టీఆర్‌ఎస్‌ ఆవిర్భవించే సమయంలో ప్రతికూల పరిస్థితులు ఉన్నప్పటికీ లక్ష్య శుద్ధితో విజయం సాధించాలని కేసీఆర్‌ పార్టీని స్థాపించారు. ఆనాడు తెలుగుదేశం, కాంగ్రెస్‌ రెండు బలమైన పార్టీలు, రెండు బలమైన సామాజిక వర్గాలు. వీరికి ధన బలంతో పాటు ప్రసార మాధ్యమాల తోడు ఉంది. ఒక్క అంశం అనుకూలంగా లేని, చుట్టూ గాఢాంధకారం అలుముకున్న ప్రతికూల పరిస్థితులలో తెలంగాణ రాష్ట్ర సమితి ఏర్పాటు సాహసోపేతం. ఈ సాహసం ఒక్క కేసీఆర్‌కే చెల్లు.విస్తృత చర్చలు– సంతృప్తికర వివరణలుతెలంగాణ రాష్ట్ర సమితి పార్టీ స్థాపనకు ఒక సంవత్సరం ముందు నుండే సన్నాహాలు, చర్చలు ప్రారంభమయ్యాయి. పార్టీ పేరు, జెండా, కండువా 2000 లోనే నిర్ణయమైనాయి. తెలుగుదేశం పార్టీ స్థాపించబడిన నాటి పరిస్థితుల సమీక్ష జరిగింది. కాంగ్రెస్‌పై ఉన్న వ్యతిరేకతను, తనపై ఉన్న అభిమానాన్ని ఓట్లుగా మల్చుకొని కేవలం 9 మాసాల కాలంలోనే ఎన్టీయార్‌ అధికారం చేపట్టిన విషయం ప్రస్తావనకొచ్చింది.పార్టీ పెట్టాలనుకునే విషయం తెలిసి తెలంగాణ రాష్ట్ర ఆకాంక్ష దీపాన్ని ఆరిపోకుండా అప్పటివరకు కాపాడుతున్న సంఘాలు... తెలంగాణ జన సభ, తెలంగాణ మహా సభ, తెలంగాణ ఐక్య వేదిక, తెలంగాణ ప్రజా సమితి, తెలంగాణ ప్రజా పార్టీ, తెలంగాణ స్టూడెంట్స్‌ యూనియన్, తెలంగాణ లాయర్స్‌ అసోసియేషన్, తెలంగాణ టీచర్స్‌ ఫెడరేషన్, తెలంగాణ స్టూడెంట్స్‌ ఫ్రంట్, తెలంగాణ స్టడీ ఫోరం, సెంటర్‌ ఫర్‌ తెలంగాణ స్టడీస్, తెలంగాణ డెవలప్మెంట్‌ ఫోరం, తెలంగాణ జన పరిషత్, తెలంగాణ యునైటెడ్‌ ఫ్రంట్, తెలంగాణ సాంస్కృతిక వేదిక, తెలంగాణ జన సంఘటనలకు చెందిన కొందరు వచ్చి చర్చించడం, తమ అభిప్రాయాలను వెలిబుచ్చడం జరిగింది. మరికొందరిని కేసీఆరే స్వయంగా ఆహ్వానించి చర్చించారు. తెలంగాణలోని ప్రముఖుల వివరాలను సేకరించి, సందర్భానుసారంగా వారితోనూ కేసీఆర్‌ చర్చలు జరిపారు. వారిలో దాశరథి రంగాచార్య, కాళోజీ నారాయణరావు, వైస్‌ ఛాన్స్‌లర్లు నవనీత రావు, ఆర్వీయార్‌ చంద్రశేఖర్‌ రావు, జయశంకర్, జస్టిస్‌ సీతారాం రెడ్డి, గౌరవ నిఖిలేశ్వర్, ‘ప్రెస్‌ అకాడమీ’ పొత్తూరి వెంకటేశ్వరరావు, జస్టిస్‌ భాస్కర్‌ రావు, ప్రొఫెసర్లు మధుసూదన్‌ రెడ్డి, పురుషోత్తం రెడ్డి, కోదండరాం రెడ్డి, సింహాద్రి, బియ్యాల జనార్ధన రావు, కంచె ఐలయ్య, కేశవరావు జాదవ్, జల సాధన సమితి దుశర్ల సత్యనారాయణ, సీనియర్‌ జర్నలిస్టు పాశం యాదగిరి, తెలంగాణ ఇన్ఫర్మేషన్‌ సెంటర్‌ ప్రభాకర్, ప్రజ్ఞా మ్యాగజైన్‌ కెప్టెన్‌ పాండురంగ రెడ్డి తదితరులున్నారు. వీరిలో చాలామందితో సంప్రదింపులు జరిపి, వారి సూచనలు స్వీకరించారు.తెలంగాణ మేధావులు, విద్యావంతులు, యువకులు, కవులు, కళాకారులతో చర్చలు సాగిస్తూనే, మరొవైపు తెలంగాణ రాష్ట్ర సాధన విషయంలో తన వద్దకు వచ్చేవారి సందేహాలన్నిటికీ సవివరమైన, సంతృప్తికరమైన వివరణ ఇచ్చి, అప్పటివరకు అపనమ్మకం ఉన్నవారిలో సంపూర్ణ విశ్వాసం పెంచేవారు. వివిధ పార్టీలలో పనిచేసే నాయకులు ఎవరికి వారుగా కేసీఆర్‌ను కలిసి, చర్చించి, అనుమానాలు నివృత్తి చేసుకున్న తర్వాత కలిసి పనిచేయడానికి సంసిద్ధత చెప్పేవారు. ఇటువంటి వారిలో కెప్టెన్‌ లక్ష్మీకాంతరావు, దేశిని చిన్న మల్లయ్య, నాయిని నర్సింహారెడ్డి లాంటి పెద్దలు ఉన్నారు. ఒకానొక సందర్భంలో లక్ష్మీకాంతరావు ‘తెలంగాణ రాష్ట్రం సాధ్యమేనా? ఎలా సాధ్యమవుతుంది?’ అని సంశయం వ్యక్తం చేయగా, కేసీఆర్‌ ఇచ్చిన సుదీర్ఘ వివరణ అనంతరం, ‘తెలంగాణ సిద్ధించిందనే భావన మీ జవాబుతో నాకు కలిగింది. ఇక నుండి ఎప్పుడు ఈ విషయంలో అనుమానం వ్యక్తం చేయను, వివరణ కోరను. తెలంగాణ సాకారం అయ్యేంత వరకు మీతోనే నా పయనం’ అని ఉద్విగ్నుడయ్యారు. స్టేట్‌ ఫైట్‌– స్ట్రీట్‌ ఫైట్‌ కాదు!వివిధ రాజకీయ పార్టీల నాయకుల, కార్యకర్తల తాకిడి రోజురోజుకు పెరుగుతూ రేయింబవళ్ళు చర్చోపచర్చలు సాగేవి. ఉదయం 11 గంటలకు ప్రారంభమయ్యే చర్చలు మధ్యరాత్రి వరకు జరిగేవి. కొన్ని సందర్భాల్లో తెల్లవారు వరకు ఈ చర్చలు జరిగేవి. ఒకరిద్దరు ఉన్నా, పది మంది ఉన్నా, వందలాది మందిలో ఉన్నా కేసీఆర్‌ నాలుగైదు గంటలు నిరాఘాటంగా తెలంగాణ ఉద్యమం సాగించే క్రమాన్ని సోదాహరణలతో సహా వివరించేవారు. వారు లేవనెత్తిన సంశయాలకు సంతృప్తికర సమాధానం ఇచ్చి, వచ్చిన వారిలో అత్యధికులను ఉద్యమ కార్యోన్ముఖులను చేసేవారు. ఒకట్రెండు సందర్భాల్లో ఉద్యమం ఆవేశభరితంగా, ఆందోళన పథంలో సాగాలని అభిప్రాయాన్ని కొందరు వ్యక్తం చేయగా... ఇది స్టేట్‌ ఫైట్, స్ట్రీట్‌ ఫైట్‌ కాదనీ; లక్ష్యం సాధించే వరకు సుదీర్ఘ పోరాటానికి సమాయత్తం కావాలనీ; పార్లమెంటరీ ప్రజాస్వామ్యంలో ప్రజలే నిర్ణేతలు కాబట్టి భావవ్యాప్తిని సాగించి, ప్రజలను సమీకరించి, శక్తిగా మలిచి, ఎన్నికల్లో గెలిచి, గాంధీజీ ప్రబోధించిన అహింసా మార్గంలోనే రాష్ట్రం సాధించాలనీ; ఒక ప్రాంతానికి న్యాయం జరగాలని చేసే ఈ ప్రయత్నంలో ఇంకొక ప్రాంతం వారికి ఇబ్బందులు కలిగించడం వాంఛనీయం కాదనీ; తాను శాంతియుత పంథాలో మాత్రమే పయనిస్తాననీ కరాఖండిగా చెప్పేవారు. ఈ విధానం నచ్చని కొందరు మళ్ళీ వచ్చేవారు కాదు. సంకీర్ణాల్లో ఒక్క ఓటైనా విలువే!2000వ సంవత్సరంలో తెరాస పార్టీని స్థాపించవలెననే చర్చలు సాగుతున్న తరుణంలో దేశ రాజకీయ చిత్రపటం అనుకూలంగా ఉందా లేదా అనే సమీక్ష కూడా జరిగింది. కారణం గతంలోని చేదు అనుభవం. అయితే 1969 – 71 నాటి రాజకీయ పరిస్థితులకు పూర్తి భిన్నమైన పరిస్థితులు అప్పుడు నెలకొన్నాయి. ఒకప్పుడు ఇందిరా గాంధీ భారీ మెజారిటీతో ఏక పార్టీ పాలన సాగింది. తదనంతరం కొన్ని దశాబ్దాలు తక్కువ మెజారిటీతో ఏక పార్టీ పాలన, అటుపిమ్మట సంకీర్ణ ప్రభుత్వాల కాలం సాగుతోంది. సంకీర్ణ యుగం రాష్ట్రం సాధించుకోవడానికి అనువైనదిగా తేలింది. 1999వ సంవత్సరంలో అటల్‌ బిహారీ వాజ్‌పేయి ప్రధానమంత్రిగా ఒక్క ఓటు తేడాతో విశ్వాస పరీక్షను కోల్పోయి ప్రధానమంత్రి పదవికి రాజీనామా చేశారు. లోక్‌సభలో ఒక సభ్యుడి ఓటు కూడా అత్యంత కీలకంగా మారిన ఈ పరిణామం ప్రస్తావనకు వచ్చింది. అంటే సంకీర్ణాల యుగంలో మూడు, నాలుగు లోక్‌సభ స్థానాలతో కూడా జాతీయ రాజకీయాల్లో ప్రభావవంతమైన పాత్ర పోషించవచ్చని తేలింది. 1971 లోక్‌సభ ఎన్నికల్లో ప్రజలు తెలంగాణ ప్రజా సమితిని 14 స్థానాల్లో పదింట గెలిపించారు. టీఆర్‌ఎస్‌ చిత్తశుద్ధి, నిబద్ధతతో ఉద్యమాన్ని నడిపి ప్రజా విశ్వాసాన్ని పొందగలిగితే, కచ్చితంగా లోక్‌సభకు చెప్పుకోదగిన సంఖ్యకు ప్రతినిధులను తెలంగాణ ప్రజలు తప్పక గెలిపిస్తారనే నమ్మకం కలిగింది. 10 మంది లోక్‌సభ సభ్యులున్నప్పటికీ 1971లో తెలంగాణ రాష్ట్రం సాధించబడక పోవడానికి బలమైన కారణం లోక్‌సభలో ఇందిరా గాంధీ నేతృత్వంలోని కాంగ్రెస్‌ పార్టీకి తిరుగులేని సంఖ్యా బలం ఉండటమే. నాడు అధికార బలంతో కాంగ్రెస్‌ తెలంగాణ ప్రజా సమితి సభ్యులను విలీనపర్చుకుంది. కానీ దానికి భిన్నంగా నేడు సంకీర్ణాలే శరణ్యం కాబట్టి పార్లమెంట్‌లో కనీస ప్రాతినిధ్యంతో ఒత్తిడి ద్వారా రాష్ట్రాన్ని సాధించవచ్చని నమ్మకం కుదిరింది. తెలంగాణ రాష్ట్రం సాధ్యమేనని సంపూర్ణ విశ్వాసం కలిగిన కేసీఆర్‌... శాసన సభ్యత్వానికి, డిప్యుటీ స్పీకర్‌ పదవికి రాజీనామా చేశారు. ప్రజలను ఆలోచింపజేసి, ఆశలు రేకెత్తించి విశ్వాస బీజాలు నాటారు. ఆచార్య కొండా లక్ష్మణ్‌ బాపూజీ సహకారంతో జలదృశ్యం కేంద్రంగా 2001 ఏప్రిల్‌ 27న పార్టీ జెండా ఎగురవేయబడింది. పదవీ త్యాగంతో పార్టీ స్థాపించారు, ప్రాణ త్యాగానికి సిద్ధమై తెలంగాణ రాష్ట్రం సాధించారు. వ్యాసకర్త బీఆర్‌ఎస్‌ వ్యవస్థాపక సభ్యులు, తెలంగాణ శాసన మండలిలో ప్రతిపక్ష నేతసిరికొండ మధుసూదనాచారి (బీఆర్‌ఎస్‌ పార్టీ రజతోత్సవాల సందర్భంగా)

హనుమకొండ జిల్లా: తెలంగాణ రాష్ట్ర వ్యాప్తంగా కాంగ్రెస్ పాలనపై వ్యతిరేకత వస్తుందన్నారు బీఆర్ఎస్ ఎమ్మెల్సీ మధుసూదనచారి. ఎన్నికల ముందు అధికారం కోసం 420 హామీలు ఇచ్చి, ఇప్పటివరకూ ఏ ఒక్క హానమీ నెరవేర్చలేనది మధుసూదనచారి ఆరోపించారు. హనుమకొండలోని బీఆర్ఎస్ పార్టీ కార్యాలయంలో కాంగ్రెస్ ఏడాది పాలనా వైఫల్యం పేరుతో బీఆర్ఎస్ కార్యకర్తలతో ఆత్మీయ సమావేశం జరిగింది. ఈ సమావేశంలో బీఆర్ఎస్ పార్టీ క్యాలెండర్, డైరీని ఎమ్మెల్సీ మధుసూదనచారి ఆవిష్కరించారు. ఈ సందర్బంగా మధుసూదనచారి మాట్లాడుతూ.. ‘కడియం శ్రీహరి తన స్వార్థ రాజకీయాల కోసం పార్టీ మారాడు. పార్టీ మారిన ఎమ్మెల్యే లతో రాజీనామా చేయించి పోటీలో నిలబెట్టు. బీఆర్ఎస్ కార్యకర్తల ఉద్యమంతో కాంగ్రెస్ ప్రభుత్వంపై ఒత్తిడి తీసుకువచ్చాం. పూర్తి స్థాయిలో కులగణ చేసిన తర్వాతనే స్థానిక సంస్థల ఎన్నికలకు వెళ్లాలి. BRSసాధించిన తెలంగాణను బంగారు తెలంగాణగా తీర్చిదిద్దిన మహనీయుడు కేసీఆర్. నూటికి నూరు శాతం బీఆర్ఎస్ కార్యకర్తలకు అండగా ఉంటాం. ఎక్కడికి వెళ్తే రేవంత్రెడ్డి పబ్బం గడుస్తదో అక్కడికి వెళతాడు’ అని విమర్శించారు మధుసూదనచారి.

గణపురం: మంత్రి కేటీఆర్‌ గణపురం మండల పర్యటనలో మాజీ స్పీకర్, ఎమ్మెల్సీ సిరికొండ మధుసుదనాచారికి చేదు అనుభవం ఎదురైంది. కేటీఆర్‌కు స్వాగతం పలికేందుకు మండల కేంద్రంలో ఏర్పాటు చేసిన హెలిప్యాడ్‌ వద్దకు వెళ్తున్న క్రమంలో గణపురం ప్రధాన రోడ్డుపై ఆయన వాహనాన్ని పోలీసులు అడ్డుకున్నారు. దీంతో తాను మాజీ స్పీకర్, ఎమ్మెల్సీ మధుసుదనాచారిని అని తెలపడంతో ఆయన వాహనాన్ని వదిలిపెట్టారు. కానీ ఆయన వెంట వచ్చే నాయకుల వాహనాన్ని సైతం పోలీసులు అడ్డుకున్నారు. దీంతో ఆగ్రహానికి గురైన సిరికొండ వాహనంలో నుంచి దిగి వచ్చి నన్ను, నా వెంట వచ్చే నేతలను అడ్డుకుంటారా? అని ఆగ్రహం వ్యక్తం చేశారు. దీంతో పోలీసులు వాహనాన్ని హెలిప్యాడ్‌ వద్దకు వెళ్లేందుకు అనుమతిచ్చారు. అక్కడ నుంచి హెలిప్యాడ్‌ వద్ద పోలీసులు ఏర్పాటు చేసిన మరో బందోబస్తు వద్ద కూడా సిరికొండ వాహనాన్ని నిలిపి ఆయన అధికార పీఏను లోపలికి వెళ్లకుండా అడ్డుకున్నారు. కాగా.. కేటీఆర్‌ పర్యటనలో కావాలనే సిరికొండను అడుగడుగునా అవమానించారని ఆయన అభిమానులు ఆగ్రహం వ్యక్తం చేశారు. కొద్ది రోజుల క్రితం ఎమ్మెల్సీ కవిత పర్యటనలో టీబీజీకేఎస్‌ భవన నిర్మాణ శంకుస్థాపన శిలాఫలకంలో సిరికొండ పేరు లేకపోవడం ఆయన వర్గీయులను ఆగ్రహానికి గురిచేసింది. అప్పటి నుంచి ఎమ్మెల్యే గండ్ర వ్యవహారంపై అసంతృప్తితో ఉన్నారు. ఈక్రమంలో కవిత సమక్షంలోనే సిరికొండ, గండ్ర వర్గీయులు పోటా పోటీగా నినాదాలు చేసుకున్నారు. కాగా.. కేటీఆర్‌ పర్యటనలో సిరికొండ వాహనాన్ని పోలీసులు తెలియక అడ్డుకున్నారా? లేక గండ్ర ఆదిపత్య పోరు కోసం చేయించారా? అని సిరికొండ వర్గీయులు, ప్రజలు చర్చింకుంటున్నారు.   అంతటా వర్గపోరే..  రాష్ట్ర మంత్రి కేటీఆర్‌ పర్యటనలో ఆసాంతం బీఆర్‌ఎస్‌ పార్టీలో వర్గపోరు కనిపించింది. ఎమ్మెల్సీ సిరికొండ మధుసూదనాచారి, స్థానిక ఎమ్మెల్యే గండ్ర వెంకటరమణారెడ్డి వర్గీయులు నినాదాలతో హోరెత్తించారు. డబుల్‌ బెడ్‌ రూంల ప్రారంభోత్సవం, బహిరంగ సభ వద్ద జై సిరికొండ, చారి సాబ్‌ జిందాబాద్‌ అంటూ కొందరు నినాదాలు చేయగా.. మరికొందరు జై గండ్ర జైజై గండ్ర అంటూ నినదించారు. బహిరంగ సభలో మంత్రి ఎర్రబెల్లి దయాకర్‌రావు మాట్లాడుతున్న సమయంలో అభిమానులు చాలామంది జై సిరికొండ అంటూ నినాదాలు చేయడంతో.. ‘మీకు దండం పెడతా, ఆపండి.. ఇది మన కార్యక్రమం, సజావుగా జరగనివ్వండి’ అని మంత్రి కోరారు. ఇదిలా ఉండగా సభలో కూర్చున్న పలువురు ‘భూకబ్జాదారులు.. ఎమ్మెల్యే అనుచరులు’ అంటూ నినాదాలు చేశారు.   

ఉమ్మడి వరంగల్ జిల్లాలోని భూపాలపల్లిలో అధికార పార్టీ నాయకులు బజారున పడ్డారు. ఇంతకాలం నివురుగప్పిన నిప్పులా ఉన్న విబేధాలు మంత్రి సత్యవతి రాథోడ్, సీఎం కేసిఆర్ తనయ ఎమ్మెల్సీ కవిత సమక్షంలోనే బహిర్గతమయ్యాయి. తెలంగాణ బొగ్గు గని కార్మిక సంఘ భవనం ప్రారంబోత్సవానికి హాజరైన మంత్రి సత్యవతి, ఎమ్మెల్సీ కవిత సమక్షంలో స్థానిక ఎమ్మెల్యే గండ్ర వెంకటరమణారెడ్డి, ఎమ్మెల్సీ మాజీ స్పీకర్ మధుసూదనాచారి బలప్రదర్శనకు దిగారు. రాబోయే కాలానికి కాబోయే ఎమ్మెల్యేను తానేనని చాటిచెప్పేందుకు ఇదదరూ తీవ్రంగా ప్రయత్నించారు. అనుచరగణాన్ని రెచ్చగొట్టి వారిమధ్య ఉన్న వైరాన్ని బహిర్గతం చేసుకున్నారు. పార్టీ శ్రేణులను ఆయోమయానికి గురిచేశారు.  ఎవరి గోల వారిదే బిఆర్ఎస్‌కు అనుబంధంగా ఉన్న తెలంగాణ బొగ్గు గని కార్మిక సంఘ భవన శిలాఫలకం ఎమ్మెల్యే, ఎమ్మెల్సీ మధ్య ఆధిపత్య పోరుకు ఆజ్యం పోసింది. శిలాఫలకంపై ఎమ్మెల్సీ మదుసూధనాచారి, జడ్పీ చైర్ పర్సన్ శ్రీహర్షిణి పేరు లేకపోవడంతో వారిద్దరి అనుచరులు ఆందోళనకు దిగారు. ఎమ్మెల్యే తీరును నిరసిస్తూ నినాదాలు చేశారు. ఎమ్మెల్యే ప్రోటోకాల్ పాటించకుండా ఎమ్మెల్సీ చారికి, జడ్పీ చైర్మన్ శ్రీహర్షిణికి తగిన ప్రాధాన్యత ఇవ్వకుండా అవమానపరుస్తున్నారని ఆందోళన వ్యక్తం చేశారు. తామేమి తక్కువ కాదన్నట్లు గండ్ర అనుచరులు సైతం నినాదాలు చేస్తూ ఆందోళనకు దిగారు. దీంత ఇరువర్గాల నినాదాలు, గోలతో కార్మికసంఘ భవనం వర్గపోరుకు వేదికలా మారిపోయింది. వేదికపై ఉన్న మంత్రి సత్యవతి రాథోడ్, కేసిఆర్ తనయ కవిత అవాక్కయ్యారు. ఘర్షణ పడుతున్నవారిని వారించే ప్రయత్నం చేసినా ఫలితం లేకుండా పోయింది.  నివురు గప్పిన నిప్పు వాస్తవానికి భూపాలపల్లిలో ఎమ్మెల్యే గండ్ర వెంకటరమణారెడ్డి, ఎమ్మెల్సీ మధుసూదనాచారి రాజకీయ ప్రత్యర్థులు. 2018 ఎన్నికల్లో కాంగ్రెస్ నుంచి పోటీ చేసిన గండ్ర అధికార పార్టీ అభ్యర్థి మధుసూదనాచారిపై ఘన విజయం సాధించారు. ఆ తర్వాత కాంగ్రెస్‌కు చేయిచ్చి కేసిఆర్ సమక్షంలో కారెక్కారు గండ్ర వెంకటరమణారెడ్డి. రాజకీయ ప్రత్యర్థులిద్దరూ ప్రస్తుతం ఒకే పార్టీలో ఉన్నప్పటికీ అంతర్గత విబేధాలు మాత్రం అలానే ఉన్నాయి. గులాబీ దళపతి ఎవ్వరిని తక్కువ చేయకుండా ఓడిపోయిన మధుసూదనాచారికి ఎమ్మెల్సీ పదవి ఇచ్చి తగిన ప్రాధాన్యత కల్పించారు. ఇంతకాలం నివురుగప్పిన నిప్పులా ఉన్న విబేధాలు ఎమ్మెల్సీ కవిత, మంత్రి సత్యవతి రాథోడ్ సమక్షంలో బయటపడడం పార్టీలో కలకలం సృష్టించింది. వీరి గొడవ పార్టీ శ్రేణులను అయోమయానికి గురిచేసింది.   కారులో అసంతృప్తి ఎమ్మెల్యే గండ్ర మీద జడ్పీ చైర్ పర్సన్ శ్రీహర్షిణి సైతం అసంతృప్తితో రగిలిపోతున్నారు. తనను భూపాలపల్లికి చెందిన పార్టీ నేతలు, అధికారులు పట్టించుకోవడంలేదని ఆమె బాహాటంగానే విమర్శలు చేశారు. భూపాలపల్లికి జడ్పీ చైర్ పర్సన్ శ్రీహర్షిణి అయితే వరంగల్ జడ్పీ చైర్ పర్సన్ గండ్ర జ్యోతికి భూపాలపల్లి జిల్లా బీఆర్ఎస్ అధ్యక్ష పదవి ఇచ్చి స్థానికులకు ప్రాధాన్యత లేకుండా చేశారనే ప్రచారం జరుగుతోంది. పెద్దపల్లి జడ్పీ చైర్మన్, మంథని నియోజకవర్గ ఇంఛార్జీ పుట్ట మధు అనుచరురాలుగా ముద్రపడ్డ శ్రీహర్షిణికి భూపాలపల్లిలో తగిన ప్రాధాన్యత లభించడం లేదనే చర్చ సాగుతోంది. భూపాలపల్లి బీఆర్ఎస్‌లో విబేధాలకు రాబోయే ఎన్నికలే కారణంగా జనం భావిస్తున్నారు. వచ్చే ఎన్నికల్లో గండ్ర బిఆర్ఎస్ నుంచి మరోసారి తన అదృష్టాన్ని పరీక్షించుకునేందుకు సిద్దమవుతుండగా ఎమ్మెల్సీ చారి సైతం ఎమ్మెల్యే టికెట్ ఆశిస్తున్నారు. అందులో భాగంగానే ఒకరిపై మరొకరిపై చేయి సాధించేందుకు పోరు సాగిస్తున్నారట. ఇప్పటికే సిట్టింగ్‌లకే టిక్కెట్ ఇస్తామని గులాబీ దళపతి ప్రకటించడంతో ఎమ్మెల్యే పై ఉన్న వ్యతిరేకతను తనకు అనుకూలంగా మలుచుకుని టిక్కెట్ పొందే పనిలో చారి ఉన్నట్లు పార్టీ వర్గాలు భావిస్తున్నాయి. గండ్ర వెంకటరమణారెడ్డి సైతం ఎట్టి పరిస్థితుల్లోనూ తన కుటుంబం నుంచి భూపాలపల్లి చేజారిపోకుండా అన్నిరకాల ప్రయత్నాలు చేస్తున్నారు. ఒకవేళ తనకు టిక్కెట్ ఇవ్వకపోతే...తన భార్య గండ్ర జ్యోతిని బరిలో నిలిపేందుకు సన్నాహాలు చేస్తున్నట్లు ప్రచారం సాగుతోంది. ఎన్నికల నాటికి పరిస్థితులు ఎలా మారతాయో చూడాలి -పొలిటికల్ ఎడిటర్, సాక్షి డిజిటల్ feedback@sakshi.com  

గులాబీ కోటలో భూపాలపల్లి ఫైట్ మొదలైందా? మాజీ స్పీకర్‌కు, సిట్టింగ్‌ ఎమ్మెల్యేకు మధ్య పోరు షురూ అయిందా? టీఆర్ఎస్ నాయకత్వం ఎవరికి మద్దతిస్తోంది? భూపాలపల్లిలో అధికార పార్టీ తరపున పరీక్ష రాసేదెవరు? సీటు రానివారి పరిస్థితి ఏంటి? జయశంకర్ భూపాలపల్లిలోని ఏకైక అసెంబ్లీ నియోజకవర్గం భూపాలపల్లిలో అధికార పార్టీలో సెగలు మొదలయ్యాయి. అసెంబ్లీ మాజీ స్పీకర్, ప్రస్తుత ఎమ్మెల్సీ మధుసూదనాచారి, సిటింగ్‌ ఎమ్మెల్యే గండ్ర వెంకటరమణారెడ్డి మధ్య సీటు కోసం పంచాయతీ అక్కడి రాజకీయాల్ని వేడెక్కిస్తున్నాయి. ఎమ్మెల్సి మధుసూదనాచారి పుట్టినరోజు వేడుకలు ఇటీవల ఘనంగా జరిగాయి. సారు రావాలి.. మీరు కావాలి అంటూ ఆయన అనుచరులు, అధికార పార్టీ నేతలు పెద్ద ఎత్తున పుట్టినరోజు వేడుకలు జరపడం వెనుక మతలబేంటని రాజకీయ వర్గాల్లో చర్చ మొదలైంది. మధుసూదనాచారి భూపాలపల్లి నుండి మళ్ళీ పోటీ చేస్తారన్న ఊహాగానాలు కూడా ఊపందుకున్నాయి. అధిష్టానం నుండి వచ్చిన స్పష్టమైన సూచనల ప్రకారమే చారి మళ్ళీ నియోజకవర్గంలో పర్యటనలు చేస్తున్నారన్న గుసగుసలు వినిపిస్తున్నాయి. సర్వేలు ఏం చెబుతున్నాయి? 2018 ఎన్నికల్లో అప్పటి కాంగ్రెస్ అభ్యర్ధి గండ్ర వెంకటరమణారెడ్డి చేతిలో మధుసూదనాచారి ఓడిపోవడం, తర్వాత గండ్ర అధికార పార్టీలో చేరిపోవడం చకచకా జరిగిపోయాయి. దీంతో చారి భూపాలపల్లి నియోజకవర్గానికి దాదాపు దూరమయ్యారు. సీఎం కేసీఆర్‌కు అత్యంత సన్నిహితుడైన మధుసూదనాచారి, ముఖ్యమంత్రి మాట మేరకే నియోజకవర్గానికి దూరంగా ఉన్నారన్న మాటలు వినిపించాయి. కేసీఆర్ మాట జవ దాటకుండా ఉండి మళ్ళీ గవర్నర్ కోటాలో ఎమ్మెల్సి పదవి పొందారు. భూపాలపల్లిలో అధికార పార్టీకి వ్యతిరేకత మొదలైందని కేసీఆర్ చేయించిన సర్వేలో వెల్లడైందన్న వార్తలు అప్పట్లో బాగానే వినిపించాయి. బర్త్‌డే పాలిట్రిక్స్‌? మాజీ స్పీకర్ హయాంలోనే అభివృద్ధి జరిగిందని, ఇప్పుడు ఎలాంటి అభివృద్ధి జరగలేదనే ఆలోచన ప్రజల్లో మొదలైనట్లుగా సీఎం దృష్టికి వెళ్ళినట్లు సమాచారం. ఈ క్రమంలోనే ప్రజల్లో చారీ పట్ల మళ్ళీ ఆదరణ మొదలైందని ఊహాగానాలు వినిపించాయి. దీనికి తగ్గట్టుగానే మధుసూదనాచారి నియోజకవర్గంలో వరుసగా పర్యటించడం...ఎమ్మెల్సీ నిధులను అభివృద్ధి పనులకు ఉపయోగించుతుండటంతో ఆయన వర్గం నాయకులు, ప్రజలు హర్షం వ్యక్తం చేస్తున్నారు. ఈ క్రమంలోనే ఈనెల 13న నియోజకవర్గ వ్యాప్తంగా మధుసూదానాచారి పుట్టినరోజు వేడుకలు ఘనంగా జరగటంతో భూపాలపల్లిలో రాజకీయాలు రసవత్తరంగా మారాయి. నియోజకవర్గంలో మధుసూదనాచారి మళ్ళీ యాక్టివ్ అవుతుండటంతో స్థానిక ఎమ్మెల్యే గండ్ర తీవ్ర అసంతృప్తిగా ఉన్నట్లు సమాచారం. ఈ మధ్య ఎమ్మెల్యే చేస్తున్న వాఖ్యలు కూడా చర్చకు దారితీస్తున్నాయి. ఎమ్మెల్యే పరీక్ష రాయబోతున్న మీ సహాయ సహకారాలు కావాలి అనడం, ఎమ్మెల్యే సీటు నాదే.. గెలుపు నాదే అని మాట్లాడుతుండటంతో భూపాలపల్లి ఎమ్మెల్యే సీటు విషయంలో ఏదో జరుగుతుందనే చర్చ సాగుతోంది. స్థానికంగా అధికార పార్టీ పట్ల వ్యతిరేకత మొదలవడంతో ముఖ్యమంత్రి ఆదేశాల మేరకే మధుసూదనాచారి మళ్ళీ నియోజకవర్గంలో యాక్టివ్‌ అయ్యారనే టాక్ గట్టిగా వినిపిస్తోంది. మరో ఏడాదిలో జరిగే ఎన్నికల పరీక్షలో రాసేదెవరో.. ఉత్తీర్ణులయ్యేదెవరో అన్న చర్చ నియోజకవర్గంలో తీవ్రంగా జరుగుతోంది.

సినీ నటుడు అలీకి జీవన సాఫల్య రజిత కిరీట జాతీయ పురస్కారాన్ని అందజేశారు. మాజీ ప్రధాని పీవీ నరసింహరావు జయంతిని పురస్కరించుకొని త్యాగరాయ గానసభ జరిగింది. ఈ కార్యక్రమంలో ముఖ్య అతిథిగా పాల్గొన్న ఎమ్మెల్సీ మధుసూదనచారి మాట్లాడుతూ.. పీవీ నరసింహరావు ప్రతికూలపరిస్థితులలో జాతీయ స్థాయికి ఎదిగారని అలీ కూడా ఎన్నో అడ్డంకులు ఎదుర్కొని సినీ రంగంలో ఉన్నతస్థాయికి ఎదిగి సేవా కార్యక్రమాలు విస్తృతంగా చేస్తున్నారని కొనియాడారు. నటుడు అలీ మాట్లాడుతూ చిన్న దర్జీగా మా నాన్న పనిచేసేవారని, అలాంటి కుటుంబం నుంచి ఈ స్థాయికి రావటానికి ప్రేక్షకులే కారణమని అన్నారు. పీవీ ప్రభాకర్‌రావు, గానసభ అధ్యక్షులు కళా జనార్ధనమూర్తి, తదితరులు పాల్గొన్న సభకు సురేందర్‌ స్వాగతం పలుకగా దైవజ్ఞశర్మ అధ్యక్షత వహించారు. ఈ సందర్భంగా పీవీ నరసింహారావు 101 జయంతిని పురస్కరించుకుని 101 మంది నృత్యకళాకారులు విభిన్న నృత్యాలు చేయగా సంస్థ అధ్యక్షురాలు పుష్ప రికార్డ్‌ పత్రం అందుకొన్నారు. చదవండి: థియేటర్‌లో రెండే, ఓటీటీలో మాత్రం బోలెడు సినిమాలు రిలీజ్‌కు రెడీ! సెట్‌లో నోరుపారేసుకున్న హీరో, చెంప చెల్లుమనిపించిన సిబ్బంది

సాక్షి, హైద‌రాబాద్:తెలంగాణలో గ‌వ‌ర్న‌ర్ కోటా నామినెటేడ్ ఎమ్మెల్సీగా సిరికొండ మ‌ధుసూద‌నాచారి శాన‌స‌మండ‌లికి ప్రాతినిధ్యం వ‌హించ‌నున్నారు. గ‌తంలో గవర్నర్‌ కోటా నుంచి ఎమ్మెల్సీగా ఉన్న శ్రీనివాస్ రెడ్డి ప‌ద‌వీకాలం ఈ ఏడాది జూన్ 16న ముగిసిన సంగతి తెలిసిందే. అయితే శ్రీనివాస్‌రెడ్డి స్థానంలో మ‌ధుసూద‌నాచారి పేరును ప్రతిపాదిస్తూ రాష్ట్ర మంత్రివ‌ర్గం చేసిన సిఫార‌సును గ‌వ‌ర్న‌ర్ త‌మిళిసై సౌంద‌ర్ రాజ‌న్ ఆమోదిందారు. మ‌ధుసూద‌నాచారిని శాసన మండ‌లికి నామినేట్ చేశారు. ఈ మేర‌కు రాష్ట్ర ఎన్నిక‌ల ప్ర‌ధాన అధికారి శశాంక్ గోయ‌ల్ గెజిట్ నోటిఫికేష‌న్ విడుదల చేశారు. మంగళవారం నుంచి మ‌ధుసూద‌నాచారి ప‌ద‌వీకాలం ప్రారంభం కానుంది. ఈ మేర‌కు సాధార‌ణ ప‌రిపాల‌న శాఖ ఉత్త‌ర్వులు జారీ చేసింది.

సాక్షి, హైదరాబాద్‌: గవర్నర్‌ కోటా ఎమ్మెల్సీగా అసెంబ్లీ మాజీ స్పీకర్‌ ఎస్‌.మధుసూదనాచారి అభ్యర్థిత్వానికి రాష్ట్ర గవర్నర్‌ తమిళిసై సౌందర రాజన్‌ ఆమోదముద్ర వేశారు. గవర్నర్‌ కోటాలో మధుసూదనాచారి పేరును రాష్ట్ర మంత్రిమండలి ఈ నెల 16న సర్క్యులేషన్‌ పద్ధతిలో సిఫారసు చేసింది. ఈ కోటాలో ఎమ్మెల్సీగా పనిచేసిన ప్రొఫె సర్‌ శ్రీనివాస్‌ రెడ్డి పదవీ కాలం ఈ ఏడాది జూన్‌లో ముగిసింది. ఈ ఖాళీ భర్తీ చేసేందుకు ఆగస్టు 2న పాడి కౌశిక్‌రెడ్డి పేరును రాష్ట్ర కేబినెట్‌ ప్రతిపాదించింది. అయితే కౌశిక్‌రెడ్డిపై పలు పోలీసు స్టేషన్లలో కేసులు నమోదై ఉండటంతో ఆ ప్రతిపాదనను గవర్నర్‌ వెనక్కి పంపారు. ఇటీవల ఎమ్మెల్యే కోటా ఎమ్మెల్సీ ఎన్నికల్లో టీఆర్‌ఎస్‌ అభ్యర్థిగా కౌశిక్‌రెడ్డి నామినేషన్‌ వేసిన సంగతి తెలిసిందే. అదే సమయంలో మధుసూదనాచారిని గవర్నర్‌ కోటాలో మండలికి పంపుతారనే ఊహాగానాలు వెలువడగా.. చివరకు అదే నిజమైంది. మధుసూదనాచారి పేరును గవర్నర్‌ కోటాలో ప్రతిపాదిస్తూ కేబినెట్‌ సమావేశంలో కాకుండా మంత్రులకు విడివిడిగా సంబంధిత పత్రాలు సర్క్యులేట్‌ చేశారు. అనంతరం మంత్రుల సంతకాలతో కూడిన సిఫారసును గవర్నర్‌కు సమర్పించారు.  ఎమ్మెల్యే కోటాలోనే దక్కుతుందనుకున్నా..  విశ్వబ్రాహ్మణ సామాజిక వర్గానికి మండలిలో ప్రాతినిథ్యం కల్పిస్తామని గతంలో ముఖ్యమంత్రి, టీఆర్‌ఎస్‌ అధినేత కేసీఆర్‌ హామీ ఇచ్చారు. ఈ నేపథ్యంలో మధుసూదనాచారికి ఎమ్మెల్యే కోటాలోనే అవకాశం దక్కుతుందని అంతా భావించారు. అయితే అభ్యర్థుల ఎంపికలో చివరి నిమిషంలో అనూహ్యంగా జరిగిన మార్పులు, చేర్పులతో ఆయనను గవర్నర్‌ కోటాలో మండలికి నామినేట్‌ చేయాలని సీఎం కేసీఆర్‌ నిర్ణయించారు.  22న ఆరుగురి ఎన్నిక ప్రకటన  ఎమ్మెల్యే కోటా ఎమ్మెల్సీ అభ్యర్థులుగా ఈ నెల 16న టీఆర్‌ఎస్‌ తరఫున నామినేషన్లు వేసిన మండలి మాజీ చైర్మన్‌ గుత్తా సుఖేందర్‌రెడ్డి, మాజీ ఉప ముఖ్యమంత్రి కడియం శ్రీహరి, తక్కల్లపల్లి రవీందర్‌రావు, బండా ప్రకాశ్‌ ముదిరాజ్, వెంకట్రామ్‌రెడ్డి, పాడి కౌశిక్‌రెడ్డి ఏకగ్రీవంగా ఎన్నిక కానున్నారు. ఈ నెల 17న జరిగిన నామినేషన్ల పరిశీలనలో ఆరుగురి అభ్యర్థిత్వం చెల్లుబాటు కాగా, స్వతంత్రులుగా నామినేషన్‌ వేసిన ఇద్దరి నామినేషన్లు తిరస్కరణకు గురయ్యాయి. ఈ నెల 22తో నామినేషన్ల ఉపసంహరణ గడువు ముగియనుండగా, ఇతరులెవరూ పోటీలో లేకపోవడంతో అదే రోజు ఈ ఆరుగురు అభ్యర్థులు ఏకగ్రీవంగా ఎన్నికైనట్లు ఎన్నికల సంఘం ప్రకటించనుంది.  ఆ 12 టీఆర్‌ఎస్‌ ఖాతాలోకే..!  స్థానిక సంస్థల కోటాలోని 12 ఎమ్మెల్సీ స్థానాలకు గాను ఈ నెల 16 నుంచి ప్రారంభమైన నామినేషన్ల స్వీకరణ ఈ నెల 23 వరకు కొనసాగనుంది. స్థానిక సంస్థల్లో టీఆర్‌ఎస్‌కు అత్యధిక మెజారిటీ ఉండటంతో ఈ 12 స్థానాలు కూ డా అధికార పార్టీ ఖాతాలోనే చేరే అవకాశముంది. అభ్యర్థుల ఎంపికకు సంబంధించి పార్టీ అధ్యక్షుడు కేసీఆర్‌ కసర త్తు చేస్తుండగా ఈ నెల 22 లేదా 23 తేదీల్లో జాబితా ప్రక టించే అవకాశం ఉంది. వచ్చే నెల 10వ తేదీలోగా ఈ ప్రక్రి య ముగియనుంది. ఈ ఎన్నికలు పూర్తయిన తర్వాత శాస న మండలి చైర్మన్, డిప్యూటీ చైర్మన్‌ ఎన్నిక, మంత్రివర్గ వి స్తరణ వంటి అంశాలు తెరమీదకు వచ్చే అవకాశముంది.    

వనస్థలిపురం: ప్రొఫెసర్‌ జయశంకర్‌ లాంటి వారిని ఆదర్శంగా తీసుకుని ముందుకు సాగాలని, సమాజంలో గౌరవప్రదంగా జీవించడానికి పిల్లలను బాగా చదివించుకోవాలని మాజీ స్పీకర్‌ సిరికొండ మధుసూదనాచారి సూచించారు. స్వర్ణకార సమాజం బలమైన శక్తిగా ఎదగాల్సిన అవసరం ఉందని ఆయన అన్నారు. వనస్థలిపురంలోని బొమ్మిడి లలితా గార్డెన్‌లో ఆదివారం జరిగిన ఆ సంఘం నూతన కార్యవర్గ ప్రమాణ స్వీకారోత్సవానికి ఆయన ముఖ్య అతిథిగా హాజరయ్యారు. సంఘం రాష్ట్ర అధ్యక్షులు వింజమూరి రాఘవా చారి, ప్రధాన కార్యదర్శి చేపూరి వెంకటస్వామి, కోశాధికారి చంద్రశేఖరాచారి తదితర కార్యవర్గంతో ఆయన ప్రమాణ స్వీకారం చేయించారు. అనంతరం ఆయన మాట్లాడుతూ విశ్వకర్మ భగవానుడు వీరబ్రహ్మేంద్రస్వామి ప్రపంచాన్ని శాసించారని, కానీ విశ్వకర్మీయులు ఇంకా అన్ని రంగాలలో వెనుకబడి ఉన్నారని అభిప్రాయపడ్డారు. రాష్ట్ర నూతన అధ్యక్షులు రాఘవాచారి మాట్లాడుతూ విశ్వకర్మీయులకు ప్రత్యేక కార్పొరేషన్‌ ఏర్పాటు చేయాలని, ప్రతి కుటుంబానికి 5 ఎకరాల భూమి కేటాయించాలని, స్వర్ణకారులపై దాడులను నివారించాలని ప్రభుత్వానికి విజ్ఞప్తి చేశారు. ఈ కార్యక్రమంలో రాష్ట్ర బీసీ కమిషన్‌ సభ్యులు చిట్టన్నోజు ఉపేంద్రాచారి, ఏపీ స్వర్ణకార సంఘం అధ్యక్షులు కర్రి వేణుమాధవ్, కందుకూరి పూర్ణాచారి, కన్నెకంటి సత్యం, కీసరి శ్రీకాంత్, ఆర్‌.సతీష్‌కుమార్, రాచకొండ గిరి తదితరులు పాల్గొన్నారు.

ములుగు/భూపాలపల్లి: ‘ఈ సమావేశం అయిపోయాక మీరంతా మీ ఇళ్లకు వెళ్లిపోతారు.. మరి నేను ఎక్కడికెళ్లాలి.. నాకు కనీసం ఇల్లు కూడా లేదు’అని మాజీ స్పీకర్‌ మధుసూదనాచారి కంటతడి పెట్టారు. సోమవారం భూపాలపల్లిలో నిర్వహించిన టీఆర్‌ఎస్‌ పార్టీ కార్యకర్తల సమావేశంలో ఆయన ఉద్వేగంగా మాట్లాడారు. ‘‘పేదలందరికీ ఇళ్లు కట్టించాకే నేను ఇల్లు కట్టుకుంటా అని ప్రమాణం చేసిన.. మీరంతా ఇళ్లకు వెళ్లిపోతే.. నేను ఎక్కడికెళ్లాలి. అయినా అధైర్యపడను.. నన్ను ఆదరించి ప్రేమ చూపించిన భూపాలపల్లిని విడిచి వెళ్లలేను. నా గొంతులో ప్రాణం ఉన్నంత వరకు నియోజకవర్గంపై ప్రేమ చూపిస్తా’అంటూ గద్గద స్వరంతో మాట్లాడారు. భావోద్వేగానికి లోనై కంటతడి పెట్టారు. దీంతో సభ మీద, కింద ఉన్న పలువురు టీఆర్‌ఎస్‌ నాయకులు, కార్యకర్తలు బోరున విలపించారు. అలాగే ములుగులో జరిగిన కార్యకర్తల సమావేశంలో మాజీ మంత్రి చందూలాల్‌ మాట్లాడుతూ మీడియా పిచ్చోళ్లు కావాలని తనపై 15 రోజులపాటు పిచ్చిపిచ్చి వార్తలు రాశారని, వార్తలు రాసిన వారు ఖబడ్దార్‌ అని హెచ్చరించారు. పత్రికలకు తాను చేసిన అభివృద్ధి కనిపించకపోవడం సిగ్గుచేటని పేర్కొంటూ ఆయన కంటతడిపెట్టారు. ఇదే సభలో ఆయన కుమారుడు ప్రహ్లాద్‌ మాట్లాడుతూ అందరూ తన మనుషులు అనుకుంటే కలసికట్టుగా మోసం చేశారన్నారు.  టీఆర్‌ఎస్‌లో చేరేందుకు ఎమ్మెల్యేల రాయబారం: బాలమల్లు   ములుగు: తమ పార్టీలో చేరడానికి టీడీపీ, కాంగ్రెస్‌  ఎమ్మెల్యేలు  రాయబారాలు పంపుతున్నారని  పార్టీ ఉమ్మడి వరంగల్‌ జిల్లా ఇన్‌చార్జి, టీఎస్‌ఐఐసీ కార్పొరేషన్‌ చైర్మన్‌ గాదరి బాలమల్లు అన్నారు. అయితే.. ఇద్దరు స్వతంత్ర సభ్యులతో కలసి 90 మంది ఎమ్మెల్యేలు ఉండగా మిగతావారి అవసరం లేదని సీఎం కేసీఆర్‌ తిరస్కరిస్తున్నారని చెప్పారు. జయశంకర్‌ భూపాలపల్లి జిల్లా ములుగులో ఏర్పాటు చేసిన పార్టీ నియోజకవర్గ స్థాయి సమావేశంలో ఆయన ఈ విషయం తెలిపారు.   

సాక్షి, భూపాలపల్లి: ‘మీరు ఓటు వేసి నన్ను గెలిపించండి.. అభివృద్ధి బాధ్యత నాది.. గడిచిన 50 నెలల పదవీ కాలంలో రూ.3 వేల కోట్లతో భూపాలపల్లి నియోజకవర్గాన్ని అభివృద్ధి చేశాను’ అని శాసన సభాపతి, టీఆర్‌ఎస్‌ భూపాలపల్లి ఎమ్మెల్యే అభ్యర్థి సిరికొండ మధుసూదనాచారి అన్నారు. భూపాలపల్లి మునిసిపాలిటీ పరిధిలోని కాశీంపల్లిలో సోమవారం ఎన్నికల ప్రచారం నిర్వహించారు. ప్రచారానికి వచ్చిన స్పీకర్‌కు కాశీంపల్లి వాసులు పూల వర్షం, మంగళహారతులతో ఘన స్వాగతం పలికారు. ఈ సందర్భంగా ఏర్పాటు చేసిన సమావేశంలో మధుసూదనాచారి మాట్లాడుతూ.. నాడు అభివృద్ధిలో వెనుకబడి ఉన్న కాశీంపల్లికి ప్రత్యేకంగా నిధులు కేటాయించి అంతర్గత రోడ్లు, సైడ్‌ కాల్వలు తదితర అనేక అభివృద్ధి కార్యక్రమాలు చేపట్టానని అన్నారు. మహాకూటమికి ఓటు వేస్తే అధికారాన్ని మరోమారు ఆంధ్రులకు అప్పగించినట్లేనని అన్నారు. భూపాలపల్లి పట్టణాన్ని జిల్లా కేంద్రంగా తీర్చిదిద్దానని, ఫలితంగానే వ్యాపార రంగం అభివృద్ధి చెందిందన్నారు. కార్యక్రమంలో భూపాలపల్లి మునిసిపాలిటీ చైర్‌పర్సన్‌ బండారి సంపూర్ణరవి, కౌన్సిలర్లు తాటి హైమావతిఅశోక్, టీఆర్‌ఎస్‌ నాయకులు క్యాతరాజు సాంబమూర్తి, మేకల సంపత్‌కుమార్, చెరకుతోట శ్రీరాములు, మారెల్ల సేనాపతి, సింగనవేని చిరంజీవి, మాడ హరీష్‌రెడ్డి తదితరులు పాల్గొన్నారు. 

సాక్షి, టేకుమట్ల: ఎన్నికల వేళ ప్రతి రాజకీయ నాయకుడు సామాన్యుడిని ఆకర్షించడానికి వింత వింత ప్రచారలు, వేశాలు వేస్తుంటారు.  వెంకట్రావుపల్లిలో యాదవులు బహుకరించిన గొర్రెపిల్లతో టీఆర్‌ఎస్‌ భూపాలపల్లి అభ్యర్థి సిరికొండ మధుసూదనాచారి ప్రచారాలు చేశారు. తెలంగాణ ముం‍దస్తు ఎన్నికల్లో టీఆర్‌ఎస్‌ గెలుస్తుందని భవిష్యత్‌ చెప్పారు. 

చిట్యాల: జయశంకర్‌ భూపాలపల్లి టీఆర్‌ఎస్‌ అభ్యర్థి ఎస్‌.మధుసూదనాచారి పార్టీ బలహీనతల గురించి ప్రస్తావించిన కార్యకర్తలపై ఆగ్రహం వ్యక్తం చేశారు. ఎన్నికల ప్రచారంలో భాగంగా బుధవారం ఆయన జిల్లా చిట్యాలలో మండల స్థాయి కార్యకర్తల సమావేశంలో సమీక్ష నిర్వహించారు. ఈ సందర్భంగా పలువురు కార్యకర్తలు రైతుబంధు పథకం చెక్కులు సరిగా అందలేదని, దళితులకు మూడు ఎకరాల భూమి, డబుల్‌ బెడ్‌రూం ఇళ్లు, కార్పొరేషన్‌ రుణాల గురించి మైనస్‌ ఉందని నాయకులు, కార్యకర్తలు చెప్పడంతో వారిపై మధుసూదనాచారి కన్నెర్ర చేశారు. గండ్రలు గెలిస్తే చేస్తారా..? ఏం మాట్లాడుతున్నారు? అంటూ గద్దించడంతో వారు నిరాశతో వెళ్లిపోయారు. ‘ఈయన మారడు.. చెబితే అర్థం చేసుకోడు.. పలకరింపు సరిగా ఉండదు.. అంటూ పలు గ్రామాలకు చెందిన కార్యకర్తలు విమర్శించుకుంటూ వెళ్లిపోవడం విశేషం. 

సాక్షి, హైదరాబాద్‌: తెలంగాణ రాష్ట్ర సమితిలో టికెట్ల చిచ్చు కొనసాగుతోంది. అభ్యర్థిత్వం కావాలని కొందరు, అభ్యర్థులను మార్చాలని మరికొందరు అధిష్టానానికి డిమాండ్లు వినిపిస్తున్నారు. 20కిపైగా అసెంబ్లీ నియోజకవర్గాల్లో అసమ్మతి కార్యక్రమాలు కొనసాగుతున్నాయి. అసమ్మతి, అసంతృప్త నేతలతో  అభ్యర్థులు చర్చలకు ప్రయత్నిస్తున్నా వారు అంగీకరించకపోవడంతో మంత్రి కేటీఆర్‌కు విన్నవించుకుంటున్నారు. కేటీఆర్‌తో చర్చల సమయంలో అన్నింటికీ అంగీకరిస్తూనే నియోజకవర్గానికి వెళ్లాక మాత్రం అభ్యర్థులకు పోటాపోటీగా కార్యకలాపాలు నిర్వహిస్తున్నారు. కొన్ని నియోజకవర్గాల్లో అసమ్మతి నేతలు కేటీఆర్‌తో చర్చలకు సైతం రావడంలేదు.  ఆశావహులు ఎందరో...  టీఆర్‌ఎస్‌ అధినేత కేసీఆర్‌ ఒకేసారి 105 అభ్యర్థులను ప్రకటించారు. టీఆర్‌ఎస్‌కు ఉన్న 90 మంది ఎమ్మెల్యేలలో 83 మందికి అభ్యర్థులుగా మళ్లీ అవకాశం ఇచ్చారు. జాబితా ప్రకటించగానే కొందరు అభ్యర్థుల పేర్లు మారతాయనే ప్రచారం మొదలైంది. దీంతో టికెట్‌ ఆశించి భంగపడ్డ అసమ్మతి నేతలు  అభ్యర్థుల కంటే ముందే ప్రచారంలోకి దిగారు. మరికొన్ని నియోజకవర్గాల్లో అభ్యర్థిని మారిస్తేనే పార్టీ విజయం సాధిస్తుందని అసమ్మతి వ్యక్తం చేస్తున్నారు. 20కిపైగా నియోజకవర్గాల్లో రెబల్స్‌...  - శాసనసభ స్పీకర్‌ మధుసూదనచారి భూపాలపల్లిలో ప్రచారం ప్రారంభించకముందే అసమ్మతి నేత గండ్ర సత్యనారాయణరావు ప్రచారంలోకి దిగారు. టీఆర్‌ఎస్‌ టికెట్‌ ఇస్తామని కేటీఆర్, కరీంనగర్‌ ఎంపీ వినోద్‌కుమార్‌ హామీ ఇచ్చినందునే పార్టీలో చేరానని, కానీ తనకు అన్యాయం జరిగిందని చెబుతున్నారు. - ములుగులో మంత్రి చందులాల్‌ను మార్చాలని ద్వితీయశ్రేణి నేతలు డిమాండ్‌ చేస్తున్నారు. పోరిక గోవింద్‌ నాయక్, తాటి కృష్ణ, రూప్‌శంకర్‌లలో ఒకరికి టికెట్‌ ఇవ్వాలని డిమాండ్‌ చేస్తున్నారు. - స్టేషన్‌ ఘన్‌పూర్‌ నియోజకవర్గంలో తాజా మాజీ ఎమ్మెల్యే టి. రాజయ్యను తొలగించి ఉప ముఖ్యమంత్రి కడియం శ్రీహరికి టికెట్‌ ఇవ్వాలని ద్వితీయశ్రేణి నేతలు కార్యక్రమాలు నిర్వహిస్తున్నారు.   - పాలకుర్తి నియోజకవర్గంలో టీఆర్‌ఎస్‌ అధికారిక అభ్యర్థి ఎర్రబెల్లి దయాకర్‌రావుకు పోటీగా టీఆర్‌ఎస్‌ రాష్ట్ర ప్రధాన కార్యదర్శి తక్కళ్లపల్లి రవీందర్‌రావు ప్రచారాన్ని ప్రారంభించారు.  - జనగామ అభ్యర్థి ముత్తిరెడ్డి యాదగిరిరెడ్డిని మారిస్తేనే టీఆర్‌ఎస్‌ గెలుస్తుందని, అభ్యర్థిని మార్చకుంటే ప్రచారం చేయబోమని ద్వితీయశ్రేణి నేతలు ప్రకటనలు చేస్తున్నారు.  - మహబూబాబాద్‌ అభ్యర్థి శంకర్‌ నాయక్‌ను మార్చాలంటూ ప్రచారంలో అడ్డుకుంటున్నారు.  - వేములవాడలో టీఆర్‌ఎస్‌ అభ్యర్థి రమేశ్‌బాబును తప్పించి ఎవరికి టికెట్‌ ఇచ్చినా పార్టీని గెలిపించుకుంటామని ద్వితీయశ్రేణి నేతలు చెబుతున్నారు. కరీంనగర్‌ జిల్లా పరిషత్‌ చైర్‌పర్సన్‌ తుల ఉమ ఇక్కడ టికెట్‌ ఆశిస్తున్నారు. - రామగుండంలో తాజా మాజీ ఎమ్మెల్యే సోమారపు సత్యనారాయణతోపాటు కోరుకంటి చందర్‌ ఎవరికి వారు కార్యక్రమాలు నిర్వహిస్తున్నారు. - ఆలేరులో గొంగడి సునీతను మార్చకుంటే ఆమెను ఓడిస్తామని కార్యకర్తలు హెచ్చరిస్తున్నారు.  - ఖానాపూర్‌లో రేఖానాయక్‌కు పోటీగా రమేశ్‌ రాథోడ్‌ సిద్ధమయ్యారు. లంబాడీ వర్గం నేతలకు టికెట్‌ ఇవ్వడాన్ని ఆదివాసీలు వ్యతిరేకిస్తున్నారు.  - నల్లగొండ అభ్యర్థి కంచర్ల భూపాల్‌రెడ్డికి పోటీగా దుబ్బాక నరసింహారెడ్డి ప్రచారం చేస్తున్నారు.  - మునుగోడు తాజా మాజీ ఎమ్మెల్యే కూసుకుంట్ల ప్రభాకర్‌రెడ్డికి పోటీగా వేనేపల్లి వెంకటేశ్వర్‌రావు ప్రచారం చేస్తున్నారు. కచ్చితంగా పోటీలో ఉంటానని ప్రకటిస్తున్నారు. - దేవరకొండ నియోజకవర్గంలో తాజా మాజీ ఎమ్మెల్యే రవీంద్రకుమార్‌కు మళ్లీ టికెట్‌ ఇవ్వగా జిల్లా పరిషత్‌ చైర్మన్‌ బాలూనాయక్‌ పోటీలో స్వతంత్ర అభ్యర్థిగా దిగేందుకు ఏర్పాట్లు చేసుకుంటున్నారు.  - మిర్యాలగూడలో తాజా మాజీ ఎమ్మెల్యే భాస్కర్‌రావుకు టికెట్‌ ఇవ్వగా గత ఎన్నికల్లో టీఆర్‌ఎస్‌ తరఫున పోటీ చేసి ఓడిపోయిన అలుగుబెల్లి అమరేందర్‌రెడ్డి సైతం టికెట్‌ ఇవ్వాలని డిమాండ్‌ చేస్తూ సొంతంగా ప్రచారం నిర్వహిస్తున్నారు.   - నాగార్జునసాగర్‌లో నియోజకవర్గ ఇన్‌చార్జి నోముల నర్సింహయ్యకు టికెట్‌ కేటాయించడంపై పార్టీ నేతలు భగ్గుమన్నారు. స్థానికుడికే టికెట్‌ ఇవ్వాలని ఎం.సి. కోటిరెడ్డి, బొల్లెపల్లి శ్రీనివాసరాజు భారీ కార్యక్రమాన్ని నిర్వహించారు.  - ఇబ్రహీంపట్నం నియోజకవర్గంలో టీఆర్‌ఎస్‌ అధికారిక అభ్యర్థి మంచిరెడ్డి కిషన్‌రెడ్డికి వ్యతిరేకంగా గత ఎన్నికల్లో పోటీ చేసి ఓడిపోయిన కంచర్ల చంద్రశేఖర్‌రెడ్డి పోటీ చేసేందుకు రంగం సిద్ధం చేసుకుంటున్నారు. - రాజేంద్రనగర్‌ సెగ్మెంట్‌లో పార్టీ అభ్యర్థి టి. ప్రకాశ్‌రెడ్డికి పోటీగా టికెట్‌ ఆశించి భంగపడ్డ తోకల శ్రీశైలంరెడ్డి బరిలో ఉంటారని చెబుతున్నారు. - షాద్‌నగర్‌ అభ్యర్థి అంజయ్య యాదవ్‌కు పోటీగా వి.శంకర్, అందె బాబయ్యలలో ఒకరు పోటీ చేసేందుకు సిద్ధమవుతున్నారు. - మక్తల్‌ అభ్యర్థి చిట్టెం రామ్మోహన్‌రెడ్డికి వ్యతిరేకంగా మహబూబ్‌నగర్‌ ఎంపీ జితేందర్‌రెడ్డి అనుచరులుగా ముద్రపడిన ఆరుగురు నేతలు ఒక్కటయ్యారు. తమలో ఒకరికి టికెట్‌ ఇవ్వాలని డిమాండ్‌ చేస్తున్నారు. - పటాన్‌చెరు టికెట్‌ మహిపాల్‌రెడ్డికే  ఇవ్వగా పార్టీ నేతలు సఫాన్‌దేవ్, కె. బాల్‌రెడ్డి, గాలి అనిల్‌కుమార్‌ టికెట్‌ ఆశిస్తూ బలప్రదర్శనకు సిద్ధమవుతున్నారు.  - నారాయణఖేడ్‌లో తాజా మాజీ ఎమ్మెల్యే భూపాల్‌రెడ్డికి వ్యతిరేకంగా ఎమ్మెల్సీ రాములు నాయక్‌ టికెట్‌ ఇవ్వాలని డిమాండ్‌ చేస్తున్నారు.  - ఆందోల్‌లో నియోజకవర్గ నేతలకు చెప్పకుండా పార్టీ అభ్యర్థిని ఖరారు చేసినందుకు నిరసనగా టీఆర్‌ఎస్‌ ఏకైక జెడ్పీటీసీ సభ్యురాలు మమత బ్రహ్మం పార్టీకి రాజీనామా చేశారు.   - సత్తుపల్లి అభ్యర్థి పిడమర్తి రవికి పోటీగా గత ఎన్నికల్లో ద్వితీయ స్థానంలో నిలిచిన మట్టా దయానంద్‌ ప్రచారాన్ని మొదలుపెట్టారు.   - వైరా అభ్యర్థి మదన్‌ లాల్‌ను మార్చాలని అసంతృప్తులు డిమాండ్‌ చేస్తున్నారు.

సాక్షి, హైదరాబాద్‌: కాంగ్రెస్‌ ఎమ్మెల్యేలు కోమటిరెడ్డి వెంకట్‌రెడ్డి, ఎస్‌.ఎ.సంపత్‌ కుమార్‌ల సభా బహిష్కరణ వ్యవహారంలో గురువారం మరో కీలక పరిణామం చోటుచేసుకుంది. ఎమ్మెల్యేల సభా బహిష్కరణ తీర్మానాన్ని, వారు ప్రాతినిధ్యం వహిస్తున్న అసెంబ్లీ స్థానాలు ఖాళీ అయినట్టు ప్రకటిస్తూ జారీ చేసిన నోటిఫికేషన్‌ను రద్దు చేస్తూ తానిచ్చిన తీర్పును అమలు చేయకపోవడంపై  హైకోర్టు ఆగ్రహించిన విషయం తెలిసిందే. తీర్పును అమలు చేయనందుకు కోర్టు ధిక్కారం కింద ఎందుకు నోటీసులు జారీ చేయరాదో వివరణ ఇవ్వాలంటూ స్పీకర్‌ సిరికొండ మధుసూదనాచారికి షోకాజ్‌ నోటీసులు జారీ చేసింది. అయితే దీనిపై తెలంగాణ ప్రభుత్వం స్పందించింది. ఎమ్మెల్యేల కేసుపై సింగిల్‌ జడ్జి బెంచ్‌ ఇచ్చిన తీర్పును సవాల్‌ చేస్తూ.. డివిజన్‌ బెంచ్‌లో అప్పీలు చేసింది. ప్రభుత్వం వేసిన పిటిషన్‌ స్వీకరించిన హైకోర్టు తదుపరి విచారణను ఆగస్తు 21కి వాయిదా వేసింది.

శాయంపేట: బైక్‌ అదుపుతప్పి స్పీకర్‌ మధుసూదనాచారి కిందపడి పోయారు. ఈ ఘటన వరంగల్‌ రూరల్‌ జిల్లా శాయంపేట మండల కేంద్రం శివారులో మంగళవారం జరిగింది. ఘటనలో ఆయనకు ఎలాంటి గాయాలు కాలేదు. పల్లె ప్రగతి నిద్ర కార్యక్రమంలో భాగంగా స్పీకర్‌ సోమవారం రాత్రి శాయంపేట మండల కేంద్రంలో నిద్రించారు. మంగళవారం ఆరెపల్లి గ్రామానికి బైక్‌ ర్యాలీ నిర్వహించారు. తిరుగు ప్రయాణంలో శాయంపేట శివారుకు చేరుకోగానే మూలమలుపు వద్ద ఎదురుగా ఎడ్లబండి రావడంతో బైక్‌ను రోడ్డు కిందికి దించారు. మళ్లీ రోడ్డెక్కే క్రమంలో టైర్‌ స్కిడ్‌ అయి అదుపుతప్పి బైక్‌ పై నుంచి కిందపడిపోయారు. సెక్యూరిటీ సిబ్బంది స్పీకర్‌ను పైకి లేపారు. మళ్లీ యథావిధిగా స్పీకర్‌ బైక్‌పై ర్యాలీ కొనసాగించారు.

సాక్షి, హైదరాబాద్‌: ఆది నుంచీ అనేక మలు పులు తిరుగుతూ వస్తున్న కాంగ్రెస్‌ ఎమ్మెల్యేలు కోమటిరెడ్డి వెంకటరెడ్డి, ఎస్‌.ఎ.సంపత్‌ కుమార్‌ల సభా బహిష్కరణ వ్యవహారంలో మంగళవారం సంచలన పరిణామం చోటు చేసుకుంది. ఎమ్మెల్యేల సభా బహిష్కరణ తీర్మానాన్ని, వారు ప్రాతినిధ్యం వహిస్తున్న అసెంబ్లీ స్థానాలు ఖాళీ అయినట్టు ప్రకటిస్తూ జారీ చేసిన నోటిఫికేషన్‌ను రద్దు చేస్తూ తానిచ్చిన తీర్పును అమలు చేయకపోవడంపై హైకోర్టు ఆగ్రహించింది. తీర్పును అమలు చేయనందుకు కోర్టు ధిక్కారం కింద ఎందుకు నోటీసులు జారీ చేయరాదో వివరణ ఇవ్వాలంటూ స్పీకర్‌ సిరికొండ మధుసూదనాచారికి షోకాజ్‌ నోటీసులు జారీ చేసింది! అంతేగాక కోర్టు ధిక్కార వ్యాజ్యంలో సహ ప్రతివాదిగా చేర్చి, ఫాం 1 నోటీసులిచ్చి వ్యక్తిగత హాజరుకు ఆదేశాలు ఎందుకివ్వరాదో కూడా తెలియజేయాలని నోటీసుల్లో స్పీకర్‌కు స్పష్టం చేసింది. బహిష్కరణ నోటిఫికేషన్‌ ఉపసంహరణకు స్పీకర్‌ అనుమతివ్వకపోవడం ఎలా చూసినా కోర్టు తీర్పును అమలు చేయకపోవడమేనని తేల్చి చెప్పింది. ఈ వ్యవహారంలో కోర్టు తీర్పు పట్ల స్పీకర్‌ ఉద్దేశపూర్వక నిర్లక్ష్యం ప్రదర్శించారని ఆక్షేపించింది. ‘‘ఇందుకు కోర్టు ధిక్కార పిటిషన్‌లో స్పీకర్‌ను నేరుగా ప్రతివాదిగా చేర్చే అవకాశమున్నా అలా చేయకుండా నిగ్రహం పాటిస్తున్నాం. అలా ఎందుకు చేర్చకూడదో చెప్పాల్సిందిగా స్పీకర్‌ను కోరుతున్నాం’అని షోకాజ్‌ నోటీసుల్లో పేర్కొంది. న్యాయమూర్తి జస్టిస్‌ బి.శివశంకరరావు మంగళవారం ఈ మేరకు సంచలన ఉత్తర్వులు జారీ చేశారు. ఓ స్పీకర్‌కు నోటీసులు జారీ చేయడం, అది కూడా కోర్టు ధిక్కారం కింద ఎందుకు చర్యలు తీసుకోరాదో వివరించాలని కోరడం హైకోర్టు చరిత్రలో ఇదే తొలిసారి. కోమటిరెడ్డి, సంపత్‌ భద్రతను పునరుద్ధరించకపోవడంపైనా న్యాయమూర్తి స్పందించారు. డీజీపీ, నల్లగొండ, జోగులాంబ గద్వాల్‌ జిల్లాల ఎస్పీలను సుమోటోగా ధిక్కార పిటిషన్‌లో ప్రతివాదులుగా చేర్చారు. ఫాం 1 నోటీసు జారీ చేసి ఎందుకు కోర్టు ధిక్కార చర్యలు తీసుకోరాదో స్వయంగా హాజరై వివరణ ఇవ్వాలని ఆదేశించారు. ఈ వ్యవహారంలో అధికారులంతా మోసగించే ఆలోచలు చేశారని న్యాయమూర్తి తీవ్రస్థాయిలో ఆక్షేపించారు. కోర్టు తీర్పును అమలు చేయకుండా ఏ ఒక్కరూ తప్పించుకోజాలరన్నారన్నారు. తీర్పును అమలు చేసి న్యాయవ్యవస్థ ప్రతిష్టను కాపాడాల్సిందన్నారు. ‘‘బహిష్కరణ తీర్మానం రద్దుతో వారి శాసనసభ్యత్వాలు వాటంతటవే పునరుద్ధరణ అవుతాయి. ఇందుకు ప్రత్యేక ఆదేశాలేవీ అవసరం లేదు. మా తీర్పుతో ఎమ్మెల్యేలిద్దరూ చట్ట ప్రకారం అన్ని సౌకర్యాలకూ అర్హులు. అందులో భాగంగా వారికి గతంలో ఉన్న భద్రతను పునరుద్ధరించాల్సిన బాధ్యత అధికారులపై ఉంది. కానీ ఎస్పీలు తమకు ఆదేశాలు రాలేదంటూ మౌనం వహించారు. కోర్టు తీర్పు ఉన్నాక వారికింకా ఏ ఆదేశాలు అవసరమో అర్థం కాకుండా ఉంది. బహిష్కరణ తీర్మానాన్ని ఉపసంహరించుకోలేదని, కాబట్టి ఎమ్మెల్యేలకు భద్రతను పునరుద్ధరించాల్సిన అవసరం లేదని డీజీపీ నేతృత్వంలోని కమిటీ అభిప్రాయపడింది. ఇదెంతమాత్రమూ సరికాదు’’అని న్యాయమూర్తి స్పష్టం చేశారు. 2018 జనవరి నుంచి ఈ రోజు దాకా కోమటిరెడ్డి, సంపత్‌కుమార్‌ తీసుకున్న అలవెన్సులు, సమర్పించిన బిల్లుల వివరాలను ముందుంచాలని రిజిస్ట్రీని ఆదేశిస్తూ విచారణను ఈ నెల 28కి వాయిదా వేశారు. కార్యదర్శులకు ఫాం 1 నోటీసులు మరోవైపు తమ బహిష్కరణను రద్దు తీర్పును అమలు చేయకపోవడంపై అసెంబ్లీ కార్యదర్శి వి.నరసింహాచార్యులు, న్యాయ శాఖ కార్యదర్శి వి.నిరంజన్‌రావులకు కోర్టు ధిక్కార చట్టం కింద ఫాం 1 నోటీసులను జస్టిస్‌ శివశంకరరావు జారీ చేశారు. వ్యక్తిగతంగా కోర్టు ముందు హాజరై వివరణ ఇవ్వాలని వారికి స్పష్టం చేశారు. తదుపరి విచారణను సెప్టెంబర్‌ 17కు వాయిదా వేశారు. వీరిద్దరు కూడా కోర్టు ధిక్కరణకు పాల్పడ్డారనేందుకు ప్రాథమిక ఆధారాలున్నాయని వ్యాఖ్యానించారు. ఇప్పటిదాకా జరిగింది ఇదీ... కోమటిరెడ్డి, సంపత్‌కుమార్‌లను బహిష్కరిస్తూ సభ తీర్మానం చేసింది. ఆ వెంటనే వారు ప్రాతినిధ్యం వహిస్తున్న నల్లగొండ, ఆలంపూర్‌ అసెంబ్లీ స్థానాలు ఖాళీ అయినట్లు ప్రకటిస్తూ నోటిఫికేషన్‌ జారీ చేశారు. వీటిని సవాలు చేస్తూ వారు హైకోర్టును ఆశ్రయించారు. బహిష్కరణ తీర్మానాన్ని, నోటిఫికేషన్‌ను రద్దు చేస్తూ ఏప్రిల్‌ 17న జస్టిస్‌ శివశంకరరావు తీర్పు ఇచ్చారు. దీనిపై అసెంబ్లీ, న్యాయ శాఖ కార్యదర్శులు అప్పీళ్లు దాఖలు చేయలేదు. వారికి బదులు 12 మంది టీఆర్‌ఎస్‌ ఎమ్మెల్యేలు అప్పీల్‌ దాఖలు చేశారు. వారికి ఆ అర్హత లేదంటూ అప్పీల్‌ను ధర్మాసనం కొట్టేసింది. అయినా అసెంబ్లీ, న్యాయశాఖ కార్యదర్శులు కోర్టు తీర్పును అమలు చేయకపోవడంతో కోమటిరెడ్డి, సంపత్‌ వారిపై కోర్టు ధిక్కార పిటిషన్‌ దాఖలు చేశారు. దానిపై విచారణ జరిపిన జస్టిస్‌ శివశంకరరావు ఇద్దరు కార్యదర్శులూ కోర్టు ధిక్కారానికి పాల్పడ్డారని, అందుకు ప్రాథమిక ఆధారాలున్నాయని పేర్కొన్నారు. వారికి ఫాం 1 నోటీసులిస్తానని స్పష్టం చేశారు. దాంతో కార్యదర్శులు ప్రధాన న్యాయమూర్తి నేతృత్వంలోని ధర్మాసనం ముందు 61 రోజుల ఆలస్యంతో వేర్వేరుగా అప్పీళ్లు దాఖలు చేశారు. ధర్మాసనం వారికి అనుకూలంగా ఉత్తర్వులివ్వకుండా విచారణను ఈ నెల 16కి వాయిదా వేసింది. ఈ నేపథ్యంలో కోర్టు ధిక్కార పిటిషన్‌పై విచారణ జరిపిన జస్టిస్‌ శివశంకరరావు మంగళవారం మధ్యాహ్నం రెండు వేర్వేరు ఉత్తర్వులు జారీ చేశారు. స్పీకర్, డీజీపీ, ఇద్దరు ఎస్‌పీలకు నోటీసులిస్తూ 83 పేజీలతో ఉత్తర్వులు, ఇరువురు కార్యదర్శులకు వ్యక్తిగత హాజరుకు ఫాం 1 నోటీసులిస్తూ మరో ఉత్తర్వు ఇచ్చారు. 

భూపాలపల్లి అర్బన్‌ : రాష్ట్ర వ్యాప్తంగా టూ వీలర్స్‌ మెకానిక్‌ల సమస్యలపై అసెంబ్లీలో చర్చించడానికి కృషి చేస్తానని అసెంబ్లీ స్పీకర్‌ సిరికొండ మధుసూదనాచారి అన్నారు. స్థానిక ఎస్‌ఎస్‌ఆర్‌ గార్డెన్స్‌లో ఆదివారం ఏర్పాటు చేసిన రాష్ట్ర టూ వీలర్స్‌ మెకానిక్‌ల సదస్సులో ఆయన పాల్గొన్నారు. అనంతరం మాట్లాడుతూ రాష్ట్రంలో అనేక రకాల వృత్తుల వారు అభివృద్ధి చెందున్నప్పటికీ మెకానిక్‌లు మాత్రం వెనుకబడి పోయారని ఆవేదన వ్యక్తం చేశారు. వారి సమస్యలను ప్రభుత్వం దృష్టికి తీసుకెళ్లి పరిష్కరిస్తానని హామీ ఇచ్చారు.  అంతకు ముందు అంబేడ్కర్‌ సెంటర్‌ నుంచి బైక్‌ ర్యాలీ నిర్వహించారు. రాష్ట్రంలోని అన్ని జిల్లాల నుంచి సదస్సుకు సుమారు రెండు వేల మంది మెకానిక్‌లు హాజరయ్యారు. కార్యక్రమంలో రాష్ట్ర స్థానిక నాయకులు తోడేటి బాబు, స్వామి, రమేష్, ఆశోక్‌రెడ్డి, సుజేందర్, రాము, రవికాంత్, లక్ష్మణ్, రాజు, రాజినీకాంత్, మనోహర్, జాఫర్, రమేష్, పాషా, శంకర్, సురేష్, వినయ్, సతీష్‌ తదితరులు పాల్గొన్నారు.

ఖమ్మంఅర్బన్‌ : నగరానికి వచ్చిన స్పీకర్‌ మధుసూదనాచారి పోలీసులు ఇచ్చిన గౌరవ వందనాన్ని స్వీకరించారు. ఎమ్మెల్యే పువ్వాడ అజయ్‌కుమార్‌ ఇంటి వద్ద ఆదివారం పోలీసులు మర్యాదపూర్వకంగా ఆయనకు గౌరవ వందనం ఇచ్చారు. ఈ కార్యక్రమంలో అర్బన్‌ సీఐ నాగేంద్రాచారి తదితరులు ఉన్నారు.

చిట్యాల: చదువు ద్వారానే విద్యార్థులకు బంగారు భవిష్యత్‌ ఉంది.. అందుకోసం మహనీయులను స్ఫూర్తిగా తీసుకుని పట్టుదలతో చదివి ఉన్నత శిఖరాలను అధిరోహించాలని శాసనసభాపతి సిరికొండ మధుసూదనాచారి అన్నారు. స్థానిక కస్తూరిబాగాంధీ బాలికల గురుకుల కళాశాలలో ఇంటర్‌ తరగతులను స్పీకర్‌ శుక్రవారం ప్రారంభించారు. విద్యార్థులకు దుప్పట్లు, నోట్‌బుక్స్‌ పంపిణీ చేశారు. అనంతరం ఆయన మాట్లాడుతూ నిరుపేద కుటుంబంలో జన్మించిన డాక్టర్‌ బీఆర్‌ అంబేడ్కర్‌ ఎంతో కష్టపడి చదువుకుని రాజ్యాంగ నిర్మాత అయ్యారని, పీపీ నర్సింహారావు బహుభాషా కోవిదుడిగా పేరుగాంచి భారత ప్రధానమంత్రి అయ్యారని గుర్తు చేశారు. గతంలో చదువుకోవడం కష్టంగా ఉండేదని, ప్రస్తుతం సీఎం కేసీఆర్‌ విద్యారంగానికి పెద్దపీట వేస్తున్నారని, క్రమశిక్షణతో విద్యాభ్యాసం చేసి ఉత్తమ ఫలితాలు సాధించాల ని కోరారు. ఉపాధ్యాయులు ప్రణాళిక ప్రకారం విద్యాబోధన చేయాలని సూచించారు. అనంతరం ఆవరణలో మొక్కలు నాటారు. ఈ సందర్భంగా  స్పీకరును టీచర్లు, విద్యార్థులు సత్కరించారు. డీఈఓ శ్రీనివాసరెడ్డి, సెక్టోరియల్‌ అధికారి నిర్మల, ఎంపీడీఓ చందర్, సర్పంచ్‌ పుల్లూరి రమాదేవి, పరకాల మార్కెట్‌ కమిటీ చైర్మన్‌ కుంభం రవీందర్‌రెడ్డి, స్పెషల్‌ ఆఫీసర్‌ సుమలత, తహసీల్దార్‌ షరీఫ్‌మొహినొద్దీన్‌ పాల్గొన్నారు.

కాజీపేట రూరల్‌: కాజీపేట రైల్వేకోర్టుకు రైల్‌రోకో కేసులో భాగంగా మంగళవారం స్పీకర్‌ సిరికొండ మధుసూదనాచారి, టీఆర్‌ఎస్‌ నాయకులు హాజరయ్యారు. తెలంగాణ ఉద్యమంలో భాగంగా 2013 సంవత్సరంలో చేపట్టిన రైల్‌రోకో కేసులో స్పీకర్‌ మధుసూదనచారి, అచ్చ విద్యాసాగర్, ఎస్‌.శ్రీనివాస్, డి.దయాసాగర్, ఎ.వినోద్, దిడ్డి నరేష్, వి.సత్యనారాయణ, బొల్లం సంపత్, మేకల రవి, రామగళ్ల పరమేశ్వర్‌ హాజరయ్యారు. అదేవిధంగా ధర్మారం రైల్వే గేట్‌ వద్ద 2014 సంవత్సరంలో జరిగిన రైల్‌రోకో కేసులో స్పీకర్‌ మధుసూదనచారి, ల్యాదెళ్ల బాలు, విజయ్, ఎల్‌.రామారావు, పి.ప్రేమ్‌కుమార్, జి.రమేష్, జి.రాజు, కె.రాములు, వి.లింగారెడ్డి, జి.సందీప్‌లు హాజరుకాగా వరంగల్, ధర్మారం కేçసులను పరిశీలించిన రైల్వే మెజీస్ట్రేట్‌ ఈ నెల 19వ తేదీకి వాయిదా వేస్తూ తీర్పు చెప్పినట్లు వారు తెలిపారు. 

సాక్షి, హైదరాబాద్‌ : కాంగ్రెస్‌ ఎమ్మెల్యేలు కోమటిరెడ్డి వెంకటరెడ్డి, సంపత్‌ కమార్‌ల సభ్యత్వ రద్దు విషయంలో హైకోర్టు తీర్పు అమలు చేయడంలేదంటూ సీఎల్పీ బృందం సోమవారం స్పీకర్‌ మధుసూదనచారిని కలసి ఫిర్యాదు చేశారు. కోమటిరెడ్డి, సంపత్‌ల సభ్యత్వాన్ని పునరుద్దరించాలని వారు స్పీకర్‌ను కోరారు. ఈ సందర్భంగా కాంగ్రెస​ నేతలు ఉత్తమ్‌ కుమార్‌రెడ్డి, జనారెడ్డి  మీడియాతో మాట్లాడుతూ.. స్పీకర్‌, అసెంబ్లీ అప్రజాస్వామికంగా వ్యవహరిస్తోందని ఆరోపించారు. ప్రభుత్వం కూడా జోక్యం చేసుకుని​ స్పీకర్‌కు సలహాలు ఇవ్వాలని సూచించారు. కోర్టు తీర్పును ఎందుకు అమలు చేయడంలేదని స్పీకర్‌ను అడిగినట్టు వారు పేర్కొన్నారు. కోర్టు తీర్పును అమలు చేయకుంటే జాతీయ స్థాయిలో ఉద్యమిస్తామన్నారు. అవసరమైతే సుప్రీం కోరు​ఓటను కూడా ఆశ్రయిస్తామని హెచ్చరించారు. స్పీకర్‌, రేవంత్‌ మధ్య స్వల్ప వాగ్వాదం కాంగ్రెస్‌ నేతలు స్పీకర్‌కు ఫిర్యాదు చేస్తున్న సమయంలో స్పీకర్‌కు, రేవంత్‌కు మధ్య చిన్నపాటి వాగ్వాదం చోటు చేసుకుంది. హైకోర్టు తీర్పును అమలు చేయడంలో ఎందుకు జాప్యం చేస్తున్నారని రేవంత్‌ స్పీకర్‌ని ప్రశ్నించారు. దీంతో అక్కడి వాతావరణం కొద్దిగా వేడెక్కింది. ఒకింత అసహనానికి లోనైన స్పీకర్‌ రేవంత్‌ ఇలా మాట్లాడితే తాను ఇక్కడి నుంచి వెళ్లిపోతానని తెలిపారు. దీంతో కొందరు కాంగ్రెస్‌ నేతలు స్పీకర్‌ను సముదాయించారు.  

గణపురం: శాసన సభాపతి మధుసూదనాచారికి త్రుటిలో పెను ప్రమాదం తప్పింది. ఆయన కాన్వాయ్‌పైకి లారీ దూçసుకెళ్లింది. డ్రైవర్‌ అప్రమత్తతో  ప్రమాదం తప్పింది. జయశంకర్‌ భూపాలపల్లి జిల్లా గణపురం మండలకేంద్రంలో శుక్రవారంరాత్రి స్పీకర్‌ పల్లెనిద్ర చేశారు. శనివారం ఉదయం గణపురంలో  నిర్మించిన బస్టాండ్‌ను ప్రారంభించి తిరిగి భూపాల పల్లికి బయలుదేరారు. ఈ క్రమంలో గణపసముద్రం చెరువు మత్తడి సమీపంలోకి స్పీకర్‌ కాన్వాయ్‌ చేరుకుంది. గాంధీనగర్‌ నుంచి ములుగు వైపు దేవాదుల పైపులను తీసుకుని ఎదురుగా వస్తున్న లారీ కాన్వాయ్‌పైకి దూసుకెళ్లింది. స్పీకర్‌ వెనుక వస్తున్న ఎస్కార్ట్‌ డ్రైవర్‌ అప్రమత్తమై వాహనాన్ని రోడ్డు పక్కకు దిం పాడు. అంతలో లారీ డ్రైవర్‌ సడెన్‌ బ్రేక్‌ వేశాడు. వెనకాల వస్తున్న మరో లారీ ముందున్న లారీని ఢీకొట్టింది. దీంతో సెక్యూరిటీ సిబ్బంది ఆందోళనకు గురై వాహనాలను నిలిపి వేశారు. స్పీకర్‌ వాహనాన్ని పక్క నుంచి మళ్లించారు. కాన్వాయ్‌లోని వాహనానికి, ఎవరికీ ఎలాంటి ప్రమాదం జరగకపోవడంతో పోలీసులు, టీఆర్‌ఎస్‌ నేతలు ఊపిరి పీల్చుకున్నారు.

సాక్షి, జయశంకర్ భూపాల్‌పల్లి: తెలంగాణ స్పీకర్ మధుసూదనాచారికి తృటిలో ప్రమాదం తప్పింది. భూపాలపల్లి జిల్లాలోని గణపురం శివారులో స్పీకర్‌ కాన్వాయిలోని వాహనాన్ని లారీ ఢీకొట్టింది. తన నియోజవర్గమైన గణపురంలో పల్లెనిద్ర ముగించుకుని భూపాలపల్లికి తిరిగి వెళ్తుండగా ఈ ప్రమాదం చోటు చేసుకుంది. లారీ డ్రైవర్ తప్పిదం వల్లే ఈ ఘటన జరిగినట్టు తెలుస్తోంది. లారీ ఢీకొనడంతో కాన్వాయిలోని వాహనం రోడ్డు పక్కకు దూసుకెళ్లింది.  అంత‌కుముందు గణపురం మండల కేంద్రంలో మధుసూదనాచారి పల్లె నిద్ర చేశారు. ఉదయం స్థానిక ప్రజలతో కలిసి నడుచుకుంటూ గ్రామంలో జరుగుతున్న అభివృద్ధి పనులను పరిశీలించారు. 

సాక్షి, హైదరాబాద్‌: తెలంగాణ ఏర్పాటైన నాలుగేళ్లలోనే దేశంలోనే అగ్రగామిగా దూసుకుపోతోందని శాసనసభ స్పీకర్‌ మధుసూదనాచారి అన్నారు. రాష్ట్రావతరణ వేడుకలను పురస్కరించుకొని అసెంబ్లీ ఆవరణలో ఆయన జాతీయ జెండాను ఎగురవేశారు. అసెంబ్లీ ఆవరణలోని మహాత్మాగాంధీ, అంబేడ్కర్‌ విగ్రహాలకు పూలమాలలు వేసి, నివాళులు అర్పించారు. ఈ సందర్భంగా మధుసూదనాచారి మాట్లాడుతూ.. తెలంగాణ ప్రజల హక్కులు, ఆత్మగౌరవం కోసం రాష్ట్రాన్ని సాధించుకున్నామన్నారు. ఎందరో త్యాగాల ఫలితంగా వచ్చిన రాష్ట్రంలో, అమరుల ఆశయాలను సాధించుకోవడానికి నిరంతర కృషి జరుగుతోందని తెలిపారు. రాష్ట్ర అభివృద్ధిని చూసి దేశమే ఆశ్చర్యపోతోందని వ్యాఖ్యానించారు. ఇదే స్ఫూర్తితో బంగారు తెలంగాణ సాధించుకోవాలన్నారు. అనంతరం అసెంబ్లీ ఆవరణలోని బంగారు మైసమ్మ అమ్మ వారి గుడిలో స్పీకర్‌ ప్రత్యేక పూజలు చేశారు.   తెలంగాణ భవన్‌లోనూ..  రాష్ట్రావతరణ వేడుకలను తెలంగాణ భవన్‌లో ఘనంగా నిర్వహించారు. ఈ సందర్భంగా రాష్ట్ర హోంమంత్రి నాయిని నర్సింహారెడ్డి జాతీయజెండాను ఎగురవేశారు. కార్యక్రమంలో ఎమ్మెల్సీ శ్రీనివాస్‌రెడ్డి, పలువురు నేతలు పాల్గొన్నారు. 

హైదరాబాద్‌: నాయకుడికి దూరదృష్టి ఉంటే అద్భుతమైన ఫలితాలు సాధించవచ్చని శాసన సభ స్పీకర్‌ మధుసూదనాచారి అన్నారు. రాజేంద్రనగర్‌లోని జాతీయ గ్రామీణాభివృద్ధి, పంచాయతీరాజ్‌ సంస్థ (ఎన్‌ఐఆర్‌డీ)లో 14 రాష్ట్రాలకు చెందిన ఎమ్మెల్యేలు, ఎమ్మెల్సీలకు గ్రామీణాభివృద్ధిపై నిర్వహిస్తున్న నాలుగు రోజుల శిక్షణను ఆయన మంగళవారం ప్రారంభించి మాట్లాడారు. గ్రామీణులకు ప్రభుత్వ పథకాల గురించి తెలియకపోవడంతో వారి జీవన విధానంలో ఇప్పటికీ ఎలాంటి మార్పూ లేదన్నారు. ప్రజలకు అవసరమైన వాటిని తెలుసుకుని అందుకు అనుగుణంగా ప్రజాప్రతినిధులు, అధికారులు పనిచేయాలన్నారు. పల్లెనిద్ర, పల్లె ప్రగతి కార్యక్రమాల ద్వారా ఇప్పటికీ ప్రపంచానికి తెలియని కులాల వారిని కలుసుకున్నానని, అదేవిధంగా ప్రజాప్రతినిధులంతా తమ నియోజకవర్గ సమస్యలపై అవగాహన పెంచుకుని అభివృద్ధికి తోడ్పడాలని చెప్పారు.   అవగాహన పెంచుకుంటాను మొదటిసారి నాకు ఎమ్మెల్యేగా అవకాశం వచ్చింది. ఈ శిక్షణ ద్వారా గ్రామీణుల సమస్యలపై అవగాహన పెంచుకుని వారికి సేవ చేసేందుకు కృషిచేస్తాను.   – సుష్మాపాటిల్, బీఎస్పీ ఎమ్మెల్యే, ఉత్తరప్రదేశ్‌  సేవ చేసేందుకు శిక్షణ ఉపయోగం  గ్రామీణులకు కేంద్ర, రాష్ట్ర పథకాలను పూర్తిస్థాయిలో అందిం చేందుకు ఈ శిక్షణ ఉపయోగపడనుంది. నా నియోజకవర్గ ప్రజలకు మెరుగైన సౌకర్యాలు అందించేందుకు కృషిచేస్తాను. గ్రామీణ ప్రాంత ప్రజలతోనే అభివృద్ధి సాధ్యం. – పవన్‌సైనీ, బీజేపీ ఎమ్మెల్యే, హరియాణా  

సాక్షి, పరకాల: వ్యవసాయ రంగంలో తెలంగాణ రాష్ట్రం ప్రపంచానికి ఆదర్శంగా నిలిపేందుకు ముఖ్యమంత్రి కేసీఆర్‌ ప్రత్యేక కార్యాచరణ రూపొందించినట్లు స్పీకర్‌ సిరికొండ మధుసూదనాచారి అన్నారు. కోటి ఎకరాలకు సాగునీరందించి, రాష్ట్రంలో కరువు పరిస్థితులు లేకుండా చేయడమే ప్రభుత్వ లక్ష్యమని ఆయన పేర్కొన్నారు. పరకాల పట్టణంలోని జీఎంఆర్‌ గార్డెన్‌లో జిల్లా వ్యవసాయ శాఖ ఆధ్వర్యంలో శనివారం కిసాన్‌ మేళా జరిగింది. కార్యక్రమానికి ముఖ్య అతిథిగా శాసన సభాపతి సిరికొండ మధుసూదనాచారి, ఎమ్మెల్యే చల్లా ధర్మారెడ్డి హాజరై 50 మంది రైతులకు సబ్సిడీ ట్రాక్టర్లు పంపిణీ చేశారు. అనంతరం జరిగిన సమావేశంలో స్పీకర్‌ మాట్లాడుతూ ప్రపంచంలోనే వ్యవసాయానికి అత్యంత అనుకూలమైన ప్రాంతం తెలంగాణ రాష్ట్రమన్నారు. కేసీఆర్‌ పరిపాలన రైతులకు స్వర్ణయుగమని చెప్పారు. ప్రభుత్వం అందించే సంక్షేమ పథకాలను రైతులు సద్వినియోగం చేసుకోవాలని పిలుపునిచ్చారు. ఎమ్మెల్యే చల్లా ధర్మారెడ్డి మాట్లాడుతూ గత ప్రభుత్వాలు రైతు సంక్షేమాన్ని పూర్తిగా విస్మరించాయని, ముఖ్యమంత్రి కేసీఆర్‌ రైతులకు పెద్దపీట వేశారని కొనియాడారు. రుణాల కోసం ఎదురుచూడకుండా ఎకరాకు రూ.4 వేల చొప్పున రైతులకు పెట్టుబడి అందించడం చారిత్రకమైందని తెలిపారు. జిల్లా వ్యవసాయ శాఖ అధికారి ఉషాదయాళ్, రైతు సమన్వయ సమితి జిల్లా కన్వీనర్‌ బొల్లె భిక్షపతి, వరంగల్‌ వ్యవసాయం మార్కెట్‌ కమిటీ చైర్మన్‌ కొంపెల్లి ధర్మారాజు, పరకాల, ఆత్మకూరు ఎంపీపీలు నేతాని సులోచన, మల్లికార్జున్, జెడ్పీటీసీ సభ్యురాలు పాడి కల్పనాదేవి, పరకాల ఏడీఏ విద్యాసాగర్, మండల వ్యవసాయ అధికారి నాగరాజు, మండలంలోని వ్యవసాయా విస్తీర్ణ అధికారులు, టీఆర్‌ఎస్‌ నాయకులు తదితరులు పాల్గొన్నారు.  

సాక్షి, న్యూఢిల్లీ : సమాజంలో అసమానతల్లేకుండా ప్రజల ఆకాంక్షలకు అనుగుణంగా విధి విధానాలు రూపొందించి చట్టాలను అమలు చేయడమే చట్టసభల ప్రధాన కర్తవ్యమని అసెంబ్లీ స్పీకర్‌ మధుసూదనాచారి అన్నారు. సోమవారం ఢిల్లీలో లోక్‌సభ స్పీకర్‌ సుమిత్రా మహాజన్‌ అధ్యక్షతన జరిగిన కామన్వెల్త్‌ పార్లమెంటరీ సమీక్షలో పలు రాష్ట్రాల అసెంబ్లీల స్పీకర్లు, మండలి చైర్మన్లు పాల్గొన్నారు. ప్రజల హక్కులను పరిరక్షించేందుకు సభలను నడపాలని మధుసూదనాచారి పేర్కొన్నారు. గత కామన్వెల్త్‌ పార్లమెంటరీ సమీక్షలో తీసుకున్న నిర్ణయాలు, వాటి అమలుపై సమావేశంలో చర్చించారు. తదుపరి సమావేశం జూన్‌ 2న ముంబైలో నిర్వహించనున్నట్లు తెలిపారు. తెలంగాణ ప్రజల ఆకాంక్షలను నెరవేర్చడంలో రాష్ట్ర అసెంబ్లీ పనితీరు ప్రశంసనీయమని సుమిత్రా మహాజన్‌ కొనియాడినట్లు పేర్కొన్నారు. చట్టసభల్లో ఎదురవుతున్న సమస్యలు, ఇతర అంశాల పరిష్కారానికి ఇలాంటి సమావేశాలు ఉపయోగపడుతాయని మండలి చైర్మన్‌ స్వామిగౌడ్‌ అన్నారు. అన్ని రాష్ట్రాల స్పీకర్లు, మండలి చైర్మన్లతో ఎప్పటికప్పుడు వీడియో కాన్ఫరెన్స్‌లు నిర్వహించాలని కోరడంపై సుమిత్రా మహాజన్‌ సానుకూలంగా స్పందించారని చెప్పారు. సమాజంలోని అసమానతల తొలగింపునకు విశేష కృషి చేసి దేశానికి దశ, దిశ చూపిన మహనీయులు జ్యోతిబా పూలే, బీఆర్‌ అంబేడ్కర్‌ అని మధుసూదనాచారి, స్వామిగౌడ్‌ కొనియాడారు. తెలంగాణ పూలే బీసీ సంక్షేమ సంఘం ఆధ్వర్యంలో జ్యోతిబా పూలే, అంబేడ్కర్‌ల జయంతి వేడుకలను ఢిల్లీలోని తెలంగాణ భవన్‌లో ఘనంగా నిర్వహించారు.   

టేకుమట్ల: పల్లెల అభివృద్ధే నా ఎజెండా.. ప్రతీ పల్లె అభివృద్ధి చెందేవరకూ విశ్రమించనని స్పీకర్‌ మధుసూదనాచారి అన్నారు. మండలంలోని వెంకట్రావుపల్లి(బి) గ్రామంలో పల్లె ప్రగతి నిద్ర ముగింపు సందర్భంగా ప్రతి వాడలో తిరుగుతూ ప్రజల అవసరాల ను తెలుకున్నారు. శనివారం రాత్రి కురిసిన వర్షానికి తడిసిన ధాన్యాన్ని పరిశీలించి రైతులకు భరోసానిచ్చారు. గ్రామంలో ఇటీవల అనారోగ్యంతో మృతిచెందిన బండి రాజు ఇంటికి వెళ్లి  ఆయన కుటుంబ సభ్యులను పరామర్శించి ఆర్థిక సాయం అందించారు. అనంతరం ఆయన మాట్లాడుతూ ఇప్పటి వరకు నియోజకవర్గంలో ఎవరూ చేయలేని అభివృద్ధి పనులను చేశానని, అందుకు ప్రజలే సాక్ష్యమన్నారు. కరీంనగర్‌ నుంచి టేకుమట్ల మండలం మీదుగా భూపాలపల్లి జిల్లా కేంద్రానికి జాతీయ రహదారి, ఓడేడు మానేరుపై అంతర్‌జిల్లా వంతెనతో గోదావరిఖని నుంచి హన్మకొండకు డబుల్‌ రోడ్డుతో ప్రయాణికుల రవాణాను త్వరలో మెరుగుపర్చే కార్యక్రమం ముందుకు సాగుతుందన్నారు. రైతుల సాగు నీటికి ఇబ్బంది కలుగకుండా భారీ బడ్జెట్‌తో మానేరులో చెక్‌డ్యామ్‌ నిర్మాణానికి ప్రతిపాదనలు సైతం సిద్ధం చేశానన్నారు. చెరువు శిఖం భూమిని కొందరు అక్రమంగా కబ్జా చేస్తున్న తీరును గ్రామస్తులు స్పీకర్‌కు తెలపడంతో స్పందించిన ఆయన వెంట నే తహసీల్దార్‌తో మాట్లాడి అక్రమార్కుల నుంచి భూమిని స్వాధీనం చేసుకోవాలని ఆయన సూచించారు. ఆయన వెంట నాయకులు టీఆర్‌ఎస్‌ మండల అధ్యక్షుడు కత్తి సంపత్, మండల ప్రధాన కార్యదర్శి ఆకునూరి తిరుపతి, ఏకు మల్లేష్,  సర్పంచ్‌ల ఫోరం మండల అధ్యక్షులు ఒరంగంటి సధాకర్, రైతు సమన్వయ సమితి మండల కన్వీనర్‌ కూర సురేందర్‌రెడ్డి, గ్రామశాఖ అధ్యక్షుడు నేరేళ్ల  శ్రీనివాస్‌గౌడ్, నాయకులు కొలిపాక రాజయ్య, వంగ కుమారస్వామి, రాంరెడ్డి, డాక్టర్‌ ఏకు నవీన్, సంగి రవి, కమురోద్ధిన్, పైడిపెల్లి సతీష్, మామిండ్ల ఎల్లస్వామి, వర్థాచారి, బందెల శ్రీనివాస్‌ యువజన నాయకులు అభిరాజు, తోట సాగర్, అందె కుమార్, బీనవేని ప్రభాకర్‌గౌడ్, దొడ్ల కోటి, బండమీది అశోక్, గునిగంటి మహేందర్, మల్లికార్జున్, శ్రీపతి రాకేష్, నాంపెల్లి వీరేశం, బొజ్జపెల్లి తిరుపతి, గంధం సురేష్, కిష్టస్వామి, తదితరులు పాల్గొన్నారు.

సాక్షి​, హైదరాబాద్‌ : తెలంగాణ అసెంబ్లీ స్పీకర్‌ సిరికొండ మధుసూదనాచారిపై సోషల్‌మీడియాలో సెటైర్లు పేలుతున్నాయి. తాజాగా ఆయన పాలాభిషేకం వీడియో ఒకటి నెట్‌లో వైరల్‌ అయిన విషయం తెలిసిందే.  ప్రజాప్రతినిధి అయివుండి ఇలాంటి పనులను ప్రొత్సహించటమేంటని విమర్శలు గుప్పిస్తున్నారు. ‘పాలను వృధా చేశారు. తెలంగాణలో కనీసం వాటిని కొనలేని ప్రజలు ఉన్నారని గుర్తించండి’ అని కొందరు.. ‘సాధారణంగా సినిమా వాళ్లకు కటౌట్లకు ఇలాంటి పాలాభిషేకం చూస్తుంటాం. కానీ, ఇప్పుడది వేరే మలుపు తీసుకున్నట్లుంది’ అని మరికొందరు కామెంట్లు చేస్తున్నారు. ఇంకొందరైతే ఓ మెట్టుదిగి ఆయనపై వ్యంగ్యాస్త్రాలు సంధించారు. తెలంగాణలో కొత్తగా గ్రామపంచాయతీలు ఏర్పాటుచేసినందుకు కృతజ్ఞతగా తన నియోజకవర్గం భూపాలపల్లిలోని పెద్దపల్లి గ్రామంలో అనుచరులు మధుసూదనాచారికి  పాలాభిషేకం చేసిన విషయం తెలిసిందే. Damn.... is it this hard to see the wastage.... Ironic making a fool out of themselves on April Fool's day... — Manisha Palai (@manishapalai) 1 April 2018 What a wastage of milk! You do realize Telangana has a lot of people who actually don't have money to afford it. — Dr. Sugandha (@sugandhakohli) 1 April 2018

సాక్షి, హైదరాబాద్‌ : బడ్జెట్‌ సమావేశాల తొలిరోజు అసెంబ్లీలో నిరసనకు దిగిన కాంగ్రెస్‌ పార్టీ సభ్యులకు గట్టి షాక్‌ తగిలింది. బడ్జెట్ సమావేశాల తొలిరోజున ఉభయ సభల సంయుక్త సమావేశంలో గవర్నర్ నరసింహన్ ప్రసంగాన్ని అడ్డుకునే ప్రయత్నంలో భాగంగా కాంగ్రెస్ సభ్యులు పోడియం వద్దకు చేరుకుని నినాదాలతో నిరసనకు దిగారు. అందులో భాగంగా ప్లకార్డులు ప్రదర్శించడమే కాకుండా కాగితాలను చించి పోడియం వైపు విసిరారు. ఆ ప్రయత్నంలో సభ్యుడు కోమటిరెడ్డి వేదికపైకి హెడ్‌సెట్‌ విసిరిన సంగతి తెలిసిందే. మంగళవారం సభ ప్రారంభమైన తర్వాత సోమవారం కాంగ్రెస్ సభ్యులు ప్రవర్తించిన తీరును తప్పుబట్టారు. వాటిని క్షమించరాని ఘటనగా స్పీకర్‌  పేర్కొన్నారు. సభా మర్యాదలు మంటగలిపే చర్యలకు పాల్పడిన కారణంగా కాంగ్రెస్ కు చెందిన మొత్తం 11 మంది సభ్యులపై వేటు వేస్తున్నట్లు స్పీకర్ ప్రకటించారు.  ఈ ఘటనలకు సంబంధించి శాసన మండలిలోనూ ఐదుగురు సభ్యులపై వేటు పడింది. కోమటిరెడ్డి, సంపత్‌ల సభ్యత్వం రద్దు :  క్రమశిక్షణ చర్య కింద 11 మంది కాంగ్రెస్‌ సభ్యులపై చర్యలు తీసుకుంటున్నట్లు స్పీకర్‌ మధుసూదనాచారి చెప్పారు. ఎమ్మెల్యేలు కోమటిరెడ్డి వెంకట్‌రెడ్డి, సంపత్‌కుమార్  శాసనసభ సభ్యత్వాలను రద్దు చేస్తున్నట్టు ప్రకటించారు. అంతకుముందు సోమవారం ఘటనలను నిరసిస్తూ సంబంధిత సభ్యులపై చర్యలు కోరుతూ డిప్యూటీ సీఎం కడియం శ్రీహరి ప్రవేశపెట్టిన తీర్మానానికి సభ ఆమోదం తెలిపింది. కోమటిరెడ్డి, సంపత్ కుమార్ ల సభ్యత్వం రద్దు చేయగా మిగిలిన సభ్యులపై బడ్జెట్‌ సమావేశాలు ముగిసేవరకు సస్పెన్షన్‌ వర్తిస్తుందని స్పీకర్‌ తెలిపారు. సస్పెండైన ఎమ్మెల్యేలు వీరే : స్పీకర్‌ సస్సెండ్‌ చేసిన కాంగ్రెస్‌ సభ్యుల్లో ప్రతిపక్ష నేత జానారెడ్డి, ఉపనేత జీవన్‌రెడ్డి, టీపీసీసీ చీఫ్‌ ఉత్తం కుమార్‌రెడ్డి, గీతారెడ్డి, చిన్నారెడ్డి, డీకే అరుణ, భట్టి విక్రమార్క, రామ్మోహన్‌రెడ్డి, వంశీచంద్‌రెడ్డి, పద్మావతిరెడ్డిలు ఉన్నారు. మాధవరెడ్డి కాంగ్రెస్‌ అనుబంధ సభ్యుడిగా కొనసాగుతున్నారు. మండలిలోనూ : సోమవారంనాటి దాడి ఘటనకు సంబంధించి శాసన మండలిలోనూ సస్సెన్షన్‌ నిర్ణయాలు జరిగాయి. మండలిలో కాంగ్రెస్‌ పక్షనేత షబ్బీర్‌ అలీతోపాటు పొంగులేటి సుధాకర్‌రెడ్డి, ఆకుల లలిత, కోమటిరెడ్డి రాజగోపాల్‌రెడ్డి, దామోదర్‌రెడ్డిలను సస్సెండ్‌ చేస్తున్నట్లు ఉప సభాపతి నేతి విద్యాసాగర్‌  ప్రకటించారు. బడ్జెట్‌ సమావేశాల వరకే వీరిపై సస్పెన్షన్‌ ఉంటుందని పేర్కొన్నారు.

సాక్షి, హైదరాబాద్‌: ఈ నెల 12 నుంచి తెలంగాణ రాష్ట్ర శాసనసభ బడ్జెట్ సమావేశాలు ప్రారంభం కానున్నాయి. ఈ నేపథ్యంలో శాసనభ స్పీకర్ మధుసుదనాచారి, శాసన మండలి చైర్మన్ స్వామిగౌడ్‌లు గురువారం అధికారులతో భేటీ అయ్యారు. ప్రభుత్వ ప్రధాన కార్యదర్శి ఎస్కే జోషి, ఆయా శాఖల ముఖ్య కార్యదర్శులు, ఇతర ఉన్నతాధికారులతో సమావేశం నిర్వహించారు. బడ్జెట్ సమావేశాల్లో తీసుకోవాల్సిన చర్యలపై చర్చించనున్నారు.  ఈ భేటీ అనంతరం రాష్ట్ర డీజీపీ, పోలీసు శాఖ ఉన్నతాధికారులు, అసెంబ్లీ అధికారులతో కూడా ప్రత్యేకంగా సమావేశం ఏర్పాటు చేశారు. బడ్జెట్ సమావేశాల సందర్భంగా అసెంబ్లీ ప్రాంగణం, పరిసర ప్రాంతాల్లో చేపట్టాల్సిన భద్రతా ఏర్పాట్లపై ఈ సమావేశం జరుగనుంది. ఈ నెల 12న బడ్జెట్ సమావేశాల ప్రారంభాన్ని పురస్కరించుకుని రాష్ట్ర గవర్నర్ ఈఎస్‌ఎల్ నరసింహన్ ఉభయసభల సభ్యులనుద్దేశించి ప్రసగించనున్నారు. అదే రోజు తెలంగాణ నుంచి మూడు రాజ్యసభ స్థానాలకు నామినేషన్ల దాఖలుకు చివరి రోజు కావడంతో అసెంబ్లీ వద్ద తీసుకోవాల్సిన భద్రతాచర్యలపై వీరు చర్చించనున్నట్టు సమాచారం.

సాక్షి, హైదరాబాద్‌: రాష్ట్రంలో అద్భుతమైన అటవీ ప్రాంతాలు, సహజ ఆవాసాలు, ప్రకృతి రమణీయ ప్రాంతాలు ఎన్నో ఉన్నాయని, వాటిని పరిరక్షించుకోవాలని అసెంబ్లీ స్పీకర్‌ మధుసూదనాచారి అన్నారు. రాష్ట్రాన్ని పర్యాటకంగానే కాకుండా దేశంలోనే గొప్ప ప్రాంతంగా తీర్చిదిద్దే దిశగా చర్యలు తీసుకోవాలని అధికారులను కోరారు. ఇందుకోసం అటవీ, పర్యాటక శాఖలకు తోడు అన్ని శాఖలు సమన్వయంతో పనిచేయాలని సూచించారు. వన్యప్రాణి, పర్యావరణ పరిరక్షణపై ఏర్పాటైన కమిటీ తొలి సమావేశం గురువారం అసెంబ్లీ కమిటీ హాల్లో స్పీకర్‌ అధ్యక్షతన జరిగింది. అటవీ సంపద, వన్యప్రాణులు, పర్యావరణ పరిరక్షణ కోసం తీసుకోవాల్సిన చర్యలు, ఎకో టూరిజం అభివృద్ధిపై సమగ్ర నివేదిక తయారు చేయాలని, దానిని అసెంబ్లీ కమిటీ తరఫున ప్రభుత్వానికి పంపుదామని స్పీకర్‌ సూచించారు. ఈ సమావేశానికి ఎమ్మెల్సీలు నారదాసు లక్ష్మణ్‌రావు, ఫరీదుద్దీన్, ఎమ్మెల్యేలు జలగం వెంకటరావు, కిషన్‌రెడ్డి, దివాకర్‌రావు, బాపూరావు రాథోడ్, గువ్వల బాలరాజు, ఉన్నతాధికారులు హాజరయ్యారు.   పర్యావరణహిత టూరిజం అభివృద్ధికి ప్రణాళిక వన్యప్రాణి, పర్యావరణ పరిరక్షణకు అటవీశాఖ తరఫున చేపట్టిన కార్యక్రమాలు, పథకాలపై సమావేశంలో పీసీసీఎఫ్‌ పీకే ఝా పవర్‌ పాయింట్‌ ప్రజెంటేషన్‌ ఇచ్చారు. వేట నియంత్రణకు పోలీసులు, అటవీ సిబ్బం దితో ఉమ్మడి నియంత్రణకు చర్యలు తీసుకుంటామని, పర్యావరణహిత టూరిజం అభివృద్ధికి త్వరలోనే ఒక సమగ్ర ప్రణాళికను సిద్ధం చేసి ప్రభుత్వానికి ప్రతిపాదనలు పంపుతామని అటవీశాఖ ముఖ్యకార్యదర్శి రజత్‌ కుమార్‌ పేర్కొన్నారు.  ముఖ్యమంత్రి కేసీఆర్‌ సూచనల మేరకు పట్టణ ప్రాంతాలకు సమీపంలో ఉన్న అటవీ ప్రాంతాల్లో అర్బన్‌ పార్కులను  అభివృద్ధి చేస్తున్నట్లు వెల్లడించారు. అటవీ శాఖ ఉన్నతాధికారుల ఆహ్వానం మేరకు హరితహారం, అటవీ పునరుజ్జీవన చర్యలు, అర్బన్‌ పార్కుల సందర్శనకు కమిటీ త్వరలోనే వెళ్తుందని స్పీకర్‌ మధుసూదనాచారి ప్రకటించారు. 

సాక్షి, భూపాలపల్లి: శాసనసభ స్పీకర్ మధుసూదనాచారి శనివారం మేడారం సమ్మక్క-సారాలమ్మలను దర్శించుకున్నారు. ఈ సందర్భంగా ఆయన నిలువెత్తు బంగారాన్ని సమర్పించి అమ్మవార్లకు మొక్కులు చెల్లించారు. దర్శన అనంతరం ఆయన మాట్లాడుతూ జాతర ఇంకా ప్రారంభం కాకముందే ప్రతిరోజు లక్షలాది మంది భక్తులు దర్శనం చేసుకుంటున్నారన్నారు. రోజు రోజుకు భక్తుల సంఖ్య పెరుగుతుండటంతో తగిన ఏర్పాట్లను చేస్తున్నట్టు తెలిపారు. కుంభమేళాలు నదీ పరివాహక ప్రాంతాల్లో జరిగితే.. తెలంగాణలో అటవీ ప్రాంతాన కుంభమేళా జరగడం విశేషమన్నారు. ప్రపంచంలో అరుదైన జాతర మేడారమని అభివర్ణించారు. తెలంగాణ ప్రజల జీవితాలు ప్రకృతితో ముడిపడి ఉన్నాయన్నారు. కుటుంబ సమేతంగా ఈ నెల 31న ఎడ్ల బండి పై మరోసారి వచ్చి అమ్మవార్లను దర్శించుకుని మొక్కులు తీర్చుకుంటానని మధుసూదనాచారి తెలిపారు.

సాక్షి, హైదరాబాద్‌: శాసనసభ, మండలిలో గణతంత్ర వేడుకలు ఘనంగా జరిగాయి. శాసనసభలో స్పీకర్‌ మధుసూదనాచారి, మండలిలో చైర్మన్‌ స్వామిగౌడ్‌ జాతీయ పతాకాన్ని ఆవిష్కరించారు. శాసనసభా కార్యదర్శి నరసింహాచార్యులు, శాసనసభ సచివాలయ ఉద్యోగులు కార్యక్రమంలో పాల్గొన్నారు. టీఆర్‌ఎస్‌ కార్యాలయం తెలంగాణ భవన్‌లో హోంమంత్రి నాయిని నర్సింహారెడ్డి, జాతీయ పతాకాన్ని ఎగురవేసి గణతంత్ర వేడుకలు జరిపారు. 

‘‘ఇలాంటి కార్యక్రమాన్ని ఇంత చక్కగా నిర్వహించడం సుబ్బరామిరెడ్డిగారికే సాధ్యం. కళాకారులను సన్మానించడానికి ఆయన 120 ఏళ్లు జీవించి ఉండాలి’’ అని మహారాష్ట్ర గవర్నర్‌ సి.హెచ్‌. విద్యాసాగర్‌ రావు అన్నారు. ‘కళాబంధు’ టి. సుబ్బరామిరెడ్డి బుధవారం ‘కాకతీయ కళా వైభవ మహోత్సవం’ నిర్వహించారు. ఈ సందర్భంగా నటుడు మంచు మోహన్‌బాబుని ‘విశ్వ నట సార్వభౌమ’ అవార్డుతో సత్కరించారు. ముఖ్య అతిథిగా విచ్చేసిన విద్యాసాగర్‌ రావు మాట్లాడుతూ– ‘‘భారతదేశంలో అత్యధికులు మాట్లాడే భాష హిందీ తర్వాత తెలుగే అని మనం సగర్వంగా చెప్పుకోవాలి. మారుమూల ప్రాంతాల్లోని పేద కళాకారులను సైతం గుర్తించి సన్మానం చేయాలని సుబ్బరామిరెడ్డిగారికి నేను మనవి చేస్తున్నా. ప్రపంచంలోని తెలుగువారందర్నీ కలిపి ఓ వెబ్‌సైట్‌ తయారు చేయాలి. తెలుగు భాషకు సంబంధించిన చరిత్ర, అన్ని విషయాలు అందులో ఉండేలా చూడాలి. తెలుగు భాష పేద విద్యార్థులకు ఎంత ఉపయోగపడుతుందనే విషయం మరచిపోకూడదు. సిటీల్లో గ్రాడ్యుయేషన్‌ వరకూ చదవాలంటే కొన్ని లక్షల రూపాయలు ఖర్చు అవుతాయి. పల్లె ప్రాంతంలో అయితే దాదాపు ఖర్చు లేకుండానే వాళ్లు చదువుకుంటున్నారు. కానీ, గ్రాడ్యుయేషన్‌ తర్వాత ఇంజినీరింగ్‌ కావొచ్చు.. కలెక్టర్‌ కావొచ్చు.. ధనిక విద్యార్థులతో పోటీ పడుతున్నారు గ్రామీణ విద్యార్థులు. ఈ శక్తి వారికి ఎలా వచ్చిందంటే తల్లిలా ఉండే తెలుగు భాషవల్లే. తెలుగు భాష వల్ల కొన్ని వేల రూపాయల సబ్సిడీ దొరుకుతోంది. అటువంటి భాషను మనం ముందుకు తీసుకుపోవాల్సిన అవసరం ఉంది. కులరహిత సమాజం కోసం అందరూ కృషి చేయాలి. పదునైన పదజాలాన్ని పలకడంలో తనకు తానే సాటి అని నిరూపించుకున్నారు మోహన్‌బాబుగారు. డైలాగులంటే ఎన్టీఆర్‌ తర్వాత గుర్తుకు వచ్చే వ్యక్తి మోహన్‌బాబుగారే’’ అన్నారు. తెలంగాణ రాష్ట్ర శాసనసభ స్పీకర్‌ మధుసూదనాచారి మాట్లాడుతూ– ‘‘మోహన్‌బాబు నటన అద్భుతం. ఐదు తరాల ప్రేక్షకుల అభిమానం సొంతం చేసుకున్న ఆయన ‘విశ్వ నట సార్వభౌమ’ అవార్డుకు సంపూర్ణ అర్హులు’’ అన్నారు. తెలంగాణ శాసనమండలి చైర్మన్‌ స్వామి గౌడ్‌ మాట్లాడుతూ– ‘‘మోహన్‌బాబుగారి సినిమాలు భారతీయులు.. ముఖ్యంగా తెలంగాణ, ఆంధ్ర ప్రజల గుండెల్లో చెక్కబడి ఉంటాయని చెప్పగలను. ఆయన జీవితం అంతా కళారంగానికే అంకితం చేశారు’’ అన్నారు. సుబ్బరామిరెడ్డి మాట్లాడుతూ– ‘‘మోహన్‌బాబు 42 ఏళ్లలో 600 చిత్రాలకు పైగా నటించారు. భారతదేశ చలనచిత్ర రంగంలో విలన్‌గా ఉండి హీరో అయ్యి 150 సినిమాలు (హీరోగా) చేసిన ఘనత మోహన్‌బాబుది. ఎంత గొప్ప నటుడో అంత ఖలేజా, దమ్ము ఉన్న మనిషి. 14వేల మంది విద్యార్థులున్న కాలేజీ పెట్టి 4వేల మందికి ఉచితంగా విద్య అందిస్తున్నారు. అటువంటి మోహన్‌బాబుని ‘విశ్వ నట సార్వభౌమ’ అవార్డుతో సత్కరించుకోవడం సంతోషం’’ అన్నారు. అవార్డు గ్రహీత మోహన్‌బాబు మాట్లాడుతూ– ‘‘మంచి వ్యక్తి అయిన విద్యాసాగర్‌ రావు నా ఆత్మీయులు కావడం సంతోషం. ఓరుగల్లు అంటే వరంగల్‌.. పౌరుషాల గడ్డ. ఆ ప్రాంతం గురించి నాకు పెద్దగా తెలియదు కానీ. కులమతాలకు అతీతంగా తెలుగు వారంతా కలిసి మెలసి ఉండాలని పోరాడిన వీర వనిత రుద్రమదేవి గురించి తెలుసు. డబ్బున్న వాళ్లు ఎందరో ఉంటారు. అందరికీ ఇటువంటి కార్యక్రమాలు చేయాలనే ఆలోచన రాదు. పూర్వం రాజులు చేసేవారు.  ఇప్పుడు సుబ్బరామిరెడ్డిగారు చేస్తున్నారు. ఎన్నో కష్ట నష్టాలు ఎదుర్కొని నేనీ స్థాయికి వచ్చా. భక్తవత్సలం నాయుడు అయిన నన్ను మా గురువు దాసరిగారు మోహన్‌బాబుగా మార్చారు. 1982లో శ్రీ లక్ష్మీ ప్రసన్న పిక్చర్స్‌ని స్థాపించి అన్నగారు ఎన్టీఆర్‌తో కొబ్బరికాయ కొట్టించాను. 1992లో నా ఆస్తులు తాకట్టు పెట్టి ‘మేజర్‌ చంద్రకాంత్‌’ సినిమా తీస్తే అది సిల్వర్‌ జూబ్లీ హిట్‌ అయింది. మళ్లీ అన్నగారిని ముఖ్యమంత్రి కుర్చీలో కూర్చోబెట్టా. ఆ మహానుభావుడు నన్ను రాజ్యసభకు పంపారు. అందరికీ కోపం ఉంటుంది. కానీ, నాకు ఎక్కువ ఉంటుంది. ‘తన కోపమే తన శత్రువు’ అన్నట్టు నా కోపం నాకు నష్టాన్ని కలిగించిందే తప్ప ఎవరికీ నష్టం కలిగించలేదు’’ అన్నారు. హీరో బాలకృష్ణ మాట్లాడుతూ– ‘‘ఇప్పటికీ లలిత కళలు బతికి ఉన్నాయంటే సుబ్బరామిరెడ్డిగారిలాంటి వారివల్లే. ‘కాకతీయ కళా పరిషత్‌’ స్థాపించిన తొలిసారి మోహన్‌బాబుగారిని సత్కరించుకోవడం మా చలనచిత్ర రంగాన్ని సన్మానించడంగా నేను భావిస్తున్నా’’ అన్నారు. హాస్య నటుడు బ్రహ్మానందం మాట్లాడుతూ– ‘‘ఏ నుంచి జెడ్‌ వరకూ మోహన్‌బాబుగారికి అభిమానులే’’ అన్నారు. ఈ సందర్భంగా దివంగత నటులు టీఎల్‌  కాంతారావు కుటుంబానికి సుబ్బరామిరెడ్డి రూ.5 లక్షలు ఆర్థిక సాయం అందజేశారు. పలువురు కళాకారులను ఈ వేదికపై సత్కరించారు. దర్శకులు కె.రాఘవేంద్రరావు, కోదండరామిరెడ్డి, బి.గోపాల్, హీరోలు మంచు విష్ణు, మనోజ్, నటులు అలీ, సంగీత దర్శకుడు కోటి, నటీమణులు జయప్రద, జయసుధ, మంచు లక్ష్మి, హీరోయిన్లు శ్రియ, ప్రగ్యా జైస్వాల్, ఎంపీ జితేందర్‌ రెడ్డి, ఎమ్మెల్యేలు కిషన్‌రెడ్డి, ఎర్రబెల్లి దయాకరరావు, డీకే అరుణ, ఎమ్మెల్సీ షబ్బీర్‌ హుస్సేన్‌తో పాటు డి.శ్రీనివాస్, దానం నాగేందర్, గీతారెడ్డి, పొంగులేటి సుధాకర్‌రెడ్డి వంటి రాజకీయ ప్రముఖులు పాల్గొన్నారు.

ఆర్కేనగర్‌ రేసులో గెలుపు గుర్రంగా నిలబడబోతోంది ఎవరో అని ఉత్కంఠ నెలకొంది. గెలుపు ధీమా ప్రధానంగా ముగ్గురు అభ్యర్థుల్లో ఉన్నా, ఓటరు తీర్పు ఎలా ఉండబోతుందో అనేది మరి కొన్ని గంటల్లో తేలనుంది. ఓట్ల లెక్కింపునకు ఎన్నికల యంత్రాంగం సర్వం సిద్ధం చేసింది. సాక్షి, చెన్నై: రాష్ట్ర రాజకీయాల్లో మార్పులకు ఆర్కేనగర్‌ ఉప ఎన్నిక రెఫరెండంగా మారింది. ఈ గెలుపుతో తాము బలహీనపడలేదని చాటుకునేందుకు అన్నాడీఎంకే తీవ్ర వ్యూహాల్నే అమలు చేసింది. అదే గెలుపు తన వశం చేసుకుని సత్తా చాటు కోవడమే లక్ష్యంగా అన్నాడీఎంకే అమ్మ శిబిరం కుస్తీలు పట్టింది. పాలకుల మీద ప్రజలు తీవ్ర ఆక్రోశంతో ఉన్నారని చాటే రీతిలో, ఎన్నికలు ఎప్పుడు వచ్చినా, అధికారం తమదేనని నిరూపించుకునేందుకు ఈ ఎన్నికల్ని డీఎంకే తీవ్రంగానే పరిగణలోకి తీసుకుంది. ఎన్నికల రేసులో చాంతాడంత క్యూ ఉన్నా, గెలుపు ఓటములు మాత్రం డీఎంకే, అన్నాడీఎంకే, అన్నాడీఎంకే అమ్మ శిబిరాల మధ్య ఉందని చెప్పవచ్చు. 21వ తేదీ జరిగిన ఎన్నికల్లో ఓటర్లు తమ ఓటుతో తీర్పును ఈవీఎంలలో భద్రతపరిచారు. ఓటింగ్‌ శాతం మేరకు డీఎంకే అభ్యర్థి మరుదు గణేషన్, అన్నాడీఎంకే అభ్యర్థి మధుసూదనన్, అన్నాడీఎంకే అమ్మ అభ్యర్థి దినకరన్‌ మధ్య గెలుపు ధీమా ఉన్నా, ఓటరు నాడి ఎలా ఉంటుందో అనే ఉత్కంఠ తప్పడం లేదు. మరి కొన్ని గంటల్లో ఈవీఎంలలోని ఫలితాలు బయటకు రానుండడంతో ఆర్కేనగర్‌ రేసులో గెలుపు గుర్రంగా నిలబడబోతున్నదెవరోనన్న ఎదురుచూపులు పెరిగాయి. ఓట్ల లెక్కింపునకు ఏర్పాట్లు ఓటింగ్‌కు ఉపయోగించిన ఈవీఎంలు అన్నీ థౌజండ్‌ లైట్స్‌లోని క్వీన్‌ మేరిస్‌ కళాశాలలోని స్ట్రాంగ్‌ రూంలో భద్ర పరిచారు. ఈ పరిసరాల్లో ఐదు అంచెల భద్రతను కల్పించారు. ఆదివారం ఉదయాన్నే ఓట్ల లెక్కింపు ప్రక్రియకు అక్కడే అన్ని ఏర్పాట్లు చేశారు. అభ్యర్థులు, వారి ఏజెంట్లు ఉదయం ఏడు గంటల్లోపు అక్కడికి చేరుకునే విధంగా ఆదేశాలు ఇచ్చారు. పాస్‌లన్నీ ఇప్పటికే అందించారు. కౌంటింగ్‌ కేంద్రం, పరిసరాల్లో కట్టుదిట్టమైన ఆంక్షలు విధించి, భద్రత కల్పించారు. ఎప్పటికప్పుడు ఫలితాల్ని అందించే విధంగా ప్రత్యేక ఏర్పాట్లు జరిగాయి. వెబ్‌ టెలికాస్టింగ్‌ పద్ధతి ద్వారా ఢిల్లీ, చెన్నై కార్పొరేషన్‌లోని కంట్రోల్‌ రూమ్‌ల నుంచి లెక్కింపు, ఫలితాల సరళిని ఎన్నికల అధికారులు పర్యవేక్షించే విధంగా చర్యలు తీసుకున్నారు. పూర్తిగా వీడియో చిత్రీకరణకు ఏర్పాట్లు చేశారు. 19 రౌండ్లుగా లెక్కింపు ఓట్ల లెక్కింపు 19 రౌండ్లుగా సాగనుంది. ఒక్కో రౌండ్‌కు 14 పోలింగ్‌ బూత్‌ల ఓట్ల లెక్కింపు సాగుతుంది. చివరి రౌండ్లో మాత్రం ఆరు పోలింగ్‌ బూత్‌లలో లెక్కింపు జరగనున్నట్టు చెన్నై జిల్లా ఎన్నికల అధికారి, కార్పొరేషన్‌ కమిషన్‌ కార్తికేయన్‌ తెలిపారు. కౌంటింగ్‌ విధులకు హాజరు కానున్న 200 మంది సిబ్బందికి శనివారం కార్తీకేయన్, ఎన్నికల అధికారి ప్రవీణ్‌ నాయర్‌ శిక్షణ ఇచ్చారు. కౌంటింగ్‌ సరళి, ఏజెంట్లకు సమాచారాలు, అధికారులకు సమాచారాలు, రిటర్నింగ్‌ అధికారికి వివరాలు, ఇలా అన్ని రకాల అంశాలతో ఈ శిక్షణ సాగింది.

సాక్షి, గుంటూరు: ఉమ్మడి రాష్ట్రంలో తామిద‍్దరం కలిసి పనిచేశాం. గతంలో ఒకే పార్టీలో పనిచేసిన మా మధ్య సన్నిహిత సంబంధాలున్నాయి. మేము మంచి దోస్తులం అంటూ ఏపీ అసెంబ్లీ కోడెల శివప్రసాదరావు, తెలంగాణ స్పీకర్ సిరికొండ మధుసూదనాచారి పేర్కొన్నారు.  తెలంగాణ స్పీకర్ మధుసూదనాచారి కుటుంబ సభ్యులతో కలిసి తిరుమల శ్రీ వేంకటేశ్వరస్వామి దర్శనానికి వెళుతూ బుధవారం ఉదయం గుంటూరులో ఏపీ స్పీకర్ కోడెల ఇంటికి వెళ్లారు. ఈ సందర్బంగా కోడెల కుటుంబ సభ్యుల నుంచి వారికి సాదర స్వాగతం లభించింది. తిరుమలతోపాటు విజయవాడ కనకదుర్గమ్మ దేవాలయాల్లో ప్రోటోకాల్ ఇబ్బంది లేకుండా మధుసూదనాచారి కుటుంబ సభ్యులకు దర్శన భాగ్యం కల్పించాలని సంబంధిత దేవాలయాల అధికారులను స్పీకర్ కోడెల ఆదేశించారు.  సమాచారం తెలుసుకున్న మీడియా ప్రతినిధులు అక్కడికి వెళ్ళి కలిశారు. ఈ సందర‍్భంగా ఇరువురు స్పీకర్లు విలేకరులతో మాట్లాడుతూ... రాష్ట్రం విడిపోయినా రెండు రాష్టాలు సఖ్యతతో పనిచేస్తున్నాయన్నారు. అలాగే ఇరు రాష్ట్రాల మధ్య పరస్పర అవగాహన ఉందన్నారు. శాసనసభ వ్యవహారాలలో ఇద్దరం సమన్వయంతో పనిచేస్తున్నామని వారు పేర్కొన్నారు. 

సాక్షి, హైదరాబాద్‌: ఆస్ట్రేలియా–తెలంగాణ పార్లమెంట్‌ సంబంధాల అధ్యయన యాత్రలో భాగంగా రాష్ట్రంలో పర్యటిస్తున్న ఆస్ట్రేలియా పార్లమెంట్‌ ప్రతినిధుల బృందం శాసనసభా స్పీకర్‌ మధుసూదనాచారిని కలిసింది. శుక్రవారం స్పీకర్‌ చాంబర్‌లో ఆస్ట్రేలియా ఎంపీ ఆంథోని అల్బెన్స్‌ నేతృత్వంలోని బృందం ఆయనను కలసి వివిధ అంశాలపై చర్చించింది. చట్టసభల కార్యకలాపాల గురించి ఆ బృందం అడిగి తెలుసుకుంది. అనంతరం ప్రతినిధుల బృందాన్ని స్పీకర్, శాసన సభా కార్యదర్శి నర్సింహాచార్యులు సత్కరించారు.

సాక్షి, హైదరాబాద్‌: శాసనసభ సమావేశాల తీరుపై విపక్ష సభ్యులు ఆందోళన వ్యక్తం చేశారు. స్పీకర్‌ సభ నడిపే తీరు గౌరవంగా లేదంటూ ఆయన చాంబర్‌కు వెళ్లి నిరసన తెలిపారు. ఈ పరిస్థితి మారకపోతే తాము శాసనసభకు రావాల్సిన అవసరం ఏముందని ప్రశ్నించారు. బుధవారం ప్రశ్నోత్తరాల అనంతరం శాసనసభాపతి మధుసూదనాచారితో కాంగ్రెస్‌ సభ్యులు భేటీ అయ్యారు. బీజేపీ, టీడీపీ, సీపీఎం సభ్యులతో కలసి స్పీకర్‌తో సమావేశమయ్యారు. ఈ సందర్భంగా సభ జరుగుతున్న తీరుపై కాంగ్రెస్‌ సభ్యులు తమ అసంతృప్తిని వ్యక్తం చేశారు. ప్రతిపక్ష నాయకుడికి గౌరవం ఇవ్వకపోవడంతో సభకు హుందాతనం పోతోందని స్పీకర్‌కు విన్నవించారు. సభా నాయకుడికి, ప్రధాన ప్రతిపక్ష నాయకుడికి మధ్య సమన్వయం చేయాలని సూచించారు. ప్రతిపక్ష నేతకు మైక్‌ ఇవ్వకుండా స్పీకర్‌ ఏకపక్షంగా వ్యవహరించటం సరికాదన్నారు. స్పీకర్, శాసనసభ గురించి మాట్లాడే పరిస్థితి రావటం దురదృష్టకరమని ఆవేదన వ్యక్తం చేశారు. సభ నిర్వహణ సజావుగా లేకపోతే బాధ్యత స్పీకర్‌దేనని, ఇది మీ గౌరవానికి కూడా మంచిదికాదని స్పీకర్‌కు విన్నవించారు. అసెంబ్లీ ప్రభుత్వ సచివాలయం కాదని, అన్ని రాజకీయ పార్టీలకు వేదిక లాంటిదని విపక్ష సభ్యులు స్పీకర్‌ దృష్టికి తీసుకెళ్లారు.


 స్పీకర్‌ మధుసూదనాచారి
 సాక్షి, హైదరాబాద్‌: దేశంలోని వివిధ కారణాల వల్ల 18 ఏళ్లలోపు పిల్లల పరిస్థితి దయనీయంగా మారిందని శాసన సభ స్పీకర్‌ ఎస్‌.మధుసూదనా చారి ఆవేదన వ్యక్తం చేశారు. బాలల హక్కుల చట్టాలపై సరైన ప్రచారం కూడా ఉండడం లేదన్నారు. యూనిసెఫ్‌ సహకారంతో కర్ణాటక లెజిస్లేటర్స్‌ ఫోరమ్‌ ఫర్‌ చైల్డ్‌ రైట్స్‌ బాలల హక్కులు, వాటి అమలు అంశంపై కర్ణాటక విధాన సభ బెంగళూరులో గురువారం ఒక రోజు లెజిస్లేటర్స్‌ ప్రాంతీయ సదస్సు నిర్వహించింది. ఈ సదస్సులో కర్ణాటక రాష్ట్రంతో పాటు 8 దక్షిణాది రాష్ట్రాల్లోని 80 మంది ప్రతినిధులు పాల్గొన్నారు.
 ఈ సదస్సులో స్పీకర్‌ మధుసూదనాచారి ప్రసంగిస్తూ..  బాలల హక్కుల చట్టాల పట్ల సమాజానికి ఏరకమైన అవగాహన కల్పించామనే అంశాన్ని ప్రజా ప్రతినిధులు  ఆలోచించాల్సిన సమయం ఆసన్నమైందన్నారు. కొత్తగా ఏర్పడిన తెలంగాణ రాష్ట్రంలో బాలల హక్కుల విషయంలో తీసుకుంటున్న అంశాలను ఆయన వివరించారు. మండలి చైర్మన్‌ స్వామి గౌడ్‌ మాట్లాడూతూ రానున్న రోజుల్లో తెలంగాణలో కూడా బాలల హక్కులు, అవగాహన సదస్సును నిర్వహిస్తామన్నారు. ఈ సదస్సులో తెలంగాణ నుంచి మండలిలో ప్రభుత్వ విప్‌ బోడకుంటి వెంకటేశ్వర్లు, ఎమ్మెల్యేలు వినయ్‌ భాస్కర్, వివేకానందా, ఎమ్మెల్సీలు భూపాల్‌ రెడ్డి, భాను ప్రసాద్, గంగాధర్‌ గౌడ్, భూపతిరెడ్డి, ఆకుల లలిత, అసెంబ్లీ సహాయ కార్యదర్శి కరుణాకర్, ఇతర అధికారులు పాల్గొన్నారని స్పీకర్‌ కార్యాలయం ఒక ప్రకటనలో వివరించింది. 


 - పదవీ విరమణ వీడ్కోలు సభలో స్పీకర్‌ మధుసూదనాచారి
 - ఆయన సేవలను వినియోగించుకుంటాం: హరీశ్‌రావు
  
 సాక్షి, హైదరాబాద్‌: శాసనసభకు రాజ సదారాం చేసిన సుదీర్ఘ సేవలు చిరస్మరణీయంగా ఉంటాయని స్పీకర్‌ మధుసూదనాచారి అన్నారు. శాసనసభ కార్యదర్శిగా సదారాం పదవీ విరమణ సందర్భంగా శుక్రవారం వీడ్కోలు సభ జరిగింది. ఈ సందర్భంగా మధుసూదనాచారి మాట్లాడుతూ.. శాసనసభ చక్కగా నడవడానికి సదారామే కారణమని కొనియాడారు. తామిద్దరం వరంగల్‌ వాళ్లమేనని, జయశంకర్‌ శిష్యులమని, ఇద్దరమూ కేసీఎం కళాశాల విద్యార్థులమని గుర్తుచేసుకున్నారు. తెలంగాణ బిల్లు సమయంలో ఆయన కీలక పాత్ర పోషించారని మంత్రి హరీశ్‌రావు కొనియాడారు.
 
 సదారాం సేవలను భవిష్యత్తులో తమ ప్రభుత్వం వినియోగించుకుం టుందని పేర్కొన్నారు. మండలిని సజావుగా నడిపేందుకు సదారాం అనుభవం తనకు ఎంతగానో ఉపయోగపడిందని మండలి చైర్మన్‌ స్వామిగౌడ్‌ అన్నారు. కొత్తగా సభకు ఎన్నికైన వారికి విలువైన సూచనలు చేసేవారని మంత్రి ఈటల  పేర్కొన్నారు.    శాసనసభకు విలువైన సేవలు అందించారని, ఆయన స్ఫూర్తినే కొత్త కార్యదర్శి కొనసాగించాలని సీఎల్పీ నేత జానారెడ్డి అన్నారు. రాష్ట్ర శాసనసభ దేశానికే ఆదర్శంగా నిలవడంలో ఆయన పాత్ర మరువలేనిదని డిప్యూటీ స్పీకర్‌ పద్మాదేవేందర్‌రెడ్డి అన్నారు.
 
 శాసనసభను బాగా నడపడంలో ఎంతో కృషి చేశారని హోంమంత్రి నాయిని కొనియాడారు.  పదవీ విరమణ చేస్తున్నం దుకు ఒకింత బాధ, సంతోషం కలుగుతోందని సదారాం పేర్కొన్నారు. కార్యక్రమంలో మండలి ప్రతిపక్షనేత షబ్బీర్‌ అలీ, బీజేఎల్పీ నేత కిషన్‌రెడ్డి, పీఏసీ చైర్మన్‌ గీతారెడ్డి, శాసనసభ కార్యదర్శి నర్సింహాచార్యులు, ఎమ్మెల్యేలు పాల్గొన్నారు. 


 అసెంబ్లీ సమావేశాలపై స్పీకర్‌ మధుసూదనాచారి
 
 సాక్షి, హైదరాబాద్‌:  అసెంబ్లీ సమావేశాలు గతం కంటే ఎంతో భిన్నంగా జరుగుతున్నాయని శాసనసభ స్పీకర్‌ ఎస్‌.మధుసూదనాచారి అన్నారు. కొత్త రాష్ట్రమైనా కేవలం మూడేళ్లలో ఎన్నో రంగాల్లో అభివృద్ధిలో పురోగమిస్తోందని, మూడేళ్లుగా సాగుతున్న అసెంబ్లీ సమావేశాల తీరు సంతృప్తికరంగా ఉందని ఆయన పేర్కొన్నారు. రాష్ట్ర అసెంబ్లీ మీడియా సలహా కమిటీ (ఎంఏసీ) తొలి సమావేశం సోమవారం అసెంబ్లీ సమావేశ మందిరంలో జరిగింది.శాసన మండలి చైర్మన్‌ స్వామిగౌడ్, ఎంఏసీ చైర్మన్‌ వి.సూరజ్‌కుమార్, కమిటీ సభ్యులు, శాసనసభ కార్యదర్శి రాజసదారాం ఇందులో పాల్గొన్నారు.
 
 మీడియా లాంజ్‌లో ఏర్పాట్లు, అసెంబ్లీ గ్యాలరీ పాసులు, సీట్ల కేటాయింపు, పార్కింగ్, శాసనసభ వార్తలను కవర్‌ చేసే మీడియా ప్రతినిధులకు ఓరియంటేషన్‌ తదితర అంశాలపై చర్చ జరిగింది. ప్రస్తుత అసెంబ్లీ సమావేశాలను ప్రజలంతా చూస్తున్నారని, ఈ నేపథ్యంలోనే సమస్యలపై ఎప్పటికప్పుడు చర్చించి మీడియా కమిటీ సహకారంతో ముందుకు సాగుదామని స్పీకర్‌ అన్నారు. తరచూ ఇలాంటి సమావేశాల ద్వారా సమస్యలను ఎప్పటికప్పుడు పరిష్కరించుకోవచ్చని స్వామిగౌడ్‌ అభిప్రాయపడ్డారు. జర్నలిస్టుల సంక్షేమం కోసం ప్రభుత్వం తగిన చర్యలు తీసుకుంటోందని ఆయన చెప్పారు.


 భూపాలపల్లి: అద్భుతమైన సంప్రదాయాలు భారత దేశం సొత్తని రాష్ట్ర శాసనసభాపతి సిరికొండ మధుసూదనాచారి అన్నారు. జయశంకర్‌ భూపాలపల్లి జిల్లా భూపాలపల్లి పట్టణంలోని రాంనగర్‌లో సేవాలాల్‌ సేన ఆధ్వర్యంలో ఆదివారం నిర్వహించిన తీజ్‌ ఉత్సవాల ముగింపు కార్యక్రమంలో ఆయన ముఖ్య అతిథిగా పాల్గొన్నారు. ఈ సందర్బంగా స్పీకర్‌ మాట్లాడుతూ భారత దేశం భిన్న సంస్కృతులకు నిలయమన్నారు. బంజార యువతులకు పెళ్లిళ్లు కావాలని, జీవితం పచ్చగుండాలని కోరుకుంటూ తొమ్మిది రోజులపాటు నియమ నిష్టలతో జరుపుకునే మహా పండుగే తీజ్‌ అని అన్నారు.
 
 అధునిక సమాజంలో కూడా ఇలాంటి సంప్రదాయాలను కాపాడుతున్న లంబాడీ యువతులను అభినందించారు. గోధుమ గింజలకు పద్దతి ప్రకారం నీరు పోస్తుంటే పచ్చదనం సంతరించుకున్నట్లు మనిషి కూడా పద్దతి ప్రకారం నడుచుకుంటే జీవితం పచ్చగానే ఉంటుందన్న నీతిని ఈ పండుగ తెలియజేస్తుందని ఆయన అన్నారు. ఈ యువతులకు సేవాలాల్‌ మరియమ్మ దీవెనలు ఉండాలని వేడుకున్నారు. యువతులతో కలిసి మధుసూదనాచారి బుట్టను తలపై పెట్టుకుని పాల్గొన్నారు. ఈ సందర్భంగా లంబాడ మహిళలు, యువతులు చేసిన నృత్యాలు ఆకట్టుకున్నాయి. ఇందులో సేవాలాల్ సంఘం సభ్యులు కూడా పాల్గొన్నారు.


 భద్రాచలం: భద్రాచలం రామాలయ అర్చకుడు మధుసూదనాచార్యులుపై సస్పెన్షన్‌ వేటు పడింది.  రామాలయం గర్భగుడిలో మూలవిరాట్‌ ఫొటోలను తీసిన అర్చకుడిని దేవస్థానం అధికారులు గుర్తించారు. అతనిపై సస్పెన్షన్‌ వేటు వేయడంతో పాటు సరైన పర్యవేక్షణ చేయకపోవడంతోనే ఇలా జరిగిందని భావించి ఆలయ ప్రధాన అర్చకుడితో పాటు మరో ముఖ్య అర్చకుడిని సంజాయిషీ కోరుతూ ఆలయ ఈఓ ప్రభాకర్‌ శ్రీనివాస్‌ బుధవారం రాత్రి ఉత్తర్వులు ఇచ్చారు.
 గర్భగుడిలోని మూలవరులను సెల్‌ఫోన్‌తో ఫొటోలు తీసి బయటికి పంపించడంతో అవి సామాజిక మాధ్యమాల్లో విస్త్రతంగా చక్కర్లు కొట్టాయి. దీనిపై పత్రికలలో వార్తలు రావడంతో స్పందించిన ఈఓ విచారణకు ఆదేశించారు. ఆలయ సూపరింటెండెంట్‌ భవాని రామకృష్ణ దీనిపై విచారణ చేపట్టారు.
 
 గర్భగుడిలోని మూలవరులకు బెంగుళూరుకు చెందిన భక్తుడు బంగారు ఆభరణాలు సమర్పించగా వాటిని శుక్రవారం రోజున అలంకరించి భక్తులకు దర్శనం కల్పించారు. ఇప్పటి వరకు మూడు శుక్రవారాలలో మాత్రమే స్వామి వారికి బంగారు కవచాలను అలంకరించగా, ఆయా రోజుల్లో గర్భగుడిలో విధులను నిర్వహించిన అర్చకుల నుంచి విచారణ అధికారి భవాని రామకృష్ణ వివరాలను రాబట్టారు. మూడు శుక్రవారాలలో స్వామి వారి అలంకరణను నిశితంగా పరిశీలించారు. కాగా సెల్‌ఫోన్‌లో బయటకు వచ్చిన ఫొటోలు ఈనెల 16న తీసినట్టుగా గుర్తించారు. ఆ రోజు ఆలయ విధుల్లో ఉన్న మదన్‌మోహనాచార్యులు గర్భగుడిలో మూలవరుల మూర్తులను సెల్‌ఫోన్‌ ద్వారా తీసినట్లు వెల్లడయింది. దీన్ని తీవ్రంగా పరిగణించిన ఈఓ ఆయనపై సస్పెన్షన్‌ వేటు విధించారు.
 
 అర్చకుల పనితీరును ఎప్పటికప్పుడు పర్యవేక్షించాల్సిన ప్రధాన అర్చకుడు, మరో ముఖ్య అర్చకుడు ఈ విషయంలో బాధ్యతారాహిత్యంగా వ్యవహరించారని భావించి.. ఇందుకు గల కారణాలపై వివరణ కోరుతూ సంజాయిషీ నోటీసు జారీ చేశారు. ఎంతో పవిత్రంగా భావించే స్వామి వార్ల మూలవరుల ఫొటోను అర్చకుడే సెల్‌ఫోన్‌ ద్వారా తీసి సామాజిక మాధ్యమాల్లో ఇతరులకు పంపించటంపై భక్తులు తీవ్ర ఆగ్రహం వ్యక్తం చేశారు. ఇటువంటి పరిణామాలు మరోసారి జరగకుండా దేవస్థాన అధికారులు కఠినంగా వ్యవహరించాలని కోరుతున్నారు.


 ♦ కార్లు ఉన్నా బస్సుల్లో ప్రయాణించండి
 ♦ ప్రజలకు పిలుపునిచ్చిన స్పీకర్‌ ‘సిరికొండ’
 ♦ భూపాలపల్లి నుంచి వరంగల్‌కు బస్సులో ప్రయాణించిన మధుసూదనాచారి
 
 శాయంపేట(భూపాలపల్లి): తెలంగాణ ప్రభుత్వం ప్రజలకు మెరుగైన రవాణా సౌక్యం కల్పిస్తోంది.. ఆర్టీసీ బస్సుల్లోనే ప్రయాణించి సంస్థను ఆదరించాలని స్పీకర్‌ సిరికొండ మధుసూదనాచారి పిలుపునిచ్చారు. స్పీకర్‌గా ఉన్నప్పటికీ తాను నెలలో ఒకసారైనా ఆర్టీసీ పల్లెవెలుగు బస్సులోనే ప్రయాణిస్తానని, టీఆర్‌ఎస్‌ కార్యకర్తలు సైతం దీనిని పాటించాలని సూచించారు. భూపాలపల్లి జిల్లా కేంద్రం నుంచి రేగొండ మండల పరిధి గ్రామాలు, శాయంపేట మండలంలోని గంగిరేణిగూడెం, వసంతాపూర్, ప్రగతిసింగారం, పత్తిపాక, శాయంపేట, మాందారిపేట మీదుగా హన్మకొండకు ఆర్టీసీ బస్సును సోమవారం పునరుద్ధరించారు.
 
 ఈ సందర్భంగా స్పీకర్‌ మాట్లాడుతూ  గతంలో ఈ రూట్‌లో ఆర్టీసీ బస్సు నడిచినప్పటికీ ఆదరణలేక నిలిపివేశారని, ఇన్నాళ్లుకు పునరుద్ధరించినందుకు ఆనందంగా ఉందన్నారు. తెలంగాణ రాకముందు భూపాలపల్లిలో 37 బస్సులు మాత్రమే ఉండేవని, ప్రత్యేక రాష్ట్రంలో మరో 57 కొత్త బస్సులు అందించామని చెప్పారు. అత్యధికంగా గ్రామీణ ప్రజలకు జీవితకాలంలో ఎక్కువ సేవచేసేది ఆర్టీసీ మాత్రమేనని, ప్రతి ఒక్కరూ ఈ సేవలను సద్వినియోగం చేసుకోవాలని కోరారు. మనలో ఎంత మం దికి కార్లు, ద్విచక్రవాహనాలు ఉన్నప్పటికీ బస్సులో ప్రయాణించాలని, తద్వారా వాతావరణ కాలుష్యం నుంచి గ్రామాలను కాపాడుకోవచ్చని పేర్కొన్నారు.
 
 ఆర్టీసీ బస్సులో ప్రయాణం సురక్షితమని, రోడ్డు ప్రమాదాలను సైతం నివారించవచ్చని తెలిపారు. ప్రజలు ఆదరించకపోతే మళ్లీ బస్సు నిలిపివేసే ప్రమాదం ఉందని, దీంతో సామాన్యులు ఇబ్బందులు పడే పరిస్థితి ఏర్పడుతుందన్నారు. త్వరలో పెద్దకోడెపాక, కొప్పుల గ్రామాలకు సైతం బస్సు ఏర్పాటు చేసేందుకు కృషి చేస్తానని హామీ ఇచ్చారు. కార్యక్రమంలో ఎంపీటీసీలు, సర్పంచ్‌లు, తెలంగాణ జాగృతి యువత జిల్లా కోకన్వీనర్‌ అమ్మ అశోక్, టీఆర్‌ఎస్‌ మహిళ మండల అధ్యక్షురాలు బాసని సుధారాణి, నాయకులు బాసని వెంకటేశ్వర్లు, దుబాసి కృష్ణమూర్తి, అరికిల్ల విజయ్, దుంపల మహేందర్‌రెడ్డి, గాజే రాజేందర్‌ తదితరులు పాల్గొన్నారు.


  కార్లు ఉన్నా బస్సుల్లో ప్రయాణించండి
  ప్రజలకు పిలుపునిచ్చిన స్పీకర్‌ ‘సిరికొండ’
  భూపాలపల్లి నుంచి వరంగల్‌కు బస్సులో ప్రయాణించిన  మధుసూదనాచారి
  
 శాయంపేట(భూపాలపల్లి): తెలంగాణ ప్రభుత్వం ప్రజలకు మెరుగైన రవాణా సౌక్యం కల్పిస్తోంది.. ఆర్టీసీ బస్సుల్లోనే ప్రయాణించి సంస్థను ఆదరించాలని స్పీకర్‌ సిరికొండ మధుసూదనాచారి పిలుపునిచ్చారు. స్పీకర్‌గా ఉన్నప్పటికీ తాను నెలలో ఒకసారైనా ఆర్టీసీ పల్లెవెలుగు బస్సులోనే ప్రయాణిస్తానని, టీఆర్‌ఎస్‌ కార్యకర్తలు సైతం దీనిని పాటించాలని సూచించారు. భూపాలపల్లి జిల్లా కేంద్రం నుంచి రేగొండ మండల పరిధి గ్రామాలు, శాయంపేట మండలంలోని గంగిరేణిగూడెం, వసంతాపూర్, ప్రగతిసింగారం, పత్తిపాక, శాయంపేట, మాందారిపేట మీదుగా హన్మకొండకు ఆర్టీసీ బస్సును సోమవారం పునరుద్ధరించారు. ఈ సందర్భంగా స్పీకర్‌ మాట్లాడుతూ  గతంలో ఈ రూట్‌లో ఆర్టీసీ బస్సు నడిచినప్పటికీ ఆదరణలేక నిలిపివేశారని, ఇన్నాళ్లుకు పునరుద్ధరించినందుకు ఆనందంగా ఉందన్నారు.
  
 తెలంగాణ రాకముందు భూపాలపల్లిలో 37 బస్సులు మాత్రమే ఉండేవని, ప్రత్యేక రాష్ట్రంలో మరో 57 కొత్త బస్సులు అందించామని చెప్పారు. అత్యధికంగా గ్రామీణ ప్రజలకు జీవితకాలంలో ఎక్కువ సేవచేసేది ఆర్టీసీ మాత్రమేనని, ప్రతి ఒక్కరూ ఈ సేవలను సద్వినియోగం చేసుకోవాలని కోరారు. మనలో ఎంత మం దికి కార్లు, ద్విచక్రవాహనాలు ఉన్నప్పటికీ బస్సులో ప్రయాణించాల ని, తద్వారా వాతావరణ కాలుష్యం నుంచి గ్రామాలను కాపాడుకోవచ్చని పేర్కొన్నారు. ఆర్టీసీ బస్సులో ప్రయాణం సురక్షితమని, రోడ్డు ప్రమాదాలను సైతం నివారించవచ్చని తెలిపారు. ప్రజలు ఆదరించకపోతే మళ్లీ బస్సు నిలిపివేసే ప్రమాదం ఉందని, దీంతో సామాన్యులు ఇబ్బందులు పడే పరిస్థితి ఏర్పడుతుందన్నారు. త్వరలో పెద్దకోడెపాక, కొప్పుల గ్రామాలకు సైతం బస్సు ఏర్పాటు చేసేందుకు కృషి చేస్తానని హామీ ఇచ్చారు. 


 విజయవాడ: ఇంద్రకీలాద్రిపై కొలువుదీరిన కనకదుర్గమ్మ వారిని తెలంగాణ శాసనసభ స్పీకర్‌ మధుసుధనాచారి సోమవారం దర్శించుకున్నారు. బెజవాడ దర్గమ్మ దర్శనానికి వచ్చిన స్పీకర్‌కు ఆలయ అధికారులు పూర్ణకుంభ స్వాగతం పలికి దర్శన ఏర్పాట్లు చేశారు. దర్శనం అనంతరం స్పీకర్‌ మాట్లాడుతూ దుర్గమ్మను దర్శించుకోవడం సంతోషంగా ఉంది. తెలుగు రాష్ట్రాల ప్రజలు సుఖఃసంతోషాలతో ఉండాలని అమ్మవారిని వేడుకున్నట్లు తెలిపారు.


 స్పీకర్‌ మధుసూదనాచారి
  
 సాక్షి, హైదరాబాద్‌: విజ్ఞానం పేరుతో విధ్వంసం జరుగుతోందని, ప్లాస్టిక్‌ బియ్యం వార్తలు ఆందోళన కలిగిస్తున్నాయని శాసనసభా స్పీకర్‌ మధుసూదనా చారి అన్నారు. శనివారం ఆయన అసెంబ్లీలోని తన చాంబర్లో కాకతీయ వర్సిటీ పరిశోధనా విద్యార్థులు రూపొందించిన ‘తెలంగాణ ఎకానమి – దృక్కోణం’ పుస్తకాన్ని ఆవిష్కరించారు. ఆయన మాట్లాడుతూ, ‘సమూలంగా ఒక జాతిని ఏ జీవీ చంపదని.. ప్లాస్టిక్‌ బియ్యం తింటే మానవ జాతి మనుగడ ఉంటుందా? సమాజం ఎటు పోతోందని ప్రశ్నించారు.
 
 నా జీవితంలో ఇద్దరు కాల జ్ఞానులను చూశానని, ఒకరు జయశంకర్‌ కాగా, రెండో వ్యక్తి సీఎం కేసీఆర్‌. టీఆర్‌ఎస్‌ పేరుతో తెలంగాణ ఉద్యమంలోకి వెళ్ళాలని 2000 సంవత్సరంలొనే అనుకున్నాం. ఏం జరుగుతుందో ఆనాడే కేసీఆర్‌ చెప్పారు. తెలంగాణ ఉద్యమం ఒక వైవిధ్యమైన ఉద్యమం’అని స్పీకర్‌ పేర్కొన్నారు. ‘తెలంగాణ ఎకానమి – దృక్కోణం’ పుస్తకాన్ని తెచ్చిన ప్రొ.భాస్కర్‌ను ఆయన అభినందించారు.  


 హైదరాబాద్ : శాసనసభలో ప్రజాస్వామ్య బద్ధంగా నడుచుకుంటున్నామని తెలంగాణ అసెంబ్లీ స్పీకర్ మధుసూదనాచారి స్పష్టం చేశారు. ప్రజాస్వామ్య వ్యతిరేకంగా సభ నడుస్తుందన్న విపక్ష సభ్యుల వ్యాఖ్యలపై స్పీకర్ బుధవారం ఉదయం స్పందించారు. పద్దులపై మాట్లాడేందుకు ప్రతిపక్ష సభ్యులకు అన్నుకున్న దాని కంటే ఎక్కువ సమయమే ఇచ్చామని పేర్కొన్నారు. ప్రతిపక్ష నేత పట్ల అందరికీ అపారమైన గౌరవం ఉందన్నారు. జానారెడ్డి పట్ల తమకు గౌరవం ఉన్నదని సీఎం కేసీఆర్ కూడా చాలా సార్లు చెప్పారని గుర్తు చేశారు.
  
 టీఆర్‌ఎస్ కన్నా కాంగ్రెస్ పార్టీకే ఎక్కువ సమయం ఇచ్చామన్నారు. తమకు సమయం ఇవ్వలేదని కాంగ్రెస్ సభ్యులు వ్యాఖ్యానించడం బాధాకరమన్నారు. నిన్న సభలో అధికార పక్షం కన్నా.. విపక్షాలకు అధిక సమయం కేటాయించామని తెలిపారు. సభలో అందరూ హుందాగా వ్యవహరించాలన్నారు. సభ సజావుగా సాగేందుకు సహకరించాలని కోరారు.


 హైదరాబాద్‌: గవర్నర్‌ ప్రసంగానికి అడ్డుతగిలారన్న ఆరోపణపై టీడీపీ ఎమ్మెల్యేలు రేవంత్‌రెడ్డి, సండ్ర వెంకట వీరయ్యలను అసెంబ్లీ స్పీకర్‌ మధుసూదనాచారి సస్పెండ్‌ చేశారు. ప్రసంగానికి అడ్డుతగలడంతో వారిపై క్రమశిక్షణ చర్యలు తీసుకుంటున్నట్లు పేర్కొన్నారు. ఈ సస్పెన్షన్‌ బడ్జెట్‌ సమావేశాల మొత్తం కొనసాగుతుందని పేర్కొన్నారు.


 ♦ తొలి రోజున అసెంబ్లీ, మండలి సంయుక్త సమావేశం
 ♦ ఉభయ సభలను ఉద్దేశించి గవర్నర్‌ ప్రసంగం
 ♦ 13న బడ్జెట్‌ ప్రవేశపెట్టనున్న సర్కారు
 
 సాక్షి, హైదరాబాద్‌: రాష్ట్ర అసెంబ్లీ బడ్జెట్‌ సమావేశాలు శుక్రవారం నుంచి ప్రారంభ మవుతున్నాయి. తొలి రోజున శాసనసభ, శాసన మండలిల సంయుక్త సమావేశం జరగనుంది. ఉదయం 10 గంటలకు ఉభయ సభలనుద్దేశించి గవర్నర్‌ నర సింహన్‌ ప్రసంగిస్తారు. అనంతరం సభలు వాయిదా పడనున్నాయి. 13న (సోమ వారం) ప్రభుత్వం శాసన సభలో రాష్ట్ర బడ్జెట్‌ను ప్రవేశపెట్టనుంది. వచ్చే ఆర్థిక సంవత్సరానికి సంబంధించిన ఆదాయ వ్యయాలతో పాటు వివిధ శాఖలు, పథ కాలు, కార్యక్రమాలకు కేటాయించే నిధుల పద్దులను ప్రకటించనుంది. మరోవైపు ప్రభుత్వాన్ని వివిధ అంశాలపై నిలదీసేం దుకు విపక్షాలు సిద్ధమవుతున్నాయి. దీంతో సమావేశాలపై ఉత్కంఠ నెలకొంది.
 
 గవర్నర్‌ ప్రసంగానికి మూడు రోజుల కిందే ఆమోదం
 గతేడాది ప్రభుత్వం వివిధ రంగాల్లో సాధించిన విజయాలతో పాటు ఎంచుకున్న ప్రాధాన్యతలు, ప్రభుత్వ లక్ష్యాలను గవర్నర్‌ తన ప్రసంగంలో వివరించనున్నారు. ప్రభుత్వం గ్రామీణ ఆర్థికాభివృద్ధి, సంక్షేమమే ఎజెండాగా కొత్త కార్యక్రమాలకు రూపకల్పన చేస్తున్న నేపథ్యంలో గవర్నర్‌ ప్రసంగంలో ఉండే అంశాలు ప్రాధాన్యాన్ని సంతరించు కోనున్నాయి. కాగా గవర్నర్‌ ప్రసంగానికి రాష్ట్ర మంత్రివర్గం మూడు రోజుల కిందే ఆమోదం తెలిపింది. బడ్జెట్‌ సమావేశాలకు ముందు కేబినెట్‌ భేటీ ఏర్పాటు చేసి గవర్నర్‌ ప్రసంగాన్ని ఆమోదించే ఆనవా యితీ ఉంది. కానీ అందుకు భిన్నంగా ఈసారి సర్క్యులేషన్‌ పద్ధతిలోనే మంత్రుల సంతకాలు సేకరించి ఆమోదం తెలిపారు.
 
 బీఏసీలో పనిదినాల ఖరారు
 తొలిరోజున సభలు వాయిదా పడిన తర్వాత స్పీకర్‌ మధుసూదనాచారి సమక్షం లో సీఎం కేసీఆర్‌ అధ్యక్షతన అసెంబ్లీలో బీఏసీ సమావేశం జరుగనుంది. బడ్జెట్‌ సమావేశాలు ఎన్ని రోజులు నిర్వహించాలి, బడ్జెట్‌పై సాధారణ చర్చకు ఎన్ని రోజులు.. వివిధ పద్దులపై చర్చకు ఎంత సమయం కేటాయించాలనేది ఆ భేటీలో ఖరారు చేస్తారు.


 ‘నగరం’ కథ విన్నప్పుడే, ఆ కాన్సెప్ట్‌కి కనెక్ట్‌ అయిపోయా. వాస్తవానికి దగ్గరగా ఉన్న కథ కావడంతో సినిమా చూసిన ప్రతి ఒక్కరూ కనెక్ట్‌ అవుతారు’’ అని సందీప్‌ కిషన్‌ అన్నారు. సందీప్‌ కిషన్, రెజీనా, శ్రీ, మధుసూదన్‌ ముఖ్య పాత్రల్లో లోకేష్‌ కనకరాజ్‌ దర్శకత్వంలో తెలుగు, తమిళ భాషల్లో తెరకెక్కిన ‘నగరం’ ఈరోజు విడుదలవుతోంది.
 సందీప్‌ కిషన్‌ మాట్లాడుతూ – ‘‘ప్రతి మనిషిలో మంచీ, చెడూ ఉంటాయి.. వారిలోని మంచితనం కరెక్ట్‌ టైమ్‌కి బయటపడితే బాగుంటుంది’ అన్నదే ‘నగరం’ కథ. ఈ యూనిట్‌ అంతా కొత్తవారే. సినిమాపై ఉన్న ప్యాషన్‌తో ఉద్యోగాలు వదులుకుని మరీ తీశారు. ఒక మంచి డైరెక్టర్‌ నా చిత్రం ద్వారా పరిచయమవుతున్నందుకు గర్వంగా ఉంది. నా గత చిత్రాలు ‘రన్, ఒక్క అమ్మాయి తప్ప’ సరిగ్గా ఆడలేదు. దాంతో నాపై నాకే డౌట్‌ వేసింది. నేను సరైన కథలను ఎంచుకుంటున్నానా? అని. ‘నగరం’ ప్రివ్యూ చూసిన తెలుగు, తమిళ పరిశ్రమ పెద్దలు ‘చాలా బాగుంది’ అని అభినందిస్తుంటే రిలీఫ్‌ అనిపించింది.


 అసెంబ్లీ సమావేశాల నేపథ్యంలో పలు సూచనలు
 
 హైదరాబాద్‌: శాసన సభ బడ్జెట్‌ సమావేశాల నేపథ్యంలో స్పీకర్‌ ఎస్‌.మధుసూదనాచారి ఉన్నత స్థాయి సమావేశం నిర్వహించారు. అసెంబ్లీలోని స్పీకర్‌ కార్యాలయంలో బుధవారం జరిగిన ఈ సమావేశానికి మండలి చైర్మన్‌ స్వామిగౌడ్, సీఎస్‌ ఎస్‌.పి.సింగ్‌ హాజరయ్యారు. బడ్జెట్‌ సమావేశాలకు సంబంధించి అధికారులకు స్పీకర్‌ పలు సూచనలు చేశారు.
 
 గత సమావేశాలకు సంబంధించి జీరో అవర్, ప్రత్యేక ప్రస్తావనలు, వాటికి ఇవ్వాల్సిన సమాధానాలను వెంటనే శాసనసభ సచివాలయా నికి పంపించాలని ఆదేశించారు. శుక్రవారం మొదలు కానున్న బడ్జెట్‌ సమావేశాల్లో సభ్యులు అడిగే ప్రశ్నలు, ఇతర నిబంధలనకు సంబంధించిన సమాచారం వెంటనే శాసన సభ సచివాలయానికి పంపించాలని సూచించారు. సమావేశాల సందర్భంగా భద్రత, తదితర అంశాలపై కూడా చర్చించారు. మండలి డిప్యూటీ చైర్మన్‌ నేతి విద్యాసాగర్, శాసనసభ డిప్యూటీస్పీకర్‌ పద్మాదేవేందర్‌రెడ్డి పాల్గొన్నారు.  


 సాక్షి, హైదరాబాద్‌: తెలంగాణ శాసన సభ తెలుగు, ఉర్దూ వెర్షన్లలో ఒక వెబ్‌సైట్‌ను ఆవిష్కరించనుంది. దీనిని అసెంబ్లీ కమిటీ హాలులో స్పీకర్‌ మధుసూదనాచారి సోమవారం ఉదయం 10.30కి ప్రారంభిస్తారని శాసన సభ కార్యదర్శి కార్యాలయం ఒక ప్రకటనలో తెలిపింది.
 
 ప్రస్తుతం ఇంగ్లిష్‌ వెర్షన్‌లో మాత్రమే వెబ్‌సైట్‌ పనిచేస్తోంది. శాసన సభ ఉద్యోగులకు, శాసన సభ, మండలి సభ్యులకు ఉపయోగపడేలా కొత్త వెబ్‌సైట్‌ను రూపొందించారు. ఈ కార్యక్రమంలో మండలి చైర్మన్‌ స్వామిగౌడ్, శాసన సభా వ్యవహారాల శాఖా మంత్రి హరీశ్‌రావు, మండలి డిప్యూటీ చైర్మన్‌ నేతి విద్యాసాగర్, డిప్యూటీ స్పీకర్‌ పద్మాదేవేందర్‌రెడ్డి పాల్గొంటారు.


 స్పీకర్‌ మధుసూదనాచారి
 
 పుట్టపర్తి టౌన్‌: సత్యసాయి బాబా మానవాళికి అందించిన సేవలు వెలకట్ట లేనివని రాష్ట్ర అసెంబ్లీ స్పీకర్‌ మధుసూదనాచారి కొనియాడారు. ఏపీలోని అనంతపురం జిల్లా పుట్టపర్తి ప్రశాంతి నిలయంలో జరుగుతున్న శివరాత్రి వేడుకల్లో పాల్గొనేందుకు శుక్రవారం ఆయన పుట్టపర్తి చేరుకున్నారు.
 
 విలేకరులతో ఆయన మాట్లాడుతూ కరువు జిల్లాలో తాగునీటిని అందించిన మహాను భావుడు సత్యసాయి అని, తెలంగాణలో సైతం పలు జిల్లాల్లో ఆయన సేవలు కొనసాగుతున్నాయన్నారు. అనంతరం శివరాత్రి వేడుకల్లో భాగంగా ప్రశాంతి నిలయంలో జరుగుతున్న అఖండ భజన కార్యక్రమంలో పాల్గొని సత్యసాయి మహా సమాధిని దర్శించుకున్నారు.


 పుట్టపర్తి టౌన్‌ : సత్యసాయి బాబా మానవాళికి అందించిన సేవలు వెలకట్టలేనివని తెలంగాణ అసెంబ్లీ స్పీకర్‌ మధుసూదనాచారి కొనియాడారు. ప్రశాంతి నిలయంలో జరుగుతున్న శివరాత్రి వేడుకల్లో పాల్గొనేందుకు శుక్రవారం సాయంత్రం 4.30 గంటలకు ఆయన పుట్టపర్తికి చేరుకున్నారు. ప్రత్యేక కాన్వాయ్‌లో బెంగళూరు నుంచి రోడ్డు మార్గాన చేరుకున్న ఆయనకు ప్రశాంతి నిలయంలోని శాంతిభవన్‌ అతిథి గృహం వద్ద సత్యసాయి సెంట్రల్‌ ట్రస్ట్‌ వర్గాలు, ఇన్‌చార్జ్‌ తహసీల్దార్‌ వసంత్‌కుమార్, డీఎస్పీ ముక్కా శివరామిరెడ్డి, సీఐ బాలసుబ్రమణ్యంరెడ్డి ఘనంగా స్వాగతం పలికారు.
 
 అనంతరం ఆయన విలేకరులతో మాట్లాడారు. జిల్లాకు రూ.వందల కోట్లు ఖర్చు చేసి తాగునీటిని అందించిన మహానుభావుడు సత్యసాయి అని కొనియాడారు. తెలంగాణలోని పలు జిల్లాల్లో ఆయన సేవలు కొనసాగుతున్నాయన్నారు. విద్య, వైద్యం, తాగునీటి రంగాల్లో ఆయన సేవలు ప్రపంచానికే ఆదర్శమని చెప్పారు. అనంతరం శివరాత్రి వేడుకల్లో భాగంగా ప్రశాంతి నిలయంలో జరుగుతున్న అఖండ భజన కార్యక్రమంలో పాల్గొని సత్యసాయి మహాసమాధిని దర్శించుకున్నారు.


 అంతర్జాతీయ బౌద్ధ సదస్సులో ప్రభుత్వం
 ♦ నాలుగు రోజులపాటు సదస్సు
 ♦  విదేశీ ప్రతినిధుల హాజరు
 
 సాక్షి, హైదరాబాద్‌: ప్రపంచ పర్యాటకులను ఆకట్టుకునే అద్భుత బౌద్ధ క్షేత్రాలకు తెలంగాణ నెలవని రాష్ట్ర ప్రభుత్వం పేర్కొంది. బౌద్ధ ఆరామాలు, చైత్యాలు, స్థూపాలు ఎన్నో ఈ ప్రాంతంలో ఉన్నాయని, బుద్ధుడు జీవించి ఉన్న సమయంలోనే ప్రత్యక్షంగా ఆయనను అనుసరించి బౌద్ధం వ్యాప్తికి కృషి చేసిన బావరి నడయాడిన నేల ఇది అంటూ విదేశీ ప్రతిని ధులకు వివరించింది. గురువారం నగరంలోని హరితప్లాజాలో అంతర్జాతీయ బౌద్ధ సదస్సు ప్రారంభమైంది. నాలుగు రోజులపాటు జరిగే ఈ సదస్సుకు 15 దేశాల నుంచి 63 మంది ప్రతినిధులు సహా జాతీయ, స్థానిక ప్రతినిధు లు భారీ సంఖ్యలో హాజరయ్యారు.
 
 సీఎం రాకపోవడంతో ప్రభుత్వ ప్రతినిధిగా అసెంబ్లీ స్పీకర్‌ మధుసూదనాచారి సదస్సును ప్రారం భించారు. పర్యాటక శాఖ మంత్రి చందూలాల్, ఆ శాఖ ముఖ్యకార్యదర్శి బుర్రా వెంకటేశం, బుద్ధవనం ప్రత్యేకాధికారి మల్లేపల్లి లక్ష్మయ్య, పురావస్తు శాఖ సంచాలకురాలు విశాలాచ్చి తదితరులు సదస్సులో పాల్గొన్నారు. దక్షిణ భారతదేశంలో బుద్ధుడి బోధనలను ఆయన బతికుండగానే ప్రారంభించిన బావరి, అతని అనుచరులు పుట్టిన బాదన్‌కుర్తి కూడా తెలం గాణలోనే ఉండటం విశేషమని వక్తలు అన్నా రు.
 
 ఇటీవలే ఇక్కడ దాని సాక్ష్యాలు కూడా వెలుగుచూడటం,  బౌద్ధ గ్రంథం సుత్తనిపాతం లో బాదన్‌కుర్తి ప్రస్తావన ఉన్న నేపథ్యంలో తెలంగాణలోని బౌద్ధ క్షేత్రాలకు అంతర్జాతీయ గుర్తింపు తేవాలని నిర్ణయించిన ప్రభుత్వం ఈ సదస్సు నిర్వహిస్తోంది. తెలంగాణలో ఎన్నో బౌద్ధ క్షేత్రాలున్నాయని, వాటిని ప్రభుత్వం అభివృద్ధి చేస్తోందని స్పీకర్‌ మధుసూదనాచారి పేర్కొన్నారు. బుద్ధుడు చూపిన శాంతి మార్గంలోనే సీఎం చంద్రశేఖర్‌రావు ఉద్యమించి తెలంగాణ సాధించారన్నారు.
 
 బుద్ధిస్ట్‌ సర్క్యూట్‌ ఏర్పాటు: మంత్రి చందూలాల్‌
 తెలంగాణలో ప్రధాన బౌద్ధ క్షేత్రాలను కలిపి బుద్ధిస్ట్‌ సర్క్యూట్‌ను అభివృద్ధి చేస్తున్నట్టు మంత్రి చందూలాల్‌ ప్రకటించారు. ఇప్పటికే బుద్ధవనం పేరుతో అంతర్జాతీయ స్థాయిలో నాగార్జునసాగర్‌ పరిసరాలను అభివృద్ధి చేస్తున్నట్టు వెల్లడించారు. బుద్ధుడి బోధనలను అనుసరిస్తే ఎలాంటి సమస్యలనైనా జయించొచ్చని పర్యాటక శాఖ ముఖ్యకార్యదర్శి బుర్రా వెంకటేశం పేర్కొన్నారు. తెలంగాణలో వెలుగు చూసిన 28 బౌద్ధ క్షేత్రాలను అభివృద్ధి చేస్తున్నట్టు ఆయన వెల్లడించారు.
 
 గుడ్‌మార్నింగ్‌ వద్దు...
 గుడ్‌మార్నింగ్‌ బదులు, బుద్ధుడు బోధించినట్టుగా సుఖీహోతూ అని పరస్పరం పలకరించుకోవాలని మలేషి యా నుంచి వచ్చిన బౌద్ధ ప్రతినిధి ఆనంద కుమార సెరీ పిలుపునిచ్చారు. యూరో పియన్‌ సంస్కృతిని విడనాడి సనాతన బౌద్ధ ఆచారాలను అనుసరించటం మంచి దన్నారు. తెలంగాణను గొప్ప రాష్ట్రంగా అభివృద్ధి చేసేందుకు సీఎం చంద్రశేఖర్‌ రావు శ్రమిస్తుండటం సంతోషంగా ఉందన్నారు. బౌద్ధ క్షేత్రాల పునరుద్ధరణే కాకుండా, వాటి ఔన్నత్యాన్ని జనాల్లోకి తీసుకెళ్లే తాత్వికత అవసరమని ఆయన అన్నారు. కాగా, సదస్సులో శుక్రవారం విదేశీ ప్రతినిధుల ప్రసంగాలుంటాయి. శని, ఆదివారాల్లో పలు బౌద్ధ క్షేత్రాల పర్యటన ఉంటుంది. ఈ కార్యక్రమాన్ని బుద్ధవనం ప్రత్యేకాధికారి మల్లేపల్లి లక్ష్మయ్య ఆధ్వర్యంలో నిర్వహించారు.


 చెన్నై: అన్నాడీఎంకేలో పన్నీర్‌ సెల్వం, శశికళ వర్గాల మధ్య పోరు కొనసాగుతోంది. అసెంబ్లీలో రేపు పళనిస్వామి ప్రభుత్వం బలం నిరూపించుకోనున్న నేపథ్యంలో సెల్వం వర్గం దూకుడు పెంచింది. పార్టీపై పట్టు సాధించేందుకు శశికళ వర్గీయులను బయటకు పంపుతోంది. ఏకంగా మఖ్యమంత్రి ఎడప్పాడి పళనిస్వామినే పార్టీ పదవి నుంచి తప్పించినట్టు ప్రకటించింది. సాలేం జిల్లా కార్యదర్శిగా ఉన్న పళనిస్వామితో సహా 13 మంది జిల్లా అన్నాడీఎంకే కార్యదర్శులను తొలగిస్తున్నట్టు పన్నీర్‌ వర్గంలో ఉన్న ప్రిసిడియం చైర్మన్‌ మధుసూదనన్‌ ప్రకటించారు. అన్నా డీఎంకే నుంచి శశికళను, ఆమె బంధువులు దినకరన్, వెంకటేష్‌లను బహిష్కరించినట్టు ఈ ఉదయం ఆయన తెలిపారు.
 
 పార్టీ నిబంధనల ప్రకారం శశికళను తొలగించే అధికారం మధుసూదనన్ కు లేదని అసెంబ్లీలో ఫ్లోర్‌ లీడర్‌ గా నియమితులైన విద్యాశాఖ మంత్రి సెంగోట్టయన్ అన్నారు. అన్నాడీఎంకే తాత్కాలిక ప్రధాన కార్యదర్శిగా శశికళ ఎన్నిక చెల్లదని పన్నీర్‌ సెల్వం వర్గం ఇప్పటికే జాతీయ ఎన్నికల సంఘానికి ఫిర్యాదు చేసింది.
 సంబంధిత కథనాలు ఇక్కడ చదవండి...
 తమిళ రాజకీయాల్లో తాజా ట్విస్ట్
 పోలీసులకు పన్నీర్‌ సెల్వం లేఖ
 ‘అ‍మ్మ’ పార్టీలో న్యూ పవర్‌ సెంటర్‌!
 పన్నీర్‌ తిరుగుబాటు చేయకుంటే..?
 ఎమ్మెల్యేల ఝలక్.. పళనిస్వామికి టెన్షన్!


 చెన్నై: తమపై చర్యలు తీసుకునే అధికారం శశికళ నటరాజన్ కు లేదని అన్నాడీఎంకే నుంచి బహిష్కరణకు గురైన సీనియర్ నాయకుడు మధుసూదనన్ అన్నారు. శశికళను తామే పార్టీ బహిష్కస్తున్నామని చెప్పారు. పార్టీలో తాత్కాలిక ప్రధాన కార్యదర్శి పదవే లేదని ఆయన స్పష్టం చేశారు. పార్టీ కొత్త ప్రధాన కార్యదర్శి పదవికి త్వరలో ఎన్నిక నిర్వహిస్తామన్నారు. ప్రధాన కార్యదర్శి ఎవరో కేడర్ తేలుస్తుందని పేర్కొన్నారు.
 
 పొయేస్ గార్డెన్ లోని 'అమ్మ' వేద నిలయం ప్రజల ఆస్తి అని చెప్పారు. వేద నిలయంలో తిష్టవేసిన వారిని వెళ్లగొట్టేందుకు 2 రోజుల్లో అక్కడకు వెళ్లనున్నట్టు మధుసూదన్ వెల్లడించారు. పన్నీర్ సెల్వం గూటికి చేరిన మధుసూదన్ ను  ప్రిసీడియం చైర్మన్ పదవితో పాటు పార్టీ సభ్యత్వాన్ని కూడా రద్దు చేస్తున్నట్టు శశికళ అంతకుముందు ప్రకటించారు.


 తెలంగాణ ఆకాంక్ష.. అక్షరబద్ధం
 
 ►ఆత్మకథ రాస్తున్న సీఎం కేసీఆర్‌
 ►ఉద్యమం నుంచి రాష్ట్రావిర్భావం దాకా..
 ►పుస్తకంలో అనేక కీలక ఘట్టాలు, మలుపులు
 ►రాజకీయ ప్రస్థానంపై పూర్తి వివరాలు.. పూర్వీకుల స్థానికతపై వివరణ
 ►సహకారం అందిస్తున్న స్పీకర్‌ మధుసూదనాచారి
 ►సంచలనాత్మకంగా నిలుస్తుందంటున్న గులాబీ నేతలు
 
 సాక్షి, హైదరాబాద్‌: తెలంగాణ నుడికారంతో ఆయన మాట్లాడే ప్రతీ మాటా.. పేలే ఒక తూటా ! పల్లెజనం భాషలో వారి మనసుల్లోకి సూటిగా విషయాన్ని చేర్చగల మాటల మాంత్రికుడు.. కటువైన పదజాలం వాడకుం డానే విమర్శలు ఎక్కుపెట్టే నేర్పరితనం.. సమ కాలీన రాజకీయాల్లో సంచలన నేతగా పేరు పడిన ముఖ్యమంత్రి కె.చంద్రశేఖర్‌రావు మరో సంచలనానికి తెరలేపనున్నారు. టీఆర్‌ఎస్‌ వర్గాల నుంచి అందుతున్న సమాచారం ప్రకా రం.. సీఎం ఆత్మకథ రాసే పనిలో ఉన్నారు. తెలంగాణ ఉద్యమ అనుభవాలు, పోరాటం, కలిసొచ్చిన దోస్తులు.. మధ్యలో చేయిచ్చిన నేస్తాలు.. తన పుట్టుక.. బాల్యం, రాజకీయ అరంగేట్రం.. కాంగ్రెస్, టీడీపీల్లో తన రాజకీయ జీవితం.. ఆ పార్టీలను వీడటానికి దారి తీసిన పరిస్థితులు.. టీఆర్‌ఎస్‌ ఏర్పాటు.. ప్రత్యేక రాష్ట్ర పోరాటం.. పూర్వీకుల స్థానికతపై నడిచిన వివాదం.. హస్తిన రాజకీయాలు.. సోనియాతో ఒప్పందాలు.. ఇలా ఒక్కటేమిటి ఎన్నో కీలక మలుపులకు అక్షర రూపం ఇవ్వ నున్నారు. ఈ క్రతువులో టీఆర్‌ఎస్‌ ఆవిర్భావం నుంచి కేసీఆర్‌తో కలిసి నడిచిన శాసన సభ స్పీకర్‌ ఎస్‌.మధుసూదనాచారి రచనా సహకా రం అందిస్తున్నారని సమాచారం. తెలంగాణ పోరాట నేపథ్యంలోనే కేసీఆర్‌ ఆత్మకథ రాస్తు న్నారని, ఇందులో ఇప్పటిదాకా వెలుగు చూడని అనేక అంశాలపై తన మనోగతాన్ని కుండబద్దలు కొట్టనున్నారని అంచనా.
 
 వంశవృక్షంపై పూర్తి సమాచారం
 తెలంగాణ ఉద్యమంలో స్థానిక–స్థానికేతర అంశాల చర్చ జరిగినప్పుడు .. కేసీఆర్‌ తాతలు విజయనగరం నుంచి వచ్చారన్న ప్రచారం విస్తృతంగా జరిగింది. తన పూర్వీకుల స్థాని కతపై పూర్తిస్థాయిలో వివరణ ఇచ్చేందుకు ‘వంశ వృక్షం’ పూర్తి వివరాలను పుస్తకంలో పొందుపరుస్తున్నారని సమాచారం. కాంగ్రెస్‌ లో రాజకీయ ఓనమాలు దిద్దుకున్న కేసీఆర్‌ తర్వాత టీడీపీలో ప్రజాప్రతినిధిగా పూర్తిస్థాయి రాజకీయ జీవితం మొదలు పెట్టారు. మంత్రి పదవి దక్కనందుకే టీడీపీ నుంచి బయటకు వచ్చి టీఆర్‌ఎస్‌ పెట్టారని పెద్ద ఎత్తున ప్రచా రం జరిగింది. తాను టీడీపీ నుంచి బయటకు ఎందుకు రావాల్సి వచ్చింది? టీఆర్‌ఎస్‌ ఆవి ర్భావానికి దారితీసిన పరిస్థి తులను ఆత్మ కథలో వివరించనున్నారు. పద్నా లుగేళ్ల పాటు అడ్డంకులు, ఆటుపోట్లు ఎదుర్కొంటూ నడిపిన తెలంగాణ ఉద్యమంలో అనేక మలు పులు, రాజకీయ వ్యూహాలు, ఎత్తు గడలు, ఫలి తాలు, విఫల ప్రయోగాలు, గుణ పాఠాలను సవివరంగా పొందుపరుస్తున్నారని తెలిసింది.
 
 సమకాలీన తెలంగాణ ఉద్యమకారులు ఎంత గా ఆయన వ్యూహాల్ని వేలెత్తి చూపినా.. గత పోరాటాలకు భిన్నంగా పూర్తిగా ‘లాబీయింగ్‌ ’ మంత్రాన్ని నూటికి నూరుశాతం నమ్మడం, అందుటో భాగంగానే నాడు కేంద్రంలో అధికా రంలో ఉన్న కాంగ్రెస్‌ పార్టీ నేతలు, ఆ పార్టీ అధినేత సోనియాగాంధీ వద్ద జరిపిన మం త్రాంగం, ఢిల్లీ పెద్దలతో సంబంధాలు.. ఏకాభి ప్రాయం సాధనలో ప్రాంతీయ పార్టీ నేతల మద్దతు కోరడం, ఇందులో కలిసొచ్చిన వారు, చివరల్లో చేయిచ్చిన వారు.. తదితర అంశాలకు అక్షర రూపం ఇస్తున్నారని చెబుతున్నారు. తెలంగాణ పోరాట చరిత్రలో దాగున్న అనేక చీకటి కోణాలను బయట పెట్టడంతో పాటు.. రాష్ట్రావిర్భావం తర్వాత ‘బంగారు తెలంగాణ’ నిర్మాణం కోసం ప్రణాళికలు, చేసిన కసరత్తు తదితరాలకు కేసీఆర్‌ ఆత్మకథలో చోటు ఉంటుందం టున్నారు. తమ అధినేత రాస్తున్న ఆత్మకత కచ్చితంగా సంచలనాత్మకమవుతుందని గులాబీ నేతలు చెబుతున్నారు.


 టీఎన్జీవోస్‌ 70 వసంతాల వేడుకలో డిప్యూటీ సీఎం కడియం శ్రీహరి
 హన్మకొండ: ప్రభుత్వం, ఉద్యోగుల మధ్య ఉన్న సత్సంబంధాన్ని చూసి జీర్ణించుకోలేని కొన్ని శక్తులు ఉద్యోగులు, ప్రభుత్వం మధ్య చిచ్చు పెట్టాలని కుట్రలు చేస్తున్నాయని ఉప ముఖ్యమంత్రి కడియం శ్రీహరి అన్నారు. మంగళవారం రాత్రి హన్మకొండలో టీఎన్జీ వోస్‌ యూనియన్  70 వసంతాల వేడుకలు జరిగాయి. కార్యక్రమంలో కడియం మాట్లా డుతూ ప్రభుత్వం ఉద్యోగులతో స్నేహపూర్వ కంగా ఉంటుందన్నారు. తెలంగాణ రాష్ట్ర సమగ్రాభివృద్ధి లక్ష్యంగా యూనియన్  పని చేస్తుందని, ఉద్యోగుల సమస్యలు సీఎం కేసీఆర్‌ దృష్టికి తీసుకెళ్లి వాటి పరిష్కారానికి కృషి చేస్తానన్నారు. స్పీకర్‌ సిరికొండ మధు సూదనాచారి మాట్లాడుతూ రాష్ట్రాన్ని బంగా రు తెలంగాణ చేయాలని విశ్వాసం టీఎన్జీ వోస్‌ ఉద్యోగుల్లో కనిపిస్తుందన్నారు.
 మంత్రి చందూలాల్‌ మాట్లాడుతూ ఉద్యోగుల సమ స్యలు సీఎం పరిష్కరిస్తారని, ఈ విషయం లో ఎవరూ ఎలాంటి ఇబ్బంది పడవద్ద న్నారు. టీఎన్జీవోస్‌ యూనియన్  రాష్ట్ర గౌరవాధ్యక్షుడు దేవీప్రసాద్‌ మాట్లాడుతూ రాష్ట్ర అభివృద్ధికి పునరంకితం కావడం, తెలంగాణ పునర్నిర్మాణమే వరంగల్‌ డిక్లరేషన్  అన్నారు.  టీఎన్జీవోస్‌ యూనియన్  రాష్ట్ర అధ్యక్షుడు కారం రవీందర్‌రెడ్డి మాట్లాడుతూ ఉద్యోగులంతా ఐక్యంగా పోరాడితేనే కాంట్రిబ్యూషన్ పెన్షన్  స్కీం రద్దవుతుందన్నారు. ఈ దిశగా మార్చిన 2న ఛలో ఢిల్లీ కార్యక్రమాన్ని చేపట్టామన్నారు.


 హైదరాబాద్:  రాష్ర్టవ్యాప్తంగా పల్స్ పోలియో కార్యక్రమం ఆదివారం ప్రారంభమైంది. 24,574 కేంద్రాల ద్వారా ఐదేళ్లలోపు వయసున్న 41,52,210 మంది చిన్నారులకు పోలియో చుక్కలు వేయాలని వైద్య ఆరోగ్యశాఖ లక్ష్యంగా నిర్దేశించుకుంది. ప్రయాణాల్లో ఉన్నవారి కోసం వివిధ బస్టాండ్లు, రైల్వే స్టేషన్లు, ప్రధాన కూడళ్లలో కూడా 897 కేంద్రాలు ఏర్పాటు చేశారు.
 
 రాష్ట్రస్థాయిలో 55 మంది అధికారులు, జిల్లా స్థాయిలో 120, క్షేత్రస్థాయిలో 2,455 సూపర్‌వైజర్లు, 733 సంచార బృందాలను కార్యక్రమం పర్యవేక్షణ కోసం ఏర్పాటు చేశారు. చిన్నారులందరికీ వ్యాక్సిన్లు వేసేలా వైద్య ఆరోగ్యశాఖాధికారులు ప్రత్యేక చర్యలు తీసుకున్నారు. నిర్మల్‌ జిల్లా బాసరలోని ప్రముఖ పుణ్యక్షేత్రమైన జ్ఞానసరస్వతి ఆలయంలో అమ్మవారి దర్శనానికి వచ్చే భక్తుల్లోని చిన్నారులకు కూడా పోలియో చుక్కలు వేశారు.
 
 అలాగే రంగారెడ్డిజిల్లా ఆదిభట్లలో అసెంబ్లీ స్పీకర్‌ మధుసూదనాచారి పలువురు పిల్లలకు పోలియో చుక్కలు వేశారు. ఖమ్మంజిల్లా సత్తుపల్లిలో మంత్రి తుమ్మల నాగేశ్వరరావు పల్స్‌ పోలియో కార్యక్రమంలో పిల్లలకు పోలియో చుక్కలు వేశారు. కరీంనగర్‌ నగరంలోని కార్ఖానగడ్డ ఉన్నత పాఠశాలలో ఏర్పాటు చేసిన కేంద్రంలో ఆర్థిక శాఖ మంత్రి ఈటల రాజేందర్‌ పోలియో చుక్కలు వేశారు. రాష్ట్రంలోని 31 జిల్లాల్లో ఈ కార్యక్రమాన్ని ఆయా జిల్లాల కలెక్టర్లు, ఇతర అధికారులు ప్రారంభించి పోలియో చుక్కలు వేశారు.


 హైదరాబాద్‌: బంగారు తెలంగాణ నిర్మాణానికి సాంస్కృతిక సార«థి కళాకా రులు పునాది రాళ్లు లాంటి వారని స్పీకర్‌ మధుసూదనాచారి అన్నారు. బుధవారం రవీంద్రభారతిలో సారథి ప్రజా చైతన్య రూపాల ప్రదర్శన వేడుకల్లో పలువురు మంత్రులతో పాటు ఆయన ముఖ్య అతిథిగా పాల్గొని ప్రసంగించారు. బంగా రు తెలంగాణ సాధనలో రాష్ట్ర సాంస్కృతిక సార«థుల పాత్ర చాలా కీలకమన్నారు.
 
 ప్రభుత్వానికి, ప్రజలకు మధ్య వారధిగా పనిచేస్తున్న తెలంగాణ సాంస్కృతిక సారథి సాధించిన విజయా లను సంస్థ కళాకారులు అద్భుతంగా ఆవిష్కరిం చారు. గడచిన రెండన్నరేళ్లలో ప్రభుత్వం చేపట్టిన సంక్షేమ కార్యక్రమాలను వివిధ కళారూపాల ద్వారా ప్రదర్శనలు ఇచ్చి ఆకట్టుకున్నారు. రెండన్నరేళ్లలోనే ఏ రాష్ట్రం చేపట్టలేనన్ని సంక్షేమ పథకాలను అమలు చేసి చూపామని రాష్ట్ర ఆర్థిక మంత్రి ఈటల రాజేందర్‌ తెలిపారు. ఈ పథకాలను ఇతర రాష్ట్రాలు స్ఫూర్తిగా తీసు కుంటున్నాయన్నారు. ప్రభుత్వ పథకాలను సారథి కళాకారులు ప్రజల్లోకి తీసుకెళ్లి జాగృతం చేస్తున్న తీరును ప్రశంసించారు.  
 
 అర్హులకే పథకాలు అందాలి: హరీశ్‌
 తెలంగాణ ఉద్యమంలో కళాకారులు ఎలాంటి పాత్ర పోషించారో బంగారు రాష్ట్ర నిర్మాణంలోనూ అలాంటి పాత్రే పోషించాలని హరీశ్‌రావు కోరారు. ప్రభుత్వ పథకాలన్నీ నిజమైన లబ్ధిదారులకు చేరేలా కృషి చేస్తారని ఆకాంక్షించారు. మంత్రి అజ్మీరా చందూ లాల్‌ మాట్లాడుతూ.. కళలు, కళాకారులను పరిరక్షించుకుంటా మని, సీఎం కేసీఆర్‌కు కూడా కళలంటే ఎంతో ఇష్టమని అన్నారు. తెలంగాణ సాంస్కృతిక సార«థి చైర్మన్, ఎమ్మెల్యే రసమయి బాలకిషన్‌ మాట్లాడుతూ కేసీఆర్‌ ఆశయాలను, ఆకాంక్షలను వమ్ము చేయకుండా ప్రభుత్వం చేపడుతున్న అభివృద్ధిని ప్రజల్లోకి సాంస్కృతిక సారథి తీసుకెళ్తుందని చెప్పారు.
 
 కార్యక్రమంలో ఎమ్మెల్యే శ్రీనివాస్‌గౌడ్, తెలంగాణ రాష్ట్ర భాషా సాంస్కృతిక శాఖ సంచాలకులు మామిడి హరికృష్ణ, తెలుగు వర్సిటీ ఉపకులపతి ఆచార్య ఎస్వీ సత్యనారాయణ, సీఎం కార్యాలయం ప్రజా సంబంధాల అధికారి రమేశ్‌ హజారీ, తెలంగాణ రీసోర్స్‌ సెంటర్‌ డైరెక్టర్‌ బండి సాయన్న, తెలంగాణ సాంస్కృతిక సార«థి రచయితల కో–ఆర్డినేటర్‌ యశ్‌పాల్, ప్రజా సంబంధాల అధికారి విద్యానందాచారి తదితరులు పాల్గొన్నారు.


 రెండ్రోజులపాటు సమావేశాలు
 
 సాక్షి, హైదరాబాద్‌: పది రోజుల విరామం తర్వాత అసెంబ్లీ, శాసనమండలి తిరిగి సమావేశం కానున్నాయి. గత నెల 16న మొదలైన ఉభయ సభలు ఇప్పటికే పదహారు రోజుల పాటు జరిగాయి. ఈ నెల 6న స్పీకర్‌ మధుసూదనాచారి సభను 17వ తేదీకి వాయిదా వేశారు. మొత్తం పది రోజుల పాటు అసెంబ్లీకి సెలవులు ఇచ్చారు. రెండు రోజుల పాటే సమావేశాలు ఉంటాయని అసెంబ్లీ సచివాలయ వర్గాలు చెబుతున్నాయి. ఈనెల 18వ తేదీతో సమావేశాలు ముగించి, కేంద్ర బడ్జెట్‌ తర్వాత, తిరిగి ఫిబ్రవరి చివరి వారంలో రాష్ట్ర బడ్జెట్‌ సమావేశాలు ఏర్పాటు చేయాలన్న ఆలోచనలో ప్రభుత్వం ఉన్నట్లు సమాచారం.
 
 అధికారంలోకి వచ్చాక రెండున్నరేళ్లలో టీఆర్‌ఎస్‌ ప్రభుత్వం చేపట్టిన వివిధ అభివృద్ధి, సంక్షేమ కార్యక్రమాల గురించి ప్రతిరోజు ఒక లఘు చర్చ రూపంలో ప్రభుత్వం చర్చకు పెట్టింది. మంగళవారం ప్రశ్నోత్తరాలు, జీరో అవర్‌ ముగిశాక హైదరాబాద్‌ అభివృద్ధిపై లఘు చర్చ చేపట్టనున్నారు. బుధవారం (18వ తేదీ) ఎస్సీ, బీసీ సంక్షేమంపై చర్చ జరపాలని ఇప్పటికే షెడ్యూల్‌ ఖరారైంది. మరో రెండ్రోజుల పాటు సమావేశాలను పొడిగించే వీలుందని చెబుతున్నా, ఇప్పటి దాకా పొడిగింపుపై ఎలాంటి నిర్ణయం జరగలేదు. ప్రతిపక్షాలు కోరిన దానికంటే ఎక్కువ రోజులే సభను నడిపామని, అర్థవంతమైన చర్చ జరిపామని, ఇంకా సమావేశాలను పొడిగించాల్సిన అవసరం లేదని అధికార పార్టీ నేత ఒకరు వ్యాఖ్యానించారు. అసెంబ్లీతో పాటు మండలి కూడా రెండ్రోజుల పాటు సమావేశమవుతుంది. 


 శాసనసభను ఒకరోజు బహిష్కరించిన ప్రతిపక్షాలు
 
 - స్పీకర్‌ ఏకపక్ష వైఖరితో వ్యవహరిస్తున్నారని ధ్వజం
 - అధికారపక్షం ఇష్టారాజ్యంగా అసెంబ్లీ నడుస్తోందని మండిపాటు
 - స్పీకర్‌ మధుసూదనాచారికి లేఖ రాసిన కాంగ్రెస్, టీడీపీ, సీపీఎం
 
 సాక్షి, హైదరాబాద్‌: అధికారపక్షం కనుసన్నల్లో, ఏకపక్షంగా శాసనసభను నడుపుతూ, ప్రతిపక్ష సభ్యులకు మాట్లాడే అవకాశం ఇవ్వకుంటే సభకు రావడం ఎందుకంటూ ప్రతిపక్షాలు శాసన సభను బహిష్కరించాయి. అధికార పక్షానికి అనుకూలంగా వ్యవహరిస్తూ, ప్రతిపక్ష సభ్యులకు మాట్లాడే అవకాశం ఇవ్వనందుకు నిరసనగా ఒక రోజు శాసనసభను బహిష్క రిస్తున్నామంటూ కాంగ్రెస్, తెలుగుదేశం, సీపీ ఎం పార్టీలు శాసనసభ స్పీకర్‌ మధుసూదనా చారికి గురువారం లేఖలు రాశాయి. సభలో వివిధ అంశాలపై చర్చ సందర్భంగా ముఖ్య మంత్రి, మంత్రులు, అధికారపక్ష సభ్యులకు మాత్రమే అవకాశం ఇస్తూ ప్రతిపక్షపార్టీల సభ్యులను పట్టించుకోవడంలేదంటూ కాంగ్రెస్, టీడీపీ, సీపీఎంలు వేర్వేరుగా స్పీకర్‌కు లేఖలు రాశాయి. సీఎల్పీనేత కె.జానారెడ్డి, కాంగ్రెస్‌ సభ్యులు ఎన్‌.ఉత్తమ్‌కుమార్‌రెడ్డి, మల్లు భట్టివిక్రమార్క, టి.జీవన్‌రెడ్డి, కోమటిరెడ్డి వెం కటరెడ్డి, జి.చిన్నారెడ్డి, డి.కె.అరుణ, పద్మావతి, వంశీచంద్‌రెడ్డి, సంపత్‌కుమార్‌ తదితరులు స్పీకర్‌కు లేఖను అందజేశారు. అలాగే టీటీడీపీ  నేత ఎ.రేవంత్‌రెడ్డి, ఎమ్మెల్యే సండ్ర వెంకట వీరయ్య, అలాగే.. సీపీఎం ఎమ్మెల్యే సున్నం రాజయ్య కూడా విడిగా తన లేఖలను అందించారు. అనంతరం మీడియా పాయింట్‌ దగ్గర వేర్వేరుగా మాట్లాడారు.
 
 టీఆర్‌ఎస్‌ ప్రచారం కోసమే శాసనసభా?: కాంగ్రెస్‌
 టీఆర్‌ఎస్‌ పార్టీ ప్రచారానికి శాసనసభను వేదికగా వాడుకుంటూ, సభను టీఆర్‌ఎస్‌ కార్యాలయంగా మారుస్తున్నారని కాంగ్రెస్‌ పార్టీ విమర్శించింది. కాంగ్రెస్‌ సభ్యులు ఎన్‌.ఉత్తమ్‌కుమార్‌రెడ్డి, భట్టివిక్ర మార్క, టి.జీవన్‌రెడ్డి తదితరులు మీడియాతో మాట్లాడుతూ, స్పీకర్‌ ఏకపక్షంగా వ్యవహ రిస్తున్నారని, తమ వాదన వినాలని ఎన్ని సార్లు విన్నవించుకున్నా పట్టించు కోక పోవడంతోనే సభా కార్యక్రమాలను ఒకరోజు బహిష్కరిస్తున్నామని తెలిపారు.  సీఎం  శాసనసభలో పచ్చి అబద్ధాలను మాట్లాడు తున్నారని విమర్శించారు. భూనిర్వాసితు లకు పదిరెట్లు నష్టపరిహారం ఇస్తున్నామని చెప్పడం పచ్చి అబద్ధమన్నారు. భూసేకరణ చట్టం ఆమోదం పొందినట్టుగా చెబుతున్నా రని, దానిపై వాస్తవాలను దాచిపెడుతున్నా రని ఉత్తమ్‌ విమర్శించారు.
 
 భూసేకరణ బిల్లుకు సవరణో, కొత్త చట్టమో ఎవరికీ తెలియదన్నారు. బిల్లుపై స్పీకర్‌ దగ్గర కూడా వాస్తవాలు లేకపోవడం  దురదృష్టకరమ న్నారు. ముఖ్యమంత్రి కేసీఆర్, శాసనసభ కార్యదర్శి కలసి సభను తప్పుదోవ పట్టిస్తు న్నారని, ఇది దారుణమని జీవన్‌రెడ్డి విమర్శించారు. సభలో ప్రజాస్వామ్యాన్ని ఖూనీ చేస్తున్నారని మల్లు భట్టివిక్రమార్క ధ్వజమెత్తారు. 2013 భూసేకరణ చట్టంపై ముఖ్యమంత్రి కేసీఆర్‌ అనుచితంగా చేసిన వ్యాఖ్యలను ఖండిస్తున్నామన్నారు. పార్ల మెంటు చేసిన చట్టంపై  కేసీఆర్‌ అడ్డగోలుగా మాట్లాడారని అన్నారు. సభా సాంప్రదా యాలను, నిబంధనలను స్పీకర్‌ పాటించడం లేదన్నారు.
 
 టీఆర్‌ఎస్‌ కనుసైగల మేరకే..
 స్పీకర్‌పై రేవంత్, సండ్ర ధ్వజం
 టీఆర్‌ఎస్‌ పార్టీ కనుసైగల మేరకు నడుచు కుంటూ, శాసనసభ స్పీకర్‌ తమకు మాట్లాడటానికి మైక్‌ ఇవ్వకుంటే ఇంకా సభలో తామెందుకు అని టీడీపీ సభ్యులు  రేవంత్‌రెడ్డి,  సండ్ర వెంకటవీరయ్య ప్రశ్నిం చారు. గురువారం వారు మీడియాతో మాట్లాడుతూ, రాష్ట్ర ప్రజల ఆశలకు, ఆకాంక్షలకు అనుగుణంగా సభ నడవడం లేదన్నారు. భూసేకరణ బిల్లుపై చర్చ సందర్భంగా టీడీపీ అభిప్రాయాలను చెప్పడానికి కూడా మైక్‌ ఇవ్వలేదని రేవంత్‌రెడ్డి ఆరోపించారు. ప్రతిపక్షపార్టీల అభిప్రాయాలను, వైఖరిని కూడా చెప్పే అవకాశం ఇవ్వకుండా బిల్లును ఆమోదిం చినట్టుగా శాసనసభ స్పీకర్‌ ప్రకటిస్తే ప్రజా స్వామ్యానికి, శాసనసభకు గౌరవం ఎలా ఉంటుందన్నారు. బాధతోనే శాసనసభకు హాజరుకాకుండా బహిష్కరిస్తున్నామని రేవంత్‌రెడ్డి, సండ్ర తెలిపారు. 


 పరిశీలిస్తున్నామన్న సీఎల్పీ
 - స్పీకర్‌ తమ హక్కులను హరిస్తున్నారని నేతల ఆరోపణ
 
 సాక్షి, హైదరాబాద్‌: ప్రజాస్వామ్య విలువలను, సంప్రదాయాలను గౌరవించని స్పీకర్‌ మధుసూదనా చారిపై అవిశ్వాస తీర్మానం పెట్టాలనే అంశాన్ని పరిశీలిస్తున్నామని కాంగ్రెస్‌ శాసనసభాపక్షం ప్రకటించింది. సీఎల్పీ నేత కె.జానారెడ్డి, పార్టీ ఎమ్మెల్యేలు ఎన్‌.ఉత్తమ్‌కుమార్‌రెడ్డి, టి.జీవన్‌రెడ్డి, మల్లు భట్టి విక్రమార్క, జి,చిన్నారెడ్డి, కోమటిరెడ్డి వెంకటరెడ్డి, సంపత్‌కుమార్, వంశీచంద్‌రెడ్డి, రామ్మోహన్‌రెడ్డి తది తరులు సోమవారం అసెంబ్లీ వాయిదా అనంతరం విలేకరులతో మాట్లాడారు. శాసనసభలో ప్రజాస్వామ్య విలువలను, ప్రతిపక్షాల అభిప్రాయాలను గౌరవించే సంప్రదాయాన్ని స్పీకర్‌ ఉల్లంఘించారని జానారెడ్డి ఆరోపించారు.
 
 కాంగ్రెస్‌ సభ్యులు మాట్లాడుతుంటే అడుగడుగునా అడ్డుతగులుతూ, అవాంతరాలను కల్పిం చారని విమర్శించారు. సభ్యులు మాట్లాడుతున్నప్పుడు సభను ఆర్డరులో ఉంచుతూ, అడ్డుతగిలే సభ్యుడు అధికారపక్షానికి చెందినవారైనా నియంత్రించాల్సిన బాధ్యత స్పీకర్‌పై ఉంద న్నారు. గ్యాంగ్‌స్టర్‌ నయీమ్‌ ఎన్‌కౌంటర్‌ కేసును సీబీఐకి అప్పగిం చాలన్న కాంగ్రెస్‌ పార్టీ డిమాండ్‌ను ప్రభుత్వం పట్టించుకోలేదన్నారు. దీనిపై సభలోని అన్ని పార్టీల అభిప్రాయాలను స్పీకర్‌ తీసుకోకపోవడం అప్రజాస్వామికమన్నారు. స్పీకర్‌ తీరుపై ప్రశ్నించామని, దానికి సమాధానం ఇవ్వలేకపోయారని చెప్పారు. సభలో తమ అభిప్రాయం చెప్పడానికి అవకాశం ఇవ్వకపోవడంవల్లనే బహిరం గంగా చెప్పాల్సి వస్తుందని జానారెడ్డి అన్నారు. నయీమ్‌ కేసును సీబీఐకి అప్పగించాలని ఆయన  డిమాండ్‌ చేశారు.
 
 వారి కనుసైగల మేరకు నడుపుతున్నారు: ఉత్తమ్‌
 ఉత్తమ్‌కుమార్‌రెడ్డి మాట్లాడుతూ, అధికారపక్షంవైపు చూస్తూ.., వారి కనుసైగలకు అనుగుణంగా స్పీకర్‌ మధుసూదనాచారి సభను నడుపుతున్నారని ఆరోపించారు. ప్రతిపక్షపార్టీకి చెందిన ఎమ్మెల్యేలు అధికారపార్టీలో చేరారని, వారిపై చర్య తీసుకోవాలని కోరితే సభ్యులను ఏకపక్షంగా సస్పెండ్‌ చేశారని విమర్శించారు. శాసనసభలో నిరసన వ్యక్తంచేసే హక్కును హరించారని అన్నారు. ప్రతిపక్షసభ్యులు మాట్లాడుతున్నప్పుడు మంత్రులు లేచి నిలబడితే మైకును ఇస్తున్నారన్నారు. శాసనసభలో మంత్రులకు ప్రత్యేక అధికారాలు ఉంటాయా అని ఉత్తమ్‌కుమార్‌ రెడ్డి ప్రశ్నించారు.
 
 ఈ నేపథ్యంలో స్పీకర్‌ వ్యవహరి స్తున్న అప్రజాస్వామిక తీరుపై పార్టీ ఎమ్మెల్యేలతో చర్చించి తగిన నిర్ణయం తీసుకుంటామన్నారు. సీఎల్పీ ఉపనేత జీవన్‌రెడ్డి మాట్లాడుతూ, ప్రధాన ప్రతిపక్ష పార్టీగా ఉన్న కాంగ్రెస్‌ సభ్యులను కూడా సభలో మాట్లాడనివ్వడంలేదన్నారు. ప్రతిపక్ష సభ్యులను మాట్లాడనివ్వకుండా, ఏకపక్షంగా వ్యవహరిస్తున్న స్పీకరుపై అవిశ్వాస తీర్మానం పెట్టాలనే విషయాన్ని పరిశీలిస్తున్నామన్నారు. దీనిపై త్వరలోనే నిర్ణయం తీసుకుంటామమన్నారు. టీఆర్‌ఎస్‌ కార్యాలయంలో పార్టీ ఎమ్మెల్యేల సమావేశాన్ని నిర్వహించినట్టుగా ఈ అసెంబ్లీని స్పీకర్‌ నడుపుతున్నారని విమర్శించారు. నయీమ్‌ ఎన్‌కౌంటర్‌ తర్వాత దొరికిన డైరీ, నగదు, రాజకీయపార్టీల నేతలతో సంబంధాల వివరాలను ప్రభుత్వం ఎందుకు బయటపెట్టడం లేదని జీవన్‌రెడ్డి ప్రశ్నించారు.


 హైదరాబాద్‌: తెలంగాణ శాసనసభా స్పీకర్ మధుసూధనాచారి అప్రజాస్వామికంగా వ్యవహారిస్తున్నారని టీపీసీసీ ప్రెసిడెంట్ ఉత్తమ్ కుమార్ రెడ్డి విమర్శించారు. విలేకరులతో మాట్లాడుతూ.. ఫిరాయింపులపై మాట్లాడితే నిన్న కాంగ్రెస్ ఎమ్మెల్యేలను సస్పెండ్ చేశారని అన్నారు. స్పీకర్ తీసుకోవాల్సిన నిర్ణయం కాబట్టే , ఆయన ముందు నిరసన చేపట్టామన్నారు. స్పీకర్ తీరు మారకపోతే అవిశ్వాస తీర్మానం ప్రవేశపెడతామని హెచ్చరించారు. 
  


 సాక్షి, హైదరాబాద్‌: శాసనసభ శీతాకాల సమావేశాల(ఆరో సెషన్‌) నిర్వహణపై చర్చించేందుకు బీఏసీ(బిజినెస్‌ అడ్వైజరీ కమిటీ) గురువారం భేటీ కానుంది. ఉదయం 11 గంటలకు స్పీకర్‌ మధుసూదనాచారి అధ్యక్షతన ఈ సమావేశం జరగనుంది. ఈసారి అసెంబ్లీ సమావేశాలను కనీసం 10 రోజుల పాటు జరపాలని ప్రభుత్వం సూత్రప్రాయంగా నిర్ణయించింది.
 
 ప్రతిపక్షాలు 15 రోజలైనా సమావేశాలు ఉండాలని కోరుతున్నాయి. ఈ నేపథ్యంలో శాసనసభ, మండలి ఎన్ని రోజులు నడవాలన్న అంశంపై బీఏసీలో స్పష్టత రానుంది. దీంతోపాటు ప్రధానంగా చర్చించాల్సిన అంశాలు, సెలవు రోజులు, మొత్తం పనిదినాలపై బీఏసీ నిర్ణయం తీసుకోనుంది.
  


 వరంగల్: తెలంగాణ అసెంబ్లీ స్పీకర్ సిరికొండ మధుసూదనాచారి జయశంకర్ జిల్లా భూపాలపల్లిలో పర్యటించారు. ఈ సందర్భంగా ఆయన పౌరసరఫరాల శాఖ ప్రజా పంపిణీ వ్యవస్థపై సమీక్షించారు. అలాగే రైతులకు వరి ధాన్యానికి మద్దతు ధరపై కూడా అధికారులతో సమీక్షించారు. సమీక్షా సమావేశానికి కలెక్టర్ మురళి, జాయింట్ కలెక్టర్ అమోయ్‌కుమార్, పౌరసరఫరాల శాఖాధికారులు హాజరయ్యారు.


 ► ఎమ్మెల్యేల అనర్హత పిటిషన్లపై స్పీకర్‌కు ‘సుప్రీం’ ప్రశ్న
 ► వారం రోజుల్లో సమాధానం ఇవ్వాలంటూ ఉత్తర్వులు
 ► వచ్చే నెల 8వ తేదీకి విచారణ వాయిదా
 ► ఆదేశాలను వెంటనే అమలు చేయాలి: ఎమ్మెల్యే సంపత్‌
 
 సాక్షి, న్యూఢిల్లీ: పార్టీ ఫిరాయింపులపై దాఖలైన అనర్హత పిటిషన్లను ఎప్పటిలోగా పరిష్కరిస్తారని శాసన సభాపతిని సుప్రీంకోర్టు ప్రశ్నించింది. దీనిపై వారంరోజుల్లో సమాధానం చెప్పాలంటూ బుధవారం ఉత్తర్వులు జారీ చేసింది. కాంగ్రెస్‌ నుంచి టీఆర్‌ఎస్‌లోకి ఫిరాయించిన ఎమ్మెల్యేలపై ఫిరాయిం పుల నిరోధక చట్టం ప్రకారం అనర్హత వేటు వేయాలంటూ తెలంగాణ శాసన సభాపతికి పిటిషన్‌ సమర్పించామని.. కానీ స్పీకర్‌ ఇప్పటివరకు ఎలాంటి చర్య తీసుకోలేదని, తగిన చర్యలు తీసుకునేలా ఆదేశించాలని కోరుతూ కాంగ్రెస్‌ ఎమ్మెల్యే సంపత్‌కుమార్‌ సుప్రీం లో పిటిషన్‌ దాఖలు చేసిన విషయం తెలిసిందే.
 
 దీనిపై జస్టిస్‌ కురియన్‌ జోసెఫ్, జస్టిస్‌ రోహింటన్‌ ఫాలీ నారీమన్‌లతో కూడిన ధర్మాసనం బుధవారం మరోసారి విచారణ జరిపింది. తొలుత ప్రతివాదుల తరఫు న్యాయవాది మాట్లాడుతూ.. తమ తరఫు సీనియర్‌ న్యాయవాది, అటార్నీ జనరల్‌ ముకుల్‌ రోహత్గీ అందుబాటులో లేరని... స్పీకర్‌కు, ఇతర ప్రతివాదులకు నోటీసులు కూడా అందనందున కొంత సమయం కావాలని ధర్మాసనానికి విజ్ఞప్తి చేశారు. దీనిని పిటిషనర్‌ తరఫు న్యాయవాది జంధ్యాల రవిశంకర్‌ తప్పుబట్టారు. ఈ కేసులో జాప్యం చేసేందుకు ప్రతివాదులు ప్రయత్నిస్తున్నారని, నోటీసులు అందలేదనడంలో వాస్తవం లేదని కోర్టుకు వివరించారు. పిటిషనర్‌ స్వయంగా స్పీకర్‌కు శాసనసభలోనే నోటీసులు అందజేశారని.. దానిపై ప్రసార సాధనాలు వార్తలు కూడా ప్రసారం చేశాయని తెలిపారు.
 
 అంతేగాకుండా గతేడాది ఈ అంశంపై హైకోర్టును ఆశ్రయించినప్పుడు స్పీకర్‌ అనర్హత పిటిషన్లను త్వరగా పరిష్కరిస్తారని ఆశిస్తున్నామని పేర్కొన్నదని.. కానీ ఇప్పటివరకు ఎలాంటి పరిష్కారం లేదని చెప్పారు. దీంతో జస్టిస్‌ కురియన్‌ జోసెఫ్‌ స్పందిస్తూ.. ‘అనర్హత పిటిషన్లను పరిష్కరించేందుకు ఎంత సమయం కావాలో వారం రోజుల్లో ఐదో ప్రతివాది (స్పీకర్‌) సమాధానం చెప్పాలి..’’ అని ఆదేశించారు. తగిన సూచనలు తీసుకుని విచారణకు రావాలని ప్రతివాదుల తరఫు న్యాయవాదులకు సూచిస్తూ విచారణను నవంబర్‌ 8కి వాయిదా వేశారు. కాగా టీడీపీ నుంచి గెలిచిన ఎర్రబెల్లి దయాకర్‌రావు కూడా.. టీడీపీ నుంచి టీఆర్‌ఎస్‌లోకి ఫిరాయించిన ఎమ్మెల్యేల అనర్హత కోసం అప్పట్లోనే సుప్రీంకోర్టులో పిటిషన్‌ దాఖలు చేశారు. కానీ స్వయంగా తానే టీడీపీ నుంచి టీఆర్‌ఎస్‌లోకి వెళ్లడంతో తన పిటిషన్‌ను ఉపసంహరించుకున్నారు.
 
 సాగదీత యత్నాలకు కోర్టు చెక్‌: సంపత్‌
 సుప్రీంకోర్టు ఉత్తర్వులు వెలువడిన అనంతరం ఎమ్మెల్యే సంపత్‌కుమార్‌ మీడియాతో మాట్లాడారు. టీఆర్‌ఎస్‌ ప్రభుత్వం అడ్డగోలుగా రాజ్యాంగాన్ని, ప్రజాస్వామ్యాన్ని, నైతిక విలువలను తుంగలో తొక్కిందని విమర్శించారు. ‘‘టీఆర్‌ఎస్‌ పార్టీ ఫిరాయింపులను ప్రోత్సహిస్తూ కాంగ్రెస్‌ నుంచి ఏడుగురిని, మిగతా పార్టీలన్నింటి నుంచి 24 మందిని లాక్కుంది. డబ్బు సంచులు, పదవులు ఎరచూపి ఫిరాయింపులను ప్రోత్సహిస్తోంది. అందుకే తెలంగాణ కాంగ్రెస్‌ విప్‌గా వివిధ స్థాయిల్లో న్యాయ పోరాటం చేస్తున్నా. సుప్రీంకోర్టు నుంచి ఈరోజు చక్కటి ఆదేశాలు వెలువడ్డాయి. వాయిదాలతో జాప్యం చేసే కుయుక్తులకు ఇదొక పరిష్కారం. సాగదీత ప్రయత్నాలను ధర్మాసనం నిర్ద్వంద్వంగా తిరస్కరించింది. నోటీసులు అందలేదని ప్రతివాదులు చేసిన వాదనలను కూడా నమ్మలేదు. నైతిక విలువలపై నమ్మకముంటే ఈ ఉత్తర్వులను వెంటనే అమలు చేయాలి..’ అని సంపత్‌ పేర్కొన్నారు. 2014లో ఎన్నికలు జరిగితే అదే ఏడాది ఆగస్టులో అనర్హత పిటిషన్‌ వేశామని.. కానీ స్పీకర్‌ పరిష్కరించలేదని న్యాయవాది జంధ్యాల రవిశంకర్‌ పేర్కొన్నారు. హైకోర్టుకు వెళితే త్వరితగతిన పరిష్కరిస్తుందని ఆశాభావం వ్యక్తం చేసిందని... అయినా స్పీకర్‌ ఇప్పటివరకు పరిష్కరించలేదని చెప్పారు. తాజాగా సుప్రీంకోర్టు మా పిటిషన్‌లో ఐదో ప్రతివాది అయిన స్పీకర్‌కు ఆదేశాలు జారీచేసిందని.. ఇది ప్రజాస్వామ్య విజయమని వ్యాఖ్యానించారు.


 చిట్యాల : రాజకీయ కుట్రతోనే స్పీకర్‌ మధుసూదనాచారి గిద్దెముత్తారం గ్రామానికి తీరని అన్యాయం చేసారని టీడీపీ మండల అధ్యక్ష, ప్రధాన కార్యదర్శులు పులి తిరుపతిరెడ్డి, దొడ్డి కిష్టయ్య, మాజీ జెడ్పీటీసీ ఓరం సమ్మయ్య, జిల్లా ప్రధానకార్యదర్శి తోట గట్టయ్య అన్నారు. గురువారం వారు విలేకరులతో మాట్లాడుతూ  టేకుమట్లకు 11 కి.మీల దూరంలో ఉన్న గిద్దెముత్తారం గ్రామాన్ని 24కి.మీల దూరంలో ఉన్న చిట్యాల మండలానికి పరిమితం చేయడంలో శాస్త్రీయత ఎక్కడ ఉందని  ప్రశ్నించారు. ఇప్పటికైనా గిద్దెముత్తారం గ్రామాన్ని టేకుమట్లలో కలపాలని లేకపోతే నిరసనకార్యక్రమాలు తప్పవని హెచ్చరించారు. వారి వెంట యూత్‌ మండల అధ్యక్షులు గుర్రపు తిరుపతిగౌడ్, ఎంపీటీసీలు పప్పుల శంకర్, గుర్రపు సునీత, నాయకులు సమ్మయ్య, సంతోష్, వెంకట్‌నాయక్, అశోక్, చేరాలు ఉన్నారు.
 
 స్పీకర్‌ సారూ..ఊళ్లో ఉండలేం ..!
 గిద్దెముత్తారం గ్రామాన్ని టేకుమట్ల మండలంలో కలుపలేదని గ్రామ ప్రజలు తమను నిలదీస్తున్నారని స్పీకర్‌ గారు..స్పందించి న్యాయం చేయాలని ,లేకుంటే గ్రామంలో ఉండే పరిస్థితి లేదని సర్పంచ్‌ సాంబయ్య, నాయకులు బుర్ర రవిందర్, సంపత్‌ రావు, తిరుపతి, లింగారావు,   వెంకట్‌నాయక్, అంకుషావలీ, గొర్రె చంద్రయ్య ఆవేదన వ్యక్తం చేసారు. గురువారం మండల కేంద్రంలో వారు విలేకరులతో మాట్లాడుతూ స్పీకర్‌ గారు ఇచ్చిన మాటను నిలబెట్టుకోవాలని లేకుంటే తమ పదవులకు రాజీనామా చేసి  ఆందోళన కార్యక్రమాలు చేపడతామని హెచ్చరించారు.వారి వెంట నాయకులు పొలవేన కుమార్, పోతుగంటి సమ్మయ్య, రాపర్తి మల్లేశం, పంచిక శంకర్, పల్లె సారయ్య, ఓదెలు, భాస్కర్‌ తదితరులు ఉన్నారు.


 35శాఖల అధికారులతో సమీక్షించిన కలెక్టర్‌
 ఆకస్మిక తనిఖీలు ఉంటాయి జాగ్రత్త!
 జిల్లా యంత్రాంగానికి దిశానిర్దేశం
 సాక్షి, నాగర్‌కర్నూల్‌ :
 ఇప్పుడిప్పుడే పురుడు పోసుకున్న నాగర్‌కర్నూల్‌ కొత్త జిల్లాలో పరిపాలన పట్టాలెక్కుతోంది. రాష్ట్రంలోనే విస్తీర్ణంలో రెండో పెద్ద జిల్లాగా అవతరించిన కందనూలు కలెక్టర్‌గా బాధ్యతలు చేపట్టిన ఈ.శ్రీధర్‌ శరవేగంగా జిల్లాలోని ప్రభుత్వ యంత్రాంగాన్ని పాలనకు సంసిద్ధులను చేస్తున్నారు. ఇందులోభాగంగా ఆయన జిల్లాలోని 35ప్రధాన శాఖల అధికారులతో మూడు రోజుల్లో సమీక్షా సమావేశాలను పూర్తిచేశారు. కొత్త జిల్లాలో పాలనలో తీసుకోవాల్సిన జాగ్రత్తలు, సమస్యలపై స్పందించాల్సిన తీరును జిల్లా యంత్రాంగానికి చెవిలో గూడు కట్టుకుని వివరిస్తున్నారు. తాజాగా జిల్లాలోని 20మంది తహసీల్దార్లు, మరో 20మంది ఎంపీడీఓలతో గురువారం వేర్వేరుగా జిల్లా కేంద్రంలోని కలెక్టర్‌ కార్యాలయంలో ప్రత్యేక సమావేశాన్ని ఏర్పాటు చేసి వారికి దిశానిర్దేశం చేశారు. గ్రామస్థాయి నుంచి అధికారులను అప్రమత్తం చేయాలని, ప్రజలకు ఎక్కడా ఎలాంటి పాలనాపరమైన ఇబ్బందులు కలగకుండా చూడాలని కలెక్టర్‌ ఆదేశించారు. చిన్న జిల్లా కావడంతో పాలనా సౌలభ్యం మెరుగైందని, మండలాలు పాలనకు అనుకూలంగా మారాయని, తహసీల్దార్లు మండల స్థాయిలో మెరుగైన పాలన అందించాలని సూచించారు.
  
 గ్రామాల్లో సంక్షేమ పథకాలు సమర్థవంతంగా అమలు చేయడంలోఎంపీడీఓలదే కీలకపాత్ర అని, ఎక్కడా ఎలాంటి రాజకీయ ఒత్తిళ్లకు లోనుకాకుండా పనిచేయాలన్నారు. ప్రభుత్వపరంగా మంజూరయ్యే నిధులన్నీ ప్రజా అవసరాలకు ఉపయోగపడేలా చర్యలు తీసుకోవాలని కోరారు. కార్యాలయాల్లో అవినీతికి ఆస్కారం లేకుండా ఆయా మండలాల అధికారులే చర్యలు చేపట్టాలని, మాట వినని వారెవరైనా ఉంటే తమ దృష్టికి తేవాలన్నారు. జిల్లాలోని మూడు రెవెన్యూ డివిజన్లతోపాటు 20మండలాల్లో మొత్తం 200 గ్రామాలు ఉన్నాయని, వీటితో అధికారులందరికీ ప్రత్యక్ష సంబంధాలు ఉండాలని కలెక్టర్‌ సూచించారు. అన్ని శాఖల అధికారులు సమన్వయంతో పనిచేయాలన్నారు. మరో పది రోజుల్లో అసలైన పరిపాలన ప్రారంభమవుతుందని ఈ సందర్భంగా కలెక్టర్‌ అన్నారు. ఈ సమావేశంలో ఇతర శాఖల అధికారులూ పాల్గొన్నారు.  
 
 స్పీకర్‌ను కలసిన ప్రజాప్రతినిధులు
 అచ్చంపేట రూరల్‌: తెలంగాణ శాసనసభ స్పీకర్‌ మధుసూదనాచారి జన్మదినం సందర్భంగా గురువారం  అచ్చంపేట కౌన్సిలర్లు డాక్టర్‌ విష్ణుమూర్తి, అంతటి శివ, పులిజాల ఎంపీటీసీ సభ్యుడు జ్యోతి రామాచారి శుభాకాంక్షలు తెలిపారు. హైదరాబాద్‌ నగరంలోని ఆయన స్వగృహంలో స్పీకర్‌ను కలిసి పుష్పగుచ్ఛం అందజేసి నల్లమల ప్రాంతంలోని సమస్యలను స్పీకర్‌ దృష్టికి తీసుకెళ్లినట్లు వారు తెలిపారు.
  


 సుల్తాన్‌బజార్: విశ్వ బ్రాహ్మణుల అభివృద్ధికి ప్రభుత్వం కట్టుబడి ఉందని అసెంబ్లీ స్పీకర్ సిరికొండ మధుసూదనాచారి అన్నారు. విశ్వకర్మ బ్రాహ్మణ సంఘం ఆధ్వర్యంలో సోమవారం బొగ్గులకుంట విశ్వకర్మ బాయ్స్ హాస్టల్‌లో ఏర్పాటు చేసిన వంటశాల, గ్రంథాలయం భవనాలకు ఆయన ప్రారంభించారు. ఈ సందర్భంగా మాట్లాడుతూ... వచ్చే బడ్జెట్ సమావేశాల్లో విశ్వ బ్రాహ్మణుల అభివృద్ధికి నిధులు కేటాయించేలా కృషి చేస్తామని హామీ ఇచ్చారు. విశ్వకర్మల సమస్యలను ఎప్పటికప్పుడు పరిష్కరించేందుకు చర్యలు తీసుకుంటామన్నారు. విద్యార్థులు కష్టపడి చదివి ఉన్నత స్థాయికి చేరుకోవాలని సూచించారు. సంఘం అధ్యక్షులు వేణుగోపాల్ బృందం చేపడుతున్న కార్యక్రమాలకు తన సహకారం ఉంటుందన్నారు. అనంతరం స్పీకర్‌ను సంఘం ప్రతినిధులు ఎం. సంఘమేశ్వర్, వేణుగోపాల్ ఘనంగా సన్మానించారు. 
  


 * టీఆర్‌ఎస్‌లో చేరిన తమ పార్టీ ఎమ్మెల్యేలపై స్పీకర్‌కు వైఎస్సార్‌సీపీ ఫిర్యాదు
 * ఇప్పటికైనా నోటీసులిచ్చి వారిని అనర్హులుగా ప్రకటించాలి
 * మీడియాతో పార్టీ నేతలు కొండా రాఘవరెడ్డి, కె.శివకుమార్
 సాక్షి, హైదరాబాద్: అధికార టీఆర్‌ఎస్‌లో చేరిన తమ పార్టీకి చెందిన ముగ్గురు ఎమ్మెల్యేలు మదన్‌లాల్, తాటి వెంకటేశ్వర్లు, పాయం వెంకటేశ్వర్లుకు వెంటనే నోటీసులిచ్చి, అనర్హత వేటు వేయాలని స్పీకర్ ఎస్.మధుసూదనాచారికి వైఎస్సార్ కాంగ్రెస్ పార్టీ తెలంగాణ శాఖ విజ్ఞప్తి చేసింది. ఒక పార్టీ టికెట్‌పై గెలిచి మరో పార్టీలో చేరిన వారిపై చర్య తీసుకోవడంలో జాప్యం చేయొద్దని కోరింది. తమ పిటిషన్‌లో చేసిన ప్రధాన అభ్యర్థనకు అనుగుణంగా వారిపై అనర్హత వేటు వేయడంతో పాటు, మధ్యంతర ఉత్తర్వుల కోసం కోరిన విధంగా ఈ ముగ్గురు సభ్యులు శాసనసభ సమావేశాల్లో పాల్గొనకుండా వెంటనే సస్పెండ్ చేయాలని విజ్ఞప్తి చేసింది.
 
 ఈ మేరకు మంగళవారం అసెంబ్లీలోని కార్యాలయంలో స్పీకర్‌ను కలుసుకుని ముగ్గురు ఎమ్మెల్యేలపై చర్య తీసుకోవాలని కోరుతూ పార్టీ ప్రతినిధి బృందం స్పీకర్ ఫార్మాట్‌లో పిటిషన్లను సమర్పించింది. ఈ పిటిషన్లతో పాటు పార్టీ ఫిరాయింపులకు సాక్ష్యాలుగా వివిధ పత్రికల్లో వచ్చిన వార్తల క్లిప్పింగ్‌లు, వీడియో సాక్ష్యాలు, సీడీలు, ఇతర ఆధారాలను అందజేసింది. ప్రతినిధి బృందంలో పార్టీ ప్రధాన కార్యదర్శులు కొండా రాఘవరెడ్డి, కె.శివకుమార్, మహ్మద్ మతీన్ ముజాద్దాదీ, జెన్నారెడ్డి మహేందర్‌రెడ్డి, బండారు వెంకటరమణ, ఫజల్ అహ్మద్ ఉన్నారు.
 
 తాము సమర్పించిన పిటిషన్లపై  స్పీకర్ స్పందిస్తూ సంబంధిత ఎమ్మెల్యేలకు నోటీసులిచ్చి చట్టప్రకారం చర్యలు తీసుకుంటామని చెప్పారని వైఎస్సార్‌సీపీ నేతలు మీడియాకు తెలిపారు. ఎన్నికల్లో తనకు నచ్చిన పార్టీకి ఓటు వేసి తీర్పు చెప్పిన ఓటరు మనోభావాలను దెబ్బతీసేలా పార్టీ ఫిరాయించిన ఎమ్మెల్యేలపై అనర్హత వేటు వేయాల్సిన అవసరం ఉందని స్పీకర్ దృష్టికి తీసుకెళ్లినట్లు చెప్పారు.
  
 వారిపై అనర్హత వేటు వేయాలి: రాఘవరెడ్డి, శివకుమార్
 ‘‘గత ఎన్నికల్లో వైఎస్సార్‌సీపీ బీఫామ్‌పై గెలుపొంది.. టీఆర్‌ఎస్‌లో చేరిన ముగ్గురు ఎమ్మెల్యేలపై చర్య తీసుకోవాల్సిందిగా ఇప్పటివరకు ఎనిమిది సార్లు పిటిషన్లు ఇచ్చాం. వీటిపై ఎలాంటి చర్యలు తీసుకోకుండా ఏదో రకంగా వాయిదా వేస్తూ వస్తున్నారు. ఈసారి కచ్చితంగా నోటీసులిచ్చి, ముగ్గురిపై అనర్హత వేటు వేయాలని కోరాం. ఈ స్థానాల్లో ఎన్నికల నిర్వహణకు సిద్ధం కావాలని విజ్ఞప్తి చేశాం. బహిరంగంగా సీఎం కేసీఆర్ సమక్షంలో గులాబీ కండువాలు కప్పించుకుని వారు టీఆర్‌ఎస్‌లో చేరిన దానికి వీడియో, ఇతర ఆధారాలున్నాయి.
 
 పార్టీ ఫిరాయింపులపై చర్య తీసుకోకపోతే స్పీకర్ పదవిపైనే మచ్చ పడుతుంది. తాము పార్టీపరంగా స్పీకర్‌కు పలు పర్యాయాలు ఫిర్యాదు చేసినా ఎలాంటి చర్య తీసుకోకపోగా, టీఆర్‌ఎస్‌లో విలీనమవుతున్నట్లు ముగ్గురు ఎమ్మెల్యేలు లేఖ ఇవ్వగానే స్పీకర్ కార్యాలయం ఆగమేఘాలపై విలీన బులెటిన్‌ను జారీ చేసింది. రాజకీయాల్లో పార్టీలు విలీనమవుతాయి తప్పించి, ఎమ్మెల్యేలు చేరితే పార్టీ విలీనమైనట్లు కాదన్న విషయాన్ని గ్రహించాలి. ఇప్పటికే న్యాయస్థానాలు టీఆర్‌ఎస్ ప్రభుత్వంపై 28 సార్లు మొట్టికాయలు వేశాయి. ఈ పార్టీ ఫిరాయింపులపై కోర్టు ఆదేశాల కోసం వేచి చూడకుండా స్పీకర్ వ్యవస్థ వెంటనే నోటీసులిచ్చి, వారిపై అనర్హత వేటు వేయాలని కోరాము’’ అని వైఎస్సార్‌సీపీ నేతలు కొండా రాఘవరెడ్డి, శివకుమార్ స్పీకర్‌ను కలసిన అనంతరం మీడియాకు చెప్పారు.


 సాక్షి, సిటీబ్యూరో: డాక్టర్‌ అక్కినేని నాగేశ్వరరావు గొప్ప నటుడని స్పీకర్‌ మధుసూదనాచారి కొనియాడారు. శృతిలయ ఆర్ట్స్‌ అకాడమీ ఆధ్వర్యంలో అక్కినేని జయంతి వేడుకలు మంగళవారం రవీంద్రభారతిలో నిర్వహించారు. ఈ సందర్భంగా సినీనటి జయచిత్రకు ‘అభినయ చంద్రిక’ బిరుదు ప్రదానం చేశారు. కార్యక్రమంలో మంత్రి చందూలాల్, ఎంపీ మురళీమోహన్, వంశీ రామరాజు, ‘కళ’ పత్రిక సంపాదకులు మహ్మద్‌ రఫీ, ఆర్‌ఎన్‌ సింగ్, జేబీ రాజు తదితరులు పాల్గొన్నారు. ఆమని బృందం నిర్వహించిన సినీ సంగీత లహరి అలరించింది.
 
  


 
 ప్రతి ఒక్కరూ ‘సేయింట్‌ ఉడ్‌’ మార్గంలో నడవాలి
 
 శాసన సభాపతి సిరికొండ మధుసూదనాచారి 
 
 కాజీపేట రూరల్‌ : తన సేవలతో ప్రపంచానికి మానవీయ పరిమళాలు అందించిన గొప్ప ఆదర్శ మాతృమూర్తి సేయింట్‌ ఉడ్‌ మదర్‌ థెరిస్సా అని శాసనసభ స్పీకర్‌ సిరికొండ మధుసూదనాచారి అన్నారు. ప్రతి ఒక్కరూ మదర్‌ను ఆదర్శంగా తీసుకొని ఆమే మార్గంలో పయనించాలని కోరారు. మదర్‌ థెరిస్సాకు సేయింట్‌ ఉడ్‌ ప్రకటించిన సందర్భంగా కాజీపేట ఫాతిమానగర్‌లోని హౌస్‌ ఆఫ్‌ జాయ్‌లో సోమవారం వరల్డ్‌ పీస్‌ ఫెస్టివల్‌ సొసైటీ ఇంటర్నేషనల్‌ ఆధ్వర్యంలో ఏర్పాటు చేసిన కార్యక్రమంలో ఆయన ముఖ్య అతిథిగా పాల్గొని మాట్లాడారు. వేరే దేశంలో జన్మించినప్పటికీ భారతదేశం గర్వించేలా సేవలను అందించిన జగత్‌ జనని అని కొనియాడారు.
  
 ‘మై లైఫ్‌ మై మెస్సేజ్‌’ అని గాంధీజీ అన్నట్టుగా జీవితాంతం తన సేవలను మానవాళికోసం అంకితం చేసిన మదర్‌ థెరిస్సాను సేయింట్‌ ఉడ్‌గా ప్రకటించడం గర్వించతగిన విషయమని పేర్కొన్నారు. వరల్డ్‌ పీస్‌ ఫెస్టివల్‌ సొసైటీ ఇంటర్నేషనల్‌ వారు సైతం ఆ మాతృమూర్తి సేవలకు గుర్తింపుగా పురస్కారం ప్రకటిస్తే బాగుంటుందని అభిప్రాయపడ్డారు. వరల్డ్‌ పీస్‌ ఫెస్టివల్‌ సొసైటీ ఇంటర్నేషనల్‌ ఫౌండర్‌ సిరాజుద్దీ¯ŒS మాట్లాడుతూ కేంద్ర రాష్ట్ర ప్రభుత్వాలు సేయింట్‌ ఉడ్‌ ప్రదానం కార్యక్రమాన్ని ప్రతి ఏటా అధికారికంగా నిర్వహిస్తే సమాజానికి ఎంతో ఉపయుక్తంగా ఉంటుందన్నారు. స్పీకర్‌ మాటను పరిగణలోకి తీసుకొని మదర్‌కు సరిపడే బిరుదు కోసం చర్చించనున్నట్లు పేర్కొన్నారు.
  
 అంతకు ముందు స్పీకర్‌ మదర్‌ థెరిస్సాకు గుర్తుగా మామిడి మొక్క నాటి దానికి మదర్‌ మ్యాంగో ట్రీ అని నామకరణం చేశారు. అనంతరం ఆయన హౌస్‌ ఆఫ్‌  జాయ్‌లోని మానసిక వికలాంగుల వివరాలను తెలుసుకొని వారి గదులను సందర్శించారు. కార్యక్రమంలో ఇ¯ŒSచార్జి బిషప్‌ ఫాదర్‌ జోసఫ్, వరల్డ్‌ పీస్‌ ఫెస్టివల్‌ సొసైటీ ఇంటర్నేషనల్‌ ప్రెసిడెంట్‌ అంపశయ్య నవీ¯ŒS, జనరల్‌ సెక్రెటరీ అనీష్‌ సిద్ధికి, వైస్‌ప్రెసిడెంట్‌ ఆచార్య నర్సింహమూర్తి, ఈసీ మెంబర్లు ఆచార్య విజయబాబు, శ్రీదేవి, ఫాదర్‌ బాలశౌరి రెడ్డి, టీఎస్‌ మెస ఫిలిఫ్‌ లాజరెస్, సెక్రటరీ కౌసర్‌ ఫారుక్, రాజ్‌మోహ¯ŒS తదితరులు పాల్గొన్నారు. 


 
 భవనాల కేటాయింపునకు సింగరేణి గ్రీన్‌సిగ్నల్‌
 
 శాసన సభాపతి మధుసూదనాచారి
 
 భూపాలపల్లి : జయశంకర్‌ జిల్లాలో పనిచేసేందుకు వచ్చే ప్రభుత్వ అధికారులకు ఘనంగా స్వాగతం పలుకుతామని శాసన సభాపతి సిరికొండ మధుసూదనాచారి అన్నారు. భూపాలపల్లి పట్టణంలో జిల్లా కలెక్టరేట్‌, ఎస్పీ కార్యాలయాలు ఏర్పాటు చేయనున్న సింగరేణి ఇందూ అతిథిగృహం, ఎంవీటీసీ కార్యాలయం, కమ్యూనిటీ హాల్‌ను ఆదివారం ఆయన సందర్శించి పరిశీలించారు. అనంతరం మాట్లాడుతూ తాత్కాలిక కార్యాలయాలకు భవనాలు కేటాయించేందుకు సింగరేణి యాజమాన్యం అంగీకరించిందని తెలిపారు. వచ్చే నెల 1వ తేదీలోగా అన్ని శాఖల అధికారులు కార్యాలయాలు సిద్ధం చేసుకోవాలని చెప్పారు. దసరా నుంచి పాలన కొనసాగించేలా ప్రణాళికలు తయారు చేసుకోవాలని సూచించారు. ప్రతీ కార్యాలయానికి వెళ్లి అధికారులను కలిసి శుభాకాంక్షలు తెలుపుతామని చెప్పారు.ఽ ఈ కార్యక్రమంలో సింగరేణి భూపాలపల్లి ఏరియా జీఎం పి.సత్తయ్య, భూపాలపల్లి నగర పంచాయతీ చైర్‌పర్సన్‌ బండారి సంపూర్ణ రవి, వైస్‌ చైర్మన్‌ ఎరుకల గణపతి, ఎంపీపీ కళ్లెపు రఘుపతిరావు, జెడ్పీటీసీ సభ్యురాలు జర్పుల మీరాబాయి, కౌన్సిలర్లు పిల్లలమర్రి నారాయణ, ముంజాల నిర్మల, గోనె భాస్కర్, శిరుప అనిల్‌, టీఆర్‌ఎస్‌ నాయకులు మేకల సంపత్‌కుమార్‌, క్యాతరాజు సాంబమూర్తి, పైడిపెల్లి రమేష్‌, తాటి వెంకన్న, మారెల్ల సేనాపతి పాల్గొన్నారు.


 
 అసెంబ్లీ స్పీకర్‌ మధుసూదనాచారి
 
 మెదక్‌: రాష్ట్రంలో అన్ని వర్గాల అభ్యున్నతికి సర్కార్‌ కృషి చేస్తున్నదని అసెంబ్లీ స్పీకర్‌ మధుసూదనాచారి అన్నారు. సోమవారం మెదక్‌ వచ్చిన సందర్భంగా ఆయన పలు అబివృద్ధి కార్యాక్రమాలకు శంకుస్థాపనలు చేశారు. నవాబుపేటలోగల ఈద్గవద్ద అభివృద్ధి పనులకు రూ.10 లక్షలు, మున్నూరుకాపు, ముదిరాజ్‌ భవన నిర్మాణాలకోసం రూ.5 లక్షల చొప్పున మంజూరు కాగా, డిప్యూటీ స్పీకర్‌ పద్మాదేవేందర్‌రెడ్డితో కలిసి శంకుస్థాపనలు చేశారు.
 అనంతరం  స్థానిక వైస్రాయ్‌గార్డెన్‌లో స్వర్ణకారుల సంఘ ఆధ్వర్యంలో ఏర్పాటుచేసిన సన్మాన కార్యక్రమానికి స్పీకర్‌ ముఖ్య అతిథిగా హాజరై ఆయన మాట్లాడారు. సీఎం కేసీఆర్‌ అన్నివర్గాల అభివృద్ధి కోసం కృషిచేస్తున్నారన్నారు. అలాగే కులవృత్తులకు భరోసా కల్పిస్తున్నారన్నారు. స్వర్ణకారుల బతుకులు దుర్భరంగా మారాయని, వీరి దుస్థితిని సీఎం దృష్టికి తీసుకెళ్లి సమస్యలను పరిష్కరించేందుకు కృషి చేస్తానని తెలిపారు.
 అనంతరం డిప్యూటీ స్పీకర్‌ పద్మాదేవేందర్‌రెడ్డి మాట్లాడుతూ స్వర్ణకారుల అభివృద్ధి కోసం కృషిచేస్తానని తెలిపారు. కార్యక్రమంలో మున్సిపల్‌ చైర్మన్‌ మల్లికార్జున్‌గౌడ్, వైస్‌చైర్మన్‌ రాగి అశోక్‌, ఏఎంసీ చైర్మన్‌ కృష్ణారెడ్డి, జడ్పీటీసీ సభ్యురాలు లావణ్యరెడ్డి, స్వర్ణకారుల సంఘం నాయకులు శ్రీనివాస్, లక్ష్మణ్‌ రవి, రమేష్‌చారి, కృష్ణ, తదితరులు పాల్గొన్నారు.
 దుర్గమ్మను దర్శించుకున్న స్పీకర్‌
 పాపన్నపేట: ఏడుపాయలలోని వనదుర్గామాతను స్పీకర్‌ మధుసూదనాచారి దర్శించుకున్నారు. అనంతరం విలేకరులతో మాట్లాడుతు తెలంగాణ ప్రజల ఆశయాల కనుగుణంగా ముఖ్యమంత్రి కేసిఆర్‌ పరిపాలన అందిస్తున్నారని అన్నారు. డిప్యూటీ స్పీకర్‌ పద్మాదేవేందర్‌ రెడ్డి ఏడుపాయల అభివృద్ధికి విశేషంగా కృషి చేయడం అభినందనీయమన్నారు.   
 ఘనస్వాగతం
 స్పీకర్‌ మధుసుదనాచారి, డిప్యుటీ స్పీకర్‌ పద్మాదేవేందర్‌ రెడ్డి లకు ఏడుపాయల్లో ఘనస్వాగతం పలికారు.రాజగోపురం వద్ద నుంచి ఈఓ వెంకటకిషన్‌రావు, ఆలయ సిబ్బంది, వేదబ్రాహ్మణులు పూర్ణకుంభంతో స్వాగతం పలికారు. అనంతరం అమ్మవారికి ప్రత్యేకపూజలు చేశారు.ఆపై శాలువాతో సత్కరించారు. ఈ కార్యక్రమంలో ఆర్డీఓ మెంచు నగేష్, ఎంపీపీ పవిత్ర దుర్గయ్య, జెడ్పీటీసీ  స్వప్నబాలాగౌడ్‌ తదితరులు పాల్గొన్నారు.


 హిమాయత్‌నగర్, జూబ్లీహిల్స్‌:    ప్రజాకవి ‘కాళోజీ నారాయణరావు’ జీవితం ఎంతో విశాలమైందని, ఆయన జీవితాంతం ప్రజాస్వామిక ఉద్యమాల్లో కీలకపాత్ర పోషిస్తూ యువతలో ఉద్యమ స్ఫూర్తిని నింపారని శాసన సభ స్పీకర్‌ మధుసూధనాచారి అన్నారు. తెలంగాణ బాషా సాంస్కృతిక మండలి ఆధ్వర్యంలో తెలంగాణ భాషా దినోత్సవం–కాళోజీ జయంతిని పురస్కరించుకుని ‘‘తెలంగాణ భాషా పరిరక్షణ–రచయితలు–భాషావేత్తల కర్తవ్యం’’ అంశంపై తెలుగు అకాడమిలో రాష్ట్ర సదస్సు నిర్వహించారు.
 ఈ సందర్భంగా‘సాక్షి’ దినపత్రిక కార్టునిస్ట్‌ శంకర్‌ను ఘనంగా సత్కరించారు. అనంతరం స్పీకర్‌మాట్లాడుతూ ఉద్యమాల్లో కాళోజీ తన కవితలనే ఆయుధాలుగా మలుచుకున్నారన్నారు. తెలంగాణ తెలుగు యాసను బతికించేందుకు ఎంతగానో కృషి చేశారని గుర్తు చేశారు. ఆచార్య ఎల్లూరి శివారెడ్డి మాట్లాడుతూ కాళోజీ సమాజిక పరిస్థితులపై తన కవిత్వంతో ఎండగట్టే వారన్నారు. నందిని సిదారెడ్డి మాట్లాడుతూ ఆధిపత్య భావనలపై తిరుగుబాటులో ఆయన ప్రహ్లాద పాత్రను ఆదర్శంగా తీసుకున్నారన్నారు. కార్యక్రమంలో ఆచార్య రివ్వాశ్రీహరి, సత్యనారాయణరెడ్డి, డాక్టర్‌ గంటా జలందర్‌రెడ్డి తదితరులు పాల్గొన్నారు.  
 
 సాహిత్యమే ఆయన ఊపిరి
  కాళోజీ నారాయణరావు సాహిత్యమే ఉపిరిగా జీవించారని ప్రముఖ కవి, రచయిత డాక్టర్‌ అమ్మంగి వేణుగోపాల్‌ అన్నారు. డాక్టర్‌ బీఆర్‌ అంబేద్కర్‌ విశ్వవిద్యాలయంలో శుక్రవారం నిర్వహించిన కాళోజి జయంతి వేడుకల్లో ఆయన మాట్లాడుతూ గ్రంధాలయ ఉద్యమంతో మొదలైన ఆయన తెలంగాణా రైతాంగ పోరాటం, తొలిదశ తెలంగాణ ఉద్యమం, పౌర హక్కుల ఉద్యమంలో కీలకపాత్ర పోషించారన్నారు. కాళోజీ వాడిన పదాలు అన్వయిస్తూ  తెలంగాణా బాషా నిఘంటువును రూపొందించే విషయాన్ని ప్రభుత్వం పరిశీలించాలని కోరారు. ఈ సందర్బంగా ఆయనను విశ్వవిద్యాలయ యాజమాన్యం సత్కరించింది. కార్యక్రమంలో వీసీ సీతారామరావు తదితరులు పాల్గొన్నారు.  
 
  


 –స్పీకర్‌ మధుసూదనచారీ
 షాద్‌నగర్‌: ప్రజలకు నాణ్యమైన, రుచికరమైన వంటకాలు అందించాలని తెలంగాణ రాష్ట్రసభ స్పీకర్‌ మధుసూదన చారీ అన్నారు. ఆదివారం పట్టణ శివారులోని బైపాస్‌ జాతీయరహదారిపై నూతనంగా ఏర్పాటు చేసిన ఆర్‌కేఆర్‌ రెసిడెన్సీ హోటల్‌ ప్రారంభోత్సవానికి ఆయన విచ్చేశారు. ఈ సందర్భంగా ఏర్పాటు చేసిన విలేకరుల సమావేశంలో ఆయన మాట్లాడుతూ హైదరాబాద్‌ నుంచి బెంగుళూరు వెళ్లే జాతీయ రహదారిలో ఆహ్లదకరమైన వాతావరణంలో హోటల్‌ను నిర్మించారన్నారు. ప్రయాణికులు విశ్రాంతి, భోజనం చేయడానికి హోటల్‌లో సౌకర్యాలు ఉన్నాయన్నారు. పోటీ ప్రపంచంలో చాలా దూరం ప్రయాణం చేయాల్సిన అవసరం వస్తుంది. అలాంటి వారి కోసం అన్ని సౌకర్యాలతో కూడిన ఇలాంటి హోటళ్లు ఎంతో అవసరమన్నారు. కార్యక్రమంలో ఎంపీ జితేందర్‌రెడ్డి, ఎమ్మెల్యే అంజయ్యయాదవ్, శ్రీనివాస్‌గౌడ్, టీఆర్‌ఎస్‌ జిల్లా అధ్యక్షుడు శివకుమార్, మార్కెట్‌ కమిటీ చైర్మన్‌ లింగారం యాదమ్మ పెంటయ్య, నాయకులు వీర్లపల్లి శంకర్, నరేందర్, అందెబాబయ్య, గోపాల్‌గుప్త, చిల్కమర్రి సర్పంచ్‌ సుష్మా, సరళ, కౌన్సిర్‌ కష్ణవేణి, మహేశ్వరి, యుగంధర్, బచ్చలి నర్సింహ, కందివనం సూర్యప్రకాష్, దాద యజమాని రమేష్‌ తదితరులు పాల్గొన్నారు. 
  
  


 చంద్రగిరి: ఏపీలోని చంద్రగిరి కోటను అసెంబ్లీ స్పీకర్‌ మధుసూదనాచారి ఆదివారం సందర్శించారు. శ్రీకృష్ణదేవరాయలు నిర్మించిన ఈ కోటలోని ఆయుధాలు, అలనాడు ఆరాధించిన దేవేరుల శిలా విగ్రహాలను పరిశీలించారు. రాయల కాలం నాటి వస్తువులతో పాటు బ్రిటిష్‌ కాలం నాటి నాణేలు, పత్రాలను నేటి తరం వారికి పరిచయం చేయడానికి పురావస్తు శాఖ చేస్తున్న కృషి అభినందనీయమన్నారు.


 ఆంధ్రప్రదేశ్‌లోనే ప్రసిద్ధి చెందిన కోటల్లో ఒకటైన చంద్రగిరి కోటను ఆదివారం తెలంగాణ స్పీకర్ మధుసూదనా ఆచారి ఆదివారం సందర్శించారు. శ్రీక్రిష్ణదేవరాయులు నిర్మించిన కోటలో అలనాటి ఆయుధాలు, ఆరాధించిన దేవేరులను శిలా విగ్రహాలను పరిశీలించారు. అలాగే రాయల వారి కోట పరిసరాలలో ఉన్న పార్కు, ఆహ్లాదరకమైన వాతావరణాన్ని చూసి సిబ్బంది పనితనాన్ని మెచ్చుకున్నారు. ఈ సందర్భంగా రాయల వారి కాలం నాటి వస్తువులతో పాటు బ్రిటీషు కాలం నాటి నాణేలు, పత్రాలను నేటి తరంకు అందించేందుకు పురావస్తుశాఖ వారు చేస్తున్న సేవలు అభినందనీయమన్నారు. ఈ కార్యక్రమంలో చంద్రగిరి కోట అధికారి మోహన్, రమేష్ తదితరులు ఉన్నారు.
  


 పార్టీ ఫిరాయింపు ఎమ్మెల్యేల విషయంలో తెలంగాణ అసెంబ్లీ స్పీకర్ మధుసూదనాచారితోపాటు పార్టీ ఫిరాయించిన ఎమ్మెల్యేలకు సుప్రీంకోర్టు బుధవారం నోటీసులు జారీ చేసింది. పార్టీ ఫిరాయించిన ఎమ్మెల్యేలపై నిర్ణీత కాలవ్యవధిలో చర్యలు తీసుకొనేలా స్పీకర్ కు మార్గదర్శకాలు ఇవ్వాలంటూ కాంగ్రెస్ ఎమ్మెల్యే సంపత్ కుమార్ దాఖలు చేసిన పిటీషన్‌ను జస్టిస్ కురియన్ నేతృత్వంలోని ద్విసభ్య ధర్మాసనం బుధవారం విచారించింది.
  
 ఎమ్మెల్యేలు పార్టీ ఫిరాయించి 22 నెలలు కావస్తున్నా స్పీకర్ ఇంత వరకు చర్యలు తీసుకోలేదని పిటిషనర్ తరఫు న్యాయవాది వివేక్ తన్కా వాదనలు వినిపించారు. వాదనలు విన్న ధర్మాసనం స్పీకర్‌కు, ప్రతివాదులకు నోటీసులు జారీ చేసింది. మూడు వారాల్లోగా సమాధానం ఇవ్వాలని ఆదేశించింది. అనంతరం పిటిషనర్ తరఫు మరో న్యాయవాది జంధ్యాల రవిశంకర్ మీడియాతో మాట్లాడుతూ ‘‘ఫిరాయింపు ఎమ్మెల్యేలపై చర్యలు తీసుకొనేలా స్పీకర్‌ను ఆదేశించాలని గతంలో వేసిన పిటిషన్‌ను హైకోర్టు కొట్టివేసింది. దీనిని సవాల్ చేస్తూ సుప్రీంకోర్టును ఆశ్రయించాం. కోర్టు సానుకూలంగా స్పందించి దస్తీ నోటీసులు జారీ చేసింది’’ అని చెప్పారు. ఇదే కేసులో టీడీపీ ఎమ్మెల్యే ఎర్రబె ల్లి దయాకర్‌రావు (టీఆర్‌ఎస్‌లో చేరక ముందు) దాఖలు చేసిన పిటిషన్ కూడా కలసి ఉండడంతో అందరికీ నోటీసులు జారీ కానున్నాయి. ఇప్పుడు ఎర్రబెల్లి కూడా పార్టీ మారడం గమనార్హం.
 
  


 యాదగిరిగుట్ట:  ప్రదేశాల్లో భక్తుల ఆకలి తీరుస్తున్న అన్నదాన సత్రాలు ఎంతో గొప్పవని, అన్ని దానాల కంటే.. అన్నదానం గొప్పదని శాసనసభ స్పీకర్‌ సిరికొండ మధుసూదనచారి అన్నారు. యాదగిరిగుట్టలో విశ్వబ్రాహ్మణ సంఘం ఆధ్వర్యంలో ఏర్పాటు చేయనున్న అన్నదాన సత్రానికి భువనగిరి ఎంపీ బూర నర్సయ్యగౌడ్, ప్రభుత్వ విప్‌ గొంగిడి సునీతామహేందర్‌రెడ్డిలతో కలిసి ఆయన మంగళవారం శంకుస్థాపన చేశారు. ఈ సందర్భంగా స్పీకర్‌ మాట్లాడుతూ ఇలాంటి అన్నదాన సత్రాలు నిర్మించి అన్నప్రసాదం అందించడంతో ఎంతో మంది భక్తులు, ప్రజలు గుర్తు చేసుకుంటారన్నారు. విశ్వ బ్రాహ్మణుల్లో అనైక్యతతో ప్రస్తుత కాలంలో వారికి డబ్బు, రాజ్యాధికారం లేదన్నారు. ఇకనైనా ఐక్యతతో ముందుకు సాగి అభివృద్ధి చెందాలన్నారు. విశ్వబ్రాహ్మణులకు అనేక రకాలుగా సాయం అందించేందుకు ప్రభుత్వం కృషి చేస్తుందన్నారు. భువనగిరి ఎంపీ బూర నర్సయ్యగౌడ్, ప్రభుత్వ విప్‌ గొంగిడి సునీత మాట్లాడుతూ పోటీ ప్రపంచంలో విశ్వబ్రాహ్మణులు పారిశ్రామికంగా సైతం ఎదగాలని సూచించారు. రాష్ట్ర అధ్యక్షుడు కుందారం గణేషాచారి అధ్యక్షతన జరిగిన కార్యక్రమంలో రాష్ట్ర ప్రధాన కార్యదర్శి వేములవాడ మధన్‌మోహన్, రాష్ట్ర కార్యదర్శి వడ్లోజు వెంకటేశ్, గౌరవ అధ్యక్షుడు శివకోటి వీరస్వామి, వడ్లోజు మన్మథాచారి, రాష్ట్ర మాజీ అధ్యక్షుడు పసూనూరి బ్రహ్మనందచారి, మండల అధ్యక్షుడు చెన్నోజు భగవంతాచారి,  కందోజు నర్సింహాచారి,  శివకోటి భాస్కరాచారి, కందుకూరి నాగభూషణం, కోటగిరి విద్యాధర్‌చారి, జనగాం రత్నయ్యచారి ఉన్నారు.
  
  


 బంజారాహిల్స్ రోడ్ నెం.3లోని పంజగుట్ట హిందూ శ్మశాన వాటిక ముందు గత నెల 1న జరిగిన ఘోర రోడ్డు ప్రమాదంలో చిన్నారి రమ్యతోపాటు ఆమె తాత మధుసూదనాచారి, బాబాయి పమ్మి రాజేష్ మృతిచెంది నెలన్నర కావొస్తున్నది. ఇక్కడ ప్రమాదాలు జరుగకుండా ఎలాంటి చర్యలు తీసుకోవాలో సరిగ్గా నలభై రోజుల క్రితం మంత్రి కేటీఆర్ పర్యటించి నెల రోజుల్లో నివేదిక అందజేయాల్సిందిగా జీహెచ్‌ఎంసీ అధికారులను ఆదేశించారు.
  
 అయినా సంబంధిత అధికారులు ఇంతవరకు నివేదిక అందజేయలేదు. ఇక్కడున్న బాటిల్ నెక్ రోడ్డుతో ప్రమాదాలు చోటుచేసుకుంటున్నట్లు గతంలోనే ట్రాఫిక్ పోలీసులు నివేదికలు అందించారు. శ్మశాన వాటిక ప్రహరీ ఆనుకొని ర్యాంప్ నిర్మించాలని, దీనివల్ల ద్విచక్ర వాహనాలు వెళ్లడానికి వీలుంటుందని, వాహనాల రద్దీ బాటిల్ నెక్ వద్ద తగ్గుతుందని నిర్ధారించారు. ఆ మేరకు ట్రాఫిక్, జీహెచ్‌ఎంసీ అధికారులు కూడా ఇక్కడ పర్యటించి నిర్ణయాలు తీసుకున్నారు. ఆ నిర్ణయాలు బుట్టదాఖలయ్యాయి. ఆ కొద్ది రోజులకే చిన్నారి రమ్య ఇక్కడ జరిగిన రోడ్డు ప్రమాదంలో మృతిచెందింది. అనంతరం మంత్రి కేటీఆర్ ఇక్కడ పర్యటించి తగిన చర్యలు తీసుకోవాలని సూచించారు. ఆయన ఆదేశాలు కూడా బుట్టదాఖలయ్యాయి.
  
 ఇంతవరకు ఇక్కడ ఒక్క చర్య కూడా తీసుకున్న పాపాన పోలేదు. రోడ్డులో ఇంజనీరింగ్ లోపాలున్నాయని, మధ్యలో ఉన్న డివైడర్ ఎత్తు పెంచాలని, రోడ్డును వెడల్పు చేయాలని ప్రతిపాదించారు. అయితే రమ్య మృతి తరువాత మంత్రి కేటీఆర్ తప్పితే ఆ శాఖ అధికారులు ఒక్కసారి కూడా ఇక్కడ పర్యటించలేదు. వాస్తవ పరిస్థితులపై అధ్యయనం కూడా చేయలేదు. దీంతో రమ్య మృతి తరువాత సరిగ్గా అదే ప్రాంతంలో మరో నాలుగు రోడ్డు ప్రమాదాలు చోటుచేసుకున్నాయి. అదృష్టవశాత్తు ప్రాణాపాయం తప్పింది. ఇంత జరిగినా అధికారుల్లో చలనం ఉండటం లేదు. మంత్రి ఆదేశిస్తే మాకేంటి అన్న చందంగా అధికారులు నిమ్మకు నీరెత్తినట్లు వ్యవహరిస్తున్నారు. ఇప్పటికైనా ఈ రోడ్డుపై ఇంజనీరింగ్ నిపుణులు అధ్యయనం చేసి రోడ్డు ప్రమాదాల నివారణకు తగిన కసరత్తు చేయాల్సిన అవసరం ఎంతైనా ఉంది.


 బెల్లంపల్లి : 1969లో జరిగిన తొలి దశ తెలంగాణ ఉద్యమం ఎంతో చరిత్రాత్మకమైందని రాష్ట్ర శాసనసభ స్పీకర్ సిరికొండ మధుసూదనాచారి అన్నారు. గురువారం బెల్లంపల్లి పట్టణంలోని పద్మశాలి భవనంలో ఏబూషి పోశం పటేల్ మెమోరియల్ ట్రస్ట్ ఆధ్వర్యంలో 1969 ప్రత్యేక తెలంగాణ రాష్ట్ర ఉద్యమ యోధుల సన్మాన సభ జరిగింది. ముఖ్య అతిథిగా స్పీకర్ హాజరై మాట్లాడారు. మలి దశ ఉద్యమానికి 1969లో జరిగిన తొలి దశ తెలంగాణ ఉద్యమం ఎంతో స్ఫూర్తిదాయకంగా నిలిచిందన్నారు. అప్పట్లో ఉన్న ఏకైక రాజకీయ పక్షం ప్రభుత్వాన్ని ప్రశ్నించే పరిస్థితులు లేకపోవడంతో తెలంగాణ రాష్ట్రం ఏర్పాటు కాలేకపోయిందని పేర్కొన్నారు. ఎన్నో ఇబ్బందులను ఓర్చుకొని తొలి దశ ఉద్యమంలో అనేక మంది ఉత్సాహంగా పాల్గొన్నారని తెలిపారు. మలి దశ ఉద్యమంలో మూడున్నర కోట్ల తెలంగాణ ప్రజలం ఏకతాటిపైకి వచ్చి రాష్ట్రాన్ని శాంతియుత పద్ధతిలో సాధించుకున్నామని వివరించారు. తొలి దశ ఉద్యమంలో పాల్గొన్న యోధులను సన్మానించుకోవడం అభినందనీయమని పేర్కొన్నారు. ఎమ్మెల్యే దుర్గం చిన్నయ్య మాట్లాడుతూ, తెలంగాణ రాష్ట్రం ఏర్పాటయ్యాక టీఆర్‌ఎస్ ప్రభుత్వం అభివృద్ధే లక్ష్యంగా పని చేస్తోందని వివరించారు. మాజీ ఎమ్మెల్యే గుండా మల్లేశ్ మాట్లాడుతూ, సమస్త ప్రజల పోరాట ఫలితంగానే తెలంగాణ రాష్ట్రం సిద్ధించిందన్నారు. 
  
  సభాముఖంగా బెల్లంపల్లి జిల్లా రగడ
 బెల్లంపల్లి జిల్లా కోసం ఎమ్మెల్యే దుర్గం చి న్నయ్య, మాజీ ఎమ్మెల్యే గుండా మల్లేశ్ పరస్పర ఆరోపణలు చేసుకున్నారు. ఈ సన్మాన సభలో మల్లేశ్ మాట్లాడుతూ, బెల్లంపల్లి జి ల్లా కోసం అధికారపక్ష ఎమ్మెల్యేలు దుర్గం చిన్నయ్య, కోవ లక్ష్మిల గొంతు పెకిలే అవకాశాలు లేవని, మంచిర్యాల జిల్లా కోసం ఇ క్కడి ఎమ్మెల్యే సంతకం చేశారని ఆరోపించా రు. ప్రజాప్రతినిధులు కళ్లు మూసుకుంటే సమస్యలు పరిష్కారం కావని ధ్వజమెత్తారు. దీనికి ఎమ్మెల్యే చిన్నయ్య దీటు గా స్పందించారు. నాలుగుసార్లు ఎమ్మెల్యేగా గెలిచిన మల్లేశ్ నియోజకవర్గంలోని మారుమూల పల్లెల్లో చేసిన అభివృద్ధి ఏమీ లేదని ఎద్దేవా చేశారు. మంచి ర్యాల జిల్లా కోసం సంతకం చేసినట్లు నిరూపిస్తే తక్షణమే పదవికి రాజీనామా చేయడానికి సిద్ధమని సవాల్ విసిరారు. స్పీకర్ మధుసూదనాచారి బెల్లంపల్లి జిల్లా అంశాన్ని సీఎం దృష్టికి తీసుకెళ్లాలని విజ్ఞప్తి చేశారు. మాజీ ఎమ్మెల్యే, ఎమ్మెల్యే సభాముఖంగా చేసుకున్న విమర్శలు సభలో వేడి పుట్టించాయి.
  
  
  
  
  


 
 స్పీకర్‌ మధుసూధనాచారి 
 
 ఉత్సాహంగా మొక్కల పంపిణీ 
 
 నియోజకవర్గంలో స్వచ్ఛందంగా మొక్కలు నాటుకున్న ప్రజలు 
 
 నర్సంపేట : హరితహారం తెలంగాణ రాష్ట్రానికి మణిహారం అని శాసనసభ స్పీకర్‌ మధుసూదనాచారి అన్నారు. నియోజకవర్గంలో ఒకే రోజు 6 లక్షల పండ్ల మొక్కలను పంపిణీ చేసే కార్యక్రమాన్ని ప్రారంభించారు. పట్టణంలోని నెక్కొండ రోడ్, పోశమ్మగుడి కాలనీల్లో శుక్రవారం మొక్కలు నాటే కార్యక్రమాన్ని చేపట్టారు. ముందుగా విద్యార్థులు, శాంతిపట్టణ సమాఖ్య మహిళలు నృత్యాలు చే స్తూ స్పీకర్‌కు స్వాగతం పలికారు.  అనంతరం ఆయన మాట్లాడుతూ తెలంగాణ రాష్ట్రాన్ని సస్యశ్యామలం చేయడానికి  సీఎం కేసీఆర్‌ హరితహారం చేపట్టడం జరిగిందన్నారు. మొక్కలు నాటే కార్యక్రమంలో రాష్ట్రంలోని జిల్లాలకు నర్సంపేట ఆదర్శంగా నిలవాలన్నారు. అన్ని రకాల మొక్కలను ఇతర రాష్టాల నుంచి తెప్పిస్తూ ప్రజలకు పంపిణీ చేయడం జరుగుతుందన్నారు. ఉచితంగా వస్తున్నాయని మొక్కలు నాటి ఊరుకోకుండా వాటిని సంరక్షించాలని సూచించారు. అనంతరం పోశమ్మగుడిలో ప్రత్యేక పూజలు నిర్వహించారు. కార్యక్రమంలో టీఆర్‌ఎస్‌ నేత పెద్ది సుదర్శన్‌రెడ్డి, జెడ్పీ చైర్‌పర్సన్‌ గద్దల పద్మ, ఆర్డీఓ రామకృష్ణారెడ్డి, ఎఫ్‌ఆర్వో సుధీర్, రాయిడి రవీందర్‌రెడ్డి, కామగోని శ్రీనివాస్‌గౌడ్, లెక్కల విద్యాసాగర్‌రెడ్డి, నగర పంచాయతీ కమిషనర్‌ మల్లికార్జునస్వామి, మాజీ జెడ్పీటీసీ సభ్యురాలు పెండెం రాజేశ్వరి, కౌన్సిలర్‌ నాయిని నర్సయ్య, బండి భారతి రమేష్, నాగిశెట్టి పద్మప్రసాద్, గుంటి కిషన్,  వెంకటేశ్వర్లు, శ్రీనివాస్, కరుణ, రజిత, ప్రకాశ్, సుదర్శన్,  మురళి, తదితరులు పాల్గొన్నారు.
  


 యాడికి: యాడికి మండలం నిట్టూరు కొత్తపల్లికి చెందిన మధుసూదన్‌నాయుడు(40) అనే  ఫైనాన్స్‌ వ్యాపారి కర్ణాటక రాష్ట్రం బళ్లారిలో బుధవారం ఆత్మహత్య చేసుకున్నట్లు గ్రామస్తులు తెలిపారు. పిల్లల చదువుల కోసం నాయుడు కుటుంబం బళ్లారికి వెళ్లి అక్కడే స్థిరపడినట్లు వివరించారు. అక్కడ అతను ఫైనాన్స్‌ వ్యాపారం చేస్తూ కుటుంబాన్ని పోషించేవాడని చెప్పారు. అయితే అప్పుల బాధ ఎక్కువైన నేపథ్యంలో ఆయన ఉదయమే తన కార్యాలయానికి వెళ్లి ఫ్యాన్‌కు ఉరేసుకుని తనువు చాలించినట్లు పేర్కొన్నారు. బళ్లారి పోలీసులు కేసు నమోదు చేసుకుని పోస్టుమార్టం అనంతరం మృతదేహాన్ని బంధువులకు అప్పగించారు. ఆయన మృతదేహాన్ని స్వగ్రామమైన నిట్టూరు కొత్తపల్లికి తీసుకువచ్చారు. మృతునికి భార్య, బీటెక్, ఇంటర్‌ చదివే ఇద్దరు కుమారులు ఉన్నారు.
 
 వ్యవసాయంలో కలసి రాకనే..
 మధుసూదన్‌నాయుడుకు నిట్టూరు కొత్తపల్లిలో ఇటీవల 16 ఎకరాల పొలం కొన్నట్లు తెలిసింది. అందులో పంటల సాగుకు చేసిన అప్పులు తడిసిమోపెడవడంతో వాటిని తీర్చే మార్గం కానరాక ఆత్మహత్య చేసుకున్నట్లు గ్రామస్తులు తెలిపారు. ఈ సంఘటన గ్రామంలో తీరని విషాదం నింపింది.


 కాజీపేట రూరల్‌ : తెలంగాణ ఉద్యమంలో భాగంగా 2013లో వరంగల్‌ జిల్లా గీసుగొండ మండలం ధర్మారం రైల్వే గేట్‌ రైల్‌రోకోలో పాల్గొన్న ప్రస్తుత స్సీకర్‌ మధుసూదనాచారితో పాటు మరో 8 మందిపై రైల్వే పోలీసులు కేసు నమోదు చేశారు. వారు  బుధవారం కాజీపేట రైల్వే కోర్టు మెజిస్ట్రేట్‌ ఎదుట హాజరయ్యారు. కేసును మెజిస్ట్రేట్‌ ఆగస్టు 22వ తేదీకి కేసు వాయిదా వేసినట్టు రైల్వే పోలీసులు తెలిపారు.
  
 స్పీకర్‌ మధుసూదనాచారితో పాటు వీరాటి లింగారెడ్డి, గంగుల రమేష్, ప్రభాకర్, రాంమూర్తి, రామారావు, ల్యాదెళ్ల బాలు, గాదె రాజు, సందీప్‌లు ఈ కేసులో ఉన్నారు. అనంతరం స్పీకర్‌ మాట్లాడుతూ ఆనాటి రాష్ట్ర ప్రభుత్వం తెలంగాణ ఉద్యమాన్ని అణిచివేతకు ఎన్నో కుట్రలు కుతంత్రాలు చేసిందని, మొక్కవోని ధైర్యంతో తెలంగాణ వాదులు వాటిని ఎదుర్కొన్నారని అన్నారు. రాష్ట్ర ప్రభుత్వం కేంద్ర ప్రభుత్వం మాట్లాyì  తెలంగాణవాదులపై పెట్టిన రైల్వే కేసులను కొట్టివేతకు కృషి చేస్తుందన్నారు.  
  


 తాగుబోతుల వీరంగానికి బలైన రమ్య కుటుంబానికి ప్రభుత్వం ఆర్థిక సాయం చేసింది. పంజాగుట్ట రోడ్డు ప్రమాదంలో మృతిచెందిన రమ్య కుటుంబానికి ముఖ్యమంత్రి సహాయ నిధి నుంచి రూ. 12 లక్షల చెక్కును బుధవారం శాసనసభ స్పీకర్ మధుసూధనాచారి అందజేశారు. మద్యం మత్తులో మైనర్లు డ్రైవింగ్ చేయడం వల్లే ఈ ప్రమాదం జరిగిందని.. దయచేసి ఎవరూ మైనర్లకు వాహనాలు ఇవ్వకూడదని ఆయన ఈ సందర్భంగా అన్నారు. మద్యం సేవించి వాహనాలు నడిపే వారిపై కఠిన చర్యలు తీసుకుంటామని హెచ్చరించారు.
 
  


 
 గద పట్టిన స్పీకర్‌ మధుసూదనాచారి
 
 గణపురం : తెలంగాణ రాష్ట్ర సాధన ఉద్యమంలో కళాకారుల పాత్ర ఎంతో ఉందని, ప్రత్యేక రాష్ట్రంలో వారిని అన్ని విధాలా ఆదుకుంటామని శాసనసభ స్పీకర్‌ సిరికొండ మధుసూదనాచారి అన్నారు. మండలకేంద్రంలోని ప్రభుత్వ ఉన్నత పాఠశాల ప్రాంగణంలో గురువారం నిర్వహించిన చిందు కళాకారుల సమ్మేళనంలో ఆయన మాట్లాడారు. అర్హులైన కళాకారులకు ఉద్యోగాలు ఇచ్చామన్నారు. అంతకుముందు కళాకారులు మండల కేంద్రంలో ర్యాలీ నిర్వహించగా, స్పీకర్‌ కూడా వారితో కలిసి గద పట్టుకుని, బాణం ఎక్కుపెట్టి ప్రదర్శనలో పాల్గొన్నారు. అనంతరం కళాకారులతో కలిసి గణప సముద్రం కట్టపై మొక్కలు నాటారు.


 అంబర్‌పేట: బంజారాహిల్స్‌ రోడ్డు ప్రమాదంలో మృతి చెందిన చిన్నారి రమ్య కుటుంబసభ్యులను తెలంగాణ శాసన సభా స్పీకర్‌ మధుసూదనాచారి మంగళవారం పరామర్శించారు. డీడీ కాలనీ ఉన్న రమ్య అమ్మమ్మ ఇంటికి వచ్చిన ఆయన.. ఇదే ప్రమాదం తీవ్రంగా గాయపడి మంచానికే పరిమితమై చిన్నారి తల్లి రాధిక ఆరోగ్య పరిస్థితిని ఆమె తల్లిదండ్రులను అడిగి తెలుసుకున్నారు. అన్ని విధాలా మీ కుటుంబానికి అండగా ఉంటామని, ప్రమాదానికి కారణమైన వారిపై చట్టప్రకారం చర్యలు తీసుకుంటామని స్పీకర్‌ హామీ ఇచ్చారు. ఆయన వెంట స్థానిక కార్పొరేటర్‌ పద్మవతిరెడ్డి ఉన్నారు.
 
  


 హైదరాబాద్: రమ్య కుటుంబ సభ్యులకు జరిగిన అన్యాయాన్ని ముఖ్యమంత్రి కేసీఆర్, మంత్రి కేటీఆర్ దృష్టికి తీసుకెళతానని వెస్ట్ జోన్ డీసీపీ వెంకటేశ్వరరావు, టాస్క్ ఫోర్స్ డీసీపీ లింబారెడ్డి అన్నారు. పంజాగుట్ట కారు ప్రమాదంలో తీవ్రంగా గాయపడి చికిత్స పొందుతున్న రమ్య తాత కూడా చనిపోవడంతో కుటుంబ సభ్యులు ఆందోళనకు దిగారు. తమకు న్యాయం జరిగే వరకు మృతదేహాన్ని తీసుకెళ్లనివ్వబోమన్నారు.
 
 అంతకుముందే రమ్య, ఆమె బాబాయ్ రాజేశ్ చనిపోయిన విషయం తెలిసిందే. దీంతో తీవ్రంగా కలత చెందిన కుటుంబ సభ్యులు రమ్య తాత మధుసూదనాచారి మృతదేహం వద్ద తీవ్రంగా విలపిస్తూ నిరసనకు దిగారు. దీంతో రంగంలోకి దిగిన పోలీసులు డీసీపీ వెంకటేశ్వరరావు, టాస్క్ ఫోర్స్ డీసీపీ లింబారెడ్డి వారి కుటుంబ సభ్యులతో చర్చలు జరిపారు. అవి సఫలం కావడంతో మృతేదేహాన్ని పోస్టు మార్టం నిమిత్తం గాంధీ ఆస్పత్రి మార్చురీకి తరలించారు.
 న్యాయం చేస్తాం: తలసాని
 రమ్య కుటుంబ సభ్యులకు న్యాయం చేస్తామని మంత్రి తలసాని శ్రీనివాస్ యాదవ్ అన్నారు. వైద్య ఖర్చులను భరించే విషయంపై ముఖ్యమంత్రితో చర్చిస్తామని చెప్పారు. రమ్య కుటుంబ సభ్యులను ముఖ్యమంత్రి కేసీఆర్ వద్దకు తీసుకెళ్తానని ఆయన చెప్పారు. ప్రమాదానికి కారణమైన వారిపై చట్టపరంగా చర్యలు ఉంటాయని తలసాని అన్నారు. భవిష్యత్ లో ఇలాంటి ఘటనలు పునరావృతంకాకుండా చూసుకుంటామని చెప్పారు.
  


 హైదరాబాద్: యశోద ఆస్పత్రి వద్ద చిన్నారి రమ్య బంధువులు ఆందోళన చేపట్టారు. పంజాగుట్టలో ఈనెల 1న జరిగిన రోడ్డు ప్రమాదంలో తీవ్రంగా గాయపడి ఆస్పత్రిలో చికిత్స పొందుతున్న రమ్య తాత మధుసూదనాచారి సోమవారం తెల్లవారుజామున మృతి చెందారు. పోలీసులు ఆయన మృతదేహాన్ని గాంధీ ఆస్పత్రికి తరలించేందుకు ప్రయత్నించగా కుటుంబసభ్యులు, బంధువులు అడ్డుకున్నారు. ప్రమాదానికి కారణమైన నిందితులను తమకు చూపించాలని వారిపై కఠిన చర్యలు తీసుకోవాలని వారు డిమాండ్‌ చేస్తున్నారు. అప్పటి వరకు మృతదేహాన్ని తీసుకెళ్లడానికి వీల్లేదంటూ వారు ఆందోళన చేస్తున్నారు.
  
  
  


 హైదరాబాద్: తమ కుటుంబం తీరని శోకంలో మునిగిపోయిందని రోడ్డు ప్రమాదంలో మృతి చెందిన రమ్య తాత మధుసూదనాచారి కూతురు నాగమణి పేర్కొన్నారు. ప్రమాదానికి కారకుడైన శ్రావిల్ తో పాటు మిగిలిన ఐదుగురు విద్యార్థులను శిక్షించాలని ఆమె డిమాండ్ చేశారు. కాలేజీలో వారి సర్టిఫికెట్లను రద్దు చేయాలన్నారు. మైనర్లకు మద్యం అమ్మిన బార్పై చర్యలు తీసుకోవాలన్నారు. తమకు మార్గదర్శకుడైన తండ్రిని కోల్పోయామని ఆవేదన చెందారు. 'ఆస్పత్రిలో మా నాన్న 18 రోజుల పాటు నరకం అనుభవించారు. మాతో మాట్లాడాలని ప్రయత్నించి మాట్లాడలేకపోయారు. చేత్తో రాద్దామన్న రాయలేని పరిస్థితి. ఆయన చేతులు విరిగిపోయాయి. ఇలాంటి పరిస్థితి పగవాళ్లకు కూడా రావొద్ద'ని నాగమణి అన్నారు.
 
 'ప్రమాదం జరిగిన రోజు మా నాన్నను నిమ్స్ లో చేర్చుకోవడం ఆలస్యమైంది. నిమ్స్ డాక్టర్ల నిర్లక్ష్యం కూడా ఉంది. స్నేహితుల దగ్గర అప్పులు చేసి వైద్యం చేయించాం. ఇలాంటి ప్రమాదాలు పునరావృతం కాకుండా ప్రభుత్వం చర్యలు చేపట్టాలి. ప్రభుత్వం నుంచి స్పష్టమైన హామీ వచ్చేవరకు మా నాన్న మృతదేహాన్ని తరలించమ'ని మధుసూదనాచారి కుమారుడు, రమ్య తండ్రి  వెంకటరమణ అన్నారు. ఈ నెల 1న బంజారాహిల్స్ రోడ్ నంబర్-3లోని పంజగుట్ట హిందూశ్మశాన వాటికముందు జరిగిన ఘోర కారు ప్రమాదంలో తీవ్రంగా గాయపడిన మధుసూదనాచారి(65) సోమవారం ఉదయం తుదిశ్వాస విడిచారు.


 హైదరాబాద్: మందు బాబుల నిర్లక్ష్యానికి ఇటీవల మృతిచెందిన రమ్య కుటుంబంలో మరో విషాద సంఘటన చోటుచేసుకుంది. అదే ప్రమాదంలో రమ్యతో పాటు తీవ్రంగా గాయపడిన ఆమె తాత మధుసూధనాచారి(65) చికిత్స పొందుతూ మృతిచెందారు. ఈ నెల 1న బంజారాహిల్స్ రోడ్ నంబర్-3లోని పంజగుట్ట హిందూశ్మశాన వాటికముందు జరిగిన ఘోర కారు ప్రమాదంలో మధుసూదనాచారి తీవ్రంగా గాయపడ్డారు. పీకలదాకా మద్యం సేవించిన యువకులు వస్తున్న కారు డివైడర్‌ను ఢీకొని మధుసూదనాచారి కుటుంబం ప్రయాణిస్తున్నకారుపై పడింది. ఈ దుర్ఘటనలో పమ్మి రాజేష్(34) అక్కడికక్కడే మృతి చెందాడు. కారులో ఉన్న చిన్నారి రమ్య(8)కి తీవ్ర గాయాలు కావడంతో కేర్ ఆస్పత్రిలో చేర్చగా బ్రెయిన్ డెడ్ అయి కోమాలోకి వెళ్లి 9 రోజుల తర్వాత మృతిచెందింది. పక్కనే కూర్చున్న మధుసూదనాచారి(65) వెన్నుపూస విరగడంతో ఆయనను యశోద ఆస్పత్రిలో చేర్చారు. ఆరోగ్యం విషమించడంతో వారం రోజులుగా ఐసీయూలోనే చికిత్స అందిస్తున్నారు. 18 రోజులపాటూ మృత్యువుతో పొరాడి సోమవారం ఉదయం తుదిశ్వాస విడిచారు.
 
 పాప పక్కనే కూర్చొని మొదటి రోజు స్కూల్ కబుర్లు వింటున్న తల్లి రాధిక(32) ఈ ప్రమాదంలో కుడి కాలు విరిగి ఆస్పత్రిలో చికిత్స పొందుతోంది. డ్రైవర్ సీటు పక్కన కూర్చున్న రాజేష్ సోదరుడు రమేష్(40) ఈ ప్రమాదంలో వెన్నెముక విరిగి చికిత్స పొందుతున్నారు. ఇప్పటికే రమ్య, రాజేష్‌లు మృతిచెందగా.. ఈ రోజు ఇంటి పెద్దదిక్కైన మధుసూధనాచారి కూడా అనంత లోకాలకు వెళ్లిపోవడంతో.. కుటుంబంలో విషాద ఛాయలు అలుముకున్నాయి.
 
 'నా కూతురిని, తమ్ముడిని పోగొట్టుకున్నా. ఇప్పుడు తండ్రిని కూడా కోల్పోయా. దీనికి కారణమైన నిందితులను కఠినంగా శిక్షించాలి' అని రమ్య తండ్రి రమణ అన్నారు.


 శాసన సభాపతి మధుసూదనాచారి
 కేయూ క్యాంపస్:  శాసనసభలో ‘స్పీకర్’ మాట్లాడటమనేది అసలే ఉండదని, సభ్యులే మాట్లాడతారని స్పీకర్ అనేవారు సభను కంట్రోల్ చేస్తుంటారని.. అలాంటప్పుడు స్పీకర్ అని ఎందుకు అంటున్నారో అర్థం కావటం లేదని శాసన సభాపతి సిరికొండ మధుసూదనాచారి అన్నారు. కాకతీయ యూనివర్సిటీలో జర్నలిజం విభాగం ఆధ్వర్యంలో ‘కేయూ ఎక్స్‌ప్రెస్’ అనే జర్నల్‌ను ఆదివారం ఆవిష్కరించారు.
 
 ఈ సందర్భంగా జరిగిన సభలో ఆయన మాట్లాడుతూ.. స్పీకర్ అనే పదం వాడటంలో ఉన్న ఆంతర్యమేంటో జర్నలిస్టులే వెలికి తీయాలని నవ్వుతూ అన్నారు. రాష్ట్ర శాసనసభలో తాను స్పీకర్‌గా వ్యవహరిస్తున్నానని, తానేమీ మాట్లాడేది ఉండదని సభ్యులెవరైనా అదుపుతప్పి మాట్లాడితే కంట్రోల్ చేయడమే తన డ్యూటీ అని చెప్పారు.


 
 శాసనసభ స్పీకర్‌ మధుసూదనాచారి
 
 ‘కేయూ ఎక్స్‌ప్రెస్‌ ల్యాబ్‌ జర్నల్‌’ ఆవిష్కరణ
 
  
 కేయూ క్యాంపస్‌ : 
 సమాజహితమే ఆకాంక్షగా జర్నలిస్టులు నిస్వార్థంగా, అంకితభావంతో పనిచేస్తున్నారని.. ప్రజలను చైతన్యవంతులుగా చేయడంలో జర్నలిజం కీలక పా త్ర పోశిస్తుందని శాసనసభ స్పీకర్‌ సిరికొండ మధుసూదనాచారి అభిప్రాయపడ్డారు. కాకతీయ యూని వర్సిటీలోని జర్నలిజం విభాగం ఆధ్వర్యంలో వెలువరించనున్న కేయూ ఎక్స్‌ప్రెస్‌ ల్యాబ్‌ జర్నల్‌ను ఆదివారం ఆయన ఆవిష్కరించారు. ఈ సందర్భంగా ఏర్పాటుచేసిన సమావేశంలో స్పీకర్‌ మాట్లాడు తూ సమాచారాన్ని ప్రజలకు చేరవేయటంలోను జర్నలిస్టుల పాత్ర ఎనలేదని కొనియాడారు. చాలా రంగాల్లోని వారు ఆర్థికంగా ఎదిగినా, 30ఏళ్లుగా జర్నలిజం వృత్తిలో ఉన్న పలువురు తమకు ఇళ్లు మం జూరు చేయాలని కోరే పరిస్థితుల్లో ఉన్నారని పేర్కొన్నారు. తెలంగాణ లో పత్తి పండించకముందే పత్తి ఆధారిత మిల్లుగా ఆజాంజాహి మిల్లు ఎందరికో ఉపాధినిచ్చినా, గత పాలకుల నిర్లక్ష్యంగా అది మూ తపడిందన్నారు. ఇప్పుడు తెలంగాణలోని అన్ని జిల్లా ల్లో పత్తి విస్తారంగా సాగు చేస్తుండగా మిల్లు మూత పyìందని, ఇలాంటి విషయాలపై జర్నలిస్టులు లోతుగా అధ్యయనం చేసి పరిశోధనాత్మక కథనాలు రాయాలని సూచించారు. వరంగల్‌ పశ్చిమ ఎమ్మెల్యే దాస్యం వినయ్‌భాస్కర్‌ మాట్లాడుతూ బంగారు తె లంగాణ  సాధనలో జర్నలిజం విద్యార్థులు భాగస్వాములు కావాలని సూచించారు. నగర మేయర్‌ నన్నపునేని నరేందర్‌ మాట్లాడుతూ కేయూ ఎక్స్‌ప్రెస్‌ ద్వా రా ప్రజలను ఆలోపింపచేసే కథనాలు వస్తాయని ఆకాంక్షించారు. కేయూ జర్నలిజం విభాగాధిపతి డాక్టర్‌ సంగాని మల్లేశ్వర్‌ మాట్లాడుతూ కేయూలో జర్నలిజం పూర్తిచేసిన విద్యార్థులు దేశవ్యాప్తంగా వివిధ చోట్ల జర్నలిజం వృత్తిలో కొనసాగుతున్నారని తెలిపారు. సమావేశంలో టీఆర్‌ఎస్‌ జిల్లా అధ్యక్షుడు తక్కెళ్లపల్లి రవీందర్‌రావు, కేయూ ఇన్‌చార్జి రిజిస్ట్రార్‌ ప్రొఫెసర్‌ జి.బెనర్జీ, వైస్‌ప్రిన్సిపాల్‌ ప్రొఫెసర్‌ టి.దయాకర్‌రావు, దూరవిద్యా కేంద్రం డైరెక్టర్‌ ప్రొఫెసర్‌ సీహెచ్‌.దినేష్‌కుమార్, రచనా జర్నలిజం కళాశాల ప్రిన్సిపాల్‌ మహేశ్వర్‌రావు, నగర డిప్యూటీ మేయర్‌ సిరాజోద్దీన్, జర్నలిజం అధ్యాపకులు డాక్టర్‌ వీరాచారి, కె.నర్సింహారాములు, రామాచారి, ఎస్‌.నర్సయ్య, శ్రీకాంత్, పులి శరత్‌కుమార్, వంగాల సుధాకర్, పద్మశ్రీ, వెంకట్, జర్నలిజం విద్యార్థులు పాల్గొన్నారు. కాగా, ఈ సమావేశంలో స్పీకర్‌ మధుసూదనాచారి, ఎమ్మెల్యే దాస్యం వినయభాస్కర్‌ను నిర్వాహకులు సన్మానించారు.


 టీడీఎల్పీ కార్యాలయ తొలగింపు అనైతికం
 టీడీపీ జాతీయ కార్యదర్శి రేవూరి ప్రకాశ్‌రెడ్డి
  
  
 వరంగల్ : రాజ్యాంగ హక్కులను పరిరక్షిస్తూ ప్రజాస్వామ్యాన్ని కాపాడే పదవిలో ఉన్న స్పీకర్ మధూసూదనచారి ఆ పదవికి మచ్చ తెస్తున్నారని టీడీపీ జాతీయ ప్రధాన కార్యదర్శి రేవూరి ప్రకాశ్‌రెడ్డి అన్నారు. హన్మకొండ బాలసముద్రంలోని జిల్లా పార్టీ కార్యాలయంలో మంగళవారం ఏర్పాటు చేసిన విలేకరుల సమావేశంలో ఆయన మాట్లాడారు. స్పీకర్ టీడీపీని తెలంగాణ రాష్ట్రంలో ఉంచొద్దనే దురుద్దేశంతోనే టీడీఎల్పీ నేత రేవంత్‌రెడ్డికి సమాచారం ఇవ్వకుండా, ఎలాంటి నోటీస్ ఇవ్వకుండా అసెంబ్లీలోని టీడీఎల్పీ కార్యాలయూన్ని హౌస్ కమిటీకి కేటారుుంచారని అన్నారు. టీడీపీయే ఆయనకు రాజకీయ జన్మనిచ్చిందనే విషయూన్ని గుర్తుపెట్టుకోవాలన్నారు. టీడీపీని లేకుండా చేయూలన్న సీఎం కేసీఆర్ కుట్రకు స్పీకర్ సహకరిస్తున్నారని ఆరోపించారు. టీడీపీ నుంచి గెలిచిన 15 మందిలో 10 మంది టీఆర్‌ఎస్‌లో చేరిన సమయంలో అప్పటి టీడీఎల్పీ నేత దయాకర్‌రావు వారిని అనర్హులుగా వేటు వేయాలని ఇచ్చిన లేఖ పెండింగ్‌లో ఉండగా, పార్టీని విలీనం చేస్తున్నట్లు దయాకర్ ఇచ్చిన రెండో లేఖపై నిర్ణయం తీసుకోవడం రాజ్యాంగ విరుద్ధమన్నారు. టీడీపీ రాష్ట్ర ప్రధాన కార్యదర్శి సీతక్క, ఈగ మల్లేషం మాట్లాడుతూ ప్రభుత్వం చేస్తున్న అవినీతి, అక్రమాలపై మా ట్లాడకుండా ప్రతిపక్షాల గొంతునొక్కుతున్న సీఎం కేసీఆర్ నిర్ణయూల అమలుకు స్పీకర్ రాజ్యాంగ విలువలను కాలరాస్తున్నారని అన్నారు.
  
 ‘మిషన్’లో అక్రమాలు
 మిషన్ కాకతీయలో చెరువులకు ఆయకట్టు లేకున్నా నిధులు కేటాయి స్తూ టీఆర్‌ఎస్ ప్రభుత్వం అక్రమాలకు పాల్పడుతోందని టీడీపీ జిల్లా అధ్యక్షుడు గండ్ర సత్యనారాయణరావు అన్నారు. రఘునాథపల్లిలోని చెనిగల చెరువు ఆయకట్టు 15ఎకరాలు లేకున్నా మిషన్‌లో రూ.89.98 లక్షలు కేటాయించారని తెలిపారు. ఈపనుల్లో నాణ్యత పాటించకున్నా పట్టించుకోవడంలేదన్నారు. ఈ పనుల్లో అవినీతిపై చర్చకు చెరువు వద్ద కు నిపుణులతో రావాలంటే టీఆర్‌ఎస్ నేతలు స్పందించలేదన్నారు. ‘మిషన్’ పనులపై కేంద్ర విజిలెన్స్, ఎన్‌ఫోర్స్‌మెంట్‌తో విచారణ జరి పించాలని డిమాండ్ చేశారు. జిల్లా పార్టీ ప్రధాన కార్యదర్శి పుల్లూరు అశోక్‌కుమార్, గన్నోజు శ్రీనివాసచారి, చాడా రఘునాథరెడ్డి, మార్క విజయ్, జాటోత్ సంతోష్‌కుమార్, బైరపాక ప్రభాకర్ పాల్గొన్నారు.
  
  


 హైదరాబాద్: తెలంగాణ టీడీఎల్పీ కార్యాలయంపై వివాదం నెలకొంది. తమకు నోటీసు ఇవ్వకుండానే కార్యాలయాన్ని ఇతరులకు కేటాయించటంపై  తెలంగాణ టీడీపీ కార్యనిర్వాహక అధ్యక్షుడు రేవంత్ రెడ్డి అభ్యంతరం వ్యక్తం చేశారు. స్పీకర్ పద్ధతి లేకుండా వ్యవహరించారని ఆయన మంగళవారమిక్కడ వ్యాఖ్యానించారు. హక్కులను కాపాడాల్సిన స్పీకరే ఇలా చేయడం తగదని ఆయన అన్నారు.
 స్పీకర్ ఈ విషయంలో నిబంధనలు పాటించలేదని, తాము ఖాళీ చేయకుండానే గదులను ఇతరులకు ఎలా కేటాయిస్తారని ప్రశ్నించారు. ప్రజాస్వామ్య విరుద్ధంగా జరుగుతున్న వ్యవహారంపై తాము కోర్టుకు వెళతామని రేవంత్ రెడ్డి తెలిపారు. ఈ వ్యవహారాన్ని ఆయన కాంగ్రెస్ నేతలు జానారెడ్డి, ఉత్తమ్ కుమార్ రెడ్డి దృష్టికి తీసుకు వెళ్లారు. కాగా టీడీఎల్పీ కార్యాలయంను స్పీకర్ ఉమెన్స్ వెల్ఫేర్ కమిటీకి కేటాయించిన విషయం తెలిసిందే.


 * వెల్లడించిన స్పీకర్ మధుసూదనాచారి
 * ‘యునిసెఫ్’ నివేదిక ఆవిష్కరణ
 సాక్షి, హైదరాబాద్: భవిష్యత్ తరాల కోసం రాష్ట్ర ప్రభుత్వం చర్యలు తీసుకుంటోందని, గర్భస్థ శిశువులను దృష్టిలో పెట్టుకొని కార్యక్రమాలు చేపడుతోందని శాసనసభ స్పీకర్ ఎస్.మధుసూదనాచారి పేర్కొన్నారు. ప్రపంచవ్యాప్తంగా బాలల పరిస్థితిపై ‘యునిసెఫ్’ రూపొందిం చిన 2016 నివేదికను మంగళవారం అసెంబ్లీ కమిటీ హాలులో ఆవిష్కరించారు.
 
 అనంతరం ఆయన మాట్లాడుతూ.. బాలల జీవన ప్రమాణాల స్థాయిని పెంచేందుకు యునిసెఫ్ కృషి చేస్తోందని, ప్రపంచ వ్యాప్తంగా అధ్యయనాలు చేసి సూచనలు చేస్తోందన్నారు. ప్రపంచ వ్యాప్తంగా రోజు రోజుకూ వస్తున్న మార్పులకు అనుగుణంగా పిల్లల ఆరోగ్యంపై ప్రభుత్వం దృష్టి పెడుతోందని, గర్భిణులకు పౌష్టికాహారం అందించడం ద్వారా ఆరోగ్యకరమైన బాలలను దేశానికి అందిస్తోందన్నారు.
 
 బాలలను ఉత్తమ పౌరులుగా తీర్చిదిద్దేందుకు ‘కేజీ టు పీజీ’ విధానం ద్వారా ఎస్సీ, ఎస్టీ, బీసీ, మైనారిటీలు, నిరుపేదలకు కార్పొరేట్ విద్యను అందిస్తోందన్నారు. గత ప్రభుత్వాల బాధ్యతారాహిత్యం వల్ల తన సొంత నియోజకవర్గం భూపాలపల్లి పరిధిలో చెంచులకు ఎలాంటి సౌకర్యాలనూ ఏర్పాటు చేయలేదని, పౌష్టికాహార లోపంతో గర్భిణులు, పిల్లలు చనిపోయే వారని చెప్పారు.
 
 ప్రస్తుతం ఉన్న పరిస్థితులు, వ్యత్యాసాలు, వాటిని పూరించేందుకు తీసుకోవాల్సిన చర్యలపై నిర్ణయం తీసుకోడానికి యునిసెఫ్ నివేదిక ఉపయోగ పడుతుందని ఆశాభావం వ్యక్తం చేశారు. తెలంగాణ, ఏపీ, కర్ణాటక రాష్ట్రాల యునిసెఫ్ చీఫ్ రూత్ లియోని... ప్రపంచ బాలలకు సమాన అవకాశాల కోసం అనేక సూచనలు చేశామన్నారు. యునిసెఫ్ కమ్యూనికేషన్ అధికారి ప్రసోన్‌సేన్, శాసనసభా కార్యదర్శి రాజ సదారాం తదితరులు పాల్గొన్నారు.


 ► శాసన సభాపతి మధుసూదనాచారి
 
 భూపాలపల్లి: భూపాలపల్లిని జిల్లాలోనే ఆదర్శ నియోజకవర్గం గా తీర్చిదిద్దుతానని శాసన సభాపతి మధుసూదనాచారి అన్నారు. పట్టణంలోని కారల్‌మార్క్స్‌కాలనీ, ఎల్‌బీనగర్ కాలనీల్లో సింగరేణి నిధులతో నిర్మించిన సైడ్ కాలువలు, సీసీరోడ్లను మం గళవారం ప్రారంభించారు. సాయంత్రం మండలంలోని పంది పంపుల శివారులోని కొత్తకుంట, గొల్లబుద్ధారం గ్రామ సరిహద్దులో గల వీరాచారికుంటలో చేపట్టే మిషన్ కాకతీయ రెం డో దశ పనులను ప్రారంభించారు. ఈ సందర్భంగా స్పీకర్ మాట్లాడుతూ.. పట్టణంలో సెంట్రల్ లైటింగ్, విద్యుత్ ఆధునీకరణ పనులు పూర్తయ్యాయని, పార్కు, 100 పడకల ఆసుపత్రి భవ నం, రోడ్డు విస్తరణ పనులు కొనసాగుతున్నాయన్నారు. సాగు, తాగునీటికి ఇబ్బంది లేకుం డా ఉండేందుకు తగు చర్య లు తీసుకున్నట్లు తెలిపారు. మిషన్ కాకతీయ పథకంతో చెరువులకు జలకళ వస్తుందని, రైతులు, మత్స్యకారులకు ఈ పథకం వరంగా మారిందన్నారు.
  బొగ్గును తొలగించాలి..
 పట్టణంలోని సింగరేణి పాఠశాల సమీపంలో గల సంస్థ స్థలంలో సింగరేణి యాజమాన్యం ఇటీవల బొగ్గును డంప్ చేయించింది. దీంతో ఈ రహదారి మీదుగా ప్రయాణించే ప్రజలు, మృతదేహాలను దహన సంస్కారాల నిమిత్తం తీసుకెళ్లే వారు తీవ్ర ఇబ్బందులు ఎదుర్కొంటున్నారని శాసన సభాపతి మధుసూదనాచారికి కౌన్సిలర్ రేగుల రాకేష్ తెలిపాడు. ఇందు కు స్పందించిన స్పీకర్ స్థలాన్ని పరిశీలించి వెంటనే బొగ్గును తొల గించాలని జీఎం సత్తయ్యకు సూచించారు. నగర పంచాయతీ చైర్‌పర్సన్ బండారి సంపూర్ణరవి, వైస్‌చెర్మైన్ ఎరుకల గణపతి, ఎంపీపీ కళ్ళెపు రఘుపతిరావు, జెడ్పీటీసీ సభ్యురాలు జర్పుల మీరాబాయి, కౌన్సిలర్లు పిల్లలమర్రి నారాయణ, శిరుప అనిల్, రేగుల రాకేష్, టీఆర్‌ఎస్ రాష్ట్ర నాయకుడు సిరికొండ ప్రదీప్, స్థానిక నాయకులు మేకల సంపత్‌కుమార్, మందల రవీందర్‌రెడ్డి, పైడిపెల్లి రమేష్, చిరంజీవి తదితరులు పాల్గొన్నారు.
  


 భూపాలపల్లి: శాసన సభాపతి, స్పీకర్ మధుసూదనాచారిని విమర్శించే అర్హత టీడీపీ నాయకులకు లేదని టీఆర్‌ఎస్ యూత్ జిల్లా ఉపాధ్యక్షుడు మారెళ్ల సేనాపతి అన్నా రు. పట్టణంలోని టీఆర్‌ఎస్ పార్టీ కార్యాలయంలో సోమవారం ఏర్పాటు చేసిన విలేకరుల సమావేశంలో ఆయన మాట్లాడారు.
 
 నియోజకవర్గంలో జరుగుతున్న అభివృద్ధిని చూసి ఓర్వలేకనే టీడీపీ నాయకులు ఆరోపణలు చేస్తున్నారన్నారు. టీఆర్‌ఎస్ యూత్ నాయకులు బిల్ల అశోక్‌రెడ్డి, తిప్పాని రంజిత్, బంటి రమేష్, శ్రీకాంత్, వేశాల రవి, అశోక్, ప్రదీప్ పాల్గొన్నారు.
  


 నగర వ్యాప్తంగా తెలంగాణ రాష్ట్ర ఆవిర్భావ వేడుకలు గురువారం ఘనంగా జరిగాయి. శాసనసభ ఆవరణలో జాతీయ జెండాను స్పీకర్ మధుసూదనాచారి ఆవిష్కరించారు. ఈ సందర్భంగా గాంధీ, అంబేద్కర్ విగ్రహాల వద్ద నివాళులు అర్పించారు. ఈ కార్యక్రమంలో డిప్యూటీ స్పీకర్ పద్మా దేవేందర్‌రెడ్డి, ఎమ్మెల్యేలు పాల్గొన్నారు.
  
 అలాగే, శాసనమండలి ఆవరణలో జాతీయ జెండాను చైర్మన్ స్వామిగౌడ్ ఆవిష్కరించారు. ఈ కార్యక్రమంలో డిప్యూటీ చైర్మన్ నేతి విద్యాసాగర్, ప్రతిపక్ష నేత షబ్బీర్ అలీ, ఎమ్మెల్సీలు పాల్గొన్నారు. సరూర్‌నగర్ ఇండోర్ స్డేడియంలో జరిగిన రాష్ట్రావతర దినోత్సవాల్లో మంత్రి మహేందర్‌రెడ్డి పాల్గొని జాతీయ జెండాను ఆవిష్కరించారు.
  
 జీహెచ్‌ఎంసీ కార్యాలయంలో మేయర్ బొంతు రామ్మోహన్ జాతీయ జెండాను ఆవిష్కరించారు. డిప్యూటీ మేయర్ బాబా ఫసియుద్దీన్, కమిషనర్ జనార్దన్‌రెడ్డి తదితులు పాల్గొన్నారు. జిల్లా కలెక్టరేట్‌లో కలెక్టర్ రాహుల్ బొజ్జా జాతీయ జెండా ఆవిష్కరించి రక్తదాన శిబిరాన్ని ప్రారంభించారు.
 
  


 ► స్పీకర్ మధుసూదనాచారి
 ► బాధితులకు డబుల్ బెడ్‌రూం ఇళ్లు
 ► నియోజకవర్గంలో సుడిగాలి పర్యటన
 భూపాలపల్లి : రాష్ట్ర ప్రభుత్వం చేపట్టిన మిషన్ కాకతీయ పథకంతో చెరువులు అభివృద్ధి చెంది రైతన్నల్లో ఆనందం వెల్లువిరుస్తోందని శాసన సభాపతి సిరికొండ మధుసూదనాచారి అన్నారు. మండలంలోని దూదేకులపల్లి, దీక్షకుంట గ్రామాల శివారులలోని రేగడికుంట, కొత్తకుంట చెరువుల్లో మిషన్ కాకతీయ పథకం రెండవదశ కింద చేపట్టనున్న అభివృద్ధి పనులను శాసన సభాపతి మంగళవారం ప్రారంభించారు. అనంతరం ఆయన మాట్లాడుతూ.. చెరువులను అభివృద్ధి చేయడం మూలంగా నీటి సామర్ధ్యం మరింత పెరిగి ఆయకట్టు పెరుగుతుందన్నారు. తద్వారా రైతుల ఆత్మహత్యలు, వలసలు తగ్గుముఖం పడుతాయన్నారు. గౌడ, మత్స్యకార తదితర కుల వృత్తుల వారికి సైతం లాభదాయకంగా ఉంటుందన్నారు.
  
 బాధితులను ఆదుకుంటాం
 మండలంలోని నేరేడుపల్లి గ్రామంలో గ్యాస్ సిలిండర్ పేలి ఇళ్లు దగ్ధమైన ఏడు కుటుంబాలకు డబుల్ బెడ్ రూం ఇల్లు మంజూరు చేయిస్తానని శాసన సభాపతి మధుసూదనాచారి హామీ ఇచ్చారు. బాధితులను పరామర్శించి ఒక్కో కుటుంబానికి ప్రభుత్వం మంజూరు చేసిన ఆర్థిక సహాయం రూ. 8 వేలు అందజేశారు.  ఆయా  కార్యక్రమాల్లో నగర పంచాయతీ చైర్‌పర్సన్ బండారి సంపూర్ణరవి, వైస్‌చెర్మైన్ ఎరుకల గణపతి, ఎంపీపీ కళ్ళెపు రఘుపతిరావు, జెడ్పీటీసీ సభ్యురాలు జర్పుల మీరాబాయి, కౌన్సిలర్లు పిల్లలమర్రి నారాయణ, ముంజాల నిర్మలరవీందర్, గోనె భాస్కర్, టీఆర్‌ఎస్ నాయకులు మందల రవీందర్‌రెడ్డి, మేకల సంపత్‌కుమార్, క్యాతరాజు సాంబమూర్తి, పైడిపెల్లి రమేష్, రాంపూర్ వెంకన్న పాల్గొన్నారు.
  
 సుపరిపాలన అందుతోంది
 గణపురం : ప్రజల ఆకాంక్ష మేరకు సుపరి పాలన తెలంగాణలో  సాగుతుందని శాసనసభ స్పీకర్, భుపాలపల్లి శాసన సభ్యులు సిరికొండ మధుసూదనాచారి అన్నారు. మండలంలోని గాంధీనగర్‌లో సీసీ రోడ్లకు శంకుస్థాపన చేశారు. సర్పంచ్ మారగాని శ్రీనివాస్‌గౌడ్ అధ్యక్షతన జరిగిన సమావేశంలో స్పీకర్ మాట్లాడారు. ప్రజాధారణ కోసమే మరిన్ని కార్యక్రమాలను అందిస్తామని తెలిపారు. నియోజకవరగ్గంలో ఇప్పటికే వెయ్యికోట్ల అభివృద్ధిపనులు జరిగాయని చెప్పారు. గాంధీనగర్‌లో అంగన్‌వాడీ భవనం పెండింగ్ పనులకు రెండు లక్షలు, ప్రధాన కూడలిలో సోలార్ లైటింగ్ కోసం ఐదు లక్షలను నియోజకవర్గం అభివృద్ధి నిధుల నుంచికేటాయిస్తున్నట్లు ప్రకటించారు. ఈ కార్యక్రమంలో టీఆర్‌ఎస్ మండల శాఖ అధ్యక్షులు గుజ్జ లక్ష్మన్‌రావు, జెడ్పీటీసీ మోటపోతుల శివశంకర్‌గౌడ్, ఎంపీపీ పోతారపు శారద, ఎంపీటీసీ బొచ్చులక్ష్మిస్వామి,  సోసైటి అధ్యక్ష, ఉపాధ్యక్షులు తాళ్లపెల్లి భాస్కర్‌రావు,  పొట్లనగేష్,  భైరగాని కుమార్‌స్వామి,రత్నం రవి,కాల్వరాంరెడ్డి. దివిప్రసాద్,   మళ్లికార్జున్, గుర్రం తిరుపతి , ముక్కెర సాయిలు తదితరులు పాల్గొన్నారు.
  
 సమృద్ధి నీటితోనే సస్యశ్యామలం
 రేగొండ : పాడిపంటలు సస్యశామలంగా ఉండాలంటే సమృద్ధిగా నీరు ఉంటేనే సాధ్యమని స్పీకర్ సిరికొండ మధుసూధుసూధనాచారి అన్నారు. మండల కేంద్రంలోని వెంకటాద్రికుంట, లంబడికుంట, రామసంముద్రం, రంగయ్యపల్లే గ్రామంలోని గంగిరేణికుంట, కొడవటంచలోని నవ్వులకుంటల అభివృద్ధి పనులను స్పీకర్  ప్రారంభించారు. ఈ సందర్భంగా ఆయన మాట్లాడారు. రాష్టంలోనే అధిక చెరువులను భూపాలపల్లి నియోజక వర్గంలో అభివృద్ధి చేస్తున్నట్లు తెలిపారు. రైతుల సంక్షేమం కోసం ప్రభుత్వం రుణ మాఫీతో పాటు రానున్న రోజుల్లో తాగు, సాగు నీరు అందించడమే ధేయ్యంగా సీఎం కేసీఆర్ మిషన్ కాకతీయ,మిషన్ భగీరథ పథకాలు ప్రవేశపెట్టి శరవేగంగా పనులు నిర్వహించే విధంగా కృషి చేస్తున్నారన్నారు.  ఐబీ డీఈ ప్రసాద్,ఎఈ వెంకటేశ్వర్లు, ఎంపీపీ ఈర్ల సదానందం, టీఆర్‌ఎస్ మండల అధ్యక్షుడు మోడెం ఉమేష్‌గౌడ్, సర్పంచ్‌లు మోడెం ఆధిలక్ష్మి, పున్నం లక్ష్మి, పోగు వీరలక్ష్మి, ఎంపీటీసీ పట్టేం శంకర్, నాయకులు కోలుగురి రాజేశ్వర్‌రావు, పున్నం రవి, మైస భిక్షపతి, మటిక సంతోష్, బలేరావు మనోహర్‌రావు, అయిలి శ్రీధర్‌గౌడ్, తడక శ్రీనివాస్ తదితరులు పాల్గొన్నారు.


 స్పీకర్ మధుసూదనాచారి స్వల్ప అస్వస్థతతో ఆదివారం నిమ్స్‌లో చేరారు. ఆయనకు స్వల్పంగా బిపీ పెరగడంతో కార్డియాలజీ వైద్యులు శేషగిరిరావు, నెఫ్రాలజీ వైద్యులు గంగాధర్ ఆధ్వర్యంలో పలు వైద్యపరీక్షలు నిర్వహించారు. ప్రస్తుతం స్పీకర్ ఆరోగ్య పరిస్థితి నిలకడగా ఉందని వైద్యులు తెలిపారు.
 
  


 చిట్యాల : భూపాలపల్లి ఎమ్మెల్యే, శాసనసభాపతి సిరికొండ మధుసూదనాచారి తొందరగా కోలుకోవాలని మండలంలోని మసీదులలో శుక్రవారం ముస్లిం సోదరులు ప్రత్యేక పూజలు నిర్వహించారు. స్పీకర్ ఇటీవల వడదెబ్బకు గురై నీమ్స్ ఆస్పత్రిలో చికిత్స పొందుతున్న సంగతి విధితమే. ఈ మేరకు  చల్లగరిగె, వెలిశాల, చిట్యాల, టేకుమట్ల, గోపాలపురం గ్రామాలలోని మసీదులలో మైనార్టీ సెల్ మండల నాయకులు ఎండీ రబ్బాని, కమ్రోద్దిన్, రాజ్‌మహ్మద్ ఆధ్వర్యంలో స్పీకర్ సంపూర్ణ ఆరోగ్యంగా ఉండాలని నమాజ్ చేసారు.
  
 కొడకండ్లలో..
 కోల్‌బెల్ట్ : తెలంగాణ రాష్ట్ర శాసన సభ స్పీకర్ సిరికొండ మధుసూదనాచారి ఆరోగ్యం తొందరగా కోలుకోవాలని కోరుతూ భూపాలపల్లి ఏరియాలోని కేటీకే 6వ గని వద్ద శుక్రవారం కార్మికులు ప్రత్యేక పూజలు నిర్వహించారు. గని ఆవరణలో గల ఆలయంలో టీబీజీకేఎస్ ఫిట్ సెక్రటరీ బాషనపల్లి కుమారస్వామి ఆధ్వర్యంలో పూజలు నిర్వహించి స్పీకర్ ఆరోగ్యం తొందరగా కోలుకోవాలని కోరారు. అనంతరం గని ఆవరణలో కార్మికులకు ఉగాది పచ్చడిని పంచారు. కార్యక్రమంలో గుర్తింపు సంఘం నాయకులు ఏరుకొండ సంపత్, ఆలయ కమిటీ చైర్మన్ డి. సాంబరెడ్డి, సభ్యులు అయిలయ్య, రవి, రాజ్‌కుమార్, సాంబయ్య, సంజీవరెడ్డి, తదితరులు పాల్గొన్నారు.
  


 ముగిసిన 2016-17 బడ్జెట్ సమావేశాలు
 ♦ 17 పనిదినాల్లో 89.42 గంటలు పనిచేసిన శాసనసభ
 ♦15 పనిదినాల్లో 56.21 గంటలు పనిచేసిన శాసన మండలి
  
  సాక్షి, హైదరాబాద్: రాష్ట్ర శాసనసభ బడ్జెట్ సమావేశాలు ముగిశాయి. గురువారం అసెంబ్లీలో సాగునీటి ప్రాజెక్టులు, ప్రాజెక్టుల రీ డిజైనింగ్ తదితర అంశాలపై చర్చ ముగిశాక సభాపతి ఎస్.మధుసూదనాచారి అసెంబ్లీని నిరవధికంగా వాయిదా వేశారు. ఈ నెల 10వ తేదీన గవర్నర్  నరసింహన్ ప్రసంగంతో మొదలైన  శాసనసభా సమావేశాలు గురువారం దాకా పదిహేడు రోజుల పాటు కొనసాగాయి. వాస్తవానికి పద్దెనిమిది రోజుల పాటు సమావేశాలు జరిగినా, 11వ తేదీన ఎమ్మెల్యే రాంరెడ్డి వెంకటరెడ్డి హఠాన్మరణానికి సంతాపం తెలిపేందుకు మాత్రమే సభ జరిగింది. దీంతో పదిహేడు రోజులు మాత్రమే సభ జరిగినట్లు ప్రకటించారు. 14వ తేదీన ఆర్థిక మంత్రి ఈటల రాజేందర్ రాష్ట్ర బడ్జెట్‌ను ప్రవేశ పెట్టగా, మరునాడు బడ్జెట్‌పై చర్చలో పాల్గొనేందుకు వెసులు బాటు కల్పిస్తూ ఒక రోజు (15వ తేదీ) సెలవు ఇచ్చారు. ఆ తర్వాత 23, 24, 25 తేదీల్లో వరుసగా మూడు రోజులు సెలవు ఇచ్చారు. కాగా, మొత్తం 17 పనిదినాల్లో సభ 89.42 గంటల పాటు పనిచేసింది. 120 మంది సభ్యులున్న శాసన సభలో 161 ప్రసంగాలను సభ్యులు ఇచ్చారు. వివిధ అంశాలకు సంబంధించిన 9 బిల్లులను అసెంబ్లీ ఆమోదించింది.
 
  ప్రతిపక్షాలకే ఎక్కువ అవకాశం
  శాసనసభ అధికారుల గణాంకాల మేరకు సభ పనిచేసిన 89.42 గంటల్లో ప్రతిపక్షాలకే ఎక్కువ సమయం దక్కింది. అధికార టీఆర్ ఎస్ 41.49 గంటలపాటు చర్చల కోసం సమయం తీసుకుంటే, ప్రతిపక్షాలకు ఏకంగా 47.55 గంటల పాటు సమయం ఇచ్చారు. కాగా, పార్టీల వారీగా చూస్తే కాంగ్రెస్ 19.35 గంటలు, ఎంఐఎం 6.31 గంటలు, బీజేపీ 7.12 గంటలు, టీడీపీ 6.14 గంటలు, వైఎస్సార్ కాంగ్రెస్ 3 గంటలు, సీపీఐ 3.07 గంటలు, సీపీఎం 2.07 గంటలు వినియోగించుకున్నాయి. ఇక సభలో సీఎం 9.08 గంటలు, ప్రధాన ప్రతిపక్ష నేత (కాంగ్రెస్) 4.14 గంటలు, ఎంఐఎం శాసనసభాపక్ష నేత 4.17 గంటలు, బీజేపీ శాసనసభాపక్ష నేత3.40 గంటలు, టీడీపీ పక్ష నేత 1.57 గంటల పాటు సభలో మాట్లాడారు. సభలో కాంగ్రెస్ 25 నిమిషాలు, ఎంఐఎం 5 నిమిషాలు, బీజేపీ 2 నిమిషాలు, టీడీపీ 1 నిమిషం పాటు సభా కార్యక్రమాలకు అడ్డుతగిలాయి.
  
  శాసన మండలి నిరవధిక వాయిదా
  శానస మండలిని చైర్మన్ స్వామి గౌడ్ నిరవధికంగా వాయిదా వేశారు. మండలి పదిహేను పనిదినాల్లో 56.21 గంటలపాటు పనిచేసింది. ఇందులో అధికార టీఆర్‌ఎస్ 37.34 గంటలు, కాంగ్రెస్ 12.32 గంటలు, ఎంఐఎం 2.44 గంటలు, బీజేపీ 2.01 గంటలు పీఆర్‌టీయూ 2.06 గంటలు, నామినే టెడ్ సభ్యులు 4.04 గంటల పాటు మాట్లాడారు.


 - స్పీకర్ మధుసూదనాచారికి సీఎల్పీ వినతి
  
  సాక్షి, హైదరాబాద్: సాగునీటి ప్రాజెక్టులపై  సభలో పవర్‌పాయింట్ ప్రజెంటేషన్‌ను అనుమతించడం ద్వారా చట్టసభల ఔన్నత్యాన్ని, గౌరవాన్ని తగ్గించొద్దని కోరుతూ స్పీకర్ ఎస్.మధుసూదనాచారికి కాంగ్రెస్ శాసనసభాపక్షం విజ్ఞప్తి చేసింది. స్పీకర్‌ను ప్రతిపక్ష నేత కె.జానారెడ్డి, టీపీసీసీ అధ్యక్షుడు ఎన్. ఉత్తమ్‌కుమార్ రెడ్డితో పాటు కాంగ్రెస్ శాసనసభ్యులు మంగళవారం కలసి వినతిపత్రాన్ని అందించారు. పవర్‌పాయింట్ ప్రజెంటేషన్‌లాంటి ఓరియంటేషన్ కార్యక్రమాలకు శాసనసభను వేదికగా చేసుకోవడం సభ గౌరవాన్ని తగ్గించడమేనని, దీనిని తాము వ్యతిరేకిస్తున్నామని చెప్పారు. సభ అధ్యక్షునిగా ఇలాంటి కార్యక్రమాలకు అనుమతించొద్దని కోరారు. ఇప్పుడు అనుమతిస్తే భవిష్యత్తులో ఇలాంటి సంప్రదాయం కొనసాగే అవకాశముందని పేర్కొన్నారు.  
  
  సభ మొత్తానికి బాధ్యత వహించాలి
  శాసన, కార్యనిర్వాహక, న్యాయ వ్యవస్థలకు విధులు, అధికారాలు, పరిధిని విభజిస్తూ స్పష్టమైన పరిధులను నిర్ణయించారని, తన పరిధిలోపల అన్ని వ్యవస్థలు వాటికవే ఉన్నతంగా పనిచేస్తాయని, వాటి మధ్య పరస్పర ఘర్షణకు ఎలాంటి అవకాశం లేనేలేదని వారు వివరించారు. సభా నాయకుడైన సీఎం అధికార పార్టీ సభ్యులకే పరిమితం కాకుండా ప్రతిపక్షంతో పాటు సభ మొత్తానికి బాధ్యత వహించాల్సి ఉంటుందని సీఎల్పీ నేతలు వివరించారు.
  
  పార్లమెంటును రాష్ట్రాల శాసనసభలకు తల్లిగా పరిగణిస్తారని, సమాచార సాంకేతిక పరిజ్ఞానాన్ని సభ్యులు సమర్థవంతంగా వినియోగించుకోవడానికి పార్లమెంటు లో ప్రయత్నిస్తున్నారని వివరించారు. అయినా ఒక సభ్యుడు ఎలక్ట్రానిక్ ఫార్మాట్ ద్వారా ప్రసంగం చేయడానికి అనుమతించిన సంఘటనలు పార్లమెంటు చరిత్రలో ఎక్కడా లేవన్నారు. అన్ని అంశాలను గమనంలో ఉంచుకుని, ప్రజాస్వామ్యాన్ని కాపాడాలని   కోరారు.


 హైదరాబాద్: తెలంగాణ అసెంబ్లీ మంగళవారానికి వాయిదా పడింది. సభలో ఈ రోజు వైద్య, ఆరోగ్య, విద్య, హోం, పరిశ్రమలు, అటవీ శాఖతో పాటు వివిధ శాఖల పద్దులపై చర్చ జరిగింది. ఆయా శాఖల మంత్రులు సభ్యులు అడిగిన ప్రశ్నలకు సమాధానమిచ్చారు. అనంతరం సభను రేపటికి వాయిదా వేస్తున్నట్లు స్పీకర్ మధుసూదనాచారి ప్రకటించారు.
 
 రేపు తెలంగాణ అసెంబ్లీలో ప్రశ్నోత్తరాలు రద్దు చేశారు. ద్రవ్య వినిమయ బిల్లుతో పాటు ఎమ్మెల్యేలు, ఎమ్మెల్సీల జీతాల పెంపు బిల్లు రేపు చర్చకు రానుంది. అంబేద్కర్ ఓపెన్ వర్సిటీ బిల్లు, రాజీవ్ గాంధీ ఐఐటీ బిల్లులపై రేపు అసెంబ్లీలో చర్చజరుగనుంది.


 శాసనసభ సమావేశాలు వీక్షించడానికి వెళ్లాలంటేనే ఎంతో తతంగం...పాసు తీసుకోవాలి...అదీ గంట సేపు మాత్రమే ఉండాలి. కానీ, శాసనసభాపతి ఎస్.మధుసూదనా చారి నియోజకవర్గం వారికో బంపర్ ఆఫర్ తగిలింది. స్పీకర్ నియోజకవర్గం కావడంతో భూపాలపల్లికి చెందిన టీఆర్‌ఎస్ నేతలు, కార్యకర్తలు, సాధారణ ప్రజలు ప్రతీరోజు శాసనసభా సమావేశాలను వీక్షించడమే కాదు ఎంచక్కా భోజనాలు చేసి మరీ వెళుతున్నారు. అంతేకాదు వీరికి వీఐపీ గ్యాలరీలో కూర్చొని సమావేశాలను చూడటానికి అనుమతి ఇస్తున్నారు.
 
 వీరికి అల్పాహారం, మధ్యాహ్న భోజనం కూడా అసెంబ్లీలోనే ఏర్పాటు చేస్తున్నారు. అసెంబ్లీలోని ఎమ్మెల్యేల క్యాంటీన్‌లో వీరికి భోజన ఏర్పాట్లు చేస్తున్నారు. ఎమ్మెల్యేలకు వర్కింగ్ లంచ్ ముగిసిన తర్వాత అదే క్యాంటీన్‌లో వీరికి ఏర్పాట్లు చేస్తున్నారు. ఎమ్మెల్యేలు భోజనాలు చేసేదాకా భూపాలపల్లి నుంచి వచ్చిన సందర్శకులు అసెంబ్లీ ఆవరణలోని కమిటీ హాలులో నిరీక్షిస్తున్నారు. వీరి పర్యటనకు సంబంధించి ఏర్పాట్లను చేయడానికి ప్రత్యేకంగా అధికారులను నియమించారు.


 చిట్యాల: తెలుగు రాష్ట్రాల్లో ఎండలు మండిపోతున్నాయి. గడిచిన వారం రోజుల్లో వడదెబ్బ మృతుల సంఖ్య దాదాపు 40కి చేరుకుంది. తెలంగాణ అసెంబ్లీ స్పీకర్ మధుసూదనాచారి సైతం వడదెబ్బకు గురయ్యారు. రెండు రోజులుగా తన నియోజకవర్గం భూపాలపల్లిలో పలు అభివృద్ధి పనుల ప్రారంభోత్సవాలు, సమీక్షల్లో పాల్గొంటున్న ఆయన శుక్రవారం ఒక్కసారిగా అస్వస్థతతకు గురయ్యారు. దీంతో అధికారులు, కార్యకర్తలు ఆయనను ఆస్పత్రికి తరలించారు.
 
 వరంగల్ జిల్లా రేగొండ మండలంలోని సుల్తాన్‌పూర్‌లో శుక్రవారం రెండు చెరువుల పునరుద్ధరణ పనులు ప్రారంభించిన స్పీకర్  ఆతర్వాత చిట్యాల మండలంలోని ఒడితలలో సీసీరోడ్లకు శంకుస్థాపన చేశారు. అనంతరం కొత్తపేటలో టీఆర్‌ఎస్ నాయకుడి ఇంట్లో మధ్యాహ్నం భోజనం ముగించుకుని చల్లగరిగెలోని నల్లకుంట చెరువు పనులను ప్రారంభించి, చిట్యాలలో 50 పడకల సామాజిక వైద్యశాల పనులకు భూమి పూజ చేశారు. ఈ సందర్భంగా ఆస్పత్రిలో కొద్ది సేపు విలేకరులతో మాట్లాడారు. కొద్దిసేపటికే కళ్లు తిరుగుతున్నాయని చెప్పడంతో సివిల్ ఆస్పత్రి వైద్యులు బీపీ చెక్ చేశారు. బీపీ ఎక్కువగా ఉంది. వెంటనే షుగర్ పరీక్ష చేసి, ఈసీజీ తీయించారు. అరగంట పాటు విశ్రాంతి కల్పించి హైదరాబాద్ నిమ్స్ ఆస్పత్రికి వెళ్లాలని సూచించారు.
 
 అక్కడి నుంచి స్పీకర్ హైదరాబాద్‌కు బయలుదేరగా.. పరకాల వరకు వచ్చే సరికి మరోసారి కళ్లు తిరుగుతున్నాయని స్పీకర్ చెప్పడంతో పార్టీ నాయకులు వెంటనే పరకాలలోని ఓ ప్రైవేట్ నర్సింగ్‌హోమ్‌లో చేర్పించారు. ప్రస్తుతం స్పీకర్ ఆరోగ్యం మెరుగ్గానే ఉందని, రాత్రికి డిశ్చార్జ్ చేస్తామని వైద్యులు తెలిపారు. కాగా, గతేడాది వేసవిలోనూ స్పీకర్ మధుసూదనాచారి వడదెబ్బకు గురయ్యారు.


 పేదలకు అన్యాయం చేస్తే సహించేది లేదు
 ఎంపీడీఓపై స్పీకర్ ఆగ్రహం
 
 చిట్యాల : స్థానిక ఎంపీడీఓ త్రివిక్రమరావుపై స్పీకర్ సిరికొండ మధుసూదనాచారి ఆగ్రహం వ్యక్తం చేశారు. ‘మెదడు పని చేస్తలేదా.. డబ్బులు బాగా వసూలు చేస్తున్నావట.. కేసు పెట్టించి.. సస్పెండ్ చేయిస్తా’ అంటూ మండిపడ్డారు. బీసీ కార్పొరేషన్ రుణాల ఎంపికలో ఎంపీడీఓ, చల్లగరిగె కాకతీయ గ్రామీణ బ్యాంకు మేనేజర్ శ్రీనివాస్ మధ్య దళారులతో కుమ్మక్కై పేదలకు అన్యాయం చేశారని   నైన్‌పాక గ్రామానికి చెందిన ఈర్ల మల్లక్క, మరికొంత మంది స్పీకర్ దృష్టికి తీసుకెళ్లారు.
 
 
 ఆశవర్కర్, ఈజీఎస్ ఫీల్డ్ అసిస్టెంట్, ఏఎన్‌ఎం, ఐకేపీ సీఏ, నర్సరీ ఎంపికలో అధికారులు అర్హులకు అన్యాయం చేశారని పలువురు ఏకరువు పెట్టారు. దీంతో స్పీకర్ ఎంపీడీఓపై ఆగ్రహం వ్యక్తం చేశారు. డబ్బు తీసుకుని అర్హులకు అన్యాయం చేస్తే సహించేది లేదని ఘాటుగా హెచ్చరించారు. ఇకనైనా జాగ్రత్తగా ఉండాలని సూచిం చారు.


 శాసనసభలో ఎంఐఎం నేత అక్బరుద్దీన్ ఆగ్రహం
 ♦ అధికార పక్షంలో ఎవరైనా ‘జీనియస్’ ఉంటే మాట్లాడొచ్చు..
 ♦ చర్చ కొనసాగిస్తే నిరసన తెలుపుతాన ని హెచ్చరిక
 ♦ అక్బరుద్దీన్‌కు మద్దతుగా నిలిచిన విపక్షాలు
 ♦ మిగతా వారికి తర్వాత సమయం ఇస్తామని స్పీకర్ వివరణ
  
  సాక్షి, హైదరాబాద్: శాసనసభలో ఆదివారం పద్దులపై చర్చను ప్రారంభించడంపై విపక్షాల నుంచి తీవ్ర అభ్యంతరం వ్యక్తమైంది. పద్దుల పుస్తకాలు అందించకుండానే చర్చను ఎలా మొదలు పెడతారని విపక్షాల నేతలు ప్రభుత్వాన్ని నిలదీశారు. ఒకవేళ పుస్తకాలు ఇచ్చినా... ఒకరోజు గడువు కూడా ఇవ్వకుండా చర్చ సబబు కాదని స్పష్టం చేశారు. అందువల్ల పద్దులపై చర్చను వాయిదా వేయాలని కోరారు. ఆదివా రం శాసనసభలో ప్రశ్నోత్తరాలు ముగిశాక స్పీకర్ మధుసూదనాచారి పద్దులపై చర్చను మొదలుపెడుతున్నట్లు ప్రకటించారు. దీనిపై ఎంఐ ఎం పక్ష నేత అక్బరుద్దీన్ ఒవైసీ అభ్యంతరం తెలిపారు.
 
 ‘‘ఎస్సీ, ఎస్టీ, మైనార్టీ సంక్షేమానికి సంబంధించి పద్దులపై చర్చిస్తామన్నారు. వాటికి సంబంధించిన పద్దుల పుస్తకాలు కొద్దిసేపటి కిందే ఇచ్చారు. మిగతావి అందనే లేదు. డిమాండ్‌లపై కనీసం ఒకరోజు అయినా సమ యం ఇవ్వకుండా చర్చ ఎలా చేపడతారు..’’ అని ప్రశ్నించారు. పద్దుల పుస్తకాలు లేకుండా మాట్లాడేంత ‘జీనియస్’లు తమ పార్టీలో అ యితే లేరని, అధికార పక్షంలో అలా ఎవరైనా ఉంటే తమకు అభ్యంతరం లేదని వ్యాఖ్యానిం చారు. ఈ సమయంలో బీజేఎల్పీ నేత లక్ష్మణ్, టీడీ ఎల్పీ నేత రేవంత్‌రెడ్డి, సీపీఎం సున్నం రాజయ్య, సీపీఐ రవీంద్రకుమార్, వైఎస్సార్‌సీపీ నేత పాయం వెంకటేశ్వర్లు తదితరులకు  మాట్లాడే అవకాశం ఇచ్చినా... వారంతా అక్బరుద్దీన్‌ను సమర్థించారు. పద్దుల పుస్తకాలు అం దకుండా చర్చ కొనసాగించరాదని కోరారు.
 
 అయితే దీనిపై స్పందించిన స్పీకర్... విపక్షాల కు తర్వాత సమయం కేటాయిస్తామని, అధికా ర పక్షం నుంచి ఎవరైనా మాట్లాడితే చర్చ కొనసాగిద్దామంటూ గువ్వల బాలరాజుకు అవకాశమిచ్చారు. కానీ, అక్బరుద్దీన్ మరోమారు అభ్యంతరం తెలిపారు. ‘‘డిమాండ్ పుస్తకాలు ఇవ్వకుండా చర్చ మొదలుపెట్టడం దురదృష్టక రం. అలా ఎవరైనా మాట్లాడితే నిజంగా జీని యస్‌లే..’’ అని పేర్కొన్నారు. దీంతో మంత్రి కేటీఆర్ కల్పించుకుంటూ... డిమాండ్ పుస్తకా లు సిద్ధంకాలేదని, మరోసారి ఇలా జరగకుం డా చూస్తామని చెప్పారు. కావాలనుకుంటే విప క్ష సభ్యులు తర్వాతి రోజు మాట్లాడవచ్చని, ఇతరులకు అవకాశమిస్తే అభ్యం తర పెట్టొద్దని సూచించారు. అయినా అక్బరుద్దీన్ వెనక్కి తగ్గలేదు. నిబంధనలకు విరుద్ధంగా చర్చ కొనసాగిస్తామంటే సభ నుంచి వాకౌట్ చేసి నిరసన వ్యక్తం చేస్తామని స్పష్టం చేశారు. సకాలంలో పద్దుల పుస్తకాలు అందించని అధికారులపై చ ర్యలు తీసుకోవాలని కోరారు. పుస్తకాలు అం దించడంలో మరోసారి ఆలస్యం కాకుండా చూస్తామని ప్రకటిస్తూ స్పీకర్ సభకు టీ విరా మం ప్రకటించారు. అనంతరం పద్దులపై గువ్వల బాలరాజు చర్చను ప్రారంభించారు.
  
  గిరిజన శాఖ పద్దు పుస్తకాలపై గందరగోళం
  సాక్షి, హైదరాబాద్: పద్దులకు సంబంధించి అసెంబ్లీకి సమర్పించే పుస్తకాల విషయంలో నెలకొ న్న గందరగోళ పరిస్థితులు ఆఖరికి గిరిజన సంక్షేమ శాఖపై చర్చను వాయిదా వేసేందుకు కారణమయ్యాయి. పద్దులకు సంబంధించి శాఖల వారీగా అధికారులు పుస్తకాలను ముద్రించి సభ ముందుంచుతారు. బడ్జెట్ సమయంలో ఆర్థిక శాఖకు సంబంధించి ప్రకటనలు, కేటాయింపులతో కూడిన వివరాలను ఒక పుస్తకంగా, బడ్జెట్‌లో కేటాయించిన నిధులు, సవరణ బడ్జెట్ వివరాలు మరో పుస్తకంలో ముద్రించడం ఆనవాయితీ. రెండు పుస్తకాలు ముద్రించడం వల్ల ఖర్చు పెరుగుతోందని పేర్కొంటూ ఉమ్మడి రాష్ట్ర ఆర్థిక శాఖ ఓ సూచన చేసింది.
 
 అన్ని వివరాలను ఒకే పుస్తకంగా ముద్రించాలని సూచించింది. దీన్ని చాలా శాఖలు పట్టించుకోలేదు. కానీ, గిరిజన సంక్షేమ శాఖ మాత్రం ఒకే పుస్తకంగా ముద్రించింది. ఆదివారం అన్ని శాఖల పద్దుల పుస్తకాల ను సభ ముందుంచారు. మిగిలిన శాఖల పుస్తకాలు రెండుగా ఉంటే, గిరిజన సంక్షేమ శాఖ పుస్తకం ఒకటే ఉంది. దీంతో రెండో పుస్తకం అందలేదంటూ ఎమ్మెల్యేలు గగ్గోలు పెట్టారు. సమాచారమంతా ఒకే పుస్తకంలో ఉందని విషయం అధికారుల నుంచి అందకపోవడంతో పొరపాటు జరిగిందన్న ఉద్దేశంతో ఆ శాఖపై చర్చను సోమవారానికి వాయిదావేశారు. విషయం తెలిసిన తర్వాత కూడా రెండో పుస్తకం కావాల్సిందేనని పట్టుపట్టారు.


 కర్నూలు జిల్లా మంత్రాలయంలోని శ్రీ రాఘవేంద్రస్వామిని సోమవారం తెలంగాణ అసెంబ్లీ స్పీకర్ మధుసూదనాచారి దర్శించుకున్నారు. అలాగే, తెలంగాణ రాష్ట్ర ప్లానింగ్ బోర్డు వైస్ చైర్మన్ నిరంజన్‌రెడ్డి, కర్నాటక రాష్ట్రం కడూరు వై.ఎస్.వి దత్త, కర్నూలు డీఐజీ రమణకుమార్, జార్ఖండ్ ఎస్పీ రమేష్ వేర్వేరు సమాయాల్లో మంత్రాలయం వచ్చారు. వీరు ముందుగా గ్రామ దేవత మంచాలమ్మను దర్శించుకున్నారు. అనంతరం శ్రీ రాఘవేంద్రస్వామి మూలబృందావనంను దర్శించుకున్నారు. వీరికి శ్రీ మఠం పీఠాధిపతి ఆశీర్వాచనం అందజేశారు.
 
  


 మంచిర్యాల సిటీ : తెలంగాణ తెలుగుదేశం పార్టీని టీఆర్‌ఎస్‌లో విలీనం చేస్తున్నట్టుగా రాష్ట్ర శాసన సభ స్పీకర్ మధుసుధనాచారి ప్రకటించడం రాజ్యాంగ విరుద్ధమని టీడీపీ తూర్పు జిల్లా అధ్యక్షుడు బోడ జనార్దన్ అన్నారు. శుక్రవారం మంచిర్యాలలోని పార్టీ కార్యాలయంలో విలేకరుల సమావేశంలో మాట్లాడారు. పార్టీని విలీనం చేయాలంటే గ్రామ కమిటీ నుంచి మొదలుకొని రాష్ట్ర కమిటీ వరకు తీర్మానం చేయాలని.. తర్వాతనే  అమలు చేయడానికి అవకాశం ఉంటుందన్నారు. రాజ్యాంగంలోని 73,74 ఆర్టికల్ ప్రకారం ఏ పార్టీ నుంచి గెలుపొందితే ఆ పార్టీ సభ్యుడిగానే కొనసాగాలని ఉందన్నారు. సమావేశంలో తూర్పు జిల్లా కోశాధికారి గోపతి మల్లేష్, మేరడికొండ శ్రీనివాస్, రాజారాం, వెంకటేశ్వర్లు, పుట్ట మధు, గౌస్ ఉన్నారు.


 టీడీపీ జాతీయ కార్యదర్శి రేవూరి ప్రకాశ్‌రెడ్డి
  
 వరంగల్ :  టీడీపీ ఎమ్మెల్యేలను టీఆ ర్‌ఎస్‌లో విలీనంచేస్తూ స్పీకర్ మధుసూదనాచారి తీసుకున్న నిర్ణయంతో రాజ్యాగానికి మచ్చఅని ఆ పార్టీ జాతీ య ప్రధాన కార్యదర్శి రేవూరి ప్రకాశ్‌రెడ్డి అన్నా రు. హన్మకొండ బాలసముద్రంలోని టీడీపీ జిల్లా కార్యాలయంలో శుక్రవారం ఏర్పాటు చేసి న విలేకరుల సమావేశంలో ఆయన మాట్లాడారు.  రాష్ట్రానికి మొట్టమొదటి స్పీకర్‌గా జిలా ్లకు చెందిన మధుసూదనాచారికి అవకాశం రావ డం పట్ల ఎంతో సంతోషం వ్యక్తం చేశామన్నా రు. అరుుతే ఆయన టీఆర్‌ఎస్ పార్టీకి అనుకూలం గా రాజ్యాంగానికి విరుద్ధంగా టీడీపీని విలీ నం చేస్తూ నిర్ణయం తీసుకోవడం జిల్లాకు అపకీర్తి తెచ్చిందన్నారు. అధికారంలోకి వచ్చిన టీఆ ర్‌ఎస్ ప్రభుత్వం ప్రజలకు రంగుల సినిమా చూ స్తూ మోసం చేస్తోందన్నారు. ప్రతి ఎన్నికల్లో మోసపూరిత వాగ్దానాలు చేస్తూ టీఆర్‌ఎస్ ప్ర భుత్వం పబ్బం గడుపుతోందన్నారు. మహా ఒ ప్పందం మన రాష్ట్రానికి కాకుండా మహారాష్ట్రకే మేలు జరుగుతుందన్నారు.
 
 రాష్ట్రంలో గడీల రాజ్యాంగం...
 రాష్ట్రంలో అంబేద్కర్ రచించిన రాజ్యాంగం కా కుండా కేసీఆర్ గడీల రాజ్యాంగం అమలవుతోం దని మాజీ ఎమ్మెల్యే సీతక్క ఆరోపించారు. గ్రే టర్ ఎన్నికల్లో రెబల్‌గా పోటీ  చేయడంతోనే టీ ఆర్‌ఎస్ పతనం ప్రారంభమైందన్నారు.  సమావేశంలో రాష్ట్ర పార్టీ ప్రధాన కార్యదర్శి ఈగ మల్లేషం, జిల్లా అధ్యక్షుడు గండ్ర సత్యనారాయణరావు, పుల్లూరు అశోక్‌కుమార్, బొట్ల శ్రీనివా స్,దొనికెల మల్లయ్య,టి.జయపాల్, శ్రీరాముల సురేష్, జాటోత్ సంతోషనాయక్  ఉన్నారు.
  
  


 హైదరాబాద్ : టీటీడీపీ ఎమ్మెల్యేలను టీఆర్ఎస్లో విలీనమైనట్లు స్పీకర్ ప్రకటించడం ఆశ్చర్యంగా ఉందని తెలంగాణ అసెంబ్లీలో సీఎల్పీ నేత కె.జానారెడ్డి అన్నారు. శుక్రవారం హైదరాబాద్లో జానారెడ్డి విలేకర్లతో మాట్లాడుతూ... కాంగ్రెస్ ఎమ్మెల్యేల అనర్హతపై మేమిచ్చిన పిటిషన్ను పెండింగ్లో పెట్టి... విలీనంపై నిర్ణయం తీసుకోవడం సరికాదని ఆయన అభిప్రాయపడ్డారు.
 పెండింగ్ పిటిషన్లను విచారించకుండానే.. ఎర్రబెల్లి పిటిషన్ను ఆమోదించడం ఎంతవరకు సమంజసమన్నారు. స్పీకర్ తీరుపై మా వ్యతిరేకత, నిరసనను తెలియజేస్తున్నామని జానారెడ్డి స్పష్టం చేశారు. టీఆర్ఎస్ తీరుతో ప్రజాస్వామ్యం ప్రమాదంలో పడుతోందని జానారెడ్డి ఆందోళన వ్యక్తం చేశారు.


 ♦ రెండు పూటలా బడ్జెట్ సమావేశాలు
 ♦ ప్రశ్నోత్తరాల సమయంలో నిరసనలకు నో
 ♦ సభలోకి ప్లకార్డులను అనుమతించేది లేదు
 ♦ అసెంబ్లీ రూల్స్ కమిటీ సమావేశంలో కీలక నిర్ణయాలు
  
  సాక్షి, హైదరాబాద్: అసెంబ్లీ సమావేశాల్లో గవర్నర్ ప్రసంగాన్ని అడ్డుకోవాలని ప్రయత్నిస్తే కఠినంగా వ్యవహరించాలని, సభ నుంచి ఏడాది పాటు సస్పెండ్ చేయాలని శాసనసభ రూల్స్ కమిటీ నిర్ణయం తీసుకుంది. అసెంబ్లీ స్పీకర్ ఎస్.మధుసూదనాచారి అధ్యక్షతన స్పీకర్ చాంబర్‌లో సోమవారం రూల్స్ కమిటీ సమావేశం జరిగింది. శాసనసభ వ్యవహారాల శాఖ మంత్రి టి.హరీశ్‌రావు, మంత్రి ఇంద్రకరణ్‌రెడ్డి, డిప్యూటీ స్పీకర్ పద్మాదేవేందర్‌రెడ్డి, ఎంఐఎం శాసనసభాపక్ష నేత అక్బరుద్దీన్ ఒవైసీ, బీజేపీ శాసనసభాపక్ష నేత లక్ష్మణ్, టీడీపీ నుంచి ఇటీవల టీఆర్‌ఎస్‌లో చేరిన ఎమ్మెల్యే వివేకానంద భేటీలో పాల్గొన్నారు.
 
 ఈ సందర్భంగా అసెంబ్లీ సమావేశాల నిర్వహణకు సంబంధించి కమిటీ పలు కీలక నిర్ణయాలు తీసుకుంది. బడ్జెట్ సమావేశాలను రోజూ ఉదయం 10 నుంచి మధ్యాహ్నం 2 దాకా, సాయంత్రం 4 నుంచి రాత్రి 7 గంటల దాకా రెండు సెషన్లుగా నిర్వహించాలని నిర్ణయించారు. ఇక రాష్ట్రవ్యాప్తంగా ఆయా జిల్లాల్లో అధికారులు, ఎమ్మెల్యేలు, ఎమ్మెల్సీల మధ్య రగడ జరుగుతోంది. ఎమ్మెల్యేల విషయంలో అధికారులు ప్రొటోకాల్ పాటించడం లేద ని రూల్స్ కమిటీకి ఫిర్యాదులు అందాయి. ఈ సమస్యకు పరిష్కారం కనుగొనేందుకు డిప్యూటీ స్పీకర్ పద్మా దేవేందర్‌రెడ్డి నేతృత్వంలో వారం రోజుల్లో కమిటీ ఏర్పాటు చేయనున్నారు.
 
 బడ్జెట్ సమావేశాలను అర్థవంతంగా నిర్వహించేందుకు ప్రశ్నోత్తరాల సమయంలో నిరసనలకు ఎట్టి పరిస్థితుల్లోనూ అనుమతి ఇవ్వకూడదని, ప్రశ్నోత్తరాలను సాగదీయ వద్దని అభిప్రాయం వ్యక్తమైంది. ప్రధానంగా సభలోకి ప్లకార్డులను తీసుకురావడాన్ని నిషేధించారు. ఈసారి బడ్జెట్ సమావేశాలను పూర్తిగా డిజిటలైజ్డ్ (పేపర్‌లెస్) సెషన్‌గా జరపాలని... ఈ విధానం ఇప్పటికే అమలవుతున్న గోవా, హర్యానా అసెంబ్లీలను సందర్శించి ఆ పద్ధతులను అధ్యయనం చేయాలని, అసెంబ్లీ గ్రంథాలయాన్ని కంప్యూటరీకరించాలని నిర్ణయించారు. ఇక ఎమ్మెల్యేలు, మాజీ ఎమ్మెల్యేల వేతనాల పెంపుపైనా సమావేశంలో ఏకాభిప్రాయం వ్యక్తమైంది.


 హైదరాబాద్‌: పార్టీ ఫిరాయించిన టీడీపీ ఎమ్మెల్యేలపై తామిచ్చిన పిటిషన్లను త్వరగా విచారించాలని ఏపీ అసెంబ్లీ స్పీకర్‌ మధుసూదనాచారిని టీడీఎల్పీ నేత రేవంత్‌ రెడ్డి, ఎమ్మెల్యే అరికెపుడి గాంధీ కోరారు. మంగళవారం స్పీకర్‌ మధుసూదనాచారిని.. రేవంత్‌ రెడ్డి, అరికెపుడి గాంధీ కలిశారు. తాజాగా పార్టీ ఫిరాయించిన ఐదుగురు ఎమ్మెల్యేలపై అనర్హత వేటు వేయాలంటూ వారు ఫిర్యాదు చేశారు. గతంలో పార్టీ ఫిరాయించిన ఐదుగురు ఎమ్మెల్యేల అనర్హత పిటిషన్‌ వేసిన సంగతి తెలిసిందే. అయితే టీడీపీకి రాజీనామా చేసిన 10 మంది ఎమ్మెల్యేలంతా తమ టీమ్‌ను టీఆర్‌ఎస్‌లో విలీనం చేయాలని ఎర్రబెల్లి దయాకరరావు ఇచ్చిన లేఖ తనకు అందిందని స్పీకర్‌ తెలిపారు. టీఆర్‌ఎస్‌లో చేరిన టీడీపీ ఎమ్మెల్యేలంతా తాము పార్టీకి రాజీనామా చేశామనే చెప్పారన్నారు. టీడీపీకి రాజీనామా చేసిన ఎమ్మెల్యేలు తమదే టీడీఎల్పీ అని అనడంలో అర్థం లేదని.. ఆ వాదన చెల్లదని రేవంత్‌ రెడ్డి చెప్పారు.
 
 తమ ఫిర్యాదులను విచారించి... తామిచ్చిన ఎమ్మెల్యేల అనర్హత పిటిషిన్లను స్వీకరించి నిర్ణయం తీసుకోవాలని స్పీకర్‌ను ఆయన కోరారు. ఎర్రబెల్లి టీమ్‌ ఇచ్చిన విలీన లేఖను పరిగణనలోకి తీసుకోవడం రాజ్యాంగ విరుద్ధమని తెలిపారు. 1998లో మాయావతికి కూడా ఇదే పరిస్థితి ఎదురైందని, ఆమె సుప్రీం కోర్టును ఆశ్రయించగా, ఆమెకు అనుకూలంగా తీర్పు వచ్చిందని గుర్తు చేశారు. బడ్జెట్‌ సెషన్స్‌లోపే స్పీకర్‌ నిర్ణయం తీసుకుంటారని తాము భావిస్తున్నామని రేవంత్‌ అభిప్రాయపడ్డారు. కౌన్సిల్‌లో టీడీపీ ఎమ్మెల్సీల విలీనం అంశంపై హైకోర్టును ఆశ్రయిస్తున్నామని చెప్పారు. మూడింట రెండొవంతు ఎమ్మెల్యేలు చీలిపోయినంత మాత్రానా.. వారు మరో పార్టీలో విలీనమన్నది రాజ్యాంగపరంగా చెల్లదని రేవంత్‌ స్పష్టం చేశారు. విలీనం అంటే శాసనసభా పక్షం కాదు.. మొత్తం పార్టీనే మరో పార్టీలోకి విలీనం కావాలని రేవంత్‌ రెడ్డి చెప్పారు. అలాగే మంత్రి తలసాని శ్రీనివాస యాదవ్‌ రాజీనామాపై ఏం నిర్ణయం తీసుకున్నారని రేవంత్‌ రెడ్డి స్పీకర్‌ను ఈ సందర్భంగా అడిగినట్టు తెలిసింది.


 పరకాల(వరంగల్ జిల్లా): శాససభ స్పీకర్ సిరికొండ మధుసూదనాచారి సోమవారం సాయంత్రం అస్వస్థతకు గురయ్యారు. వరంగల్ జిల్లా భూపాలపల్లిలోని అతిథిగృహంలో ఉన్న స్పీకర్ సోమవారం కరీంనగర్ జిల్లా కాటారంలో జరిగిన ఓ విందుకు హాజరయ్యూరు. తిరిగి భూపాలపల్లి మీదుగా హైదరాబాద్‌కు వెళ్తుండగా.. పరకాలకు రాగానే అస్వస్థతకు గురయ్యూరు. వెంటనే పరకాలలోని ప్రైవేట్ నర్సింగ్ హోమ్‌కు తరలించారు. అక్కడ డాక్టర్లు బీపీ, షుగర్, ఈసీజీ పరీక్షలను చేసి సెలైన్ ఎక్కించారు.
 
 కాగా, స్పీకర్ అస్వస్థతకు గురైనట్లు తెలుసుకున్న టీఆర్‌ఎస్ నాయకులు అక్కడికి చేరుకున్నారు. తనకు ఏమీ కాలేదని, తరుచూ బీపీ, షుగర్ పరీక్షలు చేసుకుంటానని, ప్రస్తుతానికి ఆరోగ్య పరిస్థితి బాగానే ఉందని స్పీకర్ పార్టీ నాయకులకు చెప్పారు. అరుుతే, మీడియూను మాత్రం ఆస్పత్రిలోకి అనుమతించలేదు. అయితే, స్పీకర్ మాత్రం సోమవారం రాత్రి వరకు ఆస్పత్రిలోనే ఉన్నారు.


 వరంగల్‌: తెలంగాణ అసెంబ్లీ స్పీకర్‌ ముధుసూదనాచారి సోమవారం అస్వస్థతకు గురయ్యారు. వరంగల్‌ జిల్లా పరకాలలోని లలిత నర్సింగ్‌ హోమ్‌లో ఆయనకు చికిత్స అందిస్తున్నట్టు తెలిసింది. ఫుడ్‌ పాయిజన్‌ కారణంగానే స్పీకర్‌ ముధుసూదనాచారి అస్వస్థతకు గురైనట్టు వైద్యులు వెల్లడించారు. పూర్తి వివరాలు తెలియాల్సి ఉంది.


 వరంగల్ జిల్లా బహిరంగసభలో సీఎం కేసీఆర్
 ♦ మార్చి నుంచి తెల్లకార్డుదారులందరికీ కల్యాణలక్ష్మి వర్తింపు
 ♦ కాంట్రాక్టు జూనియర్ లైన్‌మన్‌లను రెగ్యులరైజ్ చేస్తాం
 ♦ విద్యుత్ ఔట్ సోర్సింగ్ ఉద్యోగులకు వేతనాలు పెంచుతాం
 ♦ సాగునీటి ప్రాజెక్టులన్నింటినీ సకాలంలో పూర్తి చేస్తాం
 ♦ ప్రతిపక్షాలు అవాకులు చెవాకులు పేలుతున్నాయి
 ♦ వరంగల్ ఉప ఎన్నికలో ప్రజలు బుద్ధి చెప్పినా మారడం లేదు
 ♦ హైదరాబాద్‌లోనూ అవే ఆరోపణలు చేస్తున్నారని మండిపాటు
 ♦ కేటీపీపీ రెండో దశ ప్లాంట్‌ను జాతికి అంకితం చేసిన సీఎం
  
  సాక్షిప్రతినిధి, వరంగల్: రాష్ట్రంలోని పేదలందరికీ కల్యాణలక్ష్మి పథకాన్ని వర్తింపజేస్తామని, వచ్చే మార్చి నుంచి దీనిని అమలు చేస్తామని ముఖ్యమంత్రి కె.చంద్రశేఖరరావు ప్రకటించారు. కులాలతో సంబంధం లేకుండా తెల్లకార్డు ఉన్న అందరికీ వచ్చే మార్చి నుంచి ఈ పథకం వర్తిస్తుందని, వివాహానికి ముందే ఈ సహాయం సొమ్మును అందిస్తామని చెప్పారు. కాంట్రాక్టు పద్ధతిలో జూనియర్ లైన్‌మెన్ (సీజేఎల్‌ఎం)గా పనిచేస్తున్న అందరినీ రెగ్యులరైజ్ చేస్తున్నట్టు ప్రకటించారు. విద్యుత్ సంస్థల్లో పనిచేస్తున్న ఔట్‌సోర్సింగ్ ఉద్యోగులకు వేతనాలు పెంచుతామని, దీనిపై త్వరలోనే ప్రకటన చేస్తామని చెప్పారు.
 
 వరంగల్ జిల్లా గణపురం మండలం చెల్పూరులోని కాకతీయ థర్మల్ విద్యుత్ కేంద్రం (కేటీపీపీ)లో 600 మెగావాట్ల సామర్థ్యంతో నిర్మించిన రెండోదశ ప్లాంట్‌ను సీఎం కేసీఆర్ మంగళవారం జాతికి అంకితం చేశారు. అనంతరం కేటీపీపీ ఆవరణలో జరిగిన బహిరంగ సభలో ప్రసంగించారు. ప్రసంగం సీఎం కేసీఆర్ మాటల్లోనే.. ‘‘సమైక్య రాష్ట్రంలో ఒకాయన ఉండె. ముఖ్యమంత్రిగా చాన చెప్తుండే. తెలంగాణ వస్తే చిమ్మ చీకటైపోతది, అంధకారమైతదని మాట్లాడిండు. తెలంగాణ వస్తే ఈ రోజు ఏమైందో, ఇతర రాష్ట్రాల కంటే మనం ఎంత ముందున్నమో తెలుస్తోంది. విద్యుత్ అధికారులు రాత్రింబవళ్లు కష్టపడుతున్నరు. రైతులకు వచ్చే ఖరీఫ్ నుంచి పగటి పూటనే తొమ్మిది గంటల కరెంటు ఇచ్చేలా ప్రభుత్వం చర్యలు తీసుకుంటుంది. ఎన్నికల సందర్భంలనే చెప్పిన. 2018 నుంచి త్రీఫేజ్ గానీ, సింగిల్‌ఫేజ్ గానీ రెప్పపాటు కూడా పోకుండా 24 గంటల పాటు కరెంటు వస్తది.
 
  ప్రాజెక్టుల కల సాకారమవుతోంది..
  సమైక్య రాష్ట్ర పాలకులు ఎన్ని ప్రాజెక్టులు తలపెట్టినా.. మనకు నీళ్లు వచ్చేటట్టు కట్టలే. ఇదే జిల్లా (వరంగల్) నుంచి ఓ పుణ్యాత్ముడు అప్పుడు ఇరిగేషన్ మంత్రిగా ఉండె.. దేవాదుల ప్రాజెక్టుకు 170 రోజులు నీళ్లు తోడుకోవాలి.. కానీ ఇప్పుడు 60, 70 రోజులు కూడా తోడుకునే పరిస్థితి లేదు. ప్రాజెక్టు కట్టిండ్రుగాని బ్యారేజీని వదిలిపెట్టిండ్రు. ఈ రోజు మనం బ్యారేజీ కట్టుకోబోతున్నం. దేవాదుల మూడో దశ రామప్ప వరకు పూర్తయింది. రూపాయి ఖర్చు లేకుండా గణపురం, లక్నవరం చెరువులను నింపే అవకాశముంది. కాళేశ్వరం వద్ద బ్యారేజీ నిర్మించి ఐదారు జిల్లాలకు నీరు తీసువచ్చేందుకు ప్రణాళికలు రూపొందించినం. ఈసారి నుంచి ఏటా రూ.25 వేల కోట్లు ఇరిగేషన్ కోసం కేటాయిస్తున్నం. దేవాదుల పూర్తయితే భీంఘన్‌పూర్, రామప్ప, లక్నవరం చెరువులు 365 రోజులు నిండే ఉంటయి. తెలివిగల రైతులు మూడు పంటలు పండించేందుకు అవకాశం ఉంది..
 
  పేదలను ఆదుకుంటం..
  కల్యాణలక్ష్మి, షాదీ ముబారక్ కార్యక్రమం ఏదైనా.. బీసీ వర్గాలకు కూడా కావాలని కోరుతున్నరు. బీసీ, ఓసీ కాదు.. తెల్లరేషన్‌కార్డు ఉన్న ప్రతి ఒక్కరికి మార్చి నెల నుంచి కల్యాణలక్ష్మి పథకాన్ని అమలు చేస్తమని హామీ ఇస్తున్న. కల్యాణలక్ష్మి/షాదీ ముబారక్ పథకం కింద అందే డబ్బులు పెళ్లికి ముందే అందిస్తాం. పెళ్లి చేసే ఆడపిల్ల తల్లికి ఈ డబ్బులు అందేవిధంగా అధికారులు చూడాలె. మధ్యవర్తుల ప్రమేయం లేకుండా చూడాలె. పేదల సంక్షేమంలో నంబర్ వన్‌గా ముందుకు పోతున్నాం. సమైక్య రాష్ట్రంలో ఉద్యోగులను కూడా బానిసలుగా చూసిండ్రు. వారి శ్రమ దోపిడీ చేసిండ్రు. కాంట్రాక్టు ఉద్యోగులను రాచిరంపాన పెట్టారు.
 
 ఔట్‌సోర్సింగ్ ఉద్యోగుల బాధలను పట్టించుకోలేదు. ఇప్పుడు మానవత్వంతో పనిచేసే ప్రభుత్వం కాబట్టి... కాంట్రాక్టు ఉద్యోగులందరినీ క్రమబద్ధీకరించేలా ఆదేశాలు ఇచ్చింది. ఔట్‌సోర్సింగ్ వాళ్ల కడుపు నింపేం దుకు దాదాపు రెండు రెట్లు వేతనాలు పెంచి నం. కరెంటు శాఖలో ఉన్న సీజేఎల్‌ఎం (కాం ట్రాక్టు జూనియర్ లైన్‌మెన్)లు రెగ్యులరైజ్ చేయాలని కోరుతున్నరు. రేపటి నుంచి వారం తా రెగ్యులర్ జూనియర్ లైన్‌మెన్‌లు అవుతరు. విద్యుత్ శాఖలో ఔట్‌సోర్సింగ్ ఉద్యోగుల జీతాలు కూడా పెరగాల్సిన అవసరం ఉంది. ఆ శాఖ అధికారులు, మంత్రితో మాట్లాడి దీనిపై త్వరలోనే తీపి వార్త చెబుతాం..
 
  బంగారు తెలంగాణ సాధిస్తం..
  అన్ని వర్గాలను కలుపుకొనిపోతూ, అన్ని వర్గాలను ఆదరిస్తూ ముందుకు పోతున్నం. దసరా, బతుకమ్మలను రాష్ట్ర పండుగలుగా ప్రకటించాం. ముస్లిం సోదరులు రంజాన్ జరుపుకొంటే చరిత్రలో లేనివిధంగా లక్షల మందికి వస్త్రాలు పంచినం. క్రిస్‌మస్ పండుగకు లక్షల మంది పేద క్రిస్టియన్లకు వస్త్రాలు పంపిణీ చేసినం. ప్రజలందరూ సుఖసంతోషాలతో బతకాలన్నదే టీఆర్‌ఎస్ ప్రభుత్వ లక్ష్యం. రాబోయే రోజుల్లో దళిత, మైనారిటీ విద్యార్థుల కోసం దాదాపు 200 గురుకుల పాఠశాలలు ప్రారంభించబోతున్నం. ప్రజల దీవెనలతో బంగారు తెలంగాణను వంద శాతం సాధిస్తామని తెలియజేస్తున్నా..
 
  ప్రతిపక్షాలను చూస్తే జాలివేస్తోంది..
  ప్రజాస్వామ్యంలో రాజకీయ పార్టీలు ఉండలె, వాటి మధ్య పోటీ ఉండాలె. కానీ ఇవాళ ప్రతిపక్షాలనేటి కొన్ని పార్టీలు ఉన్నయి. వారిని చూస్తే జాలి కలుగుతున్నది. మొన్ననే మీరిక్కడ వారికి బుద్ధి చెప్పి పంపిండ్రు. కానీ వాళ్లు హైదరాబాద్‌లో మళ్లా అదే మాదిరిగా, ఇక్కడ మాట్లాడిన మాటలే మాట్లాడుతున్నరు. అన్నీ వ్యక్తిగత నిందలు, విమర్శలే తప్ప.. ఒక్క నిర్మాణాత్మక, గుణాత్మక సూచనగానీ, ప్రకటనగానీ చేసే సంస్కారం లేదు. నేను చేస్తున్నది తప్పయితే శిక్షించండి అని వరంగల్ బహిరంగ సభలోనే చెప్పిన. లేకపోతే అవాకులు చెవాకులు పేలేటోళ్లను శిక్షించాలని చెప్పినం. మాకు ప్రజలే దేవుళ్లు. మీ దీవెనలు, సహకారంతో రాష్ట్రాన్ని అభివృద్ధి చేసేందుకు అహోరాత్రులు కష్టపడ్తామని తెలియజేస్తూ సెలవు తీసుకుంటున్న...’’ అని కేసీఆర్ పేర్కొన్నారు.
  
  వరంగల్ ప్రజలకు ధన్యవాదాలు
  వరంగల్ జిల్లా ప్రజలకు సీఎం కేసీఆర్ కృతజ్ఞతలు తెలిపారు. ‘‘ఆనాడు ఉద్యమంలో, ఈనాడు ఉప ఎన్నికల్లో మీరు ఇచ్చిన ప్రేమ గొప్పది. ఈ జన్మలో ఏమిచ్చినా నేను తీర్చుకోలేను. ఎందరో ఎన్నో అవాకులు చవాకులు పేలారు. ఎన్నో మాట్లాడారు. కానీ ప్రభుత్వం సరైన మార్గంలో వెళుతోంది. ఇంకా బాగా పనిచేయండని చెప్పి వరంగల్ ఉప ఎన్నికల్లో మంచి తీర్పు ఇచ్చారు. వరంగల్ జిల్లా ప్రజలకు ధన్యవాదాలు తెలియజేస్తున్నా..’’ అన్నారు. స్పీకర్ మధుసూదనాచారి అధ్యక్షతన జరిగిన ఈ సభలో ఉప ముఖ్యమంత్రి కడియం శ్రీహరి, మంత్రులు జగదీశ్‌రెడ్డి, పోచారం శ్రీనివాస్‌రెడ్డి, ఎంపీలు, ఎమ్మెల్యేలు, ఎమ్మెల్సీలు పాల్గొన్నారు.
  
  స్పీకర్ గింత హుషారనుకోలే!
  భూపాలపల్లి నియోజకవర్గం అభివృ ద్ధి కోసం స్థానిక ఎమ్మెల్యే, అసెంబ్లీ స్పీకర్ మధుసూదనచారి పలు ప్రతిపాదనలను సీఎం కేసీఆర్‌కు సభలో తెలిపారు. దీనిని కేసీఆర్ తన ప్రసంగంలో ప్రస్తావిస్తూ... ‘‘మధుసూదనాచారి హుషారేనని తెలుసుగానీ ఇంత హుషారని తెల్వది. ఒక ఊర్లో ఒక ఇంటికి ఆదుర్దా సుట్టమచ్చిండట. జరసేపుండి ఇగ పోతాపోతా అంటుంటే.. ఆ ఇంట్ల ఉన్న పెద్ద మనిషి.. ‘దూరం పోవాలె గదా బిడ్డా.. ఇంట్లో సల్లన్నం ఉన్నది తిని పో’ అన్నది. దానికా సుట్టం ‘ఎందుకవ్వా సల్లన్నం పెట్టు తింట, ఉడుకన్నమయ్యేదాక కూడ ఉంట’ అన్నడు. అట్లనే మధుసూదనాచారి.. పోయినసారి వచ్చినప్పుడు బాగనే ఇచ్చినవ్‌గానీ ఇప్పటి సంగతేంది చెప్పాలని అంటున్నడు. లేకపోతే ఇక్కడే కట్టెస్తం అంటున్నడు. ఇది వెనకబడ్డ ప్రాంతం కాబట్టి తప్పకుండా డెవలప్‌మెంట్ కావాల్సిందే. బాగుపడాల్సిందే. బాగుపడి తీరుతది కూడా. అది చేసి చూపిస్తా..’’ అని నవ్వుతూ వ్యాఖ్యానించారు.


 సీఎం ఇచ్చిన హామీల్లో కొన్నింటికే మోక్షం
 ఏడాది గడిచినా తీరని సమస్యలు
 పరిష్కారం కోసం ప్రజల ఎదురుచూపులు
  
 భూపాలపల్లి: సాక్షాత్తు రాష్ట్ర ముఖ్యమంత్రి కేసీఆర్ ఇచ్చిన హామీలు సైతం అమలుకు నోచుకోలేదు. వరాల జల్లులు కురిపించి ఏడాది కావస్తున్నా అభివృద్ధి మాత్రం కానరావడం లేదు. 2015 జనవరి 9న గణపురం మండలంలోని చెల్పూరు కేటీపీపీ ఆవరణలో భూపాలపల్లి నియోజకవర్గ అభివృద్ధి, సంక్షేమ కార్యక్రమాలపై సీఎం కేసీఆర్ రాష్ట్ర, జిల్లా అధికారులు, ప్రజాప్రతినిధులతో సమీక్షా సమావేశాన్ని నిర్వహించారు. సమావేశంలో స్పీకర్ మధుసూదనాచారి, స్థానిక ప్రజాప్రతినిధులు ఇక్కడి సమస్యలను సీఎం దృష్టికి తీసుకెళ్లగా పలు అభివృద్ధి పనులకు నిధులు మంజూరు చేశారు. అధికారులు, ప్రజాప్రతినిధుల పట్టింపులేని తనం మూలంగా పలు పనులు నత్తనడకన సాగుతుండగా మరికొన్ని నేటికి ప్రారంభానికి నోచుకోలేదు.
 
 అమలుకు నోచుకోని హామీలు...
 భూపాలపల్లిని రెవెన్యూ డివిజన్ కేంద్రంగా చేస్తానని, సమావేశం మ రుసటి రోజే ప్రతిపాదనలు పంపాలని అప్పటి జిల్లా కలెక్టర్ కిషన్‌ను సీఎం కేసీఆర్ ఆదేశించారు. ఆర్డీవో కార్యాలయ ఏర్పాటుకు సంభందించిన ఫైలు నేటికీ హైదరాబాద్‌కే పరిమితమైందని సమాచారం.
   భూపాలపల్లి పట్టణంలో 11 ప్లాట్‌ఫాంలతో కూడిన బస్టాండ్ ఏర్పాటుకు సీఎం గ్రీన్ సిగ్నల్ ఇచ్చారు. గత ఏడాది జూన్ 29న బస్టాండ్ నిర్మాణం కోసం శంకుస్థాపన చేశారు. కాగా నేటికి పనులు ప్రారంభం కాలేదు. అలాగే నియోజకవర్గంలోని అన్ని గ్రామ పంచాయతీల్లో బస్‌షెల్టర్లు నిర్మించి ఇవ్వాలని సింగరేణి సీఎండీ శ్రీధర్, మండల కేంద్రాల్లో బస్టాండ్లు నిర్మించేందుకు సహకరించాలని జెన్‌కో సీఎండీ ప్రభాకర్‌కు సీఎం సూచించారు. ఇందుకు వారు అంగీకరించగా మే నెలలోపు నిర్మాణాలు పూర్తి చేయాల్సిందిగా సీఎం ఆదేశించారు. అయితే ఈ పనులు నత్తనడకనే సాగుతున్నాయి.
 
  నియోజకవర్గంలోని గణపురం, రేగొండ, శాయంపేట, చిట్యాల, మొగుళ్ళపల్లి మండల కేంద్రాలకు డబుల్ రోడ్డు నిర్మాణం కోసం 58 కిలో మీటర్లకు రూ. 35 కోట్లను కేటాయించారు. ఎక్కడా పనులు ప్రారంభం కాలేదు. అలాగే కరీంనగర్ జిల్లా మంథని నుంచి చిట్యాలకు రోడ్డు, బ్రిడ్జిల నిర్మాణ నిమిత్తం రూ. 22 కోట్లు కేటాయించగా ఆ పనులు అటకెక్కాయి.
 
  శాయంపేట మండలంలోని జోగంపల్లి-కొప్పుల, గణపురం మండలంలోని వెల్తుర్లపల్లి-వెంకటాపురం మండలం గుర్రంపేట, మొగుళ్ళపల్లి మండలంలోని మొట్లపల్లి-వేములపల్లి, గణపురం-ధర్మారావుపేట గ్రామాల మధ్య గల వాగులపై హై లెవల్ బ్రిడ్జిల నిర్మాణం కోసం రూ. 30 కోట్లు కేటాయించారు. ఆ పనులు కాగితాలకే పరిమితమయ్యాయి.
  
 విద్యుత్ ట్రాన్స్‌ఫార్మర్‌లు కాలిపోయినప్పుడు రైతులు ఇబ్బంది పడకుండా ఉండేందుకై భూపాలపల్లి, చిట్యాలలో ట్రాన్స్‌ఫార్మర్ స్టాక్ పాయింట్‌లను ఏర్పాటు చేయాల్సిందిగా ఎన్‌పీడీసీఎల్ అధికారులను ఆదేశించారు. అయితే పాయింట్‌లు ఏర్పాటు చేసినప్పటికీ అందులో ట్రాన్స్‌ఫార్మర్‌లు అందుబాటులో ఉండటం లేదు. దీంతో రైతులకు తిప్పడం తప్పడం లేదు.
 
 నత్తనడకన పనులు... భూపాలపల్లి పట్టణంలో 100 పడకల ఆసుపత్రి నిర్మాణం నత్తనడకన కొనసాగుతుండగా చిట్యాలలో 50 పడకల ఆసుపత్రి నిర్మాణం టెండర్ దశలో ఉంది. అంతర్గత రోడ్ల ఏర్పాటు నిమిత్తం నియోజకవర్గంలోని ప్రతీ గ్రామ పంచాయతీకి రూ. 15 లక్షలు, శివారు గ్రామాలకు రూ. 10 లక్షల చొప్పున రూ. 33.15 కోట్లు సీఎం కేసీఆర్ కేటాయించారు. ఆ పనులు నేటికీ కొనసాగుతూనే ఉన్నాయి. ఇప్పటికైనా అభివృద్ధి పనులు త్వరితగతిన పూర్తయ్యేలా రాష్ట్ర సీఎం కేసీఆర్ సంభందితాధికారులను ఆదేశించాలని ఈ ప్రాంత ప్రజలు కోరుతున్నారు.


 జనవరి చివరి వారం నుంచి ఫిబ్రవరి నెల వరకు తెలంగాణ అసెంబ్లీ సమావేశాలు నిర్వహించడం జరుగుతుందని స్పీకరు సిరికొండ మధుసూదనాచారి తెలిపారు. బుధవారం వరంగల్ జిల్లా చిట్యాల మండల కేంద్రంలో ఏర్పాటు చేసిన విలేకరుల సమావేశంలో ఆయన మాట్లాడుతూ అసెంబ్లీ సమావేశాలలో కరువు సమస్యపై చర్చించడం జరుగుతుందన్నారు. పార్టీ ఫిరాయింపు చేసిన ఎమ్మెల్యేలపై చర్య తీసుకునే అంశం తన పరిధిలో ఉందన్నారు.
 
 ఎమ్మెల్యేగా గెలిచి శాసనసభాపతిగా నియమించబడి నేటికి 550 రోజులు అవుతున్నదని, ప్రజాసమస్యల పరిష్కారం కోసం రోజుకు 15 గంటలు కష్టపడుతున్నట్లు ఆయన చెప్పారు. తన నియోజకవర్గంలో 18 గ్రామాల్లోని 1200 చెంచు కుటుంబాలను చేరదీసి వారిని కుటుంబ సభ్యులుగా భావించి సేవ చేస్తున్నాని స్పీకరు పేర్కొన్నారు.


 చిట్యాల(వరంగల్ జిల్లా): జనవరి చివరి వారం నుంచి ఫిబ్రవరి నెల వరకు తెలంగాణ అసెంబ్లీ సమావేశాలు నిర్వహించడం జరుగుతుందని స్పీకరు సిరికొండ మధుసూదనాచారి తెలిపారు. బుధవారం వరంగల్ జిల్లా చిట్యాల మండల కేంద్రంలో ఏర్పాటు చేసిన విలేకరుల సమావేశంలో ఆయన మాట్లాడుతూ అసెంబ్లీ సమావేశాలలో కరువు సమస్యపై చర్చించడం జరుగుతుందన్నారు.
 
 పార్టీ ఫిరాయింపు చేసిన ఎమ్మెల్యేలపై చర్య తీసుకునే అంశం తన పరిధిలో ఉందన్నారు. ఎమ్మెల్యేగా గెలిచి శాసనసభాపతిగా నియమించబడి నేటికి 550 రోజులు అవుతున్నదని, ప్రజాసమస్యల పరిష్కారం కోసం రోజుకు 15 గంటలు కష్టపడుతున్నట్లు ఆయన చెప్పారు. తన నియోజకవర్గంలో 18 గ్రామాల్లోని 1200 చెంచు కుటుంబాలను చేరదీసి వారిని కుటుంబ సభ్యులుగా భావించి సేవ చేస్తున్నాని స్పీకరు పేర్కొన్నారు.


 శాయంపేట :  ప్రజలకు అందుబాటులో ఉంటూనే వారి సమస్యలను పరిష్కరిస్తూ మంచి ఎమ్మెల్యేగా నిలిచిపోయేలా పనులు చేస్తానని శాసనసభాపతి సిరికొండ మధుసూదనాచారి అన్నారు. మండలంలోని నేరేడుపల్లి గ్రామంలో రూ.15లక్షలు, అప్పయ్యపల్లి గ్రామంలో రూ.10 లక్షలతో నిర్మించనున్న సీసీ రోడ్లకు స్పీకర్ సిరికొండ మధుసూదనాచారి మంగళవారం శంకుస్థాపన చేశారు. ఈ సందర్భంగా ఆయన మాట్లాడుతూ భూపాలపల్లి నుంచి ప్రాతినిధ్యం ఏ ఎమ్మెల్యే కూడాఅభివృద్ధి చేసిన దాఖలాలు లేవన్నారు. 1994లో మండలంలో ఏవైతే సమస్యలు ఉన్నాయో ఇప్పుడు అవే సమస్యలు ప్రజలను పీడిస్తున్నాయని తెలిపారు. పత్తిపాక నుంచి నేరేడుపల్లి గ్రామానికి వచ్చే రెండు సంవత్సరాల్లో బీటీ రోడ్డు నిర్మాణ పనులను చేపడతానని ఆయన హామీ ఇచ్చారు.
 
 దీనివల్ల రైతులకు, ప్రజలకు ప్రయోజనం ఉంటుందని పేర్కొన్నారు. ఇక రాబోయే రోజుల్లో ఆత్మకూర్ మండలం కటాక్షపూర్ నుంచి రేగొండ మండలం రూపురెడ్డి పల్లి వయా నేరేడుపల్లి గ్రామం మీదుగా డబుల్ రోడ్డు వేయిస్తానని, నేరేడుపల్లి గ్రామపంచాయతీ పరిధిలో సమస్యలను పరిష్కరించేందుకు నిధులు మంజూరు చేయిస్తానని ఆయన ప్రకటించారు. ఇంకా గ్రామంలో తెలంగాణ తల్లి విగ్రహాన్ని ఏర్పాటు చేయిస్తానని స్పీకర్ తెలిపారు. కార్యక్రమంలో జెడ్పీటీసీ సభ్యురాలు వంగాల రమాదేవి, సర్పంచ్ బనగాని మంజుల, టీఆర్‌ఎస్ మండల అధ్యక్షుడు గుర్రం రవీందర్, నాయకులు పొలెపెల్లి శ్రీనివాస్‌రెడ్డి, చల్లా చక్రపాణి, కర్ర ఆదిరెడ్డి, పోతు రమణారెడ్డి పాల్గొన్నారు.
  


 మంత్రాలయం (కర్నూలు జిల్లా) : కర్నూలు జిల్లా మంత్రాలయంలో కొలువైన శ్రీరాఘవేంద్రస్వామిని తెలంగాణ రాష్ట్ర అసెంబ్లీ స్పీకర్ మధుసూదనాచారి ఆదివారం ఉదయం దర్శించుకున్నారు. తొలుత ఆయన గ్రామదేవత మాంచాలమ్మను దర్శించి పూజలు నిర్వహించారు.
 
 అనంతరం శ్రీరాఘవేంద్రస్వామి మూల బృందావనాన్ని దర్శించుకుని మొక్కులు చెల్లించుకున్నారు. ఆయనకు శ్రీపీఠం పీఠాధిపతి శేషవస్త్రం సమర్పించి ఆశీస్సులు అందజేశారు.


 చాంద్రాయణగుట్ట: బతుకమ్మ పండుగ తెలంగాణ సంస్కృతి, సంప్రదాయాలకు అద్ధం పడుతుందని తెలంగాణ శాసనసభ స్పీకర్ మధుసూదన చారి అన్నారు. తెలంగాణ మెడికల్ జేఏసీ ఆధ్వర్యంలో గురువారం బార్కస్‌లోని కమ్యూనిటీ హెల్త్ సెంటర్‌లో ఉద్యోగులు బతుకమ్మ సంబరాలు జరుపుకున్నారు. ఈ కార్యక్రమంలో స్పీకర్ మధుసూదనాచారి ముఖ్య అతిథిగా హాజరయ్యారు.
 ఈ సందర్భంగా ఆయన మహిళలతో కలిసి బతుకమ్మ ఆడారు. అనంతరం ఆయన మాట్లాడుతూ....తెలంగాణ రాష్ట్ర ముఖ్యమంత్రి అన్ని వర్గాల ప్రజలకు సమ ప్రాధాన్యం ఇస్తున్నారన్నారు. రంజాన్ సమయంలో ముస్లిం ప్రజలకు ఈద్ ముబారక్ ప్యాక్‌లను పంపిణీ చేసిన ముఖ్యమంత్రి ప్రస్తుతం బతుకమ్మ పండుగకు కూడా నిధులు విడుదల చేశారన్నారు. ఇంకా ఈ కార్యక్రమంలో ఆసుపత్రి సూపరింటెండెంట్ డాక్టర్ రాజీవ్ రాజు తదితరులు పాల్గొన్నారు.
  


 ♦ వంద శాతం మరుగుదొడ్ల నిర్మాణం
 ♦ దేశంలో తొలి నియోజకవర్గంగా రికార్డు
 ♦ అధికారికంగా ప్రకటించిన స్పీకర్ మధుసూదనాచారి
 ♦ రాష్ట్రమంతటా ఇదేస్ఫూర్తి కొనసాగించాలని పిలుపు
 ♦ ‘రాజముద్ర’కు సంకేతంగా బ్యాండ్ కొట్టిన మండలి చైర్మన్ స్వామిగౌడ్
  
  సిద్దిపేట జోన్: వంద శాతం వ్యక్తిగత మరుగుదొడ్ల నిర్మాణంతో దేశంలోనే కొత్త చరిత్ర సృష్టించిన మెదక్ జిల్లా సిద్దిపేట నియోజకవర్గానికి శుక్రవారం రాజముద్ర పడింది. శాసనసభ స్పీకర్ మధుసూదనాచారి అధికారిక ప్రకటన చేయగా.. శాసన మండలి చైర్మన్ స్వామిగౌడ్ రాజముద్రకు సంకేతంగా బ్యాండ్ కొట్టి సంబురాలు నిర్వహించారు. నియోజకవర్గ పరిధిలోని 64,733 నివాస గృహాలకు 58,202 వ్యక్తిగత మరుగుదొడ్లు ఉండగా నెల రోజుల్లోనే స్వచ్ఛ భారత్, స్వచ్ఛ తెలంగాణలో భాగంగా నియోజకవర్గంలో 5,531 మరుగుదొడ్లను నిర్మించి వంద శాతం లక్ష్యాన్ని చేరుకున్నారు. దీంతో దేశంలోనే బహిరంగ మలవిసర్జన లేని నియోజకవర్గంగా సిద్దిపేటను అధికారికంగా ప్రకటించారు.
 
 ఈ సందర్భంగా స్థానిక పత్తి మార్కెట్ యార్డులో నిర్వహించిన సమావేశంలో స్పీకర్ మాట్లాడారు. వంద శాతం వ్యక్తిగత మరుగుదొడ్లు నిర్మాణం కావడం అభినందనీయమని, సిద్దిపేట నేడు రాష్ట్రానికి మరో స్ఫూర్తి దాయకంగా నిలిచిందని కితాబిచ్చారు. అసాధ్యాలను సాధ్యం చేసే ఘనతను సిద్దిపేట దక్కించుకోవడం గొప్ప విషయమని పేర్కొన్నారు. వంద శాతం మరుగుదొడ్ల నిర్మాణ పథకం సిద్దిపేటకే పరిమితం కాకుండా రాష్ట్ర మంతా విస్తరించాల్సిన అవసరం ఎంతైనా ఉందన్నారు. ఇదే స్ఫూర్తితో తన నియోజకవర్గం భూపాలపల్లిలో వంద శాతం మరుగుదొడ్ల నిర్మాణానికి కృషి చేస్తానన్నారు. సమాజాన్ని ఆలోచింపజేసే కార్యక్రమాన్ని చేపట్టి విజయవంతమైన సిద్దిపేటకు హరీశ్‌రావులాంటి నాయకుడు దొరకడం ఈ ప్రాంత ప్రజల అదృష్టమన్నారు.
 
 సిద్దిపేట అంటే.. ఒక చరిత్ర, ఒక ఉద్యమం, ఒక శక్తి, అభివృద్ధి అని ఆయన అభివర్ణించారు. అంతకుముందు గాంధీ చిత్రపటానికి పూలమాల వేసి జ్యోతి ప్రజ్వలన చేసి అధికారికంగా ప్రకటన చేశారు. ప్రకటన కొనసాగుతున్న సేపు పత్తిమార్కెట్ యార్డులో బాణా సంచాల మోత, ప్రజా ప్రతినిధుల, అధికారుల కరతాళ ధ్వనులతో సంబురాలు అంబురాన్ని అంటాయి. కార్యక్రమంలో హోంశాఖ మంత్రి నాయిని నర్సింహారెడ్డి, భారీ నీటిపారుదల శాఖ మంత్రి హరీశ్‌రావు, ఎంపీ ప్రభాకర్‌రెడ్డి, ఎమ్మెల్సీలు యాదవరెడ్డి, ఫారూక్‌హుస్సేన్, సుధాకర్‌రెడ్డి, మాజీ ఎమ్మెల్సీ భూపాల్‌రెడ్డి, సీఎం ఓఎస్‌డీలు దేశపతి శ్రీనివాస్, ప్రియాంక నర్గీస్, కలెక్టర్ రోనాల్డ్ రాస్ తదితరులు పాల్గొన్నారు.


 - తొలుత ప్రశ్నోత్తరాలను ప్రారంభించిన స్పీకర్ మధుసూదనాచారి
 - మాఫీ, జీహెచ్‌ఎంసీ కార్మికుల తొలగింపుపై చర్చించాలని విపక్షాల పట్టు
 - మంత్రి తుమ్మల సమాధానం చెబుతున్నా ఆగని విపక్షాల ఆందోళన
 - స్పీకర్ పోడియం వద్దకు వచ్చి నినాదాలు.. గందరగోళం
 - సోమవారానికి సభను వాయిదా వేసిన స్పీకర్
 సాక్షి, హైదరాబాద్: రాష్ట్ర శాసనసభ గురువారం ప్రారంభమైన పది నిమిషాల్లోనే అర్ధంతరంగా వాయిదా పడింది. ప్రధాన ప్రతిపక్షం కాంగ్రెస్‌తో పాటు టీడీపీ, బీజేపీ, వామపక్షాలు వాయిదా తీర్మానాలపై చర్చకు పట్టుబడుతూ ప్రశ్నోత్తరాలకు అడ్డుపడడం, పోడియం వద్ద సభ్యుల ఆందోళనతో సభలో గందరగోళం ఏర్పడడంతో ఎలాంటి చర్చ లేకుండానే స్పీకర్ మధుసూదనాచారి సభను సోమవారానికి వాయిదా వేశారు. గురువారం ఉదయం పది గంటలకు సభ ప్రారంభం కాగానే స్పీకర్ ప్రశ్నోత్తరాలను చేపట్టారు.
 
 వెంటనే రైతుల రుణమాఫీపై స్పష్టత ఇవ్వాలని... జీహెచ్‌ఎంసీలో తొలగింపునకు గురైన 1,200 మంది పారిశుద్ధ్య కార్మికుల సమస్యలపై చర్చ చేపట్టాలని డిమాండ్ చేస్తూ కాంగ్రెస్, టీడీపీ, బీజేపీ సభ్యులు నినాదాలు ప్రారంభించారు. రైతుల రుణమాఫీపై ప్రభుత్వం స్పష్టత ఇవ్వాలని టి.జీవన్‌రెడ్డి సహా కాంగ్రెస్ సభ్యులు పట్టుబట్టారు. రైతుల ఆత్మహత్యలపై చర్చ సందర్భంగా ప్రభుత్వం సరైన సమాధానం ఇవ్వలేదని మండిపడ్డారు. వీరికి టీడీపీ, బీజేపీ, వామపక్షాల సభ్యులు జతకలిశారు.
 
 ఈ సమయంలో విపక్షాల నిరసనను పట్టించుకోకుండా స్పీకర్ మధుసూదనాచారి ప్రశ్నోత్తరాలకు అవకాశం ఇచ్చారు. టీఆర్‌ఎస్ సభ్యురాలు కొండా సురేఖ  అంగన్‌వాడీ సమస్యలపై అడిగిన ప్రశ్నను తొలుత లేవనెత్తారు. మంత్రి తుమ్మల నాగేశ్వర్‌రావు లేచి దీనికి సమాధానమిస్తున్నా... కాంగ్రెస్ సభ్యులు నిరసన కొనసాగించారు. నినాదాలు చేస్తూనే పోడియం వద్దకు వెళ్లి స్పీకర్‌తో వాదనకు దిగారు. రైతులకు వన్‌టైం సెటిల్‌మెంట్ ద్వారా రుణమాఫీ చేయాలని, ఈ మేరకు ప్రభుత్వం స్పష్టమైన ప్రకటన చేయాలని వారితోపాటు టీడీపీ, బీజేపీ, వామపక్షాల సభ్యులు డిమాండ్ చేశారు.
 
 దీంతో సభలో గందరగోళం ఏర్పడింది. ఈ పరిస్థితుల్లో స్పీకర్ మధుసూదనాచారి అనూహ్యంగా సభను సోమవారం(5వ తేదీ) నాటికి వాయిదా వేస్తున్నట్లు ప్రకటించారు. ఇక జీహెచ్‌ఎంసీలో తొలగించిన 1,200 మంది పారిశుద్ధ్య కార్మికులను విధుల్లోకి తీసుకోవాలంటూ బీజేపీ.. ఎర్రబెల్లి దయాకర్‌రావు అరెస్టు, టీఆర్‌ఎస్ ప్రొటోకాల్ పాటించడం లేదన్న అంశాలపై టీడీపీ.. వరంగల్ ఎన్‌కౌంటర్‌పై వామపక్షాలు ఇచ్చిన వాయిదా తీర్మానాలను స్పీకర్ అంతకుముందే తిరస్కరించారు.
  
 అంగన్‌వాడీ పోస్టులు భర్తీ: తుమ్మల
 అంగన్‌వాడీ కేంద్రాల్లో నెలకొన్న సమస్యలపై టీఆర్‌ఎస్ సభ్యురాలు కొండా సురేఖ అడిగిన ప్రశ్నకు స్త్రీ,శిశు సంక్షేమ శాఖ మంత్రి తుమ్మల నాగేశ్వర్‌రావు సమాధానమిచ్చారు. గర్భిణులు, బాలింతలు, చిన్నపిల్లలకు పౌష్టికాహారాన్ని అందించేందుకు ‘ఆరోగ్యలక్ష్మి’ పథకం ప్రారంభించినట్లు చెప్పారు. రాష్ట్రవ్యాప్తంగా 30,700 అంగన్‌వాడీ కేంద్రాల్లో పౌష్టికాహారాన్ని అందిస్తున్నామన్నారు. ఖాళీగా ఉన్న అంగన్‌వాడీ టీచర్ పోస్టులను భర్తీ చేస్తామని, అంగన్‌వాడీ కేంద్రాల కోసం వెయ్యి భవనాలు నిర్మించనున్నామని తెలిపారు.


 హైదరాబాద్: తెలంగాణ అసెంబ్లీ సమావేశాల్లో వాస్తవానికి భారీ గందరగోళానికి అవకాశం లేకున్నా గురువారంనాడు స్పీకర్ తీసుకున్న నిర్ణయం చూస్తే మాత్రం అలాంటిదే ఉందని భ్రమపడాలేమో. ఎందుకంటే సభ ప్రారంభమై పట్టుమని పది నిమిషాలు గడవకముందే స్పీకర్ అనూహ్యంగా వాయిదా వేయడం సర్వత్రా చర్చనీయాంశమైంది. బుధవారం ముందు నిర్ణయించినట్లు కాకుండా దాదాపు 11 గంటలు నడిచిన సమావేశం గురువారంనాటికి 11 నిమిషాలు కూడా కొనసాగలేదు. పోని ప్రభుత్వాన్ని ఇరుకున పెట్టే అంశాలతో ప్రతిపక్షాలు వచ్చాయా అంటే అదీ కూడా లేదు. కేవలం కొన్ని వాయిదా తీర్మానాలతో అవి సభలో అడుగుపెట్టాయి.
 
 కనీసం వాటిపై చర్చ చేపడదామని, చేపట్టబోమనో కూడా ప్రభుత్వం చెప్పకుండానే సభ వాయిదా పడింది. రైతులకు మిగిలి ఉన్న రుణమాఫీలను ఏకమొత్తంగా చెల్లించాలని ప్రతిపక్షాలు పట్టుబట్టి గత రాత్రి అసెంబ్లీ ముగిసినా సభలో నుంచి కదలకుండా కాంగ్రెస్ పార్టీ ఎమ్మెల్యేలు ఉండిపోయారు. కానీ ప్రభుత్వం నుంచి స్పందన రాకపోగా చివరికి మార్షల్స్ ద్వారా వారిని బయటకు పంపించారు. మరోపక్క, ఎట్టి పరిస్థితుల్లో రైతుల ఆత్మహత్యల ఘటనపై ప్రభుత్వాన్ని ఇరుకున పెట్టాలని ప్రతిపక్షాలన్నీ నిర్ణయించగానే అదే విషయంపై రెండు రోజుల చర్చ పెట్టుకుందామని బీఏసీలో నిర్ణయించి ప్రతిపక్షాలకు తమను నిలదీసే అవకాశం లేకుండా ప్రభుత్వం చేసింది.
 
 తాజాగా, ఒక్కోపార్టీ ఒక్కో అంశంపైనా గురువారం వాయిదా తీర్మానాలతో అసెంబ్లీకి వస్తే అనూహ్యంగా స్పీకర్ సభ వాయిదా వేశారు. ఇదంతా చూస్తుంటే, ప్రతిపక్షాలకు అసలు ఏమాత్రం అవకాశం ఇవ్వకూడదనే, తమదే పైచేయిగా ఉండాలనే మొండి ఆలోచనతో ప్రభుత్వం ఉందని ప్రతిపక్షాలు భావిస్తున్నాయి. స్పీకర్ తీరుపై వారంతా పెదవి విరుస్తున్నారు. సభను ఇప్పటికిప్పుడు వాయిదా వేయాల్సిన అవసరం ఏమొచ్చిందని మండిపడుతున్నారు. ఓ రకంగా స్పీకర్ తీసుకున్న సభ వాయిదా నిర్ణయంతో ప్రతిపక్షాలు విస్తుపోయాయనే చెప్పాలి. సభను ఇప్పుడు వాయిదా వేసి తప్పించుకున్నా.. సోమవారంనాటి సమావేశంలో కూడా అవే అంశాలతో వచ్చి అధికార పక్షాన్ని నిలదీస్తామని అంటున్నాయి. దీంతో సభలో మరే దృశ్యం ఆవిష్కృతమవుతుందో తెలుసుకోవాలంటే సోమవారం వరకు ఆగాల్సిందే. 
 
 
  


 - వికారుద్దీన్ ఎన్‌కౌంటర్‌పై చర్చకు ఎంఐఎం పట్టు
 - రైతు సమస్యలకే పరిమితమవుదాం: సీఎం సూచన
 - ఎజెండాలో రైతు ఆత్మహత్యలు అన్న పదం లేకపోవడంపై జానా అభ్యంతరం
 - సమస్యపై చర్చల్లో ఏదైనా మాట్లాడొచ్చు: అధికారపక్షం
 సాక్షి, హైదరాబాద్: రెండోరోజు శాసనసభా సమావేశాలు వాడివేడిగా ఆరంభమయ్యాయి. మంగళవారం సమావేశం ఆరంభం కాగానే స్పీకర్ మధుసూదనాచారి రాష్ట్రంలో కరువు పరిస్థితులు, రైతుల అంశంపై చర్చను ఆరంభిస్తున్నట్లు ప్రకటించారు. ఈ  సందర్భంగా ఎంఐఎం పక్షనేత అక్బరుద్దీన్ ఒవైసీ లేచి, తాము వికారుద్దీన్ ఎన్‌కౌంటర్‌పై వాయిదా తీర్మానం ఇచ్చామని, దీనిపై చర్చ జరపాలని కోరారు. 23న జరిగిన బీఏసీ సమావేశంలో ప్రశ్నోత్తరాలను రద్దుచేస్తామని చెప్పారే తప్ప, రైతుల ఆత్మహత్యలపై చర్చిస్తామనలేదన్నారు.
 
 ఇప్పుడు ప్రశ్నోత్తరాలను రద్దు చేసినందున వికార్ ఎన్‌కౌంటర్‌పై చర్చిద్దామన్నారు. దీనిపై ముఖ్యమంత్రి కె.చంద్రశేఖర్‌రావు జోక్యం చేసుకుంటూ ‘ఈ రోజు ఇతర అంశాలను చర్చ చేయలేం. కేవలం రైతు సమస్యలపై మాత్రమే చర్చిద్దామని చెప్పాం. రెండ్రోజులు దానిపైనే చర్చిద్దాం’ అన్నారు. సీఎం ప్రకటనపైనా అక్బరుద్దీన్ అభ్యంతరం చెప్పడంతో మంత్రి హరీశ్‌రావు జోక్యం చేసుకొని ప్రభుత్వ పక్షాన సర్దిచెప్పే ప్రయత్నం చేశారు.
 
 అయినా అక్బరుద్దీన్ పట్టువీడక పోవడంతో కేసీఆర్ మరోమారు కల్పించుకొని ‘ వికార్ ఎన్‌కౌంటర్‌పై తర్వాత రోజున చర్చిద్దాం.. ప్రస్తుతానికి కూర్చోండి’ అని కోరడంతో అక్బర్ శాంతించారు. అనంతరం ప్రతిపక్షనేత కె.జానారెడ్డి లేచి ఎజెండాలో కేవలం రైతుసంక్షేమం అంశాన్నే చేర్చారని, ఆత్మహత్యలు, రుణమాఫీ,కరువు పరిస్థితులను ఎందుకు చేర్చలేదని ప్రశ్నించారు. దీనిపై మళ్లీ హరీశ్ స్పందిస్తూ, ‘గతంలోనూ నేరుగా రైతుల ఆత్మహత్యల అంశాన్ని ఎజెండాలో ఎక్కడా చేర్చలేదని చెప్పుకొచ్చారు. రైతు ప్రాధాన్యత దృష్ట్యా మొదటిరోజే చర్చకు పెట్టామని, దీనిపై మాట్లాడితే ఆత్మహత్యల పాపమంతా కాంగ్రెస్‌దే అని తేలుతుంది’ అని అన్నారు.
  
 శాశ్వత పరిష్కారాలు వెతుకుదాం: సీఎం
 పరస్పర నిందారోపణ కాకుండా సమస్యను లోతుగా చర్చించి శాశ్వతపరిష్కారాలు వెతుకుదామని సీఎం కేసీఆర్ పేర్కొన్నారు. రైతు సమస్యలపై చర్చలో ఎవరైనా ఏ అంశంపైనయినా స్వేచ్ఛగా మాట్లాడవచ్చని సూచించారు.


 హైదరాబాద్ : తెలంగాణ వైఎస్ఆర్ సీపీ ఎమ్మెల్యేల పార్టీ ఫిరాయింపుపై ఆ ప్రాంత వైఎస్ఆర్ కాంగ్రెస్ పార్టీ నేతలు స్పీకర్ మధుసూదనాచారిని మంగళవారం కలిశారు. ఈ సందర్భంగా పార్టీ ఫిరాయింపు ఎమ్మెల్యేలపై చర్యలు తీసుకోవాలని వారు స్పీకర్ను కోరారు. పార్టీ ఫిరాయింపులను ప్రోత్సహించడం ముఖ్యమంత్రి కేసీఆర్కు తగదని వైఎస్ఆర్ సీపీ నేత శివకుమార్ అన్నారు. పార్టీ ఫిరాయింపులపై హైకోర్టు తీర్పు వచ్చేలోగా నిర్ణయం తీసుకోవాలని కోరామని, త్వరలోనే చర్యలు తీసుకుంటామని మధుసూదనాచారి హామీ ఇచ్చారని ఆయన తెలిపారు.
 
 
 
 
 telangana ysrcp Leaders complaint on t.ysrcp mlas over


 హైదరాబాద్ : తలసాని శ్రీనివాస యాదవ్ ఎమ్మెల్యే పదవికి చేసిన రాజీనామా వెంటనే ఆమోదించాలని తెలంగాణ శాసనసభ స్పీకర్కి కాంగ్రెస్ పార్టీ నేతలు విజ్ఞప్తి చేశారు. ఈ అంశంపై శుక్రవారం హైదరాబాద్లో స్పీకర్ ఎస్ మధుసూదనచారితో కాంగ్రెస్ పార్టీ నేతలు మర్రి శశిధర్రెడ్డి, డీకే అరుణ, సంపత్కుమార్లు భేటీ అయ్యారు. అనంతరం మర్రి శశిధర్రెడ్డి విలేకర్లతో మాట్లాడారు.  
 
 తలసాని రాజీనామాను పెండింగ్లో పెట్టడం రాజ్యాంగ విరుద్ధమన్నారు. వరంగల్ ఎంపీ పదవికి కడియం శ్రీహరి రాజీనామా చేస్తే స్పీకర్ వెంటనే ఆమోదించిన సంగతి ఈ సందర్భంగా మర్రి శశిధర్రెడ్డి గుర్తు చేశారు. తక్షణమే మంత్రి తలసానిపై చర్యలు తీసుకోవాలని తాము స్పీకర్కు విజ్ఞప్తి చేశామని చెప్పారు. దీనిపై స్పీకర్ సానుకూలంగా స్పందించారని మర్రి శశిధర్రెడ్డి తెలిపారు.


 శాయంపేట: కస్తూర్బా పాఠశాల ప్రారంభానికి స్పీకర్ వస్తున్నారన్న సమాచారం స్పెషలాఫీసర్ శనివారం విద్యార్థులతో మొరం పోయించారు. పాఠశాల ఆవరణను చదును చేయించారు. వరంగల్ జిల్లాలో శాయంపేటలోని కస్తూర్బా పాఠశాల  లోపల, బయటి ఆవరణ వర్షపునీటితో మడుగులా తయారైంది. అయితే, భవనం ప్రారంభించేందుకు స్పీకర్ సిరికొండ మధుసూదనాచారి వస్తున్నారని తెలుసుకొన్న స్పెషల్ ఆఫీసర్ తన సొంత ఖర్చులతో సుమారు 40 ట్రాక్టర్ ట్రిప్పుల మొరం పోయించారు.  లెవలింగ్ చేయించారు. దీంతో బాధ్యులపై చర్యలు తీసుకోవాలని వారి తల్లిదండ్రులు కోరారు.


 కరీంనగర్: పార్టీలు ఫిరాయించిన ఎమ్మెల్యేలపై చర్యల విషయంలో చాలాకాలం తరువాత శాసనసభ స్పీకర్ మధుసూదనాచారి మాట్లాడారు. ఎమ్మెల్యేల పార్టీ ఫిరాయింపుల వ్యవహారంలో హైకోర్టు నోటీసులు తనకింకా అందలేదని, అందిన తర్వాతే స్పందిస్తానని స్పష్టం చేశారు.
 
 కరీంనగర్ జిల్లా తిమ్మాపూర్‌లో శుక్రవారం ఆయన విలేకరుల సమావేశంలో మాట్లాడుతూ..స్పీకర్‌కు హైకోర్టు నోటీసులు జారీ చేసిందన్న సమాచారం మీడియా ద్వారా తెలిసిందని, వ్యక్తిగతంగా ఎలాంటి నోటీసులు అందుకోలేదన్నారు. మంత్రి తలసాని శ్రీనివాస్‌యాదవ్ రాజీనామా లేఖపై విలేకరులు అడిన ప్రశ్నలకు సమాధానమిచ్చేందుకు స్పీకర్ నిరాకరించారు. ఈ వ్యవహారంలో లేనిపోని విమర్శలు చేస్తున్న వారి అడ్రస్‌లు ఇప్పటికే గల్లంతయ్యాయని, రానున్న రోజుల్లో శాశ్వతంగా గల్లంతవుతాయని పరోక్షంగా విపక్షాలను ఉద్దేశించి అన్నారు.
 
 గతంలో ఉమ్మడి రాష్ట్రంలో పుష్కరాలు జరిగిన సందర్భంలో తెలంగాణపై వివక్ష ప్రదర్శించారని, ప్రస్తుతం స్వరాష్ట్రంలో జరుగుతున్న పుష్కరవేడుకలను తెలంగాణ ప్రభుత్వం ఘనంగా నిర్వహిస్తున్నదని, ప్రపంచం మొత్తం ఇప్పుడు తెలంగాణవైపే చూస్తున్నదన్నారు.