానికి లోనుకావద్దు  పది పరీక్షల ఫలితాలు వచ్చిన సమయంలో విద్యార్థులు క్షణికావేశానికి లోనుకాకూడదు. ఎలాంటి ఒడిదుడుకులు వచ్చినా ముందుకు సాగితే జీవిత లక్ష్యాలను చేరుకోవచ్చు. మార్కులు తక్కువ వచ్చాయని ఒత్తిడికి గురై క్షణికావేశంలో తీసుకునే నిర్ణయాలు జీవితాన్ని బుగ్గిపాలు చేస్తాయి. ఒక్క నిమిషం ఆలోచిస్తే సమస్య పరిష్కారానికి పలు మార్గాలు లభిస్తాయి.   –ఎల్‌.బి.మహేష్‌నారాయణ, విద్యావేత్త, మదనపల్లె  భయాందోళనకు గురిచేయవద్దు  పది ఫలితాల వ్యత్యాసం చూపుతూ పిల్లల్ని భయాందోళనలకు గురి చేయరాదు. విద్యార్థులు కూడా ధైర్యంగా ఉండాలి. ఎలాంటి తొందరపాటు నిర్ణయాలు తీసుకోకూడదు. పది పరీక్షలే జీవితాన్ని నిర్దేశించే పరీక్షలేమి కాదనే విషయాన్ని గుర్తు పెట్టుకోవాలి.   –డాక్టర్‌ ఆంజనేయులు, సూపరింటెండెంట్,  జిల్లా ఆస్పత్రి, మదనపల్లె ప్రోత్సహించండి  మార్కులు తక్కువ వచ్చాయని అఘాయిత్యాలకు పాల్పడటం సరైన పద్ధతి కాదు. ఉద్యోగాలు సాధించేందుకు, ఉన్నత చదువులకు వెళ్లేందుకు మార్కులు ఎక్కువగా ఉండాల్సిన అవసరం లేదు. నైపుణ్యాలు పెంచుకుని భవిష్యత్తులో మంచి ప్రతిభ కనబరిస్తే సరిపోతుంది. తల్లిదండ్రులు విద్యార్థులను ప్రోత్సహించాలి. వారిలో ధైర్యాన్ని నింపాలి.      –ఎం.జయకుమార్, సైకాలజిస్టు, జిల్లా ఆస్పత్రి, మదనపల్లె

సాక్షి, హైదరాబాద్‌: పదో తరగతి ప్రశ్నపత్రాల మూల్యంకనం గురువారం మొదలైంది. మొత్తం 12 కేంద్రాల్లో భద్రతా ఏర్పాట్ల మధ్య ఈ ప్రక్రియ కొనసాగుతోంది. మూల్యాంకన విధు ల్లో మొత్తం 15 వేల మంది ఉపాధ్యాయులు పనిచేస్తున్నారు. ఈ నెల 11 నాటికి స్పాట్‌ వాల్యూయేషన్‌ పూర్తి చేయాలని టెన్త్‌ పరీక్షల విభాగం ఆదేశాలు జారీ ఇచ్చింది. ప్రతీ ఉపాధ్యాయుడు విధిగా రోజుకు 40 పేపర్లు మూల్యాంకనం చేయాలని నిర్దేశించింది. ఇది పూర్తయిన వెంటనే అత్యాధునిక సాంకేతిక పరిజ్ఞానంతో సమాధాన పత్రాలను స్కాన్‌ చేసి, మార్కులను క్రోడీకరిస్తారు. దీంతో ఏ సబ్జెక్టులో ఎన్ని మార్కులు వచ్చాయనేది స్పష్టంగా తెలుస్తుంది. తక్కువ సమయంలో దీన్ని పూర్తి చేయాల్సి రావడంతో టీచర్లు ఎక్కువ కష్టపడాల్సిన పరిస్థితి ఏర్పడిందని ఉపాధ్యాయ వర్గాలు అంటున్నాయి.  

భువనేశ్వర్‌: ఎమ్మెల్యేగా బాధ్యతలు నిర్వహిస్తూ పొలం పనుల్లో చురుగ్గా పాల్గొంటున్న ఫుల్బణి ఎమ్మెల్యే అంగద కన్హర్‌(58) మరోసారి వార్తల్లోకి ఎక్కారు. విద్యార్థులతో కలిసి మెట్రిక్యులేషన్‌ పరీక్షలు రాయడం రాష్ట్రవ్యాప్తంగా ట్రెండింగ్‌ మారింది. కందమాల్‌ జిల్లా ఫుల్బాణి మండలం పితాబరి గ్రామంలోని రుజంగి ఉన్నత పాఠశాల కేంద్రంలో ఆయన పరీక్షకు హాజరయ్యారు. 1978లో అర్ధాంతరంగా విద్యాభ్యాసం ముగించిన ఆయన.. ఇన్నాళ్లకు పునఃప్రారంభించడం విశేషం. కుటుంబ పరిస్థితులతో అప్పట్లో చదువు కొనసాగించలేక పోయానని, 50 ఏళ్లు పైబడిన వారు కూడా మెట్రిక్యులేషన్‌ పరీక్షలు రాసి, ఉత్తీర్ణులైనట్లు ఇటీవల వార్తల్లో విన్నానని తెలిపారు. ఉన్నత అభ్యాసానాకి వయస్సు అడ్డు కాదన్నారు. ఇదే ఉత్సాహంతో పరీక్షలకు హాజరైనట్లు ఎమ్మెల్యే వివరించారు. స్టేట్‌ ఇనిస్టిట్యూట్‌ ఆఫ్‌ ఓపెన్‌ స్కూలింగ్‌(ఎస్‌ఐఓఎస్‌) వర్గం కింద ఈ ఏడాది 63మంది అభ్యర్థులు పరీక్షలకు హాజరైనట్లు కేంద్రం పరిశీలకురాలు, హెచ్‌ఎం అర్చనా బాస్‌ వెల్లడించారు. ఇందులో ఎమ్మల్యే అంగద తోపాటు లుయిసింగి పంచాయతీ సర్పంచ్‌ సుదర్శన్‌ కంహర్‌ కూడా ఉన్నారని ప్రకటించారు.  1985లో క్రీయాశీల రాజకీయాల్లో ప్రవేశించిన అంగద కన్హర్‌.. వరుసగా 3సార్లు కెరండిబాలి పంచాయతీ సర్పంచ్‌గా గెలుపొందారు. మరో సారి పొకారి పంచాయతీ నుంచి ఎన్నికయ్యా రు. పంచాయతీరాజ్‌ వ్యవస్థలో అంచెలంచెలుగా ఎదిగారు. ఫిరింగియా మండల అధ్యక్షుడిగా, జిల్లా పరిషత్‌ సభ్యుడిగా ప్రజాభిమానాన్ని సంపాదించారు. 2019 సార్వత్రిక ఎన్నికల్లో ఎస్సీ రిజర్వడ్‌ నియోజకవర్గం ఫుల్బాణి నుంచి బీజేడీ అభ్యర్థిగా పోటీ చేసి, ఎమ్మెల్యేగా విజయం సాధించారు. 2020, 2021 సంవత్సరాల్లో కరోనా కారణంగా పరీక్షలు జరగక పోవడంతో రాయలేక పోయానని చెప్పిన ఎమ్మెల్యే.. శుక్రవారం సాధారణ విద్యార్థిగా ప్రవేశ ద్వారం వద్ద హాల్‌ టికెట్‌ చూపించి, కేంద్రంలోకి ప్రవేశించారు. మరో ఇద్దరు మిత్రులతో కలిసి పరీక్షకు రాగా.. వీరిలో ఒకరు స్థానిక సర్పంచ్‌ కావడం గమనార్హం. చదవండి: King Cobra: కిచెన్‌లోకి వెళ్లిన భార్య ఒక్కసారిగా భయంతో..

సాక్షి,శ్రీకాకుళం న్యూకాలనీ: ప్రభుత్వంపై విమర్శలు చేసేందుకు, సర్కారును ఇరకాటంలో నెట్టేందుకు ‘కొందరు’ టెన్త్‌ పరీక్షలను కూడా వాడుకుంటున్నారు. మితిమీరిన ‘స్వామి భక్తి’ చూపడానికి, ప్రభుత్వంపై దుష్ప్రచారం చేసేందుకు వేల మంది విద్యార్థుల మనోభావాలతో ఆడుకుంటున్నారు. జిల్లాలో ప్రశ్న పత్రం లీకేజీ అంటూ తప్పుడు బ్రేకింగ్‌ వార్తలు, కథనాలను వండి వార్చేశారు. అధికారులు క్షుణ్ణంగా పరిశీలించాక అలాంటిదేమీ లేదని తేలింది. దీంతో ఈ ప్రచారం వెనుక ఉన్న వ్యక్తుల ను గుర్తించే పనిలో అధికారులు నిమగ్నమయ్యారు. కొందరు మీడియా ప్రతినిధులను కూడా విచారిస్తున్నారు.   జిల్లాలోని సరుబుజ్జిలి మండలం రొట్టవలస, షళంత్రి కేంద్రాల నుంచి గురువారం హిందీ ప్రశ్న పత్రం లీకైందంటూ ఏబీఎన్‌ ఆంధ్రజ్యోతి చానెల్‌ ప్రసారం చేసింది. స్క్రోలింగ్‌లను ఇచ్చింది. ఈ వా ర్తలు చూసి విద్యాశాఖాధికారులు దిగ్భ్రాంతికి గురయ్యారు. వెంటనే విద్యాశాఖ, సమగ్ర శిక్ష, రెవెన్యూ అధికారులు, పోలీసులు పరీక్ష కేంద్రానికి చేరుకుని దీనిపై ఆరా తీశారు. కలెక్టర్‌కు, విద్యాశాఖ ఉన్నతాధికారులకు విషయాన్ని తెలియజేశారు. స్థానిక పరిసరాలను క్షుణ్ణంగా పరిశీలించారు. పరీక్ష కేంద్రాలకు సమీపంలో ఎవరూ లేరు. పేపర్‌ లీకేజీ అంటూ వస్తున్న కథనాన్ని చూపించి పరీక్ష కేంద్రంలోని పర్యవేక్షణాధికారులను ప్రశ్నించగా, అలాంటి అవకాశమే లేదని బదులిచ్చారు. పోలీసు స్టేషన్ల నుంచి నేరుగా ప్రశ్న పత్రాలను పరీక్ష కేంద్రాలకు తీసు కొచ్చామని, పరీక్షలు మొదలుపెట్టామని, ఇన్విజిలేటర్ల నుంచి సెల్‌ఫోన్లను డిపాజిట్‌ చేసుకున్నామని వివరించారు.   కావాలనే చేశారు..   పరిశీలన పూర్తయ్యాక లీకేజీ కట్టుకథేనని అధికారులు తేల్చారు. ఈ వదంతులు పుట్టించిన వారిపై మండిపడ్డారు. అటు విద్యాశాఖను, ఇటు ప్రభుత్వా న్ని అప్రతిష్టపాలు చేయడానికి కొంతమంది వ్యక్తు లు పనిగట్టుకుని చేసిన దుశ్చర్యగా అధికారులు నిర్ధారణకు వచ్చారు. ఇదే విషయమై ఆర్జేడీ జ్యోతికుమారి, డీఈఓ పగడాలమ్మ, సమగ్రశిక్ష ఏపీసీ డా క్టర్‌ జయప్రకాష్‌లు మీడియాకు వివరించారు. ప్రశ్న పత్రం లీకేజీ అంటూ తప్పుడు కథనాలు, వార్తను ప్రసారం చేసిన ఏబీఎన్‌ ఆంధ్రజ్యోతి చానెల్‌పై, అందుకు సహకరించిన వ్యక్తులపై కలెక్టర్‌ ఆదేశాల మేరకు చట్టపరమైన చర్యలు తీసుకుంటున్నా రు. ఎస్పీకి కూడా ఫిర్యాదు చేశారు. క్రిమినల్‌ కేసు లుకూడా నమోదుచేయాలని కలెక్టర్‌ నిర్ణయించారు.     రెండో రోజు 179 మంది గైర్హాజరు..   జిల్లాలో గురువారం 248 కేంద్రాల్లో జరిగిన హిందీ పరీక్షకు 36,124 మంది (ఒక విద్యార్థి పెరిగారు) హాజరుకావాల్సి 179 మంది గైర్హాజరయ్యారు. ఆర్జే డీ, జిల్లా పరిశీలకులు ఎం.జ్యోతికుమారి జీహెచ్‌స్కూల్‌ పోలాకి, విశ్వశాంతి స్కూల్‌ పోలాకి, జెడ్పీ జీహెచ్‌ స్కూల్‌ పోలాకి, జెడ్పీహెచ్‌స్కూల్‌ సారవకోట కేంద్రాలను పరిశీలించారు. డీఈఓ జి.పగడాలమ్మ శ్రీకాకుళం, నరసన్నపేట, సరుబుజ్జిలి ప్రాంతాల్లో 5 కేంద్రాల్లో తనిఖీలు చేశారు. సమగ్రశిక్ష ఏపీసీ డాక్టర్‌ రోణంకి జయప్రకాష్, స్క్వాడ్‌ బృందాలు కలిపి 58 కేంద్రాల్లో తనిఖీలు చేపట్టాయి.  టెన్త్‌ పరీక్షలో విద్యార్థి డిబార్‌  రణస్థలం: రణస్థలం మండలంలోని పైడిభీమవరం జిల్లా పరిషత్‌ ఉన్నత పాఠశాలలో గురువారం హిందీ పరీక్ష రాసిన ఓ విద్యార్థి మాల్‌ ప్రాక్టీస్‌కు పాల్పడినట్లు పరీక్ష కేంద్రం చీఫ్‌ సూ పరింటెండెంట్‌ శంకర శాస్త్రి తెలిపారు. క్వశ్చన్‌ పేపర్‌ను కిటికీలో నుంచి బయట వ్యక్తులకు అందిస్తున్న సమయంలో పహారా కాస్తున్న పోలీసు విద్యార్థిని పట్టుకున్నారు. గోడ దూకి వచ్చిన బయట వ్యక్తి పరారైనట్లు ఆయన తెలి పారు. విద్యార్థి నుంచి పూర్తి వాంగ్మూలం తీసుకుని డిబార్‌ చేసినట్లు తెలిపారు.    చదవండి: ప్రశ్నపత్రం లీకేజీ అంటూ తప్పుడు ప్రచారం

వికారాబాద్‌: పదో తరగతి విద్యార్థిని హత్య ఘటనలో విస్మయకర విషయాలు బహిర్గతమైనట్టు తెలుస్తోంది. వికారాబాద్‌ జిల్లా అంగడి చిట్టెంపల్లిలో పదిహేనేళ్ల విద్యార్థినిని హతమార్చిన ఘటన సోమవారం వెలుగుచూసిన విషయం తెలి సిందే. కేసు నమోదు చేసిన పోలీసులు నాలుగు బృందా లుగా ఏర్పడి అనేక కోణాల్లో దర్యాప్తును ముమ్మ రం చేశారు. ఆ విద్యార్థినితో ప్రేమ పేరిట సన్నిహితంగా మెలిగిన ఓ యువకుడిని ప్రధాన నిందితుడిగా భావిస్తూ  దర్యాప్తు చేపట్టారు. అతనితోపాటు మరో స్పేహితుడిని అదుపులోకి తీసుకున్న పోలీసులు మంగళవారం విద్యార్థిని తల్లిని, ఆమెతో సన్నిహితంగా ఉండే మరోవ్యక్తిని సైతం అదుపులోకి తీసుకున్నట్టు తెలుస్తోంది. ఈ ఘటనలో తల్లిపాత్ర కూడా ఏమైనా ఉందా..? అనే కోణంలోనూ విచారిస్తున్నట్టు సమాచారం. పోలీసులు హైదరాబాద్‌ నుంచి రప్పించిన క్లూస్‌ టీం ద్వారా మంగళవారం మరోసారి ఆధారాలు సేకరించారు.  ఆ యువకుడే హత్య చేశాడా?: కొంతకాలంగా విద్యార్థినిని ప్రేమపేరిట వేధిస్తున్న యువకుడే ఈ ఘాతుకానికి పాల్పడినట్టు పోలీసుల విచారణలో బయటపడిందని తెలుస్తోంది. సోమవా రం తెల్లవారుజామున 3–00 గంటల ప్రాంతంలోనేవిద్యార్థినిని ఇంటి నుంచి తీసుకువెళ్లిన యువకుడు అప్పటికే పదే పదే లైంగిక దాడికి పాల్పడినట్టు, మరోసారి బలవంతంగా లైంగిక దాడికి యత్నించగా విద్యార్థిని అంగీకరించకపోవటంతో హత్య చేసినట్టు తెలుస్తోంది. విద్యార్థినిని తీసుకువెళ్లటానికి ముందే అతడు స్నేహితుడితో కలసి మద్యం తాగినట్టుగా పోలీసుల విచారణలో అంగీకరించినట్టు సమాచారం. అయితే లైంగికదాడికి పాల్పడింది అతడొక్కడేనా.. అతడి స్నేహితుల పాత్ర కూడా ఉందా.. అనే కోణంలో పోలీసులు విచారిస్తున్నారు. అయితే నిందితులు వెల్లడించిన విషయాలకు సాంకేతికతను జోడించి సరిపోల్చి నిర్ధారణకు వచ్చేందుకే కొంత సమయం తీసుకుంటున్నట్టు పోలీసువర్గాలు భావిస్తున్నాయి. ఎస్పీ కోటిరెడ్డి, అడిషనల్‌ ఎస్పీ రషీద్, డీఎస్పీ శ్రీనివాస్‌ ఈ దర్యాప్తును పర్యవేక్షిస్తుండగా సీఐ వెంకటరామయ్య, ఎస్‌ఐ శ్రీశైలం ఇతర పోలీసు బృందాలతో కలసి దర్యాప్తు చేస్తున్నారు. పోలీసులు బుధవారం కేసు విషయాలు వెల్లడించే అవకాశముంది.    

సాక్షి హైదరాబాద్‌: కరోనా ప్రభావంతో మూడేళ్ల తర్వాత పదో తరగతి వార్షిక పరీక్షలు జరగనున్నాయి. ఇటీవల షెడ్యూలు విడుదల కావడంతో విద్యార్థులను పరీక్షలకు సిద్ధం చేసేందుకు ఉపాధ్యాయులు, తల్లిదండ్రులు కసరత్తు చేస్తున్నారు. ఇప్పటికే ప్రైవేట్, కార్పొరేట్‌ విద్యా సంస్థలు సిలబస్‌ పూర్తి చేసి రివిజన్‌ ప్రక్రియ ప్రారంభించారు. సర్కారు బడుల్లో మాత్రం సిలబస్‌ పూర్తి కాలేదు. మరోవైపు వెనకబడిన విద్యార్థులపై ప్రత్యేక దృష్టి పెట్టి కనీసం ఉత్తీర్ణత మార్కులతో గట్టెక్కేలా తీవ్ర ప్రయత్నాలు చేస్తున్నారు.  70 శాతం సిలబస్‌తోనే పరీక్షలు..  కరోనా నేపథ్యంలో 2021– 22 విద్యా సంవత్సరానికి 70 శాతం సిలబస్‌తోనే పదో తరగతి వార్షిక పరీక్షలు నిర్వహించనున్నారు. షెడ్యూల్‌ ప్రకారం జనవరి 10 లోపే సిలబస్‌ పూర్తిచేయాల్సి ఉండగా సంక్రాంతి సెలవులు, ఆ తర్వాత కరోనా థర్డ్‌వేతో సర్కారు బడుల్లో సిలబస్‌ పెండింగ్‌లో పడిపోయింది. సైన్స్, మ్యాథ్స్‌ మినహా మిగిలిన సబ్జెక్టుల సిలబస్‌ దాదాపు పూర్తి కావచ్చిందని ఉపాధ్యాయ వర్గాలు పేర్కొంటున్నాయి.   ఏడో తరగతి తర్వాత..  కరోనా కంటే ముందు ఏడో తరగతి పరీక్షలు రాసిన విద్యార్థులంతా తాజాగా టెన్త్‌ పరీక్షలకు హాజరుకానున్నారు. 2018– 19లో 7వ తరగతి పరీక్షలు రాసిన విద్యార్థులు ఆ తర్వాత కరోనా ఎఫెక్టుతో 8, 9 పరీక్షలు రాయకుండానే ప్రమోట్‌ అయ్యారు. కరోనా నేపథ్యంలో 2019–20, 2020–21 విద్యా సంవత్సరాల్లో  టెన్త్‌ విద్యార్థులు సైతం వార్షిక పరీక్షలు రాయకుండానే ఉత్తీర్ణులయ్యారు. తాజాగా పదో తరగతి వార్షిక పరీక్షలు జరగనున్నాయి.  సర్కారు బడుల్లో అంతంతే...  సర్కారు బడుల్లో  పదో తరగతి వార్షిక పరీక్షపై  ప్రత్యేక శ్రద్ధ అంతంత మాత్రంగా తయారైంది. గతంలో  ఉన్నతస్థాయి నుంచి క్షేత్రస్థాయి వరకు సమావేశాలు ఏర్పాటు చేసి పరీక్షలకు సమాయత్తం చేసేలా చర్యలు చేపట్టేవారు. ఈసారి మాత్రం మౌఖిక ఆదేశాలు ఆచరణలో అమలు లేకుండా పోయింది. ప్రతి రోజు అదనంగా ఉదయం గంట, సాయంత్రం గంట ప్రత్యేక తరగతుల నిర్వహిస్తే తప్ప సిలబస్‌ పూర్తయ్యే అవకాశాలు కనిపించడం లేదు. వాస్తవంగా సబ్జెక్టు టీచర్ల కొరత కూడా వెంటాడుతోంది.  

సాక్షి, హైదరాబాద్‌: పదవ తరగతి విద్యార్థులు మంచి ఫలితాలు సాధించేందుకు వీలుగా కృషి చేయాలని మంత్రి సబితా ఇంద్రారెడ్డి విద్యా శాఖాధికారులను ఆదేశించారు. కరోనా వల్ల జరి గిన నష్టాన్ని పూడ్చుకునేందుకు, పరీక్షల్లో ఉత్తీర్ణత శాతాన్ని మెరుగుపర్చేందుకు కార్యాచరణ సిద్ధం చేయాలన్నారు. గురువారం ఆమె డీఈవోలు, వివిధ శాఖల ఇంజనీర్లతో సమావేశమయ్యారు. ఈ సందర్భంగా మంత్రి మాట్లాడుతూ, విద్యార్థుల ప్రతిభ ఆధారంగా ప్రత్యేక తరగతులు నిర్వహించా లని సూచించారు. సిలబస్‌ను 70 శాతానికి పరి మితం చేయడం, పరీక్షా సమయాన్ని పెంచడం, చాయిస్‌ పెంచడం, ఆబ్జెక్టివ్‌ ప్రశ్నలు ఎక్కువ ఇవ్వడం వంటి మార్పులపై విద్యార్థులకు అవగా హన కల్పించాలని కోరారు. ప్రభుత్వం ప్రతిష్టాత్మకంగా చేపట్టిన మన ఊరు–మనబడి, ఇంగ్లిష్‌ మీడి యం విద్య రాబోయే కాలంలో విద్యారంగంలో విప్లవాత్మక మార్పులు తెస్తుందని ఆమె అన్నారు. స్కూళ్ల నిర్మాణం, మరమ్మతుల విషయంలో నాణ్యతకు అత్యధిక ప్రాధాన్యత ఇవ్వాలని ఆమె ఇంజనీర్లకు సూచిం చారు. సమావేశంలో పాఠశాల విద్యాశాఖ డైరెక్టర్‌ దేవసేన, రాష్ట్ర విద్య, మౌలిక వసతుల అభివృద్ధి కార్పొరేషన్‌ ఎండి పార్థసారథి పాల్గొన్నారు. 

సాక్షి, కాకినాడ: పదో తరగతిలో 600కు 600 మార్కులు సాధించడం సాధ్యమయ్యే పనేనా?! కానీ ఓ అటెండరు ఉద్యోగానికి దరఖాస్తు చేసిన అభ్యర్థికి 600 మార్కులొచ్చాయి. దీంతో ఆ అభ్యర్థి ఉద్యోగానికీ ఎంపికయ్యాడు. తూర్పు గోదావరి జిల్లా కాకినాడ జీజీహెచ్‌లో పారామెడికల్‌ ఉద్యోగాల భర్తీ అత్యంత పారదర్శకంగా జరుగుతోంది. ఇందులో భాగంగా అటెండర్‌ పోస్టులకు పదో తరగతిని అర్హతగా నిర్దేశించి.. దరఖాస్తులను ఆహ్వానించారు. అయితే 2018లో పదో తరగతి పూర్తి చేసిన ఓ అభ్యర్థికి 600 మార్కులొచ్చాయి. దీంతో 600, 582, 574 మార్కులు సాధించిన ముగ్గురిని అటెండర్లుగా ఎంపిక చేశారు. వారు బుధవారం ఉద్యోగాల్లో చేరారు. మెరిట్‌ జాబితాను పరిశీలించిన ఇతర అభ్యర్థులు అభ్యంతరం తెలపడంతో విషయం జాయింట్‌ కలెక్టర్‌ దృష్టికి చేరింది. దీంతో పదో తరగతి విద్యార్హత పత్రాల వాస్తవికతను నిర్ధారించేందుకు వాటిని ఎస్‌ఎస్‌సీ బోర్డుకు పంపాలని నిర్ణయించారు.    చదవండి: (విజయవాడలో నేడు ట్రాఫిక్‌ ఆంక్షలు.. మళ్లింపులు ఇలా..)  

సాక్షి హైదరాబాద్‌: కోవిడ్‌ నేపథ్యంలో పదో తరగతి గండం నుంచి సునాయాసంగా గట్టెక్కించేందుకు కొందరు విద్యార్థుల తల్లిదండ్రులు పడరాని పాట్లు పడుతున్నారు. వరుసగా రెండు పర్యాయాలు పరీక్షలు నిర్వహించకుండానే పదో తరగతిలో మొత్తం విద్యార్థులను ప్రభుత్వం పాస్‌ చేసింది. ఈసారి కూడా థర్డ్‌వేవ్‌ నేపథ్యంలో పాత పరిస్థితులు పునరావృతం కావచ్చని తల్లిదండ్రులు ఒక అడుగు ముందుకు వేసి తమ పిల్లలను తొమ్మిదో తరగతి చదివించకుండానే పదో తరగతిలో కూర్చోబెట్టడంలో సఫలీకృతులయ్యారు. ఏకంగా పరీక్ష ఫీజులు చెల్లించినట్లు తెలుస్తోంది. ఇందుకు ప్రైవేటు యాజమాన్యాల తోడ్పాటుకు కూడా కలిసివస్తోంది. ఒకవేళ పరీక్షలు నిర్వహించినా సులభమైన ప్రశ్నలతో పాటు జవాబు పత్రాల మూల్యాంకనం కూడా అంతా కఠినంగా ఉండబోదన్న అభిప్రాయం తల్లిదండ్రుల్లో వ్యక్తమవుతోంది.  వయసు ఉంటేసరి...  పదో తరగతి పరీక్షలకు 14 ఏళ్ల వయసు తప్పనిసరి. ఈ వయసు పిల్లలను ఏకంగా పదో తరగతిలో పరీక్షకు సిద్ధం చేయడం విస్మయానికి గురిచేస్తోంది. తల్లిదండ్రుల విజ్ఞప్తుల మేరకు కొన్ని పేరొందిన ప్రైవేటు పాఠశాలలు సైతం అక్రమ పదోన్నతులకు తెరలేపాయి. ఇందుకు విద్యార్థుల తల్లిదండ్రుల నుంచి భారీగానే వసూళ్లకు పాల్పడినట్లు తెలుస్తోంది. పాత రెగ్యులర్‌ విద్యార్థులను పదోన్నతులు కల్పించడమే కాకుండా ఇతర పాఠశాల విద్యార్థులను సైతం చేర్చుకొని పదో తరగతి పరీక్ష ఫీజులు చెల్లిస్తున్నట్లు తెలుస్తోంది. టెన్త్‌ పరీక్ష ఫీజు గడువు ఈ నెల 14 వరకు ఉండగా ఇప్పటికే  అక్రమంగా పదోన్నతి పొందిన విద్యార్థులు ఫీజులు చెల్లింపు ప్రక్రియ పూర్తయినట్లు తెలుస్తోంది. మరోవైపు కొంత వయసు తక్కువగా ఉన్న వారి పుట్టిన తేదీల్లో మార్పు చేసి పరీక్షల ఫీజులు చెల్లింపులకు చేస్తున్నట్లు సమాచారం. కాగా.. వచ్చే విద్యాసంవత్సరం నుంచి వయసులో మరో రెండేళ్ల సడలింపు అమలు కానుంది.   సిలబస్‌ అంతంతే..  పదో తరగతి సిలబస్‌ అంతంత మాత్రంగా మారింది. కరోనా సెకండ్‌ వేవ్, థర్డ్‌ వేవ్‌లతో ప్రత్యక్ష తరగతులు ఆలస్యంగా మొదలవ్వడంతో సిలబస్‌పై తీవ్ర ప్రభావం చూపింది. ప్రభుత్వ, ప్రైవేటు పాఠశాలల్లో ఇప్పటి వరకు 50 శాతం సిలబస్‌ మించలేదు. సంక్రాంతి సెలవుల అనంతరం పాఠశాలలు పునఃప్రారంభమైనా.. ప్రత్యక్ష బోధన అంతంతగా తయారైంది.సైన్స్, లెక్కలు, సోషల్‌ స్టడీస్‌లో ముఖ్యమైన చాప్టర్లతో పాటు రివిజన్‌ పూర్తయితేనే విద్యార్థులకు పరీక్షలు తేలికగా ఉంటాయి. జంపింగ్‌ చేసిన విద్యార్థులకు మాత్రం అంత సులభం కాదన్నట్లు సమాచారం.   సుమారు 2.90 లక్షల మంది..  గ్రేటర్‌ పరిధిలో ప్రభుత్వ, ప్రైవేటు హైస్కూళ్లలో ప్రస్తుత విద్యా సంవత్సరంలో సుమారు 2.90 లక్షల మంది పదో తరగతి చదువుతున్నట్లు అధికార లెక్కలు స్పష్టం చేస్తున్నాయి. ఇందులో తొమ్మిదో తరగతి చదవకుండానే పదో తరగతి  చదువుతున్న విద్యార్థులు 10 శాతం వరకు ఉన్నట్లు తెలుస్తోంది. కరోనా నేపథ్యంలో గత రెండు పర్యాయాల నుంచి పదో తరగతి పబ్లిక్‌ పరీక్షలు రద్దవుతూ వస్తున్నాయి.   పరీక్షలు రాయకున్నా కేవలం పరీక్ష ఫీజు చెల్లించిన విద్యార్థులందరినీ ఫార్మెటివ్‌ పరీక్షల ఆధారంగా పాస్‌ చేస్తూ వస్తున్నారు.  ఈసారి కూడా కరోనా థర్డ్‌వేవ్‌ కొనసాగుతుండటంతో పాత పరిస్థితులకు అవకాశాలు లేకపోలేదు. ఒకవేళ పరీక్షలు నిర్వహించినా ప్రశ్నపత్రాలు సులభంగా వచ్చే అవకాశముందన్న ప్రచారం సాగుతోంది. దీంతో కరోనా కష్టకాలంలోనే తమ పిల్లలను టెన్త్‌ గట్టెక్కించాలన్న తల్లిదండ్రులు ప్రయత్నించడం ప్రైవేటు యాజమాన్యాలు తోడ్పాటు అందిస్తుండటంతో ఈ వ్యవహారం గుట్టుచప్పుడు కాకుండా సాగుతున్నట్లు తెలుస్తోంది.  

సాక్షి, హైదరాబాద్‌: పదవ తరగతి పరీక్షలను ఈసారి షెడ్యూల్‌ ప్రకారం నిర్వహించడం కష్టమ య్యేలా కనిపిస్తోంది. కరోనా థర్డ్‌ వేవ్‌ వల్ల విద్యా సంస్థల రీ ఓపెనింగ్‌పై ప్రభుత్వం నిర్ణయం తీసు కోకపోవడం, ప్రత్యక్ష తరగతులు ఆలస్యంగా మొద లవ్వడం, సిలబస్‌ పూర్తవ్వక పోవడంతో పరీక్షలు కొంత ఆలస్యమయ్యే వీలుందని అధికారులు భావిస్తున్నారు. దీని దృష్ట్యా మార్చిలో కాకుండా ఏప్రిల్‌ చివరి వారంలో పరీక్షలు నిర్వహించే వీలుందని సంకేతాలు వస్తున్నాయి.  50% సిలబస్‌ పూర్తి..  వాస్తవానికి ప్రభుత్వ పాఠశాలల్లో జనవరి చివరి నాటికి 60% సిలబస్‌ పూర్తవ్వాల్సి ఉంది. కానీ ఇప్పటి వరకు 50% పూర్త యినట్టు అధికారులు చెబుతున్నారు. స్కూళ్లు రీ ఓపెన్‌ చేసినా ఫిబ్రవరి రెండో వారం వరకు క్లాసులు జరిగే అవకాశం కన్పించట్లేదు. సైన్స్, లెక్కలు, సోషల్‌ స్టడీస్‌లో ముఖ్యమైన చాప్టర్లతో పాటు రివిజన్‌ పూర్తయితేనే విద్యార్థులు తేలికగా పరీక్షలు రాయగలరు. సిలబస్‌ పూర్తవక పోవడం, సంక్రాంతి సెలవుల ప్రభావం పరీక్షలపై పడొచ్చని పలువురు ఉపాధ్యాయులు అంటున్నారు. ఫీజు గడువు ఈ నెల 29నే ముగియాల్సి ఉన్నా.. టెన్త్‌ పరీక్ష ఫీజు గడువును పొడిగించేందుకు డైరెక్టర్‌ ఆఫ్‌ స్కూల్‌ ఎడ్యుకేషన్‌ అంగీకరించినట్టు తెలిసింది. వాస్తవానికి జనవరి 29తోనే గడువు ముగుస్తున్నా సంక్రాంతి సెలవులు పొడిగించడంతో టీచర్లు అందుబాటులో ఉండరన్న ఉపాధ్యాయ సంఘాల విజ్ఞప్తిపై సానుకూలంగా నిర్ణయం తీసుకున్నట్టు సమాచారం. ఫీజు గడువును ఫిబ్రవరి మొదటి వారం వరకూ పొడిగించే వీలుంది.  పరీక్షలకు కొంత సమయం అవసరం గతేడాదితో పోలిస్తే ఈసారి టెన్త్‌ విద్యార్థుల పరిస్థితి కాస్త మెరుగ్గానే ఉంది. కాకపోతే స్కూళ్లు ఆలస్యంగా మొదలవడం, సెలవులు పొడిగింపు వల్ల సిలబస్‌ అనుకున్నమేర పూర్తి కాలేదు. ఇకపై రెగ్యులర్‌గా స్కూళ్లు నడిస్తే ఇది పెద్ద సమస్యేమీ కాదు. కాకపోతే పరీక్షలకు విద్యార్థులకు కొంత సమయం అవసరం. – పి.రాజభాను చంద్రప్రకాశ్‌  (హెచ్‌ఎంల సంఘం అధ్యక్షుడు)   

సాక్షి, అమరావతి: కోవిడ్‌ కారణంగా పాఠశాలలను చాలాకాలంగా మూసి ఉంచినందున విద్యా సంవత్సరపు పని దినాలను తగ్గించి పాఠ్యప్రణాళికలో మార్పులు చేసిన సెంట్రల్‌ బోర్డు ఆఫ్‌ సెకండరీ ఎడ్యుకేషన్‌ (సీబీఎస్‌ఈ) అందుకు అనుగుణంగా ల్యాబ్‌ ప్రయోగాల (ప్రాక్టికల్స్‌)లోనూ మార్పులు చేసింది. 9, 10 తరగతుల విద్యార్థులకు అనుకున్న మేర ప్రయోగాల ప్రక్రియను ల్యాబ్‌లలో నిర్వహించే పరిస్థితులు లేనందున ఇంటినుంచే అందుబాటులో ఉన్న వనరులతో ప్రయోగాలు చేపట్టేలా ప్రత్యామ్నాయాలను నిర్దేశించింది. ఇందుకు సంబంధించి సీబీఎస్‌ఈ తాజాగా విధివిధానాలను ప్రకటించింది. ఉపాధ్యాయుల ముఖాముఖి సూచనలతో నిర్వహించే ల్యాబ్‌ ప్రయోగాలకు బదులు వారి మార్గనిర్దేశంలో ఇంటినుంచే విద్యార్థులు తమ ప్రాక్టికల్‌ వర్కులు, ప్రాజెక్టు వర్కులు పూర్తిచేయవచ్చని సూచించింది. ఈ ప్రయోగాల ద్వారా అభ్యాస ఫలితాలు ఒకే విధంగా ఉండేలా ఆయా అంశాలను రూపొందించి విద్యార్థులకు అందుబాటులో ఉంచింది. గత ఏడాది సెప్టెంబర్‌లో లాక్‌డౌన్‌ కారణంగా ల్యాబ్‌ ప్రయోగాలు నిర్వహించలేని పరిస్థితుల్లో సీబీఎస్‌ఈ అన్ని పాఠశాలల్లోని 9 నుంచి 12 తరగతుల విద్యార్థులతో ఆన్‌లైన్‌ ప్లాట్‌ఫాం ‘ఓల్యాబ్‌స్టో’ ద్వారా సీబీఎస్‌ఈ కరిక్యులమ్‌ను, ప్రయోగాల ప్రక్రియలను వర్చువల్‌ రూపంలో విద్యార్థులకు అందుబాటులో ఉంచింది. తాజాగా వీటితోపాటు జాతీయ విద్యాపరిశోధన శిక్షణ మండలి (ఎన్‌సీఈఆర్టీ) మాన్యువల్‌ నుంచి మరికొన్ని ఇతర ప్రయోగ కార్యకలాపాలను విద్యార్థులకు అందుబాటులో ఉంచినట్టు ప్రకటించింది.  అందుబాటులో ఉండే వనరులతోనే ప్రయోగాలు విద్యార్థులు తమ ఇంటివద్ద అందుబాటులో ఉండే వనరులతోనే ఈ ప్రయోగాలు చేపట్టేలా ఎన్‌సీఈఆర్టీ రూపొందించిన ప్రక్రియలను విద్యార్థులతో అనుసరింప చేయాలని సీబీఎస్‌ఈ ఆయా పాఠశాలలకు సూచనలు చేసింది. ఈ కంటెంట్‌ దీక్షా పోర్టల్‌ ద్వారా కూడా అందుబాటులో ఉంచినట్టు వెల్లడించింది. విద్యార్థులకు ఇబ్బంది రాకుండా రక్షిత పద్ధతుల్లో ఇంటివద్దే ప్రయోగాలు చేసేలా ఆయా మెటీరియల్‌ను సూచించాలని టీచర్లకు నిర్దేశించింది. విద్యార్థుల్లో జ్ఞానాన్ని పెంపొందించడంలో పాఠ్యబోధన ఎంత ముఖ్యమో.. ప్రాక్టికల్స్‌ కూడా అంతకంటే ముఖ్యమైనవని పేర్కొంటున్న సీబీఎస్‌ఈ వీటికి ఎంతో ప్రాధాన్యత ఇస్తోంది. సీబీఎస్‌ఈలో ప్లస్‌ 2లోనే ప్రయోగాలు చేపట్టించేలా కాకుండా 9వ తరగతి నుంచే విద్యార్థులకు వాటిని అమలు చేయిస్తోంది.

చెన్నై: ప్రేమ పేరుతో మాయ‌మాట‌లు చెప్పి పదో తరగతి విద్యార్థిని పెళ్లి చేసుకుని ఆమెపై లైంగిక దాడికి పాల్పడ్డాడు ఓ యువకుడు. ఈ ఘటన మధురైలో చోటుచేసుకుంది. పోలీసులు తెలిపిన వివరాల ప్రకారం.. బాధితురాలు, నిందితుడు గత సంవత్సరం కాలంగా ప్రేమించుకుంటున్నారు. కొన్ని నెలల క్రితం​ వార్దిదరు తమ ఇంట్లో నుంచి పారిపోయి మనప్పరైలోని ఓ దేవాలయంలో ఆగస్టు 15న వివాహం చేసుకున్నారు. అనంతరం వాళ్లు మధురైలోని ఓ ఇంట్లో అద్దెకు ఉంటున్నారు. ఇటీవల అదే పాఠశాలలో మరో 16 ఏళ్ల బాలిక అదృశ్యమైన ఫిర్యాదు రావడంతో పోలీసులు విచారణ చేపట్టగా ఈ ఘటన కూడా వెలుగులోకి వచ్చింది. ఆ బాలిక‌ మైనర్‌ కావడంతో ఆమెకు మాయమాట‌లు చెప్పి లోబ‌రుచుకుని పెళ్లి చేసుకుని లైంగిక దాడికి పాల్పడినట్లు పోలీసుల విచారణలో తేలింది. దీంతో నిందితుడిని అరెస్ట్ చేసి అత‌డిపై పోక్సో స‌హా ప‌లు సెక్ష‌న్ల కింద పోలీసులు కేసు న‌మోదు చేశారు. చదవండి: ముగ్గురు అక్కాచెల్లెళ్ల ప్రాణం తీసిన బిస్కెట్లు, చిప్స్‌..?

చండీగఢ్‌: చదువుకోవడానికి వయసుతో పని లేదని నిరూపిస్తూ 86 ఏళ్ల వయసులో ఓ వ్యక్తి పదో తరగతి పరీక్షలు రాశాడు. అలా రాసింది ఎవరో కాదు ఓ రాష్ట్రానికి మాజీ ముఖ్యమంత్రి. మీరు విన్నది నిజమే. దీనికి సంబంధించి పూర్తి వివరాల్లోకి వెళితే... హర్యానా మాజీ ముఖ్యమంత్రి ఓం ప్రకాశ్‌ చౌతాలా బుధవారం పదో తరగతి ఇంగ్లిష్‌ పరీక్షకు హాజరయ్యారు. జేబీటీ రిక్రూట్‌మెంట్ కేసులో 2013లో ఆయనకు  10ఏళ్ల జైలు శిక్ష విధించిన సంగతి తెలిసిందే. చౌతాలా తీహార్ జైల్లో శిక్ష అనుభవిస్తూనే పదో తరగతి పరీక్షలు కూడా రాశారు. అయితే అప్పుడు ఇంగ్లీష్ పరీక్ష రాయలేదు. ఆ తర్వాత హర్యానా ఓపెన్‌ ఎడ్యుకేషన్ బోర్డు 12వ తరగతి పరీక్షలు రాశారు. ఆగస్టు 5న ఆ పరీక్షల ఫలితాలు రాగా చౌతాల ఫలితాన్ని బోర్డు నిలిపివేసింది. పెండింగ్‌లో ఉన్న ఆయన పదో తరగతి ఇంగ్లిష్ పరీక్ష పూర్తి చేస్తేనే ఫలితాన్ని వెల్లడిస్తామని తెలిపింది. దీంతో ఆయన సిర్సాలోని ఆర్య కన్య సీనియర్‌ సెకండరీ స్కూల్‌ పరీక్ష కేంద్రంలో ఇంగ్లీష్ పరీక్ష రాశారు. ఈ సందర్భంగా విలేకరులు అడిగిన ప్రశ్నలకు సమాధానంగా... తాను ప్రస్తుతం విద్యార్థినని, రాజకీయాలకు సంబంధించినవి మాట్లాడటానికి నిరాకరించారు. కాగా, చౌతాలా ఓ సహాయకుడిని పెట్టుకోవడానికి బోర్డును అభ్యర్థించి అనుమతి పొందీ పరీక్ష పూర్తి చేశారు. 2017లో తన 82 ఏండ్ల వయస్సులో నేషనల్‌ ఇన్‌స్టిట్యూట్‌ ఆఫ్‌ ఓపెన్‌ స్కూల్‌లో 10వ తరగతి పరీక్ష రాసి 53.4 శాతం మార్కులు సాధించారాయన.

సాక్షి, అమరావతి : ఆంధ్రప్రదేశ్‌ విద్యాశాఖ మంత్రి ఆదిమూలపు సురేష్‌ శుక్రవారం పదో తరగతి ఫలితాలు, మార్కుల మెమోలు విడుదల చేశారు. ఈ సందర్భంగా ఆయన మాట్లాడుతూ.. గ్రేడ్లు కావాలని విద్యార్థుల తల్లిదండ్రులు విజ్ఞప్తి చేశారని, హైపవర్‌ కమిటీ సిఫార్సులకు అనుగుణంగా.. విద్యార్థుల ప్రతిభ ఆధారంగా గ్రేడ్లు కేటాయించామని తెలిపారు. రెండు విద్యాసంవత్సరాలకు సంబంధించి గ్రేడ్లు ప్రకటించామన్నారు. ఏ విద్యార్థికీ నష్టం కలగకుండా చర్యలు తీసుకున్నామని, భవిష్యత్‌లో విద్యార్థులకు ఇబ్బందులు రాకుండా చర్యలు తీసుకున్నామని వెల్లడించారు. 2020-21 ఫలితాలు, గ్రేడ్‌లతో పాటు 2019-20 గ్రేడ్‌లు కూడా ప్రకటించారు.  ఫలితాల కోసం క్లిక్‌ చేయండి : https://www.sakshieducation.com/Results2021/Andhra-Pradesh/SSC/2021/ap-ssc-10th-class-results-2021.html కాగా, గ్రేడ్ల విధానంలో విద్యార్థుల ఉత్తీర్ణతను ప్రకటించారు. 2019–20 విద్యార్థులు రాసిన మూడు ఫార్మేటివ్‌ పరీక్షల మార్కులకు 50 శాతం వెయిటేజీ, ఒక సమ్మేటివ్‌ పరీక్ష మార్కులకు 50 శాతం వెయిటేజీ ఇచ్చారు. మొత్తం 100 మార్కులుగా పరిగణనలోకి తీసుకుని గ్రేడ్‌ ఇచ్చారు. అన్ని సబ్జెక్టులకు ఇదే విధానం అనుసరించారు. వొకేషనల్‌ కోర్సుల విద్యార్థులకు కూడా ఇదే విధానం. 2017, 2018, 2019 సంవత్సరాల్లో ఫెయిలై ఆ తరువాత పరీక్షలకు హాజరైనవారికి వారి ఇంటర్నల్‌ మార్కులను పరిగణనలోకి తీసుకున్నారు. 20 అంతర్గత మార్కులను 5తో రెట్టింపుచేసి 100 మార్కులుగా పరిగణించి గ్రేడ్‌ ఇచ్చారు.

కరోనా కారణంగా గతేడాది పదోతరగతి పరీక్షలు లేకుండానే విద్యార్థులు ఉత్తీర్ణులైనట్లు ప్రకటించారు. ఈ ఏడాది కూడా పరీక్షలు వాయిదా పడుతున్నాయి. వాస్తవానికి విద్యార్థి జీవితంలో పదో తరగతి అనేది ఎంతో కీలకమైన దశ. అందుకే టెన్త్‌ను ‘టర్నింగ్‌ పాయింట్‌’ అంటారు. పదో తరగతిలో సాధించిన మార్కుల ఆధారంగా.. విద్యార్థికి మ్యాథమెటిక్స్‌పై ఆసక్తి ఉందా.. సైన్స్‌లో మంచి మార్కులు వచ్చాయా.. అతని స్కిల్‌ సెట్‌ ఏంటి అనే దానిపై తల్లిదండ్రులు, ఉపాధ్యాయులు ఒక అంచనాకు వస్తారు. అందుకు అనుగుణంగా ఏ కోర్సులో చేరాలో, ఏ కెరీర్‌ ఎంచుకోవాలో సలహా ఇస్తుంటారు. పదో తరగతి తర్వాత ఎంచుకునే కోర్సు/ ఇంటర్మీడియట్‌లో చేరే గ్రూప్‌.. భవిష్యత్‌ గమ్యాన్ని నిర్దేశిస్తుంది. ఈ నేపథ్యంలో.. పదో తరగతి తర్వాత అందుబాటులో ఉన్న వివిధ కోర్సులు, కెరీర్‌ మార్గాలపై ప్రత్యేక కథనం..  ప్రతి విద్యార్థి భవిష్యత్‌లో గొప్ప స్థాయికి చేరుకోవాలని; ఉన్నత స్థానానికి ఎదగాలని కోరుకుంటారు. కొందరు డాక్టర్, మరికొందరు ఇంజనీర్, ఇంకొందరు లాయర్‌.. కలెక్టర్, పోలీస్‌ ఆఫీసర్, టీచర్‌.. ఇలా ఎన్నో కలలు కంటారు. ఈ కలలు సాకారం అవ్వాలంటే.. లక్ష్య సాధనకు సరైన సమయంలో సరైన మార్గాన్ని ఎంచుకోవడం ముఖ్యం! ఆ టర్నింగ్‌ పాయింటే.. పదో తరగతి!! పదో తరగతి తర్వాత విద్యార్థుల ముందు ఇంటర్మీడియట్, పాలిటెక్నిక్‌ కోర్సులు, ఇంటిగ్రేటెడ్‌ బీటెక్, ఐటీఐ కోర్సులు కనిపిస్తాయి. వీటిలో ఒక కోర్సు ఎక్కువ.. మరో కోర్సు తక్కువ కాదు. అన్నింటికీ చక్కటి ఉన్నత విద్య, ఉపాధి అవకాశాలు ఉన్నాయి. అయితే, విద్యార్థి తన భవిష్యత్‌ లక్ష్యం ఏమిటి.. ఏం సాధించాలనుకుంటున్నారో ఆలోచించుకొని.. దాన్ని బట్టి కోర్సును ఎంపిక చేసుకోవడం ఉత్తమం. నాలుగు గ్రూపులు ► పదో తరగతి తర్వాత ఎక్కువ మంది విద్యార్థులు ఎంచుకునే మార్గం.. ఇంటర్మీడియట్‌. వారివారి ఆసక్తులకు అనుగుణంగా గ్రూపులను ఎంచుకుంటారు. ముఖ్యంగా ఎంపీసీ, బైపీసీ, సీఈసీ/ఎంఈసీ, హెచ్‌ఈసీ గ్రూపులున్నాయి. ► ఎంపీసీ: మ్యాథ్స్, ఫిజిక్స్, కెమిస్ట్రీ సబ్జెక్టులు ఉండే ఈ గ్రూప్‌లో ఎక్కువగా ఇంజనీరింగ్‌ లక్ష్యంగా పెట్టుకున్న విద్యార్థులు చేరుతుంటారు. వీరు జేఈఈ మెయిన్, అడ్వాన్స్‌డ్, ఎంసెట్, బిట్‌శాట్‌ వంటి ఎంట్రన్స్‌లు రాసి ఐఐటీలు, ఎన్‌ఐటీలు, బిట్స్‌ వంటి ప్రఖ్యాత ఇన్‌స్టిట్యూట్స్‌లో బీటెక్‌/బీఈలో ప్రవేశం పొందొచ్చు. ఇక ఏపీ/టీఎస్‌ ఎంసెట్‌ ద్వారా తెలుగు రాష్ట్రాల్లోని ఇంజనీరింగ్‌ కాలేజీల్లో బీటెక్‌/బీఈ కోర్సుల్లో చేరవచ్చు.  ► బైపీసీ: బయాలజీ, ఫిజిక్స్, కెమిస్ట్రీ సబ్జెక్టులు ఉండే.. ఈ గ్రూప్‌ చదివినవారు ‘నీట్‌’ ఎంట్రన్స్‌తో ఎంబీబీఎస్, బీడీఎస్‌ వంటి మెడికల్‌ కోర్సుల్లో చేరే అవకాశం ఉంది. రాష్ట్ర స్థాయిలో ఎంసెట్‌(మెడికల్‌ అండ్‌ అగ్రికల్చర్‌)లో ర్యాంక్‌ ఆధారంగా అగ్రికల్చర్, వెటర్నరీ సైన్స్,ఫార్మసీ, ఫిజియోథెరఫీ వంటి కోర్సుల్లో చేరవచ్చు.  ► సీఈసీ/ఎంఈసీ: కామర్స్‌ అంటే ఇష్టపడేవారు; చార్టర్డ్‌ అకౌంటెన్సీ, కంపెనీ సెక్రటరీ, సీఎంఏ వంటి ప్రొఫెషనల్‌ కోర్సులు చదవాలనుకునే వారు ఈ గ్రూపులు ఎంచుకుంటారు. ఇందులో కామర్స్, మ్యాథమెటిక్స్, ఎకనామిక్స్, సివిక్స్‌ సబ్జెక్టులను అధ్యయనం చేస్తారు.  ► హెచ్‌ఈసీ: టీచింగ్‌ రంగంలో ప్రవేశించాలనుకునేవారు, ఎల్‌ఎల్‌బీ వంటి కోర్సులు చేయాలనుకునేవారు, సివిల్స్, గ్రూప్స్‌ పరీక్షలు రాయాలనుకునే వారు ఇంటర్మీడియట్‌లో హెచ్‌ఈసీ గ్రూప్‌ ఎంచుకుంటారు. ఇంటర్‌లో ఈ నాలుగు గ్రూపులతోపాటు రెండేళ్లు, ఏడాదిన్నర కాలవ్యవధి గల పలు ఒకేషనల్‌ కోర్సులు కూడా అందుబాటులో ఉన్నాయి.  ఒకేషన ల్‌ కోర్సులు పదో తరగతి తర్వాత సంప్రదాయ ఇంటర్మీడియట్‌ కోర్సులే కాకుండా.. సత్వర ఉపాధికి అవకాశం కల్పించే ఒకేషనల్‌ కోర్సుల్లో కూడా చేరొచ్చు.  ► అగ్రికల్చర్‌ విభాగం: క్రాప్‌ ప్రొడక్షన్‌ అండ్‌ మేనేజ్‌మెంట్, డెయిరీయింగ్, ఫిషరీస్, సెరికల్చర్‌ కోర్సులు. ► బిజినెస్‌ అండ్‌ కామర్స్‌ విభాగం: అకౌంటింగ్‌ అండ్‌ ట్యాక్సేషన్, మార్కెటింగ్‌ అండ్‌ సేల్స్‌మెన్‌షిప్, ఆఫీస్‌ అసిస్టెంట్‌షిప్, బ్యాంకింగ్‌ అండ్‌ ఫైనాన్షియల్‌ సర్వీసెస్, ఇన్సూరెన్స్‌ అండ్‌ మార్కెటింగ్‌. ► ఇంజనీరింగ్‌ అండ్‌ టెక్నాలజీ విభాగం: ఆటోమొబైల్‌ ఇంజనీరింగ్‌ టెక్నీషియన్, కన్‌స్ట్రక్షన్‌ టెక్నాలజీ, కంప్యూటర్‌ సైన్స్‌ అండ్‌ ఇంజనీరింగ్, ఎలక్ట్రానిక్స్‌ ఇంజనీరింగ్‌ టెక్నీషియన్, ఎలక్ట్రికల్‌ వైరింగ్‌ అండ్‌ సర్వీసింగ్‌ ఆఫ్‌ ఎలక్ట్రికల్‌ అప్లయెన్సెస్, రూరల్‌ ఇంజనీరింగ్‌ టెక్నీషియన్, వాటర్‌ సప్లై అండ్‌ శానిటరీ ఇంజనీరింగ్, డీటీపీ అండ్‌ ప్రింటింగ్‌ టెక్నాలజీ. ► హోమ్‌సైన్స్‌ విభాగం: కమర్షియల్‌ గార్మెంట్‌ డిజైనింగ్‌ అండ్‌ మేకింగ్, ఫ్యాషన్‌ గార్మెంట్‌ మేకింగ్, హోటల్‌ ఆపరేషన్స్, ప్రి స్కూల్‌ టీచర్‌ ట్రైనింగ్‌. ► వీటితోపాటు మెడికల్‌ ల్యాబ్‌ టెక్నీషియన్, మల్టిపర్పస్‌ హెల్త్‌ వర్కర్, ఆఫ్తాల్మిక్‌ టెక్నీషియన్, ఫిజియోథెరపీ వంటి కోర్సులు అందుబాటులో ఉన్నాయి.  ► రెండేళ్ల ఒకేషనల్‌ కోర్సులు ఉత్తీర్ణులైన విద్యార్థులు లేటరల్‌ ఎంట్రీ విధానం ద్వారా సంబంధిత పాలిటెక్నికల్‌ కోర్సు రెండో ఏడాదిలో ప్రవేశించే అవకాశం ఉంది. ఉపాధికి భరోసా–ఐటీఐ ► ఇండస్ట్రియల్‌ ట్రైనింగ్‌ ఇన్‌స్టిట్యూట్స్‌(ఐటీఐ).. ఇంజనీరింగ్, నాన్‌ ఇంజనీరింగ్‌ విభాగాల్లో కోర్సులు అందిస్తున్నాయి. విద్యార్థి ఆసక్తిని బట్టి అందుబాటులో ఉన్న కోర్సును ఎంపిక చేసుకోవచ్చు. ముఖ్యంగా» టూల్‌ అండ్‌ డై మేకర్‌ ఇంజనీరింగ్‌ » డ్రాట్స్‌మన్‌(మెకానికల్‌) ఇంజనీరింగ్‌ » డీజిల్‌ మెకానిక్‌ ఇంజనీరింగ్‌ » డ్రాట్స్‌మన్‌ (సివిల్‌) ఇంజనీరింగ్‌ » పంప్‌ ఆపరేటర్‌ » ఫిట్టర్‌ ఇంజనీరింగ్‌ » మోటార్‌ డ్రైవింగ్‌ కమ్‌ మెకానిక్‌ ఇంజనీరింగ్‌ » టర్నర్‌ ఇంజనీరింగ్‌ » మ్యానుఫ్యాక్చరర్‌ ఫుట్‌వేర్‌ ఇంజనీరింగ్‌ » రిఫ్రిజిరేటర్‌ ఇంజనీరింగ్‌ » మెషినిస్ట్‌ ఇంజనీరింగ్‌ » హెయిర్‌ అండ్‌ స్కిన్‌ కేర్‌ » ఫ్రూట్‌ అండ్‌ వెజిటబుల్‌ ప్రాసెసింగ్‌ » సర్వేయర్‌ ఇంజనీరింగ్‌ » షీట్‌ మెటల్‌ వర్కర్‌ ఇంజనీరింగ్‌ వంటి కోర్సులు అందుబాటులో ఉన్నాయి. పదో తరగతిలో సాధించిన మార్కుల ఆధారంగా ప్రవేశం పొందొచ్చు.  పాలిటెక్నిక్‌ కోర్సులు ► పదో తరగతి తర్వాత అందుబాటులో ఉన్న మరో చక్కటి కోర్సు.. పాలిటెక్నికల్‌. ఈ డిప్లొమా కోర్సులకు విద్యార్థుల్లో మంచి ఆదరణ ఉంది. తక్కువ సమయంలో, తక్కువ ఖర్చుతో మెరుగైన ఉపాధి పొందేందుకు ఈ కోర్సులు దోహదం చేస్తాయి. మూడేళ్లు, మూడున్నరేళ్ల పాలిటెక్నిక్‌ కోర్సులు పూర్తికాగానే కంపెనీల్లో సూపర్‌వైజర్‌ స్థాయి కొలువులు దక్కించుకోవచ్చు. డిప్లొమా ఇన్‌ ఇంజనీరింగ్‌ సర్టిఫికెట్‌తో ప్రభుత్వ, ప్రైవేటు సంస్థల్లో ఉద్యోగాలు పొందవచ్చు. ఆసక్తి ఉంటే.. ఈసెట్‌ ద్వారా బీటెక్‌/బీఈ కోర్సుల్లో నేరుగా రెండో సంవత్సరంలో చేరవచ్చు. ► పాలిసెట్‌తో ప్రవేశాలు: తెలుగు రాష్ట్రాల్లో టీఎస్‌ పాలిసెట్‌/ఏపీ పాలిసెట్‌  ఎంట్రన్స్‌ ద్వారా పాలిటెక్నిక్‌ కోర్సుల్లో ప్రవేశం కల్పిస్తున్నారు. పదో తరగతి అర్హతతో పాలిసెట్‌కు దరఖాస్తు చేసుకోవచ్చు. ఈ ఎంట్రన్స్‌లో సాధించిన ర్యాంక్‌ ఆధారంగా ప్రభుత్వ, ప్రైవేటు పాలిటెక్నిక్‌ కాలేజీల్లో ప్రవేశం లభిస్తుంది.  ► పాలిటెక్నిక్‌ కోర్సులివే: సివిల్‌ ఇంజనీరింగ్, ఎలక్ట్రికల్‌ ఇంజనీరింగ్, మెకానికల్‌ ఇంజనీరింగ్, మెటలర్జికల్‌ ఇంజనీరింగ్, ఇన్ఫర్మేషన్‌ టెక్నాలజీ, కంప్యూటర్‌ సైన్స్‌ అండ్‌ ఇంజనీరింగ్, కెమికల్‌ ఇంజనీరింగ్, ఇన్‌స్ట్రుమెంటేషన్‌ అండ్‌ కంట్రోల్, డెయిరీ ఇంజనీరింగ్, టెక్స్‌టైల్‌ టెక్నాలజీ, టెక్స్‌టైల్‌ కెమిస్ట్రీ, గ్లాస్‌ అండ్‌ సిరామిక్‌ ఇంజనీరింగ్, లెదర్‌ టెక్నాలజీ, ప్రింటింగ్‌ టెక్నాలజీ, ఇంటీరియర్‌ డెకరేషన్‌ అండ్‌ డిజైన్, అగ్రికల్చర్‌ ఇంజనీరింగ్, ఫ్యాషన్‌ డిజైనింగ్‌ అండ్‌ గార్మెంట్‌ టెక్నాలజీ, ప్లాస్టిక్‌ అండ్‌ మౌల్డ్‌ టెక్నాలజీ, హోటల్‌ మేనేజ్‌మెంట్‌ అండ్‌ క్యాటరింగ్‌ సర్వీస్, ఎయిర్‌ క్రాఫ్ట్‌ మెయింటనెన్స్, డిప్లొమా ఇన్‌ హోమ్‌సైన్స్, డిప్లొమా ఇన్‌ ఫార్మసీ తదితర పాలిటెక్నిక్‌ కోర్సులు అందుబాటులో ఉన్నాయి. 

సాక్షి, ఎడ్యుకేషన్‌: త్వరలోనే తెలుగు రాష్ట్రాల్లో టెన్త్‌ పబ్లిక్‌ పరీక్షలు జరగనున్న నేపథ్యంలో విద్యార్థుల సౌలభ్యం కోసం...స్టడీ మెటీరియల్, సిలబస్, మోడల్‌ పేపర్స్, ప్రీవియస్‌ పేపర్స్, టెక్ట్స్‌బుక్స్, కెరీర్‌ గైడెన్స్, వర్క్‌ షీట్స్‌ మొదలైనవి www.sakshieducation.com లో అందుబాటులో ఉన్నాయి. పదో తరగతి స్టడీ మెటీరియల్, సిలబస్, మోడల్‌ పేపర్స్, ప్రీవియస్‌ పేపర్స్, టెక్ట్స్‌బుక్స్, కెరీర్‌ గైడెన్స్, వర్క్‌ షీట్స్‌ కోసం ఈ లింక్‌ క్లిక్‌ చేయండి.. https://www.sakshieducation.com/TCLASS/Index.html

కొడంగల్‌ రూరల్‌: వారసత్వంగా తన తండ్రికి చెందాల్సిన ఆస్తిని..ఇవ్వడం లేదన్న మనస్తాపంతో టెన్త్‌ విద్యార్థి ఆత్మహత్యకు పాల్పడిన ఘటన వికారాబాద్‌ జిల్లా కొడంగల్‌ మండల పరిధిలోని హస్నాబాద్‌లో గురువారం చోటుచేసుకుంది. వివరాలు.. కొడంగల్‌ పట్టణానికి చెందిన కాంసన్‌పల్లి వెంకటయ్య కుమారుడు నిఖిల్‌ (16) చిన్నప్పటి నుంచి తన అమ్మమ్మ ఊరైన హస్నాబాద్‌లో నివాసం ఉంటూ అక్కడే పదో తరగతి చదువుతున్నాడు. తల్లిదండ్రులు కాంసన్‌పల్లి వెంకటయ్య, అంజమ్మ జీవనోపాధి నిమిత్తం హైదరాబాద్‌లో నివాసం ఉంటున్నారు. వెంకటయ్య తల్లిదండ్రులకు సంబంధించిన భూమి విషయంలో వెంకటయ్య, అతని అన్నదమ్ములు గొడవ పడ్డారు. ఈ విషయంపై ఇటీవల పలుమార్లు గొడవలు జరిగాయి. ఈ సమయంలో నిఖిల్‌ తన పెదనాన్నలతో మాట్లాడి వారసత్వంగా తమకు చెందాల్సిన భూమిని తమ తండ్రి పేరున పట్టా చేయాలని అడగ్గా.. సరేనని చెప్పిన వారు కాలయాపన చేస్తుండటంతో మనస్తాపానికి గురయ్యాడు. ఈ క్రమంలో బుధవారం రాత్రి హస్నాబాద్‌లోని ఆరుబయటే నిద్రించిన నిఖిల్‌ రాత్రికి రాత్రి ఇంటి ఎదురుగా ఉన్న చెట్టుకు చీరతో ఉరేసుకుని ఆత్మహత్య చేసుకున్నాడు. తెల్లవారు జామున వృద్ధురాలు లేచి చూడగా..నిఖిల్‌ చెట్టుకు వేలాడుతూ కన్పించడంతో స్థానికుల సాయంతో కిందకు దించారు. అయితే అప్పటికే నిఖిల్‌ మృతిచెందాడు. సమాచారం అందుకున్న పోలీసులు ఘటనా స్థలికి చేరుకుని శవ పంచనామా నిర్వహించారు. మృతుడి అమ్మమ్మ బెస్త చెన్నమ్మ ఇచ్చిన ఫిర్యాదు మేరకు కేసు దర్యాప్తు చేస్తున్నట్లు ఎస్‌ఐ మహిపాల్‌రెడ్డి తెలిపారు.  చదవండి: ఎకరా పొలం ఉన్నా బతికేటోళ్లం!

సాక్షి, హైదరాబాద్‌: విద్యార్థులకు ఉద్యోగ, ఉపాధి అవకాశాలు కల్పించే కోర్సులపై ఇంటర్మీడియట్‌ విద్యా శాఖ దృష్టి సారించింది. అనేకమంది ప్రైవేటు కోచింగ్‌ కేంద్రాలకు వెళ్లి నేర్చుకునే ఆర్టిఫీషియల్‌ ఇంటెలిజెన్స్, మిషన్‌ లెర్నింగ్, కోడింగ్‌ తదితర పది కోర్సులను ప్రవేశపెట్టేందుకు చర్యలు చేపడుతోంది. ఇంటర్మీడియట్‌ విద్యార్థులకు వీటిని షార్ట్‌ టర్మ్‌ కోర్సులుగా అందుబాటులోకి తీసుకువచ్చేందుకు ఏర్పాట్లు చేస్తోంది. ఇంటర్మీడియట్‌ కమిషనరేట్‌ పరిధిలో ప్రస్తుతం పలు వృత్తి విద్యా కోర్సులు ఉన్నాయి. అవి కాకుండా 3 నెలల నుంచి 9 నెలల వ్యవధి కలిగిన షార్ట్‌ టర్మ్‌ కోర్సులుగా వీటిని ప్రవేశపెట్టేందుకు చర్యలు చేపట్టింది. వచ్చే జూన్‌ నుంచే ప్రభుత్వ జూనియర్‌ కాలేజీల్లో వీటిని అందుబాటులోకి తీసుకువచ్చేలా ఏర్పాట్లు చేస్తోంది. ఆర్టిఫీషియల్‌ ఇంటెలిజెన్స్, మిషన్‌ లెర్నింగ్, డాటాసైన్స్, బ్లాక్‌ చైన్‌ టెక్నాలజీ, కోడింగ్, ఎంబెడెడ్‌ సిస్టమ్, సాఫ్ట్‌వేర్‌ డెవలప్‌మెంట్, ఇండస్ట్రియల్‌ ఆటోమేషన్, అగ్‌మెంటెడ్‌ రియాలిటీ, రోబోటిక్స్‌ వంటి కోర్సులను ప్రవేశ పెట్టనుంది. జేఎన్‌టీయూ నేతృత్వంలో ఇండస్ట్రీ, సబ్జెక్టు నిపుణలతో వీటికి సంబంధించిన సిలబస్‌ను రూపొందించేందుకు కమిటీని ఏర్పాటు చేసింది. ఆ కమిటీ ఆధ్వర్యంలో కోర్సుల కాల వ్యవధిని నిర్ణయించనుంది. ఈ కోర్సుల్లో 40 శాతం విద్య బోధన రూపంలో ఉండనుండగా, 60 శాతం ప్రాక్టికల్‌ రూపంలోనే విద్యను అందించనుంది. ఈ కోర్సులను నేర్చుకోవడం ద్వారా విద్యార్థులకు ఉద్యోగ, ఉపాధి అవకాశాలు మెరుగవుతాయని, పైగా ఇంటర్మీడియట్‌ విద్యా శాఖ ఇచ్చే సర్టిఫికెట్‌కు విలువ ఎక్కువగా ఉంటుందని ఓ ఉన్నతాధికారి పేర్కొన్నారు. ప్రస్తుతం షార్ట్‌ టర్మ్‌ కోర్సులుగా వాటిని ప్రవేశపెట్టి విద్యార్థుల నుంచి వచ్చే స్పందనను బట్టి పూర్తి స్థాయి వృత్తి విద్యా కోర్సులుగా అమలు చేయనున్నట్లు వెల్లడించారు.

కుల్కచర్ల: ఉపాధ్యాయుడు మందలించాడన్న కారణంతో ఓ పదో తరగతి విద్యార్థి మనస్తాపం చెంది బలవన్మరణానికి పాల్పడ్డాడు. వికారాబాద్‌ జిల్లా కుల్కచర్ల మండల పరిధిలోని చెల్లాపూర్‌లో శనివారం జరిగిన ఈ ఘటన వివరాలిలా ఉన్నాయి. గ్రామానికి చెందిన పోలెపల్లి పెంటయ్య కుమారుడు హరికృష్ణ(15) సాల్వీడ్‌ ఉన్నత పాఠశాలలో 10వ తరగతి చదువుతున్నాడు. ఈనెల 1 నుంచి పాఠశాలలు ప్రారంభమైన నేపథ్యంలో 2న హరికృష్ణ పాఠశాలకు వెళ్లాడు. క్లాస్‌ టీచర్‌ రమేశ్‌ విద్యార్థులంతా అంగీకారపత్రాలు తీసుకురావాలని సూచించారు. గతంలో హరికృష్ణ పాఠశాలకు సక్రమంగా వెళ్లేవాడు కాదని, ప్రస్తుతం పదో తరగతి కావడంతో క్రమం తప్పకుండా స్కూలుకు రావాలని ఉపాధ్యాయులు మందలించినట్లు సమాచారం. శుక్రవారం రాత్రి ఇంట్లో ఎవరూ లేని సమయంలో హరికృష్ణ దూలానికి ఉరి వేసుకుని మృతి చెందాడు. కొద్దిసేపటికి కుటుంబీకులు వచ్చిచూడగా ఓ సూసైడ్‌ నోట్‌ లభ్యమైంది. ‘నా చావుకు కారణం రమేశ్‌ సార్‌.. రమేశ్‌ సార్‌ నన్ను పాఠశాలకు రావొద్దని బెదిరించాడు. ఇంటి వద్దే ఉండి టీవీలో పాఠాలు విని పరీక్షలు రాయాలి.. స్కూల్‌కు వస్తే కొడతాను. ఇంటి వద్ద ఉంటే స్కూల్‌కు ఎందుకు వెళ్లలేదు అని అడుగుతున్నారు.. నా చావుకు రమేశ్‌ సార్‌ కారణం’అని సూసైడ్‌ నోట్‌లో విద్యార్థి హరికృష్ణ రాశాడు. తండ్రి పెంటయ్య ఫిర్యాదు మేరకు కేసు దర్యాప్తు చేస్తున్నట్లు ఎస్‌ఐ విఠల్‌ రెడ్డి తెలిపారు.  వివరాలు సేకరించిన డీఈఓ  విద్యార్థి ఆత్మహత్య విషయం తెలుసుకున్న డీఈఓ రేణుకాదేవి పాఠశాలను సందర్శించారు. విద్యార్థులతో మాట్లాడి హరికృష్ణ గురించి అడిగి తెలుసుకున్నారు. ఘటనపై పూర్తి విచారణ జరిపి చర్యలు తీసుకుంటామని స్పష్టం చేశారు. 

నరసాపురం: పదో తరగతి చదివి కోవిడ్‌తో సహా అన్ని వ్యాధులకు చికిత్స చేస్తున్న ఓ ప్రైవేట్‌ ఆసుపత్రి నిర్వాహకుడి మోసాన్ని డీఎంఅండ్‌హెచ్‌వో వెలుగులోకి తెచ్చారు. ఈ ఘటన పశ్చిమగోదావరి జిల్లా నరసాపురంలో జరిగింది. నరసాపురం బ్రాహ్మణ సమాఖ్య భవనం రోడ్డులో ఉన్న గాబ్రేల్‌ ఆసుపత్రిలో నిబంధనలకు విరుద్ధంగా వైద్యం చేస్తున్నారంటూ వచ్చిన ఫిర్యాదులపై డీఎంఅండ్‌హెచ్‌వో డాక్టర్‌ సునంద శనివారం తనిఖీ చేశారు. డాక్టర్‌ స్థానంలో ఉన్న ఆసుపత్రి నిర్వాహకుడు సతీష్‌ (35)ను సర్టిఫికెట్‌లు, అనుమతులు చూపాలని కోరారు. తనకు పీఎంపీ, ఆర్‌ఎంపీ సర్టిఫికెట్‌ కూడా లేదని, పదో తరగతి వరకు చదివానని సతీష్‌ చెప్పడంతో వెంటనే ఆసుపత్రిని సీజ్‌ చేసి అక్కడ ఉన్న హైపవర్‌ యాంటీ బయోటిక్‌ మందులను స్వాధీనం చేసుకున్నారు. సతీష్‌పై పోలీసులకు ఫిర్యాదు చేయాలని అధికారులను ఆదేశించారు. విషయం తెలుసుకున్న అక్రమ వైద్యం చేస్తున్న పీఎంపీ, ఆర్‌ఎంపీలు కొందరు తమ వైద్యశాలలు మూసేసి పరారయ్యారు.    

సాక్షి, అమరావతి: కోవిడ్‌19 కారణంగా రాష్ట్రంలో పాఠశాలలు నవంబర్‌ 2 నుంచి తెరవనున్న నేపథ్యంలో తరగతుల నిర్వహణ, ప్రత్యామ్నాయ పాఠ్య ప్రణాళికపై రాష్ట్ర ప్రభుత్వం కసరత్తు చేయిస్తోంది. రాష్ట్ర విద్యా పరిశోధన, శిక్షణ మండలి ఆధ్వర్యంలో విద్యా రంగ నిపుణులతో ఈ కసరత్తు కొనసాగుతోంది. ఈ నెల 25 నాటికి ప్రభుత్వానికి ప్రత్యామ్నాయ అకడమిక్‌ క్యాలెండర్‌పై ప్రతిపాదనలు అందించనున్నారు. రానున్న రోజుల్లో పని దినాలను అనుసరించి విద్యార్థుల్లో అభ్యసన ఫలితాల సాధనకు వీలుగా పాఠ్యాంశాల నిర్ణయం, తరగతుల నిర్వహణ అంశాలపై దృష్టి సారించారు. పాఠశాల తరగతులను 18 వరకు ఒక విభాగంగా, 9, 10 తరగతులను మరో విభాగంగా రూపొందిస్తున్నారు. 18 తరగతుల వారికి తరగతుల నిర్వహణకు రెండు మూడు మార్గాలను ప్రతిపాదిస్తున్నా, 10వ తరగతి విద్యార్థులకు మాత్రం రెగ్యులర్‌ తరగతులు జరిగేలా ప్రణాళిక రూపొందిస్తున్నారు. విద్యార్థుల సంఖ్యను అనుసరించి తరగతులు కోవిడ్‌ ప్రొటోకాల్‌ను అనుసరించి విద్యార్థులను అనుమతించనున్నారు. ఎక్కువ మంది విద్యార్థులున్న స్కూళ్లలో ఉదయం కొన్ని తరగతులు, మధ్యాహ్నం కొన్ని తరగతులు నిర్వహించనున్నారు. లేదంటే కొన్ని రోజులు కొన్ని తరగతులు, మరికొన్ని రోజులు మరికొన్ని తరగతులు పెట్టనున్నారు. తొలుత తల్లిదండ్రుల కమిటీలతో సమావేశాలు పెట్టి పాఠశాలలకు పిల్లలను పంపడంపై ఎలాంటి జాగ్రత్తలు తీసుకోవాలో వివరించనున్నారు. మధ్యాహ్న భోజనం సమయంలో భౌతిక దూరం పాటించేలా టీచర్లకు బాధ్యతలు అప్పగిస్తారు. స్కూలులో చెబితేనే నేర్చు‍‍కోగలుగుతారనే అంశాలు పాఠ్యాంశాలుగా ఉంటాయి. ఇంటిదగ్గర నేర్చుకొనే వాటికి సంబంధించి వీడియో, ఆడియోల రూపంలో విద్యార్థులకు అందిస్తారు. అదనంగా నేర్చుకొనే అంశాల గురించి వివరిస్తారు. ఈ మేరకు పాఠ్య ప్రణాళిక రూపొందిస్తున్నారు. 180 పనిదినాలు ఏప్రిల్‌ 30 వరకు పాఠశాలలు కొనసాగించేలా పాఠ్య ప్రణాళిక రూపొందుతోంది. సంక్రాంతి సెలవులను కుదించడం ద్వారా 180 పని దినాలు అందుబాటులో ఉండేలా చూస్తున్నారు. అభ్యసన ఫలితాల సాధనకు వీలుగా అన్ని అంశాలు బోధించేలా ప్రణాళిక ఉంటుందని ఎస్‌సీఈఆర్‌టీ డైరెక్టర్‌ డాక్టర్‌ బి.ప్రతాప్‌రెడ్డి పేర్కొన్నారు. ఈసారి పరీక్షలు రెండు ఫార్మేటివ్, ఒక సమ్మేటివ్‌ ఉండేలా చూస్తున్నారు. పాఠ్యప్రణాళిక ప్రకారమే పరీక్షలు ప్రస్తుతం పరిస్థితిని అనుసరించి రూపొందిస్తున్న పాఠ్య ప్రణాళికనే టెన్త్‌ పరీక్షల నిర్వాహకులకు అందిస్తారు. దాని ఆధారంగానే ప్రశ్నపత్రాల రూపకల్పన, జవాబుల మూల్యాంకన జరిగేలా చూస్తారు. టెన్త్‌ పరీక్షలు ఏటా మార్చి 24 లేదా 26వ తేదీ నుంచి ప్రారంభమై ఏప్రిల్‌ 10 వరకు జరుగుతుంటాయి. ఈసారి తరగతులు ఆలస్యమైనందున ఏప్రిల్‌ 15 నుంచి ప్రారంభించి, ఆ నెలాఖరులోగా పూర్తి చేస్తారు.

సాక్షి, అమరావతి: కరోనా కారణంగా పదో తరగతి పరీక్షల నిర్వహణ సాధ్యం కాకపోవడంతో విద్యార్థులంతా ఉత్తీర్ణులు (ఆల్‌పాస్‌) అయినట్లు విద్యాశాఖ ప్రకటించగా తదుపరి చదువులకు సంబంధించి ప్రవేశాలపై కొత్త సమస్యలు ఎదురవుతున్నాయి. పబ్లిక్‌ పరీక్షలు జరగనందున విద్యార్థులంతా ఉత్తీర్ణులైనట్లు పరిగణించి గ్రేడ్లు లేకుండా ధ్రువపత్రాలు జారీ చేశారు. దీంతో వీరికి  పై కోర్సుల్లో మెరిట్‌ ప్రాతిపదికన సీట్లు కేటాయించడం పెద్ద సమస్యగా మారింది. గ్రేడ్లు లేనందున మెరిట్‌  నిర్ణయించడం సాధ్యం కావడం లేదు. ముఖ్యంగా  రాజీవ్‌గాంధీ యూని వర్సిటీ ఆఫ్‌ నాలెడ్జి టెక్నాలజీ (ఆర్జీయూకేటీ) పరిధిలోని ఐఐ ఐటీలతో పాటు ఇంటర్మీడియెట్‌ జూనియర్‌ కాలేజీలలో  ఏ ప్రాతిపదికన సీట్లు కేటాయిం చాలనే అంశంపై తర్జనభర్జన జరుగుతోంది.  ప్రవేశ పరీక్షలు సాధ్యమేనా..?.. ► టెన్త్‌ తరువాత  ఇంటర్, పాలిటెక్నిక్, ఆర్జీయూకేటీ పరిధిలోని ట్రిపుల్‌ ఐటీల్లో, సాంఘిక సంక్షేమ శాఖల పరిధిలోని జూనియర్‌ కాలేజీల్లో విద్యార్థులు చేరుతుంటారు. ఈసారి గ్రేడ్లు లేకుండా ఆల్‌పాస్‌గా ప్రకటిస్తూ జీవో జారీ చేసిన పాఠశాల విద్యాశాఖ ట్రిపుల్‌ ఐటీలు, ఇతర కోర్సుల్లో  చేర్చుకునేందుకు ప్రవేశ పరీక్షలు లాంటివి నిర్వహించుకోవచ్చని సూచించినా ఇది ఎంతవరకు సాధ్యమన్నది ప్రశ్నార్థకంగా మారింది.  అరకొర సిబ్బందితో పరీక్షలు ఎలా? ► టెన్త్‌లో 6 లక్షల మందికి పైగా విద్యార్థులు పరీక్షలు రాస్తుంటారు. పెద్ద ఎత్తున సిబ్బంది ఉన్న పాఠశాల విద్యాశాఖకే పబ్లిక్‌ పరీక్షల నిర్వహణ సాధ్యం కానప్పుడు కేవలం నాలుగే విభాగాలున్న ( ఇడుపులపాయ, నూజివీడు, ఒంగోలు, శ్రీకాకుళం ట్రీపుల్‌ ఐటీలు)  తాము అంతమందికి     ప్రవేశ పరీక్షలు ఎలా నిర్వహించగలుగుతామని ట్రిపుల్‌ ఐటీ వర్గాలు పేర్కొంటున్నాయి. పైగా  ఆర్జీయూకేటీ చట్టం ప్రకారం ప్రవేశ పరీక్షలు నిర్వహించే అవకాశం లేదు.  ► గ్రామీణ పేద విద్యార్థులను దష్టిలో పెట్టుకొని దివంగత ముఖ్యమంత్రి వైఎస్‌ రాజశేఖరరెడ్డి ఆర్జీయూకేటీని ఏర్పాటు చేశారు. ట్రిపుల్‌ ఐటీల్లో ప్రవేశాలను మెరిట్‌ ఆధారంగా రిజర్వేషన్లను అనుసరించి మండలాల వారీగా గ్రామీణ పేద విద్యార్థులకు సీట్లు కేటాయించేలా చట్టాన్ని రూపొందించారు. ఇప్పుడు ప్రవేశ పరీక్షలు నిర్వహించాలంటే ప్రత్యేకంగా ఆర్డినెన్స్‌ అవసరం. అంతర్గత మార్కులతో మరో సమస్య.. ► 8, 9, 10వ తరగతుల్లో అంతర్గత పరీక్షలు, ప్రాజెక్టువర్కుల ఆధారంగా టెన్త్‌ విద్యార్థులు సాధించిన మార్కులను బట్టి మెరిట్‌ను పరిశీలించి ప్రవేశాలు కల్పించాలని ఆర్జీయూకేటీ భావించింది. అయితే అంతర్గత మార్కుల విషయంలో ప్రైవేట్‌ విద్యాసంస్థలు ఇష్టానుసారంగా వ్యవహరిస్తుండటంతో ప్రభుత్వ స్కూళ్ల విద్యార్థులు నష్టపోయే ప్రమాదం కనిపిస్తోంది. దీంతో ఆర్జీయూకేటీ ప్రవేశాల విషయంలో ప్రభుత్వానికి కొన్ని ప్రతిపాదనలు పంపింది. విద్యార్థుల మెరిట్‌ను నిర్ణయించేలా ప్రవేశ పరీక్ష నిర్వహించడం ఇందులో ప్రధానమైనది. ఇంటర్‌కు మెరిట్‌ సమస్య... ► ఇంటర్మీడియెట్‌ కాలేజీలు, ఇతర రెసిడెన్సియల్‌ కాలేజీల్లోనూ విద్యార్థులకు మెరిట్‌ ప్రాతిపదికన సీట్ల కేటాయింపు సమస్యగా మారింది. అన్ని కాలేజీలలో సీట్ల కేటాయింపును పూర్తిగా మెరిట్, రిజర్వేషన్ల ప్రాతిపదికన ఆన్‌లైన్‌లో కేటాయించేలా బోర్డు చర్యలు చేపట్టింది. అయితే టెన్త్‌ విద్యార్థులకు గ్రేడ్లు లేకపోవడంతో మెరిట్‌ నిర్ధారణ సమస్యగా మారింది. ఈ ¯నేపథ్యంలో కాలేజీల వారీగా విద్యార్థులు ఆప్షన్లు ఇస్తే కంప్యూటర్‌ ద్వారా ర్యాండమ్‌గా  సీట్లు కేటాయింపు చేయాలన్న యోచనలో ఉన్నట్లు బోర్డువర్గాలు వివరించాయి.  ► కొన్ని రెసిడెన్షియల్‌ కాలేజీలు లాటరీ విధానంలో సీట్ల కేటాయింపు చేయాలన్న అభిప్రాయంతో ఉన్నాయి. అయితే ర్యాండమ్‌గా కానీ, లాటరీ విధానంలో కానీ సీట్లు కేటాయింపు చేయడం వల్ల మెరిట్‌ విద్యార్థులకు అన్యాయం జరుగుతుందన్న అభిప్రాయం తల్లిదండ్రులు, విద్యావేత్తలనుంచి వ్యక్తమవుతోంది. ’మా అబ్బాయి ప్రభుత్వ స్కూళ్లో చదివి పదో తరగతి పాస్‌ సర్టిఫికెట్‌ పొందాడు. టెన్త్‌ మార్కులు, గ్రేడ్లు లేకపోవడం వల్ల నవోదయ విద్యా సంస్థలో ఆన్‌లైన్‌లో చేయడంలో ఇబ్బందులు ఎదురయ్యాయి.చివరకు హాల్‌టిక్కెట్‌ నెంబర్‌తో దరఖాస్తుకు అవకాశం ఇచ్చారు. ట్రిపుల్‌ ఐటీకి కూడా ప్రయత్నిస్తున్నాం. కానీ మెరిట్లో ఉండే మా అబ్బాయికి సీటు వస్తుందో రాదో అని ఆందోళన చెందుతున్నాం’ – గంటా మోహన్, మదనపల్లె, చిత్తూరు జిల్లా ’మాది అనంతపురం జిల్లాలోని ఓడీ చెరువు మండలం ఈ. గొల్లపల్లి గ్రామం. ప్రభుత్వ పాఠశాలలో బాగా చదివి ముందు వరుసలో ఉండే మా అబ్బాయిని ఇడుపులపాయలోని ఐఐఐటీలో చేర్చాలని కోరుకుంటున్నాం. గతంలో మార్కుల ఆధారంగా సీట్లు దక్కేవి. ఇప్పుడు ప్రవేశాలు ఎలా కల్పిస్తారో తెలియడం లేదు. కోవిడ్‌ విపత్కర పరిస్థితుల్లోప్రవేశ పరీక్ష నిర్వహిస్తే ఎలా పంపగలం?’ – రమీజా, ఈ. గొల్లపల్లి, ఓడీసీ మండలం, అనంతపురం జిల్లా. ‘ట్రిపుల్‌ ఐటీలో సీటు సాధించడమే లక్ష్యంగా పదో తరగతి చదివా. కష్టపడి చదివినా ఇతరులతో సమానంగా ప్రకటించారు. గ్రేడింగ్‌ ఇవ్వకపోవడం వల్ల సీట్లను ఎలా భర్తీ చేస్తారో అని ఆందోళనగా ఉంది. గత ఏడాదిలో జరిగిన పరీక్షల మార్కుల ఆధారంగా భర్తీచేయాలి’ – బెహరా గుణకర్‌పాత్రో, పదోతరగతి, వైఎస్‌ఆర్‌నగర్, విజయనగరం. ‘గ్రేడింగ్, మార్కులు లేకుండా పదో తరగతి ఉత్తీర్ణులైనట్లు ప్రకటించడం వల్ల మంచి కళాశాలల్లో ఉన్నత విద్య అభ్యసించే అవకాశం కోల్పోతున్నా. జాతీయ స్థాయి విద్యాసంస్థల్లో గ్రేడింగ్‌ ప్రమాణాలకు అర్హత సాధించలేకపోతున్నాం. ట్రిబుల్‌ ఐటీ కళాశాలల సీట్లకు ప్రవేశ పరీక్ష నిర్వహించకుండా పదో తరగతి మార్కుల ఆధారంగానే భర్తీ చేయాలి’ – పిల్లా పృథ్వీరాజ్,  పదో తరగతి, బీసీకాలనీ, విజయనగరం.      కేంద్ర విద్యాసంస్థల్లో ప్రవేశాలపైనా ఆందోళన... ► కేంద్ర విద్యా సంస్థలైన నవోదయ విద్యాలయాలు, కేంద్రీయ విద్యాలయాలతో పాటు సీబీఎస్‌ఈ పరిధిలో 10+2 అమలు చేస్తున్న విద్యాసంస్థల్లో ఇంటర్‌ ప్రవేశాల విషయంలో ఇబ్బందులు ఎదురవుతున్నాయి. ► మార్కులు, గ్రేడ్‌లు అప్‌లోడ్‌ చేయాలని తొలుత సూచించిన నవోదయ ఆ తరువాత ఉన్నతాధికారుల జోక్యంతో చివరకు టెన్త్‌ హాల్‌టిక్కెట్‌ నెంబర్‌ను ఎంటర్‌ చేయాలన్న ఆప్షన్‌ ఇచ్చింది. వెబ్‌సైట్లో మెరిట్‌ ప్రాతిపదికన కేటాయింపు అని పేర్కొని దరఖాస్తు ప్రింటవుట్‌లో మాత్రం ఎంట్రన్స్‌ టెస్టు ద్వారా కేటాయింపు అని ఉండటంతో అయోమయం నెలకొంది.  గ్రామీణ విద్యార్థులకు నష్టం జరగకుండా ప్రవేశాలు.. ’ఆర్జీయూకేటీ చట్టం ప్రకారం మెరిట్‌ ప్రాతిపదికన గ్రామీణ విద్యార్థులకు రిజర్వేషన్ల ఆధారంగా మండలాల వారీగా సీట్ల కేటాయింపు చేయాలి. లేదంటే గ్రామీణ విద్యార్థులకు నష్టం జరుగుతుంది. పాఠశాలల్లో విద్యార్థుల అంతర్గత మార్కులను పరిశీలించాం. అవి సరిగా లేనందున వాటి ఆధారంగా కేటాయిస్తే ట్రిపుల్‌ ఐటీల ఏర్పాటు లక్ష్యం దెబ్బతింటుంది. విద్యార్థులకు ఓఎమ్మార్‌ షీట్లతో ప్రవేశ పరీక్ష నిర్వహించడం తదితర సూచనలతో ప్రతిపాదనలు పంపాం. ప్రభుత్వం నిర్ణయం తీసుకున్నాక ట్రిపుల్‌ ఐటీల్లోప్రవేశాలపై ముందుకు వెళతాం’ – ప్రొఫెసర్‌ కేసీ రెడ్డి, ఆర్జీయూకేటీ చాన్సలర్‌

కడప ఎడ్యుకేషన్‌ : పదో తరగతి చదివిన చోటే ఇంటర్మీడియెట్‌ను పూర్తి చేసే అవకాశం రాష్ట్ర ప్రభుత్వం కల్పిస్తోంది. పదో తరగతి పూర్తి చేసిన తర్వాత తమ పిల్లలను ఏ కళాశాలలో చేర్పించాలన్నది తల్లిదండ్రులకు పెద్ద సమస్య. ‘ప్రభుత్వ కాలేజీలో సీటు వస్తుందా.. వచ్చినా ఎంత దూరం వెళ్లి చదువుకోవాలి.. ఒత్తిడి విద్య, ఫీజుల భారం’ లాంటి కారణాలతో చదువును ఆపేసి.. ఇంటికే పరిమితమైపోవడం వంటి వాటకి చెక్‌ పడనుంది. మండలాలు దాటే పరిస్థితికి చెక్‌ గ్రామీణ ప్రాంత విద్యార్థులు ఇంటర్‌ కోసం మండలాలు దాటాల్సిన అవసరం లేదు. మండల కేంద్రంలోని హైస్కూల్లోనే ఇంటర్మీడియెట్‌ విద్య అందించేలా ప్రభుత్వం చర్యలు తీసుకుంటోంది. విద్యార్థుల సంఖ్య అధికంగా ఉన్న ఉన్నత పాఠశాలలను జూనియర్‌ కళాశాలలుగా అప్‌గ్రేడ్‌ చేసేందుకు చర్యలు చేపట్టారు. ఈ విషయమై ఇటీవల విద్యాశాఖ మంత్రి ఆదిమూలపు సురేష్‌ ఇంటర్మీడియెట్‌ బోర్డు ఉన్నతాధికారులతో సమావేశాన్ని కూడా నిర్వహించారు. పదో తరగతి ఉత్తీర్ణులైన విద్యార్థులు చాలా మంది ఇంటర్మీడియెట్‌ చదివేందుకు ఎందుకు ఉత్సాహం చూపడం లేదనే అంశం సమావేశంలో చర్చకు వచ్చింది. కాలేజీ దూరాభారం వల్లే సమస్య తలెత్తుతోందని దాదాపు అందరూ అంగీకరించినట్లు తెలిసింది. పదో తరగతి తర్వాత ముఖ్యంగా ఎక్కవ మంది బాలికలు విద్యకు దూరమై డ్రాపౌట్స్‌గా మారుతున్నట్లు గుర్తించారు. దీంతోపాటు పేద, మధ్య తరగతి విద్యార్థులు కూడా పై చదువులు చదివేందుకు ఆర్థిక స్థోమత లేక విద్యకు దూరమౌతున్నారు. ఇక హైస్కూల్స్‌లో ఇంటర్‌ విద్యను ప్రవేశ పెడితే  బాలికల్లో డ్రాపౌట్స్‌ సంఖ్య తగ్గుతుంది. అలాగే గ్రామీణ ప్రాంత పేద, మధ్య తరగతికి చెందిన వారు విద్యావంతులుగా మారే అవకాశం ఉంది. జిల్లావ్యాప్తంగా 32 హైస్కూల్స్‌ను ఇంటర్‌ వరకు అప్‌గ్రేడ్‌ చేయనున్నారు. వీటిలో చదివే వారంతా ఇక ఇంటర్‌ విద్యను కొనసాగించనున్నారు. జిల్లాలో ఉన్న జూనియర్‌ కళాశాలలు జిల్లాలో 50 మండలాలు ఉన్నాయి. ఇందులో 27 ప్రభుత్వ, 20 ఎయిడెడ్‌ జూనియర్‌ కళాశాలలు ఉన్నాయి. వీటితోపాటు 10 మోడల్‌ స్కూల్స్, 10 సోసియల్‌ వేల్ఫేర్, 10 కేజీబీవీలల్లో జూనియర్‌ కళాశాలలు ఉన్నాయి. అలాగే ఈ ఏడాది నుంచి మరో 19 కే జీబీవీల్లో ఇంటర్‌ విద్యను అప్‌గ్రేడ్‌ చేశారు. ఈ ఏడాది నుంచి కార్పొరేట్, ప్రైవేటు జూనియర్‌ కళాశాలల్లో ఒక్కో సెక్షన్‌లో 40 మంది విద్యార్థులకు మాత్రమే అనుమతి ఉంది. ఈ నేపథ్యంలో ప్రభుత్వ పాఠశాలల్లోనే ఇంటర్‌ తరగతులు బోధించడం వల్ల గ్రామీణ ప్రాంతానికి చెందిన అనేక మంది విద్యార్థులు చదివే అవకాశం ఉంది.  జూనియర్‌ కళాశాలలు ఏర్పాటయ్యే మండలాలివే.. జిల్లాలోని బి కోడూరు, బ్రహ్మంగారిమఠం, చక్రాయపేట, చాపాడు, చెన్నూరు, చిన్నమండెం, చిట్వేలి, దువ్వూరు, గాలివీడు, కమలాపురం, కాశినాయన, ఖాజీపేట, కొండాపురం, లింగాలలో జూనియర్‌ కళాశాలల ఏర్పాటుకు ప్రతిపాదనలు సిద్ధమయ్యాయి. అలాగే ముద్దనూరులో రెండు, మైలవరం, నందలూరు, ఓబులవారిపల్లె, పెద్దముడియం, పెనగలూరు, పెండ్లిమర్రి, రాజుపాళెం, సిద్దవటం, సింహాద్రిపురంలో రెండు, తొండూరులో రెండు, వల్లూరు, వీరపునాయునిల్లె, వేంపల్లిలో జూనియర్‌ కళాశాలలు ఏర్పాటు చేసేందుకు చర్యలు తీసుకుంటున్నారు. 

పాల్వంచ రూరల్‌: కరోనా లాక్‌డౌన్‌తో మూతపడిన సంక్షేమ వసతి గృహాలు పదో తరగతి విద్యార్థుల కోసం తిరిగి తెరుచుకున్నాయి. మార్చిలో వాయిదా పడిన ‘పది’ పరీక్షలు తిరిగి ఈనెల 8 నుంచి నిర్వహించనున్నారు. ఈ నేపథ్యంలో జిల్లాలోని ఎస్సీ, ఎస్టీ, బీసీ.. మొత్తం 66 హాస్టళ్లను సోమవారం పునః ప్రారంభించారు. రేపటి(గురువారం) నుంచి విద్యార్థులను హాస్టళ్లలోకి అనుమతిస్తారు. గతంలో  హాస్టళ్లలో ఉంటూ చదువుకున్న విద్యార్థులు ప్రస్తుతం కరోనా లాక్‌డౌన్‌తో ఇంటి వద్దే ఉంటున్నారు. అయితే ఇప్పుడు దూర ప్రాంతాల నుంచి వచ్చి పరీక్షలు రాయడం క్షేమం కాదని, భోజన సౌకర్యం లేకుంటే ఇబ్బంది పడతారని భావించిన ప్రభుత్వం.. హాస్టళ్లను తెరవాలని నిర్ణయించింది. పరీక్షలకు 3,298 మంది హాస్టళ్ల  విద్యార్థులు.. జిల్లాలో ఐటీడీఏ పరిధిలో 39 గిరిజన ఆశ్రమ పాఠశాలలు ఉండగా, 23 బాలుర, 16 బాలికల హాస్టళ్లు ఉన్నాయి. పదో తరగతి పరీక్షలకు హాజరయ్యే బాలురు 1,253 మంది కాగా, బాలికలు 1,630 మంది ఉన్నారు. బీసీ సంక్షేమ వసతి గృహాలు బాలురకు 11 ఉండగా 180 మంది, 5 బాలికల హాస్టళ్లలో 55 మంది ఉన్నారు. ఎస్సీ హాస్టళ్లుబాలికలకు 4, బాలురకు 7 ఉన్నాయి. వీటిలో 93 మంది బాలురు, 87 మంది బాలికలు పదో తరగతి చదువుకుంటున్నారు. ఎస్సీ, ఎస్టీ, బీసీ కలిపి మొత్తం 66 హాస్టళ్లకు 3,298 మంది పదో తరగతి విద్యార్థులు పరీక్షలకు హాజరు కానున్నారు. గదికి నలుగురే.. పరీక్షలు పూర్తయ్యేంతవరకు విద్యార్థులంతా హాస్టళ్లలోనే నివాసం ఉండాలి. అయితే కరోనా నివారణ చర్యల్లో భాగంగా ఒక్కో గదిలో నలు గురు విద్యార్థులు మాత్రమే ఉండేలా అధికారులు చర్యలు చేపట్టారు. హాస్టళ్లకు వచ్చే ముందే విద్యార్థులకు ఆరోగ్య పరీక్షలు నిర్వహిస్తారు. ప్రతిరోజూ శానిటైజ్, థర్మల్‌ స్క్రీనింగ్‌ చేస్తారు. అందరికీ మాస్క్‌లు అందజేస్తారు. భౌతికదూ రం పాటించేలా వార్డెన్లు అవగాహన కల్పిస్తారు. పరీక్ష రాసి తిరిగి వచ్చేటప్పుడు కాళ్లు, చేతులు శుభ్రం చేసుకున్న తర్వాతే లోనికి అనుమతిస్తారు. అన్ని జాగ్రత్తలు తీసుకుంటున్నాం.. పదో తరగతి పరీక్షలు రాసే విద్యార్థుల కోసం ప్రత్యేక మెస్‌ ఏర్పాటు చేస్తున్నట్లు షెడ్యూల్డ్‌ కులాల అభివృద్ధి అధికారి పి.వెంకటేశ్‌ తెలిపారు. ప్రతిరోజూ ఆల్పాహారంగా ఇడ్లీ, లేదా కిచిడీ పెడతామన్నారు. ఉదయం, సాయంత్రం స్నాక్స్, కాఫీ, రాగి జావ అందిస్తామని, బుధ, ఆది వారాల్లో చికెన్‌తో భోజనం, ప్రతిరోజు కోడిగుడ్డు, వారానికి ఆరు రోజులు ఆరటిపండు, శనివారం స్వీట్‌ అందజేస్తామని వివరించారు. విద్యార్థులకు కరోనా వైరస్‌ రాకుండా అన్ని జాగ్రత్త చర్యలు చేపడుతున్నామని చెప్పారు. ఎస్టీ హాస్టల్‌ విద్యార్థులకు భోజనంతో పాటు బూస్ట్‌ పాలు, బిస్కెట్లు అందించనున్నట్లు గిరి జన సంక్షేమ శాఖ పీఎంఓ రమణయ్య తెలిపారు. బీసీ హాస్టళ్లలో విద్యార్థులకు ఆరోగ్య పరీక్షలు నిర్వహించేందుకు ఏఎన్‌ఎంలను అందుబాటులో ఉంచుతున్నట్లు బీసీ సంక్షేమాధికారి సురేందర్‌ తెలిపారు.

సాక్షి, హైదరాబాద్‌: రాష్ట్రంలోని 9.50 లక్షల మంది ఇంటర్మీడియట్‌ విద్యార్థుల పరీక్షల వ్యాల్యుయేషన్‌ ప్రక్రియ మొదలైందని విద్యాశాఖ మంత్రి సబితా ఇంద్రారెడ్డి తెలిపారు. ఆమె గురువారం పదో తరగతి పరీక్షల నిర్వహణపై సమీక్ష నిర్వహించారు. ఈ సమీక్షలో మంత్రి మాట్లాడుతూ.. ఇంటర్మీడియట్‌ పరీక్షలు పూర్తి అయ్యాయి. విద్యా సంవత్సరాని ఎలాంటి ఇబ్బంది కలగకుండా చర్యలు తీసుకుంటామని ఆమె చెప్పారు. 33 సెంటర్లలో మే 12వ తేదీ నుంచి ఇంటర్మీడియట్‌ వాల్యుయేషన్‌ ప్రారంభం అవుతుందని తెలిపారు. (కరెంట్‌ బిల్లులు, అద్దె మాఫీ చేయండి..) ఇక వాల్యుయేషన్‌ ప్రక్రియలో అన్ని జాగ్రత్తులు తీసుకుంటామని సబితా ఇంద్రారెడ్డి చెప్పారు. జూన్‌ రెండో వారంలో ఇంటర్మీడియట్‌ ఫలితాలను విడుదల చేస్తామని అమె తెలిపారు. 856 మంది ఇంటర్మీడియెట్‌ విద్యార్థులకు ఒక పరీక్ష మిగిలిపోయిందని, ఆ పరీక్షను 18వ తేదీన నిర్వహిస్తామని మంత్రి తెలిపారు. పదో తరగతికి సంబంధించిన 8 పరీక్షల నిర్వహణ కోసం కోర్టు అనుమతి తప్పనిసరి అని, అందుకు కోర్టుకు అఫిడవిడ్‌ దాఖలు చేస్తామని ఆమె తెలిపారు. పదో తరగతి విద్యార్థులు పరీక్షలకు సిద్ధంగా ఉండాలని సబితా ఇంద్రారెడ్డి తెలిపారు. (‘కాంగ్రెస్‌ నేతలు నిజంగా జోకర్లు, బ్రోకర్లు’)

సాక్షి, న్యూఢిల్లీ : కోవిడ్‌-19 వ్యాప్తితో సీబీఎస్ఈ పదవ తరగతి పరీక్షల నిర్వహణపై నెలకొన్న ఉత్కంఠకు తెరపడింది. తూర్పు ఢిల్లీ విద్యార్ధులకు మినహా కేంద్ర విద్యాలయాల్లో విద్యనభ్యసిస్తున్న వారికి పెండింగ్‌లో ఉన్న పదో తరగతి వార్షిక పరీక్షలను నిర్వహించబోమని కేంద్ర మానవ వనరుల అభివృద్ధి (హెచ్‌ఆర్‌డీ) మంత్రిత్వ శాఖ మంగళవారం వెల్లడించింది. ఇక తూర్పు ఢిల్లీ విద్యార్ధులకు పదవ తరగతి పరీక్షలు నిర్వహించేముందు ప్రిపరేషన్‌ కోసం పది రోజుల సమయం ఇస్తామని హెచ్‌ఆర్‌డీ మంత్రిత్వ శాఖ ట్వీట్‌ చేసింది. ఇక సీఏఏ అల్లర్లతో అట్టుడుకిన తూర్పు ఢిల్లీలో మాత్రం వాయిదా పడిన పదవ తరగతి పరీక్షలను నిర్వహించేందుకు అధికారులు కసరత్తు సాగిస్తున్నారు.   చదవండి : కోవిడ్‌-19 : మహిళా రైతు ఔదార్యం 📢Attention class X students! No examination to be held for class X students nationwide, except for students from North-East Delhi. An adequate time of 10 days will be given to all students for the preparation of exams.#EducationMinisterGoesLive pic.twitter.com/x4QJAInvtT — Ministry of HRD (@HRDMinistry) May 5, 2020

ముషీరాబాద్‌: శిక్షపడితే జైలుకు పోవాల్సి వస్తుందనే భయంతో ఓ యువకుడు ఆత్మహత్యకు పాల్పడిన ఘటన రాంనగర్‌లో చోటుచేసుకుంది. స్థానికులు, పోలీసులు తెలిపిన వివరాల ప్రకారం.. రాంనగర్‌ డివిజన్‌ కృష్ణానగర్‌కు చెందిన ఎస్‌.మహేంద్ర(20) వాటర్‌క్యాన్‌ సప్లయర్‌గా పనిచేస్తున్నాడు. తండ్రి లేకపోవడం, తల్లికి మతిస్థిమితం లేకపోవడంతో అమ్మమ్మ దగ్గర ఉంటున్నాడు. గత ఏడాది కృష్ణానగర్‌ బస్తీకి చెందిన ఓ అమ్మాయి తనను వేధిస్తున్నాడని చిక్కడపల్లి పోలీస్‌స్టేషన్‌లో ఫిర్యాదు చేయగా ఇతనిపై కేసు నమోదైంది. ఈ మేరకు పోలీసులు పోక్సో చట్టం కింద కేసును నమోదు చేశారు. కేసుకు సంబంధించిన ట్రయల్‌ వచ్చే నెల ఏప్రిల్‌ 7 నుంచి ప్రారంభం కానుంది. కేసు నిరూపణ అయితే 7 నుంచి 14 ఏళ్ల వరకు శిక్షపడే అవకాశం ఉందని ప్రచారం కావడంతో ఆందోళన చెందిన మహేంద్ర శనివారం సాయంత్రం ఇంట్లో ఎవరూ లేని సమయంలో ఫ్యాన్‌ కొక్కేనికి ఉరివేసుకొని ఆత్మహత్యకు పాల్పడ్డాడు. జైలుకు పోవాల్సి వస్తుందనే భయంతోనే మహేంద్ర ఆత్మహత్యకు పాల్పడినట్లు బస్తీ అధ్యక్షుడు కాదాసి నర్సింగ్‌రావు తెలిపారు.   కేపీహెచ్‌బీకాలనీ: పదోతరగతి చదువుతున్న ఓ విద్యార్థిని చున్నీతో సీలింగ్‌ ఫ్యాన్‌కు ఉరివేసుకొని ఆత్మహత్యకు పాల్పడింది. సీఐ లక్ష్మీనారాయణ తెలిపిన వివరాల ప్రకారం.. సర్దార్‌పటేల్‌ నగర్‌కు చెందిన కావూరి శ్రీనివాస్‌ కూతురు మెహర్‌ గాయత్రి దేవి (14) పదోతరగతి చదువుతోంది. శనివారం రాత్రి డ్యూటీకి వెళ్లి ఇంటికి వచ్చిన శ్రీనివాస్‌ తన కుమార్తె బెడ్రూంలోంచి బయటకు రాకపోవటంతో తలుపులను బలవంతంగా తెరిచి చూసేసరికి సీలింగ్‌ ఫ్యాన్‌కు ఉరివేసుకొని కనిపించింది. వెంటనే ఆమెను ఆస్పత్రికి తరలించగా అప్పటికే మృతి చెందినట్లుగా వైద్యులు నిర్ధారించారు. ఈ మేరకు కేపీహెచ్‌బీ పోలీసులకు సమాచారం ఇవ్వగా పోలీసులు కేసు నమోదు చేసుకొని దర్యాప్తు చేపట్టారు. బాలిక బలవన్మరణానికి గల కారణాలు తెలియరాలేదని, విచారణ జరుపుతున్నామని సీఐ లక్ష్మీనారాయణ తెలిపారు. 

లక్ష్మిస్‌ నాయక్‌ పదహారేళ్ల కుర్రాడు. బెంగళూరు, రాజాజీ నగర్‌లోని ఈస్ట్‌–వెస్ట్‌ పబ్లిక్‌ స్కూల్‌లోపదవ తరగతి చదువుతున్నాడు.ఆ స్కూల్లో టెన్త్‌ క్లాస్‌ చదువుతున్న కుర్రాళ్లు చాలామందే ఉన్నారు. అయితే లక్ష్మిస్‌ నాయక్‌ మాత్రంఆ స్కూల్‌కి ప్రత్యేకం. ఎందుకు ప్రత్యేకం అంటే... పదేళ్లుగా ఒక అందమైన దృశ్యానికి ఆ స్కూల్‌ ప్రత్యక్షసాక్షిగా ఉంటూ వస్తోంది. అయితే ఈ ఏడాది పదవ తరగతి పరీక్షలతోపాటే మనసును తాకే ఆ దృశ్యం కూడా కనుమరుగు కాబోతోంది. ఒక స్నేహబృందం చెల్లాచెదురు అయిపోవాల్సిన సమయం వచ్చేసింది. ‘‘టెన్త్‌ పూర్తయిన తర్వాత పిల్లలు ఎవరికి ఇష్టమైన కోర్సుల్లో వాళ్లు చేరతారు. లక్ష్మిస్‌ నాయక్‌ స్నేహబృందంలోని కుర్రాళ్లు కూడా ఒక్కొక్కరు ఒక్కో కాలేజ్‌లో చేరిపోతారు’’ అంటూ.. ఆ స్కూలుకే ప్రత్యేకమైన లక్ష్మిస్‌ నాయక్‌ గురించి స్కూల్‌ టీచర్‌ గ్రేస్‌ సీతారామన్‌ తెలిపారు. అంతా టెన్త్‌కి వచ్చేశారు లక్ష్మిస్‌ నాయక్‌ను ఇప్పటివరకు స్నేహితుల హస్తాలే నడిపించాయి. నాయక్‌ ఏడాది పిల్లాడిగా ఉన్నప్పుడు పోలియో బారిన పడ్డాడు. తనకై తాను నడవలేడు. మొదట్లో వాళ్ల అమ్మానాన్న రోజూ స్కూల్లో దించేవాళ్లు. ఆ తర్వాత నాయక్‌ స్నేహితులు ఆ బాధ్యత తీసుకున్నారు. అందరూ చిన్న పిల్లలే. కానీ అందరిదీ పెద్ద మనసు. ఏడెనిమిది మంది పిల్లలు రోజూ నాయక్‌ను ఇంటినుంచి స్కూలుకు తీసుకెళ్తారు. వీల్‌ చైర్‌లో కూర్చోబెట్టి స్కూలు ఆవరణంతా తిప్పుతారు. చేతులతో ఎత్తి పై అంతస్థులోని క్లాస్‌ రూమ్‌కు తీసుకెళ్తారు. ఇలా ఒకటి కాదు రెండు కాదు... ఏకంగా కొన్నేళ్లుగా జరుగుతోంది. ఇప్పుడు వాళ్లంతా పదవ తరగతికి వచ్చారు. పరీక్షలైపోగానే విడిపోక తప్పదని ఆవేదన చెందుతున్నారు. పై అంతస్తులోని తరగతి గది నుంచి లక్ష్మిస్‌ నాయక్‌ను కిందికి తీసుకొస్తున్న స్నేహితుడు వాడిని వదిలేసి వెళ్లలేం ఓ రోజు ఓ టీచర్‌ ఆ పిల్లల్ని ‘‘రోజూ ఇలా చేతులతో ఎత్తుకుని తీసుకెళ్లడం కష్టంగా అనిపించడం లేదా’’ అని అడిగారు. అప్పుడు ఆ కుర్రాళ్లు చెప్పిన మాట ‘‘అందరం షేర్‌ చేసుకుంటాం. కాబట్టి బరువు అని కానీ, కష్టం అని కానీ అనిపించదు. వాడిని తీసుకెళ్లకుండా మేము ఎక్కడికైనా వెళ్లినప్పుడు కూడా వాడే గుర్తుకు వస్తుంటాడు’’ అన్నాడు ఆ స్నేహబృందంలోని సిద్ధార్థ. మరో స్టూడెంట్‌ మయూర్‌ అయితే... ‘‘మేము వాడిని మోసుకు పోవడమే కనిపిస్తుంది. వాడు మాకు ఎన్ని సబ్జెక్టుల్లో సహాయం చేస్తాడో తెలుసా? క్లాస్‌లో మాకు అర్థం కాని సందేహాలను వాడు చక్కగా క్లియర్‌ చేస్తాడు. నాయక్‌ కామర్స్‌ చదవాలనుకుంటున్నాడు. నేను ఏదైనా డిప్లమో కోర్సులకు వెళ్లాలనుకుంటున్నాను. వేరే వేరే కాలేజీలకు వెళ్లక తప్పదు’’ అని ఆవేదన చెందాడు. ‘నాకూ దిగులేస్తోంది’ ‘‘నాయక్‌ ఫిజికల్లీ చాలెంజ్‌డ్‌ అని బయటి వాళ్లు అనుకోవాల్సిందే తప్ప మాకు అలా అనిపించదు. స్కూల్లో జరిగే ప్రతి కార్యక్రమంలోనూ మా అందరితోపాటు నాయక్‌ కూడా ఉంటాడు’’ అన్నారు కుర్రాళ్లందరూ ముక్తకంఠంతో. నాయక్‌ మాత్రం ‘‘ఇప్పటి వరకు నన్ను చేతుల్లో పెట్టుకుని చూసుకున్న నా స్నేహితులకు దూరం కావాల్సి వస్తోంది. ఒకరి సహాయం లేకుండా కృత్రిమ సాధనాల సహాయంతో నడవడానికి నేను సిద్ధమే. కానీ పదవ తరగతి పరీక్షల తర్వాత ఎదురయ్యే ఒంటరితనం ఇప్పటి నుంచే గుర్తుకొస్తోంది’’ అని దిగులుగా అంటున్నాడు.– మంజీర

సాక్షి, సిటీబ్యూరో: పదో తరగతి ఫలితాలు ఉపాధ్యాయులకు పెద్ద పరీక్షగా మారాయి. ప్రభుత్వ పాఠశాలల్లో ఉత్తీర్ణత శాతాన్ని మరింత పెంచేందుకు హైదరాబాద్‌ జిల్లా విద్యాశాఖ ప్రత్యేక కార్యాచరణ రూపొందించింది. ఇందులో భాగంగా ఆయా సబ్జెక్టుల టీచర్ల నుంచి ‘అండర్‌ టేకింగ్‌’ లెటర్లు తీసుకుంటున్నారని తెలుస్తోంది. విద్యార్థులు ఏ సబ్జెక్టులో ఫెయిలైతే ఆ సబ్జెక్టు టీచరే బాధ్యత వహించేలా వారి నుంచి లెటర్‌ తీసుకుంటున్నారని విశ్వసనీయంగా తెలిసింది. దీనిపై ఉపాధ్యాయ సంఘాల నుంచి వ్యతిరేకత వ్యక్తమవుతోంది. కానీ, ఉపాధ్యాయుల్లో బాధ్యత పెంచేందుకు..మెరుగైన ఫలితాలు సాధించడానికి ఒకింత కఠిన నిర్ణయాలు తీసుకుంటున్నామని విద్యాశాఖ ఉన్నతాధికారులు పేర్కొంటున్నారు. కాగా ఇప్పటికే పూర్తయిన సిలబస్‌లను మరోసారి పునశ్ఛరణ చేయడంతో పాటు వీకెండ్‌ పరీక్షలతో విద్యార్థులను సన్నద్ధులను చేస్తున్నారు. చదువుకునే విద్యార్థులపైనే కాదు ఆయా ప్రభుత్వ పాఠశాలల్లో పనిచేస్తున్న అధ్యాపకులపైనా ఒత్తిడి పెంచుతున్నారు. హైదరాబాద్‌ జిల్లాలో ప్రభుత్వ, ప్రయివేటు పాఠశాలల్లో మొత్తం 75 వేల మంది విద్యార్థులు పదో తరగతి పరీక్షలకు సిద్ధమవుతున్నారు. వీరిలో 7200 మంది వరకూ సర్కారు బడుల్లో చదువుతున్న పిల్లలున్నారు. రంగారెడ్డి జిల్లాలోమొత్తం 49 వేల మంది విద్యార్థులు ఉండగా, వీరిలో 17 వేల మంది ప్రభుత్వ పాఠశాలల్లో చదువుతున్నారు. మేడ్చల్‌ జిల్లా పరిధిలో 40 వేలకుపైగా విద్యార్థులు పరీక్షకు హాజరు కానుండగా, వీరిలో పది వేల మంది ప్రభుత్వ పాఠశాలల్లో చదువుతున్న విద్యార్థులు ఉన్నారు. మేడ్చల్, రంగారెడ్డి జిల్లాలతో పోలిస్తే ఉత్తీర్ణత శాతంలో గత కొన్నేళ్లుగా హైదరాబాద్‌ జిల్లా వెనకబడుతూ వస్తుంది. ఈ సారి ఎలాగైనా ఉత్తీర్ణత శాతం పెంచి జిల్లా పరువు నిలబెట్టాలని భావించిన జిల్లా విద్యాశాఖ ఆ మేరకు ఉపాధ్యాయుల పట్ల కొంత కఠినంగా వ్యవహరిస్తుంది.   అధ్యాపకులపై అనధికారిక ఆంక్షలు నిరంతర సమగ్ర మూల్యాంకన విధానం (సీసీఈ)తో పరీక్షల తీరు మారింది. పిల్లల్లో సృజనాత్మకత, విషయ పరిజ్ఞానం పెంపొందించాలనే లక్ష్యంతో రూపొందించిన సిలబస్‌పై పలు పాఠశాలల్లోని ఉపాధ్యాయులు పట్టు సాధించలేక పోయారు. ఫలితంగా మ్యాథ్స్, సైన్స్‌ల్లో మూడేళ్లుగా విద్యార్థుల ఉత్తీర్ణత తగ్గుతూ వస్తోంది. గత ఏడాది ఫలితాలు కొంత మెరుగుపడినప్పటికీ...ర్యాంకుల సాధనలో ఇతర జిల్లాలతో పోలిస్తే హైదరాబాద్‌ 31వ స్థానంలో నిలిచింది. 20 పాఠశాలల్లో 40 శాతం లోపే ఫలితాలు వచ్చాయి. కేవలం ఇద్దరు విద్యార్థులు మాత్రమే 10/10 జీపీఏ సాధించారు. ఏ రకంగా చూసిన హైదరాబాద్‌ జిల్లా ఫలితాలు నిరాశజనకంగా మారాయి. ఈ పరిస్థితి నుంచి జిల్లాను గట్టెక్కించాలనే విద్యాశాఖ ఉపాధ్యాయులపై ఒత్తిడి పెంచుతుంది. ఉత్తీర్ణతలో వెనుకబడిన పలు పాఠశాలల్లోని ఉపాధ్యాయుల నుంచి సబ్జెక్టుల వారిగా అండర్‌ టేకింగ్‌ లెటర్లను సేకరిస్తున్నట్లు విశ్వసనీయంగా తెలిసింది. విద్యార్థి ఫెయిలైతే..సంబంధిత సబ్జెక్టు ఉపాధ్యాయుడే బాధ్యత వహించాల్సి ఉంది. అయితే అండర్‌ టేకింగ్‌ లెటర్ల విషయంలో ఖచ్చితమైన నిబంధనలంటూ ఏమీ లేవని, మెరుగైన ఫలితాల సాధన కోసం ఉపాధ్యాయులను ఎప్పటికప్పుడు అప్రమత్తం చేయడంతో పాటు, బాధ్యతలను గుర్తు చేసేందుకే కొన్ని కఠిన నిర్ణయాలు తీసుకోవాల్సి వచ్చిందని జిల్లా విద్యాశాఖ ప్రకటించింది.      కొంత కఠినంగా వ్యవహరిస్తున్నాం డిస్ట్రిక్‌ కామన్‌ ఎగ్జామినేషన్‌ బోర్డు ద్వారా రూపొందించిన ప్రశ్నపత్రాలతో అభ్యాస పరీక్షలు నిర్వహిస్తున్నాం. వెనుకబడిన విద్యార్థులను గుర్తించి, ఆ మేరకు వారికి సబ్జెక్టుల వారీగా ప్రత్యేక శిక్షణనిస్తున్నాం. మరో గంట అదనంగా వారితో సాధన చేయిస్తున్నాం. ఉత్తీర్ణత శాతాన్ని పెంచేందుకు ఉపాధ్యాయుల పట్ల కొంత కఠినంగానే వ్యవహరిస్తున్నాం. ఉపాధ్యాయులతో పాటు ఇంట్లో తల్లిదండ్రులు కూడా పిల్లల చదువుపై శ్రద్ధ చూపించాలి. వేళకు ఆహారం అందివ్వడంతో పాటు వేళకు నిద్రపుచ్చడం, తెల్లవారుజామున 5 గంటలకు నిద్రలేపి చదివించడం, చదువుకునే సమయంలో సాధ్యమైనంత వరకు టీవీ, సెల్‌ఫోన్‌ వంటివాటిని దూరంగా ఉంచాలి. ఇంట్లో తల్లిదండ్రులు ఎటువంటి వాదులాటకు దిగకూడదు. పిల్లల భావోద్వేగాలపై ప్రభావం చూపే అంశాలను చర్చించరాదు. ప్రతికూల వాతావరణం పిల్లల జ్ఞాపకశక్తిని దెబ్బతీస్తుంది.   – బి.వెంకటనర్సమ్మ,జిల్లా విద్యాశాఖాధికారి, హైదరాబాద్‌

సాక్షి, హైదరాబాద్‌: వచ్చే మార్చి 19వ తేదీ నుంచి జరిగే పదో తరగతి పరీక్షలకు హాజరుకానున్న విద్యార్థులకు ఫిబ్రవరి 11వ తేదీ నుంచి ప్రీఫైనల్‌ పరీక్షలు నిర్వహించాలని రాష్ట్ర విద్యా పరిశోధన, శిక్షణ మండలి (ఎస్‌సీఈఆర్‌టీ) ఆర్జేడీఈలను, డీఈవోలను ఆదేశించింది. నిర్ణీత తేదీల్లో అన్ని ఉన్నత పాఠశాలల్లో పరీక్షల నిర్వహణకు చర్యలు చేపట్టాలని పేర్కొంటూ సోమవారం ఉత్తర్వులు జారీచేసింది. ఫిబ్రవరి 11, 12, 13, 14, 15, 17, 18, 19, 20, 24, 25 తేదీల్లో ఈ పరీక్షలను నిర్వహించాలని స్పష్టంచేసింది. 1వ తరగతి నుంచి 9వ తరగతి విద్యార్థులకు వచ్చే ఏప్రిల్‌ 7 నుంచి 16వ తేదీ వరకు వార్షిక పరీక్షలను (ఎస్‌ఏ–2) నిర్వహించాలని తెలిపింది. 1వ తరగతి నుంచి 5వ తరగతి వరకు పరీక్షలను ఉదయం 9:30 గంటల నుంచి మధ్యాహ్నం 12 గంటల వరకు, 6, 7 తరగతుల వారికి ఉదయం 10 గంటల నుంచి మధ్యాహ్నం 12:45 గంటల వరకు, 8వ తరగతి వారికి మధ్యాహ్నం 2 గంటల నుంచి సాయంత్రం 4:45 గంటల వరకు, 9వ తరగతికి ఉదయం 10 గంటల నుంచి మధ్యాహ్నం 12:45 గంటల వరకు పేపర్‌–1 పరీక్ష, మధ్యాహ్నం 2 గంటల నుంచి సాయంత్రం 4:45 గంటల వరకు పేపర్‌–2 పరీక్షలు నిర్వహించాలని వెల్లడించింది. ఏప్రిల్‌ 18వ తేదీన ఫలితాలను ప్రకటించి, విద్యార్థులకు జవాబు పత్రాలను అందజేయాలని, 20వ తేదీన పేరెంట్‌ టీచర్‌ సమావేశం నిర్వహించాలని సూచించింది.

సాక్షి, అమరావతి: అది విజయవాడలోని సాంఘిక సంక్షేమ శాఖ స్పెషల్‌ హాస్టల్‌. సమయం సాయంత్రం ఆరున్నర. పదో తరగతి పరీక్షల షెడ్యూల్‌ ప్రకటించడంతో హాస్టళ్లలో విద్యార్థులు పట్టుదలతో చదువుతున్నారు. నిశ్శబ్ద వాతావరణంలో పుస్తకాలలో లీనమైపోయారు. సాంఘిక సంక్షేమ పాఠశాలల్లో ఉత్తీర్ణత శాతం పెంచేందుకు అధికారులు కూడా అన్ని చర్యలు తీసుకుంటున్నారు. స్టడీ అవర్స్‌ను పర్యవేక్షిస్తున్నారు. విద్యార్థులకు కావాల్సిన పుస్తకాలు సరఫరా చేశారు. అలాగే సబ్జెక్ట్‌ ఎక్స్‌పర్ట్స్‌తో సాంఘిక సంక్షేమ శాఖ స్పెషల్‌ హాస్టళ్లలో ఉదయం, సాయంత్రం వేళల్లో ఇంగ్లిష్, హిందీ, మ్యాథమ్యాటిక్స్, సైన్స్‌ సబ్జెక్టుల్లో ప్రత్యేకంగా ట్యూషన్‌ చెప్పిస్తున్నారు. ఈ ఏడాది పదో తరగతిలో ఉత్తీర్ణతా శాతం పెంపునకు సాంఘిక సంక్షేమ శాఖ ప్రత్యేక శ్రద్ధ తీసుకుంది. హాస్టళ్లు, స్కూళ్లలో విద్యార్థుల చదువుపై పర్యవేక్షణతో పాటు వారికి కావాల్సిన సౌకర్యాలు కూడా కల్పిస్తున్నది.  హాస్టళ్లలో, స్కూళ్లలో ప్రత్యేక పాఠాలు.. హాస్టళ్లలో విద్యార్థులకు మోటివేషన్‌ క్లాసులు చెప్పిస్తున్నారు. ఉదయం రెండు గంటలు, సాయంత్రం మూడు గంటల పాటు అభ్యసన సమయాలు కేటాయిస్తున్నారు. పిల్లలు ఎలా చదువు పరిశీలనకు డిప్యూటీ డైరెక్టర్‌లు, జాయింట్‌ డైరెక్టర్‌లు ఎప్పటికప్పుడు విజిట్స్‌ నిర్వహిస్తున్నారు. నిరంతరం స్లిప్‌ టెస్ట్‌లు పెడుతూ.. విద్యార్థుల మార్కుల ద్వారా వారి అభ్యసన తీరును పరిశీలిస్తున్నారు. సాంఘిక సంక్షేమ శాఖ ద్వారా ఆల్‌ ఇన్‌ వన్‌ స్టడీ మెటీరియల్‌ను విద్యార్థులకు పంపిణీ చేస్తున్నారు. బృంద చర్చలు కూడా నిర్వహిస్తున్నారు. ఇక స్కూలు ముగిసిన తరువాత ఒక గంటపాటు స్టడీ అవర్‌ కొనసాగిస్తున్నారు. అలాగే పదో తరగతి విద్యార్థుల కోసం ప్రత్యేక క్లాసులు నిర్వహిస్తున్నారు. కాగా, రాష్ట్ర వ్యాప్తంగా 759 సాంఘిక సంక్షేమ హాస్టళ్లలో 13,070 మంది విద్యార్థులు పదో తరగతి చదువుతున్నారు. మొత్తం 1,066 ప్రభుత్వ, ఎయిడెడ్‌ స్కూళ్లల్లో వీరు విద్యాభ్యాసం చేస్తున్నారు. వీరిలో 8,071 మంది బాలురు, 4,999 మంది బాలికలు ఉన్నారు. తెలుగు మీడియంలో ఎక్కువ మంది చదువుతున్నారు. 

హొసూరు: దిశ ఘటనపై దేశ వ్యాప్తంగా ఆందోళన జరుగుతుండగా మరో వైపు కామాంధులు రెచ్చిపోతూనే ఉన్నారు. విద్య కోసం తన వద్దకు ట్యూషన్‌కు వచ్చిన విద్యార్థినిపై ట్యూషన్‌ మాస్టర్‌ కన్నేసి అత్యాచారానికి     యత్నించాడు. బాలిక కేకలు వేయడంతో స్థానికులు అప్రమత్తమై కీచకున్ని పట్టుకొని పోలీసులకు అప్పగించారు. ఈఘటన  హొసూరు సమీపంలో  నెల్లూరు వద్ద చోటు చేసుకుంది. నెల్లూరు వద్ద మీన అనే మహిళ హాస్టల్‌ నిర్వహిస్తోంది. ఇక్కడ  ఏ నెల్లూరు గ్రామానికి చెందిన తిమ్మన్నగౌడ కొడుకు ఆనంద్‌ ట్యూషన్‌ చెబుతుండేవాడు. ఈక్రమంలో 10వ తరగతి చదివే  బాలికపై ఆనంద్‌ కన్నేశాడు. బుధవారం ఆ విద్యార్థినిపై అత్యాచారానికి యత్నించగా బాధితురాలు గట్టిగా కేకలు వేసింది. స్థానికులు అప్రమత్తమై అక్కడకు చేరుకొని ఆనంద్‌ను బంధించారు. అనంతరం హాస్టల్‌ నిర్వాహకురాలు మీనా హొసూరు మహిళా పోలీసులకు ఫిర్యాదు చేసింది. వారు ఘటనా స్థలానికి చేరుకొనిన ఆనంద్‌ను అరెస్ట్‌ చేసి పోక్సో చట్టం కింద కేసు నమోదు చేశారు. అనంతరం కోర్టులో హాజరు పరచి రిమాండ్‌కు తరలించారు. 

సాక్షి, అమరావతి: గ్రామ వలంటీర్ల పోస్టుల కనీస విద్యార్హతను ఇంటర్‌ నుంచి పదవ తరగతికి ప్రభుత్వం తగ్గించింది. ఈ ఏడాది ఆగస్టులో మొదటిసారి వలంటీర్ల నియామకాన్ని ప్రభుత్వం చేపట్టినప్పుడు కనీస విద్యార్హతగా మైదాన ప్రాంతంలో ఇంటర్‌, గిరిజన ప్రాంతంలో పదవ తరగతిగా ఉంది. అప్పట్లో మొత్తం 1,92,964 మంది గ్రామ వలంటీర్ల ఎంపికకు ప్రభుత్వం నోటిఫికేషన్‌ జారీ చేసింది. 1,83,290 మంది విధులలో చేరారు. మిగిలిన 9,674 పోస్టులను మైదాన, గిరిజన ప్రాంతం రెండింటిలోనూ పదో తరగతి విద్యార్హతతో భర్తీ చేయడానికి అనుమతి తెలుపుతూ ప్రభుత్వ ప్రధాన కార్యదర్శి ఎల్వీ సుబ్రహ్మణ్యం ఉత్తర్వులు జారీ చేశారు. ఖాళీల సంఖ్య ఆధారంగా జిల్లాల వారీగా నవంబర్‌ 1న ఆయా జిల్లా కలెక్టర్లు పోస్టుల భర్తీకి నోటిఫికేషన్లు జారీ చేస్తారు. ప్రత్యేక వెబ్‌పోర్టల్‌ ద్వారా నవంబర్‌ పదో తేదీ వరకు ఆన్‌లైన్‌లో దరఖాస్తులు స్వీకరిస్తారు. నవంబర్‌ 16 నుంచి 20 మధ్య మండలాల వారీగా ఎంపీడీవో నేతృత్వంలోని ముగ్గురు అధికారుల కమిటీ ఇంటర్వ్యూలు నిర్వహిస్తుంది. ఎంపికైన అభ్యర్థులకు 22వ తేదీ కల్లా సమాచారమిచ్చి, వారికి 29, 30 తేదీల్లో ప్రాథమిక శిక్షణ ఇస్తారు. కొత్తగా ఎంపికైన వారు డిసెంబర్‌ 1 నుంచి విధుల్లోకి చేరాల్సి ఉంటుంది.  

సాక్షి, మహబూబ్‌నగర్‌ : కొన్ని సంవత్సరాలుగా జిల్లా పదవ తరగతి ఫలితాల్లో 28వ స్థానంలో కొనసాగుతోంది. ఈ ఏడాది పక్కా ప్రణాళికను రచించి అందరి సహకారంతో జిల్లాను ముందంజలో నిలుపుదామని డీఈఓ ఉషారాణి కోరారు. ముఖ్యంగా ప్రభుత్వ పాఠశాలలపై ప్రత్యేక దృష్టి సారించి ఉత్తీర్ణత శాతం పెంచడానికి కృషి చేస్తామని అన్నారు. నేటి నుంచి పాఠశాలల పునఃప్రారంభం సందర్భంగా డీఈఓ ఉషారాణి ‘సాక్షి’కి ఇంటర్వ్యూ ఇచ్చారు.   టెన్త్‌ ఫలితాలపై శ్రద్ధ  జిల్లాలోని అన్ని ప్రభుత్వ పాఠశాలల్లో చదువుతున్న విద్యార్థులకు ఇప్పటినుంచే పూర్తి స్థాయిలో పదో తరగతి పరీక్షలకు సిద్ధమయ్యేలా చర్యలు తీసుకుటుంన్నాం. మరీ ముఖ్యంగా సైన్స్, మ్యాథ్స్, ఇంగ్లీష్‌ సబ్జెక్టులపై ప్రత్యేక శ్రద్ధ తీసుకుంటున్నాం. నిర్ణీత సమయంలో సిలబస్‌ పూర్తి చేసి, విద్యార్థులను ప్రిపరేషన్‌కు సిద్ధమయ్యేలా ఆదేశిస్తాం. సైన్స్, గణిత ఉపాధ్యాయులకు ఈనెలాఖరులోకానీ, వచ్చే నెల మొదటి వారంలో కానీ ఓరియంటేషన్‌ తరగతులు నిర్వహించి సబ్జెక్టుపై అవగాహన పెంచుతాం.  విద్యానైపుణ్యాలు పెంచేలా చర్యలు   ప్రభుత్వ పాఠశాలల్లో చదువుతున్న విద్యార్థులకు పూర్తి స్థాయిలో వివిధ సబ్జెక్టు పరంగా నైపుణ్యాలు పెంచే విధంగా ప్రభుత్వం చర్యలు తీసుకుంటుంది. అందులో భాగంగా త్రీఆర్స్‌ కార్యక్రమం గతంలోనే ప్రవేశపెట్టారు. ప్రస్తుతం ఏబీసీ కార్యక్రమం కొనసాగుతుంది. ఈ కార్యక్రమంలో 60 రోజుల ప్రణాళికను అమలు చేస్తున్నారు. వివిధ  సబ్జెక్టులు చదవడం, రాయడం, అర్థం చేసుకోవడం వంటి అనేక రకాల అంశాలపై విద్యార్థులకు అవగాహన పెంచి నాణ్యమైన విద్యను అందించేందుకు కృషి చేస్తాం.  నాణ్యతగా మధాహ్న భోజనం  జిల్లాలోని అన్ని ప్రభుత్వ పాఠశాలలు, మోడల్‌ స్కూళ్లు, కస్తూర్బా గాంధీ విద్యాలయాల్లో చదువుతున్న వారికి నాణ్యమైన భోజనం అందిం చే విధంగా చర్యలు తీసుకుంటాం. కచ్చితంగా మెనూ పాటించేలా మండల విద్యాశాఖ అధికారులు, ప్రిన్సిపాళ్లు చర్యలు తీసుకోవాల్సిన అవసరం ఉంది. ముఖ్యంగా మధ్యాహ్న భోజనంలో నాణ్యత, శుభ్రతను పాటించి విద్యార్థులకు మంచి పౌష్టికాహారాన్ని కూడా అందిస్తాం.   ప్రైవేటు విద్యా సంస్థలు తీరుమార్చుకోవాలి  జిల్లాలోని అధిక ఫీజులు వసూలు చేస్తున్న వివిధ ప్రైవేటు సంస్థల వివరాలను, గుర్తింపు లేని పాఠశాలల వివరాలను మండల విద్యాశాఖ అధికారుల నుంచి సేకరిస్తాం. పూర్తి ఫీజులు ప్రభుత్వ నిబంధనల ప్రకారమే తీసుకోవాల్సి ఉం ది. ఇక గుర్తింపు లేని పాఠశాలలకు గుర్తింపు తీ సుకునే విధంగా నోటీసులు జారీ చేస్తాం. పూర్తి స్థాయిలో సిబ్బంది, వసతులు, అనుమతుల గు రించి సమీక్షిస్తాం. విద్యార్థులకు మంచి నాణ్యమైన విద్యను అందించేందుకు కృషి చేస్తాం.   ఆ ఉపాధ్యాయులపై చర్యలు   గతంలో పలువురు ఉపాధ్యాయులపై ఆరోపణలు వచ్చిన విషయం గురించి తెలుసుకున్నాం. తప్పు చేసినట్లు తేలితే కచ్చితంగా చర్యలు తీసుకుంటాం. దీర్ఘకాలంగా ఫిర్యాదులు వచ్చిన వారి వివరాలు సేకరించి కలెక్టర్‌కు నివేదిస్తాం. వారి ఆదేశాల ప్రకారం చర్యలు ఉంటాయి.  

చైతన్యపురి: ర్యాగింగ్‌ పేరుతో తోటి విద్యార్థులు డబ్బు వసూలు చేశారని మనస్తాపంతో ఓ టెన్త్‌ వి ద్యార్థి ఆత్మహత్యాయత్నం చేసిన ఘటన సరూర్‌నగర్‌ పోలీస్‌ స్టేషన్‌ పరిధిలో జరిగింది. ఆలస్యం గా వెలుగులోకి వచ్చి ఈ ఘటనకు సంబంధించి పోలీసులు తెలిపిన వివరాల ప్రకారం... కర్మన్‌ఘాట్‌ గ్రీన్‌పార్కు కాలనీకి చెందిన వెంకట్‌రావు కుమారుడు రవికిరణ్‌ కర్మన్‌ఘాట్‌లోని నియో రాయల్‌ పాఠశాలలో 10వ తరగతి చదువుతున్నా డు. గత బుధవారం రవికిరణ్‌ ఇంట్లో ఫ్యాన్‌కు ఉరేసుకోగా గమనించిన కుటుంబ సభ్యులు హు టాహుటిన అతడిని సమీపంలోని అవేర్‌ గ్లోబల్‌ ఆసుపత్రికి తరలించగా ఐసీయూలో చికిత్స అం దించారు. ప్రస్తుతం విద్యార్థి కోలుకుంటున్నాడు. ఈ విషయాన్ని కుటుంబసభ్యులు సరూర్‌నగర్‌ పోలీసులకు ఫిర్యాదు చేశారు. కాగా, ఘటన జరిగిన నాలుగు రోజుల తర్వాత రవికిరణ్‌ రాసిన సూసైడ్‌ నోట్‌ బయటపడింది. పాఠశాలలో కొంద రు విద్యార్థులు ర్యాగింగ్‌ చేసి డబ్బులు తేవాలని బెదిరించడంతో రూ.6 వేలు తీసుకెళ్లి వారికి ఇచ్చినట్టు అందులో రవికిరణ్‌ రాశాడు. ఈ నేపథ్యంలో నే అతడు ఆత్మహత్యాయత్నం చేసినట్టు భా వి స్తు న్నారు. కాగా, రవికిరణ్‌ వద్ద స్టేట్‌ మెంట్‌ తీసుకు న్న పోలీసులు సోమవారం కేసు నమోదు చేశారు.  ర్యాగింగ్‌ పై అవగాహన కల్పించాలి.. నియో రాయల్‌ పాఠశాలలో ర్యాగింగ్‌కు గురై టెన్త్‌ విద్యార్థి ఆత్మహత్యా యత్నానికి పాల్పడటం దుర దృష్టకరమని  ఏపీ బాలల హక్కుల సంఘం గౌరవ అధ్యక్షుడు అచ్యుతరావు ఒక ప్రకటనలో తెలిపారు. ర్యాంకులు, మార్కుల పేరుతో విద్యా సంస్థలు విద్యార్థులపై ఒత్తిడి తెస్తున్నాయని, ర్యాగింగ్‌కు పాల్పడకుండా పాఠశాలల్లో అవగాహన కార్యక్రమాలు చేపట్టాలని ఆయన అన్నారు. ర్యాగింగ్‌ ఘటనపై తగిన చర్యలు తీసుకోవాలని ఆయన డిమాండ్‌ చేశారు.

అనంతపురంలో పదో తరగతి ఉత్తీర్ణత సాధించి విజయగర్వంతో అడుగులు వేస్తున్న కుమార్తెను చూసి ఓ తండ్రి ముసిముసినవ్వులు అనంతపురం ఎడ్యుకేషన్‌: పదో తరగతి పరీక్ష ఫలితాల్లో ‘అనంత’ సత్తా చాటింది. 95.55 శాతం ఉత్తీర్ణతతో రాష్ట్రంలో 7వ స్థానాన్ని దక్కించుకుంది. పదో తరగతి పరీక్షల ఫలితాలు మంగళవారం విడుదల కాగా.. జిల్లాలో 2,971 మంది విద్యార్థులు 10/10 గ్రేడ్‌ పాయింట్లు సాధించారు. గతేడాది 2,200 మందివిద్యార్థులు 10/10 పాయింట్లు సాధించగా.. ఈసారి 771 మంది పెరిగారు. బాలురు, బాలికల మధ్య పోటీ నెలకొన్నా బాలికలు స్వల్ప ఆధిక్యత సాధించారు. బాలురకంటే 0.85 శాతం ఉత్తీర్ణత పెరిగింది. రాష్ట్రంలోనూ మన జిల్లా గతేడాదికంటే మెరుగైన స్థానాన్ని దక్కించుకుంది. గతేడాది 8వ స్థానంలో నిలవగా ఈసారి ఒకస్థానం పైకి ఎగబాకి 7వ స్థానంలో నిలిచింది. జిల్లాలో 95.55 శాతం మంది విద్యార్థులు ఉత్తీర్ణత సాధించారు. గతేడాది 95.87 శాతం ఉత్తీర్ణత సాధించారు. ఈసారి 0.32 శాతం తగ్గింది. మొత్తం 50,507 మంది విద్యార్థులు పరీక్షలు రాయగా 48,066 మంది ఉత్తీర్ణత సాధించారు. వీరిలో 25,861 మంది బాలురకు గాను 24,504 మంది 94.75 శాతం ఉత్తీర్ణత సాధించగా, 24,646 మంది బాలికలకు గాను 23,562 మంది 95.6 శాతం మంది ఉత్తీర్ణత సాధించారు.  ఫలితాల కోసం ఎదురుచూపు ఫలితాలు మంగళవారం ఉదయం 11 గంటలకు ప్రకటిస్తారని రెండు రోజుల ముందే అధికారులు ప్రకటించారు. దీంతో విద్యార్థులు, వారి తల్లిదండ్రులు, బంధువులు, స్కూళ్ల యాజమాన్యాలు ఉదయం నుంచే ఎదురు చూశారు.  ఎట్టకేలకు విద్యాశాఖ కమిషనర్‌ సంధ్యారాణి ఫలితాలు ప్రకటించగానే విద్యార్థులు, తల్లిదండ్రులు నెట్‌సెంటర్ల వద్ద, మొబైళ్లలో ఫలితాలు చూసుకునేందుకు ఆసక్తి కనబరిచారు.  ప్రైవేట్‌ స్కూళ్లలో 2,542 మంది 10/10 పాయింట్లు   అన్ని యాజమాన్యాల పాఠశాలల్లో 2,971 మంది విద్యార్థులు 10/10 పాయింట్లు సాధించగా వీరిలో ప్రైవేట్‌ పాఠశాలల విద్యార్థులే 2,542 మంది ఉండడం విశేషం. అలాగే ఎయిడెడ్‌ పాఠశాలల విద్యార్థులు 19 మంది, బీసీ గురకుల పాఠశాలల్లో 16 మంది, ప్రభుత్వ పాఠశాలల్లో 31 మంది, కేజీబీవీల్లో 40 మంది, మునిసిపల్‌ పాఠశాలల్లో 63 మంది, మోడల్‌ స్కూళ్లలో 41 మంది, రెసిడెన్షియల్‌ స్కూళ్లలో 13 మంది, సాంఘిక సంక్షేమ గురుకుల పాఠశాలల్లో 14 మంది, గిరిజన గురుకుల పాఠశాలల్లో ముగ్గురు, జిల్లా పరిషత్‌ పాఠశాలల్లో 189 మంది విద్యార్థులు 10/10 పాయింట్లు సాధించారు.  508 స్కూళ్లలో వందశాతం ఉత్తీర్ణత మొత్తం 975 స్కూళ్ల నుంచి విద్యార్థులు పరీక్షలు రాయగా.. ఇందులో 508 మంది స్కూళ్లు వందశాతం ఉత్తీర్ణత సాధించాయి. ప్రైవేట్‌ స్కూళ్లు 362కు గాను 263 స్కూళ్లు ఈ ఘనత సాధించాయి. జిల్లా పరిషత్‌ స్కూళ్లు 437కు గాను 157 వందశాతం ఉత్తీర్ణత సాధించాయి. అలాగే ఎయిడెడ్‌ స్కూళ్లు 2, బీసీ గురుకుల పాఠశాలలు 6, ప్రభుత్వ పాఠశాలలు మూడు, కేజీబీవీలు 42, మున్సిపల్‌ పాఠశాలలు 8, మోడల్‌ స్కూళ్లు 15, ఏపీ రెసిడెన్షియల్‌ స్కూళ్లు 2, సాంఘిక సంక్షేమ స్కూళ్లు 9, ఒక గిరిజన గురుకుల పాఠశాల వందశాతం ఉత్తీర్ణత సాధించాయి.  కలిసొచ్చిన ఇంటర్నల్‌ మార్కులు నిరంతర సమగ్ర మూల్యాంకనం(సీసీఈ) విధానం కావడంతో విద్యార్థులు ప్రతి సబ్జెక్టులోనూ 80 మార్కులకు మాత్రమే పరీక్ష రాశారు. తక్కిన 20 మార్కులు ఇంటర్నల్‌ మార్కులు. అంటే ఫార్మాటివ్, సమ్మేటివ్‌ పరీక్షల్లో వచ్చిన మార్కులు, నోట్స్, ›ప్రాజెక్ట్‌ వర్క్, పుస్తక సమీక్ష ఆధారంగా ఆయా పాఠశాలల యాజమాన్యమే ఈ 20 మార్కులు వేసింది. ఈ విధానం ప్రైవేట్, కార్పొరేట్‌ పాఠశాలల విద్యార్థులకు బాగా కలిసొచ్చిందనే చెప్పాలి. దాదాపు విద్యార్థులందరికీ 18–20 మార్కులు వేసినట్లు తెలుస్తోంది.  10/10 పాయింట్లు సాధించేందుకు ఇంటర్నల్‌ మార్కులు దోహదపడ్డాయి.  జూన్‌ 6 వరకు సప్లిమెంటరీ పరీక్షల ఫీజు చెల్లింపు సప్లిమెంటరీ పరీక్షలు రాయనున్న విద్యార్థులు జూన్‌ 6 లోపు ఫీజు చెల్లించాల్సి ఉంది. అలాగే రీకౌంటింగ్‌ కోరే విద్యార్థులు రూ. 500, రీ వెరిఫికేషన్, జిరాక్స్‌ ప్రతులు కోరే విద్యార్థులు సబ్జెక్టుకు రూ.వెయ్యి చొప్పున చెల్లించి దరఖాస్తులను ఈనెల 30లోపు హెచ్‌ఎంలకు అందజేయాలని డీఈఓ జనార్దనాచార్యులు వెల్లడించారు.   ‘అనంత సంకల్పం’ కలిసొచ్చింది   పదో తరగతి ఫలితాలు ఆశాజనకంగా ఉన్నాయి. ప్రధానోపాధ్యాయులు, సబ్జెక్టు టీచర్లు బాగా కష్టపడ్డారు. వారి కృషి, 40 రోజుల ‘అనంత సంకల్పం’ కార్యక్రమం అమలు బాగా కలిసొచ్చింది.  కలెక్టర్‌ ప్రత్యేక సమావేశం ఏర్పాటు చేసి సూచనలు,  సలహాలు ఇవ్వడం కూడా ఫలితాలపై ప్రభావం చూపింది. తక్కువ  మార్కులు వచ్చాయనో, ఫెయిల్‌ అయ్యామనో ఎవరూ కుంగిపోవద్దు. నైతిక స్థైర్యం కోల్పోవద్దు. మరో ప్రయత్నం చేస్తే కచ్చితంగా ఫలితం ఉంటుంది.    – జనార్దనాచార్యులు, డీఈఓ

సాక్షి, సిటీబ్యూరో: హైదరాబాద్‌ జిల్లా ప్రభుత్వ పాఠశాలల్లో చదువుతున్న విద్యార్థులు ఉత్తీర్ణత శాతం గతంతో పోలిస్తే మెరుగుపడింది. 2017–18 విద్యా సంవత్సరంలో జిల్లా నుంచి 6,693 మంది పరీక్ష రాయగా 4,752 మంది (71.0శాతం) ఉత్తీర్ణత సాధించారు. 2018–19 విద్యా సంవత్సరంలో 7,013 మంది పరీక్ష రాయగా 5,816 మంది (82.93 శాతం) ఉత్తీర్ణత సాధించారు. 2017–18లో ప్రైవేటు పాఠశాలల నుంచి మొత్తం 62,693 మంది పరీక్ష రాయగా 47,966 మంది (76.51శాతం) ఉత్తీర్ణత సాధించారు. ఇక 2018–19లో 63,311 మంది పరీక్షకు హాజరు కాగా, 52,598 మంది(83.08శాతం) ఉత్తీర్ణత సాధించారు. ప్రైవేటు పాఠశాలల విద్యార్థులకు దీటుగా ప్రభుత్వ పాఠశాలల్లో చదువుతున్న విద్యార్థులు ఉత్తీర్ణత సాధించడం విశేషం.  ఇద్దరికి 10 జీపీఏ హైదరాబాద్‌ జిల్లా పరిధిలోని లాలాపేట ప్రభుత్వ బాలికల హై స్కూల్‌కు చెందిన టి.లక్ష్మి స్థితప్రజ్ఞ (రోల్‌నెంబర్ః1922168514), ప్రభుత్వ బాలికల పాఠశాలకు చెందిన మాదాసు శ్రావ్య (రోల్‌నెంబర్ః 1922172268)లు 10 జీపీఏ సాధించారు. మాదన్నపేట ప్రభుత్వ బాలుర పాఠశాల విద్యార్థి ఎం.భరద్వాజ్‌ సహా మలక్‌పేట ప్రభుత్వ పాఠశాల విద్యార్థి కుప్పల విష్ణువర్థన్‌తో పాటు ఉప్పునూతల అనిల్, కుల్సుపుర ప్రభుత్వ పాఠశాల విద్యార్థి నిఖిల్‌ ఖడ్గేకర్, కాచిగూడ ప్రభుత్వ పాఠశాల విద్యార్థిని జి.సింధూజ, హైదర్‌గూడలోని సెయింట్‌ పీటర్స్‌ హైస్కూల్‌  విద్యార్థిని అంజలిగుప్తా, హిమాయత్‌నగర్‌లోని ప్రభుత్వ బీహెచ్‌ఎస్‌ స్కూలు విద్యార్థి ఎన్‌.అవినాశ్, హిల్‌స్ట్రీట్‌ ప్రభుత్వ బోయ్స్‌ హైస్కూల్‌ విద్యార్థి సీహెచ్‌ పవన్‌కుమార్‌లు 9.8 జీపీఏ సాధించారు. మరో 21 మంది 9.7 జీపీఏ సాధించగా, 29 మంది 9.5 జీపీఏ, 36 మంది 9.3 జీపీఏ, 41 మంది 9.2 జీపీఏ, 71 మంది 9.0 జీపీఏ సాధించారు. అమీర్‌పేట్‌ ఫస్ట్‌..సికింద్రాబాద్‌ లాస్ట్‌ ప్రభుత్వ పాఠశాలల్లో మండలాల వారిగా ఫలితాల సరళిని పరిశీలిస్తే...అత్యధిక ఉత్తీర్ణత అమీర్‌పేట మండల పరిధిలోని ప్రభుత్వ పాఠశాలలు ప్రథమ స్థానంలో నిలువగా, సికింద్రాబాద్‌ మండల పరిధిలోని పాఠశాలలు చివరిస్థానంలో నిలిచాయి. జిల్లాలో మొత్తం 7013 మంది విద్యార్థులు పరీక్ష రాయగా, 5816 మంది ఉత్తీర్ణత సాధించారు. అమీర్‌పేట్‌ మండల పరిధిలో 186 మంది విద్యార్థులకు 165 మంది(88.71 శాతం), బహుదుర్‌పురాలో 764 మందికి 632 మంది(82.72 శాతం), బండ్లగూడలో 551 మందికి 468 మంది(84.94 శాతం), చార్మినార్‌లో 433 మందికి 327 మంది (75.52శాతం), గొల్కొండలో 1252 మందికి 930 మంది(74.28శాతం), హిమాయత్‌నగర్‌లో 456 మందికి 409 మంది(89.69 శాతం), ఖైరతాబాద్‌లో 1061 మందికి 906 మంది(85.39 శాతం), మారేడ్‌ పల్లిలో 661 మందికి 571 మంది (86.38శాతం), ముషీరాబాద్‌లో 320 మందికి 284 మంది(88.75శాతం), నాంపల్లిలో 419 మందికి 322 మంది 76.85 శాతం), సైదాబాద్‌లో 420 మందికి 376 మంది(89.52శాతం), సికింద్రాబాద్‌లో 490 మందికి 426 మంది ఉత్తీర్ణత సాధించారు మౌనిక పేరెంట్స్‌ హ్యాపీ బంజారాహిల్స్‌:  పట్టుదల... ఏకాగ్రత.. క్రమశిక్షణ.. ఆత్మవిశ్వాసం అన్ని కలగలిపితే ఫిలింనగర్‌ రౌండ్‌టేబుల్‌ ప్రభుత్వ ఉన్నత పాఠశాల విద్యార్థిని వి. మౌనిక అవుతుంది. ఒక స్వీపర్‌ కూతురు  ఇంగ్లీష్‌మీడియంలో చదివి ఆ స్కూల్‌కే టాపర్‌గా నిలిచి వన్నె తీసుకొచ్చింది. సోమవారం విడుదలైన పదో తరగతి పరీక్షా ఫలితాల్లో ఈ పాఠశాలకు చెందిన మౌనిక 9.5 జీపీఏతో స్కూల్‌ టాపర్‌గా నిలిచింది. ఫిలింనగర్‌లోని బద్దం బాల్‌రెడ్డి నగర్‌లో నివసించే మౌనిక తండ్రి శంకరయ్య దినసరి కూలీకాగా తల్లి హంసమ్మ బంజారాహిల్స్‌లో జీహెచ్‌ఎంసీ స్వీపర్‌గా పని చేస్తున్నది. కష్టపడి కూతురిని చదివించినందుకు తల్లిదండ్రులకు మంచి పేరు తీసుకొచ్చింది.   100 % పాస్‌ బంజారాహిల్స్‌:  బంజారాహిల్స్‌ రోడ్‌ నెం. 12లోని ఎన్బీటీ నగర్‌ ప్రభుత్వ ఉన్నత పాఠశాలలో తెలుగు మీడియంలో 30 మంది విద్యార్థులు పరీక్షలు రాయగా అంతా ఉత్తీర్ణులయ్యారు. అత్యధిక గ్రేడింగ్‌ 9.2 నమోదైంది. అలాగే ఇంగ్లీష్‌ మీడియంలో 24 మంది పరీక్షలు రాయగా అందరూ ఉత్తీర్ణులయ్యారు. 9.5 గ్రేడింగ్‌తో ఇంగ్లీష్‌ మీడియంకు చెందిన రాజేష్‌ అనే విద్యార్థి టాపర్‌గా నిలిచాడు. తెలుగు మీడియంలో 9.2 జీపీఏతో గోపి టాపర్‌గా నిలిచాడు. గతేడాది 86శాతం ఉత్తీర్ణులు కాగా ఈ సారి వందశాతం సాధించి రికార్డు సృష్టించారు. 

గుంటూరు ఎడ్యుకేషన్‌ :  ‘వేసవి సెలవుల్లో జూనియర్‌ కళాశాలల విద్యార్థులకు తరగతులు నిర్వహించరాదు. మే నెలాఖరులో ఇంటర్లో ప్రవేశాలకు బోర్డు అడ్మిషన్‌ నోటిఫికేషన్‌ విడుదల చేసిన తరువాతే జూన్‌లో అడ్మిషన్ల ప్రక్రియ ప్రారంభించాలి. విద్యార్థులకు సెలవులు ఇవ్వకుండా తరగతులు నిర్వహించిన ప్రైవేటు, కార్పొరేట్‌ కళాశాలల గుర్తింపు రద్దు చేస్తాం’ ఇవి ఇంటర్మీడియెట్‌ బోర్డు విడుదల చేసిన నిబంధనల సారాంశం.  కానీ జిల్లాలో పరిస్థితి ఇందుకు విరుద్ధంగా ఉంది. పదో తరగతి పబ్లిక్‌ పరీక్షలు రాసి ఫలితాల కోసం ఎదురు చూస్తున్న విద్యార్థులకు ప్రైవేటు, కార్పొరేట్‌ జూనియర్‌ కళాశాలలు అప్పడే ఇంటర్‌æ తరగతులను ప్రారంభించేశాయి. వేసవి సెలవుల్లో విద్యార్థులకు తరగతులు నిర్వహించరాదన్న బోర్డు ఉత్తర్వులను పట్టించుకోకుండా ఇష్టారాజ్యంగా వ్యవహరిస్తున్నారు. పరీక్షల హడావుడితో అలసినవిద్యార్థులు సేద తీరేదెన్నడు ? ఫిబ్రవరి 27 నుంచి మార్చి 18 వరకూ నిర్వహించిన ఇంటర్మీడియెట్‌ పబ్లిక్‌ పరీక్షలకు జిల్లాలో 93,932 మంది విద్యార్థులు హాజరయ్యారు. అదే విధంగా మార్చి 18 నుంచి ఏప్రిల్‌ 3వ తేదీ వరకూ నిర్వహించిన 10వ తరగతి పబ్లిక్‌ పరీక్షలకు 59 వేల మంది హాజరయ్యారు. ఏడాది పొడవునా తరగతి గదులకు పరిమితమై పరీక్షల హడావుడి, ఆందోళనతో అలసిపోయి సెలవులతో సేద తీరాల్సిన సమయంలో ఊపిరి తీసుకునే సమయం లేకుండా ఇంటర్‌ తరగతులు ప్రారంభించడంతో విద్యార్థులు ఉక్కిరి బిక్కిరి అవుతున్నారు. జిల్లాలోని ప్రైవేటు, కార్పొరేట్‌ జూనియర్‌ కళాశాలలు డే స్కాలర్‌తో పాటు హాస్టల్‌ క్యాంపస్‌లలో విద్యార్థులకు తరగతులు నిర్వహిస్తున్నాయి. గుంటూరు నగరంతో పాటు నగర శివారు గోరంట్ల, రెడ్డిపాలెం, పెద పలకలూరులో ఉన్న హాస్టళ్లలో యథేచ్ఛగా తరగతులు జరుగుతున్నాయి. విద్యార్థులకు జూన్‌ నెలలో ప్రవేశాలు కల్పించి తరగతులు ప్రారంభించాలని ఇంటర్‌బోర్డు అకడమిక్‌ కేలండర్‌లో పొందుపర్చగా, కాలేజీల యాజమాన్యాలు ఇందుకు కొత్త భాష్యాన్ని చెబుతున్నాయి. జాతీయస్థాయి పోటీ పరీక్షలకు సన్నద్ధం కావాల్సిన దృష్ట్యా వేసవి సెలవులను ఎంజాయ్‌ చేయడం వల్ల విద్యార్థులు వెనుకబడి పోతారని తల్లిదండ్రులకు నమ్మబలికి, వారి అమాయకత్వాన్ని ఆసరాగా చేసుకుని విద్యార్థులకు చుక్కలు చూపిస్తున్నాయి. ప్రథమ సంవత్సర పరీక్షలు రాసినవిద్యార్థులకు సైతం... సీనియర్‌ ఇంటర్‌ విద్యార్థులను జేఈఈ–అడ్వాన్స్‌డ్, నీట్‌ శిక్షణ పేరుతో క్యాంపస్‌లలో పెట్టి రుద్దుతున్న కాలేజీల యాజమాన్యాలు ప్రథమ సంవత్సర విద్యార్థులను సైతం వదలడం లేదు. టెన్త్‌ విద్యార్థులతో పాటు ఇంటర్‌ ప్రథమ సంవత్సర పరీక్షలు రాసిన విద్యార్థులకు సైతం కళాశాలలు ద్వితీయ సంవత్సర తరగతులను ప్రారంభించాయి. దీనికి బ్రిడ్జి కోర్సు, ఐఐటీ కోచింగ్‌ అంటూ రకరకాల పేర్లు పెట్టారు. జిల్లాలో ఈ విధంగా టెన్త్‌ పూర్తి చేసిన, ఇంటర్‌ ప్రథమ సంవత్సర పరీక్షలు రాసిన దాదాపు 30 వేల మంది విద్యార్థులకు నిబంధనలకు విరుద్ధంగా తరగతులు జరుగుతున్నా ఇంటర్మీడియెట్‌ బోర్డు అధికారులు పట్టించుకోవడం లేదు. వేసవి సెలవుల్లో నిబంధనలకు విరుద్ధంగా కొనసాగుతున్న ఇంటర్‌ తరగతులను రద్దు చేయాలని పలు విద్యార్థి సంఘాలు ఇంటర్‌బోర్డు అధికారుల దృష్టికి తీసుకెళ్లారు. కళాశాలలపై చర్యలు తీసుకోవాలి గుంటూరు ఎడ్యుకేషన్‌ :  ఇంటర్మీడియెట్‌ బోర్డు నిబంధనలకు విరుద్ధంగా వేసవి సెలవుల్లో విద్యార్థులకు తరగతులు నిర్వహిస్తున్న కార్పొరేట్‌ కళాశాలలపై కఠిన చర్యలు చేపట్టాలని ఆర్‌ఐవో జెడ్‌.ఎస్‌ రామచంద్రరావుకు ఎస్‌ఎఫ్‌ఐ రాష్ట్ర ఉపాధ్యక్షుడు వి.భగవాన్‌దాస్, జిల్లా అధ్యక్షుడు పి.మనోజ్‌కుమార్‌ విజ్ఞప్తి చేశారు. ఈ మేరకు గురువారం సాంబశివపేటలోని ఆర్‌ఐవో కార్యాలయంలో రామచంద్రరావును కలిసి వినతి పత్రం సమర్పించారు. ఎస్‌ఎఫ్‌ఐ నాయకులు మాట్లాడుతూ ఇంటర్‌బోర్డు మార్చి 29 నుంచి మే 31 వరకూ వేసవి సెలవులు ప్రకటించినప్పటికీ, గుంటూరు నగరంతో పాటు జిల్లా వివిధ కార్పొరేట్‌ కళాశాలల యాజమాన్యాలు ఏ మాత్రం ఖాతరు చేయకుండా ఇష్టారాజ్యంగా వ్యవహరిస్తున్నాయని ఆందోళన వ్యక్తం చేశారు. టెన్త్‌ విద్యార్థులకు బ్రిడ్జ్‌ కోర్సుల పేరుతో అడ్మిషన్లు ప్రారంభించి రెగ్యులర్‌  తరగతులు నిర్వహిస్తున్నారని పేర్కొన్నారు. ఇంటర్‌బోర్డు నిబంధనలకువిరుద్ధంగా వ్యవహరిస్తున్న కళాశాలలపైకఠిన చర్యలు చేపట్టని పక్షంలో ఎస్‌ఎఫ్‌ఐఆధ్వర్యంలో కళాశాలల వద్ద ఆందోళనలు చేపడతామని స్పష్టం చేశారు. ఆర్‌ఐవోను కలిసిన వారిలో ఎస్‌ఎఫ్‌ఐ జిల్లా నాయకులు ఎం.కిరణ్, రాజేష్‌ తదితరులున్నారు. తరగతులు నిర్వహించడం నిబంధనలకు విరుద్ధం వేసవి సెలవుల్లో తరగతులు నిర్వహించడం నిబంధనలకు విరుద్ధం. మే నెలాఖరులో అడ్మిషన్‌ నోటిఫికేషన్‌ విడుదల చేసిన తరువాతే ప్రవేశాలు కల్పించాలి. విద్యార్థులకు ఆటవిడుపు లేకుండా తరగతుల నిర్వహణపై విద్యార్థి సంఘాల నుంచి ఫిర్యాదులు అందాయి. నిబంధనలకు విరుద్ధంగా తరగతులు నిర్వహిస్తున్న కళాశాలలపై దాడులు నిర్వహించి క్రమశిక్షణ చర్యలు చేపడతాం.– జెడ్‌.ఎస్‌ రామచంద్రరావు,ఇంటర్‌బోర్డు ఆర్‌ఐవో  

 కర్నూలు సిటీ: పదో తరగతి మూల్యాంకనం ప్రారంభం కాకముందే మోడల్‌ స్కూళ్లలో 2019–20 విద్యా సంవత్సరానికి సంబంధించి ఇంటర్‌ ప్రవేశాలకు షెడ్యూల్‌ వెలువడింది. అలాగే మే రెండో వారంలో పది ఫలితాలు రావచ్చని అధికారులు పేర్కొంటున్నారు. అయితే ఈనెల 30వ తేదీ లోగా దరఖాస్తులకు ఆఖరు ప్రకటించడం విద్యార్థుల్లో ఆందోళన నెలకొంది. అసలు ఫలితాలు రాకముందే ఎలా దరఖాస్తు చేసుకోవాలని, దరఖాస్తు తేదీని ఎలా ముగిస్తారని విద్యార్థులు ప్రశ్నిస్తున్నారు. ఈ నెల రెండో వారంలో పది మూల్యాంకనం ప్రారంభం కావాల్సి ఉండగా ఎన్నికల కారణంగా ఆలస్యం కావడంతో ఈనెల 15వ తేదీనుంచి మొదలైంది. ఇలా పది రిజల్ట్‌ ప్రకటించక ముందే దరఖాస్తు తేదీని ముగించడంపై విమర్శలు వ్యక్తమవుతున్నాయి. అలాగే ఆరో తరగతి ప్రవేశాలకు గత నెల 31వ తేదీన ప్రవేశ పరీక్ష నిర్వహించి ఇటీవల ఫలితాలను విడుదల చేశారు. 7,8,9 తరగతుల్లో మిగిలిపోయిన సీట్లను సైతం భర్తీ చేసేందుకు సిద్ధమవుతున్నారు. ఆదర్శ పాఠశాలల్లో ఇంటర్‌ ప్రవేశాలకు ఈ నెల 30వ తేదీలోపు దరఖాస్తు చేసుకోవాలని ఫలితాలు రాకముందే ఈనెల 15న షెడ్యుల్‌ జారీ చేయడంపై అనేక సందేహాలు వ్యక్తమవుతున్నాయి. 7,8,9 తరగతుల ప్రవేశాలపై స్పష్టత కరువు.. జిల్లాలో ఉన్న 36 ఏపీ ఆదర్శ పాఠశాలల్లో 7,8,9 తరగతుల్లో మిగిలిన సీట్లకు దరఖాస్తు చేసుకునేందుకు మొదట ప్రకటించిన ప్రకారం నేడు ఆఖరి రోజు. అయితే  ఆదర్శ పాఠశాలల ప్రిన్సిపాళ్లు జూన్‌లో మిగిలిన సీట్లకు ప్రవేశ పరీక్ష పెడితే బాగుంటుందని విన్నవించడంతో డీఈఓతో చర్చించి ప్రవేశ పరీక్షపై నిర్ణయం తీసుకోవాలని కమిషనర్‌ ఇటీవల సూచించారు. ప్రవేశ పరీక్షను ముందు తరగతిలోని అన్ని సబ్జెక్టుల్లో 100 మార్కులకు పరీక్ష నిర్వహిస్తారు. ఐచ్ఛిక విధానంలో తెలుగు, ఇంగ్లిష్‌ మీడియంలలో పరీక్ష ఉంటుంది. ముందుగా అనుకున్నట్లు అయితే ఈ నెల 20న పరీక్ష నిర్వహించాల్సి ఉండగా, ఆరోజు సమ్మెటివ్‌–2 పరీక్షలు ఉండడంతో 21వ తేదీ జరపాలని నిశ్చయించినా కుదరకపోవడంతోనే ప్రవేశ పరీక్ష ఏర్పాటుపై నేటికీ స్పష్టత రాలేదు.   దరఖాస్తు ప్రక్రియ ఇలా..   ఆన్‌లైన్‌లో దరఖాస్తూలు చేసుకోవాలి. ఓసీ విద్యార్థులు రూ.100, బీసీలు రూ.60, ఇతరులు అయితే రూ.30 చెల్లించి రిజిస్ట్రేషన్‌ చేసుకోవాలి. ఈ నెల 30వ తేదీలోగా ఏపీ ఆన్‌లైన్‌లో కానీ, మీ సేవ ద్వారా దరఖాస్తు పంపించాలి. మే 25న ఎంపిక జాబితా ప్రదర్శించి, 26వ తేదీ నుంచి జూన్‌ 1వ తేదీ వరకు ధ్రువపత్రాలు పరిశీలించనున్నారు. ‘మోడల్‌’లో అందుబాటులో ఉండే కోర్సులివే..   ఇంటర్‌లో ఎంపీసీ, బైపీసీ, సీఈసీ, ఎంఈసీ గ్రూప్‌ల్లో ప్రవేశాలు కల్పిస్తారు. ఒక్కో విభాగానికి 20 సీట్ల చొప్పున ఒక ఆదర్శ పాఠశాలలో నాలుగు విభాగాలకు మొత్తం 80 సీట్లు ఉంటాయి. వీటి ప్రవేశాలకు విద్యార్హత, రూల్‌ ఆఫ్‌ రిజర్వేషన్‌ ఆధారంగా ప్రవేశాలు కల్పించనున్నారు.

న్యూఢిల్లీ: వచ్చే విద్యా సంవత్సరం నుంచి పదవ తరగతి సాంఘిక శాస్త్రం (సోషల్‌ సైన్స్‌) సబ్జెక్ట్‌ నుంచి ఐదు అధ్యాయాలను తీసేయాలని సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ (సీబీఎస్‌ఈ) నిర్ణయించింది. ప్రజాస్వామ్య సవాళ్లు (చాలెంజెస్‌ టు డెమోక్రసీ), రాజకీయ పోరాటాలు, ఉద్యమాలు (పొలిటికల్‌ స్ట్రగుల్స్‌ అండ్‌ మూవ్‌మెంట్స్‌), ప్రజాస్వామ్యం, భిన్నత్వం (డెమోక్రసీ అండ్‌ డైవర్సిటీ), అడవులు, వన్యప్రాణులు (ఫారెస్ట్‌ అండ్‌ వైల్డ్‌లైఫ్‌), నీటి వనరులు (వాటర్‌ రిసోర్సెస్‌) అనే ఐదు అధ్యాయాలను సాంఘిక శాస్త్రం నుంచి సీబీఎస్‌ఈ తొలగించనుంది.  2021లో పీసా (ప్రోగ్రామ్‌ ఫర్‌ ఇంటర్నేషనల్‌ స్టూడెంట్‌ అసెస్‌మెంట్‌)లో పాల్గొనాలని మానవ వనరుల అభివృద్ధి మంత్రిత్వ శాఖ నిర్ణయించిందనీ, అందుకు తగ్గట్లుగా విద్యార్థుల మూల్యాంకన పద్ధతుల మార్చాల్సి ఉందని గత నెలలోనే పాఠశాలలకు సీబీఎస్‌ఈ తెలిపింది.

సాక్షి, రంగారెడ్డి జిల్లా:  పదో తరగతి జవాబు పత్రాల మూల్యాంకనానికి డుమ్మా కొట్టిన టీచర్లపై జిల్లా విద్యాశాఖ తీవ్ర ఆగ్రహం వ్యక్తం చేసింది. పేపర్ల మూల్యాంకనానికి గైర్హాజరైన 163 మంది ఉపాధ్యాయులకు నోటీసులు జారీచేసింది. విద్యాశాఖ చర్యలతో ఉపాధ్యాయ వర్గాల్లో కలకలం రేగింది. పదో తరగతి జవాబు పత్రాల మూల్యాంకనం కోసం హయత్‌నగర్‌లోని వర్డ్‌ అండ్‌ డీడ్‌ పాఠశాలలో కేంద్రాన్ని ఏర్పాటు చేసింది. ఈనెల 15న మూల్యాంకనం ప్రారంభంకాగా.. తొలిరోజు ఇంగ్లిష్‌ లాంగ్వేజ్‌ పేపర్ల మూల్యాంకనానికి 163 మంది అసిస్టెంట్‌ ఎగ్జామినర్లు (స్కూల్‌ అసిస్టెంట్లు) అనధికారికంగా గైర్హాజరయ్యారు. అన్ని పేపర్ల మూల్యాంకనం ఈనెల 26వ తేదీకల్లా పూర్తి చేయాలని ప్రభుత్వం ఆదేశించింది. 11 రోజుల్లోనే ఆరు లక్షల జవాబు పేర్లను దిద్దాల్సిన బాధ్యతను సుమారు మూడు వేల మంది టీచర్లకు అప్పగించారు. స్వల్ప సమయంలో లక్ష్యాన్ని పూర్తి చేయాల్సి ఉండగా.. టీచర్లు బాధ్యతారాహిత్యంగా విధులకు గైర్హాజరయ్యారు. ఈ వ్యవహారాన్ని తీవ్రంగా పరిగణించిన డీఈఓ కె.సత్యనారాయణరెడ్డి.. డుమ్మా కొట్టిన టీచర్లకు షోకాజ్‌ నోటీసులు జారీచేశారు. సీసీఏ నియయ నిబంధనలు–1991 ప్రకారం సర్వీసు నుంచి ఎందుకు సస్పెండ్‌ చేయకూడదో పేర్కొనాలని నోటీసుల్లో ప్రస్తావించారు. 24 గంటలలోగా వివరణ ఇవ్వాలని, లేకుంటే శాఖాపరమైన చర్యలు తప్పవని స్పష్టం చేశారు.  ఇదీ పరిస్థితి.. ఆరోగ్యపరమైన సమస్యలు ఎదుర్కొంటున్న వారు, వికలాంగులు, ఏడాదిలోపు శిశువు ఉన్న టీచర్లకు మూల్యాంకన విధులకు సాధారణంగా గైర్హాజరవుతారు. దీన్ని ఎవరూ తప్పబట్టరు. అయితే ఒక్క సబ్జెక్టుకు సంబంధించిన టీచర్లే భారీగా డుమ్మా కొట్టిన తీరుపై అనుమానాలు వ్యక్తమవుతున్నాయి. ఉద్దేశపూర్వకంగానే వారు స్పాట్‌ వాల్యుయేషన్‌ క్యాంప్‌లో రిపోర్టు చేయలేదని తెలుస్తోంది. వాస్తవంగా జవాబు పత్రాల మూల్యంకనం.. టీచర్ల విధుల్లో భాగం. పైగా ఈ విధులకు ప్రభుత్వం అధిక ప్రాధాన్యం ఇస్తుంది. ఇటువంటి కీలక బాధ్యతలు చేపట్టాల్సిన ఉపాధ్యాయలు నిర్లక్ష్యంగా వ్యవహరించడాన్ని జిల్లా విద్యాశాఖ ఉపేక్షించడం లేదు. వాస్తవంగా గతంలో పోల్చుకుంటే మూల్యాంకనం ఈసారి కొంత ఆలస్యమైంది. అంతకుముందు పాఠశాలలకు వేసవి సెలవులు ప్రకటించడానికి ముందే వాల్యుయేషన్‌ ముగిసేది. అయితే ఇటీవల లోక్‌సభ ఎన్నికలు రావడంతో మూల్యాంకనానికి ఆలస్యమైంది. సెలవు రోజుల్లో మూల్యాంకనం చేస్తే ఉపాధ్యాయులు సంపాదిత సెలవులు ఇవ్వాలని ఉపాధ్యాయ సంఘాలు ప్రభుత్వానికి విజ్ఞప్తి చేశాయి. సంపాదిత సెలవులకు బదులుగా పాత ఉత్తర్వుల ప్రకారం టీఏ, డీఏలు ఇస్తోంది. కచ్చితంగా సంపాదిత సెలవులే ఇవ్వాలని టీచర్లు పట్టుబడుతున్నారు. పైగా కొత్త జిల్లాల ప్రకారం స్పాట్‌ వాల్యుయేషన్‌ క్యాంప్‌ను ఏర్పాటు చేయాలన్న డిమాండ్‌ ఉంది. ప్రస్తుతం ఉమ్మడి జిల్లాకు అనుగుణంగా క్యాంప్‌ను కొనసాగిస్తున్నారు. ఈ కేంద్రానికి వికారాబాద్, మేడ్చల్‌ జిల్లాల నుంచి రాకపోకలు జరిపేందుకు తమకు ఇబ్బందులు ఎదురవుతున్నాయని ఉపాధ్యాయులు విద్యాశాఖ దృష్టికి తీసుకెళ్లారు. దీనిపైనా సర్కారు స్పందించలేదు. ఈ రెండు కారణాల వల్లే కొందరు టీచర్లు డుమ్మా కొట్టినట్లు తెలుస్తోంది. మరికొందరు మూల్యాంకనం తమ బాధ్యత కాదన్నట్లుగా భావించి పెడచెవిన పెట్టినట్లు సమాచారం.

సాక్షి, సిటీబ్యూరో: పదో తరగతి వార్షిక పరీక్షలకు సర్వం సిద్ధమైంది. పరీక్షల్లో భాగంగా శనివారం ఉదయం 9.30 గంటల నుంచి మధ్యాహ్నం 12.45 గంటల వరకు ఫస్ట్‌ లాంగ్వేజ్‌ పేపర్‌–1 పరీక్ష జరుగనుంది. గ్రేటర్‌ పరిధిలోని హైదరాబాద్, రంగారెడ్డి, మేడ్చల్‌ జిల్లాల పరిధిలో మొత్తం 1,71,731 మంది విద్యార్థులు పరీక్షలకు హాజరు కాబోతుండగా, తల్లిదండ్రులు, ఉపాధ్యాయులు, ఇతర బంధువులు, స్నేహితులు వీరికి ఆల్‌ ద బెస్ట్‌ చెప్పి.. ఎలాంటి ఆందోళనలకు గురికాకుండా ధైర్యంగా పరీక్ష రాయాలని హితబోధ చేస్తున్నారు. స్కూల్‌ యూనిఫాంలో పరీక్షకు హాజరయ్యే అభ్యర్థులను లోనికి అనుమతించమని అధికారులు స్పష్టం చేశారు. విద్యార్థులంతా సివిల్‌ డ్రెస్‌లో రావాల్సిందిగా విద్యాశాఖ అధికారులు సూచించారు. అంతేకాదు నిర్ధేశిత సమయం ముగిసిన తర్వాత ఐదు నిమిషాల లోపు 9.35 గంటల వరకే  పరీక్ష కేంద్రంలోకి అనుమతిస్తారు. ఆ తర్వాత వచ్చిన వాళ్లను నిరాకరించే అవకాశం ఉంది. పరీక్ష కేంద్రంలోకి ఎటువంటి ఎలక్ట్రానిక్‌ పరికరాలను అనుమతించబోమని, విద్యార్థులను పూర్తిగా తనిఖీ చేసిన తర్వాతే లోనికి అనుమతించనున్నట్టు హైదరాబాద్‌ జిల్లా విద్యాశాఖాధికారి వెంకట నర్సమ్మ స్పష్టం చేశారు. ఈ మేరకు ఆమె శుక్రవారం పలు పరీక్షా కేంద్రాలను తనిఖీ చేశారు. జబ్లింగ్‌ పద్ధతిలో జరుగుతున్న ఈ పరీక్షలకు విద్యార్థులకు ఎలాంటి ఇబ్బందులు తలెత్తకుండా చూడాలని ఎగ్జామ్‌ సెంటర్‌ నిర్వహకులకు ఆదేశాలు జారీ చేశారు. పరీక్ష కేంద్రాల వద్ద ఉదయం, మధ్యాహ్నం వేళల్లో ఎలాంటి ట్రాఫిక్‌కు అంతరాయం ఏర్పడకుండా పోలీసులు పలు జాగ్రత్తలు తీసుకుంటున్నారు.

కడప ఎడ్యుకేషన్‌ : జిల్లాలో అన్ని యాజమాన్య పాఠశాలల్లో చదివే విద్యార్థుల సామర్థ్యాలను అంచనా వేసేందుకు పరీక్ష నిర్వహించనున్నారు. ఈమేరకు విద్యాశాఖ కార్యాచరణను సిద్ధం చేస్తోంది. ఈనెల 26 నుంచి మూడు రోజులపాటు జిల్లాలోని ఎంపిక చేసిన పాఠశాలల్లో స్టూడెంట్‌ లెవెల్‌ అచీవ్‌మెంట్‌ సర్వే(శ్లాస్‌) పరీక్షను నిర్వహించనున్నారు. సంబంధిత పరీక్షలను జిల్లా కామన్‌ ఎగ్జామ్‌బోర్డు(డీసీఈబీ) పర్యవేక్షణలో మండల రీసోర్స పర్సన్లు పరీక్షలను నిర్వహించనున్నారు. ఎస్‌సీఈఆర్టీ (రాష్ట్ర విద్యాశిక్షణ పరిశోదన సంస్థ) సూచనల మేరకు రాష్ట్రస్థాయిలో ఉన్న స్టేట్‌ కౌన్సిల్‌ ఆఫ్‌ ఎడ్యుకేషన్‌ రీసెర్చ్‌ ట్రైనింగ్‌ ద్వారా జిల్లా విద్యాశాఖాధికారులు పరీక్ష నిర్వహణపై ప్రత్యేక శ్రద్ధ తీసుకుంటున్నారు. 238 పాఠశాలల ఎంపిక శ్లాస్‌ పరీక్ష నిర్వహణకు జిల్లాలోని 48 మండలాల్లోని 238 పాఠశాలలను ఎంపిక చేశారు. ఇందులో ప్రైవేటు పాఠశాలలకు సంబంధించి 9వ తరగతికి 34 స్కూళ్లకు 930 మంది విద్యార్థులు, 6వ తరగతికి సంబంధించి 39 స్కూళ్లకు 1030 మంది, 4వ తరగతికి సంబంధించి 17 స్కూళ్లకుగాను 480 మంది విద్యార్థులు ఉన్నారు. ప్రభుత్వ పాఠశాలల్లో ఇంగ్లిష్‌ మీడియంకు సంబంధించి 9వ తరగతి 26 స్కూళ్లకు 710 మంది, 6వ తరగతి సంబంధించి 26 స్కూళ్లకు 690 మంది, 4వ తరగతికి సంబంధించి 13 స్కూళ్లకు 280 మంది విద్యార్థులు ఉన్నారు. తెలుగు మీడియంకు సంబంధించి 9వ తరగతిలో 19 స్కూళ్లకు 520 మంది, 6వ తరగతిలో 31 స్కూళ్లకు 720 మంది, 4వ తరగతిలో 33 స్కూళ్లకు 560మంది ఉన్నారు. మొత్తం 5920 మంది విద్యార్థులపై ప్రయోగం చేయనున్నారు. ఈ పరీక్ష నిర్వహణ కోసం 122 మంది సీఆర్‌పీలను ఎంపిక చేశారు. పరీక్ష నిర్వహణ ఇలా శ్లాస్‌ పరీక్షలు 4,6,9 తరగతుల విద్యార్థులకు నిర్వహించనున్నారు. ఇందులో 26న 9వ తరగతి విద్యార్థులకు, 27న 6వ తరగతి విద్యార్థులకు, 28న నాల్గో తరగతి విద్యార్థులకు పరీక్ష నిర్వహించనున్నారు. సంబంధిత పరీక్ష ఉదయం, సాయంత్రం రెండు పూటలా నిర్వహించనున్నారు. ఇందులో ఉదయం తెలుగు లేదా ఇంగ్లిస్, మధ్యాహ్నం గణిత సబ్జెక్టు పరీక్షను నిర్వహిస్తారు. భవిషత్తు ప్రణాళిక కోసం గ్రామీణ, పట్టణ, సెమీ అర్బన్‌ ఎరియాల్లో ఎంపిక చేసిన పాఠశాలల విద్యార్థులకు శాస్ల పరీక్ష నిర్వహిస్తున్నందున ఏ ప్రాంత విద్యార్థులు ఏ సబ్జెక్టులో వెనుకబడి ఉన్నారనేది తెలిసిపోతుంది. పరీక్ష అనంతరం నిపుణుల సూచనలతో ఎన్‌సీఈఆర్టీ వారికి నివేదిక అందజేయనున్నారు. పాఠ్యాంశాల్లో మార్పులు, చేర్పులు చేయాలా? లేక మరేదైనా కొత్త విధానాన్ని అమలు చేయాలా అనేదానిపై ఎస్‌సీఈఆర్టీ అధికారులు నిర్ణయం తీసుకోనున్నారు. 

పదో తరగతి పరీక్షల్లో ఇంటర్నల్‌ మార్కులను ఇష్టమొచ్చినట్లు వేసుకునే కార్యక్రమానికి ఇక చెక్‌ పడే విధంగా విద్యాశాఖ అడుగులు వేస్తోంది. పదో తరగతి పరీక్షల్లో ఇంటర్నల్‌ మార్కులు కీలక పాత్ర పోషిస్తున్నాయి. గతేడాది పది ఫలితాల్లో  పలు ప్రైవేటు, కార్పొరేట్‌ పాఠశాలల విద్యార్థులకు అధికంగా పదికి పది గ్రేడ్‌లు వచ్చాయి. ఇంటర్నల్‌లో ప్రైవేటు పాఠశాలల యాజమాన్యాలు ఇష్టానుసారంగా మార్కులను వేసుకున్నారనే ఆరోపణలు వచ్చాయి. ఈ ఏడాది కమిటీలను నియమించి ప్రైవేటు, కార్పొరేట్‌ దూకుడుకు కళ్లెం వేయాలని విద్యాశాఖ నిర్ణయించింది. కడప ఎడ్యుకేషన్‌ : ప్రైవేటు, కార్పొరేట్‌ పాఠశాలలు పదవ తరగతి ఇంటర్నల్‌ పరీక్షల్లో ఇష్టారాజ్యంగా మార్కులు వేసుకుని, అత్యధికంగా   పదికి పది గ్రేడ్స్‌ సాధిస్తున్నాయి. దీనిపై అన్నివైపుల నుంచి విమర్శలు రావడంతో ఎక్కువ జీపీఏ వచ్చిన పాఠశాలలపై విచారణ చేస్తారని కూడా ప్రచారం జరిగింది. దీంతో పాటు ఇంటర్నల్‌ మార్కులను రద్దు చేస్తారనే ప్రచారం జరిగినా విద్యాశాఖ ఈ ఏడాది కూడా ఇంటర్నల్‌ మార్కులను కొనసాగిస్తుంది. అక్రమాలకు అడ్డుకట్ట వేసేందుకు కమిటీల నియామకం చేపట్టాలని నిర్ణయం తీసుకుంది. గతేడాది ఫిబ్రవరిలో కమిటీలు వేయడంతో తూతూ మంత్రంగా పనిచేశారనే విమర్శలు వచ్చాయి. ఇలాంటి విమర్శలకు కట్టడి చేసేందుకు ఈ ఏడాది జనవరిలోనే కమిటీలను ఏర్పాటు చేసింది. ఈ మేరకు ఈనెల 9న విద్యాశాఖ ఉత్తర్వులను కూడా జారీ చేసింది.   మూడు విభాగాలుగా కమిటీలు.. రాష్ట్ర విద్యాశాఖ ఉత్తర్వుల మేరకు మండలం, డివి జన్, జిల్లాస్థాయిలో మూడు కమిటీలను ఏర్పాటు చేస్తారు. ఈ కమిటీలు ప్రభుత్వ, ప్రైవేటు, కార్పొరేట్‌ పాఠశాలలకు చెందిన పదో తరగతి విద్యార్థుల ఇంటర్నల్‌ మార్కులను పరిశీలించాలి. ప్రస్తుత విద్యా సంవత్సరంలో సమ్మెటివ్‌–1, ఫార్మెటివ్‌కు సంబంధించి 1,2,3,4 పరీక్షల మార్కులను కమిటీలు పరిశీలించనున్నాయి. మండలస్థాయి కమిటీలో ఎంఈఓ, సీనియర్‌ ప్రధానోపాధ్యాయుడు, స్కూల్‌ కాంప్లెక్స్‌ ప్రధానోపాధ్యాయుడు, డివిజినల్‌ స్థాయి కమిటీ చైర్మన్‌లో డిప్యూటీ ఈఓ, సీనియర్‌ ప్రధానోపాధ్యాయుడు, ఎస్‌ఎస్‌ఏ సెక్టోరియల్‌ అధికారి, జిల్లాస్థాయి కమిటీలో డీఈఓ, ప్రభుత్వ పరీక్షల సహాయక కమీషనర్, డీసీఈబీ సెక్రటరీ, డైట్‌ ప్రిన్సిపల్‌ సభ్యులుగా వ్యవహరిస్తారు. నివేదికలు  ఇలా.. మండలస్థాయిలో ఈ నెల 28 నుంచి ఫిబ్రవరి 4 వ రకు పదోతరగతి విద్యార్థుల ఇంటర్నల్‌ మార్కులను పరిశీలించి డివిజినల్‌ స్థాయికి కమిటీకి నివేదిక అం దించాలి. అయితే వీటిలో 80 శాతం ప్రైవేటు, అన్‌ ఎ యిడెడ్‌ పాఠశాలలు తప్పనిసరిగా ఉండాలి. అలాగే  డివిజినల్‌ స్థాయి కమిటీ ఫిబ్రవరి 5 నుంచి 13లోపు పరిశీలన పూర్తిచేసి జిల్లాస్థాయి కమిటిటీ నివేదిక అం దించాలి. వారు 5 నుంచి 13లోపు మార్కులను పరిశీ లించి రాష్ట్రస్థాయి కమిటీకి నివేదిక అందించాలి. ఫార్మెటివ్‌–4 పరీక్ష నిర్వహించకుండానే పరిశీలన.. ఇంటర్నల్‌ మార్కుల పరిశీలనకు కమిటీలను ఏర్పాటు చేయడం బాగానే ఉన్నా ఇంతవరకు పాఠశాలల్లో ఫార్మెటివ్‌–4 పరీక్ష నిర్వహించలేదు. ఇది నిర్వహించకుండా మార్కుల పరిశీలన ఏవిధంగా జరుపుతారని పలువురు ప్రశ్నిస్తున్నారు. ఎస్‌ఏ–1, పార్మెటివ్‌–1,2,3 పరీక్షలు మాత్రమే జరిగాయి. ఫార్మెటివ్‌–4 పరీక్ష నిర్వహించాల్సి ఉంది. ఈ నాలుగు పరీక్షలకు సంబంధించి 280 మార్కులకు 20 మార్కులుగా ఇంటర్నల్‌ మార్కులను వేయడం సాధ్యం కాదు. మరి ఇలాంటి పరిస్థితిలో కమిటీలు ఇంటర్నల్‌ మార్కులను ఎలా తనిఖీ చేస్తారో తెలియాలి. ఫార్మెటివ్‌–4 పరీక్ష నిర్వహిస్తాం ఇప్పటి వరకు జరిగిన సమ్మెటివ్‌–1 ఫార్మెటివ్‌ 1,2,3 పరీక్షలకు సంబం ధించి మార్కులను కమిటీలు పరిశీలిస్తాయి. ఫార్మెటివ్‌– 4 పరీక్షను త్వరలో నిర్వహిస్తాం. పరీక్ష ముగియగానే అవసరమైతే ఆ మార్కులను కూడా పరిశీలిస్తారు. ఫార్మెటివ్‌–4 కాకుండా మిగతా వాటిని పరిశీలించగానే పరిస్థితి అర్థమవుతోంది.    – జీవీ నారాయణరెడ్డి, డీసీఈబీ సెక్రటరీ పారదర్శకంగా తనిఖీలు గతేడాది కార్పొరేట్, ప్రైవేట్‌ పాఠశాలలు పదవ తగరతిలో ఇంటర్నల్‌ మార్కులను ఇస్టానుసారంగా వేసుకున్నాయన్న విమర్శలు వచ్చాయి. ఈ నేపథ్యంలో కమిటీలను ఏర్పాటు చేసి పరిశీలించాలని రాష్ట్ర ఉన్నతాధికారుల నుంచి ఉత్తర్వులు వచ్చాయి. ఈ నెల 28లోపు కమిటీలను ఏర్పాటు చేసి పారదక్శంగా తనిఖీలు చేపడతాం. ఎవరికైనా వాస్తవ మార్కుల కంటే ఎక్కవ మార్కులు వేసినట్లు గురిస్తే చర్యలు తీసుకుంటాం.– పి. శైలజ, జిల్లా విద్యాశాఖాధికారి.

పశ్చిమగోదావరి  , నిడమర్రు: జిల్లాలో ప్రభుత్వ, ప్రైవేటు, కార్పొరేట్‌ పాఠశాలల్లో టెన్త్‌ ఇంటర్నల్‌ మార్కుల నమోదుపై తనిఖీలకు జిల్లా విద్యాశాఖ యంత్రాంగం వెళ్లనుంది. గతేడాది పదో తరగతి పబ్లిక్‌ పరీక్షల్లో ప్రైవేటు పాఠశాలలు అంతర్గత మార్కులు 20కి 20కి వేసుకోవటంతో టెన్త్‌ జీపీఏలు వారికే ఎక్కువగా వచ్చాయనే అభియోగాల నేపథ్యంలో ఈ సంవత్సరం పాఠశాల విద్యాశాఖ ముందుగానే అప్రమత్తమైంది. సమ్మెటివ్‌–1 పరీక్షతో పాటు నాలుగు ఫార్మెటివ్‌ పరీక్షలు పాఠశాల స్థాయిలో జరుగుతాయి. వీటిల్లో విద్యార్థులకు మార్కులు ఎలా వేశారో ప్రత్యక్షంగా విద్యార్థులు రాసిన సమాధాన పత్రాలను పరిశీలన చేయనుంది. ఈ పరిశీలన పూర్తిగా జిల్లా  విద్యాశాఖ ఆధ్వర్యంలో పనిచేసే సీనియర్‌ హెచ్‌ఎంలు, మండల విద్యాశాఖ అధికారులు, ఎస్‌ఎస్‌ఏ సెక్టోరల్‌ అధికారులు, డైట్‌ కళాశాల ప్రిన్సిపాల్‌ పర్యవేక్షణలో సాగుతుంది. మొత్తం మూడు స్థాయిల్లో ఈ పరిశీలన జరుగుతుంది. ఈ పరిశీలనలో కూడా ఏమైనా లోపాలు ఉంటే మరో కమిటీ గుర్తించి ఆ మేరకు అప్రమత్తం చేసేలా పాఠశాల విద్యాశాఖ చర్యలు తీసుకుంటుంది 20 శాతం పరిశీలన జిల్లాలో ఈ ఏడాది 50,184 మంది ఎస్‌ఎస్సీ పరీక్షలు రాయనున్నారు. వీరికి నిర్వహించిన సమ్మెటివ్‌–1 పరీక్షకు 10 మార్కులు, ఒక్కో ఫార్మెటివ్‌ పరీక్షకు రెండున్నర మార్కులు చొప్పున నాలుగు ఫార్మెటివ్‌లకు 10 మార్కులు చొప్పున మొత్తం 20 మార్కులను కుదించి నమోదు చేయాల్సి ఉంది. విద్యార్థులు ఎలా పరీక్షలు రాశారు. వారి అభ్యసన సామర్థ్యాలు ప్రాజెక్టు వర్క్, మౌఖిక ఇంటర్వ్యూలు, స్లిప్‌ టెస్ట్‌లో మార్కులు, క్రమశిక్షణ తదితరాలను పరిగణనలోకి తీసుకుని ఇంటర్నల్‌ మార్కులు సంబం ధిత పాఠశాల ఉపాధ్యాయులే కేటాయిస్తారు. అయితే ఈ మార్కుల కేటాయింపులో కార్పొరేట్, ప్రైవేటు యాజమాన్యాలు చాలావరకు టెన్‌ జీపీఏలే ధ్యేయంగా చదివినా, చదవకున్నా, క్రమశిక్షణ లేమి ఉన్నా 20కు 20 వేసి ఉదారతను చాటుకుంటున్నాయని గతేడాది ఫలితాలు ఆధారంగా ఒక అంచనాకు విద్యాశాఖ వచ్చింది. ఈ నేపథ్యంలో ప్రస్తుతం అంతర్గత మార్కుల నమోదు తనిఖీలకు వెళ్లటానికి జిల్లా విద్యాశాఖ తనిఖీ బృందాలను ఏర్పాటు చేస్తోంది. ఈ బృందాలు సంక్రాంతి సెలవుల అనంతరం కార్యాచరణకు దిగుతాయి. 20 శాతం పేపర్లు తనిఖీలకు వెళ్లిన ప్రతి చోటా మొత్తం విద్యార్థుల్లో 20శాతం మంది పేపర్లు తీసి ఈ బృందం సభ్యులు పరిశీలన చేస్తారు. ఈ పరిశీలనలో ఏమైనా తప్పిదాలు దొర్లినా మరో కమిటీ గుర్తిస్తుంది. నిజంగా విద్యార్థులకు రాసిన సమాధానాలు ఆధారంగా మార్కులు వేసి వాటినే కమిషనర్‌ ఆఫ్‌ స్కూల్‌ ఎడ్యుకేషన్‌ (సీఎస్‌ఈ) వెబ్‌సైట్‌లో మార్కులు నమోదు చేశారా లేక ఇక్కడ ఏమైనా హెచ్చుతగ్గులుగా నమోదు చేశారా అనేది కూడా వీరు పరిశీలిస్తారు. విద్యార్థుల సమాధాన పత్రాలపై నమోదు చేసిన మార్కులు, సీఎస్‌ఈ వెబ్‌సైట్‌లో అప్‌లోడ్‌ చేసిన మార్కులు రెండూ ఒకేరకంగా ఉన్నాయా లేదా అనేది కూడా ఈ కమిటీలు ధ్రువీకరించాలి. ఇక్కడ ఏమైనా తప్పులు ఉంటే ఇప్పుడే సరిదిద్దాలని కమిషనర్‌ ఆదేశాలు జారీ చేశారు. అక్రమంగా మార్కులు వేస్తే చర్యలు ప్రైవేటు పాఠశాలలతోపాటు ప్రభుత్వ పాఠశాలల్లో పదో తరగతి విద్యార్థులకు అక్రమంగా మార్కులు వేసినట్టు పరిశీలనతో బహిర్గతమైతే సంబంధిత సిబ్బందిపై చర్యలు తీసుకుంటాం. ఈ నెల 28నుంచి ఫిబ్రవరి 13 వరకూ అన్నిస్థాయిల్లో అంతర్గత మార్కుల పరిశీలన బృందాల నివేదికను రాష్ట్ర అధికారులకు అందించేలా ఏర్పాట్లు చేస్తున్నాం.– సీవీ రేణుక, జిల్లా విద్యాశాఖాధికారిణి కమిటీల్లో సభ్యులు వీరే.. ♦ మండల స్థాయి కమిటీల్లో ఎంఈవో, స్కూల్‌ కాంప్లెక్స్‌ హెచ్‌ఎం, ఆ మండలంలో సీనియర్‌ ప్రధానోపాధ్యాయులు సభ్యులు. ♦ డివిజన్‌ స్థాయిలో డీవైఈవో, మండలంలో సీనియర్‌ హెచ్‌ఎం, ఎస్‌ఎస్‌ఏ నుంచి సెక్టోరియల్‌ అధికారి. ♦ జిల్లాస్థాయిలో డీఈవో, అసిస్టెంట్‌ కమిషనర్‌(ఎగ్జామినేషన్‌), డీసీఈబీ సెక్రటరీ, డైట్‌ ప్రిన్సిపాల్‌ సభ్యులు ♦ మండలస్థాయిలో ఈ నెల 28న ప్రారంభించి, పిబ్రవరి 4తో ముగించాలి. ♦ డివిజన్‌ స్థాయిలో ఫిబ్రవరి 5 నుంచి 13 వరకు ♦ జిల్లాస్థాయిలో ఫిబ్రవరి 5 నుంచి 13 వరకు పరిశీలన చేయాలని కమిషనర్‌ షెడ్యూల్‌ జారీ చేశారు.

కర్నూలు సిటీ/ఆదోని అర్బన్‌: విద్యార్థులకు పదో తరగతి పబ్లిక్‌ పరీక్షలు కీలకమైనవి. వీటిని గట్టెక్కేందుకు తీవ్రస్థాయిలో కష్టపడతారు. విద్యార్థులతో పాటు తల్లిదండ్రులపై కూడా ఒత్తిడి ఉంటుంది. విద్యాశాఖ కూడా ఇందుకు అనుగుణంగా ముందస్తు ప్రణాళికతో విద్యార్థులను పరీక్షలకు సన్నద్ధం చేయాల్సి ఉంది. అయితే విద్యాశాఖ వ్యవహరిస్తున్న తీరు చూస్తుంటే ఈ విద్యా సంవత్సరం ఆశించిన మేరకు ఫలితం వస్తుందా..లేదా అన్న అనుమానాలు వ్యక్తమవుతున్నాయి. జిల్లాలో ప్రభుత్వ, జెడ్పీ, ఏపీ ఆదర్శ స్కూల్స్, కస్తూర్బా స్కూళ్లతో పాటు రెసిడెన్షియల్‌ స్కూళ్లకు చెందిన విద్యార్థులు 34,576 మంది, ప్రైవేటు, కార్పొరేట్‌ విద్యా సంస్థలకు చెందిన 17,885 మంది... మొత్తంగా 52,461 మంది విద్యార్థులు 2019 మార్చి 18 నుంచి పదో తరగతి పబ్లిక్‌ పరీక్షలు రాయనున్నారు. ఇందుకు మరో 79రోజులు మాత్రమే గడువు ఉంది. పది ఫలితాల్లో గత ఏడాది జిల్లా 96.12 శాతం ఉత్తీర్ణత సాధించి.. రాష్ట్రంలో 6వ స్థానంలో నిలిచింది. జిల్లాలోని పశ్చిమ ప్రాంతంలో ఆశించిన మేరకు ఫలితాలు రాలేదు. దీంతో ఈ ఏడాది ఈ ప్రాంతంపై విద్యాశాఖ ప్రత్యేక దృష్టి సారించింది. ఇవీ అడ్డంకులు.. ♦ ఇప్పటికే బోధన ప్రక్రియను పూర్తి చేసి ప్రత్యేక తరగతుల ద్వారా పరీక్షలకు సన్నద్ధం చేయాల్సి ఉంది. అయితే పాఠ్యాంశాల బోధనే నత్తనడకన సాగుతోంది. ♦ భాషోపాధ్యాయులు డిమాండ్ల పరిష్కారం కోసం 20 రోజులు సమ్మెబాట పట్టారు. దీంతో విద్యార్థులకు తెలుగు, హిందీ, ఇంగ్లిష్‌ సబ్జెక్టుల బోధన కరువైంది. ♦ కొన్ని పాఠశాలల్లో  ప్రధాన సబ్జెక్టులకు కూడా ఉపాధ్యాయులు లేరు. దీనికి తోడు ప్రత్యేక తరగతుల శిక్షణ కానరావడం లేదు. ♦ ఉన్నత పాఠశాల విద్యార్థులకు ప్రభుత్వం చాలీచాలని పుస్తకాలు అందించింది.  పదో తరగతి విద్యార్థులకు పాఠ్యపుస్తకాలు ఒకరికి ఇస్తే ఇంకొరికి ఇవ్వలేదు. చాలా చోట్ల పూర్తిస్థాయిలో పుస్తకాలు పంపిణీ చేయలేదు. ♦ వెనకబడిన విద్యార్థులకు పది పరీక్షలో మెరుగైన ఉత్తీర్ణత సాధించేందుకు ప్రభుత్వం కరదీపికలకు ఇస్తోంది. అయితే ప్రతి పాఠశాలకు ఒక పుస్తకాన్ని అందస్తోంది. ప్రతి విద్యార్థికి అందజేస్తే ఉపయుక్తంగా ఉంటుంది. ♦ జిల్లాలోని పశ్చిమ ప్రాంతంలో ఈ ఏడాది వలసలు ఎక్కువగా ఉన్నాయి. ఫలితంగా ఫలితాలపై ప్రభావం చూపే అవకాశం ఉంది. కొన్ని పాఠ్య పుస్తకాలు లేవు   కొన్ని పాఠ్యపుస్తకాలు లేనందున చదువుకోవడానికి ఇబ్బందులు పడుతున్నాను. కరదీపిక పుస్తకాలు కూడా ఇవ్వలేదు. పాఠశాలకు ఒకటే ఇచ్చారు. ఎలా చదువుకోవాలి. పరీక్షలు దగ్గరకు వచ్చాయి. ఒత్తిడి పెరుగుతోంది.  –రుచిత, పదో తరగతి విద్యార్థిని   ప్రభుత్వం శ్రద్ధ వహించడం లేదు   పదో తరగతి విద్యార్థులకు పాఠ్యపుస్తకాలను సకాలంలో అందించి మెరుగైన బోధన ఇవ్వడంలో ప్రభుత్వం శ్రద్ధ చూపడం లేదు. ప్రజాప్రతినిధులు కూడా రానున్న ఎన్నికలపైనే ప్రధాన దృష్టి సారిస్తున్నారే కాని విద్యార్థుల చదువుపై నిర్లక్ష్యం వహిస్తున్నారు. దీనికి తోడు విద్యాశాఖ కూడా ముందస్తు ప్రణాళికతో విద్యార్థులను సన్నద్ధం చేయడంలో పూర్తిగా వెనకబడింది.–నాగరాజు, ఏబీవీపీ నాయకుడు వెనుకబడిన విద్యార్థులపై ప్రత్యేక దృష్టి   పదో తరగతిలో ఈ ఏడాది 100 శాతం ఫలితాలు సాధించడంకోసం 90 రోజుల ప్రత్యేక ప్రణాళికను తయారు చేశాం. ప్రతి సబ్జెక్టులో కూడా విద్యార్థులకు సులువైన విధానంలో భోధన చేసేందుకు టీచర్లకు శిక్షణ ఇచ్చాం. ముందుగా ఈ ఏడాది స్టడీ మెటిరియల్‌ను విద్యార్థులకు అందజేశాం.  కరువుతో వలస వెళ్లిన వారికి   ప్రత్యేక సదుపాయాలు ఏర్పాటు చేసి చదువు చెప్పిస్తున్నాం. వచ్చే నెల 2వ తేదీ నుంచి రివిజన్‌ టెస్ట్‌లు మొదలు కానున్నాయి.–తాహెరా సుల్తానా, డీఈఓ

ప్రభుత్వ పాఠశాలల్లోని పదో తరగతి విద్యార్థుల చదువుపై విద్యాశాఖ నిర్లక్ష్యంగా వ్యవహరిస్తోంది. మెరుగైన ఫలితాలు సాధించేందుకు వీలుగా నిర్వహించే ప్రత్యేక తరగతులను పట్టించుకోవడం లేదు. ఉన్నతాధికారుల మౌఖిక ఆదేశాలను ఆయా ప్రభుత్వ ఉన్నత పాఠశాలల ప్రధానోపాధ్యాయులు తేలిగ్గా తీసుకుంటున్నారు. అప్పుడప్పుడు స్పెషల్‌ క్లాసులు నిర్వహిస్తూ మమ  అనిపిస్తున్నారనే ఆరోపణలు వినిపిస్తున్నాయి. సాక్షి, రంగారెడ్డి జిల్లా: జిల్లాలో ప్రభుత్వ ఉన్నత పాఠశాలలు 241, మోడల్‌ స్కూళ్లు 9 ఉండగా.. వీటిలో సుమారు 16 వేల మంది పదో తరగతి విద్యార్థులు చదువుతున్నారు. విద్యా సంవత్సరం ఆరంభం నుంచే టెన్త్‌ విద్యార్థులకు అన్ని సబ్జెక్టుల్లో ప్రత్యేక తరగతులు నిర్వహిస్తే మంచి ఫలితాలు వచ్చే అవకాశం ఉంది.  ఉదయం 8.30 నుంచి 9.30 గంటల వరకు, తిరిగి సాయంత్రం 5 నుంచి 6 గంటల వరకు తరగతులు నిర్వహించాలి. ఉపాధ్యాయులు ఆయా సబ్జెక్టుల్లో విద్యార్థుల సందేహాలు నివృత్తి చేస్తూ విషయ పరిజ్ఞానాన్ని పెంపొందించేలా చేయడమే ప్రత్యేక తరగతుల ఉద్దేశం. అయితే, గతేడాది ఆగస్టులోనే స్పెషల్‌ క్లాసులు ప్రారంభమయ్యాయి. ప్రత్యేక తరగతుల నిర్వహణపై ఈ ఏడాది జిల్లా విద్యాశాఖాధికారి మౌఖికంగా ఆదేశాలు జారీ చేశారు. ప్రతి రోజూ టీచర్లు బోధించిన సబ్జెక్టు, అంశాలు, హాజరైన విద్యార్థుల సంఖ్య తదితర వివరాలను నమోదు చేసేందుకు ప్రత్యేకంగా రిజిస్ట్రర్‌ కూడా నిర్వహించాలి. ఈమేరకు జూలై నెలాఖరులో ఉన్నత పాఠశాలల హెచ్‌ఎంలతో సమావేశం నిర్వహించి ఈమేరకు చెప్పినట్లు సమాచారం. అధికారికంగా ఎటువంటి సర్క్యులర్‌ జారీ చేయలేదు. దీన్ని ఆయా హెచ్‌ఎంలు తేలిగ్గా తీసుకుంటున్నట్లు తెలుస్తోంది. సింహభాగం పాఠశాలల్లో తూతూ మంత్రంగా తరగతులు నిర్వహిస్తున్నారు. కొన్ని పాఠశాలల్లో ఒక్కపూటకే ప్రత్యేక తరగతులు పరిమితం అయ్యాయి. దీంతో పాటు రికార్డుల నిర్వహణను విస్మరించారు. తరగతుల నిర్వహణపై ఎటువంటి పర్యవేక్షణ లేదు. ఇన్‌చార్జి ఎంఈఓలు ఉన్నా.. ఆ బాధ్యతలు వారికి అప్పగించ లేదని సమాచారం. దీంతో వారూ పెద్దగా పట్టించుకోవడం లేదు. ఇలా దిక్సూచి లేని ప్రయాణంలా ప్రత్యేక తరగుతులు కొనసాగుతుండడంతో విద్యార్థుల తల్లిదండ్రులు ఆందోళన చెందుతున్నారు.    సిలబస్‌ 60 శాతమే..  ఈ విద్యాసంవత్సరం ఆరంభం నుంచి బోధన అరకొరగానే జరుగుతోంది. పలు అడ్డంకులు ఎదురవడంతో బోధన వెనుకబడింది. వేసవి సెలవుల అనంతరం జూన్‌ ఒకటిన పాఠశాలలు పునఃప్రారంభమవగా.. కొన్ని రోజుల పాటు టీచర్లు బడి బాట కార్యక్రమంలోనే నిమగ్నమయ్యారు. అనంతరం అదే నెల 6న టీచర్ల బదిలీల ఉత్తర్వులు వెలువడడంతో... ఉపాధ్యాయులంతా అదే చర్చలో పడ్డారు. బదిలీల ప్రక్రియ జులై 15న ముగిసింది. ఇలా దాదాపు నెలన్నర సమయం వృథా అయింది.  ఈ ప్రభావం బోధనపై పడింది. వచ్చేనెల ఒకటి నుంచి 8 వరకు సంగ్రహణాత్మక మూల్యాంకనం –1 (ఎస్‌ఏ) పరీక్షలు జరగనున్నాయి. ఇప్పటిరవకు లక్షిత సిలబస్‌లో 60 శాతం పాఠ్యాంశాల బోధన మాత్రమే పూర్తయింది. మరో పది రోజుల్లో మిగిలిన 40 శాతం సిలబస్‌ పూర్తి కావడం కష్టమే. ఆ తర్వాత వచ్చేనెల 9 నుంచి 21వరకు దసరా సెలవులు. ఇలా పుణ్య కాలమంతా గడుస్తున్నా యంత్రాంగం పకడ్బందీగా పదో తరగతి విద్యార్థుల ప్రత్యేక తరగతుల నిర్వహణలో విఫలమవుతున్నారు. ఈ విషయమై డీఈఓ కె.సత్యనారాయణ రెడ్డి వివరణ కోరేందుకు ‘సాక్షి’ ప్రయత్నించగా ఆయన స్పందించలేదు. గణితం, సైన్స్‌లోనే అధికంగా> ఫెయిల్‌..  గతేడాది ఆగస్టు నుంచే ప్రత్యేక తరగతులు నిర్వహించడం ద్వారా కాస్త మెరుగైన ఫలితాలు వచ్చాయి. పదో తరగతి ఫలితాల్లో జిల్లా 87.13 శాతం ఉత్తీర్ణత సాధించి రాష్ట్రస్థాయిలో 16వ స్థానంలో జిల్లా నిలిచింది. అయితే, ఇంతవరకు బాగానే ఉన్నా ప్రభుత్వ బడుల్లో చదివిన విద్యార్థుల్లో అధిక శాతం మంది గణితం, సైన్స్‌లోనే తప్పారు. సగటున మ్యాథ్స్‌లో 10 శాతం, సైన్స్‌లో ఏడు శాతం మంది విద్యార్థులు ఫెయిలయ్యారు. ఈమేరకు అధికారిక లెక్కలే స్పష్టం చేస్తున్నారు. దాదాపు ఆరు నెలలు ప్రత్యేక తరగతులు నిర్వహించినా ఆ స్థాయిలో ఫెయిలవడం గమనార్హం. ఆ పరిస్థితి తిరిగి పునరావృతం కాకుండా ఇప్పటికైనా విద్యాశాఖ మేల్కొని చర్యలు తీసుకోవాల్సిన అవసరం ఉంది.

నెల్లూరు(టౌన్‌): పదో తరగతిలో ఇంటర్నల్‌ మార్కులు విద్యార్థులు, ఉపాధ్యాయులను అయోమయంలో పడేసింది. గత రెండేళ్లుగా పదో తరగతి పబ్లిక్‌ పరీక్షలు 80 మార్కులకే నిర్వహిస్తున్నారు. మిగిలిన 20 మార్కులు ఇంటర్నల్‌ మార్కులుగా కలుపుతున్నారు. అయితే ఈ ఏడాది 100 మార్కులకు పదో తరగతి పబ్లిక్‌ పరీక్షలు ఉంటాయని ఇటీవల రాష్ట్ర విద్యాశాఖ మంత్రి గంటా శ్రీనివాసరావు ప్రకటించారు. పాఠశాలలను పునఃప్రారంభించి 3 నెలలు పూర్తయినా పదో తరగతి పబ్లిక్‌ పరీక్షలకు ఎన్ని మార్కులు ఉంటాయన్న దానిపై ఇప్పటికీ జిల్లా విద్యాశాఖకు స్పష్టత రాలేదు. పరీక్షల్లో ఎన్ని మార్కులకు పేపరు ఉంటుందన్న ఆందోళన ఉపాధ్యాయులు, విద్యార్థుల్లో నెలకొంది. గత రెండేళ్లుగా పరీక్షల్లో మార్పులు చేస్తూ విద్యార్థులను ఆందోళనకు గురిచేస్తున్నారు. అయితే ప్రైవేట్‌ విద్యాసంస్థల యజమానులు మాత్రం పదో తరగతిలో ఇంటర్నల్‌ మార్కులు ఉండాలని మంత్రిపై ఒత్తిడి తీసుకువస్తున్నట్లు తెలిసింది. స్పష్టత లేక అమోమయం జిల్లాలో మొత్తం 694 ఉన్నత పాఠశాలలు ఉన్నాయి. వాటిలో 348 ప్రభుత్వ, 346 ప్రైవేట్‌ పాఠశాలలు ఉన్నాయి. ఈ ఏడాది 35,478 మంది విద్యార్థులు పదో తరగతి చదువుతున్నారు. ప్రభుత్వ పాఠశాలల్లో 21799 మంది విద్యార్థులు ఉన్నారు. వారిలో 10254 మంది బాలురు, 11538 మంది బాలికలు విద్యనభ్యసిస్తున్నారు. అలాగే కార్పొరేట్, ప్రైవేట్‌ పాఠశాలల్లో 13679 మంది విద్యార్థులు చదవుతున్నారు. వారిలో 7825 మంది బాలురు, 5854 మంది బాలికలు ఉన్నారు. ప్రతి ఏటా మార్చిలో పదో తరగతి పబ్లిక్‌ పరీక్షలను నిర్వహిస్తున్నారు. అయితే పది పరీక్షలు ఎన్ని మార్కులకు నిర్వహిస్తారో ఇప్పటికీ విద్యార్థులకు తెలియని పరిస్థితి నెలకొంది. 2016–17 విద్యా సంవత్సరం నుంచి పదో తరగతి పరీక్షల్లో రాష్ట్ర ప్రభుత్వం మార్పులు తీసుకువచ్చింది. గతంలో పదో తరగతి పరీక్షల్లో ఒక్కో సబ్జెక్ట్‌కు 100 మార్కులకు పరీక్ష నిర్వహించే వారు. గత రెండేళ్లుగా ఒక్కో సబ్జెక్ట్‌కు 80 మార్కులకే పరీక్ష నిర్వహిస్తున్నారు. మిగిలిన 20 మార్కులకు పాఠశాలల్లో నిర్వహించే ఫార్మేటివ్‌ అసెస్‌మెంట్, సమ్మెటివ్‌ అసెస్‌మెంట్‌ పరీక్షల్లో విద్యార్థుల ప్రతిభను పరిగణనలోకి తీసుకుని మార్కులు వేస్తున్నారు. ఏడాదికి 4 ఫార్మేటివ్‌లు, 3 సమ్మెటివ్‌ అసెస్‌మెంట్‌లు నిర్వహించాల్సిఉంది. అయితే 2017–18లో తొలి సమ్మెటివ్‌ అసెస్‌మెంట్‌ పేపర్‌ లీకు కావడంతో ఆ పరీక్షను పూర్తిగా రద్దు చేసి రెండు అసెస్‌మెంట్‌లనే నిర్వహించారు. 2016–17 విద్యా సంవత్సరంలో ఎఫ్‌ఏ, ఎస్‌ఏ పరీక్షలకు సంబంధించి వచ్చిన మార్కుల ఆధారంగా 8వ తరగతిలో 10 మార్కులు, 9వ తరగతిలో 10 మార్కులు తీసుకుంటామని ప్రకటించారు. కానీ కేవలం 10వ తరగతిలో 4 ఫార్మేటివ్‌లు రెండు అసెస్‌మెంట్‌ల్లో వచ్చిన 360 మార్కులను పరిగణనలోకి తీసుకుని ఇంటర్నల్‌ మార్కులను కలిపారు. అయితే 2017–18 సంవత్సరంలో ఎఫ్‌ఏ, ఎస్‌ఏ పరీక్షల్లో వచ్చిన మార్కుల ఆధారంగా పబ్లిక్‌ పరీక్షల్లో ఇంటర్నల్‌ మార్కులు వేశారు. అయితే సమ్మెటివ్‌ అసెస్‌మెంట్‌ పరీక్షలకు రాష్ట్ర ప్రభుత్వం ప్రభుత్వ, ప్రైవేట్‌ విద్యార్థులకు ఒకే రకమైన ప్రశ్నపత్రంతో పరీక్షలు నిర్వహించారు. మార్కులపై గందరగోళం పదో తరగతి మార్కులపై రాష్ట్ర ప్రభుత్వం ఇప్పటికీ స్పష్టత ఇవ్వలేదు. పదిలో 100 మార్కులకు పరీక్షలు ఉంటాయని ఇటీవల రాష్ట్ర విద్యాశాఖ మంత్రి గంటా శ్రీనివాసరావు ప్రకటించినా దీనిపై జిల్లా విద్యాశాఖకు ఎలాంటి ఉత్తర్వులు రాలేదు. ఇప్పటికి తొలి ఫార్మేటివ్‌ అసెస్‌మెంట్‌ పరీక్షను నిర్వహించగా, ప్రస్తుతం రెండో ఫార్మేటివ్‌ పరీక్ష జరుగుతోంది. తొలి సమ్మెటివ్‌ పరీక్షను దసరా సెలవుల అనంతరం అక్టోబర్‌ చివరి వారంలో నిర్వహించాలని నిర్ణయించారు. పదో తరగతి పరీక్షల్లో 80 మార్కులు ఉండడం ప్రైవేట్‌ విద్యాసంస్థలకు ప్రయోజనమని తెలుస్తోంది. ప్రభుత్వ, ప్రైవేట్‌ పాఠశాలలకు ఒకే ప్రశ్నపత్రం ఉండడం వల్ల లీక్‌ చేయడం పరిపాటిగా మారింది. గతేడాది సమ్మెటివ్‌ అసెస్‌మెంట్‌ ప్రశ్నపత్రాన్ని లీక్‌ చేయడం వల్ల ఏకంగా పరీక్షలనే రద్దు చేశారు.   కార్పొరేట్‌ వాళ్లదే.. పదిలో ఇంటర్నల్‌ మార్కుల కోసం కార్పొరేట్, ప్రైవేట్‌ విద్యాసంస్థల విద్యార్థులకు లాభసాటిగా మారాయన్న ఆరోపణలు ఉన్నాయి. కార్పొరేట్‌ విద్యాసంస్థల యజమానులు తమకు ఇష్టం వచ్చిన విధంగా విద్యార్థులకు ఇంటర్నల్‌ మార్కులు వేస్తున్నారని తెలుస్తోంది. అందుకే ఎక్కువగా కార్పొరేట్, ప్రైవేట్‌ విద్యాసంస్థల్లో చదువుతున్న విద్యార్థులకు 10కి 10 జీపీఏ రావడం సులభతరమైందంటున్నారు. దీంతోనే పదిలో ఇంటర్నల్‌ మార్కులు తప్పనిసరిగా ఉండాలని కార్పొరేట్‌ విద్యాసంస్థల యజమానులు పట్టుబడుతున్నారు. ఈ విషయంపై మంత్రి నారాయణ ద్వారా లాబీయింగ్‌ చేస్తున్నారని తెలిసింది. ఈ నేపథ్యంలోనే ఈ ఏడాది పదో తరగతికి ఇంటర్నల్‌ మార్కులు ఉండవని, 100 మార్కులకు పరీక్షలు ఉంటాయని ప్రకటించినా ఇప్పటికీ ఉత్తర్వులు రాలేదని చెబుతున్నారు.  

సాక్షి, నర్సీపట్నం :  పోర్న్‌ వీడియోల ప్రభావం ఓ బాలుడిని నిందితుడిగా మార్చాయి. అతనికి వరుసకు సోదరి అయిన బాలికపై లైంగికదాడి చేసేందుకు పురిగొల్పాయి, ఆపై హత్యాయత్నం కూడా చేశాడు. దీంతో ఆ బాలిక ప్రమాదకర పరిస్థితిలో ఆస్పత్రిలో చికిత్స పొందుతోంది. కోటవురట్ల మండలం బాపిరాజు కొత్తపల్లి(బీకే పల్లి) గ్రామంలో గత ఆదివారం ఈ సంఘటన జరిగిన విషయం తెలిసిందే. ఆ కేసుకు సంబంధించి నిందితుడైన బాలుడిని పోలీసులు అదుపులోకి తీసుకుని శనివారం విశాఖపట్నం జువైనల్‌ హోమ్‌కు తరలించారు. ఈ సందర్భంగా నర్సీపట్నంలో నిర్వహించిన విలేకరుల సమావేశంలో వివరాలు తెలిపారు.  పోర్న్‌ వీడియోల ప్రభావంతో సోదరిపైనే అత్యాచారానికి తెగబడ్డాడని చెప్పారు. బాధితురాలు, నిందితుడిది ఒకే ఇంటి పేరు. పక్కపక్కనే నివాసం ఉంటున్నారు. నిందితుడు ఇటీవల పదో తరగతి పాస్‌ అయ్యాడు, బాధితురాలు ఏడు నుంచి 8వ తరగతిలోకి వస్తోంది. పక్కపక్క ఇళ్లు  కావడంతో ఎప్పుడు సరదాగా ఆడుకుంటారు. ఎప్పుడూ మాదిరిగానే 10వ తేదీన ఐదుగురు పిల్లలు ఆడుకున్నారు. వర్షం వస్తుండడంతో ముగ్గురు పిల్లలు ఇంటికి వెళ్లిపోయారు.  తమ ఇంటి నిర్మాణానికి తీసుకువచ్చిన సిమెంట్‌ బస్తాలు వర్షానికి తడవకుండా ఉండేందుకు కవర్‌ కప్పేందుకు బాధితురాలు వెళ్లింది. ఇదే అదునుగా భావించిన నిందితుడు పాకలో ప్రవేశించి వెనుక నుంచి ఒక్కసారిగా బాలికను పట్టుకున్నాడు. భయాందోళనకు గురైన ఆ బాలిక పెద్దగా కేకలు పెట్టింది. నలుగురు వస్తే పరువుపోతుందని భావించిన నిందితుడు బాలిక మెడలో ఉన్న చున్నీతో పాక రాటకు గట్టిగా బిగించి హత్యాయత్నానికి పాల్పడ్డాడు. బాలిక స్పృహతప్పడంతో, పాకలో సిమెంట్‌ బస్తాలు అమ్మాయిపై పడినట్టు సీన్‌ క్రియేట్‌ చేశాడు. పరుగు పరుగున ఇంటికి వెళ్లి  చెల్లెలు సిమెంట్‌ బస్తా  కిందపడి ఉందని కుటుంబ సభ్యులతో చెప్పాడు. తల్లిదండ్రులు అక్కడికి చేరుకుని  అపస్మారక స్థితిలో ఉన్న బాలికను ఆస్పత్రికి తరలించారు.  పోలీసులు విచారణ చేపట్టగా నిందితుడు ఆరోజు నుంచి ఊరిలో కనిపించలేదు. అతనిని పట్టుకుని విచారించగా వీడియోల ప్రభావంతో ఎవరైనా అమ్మాయితో అలా ప్రవర్తించాలని అనిపించేదని, కళ్లెదురుగా  సోదరి కనిపించడంతో అలా ప్రవర్తించానని పోలీసుల ముందు అంగీకరించాడు. దీంతో కేసు నమోదు చేసి, మైనర్‌ కావడంతో జువైనల్‌ హోమ్‌కు తరలించినట్టు సీఐ రేవతమ్మ తెలిపారు. ఈ సమావేశంలో కోటవురట్ల ఎస్‌ఐ  మధుసుధన్‌రావు పాల్గొన్నారు.   

న్యూఢిల్లీ: సీబీఎస్‌ఈ (సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌) పదవ తరగతి ఫలితాల్లో నలుగురు విద్యార్థులు 500కి అత్యధికంగా 499 మార్కులు సాధించారు. మంగళవారం వెలువడిన ఈ ఫలితాల్లో మొత్తంగా 86.7 శాతం మంది విద్యార్థులు ఉత్తీర్ణులయ్యారు. అబ్బాయిల్లో 85.32 శాతం, బాలికల్లో 88.67 శాతం మంది ఉత్తీర్ణత సాధించారు. గుర్గావ్‌కు చెందిన ప్రాకార్‌ మిత్తల్, యూపీలోని బిజ్నూర్‌కు చెందిన రిమ్‌జిమ్‌ అగర్వాల్, షమ్లీకి చెందిన నందినీ గార్గ్, కొచ్చి అమ్మాయి శ్రీలక్ష్మిలు 500కి 499 మార్కులు సాధించారు. మరో ఏడుగురికి 498మార్కులు, 14 మందికి 497 మార్కులొచ్చాయి. ఉత్తీర్ణతా శాతం పరంగా చూస్తే తిరువనంతపురం (99.6 శాతం), చెన్నై (97.37 శాతం), అజ్మీర్‌ (91.86 శాతం) రీజియన్లు మెరుగైన ఫలితాలు సాధించాయి. దేశం మొత్తం మీద 27,426 మంది విద్యార్థులు 95 శాతానికిపైగా మార్కులు తెచ్చుకున్నారు. అంగ వైకల్యం కలిగిన విద్యార్థుల ఉత్తీర్ణతా శాతం 92.55 కాగా, గుర్గావ్‌కు చెందిన అనుష్క పండా, ఘజియాబాద్‌కు చెందిన సాన్యా గాంధీలు 489 మార్కులు పొందారు. నిరంతర సమగ్ర మూల్యాంకనం (సీసీఈ) విధానాన్ని సీబీఎస్‌ఈ రద్దు చేశాక జరిగిన తొలి పరీక్షలివే. పరీక్షల్లో ఉత్తీర్ణత సాధించిన విద్యార్థులకు కేంద్ర మానవ వనరుల అభివృద్ధి శాఖ మంత్రి ప్రకాశ్‌ జవదేకర్‌ శుభాకాంక్షలు చెప్పారు. ఫెయిల్‌ అయిన విద్యార్థులు మనో నిబ్బరంతో ఉండాలని కోరారు. 12వ తరగతి టాపర్లను కలిసిన కేజ్రీవాల్‌ సీబీఎస్‌ఈ 12వ తరగతి ఫలితాల్లో ఢిల్లీలో టాపర్లుగా నిలిచిన వారిని ముఖ్యమంత్రి అరవింద్‌ కేజ్రీవాల్, ఉప ముఖ్యమంత్రి మనీశ్‌ సిసోడియాలు విద్యార్థుల ఇళ్లలోనే కలిశారు. ఢిల్లీ విద్యాశాఖ మంత్రి కూడా అయిన సిసోడియాతో కలసి కేజ్రీవాల్‌.. టాపర్లు భారతీ రాఘవ్, ప్రిన్స్‌ కుమార్, ప్రాచీ ప్రకాశ్, చిత్రా కౌశిక్‌ల ఇళ్లకు వెళ్లారు. అలాగే 12వ తరగతి వొకేషనల్‌ విద్య విభాగంలో టాపర్‌గా నిలిచిన షహనాజ్‌ను కలిసేందుకు దర్యాగంజ్‌ ప్రాంతంలో ఉన్న అనాధశ్రమాన్ని కూడా వారిరువురూ సందర్శించారు. ఆమ్‌ ఆద్మీ పార్టీ (ఆప్‌) అధికారంలోకి వచ్చిన తొలి ఏడాదే బడ్జెట్‌లో విద్యా రంగానికి కేటాయింపులను రెండింతలు చేసిన విషయాన్ని కేజ్రీవాల్‌ ప్రస్తావిస్తూ.. అది డబ్బు ఎక్కువ ఖర్చు చేయడం కాదనీ, పిల్లల భవిష్యత్తు కోసం పెడుతున్న పెట్టుబడి అని మంగళవారం అన్నారు. సీబీఎస్‌ఈకి లీకు వీరుల జాబితా సీబీఎస్‌ఈ పరీక్షల్లో 10వ తరగతి గణితం, 12వ తరగతి ఆర్థిక శాస్త్రం ప్రశ్న పత్రాలు లీకయ్యి సంచలనం సృష్టించడం తెలిసిందే. అలా ప్రశ్న పత్రాలను ముందుగానే అందుకుని పరీక్షలు రాసిన విద్యార్థుల వివరాలను పోలీసులు సీబీఎస్‌ఈకి సమర్పించారు. లీకేజీ వ్యవహారంలో ఢిల్లీ, హిమాచల్‌ ప్రదేశ్‌ల్లో పోలీసులు కొందరిని అరెస్టు చేసి కేసులు నమోదు చేశారు. అరెస్టయిన వారి నుంచి వివరాలను రాబట్టి, ప్రశ్న పత్రాలను ముందుగానే అందుకున్న విద్యార్థుల జాబితాను పోలీసులు సీబీఎస్‌ఈకి పంపారు.

పదోతరగతి విద్యార్హతతో ఉద్యోగావకాశాలను  అందిపుచ్చుకొనే కోర్సుల్లో పశుసంవర్ధక పాలిటెక్నిక్‌ కోర్సు ప్రధానంగా ఉంది. ఈ డిప్లొమా కోర్సును తిరుపతి శ్రీ వెంకటేశ్వర పశువైద్య విశ్వవిద్యాలయం అందుబాటులోకి తీసుకొచ్చింది. ఇందుకు సంబంధించి రాష్ట్రంలో 7 కళాశాలలు ఏర్పాటు చేయగా ఇందులో రాపూరు వెటర్నరీ పాలిటెక్నిక్‌ కళాశాల ఒకటి. పది ఉత్తీర్ణత సాధించిన విద్యార్థులు ఇందులో చేరి డిçప్లొమా కోర్సును పూర్తి చేస్తే  పశుసంవర్థక శాఖలో వెటర్నరీ  సహయకుల  ఉద్యోగాలకు అర్హులవుతారు. ప్రైవేటు డైయిరీల్లోనూ ఉపాధి అవకాశాలను అందిపుక్చుకోవచ్చు. రాపూరు: గ్రామీణ ప్రాంతంలో పదోతరగతి వరకే పరిమితమవుతున్న పేద విద్యార్థులకు పశువైద్యంలో ప్రభుత్వం, ప్రైవేటు రంగాల్లో  ఉద్యోగ అవకాశాలు కల్పించాలని తిరుపతి శ్రీ వెంకటేశ్వర పశువైద్య విశ్వవిద్యాలయం  పశుసంవర్థక శాఖ పాలిటెక్నిక్‌ డిప్లొమా కోర్సులను  అందుబాటులోకి తీసుకువచ్చింది. ఈ కోర్సులను బోధించేందుకు రాష్ట్ర వ్యాప్తంగా ఏడు కళాశాలలను నిర్వహిస్తుంది, రాపూరు (నెల్లూరు జిల్లా), రామచంద్రాపురం (పశ్చిమగోదావరి), పలమనేరు (చిత్తూరు), మడకశిర (అనంతపురం), బద్వేల్‌ (కర్నూల్‌), గడివిడి (విజయనగరం) ప్రాంతాల్లో ఈ కళాశాలలు ఉన్నాయి. నెల్లూరు జిల్లాకు సంబం«ధించి  రాపూరుకు  5 కిలో మీటర్ల దూరంలో ఉన్న బొజ్జనపల్లి సమీపంలో సుమారు 30 ఎకరాల స్థలంలో శాశ్వత భవనాలతో  పశుసంవర్ధక పాలిటెక్నిక్‌ కళాశాలను ఏర్పాటుచేయడం జరిగింది. దివంగత మాజీ ముఖ్యమంత్రి వైఎస్‌ రాజశేఖరరెడ్డి  2006 సంవత్సరం జూన్‌ 3వ తేదీన రాపూరులో పాలిటెక్నిక్‌ కళాశాల నిర్మాణానికి శంకుస్థాపన చేశారు. 2007–2008 విద్యాసంవత్సరం నుంచి రాపూరు బాలికల ఉన్నత పాఠశాలలోని మూడుగదుల్లో తరగతులను ప్రారంభించారు.అనంతరం బొజ్జనపల్లి వద్ద  కళాశాలను సుమారు రూ.3 కోట్ల వ్యయంతో నిర్మించారు. బాలుర, బాలికలకు వేరువేరుగా వసతి గృహాలు, ప్రిన్సిపాల్‌ వసతి, వాచ్‌మేన్‌ గది, సీసీరోడ్లు, విద్యుత్‌దీపాలు ఏర్పాటు చేశారు. విద్యార్థులకు రక్షణగా 9 మంది సెక్యూరిటీ గార్డులను నియమించారు. 2006 నుంచి 2014 వరకు ఏటా 20 సీట్లు కల్పిస్తు వచ్చారు.ఇందులో చేరేందుకు గ్రామీణ విద్యార్థులనుంచి ఆసక్తి పెరగడంతో 2015 నుంచి అదనంగా 10 సీట్లు పెంచి మొత్తం 30 సీట్లలో విద్యార్థులను చేర్చుకుంటున్నారు.  వసతి సౌకర్యంరెండేళ్ల కోర్సుకాలంలో విద్యార్థులు వసతిగృహాల్లోనే ఉండేలా అన్ని వసతులు కల్పించారు.రాపూరులో కళాశాల ప్రక్కనే విద్యార్థిని, విద్యార్థులకు  వేరువేరుగా చక్కటి  వసతి గృహ భవనాలను ఏర్పాటుచేశారు. దరఖాస్తు చేసుకునేదిలా.. రాపూరు ప్రభుత్వ వెటర్నరీ పాలిటెక్నిక్‌ కళాశాల్లో 30 సీట్లు ఉన్నాయి. పదో తరగతి ఉత్తీర్ణులైన విద్యార్థులు కోర్సులో చేరాలంటే  ఎస్‌సీ, ఎస్‌టీలకు 10వ తరగతిలో55శాతం, ఓసీ, బీసీలకు 60 శాతం మార్కులు ఉండాలి. కోర్సులో చేరేవారికి 22సంవత్సరాల లోపు ఉండాలి. డబ్ల్యూడబ్ల్యూ .ఎస్‌వివియు.ఈడీయు.ఇన్‌ ఆన్‌లైన్‌లో దరఖాస్తును డౌన్‌లోడ్‌ చేసుకుని శ్రీవెంకటేశ్వర పశుసంవర్థక కళాశాల, తిరుపతికి దరఖాస్తు చేసుకుంటే వారు కౌన్సిలింగ్‌ ద్వారా ఎంపిక చేస్తారు. జూన్‌ మాసంలో పత్రికా ప్రకటనద్వారా లేదా ఆన్‌లైన్‌లో నోటిఫికేషన్‌ విడుదల చేస్తారు. ఉపాధి అవకాశాలిలా..   కోర్సు పూర్తిచేసిన విద్యార్థులు పశుసంవర్థక శాఖలో వెటర్నరీ అసిస్టెంట్ల ఉద్యోగాలకు అర్హులవుతారు.ప్రైవేటు రంగంలో డైరీ, పౌల్ట్రీ పరిశ్రమల్లోనూ ఉద్యోగ అవకాశాలుంటాయి.  ప్రస్తుతం  వ్యవసాయ రంగానికి అనుబంధంగా పాడిపరిశ్రమ వృద్ధి చెందుతోంది. పాల ఉత్పత్తుల్లో రెండంకెల వృద్ధి సాధనకు ప్రభుత్వం ప్రాధాన్యత ఇస్తున్న నేపథ్యంలో ఉద్యోగ ఉపాధి అవకాశాలు  పుష్కలంగా ఉండే అవకాశం ఉంది. గ్రామీణ ప్రాంతాల్లో పశువైద్యుల కొరత తీవ్రంగా ఉన్నా నేపథ్యంలో పశువైద్యసేవలతో స్వయం ఉపాధి పెంపొందించుకోవచ్చు . ఇంటర్‌ ఆపై తరగతులు చదివే స్తోమత లేని విద్యార్థులు పదోతరగతి ఉతీర్ణతతో ఈ కోర్సులో చేరితే త్వరగా ఉద్యోగ అవకాశాలను అందిపుచ్చుకుని ఆర్థికంగా స్థిరపడే అవకాశం ఉంది.  ఉపాధి అవకాశాలు మెండు వ్యవసాయ రంగానికి ప్రత్యామ్నాయంగా పాడిపరిశ్రమ పురోభివృద్ధి చెందుతున్న నేపథ్యంలో కోర్సు పూర్తి చేసినవారికి ఉపాధి అవకాశాలు మెండుగా ఉన్నాయి. ప్రభుత్వ పశుసంర్ధక శాఖలో వెటర్నరీ అసిస్టెంట్ల పోస్టులు ఖాళీగా ఉన్నందున వాటిని భర్తీ  చేసినప్పుడు సులభంగా ఉద్యోగవాకాశాలు పొందవచ్చు. రాపూరు కళాశాల్లో సీట్ల భర్తీకి శ్రీవెకటేశ్వర పశువైద్య విశ్వవిద్యాలయం నుంచి త్వరలో ప్రకటన వెలువడనుంది. – పి. వెంకటేశ్వరావు, ప్రిన్సిపాల్, వెటర్నరీ పాలిటెక్నిక్‌ కళాశాల, రాపూరు

జిల్లాలో ఉర్దూ పాఠశాలలు ఇటీవల వెలువడిన పదో తరగతి ఫలితాల్లో సత్తాచాటాయి. ప్రభుత్వం ఉపాధ్యాయుల కొరత తీర్చకపోయినా,  తగినన్ని వసతులు కల్పించకపోయినా అందుబాటులో ఉన్న వనరులను వినియోగించుకుని ఇతర పాఠశాలలకు తీసిపోని విధంగా ఉత్తమ ఫలితాలు సాధించాయి. జిల్లాలో  28 ఉర్దూ ఉన్నత పాఠశాలలు ఉండగా, అందులో 16  పాఠశాలలు వంద శాతం ఉత్తీర్ణత సాధించి కార్పొరేట్‌ పాఠశాలలకు ధీటుగా నిలిచాయి. మదనపల్లె సిటీ: పదో తరగతిలో జిల్లాలో ఉర్దూ పాఠశాలలకు ఉత్తమ ఫలితాలు లభించాయి. మారుమూల ప్రాంతాలైన పెనుమూరు మండలంలోని పూనేపల్లె, కుప్పంలోని కుప్పం మెయిన్, వి.కోట మండలంలోని వి.కోట ఉర్దూ మెయిన్, నడిపేపల్లి, కొంగాటం, మండల కేంద్రాలైన రామకుప్పం, బైరెడ్డిపల్లె, రొంపిచెర్ల, పీలేరు, బి.కొత్తకోట, యాదమరి మండలంలోని 14 కండ్రిగ, కలికిరి మండలంలోని గడి, మహల్, మదనపల్లె రూరల్‌ మండలం బాలాజీనగర్, పెద్దతిప్పసముద్రం, ,పెద్దమండ్యం మండలంలోని కలిచెర్ల వంద శాతం ఫలితాలను సాధించాయి. మిగిలిన 22 పాఠశాలలు సరాసరి 95 శాతం ఫలితాలను సాధించి ఆధిక్యతను చాటుకున్నాయి. ఉన్న టీచర్లపైనే భారమంతా ... ఉర్దూ పాఠశాలల్లో డీఎస్సీ నియామకాలు జరిగినప్పుడల్లా టీచర్‌ పోస్టులు భర్తీ చేస్తూనే ఉన్నారు. కానీ రూల్‌ ఆఫ్‌ రిజర్వేషన్‌ ప్రకారం 50 శాతానికి పైగా పోస్టులు ఎస్సీ,ఎస్టీ, బీసీ–ఏ,సీ,డీ కేటగిరీలకు కేటాయిస్తుండటంతో అభ్యర్థులు లేక అవి చాలాకాలంగా ఖాళీగానే ఉన్నాయి. దీంతో ఉర్దూ పాఠశాలల్లో ఒకరిద్దరు టీచర్లే భారమంతా మోస్తూ నెట్టుకొస్తున్నారు. వి.కోట మండలంలోని కొంగాటం ఉర్దూ ఉన్నత పాఠశాలలో 100 మంది విద్యార్థులకు ఇద్దరు ఉపాధ్యాయులు, రామకుప్పం మెయిన్‌ పాఠశాల ఒక ఉపా«ధ్యాయుడితోనే వంద శాతం ఉత్తీర్ణత సాధించడం విశేషం. అలాగే తిరుపతిలోని నెహ్రూ నగర్‌ ఉర్దూ పాఠశాలలో విద్యార్థులు ఒక ఉపాధ్యాయుడు కూడా లేకున్నా  ప్రాథమిక పాఠశాలలో పనిచేసే ఎస్జీటీలు, ఓ తెలుగు ఉపాధ్యాయునితో 95 శాతం  ఫలితాలు సాధించారు. మెరుగైన వసతులు కల్పించి , పూర్తి స్థాయిలో టీచర్లను నియమిస్తే ఇతర పాఠశాలలకు ఏ మాత్రం తీసిపోని విధంగా ఉర్దూ పాఠశాలలు ఫలితాలు సాధిస్తాయనడంలో సందేహం లేదు.

అనంతపురం ఎడ్యుకేషన్‌: గతంలో చేసిన తప్పిదాలను మళ్లీ చేశారు. చేసిన పొరపాటును సరిదిద్దుకునే అవకాశం ఇచ్చినా.. పట్టించుకోకుండా విద్యార్థుల జీవితాలతో ఆడుకుంటున్నారు. 2017–18 విద్యాసంవత్సరంలో రెగ్యులర్‌ పదో తరగతి పరీక్షలకు హాజరై ఇంటర్నల్‌(అంతర్గత) మూల్యాంకనంలో మార్కులు నమోదు కాని విద్యార్థులకు సంబంధించి ఈనెల 7 నుంచి 10వ తేదీ వరకు నమోదు చేసేందుకు అవకాశం ఇచ్చారు. జిల్లాలో ఈ మార్కులు నమోదు కాని విద్యార్థుల వివరాలు వారి తల్లిదండ్రులు, పాఠశాల ప్రధానోపాధ్యాయులకు విద్యాశాఖ కమిషనర్, అమరావతి నుంచే సమాచారం చేరవేశారు. జిల్లా విద్యాశాఖ ఆధ్వర్యంలో సీనియర్‌ ప్రధానోపాధ్యాయులతో ఒక ప్రత్యేక కమిటీని ఏర్పాటు చేసి స్థానిక కేఆస్‌ఆర్‌ బాలికల పాఠశాలలో ఈ నెల 7 నుంచి గురువారం.. అంటే నాలుగు రోజల పాటు రోజూ ఉదయం 10 నుంచి మధ్యాహ్నం 1 గంట వరకు, తిరిగి 2 గంటల నుంచి సాయంత్రం 5 గంటల వరకు అందుబాటులో ఉండి రికార్డులను పరిశీలించి, ధ్రువీకరించిన తర్వాత మార్కులు నమోదు చేస్తూ వచ్చారు. నమోదు కాని 32 మందివిద్యార్థుల మార్కులు   జిల్లాలో 137 స్కూళ్ల నుంచి 2121 మంది విద్యార్థుల మార్కులను అప్‌లోడ్‌ చేయాల్సి ఉందంటూ రాష్ట్ర అధికారుల నుంచి జాబితా వచ్చింది. గడువు ముగిసే సమయానికి 130 స్కూళ్ల నుంచి 2,089 మంది విద్యార్థుల వివరాలు నమోదు చేశారు. ఇంకా ఏడు స్కూళ్ల నుంచి 32 మంది విద్యార్థుల మార్కులను నమోదు చేయాల్సి ఉంది. ఈ స్కూళ్లన్నీ కూడా ప్రైవేట్‌వే కావడం గమనార్హం. అనంతపురంలో రెండు, గుత్తి, గుంతకల్లు, హిందూపురం, కదిరి, మడకశిరలో ఒక్కో స్కూలు ఉంది. ఇంటర్నల్‌ మార్కులు నమోదు చేయని అన్ని స్కూళ్లకు మోమోలు జారీ చేస్తున్నట్లు విద్యాశాఖ అధికారులు చెబుతున్నారు. అవకాశం ఇచ్చినా మార్కులు నమోదు చేయని పాఠశాలలపై కఠిన చర్యలు తప్పవని హెచ్చరిస్తున్నారు.

ప్రభుత్వ పాఠశాలల ఉపాధ్యాయులు నూతన ఒరవడికి నాంది పలికారు. పిల్లల్ని ప్రభుత్వ పాఠశాలల్లోనే చేర్పించాలని కోరుతూ  గ్రామాల్లో ప్రచారం నిర్వహిస్తున్నారు. ఇంటింటి తిరుగుతూ కరపత్రాల ద్వారా తల్లిదండ్రులకు అవగాహన కల్పిస్తున్నారు. అర్హులైన ఉపాధ్యాయులు, కంప్యూటర్‌ ల్యాబ్‌లు, ఉచిత విద్య, పాఠ్య పుస్తకాలు, యూనిఫాం, మధ్యాహ్న భోజనం, ఇంగ్లిష్‌ మీడియం వంటి ఎన్నో సదుపాయాలు ఉన్నాయని, ప్రైవేట్‌ పాఠశాలలకు దీటైన ఫలితాలు సాధిస్తున్నామని పేర్కొంటున్నారు. టక్కు, టైలు చూసి మోసపోవద్దని, ఆడంబరాలకు పోయి ఇల్లుగుల్ల చేసుకోవద్దని సూచిస్తున్నారు. బంగారం లాంటి మా బడిలో ఒత్తిడి లేని విద్యనందిస్తామని, పిల్లల సంపూర్ణ వికాసానికి మాదీ హామీ అంటూ భరోసా ఇస్తున్నారు. చీమకుర్తి రూరల్‌:ఇటీవల విడుదలైన పదో తరగతి పరీక్ష ఫలితాల్లో జిల్లాలోని ప్రభుత్వ పాఠశాలు కార్పొరేట్, ప్రైవేటు పాఠశాలలకు ధీటుగా నిలిచాయి. 10కి 10 గ్రేడ్‌ పాయింట్లు సాధించడంతోపాటు నూరుశాతం ఫలితాల సాధనలోనూ ఉత్తమ ప్రదర్శన కనబర్చాయి. దీంతో ప్రభుత్వ పాఠశాలల ఉపాధ్యాయులు ఉత్సాహంతో ఉన్నారు. పట్టణాలు, పల్లెల్లో ఇంటింటికి తిరుగుతున్నారు. పిల్లలను ప్రభుత్వ బడిలోనే చేర్పించండని తల్లిదండ్రులకు నచ్చచెప్తున్నారు. ప్రైవేటు బడికి, ప్రభుత్వ బడికి తేడాలను వివరిస్తున్నారు. వేసవి సెలవులను సైతం పట్టించుకోకుండా కొంతమంది ఉపాధ్యాయులు ప్రచారం నిర్వహిస్తున్న తీరు చూసి గ్రామస్తులు మార్పు మంచికే అంటున్నారు. టెన్త్‌లో సత్ఫలితాలు.. ఇటీవల విడుదల చేసిన పదో తరగతి పరీక్ష ఫలితాలలో సంతనూతలపాడు నియోజకవర్గంలో నాలుగు మండలాలలో 38 ప్రభుత్వ హైస్కూళ్ళు ఉంటే వాటిలో 31 హైస్కూళ్ళలోనూరు శాతం ఉత్తీర్ణత సాధించటం ఇంకాస్థ ధీమాను పెంచింది. 1825 మంది విద్యార్థులు హాజరైతే 1816 మంది విద్యార్థులు ఉత్తీర్ణులయ్యారు. ఈ ఏడాది ప్రభుత్వ పాఠశాల్లో పదో తరగతి విద్యార్థులు సరాసరి 95 శాతం ఉత్తీర్ణత సాధించటం విద్యార్థుల తల్లిదండ్రులలో విశ్వాసాన్ని రెట్టింపు చేసింది. మన ఊరు–మన బడి, జ్ఞానధార వంటి కార్యక్రమాలు, రెసిడెన్షియల్‌ శిక్షణ తరగతులు నిర్వహించేందుకు ఎస్‌ఎస్‌ఏ కార్యాచరణ కూడా కొంత మేర ధీమా కలిగించేందుకు దోహదపడ్డాయి. ప్రభుత్వ పాఠశాలల్లో చేరితేరూ.30 వేలు మిగులు ప్రభుత్వ పాఠశాలల్లో చేరితే విద్యార్థులకు ప్రైవేటు పాఠశాలల్లో ఫీజులు కింద కట్టాల్సిన రూ.10 వేలు నుంచి రూ.15 వేలు మిగిలినట్లే. ప్రభుత్వ పాఠశాలల్లో దాదాపు రూ.2500 విలువ చేసే రెండు జతల యూనిఫాం ఉచితంగా ఇస్తారు. ప్రభుత్వం, దాతల సహకారంతో ప్రభుత్వ పాఠశాలల్లో విద్యార్థులకు రూ.7 వేల విలువ చేసే పాఠ్యపుస్తకాలు, నోట్‌పుస్తకాలను అందిస్తున్నారు. వ్యాను ఫీజు, వార్షికోత్సవం ఫీజుల పేరుతో ప్రైవేటు పాఠశాలలకు ఏడాదికి చెల్లించాలసిన దాదాపు రూ.10 వేలు మిగిలినట్టే. గతేడాది వరకు మధ్యాహ్న భోజనంలో విద్యార్థికి వారానికి మూడు గుడ్లు మాత్రమే ఇచ్చేవారు. కాని ఈ విద్యాసంవత్సరం నుంచి వారానికి ఐదు కోడిగుడ్లును అందించనున్నారు. ఇలా ప్రభుత్వ పాఠశాలల్లో పిల్లలను చేర్పిస్తే వారి కుటుంబానికి ఏడాది మొత్తం మీద ప్రయివేటు స్కూళ్లకు చెల్లించే రూ.30 వేలకు పైనే మిగిలినట్లేనని ప్రభుత్వ ఉపాధ్యాయులు తల్లిదండ్రులకు వివరించి చైతన్యం చేస్తున్నారు. ప్రభుత్వ పాఠశాలల్లో నాణ్యమైన విద్యాప్రమాణాలు, అర్హత కలిగిన ఉపాధ్యాయుల బోధన ఎంతగానో తోడ్పడుతుందని పిల్లల కుటుంబాలకు నచ్చచెప్పి పిల్లలను ప్రభుత్వ బడిలోనే చేరాలని ఉపాధ్యాయులు చేస్తున్న ప్రయత్నాలను గ్రామాలలోని ప్రజలు కూడా ఆహ్వానిస్తున్నారు.

నెల్లూరు(టౌన్‌): పదో తరగతి పరీక్ష ఫలితాల్లో జిల్లా రాష్ట్రంలో అట్టడుగు స్థాయికి పతనమైంది. గతేడాది నాలుగో స్థానాన్ని చేజిక్కించుకున్న జిల్లా ఈ ఏడాది క్షీణించి రాష్ట్రంలో చివరి స్థానంలో నిలచింది. రాష్ట్రంలో ప్రకాశం జిల్లా 97.93 శాతం ఫలితాలతో ప్రథమ స్థానంలో నిలవగా 80.37 శాతం సాధించి నెల్లూరు జిల్లా చివరి స్థానానికి చేరుకుంది. జిల్లా వ్యాప్తంగా పది పరీక్షలకు మొత్తం 32,854 మంది హాజరయ్యారు. వీరిలో 26,404 మంది ఉత్తీర్ణత సాధించారు. ఇందులో బాలురు 16,964 మంది హాజరు కాగా 13,570 మంది ఉత్తీర్ణులై 79.99 ఉత్తీర్ణత సాధించారు. బాలికలు 15,890 మంది హాజరు కాగా 12,834 మంది పాసై 80.77 శాతం ఉత్తీర్ణత సాధించారు. బాలుర కంటే బాలికలు 0.78 శాతం అధికంగా ఉత్తీర్ణత పొందారు. 1001 మందికి పదికి పది జీపీఏ    జిల్లా వ్యాప్తంగా  ప్రభుత్వ, ప్రైవేట్‌ పాఠశాలల్లో  కలిపి 1001 మంది 10కి 10 జీపీఏ సాధించారు. గతేడాది 1008 మంది  పదికి పది జీపీఏ సాధించారు. ఈ దఫా ఉత్తీర్ణత శాతం, జీపీఏ తగ్గినా కేవలం నాణ్యత మీద దృష్టి సారించడంతోనే ఈ ఫలితాలు వచ్చాయని విద్యాశాఖ అధికారులు చెబుతున్నారు. కేఎన్నాఆర్‌ మున్సిపల్‌ స్కూల్‌లో ఆర్‌.హరిచందన,  ఇ. జాషువాహడ్‌సన్‌కు 10కి10 పాయింట్లు వచ్చాయి.  ప్రభుత్వ సెక్టార్‌ పాఠశాలల్లో 40 మందికి 10 జీపీఏ    ప్రభుత్వ సెక్టార్‌ల్లోని పాఠశాలల్లో చదువుతున్న 40 మంది విద్యార్థులు 10కి10 జీపీఏ సాధించారు. ప్రభుత్వ పాఠశాలల్లో నలుగురు, మున్సిపాలిటీ స్కూల్స్‌లో ఏడుగురు, ఏపీ మోడల్స్‌ స్కూల్స్‌లో ఐదుగురు, ఏపీ రెసిడెన్షియల్స్‌ స్కూల్స్‌లో ఇద్దరు, ఏపీ సోషల్‌ వెల్ఫేర్‌ రెసిడెన్షియల్స్‌ స్కూల్స్‌లో ఒకరు, జిల్లా పరిషత్‌ హైస్కూల్స్‌లో 21 మంది 10కి 10 జీపీఏ సాధించారు.   ఐఐటీలో సీటు సాధించడమే లక్ష్యం తండ్రి వెంకటేశ్వర్లు బియ్యం వ్యాపారి. తల్లి కవిత గృహిణి. కేఎన్నార్‌ మున్సిపల్‌ స్కూల్‌లో 10వ తరగతి చదివి పది ఫలితాల్లో 10కి10 జీపీఏ సాధించడం గర్వంగా ఉంది. ఇంటర్‌లో మంచి మార్కులు సాధించిన జేఈఈ అడ్వాన్స్‌లో ర్యాంక్‌ సాధించి ఐఐటీలో సీటు సాధించాలన్నదే లక్ష్యం.– ఆర్‌ హరిచందన, నెల్లూరు, బంగ్లాతోట 

నిడమర్రు :  పదో తరగతి తర్వాత ఏదైనా సాంకేతిక విద్యలో నైపుణ్యం సాధించి, త్వరగా ఉపాధి సంపాదించాలంటే ఉత్తమ మార్గం పాలిటెక్నిక్‌ కోర్సు. దీనికోసం విద్యార్థులు పాలిటెక్నిక్‌ కామన్‌ ఎంట్రెన్స్‌ టెస్ట్‌(పాలీసెట్‌)లో అర్హత సాధించాల్సి ఉంటుంది. జిల్లాలో ఈ ఏడాది 50,424 మంది విద్యార్థులు టెన్త్‌ పబ్లిక్‌ పరీక్షలు రాశారు. పదో తరగతి తర్వాత టెక్నికల్‌ కోర్సులు చేసి టెక్నికల్‌ అంశాలపై పట్టు సాధించి జీవితంలో ఉన్నత స్థానాలు అధిరోహించేందుకు ఉత్తమ మార్గం పాలిటెక్నిక్‌ కోర్సులు అభ్యసించడం. పాలిసెట్‌–2018 నోటిఫికేషన్‌ విడుదలైంది. ఈ నెల 15వ తేదీ వరకూ ఆన్‌లైన్‌లో దరఖాస్తులు స్వీకరిస్తారు. పాలిటెక్నిక్‌ కోర్సులు, అర్హతలు, పరీక్షా విధానం తదితర సమాచారం తెలుసుకుందాం. పాలిసెట్‌ నిర్వహించేది.. స్టేట్‌ బోర్డ్‌ ఆఫ్‌ టెక్నికల్‌ ఎడ్యుకేషన్‌ అండ్‌ ట్రెయినింగ్‌ సంస్థ ఈ పాలిటెక్నిక్‌ కామన్‌ ఎంట్రన్స్‌ టెస్ట్‌(పాలిసెట్‌)ను నిర్వహిస్తుంది. రాష్ట్రంలోని పాలిటెక్నిక్‌ ఇన్‌స్టిట్యూషన్స్‌ ప్రభుత్వ/ప్రైవేట్‌/ఎయిడెడ్‌/అన్‌ ఎయిడెడ్‌/ప్రైవేట్‌ ఇంజనీరింగ్‌ కళాశాలల్లో రెండో షిఫ్ట్‌ పాలిటెక్నిక్‌లో ప్రవేశాలు కల్పిస్తారు. కోర్సులు ఇలా.. మూడేళ్ల కోర్సులు : సివిల్‌ ఇంజనీరింగ్, ఆర్కిటెక్చరల్‌ అసిస్టెంట్‌ షిప్, మెకానికల్, ఇంజినీరింగ్, ఆటోమొబైల్, ఎలక్ట్రికల్‌ అండ్‌ ఎలక్ట్రానిక్స్, ఎలక్ట్రానిక్స్‌ అండ్‌ కమ్యూనికేషన్స్, అప్లయిడ్‌ ఎలక్ట్రానిక్స్‌ అండ్‌ ఇన్‌స్ట్రుమెంటేషన్, కంప్యూటర్‌ ఇంజనీరింగ్, ఇన్ఫర్మేషన్‌ టెక్నాలజీ, మైనింగ్, కమర్షియల్‌ అండ్‌ కంప్యూటర్‌ ప్రాక్టీస్, గార్మెంట్‌ టెక్నాలజీ, క్రాఫ్ట్‌ టెక్నాలజీ, హోం సైన్స్‌. మూడున్నరేళ్ల కోర్సులు కెమికల్‌(సాండ్‌విచ్‌) ఇంజనీరింగ్, ఇండస్ట్రియల్‌ ట్రెయినింగ్‌ ఉన్న కంప్యూటర్‌ ఇంజనీరింగ్, ఎంబెడెడ్‌ సిస్టమ్స్, ఈసీఈ, ఐఈ, ఎలక్ట్రానిక్స్‌ అండ్‌ వీడియో ఇంజనీరింగ్, బయో మెడికల్‌ ఇంజినీరింగ్, లెదర్‌ టెక్నాలజీ, టెక్స్‌టైల్స్‌ టెక్నాలజీ, ప్రింటింగ్‌ టెక్నాలజీ, కెమికల్‌ ఇంజినీరింగ్‌ (షుగర్‌ టెక్నాలజీ) అర్హతలు :ఆంధ్రప్రదేశ్‌ బోర్డ్‌ ఆఫ్‌ సెకండరీ ఎడ్యుకేషన్‌ గుర్తించిన పదో తరగతి లేదా తత్సమాన కోర్సులో ఉత్తీర్ణత. పదో తరగతి కంపార్ట్‌మెంట్‌లో పాసైనవారు, పరీక్షలు రాస్తున్నవారు దరఖాస్తు చేసుకోవచ్చు. కానీ ప్రవేశం తీసుకునే ముందు అన్ని సబ్జెక్టుల్లో ఉత్తీర్ణత సాధించాల్సి ఉంది. పరీక్షా విధానం.. ♦ ఈ కామన్‌ ఎంట్రన్స్‌ పరీక్ష రాసేందుకు 2 గంటల సమయం ఉంటుంది. ♦ పరీక్ష పేపరు ఒకటే ఉంటుంది. 120 ఆబ్జెక్టివ్‌ మాదిరి ప్రశ్నలకు 120 మార్కులు కేటాయిస్తారు. ♦ పదో తరగతి స్థాయిలోని గణితంలో 60 ప్రశ్నలు, భౌతికశాస్త్రంలో 30 ప్రశ్నలు, రసాయన శాస్త్రానికి సంబంధించిన 30 ప్రశ్నలు ఉంటాయి. ♦ మొత్తం 120 మార్కులకు 36 మార్కులను ఈ  కోర్సుకు క్వాలిఫైయింగ్‌ మార్కులుగా నిర్ణయిస్తారు. ♦ ఎస్సీ, ఎస్టీ కేటగిరి అభ్యర్థులకు క్వాలిఫైయింగ్‌ మార్కులతో సంబంధం లేకుండా ఆయా కేటగిరిల్లో సీట్లు భర్తీ చేస్తారు. ఉన్నత విద్యాచదువులకు మంచి అవకాశం.. ♦ పాలిటెక్నిక్‌ కోర్సులు (మూడు/మూడున్నరేళ్ల డిప్లొమా) పూర్తి చేసిన అభ్యర్థుల కోసం ‘ఈ సెట్‌’ నిర్వహిస్తారు. దీని ద్వారా బీటెక్‌/బీఈ నేరుగా రెండో సంవత్సరంలో (లేటరల్‌ ఎంట్రీ ద్వారా) ప్రవేశాలు కల్పిస్తారు. ఉద్యోగ అవకాశాలు ♦ ప్రభుత్వ/ప్రైవేటు సంస్థల్లో డిప్లొమా చదివినవారికి ఉద్యోగ అవకాశాలు ఉన్నాయి. సబ్‌ ఇంజనీర్, ట్రెయినీ ఇంజనీర్‌గా అవకాశాలు ఉంటాయి. జెన్‌కో, ట్రాన్స్‌కో, కేంద్ర/రాష్ట్ర ప్రభుత్వాల్లోని పలు శాఖల్లో డిప్లొమా అభ్యర్థులకు అవకాశం ఉంది. ఆన్‌లైన్‌లో దరఖాస్తులు ఇలా ♦ https://appolycet.co.in/ వెబ్‌సైట్‌లో లాగిన్‌ అయి పదో తరగతి లేదా తత్సమాన కోర్సుకు సంబంధించిన హాల్‌ టికెట్‌ నెంబరు, పుట్టిన తేదీ, పాస్‌/హాజరైన సంవత్సరం నమోదు చేస్తే కనిపించే దరఖాస్తు ను పూరించాలి, ఆన్‌లైన్‌లోనే ఫీజు రూ.350 కూడా చెల్లించాల్సి ఉంటుంది. లేదా జిల్లాలో ఏర్పాటు చేసిన  హెల్ప్‌లైన్‌ సెంటర్లలో దరఖాస్తులను అప్‌లోడ్‌ చేయవచ్చు. ♦ ఆన్‌లైన్‌లో దరఖాస్తు చేసేందుకు చివరి తేదీ: ఏప్రిల్‌ 15 ♦ పరీక్ష  నిర్వహించే తేదీ: ఏప్రిల్‌ 27 (ఉదయం 11 గంటల నుంచి ఒంటి గంట వరకూ) జిల్లాలోని  హెల్ప్‌లైన్‌ సెంటర్స్‌: ♦ ఎస్‌ఎంవీఎం పాలిటెక్నిక్, తణుకు ♦ సీఆర్‌ఆర్‌ పాలిటెక్నిక్, ఏలూరు ♦ గవర్నమెంట్‌ పాలిటెక్నిక్‌ జంగారెడ్డిగూడెం ♦ శ్రీమతి సీతా పాలిటెక్నిక్, భీమవరం ♦ గవర్నమెంట్‌ పాలిటెక్నిక్, తాడేపల్లిగూడెం పరీక్షా కేంద్రాలు: తణుకు, ఏలూరు, భీమవరంమరిన్ని వివరాలకోసం 91333 99677/91333 99677/ 91333 99688/ 91333 99699 నంబర్లకు సంప్రదించవచ్చు.

కడప ఎడ్యుకేషన్‌: పదో తరగతి మూల్యాంకన కేంద్రంలో పేపర్లు దిద్దే  సమయంలో ఎవరైనా సెల్‌ఫోన్‌ మాట్లాడితే కఠి న చర్యలు తీసుకుంటామని ఆర్‌జేడీ బండ్లపల్లె ప్రతాప్‌రెడ్డి హెచ్చరిం చారు. మూల్యాంకన కేంద్రాలైన మున్సిపల్‌ హైస్కూల్‌ తో పాటు, ఉర్దూ బాలుర నగరకోన్నత పాఠశాలలను తనిఖీ చేశారు. ఈ సందర్భంగా ఉపాధ్యాయులు పేపర్లు ఏ విధంగా మూల్యాంకనం చేస్తున్నారు, వసతులు ఎలా ఉన్నాయనే దానిపై పరిశీలించారు. ఇదే సమయంలో మొయిన్, ఉర్దూ హైస్కూల్‌లోని మూల్యాం కన కేంద్రాలలో ఇద్దరు సెల్‌ఫోన్‌ మాట్లాడుతూ పేపర్లు దద్దుటాన్ని గమనించిన ఆర్‌జేడీ షోకాజ్‌ నోటీసులను ఇవ్వాలని ఆదేశించారు. అలాగే మెయిన్‌ స్కూల్‌ కేంద్రంలో ఒకరు టోటల్‌ మార్కులను సక్రమంగా వేయకపోవడాన్ని గమనించి షోకాజ్‌ నోటీసులను ఇవ్వాలని ఆదేశించారు. అనంతరం ఆయన మాట్లాడుతూ విద్యార్థుల జీవితాలు మీ చేతుల్లో ఉన్నాయని జాగ్రత్తగా ఉండాలన్నారు. మూల్యాంకనంలో పర్యవేక్షించే అధికారులు కూడా సంబంధిత విషయాల్లో జాగ్రత్తగా పరిశీలించాలని సూచించారు. ఆర్‌జేడీ వెంట డీఈఓ శైలజ, డీసీఈబీ సెక్రటరీ నారాయణరెడ్డి, డిప్యూటీ ఈఓలు ఉన్నారు.

న్యూఢిల్లీ: సీబీఎస్‌ఈ పదో తరగతి విద్యార్థులకు ఉపశమనం. ప్రశ్నపత్రం బహిర్గతమైందని ఆరోపణలు వచ్చిన గణితం పేపర్‌కు పునఃపరీక్ష నిర్వహించకూడదని కేంద్ర మానవ వనరుల అభివృద్ధి శాఖ నిర్ణయించింది. లీకేజీ ప్రభావాన్ని ప్రాథమికంగా అంచనా వేసిన తరువాతే విద్యార్థుల ప్రయోజనాలను దృష్టిలో ఉంచుకుని ఈ నిర్ణయం తీసుకున్నట్లు విద్యా శాఖ కార్యదర్శి అనిల్‌ స్వరూప్‌ మంగళవారం వెల్లడించారు. ముందుగా అనుకున్నట్లుగా ఢిల్లీ, రాజధాని ప్రాంతం (ఎన్‌సీఆర్‌), హరియాణాలో కూడా పునఃపరీక్ష ఉండదని స్పష్టం చేశారు. ‘పదో తరగతి 11వ తరగతికి ప్రవేశద్వారం లాంటిది. అది పాఠశాల విద్యలో అంతర్భాగం. కానీ 12వ తరగతి ఉన్నత విద్య, పోటీ పరీక్షలకు కీలకం. ఈ దశలో లీకేజీ వల్ల కొందరు అనుచిత లబ్ధి పొందడం మంచిది కాదు’ అని సీబీఎస్‌ఈ పేర్కొంది. ఇప్పటి వరకూ మూల్యాంకనం చేసిన కొన్ని పదో తరగతి గణితం సమాధాన పత్రాల్లో లీకేజీ వల్ల ఎవరూ లబ్ధి పొందినట్లు గుర్తించలేదంది. ఒకవేళ ఎవరికైనా అయాచిత ప్రయోజనం కలిగినట్లు వెలుగులోకి వస్తే చర్యలు తీసుకుంటామని హెచ్చరించింది.

పంజాబ్‌: అయినా ఇదేమి చోద్యమమ్మా.. పిల్లల్ని చదివించాల్సిన ఈ లేటు వయసులో ఈ చదువులేమిటో అని నలుగురూ నానా రకాలుగా అవహేళన చేసినా ఆ మహిళ పట్టించుకోలేదు. చదువుకోవాలనే దృఢ సంకల్పంతో  పదో తరగతి చదువుతున్న కొడుకుతో కలిసి ఆమె కూడా స్కూలుకు వెళ్లి పాఠాలు నేర్చుకుంటోంది. పంజాబ్‌లోని లుధియానా  వాసి అయిన 44 ఏళ్ల రజనీ బాల సంగతి ఇది. ముగ్గురు పిల్లల తల్లి అయిన రజనీ బాల...చదువు మీద మక్కువతో  29 ఏళ్ల  తర్వాత మళ్లీ పుస్తకాలు చేతపట్టింది. తల్లీకొడుకులు పదో తరగతి చదువుతున్నారు. ‘నా భర్త చాలాసార్లు పదో తరగతి చదవమని చెప్పారు. కానీ కొన్ని కారణాల వల్ల చదవలేక పోయాను. కానీ ఇప్పుడు మా పిల్లలు కూడా చదువుకోమని కోరారు.  ప్రభుత్వ ఆసుపత్రిలో అటెండర్‌గా పనిచేస్తున్న నాకు కనీసం పదో తరగతి విద్యార్హత ఉంటే బాంగుండనిపించింది. దీంతో మా అబ్బాయితో కలిసి స్కూల్‌లో చేరాను. మా అత్తమ్మ, మా భర్త నాకు చాలా సహకరిస్తున్నారు. రోజు ఉదయాన్నే నన్ను, మా పిల్లల్ని​ నిద్రలేపి చదివిస్తారు. నా కూతుళ్లు కూడా సహాయం చేస్తారు. ఈ రోజుల్లో కనీసం పదో తరగతి అయినా చదివి ఉండాలి’ అని ఓ వార్త సంస్థకు ఇచ్చిన ఇంటర్వ్యూలో రజనీ బాల తెలిపారు. ఇక్కడ మరో విశేషం ఏమిటంటే ఆమె భర్త రాజ్‌ కుమార్‌ సతి కూడా 17 ఏళ్ల విరామం తర్వాత డిగ్రీ పట్టభద్రుడయ్యారు. రజనీ బాలను కూడా డిగ్రీ చదివిస్తానని రాజ్‌ కుమార్‌ చెబుతున్నారు. ఓవైపు తన కుటుంబాన్ని, పిల్లల్ని చూసుకుంటూ, మరో వైపు చదువుకోవాలనే పట్టుదలతో పాఠశాలకు వస్తున్న రజనీ బాలను ఆ పాఠశాల ఉపాధ్యాయులు మెచ్చుకుంటున్నారు.  ఏదిఏమైనా చదువు నేర్చుకోవడాని వయస్సు అడ్డురాదని మరో సారి నిరూపించింది రజనీ బాల కుటుంబం.

నిడమర్రు:పది పరీక్షలు ముగిసాయి. టెన్త్‌ తర్వాత విద్యార్థులు ఇంటర్‌ చదివేందుకు ఆసక్తి చూపడం సహజం. ప్రత్యేక నైపుణ్యాలతో కూడిన మెడికల్‌ కోర్సులు చేయాలన్నా, ఇంజనీరింగ్‌లాంటి సాంకేతిక కోర్సులు చదవాలన్నా, సంప్రదాయక డిగ్రీలో చేరి ఉన్నత విద్యలో రాణించాలన్నా.. ఇంటర్మీడియట్‌తోనే అరంగేట్రం చేయాల్సిందే. అయితే ఇంటర్‌లో ఉండే  గ్రూపులు, వాటి ఎంపికల్లో విద్యార్థికి కొన్ని మార్గదర్శకాలు.. ఉన్నత విద్యకి ఇంటర్‌ వారధి ఉన్నత విద్యకు ఇంటర్‌ ‘వారధి’లాంటిది. అందుకే ఇంటర్‌లో గ్రూపును ఎంచుకోవడమే అత్యంత కీలకమైన అంశం. ఎందుకంటే ఈ గ్రూపు మీదే మిగిలిన(ఉన్నత) విద్య అంతా ఆధారపడి ఉంటుంది. పాఠశాల విద్యకు, ఉన్నత విద్యకూ మధ్య వారధిలాంటి ఇంటర్‌లో చేరేముందు వివిధ గ్రూపుల గురించి తెలుసుకుని, వారు ఏ రంగంలో రాణించగలరో విద్యార్థులు ముందే ఒక నిర్థారణకు రావాలి. ఇంటర్‌లో ఉండే గ్రూపుల గురించి విద్యార్థికి అడ్మిషన్లకు ముందే కొంత పరిజ్ఞానం పొందాలి. అంతకంటే ముందు ఆయా గ్రూపుల్లోని సబ్జెక్ట్‌లపై తన బలాలు, బలహీనతలు బేరీజు వేసుకుని గ్రూపులను ఎంపిక చేసుకోవాలి. విద్యార్థి అభిరుచి, సామర్థ్యం రెండింటిని దృష్టిలో పెట్టుకుని తల్లిదండ్రులు కూడా ఏ గ్రూపులో చేరాలనే విషయమై అతడికి సలహా ఇవ్వాలి. పోటీ పరీక్షలకు కొత్తరూపు కేంద్ర ప్రభుత్వం ఇంజనీరింగ్, మెడికల్‌ ప్రవేశాలకు ఉమ్మడి పరీక్షలను నిర్వహించేలా ప్రయత్నం నేపథ్యంలో ఎంసెట్‌ తదితర పరీక్షలపై విద్యార్థి అవగాహన పెంచుకోవాలి. మెడికల్‌కు నీట్, ఇంజనీరింగ్‌లో ప్రవేశాలకు ఐసీట్‌ లను నిర్వహిస్తున్నందున, రూపు మారుతున్న పోటీ పరీక్షలకు అనుగుణంగా విద్యార్థులు గ్రూపులను ఎంచుకోవాల్సిందిగా నిపుణులు సూచిస్తున్నారు. 85 గ్రూపు కాంబినేషన్స్‌ ఇంటర్‌ బోర్డు వివిధ కాంబినేషన్లలో సుమారు 85 గ్రూపులను రూపొందించింది. అయితే ఇందులో ఎంపీసీ, బైపీసీ, సీఈసీ, ఎంఈసీ, హెచ్‌ఈసీలు రాష్ట్రవ్యాప్తంగా ప్రభుత్వ/ప్రైవేటు జూనియర్‌ కళాశాలల్లో ఈ గ్రూపులు అందుబాటులో ఉన్నాయి. సైకాలజీ, జాగ్రఫీ, పబ్లిక్‌ అడ్మిస్ట్రేషన్,  మ్యూజిక్, కామర్స్, సోషియాలజీ వంటి సబ్జెక్ట్‌లు కొన్ని గ్రూపుల్లో కాంబినేషన్‌గా ఉన్నాయి. ఎంపీసీ గ్రూప్‌ ప్రధానంగా ఇంజనీరింగ్‌ వృత్తిలో స్థిరపడాలనుకునేవారు ఈ గ్రూప్‌ తీసుకోవాల్సి ఉంటుంది. ఎంసెట్‌తోపాటు ఐఐటీల్లో ప్రవేశ పరీక్ష జేఈఈ–మెయిన్‌ రాసేందుకు ఈ గ్రూపులో ప్రథమ శ్రేణిలో ఉత్తీర్ణులై ఉండాలి. బిట్స్‌ పిలానీలో ప్రవేశానికి జరిగే బిట్‌శాట్‌ రాసేందుకు ఎంపీసీ విద్యార్థులే అర్హులు. బీఎస్సీ ఇంటర్‌ తర్వాత బీఎస్సీలో చేరేటప్పుడు మ్యాథ్స్‌ –ఫిజిక్స్‌–కెమిస్ట్రీ కాంబినేషన్స్‌లో వృత్తి విద్యా కోర్సులకు సంబంధించిన గ్రూపుల్లో చేరవచ్చు. బైపీసీ గ్రూపు వైద్య సంబంధిత, ఇతర వృత్తులు, ఉద్యోగాల్లో స్థిరపడాలనుకునేవారు బైపీసీ వైపు మొగ్గు చూపుతారు. అగ్రికల్చర్‌ కోర్సులకూ ఈ గ్రూపే ప్రాతిపదిక. ఓపిగ్గా చదవడం, చక్కగా బొమ్మలు వేయడం ఈ గ్రూపు విద్యార్థులకు ఉండాల్సిన లక్షణాలు. బయోటెక్నాలజీ, ఫార్మసీ, అగ్రికల్చర్, ఆక్వాకల్చర్, జియాలజీ, ఎన్విరాన్‌మెంట్‌ సైన్స్, ఫుడ్‌ టెక్నాలజీ, ఫారెస్ట్‌ రేంజర్, జియాలజీ, హార్టీకల్చర్‌ తదితర రంగాల్లో ఈ గ్రూపు విద్యార్థులకు అవకాశాలు ఉన్నాయి. ఎంఈసీ, సీఈసీ గ్రూపులు సేవారంగంవైపు చూసేవారు, సైన్స్, ఆర్ట్స్‌ గ్రూపులపై పెద్దగా ఆసక్తి లేనివారు లెక్కలు, గణాంకాలు, కామర్స్‌ సబ్జెక్టులతో కూడిన  కామర్స్, ఎకనమిక్స్, సివిక్స్‌ సబ్జెక్టులున్న ఎంఈసీ, సీఈసీల్లో చేరవచ్చు. చార్టెర్డ్‌ అకౌంటెంట్లు, కంపెనీ సెక్రటరీలు, కమర్షియల్‌ లాయర్లు, బ్యాంకు మేనేజర్, చార్టెర్డ్‌ ఫైనాన్షియల్‌ ఎనాలిస్ట్, ట్యాక్స్‌ ఆడిటర్‌ లాంటి వృత్తుల్లో స్థిరపడాలనుకునేవారు, బీమా సంస్థల్లో, స్టాక్‌ మార్కెట్లలో ఉద్యోగాలు పొందాలనుకునేవారు ఈ గ్రూపులను ఎంచుకోవచ్చు. ∙గణితం, కామర్స్‌ సబ్జెక్టులు రెండూ అధ్యయనం చేయడం వల్ల మరింత మెరుగైన ఉపాధి అవకాశాలు ఉన్నట్టు నిపుణులు చెబుతున్నారు. సీఏ, ఐసీడబ్ల్యూఏ, బిజినెస్‌ మేనేజ్‌మెంట్, కంప్యూటర్‌ రంగాలోŠల్‌ ఉన్నత విద్యకు అవకాశం ఉంది. ఇటీవల ఇంటర్లో కామర్స్‌ ఒక సబ్జెక్టుగా గ్రూపులు ఎంచుకుంటున్నవారి సంఖ్య పెరుగుతుంది. ఆర్ట్స్‌ గ్రూపులు పోటీ పరీక్షలకు దృష్టిలో పెట్టుకునేవారు గతంలో ఆర్ట్స్‌ గ్రూపుల్లో చేరేవాళ్లు. కానీ ఐటీ రంగానికి కష్టకాలం రావడం, ఇంజనీరింగ్‌ చేసినవారిలో నిరుద్యోగత ఎక్కువగా ఉండటం వంటి కారణాలతో మళ్లీ ఆర్ట్స్‌ గ్రూపులపై మొగ్గు చూపుతున్నారు. కార్పొరేట్‌ కళాశాలలు సైతం యూపీఎస్‌సీని దృష్టిలో ఉంచుకుని ఇంటర్‌ నుంచే శిక్షణనిస్తున్నాయి. దీంతో ఆర్ట్స్‌ గ్రూపులకు ఆదరణ పెరిగిందని నిపుణులు చెబుతున్నారు. సివిల్స్‌లో రాణించేందుకు కొన్ని పోటీ పరీక్షల్లో మంచి స్కోర్లు సాధించేందుకు ఇంటర్మీడియట్‌ స్థాయిలో ఈ గ్రూపుల్లో చేరుతున్నారు. డిగ్రీలో సోషల్‌ సైన్సెస్‌(సోషల్, కల్చ రల్, పొలిటికల్, ఎకనమిక్స్‌ సబ్జెక్టుల్లో) చేరేందుకు కూడా ఈ గ్రూపులు అనుకూలం. విదేశీ భాషల్లో పరిజ్ఞానం సాధించడం ద్వారా ఎన్నో అవకాశాలు అందిపుచ్చుకోవచ్చు.  చైనీస్, స్పానిష్‌ లాంటి భాషల్లో ప్రావీణ్యం ఉన్న వారికి అనువాదకులుగా ప్రస్తుతం ఎంతో డిమాండ్‌ ఉంది.

శిరివెళ్ల: పదో తరగతి పేపర్‌లోకి పోలీసులు విచారణ వేగవంతం చేశారు. గురువారం రాత్రి కొందరిని అదుపులోకి తీసుకుని తమదైన శైలిలో విచారించినట్లు తెలిసింది. దీంతో వారు కొంత సమాచారం అందించినట్లు తెలుస్తోంది. ఈమేరకు శుక్రవారం కూడా విచారణ కొనసాగినట్లు సమాచారం. మొదట నంద్యాలకు చెందిన ఓ ప్రైవేట్‌ పాఠశాలకు చెందిన ఓ టీచర్‌ నుంచి వాట్సాప్‌లో శిరివెళ్లలోని ఓ వ్యక్తికి, మళ్లీ అతడి నుంచి మరో వ్యక్తికి వాట్సాప్‌ ద్వారా సమాచారం అందినట్లు తెలుస్తోంది. నంద్యాలకు చెందిన వ్యక్తే కొంత మంది ఏర్పాటు చేసుకొన్న గ్రూప్‌కు పేపర్‌ లీక్‌ చేసినట్లు సమాచారం. ఆ గ్రూప్‌ అడ్మిన్‌ను కూడా పోలీసులు రెండు సార్లు విచారించినట్లు తెలుస్తోంది. నంద్యాలకు చెందిన  ప్రైవేట్‌ పాఠశాల టీచర్‌ను విచారణ చేస్తే మరిన్ని విషయాలు వెలుగులోకి వస్తాయని పోలీసులు భావిస్తున్నట్లు సమాచారం. ఈ విషయంపై సీఐ యుగంధర్‌ను సంప్రదించగా మండలంలో పేపర్‌ లీక్‌ కాలేదని తమ విచారణలో  స్పష్టమైందన్నారు

పొదలకూరు: జిల్లాలో టెన్త్‌ పరీక్షల్లో ఉత్తీర్ణత శాతం ముఖ్యం కాదని, ప్రతిభకలిగిన విద్యార్థులను తయారు చేయడమే ముఖ్యమని డీఈఓ కేశామ్యూల్‌ పేర్కొన్నారు. పొదలకూరు డీఎన్నార్‌ జెడ్పీ బాలబాలికల హైస్కూల్లోని టెన్త్‌ పరీక్ష కేంద్రాలను డీఈఓ గురువారం తనిఖీ చేశారు. ఈ సందర్భంగా డీఈఓ విలేకరులతో మాట్లాడుతూ పరీక్షలు పగడ్బందీగా జరుగుతున్నట్టు తెలిపారు. పొదలకూరు పరీక్ష కేంద్రాలు సమస్యాత్మక కేంద్రాల జాబితాలో ఉన్నాయన్నారు. అయితే ఇక్కడ ప్రశాంతంగా పరీక్షలను నిర్వహిస్తున్నట్టు పేర్కొన్నారు. ఫలితాల కంటే ప్రతిభ ముఖ్యమని, ప్రభుత్వ పాఠశాలల విద్యార్థులు టెన్త్‌ ఉత్తీర్ణత సాధించి ఇంటర్‌లో కూడా రాణించాలన్నారు. టెన్త్‌లో ప్రతిభ లేకుండా ఉత్తీర్ణత సాధించే విద్యార్థులు ఇంటర్‌లో పాఠ్యాంశాలను అందుకోలేక ఇబ్బంది పడుతున్నట్టు తెలిపారు. జిల్లా వ్యాప్తంగా టెన్త్‌ పరీక్షల కోసం 45 సిట్టింగ్, 10 ఫ్లయింగ్, 20 స్పెషల్‌ స్క్వాడ్లను నియమించినట్టు ఆయన పేర్కొన్నారు. 

నెల్లూరు(టౌన్‌): గత ఏడాది మార్చి 15వ తేదీ నుంచి పదో తరగతి పరీక్షలు జరిగాయి. నారాయణ, శ్రీచైతన్య పాఠశాలల్లో పరీక్షలు నిర్వహించారు. ఆ సమయంలో 21వ తేదీ స్థానిక ధనలక్ష్మీపురంలోని నారాయణ పాఠశాలలో ఫిజిక్స్‌ పేపర్‌ లీకైంది. ఈ లీక్‌ వ్యవహారంలో శ్రీచైతన్య పాఠశాల నిర్వాహకులు కూడా ఉన్నట్లు అప్పటి విద్యాశాఖాధికారులు తేల్చారు. అయితే నేటి వరకు ఆ పాఠశాలలపై రాష్ట్ర ప్రభుత్వం ఎలాంటి చర్యలు చేపట్టలేదు. మళ్లీ ఈ ఏడాది నారాయణ, శ్రీచైతన్య పాఠశాలల్లో పరీక్షలు నిర్వహిస్తున్నారు. కాకపోతే గత ఏడాది పేపరు ‘పదో తరగతి పరీక్షల్లో మాస్‌ కాపీయింగ్‌ జరగకూడదు.. ఉత్తీర్ణత శాతం తగ్గినా ఫర్వాలేదు.. పిల్లలకు స్వచ్ఛందంగా తెచ్చుకున్న మార్కులనే తల్లిదండ్రులు, కలెక్టర్‌కు చెబుతాం.. మాస్‌ కాపీయింగ్‌కు పాల్పడితే ఇన్విజిలేటర్లదే బాధ్యత. విద్యార్థులను డిబార్‌ చేయడంతో పాటు ఉపాధ్యాయులను సస్పెండ్‌ చేస్తాం’ ఇది డీఈఓ కె.శామ్యూల్‌ చెప్పిన మాటలు. అయితే ఈ ఆదేశాలు చాలా ప్రాంతాల్లో అమలు కావడం లేదు. మెజార్టీ పరీక్ష కేంద్రాల్లో మాస్‌ కాపీయింగ్‌ జరిగిపోతుంది. చీఫ్‌ సూపరింటెండ్లు, ఇన్విజిలేటర్లు కార్పొరేట్‌ ప్రలోభాలకు తలొగ్గి పనిచేస్తున్నారు. చాలా కేంద్రాల్లో పరీక్షలు ప్రైవే టు పాఠశాలల యాజమాన్యం కనుసన్నల్లో జరుగుతున్నాయి.  ఈ కేంద్రాల్లో ఇన్వి జిలేటర్లే బిట్‌ పేపరకు జవాబులు చెబు తున్నారనే ఆరోపణలు వెలువెత్తుతున్నా యి. ప్రభుత్వ, ప్రైవేటు పాఠశాలల యా జమాన్యాల లక్ష్యం ఒక్కటే 10కి10 పాయింట్లు తెచ్చుకోవడమే. జి ల్లా విద్యాశాఖ ఉన్నతాధికారుల నుంచి ఎన్ని ఆదేశాలు వచ్చినా, సంబంధిత ఉపాధ్యాయులను సస్పెండ్‌ చేసినా మా స్‌ కాపీయింగ్‌ ఆగడం లేదు. మాస్‌ కాపీయింగ్‌ను ప్రో త్సహించే వారిని కాకుం డా తమను బలి పశువును చేస్తున్నారంటూ కొందరు ఉపాధ్యాయులు వా పోతున్నారు. ప్రైవేటు ´ ఠశాలల ప్రవేశంతో చూచిరాతలు సాగుతున్నాయి. నలుగురు విద్యార్థుల డీబార్, ఇద్దరు ఉపాధ్యాయుల సస్పెన్షన్‌ ఇప్పటి వరకు జరిగిన పది పరీక్షల్లో నలుగుగురు విద్యార్థులు మాస్‌ కాపీయింగ్‌కు పాల్పడుతుండగా అధికారులు డిబారు చేశారు. సీతారాంపురంలోని ఏపీ మోడల్‌ హైస్కూల్‌లో ఈనెల 17న మాస్‌ కాపీయింగ్‌కు పాల్పడుతున్న ఇద్దరు విద్యార్థినులను డిబారు చేశారు. వీరితో పాటు ఇద్దరు ఉపాధ్యాయలును సస్పెండ్‌ చేశారు. అదేవిధంగా ఈ నెల 21న ఆత్మకూరులోని జెడ్పీ హైస్కూల్‌ కేంద్రాంలో మరో ఇద్దరు విద్యార్థులను డిబార్‌ చేశారు. ఉపాధ్యాయుల సస్పెన్షన్‌పై ఉపాధ్యాయ సంఘాలు తీవ్రంగా వ్యతిరేకించడం, ఫ్లయింగ్‌ స్క్వాడ్‌ అధికారులు రిపోర్టులో బాధ్యులుగా లేకపోవడంతో ప్రస్తుతం సస్పెండ్‌ చేయకూడదని నిర్ణయించినట్లు తెలిసింది. ప్రైవేటు పాఠశాలలే కీలకం  జిల్లాలో 32 ప్రైవేటు పరీక్ష కేంద్రాలు ఉన్నాయి. నారాయణ, శ్రీచైతన్య, కేకేఆర్, ఎస్‌ఆర్‌కే తదితర పాఠశాలలు ఉన్నాయి. గతంలో పదో తరగతికి మార్కులు ఉండేవి. ప్రైవేటు పాఠశాలల యాజమాన్యం కొందరను లక్ష్యంగా చేసుకుని ఎక్కువ మార్కులు వచ్చే విధంగా ప్రణాళికలు రచించే వారు. గత ఏడాది నుంచి గ్రేడు విధానాన్ని ప్రవేశపెట్టారు. పాఠశాలలో ఎక్కువ మందికి 10కి10 పాయింట్లు తెచ్చుకోవడమే వారి లక్ష్యం. నెల్లూరురూరల్‌ ప్రాంతంతో పాటు రాజుపాళెం, గూడూరు, నాయుడుపేట, ఉదయగిరి, ఆత్మకూరు, కావలి ప్రాంతాలో ఎక్కువ మాస్‌ కాపీయింగ్‌ జరుగుతుందని పలువురు ఆరోపిస్తున్నారు. సీ  కేంద్రాలుగా ప్రకటించిన 28సెంటర్లల్లో సీసీ కెమెరాలను బిగిస్తామని చెప్పిన అధికారులు ఆ జోలికే పోలేదు. తమకు కావాల్సిన ఇన్విజిలేటర్లను నియమించుకోవడంతో పాటు తమకు నచ్చిన వారని చీఫ్‌సూపరింటెండెంట్‌లు, డిపార్టుమెంట్‌ అధికారులను నియమించుకుంటున్నారనే ఆరోపణలు వెలువెత్తుతున్నాయి. ఈ ఏడాది ఒక్కొ ఇన్విజిలేటరు నాలుగు పరీక్ష కేంద్రాలకు మార్చుతామని చెప్పినా అక్రమాలు ఆగడం లేదని ఆవేదన వ్యక్తం చేస్తున్నారు. బిట్‌ పేపరుకు జవాబులు  జిల్లాలోని అన్ని కేంద్రాల్లో బిట్‌ పేపరుకు ఇన్విజిలేటర్లే  జవాబులు చెబుతున్నారనే ఆరోపణలున్నాయి. చాల ప్రభుత్వ పాఠశాలల ఉపాధ్యాయులు పరీక్షల్లో ఇచ్చిపుచ్చుకునే ధోరణి అవలంబిస్తున్నారనే విమర్శలు వినిపిస్తున్నాయి. చీఫ్‌ సూపరింటెండెంట్లు ద్వారా ప్రశ్నపత్రం ఉదయం 10 గంటలకు బయటకు వస్తుందనే ఆరోపణలున్నాయి. కాపీయింగ్‌కు పాల్పడితే చర్యలు తప్పవు పది పరీక్షల్లో ఎవరు మాస్‌ కాపీయింగ్‌ పాల్పడ్డా చర్యలు తప్పవు. మాస్‌ కాపీయింగ్‌లో ఉపాధ్యాయుని పాత్ర ఉన్నట్లయితే వారిని కూడా సస్పెండ్‌ చేస్తాం. పరీక్షలు చాల పకడ్బందీగా జరుగుతున్నాయి. ఇప్పటికే నలుగురు విద్యార్థులను డిబార్‌ చేశాం ఇద్దరు ఉపాధ్యాయులను సస్పెండ్‌ చేశాం. –కె.శామ్యూల్, డీఈఓ

కర్నూలు(సిటీ): పదో తరగతి పరీక్షలు అసౌకర్యాల మధ్య గురువారం ప్రారంభమయ్యాయి. అన్ని ఏర్పాట్లు చేశామని అధికారులు చెప్పినా దాదాపు అన్ని కేంద్రాల్లోనూ సమస్యలు కొట్టొచ్చినట్లు కనిపించాయి. ప్రభుత్వం అన్ని వసతులు కల్పించాలని జిల్లా విద్యాశాఖ అధికారులను ఆదేశించినప్పటికీ ప్రభుత్వ స్కూళ్లు కేంద్రాలుగా ఉన్నచోట విద్యార్థులు పాత బెంచీల మీదే పరీక్షలు రాశారు. కొన్ని చోట్ల పక్క స్కూళ్ల బెంచీలను ఏర్పాటు చేసి పరీక్షలు రాయించారు. ఫ్యాన్లు లేకపోవడంతో ఎండల తీవ్రతకు తీవ్ర ఇబ్బందులు పడ్డారు. ఇక ఆర్టీసీ బస్సులను తిప్పాలని డీఈఓ తహెరా సుల్తానా కోరినా ఎక్కడా ప్రత్యేక బస్సులు అగుపించలేదు. దీంతో చాలా మంది విద్యార్థులు ప్రైవేటు వాహనాల్లోనే కేంద్రాలకు చేరుకున్నారు. మొదటిరోజు కావడంతో విద్యార్థులు తల్లిదండ్రులతో కలసి అర గంట ముందుగానే కేంద్రాలకు చేరుకున్నారు. గ్రామీణ ప్రాంతాల్లోని విద్యార్థులకు సరైన రవాణా సదుపాయం లేకపోవడంతో అక్కడక్కడా 5, 10 నిముషాలు ఆలస్యంగా వచ్చినా అధికారులు అనుమతించారు. పరీక్ష ప్రారంభానికి ముందే చీఫ్‌ సూపరింటెండెంట్లు, ఇన్విజిలేటర్లతో సమావేశమై పరీక్ష నిర్వహణపై పలు సూచనలిచ్చారు. కాగా కొలిమిగుండ్ల జెడ్పీ హైస్కూల్‌ సెంటర్‌లో కొంతమంది మోడల్‌ స్కూల్‌ టీచర్లు ప్రశ్నపత్రాన్ని సెల్‌ఫోన్‌తో ఫొటో తీసుకొని చిట్టీలు చించి విద్యార్థులకు అందజేసినట్లు, అదే సెంటర్‌ వద్ద ఓ విద్యార్థి తండ్రి చిట్టీలు వేసినట్లు సమాచారం. పరీక్షల అబ్జర్వర్‌ రాఘవరెడ్డి మాత్రం కాపీయింగ్‌కు అవకాశమే లేదని పేర్కొన్నారు.   173మంది విద్యార్థులు గైర్హాజరు జిల్లాలో 226 కేంద్రాల్లో ప్రారంభమైన పదవ తరగతి పరీక్షలకు మొదటిరోజున 49,932 మంది విద్యార్థులకు గాను 49,759 మంది విద్యార్థులు హాజరు కాగా, 173 మంది గైర్హాజరైనట్లు విద్యాశాఖ అధికారులు తెలిపారు. కేంద్రాల్లో వాటర్‌ బాయ్‌ని ఏర్పాటు చేసుకోవడంలో కొంత ఉపాధ్యాయులు, సీఎస్‌ల మధ్య తాము చెప్పిన వారినే ఏర్పాటు చేసుకోవాలని వాదనలు జరిగాయి. కృష్ణగిరి మండలంలోని అమకతాడు, కోయిలకొండ గ్రామాల విద్యార్థులు పరీక్ష కేంద్రాలకు ఆటోల్లో వచ్చారు. అలాగే జిల్లాలో రవాణా సౌకర్యం లేని సుమారు 600లకుపైగా గ్రామాలకు చెందిన విద్యార్థులు, రోడ్లు ఉన్నా బస్సు సౌకర్యం లేని మరో 70 గ్రామాల విద్యార్థులు అవస్థలు పడ్డారు. 

మెదక్‌ జోన్‌: పదవ తరగతి పరీక్షలు ఈ నెల 15(నేటి) నుంచి ప్రారంభమవుతున్న నేపథ్యంలో విద్యార్థులకు ఉచితంగా బస్సులో ప్రయాణించే సదుపాయం కల్పిస్తునట్లు ఆర్టీసీ డీఎం శ్రీనివాస్‌ తెలిపారు. బుధవారం ఆయన స్థానిక విలేకరుల సమావేశంలో మాట్లాడారు. ఈ నెల 15 నుంచి వచ్చే నెల 2 వరకు పదవ తరగతి పరీక్షలు జరుగుతున్న సందర్భంగా విద్యార్థిని, విద్యార్థులకు ఉచితంగా బస్సు సౌకర్యం కల్పిస్తున్నామన్నారు. పదవ తరగతి విద్యార్థులకు ప్రీ బస్‌పాస్‌ కానీ లేదా సబ్సిడీతో కూడిన బస్‌పాస్‌ కానీ కచ్చితంగా ఉండాలని చెప్పారు. అలాంటి విద్యార్థు«లను మాత్రమే ఉచితంగా బస్సుల్లో తీసుకెళతారన్నారు. ఉదయం ఇంటి నుంచి పరీక్ష కేంద్రం వద్దకు, మధ్యాహ్నం పరీక్షలు ముగిశాక మళ్లీ ఇంటివరకు వెళ్లొచ్చని  ఆయన చెప్పారు. జిల్లాలో 11,258 మంది పదవ తరగతి పరీక్షలు రాసే విద్యార్థులు ఉన్నట్లు ఆయన తెలిపారు. విద్యార్థులు తప్పని సరిగా హాల్‌ టికెట్‌తో పాటు బస్‌ పాస్‌ను సైతం వెంటతీసుకుని రావాలని ఆయన చెప్పారు. పరీక్షలు అయ్యేంత వరకు ఎక్స్‌ప్రెస్‌ బస్సుల్లో సైతం ఉచితంగా ప్రయాణించవచ్చన్నారు. ఈ అవకాశాన్ని విద్యార్థులు వినియోగించుకోవాలని ఆయన  చెప్పారు.

ఎల్‌.రమణ (పేరు మార్పు) నెల్లూరులోని జెడ్పీ కాలనీలో నివాసముంటున్నాడు. ఈ విద్యార్థి దర్గామిట్టలోని రత్నం హైస్కూల్‌లో 10వ తరగతి చదువుతున్నాడు. పరీక్షలు రాసేందుకు హాల్‌టికెట్‌ వచ్చింది. అందులో నారాయణ హైస్కూల్‌ నెల్లూరు అని మాత్రమే ఉంది. అడ్రస్‌ పూర్తిగా లేకపోవడంతో నాలుగు రోజులుగా నగరంలో ఉన్న నారాయణ హైస్కూల్స్‌ మొత్తం తిరుగుతున్నాడు. ఈ సమస్య కేవలం రమణకే పరిమితం కాలేదు. చాలామంది విద్యార్థుల పరిస్థితి ఇలాగే ఉంది.   నెల్లూరు(టౌన్‌): పదో తరగతి పరీక్షలు రాసే విద్యార్థులకు పంపిణీ చేసిన హాల్‌టికెట్లలో తప్పులు దొర్లాయి. ఎస్‌ఎస్‌సీ బోర్డు ఇష్టారీతిగా ముద్రించి పంపింది. గురువారం నుంచి పరీక్షలు జరుగనున్నాయి. గతంలో ప్రభుత్వ పరీక్షల విభాగం పదిరోజుల ముందే హాల్‌టికెట్లు పంపేది. వాటిలో ఏవైనా తప్పిదాలు ఉంటే సరిచేసుకునేందుకు అవకాశం ఉండేది. ఈ ఏడాది విద్యార్థులకు ఆ అవకాశం లేకుండా పో యి ందని ఉపాధ్యాయులు వాపోతున్నా రు. తక్కువ వ్యవధిలో పరిశీలించి సవరించుకోవడం ఏవిధంగా సాధ్యమవుతుందని ప్రశ్నిస్తున్నారు. హాల్‌టికెట్ల లో తప్పులుంటే సంబంధిత పాఠశాల ప్రధానోపాధ్యాయుడితో అటెస్టేషన్‌ చేయిస్తే సరిపోతుందని విద్యాశాఖ అధికారులు చెబుతున్నారు. కానీ ఈ విషయం విద్యార్థులకు తెలియకపోవడంతో రోజుల తరబడి విద్యాశా ఖ కా ర్యాలయం చుట్టూ తిరుగుతున్నారు. అక్కడ అధికారులు అందుబాటులో లే క వారు ఇబ్బందులు పడుతున్నారు.  అడ్రస్‌ లేదు జిల్లాలో 33,100 మంది విద్యార్థులు పరీక్షలు రాస్తున్నారు. వీరిలో చాలామంది హాల్‌టికెట్లపై పరీక్ష కేంద్రం పేరు మాత్రమే ఉంది. ఆ పాఠశాల ఏ ప్రాంతంలో ఉందో అడ్రస్‌ లేదు. పాఠశాలల యాజమాన్యాలు హాల్‌టికెట్లను విద్యార్థుల చేతిలోపెట్టి మీరే అడ్రస్‌ వెతుక్కోండని చేతులు దులుపుకున్నాయి. ఫీజు కడితేనే.. కొన్ని ప్రైవేట్, కార్పొరేట్‌ కాలేజీలో ఫీజు బకాయిలున్న విద్యార్థులను యా జమాన్యాలు తీవ్ర ఇబ్బంది పెట్టాయి. బుధవారం పొదలకూరురోడ్డులో ఉన్న ఓ పాఠశాల యాజమాన్యం ఫీజు చెల్లి స్తేనే హాల్‌టికెట్‌ ఇస్తామని చెబుతోందని డీ ఈఓ కె.శామ్యూల్‌కు ఫిర్యాదు అం దిం ది. దీంతో సంబంధిత పాఠశాలకు ఫోన్‌ చేసి విద్యార్థులకు వెంటనే హాల్‌టికెట్లు ఇవ్వాలని ఆదేశించారు. కొందరు తల్లి దండ్రులు చేసేదేమీ లేక అప్పు చేసి ఫీజు చెల్లించి హాల్‌టికెట్లను తీసుకుంటున్నా రు. పాఠశాలల యా జమన్యానికి జి ల్లా విద్యాశాఖలోని పలువురు అధికారుల కు సత్సంబంధాలు ఉండటంతోనే వారి ఆగడాలకు అడ్డుకట్ట పడటం లేదు. అధి కారులు మాత్రం హాల్‌టికెట్‌ ఇవ్వకుంటే విద్యాశాఖ వెబ్‌సైట్‌ నుంచి డౌన్‌లోడ్‌ చేసుకోమని ఉచిత సలహా ఇస్తున్నారు. యాప్‌ ద్వారా     తెలుసుకోవచ్చు విద్యార్థులకు ఇచ్చిన హాల్‌టికెట్లలో ఉండే కోడ్‌ను పరీక్షల యాప్‌లో టైప్‌ చేస్తే కేంద్రం అడ్రస్‌ తెలుస్తుంది. హాల్‌టికెట్లు ఇవ్వని కార్పొరేట్, ప్రైవేట్‌ పాఠశాలల విషయం మా దృష్టికి తీసుకువస్తే చర్యలు తీసుకుంటామని తెలిపారు.           – కె.శామ్యూల్,జిల్లా విద్యాశాఖాధికారి

మహబూబ్‌నగర్‌ ఎడ్యుకేషన్‌: పదో తరగతి వార్షిక పరీక్షలు గురువారం నుంచి ప్రారంభం కానున్నాయి. వచ్చే  నెల 2వ తేదీ వరకు నిర్ణీత తేదీల్లో ఉదయం 9.30 నుండి మధ్యాహ్నం 12.15గంటల వరకు పరీక్షలు జరుగుతాయి. ఈ మేరకు కేంద్రాల్లో విద్యార్థులకు ఎలాంటి అసౌకర్యం కలగకుండా బెంచీలు, తాగునీరు, విద్యుత్‌ తదితర సౌకర్యాల కల్పించిన అధికారులు ఇప్పటికే ఏర్పాట్లను పూర్తి చేశారు   పోలీసుస్టేషన్లలో ప్రశ్నపత్రాలు  ఎస్సెస్సీ పరీక్షలకు సంబంధించిన ప్రశ్నపత్రాలు ఇప్పటికే జిల్లా కేంద్రం నుంచి అన్ని పోలీసుస్టేషన్లకు చేరాయి. ఏ రోజుకారోజు ప్రశ్నపత్రాలను ఉదయం కేంద్రాలకు తీసుకువెళ్లారు. జిల్లా వ్యాప్తంగా ఉన్న అన్ని పరీక్ష కేంద్రాల్లో మాస్‌ కాపీయింగ్‌ను కట్టడి చేసేందుకు రెవెన్యూ శాఖ ఉద్యోగులను సిట్టింగ్‌ స్వా్కడ్‌గా నియమిస్తున్నారు. గతంలో వీరిని సమస్యాత్మక కేంద్రాల్లో మాత్రమే నియమించేవారు. కానీ ఈసారి అన్ని కేంద్రాల్లో నియమించాలనే ఆదేశాలు జారీ అయ్యాయి.   పకడ్బందీ ఏర్పాట్లు  గత విద్యాసంవత్సరంలో జిల్లా కేంద్రంలోని టీడీగుట్ట పాఠశాలతో పాటు జిల్లాలోని పలు కేంద్రాల్లో ఇన్విజిలేటర్లే కాపీయింగ్‌ ప్రోత్సహించారన్న ఆరోపణలు వచ్చాయి. ఈసారి అలా జరగకుండా మాస్‌కాపీయింగ్‌ను పకడ్బందీగా నిర్మూలించేందుకు విద్యా శాఖ అధికారులు చర్యలు చేపట్టారు. ఇప్పటికే 1,200 మంది ఇన్విజిలేటర్లను ఎంపిక చేయగా, 94 మంది చీఫ్‌ సూపరింటెండెంట్లు, 94 మంది డిపార్ట్‌ మెంటల్‌ అధికారులు నియమించారు. అలాగే, 94 మంది సిట్టింగ్‌ స్క్వాడ్‌ సభ్యులను నియమించిన అధికారులు ఐదు ఫ్లయింగ్‌ స్క్వాడ్లు ఏర్పాటుచేశా రు. ఐదుగురు విద్యాశాఖ అధికారులు, ఐదుగురు రెవెన్యూ శాఖ అధికారులతో పాటు ఐదుగురు మం ది పోలీస్‌శాఖ అధికారులతో ఏర్పాటుచేసిన స్క్వాడ్లు ముగ్గురు చొప్పున విడిపోయి తనిఖీ చేపడుతారు.   కాపీయింగ్‌ జరిగితే ఇన్విజిలేటర్లదే బాధ్యత  ఏదైనా పరీక్ష కేంద్రంలోని గదిలో మాస్‌ కాపీయింగ్‌ జరిగితే ఆ గది ఇన్విజిలేటర్లనే బాధ్యులను చేసేలా ప్రభుత్వం ఆదేశాలు జారీ చేసింది. పరీక్ష కేంద్రంలో పరీక్ష ప్రారంభం కాగానే కాపీయింగ్‌ జరిగితే తమదే బాధ్యత అంటూ ఇన్విజిలేటర్‌ లేఖను అధికారులకు సమర్పించాల్సి ఉంటుంది. అయితే, ఈ నిబంధనను ఉపాధ్యాయులు, ఉపాధ్యాయ సంఘాల బాధ్యులు తప్పుపడుతున్నారు. విద్యార్థులు తెలిసీ తెలియక చేసే తప్పుకు తమను బాధ్యతలను సరైన పద్ధతి కాదని, ఈ నిబంధనను తొలగించాలని డిమాండ్‌ చేస్తున్నాయి.  ప్రశాంతంగా పరీక్షలు రాసేలా ఏర్పాట్లు  విద్యార్థులకు ఎలాంటి మానసికమైన ఒత్తిడికి గురికాకుండా ప్రశాంతమైన వాతావరణంలో పరీక్షలు రాసేలా ఏర్పాట్లు చేశాం. నిమిషం నిబంధన, సీసీ కెమెరాలు ఇతర ఏ విధ మైన ఇబ్బందులు ఎదురుకాకుండా చూ స్తున్నాం. గతంలో ఎదురైన ఇబ్బందులను దృష్టిలో ఉంచుకుని ఈసారి కేంద్రంలో అవకతవకలు జరిగితే ఇన్విజిలేటర్లనే బాధ్యులుగా చేసే లా ప్రభుత్వం ఆదేశించింది. ఈ మేరకు ఒక్కో గదికి కేటాయించే 25 మంది విద్యార్థులు ఒత్తిడి లోనుకాకుండా, మాస్‌ కాపీయింగ్‌కు పాల్పడకుండా చూడాల్సిన బాధ్యత ఇన్విజిలేటర్లపై ఉంది.  – సోమిరెడ్డి, జిల్లా విద్యాశాఖాధికారి  ఎవరి గుర్తింపు లేకుండా హాల్‌టికెట్లు....   కొన్ని ప్రైవేట్‌ విద్యాసంస్థలు ఫీజు చెల్లించలేదనే కారణంగా హాల్‌టికెట్లు ఇవ్వకుండా ఇబ్బంది పెట్టడం తెలిసిం దే. ఈ విషయాన్ని పరిగణనలోకి తీసు కున్న ప్రభుత్వం నేరుగా ఆన్‌లైన్‌ పద్ధతి లో హాల్‌టికెట్లు అందించే పద్ధతికి శ్రీకా రం చుట్టింది. హెచ్‌ఎం, ఇతర అధికారుల సంతకం లేకుండానే విద్యాశాఖ వెబ్‌సైట్‌ ద్వారా తీసుకున్న హాల్‌టికెట్‌తో పరీక్షకు హాజరయ్యే వెసలుబాటు కల్పించారు. అంతేకాకుండా నిరుపేద విద్యార్థులు ఇబ్బంది పడకుండా ఆర్టీసీ బస్సులో ఉచిత ప్రయాణానికి అనుమతించనున్నారు. హాల్‌టికెట్‌ చూపించి బస్సులో ప్రయాణించొచ్చు. కాగా, జి ల్లాలో కేవలం ఎనిమిది పరీక్ష కేంద్రాల్లో మాత్రమే సీసీ కెమెరాలు ఉన్నాయి. కెమెరాలు తప్పనిసరికాకున్నా.. కెమెరా లు ఉన్న కేంద్రాల్లో విద్యార్థులు ఒత్తిడికి లోననవుతారని చెబుతున్నారు. మొత్తం పరీక్ష కేంద్రాలు        94  పరీక్ష రాయనున్న విద్యార్థులు    21,189  రెగ్యులర్‌ కేంద్రాలు        90  విద్యార్థులు        20,087  ప్రైవేట్‌ కేంద్రాలు        04  విద్యార్థులు        1,102  

సాక్షి, మచిలీపట్నం:   పదో తరగతి పబ్లిక్‌ పరీక్షలకు సర్వం సిద్ధమైంది. పకడ్బందీగా నిర్వహించేందుకు విద్యాశాఖ చర్యలు చేపట్టింది. జిల్లా వ్యాప్తంగా 268 కేంద్రాల్లో ఈ నెల 15 నుంచి పరీక్షలు జరగనున్నాయి. 57,127 మంది విద్యార్థులు హాజరు కానున్నారు. ఇందులో రెగ్యులర్‌ 56,035 మందికాగా, ప్రైవేట్‌ 1092 మంది ఉన్నారు. ఉదయం 9.30 గంటల నుంచి మధ్యాహ్నం 12.15 వరకు పరీక్షలు జరగనున్నాయి. మాస్‌కాపీయింగ్‌కు తావులేండా గట్టి నిఘా ఏర్పాటు చేశారు. ఈ నేపథ్యంలో 268 కేంద్రాలకు 268 చీప్‌ సూపరింటెండెంట్‌ అధికారులను నియమించారు. 268 డిపార్ట్‌మెంటర్‌ అధికారులు, 62 మంది కస్టోడియన్, 62 మంది చీఫ్‌ కస్టోడియన్, 2950 మంది ఇన్విజిలేటర్లు, 14 ఫ్లయింగ్‌ స్వాడ్‌ బృందాలు పరీక్షలను పర్యవేక్షిస్తారు. 62 పోలీస్‌ స్టేషన్లలో ప్రశ్నపత్రాలు భద్ర పరిచారు. జిల్లాలోని ఐదు సమస్యాత్మక కేంద్రాల్లో సీసీ కెమెరాలు ఏర్పాటు చేస్తున్నట్లు డీఈవో తెలిపారు. జిల్లాలోని ఘంటసాల మండలం  శ్రీకాకుళం జిల్లా పరిషత్‌ హైస్కూల్, బంటుమిల్లి గరŠల్స్‌ హైస్కూల్‌తో పాటు జగ్గయ్యపేట జిల్లా పరిషత్‌ బాలుర ఉన్నత పాఠశాల, పెనుగంచిప్రోలు బాలికల ఉన్నత పాఠశాల, ఆగిరిపల్లి జిల్లా పరిషత్‌ హైస్కూల్‌లో సీసీ కెమెరాలను ఏర్పాటు చేశామని వెల్లడించారు. నిబంధనలు ఇవీ.. ♦ జంబ్లింగ్‌ పద్ధతిలో ఇన్విజిలేర్లను కేటాయిస్తారు. ♦ ఇన్విజిలేటర్లు, ఉపాధ్యాయేతర సిబ్బందికి పరీక్ష కేంద్రంలోకి సెల్‌ఫోన్లు అనుమతించరు. ♦ విద్యార్థులు పరీక్ష కేంద్రంలోకి ఎలాంటి ఎలక్ట్రానిక్‌ వస్తువులు, స్టడీ మెటీరియల్, స్మార్ట్‌ వాచ్‌లు, కాలిక్యులేటర్లు తీసుకురాకూడదు. ♦ పరీక్షకు హాజరయ్యే విద్యార్థులు ఉదయం 8.45 గంటలలోపు పరీక్ష కేంద్రం వద్దకు  చేరుకోవాలి. ♦ విద్యార్థినులకు తనిఖీలు నిర్వహించేందుకు ప్రత్యేకంగా మహిళా ఇన్విజిలేటర్లు నియమించారు. ♦ పరీక్ష కేంద్రాల్లో సీసీ కెమెరాలు వుంటే వాటిని పరీక్ష నిర్వహించే సమయం వరకు మ్యూట్‌లో ఉంచాలి. ♦ పరీక్షా కేంద్రంలో ప్రైవేటు పాఠశాలకు చెందిన విద్యార్థులు ఉంటే.. పరీక్ష కేంద్రం వద్ద ప్రైవేటు పాఠశాలల సిబ్బంది ఉండకూడదు. ♦ విద్యార్థులను నేలమీద పరీక్ష రాయిస్తే చర్యలు తప్పవని, బెంచీల మీద, సౌకర్యాలున్న గదుల్లోనే పరీక్షలు రాయించేలా చర్యలు తీసుకోవాలని విద్యాశాఖ ఉన్నతాధికారుల నుంచి సెంటర్‌ నిర్వాహకులకు ఆదేశాలందాయి. పటిష్ట బందోబస్తు :జిల్లా ఎస్పీసర్వశ్రేష్ట్ర త్రిపాఠి కోనేరుసెంటర్‌: పదో తరగతి పరీక్షలను పురస్కరించుకుని జిల్లాలో పటిష్ట పోలీసు బందోబస్తు ఏర్పాటుచేస్తున్నట్లు జిల్లా ఎస్పీ సర్వశ్రేష్ట్రతిపాఠి తెలిపారు. విద్య, వైద్య, ఆర్టీసీ అధికారుల సమన్వయంతో పోలీసులు పని చేసేలా ఆదేశాలు జారీ చేశామని చెప్పారు. పరీక్షలకు హాజరయ్యే విద్యార్థులకు ట్రాఫిక్‌పరంగా సమస్యలు తలెత్తకుండా కట్టుదిట్టమైన చర్యలు తీసుకుంటామని పేర్కొన్నారు. విద్యార్ధులకు ఎలాంటి ఇబ్బందులు ఎదురైనా సమీపంలోని పోలీసు సేవలను ఉపయోగించుకోవచ్చని సూచించారు. జిల్లాలోని అన్ని పరీక్షా కేంద్రాల వద్ద 144 సెక్షన్‌ అమల్లో ఉంటుందని వెల్లడించారు. పరీక్షా కేంద్రాల చుట్టుపక్కల గుంపులుగా కనిపిస్తే పోలీసు చర్యలు తప్పవని హెచ్చరించారు. పరీక్ష కేంద్రాల సమీపంలోని ఇంటర్నెట్, మీసేవా సెంటర్‌లను మూసివేయిస్తామని పేర్కొన్నారు.

 ఆలేరు : పదవ తరగతి..ప్రతి విద్యార్థికి ఎంతో కీలకమైంది. పదవ తరగతిలో పరిపూర్ణత అంటే 10 గ్రేడ్‌ పాయింట్లు. ఇదే ప్రతి విద్యార్థి లక్ష్యం. అన్ని సబ్జెక్టుల్లో 92 కంటే ఎక్కువ మార్కులు వస్తే 10 గ్రేడ్‌ పాయింట్లు ఇస్తారు. అంటే ప్రతి సబ్జెక్టులోను రాణించేలా సాధన చేయాలి. ఈనెల 15 నుంచి 10వ తరగతి పరీక్షలు ప్రారంభంకానున్నాయి. జిల్లాలో 48 పరీక్ష కేంద్రాల్లో 9460 మంది విద్యార్థులు పరీక్షలు రాయనున్నారు. వీరిలో 460 మంది (కంపార్ట్‌మెంటల్‌) విద్యార్థులు ఉన్నారు. ఇందుకు సంబంధించి అధికారులు ఏర్పాట్లు పూర్తిచేశారు. జిల్లాలో మొత్తం 156 ప్రభుత్వ ఉన్నత పాఠశాలలు, 99 ప్రైవేటు పాఠశాలలు ఉన్నాయి. గతేడాది కన్నా మెరుగైన ఫలితాలు సాధించాలని లక్ష్యంగా పెట్టుకున్నారు.    భయం వీడితే విజయం  పరీక్షల్లో ఉత్తీర్ణులమవుతామో లేదోనని ఆందోళన విద్యార్థులను మరింత కుంగదీస్తుంది. ఇలాంటి సందేహాలను మనస్సులోకి రానివ్వకూడదు. పరీక్షల్లో ర్యాంకులు, మార్కులు సాధించడం కష్టం కావచ్చు. ఉత్తీర్ణత సాధించడం కష్టమేమీ కాదు. ఒత్తిడిని అధిగమించి చదువుపై దృష్టిపెట్టాలి. సమయం తక్కువగా ఉంది కనుక సులువైన పాఠాలను వీలైనన్ని ఎక్కువసార్లు చదవాలి. దీంతో పట్టు సాధించవచ్చు. సాధారణంగా విద్యార్థులు గణితం, ఆంగ్లం, సామాన్యశాస్త్రం వంటి సబ్జెక్టులపై దృష్టిని సారిస్తుంటారు. ఇది సరైంది కాదు. అన్ని సబ్జెక్టులకు సమానమైన ప్రాధాన్యతనివ్వాలి. అన్ని సబ్జెక్టుల్లో 92 కంటే ఎక్కువ మార్కులు వస్తేనే ఏ–1 గ్రేడ్‌ సాధించేందుకు అవకాశం ఉంటుంది.  పౌష్టికాహారం తీసుకోవాలి పరీక్షల సమయంలో పౌష్టికాహారం తీసుకోవాలి. ఏది పడితే అది తినవద్దు. తాజా పండ్లు, ఉడికించిన గుడ్లు, సలాడ్స్, ఎండు ఫలాలు మధ్యమధ్యలో తింటుండాలి. తగు విధంగా మంచి నీరు తాగాలి. నీరు, మజ్జిగ, నిమ్మరసం, పండ్లర సాలు తీసుకోవాలి. కాఫీ, టీలు తగ్గించాలి. తీపి పదార్థాలు, వేపుళ్లు తక్కువగా తీసుకోవాలి.  ఒత్తిడి పెంచొద్దు తల్లిదండ్రులు పిల్లలపై ఒత్తిడిని పెంచవద్దు. ఇతరులతో పో ల్చి వారిని తక్కువగా చేయవద్దు. అతిగా ఆశలు పెట్టుకున్నామని వారిని వేధించవద్దు. వారికి ప్రశాంతమైన వాతావరణం కల్పించాలి. వారిలో ఆత్మస్థైర్యాన్ని పెంచాలి. పరీక్ష సమయంలో  కుటుంబ సభ్యులు టీవీని కట్టిపడేయాలి. పరీక్షలు కదాని రాత్రి పొద్దుపోయేదాకా చదవకూడదు. ఉదయం, సాయంత్రం వేళల్లో ధ్యానం చేస్తే మంచిది. ఏకాగ్రతతో చదివేలా చూడాలి. ఆత్మవిశ్వాసం ముఖ్యం.ముందస్తు ప్రణాళికతో చదవాలి.  ప్రశ్నలపై అవగాహన కలిగి ఉండాలి జీవశాస్త్రంలో ప్రతి పాఠం కీలకమే. ఇందులో మొత్తం 10 పాఠ్యాంశాలున్నాయి. పోషణలో కిరణజన్య సంయోగ క్రియ, శ్వాస క్రియల నుంచి ఎక్కువగా 4మార్కుల ప్రశ్నలు వస్తున్నాయి. పోషకాహార లోపంతో వచ్చే వ్యాధులు, విటమిన్లపై కూడా ఈ తరహా ప్రశ్నలు ఎక్కువగా ఉంటాయి. నిత్యజీవిత వినియోగానికి సంబంధించిన ప్రశ్నలపై అవగాహన కలిగి ఉండాలి. ప్రయోగాల సాధనపై పట్టు సాధించడం ద్వారా పరీక్షల్లో అత్యధిక మార్కులు పొందవచ్చు.  నిత్య జీవితంలో అన్వయించుకునే అంశాలను కూడా వదలకుండా నేర్చుకోవాలి.   – ఖమర్‌ సుల్తాన, ఎస్‌ఏ ఉపాధ్యాయురాలు  స్కోరింగ్‌కు అవకాశం  హిందీలో మంచి మార్కులు వస్తే స్కోరింగ్‌కు ఎంతగానో తోడ్పడుతుంది. ప్రశ్నలు, వ్యాకరణాంశాలు, అపరిచిత అంశాలను దృష్టిలో పెట్టుకొని చదవడం, రాయడం చేయాలి. హిందీ అంటే భయపడవద్దు. చదివింది అర్థం చేసుకోవడం ము ఖ్యం. కవి, రచయిత పరిచయాలను క్షు ణ్ణంగా చదవాలి. ప్రతి పాఠం సమగ్రం గా చదివితే మార్కులు ఎక్కువగా వస్తాయి. వ్యాకరణానికి ప్రాధాన్యత ఇవ్వాలి.   –  అబ్దుల్‌గని, హిందీ పాఠ్యపుస్తక రచయిత అవగాహన పెంచుకోవాలి సాంఘికశాస్త్రంలో ఇచ్చిన ప్రశ్నలకు, చదివిన సమాధానాలను సరిగా ప్రజెంట్‌ చేయగలిగి పూర్తి మార్కులు తెచ్చుకునేలా అభ్యసించాలి. సెకండ్‌ పేపర్‌లో మ్యాప్‌ పాయింటింగ్‌ ఉంటుంది. మ్యాప్‌ పాయింటింగ్‌ ప్రాక్టీస్‌ చేస్తూ అవగాహన పెంచుకోవాలి. ప్రశ్నపత్రాన్ని సరిగా అర్థం చేసుకోవడం ముఖ్యం. విద్యార్థులు పాఠాలకు సంబంధించి వార్తాపత్రికల్లో వస్తున్న సమాచార పట్టికలు, గ్రాఫ్‌లను ప్రాక్టీస్‌ చేయాలి. ప్రణాళికాబద్ధంగా పునశ్ఛరణ చేయాలి.  – హరిశంకర్, సాంఘికశాస్త్రం ఉపాధ్యాయుడు  దోషాలు లేకుండా రాయాలి ప్రతి పాఠాన్ని విద్యార్థులు పలుమార్లు చదవాలి. పద్యాలు సాధన చేయాలి. పువ్వుగుర్తున్న పద్యాలపై ప్రత్యేక శ్రద్ధవహించాలి. పాఠ్యాంశాల్లోని అంశాలే కాకుండా సామర్థ్యాల వారీగా శ్రద్ధపెట్టి చదువుకోవాలి. వ్యాసరూప ప్రశ్నల్లో గద్య, పద్య, ఉపవాచకాల నుంచి రెండేసి ప్రశ్నలుంటాయి. పేపర్‌ –1 లో స్వీయరచన 20 మార్కుల పదజాలంలో 10 మార్కులను సామార్థ్యాల నుంచి పరీక్షిస్తారు. పేపర్‌–2లో పఠనావగాహన, సృజనాత్మకత, వ్యాకరణ అంశాలపై ఇస్తారు. సాధ్యమైనంత వరకు వ్యాకరణం దోషాలు లేకుండా రాయాలి.  – దూడల వెంకటేశ్, తెలుగు ఉపాధ్యాయుడు  వందశాతం మార్కులు గణితంలోనే  వందకువంద మార్కులు సాధించిపెట్టే సబ్జెక్ట్‌ అంటే గణితమే. మెళకువలతో దీన్ని సాధించవచ్చు. ప్రతి అధ్యాయంలో గల పటాలను, గ్రాఫ్‌లను, రేఖా చిత్రాలను, నిర్మాణాలను పలుమార్లు సాధనచేయాలి. ప్రతి అధ్యాయంలోని కీలక భావనల్నీ, ముఖ్య సూత్రాలను కనీసం 2 లేదా 3 సార్లు పునశ్ఛరణ చేసుకోవాలి. సాంఖ్యాక శాస్త్రంలోని ఓజివ్‌ వక్రంగీయడంపై బాగా సాధనచేయాలి. స్వరూప త్రిభుజాలు, అప్లికేషన్స్‌పై, త్రికోణమితులు, అనువర్తనాలు, మాధిరి సమస్యలపై సాధనచేయాలి.  – చింతకింది మురళి, గణితం ఉపాధ్యాయుడు  ఆరోగ్యం కీలకం  పరీక్షల సమయంలో ఆరోగ్యంపై దృష్టిసారించడం కీలకం. ఏడాదంతా చదివిన తరువాత పరీక్షల వేళ అనారోగ్యానికి గురైతే వృథా అవుతుంది. ఎండాకాలం కావడంతో  ద్రవ పదార్థాలు ఎక్కువగా తీసుకోవాలి. జంక్‌ ఫుడ్‌కు దూరంగా ఉండాలి. మంచినీరు, మజ్జిక, కొబ్బరి నీరు తీసుకోవాలి. పదేపదే కాఫీలు, టీలు తీసుకోవద్దు. కూరగాయలు, పప్పుదినుసులు, పాలు, ఆకుకూరలు, పీచు పదార్థాలు ఎక్కువగా ఉండే పండ్లను తీసుకుంటే మంచిది. ఆహార నియమాలు పాటించాలి.       – సౌజన్య, వైద్యురాలు

చింతలపూడి: పరీక్షల వేళ విద్యార్థులు చదువుమీద ధ్యాసతో ఆహార పానీయాల సంగతి మర్చిపోతారు. గంపెడు సిలబస్‌ను వడపోసి క్వొశ్చన్‌ పేపర్లో వచ్చే ప్రశ్నలకు జవాబులు రాయాలంటే ముందుగా విద్యార్థికి కావలసింది ఆరోగ్యం. ఆరోగ్యంగా ఉండి మంచి వాతావరణంలో చదివితే ఫలితం ఉంటుంది. ఇందుకు తల్లిదండ్రులు  చేయవలసిందేంటంటే  పరీక్షలకు సిద్ధమయ్యే విద్యార్థులకు తేలికపాటి ఆహారం అందించడం ఉత్తమమని చింతలపూడి మండల వైద్యాధికారి డాక్టర్‌ అర్షియ ఫిర్దోష్‌ చెప్తున్నారు. రోజూ ఇళ్లల్లో వండే వంటల్లోనే చిన్న, చిన్న మార్పులతో తేలికపాటి ఆహారాన్ని వండి పెట్టాలని తల్లులకు సూచిస్తున్నారు. ఇలా చేయండి ⇔ అధిక కారం, మసాలా, నూనెలతో తయారైన ఆహార పదార్థాలను పెట్టకండి. వాటికి దూరంగా ఉంచండి. ⇔ ప్రతిరోజూ కనీసం 6 నుంచి 8 గంటలు నిద్ర పోవడం మంచిది. తేలికగా జీర్ణమయ్యే ఇడ్లీ, రసంతో భోజనం మంచిది. పెరుగు, మజ్జిగ పరిమితంగా తీసుకోవాలి. ⇔ అందుబాటులో ఉండే తాజా పళ్లు తీసుకోవాలి. ద్రాక్ష, అరటిపండు, అనాస, దోస వంటి పండ్లు ఆరోగ్యానికి మంచిది. ⇔ పరీక్షలు జరిగే రోజుల్లో మాంసాహారానికి దూరంగా ఉంటే మంచిది. మంచి ఆహారంతో పరీక్షల గండం గట్టెక్కినట్టే. ⇔ మెదడు తాజాగా ఉండాలంటే పరీక్షల సమయంలో విద్యార్థులు ఉదయం 4.30 గంటలకు లేవడం, రాత్రి 10.30 గంటలకు ముందుగా నిద్రపోవడం అలవాటు చేసుకోవాలి. ⇔ మెదడు చురుగ్గా పనిచేయడానికి ప్రొటీన్లు ఎక్కువగా ఉన్న ఆహారం తీసుకోవాలి. ముఖ్యంగా చిక్కుడు, కూరగాయలు, పండ్లు తినాలి. ⇔ ఉదయం లేచిన వెంటనే కొద్దిసేపు వ్యాయామం చేస్తే మంచిది. తర్వాత ఇడ్లీ, పాలు తీసుకోవడం ఉత్తమం. అనంతరం చదువు ప్రారంభించాలి. ⇔ పరీక్ష రాసి ఇంటికి వచ్చాక పండ్లు, పళ్ల రసాలు తాగాలి. పెరుగుతో ఆహారం భుజించడం కూడా మంచిదే. ⇔ సాయంత్రం చదువు ప్రారంభించేటప్పుడు కప్పు టీ తాగాలి. చదవడం అయిపోయాక నిద్రకు ఉపక్రమించే గంట ముందు తేలికపాటి భోజనం తీసుకోవాలి. ⇔ ఒత్తిళ్లకు గురికాకుండా నిద్రపోవాలి. రోజులో ఎక్కువసార్లు పాలు తాగండి. మెదడు చురుగ్గా పనిచేస్తుంది. ⇔ ఒకసారి రాస్తూ చదివితే పదిసార్లు చదివినట్టు అర్థం. విద్యార్థులూ ఇంకెందుకు ఆలస్యం.. ఈ చిట్కాలను పాటించి విజయాన్ని సాధించండి

నిడమర్రు: 2017–18 ఈనెల 15 నుంచి 29 వరకూ  పదో తరగతి పబ్లిక్‌ పరీక్షలు నిర్వహించేందుకు ఏర్పాట్లు పూర్తి చేసినట్లు జిల్లా విద్యాశాఖ ప్రకటించింది.  జిల్లాలో 239 పరీక్ష కేంద్రాల్లో 50,423 మంది విద్యార్థులు పరీక్షలకు హాజరుకానున్నారు. ఈ నేపథ్యంలో ఏదైనా కారణం చేత / ఫీజు చెల్లించలేదని సంబంధిత పాఠశాల నుంచి హాల్‌ టికెట్లు పొందలేని విద్యార్థులు వారి హాల్‌ టికెట్స్‌ను ఆన్‌లైన్‌లో డౌన్‌లోడ్‌ చేసుకునే అవకాశం ఉంది. హాల్‌ టికెట్స్‌ ఏవిధంగా డౌన్‌లోడ్‌ చేసుకోవాలి.. కేంద్రాలకు హాజరయ్యే విద్యార్థులకు సూచనలు తదితర సమాచారం తెలుసుకుందాం. డౌన్‌లోడ్‌ ఇలా.. ♦ www.bre.ap.orf అనే వెబ్‌సైట్‌లో లాగిన్‌ అవ్వాలి. వెబ్‌సైట్‌ ముఖ చిత్రంలో ఎడమవైపు ‘క్విక్‌ లింక్స్‌’ అనే కాలంలో ఎస్‌ఎస్‌సీ  మార్చి– 2018 హాల్‌టికెట్స్‌ క్లిక్‌ చెయ్యాలి. తర్వాత ఒక విండో ఓపెన్‌ అవుతుంది. అక్కడ రెగ్యులర్‌/ ప్రైవేట్‌/ ఓరియంటల్‌/ ఒకేషనల్‌ హాల్‌ టికెట్స్‌ అని నాలుగు కాలమ్స్‌ కనిపిస్తాయి. అక్కడ సంబంధిత కాలమ్‌ వద్ద క్లిక్‌ చెయ్యాలి. ♦ మరో విండో ఓపెన్‌ అవుతుంది. అక్కడ జిల్లా, స్కూల్, నేమ్‌ ఎంటర్‌ చెయ్యాలి. వివరాలు నమోదు చేశాక డౌన్‌లోడ్‌ హాల్‌ టికెట్‌ వద్ద క్లిక్‌ చేస్తే హాల్‌ టికెట్‌ డౌన్‌లోడు అవుతుంది. ♦ జిల్లాలోని అన్ని స్కూల్స్, వాటి కోడ్స్, పది పరీక్షలకు హాజరయ్యే విద్యార్థుల లిస్ట్‌ ఈ లింక్‌ వద్ద పొందుపర్చి ఉంటాయి. దీంతో వివరాలు నమోదు చెయ్యడం చాలా సులభం. ♦ ఆన్‌లైన్‌లో డౌన్‌లోడ్‌ చేసుకున్న హాల్‌ టికెట్స్‌పై ఆయా పాఠశాల హెచ్‌ఎం సంతకం, పాఠశాల ముద్ర తప్పనిసరి. విద్యార్థులకు సూచనలు ♦ హాల్‌ టికెట్స్‌లో సూచించిన విధంగా ఆయా తేదీ / సబ్జెక్‌ / పేపర్‌ ప్రకారం పరీక్ష రాసేందుకు సిద్ధం కావాలి. ♦ హాల్‌ టికెట్‌లో పొందుపరిచిన పరీక్షా కేంద్రాన్ని విద్యార్థి ఒకరోజు ముందుగా సందర్శించి అక్కడి పరిస్థితులను అవగాహన చేసుకుంటే మంచింది. ♦ మీరు ప్రతి రోజు మీఇల్లు / స్కూల్‌ నుంచి పరీక్ష కేంద్రానికి మధ్య దూరం, పరీక్షా కేంద్రానికి వెళ్లేందుకు ఎంత సమయం పడుతుంది. రవాణా సౌకర్యాలు ఏవిధంగా ఉన్నాయి తదితర విషయాలు ముందుగా అంచనా వేసుకోవడం ఉత్తమం. ♦ ప్రతిరోజూ ఉదయం 9 గంటలకు విద్యార్థులను పరీక్ష  గదిలోకి అనుమతిస్తారు.  అనంతరం ఓఎంఆర్‌ షీట్, ఆన్‌షీట్‌ అందిస్తారు. ఈ రెండిటినీ కలిపి ఇన్విజిలేటర్‌ సూచనల ప్రకారం పిన్‌ చెయ్యాలి. ♦ 9.30 గంటలకు విద్యార్థులకు ఇన్విజిలేటర్‌ ప్రశ్నాపత్రం అందిస్తారు. తిరిగి మధ్యాహ్నం 12.15 గంటలకు తీసుకుంటారు. పరీక్ష రాసేం దుకు 2.45 గంటల సమయం ఉంటుంది.  ప్రశ్నాపత్రాలు సీసీఈ మాదిరిలో ఉండటంతో  ఈ 2.45 గంటల సమయంలో, మొదటి 15 నిమిషాలు ప్రశ్నాపత్రాన్ని చదువుకుని అవగాహన చేసుకునేందుకు కేటాయించారు.    ♦ ప్రధాన సమాధాన పత్రంలోని సూచనలు, ఓఎంఆర్‌ షీటు వెసుక భాగంలో ఉన్న సూచనలు ఒకసారి చదువుకోవాలి ♦ ఓఎంఆర్‌ షీట్‌ మినహా ఏ పేపర్‌పైన కూడా హాల్‌ టికెట్‌ నంబర్, పేరు ఎట్టిపరిస్థితిల్లోనూ రాయకూడదు. ♦ ఓఎంఆర్‌ షీటు ఏదైనా కారణం చేత పాడైతే, వెంటనే ఇన్విజిలేటర్‌ దృష్టికి తీసుకు వెళ్లాలి. అప్పుడు సిబ్బంది నాన్‌ స్టాండర్డ్‌ ఓఎంఆర్‌ షీట్‌ అందిస్తారు. ♦ ఓఎంఆర్‌ షీట్‌పై ఉన్న బార్‌కోడ్‌పై రాయడం, నలపడం లాంటి చర్యలు చేయకూడదు. ♦ విద్యార్థి చూచిరాతకు పాల్పడినట్లు నిర్ధారణ అయితే ఆ విద్యార్థిపై జీఓ 872 ప్రకారం తరువాత జరిగే పరీక్షలు రాసేందుకు వీలుండదు. అలాగే శాఖాపరమైన చర్యలు ఆవిద్యార్థిపై తీసుకుంటారు. ♦ భవిష్యత్తులో విద్యా / ఉద్యోగ అవసరాల దృష్ట్యా పరీక్షలు అనంతరం కూడా  హాల్‌ టికెట్స్‌ జాగ్రత్త పరుచుకోవాలి. ♦ పాఠశాల నుంచి అందిన / ఆన్‌లైన్‌లో డౌన్‌లోడ్‌ చేసుకున్న హాల్‌టికెట్స్‌లో ఏమైనా లోపాలు కనిపిస్తే తక్షణం సంబంధిత హెచ్‌ఎం/పరీక్ష కేంద్రం పర్యవేక్షకుని దృష్టికి తీసుకువెళ్లాలి. ♦ అన్ని  పరీక్షలకు పార్ట్‌–బి (బిట్‌ పేపర్‌) పరీక్ష చివరి అరగంట ముందుగా ఇస్తారు. అయితే మిగిలిన తెలుగు, ఇంగ్లిషు పేపర్లకు పార్టీ–ఎ తోపాటే పార్ట్‌–బి ముందుగానే ఇస్తారు. విద్యార్థులు గమనించాలి.

నెల్లూరు(టౌన్‌):  పదో తరగతి  పరీక్షల ప్రశ్నపత్రాలు జిల్లాకు చేరుకున్నాయి. గురువారం వచ్చిన సెట్‌–1 ప్రశ్నపత్రాలను స్థానిక పొదలకూరురోడ్డులోని సెయింట్‌ జోసెఫ్‌ పాఠశాలలో స్ట్రాంగ్‌రూంలో పోలీసు పహారా మధ్య భద్రపరిచారు. శుక్రవారం డీఆర్వో వి.వెంకటసుబ్బయ్య, డీఈఓ కె.శామ్యూల్‌ ఆధ్వర్యంలో ప్రత్యేక వాహనాల ద్వారా జిల్లాలోని 56 పోలీసుస్టేషన్లకు తరలించారు. శనివారం రానున్న మిగిలిన సెట్‌–1 పేపర్లను అదేరోజు పోలీసుస్టేషన్లకు తరలించనున్నారు. రెండో సెట్‌ ప్రశ్నపత్రాలు ఈ నెల 17,18 తేదీలలో  రానున్నాయి. పరిశీలకులుగా గీత   పదో తరగతి పరీక్షలకు ప్రత్యేక పరిశీలకులుగా డిప్యూటీ డైరెక్టర్, కమిషనర్‌ ఆఫ్‌ స్కూల్‌ ఎడ్యుకేషన్‌ ఎన్‌.గీతను నియమించారు. ఈమె ఈనెల 15వ తేదీ నుంచి నిర్వహించనున్న పదో తరగతి పరీక్షల తీరు తెన్నులను పరిశీలించనున్నారు.  

వచ్చే నెలలో పదవ తరగతి  పబ్లిక్‌ పరీక్షలు.  వాటిలో మంచి మార్కులు తెచ్చుకునేందుకు స్టడీ మెటీరియల్‌ దోహదపడుతోంది.  ఎందుకో మరి విద్యాశాఖ ఆ మెటీరియల్‌   తెలుగు, ఇంగ్లిషు మీడియం విద్యార్థులకు మాత్రమే అందజేసి  ఉర్దూ, కన్నడ మాధ్యమం విద్యార్థులకు  మొండిచేయి చూపించింది.  కారణమేమిటంటే ముద్రణ సమస్య, భాష బదలాయింపు అని చేతులు దులుపుకుంది. విద్యార్థులు మాత్రం స్టడీ మెటీరియల్‌ లేకుండా పరీక్షలకు ఎలా  సన్నద్ధం కావాలని  ఆందోళన చెందుతున్నారు. కర్నూలు సిటీ: పాఠశాల విద్యను బలోపేతం చేసేందుకు బట్టీ విధానానికి స్వస్తి చెప్పేందుకు రాష్ట్ర ప్రభుత్వం గతేడాది నుంచి నిరంతర సమగ్ర ముల్యాంకనాన్ని(సీసీఈ) అమలు చేస్తోంది. ఈ విధానంలో విద్యార్థులు సమాధానాలను గైడ్లు, పుస్తకాల్లో చదివి కాకుండా  ప్రశ్నను అవగాహన చేసుకుని రాయాల్సి ఉంటుంది. ఇందులో 100 శాతం ఫలితాలు సాధించేలా వారిని  సన్నద్ధం చేసేందుకు ఎస్‌సీఈఆర్‌టీ మాదిరి ప్రశ్నల పుస్తకాన్ని ఆధారం  చేసుకున్నారు. అందులో భాగంగా ఆయా జిల్లాల్లో అందుబాటులో ఉన్న సబ్జెక్టు టీచర్లతో ప్రతి ఏటా స్టడీ మెటీరియల్‌  తయారు చేయించి డీసీఈబీ ద్వారా ఇస్తున్నారు. దీంతో చదువులో వెనుకబడిన విద్యార్థి  సైతం  ఈ స్టడీ మెటీరియల్‌ చదివి  సులువుగా పాస్‌ అయ్యేందుకు అవకాశం ఉంది.   గతేడాది నిధుల కొరత.. ఈసారి ముద్రణ సాకు   జిల్లాలో ఉర్దూ పాఠశాలలు 17, కన్నడ మీడియం   పాఠశాలలు 11 ఉన్నాయి.వీటిలో 10వ తరగతి చదువుతున్న విద్యార్థులు  వెయ్యిమందికి పైగా ఉన్నారు. గతేడాది నిధుల కొరత పేరుతో  మెటీరియల్‌ ఇవ్వలేదు. ఈ ఎఫెక్ట్‌  ఫలితాల్లో కొంత చూపింది. ఈసారి అయినా మెటీరియల్‌ ఇస్తారనుకుంటే ముద్రణ సమస్య అని సాకు చూపి విద్యాశాఖ చేతులు ఎత్తేసింది. మార్చిలో జరిగే పబ్లిక్‌ పరీక్షలకు  ఎలా సన్నద్ధం కావాలో తెలియక ఉర్దూ, కన్నడ భాష విద్యార్థులు ఇబ్బందులు పడుతున్నారు. దీనికితోడు    విద్యాసంవత్సరం ప్రారంభమైన రెండున్నర నెలల తర్వాత పాఠ్యపుస్తకాలు ఇచ్చినట్లు వారు వాపోతున్నారు. కన్నడ, ఉర్దూ మీడియం చదివే వారు తక్కువగా ఉంటారనే విద్యాశాఖ నిర్లక్ష్య ధోరణే దీనికంతటికి కారణమనే విమర్శలు వ్యక్తమవుతున్నాయి.   స్టడీ మెటీరియల్‌ ఇవ్వాలని కోరాం జిల్లాలో ఉర్దూ మీడియంలో చదువుతున్న విద్యార్థులకు డీసీఈబీ ద్వారా  తెలుగు, ఇంగ్లిషు మీడియం వారికి ఇచ్చినట్లు మెటీరియల్‌ ఇవ్వాలని అధికారులను కోరాం. అయితే ట్రాన్స్‌లేషన్‌ సమస్యతో ఇవ్వలేకపోతున్నామని చెబుతున్నారు.    – దాదాపీర్, ఏపీ ఉర్దూ ఉపాధ్యాయుల సంఘం జిల్లా ప్రధాన కార్యదర్శి

తూర్పుగోదావరి, రంపచోడవరం: పదో తరగతి ఫలితాల్లో గత ఏడాది రాష్ట్రంలో ప్రథమ స్థానాన్ని కైవసం చేసుకున్న జిల్లా ఈ ఏడాదీ ఆ స్థానాన్ని పదిలం చేసుకునేందుకు తీవ్రంగా కృషిచేస్తోంది. కానీ ఏజెన్సీలో పరిస్థితి ఆ స్థాయిలో లేదు. అక్కడి విద్యా వ్యవస్థ తీరు పరిశీలిస్తే గత ఏడాది ఏజెన్సీలో 91 శాతం ఉత్తీర్ణత నమోదైంది. ఈ ఏడాది ఆ స్థాయి ఉత్తీర్ణతకు తీవ్రంగా శ్రమించాల్సిన పరిస్థితి ఉంది. రంపచోడవరం, చింతూరు ఐటీడీఏల పరిధిలో నాలుగు రకాల యాజమాన్యాలకు చెందిన 73 ఉన్నత పాఠశాలలు ఉన్నాయి. 11 మండలాల పరిధిలో జెడ్పీ, గిరిజన సంక్షేమ ఆశ్రమ పాఠశాలలు, గురుకుల పాఠశాలలు, కస్తూర్బా గాంధీ విద్యాలయాల్లో 3647 మంది విద్యార్థులు పదో తరగతి చదువుతున్నారు. వీరిలో సగం మంది సి, డి గ్రేడుల్లో ఉండడం ఆందోళన కలిగిస్తోంది. మొత్తంగా అన్ని యాజమాన్య పాఠశాలల్లో దాదాపు 44 శాతం మంది పదో తరగతి విద్యార్థులు చదువులో బాగా వెనుకబడి ఉన్నారు. ఈ నేపథ్యంలో ఏజెన్సీలో పదో తరగతి ఉత్తీర్ణత శాతం పడిపోయే పరిస్థితులు కనిపిస్తున్నాయి. గత ఏడాది జిల్లా ఉత్తీర్ణత శాతం కంటే తక్కువగా ఉన్న ఏజెన్సీ ఫలితాలు ఈ విద్య సంవత్సరంలోనైనా మెరుగు పరిచేందుకు ఐటీడీఏ ఎలాంటి చర్యలూ తీసుకోలేదు. పదో తరగతి విద్యార్థులు పరీక్షలకు ఎలా సమాయత్తం అవుతున్నారో అనే దానిపై పాఠశాల స్థాయిలో ఐటీడీఏ విద్యా శాఖ ఎలాంటి సమీక్షా నిర్వహించలేదు. రంపచోడవరం ఐటీడీఏ ఏజెన్సీ విద్యాఖాధికారి పోస్టు కొన్నేళ్లుగా ఖాళీగా ఉన్నప్పటికీ అటు గిరిజన సంక్షేమ శాఖ కానీ, ఇటు విద్యా శాఖ కానీ ఏమాత్రం పట్టించుకోవడం లేదు. ఇక అంతా పరీక్ష కాలమే.. పదో తరగతి విద్యార్థులకు ఈ నెల 24 నుంచి మార్చి 8వ తేదీ వరకూ ప్రీ పబ్లిక్‌ పరీక్షలు నిర్వహిస్తారు. అనంతరం మార్చి 15 నుంచి పబ్లిక్‌ పరీక్షలు ప్రారంభమవుతాయి. అన్ని యాజమాన్య పాఠశాలల్లో విద్యార్థులు వెనుకబడి ఉన్నారు. వారిని పరీక్షలకు సిద్ధం చేసేందుకు సమయమూ లేదు. మెటీరియల్‌ సరఫరా చేశాం ఆశ్రమ పాఠశాల విద్యార్థులకు స్టడీ మెటీరియల్‌ సరఫరా చేశాం. రెండు మార్కులు, ఒక మార్కు, మ్యాప్‌ పాయింటింగ్, సైన్సు డ్రాయింగ్‌పై ఎక్కువ శ్రద్ధ చూపేందుకు చర్యలు తీసుకున్నాం. సబ్జెక్టు రివిజన్‌ ప్రారంభమైంది. టెస్ట్‌లు పెడుతున్నారు. నూరు శాతం ఫలితాల కోసం కృషి చేస్తున్నాం. – సరస్వతి, జిల్లా గిరిజన సంక్షేమ డిప్యూటీ డైరెక్టర్

నేలకొండపల్లి : పంచాయతీలను బలోపేతం చేసేదిశగా అడుగులు వేస్తున్న ప్రభుత్వం సర్పంచ్‌కు ఎన్నికయ్యే వ్యక్తి విధిగా పదో తరగతి ఉతీర్ణులై ఉండాలనే నిబంధన విధించినట్లు తెలుస్తోంది. పల్లెల అభివృద్ధికి పాలనా పరమైన అంశాలలో ఇతరులపై ఆధారపకుండా ఉండేందుకు ఈ నిబంధన దోహదం చేస్తుందని పాలకులు భావిస్తున్నారు. ఇందుకు గాను క్ష్రేత్ర స్థాయిలో అక్షరజ్ఞానం ఉన్న వారిని ఎంపిక చేసేందుకు ప్రభుత్వం కసరత్తు ప్రారంభించింది. కాని ఈ విధా నం ప్రత్యేక్షమా, పరోక్షమా తెలియక నాయకులు, ప్రజలు సంగ్ధిదంలో ఉన్నారు. ఇదిలా ఉండగా మార్చి నెలలో పంచాయతీ ఎన్నికలు నిర్వహి ంచేందుకు తగిన ఏర్పాట్లు చేయాలని ప్రభుత్వం ఇప్పటికే జిల్లా కలెక్టర్లకు ఆదేశాలు జారీ చేసింది. అంతుకు తగిన విధంగా అధికారులు సైతం పనులు ప్రారంభించినట్లు సమాచారం. ఇప్పటి వరకు ఎలాంటి విద్యార్హతా లేకుండా సర్పంచ్‌కు పోటీ చేశారు. కాని ప్రభుత్వం తెచ్చిన కొత్త నిబంధనతో అభ్యార్థుల ఎంపిక కష్టంగా మారింది. గతంలో కొందరు సర్పంచులు నిరక్షరాస్యులు కావడంతో పాలనకు సంబంధించిన అంశాలపై ఇతరులపై ఆధారపడవలసి వచ్చేది. జిల్లాలోని పంచాయతీల్లో సగం మంది సంతకాలకే పరిమితమవుతున్నారు. అంతేకాక మండల పరిషత్‌ సమావేశాలో సమస్యలపై మాట్లాడలేని వారు కూడా ఉన్నారనే ఆరోపణలు వినవస్తున్నాయి. పదో తరగతి పాసైన వారు కేవలం పది శాతం మంది మాత్రమే ఉండటంతో ప్రభుత్వం ప్రవేశపెట్టిన ఈ నిబంధనను ప్రజలు, అన్ని రాజకీయ పార్టీలు స్వాగతిస్తున్నాయి.  పదో తరగతి విధానం చాలా మంచిది..  చదువుకున్న వారికి సర్పంచ్‌గా ఎన్నుకోవాలని ప్రభుత్వం తీసుకున్న నిర్ణయం చాలా మంచిది. ప్రభుత్వం పథకాలు అర్హలకు సక్రమంగా అందే అవకాశం ఉంటుంది. ఈ విధానం అమలైతే నిధులు దుర్వినియోగం కాకుండా చూసుకునే అవకాశం ఉంటుంది.   -జెర్రిపోతుల అంజిని, యూత్, నేలకొండపల్లి  పది నిబంధనను స్వాగతిస్తున్నాం..  సర్పంచ్‌ ఎన్నికకు ప్రభుత్వం తీసుకున్న పది పాస్‌ నిబంధనను స్వాగతిస్తున్నాం. దీని వలన పాలనలో పారదర్శకత పెరుగుతుంది. కనీస విద్యార్హత నిర్ణయం చాలా మంచి పరినామంగా బావిస్తున్నాం. ఈ విధానంను వెంటనే అమలు చేయాలి.  – శీలం వెంకటలక్ష్మి, ఎంపీటీసీ సభ్యురాలు,నేలకొండపల్లి.   

వజ్రపుకొత్తూరు: పదో తరగతి చదువుతున్న విద్యార్థులను తమ కాలేజీలో చేర్చుకునేందుకు కార్పొరేట్, ప్రైవేటు యాజమాన్యాలు అప్పుడే వల విసురుతున్నాయి. రాయితీలు ఇస్తామంటూ ఫోన్లు చేస్తూ తల్లిదండ్రులపై పీఆర్‌వోలు ఒత్తిడి తీసుకొస్తున్నారు. పదోతరగతిలో మంచి గ్రేడ్‌ పాయింట్లు తెచ్చుకుంటే మరింత రాయితీ ఇస్తామంటూ ఆఫర్లు ప్రకటిస్తున్నారు. విద్యాశాఖ అధికారుల పర్యవేక్షణ లేకపోవడంతో వీరి ఆగడాలు పెరుగుతున్నాయి. జిల్లాలో 469 ఉన్నత పాఠశాలలు ఉండగా అందులో 20 కేజీబీవీ, 14 మున్సిపల్‌ హైస్కూల్స్, మరో 14 ఆంధ్రప్రదేశ్‌ మోడల్‌ హైస్కూల్స్‌ ఉన్నాయి. ఇదికాక 193 ప్రైవేటు ఉన్నత పాఠశాలలు ఉన్నాయి. వీటిలో ఈ ఏడాది దాదాపు 63,000 మంది విద్యార్థులు పదవ తరగతి చదువుతున్నారు. ప్రస్తుతం వీరి వివరాలు సేకరించి పీఆర్‌వోలను రంగంలోకి దింపి ఇళ్లకి వెళ్లి విద్యార్థుల తల్లిదండ్రులపై ఒత్తిడి చేస్తున్నాయి. కొన్ని విద్యాసంస్థలైతే ఇప్పటికే తమ వద్ద ఉన్న విద్యార్థులు ఎటూ చేజారిపోకుండా 10వ తరగతి ఫీజు కట్టినపుడే.. ఇంటర్‌కు అడ్వాన్స్‌ ఫీజు చెల్లిస్తే అప్పటి ధరలో పదో వంతు రాయితీ ఇస్తామంటూ ప్రకటిస్తున్నట్లు తెలుస్తోంది. ఇందుకోసం ఏరియాకు ఒకరు చొప్పున కమీషన్‌ పద్ధతిలో పీఆర్‌ఓలను నియమించి విద్యార్థుల కోసం గ్రామాల్లో జల్లెడ పడుతున్నారు. కొన్ని పాఠశాలల యాజమాన్యాలు విద్యార్థుల మార్కుల లిస్ట్, టీసీ ఇచ్చేది లేదని తమ కళాశాలలోనే పిల్లలను ఉంచాలని ఒత్తిడి చేస్తున్నాయి. కళాశాలలో పని చేసే ఉపాధ్యాయుల నుంచి అటెండర్ల వరకు ప్రతి ఒక్కరూ నెలకు కచ్చితంగా ఇద్దరిని చేర్చాలని కార్పొరేట్, ప్రైవేటు యాజమాన్యాలు  కండీషన్లు పెట్టినట్లు సమాచారం. దీంతో వీరు కూడా ఆదివారం పదోతరగతి విద్యార్థుల తల్లిదండ్రులకు  కౌన్సెలింగ్‌లు, రాయితీలు వివరిస్తున్నారు. పదోతరగతిలో అర్థ సంవత్సరం (సమ్మెటివ్‌–2) పరీక్షలు జరగక ముందే ఇంటర్‌ ప్రవేశాలను ప్రోత్సహిస్తున్నా అధికారులు పట్టించుకోవడం లేదు.  కాకినాడ ఆర్‌ఐఓ కార్యాలయం సైతం స్పందించడం లేదనే విమర్శలు వినిపిస్తున్నాయి. కార్పొరేట్‌ కళాశాలలను పాఠశాలలకు  వచ్చి విద్యార్థులను పలోభ పెడితే ప్రధానోపాధ్యాయులు తీవ్రంగా పరిగణించి వారిని నిరోధించాలని వజ్రపుకొత్తూరు విద్యాశాఖాధికారి పి.కృష్ణప్రసాద్‌ అన్నారు. ఎవరైనా ఇబ్బందులకు గురయితే ఇంటర్మీడియట్‌ బోర్డు అధికారులకు ణిర్యాదు చేయవచ్చని తెలిపారు. 

సాక్షి, మహబూబాబాద్‌: ఎస్సీ, ఎస్టీ, బీసీ విద్యార్థులకు రాష్ట్ర ప్రభుత్వం అందిస్తున్న పదో తరగతి వార్షిక పరీక్ష ఫీజు మినహా యింపు ఈ ఏడాది పాఠశాల విద్యాశాఖ నిర్లక్ష్యం, రెవెన్యూ అధికారుల అలసత్వం కారణంగా అందకుండా పోతోంది. దీంతో  మూడు లక్షల మంది విద్యార్థులు నష్టపోయే ప్రమాదం నెలకొంది. రాష్ట్రంలో సుమారు 4.50 లక్షల మంది విద్యార్థులు వచ్చే ఏడాది మార్చిలో వార్షిక పరీక్షలు రాయనున్నారు. ఈ మేరకు ఫీజు చెల్లించాలని పాఠశాల విద్యా శాఖ ఉత్తర్వులు ఇచ్చింది. ఈనెల 8 పరీక్ష ఫీజు చెల్లింపునకు ఆఖరు తేదీ. తల్లిదండ్రుల వార్షిక ఆదాయం ఆధారంగా ఫీజు చెల్లిం పులో ఎస్సీ, ఎస్టీ, బీసీ విద్యార్థులకు మినహా యింపు ఇచ్చింది. గ్రామాల్లో ఏడాదికి తల్లి దండ్రుల ఆదాయం రూ.20 వేలు, పట్టణాల్లో రూ.24 వేలకు మించకుండా ఉండాలి. సంబంధిత మండల రెవెన్యూ అధికారి నుంచి ఆదాయ, కుల ధ్రువీకరణ పత్రాలను తీసుకుని ఆయా పాఠశాలల ప్రధానోపాధ్యా యులకు ఇవ్వాలి. ప్రభుత్వం దారిద్య్ర రేఖకు దిగువన ఉన్న వారి ఆదాయ పరిమితిని గ్రామాల్లో రూ.1.50 లక్షలు, పట్టణ ప్రాం తాల్లో రూ.2 లక్షలకు పెంచింది. అధికారులు ఎవరికీ రూ.20 వేల వార్షిక ఆదాయం వరకు సర్టిఫికెట్లు ఇవ్వకపోవడంతో విద్యార్థులకు ఫలితం దక్కకుండా పోనుంది. 

పూరీ / న్యూఢిల్లీ: సీబీఎస్‌ఈ పాఠశాలల్లో పదో తరగతి విద్యార్థులకు బోర్డు పరీక్షలను తిరిగి ప్రవేశపెడుతున్నట్లు కేంద్ర మానవవనరుల మంత్రి ప్రకాశ్‌ జవదేకర్‌ తెలిపారు. దీంతోపాటు ఐదు, ఏడవ తరగతి వార్షిక పరీక్షల్లో ఉత్తీర్ణులు కాని విద్యార్థులను పై తరగతులకు పంపబోమని వెల్లడించారు. మరో అవకాశం కల్పించిన తర్వాత కూడా ఉత్తీర్ణులు కాకపోతేనే తర్వాతి తరగతులకు పంపబోమని జవదేకర్‌ స్పష్టం చేశారు. బోర్డు పరీక్షల్లో భారీ పర్సంటేజీలు సాధించేందుకు, మొత్తం ఉత్తీర్ణతా శాతంలో ఏకరూపకత కోసం పది, ఇంటర్‌ విద్యార్థులకు అదనపు మార్కులు నిలిపివేయాలని సీబీఎస్‌ఈతో పాటు అన్ని రాష్ట్రాలకు మానవవనరుల శాఖ సూచించింది. గ్రేస్‌ మార్కులను మాత్రం కొనసాగించాలని ఉత్తర్వులు జారీచేసింది. 


 అనంతపురం ఎడ్యుకేషన్‌ : పదో తరగతి సప్లిమెంటరీ పరీక్షలు బుధవారం నుంచి ప్రారంభం కానున్నాయి. ఇందుకు సంబంధించిన వివరాలను  ప్రభుత్వ పరీక్షల అసిస్టెంట్‌ కమిషనర్‌ గోవిందునాయక్‌ మంగళవారం వెల్లడించారు. అనంతపురం నగరంతో పాటు అన్ని మునిసిపల్‌ పట్టణాలు, కొత్తచెరువులో మొత్తం 21 పరీక్షా కేంద్రాలు ఏర్పాటు చేశారు. 6,032 మంది విద్యార్థులు పరీక్షలు రాయనున్నారు. రోజూ ఉదయం 9.30 నుంచి మధ్యాహ్నం 12.15 గంటల వరకు పరీక్షలు జరుగుతాయి. ఎనిమిది ఫ్లయింగ్‌ స్క్వాడ్‌లను నియమించారు. గత అనుభవాలను దృష్టిలో ఉంచుకుని అవాంఛనీయ సంఘటనలు జరగకుండా అన్ని చర్యలు చేపట్టినట్లు అసిస్టెంట్‌ కమిషనర్‌ తెలిపారు.


  – ‘పది’ టాపర్ల అభినందన సభలో విద్యాసంస్థల అధినేతలు
 కర్నూలు (అర్బన్‌): జిల్లాలోని రెడ్డి సామాజిక వర్గానికి చెందిన పేద విద్యార్థులకు ఉచితంగా విద్యను అందించేందుకు తమ సహకారం అందజేస్తామని నగరంలోని పలు విద్యా సంస్థల అధినేతలు ప్రకటించారు. ఆదివారం సాయంత్రం స్థానిక హర్ష రిజెన్సీలోని సమావేశ భవనంలో రెడ్ల యువజన సంక్షేమ సంఘం, రెడ్ల సంక్షేమ సంఘం సంయుక్త ఆధ్వర్యంలో పదవ తరగతి పరీక్షల్లో 9.5 నుంచి 10కి 10 పాయింట్లు సాధించిన రెడ్డి సామాజిక వర్గానికి చెందిన విద్యార్థుల అభినందన సభ జరిగింది. కార్యక్రమానికి ప్రైవేటు పాఠశాలల అసోసియేషన్‌ అధ్యక్షుడు కశిరెడ్డి శ్రీనివాసరెడ్డి, కేవీఎస్‌ఆర్‌ విద్యాసంస్థల అధినేత డా.కేవీ సుబ్బారెడ్డి, నారాయణ విద్యాసంస్థల సీఈఓ లింగేశ్వరరెడ్డి, ప్రతిభ స్కూల్‌ అధినేత అరుణాచలరెడ్డి, ఎన్‌ఎంఆర్‌ కళాశాల అధినేత మల్లికార్జునరెడ్డి, సాయియుక్త కళాశాల అధినేత భోగేంద్రనాథ్‌రెడ్డి తదితరులు హాజరయ్యారు. వారు మాట్లాడుతూ ఆర్థికస్థోమత లేక పది తరువాత చదువును ఆపేస్తున్నారని, అలాంటి వారికి చేయూతనిచ్చేందుకు తాము సిద్ధంగా ఉన్నామని ప్రకటించారు. జీ పుల్లారెడ్డి చారిటబుల్‌ ట్రస్ట్‌ ద్వారా డిగ్రీ ఉత్తీర్ణులైన విద్యార్థులకు ఉన్నత విద్యను అభ్యసించేందుకు సహకారం అందిస్తామని చెప్పారు. అనంతరం 122 మంది  విద్యార్థులను సన్మానించారు. రెడ్ల సంక్షేమ సంఘం అధ్యక్షుడు పులకుర్తి నరసింహారెడ్డి, యువజన సంక్షేమ సంఘం అధ్యక్షుడు దొనపాటి యల్లారెడ్డి, వీహెచ్‌పీ రాష్ట్ర అధ్యక్షుడు నందిరెడ్డి సాయిరెడ్డి,  ఏపీ పంచాయతీరాజ్‌ చాంబర్‌ అధ్యక్షుడు బిర్రు ప్రతాపరెడ్డి, శివసేన జిల్లా అధ్యక్షుడు తూముకుంట ప్రతాపరెడ్డి, నాయకులు మనోహర్‌రెడ్డి, హరినాథరెడ్డి తదితరులు పాల్గొన్నారు. 
  
  


 కర్నూలు(అగ్రికల్చర్‌): పదో తరగతి పరీక్షల్లో పదికి పదిపాయింట్లు సాధించిన జిల్లా ట్రెజరీ కార్యాలయ ఉద్యోగుల పిల్లలకు ఆ శాఖ డీడీ శనివారం బంగారు పతకాలు బహూకరించారు. ఎం.హారిక, పి.గౌతమ్, షేక్‌ అక్షాతంజిలా, పి.రేఖప్రియ, కే.సాయితేజ, షేక్‌గౌషియాకు డీడీ గోల్డ్‌ మెడల్స్‌ను బహుకరించారు. ఈ సందర్భంగా ఆయన మాట్లాడుతూ ప్రతి ఒక్కరూ ఉన్నత లక్ష్యాన్ని కలిగి ఉండాలని, అపుడే ఏ రంగంలోనైనా రాణించేందుకు వీలవుతుందన్నారు. మంచి మార్కులు సాధించిన వారికి బహుమతులు ఇస్తే మరింత ప్రోత్సహించినట్లవుతుందన్నారు. కార్యక్రమంలో ఏడీ సుబ్రమణ్యం, ఏటీఓలు శ్రీనివాసులు, రవికుమార్, ఎస్‌టీఓలు రెడ్డి శేఖర్‌ తదితరులు పాల్గొన్నారు.
  


 విడవలూరు(కోవూరు): రోడ్డు ప్రమాదంలో తీవ్రగాయాలపాలైన తల్లి పరిస్థితి మనసులో బాధిస్తున్నా పది పరీక్షలకు హాజరై 8.3 జీపీఏతో మండలంలోని వావిళ్ల గ్రామానికి చెందిన పి.తేజశ్విని ఉత్తీర్ణత సాధించింది. వావిళ్ల గ్రామానికి చెందిన తేజశ్వని స్థానిక ఉన్నత పాఠశాలలో పదో తరగతి చదివింది. పరీక్షల సమయంలో తేజశ్విని తల్లి పుష్ప రోడ్డు ప్రమాదంలో తీవ్రగాయాలపాలై అపస్మారకస్థితికి చేరింది. ఆమె చెన్నైలోని ఓ ఆస్పత్రిలో చికిత్స పొందుతుండగా తేజశ్విని తండ్రి వేణుగోపాల్‌ కుమార్తెకు ధైర్యం చెప్పి పరీక్షలకు సిద్ధం చేశారు.
 
 తండ్రి ఇచ్చిన ధైర్యంతో పరీక్షలకు హాజరైంది. ఇటీవల విడుదలైన పది ఫలితాలలో తేజశ్విని 8.3 జీపీఏ సాధించింది. అయితే తన ప్రతిభను తల్లి పుష్ప ఆనందించేందుకు ఈ లోకంలో లేదనే బాధ  తేజశ్వినిని కలచివేస్తోంది. అయితే తల్లి చనిపోతూ అవయవ దానం చేసి నలుగురికి జీవితాన్నిచ్చిందన్న స్ఫూర్తితో తాను ఉన్నత చదువులు చదివి తల్లి ఆశయాలను నిలుపుతానని తేజశ్విని పేర్కోంది. 
  
  


 సాక్షి, హైదరాబాద్‌: పదో తరగతి పరీక్షల ఫలితాలను వచ్చే నెల 5న విడుదల చేసేందుకు తెలంగాణ ప్రభుత్వ పరీక్షల విభాగం కసరత్తు చేస్తోంది. గత నెల 14న ప్రారంభమైన పరీక్షలు 30వ తేదీతో ముగిశాయి. ఈ పరీక్షలకు రాష్ట్రవ్యాప్తంగా దాదాపు 5 లక్షల మంది విద్యార్థులు హాజరయ్యారు. ప్రస్తుతం జవాబు పత్రాల మూల్యాంకనం పూర్తి కావచ్చింది. డీకోడింగ్, ఫలితాల ప్రాసెస్‌ చేసేందుకు మరో వారం రోజుల సమయం పట్టే అవకాశం ఉంది. దీంతో మే 5న ఫలితాలను వెల్లడిం చేందుకు ప్రభుత్వ పరీక్షల విభాగం కసరత్తు చేస్తోంది. అయితే ఫలితాల ప్రాసెస్‌లో ఏమైనా జాప్యం జరిగినా, మే 5న ఫలితాల వెల్లడి వీలుకాకున్నా 6న విడుదల చేసేందుకు చర్యలు చేపడుతోంది.  
  


 సాక్షి, రంగారెడ్డి జిల్లా: పదో తరగతి జవాబు పత్రాల మూల్యాంకన విధులకు కొందరు ఉపాధ్యాయులు దూరంగా ఉండడంపై సర్వత్రా విమర్శలు వెల్లువెత్తుతున్నాయి. ఉద్దేశపూర్వకంగానే డుమ్మా కొడుతున్నారన్న ఆరోపణలు పెద్ద ఎత్తున వినిపిస్తున్నాయి. మూల్యాంకన విధుల్లో పాల్గొనాలని జిల్లా విద్యాశాఖ నుంచి ఆర్డర్లు జారీ అయిన టీచర్లలో దాదాపు సగం మంది.. అందుకు దూరంగా ఉన్నట్లు స్పష్టంగా తెలుస్తోంది. ఇంత మంది గైర్హాజరవడం వెనక ప్రత్యేక సమస్యలేమీ ఉండవన్న అభిప్రాయం వ్యక్తమవుతోంది.
 
 మూల్యాంకనంపై ఉన్న నిరాసక్తతే ఇందుకు కారణమని పలువురు విశ్లేషిస్తున్నారు. ఆరోగ్యపరమైన సమస్యలున్నవారు, దివ్యాంగులు, ఏడాదిలోపు శిశువులు ఉన్న మహిళా టీచర్లు, అత్యవసర పరిస్థితుల్లో ఉన్న వారు సాధారణంగా గైర్హాజరవుతుంటారు. దీన్ని పెద్దగా ఎవరూ తప్పుపట్టరు కూడా. వీరంతా కచ్చితంగా స్పాట్‌ వాల్యుయేషన్‌కు హాజరుకావాలన్న నిబంధన ఎక్కడా లేదు. ఇటువంటి టీచర్లు ఉన్నట్లయితే... వారికి మినహాయింపు ఇవ్వాలని ఉపాధ్యాయ సంఘాల నుంచి విజ్ఞప్తులు జిల్లా విద్యాశాఖకు అందాయి.
 
 ఈ నేపథ్యంలో మానవతా దృక్పథంతో వారందరికీ అధికారులు మినహాయింపు ఇచ్చినట్లు తెలిసింది. ఇదే అదునుగా ఇతర టీచర్లు కూడా సాకులతో డుమ్మాలు కొడుతున్నట్లు స్పష్టమవుతోంది. ఉపాధ్యాయులు తమ విధుల్లో భాగంగా పరీక్షలకు సంబంధించిన పనులకూ అధిక ప్రాధాన్యం ఇవ్వాల్సి ఉంటుంది. వీటిని పెడచెవిన పెట్టడం.. ఒక విధంగా ప్రభుత్వ ఆదేశాలు ధిక్కరించడమే అవుతుందని పలువురు అధికారులు, ఉపాధ్యాయులు పేర్కొంటున్నారు.
 
 నోటీసులు జారీ.. బేఖాతరు
 వివిధ కారణాల వల్ల మూల్యాంకనంలో ఉపాధ్యాయులు పాల్గొనకపోవడంపై ‘సాక్షి’ ఈనెల 6న ‘దూరం.. పెనుభారం’ శీర్షికన ప్రచురించిన కథనం దుమారం రేపింది. ఉపాధ్యాయుల డుమ్మా వ్యవహారం రాష్ట్ర ప్రభుత్వ పరీక్షల విభాగాధికారి దృష్టికి వెళ్లడంతో ఆయన సీరియస్‌ అయినట్లు తెలిసింది. ఆయన ఆదేశాల మేరకు జిల్లా విద్యాశాఖాధికారి కె.సత్యనారాయణ రెడ్డి రంగంలోకి దిగారు. ఆర్డర్లు పొంది.. హయత్‌నగర్‌లోని స్పాట్‌ వాల్యుయేషన్‌ క్యాంప్‌లో రిపోర్ట్‌ చేయని ఉపాధ్యాయులకు గురువారం షోకాజ్‌ నోటీసులు జారీ చేశారు. విధుల పట్ల నిర్లక్ష్యం వహించారని, ఉన్నతాధికారుల ఆదేశాల మేరకు విధేయత కనబర్చలేకపోయారని నోటీసులో పేర్కొన్నారు. దీనికి అనుగుణంగా సీసీఏ నియమ నిబంధనలు –1991 ప్రకారం క్రమశిక్షణా చర్యలు ఎందుకు తీసుకోకూడదో స్పష్టం చేయాలని అడిగారు.
 
 24 గంటల్లోగా వివరణ ఇవ్వాలని నోటీసుల్లో ప్రస్తావించారు. దాదాపు 2,900 మంది ఉపాధ్యాయులకు మూల్యాంకన ఆర్డర్లు ఇవ్వగా.. ఇందులో సగం మంది కూడా హాజరుకాలేదని అధికారులు చెబుతున్నారు. వీరందరికీ గురువారం నోటీసులు జారీచేసినా.. పెద్దగా ఫలితం కనిపించలేదు. నోటీసులు అందుకున్న వారిలో దాదాపు 20 శాతం మందే.. శుక్రవారం స్పాట్‌ వాల్యుయేషన్‌ క్యాంప్‌లో రిపోర్ట్‌ చేశారని తెలిసిందే. మిగిలిన 30 శాతం మంది నోటీసులను బేఖాతరు చేసినట్లే.
 
 రగడ..
 మరోపక్క టీచర్లకు నోటీసులు జారీ చేయడంపై ఉపాధ్యాయ సంఘాల్లో తీవ్ర అసంతృప్తి రగులుతోంది. ప్రభుత్వం చేసిన తప్పిదాలను పక్కనబెట్టి.. తమను బలిచేయడమేంటని ప్రశ్నిస్తున్నాయి. మూడు జిల్లాలకు కలిపి.. ఒకే క్యాంపును కేటాయించడమే పెద్ద పొరపాటుగా పేర్కొంటున్నాయి. టీఏ, డీఏ తప్పించుకునే క్రమంలోనే పట్టణ ప్రాంతాల్లోని పాఠశాలల్లో పనిచేస్తున్న ఎక్కువ మంది ఉపాధ్యాయులకు విధులు కేటాయించారని ఎస్‌టీయూ జిల్లా అధ్యక్షుడు ప్రవీణ్‌ పేర్కొన్నారు.
 
 అలాగే వికారాబాద్, మేడ్చల్‌ జిల్లాల నుంచి కూడా టీచర్లు మూల్యాంకనంలో పాల్గొనడం లేదంటున్నారు. ఆరోగ్య సమస్యలు, ఇతర అత్యవసరంలో ఉన్న ఉపాధ్యాయులను మూల్యాంకన విధుల నుంచి మినహాయించాలని టీఎస్‌యూటీఎఫ్‌ జిల్లా అధ్యక్షుడు ఎం.ఆంజనేయులు కోరారు.మిగిలిన వారు తప్పకుండా వాల్యుయేషన్‌ విధులకు హాజరుకావాల్సి ఉంటుందన్నారు. ఒక పక్క బడిబాట.. మరోపక్క వాల్యుయేషన్‌ విధులకు ఎలా న్యాయం చేయాలని టీయూటీఎఫ్‌ జిల్లా అధ్యక్షుడు పి.రఘునందన్‌ రెడ్డి ప్రశ్నించారు. కొన్ని స్కూళ్లకు చెందిన ఉపాధ్యాయులందరికీ విధులు కేటాయించారని.. మరికొన్ని స్కూళ్ల నుంచి ఒక్కరికీ ఆర్డర్లు అందలేదని చెప్పారు. వచ్చే ఏడాది నుంచి ప్రతి జిల్లాకు ఒక వాల్యుయేషన్‌ క్యాంప్‌ను ఏర్పాటు చేయాలని డిమాండ్‌ చేశారు.  


 భానుగుడి(కాకినాడ) :
 పదోతరగతి పరీక్షల జవాబు పత్రాల మూల్యాంకన ప్రక్రియ సోమవారం  ప్రారంభమైంది. 5.50 లక్షల జవాబు పత్రాల మూల్యాంకనానికి సంబంధించి చీఫ్‌ ఎగ్జామినర్లు, అసిస్టెంట్‌ ఎగ్జామినర్లు, స్పెషల్‌ అసిస్టెంట్‌ ఎగ్జామినర్లుగా ఎస్‌జీటీలతో పాటుగా, పీఈటీలు, పండిట్‌లు, సబ్జెక్టు నిపుణులను రెండు వేల మంది సిబ్బందిని నియమించినట్టు డీఈవో ఎస్‌.అబ్రహాం పేర్కొన్నారు. ఈ నెల మూడో తేదీ నుంచి 16 వరకు 14రోజుల పాటు ఈ మూల్యాంకన ప్రక్రియ ఉంటుందన్నారు. కాకినాడ పీఆర్‌జీ బాలుర ఉన్నత పాఠశాల, బాలికల ఉన్నత పాఠశాలల్లో 35 తరగతి గదుల్లో ఈ ప్రక్రియ నిర్వహణకు ఏర్పాట్లు చేశామన్నారు. ఉపాధ్యాయులకు భోజన సదుపాయం, స్నాక్స్‌లను ఏర్పాటు చేశామన్నారు. 
 డ్యూటీల రద్దుకు ఉపా«ధ్యాయ సంఘాల పైరవీలు..
 మూల్యాంకనానికి సంబంధించి చెక్కర్‌ డ్యూటీలు, ఇతరత్రా విధులకు నియమించిన ఉపా«ధ్యాయుల విధులు రద్దుకు ఉపాధ్యాయ సంఘాల ప్రతినిధులు డీఈఓపై ఒత్తిడి తేవడం, కింది స్థాయి సిబ్బందితో పైరవీలు చేయడం సోమవారం ఉపాధ్యాయ వర్గాల్లో చర్చనీయాంశంగా నిలిచింది. ఉపాధ్యాయ సంఘాల ప్రతినిధులే ఇటువంటి కార్యకలాపాలకు దిగడం ఎంతవరకు సమంజసమని కొందరు  విమర్శించారు. విలువల పేరుతో మైకులు పగిలేలా ప్రసంగాలిచ్చే వీరు రాజకీయ ధోరణిలతో ముందుకు సాగడం మంచి పరిణామం కాదని కొందరు ఉపాధ్యాయులు విమర్శించారు. ఉన్నతాధికారులు వీటిని ప్రోత్సహించరాదని కోరారు. 
  


 ఆదిలాబాద్‌టౌన్‌: పదో తరగతి పబ్లిక్‌ పరీక్షలు గురువారంతో ముగిశాయి. సంవత్సరంపాటు పుస్తకాలతో కుస్తీ పట్టి చివరి రోజు పరీక్ష రాసిన విద్యార్థుల ఆనందానికి అవధులు లేకుండా పోయాయి. పరీక్ష కేంద్రాల వద్ద విద్యార్థులు తోటి స్నేహితులతో ముచ్చటిస్తూ సంతోషంలో మునిగి తేలారు. పరీక్షలు ఎలా రాశావు అంటూ విద్యార్థులు ఒకరినొకరు పలుకరించుకున్నారు. తోటి విద్యార్థుల చిరునామా తీసుకుని ఇంటిముఖం పట్టారు. వసతి గృహాలు, గురుకుల పాఠశాలల్లో ఉంటూ చదువుకుంటున్న విద్యార్థులు వారి స్వగ్రామాలకు బయలుదేరారు. విద్యార్థులతో బస్టాండ్‌ కిటకిటలాడింది.
 మొత్తం మీద పదో తరగతి పరీక్షలు ప్రశాంతంగా ముగియడంతో విద్యాశాఖ అధికారులు ఉపిరి పీల్చుకున్నారు. గురువారం జరిగిన సాంఘిక శాస్త్రం పరీక్షకు మొత్తం 9,991 మంది విద్యార్థులు హాజరుకావాల్సి ఉండగా 9,871 మంది హాజరయ్యారని డీఈవో లింగయ్య తెలిపారు. అన్ని పరీక్షల్లో కలిపి ఈ ఏడాది పదో తరగతి పరీక్షల్లో ఒక విద్యార్థి మాత్రమే డిబార్‌ అయ్యాడు.
 ఏప్రిల్‌ 3 నుంచి మూల్యాంకనం
 పదో తరగతి జవాబు పత్రాల మూల్యాంకనం ఏప్రిల్‌ 3 నుంచి 14 వరకు నిర్వహించనున్నట్లు డీఈవో లింగయ్య తెలిపారు. స్పాట్‌ కేంద్రాన్ని ఆదిలాబాద్‌ జిల్లా కేంద్రంలోని సెయింట్‌ జోసఫ్‌ కాన్వంట్‌ స్కూల్‌లో నిర్వహిస్తామని పేర్కొన్నారు. వివిధ జిల్లాల నుంచి మూల్యాంకనం కోసం 6 లక్షల జవాబు పత్రాలు వచ్చాయని తెలిపారు. ఇందు కోసం మొత్తం 2,300 ఉపాధ్యాయులకు విధులు కేటాయించామని అన్నారు. 500 మంది స్పెషల్‌ అసిస్టెంట్లు, 300 మంది సీఈలు, 1500 మంది ఏఈలను నియమించినట్లు పేర్కొన్నారు. స్పాట్‌ విధులు కేటాయించిన ఉపాధ్యాయులు తప్పకుండా విధులకు హాజరుకావాలని ఆదేశించారు.    
 సౌకర్యాలు అంతంతే..
 ఇదిలా ఉంటే ఎక్సైజ్‌ శాఖ స్టేషన్లలో అసౌకర్యాలు వేధిస్తున్నాయి. కొన్నేళ్లుగా ఎలాంటి సౌకర్యాలు లేకుండా కొనసాగిన డిప్యూటీ కమిషనర్‌ కార్యాలయం ఇటీవలే టీచర్స్‌ కాలనీలోని మరో అద్దె ఇంట్లోకి మార్చారు. ఇలా చాలా చోట్ల ఎక్సైజ్‌ స్టేషన్ల అవసరాల కోసం ఎలాంటి నిధులు ఇవ్వడం లేదు. కనీస సౌకర్యాలు కూడా తీర్చుకోలేకపోతున్నారు. దీనికితోడు టీఏ, డీఏ బిల్లులు ఇవ్వలేని పరిస్థితి నెలకొంది. నిర్మల్, ఆసిఫాబాద్‌లలో ఎక్సైజ్‌ టాస్క్‌ ఫోర్స్‌ సిబ్బందికి కనీసం వాహనాలు కూడా లేవు.
 ఉమ్మడి జిల్లాలోని భోరజ్, భైంసా, లక్ష్మీపూర్, గన్‌పూర్, వాంకిడి చెక్‌పోస్టుల వద్ద తనిఖీలు చేసేందుకు రోజం తా ఉన్నప్పటికీ అక్కడ గదులు లేకపోవడంతో చెట్ల కింద పడిగాపులు కాయాల్సి వస్తోందని పేర్కొం టున్నారు. కోట్లలో ఆదాయం ఇస్తున్నప్పటికీ తమకు కనీ సం సదుపాయాలు కల్పించడం లేదని సిబ్బంది వా పోతున్నారు. సొంత భవనాలు ఏర్పాటు చేయడంతోపాటు ఎక్సైజ్‌స్టేషన్‌ల నిర్వహణ ఖర్చుల కింద రూ.50వేల చొప్పున కేటాయించాలని కోరుతున్నారు. 


 అనంతపురం ఎడ్యుకేషన్‌ : పదో తరగతి పరీక్షల్లో భాగంగా శుక్రవారం జరిగిన గణితం పేపర్‌–2 పరీక్షకు జిల్లాలో 255 మంది విద్యార్థులు గైర్హాజరయ్యారు. మొత్తం 49,224 మంది విద్యార్థులకు గాను 48,969 మంది హాజరయ్యారు. ప్రాథమిక విద్యాశాఖ రీజనల్‌ జాయింట్‌ డైరెక్టర్‌ (ఆర్జేడీ) ప్రతాప్‌రెడ్డి ఎనిమిది పరీక్ష కేంద్రాలను తనిఖీ చేశారు. జిల్లా విద్యాశాఖ అధికారి పగడాల లక్ష్మీనారాయణ ఏడు కేంద్రాలు, స్క్వాడ్‌ బృందాలు 80 కేంద్రాలను తనిఖీ చేశాయి.


 హైదరాబాద్‌సిటీ: ఒకరికి బదులుగా ఒకరు పరీక్ష రాస్తూ స్వ్కాడ్‌ చేతికి చిక‍్కారు. ఈ ఘటన చాంద్రాయణ గుట్ట పోలీస్‌స్టేషన్‌ పరిధిలోని బార్కాస్ సలాల హైస్కూల్లో జరిగింది. సొహైల్ అనే విద్యార్థికి బదులుగా షరీఫ్ అనే విద్యార్థి పరీక్ష రాస్తూ పట్టుబడ్డాడు. ఇది పదవ తరగతి గణిత పరీక్షకు హాజరైన  స్క్వాడ్‌ తనిఖీలో బయటపడింది. షరీఫ్‌ ఇంటర్మీడియట్‌ చదువుతున్నారు. నిందితుడిని పోలీసులకు అప్పగించారు.


 - టెన్త్‌ పరీక్షల నిర్వహణలో కొట్టుచ్చినట్లు కన్పిస్తోన్న అధికారుల వైఫల్యం
 - మడకశిరలో తెలుగు పేపర్‌-1 ప్రశ్నపత్రం లీక్‌
 - నిర్వహణ లోపాలను తేటతెల్లం చేస్తున్న ఘటన
 - యాక్ట్‌-25 అమలులో ఉన్నా  పలుచోట్ల యథేచ్ఛగా మాస్‌కాపీయింగ్‌
 
 అనంతపురం ఎడ్యుకేషన్‌ : మడకశిర ప్రభుత్వ ఉన్నత పాఠశాల ‘బీ’ సెంటర్‌లో పదోతరగతి పరీక్షల ప్రారంభం రోజే ప్రశ్నపత్రం లీకైంది. శుక్రవారం జరిగిన తెలుగు పేపర్‌–1 పరీక్షకు సంబంధించిన ప్రశ్నపత్రం అరగంటలోనే బయటకు రావడమే కాకుండా వాట్సాప్‌లో హల్‌చల్‌ చేయడంతో జిల్లా వ్యాప్తంగా కలకలం రేగింది. రాష్ట్ర ప్రాథమిక విద్యాశాఖ కమిషనర్‌ సంధ్యారాణి మడకశిర నియోజకవర్గ పర్యటనకు వచ్చిన రోజే ఈ ఘటన జరగడం యాదృచ్ఛికమే అయినా.. టెన్త్‌ పరీక్షల నిర్వహణలో అధికారుల వైఫల్యాలను మాత్రం తేటతెల్లం చేస్తోంది. పరీక్షలను అత్యంత పకడ్బందీగా నిర్వహిస్తామని గత కొద్దిరోజులుగా అధికారులు మీడియా సాక్షిగా ప్రకటిస్తూ వచ్చారు. అయితే.. ఆచరణలో మాత్రం అంత ఘనమైన ఏర్పాట్లేమీ కన్పించడం లేదు.
 
 మడకశిరలో పరీక్షా కేంద్రం చుట్టూ ప్రహరీ ఉంది. నిబంధనల ప్రకారం హాల్‌టికెట్లు ఉన్నవారిని మాత్రమే కేంద్రంలోకి అనుమతించాలి. అలాంటప్పుడు  పరీక్షా కేంద్రంలోకి కొత్త వ్యక్తులు ఎలా వచ్చారు? పాఠశాల సిబ్బంది తనిఖీ చేయలేదా? పోలీసులు కూడా పట్టించుకోలేదా?..ఈ ప్రశ్నలు అందరిలోనూ తలెత్తుతున్నాయి. గదిలో విద్యార్థులకు ప్రశ్నపత్రం ఇచ్చినప్పటి నుంచి ఇన్విజిలేటర్‌ డేగకన్ను  వేసి పరిశీలించాల్సి ఉంటుంది. మరి కిటికీలో నుంచి ప్రశ్నపత్రం తీసుకుని ఫొటోలు తీసుకుంటుంటే ఇన్విజిలేటర్‌ గమనించలేకపోయారా?.. ఈ ప్రశ్నలన్నింటికీ అధికారులే సమాధానం చెప్పాలి.
 
 ఈ ఘటనతో విద్యాశాఖ అధికారుల అలసత్వం మరోసారి స్పష్టంగా బయటపడింది. గతంలో జరిగిన సమ్మేటివ్‌–1, సమ్మేటివ్‌–2 పరీక్షల ప్రశ్నపత్రాలు కూడా జిరాక్స్‌ కేంద్రాల్లో దర్శనమిచ్చాయి. రాష్ట్ర వ్యాప్తంగా కామన్‌ ప్రశ్నపత్రాలు అయినా రెండు రోజుల ముందే విద్యార్థుల చేతుల్లో కనిపించాయి. వీటిపై ‘సాక్షి’లో ఆధారాలతో సహా కథనాలు వెలువడ్డాయి.  చివరకు ప్రభుత్వం అత్యంత ప్రతిష్టాత్మకంగా తీసుకోవాల్సిన పదో తరగతి పరీక్షల నిర్వహణలోనూ అక్రమాలు చోటు చేసుకుంటుండడం విద్యార్థులు, వారి తల్లిదండ్రులను కలవర పెడుతోంది.
 
 యాక్ట్‌ -25 అమలులో ఉన్నా బరితెగింపు
 యాక్ట్‌- 25 గురించి తెలిసిన ఎవరూ ఏ చిన్న పొరబాటుకు తావ్వివరు. ఒళ్లంతా కళ్లు పెట్టుకుని విధులు నిర్వర్తిస్తారు.  1997 నాటి యాక్ట్‌ -25 సెక‌్షన్‌ 10లోని నిబంధనలను పదో తరగతి వార్షిక పరీక్షల నిర్వహణలో అమలు చేసేందుకు ప్రభుత్వం చర్యలు తీసుకుంది. ఏమాత్రం నిర్లక్ష్యం చేసినా బాధ్యులపై క్రిమినల్‌ కేసుల నమోదుతో పాటు జైలుశిక్ష, జరిమానా విధిస్తారు. ఆర్నెల్ల నుంచి మూడేళ్ల వరకు జైలుశిక్షతో పాటు రూ. 5 వేల నుంచి రూ. లక్ష వరకు జరిమానా ఉంటుంది. విధుల్లో ఉన్నవారే కాదు ఘటనలో ప్రత్యక్షంగా పాల్గొన్నవారు, ప్రోత్సహించిన అందరికీ శిక్ష ఉంటుంది. మరి ఇంతటి కఠినమైన చట్టం అమలులో ఉన్నా బరి తెగిస్తున్నారంటే ఏమనుకోవాలి?!
 
 డిన్నర్లకు కక్కుర్తి!
 పరీక్షల నిర్వహణలో కొందరు టీచర్లు డిన్నర్లకు కక్కుర్తి పడుతున్నారు. కేంద్రంలో చీఫ్‌ సూపరింటెండెంట్, డిపార్ట్‌మెంటల్‌ ఆఫీసర్‌ మొదలుకుని ఇన్విజిలేటర్లను కొన్ని పాఠశాలల యాజమాన్యాలు విందుతో బుట్టలోకేసుకుంటున్నాయి. రాత్రి డిన్నర్లు ఇచ్చి ఉదయం పరీక్షలో తమకు అనుకూలంగా ఉండేలా చూసుకుంటున్నాయి. కట్టుదిట్టంగా పరీక్షలు నిర్వహించాల్సిన సిబ్బందే ఇలాంటి వాటికి పాల్పడుతున్నారు. ఉన్నతాధికారుల పర్యవేక్షణ కొరవడడం కూడా బరితెగింపునకు ఊతమిస్తోంది. 


 ► పదో తరగతి పబ్లిక్‌ పరీక్షల్లో మాస్‌ కాపీయింగ్‌ నిరోధానికి పటిష్ట చర్యలు
 ► తెరపైకి యాక్ట్‌ 25
 ► కాపీయింగ్‌కు సహకరించే ఇన్విజిలేటర్లపై క్రిమినల్‌ కేసు
 ► ఏడేళ్ల వరకు జైలు శిక్ష విధించే అవకాశం
 ► వ్యతిరేకిస్తున్న ఉపాధ్యాయులు 
 కలసపాడు / వేంపల్లె:
 పదో తరగతి పరీక్షలు ఈ ఏడాది ఇన్విజిలేటర్లకు అగ్నిపరీక్షగా మారనున్నాయి. పరీక్షా కేంద్రంలో మాస్‌ కాపీయింగ్‌కు సహకరించినట్లు ఏమాత్రం ఆధారం లభించినా సంబంధిత ఇన్విజిలేటర్‌పై కఠిన చర్యలు తీసుకోనున్నారు. ఇందుకు 1997లో అప్పటి ప్రభుత్వం రూపొందించిన యాక్ట్‌ 25ని తెరముందుకు తెచ్చారు.
  
 ఇన్విజిలేటర్ల సహకారంతో చాలా పరీక్షా కేంద్రాల్లో ప్రైవేటు పాఠశాలల వారు అక్రమాలకు తెర లేపుతున్నారనే ఆరోపణలున్నాయి. ఈ నేపథ్యంలో విద్యాశాఖ పది పరీక్షలను పకడ్బందీగా నిర్వహించాలని నిర్ణయించింది. ఈ యాక్ట్‌ ప్రకారం పరీక్షా కేంద్రంలో చూచి రాతలను ప్రోత్సహించినా.. చిట్టీలు పెట్టి రాయించినా బాధ్యుడైన ఇన్విజిలేటర్‌పై క్రిమినల్‌ కేసు నమోదు చేస్తారు. నేరం రుజువైతే 3 నుంచి ఐదేళ్ల జైలు శిక్ష రూ.5 వేల నుంచి రూ.5 లక్షల దాకా జరిమానా విధించే అవకాశం ఉంది. రెండు దశాబ్దాల నాటి జీవోను బయటకు తీసి ఇన్విజిలేటర్లను ఇబ్బంది పెట్టే ఈ జీవోపై ఉపాధ్యాయ వర్గాల్లో తీవ్ర వ్యతిరేకత వ్యక్తమవుతోంది. పరీక్షల్లో అక్రమాలకు కళ్లెం వేసేందుకే ఈ జీవోను అమలు చేయనున్నామని ప్రభుత్వం పేర్కొంటున్నా కనుమరుగైన యాక్ట్‌ను ఇప్పుడు వెలుగులోకి తేవాల్సిన అవసరం ఏముందని పలువురు ప్రశ్నిస్తున్నారు. ఈ ఒక్క విధానమే కాకుండా పరీక్షల నిర్వహణలోనూ పలు మార్పులు చేశారు.
   మాస్‌ కాపీయింగ్‌ ఎక్కువగా జరుగుతున్న కేంద్రాలను గుర్తించి ఆయా కేంద్రాల్లో   సీసీ కెమెరాలను ఏర్పాటు చేయనున్నారు. ఈ నెల 17వ తేదీ నుంచి పరీక్షలు ప్రారంభం కానున్న నేపథ్యంలో ఇప్పటికే ఆయా ఏర్పాట్లల్లో అధికారులు తలమునకలై ఉన్నారు. జిల్లాలో 35,292 మంది విద్యార్థులు పరీక్షలకు హాజరు కానున్నారు. ఇందులో బాలురు 18626మంది, బాలికలు 17,366మంది ఉన్నారు. వీరిలో ప్రైవేట్‌ పాఠశాలల విద్యార్థులే ఎక్కువ మంది ఉన్నారు. 164 కేంద్రాలలో ఈ పరీక్షలు జరగనున్నాయి. 
  
 బెంచీకి ఇద్దరు కాదు.. ఒక్కరే.. 
 గతంలో తరగతి గదిలో ఒక్కో బెంచీకి ఇద్దరు చొప్పున విద్యార్థులను జంబ్లింగ్‌ పద్ధతిన పరీక్ష రాసేందుకు అనుమతి ఇచ్చేవారు. కానీ ప్రస్తుతం ఆ విధానానికి స్వస్తి పలికారు. ఒక్కో బెంచీకి ఒక్కో విద్యార్థి మాత్రమే ఉండాలన్న నిబంధనను తీసుకొచ్చారు. అంతేకాకుండా ఒక్కో గదిలో 23 మంది కన్నా మించకూడదని నిర్ణయించారు.
  
 ఆండ్రాయిడ్‌ సెల్‌ఫోన్‌కు అనుమతి లేదు.. 
 మాస్‌ కాపీయింగ్‌కు సెల్‌ఫోన్‌ కూడా ఒక ఆధారమని భావించి ఈ ఏడాది పదవ తరగతి పరీక్షల సందర్భంగా సెల్‌ఫోన్‌ ఎవరి వద్ద ఉండకూడదన్న నిబంధనను తీసుకొచ్చారు. సిబ్బంది వద్ద ఒకవేళ ఉన్నట్లయితే మామూలు సెల్‌ఫోన్‌ ఉండొచ్చు కానీ.. ఆండ్రాయిడ్‌ ఫోన్లు వాడేందుకు అవకాశంలేదు. ఎవరైనా నిబంధనలకు విరుద్ధంగా వాడితే చర్యలు తప్పవంటున్నారు. ఆండ్రాయిడ్‌ ఫోన్లు అందుబాటులో ఉంటే సోషల్‌ మీడియా ద్వారా మాస్‌ కాపీయింగ్‌కు అవకాశం ఉంటుందన్న ఉద్దేశంతో ఈ నిర్ణయం తీసుకున్నట్లు తెలుస్తోంది. 
  
 ర్యాండం విధానం అమలు.. 
 ఇక ఇన్విజిలేటర్ల నియామకానికి వస్తే ఈ ఏడాది కొత్తగా ర్యాండం విధానాన్ని పదవ తరగతి పరీక్షలలో తీసుకురానున్నారు. గతంలో ఒక పరీక్ష కేంద్రానికి 10మంది ఇన్విజిలేటర్లు ఉండగా.. వారే గదులు మారుతూ ఇన్విజిలేటర్లుగా కొనసాగేవారు. ప్రస్తుతం ర్యాండం విధానం ప్రకారం ఉదాహరణకు ఒక మండలంలో మూడు పరీక్ష కేంద్రాలు ఉంటే ఉమ్మడిగా అందరిని ఒక్క కేంద్రానికి పరిమితం చేయకుండా మూడు కేంద్రాలకు ఇన్విజిలేటర్ల నియామకం జరుగుతుంది. ఈ పద్ధతివల్ల మాస్‌ కాపీయింగ్‌కు తావు లేకుండా ఉంటుందని భావిస్తున్నారు. గతంలో ఎంఈవో ఇన్విజిలేటర్ల నియామకాన్ని కొనసాగిస్తుండగా.. ప్రస్తుతం ఆ పద్ధతి లేకుండా నేరుగా కలెక్టర్‌ కార్యాలయం నుంచి ఇన్విజిలేటర్ల నియామకం జరగనుంది. ఏ పరీక్ష కేంద్రానికి ఇన్విజిలేటర్‌ నియామకం జరిగింది.. పరీక్షకు ముందు రోజు రాత్రి ఆ ఇన్విజిలేటర్‌కు మెసేజ్‌ ద్వారా తెలియజేయనున్నారు. ఒకవేళ మెసేజ్‌ అందకపోతే మండలంలోని ఎంఈవోలు తెలియజేయాల్సి ఉంటుంది. 
  
 విద్యార్థులకు అదనపు సమయం కేటాయింపు
 ఈ ఏడాది నుంచి 10వ తరగతి పరీక్షల్లో సీసీఈ విధానం అమలు చేయనుండటంతో ప్రశ్నపత్రం నమూనా పూర్తిగా మారింది. విద్యార్థులు ప్రశ్నపత్రం పూర్తిగా చదివేందుకు ప్రత్యేకంగా 15 నిమిషాలు సమయం అదనంగా ఇవ్వనున్నారు. సాధారణంగా పది పరీక్షలకు 2.30 గంటల సమయం కేటాయిస్తారు. ఈ ఏడాది నుంచి అదనంగా 15 నిమిషాలు కలిపి మొత్తంగా పరీక్షకు 2.45 గంటల సమయం ఇస్తారు.
  
 చట్టం అమలుకు ఆదేశాలు
 పదవ తరగతి పబ్లిక్‌ పరీక్షల్లో అక్రమాలకు పాల్పడితే కఠిన చర్యలు తీసుకునేందుకు విద్యాశాఖ 25 చట్టాన్ని అమలు చేసేందుకు ఆదేశాలు జారిచేసింది. ఈ చట్టం ప్రకారం కాపీయింగ్‌కు పాల్పడినా..పరోక్షంగా సహకరించినా ఆలాంటి వారిపై కేసులు నమోదు చేసి జైలుకు పంపించేలా చర్యలు తీసుకుంటారు. ఇప్పటికే పరీక్షల చీఫ్, సూపరింటెండెంట్లకు స్పష్టమైన ఆదేశాలు ఇచ్చినట్లు సమాచారం. సమస్యాత్మక కేంద్రాలపై ప్రత్యేక దృష్టి సారించనున్నారు. 


 ♦ హాజరు కానున్న 5.38 లక్షల మంది విద్యార్థులు
 ♦ 5 నిమిషాల వరకు ఆలస్యంగా వస్తే అనుమతి
 
 సాక్షి, హైదరాబాద్‌: పదో తరగతి వార్షిక పరీక్షలకు అవసరమైన అన్ని ఏర్పాట్లూ పూర్తి చేసినట్లు ప్రభుత్వ పరీక్షల విభాగం డైరెక్టర్‌ సురేందర్‌రెడ్డి తెలిపారు. ఈనెల 14 నుంచి 30 వరకు జరిగే పరీక్షల ఏర్పాట్లపై శనివారం ఆయన విలేకరులతో మాట్లాడారు. ఓరియం టల్‌ ఎస్సెస్సీ పరీక్షలు 14న, రెగ్యులర్‌ ఎస్సెస్సీ పరీక్షలు 17న ప్రారంభమవుతాయ న్నారు. ప్రతి పరీక్ష ఉదయం 9:30నుంచి మధ్యాహ్నం 12:15 వరకు ఉంటుందని, ద్వితీయ భాష, ఓరియంటల్‌ ఎస్సెస్సీ, కాంపొజిట్‌ కోర్సు పరీక్షలు ఉదయం 9:30 గంటల నుంచి మధ్యాహ్నం 12:45 వరకు ఉంటాయని వెల్లడించారు.
 విద్యార్థులు ఆల స్యం కాకుండా ముందుగానే పరీక్షా కేంద్రా నికి చేరుకునేలా ఏర్పాట్లు చేసుకోవాలన్నారు. విద్యార్థులను 8:45 నుంచే పరీక్ష హాల్లోకి అనుమతిస్తామని.. 5 నిమిషాల ఆలస్యం (9:35) వరకే పరీక్ష హాల్లోకి అనుమతిస్తా మని, అయితే రోజూ ఆలస్యమైతే మాత్రం విచారణ జరుపుతామని హెచ్చరించారు. హాల్‌టికెట్లను ఇప్పటికే స్కూళ్లకు పంపామని, అందనివారు వెబ్‌సైట్‌ నుంచి డౌన్‌లోడ్‌ చేసు కోవచ్చని తెలిపారు. వాటిపై ప్రిన్సిపాల్‌ సంతకం అక్కర్లేదన్నారు.
 
 సెల్‌ఫోన్‌ తెస్తే క్రిమినల్‌ కేసు..
 విద్యార్థులు, ఇన్విజిలేటర్లు, చివరకు డిపార్ట్‌ మెంటల్‌ ఆఫీసర్లు, చీఫ్‌ సూపరింటెండెంట్లు సెల్‌ఫోన్లు తీసుకురావద్దని, తెస్తే క్రిమినల్‌ కేసులు నమోదు చేస్తామన్నారు. అత్యవసర మైతే సెక్యూరిటీ కానిస్టేబుల్‌ ఫోన్‌ను వినియోగించాలని, ఎవరికి, ఎందుకు కాల్‌ చేశారో రిజిస్టర్‌లో నమోదు చేయాలన్నారు. పరీక్ష హాల్లోకి ఎలక్ట్రానిక్‌ పరికరాలను అనుమతించరన్నారు. ప్రథమ భాష పార్ట్‌–బి పేపర్‌ను చివరి అరగంటలో ఇస్తారన్నారు. అంధ, మూగ, చెవిటి విద్యార్థులకు స్రైబ్‌ అవకాశం కల్పిస్తున్నామని, ఇప్పటికే అనుమ తులు ఇచ్చామని, ఇంకా ఎవరైనా ఉంటే సంబంధిత చీఫ్‌ సూపరింటెండెంట్‌ను సంప్ర దించాలని సూచించారు. సందేహాలుంటే డీఈవో కార్యాలయాల్లోని వాటితో పాటు రాష్ట్రస్థాయిలోని కంట్రోల్‌ రూమ్‌ నంబరు (040–23230492)లో కూడా సంప్రదించవ చ్చన్నారు. హాల్‌టికెట్‌ పోగొట్టుకున్న విద్యా ర్థులు డిపార్ట్‌మెంటల్‌ ఆఫీసర్లకు ముం దుగా తెలియజేస్తే తగిన చర్యలు చేపడతారని చెప్పారు. పరీక్షలు పూర్తయిన 35 నుంచి 40 రోజుల్లో ఫలితాలు వెల్లడిస్తామన్నారు.
 
 విద్యార్థులకు సూచనలు..
 ⇒ స్కూల్‌ యూనిఫారంతో పరీక్షలకు రావద్దు.
 ⇒ ఇన్విజిలేటర్‌ ఓఎంఆర్‌ పత్రం ఇచ్చాక, ధ్రువీకరించుకున్నాకే సంతకం చేసి, పరీక్ష రాయడం మొదలు పెట్టాలి.
 ⇒ మెయిన్‌ ఆన్సర్‌ షీట్‌పై ఉన్న సీరియల్‌ నంబరును మాత్రమే అడిషనల్‌ షీట్స్, గ్రాఫ్స్, మ్యాప్‌ లు, బిట్‌ పేపర్లపై వేయాలి.
 ⇒ పరీక్ష సమయం పూర్తయ్యే వరకు విద్యార్థులను బయటకు పంపించరు.
 ⇒ 14–3–2017: ఓరియంటల్‌ ఎస్సెస్సీ పేపరు–1తో పరీక్షలు ప్రారంభ మవుతాయి.
 ⇒ 17–3–2017: రెగ్యులర్‌ ఎస్సెస్సీ పరీక్షలు ప్రారంభమవుతాయి. (17న ప్రథమ భాష పేపర్‌–1).


 అనంతపురం ఎడ్యుకేషన్‌ : 6–9 తరగతుల విద్యార్థులకు ఈనెల 14 నుంచి 27 వరకు వార్షిక పరీక్షల (సమ్మేటివ్‌–3)కు సంబంధించిన ప్రశ్నపత్రాలను శుక్రవారం నుంచి మండలాలకు తరలించనున్నారు. స్థానిక ఉపాధ్యాయ భవనం నుంచి మండల కేంద్రాల్లోని ఎమ్మార్సీలకు తరలించనున్నారు. అన్ని యాజమాన్యాలకు సంబంధించిన ప్రశ్నపత్రాలు ఎమ్మార్సీల్లోనే భద్రపరుస్తారు. పరీక్ష జరిగే రోజున ఉదయం ఎమ్మార్సీకి ఆయా పాఠశాలల యాజమాన్యాలు వచ్చి ప్రశ్నపత్రాలు తీసుకెళ్లాలని జిల్లా విద్యాశాఖ అధికారి పగడాల లక్ష్మీనారాయణ,  డీసీఈబీ కార్యదర్శి నాగభూషణం తెలిపారు. జిల్లా కేంద్రం నుంచి ఎమ్మార్సీలకు తరలించేందుకు ప్రత్యేక వాహనాలు ఏర్పాటు చేసినట్లు వెల్లడించారు.


 సాక్షి, హైదరాబాద్‌: రాష్ట్రవ్యాప్తంగా ఈనెల 14వ తేదీ నుంచి ప్రారంభం కానున్న పదో తరగతి పరీక్షలకు 5,09,831 మంది రెగ్యులర్‌ విద్యార్థులు, 28,397 మంది వన్స్‌ ఫెయిల్డ్‌ విద్యార్థులు హాజరుకానున్నారు. రెగ్యులర్‌ విద్యార్థుల్లో 2,96,251 మంది ఇంగ్లిషు మీడియం విద్యార్థులు, 2,01,262 మంది తెలుగు మీడియం విద్యార్థులు పరీక్షలకు హాజరు కానున్నారు.
 
 గతేడాదితో పోల్చితే ఈసారి టెన్త్‌ పరీక్షలకు హాజరయ్యే వారిలో తెలుగు మీడియం విద్యార్థుల సంఖ్య 10 శాతం వరకు తగ్గిపోగా, ఇంగ్లిషు మీడియం విద్యార్థుల సంఖ్య 8 శాతానికి పైగా పెరిగింది. గతేడాది తెలుగు మీడియం విద్యార్థులు 49 శాతం మంది పరీక్షలకు హాజరుకాగా ఈసారి ఆ సంఖ్య 39.47 శాతానికి పడిపోయింది.
 
  ఇంగ్లిషు మీడియంలో పరీక్షలు రాసిన విద్యార్థులు 51 శాతం ఉండగా ఈసారి అది 58.10 శాతానికి పెరిగింది. మరో 2.42 శాతం మంది విద్యార్థులు ఇతర మీడియంలలో పరీక్షలకు హాజరయ్యేందుకు ఫీజు చెల్లించారు. ఇంగ్లిషు మీడియంపై తల్లిదండ్రుల్లో పెరుగుతున్న ఆసక్తి కారణంగా తెలుగు మీడియంలో విద్యార్థుల సంఖ్య క్రమంగా తగ్గుతోంది. 2016–17 విద్యా సంవత్సరంలో 128 ప్రైవేటు పాఠశాలలు తెలుగు మీడియం నుంచి ఇంగ్లిషు మీడియంలోకి మారాయి. మరోవైపు మోడల్‌ స్కూళ్లలో సీట్లు పెరగడం, కొత్త ప్రైవేటు స్కూళ్ల ఏర్పాటుతో ఇంగ్లిషు మీడియం విద్యార్థుల సంఖ్య పెరిగినట్లు అధికారులు పేర్కొన్నారు.
 
 2,856 కేంద్రాల్లో పరీక్షలు..
 పదో తరగతి పరీక్షల నిర్వహణ కోసం ప్రభుత్వ పరీక్షల విభాగం చేస్తున్న ఏర్పాట్లు పూర్తి కావచ్చాయి. రాష్ట్రవ్యాప్తంగా 2,856 కేంద్రాల్లో నిర్వహించే ఈ పరీక్షలకు 5,38,228 మంది విద్యార్థులు హాజరు కానున్నారు. ప్రతి రోజు ఉదయం 9:30 గంటలకు పరీక్షలు ప్రారంభం అవుతాయి. మొదటి రోజు పరీక్షకు విద్యార్థులు 5 నిమిషాలు ఆలస్యంగా వచ్చినా అనుమతిస్తారు. మిగతా రోజుల్లో ఆలస్యం కాకుండా చూసుకోవాలని పరీక్ష విభాగం అధికారులు స్పష్టం చేశారు.


 - పది పరీక్షలపై డీఈఓ తాహెరా సుల్తానా
 -  రోజుకు రెండు హైస్కూల్స్‌ విజిట్‌
 - కోడ్‌ వల్ల బయోమెట్రిక్‌ తాత్కాలిక వాయిదా
  
 కర్నూలు సిటీ: వచ్చే నెల17వ తేదీ నుంచి జరుగునున్న పదవ తరగతి పబ్లిక్‌ పరీక్షల్లో ఉత్తమ ఫలితాల సాధనే లక్ష్యంగా పని చేయాలని డీఈఓ తాహెరా సూల్తానా ఎంఈఓలను ఆదేశించారు. స్థానిక ఎస్‌ఎస్‌ఏ సమావేశ  మందిరంలో గురువారం డిజాస్టర్‌ మేనేజ్‌మెంట్, పదవ తరగతి పరీక్షలు, బయోమెట్రిక్‌ తదితర అంశాలపై డీఈఓ మండల విద్యాధికారులతో సమీక్షించారు. ప్రకృతి వైపరీత్యాల సమయంలో తీసుకోవాల్సిన చర్యలపై ప్రతి ఒక్కరూ అవగహన కలిగి ఉండాలన్నారు. ఈ ఏడాది నుంచి పదవ తరగతి పరీక్షలు నూతన విధానంలో జరుగనున్నాయని, ఈ మేరకు విద్యార్థులను పూర్తిస్థాయిలో సన్నద్ధం చేసే బాధ్యత ప్రధానోపాధ్యాయులపై ఉందన్నారు. గతేడాది కంటే మెరుగైన ఫలితాలు సాధించేందుకు కృషి చేయాలన్నారు.
  
 మండల విద్యాధికారులు ప్రతి రోజు కనీసం రెండు హైస్కూళ్లను విజిట్‌ చేసి, అక్కడి విద్యార్థులతో మాట్లాడి సమస్యలుంటే పరిష్కరించాలన్నారు. ఇటీవల కమిషనర్‌ నిర్వహించిన వీడియో కాన్ఫరెన్స్‌లో బయెమెట్రిక్‌ హాజరు గురించి వివరించారని, అయితే ఎమ్మెల్సీ ఎన్నికల కోడ్‌ కారణంగా తాత్కాలికంగా వాయిదా వేస్తున్నట్లు తెలిపరు.  కోడ్‌ ముగిసిన తరువాత దీన్ని అమలు చేయాల్సి ఉంటుందని, ఇందుకు అవసరమైన ఏర్పాట్లు సిద్ధం చేసుకోవాలని ఆమె ఎంఈఓలకు సూచించారు.
  


 
 తొలిసారి సీసీఈ విధానంలో పబ్లిక్‌ పరీక్షలు
 
 ఫిబ్రవరి మొదటి వారంలో తొలి ప్రీ ఫైనల్‌
 
 మార్చి 17 నుంచి జరిగే పబ్లిక్‌ పరీక్షలకు 65,029 మంది విద్యార్థులు
 
 రాయవరం : 
 పదో తరగతి పరీక్షలకు సమయం ముంచుకొస్తోంది. మరో 45 రోజుల్లో పబ్లిక్‌ పరీక్షలు ప్రారంభం కానున్నాయి. ఈ ఏడాది గతానికి పూర్తి భిన్నంగా పరీక్షలు నిర్వహించనున్నారు. తొలిసారి సీసీఈ విధానంలో పరీక్షలు జరగనుండగా వచ్చే నెల మొదటి వారంలో తొలి ప్రీఫైనల్‌ పరీక్షలు ప్రారంభం కానున్నాయి. పబ్లిక్‌ పరీక్షలకు తేదీలు ఖరారు చేయడంతో పది విద్యార్థుల్లో పరీక్షల ఫీవర్‌ ప్రారంభమైంది. 
 65,029 మంది విద్యార్థులు..
 జిల్లాలో 303 పరీక్షా కేంద్రాల్లో 65,029 మందికి పరీక్షలు నిర్వహించేందుకు ఏర్పాట్లు జరుగుతున్నాయి. 32,188 మంది బాలురు, 32,834 మంది బాలికలు 10వ తర గతి
 పబ్లిక్‌ పరీక్షలకు హాజరవుతున్నారు. 462 జెడ్పీ, 24 ప్రభుత్వ, 48 ఎయిడెడ్, 47 మున్సిపాలిటీ, 12 కస్తూర్బా, 38 ట్రైబల్‌ వెల్ఫేర్‌ ఆశ్రమ్‌ ఉన్నత పాఠశాలలు, రెండు మోడల్‌ స్కూల్స్‌ 15 సాంఘిక సంక్షేమ రెసిడెన్షియల్‌ ఉన్నత పాఠశాలలకు చెందిన విద్యార్థులతోపాటు ప్రైవేటు ఉన్నత పాఠశాలల విద్యార్థులు పరీక్షలకు సన్నద్దమవుతున్నారు. ఇప్పటికే ప్రత్యేక తరగతులు జిల్లాలో ఉన్న ప్రభుత్వ, ప్రైవేటు ఉన్నత  పాఠశాలల్లో ప్రారంభమయ్యాయి. 
 నూతన విధానంలో..
 పదో తరగతి పబ్లిక్‌ పరీక్షలు గత పరీక్షలకు భిన్నంగా ఈ ఏడాది నుంచి సీసీఈ విధానంలో జరగనున్నాయి. గతంలో ప్రతి సబ్జెక్టుకు 100 మార్కులు కేటాయించి ఫలితాలు ప్రకటించేవారు. అయితే ఈ కొత్త విధానంలో ప్రతి సబ్జెక్టుకు 80 మార్కులకే పరీక్ష నిర్వహించనున్నారు. మిగిలిన 20 మార్కులు అంతర్గత మూల్యాంకనం ద్వారా కేటాయించనున్నారు. పరీక్షల్లో పది పాయింట్లు సాధించాలంటే అన్ని సబ్జెక్టుల్లో 91 మార్కులు తప్పనిసరిగా సాధించాలి. అలాగే ఈ ఏడాది నుంచి గణితం, సై¯Œ్స, సోషల్‌ పరీక్షల్లో 1,2 మార్కుల ప్రశ్నలకు చాయిస్‌ ఉండదు. 
 అంతర్గత మూల్యాంకన మార్కులు ఇలా..
 అంతర్గత మూల్యాంకనం ద్వారా ప్రతి సబ్జెక్టుకు 20 మార్కులు లభించనున్నాయి. నిర్మాణాత్మక మూల్యాంకనం (ఎస్‌ఏలో విద్యార్థికి లభించిన మార్కులు పరిగణనలోకి తీసుకుంటారు. గతంలో నిర్వహించే యూనిట్‌ పరీక్షల స్థానంలో ఈ ఏడాది ఎఫ్‌ఏ పరీక్షలు, క్వార్టర్లీ, హాఫ్‌ ఇయర్లీ పరీక్షల స్థానంలో ఎస్‌ఏ పరీక్షలు నిర్వహిస్తున్నారు. విద్యా సంవత్సరం మొత్తం మీద నాలుగు ఎఫ్‌ఏ పరీక్షలు నిర్వహిస్తున్నారు. ఒక్కో ఎఫ్‌ఏ పరీక్ష 50 మార్కులకు నిర్వహిస్తున్నారు. ఈ 50 మార్కుల్లో లఘు పరీక్ష ద్వారా 20 మార్కులు, ప్రాజెక్టులకు 10 మార్కులు, రాత అంశాలకు 10 మార్కులు ఉంటాయి. నాలుగు ఎఫ్‌ఏ పరీక్షలకు కలిపి 200 మార్కులు. సమ్మేటివ్‌ అసెస్‌మెంట్‌లు (ఎస్‌ఏ) రెండు ఉంటాయి. ఒక్కోదానికి 80 మార్కులకు నిర్వహిస్తారు. రెండు ఎస్‌ఏ పరీక్షలను 160 మార్కులకు నిర్వహిస్తారు. ఎస్‌ఏ, ఎఫ్‌ఏ పరీక్షల మొత్తం మార్కులు 360ను 18తో భాగించి 20బమార్కులకు విద్యార్థికి అంతర్గత మూల్యాంకనం మార్కులు కేటాయిస్తారు. గతంలోకంటే భిన్నంగా ప్రతి సబ్జెక్టులోనూ 20 మార్కులు అంతర్గత మూల్యాంకనం నుంచి మిగిలిన 80 మార్కులకు విద్యార్థి పదో తరగతి పబ్లిక్‌ పరీక్షలు రాయాల్సి ఉంది. 
  
 సబ్జెక్టు పబ్లిక్‌ పరీక్షలు
 తెలుగు–1 మార్చి 17
 తెలుగు–2 మార్చి 18
 హిందీ మార్చి 20
 ఇంగ్లీష్‌–1 మార్చి 21
 ఇంగ్లీష్‌–2 మార్చి 22
 గణితం–1 మార్చి 23
 గణితం–2 మార్చి 24
 పీఎస్‌ మార్చి 25
 ఎ¯ŒS మార్చి 27
 సోషల్‌–1 మార్చి 28
 సోషల్‌–2 మార్చి 30
  


 సాక్షి, హైదరాబాద్: 2017 మార్చిలో జరిగే పదోతరగతి వార్షిక పరీక్షలకు సంబంధించి నవంబర్ 15లోగా ఫీజు చెల్లించాల్సిందిగా ప్రభుత్వ పరీక్షల సంచాలకులు ఒక ప్రకటనలో తెలిపారు. పదోతరగతి రెగ్యులర్‌తో పాటు ప్రైవేటు, ఓపెన్, ఒకేషనల్ కేటగిరీ విద్యార్థులు కూడా ఆలోపు ఫీజు చెల్లించాలన్నారు. గడువు దాటితే రూ.50 అపరాధ రుసుముతో నవంబర్ 23, రూ.200ల అపరాధ రుసుముతో డిసెంబర్ ఒకటోతేదీ, రూ.500 అపరాధ రుసుముతో డిసెంబర్ తోమ్మిదో తేదీ వరకు ఫీజు చెల్లించవచ్చన్నారు.
 
 రెగ్యులర్ విద్యార్థులు రూ.125 చొప్పున, గతంలో ఫైయిలై మూడు సబ్జెక్టులలోపు పరీక్షలు రాసే విద్యార్థులు రూ.110, మూడు సబ్జెక్టులు మించితే రూ.125 చెల్లించాల్సి ఉంటుందన్నారు. పట్టణ ప్రాంత విద్యార్థుల తల్లిదండ్రుల వార్షికాదాయం రూ.24వేల లోపు, గ్రామీణ ప్రాంతాల్లో రూ.20వేలు, ఐదు ఎకరాల మెట్ట భూమి ఉన్న పిల్లలు ఫీజు చెల్లించాల్సిన పనిలేదన్నారు. ఇందుకు తగిన సర్టిఫికెట్లు సమర్పించాల్సి ఉంటుందని, ప్రధానోపాధ్యాయుడు సంతృప్తి చెందితేనే ఫీజు మాఫీ చేయనున్నట్లు చె ప్పారు.
 
 పిల్లలు చెల్లించిన ఫీజుమొత్తాన్ని నిర్దేశిత గడువులోగా సబ్‌ట్రెజరీ కార్యాలయాల్లో లేదా స్టేట్‌బ్యాంకులో జమచేయాలని ప్రధానోపాధ్యాయులను ఆదేశించారు. అదేవిధంగా విద్యార్థుల నామినల్‌రోల్స్‌ను జిల్లా విద్యాశాఖ కార్యాలయంలో సమర్పించాలన్నారు.
  


 సాక్షి, హైదరాబాద్: వచ్చే ఏడాది మార్చి తొలి వారంలో ప్రారంభం కానున్న పదో తరగతి పరీక్షల తేదీలను నవంబర్ రెండో వారంలో ఖరారు చేసేందుకు పదో తరగతి పరీక్షల విభాగం కసరత్తు చేస్తోంది. పరీక్ష ఫీజుల చెల్లింపు, నామినల్ రోల్స్, పరీక్ష కేంద్రాలకు సంబంధించిన సమాచారంపై ప్రస్తుతం దృష్టి సారించింది. ఈసారి ఇంటర్మీడియెట్, పదో తరగతి పరీక్షలను ఒకేసారి నిర్విహ ంచాలని ప్రభుత్వం మొదట్లో నిర్ణయించింది.
 
 అయితే ఉదయం, సాయంత్రం పరీక్షలు నిర్వహించడం, జవాబు పత్రాలను తీసుకెళ్లడంలో సమస్యలు తలెత్తుతాయన్న ఆందోళన నేపథ్యంలో వేర్వేరుగా నిర్వహించే అవకాశం ఉంది. పదో తరగతికి ప్రత్యేకంగా పరీక్ష కేంద్రాలను ఏర్పాటు చేసుకునేందుకు అధికారులు ప్రస్తుతం కసరత్తు చేస్తున్న నేపథ్యంలో అది పూర్తయితేనే స్పష్టత రానుంది.


 
 అవార్డులకు దరఖాస్తుల ఆహ్వానం
 
 పోచమ్మమైదాన్‌ : ప్రభుత్వ పాఠశాలల్లో పదోతరగతి చదివి గతేడాది వెలువడిన ఫలితాల్లో 80 శాతం కన్నా ఎక్కువ మార్కులు సాధించి న విద్యార్థులకు ‘గ్రీన్‌ ఇంక్‌ గోల్డ్‌ కలర్‌ పెన్‌’ అవార్డులను ప్రదానం చేయనున్నట్లు ‘మా స్టార్జీ ఫౌండేషన్‌’ జిల్లా అధ్యక్షుడు సుదమల్ల లింగమూర్తి తెలిపారు. ఆసక్తిగలవారు తమ పూర్తి పేరు, చిరునామా, ఫోన్‌ నంబర్, కులం, మార్కుల మెమో జిరాక్స్‌ ప్రతులను జతపర్చి ఈ నెల 31లోగా దరఖాస్తులను కార్యాలయానికి పంపించాలన్నారు. మరిన్ని వివరాలకు 85238 29732 నంబర్‌లో సంప్రదించాలన్నారు. ఎంపికైన వారికి సెప్టెంబర్‌ 7న హైదరాబాద్‌లోని సుం దరయ్య విజ్ఞాన కేంద్రంలో అవార్డులు అందజేస్తామన్నారు. 


 
 ప్రాణం తీసిన ఈత సరదా
 
 శోకసంద్రంలో కుటుంబసభ్యులు
 
 జైపూర్‌ : ఈత సరదా ఆ విద్యార్థి ప్రాణాల మీదకు తెచ్చింది. ఈతకు వెళ్లి లోతు తెలియక గొల్లవాగులో మునిగి పెద్దల మణికుమార్‌(15)అనే పదో తరగతి విద్యార్థి మృతి చెందాడు. జైపూర్‌ మండలం నర్సింగాపూర్‌(బి)లో ఆదివారం జరిగిన ఈ ఘటన ఆ కుటుంబంలో తీరని విషాదాన్ని నింపింది. జైపూర్‌ మండలం బూరుగుపల్లి గ్రామ పంచాయితీ పరిధి నర్సింగాపూర్‌(బి)కి చెందిన పెద్దల బాపు–రూప దంపతులకు ఒక కుమారుడు, ఒక కుమార్తె. కుమారుడు మణికుమార్‌ స్థానిక ప్రభుత్వ ఉన్నత పాఠశాలలో పదో తరగతి చదువుతున్నాడు. ఆదివారం పాఠశాలకు సెలవు దినం కావడంతో అతడితో పాటు ఐదుగురు స్నేహితులు కలిసి ఈత కోసం సమీప గొల్లవాగు(రోషయ్యకుంట)కు వెళ్లారు. జూలై, ఆగస్టు మొదటివారంలో కురిసిన భారీ వర్షాలతో గొల్లవాగు ప్రాజెక్టులోకి భారీగా వరద నీరు వచ్చి చేరింది. దీంతో గొల్లవాగు ప్రాజెక్టు బ్యాక్‌వాటర్‌ నర్సింగాపూర్‌ సమీపంలో గల గొల్లవాగుకు చేరాయి. దీంతో వాగులో నీరు ఎక్కువగా ఉంది. ఈత కోసం వచ్చిన మణికుమార్‌ అతని స్నేహితులు వాగులోకి దిగారు. లోతు ఎక్కువగా ఉండడం గమనించకుండా అందులోకి దిగడంతో మణికుమార్‌ ఈత రాక అందులో మునిగిపోయాడు. తోటి స్నేహితులు కాపాడే ప్రయత్నం చేసినా అందులో ఎవరికీ సరిగా ఈత రాకపోవడంతో మణికుమార్‌ నీట మునిగి మృత్యువాతపడ్డాడు. ఉన్న ఒక్కగానొక్క కొడుకు మృతి చెందడంతో ఆ తల్లిదండ్రులు గుండె పగిలేలా రోదించారు. కుటుంబ సభ్యుల రోదనలు మిన్నంటాయి. గ్రామంలో విషాదం అలుముకుంది. సంఘటన స్థలాన్ని స్థానిక ఎస్సై సంజీవ్‌ సందర్శించి కేసు నమోదు చేసుకుని దర్యాప్తు చేస్తున్నారు.


 రెండు తెలుగు రాష్ట్రాల్లో ప్రతి ఏటా దాదాపు 30 లక్షల మంది విద్యార్థులు పదో తరగతి, ఇంటర్మీడియెట్ పూర్తి చేస్తున్నారు. తర్వాత ఏ కోర్సులో చేరాలి? ఏ గ్రూప్‌ను ఎంపిక చేసుకోవాలి? ఆయా గ్రూప్‌లు/కోర్సులతో ఎలాంటి ఉన్నత విద్య, ఉద్యోగావకాశాలు ఉంటాయి? ఆయా కోర్సులు ఎంచుకోవాలంటే ఉండాల్సిన లక్షణాలేమిటి? పదో తరగతి, ఇంటర్మీడియెట్‌తో కేంద్ర, రాష్ట్ర స్థాయిల్లో ఉన్న ప్రభుత్వ ఉద్యోగాలేవి? స్వయం ఉపాధి దిశగా అవకాశాలున్నాయా? దూరవిద్య విధానంలో కోర్సులు అభ్యసించొచ్చా?
 
 ఇలా ఎన్నో సందేహాలు విద్యార్థులు.. వారి తల్లిదండ్రుల్లో నెలకొన్నాయి. మరికొద్ది రోజుల్లో కొత్త అకడమిక్ ఇయర్ ప్రారంభం కానుంది. ఇంటర్మీడియెట్, డిగ్రీ కోర్సుల్లో ప్రవేశాలు ఇప్పుడిప్పుడే ప్రారంభమవుతున్నాయి. ఈ నేపథ్యంలో ఆయా అంశాలపై విద్యార్థులకొచ్చే సందేహాలకు నిపుణుల సమాధానాలు..
  
 ఇంటర్మీడియెట్‌లో బైపీసీ గ్రూప్‌ను ఎంచుకోవాలనుకునేవారికి ఉండాల్సిన లక్షణాలేమిటి?
 బైపీసీ (బోటనీ, జువాలజీ, ఫిజిక్స్, కెమిస్ట్రీ) అంటే.. ఎంబీబీఎస్‌లో చేరడానికి మాత్రమే అనే అభిప్రాయముంది. కానీ బైపీసీతో ఎంబీబీఎస్‌తోపాటు అనేక అవకాశాలు అందుకోవచ్చు. పరిశోధనల పట్ల ఆసక్తి, లైఫ్ సెన్సైస్ సబ్జెక్టులపై ఇష్టం, ప్రకృతి పరిశీలన, జంతువులు.. వాటి జీవన శైలి వంటి వాటిపై సహజమైన ఆసక్తి ఉన్న వారికి సరిపడే గ్రూప్ బైపీసీ. వీటన్నిటికంటే ముఖ్యంగా బైపీసీ ఎంచుకునే విద్యార్థికి కావాల్సిన లక్షణం కష్టించే తత్వం. కారణం.. బైపీసీ సబ్జెక్ట్ సిలబస్ విస్తృతంగా ఉంటుంది. అదే విధంగా ప్రాక్టికల్స్‌కు ప్రాధాన్యం ఉండే గ్రూప్ కూడా ఇదే. కాబట్టి ప్రాక్టికల్ అప్రోచ్, ఎప్పటికప్పుడు చదివిన అంశాన్ని ప్రయోగశాలలో పరిశీలించే విధంగా సన్నద్ధత సైతం అవసరం.
  
 నేను పదో తరగతి పూర్తి చేశాను. ఇంటర్మీడియెట్‌లో ఎంపీసీ గ్రూప్‌ను ఎంపిక చేసుకోవాలంటే ఎలాంటి స్కిల్స్ ఉండాలి?
 మ్యాథ్స్‌పై ఆసక్తి, సమస్యలు-పరిష్కారాలు-వివరణలు ఇవ్వడం, భౌతిక, రసాయన శాస్త్ర సిద్ధాంతాలు, సూత్రాలు, ప్రయోగాలంటే ఇష్టపడేవారు మ్యాథ్‌‌స, ఫిజిక్స్, కెమిస్ట్రీ (ఎంపీసీ గ్రూప్)ను ఎంపిక చేసుకోవచ్చు. థియరీ కంటే ప్రాక్టికల్స్‌కు ఎక్కువ ప్రాధాన్యత ఉన్న గ్రూప్.. ఎంపీసీ. ఆయా సబ్జెక్టుల్లో ఎప్పటికప్పడు పరిజ్ఞానాన్ని పెంచుకోవాల్సి ఉంటుంది. నిరంతర అధ్యయనం, కొత్త టెక్నాలజీలను అవగాహన చేసుకోవడం, వాటిలో నైపుణ్యం సాధించడం అనే సహజ లక్షణాలు ఎంపీసీ గ్రూప్ ఎంచుకునే విద్యార్థులకు చాలా అవసరం.
 
 ఎంపీసీలో ప్రథమ భాషగా తెలుగు లేదా సంస్కృతం, ద్వితీయ భాషగా ఇంగ్లిష్, గ్రూప్ సబ్జెక్టులుగా.. మ్యాథ్స్, ఫిజిక్స్, కెమిస్ట్రీలు ఉంటాయి. ఎంపీసీ అంటే.. కేవలం ఇంజనీరింగ్‌లో చేరడం కోసమే అనే అభిప్రాయంతో ఈ గ్రూప్‌ను ఎంచుకుంటారు. కానీ ఇంటర్మీడియెట్ తర్వాత ఇంజనీరింగ్‌తోపాటు అనేక అవకాశాలు ఎంపీసీ విద్యార్థులకు ఆహ్వానం పలుకుతున్నాయి. ముఖ్యంగా ప్రస్తుతం సైన్స్ పరిశోధనలకు ప్రాధాన్యం పెరుగుతుండటంతో బ్యాచిలర్ డిగ్రీ స్థాయిలో బీఎస్సీలో అడుగుపెట్టి తర్వాత ఎమ్మెస్సీ, పీహెచ్‌డీ వంటి కోర్సులు చేయొచ్చు.
  
 ఇంటర్మీడియెట్‌లో సీఈసీ గ్రూప్‌ను ఎంచుకోవాలనుకునేవారికి ఉండాల్సిన లక్షణాలేమిటి?
 సమస్యను విశ్లేషణాత్మక దృష్టితో చూసే లక్షణం; కొత్త విషయాలపై ఆసక్తి, నిరంతర అధ్యయన దృక్పథం, గణాంకాలను విశ్లేషించే నైపుణ్యం ఉన్న విద్యార్థులకు అనుకూలమైన గ్రూప్.. సివిక్స్, ఎకనామిక్స్, కామర్‌‌స (సీఈసీ). ప్రస్తుత కార్పొరేట్ యుగంలో వ్యాపార, పారిశ్రామిక రంగాలు శరవేగంగా విస్తరిస్తున్నాయి. కామర్స్‌లో నైపుణ్యాలు పొందిన మానవ వనరుల అవసరం పెరుగుతోంది. దీన్ని అందిపుచ్చుకునేందుకు సరైన గ్రూప్.. సీఈసీ.
 
 చార్టర్డ్ అకౌంటెన్సీ (సీఏ), కాస్ట్ అండ్ మేనేజ్‌మెంట్ అకౌంటెన్సీ (సీఎంఏ), కంపెనీ సెక్రటరీ (సీఎస్) వంటి ప్రొఫెషనల్ కోర్సుల్లో రాణించేందుకు సీఈసీ ఎంతో అనుకూలమైన గ్రూప్. ఈ గ్రూప్ ఎంచుకునే విద్యార్థులకు తప్పనిసరిగా ఉండాల్సిన లక్షణం సహనం. చిట్టా పద్దుల్లో చిక్కుముడులను విప్పే క్రమంలో ఒక్కోసారి గంటలకొద్దీ సమయం వెచ్చించాల్సి ఉంటుంది. ఇలాంటి సందర్భాల్లో సహనం కోల్పోకుండా పనిచేయాల్సి ఉంటుంది. అదేవిధంగా వ్యాపార రంగానికి సంబంధించి ప్రభుత్వ పరంగా జరిగే చట్టాల్లో మార్పులు, వాటి పర్యవసానాలను ఎప్పటికప్పుడు అవగాహన చేసుకునే నైపుణ్యం కావాలి.
 
 సీఈసీ తర్వాత చాలామంది బీకాంలో చేరతారు. ఇప్పుడు బీకాంలో కూడా పరిశ్రమ అవసరాలకు తగినట్లుగా ప్రత్యేక స్పెషలైజేషన్లు అందుబాటులో ఉన్నాయి. (ఉదా: బీకాం అడ్వర్టయిజింగ్, సేల్స్ అండ్ సేల్స్ ప్రమోషన్, ట్యాక్స్ ప్రొసీజర్స్ అండ్ ప్రాక్టీసెస్, ఎంటర్‌ప్రెన్యూర్‌షిప్, ఈ-కామర్స్, ఫైనాన్షియల్ మార్కెట్స్, ఆనర్స్ తదితర). బ్యాచిలర్ డిగ్రీలో ఇలాంటి విభిన్న స్పెషలైజేషన్లను ఎంచుకోవడం ద్వారా భవిష్యత్తులో త్వరగా స్థిరపడొచ్చు.
  
 ఇంటర్మీడియెట్ ఎంఈసీ గ్రూప్‌ను ఎంచుకోవాలంటే ఏయే స్కిల్స్ ఉండాలి?
 ఇటీవల కాలంలో విద్యార్థులు, వారి తల్లిదండ్రుల ఆదరణ పొందుతున్న గ్రూప్.. మ్యాథ్స్, ఎకనామిక్స్, కామర్స్ (ఎంఈసీ). అటు మ్యాథ్స్.. ఇటు కామర్స్.. రెండిటిని ఇష్టపడేవారికి చక్కటి గ్రూప్.. ఎంఈసీ. లెక్కలు, వ్యాపారం, గణాంకాలు, ఆర్థిక అంశాలపై ఆసక్తి ఉన్నవారికి అపార అవకాశాలందిస్తున్న ఈ కోర్సుకు ప్రాధాన్యత పెరుగుతోంది. ముఖ్యంగా ఆర్థిక సంస్కరణలు, ప్రపంచీకరణలతో విస్తృత ఉద్యోగావకాశాలను ఈ గ్రూప్ ద్వారా సాధించవచ్చు. మ్యాథ్స్ అంటే ఆసక్తి, ఆర్థిక వ్యవహారాలు, వాణిజ్య శాస్త్రం పట్ల మక్కువ ఉన్నవారు ఎంఈసీని ఎంపిక చేసుకోవచ్చు.
  
 ఇంటర్మీడియెట్‌లో హెచ్‌ఈసీ గ్రూప్‌ను ఎంపిక చేసుకునేవారికి ఎలాంటి లక్షణాలు ఉండాలి?
 ‘ఏ గ్రూప్‌లో సీటు రాకపోతే హెచ్‌ఈసీలో చేరతారు’.. ఇది సాధారణఅభిప్రాయం. కానీ ఇప్పుడు ఆ అభిప్రాయాన్ని తిరగ రాయాల్సిందే. ఎందుకంటే.. ఇంటర్మీడియెట్‌లో హిస్టరీ, ఎకనామిక్స్, సివిక్స్ (హెచ్‌ఈసీ).. సుస్థిర భవిష్యత్తుకు పునాది అని చెప్పొచ్చు. ముఖ్యంగా భవిష్యత్తులో పోటీ పరీక్షల ద్వారా సివిల్స్ మొదలు గ్రూప్-4 వరకు ప్రభుత్వ ఉద్యోగాల్లో స్థిరపడాలనుకునే విద్యార్థులకు.. మేలు చేసే గ్రూప్ హెచ్‌ఈసీ. ఈ గ్రూప్‌లో చేరాలనుకునే విద్యార్థులకు ముఖ్యంగా ఉండాల్సిన లక్షణాలు.. రైటింగ్ స్కిల్స్, నిరంతర అధ్యయనం.
 
 విస్తృతంగా ఉండే అంశాల నుంచి కీలకమైన వాటిని గుర్తించే సునిశిత పరిశీలన దృష్టి. సామాజిక అంశాలపై అవగాహన, సమాజంలో నిరంతరం చోటుచేసుకునే పరిణామాలను తెలుసుకునే నైపుణ్యం. ఉన్నత విద్య కోణంలోనూ హెచ్‌ఈసీ తర్వాత అవకాశాలు అనేకం. ఒకప్పుడు హెచ్‌ఈసీ తర్వాత బీఏలో చేరడమే మార్గంగా ఉండేది. కానీ ఇప్పుడు పరిస్థితి మారింది. బీఏలోనూ విభిన్నమైన స్పెషలైజేషన్లు (ఉదా: హోటల్ మేనేజ్‌మెంట్, టూరిజం అండ్ ట్రావెల్ మేనేజ్‌మెంట్, హాస్పిటాలిటీ మేనేజ్‌మెంట్, సోషల్ వర్క్, లిబరల్ ఆర్ట్స్ తదితర) అందుబాటులోకి వచ్చాయి. హెచ్‌ఈసీతో (ఇంటర్మీడియెట్) ఐదేళ్ల బ్యాచిలర్ ఆఫ్ లా, ఐదేళ్ల ఇంటిగ్రేటెడ్ పీజీ(ఎంఏ)లో ప్రవేశించొచ్చు.
  
 ఐటీఐలో చేరడానికి అర్హత ఏమిటి? ఎంపిక ఎలా ఉంటుందో తెలియజేయండి?
 పదో తరగతి తర్వాత తక్కువ ఖర్చు, తక్కువ సమయంలోనే ఉద్యోగం/స్వయం ఉపాధి పొందాలనుకునేవారికి మార్గం.. ఇండస్ట్రియల్ ట్రైనింగ్ ఇన్‌స్టిట్యూట్ (ఐటీఐ). ఐటీఐ కోర్సుల్లో రెండేళ్ల శిక్షణతో వివిధ నైపుణ్యాలు సొంతమవుతారుు. దాంతో స్థానిక పరిశ్రమల్లో ఉద్యోగ, ఉపాధి అవకాశాలకు మార్గం సుగమం అవుతుంది. ఐటీఐ కోర్సులను పూర్తిచేసిన వారికి నేడు ఉపాధికి ఢోకాలేదు. వెల్డర్, ఫిట్టర్, ప్లంబర్, టర్నర్ వంటి కోర్సులతోపాటు తాజాగా విభిన్న నైపుణ్యాల్లో శిక్షణ ఇచ్చే అంశాలపై ఐటీఐలు దృష్టిసారించారుు. పదో తరగతి మార్కుల ఆధారంగా వీటిలో చేరొచ్చు. జూలై/ఆగస్టుల్లో ప్రవేశాలుంటాయి.
  
 ఐటీఐలో ఏయే కోర్సులు అందుబాటులో ఉన్నాయి?
 ఐటీఐల్లో రెండేళ్ల వ్యవధి ఉన్న ఫిట్టర్, టర్నర్, మెషినిస్ట్, ఎలక్ట్రీషియన్, రేడియో అండ్ టెలివిజన్, డ్రాఫ్ట్స్‌మెన్ మెకానికల్, డ్రాఫ్ట్స్‌మెన్ సివిల్, రిఫ్రిజరేషన్ అండ్ ఎయిర్ కండీషనింగ్, వైర్‌మెన్, మెకానిక్ మోటార్ వెహికల్, ఎలక్ట్రానిక్ మెకానిక్, ఇనుస్ట్రుమెంట్ మెకానిక్, అటెండెంట్ ఆపరేటర్, ల్యాబ్ అసిస్టెంట్, డీజిల్ మెకానిక్, ప్లంబర్, వెల్డర్, కార్పెంటర్, కంప్యూటర్ ఆపరేటర్ అండ్ ప్రోగ్రామ్ అసిస్టెంట్, ఫోర్జర్ అండ్ హీట్‌ట్రీటర్, మాసన్ (బిల్డింగ్ కనస్ట్రక్షన్) తదితర కోర్సులు ఉన్నాయి.
  
 నాన్ ఇంజనీరింగ్ ట్రేడ్స్: స్టెనోగ్రఫీ, సెక్రెటేరియల్ ప్రాక్టీస్, డ్రెస్‌మేకింగ్, కట్టింగ్ అండ్ టైలరింగ్, బుక్ బైండింగ్, హ్యాండ్ కంపోసర్, కార్పెట్ వేవింగ్. ఈ కోర్సులే కాకుండా ఎప్పటికప్పుడు మార్కెట్/కంపెనీల అవసరాలకనుగుణంగా కొత్త కోర్సులు, జాబ్ ఓరియెంటెడ్ కోర్సులను ఐటీఐలు అందిస్తున్నాయి.
  
 పదో తరగతి పూర్తి చేశాను. స్వయం ఉపాధి దిశగా స్థిరపడాలంటే స్వల్పకాలిక శిక్షణ కోర్సులు అందించే సంస్థల వివరాలు తెలపండి?
 సొసైటీ ఫర్ ఎంప్లాయ్‌మెంట్ ప్రమోషన్ అండ్ ట్రైనింగ్ ఇన్ టిన్‌స్విటీస్ (సెట్విన్).. యువతకు స్వయం ఉపాధి కోర్సులను అందిస్తోంది. ఎంఎస్ ఆఫీస్, డెస్క్‌టాప్ పబ్లిషింగ్, మల్టీమీడియా, వెబ్ డిజైనింగ్, కంప్యూటర్ హార్డ్‌వేర్, ఎయిర్‌లైన్ టికెటింగ్, ఆఫీస్ ఆటోమేషన్ ప్రోగ్రామ్, ఆటో ఎలక్ట్రీషియన్, ఎలక్ట్రీషియన్, డీజిల్ మెకానిక్, రేడియో అండ్ టీవీ మెకానిక్, టైప్ రైటింగ్, టెలిఫోన్ ఆపరేటర్, కటింగ్ అండ్ టైలరింగ్, బ్యూటీషియన్, ఫ్యాషన్ డిజైనింగ్ వంటి కోర్సులను సెట్విన్ ఆఫర్ చేస్తోంది. రెండు తెలుగు రాష్ట్రాల్లో సెట్విన్ కేంద్రాలు ఉన్నాయి.
 
 సెట్విన్ మాత్రమే కాకుండా స్వామి రామానందతీర్థ రూరల్ ఇన్‌స్టిట్యూట్-భూదాన్ పోచంపల్లి(నల్గొండ జిల్లా), మైక్రోస్మాల్ అండ్ మీడియం ఎంటర్‌ప్రైజెస్(ఎంఎస్‌ఎంఈ)- హైదరాబాద్ వంటి సంస్థలు అటు స్వయం ఉపాధిని, ఇటు ఏదైనా ఉద్యోగాన్ని పొందేలా వివిధ కోర్సులందిస్తున్నాయి. వీటిల్లో ఇన్‌స్టిట్యూట్‌ను బట్టి హోటల్ మేనేజ్‌మెంట్, బ్యూటీషియన్, సెల్‌ఫోన్ రిపేరింగ్, ప్రీ ప్రైమరీ టీచర్ ట్రైనింగ్, ఫ్యాషన్ డిజైనింగ్, ఎలక్ట్రీషియన్, డీజిల్ మెకానిక్, రేడియో అండ్ టీవీ మెకానిజం, జ్యుయెలరీ మేకింగ్, కార్పెంటరీ, డీటీపీ, వెబ్ డిజైనింగ్, ఎంఎస్ ఆఫీస్, మల్టీమీడియా, కంప్యూటర్ హార్డ్‌వేర్, ఎయిర్‌లైన్ టికెటింగ్, కాల్‌సెంటర్ ట్రైనింగ్, గోల్డ్ పాలిషింగ్ వంటి కోర్సులు అందుబాటులో ఉన్నాయి. ఈ కోర్సుల కాల వ్యవధి కోర్సును బట్టి మూడు నెలల నుంచి ఏడాది వరకు ఉంటుంది.
  
 పాలిటెక్నిక్ కోర్సులతో ప్రయోజనాలేమిటి? ఏయే కోర్సులు అందుబాటులో ఉన్నాయి?
 పాలిటెక్నిక్ కోర్సుల్లో ప్రవేశానికి రెండు తెలుగు రాష్ట్రాల్లో పాలిసెట్ రాయాలి. ఇందులో ర్యాంకు ద్వారా మూడేళ్లు/మూడున్నరేళ్ల డిప్లొమా కోర్సుల్లో ప్రవేశం కల్పిస్తారు. సివిల్, మెకానికల్, ఎలక్ట్రికల్, ఎలక్ట్రానిక్స్ అండ్ కమ్యూనికేషన్, ఆటోమొబైల్, ప్యాకేజింగ్ టెక్నాలజీ, లెదర్ టెక్నాలజీ తదితర ఇంజనీరింగ్ బ్రాంచ్‌లలో డిప్లొమా చేయొచ్చు. డిప్లొమా ఉత్తీర్ణులు ఈసెట్ ద్వారా బీటెక్‌లో రెండో సంవత్సరంలో ప్రవేశించొచ్చు. డిప్లొమా ఇంజనీరింగ్ ఉత్తీర్ణులను పలు ప్రైవేటు, ప్రభుత్వ రంగ సంస్థలు ట్రైనీ సూపర్‌వైజర్లుగా నియమించుకుంటున్నాయి.
  
 అగ్రికల్చర్, హార్టికల్చర్, వెటర్నరీ, ఫిషరీ పాలిటెక్నిక్ కోర్సుల గురించి తెలపండి?
 పదో తరగతి ఉత్తీర్ణతతో రెండు తెలుగు రాష్ట్రాల్లో అగ్రికల్చర్ పాలిటెక్నిక్, వెటర్నరీ పాలిటెక్నిక్, ఫిషరీ పాలిటెక్నిక్, హార్టికల్చర్ పాలిటెక్నిక్ కోర్సులు అభ్యసించే వీలుంది. రెండు తెలుగు రాష్ట్రాల్లో ఆచార్య ఎన్‌జీరంగా వ్యవసాయ విశ్వవిద్యాలయం, ప్రొఫెసర్ జయశంకర్ తెలంగాణ స్టేట్ అగ్రికల్చర్ యూనివర్సిటీ, శ్రీ కొండా లక్ష్మణ్ తెలంగాణ రాష్ట్ర ఉద్యాన విశ్వవిద్యాలయం, శ్రీ పి.వి.నరసింహారావు తెలంగాణ స్టేట్ వెటర్నరీ యూనివర్సిటీ, శ్రీ వేంకటేశ్వర వెటర్నరీ యూనివర్సిటీ, డాక్టర్ వైఎస్‌ఆర్ హార్టికల్చరల్ యూనివర్సిటీ ఈ కోర్సులు అందిస్తున్నాయి.
 
 అగ్రి పాలిటెక్నిక్‌లో భాగంగా రెండేళ్ల డిప్లొమా ఇన్ సీడ్ టెక్నాలజీ, డిప్లొమా ఇన్ అగ్రికల్చర్, మూడేళ్ల డిప్లొమా ఇన్ అగ్రికల్చరల్ ఇంజనీరింగ్ కోర్సులున్నాయి. హార్టికల్చర్‌లో భాగంగా రెండేళ్ల డిప్లొమా ఇన్ హార్టికల్చర్ కోర్సు అందుబాటులో ఉంది. వెటర్నరీ పాలిటెక్నిక్‌లో భాగంగా డిప్లొమా ఇన్ యానిమల్ హజ్బెండరీ, డిప్లొమా ఇన్ ఫిషరీ పాలిటెక్నిక్ కోర్సులున్నాయి. కోర్సుల వ్యవధి రెండేళ్లు. ప్రస్తుతం ఆయా కోర్సుల్లో ప్రవేశాలకు ప్రకటనలు వెలువడ్డాయి. దరఖాస్తుకు సమయం ఉంది. మరిన్ని వివరాల కోసం ఆయా యూనివర్సిటీల వెబ్‌సైట్స్ చూడొచ్చు.
  
 పదో తరగతి అర్హతతో కేంద్ర, రాష్ట్ర స్థాయిలో ఉన్న ప్రభుత్వ ఉద్యోగాల వివరాలు తెలపండి?
 సెంట్రల్ ఆర్‌‌మడ్ పోలీస్ ఫోర్సెస్‌లో కానిస్టేబుల్స్
 సెంట్రల్ ఇండస్ట్రియల్ సెక్యూరిటీ ఫోర్‌‌స  (సీఐఎస్‌ఎఫ్), సశస్త్ర సీమాబల్ (ఎస్‌ఎస్‌బీ), నేషనల్ ఇన్వెస్టిగేషన్ ఏజెన్సీ (ఎన్‌ఐఏ),  ఎస్‌ఎస్‌ఎఫ్, సెంట్రల్ రిజర్‌‌వ పోలీస్ ఫోర్‌‌స (సీఆర్‌పీఎఫ్), బోర్డర్ సెక్యూరిటీ ఫోర్‌‌స (బీఎస్‌ఎఫ్), ఇండో టిబెటన్ బోర్డర్ పోలీస్ ఫోర్‌‌స (ఐటీబీపీ)లలో కానిస్టేబుల్ (జనరల్ డ్యూటీ) అస్సాం రైఫిల్స్ (ఏఆర్)లో రైఫిల్‌మెన్‌‌స
 అర్హత: పదో తరగతి ఉత్తీర్ణత.
 వయోపరిమితి: 18 నుంచి 23 ఏళ్ల మధ్యలో ఉండాలి.
 ఎంపిక విధానం: ఫిజికల్ ఎఫిషియెన్సీ టెస్ట్, ఫిజికల్ మెజుర్‌మెంట్స్ టెస్ట్, రాత పరీక్ష, మెడికల్ టె స్ట్ ఆధారంగా ఎంపిక ఉంటుంది.
 రాత పరీక్ష విధానం: వంద మార్కులకు నిర్వహించే పరీక్షలో మొత్తం 100 ప్రశ్నలు ఉంటాయి. పరీక్ష వ్యవధి రెండు గంటలు. జనరల్ ఇంటెలిజెన్‌‌స అండ్ రీజనింగ్, జనరల్ నాలెడ్‌‌జ అండ్ జనరల్ ఎవేర్‌నెస్, ఎలిమెంటరీ మ్యాథమెటిక్స్, ఇంగ్లిష్ లేదా హిందీలో నాలుగు విభాగాల నుంచి 25 మార్కుల చొప్పున 25 ప్రశ్నల చొప్పున ఉంటాయి. ఆబ్జెక్టివ్ విధానంలో ప్రశ్నలు ఉంటాయి. ఒక్కో ప్రశ్నకు ఒక్కో మార్కు.
 వెబ్‌సైట్స్: www.cisf.gov.in, www.ssb.nic.in, www.nia.gov.in, www.http://bsf.nic.in, http://crpf.nic.in, http://itbpolice.nic.in, www.assamrifles.gov.in
  
 ఆర్‌పీఎఫ్ కానిస్టేబుల్
 ఎంపిక విధానం: ఫిజికల్ టెస్ట్, రాత పరీక్షల ద్వారా
 వయోపరిమితి: 18 నుంచి 25 ఏళ్లు
 ప్రకటన: రైల్వే ఉద్యోగాల భర్తీకి ఏడాదిలో చాలాసార్లు ప్రకటనలు వెలువడుతూనే ఉంటాయి. ఈ మధ్య వివిధ రైల్వే జోన్లు ఖాళీలను ఉమ్మడి ప్రవేశ పరీక్ష ద్వారా భర్తీ చేస్తున్నాయి. ప్రకటనలు ఠీఠీఠీ.టటఛిఛ.జౌఠి.జీ వెబ్‌సైట్‌లో లేదా ఎంప్లాయిమెంట్ న్యూస్‌లో చూడొచ్చు.
 
 డిఫెన్స్ జాబ్స్..
 ఇండియన్ నేవీలో..
 పోస్టులు: మెట్రిక్ రిక్రూట్-స్టివార్డ్/కుక్స్; మ్యుజీషియన్లు.
 వయోపరిమితి: 17-21 ఏళ్లు. నిర్దేశిత శారీరక ప్రమాణాలు తప్పనిసరి.
 వెబ్‌సైట్: www.nausena-bharti.nic.in
  
 ఇండియన్ ఆర్మీలో..
 పోస్టు: సోల్జర్ జనరల్ డ్యూటీ
 అర్హత: 45 శాతం మార్కులతో దో తరగతి.
 వయోపరిమితి: 171/2న్నర నుంచి 21 ఏళ్లు.
 ఎంపిక విధానం: రాతపరీక్ష, హదారుఢ్య, వైద్య ఆరోగ్య పరీక్షల ద్వారా.
 వెబ్‌సైట్: http://indianarmy.nic.in
  
 ఇండియన్ ఎయిర్‌ఫోర్స్‌లో..
 పోస్టు: ఎయిర్‌మెన్ గ్రూప్-వై మ్యుజీషియన్ ట్రేడ్
 అర్హత: పదోతరగతిలో 45 శాతం మార్కులు.
 వయసు: 17 నుంచి 25 ఏళ్ల వరకు ఉండాలి.
 ఎంపిక విధానం: రాత పరీక్ష, ఫిజికల్ టెస్ట్‌ల ద్వారా. సంబంధిత సంగీత పరికరంలో ప్రావీణ్యం ఉండాలి.
 వెబ్‌సైట్: http://careerairforce.nic.in
 
 ఏపీఎస్‌ఆర్‌టీసీ/టీఎస్‌ఆర్‌టీసీలో..
 పోస్టు: బస్ కండక్టర్
 ఎంపిక విధానం: పదోతరగతి మార్కుల ఆధారంగా..
 పోస్టు: బస్ డ్రైవర్
 ఇతర అర్హతలు: హెవీ మోటార్ వెహికల్ పర్మినెంట్ డ్రైవింగ్ లెసైన్స్‌తోపాటు నిర్దేశిత అనుభవం తప్పనిసరి.
 
 ఆసక్తికి అనుగుణంగా ఇంటర్‌లో ఏ గ్రూపులో చేరినప్పటికీ, మొదట్నుంచి అకడమిక్‌గా ముందుండటానికి ప్రయత్నించాలి. భవిష్యత్తు లక్ష్యాలకు అనుగుణంగా ఆయా ఉన్నత విద్య ప్రవేశ పరీక్షలకు ప్రిపరేషన్ కొనసాగించాలి. ఏదో ఒక కారణం చెప్పి, సబ్జెక్టుల అధ్యయనాన్ని వాయిదా వేసే ధోరణి సగటు విద్యార్థిలో కనిపిస్తుంది. ఇలా చేయడం వల్ల ఒత్తిడి పెరుగుతుంది. ఏ రోజు పాఠాలను ఆ రోజే పూర్తిచేయాలి. తమ గ్రూప్ సబ్జెక్టులకు సంబంధించిన అంశాల అప్లికేషన్స్‌పై పూర్తిస్థాయిలో పట్టు సాధించడం ముఖ్యం. కాలేజీ సమయాన్ని మినహాయించి, రోజుకు 4-5 గంటలు కష్టపడి చదివినప్పుడే లక్ష్యాలను చేరుకునేందుకు వీలవుతుంది.
 - ఎం.ఎన్.రావు, సీనియర్ ఫ్యాకల్టీ, శ్రీచైతన్య విద్యాసంస్థలు.


 ముప్పాళ్ళ : పదవ తరగతి మార్కుల లిస్టు పోతే దాన్ని పొందడం తెలియక చాలామంది ఇబ్బందులు పడుతుంటారు. అలాంటి ఇబ్బందులేమీ లేకుండానే సరైన పద్ధతిలో సర్టిఫికెట్ పొందేందుకు ప్రభుత్వం కొత్త విధానాన్ని సూచించింది. ఈ విధానం ద్వారా సర్టిఫికెట్‌ను సులభంగా పొందవచ్చు.
 
 చలానా వివరాలు....
 మేజర్ హెడ్ - 0202 ఎడ్యుకేషన్,స్పోర్ట్స్ అండ్ కల్చర్
 సబ్‌మేజర్ హెడ్ - 01-జనరల్ ఎడ్యుకేషన్
 మైనర్‌హెడ్ -102-సెకండరీ ఎడ్యుకేషన్
 సబ్‌హెడ్:006-డెరైక్టర్ ఆఫ్ గవర్నమెంట్   ఎగ్జామినేషన్
 డీటెయిల్డ్ హెడ్: 800-యూజర్ చార్జెస్
 డీడీఓ కోడ్: సంబంధిత పాఠశాలలో ఉంటుంది. చలానాలో నేచర్ ఆఫ్ ఫీ అనే అంశం వద్ద డూప్టికేట్ ఎస్‌ఎస్‌సీ పాస్ సర్టిఫికెట్ అని రాయాలి.
 
 ఇవి తప్పనిసరి
 అభ్యర్థి తన పూర్తి పేరు(క్యాపిటల్ లెటర్స్),తండ్రిపేరు, చిరునామా, పుట్టిన తేదీ, స్వస్థలం, పదవ తరగతి చదివిన పాఠశాల, ఒరిజినల్ పదవతరగతి సీరియల్ నంబర్, రోల్ నెంబర్,  సంవత్సరం ఏ నెలలో పదవతరగతి పాసయ్యారు తదితర వివరాలు ఎస్‌ఎస్‌సీ బోర్డుకు తెలియజేయాలి. వీటితో పాటుగా పదవతరగతి సర్టిఫికెట్ ఎలా పోయిందో తెలుపుతూ పోలీస్‌స్టేషన్‌లో ఇచ్చిన ఫిర్యాదు, వారు ఇచ్చిన నాన్‌ట్రేస్ సర్టిఫికెట్, నోటరీ ధ్రువీకరించిన రూ.50 పత్రం,ఎస్‌బీఐలో చెల్లించిన రు250ల చలానా,ఎస్‌ఎస్‌సి నకలు జతపరచాల్సి ఉంటుంది. ఇంకా పుట్టుమచ్చల వివరాలు(సర్టిఫికెట్‌లో నమోదు చేసినవి),అభ్యర్థి సెల్ఫ్ డిక్లరేషన్, ధ్రువీకరిస్తూ సంబంధిత పాఠశాల ప్రదానోపాధ్యాయుడు జారీ చేసిన పత్రం, ఫొటో, పాఠశాల ప్రదానోపాధ్యాయుడి కవరింగ్ లెటర్  జతపరచాల్సి ఉంటుంది. వీటన్నింటిని బోర్డు ఆఫ్ సెకండరీ ఎడ్యుకేషన్‌కు పంపడం ద్వారా సర్టిఫికెట్ పొందవచ్చు. ఈ క్రమంలో పాత మార్కుల లిస్టును బోర్డు రద్దు చేస్తుంది.


 బాలుర ఉత్తీర్ణత 84.70%.. బాలికల ఉత్తీర్ణత 86.57%  పదో తరగతిలో మొత్తంగా 85.63% ఉత్తీర్ణత
  
  సాక్షి, హైదరాబాద్: పదో తరగతి పరీక్ష ఫలితాల్లో ఎప్పట్లాగే ఈసారి కూడా బాలికలే ముందంజలో నిలిచారు. బాలుర కంటే అధిక ఉత్తీర్ణత సాధించారు. రాష్ట్రవ్యాప్తంగా ఈ పరీక్షలకు 2,62,187 మంది బాలురు హాజరు కాగా 2,22,071 మంది (84.70 శాతం) ఉత్తీర్ణులయ్యారు. బాలికలు 2,57,307 మంది హాజరు కాగా 2,22,757 మంది (86.57 శాతం) ఉత్తీర్ణులయ్యారు. మార్చి 21 నుంచి ఏప్రిల్ 7వ తేదీ వరకు నిర్వహించిన పదో తరగతి పరీక్షల ఫలితాలను బుధవారం ఉప ముఖ్యమంత్రి కడియం శ్రీహరి విడుదల చేశారు. జిల్లాలవారీగా చూస్తే 95.13 శాతం ఉత్తీర్ణతతో వరంగల్ ప్రథమ స్థానంలో నిలువగా.. 76.23 శాతం ఉత్తీర్ణతతో హైదరాబాద్ చివరి స్థానంలో నిలిచింది. 2,379 పాఠశాలలు వంద శాతం ఉత్తీర్ణత సాధించగా.. 10 పాఠశాలల్లో సున్నా ఫలితాలు వచ్చాయి.
 
  పరీక్షలకు 99.71 శాతం హాజరు
  ఈసారి పదో తరగతి పరీక్షలు రాసేందుకు రెగ్యులర్, ప్రైవేటు విద్యార్థులు కలిపి 5,56,885 మంది దరఖాస్తు చేసుకోగా పరీక్షలకు 5,55,265 మంది (99.71 శాతం) హాజరయ్యారు. ఇందులో 4,58,964 మంది ఉత్తీర్ణులు కాగా 95,301 మంది ఫెయిల్ అయ్యారు. పరీక్షలకు హాజరైన 5,19,494 మంది రెగ్యులర్ విద్యార్థుల్లో 4,44,828 మంది (85.63 శాతం) ఉత్తీర్ణులయ్యారు. ప్రైవేటు విద్యార్థులు 35,771 మంది హాజరు కాగా 14,136 మంది (39.52 శాతం) ఉత్తీర్ణులయ్యారు. తెలంగాణ ప్రభుత్వ బీసీ సంక్షేమ గురుకులాలు 96.84 శాతం ఉత్తీర్ణత సాధించగా ప్రభుత్వ పాఠశాలలు 77.80 శాతం ఉత్తీర్ణత సాధించాయి. జిల్లా పరిషత్, గిరిజన సంక్షేమ గురుకులాలు, ఎయిడెడ్ పాఠశాలలు రాష్ట్ర సరాసరి ఉత్తీర్ణత 85.63 శాతం కంటే తక్కువ ఉత్తీర్ణత సాధించాయి. ఇక కేజీబీవీలు, మోడల్ స్కూళ్లు, తెలంగాణ రాష్ట్ర గురుకులాలు, సాంఘిక సంక్షేమ గురుకులాలు రాష్ట్ర సరాసరి ఉత్తీర్ణత శాతం కంటే ఎక్కువ ఉత్తీర్ణతను సాధించాయి.
 
  గతేడాది కంటే పెరిగిన ఉత్తీర్ణత
  పదో తరగతి పరీక్షల్లో గతేడాది కంటే ఈసారి ఉత్తీర్ణత శాతం పెరిగింది. గతేడాది పరీక్షలకు రెగ్యులర్ విద్యార్థులు 5,13,473 మంది హాజరు కాగా 3,98,267 మంది (77.56 శాతం) ఉత్తీర్ణులయ్యారు. ఈసారి 85.63 శాతం మంది ఉత్తీర్ణులయ్యారు. అంటే 8.07 శాతం ఉత్తీర్ణత పెరిగింది. బాలికల ఉత్తీర్ణత శాతం కూడా ఈసారి పెరిగింది. గత ఏడాది 2,55,035 పరీక్షలకు హాజరు కాగా 2,01,582 మంది (79.04 శాతం) మంది ఉత్తీర్ణులయ్యారు. అదే ఈసారి 86.57 శాతం మంది ఉత్తీర్ణులు కావడం విశేషం.
 
  ఈసారి పెరిగిన 10 జీపీఏ
  ఈసారి 3,419 మంది విద్యార్థులు అన్ని సబ్జెక్టుల్లో ఏ1 గ్రేడ్‌తో పదికి 10 గ్రేడ్ పాయింట్ యావరేజ్ (జీపీఏ) సాధించారు. గతేడాది 10 జీపీఏ కేవలం 1,387 మందికే రాగా.. ఈసారి 3,419 మందికి రావడం విశేషం. అయితే ఇందులో ప్రైవేటు పాఠశాలల విద్యార్థులే అత్యధికంగా (3,311 మంది) ఉన్నారు. ఇక 98,027 మందికి ఏ గ్రేడ్  రాలేదు.
 
  ఈ స్కూళ్లలో వంద శాతం ఉత్తీర్ణత
  రాష్ట్రంలో మేనేజ్‌మెంట్ల వారీగా చూస్తే 2,379 పాఠశాలలు 100 శాతం ఉత్తీర్ణత సాధించాయి. అందులో 121 ప్రభుత్వ పాఠశాలలు, 644 జిల్లా పరిషత్, 22 ఎయిడెడ్ పాఠశాలలు ఉండగా, 13 తెలంగాణ గురుకులాలు, 22 సాంఘిక సంక్షేమ గురుకులాలు, 17 గిరిజన సంక్షేమ గురుకులాలు ఉన్నాయి. మరో 6 బీసీ వెల్ఫేర్ గురుకులాలు, 30 కేజీబీవీ స్కూళ్లు, 43 మోడల్ స్కూళ్లు ఉండగా.. 1,461 ప్రైవేటు పాఠశాలలు ఉన్నాయి. 10 జీపీఏ సాధించిన ప్రభుత్వ పాఠశాలల సంఖ్య గత ఏడాదితో పోల్చుకుంటే ఈసారి పెరిగింది.
 
  8 ప్రైవేటు స్కూళ్లలో సున్నా..
  టెన్త్ ఫలితాల్లో 8 ప్రైవేటు పాఠశాలల్లో ఒక్క విద్యార్థి కూడా పాస్ కాలేదు. మొత్తంగా 10 స్కూళ్లలో సున్నా ఫలితాలు రాగా అందులో 8 ప్రైవేటు పాఠశాలలే ఉన్నాయి. మిగతా రెండింటిలో ఒకటి ప్రభుత్వ పాఠశాల కాగా మరొకటి ఎయిడెడ్ పాఠశాల.


 పార్వతీపురం(విజయనగరం): పదో తరగతి ఫెయిలైనందుకు మనస్తాపం చెందిన ఓ బాలిక ఆత్మహత్యకు పాల్పడింది. విజయనగరం జిల్లా కొమరాడ మండలం సోమినాయుడు వలస గ్రామానికి చెందిన సవిటన్నదొర, మహాలక్ష్మి దంపతుల కుమార్తె ప్రియాంక కోటిపాం జడ్పీ హైస్కూల్‌లో పదో తరగతి చదువుకుంది.
 
 బుధవారం ప్రకటించిన ఫలితాల్లో ఆమె ఫెయిలైంది. దీంతో తీవ్ర మనస్తాపం చెందిన ప్రియాంక ఇంట్లో ఉన్న పురుగుల మందు తాగి ఆత్మహత్య చేసుకుంది.


 జూలపల్లి(కరీంనగర్): కరీంనగర్ జిల్లా జూలపల్లి మండల కేంద్రానికి చెందిన కొండ నాగలక్ష్మి బుధవారం ప్రకటించిన ఫలితాల్లో పదో తరగతి ఫెయిలైంది. తీవ్ర మనస్తాపం చెందిన ఆమె ఒంటిపై కిరోసిన్ పోసుకుని నిప్పంటించుకుంది.
 
 తీవ్రంగా కాలిన గాయాలతో అక్కడికక్కడే మృతిచెందింది. ఆమె పెద్దాపూర్‌లోని మోడల్ స్కూల్‌లో చదువుకుంది.


 ♦ మార్కులు తగ్గుతాయేమోననే భయంతోనే..
 ♦ ఫలితాల్లో 9.2 జీపీఏ పాయింట్లు
  కంకిపాడు: పదో తరగతి పరీక్షల ఫలితాల విడుదల రోజే ఓ విద్యార్థి ఇంట్లో ఉరివేసుకుని ఆత్మహత్యకు పాల్పడ్డాడు. ఇటీవల విడుదలైన పాలిసెట్ ఫలితాల్లో వినయ్‌కు ర్యాంకు  (40 వేలకు పైగా) తగ్గింది. పదో తరగతి ఫలితాల్లోనూ ఆశించిన మేర ఫలితం ఉంటుందో? లేదో? అనే భయంతో ఆత్మహత్యకు పాల్పడ్డాడా? లేదా కుటుంబంలో మందలించారా? అనే అనుమానాలు నెలకొన్నాయి. ఈ కోణాల్లో పోలీసులు దర్యాప్తు సాగిస్తున్నారు. అయితే మంగళవారం విడుదలైన టెన్త్ ఫలితాల్లోవినయ్‌కు(హాల్‌టికెట్ నంబరు: 1612115141) 9.2 జీపీఏ పాయింట్లు వచ్చాయి. పోలీసుల చెప్పిన వివరాల ప్రకారం.. కృష్ణా జిల్లా కంకిపాడు మండలం గొడవర్రుకు చెందిన వెలిశెల వినయ్‌కుమార్(16) తల్లిదండ్రులు మంగళవారం ఉదయం ఉపాధి హామీ పనులకు వెళ్లారు. అదే సమయంలో వినయ్ తమ ఇంట్లోని ఫ్యాన్ హుక్కుకు చీర కట్టి ఉరివేసుకున్నాడు. ఇంటి వద్ద ఉన్న తాత కోటేశ్వరరావు గమనించి మనవడిని కంకిపాడు ఆరోగ్య కేంద్రానికి తరలించగా.. అప్పటికే వినయ్ మృతి చెందాడు.


 ♦ విశాఖలో టెన్త్ ఫలితాలు విడుదల చేసిన గంటా
 ♦ 98.89 శాతంతో వైఎస్సార్ జిల్లాకు అగ్రస్థానం
 ♦ 90.11 శాతంతో ఆఖరి స్థానంలో చిత్తూరు
 సాక్షి, విశాఖపట్నం: పదో తరగతి ఫలితాల్లో బాలబాలికలు సత్తాచాటారు. రాష్ట్రవ్యాప్తంగా 94.52 శాతం ఉత్తీర్ణత సాధించారు. మంగళవారం విడుదల చేసిన ఈ ఫలితాల్లో వైఎస్సార్ జిల్లా 98.89 శాతంతో అగ్రస్థానాన్ని నిలబెట్టుకుంది. 90.11 శాతంతో ముఖ్యమంత్రి సొంత జిల్లా చిత్తూరు మరోసారి ఆఖరి స్థానంలో నిలిచింది. విశాఖలోని ఏయూ వైవీఎస్ మూర్తి ఆడిటోరియంలో రాష్ట్ర మానవ వనరుల శాఖ మంత్రి గంటా శ్రీనివాసరావు ఫలితాలను విడుదల చేశారు.
 గతేడాది రాష్ట్రస్థాయి ఉత్తీర్ణత శాతం 91.42 కాగా ఈ ఏడాది 3.1 శాతం పెరిగింది. ఈసారి ఉత్తీర్ణతలో బాలుర కంటే బాలికలు పైచేయి సాధించారు. రాష్ట్రంలో 10,941 స్కూళ్లకు గాను 4,217 పాఠశాలలు నూరు శాతం ఉత్తీర్ణత సాధించాయి. ఈ ఏడాది జీరో ఫలితాలొచ్చిన పాఠశాల ఒక్కటి కూడా లేదు. 6,444 మంది విద్యార్థులు 10 జీపీఏ సాధించారు. వీరిలో ప్రైవేటు స్కూళ్లకు చెందిన వారు 6,055 మంది ఉన్నారు. ఏపీ గిరిజన సంక్షేమ గురుకుల పాఠశాలల్లో చదివిన వారిలో ఒక్కరూ 10 జీపీఏ సాధించలేకపోయారు.
  జూన్ 16 నుంచి సప్లిమెంటరీ పరీక్షలు
 పదో తరగతి అడ్వాన్స్ సప్లిమెంటరీ పరీక్షలు జూన్ 16 నుంచి 29 వరకు నిర్వహిస్తారు. ఉదయం 9.30 నుంచి మధ్యాహ్నం 12 గంటల వరకు పరీక్షలు జరుగుతాయి.  విద్యార్థులు జూన్ మూడో తేదీలోగా సంబంధిత స్కూల్లో పరీక్ష రుసుము చెల్లించాల్సి ఉంటుంది. విద్యార్థులకు మార్కుల జాబితాను పది రోజుల్లో పంపిస్తారు. సంబంధిత కేంద్రాలు, పాఠశాలల నుంచి సమాచారం రాగానే విత్‌హెల్డ్‌లో ఉంచిన విద్యార్థుల ఫలితాలు ప్రకటిస్తారు. మార్కులు తిరిగి లెక్కింపు కోరేవారు సబ్జెక్టుకు రూ. 500 చొప్పున ఈ నెల 23లోగా చెల్లించాల్సి ఉంటుంది.
 సమాధాన పత్రాల పునఃపరిశీలనకు దరఖాస్తు చేసుకునే వారు సంబంధిత హెడ్మాస్టర్లతో ధ్రువీకరణ చేయించి, 23లోగా వెయ్యి రూపాయలు చలానా తీసి డీఈవో కార్యాలయాల్లో అందజేయాలి. వచ్చే ఏడాది నుంచి ఒకటో తరగతి మొదలు పోస్టు గ్రాడ్యుయేషన్ వరకు అన్ని పరీక్షలూ ఆన్‌లైన్‌లోనే నిర్వహిస్తామని మంత్రి గంటా శ్రీనివాసరావు వెల్లడించారు. వీటితో పాటు ప్రభుత్వం నిర్వహించే అన్ని ‘సెట్లు’ కూడా ఆన్‌లైన్‌లోనే జరుపుతామన్నారు. ఇందుకోసం ఒక కమిటీనీ నియమించామని చెప్పారు. డీఎస్సీలో ఎంపికైన 10,300 మంది స్కూల్ అసిస్టెంట్లు, ఎస్జీటీలకు జూన్ ఒకటికల్లా నియామక ఉత్తర్వులు అందజేస్తామని మంత్రి తెలిపారు. వచ్చే నెల నుంచి టీచర్లకు బయోమెట్రిక్ విధానం అమలు చేస్తామని తెలిపారు.


 పదో తరగతితోనే బీటెక్ దిశగా ప్రవేశానికి మార్గం వేస్తోంది.. రాజీవ్ గాంధీ యూనివర్సిటీ ఆఫ్ నాలెడ్జ్ టెక్నాలజీస్ (ఆర్‌జీయూకేటీ). పదో తరగతిలో చూపిన ప్రతిభ ఆధారంగా...  ఆర్‌జీయూకేటీ పరిధిలోని మూడు క్యాంపస్‌లలో ఆరేళ్ల ఇంటిగ్రేటెడ్ బీటెక్ ప్రోగ్రామ్‌లలో ప్రవేశం లభిస్తుంది.
  
 ఆర్‌జీయుకేటీ బాసర క్యాంపస్ (తెలంగాణ రాష్ట్రం)కు సంబంధించి శుక్రవారం నోటిఫికేషన్ వెలువడింది. దరఖాస్తుకు చివరి తేది మే 31. నూజివీడు క్యాంపస్ (ఆంధ్రప్రదేశ్), ఆర్‌కే వ్యాలీ క్యాంపస్(ఆంధ్రప్రదేశ్)లలోనూ త్వరలో నోటిఫికేషన్ వెలువడనున్న నేపథ్యంలో.. ఆర్‌జీయూకేటీలో ఆరేళ్ల సమీకృత బీటెక్ ప్రవేశ ప్రక్రియ, విద్యావిధానం తీరుతెన్నుల గురించి తెలుసుకుందాం...
  
 ఏపీ ట్రిపుల్ ఐటీలు.. 2008లో అప్పటి ముఖ్యమంత్రి మహానేత దివంగత డాక్టర్ వైఎస్ రాజశేఖర్‌రెడ్డి ఆలోచనకు అనుగుణంగా గ్రామీణ, పేద విద్యార్థులకు ఉన్నత విద్యను అందించాలనే ఆశయంతో ఏర్పాటైనవి. వీటి నిర్వహణ కోసం ఆర్‌జీయూకేటీ పేరుతో ప్రత్యేక యూనివర్సిటీని సైతం నెలకొల్పడం జరిగింది. గతేడాది నుంచి బాసర క్యాంపస్‌లో ప్రవేశాలను తెలంగాణ ప్రభుత్వం, ఆర్‌కే వ్యాలీ(ఇడుపులపాయ, డాక్టర్ వైఎస్‌ఆర్ జిల్లా), నూజివీడు క్యాంపస్‌లలో ప్రవేశాలను ఆంధ్రప్రదేశ్ ప్రభుత్వం వేర్వేరుగా నిర్వహిస్తున్నాయి.
  
 మెరిట్ లిస్ట్ ఆధారంగా కౌన్సెలింగ్
 ప్రకటనల ఆధారంగా ఔత్సాహిక అభ్యర్థులు ఆన్‌లైన్‌లో దరఖాస్తు చేసుకోవాలి. అందిన దరఖాస్తులను, సదరు విద్యార్థుల జీపీఏ, రిజర్వేషన్ తదితర అంశాల ప్రాతిపదికగా మెరిట్ జాబితా రూపొందించి కౌన్సెలింగ్ నిర్వహిస్తారు.
 
 కోర్సు: ఆరేళ్ల సమీకృత ఇంజనీరింగ్
 అర్హతలు: పదో తరగతి తొలి ప్రయత్నంలోనే ఉత్తీర్ణత (2016లోనే)
 వయసు: డిసెంబర్ 31, 2016 నాటికి 18 సంవత్సరాలలోపు ఉండాలి.  ఎస్సీ, ఎస్టీ వర్గాల విద్యార్థులు 21 సంవత్సరాల లోపు వయసు ఉండాలి.
 అంతా ఆన్‌లైన్‌లోనే: ఔత్సాహిక అభ్యర్థుల దరఖాస్తు ప్రక్రియ అంతా ఆన్‌లైన్‌లోనే ఉంటుంది. ఇందుకోసం ఏపీ ఆన్‌లైన్ లేదా మీ సేవా సెంటర్లలో నిర్దేశిత దరఖాస్తు ఫీజు చెల్లించి సదరు ట్రాన్సాక్షన్ ఐడీ ద్వారా ఆన్‌లైన్ దరఖాస్తు పూర్తి చేయాలి.
  
 ఒక్కో క్యాంపస్‌లో వెయ్యి సీట్లు
 తెలంగాణలోని బాసర క్యాంపస్, ఆంధ్రప్రదేశ్‌లోని ఆర్‌కే వ్యాలీ, నూజివీడులలో ఒక్కో క్యాంపస్‌లో వెయ్యి సీట్లు చొప్పున మూడు వేల సీట్లు అందుబాటులో ఉన్నాయి. తెలంగాణలోని బాసర క్యాంపస్‌లోని సీట్లలో 85 శాతం తెలంగాణ విద్యార్థులకు, మిగతా 15శాతం అన్ రిజర్వుడ్ సీట్లను తెలంగాణ, ఆంధ్రప్రదేశ్  విద్యార్థులకు కేటాయిస్తారు. అలాగే ఏపీలోని ఆర్‌కే వ్యాలీ, నూజివీడు క్యాంపస్‌లలోని సీట్లలో 85 శాతం ఆంధ్రప్రదేశ్ విద్యార్థులకు, మిగతా 15శాతం అన్ రిజర్వుడ్ సీట్లను తెలంగాణ, ఆంధ్రప్రదేశ్  విద్యార్థులకు కేటాయిస్తారు. అంతేకాకుండా తెలంగాణ, ఆంధ్రప్రదేశ్ రాష్ట్రేతర విద్యార్థులకు, అంతర్జాతీయ విద్యార్థులకు, గల్ఫ్ దేశాలలో పనిచేస్తున్న భారతీయుల పిల్లలకు అదనపు సీట్లు ఉన్నాయి.
  
 ప్రతిభే కొలమానం
 ఆర్‌జీయూకేటీ క్యాంపస్‌లలో ప్రవేశం పూర్తిగా విద్యార్థుల పదోతరగతి ప్రతిభ ఆధారంగానే లభిస్తుంది. పదోతరగతిలో పొందిన గ్రేడ్ పాయింట్ యావరేజ్(జీపీఏ),  పదో తరగతి ప్రతి సబ్జెక్ట్‌లో పొందిన గ్రేడ్ ప్రతిభ ఆధారంగా రూల్ ఆఫ్ రిజర్వేషన్‌ను అనుసరించి అడ్మిషన్ కల్పిస్తారు. గురుకుల పాఠశాలలు మినహా జిల్లా పరిషత్, మున్సిపల్, ఇతర ప్రభుత్వ పాఠశాలల్లో చదివిన విద్యార్థులకు వారు పొందిన జీపీఏకు అదనంగా 0.4 డిప్రైవేషన్ స్కోర్‌ను కలుపుతారు. ఆర్థికంగా, సామాజికంగా వెనుకబడిన.. ప్రభుత్వ పాఠశాలల్లో చదువుతున్న వారిని ప్రోత్సహించాలనే ఉద్దేశంతో ఈ డిప్రైవేషన్ స్కోర్ విధానం అప్పటి ప్రభుత్వం ప్రవేశ పెట్టింది.
  
 ఫీజు
 బీటెక్ ప్రోగ్రామ్‌లో ప్రవేశం పొందిన విద్యార్థులు ప్రతి ఏటా రూ. 37 వేలు చెల్లించాల్సి ఉంటుంది. కుటుంబ వార్షికాదాయం రూ.లక్షలోపు ఉన్న రిజర్వ్‌డ్ కేటగిరీ విద్యార్థులు; రూ. రెండు లక్షలలోపు ఉన్న ఇతర వెనుకబడిన వర్గాల విద్యార్థులు ఫీజు రీయింబర్స్‌మెంట్ పథకం ప్రకారం ఫీజు చెల్లింపు నుంచి పూర్తి మినహాయింపు పొందొచ్చు. ఫీజు రీయింబర్స్‌మెంట్ పరిధిలోకి రాని.. ఫీజు చెల్లించలేని విద్యార్థులకు బ్యాంకులతో ఒప్పందం ద్వారా రుణ మంజూరు సదుపాయం అందించే ప్రయత్నం కూడా జరుగుతోంది.
  
 బోధన, కరిక్యులంలో నిరంతరం కొత్త మార్పులు శ్రీకారం చుడుతూ నిత్యనూతన విధానాలు అమలు చేస్తున్నాం. మొత్తం ఆరేళ్ల ఇంటిగ్రేటెడ్ డిగ్రీ కోర్సులో బీటెక్ సమయంలో ఇంటర్న్‌షిప్స్, ఇండస్ట్రియల్ విజిట్స్ వంటి కార్యకలాపాలు చేపడుతూ విద్యార్థులకు జాబ్ రెడీ స్కిల్స్ అందించే విధంగా శిక్షణ ఇస్తున్నాం.
 - ప్రొఫెసర్ పి.విజయ ప్రకాశ్, ఇంఛార్జ్ వీసీ, ఆర్‌జీయూకేటీ(ఏపీ), ఏపీ ఉన్నత విద్యా మండలి వైస్ చైర్మన్
  
  
 ప్రవేశాలు, విధానాల పరంగా ఎలాంటి మార్పులు లేవు. అంతా గతేడాది మాదిరిగానే ఉంటుంది. విద్యార్థులు అవసరమైన పత్రాలతో సిద్ధంగా ఉంటే ఆన్‌లైన్ అప్లికేషన్ సమయంలో ఇబ్బందులు ఉండవు.
 - ప్రొఫెసర్. ఎస్. సత్యనారాయణ రెడ్డి, ఇంఛార్జ్ వీసీ, ఆర్‌జీయూకేటీ బాసర
  
 ఇంటిగ్రేటెడ్ బీటెక్ కోర్సు స్వరూపం
 ఆర్‌జీయూకేటీ క్యాంపస్‌లలో ఇంటిగ్రేటెడ్ కోర్సు వ్యవధి ఆరేళ్లు. ఇందులో తొలి రెండేళ్లు పీయూసీ(ఇంటర్మీడియెట్)గా పరిగణిస్తారు. విద్యార్థులకు ఎంపీసీ, బైపీసీ గ్రూప్ సబ్జెక్ట్‌లు అందుబాటులో ఉంటాయి.  తొలి రెండేళ్ల పీయూసీ కాలాన్ని విజయవంతంగా పూర్తి చేసుకుంటే.. మూడో ఏడాది నుంచి బీటెక్ ప్రోగ్రాం ప్రారంభమవుతుంది. విద్యార్థులు  ఈసీఈ, కెమికల్, మెకానికల్, సివిల్, సీఎస్‌ఈ, మెటీరియల్ సైన్ అండ్ మెటలర్జికల్‌లలో తమకు ఆసక్తి ఉన్న  బ్రాంచ్‌ను ఎంపిక చేసుకోవచ్చు.


 10క్లాస్ స్పెషల్
 పదో తరగతి తర్వాత వృత్తి నైపుణ్యాలతోపాటు సత్వర ఉపాధి అందించగలిగే కోర్సు ఇండస్ట్రియల్ ట్రైనింగ్ ఇన్‌స్టిట్యూట్ (ఐటీఐ). ఈ కోర్సుల్లో రెండేళ్ల శిక్షణతో జాబ్ మార్కెట్‌కు అవసరమైన స్కిల్స్ సొంతమవుతారుు. ఈ నేపథ్యంలో ఐటీఐ కోర్సులపై ఫోకస్..
  
 మన దేశంలో వచ్చే దశాబ్దంలో అదనంగా 80 లక్షల మంది ఉద్యోగ వేటలో ఉంటారని అంచనా.  అయితే వృత్తి నైపుణ్యాలు తక్కువగా ఉంటే ఉద్యోగం దొరకడం కష్టం. స్కిల్స్ లేని మానవ వనరులకు డిమాండ్ తక్కువ ఉంటుందని నిపుణులు అంటున్నారు. ఇలాంటి పరిస్థితుల్లో తాజాగా విభిన్న నైపుణ్యాల్లో శిక్షణ ఇచ్చే అంశంపై ఐటీఐలు దృష్టి సారించాయి. కొద్దికాలంగా ఐటీఐ కోర్సుల పట్ల విద్యార్థులు మొగ్గుచూపుతున్నారు. కారణం కోర్సు పూర్తయిన వెంటనే ఉపాధి లభించడమే. జాబ్ లభించకుంటే సొంతంగా ఉపాధి పొందే వీలుంది. పదో తరగతి మార్కుల ఆధారంగా ఈ కోర్సుల్లో ప్రవేశం పొందొచ్చు.
  
 ఐటీఐ ఇంజనీరింగ్, నాన్ ఇంజనీరింగ్ ట్రేడ్స్
  ఫిట్టర్, టర్నర్, మెషినిస్ట్, ఎలక్ట్రీషియన్, రేడియో- టెలివిజన్, డ్రాఫ్ట్స్‌మెన్ మెకానికల్, డ్రాఫ్ట్స్‌మెన్ సివిల్, రిఫ్రిజరేషన్ - ఎరుుర్ కండీషనింగ్, వైర్‌మెన్, మెకానిక్ మోటార్ వెహికల్, ఎలక్ట్రానిక్ మెకానిక్, ఎలక్ట్రోప్లాటర్, ఇన్‌స్ట్ట్రుమెంట్ మెకానిక్, అటెండెంట్ ఆపరేటర్, ల్యాబ్ అసిస్టెంట్, పెయింటర్, డీజిల్ మెకానిక్, ప్లంబర్, వెల్డర్, కార్పెంటర్, ప్లాస్టిక్ ప్రాసెసింగ్ ఆపరేటర్, కంప్యూటర్ ఆపరేటర్ అండ్ ప్రోగ్రామ్ అసిస్టెంట్, ఫోర్జర్ అండ్ హీట్‌ట్రీటర్, మాసన్ (బిల్డింగ్ కనస్ట్రక్షన్) ఇంజనీరింగ్ ట్రేడ్‌‌సలో ఉన్నాయి.
 
 వీటిని రెండు తెలుగు రాష్ట్రాల్లో అనేక ప్రభుత్వ, ప్రైవేటు కళాశాలలు అందిస్తున్నాయి. నాన్ ఇంజనీరింగ్ ట్రేడ్‌‌సలో.. స్టెనోగ్రఫీ, సెక్రెటేరియల్ ప్రాక్టీస్, డ్రెస్‌మేకింగ్, కట్టింగ్ అండ్ టైలరింగ్, బుక్ బైండింగ్, హ్యాండ్ కంపోజర్, కార్పెట్ వేవింగ్ వంటి కోర్సులున్నాయి. ఇప్పుడు జాబ్ మార్కెట్ అవసరాలకనుగుణంగా అనేక కొత్త కోర్సులకు ఐటీఐలు రూపకల్పన చేస్తున్నాయి.
  
 సెంటర్స్ ఆఫ్ ఎక్స్‌లెన్స్
 ఐటీఐలను సెంటర్స్ ఆఫ్ ఎక్స్‌లెన్స్(సీఓఈ)లుగా రూపొందించాలనే ఉద్దేశంతో కేంద్ర ప్రభుత్వం 2005లో ఈ కార్యక్రమానికి శ్రీకారం చుట్టింది. దేశవ్యాప్తంగా 500 ఐటీఐలను సీఓఈలుగా మార్చడం ఈ పథకం ప్రధాన లక్ష్యం. ఇందుకోసం పరిశ్రమలకు అవసరమైన విభిన్న నైపుణ్యాలతో 21 కోర్సులను రూపొందించారు.  సంప్రదాయ కోర్సులకు భిన్నంగా వీటిలో శిక్షణ ఉంటుంది.
  
 ఉద్యోగావకాశాలెన్నో..
 ఆర్టీసీ, ఇండియన్ రైల్వేస్, వివిధ పారిశ్రామిక సంస్థల్లో ఆయా విభాగాల్లో ఉద్యోగాలుంటాయి. ప్రారంభంలో నెలకు రూ.10 వేల నుంచి రూ.15 వేల వరకు అందుకోవచ్చు.


 అరగంటలోనే ప్రశ్నలు రాసి బయటకు ప్రైవేటు పాఠశాలతో ఇన్విజిలేటర్లు కుమ్మకు?
 
  సుల్తానాబాద్: కరీంనగర్ జిల్లా సుల్తానాబాద్ ప్రభుత్వ జూనియర్ కాలేజీలో శుక్రవారం పదో తరగతి జీవశాస్త్రం పేపర్ లీక్ అయ్యింది. ఈ కేంద్రంలో పరీక్ష ప్రారంభమైన అరగంటలోనే తెల్లకాగితంపై ప్రశ్నలు రాసి బయటకు పంపించారు. ఈ కేంద్రంలోని ఇన్విజిలేటర్లు ప్రైవేటు పాఠశాలల యాజమాన్యాలతో కుమ్మక్కై ప్రశ్నలు బయటకు పంపినట్లు తెలుస్తోంది.
 
 అంతేకాకుండా ఓ పేరున్న ప్రైవేటు పాఠశాల ఉపాధ్యాయులు ఈ కేంద్రం వద్ద తచ్చాడుతూ ఇన్విజిలేటర్ల సహాయంతో విద్యార్థులకు ఆబ్జెక్టివ్ ప్రశ్నలకు సమాధానాలు చేరవేస్తున్నట్లు మరో పాఠశాల యాజమాన్యం గమనించింది. శుక్రవారం తెల్లకాగితంపై రాసి ప్రశ్నలు బయటకు రాగానే మీడియాకు, అధికారులకు సమాచారం అందించారు. వెంటనే తహశీల్దార్ రజిత, సీఐ తులాశ్రీనివాస్‌రావు,  ఎంఈవో నర్సింగం వచ్చి పరిశీలించారు. పేపర్ లీక్‌కు కారణమైన వ్యక్తులను పోలీసులు అదుపులోకి తీసుకుని విచారణ చేస్తున్నట్లు సమాచారం.


 అందరికీ బెంచీలు, బల్లలు నేలబారు పరీక్షలుండవ్
 అందుబాటులో మినరల్ వాటర్
 కాపీయింగ్ నిరోధానికి సీసీ, వెబ్ కె మెరాలు
 ‘సాక్షి’తో డీఈవో కృష్ణారెడ్డి
  
 విశాఖపట్నం: విద్యార్థి జీవితంలో తొలిమెట్టుగా భావించే పదో తరగతి పరీక్షలు మరో నాలుగు రోజుల్లో ప్రారంభం కానున్నాయి. వీటి ఏర్పాట్లలో అధికారులు తలమునకలయ్యారు. ఇప్పటికే విద్యార్థులకు హాల్‌టికెట్లు జారీ అయ్యాయి. జిల్లాలో నాలుగో వంతు పరీక్షా కేంద్రాల్లో ఫర్నిచర్ లేదు. మరికొన్ని కేంద్రాల్లో కనీస సదుపాయాల కొరత ఉంది.. ఏజెన్సీతో పాటు మరికొన్ని సెంటర్లలో కాపీయింగ్ బెడద కూడా ఉంది. ఈ ఏడాది జిల్లాలో 62 వేల మందికి పైగా టెన్త్ పరీక్షలకు సన్నద్ధమవుతున్నారు. ఈ నేపథ్యంలో టెన్త్ పరీక్షల ఏర్పాట్లు, సమస్యాత్మక కేంద్రాలు, ఫర్నిచర్ కొరత, సౌకర్యాల కల్పన, కాపీయింగ్ నిరోధానికి తీసుకుంటున్న చర్యలు తదితర అంశాలపై జిల్లా విద్యాశాఖాధికారి ఎం.వి.కృష్ణారెడ్డి బుధవారం ‘సాక్షి’తో మాట్లాడారు. ఆ వివరాలివి.. జిల్లావ్యాప్తంగా ఈ సంవత్సరం 62,568 మంది  పదో తరగతి పరీక్షలు రాయనున్నారు. వీరిలో 5812 మంది ప్రైవేటు విద్యార్థులున్నారు. మొత్తం 268 కేంద్రాల కు గాను అర్బన్‌లో 136, రూరల్‌లో 97, ఏజెన్సీలో 35  ఉన్నాయి. ఈ ఏడాది ఒక్కరు కూడా నేలపై కూర్చుని  రాయడానికి వీల్లేకుండా చర్యలు తీసుకుంటున్నాం. తొలుత 70 కేంద్రాల్లో పాక్షికంగా, 13 సెంటర్లలో పూర్తిగా ఫర్నిచర్ కొరత ఉంది. వీటిలో ఏజెన్సీలోని కేంద్రాలే అధికం. ఆరు వేల మంది విద్యార్థులకు మూడు వేల బెంచీలు అవసరం ఉంది. దీంతో ఆయా కేంద్రాలకు కొత్తగా బెంచీలు, బల్లలను ప్రభుత్వం సమకూరుస్తోంది. ఇప్పటికే వెయ్యి బెంచీలు వచ్చాయి. మరో రెండు వేలు పరీక్షలు ప్రారంభమయ్యే 21వ తేదీకి ముందే వస్తాయి. ఇంకా ఎక్కడైనా అవసరమైతే అద్దెకు తెస్తాం. అందువల్ల ఈ ఏడాది ఎక్కడా నేలపై పరీక్షలు రాసే పరిస్థితి రాదు.  పరీక్షల నిర్వహణకు 3217 మందిని ఇన్విజిలేటర్లుగా నియమించాం
 
 మినరల్ వాటర్.. ఫస్ట్ ఎయిడ్..
 విద్యార్థుల ఆరోగ్యాన్ని దృష్టిలో ఉంచుకుని అన్ని పరీక్షా కేంద్రాల వద్ద ఈ ఏడాది మినరల్ వాటర్‌ను ఏర్పాటు చేశాం. వైద్య ఆరోగ్యశాఖ సిబ్బందితో ప్రాథమిక చికిత్సను అందుబాటులో ఉంచుతున్నాం. మరుగుదొడ్ల నిర్వహణపై కూడా ప్రత్యేక శ్రద్ధ తీసుకుంటున్నాం. అన్ని కేంద్రాల్లోనూ విద్యుత్ సరఫరాతో పాటు లైట్లు ఉండేలా చర్యలు చేపట్టాం.
  
 11 సమస్యాత్మక కేంద్రాలు
 జిల్లా వ్యాప్తంగా 11 సమస్యాత్మక పరీక్షా కేంద్రాలను గుర్తించాం. వీటిలో ప్రభుత్వ హైస్కూలు- అరకువేలీ, బాలికల ప్రభుత్వ హైస్కూలు-శ్రీకృష్ణాపురం (పాడేరు), జెడ్పీ హైస్కూలు-చింతపల్లి, మున్సిపల్ గరల్స్ హైస్కూలు-అనకాపల్లి, బాలికల జెడ్పీ హైస్కూలు-చోడవరం, అయ్యన్న జూనియర్ కాలేజీ-కె. కోటపాడు, జెడ్పీ హైస్కూలు- వి.మాడుగుల, ప్రభుత్వ ఉన్నత పాఠశాల-నర్సీపట్నం, జ్ఞాననికేతన్ స్కూల్ (అక్కయ్యపాలెం-విశాఖ) ఉన్నాయి.  అన్ని పరీక్షా కేంద్రాల వద్ద 144 సెక్షన్ అమలులో ఉంటుంది
  
 సీసీ, వెబ్ కె మెరాలు
  సమస్యాత్మక పరీక్షా కేంద్రాల్లో కాపీయింగ్ జరగకుండా పటిష్ట చర్యలు తీసుకుంటుం.  చింతపల్లి, పాడేరు, అనకాపల్లి, చోడవరం, కె.కోటపాడు, అరకువేలీ కేంద్రాల్లో సీసీ కెమెరాలు, మిగిలిన సెంటర్లలో వెబ్ కెమెరాలు ఏర్పాటు చేస్తున్నాం. జిల్లావ్యాప్తంగా 13 ఫ్లయింగ్, ఐదు సిటింగ్ స్క్వాడ్లను, ఏజెన్సీలో ఇద్దరు స్ట్రయికింగ్ ఫోర్సులను నియమించాం. వీరితో పాటు ఆయా మండలాల తహసీల్దార్లు కూడా పరీక్షా కేంద్రాలను సందర్శిస్తారు.
 
 హాల్‌టిక్కెట్లు రాకపోతే..
  ఇప్పటికే అన్ని సెంటర్లకు హాల్‌టిక్కెట్లను పంపించాం. ఎవరికైనా అందని పక్షంలో ఠీఠీఠీ.ఛట్ఛ్చఞ.ౌటజ  వెబ్‌సైట్ నుంచి డౌన్‌లోడ్ చేసుకోవచ్చు. వీటిని సంబంధిత స్కూల్ హెడ్మాస్టర్‌తో ధ్రువీకరించుకుంటే పరీక్షకు అనుమతిస్తారు. ఉదయం 9.30 నుంచి 12 గంటల వరకు పరీక్ష జరుగుతుంది. పరీక్ష సమయానికి 45 నిమిషాల ముందే చేరుకునేలా విద్యార్థులు, తల్లిదండ్రులు సన్నద్ధం కావాలి. ఆయా పరీక్షా కేంద్రాలకు ఆర్టీసీ బస్సులు నడుపుతారు/ గంట ముందుగానే బస్సులు అందుబాటులో ఉంటాయి. పరీక్ష కేంద్రాలు సులువుగా తెలుసుకునేందుకు ఈ ఏడాది కోడ్ నంబర్లతో సహా ఫ్లెక్సీలను ఏర్పాటు చేశారు. విద్యార్థుల వెంట సెల్‌ఫోన్లను అనుమతించబోరు.
  
 శతశాతం ఉత్తీర్ణతకు కృషి
  గత ఏడాది 91.76 శాతం ఉత్తీర్ణత సాధించామని డీఈవో కృష్ణారెడ్డి తెలిపారు. ఈ ఏడాది శతశాతం ఫలితాల సాధనకు కృషి చేస్తున్నామని చెప్పారు.
  
  


 ♦ టెన్త్‌లో వంద శాతం ఉత్తీర్ణతపై అనుమానాలు
 ♦ విద్యాశాఖలో భారీగా ఖాళీలు
 ♦ 46 ఎంఈఓ పోస్టులకు 43 మంది ఇన్‌చార్జీలే..
 ♦ డిప్యూటీ ఈఓ పోస్టులన్నీ ఖాళీనే
 ♦ కన్పించని మ్యాథ్స్,సైన్స్ టీచర్లు
 ♦ 1,371 మంది ఉపాధ్యాయుల కొరత
 ♦ {పత్యేక తరగతులు నిర్వహించినా ఫలితం డౌటే?
  
  పదోతరగతిలో వందకు వంద శాతం ఉత్తీర్ణత సాధించాలని అధికారులు లక్ష్యం పెట్టుకున్నారు. లక్ష్యం సరే కానీ అందుకు అవసరమైన వనరులు లేకుండా ఎలా సాధ్యమని విద్యావేత్తలు ప్రశ్నిస్తున్నారు. విద్యా శాఖలో భారీగా ఖాళీలు ఉన్నాయని, వాటిని భర్తీ చేయకుండా వందశాతం ఉత్తీర్ణత ఎలా  సాధ్యమో అధికారులకే తెలియాలి. సబ్జెక్టు టీచర్లు లేకుండానే సర్కార్ స్కూళ్లను నెట్టుకొస్తున్నారని, పర్యవేక్షించే అధికారులు లేకుండా విద్యా శాఖ మొక్కుబడిగా సాగుతోందని ఈ దశలో టెన్త్‌లో టార్గెట్ ఎలా సాధిస్తారన్న ప్రశ్నలు ఉత్పన్నమవుతున్నాయి. - సంగారెడ్డి మున్సిపాలిటీ.
  
  జిల్లాలో 46 ఎంఈఓ పోస్టులకు గాను 43 మంది ఎంఈఓలు ఇన్‌చార్జీలే. జిల్లాలోని నలుగురు డిప్యూటీ ఈఓలకు గాను అంతా ఇన్‌చార్జిలే కావడం గమనార్హం. ముఖ్యంగా సీఎం జిల్లా కావడంతో పదోతరగతి వార్షిక పరీక్షల్లో రాష్ట్రంలోనే జిల్లాను ప్రథమ స్థానం లో నిలిపేందుకు జిల్లా యంత్రాంగం చర్యలు చేపట్టింది. విద్యార్థులకు ప్రత్యేక తరగతులతోపాటు ఉపాధ్యాయులకు సైతం బోధన అంశాలపై శిక్షణ కార్యక్రమాలు నిర్వహించారు. వాస్తవంగా జిల్లాలోని 26 మోడల్ స్కూళ్లతోపాటు 43 కేజీబీవీలు, 28 గురుకుల, 4 ఎయిడెడ్, 475 జెడ్పీహెచ్‌ఎస్‌లు, 25 హైస్కూళ్లు ఉన్నాయి. ఇందులో 27,629 మంది విద్యార్థులు టెన్త్ పరీక్షలకు హాజరుకానున్నారు.
 
  హెచ్‌ఎంలే డిప్యూటీ ఈఓలు..
  జిల్లాలో ఉపాధ్యాయుల కొరత తీవ్రంగా ఉంది. చాలా పాఠశాలల్లో ఇంగ్లిష్, మ్యాథ్స్, సైన్స్ సబ్జెక్టులు బోధించే వారు లేరు. ఎంఈఓ పోస్టులు ఖాళీగా ఉండటంతో పర్యవేక్షణ కరువైంది. డిప్యూటీ ఈఓ పోస్టులు సైతం ఖాళీగా ఉన్నందున సీనియర్ హెచ్‌ఎంలే ఇన్‌చార్జి డిప్యూటీ ఈఓలుగా కొనసాగుతున్నారు.
 
  గాడితప్పుతోన్న బడులు...
  అధికారులుగా హెచ్‌ఎంలే కొనసాగుతోండడంతో వారు ఉపాధ్యాయుల పట్ల కఠినంగా వ్యవహరించలేకపోతున్నారు. పాఠశాలలు సక్రమంగా నడవకపోయినా చర్యలకు ఉపక్రమించలేకపోతున్నారు. ఫలితంగా పాఠశాలలు గాడి తప్పుతున్నాయి. అనుభవజ్ఞులైన టీచర్లు లేకపోవడంతో బోధన సక్రమంగా సాగడం లేదు. గత రెండేళ్లలో పదోతరగతి ఫలితాలను పరిశీలిస్తే ప్రతి పాఠశాలలో ఫెయిల్ అయిన విద్యార్థులున్నారంటే అక్కడ సంబంధిత సబ్జెక్టు టీచర్లు లేని లోటు స్పష్టంగా కన్పిస్తోంది.
 
  ఇప్పటికైనా స్పందిస్తే..
  వార్షిక పరీక్షలు దగ్గర పడుతున్నందున ఇప్పటికైనా ప్రభుత్వం చర్యలు చేపడితే మెరుగైన ఫలితాలు సాధించే అవకాశం ఉందని విద్యా వేత్తలు సూచిస్తున్నారు. తాత్కాలికంగా ఉపాధ్యాయులను నియమించి ప్రత్యేక బోధన తరగతులు నిర్వహిస్తే కొంతలో కొంతైనా పరిస్థితిలో మార్పు వస్తుందని వారు భావిస్తున్నారు.
  
  వంద శాతం ఉత్తీర్ణత సాధిస్తాం...
 పదోతరగతి వార్షిక పరీక్షల్లో వంద శాతం ఉత్తీర్ణత సాధిస్తాం. జిల్లా ఖ్యాతిని నిలుపుతాం. వంద శాతం ఫలితాలు సాధించేందుకు  ఇప్పటికే కలెక్టర్ ప్రత్యేక చర్యలు తీసుకున్నారు. అందులో భాగంగానే విద్యార్థులకు రోజూ ఉదయం, సాయంత్రం ప్రత్యేక తరగతులు నిర్వహిస్తున్నాం. - నజీమొద్దీన్, డీఈఓ సంగారెడ్డి
 
  విద్యార్థుల కోసం తప్పదు...
  మెరుగైన ఫలితాల కోసం విద్యార్థులకు ప్రత్యేక తరగతులు నిర్వహిస్తున్నాం. ఆ మాత్రం శ్రమించక తప్పదు. జిల్లాలో మా పాఠశాల విద్యార్థులను జిల్లా, మండల స్థాయి టాపర్లుగా నిలపాలన్నదే మా లక్ష్యం. మెరుగైన ఫలితాలు వస్తే  గ్రామానికి, ఉపాధ్యాయులకు కూడా పేరొస్తుంది. సమష్టి కృషితో ముందుకు సాగుతున్నాం.     - సుందరరావు, ఉపాధ్యాయుడు, జెడ్పీహెచ్‌ఎస్ మారెపల్లి
  
 మంచి మార్కులు సాధిస్తాం...
 ఉదయం, సాయంత్రం వేళల్లో ప్రత్యేక తరగతులు నిర్వహిస్తున్నారు. పాఠ్యాంశాలను ఒకటికి రెండు సార్లు అర్థమయ్యే రీతిలో చెబుతున్నారు.  ఈ తరగతులు మాకెంతో ఉపయోగపడుతున్నాయి. వెనుకబడిన విద్యార్థుల పట్ల ప్రత్యేక శ్రద్ధ చూపుతున్నారు. ఈసారి మా పాఠశాలకు జిల్లా స్థాయిలోనే మంచి గుర్తింపును తీసుకొస్తాం.     - రవళిక, విద్యార్థిని, జెడ్పీహెచ్‌ఎస్ మారెపల్లి
  


 ఏలూరు సిటీ :పదో తరగతి, ఇంటర్మీడియట్ విద్యార్థులకు ఁపరీక్షా*కాలం మొదలైంది. పరీక్షలు సమీపిస్తుండడంతో ఉత్తమ ఫలితాలు సాధనకు విద్యాశాఖ, ఇంటర్మీడియట్ విద్యా మండలి అధికారులు ప్రత్యేక దృష్టి సారించగా పిల్లలు ఇప్పటి నుంచే పుస్తకాలతో కుస్తీపడుతున్నారు. జిల్లాలో సుమారు 1,20,529 మంది టెన్‌‌త, ఇంటర్ విద్యార్థులు పరీక్షలు రాసేందుకు దరఖాస్తు చేసుకున్నారు. 2016 జనవరి 1 నుంచి టెన్త్ పబ్లిక్ పరీక్షలకు 80 రోజులు సమయం ఉంటే, ఇంటర్‌కు అతితక్కువ సమయం ఉంది. ఫిబ్రవరి 4 నుంచి ప్రాక్టికల్స్, మార్చి 2 నుంచి పబ్లిక్ పరీక్షలు నిర్వహిస్తారు. దీంతో ప్రభుత్వ, కార్పొరేట్ జూనియర్ కళాశాలలు పరీక్షలకు విద్యార్థులను సన్నద్ధం చేస్తున్నాయి. గత విద్యా సంవత్సరంలో టెన్త్, ఇంటర్ ఫలితాల్లో పశ్చిమ విద్య కుసుమాలు వికసించటంతో ఈ సారి అత్యుత్తమ ఫలితాలు సాధించి రాష్ట్రంలోనే సత్తా చాటాలని విద్యాధికారులు గట్టి ప్రణాళికలు రూపొందించారు.
  
  పదిలో ఒకటికి ప్రయత్నం
  పదో తరగతి పబ్లిక్ పరీక్షల్లో జిల్లాను అగ్రస్థానంలో నిలిపేందుకు జిల్లా విద్యాశాఖ చర్యలు చేపట్టింది. గత విద్యా సంవత్సరంలో 52160మంది టెన్త్ పబ్లిక్ పరీక్షలు రాయగా 95.15 శాతం ఉత్తీర్ణతతో రాష్ట్రంలో పశ్చిమ 3వ స్థానంలో నిలిచింది. ఈ ఏడాది పబ్లిక్ పరీక్షలకు జిల్లాలో 51009 మంది విద్యార్థులు దరఖాస్తు చేసుకున్నారు. వీరిలో రెగ్యులర్ విద్యార్థులు 49262 మంది, 1747 మంది ప్రైవేటు విద్యార్థులు ఉన్నారు. బాలురు 24465 మంది, బాలికలు 24797 మంది రెగ్యులర్‌లో, ప్రైవేటు అభ్యర్థులుగా 1109 మంది బాలురు, 638 మంది బాలికలు పరీక్షలకు సిద్ధమవుతున్నారు. ఇక ఇంటర్‌లోనూ ఉత్తమ ఫలితాల సాధనకు ఇంటర్ విద్య అధికారులు ప్రత్యేక చర్యలు చేపట్టారు.
  
  ఇంటర్ ఫలితాల్లో జిల్లా గత ఏడాది 4వ స్థానంలో నిలిచింది. ఈ ఏడాది ఇంటర్ పరీక్షలకు 69520 మంది హాజరుకానున్నారు. ప్రథమ సంవత్సరం 35910 మంది, ద్వితీయ సంవత్సరం 33610 మంది విద్యార్థులు పరీక్షలు రాస్తారు.
  
  గత ఏడాది 103 పరీక్షా కేంద్రాల్లో పరీక్షలు నిర్వహించగా, ఈసారి
  107 కేంద్రాల్లో పరీక్షలు జరుగుతాయని తెలుస్తోంది.
  
  విజయానికి పక్కా ప్లాన్
  టెన్త్‌లో అత్యుత్తమ ఉత్తీర్ణత సాధించేందుకు పక్కా ప్లాన్ అమలు చేస్తున్నాం. అష్టాంగ మార్గాలు, బడిలో బస, విద్యార్థులను దత్తత తీసుకుని వారిని పాస్ అయ్యేలా ప్రత్యేక శిక్షణ ఇవ్వటం వంటి ఏర్పాట్లు చేశాం. పశ్చిమ ఆణి ముత్యాలు, వజ్రాలు, బంగారాలు, ఆశాజ్యోతులుగా విభజించి శిక్షణ ఇస్తున్నాం. జిల్లాలో 8 వేల మంది ఆశాజ్యోతులు ఉన్నట్టు గుర్తించి వారిపై దృష్టి సారించాం. సబ్జెక్టులో వెనుకబడిన విద్యార్థుల కోసం సబ్జెక్టు నిపుణులతో కూడిన మార్గదర్శక బృందాలు 48 ఏర్పాటు చేశాం. ఉదయం, సాయంత్రం గంటపాటు అదనపు తరగతులు నిర్వహించటం చేస్తున్నాం. జనవరి 2 నుంచి జిల్లాలో టెన్త్ విద్యార్థులకు  స్టడీ మెటీరియల్ పంపిణీ చేస్తాం.  
  - డి.మధుసూదనరావు, డీఈవో
  


 రంగారెడ్డి(వికారాబాద్): ఓ విద్యార్థిని అనుమానాస్పద స్థితిలో మృతి చెందింది. ఈ ఘటన రంగారెడ్డి జిల్లా వికారాబాద్ మండల కేంద్రంలో ఆదివారం ఉదయం చోటుచేసుకుంది. వివరాలు... మండల కేంద్రంలోని సంగం లక్ష్మీ బాయి గురుకుల పాఠశాలలో పదో తరగతి చదువుతున్న అనూష(15), హాస్టల్‌లో అనుమానాస్పద స్థితిలో మృతి చెందింది.
 ఈ విషయమై సమాచారం అందుకున్న పోలీసులు, జిల్లా ఉన్నతాధికారులు సంఘటనా స్థలానికి చేరుకుని విద్యార్థి మృతిపై ఆరా తీశారు. పోస్టు మార్టం రిపోర్టు, ఫోరిన్సిక్ నివేదిక అందిన తర్వాత అన్ని విషయాలు వెల్లడిస్తామన్నారు.


 అనంతపురం : చదువుకోవడం ఇష్టం లేక అనంతపురం జిల్లాలో ఆత్మహత్యయత్నానికి పాల్పడిన ముగ్గురు విద్యార్థుల్లో ఇద్దరు గురువారం తెల్లవారుజామున మృతిచెందారు. బెంగళూరులోని సెయింట్ జాన్స్ ఆస్పత్రిలో చికిత్స పొందుతూ రాజమునీశ్వర్ రెడ్డి, నాగేశ్వర్ లు చనిపోయారు. మరో విద్యార్ధి చంద్రశేఖర్ పరిస్థితి ఆందోళనకరంగా ఉన్నట్లు వైద్యులు తెలిపారు.
 యాడికి మండలం పుప్పాల యంగన్నపల్లికి చెందిన ముగ్గురు విద్యార్థులు బుధవారం విషపు గుళికలు తిని ఆత్మహత్యకు యత్నించారు. వీరు స్థానిక పాఠశాలలో పదో తరగతి చదువుతున్నారు. గత కొంతకాలంగా చదువు అంటే ఇష్టం లేదని, స్కూల్ కి వెళ్లమని కుటుండసభ్యులకు చెప్పేవారు. ఈ క్రమంలో బుధవారం ఉదయం స్కూల్ కు వెళ్లి అక్కడి నుంచి గ్రామ సమీపంలోని కొండ వద్దకు చేరుకుని అక్కడ విషపు గుళికలను కూల్ డ్రింక్ లో కలుపుకుని తాగారు.
 కొద్దిసేపటి తర్వాత స్థానికులు గమనించి పెద్దవడుగూరు ఆస్పత్రికి తరలించారు. ఆ తర్వాత మెరుగైన చికిత్స కోసం అనంతపురానికి తరలించారు. అయినా వారి పరిస్థితి విషమంగా ఉండటంతో బెంగళూరు లోని సెయింట్ జాన్స్ ఆస్పత్రికి తరలించి చికిత్స అందించారు. అక్కడ చికిత్స పొందుతూ గురువారం ఇద్దరు విద్యార్థులు మరణించారు.
 (యాడికి)


 యాడికి (అనంతపురం): రోజూ స్కూల్‌కు వెళ్లాల్సి వస్తుందని విషపు గుళికలు మింగి ముగ్గురు విద్యార్ధులు ఆత్మహత్యాయత్నం చేశారు. ఈ సంఘటన అనంతపురం జిల్లా యాడికి మండలం వెంగన్నపల్లి గ్రామ శివారులో ఉన్న కొండమీద బుధవారం చోటుచేసుకుంది. గ్రామానికి చెందిన చంద్రశేఖర్ రెడ్డి, రాజారెడ్డి, నాగేశ్వర్ రెడ్డి అనే ముగ్గురు విద్యార్థులు పదో తరగతి చదువుతున్నారు. ఈ క్రమంలో ప్రతిరోజూ పాఠశాలకు వెళ్లే ఇష్లం లేని ఆ ముగ్గురూ కలిసి విషపు గుళికలను పొడిగా చేసుకుని నీళ్లలో కలుపుకుని తాగారు. వారి పరిస్థితి విషమంగా ఉండటం గమనించిన స్థానికులు అనంతపురం ప్రభుత్వాసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.


 రంగారెడ్డి(శంషాబాద్): పదవ తరగతి ఫెయిలైన విద్యార్థులకు మండల కేంద్రంలోని శ్రీ విజ్ఞాన్ కళాశాల ఉచిత శిక్షణ తరగతులు నిర్వహించనున్నట్లు నిర్వాహకులు ఓ ప్రకటనలో వెల్లడించారు. జూన్ 3 తేదీ నుంచి గణితం, భౌతికశాస్త్రం సబ్జెక్టులకు సంబంధించి రాబోయే సప్లిమెంటరీ పరీక్షలకు శిక్షణ ఇవ్వనున్నట్లు కరస్పాండెంట్ సతీష్ వివరించారు. విద్యార్థులు ఈ అవకాశాన్ని సద్వినియోగం చేసుకోవాలని పేర్కొన్నారు. ఆసక్తిగల విద్యార్థులు ఫోన్: 9989021453 నంబర్‌లో సంప్రదించాలన్నారు.