Loan waiver scheme
-
రైతులపై జులుం... కార్పొరేట్లకు సలాం
బ్యాంకులు ప్రదర్శిస్తున్న ఈ అసమానత వింత గొలుపుతుంది. ఒక ఆర్టీఐ అభ్యర్థనకు ప్రతిస్పందిస్తూ, 2014 ఏప్రిల్ 1 నుండి కార్పొరేట్ ఇండియాకు సంబంధించి రూ. 16.61 లక్షల కోట్ల మొండి రుణాలనుబ్యాంకులు మాఫీ చేశాయని రిజర్వ్ బ్యాంక్ ఆఫ్ ఇండియా తెలియజేసింది. మరుసటి రోజు రాజస్థాన్ ఎంపీ హనుమాన్ బేనీవాల్ పార్లమెంటులో మాట్లాడుతూ, దేశంలో బకాయి ఉన్న వ్యవసాయ రుణాలు ఇప్పుడు రూ. 32 లక్షల కోట్లు దాటాయని అన్నారు. 18.74 కోట్లకు పైగా రైతులు తమ రుణాలతో సతమతమవుతున్నారు. మొత్తం బకాయి ఉన్న వ్యవసాయ రుణాలు వార్షిక వ్యవసాయ బడ్జెట్ వ్యయం కంటే 20 రెట్లు ఎక్కువ అని బేనీ వాల్ అన్నారు. రైతులకు వ్యవసాయ రుణ మాఫీ పథకం గురించి బడ్జెట్లో ఎందుకు ప్రస్తావించలేదని ఆయన ప్రశ్నించారు.కార్పొరేట్లకు రుణమాఫీదీనికి విరుద్ధంగా, గత 11 ఏళ్లలో ఇండియా కార్పొరేట్లు చేసిన మొత్తం రూ.16.61 లక్షల కోట్ల నిరర్థక రుణాలను (కేవలం 16 శాతం రికవరీతో) రద్దు చేశారు. గత ఐదేళ్లలో కార్పొరేట్లు చెల్లించని రుణా లలో రూ. 10.6 లక్షల కోట్లను రద్దు చేయడానికి భారతీయబ్యాంకులు ఏమాత్రం సందేహించలేదు. ఈ మొండి బకాయిలలో 50 శాతం పెద్ద కంపెనీలకు చెందినవని నివేదికలు చెబుతున్నాయి. అదే కర్ణాటక, శివమొగ్గలోని ఒక రైతు కేవలం తన రూ. 3.46 పైసల బకాయి చెల్లించేందుకు సాధారణ బస్సు సర్వీస్ లేకపోతే, 15 కిలో మీటర్లు నడిచివెళ్లాల్సినంతటి ఆత్రుతను బ్యాంక్ ప్రదర్శించింది.2023–24 ఆర్థిక సంవత్సరంలోనే బ్యాంకులు రూ. 1.7 లక్షల కోట్లు మాఫీ చేశాయి. ఒక సంవత్సరం క్రితం, 2022–23లో రూ. 2.08 లక్షల కోట్లు మాఫీ చేశాయి. కానీ వ్యవసాయ రుణాలను మాఫీ చేసే విషయానికి వస్తే, కేంద్రం రెండుసార్లు మాత్రమే ఆ పని చేసింది: 1990, 2008లో. కొన్ని రాష్ట్ర ప్రభుత్వాలు విడివిడిగా వ్యవ సాయ రుణాల మాఫీ చేశాయి. కానీ మాఫీ చేసిన మొత్తాన్ని బ్యాంకు లకు రాష్ట్రాలు చెల్లిస్తున్నందున అది బ్యాంకులపై భారం కాదు. కార్పొ రేట్లు చెల్లించని బ్యాంకు రుణాలను అవి దేశ నిర్మాణానికి తోడ్ప డ్డాయనేంత జాగ్రత్తగా మాఫీ చేశారు. చిన్న రుణాలు మాఫీ చేయలేమా?పేద రైతులు, గ్రామీణ శ్రామికవర్గం చేసిన చిన్న చిన్న రుణా లను మాఫీ చేయడం అనేది జాతీయ బ్యాలెన్స్ షీట్ను కలవర పెట్టడానికి కారణంగా కనిపిస్తుంది. అదే ధనవంతులైన రుణమాఫీ దారులు సులభంగా తప్పించుకుంటారు. వీరిలో రూ.3.45 లక్షల కోట్ల బ్యాంకు రుణాలను చెల్లించని 16,000 మందికి పైగా ఉద్దేశ పూర్వక రుణమాఫీదారులు ఉన్నారు. పైగా వారివద్ద డబ్బు ఉందని ఆర్బీఐ అంగీకరించినప్పటికీ వారు తిరిగి చెల్లించడానికి ఇష్టపడలేదు. కచ్చితంగా, వీరు సంపద సృష్టికర్తలు. దేశం వారిని అభినందించాలన్నమాట!ఇప్పుడు రాజస్థాన్లోని పీలీబంగాకు చెందిన ఒక రైతును చూడండి: ఆయన ఒక ఫైనాన్స్ కంపెనీ నుండి రూ. 2.70 లక్షల రుణం తీసుకొని రూ. 2.57 లక్షలను తిరిగి చెల్లించాడు (మహమ్మారి సమయంలో రాష్ట్రం నుండి అందుకున్న రూ. 57,000 మద్దతుతో సహా). మిగిలిన మొత్తాన్ని తిరిగి చెల్లించలేకపోయాడు. ఆయన ఒక రోజు ఇంటికి వచ్చేసరికి ఇంటికి తాళం వేసి ఉంది. తరువాత, ఆగ్రహించిన గ్రామస్థులు ఆ తాళం పగలగొట్టారు.ఈ దురదృష్టకర సంఘటనను మరొకదానితో పోల్చి చూద్దాం. ప్రముఖ మిశ్రమ లోహ, ఉక్కు తయారీదారు అయిన ‘ఆధునిక్ మెటాలిక్స్’... 2018 జూలైలో నేషనల్ కంపెనీ లా ట్రిబ్యునల్ (ఎన్సీఎల్టీ) కోల్కతా శాఖ తన పరిష్కార ప్రణాళికను ఆమోదించిన తర్వాత, తమ బకాయిలు రూ. 5,370 కోట్లకుగానూ కేవలం రూ. 410 కోట్లు చెల్లించడానికి ఒప్పుకుంది. అంటే 92 శాతం రుణమాఫీ! స్పష్టంగా, ఇంత పెద్ద ‘రుణమాఫీ’ తర్వాత, కంపెనీ ప్రమోటర్లు అన్ని కార్యకలాపాలను పూర్తి చేయడానికీ, ప్రధానసంస్థను పునరుద్ధరించి తిరిగి పని చేయడం ప్రారంభించడానికీ సిద్ధంగా ఉన్నామని చెప్పారు. ఒకప్పుడు పరివర్తనాత్మక పరిష్కార యంత్రాంగంగా ప్రశంసలందుకున్న దివాళా కోడ్ ఇప్పుడు ఒక వైఫల్యంగా మారిపోయింది.అయితే, పెద్ద ప్రశ్న మిగిలే ఉంది. పెండింగ్లో ఉన్న రూ. 20,000 మొత్తాన్ని తిరిగి పొందలేకపోయినందుకు రాజస్థాన్ రైతు ఇంటికి తాళం వేయగలిగినప్పుడు, పెండింగ్లో ఉన్న బకాయిలలో 92 శాతం మాఫీ చేసి రాజమార్గాన పంపడానికి బదులుగా, ఆధునిక్ మెటాలిక్స్ వంటి సంస్థల ప్రాంగణాన్ని ఎన్సీఎల్టీ ఎందుకు తాళం వేయలేకపోయింది? రైతుల వంటి వారే అయిన ఆ యజమానులను ఎందుకు కటకటాల వెనుక ఉంచలేకపోయింది?చట్టాల్లో ఎందుకు తేడా?ఒక పెద్ద కంపెనీకి ఇంత పెద్ద ‘రుణమాఫీ’ అవసరమైనప్పుడు, రైతులు ఇలాంటి విధానంతో ప్రయోజనాన్ని, అది కూడా సాపేక్షంగా తక్కువ అయినాసరే ఎందుకు పొందకూడదు? వివిధ వర్గాల బ్యాంకు వినియోగదారులకు బ్యాంకింగ్ చట్టాలు ఎందుకు భిన్నంగాఉండాలి? గృహనిర్మాణం, కారు, ట్రాక్టర్ లేదా మోటార్ సైకిల్ రుణాలు తీసుకునే వారిని బ్యాంకులు ఎప్పుడైనా అదే రకమైన సున్ని తత్వంతో చూస్తాయా? ఆర్థిక వృద్ధి పేరుతో కంపెనీల మొండి బకాయిలను మాఫీ రూపంలో తమ సొంతం చేసుకోవాల్సిన అగత్యాన్ని బ్యాంకులు ఎంతకాలం సమర్థించుకోగలవు?పంజాబ్, హరియాణా రాష్ట్రాలలో నిటారుగా నిలబడి ఉన్న తమ కాలీఫ్లవర్, క్యాబేజీ పంటలను తిరిగి దున్నడానికి ట్రాక్టర్లను నడుపుతున్న రైతుల బాధాకరమైన వీడియోలను; ఛత్తీస్గఢ్, మధ్య ప్రదేశ్లలో టమోటా ధరలు పతనమై రైతులు కుప్పగూలిపోవడాన్ని నేను సోషల్ మీడియాలో చూసినప్పుడు తీవ్రంగా బాధపడ్డాను. టమోటా, ఉల్లిపాయ, బంగాళాదుంపల ధరలను స్థిరీకరించడానికి రూ. 500 కోట్ల వ్యయంతో 2018–19 బడ్జెట్లో ప్రారంభించిన ఆపరేషన్ గ్రీన్స్ పథకం నాకు ఇలాంటి సందర్భాల్లో గుర్తుకువస్తుంది. కోల్డ్ చైన్స్ నెట్వర్క్తో సహా వ్యవసాయ మౌలిక సదుపా యాలలో తగినంత పెట్టుబడి పెట్టడం అనేది నష్టాలను తగ్గించడంలో సహాయపడుతుందని అందరూ అంగీకరిస్తున్నారు. కానీ వాస్తవికత ఏమిటంటే, కూరగాయల ధరలను స్థిరీకరించడంలో ఆపరేషన్ గ్రీన్స్ పథకం ఘోరంగా విఫలమైంది. తగిన నిధుల మద్దతు లేకపోవడం ఒక కారణం కావచ్చు.రిలయన్స్ కమ్యూనికేషన్స్ ఇన్ ఫ్రాస్ట్రక్చర్ లిమిటెడ్ (ఆర్సీఐఎల్) దివాళా తీసిన తీర్మానాన్ని నేషనల్ కంపెనీ లా ట్రిబ్యునల్ (ఎన్సీఎల్టీ) 2023 డిసెంబర్లో ఆమోదించింది. ఈ సంస్థ క్లెయిమ్ చేసిన రుణంలో 99 శాతాన్ని మాఫీ చేయడం జరిగింది. చూడండి విచిత్రం: 2018–19లో ఆపరేషన్ గ్రీన్స్ కోసం కేటాయించిన రూ. 500 కోట్లతో పోలిస్తే, ఆర్సీఐఎల్ రూ. 47,251.34 కోట్ల క్లెయిమ్కు బదులుగా కేవలం రూ. 455.92 కోట్లు చెల్లించి బయటపడింది. మాఫీ చేసిన ఆ మొత్తాన్ని తిరిగి పొంది ఆపరేషన్ గ్రీన్స్ లో పెట్టుబడి పెడితే, పండ్లు, కూరగాయల ధరలను స్థిరీకరించడానికి అవసరమైన మౌలిక సదుపాయాలను కల్పించడానికి ఆర్థిక వనరుల కొరత ఏమాత్రం ఉండేది కాదు.- దేశంలో 18.74 కోట్లకు పైగా రైతులు తమ రుణాలతో సతమతమవుతున్నారు. మొత్తం బకాయి ఉన్న వ్యవసాయ రుణాలు వార్షిక వ్యవసాయ బడ్జెట్ వ్యయం కంటే 20 రెట్లు ఎక్కువ.- గత 11 ఏళ్లలో ఇండియా కార్పొరేట్ల రూ.16.61 లక్షల కోట్ల నిరర్థక రుణాలను (కేవలం 16 శాతం రికవరీతో) బ్యాంకులు రద్దు చేశాయి. ఈ మొండి బకాయిలలో 50 శాతం పెద్ద కంపెనీలవి.- ఒక పెద్ద కంపెనీకి పెద్ద ‘రుణమాఫీ’ అవసరమైనప్పుడు, ఒక చిన్న రైతు అలాంటి ప్రయోజనం ఎందుకు పొంద కూడదు?- వ్యాసకర్త ఆహార, వ్యవసాయ నిపుణులు , ఈ–మెయిల్: hunger55@gmail.com- దేవీందర్ శర్మ -
రైతుకు దన్ను.. మోదీ ముందు 3 మార్గాలు
న్యూఢిల్లీ: పంటలకు గిట్టుబాటు ధర లభించక నష్టపోయిన రైతులకు ఊరట కలిగించేందుకు ప్రధానమంత్రి నరేంద్ర మోదీ మూడు ప్రత్యామ్నాయాలను పరిశీలిస్తున్నారు. సొంత భూమి ఉన్న రైతు బ్యాంకు ఖాతాలో నేరుగా కొంత డబ్బు జమ చేయడం, ప్రభుత్వం ప్రకటించిన మద్దతు ధర కంటే తక్కువకే పంటలను విక్రయించి నష్టపోయిన రైతుకు పరిహారం అందజేయడం, రుణ మాఫీ పథకం అమలు చేయడం ఇందులో ఉన్నాయి. ‘స్థూలంగా ప్రభుత్వం మూడు మార్గాలను పరిశీలిస్తోంది..అవి రుణమాఫీ, నష్టపోయిన రైతులకు పరిహారం చెల్లింపు, నేరుగా రైతులకే డబ్బు బదిలీ ఇందులో ఉన్నాయి’ అని వ్యవసాయ శాఖ అధికారి ఒకరు తెలిపారు. అయితే, ప్రభుత్వం ఏ పథకాన్ని అమలు చేయాలనే దానిపై తుది నిర్ణయానికి రాలేదని ఆయన అన్నారు. 2014 ఎన్నికల్లో బీజేపీ అధికారంలోకి రావడానికి గ్రామీణ ప్రాంత ఓటర్లే కారణం. కానీ, పంటల ధరల నిర్ణయంలో మార్కెట్లదే పైచేయి కావడం, ప్రభుత్వ జోక్యం తగ్గడంతో రైతులు ప్రస్తుతం మోదీ ప్రభుత్వంపై ఆగ్రహంతో ఉన్నారు. రెండేళ్లుగా దేశవ్యాప్తంగా పంటల దిగుబడి ఆశాజనకంగా ఉన్నప్పటికీ వ్యవసాయ ఖర్చులు పెరిగిపోవడం, ధరలు పడిపోవడం, ఎగుమతులు తగ్గడంతో రైతులు తీవ్రంగా దెబ్బతిన్నారు. దీంతో 26 కోట్లకు పైగా ఉన్న రైతులు సుమారు రూ.3 లక్షల కోట్లకు పైగా నష్టపోయినట్లు ప్రభుత్వ లెక్కలే చెబుతున్నాయి. ఇటీవల మూడు కీలక రాష్ట్రాల్లో జరిగిన అసెంబ్లీ ఎన్నికల్లో ఓటమిని, 2019 లోక్సభ ఎన్నికలను దృష్టిలో ఉంచుకున్న కేంద్రం రైతులకు, వారి కుటుంబాలకు ఊరట కలిగించాలని తీవ్రంగా యోచిస్తోంది. ఎన్నికల లోపే రైతులందరికీ నేరుగా, సులువుగా డబ్బును అందించే ఈ మూడు మార్గాల్లో దేనిని అమలు చేసినా ఖజానాపై భారీగానే భారం పడనుంది. ఆ మూడూ ఇవే.. మొదటిది..సత్వరం అమలు చేయటానికి వీలైనదీ, ప్రభుత్వ వర్గాలు కూడా సానుకూలంగా ఉన్న ప్రత్యామ్నాయం తెలంగాణ ప్రభుత్వం అమలు చేసిన ‘రైతు బంధు’ మాదిరి పథకం. దీని కింద సొంత భూమి ఉన్న రైతుల బ్యాంకు ఖాతాల్లో నేరుగా ఎకరానికి రూ.1,700 నుంచి రూ.2,000 చొప్పున ప్రభుత్వం జమ చేయడం. ఈ పథకం అమలుకు సుమారు రూ.లక్ష కోట్లు అవసరమవుతాయని ఆర్థిక శాఖ అంచనా వేస్తోంది. ప్రభుత్వం ప్రకటించిన గిట్టుబాటు ధర కంటే తక్కువకే తమ పంటలను విక్రయించుకుని నష్టపోయిన రైతులకు పరిహారం చెల్లించడం రెండో ప్రత్యామ్నాయం. దీనిని అమలు చేస్తే రూ.50వేల కోట్లతోనే సరిపోతుంది. ఇక మూడోది.. అత్యంత ఖరీదైంది..ప్రభుత్వ వర్గాల్లో అంతగా సానుకూలత లేని రైతు రుణమాఫీ. దేశ వ్యాప్తంగా రూ.లక్షలోపు ఉన్న రైతురుణాలకు మాఫీ వర్తింప జేస్తే దేశ ఖజానాపై కనీసం రూ.3 లక్షల కోట్ల భారం పడుతుందని అధికార వర్గాల అంచనా. ఇప్పటికే ఈ పథకాన్ని ప్రతిపక్ష కాంగ్రెస్ పార్టీ తన ఎజెండాగా ప్రకటించుకుంది. సకాలంలో చెల్లిస్తే వడ్డీ మాఫీ! న్యూఢిల్లీ: సకాలంలో చెల్లించే రైతుల పంట రుణాలపై వడ్డీ మాఫీ చేయాలని కేంద్రం యోచిస్తోంది. వ్యవసాయ రంగ సంక్షోభాన్ని, రానున్న లోక్సభ ఎన్నికలను దృష్టిలో పెట్టుకుని రూ.15వేల కోట్ల మేర ఉన్న వడ్డీ భారాన్ని భరించేందుకు మోదీ ప్రభుత్వం సిద్ధమైంది. దీంతోపాటు ప్రధానమంత్రి ఫసల్ బీమా యోజన కింద రైతు చెల్లించే ప్రీమియం మొత్తాన్ని ఆహార ధాన్యాల పంటలకు పూర్తిగాను, ఉద్యాన పంటలకు కొంత మేర రద్దు చేసే ప్రతిపాదనలను పరిశీలిస్తోందని విశ్వసనీయ వర్గాలు తెలిపాయి. రైతులకు రూ.3 లక్షల వరకు 7 శాతం వడ్డీపై బ్యాంకులు స్వల్ప కాలిక రుణాలిస్తున్నాయి. కానీ, సకాలంలో తిరిగి చెల్లించే రైతుల నుంచి మాత్రం 4శాతం వడ్డీనే తీసుకుంటున్నాయి. సాధారణంగా 9 శాతం వడ్డీని రుణాలపై బ్యాంకులు వసూలు చేస్తుంటాయి. సకాలంలో రుణాలు చెల్లించే రైతులందరికీ ఈ మాఫీ వర్తింప జేస్తే కేంద్రం రూ.30వేల కోట్ల వరకు భరించాల్సి ఉంటుందని అంచనా. ఈ ఆర్థిక సంవత్సరంలో రైతులకు ఇచ్చే రుణ వితరణ లక్ష్యాన్ని రూ.11 లక్షల కోట్ల నుంచి రూ.11.69 లక్షల కోట్లకు ప్రభుత్వం పెంచిందని ఆ వర్గాలు పేర్కొన్నాయి. ఢిల్లీలో జరిగిన కేబినెట్ సమావేశంలో న్యాయశాఖ మంత్రి రవి శంకర్ ప్రసాద్ మాట్లాడుతూ..‘రైతు సంక్షేమానికి ప్రభుత్వం కట్టుబడి ఉంది. ఈ దిశగా త్వరలోనే మరిన్ని నిర్ణయాలు ప్రకటించనుంది’ అని తెలిపారు. రైతు సమస్యలే ప్రధాన అజెండాగా మధ్యప్రదేశ్, రాజస్తాన్, ఛత్తీస్గఢ్∙అసెంబ్లీ ఎన్నికల్లో బీజేపీ ఓటమి పాలైంది. -
రాష్ట్రాభివృద్ధికి 20 ఏళ్ల ప్రణాళిక
సాక్షి, హైదరాబాద్: తెలంగాణ అభివృద్ధికి 20 ఏళ్ల సమగ్ర ప్రణాళికను రూపొందించి దానినే బీజేపీ మేనిఫెస్టోగా ప్రజల ముందుకు తీసుకెళ్లాలని బీజేపీ నిర్ణయించింది. పార్టీ అధ్యక్షుడు డాక్టర్ లక్ష్మణ్ అధ్యక్షతన బుధవారం జరిగిన పార్టీ మేనిఫెస్టో కమిటీ సమావేశంలో వివిధ అంశాలపై చర్చించారు. తెలంగాణ ప్రజల జీవన ప్రమాణాలను పెంచేలా మేనిఫెస్టోను రూపొందించడంతో పాటుగా నియోజకవర్గ స్థాయి సమస్యలపైనా ప్రత్యేక మేనిఫెస్టోను తయారు చేయాలని పార్టీ నిర్ణయించింది. ఇందులో విద్యా, వైద్యం, మహిళలు, ఉద్యోగులు, నిరుద్యోగుల సమస్యల పరిష్కారానికి తొలి ప్రాధాన్యం ఇవ్వనుంది. తెలంగాణ చరిత్ర, రాష్ట్ర ప్రజల అవసరాలు–బీజేపీ ఆవశ్యకత, టీఆర్ఎస్, కాంగ్రెస్ పార్టీల అవినీతి, కుటుంబ పాలన, మజ్లిస్తో ఆ పార్టీల దోస్తీ తదితర అంశాలను కూడా ప్రస్తావించనుంది. దీనిని రూపొందించే పనిలో భాగంగా సామాజిక మాధ్యమాల ద్వారా ప్రజల అభిప్రాయాలను సేకరించనుంది. రైతులకు ఉచిత బోరు, రూ.2 లక్షల వరకు రుణమాఫీ, కౌలు రైతులకు ప్రత్యేక గుర్తింపు, రైతు రుణాల వడ్డీని ప్రభుత్వమే భరించేలా చర్యలు, పంటలపై ఎంఎస్పీకి అదనంగా బోనస్ ఇవ్వడం, నిరుద్యోగభృతి, ఉద్యోగ అవకాశాల పెంపు, ఏటా ఉద్యోగాల భర్తీ వంటి అంశాలను ఇందులో పొందుపరిచేలా చర్యలు తీసుకుంటోంది. వీలైనంత త్వరగా దీనిని రూపొందించి ప్రజల్లోకి తేవాలని సమావేశం నిర్ణయించింది. సమావేశంలో పార్టీ జాతీయ ప్రధాన కార్యదర్శి మురళీధర్రావు, మాజీ మంత్రి, ఎంపీ బండారు దత్తాత్రేయ, ఎమ్మెల్సీ రాంచందర్రావు, తాజామాజీ ఎమ్మెల్యే కిషన్రెడ్డి, మేనిఫెస్టో కమిటీ కన్వీనర్ మల్లారెడ్డి, కమిటీ సభ్యులు ప్రొఫెసర్ వైకుంఠం, ప్రకాశ్రెడ్డి తదితరులు పాల్గొన్నారు. అమిత్షా సభ తరువాత ప్రకంపనలే: లక్ష్మణ్ అభివృద్ధి, సంక్షేమం సమపాళ్లలో ఉండేలా మేనిఫె స్టోను రూపొందిస్తున్నామని ఇది విజనరీ డాక్యుమెంట్లా ఉంటుందని లక్ష్మణ్ వెల్లడించారు. ఈ నెల 15న మహబూబ్నగర్లో అమిత్షా సమావేశం అనంతరం ఇతర పార్టీల్లో ప్రకంపనలు పుట్టించేలా నిర్ణయాలు ఉంటాయన్నారు. టీఆర్ఎస్, కాంగ్రెస్ నుంచి భారీగా నాయకులు తమపార్టీలో చేరేందుకు సంప్రదింపులు జరుపుతున్నారన్నారు. -
లక్ష్యం.. దూరం
కడప అగ్రికల్చర్: జిల్లా కేంద్ర సహకార బ్యాంకు పాలకవర్గంలోని కొందరు అధికార పార్టీ డైరెక్టర్లు తాము ప్రాతినిధ్యం వహిస్తున్న సొసైటీలకు ఇష్టానుసారంగా రుణాలను మంజూరు చేయించుకున్నారు. రుణాలు తీసుకోవడం, తిరిగి చెల్లించడంలో తాహతు లేకపోయినా బ్యాంకు అధికారులపై ఒత్తిడి చేయించి మంజూరు చేయించుకున్నారు. ఇప్పుడు ఆ రుణాలు ఆయా ప్రాథమిక సహకార సంఘాల్లో తడిసి మోపెడై మొండి బకాయిలై కూర్చున్నాయి. దీనిపై రాష్ట్ర ఆప్కాబ్, నాబార్డు ఉన్నతాధికారులు ప్రత్యేక దృష్టి సారించగా సొసైటీలకు అస్తులకంటే అప్పులు ఎక్కువ ఉన్నాయని, వాటిని రాబట్టడానికి స్పెషల్ డ్రైవ్ నిర్వహించాలని ఆదేశించారు. ఆ మేరకు డీసీసీ బ్యాంకు సీఈఓ వెంకటరత్నం చొరవ తీసుకుని బ్యాంకు ఉద్యోగులను గ్రూపులు ఏర్పాటు చేసి మొండి బకాయిలను రాబట్టడానికి ప్రయత్నాలు చేస్తున్నారు. ఈ బకాయిలు రాబడుతున్న సమయంలో ఆయా డైరెక్టర్లు కొందరు మోకాలొడ్డుతున్నారని బ్యాంకు ఉద్యోగులు పెదవి విరుస్తున్నారు. రుణాలు ఇప్పించుకున్నప్పుడు ఉండే శ్రద్ధ తిరిగి చెల్లించాల్సినప్పుడు ఉండదా? అని ఓ ఉద్యోగి బాహాటంగానే ఆరోపించారు. జిల్లాలోని ప్రాథమిక సహకార సంఘాలు లక్ష్యానికి దూరమవుతున్నాయి. జిల్లాలోని 69 ప్రాథమిక సొసైటీల్లో 41 మినహా మిగిలిన 28 ప్రాథమిక సొసైటీలకు 2500 మంది రైతులు రూ.6.50 కోట్లు బకాయిపడ్డారు. దీంతో ఇవి ఆర్థిక సంక్షోభంలో కొట్టుమిట్టాడుతున్నాయి. కర్ణుడి చావుకు సవాలక్ష కారణాలన్నట్లు జిల్లాలో సహకార వ్యవస్థ నిర్వీర్యం కావడానికి అధికార పార్టీ అధ్యక్షులు, డైరెక్టర్ల తీరే కారణమని అధికారులు అంటున్నారు. ఇష్టారాజ్యంగా తాహతుకు మించి రుణాలను ఎగురేసుకు పోయారు. రికవరీలకు వచ్చే సరికి బకాయిలు రాబట్టలేక అధ్యక్షులు, డైరెక్టర్లు చేతులెత్తేశారు. ఇది ఒక కారణం కాగా సంఘాల్లో నిపుణులైన సిబ్బంది లేకపోవడం కూడా మరో కారణమని చెబుతున్నారు. కొందరు సీఈఓలను రాజకీయ నాయకులు తమ వాడం టూ సంఘాలకు నియమించుకుంటుండడంతో వ్యవస్థ నాశనం అవుతోందని అధికారులు పెదవి విరుస్తున్నారు. సభ్యత్వాలను పెంచుకుని రైతులను ప్రాథమిక పరపతి సంఘ కార్యాలయాల మెట్లు ఎక్కేలా చేయటంలో వైఫల్యం, సంఘాల ద్వారా రుణ మంజూరు, వసూళ్లకే పరిమితౖమైనందున ఆదాయ వనరులు కొరవడి ఆర్థిక ఇబ్బందులు ఎదురుకావడం, పరపతేతర వ్యాపారాలతో అదనపు రాబడికి, సంఘాల అభ్యున్నతికి ప్రయత్నించకపోవడం వంటి కారణా లెన్నో సహకార సంఘాల మనుగడను కష్ట తరం చేస్తున్నాయి. రూ.113 కోట్ల రుణంలో అర్హత కోల్పోయిన 28 సొసైటీలు జిల్లాలో జిల్లాలో జిల్లా కేంద్ర సహకార బ్యాంకుతోపాటు బ్రాంచీలు 24 ఉన్నా యి. వీటికి అనుబంధంగా ప్రాథమిక వ్యవసాయ పరపతి సంఘాలు 69 ఉన్నా యి. వీటిలో 41 సొసైటీలు 50 శాతం రుణ రికవరీ చేయగా, మిగిలిన 28 సొసైటీలు చతికిలపడ్డాయి. ఈ సొసైటీలు రూ.113 కోట్ల రుణ కేటాయింపుల్లో రుణం తీసుకోవడానికి అవకాశం లేకుం డా పోయిందని డీసీసీ బ్యాంకు అధికారులు ధ్రువీకరిస్తున్నారు. జిల్లాలోని అన్ని సొసైటీలకు పంట రుణాలను బ్యాంకు బ్రాంచీలు సమకూర్చుతున్నాయి. జిల్లాలో స్వల్పకాలిక పంట రుణాలు 72 వేల మంది కాగా, దీర్ఘకాలిక రుణాలు 12 వేల మంది తీసుకుంటున్నారు. ప్రతి ఏటా ఆయా పంట రుణాలకుగాను రూ.350 కోట్లు అందజేస్తున్నారు. ఇందులో దీర్ఘకాలిక రుణ బకాయి రూ.54 కోట్లు కాగా, రెండేళ్ల కాలంగా వసూలైంది రూ.34 కోట్లు మాత్రమే. రూ.20 కోట్లు రావాల్సి ఉందని డీసీసీ బ్యాంకు అధికా రులు తెలిపారు. ఉద్యోగులు శత విధాల ప్రయత్నం చేస్తున్నా అందుకు తగ్గట్లు పాలకవర్గం నుంచి ప్రోత్సాహం లేకపోగా మోకాలడ్డేందుకు చూస్తోందని ఓ ఉద్యోగి సాక్షి ఎదుట వాపోయారు. అధికార పార్టీ సొసైటీలకు రుణాలు జిల్లాలో అధికార పార్టీ నాయకులు ప్రాతినిధ్యం వహిస్తున్న ప్రాథమిక సహకార సంఘాలకు కొందరు డైరెక్టర్లు అధికంగా రుణాలు మంజూరు చేయించుకున్నారు. కొన్నింటికైతే తాహతుకు మించి మంజూరు చేయించుకుని తిరిగి చెల్లించడలో చేతులెత్తేస్తున్నారని డైరెక్టర్లపై కొందరు ఉద్యోగులు ఆగ్రహం వ్యక్తం చేస్తున్నారు. బ్యాంకు అధికారులను తమ చెప్పుచేతుల్లో ఉంచుకుని ఇష్టానుసారంగా కొందరు డైరెక్టర్లు రుణాలు పొందారు. తమ అనుచరులకు ఇప్పించారు. ఇప్పుడు ఆయా బకాయిలు చెల్లించాలని అడుగుతుంటే మొహం చాటేస్తున్నారని దుయ్యబడుతున్నారు. ఉదాహరణకు.. అట్లూరు పీఏసీసీ పరిధిలో పండుమిరప పంటను సాగు చేయరు. అయితే ఆ పంటకు ఇబ్బడి ముబ్బడిగా ఆ సొసైటీలో రుణాలు ఇచ్చారు. ఈ పంటకు అధికంగా పెట్టుబడి అవుతుంది కాబట్టి స్కేల్ ఆఫ్ పైనాన్స్ కూడా ఎక్కువగా ఉంటోంది. ఈ విధంగా రుణాలు ఇచ్చారంటే ఆ సొసైటీకి ఒక విధంగాను మిగతా సొసైటీలకు మరో విధంగాను రుణాలు ఇచ్చారంటే పాలకవర్గం ప్రమేయంతోనే ఇలా కేటాయించుకుంటారని రిటైర్డ్ అధికారి ఒకరు సాక్షికి తెలిపారు. ఇదే విధంగా బద్వేలు, రాజంపేట, రైల్వేకోడూరు, కమలాపురం, ప్రొద్దుటూరు, జమ్మలమడుగు నియోజవర్గాల్లో ఉన్న అధికారపార్టీ నాయకులు ప్రాతినిధ్యం వహించే సోసైటీల్లోనే ఈ బకాయిలు ఎక్కువగా ఉన్నాయని ఓ అధికారి చెప్పారు. రాష్ట్రంలో చివరి స్థానానికి చేరిన బ్యాంకు గ్రేడింగ్ రాష్ట్రంలోని 13 జిల్లాల్లో డీసీసీ బ్యాంకులకు గ్రేడింగ్ విధానంలో మన డీసీసీ బ్యాంకు ఆఖరు స్థానంలో ఉంది. రాష్ట్ర వ్యాప్తంగా అధికంగా రుణాలు ఇచ్చిన, వసూళ్లలో వెనుకబడిన బ్యాంకుల జాబితాను ఆప్కాబ్ తయారు చేస్తుంది. ఆ విధంగా కడప డీసీసీ బ్యాంకు గ్రేడింగ్ చూస్తే చివరి నుంచి 5 స్థానంలో ఉన్నట్లు అధికారులు చెబుతుండడం గమనార్హం. నేను రాకముందు జరిగిన వ్యవహారానికి నాకు సంబంధంలేదు బ్యాంకు బ్రాంచీల నుంచి పీఏసీసీలకు రుణాలు ఇచ్చిన సమయంలో నేను లేను. ఆ సమయంలో ఉన్న వారు ఇచ్చిన అప్పుల వసూళ్లు రాబట్టాలంటే తలప్రాణం తోకకొస్తోంది. గ్రూపులుగా ఉద్యోగులను నియమించి మొండిబకాయిలను రాబట్టాల్సిన పరిస్థితి వచ్చింది. నేను రాకముందు జరిగిన వ్యవహారానికి నేనెలా బాధ్యత వహిస్తాను. –వెంకటర త్నం,సీఈఓ, జిల్లా కేంద్ర సహకార బ్యాంకు, కడప -
రుణాలే రైతుకు వెన్నెముక
సాక్షి, హైదరాబాద్: రైతుకు రుణాలే ఆధారంగా నిలుస్తున్నాయి. రాష్ట్రంలో దాదాపు 79.5 శాతం కుటుంబాలు అప్పులు తీసుకుంటున్నాయని నాబార్డు నిర్వహించిన సర్వే ఈ విషయాన్ని స్పష్టం చేసింది. దేశవ్యాప్తంగా సగటున వ్యవసాయ కుటుంబాలు తీసుకుంటున్న రుణం రూ.1.04లక్షలు కాగా, వ్యవసాయేతర కుటుంబాలు తీసుకునేది రూ.76,731గా ఉంది. ఈ లెక్కన వ్యవసాయ కుటుంబాల్లో 52.5శాతం మంది బ్యాంకులు, ఇతర ఆర్థిక సంస్థల నుంచి రుణం తీసుకుంటున్నారు. వ్యవసాయ కుటుంబాలు సాగు ద్వారా కంటే కూలీ పనులకు వెళ్లి అధికంగా ఆదాయాన్ని పొందుతున్నాయని సర్వే వెల్లడించింది. దేశవ్యాప్తంగా 2015 జూలై 1నుంచి 2016 జూన్ 30వరకు జాతీయ గ్రామీణ ఆర్థిక సర్వే (ఆలిండియా రూరల్ ఫైనాన్షియల్ ఇన్క్లూజన్) సర్వే నిర్వహించింది. మొత్తం 29 రాష్ట్రాలలోని 245 జిల్లాలో 2,016 గ్రామాలలోని 40,327 కుటుంబాలను సర్వే చేశారు. వ్యవసాయ కుటుంబంలో సాగు ద్వారా నెలకు రూ.3,140 ఆదాయం వస్తే, వేతన కూలీకి రూ.3,025, ఉపాధి కూలీ రూ.1,444 వస్తోంది. అంటే మొత్తం రూ.4,469గా ఉంది. ఖర్చుల్లో అధికంగా ఆహార అవసరాలకు 51 శాతం, ఇతర అవసరాలకు 49 శాతం వినియోగిస్తున్నారు. అలాగే వ్యవసాయ కుటుంబాలు పెద్ద యంత్రాలను అధికంగా కలిగిలేరని పేర్కొంది. కేవలం 5 శాతం మంది రైతులు మాత్రమే దేశవ్యాప్తంగా ట్రాక్టర్లు కలిగి ఉన్నారని, పవర్ టిల్లర్స్ను అధికంగా వినియోగిస్తున్నారని తెలిపింది. రాష్ట్రంలో సగటు కమతాల పరిమాణం 1.1 హెక్టార్లు కాగా, కౌలు తీసుకున్న రైతులు 10 శాతం ఉన్నట్లు సర్వే స్పష్టం చేసింది. కరువు కాటకాల్లో పాడి పశువుల పోషణ వ్యవసాయ కుటుంబాలను ఆదుకుంటోందని సర్వేలో వెల్లడైంది. 79.5శాతం రైతు కుటుంబాలకు రుణాలే ఆధారం నాబార్డ్ అధ్యయనంలో వెల్లడి -
బాబు నాలుగేళ్ల పాలనపై వైఎస్సార్ సీపీ ఛార్జ్షీట్
-
చంద్రబాబు పాలనపై వైఎస్సార్ సీపీ ఛార్జ్షీట్
సాక్షి, హైదరాబాద్ : నాలుగేళ్ల చంద్రబాబు నాయుడు పాలనపై ప్రతిపక్షం వైఎస్సార్ కాంగ్రెస్ పార్టీ శుక్రవారం ఛార్జ్షీట్ విడుదల చేసింది. టీడీపీ సర్కార్లో అభివృద్ధి శూన్యమని, అందువల్లే ఈ సందర్భంగా రాష్ట్ర ప్రభుత్వంపై ఛార్జ్షీట్ విడుదల చేస్తున్నామని వైఎస్సార్సీపీ ఎమ్మెల్సీ ఉమ్మారెడ్డి వెంకటేశ్వర్లు తెలిపారు. ఆయన హైదరాబాద్లోని పార్టీ కేంద్ర కార్యాలయంలో మీడియా సమావేశంలో మాట్లాడుతూ.. గత నాలుగేళ్ల చంద్రబాబు పాలన చూస్తే ఎక్కడ వేసిన గొంగళి అక్కడే అన్న చందంగా ఉందే తప్ప, అంగుళం కూడా అభివృద్ధి లేదు. ప్రధాని అభ్యర్థిగా ఉన్న నరేంద్ర మోదీ దగ్గర నుంచీ, కీలక పాత్ర నిర్వహిస్తున్న వెంకయ్య నాయుడు దగ్గర నుంచీ ఆ రోజు తెలుగుదేశం పార్టీ నాయకుడిగా, సీఎం కావాలని ఉవ్విళ్లు ఊరుతున్న చంద్రబాబు వరకూ ప్రత్యేక హోదా అయిదేళ్లు కాదు, పదేళ్లు ...కాదు పదిహేనేళ్లు కావాలని డిమాండ్ చేశారు. హోదా స్థానంలో ప్యాకేజీ బ్రహ్మాండంగా ఉందని చంద్రబాబు మాట్లాడారు. నాలుగేళ్లు అయిన తర్వాత మాట మార్చి ఇప్పుడు కేంద్రాన్ని దుయ్యబడుతున్నారు. ఇప్పటికైనా చిత్తశుద్ధి ఉంటే వైఎస్సార్ సీపీ ఛార్జ్షీట్, టీడీపీ మ్యానిఫెస్టో దగ్గర పెట్టుకుని సరి చూసుకోవాలి. ఎన్నికల్లో ఇచ్చిన హామీలను నెరవేర్చకుండా ప్రజలను మభ్యపెడుతున్నారు. బీజేపీ, జనసేన మద్దతు తీసుకుని గెలిచిన టీడీపీ... ఇప్పుడు బాబు హామీలు నెరవేర్చకపోవడంతో బీజేపీ, జనసేన పార్టీలు విడిపోయాయి. చంద్రబాబు ఇసుక, మైనింగ్, మద్యం మాఫియాను పెంచి పోషించారు. స్థానిక సంస్థలను నిర్వీర్యం చేశారు. రైతుల రుణమాఫీనే తొలిసంతకం అని ఊదరగొట్టిన చంద్రబాబు... ఇప్పుడు రైతాంగాన్ని చూసి సిగ్గుపడాలి’ అని మండిపడ్డారు. పూర్తి సారాంశం కోసం ఇక్కడ క్లిక్ చేయండి -
‘రాహుల్.. రామలింగంలా మాట్లాడుతున్నారు’
భోపాల్ : తమ పార్టీ అధికారంలోకి వచ్చిన పది రోజుల్లోగా రైతు రుణమాఫీ చేస్తామంటూ కాంగ్రెస్ పార్టీ అధ్యక్షుడు రాహుల్ గాంధీ చేసిన వ్యాఖ్యలపై మధ్యప్రదేశ్ మంత్రి విశ్వాస్ సారంగ్ విమర్శలు సంధించారు. ‘మంద్సౌర్లో రాహుల్ గాంధీ మాట్లాడిన మాటలు త్రీ ఇడియట్స్ సినిమాలోని రామలింగం కామెడీలా ఉందంటూ’ ఆయన ఎద్దేవా చేశారు. ‘త్రీ ఇడియట్స్ సినిమాలో ఎవరో రాసి ఇచ్చిన ఉపన్యాసాన్ని రామలింగం అనే విద్యార్థి చదివి నవ్వులపాలవుతాడు. అలాగే రాహుల్ గాంధీ కూడా తనకు రాసి ఇచ్చిన ఉపన్యాసాన్ని బట్టీ పట్టి ఇక్కడ(మంద్సౌర్లో) చదివారు. ఆయన మాటలు పూర్తిగా నాటకీయం, అపరిపక్వమైనవి. అదొక స్క్రిప్ట్ అని స్పష్టంగా తెలిసిపోతోంది. అందులో నిజాలు, గణాంకాలు ఏమీ లేవు. మంద్సౌర్లో ఫుడ్ ప్రాసెసింగ్ యూనిట్ తీసుకొస్తామని రాహుల్ చెప్పారు. ఆ విషయం గురించి ముఖ్యమంత్రి శివరాజ్ సింగ్ చౌహాన్ వారం క్రితమే ప్రస్తావించారంటూ సారంగ్’ వ్యాఖ్యానించారు. అంతేకాకుండా ‘రాహుల్ గాంధీ మాట్లాడుతున్నది ఫుడ్ చెయిన్ గురించి కాదు.. ఫ్రాడ్ చెయిన్ గురించి అందులో ముఖ్యపాత్రధారి రాబర్ట్ వాద్రా అంటూ సారంగ్ ఆరోపించారు. ఆర్థిక భరోసా ఇస్తున్నాం... రాహుల్ గాంధీ హామీ ఇచ్చినట్లుగా పది రోజుల్లోగా రైతు రుణమాఫీ చేయడం అంత తేలికగ్గా సాధ్యమయ్యే విషయం కాదని సారంగ్ వ్యాఖ్యానించారు. ప్రస్తుతం మా ప్రభుత్వం రైతులకు వడ్డీలేని రుణాలు అందిస్తూ.. ఆర్థిక భరోసా కల్పిస్తోందని తెలిపారు. మేడ్ ఇన్ మంద్సౌర్... మేడ్ ఇన్ మంద్సౌర్ పేరిట సెల్ ఫోన్ల తయారీ యూనిట్ నెలకొల్పుతామంటూ రాహుల్ చెప్పడం విడ్డూరంగా ఉందని సారంగ్ వ్యాఖ్యానించారు. రాహుల్ ముందు మేడిన్ అమేథీపై దృష్టిసారించాలంటూ హితవు పలికారు. కాగా మంద్సౌర్ జిల్లా పిప్లియా మండీలో పోలీసు కాల్పుల్లో ఆరుగురు రైతులు మృతి చెందిన ఘటనకు ఏడాది పూర్తయిన సందర్భంగా కాంగ్రెస్ నిర్వహించిన ర్యాలీలో రాహుల్ ప్రసంగిస్తూ పలు హామీలు ఇచ్చిన విషయం తెలిసిందే. -
10 రోజుల్లోనే రైతు రుణ మాఫీ
మంద్సౌర్/న్యూఢిల్లీ: తమ పార్టీ అధికారంలోకి వస్తే 10 రోజుల్లోనే రైతు రుణ మాఫీ అమలు చేస్తామని కాంగ్రెస్ అధ్యక్షుడు రాహుల్ గాంధీ హామీ ఇచ్చారు. కేంద్రరాష్ట్ర ప్రభుత్వాలు రైతుల కష్టాలను పట్టించుకోవటం లేదని ధ్వజమెత్తారు. మధ్యప్రదేశ్ రాష్ట్రం మంద్సౌర్ జిల్లా పిప్లియా మండీలో పోలీసు కాల్పుల్లో ఆరుగురు రైతులు మృతి చెందిన ఘటనకు ఏడాది పూర్తయిన సందర్భంగా కాంగ్రెస్ నిర్వహించిన ర్యాలీలో రాహుల్ మాట్లాడారు. ‘కాంగ్రెస్ అధికారంలోకి వచ్చిన పది రోజుల్లోనే రైతు రుణ మాఫీ చేస్తామని హామీ ఇస్తున్నా. పదకొండో రోజు దాకా కూడా ఆగబోం’ అని ప్రకటించారు. తమ పార్టీ అధికారంలో ఉన్న కర్ణాటక, పంజాబ్ రాష్ట్రాల్లో కూడా రైతు రుణమాఫీ అమలు చేశామన్నారు. -
రోడ్డెక్కిన రైతన్న
భోపాల్ / మందసౌర్ / చండీగఢ్ / లక్నో: రైతులకు రుణమాఫీ, స్వామినాథన్ కమిటీ సిఫార్సుల అమలుతో పాటు పంటకు కనీస మద్దతు ధర ప్రకటించాలని కోరుతూ రైతు సంఘాలు శుక్రవారం దేశవ్యాప్తంగా 10 రోజుల ఆందోళనకు పిలుపునిచ్చాయి. ‘గావ్ బంద్’(గ్రామ బంద్) పేరిట చేపట్టిన ఈ ఆందోళనలో భాగంగా పట్టణాలు, నగరాలకు పాలు, కూరగాయాలు, పండ్లు, ఇతర నిత్యావసరాలను సరఫరా చేయరాదని నిర్ణయించాయి. పంజాబ్, హరియాణా, యూపీ, మధ్యప్రదేశ్, రాజస్తాన్, కశ్మీర్, మహారాష్ట్ర, కేరళ, కర్ణాటకల్లోని రైతు సంఘాలు హోల్సేల్, కూరగాయల మార్కెట్లను బహిష్కరించాలని పిలుపునిచ్చాయి. దీంతో పలు రాష్ట్రాల్లో రైతులు కూరగాయలు, పండ్లను రోడ్లపై పడేసి నిరసన తెలియజేశారు. దేశవ్యాప్తంగా 22 రాష్ట్రాల్లో ‘గావ్ బంద్’ పేరిట శాంతియుత ఆందోళన చేపట్టినట్లు రాష్ట్రీయ కిసాన్ మజ్దూర్ మహాసంఘ్(ఆర్కేఎంఎం) కన్వీనర్ శివకుమార్ శర్మ తెలిపారు. -
మాఫీ చేయకుంటే రాజీనామా
న్యూఢిల్లీ/సాక్షి, బెంగళూరు: రైతు రుణమాఫీకి తాను కట్టుబడి ఉన్నానని, అలా చేయని పక్షంలో సీఎం పదవికి రాజీనామా చేయడంతో పాటు రాజకీయాల నుంచి తప్పుకుంటానని కర్ణాటక సీఎం కుమారస్వామి చెప్పారు. ఢిల్లీలో ప్రధానితో భేటీ అనంతరం ఆయన మాట్లాడుతూ.. ‘రైతుల రుణాల్ని మాఫీ చేస్తానని స్పష్టంగా చెప్పాను. అధికారంలోకి వచ్చిన 24గంటల్లో రుణమాఫీపై సంతకం చేస్తానని ఎన్నికల ప్రచారంలో వాగ్దానం చేశాను. అయితే కొన్ని పరిమితులున్నందున సమయం అవసరం’ అని పేర్కొన్నారు. రుణ మాఫీకి సంబంధించి మార్గదర్శకాలను రూపొందించామని.. బుధవారం బెంగళూరులో వాటిని వెల్లడిస్తామని ఆయన తెలిపారు. బీజేపీ తనకు వ్యతిరేకంగా కుట్ర చేస్తోందని, ప్రజలు వాటిని నమ్మొద్దని కుమారస్వామి విజ్ఞప్తి చేశారు. ప్రజలను అవమానించలేదు కాంగ్రెస్ దయతోనే ముఖ్యమంత్రిని అయ్యానని.. ప్రజల దయతో కాదంటూ తను చేసిన వ్యాఖ్యలపై దుమారం రేగుతుండటంపై కుమారస్వామి వివరణ ఇచ్చారు. ప్రజలను అవమానించాలని తాను ఆ వ్యాఖ్యలు చేయలేదని.. భాగస్వామ్య కూటమి కారణంగానే సీఎం అయ్యానని చెప్పడమే తన ఉద్దేశమన్నారు. ‘నేను సంకీర్ణ ప్రభుత్వంలో ఉన్నాను. కాంగ్రెస్ మద్దతున్నన్ని రోజులు సీఎంగా ఉంటాను. ఏ కార్యక్రమం చేయాలన్నా వారి అనుమతి ఉండాల్సిందే. ఆ విషయాన్నే చెప్పా. నా వ్యాఖ్యలను మీరెందుకు (మీడియా) వక్రీకరించారో అర్థం కావడం లేదు’ కుమారస్వామి పేర్కొన్నారు. కాంగ్రెస్సే సీఎం పదవి ఇచ్చింది: దేవెగౌడ రైతు రుణమాఫీపై తామిచ్చిన హామీని నిలబెట్టుకోవడం కష్టమని జేడీఎస్ అధినేత, మాజీ ప్రధాని దేవెగౌడ చెప్పారు. బెంగళూరులో ఆయన మాట్లాడుతూ.. ‘మాకు 37 మంది ఎమ్మెల్యేలు మాత్రమే ఉన్నారు. వేరే పార్టీ మద్దతుతో మేం ప్రభుత్వాన్ని నడపాలి. వారి పథకాలను అమలు చేయాలి. వారి మద్దతు లేకుండా రుణమాఫీ హామీ అమలు సాధ్యం కాదు’ అని అన్నారు. కుమారస్వామికి కాంగ్రెస్ పార్టీ సీఎం పదవి ఇచ్చిందని, ఇలాంటి పరిస్థితుల్లో తొందరపడి సొంత నిర్ణయాలు తీసుకుంటే ఇబ్బందులు ఎదురవుతాయన్నారు. కర్ణాటకలో ప్రభుత్వం ఏర్పాటు చేయాలని కాంగ్రెస్ పార్టీని తాను కోరానని.. అయితే కుమారస్వామి సీఎం అవ్వాలనేది తమ హైకమాండ్ నిర్ణయమని ఆ పార్టీ నేతలు ఆజాద్, అశోక్ గెహ్లాట్లు చెప్పారన్నారు. శాఖలపై తేలని చర్చలు ఐదురోజులుగా మంత్రిత్వ శాఖల పంపకాల విషయంలో కాంగ్రెస్, జేడీఎస్ మధ్య జరుగుతున్న చర్చలు ఇంతవరకు ఓ కొలిక్కి రాలేదు. ఇరు పార్టీలు కీలక మంత్రిత్వ శాఖలపై పట్టుబడుతుండటంతోనే ఎటూ తేలడం లేదు. రాహుల్, సోనియాలు విదేశాలకు వెళ్లడంతో సీనియర్ నేతలు అహ్మద్ పటేల్, గెహ్లాట్, కేసీ వేణుగోపాల్, సిద్దరామయ్య, డీకే శివకుమార్లతో కుమారస్వామి, జేడీఎస్ నేత డానిష్ అలీ చర్చలు జరిపారు. ఢిల్లీలో తమ పార్టీ పెద్దలతో కుమారస్వామి చర్చలు జరిపారని.. త్వరలోనే ఈ విషయం పరిష్కారం అవుతుందని కాంగ్రెస్ నేతలు చెప్పారు. కర్ణాటకలో రైతులకు రుణమాఫీ చేయాలని సోమవారం ప్రతిపక్ష బీజేపీ నిర్వహించిన రాష్ట్ర బంద్ ప్రశాంతంగా ముగిసింది. బంద్కు పిలుపునిచ్చినప్పటికీ ప్రజల్నుంచి పెద్దగా స్పందన లభించలేదు. రాష్ట్రంలో బొగ్గు కొరత తీర్చాలని ప్రధానిని కోరా కర్ణాటక ముఖ్యమంత్రి అయ్యాక తొలిసారి కుమార స్వామి. ప్రధాని నరేంద్ర మోదీతో భేటీ అయ్యారు. రాష్ట్రంలో థర్మల్ విద్యుత్ ప్లాంట్లకు బొగ్గు కొరతపై మోదీతో చర్చించారు. ‘రాయ్చూర్, యరమర, బళ్లారి ప్లాంట్లకు డిమాండ్ మేరకు బొగ్గును సరఫరా చేయాలని ప్రధానిని కోరాను. ఇతర సమస్యలపై కూడా చర్చించాం. ఈ సందర్భంగా సీఎంగా, పీఎంగా తన పాలనా అనుభవాల్ని ప్రధాని నాతో పంచుకున్నారు’ అని కుమార స్వామి చెప్పారు. -
నేనేం ప్రజల దయతో సీఎంను కాలేదు
-
నేనేం ప్రజల దయతో సీఎంను కాలేదు
సాక్షి, బెంగళూరు: కర్ణాటక ముఖ్యమంత్రి హెచ్డీ కుమారస్వామి కీలక వ్యాఖ్యలు చేశారు. ప్రజల దయతో తాను సీఎంను కాలేదని, కాంగ్రెస్ మూలానే తనకు ఆ పదవి దక్కిందని ఆయన వ్యాఖ్యానించారు. ఆదివారం(మే 27న) మాజీ ప్రధానమంత్రి జవహర్లాల్ నెహ్రూ వర్ధంతి సందర్భంగా విధానసౌధలో ఆయన చిత్రపటానికి కుమారస్వామి నివాళులర్పించారు. అనంతరం ఆయన మీడియాతో మాట్లాడారు. ‘ఎన్నికల సమయంలో ఇచ్చిన మాట ప్రకారం రైతుల రుణమాఫీ విషయంలో వెనుకడుగు వేయబోం. సంకీర్ణ ప్రభుత్వమైనందున భాగస్వామ్య కాంగ్రెస్తో చర్చించాక నిర్ణయం తీసుకుంటాం, ఇందుకు వారం రోజులు సమయం కావాలి. రుణ మాఫీ చేయలేని పక్షంలో సీఎం పదవికి రాజీనామా చేసేందుకూ సిద్ధం’ అని పేర్కొన్నారు. ప్రస్తుతం మంత్రివర్గ ఏర్పాటు గురించి చర్చలు జరుగుతున్నాయని, అవి ఓ కొలిక్కి వచ్చాక రుణమాఫీ విషయంపై చర్చిస్తామని ఆయన తెలిపారు. ‘ఆరున్నర కోట్ల మంది మమల్ని(జేడీఎస్)ను తిరస్కరించారు. కానీ, కాంగ్రెస్ పార్టీ దయతో నేను సీఎం అయ్యాను. కాంగ్రెస్కు నేను కట్టుబడి ఉండాల్సిన అవసరం ఉంది. అలాగని రాష్ట్రంలోని రైతులు ఎవరూ రుణమాఫీ విషయంలో ఆందోళన చెందవద్దు. ఎవరూ ఆత్మహత్యలు చేసుకోవద్దు. త్వరలోనే సమస్య పరిష్కారం అవుతుంది’ అని సీఎం కుమారస్వామి చెప్పారు. కాగా, ఎన్నికల మేనిఫెస్టోలో జేడీఎస్ రైతుల రుణమాఫీను చేర్చగా, కాంగ్రెస్ మాత్రం ఆ ఊసెత్తకుండానే బరిలో దిగింది. మంత్రి పదవులపై విభేదాల్లేవు... కాంగ్రెస్ నేతలు హస్తిన నుంచి తిరిగి వచ్చాక మంత్రిమండలిని ఏర్పాటు చేస్తామని సీఎం తెలిపారు. మంత్రివర్గం ఏర్పాటు విషయంలో కాంగ్రెస్-జేడీఎస్ మధ్య విభేదాలు లేవు. అలాంటి వార్తలన్నీ అవాస్తవమని కుమార చెప్పారు. కేబినెట్ కూర్పు సమయంలో పదవుల కోసం డిమాండ్లు వినిపించడం సహజమే, అసంతృప్తులు ఉంటారు, వారికి సర్ది చెపుతామని పేర్కొన్నారు. అయితే ప్రతిపక్షం అదేపనిగా పెట్టుకుని తమపై బురద జల్లేందుకు ప్రయత్నిస్తోందని సీఎం మండిపడ్డారు. యెడ్డీతో మాట్లాడడమా?... బీజేపీ రాష్ట్ర అధ్యక్షుడు యెడ్యూరప్ప సీఎంగా ఉన్న కాలంలో రాష్ట్రంలో రైతుల ఆత్మహత్యల సంఖ్య పెరిగిపోయిందని కుమార ఆరోపించారు. కానీ, యెడ్యూరప్ప ప్రస్తుతం రుణమాఫీ విషయంపై పోరాడుతున్నట్లు నాటకాలు ఆడుతున్నారని విమర్శించారు. రుణమాఫీపై మూడురోజుల్లో నిర్ణయం చెప్పకుంటే రాష్ట్రవ్యాప్తంగా ఆందోళనలు చేస్తామనడం సిగ్గు చేటన్నారు. యెడ్డూరప్ప వ్యాఖ్యలకు ఎవరూ భయపడరని చెప్పారు. కాగా, రుణమాఫీ విషయంలో ప్రతిపక్ష బీజేపీ నేడు(సోమవారం) రాష్ట్ర బంద్కు పిలుపునిచ్చిన విషయం తెలిసిందే. హైకోర్టు సీజేతో భేటీ... ముఖ్యమంత్రి కుమారస్వామి ఆదివారం రాష్ట్ర హైకోర్టు ప్రధాన న్యాయమూర్తి జస్టిస్ దినేశ్ మహేశ్వరిని ఆయన నివాసంలో కలిశారు. కుమార సీఎంగా బాధ్యతలు చేపట్టాక జస్టిస్ మహేశ్వరిని మర్యాదపూర్వకంగా సమావేశమయ్యారు. నేడు ప్రధాని మోదీతో భేటీ... ముఖ్యమంత్రి కుమారస్వామి సోమవారం ఉదయం ఢిల్లీ వెళ్లనున్నారు. ప్రధానమంత్రి నరేంద్రమోదీతో భేటీ కానున్నారు. అయితే యూపీఏ చైర్పర్సన్ సోనియా గాంధీ, కాంగ్రెస్ అధినేత రాహుల్గాంధీ విదేశీ పర్యటనలో ఉండటంతో వారిని కలిసే అవకాశం లేదు. ప్రధాని అపాయింట్ కోరుతూ కుమారస్వామి లేఖ రాయగా, అనుమతి లభించడంతో హస్తిన పయనమవుతున్నారు. సోమవారం సాయంత్రం ప్రధాని మోదీతో పాటు కేంద్రమంత్రి పీయూష్ గోయల్తో కూడా సమావేశమై, రాష్ట్రంలోని పలు పెండింగ్ ప్రాజెక్టులు, సాయాలపై చర్చిస్తారు. -
24 గంటల్లోగా రైతు రుణాల మాఫీ
శివాజీనగర : రాష్ట్రంలో బీజేపీ ఈసారి 150 స్థానాల్లో గెలుపొందటంలో ఎలాంటి సందేహం లేదని, 17న తాను ముఖ్యమంత్రి ప్రమాణ స్వీకారం చేయటం తథ్యమని బీజేపీ రాష్ట్రాధ్యక్షుడు బీఎస్.యడ్యూరప్ప ధీమా వ్యక్తం చేశారు. అధికారం స్వీకరించిన 24 గంటల్లోగా జాతీయ, సహకార బ్యాంకుల నుంచి పొందిన రూ. లక్ష వరకు రుణ మాఫీ చేస్తానని, లేనిపక్షంలో ఒక్క రోజు కూడా అధికారంలో కొనసాగనని శపథం చేశారు. ఆదివారం బెంగళూరు ప్రెస్క్లబ్లో నిర్వహించిన మీట్ ది ప్రెస్లో విలేకరులతో మాట్లాడుతూ... జాతీయ బ్యాంకుల రుణమాఫీ చేయాలని సిద్దరామయ్య బోదిబోమంటూ కొట్టుకొంటున్నారని, ఉత్తరప్రదేశ్, మహారాష్ట్ర, రాజస్థాన్, హర్యానాతో పాటు అనేక రాష్ట్రాల్లో రుణ మాఫీ చేసినా కేంద్ర ప్రభుత్వం మాఫీ చేయాలని ఎవ్వరు చెప్పటం లేదన్నారు. అయితే సిద్దరామయ్య మాత్రం ఇటువంటి వితండమైన ప్రశ్నను ముందుంచుతున్నారని అసంతృప్తిని వ్యక్తం చేశారు. రాష్ట్రంలో సంపూర్ణ మెజారిటీతో తమ ప్రభుత్వమే అధికారంలోకి వస్తున్నందున జేడీఎస్తో పొత్తుపెట్టుకోవాల్సిన అవసరం లేదని స్పష్టం చేశారు. బళ్లారి రెడ్డి సహోదరులకు సర్వే ఆధారంగా టికెట్ ఇవ్వడమైనదని, జనార్ధనరెడ్డి టికెట్ పంపిణీ విషయంలో జోక్యం చేసుకోలేదని తెలిపారు. రెడ్డి సహోదరుల, వారి అనుచరులపై ఎలాంటి ఆరోపణలు లేవని ఆయన స్పష్టం చేశారు. ఆనంద్సింగ్, నాగేంద్రలను పక్కలో కూర్చోపెట్టుకుని మరొకరి గురించి మాట్లాడే నైతిక హక్కు సిద్దరామయ్యకు ఉందా అని ప్రశ్నించారు. తమ ప్రభుత్వం వచ్చిన తరువాత క్యాబినెట్లో ముస్లీంలకు అవకాశం కల్పిస్తామని చెప్పారు. ప్రస్తుత ప్రభుత్వం ప్రవేశపెట్టిన ఉత్తమ పథకాలను కొనసాగించటంతో పాటు ఇందిరా క్యాంటిన్ను అన్నపూర్ణ పథకంగా పేరుమార్చి ముందుకు కొనసాగిస్తామని బీఎస్వై తెలిపారు. ముఖ్యమంత్రి సిద్దరామయ్య, కేపీసీసీ అధ్యక్షుడు డాక్టర్ జీ.పరమేశ్వర్, లోక్సభలో కాంగ్రెస్ ప్రతిపక్ష నాయకుడు మల్లికార్జున ఖర్గేలు ఒకే వేదికపై కూర్చొని పార్టీ తరపున ప్రచారం జరపాలని ఆయన సవాల్ చేశారు. కాంగ్రెస్ విడిపోయిన ఇల్లుగా మారిపోయిందని విమర్శించారు. రాష్ట్రంలో మళ్లీ కాంగ్రెస్ అధికారంలోకి రాదనే విషయం అటు ఉంచిన చాముండేశ్వరి, బాదామిలో ముందు సీఎం గెలిచి రావాలని ఎదురుదాడి చేశారు. ఈ రెండు నియోజకవర్గాల్లో సిద్దరామయ్యకు ఓటమి తప్పదని, బాదామిలో బీజేపీ అభ్యర్థి శ్రీరాములు విజయం సాధిస్తారని, ఏ కారణానికి సిద్దరామయ్య గెలుపొందడని ఆయన ఓటమి సద్దిమూట అని జోస్యం చెప్పారు. అవినీతితో లూటీ చేసిన సిద్దరామయ్య తన గురించి మాట్లాడే నైతిక హక్కు లేదని, 70 లక్షల హుబ్లెట్ వాచ్ ఎవరు ఇచ్చారని రాష్ట్ర ప్రజల ముందు బహిరంగపరచాలని యడ్యూరప్ప తెలిపారు. కుల,మతాల మధ్య విష బీజం విత్తి రాజకీయ తీగను విస్తరించుకునేందుకు ప్రయత్నిస్తున్న సిద్దరామయ్యకు ఇదే తిరుగు బాణం అవుతుందన్నారు. ప్రత్యేక లింగాయత్ మతం చేయాలని వీరిని ఎవరు అడిగారని, తాను ముఖ్యమంత్రి కాకూడదని ఒకే కారణానికి దానిని విడగొట్టే నీచమైన సంస్కృతికి దిగజారారని ఆగ్రహం వ్యక్తం చేశారు. దీని ప్రతిఫలం కూడా నేడు సిద్దరామయ్య అనుభవిస్తారని తెలిపారు. -
ప్రభుత్వం వారిని మోసం చేస్తోంది...
సాక్షి, హైదరాబాద్: రైతులను ప్రభుత్వం మోసం చేస్తోందని బీజేపీ రాష్ట్ర అధ్యక్షుడు కె.లక్ష్మణ్ విమర్శించారు.ఆయన బుధవారం విలేకరులు సమావేశంలో మట్లాడుతూ... ‘తమ బాకీ తీర్చకుంటే దుబ్బాకలో రైతులపై చర్యలు తీసుకుంటామని బ్యాంకు అధికారులు హెచ్చరిస్తున్నారు. సీఎం మాట నమ్మి రుణమాఫీ అవుతుందని రైతులు సంబరపడ్డారు. కానీ వారిని ప్రభుత్వం మోసం చేసింది.’ అని ఆరోపించారు. కేసీఆర్ సొంతూరుకు కూతవేటు దూరంలో ఉన్న రైతులే అరిగోస పడుతున్నారని.. ఇక రాష్ట్రంలో మిగతా రైతుల పరిస్థితేమిటని ప్రభుత్వాన్ని ప్రశ్నించారు. రైతు మేలు కోరని ప్రభుత్వం.. రైతులకు మేలు చేసే ఉద్దేశముంటే ప్రభుత్వం వెంటనే అఖిలపక్షం ఏర్పాటు చేసి... రాష్ట్రస్థాయి బ్యాంకర్స్ మీటింగ్ పెట్టి రైతుల రుణ సమస్యలు తీర్చాలని ఆయన డిమాండ్ చేశారు. ఆదిలాబాద్, నల్గొండ, మెదక్ రైతులతో కలిసి బీజేపీ కిసాన్ మోర్చా ఆధ్వర్యంలో ఈ నెల 23న ఛలో అసెంబ్లీ కార్యక్రమం నిర్వహిస్తామని ప్రకటించారు. రైతుబీమాపై లేని ధీమా.. ‘రైతుబీమా’ పథకంపై ప్రభుత్వానికి చిత్తశుద్ధి లేదని అన్నారు. 40లక్షల రైతుల బీమాకు రూ.1200 కోట్లు అవసరం. కానీ రూ.500 కోట్లతో ప్రభుత్వం చేతులు దులుపుకుందని ఎద్దేవా చేశారు. ‘రాష్ట్రంలో ఎక్కడా నిరశనలు, దర్నాలు చేయకుండా అడ్డకుంటున్నకేసీఆర్.. ఆయన మాత్రం ఢిల్లీలోని జంతర్మంతర్ వద్ద దర్నా చేస్తాడట’ అని మండిపడ్డారు. రాజ్యసభ ఎన్నికలపై తెలంగాణలో బీజేపీ స్టాండ్ ఏమిటన్నది రేపు వెల్లడిస్తామన్నారు. -
రుణమాఫీ లిస్ట్లో ఓ ఎమ్మెల్యే పేరు!
సాక్షి, ముంబై : రైతుల రుణమాఫీ వ్యవహారం మహారాష్ట్రంలో రాజకీయంగా పెను కలకలం రేపుతున్న విషయం తెలిసిందే. రైతుల డిమాండ్ల కోసం సొంత నేత యశ్వంత్ సిన్హా దీక్ష చేపట్టడం, బీజేపీ ప్రభుత్వ తీరు నచ్చక మరో నేత ఎంపీ అయిన నానా పటోలే ఏకంగా పార్టీకి గుడ్బై చెప్పిన పరిస్థితులు బీజేపీ ప్రభుత్వానికి మరింత ఇబ్బందికరంగా మారాయి. తాజాగా ఈ అంశంపై అధికారులు ఎంత చిత్తశుద్ధితో తెలియజేసే ఘటన ఒకటి వెలుగులోకి వచ్చింది. రుణమాఫీ రైతుల పేర్ల జాబితాలో శివ సేన ఎమ్మెల్యే ప్రకాశ్ అబిట్కర్ పేరు కనిపించటం మీడియాలో చర్చనీయాంశంగా మారింది. కొల్హాపూర్ సెంట్రల్ కో-ఆపరేటివ్ బ్యాంక్ తరపున ఆయన రుణం కోసం దరఖాస్తు చేసినట్లు.. ఆయనకు 25 వేల రూపాయలు మంజూరు అయినట్లు ఉంది. కరువు ప్రాంత రైతులకు అందించిన రుణమాఫీ కింద ఆయనకు రుణం కూడా రద్దు అయ్యింది. దీనిపై స్పందించిన కొల్హాపూర్ ఎమ్మెల్యే ప్రకాశ్ అబిట్కర్ తాను ఎలాంటి రుణానికి దరఖాస్తు చేసుకోలేదని చెప్పటం విశేషం.‘‘ఆ వార్త మీడియాలోనే చూసి నేను తెలుసుకున్నా. షాక్కు గురయ్యాను. నేను ఎక్కడా నా పేరును నమోదు చేసుకోలేదు. ఆ రుణమాఫీతో నాకు ఎలాంటి సంబంధం లేదు. దీనిపై విచారణ చేపట్టాలని సంబంధిత అధికారులను కోరాను’’ అని ఆయన చెప్పారు. కాగా, సుమారు 34 వేల కోట్ల రుణమాఫీ విషయంలో తప్పులు దొర్లిన మాట వాస్తవమేనని.. త్వరలో వాటిని సరిదిద్దుకుంటామని స్వయానా ముఖ్యమంత్రి దేవేంద్ర ఫడ్నవిస్ ప్రకటన చేసిన మరుసటి రోజే ఈ అంశం వెలుగులోకి వచ్చింది. రుణమాఫీ వ్యవహారం అంతా ముఖ్యమంత్రి కార్యాలయం పరిధిలో ఉండటంతో ప్రతిపక్షాలు ఫడ్నవిస్పై మండిపడుతున్నాయి. శివ సేన ఎమ్మెల్యే ప్రకాశ్ అబిట్కర్ -
వడ్డీ మాఫీ చేసేదాకా ప్రభుత్వంపై ఒత్తిడి
నేరేడుచర్ల: రైతు రుణాలకు సంబంధించిన వడ్డీలను మాఫీ చేసే వరకూ ప్రభుత్వంపై ఒత్తిడి తెస్తానని పీసీసీ అధ్యక్షుడు ఉత్తమ్కుమార్రెడ్డి అన్నారు. గురువారం సూర్యాపేట జిల్లా పాలకీడు మండలం శూన్యపహాడ్ ఎత్తిపోతల పథకాన్ని పరిశీలించి మాట్లాడారు. కాంగ్రెస్ హయాంలో ఏకకాలంలో రైతుల రుణమాఫీ చేస్తే, టీఆర్ఎస్ ప్రభుత్వం నాలుగు విడతలుగా అసలు మాత్రమే మాఫీ చేసి వడ్డీ వసూలు చేస్తోందన్నారు. టీఆర్ఎస్ పార్టీ ఎన్నికల సమయంలో ఇచ్చిన హామీలను అమలు చేయడంలో పూర్తిగా విఫలమైందన్నారు. 2019లో కాంగ్రెస్ పార్టీ అధికారంలోకి రాగానే రైతులకు రూ.2 లక్షల వరకు రుణమాఫీ చేస్తామని పునరుద్ఘాటించారు. అలాగే వరికి రూ. 2వేలు, పత్తికి రూ. 5వేలు, మిర్చికి రూ. 10వేల మద్దతు ధర అందిస్తామన్నారు. నిరుద్యోగులకు రూ. 3వేల భృతి ఇస్తామని వివరించారు. -
రుణమాఫీపై బాబుది పబ్లిసిటీ స్టంట్
-
రుణమాఫీపై బాబుది పబ్లిసిటీ స్టంట్
సాక్షి, గుంటూరు : రుణమాఫీ విషయంలో ఏపీ ముఖ్యమంత్రి చంద్రబాబు నాయుడు.. రైతులకు వేల కోట్లలో నష్టం కలిగించారని వైఎస్సార్ కాంగ్రెస్ పార్టీ అధికార ప్రతినిధి అంబటి రాంబాబు చెప్పారు. మంగళవారం ఆయన మీడియాతో మాట్లాడుతూ... రైతుల రుణమాఫీపై చంద్రబాబు వ్యాఖ్యలు పబ్లిసిటీ స్టంటేనని తేల్చేశారు. మూడో విడదల నిధుల విడుదల గురించి చంద్రబాబు ఏదో ఘన కార్యం చేశారని చెబుతున్నారు. సక్రమంగా చేసి ఉంటే రుణాలు తగ్గాలి. కానీ, ఎందుకు పెరిగాయి? అని అంబటి ప్రశ్నించారు. 87 వేల కోట్లున్న రుణాలు.. ప్రస్తుతం లక్ష కోట్లకు చేరాయని ఆయన చెప్పారు. అంతేకాదు కేంద్ర ప్రభుత్వం 2014-15 సంవత్సరానికిగానూ ఇన్పుట్ సబ్సిడీగా ఇచ్చిన 2,365 కోట్లను ఇప్పటి వరకు రైతులకు ఎందుకు ఇవ్వలేదంటూ చంద్రబాబును నిలదీశారు. సున్నావడ్డీ, పావలా వడ్డీ రుణాలు, ఇన్పుట్ సబ్సిడీ ఎగ్గొట్టడం ద్వారా చంద్రబాబు 66, 365 కోట్లు నష్టం కలిగించారని అంబటి పేర్కొన్నారు. -
బ్యాంకర్ల మీటింగ్ పెట్టని ఏకైక సీఎం కేసీఆర్
సీఎల్పీ ఉపనేత జీవన్రెడ్డి సాక్షి, హైదరాబాద్: రైతు రుణాలు, సహాయం చేయడానికి బ్యాంకర్లతో సమావేశం నిర్వహించని ముఖ్యమంత్రి.. కేసీఆర్ ఒక్కరేనని మాజీ మంత్రి, సీఎల్పీ ఉపనేత టి.జీవన్రెడ్డి విమర్శించారు. శనివారం హైదరాబాద్లో ఆయన విలేకరులతో మాట్లాడుతూ, రాష్ట్రంలో రైతులకు గిట్టుబాటు ధర ఇవ్వలేదని, అది కేంద్రం బాధ్యత అంటూ చేతులెత్తేసిందని ఆరోపించారు. ఎకరానికి రూ.4 వేలను ఈ ఖరీఫ్ నుంచే ఇవ్వాలని డిమాండ్ చేశారు. రైతు సమస్యలను దృష్టి మళ్లించడానికే సమగ్ర భూ సర్వే అంటూ కొత్త అంశాన్ని తెరపైకి తెచ్చారని విమర్శించారు. మండలానికి ఒక్క సర్వేయర్ కూడా దిక్కు లేరని, ఇక సర్వే ఎలా చేస్తారని ప్రశ్నించారు. ఖరీఫ్ సీజన్ ప్రారంభమై రెండు నెలలు కావస్తున్నా బ్యాంకర్లు రుణాలు ఇవ్వడంలేదని, కనీసం రాష్ట్రస్థాయి బ్యాంకర్లతో సమావేశం కూడా నిర్వహించడం లేదని విమర్శించారు. రైతులకు గిట్టుబాటు ధర కల్పించకుండా కేవలం మాటలతోనే కాలం గడుపుతున్నారని మండిపడ్డారు. -
రుణమాఫీపై అధ్యయనానికి పంజాబ్ బృందం
అవకతవకలు లేకుండా అమలు చేయడంపై అభినందన సాక్షి, హైదరాబాద్: రైతు రుణమాఫీ పథకంపై అధ్యయనం చేయడానికి పంజాబ్ ప్రభుత్వ అధికారుల బృందం రాష్ట్రానికి వచ్చింది. పంజాబ్ వ్యవసాయ సహకార విభాగం అద నపు ముఖ్య కార్యదర్శి డి.పి.రెడ్డి, ఆ రాష్ట్ర వ్యవసాయశాఖ కమిషనర్ బల్వీందర్సింగ్ సింధు, సహకార బ్యాంకు ఎండీ ఎస్.కె.బటీష్, పంజాబ్ వ్యవసాయ వర్సిటీ ఆర్థికవేత్త డాక్టర్ సుఖ్పాల్సింగ్ ఈ బృందంలో ఉన్నారు. వారితో రాష్ట్ర వ్యవసాయశాఖ కార్యదర్శి పార్థసారథి నేతృత్వంలో అధికారులు, వివిధ బ్యాంకర్లు శుక్రవారం సచివాలయంలో సమావేశమయ్యారు. పార్థసారథి రుణమాఫీ గురించి వివరించారు. సీఎం కేసీఆర్ రైతు రుణమాఫీ కోసం ఒక కేబినెట్ సబ్ కమిటీని ఏర్పాటు చేశారన్నారు. ఆ కమిటీ రెండు నెలలపాటు శ్రమించి అవసరమైన మార్గద ర్శకాలను రూపొందించిందని చెప్పారు. అవకతవకలకు అవకాశం లేకుండా జరిగిన రైతు రుణమాఫీ పథకాన్ని పంజాబ్ బృందం అభినందించింది. -
ప్రభుత్వం పారిపోతుందా..?
వడ్డీ డబ్బులు వసూలు చేస్తున్నారని బ్యాంకర్లపై పోచారం ఆగ్రహం సాక్షి, నిజామాబాద్: ‘‘ప్రభుత్వం ఏమైనా పారిపోతుందా..? రైతుల రుణ మాఫీ సొమ్ము రూ.16,500 కోట్లు పువ్వుల్లో పెట్టి బ్యాంకులకు జమ చేశాం. తల తాకట్టు పెట్టయినా సరే బకాయిల డబ్బులు కూడా బ్యాంకులకు జమ చేశాం.. అయినా బ్యాంకర్లు రైతుల వద్ద వడ్డీ మాఫీ డబ్బులను ముక్కుపిండి వసూలు చేస్తున్నారు. రూ.16 వేల కోట్లు చెల్లించిన ప్రభుత్వం రూ.200 కోట్లు వడ్డీ మాఫీ డబ్బులు చెల్లించదా?’’అని మంత్రి పోచారం శ్రీనివాస్రెడ్డి బ్యాంకర్లపై మండిపడ్డారు. నిజామాబాద్ కలెక్టరేట్లో గురువారం జరిగిన బ్యాంకర్ల సమావేశంలో మంత్రి మాట్లాడారు. త్వరలో రాష్ట్రంలో క్రాప్ కాలనీలు ఏర్పాటు చేస్తామని, స్థానిక వినియోగానికి తగ్గట్టుగా ఉత్పత్తి జరిగేలా ప్రణాళికలు రూపొందిస్తున్నామని చెప్పారు. ఇందుకోసం సీఎఫ్టీఆర్ఐ (సెంట్రల్ ఫుడ్ టెక్నాలజీ రీసెర్చ్ ఇనిస్టిట్యూట్) సహకారం తీసుకుంటున్నామని వివరించారు. -
వడ్డీ రాయితీ కొనసాగింపు
రూ.3 లక్షల వరకూ స్వల్ప కాలిక పంట రుణాలకు 7 శాతం వడ్డీ ∙ కేంద్ర కేబినెట్ నిర్ణయం న్యూఢిల్లీ: స్వల్పకాలిక రుణాలు తీసుకునే రైతులకు వడ్డీ రాయితీ పథకాన్ని కొనసా గిస్తూ కేంద్ర ప్రభుత్వం నిర్ణయం తీసుకుంది. రూ.3 లక్షల వరకూ రైతులు తీసుకునే స్వల్పకాలిక రుణానికి 7 శాతం వడ్డీ.. ఈ రుణాన్ని సకాలంలో చెల్లించే రైతులు 4 శాతం(3 శాతం సబ్సిడీ) వడ్డీ చెల్లించే పథకాన్ని పొడిగించాలని నిర్ణయించింది. ఈ పథకం కోసం రూ.20,339 కోట్లను కేటా యించింది. ఈ మేరకు ప్రధాని మోదీ అధ్యక్షతన బుధవారం జరిగిన కేంద్ర కేబినెట్ సమావేశంలో నిర్ణయం తీసుకున్నారు. ప్రకృతి వైపరీత్యాల బారిన పడి నష్టపోయిన రైతులు సకాలంలో రుణాన్ని చెల్లించలేకపోతే.. వారికి మొదటి ఏడాది వడ్డీపై 2 శాతం సబ్సిడీ అందించనున్నారు. అలాగే పంటను నిల్వ ఉంచుకునేందుకు ఆరు నెలల కాలానికి తీసుకునే రుణాలను 7 శాతానికే అందజేయనున్నారు. 2006–07 నుంచి వడ్డీ రాయితీ వడ్డీ రాయితీ పథకాన్ని 2006–07 నుంచి అమలు చేస్తున్నారు. ఈ ఆర్థిక సంవత్సంలో కూడా దీనిని కొనసాగించాలని నిర్ణయించారు. పథకాన్ని నాబార్డు, రిజర్వ్ బ్యాంకు అమలు చేస్తున్నాయి. ఈ పథకం కింద రూ.3 లక్షల వరకూ స్వల్ప కాలిక రుణాలకు 2 శాతం వడ్డీ సబ్సిడీని ఇస్తూ 7 శాతం వడ్డీకే రుణాలను అందజేస్తోంది. దీనికి అదనంగా సకాలంలో రుణాలను తిరిగి చెల్లించే రైతులకు 3 శాతం వడ్డీ రాయితీ ఇస్తోంది. దీంతో సకాలంలో రుణాలను తిరిగి చెల్లించే రైతులు 4 శాతం వడ్డీకే రుణాలు పొందుతున్నారు. ఈ రుణాలను అన్ని ప్రభుత్వ రంగ బ్యాంకులు, ప్రైవేటు బ్యాంకులు, సహకార బ్యాంకులు, గ్రామీణ బ్యాంకులు అందజేస్తున్నాయి. -
రైతుల రుణాల మాఫీ నేరం కాదా?
న్యూఢిల్లీ: ఉత్తరప్రదేశ్ ముఖ్యమంత్రి యోగి ఆధిత్యనాథ్ రాష్ట్రంలోని రైతులు తీసుకున్న రూ. 36,359 కోట్ల పంట రుణాలను ఒక్క కలం పోటుతో మాఫీ చేయడాన్ని కాంగ్రెస్ యువ నాయకుడు రాహుల్ గాంధీ సహా వివిధ వర్గాల ప్రజలు ప్రశంసించడం ఆశ్చర్యం కలిగిస్తోంది. రాష్ట్ర అసెంబ్లీ ఎన్నికల సందర్భంగా బీజేపీ ఇచ్చిన హామీనే ఆయన ఇప్పుడు నిలబెట్టుకున్నారు. ఆయన తీసుకున్న ఈ నిర్ణయం వల్ల రాష్ట్రంలో దాదాపు 86 లక్షల మంది రైతులు లబ్ధి పొందుతున్నారు. కరవు కాటకాలతో అల్లాడి పోతున్న రైతులకు ప్రభుత్వం తీసుకున్న నిర్ణయం తాత్కాలిక ఉపశమనం కలిగించవచ్చు. కానీ దేశం దీర్ఘకాలిక ప్రయోజనాలు దెబ్బతింటాయన్న విషయాన్ని ఎంత మంది ఆలోచిస్తున్నారు. రైతుల రుణాల మాఫీకి, ఇతర జనాకర్షణక పథకాలకు ఖజానాలు ఖాళీ అవుతుంటే నీటి పారుదల సౌకర్యాలను అభివృద్ధి చేయాల్సిన ఆవశ్యకత ఎంతగానో ఉన్న యూపీలో వాటికి నిధులు ఎక్కడ నుంచి వస్తాయి? దేశంలో నీటి పారుదల సౌకర్యాలకు బడ్జెట్లో ఒక్క శాతం నిధులను కేటాయిస్తే దేశంలో జాతీయ స్థూల ఉత్పత్తి రెండు శాతం పెరుగుతుందని ఎంతో మంది నిపుణులు ఇప్పటికే అంచనాలు వేశారు. నివేదికలు సమర్పించారు. అభివృద్ధి పట్ల దూరదృష్టి, చిత్తశుద్ధి లేకుండా కేవలం ఎన్నికల్లో విజయం సాధించి పబ్బం గడుపుకోవాలని చూసే నేటి రాజకీయ పార్టీలు రైతుల రుణ మాఫీ అనే హామీని ఎన్నికలు వచ్చినప్పుడల్లా ముందుకు తీసుకొస్తున్నాయి. ప్రధానంగా రుణాల మాఫీ హామీ కారణంగానే యూపీలో బీజేపీ విజయం సాధించిందని చెప్పవచ్చు. 2008లో కేంద్రంలోని యూపీఏ ప్రభుత్వం దేశవ్యాప్తంగా రుణాల మాఫీ చేసిన కారణంగానే 2009లో జరిగిన ఎన్నికల్లో ఆ ప్రభుత్వం మళ్లీ విజయం సాధించిందనడంలో ఎలాంటి సందేహం లేదు. ఇప్పుడు కేంద్రం మాఫీ చేసిన మొత్తంలో సగానికికన్నా ఎక్కువ మొత్తాన్ని యోగీ ఆధిత్యనాథ్ మాఫీ చేశారని ప్రశంసిస్తున్నవారూ ఉన్నారు. నిజమే ఇప్పుడు ఇదే బాటలో పంజాబ్, మహారాష్ట్ర ప్రభుత్వాలు నడిచే ఆలోచనలో ఉన్నాయి. ఇప్పటికే పంజాబ్ ముఖ్యమంత్రి కెప్టెన్ అమరేందర్ సింగ్, ప్రధాని నరేంద్ర మోదీని కలిసి రుణాల మాఫీకి సహకరించాల్సిందిగా కోరారు. మహారాష్ట్రలో కూడా రుణాలను మాఫీ చేయాల్సిందిగా అక్కడి ఫడ్నవీస్ ప్రభుత్వంపై శివసేన తీవ్ర ఒత్తిడి తీసుకొస్తోంది. రుణాల మాఫీని చిన్న, సన్నకారు రైతులకు మాత్రమే పరిమితం చేయడం సబబుకాదని, రైతులందరికి వర్తింపచేయాలని మద్రాస్ హైకోర్టు తమిళనాడు రాష్ట్రాన్ని తాజాగా ఆదేశించిన విషయం తెల్సిందే. పంటల పేరు మీద తీసుకున్న రుణాలు ఎక్కువగా దుర్వినియోగం అవుతున్నాయనే ఆరోపణలే కాదు వాటిని రైతులు ఇతర అవసరాలకు ఉపయోగిస్తున్న ఉదంతాలు మనకు తెల్సినవే. ఎన్నికలు వచ్చేటప్పటికే పన్ను ఎగవేస్తున్న రైతుల జాబితాలు చాంతాడంతా పెరుగుతున్న విషయం తెల్సిందే. నిజాయితీగా పంట రుణాలను చెల్లిస్తున్న రైతులు నష్టపోతున్న విషయమూ తెల్సిందే. ఎన్నికల సమయంలో రుణాలను మాఫీ చేస్తామంటూ అధికారంలోకి వచ్చిన రెండు తెలుగు రాష్ట్ర ప్రభుత్వాలు ఇచ్చిన హామీలను అమలు చేయలేక చతికిల బడిన విషయమూ తెల్సిందే. ఆకలి దప్పులతో అలమటించే చిన్న, సన్నకారు రైతులకు రుణాలను మాఫీ చేయడంలో అర్థం ఉందిగానీ ధనిక రైతులకు కూడా రుణాలు మాఫీ చేయమనడంలో ఏమర్థం ఉందో కోర్టుకే తెలియాలి. వర్షాధార పంటలపై ఆధారపడి రైతులు బతికే పరిస్థితులున్న చోట నీటి పారుదల సౌకర్యాలను మెరుగుపర్చాల్సిన బాధ్యత, కర్తవ్యం ఇటు రాష్ట్రాలది, అటు కేంద్రానిది. దీన్ని విస్మరించిన రాజకీయ పార్టీలు రుణాల మాఫీల హామీలతో ఎన్నికల లబ్ధినే చూసుకుంటున్నాయి. కోట్లది రూపాయల రుణాలను మాఫీ చేస్తామని హామీ ఇవ్వడమంటే రైతులకు లంచం ఆశ చూపినట్లుకాదా? నేరం కాదా? ఎన్నికల కమిషన్ ఈ అంశాన్ని ఎందుకు పరిగణలోకి తీసుకోవడం లేదో అర్థం కాదు. -
యోగి రుణమాఫీ కూడా.. కంటి తుడుపేనా?
ఉత్తరప్రదేశ్ ముఖ్యమంత్రి యోగి ఆదిత్యనాథ్ ప్రకటించిన రైతు రుణమాఫీ కంటితుడుపు మాత్రమేనని, దాంతో తమకు ఏమంత గొప్ప ప్రయోజనం ఉండబోదని రైతులు మండిపడుతున్నారు. దాదాపు లక్ష మంది సన్నకారు, చిన్నకారు రైతులకు ప్రయోజనం కల్పించేలా మొత్తం రూ. 36,359 కోట్ల రుణాలను మాఫీ చేస్తున్నట్లు యూపీ ప్రభుత్వం ప్రకటించిన విషయం తెలిసిందే. అది ప్రభుత్వానికి పండగ కావచ్చు గానీ, రైతులకు మాత్రం కాదని.. ఆకలితో ఏడుస్తున్న పిల్లాడికి లాలీపాప్ ఇచ్చినట్లే ఉందని మథుర జిల్లాలోని బోర్పా గ్రామానికి చెందిన కేదార్ సింగ్ అన్నారు. మొత్తం రైతులకు ఉన్న రుణాలన్నింటినీ మాఫీ చేస్తారని తాము భావించినట్లు మథుర తాలూకా దామోదర్పురా గ్రామ సర్పంచ్, రైతు దేవీ సింగ్ చెప్పారు. ఎన్నికలకు ముందు నిర్వహించిన సమావేశాల్లో తమను ఘోరంగా మోసం చేశారని రాజన్ సింగ్ మండిపడ్డారు. రుణమాఫీ గురించి ప్రధానమంత్రి ఎన్నికల సభలలో చెప్పేటప్పుడు ఎవరెవరికి ఇది వర్తిస్తుందన్న విషయాన్ని అప్పట్లో చెప్పలేదని, ఇప్పుడు మాత్రం రాష్ట్ర ప్రభుత్వం తూతూ మంత్రంగా రుణమాఫీ చేసి చేతులు దులిపేసుకొంటోందని, ఇదంతా కంటితుడుపు చర్యగా ఉంటోందని విమర్శించారు. కేవలం 2016-17 సంవత్సరంలో తీసుకున్న రుణాలకు మాత్రమే మాఫీ వర్తిస్తుందని చెప్పడం కూడా అన్యాయమన్నారు. గత మూడేళ్లుగా ప్రకృతి ప్రకోపం వల్ల రైతుల పరిస్థితి ఘోరంగా ఉందని, ఇలాంటి సమయంలో కేవలం లక్ష రూపాయల లోపు రుణాలే మాఫీ చేస్తామంటే ఇది సముద్రంలో నీటిబొట్టు వేయడం లాంటిదని దీన్ దయాళ్ గౌతమ్ అనే రైతు తెలిపారు. కొద్ది మంది రైతులు మాత్రం రుణమాఫీ నిర్ణయాన్ని స్వాగతిస్తున్నారు. సాధారణంగా చిన్న రైతులకు బ్యాంకులు లక్ష రూపాయలకు మించి రుణాలు ఇవ్వవని కుశాల్ సింగ్ అనే రైతు అన్నారు. కేవలం గత సంవత్సరంలోనే పంట రుణాలు తీసుకున్న రైతులకు ఇది మంచి వరం లాంటిదని లోకేంద్ర అనే ఇంకో రైతు చెప్పారు. ఇంతకుముందు తీసుకున్న రుణాలు కూడా కట్టలేని రైతులు ఉన్నారని, వాళ్లకు కూడా ఇది వర్తింపజేసి ఉండాల్సిందని ఆయన అభిప్రాయపడ్డారు. -
రుణమాఫీపై సీఎం సంచలన నిర్ణయం?
ఉత్తర ప్రదేశ్ ముఖ్యమంత్రి యోగి ఆదిత్యనాథ్ సంచలన నిర్ణయం తీసుకోడానికి సిద్ధమవుతున్నారు. దాదాపు కోటిన్నర మంది చిన్నకారు, సన్నకారు రైతులకు రుణమాఫీ చేసే విషయమై ఈ వారంలో నిర్ణయం తీసుకోనున్నారు. తొలి కేబినెట్ సమావేశంలోనే దీనిపై తుది నిర్ణయం తీసుకోవాలని భావిస్తున్నారు. ఈ మేరకు ఇప్పటికే కోటిన్నర మంది రైతులతో కూడిన జాబితాను సిద్ధం చేసి ముఖ్యమంత్రికి పంపినట్లు ఆ రాష్ట్ర వ్యవసాయ శాఖ మంత్రి సూర్య ప్రతాప్ సాహి తెలిపారు. ఉత్తరప్రదేశ్లో బీజేపీ అధికారంలోకి రావడానికి ప్రధాన కారణాల్లో ఒకటి రైతు రుణమాఫీ. ప్రభుత్వం ఏర్పాటు కాగానే లబ్ధిదారుల జాబితాను సిద్ధం చేసే పనిలోనే పడ్డామని సాహి వివరించారు. రైతుల నుంచి దాదాపు 80 లక్షల టన్నుల గోధుమలను కొనుగోలు చేయాలన్న లక్ష్యానికి అనుగుణంగా గోధుమ కొనుగోలు కేంద్రాలను ఏర్పాటు చేస్తున్నామన్నారు. రైతులు తమ పొలాల నుంచి ఏడు కిలోమీటర్లకు మించి ప్రయాణం చేయాల్సిన అవసరం లేకుండా ఉండే విధంగా ఈ కేంద్రాలు ఉంటాయన్నారు. సమాజ్వాదీ పార్టీ ప్రభుత్వం కేవలం 40 లక్షల టన్నుల గోధుమలే పండించాలని రైతులకు చెప్పిందని, కానీ తమ ప్రభుత్వం దాన్ని రెట్టింపు చేసిందని మంత్రి అన్నారు. గోధుమలకు కనీస మద్దతుధర క్వింటాలుకు రూ. 1625 చొప్పున నిర్ణయించామన్నారు. మూసేసిన, వాడకుండా వదిలేసిన కోల్డ్ స్టోరేజిలను గోధుమల నిల్వకు ఉపయోగించుకోవాలని యోచిస్తున్నట్లు మంత్రి సాహి తెలిపారు. ప్రస్తుతమున్న గోడౌన్ల సామర్థ్యం 40 లక్షల టన్నులే ఉందని, అది సరిపోదు కాబట్టి మరింత నిల్వ సామర్థ్యం కోసం ఇలా ఆలోచిస్తున్నామని అన్నారు. రైతుల ఆదాయాన్ని 2022 నాటికి రెట్టింపు చేస్తామన్న ప్రధాని నరేంద్రమోదీ హామీ ఈ రకంగా నెరవేరుతుందని చెప్పారు. -
ఇది వేల కోట్ల స్కాం.. సీబీఐ విచారణ అవసరం
-
ఇది వేల కోట్ల స్కాం.. సీబీఐ విచారణ అవసరం
అగ్రిగోల్డ్ పేరుతో జరిగినది వేల కోట్లతో కూడిన అతిపెద్ద స్కాం అని, ఇందులో 20 లక్షల కుటుంబాలకు నెత్తిన టోపీ పెట్టారని ఏపీ ప్రతిపక్ష నేత వైఎస్ జగన్ మోహన్ రెడ్డి అన్నారు. దీనిపై హైకోర్టు జడ్జి ఆధ్వర్యంలో సీబీఐ విచారణ జరగాలని డిమాండ్ చేశారు. అదే సమయంలో సంస్థ భూములు, ఇతర ఆస్తులను వేలం వేసి మొత్తం బాధితులందరికీ వాళ్ల సొమ్ము ఇచ్చి న్యాయం చేయాలని కోరారు. అగ్రిగోల్డ్ అంశం గురించి అసెంబ్లీలో మాట్లాడేందుకు, తనకు బాధితులు ఇచ్చిన ఆధారాలను చూపించేందుకు అవకాశం ఇవ్వకపోవడంతో శుక్రవారం సాయంత్రం ఆయన మీడియాతో మాట్లాడారు. దానిపై ఆయన ఏమన్నారంటే... ఈరోజు అసెంబ్లీ జరిగిన తీరును అంతా చూసే ఉంటారు ఇంత దారుణమైన కౌరవ సభ దేశంలో ఎక్కడా ఉండి ఉండదు సాక్ష్యాధారాలు చూపిస్తూ, 20 నిమిషాల టైం ఇవ్వండి, ఆధారాలతో నిరూపిస్తానన్నాను అగ్రిగోల్డ్ సమస్య నాకు.. పుల్లారావుకు మధ్య వ్యక్తిగత సమస్య కాదని చెప్పాను ఆ టైం ఆయన ఇచ్చి ఉంటే ఈ ప్రెస్మీట్ పెట్టాల్సిన అవసరం ఉండేది కాదు నేను చూపుతున్న ఈ ఆధారాలతో అగ్రిగోల్డ్ బాధితులకు న్యాయం జరుగుతుందని అన్నాను బాధితులే ఈ ఆధారాలను తీసుకొచ్చి నాకు ఇచ్చారు.. ఇవేవో నేను తెచ్చినవి కావు ఈ ఆస్తులన్నీ బయటకు వెళ్లిపోతే తమకు డబ్బులు రావని.. పెద్దలు గద్దల్లా తన్నుకుపోతున్నారని చెప్పారు అందుకే ఈ ఆధారాలను మాకు తీసుకొచ్చి ఇచ్చారు మాకు ఇవ్వాల్సిన సొమ్ము రాకుండా పోతుందని ఆవేదన వ్యక్తం చేశారు కానీ గురువారం అగ్రిగోల్డ్ టాపిక్ జరుగుతుంటే మధ్యలో స్పీకర్ మైక్ కట్ చేశారు ఆడవాళ్ల గురించి తాను చేసిన వ్యాఖ్యల గురించిన ప్రెస్మీట్ వీడియోను ప్రదర్శించి చూపించారు అంత దారుణంగా విషయాన్ని డైవర్ట్ చేశారు ఈరోజు కూడా అలాగే జరిగింది.. ఆధారాలు ఉన్నాయి, చూపిస్తానంటే అవకాశం ఇవ్వలేదు వాళ్ల ఆస్తులను కాపాడాల్సిన ప్రభుత్వమే గద్దల మాదిరిగా తన్నుకుపోతోంది ఆశ్చర్యకరమైన విషయం ఏమిటంటే.. నాకు చాలెంజ్ చేస్తారు 20 లక్షల కుటుంబాలకు టోపీ పెట్టి, వేలకోట్లు మింగేసిన అతిపెద్ద స్కాం ఈ స్కాంలో పుల్లారావు అనే వ్యక్తి చిన్న చీమలాంటి వారు ఈయన లాంటివాళ్లు చాలామంది పెద్దమనుషులున్నారు.. వాళ్ల పేర్లు బయటకు రావాలి ఆ పెద్దమనుషుల చేతుల్లోంచి అగ్రిగోల్డ్ ఆస్తులను కాపాడాలి వాటిని మళ్లీ అటాచ్మెంట్లోకి తీసుకొచ్చి, డిపాజిట్ దారులకు మేలు జరిగేలా చూడాలి ఆస్తులను అమ్మి వాళ్లకు డబ్బులు ఇప్పించాలి మాట్లాడలేని ఆ గొంతుకలను నేను అసెంబ్లీలో వినిపించే ప్రయత్నం చేశాను దానికి నాకు, పుల్లారావుకు మధ్య ఏదో గొడవ ఉన్నట్లు చూపించారు సభలో ఆయనైనా ఉండాలట.. లేకపోతే నేనైనా ఉండాలట. అసెంబ్లీలో ప్రభుత్వం చేసిన తీర్మానం వల్ల అగ్రిగోల్డ్ బాధితులకు మంచి ఏమైనా జరుగుతుందా? ఆరోపణలు వినాలన్న ఉద్దేశం లేదు గానీ టాపిక్ను డైవర్ట్ చేస్తున్నారు దేశంలో బోఫోర్స్, స్పెక్ట్రం, కోల్ స్కాంల మీద విచారణ ఎలా మొదలైంది.. ప్రతిపక్షాలు తమవద్ద ఉన్న ఆధారాలను పార్లమెంటులో ప్రస్తావిస్తే చర్చ జరిగి ఆ తర్వాత విచారణ జరిగింది, అప్పుడే స్కాంలు బయటకు వచ్చాయి ఇప్పుడు పరిస్థితి ఏంటంటే.. బాధితులు ఇచ్చిన ఆధారాలను చూపించడానికి అసెంబ్లీలో 20 నిమిషాల సమయం అడిగినా ఇవ్వకుండా చాలెంజ్ అనే కొత్తపేరు తీసుకొచ్చారు ఇదే చంద్రబాబును అడుగుతున్నా.. చాలెంజ్ మీద నమ్మకం ఉంటే ఇదే సభలో ఎన్నిసార్లు మేం చాలెంజ్ చేశాం.. ఆయనేమైనా స్పందించారా? 21 మంది మా శాసన సభ్యులను కండువాలు కప్పి మీవైపు కూర్చోబెట్టుకున్నావు ఆ 21 మంది నీ పార్టీ గుర్తుతో గెలవలేదు.. వాళ్ల మీద అనర్హత వేటు పడకుండా సీఎం, స్పీకర్ కలిసి నాటకం ఆడుతున్నారు వాళ్లంతా అధికారపక్షం బెంచీలలో కూర్చున్నారు. వాళ్లను ఎందుకు అనర్హులుగా ప్రకటించడం లేదు ప్రజల మీద నమ్మకం ఉంటే, వాళ్లపై అనర్హత వేటు వేసి, నీ పార్టీ గుర్తుమీద వాళ్లను పోటీ చేయించు ప్రజలిచ్చే మాండేట్ను రిఫరెండంగా తీసుకుందాం.. మాకు మెజారిటీ వస్తే దాన్ని ప్రజాతీర్పుగా తీసుకొమ్మని సవాలు చేశాం తెలంగాణలో కోట్ల రూపాయల లంచం ఇస్తూ ఆడియో, వీడియో టేపులతో అడ్డంగా దొరికిపోయారు సుప్రీంకోర్టు ఆ కేసులో చంద్రబాబుకు నోటీసులు ఇచ్చారు. ఆ గొంతు చంద్రబాబుది కాదని నిరూపించగలరా అని చాలెంజ్ చేశాం.. వినలేదు ఆయన చాలెంజ్ తీసుకోరు గానీ, అవతలి వాళ్లు మాత్రం రెచ్చిపోయి, చాలెంజ్ తీసుకోవాలట. లేకపోతే ఏదో తప్పు చేసినట్లు అవుతుందట అసలు ప్రజాస్వామ్యంలో ప్రతిపక్షాన్ని మాట్లాడనివ్వాలి.. ఆరోపణలు వచ్చినప్పుడు సాక్ష్యాలలో పస ఉంటే విచారణ పిలిపించాలి 16 ఎకరాల హాయ్ల్యాండ్ భూములను ఎందుకు వేలం వేశారో ఎవరికీ తెలియదు విలువైన ఆస్తులు ఎందుకు బయటకు రావడం లేదో ఎవరికీ అర్థం కావట్లేదు ఎంపీలకు హస్తం ఉందని, చంద్రబాబు కొడుక్కి కూడా హస్తం ఉందని ఆరోపణలున్నాయి ఇప్పటివరకు అగ్రిగోల్డ్ బాధితులకు వచ్చింది కేవలం 16 కోట్లు మాత్రమే కేవలం 1152 కోట్లు ఇస్తే మొత్తం 14 లక్షల మందికి పైగా ఉన్న బాధితులందరికీ న్యాయం జరుగుతుందని అన్నారు కానీ చంద్రబాబుకు మాత్రం ఈ విషయాలేవీ పట్టవు అగ్రిగోల్డ్ గురించి మాట్లాడకుండా ఎలా కట్టడి చేయాలని మాత్రమే ఇలాంటి తీర్మానాలు చేస్తారు ఈ కేసులో ఇప్పటికి ఇద్దరిని మాత్రమే అరెస్టు చేశారు. చైర్మన్, ఆయన తమ్ముడు మాత్రమే ఈ కేసులో ఇంకా చాలామంది ఉన్నారు.. అంతా కంపెనీలలో ఉంటూ ప్రజల డబ్బులను దుర్వినియోగం చేసి, వాటితో బయట ఆస్తులు కొన్నారని అసెంబ్లీ దృష్టికి తెచ్చాను ఒక్క ప్రత్తిపాటి పుల్లారావు మాత్రమే కాదు, తిరుపతిలో 14.5 కోట్లకు ఒకటిన్నర ఎకరాల భూమిని అమ్మేశారు బ్రహ్మంగారి మఠంలో వాళ్లకున్న భూములను అమ్ముకున్నారని, 2016లో కూడా జరిగిందని చెప్పాం ఇన్ని జరుగుతుంటే, వీటిని వినాలన్న ఉద్దేశం లేదు ప్రత్తిపాటి పుల్లారావు భార్యకు భూములు అమ్మిన వ్యక్తి ఉదయ దినకరన్ ఆయన అగ్రిగోల్డ్ సంస్థల్లో డైరెక్టర్గా ఉన్నాడు, హాయ్ల్యాండ్ ప్రాపర్టీకి కూడా డైరెక్టర్గా ఉన్నాడు ఆర్కా లీజర్ అండ్ ఎంటర్టైన్మెంట్ కంపెనీ లిమిటెడ్లో 2010 మార్చి 8 నుంచి ఆయన డైరెక్టర్గా ఉన్నారు ఈ పెద్దమనిషి ఆ ఒక్క కంపెనీయే కాదు.. రామవ్వాస్ అనే మరో కంపెనీలో కూడా డైరెక్టర్గా ఉన్నారు ఒకవైపు అగ్రిగోల్డ్ ప్రజలకు టోపీ పెడుతోందని ఆరోపణలు వస్తున్నా, 2014లో ఈయన భూములు కొనుగోలు చేశారు వెంకట కృష్ణ ఆంజనేయ ప్రసాద్ నుంచి దినకరన్ 2014 జూలైలో కొన్నారు ఆ తర్వాత.. అగ్రిగోల్డ్ మీద కేసులు పడ్డాయి. 2015 జనవరి4న పశ్చిమగోదావరి జిల్లా పెదపాడులో కేసులు నమోదయ్యాయి ఇదే హాయ్ల్యాండ్లో ఉన్న డైరెక్టర్ ఉదయ్ దినకరన్ 19వ తేదీన ప్రత్తిపాటి పుల్లారావుకు భూములు అమ్మారు ప్రత్తిపాటి పుల్లారావు భార్య వెంకాయమ్మ.. ఉదయ్ దినకరన్ నుంచి భూములు కొన్న సేల్ డీడ్ కాపీ కూడా ఉంది స్పెక్ట్రం కేసులోను, కోల్ స్కాంలోను, బోఫోర్స్ స్కాంలోను ప్రతిపక్షాలు ఏం మాట్లాడాయో నాకు తెలియదు గానీ, వాటి మీద సీబీఐ విచారణ జరిగింది ఇప్పుడు నేను ఆధారాలతో సహా చూపిస్తున్నాను.. సీఐడీ విచారణ వద్దు, అది రాష్ట్ర ప్రభుత్వం ఆధీనంలో ఉంటుంది హైకోర్టు న్యాయమూర్తి ఆధ్వర్యంలో సీబీఐ విచారణ జరగాలి అది జరిగినా కూడా అగ్రిగోల్డ్ డిపాజిట్దారులకు నష్టం మాత్రం జరగకూడదు. ఒక్క పుల్లారావే కాదు.. గద్దలు అందరిమీద విచారణ చేసి, ఆస్తులన్నింటినీ వెనక్కి తీసుకొచ్చి వాటిని రీ ఎటాచ్ చేసి, వాటిని వేలం వేయగా వచ్చిన డబ్బును డిపాజిట్దారులకు అందజేయాలి ఈ విషయాలు చెప్పడానికి 20 నిమిషాల సమయం అడిగితే ఇవ్వలేదు నేనేమైనా సీబీఐ అధికారినా, పోలీసునా.. నేను పిలిస్తే చంద్రబాబు, ఆయన కొడుకు ఏమైనా వస్తారా.. ఇది 20 లక్షల కుటుంబాలకు సంబంధించిన సమస్యే తప్ప జగన్ మోహన్ రెడ్డికి సంబంధించిన వ్యక్తిగత సమస్య కాదని చెప్పాను అందరి సంక్షేమం కోసం 20 నిమిషాల సమయం ఇవ్వమని అడిగితే వెంటనే మైక్ కట్ చేసేస్తున్నారు ప్రజాస్వామ్యంలో స్పీకర్ ఎంత దారుణంగా వ్యవహరిస్తున్నారో అందరికీ తెలియాలి స్పీకర్ మీద అవిశ్వాస తీర్మానం పెట్టేముందు 14 రోజుల సమయం ఉండాలని నిబంధనలు ఉన్నాయి కానీ ఇంతకుముందు స్పీకర్ దాన్ని తోసిపారేసి.. వెంటనే అవిశ్వాసం చేపట్టారు ఎందుకంటే, 21 మంది సభ్యులకు విప్ జారీ చేసే అవకాశం మాకు ఇవ్వకూడదని ఇప్పుడు కూడా దాదాపు అలాగే చేస్తారు.. తీర్మానం వీగిపోయేలా చేస్తారు అయినా అవిశ్వాస తీర్మానం పెడతాం.. ఎందుకంటే, ఈ సభలో ఉన్నది మనుషులు కారు, రాక్షసులని ప్రజలకు తెలియాలి చివరకు ప్రజలు మొట్టికాయలు వేస్తారు, పైనుంచి దేవుడు కూడా మొట్టికాయలు వేయాల్సిందే రుణమాఫీపై అసెంబ్లీలోనూ అబద్ధాలే ఆ తర్వాత రైతు రుణమాఫీపై వ్యవసాయ మంత్రి ప్రత్తిపాటి పుల్లారావు అసెంబ్లీలో చెప్పిన విషయాలు, వాటిలోని అబద్ధాలను సాక్ష్యాధారాలతో సహా జగన్ నిరూపించారు. విశాఖపట్నానికి చెందిన వైఎస్ఆర్సీపీ నాయకుడు కరణం ధర్మశ్రీ కుటుంబానికి చెందిన మూడు రుణాలు పూర్తిగా మాఫీ అయిపోయినట్లు మంత్రి చెప్పారని, కానీ అదంతా పచ్చి అబద్ధమని చెప్పారు. అందుకు సంబంధించిన ఆధారాలను కూడా చూపించారు. ఈ సందర్భంలో జగన్ ఏమన్నారంటే.. చంద్రబాబు సీఎం అయ్యేనాటికి రైతులకు 87,612 కోట్ల రుణాలు ఉన్నాయి ఆయన కట్టొద్దన్నందుకు రైతులు ఆ రుణాలు కట్టలేదు, దాంతో వారికి బ్యాంకులు అపరాధ వడ్డీ వేస్తున్నాయి వీళ్లు ఏడాదికి 3500 కోట్లు ఇస్తూ మొత్తం రుణమాఫీ చేసేశామంటున్నారు దాదాపు 40 లక్షల రైతుల అకౌంట్లు ఎన్పీఏలుగా బ్యాంకులు ప్రకటించాయి మరోవైపు రైతుల రుణభారం విపరీతంగా పెరుగుతోంది.. ఇప్పుడు దాదాపు 1.05 లక్షల కోట్లకు చేరుకుంది కరణం ధర్మశ్రీకి 1.36 లక్షల రుణాలు మాఫీ అయ్యాయని చెప్పారు విషయం ఏమిటంటే.. ప్రత్తిపాటి పుల్లారావు మూడు సందర్భాలు ప్రస్తావించారు ధర్మశ్రీ భార్య విజయలక్ష్మి 49 సెంట్ల భూమి పెట్టి 2007లో 35 వేలు తీసుకున్నారని, కానీ స్కేల్ ఆఫ్ ఫైనాన్స్ ప్రకారం అంత రాదని చెప్పారు వడ్డీతో కలిపి ఇది 70వేలు అయ్యిందని చెప్పారు, దీనికి 13794 రుణమాఫీ చేశామని చెప్పారు విజయలక్ష్మికి మొత్తం 4 ఎకరాల భూమి ఉంది రెండు విడతలుగా ఆమెకు మొత్తం 5793 రూపాయలు మాత్రమే ఇప్పటికి మాఫీ అయింది రెండో కేసు.. ధర్మశ్రీ పేరుతో ఉన్నది 2013లో 50 వేల రుణం దీనికి మొత్తం రుణమంతా మాఫీ అయిపోయిందని పుల్లారావు చెప్పారు మొదటి దఫా 10 వేలు ఇచ్చారు. అందులో అసలు 3200, ఇంకా వడ్డీ ఉన్నాయి రెండోదఫాలో 11వేలు ఇచ్చారు.. ఈవాల్టికి 46వేలు, దానిపై వడ్డీ కలిపి 51వేల రుణం అలాగే ఉంది -
జానారెడ్డీ.. గట్లనేనా మాట్లాడేది?
జానాపై ముఖ్యమంత్రి కె.చంద్రశేఖర్రావు ఫైర్ - రుణమాఫీ ఏమన్నా బ్రహ్మపదార్థమా.. ఇంకేం లేదా? - పాడిందే పాడరా.. అన్నట్టు వ్యవహరిస్తున్నారు - ఇంకా కాంగ్రెస్ పాలనపై ఎందుకు విమర్శలు: జానారెడ్డి - ఇప్పుడు మీరేం చేస్తున్నారో చెప్పండి - కేంద్రం నిధులను మళ్లించడం పద్ధతేనా? - అసెంబ్లీలో ఇరువురు మధ్య వాడివేడి చర్చ సాక్షి, హైదరాబాద్: ‘‘ఏనుగు దూరి తోకచిక్కినట్టు.. రైతు రుణమాఫీలో 75 శాతాన్ని చెల్లించి మిగతా మొత్తాన్ని చెల్లించేందుకు ఏర్పాటు చేస్తుంటే పాడిందే పాడరా... అన్నట్టు కాంగ్రెస్ సభ్యులు వ్యవహరిస్తున్నారు. ఇదేదో బ్రహ్మపదార్థం అయినట్టు ఇంతకు మించింది లేనేలేనట్టు సభలో అనవసర రాద్ధాంతం చేస్తున్నారు. ఎన్నో పర్యాయాలు మంత్రిగా పనిచేసిన జానారెడ్డి గట్లనే మాట్లాడ్తరా..’’ – ముఖ్యమంత్రి కె.చంద్రశేఖర్రావు ‘‘ఎంతసేపూ కాంగ్రెస్ ప్రభుత్వం హయాంలో అట్లా.. ఇట్లా.. అంటూ చెప్పిందే చెప్పి.. అన్నదే అని.. ఏంటిది? మా ప్రభుత్వం పోయి మీ ప్రభుత్వం వచ్చింది. ఇప్పుడు మీరేం చేస్తున్నారు? కేంద్రం ఇచ్చిన నిధులను కూడా మళ్లిస్తున్నారు. ఇదేనా పద్ధతి?’’ – సీఎల్పీ నేత జానారెడ్డి వ్యవసాయంపై అసెంబ్లీలో బుధవారం జరిగిన స్వల్పకాలిక చర్చ సందర్భంగా ముఖ్యమంత్రి కె.చంద్రశేఖర్రావు, సీఎల్పీ నేత జానారెడ్డి మధ్య కాసేపు వాడివేడి సంభాషణ చోటు చేసుకుంది. చర్చ అనంతరం మంత్రి పోచారం శ్రీనివాసరెడ్డి సమాధాన మిస్తూ.. తాను టీడీపీలో ఉండి అప్పటి ముఖ్యమంత్రి పనితీరు, టీఆర్ఎస్లో ఉంటూ ప్రస్తుత సీఎం పనితీరును దగ్గర్నుంచి చూశానని, ఇచ్చిన ఎన్నికల హామీలను 98% వరకు అమలు చేసి చూపు తున్న ఏకైక సీఎం కేసీఆర్ అంటూ కితాబిచ్చారు. కాంగ్రెస్ హయాంలో రూ.480 కోట్ల ఇన్పుట్ సబ్సిడీ బకాయి పడితే తాము అధికారంలోకి వచ్చాక చెల్లించినట్టు గుర్తు చేశారు. దీనికి కాంగ్రెస్ సభ్యులు తీవ్రంగా అభ్యంతరం చెప్పారు. మంత్రి అన్నీ తప్పుడు లెక్కలు సభ ముందుం చుతున్నారని, సరైన వివరాలు చెప్పేందుకు తమకు అవకాశం ఇవ్వాలని కాంగ్రెస్ సభ్యు లు జీవన్రెడ్డి, చిన్నారెడ్డి, సంపత్, రామ్మో హన్రెడ్డి తదితరులు పట్టు బట్టారు. ఈ సమ యంలో జానారెడ్డి లేచి... దాదాపు రూ. 2,100 కోట్ల ఇన్పుట్ సబ్సిడీ చెల్లించిన తర్వా త మిగిలిన రూ.480 కోట్లు చెల్లించే తరుణం లో రాష్ట్రపతి పాలన రావటంతో బకాయి పడిందని గుర్తు చేశారు. ‘కాంగ్రెస్ హయాం లో తెలంగాణకు వివక్ష..’ అంటూ చెప్పిన విషయాలనే చెబుతున్నారన్నారు. సోలార్ పంప్సెట్లపై కేంద్రం సబ్సిడీ ఇస్తే ఈ ప్రభు త్వం ఏం చేసిందని ప్రశ్నించారు. ఇంతలో సభలోకి వచ్చిన సీఎం జానా తీరును తీవ్రం గా తప్పుబట్టారు. ‘‘కారణాలేవైనా కాంగ్రెస్ ప్రభుత్వం బకాయిపడ్డ రూ.480 కోట్ల ఇన్పుట్ సబ్సిడీని తెలంగాణ వచ్చాక మేం విడుదల చేసినమాట నిజమా కాదా..? రైతు రుణమాఫీలో 75 శాతం చెల్లించి మిగతా 25 శాతం ఇప్పుడు చెల్లించేందుకు సిద్ధమవుతున్న తరుణంలో పాడిందే పాడరా... అన్నట్టు కాంగ్రెస్ నేతలు మాట్లాడుతున్నారు. ఎన్నో ప్రభుత్వాల్లో మంత్రిగా పనిచేసిన సీనియర్ నేత జానారెడ్డి ఇలా మాట్లాడ్డం సరికాదు..’’ అని పేర్కొన్నారు. ఈ విషయం జానాకు తెలియదా? మన పక్క రాష్ట్రంలో రూ.11 వేల కోట్ల రుణమాఫీ చెల్లిస్తే.. తెలంగాణలో రూ.12 వేల కోట్లు చెల్లించామని, దేశంలో మరేదైనా రాష్ట్రంలో ఇంతమొత్తం చెల్లించారా అని కేసీఆర్ ప్రశ్నించారు. కేంద్రాన్ని రూ.3 వేల కోట్లు అడిగితే రూ.1,100 కోట్లు వచ్చాయని, ఇందులో ఇన్పుట్ సబ్సిడీ రూ.703 కోట్లు ఉందన్నారు. ఆ సమయంలో తీవ్ర నీటి సమస్య ఉంటే ఆ నిధులను వాటికోసం సర్దుబాటు చేశామన్నారు. ఇలా సర్దుబాటు చేసే వెసులుబాటు ఉంటుందని జానారెడ్డికి తెలియక మాట్లాడుతున్నారా అని ప్రశ్నించారు. అలా సర్దుబాటు చేసిన మొత్తాన్ని ఇప్పుడు చెల్లించామని, దీన్ని ఎందుకు రాద్ధాంతం చేస్తున్నారో అర్థం కావటం లేదని సీఎం పేర్కొన్నారు. అనంతరం పోచారం ప్రసంగాన్ని కొనసాగించారు. కాంగ్రెస్ హయాంలో రైతులకు పగటివేళ రెండు గంటలు కూడా కరెంటు లేకపోతే తాను, హరీశ్రావు నాటి సీఎం కిరణ్కుమార్రెడ్డిని కలసి సమస్య విన్నవిస్తే.. ‘‘తెలంగాణ తెచ్చుకుంటామంటున్నారు కదా తెచ్చుకోండి.. అప్పుడు ఈ మాత్రం కూడా ఉండదు..’’ అని పేర్కొన్నారని గుర్తు చేశారు. -
రుణమాఫీ ఒకేసారి చేయలేం: సీఎం కేసీఆర్
అది మా విధానం కాదన్న ముఖ్యమంత్రి - కాంగ్రెస్ డిమాండ్ చేసిందనో.. మరెవరో చెప్పారనో మా విధానం మార్చుకోం - ఎఫ్ఆర్బీఎం పరిమితి పెంచితే ఒకేసారి మాఫీ చేస్తామన్నది నిజమే... అలా వచ్చిన రూ. 3 వేల కోట్లు మూడో విడత రుణమాఫీకే ఇచ్చాం - అనుకున్నట్టుగా వాణిజ్య పన్నుల ఆదాయం రాలేదు - కేంద్రం పెద్ద నోట్లను రద్దు చేయడంతో భూముల అమ్మకాల ఆదాయం లేదు - మిగిలిన 25 శాతానికి వచ్చే బడ్జెట్లో నిధులిస్తాం సాక్షి, హైదరాబాద్: రైతులకు రుణమాఫీ చేసేందుకు తాము కట్టుబడి ఉన్నామని, అయితే ఒకేసారి రుణమాఫీ చేయడం తమ ప్రభుత్వ విధానం కాదని ముఖ్యమంత్రి కె.చంద్రశేఖర్రావు స్పష్టం చేశారు. కాంగ్రెస్ డిమాండ్ చేసిందనో, మరెవరో చెప్పారనో తమ విధానం మార్చుకోలేమని తేల్చిచెప్పారు. బుధవారం అసెంబ్లీలో వ్యవసాయంపై జరిగిన స్వల్పకాలిక చర్చ సందర్భంగా సీఎం మాట్లాడారు. కేంద్రం రాష్ట్రానికి ఎఫ్ఆర్బీఎం పరిమితిని పెంచితే ఒకేసారి రుణమాఫీ చేస్తామని సీఎం గతంలో చెప్పిన విషయాన్ని చర్చ సందర్భంగా విపక్ష నేత జానారెడ్డి గుర్తుచేశారు. దీనిపై సీఎం వివరణ ఇస్తూ... ‘‘ఎఫ్ఆర్బీఎం పరిమితి 0.5 శాతం పెరిగి, వాణిజ్య పన్నులు రూ.4.5 వేల కోట్లకు చేరి, బడ్జెట్లో పేర్కొన్న విధంగా భూముల అమ్మకాల ద్వారా ఆదాయం పెరిగితే.. ఒకేసారి రుణమాఫీ చేసే అంశాన్ని పరిశీలిస్తామని మేం చెప్పిన మాట వాస్తవమే. ఎఫ్ఆర్బీఎం పరిమితి పెంపు మేరకు వచ్చిన ఆదాయంలో రూ.3 వేల కోట్లు మూడో విడత రుణమాఫీకే అందజేశాం. అనుకున్నట్టుగా వాణిజ్య పన్నుల ఆదాయం పెరగకపోగా.. పెద్దనోట్ల రద్దు ప్రభావంతో భూముల అమ్మకాల ద్వారా ఆదాయం వచ్చే మార్గం కూడా లేకపోయింది’’ అని అన్నారు. రుణమాఫీ ఇప్పటికే 75 శాతం పూర్తయిందని, మిగిలిన 25 శాతానికి రానున్న బడ్జెట్ సమావేశాల్లోగా నిధులు కేటాయిస్తామని వెల్లడించారు. రుణమాఫీ మొత్తం రూ.17,500 కోట్లలో 75 శాతం పోగా.. మిగిలిన మొత్తానికి రైతులకు సంబంధం లేకుండా తామే చెల్లిస్తామని రాష్ట్ర ప్రభుత్వం బ్యాంకులకు హామీ ఇచ్చిందని తెలిపారు. రైతులు తమ పాత రుణంతో సంబంధం లేకుండా బ్యాంకుల నుంచి కొత్త రుణం పొందవచ్చని తెలిపారు. మొత్తం 35 లక్షల మంది రైతుల్లో ఎక్కడైనా కొందరికి ఇబ్బందులు తలెత్తి ఉండొచ్చని, కొన్నిచోట్ల బ్యాంకులు సరిగా వ్యవహరించకపోయి ఉండొచ్చని పేర్కొన్నారు. విపక్ష సభ్యులుS పేర్కొన్న విధంగా ఎక్కడైనా రైతులకు అన్యాయం జరిగినా, వడ్డీ భారం పడినా, ప్రభుత్వం దృష్టికి తెస్తే ఆ భారాన్ని మోసేందుకు సిద్ధంగా ఉన్నామని చెప్పారు. త్వరలోనే బ్యాంకులతో సమీక్షించి రైతుల నుంచి వసూలు చేసిన వడ్డీ వివరాలను సేకరించాలని వ్యవసాయ, ఆర్థిక మంత్రులకు సూచించారు. నిజాం షుగర్స్ ముగిసిన అధ్యాయం తెలంగాణకు గర్వకారణమైన నిజాం షుగర్ ఫ్యాక్టరీని తెరిపించాలని 2004లోనే తాను కేంద్రంతో కొట్లాడానని సీఎం కేసీఆర్ చెప్పారు. అయితే.. పదేళ్ల కాంగ్రెస్ ప్రభుత్వం పట్టించుకోని కారణంగా అక్కడి రైతులంతా చెరకు వేయడం మాని ప్రత్యామ్నాయ పంటల వైపు మళ్లారని చెప్పారు. ఫ్యాక్టరీని పూర్తిస్థాయిలో నిర్వహించాలంటే ఆ ప్రాంతంలో రైతులు కనీసం 10 లక్షల టన్నుల చెరకు పండించాలన్నారు. అయితే ప్రస్తుతం లక్ష టన్నులకు మించి చెరకు పంట లేనందున ఫ్యాక్టరీ నిర్వహణ సాధ్యం కాదని చెప్పారు. అయినా మహారాష్ట్ర తరహాలో రైతులు సొసైటీగా ఏర్పడి ఫ్యాక్టరీని నడుపుకునేట్లయితే తెరిపిస్తామని హామీ ఇచ్చినట్లు పేర్కొన్నారు. ఫ్యాక్టరీ నిర్వహణ విషయమై రైతులు విముఖత వ్యక్తం చేయడంతో ఆ అంశం ముగిసి పోయిందన్నారు. కాంగ్రెస్ ఎమ్మెల్యే జీవన్రెడ్డి చెబుతున్న విధంగా రైతులు ఫ్యాక్టరీని నిర్వహించేందుకు సిద్ధంగా ఉంటే.. సదరు సొసైటీకి ఆయన్నే చైర్మన్గా చేసేందుకు ప్రభుత్వానికి ఎలాంటి అభ్యంతరం లేదన్నారు. -
సర్కారుపై దరఖాస్తులతో సమరం
సాక్షి, హైదరాబాద్: ఎన్నికల సందర్భంగా ఇచ్చిన హామీల అమలు కోసం ప్రభుత్వంపై ఒత్తిడి తేవడానికి అర్హులైన లబ్ధిదారులతోనే వ్యక్తిగతంగా దరఖాస్తులు చేయించాలని నిర్ణయించినట్టు టీపీసీసీ అధ్యక్షుడు ఎన్.ఉత్తమ్కుమార్ రెడ్డి వెల్లడించారు. రైతుల రుణమాఫీ, విద్యార్థుల ఫీజు రీయింబర్స్మెంట్ ఇవ్వాలని కోరుతూ వ్యక్తిగతంగా వారి నుంచి దరఖాస్తులు స్వీకరించి, ప్రభుత్వానికి అంది స్తామన్నారు. రైతులు, విద్యార్థుల నుంచి దరఖాస్తులను పార్టీ శ్రేణులు సేకరించి ప్రభుత్వానికి అందించడం ద్వారా ఒత్తిడి పెంచుతామన్నారు. ఉత్తమ్కుమార్రెడ్డి అధ్యక్షతన పార్టీ కార్యనిర్వాహక కమిటీ, సీనియర్ నాయకులతో గాంధీభవన్లో మంగళవారం సమావేశం జరిగింది. ఈ వివరాలను ఉత్తమ్ మీడియాకు వెల్లడించారు. ఎన్నికల సమయంలో టీఆర్ఎస్ ఇచ్చిన హామీల్లో ప్రధానమైన రుణమాఫీ, రీయింబర్స్మెంట్పై కార్యాచరణ చేపట్టనున్నట్టుగా వెల్లడించారు. రూ.లక్ష పంట రుణాలను మాఫీ చేస్తామని ఎన్నికల్లో ఓట్లేయించుకున్న టీఆర్ఎస్ ఇప్పుడు మోసం చేస్తోందన్నారు. మూడోవిడత రుణమాఫీ చేయకపోవడంతో 37 లక్షల మంది రైతుల పట్టాదారు పాసుపుస్తకాలు, 3లక్షల మంది మహిళా రైతుల బంగారు ఆభరణాలు బ్యాంకుల్లోనే ఉన్నాయన్నారు. రూ.720 కోట్లు పక్కదారి.. కరువు బారిన పడిన రైతాంగాన్ని ఆదుకోవడానికి కేంద్రం ఇచ్చిన రూ.720 కోట్లను పక్కదారి పట్టించారని ఉత్తమ్ ఆరోపించారు. రైతుల నోట్లో మట్టి కొట్టేలా నిధులను కాంట్రాక్టర్లకు దోచిపెట్టారని విమర్శించారు. రైతులు పడుతున్న ఇబ్బందులు, ఇటీవల వచ్చిన వరదల వల్ల జరిగిన పంట నష్టానికి సంబంధించి క్షేత్రస్థాయిలో సమాచారం సేకరిస్తామని చెప్పారు. ఈ నెల 4, 5, 6 తేదీల్లో క్షేత్రస్థాయిలో పంటలను పరిశీలించి, నష్టంపై నివేదికలను రూపొందిస్తామని చెప్పారు. 13 నుంచి 18 వరకూ రుణమాఫీ, రీయింబర్స్మెంట్ అంశాలకు సంబంధించిన దరఖాస్తులను కాంగ్రెస్ పార్టీ పంపిణీ చేస్తుందన్నారు. ఈ దరఖాస్తులను ఈ నెల 21 నుంచి 31 మధ్య తిరిగి సేకరించి, వాటిని ప్రభుత్వ కార్యాలయాలకు అందిస్తామని చెప్పారు. 20న పెద్దపల్లిలో బహిరంగసభ ఈ నెల 20న పెద్దపల్లి పట్టణంలో రైతుగర్జన పేరుతో భారీ బహిరంగసభను నిర్వహిస్తామని ఉత్తమ్ ప్రకటించారు. రైతుల సమస్యలను ఈ సభ ద్వారా ప్రభుత్వానికి తెలియజేస్తామన్నారు. ఈ నెల 19న చార్మినార్ వద్ద రాజీవ్గాంధీ సద్భావనా యాత్రను నిర్వహిస్తామని, దీనికి ఏఐసీసీ ఉపాధ్యక్షుడు రాహుల్గాంధీని ఆహ్వానించినట్టుగా చెప్పారు. -
అగ్రహారం సొసైటీలో అడ్డంగా దోపిడీ
2015లో పంటలు సాగు లేదు. పైగా కరువు. దీంతో రైతుల చేతిలో చిల్లిగవ్వలేదు. ఖరీఫ్ సీజన్ ముగిసిపోతోంది. ఎలాగైనా పంట సాగు చేయాలి. ఏం చేయాలిరా దేవుడా అనుకుంటున్న సమయంలో అగ్రహారం సొసైటీలో వడ్డీలేని రుణాలు ఇస్తుండటంతో రైతులు రుణాల కోసం ఎగబడ్డారు. రైతు అవసరం సొసైటీ బ్యాంక్ అధికారులకు కాసుల వర్షం కురిపించింది. ఇదే అదనుగా భారీ ధరకు తైవాన్ స్ప్రేయర్లు అంటగట్టి సొసైటీవారు రైతులను నిలువు దోపిడీ చేశారు. ఖాజీపేట: అగ్రహారంలోని రైతు సహకార సొసైటీ కుంభకోణాలకు నిలయంగా మారింది. ఎంతమంది అధికారులు మారినా, ఎందరు అధ్యక్షులుగా బాధ్యతలు స్వీకరించినా పరిస్థితి మాత్రం మారడం లేదు. తాజాగా వడ్డీలేని రుణాల పేరుతో రైతులను నిలువుదోపిడీ చేస్తున్న ఉదంతం వెలుగు చూసింది. రైతులకు అవసరం లేకపోయినా తైవాన్ పంపుసెట్లు అంటగడుతున్నారు. అదనపు ఖర్చుల పేరుతో అందినకాడికి దండుకుంటున్నారు. ఇప్పటివరకు అగ్రహారం సొసైటీలో రైతులకు ఇచ్చిన రుణాల్లో రూ.1.3కోట్లకుపైగానే దోచుకున్నట్లు తెలుస్తోంది. పంప్ల పేరుతో దోపిడీ మాకు పంపులు ఉన్నాయి వద్దు అన్నా.. వినిపించుకోకుండా కచ్చితంగా తీసుకుంటేనే రుణం వస్తుంది.. లేకపోతే రాదని సొసైటీ అధ్యక్షుడు తెగేసి చెబుతున్నారు. దీంతో తప్పనిసరి పరిస్థితుల్లో రైతులు రుణాలు తీసుకుంటున్నారు. టూస్ట్రోక్ పంపుసెట్టు బయట రూ.5వేల నుంచి రూ.5,500లకు లభిస్తోంది. కానీ వీటిని రూ.6,470లకు కంపెనీ నుంచి కొనుగోలు చేశారు. ఇందులో దళారులు రూ.14లక్షలకుపైగానే దోచుకున్నారు. దళారులతో కుదిరిన ఒప్పందం మేరకు గుంటూరు నుంచి నేరుగా ఖాజీపేట అగ్రహారం సొసైటీకి 1,300 పంపుసెట్లు వచ్చాయి. వచ్చిన పంపు సెట్లకు రూ.కోటి 30లక్షలు డీడీని తీసి కంపెనీ వారికి ఇచ్చారు. అంటే ఒక్కో పంపు సెట్టు రూ.10 వేలు పడినట్లు తెలిసింది. అధికారికంగా చెల్లించిన ధరలో ఒక్కో పంపుసెట్టుపై రూ.3,530 అధికంగా చెల్లించారు. ఇప్పటివరకు 1,020 మంది రైతులకు రుణాలు ఇచ్చారు. రైతుల వద్ద నుంచి ఒక్కో పంప్సెట్టుకు రూ.13వేలు వసూలు చేస్తున్నారు. అంటే అధికారికంగా సొసైటీవారు రూ.10వేలు చెల్లిస్తే రైతుల వద్దనుంచి అనధికారికంగా మరో రూ.3వేలు వసూలు చేస్తున్నారు. అంటే 1,020 రుణాలకు గాను రైతుల వద్దనుంచి రూ.30.60 లక్షలు స్వాహా చేశారు. అంతకుముందు ఎమ్మార్పీ తేడా రూ.36లక్షలు ఉంది. ఈ డబ్బు ఎక్కడికి వెళ్లింది.. ఎవరు తీసుకున్నారు.. దీనిలో ఎవరి వాటా ఎంత అన్నది తేలాల్సి ఉంది. ఒక్క తైవాన్ పంప్సెట్టులోనే దాదాపు రూ.70లక్షలు పైగానే రైతుల నుంచి సొసైటీ వారు దోచుకున్నట్లు స్పష్టమవుతోంది. నాసిరకం స్ప్రేయర్లు రైతులకు అందించే పంపుసెట్లు నాసిరకంగా ఉన్నాయి. ప్రస్తుతం రైతులు ఫోర్స్ట్రోక్ పంపుసెట్లు వాడుతున్నారు. దీనివల్ల పంటలకు త్వరగా మందు పిచికారీ చేయొచ్చు. కానీ సొసైటీవారు టూస్ట్రోక్ పంపుసెట్లు అందిస్తున్నారు. వీటికి పెట్రోలుతోపాటు ఆయిల్ వేసుకుని పిచికారీ చేయాలి. పిచికారీకి ఎక్కువ సమయం పడుతుంది. ఫలితంగా సొసైటీ వారు ఇచ్చిన పంపులు రైతులకు పనికిరాకపోవడంతో రైతులు ఇతర ప్రాంతాల వారికి రూ.4 వేల నుంచి రూ.5వేలకు అమ్ముతున్నారు. పంట సీజన్ కావడంతో... వడ్డీలేని రుణం కావడంతో రైతులు తీసుకునేందుకు ఆసక్తి చూపారు. ప్రస్తుతం సాగు సమయం కావడంతో ఎక్కడో వడ్డీలకు తెచ్చే బదులు సొసైటీలో రుణం తీసుకుంటే మేలని ఎగబడ్డారు. అయితే రూ.లక్ష రుణం ఇస్తే అందులో రైతులకు అందేది కేవలం రూ.70 వేలు మాత్రమే. రైతు షేర్ క్యాపిటల్ పేరుతో రూ.10వేలు, పంపుసెట్టు పేరుతో రూ.13వేలు, బ్యాంకు ఖర్చుల పేరుతో రూ.3 వేల నుంచి రూ.6వేలు వసూలు చేస్తున్నారు. వాస్తవానికి డిక్లరేషన్ బాండ్కు రిజిస్టర్ బాండ్ల ఖర్చు కేవలం రూ.250 నుంచి రూ.300 ఉంటుంది. ఈసీ తీయాలంటే అదనంగా మరో రూ.300 వస్తుంది. కానీ రైతు తీసుకున్న రుణానికి ఒక్క ఈసీ తియ్యలేదు. పైగా మనిషిని బట్టి వసూలు చేస్తున్నారు. ఇందులో ఒక రుణానికి రూ.3వేలు చొప్పన వేసినా 1,020 రుణాలకు దాదాపు రూ.30.60లక్షలు దోచుకుంటున్నారు. ఇక అధికారులకు మామూళ్లు సరేసరి. నిబంధనలు గాలికి.. బ్యాంకు నిబంధనల ప్రకారం ఒక రైతుకు రుణం కావాలంటే పట్టాదారు పాసుపుస్తకం 1బీ అడంగల్తోపాటు డిక్లరేషన్ఫాంలో సంతకాలు పెట్టాలి. కానీ ఇక్కడ నిబంధనలను సడలించారు. ఎందుకంటే చాలామంది రైతులు ఇతర బ్యాంకుల్లో రుణాలు తీసుకున్నారు. దీంతో సొసైటీ వారు పక్కాప్రణాళికతో 1బీ ఉంటే చాలంటూ రుణాలు ఇచ్చారు. దీంతో చాలామంది ఒకే నంబరుపై రెవెన్యూ అధికారులతో కుమ్మక్కై ఆన్లైన్లో పేర్లు మార్చుకుని రుణాలు పొందినట్లు సమాచారం. మరికొంతమందికి ఎలాంటి అర్హత లేకున్నా అడ్డదారుల్లో బినామీ రుణాలు పొందినట్లు బహిరంగ విమర్శలు ఉన్నాయి. నిబంధనల ప్రకారం రుణం తీసుకుంటున్న రైతు మైదుకూరు డీసీసీ బ్యాంక్లోకి పోయి డబ్బులు తీసుకోవాల్సి ఉంది. కానీ ఇక్కడ సొసైటీ అధ్యక్షుడు బ్యాంక్నుంచి డబ్బు డ్రా చేసి తెచ్చి వారి ఒప్పందం మేరకు డబ్బు పట్టుకుని ఇస్తున్నారు. పంప్సెట్టుకు, ఇతరఖర్చులకు, ఎలాంటి రసీదు ఇవ్వడం లేదు. ఇలా నిబంధనలను పాతరేసి ఇష్టారుసారంగా రుణాలు ఇచ్చి అందిన కాడికి దండుకుంటున్నట్లు సమాచారం పేరుకే మెంబర్లం.. మాకేమి తెలియదు సొసైటీలో పేరుకే మేం మెంబర్లం. మాకు సొసైటీలో ఏం జరుగుతుందో తెలియడం లేదు. సొసైటీ డెరైక్టర్లతో మీటింగ్ జరిపి నిర్ణయాలు తీసుకోవాలి. కానీ ఇప్పటికి ఏడాదైంది.. ఇంతవరకూ మీటింగ్ జరపలేదు. సొసైటీలో జరుగుతున్న అవినీతిపై ప్రతి రైతును విచారించాలి. దోచిన సొమ్మును కట్టించాలి. వెంటనే సొసైటీని రద్దుచేయాలి -జనార్దన్రెడ్డి, సొసైటీ డెరైక్టర్ పేరుకే ఉపాధ్యక్షుడిని నేను డెరైక్టర్ని. పైగా ఉపాధ్యక్షుడిని కూడా. కానీ సొసైటీలో ఏం జరుగుతుందో నాకేమీ తెలియదు. కనీస సమాచారం ఇవ్వడం లేదు. సొసైటీలో అక్రమాలు జరుగుతున్నట్లు రైతులు ఫిర్యాదులు చేస్తున్నారు. దీనిపై పూర్తి విచారణ జరిపితే అన్ని విషయాలు బయటకు వస్తాయి -బత్తెన మల్లేశ్వర్రెడ్డి సింగిల్ విండో ఉపాద్యక్షుడు సొసైటీని అధ్యక్షుడిని తొలగించి విచారణ జరపాలి సొసైటీలో అక్రమాలు జరుగుతున్నాయి. రైతుల నుంచి అక్రమంగా వసూళ్లూ చేస్తున్నారు. వాస్తవ విషయాలు బయటికి రావాలంటే అధ్యక్షుడిని తొలగించి విచారించాలి. అక్రమంగా వసూలు చేసిన డబ్బును రికవరీ చేయాలి -దుగ్గిరెడ్డి శ్రీనివాసులరెడ్డి, మాజీ మండల అధ్యక్షుడు లక్షకు రూ.70వేలు ఇస్తున్నారు సొసైటీ బ్యాంక్లో రైతులకు కాలం చెల్లిన పంపుసెట్లను రైతులకు బలవంతంగా అంటగడుతున్నారు. రూ.లక్షకు 70వేలే రుణం ఇస్తున్నారు. మిగిలిన సొమ్ము ఎక్కడికి పోతోంది విచారణ చేపడితే కానీ వాస్తవాలు బయటికి వస్తాయి -దుగ్గిరెడ్డి గంగాధర్రెడ్డి, మాజీ ఉపసర్సంచ్ అక్రమాలకు పాల్పడ్డ వారిపై చర్యలు తీసుకోవాలి సొసైటీలో చాలా అక్రమాలు జరుగుతున్నట్లు రైతులు నా దృష్టికి తీసుకువచ్చారు. నిబంధనలకు విరుద్ధంగా తైవాన్ పంపులు ఇస్తున్నారు. అధికారులు రుణం తీసుకున్న ప్రతి రైతును విచారించి అక్రమాలకు పాల్పడ్డ వారి నుంచి రికవరీ చేయించాలి -మురళీ రామ్మెహన్రెడ్డి, జెడ్పిటీసీ భర్త -
రుణమాపీ ఒకేసారీ చేపట్టాలి
కేంద్రసహకార బ్యాంకు ఎదుట అఖిలపక్షం ఆధ్వర్యంలో ధర్నా రామాయంపేట: రైతు రుణమాఫీని ఒకేసారి చేపట్టి కొత్త రుణాలు మంజూరు చేయాలంటూ అఖిలపక్షం ఆధర్యంలో మంగళవారం కేంద్ర సహకార బ్యాంకు ఎదుట ధర్నా నిర్వహించారు. కాంగ్రెస్, టీటీడీపీ, బీజేపీ కార్యకర్తలు బ్యాంకు వద్దకు చేరుకొని నినాదాలు చేశారు. ఈసందర్భగా కాంగ్రెస్ రాష్ట్ర కార్యదర్శి సుప్రభాతరావు, టీడీపీ జిల్లా ప్రధాన కార్యదర్శి సరాపు యాదగిరి, బీజేపీ జిల్లా నాయకుడు వెల్ముల సిద్దరాంలు మాట్లాడుతూ రుణమాఫీ విషయంలో ప్రభుత్వ విధానం సరిగా లేకపోవడంతో రైతులు ఇబ్బందులపాలవుతున్నారన్నారు. ఇప్పటివరకు మూడో విడత రుణమాఫీ నిధులు మంజూరు కాకపోడంతో బ్యాంకర్లు కొత్త రుణాలు ఇవ్వడంలేదన్నారు. అనంతరం బ్యాంకు మేనేజర్కు వినతిపత్రం అందజేశారు. కార్యక్రమంలో వివిధ పార్టీల నాయకులు సుధాకర్రెడ్డి, రఘుపతిగౌడ్, శీలం క్రిష్ణారెడ్డి, చింతల క్రిష్ణ, చింతల శ్రీనివాస్, ఎనిశెట్టి అశోక్, నవాత్ నగేశ్, రమేశ్రెడ్డి, హస్నొద్దీన్, విప్లవ్కుమార్ తదితరులు పాల్గొన్నారు. -
రుణమాఫీ కోసం 28న బ్యాంకుల ఎదుట ధర్నా
వరంగల్ : రైతుల రుణాలు ఏకకాలంలో మాఫీ చేసి కొత్త రుణాలు ఇవ్వాలని డిమాం డ్ చేస్తూ ఈనెల 28న అన్ని మండల, నియోజకవర్గ కేంద్రాల్లోని బ్యాంకుల ఎదుట ధర్నా నిర్వహించాలని టీడీపీ జిల్లా అధ్యక్షుడు గండ్ర సత్యనారాయణరావు ఒక ప్రకటనలో పిలుపునిచ్చారు. టీఆర్ఎస్ ఎన్నికల ముందు ఇచ్చిన అన్ని హామీలను విస్మరించిందని, రుణాలు మాఫీ చేయక పోవడంతో రైతులు అప్పులు దొరకక ఇబ్బందులు పడుతున్నారని ఆవేదన వ్యక్తం చేశారు. నేడు ప్రమాణ స్వీకారం టీడీపీ అనుబంధ తెలుగురైతు జిల్లా కార్యవర్గ ప్రమాణ స్వీకారం మంగళవారం హన్మకొండలోని పార్టీ కార్యాలయంలో మధ్యాహ్నం 1 గంటకు ఉంటుందని సత్యనారాయణరావు తెలిపారు. -
కదులుతున్న తెలుగుదేశం పునాదులు
ముఖ్యమంత్రి చంద్రబాబు నాయుడు ఈ మధ్య తీసుకునే అనాలోచిత నిర్ణయాలు ఆయననే వెంటాడుతున్నాయి. ఆయన రగిల్చిన రిజర్వేషన్ సమస్య రావణకాష్టంలా రగులుతూనే ఉంది. ఏపీలో ఒక వైపు కాపులు ఉద్యమిస్తున్నారు. ఇంకోవెపు బీసీలు మండిపడుతున్నారు. దీనితో ఏపీలో టీడీపీ పునాదులు కదులుతున్నాయి. టీడీపీ స్థాపించిన ప్పటి నుంచి బీసీ కులాలు అండగా నిలిచాయి. కానీ ఇటీవలి కాలంలో టీడీపీ పార్టీ నేత బాబు తీసుకుం టున్న అసంబద్ధ నిర్ణయాల వలన ఈ కులాలు టీడీపీ పట్ల విశ్వాసం కోల్పోతున్నాయి. గత అసెంబ్లీ ఎన్నికలలో ఏపీలో టీడీపీ గెలవడానికి ప్రధాన కారణం బీసీలు, కాపులు. ఎన్నికలకు ముందు అనేక సర్వేలు కూడా వైఎస్సార్ సీపీ భారీ మెజారిటీతో గెలుస్తుందని తేల్చాయి. కానీ బీసీలు, కాపుల మద్దతుతో టీడీపీ అనూహ్యంగా గెలిచింది. ఏపీలో ఇటీవలి కాలంలో టీడీపీ ప్రతిష్ట బాగా దిగజారిపోవడానికి ప్రధాన కారణం ఎన్నికల వాగ్దానాలు అమలు చేయకపోవడమే. 1.45 లక్షల ఉద్యోగ ఖాళీలు భర్తీ చేయకపోవడంతో నిరుద్యోగులంతా ఆగ్ర హంగా ఉన్నారు. రైతుల రుణమాఫీ, డ్వాక్రా రుణాల మాఫీ అపహాస్యం పాలైంది. దీనితో రైతులు, మహి ళలలో భారీ వ్యతిరేకత వచ్చింది. అమరావతి రాజధాని భూ కుంభకోణంలో టీడీపీకి పడ్డ అవినీతి ముద్ర చెరిగిపోనిది. శాసనసభ్యులకు కోట్ల రూపాయల డబ్బు లిచ్చి, కాంట్రాక్టులిచ్చి కొనుగోలు చేయడంతో పార్టీ ప్రతిష్ట బాగా దిగజారింది. దీనికితోడు తమను చిన్న చూపు, నిర్లక్ష్యం చేస్తున్నారనే భావన బీసీలలో రగులు తోంది. ఇవన్నీ టీడీపీని బలహీనపర్చాయి. ఇప్పటికిప్పుడు ఎన్నికలు జరిగితే టీడీపీ ఘోరంగా ఓడిపోతుందని సర్వేలు తెలుపుతున్నాయి. అదే సమ యంలో ఏపీలో వైఎస్సార్ కాంగ్రెస్ పార్టీ ఓటు బ్యాంకు చెక్కు చెదరలేదు. ఇప్పటికిప్పుడు ఎన్నికలొస్తే ఆ పార్టీ 120 సీట్లు గెలుస్తుందని రాజకీయ పరిశీలకుల అంచనా. బీసీలు పార్టీ పెడితే టీడీపీ ఓటు బ్యాంకు పునాదులు కదలి డిపాజిట్లు కూడా రాని పరిస్థితి ఏర్పడుతుంది. వైఎస్సార్సీపీకి దళితులు, ముస్లింలు, క్రిష్టియన్లు, రెడ్డి సామాజిక వర్గం ఓటు బ్యాంకుగా చెక్కు చెదరకుండా ఉంది. అలాగే ఇతర వర్గాల ఓటుబ్యాంకు ఏ మాత్రం కలిసొచ్చినా ఆ పార్టీకి తిరుగుండదు. పైగా పార్టీ అధి నేత జగన్మోహన్ రెడ్డికి తండ్రిలాగా మాట తప్పని వాడు అనే విశ్వసనీయత ఉంది. మరోవైపు టీడీపీ ఓటు బ్యాంకు పునాదులు కదలడంతో రెండు రాష్ట్రాలలో కోలుకోలేని దెబ్బతినబోతోంది. ఏదేమైనా బీసీలు, కాపుల సమస్యలు ఏపీ రాజకీయాలను ప్రభావితం చేయనున్నాయి. - ప్రొ॥ఎం. బాగయ్య వ్యాసకర్త ప్రొఫెసర్, ఉస్మానియా విశ్వవిద్యాలయం తెలుగుశాఖ మొబైల్ : 98665 30295 -
గందరగోళంగా మారిన రుణమాఫీ పథకం : ఉత్తమ్
హైదరాబాద్: తెలంగాణలో రైతుల రుణమాఫీ పథకం గందరగోళంగా మారిందని పీసీసీ చీఫ్ ఉత్తమ్ కుమార్ రెడ్డి వ్యాఖ్యానించారు. హైదరాబాద్ లో మంగళవారం ఆయన మీడియాతో మాట్లాడారు. ఎఫ్ఆర్బీఎమ్ పరిమితిని పెంచి రైతు రుణాలను ఒకే దశలో చెల్లిస్తామన్న హామీని సీఎం కేసీఆర్ నిలబెట్టుకోవాలని ఉత్తమ్ సూచించారు. ఇన్పుట్ సబ్సిడీని విడుదల చేయకపోవడంతో రైతులు ఇబ్బంది పడుతున్నారని, కరువు నిధులను రాష్ట్ర ప్రభుత్వం దారి మళ్లించిందని విమర్శించారు. -
'సంతలో పశువుల్లా ఎమ్మెల్యేల కొనుగోలు'
హైదరాబాద్: సంతలో పశువులను కొన్నట్లు ఆంధ్రప్రదేశ్ ముఖ్యమంత్రి చంద్రబాబు నాయుడు ప్రతిపక్ష ఎమ్మెల్యేలను కొంటున్నారని సీపీఐ రాష్ట్ర ప్రధాన కార్యదర్శి రామకృష్ణ మండిపడ్డారు. మంగళవారం ఆయన హైదరాబాద్లో మీడియాతో మాట్లాడారు. ప్రతిపక్ష ఎమ్మెల్యేలపై కోట్ల రూపాయలను గుమ్మరిస్తున్నారని ఆరోపించారు. డబ్బులు ఉన్నవాళ్లే చట్టసభలకు వెళ్తున్నారని దుయ్యబట్టారు. తుపాను బాధితులను ప్రభుత్వం ఆదుకోవాలని అన్నారు. వెంటనే రైతులకు రుణాలు మంజూరు చేయాలని రామకృష్ణ డిమాండ్ చేశారు. -
వడదెబ్బ మృతులకు ఆపద్బంధు
కలెక్టర్ల సదస్సులో సీఎం కేసీఆర్ నిర్ణయం సాక్షి, హైదరాబాద్: కరువు, వడగాడ్పులు, ఎండలు, భూగర్భ జలాలు తగ్గిపోవటంతో ఏర్పడిన పరిస్థితులను ఎదుర్కొనేందుకు అప్రమత్తంగా ఉండాలని ముఖ్యమంత్రి కె.చంద్రశేఖర్రావు జిల్లా కలెక్టర్లను ఆదేశించారు. సహాయక చర్యలు చేపట్టేందుకు ఎక్కువ ప్రాధాన్యం ఇవ్వాలని సూచించారు. ఏ ప్రాంతంలోనైనా ప్రజలు తిండి లేక బాధ పడితే వెంటనే స్పందించాలని, ప్రభుత్వం అక్కడ యుద్ధ ప్రాతిపదికన చర్యలు తీసుకుంటుందని స్పష్టం చేశారు. పశుగ్రాసం ఎక్కడెంత అవసరముందో అంచనా వేసి అందజేయాలన్నారు. శుక్రవారమిక్కడ ఎంసీహెచ్ఆర్డీలో కలెక్టర్ల సదస్సు జరిగింది. అయిదు గంటల పాటు జరిగిన ఈ సమావేశంలో సీఎం వివిధ అంశాలపై కలెక్టర్లకు దిశానిర్దేశం చేశా రు. వడ దెబ్బతో మరణించిన వారి కుటుం బాలకు ఆపద్బంధు పథకం ద్వారా ఆర్థిక సాయం (రూ.50 వేలు) అందించాలని సమావేశంలో నిర్ణయం తీసుకున్నారు. ఈ మేరకు సీఎం ఆదేశాలు జారీ చేశారు. 65 సంవత్సరాల లోపు వారికే ఈ పథకం వర్తింపజేయాలనే నిబంధన తొలగిం చాలని సూచించారు. ఎండల తీవ్రత ఎక్కువగా ఉన్నందున ఉపాధి హామీ పనులు.. ఉదయం పదిన్నర లోపు, సాయంత్రం నాలుగున్నర తర్వాతే చేయించాలన్నారు. ‘‘ఎండలు తీవ్రంగా ఉన్నాయి. మరో నెలన్నర వరకు ఇదే పరిస్థితి ఉంటుంది. అప్పటి దాకా పరిస్థితిని ఎదుర్కొనే కార్యాచరణ ఉండాలి. తగినన్ని ఓఆర్ఎస్ ప్యాకెట్లు ప్రజలకు అందుబాటులో ఉంచాలి. చలివేంద్రాలు ఏర్పాటు చేయాలి. మంచినీరు అందని ప్రాంతాలకు ట్యాంకర్ల ద్వారా నీటిని సరఫరా చేయాలి. మిషన్ భగీరథ పూర్తయితే మంచినీటికి కొదవుండదు. మిషన్ కాకతీయ పూర్తయితే చెరువులు నిండి భూగర్భ జలమట్టం పెరుగుతుంది. సిద్దిపేటలో తాగునీటి పథకం అమలవుతున్నందున అక్కడ కరువు ప్రభావం లేదు. రాష్ట్రవ్యాప్తంగా ఇదే పరిస్థితి రావాలి’’ అని సీఎం అన్నారు. చెరువుల పనుల్లో వేగం పెంచండి ‘‘ఖరీఫ్ సీజన్ ప్రారంభం కాకముందే వ్యవసాయ భూముల్లోంచి పోయే పైపులైన్ల నిర్మా ణం పూర్తి చేయాలి. వర్షాలు వస్తే పనిచేయడం కుదరదు..’’ అని సీఎం కలెక్టర్లను అప్రమత్తం చేశారు. మిషన్భగీరథ పనులను సీఎం జిల్లాల వారీగా సమీక్షించారు. మిషన్ కాకతీయలో మొ దటి విడత చెరువుల పనులు తొందరగా ము గించి, రెండో విడతలో 9 వేల చెరువుల పనులు శరవేగంతో చేపట్టాలని కలెక్టర్లను ఆదేశించారు. ఒకేసారి పెద్ద మొత్తంలో నిర్మాణ పనులు జరుగుతున్నందున మిషనరీ, సిబ్బంది కొరత అధిగమించే ప్రణాళిక రూపొందించాలన్నారు. నిర్ణీతకాల వ్యవధికి సిబ్బందిని నియమించుకోవాలని, ఏ అధికారి ఎంత పని చేయగలడో శాస్త్రీయంగా అంచనా వేసి పని విభజన చేయాలని చెప్పారు. పనుల్లో నాణ్యత పాటించాలని స్పష్టంచేశారు. పత్తి వద్దు.. సోయాబీన్ ముద్దు భవిష్యత్తులో పత్తి ప్రమాదంలో పడుతుందని, ధర పడిపోతుందని ముఖ్యమంత్రి చెప్పారు. 42 లక్షల ఎకరాల్లో ప్రస్తుతం పత్తి పంట వేస్తున్నారని, ఆ సాగును 15-20 లక్షల ఎకరాలకు తగ్గించాలని అధికారులకు సూచించారు. ప్రత్యామ్నాయంగా సోయాబీన్, మొక్కజొన్న పంటలు సాగు చేసేలా రైతుల్లో అవగాహన పెంచాలన్నారు. సోయాబీన్, మొక్కజొన్న విత్తనాలను సరఫరా చేయాలని వ్యవసాయ శాఖ అధికారులను ఆదేశించారు. విత్తనాలను అయిదు ఎకరాల లోపు రైతులకే వర్తింపజేయాలని, ఒకే పంట వేసే వారికిచ్చే సబ్సిడీలు రెండున్నర ఎకరాలకు ఇవ్వాలనే నిబంధన తీసేయాలని సీఎం చెప్పారు. రాష్ట్రంలోని రైతులందరికీ ఎలాంటి తేడా లేకుండా సోయాబీన్పై సబ్సిడీ ఇవ్వాలని ఆదేశించారు. విత్తే పరికరాలను సబ్సిడీపై అందించాలని చెప్పారు. వచ్చే ఖరీఫ్కు అవసరమైన విత్తనాలను ముందే తెచ్చుకుని నిల్వ చేసినట్లు అధికారులు సీఎంకు చెప్పారు. రైతులకు అవసరమయ్యే 4.5 లక్షల టన్నుల ఎరువులను బఫర్ స్టాక్గా పెట్టామని మార్కెటింగ్ ఎండీ శరత్ చెప్పారు. కొత్తగా నిర్మించే గోదాములు, ఇప్పటికే అందుబాటులో ఉన్న గోదాములను విత్తనాలు, ఎరువుల నిల్వకు ఉపయోగించాలని సీఎం అన్నారు. పత్తి సాగును నిరుత్సాహపరిచేలా తాము ప్రణాళిక రూపొందించినట్లు వ్యవసాయ శాఖ కార్యదర్శి పార్థసారథి చెప్పా రు. తక్కువ విత్తనంతో ఎక్కువ దిగుబడి వచ్చే సేలం పసుపు సాగు చేసేలా ప్రోత్సహించాలని మంత్రి పోచారం శ్రీనివాస్రెడ్డి సూచించారు. రైతుల ఖాతాలు పరిశీలించండి.. రైతుల రుణమాఫీ మూడో విడత నిధులు విడుదల చేయనున్నందున, రుణమాఫీ సాఫీగా జరిగేలా చూడాలని సీఎం కలెక్టర్లకు సూచిం చారు. రుణమాఫీ పొందే రైతుల బ్యాంకు ఖాతాలను మరోసారి క్షుణ్నంగా పరిశీలించాలని, ఆడిటర్ల సహకారం తీసుకోవాలని సూచించారు. కొత్త రెసిడెన్షియల్ స్కూళ్లకు ఏర్పాట్లు 2016-17 విద్యాసంవత్సరం నుంచి మైనారిటీలు, ఎస్సీలు, ఎస్టీలకు 250 రెసిడెన్షియల్ స్కూళ్లు నడిపేందుకు అవసరమైన ఏర్పాట్లను కలెక్టర్లు పర్యవేక్షించాలని సీఎం కేసీఆర్ కోరారు. భవనాలు నిర్మించేందుకు సమయం పడుతుందని, ఈలోపు తరగతులు, హాస్టల్ నిర్వహణకు అద్దె భవనాలు సమకూర్చుకోవాలని చెప్పారు. మైనారిటీ రెసిడెన్షియళ్లకు ఇప్పటికే స్థల సేకరణ జరుగుతోందని, ఎస్సీ, ఎస్టీ గురుకులాలకు స్థల సేకరణ జరగాలని వివరించారు. డిప్యూటీ సీఎం మహమూద్ అలీ, మంత్రులు పోచారం శ్రీనివాసరెడ్డి, జోగు రామన్న, తలసాని, మిషన్ భగీరథ వైస్ చైర్మన్ వేముల ప్రశాంత్రెడ్డి, ప్రభుత్వ ప్రధాన కార్యదర్శి రాజీవ్శర్మ, సీనియర్ అధికారులు ఎస్పీ సింగ్, ఎస్కే జోషి, బీఆర్ మీనా, సురేష్ చంద్ర, తివారీ, శరత్, రామకృష్ణారావు, నవీన్ మిట్టల్, వికాస్రాజ్, షపీ ఉల్లా, నర్సింగ్ రావు తదితరులు సదస్సులో పాల్గొన్నారు. ఈ ఏడాది 106 శాతం వానలు ప్రస్తుతం వేసవితో పాటు వచ్చే వానాకాలం ఎలా ఉంటుందనే అంశంపై కూడా సదస్సులో చర్చ జరిగింది. ఈసారి ఖరీఫ్లో 106 శాతం వర్షాలు పడే అవకాశం ఉందని వాతావరణ శాఖ డెరైక్టర్ వైకే రెడ్డి తెలిపారు. ఈ సందర్భంగా ఎప్పటికప్పుడు వాతావరణ పరిస్థితులపై ప్రజలను అప్రమత్తం చేయాలని సీఎం సూచించారు. మే 15న మరోసారి వాతావరణ శాఖ అధ్యయన నివేదిక వెలువడుతుందని, అప్పుడు మరింత స్పష్టత వస్తుందని సీఎం చెప్పారు. ఉద్యమ స్ఫూర్తితో హరితహారం గత ఏడాది వర్షాలు సరిగా లేనందున హరితహారంలో అనుకున్నట్లుగా మొక్కలు పెంచలేకపోయామని, వచ్చే వానాకాలంలో ఉద్యమ స్ఫూర్తితో మొక్క లు నాటాలని సీఎం పిలుపునిచ్చారు. సమాజంలోని అన్ని వర్గాలను ఇందులో భాగస్వాములను చేయాలన్నారు. రాష్ట్రంలోని వివిధ నర్సరీలలో 46.30 కోట్ల మొక్కలు సిద్ధమవుతున్నాయని చెప్పారు. ఇళ్లల్లో పెంచేందుకు పండ్ల మొక్కలు సరఫరా చేయాలని, మొక్కలు నాటడానికి గుంతలు తీసే పనిని ఉపాధి హామీ పథకంతో అనుసంధానం చేయాలని ఆదేశించారు. జాతీయ రహదారులకు ఇరువైపులా మొక్కలు నాటాలని సూచించారు. ఆర్వోఎఫ్ఆర్ భూముల్లో యూకలిప్టస్ మొక్కలు పెంచాలని సూచించారు. మొక్కలు నాటడం, పెంచడంలో స్ఫూర్తిదాయక పాత్ర పోషించిన వారికి హరిత మిత్ర అవార్డులు ఇవ్వాలని సీఎం నిర్ణయించారు. ప్రతిపాదనలు పంపించాలని కోరారు. -
రైతుల సంక్షేమంపై చిత్తశుద్ధేదీ ?
పెదకాకాని: రైతుల రుణమాఫీ విషయంలో ప్రభుత్వాలు, బ్యాంకర్ల తీరుతో రైతులు ఆత్మహత్యలకు పాల్పడుతున్నారని మాజీ రాజ్యసభ సభ్యుడు యలమంచిలి శివాజీ ఆవేదన వ్యక్తం చేశారు. మంగళవారం జరగనున్న జాతీయ రైతు దినోత్సవం సందర్భంగా ఆయన సోమవారం పెదకాకానిలో విలేకరులతో మాట్లాడారు. విజయ్మాల్యా లాంటి పారిశ్రామికవేత్తలకు వందల కోట్లు సునాయాసంగా రుణాలిచ్చే బ్యాంకర్లు పేదవాళ్ల విషయంలో సవాలక్ష నిబంధనలు పెడుతున్నారన్నారు. దీంతో సాగుకు అధిక వడ్డీల బారిన పడుతున్నారని పేర్కొన్నారు. బ్యాంకర్ల వేలం ప్రకటనలతో రైతులు నిద్రలేని రాత్రులు గడుపుతున్నారని తెలిపారు. ప్రస్తుత ప్రభుత్వాలు భవిష్యత్లో తగిన మూల్యం చెల్లించుకోక తప్పదన్నారు. రైతు సంక్షేమాన్ని మరిచి రైతు దినోత్సవాల పేరుతో ఎన్ని కార్యక్రమాలు నిర్వహించినా శూన్యమేనని చెప్పారు. నేడు ఎన్నికల సమయంలో మినహా రైతుల గురించి నాయకులకు పట్టడం లేదన్నారు. -
'విజయ్మాల్యాతో పోలీస్తే వారి అప్పు ఎంత?'
జనగామ: పారిశ్రామిక వేత్త విజయ్ మాల్యా బ్యాంకు ద్వారా పొందిన అప్పుల చిట్టాలో తెలంగాణ రైతుల రుణాలు ఏమాత్రమని పొలిటికల్ జేఏసీ చైర్మన్ కోదండరాం ప్రశ్నించారు. జనగామలో టీపీటీఎఫ్ ఆధ్వర్యంలో ఆదివారం నిర్వహించిన విద్యాసదస్సులో ఆయన మాట్లాడారు. మాల్యాకు ఇచ్చిన అప్పులు ఎలా రాబట్టుకోవాలో తెలియక జుట్టు పీక్కుంటున్న బ్యాంకులకు.. కొత్త రుణాలు ఇచ్చి పాతవి రాబట్టుకోవాలంటూ కేంద్రం ఉచిత సలహా ఇచ్చిందని విమర్శించారు. అదే రైతులకు ఇస్తే మాత్రం దివాళా తీస్తారని చెప్పడం ప్రభుత్వ బాధ్యతా రాహిత్యానికి నిదర్శనమని అన్నారు. వ్యవసాయ రంగానికి బడ్జెట్లో వాటా పెంచాలని డిమాండ్ చేశారు. తెలంగాణ అభివృద్ధికి 60 శాతం హెచ్ఎండీఏ పరిధిలోని హైదరాబాద్, రంగారెడ్డి, 40 శాతం గ్రామీణ ప్రాంతాల నుంచి ఆదాయం వస్తుందన్నారు. కరువు, ఉపాధి, విద్యారంగాల్లో తెలంగాణ సంక్షోభంలో కూరుకుపోతోందని ఆందోళన వ్యక్తం చేశారు. గ్రామస్తుల సహకారంతో ప్రభుత్వ పాఠశాలల బలోపేతానికి కృషి చేయూలని ఉపాద్యాయులకు సూచించారు. అదే సమయంలో జేఏసీగా ఏర్పడి సమస్యల పరిష్కారానికి ఉద్యమించాలని పిలుపునిచ్చారు. సమావేశంలో టీపీటీఎఫ్ రాష్ట్ర అధ్యక్షుడు బి.కొండల్రెడ్డి, రాష్ట్ర నాయకులు మనోహర్రాజు, మైస శ్రీనివాస్ తదితరులు పాల్గొన్నారు. -
మైండ్గేమ్ ఆడుతున్న టీఆర్ఎస్
రుణమాఫీ’ పేరుతో మోసం మాజీ మంత్రి దుద్దిళ్ల శ్రీధర్బాబు వేములవా రూరల్ : రైతులకు రుణమాఫీ పథకం వర్తింపజేసి కష్టాలు తీర్చుతామని అధికారంలోకి వచ్చిన టీఆర్ఎస్ అన్నదాతలను మోసం చేసిందని మాజీ మంత్రి దుద్దిళ్ల శ్రీధర్బాబు విమర్శించారు. సెస్ ఎన్నికల ప్రచారంలో పాల్గొనేందుకు పట్టణానికి చేరుకున్న ఆయన బుధవారం కాంగ్రెస్ పార్టీ కార్యాలయంలో విలేకరులతో మాట్లాడారు. 2014 ఎన్నికల్లో టీఆర్ఎస్ ఇచ్చిన ఒక్కహామీని అమలు చేయలేదన్నారు. రాష్ట్రంలో ఎక్కడ ఎన్నికలు జరిగినా సీఎం కేసీఆర్ అమలుకు నోచని హామీలు లేవన్నారు. సెస్ ఎన్నికల్లో తమ పార్టీ మద్దతుదారులను గెలిపిస్తే సెస్ సంస్థను మరింత ప్రగతిపథంలో తీసుకెళ్తామని ఆయన అన్నారు. మహిళా కాంగ్రెస్ జిల్లా అధ్యక్షురాలు గుగ్గిళ్ల జయశ్రీ, నాయకులు అంజలీకుమార్, జయరామారావు, ఏనుగుమనోహర్రెడ్డి, చిలుక రమేశ్, పాత్య సత్యలక్ష్మి, ఎల్జబెత్రాణి, అరుణ్తేజ చారి, సాగరం వెంకటస్వామి, ముడికె చంద్రశేఖర్, కూరగాయాల కొమురయ్య, నరాల శేఖర్, గుడిసె సదానందం, గడ్డం రవీందర్రెడ్డి, బాసెట్టి రవీందర్, నామాల పోశెట్టి పాల్గొన్నారు. -
మాఫీ కాకుండానే రుణమాఫీ పత్రాలు
ప్రభుత్వం చిత్తూరు జిల్లాలో ఓ రైతుకు షాకిచ్చింది. రుణమాఫీ కాకుండానే.. పూర్తిగా వ్యవసాయ రుణం మాఫీ అయినట్లు ఇంటికి పత్రాలు వచ్చాయి. ఈ ఘటన చంద్రగిరి మండలం కల్ రోడ్డు పంచాయతీ లోని మిట్టూరు గ్రామానికి చెందిన కొమ్మినేని దామోదరం నాయుడు రుణమాఫీ పత్రాలు అందుకున్నాడు. కల్ రోడ్డు పంచాయతీ లో జరిగిన జన్మభూమి కార్యక్రమానికి జిల్లా పరిషత్ చైర్మన్ గిర్వానీ హాజరయ్యారు. దీంతో కార్యక్రమంలో పాల్గొన్న దామోదరం నాయుడు జడ్ పీ చైర్మన్ ను రుణమాఫీ పై నిలదీశారు. ఎలాంటి రుణమాఫీ జరగ కుండానే.. తనకు ఉన్న రూ.39 వేల రుణం మాఫీ అయినట్లు పత్రాలు వచ్చాయని తెలిపారు. ఇదే కార్యక్రమంలో పాల్గొన్న చంద్రగిరి ఎమ్మెల్యే చెవిరెడ్డి భాస్కర్ రెడ్డి కేవలం రుణమాఫీ చేశామని చెప్పుకోవడమే.. రైతులకు ఒక్క పైసా కూడా రుణమాఫీ జరగలేదని ఆరోపించారు. రైతు రుణమాఫీ విషయంలో అధికార పార్టీకి చెందిన వారిని నిలదీయడంతో.. ప్రజలకు ఏం సమాధానం చెప్పాలో అర్ధం కాక.. నీళ్లు నమిలారు. -
ఇక విజృంభించి పనిచేస్తాం
సాక్షి, హైదరాబాద్: వరంగల్ జిల్లా ప్రజలు చరిత్రలో కనీవినీ ఎరుగని అపురూపమైన తీర్పు ఇచ్చారని.. తెలంగాణలోని 17 స్థానాల్లో ఎప్పుడూ ఎవరికీ రాని మెజారిటీఇచ్చి టీఆర్ఎస్ అభ్యర్థిని గెలిపించారని ముఖ్యమంత్రి కె.చంద్రశేఖర్రావు పేర్కొన్నారు. వరంగల్ ప్రజలకు రాష్ట్ర ప్రభుత్వం పక్షాన, టీఆర్ఎస్ పక్షాన, వ్యక్తిగతంగా రెండు చేతులు జోడించి ధన్యవాదాలు చెబుతున్నానని, ఈ విజయంతో ప్రభుత్వం బాధ్యత మరింత పెరిగినట్లు భావిస్తున్నామని చెప్పారు. ప్రభుత్వానికి ప్రజల మద్దతు సంపూర్ణంగా ఉందని నిరూపించిన ఎన్నిక ఇదని వ్యాఖ్యానించారు. మంగళవారం వరంగల్ ఉప ఎన్నికల ఫలితాలు వెల్లడైన అనంతరం తెలంగాణ భవన్లో పలువురు మంత్రులతో కలసి సీఎం కేసీఆర్ విలేకరులతో మాట్లాడారు. వరంగల్ ప్రజలు ఉద్యమ సమయంలో, ఎన్నికల సమయంలో, ఇప్పుడు సంపూర్ణ మద్దతు ఇచ్చారన్నారు. రాష్ట్రంలో ప్రతిపక్షాలు చూపుతున్న అసహన వైఖరి మంచిది కాదని వ్యాఖ్యానించారు. ‘‘రైతుల రుణమాఫీ విషయంలో అనని దాన్ని సృష్టిం చారు. పిచ్చి పత్రిక రాయగానే రెచ్చిపోయి, సీఎంగా బాధ్యత స్వీకరించిన ఐదో రోజే దిష్టిబొమ్మలు దహనం చేసిన సంస్కారం ప్రతిపక్షాలది. తొందరపాటుతో, ఓర్వలేనితనంతో, అడ్డూ అదుపూ లేకుండా వ్యక్తిగత ఆరోపణలు చేశారు. నీచాతి నీచమైన మాటలు మాట్లాడారు. ప్రజలు వారిని అసహ్యించుకునే ఈ తీర్పు ఇచ్చారు. బతిమిలాడితే, డబ్బులు ఇచ్చి కొంటే వచ్చిన ఓట్లు కావు. జనం ఇష్టపూర్వకంగా, తండోపతండాలు వచ్చి ఓట్లు వేశారు’’ అని కేసీఆర్ పేర్కొన్నారు. ప్రతీ నిర్ణయంపై విమర్శలు: ‘‘టీఆర్ఎస్ ప్రభుత్వాన్ని, టీఆర్ఎస్ నాయకులను, మంత్రులను తిట్టడమే పనిగా పెట్టుకున్నారు. ఒక పత్రిక చెప్పిందే తడవుగా ప్రతిపక్షాలు ప్రేలాపనలు పేలేవి. రవీంద్ర భారతి స్థానంలో కళాభారతి కడతామంటే ధర్నాలు. ముసుగు వీరులను పంపి పిల్ దాఖలు చేయించడం. టీఆర్ఎస్కు మంచి పేరు రావద్దన్న ప్రయత్నం. సెక్రటేరియట్ మార్చి కొత్తది కడతామంటే వ్యతిరేకత. చెస్ట్ హాస్పిటల్, ఉస్మానియా ఆసుపత్రి తరలిస్తామంటే వివాదం చేశారు..’’ అని సీఎం కేసీఆర్ మండిపడ్డారు. మిషన్ కాకతీయను ఎందరెందరో పొగిడినా... ఇక్కడి విపక్షాలు మాత్రం కమీషన్ కాకతీయ అని విమర్శించాయని పేర్కొన్నారు. హుస్సేన్సాగర్ను ప్రక్షాళన చేసి, కంపును కడుగుతామంటే వివాదం చేశారన్నారు. వాటర్ గ్రిడ్కు రూ.30వేల కోట్లు ఎందుకు రూ. 10 వేల కోట్లు చాలన్నారని... అమ్మ పెట్టదు, అడుక్కు తిననివ్వదన్నట్లు వ్యవహరిస్తున్నారని విమర్శించారు. ఈ ఎన్నికల్లో బీజేపీ ఎక్కువగా ఊహించుకుందని, గుడ్డి వ్యతిరేకతతో మాట్లాడారని చెప్పారు. రైతుల రుణమాఫీ పథకం ఏపీలో గోల్మాల్ జరిగినట్లు తెలంగాణలో జరగలేదని.. రైతుల సమస్యలను పరిష్కరిస్తూ, కరెంటు సమస్యను నివారించామని సీఎం కేసీఆర్ పేర్కొన్నారు. పెన్షన్లు ఇతరత్రా కలిపి రూ. 33 వేల కోట్లు సంక్షేమానికి బడ్జెట్ ఇచ్చామని తెలిపారు. అసత్య ప్రచారాలు మానుకుని, నిర్మాణాత్మకంగా వ్యవహరించాలని ప్రతిపక్షాలకు హితవు పలికారు. గత ఎన్నికల్లో కాంగ్రెస్కు వరంగల్లో 22 శాతం ఓట్లు వస్తే, ఈసారి 15 శాతమే వచ్చి, డిపాజిట్ కూడా పోయిందన్నారు. ప్రభుత్వంపై కృత్రిమ వ్యతిరేకతను వాళ్ల బుర్రల్లో సృష్టించుకుని ప్రభుత్వాన్ని బదనాం చేయాలని చూశారని విమర్శించారు. అయినా ప్రజలు తమ వెంటే ఉన్నారని పేర్కొన్నారు. ఇక విజృంభించి పనిచేస్తామని చెప్పారు. 2021 నాటికి కోటి ఎకరాలకు నీరు.. ‘‘రాష్ట్ర అభివృద్ధి కోసం ప్లానింగ్తో సంవత్సరం నుంచి బిజీగా ఉన్నాను. పార్టీ నాయకులకు, శ్రేణులకూ దూరం అయ్యా. ఇపుడు 90శాతం ప్లానింగ్ పూర్తయింది. లైడార్ సర్వే పూర్తయ్యింది. కాళేశ్వరంలో 365 రోజులు 16 టీఎంసీల నీటి లభ్యత ఉంది. రాజీవ్-ఇందిరా సాగర్ ద్వారా ఖమ్మం జిల్లాలో 5 లక్షల ఎకరాలకు సాగునీరు ఇస్తాం. కాళేశ్వరం, లోయర్ పెన్గంగా, రాజీవ్- ఇందిరా సాగర్ ప్రాజెక్టులకు త్వరలో శంకుస్థాపన చేస్తా. దగ్గరుండి ప్రాజెక్టులు పూర్తి చేయిస్తాం. 2021 వరకు తెలంగాణలో కోటి ఎకరాలకు సాగునీరు ఇస్తాం’’ అని సీఎం కేసీఆర్ చెప్పారు. తల పోయినా తప్పు చేయం.. తెలంగాణలో నీటి పారుదల రంగం విషయంలో దగా పడిందని... నిధులు, నీళ్లు, నియామకాల నినాదంతోనే ఉద్యమం జరిగిందని కేసీఆర్ పేర్కొన్నారు. ‘‘పొరుగు రాష్ట్రాలతో గొడవలు ఉంటాయి. ఒక్క ఏపీ అనే కాదు మహారాష్ట్రతో కూడా గొడవలు ఉంటాయి. అన్నీ చూసుకోవాలి. తలకాయ పోయినా తప్పు చేయం. తెలంగాణకు శాశ్వతంగా కరువు పరిస్థితులు దూరం కావాలనే... ప్రాజెక్టుల రీడిజైన్ చేపట్టాం. ఆంధ్రా పాలకులు గతంలో మొదలు పెట్టినవి నీళ్లిచ్చే పథకాలు కాదు. దీనికి ఎస్ఎల్బీసీ మంచి ఉదాహరణ. ప్రాజెక్టులకు అంతర్రాష్ట్ర వివాదం ఉంటే జటిలం చేయడం, లేదంటే సృష్టించడమే వారి విధానం..’’ అని ఆరోపించారు. -
‘మాఫీ’ కోసం అప్పుతెద్దాం!
♦ రైతులకు ఒకేసారి పూర్తిగా రుణమాఫీపై వ్యవసాయ శాఖ ప్రతిపాదన ♦ ఎఫ్ఆర్బీఎం సడలింపుపై ఆశలు ♦ సీడ్ కార్పొరేషన్ ద్వారా రుణ సమీకరణ యోచన ♦ వడ్డీ తడిసి మోపెడు అవుతుందంటూ ఆర్థిక శాఖ అభ్యంతరం ♦ దాదాపు రూ.1,300 కోట్ల భారం పడుతుందని అంచనా ♦ అవకతవకలపై తేల్చాకే ముందుకెళ్లాలని సూచన సాక్షి, హైదరాబాద్: రైతుల రుణమాఫీలో మిగతా నిధులను ఒకేసారి చెల్లించడంపై రాష్ట్ర ప్రభుత్వం మల్లగుల్లాలు పడుతోంది. నిధులన్నీ ఒకేసారి చెల్లించడం కోసం అప్పులు చేయాలని యోచిస్తోంది. ఇందుకోసం ఎఫ్ఆర్బీఎం రుణ పరిమితి పెంపుపై ఆశలు పెట్టుకుంది. సీడ్ కార్పొరేషన్ ద్వారా కూడా రుణాలు సమీకరించాలని భావిస్తోంది. కానీ ఈ ప్రతిపాదనలకు ఆర్థిక శాఖ అభ్యంతరం వ్యక్తం చేస్తోంది. వడ్డీ తడిసిమోపెడు అవుతుందని, రుణమాఫీలో పక్కదారి పట్టిన సొమ్ముకూడా గల్లంతు అవుతుందని హెచ్చరిస్తోంది. ఈ ఆర్థిక సంవత్సరంలోనే పూర్తిగా రుణమాఫీ చేస్తామని వ్యవసాయ శాఖ మంత్రి పోచారం శ్రీనివాసరెడ్డి ఇటీవల ప్రకటించారు. రుణమాఫీ నిధులను ఒకేసారి చెల్లించేందుకు ప్రభుత్వం చిత్తశుద్ధితో ప్రయత్నాలు చేస్తోందని ముఖ్యమంత్రి కె.చంద్రశేఖర్రావు అసెంబ్లీ సమావేశాల సందర్భంగా పేర్కొన్నారు. కేంద్ర ప్రభుత్వం ఎఫ్ఆర్బీఎం రుణ పరిమితిని సడలిస్తే రూ.4,000 కోట్లు అప్పు తెచ్చుకునే వీలు ఏర్పడుతుందని, దీనితో రుణమాఫీకి నిధులు సమకూరుతాయని ఆశాభావం వ్యక్తం చేశారు. కానీ ఎఫ్ఆర్బీఎం సడలింపుపై కేంద్రం నుంచి ఇప్పటివరకు ఉలుకూ పలుకూ లేదు. సడలించినా అంత మేరకు నిధులను డిస్కంల విద్యుత్ బాండ్లపై తీసుకున్న అప్పుల బకాయిలు తీర్చాలనే షరతు విధించటం ఖాయమైంది. సీడ్ కార్పొరేషన్ ద్వారా లోన్ ఇదే వ్యవధిలో రుణమాఫీ నిధుల సమీకరణకు వ్యవసాయ శాఖ కొత్త ప్రతిపాదన తీసుకొచ్చింది. ఎఫ్ఆర్బీఎం పరిధిలోకి రాకుండా సీడ్ కార్పొరేషన్ ద్వారా రుణ సమీకరణ చేయాలని ప్రభుత్వానికి సూచించింది. ప్రైవేటు బ్యాంకుల నుంచి రూ.8,000 కోట్లు రుణంగా తీసుకోవాలని... దానితో రుణమాఫీ బకాయిలు ఒకేసారి చెల్లించడం సాధ్యమవుతుందనే అభిప్రాయం వెలిబుచ్చింది. ఇటీవల ఆర్థిక మంత్రి ఈటల రాజేందర్, వ్యవసాయ మంత్రి పోచారం సంబంధిత అధికారులతో చర్చలు జరిపారు. అయితే ఈ ప్రతిపాదనపై ఆర్థికశాఖ మొదట్లోనే అభ్యంతరం వ్యక్తం చేసింది. లెక్కలు తేలాలి రుణమాఫీ బకాయిలకు మరో రూ. 8,000 కోట్లు కావాలని ఆర్థిక శాఖ లెక్కలు వేస్తోంది. పక్కాగా ఆడిటింగ్ జరిగితే ఈ మొత్తం కొంతవరకు తగ్గిపోతుందని అంచనా వేస్తోంది. ఇటీవల ఆడిట్ విభాగం పది జిల్లాలో చేపట్టిన శాంపిల్ సర్వేలో బోగస్ రుణాలు, బోగస్ పట్టాలు, డబుల్ ఎంట్రీల ద్వారా రుణమాఫీలో పది శాతం దాకా అక్రమాలు, అవకతవకలు జరిగాయని తేల్చింది. బ్రాంచీల వారీగా సమగ్ర విచారణ జరిపితే కనీసం రూ.500 కోట్ల నుంచి రూ.800 కోట్లు ఆదా అవుతాయని ఆర్థిక శాఖ భావిస్తోంది. అందుకే ఆడిటింగ్ పూర్తయ్యే వరకు వన్ టైం సెటిల్మెంట్ జోలికి వెళ్లడం సరికాదని పేర్కొంటోంది. తొందరపడి అప్పు తెచ్చి రుణమాఫీ నిధులు చెల్లిస్తే.. పక్కదారి పట్టిన రూ.500 కోట్లు గల్లంతవుతాయని, వడ్డీ భారం కూడా కలిపి దాదాపు రూ.1,300 కోట్లు అవుతుందని స్పష్టం చేస్తోంది. భారీగా వడ్డీ భారం.. రుణమాఫీ చేసేందుకు కొత్తగా రుణం తీసుకుంటే వడ్డీ భారం భారీగా పెరిగిపోతుందని ఆర్థిక శాఖ ఆందోళన వ్యక్తం చేస్తోంది. ప్రస్తుతం రైతుల పంట రుణాలపై రాష్ట్ర ప్రభుత్వం 4 శాతం, కేంద్రం 3 శాతం వడ్డీని చెల్లిస్తున్నాయి. అదే కార్పొరేషన్ ద్వారా రుణం తీసుకుంటే 9 నుంచి 10 శాతం వడ్డీ చెల్లించాల్సి ఉంటుంది. అంటే రాష్ట్ర ప్రభుత్వం అదనంగా 5 నుంచి 6 శాతం వడ్డీ భరించాల్సి వస్తుంది. రూ. 8,000 కోట్లు అప్పు తీసుకుంటే ఏడాదికి రూ. 400 కోట్ల చొప్పున రెండేళ్లలో రూ.800 కోట్లు వడ్డీ చెల్లించాలి. దీంతో ఆర్థిక శాఖ ఈ ప్రతిపాదనను తిరస్కరించింది. ‘‘బ్యాంకుల దగ్గర రుణం తీసుకొని.. బ్యాంకుల్లో ఉన్న రైతు రుణాల మాఫీకి చెల్లించే సంప్రదాయం ఆర్థిక వ్యవహారాల్లో సరైంది కాదు.. దీంతో ప్రభుత్వానికి, రైతులకు ఒరిగే ప్రయోజనం కంటే బ్యాంకులే ఎక్కువగా లాభపడుతాయి..’’ అని అధికారులు అభ్యంతరం వ్యక్తం చేసినట్లు సమాచారం. -
రుణమాఫీ వడ్డీకే సరి!
♦ నాలుగు విడతలుగా రుణమాఫీ వల్లే గందరగోళం ♦ రెండు విడతల సొమ్మును వడ్డీ కిందే జమచేసుకున్న బ్యాంకులు ♦ గడువులోగా చెల్లించలేదంటూ అధిక వడ్డీ ♦ ఆ వడ్డీని అసలు రుణంలో కలిపేస్తున్న వైనం ♦ మాఫీ సొమ్ము వడ్డీ కింద జమ.. రుణమంతా అలాగే ఉన్నట్లు లెక్కలు ♦ సర్కారుకు నివేదించిన ఇంటెలిజెన్స్ విభాగం ♦ వడ్డీ సహా అప్పు చెల్లిస్తున్నామన్న సర్కారు ♦ అడకత్తెరలో పోకచెక్కలా అన్నదాత ♦ అప్రమత్తమైన ఆర్థిక శాఖ.. నేడు ఎస్ఎల్బీసీ సమావేశం ♦ లబ్ధిదారుల రుణాల సమగ్ర వివరాల ప్రకటనకు నిర్ణయం సాక్షి, హైదరాబాద్: రైతుల రుణమాఫీ కోసం విడుదల చేసిన తొలి రెండు విడతల సొమ్మును బ్యాంకులు వడ్డీ కిందే జమ చేసుకున్నాయని... రైతుల ఖాతాల్లో ఇంకా ఎక్కువ బాకీ ఉన్నట్లుగా చూపిస్తున్నాయని ఇంటెలిజెన్స్ విభాగం రాష్ట్ర ప్రభుత్వానికి నివేదించింది. నాలుగు విడతలుగా రుణమాఫీయే ఈ పరిస్థితికి కారణమని స్పష్టం చేసింది. వడ్డీ చెల్లింపుల విషయంలో కొన్ని బ్యాంకులకు ఇప్పటికీ అవగాహన లేకపోవడమే రైతుల పాలిట శాపంగా మారిందని తేల్చి చెప్పింది. అందువల్లే రైతులకు కొత్త రుణాలు అందడం లేదని, వడ్డీ వ్యాపారులను ఆశ్రయిస్తున్నారని పేర్కొంది. ‘‘మీరు తీసుకున్న రుణాలను గడువులోగా చెల్లించలేదు. అందుకే నిబంధనల ప్రకారం గడువు మీరిన పంట రుణాలకు వర్తించే 11 శాతం వడ్డీ చెల్లించాలి.’’ అంటూ కొన్ని బ్యాంకులు 11 శాతం వడ్డీని రైతుల ఖాతాల్లో అప్పు కింద జమ చేసుకుంటూ పోతున్నాయని తెలిపింది. కొన్నిచోట్ల పంట రుణాలకు సంబంధించి కంప్యూటర్ సాఫ్ట్వేర్లో ఉన్న ప్రోగ్రామ్కు అనుగుణంగా ఖాతాల్లో అప్పు రికవరీ, జమ అవుతుందని.. బ్రాంచి మేనేజర్లు మొండిగా వ్యవహరిస్తున్నారని ఇంటెలిజెన్స్ ప్రభుత్వానికి నివేదికలు అందజేసింది. ఈ నివేదికలతో అప్రమత్తమైన ప్రభుత్వం రుణమాఫీ, వడ్డీ చెల్లింపుల విషయంలో మరింత స్పష్టత ఇవ్వాల్సిన అవసరముందని గుర్తించింది. వెంటనే రాష్ట్రస్థాయి బ్యాంకర్ల కమిటీతో సమావేశం కావాలని ఆర్థిక శాఖకు ఆదేశాలు జారీ చేసింది. ఈ నేపథ్యంలో శుక్రవారం ఎస్ఎల్బీసీ సమావేశం నిర్వహించేందుకు అధికారులు సన్నద్ధమయ్యారు. మరోవైపు రైతులకు ఎంత రుణం మాఫీ అయింది, ఇంకా ఎంత ఉందనే వివరాలతో జాబితాను ప్రకటించాలని ప్రభుత్వం నిర్ణయించింది. బ్యాంకుల తిరకాసు వల్లే.. టీఆర్ఎస్ ప్రభుత్వం అధికారంలోకి వచ్చాక రూ.లక్ష వరకు పంట రుణాలను వడ్డీతో సహా మాఫీ చేసింది. దీంతో 36.33 లక్షల మంది రైతులకు లబ్ధి చేకూరింది. గత ఏడాది మార్చి 31 వరకు రైతులు తీసుకున్న పంట రుణాలకు ఆగస్టు వరకు అయ్యే వడ్డీని సైతం లెక్కగట్టి ప్రభుత్వం బ్యాంకులకు చెల్లించింది. మొత్తం రూ.17 వేల కోట్లు అవసరంకాగా.. నాలుగు విడతలుగా చెల్లించేలా బ్యాంకులతో ఒప్పందం చేసుకుంది. ఇప్పటికే రెండు విడతలకు సంబంధించి రూ.8,450 కోట్లు బ్యాంకులకు చెల్లించింది. ఈ నిధులను రైతుల ఖాతాల్లో జమ చేసుకుని, కొత్త రుణాలు ఇవ్వాలంటూ స్పష్టమైన మార్గదర్శకాలు జారీచేసింది. కానీ కొన్ని చోట్ల బ్యాంకులు వడ్డీ చెల్లింపులకు సంబంధించి తిరకాసు పెట్టడంతో రుణమాఫీ పథకం ప్రయోజనం నెరవేరకుండా పోయిందని సర్కారు భావిస్తోంది. దీంతోపాటు రుణమాఫీ గందరగోళం, రైతుల ఆత్మహత్యలు ఇటీవల అసెంబ్లీ సమావేశాలను కుదిపేశాయి. వీటిపై విపక్షాల నిలదీతతో ఒక దశలో అధికార పార్టీ ఇరుకునపడింది. దీంతో అప్రమత్తమైన ప్రభుత్వం క్షేత్రస్థాయి నుంచి వాస్తవాలు తెలుసుకునేందుకు ఇంటెలిజెన్స్తో సర్వే చేయించింది. ఇప్పుడేం చేద్దాం.. రుణమాఫీతో లక్షలాది మంది రైతులకు మేలు జరిగిందని.. అయితే ఇప్పటికీ తమ రుణం ఎంత మాఫీ అయింది, ఎంత మిగులు ఉందనే విషయంలో స్పష్టత లేకుండా పోయిందని ఆర్థిక శాఖ గుర్తించింది. ఈ పథకంలో లబ్ధి పొందిన రైతుల సంఖ్యను పక్కాగా తెలుసుకునేందుకు గతంలో ప్రభుత్వం బ్యాంకులు, బ్రాంచీల వారీగా జాబితాలను ప్రకటించింది. అదేతీరులో లబ్ధిదారుల రుణ వివరాలను సైతం వెల్లడిస్తే... ఈ గందరగోళానికి తెరపడుతుందని అధికారులు యోచిస్తున్నారు. బ్రాంచీల వారీగా లబ్ధిదారులు తీసుకున్న రుణమెంత, ఎంత వడ్డీ చెల్లించాలి, అందులో ఎంత మొత్తం ప్రభుత్వం ఇప్పటివరకు చెల్లించింది, మిగులు రుణమెంత..? అనే వివరాలన్నీ పేర్కొనాలని నిర్ణయించారు. వడ్డీ చెల్లింపుల విషయంలో మరింత స్పష్టత ఇవ్వాలని, మొండికేస్తున్న కొన్ని బ్యాంకులతో అమీతుమీ తేల్చుకోవాలని ప్రభుత్వం భావిస్తోంది. పంట రుణాలకు వర్తించే వడ్డీమాఫీ పథకం అమల్లో ఉందని... కేంద్రం 3 శాతం, రాష్ట్రం 4 శాతం వడ్డీని ఏటా చెల్లిస్తున్నాయని బ్యాంకులకు స్పష్టత ఇవ్వటం ద్వారా రైతులపై ఒత్తిడిని తగ్గించాలని నిర్ణయించింది. -
10న రాష్ట్ర బంద్
- ప్రతిపక్షం మొత్తాన్నీ సస్పెండ్ చేస్తారా?: టీపీసీసీ చీఫ్ ఉత్తమ్ - అసెంబ్లీ చరిత్రలో ఇది చీకటి రోజు - అధికారపక్షం నిరంకుశంగా వ్యవహరిస్తోంది - నేటి నుంచి రైతు భరోసా యాత్రలు నిర్వహిస్తున్నట్లు వెల్లడి సాక్షి, హైదరాబాద్: రైతులకు రుణమాఫీ వెంటనే చేయాలన్నందుకు ప్రతిపక్షాలన్నింటినీ సస్పెండ్ చేసిన ప్రభుత్వ నియంతృత్వ విధానాలకు నిరసనగా ఈ నెల 10వ తేదీన రాష్ట్ర బంద్ నిర్వహించనున్నట్టు టీ పీసీసీ అధ్యక్షుడు ఉత్తమ్కుమార్రెడ్డి ప్రకటించారు. మొత్తం విపక్షాల సభ్యులను సమావేశాలు మొత్తానికీ సస్పెండ్ చేసిన ఘటనలు చరిత్రలోనే లేవని, ఇది శాసనసభ చరిత్రలో చీకటి రోజు అని వ్యాఖ్యానించారు. పార్టీ నేతలు డి.శ్రీధర్బాబు, దాసోజు శ్రవణ్, వేణుగోపాల్, అద్దంకి దయాకర్లతో కలసి ఉత్తమ్కుమార్రెడ్డి సోమవారం గాంధీభవన్లో విలేకరులతో మాట్లాడారు. రూ.లక్షలోపు పంటరుణాలను మాఫీ చేస్తామన్న హామీని అమలుచేయాలని కోరడమే తప్పు అన్నట్టుగా అధికార టీఆర్ఎస్ అప్రజాస్వామికంగా వ్యవహరిస్తోందని ఆయన మండిపడ్డారు. ఒకేసారి మొత్తం రుణమాఫీ చేయాలని కోరితే శాసనసభలో ఉన్న ప్రతిపక్షాల సభ్యులను సస్పెండ్ చేశారన్నారు. ఇలా మొత్తం ప్రతిపక్ష సభ్యులను, సమావేశాలు మొత్తానికి సస్పెండ్ చేసిన ఘట నలు చరిత్రలోనే లేవని.. సభ చరిత్రలో ఇది బ్లాక్డే(చీకటిరోజు) అని ఉత్తమ్ వ్యాఖ్యానిం చారు. సంక్షోభంలో ఉన్న రైతాంగాన్ని ఆర్థికంగా ఆదుకోవాలని, ఒకేసారి మొత్తం రుణమాఫీ చేయాలని కోరితే ప్రభుత్వం భయపడుతోందన్నారు. సభను వాయిదా వేసుకుని ఒకసారి, విపక్ష సభ్యులను సస్పెండ్ చేసి మరోసారి ప్రభుత్వం పారిపోతోందన్నారు. ఎన్నికల్లో చెప్పిన విషయాన్నే అమలుచేయాలని కోరితే.. అమలు సాధ్యం కాని కోరిక అని కేసీఆర్ ఎలా మాట్లాడతారని నిలదీశారు. వరి, మొక్కజొన్న, పత్తి పంటలకు మద్దతు ధర, బోనస్ను అడిగామని... వాటికి సమాధానం చెప్పాల్సిన బాధ్యత నుంచి ప్రభుత్వం తప్పించుకోవడానికి ప్రతిపక్షం గొంతును నొక్కుతోందన్నారు. ప్రభుత్వ తీరుకు నిరసనగా ఈ నెల 10న బంద్కు పిలుపునిచ్చారు. ప్రభుత్వ వైఖరిని ప్రజల్లో ఎండగడుతూ, రైతుల్లో భరోసా కల్పించడానికి ఈ నెల 6 నుంచి జిల్లాల్లో రైతు భరోసా యాత్రను నిర్వహిస్తున్నట్లు ఉత్తమ్కుమార్రెడ్డి చెప్పారు. 6న మహబూబ్నగర్, 7న మెదక్, 8న ఖమ్మం, 9న వరంగల్, 11న నిజామాబాద్ జిల్లాల్లో యాత్ర నిర్వహిస్తామన్నారు. ప్రతిపక్షాలన్నీ కలసి ఈ నెల 10న బంద్ చేయాలని నిర్ణయించినట్టు తెలిపారు. తెలంగాణ రాష్ట్రంలో ఆత్మహత్యలు ఉండవనుకుంటే... ప్రభుత్వ తీరుతో రైతులు తీవ్ర సమస్యల్లోకి కూరుకుపోతున్నారని పేర్కొన్నారు. పాలకుల చేతకానితనం వల్లే ఇలాంటి పరిస్థితులు దాపురించాయని విమర్శించారు. -
మండలిలోనూ అదే తీరు
సాక్షి, హైదరాబాద్: రైతుల రుణమాఫీ అంశంపై శాసనమండలిలోనూ గందరగోళం చెలరేగింది. దీంతో ఐదుగురు కాంగ్రెస్ ఎమ్మెల్సీలు, ఒక బీజేపీ ఎమ్మెల్సీని ప్రస్తుత సమావేశాల కాలానికి సస్పెండ్ చేశారు. సోమవారం మండలి ప్రశ్నోత్తరాల సమయం ప్రారంభం కాగానే కాంగ్రెస్ ఎమ్మెల్సీలు పొంగులేటి సుధాకర్రెడ్డి, ఎమ్మెస్ ప్రభాకర్, ఫారుఖ్హుస్సేన్, ఆకుల లలిత పోడియం వద్ద నిరసనలు చేపట్టారు. రైతులను ఆదుకోవాలంటూ ప్లకార్డులు ప్రదర్శిస్తూ నినాదాలు చేశారు. విపక్ష నేత షబ్బీర్ అలీ, బీజేపీ సభ్యుడు రామచంద్రరావు తమ స్థానాల నుంచే ప్లకార్డులతో నిరసన తెలిపారు. ప్రశ్నోత్తరాల తర్వాత ఈ అంశంపై చర్చిద్దామని, సభలో ప్లకార్డులను ప్రదర్శించడం మంచి సంప్రదాయం కాదని చైర్మన్ స్వామిగౌడ్ కోరారు. రైతుల ఆత్మహత్యలపై రాష్ట్ర ప్రభుత్వం తగిన చర ్యలు తీసుకుంటోందని, కానీ కాంగ్రెస్ పార్టీ శవ రాజకీయాలు చేస్తోందని ఉప ముఖ్యమంత్రి కడియం శ్రీహరి పేర్కొన్నారు. దీంతో విపక్ష సభ్యులు మరింతగా నిరసన తెలిపారు. ఈ పరిస్థితుల్లో సభను చైర్మన్ పది నిమిషాల పాటు వాయిదా వేశారు. విరామం అనంతరం కొంతసేపు ప్రశ్నోత్తరాలు సజావుగానే సాగాయి. అంతకుముందు మీడియా పాయింట్ వద్ద మాట్లాడేందుకు వెళ్లిన విపక్ష సభ్యులు తిరిగి సభలోకి వచ్చి... నిరసనలు మొదలుపెట్టారు. కూర్చోవాలని చైర్మన్ సూచించినా... వారు వెనక్కి తగ్గలేదు. దీంతో ఆయా సభ్యుల సస్పెన్షన్ తీర్మానం ప్రవేశపెట్టాలన్న చైర్మన్ సూచన మేరకు మంత్రి తుమ్మల... ఐదుగురు కాంగ్రెస్, ఒక బీజేపీ సభ్యుడి పేర్లతో తీర్మానం పెట్టారు. దానిని ఆమోదిస్తున్నట్లు చైర్మన్ ప్రకటించారు. -
సభ సాగింది10 నిమిషాలే!
- తొలుత ప్రశ్నోత్తరాలను ప్రారంభించిన స్పీకర్ మధుసూదనాచారి - మాఫీ, జీహెచ్ఎంసీ కార్మికుల తొలగింపుపై చర్చించాలని విపక్షాల పట్టు - మంత్రి తుమ్మల సమాధానం చెబుతున్నా ఆగని విపక్షాల ఆందోళన - స్పీకర్ పోడియం వద్దకు వచ్చి నినాదాలు.. గందరగోళం - సోమవారానికి సభను వాయిదా వేసిన స్పీకర్ సాక్షి, హైదరాబాద్: రాష్ట్ర శాసనసభ గురువారం ప్రారంభమైన పది నిమిషాల్లోనే అర్ధంతరంగా వాయిదా పడింది. ప్రధాన ప్రతిపక్షం కాంగ్రెస్తో పాటు టీడీపీ, బీజేపీ, వామపక్షాలు వాయిదా తీర్మానాలపై చర్చకు పట్టుబడుతూ ప్రశ్నోత్తరాలకు అడ్డుపడడం, పోడియం వద్ద సభ్యుల ఆందోళనతో సభలో గందరగోళం ఏర్పడడంతో ఎలాంటి చర్చ లేకుండానే స్పీకర్ మధుసూదనాచారి సభను సోమవారానికి వాయిదా వేశారు. గురువారం ఉదయం పది గంటలకు సభ ప్రారంభం కాగానే స్పీకర్ ప్రశ్నోత్తరాలను చేపట్టారు. వెంటనే రైతుల రుణమాఫీపై స్పష్టత ఇవ్వాలని... జీహెచ్ఎంసీలో తొలగింపునకు గురైన 1,200 మంది పారిశుద్ధ్య కార్మికుల సమస్యలపై చర్చ చేపట్టాలని డిమాండ్ చేస్తూ కాంగ్రెస్, టీడీపీ, బీజేపీ సభ్యులు నినాదాలు ప్రారంభించారు. రైతుల రుణమాఫీపై ప్రభుత్వం స్పష్టత ఇవ్వాలని టి.జీవన్రెడ్డి సహా కాంగ్రెస్ సభ్యులు పట్టుబట్టారు. రైతుల ఆత్మహత్యలపై చర్చ సందర్భంగా ప్రభుత్వం సరైన సమాధానం ఇవ్వలేదని మండిపడ్డారు. వీరికి టీడీపీ, బీజేపీ, వామపక్షాల సభ్యులు జతకలిశారు. ఈ సమయంలో విపక్షాల నిరసనను పట్టించుకోకుండా స్పీకర్ మధుసూదనాచారి ప్రశ్నోత్తరాలకు అవకాశం ఇచ్చారు. టీఆర్ఎస్ సభ్యురాలు కొండా సురేఖ అంగన్వాడీ సమస్యలపై అడిగిన ప్రశ్నను తొలుత లేవనెత్తారు. మంత్రి తుమ్మల నాగేశ్వర్రావు లేచి దీనికి సమాధానమిస్తున్నా... కాంగ్రెస్ సభ్యులు నిరసన కొనసాగించారు. నినాదాలు చేస్తూనే పోడియం వద్దకు వెళ్లి స్పీకర్తో వాదనకు దిగారు. రైతులకు వన్టైం సెటిల్మెంట్ ద్వారా రుణమాఫీ చేయాలని, ఈ మేరకు ప్రభుత్వం స్పష్టమైన ప్రకటన చేయాలని వారితోపాటు టీడీపీ, బీజేపీ, వామపక్షాల సభ్యులు డిమాండ్ చేశారు. దీంతో సభలో గందరగోళం ఏర్పడింది. ఈ పరిస్థితుల్లో స్పీకర్ మధుసూదనాచారి అనూహ్యంగా సభను సోమవారం(5వ తేదీ) నాటికి వాయిదా వేస్తున్నట్లు ప్రకటించారు. ఇక జీహెచ్ఎంసీలో తొలగించిన 1,200 మంది పారిశుద్ధ్య కార్మికులను విధుల్లోకి తీసుకోవాలంటూ బీజేపీ.. ఎర్రబెల్లి దయాకర్రావు అరెస్టు, టీఆర్ఎస్ ప్రొటోకాల్ పాటించడం లేదన్న అంశాలపై టీడీపీ.. వరంగల్ ఎన్కౌంటర్పై వామపక్షాలు ఇచ్చిన వాయిదా తీర్మానాలను స్పీకర్ అంతకుముందే తిరస్కరించారు. అంగన్వాడీ పోస్టులు భర్తీ: తుమ్మల అంగన్వాడీ కేంద్రాల్లో నెలకొన్న సమస్యలపై టీఆర్ఎస్ సభ్యురాలు కొండా సురేఖ అడిగిన ప్రశ్నకు స్త్రీ,శిశు సంక్షేమ శాఖ మంత్రి తుమ్మల నాగేశ్వర్రావు సమాధానమిచ్చారు. గర్భిణులు, బాలింతలు, చిన్నపిల్లలకు పౌష్టికాహారాన్ని అందించేందుకు ‘ఆరోగ్యలక్ష్మి’ పథకం ప్రారంభించినట్లు చెప్పారు. రాష్ట్రవ్యాప్తంగా 30,700 అంగన్వాడీ కేంద్రాల్లో పౌష్టికాహారాన్ని అందిస్తున్నామన్నారు. ఖాళీగా ఉన్న అంగన్వాడీ టీచర్ పోస్టులను భర్తీ చేస్తామని, అంగన్వాడీ కేంద్రాల కోసం వెయ్యి భవనాలు నిర్మించనున్నామని తెలిపారు. -
రైతు ఆత్మహత్యలు సర్కారీ హత్యలే
సాక్షి నెట్వర్క్: ‘‘అన్నదాతల ఆత్మహత్యల్లో మన రాష్ట్రం దేశంలోనే ముందుంది. రైతాంగం ఆశలపై ఈ ప్రభుత్వం నీళ్లు చల్లింది. రుణాలు అందక, గిట్టుబాటు ధరల్లేక రైతన్నలు పిట్టల్లా రాలిపోతున్నా.. ఈ సర్కారుకు చీమ కుట్టినట్లయినా లేదు..’’ అని వైఎస్సార్ కాంగ్రెస్ పార్టీ తెలంగాణ అధ్యక్షుడు, ఖమ్మం ఎంపీ పొంగులేటి శ్రీనివాస్రెడ్డి మండిపడ్డారు. 15 నెలల కేసీఆర్ పాలనలో ఇప్పటి వరకు 1,100 మంది రైతులు ఆత్మహత్యలు చేసుకుంటే.. కేవలం 120 కుటుంబాలకే ఎక్స్గ్రేషియా అందించడం దారుణమన్నారు. రైతు ఆత్మహత్యలు ఆపాలని, కరువు మండలాలు ప్రకటించాలని, రైతు రుణాలన్నీ ఏకమొత్తంగా మాఫీ చేయాలని డిమాండ్ చేస్తూ వైఎస్సార్సీపీ శుక్రవారం రాష్ట్రవ్యాప్తంగా ఆందోళన చేపట్టింది. ఇందులో భాగంగా రంగారెడ్డి జిల్లా కలెక్టరేట్ ఎదుట జరిగిన ధర్నాలో పొంగులేటి పాల్గొన్నారు. ప్రత్యేక రాష్ట్రం వస్తే బతుకులు బంగారుమయమవుతాయని కలలుగన్న రైతన్నల ఆశలు అడియాసలయ్యాయని ఆవేదన వ్యక్తంచేశారు. ‘‘ఎన్నికలకు ముందు, తర్వాత రైతు ఆత్మహత్యలను సర్కారీ హత్యలుగానే పరిగణిస్తామని ప్రకటించిన కేసీఆర్.. ఇప్పడు 1,100 రైతుల మరణానికి బాధ్యత వహిస్తారా..? రాష్ట్రంలో జరుగుతున్న ఆ ఆత్మహత్యలన్నీ ప్రభుత్వ హత్యలే. ఎన్నికల మేనిఫెస్టోలో లక్ష రూపాయల వరకు రుణ మాఫీ చేస్తామని బీరాలు పలికారు. రుణమాఫీ దేవుడెరుగు.. కొత్తగా ఒక్క రైతుకు కూడా రుణం ఇవ్వడ ం లేదు. రైతు పక్షపాతిగా వ్యవహరించిన దివంగత సీఎం వైఎస్ రాజశేఖరరెడ్డి రూ.1.50 లక్షల పరిహారాన్ని ప్రవేశపెడితే.. ఈ ప్రభుత్వం దాన్ని కూడా సకాలంలో అందించకపోవడం దారుణం’’ అని పొంగులేటి అన్నారు. పరిహారాన్ని రూ.5 లక్షలకు పెంచాలని డిమాండ్ చేశారు. రూ.5 వేల కరువు పింఛన్ ఇవ్వాలి రైతుల వెన్నంటి నిలిచేది వైఎస్సార్సీపీ ఒక్కటేనని పొంగులేటి చెప్పారు. త్వరలోనే ఆత్మహత్యలు చేసుకున్న రైతు కుటుంబాలతో ‘రైతు దీక్ష’ చేపడతామని ప్రకటించారు. కరువు మండలాలను ప్రకటించి రైతులను ఆదుకోవాలని అభ్యర్థించినా రాష్ట్ర సర్కారు పట్టించుకోవడం లేదని చెప్పారు. రైతులకు నెలకు రూ.5 వేల చొప్పున కరువు పింఛన్లు మంజూరు చేయాలని డిమాండ్ చేశారు. ఈ ధర్నాలో పార్టీ ప్రధాన కార్యదర్శులు శివకుమార్, గాదె నిరంజన్రెడ్డి, సయ్యద్ మతీన్, అధికార ప్రతినిధి కొండా రాఘవరెడ్డి, పార్టీ జిల్లా అధ్యక్షుడు జి.సురేశ్రెడ్డి, గ్రేటర్ హైదరాబాద్ అధ్యక్షుడు ఆడెం విజయ్కుమార్, రాష్ట్ర కార్యదర్శులు ధనలక్ష్మి, ప్రభుకుమార్, అమృతాసాగర్, రాష్ట్ర మైనార్టీ అధ్యక్షుడు ముజ్తాబా అహ్మద్, సంయుక్త కార్యదర్శులు కుసుమ కుమార్రెడ్డి, వరలక్ష్మి, సేవాదళ్ అధ్యక్షుడు వెల్లాల రామ్మోహన్, రాష్ట్ర డాక్టర్ సెల్ అధ్యక్షుడు ప్రపుల్లారెడ్డి తదితరులు పాల్గొన్నారు. ధర్నా అనంతరం జాయింట్ కలెక్టర్ రజత్కుమార్ సైనీకి వినతిపత్రం అందజేశారు. జిల్లాల్లో పెద్ద ఎత్తున ఆందోళనలు రైతు సమస్యలపై వైఎస్సార్సీపీ అన్ని జిల్లాల్లో భారీగా ఆందోళనలు చేపట్టింది. ర్యాలీలు, ధర్నాల్లో పార్టీ నేతలు, రైతులు భారీ సంఖ్యలో పాల్గొన్నారు. మెదక్లో సంగారెడ్డి కలెక్టరేట్ ముందు పార్టీ రాష్ట ప్రధాన కార్యదర్శి గట్టు శ్రీకాంత్రెడ్డి, పార్టీ ట్రేడ్ యూనియన్ రాష్ట్ర అధ్యక్షుడు నర్రా భిక్షపతి, రాష్ట్ర కార్యదర్శి గౌరిరెడ్డి శ్రీధర్రెడ్డి, మహబూబ్నగర్ జిల్లాలో పార్టీ రాష్ట్ర ప్రధాన కార్యదర్శి, రైతు విభాగం అధ్యక్షుడు ఎడ్మ కిష్టారెడ్డి, జిల్లా అధ్యక్షుడు మామిడి శ్యాంసుందర్రెడ్డి, వరంగల్లో పార్టీ జిల్లా అధ్యక్షుడు జెన్నారెడ్డి మహేందర్రెడ్డి, పార్టీ రాష్ట్ర సంయుక్త కార్యదర్శి నాడెం శాంతి కుమార్, నిజామాబాద్ జిల్లాలో పార్టీ సేవాదళ్ రాష్ట ప్రధాన కార్యదర్శి నీలం రమేశ్, రైతు విభాగం జిల్లా అధ్యక్షుడు సంగయ్య, కరీంనగర్లో పార్టీ ప్రధాన కార్యదర్శి నల్లా సూర్యప్రకాశ్, జిల్లా అధ్యక్షుడు సింగిరెడ్డి భాస్కర్రెడ్డి, రాష్ర్ట కార్యదర్శులు బోయిన్పల్లి శ్రీనివాస్రావు, అక్కెనపెల్లి కుమార్, రైతు విభాగం జిల్లా అధ్యక్షుడు మల్లారెడ్డి, ఆదిలాబాద్ లో పార్టీ జిల్లా అధ్యక్షుడు బి.అనిల్కుమార్, జిల్లా ఎస్సీ సెల్ అధ్యక్షుడు గంగన్న, ఖమ్మంలో జిల్లా అధ్యక్షుడు, ఎమ్మెల్యే పాయం వెంకటేశ్వర్లు, పార్టీ రాష్ట్ర కార్యదర్శి మట్టా దయానంద్, నల్లగొండలో పార్టీ జిల్లా అధ్యక్షుడు అయిల వెంకన్నగౌడ్, రాష్ట్ర ప్రధాన కార్యదర్శి ఎర్నేని వెంకట రత్నంబాబు తదితరులు పాల్గొన్నారు. -
నాబార్డు నిధులతో నాటకం
సాక్షి, హైదరాబాద్: నేషనల్ బ్యాంక్ ఫర్ అగ్రికల్చర్ అండ్ రూరల్ డెవెలప్మెంట్ (నాబార్డు) రుణాలు దుర్వినియోగమయ్యాయి. ఉమ్మడి రాష్ట్రంలో ఈ నిధులతో చేపట్టిన పనులు ఇప్పటికీ పూర్తి కాకపోవటం అనుమానాలకు బలం చేకూర్చింది. ఈ నిధులు పక్కదారి పట్టాయని గుర్తించిన ప్రభుత్వం విచారణకు ఆదేశాలిచ్చింది. నాబార్డు రుణాలు సద్వినియోగమయ్యాయా.. లేదా.. జిల్లాల వారీగా వీటిని ఏయే పనులకు ఖర్చు చేశారు.. వాటి పురోగతి ఎలా ఉంది. క్షేత్ర స్థాయిలో విచారణ చేపట్టాలని నిర్ణయించింది. రైతుల రుణమాఫీలో అక్రమాలు జరిగాయని, రూ.వెయ్యి కోట్లు పక్కదారి పట్టినట్లు ఆడిట్ పరిశీలన, ఆర్థిక శాఖ విచారణలో వెలుగులోకి వచ్చింది. అదే తరహాలో నాబార్డు రుణాల పరిశీలనతో తేనెతుట్టె కదులుతుందనే అభిప్రాయాలు వ్యక్తమవుతున్నాయి. ఈ ఆర్థిక సంవత్సరంలో నాబార్డు నుంచి సాధారణ పనులకు రూ.వె య్యి కోట్లు, గిడ్డంగుల నిర్మాణానికి రూ. వె య్యి కోట్లు ప్రభుత్వం రుణంగా స్వీకరించింది. ఉమ్మడి రాష్ట్రంలో నాబార్డు నుంచి తీసుకున్న నిధులను సరిగా వినియోగించలేదని ప్రభుత్వం దృష్టికి వచ్చింది. అందుకు ఈ నిధుల వినియోగంపై విచారణ చేపట్టాలని సీఎం ఇప్పటికే అధికారులను ఆదేశించారు. దీంతో నాబార్డు, ఆర్థిక శాఖ అధికారులు విచారణకు రంగం సిద్ధం చేశారు. ప్రయోగాత్మకంగా రంగారెడ్డి జిల్లాలో పర్యటించి వాస్తవాలు వెలికి తీయాలని నిశ్చయించారు. మంగళవారం ఆర్థిక శాఖ ప్రత్యేక కార్యదర్శి కె.రామకృష్ణారావు, నాబార్డు చీఫ్ జనరల్ మేనేజర్ హరీష్ జావా బృందం ఇక్కడ పర్యటించనుంది. -
ఉసురు తీస్తున్న అప్పులు
సాక్షి ప్రతినిధి, నల్లగొండ : ఐదెకరాల భూ మి కౌలుకు తీసుకుని వ్య వసాయం చేస్తున్న మునగాల మండలం రేపాల గ్రామానికి చెందిన యువరైతు గుండెపురి విజయకృష్ణ (32)కు రూ.2.25లక్షల అప్పు అయ్యింది. ఈ సంవత్సరం పెట్టుబడులకు డబ్బు ఇచ్చే వారు లేరు. పాత అప్పులు కట్టమని ఆయనపై ఒత్తిడి ఎక్కువయ్యింది. చేసేదేమీ లేక పురుగుల మందును ఆశ్రయించి కుటుంబ సభ్యులను వదిలేసి వెళ్లిపోయాడు.... తనకున్న ఏడెకరాలకు తోడు మరో మూడు ఎకరాలను కౌలుకు తీసుకుని పత్తి సాగు చేశాడు అనుమలు శివ. అనుముల మండలం యాచారం గ్రామానికి చెందిన శివకు దిగుబడి రాక రూ.5లక్షల అప్పు అయ్యింది. ఈ అప్పు గురించి తండ్రి మందలించాడనే మనస్తాపంతో పురుగుల మందు తాగి చనిపోయాడు... రామన్నపేట మండలం కొమ్మాయిగూడెం గ్రామానికి చెందిన వీరమల్ల నర్సింహ(42) అనేరైతు ఆగస్టు 6న తన వ్యవసాయబావివద్ద తల్లితండ్రుల సమాధిపైన కూర్చొని పురుగులమందు తాగి ఆత్మహత్యకు పాల్పడ్డాడు. తనకున్న మూడు ఎకరాలభూమితోపాటు మరికొంత భూమిని కౌలుకుతీసుకొని పత్తిసాగుచేశాడు.వర్షాభావ పరిస్థితులవల్ల పత్తిచేను పూర్తిగా ఎండిపోయింది. పెట్టుబడికోసం చేసిన అప్పులు తీరవనే బెంగతో ఆత్మహత్యకు పాల్పడ్డా డు... ఈ ముగ్గురిదే కాదు.... జిల్లాలో ఇప్పుడు అన్నదాతల గుండెలు అప్పులతో బరువెక్కిపోతున్నాయి. గత ఏడాది ఆశించిన దిగుబడులు రాకపోవడంతో అప్పులు చేయాల్సి రావడం.. ఆ అప్పులు తీరకపోగా, ఈ ఏడాది సాగుకు కొత్త అప్పులు చేయాల్సి రావడం.. పాత అప్పుల వాళ్లు ఒత్తిడి చేయడం.. కొత్త అప్పులు, పాత అప్పులు తీర్చాల్సిన పంటలు ఎండిపోతుండడం... మళ్లీ అప్పుల బాధ ఎక్కువవుతుందేమోననే మనస్తాపం... వెరసి అన్నదాత ఆత్మహత్యల పాలవుతున్నాడు. అప్పుల కుప్పలు పేరుకుపోవడంతో ప్రాణాలను ఫణంగా పెడుతున్నాడు. అప్పుల కుప్పలు గత ఏడాది కరువు సంభవించడంతో పాటు ఈ ఏడాది కాలం కాకపోవడం జిల్లా రైతాంగం మనోస్థైర్యాన్ని దెబ్బతీస్తోందని నిపుణులు, రైతు సంఘాల నేతలంటున్నారు. వాస్తవానికి గత ఏడాది జిల్లాలో రైతులు ఆశించిన దిగుబడి రాలేదు. మద్దతు ధర విషయం, మార్కెటింగ్ సౌకర్యాల కల్పనలో కూడా రైతులకు తగిన సాయం అందకపోవడంతో గత ఏడాదే రైతులకు అప్పులయ్యాయి. ఈ అప్పుల కోసం ప్రైవేటు వ్యాపారులతో పాటు బ్యాంకర్లు కూడా ఒత్తిడి చేయడం, కొన్ని చోట్ల కొత్త అప్పులు పుట్టే పరిస్థితి లేకపోవడం, కొత్తగా అప్పులిచ్చినా.. అవి తీరుతాయన్న ఆశ లేకపోవడం.. ఈ ఖరీఫ్లో కూడా కాలం కాకపోవడంతో రైతులు మానసికంగా ఆందోళనకు గురవుతున్నారు. రైతు సంఘాలు జరిపిన పరిశీలనలో వెల్లడయిన ఆసక్తికరమైన విషయం ఏమిటంటే... జిల్లాలోని రైతు కుటుంబాలకు చెందిన 70శాతం ఇళ్లలో ఉండాల్సిన బంగారం ఇప్పుడు బ్యాంకులు, ఫైనాన్స్ సంస్థల్లో తాకట్టు పెట్టారు. మరో విశేషమేమిటంటే.. జిల్లా కేంద్రమైన నల్లగొండలో ఓ ప్రైవేటు బ్యాంకు కేవలం బంగారు రుణాల కోసమే పనిచేస్తోంది. ఇంట్లో బంగారం పెట్టి తెచ్చినవి, బ యట నుంచి లాక్కొచ్చిన అప్పులు అన్నీ కలిపి కుప్పలు కావడంతోనే రైతులు ఆత్మహత్యలకు పాల్పడుతున్నారనేది ని పుణులు, రైతు సంఘాల అభిప్రాయం. రుణాలివ్వని బ్యాంకులు ఇక, రుణమాఫీ పథకం ప్రకటన రైతుల్లో ఊరట కలిగించింది కానీ, అమల్లోకి వచ్చేసరికి రైతులకు భరోసా ఇవ్వలే కపోయింది. ఒకేసారి రుణమంతా మాఫీ అవుతుందని రైతాంగం భావిస్తే ప్రభుత్వం దానిని దఫాల వారీగా ఇవ్వాలని నిర్ణయించడం.. అది కూడా బ్యాంకుల వద్దకు వచ్చేసరికి సీన్ రివర్స్ కావడంతో రైతులు వడ్డీ వ్యాపారులను ఆశ్రయించాల్సి వచ్చింది. జిల్లాలో ఈ ఏడాది రూ.1400 కోట్లను రైతులకు రుణాలివ్వాలని బ్యాంకులు లక్ష్యంగా పెట్టుకోగా, ఇప్పటివరకు ఇచ్చింది రూ.600 కోట్లే. అయితే, ఆ 600 కోట్ల రూపాయలు కూడా రైతులకు చేరలేదు. ప్రభుత్వం ఓ వైపున పాత అప్పుల మాఫీకి దఫాలుగా నిధులిస్తుంటే.. బ్యాంకర్లు మొత్తం రైతులకు దఫాలుగా వచ్చిన మాఫీ నిధులతో పాటు కొత్తగా ఇవ్వాల్సిన రుణాన్ని పాత అప్పుల వడ్డీ కింద జమ చేసుకుంటున్నారు. రైతు సంఘాల అభిప్రాయం ప్రకారం ఇప్పటివరకు జిల్లాలో రూ.200 కోట్లు కూడా రుణాల కింద రైతుల చేతికి అందలేదు. దీంతో మూడు, నాలుగు రూపాయల వడ్డీకి కూడా రైతులు అప్పులు తీసుకుని ఖరీఫ్లో వ్యవసాయం చేయాల్సి వస్తోంది. ఈ అప్పులు తీరే పరిస్థితి కనిపించకపోవడంతో రైతులు బలవన్మరణాలకు పాల్పడుతున్నారు. రంగంలోనికి దిగాల్సిందే... జిల్లాలో నెలకొన్న పరిస్థితుల దృష్ట్యా అటు రాజకీయ పార్టీలు, ఇటు అధికార యంత్రాంగం పూర్తి స్థాయిలో చొరవ తీసుకుని రైతాంగానికి భరోసా కల్పిస్తేనే ఆత్మహత్యలు ఆగే పరిస్థితి కనిపిస్తోంది. ముఖ్యంగా రైతులు తీసుకున్న అప్పుల (బ్యాంకులు, ప్రైవేటు వ్యాపారుల వద్ద)పై తక్షణం మారటోరియం ప్రకటించాలనే డిమాండ్ ప్రధానంగా వినిపిస్తోంది. కనీసం కొంతకాలం పాటు మారటోరియం విధించి, అప్పులు కోసం రైతులను వేధించే వ్యాపారులు, బ్యాంకులపై చర్యలు తీసుకుంటేనే రైతుకు కొంత భరోసా కల్పిస్తుందనేది రైతు సంఘాల నేతల అభిప్రాయం. దీంతో పాటు రుణమాఫీని పకడ్బందీగా అమలు చేయడం, కలెక్టరేట్లో ప్రత్యేక సెల్ను ఏర్పాటు చేయడం, రైతు సమస్యలపై రెవెన్యూ యంత్రాంగం స్థానికంగా చొరవ తీసుకుని కౌన్సెలింగ్ ఇవ్వడం లాంటి కార్యక్రమాలు చేయాలని వారంటున్నారు. మరోవైపు రాజకీయ పార్టీలు కూడా తమ బాధ్యతగా రైతు ఆత్మహత్యల నివారణకు పనిచేయాల్సిన అవసరం ఎంతైనా ఉంది. అధికార, ప్రతిపక్షాలు రైతుల్లో భరోసా చేపట్టే కార్యక్రమాలు చేపట్టాల్సి ఉంది. ఈ దిశలో అధికార, రాజకీయ పక్షాలు ముందుకెళితేనే జిల్లాలో అన్నదాత మరణమృదంగం ఆగే పరిస్థితులు కనిపిస్తున్నాయి. రైతు సంఘాలు, నిపుణుల అభిప్రాయం ప్రకారం ప్రస్తుతం చేయాల్సింది ఇదీ.. రైతులు తీసుకున్న రుణాలపై తక్షణం మారటోరియం ప్రకటించాలి. రెవెన్యూ యంత్రాంగం చొరవ తీసుకోవాలి. క లెక్టరేట్లో ఫిర్యాదుల సెల్ ఏర్పాటు చేయాలి. తమ సమస్యలపై ఆ సెల్కు వచ్చే రైతులను ఆర్డీఓ లేదా తహసీల్దార్ కార్యాలయాలకు పిలిపించి వారి సమస్యలపై కౌన్సెలింగ్ ఇవ్వాలి. అప్పుల బాధ ఎక్కువగా ఉంటే సదరు వ్యాపారులను పిలిపించి మాట్లాడాలి. వెంటనే కరువుపై ప్రభుత్వానికి నివేదిక పంపడంతో పాటు కరువు నివారణ చర్యలకు సంబంధించిన కార్యాచరణ ప్రణాళికను యుద్ధప్రాతిపదికన అమలు చేయాలి. ఉత్పత్తి ధర తగ్గించే విధానాలను తీసుకురావడంతో పాటు దిగుబడి పెంపునకు పాటించాల్సిన పద్ధతులపై రైతులకు పూర్తిస్థాయిలో అవగాహన కల్పించడం, మద్దతు ధర కల్పించాలి. వ్యవసాయ యాంత్రీకరణ కింద సబ్సిడీపై వ్యవసాయ పరికరాలు అందించాలి. రుణమాఫీ పథకాన్ని పకడ్బందీగా అమలు చేయాలి. -
కరువు జిల్లాగా ప్రకటించాలి
డీసీసీ అధ్యక్షురాలు సునీత డిమాండ్ నర్సాపూర్ : ‘జిల్లాలో వర్షాలు సరిపడా లేవు. వేసిన పంటలు ఎండిపోయాయి. పూర్తి స్థాయిలో సాగు చేసే పరిస్థితులు లేవు. ఈ దుర్భర పరిస్థితుల్లో మెదక్ను కరువు జిల్లాగా ప్రకటించాలి. రైతులందరినీ ఆదుకోవాలి’ అని డీసీసీ అధ్యక్షురాలు వి.సునీతారెడ్డి డిమాండ్ చేశారు. స్థానికంగా ఏర్పాటు చేసిన సమావేశంలో ఆమె మాట్లాడారు. ‘రైతులకు బ్యాంకుల నుంచి రుణాలు రావడం లేదు. వడ్డీ వ్యాపారుల నుంచి అప్పులు పొంది సాగు చేసిన పంటలన్నీ ఎండిపోతున్నాయి. ఖరీఫ్ సీజన్లో పంటలు వేసిన రైతులకు ఆర్థిక సహాయం అందివ్వాలి. ప్రభుత్వం రుణమాఫీ పథకం సక్రమంగా అమలు చేయనందున బ్యాంకులు రుణాలు మంజూరు చేయడం లేదు. రుణమాఫీ పథకాన్ని ఎన్నేళ్లు అమలు చేస్తారో స్పష్టత ఇవ్వాలి. దివంగత ముఖ్యమంత్రి వైఎస్ రాజశేఖర్రెడ్డి హయాంలో మాదిరిగా గ్రామం ఒక యూనిట్గా పంటల బీమా అమలు చేయాలి. ప్రీమియం చెల్లించిన రైతులకు బీమా సొమ్ము ఇవ్వకుండా... వారిచ్చిన చెక్కులు వాపసు చేయడం ఎంతవరకు సమంజసం? అధికారుల తప్పిదంతో రైతులకు బీమా వర్తించకుండా పోయింది. సదరు అధికారులపై చర్యలు తీసుకోవాలి. టీఆర్ఎస్ ప్రభుత్వం పెట్టిన మన ఊరు.. మన ప్రణాళిక ఏమైంది! దాన్ని పక్కన పెట్టి ఇప్పుడు గ్రామ జ్యోతి తెస్తున్నారంటే... వారి పథకాలపై వారికే నమ్మకం లేదా’ అని సునీత ప్రశ్నించారు. 4న ధర్నా... ‘శాశ్వత గృహ నిర్మాణ పథకం లబ్ధిదారులకు బిల్లులు చెల్లించలేదు. లబ్ధిదారుల ప్రయోజనాల దృష్ట్యా ఆగస్టు 4న పీసీసీ ఆధ్వర్యంలో రాష్ట్రవ్యాప్తంగా అన్ని అసెంబ్లీ నియోజకవర్గ కేంద్రాల్లో ధర్నా చేయాలని నిర్ణయించాం. దీన్ని విజయవంతం చేయాలి’ అని సునీత చెప్పారు. -
సూచన ఇవ్వండి.. బహుమతి పట్టండి
సాక్షి, ముంబై : ప్రభుత్వ ఖజానా ఆదాయాన్ని పెంచేందుకు సలహాలు, సూచనలు ఇవ్వాలని ప్రజలను ఆర్థిక శాఖ కోరింది. అత్యుత్తమ సలహాలు, సూచనలు ఇచ్చిన వారిక మొదటి బహుమతిగా రూ. 10 లక్షలు, రెండో బహుమతిగా రూ.6.50 లక్షలు నగదు పారితోషకం ఇవ్వాలని నిర్ణయించింది. అలాగే ఒక్కో మంచి సలహాకు రూ.లక్ష చొప్పున 25 మందికి పారితోషికాలు అందజేయనుంది. ఇందుకు సంబంధించిన ప్రతిపాదన రూపొందించిన ఆర్థిక శాఖ, ముఖ్యమంత్రి దేవేంద్ర ఫడ్నవీస్కు పంపించింది. ఆయన నుంచి ఆమోదం లభించగానే దీనిపై అధికారకంగా ప్రకటించనున్నారు. రాష్ట్రంలోని కొన్ని ప్రాంతాల్లో కరవు తాండవించడం, మరికొన్ని చోట్ల భారీ వర్షాల వల్ల వరదలు రావడం వంటి ప్రకృతి వైపరీత్యాలు సంభవిస్తున్నాయి. ఆత్మహత్య చేసుకున్న రైతు కుటుంబాలకు ఆర్థిక సాయం, రూ.3 లక్షల కోట్ల వరకు ఉన్న రైతుల రుణాలు, వాటి వడ్డీ మాఫీ వంటివి రూ. లక్షల కోట్లలో చెల్లించాలంటే ప్రభుత్వ ఖజానాపై భారీ స్థాయిలో అదనపు భారం పడుతోంది. వివిధ శాఖల నుంచి పన్ను రూపంలో సమకూరుతున్న ఆదాయం కూడా అంతంతమాత్రంగానే ఉంది. అది ఏ మూలకూ సరిపోవడం లేదు. అలాగే పెరుగుతున్న పరిపాలన విభాగం ఖర్చుల వల్ల రాష్ట్ర ఆర్థిక పరిస్థితి మరింత దెబ్బతింటోంది. దీంతో ఈ పరిస్థితి నుంచి గట్టెక్కేందుకు ఉన్నతస్థాయి సమితిని నియమించాలని ఆర్థిక మంత్రిత్వ శాఖ నిర్ణయం తీసుకుంది. అయతే అంతకు ముందుగానే రాష్ట్రవ్యాప్తంగా ఉన్న ప్రజల నుంచి సలహాలు, సూచనలు సేకరించాలని ప్రభుత్వం నిర్ణయించింది. ప్రస్తుతం రాష్ట్ర ప్రభుత్వంపై సుమారు రూ.3,85,000 కోట్లకు ైపైగా అప్పు ఉన్నట్లు గణాంకాలు చెబుతున్నాయి. వచ్చే ఆదాయం తగ్గిపోతుండటంతో పరిస్థితి మరింత దారుణంగా తయారవుతోంది. ఫలితంగా చాలా వరకు అభివృద్ధి పనులకు కత్తెరేయాల్సిన దుస్థితి నెలకొంది. -
మాది పేదల సర్కారు
♦ జిల్లాకు భారీగా పరిశ్రమలు రానున్నాయి ♦ బంగారు తెలంగాణ సాధనే కేసీఆర్ లక్ష్యం ♦ మంత్రి మహేందర్రెడ్డి ♦ నవాబుపేట మండలంలో పలు అభివృద్ధి పనులకు శంకుస్థాపనలు నవాబుపేట : మాది పేదల ప్రభుత్వం. ప్రతి పేదవాడికీ న్యాయం జరుగుతుంది అని రాష్ర్ట రవాణా శాఖ మంత్రి మహేందర్రెడ్డి పేర్కొన్నారు. శుక్రవా రం మండలంలోని గుబ్బడిపత్తేపూర్, గంగ్యాడ, ముబారక్పూర్, తిమ్మరెడ్డిపల్లి, పూలపల్లిలో అంతర్గత మురుగు కాల్వల నిర్మాణాలకు ఆయన శంకుస్థాన చేశారు. హరితహారంలో భాగం గా మొక్కలు నాటారు. అనంతరం ఏర్పాటు చేసిన కార్యక్రమంలో మంత్రి మాట్లాడారు. రాష్ట్రాన్ని అన్ని రంగాల్లో అభివృద్ధి చేయాలనే సంకల్పంతో సీఎం కేసీఆర్ ఉన్నారన్నారు. అందుకు బృహత్తరమైన ప్రణాళికలతో ముందుకుపోతున్నారని స్పష్టంచేశారు. ఇచ్చిన మాట ప్రకారం లక్ష రూపాయలలోపు రైతు రుణాలను విడతల వారీగా మాఫీ చేస్తున్నామని పేర్కొన్నారు. జిల్లాకు పెద్ద కంపెనీలు రాబోతున్నాయన్నారు. తద్వారా నిరుద్యోగ యువతకు ఉపాధి లభించనుందని ఆయన తెలిపారు. బంగారు తెలంగాణ కేసీఆర్ లక్ష్యమని చెప్పారు. జిల్లాలోనే న వాబుపేట మండలం వెనకబడిన మం డలమని.. అధిక నిధులు వెచ్చించి ఈ మండలాభివృద్ధికి కృషి చేస్తానని మం త్రి హామీ ఇచ్చారు. నిరుపయోగంగా ఉన్న ఆర్టీసీ బస్టాండుకు నిధులు మం జూరు చేసి ఉపయోగంలోకి తీసుకవస్తామన్నారు. బీటీ రోడ్డు ఉన్న ప్రతి గ్రామానికి బస్సులు వేస్తామన్నారు. చేవెళ్లకు ఒక ప్రత్యేక ఉందని.. ఈ ని యోజకవర్గానికి చెం దిన వారు మం త్రి, ఎంపీ, జెడ్పీ చైర్పర్సన్, ఎమ్మెల్సీ, ఇద్దరు ఎమ్మెల్యేలు ఉండటం సుభపరిణామమని ఆయన పేర్కొన్నారు. అభివృద్ధికి అధిక నిధులు ఇవ్వండి వెన కబడిన నవాబుపేట మండలానికి అధిక నిధులు అందించి అభివృద్ధి చేసేందుకు ముఖ్యమంత్రిని కోరనున్నట్లు చేవెళ్ల ఎమ్మెల్యే కాలె యాదయ్య పేర్కొన్నారు. నవాబుపేటకు ఇప్పటివరకూ మార్కెట్ యార్డు లేదన్నారు. దీంతో రైతులు ధాన్యాన్ని విక్రయించడానికి వికారాబాద్కు వెళుతున్నారని తెలిపారు. గ్రామాలకు లింక్ రోడ్లు మంజూరు చేయాలని మంత్రిని కోరారు. ఎమ్మెల్సీ యాదవరెడ్డి మాట్లాడుతూ.. కేసీఆర్ పాలనలో ఈ ప్రాంతం అన్ని విధాలా అభివృద్ధి సాధిస్తుందనే నమ్మకం ఉందన్నారు. కార్యక్రమంలో ఎంపీపీ పాండురంగారెడ్డి, వైస్ ఎంపీపీ సుజాత దర్శన్, పీఏసీఎస్ చైర్మన్ మానిక్రెడ్డి, తహసీల్దార్ యాదయ్య, ఎంపీడీఓ తరుణ్, టీఆర్ఎస్ మండల అధ్యక్షుడు మధుసూదన్రెడ్డి, సర్పంచ్లు తిరుపత్తిరెడ్డి, విర్జినమ్మ, గోవిందమ్మ మల్లేశం, గోపాల్గౌడ్, పద్మమ్మ మల్లేశం, నర్సింలు, సుధాకర్రెడ్డి, ఎంపీటీసీ సభ్యులు పరమేష్, సంజీవరావు, నాయకులు మా ణిక్రెడ్డి, వెంకటయ్య, ప్రభాకర్రెడ్డి, రావ్గారి వెంకట్రెడ్డి, నాగిరెడ్డి, సిం దం మల్లేశం తదితరులు పాల్గొన్నారు. -
ఎడమొహం.. పెడమొహం
సాక్షి, ముంబై: 15 ఏళ్ల అనంతరం అధికారం దక్కించుకున్న బీజేపీ, శివసేన కూటమి ఎడమొహం పెడమొహంగానే ఇంకా కొనసాగుతున్నాయి. రాష్ట్రంలో కాషాయ కూటమి ప్రభుత్వాన్ని ఏర్పాటు చేసి గత తొమ్మిది నెలలుగా గడిచినా ఇరుపార్టీల మధ్య ఉన్న అభిప్రాయ భేదాలు మాత్రం తొలగిపోలేదు. రైతుల రుణాలు మాఫీ చేసి తీరాల్సిందే అని శివసేన పట్టుబట్టుతోంది. అయితే బీజేపీ మాత్రం తొలుత మెతక వైఖరి అవలంబించినప్పటికీ తర్వాత రుణమాఫీ సాధ్యం కాదని తేల్చి చెప్పింది. ఇక గోందియా, జిల్లా పరిషత్ ఎన్నికలైతే రాష్ట్ర వ్యాప్తంగా కలకలం ృసష్టించాయి. అక్కడ కాంగ్రెస్, ఎన్సీపీ మధ్య పొత్తు వికటించడంతో కొత్త రాజకీయ సమీకరణాలు చోటుచేసుకుంటున్నాయని వర్షాకాల అసెంబ్లీ సమావేశాలు ప్రారంభమైన మొదటి వారంలోనే స్పష్టమైంది. కాంగ్రెస్ పార్టీకి వ్యతిరేకంగా పుట్టిన బీజేపీ, గోందియాలో అదే పార్టీతో జతకట్టింది. ఇది రాజకీయ వర్గాలను తీవ్ర విస్మయానికి గురిచేసింది. రగిలిపోయిన శివసేన.. గోందియాలో బీజేపీ, కాంగ్రెస్ జతకట్టడంపై రగిలిపోయిన శివసేన, ప్రతిపక్షాలకు వంతపాడింది. రాజకీయాల్లో శాశ్వత మిత్రులు, శాశ్వత శత్రువులు ఉండరని, పుట్టుకతో శత్రువులైనా మిత్రులుగా మారిపోతారని నిప్పులు చెరిగింది. అసెంబ్లీలో ఆ పార్టీ ఎమ్మెల్యేలు గులాబ్రావ్ పాటిల్, అర్జున్ ఖేత్కర్ ప్రభుత్వాన్ని ఇరకాటంలో పెట్టేందుకు శతవిధాల ప్రయత్నించారు. రైతుల రుణాల మాఫీ చేయడమే అసెంబ్లీలో ప్రధానం అంశం కావడంతో బీజేపీ ఏకాకిగా మారిపోయింది. అయిన్పప్పటికీ ప్రతిపక్షాల సవాళ్లకు దీటుగా సమాధానమిస్తూ సభ కార్యకలాపాలు ముందుకు సాగించింది. అసెంబ్లీ సమావేశాలు ప్రారంభమైన తొలి రెండు రోజులు ప్రతిపక్ష కాంగ్రెస్, ఎన్సీపీ సభ్యులు అసెంబ్లీ భవనం ఎదుట ఆందోళన చేపట్టారు. రైతు రుణాలు మాఫీ చేయాలని నినాదాలు చేశారు. దీంతో అసెంబ్లీలో ఇదే అంశంపై మొదటి వారమంతా చర్చ జరిగింది. రోజు అసెంబ్లీ బయట జరుగుతున్న వివాదం యావత్ రాష్ట్ర ప్రజల దృష్టి రుణ మాఫీపై పడింది. మరోపక్క అధికారంలో ఉంటూనే పరోక్షంగా ప్రతిపక్ష పాత్ర పోషిస్తున్న శివసేన వైఖరి వల్ల బీజేపీ ఉక్కిరిబిక్కిరవుతోంది. దూరం పెరిగింది అప్పుడే.. గతేడాది జరిగిన అసెంబ్లీ ఎన్నికల్లో ఇరుపార్టీల మధ్య మొదలైన ముసలం ఇప్పుడిప్పుడే సమసిపోయేలా కనిపించడం లేదు. సీట్ల సర్దుబాటు విషయంలో మొదలైన భేదాలు, చివరికి 20 ఏళ్ల స్నేహాన్ని దూరం చేశాయి. విడివిడిగా పోటీ చేసి మోదీ మేనియాతో 120 సీట్లకు పైగా సాధించిన బీజేపీ రాష్ట్రంలో అతిపెద్ద పార్టీగా అవతరించింది. తొలుత ఎన్సీపీ మద్దతుతో ప్రభుత్వాన్ని ఏర్పాటు చేసేందుకు గవర్నర్ ముందు బలనిరూపణ చేసుకున్నా.. తర్వాత పాత కాపు శివసేనను ప్రభుత్వంలోకి ఆహ్వానించింది. చాలా రోజుల పాటు సుదీర్ఘంగా జరిగిన చర్చల అనంతరం కూటమి ప్రభుత్వం పాలన ప్రారంభించింది. అయితే అధికారం లేని పదవులతో ఏం చేసుకోవాలంటూ కొద్ది రోజుల్లోనే కథ మళ్లీ మొదటికొచ్చింది. ఇరు పార్టీల పెద్దల భేటీ అనంతరం గొడవలు కాస్త సద్దుమనిగాయి. కానీ వైరం మాత్రం రోజురోజుకీ ముదిరి పాకాన పడుతోంది. -
15 ఏళ్లలో ఏం చేశారు?
♦ ప్రతిపక్షాలకు ఉద్ధవ్ సూటి ప్రశ్న ♦ అధికారంలో ఉన్నప్పుడు రుణమాఫీ చేయలేదేం? ♦ రైతుల తరఫున తమ పోరాటం కొనసాగుతుందని స్పష్టం ముంబై : రైతు రుణాలు మాఫీ చేయలేదని అసెంబ్లీ సమావేశాలు జరగకుండా అడ్డుకుంటున్న ప్రతిపక్షాలు, గత 15 ఏళ్లలో ఏం చేశాయని శివసేన అధినేత ఉద్ధవ్ ఠాక్రే మండిపడ్డారు. శాసనమండలి సమావేశాలను విపక్షాలు అడ్డుకుంటుండటంపై ఆగ్రహం వ్యక్తం చేసిన ఉద్ధవ్, రైతు రుణమాఫీ చేయాలని డిమాండు చేస్తున్న ప్రతిపక్షాలు అధికారంలో ఉన్నపుడు ఎందుకు చేయలేదని ప్రశ్నించారు. ‘గత 15 ఏళ్లుగా మీరు అధికారంలో ఉన్నారు. మరి మీరెందుకు రుణమాఫీ చేయలేదు? ఎందుకీ నాటకాలు?’ అని నిలదీశారు. ‘ప్రతిపక్షాల పాఠాలు మాకు అవసరం లేదు. మేం ప్రతిపక్షంలో ఉన్నప్పటి నుంచే రైతు రుణాల కోసం పోరాటాలు చేశాం. ప్రభుత్వాన్ని ఎలా నడపాలా మీ నుంచి నేర్చుకోవాల్సిన గత్యంతరం మాకు పట్టలేదు’ అని చెప్పారు. ప్రతిపక్షం ప్రతిపక్షంలా ప్రవర్తిస్తే మంచిదని సూచించారు. రైతుల పరిస్థితి రోజురోజుకీ దిగజారిపోతోందని నాసిక్లో ఉద్ధవ్ వ్యాఖ్యానించిన విషయం తెలిసిందే. -
ఆర్థిక సంక్షోభంలో రాష్ర్టం
రాష్ర్టం ఆర్థిక సంక్షోభంలో పడింది... నెలసరి జీతాలకు సైతం అప్పులు చేసే గడ్డు పరిస్థితి ఎదుర్కొంటోంది. ఆశించినంత ఆదాయం రాకపోవడం, అంచనాలకు మించిన వ్యయం నమోదు కావడంతో రెండో ఆర్థిక సంవత్సరం ఆరంభంలోనే ఉక్కిరి బిక్కిరి అవుతోంది. ప్రభుత్వం ఎంచుకున్న భారీ లక్ష్యాలు, తలపెట్టిన ప్రతిష్టాత్మక పథకాలు, ముఖ్యమంత్రి వరుస వరాల జల్లులతో నిధుల సర్దుబాటుకు మల్లగుల్లాలు పడుతోంది. బాండ్ల విక్రయం ద్వారా ఆర్బీఐ నుంచి అప్పులు తెచ్చుకోవడం తప్ప గత్యంతరం లేని పరిస్థితుల్లో కొట్టుమిట్టాడుతోంది. కేంద్ర నుంచి వచ్చిన ఉపాధి హామీ పథకం నిధులు రూ.500 కోట్లు ఖజానాకు మళ్లించింది. * రూ.2,500 కోట్లు దాటిన లోటు * అడ్డదారిలో కేంద్రం నిధుల వాడకం * ప్రశ్నార్థకంగా రైతుల రుణమాఫీ నిధులు * గోదావరి పుష్కరాలకు నిధుల కొరత * ఫీజు రీయింబర్స్మెంట్ బకాయిలు పెండింగ్ * వచ్చే నెల ఉద్యోగుల జీతాలకు కటకట సాక్షి, హైదరాబాద్: ఈ ఆర్థిక సంవత్సరంలో ఖజానా లోటు ఇప్పటికే రూ. 2,500 కోట్లు దాటిపోయింది. ఏప్రిల్, మే నెలల్లో రాష్ట్ర ఖజానాకు వచ్చిన రెవెన్యూ ఆదాయం రూ.7,261 కోట్లు కాగా, అదే సమయానికి తెచ్చిన రూ.2 వేల కోట్లకు పైగా అప్పుతో ఆదాయం రూ.9,698 కోట్లకు చేరుకుంది. ఈ రెండు నెలల్లో రెవెన్యూ వ్యయం రూ.8, 501 కోట్లు దాటింది. ప్రణాళిక వ్యయంతో కలిపితే మొత్తం రూ.10,921 కోట్లు ఖర్చు అయినట్లు తెలుస్తోంది. ఈ లెక్కన రూ.1,223 కోట్ల లోటు నెలకొంది. ఈ రెండు నెలల లోటును పూడ్చుకునే లోగా జూన్ నెలలో చోటు చేసుకున్న పరిణామాలు సర్కార్ను మరింత కుంగదీశాయి. ఎక్సైజ్ అమ్మకాలపై చెల్లించాల్సిన బకాయిల కింద ఐటీ శాఖ ఆర్బీఐ నుంచి రూ.1,274 కోట్లు సీజ్ చేయడంతో ఆర్థిక నిధుల నిర్వహణ ఒక్కసారిగా తలకిందులైంది. రెండో ఏడాది రుణమాఫీ రెండో విడతగా జూలైలో విడుదల చేసే రూ. 2,207 కోట్లు సర్దుబాటు చేయడం ఆర్థిక శాఖకు ఇబ్బందిగా మారుతోంది. ఇదిలాఉండగా, ప్రభుత్వం ఇప్పటికే ఇచ్చిన హామీ ప్రకారం కాలేజీలకు చెల్లించాల్సిన ఫీజు రీయింబర్సమెంట్ బకాయిలు రూ.2,500 కోట్ల బకాయి బిల్లులు ఆర్థిక శాఖలో పెండింగ్లో ఉన్నాయి. మరోవైపు గోదావరి పుష్కరాలకు రూ.600 కోట్లు ఖర్చు చేస్తామని ప్రభుత్వం చెబుతున్నప్పటికీ బడ్జెట్లో కేటాయించిన రూ.100 కోట్లకు మించి పైసా ఇచ్చే పరిస్థితి లేదని ఆర్థిక శాఖ మల్లగుల్లాలు పడుతోంది. ప్రాధాన్యతా క్రమంలో తక్షణ అవసరాలు.. వచ్చే నెల ఉద్యోగుల జీతాలకు అవసరమయ్యే ఖర్చులకు అప్పులు చేయడం తప్ప గత్యంతరం లేదని సర్కారు అప్రమత్తమైంది. -
అన్నదాత మెడకు అప్పులు ఉచ్చు!
-
అన్నదాత మెడకు అప్పులు ఉచ్చు!
* సాగు 40 శాతం.. బ్యాంకుల రుణాలు 4 శాతం * గత్యంతరం లేక వడ్డీ వ్యాపారస్తులను ఆశ్రయిస్తున్న అన్నదాతలు * ఇప్పటికే 3 వేల కోట్ల రూపాయల మేర ప్రైవేటు అప్పులు * బ్యాంకులకు రుణమాఫీ రెండో విడత సొమ్ము చెల్లించని ప్రభుత్వం * గత మాఫీలో అవకతవకలు తేలాకే చెల్లింపులంటూ క్షేత్రస్థాయిలో విచారణ * సర్కారు నుంచి నిధులందకపోవడంతో రైతు రుణాలకు బ్యాంకుల విముఖత * రూ. 30,995 కోట్ల రుణ లక్ష్యంలో ఇప్పటిదాకా విదిల్చింది రూ. 1,200 కోట్లే! సాక్షి, హైదరాబాద్: రైతన్న ఎప్పట్లాగే మళ్లీ అప్పుల ఊబికి దగ్గరవుతున్నాడు! కాలం కలిసి వస్తున్నా చేతిలో చిల్లిగవ్వ లేక దిక్కులు చూస్తున్నాడు. బ్యాంకు రుణాలపై ఆశలు సన్నగిల్లడంతో గత్యంతరం లేని పరిస్థితుల్లో ప్రైవేటు వడ్డీ వ్యాపారులను ఆశ్రయిస్తున్నాడు. తెలంగాణలో ఇప్పటివరకు పంటల సాగు 40 శాతానికి చేరుకున్నా.. బ్యాంకు రుణాలు 4 శాతాన్ని మించలేదు. సర్కారు వైపు నుంచి కూడా బ్యాంకులపై ఒత్తిడి లేకపోవడంతో రైతులకు ఆశించిన మేర రుణాలు అందడం లేదు. ఫలితంగా అన్నదాతలు ఇప్పటికే రూ.3 వేల కోట్ల వరకు ప్రైవేటు అప్పులు చేసినట్టు తెలుస్తోంది. ఈసారి రుతుపవనాలు సకాలంలో వచ్చాయి. వాతావరణ శాఖ నివేదికలకు భిన్నంగా మొదటి దశలో అనేక చోట్ల సాధారణం కంటే అధిక వర్షపాతాలు నమోదయ్యాయి. జూన్ 25 నాటికి రాష్ట్రంలో 40 శాతం పంటల సాగు జరిగింది. ఇంతటి కీలక సమయంలో రైతులు పెట్టుబడుల కోసం తిప్పలు పడుతున్నారు. వ్యవసాయ రుణాలను బ్యాంకులు పట్టించుకోవడం లేదు. రుణమాఫీ కింద ప్రభుత్వం రెండో విడత బకాయిలు చెల్లించనందున రుణాలిచ్చేందుకు ససేమిరా అంటున్నాయి. రెండో విడత సొమ్ము విడుదల చేయకుండా ప్రభుత్వం.. గత ఏడాది ఇచ్చిన రుణమాఫీలో అవకతవకలు జరిగాయంటూ క్షేత్రస్థాయిలో విచారణ జరిపిస్తోంది. ఈ కారణంగా రుణాలు మంజూరు చేయడంలో జాప్యం తప్పడం లేదని బ్యాంకులు చెబుతున్నాయి. రూ.1,200 కోట్లు దాటని రుణాలు రాష్ట్రంలో ఈసారి 1.03 కోట్ల ఎకరాల్లో పంటల సాగు జరుగుతుందని వ్యవసాయశాఖ అంచనా వేసింది. తెలంగాణలో సన్న, చిన్నకారు, మధ్య తరహా, ధనిక రైతులు 55.53 లక్షల మంది ఉన్నారు. అందులో సన్న, చిన్నకారు రైతులు 47.68 లక్షల మంది, మధ్య తరహా రైతులు 7.69 లక్షల మంది ఉన్నారు. వీరిలో అధికంగా బ్యాంకు రుణాలపైనే ఆధారపడతారు. గతేడాది లెక్కల ప్రకారం 35.82 లక్షల మంది రైతులు బ్యాంకుల నుంచి రుణాలు తీసుకున్నారు. ఈసారి వ్యవసాయ సీజన్ ఆశాజనకంగా ఉండటంతో రుణాలు తీసుకునే రైతుల సంఖ్య గణనీయంగా పెరుగుతుందని అంచనా. ఈ ఏడాది రూ.30,995 కోట్ల వ్యవసాయ రుణాలు ఇవ్వాలని ప్రభుత్వం లక్ష్యంగా పెట్టుకుంది. అయితే ఇంతకంటే ఎక్కువ మొత్తంలో రైతుల నుంచి డిమాండ్ ఉండే అవకాశం ఉంది. బ్యాంకులు మాత్రం ఇప్పటి వరకు రూ.1,200 కోట్లకు మించి రుణాలు ఇవ్వలేదు. అంటే మొత్తం లక్ష్యంలో కేవలం 3.87 శాతం మాత్రమే! సాగు విస్తీర్ణం మాత్రం 40 శాతం దాకా ఉంది. ఒక్క పత్తి సాగే 54 శాతం జరిగింది. ఇంత మొత్తంలో సాగు విస్తీర్ణం ఉన్నా.. బ్యాంకు రుణాలు మాత్రం అతి స్వల్పంగా ఉన్నాయి. సర్కారు, బ్యాంకులు కలిసి మొండిచేయి చూపడంతో రైతులు ప్రైవేటు వడ్డీ వ్యాపారుల చుట్టూ తిరుగుతున్నారు. ఒక అంచనా ప్రకారం రాష్ట్రంలో రైతులు రూ.3 వేల కోట్లకు పైగా ప్రైవేటు వడ్డీ వ్యాపారుల వద్ద అప్పులు చేశారు. కేరళకు చెందిన ఓ బంగారు తాకట్టు సంస్థ తన వ్యాపారాన్ని గ్రామీణ ప్రాంతాలకు కూడా విస్తరించింది. బ్యాంకులు ఆలస్యంగా అప్పులు ఇస్తాయని తెలుసుకున్న ఈ సంస్థ రైతులను ఆకర్షించేందుకు గ్రామాల్లో విస్తృతంగా ప్రచారం నిర్వహించింది. ఈ సంస్థ ఒక్కటే రైతుల దగ్గర్నుంచి ఆభరణాలు కుదువ పెట్టుకుని రూ.1,500 కోట్లు అప్పుగా ఇచ్చినట్లు సమాచారం. అక్రమాలు వెలికి తీశాకే రుణమాఫీ! రైతు రుణమాఫీ రెండో విడత నిధుల విడుదలకు ముందు సర్కారు అనేక మెలికలు పెడుతోంది. మొదటి విడత విడుదల చేసిన సొమ్ములో అక్రమాలు జరిగాయని ప్రభుత్వం గట్టిగా నమ్ముతోంది. బోగస్ పాసు పుస్తకాలు, బినామీ పేర్లతో అక్రమాలు జరిగినట్లు స్పష్టమైన సమాచారం అందిందని ఆర్థికశాఖ ఇటీవల వెల్లడించింది. మొదటి విడతలో ఎంత మేరకు అక్రమాలు జరిగాయన్న అంశంపై జిల్లాల్లో నిఘా బృందాలు గాలిస్తున్నాయి. అనర్హులు ఎంతమంది రుణమాఫీ పొందారో పరిశీలన చేస్తున్నాయి. బోగస్ రైతులుంటే తొలగించాల్సిందేనని ప్రభుత్వం ఆదేశాలు ఇచ్చింది. ఈనెల 30లోగా తమ పనిని పూర్తి చేయాలని నిఘా బృందాలకు సూచించింది. గత ఏడాది క్షుణ్ణంగా పరిశీలించి రుణమాఫీ అమలు చేశారు. ఎమ్మార్వో ధ్రువీకరణ ఇచ్చాకే సంబంధిత రైతులకు రుణమాఫీని వర్తింపచేశారు. మళ్లీ ఇప్పుడు అక్రమాలు.. తనిఖీలంటూ కొత్తగా చేయడం సరికాదని వ్యవసాయశాఖ అధికారులే ముక్కున వేలేసుకుంటున్నారు. కీలకమైన సీజన్లో రైతులను ఆదుకోవాల్సింది పోయి నిఘా బృందాలతో బ్యాంకుల్లో పరిశీలన చేయించడం దారుణమని అంటున్నారు. వడ్డీలకు తెచ్చుకుంటున్నాం పంటల సాగు కోసం వడ్డీ వ్యాపారస్తులను ఆశ్రయించాల్సి వస్తోంది. రుణమాఫీకి సంబంధించి ఈ ఏడాది ఇప్పటి దాకా ఖాతాలో జమ చేయలేదు. బ్యాంకుకు వెళ్తే డబ్బులు జమ కాలేదంటున్నారు. చేసేది లేక పెట్టుబడుల కోసం వడ్డీవ్యాపారుల వద్దకు పరుగెడుతున్నాం. - రాముడు, గట్టు, మహబూబ్నగర్ బ్యాంకు రుణాలు ఇవ్వలేదు నాకు మూడెకరాల పొలం ఉంది. పత్తి, నారుమళ్లను సిద్ధం చేసుకున్నాం. బ్యాంకుకు వెళ్తే రుణాలు ఇవ్వడం లేదు. ఈ నెలాఖరు వరకు రెన్యూవల్ చేసుకోని రైతులకు అవకాశం ఉండదని చెబుతున్నారు. కొత్త రుణాలను ఎప్పుడిస్తారో చెప్పడం లేదు. వడ్డీకి అప్పులు తెచ్చుకొని పంటలు సాగుచేస్తున్నా. - సాయన్న, ధరూరు, మహబూబ్నగర్ -
రుణమాఫీ ఫిర్యాదుల స్వీకరణ గడువు పెంపు
31వ తేదీ వరకు రైతులకు అవకాశం కలెక్టరేట్తోపాటు అన్ని ఆర్డీవో కార్యాలయాల్లోనూ దరఖాస్తుల స్వీకరణ మచిలీపట్నం : రుణమాఫీ పథకం లబ్ధిపొందని రైతుల నుంచి ఫిర్యాదులు స్వీకరించే గడువును ప్రభుత్వం మరోసారి పొడిగించింది. రైతుల నుంచి ఫిర్యాదులు స్వీకరించే గడువును ఈ నెల 31వ తేదీ వరకు పొడిగిస్తున్నట్లు రాష్ట్ర వ్యవసాయశాఖ మంత్రి ప్రత్తిపాటి పుల్లారావు ఆదివారం ప్రకటించారు. వాస్తవానికి ఫిర్యాదుల స్వీకరణ గడువు ఈ నెల 25వ తేదీతో ముగియనుంది. ఇప్పటి వరకు కలెక్టరేట్లో ఏర్పాటు చేసిన ప్రత్యేక కేంద్రంలో రుణమాఫీ దరఖాస్తులను స్వీకరించారు. సోమవారం కూడా ఈ కేంద్రం కొనసాగనుంది. రుణమాఫీ ఫిర్యాదుల స్వీకరణ గడువును పెంచుతున్నట్లు వ్యవసాయశాఖ మంత్రి ప్రకటించిన నేపథ్యంలో కలెక్టరేట్తోపాటు, జిల్లాలోని నాలుగు ఆర్డీవో కార్యాలయాల్లోనూ రైతుల నుంచి దరఖాస్తులు స్వీకరిస్తారని వ్యవసాయశాఖ డీడీ బాలునాయక్ ‘సాక్షి’కి తెలిపారు. గడువు పొడిగింపు రెండోసారి ఏప్రిల్ 27వ తేదీన కలెక్టరేట్లో రైతు రుణమాఫీ ఫిర్యాదుల స్వీకరణ ప్రక్రియను ప్రారంభించారు. మే 15వ తేదీ వరకు గడువు విధిం చారు. రైతుల నుంచి ఫిర్యాదులు అధికంగా వస్తుండటంతో ఈ నెల 25వ తేదీ వరకు ఈ గడువు పొడిగించారు. ఈ గడువు సోమవారంతో ముగియనుంది. ఈలోగానే వ్యవసాయశాఖ మంత్రి ఈ నెల 31వ తేదీ వరకు ఈ గడువును పెంచుతున్నట్లు ప్రకటించారు. ఇప్పటి వరకు కలెక్టరేట్లో ఏర్పాటు చేసిన రైతు రుణమాఫీ ఫిర్యాదుల స్వీకరణ కేంద్రానికి 14 వేలకు పైగా దరఖాస్తులు వచ్చాయి. రోజుకు 900 చొప్పున దరఖాస్తులు స్వీకరించారు. రూ.50 వేలకు మించి రూ.1.50 లక్షల వరకు రుణం తీసుకున్న రైతులకు వాయిదాల పద్ధతిలో మొదటి వాయిదాగా రూ.30 వేలు మాత్రమే జమ అయ్యింది. ఈ విషయాన్ని గమనించని రైతులు తాము తీసుకున్న రుణం మొత్తం మాఫీ కాలేదని ఫిర్యాదుల కేంద్రానికి వచ్చారు. కొంత మంది రైతులకు సంబంధించిన వివరాలు ఆన్లైన్లో నమోదు కాలేదు. మీ-సేవ కేంద్రంలో తీసుకున్న పత్రంలో డేటా నాట్ ఫౌండ్ అనే రిమార్కుతో కొంత మంది రైతులకు రుణమాఫీ నిలిచిపోయింది. డేటా నాట్ ఫౌండ్ అనే రిమార్కుతో ఉన్న ఫిర్యాదులను అధికారులు స్వీకరించలేదు. ఈ తరహాలో 2,300లకు పైగా ఫిర్యాదులను అధికారులు తిరస్కరించారు. పూర్తి వివరాల నమోదు రైతు రుణమాఫీ ఫిర్యాదుల స్వీకరణ కేంద్రంలో తీసుకున్న దరఖాస్తులను ఎనిమిది బృందాల అధికారులు స్వీకరించారు. అధికారులు స్వీకరించిన రుణమాఫీ ఫిర్యాదుల వివరాలను ప్రభుత్వం రూపొందించిన నమూనా ఆధారంగా నింపి వివరాలను హైదరాబాద్కు పంపారు. రైతు పేరు, బ్యాంకు ఖాతా నంబరు, ఎంత రుణం తీసుకున్నారు, ఎంత మేర రుణమాఫీ జరిగింది, రిమార్కులో ఏం రాసి ఉంది తదితర వివరాలను నమోదు చేశారు. ఇందుకోసం 15 మంది సిబ్బందిని ప్రత్యేకంగా నియమించి ఈ ప్రక్రియను పూర్తి చేశారు. స్వీకరించిన దరఖాస్తులను ఆన్లైన్ చేయకుండా రిజిస్టర్ పోస్టు ద్వారా హైదరాబాద్లోని ప్రణాళికా విభాగానికి పంపుతున్నారు. సోమవారం ఆఖరు రోజు కావడంతో అధికంగా దరఖాస్తుదారులు వచ్చే అవకాశం ఉంది. అధిక ఉష్ణోగ్రతల కారణంగా మీ-కోసం కార్యక్రమాన్ని రద్దు చేసినప్పటికీ రుణమాఫీ ఫిర్యాదుల స్వీకరణను కొనసాగిస్తున్నారు. -
పంట రుణమాఫీ పథకంలో నకిలీలు
సాక్షి, రంగారెడ్డి జిల్లా : పంట రుణాల మాఫీ పథకంలో అక్రమార్కులకు అధికారులు కళ్లెం వేశారు. రుణమాఫీ జాబితాలో అనర్హుల పేర్లు చొప్పించిన గుట్టును రట్టు చేసిన మండల కమిటీలు.. వారి అర్హతను రద్దు చేశాయి. ఫలితంగా వారికి ప్రభుత్వం విడుదల చేసిన పంటరుణ మాఫీ తొలివిడత నిధులను తిరిగి సర్కారు ఖాతాకు మళ్లించారు. జిల్లాలో 3,282 మంది బోగస్ లబ్ధిదారులకు సంబంధించి రూ. 6.44 కోట్లను యంత్రాంగం ఇటీవల వెనక్కు పంపింది. కొత్త రాష్ట్రంలో అధికారంలోకి వచ్చిన టీఆర్ఎస్ ప్రభుత్వం రుణమాఫీ పథకాన్ని అమల్లోకి తెచ్చింది. ఇందుకు సంబంధించి మార్గదర్శకాలు విడుదల చేస్తూ అర్హులను గుర్తించాల్సిందిగా ఆదేశించింది. దీంతో చర్యలకు దిగిన జిల్లా యంత్రాంగం.. పలుమార్లు వడపోత అనంతరం జిల్లా వ్యాప్తంగా 2,10,257 మందిని అర్హులుగా గుర్తించింది. వీరికి రూ.1,032.41 కోట్లు మాఫీ చేయాల్సిందిగా పేర్కొంటూ జాబితాను ప్రభుత్వానికి సమర్పించింది. రుణ మాఫీని నాలుగు విడతల్లో చెల్లించనున్నట్లు ప్రకటించిన సర్కారు.. తొలివిడత కింద రూ.258.10 కోట్లు విడుదల చేసింది. యంత్రాంగం రూపొందించిన జాబితాలో అనర్హులున్నట్లు అప్పట్లో ఫిర్యాదులు వెల్లువెత్తాయి. ఈ నేపథ్యంలో మాఫీ నిధులు రైతుల ఖాతాల్లో జమచేసేముందు మరోసారి పరిశీలన చేపట్టాలని నిర్ణయించింది. ఈక్రమంలో జిల్లా వ్యాప్తంగా 3,282 మందిని జాబితా నుంచి తప్పిస్తూ.. మిగతా 2,06,975 మంది రైతులకు మాఫీ నిధులు బ్యాంకు ఖాతాల్లో జమచేసింది. అనంతరం జాబితా నుంచి తప్పించిన రైతుల వివరాలను పూర్తిస్థాయి పరిశీలన చేపట్టారు. ఇందులో పరిమితికి మించిన రుణాలు, బంగారు ఆభరణాల లోన్లు, నకిలీ పట్టాదారు పాసుపుస్తకాలు, ఖాతా నంబర్లలో డూప్లికేట్లు ఉన్నట్లు అధికారులు గుర్తించారు. దీంతో వారి అర్హతను రద్దు చేశారు. మాఫీ రూ.1,006.84 కోట్లే.. రుణ మాఫీలో అనర్హుల పేర్లు తొలగించడంతో ప్రభుత్వానికి కొంత భారం తగ్గింది. తొలుత 2,10,257 మందిని అర్హులుగా గుర్తించి.. వారికి రూ.1,032.41 కోట్లు మాఫీ చేయాల్సిందిగా పేర్కొంటూ ప్రభుత్వానికి నివేదికలిచ్చారు. తాజాగా అనర్హులను జాబితా నుంచి తప్పించారు. ఫలితంగా లబ్ధిదారుల సంఖ్య 2,06,975కు తగ్గింది. అదేవిధంగా మాఫీ మొత్తం కూడా రూ.1,006.84 కోట్లకు చేరింది. అంటే ప్రభుత్వానికి రూ. 25.76కోట్ల భారం తగ్గింది. ఇందులో ఇప్పటికే రూ.251.71 కోట్లు రైతుల ఖాతాల్లో ప్రభుత్వం జమచేసింది. తాజా ఆర్థిక సంవత్సరానికి సంబంధించి మరో రూ. 251.71 కోట్లు ఇవ్వాల్సిందిగా జిల్లా వ్యవసాయశాఖ నివేదికను తయారు చేసి రాష్ట్ర ప్రభుత్వానికి పంపించింది. -
'రైతుల ఆత్మహత్యలే బంగారు తెలంగాణా?'
హైదరాబాద్: టీఆర్ఎస్ పార్టీ అధికారంలోకి వచ్చి ఏడాది పూర్తైన తెలంగాణ ముఖ్యమంత్రి కేసీఆర్ ఒక్క హామీ అయినా అమలు చేసారా ? అని తెలంగాణ వైఎస్ఆర్సీపీ జనరల్ సెక్రటరీ శివకుమార్ సూటిగా ప్రశ్నించారు. రైతులు ఆత్మహత్య చేసుకోవడమే బంగారు తెలంగాణా? అంటూ మండిపడ్డారు. సోమవారం ఆయన విలేకరులతో మాట్లాడారు. తెలంగాణలో అకాల వర్షాలతో రైతులు తీవ్ర ఇబ్బందుల్లో ఉన్నారని శివకుమార్ ఆవేదన వ్యక్తం చేశారు. రైతుల రుణమాఫీపై కేసీఆర్ స్పష్టమైన ప్రకటన చేయాలని డిమాండ్ చేశారు. అలాగే మే 2న తెలంగాణ వైఎస్ఆర్సీపీ రాష్ట్ర కార్యవర్గ సమావేశం ఏర్పాటు చేయనున్నట్టు చెప్పారు. ఈ సమావేశంలో తెలంగాణలో ప్రస్తుత పరిస్థితులు, గ్రేటర్ ఎన్నికలపై చర్చించనున్నట్టు తెలిపారు. గ్రేటర్ ఎన్నికలపై హైకోర్టు తీర్పును తాము స్వాగతిస్తున్నామని అన్నారు. గ్రేటర్ హైదరాబాద్ను అభివృద్ధి చేసింది వైఎస్ఆర్ మాత్రమేనని శివకుమార్ చెప్పారు. -
రైతు రుణ లక్ష్యం రూ. 10 కోట్లు
జలుమూరు: రానున్న ఖరీఫ్, రబీ సీజన్లలో రైతులకు పది కోట్ల రూపాయల రుణాలు ఇవ్వాలని లక్ష్యంగా పెట్టుకున్నామని జిల్లా కేంద్ర సహకార బ్యాంక్ అసిస్టెంట్ జనరల్ మేనేజర్ శిమ్మ జగదీశ్వరరావు తెలిపారు. డీసీసీబీ పరిధిలోని 49 పీఏసీఎస్ల పరిధిలో 350 కోట్లరూపాయల విలువ ధాన్యాన్ని ఈ ఏడాది కొనుగోలు చేయడం ద్వారా సుమారు ఎనిమిది కోట్ల రూపాయలు కమిషన్ రుపేణా లాభాలు అర్జించామన్నారు. చల్లవానిపేట పీఏసీఎస్ను గురువారం సందర్శించిన ఆయన రికార్డులను పరిశీలించారు. అనంతరం విలేకరులతో మాట్లాడుతూ వచ్చే ఖరీఫ్, రబీలో రైతులకు రూ. 10 కోట్లు దీర్ఘకాలిక రుణాలు ఇచ్చేందుకు లక్ష్యంగా పెట్టుకున్నామన్నారు. రుణ మాఫీకి సంబంధించి మొదటి విడతలో రూ.79.35 కోట్లు, రెండో విడతలో రూ. 18.46 కోట్లు అయ్యిందన్నారు. రూ. 240 కోట్లు వర్తించాల్సి ఉండగా రూ. 180 కోట్లు అర్హత పొందారని ఇంకా రూ. 60 కోట్లు పెండింగ్లో ఉందన్నారు. ఇప్పటికీ రుణ మాఫీ కాని రైతులు రైతు సాధికారికా సంస్థలో ఫిర్యాదు చేసుకోవాలన్నారు. నరసన్నపేటలో డీసీసీబీ బ్రాంచి భవన నిర్మాణాలు పూర్తయ్యావని, మే నెలలో వీటిని ప్రారంభిస్తామన్నారు. ఈయన వెంట మేనేజర్ డీవీఎస్ రమణమూర్తి, అధ్యక్షుడు వాన కనకయ్య, సీఈవో భాస్కర్ పట్నాయక్ ఉన్నారు. -
బడ్జెట్ కేటాయింపుల్లో.. రైతుకు దక్కేది పిడికెడే!
ఈ ఏడాది తెలుగు రాష్ట్ర ప్రభుత్వాలు వ్యవసాయ రంగానికి బడ్జెట్ కేటాయింపులు పోటీపడి తగ్గించాయి. రుణ మాఫీ పథకానికి కేటాయించిన నిధులు, కేంద్ర ప్రాయోజిత పథకాల నిధులు, సిబ్బంది జీతాలు మినహాయిస్తే నికరంగా రైతుకు చేరేది చాలా తక్కువ. చిన్న రైతుల ఆర్థిక స్వావలంబనకు తోడ్పడే చర్యలకు నిధులు కేటాయిస్తే బాగుండేదంటున్నారు డాక్టర్ డి.నరసింహారెడ్డి. వ్యవసాయానికి కేంద్ర, రాష్ట్ర బడ్జెట్లలో నిధుల కేటాయింపులు తగ్గిపోతున్నాయి. చిన్న రైతులకు అవసరమైన పథకాలను కుదించడం లేదా ఎత్తివేయడం జరుగుతోంది. కేటాయింపులను సైతం పూర్తిస్థాయిలో ఖర్చు చేయటం లేదు. రైతులు అధికారుల వద్దకు తిరగలేక, పథకాలు ఉన్నా ఉపయోగించుకోలేకపోతున్నారు. ఇచ్చిన వారికే ఇవ్వటం, నిబంధనల పేరిట అర్హులకు ఇవ్వకపోవటం, అరకొరగా ఇవ్వటం వంటి కారణాలతో రైతులకు ప్రయోజనం కలగటంలేదు. తెలంగాణ ప్రభుత్వం వ్యవసాయ శాఖకు 2014-15లో రూ. 6,276 కోట్లు, 2015-16లో రూ. 5,545 కోట్లు కేటాయించింది. గత ఏడాదితో పోలిస్తే 13 శాతం నిధుల కేటాయింపు తగ్గింది. ప్రణాళికా కేటాయింపులు రూ. 1,035 కోట్లు కాగా ప్రణాళికేతర కేటాయింపులు రూ. 4,510 కోట్లు! ప్రణాళికా కేటాయింపులు గతేడాది కంటే భారీగా 76 శాతం తగ్గించారు. మొదటి నుంచి కూడా కేంద్ర పథకాలు, తద్వారా వచ్చే నిధులనే రాష్ట్రాలు నమ్ముకుంటున్నాయి. కేంద్ర ప్రభుత్వమేమో రాష్ట్రాలకు నిధులు నేరుగా బదలాయించి, స్వేచ్ఛ కల్పించానంటుంటే, రాష్ట్ర ప్రభుత్వాలు వ్యవసాయ రంగాన్ని పట్టించుకోకపోవటం శోచనీయం. నికర కేటాయింపులు స్వల్పమే ఆంధ్రప్రదేశ్ ప్రభుత్వం కేటాయింపులు ఇందుకు భిన్నంగా ఏమీలేవు. 2015-16 సంవత్సరానికి వ్యవసాయ శాఖ కేటాయింపులు రూ. 6,454 కోట్లు. గత సంవత్సర కేటాయింపుల కన్నా ఈ కేటాయింపులు తొమ్మిది శాతం తక్కువ. రెండు తెలుగు రాష్ట్ర ప్రభుత్వాల బడ్జెట్లలో రుణ మాఫీ పథకం నిధులు, కేంద్ర ప్రాయోజిత పథకాలను మినహాయిస్తే వ్యవసాయానికి నికర కేటాయింపులు చాలా తక్కువ. రుణమాఫీకి ఆంధ్రప్రదేశ్ ప్రభుత్వం మొదటి సంవత్సరం రూ. 5 వేల కోట్లు కేటాయించి 2015-16లో రూ. 4,300 కోట్లకు తగ్గించింది. తెలంగాణ ప్రభుత్వం రూ. 4,250 కోట్లు కేటాయించింది. రెండు రాష్ట్రాల్లో రైతులు ఆత్మహత్యలు చేసుకుంటుంటే, వ్యవసాయాభివృద్ధికి సమృద్ధిగా నిధులివ్వకపోవడం ఆయా ప్రభుత్వాల హ్రస్వ దృష్టిని సూచిస్తుంది. రైతులకు నేరుగా లబ్ధి చేకూర్చే నిధులు ఆంధ్రప్రదేశ్ బడ్జెట్లో రూ. 10 కోట్లకు మించవు. మిగతా నిధులు, బిల్డింగులు పరిశోధనలు పెద్ద కమతాలకు ఉపయోగపడేవే. అధికార టి.డి.పి., టి.ఆర్.ఎస్. పార్టీలు ఎన్నికల సమయంలో ఘనమైన హామీలు ఇచ్చాయి. కాంప్లెక్స్ ఎరువుల సరఫరాకు రూ. 500 కోట్లు ఇస్తానని టీడీపీ హామీ ఇచ్చింది. మార్కెట్ స్థిరీకరణ నిధికి రూ. 5 వేల కోట్లు కేటాయిస్తామన్నారు. ఆ పథకం ఊసే ఎత్తలేదు. అనేక పంటలకు గిట్టుబాటు ధర లభించటం లేదు. మార్కెట్ స్థిరీకరణ నిధి ఈ పరిస్థితిలో అత్యంత అవసరం. చిన్న, సన్న కారు రైతుల అవసరాలు తీర్చే కొత్త పథకం ఒక్కటీ ఆంధ్రప్రదేశ్ ప్రభుత్వం ప్రకటించలేదు. ప్రణాళిక కేటాయింపులలో వ్యవసాయ అనుబంధ రంగాలకు 2014-15లో కేటాయించిన రూ. 5415 కోట్లు వార్షిక ప్రణాళికలో 20.31 శాతం కాగ, 2015-16లో కేటాయించిన రూ. 1863 కోట్లు కేవలం 5.42 శాతం మాత్రమే. రైతులను, ఆదుకోవాల్సిన ప్రభుత్వం అరకొర కేటాయింపులు చేయటం దురదృష్టం. రైతుకు చేరేది తక్కువే ఆంధ్రప్రదేశ్ వ్యవసాయ మంత్రి ప్రత్తిపాటి పుల్లారావు రాష్ట్ర బడ్జెట్లో అవీ ఇవీ ఒకచోట చేర్చి వ్యవసాయ బడ్జెట్ అన్నారు. వ్యవసాయాభివృద్ధికి రూపొందించిన ప్రణాళికలేమిటో, సమస్యల పరిష్కారానికి ప్రభుత్వం ఎన్ని నిధులు కేటాయించిందో పేర్కొని ఉంటే స్పష్టత ఉండేది. పట్టు పరిశ్రమకు రూ. 93 కోట్లు ఇచ్చామన్నారు. దీనిలో రూ. 82 కోట్లు, సిబ్బంది జీతభత్యాలకు ఖర్చుకాగా పరిశ్రమ అభివృద్ధికి మిగిలేది కేవలం రూ.7.25 కోట్లు మాత్రమే. అలాగే పశుగణాభివృద్ధికి ప్రకటించిన రూ. 672 కోట్లలో సిబ్బంది జీతభత్యాలకే రూ. 489 కోట్లు ఖర్చవుతాయి. రెండు రాష్ట్రాలు కలిపి కేటాయించిన రూ. 11,999 కోట్లలో రైతుల సమస్యలు తీర్చేందుకు ఉపయోగపడే నిధులు రూ. 500 కోట్లకు మించవు. చిన్న రైతులు దశలవారీగా ఆర్థిక స్వావలంబన సాధించేందుకు తోడ్పడే చర్యలకు నిధులు కేటాయిస్తే బాగుండేది. ప్రభుత్వ పథకాల అమలులో సమన్వయం సాధించి, అవినీతిని తగ్గించి, నిధులను పరిపూర్ణంగా రైతులకు చేర్చే ప్రక్రియలు చేపట్టాల్సిన బాధ్యత ప్రభుత్వంపైనే ఉంది. (వ్యాసకర్త వ్యవసాయ విధాన విశ్షేషకులు. మొబైల్ : 90102 05742) -
అబద్ధాల బాబు
రైతుల, డ్వాక్రా మహిళలకు రుణాల మాఫీ పేరుతో దగా ఏడాదిలోపే ప్రజల నమ్మకం కోల్పోయిన బాబు తణుకు దీక్షలో ధ్వజమెత్తిన జిల్లా నేతలు రెండవరోజు జగన్ను కలిసిన పలువురు నాయకులు సాక్షి, కడప : తెలుగుదేశం పార్టీ అధినేత చంద్రబాబునాయుడు ఎన్నికల సమయంలో ఇష్టానుసారంగా హామీలు గుప్పించి, తర్వాత అధికారంలోకి వచ్చాక ప్రజలను వంచించడమే లక్ష్యంగా పాలన సాగిస్తున్నారని వైఎస్సార్ కాంగ్రెస్ పార్టీ నేతలు మండిపడ్డారు. ఆదివారం తణుకులో ఏపీ ప్రతిపక్ష నేత వైఎస్ జగన్మోహన్రెడ్డి చేపట్టిన రైతు దీక్షలో ప్రజలనుద్దేశించి పలువురు నేతలు ప్రసంగించారు. కడప ఎంపీ వైఎస్ అవినాష్రెడ్డి, రాజంపేట ఎంపీ మిథున్రెడ్డి, రాయచోటి ఎమ్మెల్యే గడికోట శ్రీకాంత్రెడ్డి, కమలాపురం ఎమ్మెల్యే పి.రవీంద్రనాథ్రెడ్డి, కడప ఎమ్మెల్యే ఎస్బీ అంజాద్బాష, మైదుకూరు ఎమ్మెల్యే ఎస్.రఘురామిరెడ్డి, రైల్వేకోడూరు ఎమ్మెల్యే కొరముట్ల శ్రీనివాసులు, బద్వేలు ఎమ్మెల్యే జయరాములు, వైఎస్సార్ సీపీ జిల్లా కన్వీనర్ ఆకేపాటి అమర్నాథరెడ్డి తదితరులు ప్రసంగిస్తూ చంద్రబాబు ప్రభుత్వంపై విరుచుకుపడ్డారు. కేవలం అధికారం కోసమే అమలుకు సాధ్యంగానీ హామీలను గుప్పించారని వారు ధ్వజమెత్తారు. ఈ నేపధ్యంలోనే పార్టీ అధినేత వైఎస్ జగన్మోహన్రెడ్డి టీడీపీ సర్కార్మెడలు వంచేందుకే దీక్ష చేపట్టారని వారు ప్రశంసించారు. ఊహించని రీతిలో దీక్షకు జనం రావడం చూస్తే జగన్పై ప్రజలకు ఉన్న అభిమానం ఇట్టే అర్థమవుతోందన్నారు. కాగా వైఎస్ జగన్ చేపట్టిన రైతు దీక్షకు జిల్లా నుంచి పలువురు నాయకులు, కార్యకర్తలు వెళ్లి సంఘీభావం తెలిపారు. -
మోసం బాబు నైజం!
కురుపాం : ముఖ్యమంత్రి చంద్రబాబునాయుడు రుణమా ఫీ పేరిట రైతులు, డ్వాక్రా మహిళలను నమ్మించి, మో సం చేశారని కురుపాం ఎమ్మెల్యే పాముల పుష్పశ్రీవాణి అన్నారు. మోసం చేయడం చంద్రబాబు నైజమని ధ్వజ మెత్తారు. పశ్చిమ గోదావరి జిల్లా తణుకులో వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్రెడ్డి చేపట్టిన రైతుదీక్షలో ఆమె పాల్గొన్నారు. ఈ మేరకు ఆదివా రం ఆమె ఇక్కడి విలేకరులతో ఫోన్లో మాట్లాడారు. ఎన్నికల్లో రైతులు, మహిళలు, నిరుద్యోగులకు ఇచ్చిన హామీలను అధికారంలోకి వచ్చిన అనంతరం విస్మరిం చిన చంద్రబాబు ప్రజా వ్యతిరేక పాలన సాగిస్తున్నార న్నారు. కురుపాం నియోజకవర్గంలో ఒక రైతుకు రూ. 150 మాత్రమే రుణమాఫీ అయ్యిందని గుర్తు చేశారు. రాష్ట్రంలో చాలాచోట్ల ఇదే నెలకొందన్నారు. ఎన్నికల మే నిఫెస్టోలో చంద్రబాబు ఇచ్చిన హామీలన్నీ నీటిలో మూ టలగానే మిగిలాయన్నారు. బాబు ఏడు నెలల పాలన పై ప్రజలు అసంతృప్తిగా ఉన్నారని చెప్పారు. పేదలు, బడుగు, బలహీన వర్గాలకు తమ పార్టీ ఎప్పుడూ అం డగా ఉంటుందని భరోసా ఇచ్చారు. సాలూరు ఎమ్మెల్యే పీడిక రాజన్నదొర మాట్లాడుతూ చంద్రబాబు పాలనపై ప్రజలకు నమ్మకం పోయిం దన్నారు. ఆయన మాయ మాటలను ప్రజలు గత తొమ్మిదేళ్లలో చూశారని చెప్పారు. భవిష్యత్తు వైఎ స్సార్ కాంగ్రెస్ పార్టీదేనని స్పష్టం చేశారు. జగన్ దీక్షకు వెళ్లిన బొబ్బిలి నాయకులు బొబ్బిలి : వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్రెడ్డి పశ్చిమగోదావరి జిల్లా తణుకులో రెండు రోజుల పాటు నిర్వహించిన రైతుదీక్షకు బొబ్బిలి నియెజకవర్గం నుంచి అధిక సం ఖ్య లో నాయకులు, కార్యకర్తలు తరలివెళ్లారు. పార్టీ జిల్లా కార్యదర్శి, రామభధ్రపురం మండల నాయకుడు మడక తిరుపతినాయుడు, ఆ మండలానికి చెందిన కర్రొతు తిరుపతిరావు, డబ్ల్ల్యూవీఎల్ఎన్ రాయలు, బొ బ్బిలి పట్టణానికి చెందిన బొబ్బాది తవిటినాయుడు, పర్తాపు చంద్రశేఖర్, మండలానికి చెందిన అప్పలనాయుడు, సింహాచలం, రెడ్డి వెంకటనాయుడు, బాడంగి మండలానికి చెందిన గొర్లె శంకరరావు, శ్రీనివాసరా వు తరలివెళ్లారు. పార్టీ రాష్ట్ర కార్యదర్శి ఆర్వీ సుజయ్ కృష్ణ రంగారావు ఆధ్వర్యంలో వారంతా రెండు రోజుల పాటు దీక్షలో ఉన్నారు. -
బంగారం వేలం వేస్తాం:సీవీఆర్ రాజేంద్రన్
-
బంగారం వేలం వేస్తాం
రైతు రుణ మాఫీ పథకం మాకు గుదిబండగా మారింది ఆంధ్రాబ్యాంకు సీఎండీ సీవీఆర్ రాజేంద్రన్ వ్యాఖ్యలు హైదరాబాద్, బిజినెస్ బ్యూరో: బంగారం కుదువ పెట్టి తీసుకున్న వ్యవసాయ రుణాలకు రుణ మాఫీ వర్తించని పక్షంలో వెంటనే చెల్లించాలని నోటీసులిస్తున్నామని, గడువు తీరినా కూడా చెల్లించకపోతే ఆభరణాలను వేలం వేయటానికి వెనకాడబోమని ఆంధ్రాబ్యాంక్ స్పష్టంచేసింది. రుణ మాఫీపై వాస్తవ పరిస్థితులను రైతులకు వివరంగా చెబుతున్నామని, రుణం ఎన్పీఏగా మారిన తరవాత కూడా దాన్ని చెల్లించని పక్షంలో ఆభరణాలు వేలం వేస్తామని బ్యాంకు సీఎండీ సీవీఆర్ రాజేంద్రన్ స్పష్టంచేశారు. నిజానికి రుణ మాఫీకి విధించిన నిబంధనల కారణంగా బంగారు ఆభరణాలను తనఖా పెట్టి తీసుకున్న రుణాల్లో చాలా వాటికి మాఫీ వర్తించడం లేదు. ఎందుకంటే రుణ మాఫీ వర్తింప చేయడంలో ముందుగా పంట రుణానికి, ఆ తర్వాత కన్వర్టెడ్ పంట రుణాలకు ప్రాధాన్యమివ్వాలని, ఆ తర్వాతే బంగారు రుణాలను పరిగణనలోకి తీసుకోవాలని నిబంధనలు చెపుతున్నాయి. వీటికి తోడు కుటుంబంలో ఒక ఖాతాకు మాత్రమే మాఫీ వర్తింపజేస్తుండటంతో చాలావరకూ తొలి ప్రాధాన్యంలో ఉన్న పంట రుణాలకే ఇది వర్తిస్తోంది. చాలా గోల్డ్ లోన్స్కు మాఫీ జాడే లేకుండా పోతోంది. ఈ పరిస్థితులన్నీ రైతులకు వివరంగా చెబుతున్నామని రాజేంద్రన్ తెలియజేశారు. డిఫాల్టర్లలో వీరే అధికం ఆంధ్రాబ్యాంక్ వద్ద పెద్ద మొత్తంలో రుణాలు తీసుకొని ఎగ్గొట్టిన వారిలో సినిమా స్టార్లు, రాజకీయ నాయకులే ఎక్కువగా ఉన్నట్లు రాజేంద్రన్ వ్యాఖ్యానించారు. ‘‘నిరర్థక ఆస్తులను తగ్గించుకొని బ్యాంకును కాపాడుకోవడానికి రికవరీ సిబ్బంది మాత్రమే కాకుండా మొత్తం 18,000 మంది ఉద్యోగులూ రంగంలోకి దిగారు. ఇందులో భాగంగా ఎగవేతదారుల ఇళ్లు, ఆస్తుల ముందు బ్యాంకు సిబ్బంది నిరసన చేపడుతున్నారు’’ అని తెలియజేశారు. వ్యక్తిగతంగా ఎగవేతదారుల పేర్లు చెప్పలేనని, వారి ఇంటి ముందు నిరసన చేసినప్పుడు అవే తెలుస్తాయని ఒక ప్రశ్నకు సమాధానంగా చెప్పారాయన. మొత్తం 2.86 లక్షల ఎన్పీఏ ఖాతాలుండగా, అందులో కోటి అంతకంటే ఎక్కువ మొత్తం కలిగిన ఖాతాలు 1,038 మాత్రమే. ప్రస్తుతం ఆంధ్రాబ్యాంక్ స్థూల నిరర్థక ఆస్తులు రూ.7,118 కోట్లకు చేరుకొని ప్రమాద ఘంటికలు మోగిస్తున్నాయి. రికార్డు స్థాయికి వ్యవసాయ రుణ ఎన్పీఏలు ఆంధ్రాబ్యాంక్ చరిత్రలోనే తొలిసారిగా వ్యవసాయ రుణాల్లో 6.6 శాతం నిరర్థక ఆస్తుల (ఎన్పీఏ) జాబితాలోకి చేరాయి. ఆంధ్రప్రదేశ్లో 2014 మార్చి నాటికి రూ.332 కోట్లుగా ఉన్న వ్యవసాయ రుణాల ఎన్పీఏలు రుణ మాఫీ పథకం పుణ్యమాని ఈ తొమ్మిది నెలల్లో ఏకంగా రూ.919 కోట్లకు చేరుకున్నాయి. ఎన్పీఏల్లో ఇప్పటి వరకు రూ.370 కోట్ల వరకు వసూలయ్యాయని, ప్రస్తుతం నికరంగా రూ.882 కోట్ల మేర వ్యవసాయ ఎన్పీఏలు ఉన్నాయని రాజేంద్రన్ తెలియజేశారు. అదే తెలంగాణాలో అయితే వ్యవసాయ రుణాల నికర నిరర్థక ఆస్తులు రూ.405 కోట్లుగా ఉన్నాయి. ‘‘ఆంధ్రా బ్యాంక్ చరిత్రలో వ్యయసాయ రుణాల్లో ఎన్పీఏలు ఏనాడూ సగటున రెండు శాతానికి మించి లేవు. కానీ ఈ రుణ మాఫీ పథకం వల్ల ఇప్పుడివి సుమారు ఏడు శాతానికి చేరుకున్నాయి. భారీగా పెరిగిన పని ఒత్తిడి... ఆంధ్రప్రదేశ్ ప్రభుత్వ రుణ మాఫీ పథకంలో అనేక నిబంధనలు పెట్టడంతో బ్యాంకు ఉద్యోగులపై తీవ్రమైన పని భారం పడుతోందని రాజేంద్రన్ చెప్పారు. ‘‘ఒక ఉద్యోగి రోజుకు 20-30 ఖాతాలు పునరుద్ధరించగలరు. మాఫీని వేగంగా చేయడానికి మా సిబ్బంది శని, ఆదివారాల్లో కూడా పనిచేస్తున్నారు. రోజుకు 50 ఖాతాల వరకు పూర్తి చేస్తున్నారు. బహుళ వ్యవసాయ రుణాలున్న రైతులకు ఒక రుణానికి మాత్రమే మాఫీ వర్తించడంతో ఏ ఖాతాకు వర్తిస్తుందో, దేనికి వర్తించదో తేల్చడం భారంగా మారింది.మార్చికల్లా 80 శాతం ఖాతా ల్ని పునరుద్ధరించలమన్న నమ్మకం ఉం ది’’ అని తెలియజేశారు. రాత్రింబవళ్లు పనిచేస్తున్నా... బ్యాంకుల వల్లే మాఫీ వర్తింప చేయలేకపోతున్నామని మంత్రులు చేస్తున్న వ్యాఖ్యలు సిబ్బంది మనోభావాలను దెబ్బతీసేలా ఉన్నాయని ఒక బ్యాంకు మేనేజర్ వ్యాఖ్యానించారంటే వారిపై ఏ స్థాయి ఒత్తిడి ఉందో అర్థం చేసుకోవచ్చునన్నారు. -
అభివృద్ధే లక్ష్యంగా..
నల్లగొండ : తెలంగాణ రాష్ట్ర అభివృద్ధి పట్ల ప్రభుత్వం ఆశించిన ప్రయోజనం నెరవేరాలంటే ప్రతి ఒక్కరూ అంకితభావంతో పనిచేయాలని..బంగారు తెలంగాణకు బాటలు వేయాలని కలెక్టర్ పి.సత్యనారాయణరెడ్డి పిలుపునిచ్చారు. 66వ గణతంత్ర దిన వేడుకలు జిల్లా కేంద్రంలోని పరేడ్ మైదానంలో సోమవారం ఘనంగా జరిగాయి. ఈ సందర్భంగా జాతీయ జెండాను ఆవిష్కరించిన అనంతరం కలెక్టర్ ప్రజలనుద్దేశించి మాట్లాడారు. కొత్తగా ఆవిర్భవించిన రాష్ట్రంలో అభ్యుదయం వైపు పయినిస్తామని..అభివృద్ధి సాధిస్తామని అన్ని రకాలుగా బాగుపడుతామని తెలంగాణ ప్రజలు కోటి ఆశలతో ఎదురుచూస్తున్నారు. ఈ లక్ష్యాన్ని సాధించే దిశగా రాష్ట్రాన్ని అభ్యుదయ పథంలో పురోగమింపచేయడానికి అవసరమయ్యే పథకాలను, ప్రణాళికలను రూపొందించి అమలు చేయడం జరుగుతోందని వివరించారు. రాష్ట్ర సాధన ఉద్యమంలో అసువులు బాసిన అమరవీరులకు ఈ సందర్భంగా జోహార్లు అర్పించారు. సందర్భంగా సంక్షేమ పథకాల అమలు తీరును వివరించారు. వ్యవసాయం పంట రుణాల మాఫీ పథకం కింద జిల్లాకు రూ.634 కోట్లు విడుదల చేయగా ఇప్పటి వరకు 4 లక్షల 74వేల రైతుల ఖాతాలకు రూ.561 కోట్లు జమ చేశారని తెలిపారు. 2009 నుంచి 2014 వరకు వడగండ్ల వాన, అతివృష్టి, అనావృష్టి, కరువు, తుపాను వల్ల నష్టపోయిన రైతాంగానికి ఇన్పుట్ సబ్సిడీ కింద రూ.65 కోట్లు లక్షా 53వేలు వారివారి ఖాతాల్లో జమ చేశామని కలెక్టర్ చెప్పారు. ఖరీఫ్, రబీ సీజనల్లో పంట రుణాల కింద రైతులకు రూ.1752 కోట్లు లక్ష్యం కాగా, ఇప్పటి వరకు రూ.1995 కోట్లు పంపిణీ చేసినట్లు తెలిపారు. ఖరీఫ్లో 60 వేల 495 మెట్రిక్ టన్నుల ధాన్యాన్ని రూ.85 కోట్లతో కొనుగోలు చేసి రైతులకు ఆమొత్తాన్ని చెల్లించి మద్ధతు ధర కల్పించామని చెప్పారు. మిషన్ కాకతీయ రాష్ట్ర ప్రభుత్వం చెరువులు సంరక్షణ, పునరుద్ధర ణ కోసం మిషన్ కాకతీయ పథకాన్ని ప్రవేశపెట్టిందన్నారు. దీనిలో భాగంగా ఈ ఏడాది 952 చెరువులనను మరమ్మతు చేయనున్నారని వివరించారు. ఇప్పటి వరకు 472 చెరువులకు రూ.275 కోట్ల అంచనాలతో ప్రతిపాదనలు తయారు చేసి పరిపాలనా ఆమోదానికి ప్రభుత్వానికి పంపినట్లు తెలిపారు. వాటర్గ్రిడ్ వచ్చే ఐదేళ్లలో సుమారు రూ.25 వేల కోట్లతో తెలంగాణలోని ప్రతి ఇంటికి నల్లాల ద్వారా తాగునీరు అందించాలని ప్రభుత్వం నిర్ణయించింది. ఈ వాటర్ గ్రిడ్ పథకాన్ని రాష్ట్రంలో మన జిల్లాలోని చౌటుప్పుల్ గ్రామంలో త్వరలో సీఎం కేసీఆర్ చేతుల మీదు గా పైలాన్ ఆవిష్కరణ చేయనున్నట్లు పేర్కొన్నారు. నక్కల గండి జిల్లా ప్రజల దాహార్తి తీర్చడంతోపాటు, ఫ్లోరైడ్ నివారణకు 4.50 లక్షల ఎకరాలకు సాగునీరు అందించేందుకు రూ.6,500 కోట్లతో నక్కలగండి ప్రాజెక్టు నిర్మాణం అనుమతుల కోసం ప్రభుత్వానికి ప్రతిపాదనలు పంపామన్నారు. విద్యుత్ రాష్ట్రంలో విద్యుత్ అవసరాలు తీర్చడమేగాక, మిగులు విద్యుత్ రాష్ట్రంగా తీర్చిదిద్దేందుకు గతేడాది డిసెంబర్ 23 తేదీన ఏరియల్ సర్వే నిర్వహించి 6,800 మెగావాట్ల సామర్థ్యం కలిగిన థర్మల్ విద్యుత్ ప్రాజెక్టు నెలకొల్పేందుకు రూపకల్పన చేశారని తెలిపారు. ఇప్పటికే 10,700 ఎకరాల్లో భూ సేకరణ సర్వే పూర్తి చేసుకుని అటవీ భూములను అటవీయేతర భూములుగా మార్చేందుకు గ్రామ సభలు నిర్వహించి ప్రభుత్వానికి ప్రతిపాదనలు పంపినట్లు వివరించారు. నిమ్స్కు బదులు ఎయిమ్స్ బీబీనగర్ మండలం రంగాపురంలో నిర్మాణ దశలో ఉన్న ని మ్స్ను సీఎం కేసీఆర్ ఇటీవల సందర్శించారని, రాష్ట్రానికే తలమానికంగా నిలిచే విధ ంగా ఎయిమ్స్గా మార్చుటకు, హెల్త్ హబ్ ఏర్పాటు చేయాలనే కీలక నిర్ణయాన్ని ప్రకటించినందుకు జిల్లా ప్రజల తరపున సీఎంకు ధన్యవాదాలు తెలిపారు. మరో తిరుపతిగా.. యాదగిరిగుట్ట యాదగిరిగుట్టను ఆధ్యాత్మిక కేంద్రంగా అన్ని హంగులతో అభివృద్ధి పర్చేందుకు తెలంగాణ ప్రభుత్వం అత్యంత ప్రాధాన్యత ఇస్తోందని, దీనిలో భాగంగా రూ.750 కో ట్లు కేటాయించినట్లు చెప్పారు. ఇప్పటికే మంజూరు చేసిన రూ.100 కోట్లతో వివిధ అభివృద్ధి పనులు ప్రారంభించినట్లు తెలిపారు. అదే విధంగా తెలంగాణకు హరితహారం, ఉద్యానవనశాఖ, ఆసరా పింఛన్లు, ఎస్సీ మహిళలకు 3 ఎకరాల భూ పంపిణీ, ఆహార భద్రత కార్డులు, కల్యాణలక్ష్మి, షాదీ ముబారక్, సంక్షేమ హాస్టళ్లకు సన్నబియ్యం, రోడ్ల మరమ్మతులు, తదితర పథకాల అమలును వివరించారు. రాచకొండతోపాటు జిల్లా గ్రామీణాభివృద్ధి, పురపాలన పురోగతి, ఇతర సంక్షేమ పథకాల అమలకు కృషి చేస్తున్న అధికారులను ఆయన అభినందించారు. జిల్లాలో శాంతిభద్రతల పరిరక్షణకు ఎల్లవేళలా కృషి చేస్తూ, జిల్లా యంత్రాంగం నిర్వహిస్తున్న సామాజిక కార్యక్రమాలలో పోలీస్ యంత్రాంగం సహాయ, సహకారాలందించడంతోపాటు, వాటిల్లో పాలుపంచుకుంటున్న వారందరికి కలెక్టర్ ప్రత్యేక కృతజ్ఞతలు తెలిపారు. వేడుకల్లో ఎంపీ గుత్తా సుఖేందర్రెడ్డి, పార్లమెంటరీ కార్యదర్శి గాదరి కిషోర్, ఎస్పీ టి.ప్రభాకర్రావు, నల్లగొండ మున్సిపల్ చైర్పర్సన్ బొడ్డుపల్లి లక్ష్మీ, జేసీ సత్యనారాయణ, ఏజేసీ వెంకట్రావు, జెడ్పీ సీఈఓ దామోదర్రెడ్డి, డీఆర్వో నిరంజన్, డీఆర్డీఏ పీడీ చిర్రా సుధాకర్, ఇతర శాఖల అధికారులు పాల్గొన్నారు. -
వాగ్దానం ‘మాఫీ’
సాక్షి ప్రతినిధి, ఏలూరు :అధికారంలోకి రావాలి. ఐదేళ్లపాటు రాష్ట్రాన్ని అవిచ్ఛిన్నంగా ఏలాలి. రైతులు ఏమైపోతే ఏం. అందుకే.. అంకెల గారడీ చేశారు. రుణమాఫీ వాగ్దానంతో అందలమెక్కారు. మాఫీ చేసింది రుణాల్ని కాదని.. వాగ్దానాన్ని మాత్రమేనని తెలుసుకునేలోగా చంద్రబాబు మాయాజాలంలో పడిన పశ్చిమ రైతులు దారుణంగా మోసపోయారు. జిల్లాలో మాఫీ కావలసిన రుణాలు సరిగ్గా రూ.5,200 కోట్లు. 2013-14 నాటికి జిల్లాలో ఇచ్చిన వ్యవసాయ రుణాల మొత్తం అది. వాస్తవానికి చంద్రబాబు హామీ మేరకు రూ.5 వేల కోట్ల పైచిలుకు మాఫీ కావాలి. కానీ.. రాష్ర్టంలోని 13 జిల్లాల రైతుల రుణమాఫీకి కేటాయించింది రూ.5 వేల కోట్లే. పశ్చిమగోదావరి జిల్లాకు కేటాయించింది రూ.369 కోట్లు మాత్రమే. అంటే మిగిలిన రూ.4,831 కోట్ల రుణాలను రైతులే చెల్లించుకోవాలి. కేటాయించిన రూ.369 కోట్లయినా రైతుల ఖాతాల్లో జమ అయి పూర్తిగా రుణ విముక్తి కలిగిందా అంటే.. అవునని ఒక్క రైతు కూడా చెప్పలేకపోతున్నాడు. తేలని రూ.50 వేలలోపు రుణాల లెక్క ఒకేసారి మాఫీ అవుతాయని, రూ.లక్షన్నర వరకు ఉన్న రుణాల్లో తొలివిడతగా 20శాతం మాఫీ అవుతుందని ప్రభుత్వం నెలన్నర కిందట ప్రకటించింది. జిల్లాలోని మొత్తం 8.50 లక్షల రైతుల్లో తొలి విడత 3.50 లక్షల మంది మాత్రమే రుణమాఫీకి అర్హులని తేల్చింది. గత డిసెంబర్ 10వ తేదీ నుంచి మాఫీ ప్రక్రియ మొదలుపెట్టి వారంలోగా ముగిస్తామని సర్కారు ప్రకటించింది. నేటికీ తొలివిడత రుణమాఫీ ప్రక్రియ పూర్తి కాలేదు. ఇప్పటికీ జిల్లాలో ఏ ఒక్క రైతు రుణ మాఫీకి సంబంధించి తన ఖాతాలో పూర్తిగా సొమ్ము జమ అయిందని చెప్పే పరిస్థితి లేదు. ఇక రూ.50 వేల లోపు రుణాలు ఎన్ని ఉన్నాయో అధికారులే చెప్పలేని స్థితి. జిల్లా లీడ్ బ్యాంక్ అధికారి ఎన్.లక్ష్మీనారాయణ సైతం తన వద్ద సరైన సమాచారం లేదంటూ చేతులెత్తేస్తున్నారంటే రుణమాఫీ ప్రక్రియ జిల్లాలో ఎలా సాగుతుందో అర్థం చేసుకోవచ్చు. 5 లక్షల ఖాతాల మాటేమిటి తొలి విడతకే ఇంత అయోమయ పరిస్థితి నెలకొంటే.. జిల్లాలో రెండో విడతగా రుణమాఫీ కావాల్సిన రైతుల పరిస్థితి ప్రశ్నార్థకంగా మారింది. మలి విడతలో 5 లక్షల రైతుల ఖాతాలను పరిశీలించి పంపాలని తహసిల్దార్లను ప్రభుత్వం ఆదేశిం చింది. ఆధార్, రేషన్ కార్డుల వివరాలతో ముడిపెడుతూ 33 అంశాలతో ఉన్నా ఫారం నింపాలన్న నిబంధనతో చాలామంది రైతులు సకాలంలో వివరాలు ఇవ్వలేకపోయారు. ఈ సాకుతో జిల్లాలోని 96 వేల మంది ఖాతాలకు ప్రభుత్వం కోత పెట్టింది. మిగి లిన 4 లక్షల 4వేలమంది రైతుల ఖాతాలను పెండింగ్ లిస్ట్లో పెట్టి మళ్లీ ఆయా ఖాతాలకు పత్రాలను సమర్పించాలని సూచించింది. దరఖాస్తులు సమర్పించేందుకు ఈనెల 24 వరకు గడువిచ్చింది. ఇప్పటికే పలుమార్లు పత్రాలు సమర్పించినా.. ఎప్పటికప్పుడు కొర్రీలు పెడుతూ పదేపదే దరఖాస్తులు కోరడంపై రైతులు ఆందోళన చెందుతున్నారు. మరో పక్క అధికారులు సర్కారు నిబంధనలు అమలు చేయలేక, రైతులకు సమాధానం చెప్పలేక నలిగిపోతున్నారు. రుణమాఫీ ప్రక్రియకు సంబంధించి వ్యవసాయ శాఖ వద్ద కూడా ఇప్పటికీ సరైన సమాచారం లేదు. ప్రభుత్వమే రుణమాఫీ ప్రక్రియను గందరగోళపరిచి రైతులతోపాటు అధికార యంత్రాంగాన్నీ ఇబ్బంది పెట్టే కుట్రకు తెర లేపిందని రైతు సంఘాల నేతలు విమర్శిస్తున్నారు. ఈ నేపథ్యంలో వైఎస్సార్ కాంగ్రెస్ అధినేత వైఎస్ జగన్మోహన్రెడ్డి తణుకులో ఈనెల 31, ఫిబ్రవరి 1 తేదీల్లో చేపట్టనున్న రైతు దీక్షకు పోటెత్తేందుకు పశ్చిమ రైతులు సన్నాహాలు చేసుకుంటున్నారు. అన్నదాతను ముంచిన ప్రభుత్వంపై వైఎస్ జగన్ నేతృత్వంలో రాజీలేని పోరాటాలకు పశ్చిమగోదావరి జిల్లా నుంచే శ్రీకారం చుట్టాలని భావిస్తున్నారు. ఇంత దారుణంగా వంచిస్తారా ఎన్నో హామీలతో అరచేతిలో స్వర్గం చూపించి తెలుగుదేశం పార్టీ అధికారంలోకి వచ్చింది. హామీల అమలు విషయంలో ముఖ్యమంత్రి చంద్రబాబు వైఖరి మోసపూరితంగా ఉంది. ఆయన అధికారంలోకి వస్తే ఏదో జరుగుతుందని ఆశించిన రైతు ఈ రోజు నిలువునా దగాపడి దిక్కుతోచని స్థితిలో ఉన్నాడు. అధికారంలోకి రాగానే రుణమాఫీ చేస్తామన్నారు. దీంతో కష్టాల్లో ఉన్న రైతులు టీడీపీకి అధికారం కట్టబెట్టారు. తీరా రుణమాఫీ అమలుకు వచ్చేసరికిగాని తాము మోసపోయామనే విషయం వారికి తెలియలేదు. రుణమాఫీ విషయంలో బ్యాంకర్లకు, రెవెన్యూ అధికారులకు స్పష్టత లేదు. ప్రభుత్వ పథకం అమలులో అధికారులు సైతం ఇంత గందరగోళం ఎదుర్కొన్న పరిస్థితి నా రాజకీయ జీవితంలో ఎప్పుడూ చూడలేదు. రూ.50 వేలలోపు రుణం పూర్తిగా మాఫీ అన్నారు. మిగిలిన రుణాలు ఐదేళ్లలో మాఫీ అంటున్నారు. మరోవైపు స్కేల్ ఆఫ్ ఫైనాన్స్ అమలు అంటున్నారు. మొత్తంగా గందరగోళం సృష్టిస్తున్నారు. తాము అధికారంలోకి వస్తే తాకట్టులో ఉన్న బంగారు ఆభరణాలన్నీ వెంటనే ఒంటిపైకి వచ్చేస్తాయని రంగుల ప్రపంచాన్ని చూపించారు. డ్వాక్రా మహిళలనైతే నిలువునా మోసం చేశారు. మొన్నటి వరకూ బ్యాంకు అధికారులు డ్వాక్రా మహిళల ఇళ్లకు వెళ్లి రుణాలు ఇచ్చేవారు. ఇప్పుడి మహిళలు రుణాలు కోసం వెళుతుంటే బ్యాంకు తలుపులు వేసేస్తున్నారు. వాగ్దానాల అమలులో మోసపూరిత విధానాల వల్లే ఇదంతా జరుగుతోంది. ఈ పరిస్థితుల నేపథ్యంలోనే వైఎస్సార్ కాంగ్రెస్ పార్టీ అధినేత వైఎస్ జగన్మోహన్రెడ్డి ఈనెల 31, ఫిబ్రవరి 1 తేదీల్లో తణుకులో రైతు దీక్ష చేపడుతున్నారు. వైఎస్ జగన్ తనకోసమో.. పార్టీ కోసమో ఈ పోరాటం చేయడం లేదు. ఒకటి గమనించాలి. ఇప్పట్లో ఎన్నికలు లేవు. అధికార పక్షాన్ని ఇరుకున పెట్టాల్సిన అవసరం.. ఆదుర్దా కూడా వైఎస్సార్ కాంగ్రెస్ పార్టీకి లేవు. రైతులు, డ్వాక్రా మహిళలు, నిరుద్యోగులు పడుతున్న బాధలు, ఇబ్బందులను దృష్టిలో పెట్టుకుని బాధ్యతగల ప్రతిపక్ష నాయకుడిగా హామీల అమలుకు సర్కారుపై ఒత్తిడి తెచ్చేందుకు వైఎస్ జగన్ ఈ దీక్ష చేపడుతున్నారు. - కొత్తపల్లి సుబ్బారాయుడు, మాజీ మంత్రి, వైఎస్సార్ కాంగ్రెస్ పార్టీ ముఖ్య నేత -
‘రుణమాఫీ’పై మరో కొత్త విన్యాసం..
-
‘రుణమాఫీ’పై మరో కొత్త విన్యాసం..
* సర్కార్ సర్కస్ ఫీట్లు * తాజా సర్క్యులర్తో బ్యాంకుల్లో గందరగోళం * నేడు బ్యాంకర్లతో ఆర్థిక శాఖ సమావేశం * రుణమాఫీ అయిందో లేదో తెలియక రైతుల్లో ఆందోళన * పేరు ప్రకటించి మాఫీలేదంటే.. రైతులు కొడతారంటున్న బ్యాంకర్లు సాక్షి, హైదరాబాద్: రుణమాఫీ పథకం విన్యాసాలతో రాష్ట్రంలో రైతులను అష్టకష్టాలు పెడుతున్న ప్రభుత్వం ఇప్పుడు బ్యాంకర్లను కూడా ఇబ్బందులు పెడుతోంది. సర్కారు తీరుతో ఒకవైపు రైతులు విలవిల్లాడుతుండగా మరోవైపు బ్యాంకర్లు గగ్గోలు పెడుతున్నారు. రుణ మాఫీ పథకంపై రాష్ట్ర ప్రభుత్వం ఇటీవల బ్యాంకులకు జారీ చేసిన సర్క్యులర్తో మేనేజర్లు తలపట్టుకుంటున్నారు. ఎంకి పెళ్లి సుబ్బి చావుకొచ్చిన చందంగా తమ పరిస్థితి ఉందని వాపోతున్నారు. ఒక రైతు ఒక సర్వే నంబర్పై సహకార బ్యాంకులో పట్టాదారు పుస్తకం పెట్టి రుణం తీసుకుని, ఆ రుణం సరిపోక అదే పట్టాదారు పాసుపుస్తకం ద్వారా వాణిజ్య బ్యాంకులో బంగారం తనఖా పెట్టి మరో రుణం తీసుకుంటే... తొలుత తీసుకున్న రుణం ఒకటే మాఫీ కింద పరిగణించాలని రాష్ట్ర ప్రభుత్వం ఇటీవల జారీ చేసిన సర్క్యులర్లో స్పష్టం చేశారు. అందుకు భిన్నంగా వ్యవహరిస్తే ఆ మొత్తాన్ని సంబంధిత బ్యాంకు మేనేజర్ నుంచి రికవరీ చేస్తామని పేర్కొన్నారు. దీనిపై బ్యాంకు మేనేజర్లు అందోళన వ్యక్తం చేస్తున్నారు. రాష్ట్ర ప్రభుత్వం ప్రకటించిన ‘రైతుల రుణ విముక్తి’ తొలి జాబితాలో ఒక బ్యాంకులో కన్నా ఎక్కువ బ్యాంకుల్లో రుణం తీసుకున్న వారి పేర్లనూ ప్రకటించారని ప్రభుత్వం భావిస్తోంది. కానీ సర్క్యు లర్లో మాత్రం ఒక సర్వే నంబర్పై ఎన్ని బ్యాంకుల్లో ఎన్ని రుణాలు తీసుకున్నా తొలుత తీసుకున్న రుణం మాత్రమే మాఫీ పరిధిలోకి తీసుకోవాలనే నిబంధనను ఇప్పుడు కొత్తగా విధించారు. ఒకే సర్వే నంబర్పై ఒక రైతు ఎన్ని బ్యాంకుల్లో ఎంత రుణం తీసుకున్నారనే వివరాలు బ్యాంకు సెర్చ్ కొడితే తెలిసిపోతాయని, దాని ప్రకారం బ్యాంకు మేనేజర్లు ఒక బ్యాం కులో రుణం మాత్రమే మాఫీకి వర్తింపచేయాలని అధికార వర్గాలు పేర్కొంటున్నాయి. అయితే ఒకసారి జాబితాలో పేరున్నట్లు రైతులు తెలుసుకున్నాక ఇప్పుడు రెండు బ్యాంకుల్లో తీసుకున్నందున మాఫీ వర్తించదని చెబితే బ్యాంకుల్లో శాంతిభద్రతల సమస్య తలెత్తుతుందని బ్యాంకు అధికారులు ఆందోళన వ్యక్తంచేస్తున్నారు. ఏ బ్యాంకులో రుణం మాఫీ చేయాలో రాష్ట్ర ప్రభుత్వమే నిర్ధారించకుండా తమను బలి పశువులను చేయాలనుకుంటోం దని వ్యాఖ్యానిస్తున్నారు. ఇతర బ్యాంకుల్లో రుణాలు తీసుకుంటే తమకు సంబంధం ఏమిటని ప్రశ్నిస్తున్నారు. ముందుకు సాగని రుణమాఫీ పథకం రాష్ట్ర ప్రభుత్వం జారీ చేసిన సర్క్యులర్ నేపథ్యంలో ఎక్కడా కూడా రుణ మాఫీ పథకం అమలు ముందుకు సాగడం లేదు. రైతుల నుంచి ఎక్కడెక్కడ రుణాలు తీసుకున్నారనే వివరాలను ముందుగానే ప్రచురించిన అఫిడవిట్ ద్వారా బ్యాంకులు సేకరిస్తున్నాయి. అలాగే సర్వే నెంబర్ గల ఒరిజినల్ పట్టాదారు పాసుపుస్తకం తేవాలని కోరుతున్నాయి. అయితే బ్యాంకు మేనేజర్లు వ్యక్తం చేస్తున్న సందేహాలతోపాటు మళ్లీమళ్లీ అడుగుతున్న వివరాలపై రైతులు తీవ్ర అసంతృప్తి వ్యక్తం చేస్తున్నారు. సాధారణంగా గ్రామాల్లోని రైతులు తమ పొలంపై సహకార సంఘాల నుంచి పట్టాదారు పాసుపుస్తకంపై రుణం తీసుకున్నారు. ఆ రుణం వ్యవసాయ పెట్టుబడికి సరిపోకవడంతో అదే సర్వే నెంబర్ భూమిని చూపెట్టడంతో పాటు వాణిజ్య బ్యాంకులో బంగారం కుదువపెట్టి వ్యవసాయానికి రుణం తీసుకున్నారు. రుణమాఫీ జాబితాలో రెండు బ్యాంకుల్లో రుణం ఉన్నట్లు రైతుల పేర్లను సర్కారు ప్రకటించింది. కానీ తాజా సర్క్యులర్లో తొలుత తీసుకున్న రుణం మాత్రమే మాఫీ చేయాలని పేర్కొంది. లేదంటే అందుకు సంబంధిత బ్యాంకు మేనేజర్నే బాధ్యుడిని చేస్తామని, ఆ మొత్తాన్ని మేనేజర్ నుంచి రికవరీ చేస్తామని స్పష్టంచేసింది. ఈ అంశంపై బ్యాంకర్లు పలుసార్లు రాష్ట్ర ప్రభుత్వ అధికారులను సంప్రదించినా స్పందన రాకపోగా... బ్యాంకులే కచ్చితంగా ఈ విషయాన్ని రైతులకు చెప్పాలంటున్నారు. ఈ నేపథ్యంలో రుణ విముక్తికి అర్హులంటూ రాష్ట్ర ప్రభుత్వం ప్రకటించిన తొలి జాబితాలోని రైతుల ఖాతాలకు ఇంకా ప్రభుత్వ నిధులను బ్యాంకులు జమ చేయలేదు. ముఖ్యమంత్రి చంద్రబాబు నాయుడు ప్రకటించిన మేరకైతే తొలి జాబితాలోని రైతుల ఖాతాలకు రుణ విముక్తి సొమ్ము ఈ నెల 12వ తేదీలోగా సర్దుబాటు కావాల్సి ఉంది. అయితే డిసెంబర్ నెలాఖరు వస్తున్నా చాలా బ్యాంకుల్లో రైతుల రుణ ఖాతాలకు ప్రభుత్వం తొలుత ఇచ్చిన సొమ్ము ఇంకా సర్దుబాటు కాలేదు. ఈ నేపథ్యంలో రాష్ట్ర ఆర్థిక శాఖ అధికారులు శనివారం ప్రధానమైన బ్యాంకు ఉన్నతాధికారులతో సమావేశం నిర్వహించనున్నారు. -
బాబుకు రాష్ట్రాన్ని పాలించే హక్కు లేదు: జ్యోతుల నెహ్రూ
వైఎస్సార్సీపీఎల్పీ ఉపనేత జ్యోతుల నెహ్రూ సాక్షి, హైదరాబాద్: రైతులు, డ్వాక్రా మహిళల రుణాలు మాఫీ చేస్తానని హామీ ఇచ్చి మాట తప్పిన ఏపీ సీఎం చంద్రబాబుకు రాష్ట్రాన్ని పాలించే హక్కు ఎంత మా త్రం లేదని, ఏమాత్రం చిత్తశుద్ధి ఉన్నా తన పదవికి రాజీనామా చేయాలని వైఎస్సార్సీపీ శాసనసభాపక్షం ఉపనేత జ్యోతుల నెహ్రూ డిమాండ్ చేశారు. మంగళవారం పార్టీ కేంద్ర కార్యాల యంలో ఆయన మాట్లాడుతూ తొలుత చెప్పిన విధంగా రూ. 87 వేల కోట్ల వ్యవసాయ రుణాలతోపాటు, డ్వాక్రాలోని ప్రతి మహిళ రుణం పూర్తిగా మాఫీ చేసిననాడే ఆయనకు పదవిలో కొనసాగే అర్హత ఉంటుందన్నారు. వ్యవసాయ రుణాలన్నీ మాఫీ చేస్తానని తొలుత చెప్పిన చంద్రబాబు క్రమంగా వాటిని కుదించుకుంటూ వచ్చారని దుయ్యబట్టారు. రుణ మాఫీకి సంబంధించి జారీ చేసిన పత్రాల్లో ఒక రైతుకు రూ.3.15లు మాత్రమే మాఫీ అయితే మరో రైతుకు కేవలం రూ.95లు మాత్రమే రద్దయ్యాయని చెప్పారు. ఇంకొక రైతు రూ.60 వేల రుణం తీసుకుంటే అందులో స్కేల్ ఆఫ్ ఫైనాన్స్ ప్రకారం రూ.13 వేలు రద్దుకు మాత్రమే అర్హత ఉందని తేలుస్తూ, అది కూడా ఐదు విడతలుగా మాఫీ చేస్తామనడం విచిత్రమని వ్యాఖ్యానించారు. -
రుణమాఫీపై అబద్ధాలు చెప్పిస్తున్నారు : వాసిరెడ్డి పద్మ
సాక్షి, హైదరాబాద్: రైతుల రుణాల మాఫీ విషయంలో ముఖ్యమంత్రి చంద్రబాబుతాను మాయ మాటలు చెబుతున్నది చాలక అధికారులతో కూడా అబద్ధాలాడిస్తున్నారని వైఎస్సార్సీపీ అధికార ప్రతినిధి వాసిరెడ్డి పద్మ ధ్వజమెత్తారు. ఆమె శనివారం పార్టీ కేంద్ర కార్యాలయంలో జరిగిన విలేకరుల సమావేశంలో మాట్లాడుతూ... చంద్రబాబు పాల్గొన్న తిరుపతి సభలో పురుషోత్తం అనే రైతుకు రూ.29,999ల మేరకు మాత్రమే రుణం రద్దయితే ఆయన చేత తనకు రూ.లక్షన్నర రుణం మాఫీ అయిందని చెప్పిం చారని గుర్తు చేశారు. అలా ఎలా చెప్పారని ఆ రైతును ప్రశ్నిస్తే... అధికారులే చెప్పమన్నారని ఆ రైతు బదులిచ్చారని తెలిపారు. నిజాయితీపరులైన అధికారులతో సైతం చంద్రబాబు తనకు అనుకూలంగా అబద్ధాలాడిస్తున్నారని ఆగ్రహం వ్యక్తం చేశారు. రుణమాఫీ జరక్కుండానే జరిగినట్లుగా చంద్రబాబు రైతుల చేతుల్లో పెడుతున్న సర్టిఫికెట్ల తీరు చూస్తే ఇపుడు టికెట్లు ఇచ్చి నాలుగేళ్ల తరువాత భోజనం పెట్టిన చందంగా ఉందని ఎద్దేవా చేశారు. రుణమాఫీకి కూడా ఆధార్ కార్డును వర్తిం పజేస్తున్న ఫలితంగా ఆంధ్రా ప్రాంతంలో పొలాలు ఉన్న ఆడపడుచులు గాని, మరొకరు గాని హైదరాబాద్లో కాపురం ఉంటే వారికి రుణమాఫీ లేద ని చెబుతున్నారని తెలిపారు. పెళ్లయిన ఒక ఆడపడుచుకు తన తల్లిదండ్రుల నుంచి పసుపుకుంకుమల కింద సంక్రమించిన పొలానికి, ఆమె భర్తతో హైదరాబాద్లో ఉన్న కారణం చూపి రుణమాఫీ లేదనడం అన్యాయమని ఆవేదన వ్యక్తం చేశారు. -
తొలివిడత రుణమాఫీకి 15వేల కోట్లు
-
కేంద్రం సహకరించట్లేదు!
అయినా రుణ మాఫీ చేస్తున్నా రైతు సాధికార సదస్సులో సీఎం చంద్రబాబు సాక్షి ప్రతినిధి, ఏలూరు: ‘ఒక్క ఆంధ్రప్రదేశ్లో రైతులకు రుణమాఫీ చేస్తే మిగతా రాష్ట్రాల్లో ఇబ్బందులు వస్తాయని కేంద్ర ప్రభుత్వం పేర్కొంది. ఆర్బీఐ, ఇతర బ్యాంకులైతే అభ్యంతరాలు వ్యక్తం చేశాయి. అయినా మాటకు కట్టుబడి రైతులకు రుణమాఫీ అమలు చేస్తున్నా’మని ముఖ్యమంత్రి ఎన్. చంద్రబాబు నాయుడు చెప్పారు. పశ్చిమగోదావరి జిల్లా ఉంగుటూరు మండలం కైకరం గ్రామంలో శుక్రవారం నిర్వహించిన రైతు సాధికార సదస్సులో ఆయన ప్రసంగించారు. రైతు రుణమాఫీకి కేంద్ర ప్రభుత్వం సహకరించలేదంటూనే కేంద్ర ప్రభుత్వం, ప్రధాని నరేంద్రమోదీ సహకారం వల్లనే రాష్ర్టంలో అభివృద్ధి కార్యక్రమాలకు శ్రీకారం చుడుతున్నామన్నారు.పోలవరం ప్రాజెక్టు నిర్మాణం కేవలం కేంద్రం వల్లే సాధ్యమవుతుందని చెప్పారు.ఈ లోగా ఎత్తిపోతల పథకం నిర్మించడం ద్వారా సముద్రంలోకి వృథాగా పోతున్న మిగులు జలాలను కృష్ణా డెల్టాకు మళ్లిస్తామని చంద్రబాబు ప్రకటించారు. దీనిపై కొందరు ఇక్కడి రైతుల్లో అనుమానాలు రేకెత్తిస్తున్నారని ఆయన నిందించారు. ‘నాకు ముందుగా గోదావరి జిల్లాల రైతులే ముఖ్యం. ఇక్కడ రెండో పంటకు నీరిచ్చిన తర్వాతే సముద్రంలోకి వృథాగా పోతున్న 3 వేల టీఎంసీల నీటిని కృష్ణా డెల్టాకు తరలిస్తాం’ అని ఉద్ఘాటించారు. ఇంటికే పింఛన్ పంపిస్తా.. అర్హులైన వారికి ‘మీసేవా’ కేంద్రాలు, పోస్టాఫీసుల్లోనే కాదు రేషన్ షాపుల్లోనూ పింఛన్ల సొమ్ము పంపిణీ చేసేలా చర్యలు తీసుకుంటామని చంద్రబాబు తెలిపారు. నడవలేని వృద్ధులకైతే ఉద్యోగులను వారి ఇళ్లకు పంపించి పింఛన్లు అందిస్తామని ప్రకటించారు. వరి ధాన్యాన్ని ఆరబెట్టే యంత్రాల కొనుగోలుకు ప్రభుత్వం సహకారం అందిస్తుందని ప్రకటించారు. రూ.4 లక్షలు రైతు పెట్టుబడి పెడితే మిగిలిన 75 శాతం అంటే 12 లక్షల వరకు రాష్ట్ర ప్రభుత్వం పెట్టుబడి పెడుతుందని చెప్పారు. ప్రజాప్రతినిధులు, అధికారులు, సినీనటులు, వివిధ రంగాల ప్రముఖులు ఒక్కో పల్లెను దత్తత తీసుకుని అభివృద్ధి చేయాల్సిందిగా చంద్రబాబు పిలుపునిచ్చారు. ప్రసంగానికి ముందు అధికారులు ఎంపిక చేసిన నలుగురు రైతులకు సీఎం రుణ విముక్తి పత్రాలను అందజేశారు. మొక్కుబడిగా సాగిన సభ.. గత నెలలో జన్మభూమి కార్యక్రమం సందర్భంగా జిల్లా పర్యటనకు చంద్రబాబు విచ్చేసిన సందర్భంలో ఐకేపీ యానిమేటర్ల నుంచి తీవ్ర నిరసన వ్యక్తమైంది, ఈ నేపథ్యంలో శుక్రవారం జరిగిన రైతు సాధికార సదస్సుకు పోలీసులు కనీవినీ ఎరుగని రీతిలో భద్రతా ఏర్పాట్లు చేశారు. సభకు తరలించిన రైతులు, టీడీపీ కార్యకర్తల కంటే పోలీసులే ఎక్కువ సంఖ్యలో ఉన్నారు. బుధవారం అర్ధరాత్రి నుంచే జిల్లావ్యాప్తంగా వందలాది మంది రైతు సంఘాల నేతలను, నిరసనకారులను పోలీసులు అదుపులోకి తీసుకున్నారు. అయినా సభకు ఎక్కువమంది రైతులను తేలేక పోయారు. -
రుణ విముక్తి సరే..బ్యాంకు నోటీసుల సంగతేంటి?
సంతమాగులూరు: ‘రాష్ట్ర ప్రభుత్వం రుణమాఫీ చేసిందని సదస్సులు పెట్టి ఊకదంపుడు ఉపన్యాసాలు చెబుతున్నారు సరే..ఇప్పుడు కూడా బంగారం కుదువపెట్టి తీసుకున్న రుణాలు కట్టకపోతే వేలం వేస్తామని బ్యాంకులు నోటీసులు పంపుతున్నాయి..వాటి సంగతేంటి’ అని రైతు సాధికారత సదస్సులకు వెళ్లిన అధికారులను రైతులు నిలదీస్తున్నారు. మండలంలోని పుట్టవారిపాలెం, మామిళ్లపల్లి, పరిటాలవారిపాలెం, కొమ్మాలపాడు, కుందుర్రు, మక్కెనవారిపాలెం గ్రామాల్లో శుక్రవారం రైతు సాధికారత గ్రామసభలు నిర్వహించారు. అన్ని గ్రామాల్లో రైతులు అధికారులను నోటీసుల సంగతి తేల్చాలని నిలదీశారు. కుందుర్రుల్లో తహశీల్దార్ బీ గంగాధరరావు పర్యవేక్షణలో నిర్వహించిన సభలో రైతులు వేదిక వద్దకు వచ్చి అధికారులను నిలదీశారు. ‘అన్ని రోగాలకు ఒకటే మందన్నట్లుగా మీరేమో బంగారు రుణాలను కూడా ఐదు భాగాలు చేసి ఐదో వంతు జమ చేస్తారంటున్నారు. ఇలా అయితే బంగారంపై అప్పు పోయేదె ప్పుడు.. వారు మాకు బంగారు నగలు ఇచ్చేదెప్పుడు’ అని ప్రశ్నించారు. ఈవిషయం ఉన్నతాధికారుల దృష్టికి తీసుకెళ్తానని తహశీల్దార్ హామీ ఇవ్వడంతో రైతులు శాంతించారు. అక్కడే ఉన్న ఆంధ్రప్రగతి గ్రామీణ బ్యాంకు ఫీల్డ్ ఆఫీసర్ వెంకటేశ్వరరావు మాట్లాడుతూ బ్యాంకు నిబంధనల ప్రకారం రుణం పొందిన తరువాత రెండేళ్ల వరకే గడువు ఉంటుందని..ఆ తరువాత వేలం నోటీసులు ఇస్తామన్నారు. 300 మంది గడువు మీరిన వారికి నోటీసులు జారీ చేశామని చెప్పారు. -
స్కేల్ ఆఫ్ ఫైనాన్స్ ప్రకారమే రుణమాఫీ
-
పరపతే కొలమానం
స్కేల్ ఆఫ్ ఫైనాన్స్ ప్రకారమే రుణమాఫీ: పరకాల జాబితాలో పేర్లు లేని రైతులు జనవరి 9వ తేదీ లోపు సవరణలు చేసుకోవాలి నేడు చిత్తూరులో సీఎం చేతుల మీదుగా రుణ విముక్తి సర్టిఫికెట్లు సాక్షి, హైదరాబాద్: ‘‘రైతులు తీసుకున్న రుణం అంతా మాఫీ చేయమంటే ఎలా సాధ్యం? బ్యాంకర్లు ఇష్టం వచ్చినట్లు రుణాలు ఇస్తే ప్రభుత్వానికి ఏమి సంబంధం? అందుకే ప్రభుత్వం రుణ మాఫీ పథకం అమలుకు స్కేల్ ఆఫ్ ఫైనాన్స్ను కొలమానంగా తీసుకుంది’’ అని ప్రభుత్వ సమాచార సలహాదారుడు పరకాల ప్రభాకర్ పేర్కొన్నారు. ఆయన బుధవారం సచివాలయంలో విలేకరులతో మాటాడారు. రైతులను అయోమయానికి గురి చేసే విధంగా కొన్ని పత్రికలు తప్పుడు కథనాలు ప్రచురిస్తున్నాయని ఆరోపించారు. వాటిని నమ్మి ఎవ్వరూ అపోహలకు గురి కావద్దన్నారు. ‘రుణ మాఫీ హామీ ప్రకటన చేసిన సమయంలో చంద్రబాబు స్కేల్ ఆఫ్ ఫైనాన్స్ అని రైతులకు చెప్పలేదు కదా?’ అని విలేకరులు ప్రశ్నించగా.. నేరుగా సమాధానం చెప్పకుండా ‘‘ఒక రైతు కుటుంబం 15 ఖాతాల ద్వారా రూ. 70 లక్షల రుణం తీసుకుంది.. అదంతా మాఫీ చేయమంటారా?’’ అని పరకాల ఎదురు ప్రశ్న వేశారు. మొదటి విడతగా 22.79 లక్షల రైతు కుటుంబాలను రుణ విమోచన చేస్తున్నట్లు తెలిపారు. ఇందులో 10 లక్షల మంది రైతులకు మొత్తం రుణం ఒకేసారి మాఫీ అవుతోందన్నారు. డేటా ఎంట్రీ సమయంలో కొన్ని తప్పులు దొర్లాయని వాటిని సరిదిద్దే ప్రయత్నం చేస్తున్నామన్నారు. లోపాలున్న జాబితాను ఆన్లైన్లో ఉంచామని.. ఏ కారణం చేత తొలి జాబితాలో పేరు లేదో తెలుసుకొని సంబంధిత డాక్యుమెంట్లను జనవరి 9వ తేదీ లోపు ఆధారాలతో సహా ఇస్తే సరిచేసి రుణ మాఫీకి అర్హులుగా గుర్తిస్తామని చెప్పారు. రుణ మాఫీ పథకాన్ని సీఎం చంద్రబాబు గురువారం చిత్తూరు జిల్లాలో ప్రారంభిస్తారని.. ఈ సందర్భంగా రైతులకు వాటికి సంబంధించిన సర్టిఫికెట్లను అందజేస్తారని ఆయన వివరించారు. తెలంగాణలో ఆధార్, రేషన్ కార్డు ఉన్నవారికి ఆంధ్రప్రదేశ్లో పొలం ఉండటంతో పాటు అక్కడే రుణం తీసుకున్న వారి విషయంలో ఏమి చేయాలని ఒకటి రెండు రోజుల్లో ముఖ్యమంత్రి నిర్ణయం తీసుకునే అవకాశం ఉందని పేర్కొన్నారు. అదేవిధంగా 2013 డిసెంబర్ 31వ తేదీ తర్వాత వచ్చే బీమా మొత్తం రైతుల ఖాతాకే జమ అవుతుందన్నారు. -
రుణవిముక్తి లబ్ధిదారుల రెండవ జాబితా సిద్ధం
హైదరాబాద్: రుణవిముక్తి లబ్ధిదారుల రెండవ జాబితాను ఏపీ ప్రభుత్వం సిద్ధం చేసింది. రెండవ జాబితాలో 25లక్షల 71వేల మంది పేర్లు ఉన్నాయి. వెరిఫికేషన్ కోసం ఈ సాయంత్రం ఆన్లైన్లో పెడతారు. నాలుగు వారాలపాటు అభ్యంతరాలు స్వీకరిస్తారు. ఆధార్, రేషన్ కార్డు ఉన్నవారినే ఏపీ ప్రభుత్వం అర్హులుగా గుర్తించింది. ** -
రుణమాఫీ లోగుట్టు బట్టబయలు
-
రుణమాఫీ లోగుట్టు బట్టబయలు
హైదరాబాద్: ఆంధ్రప్రదేశ్లో చంద్రబాబు నాయుడు అమలు చేసిన రుణమాఫీ పథకంలోని లోగుట్టు బట్టబయలైంది. మంగళవారం చంద్రబాబు నిర్వహించిన వీడియో కాన్ఫరెన్స్లో టీడీపీ నేతలే రుణమాఫీ అమలులోని లోపాలను ఎత్తిచూపారు. ఎకరం భూమి ఉండి 24 వేల రూపాయల అప్పు ఉన్న రైతుకు నాలుగు వేలు మాత్రమే ఎకౌంట్లో వేశారని టీడీపీ ఎమ్మెల్యే తోట త్రిమూర్తులు చంద్రబాబు దృష్టికి తీసుకువచ్చారు. 50 వేల లోపు రుణం వారికి కూడా స్కేల్ ఆఫ్ ఫైనాన్స్ వర్తింపజేశారని సీఎంకు స్పష్టం చేశారు. ద్రాక్షారామం సొసైటీలో చాలామంది రైతులకు అన్యాయం జరిగిందని త్రిమూర్తులు చెప్పారు. స్కేల్ ఆఫ్ ఫైనాన్స్ వల్ల ఎక్కువ నష్టం జరుగుతోందని ముఖ్యమంత్రికి తెలియజేశారు. రాష్ట్రంలో గరిష్టంగా ఒక్కో రైతు కుటుంబానికి 1.5 లక్షల వరకు మాఫీ చేస్తూ తొలివిడతలో 20 శాతం వారి అకౌంట్లో జమ చేస్తున్నట్టు చంద్రబాబు ప్రకటించిన సంగతి తెలిసిందే. ఇక 50 వేల లోపు రుణం ఉన్నవారికి ఒకేసారి మాఫీ చేస్తున్నట్టు తెలిపారు. అయితే ఆన్లైన్ ఉంచిన రుణమాఫీ జాబితాలో అనేక లోపాలున్నాయని, చాలామంది రైతులకు అన్యాయం జరిగిందనే విమర్శలు వస్తున్నాయి. -
25 శాతం మందికే లబ్ధి
శ్రీకాకుళం: వ్యవసాయ రుణాల మాఫీ విషయంలో పూటకో నిర్ణయం తీసుకుంటున్న ప్రభుత్వ తీరుతో ఇప్పటికే అసంతృప్తితో ఉన్న రైతులు.. తాజా నిర్ణయంతో తొలివిడతలో 25 శాతం మందికే రుణమాఫీ వర్తిస్తుందని తెలుసుకొని నీరుగారిపోతున్నారు. మిగతా వారందరూ వడ్డీలతో సహా బకాయిలు కట్టాల్సిందేనని బ్యాంకులు స్పష్టం చేస్తుండటంతో ఆందోళన చెందుతున్నారు. రుణమాఫీకి సంబంధించి గురువారం విధాన నిర్ణయం ప్రకటించిన ముఖ్యమంత్రి చంద్రబాబు తొలివిడతలో రూ.50 వేల లోపు రుణాలను మాఫీ చేస్తామని.. మిగిలిన రుణాలను దశలవారీగా మాఫీ చేస్తామని ప్రకటించిన విషయం తెలిసిందే. రుణమాఫీ పేరుతో ఎన్నికల్లో లబ్ధి పొంది, అధికారంలోకి వచ్చాక ఆ ఫైలుపైనే తొలి సంతకం అంటూ హంగామా చేసిన చంద్రబాబు.. ఇప్పటికే నానారకాల ఆంక్షలతో అర్హుల జాబితాను దాదాపు సగం కుదించేశారు. రుణగ్రహీతల్లో దాదాపు 50 శాతం మందిని అనర్హుల జాబితాలో చేర్చారు. నాలుగు రోజుల క్రితం రుణమాఫీకి సంబంధించి అధికార ప్రకటన విడుదల చేస్తూ అర్హుల జాబితాను ఈ నెల ఆరో తేదీనే బహిరంగంగా ప్రదర్శిస్తారని ప్రకటించినా.. అలా జరగలేదు. చివరికి శనివారం రాత్రి ఆ జాబితాలు లీడ్ బ్యాంకులకు చేరాయి. వాటిని సోమవారం ఆయా బ్యాంకు శాఖలకు పంపాలని లీడ్ బ్యాంకు అధికారులు నిర్ణయించారు. కాగా తొలివిడతగా రూ. 50 వేల వరకు పంట రుణాలు ఉన్న వారి బకాయిలనే తీరుస్తున్నామని, మిగిలిన వారి విషయం ఆలోచించి దశల వారీగా చెల్లిస్తామని చెప్పడం కూడా గందరగోళానికి గురిచేస్తోంది. వీరిలో ఎంతమందిని చివరి క్షణంలో అనర్హులన్న ముద్ర వేసి తొలగిస్తారోనన్న బెంగ రైతుల్లో ఉంది. ఆరు నెలల పాటు రైతులను రుణ వాయిదాలు చెల్లించనివ్వకుండా చేయడంతో ప్రస్తుతం రైతులు అదనంగా 14 శాతం వడ్డీ చెల్లించాల్సి వస్తోంది. చక్రవడ్డీతో సహా చెల్లించాల్సి రావడం తలకు మించిన భారంగా పరిణమించింది. జిల్లాలో అన్ని రకాల రుణాలు కలసి రూ.1900 కోట్ల వరకు ఉన్నాయి. బంగారం ఆభరణాలపై 1.03 లక్షల మంది రైతులు రూ.772 కోట్ల రుణాలు తీసుకున్నారు. 3.16 లక్షల మంది రైతులు రూ.1142 కోట్ల వ్యవసాయ రుణాలు పొందారు. మరో 29 వేల మంది రైతులు రూ.80 కోట్ల మేరకు చిన్న(టర్మ్) రుణాలు తీసుకున్నారు. అయితే తొలివిడతలో రూ. 50 వేల వరకు ఉన్న రుణాలను మాత్రమే మాఫీ చేయాలని ప్రభుత్వం నిర్ణయించడంతో 25 శాతం మంది రైతులు మాత్రమే ప్రయోజనం పొందుతారు. మిగిలిన వారిపై బకాయిలు చెల్లించాలని బ్యాంకులు ఒత్తిడి తెస్తున్నాయి. బంగారంపై రుణాలు తీసుకున్న వారి పరిస్థితి మరీ దయనీయంగా ఉంది. బకాయిలు చెల్లించకపోతే ఆభరణాలను వేలం వేస్తామని హెచ్చరికలు జారీ చేస్తుండడంతో రైతులు తీవ్ర మనోవేదనకు గురవుతున్నారు. చంద్రబాబు చేతిలో మరోసారి దగాకు గురయ్యామని ఆవేదన చెందడం తప్ప చేసేది లేక దిక్కుతోచని స్థితిలో ఉండిపోతున్నారు. విషయాన్ని లీడ్బ్యాంకు మేనేజర్ ఎం. రామిరెడ్డి వద్ద ‘సాక్షి’ ప్రస్తావించగా తొలి జాబితా తమకు చేరిందన్నారు. ఇప్పటికే బ్యాంకుల వారీగా జాబితాలను పంపించామని తెలిపారు. సోమవారం ఈ జాబితాను బ్యాంకులు తమ శాఖలకు పంపిస్తాయని చెప్పారు. అటు తరువాతే ఎంతమంది రైతులు ప్రయోజనం పొందారు? ఎంతమేర మాఫీ జరిగిందన్నది చెప్పగలుగుతామని అన్నారు. -
డ్వాక్రాకు టోకరా
పాలకొండ: మహిళల ఆర్థిక సాధికారత కోసం ప్రభుత్వమే మహిళా స్వయంశక్తి సంఘాల ఏర్పాటును ప్రోత్సహించింది. ఇప్పుడే అదే ప్రభుత్వం ఈ సంఘాలు ఆర్థికంగా దివాలా తీసేలా చేస్తోంది. ఎన్నికల ముందు రైతుల రుణాలతోపాటు డ్వాక్రా రుణాలు కూడా మాఫీ చేస్తామ ని హామీ ఇచ్చిన తెలుగుదే శం, అధికారంలోకి వచ్చిన తర్వాత ప్లేటు ఫిరాయిం చిం ది. రుణాలు మాఫీ అవుతాయన్న ఆశ తో నెలవారీ వాయిదాలు చెల్లించని మహిళా సంఘాల పై ఇప్పుడు బ్యాం కులు ప్రతాపం చూపుతున్నాయి. రుణ వాయిదాలు చెల్లించని సంఘాల కు 14 శాతం వడ్డీతో సహా రికవరీకి నోటీసులు జారీ చేస్తున్నాయి. అక్కడితో ఆగకుండా సంఘాల పొదుపు ఖాతాల నుంచి సొమ్మును అప్పుల ఖాతాకు జమ చేస్తున్నాయి. ఈ విధంగా ఇప్పటికే జిల్లా లో రూ.4 కోట్ల వరకు బ్యాంకులు జమ చేసుకున్నాయి. సంక్షోభంలో సంఘాలు గత ఏడాది డిసెంబర్ వరకు డ్వాక్రా సంఘాలు సక్రమంగా నడిచేవి. జిల్లా వ్యాప్తంగా గ్రామీణ ప్రాం తాల్లో 36583, మున్సిపాలిటీల్లో 5319.. మొత్తం 41902 సంఘాలు కొనసాగుతున్నాయి. ఈ సంఘాలు ప్రభుత్వం నుంచి రూ.54,498.16 కోట్ల రుణాలు పొందాయి. కాగా సార్వత్రిక ఎన్నికల ప్రచారం సందర్భంగా తాము అధికారంలోకి వస్తే డ్వాక్రా రుణాలు మాఫీ చేస్తామని తెలుగుదేశం అధ్యక్షుడు చంద్రబాబునాయుడు ప్రకటించారు. అప్పటి నుంచి మహిళా సంఘాలు ప్రతి నెలా చెల్లించాల్సిన రుణ వాయిదాలను కట్టడం నిలిపివేశాయి. టీడీపీ అధికారంలోకి వచ్చినా రుణమాఫీప ఇప్పటికీ స్పష్టత ఇవ్వలేదు. దీంతో బ్యాంకర్లు సంఘాలు బకాయి పడిన సొమ్ముకు నెలకు 14 శాతం చొప్పున వడ్డీ విధించాయి. అసలు, వడ్డీ చెల్లించడం పెనుభారంగా మారడంతో మహిళా సంఘాలు దిగాలు పడ్డాయి. ఈ విధంగా జిల్లాలో ఇప్పటి వరకు మహిళా సంఘాలు చెల్లించాల్సిన బకాయిలు రూ.3425 కోట్ల వరకు పేరుకుపోయాయి. దీనికి ప్రతి నెలా వడ్డీ కలుస్తుండటంతో మొత్తం బకాయిలు రూ.5794 కోట్లకు పెరిగాయి. వీటిని త్వరగా చెల్లించాలని బ్యాంకుల నుంచి మహిళా సంఘాలప ఒత్తిళ్లు పెరుగుతున్నాయి. రూ. 4 కోట్ల పొదుపు సొమ్ము బదిలీ వాయిదాలు చెల్లించకపోవడంతో బ్యాంకర్లు స్త్రీ నిధి కింద మహిళా సంఘాలు బ్యాంకుల్లో దాచుకున్న పొదుపు సొమ్మును అప్పుల ఖాతాకు జమ చేసుకున్నాయి. ఆ ఖాతాలు ఖాళీ కావడంతో మిగిలిన అప్పుల రికవరీ కోసం ప్రస్తుతం ఐకేపీ ద్వారా సంఘాలకు నోటీసులు జారీ చేస్తున్నారు. జిల్లా వ్యాప్తంగా ఇప్పటికే 758 సంఘాలకు నోటీసులు జారీ చేసినట్లు చెబుతున్నారు. తక్షణమే అప్పులు చెల్లించకపోతే వడ్డీతోసహా బలవంతంగానైనా వసూలు చేస్తామని ప్రత్యేకంగా రుణ వసూళ్ల కోసం ఏర్పాటు చేసిన బృందాలు మహిళా సంఘాలను హెచ్చరిస్తున్నాయి. లక్ష్యానికి దూరంగా... ఈ పరిణామాలతో జిల్లాలో ప్రస్తుతం మహిళా సంఘాలకు రుణాల చెల్లింపు లక్ష్యానికి దూరంగా నిలిచిపోయింది. ఈ ఏడాది రూ. 356 కోట్ల రుణాలు అందించాలన్నది ప్రభుత్వ లక్ష్యం. ఇంత వరకు రూ.130 కోట్లు మాత్రమే చెల్లించినట్లు అధికారులు చెబుతున్నారు. వాస్తవంగా సంఘాలు అప్పులు చెల్లించకపోవడంతో రుణాలు మంజూరు కాలేదు. ఇప్పటికే 120 సంఘాలు ప్రైవేటు వ్యక్తుల వద్ద అప్పులు తెచ్చి బ్యాంకు రుణాలు తీర్చి, తిరిగి కొత్తగా అప్పు పొందేందుకు దరఖాస్తు చేసుకున్నాయి. వీరికి మాత్రమే బ్యాంకర్లు కొత్త రుణాలు అందజేశారు. పాలకొండ మండలంలో 27 సంఘాలు ఉండగా.. వీటన్నింటిపైనా రుణ బకాయిలు చెల్లించాలని తీవ్ర స్థాయిలో ఒత్తిడి వస్తున్నట్లు ఆ సంఘాల సభ్యులు చెబుతున్నారు. కాగా బ్యాంకర్లు ఇప్పటికే 7300 సంఘాలను నాన్పేమెంట్ జాబితాలో చేర్చారు. ఈ సంఖ్య ప్రతి నెలా పెరుగుతూ వస్తోందని అధికారులు చెబుతున్నారు. -
‘మాఫీ’పై వీడని చిక్కుముడి
రుణమాఫీ వివరాలు ఆన్లైన్లో ఉంచిన సర్కారు ఆదివారం రాత్రి వరకూ తెరచుకోని వెబ్సైటు భారం విరగడైందో, లేదో తెలియక అన్నదాతల గుబులు సాక్షి, రాజమండ్రి :అన్నదాతలను రుణమాఫీ గందరగోళం ఇంకా వీడలేదు. వ్యక్తిగతంగా కూడా రైతుల రుణ మాఫీ వివరాలను తెలుసుకునేందుకు ఆదివారం మధ్యాహ్నం http:// apcbs portal.ap.gov.in/loanstatus/LoanStatus.aspx(ఏపీసీబీఎస్పీఓఆర్టీఏఎల్.ఏపీ.జీఓవీ.ఐఎన్/లోన్ స్టేటస్.ఏఎస్పీఎక్స్) అనే వెబ్సైట్లో ఉంచి నట్టు ప్రభుత్వం ప్రకటించింది. దీంతో రైతులు ఆతృతగా ఇంటర్నెట్ సెంటర్ల వద్దకు చేరుకునా రాత్రి వరకూ ఆ వెబ్సైట్ తెరుచుకోలేదు. బ్యాంకు బ్రాంచీల వారీగా మాఫీ పొందిన రైతుల వివరాలు కూడా ఇదే వెబ్సైట్లో పెట్టారు. అయితే బ్యాంకుల్లో నిర్దేశించిన అధికారి మాత్రమే వివరాలు రాబట్టే అవకాశం కల్పించారు. ఆదివారం కావడంతో సోమవారం బ్యాంకులు తెరుచుకునే వరకూ ఏమీ చెప్పలేమని బ్యాంకు అధికారులు అనడంతో రైతులకు ఉత్కంఠ తప్పలేదు. లబ్ధిదారుల్లో భారీ కోత! రుణ మాఫీ తొలి జాబితాలో వాస్తవంగా ఎంత మందికి చోటు లభించిందనే అంశంపై స్పష్టత లేదు. అయితే విశ్వసనీయ సమాచారం ప్రకారం ప్రభుత్వం ఆన్లైన్లో ఉంచిన అర్హుల జాబితాలో భారీగా కోత పెట్టింది. జిల్లాలో 3.60 లక్షల మంది పంట రుణాలు, 4.5 లక్షల మంది బంగారం తాకట్టు పెట్టి రుణాలు పొందారు. మొత్తం సుమారు రూ.1260 కోట్ల మేర రుణాలు తీసుకున్నారు. టీడీపీ అధినేత చంద్రబాబు ఎన్నికల వాగ్దానంగా ఎలాంటి షరతులు లేకుండా అందరికీ రుణాలు మాఫీ చేస్తామన్నారు. అయితే అధికారంలోకి వచ్చాక రోజుకో ఆంక్ష పెడుతూ వచ్చారు. 20 శాతం నగదు, 80 శాతం సర్టిఫికెట్ల రూపంలో మాఫీ చెల్లిస్తామని చెప్పారు. అనంతరం ముందుగా రూ.50 వేల లోపు వ్యవసాయ రుణాలు మాఫీ చేస్తున్నట్టు ప్రకటించారు. అయితే ఈ జాబితాలో కూడా వడబోత అమలు చేశారు. అర్హత ఉన్నా సాకులు వెతికి మరీ పేర్ల తొలగింపునకు పాల్పడింది ప్రభుత్వం. ఆన్లైన్ జాబితాపై అందిన ప్రాథమిక సమాచారం ప్రకారం ఆధార్, రేషన్ కార్డుల్లో పేర్ల తేడాలతో కొందరిని తొలగించినట్టు తెలుస్తోంది. మొత్తం 14 కాలమ్లతో కూడిన ప్రొఫార్మాలో వడబోత విధానం అమలు చేశారు. ప్రధానంగా రుణ పరిమితి (స్కేల్ ఆఫ్ ఫైనాన్స్) నిబంధనతో 25 శాతానికి పైగా రైతులను తొలగించినట్టు తెలుస్తోంది. బ్యాంకర్లలోనూ అయోమయం బ్యాంకర్లు కూడా రుణమాఫీ అర్హుల జాబితాలపై రైతులే కాక అధికారులు కూడా ‘ఈ చిక్కుముడి ఏంటబ్బా’ అంటూ తలలు పట్టుకుంటున్నారు. ‘రుణ మాఫీ వివరాలు ఆన్లైన్లో పెట్టినట్టు తెలుస్తోంది. కానీ సోమవారం బ్యాంకులు తెరుచుకునే వరకూ వివరాలు వెల్లడించలేం. బ్యాంకుల వారీగా వివరాలు శాఖాధిపతులకు అందుతాయి. రైతులు బ్రాంచిలకు వెళ్తే పూర్తి సమాచారం ఇస్తారు’ అని ఎస్బీఐ రాజమండ్రి రీజనల్ మేనేజర్ పి.రాజేంద్రప్రసాద్ చెప్పారు. -
పబ్లిగ్గా...పచ్చిదగా!
-
చంద్రబాబు ప్రకటనలన్నీ బూటకమే: భూమన
-
చంద్రబాబు ప్రకటనలన్నీ బూటకమే: భూమన
తిరుపతి : రుణమాఫీపై చంద్రబాబు నాయుడు ఇచ్చిన ప్రకటనలన్నీ బూటకమేనని మాజీ ఎమ్మెల్యే, వైఎస్ఆర్ సీపీ నేత భూమన కరుణాకర్ రెడ్డి అన్నారు. ఆయన శుక్రవారమిక్కడ మాట్లాడుతూ రైతులు, డ్వాక్రా మహిళలు, యువకులకు న్యాయం జరిగే వరకూ పోరాడతామని స్పష్టం చేశారు. వైఎస్ఆర్ సీపీ ధర్నాలను చూసి చంద్రబాబు తట్టుకోలేకపోతున్నారని భూమన అన్నారు. అందుకే కుట్రపన్ని అరెస్ట్లు చేస్తున్నారని ఆయన మండిపడ్డారు. ప్రజలకు న్యాయం చేకూరేలా చంద్రబాబు మెడలు వంచుతామని భూమన అన్నారు. మరోవైపు వైఎస్ఆర్ సీపీ మహాధర్నాలో పాల్గొందేకు తిరుపతి-చంద్రగిరి నుంచి రైతులు, మహిళలు, యువకులు భారీగా తరలి వెళ్లారు. -
నట్టేట ముంచారు
‘మమ్మల్ని నట్టేట ముంచారు. ఓట్లేసి గద్దె నెక్కించిన పాపానికి దారుణంగా మోసపోయాం. ఇప్పుడు మా పరిస్థితేంటి’ అంటూ ముఖ్యమంత్రి తీరుపై రైతులు ధ్వజమెత్తారు. టీడీపీని అధికారంలోకి తీసుకువస్తే రైతు రుణాలన్నింటినీ మాఫీ చేస్తామన్న చంద్రబాబు ఆరునెలల తర్వాత గురువారం రుణమాఫీపై స్పష్టత ఇచ్చారు. ఈనెల 10వ తేదీ నుంచి అర్హులైన వారి ఖాతాల్లో మాఫీ సొమ్ము జమ చేస్తామని ప్రకటించారు. అయితే వాటికి కొన్ని ఆంక్షలు విధించడంపై రైతులు గుర్రుగా ఉన్నారు. రూ.50 వేలలోపు వారికి మాత్రమే రుణమాఫీ చేస్తామని, మిగిలిన వారికి దశలవారీగా ఐదేళ్ల కాలంలో మాఫీ చేస్తామని చెప్పడంతో రైతుల్లో కలవరం మొదలైంది. జిల్లాలో సగం మంది రైతులకు కూడా మాఫీ వర్తించకపోవడంపై మండిపడుతున్నారు. వడ్డీల భారం పెరిగింది రైతులకు అసలుతో పాటు వడ్డీల భారం పెరిగింది. మొత్తం మాఫీ చేస్తామని చెప్పి ఇప్పడు స్కేల్ ఆఫ్ ఫైనాన్స్ ప్రకారం అంటున్నారు. ఇది అన్యాయం. ఆస్తులన్నీ బ్యాంకులో పెట్టి ప్రభుత్వానికి ఫీజు చెల్లించి నోటింగ్ (ఆస్థిని బ్యాంకు పేరున రిజిస్ట్రేషన్) చేయించాం. దీనికి రుణమాఫీ ఎలా వర్తింపజేస్తారు. నాలుగేళ్ల వరకు మాఫీ చేయకపోతే బ్యాంకులో ఉన్న ఆస్తులు బయటకు ఎలా వ స్తాయి. - కాశింశెట్టి రాంబాబు, రైతు, బంధపురం, దేవరపల్లి మండలం తడిసిమోపెడయ్యాయి ఎన్నికలలో చంద్రబాబు మాటలు నమ్మి ఘోరంగా మోసపోయా. ఏటా మార్చిలో రుణం చెల్లించి తిరిగి రుణం తీసుకునేవాడిని. ఈసారి పాతరుణం చెల్లించవద్దని టీడీపీ నాయకులు చెప్పడంతో చెల్లించలేదు. దీంతో ఈ ఏడాది రుణం తీసుకోవడం కుదరకపోగా బయట అప్పు చేయాల్సి వచ్చింది. ఓ పక్క బ్యాంకు వడ్డీ, మరోపక్క బయట వడ్డీలు కలిసి తడిసిమోపెడయ్యాయి. - చెల్లారి రామ శ్రీనివాస్, రైతు, జగన్నాథపురం, నల్లజర్ల మండలం నిబంధనలు దారుణం రైతుల రుణమాఫీ చేయకపోవడంతో వడ్డీ భారం పెరుగుతోంది. పూర్తి రుణమాఫీకి ప్రభుత్వం ముందుకు రావడం లేదు. ఆచరణ సాధ్యం కాని నిబంధనలు రోజుకు ఒకటి చొప్పున చెబుతున్నారు. వ్యవసాయం చేయని రైతుల రుణాల మాఫీకి తొలి ప్రాధాన్యమిస్తున్నారు. లక్షలాది మంది రైతులు వారి కుటుంబ సభ్యుల ఉసురు తగలక మానదు. -పి.నరేంద్ర, రైతు, మలకచర్ల, దెందులూరు మండలం కౌలు రుణాలపై దాటవేత వ్యవసాయం పండుగ కాదు దండగన్న చంద్రబాబు మాటలను ప్రస్తుతం నిజం చేసేలా ఉన్నారు. పదేళ్లుగా రెండెకరాలను కౌలుకు చేస్తున్నా. ఇప్పటివరకు లాభం పొందింది లేదు. రుణమాఫీతో ఒకింత కష్టాలు తగ్గుతాయనుకున్నాను. ప్రభుత్వం కౌలు రైతుల రుణాలపై దాటవేత ధోరణి అవలంభించడంతో నష్టపోతున్నాం. -చెల్లబోయిన వెంకటేశ్వరరావు, కౌలు రైతు, రాయకుదురు. ఒత్తిడి తెస్తున్నారు బ్యాంకు, సొసైటీలో కలిపి సుమారు రూ.2 లక్షల అప్పు తీసుకున్నాను. చంద్రబాబు ఎన్నికల ముందు రుణాలు మాఫీ చేస్తామనడంతో అప్పుటు కట్టడం మానివేశాను. మొన్న సార్వా సాగుకు బయట అప్పు చేశాను. రుణం కోసం వెళితే పాత బకాయిలు కట్టమని బ్యాంకు వాళ్లు అంటున్నారు. - రావుల శ్రీనివాస్, రైతు, మొగల్తూరు రోజుకో మాట రైతు రుణాలను మాఫీచేస్తానని అధికారంలోకి వచ్చిన చంద్రబాబు రోజుకో మాట చెబుతూ మభ్యపెడుతున్నారు. రుణమాఫీపై తొలి సంతకం పెడతానని చెప్పి కోటయ్య కమిటీపై సంతకం పెట్టారు. రైతులకు ఇచ్చిన హామీ ప్రకారం రుణమాఫీ పూర్తిగా చేయాలి - సయ్యద్ బాజీ, రైతు, బుట్టాయగూడెం రైతుమిత్రల ఊసేది దర్భరేవు మ్యాక్ సొసైటీలో రూ.50 వేలు రుణం తీసుకున్నా. రైతుమిత్ర గ్రూపు ద్వారా 10 మంది కలిసి రూ.5 లక్షల రుణం తీసుకున్నాం. రుణమాఫీలో రైతుమిత్ర బకాయిల ఊసెత్తడం లేదు. మేమంతా అయోమయంలో ఉన్నాం. రుణం చెల్లించాలని బ్యాంకులు ఒత్తిడి చేస్తున్నాయి. ఇప్పటికే అప్పుచేసి రూ. 50 వేలు చెల్లించా. మళ్లీ అప్పు పుట్టే దారిలేదు. -కడలి రాంబాబు, సార్వ, న రసాపురం మండలం కాలయాపన తగదు రోజుకో మాట చెప్పి రుణమాఫీపై కాలయాపన చేశారు. ఆలస్యం కావడంతో బ్యాంకులు రుణం ఇవ్వలేదు. గత్యంతరం లేక వడ్డీ వ్యాపారుల నుంచి రుణం తీసుకున్నాం. ఇప్పటికీ ఫేస్-1, ఫేస్-2 అంటూ రుణమాఫీ జాప్యం చేస్తున్నారు. బ్యాంకు మేనేజర్లు బంగారం జప్తు చేస్తామని నోటీసులు ఇచ్చారు. - కాటి దాసు, రైతు, బూరాయిగూడెం కౌలు రైతులకు న్యాయం చేయాలి కౌలు రైతులు తీసుకున్న రైతు మిత్ర రుణాలను కూడా మాఫీ చేయాలి. కౌలు రైతు కుటుంబాలు బ్యాంకుల నుంచి తీసుకున్న బంగారు ఆభరణాల రుణాలను పూర్తిగా మాఫీ చేసి ఆదుకోవాలి. చంద్రబాబు ఎన్నికల్లో ఇచ్చిన హామీని నిలబెట్టుకోవలసిన బాధ్యత ఉంది. -గూటూరి సత్యనారాయణ, కుముదవల్లి, పాలకోడేరు మండలం పూర్తిగా మునిగిపోయాం రుణమాఫీ అంటూ చంద్రబాబు మభ్యపెట్టడం వలన ఒక్కో కుటుంబం రూ.40 వేలు అధనంగా చెల్లించాల్సి వచ్చింది. ప్రజలను వంచించి మోసం చేశారు. ప్రతి రైతూ అదనంగా వడ్డీలు చెల్లించాల్సి వచ్చింది. ప్రకటిస్తున్న రుణమాఫీ కేవలం అదనపు వడ్డీలకు కూడా సరిపోదు. -ఎన్.వేణు ప్రతాపరెడ్డి, రైతు, పెనుగొండ వడ్డీ రూ.15 వేలు పెరిగింది ప్రగడవరం ఆంధ్రా బ్యాంక్లో లక్ష రూపాయల పంట రుణం తీసుకున్నాను. రుణమాఫీ ఆలస్యం కావడంతో వడ్డీ రూ.15 వేలు పెరిగినట్టు బ్యాంకు అధికారులు చెప్పారు. ప్రభుత్వం ఇప్పుడు రూ. 50 వేల లోపు ఉన్న రుణాలను మాఫీ చేస్తామని ప్రకటించడంతో చాలా మంది నష్టపోతున్నారు. రైతు రుణాలన్నీ ఒకేసారి రద్దు చేయాలి. - గోలి నాగిరెడ్డి, రైతు, వెలగలపల్లి, చింతలపూడి మండలం ధాన్యం సొమ్ములు జమ చేసుకుంటున్నారు రుణమాఫీ సంగతి దేవుడెరుగు. ప్రభుత్వ ధాన్యం కొనుగోలు కేంద్రాల్లో అమ్మిన ధాన్యానికి వచ్చిన సొమ్ములను బ్యాంకర్లు అప్పుగా జమ చేసుకుంటున్నాయి. ఇది అన్యాయం. దీనిపై బ్యాంకర్లను అడిగితే మీకు రుణాలు చంద్రబాబు ఇచ్చారా.. బ్యాంకర్ల ఇచ్చారా అంటున్నారు. -కంపరం నాగ నరసింహారావు, వేగవరం, జంగారెడ్డిగూడెం మండ లం అర్థం కావడం లేదు నాకున్న అరెకరం పొలం తనఖా పెట్టి దర్భరేవు మ్యాక్ సొసైటీలో రూ.10 వేలు తీసుకున్నా. మరో రెండెకరాలు కౌలుకు తీసుకుని సాగు చేస్తున్నా. రుణాలు చెల్లించనవసరం లేదని ఎలెక్షన్ల ముందు చెప్పారు. ఇప్పుడేమో కట్టమంటున్నారు. నాకేమీ అర్థం కావడం లేదు. రుణమాఫీకని ఆధార్, బ్యాంకు అకౌంట్ జెరాక్సులు తీసుకున్నారు. -కండేటి నర్సింహారావు, తూర్పుతాళ్లు సగమే అంటే ఎలా రుణమాఫీ చేస్తానని చెప్పి చంద్రబాబు రైతులను పూర్తిగా నిస్సాయులను చేశారు. మా గ్రామంలో 29 మంది రైతులను జాబితా నుంచి తొలిగించారు. ఇప్పటికే బ్యాంకులు రుణాలు ఇవ్వలేదు. ఇప్పుడు సగం రుణం చెల్లిస్తామని ప్రభుత్వం అంటోంది. ఇలా అయితే ఎలా. -గొర్రెల వెంకటరమణ, రైతు, మల్కాపురం ఆశలను వమ్ముచేశారు రైతు రుణమాఫీ అంశంపై జిల్లాలో రైతులు ఎన్నో ఆశలు పెట్టుకున్నారు. ఆ ఆశలను ప్రభుత్వం అడియాశలు చేస్తూ పంట వేసుకునే సమయంలో పూర్తిస్థాయి రుణమాఫీ అమలుచేయకుండా దగా చేసింది. ఓ పక్క సొసైటీల్లో రుణాలు అందక పాత బకాయిలకు అప్పులు చేసి వడ్డీలు కట్టి తీర్చుకోవడం దురదృష్టకరం - రాజనాల రామ్మోహనరావు, కాంగ్రెస్ పీసీసీ సెక్రటరీ వడపోతే లక్ష్యం ఎన్నికల సమయంలో పూర్తి రుణమాఫీ చేస్తామన్నారు. ఇప్పుడు రూ.50 వేలే అంటున్నారు. ఈ రుణమాఫీ బ్యాంకులో చెల్లించాల్సిన వడ్డీకు కూడా సరిపోదు. ఎన్నికల సమయంలో ఇచ్చిన హామీలను రూపు మాపేందుకు ప్రయత్నిస్తున్నారు. తక్షణమే ఎటువంటి షరతులు లేకుండా రుణమాఫీ చేసి కొత్త రుణాలు మంజూరు చేయాలి. -వైట్ల విద్యాధరరావు, సీపీఐ జిల్లా రైతు సంఘం ప్రధాన కార్యదర్శి ఉద్యమిస్తాం చంద్రబాబు పగటి వేషగాడిలా మారి ప్రజలను మోసం చేస్తున్నారు. ఎన్నికల సమయంలో రైతులకు 9 గంటల ఉచిత కరెంటు, పూర్తి రుణమాఫీ అని హామీలిచ్చి గద్దెనెక్కారు. ఇప్పుడు హామీలు గాలికొదిలేసి సింగపూర్లో గడుపుతున్నారు. ఇప్పటికైనా ఎన్నికల హామీలు నెరవేర్చకపోతే రైతులందరితో కలిసి ఉద్యమిస్తాం. - దొంత కృష్ణ, సీపీఐ జిల్లా కౌలు రైతు సంఘం ప్రధాన కార్యదర్శి స్పష్టత లేదు ఎన్నికలకు ముందు ఒకమాట.. అధికారంలోకి వచ్చాక ఒక మాట అన్నట్టుగా ఉంది చంద్రబాబుతీరు. రుణమాఫీపై స్పష్టత, స్పష్టమైన అభిప్రాయం ముఖ్యమంత్రికి గాని మంత్రివర్గానికి కాని లేదు. అయోమయానికి గురిచేసే నిబంధనలు, విధానాలతో రైతులు నష్టపోతున్నారు. - జమ్మి శ్రీనివాస్, రైతు మంగపతిదేవిపేట, కొయ్యలగూడెం -
మోసం దా‘రుణం’
‘‘దా‘రుణం’గా మోసపోయాం. ఎన్నికల్లో ఓట్లు వేసి గెలిపించిన పాపానికి చంద్రబాబు తమను నిలువునా ముంచాడు’’ అంటూ రైతులు సీఎం చంద్రబాబు తీరుపై తీవ్రస్థాయిలో ధ్వజమెత్తారు. ముఖ్యమంత్రిగా ప్రమాణం చేసి తొలి సంతకం రుణమాఫీ అన్న బాబు ఎట్టకేలకు ఆరునెలల తర్వాత గురువారం రైతు రుణమాఫీపై స్పష్టత ఇచ్చారు. ఈ నెల పదో తేదీ నుంచి అర్హులైన వారి ఖాతాల్లో మాఫీ సొమ్ము జమ చేస్తామని ప్రకటించారు. అయితే వాటికి కొన్ని ఆంక్షలు విధించడంపై రైతులు గుర్రుగా ఉన్నారు. రూ.50 వేలలోపు వారికి మాత్రమే రుణమాఫీ చేస్తామని, మిగిలిన వారికి దశలవారీగా ఐదేళ్ల కాలంలో రుణమాఫీ చేస్తామని చెప్పడంతో రైతుల్లో కలవరం మొదలైంది. అధికారపార్టీ మద్దతుదారులు, మిత్రపక్ష నాయకులు బాబు ప్రకటనను స్వాగతించినా, సగటు రైతు ఈ నిర్ణయంపై తీవ్ర అసంతృప్తితో ఉన్నాడు. జిల్లాలో సగం మంది రైతులకు కూడా మాఫీ వర్తించకపోవడంపై మండిపడుతున్నారు. చంద్రబాబు ప్రకటనపై పలు రాజకీయ పార్టీల, వివిధ సంఘాల నేతల అభిప్రాయాలు వారి మాటల్లోనే... బాబు ప్లేటు మార్చారు వ్యవసాయ రుణాలన్నీ మాఫీ చేస్తానంటూ గద్దెనెక్కిన చంద్రబాబు పంట రుణాలంటూ ప్లేటు మార్చారు. వాటిని కూడా పూర్తిస్థాయిలో మాఫీ చేయకుండా రకరకాల ఆంక్షలతో లబ్ధిదారుల జాబితాను అడ్డంగా కుదించేశారు. తొలిదశలో కొందరికే రుణమాఫీ అంటూ మిగిలిన వారికి బాండ్లు ఇస్తామంటున్నారు. బాండ్లతో రైతులకు ఎటువంటి ప్రయోజనం ఉండదు. - కర్రి పాపారాయుడు, జిల్లా కన్వీనర్, వైఎస్సార్ సీపీ వాణిజ్య విభాగం, మండపేట మసిపూసి మారేడుకాయ చంద్రబాబు ఎన్నికల రుణమాఫీ హామీ మసిపూసి మారేడుకాయ చందాన ఉంది. ముఖ్యమంత్రి మాటల్లో విశ్వసనీయత లేదు. ఎంత మాఫీ చేస్తారనే విషయమై మొదట్నుంచి ఆయన తీరు అనుమానంగానే ఉంది. రైతు రుణమాఫీ ప్రకటించిన వెంటనే కుటుంబానికి రూ.లక్షన్నర అని, తరువాత 20 శాతం అని, ప్రస్తుతం రూ.50 వేలు రద్దు చేస్తామని చెప్పారు. రుణమాఫీకి ఆధార్, రేషన్ కార్డులు లంకె పెట్టడం కప్పదాటు వ్యవహారంలా ఉంది. - కందుల దుర్గేష్, డీసీసీ అధ్యక్షుడు రైతులకు నమ్మకాన్ని కల్పించలేదు ఎన్నికల వాగ్దానమైన రుణమాఫీని టీడీపీ సక్రమంగా నిర్వహించలేదు. రైతులకు నమ్మకాన్ని కల్పించలేకపోయింది. రుణమాఫీ జాబితాలో తాము ఉన్నామో! లేమోనన్న ఆందోళనలో ఉన్నారు. పేద రైతులకు అన్యాయం చేశారు. చాలా మంది రైతుల పేర్లు జాబితాలో లేవు. - కర్నాకుల వీరాంజనేయులు, రైతు కూలీ సంఘం ప్రధాన కార్యదర్శి రుణమాఫీతో రైతులకు న్యాయం ప్రభుత్వం ప్రకటించిన రుణమాఫీతో రైతులకు న్యాయం జరుగుతుంది. రైతులకు రూ.50 వేలలోపు రుణాలు పూర్తిస్థాయిలో మాఫీ అవుతాయి. రూ.50 వేలు పైబడిన రుణాలను 20 శాతం చొప్పున ఐదు విడతల్లో మాఫీ చేయడం జరుగుతుంది. సుమారు 43 లక్షల మందికి రుణ మాఫీ వర్తిస్తుంది. - పర్వత చిట్టిబాబు, టీడీపీ జిల్లా అధ్యక్షుడు బాబు వాగ్దానాలు ఎడారిలో ఎండమావి చంద్రబాబు వాగ్దానాలు ఎడారిలో ఎండమావిలా మిగిలిపోయాయి. రైతుల రుణమాఫీ చేస్తానని చెప్పి, ప్రస్తుతం దశలవారీగా చేస్తాననడం దారుణం. ఈ ఐదే ళ్లలో బ్యాంకులు రైతులకు రుణాలు మంజూరు చేయవు. రూ లక్ష రుణ మాఫీ చేస్తానని, ఇప్పుడు రూ.50 వేల లోపు మాత్రమే రుణ మాఫీ అంటున్నారు. రైతులు తమ తీర్పును స్పష్టంగా చెప్పేరోజు దగ్గరలోనే ఉంది. - మీసాల సత్యనారాయణ, సీపీఐ జిల్లా కార్యదర్శి హామీని నిలబెట్టుకున్నారు ఎన్నికల ముందు టీడీపీ ఇచ్చిన రైతు రుణమాఫీ హామీని సీఎం చంద్రబాబు నిలబెట్టుకున్నారు. రూ.50వేల లోపు రుణాలన్నీ ఒక్కసారిగా మాఫీ చేయడం సన్న, చిన్నకారు రైతులకు ఎంతో మేలు చేసినట్టే. మిగిలిన రుణాలన్నీ దశలవారీగా మాఫీ చేస్తామని ప్రకటించడం వెనుక చిత్తశుద్ధి కనిపిస్తోంది. ఉద్యాన పంటలకు కూడా ఎకరాకు రూ.10వేలు మాఫీ చేస్తామనడం ఆహ్వానించదగ్గ విషయం. - వేటుకూరి సూర్యనారాయణరాజు, బీజేపీ జిల్లా అధ్యక్షుడు మొత్తం మాఫీ చేయాలి ఆంక్షలు లేని రుణమాఫీ చేయాలని తొలి నుంచి మేము డిమాండ్ చేస్తున్నాం. అయితే సగం మంది రైతులకు కూడా మాఫీ చేయకపోవడం అన్యాయం. నిబంధనలు పక్కనబెట్టి అర్హులైన రైతులందరికీ రుణమాఫీ చేస్తేనే చంద్రబాబు ఎన్నికల ముందు ఇచ్చిన హామీని నిలబెట్టుకున్నట్టు. వ్యవసాయ రుణాలు మాఫీ చేస్తామని వాణిజ్య పంట రైతులకు కేవలం రూ.పది వేలు ప్రోత్సహం ఇవ్వడం భావ్యం కాదు. - దొంగ నాగేశ్వరరావు, బీకేఎస్ జిల్లా అధ్యక్షుడు, అంబాజీపేట రైతులకు ద్రోహం చేయడమే ఎన్నికల్లో ఇచ్చిన రుణమాఫీ హామీని నిలబెట్టుకోలేని స్థితిలో సీఎం చంద్రబాబు ఉన్నారు. రూ.లక్షా 50వేలు రుణమాఫీ చేస్తానని చెప్పి, ఈ రోజు అనేక పరిమితులు విధించి రైతాంగాన్ని కుంగదీశారు. దాదాపు కోటి మంది రైతులకు రుణమాఫీ చేయాల్సి ఉండగా, చివరకు రూ.30 లక్షల మందికి కుదించడం రైతులకు ద్రోహం చేయడమే. - దడాల సుబ్బారావు, సీపీఎం జిల్లా కార్యదర్శి, కౌలు రైతుల సంఘం జిల్లా ఉపాధ్యక్షుడు -
కాసులుండీ మీనమేషాలు
ఎన్నికల్లో ప్రజలకు ఇచ్చిన హామీలు నెరవేర్చే విషయంలో ప్రజాప్రతినిధులు ఇంకా ఓ అవగాహనకు రాలేదన్న విమర్శలు వినిపిస్తున్నాయి. ప్రభుత్వం కొలువుతీరి ఐదు నెలలు గడిచిపోయింది. అందుబాటులో నిధులున్నాయి. అరుునా ప్రతిపాదనలు పంపడంలో ఆలస్యం చేస్తున్న వీరికి తీరిక లేదనుకోవాలా? అని పలువురు ప్రశ్నిస్తున్నారు. ఏలూరు :పార్లమెంట్ నియోజకవర్గాల్లో తొలి విడత అభివృద్ధి పనుల నిమిత్తం కేంద్రం ఒక్కొక్క ఎంపీకి రూ.2.50 కోట్లు గత నెల 7న విడుదల చేసింది. మొత్తంగా చూసుకుంటే ఇద్దరు లోక్సభ సభ్యులు, ఇద్దరు రాజ్యసభ సభ్యులకు రూ.10 కోట్లు విడుద లయ్యాయి. వాస్తవంగా ప్రతి ఎంపీకి రూ.5 కోట్లను ఎంపీ ల్యాడ్స్ కింద కేటాయిస్తున్న విషయం తెల్సిందే. ఆర్థిక సంవత్సరం ముగింపులో ఉన్న నేపథ్యంలో రూ.2.50 కోట్ల పనులకే ప్రతిపాదనలను కలెక్టర్ల ద్వారా పంపాలని కేంద్రం పేర్కొంది. సీసీ రోడ్లు, డ్రెయిన్లు, కల్వర్టులు, కమ్యూనిటీ హాళ్లు, స్కూల్ కాంపౌండ్లు, పాఠశాల క్రీడా ప్రాంగణాల అభివృద్ధికి ఈ నిధులను ఖర్చు చేయవచ్చు. ఉత్తర్వులు వచ్చి నెల కావస్తున్నా మన ఎంపీలు ప్రతిపాదనల రూపకల్పనపై ఇంకా సంప్రదింపులు చేసినట్టు కనిపించడం లేదు. నిధులు మురిగిపోయే ప్రమాదం లేన ప్పటికీ వేగంగా ప్రతిపాదనలు వస్తేనే వివిధ శాఖల ఇంజనీరింగ్ అధికారులకు టెండర్లు పిలిచేందుకు కలెక్టర్ బాధ్యతలు అప్పగించడానికి వీలౌతుంది. నేరుగా ప్రభుత్వ శాఖలు ఈ పనులు చేయడానికి వీల్లేదు. ఎంపీలు, కలెక్టర్ల సమన్వయంతోనే పనులు సాగాల్సి ఉంటుంది. సీతమ్మ ముందంజ ప్రతిపాదనల తయారీ విషయంలో రాజ్యసభ సభ్యురాలు తోట సీతారామలక్ష్మి అందరి కంటే ముందంజంలో నిలిచారు. ఇప్పటి వరకు రూ.కోటిన్నర వరకు అభివృద్ధి పనులకు ప్రతిపాదనలను పంపారు. ఇందులో దాదాపుగా ఎనిమిది నియోజకవర్గాల్లోని సీసీ రోడ్లు, డ్రెయిన్లు, మంచినీటి పైప్లైన్ల అభివృద్ధికి అంచనాలు ఇచ్చారు. ఏలూరు ఎంపీ మాగంటిబాబు కూడా రూ.20 లక్షల మేర అభివృద్ధికి అంచనాలిచ్చారు. కాగా కేంద్రమంత్రి నిర్మలా సీతారామన్, నర్సాపురం ఎంపీలు గోకరాజు గంగరాజులు ఇంకా ప్రతిపాదనలు పంపలేదు. మంత్రి నిర్మలా సీతారామన్కు సంబంధించి నిధులు రెండు రోజుల క్రితం జమ అయ్యాయని ముఖ్య ప్రణాళిక శాఖ అధికారులు చెబుతున్నారు. ఆదర్శ గ్రామాల అభివృద్ధిపై తర్జన భర్జనలు ఎంపీలు ఒక గ్రామాన్ని, కేంద్రమంత్రులు రెండేసి గ్రామాలను దత్తత తీసుకుని వెనుకబడిన పంచాయతీల్లో సౌకర్యాలను కల్పించాలని కేంద్రం నిర్ణయించింది. సంసద్ ఆదర్శ్ గ్రామ యోజన(ఎస్ఏజీవై) కింద మార్గదర్శకాలను కూడా విడుదల చేసింది. దీని ప్రకారం మొదటిగా కేంద్రమంత్రి నిర్మలా సీతారామన్ నర్సాపురం మండంలోని తూర్పుతాళ్లు, పెదమైనివానిలంకలను ఎంపిక చేసుకున్నారు. తాజాగా ఏలూరు ఎంపీ మాగంటిబాబు కృష్ణాజిల్లా ముదినేపల్లి మండలం పెదగొన్నూరు, నర్సాపురం ఎంపీ గోకరాజు గంగరాజు ఉండి మండలం మహదేవపట్నం, రాజ్యసభ్య సభ్యురాలు తోట సీతారామలక్ష్మి ఆకివీడు మండలం పెదకాపవరంను, రాజమండ్రి ఎంపీ,సినీనటుడు మాగంటి మురళీమోహన్ గోపాలపురం మండలం సంజీవపురం, సినీనటుడు రాజ్యసభ సభ్యుడు కొణిదల చిరంజీవి మొగల్తూరు మండలం పేరుపాలెం సౌత్ను దత్తత గ్రామాలుగా ఎంపిక చేశారు. వారికొచ్చే నిధుల్లో దాదాపుగా రూ.కోటి వరకు ఇక్కడే ఖర్చు చేయవచ్చు? లేదా అంతకంటే ఎక్కువే ఖర్చు చేయడానికి కూడా వెసులుబాటు ఉంది. ఈ విషయంలో ఎలా చేయాలనే దానిపై ఎంపీలు తర్జనభర్జనలు సాగిస్తున్నట్టు తెలియవచ్చింది. -
అక్కడ మాఫీలు ఇక్కడ నోటీసులు
రుణ ప్రణాళికేదీ... జిల్లా ఏర్పాటైన తర్వాత ఇప్పటి వరకూ రుణ ప్రణాళిక సిద్ధ్దం కానిది ఈ సంవత్సరమే. ఇప్పటికే అప్పుల పాలైన రైతులు రుణమాఫీ కారణంగా కొత్తగా అప్పులు బ్యాంకులు ఇవ్వకపోవడంతో ప్రైవేటు వ్యాపారులను ఆశ్రయించాల్సి వస్తోంది. మరోవైపు అప్పులు తీర్చే పరిస్థితి లేకపోవడంతో రైతులు ఆత్మహత్యలకు దిగుతున్నారు. రెండు రోజుల క్రితం యద్దనపూడి మండలం చిమటవారిపాలెంలో జరిగిన రైతు ఆత్మహత్యే దీనికి ఉదాహరణ. బాబు రోజుకో మాట ... నోటీసులతో బెంబేలు... ఆంధ్రప్రదేశ్లో ఇప్పటికీ అసలు రుణమాఫీ ఎంతమందికి అమలవుతుందో లేదో తెలియని పరిస్థితి. రోజుకో నిబంధన, రోజుకో షరతులతో చంద్రబాబు ప్రభుత్వం కాలం గడిపేస్తోంది. తాజాగా బ్యాంకులకు జాబితాలు వచ్చాయి. అయితే ఆ జాబితాలు కూడా పూర్తి స్థాయిలో రాలేదు. తాము పంపిన జాబితాలను పునఃపరిశీలించాలని, కొన్నింటిలో తప్పులున్నందున పూర్తిగా పరిశీలించి మళ్లీ పంపాలని వాటి సారాంశం. అవి ఎప్పటికి పూర్తవుతాయో? వాటిని ఎప్పుడు అమలు చేస్తారన్నది యక్షప్రశ్నలా మిగిలిపోయింది. మరో వైపు బ్యాంకుల్లో బంగారం కుదవపెట్టి రుణం తీసుకున్న వారందరూ రుణాలు చెల్లించాలని, లేనిపక్షంలో బంగారం వేలం వేస్తామని బ్యాంకులు ప్రకటిస్తున్నాయి. ఇప్పటికే కొనకనమిట్లలో సిండికేట్ బ్యాంకు అధికారులు వేలం వేయనున్నట్లు గ్రామాల్లో ప్రచారం చేస్తున్నారు. తాజాగా కందుకూరు యూనియన్ బ్యాంకు కూడా బంగారం రుణం తీసుకున్న వారికి వేలం నోటీసులు అందించింది. రుణమాఫీకి అర్హత ఉన్న ఖాతాలకు కూడా నోటీసులు రావడం ఆందోళనకు గురి చేస్తోంది. వేల రూపాయల వడ్డీతో కట్టు కందుకూరు వరపర్లవారిపాలేనికి చెందిన వరపర్ల మల్లికార్జున 2012 డిసెంబర్ 28న బంగారం కుదవపెట్టి లక్షా 55 వేల రూపాయలు పంటరుణంగా తీసుకున్నారు. ఇప్పుడు అది వడ్డీతో కలిపి 1,71,701 రూపాయలకు పెరిగింది. ఈ మొత్తాన్ని ఏడు రోజుల్లోగా చెల్లించకపోతే బంగారం వేలం వేయక తప్పదని ఈ నెల మూడోవారంలో నోటీసులు జారీ చేసింది. తనకు రుణమాఫీకి అర్హత ఉందని లక్షన్నర వరకూ రుణమాఫీ కావాల్సిన సమయంలో బ్యాంకులు నోటీసులు ఇవ్వడంలో ఆంతర్యం ఏమిటని రైతు ప్రశ్నిస్తున్నాడు. ఇప్పటికే చంద్రబాబునాయుడు ప్రకటించిన రుణమాఫీ కారణంగా బ్యాంకులకు రుణాలు తిరిగి చెల్లించకపోవడంతో ఈ ఏడాది రైతులకు రుణాలు ఇవ్వడానికి ముందుకు రావడం లేదు. నిబంధనలతో భారీ కోత జిల్లాలో మొత్తం వ్యవసాయ రుణాలు రూ.7 వేల కోట్ల వరకూ ఉన్నాయి. లక్షన్నర రుణపరిమితి పెట్టడం వల్ల మాఫీ అయ్యే రుణ మొత్తం ఐదు వేల కోట్లకు చేరింది. ఇప్పుడు స్కేల్ ఆఫ్ ఫైనాన్స్, పంట రుణాలకు పరిమితం చేయడం, రేషన్ కార్డు, ఆధార్ కార్డులను అనుసంధానం చేయాలనే నిబంధనలతో రైతులకు అందే రుణమాఫీ మూడు వేల కోట్ల రూపాయలలోపే ఉంటుందని బ్యాంకర్లు అంచనా వేస్తున్నారు. ఇప్పటి వరకూ అసలు ఏ జాబితా నిజమైంది, ఏ జాబితా ప్రకారం రుణమాఫీ చేస్తారనే అనుమానాలు నివృత్తయ్యే పరిస్థితి కనపడటం లేదు. వడ్డీతో కలిపి రుణ మొత్తంలో 25 శాతం చెల్లింపు... తెలంగాణాలో చంద్రశేఖరరావు మొత్తం వడ్డీతో కలిపి రుణం ఎంతయిందో చూసి అందులో 25 శాతం చెల్లించేశారు. మిగిలినది కూడా వడ్డీతో సహా చెల్లిస్తామని, అయితే తాజాగా తీసుకున్న రుణాల వాయిదాలను సకాలంలో చెల్లించాలంటూ రైతులకు తహశీల్దార్లు రుణమాఫీ ఒప్పంద పత్రాలను కూడా అందజేశారు. -
మాఫీ.. మాయ
పంట రుణాల లెక్కలు చెప్పని బ్యాంకు అధికారులు రుణమాఫీ ఎంత వచ్చిందో తెలియదు...వడ్డీ ఎంత తీసుకున్నారో తెలియదు.... రీషెడ్యూల్ అయ్యాక పాస్పుస్తకాల్లో ఉండేది ఒకటి... చేతికందే డబ్బు మరోటి... ఇంతలో ఇన్సూరెన్స్ పేర కోత...వెరసి రుణమాఫీ సొమ్ము రైతుకు చేరే వరకూ రణమే చేయాల్సి వస్తోంది. రుణమాఫీకి సంబంధించి దేనికెంతో స్పష్టమైన లెక్కలు చెప్పకపోవడంతో రైతులు ఆందోళన చెందుతున్నారు. తృణమో... పణమో చేతికిచ్చి బ్యాంకు అధికారులు పంపుతున్నారని ఆవేదన వ్యక్తం చేస్తున్నారు. రాష్ట్ర ప్రభుత్వం అమలు చేస్తున్న రుణమాఫీ లెక్కలు రైతులను అంతా అయోమయంలో పడేస్తున్నాయి. రైతులు గతంలో తీసుకున్న పంట రుణానికి ఎంత వడ్డీ లెక్క కడుతున్నారో.. ఎంత మేర రుణమాఫీ అయ్యిందో.. మళ్లీ ఎంత రుణం ఇస్తున్నారో అర్థకాని పరిస్థితి నెలకొంది. ఈ విషయమై బ్యాంకుల అధికారు లను రైతులు అడిగితే సమాధానం చెప్పకుండా దాటవేస్తున్నారు. మిర్యాలగూడ :రాష్ట్ర ప్రభుత్వం అమలుచేస్తున్న రుణమాఫీ పథకం విషయంలో రైతులు అయోమయంలో ఉన్నారు. రూ.లక్షలోపు పంట రుణాలను మాఫీ చేస్తామని ప్రకటించిన సీఎం కేసీఆర్ కేవలం 25శాతం మాత్రమే ప్రస్తుతం మాఫీ చేస్తున్నారు. జిల్లాకు మొదటి విడతగా 633 కోట్ల రుణాలు మాఫీగా ప్రకటించారు. కాగా రెవెన్యూ అధికారుల వద్ద ఉన్న వివరాల ప్రకారం రుణమాఫీని సంబంధిత బ్యాంకు అధికారులు వర్తింప జేస్తున్నారు. కానీ 25 శాతంగా మాఫీ వర్తించే పత్రాలను బ్యాంకులకు తీసుకెళ్తున్న రైతులకు అధికారులు చుక్కలు చూపిస్తున్నారు. ఒక్కొక్క బ్యాంకు వారి నిబంధనల మేరకు వివిధ పత్రాలను తీసుకొని రావాలని చెబుతున్నారు. అయినా గతంలో తీసుకున్న రుణాలకు ఎంత వడ్డీ చొప్పున చెల్లించాల్సి వస్తుందో అనే వివరాలను కూడా రైతులకు తెలియజేయడం లేదు. వడ్డీతో పాటు ప్రస్తుతం రైతులకు వర్తించిన మాఫీలో తిరిగి పంట రుణం తీసుకోవడానికి అనుకూలంగా పత్రాలను సరిచేసి రుణాలు రెన్యువల్ చేస్తున్నారు. కాగా ఇప్పటి వరకు 2014-15 సంవత్సర ఖరీఫ్, రబీ రుణాల లక్ష్యం రూ. 1752 కోట్లు కాగా ఇప్పటి వరకు రూ. 1376 కోట్ల రుణాలు పంపిణీ చేశారు. కానీ పంట రుణాల్లో ప్రభుత్వం ఎంత మాఫీ ఇచ్చిందో? తమ డబ్బుల నుంచి బ్యాంకు అధికారులు ఎంత తీసుకున్నారనే విషయాన్ని రైతులకు తెలియజేయకుండానే రుణమాఫీకి వర్తింపజేస్తున్నారు. రుణాలను రెన్యువల్ చేస్తున్న బ్యాంకు అధికారులు పాత రుణంతో పాటు కొత్తగా ఇచ్చినవి కూడా కలిపి మొత్తం ఇప్పుడే తీసుకున్నట్లు పాస్ పుస్తకాల్లో నమోదు చేస్తున్నారు. దాంతో రైతులు అయోమయానికి గురవుతున్నారు. ఇన్సూరెన్స్ పేరుతో రుణంలో కోత పంటలకు ఇన్సూరెన్స్ పేరుతో బ్యాంకర్లు రైతులకు ఇచ్చే రుణాలలో కోత విధిస్తున్నారు. లక్ష రూపాయల రుణం తీసుకున్న రైతుకు 2500 రూపాయలు కోత విధిస్తున్నారు. బ్యాంకర్లు తీసుకున్న 2500 రూపాయలను రైతులు తిరిగి చెల్లించడంతో పాటు దానికి సంబంధించిన వడ్డీలు కూడా చెల్లించాల్సి ఉంటుంది. జిల్లాలో ప్రస్తుతం ఖరీఫ్, రబీ సీజన్లలో మొత్తం రూ.1376 కోట్ల రుణాలు ఇవ్వగా ఇన్సూరెన్స్ పేరుతో 32.50 లక్షల రూపాయలు రైతుల రుణాల నుంచి బ్యాంకర్లు మినహాయించుకున్నారు. రైతుల పంటలకు ఇన్సూరెన్స్ వర్తింపజేయకపోయినప్పటికీ ఇన్సూరెన్స్ మినహాయించుకోవడంతో రైతులు ఆందోళన చెందుతున్నారు. వడ్డీలకే సరిపోతున్న రుణమాఫీ.. తీసుకున్న రుణంలో తన చెతికి వచ్చింది కొద్దిగానే ఉండి, పాస్ పుస్తకంలో ఎక్కువ మొత్తం ఉండటం వల్ల అయోమయానికి గురైన రైతులు అధికారులను అడిగితే లెక్కలు చెప్పడం లేదు. కనీసం పాత రుణాలకు ఎంత శాతం వడ్డీ తీసుకున్న విషయం కూడా చెప్పడం లేదు. నిబంధనల ప్రకారం పంట రుణాలను బ్యాంకులు కేవలం 7 శాతం వడ్డీ తీసుకోవాల్సి ఉండగా 11 శాతానికి పైగా వడ్డీ తీసుకుంటున్నట్లు సమాచారం. ఎక్కువ శాతం వడ్డీ తీసుకున్నప్పటికీ రుణమాఫీలో కేవలం 7 శాతం వడ్డీ మాత్రమే రావడం వల్ల అది కేవలం వడ్డీలకు మాత్రమే సరిపోతుందని రైతులు ఆవేదన వ్యక్తం చేస్తున్నారు. రూ.లక్ష లోపు ఉన్నా మాఫీ వర్తించదని చెబుతున్నారు నాకు శెట్టిపాలెంలో ఉన్న ఎకరం పొలం పేరున వేములపల్లి బ్యాంకులో 21 వేల రూపాయల రుణం తీసుకున్నా. రుణమాఫీ వర్తింప జేశారు. కానీ మిర్యాలగూడ మండలంలోని నందిపాడులో 1.15 ఎకరాల భూమి ఉంది. దాని పేరున మిర్యాలగూడలోని నాగార్జున గ్రామీణ బ్యాంకులో 31 వేల రూపాయల రుణం తీసుకున్నా. కానీ వేముపల్లి బ్యాంకులో రుణమాఫీ వచ్చినందున మిర్యాలగూడ బ్యాంకులో తీసుకున్న రుణం మాఫీ కాదని బ్యాంకు అధికారులు చెబుతున్నారు. రూ.లక్ష లోపు ఉన్న రుణాలు మాఫీ అని ప్రకటించిన విషయాన్ని బ్యాంకు అధికారుల దృష్టికి తీసుకెళ్తే దురుసుగా ప్రవర్తిస్తున్నారు. ఇలాంటి బ్యాంకు అధికారులపై చర్యలు తీసుకోవాలి. - దైద నాగయ్య, రిటైర్డ్ తహసీల్దార్, మిర్యాలగూడ -
టీడీపీది దారుణ మోసం
రాజాం: పంట రుణాలను మాఫీచేయడంలో రెతులను టీడీపీ సర్కారు దారుణంగా మోసగించింది.. డ్వాక్రా రుణమాఫీ బదులు మ్యాచింగ్ గ్రాంటు ఇస్తామన్నారయి.. దానికి అతీగతీ లేదు.. ఆయి నెలల్లోనే టీడీపీ ప్రభుత్వం అసలు స్వరూపం బయటపడింది’ అంటూ రాజాం ఎమ్మెల్యే క ంబాల జోగులు ధ్వజమెత్త్తాయి. టీడీపీ ప్రభు త్వ ప్రజావ్యతిరేక విధానాలను నిర సిస్తూ వైఎస్సార్ కాం గ్రెస్ తరఫున పోరాటం చేసేందుకు వెనుకాడేది లేదన్నా రు. రాజాంలోని తన కార్యాలయంలో బుధవార ం ఏర్పా టు చేసిన ముఖ్య కార్యకర ్తల సమావేశంలో మాట్లాడా రు. హుద్హుద్ తుపానుతో నష్టపోయి తాంగానికి ఇప్పటివర కూ పరిహారం పంపిణీపై స్పష్టతలేదన్నారు. దోమపోటుతో నష్టపోయి వరి పంట గ ణన చేపట్టలేద ని, దీంతో ైరె తాంగం దిక్కుతోచని స్థితిలో ఉందన్నారు. ప్రభుత్వ ఉద్యోగుల బదిలీల్లో టీడీపీ నేతల కనిపిస్తోందని, నిబంధనలు పక్కనపెట్టి చేస్తున్న బదిలీ లతో ఇటు ప్రజలు, అటు ఉద్యోగులను ఇబ్బందులకు గురిచేస్తున్నారన్నారు. ఇసుక రీచ్లను టీడీపీ అనుయాయులకే కట్టబెడుతున్నారని ఆరోపించారు. నాయకులు ఉత తరావల్లి సురేష్ముఖర్జీ, కర ణం సుదర్శనరావు, జెడ్పీటీసీ సభ్యుడు టంకాల పాపినాయుడు, వంజరాపు విజయ్కుమార్, వావిలపల్లి ర మణనాయుడు, కోట రామయ్య, ఆల్తి రామయ్య, యారాడ వె ంకటేష్, కుప్పిలి చంద్రయ్య, లెంక నారాయణరావు, కార్తీక మల్లేశ్వరరావు, వావిలపల్లి భుజంగరావు, గండ్రెడ్డి భుజంగరావు, బండి నర సింహులు పాల్గొన్నారు. రేపు పార్టీ సమావేశం శ్రీకాకుళంలోని అంబేద్కర్ ఆడిటోరి యంలో శుక్రవారం వైఎస్సార్ కాంగ్రెస్ విస్తృత స్థార ుు సమావేశం నిర్వహిస్తున్నట్టు ఎమ్మెల్యే తెలిపారు. ఈ కార్యక్రమాన్ని విజయవంతం చేయాలన్నారు. సమావేశానికి పార్టీ రాష్ట్ర నేతలు విజయసాయిరెడ్డి, ఆర్కే రోజా, ధర్మాన కృష్ణదాస్, వంగవీటి రాధా హాజరవుతారన్నారు. -
కేసీఆర్ను చూసి బుద్ధితెచ్చుకో బాబు
రుణమాఫీ చేయకుండా తప్పించుకుంటున్న బాబు ఒంగోలు టౌన్ : రైతుల రుణమాఫీ చేయకుండా ముఖ్యమంత్రి చంద్రబాబునాయుడు తప్పించుకు తిరుగుతున్నారని ఆంధ్రప్రదేశ్ రైతు సంఘ రాష్ట్ర ప్రధాన కార్యదర్శి వంగల సుబ్బారావు ధ్వజమెత్తారు. సింగపూర్, జపాన్ అంటూ విదేశీ పర్యటనలతో కాలం వెళ్లదీస్తున్నారన్నారు. ఆదివారం ఒంగోలు వచ్చిన సందర్భంగా స్థానిక ఎల్బీజీ భవన్లో ఏర్పాటు చేసిన విలేకరుల సమావేశంలో ఆయన మాట్లాడారు. జూన్ 8వ తేదీ గుంటూరులో ముఖ్యమంత్రిగా చంద్రబాబు ప్రమాణ స్వీకారం చేస్తూ రైతు రుణమాఫీపై తొలి సంతకం చేశారన్నారు. రుణాలు మాఫీ చేయకపోగా కోటయ్య కమిటీ, కుటుంబరావు కమిటీల పేరుతో కొంతకాలం కాలయాపన చేశారని, ఆ తరువాత రైతుల అర్హతపై విచారణలు, పునర్విచారణల పేరుతో రుణమాఫీ చేయకుండా వారి జీవితాలతో చెలగాటం ఆడుతున్నారని విమర్శించారు. స్మార్ట్ సిటీ, మహానగరాలు, వినోద నగరాలంటూ జపం చేస్తున్న చంద్రబాబు కోటి మంది రైతుల రుణ మాఫీ గురించి చర్యలు తీసుకోవడం లేదన్నారు. కేసీఆర్ను చూసి బుద్ధితెచ్చుకో.. రుణమాఫీ విషయంలో తెలంగాణ ముఖ్యమంత్రి కేసీఆర్ను చూసి చంద్రబాబు బుద్ధి తెచ్చుకోవాలని వంగల సుబ్బారావు సూచించారు. తెలంగాణ ప్రభుత్వం 39 లక్షల మంది రైతులకు తొలి విడతగా రూ.17 వేల కోట్లను వారి ఖాతాల్లో జమ చేసిన విషయాన్ని గుర్తు చేశారు. అంతేగాకుండా ప్రస్తుత ఖరీఫ్ సీజన్కు సంబంధించి తాజాగా 8 వేల కోట్ల రూపాయల రుణాలు తిరిగి ఇచ్చిందన్నారు. ఆంధ్రప్రదేశ్ ముఖ్యమంత్రి చంద్రబాబు మాత్రం ఎన్నికల మ్యానిఫెస్టోలో కోటి 81 లక్షల మంది రుణాలు మాఫీ చేస్తానని ప్రకటించినప్పటికీ ఇంత వరకు ఒక్క రూపాయి కూడా మాఫీ చేయలేదన్నారు. ప్రస్తుత ఖరీఫ్కు సంబంధించి రూ.30 వేల కోట్ల పంట రుణాలు ఇవ్వాల్సి ఉండగా, ఇంతవరకు ఒక్క రూపాయి ఇవ్వలేదన్నారు. 12 లక్షల మంది కౌలు రైతులు ఉంటే ఒక్కరు కూడా రుణాలకు నోచుకోలేదన్నారు. రాష్ట్రంలో కరువు విలయతాండవం చేస్తుంటే కరువు మండలాలను ప్రకటించలేదని, ఒక్క అనంతపురం జిల్లాలోనే 70 మంది రైతులు ఆత్మహత్యలు చేసుకున్నారంటే రైతాంగ పరిస్థితులు ఏవిధంగా ఉన్నాయో అర్థం చేసుకోవచ్చన్నారు. 1న రాష్ట్రవ్యాప్తంగా ధర్నాలు రైతుల రుణాలు మాఫీ చేయాలని కోరుతూ డిసెంబర్ 1వ తేదీ రాష్ట్రవ్యాప్తంగా అన్ని కలెక్టరేట్లు, మండల కేంద్రాల్లో ధర్నాలు నిర్వహించాలని నిర్ణయించినట్లు వంగల సుబ్బారావు వెల్లడించారు. పెద్ద సంఖ్యలో రైతులు, కౌలు రైతులు పాల్గొనాలని ఆయన పిలుపునిచ్చారు. రైతు సంఘ జిల్లా ప్రధాన కార్యదర్శి దుగ్గినేని గోపీనాథ్ మాట్లాడుతూ శనగల కొనుగోళ్లు కేవలం వ్యవసాయశాఖ మంత్రి పుల్లారావు ప్రారంభోత్సవానికే పరిమితమైనాయని విమర్శించారు. పత్తి రైతుల పరిస్థితి కూడా దయనీయంగా మారిందన్నారు. వెంటనే పత్తి కొనుగోలు కేంద్రాలు ప్రారంభించి క్వింటా రూ.4050 కు కొనుగోలు చేయాలని డిమాండ్ చేశారు. -
20 శాతమంటే ఇదేనా బాబూ?
సాక్షి, హైదరాబాద్: తొలి సంతకం రుణ మాఫీపైనే అంటూ ఆర్భాటాలు పలి కిన తెలుగుదేశం సర్కారు దీనిపై ఆది నుంచీ పిల్లిమొగ్గలు వేస్తూనే ఉంది. ఎందుకంటే ఆంధ్రప్రదేశ్లో డ్వాక్రా మహిళల 14వేల కోట్లు మినహాయించగా రైతాంగం తీసుకున్న వ్యవసాయ రుణాల విలువే 87వేల కోట్లు. ఇది రాష్ట్రస్థాయి బ్యాంకర్ల సమితి (ఎస్ఎల్బీసీ) అధికారికంగా తేల్చిన లెక్క. దీనిలో ఇప్పటిదాకా పైసా కూడా బ్యాంకులకు చెల్లించకుండా వచ్చిన చంద్రబాబు నాయుడి ప్రభుత్వం... రైతు సాధికార సంస్థను ఏర్పాటు చేస్తున్నామంటూ... దానికి తొలివిడతగా కేటాయించింది రూ.5వేల కోట్లు. దీంతోనే 20 శాతం రుణా లు మాఫీ చేస్తామని చెబుతోంది సర్కారు. 87 వేల కోట్లలో 20 శాతమంటే 17,400 కోట్లు కాదా! మరి 5వేల కోట్లు కేటాయించి 20 శాతం రుణాల్ని మాఫీ చేస్తున్నామంటే ఏమనుకోవాలి? పెపైచ్చు ఏడాదిలో రుణాలు తిరిగి చెల్లించలేదు కనక ఆ 87 వేల కోట్లపై 14 శాతం అపరాధ వడ్డీ చెల్లించాలి. అది రూ.12,180 కోట్లు. ఏడాదిన్నర దాటింది కనక అపరాధ వడ్డీ మరో 6,090 కోట్లూ జతపడుతోంది. అంటే ఇప్పటిదాకా చెల్లించాల్సిన వడ్డీయే కేవలం రూ.18,270 కోట్లవుతోంది. దీనికి అసలు మొత్తంలో 20 శాతం కలిపితే రూ.35,670 కోట్లు. కానీ చంద్రబాబు రూ.5వేల కోట్లు కేటాయించి 20 శాతం రుణాలు మాఫీ చేసేస్తున్నామని, మిగిలిన రుణాల్ని తరవాత మాఫీ చేస్తామని చెబుతున్నారు. ఈ మాటలు రైతులెలా నమ్ముతారు? ఇంతకంటే నమ్మకద్రోహం ఉంటుందా? రానురాను ఈ వడ్డీ పెరిగి రైతులకు పెనుభారం కాదా? ఇవన్నీ తీర్చకుండా కొత్త రుణాలు ఇవ్వబోమని బ్యాంకులు తేల్చి చెబుతున్న నేపథ్యంలో రైతుల పరిస్థితేంటి? -
రుణమాఫీపై ఏపీ ప్రభుత్వం గోల్మాల్
* శాసనసభలో సీఎం కేసీఆర్ విమర్శ * అక్కడ రూపాయి కూడా ఇవ్వలేదు * తెలంగాణ రాష్ట్రంలో ఇప్పటికే పంట రుణాలను మాఫీ చేశాం * రైతులకు రూ. 8 వేల కోట్ల కొత్త రుణాలు కూడా అందాయి * కొన్నిచోట్ల బ్యాంకులు ఇబ్బందులు సృష్టిస్తున్నాయని వ్యాఖ్య * ప్రభుత్వ తీరును నిరసిస్తూ కాంగ్రెస్ వాకౌట్ సాక్షి, హైదరాబాద్: ఏపీ ప్రభుత్వం ఇప్పటివరకూ కూడా డ్వాక్రా, రైతుల రుణాలు మాఫీ చేయకపోగా.. గోల్మాల్ వ్యవహారాలు చేస్తోందని ముఖ్యమంత్రి చంద్రశేఖర్రావు విమర్శించారు. సోమవారం ఆయన అసెంబ్లీలో ప్రశ్నోత్తరాల సమయంలో.. పలుమార్లు కలుగజేసుకుని మాట్లాడారు. ఏపీలో మహిళలకు డ్వాక్రా రుణాలు కూడా మాఫీ చేశారని, తెలంగాణలో కూడా చేయాలని టీడీపీ సభ్యుడు ఎర్రబెల్లి దయాకర్రావు కోరగా.. ఏపీ ప్రభుత్వ వ్యవహారాన్ని ఎండగట్టారు. ఈ సందర్భంగా ముఖ్య మంత్రి కేసీఆర్ మాట్లాడుతూ... పంట రుణాలకు సంబంధించి రూ. 17 వేల కోట్లు ఇవ్వడం చారిత్రాత్మక మని పేర్కొన్నారు. ఎన్నికల మేనిఫెస్టోలో తాము దీర్ఘకాలిక రుణాలు మాఫీ చేస్తామని చెప్పలేదని, మేనిఫెస్టో ఇంగ్లిష్లో స్పష్టంగా పంట రుణాలని ఉందని.. తెలుగులో ప్రచురితమైన మేనిఫెస్టోలో పొరపాటు జరిగిందని చెప్పారు. ఈ విషయంపై టీడీపీ సభ్యులు జోక్యం చేసుకోవడంపై ఆగ్రహించిన సీఎం కేసీఆర్... ‘ఇష్టమొచ్చినప్పుడు రన్నింగ్ కామెంటరీ లాగా మాట్లాడితే మా వాళ్లు కూడా అలాగే చేస్తారు. సంయమనం ఉండాలండీ.. కూర్చోండి..’ అని సూచించారు. దీంతో అధికార సభ్యులు, టీడీపీ సభ్యులు కొద్దిసేపు గందరగోళం సృష్టించారు. రూ. 8 వేల కోట్ల కొత్త రుణాలిచ్చాం.. అధికార, టీడీపీ సభ్యుల గందరగోళం మధ్య వ్యవసాయ మంత్రి పోచారం శ్రీనివాస్రెడ్డి మాట్లాడారు. 36,31,908 మంది రైతులకు సంబంధించిన రూ. 17 వేల కోట్ల రుణాలను మాఫీ చేశామని, అందులో తొలివిడతగా ప్రభుత్వం 25 శాతం చెల్లించిందని తెలిపారు. ఈ మొత్తానికి మరో 30 శాతం అదనంగా కలిపి రైతులకు కొత్త రుణాలివ్వాలని బ్యాంకర్లను కోరామన్నారు. ఇప్పటివరకు 19,60,721 మంది రైతులకు రూ. 8,123 కోట్ల కొత్త రుణాలు అందాయని చెప్పారు. బంగారం తాకట్టు పెట్టినవారు 3.63 లక్షల వరకూ ఉన్నారని, వారి రుణాలు రూ. 1,500 కోట్ల వరకూ ఉన్నాయని తెలిపారు. అయితే ఏడు శాతం వడ్డీతో ఇచ్చిన రుణాలను మాత్రమే పంట రుణాలుగా పరిగణిస్తామని, 14 శాతం వడ్డీతో ఇచ్చిన బంగారం రుణాలకు రుణమాఫీ వర్తించదని మంత్రి స్పష్టం చేశారు. ఈ నెలాఖరు నాటికి అర్హులైన రైతులకు పూర్తిస్థాయిలో రుణాలు అందేట్లు చేస్తామన్నారు. కౌలు రైతుల సంగతేమిటి?: ఎర్రబెల్లి అనంతరం టీడీపీ సభ్యుడు ఎర్రబెల్లి దయాకర్రావు మాట్లాడుతూ... కౌలు రైతులకు రుణమాఫీ వర్తిస్తుందా? అని ప్రశ్నించారు. రైతులకు ఏ షరతూ లేకుండా రూ. లక్ష వరకు రుణమాఫీ చేస్తామన్నారని, కానీ దీర్ఘకాలిక రుణాలను పక్కన పెట్టేశారని ఆయన పేర్కొన్నారు. దీనిపై మంత్రి హరీశ్రావు జోక్యం చేసుకుంటూ.. ఎన్నికల మేనిఫెస్టోను తూచా తప్పకుండా అమలుచేస్తున్నామని చెప్పారు. దీంతో ఎర్రబెల్లి టీఆర్ఎస్ ఎన్నికల మేనిఫెస్టోను చూపుతూ రైతులకు రూ. లక్ష రుణమాఫీ అని ప్రకటించారని, ఇప్పుడు అందులోంచి దీర్ఘకాలిక రుణాలను ఎందుకు మినహాయించారని ప్రశ్నించారు. దీనిపై మంత్రి పోచారం మాట్లాడుతూ... బంగారం రుణాలను మాఫీ చేశామని, వడ్డీ లేని రుణాలను కూడా కొనసాగిస్తామని చెప్పారు. పావలా వడ్డీని కూడా కొనసాగిస్తున్నామన్నారు. గిరిజనేతరులకు, కౌలు రైతులకు కూడా రుణమాఫీ కల్పిస్తామని తెలిపారు. అయితే.. ఈ సందర్భంగా రుణమాఫీపై ప్రభుత్వ తీరును నిరసిస్తూ కాంగ్రెస్ సభ్యులు సభ నుంచి వాకౌట్ చేశారు. -
ఎగ్గొట్టేందుకేనా ఈ ఎత్తుగడలు?
వరమనుకున్న రుణమాఫీ అన్నదాతల్లో అనేకులను వెన్నాడే శాపంగా మారింది. ఎన్నికల హామీకి కట్టుబడి ఉన్నట్టు చంద్రబాబు తొలి సంతకం పెట్టిన క్షణం నుంచే వారు ఆశనిరాశల నడుమ ‘ఫుట్బాల్’లా మారిపోయారు. రుణభారం ఎంత మేరకు విరగడవుతుందో తెలియని సందిగ్ధం, ఎవరికి మాఫీ అవుతుందో తెలియని అస్పష్టత, సర్కారు ఏ రోజు ఏ కొత్త మెలిక వేసి ఎందరిని అనర్హులను చేస్తుందో తెలియని అయోమయం.. ఇలాంటి దశలన్నీ దాటి.. ఎంతో కొంత లబ్ధి దక్కనుందన్న తరుణంలోనూ.. ఎందరో అన్నదాతలు అడకత్తెరలో పోకచెక్కల్లా నలిగిపోతున్నారు. అమలాపురం :రుణమాఫీ అమలులో దారుణమైన జాప్యం జరిగినా, ఓరిమితో ఎదురు చూసినా పలువురు రైతులకు చివరి క్షణంలోనూ మానసికంగా చిత్రహింస తప్పడం లేదు. నిరాశానిస్పృహల మధ్య కొట్టుమిట్టాడక తప్పడంలేదు. గత రెండురోజులుగా ప్రభుత్వం నుంచి వచ్చిన ఆధార్ అనుసంధాన జాబితాలో కొంతమంది రైతులను తిరస్కరణ జాబితాలో ఉంచారు. ఇటువంటి వారి ఆధార్ వివరాలను సవరిస్తామంటూ, అందుకు కేవడం సోమవారం సాయంత్ర వరకే గడువు పెట్టడం రైతులను విపరీతమైన ఒత్తిడికి లోను చేస్తోంది. రుణమాఫీ రైతుల ఆధార్ స్టేటస్ రిపోర్టులు ప్రభుత్వం నుంచి సహకార, వాణిజ్య బ్యాంకులకు చేరాయి. కొంతమంది రైతుల ఆధార్ నంబర్లు అనుసంధానం కాలేదని వీటిలో ఉంది. అలాంటి వారిలో ఆధార్ నంబర్లు ఇచ్చే అవకాశం లేనివారే కాదు.. పక్కాగా ఆధార్ నంబరు ఇచ్చినవారు, ఆధార్ కార్డు జిరాక్సులు అందజేసినవారి పేర్లు కూడా. జిల్లా వ్యాప్తంగా ప్రతి సహకార సంఘం, వాణిజ్య బ్యాంకుల పరిధిలో కనీసం 20 నుంచి 40 మంది వరకు రైతుల ఆధార్ నంబర్లు అనుసంధానం కానట్టు రిపోర్టులు వచ్చాయి. ఇది అలా కాని రైతులను కలవరానికి గురిచేస్తోంది. వచ్చిన జాబితాలో అనుసంధానమైన వారిపేర్లు, కానివారిపేర్లు ఉండగా కొందరి పేర్లు అసలే కనిపించడం లేదు. డేటా ఎంట్రీ చేసినట్టు వీరి వద్ద కాపీ ఉన్నా... మాఫీ జాబితాలో పేర్లు గల్లంతవడం హతాశులను చేస్తోంది. దీనిపై సహకార సంఘాలు, వాణిజ్య బ్యాంకుల మేనేజర్లు తమ పై అధికారులను సంప్రదిస్తున్నా సరైన సమాచారం రావడంలేదు. అయితే మరోసారి ఆధార్ నంబర్లు తీసుకుంటామని హామీ ఇచ్చిన ప్రభుత్వం.. సోమవారం సాయంత్రంలోపు జన్మభూమి గ్రామ కమిటీలకు వివరాలు అందజేయాలని సూచించింది. తొలుత రైతు ఆధార్ కార్డు జిరాక్సు లేదా నంబరు మాత్రమే సేకరించిన ప్రభుత్వం ఇప్పుడు మొత్తం రైతు కుటుంబ వివరాలను ఇవ్వాలంటూ ఒక ఫారాన్ని విడుదల చేసింది. దీనిలో రైతుతోబాటు కుటుంబ సభ్యుల పేర్లు, ఇలు, ఆధార్, రేషన్ కార్డు, ఆఖరికి ఓటర్ ఐడెంటిటీ కార్డు నంబరు కూడా నమోదు చేయాలని నిర్దేశించింది. ‘ఇవన్నీ ఎందుకు ‘బాబూ!’ అని రైతులు ప్రశ్నిస్తే జవాబిచ్చే వారే లేకుండా పోయారు. సమాచారమే లేదంటున్న జన్మభూమి కమిటీలు కాగా తమ పేర్లు ఆధార్కు అనుసంధానం కాకపోవడంతో మాఫీ వర్తించే అవకాశం లేదని, వెంటనే ఆధార్ నంబరు, జిరాక్సు తీసిన కార్డులను జన్మభూమి గ్రామ కమిటీలకు అందజేయాలని సహకార సంఘాలు, బ్యాంకుల నుంచి సమాచారం అందుకున్న రైతులకు గుండెల్లో రాయి పడ్డట్టయింది. వారు నానా హైరానా పడుతూ జన్మభూమి గ్రామ కమిటీలను ఆరా తీస్తున్నారు. అయితే రైతుల నుంచి ఆధార్ నంబరు, కార్డులు తీసుకోవాలని తమకేమీ సమాచారం రాలేదనడంతో అన్నదాతలు అయోమయంలో విలవిలలాడుతున్నారు. సోమవారం సాయంత్రం వరకు గడువుపెట్టి ఇప్పటికీ జన్మభూమి గ్రామ కమిటీలకు సమాచారం ఇవ్వకపోవడం ఏమిటని గగ్గోలు పెడుతున్నారు. ఆదివారం సెలవు కావడంతో ఒక్కరోజులో వీటిని ఎలా అందించగలమని ప్రశ్నిస్తున్నారు. కాగా కొన్ని బ్యాంకుల నుంచి రైతులకు ఇప్పటికీ ఆధార్ అనుసంధానం కాలేదన్న సమాచారం అందలేదు. దీనితో వీరంతా అనర్హుల జాబితాలోకి వెళ్లే ప్రమాదం ఏర్పడింది. ఏ వంక దొరుకుతుందా.. లబ్ధిదారుల సంఖ్యకు కత్తెర వేద్దామా అన్న దురుద్దేశంతోనే ప్రభుత్వం ఇలాంటి కుటిల పన్నాగాలు పన్నుతోందని రైతులు దుమ్మెత్తిపోస్తున్నారు. ప్రభుత్వం ఇప్పటికైనా నిజాయితీతో వ్యవహరించాలని, సవరణ జాబితా తీసుకోడానికి గడువు పెంచాలని కోరుతున్నారు. అన్నీ ఇచ్చినా అనుసంధానం కాలేదట.. నేను కౌలుకు, సొంతంగా మూడెకరాలు సాగు చేస్తున్నాను. గత ఏడాది దేవగుప్తం సహకార సంఘంలో రూ.30 వేలు అప్పు చేశాను. ఆధార్ కార్డు, రేషన్కార్డు, ఓటరు ఐడీ, పట్టాదారుపాస్ పుస్తకం జిరాక్సులు ఇచ్చాను. డేటా ఎంట్రీ చేసి ఇచ్చిన స్లిప్లో ఆధార్ నంబరు సరిగానే నమోదైందని ఉంది. తీరా జాబితాలో నా ఆధార్ అనుసంధానం కాలేదని వచ్చింది. - చిత్తూరు నాగేశ్వరరావు, రైతు, దేవగుప్తం, అల్లవరం మండలం ఎవరిని అడిగినా జవాబు లేదు.. నేను మూడెకరాలు సాగు చేస్తున్నాను. సొసైటీలో రూ.75 వేలు అప్పు చేశాను. రుణ మాఫీ కోసం ప్రభుత్వం అడిగిన అన్ని వివరాలూ అందజేశాను. తీరా జాబితాలో మొత్తం నాపేరే లేపేశారు. దీనిపై ఎవరిని అడిగినా సమాధానం రావడంలేదు. - బీమాల దుర్గారావు, రైతు, డి.రావులపాలెం, అల్లవరం మండలం -
‘మాఫీ’ కూడా వ్యవసాయంలోనే!
* రైతుల రుణ మాఫీ సొమ్మునూ వ్యవసాయ కేటాయింపుల్లో చూపిన సర్కారు * వ్యవసాయ, అనుబంధ రంగాలకు ఇచ్చింది రూ. 7,531.44 కోట్లు * ప్రణాళికకు రూ. 2,661.66 కోట్లు.. ప్రణాళికేతర రూ. 4,869.78 కోట్లు * ప్రణాళికేతర బడ్జెట్లో రూ. 4,250 కోట్లు రుణమాఫీకే సాక్షి, హైదరాబాద్: ప్రభుత్వం వ్యవసాయం, దాని అనుబంధ రంగాలకు బడ్జెట్లో రూ. 7,531.44 కోట్లు కేటాయించింది. భారీగా కేటాయింపులను చూపినా.. రైతుల రుణ మాఫీ పథకం కింద తొలి విడతగా బ్యాంకులకు చెల్లించిన రూ. 4,250 కోట్లను కూడా ఇందులోనే చేర్చింది. పాలిహౌస్లకు, ధరల స్థిరీకరణకు కొంత మెరుగ్గా నిధులను కేటాయించింది. వ్యవసాయం, అనుబంధ రంగాలకు ఇచ్చిన బడ్జెట్లో ప్రణాళిక కింద రూ. 2,661.66 కోట్లను, ప్రణాళికేతర కింద రూ. 4,869.78 కోట్లను ఇచ్చారు. కానీ ప్రణాళికేతర బడ్జెట్లోనే రుణ మాఫీకి చెల్లించిన రూ. 4,250 కోట్లను చూపారు. ఇక ప్రణాళిక కింద వ్యవసాయానికి రూ. 1,828.87 కోట్లు, ఉద్యానవన విభాగానికి రూ. 502.75 కోట్లు, పశు సంవర్థక శాఖకు రూ. 203.36 కోట్లు, మత్స్యశాఖకు రూ. 64.96 కోట్లు, సహకారశాఖకు రూ. 61.70 కోట్లు కేటాయించారు. వ్యవసాయ ఉత్పత్తుల ధరల స్థిరీకరణ (మార్కెట్ ఇంటర్వెన్షన్ ఫండ్) కోసం రూ. 400 కోట్లు కేటాయించారు. ఆ సొమ్మును కనీస మద్దతు ధర లభించని పక్షంలో రైతులను ఆదుకునేందుకు వినియోగిస్తారు. అలాగే 2011-12 నుంచి 2013-14 వరకు బ్యాంకుల్లో పేరుకుపోయిన రుణ వడ్డీ బకాయిల చెల్లింపునకు కూడా వినియోగిస్తారు. వెయ్యి ఎకరాల్లో పాలిహౌస్ (గ్రీన్హౌస్)ల్లో కూరగాయల సాగు కోసం రూ. 250 కోట్ల ను సబ్సిడీగా కేటాయించారు. వ్యవసాయ యాంత్రీకరణకు రూ. 100 కోట్లు ఇచ్చారు. క్రాప్ కాలనీలు, భూసార, నీటి పరీక్షలకు రూ. 20 కోట్లు ప్రతిపాదించారు. కొత్తగా క్రాప్ కాలనీలను ఏర్పాటు చేయడం ద్వారా నిర్దేశిత పంటల ఉత్పత్తిని పెంచాలనేది ఉద్దే శం. కాగా ఈ ఏడాది 4.5 లక్షల భూసార కార్డులను అందజేయాలని లక్ష్యంగా నిర్దేశించుకున్నారు. రాష్ట్రా న్ని విత్తన భాండాగారంగా తయారుచేయాలన్న లక్ష్యా న్ని బడ్జెట్లో స్పష్టీకరించారు. పాల ఉత్పత్తికి ప్రోత్సాహకం కింద రూ. 16.30 కోట్లు కేటాయించారు. కోళ్ల పరిశ్రమకు వ్యవసాయ హోదా కల్పించారు. ముఖ్యమైన కేటాయింపులు (రూ.కోట్లలో) • సీడ్ బ్యాంక్ స్కీమ్ కోసం రూ. 11.90 • పంటల బీమా పథకం రూ. 139.77 • వ్యవసాయశాఖకు భవనాలు రూ. 5.19 • ఇతర రైతులకు ఇన్ఫుట్ సబ్సిడీ రూ. 6.88 • వడ్డీ లేని రుణాలు, పంటల బీమా రూ. 200 • రైతులకు విత్తనాల సరఫరా రూ. 63.61 • సీడ్ చైన్ బలోపేతానికి రూ. 50 • రైతు క్షేత్రస్థాయి పాఠశాల, ఎక్స్పోజర్ విజిట్స్ రూ. 10 • జాతీయ ఆహార భద్రతా మిషన్ రూ. 80.22 • విస్తరణ, టెక్నాలజీ జాతీయ మిషన్ రూ. 56.27 • సుస్థిర వ్యవసాయ జాతీయ మిషన్ రూ. 278.56 • ఆయిల్సీడ్, ఆయిల్ పాం మిషన్ రూ. 70.34 • రాష్ట్రీయ కృషి వికాస్ యోజన రూ. 280.14 • మైక్రో ఇరిగేషన్ రూ. 200 • కోళ్ల పరిశ్రమకు విద్యుత్ సబ్సిడీ రూ. 20 • సహకార సంఘాలకు రూ. 4.04 • ‘వైద్యనాథన్’ సిఫారసుల అమలుకు రూ. 49.77 -
రైతులను చంద్రబాబు నట్టేట ముంచారు: మిథున్ రెడ్డి
తిరుపతి: ఆంధ్రప్రదేశ్ ముఖ్యమంత్రి చంద్రబాబునాయుడిపై వైఎస్ఆర్ కాంగ్రెస్ పార్టీ ఎంపీ పెద్దిరెడ్డి మిథున్ రెడ్డి మండిపడ్డారు. భూటకపు హామీలతో రైతులను చంద్రబాబు నట్టేట ముంచారని మిథున్ రెడ్డి ఆగ్రహం వ్యక్తం చేశారు. రుణాలు మాఫీ కాకపోవడంతో రైతులు పడరాని పాట్లు పడుతున్నారని ఆయన తెలిపారు. రుణాలు మాఫీ కాకపోవడంతో ఇప్పటికే చాలా మంది రైతులు డీఫాల్టర్స్ అయ్యారని మీడియాతో మిథున్ రెడ్డి అన్నారు. -
హామీలు మాఫీ చేస్తున్నావా బాబూ?
విజయసాయిరెడ్డి, ఉమ్మారెడ్డి ఎద్దేవా తిరుపతి: ‘‘ఎన్నికల్లో చేసిన వాగ్దానాలను అమలు చేయాల్సిన సీఎం చంద్రబా బు.. ఆ హామీలను మాఫీ చేస్తున్నారు. ఒక్క సంతకంతో రూ.87 వేల కోట్ల పంట రుణాలను మాఫీ చేసి రైతులకు ఉపశమనం కల్పిస్తానని హామీ ఇచ్చిన చంద్రబాబు.. ఇప్పుడు రైతు సాధికార సంస్థ ద్వారా ఐదు విడతల్లో రుణ విముక్తి కల్పిస్తామంటున్నారు. రూ. 15 వేల కోట్ల డ్వాక్రా రుణాలను మాఫీ చేస్తానని ఆడపడుచుల ఓట్లను దండుకున్న చంద్రబాబు.. ఇప్పుడు ఒక్కో సంఘానికి ఐదు విడతల్లో రూ.లక్షను మూలధనంగా ఇస్తామంటున్నారు. ఇచ్చిన మాటపై నిలబడకపోవడం చంద్రబాబు నైజం.. ఐదు నెలల్లోనే ప్రభుత్వంపై ప్రజల్లో వ్యతిరేకత వెల్లువెత్తుతోందంటే చంద్రబాబు పనితీరు ఎలా ఉందో అర్థంచేసుకోవచ్చు. వాస్తవాలిలా ఉండ గా టీడీపీకి తాబేదారులుగా మారిన కొన్ని మీడి యా సంస్థలు చంద్రబాబు హామీలన్నీ అమలుచేస్తున్నట్లు కథనాలను ప్రచురించడం విడ్డూరం. ప్రభుత్వ ప్రజావ్యతిరేక విధానాలకు నిరసనగా నవంబర్ 5న మండల కేంద్రాల్లో ధర్నాలు నిర్వహిస్తాం.. బాబు తీరును ఎండగడతాం’’ అని వైఎస్సార్సీపీ రాష్ట్ర ప్రధాన కార్యదర్శులు విజయసాయిరెడ్డి, ఉమ్మారెడ్డి వెంకటేశ్వర్లు ధ్వజమెత్తారు. వైఎస్సార్సీపీ చిత్తూరు జిల్లా అధ్యక్షుడు, ఎమ్మెల్యే నారాయణస్వామి అధ్యక్షతన బుధవారం తిరుపతిలో పీఎల్ఆర్ కన్వెన్షన్ హాల్లో నిర్వహించిన కార్యకర్తల విస్తృత స్థాయి సమావేశంలోనూ, ఆ తర్వాత విలేకరులో సమావేశంలోనూ వారిద్దరూ మాట్లాడారు. ‘‘రాష్ట్రంలో 43 లక్షల వృద్ధాప్య, వికలాంగ, వితంతు పింఛన్లలో కోత వేస్తున్నారు. తెల్లకార్డుల లబ్ధిదారుల పొట్టకొట్టేందుకు కుట్ర లు చేస్తున్నారు. ఇంటికో ఉద్యోగం ఇస్తా.. లేదంటే నిరుద్యోగులకు నెలకు రూ.రెండు వేల చొప్పున భృతి ఇస్తానంటూ ఇచ్చిన హామీలు మరిచారు. కానీ ఇవేవీ ఎల్లో మీడియాకు కనిపించవేం? చంద్రబాబు తొమ్మిదేళ్లు సీఎంగా ఉన్నప్పుడు అక్రమంగా సంపాదించిన సొమ్మును బినామీలతో పెట్టుబడి పెట్టించి సింగపూర్లో హోటల్ కట్టారు. ఆ హోటల్ విలువ ఇప్పు డు రూ.25 వేల కోట్లు ఉంటుంది. ఆ హోటల్ అమ్మి ఆ సొమ్మును రైతు సాధికార సంస్థలో డిపాజిట్ చేస్తే రుణ మాఫీ చేయొచ్చని మీడియా వారే చంద్రబాబుకు సలహా ఇవ్వండి. హామీలను అమలుచేయకపోవడం వల్ల టీడీపీ గ్రాఫ్ పడిపోతోంది. ఆచరణ సాధ్యమైన హామీ లు మాత్రమే ఇచ్చిన వైఎస్ జగన్మోహన్రెడ్డి గ్రాఫ్ పెరుగుతోంది. 2019లో వైఎస్ జగన్మోహన్రెడ్డి సీఎం కావడం తథ్యం. వైఎస్సార్సీపీని వీడి వెళ్లేవారు.. పోతూ పోతూ ఏదో ఒక రాయి వేయాలనే వేస్తున్నారు తప్ప జగన్మోహన్రెడ్డిని విమర్శించడం లేదు’’అని అన్నారు. వంచన అంటే చంద్రబాబే: ఉమ్మారెడ్డి వంచనలో చంద్రబాబును మించిన వారు లేరని వైఎస్సార్సీపీ రాష్ట్ర ప్రధాన కార్యదర్శి ఉమ్మారెడ్డి వెంకటేశ్వర్లు విమర్శించారు. -
అప్పుడిచ్చాం.. ఇప్పుడివ్వలేం
చంద్రబాబు సర్కారుకు తేల్చిచెప్పిన బీమా కార్పొరేషన్ ఖరీఫ్ ముగిశాక ఎలా కుదురుతుందని ప్రశ్న సెప్టెంబర్ 15 వరకు పొడిగించినా వినియోగించుకోలేదని విమర్శ ఒక్క ఉత్తరాంధ్రలోనే 4 లక్షల ఎకరాల్లో దెబ్బతిన్న పంటలు రైతులకు బీమా పరిహారం హుళక్కే సాక్షి, హైదరాబాద్/ విశాఖపట్నం: రుణ మాఫీపై రైతులను మభ్య పెడుతున్న చంద్రబాబునాయుడు ప్రభుత్వానికి పంటల బీమా విషయంలో చుక్కెదురరుు్యంది. రుణ మాఫీ చేస్తామని, రైతుల బీమాకు ఢోకా లేదంటూ పదేపదే చెబుతూ చంద్రబాబునాయుడు చేస్తున్నది ప్రచార ఆర్భాటమే తప్ప వాస్తవం కాదని తేలిపోయింది. చంద్రబాబు నిర్వాకంతో ఖరీఫ్ పంటలు దెబ్బతిన్న రైతులకు, ఉత్తరాంధ్ర జిల్లాల్లో తుపానుకు నష్టపోరుున రైతులకు బీమా లభించక కోలుకోలేని దెబ్బ తగులుతోంది. రైతుల పంటల బీమాకు ఏమీ ఢోకా లేదు, అక్టోబర్ నెలాఖరు వరకు పంటల బీమా గడువు పొడిగింప చేయడంతో పాటు కొత్త రుణాలు మంజూరు చేయిస్తామని నిన్నటివరకు సీఎం చంద్రబాబు మొదలుకుని ప్రభుత్వంలోని ఇతర పెద్దలు, టీడీపీ నేతలు ఊదరగొట్టారు. గత నెలాఖరున జరిగిన రాష్ట్ర స్థాయి బ్యాంకర్ల కమిటీ (ఎస్ఎల్బీసీ) సమావేశంలో ఖరీఫ్ పంటల బీమా గడువును అక్టోబర్ నెలాఖరు వరకు పొడిగించాలనే తీర్మానం చేశారు. ఈ తీర్మానాన్ని వ్యవసాయ పంటల బీమా కార్పొరేషన్కు పంపించారు. ప్రభుత్వం చెప్పిన అక్టోబర్ నెలాఖరు ముగియడానికి ఇక వారం రోజుల మాత్రమే గడువు ఉంది. ఇంతలోనే వ్యవసాయ బీమా కార్పొరేషన్ రాష్ట్ర ప్రభుత్వానికి సమాధానమిచ్చింది. బీమా కోసం గడువు పొడిగింపు సాధ్యం కాదంటూ లిఖిత పూర్వకంగా రాష్ట్ర ప్రభుత్వానికి, ఎస్ఎల్బీసీకి తెలియజేసింది. రాష్ర్ట ప్రభుత్వ కోరిక మేరకు ఇప్పటికే సెప్టెంబర్ 15వ తేదీ వరకు పంటల బీమా గడువును పొడిగించామని, అయినా సరే ఆ గడువును వినియోగించుకోలేకపోయూరని పేర్కొంది. ఖరీఫ్ సీజన్ ముగిసిన తర్వాత మరోసారి గడువు పొడిగింపు సాధ్యం కాదని ఆ లేఖలో తేల్చిచెప్పింది. ఖరీఫ్లో పంటల బీమా గడువు పొడిగింపు జరగకపోవడంతో.. రాష్ట్రవ్యాప్తంగా కరువుబారిన పడిన, ముఖ్యంగా ఉత్తరాంధ్ర జిల్లాల్లో హుదూద్ తుపాను కారణంగా లక్షల ఎకరాల్లో పంటలు కోల్పోయిన వారికి పరిహారం లభించే పరిస్థితి లేకుండా పోరుుంది. ఉత్తరాంధ్ర జిల్లాల్లో సుమారు ఐదు లక్షల మంది రైతులు బ్యాంకుల నుంచి రుణాలు తీసుకుంటారని ఎస్ఎల్బీసీ అంచనా వేసింది. ప్రభుత్వం రుణ మాఫీ చేస్తుందనే నమ్మకంతో రైతులు పాత రుణాలను తిరిగి చెల్లించలేదు. ప్రభుత్వం రుణ మాఫీ చేయకపోవడంతో రైతులకు బ్యాంకులు కొత్త రుణాలను మంజూరు చేయలేదు. దీంతో పంటల బీమా ప్రీమియంను కూడా రైతులు కట్టలేదు. నేరుగా రుణమాఫీ చేయకుండా నానా రకాలుగా నాన్చుతున్న ప్రభుత్వం పంటల బీమా గడువును పొడిగింపజేస్తామని తద్వారా రైతులకు నష్టపరిహారం వచ్చేలా చూస్తామనే ప్రచారానికి దిగింది. తాజాగా బీమా కార్పొరేషన్ గడువు పొడిగింపు సాధ్యం కాదని చెప్పడంతో.. ఖరీఫ్ పంటలు దెబ్బతిన్న రైతులకు, ఉత్తరాంధ్ర జిల్లాల్లో తుపానుకు నష్టపోరుున రైతులకు బీమా లభించని పరిస్థితి తలెత్తింది. ఒక్క ఎకరాకూ బీమా దక్కని పరిస్థితి హుదూద్ తుపాను ఉత్తరాంధ్రలో వ్యవసాయ రంగాన్ని కుదిపేసింది. విశాఖ, విజయనగరం, శ్రీకాకుళం జిల్లాల్లో 1,68,487 హెక్టార్లలో (4 లక్షలకు పైగా ఎకరాలు) కోట్లాది రూపాయల విలువైన పంటలు దెబ్బతిన్నాయి. 1,14,793 హెక్టార్లలో వరి, 34,152 హెక్టార్లలో చెరకు పంటలకు నష్టం వాటిల్లింది. రైతులు సాధారణంగా ఏటా పంటలకు బీమా చేయిస్తుంటారు. ప్రకృతి వైపరీత్యాలు సంభవించినప్పుడు, కల్లాల్లో ఉన్న ధాన్యం రాశులకు ప్రమాదం వాటిల్లినప్పుడు, వర్షాభావ పరిస్థితుల్లో విత్తనం మొలకెత్తనప్పుడు, వడగండ్ల వానలు కురిసినప్పుడు జరిగే పంట నష్టానికి బీమా వర్తిస్తుంది. ఈ ఆశతోనే రైతులు ఏటా బీమా ప్రీమియం చెల్లిస్తున్నారు. ఉచిత విద్యుత్కు ఎసరు! ఆదాయంతో లింకు పెట్టే యోచనలో ఏపీ సర్కారు లక్షలాది రైతులపై పెనుభారం సాక్షి ప్రతినిధి, తిరుపతి: తొమ్మిది గంటల ఉచిత విద్యుత్ కోసం ఎదురుచూస్తున్న ఆంధ్రప్రదేశ్ రైతాంగానికి చంద్రబాబు సర్కార్ షాక్ ఇవ్వబోతోంది. వ్యవసాయ విద్యుత్కు ఆదాయ పరిమితి లింకు పెట్టబోతోంది. ఈ నేపథ్యంలోనే ప్రతి వ్యవసాయ కనెక్షన్ను బ్యాంకుల్లో, ఆధార్తో అనుసంధానం చేసే ప్రక్రియ కొనసాగిస్తున్నట్టు సమాచారం. విద్యుత్ పంపిణీ నష్టాలున్న చోట్ల ఆధార్ అనుసంధానం ప్రక్రియ ఇప్పటికే పూర్తయింది. వీలైనంత త్వరగా మిగతా అన్ని ప్రాంతాల్లో దీన్ని పూర్తి చేసేందుకు ఏర్పాట్లు జరుగుతున్నారుు. ఫీడర్ స్థాయిలో సిబ్బందికి ఇప్పటికే ఆదేశాలు వెళ్ళాయి. ఇదే జరిగితే రాష్ట్రంలోని 13.5 లక్షల ఉచిత వ్యవసాయ విద్యుత్ లబ్దిదారుల్లో అనేక లక్షల మంది ఈ పథకానికి దూరమవుతారు. వీరంతా వాడిన ప్రతి యూనిట్కు మార్కెట్ రేటు ప్రకారం డబ్బులు చెల్లించాల్సి ఉంటుంది. రాష్ట్రంలో నిరంతర విద్యుత్ సరఫరాకు సంబంధించిన ఒప్పందాల రోజే.. ఈ దిశగా ఆలోచన మొదలైంది. కేంద్ర మంత్రి పీయూష్ గోయల్ సభా ముఖంగానే దీన్ని చూచాయగా ప్రస్తావించారు. ప్రతీ విద్యుత్ వినియోగదారుడికీ బ్యాంక్ ఖాతా ఉండేలా చూడాలని సలహా ఇచ్చారు. దీనిపై సీఎం చంద్రబాబు తక్షణమే స్పందించారు. ముందుగా వ్యవసాయ కనెక్షన్లపై విద్యుత్ శాఖ దృష్టి పెట్టింది. విద్యుత్ పంపిణీకి సంబంధించిన నష్టాలన్నిటినీ ప్రభుత్వం ఇప్పటివరకు వ్యవసాయ ఖాతాలోనే చూపిస్తూ వస్తోంది. కాబట్టి ఈ రంగానికి ఇచ్చే విద్యుత్ను తగ్గించాలనే నిర్ణయానికొచ్చారు. ఆధార్ను తప్పనిసరి చేసిన ప్రభుత్వం.. రైతుకు ఇచ్చే రాయితీని నేరుగా బ్యాంకు ఖాతాకే జమ చేయాలనేది తమ యోచనగా పైకి చెబుతోంది. ఉచిత విద్యుత్ లబ్దిదారులను వీలైనంతగా తగ్గించడమే సర్కారు అసలు లక్ష్యమని విద్యుత్ రంగ నిపుణులంటున్నారు. ఇందుకనుగుణంగానే ఈ నెలాఖరుకల్లా ఆధార్ అనుసంధాన ప్రక్రియ పూర్తి చేయాలని అధికారులకు అంతర్గత ఆదేశాలు వెళ్ళినట్టు విశ్వసనీయంగా తెలిసింది. -
రుణమాఫీ చేసి సన్మానం చేయించుకో
ఏపీ సీఎం చంద్రబాబుకు గడికోట డిమాండ్ హైదరాబాద్: రైతుల, డ్వాక్రా మహిళల రుణాలన్నింటినీ అణా పైసలతో సహా మాఫీ చే సి ప్రతిపక్ష పార్టీ అయిన వైఎస్సార్సీపీతో ఏపీ ముఖ్యమంత్రి చంద్రబాబు సన్మానం చేయించుకోవాలని ఆ పార్టీ శాసనసభాపక్షం కోఆర్డినేటర్ గడికోట శ్రీకాంత్రెడ్డి డిమాండ్ చేశారు. ఆయన మంగళవారం పార్టీ కేంద్ర కార్యాలయంలో విలేకరులతో మాట్లాడుతూ... టీడీపీ ఎన్నికల మేనిఫెస్టోలో ప్రకటించిన విధంగా కాకుండా రుణాల మాఫీ కోసం రైతు సాధికారత సంస్థను ఏర్పాటు చేయడంపట్ల తీవ్ర ఆగ్రహం వ్యక్తం చేశారు. ‘‘రైతుల రుణాలు మాఫీ అయిపోతున్నట్లు ఇప్పటికీ తప్పుడు ప్రచారం చేసుకుంటున్నారు. ప్రభుత్వం తరపున పత్రికా ప్రకటనలు కూడా ఇస్తూ ముఖ్యమంత్రి సన్మానాలు కూడా చేయించుకుంటున్నారు. ఇలా ప్రజలను మభ్య పెట్టే బదులు షరతులేమీ లేకుండా రుణాలన్నింటినీ మాఫీ చేసి మాతోనే చంద్రబాబు సన్మానం చేయించుకోవాలి’’ అని సూచించారు. డ్వాక్రా అక్క చెల్లెమ్మల రుణాలు మాఫీ చేస్తానని ప్రగల్భాలు పలికి ఇపుడు వారికి కార్పస్ ఫండ్ ఏర్పాటు చేస్తున్నట్లు కొత్త ఎత్తుగడ వేస్తున్నారని విమర్శించారు. నరకాసురుడితో యుద్ధం చేస్తూ శ్రీకృష్ణుడు మూర్ఛపోతే ఆయన సతీమణి సత్యభామ ఒక స్త్రీశక్తిగా లేచి నిలబడి ఆ రాక్షసుడిని వధించిందని, ఇక్కడ కూడా చంద్రబాబు చేతిలో మోసపోయిన డ్వాక్రా మహిళలు ఒక శక్తిగా లేచి గుణపాఠం చెప్పే రోజు వస్తుందన్నారు. -
పంట రుణాల్లో జాప్యం వద్దు
చంద్రశేఖర్కాలనీ: బ్యాంక్కు రుణమాఫీ పథకం మొదటి విడతగా విడుదల చేసిన నిధులను రైతుల అకౌంట్లకు జమ చేసి ఖరీఫ్ పంట రుణాలు వెంటనే మంజూరు చేయాలని జిల్లా కలెక్టర్ డి. రొనాల్డ్ రోస్ బ్యాంక్ మేనేజర్ను ఆదేశించారు. జిల్లా కేంద్రంలోని జవహార్రోడ్డు(పుసలగల్లి)లోని సెంట్రల్ బ్యాంక్ ఆఫ్ ఇండియాను శుక్రవారం ఆయన ఆకస్మికంగా సందర్శించారు. రైతులక పంట రుణాల మంజూరు, రుణ మాఫీ పథకం అమలుతీరును, బ్యాంక్ కార్యకలాపాలను ఆయన క్షుణ్ణంగా పరిశీలించారు. పంట రుణాలు మంజూరు విషయంలో ప్రభుత్వ సూచనలు, నిబంధనలు పాటించాల్సిన బాధ్యత బ్యాంకర్లపై ఎంతైన ఉందన్నారు. బోగస్ పట్టాదారు పాస్బుక్ల ద్వారా రుణాలు పొందే అవకాశం ఉంటుందని సూచించారు. దీనిపై తగిన జాగ్రత్తలు తీసుకోవాలన్నారు. 286 మంది రైతులకు రుణ మాఫీ పథకం కింద కొత్త పంట రుణాలు ఇస్తున్నామని బ్యాంక్ మేనేజర్ మిశ్రా వివరించారు. కార్యక్రమంలో వ్యవసాయ శాఖ జేడీ నర్సింహ, ఇన్చార్జి డీఆర్ఓ యాదిరెడ్డి, డిప్యూటీ ఎల్డీఎం రవీంద్రనాథ్ తదితరులు పాల్గొన్నారు. 24 గంటల్లో మంజూరు.. ప్రభుత్వం రైతులకు రుణ మాఫీతో పాటు ఖరీఫ్ పంట రుణాలను సెంట్రల్ బ్యాంక్ ఆఫ్ ఇండియా 24 గంటల్లోగా మంజూరు చేస్తానని మేనేజర్ హామీ ఇచ్చారని కలెక్టర్ రోనాల్డ్ రోస్ ఈ సందర్భంగా విలేకరులతో చెప్పారు. కొత్త రుణాలను ఇవ్వడం లేదనే ఫిర్యాదు రావడంతో బ్యాంక్ను సందర్శించానన్నారు. కొత్తగా 400 మందికి 24 గంటల్లో రుణాలు మంజూరు చేస్తామని బ్యాంకు అధికారులు చెప్పడం జరిగిందన్నారు. రైతులకు ఖరీఫ్ పంట రుణాలను వెంటనే మంజూరు చేయాలని ఇప్పటికే ఆదేశించడం జరిగిందని ఆయన ఈ సందర్బంగా పేర్కొన్నారు. -
రైతులు అయిదేళ్లు ఎదురు చూడాలి!
హైదరాబాద్: రుణమాఫీ పథకం రైతులను నిరాశపరిచేవిధంగా ఉంది. వారి రుణం మొత్తం మాఫీ కావాలంటే అయిదేళ్లు ఆగాలి. అప్పటి వరకు ప్రభుత్వం ఎంత రుణబకాయి చెల్లించిందో అంత మాత్రమే కొత్త రుణం ఇస్తారు. బకాయి పూర్తిగా చెల్లించని రైతులకు ఇబ్బందులు తప్పవు. ప్రతి ఏటా 20 శాతం నిధులు రైతుల ఖాతాలలో జమ చేసేలా ప్రభుత్వం ప్రణాళిక సిద్ధం చేస్తోంది. రైతులకు 20 శాతం కొత్త రుణం లభించేలా వెసులుబాటు కల్పించాలని ప్రభుత్వం ఆలోచన చేస్తోంది. రుణ మాఫీ కోసం ఏర్పాటు చేసిన రైతు సాధికార సంస్థ పేరుకు ఏపి ప్రభుత్వం ఆమోదం తెలిపింది. ఈ కార్పోరేషన్ రిజిస్ట్రేషన్ పూర్తి కావస్తుంది. ఈ నెల 10వ తేదీ నాటికి బ్యాంకుల నుంచి రైతుల ఖాతాల సమాచారం వంద శాతం రాబట్టాలని ప్రభుత్వం నిర్ణయించింది. ఈ నెల 17వ తేదీ లోపల లబ్దిదారుల ఎంపిక పూర్తి చేయాలని ఆర్థిక శాఖ నిర్ణయించింది. లబ్ది పొందవలసిన రైతు కుటుంబాలు మొత్తం 42 లక్షలు ఉన్నట్లు ప్రభుత్వం గుర్తించింది. ఈ నెల 22వ తేదీ నాటికి 20 శాతం నిధులు రైతుల ఖాతాలలో జమ చేయాలని ప్రభుత్వం నిర్ణయించింది. కేటాయించిన నిధుల మేరకు ఈ నెల 30 వరకు కొత్త రుణాలు మంజూరుకు ఆర్థిక శాఖ గడువు కోరింది. ** -
రుణమాఫీపై రగడ
చీపురుపల్లి: రుణమాఫీ పథకం అమలులో ప్రభుత్వం కాలయూపన చేస్తుండడంతో రైతులు ఆగ్రహించారు. ప్రభుత్వం తీరును ఎండగట్టారు. ఇంకెంత కాలం తమను మోసం చేస్తారని ఆందోళన వ్యక్తం చేశారు. అయితే టీడీపీ ప్రభుత్వాన్ని, ముఖ్యమంత్రి చంద్రబాబును రైతులు విమర్శించడాన్ని తట్టుకోలేని టీడీపీ నాయకులు రైతులతో వాగ్వాదానికి దిగారు. మండలంలోని పత్తికాయవలసలో సోమవారం జన్మభూమి కార్యక్రమం జరిగింది. ఈ సందర్భంగా జరిగిన సభలో రుణమాఫీ విషయమై ఆ గ్రామానికి చెందిన కాంగ్రెస్ నేత, సర్పంచ్ భర్త దన్నాన జనార్దన్తో పాటు మరికొంత మంది రైతులు అధికారులను నిలదీశారు. చంద్రబాబు రైతులను మోసం చేస్తున్నారని విమర్శించారు. దీన్ని తట్టుకోలేని టీడీపీ వర్గీయులు వారితో వాగ్వాదానికి దిగారు. ఇరువర్గాల మధ్య ప్రారంభమైన ఘర్షణ చివరకు కొట్లాటకు దారి తీసింది. ఎవరిని ఎవరు తోసుకుంటున్నారో ఎవరినెవరు కొడుతున్నారో అర్థం కాని పరిస్థితి నెలకొంది. ఉన్న ఒక్క పోలీసు కానిస్టేబుల్ ఇరువర్గాల మధ్య అలాగే ఉండిపోయూరు. ఇదంతా తహశీల్దార్, మండల ప్రత్యేకాధికారి సమక్షంలోనే జరిగింది. ముందుగా సర్పంచ్ భర్త దన్నాన జనార్దన్ మాట్లాడుతూ అధికారం లోకి రాగానే తొలి సంతకం రుణమాఫీపై పెడతానని రైతులను నమ్మించిన చంద్రబాబు సంతకం చేయలేదు సరికదా, రైతులను బ్యాంకులకు వెళ్లకుండా చేశారని, ఇప్పుడేమో కొత్తగా సాధికారత కమిటీ పేరుతో మరోసారి మోసం చేస్తున్నారని విమర్శించారు. కనీసం రైతులకు రీషెడ్యూల్ అవకాశం కూడా లేకుండా చేశారని తెలిపారు. ఆయనకు మరికొంత మంది రైతులు మద్దతు పలకడం తో అదే గ్రామానికి చెందిన టీడీపీ నాయకుడు దన్నాన రామచంద్రుడు మాట్లాడుతూ ఇదేమీ రాజకీయ సమావేశం కాదని, తమ నాయకుడ్ని విమర్శించరాదని చెప్పడంతో ఇరువర్గాలకు చెందిన వారు ఘర్షణకు దిగారు. ఘర్షణ కాస్త తోపులాట అక్కడి నుంచి స్వల్ప కొట్లాటకు దారి తీసింది. అయితే ఒకే ఒక కానిస్టేబుల్ ఉండడంతో ఏమీ చేయలేని దుస్థితి నెలకొంది. ఈ సమయంలో తహశీల్దార్ డి.పెంటయ్య మైక్లో ఇరువర్గాలను అదుపు చేసేందుకు చేసిన ప్రయత్నం ఫలించలేదు. చివరకు ఇరు వర్గాలు అలసి పోయిన వరకు తోసుకుని అక్కడితో విశ్రమించారు. కాగా ఇదే సమావేశంలో జెడ్పీటీసీ మీసాల వరహాలనాయుడు మాట్లాడుతున్న సమయంలో కాంగ్రెస్ నేత దన్నాన జనార్దన్ అడ్డు తగులుతూ 79 శాతం వికలాంగత్వం ఉన్న వారికి పింఛన్లు ఇస్తారా ఇవ్వరా అం టూ ప్రశ్నించారు. 80 శాతం వికలాంగత్వం ఉంటే తప్ప వికలాంగ పింఛను ఇవ్వరని జెడ్పీటీసీ స్పష్టం చేసారు. 79 శాతం విక లాంగత్వం కలిగిన వారిని ఈ ప్రభుత్వం గుర్తించదా అని జనార్దన్ ప్రశ్నించారు. ఇలా ఆయన ఓ వైపు ప్రశ్నలు వేస్తున్నప్పటికీ మరో వైపు సమావేశాన్ని ముగించడం కొసమెరుపు. ఎమ్మెల్యే కోళ్లను నిలదీసిన పింఛన్దారులు కొత్తవలస: కొత్తవలస పంచాయతీలో జరిగిన జన్మభూమి సభలో ఎమ్మెల్యే కోళ్ల లలితకుమారిని కొంతమంది పింఛన్దారులు నిలదీశారు. 70 ఏళ్ల వయస్సు ఉన్నా.. తమను ఎందుకు అనర్హులుగా గుర్తించారని ప్రశ్నించారు. ఐదేళ్లుగా పింఛన్లు అందుకుంటున్న తమకు ఎటువంటి ముందస్తు సమాచారం లేకుండా పింఛన్ తొలగించారని ఆవేదన వ్యక్తం చేశారు. పంచాయతీ పరిధిలో 170 మంది అర్హులకు పింఛన్లు తొలగించారని ఎంపీటీసీలు మేళాస్త్రి సరస్వతి, మేళాస్త్రి అప్పారావు తెలిపారు. దీనిపై ఎమ్మెల్యే స్పందిస్తూ వాస్తవంగా అర్హులను తప్పిస్తే వారికి పింఛన్లు వచ్చేలా కృషి చేస్తానని హామీ ఇచ్చారు. బాడంగిలో రసాభాస బాడంగి: మండల కేంద్రంలో సోమవారం జరిగిన జన్మభూమి కార్యక్రమం రసాభాసగా మారింది. సర్పంచ్, ఎంపీటీసీల మధ్య పంచాయతీ అభివృద్ధి పనుల విషయమై తీవ్ర వాగ్వాదం జరిగింది. గ్రామంలో అభివృద్ధి పనులు జరగకుండా వైఎస్సార్ సీపీ మెం బర్లు అడ్డుకుంటున్నారని సర్పంచ్ చెప్పగా.. ఎంపీటీసీల తరుఫున స్వామినాయుడు తాము చేసిన పనులు, ప్రతిపాదించిన పనుల గురించి సభలో చెబుతుండగా మాజీ ఎంపీటీసీ కుమారుడు చల్ల కృష్ణ అడ్డు తగిలారు. దీంతో అక్కడే ఉన్న వైఎస్సార్ సీపీ కార్యకర్తలు తమ నాయకుడు మాట్లాడుతుండగా అడ్డుతగలడమేమిటని వారితో వాగ్వాదానికి దిగారు. దీంతో సభలో కొద్దిసేపు గందరగోళం నెలకొంది. అలాగే ఎన్టీఆర్ శుద్ధజలం విషయంలో నిర్వాహకులు 20 లీటర్ల నీటిని క్యాన్తో రూ. 250 లకు అమ్ముతున్నారని, మా ర్కెట్లో రూ. 150 లకే దొరుకుతుందని ఎంపీటీసీ కుమారుడు రవిప్రకాష్ తహశీల్దార్ దృష్టికి తీసుకువచ్చారు. ఈ సమయంలో టీడీపీకి చెందిన గుణుపూరు శ్రీను జోక్యంతో చేసుకోవడంతో ఇరువర్గాల కార్యకర్తల మధ్య మళ్లీ వాగ్వాదం జరిగింది. చివరకు పోలీసులు ఇరువర్గాలను సముదారుుంచి, సభ సక్రమంగా జరిగేలా చూశారు. ఈ కార్యక్రమంలో మాజీ ఎమ్మెల్యే తెంటు లక్ష్ముం నాయుడు, ఎంపీడీఓ బాబూరావు, ప్రత్యేకాధికారి శ్రీనివాసరావు, తదితరులు పాల్గొన్నారు. -
మాఫీకి మంగళం!
పెదబయలు: రుణమాఫీ పథకం మన్యంలోని 11 మండలాల రైతులకు వర్తించకుండా పోయే ప్రమాదం తలెత్తింది. మండలానికి ఒకటి చొప్పున ప్రాథమిక వ్యవసాయ సహకార పరపతి సంఘాలు(పీఏసీఎస్) ఉన్నాయి. పాడేరు, పెదబయలు, హుకుంపేట, జి. మాడుగులు, ముంచంగిపుట్టు, అరకు, అనంతగిరి, గుంటసీమ, జీకేవీధి, చింతపల్లి, కొయ్యూరు పీఎసీఎస్లలో సుమారు 5500 మంది రైతులు సభ్యులుగా ఉన్నారు. రుణమాఫీ కోసం రెండు నెలలుగా రైతుల పట్టాదారు పాసుపుస్తకాల సర్వే నంబర్లతో కూడిన జాబితాను పీఏసీఎస్ల ద్వారా సేకరించి డీసీసీబీకి అందజేశారు. వీటిని వారం రోజుల క్రితం ప్రభుత్వానికి పంపించారు. అయితే రైతు పట్టాదారు పాసుపుస్తకం సర్వే నంబర్లు ఎర్రర్, డూప్లికేట్ అని చూపించి, ఆన్లైన్లో తీసుకోవడం లేదని అర్జీలు తిప్పి పంపారు. సరైన సర్వే నంబర్లుతో జాబితా సమర్చించాలని ప్రభుత్వం కోరినట్టు తెలిసింది. దీంతో మన్యంలో 5500 మంది గిరిజన రైతులకు రూ.6 కోట్లు రుణమాఫీ ప్రశ్నార్థకంగా మారింది. అయితే రెవెన్యూ అధికారులిచ్చిన పట్టాదారు పాసుపుస్తకాల సర్వే నంబర్లు ఆన్లైన్లో తీసుకోకపోవడం ఏమిటని రైతులు ప్రశ్నిస్తున్నారు. రుణమాఫీ వస్తోందని ఎంతో ఆశగా ఎదురు చూసిన రైతులు ఆందోళన చెందుతున్నారు. దీనిపై స్థానిక పీఏసీఎస్ కార్యదర్శి వై. రాంబాబును వివరణ కోరగా పెదబయలు సంఘం నుంచి 297 మంది రైతుల జాబితా రుణమాఫీకి సర్వే నంబర్లు పంపామన్నారు. సర్వే నంబర్లు తప్పుగానే ఆన్లైన్లో చూపడంతో వెనక్కి పంపారని, 11 మండలాల జాబితా తిరస్కరించారని తెలిపారు. ప్రభుత్వం రెవెన్యూ అధికారులు జారీ చేసిన పట్టాలను పరిశీలించి తమకు రుణమాఫీ అయ్యేలా చూడాలని గిరి రైతులు కోరుతున్నారు. -
'రైతుల చేతిలో బాండ్లు, చెవిలో పువ్వులు'
హైదరాబాద్: ఏపి ముఖ్యమంత్రి చంద్రబాబు నాయుడు ఒకసారి ఆత్మపరిశీలన చేసుకుంటే మంచిదని వైఎస్ఆర్ సిపి రాజకీయ వ్యవహారాల కమిటీ సభ్యుడు ఉమ్మారెడ్డి వెంకటేశ్వర్లు సలహా ఇచ్చారు. రుణ మాఫీ అంశం రైతుల చేతిలో బాండ్లు పెట్టి, వారి చెవిలో పూలు పెట్టినవిధంగా ఉందని విమర్శించారు. ప్రభుత్వం, బ్యాంకర్లు కలిసి ఉమ్మడిగా విలేకరుల సమావేశం ఎందుకు ఏర్పాటు చేయలేదని ఆయన ప్రశ్నించారు. రైతులను ఎందుకు అయోమయానికి గురి చేస్తున్నారని ప్రశ్నించారు. ఏపిలో గాంధీ ఆశయాలు, సిద్ధాంతాలకు విరుద్ధంగా పాలన కొనసాగుతోందన్నారు. గాంధీ జయంతి రోజున అసత్యాలు వల్లిస్తున్నారని విమర్శించారు. మద్య నిషేదం అన్న వ్యక్తి ఇప్పుడు డోర్ డెలివరీ ఇస్తున్నారన్నారు. మీరు ఇచ్చిన వాగ్దానాలు ఎప్పుడు అమలు చేస్తారో కేలండర్ విడుదల చేయాలని టిడిపి నేతలను డిమాండ్ చేశారు. కమిటీలు, చర్చల పేరుతో కాలయాపన వద్దన్నారు. జన్మభూమి కార్యక్రమాలలో ప్రజలు మిమ్మల్ని నిలదీస్తారని ఉమ్మారెడ్డి హెచ్చరించారు. ** -
రుణాల మాఫీకీ కార్పొరేషన్లు
* ఏపీ మంత్రివర్గం నిర్ణయం - సీఎం బాబు వెల్లడి * వ్యవసాయ అనుబంధ సంస్థల అనుసంధానం * 22న కార్పొరేషన్ ప్రారంభం.. 20 శాతం సర్కారు నిధులు * మిగిలిన మొత్తం రైతులకు బాండ్లుగా అందజేస్తాం * ఆ బాండ్లను జనవరి నుంచి నగదు చేసుకునే అవకాశం * డ్వాక్రా కార్పొరేషన్కు రూ. 7,600 కోట్లు కార్పస్ ఫండ్ * ఎన్టీఆర్కు భారతరత్న ఇవ్వాలని మంత్రివర్గ తీర్మానం * మాజీ ప్రధాని పీవీకి ఢిల్లీలో ఘాట్ నిర్మించాలని తీర్మానం సాక్షి, హైదరాబాద్: రైతుల రుణాల మాఫీ, ఇతర అంశాల పర్యవేక్షణకు రైతు సాధికారత కార్పొరేషన్ ఏర్పాటుకు ఆంధ్రప్రదేశ్ మంత్రిమండలి ఆమోదించింది. డ్వాక్రా సంఘాల విషయంలో కూడా ప్రత్యేక సాధికారత కార్పొరేషన్ ఏర్పాటు చేయాలని నిర్ణయించినట్టు ముఖ్యమంత్రి చంద్రబాబు వెల్లడించారు. డ్వాక్రా సంఘాలకు మూల ధనంగా సమకూర్చనున్న రూ.7,600 కోట్లను నాలుగేళ్లలో దశల వారీగా బ్యాంకులకు చెల్లిస్తామని చెప్పారు. రైతు సాధికారత కార్పొరేషన్ను ఈ నెల 22న దీపావళి రోజున ప్రారంభిస్తామన్నారు. ఈ నెల 6న అనంతపురం జిల్లాలో వ్యవసాయ మిషన్ను మాజీ రాష్ట్రపతి అబ్దుల్కలాం ప్రారంభిస్తారని తెలిపారు. సంతోషం, ఆరోగ్యం, సంతృప్తి, భద్రత, భరోసా ఐదు రెట్లు అనే నినాదంతో వృద్ధులకు అందచేస్తున్న పింఛన్ను రెండొందల నుంచి వెయ్యి రూపాయలకు పెంచి గురువారం ప్రారంభమయ్యే ‘జన్మభూమి - మావూరు’ కార్యక్రమంలో చెల్లించటం ప్రారంభిస్తామని చెప్పారు. బుధవారం ముఖ్యమంత్రి అధ్యక్షతన రాష్ట్ర మంత్రివర్గ సమావేశం లేక్వ్యూ అతిథిగృహంలో జరిగింది. సమావేశంలో తీసుకున్న నిర్ణయాలను తన నివాసంలో ఏర్పాటు చేసిన విలేకరుల సమావేశంలో చంద్రబాబు వెల్లడించారు. వివరలిలా ఉన్నాయి... హాగత వంద నుంచి రోజులుగా రుణ మాఫీపై సుదీర్ఘ కసరత్తు అనంతరం కార్పొరేషన్ ఏర్పాటు చేయాలని నిర్ణయించాం. దేశంలో రైతుల కోసం కార్పొరేషన్ ఏర్పాటు చేయటం ఇదే తొలిసారి. రైతులకు దీపావళి కానుకగా రైతు సాధికారత కార్పొరేషన్ ను ఏర్పాటు చేస్తున్నాం. తొలి విడతగా 22 నుంచి కార్యకలాపాలు ప్రారంభించే కార్పొరేషన్కు 20 శాతం నిధులు అందచేస్తాం. మిగిలిన మొత్తాన్ని రైతులకు బాండ్లు రూపంలో ఇస్తాం. రైతులకు బ్యాంకులు రుణాలు రీషెడ్యూల్ చేస్తాయి. దీనివల్ల బ్యాంకులకు నష్టం ఉండదు, రైతులకు నష్టం ఉండదు. రైతులకు అదనంగా ప్రభుత్వం పది శాతం వడ్డీ చెల్లిస్తుంది. ఈ కార్పొరేషన్ను ఆయిల్ఫెడ్, ఆగ్రోస్, ఏపీ సీడ్స్ వంటి సంస్థలను కార్పొరేషన్తో అనుసంధానం చేసి కార్యకలాపాలు నిర్వహిస్తాం. రైతులకు అందచేసే బాండ్లను నగదును మార్చుకునే అవకాశాన్ని జనవరి నుంచి కల్పిస్తాం. కార్పొరేషన్కు నగదు సమీకరణ కోసం ఎర్రచందనం వేలం, సెస్ల విధింపు తదితరాలతో పాటు వివిధ మార్గాలను అన్వేషిస్తున్నాం. * డ్వాక్రా మహిళలు బ్యాంకుల నుంచి తీసుకున్న రుణాల చెల్లింపునకు ప్రత్యేకంగా సాధికారత కార్పొరేషన్ ఏర్పాటు చేస్తున్నాం. ఆ కార్పొరేషన్కు రూ. 7,600 కోట్లు కార్పస్ ఫండ్గా ఇస్తున్నాం. డ్వాక్రా మహిళలు చెల్లించాల్సిన వడ్డీని ప్రభుత్వమే చెల్లిస్తుంది. కార్పొరేషన్కు అవసరమైన నిధులు రాబట్టేందుకు ఇసుక రీచ్ల వేలం ద్వారా వచ్చే ఆదాయాన్ని డ్వాక్రా సంఘాలకు ఇవ్వటం వంటి చర్యలు తీసుకుంటున్నాం. వీరి రుణాలను కూడా నాలుగు విడతల్లో చెల్లిస్తాం. * గురువారం నుంచి ప్రారంభమయ్యే జన్మభూమి-మావూరు కార్యక్రమంలో భాగంగా పెంచిన ఫించన్ల పంపిణీ ప్రారంభిస్తాం. అనర్హులను ఫించన్ల జాబితా నుంచి ఎట్టి పరిస్థితుల్లో తొలగిస్తాం. ఫించనుదారుల ఆర్థిక పరిస్థితిని బ్యాక్ ఆఫీస్తో పాటు నిఘా వర్గాల నుంచి సేకరిస్తున్నాం. ఫించను అందుకునే వారి సంఖ్య 38 నుంచి 40 లేదా 45 లక్షల వరకూ ఉండవచ్చు. వీరందరికీ ఈ నెల చేతికి అందచేస్తాం. వచ్చే నెల నుంచి బ్యాంకు అకౌంట్లలో పడుతుంది. * ఉపాధి హామీ పథకంలో మార్పులు చేస్తున్నాం. చౌకధరల దుకాణం ద్వారా అందచేసే బియ్యం ధర పెంచే ఆలోచన లేదు. కొత్తగా కేంద్రం మూడు రూపాయలకు కిలో బియ్యం పథకం ప్రవేశపెడుతోంది. అందులో మనం చేరితే ఎలా ఉంటుందో ఆలోచిస్తున్నాం. ఒకవేళ అందులో చేరినా రెండు రూపాయలు మనం భరించి కిలో రూపాయికే పేదలకు అందిస్తాం. * జన్మభూమి కార్యక్రమంలో స్వచ్ఛ ఆంధ్రప్రదేశ్, వైద్య శిబిరాలకు ప్రాధాన్యతనిస్తున్నాం. * రాష్ట్ర ప్రభుత్వ ఉద్యోగులు, ఫించనుదారులకు 5.992 శాతం డీఏ ఇవ్వాలని నిర్ణయించాం. దీనివ ల్ల ప్రభుత్వంపై ఏటా రూ. 1,195 కోట్ల భారం పడుతుంది. 71.904 శాతంగా ఉన్న డీఏ 77.8 శాతం కంటే ఎక్కువకు చేరుతుంది. ఈ ఏడాది జూలై నుంచి డీఏను అమ లు చేస్తున్నాం. అక్టోబర్ డీఏ నవంబర్ వేతనం లో కలుపుతాం. మిగిలింది పీఎఫ్లో జమచేస్తాం. మంత్రివర్గంలో చేసిన మూడు తీర్మానాలు * టీడీపీ వ్యవస్థాపకుడు, మాజీ ముఖ్యమంత్రి ఎన్.టి.రామారావుకు భారతరత్న పురస్కారాన్ని ఇవ్వాలని మంత్రివర్గం తీర్మానించింది. రాజకీయాల్లో పేద ప్రజల ఆర్తిని కేంద్ర బిందువుగా పునఃప్రతిష్టించిన ఘనత ఎన్టీఆర్కే దక్కుతుందని కీర్తించింది. * అమెరికా పర్యటన విజయవంతంగా పూర్తి చేసుకున్న ప్రధానమంత్రి నరేంద్రమోదీకి శుభాభినందనలు తెలుపుతూ మరో తీర్మానాన్ని ఆమోదించింది. అమెరికా సహకారంతో అభివృద్ధి చేసే మూడు స్మార్ట్ సిటీలలో విశాఖపట్నాన్ని ఒకటిగా ఎంపిక చేయటం పట్ల మంత్రిమండలి ధన్యవాదాలు తెలిపింది. * దేశంలో ఆర్థిక సంస్కరణలకు ఆద్యుడైన మాజీ ప్రధానమంత్రి పి.వి.నరసింహారావుకు దేశ రాజధాని ఢిల్లీలో సముచిత స్మారక ఘాట్ను నిర్మించాలని కేంద్రాన్ని కోరుతూ మంత్రిమండలి ఏకగ్రీవంగా తీర్మానించింది. -
మాఫీ కార్పొరేషన్లు
రైతు, డ్వాక్రా రుణాలపై ఏపీ మంత్రివర్గం నిర్ణయం 22న రైతు సాధికారత కార్పొరేషన్ ప్రారంభం: సీఎం 20% సర్కారు నిధులు.. మిగిలిన మొత్తం బాండ్లుగా ఇస్తాం ఎర్రచందనం వేలం, సెస్ల ద్వారా కార్పొరేషన్కు నిధులు డ్వాక్రా కార్పొరేషన్కు రూ. 7,600 కోట్లు కార్పస్ ఫండ్ ఎన్టీఆర్కు భారతరత్న ఇవ్వాలని మంత్రివర్గ తీర్మానం మాజీ ప్రధాని పీవీకి ఢిల్లీలో ఘాట్ నిర్మించాలని తీర్మానం హైదరాబాద్: రైతుల రుణాల మాఫీ, ఇతర అంశాల పర్యవేక్షణకు రైతు సాధికారత కార్పొరేషన్ ఏర్పాటుకు ఆంధ్రప్రదేశ్ మంత్రిమండలి ఆమోదించింది. అదే తరహాలో డ్వాక్రా సంఘాల విషయంలో కూడా ప్రత్యేక సాధికారత కార్పొరేషన్ ఏర్పాటు చేయాలని నిర్ణయించినట్టు ముఖ్యమంత్రి చంద్రబాబునాయుడు వెల్లడించారు. డ్వాక్రా సంఘాలకు మూలధనంగా సమకూర్చనున్న రూ. 7,600 కోట్లను నాలుగేళ్లలో దశల వారీగా బ్యాంకులకు చెల్లిస్తామని చెప్పారు. రైతు సాధికారత కార్పొరేషన్ను ఈ నెల 22న దీపావళి రోజున ప్రారంభిస్తామన్నారు. ఈ నెల 6న అనంతపురం జిల్లాలో వ్యవసాయ మిషన్ను మాజీ రాష్ట్రపతి అబ్దుల్కలాం ప్రారంభిస్తారని తెలిపారు. సంతోషం, ఆరోగ్యం, సంతృప్తి, భద్రత, భరోసా ఐదు రెట్లు అనే నినాదంతో వృద్ధులకు అందచేస్తున్న పింఛన్ను రెండొందల నుంచి వెయ్యి రూపాయలకు పెంచి గురువారం ప్రారంభమయ్యే ‘జన్మభూమి - మావూరు’ కార్యక్రమంలో చెల్లించటం ప్రారంభిస్తామని చెప్పారు. బుధవారం ముఖ్యమంత్రి అధ్యక్షతన రాష్ట్ర మంత్రివర్గ సమావేశం లేక్వ్యూ అతిథిగృహంలో జరిగింది. సమావేశంలో తీసుకున్న నిర్ణయాలను రాత్రికి తన నివాసంలో ఏర్పాటు చేసిన విలేకరుల సమావేశంలో సమాచార, పౌరసంబంధాల శాఖ మంత్రి పల్లె రఘునాధరెడ్డితో కలిసి చంద్రబాబు వెల్లడించారు. వివరలిలా ఉన్నాయి... వాస్కోడిగామాలాగా.. రుణ మాఫీ మార్గాన్ని నేను కనుగొన్నా... ‘‘వాస్కోడిగామా అమెరికాను కనుగొన్నట్లు రైతుల రుణ మాఫీకి సాధికారత కార్పొరేషన్ ఏర్పాటు మార్గాన్ని నేను కనుగొన్నాను. (అమెరికాను కొలంబస్ కనుగొన్నారు. ముఖ్యమంత్రి చంద్రబాబు వాస్కోడిగామా కనుగొన్నట్లు చెప్పారు. ఆయన ఉద్దేశం ఇండియాను వాస్కోడిగామా కనుగొన్నట్లు అయి ఉండవచ్చు.) గత వంద నుంచి రోజులుగా రుణ మాఫీపై సుదీర్ఘ కసరత్తు అనంతరం కార్పొరేషన్ ఏర్పాటు చేయాలని నిర్ణయించాం. దేశంలో రైతుల కోసం కార్పొరేషన్ ఏర్పాటు చేయటం ఇదే తొలిసారి. రైతులకు దీపావళి కానుకగా రైతు సాధికారత కార్పొరేషన్ ను ఏర్పాటు చేస్తున్నాం. తొలి విడతగా 22 నుంచి కార్యకలాపాలు ప్రారంభించే కార్పొరేషన్కు 20 శాతం నిధులు అందచేస్తాం. మిగిలిన మొత్తాన్ని రైతులకు బాండ్లు రూపంలో ఇస్తాం. రైతులకు బ్యాంకులు రుణాలు రీషెడ్యూల్ చేస్తాయి. దీనివల్ల బ్యాంకులకు నష్టం ఉండదు, రైతులకు నష్టం ఉండదు. రైతులకు అదనంగా ప్రభుత్వం పది శాతం వడ్డీ చెల్లిస్తుంది. ఈ కార్పొరేషన్ను ఆయిల్ఫెడ్, ఆగ్రోస్, ఏపీ సీడ్స్ వంటి సంస్థలను కార్పొరేషన్తో అనుసంధానం చేసి కార్యకలాపాలు నిర్వహిస్తాం. రైతులకు అందచేసే బాండ్లను నగదును మార్చుకునే అవకాశాన్ని జనవరి నుంచి కల్పిస్తాం. కార్పొరేషన్కు నగదు సమీకరణ కోసం ఎర్రచందనం వేలం, సెస్ల విధింపు తదితరాలతో పాటు వివిధ మార్గాలను అన్వేషిస్తున్నాం. - డ్వాక్రా మహిళలు బ్యాంకుల నుంచి తీసుకున్న రుణాల చెల్లింపునకు ప్రత్యేకంగా సాధికారత కార్పొరేషన్ ఏర్పాటు చేస్తున్నాం. ఆ కార్పొరేషన్కు రూ. 7,600 కోట్లు కార్పస్ ఫండ్గా ఇస్తున్నాం. డ్వాక్రా మహిళలు చెల్లించాల్సిన వడ్డీని కూడా ప్రభుత్వమే చెల్లిస్తుంది. కార్పొరేషన్కు అవసరమైన నిధులు రాబట్టేందుకు ఇసుక రీచ్ల వేలం ద్వారా వచ్చే ఆదాయాన్ని డ్వాక్రా సంఘాలకు ఇవ్వటం వంటి చర్యలు తీసుకుంటున్నాం. వీరి రుణాలను కూడా నాలుగు విడతల్లో చెల్లిస్తాం. - గురువారం నుంచి ప్రారంభమయ్యే జన్మభూమి-మావూరు కార్యక్రమంలో భాగంగా పెంచిన ఫించన్ల పంపిణీ ప్రారంభిస్తాం. అనర్హులను ఫించన్ల జాబితా నుంచి ఎట్టి పరిస్థితుల్లో తొలగిస్తాం. ఫించనుదారుల ఆర్థిక పరిస్థితిని బ్యాక్ ఆఫీస్తో పాటు నిఘా వర్గాల నుంచి సేకరిస్తున్నాం. ఫించను అందుకునే వారి సంఖ్య 38 నుంచి 40 లేదా 45 లక్షల వరకూ ఉండవచ్చు. వీరందరికీ ఈ నెల చేతికి అందచేస్తాం. వచ్చే నెల నుంచి బ్యాంకు అకౌంట్లలో పడుతుంది. - జాతీయ గ్రామీణ ఉపాధి హామీ పథకంలో కూడా మార్పులు చేస్తున్నాం. చౌకధరల దుకాణం ద్వారా అందచేసే బియ్యం ధర పెంచే ఆలోచన లేదు. కొత్తగా కేంద్ర ప్రభుత్వం మూడు రూపాయలకు కిలో బియ్యం పథకం ప్రవేశపెడుతోంది. అందులో మనం చేరితే ఎలా ఉంటుందో ఆలోచిస్తున్నాం. ఒకవేళ అందులో చేరినా రెండు రూపాయలు మనం భరించి కిలో రూపాయికే పేదలకు అందిస్తాం. - జన్మభూమి - మా ఊరు కార్యక్రమంలో స్వచ్ఛ ఆంధ్రప్రదేశ్, వైద్య శిబిరాలు తదితరాలకు ప్రాధాన్యతనిస్తున్నాం. - రాష్ట్ర ప్రభుత్వ ఉద్యోగులు, ఫించనుదారులకు 5.992 శాతం డీఏ ఇవ్వాలని నిర్ణయించాం. దీనివ ల్ల ప్రభుత్వంపై ఏటా రూ. 1,195 కోట్ల భారం పడుతుంది. ప్రస్తుతం 71.904 శాతంగా ఉన్న డీఏ 77.8 శాతం కంటే ఎక్కువకు చేరుతుంది. ఈ ఏడాది జూలై మొదటి తేదీ నుంచి డీఏను అమలు చేస్తున్నాం. అక్టోబర్ డీఏ నవంబర్ వేతనంలో కలుపుతాం. మిగిలింది పీఎఫ్లో జమచేస్తాం. - ఏపీలో చదివే తెలంగాణ విద్యార్థులకు, తెలంగాణలో చదివే ఏపీ విద్యార్థులకు ఫీజు రీయింబర్స్మెంట్ను రాష్ట్రపతి ఉత్తర్వులు మేరకు చెల్లిస్తాం. - ఐటీ రంగం అభివృద్ధికి ఈ-గవర్నెన్స్, ఎలక్ట్రికల్, ఐటీ, ఇన్నోవేషన్, కెపాసిటీ బిల్డింగ్ టాస్క్ఫోర్స్లను ఏర్పాటు చేశాం. - సాధారణ బల్బుల స్థానంలో ఎల్ఈడీ బల్బుల పంపిణీ ప్రాజెక్టును అనంతపురం, శ్రీకాకుళం, గుంటూరు, కృష్ణా జిల్లాల్లో ప్రారంభిస్తున్నాం. నిరంతరం విద్యుత్ సరఫరాకు కూడా గురువారం నుంచి ఎంపిక చేసిన ప్రాంతాల్లో శ్రీకారం చుడుతున్నాం. - హైదరాబాద్ను అభివృద్ధి చేసింది నేనే. రాష్ట్రంలో విద్యుత్ సమస్యకు కారణం నేనే అంటున్న వారు ఇక్కడ వర్షం పడకపోయినా అందుకు కారణం నేనే అంటారు. ఇక్కడ ప్రాజెక్లు నిర్మాణాలను ప్రారంభించటంతో పాటు పలు ప్రాజెక్టులను పూర్తి చేసింది నేనే.’’ మంత్రివర్గంలో చేసిన మూడు తీర్మానాలు - టీడీపీ వ్యవస్థాపకుడు, మాజీ ముఖ్యమంత్రి ఎన్.టి.రామారావుకు భారతరత్న పురస్కారాన్ని ఇవ్వాలని మంత్రివర్గం తీర్మానించింది. రాజకీయాల్లో పేద ప్రజల ఆర్తిని కేంద్ర బిందువుగా పునఃప్రతిష్టించిన ఘనత ఎన్టీఆర్కే దక్కుతుందని కీర్తించింది. - అమెరికా పర్యటన విజయవంతంగా పూర్తి చేసుకున్న ప్రధానమంత్రి నరేంద్రమోదీకి శుభాభినందనలు తెలుపుతూ మరో తీర్మానాన్ని ఆమోదించింది. అమెరికా సహకారంతో అభివృద్ధి చేసే మూడు స్మార్ట్ సిటీలలో విశాఖపట్నాన్ని ఒకటిగా ఎంపిక చేయటం పట్ల మంత్రిమండలి ధన్యవాదాలు తెలిపింది. - దేశంలో ఆర్థిక సంస్కరణలకు ఆద్యుడైన మాజీ ప్రధానమంత్రి పి.వి.నరసింహారావుకు దేశ రాజధాని ఢిల్లీలో సముచిత స్మారక ఘాట్ను నిర్మించాలని కేంద్రాన్ని కోరుతూ మంత్రిమండలి ఏకగ్రీవంగా తీర్మానించింది. -
మాఫీపై స్పష్టత ఇవ్వండి
ఎస్ఎల్బీసీ సమావేశంలో ప్రభుత్వాన్ని కోరిన బ్యాంకర్లు మాఫీకి బ్యాంకులు సహకరించాలనే విజ్ఞప్తితో సరిపెట్టిన ఆర్థిక మంత్రి {పభుత్వం రుణమాఫీ చేస్తుందనే ఉద్దేశంతోనే రైతులు రుణాలు చెల్లించలేదన్న బ్యాంకర్లు వడ్డీ లేని రుణాలు, పావలా వడ్డీ రుణాలపైనా స్పష్టతకు విజ్ఞప్తి బ్యాంకుల క్రెడిట్ రేటింగ్ బాగా పడిపోరుుందని ఆందోళన మాఫీ ప్రక్రియ విధివిధానాలపై నేటి కేబినెట్ భేటీలో నిర్ణయం కేవలం నివేదిక సమర్పణకే పరిమితమైన ఎస్ఎల్బీసీ భేటీ ప్రభుత్వం మాఫీ చేస్తుందనే ఉద్దేశంతోనే రైతులు రుణాలు చెల్లించలేదన్న బ్యాంకర్లు హైదరాబాద్: రైతుల వ్యవసాయ రుణాల మాఫీపై.. మంగళవారం నాటి రాష్ట్రస్థాయి బ్యాంకర్ల కమిటీ (ఎస్ఎల్బీసీ) సమావేశంలోనూ ప్రభుత్వం స్పష్టత ఇవ్వలేదు. ప్రభుత్వం రుణమాఫీ చేస్తుందని ప్రకటించడంతో రైతులు రుణాలు తిరిగి చెల్లించడానికి ముందుకు రావడం లేదని, తద్వారా బ్యాంకుల క్రెడిట్ రేటింగ్ దారుణంగా పడిపోయిందని కమిటీ ఆందోళన వ్యక్తం చేసింది. రుణ మాఫీతో పాటు వడ్డీ లేని రుణాలు, పావలా వడ్డీ రుణాలపై స్పష్టత ఇవ్వాలని బ్యాంకర్లు కోరారు. సుదీర్ఘంగా సాగిన ఈ సమావేశంలో కేవలం రుణమాఫీకి బ్యాంకర్లు సహకరించాలన్న విజ్ఞప్తితో ఆర్థిక మంత్రి యనమల రామకృష్ణుడు సరిపెట్టారు. 186వ ఎస్ఎల్బీసీ సమావేశం ఆంధ్రా బ్యాంక్ కేంద్ర కార్యాలయం పట్టాభి భవన్లో జరిగింది. సమావేశానికి ఆంధ్రా బ్యాంక్ ఎగ్జిక్యూటివ్ డెరైక్టర్ ఎస్.కె.కల్రా అధ్యక్షత వహించారు. ఎస్ఎల్బీసీ కన్వీనర్ సి.దొరస్వామి, ఆర్థిక మంత్రి యనమల రామకృష్ణుడు, వ్యవసాయ శాఖ మంత్రి ప్రత్తిపాటి పుల్లారావు, ప్రభుత్వ ప్రధాన కార్యదర్శి ఐవైఆర్ కృష్ణారావు, కేంద్ర ఆర్థిక శాఖ డెరైక్టర్ ఎన్.శ్రీనివాసరావు, ఆర్బీఐ రీజినల్ డెరైక్టర్ కె.ఆర్.దాస్, నాబార్డ్ సీజీఎం జిజి మెమ్మన్ తదితరులు పాల్గొన్నారు. ప్రభుత్వం ప్రకటించిన రుణమాఫీ వల్ల బ్యాంకుల క్రెడిట్ రేటింగ్ పడిపోయిందనే విషయాన్ని ఆంధ్రా బ్యాంక్ ఈడీ కల్రా తన 10 నిమిషాల ప్రసంగంలో ఐదుసార్లు ప్రస్తావించారు. రుణమాఫీకి సహకరించాలి: యనమల రైతులను ప్రభుత్వం ఆదుకోవడానికి వీలుగా రుణమాఫీ విషయంలో బ్యాంకర్లు సహకరించాలని ఆర్థిక మంత్రి కోరారు. రుణమాఫీపై ముఖ్యమంత్రి చంద్రబాబునాయుడు సోమవారం బ్యాంకర్లతో చర్చించిన విషయాన్ని గుర్తు చేస్తూ.. రైతులను ఆర్థికంగా ఆదుకోవడానికి ఎస్ఎల్బీసీ నిర్మాణాత్మక ప్రతిపాదనలతో ముందుకు రావాలన్నారు. ఆ ప్రతిపాదనల ఆధారంగా రుణమాఫీ ప్రక్రియలో అనుసరించాల్సిన విధానాలపై బుధవారం జరిగే కేబినెట్ భేటీలో నిర్ణయం తీసుకుంటామని చెప్పారు. ఖరీఫ్ సీజన్ దాదాపు ముగిసినా ఇప్పటివరకు కేవలం 38 శాతమే రుణ వితరణ జరిగిందని, కనీసం రబీ సీజన్లో అయినా మెరుగ్గా రుణాలు ఇవ్వడానికి చర్యలు చేపట్టాలని కోరారు. ఖరీఫ్ సీజన్లో పంట రుణాలు లక్ష్యం రూ.25,888 కోట్లు కాగా, ఇప్పటివరకు రూ.5,593 కోట్లు మాత్రమే ఇచ్చారు. ఏపీ పరిస్థితి తారుమారరుు్యంది: కల్రా ప్రధానమంత్రి జన్ ధన్ యోజన (పీఎంజేడీవై) కింద లక్ష్యానికి మించి ఖాతాలు తెరవడంలో బ్యాంకులు విజయం సాధించాయని ఆంధ్రా బ్యాంక్ ఈడీ కల్రా చెప్పారు. మరోవైపు రుణాల మంజూరులో అధికభాగంగా ఉండే వ్యవసాయ రుణాల వితరణలో బ్యాంకులు విఫలమయ్యాయని ఆందోళన వ్యక్తం చేశారు. రుణమాఫీపై ఆశతో రైతులు రుణాలు తిరిగి చెల్లించడం/రెన్యువల్ చేసుకోవడానికి విముఖత చూపించడం వల్లే బ్యాంకుల వ్యాపార పరిమాణం తగ్గిపోయిందని చెప్పారు. ఈ ఏడాది వ్యవసాయానికి రూ. 56,019 కోట్ల రుణం ఇవ్వాలని లక్ష్యంగా పెట్టుకోగా, ఇప్పటివరకు రూ.7,263 కోట్లు(12.97 శాతం) మాత్రమే ఇచ్చామని తెలిపారు. వ్యవసాయ రుణాల లక్ష్యాన్ని అధిగమించే రాష్ట్రంగా ఏపీకి పేరుందని, కానీ ఈ ఏడాది పరిస్థితులు తారుమారయ్యాయని, ఫలితంగా రైతులతో పాటు బ్యాంకులకూ నష్టం కలిగిందన్నారు. వ్యవసాయ రుణాలు నిరర్ధక ఆస్తులు(ఎన్పీఏ)గా మారడంతో బ్యాంకు క్షేత్రస్థాయి సిబ్బంది నైతిక స్థైర్యం దెబ్బతినడంతో పాటు బ్యాంకుల క్రెడిట్ రేటింగ్ దారుణంగా పడిపోయిందని ఆందోళన వ్యక్తం చేశారు. వ్యవసాయ రుణాల సమగ్ర సమాచారాన్ని అక్టోబర్ 10కి ప్రభుత్వానికి అందిస్తామని చెప్పారు. సంపూర్ణ ఆర్థిక చేకూర్పు కింద కేంద్రం ఇటీవలే ప్రవేశపెట్టిన ప్రధానమంత్రి జన్-ధన్ యోజన పథకంపై ఆంధ్రా, తెలంగాణ రాష్ట్రాలలో తిరిగే 30 రైళ్లపై రాతల ద్వారా ప్రచారం చేయనున్నట్లు నాబార్డు సీజీఎం తెలిపారు. వడ్డీ లేని రుణాలపై విధానమేంటో చెప్పండి వడ్డీ లేని రుణాలు, పావలా వడ్డీపై ప్రభుత్వం విధానపరమైన నిర్ణయాన్ని వెంటనే ప్రకటించాలని ఎస్ఎల్బీసీ కన్వీనర్ దొరస్వామి కోరారు. ఖరీఫ్ 2013-14కు సంబంధించి పంట రుణాలకు వడ్డీ లేని రుణాలు, పావలా వడ్డీ అమలు జరిగిందని, అరుుతే రబీకి సంబంధించి ఎలాం టి నిర్ణయం వెలువరించలేదని తెలిపారు. ప్రభుత్వం వెంటనే నిర్ణయాన్ని ప్రకటించకుంటే రైతులతో పాటు ప్రభుత్వంపైనా భారం పడుతుందన్నారు. అయితే దీనిపై మంత్రు లు యనమల, ప్రత్తిపాటి ఎలాంటి స్పష్టతా ఇవ్వలేదు. -
రుణాలు కట్టడానికి రైతులు ఇష్టపడటం లేదు
హైదరాబాద్ : ఆంధ్రప్రదేశ్ ప్రభుత్వం రుణమాఫీ చేస్తామన్ని హామీ ఇవ్వటంతో రైతులు ఎవరూ రుణాలు కట్టడానికి ఇష్టపడటం లేదని బ్యాంకర్లు పేర్కొన్నారు. అందువల్లే ఖరీఫ్ లో అనుకున్న లక్ష్యాలను సాధించలేకపోయామని బ్యాంకర్లు తెలిపారు. 186వ రాష్ట్రా స్థాయి బ్యాంకర్ల సమావేశం మంగళవారమిక్కడ జరిగింది. ఈ సమావేశంలో బ్యాంకర్లు మాట్లాడుతూ పావలా వడ్డీపై ప్రభుత్వం ఒక పాలసీని తీసుకురావలని, లేదంటే వడ్డీ రైతులపై పడే అవకాశం ఉందని బ్యాంకర్లు అన్నారు. ప్రభుత్వం రుణ ఖాతాదారుల వివరాలు కోరిందని, అక్టోబర్ 10కల్లా నివేదిక అందజేస్తామని తెలిపారు. ఈ సమావేశంలో ఇన్సూరెన్స్ కవరేజీలను మరొక నెల పొడిగించాలని తీర్మానం చేసి కేంద్ర ప్రభుత్వానికి పంపారు. -
15 నుంచి రుణమాఫీ సర్టిఫికెట్ల జారీ
హైదరాబాద్ : ఆంధ్రప్రదేశ్ ప్రభుత్వం అక్టోబర్ 15వ తేదీ నుంచి రైతులకు రుణమాఫీ సర్టిఫికెట్లను జారీ చేయనుంది. రైతు సాధికారత కార్పొరేషన్ (ఫార్మర్స్ ఎంపవర్మెంట్ కార్పొరేషన్) ఏర్పాటు చేయాలని ఆంధ్రప్రదేశ్ ప్రభుత్వం నిర్ణయించిన విషయం తెలిసిందే. అక్టోబర్ 1న జరిగే మంత్రివర్గ సమావేశంలో కార్పొరేషన్ ఏర్పాటుకు ఆమోదముద్ర వేస్తారు. కార్పొరేషన్కు ప్రభుత్వం తొలుత ఐదు నుంచి 7 వేల కోట్లను మూలధనంగా ఉంచుతుంది. బ్యాంకుల నుంచి గతంలో వ్యవసాయ రుణాలు తీసుకున్న రైతులకు ఒక్కొక్కటి రూ.25 వేల ముఖవిలువ గల బాండ్లను ప్రభుత్వం జారీ చేస్తుంది. వచ్చే ఏడాది జనవరి ఒకటో తేదీ నుంచి ఈ బాండ్లను రైతులు అవసరమైతే కార్పొరేషన్కు అప్పగించి నగదు తీసుకోవచ్చు. కార్పొరేషన్ ఏర్పాటు సమయంలో ప్రభుత్వం సమకూర్చే మూలధనాన్ని రైతులు చెల్లించాల్సిన రుణాల స్థానంలో బ్యాంకులకు చెల్లిస్తారు. కాగా ఆ బాండ్లు కాలపరిమితి తీరిన తర్వాత వాటిపై ప్రభుత్వం రైతులకు పది శాతం వడ్డీ చెల్లించనుంది. -
నాలుగో వంతు కూడా ఇవ్వలేదు!
ఖరీఫ్ రుణాల లక్ష్యం రూ.32,909 కోట్లు జూన్ వరకు ఇచ్చింది రూ.7,263 కోట్లే రుణ మాఫీ జాప్యంతోనే రైతుకు రుణం కరువు మహిళా సంఘాలకూ నామమాత్రంగానే మంజూరు నేడు సీఎం అధ్యక్షతన ఎస్ఎల్బీసీ సమావేశం సాక్షి, హైదరాబాద్: ఖరీఫ్ సీజన్ ఈ నెలాఖరుతో ముగిసిపోతోంది. అయినప్పటికీ ఖరీఫ్ రుణాల లక్ష్యంలో నాలుగో వంతు మేరకు కూడా బ్యాంకులు రైతులకు రుణాలను మంజూరు చేయలేదు. దీనికంతటికీ కారణం రాష్ట్ర ప్రభుత్వం రుణ మాఫీ చేయకుండా జాప్యం చేయడమేనని బ్యాంకర్లు అంటున్నారు. రుణ మాఫీ హామీతో రైతులు రుణాలు తిరిగి చెల్లించలేదని, రైతులు కానీ.. ప్రభుత్వం కానీ రుణ మొత్తాలను బ్యాంకులకు చెల్లించకపోవడంతో ప్రస్తుత ఖరీఫ్ సీజన్లో రైతులకు పంట రుణాలు అందలేదని పేర్కొంటున్నారు. ఖరీఫ్లో వ్యవసాయ రంగానికి మొత్తం రూ.32,909 కోట్లు రైతులకు రుణాలుగా అంజేయూలని బ్యాంకులు లక్ష్యంగా నిర్ధారించుకున్నాయి. అరుుతే ఈ ఆర్థిక సంవత్సరం జూన్ వరకు వ్యవసాయ రంగానికి కేవలం రూ.7,263 కోట్లు మాత్రమే రుణాలిచ్చారుు. ఇక కౌలు రైతులకు రుణ మంజూరు పరిస్థితి మరీ దారుణంగా ఉంది. ప్రస్తుత ఖరీఫ్లో కౌలు రైతులకు కేవలం రూ.3.81 కోట్లు మాత్రమే రుణంగా మంజూరు చేశారు. మరోపక్క పంటల బీమా గడువు కూడా ఈ నెల 15వ తేదీతోనే ముగిసిపోయింది. ఈ నేపథ్యంలో ముఖ్యమంత్రి చంద్రబాబునాయుడు మంగళవారం తొలి త్రైమాసికంలో రుణ పరపతి అమలుపై రాష్ట్ర స్థాయి బ్యాంకర్ల కమిటీ (ఎస్ఎల్బీసీ) సమావేశంలో సమీక్షించనున్నారు. ఇలావుండగా మహిళా సంఘాలకు రుణ మంజూరు కూడా అంతంత మాత్రంగానే ఉంది. గ్రామీణ మహిళా సంఘాలకు ఈ ఏడాది రూ.12,275 కోట్ల మేరకు రుణాల మంజూరు లక్ష్యం కాగా ఇప్పటివరకు కేవలం రూ.610 కోట్లు మాత్రమే మంజూరు చేశారు. పట్టణ మహిళా సంఘాలకు ఈ ఏడాది రూ.1,516 కోట్లు మంజూరు చేయాలనేది లక్ష్యం కాగా ఇప్పటివరకు కేవలం రూ.176 కోట్లు మాత్రమే మంజూరు చేశారు. పంటల బీమా.. దక్కని పరిస్థితి రుణ మాఫీ వ్యవహారంతో రైతులకు రుణం దొరకపోగా పంటల బీమా కూడా లేకుండా పోయింది. 2012-13 ఆర్థిక సంవత్సరానికి సంబంధించి పంటల బీమా కింద ఇటీవల రూ.68 కోట్లు విడుదల కాగా బ్యాంకులు ఆ మొత్తాన్ని రైతులకు ఇవ్వకుండా రుణాలకు జమ చేసుకున్నారు. 2013-14 ఆర్థిక సంవత్సరానికి చెందిన పంటల బీమా కింద ఏపీకి రూ.680 కోట్లు రావాల్సి ఉండగా ఇప్పటివరకు పైసా రాలేదు. రుణ మాఫీ చేస్తున్నందున పంటల బీమా సొమ్మును సర్కారే తీసుకుంటుందని మార్గదర్శకాల్లో ప్రభుత్వం స్పష్టం చేసింది. -
నవంబర్ నెలాఖరుకు రైతు రుణ మాఫీ
అనపర్తి : రైతు రుణాలను నవంబర్ నెలాఖరునాటికి అంచెలంచెలుగా మాఫీ చేసేందుకు ప్రభుత్వం చర్యలు చేపట్టినట్టు ఉపముఖ్యమంత్రి, హోం శాఖ మంత్రి నిమ్మకాయల చినరాజప్ప స్పష్టం చేశారు. మంత్రి చినరాజప్ప గురువారం అనపర్తిలో పలు అభివృద్ధి పనులకు శంకుస్థాపనలు, ప్రారంభోత్సవాలు చేశారు. అనంతర ం అనపర్తి ఎమ్మెల్యే నల్లమిల్లి రామకృష్ణారెడ్డి అధ్యక్షతన జరిగిన సభలో ఆయన మాట్లాడుతూ ఎన్నికల్లో టీడీపీ అధినేత చంద్రబాబునాయుడు ఇచ్చిన రైతు, డ్వాక్రా రుణాలను నిబంధనల మేరకు మాఫీ చేసేందుకు వచ్చే నెల నుంచి శ్రీకారం చుట్టనున్నారన్నారు. తొలి విడతలో సుమారు రూ. 50 వేల వరకూ ఉన్న రుణాలు రద్దవుతాయని తెలిపారు. అలాగే డ్వాక్రా రుణాలు కూడా రద్దవుతాయని పేర్కొన్నారు. ఉపాధి అవకాశాలను పెంచేందుకు ఐటీ రంగానికి ప్రభుత్వం ప్రాధాన్యతను ఇస్తోందని తెలిపారు. అలాగే పరిశ్రమలను నెలకొల్పే దిశలో ప్రభుత్వం పయనిస్తుందన్నారు. శాసన మండలి విప్ కేవీవీ సత్యనారాయణరాజు (చైతన్యరాజు) మాట్లాడుతూ తెలుగు దేశం ప్రభుత్వం విద్య, వైద్య, పారిశ్రామిక రంగాలకు అధిక ప్రాధాన్యత ఇస్తోందని తెలిపారు. జెడ్పీ చైర్మన్ నామన రాంబాబు మాట్లాడుతూ 100 రోజుల్లో నియోజకవర్గ అభివృద్ధికి అధిక నిధులు సమకూర్చుకున్న జిల్లా ఎమ్మెల్యేల్లో అనపర్తి ఎమ్మెల్యే రామకృష్ణారెడ్డి ముందున్నారన్నారు. టీడీపీ జిల్లా ఉపాధ్యక్షుడు, తుని నియోజక వర్గ ఇన్ఛార్జి యనమల కృష్ణుడు మాట్లాడుతూ ఐదేళ్ల టీడీపీ పాలనలో అనపర్తి నియోజకవర్గం ఆదర్శవంతమైన నియోజకవర్గంగా నిలుస్తుందన్నారు. జెడ్పీటీసీ సభ్యుడు కర్రి ధర్మారెడ్డి(దొరబాబు), రాష్ట్ర టీడీపీ రైతు విభాగం కార్యనిర్వాహక కార్యదర్శి సిరసపల్లి నాగేశ్వరరావు, పార్టీ ప్రచార కార్యదర్శి సత్తి దేవదానరెడ్డి, రాష్ట్ర సర్పంచ్ల సమాఖ్య మాజీ అధ్యక్షుడు పడాల వెంకటరామారెడ్డి, తమలంపూడి సుధాకరరెడ్డి, కర్రి వెంకటరామారెడ్డి తదితరులు పాల్గొన్నారు. -
కొనసా...గుతున్న రుణమాఫీ జాబితా
రెండుసార్లు గడువు పొడిగించినా పూర్తి కాని వైనం 11 శాతం మంది వివరాలే సేకరించిన కోర్ బ్యాంకులు మళ్లీ 25వ తేదీ వరకు గడువు పెంపు అప్పటికీ సేకరణ డౌటే! విశాఖ రూరల్: రుణమాఫీ లబ్ధిదారుల వివరాల సేకరణ కొనసా..గుతోంది. ప్రక్రియను ప్రారంభించి రెండు వారాలు దాటినా ఇప్పటికీ పూర్తి కాలేదు. రెండుసార్లు గడువు పొడిగించిన కోర్ బ్యాంకులు కేవలం 11 శాతం మాత్రమే రైతుల వివరాలను సేకరించాయి. దీంతో వివరాల సేకరణకు మూడోసారి ఈ నెల 25వ తేదీ వరకు ప్రభుత్వం గడువు పొడిగించింది. ప్రభుత్వ నిర్లక్ష్యం కారణంగా ఈ జాప్యం జరుగుతోందని బ్యాంకర్లు చెబుతున్నారు. నాన్కోర్ బ్యాంకులు, గ్రామీణ, ఏజెన్సీ ప్రాంతాల్లో ఇంటర్నెట్ స్పీడ్ లేని బ్యాంకు బ్రాంచ్లో రైతుల వివరాలను అప్లోడ్ చేయడానికి అవరోధాలు ఏర్పడుతున్నాయి. దీంతో వారు ఎక్సెల్ ఫార్మాట్లో వివరాలు పొందుపరిచి విశాఖ పరిధిలో ఉన్న బ్రాంచ్ల నుంచి ఎన్ఐసీ వెబ్సైటీలో అప్లోడు చేయాల్సి వస్తోంది. ఈ విషయం తెలిసినప్పటికీ ప్రభుత్వం ఎటువంటి ప్రత్యామ్నాయాలు చూపించకుండా కావాలనే తాత్సారం చేయడానికి ప్రయత్నిస్తోందని విపక్షాలు ఆరోపిస్తున్నాయి. 2013, డిసెంబర్ 31వ తేదీ వరకు రైతులు పొందిన రుణాలు మాఫీ చేస్తామని ప్రభుత్వం ప్రకటించింది. అందుకు 31 అంశాలతో కూడిన ప్రొఫార్మాను తయారు చేసి వాటి ఆధారంగా రైతుల నుంచి ఆ వివరాలను సేకరించాలని ఆదేశాలు జారీ చేసింది. రుణమాఫీ భారాన్ని సాధ్యమైనంత తగ్గించుకోవాలన్న ఉద్దేశంతో రైతుల వివరాలను బ్యాంకర్లు ఎన్ఐసీ వెబ్సైట్లో అప్లోడ్ చేయాలని సూచించింది. వాస్తవానికి ఈ నెల 7 నుంచి 15వ తేదీలోగా ఈ ప్రక్రియను పూర్తి చేయాలని ప్రభుత్వం ముందు సూచించింది. కానీ 7వ తేదీ నాటికి ఎన్ఐసీ వెబ్సైట్ను బ్యాంకర్లకు అందుబాటులో ఉంచలేకపోయింది. 11వ తేదీ నుంచి బ్యాంకర్లు ఎన్ఐసీలో రైతుల వివరాలను పొందుపరుస్తున్నారు. గ్రామీణ, ఏజెన్సీ ప్రాంతాల్లో ఇంటర్నెట్ ఇబ్బందులు ఉన్న బ్యాంకు బ్రాంచ్ల నుంచి వివరాలు అప్లోడ్ చేయడం సాధ్యం కావడం లేదు. 25వ తేదీకీ డౌటే : రెండుసార్లు గడువు పొడిగించినప్పటికీ వివరాల సేకరణ ప్రక్రియ పూర్తి కాలేదు. దీంతో మళ్లీ ఈ నెల 25వ తేదీ వరకు ప్రభుత్వం గడువు పొడిగించింది. కోర్ బ్యాంకులు ఇప్పటి వరకు కేవలం 11 శాతం మంది రైతుల వివరాలను మాత్రమే సేకరించాయి. ఇందులో అత్యధికంగా ఎస్బీఐ 99 శాతం వివరాలను సేకరించింది. అలాగే ఆంధ్రాబ్యాంక్ 24 శాతం, బ్యాంక్ ఆఫ్ బరోడా 64 శాతం, ఐసీఐసీఐ 35 శాతం, ఐడీబీఐ 15 శాతం, కరూర్ వైశ్యా బ్యాంక్ 55 శాతం, స్టేట్ బ్యాంక్ ఆఫ్ మైసూర్ 75 శాతం, సిండికేట్ బ్యాంకు 27 శాతం మంది రైతుల వివరాలను సేకరించగలిగాయి. మొత్తంగా కోర్ బ్యాంకులు 1.27 లక్షల మంది రైతులకు రుణాలివ్వగా ఇప్పటి వరకు కేవలం 14,443 మంది రైతుల వివరాలను మాత్రమే అప్లోడ్ చేశాయి. నాన్కోర్ బ్యాంకులైన డీసీసీబీ, కో-ఆపరేటివ్ బ్యాంకులు 1.7 లక్షల మంది రైతులకు రుణాలిచ్చాయి. ఈ బ్యాంకులు రైతుల వివరాలను ఎక్సేల్ ఫార్మాట్లో అప్లోడ్ చేయడంతో ఎంత మంది వివరాలు సేకరించాయన్న విషయంపై స్పష్టత లేదు. కేవలం మూడు రోజుల్లో 89 శాతం మంది రైతుల వివరాల సేకరణ అసాధ్యమని అధికారులు సైతం చెబుతున్నారు. -
రుణాలు చెల్లించకుంటే.. బంగారం వేలం
అనంతపురం: అనంతపురం జిల్లా నార్పల ఎస్బీఐ అధికారులు రైతులకు నోటీసులు జారీ చేశారు. బంగారంపై తీసుకున్న రుణాలను వెంటనే చెల్లించాలని సూచించారు. రుణాలు చెల్లించకుంటే బంగారు నగలు వేలం వేస్తామని బ్యాంక్ అధికారులు హెచ్చరించారు. ఆంధ్రప్రదేశ్లో అధికార టీడీపీ ప్రభుత్వం రైతుల రుణాలను మాఫీ చేస్తామని ప్రకటించినా, ఇంకా అమలు కాలేదు. దీంతో రైతులు ఆందోళన చెందుతున్నారు. -
'నేనూ రైతు బిడ్డనే..రుణమాఫీని అమలుచేస్తాం'
మెదక్: రుణమాఫీపై కాంగ్రెస్ పార్టీ చేస్తున్న అసత్య ప్రచారాలు నమ్మొద్దని ప్రజలకు తెలంగాణ ముఖ్యమంత్రి కేసీఆర్ విజ్క్షప్తి చేశారు. దసరా పండగ నుంచి సంక్షేమ పథకాలు అమల్లోకి వస్తాయని మెదక్ పార్లమెంట్ ఉప ఎన్నిక నేపథ్యంలో నర్సాపూర్ లో ఏర్పాటు చేసిన సభలో మాట్లాడుతూ కేసీఆర్ అన్నారు. నేనూ రైతు బిడ్డనే..నాకు వ్యవసాయం ఉంది. రుణమాఫీని అమలుచేసి తీరుతాం అని కేసీఆర్ మరోసారి హామీ ఇచ్చారు. రిజర్వు బ్యాంక్ మూడు జిల్లాల్లో మాత్రమే రుణమాఫీకి అనుమతిచ్చిందని, అయితే దశలవారీగా మిగతా జిల్లాల్లో కూడా అమలుచేస్తామని ఆయన తెలిపారు. పేదల గురించి ఆలోచించే చరిత్ర కాంగ్రెస్కు లేదని కేసీఆర్ విమర్శించారు. తెలంగాణ కాంగ్రెస్ పార్టీ చీఫ్ పొన్నాల లక్ష్మయ్య పిచ్చిమాటలు మానుకోవాలని కేసీఆర్ హితవు పలికారు. ఇందిరమ్మ ఇళ్ల దొంగల ఆట కట్టిస్తామని, దళితులకు మూడెకరాల భూపంపిణీ కొనసాగిస్తామన్నారు. మూడేళ్ల తర్వాత తెలంగాణలో 24 గంటల విద్యుత్ సరఫరా చేస్తామని ఇచ్చిన మాట నిలబెట్టుకుంటానని మరోసారి కేసీఆర్ స్పష్టం చేశారు. ప్రజాసేవలో తన జీవితాన్ని దారబోస్తానని ఆయన అన్నారు. నాకంటే ఎక్కువ మెజార్టీతో టీఆర్ఎస్ అభ్యర్ధిని గెలిపించాలన్నారు. తెలంగాణ ద్రోహి జగ్గారెడ్డికి ఓటు ఎలావేస్తారని, తెలంగాణ సర్వేలో పాల్గొన్నట్లుగా ఓటింగ్లో పాల్గొనాలని కేసీఆర్ పిలుపునిచ్చారు. -
ఆధార్పై రైతుల్లో ఆందోళన
డిచ్పల్లి : టీఆర్ఎస్ సర్కార్ ప్రకటించిన పంట రుణమా ఫీ పథకం అమలుపై రైతుల్లో ఆందోళన నెలకొంది. రు ణమాఫీ పథకం వర్తింప జేయడంలో ఆధార్ నెంబరు తప్పనిసరి అని ప్రకటించిన సంగతి తెలిసిందే. అయి తే ఈ విషయంలో కొందరు అధికారులు ఒకరకంగా, మరికొందరు అధికారులు మరోరకంగా చెబుతుండటంతో రైతులు అయోమయానికి గురవుతున్నారు. ఆ ధార్ అనుసంధానంతో తమకు లాభం జరుగుతుం దా, లేక నష్టం జరుగుతుందా అనే విషయమై రైతులు మదనపడుతున్నారు. ప్రభుత్వం, బ్యాంకర్లు దీనిపై స్పష్టత ఇవ్వకపోవడం గందరగోళంగా మారింది. బ్యాంకుల్లో రైతుల బారులు.. పంట రుణాలు పొందిన రైతు కుటుంబంలో *లక్ష వర కు రుణం మాఫీ చేస్తామని ప్రభుత్వం ప్రకటించింది. రుణమాఫీ కోసం రైతులు తప్పనిసరిగా ఆధార్ జిరా క్స్ పత్రాలను బ్యాంకులు, సహకార సంఘాల్లో అందజేయాలని అధికారులు సూచించారు. దీంతో రైతులు బ్యాంకులు, సింగిల్ విండోల వద్దకు బారులు తీరుతున్నారు. అయితే కొందరు రైతులు తమకు తాత, తం డ్రుల నుంచి సంక్రమించిన వ్యవసాయ భూముల్లో పంటలు సాగుచేస్తున్నారు. రుణాలు సైతం వారి పేర్లమీదే పొందారు. ఇప్పుడు రుణం పొందిన వారి ఆధా ర్ కార్డు సమర్పించాలని అధికారులు అడగటంతో ఏం చేయాలో తెలియక ఆందోళనకు గురవుతున్నారు. గడువుపై స్పష్టత లేదు.. ప్రభుత్వం ప్రకటించిన పంట రుణమాఫీ అర్హత పొందేందుకు రైతులు బ్యాంకు పాసు పుస్తకం, పట్టాదారు పాసు పుస్తకం జిరాక్స్ పత్రాలతో పాటు ఆధార్ కార్డు జిరాక్స్లను ఇవ్వాలని బ్యాంకర్లు కోరుతున్నా రు. ఈ మేరకు ఇప్పటికే వ్యవసాయాధికారులు సైతం రైతులకు సమాచారం అందజేస్తున్నారు. అయితే అధా ర్ కార్డు జిరాక్స్లను ఎప్పటిలోగా అందజేయాలనే దానిపై గడువు స్పష్టంగా చెప్పడం లేదు. కానీ మండల స్థాయి అధికారులు తమ మండలాల్లో బ్యాంకర్లతో సమావేశాలు నిర్వహించి, ఈనెల 30లోగా రుణమాఫీ అర్హత గల రైతుల జాబితాను అందజేయాలని సూచి స్తున్నారు. బ్యాంక ర్లు ఇచ్చిన జాబితాను కలెక్టర్కు అందజేస్తామని మండల అధికారులు తెలుపుతున్నా రు. ఈనెల 28, 29 తేదిల్లో గ్రామసభలు నిర్వహిస్తామని అధికారులు ఇప్పటికే ప్రకటించారు. ఆధార్ పొందని రైతులు నమోదు కేంద్రాల వైపు పరుగులు తీస్తున్నారు.నెలాఖరులోగా ఆధార్కార్డు సహా అన్ని పత్రాలు అందించకుంటే రుణమాఫీ వర్తించదేమోనన్న ఆందోళన వారిలో ఉంది. అధార్ కార్డులో పేరు తప్పుగా వచ్చిన రైతులు ఇబ్బందులు పడుతున్నారు. గ్రామసభల్లో నిర్ధారిస్తాం.. రుణమాఫీకి ఆధార్కార్డు ఇవ్వని వారిని పరిగణలోకి తీ సుకుంటారని బ్యాంకర్లు చెబుతున్నారు. రైతులను ఆధార్ జిరాక్స్లు తప్పనిసరిగా కావాలని అడగటం లేదని బ్యాంకర్లు చెబుతున్నారు. రుణమాఫీకి అర్హత గల రైతుల పేర్లను రెవెన్యూ, వ్యవసాయ శాఖల అధికారులతో సరిపోల్చుకుని గ్రామసభల్లో నిర్ధారిస్తామని బ్యాంకర్లు అంటున్నారు. ఎవరెన్ని చెప్పినా రైతుల్లో ఆందోళన తొలగడం లేదు. -
రుణమాఫీపై ప్రభుత్వాన్ని నిలదీసిన వైఎస్ జగన్
రైతులు, డ్వాక్రా మహిళల రుణ మాఫీపై వైఎస్ఆర్ కాంగ్రెస్ లెజిస్లేచర్ పార్టీ నేత వైఎస్ జగన్మోహన రెడ్డి ఈ రోజు శాసనసభలో ప్రభుత్వాన్ని నిలదీశారు. రైతులు తీసుకున్న పంట రుణాలు, బంగారంపై తీసుకున్న రుణాలు చెప్పమని అడిగారు. జిల్లాల వారీగా వివరాలు కోరారు. మొత్తం రైతుల రుణాలు 84 వేల కోట్ల రూపాయలని రాష్ట్ర స్థాయి బ్యాంకర్ల సమావేశం తెలిపింది. డ్వాక్రా రుణాలు 14వేల కోట్ల రూపాయలని ఎస్ఎల్బిసి తెలిపింది. మొత్తం కలిపి అధికారిక లెక్కల ప్రకారమే 98 వేల కోట్ల రూపాయల రుణాలు ఉంటే, కేవలం 5 వేల కోట్ల రూపాయలు మాత్రమే బడ్జెట్లో కేటాయించారని ప్రభుత్వాన్ని జగన్ నిలదీశారు. ప్రతిపక్ష నేత అడిగిన దేనికీ ప్రభుత్వం సరైన రీతిలో సమాదానం చెప్పలేకపోయింది. . రుణాల మాఫీపై ఆంక్షలు, పరిమితులు విధిస్తూ జీఓ జారీ చేశారని జగన్ ప్రభుత్వాన్ని తప్పుపట్టారు. విధించిన పరిమితులు ప్రకారమైనా ఎంత రుణం మాఫీ చేస్తారు? ఎప్పటి లోగా మాఫీ చేస్తారు? అని జగన్ ప్రశ్నించారు. హామీలు నెరవేర్చలేని స్థితిలో ప్రభుత్వం ఉందని అన్నారు. 2013, డిసెంబరు 31 వరకు తీసుకున్న రుణాలకు మాత్రమే మాఫీ వర్తిస్తుందని వ్యవసాయ శాఖ మంత్రి ప్రత్తిపాటి పుల్లారావు చెప్పారు. 2014 జనవరి తరువాత తీసుకున్న రుణాలకు మాఫీ వర్తించదన్నారు. డిసెంబరు 31కి ముందు తీసుకున్న రుణబకాయిలు ఇప్పటికే చెల్లించినా రుణమాఫీ వర్తిస్తుందని చెప్పారు. 42 లక్షల మంది రైతులు రుణమాఫీ కింద లబ్ది పొందుతారని మంత్రి తెలిపారు. రుణమాఫీపై ఇప్పటికే ప్రభుత్వం జిఓ జారీ చేసిందని ఆర్థిక మంత్రి యనమల రామకృష్ణుడు చెప్పారు. రైతు రుణ మాఫీపై ప్రభుత్వం స్పష్టంగా ఉందన్నారు. బడ్జెట్లో 5 వేల కోట్ల రూపాయలు కేటాయించినంత మాత్రాన రుణమాపీ అమలు చేయబోమని కాదని యనమల వివరణ ఇచ్చారు. శాసనసభలో మాట్లాడేందుకు సమయం ఇవ్వకపోవడంతో వైఎస్ జగన్ బాధ్యయుతమైన ప్రతిపక్ష నేతగా అసెంబ్లీ కమిటీ హాలులో విలేకరుల సమావేశం ఏర్పాటు చేసి అన్ని అంశాలను వివరించారు. ప్రభుత్వం ఇచ్చిన హామీలకు ప్రభుత్వం ఏ విధంగా తిలోదకాలు ఇచ్చిందో సవివరంగా లెక్కలతో సహా తెలిపారు. రైతలు రుణాల దగ్గర నుంచి ఫీజు రియింబర్స్మెంట్ వరకు ఇచ్చిన హామీలకు, కేటాయించిన కేటాయింపులకు ఎంత వ్యత్యాసం ఉందో వివరించారు. - శిసూర్య -
మాఫీకి మరిన్ని ఆంక్షలు..!
* ఈ ఏడాది జనవరి నుంచి మార్చిలోగా రుణాలు చెల్లించినవారికి మాఫీ వర్తించదు * సహకార బ్యాంకుల్లో రుణాలు రెన్యువల్ చేసుకున్న 16.55 లక్షల రైతులకూ మొండిచేయి సాక్షి, హైదరాబాద్: రుణమాఫీ భారాన్ని తగ్గించుకునేందుకు చంద్రబాబునాయుడు ప్రభుత్వం అన్నివిధాలా ప్రయత్నిస్తోంది. ఎక్కడికక్కడ కోతలు విధించిడం ద్వారా వీలైనంతమంది రైతుల్ని మాఫీ పరిధి నుంచి తప్పించేలా నిబంధనలు విధిస్తోంది. ఎన్నికల హామీ సందర్భంగా ఎటువంటి ఆంక్షలు విధంచకుండా మాఫీ చేస్తానని పేర్కొన్న చంద్రబాబు.. ఇప్పటికే కుటుంబానికి లక్షన్నర వరకు మాత్రమే మాఫీ అంటూ పరిమితి విధించారు. తర్వాత మరో అడుగు ముందుకేసి గత ఏడాది డిసెంబర్ వరకు తీసుకున్న రుణాలకే మాఫీ అన్నారు. ఈ ఏడాది మార్చి వరకు వడ్డీని మాత్రమే మాఫీ పరిధిలోకి తీసుకుంటామనే నిబంధన కూడా విధించారు. ఇంతటితో ఆగకుండా తీసుకున్న రుణాలను తిరిగి చెల్లించిన రైతులకు, అలాగే సహకార బ్యాంకుల్లో రుణాలు తీసుకుని ఆ రుణాలను రెన్యువల్ చేసుకున్న రైతులకు మాఫీలో మొండిచేయి చూపించారు. రుణ మాఫీ మార్గదర్శకాల్లో ప్రభుత్వం పెట్టిన ఈ మెలిక ను చూస్తే.. ఈ ఏడాది జనవరి నుంచి మార్చి నెలాఖరులోగా రుణాలు చెల్లించిన వారికి, అలాగే ఆ మధ్య కాలంలో రుణాలను రీ షెడ్యూల్ చేసుకున్న రైతులకు రుణ మాఫీ వర్తించదనే విషయం స్పష్టమైంది. ముఖ్యంగా ఈ నిబంధన సహకార బ్యాంకుల్లో రుణాలు తీసుకున్న రైతుల పాలిట శాపంగా మారింది. సహకార బ్యాంకుల్లో రుణాలను రైతులు జనవరి నుంచి మార్చి నెల మధ్య కాలంలోనే రెన్యువల్ చేసుకున్నారని, అయితే ప్రభుత్వం గత ఏడాది డిసెంబర్ వరకు గల రుణాలే మాఫీ పరిధిలోకి వస్తాయని పేర్కొనడంతో సహకార సంఘాల్లో రుణాలు తీసుకున్న 16,55,665 మంది రైతులకు చెందిన రూ.6,172 కోట్లు ఇప్పుడు మాఫీ పరిధిలోకి రావడం లేదని ఆప్కాబ్ అధికారులు తెలిపారు. గ్రామాల్లోని సహకార బ్యాంకుల్లో రుణాలు తీసుకున్న రైతులకు మాఫీ వల్ల ఎటువంటి ప్రయోజనం ఉండదని చెప్పారు. ఈ రైతులు తమ రుణాలను రెన్యువల్ చేసుకున్నందున జనవరి తర్వాత తీసుకున్న కొత్త రుణాలుగా మారిపోయాయని వివరించారు. మరోపక్క వాణిజ్య బ్యాంకుల్లో రుణాలు తీసుకున్న రైతులు జనవరి నుంచి మార్చి మధ్యకాలంలో రుణాలు చెల్లించేసి కొత్త రుణాలు తీసుకున్నారని, అలాంటి క్రమశిక్షణ కలిగిన రైతులు వేల సంఖ్యలో ఉంటారని, వారికి మాఫీ వర్తింప చేయకపోవడం అంటే క్రమశిక్షణను నిరుత్సాహపరచడమే అవుతుందని రాష్ట్ర స్థాయి బ్యాంకర్ల కమిటీ (ఎస్ఎల్బీసీ) రాష్ట్ర ప్రభుత్వానికి సూచించింది. దీనిపై ప్రభుత్వం స్పందిస్తూ.. జనవరి నుంచి మార్చి మధ్యకాలంలో అనేక బ్యాంకులు ముఖ్యంగా స్టేట్ బ్యాంక్ ఆఫ్ ఇండియా అధిక మొత్తంలో రైతులకు బంగారంపై వ్యవసాయ రుణాలను మంజూరు చేసిందని, ఈ నేపథ్యంలోనే ఆ కాలంలో రుణాలకు మాఫీ వర్తింప చేయడం లేదని పేర్కొంది. అయితే బంగారం రుణాలను మినహాయించి మిగతా పంట రుణాలు చెల్లించిన వారికి మాఫీ వర్తింప చేయూలని ఎస్ఎల్బీసీ కోరింది. ఇప్పటివరకు ప్రభుత్వం నుంచి ఎటువంటి స్పందన రాలేదని బ్యాంకర్లు తెలిపారు. రుణ మాఫీ సాధ్యమా కాదా అనే ఆలోచన లేకుండా హామీ ఇచ్చి ఇప్పుడు బ్యాంకర్లపై నిందలు మోపేలా ప్రభుత్వంలోని కొంతమంది వ్యవహరించడం శోచనీయమని వారు వ్యాఖ్యానిస్తున్నారు. -
సీఎంగా చేసిన ప్రకటననూ తుంగలో తొక్కిన చంద్రబాబు
-
మరో దొంగ దెబ్బ
రైతుల రుణ మాఫీపై సీఎంగా చేసిన ప్రకటననూ తుంగలో తొక్కిన చంద్రబాబు ► ఈ ఏడాది మార్చి 31 వరకున్న రుణాలన్నీ మాఫీ అని జూన్ 21న సీఎం ప్రకటన ► మార్గదర్శకాల్లో మాత్రం గతేడాది డిసెంబర్ 31 వరకు తీసుకున్న రుణాలకే వర్తింపు ► డిసెంబర్ వరకు తీసుకున్న రుణాలకు ఈ మార్చి వరకే వడ్డీ చెల్లింపంటూ మెలిక ► ఆయా రుణాలపై మార్చి 31వ తేదీ తరువాత పడే వడ్డీని రైతులే చెల్లించుకోవాలి ► ఈ జనవరి నుంచి మార్చి వరకు తీసుకున్న వ్యవసాయ రుణాలకు మాఫీ వర్తించదు ► ఆ కాలంలో రైతులు బంగారం కుదువపెట్టి ఎక్కువ రుణాలు తీసుకున్నందున కుదింపు ► లక్షల్లో రైతుల రుణ ఖాతాలను, వేల కోట్లలో మాఫీ భారాన్ని తగ్గించుకునే ఎత్తుగడ ► నిజానికి ఎన్నికల ముందు గోల్డ్పై రుణాలు తీసుకోవాలంటూ టీడీపీ నేతల ప్రచారం ► ఇంటింటికి వెళ్లి మరీ ప్రోత్సాహం.. బంగారాన్ని బాబు విడిపిస్తారని నమ్మించారు ► అధికారంలోకి వచ్చాక ఆ రైతు కుటుంబాలను నట్టేట ముంచిన టీడీపీ సర్కారు హైదరాబాద్: ముఖ్యమంత్రి చంద్రబాబు మాయమాటల బండారం మరోసారి బయటపడింది. నమ్మించి మోసం చేయటం ఆయన నైజమని మళ్లీ రుజువైంది. రైతుల వ్యవసాయ రుణాల మాఫీ హామీ విషయంలో చంద్రబాబు ప్రభుత్వం మరోసారి దొంగ దెబ్బతీసింది. రుణ మాఫీని ఇప్పటికీ అమలు చేయకుండా అనేక సాకులు చెప్తూ.. ఆంక్షలు పెడుతూ నాన్చుతున్న చంద్రబాబు ఇటీవల సీఎం హోదాలో.. ఈ ఏడాది మార్చి 31 వరకూ తీసుకున్న రుణాలను -తిరిగి చెల్లించని వారివి, చెల్లించిన వారివి కూడా- మాఫీ చేస్తామని స్వయంగా బాహాటంగా చెప్పిన మాటనూ తుంగలో తొక్కేశారు. గతేడాది డిసెంబర్ 31లోగా తీసుకున్న పంట రుణాలు, బంగారం కుదవ పెట్టి వ్యవసాయానికి తీసుకున్న పంట రుణాలు, ప్రకృతి వైపరీత్యాల సమయంలో మధ్యకాలిక రుణాలుగా మార్చిన రుణాలకే మాఫీ వర్తిస్తుందని ఆ తర్వాత జారీ చేసిన మార్గదర్శకాల్లో స్పష్టంచేశారు. ఈ విషయం తెలుసుకుని చంద్రబాబు తమను నమ్మించి మరీ నిలువునా మోసం చేశారని రైతులు ఆవేదన వ్యక్తం చేస్తున్నారు. మూడు నెలల్లో ఎన్నో పిల్లి మొగ్గలు... అధికారంలోకి వస్తే రాష్ట్రంలో వ్యవసాయ రుణాలన్నిటినీ మాఫీ చేస్తానని చంద్రబాబు ఎన్నికల సందర్భంగా రైతాంగానికి హామీ ఇవ్వడం తెలి సిందే. తీరా అధికారంలోకి వచ్చాక.. రుణ మాఫీ అమలుపై విధివిధానాలకు కమిటీ అని, నిధుల సమీకరణకు కమిటీ అని, ఆర్బీఐ ద్వారా రీషెడ్యూల్ చేయిస్తానని.. అనేక పిల్లిమొగ్గలు వేస్తూ కాలం వెళ్లబుచ్చటం తెలిసిందే. ఈ లోగా రైతులు రుణాలు చెల్లించాల్సిన గడువు ముగిసిపోవడం, వారంతా డిఫాల్టర్లుగా మారారంటూ బ్యాంకర్లు రుణాల వసూళ్ల కోసం నోటీసులు ఇవ్వడం, ఆ రుణాలపై 13% వడ్డీ భారం పడటం, ఖరీఫ్ సాగుకు కొత్త రుణాలు లభించకపోవడం, రైతాంగం పెట్టుబడుల కోసం తీవ్ర ఇబ్బందులు ఎదుర్కొంటుండడం తెలిసిందే. మార్చి 31 వరకూ తీసుకున్న రుణాలన్నీ అన్నారు... ఈ పరిస్థితుల్లో రైతుల నుంచి నిరసనలు, ప్రతిపక్షం నుంచి ఒత్తిడులు పెరుగుతుండటంతో.. సీఎం చంద్రబాబు గత నెల (జూలై) 21వ తేదీన మంత్రివర్గ సమావేశం నిర్వహించి రుణ మాఫీ అమలుపై నిర్ణయం తీసుకున్నట్లు అనంతరం ఆయన స్వయంగా విలేకరుల సమావేశంలో తెలిపారు. ఈ ఏడాది మార్చి 31వ తేదీ వరకు తీసుకున్న రుణాలను, రుణాలు తీసుకుని చెల్లించిన వారి, చెల్లించని వారి రుణాలను మాఫీ చేస్తామని ప్రకటించారు. సీఎంగా ప్రమాణ స్వీకారం చేసిన తర్వాత జిల్లాల పర్యటనల్లో పలు బహిరంగ సభల్లోనూ.. ఈ ఏడాది మార్చి నెలాఖరు వరకు తీసుకున్న రుణాలన్నింటినీ మాఫీ చేస్తామని ప్రకటించారు. డిసెంబర్ 31 వరకూ మాత్రమేనని మార్గదర్శకాలు... కానీ.. ఈ నెల 14న రుణ మాఫీపై జారీ చేసిన మార్గదర్శకాల్లో మాత్రం ఆ మాటకూ కట్టుబడకుండా దొంగ దెబ్బ తీశారు. గతేడాది డిసెంబర్ 31లోగా తీసుకున్న రుణాలకు మాత్రమే మాఫీ వర్తిస్తుందని మార్గదర్శకాల్లో స్పష్టంచేశారు. అంతేకాదు.. ఈ ఏడాది జనవరి నుంచి మార్చి 31 వరకూ తీసుకున్న రుణాలకు ఈ మాఫీ వర్తించదని తేల్చిచెప్పారు. అంతే కాకుండా వ్యవసాయ రుణాలపై వడ్డీ చెల్లింపులో కూడా మరో మెలిక పెట్టారు. గత ఏడాది డిసెంబర్ 31వ తేదీ వరకు తీసుకున్న రుణాలకు ఈ ఏడాది మార్చి వరకు అయ్యే వడ్డీని మాత్రమే మాఫీ పరిధిలోకి తీసుకువస్తామని మార్గదర్శకాల్లో స్పష్టం చేశారు. అంటే ఈ ఏడాది మార్చి తరువాత వడ్డీని ఆయా రైతులే భరించుకోవాల్సి ఉంది. అలాగే.. ఒక్కో కుటుంబానికి గరిష్టంగా రూ. 1.50 లక్షల మేర మాత్రమే రుణ మాఫీ వర్తిస్తుందని, ఆయా కుటుంబానికి నిబంధనల ప్రకారం అర్హత మేరకు ఉన్న రుణానికి మాత్రమే ఈ మాఫీ ఉంటుందని.. అర్హతకు మించి ఉన్న రుణాలకు వర్తించదనీ నిబంధనలు పెట్టారు. రాష్ట్ర ప్రభుత్వం రుణ మాఫీ మార్గదర్శకాల్లో ఈ నిబంధనలు చేర్చడం ద్వారా.. లక్షలాది మంది రైతుల ఖాతాలను, వేల కోట్ల రూపాయల రుణ భారాన్ని తగ్గించుకోవడమే లక్ష్యమని బ్యాంకుల అధికారులే స్వయంగా చెప్తున్నారు. మార్చి 31 వరకూ తీసుకున్న రుణాలన్నిటినీ కూడా మాఫీ చేస్తామని చంద్రబాబు సీఎంగా ప్రమాణ స్వీకారం చేశాక బహిరంగంగా చెప్పిన మాటకు కూడా కట్టుబడకుండా మోసం చేయడం సమజసం కాదనే అభిప్రాయాన్ని బ్యాంకు అధికారులే వ్యక్తం చేస్తున్నారు. జనవరి తర్వాతే ఎక్కువ రుణాలు... వాస్తవానికి జనవరి నుంచి మార్చిలోగా ఎక్కువ మంది బంగారం కుదవ పెట్టి వ్యవసాయ పంట రుణాలు తీసుకున్నారని, ఆ రుణాలను మాఫీ చేయకూడదనే ఈ నిబంధన పెట్టారని అధికార వర్గాలు తెలిపాయి. జనవరి నుంచి మార్చి నెలాఖరు వరకు బంగారంపై వ్యవసాయ రుణాలు తీసుకోవాల్సిందిగా రైతులను ప్రోత్సహించింది తెలుగుదేశం పార్టీ నాయకులు, కార్యకర్తలేనని రైతాంగం వాపోతోంది. పంట రుణం తీసుకున్నప్పటికీ బంగారంపైన కూడా రుణం తీసుకోవాలని, బాబు అధికారంలోకి రాగానే రుణ మాఫీ ద్వారా బంగారం విడిపిస్తారని రైతులను నమ్మించింది టీడీపీ నాయకులేనని అధికారులు కూడా గుర్తు చేస్తున్నారు. ఎన్నికల ముందు చెప్పిన మాటకే కాదు.. ఎన్నికలయ్యాక ప్రమాణ స్వీకారం చేసిన తరువాత చెప్పిన మాటకు విరుద్ధంగా కూడా చంద్రబాబు వ్యవహరించడాన్ని బట్టే ఆయన విశ్వసనీయత ఏపాటిదో అర్థమవుతోందని పరిశీల కులు వ్యాఖ్యానిస్తున్నారు. -
రైతులకు రూ. 805 కోట్ల రుణాలు
సంతకవిటి : గత ఆర్థిక సంవత్సరంలో ఆంధ్రప్రదేశ్ గ్రామీణ వికాస్ బ్యాంకు ద్వారా శ్రీకాకుళం రీజనల్ పరిధిలో రూ. 805 కోట్లు రుణాలను రైతులకు అందజేశామని ఆ బ్యాంకు రీజనల్ మేనేజర్ బీఎస్ఎన్ రాజు అన్నారు. శుక్రవారం మండల కేంద్రంలో బ్రాంచి కొత్త కార్యాలయూన్ని ఆయన ప్రారంభించారు. అనంతరం ఆయన విలేకరులతో మాట్లాడారు.రైతు రుణ మాఫీకి సంబంధించి స్పష్టత లేనప్పటికీ ఉన్నతాధికారుల ఆదేశాలు మేరకు రుణాలు పొందిన రైతులు ఆధార్కార్డులను బ్యాంకు ఖాతాలకు అనుసంధానం చేస్తున్నామన్నారు. బ్యాంకు రీజనల పరిధిలో పది కొత్తశాఖలు ప్రారంభించనున్నామన్నారు. డ్వాక్రా మహిళలు తీసుకున్న రుణాన్ని సకాలంలో చెల్లించాలన్నారు. ఖరీఫ్ రుణాలు ఇచ్చేందుకు సిద్ధంగా ఉన్నామన్నారు. అరుుతే తీసుకున్న రుణాన్ని మాఫీ కోసం ఎదురు చూడకుండా సక్రమంగా వారుుదాలు చెల్లించాలన్నారు. అనంతరం ఇక్కడ బ్రాంచి మేనేజర్గా పనిచేసి బదిలీపై వెళ్లిన మేనేజర్ శర్మను ఆర్ఎం సన్మానించారు. కార్యక్రమంలో బ్రాంచి మేనేజర్ సూర్యనారాయణ, ఫీల్డ్ ఆఫీసర్ హనుమంతరావు, క్యాషియర్ ప్రకాశరావు పాల్గొన్నారు. -
అందరి చూపూ మాఫీ పైనే..
విభజన తరువాత ఏపీ తొలి బడ్జెట్ నేడే ఎన్నికలకు ముందిచ్చిన హామీలకే భారీ మొత్తాలు కావాలి.. వ్యవసాయ, డ్వాక్రా రుణాల మాఫీ కోసమే 1.01 లక్ష కోట్లు కావాలి రాష్ట్ర మొత్తం బడ్జెట్ రూ.1.11 లక్ష కోట్లుగా ఉండే అవకాశం దీన్లో మాఫీకి కేవలం 5 శాతం నిధులు కేటాయించొచ్చంటున్న నిపుణులు హైదరాబాద్: రాష్ట్ర విభజన అనంతరం ఆంధ్రప్రదేశ్ ప్రభుత్వం తొలిసారిగా ప్రవేశపెడుతున్న బడ్జెట్లో రుణాల మాఫీకి ఎంత కేటాయిస్తారోనని లక్షలాది రైతులు, డ్వాక్రా మహిళలు కోటి ఆశలతో ఎదురుచూస్తున్నారు. రైతులు, డ్వాక్రా సంఘాల రుణాలన్నింటినీ మాఫీ చేస్తానని ఎన్నికల సమయంలో ముఖ్యమంత్రి చంద్రబాబునాయుడు హామీ ఇచ్చిన విషయం తెలిసిందే. రాష్ట్రస్థాయి బ్యాంకర్ల కమిటీ నివేదిక ప్రకారం రైతులు తీసుకున్న అన్ని రకాల వ్యవసాయ రుణాలు 87,612 కోట్ల రూపాయలు. డ్వాక్రా సంఘాల రుణాలు రూ. 14,204 కోట్లు. ఈ రుణాల మాఫీ కోసం ప్రభుత్వం బడ్జెట్లో ఎన్ని వేల కోట్లు కేటాయిస్తుందనే అంశంపై రైతులు, మహిళలు ఉత్కంఠతో ఎదురుచూస్తున్నారు. అయితే రాష్ట్ర ప్రభుత్వం ఎన్నికలకు ముందిచ్చిన హామీలపై నామమాత్రపు కేటాయింపులతో సరిపుచ్చాలన్న ఆలోచనలో ఉన్నట్టు తెలిసింది. రుణాల మాఫీకి ప్రణాళిక పద్దులో రూ. 4 వేల కోట్లు, ప్రణాళికేతర పద్దులో రూ. 1,000 కోట్ల నామమాత్రపు కేటాయింపుతో రాష్ట్ర ప్రభుత్వం సరిపుచ్చవచ్చని సమాచారం. ఏదో కేటాయించామని చెప్పుకోవడానికి కేటాయింపులు చేస్తారే తప్ప, రుణ మాఫీని ఇప్పటికిప్పుడు అమలు చేయడానికి కాదని అధికారవర్గాలే చెబుతున్నాయి. రాష్ట్ర విభజన అనంతరం ఆంధ్రప్రదేశ్ ప్రభుత్వంలో తొలిసారి బడ్జెట్ను ప్రవేశపెట్టే అవకాశం ఆర్థిక మంత్రిగా యనమల రామకృష్ణుడుకు దక్కింది. బుధవారం ఉదయం 11 గంటలకు ఆయన 2014-15 ఆర్థిక సంవత్సరానికి పూర్తిస్థాయి బడ్జెట్ను శాసన సభలో ప్రవేశపెట్టనున్నారు. ఇదే సమయానికి శాసన మండలిలో మున్సిపల్ శాఖ మంత్రి నారాయణ బడ్జెట్ ప్రసంగాన్ని చదువుతారు. అంతకుముందు ఉదయం 8 గంటలకే రాష్ట్ర మంత్రివర్గం సమావేశమై బడ్జెట్కు ఆమోదం తెలుపుతుంది. 14వ ఆర్థిక సంఘం సిఫార్సులు, కేంద్రం నుంచి నిధులు అధిక మొత్తంలో రాబట్టేందుకు వీలుగా అభివృద్ధికి, ఆస్తుల కల్పనకు ఆయువుపట్టు అయిన ప్రణాళిక వ్యయాన్ని ప్రభుత్వం ఈసారి భారీగా తగ్గించింది. ప్రణాళికేతర వ్యయాన్ని మాత్రం భారీగా పెంచింది. ఆస్తుల కల్పన వ్యయం కేవలం రూ. 7,000 కోట్లుగా పేర్కొంది. ఈసారి రూ. 1.11 లక్షల కోట్లకు పైగా బడ్జెట్ను రూపొందించారు. ఇందులో ప్రణాళిక వ్యయం (కేంద్ర పథకాల నిధులతో కలిపి) రూ. 26 వేల కోట్లకు పైగా ఉండగా ప్రణాళికేతర వ్యయం రూ. 85 వేల కోట్లకు పైగా ఉంది. కేంద్ర, రాష్ట్ర ప్రభుత్వాల ద్వారా వచ్చే ఆదాయం రూ. 92 వేల కోట్లుగా అంచనా వేశారు. ఇందులో రాష్ట్ర సొంత పన్నుల ఆదాయం రూ. 38 వేల కోట్లుగా, కేంద్రం నుంచి పన్నుల వాటాతో పాటు ఇతర అన్ని రకాలుగా రూ. 54 వేల కోట్లు వస్తాయని అంచనా వేశారు. రెవెన్యూ వ్యయం రూ. 98 వేల కోట్లుగా చూపబోతున్నారు. రాష్ట్రం విడిపోయిన తరువాత ప్రస్తుత ఆర్థిక సంవత్సరంలో మిగతా పది నెలలకు రెవెన్యూ లోటు రూ. 15,691 కోట్లు ఉంటుందని అంచనా వేశారు. అయితే బడ్జెట్లో రెవెన్యూ లోటు రూ. 6,000 కోట్లుగా పేర్కొన్నారు. ద్రవ్య లోటు రూ. 12,000 కోట్లుగా ఉండనుంది. కేంద్ర ప్రభుత్వం నుంచి ప్రత్యేక గ్రాంటుగా రూ. 8 వేల కోట్లు, కేంద్ర ప్రాయోజిత పథకాల ద్వారా రూ. 9 వేల కోట్లు వస్తాయని అంచనా వేశారు. ప్రస్తుత ఆర్థిక సంవత్సరంలో 18 వేల కోట్ల రూపాయలు అప్పు చేయనున్నారు. స్కాలర్షిప్లు, ఫీజు రీయింబర్స్మెంట్లను ప్రణాళికేతర వ్యయంలోకి తీసుకు వచ్చారు. నీటి ప్రాజెక్టులకు నిధుల కేటాయింపును భారీగా తగ్గించేశారు. ఈ రంగానికి కేవలం రూ. 3,100 కోట్లు కేటాయించారు. అక్టోబర్ నుంచి వృద్ధులు, వికలాంగులు, వితంతువుల పింఛన్లను పెంచుతున్నందున కేటాయింపులు పెంచారు. బడ్జెట్లో కాపుల సంక్షేమానికి రూ. 50 కోట్లు, బ్రాహ్మణుల సంక్షేమానికి రూ. 25 కోట్లు కేటాయించారు. ఆరోగ్యశ్రీ పథకానికి రూ. 500 కోట్లు కేటాయించారు. అన్న క్యాంటీన్లు, ఎన్టీఆర్ సుజల స్రవంతికి నామమాత్రంగా కేటాయించారు. ఎన్టీఆర్ సుజల స్రవంతికి రూ. 5 కోట్లు మాత్రమే కేటాయించారు. -
సమస్యలపై ప్రభుత్వాన్ని నిలదీద్దాం
ప్రజలకు మేలు చేద్దాం : వైఎస్సార్సీఎల్పీ సమావేశంలో వైఎస్ జగన్ అసెంబ్లీలో ప్రతిపక్షం ‘షాడో కేబినెట్’లా వ్యవహరించాలి వ్యవసాయ రుణాలు మాఫీ చేయూలని గట్టిగా పట్టుబట్టాలి విద్యార్థి, యువజనుల సమస్యలపై అసెంబ్లీలో పోరాడాలి చంద్రబాబు హామీలపై ప్రభుత్వానిది కప్పదాటు వైఖరి హైదరాబాద్ : ఆంధ్రప్రదేశ్ రాష్ట్రంలో నెలకొన్న సమస్యలపై శాసన సభలో ప్రభుత్వాన్ని నిలదీసి, ప్రజలకు మేలు చేయూలని వైఎస్సార్ కాంగ్రెస్ పార్టీ ఎమ్మెల్యేలకు ఆ పార్టీ శాసన సభాపక్షం నేత వైఎస్ జగన్మోహన్రెడ్డి పిలుపునిచ్చారు. సోమవారం నుంచి శాసన సభ తొలి బడ్జెట్ సమావేశాలు ప్రారంభమవుతున్న నేపథ్యంలో ఆదివారం తన క్యాంపు కార్యాలయంలో నిర్వహించిన పార్టీ శాసన సభాపక్షం (వైఎస్సార్సీఎల్పీ) సమావేశానికి జగన్ అధ్యక్షత వహించారు. వ్యవసాయ, డ్వాక్రా, చేనేత రుణాల మాఫీ, రాష్ట్రంలో ఏర్పడిన కరువు పరిస్థితులు, రాజధాని ఎంపిక, విద్యార్థుల ఫీజు రీయింబర్స్మెంట్తో పాటు పలు ప్రజా సమస్యలపై రెండు గంటలకు పైగా చర్చించారు. ఈ సందర్భంగా జగన్ మాట్లాడుతూ.. వివిధ ప్రభుత్వ శాఖల కార్యకలాపాలను శాసన సభ్యులు పూర్తిగా అవగాహన చేసుకోవాలని, వాటిపై అప్రమత్తంగా ఉంటూ ఎప్పటికప్పుడు సభలో ప్రజా సమస్యలను ప్రస్తావించాలని కోరారు. అసెంబ్లీలో ప్రతిపక్షం ‘షాడో కేబినెట్’లా వ్యవహరించాలన్నారు. వ్యవసాయ రుణాలను పూర్తిగా మాఫీ చేయాలని, కరువు బారిన పడిన ప్రాంతాల్లో సహాయక చర్యలు చేపట్టాలని సభలో గట్టిగా డిమాండ్ చేయూలని చెప్పారు. విద్యార్థి, యువజనుల సమస్యలపై అసెంబ్లీలో పోరాడాలన్నారు. ప్రజలు మెచ్చే విధంగా పార్టీ ఎమ్మెల్యేలందరూ ఆయా శాఖలపై జరిగే చర్చల్లో పాల్గొనాలని సూచించారు. అసెంబ్లీ సమావేశాలకు హాజరయ్యే విషయంలో సమయపాలన పాటించాలని, క్రమం తప్పకుండా అందరూ హాజరై పూర్తి సమయం సభలో ఉండాలని చెప్పారు. ఎన్నికల సమయంలో ముఖ్యమంత్రి చంద్రబాబునాయుడు ఇచ్చిన హామీలపై ఆయన ప్రభుత్వం వ్యవహరిస్తున్న కప్పదాటు విధానాల వల్ల ప్రజల్లో అసంతృప్తి నెలకొందని తెలిపారు. రాష్ట్ర ఆర్థిక పరిస్థితితో పాటు వివిధ శాఖలపై చంద్రబాబునాయుడు విడుదల చేసిన శ్వేతపత్రాల్లో వారికి అనుకూలంగా ఉన్న అంశాలనే నిజాలుగా పేర్కొన్నారని, మరో కోణాన్ని ఆవిష్కరించలేదని సమావేశంలో ఎమ్మెల్యేలు అభిప్రాయపడ్డారు. హత్యా రాజకీయాలపై నిలదీస్తాం : గడికోట రుణాల మాఫీతో పాటు చంద్రబాబు ప్రభుత్వం గద్దెనెక్కిన తర్వాత ఈ మూడు నెలల కాలంలో రాష్ట్రంలో జరుగుతున్న హత్యా రాజకీయాలు, శాంతి భద్రతలు, ఎర్ర చందనం తదితర అనేక ఇతర సమస్యలపై అసెంబ్లీ బడ్జెట్ సమావేశాల్లో ప్రభుత్వాన్ని నిలదీస్తామని వైఎస్సార్సీఎల్పీ కోఆర్డినేటర్ గడికోట శ్రీకాంత్రెడ్డి చెప్పారు. రుణమాఫీపై శ్వేతపత్రం విడుదల చేయాలి హైదరాబాద్: వ్యవసాయ, డ్వాక్రా మహిళలు, చేనేత రుణాల మాఫీపై ఆంధ్రప్రదేశ్ ప్రభుత్వం వెంటనే శ్వేతపత్రం విడుదల చేయాలని వైఎస్సార్ కాంగ్రెస్ పార్టీ సీజీసీ సభ్యుడు ఉమ్మారెడ్డి వెంకటేశ్వర్లు డిమాండ్ చేశారు. ఆదివారం హైదరాబాద్లోని వైఎస్సార్సీపీ అధ్యక్షుడు వైఎస్ జగన్మోహన్రెడ్డి క్యాంపు కార్యాలయం వద్ద పార్టీ శాసనసభాపక్షం ఉప నేతలు జ్యోతుల నెహ్రూ, ఉప్పులేటి కల్పనతో కలసి ఉమ్మారెడ్డి మీడియాతో మాట్లాడారు. చంద్రబాబు ఎన్నికల సమయంలో వ్యవసాయ రుణాలన్నీ మాఫీ చేస్తానని చెప్పారని, ఇప్పుడు కేవలం పంట రుణాలే మాఫీ చేస్తామంటున్నారని, దానికి కూడా లక్షన్నర రూపాయల పరిమితి విధించారని విమర్శించారు. వ్యవసాయ, డ్వాక్రా, చేనేత, పవర్లూమ్స్ రుణాలన్నీ మాఫీ చేస్తానని టీడీపీ నేతలు తొలుత ఏవిధంగా చెప్పింది.. ఆ తరువాత పరస్పర విభిన్న ప్రకటనలు ఏవిధంగా చేసిందీ ఉమ్మారెడ్డి సవివరంగా వివరించారు. రుణమాఫీ ఎపుడు చేస్తారో స్పష్టంగా రైతులకు తెలిసేం దుకే శ్వేతపత్రం చాలా అవసరమని అన్నారు. ప్రజలు దగాపడ్డారు: కోటంరెడ్డి టీడీపీ ప్రభుత్వం చేతిలో రాష్ట్ర ప్రజలు దగా పడ్డారని నెల్లూరు రూరల్ ఎమ్మెల్యే కోటంరెడ్డి శ్రీధర్రెడ్డి వ్యాఖ్యానించారు. రుణాలు రద్దవుతాయనే ఆశతో ఓట్లేసిన ప్రజలకు చంద్రబాబు నిజస్వరూపం ఏమిటో తెలిసిందన్నారు. నయవంచనకు గురయ్యామనే ఆవేదనతో ఉన్న ప్రజల గుండె చప్పుడును తాము అసెంబ్లీలో ప్రతిధ్వనిస్తామని చెప్పారు. కమలాపురం ఎమ్మెల్యే పి.రవీంద్రనాథ్రెడ్డి మాట్లాడుతూ... చంద్రబాబు గద్దెనెక్కి మూడు నెలలైనా ఆయన ప్రభుత్వ నిష్క్రియాపరత్వం స్పష్టంగా కనిపిస్తోందని అన్నారు. ఎన్నికల్లో ఇచ్చిన హామీలపై కూడా ఎలాంటి చర్యలు తీసుకోవడం లేదని విమర్శించారు. -
ఏం మేలు చేశావని డబ్బా కొట్టుకుంటున్నావ్: అంబటి
బాబుపై వైఎస్సార్సీపీ ధ్వజం చంద్రబాబు వాస్తవ పరిస్థితికి రావాలి : అంబటి సాక్షి, హైదరాబాద్: రాష్ట్ర ప్రజలకు ఏం మేలు చేశారని సీఎం చంద్రబాబు డబ్బా కొట్టుకుంటున్నారని ప్రధాన ప్రతిపక్షమైన వైఎస్సార్ కాంగ్రెస్ నిలదీసింది. చంద్రబాబు డబ్బా కొట్టుకోవడం మాని వాస్తవ లోకంలోకి రావాలని వైఎస్సార్ సీపీ అధికార ప్రతినిధి అంబటి రాంబాబు శనివారం సూచించారు. అధికారం చేపట్టిన రెండు నెలల్లోనే ఇంత చేయగలగుతానని ఎవరైనా ఊహించారా అంటూ చంద్రబాబు స్వాతంత్య్ర దినోత్సవం రోజు విలేకరుల వద్ద మాట్లాడిన మాటలు ఆశ్చర్యకరమన్నారు. కనీసం ప్రమాణ స్వీకారం సందర్భంగా ఐదు తొలి సంతకాలైనా అమలు చేయగలిగారా అని ప్రశ్నించారు. ‘‘రైతుల రుణాలు మాఫీ చేసి తీరుతామని ఎన్నికల ముందు చంద్రబాబు చెప్పారు. ఆయన తీరు చూస్తే ఏడాది తరువాత కూడా ఇదే మాట చెప్పేలా ఉన్నారు’’ అని ఎద్దేవా చేశారు. ముఖ్యమంత్రి మాటల్లోనే రుణాల మాఫీకి మరో 4 నెలలు పడుతుందని తెలుస్తోందని, తొలి సంతకం అమలుకే ఆరు నెలలు పడితే ఆ సంతకం చేసిన సీఎంకు విలువేమి ఉంటుందని ప్రశ్నించారు. కొత్త రాజధానిపై కేంద్ర ప్రభుత్వం నియమించిన శివరామకృష్ణన్ కమిటీ నివేదిక ఇవ్వకముందే గుంటూరు - విజయవాడల మధ్య రాజధాని అంటూ చంద్రబాబు ప్రకటనలు చేస్తున్నారని, తద్వారా ఎన్నికల సమయంలో డబ్బు సాయం చేసిన వారి భూముల ధరలు భారీగా పెరిగేందుకు మాత్రం దోహదపడుతూ అవే గొప్పగా చెప్పుకుంటున్నారని దుయ్యబట్టారు. -
విశేషాధికారాలపై వైఖరి మారదు: తెలంగాణ కేబినెట్
* గవర్నర్కు అధికారాలపై రాష్ర్ట కేబినెట్ ఆందోళన * కేంద్రం సూచనలకు సమ్మతించరాదని నిర్ణయం * తదుపరి కార్యాచరణకు మరోసారి భేటీకి యోచన * రుణమాఫీ, రెగ్యులరైజేషన్, కేసుల ఎత్తివేత, అమరుల కుటుంబాలకు సాయం, టీ ఇంక్రిమెంట్కు ఆమోదం * పంద్రాగస్టున ప్రకటించనున్న సీఎం కేసీఆర్ * రైతులకు ఇన్పుట్ సబ్సిడీ బకాయిల విడుదలకు నిర్ణయం సాక్షి, హైదరాబాద్: గవర్నర్ విశేషాధికారాలకు సంబంధించి కేంద్రం పంపిన లేఖపై తెలంగాణ కేబినెట్ ఆందోళన వ్యక్తం చేసింది. దీనికి ఎట్టిపరిస్థితుల్లోనూ సమ్మతించబోమన్న వైఖరికే కట్టుబడి ఉండాలని నిర్ణయించింది. సోమవారం సచివాలయంలో ముఖ్యమంత్రి కె. చంద్రశేఖర్రావు అధ్యక్షతన దాదాపు నాలుగు గంటల పాటు రాష్ర్ట మంత్రి వర్గం సమావేశమైంది. గవర్నర్ విశేషాధికారాలపై పార్లమెంటులో ఎంపీలు స్పందించిన తీరును ఈ సందర్భంగా కేబినెట్ ప్రశంసించింది. ఎన్డీయే ప్రభుత్వం తెలంగాణపై నిర్బంధాన్ని ప్రయోగిస్తుందనే అంశాన్ని సమర్థంగా వెల్లడించగలిగామని మంత్రులు అభిప్రాయపడ్డారు. అయితే దీనిపై మరింత ఆచితూచి తదుపరి కార్యాచరణ రూపొందించుకోవాల్సి ఉందని, ఇందుకు మరోసారి భేటీ కావాలని కొందరు మంత్రులు అభిప్రాయపడ్డారు. కాగా, ఈ భేటీలో ప్రధానంగా ఆరు అంశాలపై సుదీర్ఘంగా చర్చ జరిగింది. రైతులకు రుణ మాఫీ, చేనేత కార్మికులకు రుణ మాఫీ, కాంట్రాక్టు కార్మికుల రెగ్యులరైజేషన్, అమరవీరుల కుటుంబాలకు చేయూత, తెలంగాణ ఉద్యమకారులపై కేసుల ఎత్తివేత, ఉద్యోగులకు తెలంగాణ ఇంక్రిమెంట్కు సంబంధించిన పలు అంశాలను మంత్రివర్గం విశ్లేషించింది. ఈ వివరాలను స్వాతంత్య్ర దినోత్సవం రోజున ముఖ్యమంత్రి అధికారికంగా ప్రకటించనున్నారు. కాగా, పంద్రాగస్టు వేడుకల్లోనే దళితులకు భూ పంపిణీ పథకాన్ని అమలు చేయాలని కూడా కేబినెట్ నిర్ణయించింది. ఐదేళ్లుగాా పెండింగ్లో ఉన్న రైతుల ఇన్పుట్ సబ్సిడీ(రూ. 480.42 కోట్లు)ని విడుదల చేయడానికి ఆమోదముద్ర వేసింది. ఇక చారిత్రక గోల్కొండ కోటలో స్వాతంత్య్ర దినోత్సవాన్ని జరపాలని నిర్ణయించడంపై కేసీఆర్ను మంత్రివర్గం ప్రత్యేకంగా అభినందించింది. ఎంసెట్ కోసం ఉమ్మడి కమిటీ సుప్రీం తాజా తీర్పు నేపథ్యంలో ఎంసెట్ కౌన్సెలింగ్ అంశం కూడా ప్రధానంగా చర్చకు వచ్చింది. కౌన్సిలింగ్ నిర్వహణకు ఉమ్మడిగా కమిటీని ఏర్పాటు చేయాలని నిర్ణయించింది. తమ ఆధ్వర్యంలోనే ప్రవేశాలను చేపట్టేందుకు సిద్ధపడిన ప్రభుత్వం ఈ నిర్ణయం తీసుకుంది. జేఎన్టీయూహెచ్ తెలంగాణలోనే ఉన్నందున తామే కౌన్సిలింగ్ నిర్వహిస్తామని, ఇందుకు రెండు రాష్ట్రాల అధికారులతో కూడిన ఉమ్మడి కమిటీని కూడా ఏర్పాటు చేస్తామని కేబినెట్లో తీర్మానించింది. జేఎన్టీయూ వీసీ జాయింట్ కన్వీనర్గా ఉండే ఈ కమిటీలో రెండు రాష్ట్రాల నుంచి ఇద్దరేసి చొప్పున అధికారులు సభ్యులుగా ఉండాలని నిర్ణయించారు. కౌన్సిలింగ్ నిర్వహణ కోసం మంగళవారమే నోటిఫికేషన్ జారీ చేసి, వీలైతే 13 లేదా 14 నుంచే సర్టిఫికెట్ల వెరిఫికేషన్ ప్రారంభించాలని నిర్ణయించినట్టు తెలిసింది. తెలంగాణ విద్యార్థులకు ఆర్థిక సాయం(ఫాస్ట్) కింద నిబంధనల ప్రకారమే ఫీజులను చెల్లించే అంశంపై కూడా సమావేశంలో మంత్రులు చర్చించారు. 1956 స్థానికతకు కట్టుబడి ఉండాలని, ఫీజు బకాయిలపై తక్షణమే లెక్కలు తీయాలని నిర్ణయించారు. జెండాలు ఎగరేసేది వీరే.. పంద్రాగస్టు వేడుకల సందర్భంగా జిల్లా కేంద్రాల్లో ఆయా జిల్లాల మంత్రులు త్రివర్ణ పతాకాన్ని ఎగరవేస్తారు. మంత్రులు లేని మహబూబ్నగర్లో మంత్రి కేటీఆర్, ఖమ్మంలో మంత్రి పద్మారావులు పతాకాలను ఆవిష్కరిస్తారు. ఆదిలాబాద్లో జోగు రామన్న, నిజామాబాద్లో పోచారం శ్రీనివాసరెడ్డి, కరీంనగర్లో ఈటెల రాజేందర్, వరంగల్లో రాజయ్య, మెదక్లో హరీష్రావు, రంగారెడ్డిలో మహేందర్రెడ్డి, నల్గొండలో జగదీశ్రెడ్డి ఈ కార్యక్రమాన్ని నిర్వహిస్తారు. దసరాకే కల్లు డిపోలు హైదరాబాద్లో గతంలో మూతపడ్డ 103 కల్లుడిపోలతో పాటు రంగారెడ్డిలో 17 కల్లు డిపోలను దసరా రోజున తిరిగి ప్రారంభించేందుకు తగిన చర్యలు తీసుకోవాలని మంత్రివర్గం నిర్ణయించింది. ఈ బాధ్యతను ఎక్సైజ్ మంత్రి పద్మారావుకు అప్పగించింది. వీలైనంతవరకు పాతవారికే వాటిని అప్పగించాలని కొందరు మంత్రులు సూచించారు. రుణాలమాఫీపై మరోసారి ఆర్బీఐ వద్దకు .... ఇదిలా ఉండగా, రైతుల రుణాల రీషెడ్యూల్ విషయంలో మరోసారి రిజర్వ్ బ్యాంకు తలుపుతట్టాలని తెలంగాణ సర్కార్ నిర్ణయించింది, ఈ అంశాన్ని తెలంగాణ మంత్రిమండలి సోమవారం సుధీర్ఘంగా చర్చించింది. కరువు, వరదల కారణంగా పంటలు నష్టపోయిన 415 మండలాల్లో రుణాలు రీ షెడ్యూల్ చేయాలని ఇదివరకే తెలంగాణ ప్రభుత్వం ఆర్బీఐని కోరిన సంగతి తెలిసిందే. అయితే పంటల దిగుబడిని పరిగణలోకి తీసుకుని ఆర్బీఐ కేవలం మెదక్, రంగారెడ్డి, ఆదిలాబాద్ జిల్లాల్లోని వంద మండలాల్లోనే రుణాల రీ షెడ్యూల్కు అంగీకరించి, వాటి చెల్లింపులకు కూడా అనేక షరతులు విధించిన సంగతి తెలిసిందే. రుణాల రీ షెడ్యూల్ను మరిన్ని మండలాలకు వర్తింప చేయాలని కోరుతూ ఆర్బీఐని కోరాలని ముఖ్యమంత్రి కల్వకుంట్ల చంద్రశేఖర్రావు ఆర్థికశాఖ అధికారులను ఆదేశించారు. రైతుల రుణాల మాఫీకి ప్రభుత్వం కట్టుబడి ఉందని, అయితే భారీమొత్తంలో నిధులు సమీకరణపై ఈ సమావేశంలో చర్చించినప్పటికీ, ఎలాంటి తుది నిర్ణయానికి రాలేదు. ఒకేసారి నిధుల సేకరణ ఎలా అన్న అంశం ఇబ్బందికరంగా మారుతుందని, అయితే,దీనిపై వచ్చే సమావేశంలో చర్చిద్దామని ముఖ్యమంత్రి సూచించారు. ప్రస్తుతం ఆర్బీఐ చేసిన ప్రతిపాదన ప్రకారమైతే.. తెలంగాణ ప్రభుత్వం దాదాపు 16 వేల కోట్ల మేరకు సమీకరించుకోవాల్సి ఉంటుంది. -
ఎన్నికల రాష్ట్రాల్లోనూ వ్యవసాయ రుణమాఫీ ఎఫెక్ట్
ముంబై: ఆంధ్రప్రదేశ్, తెలంగాణ ప్రభుత్వాలు రైతు రుణాలను మాఫీ చేస్తామని ప్రకటించడంతో అన్నదాతలు బ్యాంకులకు లోన్ల చెల్లింపును జాప్యం చేస్తున్నారు. ఈ చెల్లింపుల జాప్యం త్వరలో ఎన్నికలు జరగనున్న రాష్ట్రాలకూ వ్యాపిస్తోందని ఎస్బీఐ పేర్కొంది. ‘జూన్ క్వార్టర్లో కొత్తగా ఎన్పీఏగా మారిన రూ.9,932 కోట్ల రుణాల్లో రూ.1,959 కోట్లు(సుమారు 20%) వ్యవసాయ రంగానివే. ఇందులో ఆంధ్రప్రదేశ్, తెలంగాణాల వాటాయే రూ.600 కోట్లు. రుణ చెల్లింపుల్లో ప్రజలకు క్రమశిక్షణ ఉండాలని మా నమ్మకం. ఈ రెండు రాష్ట్రాలకూ అధిక సామర్థ్యం ఉందని కూడా మా విశ్వాసం. బ్యాంకు రుణ సేవలను అందుకోలేకపోతే ఈ రెండు రాష్ట్రాలూ తమ సామర్థ్యాన్ని అందుకోజాలవు’ అని ఎస్బీఐ చైర్పర్సన్ అరుంధతీ భట్టాచార్య వ్యాఖ్యానించారు. చెల్లింపుల జాప్యం సమస్య వ్యవసాయ రుణాలకే పరిమితం కాలేదు. ఇల్లు, బంగారం వంటి వాటికోసం రైతులు తీసుకున్న రుణాలు కూడా మొండిబకాయిలుగా మారుతున్నాయని ఆమె అన్నారు. ఒక్క ఆంధ్రప్రదేశ్లోనే రూ.150 కోట్ల హౌసింగ్, గోల్డ్ లోన్లను చెల్లించలేదని చెప్పారు. రుణాలు చెల్లించకపోవడం అనే సమస్య ఎన్నికలు జరగనున్న రాష్ట్రాలకూ విస్తరించడం ఆర్థిక వ్యవస్థకే ఆందోళన కలిగించే అంశమని అన్నారు. -
రైతు రుణమాఫీపై ఇంత ఈసడింపా?
దేశవ్యాప్తంగా ఇంతవరకు 3.50 లక్షల మంది రైతులు ఆత్మహత్యలు చేసుకోగా, తెలంగాణలో 1995 నుండి నేటివరకు 25 వేల మందికి పైగా రైతులు జీవితాలను కోల్పోయారు. మనకు తెలిసినంతవరకు మానవ చరిత్రలోనే ఇదొక ఘోరమైన విషాదం. తెలంగాణ, ఆంధ్రప్రదేశ్ రాష్ట్రాల్లో వ్యవసాయ రుణాల మాఫీపై భారతీయ రిజర్వ్ బ్యాంక్ గవర్నర్ ఇటీవల మీడి యాలో చేసిన ఒక ప్రకటన తీవ్ర అభ్యంతరకరమైంది.‘గత సంవత్సరం పైలీన్ తుపాను వల్ల పంట నష్టం పెద్దగా కలగ లేదు కదా, రుణమాఫీ ప్రకటించేంత స్థాయిలో రైతులు ఏమంత కష్టాలు పడ్డారం’టూ ఆర్బీఐ గవర్నర్ చేసిన ప్రకటన ఏరకంగా చూసినా ఖండించదగింది. ఒక కీలకమైన పదవిలో ఉంటున్న అధికారిగా ఆయనకు వ్యవసాయ సమాజ సంక్షేమం పట్లా, రైతుల పట్లా ఎలాంటి బాధ్యతా, నిబద్ధతా ఉండకపోవచ్చు. అయినప్పటికీ భారతీయ రైతుల దుస్థితిపట్లా, గత రెండు దశాబ్దాలుగా పాలకులు ధ్వంసం చేసిన వారి ఆర్థిక పరిస్థితి పట్లా ఆయనకు ఎంతో కొంత అవగాహన ఉంటే బాగుండేది. ప్రత్యేకించి, పైలీన్ తుపాను కారణంగా తెలంగాణ రైతుల పంటలు గత సంవత్సరం దారుణంగా దెబ్బతి న్నాయి. 2013 అక్టోబర్లో తుపాను సమయంలో, ఆ తర్వాత నిరంతరం కురిసిన వర్షాల కారణంగా తెలంగాణలో వరి, జొన్నతో సహా అన్ని రకాల పంటలను 50 శాతం కంటే ఎక్కువగానే రైతులు నష్టపోయారు. తెలంగాణలో మొత్తం 16.19 లక్షల హెక్టార్లలోని పత్తి పంట, 5.60 లక్షల హెక్టార్ల లోని జొన్న పంట తీవ్రంగా దెబ్బతింది. అవిభక్త ఆంధ్రప్ర దేశ్లో 76 శాతం పత్తి పంట, 90 శాతం జొన్న పంట తెలం గాణ జిల్లాల్లోనే పండేది. కానీ పాలక కాంగ్రెస్ పార్టీ నిర్లక్ష్యం వల్ల పంటల నష్టాలను అధికారులు సరిగా నమోదు చేయ లేదు. దీంతో లక్షలాదిమంది రైతులు వ్యవసాయ పెట్టుబడు లపై రాయితీకి అర్హులు కాలేకపోయారు. పంటల బీమా పథ కం కింద ఎలాంటి నష్టపరిహారాన్ని పొందలేకపోయారు. రుణమాఫీ అనేది వ్యవసాయరంగంలోని సంక్షోభాన్ని నివారించడానికి ప్రభుత్వాలు చేపడుతున్న అనేక చర్యల్లో ఒకటి మాత్రమే. కేవలం రుణమాఫీ అనే ఒక్క చర్యే వ్యవ సాయరంగ సమస్యలను పరిష్కరిస్తుందనే ఆలోచన ఎవరికీ లేదు. గత 20 సంవత్సరాలుగా కేంద్ర, రాష్ట్ర ప్రభుత్వాలు చేపడుతూ వచ్చిన వ్యవసాయ విధానాల ఫలితంగానే అవి భక్త ఆంధప్రదేశ్లో వ్యవసాయరంగం కునారిల్లిపోయింది. అలాంటిది.. గత సంవత్సరం పంటల దిగుబడిని ప్రాతిప దికగా తీసుకుని రెండు తెలుగు రాష్ట్రాల్లో కరువు పరిస్థితులు లేవని, కాబట్టి రైతు రుణాల రీషెడ్యూల్ సాధ్యం కాదని ఆర్బీఐ పేర్కొనడం వాస్తవ పరిస్థితులకు విరుద్ధంగా ఉంది. ఇప్పుడు రైతులను రెండు అంశాలు వెంటాడుతు న్నాయి అవేమంటే 1. ప్రతి సంవత్సరం దేశవ్యాప్తంగా వేలా దిమంది రైతులు ఆత్మహత్యలు చేసుకుంటూంటే గతంలోని యూపీఏ ప్రభుత్వం లాగే ప్రస్తుత ఎన్డీఏ ప్రభుత్వం కూడా ఎందుకు నిశ్శబ్దంగా ఉంది? రైతులు ఇకపై ఆత్మహత్య చేసు కోకుండా అన్ని చర్యలూ చేపట్టడం కేంద్ర ప్రభుత్వ బాధ్యత కాదా? రైతుల ఆర్థిక పరిస్థితుల మెరుగుదల కోసం కేంద్రం స్వచ్ఛందంగా రైతుల పంట రుణాలు, ప్రైవేట్ రుణాలను మాఫీ చేయడానికి ఎందుకు ముందుకు రావటం లేదు? 2. రాష్ట్ర ప్రభుత్వాలు పంట రుణాల మాఫీ ద్వారా రైతులకు కనీస ఉపశమనం కల్గించడానికి ప్రయత్నాలు చేస్తూ, రైతు రుణాల రీషెడ్యూల్ మాత్రమే చెయ్యాలని ఆర్బీఐకి ప్రతిపా దిస్తున్నాయి. అయితే ఆర్బీఐ క్షేత్రస్థాయిలో వాస్తవాలను అర్థం చేసుకోకుండా పంట రుణాల రీషెడ్యూల్ ప్రతిపా దనను పదే పదే వ్యతిరేకిస్తున్న సందర్భంలో కేంద్ర ప్రభు త్వం ప్రేక్షక పాత్ర పోషించడం సరైందేనా? వ్యవసాయ రంగం లాభసాటి కానందునే, అనేకమంది రైతుల జీవనం ఛిన్నాభిన్నమై ప్రతి ఏటా ఆత్మహత్యల బారిన పడుతున్నారు. దేశవ్యాప్తంగా ఇంతవరకు 3.50 లక్షల మంది రైతులు ఆత్మహత్యలు చేసుకోగా, తెలంగాణ ప్రాంతంలో 1995 నుండి నేటివరకు 25 వేలమందికి పైగా రైతులు జీవితాలను బలిపెట్టారు. మనకు తెలిసినంతవరకు మానవ చరిత్రలోనే ఇదొక ఘోరమైన విషాదం. ఆత్మహ త్యలు చేసుకోవాలనే కుతూహలం రైతుల్లో లేదు. కానీ కేంద్రప్రభుత్వాల నిర్వాకం వల్లే, బాధ్యతారహిత వైఖరివల్లే రైతులు బలవన్మరణాల పాలవుతున్నారు. భారతీయ వ్యవ సాయ విధానాన్ని సమూలంగా సమీక్షించి రైతుల ఆర్థిక పరిస్థితిని మెరుగుపర్చడంలో స్పష్టమైన ప్రతిపాదనలు చేయడానికి రాష్ట్ర ప్రభుత్వాలతో కేంద్రం సంప్రదింపులు జరుపవలసిన సమయం ఆసన్నమైంది. రైతులు ఆత్మహ త్యలు చేసుకోకుండా ఉండాలంటే, తక్షణ చర్యగా వ్యవ సాయ రుణాలను మాఫీ చేయాలి. రైతు ఆత్మహత్య జాతికే అవమానం. ఏ నాగరిక సమాజమైనా సరే ఆత్మహత్యలను ఆపడానికి ప్రతి చర్యనూ చేపట్టాల్సిందే. ఈ కోణంలో రైతు రుణాల మాఫీ న్యాయసమ్మతమైందే. పాకాల శ్రీహరిరావు (వ్యాసకర్త తెలంగాణ రైతు రక్షణ సమితి అధ్యక్షులు) -
రుణమాఫీ నుంచి తప్పించుకునే ప్రయత్నమే.. శంకరనారాయణ ధ్వజం
ధర్మవరం : రైతుల రుణమాఫీని 5-10 ఏళ్ల వ్యవధిలో చేస్తామని రాష్ర్ట వ్యవసాయ శాఖ మంత్రి పత్తిపాటి పుల్లారావు పేర్కొనడం చూస్తే ఈ ప్రభుత్వం రుణమాఫీ నుంచి తప్పించుకునేందుకు ప్రయత్నిస్తున్నట్లు స్పష్టమవుతోందని వైఎస్సార్సీపీ జిల్లా అధ్యక్షులు మాలగుండ్ల శంకరనారాయణ ధ్వజమెత్తారు. అన్నేళ్ల వ్యవధి తీసుకుంటే ప్రభుత్వం అంతవరకు ఏమైనా ఉంటుందా అని ప్రశ్నించారు. సోమవారం ఆయన ధర్మవరంలోని పార్టీకార్యాలయంలో ఏర్పాటు చేసిన విలేకర్ల సమాశంలో మాట్లాడుతూ మంత్రులు రుణమాఫీ విషయంలో రోజుకోమాట మాట్లాడుతూ రైతులను గందరగోళానికి గురిచేస్తున్నారని దుయ్యబట్టారు. బ్యాంకుల నుంచి సమాచారం రాలేదంటూ రుణమాఫీని తాత్సారం చేస్తున్నారన్నారు. అసలు బ్యాంకులకు సమాచారం ఎప్పుడు వస్తుంది.. రుణమాఫీ ఎప్పుడు చేస్తారో స్పష్టం చేయాలని డిమాండ్ చేశారు. కరువు పీడిత అనంతపురం జిల్లాకు ప్రత్యేక ప్యాకేజీ విడుదల చేయాలని కోరారు. ఈ ఏడాది పంటల బీమా కోల్పోయినందున రైతులకు ఎకరాకు రూ.10 వేల చొప్పున ఇన్పుట్ సబ్సిడీ విడుదల చేయాలని డిమాండ్ చేశారు. -
బ్యాంకులను పదేళ్ల గడువు కోరతాం: మంత్రి యనమల
హైదరాబాద్: రైతుల రుణ బకాయిలు చెల్లించడానికి పదేళ్లపాటు బ్యాంకులను గడువు కోరతామని ఏపీ ఆర్థిక మంత్రి యనమల రామకృష్ణుడు చెప్పారు. రైతుల రుణాలకు గ్యారంటీగా బ్యాంకులకు మూడు రకాల సెక్యూరిటీలు సమర్పిస్తామన్నారు. బేవరేజస్, ఇసుక, ఎర్రచందనంపై వచ్చే ఆదాయాలను ఎస్క్రో అకౌంట్ల ద్వారా చూపిస్తామని వివరించారు. ఈ నెల 20న బడ్జెట్ ప్రవేశపెట్టాలని భావిస్తున్నట్లు మంత్రి తెలిపారు. సుమారు లక్ష కోట్ల రూపాయలతో బడ్జెట్ ప్రవేశపెడతామని చెప్పారు. వ్యవసాయ బడ్జెట్ను ప్రత్యేకంగా పెట్టాలనుకుంటున్నామన్నారు. ముఖ్యమంత్రి చంద్రబాబు నాయుడుతో చర్చించాక నిర్ణయిస్తామని మంత్రి యనమల తెలిపారు. -
బీమాకు నామాలు!
* పంటల బీమాపై చంద్రబాబు సర్కారు కొత్త ఎత్తుగడ * రుణమాఫీ చేస్తున్నప్పుడు బీమా చెల్లించక్కర్లేదని అభిప్రాయం * రూ. 600 కోట్లు ప్రభుత్వ ఖాతాలో వేసుకోవాలని నిర్ణయం * కోటయ్య కమిటీ సిఫారసులకు ఆమోదముద్ర * లక్షన్నర కన్నా ఎక్కువ బీమా వస్తే.. ఆ సొమ్ము మాత్రమే రైతులకు * కానీ ఒక్కో రైతుకు రూ. 50 వేలకు మించి వచ్చే అవకాశమే లేదు సాక్షి, హైదరాబాద్: రుణాలు చెల్లించలేదన్న కారణం చూపిస్తూ రైతుల సేవింగ్స్ ఖాతాలను స్తంభింపజేయడానికి ఒకవైపు బ్యాంకులు ప్రయత్నిస్తుండగా.. మరోవైపు రైతులకు రావలసిన పంటల బీమాకు ప్రభుత్వం ఎగనామం పెట్టనుంది. రుణ మాఫీ పేరుతో రైతుల పంటల బీమా సొమ్మును సర్కారు ఖాతాలోకి జమ చేసుకోవాలన్న నిర్ణయానికొచ్చింది. గత ఖరీఫ్ పంట కాలానికి సంబంధించి రైతులకు దాదాపు రూ.600 కోట్ల బీమా మొత్తం చెల్లించాల్సి ఉందని ప్రాథమికంగా లెక్కతేల్చారు. అయితే రుణ మాఫీ చేస్తున్నప్పుడు బీమా చెల్లించడమెందుకని భావిస్తున్న ప్రభుత్వం ఆ సొమ్మును తన ఖాతాలో వేసుకోనుంది. ఒక్కో కుటుంబానికి లక్షన్నర రూపాయల వరకు రుణం మాఫీ చేస్తున్నట్టు ప్రకటించినందున ఇక ఆయా కుటుంబాలకు వచ్చే బీమా సొమ్ములను రైతులకు ఇవ్వాల్సిన అవసరం లేదని కోటయ్య కమిటీ చేసిన సిఫార్సులకు రాష్ట్ర ప్రభుత్వం ఆమోదముద్ర వేసింది. ఒక్కో కుటుంబానికి మాఫీ చేస్తున్న లక్షన్నర రూపాయలకు మించి బీమా సొమ్ము వస్తే ఆ ఎక్కువగా వచ్చే సొమ్మునే రైతులకు ఇవ్వాలని కోటయ్య కమిటీ సిఫారసు చేసింది. ఎలాగూ పంటల బీమా కింద రైతులకు లక్షల రూపాయల్లో సొమ్ము రాదు. ఒక్కో రైతుకు అత్యధికంగా వచ్చినా రూ.50 వేలకు మించి రాదు. అరుుతే ఆ రూ.50 వేలను కూడా మాఫీ కింద జమ చేసుకోవాలని రాష్ట్ర ప్రభుత్వం నిర్ణయించింది. దీని ప్రకారం చూస్తే ఒక్కో రైతు కుటుంబానికి లక్ష రూపాయలను మాత్రమే ప్రభుత్వం మాఫీ చేసినట్లవుతుందని, మిగతా రూ.50 వేలు రైతుల పంటల బీమా కింద వస్తుందని అధికార వర్గాలు తెలిపాయి. ప్రతి రైతు వ్యవసాయ రుణం తీసుకునే సమయంలో పంటల ఆధారంగా బీమా ప్రీమియంను కూడా చెల్లిస్తున్నారు. ఉదాహరణకు లక్ష రూపాయల వరకు పంటకు బీమా చేస్తే అందుకుగాను కొన్ని పంటలకు ఐదు శాతం, కొన్ని పంటలకు ఆరు శాతం చొప్పున రుణం మంజూరు సమయంలోనే ప్రీమియంను బ్యాంకులు మినహాయించుకుంటాయి. రాష్ట్రంలో మెజారిటీ రైతులు పంటల బీమా పథకం పరిధిలో ఉన్నారని ఉన్నతాధికారి ఒకరు తెలిపారు. గత ఖరీఫ్లో వేసిన పంటలు కోతలకు వచ్చిన సమయంలో అంటే గత సెప్టెంబర్, అక్టోబర్ నెలల్లో ఇన్సూరెన్స్ కంపెనీ, రెవెన్యూ, వ్యవసాయ శాఖల అధికారులు కలిసి పంటల దిగుబడి ఆధారంగా ఇన్సూరెన్స్ సొమ్మును అంచనా వేస్తారు. ఆ మేరకు గత ఖరీఫ్లో పంటల బీమా కింద రైతులకు రూ.600 కోట్లు చెల్లించాల్సి ఉంటుందని ప్రాథమికంగా అంచనా వేసినట్లు వ్యవసాయ శాఖ ఉన్నతాధికారి ఒకరు తెలిపారు. పంటల బీమా మొత్తంలో సగం కేంద్ర ప్రభుత్వం తన వాటా కింద విడుదల చేస్తే.. మిగతా సగాన్ని రాష్ట్ర ప్రభుత్వం తన వాటా కింద చెల్లించాల్సి ఉంటుందని ఆ అధికారి వివరించారు. రుణ మాఫీ హామీ సమయంలో చంద్రబాబు.. బీమా సొమ్మును మినహాయించి మాఫీ చేస్తానని ఎక్కుడా చెప్పకపోయినప్పటికీ కోటయ్య కమిటీ సిఫారసు ఆధారంగా ఈ కొత్త ఎత్తుగడ వేస్తున్నట్టు అధికారవర్గాలు చెబుతున్నాయి. -
ప్రజలకు అండగా నిలవాలి
పార్టీ శ్రేణులకు వైఎస్ జగన్ పిలుపు హైదరాబాద్: రైతుల రుణాలు, డ్వాక్రా మహిళల రుణాల మాఫీ విషయంలో ఆ వర్గాల వారికి అండగా నిలవాలని వైఎస్సార్ కాంగ్రెస్ పార్టీ అధ్యక్షుడు, ప్రతిపక్ష నేత జగన్మోహన్రెడ్డి పార్టీ నేతలు, శ్రేణులకు పిలుపునిచ్చారు. ఎన్నికలకు ముందు అనేక హామీలు ఇచ్చిన తెలుగుదేశం పార్టీ ప్రభుత్వం వాటిని అమలు చేయడం లేదని, అలాంటి విషయాల్లో పార్టీ నేతలు నిత్యం ప్రజల వెన్నంటి ఉండాలని చెప్పారు. ముఖ్యమంత్రి చంద్రబాబునాయుడు రైతుల రుణాలు, డ్వాక్రా రుణాల మాఫీ వాగ్దానాన్ని నెరవేర్చనందుకు నిరసనగా.. ‘నరకాసుర వధ’ పేరుతో ఇటీవల మూడురోజుల పాటు నిర్వహించిన ఆందోళన కార్యక్రమాలు, పార్టీ అంతర్గత విషయాలపై బుధవారం జగన్ సమీక్ష నిర్వహించారు. 13 జిల్లాల పార్టీ అధ్యక్షులు, ఇతర నేతలు ఇందులో పాల్గొన్నారు. నరకాసుర వధ కార్యక్రమంలో రైతులు, మహిళలు స్వచ్చందంగా పెద్దయెత్తున పాల్గొన్నారని వారు వివరించారు. పార్టీ పిలుపు మేరకు కార్యక్రమాన్ని విజయవంతం చేసినందుకు నాయకులను జగన్ అభినందించారు. గ్రామాల్లో రైతులు, మహిళలు రుణాల మాఫీపై తీవ్ర ఆందోళనతో ఉన్న విషయాన్ని పలు జిల్లాల అధ్యక్షులు పార్టీ అధినేత దృష్టికి తీసుకొచ్చారు. దీంతో ఈ విషయంలో వారికి అండగా నిలిచి పోరాటాలు చేయాలని జగన్ సూచించారు. రుణ మాఫీ చేయకుండా రైతులు నష్టపోయేలా చంద్రబాబు చర్యలు తీసుకుంటున్నారని, ఈ విషయూన్ని ప్రజల్లోకి తీసుకెళ్లాలని చెప్పారు. పార్టీలో సంస్థాగతంగా చేయనున్న మార్పు చేర్పులను ఆయన వివరించారు. ఎన్నికల్లో చంద్రబాబు ఇచ్చిన హామీలను తరచూ సమీక్షించేందుకు పార్టీ తరఫున ఒక్కో పార్లమెంటు నియోజకవర్గానికి ఒక్కో పరిశీలకుడిని నియమించాలని సమావేశంలో నిర్ణయించారు. నేటినుంచి గుంటూరులో సమీక్షలు: ఇటీవలి సాధారణ ఎన్నికల ఫలితాల సరళిని విశ్లేషించడానికి గురువారం నుంచి మూడురోజుల పాటు గుంటూరు జిల్లా సమీక్షా సమావేశాలు జరగనున్నాయి. పార్టీ అధినేత జగన్మోహన్రెడ్డి గుంటూరులో అసెంబ్లీ నియోజకవర్గాల వారీగా ఈ సమావేశాలు నిర్వహించనున్నారు. -
పొదుపు సొమ్ముకు ఎసరు
ఏపీలో 26 లక్షల మంది అన్నదాతలకు షాక్ బ్యాంకుల్లో రైతుల సేవింగ్స్ ఖాతాల స్తంభన రుణం చెల్లించినా పుస్తెలతాడు ఇవ్వలేదు వ్యవసాయ అవనరాల కోసం పంట రుణం తీసుకున్నాను. ఆ మొత్తం సరిపోక బంగారం కుదువబెట్టి మరికొంత తెచ్చుకున్నా. బంగారం రుణాన్ని చెల్లించి ఆభరణాలు తిరిగి ఇవ్వాలని బ్యాంక్ అధికారులను అడిగితే.. పంట రుణం చెల్లించాక ఇస్తామన్నారు. పుస్తెల తాడు (బంగారం) బ్యాంక్ వాళ్లు ఇవ్వలేదు. మెడలో పసుపుతాడుతో తిరుగుతున్నా. - లింగాల అనిత, ఎన్ఆర్పేట, ఏలూరు సాక్షి యంత్రాంగం ఇంటిల్లిపాదీ ఆరుగాలం శ్రమించినా సాగులో అప్పులే మిగిలాయి. వ్యవసాయ రుణాలను మాఫీ చేస్తామన్న పెద్ద మనిషిని నమ్ముకుని ఓటు వేసి గెలిపించి.. ఆశగా ఎదురు చూస్తున్నారు. కానీ అవి ఎప్పుడు నెరవేరుతాయో దిక్కు తెలియని పరిస్థితి. మరోవైపు.. ఖరీఫ్ కాలం కరిగిపోతోంది. మళ్లీ సాగు చేయటానికి పెట్టుబడుల కోసం డబ్బులు కావాలి. పాత రుణాలను మాఫీ చేస్తే కానీ బ్యాంకులు కొత్త రుణాలు ఇచ్చే పరిస్థితి లేదు. అదెప్పుడు జరుగుతుందో తెలియదు. బయట అప్పు పుట్టే పరిస్థితీ లేదు. ఈలోగా పుణ్యకాలం కాస్తా గడిచిపోతే.. అదను తప్పిపోతే.. సాగుకు దిక్కుండదు. ఓ అన్నదాత తన జీవిత బీమా పాలసీని సరెండర్ చేశాడు. ఇంతకాలం పైసా పైసా చొప్పున దాచుకున్న ఆ సొమ్ము తెచ్చుకుని సాగు చేసుకోవచ్చని తలచాడు. ఎల్ఐసీ నుంచి 41,000 రూపాయలకు చెక్కు వచ్చింది. దానిని తీసుకువెళ్లి బ్యాంకులోని తన పొదుపు ఖాతాలో జమ చేశాడు. చెక్కు మారిన తర్వాత.. ఖాతా నుంచి సొమ్ము తీసుకోవాలని ప్రయత్నించాడు. కానీ.. ఆ ఖాతా నుంచి రూపాయి కూడా రాలేదు. బ్యాంకు అధికారులను అడిగితే.. సదరు రైతు రుణ బకాయి ఉన్నందున.. అతడి పొదుపు ఖాతాను బ్లాక్ చేసినట్లు చెప్పారు. బకాయిలు చెల్లించే వరకూ పొదుపు ఖాతాలోని సొమ్ము తీసుకునే వీలు లేదని స్పష్టంచేశారు. దీంతో ఆ రైతన్న హతాశుడయ్యాడు. అతడొక్కడే కాదు.. ఆంధ్రప్రదేశ్లో 26 లక్షల మంది అన్నదాతలకు తగులుతున్న షాక్ ఇది. పిల్లల చదువుల కోసం.. త్వరలో జరగాల్సిన పెళ్లిళ్ల కోసం.. ఆస్పత్రుల్లో వైద్యం కోసం.. అనుకోకుండా వచ్చే ఆపదల్లో అవసరాల నిమిత్తం.. పొదుపు ఖాతాల్లో పైసా పైసా చొప్పున కూడబెట్టుకుంటున్న సొమ్ముకు.. అత్యవసర ఖర్చుల కోసం అప్పు తెచ్చి ఖాతాలో జమ చేసిన సొమ్ముకూ.. ఎసరు వచ్చిపడింది. రైతుల రుణమాఫీపై చంద్రబాబు ప్రభుత్వం పిల్లిమొగ్గలు వేస్తూ ఎటూ తేల్చకుండా నాన్చుతుండటంతో.. బ్యాంకులు తాము ఇచ్చిన వ్యవసాయ రుణాలను వసూలు చేసుకునేందుకు నడుంకట్టాయి. రీషెడ్యూలా.. రుణ మాఫీనా.. తేల్చి చెప్పలేక రాష్ట్ర ప్రభుత్వం రోజుకో తీరుగా మాటమారుస్తుండటంతో బ్యాంకులు రైతులపై నిబంధనల కొరడా ఝుళిపించటం మొదలెట్టాయి. మొన్నటివరకూ రైతులకు నోటీసులు ఇచ్చిన బ్యాంకులు ఇప్పుడు ఏకంగా రైతుల పొదుపు ఖాతాలను స్తంభింప చేస్తున్నాయి. ఆ పొదుపు ఖాతాల్లోని సొమ్మును వారి రుణ బకాయిల కింద లాగేసుకునేందుకు సిద్ధమవుతున్నాయి. ‘‘మీ పంట రుణం బకాయి ఉంది. అందుకే మీ సేవింగ్స్ ఖాతాలో ఉన్న డబ్బులను.. మీరు రుణం చెల్లించేదాకా తిరిగి తీసుకునేందుకు అనుమతించం...’’ అని బ్యాంకు మేనేజర్లు రైతులకు కరాఖండిగా తేల్చిచెప్తున్నారు. రుణాలు చెల్లించటానికి నిర్దేశించిన నిర్ణీత గడువు ముగిసిన తర్వాత పొదుపు ఖాతాల్లోని సొమ్మును బకాయిల కింద జమచేసుకుంటామని స్పష్టంచేస్తున్నారు. ఒక బ్యాంకు కాదు.. వరుస పెట్టినట్లుగా అన్ని బ్యాంకులు రైతుల సేవింగ్స్ ఖాతాలకు, వారి రుణ బకాయిలకు మెలిక పెడుతున్నాయి. సేవింగ్స్ ఖాతాలో ఉన్న డబ్బును డ్రా చేసుకోకుండా బ్లాక్ చేస్తున్నాయి. దీంతో డెబిట్ కార్డుతో ఏటీఎంలో డబ్బులు డ్రా చేసుకునేందుకు వెళ్లిన రైతులు.. ఖాతా ను బ్లాక్ చేశారని తెలుసుకుని నిర్ఘాంతపోతున్నారు. బ్యాంకు అధికారులు అసలు విషయం చెప్తుండటంతో నిశ్చేష్టులవుతున్నారు. ఇప్పుడిక అత్యవసర ఖర్చులకోసమే కాదు.. కుటుంబం గడవటానికి అవసరమైన రోజు వారీ ఖర్చుల కోసం కూడా వారు ప్రయివేటు వడ్డీ వ్యాపారులను ఆశ్రయించి ఎక్కువ వడ్డీకి అప్పులు చేయాల్సిన దుస్థితి. గోదావరి జిల్లాల్లో అధికం... బ్యాంకింగ్ వర్గాలు అందజేసిన సమాచారం ప్రకారం అత్యధికంగా తూర్పుగోదావరి జిల్లాలో 4.25 లక్షల మంది పొదుపు ఖాతాలను స్తంభింపజేశారు. ఆ తరువాత స్థానంలో పశ్చిమగోదావరి జిల్లాలో 2.75 లక్షలు, కృష్ణా, గుంటూరు జిల్లాల్లో 2.5 లక్షల చొప్పున రైతుల పొదుపు ఖాతాలను వారు డబ్బు విత్డ్రా చేయకుండా బ్లాక్ చేశారు. ‘‘నిర్ణీత సమయంలో రుణం చెల్లించని రైతుల ఖాతాలను మేం బ్లాక్ చేశాం. రుణ పరిమితికి మించిన డబ్బును రైతులు తీసుకునేందుకు ఎలాంటి ఆంక్షలు లేవు’’ అని జిల్లా లీడ్ బ్యాంక్ అధికారి ఒకరు చెప్పారు. అంటే.. ఒక రైతు రుణ బకాయి రూ. 50,000 ఉన్నపుడు.. అతడి పొదుపు ఖాతాలో రూ. 60,000 నగదు ఉన్నట్లయితే.. కేవలం రూ. 10,000 మాత్రం ఆ రైతు తీసుకునే అవకాశం ఉంది. అది కూడా బ్యాంకు అధికారుల అనుమతితోనే. మిగతా రూ. 50,000 మొత్తాన్ని బ్యాంకు స్తంభింపచేసి ఉంచుతుంది. రుణం చెల్లించటానికి ఇచ్చిన గడువులోగా చెల్లించకపోతే.. ఆ రూ. 50,000 ను బ్యాంకు బకాయి కింద జమ చేసేసుకుంటుంది. ఈ పరిస్థితి అటు బ్యాంకు అధికారులను సైతం ఇరకాటంలో పెడుతోంది. ‘‘రైతులు నిత్యం ఏదో ఒక బ్యాంక్కు వెళ్లి అధికారులతో తగాదా పడుతున్నారు. చివరకు మా పరిస్థితి అడకత్తెరలో పోక చెక్కలా మారింది’’ అని ఓ అధికారి వాపోయారు. ఆందోళనలో రైతాంగం తమ ఓపికకు పరీక్ష పెడుతూ సర్కారు రుణ మాఫీపై దాగుడుమూతలు ఆడుతుండగా.. ఇప్పుడు తాము పైసా పైసా కూడబెట్టుకున్న సొమ్మును సైతం బ్యాంకులు బ్లాక్ చేస్తుండటంతో రైతుల్లో నిరాశ నిసృ్పహలు అలుముకుంటున్నాయి. ఇంటిల్లిపాదీ కష్టపడి అత్యవసర ఖర్చుల కోసం కాస్తో కూస్తో పొదుపు చేసుకున్న డబ్బును అప్పు కింద జమ కడితే.. తమ కుటుంబమెలా గడుస్తుందని రైతులు వాపోతున్నారు. బ్యాంకులు పొదుపు ఖాతాలను సైతం స్తంభింపచేస్తుండటంతో వడ్డీ వ్యాపారులను ఆశ్రయించి అధిక వడ్డీలకు అప్పులు తెచ్చుకుంటూ ఊబిలో కూరుకుపోతున్నారు. దాచుకున్న సొమ్మును బ్లాక్ చేశారు వ్యవసాయ మదుపుల కోసం సీతానగరం ఆంధ్రా బ్యాంక్లో 30 వేలు రుణం తీసుకున్నా. ప్రభుత్వం మాఫీ చేస్తానని చెప్పిందని సంబరపడ్డా. ఇంటి ఖర్చుల కోసం అదే బ్యాంక్లో (అకౌంట్ నంబర్ 052710021023711) కొంత డబ్బు దాచుకున్నా. ఇటీవల ఏటీఎంకు వెళితే ఖాతా బ్లాక్ చేసినట్లు చూపింది. ఏం చేయాలో దిక్కుతోచట్లేదు. - చొక్కాపు తిరుపతిరావు, అప్పయ్యపేట, విజయనగరం ఎల్ఐసీ పాలసీ సరెండర్ చేసి చెక్కు వేశా... పొలం పనుల కోసం ఆత్రేయపురం మండలంలోని ఐడీబీఐ బ్యాంక్ నుంచి రుణం తీసుకున్నా. ఇప్పుడు వ్యవసాయ అవసరాల కోసం డబ్బు అవసరమై నా ఎల్ఐసీ పాలసీని రద్దు చేసుకున్నా. దానికి రూ. 41,000 చెక్ వస్తే అదే బ్యాంక్లోని అకౌంట్లో జమ చేశా. బ్యాంకుకు వెళ్లి విత్డ్రా చేద్దామంటే అధికారులు కుదరదని చెప్పారు. - మేడపాటి శ్రీనివాసరెడ్డి, ఆత్రేయపురం, తూర్పుగోదావరి జిల్లా పిల్లల కోసం దాచిన డబ్బు తీయనీయడం లేదు ఆంధ్రప్రగతి గ్రామీణ బ్యాంకులో రుణం తీసుకున్నా. అందులోని నా పొదుపు ఖాతాలో పిల్లల చదువుల కోసమని కొంత దాచుకున్నా. ఇప్పుడు అవసరానికి బ్యాంకుకు వెళితే రుణం చెల్లించేదాకా ఇవ్వబోమని తెగేసి చెప్తున్నారు. ప్రభుత్వం మాఫీ చేస్తామని చెప్పింది కదా అంటే.. ‘మా అకౌంట్కు వస్తేనే మేము మీ డబ్బు తిరిగిస్తాం’ అంటున్నారు. - గద్దలపాటి రామయ్య, పుల్లలచెరువు, ప్రకాశం జిల్లా -
ఆ రైతులంతా దొంగలే
-
కుటుంబానికి లక్ష మాఫీ!
రుణ మాఫీపై ఉన్నతస్థాయి కమిటీ సమావేశం రెండు మూడు రోజుల్లో ఉత్తర్వులు ఒక కుటుంబంలో రెండుమూడు అకౌంట్లు ఉన్నా.. లక్షలోపు రుణం మాఫీ రూ. లక్ష దాటితే.. పై మొత్తాన్ని రైతులే భరించాలి రుణాల చెల్లింపుపై స్పష్టత కోరిన బ్యాంకర్లు సాక్షి, హైదరాబాద్: వ్యవసాయ రుణాలు ఎన్ని ఉన్నా ఒక రైతు కుటుంబానికి లక్ష రూపాయలు మాఫీ చేయాలని తెలంగాణ రాష్ట్ర ప్రభుత్వం నిర్ణయించింది. ఒక రైతుపేరిట నాలుగైదు బ్యాంకుల్లో అకౌంట్లు ఉంటే.. ఆ అకౌంట్లలోని పంట రుణాలు, బంగారు తాకట్టు రుణాలు, దీర్ఘకాలికం సహా అన్నీ కలిపి లక్ష రూపాయల లోపు ఉన్న వాటినే.. మాఫీ చేయాలని, అంతకు మించి రుణాలు ఉంటే.. రైతులే భరించేలా రుణ మాఫీని అమలు చేయాలని ఉన్నతాధికారుల కమిటీ నిర్ణయించింది. రుణమాఫీ విషయంలో ఆర్థిక శాఖ ముఖ్యకార్యదర్శి నాగిరెడ్డి అధ్యక్షతన ఏర్పాటైన ఉన్నతస్థాయి కమిటీ గురువారం తొలిసారి సమావేశమైంది. ఈ సమావేశానికి నాబార్డు, ప్రాంతీయ గ్రామీణ బ్యాంకుల (ఆర్ఆర్బీ) ప్రతినిధులతో పాటు ఇతర బ్యాంకర్లు, వ్యవసాయ, ఆర్థిక, రెవెన్యూ, ఆప్కాబ్, ప్రభుత్వ ఆర్థిక సలహాదారు హాజరయ్యారు. రుణ మాఫీకి సంబంధించి రెండు మూడు రోజుల్లోగా మార్గదర్శకాలతో ఉత్తర్వులు జారీ చేయాలని నిర్ణయించారు. ప్రస్తుతం బ్యాంకర్ల నుంచి వచ్చిన సమాచారం మేరకు మొత్తం బకాయిలు రూ.17,337 కోట్లుగా అంచనా వేశారు. గ్రామాల వారీగా రైతులు, వారికున్న అకౌంట్లు ఎన్ని.? ఒకే రైతు ఎన్ని బ్యాంకుల్లో రుణం తీసుకున్నాడు? ఒక రైతు తీసుకున్న రుణాలు ఎన్ని.. వంటి అంశాలతో వివరాలను బ్యాంకర్లు సమర్పించాలని ఈ సందర్భంగా కమిటీ వారిని కోరింది. బ్యాంకర్లు, సహకార పరపతి సంఘాలు ఇచ్చే సమాచారం ఆధారంగా.. రైతుల డూప్లికేషన్ తొలగించి, అనర్హులకు ప్రయోజనం కలగకుండా పారదర్శకంగా, పకడ్బందీగా రుణ మాఫీని అమలు చేయాలని కమిటీలో అభిప్రాయం వ్యక్తమైంది. ఒకే కుటుంబంలో తండ్రి, కొడుకు బ్యాంకు నుంచి రుణం తీసుకుంటే.. ఇద్దరికీ రుణ మాఫీని వర్తింప చేయాలా..? లేక ఒకరికేనా..? అన్న విషయంలో స్పష్టత రావాల్సి ఉందని సమావేశంలో పాల్గొన్న ఉన్నతాధికారి ఒకరు సూచించారు. ఒక రైతుకు రెండు అకౌంట్లలో కలిపి లక్షా ఇరవైవేల రుణం ఉంటే.. అందులో లక్ష మాత్రమే ప్రభుత్వం మాఫీ చేస్తుందని, మిగిలిన ఇరవై వేలు రైతు చెల్లించాల్సి ఉంటుందని మార్గదర్శకాల్లో వివరించనున్నారు. ఇదిలా ఉండగా ఆంధ్రాలో రైతులకు కొత్త రుణాలు ఇస్తున్నట్టుగానే ఇక్కడా ఇవ్వాలని సమావేశంలో అధికారులు బ్యాంకర్లను కోరగా.. అక్కడి ప్రభుత్వం తమకు స్పష్టత ఇచ్చినందుకే రుణాలు ఇస్తున్నట్లు వివరించారు. తెలంగాణ ప్రభుత్వం కూడా త్వరగా తేలిస్తే కొత్త రుణాలు ఇస్తామని వారు వ్యాఖ్యానించినట్లు సమాచారం. బ్యాంకులకు చెల్లించే మొత్తాన్ని ఎలా సమకూరుస్తారో వివరించాలని బ్యాంకర్లు అధికారులను కోరారు. -
వడపోత తర్వాతే రుణమాఫీ
ఏపీ సర్కారుకు కోటయ్య కమిటీ నివేదిక బోగస్ అఫిడవిట్ ఇస్తే 18 శాతం వడ్డీతో రికవరీకి సూచన హైదరాబాద్: రైతు రుణాల మాఫీకి వడపోత విధానం అవలంబించాలని కోటయ్య కమిటీ సూచించింది. కాకుండా బోగస్ అఫిడవిట్లు ఇచ్చి న రైతులపై రెవెన్యూ రికవరీ చట్టాన్ని ప్రయోగించాలని పేర్కొంది. వ్యవసాయ, మహిళా సంఘాల రుణాల మాఫీపై కోటయ్య కమిటీ సోమవారం 67 పేజీలతో కూడిన తుది నివేదికను ఏపీ సీఎం చంద్రబాబుకు సమర్పించింది. ఆ నివేదికలో ఆర్బీఐతో జరిపిన చర్చలు, రాష్ట్ర ఆర్థిక పరిస్థితి, ఆయా రంగాల రుణాలు, నిధుల సమీకరణ, రుణ మాఫీకి అర్హులు, అనర్హులు, దరఖాస్తు వంటి అంశాలను పేర్కొంది. మొత్తం వ్యవసాయ రుణాలు ఈ ఏడాది మార్చి 31 నాటికి రూ.87,612.25 కోట్లు ఉన్నట్లు నివేది కలో పేర్కొన్నారు. ఇందులో పంట, బంగారం రుణాలు రూ.60,659.44 కోట్లు ఉన్నాయి. 7,72,412 మహిళా సంఘాల పేరు మీద మార్చి నెలాఖరు నాటికి రూ.13,764 కోట్ల రుణాలున్నాయి. లక్ష రూపాయల వరకు మహిళా సంఘాల రుణమాఫీని వర్తింప చేస్తే రూ.7,724 కోట్లు అవుతుంది. షరతులు విధిం చడం ద్వారా మొత్తం రుణ మాఫీని రూ.33 వేల కోట్లకు పరిమితం చేయాలని కోటయ్య కమిటీ పేర్కొంది. చేనేత రూ.168 కోట్లను, గొర్రెలు, మేకలు, పందుల కోసం తీసుకున్న రుణాలకు రుణ మాఫీ వర్తింప చేయాలని కోటయ్య కమిటీ సూచించింది. నివేదికలోని ముఖ్యాంశాలు ఈ విధంగా ఉన్నాయి. పంట రుణాలు, బంగారం రుణాలు, పంట తాకట్టు పెట్టి తీసుకున్న రుణాలు, రైతు మిత్ర గ్రూపులు, సంయుక్త రైతుల రుణాలకు, కిసాన్ క్రెడిట్ దారుల రుణాలకు. స్వల్ప కాలిక రుణాలను మధ్యకాలిక రుణంగా మార్చిన రుణాలకు రుణ మాఫీ వర్తింపు.కుటుంబం యూనిట్గా రుణమాఫీ అమలు. కుటుంబంలో ఎంతమంది రుణాలు ఎన్ని బ్యాంకుల్లో తీసుకున్నా రుణ పరిమితికి లోబడి మాత్రమే రుణ మాఫీ వర్తింపు. కుటుంబం అంటే భార్యా, భర్త, మైనర్ పిల్లలు. ఏ రుణం అయినా రుణ పరిమితికి మించి ఆ కుటుంబంలో జరగదు.ఈ ఏడాది మార్చి వరకు ఉన్న రుణాలకు సంబంధించి ప్రతీ కుటుంబం దరఖాస్తుతోపాటు ఆయా కుటుంబసభ్యుల పేరిట ఎంత రుణం ఉందో అఫిడవిట్ను సమర్పించాలి. తప్పుడు అఫిడవిట్ ఇస్తే వారిపై చర్యలు తీసుకోవాలి. 18 శాతం వడ్డీతో తిరిగి రాబట్టాలి.బ్యాంకు ఖాతాలకు రైతు ఆధార్, పాసుపుస్తకం నంబర్ల అనుసంధానం -
లాభాల్లో ఉన్న సంస్థల తాకట్టు: మంత్రి ప్రత్తిపాటి
హైదరాబాద్: రైతు రుణాల మాఫీ కోసం లాభా ల్లో ఉన్న ప్రభుత్వ కార్పొరేషన్లను బ్యాంకులకు తాకట్టు పెట్టి అప్పు తీసుకుంటామని ఆంధ్రప్రదేశ్ వ్యవసాయ శాఖ మంత్రి ప్రత్తిపాటి పుల్లారావు చెప్పారు. శనివారం ఆయన సచివాలయంలో పౌరసరఫరాల శాఖ మం త్రి సునీత, గురజాల ఎమ్మెల్యే శ్రీనివాసరావుతో కలి సి విలేకరుల సమావేశంలో మాట్లాడారు. గత ప్రభుత్వాలు కూడా వనరుల సమీకరణకు ఇదే పద్ధతిని అనుసరించాయన్నారు. లాభాల్లో ఉన్న ఏపీ బ్రూవరీస్ కార్పొరేషన్ వంటి సంస్థలను తాకట్టు పెడతామన్నారు. అలా వచ్చే ఆదాయాన్ని బ్యాంకులకు చెల్లించి తాకట్టు నుంచి సంస్థలను విడిపిస్తామని తెలిపారు. ఎఫ్ఆర్బీఏం నిబంధనలకు అనుగుణంగానే తాకట్టు పెడతామని చెప్పారు. బాండ్లు జారీ చేసే ఆలోచన కూడా ప్రభుత్వానికి ఉందని అన్నారు. -
రుణమాఫీకి డబ్బుల్లేవ్ తెగేసి చెప్పిన సీఎం చంద్రబాబు
సాక్షి, ఏలూరు:‘రైతులూ.. మీరు తీసుకున్న రుణాలేవీ బ్యాంకులకు ఎట్టి పరిస్థితుల్లోనూ తిరిగి కట్టొద్దు. బంగారంపై తీసుకున్న రుణాలనూ రద్దు చేస్తా. డ్వాక్రా మహిళలూ.. మీరు కూడా పైసా కట్టక్కర్లేదు. మీరు తీసుకున్న రుణాలన్నీ మాఫీ చేస్తా’ అంటూ ఎన్నికల ముందు ఎడాపెడా హామీలు గుప్పించిన చంద్రబాబునాయుడు అధికారంలోకి వచ్చాక తనదైన శైలిలో మాట మార్చారు. ‘బంగారం తాకట్టు పెట్టి చాలామంది వేరే అవసరాల కోసం రుణాలు తీసుకున్నారు. అలాంటి రుణాల విషయంలో నేనేం చేయలేను’ అంటూ చంద్రబాబు చేతులెత్తేశారు. రెండు రోజుల పర్యటన కోసం బుధవారం జిల్లాకు వచ్చిన ముఖ్యమంత్రి చంద్రబాబు నాయుడు గోపాలపురం, చింతలపూడి నియోజవర్గాల్లో పర్యటించారు. జంగారెడ్డిగూడెం మండలం పుట్లగట్లగూడెంలో లక్ష్మి అనే డ్వాక్రా మహిళ ‘అయ్యా.. బ్యాంకోళ్లు నాలుగు రోజుల్లో లోన్ కట్టమని నోటీసులిచ్చారు. రుణమాఫీ ఎప్పుడు చేస్తారు’ అని ముఖ్యమంత్రిని ప్రశ్నించింది. దేవులపల్లిలో రావమ్మ అనే మహిళ ‘డ్వాక్రా రుణాల సంగతి లేల్చండి. లేదంటే రాత్రికి ఇక్కడే ఉండిపోండి’ అని నిలదీసింది. చంద్రబాబు స్పం దిస్తూ ‘ఎన్నికల ముందు ఉమ్మడి రాష్ర్టంలో ఇచ్చిన హామీలు అన్నీ నెరవేరుస్తాను. కానీ.. ఖజానాలో డబ్బుల్లేవు. రాష్ట్ర ఆర్థిక పరిస్థితి వివరాలు మీ ముందే పెడతా. అప్పులు.. ఖర్చులు.. అన్నీ మీకు చెబుతా. మీరెలా చేయమంటే అలా చేస్తా. అందుకే రుణమాఫీ గురించి మరికొంత సమయం అడుగుతున్నా’ అని చెప్పి తప్పించుకున్నారు. ఎన్నికల యూత్రలా... బాబు పర్యటన ఆద్యంతం ఎన్నికల యాత్రను తలపించింది.‘ఇంటికొక్క రుణమైనా రద్దుచేయడానికి ప్రయత్నిస్తాను. వ్యవసాయంలో సాంకేతిక, ఆధునిక పద్ధతులు ప్రవేశపెట్టి లాభసాటిగా మారుస్తా. కొత్తగా పరిశ్రమలు తీసుకువస్తా. పూజారులకు గౌరవ వేతనం ఇస్తా. యువతకు ఉద్యోగాలు కల్పిస్తా. టెట్ రద్దుచేస్తా. డీఎస్సీ తీస్తా. స్కాలర్షిప్లు ఇస్తా. డ్వాక్రా మహిళలకు ఇచ్చిన హామీ నెరవేరుస్తా’ అంటూ ఎన్నికల్లో ఇచ్చిన హామీలనే మళ్లీ వల్లె వేశారు. పోలవరం ప్రాజెక్టు ముంపు మండలాలు ఆంధ్రప్రదేశ్లో కలవడం తన కృషిగానే బాబు చెప్పుకున్నారు. నాలుగేళ్లలో ప్రాజెక్టును పూర్తి చేయాలనుకుంటున్నట్లు వెల్లడించారు. బుధవారం ఉదయం 10.45 గంటలకు హెలికాప్టర్లో ద్వారకాతిరుమల చేరుకున్న ఆయన వెంకటేశ్వరస్వామిని దర్శించుకున్నారు. దాదాపు అరగంటపాటు పూజలు జరిపారు. అనంతరం 12గంటలకు దూబచర్ల మీదుగా ద్వారకాతిరుమల వచ్చే రోడ్డులో ఏర్పా టు చేసిన సోలార్ వీధి దీపాలను ప్రారంభించారు. ఆ తరువాత కాపు కల్యాణ మండపాన్ని పరిశీలించి హైస్కూల్ వైపు కదిలారు. అక్కడ కాసేపు ప్రసంగించారు. ద్వారకాతిరుమలలో వైద్యకళాశాల, పాలిటెక్నిక్, డిగ్రీ కళాశాలతోపాటు 500 పడకల ఆసుపత్రి వంటివి నెలకొల్పుతానని హామీ ఇచ్చారు. రూ.5 కోట్ల నుంచి 10 కోట్లను వెచ్చించి ద్వారకాతిరుమలను పట్టణంగా అభివృద్ధి చేస్తానని, జాతీయ రహదారితో అనుసంధానిస్తానని హామీల వర్షం కురిపించారు. అక్కడి నుంచి తాడిచర్ల చేరుకున్న చంద్రబాబు జాతీయ ఉపాధి హామీ పథకాన్ని వ్యవసాయానికి అనుసంధానిస్తానని రైతులతో నిర్వహించిన ముఖాముఖిలో అన్నారు. బెల్టు షాపుల్ని తొలగించాల్సిన బాధ్యత అధికారులదేనని, అవసరమైతే బెల్టుషాపులు నిర్వహించే వారికి ప్రత్యామ్నాయ ఉపాధి చూపిస్తానని అన్నారు. అక్కడినుంచి మధ్యాహ్నం 3 గంటలకు కామవరపుకోట చేరుకున్న బాబు వ్యవసాయ, ఉద్యాన, మత్స్య, నెడ్క్యాప్, విద్యుత్, వైఎస్సార్ ఉద్యాన విశ్వవిద్యాలయం, పశుసంవర్ధక, పట్టు పరిశ్రమ, సూక్ష్మ సేద్యం వంటి శాఖలు ఏర్పాటు చేసిన ప్రదర్శనను తిలకిం చారు. అనంతరం రైతు సదస్సుకు హాజరయ్యూరు. పంట దిగుబడి పెంచడానికి భూసార పరీక్షలు చేసి భూమికి కావాల్సిన పోషకాలు అందిస్తామని తెలిపారు. వ్యవసాయాధారిత పరిశ్రమలను ప్రోత్సహిస్తానన్నారు. తాడిపూడి ఎత్తిపోతల పథకాన్ని పూర్తి చేయాల్సి వుందని, పోలవరం ప్రాజెక్ట్ పూర్తరుుతే తాడిపూడి పథకం నిరుపయోగం అవుతుందని అభిప్రాయపడ్డారు. కాంగ్రెస్ కార్యకర్తలు ఆదర్శ రైతులుగా ఉన్నారని, వారిని తొలగించి అగ్రికల్చరల్ బీఎస్సీ చేసిన వారిని విస్తరణ అధికారులుగా నియమిస్తామని వెల్లడించారు. సదస్సు అనంతరం చంద్రబాబు ఉప్పలపాడు, రావికంపాడు, దేవులపల్లి మీదుగా గుర వాయిగూడెం చేరుకున్నారు. చంద్రబాబు వెంట డెప్యూటీ సీఎం, రాష్ట్ర హోం శాఖ మంత్రి నిమ్మకాయల చినరాజప్ప, వ్యవసాయ శాఖ మంత్రి ప్రత్తిపాటి పుల్లారావు, పంచాయతీరాజ్ శాఖ మంత్రి సీహెచ్.అయ్యన్నపాత్రుడు, స్త్రీ, శిశు సంక్షేమ శాఖ మంత్రి పీతల సుజాత, దేవాదాయ శాఖ మంత్రి పైడికొండల మాణిక్యాల రావు, ఎంపీలు మాగంటి బాబు, తోట సీతారామలక్ష్మి, గరి కిపాటి రామ్మోహన్రావు, ఎమ్మెల్యేలు, ఎమ్మెల్సీలు ఉన్నారు. -
రాజకీయ పార్టీల ఆనాలోచిత పథకాలు
హైదరాబాద్: రిజర్వు బ్యాంకు ఆఫ్ ఇండియా(ఆర్బీఐ) అనుమతి లేకుండా రైతుల రుణలమాఫీ ఎలా ప్రకటిస్తారని కెనరాబ్యాంక్ సీఎండీ ఆర్కే దూబే ప్రశ్నించారు. తెలంగాణ ముఖ్యమంత్రి కె.చంద్రశేఖర రావు, ఆంధ్రప్రదేశ్ ముఖ్యమంత్రి చంద్రబాబు నాయుడు ఎన్నికల ముందు రైతుల రుణాలు మాఫీ చేస్తామని ప్రకటించిన విషయం తెలిసిందే. వారు ఇద్దరూ అధికారంలోకి వచ్చి నెల రోజులు దాటినా ఇంత వరకు రుణాలను మాఫీ చేయలేదు. ఈ రుణాలను మాఫీ చేయడానికి అనేక ఆటంకాలు ఉన్నాయి. ఏపిలో అయితే జీతాలు ఇవ్వడానికే డబ్బు లేదు. ఇక రుణాలు ఏలా మాఫీ చేయాలో అర్ధంకాక చంద్రబాబుకు తల తిరుగుతోంది. ఈ నేపధ్యంలో కెనరాబ్యాంక్ సీఎండీ దూబే మాట్లాడుతూ రాజకీయ పార్టీల అనాలోచిత పథకాలతో బ్యాంకింగ్ రంగానికి దెబ్బ తగులుతోందన్నారు. స్తోమత కలిగిన రైతు కూడా కట్టకపోవడంతో ఎన్పీఏ(నాన్ ప్రాఫిట్ అసెట్స్ లేక పేరుకుపోయిన బకాయిలు)లు పెరిగిపోతున్నాయని ఆయన చెప్పారు. -
కొత్త రుణాలు కష్టమే!
* రుణాల రీ-షెడ్యూల్తో తీవ్ర నగదు కొరత * గతేడాది రుణాల మొత్తం రూ. 7,600 కోట్లు సాక్షి, హైదరాబాద్: రైతుల రుణాలు రీ-షెడ్యూల్ అయినప్పటికీ కొత్త రుణాలు మంజూరయ్యే అవకాశం కనిపించడం లేదు. ప్రధానంగా ప్రాథమిక వ్యవసాయ పరపతి సంఘాలు(పీఏసీఎస్), ప్రాంతీయ గ్రామీణ బ్యాంకు(ఆర్ఆర్బీ)ల ద్వారా రీ-షెడ్యూల్ తర్వాత కొత్త రుణాలు అందే పరిస్థితి లేదు. ఇందుకు అవసరమయ్యే మొత్తాన్ని పీఏసీఎస్, ఆర్ఆర్బీలకు అందించలేమని జాతీయ వ్యవసాయ, గ్రామీణాభివృద్ధి బ్యాంకు(నాబార్డు) వర్గాలు పేర్కొంటున్నాయి. ఒకేసారి మొత్తం నగదు చెల్లిస్తే తప్ప రుణ మాఫీకి రిజర్వ్ బ్యాంకు అంగీకరించడం లేదు. ఈ నేపథ్యంలో రుణాలను రీ-షెడ్యూల్ చేసి కొత్త రుణాలు అందించాలని తెలంగాణ, ఆంధ్రప్రదేశ్ ప్రభుత్వాలు ఆర్బీఐని కోరుతున్నాయి. గత ఆర్థిక సంవత్సరంలో ఇరు ప్రాంతాల రైతులకు పరపతి సంఘాలు, గ్రామీణ బ్యాంకుల నుంచి రూ. 7,600 కోట్ల పంట రుణాలు అందాయి. ఇప్పుడు ఇరు రాష్ట్రాలూ రుణ మాఫీ ప్రకటన చేయడంతో రైతులు బకాయిలు చెల్లించడం లేదు. దీంతో కొత్త రుణాల మంజూరుకు బ్యాంకుల ఆర్థిక పరిస్థితి సహకరించే పరిస్థితి లేదని నాబార్డు సీజీఎం మమ్మెన్ తెలిపారు. ‘ రీ-షెడ్యూల్తో స్వల్పకాలిక రుణాలు కాస్తా మధ్యకాలిక రుణాలుగా మారతాయి. రూ. 7,600 కోట్లలో నాబార్డు వాటా 60 శాతం అంటే రూ. 4,560 కోట్లు. ఈ మొత్తం రైతుల నుంచి తిరిగి రాకపోతే కొత్త రుణాల కోసం పీఏసీఎస్, ఆర్ఆర్బీలకు నాబార్డు నుంచి నిధులు అందించే పరిస్థితి ఉండదు’ అని ఆయన వివరించారు. రుణాల రీ షెడ్యూల్కు ఆర్బీఐ ఓకే తెలంగాణ, ఆంధ్రప్రదేశ్లలో రైతుల రుణాల రీ షెడ్యూల్కు రిజర్వ్ బ్యాంక్ ఆఫ్ ఇండియా(ఆర్బీఐ) అంగీకరించింది. ఈ మేరకు సోమవారం నాడు రిజర్వ్బ్యాంకు రీ షెడ్యూల్కు సంబంధించి విధివిధానాలను కూడా ప్రకటించనున్నట్లు అధికారవర్గాలు తెలిపాయి. ఏపీలోని 13 జిల్లాలకు సంబంధించి రీషెడ్యూల్ మొత్తం సుమారు రూ.10 వేల కోట్ల వరకు ఉంటుందని అధికార వర్గాలు తెలిపాయి. ప్రభుత్వమే మాఫీ చేస్తే మంచిది వరదలు,కరువు వల్ల నష్టపోయిన రైతాంగాన్ని ఆదుకోవాల్సిందేనని.. రుణమాఫీని ప్రభుత్వమే నేరుగా చేస్తే బాగుంటుందని నాబార్డు ఆంధ్రప్రదేశ్, తెలంగాణ రాష్ట్రాల ప్రాంతీయ కార్యాలయ సీజీఎంజీజీ మమ్మెన్ అభిప్రాయపడ్డారు. రుణమాఫీ బ్యాంకుల ఆర్థిక పరిస్థితిని దెబ్బతీస్తుందని అభిప్రాయపడ్డారు. నాబార్డు 33వ వార్షికోత్సవాన్ని జరుపుకుంటున్న సందర్భంగా ఆయన విలేకరుల సమావేశంలో మాట్లాడారు. 2014-15 ఆర్థిక సంవత్సరంలో చేపట్టనున్న కార్యక్రమాలను ఆయన వివరించారు.అవి.. - ప్రాథమిక వ్యవసాయ సహకార సంఘాల (పీఏసీఎస్) ద్వారా గోదాముల నిర్మాణానికి రుణాలిస్తాం. - రెండురాష్ట్రాల్లోని 257 మార్కెట్ కమిటీలకు నేరుగా రూ. 500 కోట్ల రుణాలను ఇవ్వనున్నాం. మార్కెట్ కమిటీలను కూడా గుర్తించాం. ఇందులో రూ.300 కోట్లు ఆంధ్రప్రదేశ్కు, రూ.200 కోట్లు తెలంగాణలోని మార్కెట్ కమిటీలకు ఇచ్చే అవకాశం ఉంది. ఈ ఏడాదిలో మొత్తం రెండు రాష్ట్రాలకు కలిపి రూ. 17,500 కోట్ల రుణాలు మంజూరు చేయాలని లక్ష్యంగా నిర్ణయించుకున్నాం. - రాష్ట్ర విభజన నేపథ్యంలో ప్రస్తుతం రెండు రాష్ట్రాలకు కలిపి ప్రాంతీయ కార్యాలయం ఇక్కడే ఉంది. కొత్త రాజధాని ఏర్పాటైన తర్వాత అక్కడ నాబార్డు ప్రాంతీయ కార్యాలయం ఏర్పాటయ్యే అవకాశం ఉంది. -
ముఖ్యమంత్రి కాదు.. ఆర్బీఐ చెప్పాలి
* రుణమాఫీ అధికారం రాష్ట్రాలకు లేదు * రుణాలు రీ షెడ్యూల్ చేయమని ప్రభుత్వాలు అడగలేవు * రుణాలు రీ షెడ్యూల్ చేస్తే 10 శాతం వడ్డీ చెల్లించాలి * బాండ్లు జారీ చేసే ఆర్థిక స్తోమత ఏపీకి లేదు * ఆర్థిక పరిస్థితులు తెలుసుకోకుండా మాఫీ హామీ ఎలా ఇచ్చారో * ప్రభుత్వ నిర్ణయం జాప్యమయ్యేకొద్దీ డిఫాల్టర్లు పెరుగుతారు * ఇప్పటికే ఆంధ్రాబ్యాంకులో ఎన్పీఏలుగా మారిన రూ. 1,000 కోట్ల రైతు రుణాలు * ప్రభుత్వ పాలసీ త్వరగా రాకపోతే 11,000 కోట్లు ఎన్పీఏలే * రుణమాఫీ అంశంలో తెలంగాణ పరిస్థితి కొంత మెరుగు ఆంధ్రా బ్యాంక్ చైర్మన్ అండ్ మేనేజింగ్ డెరైక్టర్ సి.వి.ఆర్. రాజేంద్రన్ హైదరాబాద్, బిజినెస్ బ్యూరో: రాష్ట్రంలోని ఆర్థిక స్థితిగతులను తెలుసుకోకుండా ఇచ్చిన హామీలు బ్యాంకింగ్ రంగాన్ని ఇబ్బందులకు గురిచేస్తున్నాయని, ప్రస్తుత పరిస్థితుల్లో ఆర్బీఐ అనుమతి లేనిదే రుణమాఫీ పథకం అమలు చేసే అవకాశం లేదంటున్నారు ఆంధ్రా బ్యాంక్ చైర్మన్ అండ్ మేనేజింగ్ డెరైక్టర్ సి.వి.ఆర్. రాజేంద్రన్. ఒకవేళ రుణాలను రీ-షెడ్యూల్ చేస్తే వ్యవసాయ రుణాలపై లభిస్తున్న సబ్సిడీ వర్తించదంటున్న రాజేంద్రన్తో ‘సాక్షి’ ఇంటర్వ్యూ.. ఆంధ్రప్రదేశ్ ప్రభుత్వం వ్యవసాయ రుణాలను రీ-షెడ్యూల్ చేయమని కోరుతోంది కదా? ఇందులో సాధ్యాసాధ్యాలు వివరిస్తారా? రుణాలను రీ-షెడ్యూల్ చేయమని బ్యాంకులను అడిగే అధికారం కేంద్ర, రాష్ట్ర ప్రభుత్వాలకు లేదు. కేంద్రం కేవలం కరువు మండలాలను మాత్రమే ప్రకటించగలదు. కానీ ఆ విషయంలో ప్రభుత్వం విఫలమయ్యింది. ఇప్పుడు రాష్ట్రంలో రుణాలను రీ-షెడ్యూల్ చేయాలంటే ఆర్బీఐ నుంచి ప్రత్యేక అనుమతి తీసుకోవాల్సి ఉంటుంది. ఆర్బీఐ అనుమతిస్తే చేయడానికి మేం సిద్ధం. ఆర్బీఐ అనుమతి కోసం ఎదురు చూస్తున్నాం. అంతే తప్ప రాష్ట్ర ముఖ్యమంత్రి చెప్పారని రీ-షెడ్యూల్ చేయలేం. రీ-షెడ్యూల్ కోసం రిజర్వ్ బ్యాంక్(ఆర్బీఐ) అనుమతి కోరమని ఎస్ఎల్బీసీ సమావేశంలో ఆంధ్రప్రదేశ్ ముఖ్యమంత్రి బ్యాంకులకు విజ్ఞప్తిచేశారు కదా? ఈ విషయంలో బ్యాంకులు నేరుగా కల్పించుకోలేవు. ఎస్ఎల్బీసీ సమావేశంలో జరిగిన మినిట్స్ను ప్రాంతీయ ఆర్బీఐ కార్యాలయం కేంద్ర కార్యాలయానికి పంపుతుంది. త్వరలోనే ఆర్బీఐ దీనిపై తుది నిర్ణయం తీసుకుంటుంది. రుణాలను రీ-షెడ్యూల్ చేస్తే వ్యవసాయ రుణాలకు లభించే 3 శాతం వడ్డీ ప్రయోజనం కొనసాగుతుందా? అలాగే కొత్త రుణాలను మంజూరు చేస్తారా? ఒకవేళ రుణాలు రీ-షెడ్యూల్ చేస్తే ఆ రుణాలపై 7 శాతానికి బదులు 10 శాతం వడ్డీ చెల్లించాల్సి ఉంటుంది. రీ-షెడ్యూల్కు ఆర్బీఐ అనుమతిస్తే ప్రస్తుత పంటకు కొత్త రుణాలు ఇవ్వడానికి బ్యాంకులు సిద్ధంగా ఉన్నాయి. లేదా రుణాలు చెల్లించిన వారికి కూడా కొత్త రుణాలను మంజూరు చేస్తున్నాం. ఇలా పెరిగిన వడ్డీ రేటును రైతులే భరించాల్సి ఉంటుందా? లేదంటే రాష్ట్ర ప్రభుత్వం చెల్లిస్తుందా? వాస్తవంగా అయితే ప్రభుత్వం చెల్లించాలి. కానీ దీనిపై స్పష్టత లేదు. అసలు రుణమాఫీ పథకాన్ని రాష్ట్ర ప్రభుత్వాలకు నేరుగా ప్రకటించే అధికారం లేదు. ప్రభుత్వం దగ్గర నిధులు ఉంటే అప్పుడు రైతుల తరఫున రుణం చెల్లించే విధంగా హామీ ఇవ్వొచ్చు. రుణ మొత్తాన్ని బ్యాంకులకు చెల్లించకుండా ఇతర మార్గాలను అవలంబించాల్సి వస్తే మాత్రం ఆర్బీఐ అనుమతి తప్పకుండా తీసుకోవాల్సిందే. రుణ వసూళ్ల కోసం రైతుల మీద ఏమైనా ఒత్తిడి చేస్తున్నారా? చెల్లించని వారిని డిఫాల్టర్లుగా ప్రకటిస్తున్నారా? ఎటువంటి ఒత్తిడి తీసుకురావడం లేదు. రాజకీయంగా ఒత్తిడి ఉండటం, రైతులు ఆందోళన చేస్తుండటంతో చెల్లించని వారిపై ఎటువంటి రికవరీ చర్యలు తీసుకోలేకపోతున్నాం. తమ రుణాలను ప్రభుత్వం చెల్లిస్తుందని రైతులు చెబుతున్నారు. దీనిపై ప్రభుత్వం వెంటనే ఒక స్పష్టత తీసుకురావాలి. జూన్ నెలలోనే చాలా మంది రైతుల్ని డిఫాల్టర్లుగా ప్రకటించాం. ఆలస్యం అయ్యేకొద్దీ ఈ జాబితా పెరుగుతుంది. గడచిన త్రైమాసికంలో ఆంధ్రాబ్యాంక్కు సంబంధించి రూ.1,000 కోట్ల వ్యవసాయ రుణాలు ఎన్పీఏలుగా మారాయి. ప్రభుత్వం రుణమాఫీ పథకాన్ని ఆలస్యం చేస్తే మిగతా రూ.11,000 కోట్ల వ్యవసాయ రుణాలు కూడా ఎన్పీఏగా మారే అవకాశం ఉంది. ఇది తీవ్ర ఆందోళన కలిగించే అంశం. ఎస్ఎల్బీసీ కన్వీనర్గా రుణ మాఫీ పథకానికి సంబంధించి ప్రభుత్వానికి ఏమైనా సూచనలు చేశారా? చేయాలనుకుంటున్న రుణమాఫీ మొత్తం, కటాఫ్ తేదీపై (రుణ మాఫీ లేదా రీషెడ్యూల్కు అర్హులైన రైతుల గుర్తింపునకు వర్తింపచేసే నిర్ణీత తేదీ) ముందు స్పష్టత తెచ్చుకోమని సూచించాం. అప్పుడు ఎంత మొత్తం ప్రభుత్వం చెల్లిస్తుందన్న దానిపై అవగాహన వస్తుంది. ఈ రుణమాఫీ పథకం పరిధిలోకి వచ్చే రైతులు వారి బకాయిల్ని ముందుగా చెల్లిస్తే కొత్త రుణాలను ఇస్తాం. అప్పుడు రైతులు బ్యాంకుకు చెల్లించిన సొమ్మును ప్రభుత్వం రైతులకే నేరుగా చెల్లించుకోవచ్చు. రైతు చెల్లించిన రుణానికి సంబంధించి మేము ప్రభుత్వానికి సర్టిఫికెట్ రూపం లో ఇస్తామన్నాం. ఈ సర్టిఫికెట్ను పరిశీలించుకొని ప్రభుత్వం రైతులకు ఐదేళ్ల లోపు చెల్లించుకోవచ్చు. అప్పుడు ఇది రైతులకు, ప్రభుత్వానికి మధ్య కుది రిన ఒప్పందమవుతుంది.దీనికి ఆర్బీఐ అనుమతులు అవసరం లేదు. కానీ ఇక్క డ ప్రభుత్వం గ్యారంటీగా రైతులకి చెల్లిస్తామన్న హామీ ఉండదు. ఇది పూర్తిగా ప్రభుత్వం, రైతులకు మధ్య ఉన్న నమ్మకంపైనే ఆధారపడి ఉంటుంది. చెల్లించాల్సిన రుణ బకాయిలకు సంబంధించి బ్యాంకులకు రాష్ర్ట ప్రభుత్వం బాండ్లు జారీ చేసే ఆలోచనలో ఉందన్న ప్రచారంలో ఉంది కదా? ఇది కూడా సాధ్యమయ్యేపని కాదు. ఇందుకు రాష్ట్ర ఆర్థిక పరిస్థితి సహకరించదు. ఫిస్కల్ రెస్పాన్సిబిలిటీ అండ్ బడ్జెట్ మేనేజ్మెంట్ (ఎఫ్ఆర్బీఎం) చట్ట ప్రకారం జీడీపీలో 3 శాతానికి మించి రాష్ట్ర ప్రభుత్వాలు అప్పులు చేయడానికి లేదు. ఈ విధంగా చూస్తే రూ.13,000 కోట్లు మించి ఆంధ్రప్రదేశ్ అప్పులు చేయడానికి లేదు. అలా అప్పు చేసిన నిధులు ప్రభుత్వం నడవడానికే చాలా అవసరం. కాబట్టి బాండ్లను జారీ చేసే అవకాశం కూడా లేదు. అసలు రాష్ట్ర ఆర్థిక పరిస్థితి తెలుసుకోకుండా ఇంత పెద్ద హామీలను ఏ విధంగా ఇచ్చారో తెలియడం లేదు. గతంలో అంత ఆదాయం ఉన్న కేంద్ర ప్రభుత్వమే దేశమంతటా రూ.60,000 కోట్ల రుణాలను మాఫీ చేస్తే ఒక్క రాష్ట్రం రూ.50,000 కోట్ల రుణాల మాఫీ హామీని ఎలా ఇచ్చారో.., దీన్ని ప్రజలు ఎలా నమ్ముతున్నారో అర్థం కావడం లేదు. కానీ ఈ హామీ ప్రభావం ఆంధ్రాబ్యాంక్, ఎస్బీహెచ్, ఎస్బీఐలను తీవ్ర ఇబ్బందులకు గురి చేస్తోంది. రైతులు తీసుకున్న వ్యవసాయ రుణాల మొత్తంపై భిన్నమైన గణాంకాలు ప్రచారంలో ఉన్నాయి. వాస్తవంగా రాష్ట్రంలో వ్యవసాయ రుణాల విలువ ఎంత ఉంటుంది? గతేడాది ఉమ్మడి రాష్ట్రంలో తీసుకున్న మొత్తం వ్యవసాయ రుణాల విలువ రూ.1.30 లక్షల కోట్లు. ఇందులో ఆంధ్రప్రదేశ్ వాటా రూ.77 వేల కోట్లపైనే ఉంది. మాకొస్తున్న సమాచారం ప్రకారం రెండు రాష్ట్రాల్లో కలిపి అర్హులుగా గుర్తించే రైతులకు రూ.55,000 కోట్ల రుణాలను మాఫీ చేయనున్నట్లు తెలుస్తోంది. ఇందులో ఆంధ్రప్రదేశ్ వాటా రూ.35,000 కోట్లు కాగా, తెలంగాణ వాటా రూ.20,000 కోట్లుగా ఉన్నట్లు ఈ రాష్ట్ర ప్రభుత్వాల అంచనా. ఏ పరిమితులు ఆధారంగా ఈ గణాంకాలు తయారు చేశారో తెలియదు. ఈ ప్రకారం చూస్తే ఆంధ్రాబ్యాంక్ సుమారు రూ.11,670 కోట్ల రుణాలను మాఫీ చేయాల్సి ఉంటుంది. ఇందులో తెలంగాణ వాటా రూ.4,557 కోట్లు. రుణ మాఫీ విషయంలో తెలంగాణ ప్రభుత్వం ఎటువంటి చర్యలు తీసుకుంటోంది? బ్యాంకుల నుంచి సమాచారం తీసుకున్నారే కాని ఇంతవరకు ఎటువంటి ప్రతిపాదనలు రాలేదు. కాని ఆంధ్రప్రదేశ్ రాష్టంతో పోలిస్తే రైతులు తీసుకున్న రుణాల విలువ తక్కువగా ఉండటం, మిగులు బడ్జెట్ను కలిగి ఉండటంతో తెలంగాణ రాష్ట్రం కొద్దిగా మెరుగైన పరిస్థితిలో ఉందని చెప్పొచ్చు. -
తేది ప్రకటించలేకపోయిన చంద్రబాబు!
హైదరాబాద్: రుణమాఫీచేస్తామని ముఖ్యమంత్రి చంద్రబాబు నాయుడు ఈ రోజు శాసనసభలో చెప్పారు. కాని ఇప్పుడే సంతకం చేస్తారా? అని అడగడం కరెక్టు కాదని ఆయన అన్నారు. రైతుల రుణమాఫీ ఎప్పటి నుంచి అమలు చేస్తారో చెప్పాలని ప్రతిపక్ష నేత వైస్ జగన్ మోహన్ రెడ్డి శాసనసభలో డిమాండ్ చేశారు. రైతు రుణమాఫీపై తొలి సంతకం చేస్తానన్న చంద్రబాబు ప్రస్తుతం కమిటీతో కాలయాపన చేస్తున్నారని విమర్శించారు. రైతులు చాలా ఇబ్బందుల్లో ఉన్నారని, ఖరీఫ్ మొదలైనా ఇప్పటికీ రుణాలు అందటం లేదన్నారు. మాఫీ కోసం రైతులు ఎదురు చూస్తున్నారని, బ్యాంకులు రుణాలు ఇవ్వక పోవటంతో ప్రైవేటుగా మూడు రూపాయిల వడ్డీకి అప్పులు తెచ్చుకుంటున్నట్లు తెలిపారు. ఈ సందర్భంగా చంద్రబాబు సమాదానం చెబుతూ రుణమాఫీ చేస్తామని, అయితే ఆర్థిక ఇబ్బందులున్నాయని మాత్రం తెలిపారు. కానీ రుణమాఫీ ఏ తేదీ నుంచి అమలు చేసేది ఆయన స్పష్టం చేయలేదు. -
రుణాల రీషెడ్యూల్పై 30న నిర్ణయం!
* ఆరోజు రాష్ట్రస్థారుు బ్యాంకర్ల కమిటీ భేటీ * వార్షిక రుణ ప్రణాళికకు ఆమోదం సాక్షి, హైదరాబాద్: రైతుల రుణాల రీ షెడ్యూల్తో పాటు కొత్తగా రైతులకు రుణాల మంజూరుపై ఈ నెల 30వ తేదీన జరగనున్న రాష్ట్ర స్థాయి బ్యాంకర్ల కమిటీ (ఎస్ఎల్బీసీ) సమావేశంలో ఆంధ్రప్రదేశ్ ప్రభుత్వం ఒక నిర్ణయం తీసుకోనుంది. వార్షిక రుణ ప్రణాళిక ఖరారు నిమిత్తం ఈ నెల 30వ తేదీ మధ్యాహ్నం 3 గంటలకు ఎస్ఎల్బీసీ భేటీకి సీఎం చంద్రబాబునాయుడు సమయం ఇచ్చారు. ఈ సమావేశంలో వార్షిక రుణ ప్రణాళికకు ఆమోదం తెలుపడంతో పాటు ప్రధానంగా వ్యవసాయ రుణాల మాఫీకి సంబంధించిన అంశాలపై చర్చించనున్నారు. ప్రస్తుత ఖరీఫ్లో రైతులకు బ్యాంకులు రుణాలు మంజూరు చేయాలంటే పాత రుణాలను చెల్లించాల్సి ఉంది. అయితే రాష్ట్ర ప్రభుత్వం వ్యవసాయ రుణాలన్నింటినీ మాఫీ చేస్తామని చెబుతున్నప్పటికీ.. ఇప్పటివరకు ఇందుకు సంబంధించిన విధివిధానాలు ఖరారు కాలేదు. తాజాగా రైతుల పాత రుణాలను రీ షెడ్యూల్ చేరుుంచి కొత్తగా రుణాలు మంజూరు చేయించాలని రాష్ట్ర ప్రభుత్వం నిర్ణయించింది. అయితే రీ షెడ్యూల్ ఎలా చేయాలి? రైతుల పేరు మీదే రీ షెడ్యూల్ చేస్తారా? అదే జరిగితే రైతులు బ్యాంకులకు వచ్చి సంతకాలు చేస్తారా? లేకపోతే రైతుల పేరు మీద ఉన్న రుణాలను ప్రభుత్వం పేరు మీద బదలాయించుకుని రీ షెడ్యూల్ చేస్తుందా? అనే ప్రశ్నలు ఉత్పన్నమవుతున్నాయి. రైతుల పేరు మీదే రుణాలను రీ షెడ్యూల్ చేస్తే ఆ రుణాల బకాయిలను ప్రభుత్వం చెల్లించకపోతే, రైతులపై భారం తడిసి మోపెడు అవుతుందని, వారు మరింతగా అప్పుల ఊబిలో కూరుకుపోతారనే ఆందోళన వ్యక్తం అవుతోంది. రుణాలు మాఫీ చేస్తామని అధికారంలోకి వచ్చి ఇప్పుడు రుణాలను రీ షెడ్యూల్ చేస్తామంటే అందుకు రైతులు అంగీకరిస్తారా? అనే అనుమానాలు కూడా తెరపైకి వస్తున్నారుు. గత ఖరీఫ్ రుణాల రీషెడ్యూల్కు వినతి ఇలా ఉండగా గత ఖరీఫ్లో ప్రకటించిన విధంగా కరువు మండలాల్లోని రైతుల రుణాలను రీ షెడ్యూల్ చేయలేదని, ఇప్పుడు నిబంధనలను సడలించి ఆ రుణాలను రీ షెడ్యూల్ చేయాల్సిందిగా ఆర్బీఐకి లేఖ రాయాలని ప్రభుత్వం నిర్ణయించింది. కరువు మండలాలను ప్రకటిస్తూ జీవో జారీ చేయడంలో జాప్యం జరిగినందున ఆయూ మండలాల్లోని రైతుల రుణాల రీ షెడ్యూల్కు ఆర్బీఐ ఆదేశాలు జారీ చేయలేదు. -
కమిటీలు.. గడువులెందుకు?: గడికోట శ్రీకాంత్రెడ్డి
* ఇచ్చిన హామీ ప్రకారం వెంటనే రుణాలు మాఫీ చేయాలి * లేకపోతే ప్రజల తరపున వైఎస్సార్ సీపీ పోరాడుతుంది సాక్షి, హైదరాబాద్: రైతుల రుణాలను మాఫీ చేయడానికి కమిటీలు ఎందుకు? 45 రోజుల గడువెందుకు? అని వైఎస్సార్ కాంగ్రెస్ పార్టీ ఎమ్మెల్యే గడికోట శ్రీకాంత్రెడ్డి ఆంధ్రప్రదేశ్ ప్రభుత్వాన్ని ప్రశ్నించారు. టీడీపీ అధినేత చంద్రబాబునాయుడు ఎన్నికల మేనిఫెస్టోలో వ్యవసాయ రుణాలన్నింటినీ అణా పైసలతో సహా మాఫీ చేస్తానని ప్రకటించినప్పుడు ఈ కసరత్తు అంతా ఎందుకని ఆగ్రహం వ్యక్తంచేశారు. శ్రీకాంత్రెడ్డి మంగళవారం పార్టీ కేంద్ర కార్యాలయం వద్ద మీడియా ప్రతినిధులతో మాట్లాడుతూ ఖరీఫ్ సీజను ప్రారంభమవుతున్న తరుణంలో రుణాల కోసం రైతులు బ్యాంకుల చుట్టూ తిరుగుతున్నారని, మరోవైపు రైతులు బంగారంపై తీసుకున్న రుణాలు కట్టకపోతే నగలను వేలం వేస్తామని బ్యాంకులు నోటీసులు ఇస్తున్నాయని అన్నారు. మేనిఫెస్టోలో హామీ ఇచ్చిన ప్రకారం వెంటనే రుణాలను మాఫీ చేసి, రైతులను ఆదుకోవాల్సిన టీడీపీ ప్రభుత్వం ఇప్పుడు ఎందుకు జాప్యం చేస్తోందని ప్రశ్నించారు. వైఎస్ రాజశేఖరరెడ్డి 2004లో ముఖ్యమంత్రిగా పగ్గాలు చేపట్టగానే తొలి సంతకంతో రైతులు చెల్లించాల్సిన 1,200 కోట్ల రూపాయల విద్యుత్ చార్జీల బకాయిలను పూర్తిగా రద్దు చేయడమే కాక, ఆ వెంటనే ఉచిత విద్యుత్ పథకాన్ని అమలులోకి తెచ్చారని గుర్తు చేశారు. కానీ చంద్రబాబు రుణాల మాఫీపై ఇప్పటికీ స్పష్టత ఇవ్వలేదని విమర్శించారు. టీడీపీ ప్రభుత్వం ప్రజలకు ఉపయోగపడేలా మంచి పనులు చేస్తే వైఎస్సార్ కాంగ్రెస్ పార్టీ ఒక బాధ్యతాయుతమైన ప్రతిపక్షంగా మద్దతునిస్తుందని, కానీ మోసపూరితమైన హామీలిచ్చి నెరవేర్చకపోతే ప్రజల తరపున గట్టిగా పోరాడుతుందని శ్రీకాంత్ హెచ్చరించారు. గతంలో టీడీపీ ప్రతిపక్షంలో ఉన్నప్పుడు అధికారపక్షమైన కాంగ్రెస్తో కలిసిపోయిన విధంగా తాము వ్యవహరించబోమని చెప్పారు. టీడీపీ మేనిఫెస్టోలో ఇచ్చిన హామీలన్నింటినీ అమలు చేసేలా ఒత్తిడి తెస్తామన్నారు. ప్రజలు ఇచ్చిన ప్రధాన ప్రతిపక్ష పాత్రను సమర్థవంతంగా నిర్వహిస్తామని, ప్రజల తరపున అన్ని విధాలా పోరాటం చేస్తామని చెప్పారు. ఏ అంశాన్నీ పరిష్కరించకుండా రాష్ట్రాన్ని నిర్దాక్షిణ్యంగా విడదీశారని, అందుకు చంద్రబాబు ఇచ్చిన లేఖే కారణమని చెప్పారు. -
30 లోపు రుణమాఫీపై స్పష్టత
హైదరాబాద్: ఈ నెల 30వ తేదీ లోపు రైతుల రుణాల మాఫీపై స్పష్టత ఇస్తామని ఆంధ్రప్రదేశ్ వ్యవసాయశాఖ మంత్రి ప్రత్తిపాటి పుల్లారావు చెప్పారు. రుణమాఫీకి వ్యతిరేకంగా రిజర్వ్ బ్యాంక్ లేఖ రాయడంతో ఆంధ్రప్రదేశ్ ప్రభుత్వం అప్రమత్తమైంది. రుణమాఫీ అమలు బ్యాంకర్ల ఆర్థిక క్రమశిక్షణను దెబ్బతీస్తుందని, రుణాలు సక్రమంగా చెల్లించేవారికి మాఫీ అంశం అన్యాయం చేయడమే అవుతుందని ఆర్బిఐ పేర్కొంది. రుణమాఫీని నగదు రూపంలో చెల్లిస్తేనే అంగీకరిస్తామని, రాష్ట్ర ప్రభుత్వం సెక్యూరిటీలను ఆమోదించేది లేదని రిజర్వ్ బ్యాంక్ స్పష్టం చేసింది. ఈ నేపధ్యంలో ఏపి ముఖ్యమంత్రి చంద్రబాబు నాయుడు వ్యవసాయశాఖ, ఆర్థికశాఖ శాఖాధికారులతో సమావేశమయ్యారు. పరిస్థితులను సమీక్షించారు. అనంతరం మంత్రి పుల్లారావు మాట్లాడుతూ ఈ నెల 22న రుణమాఫీ కమిటీ నివేదిక వస్తుందని తెలిపారు. 30వ తేదీ లోపన రుణమాఫీపై ఒక స్పష్టత ఇస్తామని చెప్పారు. కేంద్రానికి, ఆర్బిఐకి తక్షణమే లేఖలు రాస్తున్నట్లు మంత్రి తెలిపారు. -
కొత్త రాజధానికి రూ.5 లక్షల కోట్లు - 20 ఏళ్లు
విశాఖపట్నం: రైతుల రుణాల మాఫీపై మంత్రి మండలి సమావేశంలో సుదీర్ఘంగా చర్చినట్లు ఆంధ్రప్రదేశ్ ముఖ్యమంత్రి చంద్రబాబు నాయుడు చెప్పారు. దాదాపు 7 గంటలపాటు జరిగిన మంత్రి మండలి తొలి సమావేశం ముగిసిన అనంతరం ఏర్పాటు చేసిన విలేకరుల సమావేశంలో ఆయన మాట్లాడారు. రుణాల మాఫీపై ఈ నెల 22వ తేదీలోగా నివేదిక ఇవ్వమని కమిటీని కోరినట్లు తెలిపారు. అన్ని ప్రాంతాల అభివృద్ధికి కట్టుబడి ఉన్నట్లు తెలిపారు. భూగర్భ జలాల పెంపునకు కృషి చేస్తామని చెప్పారు. అన్ని గ్రామాలకు రక్షిత మంచినీరు అందిస్తామన్నారు. ఎన్టీఆర్ సుజల పథకం కోసం ముగ్గురు మంత్రులతో కమిటీని ఏర్పాటు చేస్తున్నట్లు తెలిపారు. తాగునీటి పథకాలన్నీ ఒకే గొడుకు కిందకు తీసుకువస్తామన్నారు. కార్పొరేట్ సహకారం, పీపీపీ విధానంలో మినరల్ వాటర్ అందిస్తామని చెప్పారు. తమిళనాడు,కేరళ ఎక్సైజ్ పాలసీల అధ్యయనం చేసి ఇక్కడ ఎక్సైజ్ పాలసీలో మార్పులు చేస్తామన్నారు. అక్టోబర్ 2 నుంచి సామాజిక పింఛన్లను పెంచుతామన్నారు. రెండు శ్లాబుల్లో వికలాంగులకు పెన్షన్లు అందజేస్తామని చెప్పారు. 80 శాతంలోపు వైకల్యం ఉంటే నెలకే వేయి రూపాయలు, 80శాతం పైబడి వైకల్యం ఉంటే 1500 రూపాయలు పింఛన్ ఇస్తామన్నారు. జిల్లా, జోనల్ స్థాయిల్లో పదవీ విరమణ వయస్సు పెంపు ఈనెల నుంచే అమలవుతుందని చెప్పారు. ఉద్యోగుల విభజన అయిన తరువాతే రాష్ట్రస్థాయిలో అమలు చేస్తామన్నారు. ఆదాయానికి పెంచుకోవడానికి వ్యాట్పైనే దృష్టి పెడతామన్నారు. పదేళ్ల కాంగ్రెస్ పాలనపై 5శ్వేత పత్రాలు విడుదల చేస్తామన్నారు. ధరల నియంత్రణకు కమిటీ ఏర్పాటు చేస్తున్నట్లు తెలిపారు. కొత్తరాజధాని నిర్మాణానికి ఏపీ రిలీఫ్ ఫండ్ ఏర్పాటు చేసినట్లు తెలిపారు. కొత్త రాజధాని నిర్మాణానికి 20 ఏళ్లు పడుతుందన్నారు. కొత్తరాజధానికి 4 నుంచి 5 లక్షల కోట్ల రూపాయలు ఖర్చు అవుతుందని చెప్పారు. కొత్త రాజధానికి ఎవరు ఎంత సాయం చేస్తే అంతచేయండని పిలుపు ఇచ్చారు. ఇటుకలు ఇచ్చినా చాలన్నారు. వ్యవసాయానికి 7 గంటలు విద్యుత్ ఇవ్వగలమని చెప్పారు. చెక్డ్యాంలు, మొక్కల పెంపకంపై దృష్టి సారిస్తామన్నారు. గతంలో జారీచేసిన జీవో ఆధారంగా సింహాచలం ఆక్రమిత భూముల క్రమబద్ధీకరణ చేస్తామన్నారు. 7 దేవాలయాల్లో నిత్య అన్నదాన కార్యక్రమం ప్రారంభించనున్నట్లు తెలిపారు. విశాఖలో విమ్స్పూర్తికి నిధులు విడుదల చేస్తామని చెప్పారు. విశాఖలో ప్రాంతీయ క్రీడా కళాశాల ఏర్పాటు చేస్తామన్నారు. ఇదిలా ఉండగా, మంత్రి మండలి సమావేశంలో చంద్రబాబు నాయుడు ముఖ్యమంత్రిగా ప్రమాణస్వీకారం చేసిన రోజు పెట్టిన అయిదు సంతకాలపై విస్తృత స్థాయిలో చర్చ జరిగినట్లు తెలిసింది. హిమాచల్ ప్రదేశ్ బియాస్ నదిలో విద్యార్థుల మృతికి మంత్రి మండలి సంతాపం తెలిపింది. హైదరాబాద్లోని విజ్ఞాన్జ్యోతి ఇంజనీరింగ్ కళాశాలకు చెందిన 24 మంది విద్యార్థులు గల్లంతైన విషయం తెలిసిందే. వారిలో 8 మంది మృతదేహాలు ఇప్పటి వరకు లభ్యమయ్యాయి. -
చంద్రబాబూ తెల్లకాగితంపై సంతకం పెట్టవద్దు!
హైదరాబాద్: రైతుల రుణమాఫీ విషయంలో తెల్లకాగితాలపై సంతకాలు పెట్టి చేతులు దులుపుకోవద్దని ఆంధ్రప్రదేశ్కు కాబోయే ముఖ్యమంత్రి చంద్రబాబు నాయుడును ఉద్దేశించి తెలంగాణ వ్యవసాయశాఖ మంత్రి పోచారం శ్రీనివాస రెడ్డి అన్నారు. రైతులకు ఇచ్చిన మాటకు చంద్రబాబు కట్టుబడాలన్నారు. తెలంగాణ రైతులు అధైర్యపడాల్సిన పనిలేదని ఆయన భరోసా ఇచ్చారు. రైతుల ఆత్మహత్యలపై విచారణ జరిపిస్తున్నామని చెప్పారు. త్వరలోనే రుణమాఫీపై ప్రకటన చేస్తామని మంత్రి హామీ ఇచ్చారు. లక్ష రూపాయల వరకు రుణాలను మాఫీ చేస్తామని రైతులకు ఇచ్చిన హామీకి కట్టుబడి ఉన్నామని, వెనక్కితగ్గే ప్రశ్నే లేదని పోచారం శ్రీనివాస్ రెడ్డి నిన్న స్పష్టం చేసిన విషయం తెలిసిందే. -
షరతుల్లేకుండా రైతుల రుణమాఫీ చేయాలి
కోటగుమ్మం (రాజమండ్రి), న్యూస్లైన్ : షరతులు లేకుండా రైతుల రుణాలను మాఫీ చేయాలని వైఎస్సార్ సీపీ సీజీసీ సభ్యుడు, జగ్గంపేట ఎమ్మెల్యే జ్యోతుల నెహ్రూ డిమాండ్ చేశారు. ఆయన గురువారం రాజ మండ్రి ఆర్ అండ్ బి అతిథి గృహంలో విలేకరులతో మాట్లాడుతూ ముఖ్యమంత్రిగా చంద్రబాబునాయుడు ప్రమాణ స్వీకారం చేసిన అనంతరం తొలి సంతకం రైతుల రుణ మాఫీపై పెట్టాలని కోరారు. షరతులతో కూడిన రైతు రుణ మాఫీ జరుగుతుందంటూ ఆపార్టీకి చెందిన పత్రికలో వార్తలు వస్తున్నాయని ఆయన పేర్కొన్నారు. చంద్రబాబుతో తనకు ఉన్న సాన్నిహిత్యం దృష్ట్యా ఆయన గురించి పూర్తిగా తెలిసిన వ్యక్తిగా తాను మాట్లాడుతున్నానని అన్నారు. రుణాల హామీ కాగితాలకే పరిమితం చేస్తే ప్రజలు సహించబోరని హెచ్చరించారు. రైతుల రుణాలను పూర్తిస్థాయిలో మాఫీ చేయకపోతే తాము ప్రభుత్వంపై వత్తిడి తెస్తామని అన్నారు. చంద్రబాబు నాయుడు ప్రమాణ స్వీకారం గవర్నర్ సమక్షంలో రాజ్యాంగ బద్ధంగా జరిగేలా లేదని నెహ్రూ పేర్కొన్నారు. అది ఒక పార్టీకి సంబంధించిన కార్యక్రమంలా ఉందన్నారు. తమకు ఇంతవరకూ ఆహ్వానం ఏదీ అందలేదని ఆయన పేర్కొన్నారు. ముఖ్యమంత్రి ప్రమాణస్వీకారం రాజ్యాంగ బద్ధంగా జరిగేలా ఉంటే, తమకు ఆహ్వానం అందితే వెళ్లేదీ లే నిదీ ఆలోచిస్తామని నెహ్రూ తెలిపారు.