ఛాంపియన్స్‌ ట్రోఫీ-2025 ఫైనల్లోకి న్యూజిలాండ్‌.. సెమీస్‌లో సౌతాఫ్రికా చిత్తుఛాంపియన్స్‌ ట్రోఫీ-2025 రెండో సెమీఫైనల్లో న్యూజిలాండ్‌ సౌతాఫ్రికాపై 50 పరుగుల తేడాతో గెలుపొందింది. తద్వారా మార్చి 9న జరిగే ఫైనల్లో టీమిండియాతో అమీతుమీకి అర్హత సాధించింది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ రచిన్‌ రవీంద్ర (108), కేన్‌ విలియమ్సన్‌ (102) సెంచరీలతో కదంతొక్కడంతో నిర్ణీత 50 ఓవర్లలో 6 వికెట్ల నష్టానికి 362 పరుగుల భారీ స్కోర్‌ చేసింది. డారిల్‌ మిచెల్‌ 49 పరుగులతో రాణించగా.. ఆఖర్లో గ్లెన్‌ ఫిలిప్స్‌ (49 నాటౌట్‌) మెరుపు ఇన్నింగ్స్‌ ఆడాడు. సౌతాఫ్రికా బౌలర్లలో ఎంగిడి 3, రబాడ 2, ముల్దర్‌ ఓ వికెట్‌ పడగొట్టారు.భారీ లక్ష్య ఛేదనలో తడబడిన సౌతాఫ్రికా నిర్ణీత ఓవర్లలో 9 వికెట్ల నష్టానికి 312 పరుగులు చేసి లక్ష్యానికి 51 పరుగుల దూరంలో నిలిచిపోయింది. బవుమా (56), డసెన్‌ (69) అర్ద సెంచరీలతో రాణించగా.. ఆఖర్లో పోరాడితే పోయేదేమీ లేదన్నట్లు ఆడి మిల్లర్‌ మెరుపు సెంచరీ (100 నాటౌట్‌) బాదాడు. మిల్లర్‌ చివరి బంతికి రెండు పరుగులు తీసి సెంచరీ పూర్తి చేసుకున్నాడు. కివీస్‌ కెప్టెన్‌ మిచెల్‌ సాంట్నర్‌ 3 వికెట్లు తీసి సౌతాఫ్రికా విజయావకాశాలను దెబ్బకొట్టాడు. మ్యాట్‌ హెన్రీ, గ్లెన్‌ ఫిలిప్స్‌ తలో 2, బ్రేస్‌వెల్‌, రచిన్‌ రవీంద్ర చెరో వికెట్‌ పడగొట్టారు.ఓటమి అంచుల్లో సౌతాఫ్రికా363 పరుగుల భారీ లక్ష్య ఛేదనలో సౌతాఫ్రికా 212 పరుగులకే 7 వికెట్లు కోల్పోయి ఓటమి అంచుల్లో నిలిచింది. డేవిడ్‌ మిల్లర్‌ (25), కేశవ్‌ మహారాజ్‌ క్రీజ్‌లో ఉన్నారు. సాంట్నర్‌ (7-0-29-3) సౌతాఫ్రికాను దెబ్బకొట్టాడు. ఐదో వికెట్‌ కోల్పోయిన సౌతాఫ్రికా.. మార్క్రమ్‌ ఔట్‌189 పరుగుల వద్ద (32.6వ ఓవర్‌) సౌతాఫ్రికా ఐదో వికెట్‌ కోల్పోయింది. రచిన్‌ రవీంద్ర బౌలింగ్‌లో అతనికే క్యాచ్‌ ఇచ్చి మార్క్రమ్‌ (31) ఔటయ్యాడు. నాలుగో వికెట్‌ కోల్పోయిన సౌతాఫ్రికా.. క్లాసెన్‌ ఔట్‌167 పరుగుల వద్ద (28.4వ ఓవర్‌) సౌతాఫ్రికా నాలుగో వికెట్‌ కోల్పోయింది. సాంట్నర్‌ బౌలింగ్‌లో హెన్రీకి​ క్యాచ్‌ ఇ‍చ్చి క్లాసెన్‌ (3) ఔటయ్యాడు. మార్క్రమ్‌ (19), డేవిడ్‌ మిల్లర్‌ క్రీజ్‌లో ఉన్నారు. డసెన్‌ ఔట్‌.. మూడో వికెట్‌ కోల్పోయిన సౌతాఫ్రికా363 పరుగుల భారీ లక్ష్య ఛేదనలో సౌతాఫ్రికా 161 పరుగుల వద్ద (26.5వ ఓవర్‌) మూడో వికెట్‌ కోల్పోయింది. సాంట్నర్‌ బౌలింగ్‌లో డసెన్‌ (69) క్లీన్‌ బౌల్డయ్యాడు. మార్క్రమ్‌ (16), క్లాసెన్‌ క్రీజ్‌లో ఉన్నారు. ఈ మ్యాచ్‌లో సౌతాఫ్రికా గెలవాలంటే ఇం​కా 202 పరుగులు చేయాలి.రెండో వికెట్‌ కోల్పోయిన సౌతాఫ్రికా125 పరుగుల వద్ద (22.2వ ఓవర్‌) సౌతాఫ్రికా కెప్టెన్‌ టెంబా బవుమా (56) రెండో వికెట్‌గా వెనుదిరిగాడు. సాంట్నర్‌ బౌలింగ్‌లో విలియమ్సన్‌కు క్యాచ్‌ ఇచ్చి బవుమా ఔటయ్యాడు. డసెన్‌కు (50) జతగా మార్క్రమ్‌ క్రీజ్‌లోకి వచ్చాడు. ఆచితూచి ఆడుతున్న డసెన్‌, బవుమా363 పరుగుల భారీ లక్ష్య ఛేదనలో సౌతాఫ్రికా బ్యాటర్లు బవుమా (42), డసెన్‌ (34) ఆచితూచి ఆడుతున్నారు. 17 ఓవర్ల తర్వాత ఆ జట్టు స్కోర్‌ 94/1గా ఉంది. రికెల్టన్‌ 17 పరుగులు చేసి మ్యాట్‌ హెన్రీ బౌలింగ్‌లో ఔటయ్యాడు.పది ఓవర్లలో సౌతాఫ్రికా స్కోరు:టెంబా బవుమా 25, డసెన్‌ 14 పరుగులతో ఉన్నారు. 56-1తొలి వికెట్‌ కోల్పోయిన సౌతాఫ్రికా4.5: మ్యాట్‌ హెన్రీ బౌలింగ్‌లో ర్యాన్‌ రెకెల్టన్‌ బ్రేస్‌వెల్‌కు క్యాచ్‌ ఇచ్చి పెవిలియన్‌ చేరాడు. 12 బంతులు ఎదుర్కొన ఈ ఓపెనింగ్‌ బ్యాటర్‌ 17 పరుగులు చేసి నిష్క్రమించాడు. రచిన్‌, విలియమ్సన్‌ శతకాలు.. న్యూజిలాండ్‌ భారీ స్కోర్‌టాస్‌ గెలిచి తొలుత బ్యాటింగ్‌ చేసిన న్యూజిలాండ్‌.. రచిన్‌ రవీంద్ర (108), కేన్‌ విలియమ్సన్‌ (102) సెంచరీలతో కదంతొక్కడంతో నిర్ణీత 50 ఓవర్లలో 6 వికెట్ల నష్టానికి 362 పరుగుల భారీ స్కోర్‌ చేసింది. ఆఖర్లో గ్లెన్‌ ఫిలిప్స్‌ (49 నాటౌట్‌) సుడిగాలి ఇన్నింగ్స్‌ ఆడాడు. 300 దాటిన న్యూజిలాండ్‌ స్కోర్‌45.3వ ఓవర్‌: మార్కో జన్సెన్‌ బౌలింగ్‌లో గ్లెన్‌ ఫిలిప్స్‌ బౌండరీ బాదడంతో న్యూజిలాండ్‌ స్కోర్‌ 300 దాటింది. ఈ బౌండరీ అనంతరం ఫిలిప్స్‌ వరుసగా మరో మూడు బౌండరీలు బాదాడు. 47వ ఓవర్‌ తొలి బంతికి ఎంగిడి బౌలింగ్‌లో రబాడకు క్యాచ్‌ ఇచ్చి డారిల్‌ మిచెల్‌ (49) ఔటయ్యాడు. 46.3 ఓవర్ల తర్వాత కివీస్‌ స్కోర్‌ 317/5గా ఉంది. ఫిలిప్స్‌తో పాటు బ్రేస్‌వెల్‌ క్రీజ్‌లో ఉన్నాడు.నాలుగో వికెట్‌ కోల్పోయిన న్యూజిలాండ్‌41.1 ఓవర్‌: 257 పరుగుల వద్ద న్యూజిలాండ్‌ నాలుగో వికెట్‌ కోల్పోయింది. రబాడ బౌలింగ్‌లో టామ్‌ లాథమ్‌ (4) క్లీన్‌ బౌల్డ్‌ అయ్యాడు. డారిల్‌ మిచెల్‌కు (19) జతగా గ్లెన్‌ ఫిలిప్స్‌ క్రీజ్‌లోకి వచ్చాడు. సెంచరీ పూర్తి చేసిన వెంటనే ఔటైన విలియమ్సన్‌39.5వ ఓవర్‌: సెంచరీ పూర్తి చేసిన ఓవర్‌లోనే విలియమ్సన్‌ (102) ఔటయ్యాడు. ముల్దర్‌ బౌలింగ్‌లో ఎంగిడికి క్యాచ్‌ ఇచ్చి కేన్‌ మామ పెవిలియన్‌ బాట పట్టాడు. 40 ఓవర్ల అనంతరం న్యూజిలాండ్‌ స్కోర్‌ 252/3గా ఉంది. టామ్‌ లాథమ్‌ (1), డారిల్‌ మిచెల్‌ (17) క్రీజ్‌లో ఉన్నారు.సెంచరీ పూర్తి చేసుకున్న విలియమ్సన్‌39.1 ఓవర్‌: ముల్దర్‌ బౌలింగ్‌లో బౌండరీ బాది కేన్‌ విలియమ్సన్‌ సెంచరీని పూర్తి చేసుకున్నాడు. వన్డేల్లో కేన్‌కు ఇది 15వ సెంచరీ. కేన్‌ తన సెంచరీ మార్కును 91 బంతుల్లో చేరుకున్నాడు. రచిన్‌ అవుట్‌రచిన్‌ రవీంద్ర రూపంలో కివీస్‌ రెండో వికెట్‌ కోల్పోయింది. రబడ బౌలింగ్‌లో రచిన్‌ క్లాసెన్‌కు క్యాచ్‌ ఇచ్చి 108 పరుగుల వ్యక్తిగత స్కోరు వద్ద నిష్క్రమించాడు. విలియమమ్సన్‌ 80 పరుగులతో ఉండగా.. డారిల్‌ మిచెల్‌ క్రీజులోకి వచ్చాడు. స్కోరు: 213/2 (33.5) శతక్కొట్టిన రచిన్‌.. విలియమ్సన్‌ ఫిఫ్టీసౌతాఫ్రికాతో సెమీ ఫైనల్లో కివీస్‌ బ్యాటర్లు రచిన్‌ రవీంద్ర, కేన్‌ విలియమ్సన్‌ దంచికొడుతున్నారు. 32 ఓవర్లు పూర్తయ్యేసరికి రచిన్‌ 95 బంతుల్లో 105 పరుగులతో నిలవగా.. విలియమ్సన్‌ 74 బంతుల్లో 72 రన్స్‌ సాధించాడు. దీంతో న్యూజిలండ్‌ స్కోరు 201కి చేరింది.నిలకడగా ఆడుతున్న రచిన్‌, విలియమ్సన్‌అర్ధ శతకం పూర్తి చేసుకున్న రచిన్‌ రవీంద్ర, విలియమ్సన్‌తో కలిసి 76 పరుగులకు పైగా భాగస్వామ్యం నమోదు చేశాడు. 22 ఓవర్ల ఆట ముగిసే సరికి రచిన్‌ 67, విలియమ్సన్‌ 31 పరుగులతో ఉన్నారు.పదమూడు ఓవర్లలో న్యూజిలాండ్‌ స్కోరు: 67-1విలియమ్సన్‌ 11, రచిన్‌ రవీంద్ర 34 పరుగులతో ఉన్నారు.7.5: తొలి వికెట్‌ కోల్పోయిన కివీస్‌విల్‌ యంగ్‌ రూపంలో న్యూజిలాండ్‌ తొలి వికెట్‌ కోల్పోయింది. ఎంగిడి బౌలింఘ్‌లో మార్క్రమ్‌కు క్యాచ్‌ ఇచ్చి యంగ్‌ 21 పరుగుల వ్యక్తిగత స్కోరు వద్ద నిష్క్రమించాడు. విలియమ్సన్‌ క్రీజులోకి వచ్చాడు. స్కోరు 48-1(8)టాస్‌ గెలిచిన కివీస్‌ఐసీసీ చాంపియన్స్‌ ట్రోఫీ-2025 రెండో సెమీ ఫైనల్‌కు రంగం సిద్ధమైంది. సౌతాఫ్రికా- న్యూజిలాండ్‌(South Africa Vs New Zealand) మధ్య లాహోర్‌ వేదికగా మ్యాచ్‌కు నగారా మోగింది. టాస్‌ గెలిచిన కివీస్‌ కెప్టెన్‌ మిచెల్‌ సాంట్నర్‌ తొలుత బ్యాటింగ్‌ ఎంచుకున్నాడు. ఈ సందర్భంగా మాట్లాడుతూ.. ‘‘వికెట్‌ బాగుంది. అందుకే మేము తొలుత బ్యాటింగ్‌ చేయాలని నిర్ణయించుకున్నాం.పిచ్‌ కాస్త పొడిగానే ఉంది. న్యూజిలాండ్‌ కెప్టెన్‌గా పనిచేయడం నాకు దక్కిన గౌరవం. మా జట్టు అద్భుతంగా ఆడుతోంది. గత మ్యాచ్‌లో మేము దుబాయ్‌లో పిచ్‌ పరిస్థితిని అంచనా వేయలేకపోయాం. అయితే, ఇక్కడ త్రైపాక్షిక సిరీస్‌ ఆడిన అనుభవం అక్కరకు వస్తుంది.గత మ్యాచ్‌లో ఆడిన జట్టుతోనే సౌతాఫ్రికాతోనూ ఆడబోతున్నాం. ధాటిగా ఆడి ప్రత్యర్థిని ఒత్తిడిలోకి నెడతాం’’ అని సాంట్నర్‌ తెలిపాడు. ఇక సౌతాఫ్రికా కెప్టెన్‌ టెంబా బవుమా మాట్లాడుతూ.. ‘‘తొలుత బ్యాటింగ్‌ చేయాలా, బౌలింగ్‌ చేయాల అన్న అంశంలో మాకు ఎలాంటి కన్ఫ్యూజన్‌ లేదు.నా ఆరోగ్యం బాగానే ఉందిమా బౌలర్లు ముందుగా వాళ్ల పని పూర్తి చేస్తే.. ఆ తర్వాత బ్యాటర్లు కూడా తమ విధిని నిర్వర్తిస్తారు. ఈ మ్యాచ్‌లో మేము ఒకే ఒక్క మార్పుతో బరిలోకి దిగుతున్నాం. నేను జట్టులోకి వచ్చేశాను. ప్రసుతం నా ఆరోగ్యం బాగానే ఉంది.గత ఐసీసీ టోర్నమెంట్లలో సెమీ ఫైనల్స్‌, ఫైనల్స్‌ నుంచి మేము పాఠాలు నేర్చుకున్నాం. కీలక సమయంలో ఎలాంటి పొరపాట్లకు తావివ్వద్దని నిశ్చయించుకున్నాం. అందుకు తగిన ప్రణాళికలు సిద్ధం చేసుకున్నాం. ఇది సెమీ ఫైనల్‌ కాబట్టి మేము ఒత్తిడికి లోనుకాము. సాధారణ మ్యాచ్‌లాగే దీనిని చూస్తాం’’ అని పేర్కొన్నాడు.కాగా పాకిస్తాన్‌ వేదికగా ఫిబ్రవరి 19న మొదలైన చాంపియన్స్‌ ట్రోఫీ తుదిదశకు చేరుకుంది. దుబాయ్‌లో జరిగిన తొలి సెమీ ఫైనల్లో టీమిండియా ఆస్ట్రేలియాను ఓడించి ఫైనల్‌ చేరింది. లాహోర్‌లోని గడాఫీ స్టేడియంలో సౌతాఫ్రికా- న్యూజిలాండ్‌ల ఫలితం.. భారత్‌ ప్రత్యర్థి ఎవరన్న అంశాన్ని తేల్చనుంది.ట్రై సిరీస్‌లో కివీస్‌దే విజయంఇక ఈ వన్డే టోర్నీలో మొత్తం ఎనిమిది జట్లు పాల్గొన్నాయి. గ్రూప్‌-‘ఎ’ నుంచి భారత్‌, పాకిస్తాన్‌, బంగ్లాదేశ్‌, న్యూజిలాండ్‌.. గ్రూప్‌-‘బి’ నుంచి సౌతాఫ్రికా, ఆస్ట్రేలియా, అఫ్గనిస్తాన్‌, ఇంగ్లండ్‌ పోటీపడ్డాయి. ఇందులో భారత్‌, న్యూజిలాండ్‌.. సౌతాఫ్రికా, ఆస్ట్రేలియా సెమీస్‌ చేరగా.. ఆసీస్‌ను టీమిండియా నాకౌట్‌ చేసింది. ఇక గ్రూప్‌-‘బి’ టాపర్‌గా ఉన్న సౌతాఫ్రికా కివీస్‌తో మ్యాచ్‌లో ఏ మేరకు రాణిస్తుందనేది ఆసక్తికరంగా మారింది. ఈ మెగా ఈవెంట్‌ ఆరంభానికి ముందు పాకిస్తాన్‌తో సౌతాఫ్రికా, న్యూజిలాండ్‌ ట్రై సిరీస్‌ ఆడగా.. కివీస్‌ పాక్‌, సౌతాఫ్రికాలను ఓడించి విజేతగా నిలిచింది. ఇదిలా ఉంటే.. చాంపియన్స్‌లో ట్రోఫీ లీగ్‌ దశ చివరి మ్యాచ్‌లలో సౌతాఫ్రికా ఇంగ్లండ్‌ను ఓడించగా.. న్యూజిలాండ్‌ భారత్‌ చేతిలో ఓటమిపాలైంది. చాంపియన్స్‌ ట్రోఫీ-2025: రెండో సెమీ ఫైనల్‌- సౌతాఫ్రికా వర్సెస్‌ న్యూజిలాండ్‌ తుదిజట్లుసౌతాఫ్రికార్యాన్ రికెల్టన్, టెంబా బావుమా(కెప్టెన్‌), రాసీ వాన్ డెర్ డసెన్‌, హెన్రిచ్ క్లాసెన్(వికెట్‌ కీపర్‌), డేవిడ్ మిల్లర్, ఐడెన్ మార్క్రమ్, వియాన్ ముల్డర్, మార్కో జాన్సెన్, కేశవ్ మహారాజ్, కగిసో రబడ, లుంగి ఎంగిడి.న్యూజిలాండ్‌విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్(వికెట్‌ కీపర్‌), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్‌), మాట్ హెన్రీ, కైలీ జెమీసన్, విలియం ఒ'రూర్కీ.చదవండి: రోహిత్‌ గురించి ప్రశ్న.. ఇచ్చి పడేసిన గంభీర్‌! నాకన్నీ తెలుసు...

ఛాంపియన్స్ ట్రోఫీ 2025లో భార‌త క్రికెట్ జ‌ట్టు ఫైనల్‌కు దూసుకెళ్లింది. మంగళవారం దుబాయ్ వేదికగా జరిగిన తొలి సెమీఫైన‌ల్లో వ‌ర‌ల్డ్ ఛాంపియ‌న్స్ ఆస్ట్రేలియాను 4 వికెట్ల తేడాతో మ‌ట్టిక‌ర్పించిన టీమిండియా.. ఐదోసారి ఈ మెగా టోర్నీ ఫైన‌ల్లో అడుగుపెట్టింది. ఈ విజ‌యంతో వ‌న్డే ప్ర‌పంచ‌క‌ప్-2023 ఫైన‌ల్ ఓట‌మికి భార‌త్ బ‌దులు తీర్చుకుంది. ఈ సెమీస్ పోరులో భారత్ ఆల్‌రౌండ్ షోతో అద‌ర‌గొట్టింది.తొలుత బౌల‌ర్లు స‌త్తాచాట‌గా.. అనంత‌రం బ్యాట‌ర్లు స‌మిష్ట‌గా రాణించారు. 265 పరుగుల లక్ష్యాన్ని టీమిండియా 4 వికెట్లు కోల్పోయి 48.1 ఓవర్లలో చేధించింది. ఛేజ్‌ మాస్టర్‌ విరాట్‌ కోహ్లి(Virat Kohli) మరోసారి అద్భుత ఇన్నింగ్స్‌ ఆడాడు. ఆరంభంలో ఓపెనర్లు రోహిత్‌ శర్మ, గిల్‌ వికెట్లు కోల్పోయినప్పటికి విరాట్‌​ మాత్రం తన క్లాస్‌ను చూపించాడు.మిడిలార్డర్‌ బ్యాటర్‌ శ్రేయస్‌ అయ్యర్‌తో కలిసి స్కోర్‌బోర్డును ముందుకు నడిపించాడు. అయ్యర్‌(45) ఔటయ్యాక అక్షర్‌ పటేల్‌తో కూడా కోహ్లి భాగస్వామ్యం నెలకొల్పాడు. అయితే విజయానికి మరో 39 పరుగులు కావల్సిన దశలో ఓ భారీ షాట్‌కు ప్రయత్నించి కోహ్లి ఔటయ్యాడు. 98 బంతులు ఎదుర్కొన్న కోహ్లి 5 ఫోర్ల సాయంతో 84 పరుగులు చేశాడు. కేవలం 16 పరుగుల దూరంలో తన 52వ వన్డే సెంచరీ చేసే అవకాశాన్ని కింగ్‌ కోహ్లి కోల్పోయాడు. ఆఖరిలో కేఎల్‌ రాహుల్‌(34 బంతుల్లో 2 ఫోర్లు, 2 సిక్స్‌లతో 42 నాటౌట్), హార్దిక్‌ పాండ్యా(24 బంతుల్లో 1 ఫోర్‌, 3 సిక్స్‌లతో 28) కీలక ఇన్నింగ్స్‌లు ఆడారు. ఆసీస్ బౌలర్లలో ఎల్లీస్, జంపా రెండు వికెట్లు ప‌డ‌గొట్ట‌గా.. బెన్ ద్వార్షుయిస్, కొన్నోలీ చెరో వికెట్ ప‌డ‌గొట్టారు. ఇక అద్భుత విజయంపై మ్యాచ్‌ అనంతరం టీమిండియా కెప్టెన్‌ రోహిత్‌ శర్మ(Rohit Sharma) స్పందించాడు. ఈ మెగా టోర్నీ ఫైనల్‌కు చేరడం చాలా సంతోషంగా ఉందని రోహిత్‌ చెప్పుకొచ్చాడు."ఆటలో ఆఖరి బంతి పడే వరకు ఏమీ చెప్పలేం. ఆసీస్‌ ఇన్నింగ్స్‌ ముగిశాక ఇది మరీ చిన్న స్కోరేమీ కాదని, విజయం కోసం మేం చాలా బ్యాటింగ్‌ చేయాల్సి ఉంటుందని అర్థమైంది. ఎందుకంటే సెకెండ్ ఇన్నింగ్స్‌లో పిచ్ ఎలా ప్రవ‌ర్తిస్తుందో మ‌నం అంచ‌నా వేయలేం. పిచ్‌పై ఎక్కువ దృష్టి పెట్టకుండా మా ఆటనే నమ్ముకున్నాం. కానీ పిచ్ కూడా కాస్త మెరుగ్గా అనిపించింది. న్యూజిలాండ్‌తో మ్యాచ్ కంటే ఈ రోజు పిచ్ చాలా బెట‌ర్‌గా ఉంది.ఈ మ్యాచ్‌లో మా బ్యాట‌ర్లు అద్బుతంగా రాణించారు. మేము 48 ఓవ‌ర్ వ‌ర‌కు గేమ్‌ను తీసుకుండొచ్చు. కానీ మా ఛేజింగ్‌లో ప్రశాంతంగా ఎటువంటి ఒత్తిడి లేకుండా టార్గెట్‌ను ఫినిష్ చేశాము. మాకు అదే ముఖ్యం. అన్ని విభాగాల్లో మెరుగ్గా రాణించిడంతోనే ఈ విజ‌యం సాధ్య‌మైంది. జట్టులో అనుభవం కలిగిన ఆటగాళ్లు ఉన్నారు.ఇక తుది జ‌ట్టు కూర్పు ఎప్పుడూ స‌వాల్‌గానే ఉంటుంది. ఆరు బౌలింగ్‌ ప్రత్యామ్నాయాలు, ఎనిమిదో నంబర్‌ వరకు బ్యాటింగ్‌ చేయగలవారు ఉండాలని మేం కోరుకున్నాం. దానిని బట్టే జట్టును ఎంపిక చేశాం. ఇప్పుడు ఆ ఆరుగురు బౌలర్లను సమర్థంగా వాడుకున్నాం.విరాట్ కోహ్లి మ‌రోసారి అద్బుత ఇన్నింగ్స్ ఆడాడు. అత‌డు ఎన్నో ఏళ్లుగా ఇదే తరహాలో జట్టును గెలిపిస్తూ వస్తున్నాడు. ప‌వ‌ర్ ప్లేలో రెండు వికెట్లు కోల్పోయిన త‌ర్వాత మాకు ఓ పెద్ద భాగస్వామ్యం కావాలనుకున్నాం. శ్రేయస్ అయ్యర్, కోహ్లి మాకు ఆ భాగ‌స్వామ్యం అందించారు. కేఎల్‌(రాహుల్‌), హార్దిక్‌ పాండ్యా కూడా ఆఖరిలో అద్భుతంగా ఆడారు. ఫైనల్‌కు ముందు ఆటగాళ్లంతా ఫామ్‌లో ఉంటే జట్టులో ఆత్మవిశ్వాసం పెరుగుతుంది. అయితే దాని గురించి అతిగా ఆలోచించడం లేదు. సమయం వచి్చనప్పుడు అంతా సరైన రీతిలో స్పందిస్తారు అని పోస్ట్‌​ మ్యాచ్‌ ప్రేజెంటేషన్‌లో రోహిత్‌ పేర్కొన్నాడు. కాగా ఆదివారం జరగనున్న ఫైనల్లో దక్షిణాఫ్రికా లేదా న్యూజిలాండ్‌తో భారత్‌ తలపడనుంది.చదవండి: కుల్దీప్‌ యాదవ్‌పై మండిపడ్డ కోహ్లి, రోహిత్‌!.. గట్టిగానే తిట్టేశారు!

ఛాంపియ‌న్స్ ట్రోఫీ-2025లో దుమ్ములేపుతున్న భార‌త జ‌ట్టు మ‌రో కీల‌క స‌మ‌రానికి సిద్ద‌మైంది. ఈ మెగా టోర్నీ తొలి సెమీఫైన‌ల్లో దుబాయ్ వేదిక‌గా ఆస్ట్రేలియాతో టీమిండియా తాడోపేడో తెల్చుకోనుంది. ఐసీసీ టోర్నీల్లో త‌మ‌కు కొర‌క‌రాని కొయ్య‌గా మారిన ఆస్ట్రేలియాను ఈసారి ఎలాగైనా ఓడించి ముందుకు వెళ్లాల‌ని రోహిత్ సేన ప‌ట్టుద‌ల‌తో ఉంది.డ‌బ్ల్యూటీసీ ఫైన‌ల్‌-2023 ఫైన‌ల్‌తో పాటు అదే ఏడాది జ‌రిగిన వ‌న్డే వ‌ర‌ల్డ్‌క‌ప్ ఫైన‌ల్లోనూ భార‌త్‌ను ఆసీస్ ఓడించింది. దీంతో ఛాంపియ‌న్స్ ట్రోఫీ సెమీస్‌లో ఆసీస్‌ను ఓడించి ప్ర‌తీకారం తీర్చుకోవాలని భార‌త అభిమానులు ఆశిస్తున్నారు. టీమిండియా ప్ర‌స్తుతం అన్ని విభాగాల్లో ప‌టిష్టం క‌న్పిస్తోంది. లీగ్ స్టేజిలో ఆడిన మూడు మ్యాచ్‌ల్లోనూ భార‌త్ అద్భుత ప్ర‌ద‌ర్శ‌న‌తో విజ‌య భేరి మోగించింది.అదే జోరును సెమీస్‌లోనూ కొన‌సాగించాల‌ని టీమిండియా భావిస్తోంది. ఈ క్ర‌మంలో ఆసీస్‌తో మ్యాచ్‌కోసం ఆతృతగా ఎదురుచూస్తున్నట్లు భారత మిడిలార్డర్ బ్యాటర్ శ్రేయస్ అయ్యర్ తెలిపాడు. అదేవిధంగా గ‌తేడాదిగా తాను ఎదుర్కొన్న గ‌డ్డు ప‌రిస్థితుల గురుంచి కూడా అయ్య‌ర్ మా"క‌ష్టం కాలం ఎప్పుడూ శాశ్వతంగా ఉండ‌దు. నాలాంటి వాడికి ఇటువంటి క‌ఠిన ద‌శ‌ల‌ను ఎలా ఎదుర్కోవాలో బాగా తెలుసు. కష్ట కాలంలో మనల్ని ఎవరూ ఆదుకోరు. అటువంటి స‌మ‌యాల్లో మనల్ని మనం నమ్ముకుంటే ఫలితం ఉంటుంది. ఎవరిపైనా ఆధారపడకుండా ఎలా నడుచుకోవాలో గ‌తేడాది కాలం నాకు నేర్పించింది. ఇక సెమీస్ ఫైన‌ల్‌ కోసం ఆతృతగా ఎదురుచూస్తున్నాను. మాపై ఎటువంటి ఒత్తడి లేదు. ఇది ఒక సాధరణ మ్యాచ్ మాత్రమే. ఈ మ్యాచ్‌లో గెలవాలనే కోరిక మరింత రెట్టింపు అయింది" అంటూ బీసీసీఐ టీవీకి ఇచ్చిన ఇంటర్వ్యూలో అయ్యర్ పేర్కొన్నాడు. కాగా దేశీవాళీ క్రికెట్‌లో ఆడాలన్న బీసీసీఐ ఆదేశాలను ధిక్కరించడంతో అయ్యర్‌ తన సెంట్రల్‌ కాంట్రాక్ట్‌ను కోల్పోయాడు.అయితే ఆ తర్వాత తన మనసు మార్చకుని రంజీల్లో ఆడడంతో అయ్యర్‌ తిరిగి జాతీయ జట్టులోకి వచ్చాడు. తన పునరాగమనంలో అయ్యర్‌ దుమ్ములేపుతున్నాడు. ఈ మెగా టోర్నీలో మూడు మ్యాచ్‌ల్లో రెండు హాఫ్‌ సెంచరీలు శ్రేయస్‌ సాధించాడు.చదవండి: అత‌డితో మ‌న‌కు త‌ల నొప్పి.. తొంద‌ర‌గా ఔట్ చేయండి: భారత మాజీ క్రికెటర్‌

రంజీ ట్రోఫీ(Ranji Trophy) 2024-25 సీజన్‌లో డిఫెండింగ్‌ చాంపియన్‌ ముంబై(Mumbai) సెమీస్‌కు దూసుకువెళ్లింది. క్వార్టర్‌ ఫైనల్‌-3 మ్యాచ్‌లో హర్యానా జట్టును మట్టికరిపించి టాప్‌-4కు అర్హత సాధించింది. కాగా రంజీ తాజా ఎడిషన్‌లో భాగంగా శనివారం క్వార్టర్‌ ఫైనల్స్‌ మ్యాచ్‌లు మొదలయ్యాయి.తొలి ఇన్నింగ్స్‌లో రహానే విఫలంఈ క్రమంలో కోల్‌కతా వేదికగా ముంబై హర్యానాతో తలపడింది. ఈడెన్‌ గార్డెన్స్‌లో జరిగిన ఈ మ్యాచ్‌లో టాస్‌ గెలిచిన ముంబై తొలుత బ్యాటింగ్‌ చేసింది. ఓపెనర్లు ఆయుశ్‌ మాత్రే(0), ఆకాశ్‌ ఆనంద్‌(10)తో పాటు వన్‌డౌన్‌లో వచ్చిన సిద్ధేశ్‌ లాడ్‌(4) కూడా విఫలమయ్యాడు. కెప్టెన్‌ అజింక్య రహానే(Ajinkya Rahane) సైతం 31 పరుగులకే వెనుదిరగగా.. టీమిండియా టీ20 జట్టు సారథి సూర్యకుమార్‌ యాదవ్‌(9), ఆల్‌రౌండర్‌ శివం దూబే(28) కూడా నిరాశపరిచారు.ఇలాంటి తరుణంలో ఆల్‌రౌండర్‌ షామ్స్‌ ములానీ 91 పరుగులతో రాణించగా.. మరో ఆల్‌రౌండర్‌ తనుశ్‌ కొటియాన్‌ 97 పరుగులతో చెలరేగాడు. ఫలితంగా ముంబై తమ తొలి ఇన్నింగ్స్‌లో 315 పరుగులు చేసింది.అంకిత్‌ కుమార్‌ శతకం కారణంగాఅనంతరం బ్యాటింగ్‌ మొదలుపెట్టిన హర్యానా తమ మొదటి ఇన్నింగ్స్‌లో 301 పరుగులకు ఆలౌట్‌ అయింది. కెప్టెన్‌ అంకిత్‌ కుమార్‌ శతకం(136)తో మెరవగా.. మిగతా వాళ్ల నుంచి అతడికి ఎక్కువగా సహకారం లభించలేదు. పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌ దెబ్బకు హర్యానా బ్యాటర్లు పెవిలియన్‌కు వరుస కట్టారు. అతడు 18.5 ఓవర్ల బౌలింగ్‌లో 58 పరుగులు ఇచ్చి ఏకంగా ఆరు వికెట్లు కూల్చాడు. మిగతా వాళ్లలో షామ్స్‌ ములానీ, తనుశ్‌ కొటియాన్‌ రెండు వికెట్లు దక్కించుకున్నారు.ఈ నేపథ్యంలో పద్నాలుగు పరుగుల ఆధిక్యంతో రెండో ఇన్నింగ్స్‌ మొదలుపెట్టిన ముంబై.. 339 పరుగులు చేసి ఆలౌట్‌ అయింది. అజింక్య రహానే శతక్కొట్టగా(108).. సూర్యకుమార్‌ యాదవ్‌(70) చాన్నాళ్ల తర్వాత అర్ధ శతకం బాదాడు. మిగిలిన వాళ్లలో సిద్దేశ్‌ లాడ్‌ 43, శివం దూబే 48 పరుగులతో రాణించారు.అప్పుడు శార్దూల్‌.. ఇప్పుడు రాయ్‌స్టన్‌ఇక ముంబై విధించిన 353 పరుగుల లక్ష్యాన్ని ఛేదించే క్రమంలో హర్యానా తడబడింది. ఓపెనర్‌ లక్ష్య దలాల్‌(64), సుమిత్‌ కుమార్‌(62) హాఫ్‌ సెంచరీలతో రాణించగా.. మిగతా వాళ్లంతా విఫలమయ్యారు. దీంతో 201 పరుగులకే హర్యానా కుప్పకూలింది. ముంబై బౌలర్లలో శార్దూల్‌ ఠాకూర్‌ మూడు వికెట్లు సాధించగా.. రాయ్‌స్టన్‌ డయాస్‌ ఐదు వికెట్లతో చెలరేగాడు. తనుశ్‌ కొటియాన్‌కు రెండు వికెట్లు దక్కాయి. ఇక హర్యానాపై ముంబై 152 పరుగుల తేడాతో గెలుపొందిన ముంబై వరుసగా రెండోసారి సెమీస్‌లో అడుగుపెట్టింది. శార్దూల్‌ ఠాకూర్‌కు ప్లేయర్‌ ఆఫ్‌ ది మ్యాచ్‌ అవార్డు లభించింది. ముంబై వర్సెస్‌ హర్యానా(క్వార్టర్‌ ఫైనల్‌-3) సంక్షిప్త స్కోర్లు👉ముంబై స్కోర్లు: 315 & 339👉హర్యానా స్కోర్లు: 301 & 201👉ఫలితం: 152 పరుగుల తేడాతో హర్యానాను ఓడించిన ముంబై👉ప్లేయర్‌ ఆఫ్‌ ది మ్యాచ్‌: శార్దూల్‌ ఠాకూర్‌(ముంబై)- మొత్తం తొమ్మిది వికెట్లు.చదవండి: IPL 2025: కొత్త యాజమాన్యం చేతిలోకి గుజరాత్‌ టైటాన్స్‌!

ఐసీసీ మహిళల అండర్‌-19 టీ20 ప్రపంచకప్‌-2025(ICC Under 19 Womens T20 World Cup 2025) టోర్నీలో సౌతాఫ్రికా ఫైనల్‌కు దూసుకువెళ్లింది. ఆస్ట్రేలియా మహిళా జట్టును ఓడించి టైటిల్‌ పోరుకు అర్హత సాధించింది. వరల్డ్‌కప్‌ తాజా ఈవెంట్లో గ్రూప్‌-1 నుంచి భారత్‌, ఆస్ట్రేలియా.. గ్రూప్‌-2 నుంచి దక్షిణాఫ్రికా, ఇంగ్లండ్‌ సెమీ ఫైనల్‌కు చేరిన విషయం తెలిసిందే.సౌతాఫ్రికా బౌలర్ల విజృంభణఈ క్రమంలో శుక్రవారం ఉదయం సౌతాఫ్రికా- ఆస్ట్రేలియా(South Africa Women U19 vs Australia Women U19) మధ్య తొలి సెమీ ఫైనల్‌(Semi Final-1) మ్యాచ్‌ జరిగింది. కౌలలంపూర్‌లోని బేయూమస్‌ ఓవల్‌ మైదానంలో టాస్‌ గెలిచిన ఆసీస్‌ అండర్‌ 19 మహిళా జట్టు తొలుత బ్యాటింగ్‌ ఎంచుకుంది. అయితే, సౌతాఫ్రికా బౌలర్ల దెబ్బకు కంగారు జట్టు బ్యాటర్లు ఎక్కువసేపు క్రీజులో నిలవలేకపోయారు.ఓపెనర్లలో ఇనెస్‌ మెకియోన్‌ డకౌట్‌ కాగా.. గ్రేస్‌ లియాన్స్‌ 2 పరుగులే చేసి అవుటైంది. ఇక వన్‌డౌన్‌లో వచ్చిన కెప్టెన్‌ లూసీ హామిల్టన్‌() 18 పరుగులు చేయగా.. మిగతా వాళ్లలో ఎలియనోర్‌ లారోసా(7), హస్రత్‌ గిల్‌(1), చ్లోయే ఐన్స్‌వర్త్‌(1), లిలీ బాసింగ్‌వైట్‌(2), టెగాన్‌ విలియమ్సన్‌(3*) పూర్తిగా విఫలమయ్యారు.105 పరుగులేఅయితే, మిడిలార్డర్‌ బ్యాటర్‌ కాయిమే బ్రే 36 పరుగులతో రాణించగా.. ఎల్లా బ్రిస్కో మెరుపు ఇన్నింగ్స్‌ ఆడింది. పదిహేడు బంతుల్లో నాలుగు ఫోర్ల సాయంతో 27 పరుగులతో అజేయంగా నిలిచింది. వీరిద్దరి కారణంగా ఆస్ట్రేలియా నిర్ణీత 20 ఓవర్లలో ఎనిమిది వికెట్ల నష్టానికి 105 పరుగులు చేయగలిగింది.ఇక సౌతాఫ్రికా బౌలర్లలో ఆష్లే వాన్‌ విక్‌ నాలుగు వికెట్లతో చెలరేగగా.. ఎంతబిసెంగ్‌ నిని, కెప్టెన్‌ కైలా రెయ్‌నెకె, షేష్నీ నాయుడు ఒక్కో వికెట్‌ పడగొట్టారు. ఇక స్వల్ప లక్ష్యంతో బరిలోకి దిగిన సౌతాఫ్రికాకు ఓపెనర్‌ జెమ్మా బోతా(24 బంతుల్లో 37 రన్స్‌) శుభారంభం అందించగా.. మరో ఓపెనర్‌ సిమోనే లౌరెన్స్‌(5) మాత్రం నిరాశపరిచింది.రాణించిన కెప్టెన్‌వన్‌డౌన్‌ బ్యాటర్‌ ఫే కౌలింగ్‌(7) కూడా విఫలం కాగా.. కైలా కెప్టెన్‌ ఇన్నింగ్స్‌తో బాధ్యతాయుతంగా ఆడింది. 26 బంతుల్లో 26 పరుగులు చేసింది. ఆమెకు తోడుగా వికెట్‌ కీపర్‌ బ్యాటర్‌ కరాబో మేసో(19) కాసేపు క్రీజులో నిలబడగా.. మికే వాన్‌వూస్ట్‌ 8, షేష్నీ నాయుడు 2 పరుగులతో అజేయంగా నిలిచి జట్టును విజయతీరాలకు చేర్చారు. 18.1 ఓవర్లలో 106 పరుగులు చేసిన సౌతాఫ్రికా.. ఆస్ట్రేలియాపై ఐదు వికెట్ల తేడాతో గెలుపొందింది. తద్వారా మహిళ అండర్‌-19 టీ20 వరల్డ్‌కప్‌ సెకండ్‌ ఎడిషన్‌లో ఫైనల్‌ చేరిన తొలి జట్టుగా నిలిచింది. సౌతాఫ్రికా విజయంలో కీలక పాత్ర పోషించిన స్పిన్నర్‌ ఆష్లే వాన్‌ విక్‌కి ప్లేయర్‌ ఆఫ్‌ ది మ్యాచ్‌ అవార్డు దక్కింది. ఇదిలా ఉంటే.. రెండో సెమీ ఫైనల్లో భారత్‌- ఇంగ్లండ్‌(India Women U19 vs England Women U19) అమీతుమీ తేల్చుకోనున్నాయి. రెండో బెర్తు కోసంఇరుజట్ల మధ్య శుక్రవారం నాటి మ్యాచ్‌లో గెలిచిన జట్టు.. ఫైనల్లో సౌతాఫ్రికాతో ట్రోఫీ కోసం తలపడుతుంది. కాగా మొట్టమొదటి మహిళల అండర్‌-19 టీ20 వరల్డ్‌కప్‌ టోర్నీలో భారత్‌ విజేతగా అవతరించిన విషయం తెలిసిందే. ఇక తాజా ఎడిషన్‌లోనూ డిఫెండింగ్‌ చాంపియన్‌గా స్థాయికి తగ్గట్లు రాణించి సెమీ ఫైనల్‌ వరకు వచ్చింది. మరోసారి చాంపియన్‌గా నిలవాలనే పట్టుదలతో ఉంది.చదవండి: Virat Kohli: పన్నెండేళ్ల తర్వాత రీఎంట్రీ.. క్లీన్‌బౌల్డ్‌! దారుణ వైఫల్యం

ఆస్టేలియా ఓపెన్‌-2025(Australian Open 2025) టోర్నమెంట్లో సెర్బియా టెన్నిస్‌ దిగ్గజం నొవాక్‌ జొకొవిచ్‌(Novak Djokovic) ప్రయాణం ముగిసింది. గాయం కారణంగా శుక్రవారం నాటి సెమీ ఫైనల్‌ మ్యాచ్‌ మధ్యలోనే అతడు వైదొలిగాడు. ​తద్వారా టెన్నిస్‌ చరిత్రలోనే అత్యధిక గ్రాండ్‌స్లామ్‌ సింగిల్స్‌ టైటిల్స్‌ గెలిచిన ఆటగాడిగా నిలవాలన్న జొకొవిచ్‌ కలకు బ్రేక్‌ పడింది.కాగా ఆస్ట్రేలియన్‌ ఓపెన్‌లో రికార్డుస్థాయిలో ఏకంగా పది సార్లు టైటిల్‌ సాధించిన ఘనత జొకొవిచ్‌ సొంతం. కేవలం గతేడాది మాత్రమే అతడు ఈ ప్రతిష్టాత్మక టోర్నీలో సెమీ ఫైనల్‌లో ఓడిపోయాడు. అయితే, ఈసారి మాత్రం మరింత జాగ్రత్తగా అడుగులు వేసిన జొకొవిచ్‌కు గాయం రూపంలో దురదృష్టం ఎదురైంది.అల్‌కరాజ్‌ అడ్డంకిని అధిగమించిక్వార్టర్‌ ఫైనల్లో.. తనకు ప్రధాన అడ్డంకిగా భావించిన అల్‌కరాజ్‌తో హోరాహోరీ పోటీలో గెలుపొందిన జొకొవిచ్‌ సెమీస్‌కు దూసుకువచ్చాడు. ఈ క్రమంలో జర్మన్‌ టెన్నిస్‌ స్టార్‌ అలెగ్జాండర్‌ జ్వెరెవ్‌(Alexander Zverev)తో సెమీ ఫైనల్లో తలపడ్డాడు. ఇందులో భాగంగా తొలి సెట్‌ను జ్వెరెవ్‌ 7-6తో గెలుచుకున్నాడు.పోటీ నుంచి తప్పుకొంటున్నాఅయితే, ఆ వెంటనే నెట్‌ దగ్గరికి వెళ్లిన జొకొవిచ్‌ జ్వెరెవ్‌తో కరచాలనం చేసి.. తాను పోటీ నుంచి తప్పుకొంటున్నట్లు తెలిపాడు. దీంతో సెమీస్‌ విజేతగా నిలిచిన జ్వెరెవ్‌ నేరుగా ఫైనల్లో అడుగుపెట్టాడు. కాగా క్వార్టర్‌ ఫైనల్‌ మ్యాచ్‌లోనూ జొకొవిచ్‌ కాలి నొప్పితో ఇబ్బంది పడినట్లు కనిపించాడు. తాజాగా సెమీస్‌ మ్యాచ్‌లో బాధ భరించలేక వైదొలిగాడు.ఈ నేపథ్యంలో తీవ్రంగా ప్రాక్టీస్‌ చేసిన కారణంగానే ఈ సెర్బియా స్టార్‌ గాయపడ్డాడనే అభిప్రాయాలు వ్యక్తమవుతున్నాయి. ఏదేమైనా.. రిటైర్మెంట్‌కు చేరువైన 37 ఏళ్ల నొవాక్‌ జొకొవిచ్‌ తాజా గాయం వల్ల.. 25వ గ్రాండ్‌స్లామ్‌ టైటిల్‌ గెలవకుండానే ఆస్ట్రేలియా ఓపెన్‌ నుంచి నిష్క్రమించడం గమనార్హం.జొకొవిచ్‌కు చేదు అనుభవంసెమీ ఫైనల్‌ బరి నుంచి తప్పించుకుని కోర్టును వీడుతున్న సమయంలో నొవాక్‌ జొకొవిచ్‌కు చేదు అనుభవం ఎదురైంది. కొంతమంది ప్రేక్షకులు అతడి గాయం గురించి హేళన చేసేలా మాట్లాడుతూ పరుషమైన వ్యాఖ్యలు చేశారు. ఈ నేపథ్యంలో జ్వెరెవ్‌ తన ప్రత్యర్థి ఆటగాడికి మద్దతుగా నిలిచాడు.జ్వెరెవ్‌ క్రీడాస్ఫూర్తి‘‘గాయం వల్ల కోర్టును వీడిన వ్యక్తిని అవమానించేలా మాట్లాడటం సరికాదు. దయచేసి కాస్త సంయమనం పాటించండి. మీలో ప్రతి ఒక్కరు టికెట్ల కోసం డబ్బులు చెల్లించారని తెలుసు. కాబట్టి ఐదు సెట్ల మ్యాచ్‌ను చూడాలని ఆశించడం మీ హక్కు.కానీ పరిస్థితులను కూడా అర్థం చేసుకోవాలి. గత ఇరవై ఏళ్లుగా ఆట కోసం తన సర్వస్వాన్ని అర్పించిన వ్యక్తి నొవాక్‌ జొకొవిచ్‌. దయచేసి అతడిని ఏరకంగానూ హేళన చేయకండి’’ అని జ్వెరెవ్‌ క్రీడా స్ఫూర్తిని చాటుకున్నాడు.చదవండి: Ind vs Eng: ‘అదృష్టం వల్లే గెలిచారు’... జోఫ్రా ఆర్చర్‌పై ఫ్యాన్స్‌ ఆగ్రహం

మెల్‌బోర్న్‌: టెన్నిస్‌ సీజన్‌ తొలి గ్రాండ్‌స్లామ్‌ టోర్నమెంట్‌ ఆ్రస్టేలియన్‌ ఓపెన్‌లో పోలాండ్‌ స్టార్‌ ఇగా స్వియాటెక్‌ జోరు కొనసాగుతోంది. వరుసగా రెండో మ్యాచ్‌లోనూ తన ప్రత్యర్థికి కేవలం ఒక్క గేమ్‌ మాత్రమే ఇచ్చి ఈ మాజీ నంబర్‌వన్‌ విజయాన్ని దక్కించుకుంది. సోమవారం జరిగిన మహిళల సింగిల్స్‌ ప్రిక్వార్టర్‌ ఫైనల్లో రెండో సీడ్‌ స్వియాటెక్‌ 6–0, 6–1తో ఇవా లిస్‌ (జర్మనీ)పై గెలిచి ఈ టోర్నీలో రెండోసారి క్వార్టర్‌ ఫైనల్లోకి చేరింది. వరుసగా ఏడోసారి ఆ్రస్టేలియన్‌ ఓపెన్‌లో ఆడుతున్న 23 ఏళ్ల స్వియాటెక్‌ 2022లో సెమీఫైనల్‌కు చేరుకుంది. ఇవా లిస్‌తో 59 నిమిషాలపాటు జరిగిన మ్యాచ్‌లో స్వియాటెక్‌ మూడు ఏస్‌లు సంధించింది. ప్రత్యర్థి సర్వీస్‌ను ఐదుసార్లు బ్రేక్‌ చేసింది. నెట్‌ వద్దకు 10 సార్లు దూసుకొచ్చి తొమ్మిదిసార్లు పాయింట్లు గెలిచింది. మూడో రౌండ్‌లో యూఎస్‌ ఓపెన్‌ మాజీ చాంపియన్‌ ఎమ్మా రాడుకాను (బ్రిటన్‌)తో జరిగిన మ్యాచ్‌లోనూ ఒక్క గేమ్‌ మాత్రమే చేజార్చుకున్న స్వియాటెక్‌... రెబెకా స్రామ్‌కోవా (స్లొవేనియా)తో జరిగిన రెండో రౌండ్‌ మ్యాచ్‌లో రెండు గేమ్‌లు మాత్రమే కోల్పోయింది. క్వార్టర్‌ ఫైనల్లో ఎనిమిదో సీడ్‌ ఎమ్మా నవారో (అమెరికా)తో స్వియాటెక్‌ తలపడుతుంది. కీస్‌ సంచలనం మరోవైపు టైటిల్‌ ఫేవరెట్స్‌లో ఒకరైన ఆరో సీడ్‌ రిబాకినా (కజకిస్తాన్‌) పోరాటం ప్రిక్వార్టర్‌ ఫైనల్‌కే పరిమితమైంది. అమెరికా ప్లేయర్, 19వ సీడ్‌ మాడిసన్‌ కీస్‌ 6–3, 1–6, 6–4తో రిబాకినాపై సంచలన విజయం సాధించి నాలుగోసారి ఆస్ట్రేలియన్‌ ఓపెన్‌లో క్వార్టర్‌ ఫైనల్‌ చేరుకుంది. ఇతర ప్రిక్వార్టర్‌ ఫైనల్స్‌లో 28వ సీడ్‌ స్వితోలినా (ఉక్రెయిన్‌) 6–4, 6–1తో కుదెర్‌మెటోవా (రష్యా)పై, ఎమ్మా నవారో 6–4, 5–7, 7–5తో తొమ్మిదో సీడ్‌ కసత్‌కినా (రష్యా)పై గెలిచి క్వార్టర్‌ ఫైనల్‌ బెర్త్‌లను ఖరారు చేసుకున్నారు. 12వసారి ఆ్రస్టేలియన్‌ ఓపెన్‌లో ఆడుతున్న స్వితోలినా మూడోసారి క్వార్టర్‌ ఫైనల్‌ చేరగా... నవారో తొలిసారి ఈ ఘనత సాధించింది. సినెర్‌ ముందంజ పురుషుల సింగిల్స్‌ విభాగంలో డిఫెండింగ్‌ చాంపియన్, ప్రపంచ నంబర్‌వన్‌ యానిక్‌ సినెర్‌ క్వార్టర్‌ ఫైనల్లోకి అడుగు పెట్టాడు. 13వ సీడ్‌ హోల్గర్‌ రూనె (డెన్మార్క్‌)తో జరిగిన ప్రిక్వార్టర్‌ ఫైనల్లో ఈ ఇటలీ స్టార్‌ 6–3, 3–6, 6–3, 6–2తో గెలుపొందాడు. 3 గంటల 13 నిమిషాలపాటు జరిగిన ఈ మ్యాచ్‌లో సినెర్‌ 14 ఏస్‌లు సంధించి, ఆరు డబుల్‌ ఫాల్ట్‌లు చేశాడు. 35 విన్నర్స్‌ కొట్టిన సినెర్‌ ప్రత్యర్థి సరీ్వస్‌ను నాలుగుసార్లు బ్రేక్‌ చేశాడు. ఇతర ప్రిక్వార్టర్‌ ఫైనల్స్‌లో ఎనిమిదో సీడ్‌ అలెక్స్‌ డిమినార్‌ (ఆస్ట్రేలియా) 6–0, 7–6 (7/5), 6–3తో మికిల్సన్‌ (అమెరికా)పై, లొరెంజో సొనెగో (ఇటలీ) 6–3, 6–2, 3–6, 6–1తో క్వాలిఫయర్‌ లెర్నర్‌ టియెన్‌ (అమెరికా)పై విజయం సాధించి తొలిసారి ఆస్ట్రేలియన్‌ ఓపెన్‌లో క్వార్టర్‌ ఫైనల్లోకి ప్రవేశించారు. గేల్‌ మోన్‌ఫిల్స్‌ (ఫ్రాన్స్‌)తో జరిగిన మరో ప్రిక్వార్టర్‌ ఫైనల్లో బెన్‌ షెల్టన్‌ (అమెరికా) 7–6 (7/3), 6–7 (3/7), 7–6 (7/2), 1–0తో ఆధిక్యంలో ఉన్నదశలో మోన్‌ఫిల్స్‌ గాయంతో వైదొలిగాడు. దాంతో బెన్‌ షెల్టన్‌ రెండోసారి ఈ టోరీ్నలో క్వార్టర్‌ ఫైనల్‌ బెర్త్‌ను దక్కించుకున్నాడు.

సయ్యద్ ముస్తాక్ అలీ ట్రోఫీ-2024 సెమీఫైనల్లో మధ్యప్రదేశ్‌ అడుగుపెట్టింది. ఈ టోర్నీలో భాగంగా బుధవారం జరిగిన క్వార్టర్‌ ఫైనల్లో 6 వికెట్ల తేడాతో సౌరాష్ట్రను చిత్తు చేసిన మధ్యప్రదేశ్‌.. తమ సెమీస్‌ బెర్త్‌ను ఖారారు చేసుకుంది. ఈ మ్యాచ్‌లో తొలుత బ్యాటింగ్‌ చేసిన సౌరాష్ట్ర నిర్ణీత 20 ఓవర్లలో 7 వికెట్ల నష్టానికి 173 పరుగులు చేసింది. సౌరాష్ట్ర బ్యాటర్లలో చిరాగ్‌ జాని(80) టాప్‌ స్కోరర్‌గా నిలవగా.. హర్విక్‌ దేశాయ్‌917), మన్కడ్‌916) రాణించారు. మధ్యప్రదేశ్‌ బౌలర్లలో వెంకటేశ్‌ అయ్యర్‌, అవేష్‌ ఖాన్‌ తలా రెండు వికెట్లు పడగొట్టగా.. త్రిపురేష్‌ సింగ్‌, రాహుల్‌ బాథమ్‌, శుక్లా తలా వికెట్‌ సాధించారు.అదరగొట్టిన అర్పిత్‌, అయ్యర్‌.. అనంతరం 174 పరుగుల లక్ష్యాన్ని మధ్యప్రదేశ్‌ 4 వికెట్లు కోల్పోయి 19.2 ఓవర్లలో చేధించింది. మధ్యప్రదేశ్‌ బ్యాటర్లలో ఓపెనర్‌ అర్పిత్‌ గౌడ్‌(42) టాప్‌ స్కోరర్‌గా నిలవగా.. వెంకటేశ్‌ అయ్యర్‌(38 నాటౌట్‌) కీలక ఇన్నింగ్స్‌ ఆడారు. వీరితో పాటు హర్‌ప్రీత్‌ సింగ్‌ భాటియా(9 బంతుల్లో 22) మెరుపు మెరిపించాడు. సౌరాష్ట్ర బౌలర్లలో ఉనద్కట్‌, అనుకుర్‌ పన్వార్‌, జాని తలా వికెట్‌ సాధించారు. కాగా ఆల్‌రౌండ్‌ షోతో అదరగొట్టిన వెంకటేశ్‌ అయ్యర్‌ ప్లేయర్‌ ఆఫ్‌ది మ్యాచ్‌గా నిలిచాడు. మరోవైపు సెమీఫైనల్లో మధ్యప్రదేశ్‌ ప్రత్యర్ధి ఎవరో బెంగాల్‌, బరోడా మ్యాచ్‌తో తేలనుంది.చదవండి: PAK vs SA: షాహీన్‌ అఫ్రిది ప్రపంచ రికార్డు..

సాక్షి, హైదరాబాద్‌: సియోల్‌ ఓపెన్‌ ఏటీపీ–100 చాలెంజర్‌ టెన్నిస్‌ టోర్నమెంట్‌లో ఆంధ్రప్రదేశ్‌ టెన్నిస్‌ ప్లేయర్‌ సాకేత్‌ మైనేని–రామ్‌కుమార్‌ రామనాథన్‌ (భారత్‌) జోడీ సెమీఫైనల్లోకి దూసుకెళ్లింది. దక్షిణ కొరియాలో జరుగుతున్న ఈ టోరీ్నలో పురుషుల డబుల్స్‌ క్వార్టర్‌ ఫైనల్లో సాకేత్‌–రామ్‌కుమార్‌ జంట 6–3, 6–1తో యోంగ్‌ సియోక్‌ జియోంగ్‌–యుసంగ్‌ పార్క్‌ (దక్షిణ కొరియా) జోడీపై గెలిచింది. 59 నిమిషాలపాటు జరిగిన ఈ మ్యాచ్‌లో సాకేత్‌–రామ్‌ జంట నాలుగు ఏస్‌లు సంధించి, ప్రత్యర్థి సర్వీస్‌ను నాలుగు సార్లు బ్రేక్‌ చేసింది. నేడు జరిగే సెమీఫైనల్లో జిసుంగ్‌ నామ్‌ (దక్షిణ కొరియా)–జోషువా పారిస్‌ (బ్రిటన్‌) జంటతో సాకేత్‌–రామ్‌కుమార్‌ ద్వయం ఆడుతుంది. ఇదే టోర్నీలో ఆడుతున్న హైదరాబాద్‌ ప్లేయర్‌ అనిరుధ్‌ చంద్రశేఖర్‌ భారత్‌కే చెందిన తన భాగస్వామి నిక్కీ కలియంద పూనాచా జోడీ పోరాటం ముగిసింది. క్వార్టర్‌ ఫైనల్లో మూడో సీడ్‌ అనిరు«ద్‌–నిక్కీ జంట 1–6, 3–6తో జిసుంగ్‌ నామ్‌ (దక్షిణ కొరియా)–జోషువా పారిస్‌ (బ్రిటన్‌) జోడీ చేతిలో ఓడిపోయింది.

మహిళల టి20 ప్రపంచకప్‌ అంటే మొదటగా గుర్తొచ్చే పేరు ఆ్రస్టేలియానే. అంతలా పొట్టి ప్రపంచకప్‌లో దుర్బేధ్యమైన జట్టుగా ప్రత్యర్థుల్ని హడలెత్తిస్తోంది. ఆరు టైటిళ్లతో అరుదైన ముద్ర వేసుకుంది. ఇప్పుడు తాజా మెగా ఈవెంట్‌లోనూ తమకు షరామామూలైన ఫైనల్‌ బెర్త్‌ను సాధించే పనిలో ఉంది. గురువారం దక్షిణాఫ్రికాతో తొలి సెమీఫైనల్‌ సమరానికి సిద్ధమైంది. ఇందులో చిత్రమేమిటంటే ఈ మెగా ఈవెంట్‌ చరిత్రలోనే కేవలం ఒక్కసారి ఫైనల్‌ చేరిన జట్టు... ఒకే ఒక్కసారి మాత్రమే టైటిల్‌ పోరుకు అర్హత సాధించని హాట్‌ ఫేవరెట్‌ ఆ్రస్టేలియాను ‘ఢీ’కొట్టబోతోందిమహిళల టి20 ప్రపంచకప్‌ 2009లో మొదలైతే... ఆ ప్రథమ టైటిల్‌ పోరుకు మాత్రమే ఆ్రస్టేలియా అర్హత సాధించలేదు. తర్వాత జరిగిన ఏడు ప్రపంచకప్‌లలోనూ వరుసబెట్టి తుదిపోరుకు చేరిన కంగారూ జట్టు ప్రత్యర్థుల్ని కంగారు పెట్టించి మరీ ఆరు టైటిళ్లను సాధించింది. ఇందులో రెండుసార్లు (2010, 2012, 2014; 2018, 2020, 2023) ‘హ్యాట్రిక్‌’ టైటిల్స్‌ ఉండటం మరో విశేషం. గత మెగా ఈవెంట్‌లో ఆస్ట్రేలియా, దక్షిణాఫ్రికా జట్లు అమీతుమీ తేల్చుకుంటే సొంతగడ్డపై కూడా సఫారీకి ఓటమి తప్పలేదు. తాజా టోర్నీలోలో ఇరుజట్లు సెమీస్‌లో తలపడుతుండటంతో గత పరాభవానికి బదులు తీర్చుకోవాలనే పట్టుదలతో సఫారీ అమ్మాయిలు ఉన్నారు. కానీ ఈ టోరీ్నలో అజేయంగా దూసుకెళ్తున్న ఫేవరెట్‌ను ఓడించడం అంతసులువు కానేకాదని దక్షిణాఫ్రికా శిబిరానికి బాగా తెలుసు. దీనికి తగిన ఎత్తుగడలతో బరిలోకి దిగాలని చూస్తోంది. మరోవైపు గత ప్రపంచకప్‌ ఆడిన 11 మందిలో ఒక్క మెగ్‌ లానింగ్‌ (రిటైర్డ్‌) మినహా మిగతా పది మంది కూడా అందుబాటులో ఉండటం జట్టుకు లాభించే అంశం. ఆసీస్‌ అంటేనే ఆల్‌రౌండ్‌ జట్టు. బ్యాటింగ్, బౌలింగ్, ఫీల్డింగ్‌ ఇలా అన్ని విభాగాల్లోనూ పటిష్టంగా ఉంది. అమ్మాయిలంతా ఫామ్‌లో ఉండటంతో ఆసీస్‌ ఆత్మవిశ్వాసంతో బరిలోకి దిగుతోంది.

మ‌హిళ‌ల టీ20 వ‌ర‌ల్డ్‌క‌ప్‌-2024 టోర్నీని భార‌త జ‌ట్టు ఘోర ఓట‌మితో ఆరంభించింది. శుక్ర‌వారం దుబాయ్ వేదిక‌గా న్యూజిలాండ్‌తో జ‌రిగిన మ్యాచ్‌లో 58 ప‌రుగుల తేడాతో ప‌రాజ‌యం పాలైంది. న్యూజిలాండ్ నిర్దేశించిన 161 పరుగుల లక్ష్యచేధనకు దిగిన టీమిండియా 102 ప‌రుగుల‌కే కుప్ప‌కూలింది. ఈ ఓట‌మితో హర్మాన్ ప్రీత్ సార‌థ్యంలోని భార‌త జ‌ట్టు త‌మ సెమీస్ అవ‌కాశాల‌ను సంక్లిష్టం చేసుకుంది. ఈ మెగా ఈవెంట్‌లో భార‌త జ‌ట్టు.. గ్రూపు-ఎలో న్యూజిలాండ్, పాకిస్థాన్,శ్రీలంక‌, ఆస్ట్రేలియాతో పాటు క‌లిసి ఉంది. ప్ర‌స్తుతం టీమిండియా -2.900 ర‌న్‌రేట్‌తో గ్రూప్-ఏలో ఆఖ‌రి స్థానంలో ఉంది.సెమీస్ చేరాలంటే?భార‌త్ సెమీస్ చేరే దారులు ఇంకా మూసుకుపోలేదు. ఒక్కో గ్రూపు నుంచి మొదటి రెండు స్థానాల్లో నిలిచిన జట్లు మాత్రమే సెమీఫైన‌ల్‌కు ఆర్హ‌త సాధిస్తాయి. ఈ టోర్నీలో ఇంకా భార‌త్‌కు మూడు లీగ్ మ్యాచ్‌లు మిగిలి ఉన్నాయి. ఉమెన్ ఇన్ బ్లూ త‌మ త‌దుప‌రి మ్యాచ్‌ల్లో పాక్‌, శ్రీలంక‌, ఆస్ట్రేలియాతో త‌ల‌ప‌డ‌నుంది.భార‌త్ సెమీఫైనల్‌కు చేరాలంటే త‌మ త‌ర్వాతి మ్యాచ్‌ల్లో పాకిస్తాన్‌, శ్రీలంక‌ను భారీ తేడాతో ఓడించాలి. అప్పుడు భార‌త్ ఖాతాలో 4 పాయింట్లు చేర‌డ‌మే కాకుండా ర‌న్ రేట్ కూడా మెరుగుప‌డుతోంది. ఆ త‌ర్వాత త‌మ చివ‌రి లీగ్‌లో మ్యాచ్‌లో ఆసీస్‌పై భార‌త్ సాధార‌ణ విజ‌యం సాధించినా చాలు సెమీఫైన‌ల్‌కు ఆర్హ‌త సాధించ‌వ‌చ్చు. ఒక‌వేళ ఆసీస్‌పై భార‌త్ ఓడిపోతే.. న్యూజిలాండ్ తమ మిగిలిన మూడు మ్యాచ్‌ల్లో రెండు మ్యాచ్‌లలోనైనా ప‌రాజ‌యం పొందాలి. అప్పుడు మెరుగైన రన్-రేట్ కార‌ణంగా భార‌త్‌కు సెమీఫైన‌ల్ చేరే అవ‌కాశం ఉంటుంది. కాగా గ్రూప్-ఏ నుంచి డిఫెండింగ్ ఛాంపియన్ ఆస్ట్రేలియా సెమీస్ బెర్త్ దక్కించుకోవడం దాదాపు ఖాయం. అయితే ఇదే సమయంలో ఆసీస్‌ మినహా పాక్‌, శ్రీలంక, న్యూజిలాండ్‌ తమ తదుపరి మూడు మ్యాచ్‌ల్లో కనీసం రెండు మ్యాచ్‌లు అయినా ఓడాలి. అప్పుడే ఈ మూడు జట్ల కంటే భారత్‌ పాయింట్లు ఎక్కువగా సాధించి సెమీస్‌లో అడుగు పెడుతోంది.చదవండి: అరంగేట్రంలోనే దుమ్ములేపిన సెహ్వాగ్‌ కుమారుడు

ప్యారిస్‌ ఒలింపిక్స్‌-2024లో భారత మహిళా రెజ్లర్‌ వినేశ్‌ ఫొగట్‌ మరో సంచలన విజయం సాధించింది. మహిళల 50 కేజీల విభాగంలో సెమీ ఫైనల్‌కు దూసుకువెళ్లింది. ప్రిక్వార్టర్స్‌లో వరల్డ్‌ నంబర్‌ వన్‌, టోక్యో స్వర్ణ పతక విజేత సుసాకేకు షాకిచ్చిన వినేశ్‌.. క్వార్టర్‌ ఫైనల్లో అడుగుపెట్టింది.ఈ క్రమంలో ఉక్రెయిన్‌ రెజ్లర్‌ లివాచ్‌తో తలపడ్డ వినేశ్‌ ఫొగట్‌.. శుభారంభం చేసింది. 4-0తో లీడ్‌లోకి వెళ్లింది. అయితే, లివాచ్‌ కూడా అంత తేలికగా తలొగ్గలేదు. ఈ క్రమంలో తన శక్తినంతటినీ ధారపోసిన వినేశ్‌ ఫొగట్‌.. ఆఖరికి లివాచ్‌ను 7-5తో ఓడించి సెమీ ఫైనల్‌లో అడుగుపెట్టింది.వినేశ్‌ ఫొగట్‌ తదుపరి క్యూబాకు చెందిన రెజ్లర్‌ యుస్నెలిస్‌ గుజ్‌మాన్‌ లోపెజ్‌తో సెమీ పోరులో తలపడనుంది. మంగళవారం రాత్రి 10.15 నిమిషాలకు ఈ బౌట్‌ ఆరంభం కానుంది. కాగా వినేశ్‌ ఫొగట్‌ ప్రస్తుతం వరల్డ్‌ నంబర్‌ 65 ర్యాంకర్‌ కాగా.. వరుసగా వరల్డ్‌ నంబర్‌ వన్‌ సుసాకే, ఎనిమిదో సీడ్‌ లివాచ్‌లను ఓడించి... తన కెరీర్‌లో తొలిసారిగా ఒలింపిక్స్‌ సెమీస్‌కు చేరుకుంది. రియో 2016లో క్వార్టర్‌ ఫైనల్లోనే వెనుదిరిగిన వినేశ్‌.. టోక్యో 2020 ఒలింపిక్స్‌లో రెండో రౌండ్‌లోనే ఓడిపోయి.. రిక్తహస్తాలతో తిరిగి వచ్చింది.చదవండి: Olympics 2024: ఫైనల్లో నీరజ్‌ చోప్రా Vinesh Phogat in control💪The 🇮🇳 WRESTLER is closing on a semi-final spot in #Paris2024!#Cheer4Bharat & watch the Olympics LIVE on #Sports18 & stream FREE on #JioCinema📲#OlympicsonJioCinema #OlympicsonSports18 #JioCinemaSports #Wrestling #Olympics pic.twitter.com/mNajPsKh2V— JioCinema (@JioCinema) August 6, 2024

దంబుల్లా: ఆసియా కప్‌ టి20 క్రికెట్‌ టోర్నీలో జైత్రయాత్ర కొనసాగిస్తున్న భారత మహిళల జట్టు ఇప్పుడు ఫైనల్‌ వేటలో పడేందుకు సిద్ధమైంది. నేడు జరిగే తొలి సెమీఫైనల్లో గ్రూప్‌ ‘ఎ’ టాపర్, డిఫెండింగ్‌ చాంపియన్‌ భారత్‌... గ్రూప్‌ ‘బి’లో రెండో స్థానంలో నిలిచిన బంగ్లాదేశ్‌తో తలపడుతుంది. రాత్రి ఏడు గంటలకు జరిగే రెండో సెమీఫైనల్లో పాకిస్తాన్‌తో ఆతిథ్య శ్రీలంక జట్టు ఆడుతుంది. అజేయంగా హర్మన్‌సేన ఈ టోర్నీలో ‘హ్యాట్రిక్‌’ విజయాలతో అజేయంగా దూసుకెళ్తున్న భారత్‌ ఇక నాకౌట్‌ దశలోనూ ఇదే జోరును కొనసాగించాలనే లక్ష్యంతో ఉంది. ఓపెనర్లలో షఫాలీ వర్మ సూపర్‌ ఫామ్‌లో ఉండటం జట్టు విజయాలకు దోహదం చేస్తోంది. మరో స్టార్‌ ఓపెనర్‌ స్మృతి మంధాన, హేమలతలతో టాపార్డర్‌ పటిష్టంగా ఉంది. కెపె్టన్‌ హర్మన్‌ప్రీత్, జెమీమా రోడ్రిగ్స్, రిచా ఘోష్‌లు కూడా రాణిస్తుండటంతో బ్యాటింగ్‌ ఆర్డర్‌కు ఏ ఢోకా లేదు. లోయర్‌ ఆర్డర్‌లో దీప్తి శర్మ బ్యాటింగ్‌తో పాటు బౌలింగ్‌లో కీలకంగా మారింది. రేణుకా సింగ్, పూజ వస్త్రకర్‌ నిలకడగా వికెట్లు తీస్తున్నారు. ముఖ్యంగా ఈ టోర్నీలో గట్టి ప్రత్యర్థి అయిన పాకిస్తాన్‌ను కట్టడి చేయడంలో ఈ ముగ్గురు కీలకపాత్ర పోషించారు. యూఏఈ, నేపాల్‌లపై భారీస్కోర్లు సాధించిన భారత మహిళల జట్టు ఈ నాకౌట్‌ దశలోనూ బంగ్లాదేశ్‌పై మరోభారీ స్కోరును నమోదు చేస్తే మిగతా పనిని బౌలర్లు సమర్థంగా పూర్తి చేస్తారు. సర్వశక్తులు ఒడ్డేందుకు... మరోవైపు బంగ్లాదేశ్‌ కూడా ఫైనల్‌ కోసం గట్టి పోరాటానికే సన్నద్ధమైంది. పటిష్టమైన బ్యాటింగ్‌ లైనప్‌ ఉన్న భారత్‌ మెడకు తమ స్పిన్‌ ఉచ్చు బిగించాలని చూస్తోంది. లెఫ్టార్మ్‌ స్పిన్నర్‌ నహిదా అక్తర్, లెగ్‌ స్పిన్నర్‌ రబియా ఖాన్‌లు ఈ టోరీ్నలో చక్కగా రాణించారు. సెమీస్‌ మ్యాచ్‌లో పిచ్‌ ఏమాత్రం అనుకూలించినా... తమ మాయాజాలంతో భారత బ్యాటర్ల ఆటకట్టించే ఎత్తుగడలతో పాక్‌ సేన ఉంది. మలేసియాతో ఆడిన చివరి లీగ్‌ మ్యాచ్‌లో బంగ్లా భారీస్కోరు (191/2) నమోదు చేసింది. టాపార్డర్‌ బ్యాటర్లు ముర్షిదా, దిలార, కెపె్టన్‌ నిగర్‌ సుల్తానా ఫామ్‌లోకి రావడం బంగ్లా శిబిరానికి కలిసొచ్చే అంశం. జట్లు (అంచనా) భారత మహిళల జట్టు: హర్మన్‌ప్రీత్‌ (కెప్టెన్‌), షఫాలీ, స్మృతి మంధాన, హేమలత, జెమీమా, రిచాఘో‹Ù, దీప్తిశర్మ, అరుంధతి, రాధాయాదవ్, తనూజ, రేణుకా సింగ్‌. బంగ్లాదేశ్‌ మహిళల జట్టు: నిగర్‌ సుల్తానా (కెపె్టన్‌), ముర్షిదా, దిలార రుమానా, ఇష్మా తంజిమ్, రీతు మోని, రబియా, షోర్న, నహిదా, సబికున్‌ జాస్మిన్, జహనారా.

‘యూరో’ కప్‌ ఫుట్‌బాల్‌ టోర్నీ-2024 తొలి సెమీఫైన‌ల్‌కు స‌ర్వం సిద్ద‌మైంది. మంగ‌ళ‌వారం అలియాంజ్ ఎరీనా వేదిక‌గా జ‌ర‌గ‌నున్న‌ సెమీఫైన‌ల్-1లో ఫ్రాన్స్‌, స్పెయిన్ జ‌ట్లు తాడో పేడో తెల్చుకోనున్నాయి. ఈ సెమీస్ పోరులో గెలిచి ఫైన‌ల్ బెర్త్‌ను ఖారారు చేసుకోవాల‌ని ఇరు జ‌ట్లు ఉవ్విళ్లూరుతున్నాయి. స్పెయిన్‌ ఫైనల్‌కు చేరుతుందా?అయితే ఆడిన అన్ని మ్యాచ్‌ల్లోనూ గెలిచి జోరు మీదున్న స్పెయిన్‌కు సెమీస్ ముందు గాయాలు, కార్డ్ సస్పెన్షన్‌ల బెడ‌ద వెంటాడుతోంది. ఇప్ప‌టికే కీల‌క మ్యాచ్‌కు ముందు రాబిన్ లే నార్మాండ్, డాని కార్వాజల్ ఇద్దరూ సస్పెండ్ అయ్యారు. మ‌రోవైపు , యువ మిడ్‌ఫీల్డర్ పెడ్రీ టోని క్రూస్ గాయం కార‌ణంగా టోర్నీ నుంచి వైదొలిగాడు. ఈ క్ర‌మంలో డిఫెన్స్‌లో రాబిన్ లే నార్మాండ్, డాని కార్వాజల్ స్ధానాలను నాచో, జీసస్ నెవాస్ భ‌ర్తీ చేయ‌నున్న‌ట్లు తెలుస్తోంది. అదేవిధంగా పెడ్రీ ప్రత్యామ్నాయంగా వచ్చిన డాని ఓల్మో ప్లేయింగ్‌లో త‌న స్దానాన్ని సుస్థిరం చేసుకోనున్నాడు.స్పెయిన్ జోరును ఫ్రాన్స్ అడ్డుకుంటుందా?ఇక సెమీస్‌కు ముందు ఫ్రాన్స్ టీమ్‌లో ఎట‌వంటి గాయాలు, కార్డ్ సస్పెన్షన్‌లు లేవు. జ‌ట్టు మొత్తం క్లియ‌ర్‌గా ఉంది. కానీ ఫ్రాన్స్ సెమీస్‌కు వ‌చ్చిన‌ప్ప‌టికి త‌మ స్ధాయికి తగ్గ ప్ర‌ద‌ర్శ‌న చేయ‌లేక‌పోయింది. గోల్స్ సాధించ‌డంలో ఫ్రాన్స్ త‌మ మార్క్ చూపించలేక‌పోయింది. కెప్టెన్ కైలియన్ ఎంబాపే గాయం కావ‌డం ఫ్రాన్స్‌ను కాస్త దెబ్బ‌తీసింది. అత‌డు తిరిగి జ‌ట్టులోకి వ‌చ్చిన‌ప్ప‌టి మున‌ప‌టి జోరును ప్ర‌ద‌ర్శించ‌లేక‌పోతున్నాడు. సెమీఫైన‌ల్లోనైనా ఎంబాపే స‌త్తాచాటుతాడో లేదో వేచి చూడాలి. కాగా సెమీఫైనల్‌ చేరే క్రమంలో స్పెయిన్‌ 11 గోల్స్‌ చేయగా... ఫ్రాన్స్ కేవ‌లం మూడు గోల్స్ మాత్ర‌మే సాధించింది.

హాంబర్గ్‌: యూరో కప్‌ ఫుట్‌బాల్‌ టోర్నీలో మాజీ చాంపియన్‌ ఫ్రాన్స్‌ సెమీ ఫైనల్లోకి అడుగు పెట్టింది. క్వార్టర్‌ ఫైనల్‌ మ్యాచ్‌లో ఫ్రాన్స్‌ ‘షూటౌట్‌’ ద్వారా మరో మాజీ విజేత పోర్చుగల్‌ను ఓడించింది. నిర్ణీత సమయంతో పాటు అదనపు సమయం ముగిశాక కూడా ఇరు జట్లు 0–0తో సమంగా నిలవగా షూటౌట్‌ అనివార్యమైంది. ఇందులో ఫ్రాన్స్‌ 5–3తో పోర్చుగల్‌పై విజయం సాధించింది. ఆల్‌టైమ్‌ గ్రేట్‌లలో ఒకడైన క్రిస్టియానో రొనాల్డో తన జాతీయ జట్టు తరఫున ఆఖరి మ్యాచ్‌ ఆడేశాడు. ఆరో సారి యూరో కప్‌లో బరిలోకి దిగిన రొనాల్డో ముందే ఇది తనకు చివరి యూరో అని ప్రకటించాడు. 2026 వరల్డ్‌ కప్‌లో 41 ఏళ్లు ఉండే అతను వరల్డ్‌ కప్‌ ఆడే అవకాశాలు దాదాపుగా లేవు! పేరుకు రెండు పెద్ద జట్లే అయినా ఈ క్వార్టర్స్‌ పోరు పెద్దగా ఉత్కంఠ, మలుపులు లేకుండా సాగింది. ఇరు జట్లూ కూడా డిఫెన్స్‌కే ప్రాధాన్యనివ్వడంతో ఆటలో వేగం కనిపించలేదు. అటు రొనాల్డో, ఇటు ఎంబాపె కూడా పెద్దగా ప్రభావం చూపలేకపోయారు. పోర్చుగల్‌ ప్లేయర్లలో బ్రూనో ఫెర్నాండెజ్, వితిన్హ కొట్టిన షాట్‌లను ప్రత్యర్థి గోల్‌కీపర్‌ మైక్‌ మెగ్నన్‌ నిలువరించగా...ఫ్రాన్స్‌ ఆటగాళ్లు రాండల్, కామవింగాలకకు గోల్స్‌ అవకాశం వచి్చనా కీపర్‌ రూబెన్‌ డయాస్‌ను దాటి బంతి వెళ్లలేకపోయింది. అదనపు సమయంలో రొనాల్డో కొట్టిన ఒక కిక్‌ కూడా గోల్‌ బార్‌ మీదనుంచి వెళ్లిపోయింది. ఇక ఆ తర్వాత ఇరు జట్లు జాగ్రత్తగానే ఆడాయి. షూటౌట్‌లో తొలి నాలుగు ప్రయత్నాల్లో ఫ్రాన్స్‌ తరఫున డెంబెలె, ఫొఫానా, కౌండే, బార్కొలా గోల్స్‌ కొట్టగా...పోర్చుగల్‌ తరఫున రొనాల్డో, బెర్నార్డో సిల్వ, న్యూనో మెండెస్‌ గోల్‌ సాధించగా జోవో ఫెలిక్స్‌ విఫలమయ్యాడు. దాంతో స్కోరు ఫ్రాన్స్‌ పక్షాన 4–3తో నిలిచింది. ఐదో షాట్‌ను కూడా ఫ్రాన్స్‌ ప్లేయర్‌ హెర్నాండెజ్‌ గోల్‌ సాధించి తమ జట్టును గెలిపించాడు. మరో క్వార్టర్‌ ఫైనల్లో స్పెయిన్‌ 2–1 తేడాతో ఆతిథ్య జర్మనీని ఓడించింది. శనివారం జరిగిన క్వార్టర్స్‌లో ఇంగ్లండ్‌ షూటౌట్‌లో 5–3తో స్విట్జర్లాండ్‌ను ఓడించి సెమీస్‌ చేరింది.

టీ20 వరల్డ్‌కప్‌ 2024 ఫైనల్‌ మ్యాచ్‌కు ఓ ప్రత్యేకత ఉంది. ఈ సారి ఫైనల్‌కు క్వాలిఫై అయ్యే మొదటి జట్టుకు ప్రపంచకప్‌ టోర్నీల్లో ఇది మొదటి ఫైనల్‌ అవుతుంది. భారతకాలమానం ప్రకారం రేపు (జూన్‌ 27) ఉదయం జరుగుబోయే తొలి సెమీఫైనల్లో సౌతాఫ్రికా, ఆఫ్ఘనిస్తాన్‌ జట్లు తలపడనున్నాయి. ఈ రెండు జట్లలో ఏ జట్టు ఫైనల్‌కు చేరినా రికార్డే అవుతుంది. ఈ రెండు జట్లు ఇప్పటివరకు ప్రపంచకప్‌ టోర్నీల్లో (వన్డే, టీ20) ఒక్కసారి కూడా ఫైనల్‌కు చేరలేదు. సౌతాఫ్రికా పలు మార్లు సెమీఫైనల్‌కు చేరగా.. ఆఫ్ఘనిస్తాన్‌కు మాత్రం ఇదే తొలి సెమీఫైనల్‌.కాగా, ట్రినిడాడ్‌ వేదికగా సౌతాఫ్రికా, ఆఫ్ఘనిస్తాన్‌ మధ్య రేపు ఉదయం తొలి సెమీఫైనల్‌ జరుగనుంది. ఈ మ్యాచ్‌లో గెలిచిన జట్టు జూన్‌ 29 జరిగే ఫైనల్‌ మ్యాచ్‌కు అర్హత సాధిస్తుంది. మరోవైపు రెండో సెమీఫైనల్లో భారత్‌- ఇంగ్లండ్‌ తలపడనున్నాయి. ఈ మ్యాచ్‌ రేపు రాత్రి 8 గంటలకు ప్రారంభం కావాల్సి ఉంది. అయితే ఈ మ్యాచ్‌కు వర్షం ముప్పు పొంచి ఉన్నట్లు తెలుస్తుంది. మ్యాచ్‌ జరిగే సమయానికి 88 శాతం వర్షం పడే అవకాశం ఉందని వాతావరణ శాఖ హెచ్చరించింది. ఒకవేళ ఈ మ్యాచ్‌ వర్షం కారణంగా పూర్తిగా తుడిచిపెట్టుకుపోతే.. సూపర్‌-8లో గ్రూప్‌ టాపర్‌గా ఉన్నందున్న టీమిండియా ఫైనల్‌కు చేరుకుంటుంది. ఈ మ్యాచ్‌కు రిజర్వ్‌ డే కూడా లేదు. మరోవైపు సౌతాఫ్రికా, ఆఫ్ఘనిస్తాన్‌ మధ్య జరిగే తొలి సెమీఫైనల్‌కు రిజర్వ్‌ డే ఉంది. ఒకవేళ రేపు సౌతాఫ్రికా, ఆఫ్ఘనిస్తాన్‌ మ్యాచ్‌ వర్షం కారణంగా సాధ్యపడకపోయినా రిజర్వ్‌ డే అయిన 28న తేదీన మ్యాచ్‌ను జరిపిస్తారు.

టీ20 వ‌ర‌ల్డ్‌క‌ప్‌-2024 తుది అంకానికి చేరుకుంది. మంగ‌ళ‌వారం జ‌రిగిన బంగ్లాదేశ్‌-అఫ్గానిస్తాన్ మ్యాచ్‌తో సూప‌ర్‌-8 ద‌శ ముగిసింది. గ్రూప్ ఏ నుండి భారత్,అఫ్ఘానిస్థాన్ జట్లు సెమిస్ కు చేరగా..గ్రూప్ బినుండి సౌత్ ఆఫ్రికా, ఇంగ్లాండ్ జట్లు సెమిస్ కు చేరాయి.భార‌త కాల‌మానం ప్ర‌కారం గురువారం(జూన్ 27) నుంచి నాకౌట్స్ ద‌శ షూరూ కానుంది. తొలి సెమీఫైన‌ల్లో అఫ్గానిస్తాన్‌- ద‌క్షిణాఫ్రికా జ‌ట్లు అమీతుమీ తెల్చుకోగా.. రెండో సెమీఫైన‌ల్లో భార‌త్‌- ఇంగ్లండ్ జ‌ట్లు త‌ల‌ప‌డ‌నున్నాయి. తొలి సెమీఫైన‌ల్ గురువారం ఉద‌యం 6:00 గంటలకు ప్రారంభం కాగా.. రెండో సెమీఫైనల్‌ రాత్రి 8:00 గంటలకు మొదలు కానుంది.ఇక సెకెండ్‌ సెమీఫైనల్‌ విషయానికి వస్తే.. డిఫెండింగ్‌ ఛాంపియన్స్‌ ఇంగ్లండ్‌ను ఎలాగైనా ఓడించి ఫైనల్లో అడుగుపెట్టాలని భారత్‌ భావిస్తోంది. ఇరు జట్లు బలబలాల పరంగా సమంగా ఉన్నాయి. కాబట్టి ఈ పోరులో ఎవరిది పైచేయి అని అభిమానులు ఆతృతగా ఎదురుచూస్తున్నారు. అయితే ఈ కీలక మ్యాచ్‌లో భారత జట్టు మెనెజ్‌మెంట్‌ తమ తుది జట్టులో ఒకే మార్పు చేయనున్నట్లు తెలుస్తోంది. బౌలింగ్, బ్యాటింగ్ లో పేలవ ప్రదర్శన కనబరుస్తున్న ఆల్‌రౌండర్‌ రవీంద్ర జడేజాపై వేటు వేయాలని మెనెజ్‌మెంట్‌ నిర్ణయించకున్నట్లు సమచారం. గయనా వికెట్‌కు బ్యాటింగ్‌కు అనుకూలించే అవకాశమున్నందన జడేజా స్థానంలో స్పెషలిస్ట్ బ్యాటర్ సంజు శాంసన్ ను జట్టులోకి తీసుకోనున్నట్లు వార్తలు వినిపిస్తున్నాయి. ఇప్పటికే జట్టులో అక్షర్‌ పటేల్‌, కుల్దీప్‌ యాదవ్‌ ఉండడంతో జడ్డూను పక్కన పెట్టాలని ఫిక్స్‌ అయినట్లు పలు రిపోర్ట్‌లు పేర్కొంటున్నాయి. ఇక ప్రధాన జట్టులో ఉన్న సంజూ శాంసన్‌ ఇప్పటివరకు ఈ మెగా టోర్నీలో ఒక్క మ్యాచ్‌ కూడా ఆడలేదు.భారత తుది జట్టు(అంచనా)రోహిత్ శర్మ (కెప్టెన్‌), విరాట్ కోహ్లీ, రిషబ్ పంత్ (వికెట్‌ కీపర్‌), సూర్యకుమార్ యాదవ్, శివమ్ దూబే, హార్దిక్ పాండ్యా, అక్షర్ పటేల్, రవీంద్ర జడేజా, అర్ష్‌దీప్ సింగ్, మహ్మద్ సిరాజ్, జస్ప్రీత్ బుమ్రాచదవండి: T20 WC: వారసుడిని ప్రకటించిన డేవిడ్‌ వార్నర్‌.. ఆసీస్‌ ​​కొత్త ఓపెనర్‌ ఎవరంటే?

టీ20 వ‌ర‌ల్డ్‌క‌ప్‌లో బంగ్లాదేశ్ అత్యంత చెత్త రికార్డును త‌మ పేరిట లిఖించుకుంది. ఇప్ప‌టివ‌ర‌కు అన్ని వ‌ర‌ల్డ్‌క‌ప్‌లు ఆడి ఒక్క‌సారి కూడా సెమీఫైన‌ల్‌కు చేర‌ని ఆ జ‌ట్టుగా బంగ్లాదేశ్ నిలిచింది. టీ20 ప్ర‌పంచ‌క‌ప్‌-2024లో సూప‌ర్‌-8లో రౌండ్‌లో నిష్క్ర‌మించిన బంగ్లా జ‌ట్టు.. ఈ చెత్త రికార్డును మూట‌గ‌ట్టుకుంది. 2007లో జ‌రిగిన తొట్ట‌తొలి టీ20 వ‌ర‌ల్డ్‌క‌ప్ నుంచి ఈ మెగా టోర్నీలో భాగ‌మవుతున్న బంగ్లాదేశ్ ఒక్క‌సారి కూడా సెమీస్‌లో అడుగుపెట్ట‌లేక‌పోయింది. టాప్‌-10లో ఉన్న ఇత‌ర 9 జ‌ట్లు క‌నీసం ఒక్క‌సారైనా టీ20 వ‌ర‌ల్డ్‌క‌ప్ సెమీస్‌కు చేరుకున్నాయి.భార‌త్‌, ఆసీస్‌, ఇంగ్లండ్‌, ద‌క్షిణాఫ్రికా, న్యూజిలాండ్‌, పాకిస్తాన్‌, శ్రీలంక‌, వెస్టిండీస్‌, అఫ్గానిస్తాన్ జ‌ట్లు ఏదో ఒక వ‌ర‌ల్డ్‌క‌ప్‌లోనైనా సెమీస్‌కు చేరాయి. చివ‌ర‌గా ఈ ఏడాది సూప‌ర్‌-8లో సంచ‌ల‌న ప్ర‌ద‌ర్శ‌న చేసిన అఫ్గానిస్తాన్ తొలి సారి టీ20 వ‌ర‌ల్డ్‌క‌ప్ సెమీస్‌లో అడుగుపెట్టింది. టీ20 ప్ర‌పంచ‌క‌ప్‌-2024లో 7 మ్యాచ్‌లు ఆడిన బంగ్లాదేశ్‌ కేవలం మూడింట మాత్రమే విజయం సాధించింది.

టీ20 వరల్డ్‌కప్‌ 2024లో భాగంగా గయానా వేదికగా రేపు (భారతకాలమానం ప్రకారం​ రాత్రి 8 గంటలకు) జరగాల్సిన భారత్‌-ఇంగ్లండ్‌ సెమీఫైనల్‌ మ్యాచ్‌కు వరుణ గండం పొంచి ఉందని వాతావరణ శాఖ హెచ్చరించింది. మ్యాచ్‌ జరిగే సమయానికి 88 శాతం వర్షం పడే అవకాశాలు ఉన్నాయని వెదర్‌ ఫోర్‌క్యాస్ట్‌ పేర్కొంది. ఈ నేపథ్యంలో రేపటి మ్యాచ్‌ రద్దైతే పరిస్థితి ఏంటనే ప్రశ్న ఉత్పన్నమవుతుంది.పూర్తిగా తుడిచిపెట్టుకుపోతే పరిస్థితి ఏంటి..?షెడ్యూల్‌ ప్రకారం భారత్‌-ఇంగ్లండ్‌ మధ్య జరిగే రెండో సెమీఫైనల్‌ మ్యాచ్‌కు రిజర్వ్‌ డే లేదు. ఒకవేళ వర్షం కారణంగా మ్యాచ్‌ పూర్తిగా తుడిచిపెట్టుకుపోతే (ఒ‍క్క బంతి కూడా పడకుండా) సూపర్‌-8 దశలో గ్రూప్‌ (గ్రూప్‌-1) టాపర్‌గా ఉన్న కారణంగా టీమిండియా ఫైనల్‌ చేరుతుంది.ఒకవేళ భారత్‌-ఇంగ్లండ్‌ సెమీస్‌ మ్యాచ్‌కు వర్షం​ కారణంగా పాక్షికంగా అంతరాయం కలిగితే.. ఫలితం తేలేందుకు 250 నిమిషాల అదనపు సమయం ఉంటుంది. ఇక్కడ కూడా ఫలితం తేలకపోతే డక్‌వర్త్‌ లూయిస్‌ పద్దతిలో ఫలితాన్ని నిర్దారిస్తారు.తొలి సెమీఫైనల్‌కు రిజర్వ్‌ డేమరోవైపు సౌతాఫ్రికా, ఆఫ్ఘనిస్తాన్‌ మధ్య ట్రినిడాడ్‌ వేదికగా రేపు ఉదయం 6 గంటలకు ప్రారంభంకావాల్సిన తొలి సెమీఫైనల్‌ మ్యాచ్‌కు కూడా వర్షం ముప్పు పొంచి ఉంది. అయితే ఈ మ్యాచ్‌కు రిజర్వ్‌ డే ఉండటంతో వంద శాతం ఫలితం తేలే అవకాశం ఉంది.

ఐసీసీ వ‌ర‌ల్డ్‌క‌ప్‌ల‌లో అత్యంత దురదృష్టకరమైన జ‌ట్టు ఎదైనా ఉందంటే మ‌న‌కు ట‌క్కున గుర్తుచ్చేది దక్షిణాఫ్రికానే. టోర్నీ మొత్తం ఆసాధరణమైన ప్రదర్శన.. వరుసగా విజయాలు. కానీ కీలకమైన సెమీఫైనల్స్‌లో మాత్రం ఒత్తిడికి చిత్తు. ఇప్ప‌టివ‌ర‌కు అటు వ‌న్డే వ‌రల్డ్‌క‌ప్‌లోనూ, ఇటు టీ20 వ‌ర‌ల్డ్‌క‌ప్‌లోనూ క‌నీసం ఒక్క‌సారి కూడా ఫైన‌ల్లో అడుగుపెట్టలేకపోయింది.ప్రతీసారి సెమీస్ లో ఓడిపోతూ చోకర్స్ గా ముద్రపడ్డ స‌ఫారీలు మ‌రోసారి టైటిల్ రేసులో నిల‌బ‌డ్డారు. పొట్టి వ‌ర‌ల్డ్‌క‌ప్‌ల‌లో ముచ్చ‌ట‌గా మూడోసారి సెమీస్‌లో సౌతాఫ్రికా అడుగుపెట్టింది. టీ20 వ‌ర‌ల్డ్‌క‌ప్‌-2024 తొలి సెమీఫైన‌ల్లో భాగంగా ట్రినడాడ్ వేదిక‌గా శుక్రవారం సంచ‌ల‌నాల అఫ్గానిస్తాన్‌తో ద‌క్షిణాఫ్రికా త‌ల‌ప‌డ‌నుంది.ఈ సారైనా గ‌ట్టుకెక్కుతుందా?ఓవ‌రాల్‌గా వ‌న్డే, టీ20 ప్ర‌పంచ‌క‌ప్‌ల నాకౌట్స్‌లో ద‌క్షిణాఫ్రికా 10 సార్లు త‌ల‌ప‌డింది. ఆడిన 10 మ్యాచ్‌ల్లో కేవ‌లం మ్యాచ్‌లో మాత్రం విజ‌యం సాధించింది. అది కూడా క్వార్టర్ ఫైన‌ల్లో కావ‌డం గ‌మ‌నార్హం. ఇక‌ 8 మ్యాచ్‌ల్లో ఓటమి పాలవ్వ‌గా.. మ‌రో మ్యాచ్ డ్రాగా ముగిసింది.టీ20 వ‌ర‌ల్డ్‌క‌ప్‌లో ఇప్ప‌టివ‌ర‌కు రెండు సార్లు సెమీఫైన్సల్ ఆడిన ద‌క్షిణాఫ్రికా ఓసారి పాకిస్తాన్ చేతిలో ఓట‌మి పాలవ్వ‌గా.. మ‌రోసారి ఇండియా చేతిలో ప‌రాజ‌యం పాలైంది. కానీ ఈసారి మాత్రం త‌మ పేరిట ఉన్న చోక‌ర్స్ ముద్ర‌ను ఎలాగైనా చెరేపేయాల‌న్న క‌సితో ద‌క్షిణాఫ్రికా ఉంది. ఈ మెగా టోర్నీలో ఇప్ప‌టివ‌ర‌కు ఆజేయంగా ఉన్న సౌతాఫ్రికా అదే జోరును సెమీస్‌లోనూ కొన‌సాగించి తొలిసారి ఫైన‌ల్లో అడుగుపెట్టాల‌ని ఉవ్విళ్లూరుతోంది.దక్షిణాఫ్రికా బలబలాలు..దక్షిణాఫ్రికా బ్యాటింగ్‌ బౌలింగ్‌ పరంగా పటిష్టంగా కన్పిస్తోంది. బ్యాటింగ్‌లో క్వింటన్‌ డికాక్‌, స్టబ్స్‌, క్లాసెన్‌, మిల్లర్‌ వంటి అద్బుతమైన ఆటగాళ్లు ఉన్నారు. ప్రస్తుతం వారు అంతా మంచి రిథమ్‌లో కూడా ఉన్నారు. అయితే కెప్టెన్‌ మార్‌క్రమ్‌ ఫామ్‌ మాత్రం ప్రోటీస్‌ జట్టు మెనెజ్‌మెంట్‌ను కలవరపెడుతోంది. అదేవిధంగా స్పిన్‌ను కూడా ఎదుర్కొనేందుకు సఫారీ బ్యాటర్లు కాస్త ఇబ్బంది పడుతున్నారు. అఫ్గాన్‌ ప్రధాన బలం స్పిన్నర్లే. మరి అఫ్గాన్‌ స్పిన్నర్లు దక్షిణాఫ్రికా బ్యాటర్లు ఎలా ఎదుర్కొంటారో వేచి చూడాలి. ఇక దక్షిణాఫ్రికా బౌలింగ్‌ గురించి ప్రత్యేకంగా చెప్పాల్సిన అవసరం లేదు. సఫారీ బౌలర్లు అదరగొడుతున్నారు. నోర్జే, రబాడ, జానెసన్‌ వంటి పేసర్లు ప్రత్యర్ధి జట్లకు చుక్కలు చూపిస్తున్నారు. ఈ పేస్‌ త్రయం చెలరేగితే అఫ్గాన్‌ బ్యాటర్లకు కష్టాల్లు తప్పవు.అఫ్గాన్‌తో అంత ఈజీ కాదు..అయితే ప్ర‌స్తుత వ‌ర‌ల్డ్‌క‌ప్‌లో సంచ‌ల‌నాలు న‌మోదు చేస్తున్న అఫ్గానిస్తాన్‌ను ఓడించ‌డం ద‌క్షిణాఫ్రికాకు అంత ఈజీ కాదు. ఈ మెగా టోర్నీలో న్యూజిలాండ్‌, ఆస్ట్రేలియాలు వంటి ప‌టిష్ట‌మైన జ‌ట్ల‌ను ఓడించి తొలిసారి సెమీస్‌లో అడుగుపెట్టిన అఫ్గాన్‌.. రెట్టింపు ఆత్మ‌విశ్వాసంతో స‌ఫారీల‌ను ఢీ కొట్ట‌నుంది. అఫ్గాన్‌ బ్యాటింగ్‌ పరంగా కాస్త వీక్‌గా కన్పిస్తున్నప్పటకి బౌలింగ్‌లో మాత్రం బలంగా కన్పిస్తోంది. అఫ్గాన్‌ జట్టులో వరల్డ్‌క్లాస్‌ స్పిన్నర్లు ఉన్నారు. అదేవిధంగా పేస్‌ బౌలింగ్‌లోనూ ఫరూఖీ, నవీన్‌ ఉల్‌ హక్‌ సత్తాచాటుతున్నారు. బ్యాటింగ్‌లో ఎక్కువగా ఓపెనర్లపైనే అఫ్గాన్‌ ఆధారపడుతోంది. సెమీస్‌లో ఆల్‌రౌండ్‌ షోతో అఫ్గాన్‌ అదరగొడితే దక్షిణాఫ్రికాకు ఇబ్బందులు తప్పవు.

కన్నీళ్లు ఆగడం లేదు... భావోద్వేగాలను నియంత్రించుకోవడం సాధ్యం కావడం లేదు... పట్టరాని ఆనందాన్ని ప్రదర్శించేందుకు పదాలు దొరకడం లేదు... ఒకరు కాదు, ఇద్దరు కాదు అందరి ఆటగాళ్లది ఇదే పరిస్థితి... తాము సాధించిన ఘనత ఎంత అసాధారణమైనదో వారికి తెలుస్తున్నా ఇంకా నమ్మశక్యంగా అనిపించని స్థితి... సొంత దేశంలో క్రికెట్‌ మైదానంలో అడుగు పెట్టడమే కష్టంగా మారిపోగా... జట్టు సభ్యులంతా కలిసి సాధన చేసే అవకాశం లేకపోగా... ఎప్పుడో టోర్నీకి ముందు కలిసి ప్రాక్టీస్‌ చేయడమే... కానీ తమ పోరాటం, పట్టుదల ముందు వాటన్నంటినీ చిన్న విషయాలుగా మార్చేసింది. అగ్రశ్రేణి జట్లు క్రికెట్‌ను శాసిస్తున్న చోట అంచనాలు లేకుండా బరిలోకి దిగిన అఫ్గానిస్తాన్‌ అసాధారణ ఆటను చూపించింది... అద్భుత ఆటతో సత్తా చాటుతూ ప్రపంచకప్‌ సెమీఫైనల్లోకి అడుగు పెట్టింది.టోర్నీకి ముందు అంచనాలు లేవు... అండర్‌డాగ్‌ కిందే లెక్క.. కానీ లీగ్‌ దశలో న్యూజిలాండ్‌పై భారీ విజయం గాలివాటం కాదని, సూపర్‌–8లో ఆ్రస్టేలియాను చిత్తు చేసిన వైనం అదృష్టం వల్ల కాదని అఫ్గానిస్తాన్‌ నిరూపించింది... గత టి20 వరల్డ్‌కప్‌లో ఒక్క విజయానికి కూడా నోచుకోని జట్టు ఇప్పుడు ఏకంగా సెమీస్‌ చేరింది. బంగ్లాదేశ్‌తో చివరి సూపర్‌–8 పోరులో విజయం దోబూచులాడింది. 115 పరుగులు మాత్రమే చేసి దానిని కాపాడుకోవడం అంత సులువు కాదు. కానీ అఫ్గాన్‌ ఆటగాళ్లంతా ప్రాణాలు పణంగా పెట్టినట్లు మైదానంలో పోరాడారు... మళ్లీ మళ్లీ పలకరిస్తూ వచ్చిన వర్షంతో కూడా పోటీ పడాల్సి వచ్చి0ది... చివరకు తాము అనుకున్నది సాధించారు. బంగ్లాపై పైచేయి సాధించి తొలిసారి ఓ ఐసీసీ టోర్నీలో సగర్వంగా సెమీస్‌ స్థానాన్ని ఖాయం చేసుకోగా, తాము ఎప్పటికీ మారమన్నట్లుగా బంగ్లాదేశ్‌ ఆటగాళ్లు నిష్క్రమించారు. కింగ్స్‌టౌన్‌ (సెయింట్‌ విన్సెంట్‌): ‘కమాన్‌ బంగ్లాదేశ్‌’... భారత్‌తో ఓటమి తర్వాత ఆ్రస్టేలియా కెప్టెన్‌ మిచెల్‌ మార్‌‡్ష మాట ఇది. ఆల్‌టైమ్‌ గ్రేట్‌ జట్టు కూడా మరో టీమ్‌ ప్రదర్శనను నమ్ముకుంటూ అదృష్టం పలకరిస్తుందేమోనని ఆశపడింది. బంగ్లాదేశ్‌ గెలిస్తే తాము సెమీఫైనల్‌ చేరవచ్చని కంగారూలు కలగన్నారు. కానీ అఫ్గానిస్తాన్‌ ఆ అవకాశం ఇవ్వలేదు. మంగళవారం జరిగిన గ్రూప్‌–1 చివరి సూపర్‌–8 మ్యాచ్‌లో అఫ్గానిస్తాన్‌ 8 పరుగుల తేడాతో (డక్‌వర్త్‌ లూయిస్‌ ప్రకారం) బంగ్లాదేశ్‌పై విజయం సాధించింది. భారత కాలమానం ప్రకారం గురువారం ఉదయం జరిగే తొలి సెమీఫైనల్లో దక్షిణాఫ్రికాతో అఫ్గాన్‌ టీమ్‌... రాత్రి జరిగే రెండో సెమీఫైనల్లో ఇంగ్లండ్‌తో భారత్‌ తలపడతాయి. టాస్‌ గెలిచి ముందుగా బ్యాటింగ్‌కు దిగిన అఫ్గానిస్తాన్‌ 20 ఓవర్లలో 5 వికెట్లకు 115 పరుగులు మాత్రమే చేయగలిగింది. రహ్మనుల్లా గుర్బాజ్‌ (55 బంతుల్లో 43; 3 ఫోర్లు, 1 సిక్స్‌) టాప్‌ స్కోరర్‌. బంగ్లాదేశ్‌ స్పిన్నర్‌ రిషాద్‌కు 3 వికెట్లు దక్కాయి. అనంతరం బంగ్లాదేశ్‌ ఇన్నింగ్స్‌ మధ్యలో వర్షం రావడంతో ఒక ఓవర్‌ తగ్గించి లక్ష్యాన్ని 19 ఓవర్లలో 114 పరుగులుగా నిర్దేశించారు. అయితే బంగ్లాదేశ్‌ 17.5 ఓవర్లలో 105 పరుగులకే కుప్పకూలింది. లిటన్‌ దాస్‌ (49 బంతుల్లో 54 నాటౌట్‌; 5 ఫోర్లు, 1 సిక్స్‌) పోరాటం వృథా కాగా... జట్టులో నలుగురు డకౌటయ్యారు. ‘ప్లేయర్‌ ఆఫ్‌ ద మ్యాచ్‌’ నవీన్‌ ఉల్‌ హక్‌ (4/26), కెపె్టన్‌ రషీద్‌ ఖాన్‌ (4/23) ప్రత్యర్థిని దెబ్బ కొట్టారు. తాజా ఫలితంతో గ్రూప్‌–1 నుంచి 2 విజయాలతో 4 పాయింట్లు సాధించిన అఫ్గానిస్తాన్‌ రెండో స్థానంతో సెమీస్‌ చేరింది. బంగ్లాదేశ్‌ ఓటమితో ఆస్ట్రేలియా జట్టు కూడా ‘సూపర్‌–8’ దశలోనే ఇంటిదారి పట్టింది. ఆద్యంతం ‘డ్రామా’ సాగి... స్వల్ప స్కోర్ల ఈ మ్యాచ్‌ పలు మలుపులతో ఆసక్తికరంగా సాగింది. పదే పదే వాన అంతరాయం కలిగించడంతో విజయం దోబూచులాడింది. అఫ్గాన్‌ ఇన్నింగ్స్‌లో గుర్బాజ్‌ మినహా అంతా విఫలమయ్యారు. అతను కూడా తన శైలికి భిన్నంగా చాలా నెమ్మదిగా ఆడాడు. చివర్లో రషీద్‌ ఖాన్‌ (10 బంతుల్లో 19 నాటౌట్‌; 3 సిక్స్‌లు) మెరుపులతో స్కోరు 100 పరుగులు దాటింది. రన్‌రేట్‌లో అఫ్గాన్, ఆసీస్‌లను దాటి సెమీస్‌ చేరాలంటే 12.1 ఓవర్లలో లక్ష్యాన్ని ఛేదించాల్సిన స్థితిలో బంగ్లాదేశ్‌ మైదానంలోకి దిగింది. అయితే సెమీస్‌ సంగతేమో కానీ ఆ జట్టు మ్యాచ్‌ గెలిచే అన్ని అవకాశాలను కూడా వృథా చేసుకుంది. ఫజల్‌ తన తొలి ఓవర్లోనే తన్జీద్‌ (0)ను అవుట్‌ చేయగా, నవీన్‌ వరుస బంతుల్లో నజు్మల్‌ (5), షకీబ్‌ (0)లను అవుట్‌ చేయడంతో స్కోరు 23/3 వద్ద నిలిచింది. ఈ దశలో వాన వచ్చి ఆగిన తర్వాత రషీద్‌ వరుస ఓవర్లలో సౌమ్య సర్కార్‌ (10), తౌహీద్‌ (14)లను వెనక్కి పంపించాడు. అయినా సరే చేతిలో 5 వికెట్లతో 56 బంతుల్లో 36 పరుగులు చేయాల్సిన బంగ్లాదేశ్‌ గెలిచే స్థితిలో నిలిచింది. కానీ రషీద్‌ మళ్లీ వరుస బంతుల్లో రెండు వికెట్లు పడగొట్టి మ్యాచ్‌ను తమ చేతుల్లోకి తెచ్చుకున్నాడు. 81/7 నుంచి బంగ్లా డక్‌వర్త్‌ లూయిస్‌ స్కోరుతో పోటీ పడుతూ వచ్చింది. ఒక ఎండ్‌లో నిలిచిన దాస్‌ ఎంతో ప్రయత్నించినా... మరోవైపు మిగిలిన మూడు వికెట్లు తీసేందుకు అఫ్గాన్‌ బౌలర్లకు ఎక్కువ సమయం పట్టలేదు. ముస్తఫిజుర్‌ను నవీన్‌ ఎల్బీడబ్ల్యూగా అవుట్‌ చేయడంతో అఫ్గాన్‌ ఆటగాళ్లు, అభిమానుల సంబరాలతో మైదానం హోరెత్తిపోగా... అక్కడి నుంచి దాదాపు 12 వేల కిలోమీటర్ల దూరంలో కాబూల్‌లో కూడా ఆ విజయధ్వానం బ్రహ్మాండంగా వినిపించింది! ఉత్తమ నటుడు గుల్బదిన్‌! 11.4 ఓవర్ల తర్వాత బంగ్లా స్కోరు 81/7 వద్ద వానతో మ్యాచ్‌ ఆగినప్పుడు ఒక ఆసక్తికర ఘటన జరిగింది. డక్‌వర్త్‌ లూయిస్‌ ప్రకారం ఆ సమయానికి బంగ్లా 2 పరుగులు వెనుకబడి ఉంది. అక్కడే మ్యాచ్‌ ముగిసిపోతే అఫ్గాన్‌ గెలుస్తుంది. ఈ దశలో పరిస్థితి మెరుగ్గా ఉంది, తొందరపడ వద్దన్నట్లుగా డ్రెస్సింగ్‌ రూమ్‌ నుంచి అఫ్గాన్‌ కోచ్‌ జొనాథన్‌ ట్రాట్‌ సైగ చేశాడు. అప్పటి వరకు స్లిప్‌లో చక్కగా ఫీల్డింగ్‌ చేస్తున్న గుల్బదిన్‌ ‘అలా అయితే ఓకే’ అన్నట్లుగా ఒక్కసారిగా కండరాలు పట్టేశాయంటూ కుప్పకూలిపోయాడు. ఆ వెంటనే పిచ్‌పై కవర్లు వచ్చేశాయి. అయితే ఆ తర్వాత మళ్లీ చక్కగా మైదానంలోకి దిగిన గుల్బదిన్‌ తర్వాతి వికెట్‌ కూడా తీశాడు. దాంతో ఇదంతా నటన అంటూ అన్ని వైపుల నుంచి విమర్శలు వచ్చాయి. మ్యాచ్‌ తర్వాత రషీద్‌ మాత్రం తన ఆటగాడికి మద్దతుగా నిలిచాడు. నిజానికి అక్కడే మ్యాచ్‌ ముగిసి ఉంటే వివాదం జరిగేదేమో కానీ ఆట కొనసాగి ఆలౌట్‌ వరకు వెళ్లడంతో ఇది సమస్యగా మారలేదు.‘వెల్‌డన్‌’ అంతర్జాతీయ క్రికెట్‌లో అఫ్గానిస్తాన్‌ ప్రస్థానం అసాధారణంఅగ్రశ్రేణి జట్లకు దీటుగా ఎదిగిన వైనం‘మిమ్మల్ని నిరాశపర్చము, మీ నమ్మకాన్ని నిలబెడతాం’... టి20 వరల్డ్‌కప్‌ ప్రారంభానికి ముందు జరిగిన వెల్‌కమ్‌ పార్టీలో క్రికెట్‌ దిగ్గజం బ్రియాన్‌ లారాతో రషీద్‌ ఖాన్‌ అన్న మాట ఇది. ఎందుకంటే ఈ టోర్నీలో సెమీస్‌ చేరే నాలుగు జట్ల పేర్లు చెప్పమని మాజీలు, విశ్లేషకులతో అడిగితే ఒక్క లారా మాత్రమే అఫ్గానిస్తాన్‌ పేరు చెప్పాడు. వారి ఆటపై అతనికి ఉన్న నమ్మకాన్ని ఇది చూపించింది. రేపు ట్రినిడాడ్‌లోని బ్రియాన్‌ లారా స్టేడియంలోనే రషీద్‌ బృందం సెమీఫైనల్‌ మ్యాచ్‌ ఆడబోతోంది! గత కొన్నేళ్లుగా అటు వన్డే, ఇటు టి20 ఫార్మాట్‌లలో నిలకడైన ప్రదర్శన కనబరుస్తూ వచ్చిన అఫ్గానిస్తాన్‌ ఇప్పుడు ‘సంచలనాల’ జట్టు నుంచి సమర్థమైన జట్టుగా ఎదిగింది. ప్రస్తుతం ఆ దేశంలో నెలకొన్న పరిస్థితుల కారణంగా జట్టు యునైటెడ్‌ అరబ్‌ ఎమిరేట్స్‌ (యూఏఈ) కేంద్రంగానే తమ హోం మ్యాచ్‌లు ఆడుతోంది. ఆటగాళ్లంతా కూడా అక్కడే దాదాపుగా స్థిరపడ్డారు. 2023లో జరిగిన వన్డే వరల్డ్‌కప్‌లోనే అఫ్గానిస్తాన్‌ పదును ఏమిటో ప్రపంచానికి తెలిసింది. డిఫెండింగ్‌ చాంపియన్‌ ఇంగ్లండ్, పాకిస్తాన్‌లను ఓడించిన టీమ్, ఆ్రస్టేలియాను కూడా ఒకదశలో 91/7తో ఓటమి దిశగా నెట్టింది. ఆసీస్‌ అదృష్టవశాత్తూ మ్యాక్స్‌వెల్‌ అద్భుత ఇన్నింగ్స్‌ జట్టును గెలిపించినా... ఇప్పుడు టి20 వరల్డ్‌కప్‌ లో నాటి పనిని అఫ్గాన్‌ పూర్తి చేసింది. –సాక్షి క్రీడా విభాగం10 అంతర్జాతీయ క్రికెట్‌ కౌన్సిల్‌ (ఐసీసీ) ప్రపంచకప్‌ (వన్డే/టి20) టోర్నీల చరిత్రలో సెమీఫైనల్‌ దశకు చేరిన పదో జట్టుగా అఫ్గానిస్తాన్‌ గుర్తింపు పొందింది. ఈ జాబితాలో ఆస్ట్రేలియా (1975), ఇంగ్లండ్‌ (1975), న్యూజిలాండ్‌ (1975), వెస్టిండీస్‌ (1975), పాకిస్తాన్‌ (1979), భారత్‌ (1983), దక్షిణాఫ్రికా (1992), శ్రీలంక (1996), కెన్యా (2003) జట్లు ఉన్నాయి. 1 ప్రపంచకప్‌ టోర్నీల్లో బంగ్లాదేశ్‌పై అఫ్గానిస్తాన్‌ తొలిసారి విజయం అందుకుంది. గతంలో బంగ్లాదేశ్‌తో జరిగిన నాలుగు ప్రపంచకప్‌ మ్యాచ్‌ల్లో (టి20; 2014లో...వన్డే వరల్డ్‌కప్‌; 2015, 2019, 2023) అఫ్గానిస్తాన్‌ ఓడిపోయింది.9 అంతర్జాతీయ టి20 మ్యాచ్‌ల్లో ఇన్నింగ్స్‌లో నాలుగు అంతకన్నా ఎక్కువ వికెట్లు తీయడం రషీద్‌ ఖాన్‌కిది తొమ్మిదిసారి. షకీబ్‌ అల్‌ హసన్‌ (8 సార్లు) పేరిట ఉన్న రికార్డును రషీద్‌ బద్దలు కొట్టాడు.న్యూజిలాండ్, ఆ్రస్టేలియావంటి జట్లను ఓడించి సెమీస్‌ వరకు సాగిన మీ ప్రయాణం అద్భుతం. మీ శ్రమకు, పట్టుదలకు ఫలితమే ఈ విజయం. మిమ్మల్ని చూసి గర్విస్తున్నా. దీనిని ఇలాగే కొనసాగించండి. – సచిన్‌ టెండూల్కర్‌ మైదానంలో దృశ్యాలు చాలా గొప్పగా కనిపిస్తున్నాయి. అఫ్గాన్‌కు గొప్ప విజయమిది. తొలిసారి సెమీస్‌ చేరిన పఠాన్లలో భావోద్వేగాలు బలంగా కనిపిస్తున్నాయి. అత్యుత్తమ క్రికెట్‌ ప్రదర్శన ఇది. –యువరాజ్‌ సింగ్‌

టీ20 ప్రపంచకప్‌లో ముచ్చటగా మూడోసారి సెమీ ఫైనల్‌ చేరిన దక్షి ణాఫ్రికా.. ఈసారి గతంలో మాదిరి పొరపాట్లకు తావివ్వకూడదని పట్టుదలగా ఉంది. 2009, 2014లలో సెమీస్‌లోనే వెనుదిరిగి అపఖ్యాతిని మూటగట్టుకున్న ప్రొటిస్‌ జట్టు.. ఎలాగైనా ఫైనల్‌ చేరాలని పట్టుదలగా ఉంది. దర్జాగా సెమీస్‌లోకాగా తప్పనిసరిగా గెలవాల్సిన మ్యాచ్‌లో దక్షిణాఫ్రికా తమ జోరు ప్రదర్శించిన విషయం తెలిసిందే. డక్‌వర్త్‌ లూయిస్‌ పద్ధతి ప్రకారం మూడు వికెట్ల తేడాతో వెస్టిండీస్‌ను ఓడించి దర్జాగా సెమీస్‌లో అడుగుపెట్టింది. సూపర్‌–8 దశలో ఆడిన మూడూ గెలిచిన సఫారీ 6 పాయింట్ల తో గ్రూప్‌–2 టాపర్‌గా, 4 పాయింట్లతో ఇంగ్లండ్‌ రెండో జట్టుగా సెమీఫైనల్స్‌కు చేరాయి.మరోవైపు రెండుసార్లు టీ20 చాంపియన్, ఆతిథ్య వెస్టిండీస్‌ కథ ‘సూపర్‌–8’లోనే ముగిసింది. ముందుగా వెస్టిండీస్‌ 20 ఓవర్లలో 8 వికెట్ల నష్టానికి 135 పరుగులే చేసింది. కైల్‌ మేయర్స్‌ (34 బంతుల్లో 35; 3 ఫోర్లు, 2 సిక్స్‌లు), రోస్టన్‌ చేజ్‌ (42 బంతుల్లో 52; 3 ఫోర్లు, 2 సిక్స్‌లు) రాణించారు.వర్షంతో 50 నిమిషాలు ఆటకు అంతరాయంరోవ్‌మన్‌ పావెల్‌ (1), రూథర్‌ఫోర్డ్‌ (0), రసెల్‌ (15) చేతులెత్తేయడంతో కరీబియన్‌ జట్టు ఓ మోస్తరు స్కోరుకే పరిమితమైంది. ‘ప్లేయర్‌ ఆఫ్‌ ద మ్యాచ్‌’ తబ్రేజ్‌ షమ్సీ 3 వికెట్లు తీశాడు. 136 పరుగుల లక్ష్యంతో బరిలోకి దిగిన దక్షిణాఫ్రికా 2 ఓవర్లలో 2 వికెట్లు కోల్పోయి 15 పరుగులు చేసిన దశలో వర్షంతో 50 నిమిషాలు ఆటకు అంతరాయం కలిగింది.దాంతో దక్షిణాఫ్రికా లక్ష్యాన్ని డక్‌వర్త్‌ లూయిస్‌ పద్ధతి ప్రకారం 17 ఓవర్లలో 123 పరుగులుగా నిర్ణయించారు. ఆ జట్టు 16.1 ఓవర్లలో 7 వికెట్లు కోల్పోయి 124 పరుగులు చేసి నెగ్గింది. స్టబ్స్‌ (27 బంతుల్లో 29; 4 ఫోర్లు), క్లాసెన్‌ (10 బంతుల్లో 22; 3 ఫోర్లు, 1 సిక్స్‌), జాన్సెన్‌ (14 బంతుల్లో 21 నాటౌట్‌; 1 ఫోర్, 1 సిక్స్‌) లక్ష్యంవైపు తీసుకెళ్లారు. ఛేజ్‌ 3, రసెల్, జోసెఫ్‌ చెరో 2 వికెట్లు తీశారు.రషీద్‌ ఖాన్‌ బృందంతో అమీతుమీఇక ఈ విజయంతో టోర్నీలో ముందుకు సాగే అవకాశం దక్కించుకున్న సౌతాఫ్రికా.. గురువారం నాటి తొలి సెమీ ఫైనల్లో అఫ్గనిస్తాన్‌తో తలపడనుంది. ఊహించని రీతిలో బంగ్లాదేశ్‌ను ఓడించి తొలిసారి వరల్డ్‌కప్‌లో సెమీస్‌ చేరిన రషీద్‌ ఖాన్‌ బృందంతో అమీతుమీ తేల్చుకోనుంది. ట్రినిడాడ్‌లోని బ్రియన్‌ లారా స్టేడియం ఇందుకు వేదిక.అఫ్గనిస్తాన్‌ను ఓడిస్తే ఈసారి టైటిల్‌ వాళ్లదేఈ నేపథ్యంలో ఆస్ట్రేలియా మాజీ స్పిన్నర్‌ బ్రాడ్‌ హాగ్‌ చేసిన వ్యాఖ్యలు వైరల్‌ అవుతున్నాయి. టోర్నీ ఆరంభం నుంచి సౌతాఫ్రికా అద్బుతంగా ఆడిందన్న ఈ కంగారూ క్రికెటర్‌.. రీజా హెండ్రిక్స్‌, హెన్రిచ్‌ క్లాసెన్‌తో పాటు స్పిన్‌ దళం మ్యాజిక్‌ చేసిందని కొనియాడాడు.ముఖ్యంగా హెండ్రిక్స్‌ సూపర్‌గా ఆడుతున్నాడని.. అఫ్గనిస్తాన్‌తో మ్యాచ్‌లో అతడు అదరగొట్టి ఫైనల్‌కు చేర్చుతాడని విశ్వాసం వ్యక్తం చేశాడు. కెప్టెన్‌ ఐడెన్‌ మార్క్రమ్‌ కెప్టెన్సీ నైపుణ్యాలు అమోఘమన్న బ్రాడ్‌ హాగ్‌.. ప్రొటిస్‌ జట్టు అన్ని విభాగాల్లో సమతూకంగా ఉందన్నాడు.సౌతాఫ్రికా సెమీస్‌లో గనుక అఫ్గనిస్తాన్‌ను ఓడిస్తే ఈసారి టైటిల్‌ వాళ్లదేనంటూ బ్రాడ్‌ హాగ్‌ జోస్యం చెప్పాడు. కాగా తొలి సెమీస్‌లో సౌతాఫ్రికా- బంగ్లాదేశ్‌ తలపడనుండగా.. రెండో సెమీస్‌ ఫైనల్లో టీమిండియా- ఇంగ్లండ్‌ తాడోపేడో తేల్చుకోనున్నాయి.చదవండి: ట్రోఫీ గెలిచే అర్హత అతడికే ఉంది: షోయబ్‌ అక్తర్‌

అఫ్గనిస్తాన్‌ క్రికెట్‌ జట్టు అద్భుతం చేసింది. తొలిసారి ప్రపంచకప్‌ సెమీ ఫైనల్లో అడుగుపెట్టింది. టీ20 వరల్డ్‌కప్‌-2024 సూపర్‌-8 మ్యాచ్‌లో భాగంగా బంగ్లాదేశ్‌ను చిత్తు చేసి ఈ మేరకు చరిత్ర సృష్టించింది. View this post on Instagram A post shared by ICC (@icc)అంతేకాదు అఫ్గన్‌ దెబ్బకు.. టైటిల్‌ ఫేవరెట్లలో ఒకటైన ఆస్ట్రేలియా టోర్నీ నుంచే నిష్క్రమించింది. దీంతో అఫ్గనిస్తాన్‌లో సంబరాలు అంబరాన్నంటాయి. ఆటగాళ్లు సైతం తీవ్ర భావోద్వేగంలో మునిగిపోయారు. View this post on Instagram A post shared by ICC (@icc)నమ్మశక్యం కాని రీతిలోఇక చారిత్రాత్మక విజయానంతరం అఫ్గనిస్తాన్‌ కెప్టెన్‌ రషీద్‌ ఖాన్‌ మాట్లాడుతూ ఆసక్తికర వ్యాఖ్యలు చేశాడు. సెమీస్‌ చేరడం ఓ కలలాగా ఉందని సంభ్రమాశ్చర్యాలకు లోనయ్యాడు. నమ్మశక్యం కాని రీతిలో న్యూజిలాండ్‌ను ఓడించామని.. ఇప్పుడిలా ఇక్కడిదాకా చేరుకున్నామని హర్షం వ్యక్తం చేశాడు.ఈ సంతోష సమయంలో తనకు అసలు ఏం మాట్లాడాలో కూడా అర్థం కావడం లేదని రషీద్‌ ఖాన్‌ ఆనందంతో ఉబ్బితబ్బిబ్బయ్యాడు. తమ జట్టును చూస్తే తనకు గర్వంగా ఉందని పేర్కొన్నాడు. ప్రతి ఒక్కరు తమ పాత్రను సమర్థవంతంగా పోషించారని.. టీ20 ఫార్మాట్లో ముఖ్యంగా తమ బౌలర్లు అద్భుతంగా ఆడుతున్నారని కొనియాడాడు.ఇలా తొలిసారి సెమీ ఫైనల్లోఅండర్‌-19 వరల్డ్‌కప్‌లో సెమీస్‌ చేరిన ఘనత అఫ్గనిస్తాన్‌కు ఉందని.. అయితే, మెగా టోర్నీలో ఇలా తొలిసారి సెమీ ఫైనల్లో అడుగుపెట్టిన అనుభూతిని మాటల్లో వర్ణించలేనని పేర్కొన్నాడు.అదే విధంగా.. తమపై నమ్మకం ఉంచిన ఏకైక వ్యక్తి బ్రియన్‌ లారా అంటూ ఈ సందర్భంగా రషీద్‌ ఖాన్‌ వెస్టిండీస్‌ దిగ్గజానికి కృతజ్ఞతలు తెలిపాడు. ఆయన నమ్మకాన్ని నిలబెడతామని చెప్పానని.. అందుకు తగ్గట్లుగానే తమ జట్టు విజయం సాధించిందని పేర్కొన్నాడు. View this post on Instagram A post shared by ICC (@icc)మేము సెమీ ఫైనల్‌ చేరతామని చెప్పిన ఏకైక వ్యక్తి‘‘మేము సెమీ ఫైనల్‌ చేరతామని చెప్పిన ఏకైక వ్యక్తి బ్రియన్‌ లారా. ఆయన మాటలు నిజమని మేము రుజువు చేశాం. వెల్‌కమ్‌ పార్టీ సమయంలో లారాను కలిసినపుడు.. మీ నమ్మకం నిజం చేస్తామని చెప్పాను’’ అంటూ రషీద్‌ ఉద్వేగానికి లోనయ్యాడు.కాగా టీ20 ప్రపంచకప్‌-2024 సెమీ ఫైనలిస్టు అంచనాల నేపథ్యంలో చాలా మంది మాజీ క్రికెటర్లు.. టీమిండియాతో పాటు సౌతాఫ్రికా, ఇంగ్లండ్‌, ఆస్ట్రేలియా లేదంటే న్యూజిలాండ్‌ పేర్లు చెప్పారు. అయితే, లారా మాత్రం ఈసారి అఫ్గనిస్తాన్‌ కచ్చితంగా టాప్‌-4లో చేరుతుందని అంచనా వేశాడు. ఇప్పుడదే నిజమైంది.కాగా గ్రూప్‌ దశలో గ్రూప్‌-సిలో ఉన్న అఫ్గనిస్తాన్‌ నాలుగింట మూడు విజయాలతో సూపర్‌-8లో అడుగుపెట్టింది. ఇక ఇందులో గ్రూప్‌-1లో భాగమైన రషీద్‌ ఖాన్‌ బృందం.. ఆస్ట్రేలియా, బంగ్లాదేశ్‌లను ఓడించి సెమీస్‌కు చేరుకుంది.చదవండి: T20 World Cup 2024 IND VS AUS: సెంచరీ గురించి ఆలోచనే లేదు.. రోహిత్‌

టీ20 వ‌ర‌ల్డ్‌క‌ప్‌-2024 సెమీఫైన‌ల్లో భార‌త జ‌ట్టు అడుగుపెట్టింది. ఈ మెగా టోర్నీ సూప‌ర్‌-8లో భాగంగా సెయింట్ లూసియా వేదిక‌గా ఆస్ట్రేలియాతో జ‌రిగిన మ్యాచ్‌లో 24 ప‌రుగుల తేడాతో విజ‌యం సాధించిన భార‌త్.. గ్రూపు-1 నుంచి త‌మ సెమీస్ బెర్త్‌ను ఖారారు చేసుకుంది. 206 పరుగుల భారీ లక్ష్యంతో బరిలోకి దిగిన ఆసీస్‌ నిర్ణీత 20 ఓవర్లలో 7 వికెట్లు కోల్పోయి 181 పరుగులు మాత్రమే చేయగల్గింది. ఓ దశలో ట్రావిస్‌ హెడ్ క్రీజులో ఉన్నంతసేపు ఆసీస్‌దే విజయమని అంతా భావించారు. కానీ 17 ఓవర్‌ వేసిన బుమ్రా అద్బుతమైన బంతితో హెడ్‌ను బోల్తా కొట్టించడంతో మ్యాచ్‌ స్వరూపామే మారిపోయింది. అంతకుముందు ఓవర్‌ అ‍ర్ష్‌దీప్‌ కూడా అద్బుతంగా బౌలింగ్‌ చేశాడు. ఇక ఆసీస్‌ బ్యాటర్లలో ట్రావిస్‌ హెడ్‌(76) పరుగులతో టాప్‌ స్కోరర్‌గా నిలవగా.. మార్ష్‌(37) పరుగులతో పర్వాలేదన్పించాడు.భారత బౌలర్లలో అర్ష్‌దీప్ ‌ సింగ్‌ మూడు వికెట్లు పడగొట్టగా.. కుల్దీప్‌ యాదవ్‌ రెండు, బుమ్రా, అక్షర్‌ పటేల్‌ తలా ఒక్క వికెట్‌ సాధించారు. ఇక టాస్ ఓడి తొలుత బ్యాటింగ్ చేసిన టీమిండియా నిర్ణీత 20 ఓవ‌ర్ల‌లో 5 వికెట్ల న‌ష్టానికి 205 ప‌రుగులు చేసింది. భార‌త బ్యాట‌ర్ల‌లో కెప్టెన్ రోహిత్ శ‌ర్మ(92) టాప్ స్కోర‌ర్‌గా నిల‌వ‌గా.. సూర్య‌కుమార్ యాద‌వ్‌(31), శివ‌మ్ దూబే(28) ప‌రుగుల‌తో రాణించారు. ఆసీస్ బౌల‌ర్ల‌లో స్టార్క్‌, స్టోయినిష్ త‌లా రెండు వికెట్లు సాధించ‌గా.. హాజిల్ వుడ్ త‌లా వికెట్ ప‌డ‌గొట్టారు. ఇక ఈ మ్యాచ్‌లో ఓటమి పాలైన ఆస్ట్రేలియా.. అఫ్గానిస్తాన్‌-బంగ్లాదేశ్ ఫలితం కోస ఎదురుచూడాల్సిన పరిస్థితి ఏర్పడింది. బంగ్లాదేశ్‌పై అఫ్గానిస్తాన్ గెలిస్తే ఆసీస్ ఇంటిముఖం పడుతోంది. గ్రూపు-1 నుంచి రెండో జట్టుగా అఫ్గానిస్తాన్ సెమీస్‌కు చేరుతోంది.

బ్రిడ్జ్‌టౌన్‌: ఆల్‌రౌండ్‌ ప్రదర్శనతో చెలరేగిపోయిన డిఫెండింగ్‌ చాంపియన్‌ ఇంగ్లండ్‌ జట్టు టి20 ప్రపంచకప్‌లో సెమీఫైనల్లోకి దూసుకెళ్లింది. అమెరికా జట్టుతో ఆదివారం జరిగిన గ్రూప్‌–2 ‘సూపర్‌–8’ మ్యాచ్‌లో ఇంగ్లండ్‌ 10 వికెట్ల తేడాతో గెలిచింది. తొలుత బ్యాటింగ్‌కు దిగిన అమెరికా 18.5 ఓవర్లలో 115 పరుగులకు ఆలౌటైంది. నితీశ్‌ (24 బంతుల్లో 30; 1 ఫోర్, 2 సిక్స్‌లు), కోరె అండర్సన్‌ (28 బంతుల్లో 29; 1 సిక్స్‌) రాణించారు. ఇంగ్లండ్‌ బౌలర్‌ క్రిస్‌ జోర్డాన్‌ ‘హ్యాట్రిక్‌’ నమోదు చేశాడు. జోర్డాన్‌ 2.5 ఓవర్లలో కేవలం 10 పరుగులిచ్చి 4 వికెట్లు తీశాడు. ఇన్నింగ్స్‌ 19వ ఓవర్‌లో జోర్డాన్‌ 5 బంతుల్లో 4 వికెట్లు పడగొట్టాడు. 19వ ఓవర్‌ తొలి బంతికి అండర్సన్‌ను అవుట్‌ చేసిన జోర్డాన్‌... మూడో బంతికి అలీఖాన్‌ను, నాలుగో బంతికి కెనిజిగెను, ఐదో బంతికి నేత్రావల్కర్‌ను అవుట్‌ చేసి ‘హ్యాట్రిక్‌’ పూర్తి చేసుకున్నాడు. బట్లర్‌ మెరుపులు 116 పరుగుల లక్ష్యంతో బరిలోకి దిగిన ఇంగ్లండ్‌ 9.4 ఓవర్లలో వికెట్‌ నష్టపోకుండా 117 పరుగులు చేసి గెలిచింది. కెప్టెన్‌ జోస్‌ బట్లర్‌ (38 బంతుల్లో 83 నాటౌట్‌; 6 ఫోర్లు, 7 సిక్స్‌లు), ఫిల్‌ సాల్ట్‌ (21 బంతుల్లో 25 నాటౌట్‌; 2 ఫోర్లు) మెరిపించారు. అమెరికా బౌలర్‌ హర్మీత్‌ సింగ్‌ వేసిన తొమ్మిదో ఓవర్లో బట్లర్‌ ఏకంగా 5 సిక్స్‌లు కొట్టాడు. ఈ గెలుపుతో ఇంగ్లండ్‌ 4 పాయింట్లతో సెమీఫైనల్‌ చేరుకుంది. నేడు దక్షిణాఫ్రికా, వెస్టిండీస్‌ జట్ల మధ్య జరిగే మ్యాచ్‌లో నెగ్గిన జట్టు గ్రూప్‌–2 నుంచి రెండో జట్టుగా సెమీఫైనల్‌ చేరుకుంటుంది.

టీ20 ప్రపంచకప్‌ 2024లో అజేయ జట్టుగా ఉన్న సౌతాఫ్రికాకు ఏ జట్టుకు ఎదురుకాని కష్టం వచ్చి పడింది. ఆ జట్టు ఒకే ఒక్క మ్యాచ్‌లో ఓడితే ఏకంగా టోర్నీ నుంచే నిష్క్రమించే ప్రమాదంలో పడుతుంది. ప్రస్తుత ప్రపంచకప్‌లో సౌతాఫ్రికా ఇప్పటివరకు ఆడిన 6 మ్యాచ్‌ల్లో గెలిచినా సెమీస్‌ అవకాశాలు ఇంకా సంక్లిష్టంగానే ఉన్నాయి. ఆ జట్టు సూపర్‌-8లో తమ చివరి మ్యాచ్‌లో ఓడితే ఏకంగా టోర్నీ నుంచి నిష్క్రమించే ప్రమాదం ఉంది.గ్రూప్‌ దశలో అన్ని మ్యాచ్‌లు.. సూపర్‌-8లో రెండు మ్యాచ్‌లు గెలిచినా కేవలం ఒక్క ఓటమే సౌతాఫ్రికా కొంపముంచుతుంది. ఆ జట్టుకు ఇలాంటి అనుభవాలు కొత్త కానప్పటికీ.. ఈసారి మాత్రం జాగ్రత్తగా ఉండకపోతే మాత్రం మంచి జట్టు కలిగి ఉండి కూడా ప్రపంచకప్‌ గెలిచే సువర్ణావకాశాన్ని చేజార్చుకుంటుంది.ఇలా జరిగిందా..గ్రూప్‌-2లో భాగంగా సౌతాఫ్రికా రేపు (జూన్‌ 24) ఉదయం 6 గంటలకు (భారతకాలమానం ప్రకారం) జరుగబోయే మ్యాచ్‌లో ఆతిథ్య వెస్టిండీస్‌తో తలపడాల్సి ఉంది. ఈ మ్యాచ్‌లో సౌతాఫ్రికా ఓడి.. దీనికి ముందు జరిగే మ్యాచ్‌లో యూఎస్‌ఏపై ఇంగ్లండ్‌ 10 కంటే ఎక్కువ పరుగులు లేదా ఓవర్‌ మార్జిన్‌ తేడాతో గెలిస్తే.. వెస్టిండీస్‌, ఇంగ్లండ్‌ జట్లు సెమీస్‌కు చేరతాయి.అదెలా అంటే.. యూఎస్‌ఏపై ఇంగ్లండ్‌, సౌతాఫ్రికాపై వెస్టిండీస్‌ గెలిస్తే.. అప్పుడు మూడు జట్ల (వెస్టిండీస్‌, ఇంగ్లండ్‌, సౌతాఫ్రికా) ఖాతాల్లో తలో నాలుగేసి పాయింట్లు ఉంటాయి. అప్పుడు నెట్‌ రన్‌రేట్‌ ఆధారంగా వెస్టిండీస్‌, ఇంగ్లండ్‌ జట్లు సెమీస్‌కు చేరతాయి. సౌతాఫ్రికా ఇంటిముఖం పడుతుంది. ఇలా జరగకుండా ఉండాలంటే ఇంగ్లండ్‌పై యూఎస్‌ఏ అయినా గెలవాలి లేదా విండీస్‌పై సౌతాఫ్రికా అయినా గెలవాలి.

టీ20 వరల్డ్‌కప్‌ 2024 సూపర్‌-8 దశలో పెను సంచనలం నమోదైన విషయం తెలిసిందే. గ్రూప్‌-1లో భాగంగా ఇవాళ (జూన్‌ 23) జరిగిన మ్యాచ్‌లో అండర్‌ డాగ్‌ ఆఫ్ఘనిస్తాన్‌.. మాజీ ఛాంపియన్‌ ఆస్ట్రేలియాకు ఊహించని షాకిచ్చింది. ఈ మ్యాచ్‌లో ఓటమితో ఆస్ట్రేలియా సెమీస్‌ అవకాశాలను సంక్లిష్టం చేసుకోగా.. ఆడిన రెండు మ్యాచ్‌ల్లో ఒ‍కటి గెలిచి, ఒకదాంట్లో ఓడిన (భారత్‌ చేతిలో) ఆఫ్ఘనిస్తాన్‌ సెమీస్‌ అవకాశాలను మెరుగుపర్చుకుంది.ఇలా జరిగితే ఆసీస్‌ ఇంటికే..!భారత్‌తో జరుగబోయే మ్యాచ్‌లో ఆస్ట్రేలియా ఓడి.. ఆతర్వాత జరుగబోయే మ్యాచ్‌లో బంగ్లాదేశ్‌పై ఆఫ్ఘనిస్తాన్‌ విజయం సాధిస్తే.. ఆస్ట్రేలియా ఇంటికి, ఆఫ్ఘనిస్తాన్‌ సెమీస్‌కు చేరుతాయి.ఇలా జరిగినా ఆసీస్‌ ఇంటికే..!ఒకవేళ భారత్‌తో రేపు జరిగే మ్యాచ్‌లో ఆసీస్‌ ఓ మోస్తరు తేడాతో గెలుపొందినా సెమీస్‌ చేరుతుందన్న నమ్మకం లేదు. ఎందుకంటే.. తదుపరి బంగ్లాదేశ్‌తో జరిగే మ్యాచ్‌లో ఆఫ్ఘనిస్తాన్‌ భారీ తేడాతో గెలిస్తే.. అప్పుడు భారత్‌, ఆసీస్‌, ఆఫ్ఘన్‌ ఖాతాలో చెరి నాలుగు పాయింట్లు ఉంటాయి. నెట్‌ రన్‌రేట్‌ ఆధారంగా భారత్‌, ఆఫ్ఘనిస్తాన్‌ సెమీస్‌కు చేరుకుంటాయి. ప్రస్తుతం భారత్‌ నెట్‌ రన్‌ రేట్‌ (2.425) మిగతా జట్లకంటే మెరుగ్గా ఉంది కాబట్టి.. ఆస్ట్రేలియా చేతిలో ఓడినా టీమిండియా సెమీస్‌ అవకాశాలకు ఎలాంటి ఢోకా ఉండదు. బంగ్లాదేశ్‌పై భారీ విజయం​ సాధిస్తే అప్పుడు భారత్‌తో పాటు ఆఫ్ఘన్‌ సెమీస్‌కు చేరుతుం‍ది. ఆసీస్‌ సెమీస్‌కు చేరాలంటే ఇలా జరగాలి..గ్రూప్‌-1 నుంచి ఆసీస్‌ సెమీస్‌కు చేరాలంటే రేపు జరుగబోయే మ్యాచ్‌లో భారత్‌ను ఓడించాలి. అలాగే బంగ్లాదేశ్‌ చేతిలో ఆఫ్ఘనిస్తాన్‌ ఓడిపోవాలి. ఇలా జరిగితే భారత్‌, ఆసీస్‌ సెమీస్‌కు చేరుకుంటాయి. ఆఫ్ఘనిస్తాన్‌ ఇంటి ముఖం పడుతుంది. ఆడిన రెండు మ్యాచ్‌ల్లో ఓడిన బంగ్లాదేశ్‌ సెమీస్‌కు చేరడం దాదాపుగా అసాధ్యమనే చెప్పాలి. అయితే టెక్నికల్‌గా ఆ జట్టుకు కూడా ఇంకా సెమీస్‌ అవకాశాలు ఉన్నాయి (ఆస్ట్రేలియాపై భారత్‌.. ఆఫ్ఘనిస్తాన్‌పై బంగ్లాదేశ్‌ భారీ తేడాలతో గెలవాలి).

టీ20 వరల్డ్‌కప్‌ 2024 గ్రూప్‌-2కు సంబంధించిన సూపర్‌-8 బెర్త్‌లు ఖరారయ్యాయి. నమీబియాపై ఇంగ్లండ్‌.. స్కాట్లాండ్‌పై ఆస్ట్రేలియా విజయాలు సాధించడంతో గ్రూప్‌-బిలో రెండో బెర్త్‌ ఖరారైంది. ఈ గ్రూప్‌ నుంచి నెట్‌ రేట్‌ ఆధారంగా ఇంగ్లండ్‌ సూపర్‌-8 రెండో బెర్త్‌ ఖరారు చేసుకుగా.. ఆసీస్‌ ఇదివరకే గ్రూప్‌-బి నుంచి సూపర్‌-8కు అర్హత సాధించింది.సూపర్‌-8 గ్రూప్‌ 2లో గ్రూప్‌-ఏ నుంచి యూఎస్‌ఏ (A2).. గ్రూప్‌-బి నుంచి ఇంగ్లండ్‌ (B2).. గ్రూప్‌-సి నుంచి వెస్టిండీస్‌ (C2).. గ్రూప్‌-డి నుంచి సౌతాఫ్రికా (D1) జట్లు ఉన్నాయి. గ్రూప్‌-2లోని ఈ నాలుగు జట్లు మిగతా మూడు జట్లతో తలో మ్యాచ్‌ ఆడతాయి. అన్ని మ్యాచ్‌లు ముగిశాక మొదటి రెండు స్థానాల్లో ఉండే జట్లు సెమీస్‌కు అర్హత సాధిస్తాయి.సూపర్‌-8లో గ్రూప్‌-2 మ్యాచ్‌లు..జూన్‌ 19- యూఎస్‌ఏ వర్సెస్‌ సౌతాఫ్రికా (ఆంటిగ్వా)జూన్‌ 19- ఇంగ్లండ్‌ వర్సెస్‌ వెస్టిండీస్‌ (సెయింట్‌ లూసియా)జూన్‌ 21- ఇంగ్లండ్‌ వర్సెస్‌ సౌతాఫ్రికా (సెయింట్‌ లూసియా)జూన్‌ 21- యూఎస్‌ఏ వర్సెస్‌ వెస్టిండీస్‌ (బార్బడోస్‌)జూన్‌ 23- యూఎస్‌ఏ వర్సెస్‌ ఇంగ్లండ్‌ (బార్బడోస్‌)జూన్‌ 23- వెస్టిండీస్‌ వర్సెస్‌ సౌతాఫ్రికా (ఆంటిగ్వా)ఇదిలా ఉంటే, సూపర్‌-8 గ్రూప్‌-1కు సంబంధించిన బెర్త్‌లు కూడా దాదాపుగా ఖరారయ్యాయి. గ్రూప్‌-1లో గ్రూప్‌-ఏ నుంచి భారత్‌ (A1).. గ్రూప్‌-బి నుంచి ఆస్ట్రేలియా (B1).. గ్రూప్‌-సి నుంచి ఆఫ్ఘనిస్తాన్‌ (C1).. గ్రూప్‌-డి నుంచి బంగ్లాదేశ్‌ లేదా నెదర్లాండ్స్‌ (D2) జట్లు ఉంటాయి. ఇవాళ (జూన్‌ 16) జరిగే గ్రూప్‌-డి మ్యాచ్‌లో నేపాల్‌పై విజయం సాధిస్తే బంగ్లాదేశ్‌ సూపర్‌-8కు (గ్రూప్‌-1) అర్హత సాధిస్తుంది.సూపర్‌-8లో గ్రూప్‌-1 మ్యాచ్‌లు..జూన్‌ 20- ఆఫ్ఘనిస్తాన్‌ వర్సెస్‌ ఇండియా (బార్బడోస్‌)జూన్‌ 20- ఆస్ట్రేలియా వర్సెస్‌ D2 (బంగ్లాదేశ్‌ లేదా నెదర్లాండ్స్‌) (ఆంటిగ్వా)జూన్‌ 22- ఇండియా వర్సెస్‌ D2 (బంగ్లాదేశ్‌ లేదా నెదర్లాండ్స్‌) (ఆంటిగ్వా)జూన్‌ 22- ఆఫ్ఘనిస్తాన్‌ వర్సెస్‌ ఆస్ట్రేలియా (సెయింట్‌ విన్సెంట్‌)జూన్‌ 24- ఆస్ట్రేలియా వర్సెస్‌ ఇండియా (సెయింట్‌ లూసియా)జూన్‌ 24- ఆఫ్ఘనిస్తాన్‌ వర్సెస్‌ D2 (బంగ్లాదేశ్‌ లేదా నెదర్లాండ్స్‌) (సెయింట్‌ విన్సెంట్‌)

ఐపీఎల్‌-2024 ముగిసిన వారం రోజుల‌కే మ‌రో క్రికెట్ మ‌హాసంగ్రామానికి తెర‌లేవ‌నుంది. జూన్ 1 నంచి అమెరికా, వెస్టిండీస్‌ల వేదిక‌గా టీ20 వ‌ర‌ల్డ్‌క‌ప్‌-2024 ప్రారంభం కానుంది. తొలి మ్యాచ్‌లో డ‌ల్లాస్ వేదిక‌గా అమెరికా, కెన‌డా జ‌ట్లు త‌ల‌ప‌డ‌నున్నాయి.అయితే ఈ మెగా ఈవెంట్‌కు స‌బంధించి ఓ ఆస‌క్తికర‌ వార్త తెర‌పైకి వ‌చ్చింది. ఈ మెగా టోర్నీలో సెకెండ్ సెమీఫైన‌ల్‌కు రిజర్వ్ డే ఉండదని ప్ర‌ముఖ క్రికెట్ వెబ్‌సైట్‌ క్రిక్‌బజ్ త‌మ రిపోర్ట్‌లో పేర్కొంది. సాధ‌ర‌ణంగా ఐసీసీ ఈవెంట్‌ల‌లో నాకౌట్ గేమ్‌లకు రిజర్వ్ డే క‌చ్చితంగా ఉంటుంది. కానీ ఈ ఏడాది టీ20 వ‌ర‌ల్డ్‌క‌ప్ షెడ్యూల్ ప్ర‌కారం.. రెండో సెమీఫైన‌ల్‌కు, ఫైన‌ల్ పోరుకు మ‌ధ్య కేవ‌లం ఒక రోజు మాత్రమే గ్యాప్ ఉంది. ఈ క్ర‌మంలోనే ఐసీసీ సెకెండ్ సెమీఫైన‌ల్‌కు రిజ‌ర్వ్‌డేను కెటాయించ‌లేద‌ని క్రిక్‌బజ్ తెలిపింది. అయితే రిజ‌ర్వ్ డే బ‌ద‌లుగా 250 నిమిషాల అదనపు సమయాన్ని ఐసీసీ, వెండీస్ క్రికెట్ బోర్డులు కెటాయించిన‌ట్లు తెలుస్తోంది. గ‌యానా వేదిక‌గా రెండో సెమీఫైన‌ల్ జ‌ర‌గ‌నుంది. ఒక‌వేళ ఈ మ్యాచ్‌కు వ‌ర్షం అంత‌రాయం క‌లిగించే నిర్ణీత స‌మ‌యంలో మ్యాచ్ ఫినిష్ కాక‌పోతే.. మ‌రో నాలుగు గంట‌ల స‌మ‌యాన్ని ప‌రిగ‌ణ‌లోకి తీసుకుంటారు. అంటే అంపైర్‌లు మ్యాచ్‌ను ముగించడానికి దాదాపు ఎనిమిది గంటల స‌మ‌యం ఉంటుంది.

Swiss Open Super 300 badminton tournament- బాసెల్‌ (స్విట్జర్లాండ్‌): స్విస్‌ ఓపెన్‌ సూపర్‌–300 బ్యాడ్మింటన్‌ టోర్నమెంట్‌లో భారత స్టార్‌ షట్లర్‌ కిడాంబి శ్రీకాంత్‌ సెమీఫైనల్లోకి దూసుకెళ్లాడు. క్వార్టర్‌ ఫైనల్లో అతను 21–10, 21–14తో చియా హా లీ (చైనీస్‌ తైపీ)ని వరుస గేముల్లో కంగుతినిపించాడు. తద్వారా పదహారు నెలల కాలం తర్వాత తొలిసారి ఓ టోర్నీ సెమీస్‌లో అడుగుపెట్టాడు. ఇక శనివారం జరుగనున్న సెమీ ఫైనల్లో చైనీస్‌ తైపీ, వరల్డ్‌ నంబర్‌ 22 లిన్‌ చున్‌ యీని కిడాంబి శ్రీకాంత్‌ ఎదుర్కోనున్నాడు. అంతకు ముందు పురుషుల ప్రిక్వార్టర్‌ ఫైనల్లో అన్‌సీడెడ్‌ శ్రీకాంత్‌ 21–16, 21–15తో మలేసియన్‌ టాప్‌ సీడ్‌ ప్లేయర్‌ లీ జీ జియాను వరుస గేముల్లో కంగు తినిపించిన విషయం తెలిసిందే. పీవీ సింధుకు చుక్కెదురు మరోవైపు.. రెండు ఒలింపిక్‌ పతకాల విజేత పూసర్ల వెంకట సింధు, లక్ష్యసేన్‌లకు ప్రి క్వార్టర్‌ ఫైనల్లోనే చుక్కెదురైంది. ఏడో సీడ్‌ లక్ష్యసేన్‌ 17–21, 15–21తో చియా హా లీ (చైనీస్‌ తైపీ) జోరుకు నిలువలేకపోయాడు. మహిళల ప్రిక్వార్టర్స్‌లో నాలుగో సీడ్‌ సింధు 21–16, 19–21, 16–21తో జూనియర్‌ ప్రపంచ చాంపియన్, 17 ఏళ్ల టొమొకా మియజకి (జపాన్‌) చేతిలో పరాజయం చవిచూడగా, మహిళల డబుల్స్‌లో 8వ సీడ్‌ గాయత్రి–ట్రెసా జాలీ జంట 14–21, 15–21తో సెటియాన–ఎంజెలా యూ (ఆస్ట్రేలియా) జోడీ చేతిలో కంగుతింది. మిక్స్‌డ్‌ డబుల్స్‌ ప్రిక్వార్టర్స్‌లో సిక్కిరెడ్డి–సుమిత్‌ రెడ్డి జంట 11–21, 14–21తో రాబిన్‌ టాబెలింగ్‌–సెలెనా పేక్‌ (నెదర్లాండ్స్‌) జోడీ చేతిలో ఓడింది. 

DK Fumes As Tamil Nadu Coach 'Throws Captain Under The Bus': తమిళనాడు క్రికెట్‌ కోచ్‌ సులక్షణ్‌ కులకర్ణి తీరుపై టీమిండియా వెటరన్‌ క్రికెటర్‌ దినేశ్‌ కార్తిక్‌ మండిపడ్డాడు. జట్టు ఓటమికి కెప్టెన్‌ను బాధ్యుడిని చేసేలా స్వార్థపూరితంగా మాట్లాడటం కోచ్‌ స్థాయికి తగదని చురకలు అంటించాడు.  కాగా రంజీ ట్రోఫీ 2023-24లో భాగంగా ముంబైతో జరిగిన సెమీ ఫైనల్లో తమిళనాడు ఓటమిపాలై.. టోర్నీ నుంచి నిష్క్రమించింది. ఇన్నింగ్స్‌ 70 పరుగుల భారీ తేడాతో ఓడి ఇంటిబాటపట్టింది. ఈ నేపథ్యంలో తమిళనాడు కోచ్‌ సులక్షణ్‌ కులకర్ణి స్పందిస్తూ.. కెప్టెన్‌ ఆర్‌.సాయి కిషోర్‌ నిర్ణయాలను తప్పుబట్టాడు. ఓ ముంబైకర్‌గా నాకన్నీతెలుసు.. కానీ టాస్‌ గెలిచినప్పుడు తొలుత బ్యాటింగ్‌ ఎంచుకుని పొరపాటు చేశాడని విమర్శించాడు. ఈ మేరకు.. ‘‘ఆరోజు వికెట్‌ను నేను గమనించాను. కోచ్‌గా, మంబైకర్‌(ముంబైకి చెందినవాడు)గా అక్కడి పిచ్‌ పరిస్థితులపై నాకు పూర్తి అవగాహన ఉంది.  టాస్‌ గెలిచినపుడు బౌలింగ్‌ చేయించాలని అనుకుంటే.. మా కెప్టెన్‌ మాత్రం తనకు నచ్చినట్లుగా నిర్ణయం తీసుకున్నాడు. ఏదేమైనా బాస్‌ అతడే. అతడి నిర్ణయమే ఫైనల్‌. కేవలం ఇన్‌పుట్స్‌, ఫీడ్‌బ్యాక్‌ ఇవ్వడం వరకే నేను పరిమితం’’ అని సులక్షణ్‌ ఈఎస్‌పీఎన్‌క్రిక్‌ఇన్ఫోతో పేర్కొన్నాడు.  నిజానికి తాము మొదటి రోజు ఆట టాస్‌ సమయంలోనే ఓడిపోయామంటూ సాయి కిషోర్‌ను ఓటమికి బాధ్యుడిని చేసేలా వ్యాఖ్యలు చేశాడు. ఈ విషయంపై దినేశ్‌ కార్తిక్‌ ఎక్స్‌ వేదికగా స్పందించాడు. కోచ్‌కు ఇంత స్వార్థం పనికిరాదు.. ‘‘ఇలా మాట్లాడటం కచ్చితంగా తప్పే. కోచ్‌ నుంచి ఇలాంటి మాటలు వినాల్సి రావడం నన్ను నిరాశకు గురిచేసింది. ఏడేళ్ల తర్వాత తొలిసారి జట్టును రంజీ సెమీస్‌ వరకు తీసుకువచ్చిన కెప్టెన్‌ను అభినందించాల్సింది పోయి.. ఇలా కోచే స్వయంగా.. బహిరంగంగా అతడిని విమర్శించడం సరికాదు’’ అని తమిళనాడు వికెట్‌ కీపర్‌ బ్యాటర్‌ డీకే ఆగ్రహం వ్యక్తం చేశాడు.  This is soo WRONG This is so disappointing from the coach ..instead of backing the captain who has brought the team to the semis after 7 yrs and thinking it's a start for good things to happen, the coach has absolutely thrown his captain and team under the bus 👎🏽👎🏽👎🏽👎🏽👎🏽 https://t.co/Ii61X7Ajqs — DK (@DineshKarthik) March 5, 2024 తమిళనాడు ఆట ముగిసిందిలా.. ఫైనల్లో ముంబై రంజీ ట్రోఫీలో తమ ఆధిపత్యాన్ని చాటుకుంటూ 41 సార్లు చాంపియన్‌ ముంబై జట్టు 47వ సారి ఫైనల్లోకి దూసుకెళ్లింది. సొంతమైదానంలో తమిళనాడుతో జరిగిన తొలి సెమీఫైనల్లో ముంబై ఇన్నింగ్స్‌ 70 పరుగుల తేడాతో ఘనవిజయం సాధించింది. ఓవర్‌నైట్‌ స్కోరు 353/9తో మూడో రోజు తొలి ఇన్నింగ్స్‌ కొనసాగించిన ముంబై 106.5 ఓవర్లలో 378 పరుగులకు ఆలౌటైంది.  తమిళనాడు బౌలర్లలో కెప్టెన్‌ సాయికిశోర్‌ 6 వికెట్లు తీసుకున్నాడు. అనంతరం 232 పరుగులతో వెనుకబడి రెండో ఇన్నింగ్స్‌ ప్రారంభించిన తమిళనాడు షమ్స్‌ ములానీ (4/53), శార్దుల్‌ ఠాకూర్‌ (2/16), మోహిత్‌ (2/26), తనుష్‌ (2/18) ధాటికి 162 పరుగులకే కుప్పకూలి ఓడిపోయింది. శార్దుల్‌ ఠాకూర్‌కు ‘ప్లేయర్‌ ఆఫ్‌ ద మ్యాచ్‌’ అవార్డు లభించింది.  చదవండి: గోపీచంద్‌ అకాడమీకి బైబై..!.. అమెరికాకు పయనం!

ముంబై: రంజీ ట్రోఫీ సెమీ ఫైనల్‌లో ముంబై సమష్టి బౌలింగ్‌ ప్రదర్శనతో తమిళనాడును పడగొట్టింది. మ్యాచ్‌ తొలి రోజు టాస్‌ గెలిచి బ్యాటింగ్‌కు దిగిన తమిళనాడు తొలి ఇన్నింగ్స్‌లో 64.1 ఓవర్లలో 146 పరుగులకే ఆలౌటైంది. విజయ్‌ శంకర్‌ (44), వాషింగ్టన్‌ సుందర్‌ (43) కొంత పోరాడినా...మిగతావారంతా విఫలమయ్యారు. ముంబై బౌలర్లలో తుషార్‌ పాండే 24 పరుగులిచ్చి 3 వికెట్లు పడగొట్టగా...      తనుష్‌ కొటియాన్, ముషీర్‌ ఖాన్, శార్దుల్‌ ఠాకూర్‌ తలా 2 వికెట్లు తీశారు. అనంతరం ముంబై బ్యాటింగ్‌ కూడా తడబడింది. శనివారం ఆట ముగిసే సమయానికి ముంబై తమ తొలి ఇన్నింగ్స్‌లో 2 వికెట్లు కోల్పోయి 45 పరుగులు చేసింది. పృథ్వీ షా (5) విఫలం కాగా...ముïÙర్‌ ఖాన్‌ (24 బ్యాటింగ్‌) క్రీజ్‌లో ఉన్నాడు. రంజీ ట్రోఫీ మ్యాచ్‌లో ఆడని కారణంగా బీసీసీఐ కాంట్రాక్ట్‌ను కోల్పోయిన భారత బ్యాటర్‌ శ్రేయస్‌ అయ్యర్‌ ఈ సెమీ ఫైనల్‌ మ్యాచ్‌లో బరిలోకి దిగాడు.    విదర్భ 170 ఆలౌట్‌...  నాగ్‌పూర్‌: మధ్యప్రదేశ్‌ పేస్‌ బౌలర్‌ అవేశ్‌ ఖాన్‌ (4/49) పదునైన బౌలింగ్‌ ముందు విదర్భ బ్యాటర్లు విఫలమయ్యారు. రంజీ ట్రోఫీ రెండో సెమీస్‌ మ్యాచ్‌లో విదర్భ తమ తొలి ఇన్నింగ్స్‌లో 56.4 ఓవర్లలో 170 పరుగులకు ఆలౌటైంది. కరుణ్‌ నాయర్‌ (63) అర్ధ సెంచరీ సాధించగా, అథర్వ తైడే (39) ఫర్వాలేదనిపించాడు. ఒక దశలో 101/2తో మెరుగైన స్థితిలో కనిపించిన విదర్భ 36 పరుగుల వ్యవధిలో తర్వాతి 6 వికెట్లు కోల్పోయింది. వెంకటేశ్‌ అయ్యర్, కుల్వంత్‌ ఖెజ్రోలియా చెరో 2 వికెట్లు పడగొట్టారు. అనంతరం ఆట ముగిసే సరికి మధ్యప్రదేశ్‌ వికెట్‌ నష్టానికి 47 పరుగులు చేసింది.  

భారత దేశవాలీ టోర్నీ రంజీ ట్రోఫీ చివరి దశకు చేరింది. ఈ సీజన్‌లో తమిళనాడు, మధ్యప్రదేశ్‌, విదర్భ, ముంబై జట్లు సెమీస్‌కు చేరుకున్నాయి. సౌరాష్ట్రను ఓడించి తమిళనాడు.. ఆంధ్రప్రదేశ్‌పై నెగ్గి మధ్యప్రదేశ్‌.. కర్ణాటకను చితు​ చేసి విదర్భ సెమీస్‌ బెర్త్‌లు ఖరారు చేసుకోగా.. బరోడాపై తొలి ఇన్నింగ్స్‌ లీడ్‌ ఆధారంగా ముంబై ఫైనల్‌ ఫోర్‌కు అర్హత సాధించింది.  కర్ణాటకకు షాకిచ్చిన విదర్భ.. విదర్భ తొలి ఇన్నింగ్స్‌ 460 (అథర్వ్‌ తైడే 109, కావేరప్ప 4/99) కర్ణాటక తొలి ఇన్నింగ్స్‌ 286 (నికిన్‌ జోస్‌ 82, యశ్‌ ఠాకూర్‌ 3/48) విదర్భ రెండో ఇన్నింగ్స్‌ 196 (దృవ్‌ షోరే 57, కావేరప్ప 6/61) కర్ణాటక రెండో ఇన్నింగ్స్‌ 243 (మయాంక్‌ అగర్వాల్‌ 70, హర్ష్‌ దూబే 4/65) 127 పరుగుల తేడాతో గెలుపొందిన విదర్భ డ్రాగా ముగిసిన బరోడా-ముంబై మ్యాచ్‌.. ముంబై తొలి ఇన్నింగ్స్‌ 384 (ముషీర్‌ ఖాన్‌ 203 నాటౌట్‌, భార్గవ్‌ భట్‌ 7/112) బరోడా తొలి ఇన్నింగ్స్‌ 348 (విక్రమ్‌ సోలంకి 136, షమ్స్‌ ములానీ 4/121) ముంబై రెండో ఇన్నింగ్స్‌ 569 (తుషార్‌ దేశ్‌పాండే 123, భార్గవ్‌ భట్‌ 7/200) బరోడా రెండో ఇన్నింగ్స్‌ 121/3 (ప్రియాన్షు్‌ మోలియా 54, తనుశ్‌ కోటియన్‌ 2/16) తొలి ఇన్నింగ్స్‌లో లభించిన లీడ్‌ ఆధారంగా సెమీస్‌కు చేరిన ముంబై ఏడేళ్ల తర్వాత సెమీస్‌కు చేరిన తమిళనాడు.. సౌరాష్ట్ర తొలి ఇన్నింగ్స్‌ 183 (హార్విక్‌ దేశాయ్‌ 83, సాయికిషోర్‌ 5/66) తమిళనాడు తొలి ఇన్నింగ్స్‌ 338 (బాబా ఇంద్రజిత్‌ 80, చిరాగ్‌ జానీ 3/22) సౌరాష్ట్ర రెండో ఇన్నింగ్స్‌ 122 (పుజారా 46, సాయికిషోర్‌ 4/27) ఇన్నింగ్స్‌ 33 పరుగుల తేడాతో తమిళనాడు విజయం ఉత్కంఠ పోరులో నాలుగు పరుగుల తేడాతో ఓడిన ఆంధ్ర.. మధ్యప్రదేశ్‌ తొలి ఇన్నింగ్స్‌ 234 యశ్‌ దూబే 64, శశికాంత్‌ 4/37) ఆంధ్రప్రదేశ్‌ తొలి ఇన్నింగ్స్‌ 172 (కరణ్‌ షిండే 38, అనుభవ్‌ అగార్వల్‌ 3/33) మధ్యప్రదేశ్‌ రెండో ఇన్నింగ్స్‌ 107 (హిమాన్షు మంత్రి 43, నితీశ్‌ రెడ్డి 4/28) ఆంధ్ర రెండో ఇన్నింగ్స్‌ 165 (హనుమ విహారి 55, అనుభవ్‌ అగర్వాల్‌ 6/52) 4 పరుగుల తేడాతో గెలుపొందిన మధ్య ప్రదేశ్‌ సెమీస్‌ మ్యాచ్‌లు ఇలా.. మార్చి 2-6: విదర్భ వర్సెస్‌ మధ్యప్రదేశ్‌ (1st semi final) మార్చి 2-6: ముంబై వర్సెస్‌ తమిళనాడు (2nd semi final)

Ranji Trophy 2023-24- Madhya Pradesh vs Andhra, Quarter Final: రంజీ ట్రోఫీ 2023-24లో ఆంధ్ర జట్టు ప్రయాణం ముగిసింది. మధ్యప్రదేశ్‌తో జరిగిన క్వార్టర్‌ ఫైనల్‌ మ్యాచ్‌లో రికీ భుయ్‌ బృందం.. ఓటమిపాలైంది. ఆఖరి వరకు పోరాడి నాలుగు పరుగుల స్వల్ప తేడాతో పరాజయం చెందింది. రంజీ తాజా ఎడిషన్‌ ఆరంభంలో కెప్టెన్‌గా వ్యవహరించిన హనుమ విహారి బ్యాటింగ్‌పై దృష్టి సారించే క్రమంలో సారథ్య బాధ్యతల నుంచి తప్పుకోగా.. రికీ భుయ్‌ పగ్గాలు చేపట్టాడు. అతడి నాయకత్వంలో అద్భుతమైన ప్రదర్శన కనబరిచిన ఆంధ్ర జట్టు క్వార్టర్స్‌లో అడుగుపెట్టింది.  ఈ క్రమంలో మధ్యప్రదేశ్‌తో పోటీకి సిద్ధమైన ఆంధ్ర.. శుక్రవారం మొదలైన మ్యాచ్‌లో టాస్‌ ఓడి తొలుత బౌలింగ్‌ చేసింది. తొలి ఇన్నింగ్స్‌లో మధ్యప్రదేశ్‌ను 234 పరుగులకు ఆలౌట్‌ చేసింది. కేవీ శశికాంత్‌ నాలుగు, నితీశ్‌రెడ్డి మూడు వికెట్లతో ఉత్తమ ప్రదర్శన కనబరిచారు. అయితే, బౌలర్లు అదరగొట్టినా.. బ్యాటర్లు మాత్రం ఆంధ్రకు శుభారంభం అందించలేకపోయారు. ఫలితంగా మొదటి ఇన్నింగ్స్‌లో 172 పరుగులకే జట్టు కుప్పకూలింది. రికీ భుయ్‌ 32, కరణ్‌ షిండే 38 పరుగులతో ఫర్వాలేదనిపించగా.. హనుమ విహారి 14 పరుగులు మాత్రమే చేసి పెవిలియన్‌ చేరాడు. ఈ క్రమంలో 62 పరుగుల ఆధిక్యంతో రెండో ఇన్నింగ్స్‌ మొదలుపెట్టిన మధ్యప్రదేశ్‌ను ఈసారి... 107 బౌలర్లకే ఆలౌట్‌ చేశారు ఆంధ్ర బౌలర్లు. ఈ నేపథ్యంలో 170 పరుగుల విజయ లక్ష్యంతో బరిలోకి దిగిన ఆంధ్ర ఆదివారం నాటి మూడో రోజు ఆట ముగిసే సరికి 4 వికెట్లు కోల్పోయి 95 పరుగులు చేసింది. హనుమ విహారి 43, కరణ్‌ షిండే 5 పరుగుల ఓవర్‌ నైట్‌ స్కోరుతో సోమవారం నాటి ఆట మొదలుపెట్టగా.. మరో 12 పరుగులను విహారి, తొమ్మిది పరుగులను కరణ్‌ తమ తమ స్కోర్లకు జతచేసి అవుటయ్యారు. మిగిలిన వాళ్లలో అశ్విన్‌ హెబ్బర్‌ 22 పరుగులతో రాణించగా.. మిగతా వాళ్ల నుంచి సహకారం కరువైంది. ఆఖర్లో గిరినాథ్‌రెడ్డి పట్టుదలగా నిలబడి జట్టును విజయం దిశగా నడిపించే ప్రయత్నం చేయగా 15 పరుగుల వ్యక్తిగత స్కోరు వద్ద ఆఖరి వికెట్‌గా వెనుదిరిగాడు. ఈ క్రమంలో 165 పరుగులకే పరిమితమైన ఆంధ్ర జట్టు.. నరాలు తెగే ఉత్కంఠ రేపిన మ్యాచ్‌లో 4 పరుగుల తేడాతో పరాజయం పాలై టోర్నీ నుంచి నిష్క్రమించింది. మధ్యప్రదేశ్‌ సెమీ ఫైనల్లో(Madhya Pradesh won by 4 runs Enters Semis) అడుగుపెట్టింది. ఆంధ్ర వర్సెస్‌ మధ్యప్రదేశ్‌ క్వార్టర్‌ ఫైనల్‌ స్కోర్లు: ►మధ్యప్రదేశ్‌- 234 & 107 ►ఆంధ్రప్రదేశ్‌- 172 & 165.

ఇండోర్‌: రంజీ ట్రోఫీ క్రికెట్‌ టోరీ్నలో సెమీఫైనల్‌ బెర్త్‌కు ఆంధ్ర జట్టు మరో 75 పరుగుల దూరంలో ఉంది. మధ్యప్రదేశ్‌తో జరుగుతున్న క్వార్టర్‌ ఫైనల్లో 170 పరుగుల లక్ష్యాన్ని ఛేదించడానికి బరిలోకి దిగిన ఆంధ్ర మూడో రోజు ఆట ముగిసే సమయానికి 4 వికెట్లు కోల్పోయి 95 పరుగులు చేసింది. హనుమ విహారి (43 బ్యాటింగ్‌), కరణ్‌ షిండే (5 బ్యాటింగ్‌) క్రీజులో ఉన్నారు.అంతకుముందు ఓవర్‌నైట్‌ స్కోరు 21/0తో రెండో ఇన్నింగ్స్‌ కొనసాగించిన మధ్యప్రదేశ్‌ 40.5 ఓవర్లలో 107 పరుగులకే ఆలౌటైంది. ఆంధ్ర బౌలర్లు నితీశ్‌ కుమార్‌ రెడ్డి (4/28), శశికాంత్‌ (3/20), లలిత్‌ మోహన్‌ (3/20) మధ్యప్రదేశ్‌ను దెబ్బ తీశారు.

సోఫియా (బల్గేరియా): రెండుసార్లు ప్రపంచ చాంపియన్, తెలంగాణ స్టార్‌ బాక్సర్‌ నిఖత్‌ జరీన్‌ స్ట్రాంజా స్మారక అంతర్జాతీయ బాక్సింగ్‌ టోర్నీలో సెమీఫైనల్లోకి దూసుకెళ్లింది. మహిళల 50 కేజీల క్వార్టర్‌ ఫైనల్లో ఆమె 5–0తో ఖదిరి వాసిల (ఫ్రాన్స్‌)పై గెలిచి కనీసం కాంస్య పతకాన్ని ఖాయం చేసుకుంది. 66 కేజీల క్వార్టర్స్‌లో అరుంధతి  5–0తో సెర్బియాకు చెందిన మిలెనాపై గెలుపొందింది. 57 కేజీల క్వార్టర్స్‌లో సాక్షి 2–3 తో మమజొనొవా (ఉజ్బెకిస్తాన్‌) చేతిలో ఓడిపోయింది. పురుషుల కేటగిరీలో దీపక్‌ (75 కేజీలు), నవీన్‌ (92 కేజీలు) క్వార్టర్‌ ఫైనల్లోకి ప్రవేశించారు. దీపక్‌ 5–0తో సుల్తాన్‌ (కిర్గిజిస్తాన్‌)పై, నవీన్‌ 5–0తో వొయిస్నరొవిక్‌ (లిథువేనియా)పై గెలుపొందారు.  చదవండి: ఆస్ట్రేలియాతో ఫైనల్‌ పోరు.. టీమిండియా ప్రతీకారం తీర్చుకుంటుందా?

అండర్‌–19 ప్రపంచకప్‌ సెమీఫైనల్‌ మ్యాచ్‌లో డిఫెండింగ్‌ చాంపియన్‌ భారత్‌ ఆతిథ్య దక్షిణాఫ్రికాతో సెమీఫైనల్‌ పోరుకు సిద్ధమైంది. 1988లో మొదలైన అండర్‌–19 ప్రపంచకప్‌ల చరిత్రలో అత్యధికంగా 8 సార్లు ఫైనల్‌ చేరిన భారత్‌... 2000, 2008, 2012, 2018, 2022లలో ఐదుసార్లు విజేతగా నిలిచింది. ఉదయ్‌ సహరన్‌ నేతృత్వంలోని యువ జట్టు ఆల్‌రౌండ్‌ నైపుణ్యంతో ఉంది. ఈ టోర్నీలో వరుసగా ఐదు విజయాలు సాధించింది. ఈ మెగా ఈవెంట్‌కు ముందు సన్నాహకంగా ఆడిన ముక్కోణపు సిరీస్‌లో సఫారీ జట్టును భారత్‌ రెండు వన్డేల్లో ఓడించింది. కీలకమైన సెమీస్‌కు ముందు యువ భారత్‌ ఆత్మవిశ్వాసాన్ని పెంచే అంశమిది. ఇదే సమరోత్సాహంతో ఆతిథ్య దక్షిణాఫ్రికాను మట్టికరిపించాలనే పట్టుదలతో ఉంది. బ్యాటింగ్‌లో ముషీర్‌ ఖాన్, కెప్టెన్‌ ఉదయ్, సచిన్‌ దాస్‌ సూపర్‌ ఫామ్‌లో ఉన్నారు. బౌలింగ్‌లో సౌమీ కుమార్‌ పాండే, నమన్‌ తివారి, రాజ్‌ లింబానిలు కూడా నిలకడగా రాణిస్తుండటం జట్టును పటిష్టంగా నిలిపింది. మధ్యాహ్నం 1.30 గంటలకు మొదలయ్యే ఈ సెమీస్‌ పోరును స్టార్‌స్పోర్ట్స్‌ ప్రసారం చేస్తుంది. 

అండర్‌ 19 వరల్డ్‌కప్‌-2024లో పాకిస్తాన్‌ సెమీఫైనల్లో అడుగుపెట్టింది. బెనోని వేదికగా బంగ్లాదేశ్‌తో ఆఖరి వరకు ఉత్కంఠ భరితంగా సాగిన మ్యాచ్‌లో 5 పరుగుల తేడాతో విజయం సాధించిన పాక్‌.. తమ సెమీస్‌ బెర్త్‌ను ఖారారు చేసుకుంది. 156 పరుగుల స్వల్ప లక్ష్యంతో బరిలోకి దిగిన బంగ్లా జట్టు 35.5  ఓవర్లలో 150 పరుగులకే ఆలౌటైంది. పాక్‌ విజయంలో పేసర్‌ ఉబైడ్‌ షా కీలక పాత్ర పోషించాడు. ఉబైడ్‌ షా 5 వికెట్లు పడగొట్టి పాక్‌ను సెమీస్‌కు చేర్చాడు. ఉబైడ్‌ షాతో పాటు అలీ రజా 3 వికెట్లు, జీషన్ ఒక్క వికెట్‌ సాధించాడు. బంగ్లా బ్యాటర్లలో మహ్మద్ షిహాబ్ జేమ్స్(26) పరుగులతో టాప్‌ స్కోరర్‌గా నిలిచాడు. అంతకుముందు బ్యాటింగ్‌ చేసిన పాకిస్తాన్‌ కూడా 40.4 ఓవర్లలో 155 పరుగులకే కుప్పకూలింది. ఆల్‌రౌండర్‌ అరాఫత్ మిన్హాస్(34) రాణించడంతో నామమాత్రపు స్కోరైనా పాక్‌ సాధించగల్గింది. బంగ్లా బౌలర్లలో షేక్ పావెజ్ జిబోన్, రోహనత్ డౌల్లా బోర్సన్ తలా 4 వికెట్లు పడగొట్టారు. ఇక ఈ మెగా టోర్నీ సెకెండ్‌ సెమీఫైనల్లో ఫిబ్రవరి 8న ఆస్ట్రేలియాతో పాక్‌ తలపడనుంది. అదే విధంగా తొలి సెమీఫైనల్లో దక్షిణాఫ్రికా, భారత్‌ తాడోపేడో తెల్చుకోనున్నాయి.

బ్లూమ్‌ఫోంటీన్‌ (దక్షిణాఫ్రికా): అండర్‌–19 ప్రపంచ కప్‌లో యువ భారత్‌ అజేయంగా సెమీ ఫైనల్లోకి ప్రవేశించింది. శుక్రవారం జరిగిన గ్రూప్‌–1 సూపర్‌ సిక్స్‌ పోరులో భారత్‌ 132 పరుగుల భారీ తేడాతో నేపాల్‌పై జయభేరి మోగించడంతో సెమీస్‌ స్థానం ఖాయమైంది. మొదట భారత్‌ 50 ఓవర్లలో 5 వికెట్ల నష్టానికి 297 పరుగులు చేసింది. 62 పరుగులకే 3 వికెట్లు కోల్పోయిన దశలో కెప్టెన్‌ ఉదయ్‌ సహరన్‌ (107 బంతుల్లో 100; 9 ఫోర్లు), ‘ప్లేయర్‌ ఆఫ్‌ ది మ్యాచ్‌’ సచిన్‌ దాస్‌ (101 బంతుల్లో 116; 11 ఫోర్లు, 3 సిక్సర్లు) సెంచరీలతో ఆదుకున్నారు. వీరిద్దరు నాలుగో వికెట్‌కు 215 పరుగులు జోడించడం విశేషం. అనంతరం భారీ లక్ష్యఛేదనకు బరిలోకి దిగిన నేపాల్‌ 50 ఓవర్లలో 9 వికెట్ల నష్టానికి 165 పరుగులే చేసింది. కెప్టెన్‌ దేవ్‌ ఖానల్‌ (53 బంతుల్లో 33; 2 ఫోర్లు) ఇన్నింగ్స్‌ టాప్‌ స్కోరర్‌గా నిలిచాడు. చదవండి: IND vs ENG: ఒకే ఒక్కడు.. భారీ సెంచరీతో చెలరేగిన జైశ్వాల్‌

ఆస్ట్రేలియన్ ఓపెన్‌-2024లో సెర్బియా టెన్నిస్‌ స్టార్‌, వరల్డ్‌ నంబర్‌వన్‌ నొవాక్‌ జకోవిచ్‌కు ఊహించని పరాభావం ఎదురైంది. శుక్రవారం జరిగిన సెమీఫైనల్లో ఇటలీకి చెందిన యువ ప్లేయర్‌ జనిక్‌ సినర్‌ చేతిలో జకో ఓటమి పాలయ్యాడు.  తద్వారా జకోవిచ్ 33 మ్యాచ్ ల విజయప్రస్థానానికి సినర్ బ్రేక్‌లు వేశాడు .  తొలి రెండు సెట్లను  1-6, 2-6 తేడాతో సిన్నర్‌కు కోల్పోయిన జకోవిచ్‌.. మూడో సెట్‌లో అద్బుతమైన కమ్‌బ్యాక్‌ ఇచ్చి 7-6తో విజయం సాధించాడు. అయితే నిర్ణయాత్మక నాలుగో సెట్‌లో మాత్రం సినర్‌ 6-3తో జకోవిచ్‌ను చిత్తు చేశాడు. దీంతో జకోవిచ్‌ ఇంటిముఖం పట్టగా.. సినర్‌ ఫైనల్లో అడుగుపెట్టాడు. ఆదివారం జరిగే ఫైనల్లో 22 ఏళ్ల సిన్నర్... మెద్వెదెవ్/జ్వెరెవ్ లలో ఒకరిని సినర్‌ ఎదుర్కొంటాడు. శుక్రవారం రెండో సెమీఫైనల్లో డానిల్ మెద్వెదెవ్, అలెగ్జాండర్ జ్వెరెవ్ తలపడనున్నారు. చదవండి: AUS vs WI: వారెవ్వా.. క్రికెట్‌ చరిత్రలోనే అద్బుతమైన క్యాచ్‌! వీడియో వైరల్‌

ACC U19 Asia Cup, 2023: అండర్‌-19 ఆసియా కప్‌-2023 టోర్నీలో భారత టీనేజ్‌ సీమర్‌ రాజ్‌ లింబాని అదరగొట్టాడు. దుబాయ్‌ వేదికగా నేపాల్‌తో మ్యాచ్‌లో (7/13) నిప్పులు చెరిగే బౌలింగ్‌తో ఆకట్టుకున్నాడు. తన అద్భుత ప్రదర్శనతో నేపాల్‌ బ్యాటింగ్‌ ఆర్డర్‌ను కూల్చేశాడు. ఈ నేపథ్యంలో ఈ ప్రతిష్టాత్మక టోర్నీలో యువ భారత జట్టు అలవోక విజయం సాధించి సెమీ ఫైనల్లోకి దూసుకెళ్లింది. కాగా మంగళవారం జరిగిన గ్రూప్‌ ‘ఎ’ చివరి లీగ్‌ మ్యాచ్‌లో భారత జట్టు 10 వికెట్ల తేడాతో నేపాల్‌పై ఘనవిజయం సాధించింది.  మొదట బ్యాటింగ్‌కు దిగిన నేపాల్‌ను 18 ఏళ్ల రాజ్‌ లింబాని స్పెల్‌ హడలెత్తించింది. దీంతో నేపాల్‌ 22.1 ఓవర్లలో 52 పరుగులకే కుప్పకూలింది. రాజ్‌ 9.1 ఓవర్లలో 3 మెయిడెన్లు వేసి 13 పరుగులిచ్చి 7 వికెట్లు తీశాడు. నేపాల్‌ ఓపెనర్ల నుంచి ఆఖరి వరుస బ్యాటర్‌ వరకు అంతా సింగిల్‌ డిజిట్‌కే పరిమితమయ్యారు. అనంతరం భారత జట్టు 7.1 ఓవర్లలో వికెట్‌ కోల్పోకుండా 57 పరుగులు చేసి ఛేదించింది. అర్షిన్‌ కులకర్ణి (30 బంతుల్లో 43 నాటౌట్‌; 1 ఫోర్, 5 సిక్స్‌లు) భారీ షాట్లతో విరుచుకుపడ్డాడు. అర్షిన్, ఆదర్శ్‌ సింగ్‌ (13 నాటౌట్‌; 2 ఫోర్లు) అబేధ్యమైన ఓపెనింగ్‌ బాగస్వామ్యంతో జట్టును గెలిపించారు. ఇక ఈ టోర్నీలో భారత్‌కు ఇది రెండో విజయం. అంతకుముందు ఆరంభ మ్యాచ్‌లో అఫ్గనిస్తాన్‌ను భారత యువ జట్టు చిత్తు చేసింది. గ్రూప్‌-ఏ టాపర్‌గా పాకిస్తాన్‌ ఈ క్రమంలో మొత్తంగా... ఆడిన మూడు మ్యాచ్‌లలో రెండు గెలిచిన భారత్‌ గ్రూప్‌ ‘ఎ’లో రెండో స్థానంలో నిలిచింది. మరోవైపు.. దాయాది జట్టు పాకిస్తాన్‌ మంగళవారం నాటి రెండో మ్యాచ్‌లో అఫ్గనిస్తాన్‌ను చిత్తుగా ఓడించింది. ఏకంగా 83 పరుగుల తేడాతో అఫ్గన్‌ను మట్టికరిపించి మూడో విజయం నమోదు చేసింది. తద్వారా ఆడిన మూడింట మూడు నెగ్గి  గ్రూప్‌-ఏ టాపర్‌గా నిలిచి సెమీస్‌లో అడుగుపెట్టింది.     ACC Men's U19 Asia Cup | Pakistan-U19 vs Afghanistan-U19 | Highlights. https://t.co/E72GAXu9OB#ACCMensU19AsiaCup #ACC — AsianCricketCouncil (@ACCMedia1) December 12, 2023

షెన్‌జెన్‌: భారత స్టార్‌ షట్లర్లు సాత్విక్‌ సాయిరాజ్‌ రాంకిరెడ్డి–చిరాగ్‌ శెట్టి జోడీ ఈ ఏడాది మరో టైటిల్‌పై కన్నేసింది. చైనా మాస్టర్స్‌ వరల్డ్‌ టూర్‌ సూపర్‌–750 బ్యాడ్మింటన్‌ టోర్నమెంట్‌లో టాప్‌సీడ్‌ భారత ద్వయం సెమీ ఫైనల్లోకి దూసుకెళ్లింది. అయితే సింగిల్స్‌లో హెచ్‌.ఎస్‌.ప్రణయ్‌కి క్వార్టర్‌ ఫైనల్లో చుక్కెదురైంది. శుక్రవారం జరిగిన పురుషుల డబుల్స్‌ క్వార్టర్‌ ఫైనల్లో సాత్విక్‌–చిరాగ్‌ జంట 21–16, 21–14తో ఇండోనేసియాకు చెందిన లియో రాలీ కార్నడో–డానియెల్‌ మారి్టన్‌ జంటపై అలవోక విజయం సాధించింది. ప్రపంచ ఐదో ర్యాంకు జోడీ అయిన సాత్విక్‌–చిరాగ్‌ వరుస గేముల్లో 46 నిమిషాల్లో మ్యాచ్‌ను ముగించింది. తొలి గేమ్‌లో 14–14 స్కోరు దాకా ఇండోనేసియన్‌ జోడీ నుంచి కొంతవరకు పోటీ ఎదురైనా... ఆ తర్వాత భారత షట్లర్ల ధాటికి ప్రత్యర్థి జంట చతికిలబడింది. తర్వాత రెండో గేమ్‌ను సాత్విక్‌–చిరాగ్‌లు రెట్టించిన ఉత్సాహంతో మొదలుపెట్టారు. 5–2తో ఆధిక్యంలోకి వెళ్లారు. నెట్‌వద్ద పొరపాట్లతో కొన్ని పాయింట్లు కోల్పోయినప్పటికీ వెంటనే పుంజుకొని ఆడటంతో మళ్లీ ఆధిక్యం 11–6కు పెరిగింది. ఇండోనేసియన్‌ షట్లర్లు ఆ తర్వాత కోలుకోలేదు. 17–10తో గేమ్‌ను చేతుల్లోకి తెచ్చుకున్న భారత అగ్రశ్రేణి జంట నిమిషాల వ్యవధిలోనే 21–14తో మ్యాచ్‌ను మగించేశారు. ఈ ఏడాది సూపర్‌ ఫామ్‌లో ఉన్న భారత జంట ఇండోనేసియా సూపర్‌–1000, కొరియా సూపర్‌–500, స్విస్‌ సూపర్‌–300 టైటిళ్లను సాధించింది. నేడు జరిగే సెమీఫైనల్లో చైనాకు చెందిన జి తింగ్‌–రెన్‌ జియాంగ్‌ యు జంటతో సాత్విక్‌–చిరాగ్‌ జోడీ తలపడుతుంది. పురుషుల సింగిల్స్‌ ప్రపంచ 8వ ర్యాంకర్‌ ప్రణయ్‌కి క్వార్టర్స్‌లో ఏదీ కలిసిరాలేదు. 31 ఏళ్ల భారత షట్లర్‌ 9–21, 14–21తో జపాన్‌ ఆటగాడు, మూడో సీడ్‌ కొడయ్‌ నరవొక చేతిలో సులు వుగానే ఓడిపోయాడు. తొలిగేమ్‌లో నరవొకకు 9–8తో పోటీ ఇచ్చిన భారత ఆటగాడు తర్వాత వరుసగా అనవసర తప్పిదాలతో మూల్యం చెల్లించుకున్నాడు. ప్రపంచ చాంపియన్‌షిప్‌ రన్నరప్‌ నరవొక తొలిగేమ్‌లో తన రాకెట్‌ను నెట్‌పై పరిధి దాటిరావడంతో చైర్‌ అంపైర్‌ అతని పాయింట్‌ను తిరస్కరించాడు. అయితే ప్రణయ్‌ అందివచ్చిన అవకాశాల్ని ఒడిసిపట్టలేక పదేపదే పొరపాట్లు చేసి మ్యాచ్‌ను అప్పగించాడు.

వన్డే వరల్డ్‌కప్‌-2023లో భాగంగా రెండో సెమీఫైనల్లో ఆస్ట్రేలియా-దక్షిణాఫ్రికా జట్లు తలపడతున్నాయి. ఈ సెమీస్‌ పోరులో తొలుత బ్యాటింగ్‌ చేసిన దక్షిణాఫ్రికా  49. 4 ఓవర్లలో 212 పరుగులకు ఆలౌటైంది. 24 పరుగులకే 4 వికెట్లు కోల్పోయి కష్టాల్లో పడిన దక్షిణాఫ్రికాను మిల్లర్‌(101) అద్బుత సెంచరీతో అదుకున్నాడు. దీంతో ప్రోటీస్‌ ఆస్ట్రేలియా ముందు 213 పరుగుల టార్గెట్‌ను ఉంచగల్గింది. లక్ష్య ఛేదనలో ఆస్ట్రేలియా 23 ఓవర్లకు 4 వికెట్లు కోల్పోయి 114 పరుగులు చేసింది. అయితే ఆసీస్‌ ముందు స్వల్ప లక్ష్యం ఉన్నప్పటికీ.. పిచ్‌ స్పిన్నర్లకు అనుకూలిస్తుంది కాబట్టి సఫారీలు ఇంకా పోటీలో ఉన్నారు. 1999 వరల్డ్‌కప్‌లో షేన్‌ వార్న్‌ మ్యాజిక్‌.. కాగా 1999 వరల్డ్‌కప్‌ సెమీఫైనల్లో కూడా దక్షిణాఫ్రికా-ఆస్ట్రేలియా మధ్య లో స్కోరింగ్‌ థ్రిల్లర్‌ జరిగింది. అప్పుడు ఆస్ట్రేలియా దివంగత స్పిన్నర్‌ షేన్‌ వార్న్‌ మ్యాజిక్‌ చేసి మ్యాచ్‌ను డ్రాగా ముగించారు. బర్మింగ్‌హామ్ వేదికగా జరిగిన సెమీస్‌ పోరులో తొలుత బ్యాటింగ్‌ చేసిన ఆసీస్‌ 213 పరుగులకు ఆలౌటైంది.  ఆస్ట్రేలియా ఇన్నింగ్స్‌లో కెప్టెన్ స్టీవ్ వా, మైఖేల్ బెవాన్‌లు హాఫ్‌ సెంచరీలతో రాణించారు. అనంతరం బ్యాటింగ్‌కు దిగిన దక్షిణాఫ్రికాకు ఓపెనర్లు మంచి ఆరంభం ఇచ్చారు. వీరిద్దరూ తొలి వికెట్‌కు 48 పరుగుల భాగస్వామ్యం నెలకొల్పారు. సరిగ్గా ఇదే సమయంలో బౌలింగ్‌కు వచ్చిన షేన్ వార్న్ తన స్పిన్‌ మయాజాలంతో వరుస క్రమంలో మూడు వికెట్లు పడగొట్టాడు. దీంతో 48 పరుగులకే 3 వికెట్లు కోల్పోయి ప్రోటీస్‌ కష్టాల్లో పడింది. ఆ సమయంలో జాక్వెస్ కల్లిస్(53),జాంటీ రోడ్స్(43) తమ అద్బుత ఇన్నింగ్స్‌లతో జట్టును విజయ తీరాల వైపు నడిపారు. ఆ తర్వాత షేన్‌ వార్న్ మళ్లీ తన స్పిన్‌ మయాజాలంతో కల్లిస్‌ను ఔట్‌ చేశాడు. వెంటనే రోడ్స్‌ కూడా పెవిలియన్‌కు చేరాడు. ఆ తర్వాత వారిద్దరి బాధ్యతను  లాన్స్ క్లూసెనర్‌ తీసుకున్నాడు. ఆఖరి ఓవర్‌లో దక్షిణాఫ్రికా విజయానికి 9 పరుగులు అవసరం. ప్రోటీస్‌ చేతిలో కేవలం ఒకే వికెట్‌ ఉంది. క్రీజులో క్లూసెనర్‌తో పాటు అలన్ డోనాల్డ్ ఉన్నాడు. అందరిలోనూ తీవ్ర ఉత్కంఠ. ఆఖరి ఓవర్‌లో డామియన్  వేసిన మొదటి రెండు బంతులను క్లూసెనర్ బౌండరీలకు తరిలించాడు. దీంతో స్కోర్లు సమయ్యాయి. ప్రోటీస్‌ విజయానికి 4 బంతుల్లో కేవలం ఒక్క పరుగు మాత్రమే అవసరమైంది. ఇక్కడే ఎవరూ ఊహించని ట్విస్ట్‌ చోటు చేసుకుంది. మూడో బంతికి సింగిల్‌ ప్రయత్నించగా.. రనౌట్ అవకాశం మిస్ అయ్యింది. ఈ క్రమంలో నాలుగో బంతిని క్లూసెనర్ మిడ్-ఆఫ్‌ దిశగా షాట్‌గా ఆడాడు. వెంటనే క్లూసెనర్ సింగిల్‌ కోసం నాన్ స్ట్రైకర్స్‌ ఎండ్‌ వైపు పరిగెత్తగా.. అలన్ డోనాల్డ్ మాత్రం బంతిని చూస్తూ ఉండిపోయాడు. ఈ క్రమంలో ఇద్దరూ నాన్ స్ట్రైకర్స్ ఎండ్‌లో ఉండిపోయారు. వెంటనే రికీ పాంటింగ్‌ వికెట్‌ కీపర్‌ గిల్‌క్రిస్ట్‌కు త్రో చేశాడు. గిల్‌క్రిస్ట్‌ను స్టంప్స్‌ను పడగొట్టాడు. దీంతో మ్యాచ్‌ టై అయింది. అయితే రన్‌రేట్‌ ఆధారంగా ఆస్ట్రేలియా ఫైనల్‌కు క్వాలిఫై అయింది. ఎందుకంటే అప్పటిలో సూపర్‌ ఓవర్‌ రూల్‌ ఇంకా అమలులో లేదు. ఈ లోస్కోరింగ్‌ మ్యాచ్‌లో షేన్‌ వార్న్‌ తన 10 ఓవర్ల కోటాలో 29 పరుగులిచ్చి 4 వికెట్లు పడగొట్టాడు. అతడు బౌలింగ్‌ కోటాలో 4 మెయిడన్లు ఉండడం గమనార్హం. ఇప్పుడు వార్న్‌ లాంటి మ్యాజిక్‌ ప్రోటీస్‌ స్పిన్నర్లు ఎవరైనా చేస్తారో లేదో వేచి చూడాలి. చదవండి: World Cup 2023: దక్షిణాఫ్రికా కెప్టెన్‌ అత్యంత చెత్త రికార్డు.. వరల్డ్‌ కప్‌ చరిత్రలోనే!

వరల్డ్‌ క్రికెట్‌లో 'చోకర్స్' అంటే మనకు టక్కున దక్షిణాఫ్రికానే గుర్తుకు వస్తుంది. ఎందుకంటే కీలకమైన మ్యాచ్‌‌లలో చేతులెత్తేసే నైజం సౌతాఫ్రికాది. అందుకే ప్రోటీస్‌ జట్టును చోకర్స్‌ అని పిలుస్తుంటారు. వరల్డ్‌కప్‌ నాకౌట్‌ మ్యాచ్‌ల్లో ఒత్తిడికి చిత్తు అవుతుందన్న మాటను మరోసారి దక్షిణాఫ్రికా నిజం చేసంది. వన్డే వరల్డ్‌కప్‌-2023లో ఈడెన్‌గార్డెన్స్‌ వేదికగా ఆస్ట్రేలియాతో జరుగుతున్న రెండో సెమీఫైనల్లో సౌతాఫ్రికా బ్యాటర్లు దారుణ ప్రదర్శన కనబరుస్తున్నారు. ఆసీస్‌ బౌలర్ల ధాటికి సఫారీలు విలవిల్లాడుతున్నారు. కేవలం 24 పరుగులకే 4 వికెట్లు కోల్పోయి దక్షిణాఫ్రికా పీకల్లోతు కష్టాల్లో పడింది. తొలి పవర్‌లో ప్లేలో అయితే సౌతాఫ్రికా కేవలం 18 పరుగులు మాత్రమే చేసింది. లీగ్‌ మ్యాచ్‌ల్లో తొలుత బ్యాటింగ్‌ చేసినప్పుడు మెరుపులు మెరిపించిన దక్షిణాఫ్రికా.. సెమీస్‌లో మాత్రం కంగారుల ముందు తలవంచింది. ఆసీస్‌ పేసర్లు మిచెల్‌ స్టార్క్‌, హాజిల్‌వుడ్‌ తలా రెండు వికెట్లు పడగొట్టి దక్షిణాఫ్రికాను కోలుకోలేని దెబ్బకొట్టారు. 14 ఓవర్లు ముగిసే సరికి దక్షిణాఫ్రికా 4 వికెట్లు కోల్పోయి కేవలం 44 పరుగులు మాత్రమే చేసింది.  ఈ ఏడాది వరల్డ్‌కప్‌ లీగ్‌ మ్యాచ్‌ల్లో దుమ్మురేపిన సౌతాఫ్రికా.. కీలకమైన సెమీస్‌లో మాత్రం చేతులెత్తేసింది. చదవండి: MS Dhoni: ఉత్తరాఖండ్‌లోని స్వగ్రామానికి వెళ్లిన ధోని.. ఆమె పాదాలకు నమస్కరించి..

ICC Cricket World Cup 2023 - South Africa vs Australia:  వన్డే వరల్డ్‌కప్‌-2023 ఫైనల్లో ఆస్ట్రేలియా అడుగుపెట్టింది. ఈడెన్‌ గార్డెన్స్‌ వేదికగా ఉత్కంఠ భరితంగా సాగిన రెండో సెమీఫైనల్లో దక్షిణాఫ్రికాపై 3 వికెట్ల తేడాతో ఆసీస్‌ విజయం సాధించింది. తద్వారా 8వ సారి వరల్డ్‌కప్‌ ఫైనల్‌ బెర్త్‌ను ఆసీస్‌ ఖారారు చేసుకుంది. 213 పరుగుల స్వల్ప లక్ష్యంతో బరిలోకి దిగిన ఆసీస్‌.. 47.2 ఓవర్లలో 7 వికెట్లు కోల్పోయి ఛేదించింది. కెప్టెన్‌ ప్యాట్‌ కమ్మిన్స్‌ ఫోర్‌ కొట్టి తన జట్టుకు అద్బుతమైన విజయాన్ని అందించాడు. ఆస్ట్రేలియా బ్యాటర్లలో ఓపెనర్‌ ట్రావిస్‌ హెడ్‌(62) పరుగులతో టాప్‌ స్కోరర్‌గా నిలవగా.. స్మిత్‌(30), ఇంగ్లీష్‌(28) కీలక ఇన్నింగ్స్‌లు ఆడారు. ఇక దక్షిణాఫ్రికా బౌలర్లు మాత్రం అద్బుతమైన పోరాట పటిమ కనబరిచారు. వరుసక్రమంలో వికెట్లు పడగొడుతూ ఆసీస్‌ను బ్యాక్‌ఫుట్‌లో ఉంచారు. కానీ చివరకి విజయం మాత్రం కంగారులనే వరించింది. దక్షిణాఫ్రికా బౌలర్లలో షమ్సీ, కొయెట్జీ తలా రెండు వికెట్లు సాధించగా.. మహారాజ్‌, రబాడ, మార్‌క్రమ్‌ తలా వికెట్‌ సాధించారు. ఇక ఆక్టోబర్‌ 19న అహ్మదాబాద్‌ వేదికగా జరగనున్న ఫైనల్లో టీమిండియాతో ఆస్ట్రేలియా తలపడనుంది. ఇంగ్లీష్‌ ఔట్‌.. తిరిగి గేమ్‌లోకి దక్షిణాఫ్రికా 193 పరుగుల వద్ద ఆస్ట్రేలియా ఏడో వికెట్‌ కోల్పోయింది. 28 పరుగులు చేసిన ఇంగ్లీష్‌ను కొయెట్జీ క్లీన్‌ బౌల్డ్‌ చేశాడు. దీంతో ప్రోటీస్‌ తిరిగి మళ్లీ పోటోలోకి వచ్చింది.  ఆసీస్‌ విజయానికి 19 పరుగులు కావాలి. విజయం దిశగా ఆసీస్‌.. దక్షిణాఫ్రికాతో రెండో సెమీఫైనల్లో ఆస్ట్రేలియా విజయం దిశగా అడుగులు వేస్తోంది. ఆసీస్‌ గెలుపుకు 72 బంతుల్లో 25 పరుగులు కావాలి. క్రీజులో ఇంగ్లీష్‌(27), మిచెల్‌ స్టార్క్‌(6) ఉన్నారు. ఉత్కంఠగా సెమీఫైనల్‌-2 ఈడెన్‌గార్డెన్స్‌ వేదికగా దక్షిణాఫ్రికా-ఆస్ట్రేలియా మధ్య జరుగుతున్న రెండో సెమీఫైనల్‌ ఉత్కంఠగా మారింది. క్రీజులో నిలదొక్కుకున్న స్టీవ్‌ స్మిత్‌ను కొయెట్జీ పెవిలియన్‌కు పంపాడు. దీంతో సఫారీలు మళ్లీ మ్యాచ్‌లోకి వచ్చారు. ఆసీస్‌ విజయానికి ఇంకా 38 పరుగులు కావాలి. క్రీజులో ఇంగ్లీష్‌(19), మిచెల్‌ స్టార్క్‌(1) ఉన్నారు. ఐదో వికెట్‌ డౌన్‌.. మాక్స్‌వెల్‌ ఔట్‌ దక్షిణాఫ్రికా స్పిన్నర్లు అద్బుతంగా బౌలింగ్‌ చేస్తున్నారు. డేంజరస్‌ మాక్స్‌వెల్‌ను తబ్రేజ్ షంషి క్లీన్‌ బౌల్డ్‌ చేశాడు. ఆసీస్‌ విజయానికి 25 ఓవర్లలలో 72 పరుగులు కావాలి. క్రీజులో స్మిత్‌, ఇంగ్లీష్‌ ఉన్నారు. నాలుగో వికెట్‌ డౌన్‌..  113 పరుగుల వద్ద ఆస్ట్రేలియా నాలుగో వికెట్‌ కోల్పోయింది. 18 పరుగులు చేసిన లబుషేన్‌.. షంస్సీ బౌలింగ్‌లో ఔటయ్యాడు. ఆసీస్‌ విజయానికి 79 పరుగులు కావాలి. క్రీజులోకి మాక్స్‌వెల్‌ వచ్చాడు. ఆసీస్‌ మూడో వికెట్‌ డౌన్‌.. 106 పరుగుల వద్ద ఆసీస్‌ మూడో వికెట్‌ కోల్పోయింది. 62 పరుగులతో అద్బుతంగా ఆడుతున్న ట్రెవిస్‌ హెడ్‌ను కేశవ్‌ మహారాజ్‌ క్లీన్‌ బౌల్డ్‌ చేశాడు. క్రీజులోకి లబుషేన్‌ వచ్చాడు. ఆసీస్‌ విజయానికి 35 ఓవర్లలో 104 పరుగులు కావాలి. దక్షిణాఫ్రికాతో సెమీస్‌..  ట్రావిస్‌ హెడ్‌ హాఫ్‌ సెంచరీ ఆసీస్‌ ఓపెనర్‌ ట్రెవిస్‌ హెడ్‌ అద్భుతమైన  హాఫ్‌ సెంచరీతో చెలరేగాడు. 40 బంతుల్లో 8 ఫోర్లు, 2 సిక్స్‌లతో హెడ్‌ తన హాఫ్‌ సెంచరీ మార్క్‌ను అందుకున్నాడు. 12 ఓవర్లకు ఆసీస్‌ స్కోర్‌: 92/2 రెండో వికెట్‌ కోల్పోయిన ఆస్ట్రేలియా.. మార్ష్‌ ఔట్‌ ఆస్ట్రేలియాతో జరుగుతున్న సెమీఫైనల్లో దక్షిణాఫ్రికా కమ్‌బ్యాక్‌ ఇచ్చే ప్రయత్నం చేస్తోంది. 61 పరుగులు వద్ద ఆస్ట్రేలియా రెండో వికెట్‌ కోల్పోయింది. రబాడ బౌలింగ్‌లో మిచెల్‌ మార్ష్‌ ఖాతా తెరవకుండానే పెవిలియన్‌కు చేరాడు. 8 ఓవర్లకు ఆసీస్‌ స్కోర్‌: 61/2 తొలి వికెట్‌ కోల్పోయిన ఆస్ట్రేలియా.. 213 పరుగుల లక్ష్యంతో బరిలోకి దిగిన ఆస్ట్రేలియా తొలి వికెట్‌ కోల్పోయింది. 29 పరుగులు చేసిన డేవిడ్‌ వార్నర్‌.. మార్‌క్రమ్‌ బౌలింగ్‌లో క్లీన్‌ బౌల్డయ్యాడు. క్రీజులోకి మిచెల్‌ మార్ష్‌ వచ్చాడు.  7 ఓవర్లకు ఆస్ట్రేలియా స్కోర్‌: 60/1 దూకుడుగా ఆడుతున్న ఆసీస్‌ ఓపెనర్లు.. 213 పరుగుల లక్ష్యంతో బరిలోకి దిగిన ఆస్ట్రేలియా.. 4 ఓవర్లు ముగిసే సరికి వికెట్‌ నష్టపోకుండా 24 పరుగులు చేసింది. క్రీజులో ఓపెనర్లు డేవిడ్‌ వార్నర్‌(11), హెడ్‌(9) పరుగులతో ఉన్నారు. మిల్లర్‌ విరోచిత శతకం.. ఆస్ట్రేలియా టార్గెట్‌ 213 పరుగులు ఆస్ట్రేలియాతో జరుగుతున్న రెండో సెమీఫైనల్లో తొలుత బ్యాటింగ్‌ చేసిన దక్షిణాఫ్రికా నామమాత్రపు స్కోర్‌కే పరిమితమైంది. దక్షిణాఫ్రికా  49. 4 ఓవర్లలో 212 పరుగులకు ఆలౌటైంది. దక్షిణాఫ్రికా గౌరవప్రదమైన స్కోర్‌ సాధించడం‍లో డేవిడ్‌ మిల్లర్‌ కీలక​ పాత్ర పోషించాడు. మిల్లర్‌ విరోచిత శతకంతో చెలరేగాడు. 116 బంతుల్లో 8 ఫోర్లు, 5 సిక్స్‌లతో 101 పరుగులు చేసి  జట్టుకు ఫైటింగ్‌ స్కోర్‌ను అందించాడు.  24 పరుగులు 4 వికెట్లు కోల్పోయి కష్టాల్లో పడిన ప్రోటీస్‌ను మిల్లర్‌, క్లాసెన్‌(47) అదుకున్నారు.  క్లాసెన్‌ ఔటైన తర్వాత  మిల్లర్‌  పూర్తి బాధ్యతను తన భుజాన వేసుకున్నాడు. ఇక ఆస్ట్రేలియా బౌలర్లలో స్టార్క్‌, కమ్మిన్స్‌ 3వికెట్లు పడగొట్టగా.. హాజిల్‌వుడ్‌, హెడ్‌ తలా రెండు వికెట్లు సాధించారు  డేవిడ్‌ మిల్లర్‌ సెంచరీ దక్షిణాఫ్రికా మిడిలార్డర్‌ బ్యాటర్‌ డేవిడ్‌ మిల్లర్‌ విరోచిత శతకంతో చెలరేగాడు. 24 పరుగులు 4 వికెట్లు కోల్పోయి కష్టాల్లో పడిన జట్టును తన అద్భుత ఇన్నింగ్స్‌ మిల్లర్‌ అదుకున్నాడు. 116 బంతుల్లో 8 ఫోర్లు, 5 సిక్స్‌లతో 101 పరుగులు చేసి ఔటయ్యాడు. 48 ఓవర్లకు దక్షిణాఫ్రికా స్కోర్‌: 203/9 ఎనిమిదో వికెట్‌ డౌన్‌.. 191 పరుగుల వద్ద దక్షిణాఫ్రికా ఎనిమిదో వికెట్‌ కోల్పోయింది. 4 పరుగులు చేసిన కేశవ్‌ మహారాజ్‌.. స్టార్క్‌ బౌలింగ్‌లో ఔటయ్యాడు. 47 ఓవర్లకు దక్షిణాఫ్రికా స్కోర్‌: 196/8 ఏడో వికెట్‌ డౌన్‌.. 172 పరుగుల వద్ద దక్షిణాఫ్రికా ఏడో వికెట్‌ కోల్పోయింది. 19 పరగులు చేసిన గెరాల్డ్ కోయెట్జీ.. కమ్మిన్స్‌ బౌలింగ్‌లో పెవిలయన్‌కు చేరాడు. 44 ఓవర్లు దక్షిణాఫ్రికా స్కోర్‌: 174/7 40 ఓవర్లలో సౌతాఫ్రికా స్కోరు: 156/6 మిల్లర్‌ 67, కోయెట్జీ 18 పరుగులతో క్రీజులో ఉన్నారు. 38 ఓవర్లలో సౌతాఫ్రికా స్కోరు: 149-6 మిల్లర్‌ 66, కోయెట్జీ 16 పరుగులతో క్రీజులో ఉన్నారు. మిల్లర్‌ హాఫ్‌ సెంచరీ 31.3: మాక్స్‌వెల్‌ బౌలింగ్‌లో ఫోర్‌ బాది ఫిఫ్టీ పూర్తి చేసుకున్న మిల్లర్‌ వరుసగా రెండు వికెట్లు కోల్పోయిన సౌతాఫ్రికా 30.5: హెడ్‌ బౌలింగ్‌లో ఎల్బీడబ్ల్యూగా వెనుదిరిగిన మార్కో జాన్సెన్‌. ఆరో వికెట్‌ కోల్పోయిన సౌతాఫ్రికా. కొయోట్జీ క్రీజులోకి వచ్చాడు. క్లాసెన్‌ బౌల్డ్‌ 30.4: నిలకడగా సాగుతున్న సౌతాఫ్రికా ఇన్నింగ్స్‌కు ట్రవిస్‌ హెడ్‌ బ్రేక్‌ వేశాడు. 47 పరుగుల వ్యక్తిగత స్కోరు వద్ద ఉన్న క్లాసెన్‌ను అద్భుత రీతిలో బౌల్డ్‌ చేశాడు. దీంతో ప్రొటిస్‌ జట్టు ఐదో వికెట్‌ కోల్పోయింది. కాగా మిల్లర్‌తో కలిసి క్లాసెన్‌ 95 పరుగుల భాగస్వామ్యం నెలకొల్పాడు. సౌతాఫ్రికా స్కోరు:  27 ఓవర్లలో సౌతాఫ్రికా స్కోరు: 95/4 ►26.4: మరో సిక్స్‌ కొట్టిన క్లాసెన్‌ ►26.3: జంపా బౌలింగ్‌లో సిక్సర్‌ బాదిన క్లాసెన్‌ సగం ఇన్నింగ్స్‌ ముగిసే సరికి ప్రొటిస్‌ ఇలా క్లాసెన్‌, మిల్లర్‌ 79 బంతుల్లో 55 పరుగుల భాగస్వామ్యం నమోదు చేశారు. క్లాసెన్‌ 22, మిల్లర్‌ 33 పరుగులతో క్రీజులో ఉన్నారు. 25 ఓవర్లలో సౌతాఫ్రికా స్కోరు: 79/4 నిలకడగా ఆడుతున్న క్లాసెన్‌, మిల్లర్‌ ►21 ఓవర్లలో సౌతాఫ్రికా స్కోరు: 68/4 (21) ►డేవిడ్‌ మిల్లర్‌ కాస్త దూకుడు పెంచాడు. 19వ ఓవర్‌ ముగిసే సరికి 28 బంతులు ఎదుర్కొని 25 పరుగులు రాబట్టాడు. మరో ఎండ్‌లో క్లాసెన్‌ నిలకడగా ఆడుతూ 13 పరుగుల వద్ద ఉన్నాడు. స్కోరు: 62-4  మళ్లీ మొదలైన ఆట వర్షం తెరిపినివ్వడంతో ఆట మళ్లీ మొదలైంది. 15 ఓవర్లలో సౌతాఫ్రికా స్కోరు: 46-4 వర్షం కారణంగా ఆగిన ఆట వర్షం రావడంతో మ్యాచ్‌ను నిలిపివేశారు. వరణుడి ఆగమానికి ముందు సౌతాఫ్రికా 14 ఓవర్లలో 4 వికెట్లు కోల్పోయి కేవలం 44 పరుగులు చేసింది. క్లాసెన్‌ 10, మిల్లర్‌ 10 పరుగులతో క్రీజులో ఉన్నారు. ఆస్ట్రేలియా బౌలర్లలో పేసర్లు స్టార్క్‌, హాజిల్‌వుడ్‌ చెరో రెండు వికెట్లు తీశారు. సౌతాఫ్రికాకు షాకుల మీద షాకులు 11.5:హాజిల్‌వుడ్‌ బౌలింగ్‌లో డస్సెన్‌ అవుట్‌. డస్సెన్‌(6) రూపంలో నాలుగో వికెట్‌ కోల్పోయిన సౌతాఫ్రికా. మిల్లర్‌, క్లాసెన్‌ క్రీజులో ఉన్నారు. మూడో వికెట్‌ కోల్పోయిన సౌతాఫ్రికా 10.5: స్టార్క్‌ బౌలింగ్‌లో మార్కరమ్‌ అవుటయ్యాడు. 10 పరుగుల వ్యక్తిగత స్కోరు వద్ద నిష్క్రమించాడు.  ఇప్పటికే బవుమా, డికాక్‌ వికెట్లు కోల్పోయిన ప్రొటిస్‌.. మార్కరమ్‌ రూపంలో మరో కీలక వికెట్‌ కోల్పోవడంతో కష్టాల్లో కూరుకుపోయింది. క్లాసెన్‌, డస్సెన్‌(5) క్రీజులో ఉన్నారు.  10.1: ప్రొటిస్‌ ఇన్నింగ్‌స్లో తొలి బౌండరీ స్టార్క్‌ బౌలింగ్‌లో ఫోర్‌ బాదిన మార్కరమ్‌  పవర్‌ ప్లేలో సౌతాఫ్రికా స్కోరు: 18/2  పవర్‌ ప్లేలో సౌతాఫ్రికా  దారుణ ప్రదర్శన కనబరిచింది. 10 ఓవర్లు ముగిసే సరికి ఓపెనర్ల వికెట్లు కోల్పోయి కేవలం 18 పరుగులు మాత్రమే చేసింది. ►తొమ్మిది ఓవర్లు ముగిసే సరికి సౌతాఫ్రికా స్కోరు: 17/2 ►6, 7 ఓవర్లను మెయిడిన్‌ చేసిన హాజిల్‌వుడ్‌, స్టార్క్‌. సౌతాఫ్రికా స్కోరు: 8/2 (7) 5.4: రెండో వికెట్‌ కోల్పోయిన సౌతాఫ్రికా హాజిల్‌వుడ్‌ బౌలింగ్‌లో కమిన్స్‌కు క్యాచ్‌ ఇచ్చి ఓపెనర్‌ క్వింటన్‌ డికాక్‌ పెవిలియన్‌ చేరాడు. మొత్తంగా 14 బంతులు ఎదుర్కొని కేవలం 3 పరుగులే చేసి నిష్క్రమించాడు. ఇక ఆరంభంలోనే బవుమా వికెట్‌ తీసి స్టార్క్‌ షాకివ్వగా.. కీలక వికెట్‌ పడగొట్టి హాజిల్‌వుడ్‌ కోలుకోలేని దెబ్బకొట్టాడు. మార్కరమ్‌, డస్సెన్‌ క్రీజులో ఉన్నారు. స్కోరు: 8-2(6). కట్టుదిట్టంగా ఆసీస్‌ బౌలింగ్‌ బౌలింగ్‌ ఆస్ట్రేలియా బౌలర్లు కట్టుదిట్టంగా బౌలింగ్‌ చేస్తున్నారు. పొదుపుగా బౌలింగ్‌ చేస్తూ పరుగులకు ఏమాత్రం అవకాశం ఇవ్వకుండా సఫారీలను కట్టడి చేస్తున్నారు. దీంతో ఐదు ఓవర్లు ముగిసే సరికి ఒక వికెట్‌ నష్టపోయిన ప్రొటిస్‌ జట్టు కేవలం 8 పరుగులు మాత్రమే చేయగలిగింది. 2 ఓవర్లు ముగిసే సరికి సౌతాఫ్రికా స్కోరు: 2/1 (2) ►రాస్సీ వాన్ డర్ డస్సెన్ 0, డికాక్‌ రెండు పరుగులతో క్రీజులో ఉ‍న్నారు. ఆసీస్‌తో సెమీస్‌.. తొలి వికెట్‌ కోల్పోయిన సౌతాఫ్రికా ►0.6: తొలి ఓవర్లోనే సౌతాఫ్రికాకు ఆసీస్‌ పేసర్‌ మిచెల్‌ స్టార్క్‌ షాకిచ్చాడు. కెప్టెన్‌ తెంబా బవుమాను డకౌట్‌గా వెనక్కి పంపాడు. ►టాస్‌ గెలిచిన సౌతాఫ్రికా తొలుత బ్యాటింగ్‌ ఎంచుకుంది. View this post on Instagram A post shared by ICC (@icc) View this post on Instagram A post shared by ICC (@icc) తుదిజట్లు దక్షిణాఫ్రికా: క్వింటన్ డికాక్(వికెట్‌కీపర్‌), టెంబా బవుమా(కెప్టెన్‌), రాస్సీ వాన్ డర్ డస్సెన్, ఎయిడెన్ మార్క్రమ్, హెన్రిచ్ క్లాసెన్, డేవిడ్ మిల్లర్, మార్కో జన్సెన్, కేశవ్ మహరాజ్, గెరాల్డ్ కొయెట్జీ, కగిసో రబడ, తబ్రేజ్ షంషి ఆస్ట్రేలియా ట్రవిస్ హెడ్, డేవిడ్ వార్నర్, మిచెల్ మార్ష్, స్టీవెన్ స్మిత్, మార్నస్ లబూషేన్‌, గ్లెన్ మాక్స్‌వెల్, జోష్ ఇంగ్లిస్(వికెట్‌కీపర్‌), పాట్ కమిన్స్(కెప్టెన్‌), మిచెల్ స్టార్క్, ఆడమ్ జంపా, జోష్ హాజిల్‌వుడ్.

వన్డే వరల్డ్‌కప్‌ 2023లో భాగంగా కోల్‌కతాలోని ఈడెన్‌ గార్డెన్స్‌ వేదికగా ఇవాళ (నవంబర్‌ 16) జరగాల్సిన రెండో సెమీఫైనల్‌ మ్యాచ్‌కు వర్షం ముప్పు పొంచి ఉందని తెలుస్తుంది. వాతావరణ శాఖ హెచ్చరికల ప్రకారం వర్షం కారణంగా మ్యాచ్‌కు అంతరాయాలు ఏర్పడే అవకాశం ఉందని సమాచారం. ప్రస్తుతానికి ఈడెన్‌ గార్డెన్స్‌లో వర్షం పడనప్పటికీ.. స్టేడియం మొత్తాన్ని కవర్లతో కప్పేశారు. The covers are on at the Eden Gardens. pic.twitter.com/X3gMgFTAFw — Mufaddal Vohra (@mufaddal_vohra) November 16, 2023 ఈ మ్యాచ్‌కు రిజర్వ్‌ డే కూడా ఉంది కాబట్టి, మ్యాచ్‌ ఇవాళ రద్దైనా రేపు జరుగుతుంది. వాతవరణం అప్‌డేట్‌ తెలిసి క్రికెట్‌ అభిమానులు నిరాశ చెందుతున్నారు. ఆస్ట్రేలియా అభిమానులు మరింత కలవరపడుతున్నారు. ఒకవేళ ఏ కారణంగా అయినా మ్యాచ్‌ రద్దైతే మెరుగైన రన్‌రేట్‌ ఉన్న కారణంగా సౌతాఫ్రికా ఫైనల్స్‌కు చేరుకుంటుంది. మ్యాచ్‌కు వరుణుడు అడ్డుతగలకూడదని ఆసీస్‌ అభిమానులు కోరుకుంటున్నారు. కాగా, న్యూజిలాండ్‌తో నిన్న జరిగిన తొలి సెమీఫైనల్లో భారత్‌ 70 పరుగుల తేడాతో విజయం సాధించింది. ఈ మ్యాచ్‌లో కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు) అద్బుత శతకాలతో పాటు మొహమ్మద్‌ షమీ (9.5-0-57-7) సూపర్‌ బౌలింగ్‌తో మెరవడంతో భారత్‌ తిరుగలేని విజయం సాధించి, నాలుగోసారి ఫైనల్స్‌కు చేరింది. 

వన్డే వరల్డ్‌కప్‌ 2023లో భాగంగా భారత్‌, న్యూజిలాండ్‌ జట్ల మధ్య ఇవాళ (నవంబర్‌ 15) జరిగే సెమీఫైనల్‌ మ్యాచ్‌పై టీమిండియా మాజీ ఓపెనర్‌ గౌతమ్‌ గంభీర్‌ ఆసక్తికర కామెంట్స్‌ చేశాడు. ఈ మ్యాచ్‌పై గంభీర్‌ విశ్లేషణ చేస్తూ ఇలా అన్నాడు.  సెమీఫైనల్లో కచ్చితంగా భారత జట్టే ఫేవరెట్‌. ఈ టోర్నీలో ప్రత్యర్థుల్ని కంగుతినిపించడమే కాదు... భారత్‌తో ఢీ అంటేనే కష్టం అనిపించేలా మనోళ్లు జైత్రయాత్ర సాగించారు. ముఖ్యంగా ఈ టోర్నీలో భారత బౌలింగ్‌ నన్ను ఆకట్టుకుంది. బౌలర్లు జట్టు భారాన్ని తమ భుజాలపై మోశారు.  ఈ ప్రపంచకప్‌ గెలిస్తే మాత్రం దేశంలో బౌలింగ్‌ విప్లవం ఖాయం. ఇంతవరకు మనలో చాలామంది సచినో, కోహ్లినో కావాలనుకునే క్రికెట్‌లో అడుగుపెట్టేవారు. కానీ ఈ వరల్డ్‌కప్‌ తర్వాత బౌలర్ల లక్ష్యంతో అకాడమీలు కళకళలాడుతాయంటే ఆశ్చర్యం లేదు.  కేఎల్‌ రాహుల్‌ బ్యాటింగ్‌ కళ్లప్పగించేలా చేసింది. ఆఖరి లీగ్‌ మ్యాచ్‌లో నెదర్లాండ్స్‌పై బాదిన శతకం (102) అయితే హైలైట్‌ అని చెప్పొచ్చు. చక్కని ఫుట్‌వర్క్, పరిణతితో కూడిన ఫ్లిక్‌ షాట్స్‌తో ఫోర్లు, సిక్సర్లు అదరగొట్టాడు. మణికట్టు స్ట్రోక్‌ప్లేతో పరుగులు సాధించిన తీరు అద్భుతం. దీంతో రాహుల్‌ను ఇప్పుడు 360 డిగ్రీ ప్లేయర్‌ అనొచ్చు. 160 స్ట్రయిక్‌రేట్‌ అతని టాప్‌గేర్‌ను సూచిస్తోంది.  అలాగని శ్రేయస్‌ అయ్యర్‌ ఏం తక్కువ కాదు. డచ్‌పై అతని ఆయుధం పుల్‌ షాట్‌లే. 128 పరుగుల్లో 42 ఆ షాట్లతో వచ్చినవే! అవే అతని సెంచరీని తేలిక చేశాయి. షార్ట్‌పిచ్‌ బంతులపై అయ్యర్‌ కనబరిచిన నైపుణ్యం మురిపించింది. ఏ బంతుల్ని ఎలా ఆడాలో... ఏవి వదిలేయాలో వివేకం చూపించాడు.  అయితే కివీస్‌తో జరిగే సెమీస్‌లో మాత్రం అతనికి బౌన్స్, స్వింగ్‌ పరీక్షలు ఎదురవొచ్చు. తప్పకుండా న్యూజిలాండ్‌ నుంచి భారత్‌కు సవాల్‌ ఎదురవుతుంది. ప్రపంచకప్‌ కోసం బాగా సన్నద్ధమై వచ్చారు. వంద శాతం నిబద్ధతతో మెగా ఈవెంట్‌ ఆడుతున్నారు. బౌలింగ్, ఫీల్డింగ్‌లో న్యూజిలాండ్‌ మోహరింపు కట్టుదిట్టంగా ఉంటోంది.  భారత టాప్‌–3 కోసం ఇదివరకే కసరత్తు చేసే వుంటారు. ఇందులో ఏ సందేహం లేదు. బౌలింగ్‌ ఫ్రెండ్లీ వాంఖెడే పిచ్‌పై భారత బ్యాటర్లకు చేజింగ్‌ కాస్త ఇబ్బందికరంగా మారొచ్చు. అయితే మనవాళ్లు బాగా ఆడితే ఎవరైనా ఏమీ చేయలేరు.     

వన్డే ప్రపంచకప్‌-2023 చివరి అంకానికి చేరుకుంది. ఆదివారం జరగనున్న భారత్‌-నెదర్లాండ్‌ మ్యాచ్‌తో ఈ ​మెగా టోర్నీ లీగ్‌ స్టేజి ముగియనుంది. ఇప్పటికే సెమీస్‌ బెర్త్‌లు  ఖరారయ్యాయి. ఈ మెగా టోర్నీ సెమీఫైనల్స్‌కు భారత్‌, దక్షిణాఫ్రికా, ఆస్ట్రేలియా, న్యూజిలాండ్‌ జట్లు అర్హత సాధించాయి. నవంబర్‌ 15న ముంబైలోని వాంఖడే స్టేడియంలో తొలి సెమీఫైనల్లో భారత్‌, న్యూజిలాండ్‌ జట్లు తలపడనున్నాయి. ఆ తర్వాత నవంబర్‌ 16న ఈడెన్‌ గార్డెన్స్‌ వేదికగా రెండో సెమీఫైనల్‌లో దక్షిణాఫ్రికా, ఆస్ట్రేలియా జట్లు అమీతుమీ తెల్చుకోనున్నాయి. అయితే భారత్‌-కివీస్‌ మధ్య జరగనున్న తొలి సెమీఫైనల్‌కు వర్షం ముప్పు పొంచి ఉంది. ఒక వేళ వర్షం కారణంగా ఆట సాధ్యపడకపోతే ఏంటి పరిస్థితి నెటిజన్లు తెగ చర్చించుకుంటున్నారు. అయితే వరల్డ్‌కప్‌ సెమీఫైనల్స్‌, ఫైనల్‌కు ఐసీసీ రిజర్వ్‌డే కేటాయించింది. అంటే బుధవారం(నవంబర్‌ 15) వర్షం వల్ల మ్యాచ్‌ నిలిచిపోతే.. ఆట ఎక్కడ ఆగిందో అక్కడి నుంచి గురువారం(నవంబర్‌ 16) తిరిగి కొనసాగించనున్నారు. రిజర్వ్ డే రోజున ఆడే సమయం మ్యాచ్‌కి షెడ్యూల్ చేయబడిన రోజు మాదిరిగానే ఉంటాయి. అంతేకాకుండా అదనంగా మరో రెండు గంటల సమయాన్ని కూడా ఐసీసీ కేటాయించింది. రిజర్వ్‌డే రోజున ఫలితం తేలాలంటే ఇరు జట్లు   కనీసం 20 ఓవర్ల పాటు బ్యాటింగ్ చేయాల్సి ఉంటుంది. ఒకవేళ రిజర్వ్‌డే రోజు కూడా ఆటసాధ్యపడకపోతే పాయింట్లపట్టికలో లీడింగ్‌లో ఉన్న జట్లు ఫైనల్‌కు అర్హత సాధిస్తుంది. చదవండి: చాలా బాధగా ఉంది.. మేము కొన్ని తప్పులు చేశాం: బాబర్‌ ఆజం

వన్డే ప్రపంచకప్‌-2023లో పాకిస్తాన్‌ కథ ముగిసింది. ఈ మెగా టోర్నీ సెమీఫైనల్‌ రేసు నుంచి పాకిస్తాన్‌ అధికారికంగా నిష్క్రమించింది. ఇంగ్లండ్‌తో మ్యాచ్‌లో 332 పరుగుల లక్ష్యాన్ని 6. 4 ఓవర్లలో చేజ్‌ చేయకపోవడంతో పాక్‌.. ఈ టోర్నీ నుంచి ఇంటిముఖం పట్టింది. కాగా ఇంగ్లండ్‌తో మ్యాచ్‌కు ముందు పాకిస్తాన్‌కు సెమీస్‌కు చేరాలంటే కొన్ని సమీకరణాలు ఉండేవి. పాక్ ముందుగా బ్యాటింగ్ చేస్తే 287 పరుగుల తేడాతో గెలవాలి. ఒకవేళ ఛేజింగ్ చేస్తే  టార్గెట్‌ బట్టి ఎన్ని ఓవర్లలో పూర్తి చేయాలన్నది నిర్ణయిస్తారు. ఉదాహరణకు ఇంగ్లండ్‌ తొలుత బ్యాటింగ్‌ చేసి 300 పరుగులు సాధిస్తే.. 6.1 ఓవర్లలో ఛేజ్‌ చేయాలి. 6.4 ఓవర్లలో 338 టార్గెట్‌.. అయితే ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 9 వికెట్ల నష్టానికి ఏకంగా 337 పరుగులు చేసింది. దీంతో ఐసీసీ సమీకరణాల ప్రకారం.. పాకిస్తాన్‌ సెమీస్‌కు చేరాలంటే లక్ష్యాన్ని కేవలం 6.4 ఓవర్లలో ఛేదించాలి. పాక్‌ 6.4 ఓవర్లలో రెండు వికెట్లు కోల్పోయి కేవలం 30 పరుగులు చేసింది. దీంతో పాకిస్తాన్ ప్రపంచకప్ నుంచి సెమీస్ చేరకుండానే టోర్నీ నుంచి ఔటైంది. భారత్‌ వర్సెస్‌ న్యూజిలాండ్‌ పాకిస్తాన్‌ ఇంటముఖం పట్టడంతో.. న్యూజిలాండ్‌ నాలుగో జట్టుగా ఈ మెగా టోర్నీలో సెమీఫైన్‌లకు అర్హత సాధించింది. నవంబర్‌ 15న వాంఖడే వేదికగా తొలి సెమీఫైనల్లో భారత్‌-న్యూజిలాండ్‌ జట్లు తలపడనున్నాయి. అనంతరం రెండో సెమీఫైనల్లో కోల్‌కతా వేదికగా ఆస్ట్రేలియా-దక్షిణాఫ్రికా జట్లు తాడోపేడో తేల్చుకోనున్నాయి. చదవండి: World Cup 2023: పాకిస్తాన్‌ బౌలర్‌ అత్యంత చెత్త రికార్డు.. 48 ఏళ్ల వరల్డ్‌కప్‌ చరిత్రలోనే

ICC WC 2023- Team India: సొంతగడ్డపై వన్డే వరల్డ్‌కప్‌ ట్రోఫీ గెలిచే సత్తా టీమిండియాకు ఉందని వెస్టిండీస్‌ క్రికెట్‌ దిగ్గజం వివియన్‌ రిచర్డ్స్‌ అన్నాడు. ఆఖరి వరకు జైత్రయాత్ర కొనసాగిస్తూ టైటిల్‌ కైవసం చేసుకుంటుందని అభిప్రాయపడ్డాడు. అయితే, ఈ ప్రయాణంలో ఎలాంటి ప్రతికూల ఆలోచనలు దరిచేరనీయొద్దని రోహిత్‌ సేనకు విజ్ఞప్తి చేశాడు. అలా అయితే మొదటికే మోసం వస్తుందని విండీస్‌ లెజెండరీ ఆల్‌రౌండర్‌ రిచర్డ్స్‌ హెచ్చరించాడు. కాగా ప్రపంచకప్‌-2023లో లీగ్‌ దశలో ఇప్పటివరకు ఆడిన ఎనిమిది మ్యాచ్‌లలోనూ టీమిండియా జయకేతనం ఎగురవేసింది. ఈ క్రమంలో ఇప్పటికే టేబుల్‌ టాపర్‌గా సెమీస్‌ చేరిన రోహిత్‌ సేన..  లీగ్‌ దశలో మిగిలిన ఒక్క మ్యాచ్‌లోనూ గెలుపే లక్ష్యంగా ముందుకు సాగుతోంది. భారీ విజయంతో అజేయంగా నిలవాలని పట్టుదలగా ఉంది. నెదర్లాండ్స్‌ వంటి పసికూనతో మ్యాచ్‌లో భారత జట్టుకు ఇదేమీ అంతకష్టమని పనికాదు. న్యూజిలాండ్‌తో మ్యాచ్‌ అంటేనే ఇదిలా ఉంటే.. తొలి సెమీ ఫైనల్లో టీమిండియాతో తలపడేందుకు న్యూజిలాండ్‌ సిద్ధమైంది. శ్రీలంకపై ఘన విజయంతో అనధికారికంగా సెమీస్‌ బెర్తు ఖరారు చేసుకున్న కివీస్‌.. రోహిత్‌ సేనతో తలపడటం దాదాపుగా ఖాయమైపోయింది. అయితే, 2015, 2019 టోర్నీల్లో టీమిండియాకు న్యూజిలాండ్‌ చేతిలో ఎదురైన చేదు అనుభవాల దృష్ట్యా ఈసారి ఏం జరుగుతుందోననే ఆందోళన అభిమానులను వెంటాడుతోంది. ఈ క్రమంలో వివియన్‌ రిచర్డ్స్‌ చేసిన వ్యాఖ్యలు ప్రాధాన్యం సంతరించుకున్నాయి. అలా అయితేనే ఆఖరి వరకు అజేయంగా ఐసీసీ వెబ్‌సైట్‌తో మాట్లాడుతూ.. ‘‘టీమిండియా చివరి దాకా అజేయంగా నిలుస్తుందనే నమ్మకం ఉంది. అయితే, కొన్నిసార్లు.. ‘మేము ఇక్కడిదాకా బాగానే ఆడాం.. కానీ సెమీ ఫైనల్లో ఏం జరుగుతుందో’ అనే భయాలు ఉండటం సహజం. కానీ ఇలాంటి ప్రతికూల అంశాల గురించి ఎంత పక్కనపెడితే అంత మంచిది. ఇప్పటిదాకా ఆత్మవిశ్వాసంతో ఎలా ఆడారో ఇక ముందు కూడా అలాగే ఆడాలి. వాళ్ల మైండ్‌సెట్‌లో ఎలాంటి మార్పూ రాకూడదు’’ అని వివియన్‌ రిచర్డ్స్‌ పేర్కొన్నాడు. నెగటివ్‌గా అనిపించే ప్రతి విషయాన్ని భారత ఆటగాళ్లు పక్కనపెట్టాలని ఈ సందర్భంగా సూచించాడు. చదవండి: కానిస్టేబుల్‌ కొడుకు నుంచి టీమిండియా క్రికెటర్‌ దాకా! సంజూ ఆస్తి ఎంతంటే!  పాక్‌కు సెమీస్‌ అవకాశాలు ఇంకా ఉన్నాయి.. ఆ ముగ్గురు కీలకం: బాబర్‌ 

గత ప్రపంచకప్‌ రన్నరప్‌ న్యూజిలాండ్‌ కీలక సమరంలో తమ సత్తా చాటింది. టోర్నీలో వరుసగా నాలుగు విజయాల తర్వాత నాలుగు పరాజయాలతో తమ పరిస్థితిని క్లిష్టంగా మార్చుకున్న కివీస్‌ ఆఖరి ఆటలో స్థాయికి తగ్గ ప్రదర్శనను కనబర్చి దాదాపు సెమీఫైనల్లోకి అడుగు పెట్టింది. చివరి మ్యాచ్‌లో శ్రీలంకను చిత్తు చేసిన ఆ జట్టు మరే జట్టుపై ఆధారపడకుండా తమ సెమీస్‌ అవకాశాలను తానే సృష్టించుకుంది. కివీస్‌ గెలుపుతో పాకిస్తాన్‌ సెమీస్‌ ఆశలు చేజారాయి.  సాంకేతికంగా, అంకెల ప్రకారం పాక్‌ పూర్తిగా, అధికారికంగా నిష్క్రమించకపోయినా... అసాధ్యమైన, ఊహకు కూడా అందని తరహాలో ఆ జట్టు తర్వాతి మ్యాచ్‌లో గెలవాల్సిన నేపథ్యంలో వాస్తవికంగా చూస్తే పాక్‌ ఆట ముగిసినట్లే!    బెంగళూరు: పదునైన బౌలింగ్, ఆపై దూకుడైన బ్యాటింగ్‌తో న్యూజిలాండ్‌ వరల్డ్‌కప్‌ లీగ్‌ దశను ఘనంగా ముగించింది. సెమీస్‌ అవకాశాలు నిలిచి ఉండాలంటే తప్పనిసరిగా గెలవాల్సిన మ్యాచ్‌లో చెలరేగిన ఆ జట్టు తమ లక్ష్యాన్ని నిర్విఘ్నంగా పూర్తి చేసింది. గురువారం చిన్నస్వామి స్టేడియంలో జరిగిన ఈ మ్యాచ్‌లో న్యూజిలాండ్‌ ఐదు వికెట్ల తేడాతో శ్రీలంకను ఓడించింది. టాస్‌ ఓడి ముందుగా బ్యాటింగ్‌కు దిగిన లంక 46.4 ఓవర్లలో 171 పరుగులకే ఆలౌటైంది. కుశాల్‌ పెరీరా (28 బంతుల్లో 51; 9 ఫోర్లు, 2 సిక్స్‌లు) అర్ధసెంచరీ సాధించాడు. 10 ఓవర్లలోపే 70/5 స్కోరుతో కుప్పకూలేందుకు సిద్ధమైన లంక... చివర్లో మహీశ్‌ తీక్షణ (91 బంతుల్లో 38 నాటౌట్‌; 3 ఫోర్లు) రాణించడంతో ఈ మాత్రం స్కోరైనా సాధించగలిగింది. ‘ప్లేయర్‌ ఆఫ్‌ ద మ్యాచ్‌’ ట్రెంట్‌ బౌల్ట్‌ (3/37)తో పాటు ఇతర కివీస్‌ బౌలర్లూ సత్తా చాటి ప్రత్యర్థిని పడగొట్టారు. అనంతరం న్యూజిలాండ్‌ 23.2 ఓవర్లలో 5 వికెట్లకు 172 పరుగులు సాధించింది. కాన్వే (42 బంతుల్లో 45; 9 ఫోర్లు), రచిన్‌ రవీంద్ర (34 బంతుల్లో 42; 3 ఫోర్లు, 3 సిక్స్‌లు) తొలి వికెట్‌కు 74 బంతుల్లోనే 86 పరుగులు జోడించి విజయానికి పునాది వేయగా, మిచెల్‌ (31 బంతుల్లో 43; 5 ఫోర్లు, 2 సిక్స్‌లు) కీలక ఇన్నింగ్స్‌ ఆడాడు. ఈ ఫలితంతో న్యూజిలాండ్‌ సెమీస్‌కు చేర డం దాదాపుగా ఖాయం కాగా... కివీస్‌ ఓటమిపై ఆశలు పెట్టుకున్న పాక్, అఫ్గానిస్తాన్‌కు నిరాశ తప్పలేదు.  స్కోరు వివరాలు   శ్రీలంక ఇన్నింగ్స్‌: నిసాంక (సి) లాథమ్‌ (బి) సౌతీ 2; పెరీరా (సి) సాన్‌ట్నర్‌ (బి) ఫెర్గూసన్‌ 51; మెండిస్‌ (సి) రచిన్‌ (బి) బౌల్ట్‌ 6; సమరవిక్రమ (సి) మిచెల్‌ (బి) బౌల్ట్‌ 1; అసలంక (ఎల్బీ) (బి) బౌల్ట్‌ 8; మాథ్యూస్‌ (సి) మిచెల్‌ (బి) సాన్‌ట్నర్‌ 16; ధనంజయ (సి) మిచెల్‌ (బి) సాన్‌ట్నర్‌ 19; కరుణరత్నే (సి) లాథమ్‌ (బి) ఫెర్గూసన్‌ 6; తీక్షణ (నాటౌట్‌) 38; చమీర (సి) బౌల్ట్‌ (బి) రచిన్‌ 1; మదుషంక (సి) లాథమ్‌ (బి) రచిన్‌ 19; ఎక్స్‌ట్రాలు 4; మొత్తం (46.4 ఓవర్లలో ఆలౌట్‌) 171. వికెట్ల పతనం: 1–3, 2–30, 3–32, 4–70, 5–70, 6–104, 7–105, 8–113, 9–128, 10–171. బౌలింగ్‌: బౌల్ట్‌ 10–3–37–3, సౌతీ 8–0–52–1, ఫెర్గూసన్‌ 10–2–35–2, సాన్‌ట్నర్‌ 10–2–22–2, రచిన్‌ 7.4–0–21–2, ఫిలిప్స్‌ 1–0–3–0.   న్యూజిలాండ్‌ ఇన్నింగ్స్‌: కాన్వే (సి) ధనంజయ (బి) చమీర 45; రచిన్‌ (సి) ధనంజయ (బి) తీక్షణ 42; విలియమ్సన్‌ (బి) మాథ్యూస్‌ 14; మిచెల్‌ (సి) అసలంక (బి) మాథ్యూస్‌ 43; చాప్‌మన్‌ (రనౌట్‌) 7; ఫిలిప్స్‌ (నాటౌట్‌) 17; లాథమ్‌ (నాటౌట్‌) 2; ఎక్స్‌ట్రాలు 2; మొత్తం (23.2 ఓవర్లలో 5 వికెట్లకు) 172. వికెట్ల పతనం: 1–86, 2–88, 3–130, 4–145, 5–162. బౌలింగ్‌: మదుషంక 6.2–0–58–0, తీక్షణ 7–0–43–1, ధనంజయ 2–0–22–0, చమీర 4–1–20–1, మాథ్యూస్‌ 4–0–29–2.   ప్రపంచకప్‌లో నేడు దక్షిణాఫ్రికా x  అఫ్గానిస్తాన్‌ వేదిక: అహ్మదాబాద్‌ మధ్యాహ్నం 2 గంటల నుంచి స్టార్‌ స్పోర్ట్స్, హాట్‌స్టార్‌ యాప్‌లో ప్రత్యక్ష ప్రసారం

వన్డే వరల్డ్‌కప్‌ 2023లో ఇవాళ (నవంబర్‌ 9) అత్యంత కీలకమైన మ్యాచ్‌ జరుగనుంది. బెంగళూరు వేదికగా జరిగే ఈ మ్యాచ్‌లో శ్రీలంక,న్యూజిలాండ్‌ జట్లు తలపడనున్నాయి. సెమీస్‌ రేసులో ముందువరుసలో ఉన్న న్యూజిలాండ్‌ ఈ మ్యాచ్‌లో తప్పనిసరిగా గెలవాల్సి ఉంది. లంకపై కివీస్‌ భారీ తేడాతో గెలిస్తే, సెమీస్‌ రేసులో ఉన్న పాకిస్తాన్‌, ఆఫ్ఘనిస్తాన్‌లతో పోటీ ఉండదు. ఆయా జట్ల గెలుపోటములతో సంబంధం లేకుండా న్యూజిలాండ్‌ సెమీస్‌కు చేరుకుంటుంది.  లంక చేతితో ఓడినా సెమీస్‌కు చేరే అవకాశం ఉంటుంది.. ఒకవేళ ఇవాళ జరిగే మ్యాచ్‌లో న్యూజిలాండ్‌.. శ్రీలంక చేతిలో ఓడినా సెమీస్‌ చేరే అవకాశం ఉంటుంది. అదెలా అంటే.. సెమీస్‌ రేసులో ఉన్న మిగతా రెండు జట్లు తమతమ ప్రత్యర్దుల చేతుల్లో ఓడాల్సి ఉంటుంది. అప్పుడు న్యూజిలాండ్‌, పాక్‌, ఆఫ్ఘనిస్తాన్‌కు సమానంగా 8 పాయింట్లు ఉంటాయి. ఇక్కడ మెరుగైన రన్‌రేట్‌ కలిగిన జట్టు సెమీస్‌కు చేరుకుంటుంది.  ఎవరు గెలిచినా సెమీస్‌లో టీమిండియానే ప్రత్యర్ధి.. ప్రస్తుతం సెమీస్‌ రేసులో ఉన్న మూడు జట్లలో (కివీస్‌, పాక్‌, ఆఫ్ఘనిస్తాన్‌) ఏ జట్టు ఫైనల్‌ ఫోర్‌కు అర్హత సాధించినా అక్కడ వారి ప్రత్యర్ది టీమిండియానే అవుతుంది. ఎందుకంటే.. పాయింట్ల పట్టికలో అగ్రస్థానంలో ఉన్న జట్టు.. నాలుగో స్థానంలో నిలిచే జట్టుతో తలపడాల్సి ఉంది. రెండు, మూడు స్థానాల్లో నిలిచే జట్లు మరో సెమీస్‌లో తలపడతాయి.  ప్రస్తుత ఎడిషన్‌లో వరుసగా 8 మ్యాచ్‌ల్లో గెలిచిన భారత్‌.. తమ ఆఖరి లీగ్‌ మ్యాచ్‌లో నెదర్లాండ్స్‌ చేతిలో ఓడినా పాయింట్ల పట్టికలో అగ్రస్థానంలోనే నిలుస్తుంది. అలాగే రెండు, మూడు స్థానాల్లో ఉన్న సౌతాఫ్రికా, ఆస్ట్రేలియా జట్లు సైతం మరో లీగ్‌ మ్యాచ్‌ ఆడాల్సి ఉన్నప్పటికీ.. గెలుపోటములు వారి స్థానాలపై ప్రభావం చూపవు. కాబట్టి రెండో సెమీస్‌లో సౌతాఫ్రికా, ఆసీస్‌ పోరు ఖరారైపోయింది. సెమీస్‌ ఎప్పుడు, ఎక్కడ అంటే.. ప్రస్తుత వరల్డ్‌కప్‌లో రెండో సెమీస్‌లో తలపడే జట్లు ఏవో తేలిపోయింది. తొలి సెమీస్‌లో భారత్‌తో తలపడబోయే జట్టు ఏదో తేలాల్సి ఉంది. ప్రస్తుతం సెమీస్‌ రేసులో ఉన్న కివీస్‌, పాక్‌, ఆఫ్ఘనిస్తాన్‌లలో ఏ జట్టు సెమీస్‌కు చేరినా ముంబై వేదికగా నవంబర్ 15న భారత్‌తో తలపడాల్సి ఉంటుంది. కోల్‌కతా వేదికగా నవంబర్‌ 16న జరిగే రెండో సెమీస్‌లో సౌతాఫ్రికా, ఆసీస్‌ పోరు ఖాయమైపోయింది. ఈ రెండు సెమీస్‌లలో గెలిచే జట్లు నవంబర్‌ 19న అహ్మదాబాద్‌లో జరిగే ఫైనల్లో అమీతుమీ తేల్చుకుంటాయి.  

వన్డే ప్రపంచకప్‌-2023లో భాగంగా పుణే వేదికగా దక్షిణాఫ్రికాతో జరిగిన మ్యాచ్‌లో 190 పరుగుల తేడాతో న్యూజిలాండ్‌ ఓటమి పాలైంది. 358 పరుగుల భారీ లక్ష్యంతో బరిలోకి దిగిన కివీస్‌.. ప్రోటీస్‌ బౌలర్ల ధాటికి 167 పరుగులకే కుప్పకూలింది. ఇక న్యూజిలాండ్‌ ఘోర ఓటమితో పాయింట్ల పట్టికలో భారీ మార్పులు చోటుచేసుకున్నాయి. కివీస్‌ నాలుగో స్ధానానికి చేరుకోగా.. ఆస్ట్రేలియా మూడో స్ధానానికి ఎగబాకింది. కివీస్‌ ఓటమితో  పాకిస్తాన్‌ సెమీస్‌ అవకాశాలు మరింత రెట్టింపు అయ్యాయి.  పాకిస్తాన్‌ సెమీస్‌కు చేరాలంటే? ఈ టోర్నీలో ఇప్పటివరకు 7 మ్యాచ్‌లు ఆడిన పాకిస్తాన్‌ 3 మ్యాచ్‌ల్లో విజయం సాధించింది. ఇంకా పాకిస్తాన్‌కు రెండు మ్యాచ్‌లు మిగిలి ఉన్నాయి. న్యూజిలాండ్‌, ఇంగ్లండ్‌ జట్లతో పాకిస్తాన్‌ తలపడనుంది. ఈ మెగా ఈవెంట్‌లో పాకిస్తాన్‌ సెమీస్‌ చేరాలంటే.. ఇంగ్లండ్‌, న్యూజిలాండ్‌పై కచ్చితంగా విజయం సాధించాలి.  అప్పుడు పాక్‌ జట్టు ఖాతాలో 10 పాయింట్లు చేరుతాయి. అయితే  ఈ 10 పాయింట్లతో పాకిస్థాన్ సెమీస్ చేరడం చాలా కష్టం. ఈ సమయంలో ఇతర జట్ల ఫలితాలపై పాక్ భవితవ్యం ఆధారపడి ఉంటుంది. ప్రస్తుతం 8 పాయింట్లతో నాలుగో స్ధానంలో కివీస్‌ మిగిలిన రెండు మ్యాచ్‌ల్లో ఓడిపోవాలి. మరోవైపు ఆరో స్థానంలో ఉన్న అఫ్గానిస్తాన్‌ మిగిలిన మూడు మ్యాచ్‌ల్లో ఒకటి కంటే ఎక్కువ మ్యాచులు గెలవకూడదు. అప్పుడు ఈ కివీస్‌, అఫ్గాన్‌ రెండు జట్లు 8 పాయింట్లతో ఉంటే.. పాక్ 10 పాయింట్లతో సెమీస్ చేరుతుంది. ఒక వేళ  కివీస్‌ ఒక్క మ్యాచ్‌, అఫ్గానిస్తాన్‌ రెండు మ్యాచ్‌ల్లో విజయం సాధిస్తే అప్పుడు మూడు జట్లు 10 పాయింట్లతో సమంగా నిలుస్తాయి. ఈ క్రమంలో రన్‌రేట్‌ పరంగా మూడింటిలో ఒక జట్టు సెమీస్‌కు అర్హత సాధిస్తుంది. కాగా పాయింట్ల పట్టికలో ప్రస్తుతం మూడో స్ధానంలో ఆస్ట్రేలియా సెమీస్‌కు ఈజీగా చేరే ఛాన్స్‌ ఉంది. ఎందుకంటే ఆసీస్‌కు ఇంకా మూడు మ్యాచ్‌లు మిగిలి ఉన్నాయి. మూడు మ్యాచ్‌ల్లో రెండు గెలిచిన చాలు. ఎందుకంటే మెరుగైన రన్‌రేట్‌ ఉంది కాబట్టి సెమీస్‌కు అసీస్‌ క్వాలిఫై అవుతోంది. ఈ నేపథ్యంలో నాలుగో స్ధానం కోసం తీవ్ర పోటీ నెలకొనడం ఖాయమన్పిస్తోంది. చదవండి: World Cup 2023: న్యూజిలాండ్‌ను చిత్తు చేసిన దక్షిణాఫ్రికా.. 190 పరుగుల తేడాతో భారీ విజయం

భారత్‌ వేదికగా జరుగుతున్న వన్డే ప్రపంచకప్‌-2023 రసవత్తరంగా సాగుతోంది. మంగళవారం చెన్నై వేదికగా దక్షిణాఫ్రికా- బంగ్లాదేశ్‌ మధ్య జరిగిన మ్యాచ్‌తో ఈ మెగా టోర్నీలో సగం మ్యాచ్‌లు ముగిశాయి. సెమీఫైనల్స్‌, ఫైనల్‌ మ్యాచ్‌లతో కలిపి ఈ టోర్నీలో మొత్తం 48 మ్యాచ్‌లు జరగాల్సి ఉండగా.. ఇప్పటివరకు 23 మ్యాచ్‌లు పూర్తయ్యాయి. కాగా ఇప్పటివరకు జరిగిన ఈ టోర్నీ మొదటి అర్ధబాగంలో ఎన్నో సంచలనాలు నమోదయ్యాయి. ఆఫ్గానిస్తాన్‌, నెదర్లాండ్స్‌ వంటి పసికూనలు వరల్డ్‌క్లాస్‌ జట్లను మట్టికరిపించాయి. ఇంగ్లండ్‌, పాకిస్తాన్‌ వంటి మేటి జట్లను ఆఫ్గానిస్తాన్‌ చిత్తుచేయగా.. దక్షిణాఫ్రికాను నెదర్లాండ్స్‌ ఓడించింది.  సెమీఫైనల్స్‌కు చేరేది ఎవరు? ఈ ఏడాది వరల్డ్‌కప్‌లో టీమిండియా వరుస విజయాలతో దూసుకుపోతుంది. ఇప్పటివరకు 5 మ్యాచ్‌లు ఆడిన భారత్‌.. ఐదింట విజయం సాధించి పాయింట్ల పట్టికలో అగ్రస్ధానంలో కొనసాగుతోంది. ఈ టోర్నీలో భారత జట్టు పటిష్ట ఆస్ట్రేలియా, పాకిస్తాన్‌, న్యూజిలా​ండ్‌ను చిత్తు చేసింది. ఇక పాయింట్ల పట్టికలో టీమిండియా తర్వాత దక్షిణాఫ్రికా ఉంది. దక్షిణాఫ్రికా కూడా సూపర్‌ ఫామ్‌లో ఉంది. ఇప్పటివరకు 5 మ్యాచ్‌లు ఆడిన ప్రోటీస్‌.. నాలుగింట విజయం సాధించింది. ఇక మూడో స్ధానంలో కివీస్‌ ఉంది. కివీస్‌ కూడా టోర్నీ ఆరంభం నుంచి అదరగొడుతోంది. భారత్‌తో మినహా మిగితా మ్యాచ్‌లన్నింటిలోనూ బ్లాక్‌ క్యాప్స్‌ అద్భుతమైన ప్రదర్శన కనబరిచారు. ఇక కివీస్‌ తర్వాత స్ధానంలో ఆస్ట్రేలియా ఉంది. టోర్నీ ఆరంభంలో కాస్త తడబడిన ఆసీస్.. ఆ తర్వాత తిరిగి గాడిలో పడింది. ఇప్పటివరకు 4 మ్యాచ్‌లు ఆడిన ఆసీస్‌ రెండు విజయాలతో పాయింట్ల పట్టికలో నాలుగో స్ధానంలో ఉంది. టాప్‌-4లో నిలిచిన నాలుగు జట్లు సెమీఫైనల్స్‌ అర్హత సాధిస్తాయి. అయితే హాఫ్‌ స్టేజి ముగిసేటప్పటికి సెమీఫైనల్‌ చేరే జట్లపై ఇంకా సృష్టత రాలేదు. మరో రెండు మూడు రోజుల్లో సెమీఫైనల్‌ చేరే జట్లపై ఒక క్లారిటీ వచ్చే ఛాన్స్‌ ఉంది.  నవంబర్‌ 15న ముంబై వేదికగా తొలి సెమీఫైనల్‌.. నవంబర్‌ 16న ఈడెన్‌ గార్డెన్స్‌ వేదికగా రెండో సెమీఫైనల్‌ జరగనుంది. ఇక ఫైనల్‌ నవంబర్‌ 19న అహ్మదాబాద్‌ వేదికగా జరగనుంది. చదవండి:  ఐపీఎల్‌ ఆడిన అనుభవం కలిసొచ్చింది.. అతడు మాత్రం అద్బుతం: సౌతాఫ్రికా కెప్టెన్‌

ఆసియాక్రీడలు 2023లో భారత మహిళల హకీ జట్టు తమ జోరును కొనసాగిస్తోంది. హాంకాంగ్‌తో జరిగిన  చివరి పూల్ మ్యాచ్‌లో భారత జట్టు 13-0తో విజయం సాధించింది. ఇప్పటికే సెమీస్‌ బెర్త్‌ను ఖారారు చేసుకున్న టీమిండియా.. ఈ విజయంతో తమ ఆత్మవిశ్వాసాన్ని మరింత పెంచుకుంది. భారత జట్టులో వందనా కటారియా, దీపికా, దీప్‌ గ్రేస్‌ ఎక్కా తలా మూడు గోల్స్‌తో అదరగొట్టారు. వీరి ముగ్గురితో పాటు సంగీతా కుమారి రెండు గోల్స్‌, నవనీత్‌ కౌర్ ఒక్క గోల్‌ సాధించారు. కాగా పూల్‌-ఎలో భారత మహిళ జట్టు 4 విజయాలు సాధించి 10 పాయింట్లతో అగ్ర స్ధానంలో నిలిచింది. కాగా ప్రతీ పూల్‌ నుంచి మొదటి రెండు స్ధానాల్లో నిలిచిన జట్లు సెమీఫైనల్‌కు అర్హత సాధించాయి. ఇక గురువారం జరగనున్న సెమీ ఫైనల్‌లో పూల్-బి రన్నరప్‌తో భారత్ తలపడనుంది.  చదవండి: అతడిని భారత క్రికెటర్‌గా చాలా సంతోషంగా ఉంది: దినేష్‌ కార్తీక్‌

ప్యాంగ్‌చాంగ్‌ (దక్షిణ కొరియా): ఆసియా టేబుల్‌ టెన్నిస్‌ (టీటీ) చాంపియన్‌షిప్‌లో భారత పురుషుల జట్టు సెమీఫైనల్లోకి దూసుకెళ్లి కనీసం కాంస్య పతకాన్ని ఖాయం చేసుకుంది. సోమవారం జరిగిన క్వార్టర్‌ ఫైనల్లో భారత జట్టు 3–0తో సింగపూర్‌ జట్టును ఓడించింది. భారత మహిళల జట్టు క్వార్టర్‌ ఫైనల్లో 0–3తో జపాన్‌ చేతిలో ఓడిపోయింది. సింగపూర్‌తో తొలి మ్యాచ్‌లో 41 ఏళ్ల ఆచంట శరత్‌ కమల్‌ 11–1, 10–12, 11–8, 11–13, 14–12తో ఇజాక్‌ క్వెక్‌పై నెగ్గగా... రెండో మ్యాచ్‌లో సత్యన్‌ జ్ఞానశేఖరన్‌ 11–6, 11–8, 12–10తో యె ఎన్‌ కొయెన్‌ పాంగ్‌ను ఓడించాడు. దాంతో భారత్‌ 2–0తో ఆధిక్యంలోకి వెళ్లింది. మూడో మ్యాచ్‌లో హరీ్మత్‌ దేశాయ్‌ 11–9, 11–4, 11–6తో జె యు క్లారెన్స్‌ చ్యూపై గెలవడంతో భారత్‌ 3–0తో విజయాన్ని ఖాయం చేసుకుంది. బుధవారం జరిగే సెమీఫైనల్స్‌లో చైనీస్‌ తైపీతో భారత్‌; దక్షిణ కొరియాతో చైనా తలపడతాయి. చదవండి: World Cup 2023: నేడు భారత ప్రపంచకప్‌ జట్టు ప్రకటన.. ఎవరూ ఊహించని ఆటగాడి ఎంట్రీ!

భారత స్టార్‌ షట్లర్‌ లక్ష్యసేన్‌ జపాన్‌ ఓపెన్‌ నుంచి నిష్క్రమించాడు. శనివారం జరిగిన పురుషుల సింగిల్స్‌ సెమీఫైనల్స్‌లో ఇండోనేషియాకు చెందిన జొనాథన్‌ క్రిస్టీ చేతిలో 21-15,13-21,21-16తో ఓటమిపాలయ్యాడు. తొలి గేమ్‌లో ఇద్దరు నువ్వా-నేనా అన్నట్లుగా తలపడ్డారు. అయితే గేమ్‌ ఆఖర్లో లక్ష్యసేన్ పట్టు సడలించడంతో 21-15 తేడాతో జొనాథన్‌ మొదటి గేమ్‌ను సొంతం చేసుకున్నాడు. దాంతో లక్ష్యసేన్‌ రెండో గేమ్‌ను కసిగా మొదలుపెట్టాడు. గేమ్‌ ఆద్యంతం ఎక్కడా జొనాథన్‌ను పైచేయి సాధించనీయలేదు. దాంతో 13-21 తేడాతో రెండో గేమ్‌ను కైవసం చేసుకున్నాడు. అయితే నిర్ణయాత్మక మూడో గేమ్‌లో లక్ష్యసేన్‌ అదే జోరును కంటిన్యూ చేయలేకపోయాడు. చివరకు జొనాథన్‌ 21-16తో గేమ్‌ను గెలిచి ఫైనల్లో అడుగుపెట్టాడు. Jonatan Christie 🇮🇩 and Lakshya Sen 🇮🇳 give it their all for a spot in the finals.#BWFWorldTour #JapanOpen2023 pic.twitter.com/0eSj6ZLOIH — BWF (@bwfmedia) July 29, 2023 చదవండి: ‘హండ్రెడ్‌’ టోర్నీకి జెమీమా  151 కి.మీ వేగంతో బౌలింగ్‌.. అయినా 104 మీటర్ల భారీ సిక్స్‌! వీడియో వైరల్‌

భారత టాప్‌ షట్లర్‌ లక్ష్యసేన్‌ మరో టైటిల్‌కు దగ్గరయ్యాడు.జపాన్‌ ఓపెన్‌ బ్యాడ్మింటన్‌ టోర్నీలో భాగంగా లక్ష్యసేన్‌ సెమీస్‌కు దూసుకెళ్లాడు. శుక్రవారం జరిగిన క్వార్టర్‌ ఫైనల్లో జపాన్‌కు చెందిన లోకల్‌ ప్లేయర్‌ కోకి వతాన్బేను 21-15, 21-19 వరుస గేముల్లో చిత్తు చేశాడు. ఇక రేపు(శనివారం) జరగనున్న సెమీఫైనల్లో ఇండోనేషియాకు చెందిన జోనాథన్‌ క్రిస్టీతో తలపడనున్నాడు. Lakshya Sen enters semifinals of Japan Open, Satwik-Chirag out READ: https://t.co/XMwjavlFmc#LakshyaSen #Badminton #JapanOpen pic.twitter.com/oRgSxUuxR3 — TOI Sports (@toisports) July 28, 2023 వరల్డ్‌ నెంబర్‌ పదో ర్యాంకర్‌ హెచ్‌ఎస్‌ ప్రణయ్‌ పోరాటం క్వార్టర్స్‌లో ‍ముగిసింది. డెన్మార్క్‌కు చెందిన ప్రపంచ నెంబర్‌వన్‌ విక్టర్‌ అక్సెల్‌సెన్‌ చేతిలో 21-19, 18-21,8-21తో ఓడిపోయాడు. అయితే తొలి గేమ్‌ను 21-19తో గెలిచి రెండో గేమ్‌లోనూ ఒక దశలో 7-1తో ఆధిక్యంలో కనిపించిన ప్రణయ్‌ ఆ తర్వాత అనవసర ఒత్తిడికి లోనయ్యాడు. ఆ తర్వాత 18-21తో రెండో గేమ్‌ కోల్పోయిన ప్రణయ్‌.. మూడో గేమ్‌లో పూర్తిగా చేతులెత్తేశాడు. సాత్విక్‌-చిరాగ్‌ జోడి ఓటమి భారత డబుల్స్‌ టాప్‌ షట్లర్స్‌ సాత్విక్‌-చిరాగ్‌ శెట్టి జోడి పోరాటం ముగిసింది. ఇటీవలే కొరియా ఓపెన్‌ నెగ్గి జోరు మీదున్న ఈ ద్వయం ఈ టోర్నీలో ఒక్క గేమ్‌ కూడా కోల్పోకుండా గెలుస్తూ మరో టైటిల్‌ గెలిచేలా కనిపించింది. అయితే శుక్రవారం జరిగిన డబుల్స్‌ క్వార్టర్‌ ఫైనల్స్‌లో చైనీస్‌ తైపీకి చెందిన ఒలింపిక్‌ చాంపియన్స్‌ లీ యాంగ్‌- వాంగ్‌ చీ-లాన్‌ చేతిలో 15-21, 25-23, 16-21తో ఓటమి పాలయ్యారు. చదవండి: రోహిత్‌ చివరగా ఏడో స్థానంలో ఎప్పుడు బ్యాటింగ్‌కు వచ్చాడంటే? Major League Cricket 2023: డికాక్‌ విధ్వంసకర ఇన్నింగ్స్‌.. ఫైనల్లో సీటెల్‌ ఓర్కాస్

ఎమర్జింగ్‌ ఆసియా కప్‌ 2023లో ఇండియా-ఏ జట్టు ఫైనల్లో అడుగుపెట్టింది. శుక్రవారం బంగ్లాదేశ్‌-ఏతో జరిగిన సెమీఫైనల్లో ఇండియా-ఏ జట్టు 51 పరుగుల తేడాతో ఘన విజ​యాన్ని అందుకుంది. ఇక​ ఆదివారం చిరకాల ప్రత్యర్థి పాకిస్తాన్‌తో ఫైనల్లో అమితుమీ తేల్చుకోనుంది. ఈ సంగతి పక్కనబెడితే సెమీఫైనల్‌ సందర్భంగా ఇండియా, బంగ్లాదేశ్‌ ఆటగాళ్లు ఎక్కడా తగ్గలేదు. మొదట టీమిండియా బ్యాటింగ్‌ సమయంలో వికెట్‌ పడ్డ ప్రతీసారి బంగ్లా ఆటగాళ్లు టీమిండియా బ్యాటర్లపై ఏదో ఒక కామెంట్‌ చేస్తూ పెవిలియన్‌ సిగ్నల్‌ చూపించారు. ఒక్కసారి అంటే ఏదో అనుకోవచ్చు.. పదే పదే అదే చర్యకు పాల్పడుతూ శ్రుతి మించారు. ఇదంతా టీమిండియా ఆటగాళ్లు గమనిస్తూనే వచ్చారు. మాకు టైం వచ్చినప్పుడు మేమేంటో చూపిస్తాం అన్నట్లుగా సైలెంట్‌గా ఉన్నారు. ఇక బంగ్లా ఇన్నింగ్స్‌ సమయంలో ఇండియా- ఏ ఆటగాళ్లు కూడా ఏమాత్రం తగ్గలేదు. బంగ్లా వికెట్‌ కోల్పోయిన ప్రతీసారి గట్టిగా అరుస్తూ సెలబ్రేట్‌ చేసుకున్నారు.  ఈ నేపథ్యంలో బంగ్లా సీనియర్‌ బ్యాటర్‌ సౌమ్యా సర్కార్‌, ఇండియా-ఏ ఆటగాడు హర్షిత్‌ రానాల మధ్య మాటల యుద్దం చోటుచేసుకోవడం ఆసక్తి కలిగించింది. విషయంలోకి వెళితే.. ఇన్నింగ్స్‌ 26వ ఓవర్‌ యువరాజ్‌సిన్హ్‌ దోదియా వేశాడు. ఆ ఓవర్‌లో రెండో బంతిని సౌమ్యా సర్కర్‌ షాట్‌ ఆడే ప్రయత్నంలో ఇన్‌సైడ్‌ ఎడ్జ్‌ అయి స్లిప్‌లో ఉన్న నికిన్‌ జోస్‌కు దొరికిపోయాడు. కీలక వికెట్‌ కావడంతో ఇండియా-ఏ ఆటగాళ్లు సంబరాలు మొదలుపెట్టారు. అయితే హర్షిత్‌ రానా సౌమ్యా సర్కర్‌ మొహం ముందు గట్టిగా అరుస్తూ పంచ్‌లు గుద్దుతూ సెలబ్రేట్‌ చేసుకున్నాడు. ఇది నచ్చిన సౌమ్యా సర్కార్‌ హర్షిత్‌ రానాతో గొడవకు దిగాడు. ఇద్దరు మాటమాట అనుకున్నారు. అంపైర్‌ వచ్చేలోపే ఇద్దరు దూషణకు దిగారు. ఇంతలో ఆటగాళ్లు వచ్చి ఇద్దరిని విడదీసే ప్రయత్నం చేశారు. సాయి సుదర్శన్‌ వచ్చి సౌమ్యా సర్కార్‌ను వెళ్లమంటూ పక్కకు తీసుకెళ్లాడు. అయితే పెవిలియన్‌ వెళ్తున్న సమయంలోనూ సౌమ్యా సర్కార్‌ హర్షిత్‌ రానాపై మాటల యుద్దం కొనసాగించాడు.  అయితే హర్షిత్‌ రానా ఇంత వైల్డ్‌గా రియాక్ట్‌ అవ్వడానికి ఒక కారణం ఉంది. టీమిండియా బ్యాటింగ్‌ సమయంలో యష్‌దుల్‌ ఔటైన సందర్భంలో సౌమ్యా సర్కార్‌ అసభ్యకర వ్యాఖ్యలు చేసి శ్రుతి మించాడు. ఇది మనసులో పెట్టుకున్న హర్షిత్‌ రానా సౌమ్యా సర్కార్‌ ఔటవ్వగానే  బదులు తీర్చుకున్నాడు. ''నువ్వు మొదలుపెట్టావ్‌..నేను పూర్తి చేశా.. లెక్క సరిపోయింది'' అంటూ కామెంట్‌ చేయడం స్టంప్‌ మైక్‌లో రికార్డయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. India vs Bangladesh - never short of some heat 🔥 . .#EmergingAsiaCup2023 #INDAvBANA pic.twitter.com/xxnMx8Arez — FanCode (@FanCode) July 21, 2023 చదవండి: దురదృష్టవంతుల లిస్ట్‌లో బెయిర్‌ స్టో.. ఏడో క్రికెటర్‌గా Lionel Messi: మెస్సీనా మజాకా.. క్లబ్‌లు మారినా గోల్స్‌​ మాత్రం ఆగడం లేదుగా

యోసు (కొరియా): భారత అగ్రశ్రేణి బ్యాడ్మింటన్‌ జోడీ సాత్విక్‌ సాయిరాజ్‌– చిరాగ్‌ శెట్టి కొరియా ఓపెన్‌ వరల్డ్‌ టూర్‌ సూపర్‌–500 టోర్నమెంట్‌లో సెమీ ఫైనల్లో అడుగుపెట్టింది. శుక్రవారం జరిగిన పురుషుల డబుల్స్‌ క్వార్టర్‌ ఫైనల్లో ప్రపంచ మూడో ర్యాంకు జంట వరుస సెట్లలో ఐదో సీడ్‌ టకురో హొకి–యుగొ కొబయషి (జపాన్‌) ద్వయంపై అలవోక విజయం సాధించింది. 40 నిమిషాల్లో ముగిసిన ఈ క్వార్టర్స్‌ పోరులో సాత్విక్‌–చిరాగ్‌ జోడీ 21–14, 21–17తో జపాన్‌ ద్వయంపై గెలుపొందింది. గత నెల ఇండోనేసియా ఓపెన్‌ డబుల్స్‌ టైటిల్‌ నెగ్గి జోరు మీదున్న భారత షట్లరు ఈ టోరీ్నలోనూ అదే దూకుడు కొనసాగిస్తున్నారు. తొలి గేమ్‌ ఆరంభంలోనే వరుసగా ఆరు పాయింట్లతో ప్రత్యర్థిపై పైచేయి సాధించిన సాత్విక్‌–చిరాగ్‌ ద్వయం గేమ్‌ గెలిచేందుకు ఎక్కువ సమయం పట్టలేదు. రెండో గేమ్‌లో భారత జోడీ 3–6తో కాస్త వెనుకపడినట్లు కనిపించింది. అయితే అక్కడి నుంచి సాత్విక్‌–చిరాగ్‌లిద్దరు తమ షాట్లకు పదునుపెట్టడంతో వరుసగా 6 పాయింట్లు గెలిచారు. అక్కడి నుంచి ఆధిక్యాన్ని అంతకంతకు పెంచుకుంటూ పోయారు.  ఇటీవలే ‘యోనెక్స్‌’ ఫ్యాక్టరీలో ల్యాబ్‌లో ఫాస్టెస్ట్‌ స్మాష్‌తో గిన్నిస్‌ రికార్డు నమోదు చేసిన సాత్విక్‌ సాయిరాజ్‌ కోర్టులోనూ ఈ సారి అలాంటి ఫీట్‌ను మళ్లీ సాధించడం విశేషం. క్వార్టర్‌ ఫైనల్‌ మ్యాచ్‌లో సాత్విక్‌ రికార్డు వేగంతో స్మాష్‌ బాదాడు. అతను కొట్టిన స్మాష్‌కు షటిల్‌ గంటకు 500 కిలోమీటర్ల వేగంతో దూసుకుపోయింది.   

పురుషుల సింగిల్స్‌ విభాగంలో డిఫెండింగ్‌ చాంపియన్‌ జొకోవిచ్‌ (సెర్బియా) 12వసారి వింబుల్డన్‌ టోర్నీలో సెమీఫైనల్‌కు చేరాడు. క్వార్టర్‌ ఫైనల్లో జొకోవిచ్‌ 4–6, 6–1, 6–4, 6–3తో ఏడో సీడ్‌ రుబ్లెవ్‌ (రష్యా)పై గెలిచాడు. పురుషుల గ్రాండ్‌స్లామ్ టోర్నీల్లో 46వసారి జోకొవిచ్ సెమీస్ చేరడం విశేషం. ఈ క్రమంలో అతడు స్విస్ టెన్నిస్‌ దిగ్గజం రోజర్ ఫెదరర్ రికార్డును సమం చేశాడు.  ఇప్పటికే వరుసగా నాలుగు వింబుల్డన్ టైటిల్స్ గెలిచిన జొకోవిచ్‌ మరో టైటిల్ కు చేరవవుతున్నాడు. ప్రస్తుతం జోకొవిచ్ ఖాతాలో ఏడు వింబుల్డన్ టైటిల్స్ ఉండగా మరొక్కటి గెలిస్తే 8వ టైటిల్ తో ఫెదరర్ సరసన నిలుస్తాడు. ఇక టెన్నిస్‌లో 23 గ్రాండ్‌స్లామ్ టైటిల్స్ సాధించిన జొకోవిచ్‌ పురుషుల విభాగంలో అత్యధిక టైటిల్స్ సాధించిన ప్లేయర్‌గా రికార్డులకెక్కాడు. ఈ మధ్యే అతడు ఫ్రెండ్ ఓపెన్ కూడా గెలిచిన విషయం తెలిసిందే. ఈ టైటిల్‌తో అతడు రఫేల్ నాదల్‌ను వెనక్కి నెట్టాడు. ఫెదరర్ ఖాతాలో మొత్తం 20 గ్రాండ్‌స్లామ్ టైటిల్స్ ఉన్నాయి. ఒకవేళ​ జొకోవిచ్‌ వింబుల్డన్ గెలిస్తే 24వ టైటిల్స్‌తో ఎవరికి అందనంత ఎత్తులో నిలుస్తాడు. జొకోవిచ్‌ శుక్రవారం అతడు సిన్నర్ తో సెమీఫైనల్లో తలపడనున్నాడు. ఇప్పటికే ఆస్ట్రేలియన్ ఓపెన్, ఫ్రెంచ్ ఓపెన్ గెలిచిన జోకొవిచ్.. వింబుల్డన్, యూఎస్ ఓపెన్ కూడా గెలిచి 1969లోరాడ్ లేవర్ తర్వాత తొలి కేలండర్ ఇయర్ గ్రాండ్ స్లామ్ పూర్తి చేయాలని భావిస్తున్నాడు. చదవండి: WCC Suggests ICC: 'వరల్డ్‌కప్‌ తర్వాత ద్వైపాక్షిక వన్డే సిరీస్‌లను తగ్గించండి' Wimbledon 2023: సంచలనం.. నెంబర్‌ వన్‌ స్వియాటెకు షాకిచ్చిన స్వితోలినా

మాములుగా క్రికెట్‌లో ఐదు ఓవర్లు బౌలింగ్‌ వేయడానికి 20 నిమిషాలు పడుతుంది. మహా అయతే మరో ఐదు నిమిషాలు అదనంగా పట్టొచ్చు. కానీ ఆ ఐదు ఓవర్లు బౌలింగ్‌ చేయడానికి దాదాపు 53 నిమిషాలు తీసుకోవడం అంటే ఎంత సమయం వృథా చేశారో అర్థమయి ఉంటుంది. ఈ సంఘటన దులీప్‌ ట్రోపీ సెమీఫైనల్‌లో చోటుచేసుకుంది. మ్యాచ్‌లో సౌత్‌ జోన్‌ రెండు వికెట్ల తేడాతో విజయం సాధించి ఫైనల్లో అడుగుపెట్టింది. అయితే సౌత్‌ విజయానికి చేరువవుతున్న దశలో నార్త్‌ కెప్టెన్‌ జయంత్‌ యాదవ్‌ బంతి బంతికీ ఫీల్డింగ్‌ను మారుస్తూ సమయం వృథా చేసేందుకు ప్రయత్నించాడు. వెలుతురులేమి, వర్షం కారణంగా ఆట నిలిచిపోవాలని అతను ఆశించాడు.  మ్యాచ్‌ ‘డ్రా’ అయితే తొలి ఇన్నింగ్స్‌లో 3 పరుగుల ఆధిక్యం సాధించిన నార్త్‌జోన్‌ ముందంజ వేసేది. కానీ సౌత్‌ ఆ అవకాశం ఇవ్వలేదు. చివరి రోజు ఓవర్‌కు 6.05 పరుగుల రన్‌రేట్‌తో దూకుడుగా ఆడి ఆటను ముగించింది. చివరకు జయంత్‌ బౌలింగ్‌లోనే భారీ సిక్స్‌తో సాయికిషోర్‌ (15 నాటౌట్‌) మ్యాచ్‌ ముగించడం విశేషం. అయితే నార్త్‌జోన్‌ కెప్టెన్‌ జయంత్‌ యాదవ్‌ వైఖరిపై క్రికెట్‌ ఫ్యాన్స్‌ ఆగ్రహం వ్యక్తం చేశారు. ప్రత్యర్థి జట్టు గెలుపును అడ్డుకోవడం కోసం శతవిధాల ప్రయత్నించాడు. తన కపటబుద్ధి బయటపెట్టాడు.. ఇది క్రీడాస్పూర్తికి విరుద్ధం అంటూ కామెంట్‌ చేశారు..  సౌత్‌జోన్‌ 36.1 ఓవర్లలో 8 వికెట్లకు 219 పరుగులు చేసి విజయాన్నందుకుంది. మయాంక్‌ అగర్వాల్‌ (57 బంతుల్లో 54; 7 ఫోర్లు), కెప్టెన్‌ హనుమ విహారి (42 బంతుల్లో 43; 8 ఫోర్లు), రికీ భుయ్‌ (29 బంతుల్లో 34; 3 ఫోర్లు, 1 సిక్స్‌), తిలక్‌ వర్మ (19 బంతుల్లో 25; 2 సిక్స్‌లు) కీలక ఇన్నింగ్స్‌లు ఆడారు. మయాంక్, విహారి మూడో వికెట్‌కు 47 బంతుల్లోనే 59 పరుగులు జోడించి జట్టును విజయం దిశగా నడిపించారు. వీరిద్దరు ఔటైన తిలక్‌ వర్మ, సాయికిషోర్‌లు జట్టును విజయతీరాలకు చేర్చారు. చదవండి: 39 ఏళ్ల తర్వాత.. యూరో అండర్‌-21 చాంపియన్‌ ఇంగ్లండ్‌ Womens Ashes 2023: యాషెస్‌ సిరీస్‌ విజేతగా ఇంగ్లండ్‌.. ఆఖరి మ్యాచ్‌లో ఆసీస్‌ ఓటమి

బెంగళూరు: ‘శాఫ్‌’ చాంపియన్‌షిప్‌లో భారత ఫుట్‌బాల్‌ జట్టు సెమీ ఫైనల్లోకి ప్రవేశించింది. గ్రూప్‌ ‘ఎ’లో శనివారం జరిగిన లీగ్‌ మ్యాచ్‌లో సునీల్‌ ఛెత్రి సేన 2–0 గోల్స్‌తో నేపాల్‌పై ఘన విజయం సాధించింది. శ్రీ కంఠీరవ స్టేడియంలో భారత జోరుకు ఎదురే లేకుండా పోయింది. తొలి అర్ధ భాగంలో నేపాల్‌ రక్షణ శ్రేణి చురుగ్గా ఉండటంతో గోల్‌ చేయలేకపోయిన భారత్‌ ద్వితీయార్ధంలోనే ఆ రెండు గోల్స్‌ చేసింది. కెప్టెన్‌ సునీల్‌ ఛెత్రి 61వ నిమిషంలో తొలి గోల్‌ సాధించగా, నోరెమ్‌ మహేశ్‌ సింగ్‌ 70వ నిమిషంలో గోల్‌ చేశాడు. మరోవైపు భారత డిఫెండర్లు నేపాల్‌ ఫార్వర్డ్‌ను ఎక్కడికక్కడ కట్టడి చేసి వారి దాడుల్ని సమర్థంగా అడ్డుకుంది. భారత ఆటగాళ్లు ప్రత్యర్థి గోల్‌ పోస్ట్‌ లక్ష్యంగా ఐదు షాట్లు కొడితే... నేపాల్‌ ఒక షాట్‌కే పరిమితమైంది. మ్యాచ్‌లో ఎక్కువసేపు బంతిని తమ ఆదీనంలోనే ఉంచుకొన్న భారత ఆటగాళ్లు ప్రత్యర్థి ఆటల్ని సాగనివ్వలేదు. తాజా విజయంతో సొంతగడ్డపై భారత్‌ అజేయమైన రికార్డు 12 మ్యాచ్‌లకు చేరింది. 2019లో సెప్టెంబర్‌ 5న ఒమన్‌తో జరిగిన మ్యాచ్‌లో ఓడిన భారత్‌ తర్వాత స్వదేశంలో ఏ జట్టు చేతిలోనూ ఓడిపోలేదు. అంతకుముందు ఇదే గ్రూపులో కువైట్‌ 2–0తో పాకిస్తాన్‌ను చిత్తు చేయడంతో కువైట్‌ కూడా సెమీఫైనల్లోకి అడుగుపెట్టింది. 27న కువైట్‌తో జరిగే ఆఖరి లీగ్‌ మ్యాచ్‌తో గ్రూప్‌లో అగ్ర స్థానంలో నిలిచేది ఎవరో తేలుతుంది. నేపాల్, పాకిస్తాన్‌లు లీగ్‌ దశలోనే ఇంటిముఖం పట్టాయి. It's that m̶a̶n̶ legend once again!@chetrisunil11#SAFFChampionship pic.twitter.com/wx1eSk4Y5E— FanCode (@FanCode) June 24, 2023 2️⃣ goals in quick succession 🤩 India are through to the #SAFFChampionship2023 Semifinal 👏🏽💙#NEPIND ⚔️ #IndianFootball ⚽️ #BlueTigers 🐯 pic.twitter.com/ByzfjsKSZY— Indian Football Team (@IndianFootball) June 24, 2023 చదవండి: #CheteshwarPujara: 'ఆటగదరా శివ!'.. పుజారా ఎమోషనల్‌ పోస్ట్‌

ఫ్రెంచ్‌ ఓపెన్‌ గ్రాండ్‌స్లామ్‌ 2023లో సెర్బియా స్టార్‌ నొవాక్‌ జొకోవిచ్‌ ఫైనల్లోకి ప్రవేశించాడు. శుక్రవారం వరల్డ్‌ నెంబర్‌ వన్‌.. స్పెయిన్‌ టెన్నిస్‌ స్టార్‌ కార్లోస్‌ అల్కరాజ్‌తో జరిగిన సెమీస్‌ పోరులో జొకోవిచ్‌ 6-3, 5-7,6-1,6-1తో విజయం సాధించాడు. తొలి రెండు సెట్లలో జొకోవిచ్‌ను ప్రతిఘటించిన అల్కరాజ్‌ తర్వాతి రెండు సెట్లలో  అనుభవం ముందు నిలవలేకపోయాడు. అయితే గేమ్‌లో మాత్రం అల్కరాజ్‌ తనదైన సర్వీస్‌ షాట్లతో జొకోవిచ్‌ మనసును గెలుచుకున్నాడు. ఇక జొకోవిచ్‌ కెరీర్‌లో 34వ సారి గ్రాండ్‌స్లామ్‌ ఫైనల్లో అడుగుపెట్టాడు. నాదల్‌తో కలిసి 22 టైటిల్స్‌తో అత్యధిక గ్రాండ్‌స్లామ్స్‌ సాధించిన ఆటగాడిగా జొకోవిచ్‌ సంయుక్తంగా ఉన్నాడు. ఈసారి ఫైనల్లో గెలిచి ఫ్రెంచ్‌ ఓపెన్‌ అందుకుంటే.. ఓపెన్‌ శకంలో(23 టైటిల్స్‌) అత్యధిక గ్రాండ్‌స్లామ్‌ టైటిల్స్‌ నెగ్గిన ఆటగాడిగా జొకోవిచ్‌ చరిత్రకెక్కనున్నాడు. మరో సెమీఫైనల్లో కాస్పర్‌ రూడ్‌, అలెగ్జాండర్‌ జ్వెరెవ్‌ల మధ్య జరగనుంది. ఈ ఇద్దరిలో గెలిచిన ఆటగాడితో జొకోవిచ్‌ ఆదివారం ఫైనల్లో అమితుమీ తేల్చుకోనున్నాడు. Never doubt Novak 💪🇷🇸@DjokerNole gets the better of Alcaraz 6-3, 5-7, 6-1, 6-1 to reach a 34th Grand Slam final.#RolandGarros pic.twitter.com/fefJZKKMxn — Roland-Garros (@rolandgarros) June 9, 2023 చదవండి: 'సామాన్యుడు కాడు వీడు'.. టెన్నిస్‌ చరిత్రలో అత్యుత్తమ షాట్‌

ఫ్రెంచ్‌ ఓపెన్‌ గ్రాండ్‌స్లామ్‌లో భాగంగా వరల్డ్‌ నెంబర్‌ వన్‌ కార్లెస్‌ అల్కరాజ్‌, సెర్బియా స్టాన్‌ నొవాక్‌ జొకోవిచ్‌ మధ్య సెమీఫైనల్‌ పోరు ఆసక్తికరంగా సాగుతుంది. ఇద్దరు నువ్వా నేనా అన్నట్లుగా కొదమ సింహాల్లా తలపడుతున్నారు. ఇప్పటికైతే తొలి సెట్‌ను జొకోవిచ్‌ 6-3తో సొంతం చేసుకున్నప్పటికి.. రెండో సెట్‌లో మాత్రం అల్కరాజ్‌ లీడింగ్‌లో ఉన్నాడు. హోరాహోరీగా సాగుతున్న మ్యాచ్‌లో గెలుపు ఎవరిది అని చెప్పడం కష్టంగా మారింది. ఈ విషయం పక్కనబెడితే..  మ్యాచ్‌ సందర్భంగా అల్కరాజ్‌ చేసిన విన్యాసం జొకోవిచ్‌ చేత చప్పట్లు కొట్టించింది. వరల్డ్‌ నెంబర్‌ వన్‌ అనే పదానికి సార్థకం చేస్తూ అల్కరాజ్‌ కొట్టిన బ్యాక్‌ హ్యాండ్‌ షాట్‌ చరిత్రలో మిగిలిపోనుంది. విషయంలోకి వెళితే.. రెండోసెట్‌లో భాగంగా ఇద్దరు 1-1తో ఉన్నప్పుడు జొకోవిచ్‌ కాస్త తెలివిగా ర్యాలీ చేశాడు. అయితే అల్కరాజ్‌ వేగంగా స్పందించి షాట్‌ ఆడాడు. కానీ అల్కరాజ్‌ కోర్టు దగ్గరకు రావడం.. అదే సమయంలో జొకోవిచ్‌ ఆఫ్‌సైడ్‌ రిఫ్ట్‌ షాట్‌ కొట్టాడు. ఇక జొకోకు పాయింట్‌ వచ్చినట్లేనని అంతా భావించారు. కానీ ఇక్కడే అల్కరాజ్‌ ఎవరు ఊహించని ఫీట్‌ నమోదు చేశాడు. వేగంగా పరిగెత్తిన అల్కరాజ్‌ బ్యాక్‌హ్యాండ్‌ స్ట్రోక్‌ ఉపయోగించి షాట్‌ కొట్టాడు. బంతి కూడా లైన్‌ ఇవతల పడడంతో అల్కరాజ్‌ పాయింట్‌ గెలుచుకున్నాడు. అల్కరాజ్‌ చర్యకు ఆశ్చర్యపోయిన జొకోవిచ్‌ చప్పట్లు కొట్టకుండా ఉండలేకపోయాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. Take a bow, @carlosalcaraz 😱#RolandGarros pic.twitter.com/2m25jQtOy1 — Tennis Channel (@TennisChannel) June 9, 2023 😳#RolandGarros pic.twitter.com/3UA4JbPHz4 — Wimbledon (@Wimbledon) June 9, 2023 చదవండి: 'చాన్స్‌ కూడా ఇవ్వలేదు'.. సిరాజ్‌ దెబ్బకు లేచి కూర్చొన్నాడు

World Boxing Championships 2023: ప్రపంచ పురుషుల బాక్సింగ్‌ చాంపియన్‌షిప్‌లో నేడు ముగ్గురు భారత బాక్సర్లు కీలకపోరుకు సిద్ధమయ్యారు. తెలంగాణకు చెందిన హుసాముద్దీన్‌ (57 కేజీలు), హరియాణాకు చెందిన దీపక్‌ భోరియా (51 కేజీలు), నిశాంత్‌ దేవ్‌ (71 కేజీలు) సెమీఫైనల్‌ బౌట్‌లలో పోటీపడనున్నారు. 2022 యూరోపియన్‌ చాంపియన్‌ బిలాలా బెనామా (ఫ్రాన్స్‌)తో దీపక్‌; సైడెల్‌ హోర్టా (క్యూబా)తో హుసాముద్దీన్‌; 2022 ఆసియా చాంపియన్‌ అస్లాన్‌బెక్‌ షింబెర్జనోవ్‌ (కజకిస్తాన్‌)తో నిశాంత్‌ దేవ్‌ తలపడతారు. సెమీఫైనల్లో గెలిస్తే ఫైనల్‌ చేరి స్వర్ణ–రజత పతకాల బరిలో ఉంటారు. ఓడితే కాంస్య పతకాన్ని గెల్చుకుంటారు. భారత కాలమానం ప్రకారం శుక్రవారం సాయంత్రం గం. 5:30కు దీపక్‌ బౌట్‌ ఉంది. ఆ తర్వాత హుసాముద్దీన్, నిశాంత్‌ దేవ్‌ బౌట్‌లు జరుగుతాయి. ఫ్యాన్‌కోడ్‌ యాప్‌లో ఈ బౌట్‌లను ప్రత్యక్షంగా తిలకించవచ్చు. ప్రపంచ చాంపియన్‌షిప్‌ చరిత్రలో ఇప్పటి వరకు భారత్‌ నుంచి ఒక్కరే ఫైనల్‌కు అర్హత సాధించారు. 2019లో అమిత్‌ పంఘాల్‌ (52 కేజీలు) ఫైనల్లో ఓడిపోయి రజత పతకం గెల్చుకున్నాడు.    

బర్మింగ్‌హమ్‌: ప్రతిష్టాతక్మ ఆల్‌ ఇంగ్లండ్‌ ఓపెన్‌ ఛాంపియన్‌షిప్‌లో భారత్‌కు చెందిన యువ జంట గాయత్రి పుల్లెల, ట్రెసా జోలీల సంచలన ప్రదర్శన సెమీస్‌లో ముగిసింది. బర్మింగ్‌హమ్‌లో శనివారం జరిగిన సెమీస్‌ మ్యాచ్‌లో కొరియాకు చెందిన బేక్ నా హా, లీ సో హీ జంట చేతిలో 10-21, 10-21తో ఓటమి పాలయ్యారు. 46 నిమిషాల పాటు జరిగిన మ్యాచ్‌లో గాయత్రి, ట్రెసాలు పెద్దగా ఆకట్టుకోలేకపోయారు. తొలి గేమ్‌లో 0-4తో వెనుకబడిన గాయత్రి జోడి ఆ తర్వాత కాస్త ప్రతిఘటించడంతో 9-13కు తగ్గింది. ఆ తర్వాత అదే టెంపోను కొనసాగించడంలో విఫలమైన ఈ జోడి చివరకు రెండు వరుస గేముల్లో ఓడి సెమీస్‌లోనే తమ పోరాటాన్ని ముగించారు. ఒకవేళ​ ఫైనల్‌ చేరి ఉంటే మాత్రం ఈ ఇ‍ద్దరు చరిత్ర సృష్టించేవారు. కానీ ఏం చేస్తాం మంచి చాన్స్‌ మిస్‌ అయింది.  #AllEngland2023 #Badminton 🏸 ✅ Defeated world No 8 ✅ Defeated world No 9 ✅ Defeated a rising pair from 🇨🇳 ❌ Lost against one of the most in-form Korean pairs End of a fine week again at All England for Gayatri Gopichand and Treesa Jolly.https://t.co/QruEtFPI0N pic.twitter.com/lGWrccz45d — The Field (@thefield_in) March 18, 2023 చదవండి: స్టన్నింగ్‌ క్యాచ్‌.. హర్మన్‌ కూడా ఊహించి ఉండదు

కోల్‌కతా: ఇండియన్‌ సూపర్‌ లీగ్‌ (ఐఎస్‌ఎల్‌)లో ఏటీకే మోహన్‌ బగాన్‌ జట్టు సెమీఫైనల్లోకి దూసుకెళ్లింది. సొంత ప్రేక్షకుల మధ్య శనివారం జరిగిన చివరి లీగ్‌ మ్యాచ్‌లో మోహన్‌బగాన్‌ 2–0 గోల్స్‌ తేడాతో ఒడిషా ఎఫ్‌సీపై ఘన విజయం సాధించింది. మోహన్‌బగాన్‌ తరఫున బోమన్‌ (36వ నిమిషం), డి.పెట్రాడోస్‌ (58వ నిమిషం) గోల్స్‌ సాధించారు. తాజా విజయంతో  20 మ్యాచ్‌ల ద్వారా మొత్తం 34 పాయింట్లు సాధించిన మోహన్‌బగాన్‌ నాలుగో జట్టుగా ఐఎస్‌ఎల్‌ సెమీస్‌కు అర్హత సాధించింది. ఈ సీజన్‌లో 10 విజయాలు సాధించిన టీమ్‌ 6 ఓడి మరో 4 మ్యాచ్‌లు డ్రా చేసుకుంది. ఈ ఫలితంతో సెమీస్‌లో హైదరాబాద్‌ ఎఫ్‌సీతో మోహన్‌బగాన్‌ ప్రత్యర్థిగా తలపడటం ఖాయమైంది. సెమీఫైనల్‌ మ్యాచ్‌ రెండు అంచెలుగా జరుగుతుంది. ఇరు జట్ల మధ్య తొలి పోరు ఈ నెల 9న హైదరాబాద్, రెండో పోరు ఈ నెల 13న రెండో పోరు కోల్‌కతాలో జరుగుతుంది. మరో సెమీస్‌ మ్యాచ్‌లో బెంగళూరు ఎఫ్‌సీ, ముంబై సిటీ ఎఫ్‌సీ తలపడనున్నాయి.    

ICC Womens T20 World Cup 2023 - AusW vs IndW: ఐసీసీ మహిళా టీ20 ప్రపంచకప్‌-2023 సెమీస్‌ నేపథ్యంలో ఆస్ట్రేలియా కెప్టెన్‌ మెగ్‌ లానింగ్‌కు ఆసక్తికర ప్రశ్న ఎదురైంది. భారత జట్టుపై ప్రతీకారం తీర్చుకునేందుకు సిద్ధమయ్యారా అంటూ ఓ విలేకరి ఆమెను ప్రశ్నించారు. భారత్‌లో టీమిండియా- ఆస్ట్రేలియాతో జరుగుతున్న బోర్డర్‌- గావస్కర్‌ ట్రోఫీని వరల్డ్‌కప్‌ మ్యాచ్‌తో ముడిపెట్టి ప్రశ్నలు సంధించారు. ఆ సిరీస్‌ గురించి ఇక్కడెందుకు? అయినా.. భారత్‌లో ఆస్ట్రేలియా పురుషుల జట్టుకు టీమిండియా చేతిలో ఎదురైన పరాభవానికి బదులు తీర్చుకోబోతున్నారా అని అడిగారు. ఇందుకు బదులుగా.. ‘‘ఓహ్‌.. ఆ సిరీస్‌ గురించి ఇక్కడ మాట్లాడకూడదు. మా జట్టు అక్కడ అత్యుత్తమ రాణించేందుకు సర్వశక్తులూ ఒడ్డుతోంది. పూర్తిస్థాయిలో సన్నద్ధమై వందకు వంద శాతం న్యాయం చేసేందుకు ప్రయత్నిస్తోంది. వాళ్లకు మా మద్దతు ఎప్పటికీ ఉంటుంది. రెండు టెస్టులు ముగిశాయి. అయితే, వాళ్లు మెరుగ్గానే ఆడారు. మిగిలిన వాటిలో మంచి ఫలితాలు రాబట్టే అవకాశం ఉంది’’ అని మెగ్‌ లానింగ్‌ పేర్కొంది.  ప్రతీకారం తీర్చుకునేందుకు! కాగా సౌతాఫ్రికాలో జరుగుతున్న టీ20 ప్రపంచకప్‌లో భాగంగా భారత్‌- ఆస్ట్రేలియా గురువారం నాటి తొలి సెమీ ఫైనల్లో అమీతుమీ తేల్చుకోనున్నాయి. గతంలో రెండుసార్లు(ప్రపంచకప్‌, కామన్వెల్త్‌ గేమ్స్‌)లో ఫైనల్‌ పోరులో భారత మహిళా జట్టు ఆసీస్‌ చేతిలో ఓడి రన్నరప్‌తో సరిపెట్టుకుంది. అయితే, ఈసారి సమిష్టిగా రాణించి కంగారూల ఫైనల్‌ అవకాశాలు గల్లంతు చేసి ప్రతీకారం తీర్చుకోవాలని హర్మన్‌ప్రీత్‌ సేన పట్టుదలగా ఉంది. ఈ నేపథ్యంలో మ్యాచ్‌కు ముందు మీడియాతో మాట్లాడిన ఆస్ట్రేలియా కెప్టెన్‌ మెగ్‌ లానింగ్‌కు ఈ మేర ప్రశ్న ఎదురైంది. దీంతో ఆమె పైవిధంగా స్పందించింది. టీమిండియా పటిష్ట జట్టు ఇక సెమీ ఫైనల్‌ గురించి మాట్లాడుతూ.. ‘‘టీమిండియా పటిష్ట జట్టు. రెండు జట్లు పరస్పరం ఎన్నోసార్లు పోటీపడ్డాయి. వాళ్ల జట్టులో వరల్డ్‌క్లాస్‌ క్రికెటర్లు, ఒంటిచేత్తో మ్యాచ్‌ మలుపు తిప్పగల ప్లేయర్లు ఉన్నారు.  అలాంటి ఉత్తమ జట్టుతో పోటీ పడేందుకు మేము ఆసక్తిగా ఎదురుచూస్తున్నాం. అత్యుత్తమంగా రాణించి విజయం సాధించాలని కోరుకుంటున్నాం’’ అని మెగ్‌ లానింగ్‌ చెప్పుకొచ్చింది. ఇదిలా ఉంటే.. బోర్డర్‌- గావస్కర్‌ ట్రోఫీ-2023 మొదటి రెండు టెస్టుల్లో గెలిచిన టీమిండియా 2-0తో ఆధిక్యంలో ఉన్న సంగతి తెలిసిందే. ప్రపంచకప్‌ సెమీ ఫైనల్‌- తుది జట్లు (అంచనా)  భారత్‌: హర్మన్‌ప్రీత్‌ కౌర్‌ (కెప్టెన్ ), స్మృతి మంధాన, షఫాలీ, రిచా ఘోష్, జెమీమా రోడ్రిగ్స్, దీప్తి శర్మ, పూజ, శిఖా పాండే, రాజేశ్వరి గైక్వాడ్, రాధా యాదవ్‌. రేణుక.  ఆస్ట్రేలియా: మెగ్‌ లానింగ్‌ (కెప్టెన్‌), బెత్‌ మూనీ, అలీసా హీలీ, ఎలీస్‌ పెర్రీ, ఆష్లే గార్డ్‌నర్, తాలియా మెక్‌గ్రాత్, గ్రేస్‌ హారిస్, జార్జియా, అలానా కింగ్, మేగన్‌ షుట్, డార్సీ బ్రౌన్‌.  చదవండి: Virat Kohli: కోహ్లిపై ఐస్‌లాండ్‌ క్రికెట్‌ ట్వీట్‌.. పిచ్చి పిచ్చి పోస్టులు పెడితే.. ఫ్యాన్స్‌ ఫైర్‌ Ind Vs Aus: పాపం గిల్‌ ఎందుకు ఎదురుచూడాలి? మరి సంజూ మాటేమిటి?

మహిళల టి20 ప్రపంచకప్‌ టోర్నీ లో  సెమీఫైనల్‌ చేరాలంటే తప్పనిసరిగా గెలవాల్సిన మ్యాచ్‌లో ఆతిథ్య దక్షిణాఫ్రికా జట్టు అదరగొట్టింది. గ్రూప్‌–1 చివరి మ్యాచ్‌లో దక్షిణాఫ్రికా 10 వికెట్లతో బంగ్లాదేశ్‌ను ఓడించింది. దాంతో గ్రూప్‌–1లో దక్షిణాఫ్రికా, న్యూజిలాండ్, శ్రీలంక నాలుగు పాయింట్లతో సంయుక్తంగా రెండో స్థానంలో నిలిచాయి. అయితే మెరుగైన రన్‌రేట్‌తో దక్షిణాఫ్రికా (0.738) సెమీస్‌ చేరగా... న్యూజిలాండ్‌ (0.138), శ్రీలంక (–1.460) ఇంటిముఖం పట్టాయి. దక్షిణాఫ్రికాతో పోరులో మొదట బంగ్లాదేశ్‌ 6 వికెట్లకు 113 పరుగులు చేసింది. తర్వాత దక్షిణాఫ్రికా 17.5 ఓవర్లలో వికెట్‌ కోల్పోకుండా 117 పరుగులు చేసింది. ఓపెనర్లు వోల్వర్డ్‌ ( 66 నాటౌట్‌; 7 ఫోర్లు, 1 సిక్స్‌), తజి్మన్‌ బ్రిట్స్‌ (50 నాటౌట్‌; 4 ఫోర్లు) అర్ధసెంచరీ లతో అదరగొట్టారు. శుక్రవారం జరిగే రెండో సెమీఫైనల్లో ఇంగ్లండ్‌తో దక్షిణాఫ్రికా ఆడుతుంది.

మహిళల టి20 ప్రపంచకప్‌లో భాగంగా సౌతాఫ్రికా వుమెన్స్‌ జట్టు సెమీఫైనల్లో ప్రవేశించింది. మంగళవారం బంగ్లాదేశ్‌తో జరిగిన లీగ్‌ మ్యాచ్‌లో సౌతాఫ్రికా 10 వికెట్ల తేడాతో ఘన విజయం సాధించింది. తొలుత బ్యాటింగ్‌ చేసిన బంగ్లాదేశ్‌ మహిళలు నిర్ణీత 20 ఓవర్లలో ఆరు వికెట్ల నష్టానికి 113 పరుగులు చేసింది. నిగర్‌ సుల్తానా 30 పరుగులతో టాప్‌ స్కోరర్‌ కాగా.. శోభనా మోస్త్రే 27 పరుగులు చేసింది. అనంతరం 114 పరుగుల లక్ష్యంతో బరిలోకి దిగిన సౌతాఫ్రికాను ఓపెనర్లు లారా వోల్వార్డట్‌ 66 నాటౌట్‌, తజ్మీన్‌ బ్రిట్స్‌ 50 నాటౌట్‌ రాణించి 17.5 ఓవర్లలోనే విజయతీరాలకు చేర్చారు.  అయితే దక్షిణాఫ్రికా సెమీస్‌కు వస్తుందని ఎవరు ఊహించలేదు. గ్రూప్‌ ఆఫ్‌ డెత్‌గా పరిగణించిన గ్రూప్‌-ఏలో ఆస్ట్రేలియా, న్యూజిలాండ్‌లను ఫెవరెట్‌గా పరిగణించగా.. ఆసీస్‌ తన ఆటతీరుతో మరోసారి సెమీస్‌లో అడుగుపెట్టగా.. రెండో స్థానం కోసం కివీస్‌, సౌతాఫ్రికా, శ్రీలంకల మధ్య పోటీ ఎదురైంది. ముఖ్యంగా న్యూజిలాండ్‌.. ఆస్ట్రేలియాతో మ్యాచ్‌లో భారీ తేడాతో ఓడిపోవడం కొంపముంచింది. అదే సమయంలో బంగ్లాదేశ్‌పై పది వికెట్ల తేడాతో విజయం అందుకున్న ప్రొటీస్‌ రన్‌రేట్‌ను అమాంతం పెంచుకొని రెండో స్థానంలో నిలిచింది. మూడు జట్లు(కివీస్‌, ప్రొటీస్‌, లంక) నాలుగు పాయింట్లతో సమానంగా ఉన్నప్పటికి.. లంక రన్‌రేట్‌ మైనస్‌లో ఉండగా.. కివీస్‌ రన్‌రేట్‌ +0.138గా ఉంది. అయితే సౌతాఫ్రికా +0.738 రన్‌రేట్‌తో మెరుగ్గా ఉండడం ఆ జట్టుకు కలిసొచ్చింది. ఇక సెమీఫైనల్‌ మ్యాచ్‌లు ఫిబ్రవరి 23, 24 తేదీల్లో జరగనున్నాయి. తొలి సెమీఫైనల్‌ గురువారం ఆస్ట్రేలియా, భారత్‌ల మధ్య జరగనుండగా.. రెండో సెమీఫైనల్లో ఇంగ్లండ్‌, సౌతాఫ్రికాలు తలపడనున్నాయి. రెండు సెమీస్‌ల్లో గెలిచిన జట్లు ఫిబ్రవరి 26న జరగనున్న ఫైనల్లో కత్తులు దూసుకోనున్నాయి. చదవండి: వారెవ్వా.. ఫ్రేమ్‌ టూ ఫ్రేమ్‌ దాదానే తలపించింది

మహిళల టి20 ప్రపంచకప్‌లో టీమిండియా వుమెన్స్‌ సెమీఫైనల్‌కు చేరింది. సోమవారం రాత్రి ఐర్లాండ్‌తో జరిగిన మ్యాచ్‌లో డక్‌వర్త్‌ లూయిస్‌ పద్దతి ద్వారా ఐదు పరుగుల తేడాతో విజయం సాధించిన సంగతి తెలిసిందే. ఎలాంటి సమీకరణాలతో సంబంధం లేకుండా మెరుగైన రన్‌రేట్‌, పాయింట్ల ఆధారంగా సెమీస్‌లో అడుగుపెట్టిన భారత్‌కు అసలైన పరీక్ష సెమీఫైనల్లో ఎదురుకానుంది. సెమీస్‌లో మహిళల క్రికెట్‌లో ప్రపంచనెంబర్‌వన్‌గా ఉన్న బలమైన ఆస్ట్రేలియాను ఎదుర్కోనుంది.  లీగ్‌ పోటీల్లో ఒక మ్యాచ్‌ ఓడినా ఇంకో మ్యాచ్‌ గెలిచేందుకు అవకాశముంటుంది. కానీ నాకౌట్‌ స్టేజీ అలా కాదు. మ్యాచ్‌ గెలిస్తే ముందుకు.. ఓడిపోతే ఇంటికి. అందునా ఆస్ట్రేలియా మహిళల జట్టును ఓడించాలంటే టీమిండియా వుమెన్స్‌ శక్తికి మించి రాణించాల్సిందే. ఒకప్పుడు ఆస్ట్రేలియా పురుషుల క్రికెట్‌ ఎంత ఆధిపత్యం చెలాయించిందో అందరికి తెలిసిందే. వారిని మించి డామినేట్‌ చేస్తుంది ఆస్ట్రేలియా మహిళల జట్టు. ఈ మధ్య కాలంలో మహిళల క్రికెట్‌లో ఒక మెగా టోర్నీ ఫైనల్‌ ఆస్ట్రేలియా జట్టు లేకుండా ముగియదు అంటే అర్థం చేసుకోవచ్చు ఆ జట్టు ఎంత బలంగా ఉందనేది.  గ్రూప్‌ దశలో ఆస్ట్రేలియాకు ఎదురులేకుండా పోయింది. ఆడిన నాలుగు మ్యాచ్‌ల్లోనూ భారీ విజయాలు అందుకొని టాపర్‌గా నిలిచింది. ఆ జట్టులో ఒకటో నెంబర్‌ నుంచి తొమ్మిదో నెంబర్‌ వరకు బ్యాటింగ్‌ చేయగల సమర్థులు ఉన్నారు. హేలీ, బెత్‌ మూనీ, మెగ్‌ లానింగ్‌, తాహిలా మెక్‌గ్రాత్‌ ఇలా చెప్పుకుంటూ పోతే జట్టు మొత్తం స్టార్లతో నిండి ఉన్నారు. మరి అలాంటి పటిష్టమైన ఆసీస్‌ను సెమీస్‌లో భారత్‌ నిలువరించగలిగితే ఈసారి కప్‌ కొట్టడం ఖాయం అని పలువురు జోస్యం చెబుతున్నారు. అనుకుంటే ఆస్ట్రేలియాను మట్టికరిపించడం అంత కష్టమేమి కాదు. కానీ ముందు వారిని ఓడించగలమా అనే డౌట్‌ పక్కనబెట్టి సమిష్టి ప్రదర్శన చేస్తే కచ్చితంగా మ్యాచ్‌ మనదే అవుతుంది. ఐర్లాండ్‌తో మ్యాచ్‌లో స్మృతి మంధాన మూడుసార్లు ఔట్‌ నుంచి తప్పించుకునే అవకాశం వచ్చినప్పటికి తన టి20 కెరీర్‌లోనే బెస్ట్‌ ఇన్నింగ్స్‌ ఆడింది. ఆమెను ఎందుకు టీమిండియా సూపర్‌స్టార్‌ అంటారో.. ఎందుకంత క్రేజ్‌ అనేది ఈ పాటికే అర్థమై ఉండాలి. అండర్‌-19 టి20 వరల్డ్‌కప్‌లో తన కెప్టెన్సీతో పాటు బ్యాటర్‌గానూ రాణించి జట్టును విజేతగా నిలిపిన షఫాలీ వర్మ గాడిన పడాల్సి ఉంది. జేమిమా రోడ్రిగ్స్‌ తొలి మ్యాచ్‌ మినహా మళ్లీ ఆ స్థాయిలో రాణించలేకపోతుంది. కెప్టెన్‌ హర్మన్‌ప్రీత్‌ కౌర్‌ కూడా తన స్థాయికి తగ్గ ప్రదర్శన చేయలేకపోతుంది. రిచా ఘోష్‌ ఫామ్‌లో ఉండడం సానుకూలాంశం. ఆల్‌రౌండర్స్‌ పూజా వస్త్రాకర్‌, దీప్తి శర్మ తమ ప్రతిభను చూపెట్టాల్సిన అవసరం ఉంది. వీరంతా ఆస్ట్రేలియాతో సెమీస్‌ మ్యాచ్‌లో సమిష్టి ప్రదర్శన చేస్తే భారత్‌ గెలవడం ఈజీయే. ఎలాగూ బౌలింగ్‌లో రేణుకా సింగ్‌, శిఖా పాండేలు మంచి ప్రదర్శన ఇస్తుండగా.. స్పిన్నర్‌గా దీప్తి శర్మ ఆకట్టుకుంటుంది. మరి పటిష్టమైన ఆస్ట్రేలియాను ఎదుర్కొని టీమిండియా వుమెన్స్‌ నిలబడతారా.. లేక ఒత్తిడికి లోనై పాత పాటే పాడుతారా అనేది ఫిబ్రవరి 23న తెలియనుంది. India are through to the semi-finals 🥳 They win by DLS method against Ireland in Gqeberha to finish the Group stage with six points 👊#INDvIRE | #T20WorldCup | #TurnItUp pic.twitter.com/6SOSiUMO9L — T20 World Cup (@T20WorldCup) February 20, 2023 చదవండి: 'నా కెరీర్‌లోనే అత్యంత కఠినమైన ఇన్నింగ్స్‌'

రంజీ ట్రోఫీ 2022-23 సీజన్‌లో బెంగాల్‌ జట్టు ఫైనల్లో ప్రవేశించింది. మధ్యప్రదేశ్‌తో జరిగిన సెమీఫైనల్లో బెంగాల్‌ 306 పరుగుల తేడాతో భారీ విజయాన్ని సాధించింది. 547 పరుగుల లక్ష్యంతో బరిలోకి దిగిన మధ్యప్రదేశ్‌ 241 పరుగులకు ఆలౌటైంది. రజత్‌ పాటిదార్‌ 52 పరుగులతో టాప్‌ స్కోరర్‌గా నిలవగా.. మిగతావారు పూర్తిగా విఫలమయ్యారు. బెంగాల్‌ బౌలర్లలో ప్రదీప్తా ప్రమానిక్‌ ఐదు వికెట్లతో చెలరేగగా.. ముఖేష్‌ కుమార్‌ రెండు వికెట్లు, షాబాజ్‌ అహ్మద్‌, ఆకాశ్‌ దీప్‌ చెరొక వికెట్‌ తీశారు. కాగా రంజీల్లో బెంగాల్‌ ఫైనల్‌ చేరడం ఇది 15వ సారి. ఇంతకముందు 14సార్లు ఫైనల్‌ చేరినప్పటికి రెండుసార్లు మాత్రమే విజేతగా నిలిచిన బెంగాల్‌.. మిగతా 12సార్లు రన్నరప్‌తోనే సరిపెట్టుకుంది.  అంతకముందు బెంగాల్‌ తొలి ఇన్నింగ్స్‌లో 438 పరుగులకు ఆలౌట్‌ అయింది. మజుందార్‌ 120 పరుగులు, సుదీప్‌ ఘరామి 112 పరుగులు సెంచరీలతో చెలరేగారు. అభిషేక్‌ పొరెల్‌ 51 పరుగులతో రాణించాడు. అనంతరం మధ్యప్రదేశ్‌ జట్టు 170 పరుగులకు కుప్పకూలింది. దీంతో బెంగాల్‌కు 268 పరుగుల తొలి ఇన్నింగ్స్‌ ఆధిక్యం లభించినట్లయింది. రెండో ఇన్నింగ్స్‌లో బెంగాల్‌ 279 పరుగులకు ఆలౌటై మధ్యప్రదేశ్‌ ముందు 547 పరుగులు భారీ లక్ష్యాన్ని నిర్ధేశించింది.  ఇక కర్ణాటక, సౌరాష్ట్రల మధ్య జరుగుతన్న మరో సెమీఫైనల్‌ విజేతతో బెంగాల్‌ జట్టు ఫైనల్లో తలపడనుంది. 𝙄𝙣𝙩𝙤 𝙩𝙝𝙚 𝙁𝙞𝙣𝙖𝙡𝙨! 👏🏻👏🏻 Bengal register a 306-run victory over Madhya Pradesh in #SF1 of the @mastercardindia #RanjiTrophy and seal their position in the finals! Scorecard ▶️ https://t.co/ZaeuZQqC3Y #MPvBEN pic.twitter.com/pOWkc1gD41 — BCCI Domestic (@BCCIdomestic) February 12, 2023

Karnataka won by an innings and 281 runs: రంజీ ట్రోఫీ 2022-23 సీజన్‌లో కర్ణాటక సెమీ ఫైనల్‌కు దూసుకెళ్లింది. క్వార్టర్స్‌లో ఉత్తరాఖండ్‌ను ఇన్నింగ్స్‌ మీద 281 పరుగులతో చిత్తు చేసి సెమీస్‌లో అడుగుపెట్టింది. సెంచరీ హీరో శ్రేయస్‌ గోపాల్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. మయాంక్‌ నమ్మకాన్ని నిలబెట్టి బెంగళూరు వేదికగా ఉత్తరాఖండ్‌తో జనవరి 31న మొదలైన క్వార్టర్‌ ఫైనల్‌-3లో టాస్‌ గెలిచిన కర్ణాటక తొలుత బౌలింగ్‌ ఎంచుకుంది. కెప్టెన్‌ మయాంక్‌ అగర్వాల్‌ నమ్మకాన్ని నిలబెడుతూ.. కర్ణాటక బౌలర్లు సొంతమైదానంలో ఆకాశమే హద్దుగా చెలరేగారు. రైట్‌ ఆర్మ్‌ పేసర్‌, 22 ఏళ్లమురళీధర వెంకటేశ్‌ ఐదు వికెట్లతో ఉత్తరాఖండ్‌ బ్యాటింగ్‌ ఆర్డర్‌ పతనాన్ని శాసించగా.. విద్వత్‌ కవెరప్ప, క్రిష్ణప్ప గౌతమ్‌ రెండేసి వికెట్లు తీశారు. విజయ్‌ కుమార్‌ ఒక వికెట్‌ తన ఖాతాలో వేసుకున్నాడు. దీంతో 116 పరుగులకే ఉత్తరాఖండ్‌ తొలి ఇన్నింగ్స్‌లో ఆలౌట్‌ అయింది. రెచ్చిపోయిన కర్ణాటక బ్యాటర్లు.. బౌలర్లకు చుక్కలే ఈ క్రమంలో బ్యాటింగ్‌కు దిగిన కర్ణాటక బ్యాటర్లు ఉత్తరాఖండ్‌ బౌలర్లకు పగలే చుక్కలు చూపించారు. ఓపెనర్లు సమర్థ్‌(82), మయాంక్‌ అగర్వాల్‌(83) అర్థ శతకాలతో చెలరేగగా.. వన్‌డౌన్‌ బ్యాటర్‌ దేవదత్‌ పడిక్కల్‌ 69 పరుగులతో రాణించాడు. శ్రేయస్‌ గోపాల్‌ అద్భుత సెంచరీ నాలుగో స్థానంలో వచ్చిన నికిన్‌ జోస్‌ 62 రన్స్‌ సాధించగా.. మనీశ్‌ పాండే 39 పరుగులతో ఫర్వాలేదనపించాడు. అయితే, ఆరో స్థానంలో బ్యాటింగ్‌కు దిగిన శ్రేయస్‌ గోపాల్‌ బ్యాట్‌ ఝలిపించడంతో కర్ణాటక భారీ స్కోరు చేయగలిగింది. మొత్తంగా 288 బంతులు ఎదుర్కొన్న శ్రేయస్‌ 16 ఫోర్లు, ఒక సిక్సర్‌ సాయంతో 161 పరుగులతో ఆఖరి వరకు అజేయంగా నిలిచాడు. మిగతా వాళ్లలో శరత్‌ 33, గౌతం 39, వెంకటేశ్‌ 15 పరుగులు చేశారు. ఈ క్రమంలో కర్ణాటక 606 పరుగులకు ఆలౌట్‌ అయింది. సెమీస్‌లో అడుగు ఇక లక్ష్య ఛేదనకు దిగిన ఉత్తరాఖండ్‌ కథ 209 పరుగులకే ముగిసింది. దీంతో శుక్రవారం నాటి(ఫిబ్రవరి 3) ఆఖరి రోజు ఆటలో కర్ణాటక జయకేతనం ఎగురవేసింది. ఇప్పటి వరకు ఎనిమిది సార్లు చాంపియన్‌గా నిలిచిన కన్నడ జట్టు తాజా సీజన్‌లో సెమీస్‌కు చేరుకుంది.  చదవండి: Ranji Trophy 2022-23: విహారి ఒంటి చేతి పోరాటం వృధా.. క్వార్టర్స్‌లో ఓటమిపాలైన ఆంధ్ర  BGT 2023: ఆస్ట్రేలియా మాస్టర్‌ ప్లాన్‌.. మన ‘అశ్విన్‌ డూప్లికేట్‌’తో కలిసి ప్రాక్టీసు! ఇంతకీ ఎవరీ కుర్రాడు?

అమెరికా టెన్నిస్‌ స్టార్‌ టామీ పాల్‌ ఆస్ట్రేలియన్‌ ఓపెన్‌ గ్రాండ్‌స్లామ్‌లో అదరగొడుతున్నాడు. బుధవారం క్వార్టర్‌ ఫైనల్లో బెన్‌ షెల్టన్‌ను టామీ పాల్‌ 7-6, 6-3, 5-7, 6-4తో ఓడించి సెమీఫైనల్‌కు దూసుకెళ్లాడు. ఈ ప్రదర్శనతో టామీ పాల్‌ భవిష్యత్తు స్టార్‌గా మారే అవకాశం ఉన్నట్లు టెన్నిస్‌ అభిమానులు పేర్కొంటున్నారు. అయితే ఇతని పోరాటం సెమీస్‌లోనే ముగిసే అవకాశాలు ఎక్కువగా ఉన్నాయి. ఎందుకంటే సెర్బియా టెన్నిస్‌ స్టార్‌ నొవాక్‌ జొకోవిచ్‌తో టామీ పాల్‌ సెమీస్‌ మ్యాచ్‌ ఆడాల్సి ఉంది. ఇక టామీ పాల్‌ గర్ల్‌ఫ్రెండ్‌ పెయిజ్‌ లోరెన్జ్‌ మాత్రం అతని కంటే ముందే హెడ్‌లైన్స్‌లో నిలిచింది. ఆటతో అనుకుంటే పొరపాటే. బాయ్‌ఫ్రెండ్‌తో పాటు ఆస్ట్రేలియా వచ్చిన ఈ అమ్మడు టాప్‌లెస్‌గా దర్శనమిచ్చి కుర్రకారు గుండెల్లో రైళ్లు పరిగెత్తించింది. తన బాయ్‌ఫ్రెండ్‌ ఆడే మ్యాచ్‌లకు పక్కాగా హాజరవుతున్న పెయిజ్‌ లోరెన్జ్‌ ఖాళీ సమయంలో బీచ్‌కు వెళ్లి అందాల ప్రదర్శనతో కనువిందు చేస్తుంది. దీనికి సంబంధించిన ఫోటోలను ఇన్‌స్టాగ్రామ్‌లో షేర్‌ చేసుకుంది. తన బాయ్‌ఫ్రెండ్‌ టామీ పాల్‌.. బెన్‌ షెల్టన్‌తో ఆడిన క్వార్టర్స్‌ మ్యాచ్‌ ఫోటోలను కూడా పంచుకుంది. తన గర్ల్‌ఫ్రెండ్‌ టాప్‌లెస్‌ ఫోజుపై టామీ పాల్‌ స్పందించాడు.. ''అలా నావైపు చూడకు ఏదో అవుతుంది నాకు'' అంటూ కామెంట్‌ చేశాడు. ఇక పెయిజ్‌ లోరెన్జ్‌ టాప్‌లెస్‌ ఫోటోలపై అభిమానులు వినూత్న రీతిలో కామెంట్‌ చేశారు. View this post on Instagram A post shared by Paige Lorenze (@paigelorenze)

పురుషుల ప్రపంచకప్‌ హాకీ టోర్నమెంట్‌లో జర్మనీ జట్టు 13 ఏళ్ల తర్వాత మళ్లీ సెమీఫైనల్లోకి అడుగు పెట్టింది. భువనేశ్వర్‌లో బుధవారం జరిగిన మూడో క్వార్టర్‌ ఫైనల్లో జర్మనీ ‘షూటౌట్‌’ లో 4–3తో ఇంగ్లండ్‌ను ఓడించింది. నిరీ్ణత సమయం వరకు రెండు జట్లు 2–2తో సమంగా నిలిచాయి. 2010 తర్వాత ఈ మెగా టోరీ్నలో జర్మనీ సెమీఫైనల్‌ చేరింది. మరో క్వార్టర్‌ ఫైనల్లో నెదర్లాండ్స్‌ 5–1తో కొరియాను ఓడించి సెమీస్‌ చేరింది. శుక్రవారం జరిగే సెమీఫైనల్స్‌లో ఆ్రస్టేలియాతో జర్మనీ; బెల్జియంతో నెదర్లాండ్స్‌ ఆడతాయి.  

భువనేశ్వర్‌: పురుషుల ప్రపంచకప్‌ హాకీ టోర్నీలో ఆ్రస్టేలియా జట్టు వరుసగా 12వసారి సెమీఫైనల్లోకి దూసుకెళ్లింది. స్పెయిన్‌ జట్టుతో జరిగిన క్వార్టర్‌ ఫైనల్లో ఆ్రస్టేలియా 4–3 తో గెలిచింది. ఆసీస్‌ తరఫున హేవార్డ్‌ (33వ, 37వ ని.లో) రెండు గోల్స్‌ చేయగా... జెలెవ్‌స్కీ (32వ ని.లో), ఫ్లిన్‌ ఒగిల్వీ (30వ ని.లో) ఒక్కో గోల్‌ సాధించారు. ఒకదశలో ఆ్రస్టేలియా 0–2తో వెనుకబడినా ఏడు నిమిషాల వ్యవధిలో నాలుగు గోల్స్‌ సాధించింది. మరో క్వార్టర్‌ ఫైనల్లో బెల్జియం 2–0తో న్యూజిలాండ్‌ను ఓడించి సెమీఫైనల్లోకి అడుగు పెట్టింది.     

ఖతర్‌ వేదికగా జరుగుతున్న ఫిఫా వరల్డ్‌కప్‌లో ఫ్రాన్స్‌ వరుసగా రెండోసారి ఫైనల్లో అడుగుపెట్టింది. బుధవారం రాత్రి మొరాకోతో జరిగిన మ్యాచ్‌లో 2-0 తేడాతో గెలిచిన ఫ్రాన్స్‌ దర్జాగా ఫైనల్స్‌కు చేరుకుంది. ఇక డిసెంబర్‌ 18న అర్జెంటీనాతో జరగనున్న ఫైనల్లో గెలిచి చాంపియన్‌షిప్‌ను నిలుపుకోవాలని ఫ్రాన్స్‌ భావిస్తోంది. అయితే మొరాకోతో జరిగిన సెమీస్‌లో ఫ్రాన్స్‌ సూపర్‌స్టార్‌ కైలియన్‌ ఎంబాపె మెరవనప్పటికి తామున్నామంటూ ఇద్దరు ఆటగాళ్లు అదరగొట్టారు. వారిలో ఒకడు తియో హెర్నాండేజ్‌ అయితే.. ఇంకొకడు రాండల్‌ కొలో మునాయ్‌. ఆట 5వ నిమిషంలో హెర్నాండేజ్‌ గోల్‌ కొట్టి ఫ్రాన్స్‌ను ఆధిక్యంలోకి తీసుకెళ్తే.. రెండో అర్థభాగంలో ఆట 79వ నిమిషంలో రాండల్‌ మరో గోల్‌ కొట్టి 2-0తో ఫ్రాన్స్‌ విజయాన్ని ఖాయం చేశాడు. రాండల్‌ సంగతి పక్కనబెడితే.. ఆట ఆరంభంలోనే గోల్‌తో మెరిసిన తియో హెర్నాండేజ్‌ గురించి ఒక ఆసక్తికర విషయం తెలిసింది. అదేంటంటే.. తియో హెర్నాండేజ్‌ ఎవరో కాదు.. ఫ్రాన్స్‌ స్టార్‌ లుకాస్‌ ఫెర్నాండేజ్‌ సొంత తమ్ముడు. అన్నదమ్ములిద్దరు ఏకకాలంలో ఫిఫా వరల్డ్‌కప్‌లో ఫ్రాన్స్‌కు ప్రాతినిధ్యం వహించారు.అయితే గ్రూప్‌ దశలో ఫ్రాన్స్‌ ఆస్ట్రేలియాతో తొలి మ్యాచ్‌ ఆడింది. ఆ మ్యాచ్‌లో ఫ్రాన్స్‌ 4-1 తేడాతో ఘనవిజయం సాధించింది. కానీ ఆట ఆరంభమైన కాసేపటికే లుకాస్‌ ఫెర్నాండేజ్‌ తీవ్రంగా గాయపడ్డాడు. మైదానం వీడిన లుకాస్‌ ఇప్పటి వరకు తిరిగి గ్రౌండ్‌లో అడుగుపెట్టలేదు. గాయం తీవ్రత ఎక్కువగా ఉండడంతో ఫిఫా వరల్డ్‌కప్‌కు పూర్తిగా దూరమైనట్లు ఫ్రాన్స్‌ ప్రకటించింది. అన్న దూరం కావడం తియో హెర్నాండేజ్‌ను బాధించింది. ఎలాగైనా అన్న కోసం కప్‌ గెలవాలని బలంగా కోరుకున్నాడు. అప్పటినుంచి ప్రతీ మ్యాచ్‌ ఆడినప్పటికి హెర్నాండేజ్‌కు గోల్‌ కొట్టే అవకాశం రాలేదు. తాజాగా ఆ సమయం రానే వచ్చింది. మొరాకోతో కీలకమైన సెమీఫైనల్లో తియో హెర్నాండేజ్‌ గోల్‌ కొట్టి జట్టు విజయంలో కీలకపాత్ర పోషించాడు.  ఇక అన్న లుకాస్‌ హెర్నాండేజ్‌ కల నిజం చేసేందుకు తియో హెర్నాండేజ్‌ ఒక్క అడుగు దూరంలో ఉన్నాడు. అర్జెంటీనాతో జరగనున్న ఫైనల్లో ఫ్రాన్స్‌ను గెలిపించి అన్నకు టైటిల్‌ కానుకగా ఇవ్వాలనుకుంటున్నాడు. మొరాకోపై గెలుపు అనంతరం తియో హెర్నాండేజ్‌ మీడియాతో మాట్లాడాడు. ''లూలూ(లుకాస్‌ హెర్నాండేజ్‌).. ఈసారి వరల్డ్‌కప్‌ మనిద్దరి కోసం ఆడుతున్నా. మొరాకోతో మ్యాచ్‌లో గోల్‌ కొట్టగానే కోచ్‌ నన్ను పిలిచి మీ అన్న లుకాస్‌ నిన్ను అభినందించినట్లు చెప్పమని పేర్కొనడం సంతోషం కలిగించింది. నా ప్రదర్శన పట్ల లుకాస్‌ గర్వపడుతున్నాడు. ఆటలో నువ్వు లేకపోవచ్చు.. కానీ ఎప్పుడు నాతోనే ఉండాలని ఆశపడుతున్నా. నీ గాయం నాకు కష్టంగా అనిపిస్తున్నప్పటికి తప్పదు. అన్న కోసం కప్‌ గెలవాలనుకుంటున్నా. మ్యాచ్‌ ముగిసిన ప్రతీరోజు మేమిద్దరం చాలా విషయాలు మాట్లాడుకుంటున్నాం'' అంటూ పేర్కొన్నాడు. 😬 Is @TheoHernandez a ninja? 🥷🏻 Check out the 🔢 from his 🤯 goal in last night's #FRAMAR 📹 Next 🆙 for the @FrenchTeam 👉🏻 #FIFAWorldCup Final 🆚 @Argentina on Dec 18 - 8:30 pm, LIVE on #JioCinema & #Sports18 📺📲#Qatar2022 #FIFAWConJioCinema #FIFAWConSports18 pic.twitter.com/qX69GwBACz — JioCinema (@JioCinema) December 15, 2022 చదవండి: 'బాధపడకు మిత్రమా.. ఓడినా చరిత్ర సృష్టించారు'

ఖతర్‌ వేదికగా జరుగుతున్న ఫిఫా వరల్డ్‌కప్‌లో ఫ్రాన్స్‌ వరుసగా రెండోసారి ఫైనల్లో అడుగుపెట్టింది. బుధవారం రాత్రి మొరాకోతో జరిగిన సెమీఫైనల్లో 2-0 తేడాతో ఫ్రాన్స్‌ విజయం అందుకుంది. డిఫెండింగ్‌ చాంపియన్స్‌గా వరల్డ్‌కప్‌లో బరిలోకి దిగిన ఫ్రాన్స్‌ టోర్నీ ఆసాంతం అందుకు తగ్గ ఆటతీరు ప్రదర్శిస్తూ వచ్చింది. ఫ్రాన్స్‌ సూపర్‌స్టార్‌ కైలియన్‌ ఎంబాపె గోల్‌ కొట్టడంలో విఫలమైనప్పటికి మేమున్నామంటూ తియో హెర్నాండేజ్‌(ఆట 5వ నిమిషం), రాండల్‌ కొలో మునాయ్‌(ఆట 79వ నిమిషం)లో ఫ్రాన్స్‌కు గోల్‌ అందించి జట్టు విజయంలో కీలకపాత్ర పోషించారు. ఇక డిసెంబర్‌ 18(ఆదివారం) జరిగే ఫైనల్లో అర్జెంటీనాతో అమితుమీ తేల్చుకోనుంది. ఇదిలా ఉంటే ఈ ఫిఫా వరల్డ్‌కప్‌లో ఎలాంటి అంచనాలు లేకుండా బరిలోకి దిగిన ఆఫ్రికా జట్టు మొరాకో సెమీస్‌ చేరి అందర్ని ఆశ్చర్యపరిచింది. గ్రూప్‌ దశలో బెల్జియం, నాకౌట్స్‌లో స్పెయిన్‌, పోర్చుగల్‌లను చిత్తు చేసి సెమీఫైనల్లో అడుగుపెట్టి సంచలనం సృష్టించింది. అయితే ఫ్రాన్స్‌ అనుభవం ముందు మొరాకో తలవంచక తప్పలేదు.. అయినా సరే తమ ఆటతీరుతో ఇంత దూరం వచ్చిన మొరాకో జట్టుపై ప్రశంసల వర్షం కురుస్తోంది. ఇక ఫ్రాన్స్‌ స్టార్‌ కైలియన్‌ ఎంబాపె, మొరాకో ఢిపెండర్‌ అచ్రఫ్‌ హకీమిలు బయట బెస్ట్‌ ఫ్రెండ్స్‌ అన్న సంగతి తెలిసిందే. దాదాపు ఒకేసారి ఫుట్‌బాల్‌ కెరీర్‌ను ఆరంభించిన ఈ ఇద్దరు ప్రాణ స్నేహితులుగా మారిపోయారు. ప్రాణ స్నేహితులుగా ఉన్న వీరిద్దరు ఫిఫా వరల్డ్‌కప్‌ సెమీఫైనల్లో మాత్రం ప్రత్యర్థులయ్యారు. దేశం కోసం మ్యాచ్‌ ఆడగా.. ఎంబాపె విజయం సాధించగా.. హకీమి ఓటమి పాలయ్యాడు. మ్యాచ్‌ వరకు మాత్రమే తాము ప్రత్యర్థులమని.. బయట ఎప్పటికీ ప్రాణ స్నేహితులమేనని మరోసారి నిరూపించారు.  అండర్‌డాగ్స్‌గా బరిలోకి దిగి సంచలన విజయాలు అందుకున్న తన జట్టు సెమీస్‌లో నిష్క్రమించడంతో హకీమి కన్నీటిపర్యంతం అయ్యాడు. ఇది గమనించిన ఎంబాపె.. అతని వద్దకు వచ్చి ఓదార్చాడు. బాధపడకు మిత్రమా.. ఓడినా మీరు చరిత్ర సృష్టించారు. మేటి జట్లను చిత్తు చేసి ఇంతదూరం రావడం సామాన్యమైన విషయం కాదు. మీ పోరాటం అమోఘం. అయితే మ్యాచ్‌లో ఏదో ఒక జట్టు మాత్రమే విజయం సాధిస్తుంది. ఇవాళ నీపై నేను పైచేయి సాధించాను. టోర్నీ వరకే ప్రత్యర్థులం.. బయట మాత్రం ఎన్నటికి స్నేహితులమే అంటూ చెప్పుకొచ్చాడు. అనంతరం ఎంబాపె, అచ్రఫ్‌ హకీమిలు తమ జెర్సీలను మార్చుకొని తమ స్నేహం గొప్పతనాన్ని చాటుకున్నారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. Don’t be sad bro, everybody is proud of what you did, you made history. ❤️ @AchrafHakimi pic.twitter.com/hvjQvQ84c6 — Kylian Mbappé (@KMbappe) December 14, 2022 Kylian Mbappe went straight over to console his good friend and teammate Achraf Hakimi.🤗 pic.twitter.com/IvbwKbemEu — Ben Jacobs (@JacobsBen) December 14, 2022 PSG team-mates Mbappe and Hakimi swapping shirts at the end.#Mar #fra #FIFAWorldCup pic.twitter.com/DrufStKHAV — Shamoon Hafez (@ShamoonHafez) December 14, 2022 Hugo Lloris kept his first clean sheet in #Qatar2022 to guide #LesBleus to another #FIFAWorldCup Final 📈 Relive his brilliant saves in #FRAMAR & watch @FrenchTeam go for 🏆 - Dec 18, 8:30 pm, LIVE on #JioCinema & #Sports18 📺📲#FIFAWConJioCinema #FIFAWConSports18 pic.twitter.com/2GKLlJL6kX — JioCinema (@JioCinema) December 14, 2022 చదవండి: FIFA WC: సెమీ ఫైనల్‌.. ప్రాణ స్నేహితులు ప్రత్యర్థులైన వేళ

లుకా మోడ్రిక్‌.. ఈతరం ఫుట్‌బాల్‌ స్టార్స్‌లో ఒకడు. మెస్సీ, రొనాల్డో లాగా పాపులారిటీ లేనప్పటికి తనకంటూ ప్రత్యేక గుర్తింపు తెచ్చుకున్నాడు. అనామక జట్టుగా ఉన్న క్రొయేషియాను లుకా మోడ్రిక్‌ నడిపిన తీరు అద్బుతమని చెప్పొచ్చు. వరుసగా రెండు ఫిఫా వరల్డ్‌కప్స్‌లో అసాధారణ ఆటతీరు కనబరిచి అభిమానులను సంపాదించుకున్నాడు. ఈ ఫిఫా వరల్డ్‌కప్‌లోనూ మోడ్రిక్‌ జట్టును అన్నీ తానై నడిపించాడు. నాయకుడంటే ఇలాగే ఉండాలి అనే పదానికి నిర్వచనంగా నిలిచాడు లుకా మోడ్రిక్‌. 2006లో అంతర్జాతీయ ఫుట్‌బాల్‌ కెరీర్‌ను ఆరంభించిన లుకా మోడ్రిక్‌ తొలి రెండు వరల్డ్‌కప్‌లలో పెద్దగా ప్రభావం చూపలేకపోయాడు. 2010, 2014 వరల్డ్‌కప్స్‌లో క్రొయేషియా గ్రూప్‌ దశలోనే వెనుదిరిగడం మోడ్రిక్‌ను వెలుగులోకి తీసుకురాలేకపోయింది. ఇక 2014 ఫిఫా వరల్డ్‌కప్‌.. గ్రూప్‌ దశలోనే క్రొయేషియా జట్టు వెనుదిరిగింది. కేవలం 40 లక్షల జనాభా మాత్రమే కలిగిన క్రొయేషియా వచ్చే నాలుగేళ్లలో అద్భుతం చేయబోతుందని అప్పట్లో ఎవరు ఊహించలేదు. 2014 తర్వాత కెప్టెన్‌గా బాధ్యతలు చేపట్టిన మోడ్రిక్‌ దశ దిశ లేకుండా అనామక జట్టుగా ఉన్న క్రొయేషియాను గాడిలో పెట్టాడు. ఆ తర్వాత నాలుగేళ్లలో జట్టులో ఎన్నో మార్పులు తీసుకొచ్చాడు. మేజర్‌ టోర్నీలు గెలవకపోయినప్పటికి జట్టును బలంగా తయారు చేయడంలో మాత్రం సఫలమయ్యాడు. ఇక 2018 ఫిఫా వరల్డ్‌కప్‌లో ఎలాంటి అంచనాలు లేకుండా బరిలోకి దిగి ఆఖరి మెట్టుపై బోల్తా పడి రన్నరప్‌గా నిలిచిన క్రొయేషియా.. ఈసారి కూడా దాదాపు అదే ఫలితాలను రిపీట్‌ చేసింది. కీలకమైన నాకౌట్స్‌లో బ్రెజిల్‌, జపాన్‌ లాంటి మేటి జట్లకు షాకిచ్చి సెమీఫైనల్లో అడుగుపెట్టింది. అలా వరుసగా రెండు వరల్డ్‌కప్స్‌లో ఒకసారి రన్నరప్‌.. మరోసారి సెమీఫైనల్‌ వరకు వచ్చిందంటే లుకా మోడ్రిక్‌ జట్టులో నింపిన చైతన్యం వల్లే అని చెప్పొచ్చు. ఈసారి లుకా మోడ్రిక్‌తో పాటు గోల్‌ కీపర్‌ డొమినిక్‌ లివకోవిచ్‌ , ఇవాన్‌ పెరిసిక్‌, డెజన్‌ లొవ్‌రెన్‌, మార్సిలో బ్రొజోవిక్‌లు నాలుగు స్తంభాలుగా మారి క్రొయేషియాను ముందుకు నడిపించారు. 37 ఏళ్ల లుకా మోడ్రిక్‌ తన చివరి ఫిఫా వరల్డ్‌కప్‌ ఆడేసినట్లే. క్రొయేషియా తరపున అత్యధిక మ్యాచ్‌లు ఆడిన ఆటగాడిగా లుకా రికార్డు నెలకొల్పాడు. క్రొయేషియా తరపున 161 మ్యాచ్‌ల్లో 23 గోల్స్‌ సాధించాడు. మిడ్‌ఫీల్డర్‌గా బాధ్యతలు నిర్వర్తించే లుకా మోడ్రిక్‌ ఎక్కువ గోల్స్‌ చేయకపోయినప్పటికి పాస్‌లు అందించడంలో మాత్రం దిట్ట. 2006 నుంచి 16 ఏళ్ల పాటు క్రొయేషియా జట్టుకు సేవలందించిన లుకా మోడ్రిక్‌.. ఫిఫి వరల్డ్‌కప్‌ గెలవలేదన్న కోరిక మినహాయిస్తే జీవితంలో అన్నీ చూశాడు. 2018 ఫిఫా వరల్డ్‌కప్‌లో గోల్డెన్‌ బాల్‌ అందుకున్న లుకా.. 2018లోనే ప్రతిష్టాత్మక బాలన్‌ డీ ఓర్‌ అవార్డు, యూఈఎఫ్‌ఏ మెన్స్‌ ప్లేయర్‌ అవార్డులను గెలుచుకున్నాడు. ఇక 2019లో గోల్డెన్‌ ఫుట్‌ అవార్డు గెలుచుకున్న లుకా మోడ్రిక్‌ ఆటకు నీరాజనం పలుకుతూ అతని మలి కెరీర్‌ కూడా ఆనందంగా సాగిపోవాలని కోరుకుందాం. చదవండి: దెబ్బకు దెబ్బ తీశారు.. లెక్క సరిచేసిన మెస్సీ Luka Modric: 'ఈ వరల్డ్‌కప్‌ మెస్సీదే.. కచ్చితంగా కొడతాడు' Warrior spirit 💪 Still not over for @lukamodric10 & Co. in #Qatar2022 📊 Watch #Croatia vie for a third-place finish at the #FIFAWorldCup once again, Dec 17 - 8:30 pm, LIVE on #JioCinema & #Sports18 📺📲#ARGCRO #FIFAWConJioCinema #FIFAWConSports18 pic.twitter.com/HjqX7k2qKe — JioCinema (@JioCinema) December 13, 2022

ఖతర్‌ వేదికగా జరుగుతున్న ఫిఫా వరల్డ్‌కప్‌లో మెస్సీ బృందం ఫైనల్లో అడుగుపెట్టింది. మంగళవారం అర్థరాత్రి క్రొయేషియాతో జరిగిన సెమీఫైనల్లో 3-0తో అర్జెంటీనా ఘన విజయం సాధించింది. కీలకమైన నాకౌట్స్‌లో బ్రెజిల్‌, జపాన్‌ లాంటి మేటి జట్లకు షాకిచ్చి సెమీఫైనల్లో అడుగుపెట్టింది. అయితే క్రొయేషియా.. అర్జెంటీనాతో జరిగిన సెమీస్‌లో మాత్రం తోకముడిచింది. మెస్సీ బృందం క్లాస్‌ ఆటతీరుకు ఆ జట్టు వద్ద సమాధానం లేకుండా పోయింది. కనీస పోటీ కూడా ఇవ్వలేక చతికిలపడిన లుకా మోడ్రిక్‌ బృందం సెమీస్‌లో ఓడి ఇంటిబాట పట్టింది. అయితే అర్జెంటీనా మాత్రం క్రొయేషియాపై తమ ప్రతీకారం తీర్చుకుంది. 2018 ఫిఫా వరల్డ్‌కప్‌లో అర్జెంటీనా, క్రొయేషియాలు ఒకే గ్రూప్‌లో ఉన్నాయి. లీగ్‌ దశలో క్రొయేషియా 3-0తో అర్జెంటీనాకు షాక్‌ ఇచ్చింది. అప్పటి మ్యాచ్‌లో లుకా మోడ్రిక్‌ సహా మరో ఇద్దరు ఆటగాళ్లు కలిసి మూడు గోల్స్‌ కొట్టగా.. మెస్సీ సేన మాత్రం ఒక్క గోల్‌ కూడా కొట్టలేకపోయింది. ఆ తర్వాత అర్జెంటీనా ప్రీక్వార్టర్స్‌లో ఫ్రాన్స్‌ చేతిలో ఓడి ఇంటిబాట పట్టింది. 2018 ఫిఫా వరల్డ్‌కప్‌: అర్జెంటీనాపై గెలుపు.. క్రొయేషియా సంబరాలు సరిగ్గా నాలుగేళ్ల తర్వాత 2022 ఫిఫా వరల్డ్‌కప్‌లో అర్జెంటీనా క్రొయేషియాను కీలక నాకౌట్‌ దశలో ఓడించి ప్రతీకారం తీర్చుకున్నట్లయింది. యాదృశ్చికంగా అర్జెంటీనా కూడా 3-0 తేడాతోనే క్రొయేషియాను మట్టికరిపించింది. ఈసారి మెస్సీ ఒక గోల్‌ కొట్టగా.. అల్వరేజ్‌ రెండో గోల్స్‌ నమోదు చేశాడు. అలా 2018 ఓటమికి దెబ్బకు దెబ్బ తీసిన మెస్సీ బృందం లెక్కను సరిచేసింది. చదవండి: Luka Modric: 'ఈ వరల్డ్‌కప్‌ మెస్సీదే.. కచ్చితంగా కొడతాడు' 3️⃣ strikes that powered #Messi𓃵 & Co.'s dream of reaching #Qatar2022 final 👏 Watch all the goals from #ARGCRO & stay tuned to the #WorldsGreatestShow on #JioCinema & #Sports18 📺📲#FIFAWorldCup #FIFAWConJioCinema #FIFAWConSports18 pic.twitter.com/gUWKbJGbJl — JioCinema (@JioCinema) December 13, 2022

ఖతర్‌ వేదికగా జరుగుతున్న ఫిఫా వరల్డ్‌కప్‌లో క్రొయేషియా కథ ముగిసింది. గతేడాది రన్నరప్‌గా నిలిచిన క్రొయేషియా ఈసారి అదే ఆటతీరుతో ఆకట్టుకుంటూ సెమీఫైనల్‌ వరకు దూసుకొచ్చింది. కానీ సెమీస్‌లో అర్జెంటీనా లాంటి పటిష్టమైన జట్టు ముందు క్రొయేషియా తలవంచింది. మెస్సీ ఆటను కళ్లార్పకుండా చూసిన ఆ జట్టు అతని ఆటకు ఫిదా అయింది. మొత్తానికి 0-3 తేడాతో అర్జెంటీనా చేతిలో పరాజయం పాలై ఇంటిదారి పట్టింది. క్రొయేషియాను అన్నీ తానై నడిపించిన కెప్టెన్‌ లుకా మోడ్రిక్‌కు ఫిఫా వరల్డ్‌కప్‌ను అందించి ఘనంగా వీడ్కోలు పలకాలనుకున్న జట్టుకు నిరాశే ఎదురైంది. అయినప్పటికి 2014లో గ్రూప్‌ దశలోనే వెనుదిరిగిన క్రొయేషియాను గాడిలో పెట్టి.. వరుసగా రెండు ప్రపంచకప్‌ల్లో నాకౌట్‌ దశకు తీసుకురావడంలో లుకా మోడ్రిక్‌ది కీలకపాత్ర. తన కెరీర్‌లో వరల్డ్‌కప్‌ లేదన్న మాటే కానీ అతని ఆటతీరుతో కోట్లాది మంది అభిమానుల హృదయాలను గెలుచుకొని ఫిఫా వరల్డ్‌కప్‌ను ముగించాడు. మ్యాచ్‌ అనంతరం లుకా మోడ్రిక్‌ మాట్లాడుతూ మెస్సీపై ఆసక్తికర వ్యాఖ్యలు చేశాడు. ''ఈరోజు మ్యాచ్‌ అర్జెంటీనాదే. ముఖ్యంగా మెస్సీ అన్నీ తానై జట్టును నడిపిస్తున్న తీరు అద్భుతం. మ్యాచ్‌లో రిఫరీ అర్జెంటీనాకు పెనాల్టీ ఇవ్వడం నాకు నచ్చలేదు. అది తప్పిస్తే ఎలాంటి పొరపాట్లు జరగలేదు. ఫిఫా వరల్డ్‌కప్‌ టైటిల్‌తో కెరీర్‌ను ముగిద్దామనుకున్నా.. ఇప్పుడు అది లేకుండానే వెళ్లిపోతున్నా. ఈసారి మెస్సీదే వరల్డ్‌కప్‌.. టైటిల్‌ కచ్చితంగా కొడతాడన్న నమ్మకం నాకుంది. ఒక దిగ్గజ ప్లేయర్‌ ఈ ఘనత సాధించి ఆటకు వీడ్కోలు పలికితే అంతకన్నా సంతోషం మరొకటి ఉండదు. అర్జెంటీనా జట్టులో నాకు మెస్సీ ఒక్కడే కనిపిస్తున్నాడు. మిగతావాళ్లు బాగా ఆడుతున్నప్పటికి మెస్సీనే నా ఫెవరెట్‌. ఆల్‌ ది బెస్ట్‌ అర్జెంటీనా అండ్‌ మెస్సీ.'' అంటూ పేర్కొన్నాడు. 🎙️ Luka Modrić: “I hope Lionel Messi wins this World Cup, he is the best player in history and he deserves it.” 🇭🇷🤝🇦🇷#FIFAWorldCup pic.twitter.com/w3VEGdXnDd — Football Tweet ⚽ (@Football__Tweet) December 13, 2022 చదవండి: ఆదిలోనే సౌదీ చేతిలో ఓటమి! ఎట్టకేలకు ఇలా.. మెస్సీ పోస్ట్‌ వైరల్‌

FIFA World Cup 2022- Argentina Vs Croatia- Lionel Messi: ఖతర్‌ వేదికగా జరుగుతున్న ఫిఫా ప్రపంచ కప్‌-2022లో అర్జెంటీనా ఫైనల్‌లోకి దూసుకెళ్లింది. మెస్సి మాయాజాలంతో సెమీఫైనల్‌లో క్రొయేషియాపై అద్భుత విజయం సాధించి ఘనంగా ఫైనల్‌లో అడుగుపెట్టింది. మంగళవారం అర్ధరాతి 12.30 గంటలకు ప్రారంభమైన తొలి సెమీ ఫైనల్‌ మ్యాచ్‌లో అర్జెంటీనా 3-0 గోల్స్‌ తేడాతో క్రొయేషియాను మట్టికరిపించింది. ఈ క్రమంలో 2014 తర్వాత మరోసారి ఫైనల్‌లోకి అడుగుపెట్టింది.  ఈ మ్యాచ్‌లో తొలి అర్ధభాగంలో అర్జెంటీనా రెండు గోల్స్‌ చేసింది మెస్సీ పెనాల్టీ కిక్‌ ద్వారా (34.14వ నిమిషంలో) ఒక గోల్‌ చేశాడు. ఆ తర్వాత అల్వారెజ్‌ రెండు గోల్స్‌(38.51వ నిమిషంలో) గోల్‌ చేశాడు.  రెండో అర్ధభాగంలో అల్వారెజ్‌ మ(69వ నిమిషాల్లో) మరో గోల్‌ చేశాడు. దీంతో 3-0 గోల్స్‌ తేడాతో క్రొయేషియాపై విజయం సాధించింది అర్జెంటీనా.  var request = 'https://www.sakshi.com/knowwidget/kwstr_5091503545.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); Argentina storm through to the #FIFAWorldCup Final 🇦🇷 🔥 #Qatar2022 — FIFA World Cup (@FIFAWorldCup) December 13, 2022

ఖతర్‌ వేదికగా జరుగుతున్న ఫిఫా వరల్డ్‌కప్‌లో క్రొయేషియా దూసుకెళ్తుంది. కేవలం 40 లక్షల జనాభా ఉన్న క్రొయేషియా జట్టు సాకర్‌‌‌‌లో అద్భుతాలు చేస్తోంది. నాలుగేండ్ల కిందట అందరి అంచనాలు తారుమారు చేస్తూ ఫైనల్‌‌‌‌ వరకు వచ్చిన క్రొయేషియన్లు ఈసారి కూడా అదే జోరు కొనసాగిస్తూ దూసుకొస్తున్నారు. పలు మేటి జట్లకు చెక్‌‌‌‌ పెడుతున్నారు.2018లో ఫ్రాన్స్‌‌‌‌ చేతిలో ఓడి కొద్దిలో టైటిల్‌‌‌‌ చేజార్చుకున్న క్రొయేషియా ఈసారి ఎలాగైనా వరల్డ్‌‌‌‌ చాంపియన్‌‌‌‌ అవ్వాలన్న సంకల్పంతో ఉంది. శుక్రవారం జరగనున్న సెమీఫైనల్లో బలమైన అర్జెంటీనాను చిత్తు చేసి ఫైనల్‌కు చేరాలని భావిస్తోంది. క్రొయేషియా జట్టులో లుకా మోడ్రిచ్‌ ‌‌‌కీలక ఆటగాడు. ఇందులో ఎలాంటి అనుమానం లేదు. కానీ లూకా మోడ్రిచ్ ఒక్కడితోనే జట్టు మొత్తం నడవడం లేదు. మోడ్రిచ్‌కు అండగా జట్టులో నలుగురు ఆటగాళ్లు మూలస్తంభాల్లా నిలబడ్డారు. ఆ నలుగురే  ఇవాన్‌ పెరిసిక్‌(మిడ్‌ ఫీల్డర్‌), మార్సిలో బ్రొజోవిక్‌(మిడ్‌ ఫీల్డర్‌), డెజన్‌ లొవ్‌రెన్‌(డిఫెండర్‌), డొమినిక్‌ లివకోవిచ్‌‌‌‌(గోల్‌ కీపర్‌). సైలెంట్‌గా కనిపించే ఈ నలుగురు వయొలెంట్‌ కిల్లర్స్‌. గత ఎడిషన్​ మాదిరిగానే క్రొయేషియన్లు సైలెంట్‌‌‌‌ కిల్లర్స్‌‌‌‌గా ఒక్కో అడుగు వేస్తున్నారు. ప్రిక్వార్టర్స్‌‌‌‌లో జపాన్‌‌‌‌ జోరుకు చెక్‌‌‌‌ పెట్టి.. క్వార్టర్స్‌‌‌‌లో ఐదుసార్లు చాంపియన్‌‌‌‌ బ్రెజిల్‌‌‌‌ను దెబ్బకొట్టడంతో ప్లేయర్ల కాన్ఫిడెన్స్‌‌‌‌ పెరిగింది. క్రొయేషియా టీమ్‌‌‌‌లో మోడ్రిచ్‌‌‌‌ కీలకం. ఈ టోర్నీలో తను ఒక్క గోల్‌‌‌‌ కూడా కొట్టలేదు. అయినా టీమ్‌‌‌‌ మొత్తం అతని చుట్టూనే తిరుగుతోంది. మిడ్‌‌‌‌ఫీల్డ్‌‌‌‌లో అంతా సవ్యంగా ఉండేలా చేయడంతో పాటు చివరి నిమిషం వరకు తోటి ప్లేయర్లంతా పోరాడేలా చేస్తున్నాడు. 2018 టోర్నీ మాదిరిగా నాకౌట్‌‌‌‌ గేమ్స్‌‌‌‌ను ఎక్స్‌‌‌‌ట్రా టైమ్‌‌‌‌కు తీసుకెళ్లి ప్రత్యర్థుల పని పడుతోంది.తమ బలమైన డిఫెన్స్‌‌‌‌నే ప్రధానంగా ఉపయోగిస్తూ  ఫలితాన్ని రాబడుతోంది.  అయితే ఈ నలుగురు పుట్టుకతోనే గొప్పవాళ్లు ఏమీ కాలేదు. ఒక్కోక్కరిది ఒక్కో కథ.. వ్యధ. ఒకరు చికెన్‌ ఫార్మ్‌లో పనిచేస్తే.. మరొకడు కసాయి తండ్రి వద్ద పెరిగాడు. ఇంకొకడు చదువును మధ్యలోనే ఆపేశాడు.. ఇలా నలుగురు తమ చిన్నతనంలోనే ఎంతో కష్టాలు అనుభవించారు. లూకా మోడ్రిచ్‌ గురించి పరిచయం అవసరం లేకపోయినా ఈ నలుగురిపై మాత్రం ఒక లుక్కేయండి. ఇవాన్‌ పెరిసిక్‌(మిడ్‌ ఫీల్డర్‌) క్రొయేషియా జట్టులో కీలక మిడ్‌ఫీల్డర్‌గా ఇవాన్‌ పెరిసిక్‌ కొనసాగుతున్నాడు. జట్టు డిఫెన్స్‌ ఇంత పటిష్టంగా ఉండడానికి ప్రధాన కారణం ఇవాన్‌ పెరిసిక్‌. అయితే తన చిన్నతనం నుంచి ఇవాన్‌ పెరిసిక్‌ చికెన్‌ ఫార్మ్స్‌లో పనిచేశాడు. బీచ్‌ వాలీబాల్‌లో ఆరితేరిన ఇవాన్‌ పెరిసిక్‌ ఆ తర్వాత ఫుట్‌బాల్‌పై ఇష్టం పెంచుకున్నాడు. ఎన్నో కష్టాలకోర్చి స్థానిక లోకల్‌ క్లబ్‌కు ప్రాతినిధ్యం వహిస్తూ ఫుట్‌బాల్‌లో ఎదిగాడు. 2011లో ఇవాన్‌ పెరిసిక్‌ తొలిసారి క్రొయేషియా ఫుట్‌బాల్‌ టీంలో చోటు దక్కింది. అప్పటినుంచి జట్టులో కీలక మిడ్‌ఫీల్డర్‌గా కొనసాగుతున్నాడు. డొమినిక్‌ లివకోవిచ్‌(గోల్‌ కీపర్‌) ఈ ఫిఫా వరల్డ్‌కప్‌లో క్రొయేషియా ప్రతీ మ్యాచ్‌ను పెనాల్టీ దశ వరకు తీసుకెళ్తుందంటే అదంతా గోల్‌ కీపర్‌ డొమినిక్‌ లివకోవిచ్‌ చలవే. ముఖ్యంగా బ్రెజిల్‌తో జరిగిన క్వార్టర్‌ ఫైనల్లో పెనాల్టీ షూటౌట్‌లో నాలుగుసార్లు గోల్‌ కాకుండా అడ్డుగోడలా నిలబడ్డాడు. దీంతో డొమినిక్‌ లివకోవిచ్‌ పేరు మార్మోగిపోయింది. ప్రత్యర్థి ఎంత బలమైన జట్టు అయినా.. తన వరకు బంతి వచ్చిందంటే అది కచ్చితంగా గోల్‌పోస్ట్‌లోకి వెళ్లకుండా అడ్డుపడడం లివకోవిచ్‌ స్పెషాలిటీ.  అయితే డొమినిక్‌ లివకోవిచ్‌ ఫుట్‌బాల్‌లోకి రాకముందు బాస్కెట్‌బాల్‌ ప్లేయర్‌గా రాణించాడు.  డెజన్‌ లొవ్‌రెన్‌(డిఫెండర్‌) క్రొయేషియా జట్టులో ఢిపెన్స్‌ విభాగంలో డెజన్‌ లొవ్‌రెన్‌ కీలకం. ప్రత్యర్థి ఆటగాళ్లకు బంతి చిక్కకుండా తన డిఫెన్స్‌తో పాస్‌లు అందించడంలో డెజన్‌ లొవ్‌రెన్‌ది ప్రత్యేక స్టైల్‌. ఇవాళ స్టార్‌గా వెలుగొందుతున్న డెజన్‌ లొవ్‌రెన్‌ జీవితం కాస్త డిఫరెంట్‌. యుగోస్లేవియా యుద్ధం కారణంగా డెజన్‌కు మూడేళ్ల వయస్సు ఉన్నప్పుడు బొస్‌నియన్‌ సిటీకి వలస వచ్చారు. ఏడేళ్ల పాటు అక్కడే పెరిగాడు. ఆ తర్వాత 10 ఏళ్ల వయసులో ఉన్నప్పుడు తన ఫ్యామిలీకి జర్మనీలో ఉండేదుకు అనుమతి రాలేదు. వెంటనే క్రొయేషియాకు వెళ్లిపోవాలని ఆదేశించారు. అలా ఉన్నపళంగా పిల్లలను తీసుకొని క్రొయేషియాలో స్థిరపడ్డారు. అయితే డెజన్‌కు క్రొయేషియా భాష మాట్లాడడం రాదు. దీంతో స్కూల్లో అందరు డెజన్‌ను హేళన చేసేవారు. అయితే క్రమంగా క్రొయేషియా లాంగ్వేజ్‌పై మంచి పట్టు సాధించాడు.  మార్సిలో బ్రొజోవిక్‌(మిడ్‌ఫీల్డర్‌) మార్సిలో బ్రొజోవిక్‌ కసాయి త​ండ్రి పెంపకంలో పెరిగాడు. ఫుట్‌బాల్‌ ఆడాలనుకుంటే స్కూల్‌ను వదిలేయాలన్నాడు. ఫుట్‌బాల్‌పై ఇష్టంతో మధ్యలోనే స్కూల్‌ మానేశాడు. దీంతో క్రొయేషియా భాష తప్పిస్తే మరే ఇతర లాంగ్వేజ్‌లోమాట్లడలేడు. ఇంగ్లీష్‌పై కనీస పరిజ్ఞానం కూడా అతనికి లేదు. ఇవాళ స్టార్‌గా వెలుగొందుతున్న మార్సిలో బ్రొజోవిక్‌ తాను ఎప్పటికైనా ఇంగ్లీష్‌ నేర్చుకొని మాట్లాడి తీరుతానని పేర్కొన్నాడు.  ఇక లూకా మోడ్రిచ్‌ ఇవాళ వరల్డ్‌‌‌‌ బెస్ట్‌‌‌‌ సాకర్‌‌‌‌ స్టార్లలో ఒకడిగా వెలుగొందుతున్నాడు.  ఈ క్రమంలో సెమీస్‌‌‌‌లో అర్జెంటీనా అడ్డుదాటి ముందుకెళ్లాలని చూస్తోంది. గత ఎడిషన్‌‌‌‌ గ్రూప్‌‌‌‌ స్టేజ్‌‌‌‌లో క్రొయేషియా 3-0తో అర్జెంటీనాను చిత్తు చేయడం గమనార్హం. అందుకే మెస్సీ సేన ఫెవరెట్‌గా కనిపిస్తున్నప్పటికి క్రొయేషియాను తక్కువ అంచనా వేస్తే మొదటికే మోసం వస్తుంది. చదవండి: 'మెస్సీ ఆటను ఎంజాయ్‌ చేస్తున్నాం.. చర్చ అవసరమా?'

Argentina Vs Croatia- Lionel Messi- Doha: మెస్సీ మరోసారి అర్జెంటీనాను ఫైనల్‌కు చేరుస్తాడా? మోడ్రిచ్‌ వరుసగా రెండోసారి తమ జట్టును తుది పోరు వరకు తీసుకెళ్లగలడా? ఒకరు ఆల్‌టైమ్‌ గ్రేట్‌గా ప్రపంచ వ్యాప్తంగా అభిమానులను సంపాదించుకొని తన జట్టుకు బలంగా నిలవగా... మరోవైపు సమష్టితత్వాన్నే నమ్ముకొని ముందుకు సాగిపోయిన టీమ్‌ మళ్లీ అంచనాలను తలకిందులు చేయగలదా? ఈ నేపథ్యంలో ఫుట్‌బాల్‌ ప్రపంచకప్‌ టోర్నీ-2022లో మరో రసవత్తర సమరానికి సమయం ఆసన్నమైంది.   సంచలనాలు కొత్త కాదు రెండుసార్లు విజేత అర్జెంటీనా, గత వరల్డ్‌కప్‌ ఫైనలిస్ట్‌ క్రొయేషియా మంగళవారం అర్ధరాత్రి తర్వాత జరిగే ప్రపంచకప్‌ ఫుట్‌బాల్‌ టోర్నీ తొలి సెమీఫైనల్లో తలపడతాయి. 2014 వరల్డ్‌కప్‌లో మెస్సీ సారథ్యంలోనే అర్జెంటీనా ఫైనల్‌ చేరగా, మోడ్రిచ్‌ నాయకత్వంలోనే 2018లో క్రొయేషియా రన్నరప్‌గా నిలిచింది. అంచనాలు ఇప్పటికీ అర్జెంటీనాకు అనుకూలంగానే ఉండగా... క్రొయేషియాకు సంచలనాలు కొత్త కాదు. చెరోసారి.. అయితే! ఈ రెండు జట్లు గతంలో రెండుసార్లు ప్రపంచకప్‌లో లీగ్‌ దశలో ముఖాముఖిగా తలపడ్డాయి. 1998లో అర్జెంటీనా 1–0తో నెగ్గగా... 2018లో క్రొయేషియా  3–0తో గెలిచింది. నాకౌట్‌ దశలో మాత్రం తొలిసారి ఈ రెండు జట్లు ‘ఢీ’కొంటున్నాయి.  స్టార్‌ ముందుండి నడిపిస్తుండగా...  తన కెరీర్‌లో వరల్డ్‌కప్‌ లేని లోటును పూరించేందుకు, అభిమానుల దృష్టిలో మరో మారడోనాగా మారేందుకు మెస్సీకి ఇది చివరి చాన్స్‌. 35 ఏళ్ల వయసులో కూడా అతని అద్భుత ప్రదర్శన జట్టును సెమీస్‌ వరకు తీసుకొచ్చింది. సమకాలీన మేటి ఫుట్‌బాలర్‌ క్రిస్టియానో రొనాల్డోకు సాధ్యం కానిది సాధించగలిగే అవకాశం మెస్సీ ముంగిట నిలిచింది. నిజానికి మెక్సికో, ఆస్ట్రేలియాలపై చేసిన గోల్స్‌తో పాటు నెదర్లాండ్స్‌తో మ్యాచ్‌లో నాహుల్‌ మొలినాకు మెస్సీ ఇచ్చిన రివర్స్‌ పాస్‌ మొత్తం వరల్డ్‌కప్‌లోనే హైలైట్‌గా నిలిచాయి. అయితే మెస్సీ మినహా ఇతర ఆటగాళ్లు అంతంతమాత్రంగానే రాణించారు. అల్వారెజ్, ఫెర్నాండెజ్, మ్యాక్‌ అలిస్టర్‌ ఫర్వాలేదనిపించినా ప్రపంచ స్థాయి ప్రదర్శన మాత్రం రాలేదు. ఇప్పటి వరకు అర్జెంటీనా ఆటలో ఆశించిన వేగం, కొత్తదనం కనిపించకపోయినా నడిచిపోయింది. కాస్త ఏమరుపాటుగా ఉన్నా కానీ సెమీస్‌ వేదికపై కాస్త ఏమరుపాటుగా ఉన్నా క్రొయేషియా మ్యాచ్‌ను లాగేసుకోగలదు. మెస్సీ మినహా ఇతర ఆటగాళ్లను కోచ్‌ స్కలోని ఎంత సమర్థంగా వాడుకుంటాడనేది కీలకం. గోల్‌కీపర్‌ మార్టినెజ్‌పై అదనపు బాధ్యత ఉంది. క్రొయేషియా గోల్‌ కీపర్‌ లివకోవిచ్‌ మెరుపు నైపుణ్యంతో టోర్నీని శాసిస్తున్న తీరు చూస్తే... ఒకవేళ మ్యాచ్‌ పెనాల్టీల వరకు వెళితే మాత్రం మార్టినెజ్‌ అత్యద్భుత ప్రదర్శన ఇవ్వాల్సి ఉంటుంది.    పోరాటతత్వమే బలంగా...  బ్రెజిల్‌పై క్వార్టర్‌ ఫైనల్లో గెలిచిన తర్వాత చివరి వరకు ఓటమిని అంగీకరించని తమ పోరాటస్ఫూర్తి గుర్తించి క్రొయేషియా కోచ్‌ డాలిచ్‌ పదే పదే చెప్పుకుంటూ వచ్చాడు. గణాంకాల్లో అది కనిపించకపోయినా అదే వారి విజయ రహస్యమనేది వాస్తవం. సుదీర్ఘ సమయం పాటు బంతిని తమ అదుపులో ఉంచుకోగల మిడ్‌ఫీల్డర్లు మోడ్రిచ్, కొవాసిచ్, బ్రొజొవిచ్‌ జట్టు ప్రధాన బలం. దీనిని బద్దలు కొట్టాలంటే మెస్సీకి కూడా అంత సులువు కాదు. మ్యాచ్‌ సమంగా ఉన్న స్థితిలో దీనిని క్రొయేషియా కొనసాగిస్తే ప్రత్యర్థికి కష్టాలు తప్పవు. ఎందుకంటే ప్రధాన టోర్నీల్లో క్రొయేషియా ఆడిన గత 9 నాకౌట్‌ మ్యాచ్‌లలో 8 అదనపు సమయం వరకు వెళ్లాయి. ఆపై పెనాల్టీల ద్వారానే ఈ టోర్నీలో జపాన్‌పై, బ్రెజిల్‌పై జట్టు విజయం సాధించింది. అయితే అర్జెంటీనాతో పోలిస్తే జట్టులో దూకుడు తక్కువ. కెనడాపై మినహా మిగిలిన నాలుగు మ్యాచ్‌లలో కలిపి ఆ జట్టు 2 ఫీల్డ్‌ గోల్స్‌ మాత్రమే చేయగలిగింది. 2018 ఫైనల్లో ఆ జట్టు ఫ్రాన్స్‌కు తొలి 65 నిమిషాల్లోనే 4 గోల్స్‌ సమర్పించుకుంది. అంటే ఆరంభంలో ప్రత్యర్థి దాడి చేయగలిగితే క్రొయేషియా మళ్లీ కోలుకునే అవకాశాలు తక్కువ. అయితే గోల్‌కీపర్‌ లివకోవిచ్‌ ఈసారి కూడా అడ్డుగోడగా నిలవాలని టీమ్‌ కోరుకుంటోంది.   గతంలో ఐదుసార్లు కాగా ప్రపంచకప్‌లో ఆరోసారి ఫైనల్‌ బెర్త్‌పై అర్జెంటీనా గురి పెట్టింది. గతంలో అర్జెంటీనా సెమీఫైనల్‌ చేరిన ఐదు పర్యాయాలు విజయం సాధించి టైటిల్‌ పోరుకు అర్హత పొందింది.   క్రొయేషియా గెలిస్తే అర్జెంటీనాపై క్రొయేషియా గెలిస్తే వరుసగా రెండు ప్రపంచకప్‌లలో ఫైనల్‌ చేరిన నాలుగో యూరోప్‌ జట్టుగా నిలుస్తుంది. గతంలో ఇటలీ (1934, 1938), నెదర్లాండ్స్‌ (1974, 1978), జర్మనీ (1982, 1986, 1990) మాత్రమే ఈ ఘనత సాధించాయి. చదవండి: Cristiano Ronaldo: వద్దనుకుంటే పుట్టిన బిడ్డ! ఎంతటి మొనగాడివైతేనేం! ఎన్ని రికార్డులు ఉన్నా ఏం లాభం? మరీ ఇలా... పర్లేదులే! క్రొయేషియాతో సెమీస్‌కు ముందు అర్జెంటీనాకు భారీ షాకిచ్చిన ఫిఫా Ranji Trophy: రంజీ సమరానికి సై.. బరిలో 38 జట్లు! ఫైనల్‌ ఎప్పుడంటే!   IND vs BAN: బంగ్లాదేశ్‌తో తొలి టెస్టు.. అక్షర్‌కు నో ఛాన్స్‌! ఆల్‌రౌండర్‌ అరంగేట్రం var request = 'https://www.sakshi.com/knowwidget/kwstr_5091503545.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); Flashback ⏪ to when #ARG and #HRV met at the 2018 #FIFAWorldCup. These sides have met twice before on the big stage. Who will prevail tomorrow? pic.twitter.com/SHMSt84o1A — FIFA World Cup (@FIFAWorldCup) December 12, 2022

టి20 ప్రపంచకప్‌లో భాగంగా ఎన్నో ఆశలు పెట్టుకున్న టీమిండియా సెమీస్‌లో ఇంగ్లండ్‌ చేతిలో దారుణ పరాజయం చవిచూసి ఇంటిబాట పట్టింది. ఏకంగా 10 వికెట్ల తేడాతో చిత్తు చేసిన ఇంగ్లండ్‌ తుది సమరంలో పాకిస్తాన్‌తో తలపడనుంది. నవంబర్‌ 13న మెల్‌బోర్న్‌ వేదికగా ఇరుజట్ల మధ్య ఫైనల్‌ మ్యాచ్‌ జరగనుంది. మరి 1992 సీన్‌ను బాబర్‌ ఆజం సేన రిపీట్‌ చేస్తుందా లేక ఇంగ్లండ్‌ దాటికి తోకముడిచి రన్నరప్‌గా నిలుస్తుందా అనేది ఆసక్తికరంగా మారింది. ఇక సెమీస్‌లో ఇంటిబాట పట్టిన టీమిండియాకు వచ్చిన ప్రైజ్‌మనీ ఎంతో తెలుసా.. 400,000 అమెరికన్‌ డాలర్లు. భారత కరెన్సీలో సుమారు 3,26,20,220 రూపాయలు. ఇక తొలి సెమీస్‌లో ఓడిన న్యూజిలాండ్‌కు కూడా ఇదే మొత్త లభించనుంది. ఇక టి20 ప్రపంచకప్‌ ఫైనల్లో తలపడనున్న ఇంగ్లండ్‌, పాకిస్తాన్‌లలో విజేతగా నిలిచిన జట్టుకు  1,600,000 అమెరికన్‌ డాలర్లు(భారత కరెన్సీలో 13,05,35,440 కోట్ల రూపాయలు) ప్రైజ్‌మనీ ఇవ్వనుంది. రన్నరప్‌గా నిలిచే జట్టు.. 800,000 అమెరికన్‌ డాలర్లు(భారత కరెన్సీలో 6,52,64,280 కోట్ల రూపాయలు) అందుకోనుంది. ►సూపర్‌-12 దశలో నిష్క్రమించిన జట్లు- 560,000 డాలర్లు (8X 70,000 డాలర్లు ) ►ఫస్ట్‌రౌండ్లో గెలిచిన జట్లు- 480,000 డాలర్లు (12X 40,000 డాలర్లు) ►ఫస్ట్‌రౌండ్లో ఇంటిబాట పట్టిన జట్లు- 160,000 డాలర్లు(4X 40,000 డాలర్లు) అయితే టీమిండియాకు వచ్చిన ప్రైజ్‌మనీపై క్రికెట్‌ అభిమానులు వినూత్నంగా స్పందించారు. ''ఐపీఎల్‌లో కోట్లు తీసుకుంటున్న ఆటగాళ్లకు వరల్డ్‌కప్‌ ద్వారా వచ్చే ప్రైజ్‌మనీ పెద్దగా పట్టించుకోరు.. ఐపీఎల్‌ ద్వారా కోట్లు వస్తుంటే దేశానికి ఆడాలని ఏ ఆటగాడికి పెద్దగా అనిపించదు.'' అంటూ పేర్కొన్నారు.  చదవండి: T20 WC 2022: బాబర్‌ కుడివైపు, బట్లర్‌ ఎడమవైపు..

''టి20 ప్రపంచకప్‌లో టీమిండియా- పాకిస్తాన్‌ మధ్య ఎట్టి పరిస్థితుల్లోనూ ఫైనల్‌ జరగనివ్వం.. అది జరగాలంటే ముందు టీమిండియా మమ్మల్ని ఓడించాలి..'' భారత్‌తో సెమీస్‌కు ముందు ఒక్కరోజు ఇంగ్లండ్‌ కెప్టెన్‌ బట్లర్‌ ఈ వ్యాఖ్యలు చేశాడు. ఏ ముహుర్తానా ఆ మాట అన్నాడో తెలియదు కానీ..ఇచ్చిన మాటను మాత్రం నిలబెట్టుకున్నాడు. నిలబెట్టుకోవడమంటే ఏదో మాములుగా కాదు.. టీమిండియాకు తమ జీవితకాలంలో మరిచిపోలేని పరాజయాన్ని అందించి పంతం నెగ్గించుకున్నాడు. మరో ఆసక్తికర విషయమేంటంటే.. టీమిండియా ఓటమిని శాసించింది కూడా జాస్‌ బట్లరే. అలెక్స్‌ హేల్స్‌తో కలిసి టీమిండియా బౌలర్లను చెడుగుడు ఆడుకున్న బట్లర్‌.. 169 పరుగుల లక్ష్యాన్ని కేవలం 16 ఓవర్లలోనే కరిగించాడు. కెప్టెన్‌గా తన మాట నిలబెట్టుకున్నాడు. మరో విషయమేంటంటే బట్లర్‌ సూపర్‌-12 దశలో ఒక్క మ్యాచ్‌లో సరైన ప్రదర్శన కనబరచింది లేదు. కీలకమైన సెమీస్‌లో తన మార్క్‌ ఆటను ప్రదర్శిస్తూ కెప్టెన్‌ ఇన్నింగ్స్‌తో పాటు ఫామ్‌లోకి వచ్చేశాడు. ఒక్కసారి బట్లర్‌ ఫామ్‌లోకి వచ్చాడంటే ఇంగ్లండ్‌ కథ పూర్తిగా మారిపోయినట్లే. ఇలాగే ఆడితే ఫైనల్లో పాకిస్తాన్‌ను ఓడించడం ఇంగ్లండ్‌కు పెద్ద పని కాదు.  వాస్తవానికి ఇంగ్లండ్‌ విజయం సాధించడమే కరెక్టని చాలా మంది అభిమానులు అభిప్రాయపడ్డారు. ఐర్లాండ్‌తో మ్యాచ్‌ను వర్షం కారణంగా ఓడిపోయింది తప్ప ఇంగ్లండ్‌ అన్ని మ్యాచ్‌ల్లోనూ మంచి విజయాలు అందుకుంది. ముఖ్యంగా జట్టులో ఒకటి నుంచి పదో స్థానం వరకు బ్యాటింగ్‌ చేయగల సమర్థులు.. ఆల్‌రౌండర్లు ఆ జట్టుకు పెద్ద బలం.. ఇక బౌలింగ్‌లోనూ స్ట్రాంగ్‌గా ఉండడం ఆ జట్టకు కలిసివచ్చింది. గ్రూప్‌-1 నుంచి రెండో స్థానంతో సెమీస్‌ చేరినప్పటికి అసలైన మ్యాచ్‌లో మాత్రం ఇంగ్లండ్‌ జూలు విదిల్చింది. టీమిండియాకు అసలు అవకాశమే ఇవ్వకుండా వన్‌సైడ్‌ విజయం సాధించి ఫైనల్లో అడుగుపెట్టింది. పేరుకే గ్రూప్‌-2 టాపర్‌గా సెమీస్‌లో అడుగుపెట్టిన టీమిండియా సూపర్‌-12 దశలో సమిష్టిగా రాణించిన సందర్భాలు చాలా తక్కువ. ఎవరో ఒక బ్యాటర్‌పైనే పూర్తిగా ఆధారపడడం.. లేదంటే అదృష్టం కలిసివచ్చి బౌలర్లు ఆరోజు మ్యాచ్‌లో చెలరేగడం వల్ల టీమిండియా విజయాలు సాధించి తప్ప చెప్పుకోవడానికి ఏం లేదు. ఆడితే కోహ్లి లేదంటే సూర్యకుమార్‌.. ఇంతే టీమిండియా బ్యాటింగ్‌. రాహుల్‌ ఫాంలోకి వచ్చాడన్న మాట రెండు మ్యాచ్‌లకే పరిమితమైంది. ఇంగ్లండ్‌తో మ్యాచ్‌లో అయితే రాహుల్‌ అదే పేలవమైన షాట్‌ ఆడి మూల్యం చెల్లించుకున్నాడు. ఇక కెప్టెన్‌ రోహిత్‌ శర్మ గురించి ఎంత తక్కువ చెప్పుకుంటే అంత మంచిది. సెమీస్‌లోనైనా తన ఫామ్‌ చూపిస్తాడనుకుంటే మళ్లీ అదే రొడ్డకొట్టుడు ఆటతీరు. ఆరంభంలో ఫోర్లు, సిక్సర్లు బాది చివరికి నిర్లక్ష్యంగా వికెట్‌ పారేసుకోవడం అతనికి అలవాటుగా మారిపోయంది. ఈ ప్రపంచకప్‌లో కోహ్లి, సూర్యల గురించి తప్ప టీమిండియాలో మాట్లాడుకోవడానికి ఏం లేదు. ఇక బౌలర్ల పరిస్థితి అగమ్యగోచరం. బుమ్రా స్థానంలో వచ్చిన షమీ సూపర్‌-12 వరకు కాస్త బెటర్‌ అనిపించినప్పటికి కీలక సెమీస్‌లో చేతులెత్తేశాడు. ఇక భువనేశ్వర్‌ తన కెరీర్‌లో ఆఖరి మ్యాచ్‌ ఆడేసినట్లే. అర్ష్‌దీప్‌ సింగ్‌ ఒక్కడే గుడ్డిలో మెల్ల అన్నట్లు 2 ఓవర్లలో 15 పరుగులిచ్చాడు. ఓవరాల్‌గా కూడా అర్ష్‌దీప్‌ ప్రదర్శన బాగానే ఉంది. ఇక అశ్విన్‌, అక్షర్‌ పటేల్‌లు పూర్తిగా విఫలమయ్యారు. చహల్‌ను ఎందుకు పక్కనబెట్టారంటే దానికి సమాధానం ఉండదు. గతేడాదితో పోలిస్తే ఈసారి ప్రపంచకప్‌లో టీమిండియా సెమీస్‌ వరకు రావడం ఒక్కటే కాస్త ఉపశమనం అని చెప్పొచ్చు. అంతకుమించి ఏం లేదు టీమిండియా గురించి మాట్లాడుకోవడానికి.. చదవండి: తీవ్ర నిరాశకు లోనయ్యాం.. మా ఓటమికి ప్రధాన కారణం అదే IND Vs ENG: పాక్‌ ఓపెనర్లను మించిపోయిన బట్లర్‌, హేల్స్‌

అంతా ఊహించినట్లే జరిగింది. ఆరంభం నుంచి టీమిండియాకు మైనస్‌గా కనిపిస్తూ వచ్చిన బౌలింగ్‌ విభాగం కీలకమైన సెమీస్‌ పోరులో పూర్తిగా చేతులెత్తేసింది. పైనల్‌ చేరతారనుకున్న టీమిండియా సెమీఫైనల్లో ఘోర పరాజయం చవిచూసి అవమానకర రీతిలో నిష్క్రమించింది. టీమిండియా బౌలర్లలో ఒక్క బౌలర్‌ నుంచి యార్కర్‌ బాల్‌ పడలేదంటే ఎంత పేలవమైన ఆటతీరు కనబరిచిందనేది అర్థం చేసుకోవచ్చు. ఇక కళ్ల ముందు 169 పరుగుల లక్ష్యం కనిపిస్తున్నా టీమిండియా బౌలింగ్‌ను చూసి ఇంగ్లండ్‌ ఓపెనర్లు  ఇంచు కూడా బెదరలేదు. బట్లర్‌, అలెక్స్‌ హేల్స్‌ ఒకరితో ఒకరు పోటీ పడుతూ బౌండరీలు, సిక్సర్ల వర్షం కురిపించారు. టీమిండియా విధించిన లక్ష్యాన్ని ఈ ఇద్దరే కరిగించారంటే వారి బ్యాటింగ్‌ ఏ స్థాయిలో సాగిందనేది అర్థం చేసుకోవచ్చు. వీరిద్దరి దాటికి ఇంగ్లండ్‌ 16 ఓవర్లలోనే వికెట్‌ కోల్పోకుండా చేధించింది. జాస్‌ బట్లర్‌ 80 నాటౌట్‌, అలెక్స్‌ హేల్స్‌ 86 నాటౌట్‌గా నిలిచి టీమిండియా బౌలర్లను ఒక ఆట ఆడుకున్నారు.  ఈ మ్యాచ్‌లో ఇంగ్లండ్‌ బ్యాటింగ్‌ చూస్తుంటే గతేడాది టి20 ప్రపంచకప్‌లో సూపర్‌-12 దశలో చిరకాల ప్రత్యర్థి పాకిస్తాన్‌తో మ్యాచ్‌ గుర్తుకుతెచ్చింది. ఆ మ్యాచ్‌లో టీమిండియా విధించిన 152  పరుగుల లక్ష్యాన్ని పాక్ఘ ఒక్క వికెట్‌ కూడా కోల్పోకుండా చేధించింది. మహ్మద్‌ రిజ్వాన్‌ 79 నాటౌట్‌, బాబర్‌ ఆజం 68 నాటౌట్‌ అప్పటి టీమిండియా బౌలింగ్‌ను చీల్చి చెండాడుతూ పాక్‌కు 10 వికెట్ల తేడాతో ఘన విజయం సాధించారు. తాజాగా ఇప్పుడు కూడా అదే పరిస్థితి. ఈ రెండింటిలో కామన్‌గా ఉన్నది టీమిండియా అయితే.. జట్టు, స్కోర్లు మాత్రమే వేరు. మిగతాదంతా దాదాపు సేమ్‌ రిపీట్‌ అయింది. మరో విషయమేంటంటే బట్లర్‌, హేల్స్‌లు పాక్‌ ఓపెనర్లను మించిపోయారు. అప్పుడు పాక్‌ 17.1 ఓవర్లలో 152 పరుగుల లక్ష్యాన్ని అందుకుంటే.. తామేం తక్కువ తిన్నామా అన్నట్లుగా ఇంగ్లండ్‌ 16 ఓవర్లలోనే ఒక్క వికెట్‌ కోల్పోకుండా 169 పరుగుల టార్గెట్‌ను అందుకుంది. చదవండి: పాండ్యా కోసం పంత్‌ త్యాగం..

టీ20 ప్రపంచకప్‌-2022లో టీమిండియా స్టార్‌ బ్యాటర్‌ విరాట్‌ కోహ్లి తన అద్భుతమైన ఫామ్‌ను కొనసాగిస్తున్నాడు. ఇంగ్లండ్‌తో సెమీఫైనల్లో కోహ్లి కీలకమైన ఇన్నింగ్స్‌ ఆడాడు. ఈ మ్యాచ్‌లో 40 బంతులు ఎదుర్కొన్న కోహ్లి 50 పరుగులు చేశాడు. కాగా ఈ ఏడాది మెగా ఈవెంట్‌లో కోహ్లికి ఇది నాలుగో అర్ద సెంచరీ. అదే విధంగా ఈ టోర్నీలో టాప్‌ రన్‌ స్కోరర్‌గా కూడా విరాట్‌ కోహ్లి(296)నే కొనసాగుతున్నాడు. కోహ్లి సరి కొత్త చరిత్ర అంతర్జాతీయ టీ20ల్లో విరాట్‌ కోహ్లి అరుదైన ఘనత సాధించాడు. టీ20 క్రికెట్‌లో  4000 పరుగుల మార్క్‌ను అందుకున్న తొలి ఆటగాడిగా కోహ్లి రికార్డులకెక్కాడు. ఇంగ్లండ్‌తో మ్యాచ్‌లో 42 పరుగుల వ్యక్తిగత స్కోర్‌ వద్ద కింగ్‌ కోహ్లి.. ఈ అరుదైన ఘనతను తన పేరిట లిఖించుకున్నాడు. ఇప్పటి వరకు 115 మ్యాచ్‌లు ఆడిన విరాట్‌ 4008 పరుగులు సాధించాడు. ఇక విరాట్‌ తర్వాత స్థానాల్లో రోహిత్‌ శర్మ(3853), మార్టిన్‌ గప్టిల్‌(3531)పరుగులతో ఉన్నారు. చదవండి: T20 WC 2022 IND Vs ENG: ఏంటి రాహుల్‌ నీ ఆట? వెంటనే జట్టు నుంచి తీసేయండి!

ICC Mens T20 World Cup 2022 - India vs England, 2nd Semi-Final Updates In Telugu: టీ20 ప్రపంచకప్‌-2022: రెండో సెమీ ఫైనల్‌- ఇండియా వర్సెస్‌ ఇంగ్లండ్‌ అప్‌డేట్స్‌:  టీ20 ప్రపంచకప్-2022లో టీమిండియా పోరాటం ముగిసింది. ఆడిలైడ్‌ వేదికగా ఇంగ్లండ్‌తో జరిగిన సెమీఫైనల్లో 10 వికెట్ల తేడాతో భారత్‌ ఘోర పరాజయం పాలైంది. తద్వారా టోర్నీ నుంచి రోహిత్‌ సేన నిష్క్రమించింది. 169 పరుగుల లక్ష్యంతో బరిలోకి దిగిన ఇంగ్లండ్‌.. వికెట్‌ నష్టపోకుం‍డా చేధించింది. ఇంగ్లండ్‌ ఓపెనర్లు జోస్‌ బట్లర్‌(80), అలెక్స్‌ హేల్స్‌(86) పరుగులతో ఇంగ్లండ్‌కు విజయాన్ని అందించారు. ►ఆకాశమే హద్దుగా చెలరేగుతున్న ఇం‍గ్లండ్‌ ఓపెనర్లు బట్లర్‌ 56, హేల్స్‌ 80 పరుగులతో క్రీజులో ఉన్నారు. 13 ఓవర్లలో ఇంగ్లండ్‌ స్కోరు: 140/0 ► 11 ఓవర్లు ముగిసే సరికి ఇంగ్లండ్‌ వికెట్‌ నష్టపోకుండా 108 పరుగులు చేసింది. క్రీజులో బట్లర్‌(38), హేల్స్‌(66) పరుగులతో ఉన్నారు. ►9 ఓవర్లు ముగిసే సరికి ఇంగ్లండ్‌ వికెట్‌ నష్టపోకుండా 91 పరుగులు చేసింది. క్రీజులో బట్లర్‌(36), హేల్స్‌(51) పరుగులతో ఉన్నారు. పవర్‌ ప్లేలో దూకుడు ఇంగ్లండ్‌ ఓపెనర్ల దూకుడుకు భారత బౌలర్లు అడ్డుకట్ట వేయలేకపోతున్నారు. దీంతో పవర్‌ ప్లేలో ఇంగ్లండ్‌ 63 పరుగులతో దూకుడు కొనసాగిస్తోంది. దాటిగా ఆడుతున్న బట్లర్‌ ఇంగ్లండ్‌ కెప్టెన్‌, ఓపెనర్‌ జోస్‌ బట్లర్‌(14 బంతుల్లో 5 ఫోర్ల సాయంతో 24 పరుగులు) దాటిగా ఆడుతున్నాడు. వీలు చిక్కినప్పుడల్లా బంతిని బౌండరీకి తరలిస్తున్నాడు. మరోవైపు అలెక్స్‌ హేల్స్‌ సహకారం అందిస్తున్నాడు. ఈ క్రమంలో 4 ఓవర్లలో ఇంగ్లండ్‌ 41 పరుగులు చేసింది. టీమిండియా స్కోరెంతంటే ఇంగ్లండ్‌తో రెండో సెమీ ఫైనల్లో టీమిండియా నిర్ణీత 20 ఓవర్లలో 6 వికెట్ల నష్టానికి 168 పరుగులు చేసింది. కోహ్లి 50, హార్దిక్‌ పాండ్యా 63 పరుగులతో రాణించారు. ఇంగ్లండ్‌ బౌలర్లలో జోర్డాన్‌కు మూడు, ఆదిల్‌ రషీద్‌కు ఒకటి, క్రిస్‌ వోక్స్‌కు ఒక వికెట్‌ దక్కాయి. హిట్‌ వికెట్‌గా వెనుదిరిగిన హార్దిక్‌ పాండ్యా అద్భుత అర్ధ శతకంలో చెలరేగిన హిట్‌ వికెట్‌గా వెనుదిరిగాడు.  పంత్‌ రనౌట్‌ సూపర్‌ పాండ్యా హార్దిక్‌ పాండ్యా హాఫ్‌ సెంచరీతో మెరిశాడు. 29 బంతుల్లో 52 పరుగులు రాబట్టాడు. 19 ఓవర్లలో టీమిండియా స్కోరు: 156/4  కోహ్లి అవుట్‌ అర్ధ శతకం పూర్తి చేసుకున్న విరాట్‌ కోహ్లి జోర్డాన్‌ బౌలింగ్‌లో అవుటయ్యాడు. 50 పరుగుల వ్యక్తిగత స్కోరు వద్ద నిష్క్రమించాడు. పాండ్యా, పంత్‌ క్రీజులో ఉన్నారు. 18 ఓవర్లలో టీమిండియా స్కోరు:  136/4  పాండ్యా మెరుపులు జోర్డాన్‌ బౌలింగ్‌లో వరుసగా రెండు సిక్స్‌లు బాదిన హార్దిక్‌ పాండ్యా 17 ఓవర్లలో టీమిండియా స్కోరు: 121/3 ►అర్ధ శతకానికి చేరువలో కోహ్లి (48). 16 ఓవర్లలో స్కోరు: 110-3 తప్పిన ఎల్బీడబ్ల్యూ ప్రమాదం.. కోహ్లి నాటౌట్‌ 16 వ ఓవర్‌ రెండో బంతికి జోర్డాన్‌ బౌలింగ్‌లో కోహ్లికి ఎల్బీడబ్ల్యూ ప్రమాదం తప్పింది. నెమ్మదిగా సాగుతున్న టీమిండియా ఇన్నింగ్స్‌ 15 ఓవర్లలో వంద పరుగులు మార్కు అందుకున్న టీమిండియా. స్కోరు: 100/3 ►14 ఓవర్లలో టీమిండియా స్కోరు: 90-3 కోహ్లి(38), హార్దిక్‌ పాండ్యా(4) క్రీజులో ఉన్నారు ►75 పరుగుల వద్ద టీమిండియా మూడో వికెట్‌ కోల్పోయింది.  14 పరుగులు చేసిన సూర్యకుమార్‌ యాదవ్‌.. రషీద్‌ బౌలింగ్‌లో పెవిలియన్‌కు చేరాడు. ►రోహిత్‌ శర్మ రూపంలో రెండో వికెట్‌ కోల్పోయిన టీమిండియా పవర్‌ ప్లేలో టీమిండియా స్కోరు:  38/1 ►5 ఓవర్లలో టీమిండియా స్కోరు:  31-1 ►కోహ్లి, రోహిత్‌ శర్మ క్రీజులో ఉన్నారు. స్కోరు:  11/1 (2.3 ఓవర్లలో) ► తొలి వికెట్‌ కోల్పోయిన ఇండియా.. కేఎల్‌ రాహుల్‌ అవుట్‌ ►టాస్‌ గెలిచిన ఇంగ్లండ్‌ తొలుత ఫీల్డింగ్‌ ఎంచుకుంది. భారత్‌ను బ్యాటింగ్‌కు ఆహ్వానించింది.  తుది జట్లు: భారత్‌: కేఎల్ రాహుల్, రోహిత్ శర్మ(కెప్టెన్‌), విరాట్ కోహ్లి, సూర్యకుమార్ యాదవ్, హార్దిక్ పాండ్యా, రిషబ్ పంత్(వికెట్‌ కీపర్‌), అక్షర్ పటేల్, రవిచంద్రన్ అశ్విన్, భువనేశ్వర్ కుమార్, మహ్మద్ షమీ, అర్ష్‌దీప్ సింగ్ ఇంగ్లండ్‌: జోస్ బట్లర్(కెప్టెన్‌/వికెట్‌ కీపర్‌), అలెక్స్ హేల్స్, ఫిలిప్ సాల్ట్, బెన్ స్టోక్స్, హ్యారీ బ్రూక్, లియామ్ లివింగ్‌స్టోన్, మోయిన్ అలీ, సామ్ కర్రాన్, క్రిస్ జోర్డాన్, క్రిస్ వోక్స్, ఆదిల్ రషీద్ ఇంగ్లండ్‌తో టీమిండియా ఢీ టీ20 ప్రపంచకప్‌-2022 టోర్నీ ఫైనల్‌కు అర్హత సాధించేందుకు టీమిండియా సమాయత్తమైంది. అడిలైడ్‌ వేదికగా ఇంగ్లండ్‌తో రెండో సెమీ ఫైనల్లో గురువారం అమీ తుమీ తేల్చుకోనుంది. ఇక ఇప్పటికే మొదటి సెమీస్‌ మ్యాచ్‌లో దాయాది పాకిస్తాన్‌.. న్యూజిలాండ్‌ను ఓడించి ఫైనల్లో అడుగుపెట్టిన విషయం తెలిసిందే. ఈ నేపథ్యంలో టీమిండియా సైతం ఇంగ్లండ్‌ను మట్టికరిపించి తుది పోరుకు అర్హత సాధించి 2007 నాటి సెంటిమెంట్‌ రిపీట్‌ చేయాలని ఫ్యాన్స్‌ కోరుకుంటున్నారు. కాగా మొదటి టీ20 వరల్డ్‌కప్‌ ఎడిషన్‌లో ధోని సేన పాక్‌ను ఓడించి టైటిల్‌ గెలిచిన విషయం విదితమే. చదవండి: Rohit Sharma- Jos Buttler: ఇంగ్లండ్‌ జట్టు ప్రమాదకరమైంది.. మేం గెలవాలంటే!

''అన్నీ కుదిరితే ఫైనల్లో టీమిండియా, పాకిస్తాన్‌లు మరోసారి తలపడతాయన్నప్పుడు''.. ఇరుదేశాల అభిమానులు చాలా సంతోషపడ్డారు. మూడు వారాల వ్యవధిలోనే మరోసారి దాయాదులు తలపడడం నిజమైతే బాగుండనుకున్నారు. అయితే అది నెరవేరే సమయం ఆసన్నమైంది.  ఇప్పటికే దాయాది పాకిస్తాన్‌ ఫైనల్‌కు చేరుకుంది. ఇక పడాల్సింది మన అడుగే.  గురువారం(నవంబర్‌ 10న) ఇంగ్లండ్‌తో జరగనున్న రెండో సెమీఫైనల్లో టీమిండియా గెలిచి ఫైనల్‌కు వెళ్లాలని ప్రతీ అభిమాని కోరుకుంటున్నాడు. మాములుగానే ఈ రెండు జట్లు ఎదురుపడితే ఆ మజా ఎలా ఉంటుందో సూపర్‌-12 దశలో చూశాం. ఒకవేళ టీమిండియా, పాకిస్తాన్‌లు మరోసారి ఫైనల్లో తలపడితే ఆ కిక్కు వేరుగా ఉంటుంది. ఇరుదేశాల అభిమానులు కూడా అదే జరగాలని కోరుకుంటున్నారు.  సూపర్‌-12 దశలో వెళ్లిపోవాల్సిన స్థితి నుంచి నక్కతోక తొక్కి సెమీస్‌లో అడుగుపెట్టిన పాక్‌ కివీస్‌పై విజయంతో ఫైనల్‌కు చేరుకుంది. ఇక గ్రూప్‌-2 టాపర్‌గా సెమీస్‌లో అడుగుపెట్టిన టీమిండియా బలమైన ఇంగ్లండ్‌ను ఎలా ఎదుర్కొనబోతుందనేది ఆసక్తికరంగా మారింది. కేఎల్‌ రాహుల్‌, కోహ్లి, సూర్యకుమార్‌లు ఫామ్‌లో ఉండడం కలిసొచ్చే అంశం కాగా.. రోహిత్‌ ఫామ్‌ కలవరానికి గురి చేస్తుంది. బౌలింగ్‌ ప్రదర్శతో ఆకట్టుకుంటున్న హార్దిక్‌ పాండ్యా తన బ్యాటింగ్‌ పదును చూపించాల్సి ఉంది. ఇక బౌలింగ్‌ విభాగం పటిష్టంగానే కనిపిస్తుంది. ఇంగ్లండ్‌తో మ్యాచ్‌లో మాత్రం టీమిండియానే ఫేవరెట్‌ అని చెప్పొచ్చు. అయితే ఇంగ్లండ్‌ కూడా సూపర్‌ ఫామ్‌లో ఉంది. వారితో జాగ్రత్తగా ఉండకపోతే మొదటికే మోసం వస్తువంది. మార్క్‌వుడ్‌, డేవిడ్‌ మలాన్‌లు గాయాల బారిన పడడం కాస్త ఇబ్బంది కలిగించినప్పటికి మ్యాచ్‌ సమయానికి బరిలోకి దిగే అవకాశం ఉంది. ఇక టీమిండియా ఏమాత్రం ఏమరపాటుగా ఉన్న అంతే సంగతి. టి20 ప్రపంచకప్‌ ఫైనల్లో టీమిండియా, పాకిస్తాన్‌ తలపడితే చూడాలనుకుంటున్న సగటు అభిమాని కోరిక నెరవారాలని దేవుడిని ప్రార్ధిస్తూ.. టీమిండియాకు ''ఆల్‌ ది బెస్ట్‌''.  చదవండి: ఫైనల్‌ దారిలో రికార్డులు బద్దలు కొట్టిన పాక్‌ ఇది నాలుగోసారి.. పాక్‌ అంటే వణికిపోతున్న కివీస్‌!

న్యూజిలాండ్‌ జట్టు టాప్‌ క్లాస్‌ ఆటకు పెట్టింది పేరు. వాళ్లు మ్యాచ్‌ ఆడుతున్నారంటే ప్రత్యర్థి జట్టుకు బౌండరీలు, సిక్సర్లు రావడం చాలా కష్టం. ఎందుకంటే అంత పకడ్బందీగా ఉంటుంది వారి ఫీల్డింగ్‌. గుడ్‌ ఫీల్డింగ్‌తో పాటు మంచి జట్టు అని పేరు పొందిన న్యూజిలాండ్‌ తాజాగా టి20 ప్రపంచకప్‌లో పాకిస్తాన్‌తో జరిగిన మ్యాచ్‌లో మాత్రం నాసిరకమైన ఆటను ప్రదర్శించింది. అసలు సెమీస్‌ ఆడుతుంది కివీసేనా లేక మరో జట్టా అన్న సందేహం కూడా కలిగింది. ఇక ఇవాళ పాక్‌తో మ్యాచ్‌లో న్యూజిలాండ్ ఆటతీరు క్రికెట్ ఫ్యాన్స్‌కి ఆశ్చర్యాన్ని కలిగించింది. టాస్ గెలిచి బ్యాటింగ్ ఎంచుకున్న న్యూజిలాండ్, 20 ఓవర్లలో 152 పరుగులు మాత్రమే చేయగలిగింది. తొలి 10 ఓవర్లు ముగిసే సమయానికి కివీస్‌ 59 పరుగులే చేసింది. డెత్ ఓవర్లలో అయితే పరిస్థితి మరీ దారుణం. భీకరమైన బౌలింగ్‌ లైనఫ్‌ ఉన్న పాకిస్తాన్‌ బౌలర్ల ముందు కివీస్‌ బ్యాటర్లు పూర్తిగా తేలిపోయారు. చెప్పాలంటే బౌండరీలు బాదడానికి తెగ ఇబ్బంది పడ్డారు. 16 నుంచి 20 ఓవర్ల మధ్య న్యూజిలాండ్ బ్యాటర్లు కొట్టింది కేవలం రెండంటే రెండు ఫోర్లు... ఈ ఐదు ఓవర్లలో 46 పరుగులు మాత్రమే వచ్చాయి. భారీ షాట్స్ ఆడేందుకు ప్రయత్నించి అవుటైనా పెద్ద ఇబ్బందేమీ ఉండేది కాదు. కానీ జేమ్స్ నీషమ్, డారిల్‌ మిచెల్, కేన్ విలియమ్సన్‌ లాంటి ఆటగాళ్లు కూడా సింగిల్స్, డబుల్స్ తీయడం ఆశ్చర్యం కలిగించింది. డారిల్‌ మిచెల్‌ కాస్తో కూస్తో పర్వాలేదనిపించినా.. ముఖ్యంగా విలియమ్సన్‌ మాత్రం టెస్టు బ్యాటింగ్‌ చేయడం అభిమానులను విసిగించింది. 42 బంతులెదుర్కొన్న విలియమ్సన్‌ 45 పరుగులు చేశాడు. అతని ఇన్నింగ్స్‌లో కేవలం ఒక ఫోర్‌, ఒక సిక్స్‌ మాత్రమే ఉన్నాయి. దీన్నిబట్టే అర్థం చేసుకోవచ్చు అతని బ్యాటింగ్‌ ఎంత జిడ్డుగా సాగిందో. బ్యాటింగ్‌ నీరసంగా చేశారనుకుంటే.. బౌలింగ్‌, ఫీల్డింగ్ విభాగాల్లో మరింత దారుణ ప్రదర్శన కనబరిచారు. సాధారణంగా తమ ఫీల్డింగ్‌తో ప్రత్యర్థి జట్లకు పరుగులు పెద్దగా ఇవ్వదు. కానీ ఈ మ్యాచ్‌లో మాత్రం చేతుల్లోకి వచ్చిన క్యాచ్‌లను ఫీల్డర్లు నేలపాలు చేస్తే .. ఈజీ రనౌట్ చాన్స్‌లను మిస్ చేశారు. మొత్తానికి మొదటి సెమీ ఫైనల్‌లో న్యూజిలాండ్ ప్రదర్శన చూస్తుంటే... 2021లో టీమిండియా పర్ఫామెన్స్‌ గుర్తుకురావడం ఖాయం. న్యూజిలాండ్‌కి ఫైనల్ ఫోబియా చాలా ఎక్కువ. 2019 వన్డే వరల్డ్ కప్ ఫైనల్ మ్యాచ్‌లో తప్పితే 2015 వన్డే వరల్డ్ కప్, టీ20 వరల్డ్ కప్ 2021 టోర్నీల్లో ఫైనల్ మ్యాచుల్లో ఇలాంటి నాసిరకమైన ప్రదర్శననే కనబరిచింది. ఐసీసీ టోర్నీల్లో సౌతాఫ్రికాని బ్యాడ్ లక్ వెంటాడుతుంది. న్యూజిలాండ్ కథ మాత్రం పూర్తిగా వేరు.ఫైనల్‌ వరకు చేరుకున్నప్పటికి ఆఖరి మెట్టుని ఎలా దాటాలో మాత్రం ఆ జట్టుకు తెలిసి రావడం లేదు. తమ క్రికెట్‌ చరిత్రలో న్యూజిలాండ్‌ గెలిచిన ఐకైక ఐసీసీ టైటిల్‌ ఏదైనా ఉందంటే అదీ ఐసీసీ టెస్టు ఛాంపియన్‌షిప్ మాత్రమే. ఇది కూడా వాతావరణం కలిసి రావడం.. టీమిండియాను బ్యాడ్‌లక్‌ వెంటాడడం వల్లేనని ఈ ఓటమితో రుజువు చేసుకుంది న్యూజిలాండ్‌. చదవండి: ఇది నాలుగోసారి.. పాక్‌ అంటే వణికిపోతున్న కివీస్‌! 'బ్లాక్‌క్యాప్స్‌' అని ఊరికే అనలేదు.. మరోసారి నిరూపితం

ICC Mens T20 World Cup 2022 - India Vs England: టీ20 ప్రపంచకప్‌-2022 సూపర్‌-12లో ఐదింట నాలుగు విజయాలతో గ్రూప్‌-2 టాపర్‌ హోదాలో సెమీస్‌ చేరింది టీమిండియా. ఈ క్రమంలో అడిలైడ్‌ వేదికగా గురువారం (నవంబరు 10) జరుగనున్న రెండో సెమీ ఫైనల్లో ఇంగ్లండ్‌తో తలపడనుంది. ఇందుకోసం టీమిండియా ఆటగాళ్లు ప్రాక్టీస్‌ మొదలుపెట్టేశారు. రోహిత్‌కు గాయం కెప్టెన్‌ రోహిత్‌ శర్మ సైతం నెట్స్‌లో సాధన ఆరంభించాడు. అయితే, ప్రాక్టీస్‌ సమయంలో రోహిత్‌ ముంజేయికి గాయమైనట్లు సమాచారం. షాట్‌ ఆడే క్రమంలో అతడి కుడి ముంజేతికి బంతి తగిలినట్లు తెలుస్తోంది. దీంతో హిట్‌మ్యాన్‌ ఇబ్బందికి గురికాగా.. వెంటనే స్పందించిన సిబ్బంది అతడికి చికిత్స అందించింది. ఆ తర్వాత ఒక బంతి మాత్రమే ఎదుర్కోగలిగిన రోహిత్‌.. చేయి నొప్పి తగ్గకపోవడంతో నెట్‌ సెషన్‌ నుంచి నిష్క్రమించినట్లు సమాచారం. గంటన్నర విశ్రాంతి తర్వాత అతడు మళ్లీ బ్యాట్‌ పట్టినట్లు తెలుస్తోంది. ఏ ఇబ్బంది లేకుండా బ్యాటింగ్‌ చేసినప్పటికీ ఒకవేళ నొప్పి తిరగబెడితే మాత్రం ఇంగ్లండ్‌తో మ్యాచ్‌కు అతడు దూరమయ్యే అవకాశాలు కనిపిస్తున్నాయి.  అయ్యో ‘హిట్‌మ్యాన్‌’ లేకుంటే ఎలా? ఈ నేపథ్యంలో సెమీస్‌కు ముందు హిట్‌మ్యాన్‌ ఇలా గాయపడటం పట్ల అభిమానులు ఆందోళనకు గురవుతున్నారు. తనదైన రోజున పొట్టి ఫార్మాట్‌లో చెలరేగి ఆడగల బ్యాటర్‌, విజయవంతమైన కెప్టెన్‌గా పేరొందిన రోహిత్‌కు గాయమైతే టీమిండియాకు ఇబ్బందులు తప్పవంటూ ఆవేదన వ్యక్తం చేస్తున్నారు.  కాగా టీ20 ప్రపంచకప్‌-2022 టోర్నీలో బ్యాటర్‌గా రోహిత్‌ తన స్థాయికి తగ్గట్లుగా ఆకట్టుకోలేకపోయాడు. నెదర్లాండ్స్‌పై అర్ధ శతకం మినహా చెప్పుకోదగ్గ ఇన్నింగ్స్‌ (4, 53, 15, 2, 15 పరుగులు) ఆడలేకపోయాడు.     చదవండి: Aus Vs Eng: ఇంగ్లండ్‌తో వన్డే సిరీస్‌.. ఆసీస్‌ జట్టు ప్రకటన.. ప్రపంచకప్‌ లక్ష్యంగా! T20 WC 2022: ఇంగ్లండ్‌తో సెమీస్‌ సమరం.. టీమిండియాలో రెండు మార్పులు..? var request = 'https://www.sakshi.com/knowwidget/kwstr_1971406958.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); Indian captain Rohit Sharma hit on his right hand during a practice session in Adelaide ahead of the semi-final match against England. pic.twitter.com/HA4xGJDC51 — ANI (@ANI) November 8, 2022

టి20 ప్రపంచకప్‌లో సూపర్‌-12 దశ ఇవాళ్టితో(నవంబర్‌ 6) ముగిసింది. సూపర్‌-12లో ఆఖరి మ్యాచ్‌ ఆడిన టీమిండియా జింబాబ్వేపై 71 పరుగుల భారీ తేడాతో విజయం సాధించి గ్రూప్‌-2 టాపర్‌గా సెమీస్‌లో అడుగుపెట్టింది. ఇంతవరకు ఒక లెక్క.. ఇప్పటినుంచి ఒక లెక్క. సెమీఫైనల్స్‌ అంటే నాకౌట్‌ మ్యాచ్‌ల కింద లెక్క. గెలిచిన జట్టు నేరుగా ఫైనల్‌కు.. ఓడిన జట్టు ఇంటిబాట పడుతుందని ప్రత్యేకంగా చెప్పనవసరం లేదు.  ఇప్పటికే గ్రూప్‌-1 నుంచి న్యూజిలాండ్‌, ఇంగ్లండ్‌లు.. గ్రూప్‌-2 నుంచి టీమిండియా, పాకిస్తాన్‌లు సెమీస్‌కు చేరుకున్నాయి. ఇక బుధవారం జరగనున్న తొలి సెమీఫైనల్లో గ్రూప్‌-1 టాపర్‌ అయిన కివీస్‌.. గ్రూప్‌-2లో రెండో స్థానంలో ఉన్న పాకిస్తాన్‌తో తలపడనుండగా.. గ్రూప్‌-2 టాపర్‌ అయిన టీమిండియా గురువారం గ్రూప్‌-1లో రెండో స్థానంలో ఉన్న ఇంగ్లండ్‌ను ఎదుర్కొంటుంది.  కాగా ఈసారి టీమిండియా ఫైనల్‌ చేరడం పెద్ద కష్టమేమి కాదని.. కానీ అందులోనే ఒక చిక్కుముడి ఉందని అభిమానులు పేర్కొ‍న్నారు. ఇప్పటివరకు ఐసీసీ టి20 ప్రపంచకప్‌ టోర్నీల్లో ఇంగ్లండ్‌, టీమిండియాలు పెద్దగా తలపడింది లేదు. కేవలం మూడుసార్లు మాత్రమే ఈ జట్లు ఎదురుపడగా.. భారత్‌ రెండుసార్లు, ఇంగ్లండ్‌ ఒకసారి విజయం సాధించాయి. అయితే ఈసారి మాత్రం ఇంగ్లండ్‌ను తక్కువ అంచనా వేయలేం. ఎందుకంటే ఆ జట్టులో ఇప్పుడు ఒకటో నెంబర్‌ నుంచి పదో నెంబర్‌ ఆటగాడి వరకు బ్యాటింగ్‌ ఆడగల సత్తా ఉంది. బౌలింగ్‌లోనూ మంచి ప్రదర్శన కనబరుస్తున్న ఇంగ్లండ్‌ను ఓడించాలంటే టీమిండియా సర్వశక్తులు ఒడ్డాల్సిందే. అయితే టి20 ప్రపంచకప్‌లో ఇంగ్లండ్‌, టీమిండియా మ్యాచ్‌ అనగానే యువరాజ్‌ సింగ్‌ గుర్తుకురాక మానడు. 2007 తొలి ఎడిషన్‌ టి20 ప్రపంచకప్‌లో ఇంగ్లండ్‌పై యువీ ఆడిన విధ్వంసకర ఇన్నింగ్స్‌ ఇంకా కళ్లముందు కదలాడుతూనే ఉంది. ముఖ్యంగా ఆ మ్యాచ్‌లో బ్రాడ్‌ బౌలింగ్‌లో యువీ ఆరు బంతుల్లో ఆరు సిక్సర్లు అప్పట్లో వైరల్‌గా మారింది. అంతేకాదు టి20 క్రికెట్‌ చరిత్రలో 12 బంతుల్లోనే అర్థశతకం సాధించిన తొలి క్రికెటర్‌గా యువరాజ్‌ చరిత్రలో నిలిచిపోయాడు. ఇప్పటికి ఆ రికార్డు చెక్కు చెదరకుండా ఉంది. 2007 టి20 ప్రపంచకప్‌లో టీమిండియా గెలిస్తే.. 2009లో ఇంగ్లండ్‌ భారత్‌ను చిత్తు చేసింది. ఇక 2012లో ఇంగ్లండ్‌, టీమిండియాలు చివరిసారిగా తలపడగా ఈసారి టీమిండియాను విజయం వరించింది. దాదాపు పదేళ్ల తర్వాత నవంబర్ 10న ఇంగ్లాండ్, ఇండియా మధ్య ఆడిలైడ్ వేదికగా సెమీ ఫైనల్ మ్యాచ్ జరగనుంది. ప్రస్తుతం టీమిండియాలో ఇప్పుడు సూర్యకుమార్‌ ఒక సంచలనం. దూకుడే మం‍త్రంగా కొనసాగుతున్న సూర్యకుమార్‌ సెమీస్‌లో ఇంగ్లండ్‌తో మ్యాచ్‌లో దంచికొట్టి టీమిండియాను గెలిపిస్తాడంటూ అభిమానులు కామెంట్స్‌ చేస్తున్నారు. 2007లో ఇంగ్లండ్‌పై యువరాజ్‌ ఎలా అయితే మెరిశాడో.. ఇప్పుడు సూర్య కూడా అలాగే మెరిస్తే ఇంగ్లండ్‌పై విజయం సాధించడం పెద్ద కష్టమేమి కాదని అభిప్రాయపడ్డారు.  మరోవైపు న్యూజిలాండ్‌పై మాత్రం పాకిస్తాన్‌కి తిరుగులేని రికార్డు ఉంది. 2003 వరల్డ్ కప్ తర్వాత న్యూజిలాండ్‌‌ని టీమిండియా ఐసీసీ టోర్నీల్లో ఓడించలేకపోయింది. అయితే కివీస్ మాత్రం టీ20 వరల్డ్ కప్‌లో పాక్‌పై ఒక్క మ్యాచ్ కూడా గెలవలేకపోయింది. 2007 టి20 వరల్డ్ కప్ సెమీ ఫైనల్‌లో పాకిస్తాన్ చేతుల్లో ఓడిన న్యూజిలాండ్, 2009, 2012 టి20 వరల్డ్ కప్ టోర్నీల్లోనూ గ్రూప్ స్టేజీలో పరాజయం పాలైంది. 2021 టీ20 వరల్డ్ కప్‌లో న్యూజిలాండ్‌ టీమిండియాను చిత్తు చేయగా... పాకిస్తాన్ మాత్రం సునాయాసంగా కివీస్‌ని ఓడించి టేబుల్ టాపర్‌గా సెమీస్ చేరింది. 

ICC Mens T20 World Cup 2022-  India vs Zimbabwe: ‘‘ఏ జట్టును తక్కువగా అంచనా వేసే పరిస్థితి లేదు. ఎంత వీలైతే అంత దూకుడుగా ఉండాలి. ప్రత్యర్థి జట్టుపై ఏమాత్రం కనికరం చూపాల్సిన అవసరం లేదు. ఇప్పటికీ ఇంకా పోటీ ఉంది. కాబట్టి బ్యాటింగ్‌, బౌలింగ్‌ విభాగాల్లో అద్భుతంగా రాణించి ఆరంభం నుంచే ఒత్తిడి పెంచాలి. చావో రేవో తేల్చుకోవాల్సిన మ్యాచ్‌లో మేటి జట్టు అద్భుత విజయం సాధిస్తేనే బాగుంటుంది. కచ్చితంగా గెలిచి తీరాల్సిన మ్యాచ్‌ కాబట్టి ఆది నుంచే దూకుడు ప్రదర్శించాలి. ఏ దశలోనూ ప్రత్యర్థి జట్టును కోలుకోనివ్వకూడదు’’ అని టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ అన్నాడు.  తేలికగా తీసుకుంటే అంతే సంగతి! టీ20 ప్రపంచకప్‌-2022 సూపర్‌-12లో భాగంగా భారత్‌ తమ ఆఖరి మ్యాచ్‌లో ఆదివారం జింబాబ్వేతో తలపడనుంది. ఈ మ్యాచ్‌లో గెలిస్తేనే ఎలాంటి సమీకరణాలతో పనిలేకుండా టీమిండియా సెమీస్‌ చేరుతుంది. అయితే, ఇటీవల సంచనాలు నమోదు చేస్తూ పటిష్టమైన జట్లకు షాకిస్తున్న జింబాబ్వేను తేలికగా తీసుకుంటే అనుకున్న ఫలితం రాకపోవచ్చు. వాళ్లను గౌరవిస్తాం ఈ నేపథ్యంలో జట్టులో భాగమైన అశ్విన్‌ మ్యాచ్‌కు ముందు మీడియాతో మాట్లాడుతూ ఈ మేరకు ఆసక్తికర వ్యాఖ్యలు చేశాడు. చిన్న జట్టు కాబట్టి జింబాబ్వేను తక్కువ అంచనా వేయకూడదని పేర్కొన్నాడు. ‘‘టీ20 వరల్డ్‌కప్‌లో ప్రతి మ్యాచ్‌లాగే ఇది కూడా తప్పక గెలవాల్సిందే. జింబాబ్వే ఇటీవల అద్భుతంగా ఆడుతోంది. అలాంటి జట్టును ఈజీగానే పడగొట్టేస్తామని మేము అనుకోవడం లేదు. వాళ్లు బ్యాటింగ్‌, బౌలింగ్‌ విభాగంలో పటిష్టంగా కనిపిస్తున్నారు. వాళ్లను తక్కువ అంచనా వేసి మూల్యం చెల్లించే పరిస్థితి లేదు’’ అని అశ్విన్‌ అన్నాడు. కాగా స్టార్‌ ప్లేయర్‌ సికిందర్‌ రజా అద్భుత ప్రదర్శనతో పాకిస్తాన్‌ మీద ఒకే ఒక్క పరుగుతో జింబాబ్వే విజయం సాధించిన విషయం తెలిసిందే. తద్వారా సెమీస్‌ రేసులో ఇతర జట్ల ఫలితాలను ప్రభావితం చేయగల పరిస్థితికి చేరుకుంది. చదవండి: Ind Vs Ban: ఇండియా క్రికెట్‌ పవర్‌హౌజ్‌.. అయినా కూడా: ఆఫ్రిదికి బీసీసీఐ బాస్‌ కౌంటర్‌ Ind Vs Zim: భారత్‌తో మ్యాచ్‌.. అంచనాలు తలకిందులు చేసే ఛాన్స్‌ ఎలా వదులుకుంటాం: జింబాబ్వే కెప్టెన్‌ Virat Kohli- Anushka Sharma Love Story: అప్పుడప్పుడు నటించేవాడు కూడా.. ‘బ్యాడ్‌ జోక్‌’తో మాట కలిపి! ఇప్పుడేమో ఇలా var request = 'https://www.sakshi.com/knowwidget/kwstr_4911494512.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

టి20 ప్రపంచకప్‌లో మ్యాచ్‌ మ్యాచ్‌కు సమీకరణాలు మారిపోతున్నాయి. గ్రూప్‌-1లో న్యూజిలాండ్‌ ఐర్లాండ్‌పై గెలిచి సెమీస్‌ బెర్తు ఖరారు చేసుకుంది. కివీస్‌ మినహా రెండు గ్రూప్‌ల్లోనూ ఏ జట్టు సెమీస్‌లో అడుగుపెడుతుందనేది ఆసక్తికరంగా మారింది. తాజాగా శుక్రవారం సూపర్‌-12 గ్రూప్‌-1లో అఫ్గానిస్తాన్‌తో మ్యాచ్‌లో ఆస్ట్రేలియా విజయం సాధించి సెమీస్‌ ఆశలు నిలుపుకున్నప్పటికి మెరుగైన రన్‌రేట్‌ సాధించలేకపోయింది. రన్‌రేట్‌ విషయం పక్కనబెడితే ఆసీస్‌ దాదాపు ఓటమి అంచుల వరకు వెళ్లింది. గతేడాది అండర్‌డాగ్స్‌గా బరిలోకి దిగి టైటిల్‌ను ఎగురేసుకుపోయిన ఆస్ట్రేలియా ఈసారి సొంతగడ్డపై ఆకట్టుకునే ప్రదర్శన చేయడం లేదు. అఫ్గానిస్తాన్‌పై విజయం సాధించినప్పటికి  ఆసీస్‌ సెమీస్‌ చేరడం కష్టమే.  డిఫెండింగ్‌ చాంపియన్‌ భవితవ్యం మొత్తం ఇంగ్లండ్‌ , శ్రీలంక మ్యాచ్‌పైనే ఆధారపడి ఉంది. ఇంగ్లండ్‌ గెలిస్తే మాత్రం ఆస్ట్రేలియా పని గోవిందా.  దీనికి ప్రధాన కారణం ఆస్ట్రేలియా నెట్‌రన్‌రేట్‌ మైనస్‌లో ఉండడమే. అఫ్గానిస్తాన్‌తో మ్యాచ్‌లో తొలుత బ్యాటింగ్‌ చేసిన ఆస్ట్రేలియా 168 పరుగులు చేసింది. +1.187 రన్‌రేట్‌ ఉండాలంటే ఆస్ట్రేలియా ఆఫ్గన్‌ను భారీ తేడాతో ఓడించాలి. కానీ ఆ అవకాశం ఆఫ్గన్‌ ఇవ్వలేదు సరికదా.. దాదాపు ఆసీస్‌కు ముచ్చెమటలు పట్టించి ఓడించినంత పని చేసింది. ఈ దెబ్బకు ఆస్ట్రేలియా రన్‌రేట్‌లో పెద్దగా మార్పు జరగలేదు. దీంతో ఆస్ట్రేలియా ఆడిన ఐదు మ్యాచ్‌ల్లో మూడు విజయాలు, ఒక ఓటమి, ఒక రద్దుతో ఏడు పాయింట్లతో ఉన్నప్పటికి నెట్‌రన్‌రేట్‌(-0.173) ఇంకా మైనస్‌లోనే ఉంది.  ఇక శ్రీలంకతో మ్యాచ్‌కు ముందే ఇంగ్లండ్‌ రన్‌రేట్‌ ప్లస్‌లో ఉంది.+0.547 రన్‌రేట్‌తో ఉన్న ఇంగ్లండ్‌ శ్రీలంకపై మాములు విజయం సాధించినా సెమీస్‌లో అడుగుపెడుతుంది. ఒకవేళ ఇంగ్లండ్‌ను శ్రీలంక చిత్తు చేస్తే మాత్రం​అప్పుడు పాయింట్ల ఆధారంగా ఆస్ట్రేలియా సెమీస్‌లో అడుగుపెడుతుంది. ఇప్పుడున్న పరిస్థితుల్లో ఇంగ్లండ్‌ను ఓడించడం శ్రీలంకకు పెద్ద సవాల్‌. అయితే టి20ల్లో ఎప్పుడు ఏం జరుగుతుందో చెప్పలేని పరిస్థితి. కాబట్టి ఆస్ట్రేలియా భవితవ్యం రేపటి మ్యాచ్‌(ఇంగ్లండ్‌ వర్సెస్‌ శ్రీలంక, నవంబర్‌ 5న)తో తేలిపోనుంది. చదవండి: రషీద్‌ ఖాన్‌ సంచలన ఇన్నింగ్స్‌.. ఆసీస్‌కు ముచ్చెమటలు AFG VS AUS: ఒకసారి బౌలర్‌ ఆగాడు.. రెండోసారి బ్యాటర్‌ ఆపాడు; మూడోసారికి రివేంజ్‌

టి20 ప్రపంచకప్‌లో సూపర్‌-12 ఆరంభంలో ఎవరు సెమీస్‌ బెర్తు ఖరారు చేసుకుంటారన్న విషయంలో కొంచెం క్లారిటీ ఉండేది. అయితే వరుణుడు ఈ ప్రపంచకప్‌కు అడ్డుగా మారడం కొన్ని జట్లకు శాపంగా మారింది. తాజాగా మ్యాచ్‌లు తుది దశకు చేరుకుంటున్న నేపథ్యంలో సెమీస్‌ బెర్తులు ఆసక్తికరంగా మారాయి. గ్రూప్-1లో న్యూజిలాండ్‌, ఇంగ్లండ్‌, ఆస్ట్రేలియా, శ్రీలంకల మధ్య తీవ్ర పోటీ నెలకొంది. గ్రూఫ్‌ ఆఫ్‌ డెత్‌గా ఉన్న  ఆ గ్రూఫ్‌లో ఎవరు సెమీస్‌ చేరతారన్నది చెప్పడం కష్టమే. తాజాగా గ్రూప్-2లోనూ అదే పరిస్థితి ఏర్పడింది. బంగ్లాదేశ్‌పై విజయంతో టీమిండియా సెమీస్‌ రేసుకు దగ్గరైనా స్పష్టంగా చెప్పలేని పరిస్థితి. ఎందుకంటే గ్రూఫ్‌లో దక్షిణాఫ్రికా, బంగ్లాదేశ్‌, పాకిస్తాన్‌లు సెమీస్‌ రేసుకు పోటీ పడుతున్నాయి. వీటిలో పాకిస్తాన్‌కు అవకాశాలు చాలా తక్కువగా ఉన్నాయి. కానీ టి20 క్రికెట్‌లో ఎప్పుడు ఏం జరిగేది ఎవరు చెప్పలేరు. ఇక గ్రూప్-2 నుంచి భారత్‌ సహా ఏ జట్లకు సెమీస్‌ అవకాశాలున్నాయో ఒకసారి పరిశీలిద్దాం. టీమిండియా: ఇప్పటికైతే టీమిండియా సేఫ్‌ జోన్‌లోనే ఉంది. ఆడిన నాలుగు మ్యాచ్‌ల్లో మూడు విజయాలు, ఒక ఓటమితో ఆరు పాయింట్లతో గ్రూఫ్‌లో అగ్రస్థానంలో ఉంది. నవంబర్‌ 6న జింబాబ్వేతో జరిగే మ్యాచ్‌లో టీమిండియా గెలిస్తే ఎవరితో సంబంధం లేకుండా గ్రూఫ్‌ టాపర్‌గా సెమీస్‌లో అడుగుపెట్టనుంది. ఒకవేళ జింబాబ్వే చేతిలో ఓడినా నెట్‌ రన్‌రేట్‌ మెరుగ్గా ఉండడంతో పెద్దగా నష్టం లేదు. కానీ దక్షిణాఫ్రికా, పాకిస్తాన్‌, బంగ్లాదేశ్‌ మ్యాచ్‌ల ఫలితాలపై ఆధారపడాల్సి ఉంది. ఇక్కడ మరొక అంశమేమిటంటే భారత్‌, జింబాబ్వే మ్యాచ్‌ సూపర్‌-12 దశలో ఆఖరి మ్యాచ్‌. దీంతో టీమిండియాకు అప్పటికే ఒక స్పష్టత రానుంది. దక్షిణాఫ్రికా: టీమిండియాపై విజయంతో రేసులోకి వచ్చిన దక్షిణాఫ్రికా ప్రస్తుతం మూడు మ్యాచ్‌ల్లో రెండు విజయాలు, ఒక రద్దు వల్ల ఐదు పాయింట్లతో రెండో స్థానంలో ఉంది. ప్రొటిస్‌ జట్టు తన తర్వాతి రెండు మ్యాచ్‌లు పాకిస్తాన్‌, నెదర్లాండ్స్‌తో ఆడాల్సి ఉంది. ఈ రెండు మ్యాచ్‌ల్లో ఏ ఒక్కటి గెలిచినా ఏడు పాయింట్లతో సెమీస్‌లో అడుగుపెడుతుంది. ఒకవేళ రెండింట్లో ఓడితే మాత్రం ఇతర జట్ల ఫలితాలపై ఆధారపడాల్సి ఉంటుంది. ఇప్పుడున్న ఫామ్‌ దృశ్యా దక్షిణాఫ్రికాను ఓడించడం అంత సులువు కాదు. కానీ దక్షిణాఫ్రికాకు కీలక సమయంలో ఒత్తిడిని నెత్తి మీదకు తెచ్చుకొని అనూహ్యంగా టోర్నీ నుంచి వైదొలిగిన సందర్భాలు ఉన్నాయి. బంగ్లాదేశ్‌: టీమిండియాతో మ్యాచ్‌లో ఓటమి పాలవ్వడంతో గ్రూఫ్‌-2లో మూడో స్థానంలో ఉంది బంగ్లాదేశ్‌. ఆడిన నాలుగు మ్యాచ్‌ల్లో రెండు విజయాలు, రెండు ఓటములతో ఉన్న బంగ్లా తన చివరి మ్యాచ్‌ను పాకిస్తాన్‌తో తలపడనుంది. ఒకవేళ ఈ మ్యాచ్‌లో పాకిస్తాన్‌పై విజయం సాధిస్తే సెమీస్‌ అవకాశాలున్నప్పటికి ఇతర జట్ల ఫలితాలపై ఆధారపడాల్సి ఉంటుంది. అదే పాక్‌ గెలిస్తే మాత్రం బంగ్లా ఇంటిదారి పట్టనుంది. పాకిస్తాన్‌: టీమిండియాతో మ్యాచ్‌లో ఓటమిపాలైన పాకిస్తాన్‌కు కలిసిరావడం లేదు. జింబాబ్వేతో మ్యాచ్‌లోనూ అనూహ్యంగా ఓటమి పాలైన పాకిస్తాన్‌ నెదర్లాండ్స్‌పై కష్టపడి గెలిచింది. ఇప్పటివరకు ఆడిన మూడు ‍మ్యాచ్‌ల్లో ఒక విజయం, రెండు ఓటములు చవిచూసింది. తన చివరి రెండు మ్యాచ్‌లు దక్షిణాఫ్రికా, బంగ్లాదేశ్‌లతో ఆడనుంది. ఈ రెండింటిలో గెలిస్తేనే పాక్‌ సెమీస్‌ ఆశలు సజీవంగా ఉంటాయి. ఒక్క మ్యాచ్‌లో ఓడినా ఇంటిదారి పట్టాల్సిందే. జింబాబ్వే, నెదర్లాండ్స్‌: ఈ రెండు జట్లకు పెద్దగా సెమీస్‌ అవకాశాలు లేనట్లే. అయితే టీమిండియాతో జింబాబ్వే.. దక్షిణాఫ్రికాతో నెదర్లాండ్స్‌ తమ చివరి మ్యాచ్‌లు ఆడనున్నాయి. టోర్నీలో తమకు చివరి మ్యాచ్‌ కదా అని రెచ్చిపోయి ఆడి ఆయా జట్లను ఓడించినా ఆశ్చర్యపోనవసరం లేదు. ఎందుకంటే టి20ల్లో ఎప్పుడు ఏం జరుగుతుందో ఎవరు చెప్పలేం. అయితే  ఈ రెండు జట్లు అద్భుతాలు చేసి గెలిచినా సెమీస్‌ చేరవు కానీ ఇతర జట్ల ఫలితాలపై స్పష్టమైన ప్రభావం చూపే అవకాశాలు మెండుగా ఉన్నాయి. చదవండి: IND Vs BAN: పదే పదే మైదానంలోకి.. టీమిండియాతో ఉన్న సంబంధం? Ind Vs Ban: వర్షం రాకపోయుంటే.. టీమిండియా గెలిచేదా!     var request = 'https://www.sakshi.com/knowwidget/kwstr_4911494512.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

పారిస్‌: ఫ్రెంచ్‌ ఓపెన్‌ సూపర్‌ 750 బ్యాడ్మింటన్‌ టోర్నమెంట్‌లో భారత ఆశల పల్లకిని మోస్తున్న ఏకైక జోడీ సాత్విక్‌ సాయిరాజ్‌–చిరాగ్‌ షెట్టి సెమీ ఫైనల్లోకి దూసుకెళ్లింది. ఇంటా బయటా విశేషంగా రాణిస్తోన్న భారత పురుషుల డబుల్స్‌ జోడీ శుక్రవారం జరిగిన క్వార్టర్‌ ఫైనల్లో టాప్‌ సీడ్, వరల్డ్‌ నంబర్‌వన్‌ టకురొ హొకి–యుగొ కొబయషి (జపాన్‌) జంటను కంగు తినిపించింది. 49 నిమిషాల పాటు జరిగిన మ్యాచ్‌లో సాత్విక్‌–చిరాగ్‌ ద్వయం వరుస గేముల్లో 21–12, 21–16 టాప్‌సీడ్‌ జంటకు ఇంటిదారి చూపింది. హొకి–యుగొతో తలపడిన నాలుగు మ్యాచ్‌లలో వీరికి ఇది మూడో విజయం కాగా... వీరిద్దరు ఫ్రెంచ్‌ ఓపెన్‌లో సెమీస్‌ చేరడం ఇది మూడో సారి.  శనివారం జరిగే సెమీఫైనల్లో భారత జోడీ కొరియాకు చెందిన చొయ్‌ సొల్‌ గ్యు–కిమ్‌ వోన్‌ హో జంటను ఎదుర్కొంటుంది.

మహిళల ఆసియా కప్‌ టి20 టోర్నీలో టీమిండియా వుమెన్స్‌ జట్టు ఫైనల్లో అడుగుపెట్టింది. గురువారం థాయ్‌లాండ్‌తో జరిగిన సెమీఫైనల్‌ మ్యాచ్‌లో టీమిండియా వుమెన్స్‌ 74 పరుగులతో ఘన విజయం సాధించింది. 149 పరుగుల లక్ష్యంతో బరిలోకి దిగిన థాయ్‌లాండ్‌ వుమెన్స్‌ భారత బౌలర్ల దాటికి నిర్ణీత 20 ఓవర్లలో 9 వికెట్లు కోల్పోయి 74 పరుగులే చేయగలిగింది. థాయ్‌లాండ్‌ బ్యాటర్లలో నరుమోల్‌ చవాయి 21, నట్టాయా బుచాతమ్‌ 21 పరుగులు చేసింది. టీమిండియా బౌలర్లలో దీప్తి శర్మ మూడు వికెట్లు తీయగా.. రాజేశ్వరి గైక్వాడ్‌ రెండు, షఫాలీ వర్మ, స్నేహ్‌ రాణా, రేణుకా సింగ్‌లు తలా ఒక వికెట్‌ తీశారు.  అంతకముందు తొలుత బ్యాటింగ్‌ చేసిన టీమిండియా వుమెన్స్‌ నిర్ణీత 20 ఓవర్లలో ఆరు వికెట్ల నష్టానికి 148 పరుగులు చేసింది. షఫాలీ వర్మ 42 పరుగులతో టాప్‌ స్కోరర్‌గా నిలవగా.. కెప్టెన్‌ హర్మన్‌ప్రీత్‌ కౌర్‌ 36 పరుగులు, జేమీమా రోడ్రిగ్స్‌ 27 పరుగులతో రాణించారు. ఇక శ్రీలంక వుమెన్స్‌, పాకిస్తాన్‌ వుమెన్స్‌ మధ్య జరగనున్న రెండో సెమీఫైనల్‌ మ్యాచ్‌ విజేతతో టీమిండియా వుమెన్స్‌ ఫైనల్లో తలపడనుంది. ఆసియా కప్‌ ఫైనల్‌ మ్యాచ్‌ అక్టోబర్‌ 15న(శనివారం) జరగనుంది. Women's Asia Cup: India beat Thailand by 74 runs in the first semifinal to enter the final. (Pic Source: BCCI Women) pic.twitter.com/VwWZl0gjkQ — ANI (@ANI) October 13, 2022 4⃣2⃣ Runs 1⃣ Wicket 1⃣ Catch@TheShafaliVerma bags the Player of the Match as #TeamIndia beat Thailand. 👍 👍 Scorecard ▶️ https://t.co/pmSDoClWJi #AsiaCup2022 | #INDvTHAI pic.twitter.com/Jidbc383eX — BCCI Women (@BCCIWomen) October 13, 2022

కరేబియన్‌ ప్రీమియర్‌ లీగ్‌(సీపీఎల్‌ 2022)లో జమైకా తలైవాస్‌ ఫైనల్లో అడుగుపెట్టింది. బుధవారం రాత్రి గయానా అమెజాన్‌ వారియర్స్‌తో జరిగిన సెమీఫైనల్‌ మ్యాచ్‌లో జమైకా తలైవాస్‌ 37 పరుగులతో విజయాన్ని అందుకుంది. విండీస్‌ హార్డ్‌ హిట్టర్‌ షమ్రా బ్రూక్స్‌ కీలక సమయంలో సెంచరీతో మెరిసి జట్టు విజయంలో కీలకపాత్ర పోషించాడు. తొలుత బ్యాటింగ్‌ చేసిన జమైకా తలైవాస్‌ నిర్ణీత 20 ఓవర్లలో 4 వికెట్ల నష్టానికి 226 పరుగుల భారీస్కోరు చేసింది. షమ్రా బ్రూక్స్‌(52 బంతుల్లో 109 నాటౌట్‌, 7 ఫోర్లు, 8 సిక్సర్లు) ఆకాశమే హద్దుగా చెలరేగగా.. రోవ్‌మెన్‌ పావెల్‌ 23 బంతుల్లో 37 పరుగులు చేయగా.. చివర్లో ఇమాద్‌ వసీమ్‌ 15 బంతుల్లో 4 ఫోర్లు, 3 సిక్సర్లతో 41 పరుగులతో మెరుపు ఇన్నింగ్స్‌ ఆడాడు. గయానా వారియర్స్‌ బౌలర్లలో రొమెరియో షెపర్డ్‌  రెండు వికెట్లు తీయగా.. తాహిర్‌, ఓడియన్‌ స్మిత్‌లు చెరొక వికెట్‌ తీశారు. అనంతరం బ్యాటింగ్‌ చేసిన గయానా అమెజాన్‌ వారియర్స్‌ నిర్ణీత 20 ఓవర్లలో 8 వికెట్ల నష్టానికి 189 పరుగులు మాత్రమే చేసింది. కీమో పాల్‌ 56 పరుగులతో టాప్‌ స్కోరర్‌ కాగా.. షెయ్‌ హోప్‌ 31 పరుగులు, ఓడెన్‌ స్మిత్‌ 24 పరుగులు చేశారు. జమైకా తలైవాస్‌ బౌలర్లలో ఇమాద్‌ వసీమ్‌, క్రిస్‌ గ్రీన్‌లు చెరో రెండు వికెట్లు తీయగా.. మహ్మద్‌ ఆమిర్‌, ఫాబియెన్‌ అలెన్‌, రోవ్‌మెన్‌ పావెలు తలా ఒక వికెట్‌ తీశారు.  

అంచనాలకు మించి రాణిస్తున్న సాత్విక్‌ సాయిరాజ్‌-చిరాగ్‌ శెట్టి జంట ప్రతిష్ఠాత్మక ప్రపంచ బ్యాడ్మింటన్‌ చాంపియన్‌షిప్‌లో కాంస్య పతకం సాధించింది. శనివారం(ఆగస్టు 27న) జరిగిన సెమీఫైనల్‌ మ్యాచ్‌లో సాత్విక్‌-చిరాగ్‌ శెట్టి జంట.. మలేషియాకు చెందిన ఆరోన్ చియా-వూయి యిక్ సోహ్లతో 22-20, 18-21, 16-21తో ఓటమి పాలయ్యారు. తొలి గేమ్‌ను 22-20తో గెలిచిన సాత్విక్‌- చిరాగ్‌.. అదే టెంపోనూ తర్వాతి గేమ్స్‌లో కొనసాగించలేకపోయారు. తొలి గేమ్‌ ఓడినప్పటికి వరల్డ్‌ నెంబర్‌-7 అయిన మలేషియా జంట ఫుంజుకొని భారత ద్వయానికి మరో అవకాశం ఇవ్వకుండా వరుస గేముల్లో ఓడించి మ్యాచ్‌ను కైవసం చేసుకుంది. ప్రపంచ బ్యాడ్మింటన్‌ చాంపియన్‌షిప్‌ పురుషుల డబుల్స్‌లో భారత్‌కు ఇదే తొలి పతకం. ఇటీవలి కాలంలో సాత్విక్‌-చిరాగ్‌ జంట బ్యాడ్మింటన్‌లో అద్భుతాలు చేస్తున్నారు. ఆల్‌ఇంగ్లండ్‌ ఓపెన్‌లో క్వార్టర్‌ ఫైనల్‌ వరకు.. ఆ తర్వాత ఇండియా ఓపెన్‌, థామస్‌ కప్‌, కామన్వెల్త్‌ గేమ్స్‌లో స్వర్ణాలు చేజిక్కించుకున్నారు. తాజాగా ప్రపంచ చాంపియన్‌షిప్‌లో కాంస్యం గెలిచిన సాత్విక్‌- చిరాగ్‌ శెట్టి జోడి కొత్త చరిత్ర లిఖించింది. BWF World Championships 2022 Men's Doubles - Semi Finals Aaron Chia/Soh Wooi Yik 🇲🇾 vs Satwiksairaj Rankireddy/Chirag Shetty 🇮🇳 20-22, 21-18, 21-16 Alhamdulillah they finally break the SF curse! 🤧 Huge congrats for advancing to the FINAL ChiaSoh 👏👏 #BWC2022 pic.twitter.com/uCWsJtBo3p — レディディラ (@ladydyla__) August 27, 2022 చదవండి: Rafael Nadal-Serena Williams: అద్భుత దృశ్యం.. దిగ్గజాలు ఎదురుపడిన వేళ సాత్విక్‌–చిరాగ్‌ ‘డబుల్స్‌’ ధమాకా

కామన్‌వెల్త్‌ గేమ్స్‌లో భారత మహిళల హాకీ జట్టు శుక్రవారం ఆస్ట్రేలియా మహిళలతో జరిగిన సెమీఫైనల్లో ఓటమి పాలైన సంగతి తెలిసిందే. పెనాల్టీ షూటౌట్‌లో భాగంగా ఆసీస్‌ చేతిలో భారత్‌ 3-0తో పరాజయం చవిచూసింది. అయితే పెనాల్టీ షూటౌట్‌ ప్రారంభానికి జరిగిన ఒక చిన్న తప్పిదం భారత మహిళలను ఓటమి వైపు నడిపించింది. విషయంలోకి వెళితే.. మ్యాచ్‌ ముగిసే సమయానికి ఇరుజట్లు 1-1తో సమంగా నిలిచాయి. దీంతో పెనాల్టీ షూటౌట్‌ అనివార్యమైంది. ఆస్ట్రేలియా డిపెండర్‌ అంబ్రోషియా మలోనే షూటౌట్‌కు సిద్దమైంది. ఆమె షాట్‌ ఆడగా.. భారత గోల్‌కీపర్‌ సవితా అడ్డుకుంది. అలా ఆసీస్‌ ఒక పెనాల్టీ వృథా చేసుకుందని మనం సంతోషించేలోపే అంపైర్‌ మధ్యలో దూరింది. సారీ.. షూటౌట్‌ క్లాక్‌ టైంలో తప్పిదం ఉందని.. మళ్లీ ప్రారంభించాలని చెప్పింది. అప్పటికే షూటౌట్‌ చేయడానికి వచ్చిన భారత క్రీడాకారిణికి విషయం చెప్పి అక్కడి నుంచి పంపించేసి మల్లీ అంబ్రోషియాను పిలిచింది. తొలిసారి మిస్‌ అయిన అంబ్రోషియా ఈసారి మాత్రం గురి తప్పలేదు. ఆ తర్వాత ఆస్ట్రేలియా వరుసగా మూడు గోల్స్‌ కొట్టగా.. భారత్‌ మాత్రం​ఒక్క గోల్‌ చేయలేకపోయింది. అలా భారత మహిళల హాకీ జట్టు ఫైనల్‌ చేరడంలో విఫలమైంది. అయితే పెనాల్టీ షూటౌట్‌ సమయంలో అంపైర్‌ విధానంపై అన్ని వైపుల నుంచి తీవ్ర విమర్శలు వ్యక్తమవుతున్నాయి. ఆడుతున్నది ఒక సెమీఫైనల్‌ మ్యాచ్‌ అని మరిచిపోయి.. క్లాక్‌టైం మిస్టేక్‌ అని చెప్పడం సిల్లీగా ఉందని.. అంపైర్‌ కావాలనే ఇలా చేసిందేమో అంటూ కామెంట్స్‌ చేశారు. ఇదే విషయమే టీమిండియా మాజీ ఆటగాడు వీరేంద్ర సెహ్వాగ్‌ కూడా అంపైర్‌ తీరుపై ఘాటుగా స్పందించాడు. ''ఆస్ట్రేలియాకు పెనాల్టీ మిస్‌ కాగానే అంపైర్‌ పరిగెత్తుకొచ్చి.. సారీ క్లాక్‌ ఇంకా స్టార్ట్‌ చెయ్యలేదు.. మళ్లీ ఆరంభిద్దామా అని సింపుల్‌గా చెప్పేసింది. అంపైర్లు ఇలా ఎందుకుంటారో అర్థం కావడం లేదు. క్రికెట్‌.. హాకీ ఇలా ఏదైనా ఒక్కటే.. అంపైర్లు తమకుండే సూపర్‌ పవర్‌తో ఎలాంటి నిర్ణయమైనా తీసుకుంటారు. ఇలాంటివి క్రికెట్‌లో బాగా జరిగేవి.. అందుకే మేం హాకీలోకి కూడా త్వరలోనే ఎంటరవుతాం.. అమ్మాయిలు.. ఓడిపోయారు పర్లేదు.. మిమ్మల్ని చూస్తే గర్వంగా ఉంది.'' అంటూ క్యాప్షన్‌ జత చేశాడు. మరోవైపు భారత్‌- ఆస్ట్రేలియా వుమెన్స్‌ మధ్య జరిగిన సెమీస్ మ్యాచ్‌పై విమర్శలు పెరగడంతో అంతర్జాతీయ హాకీ ఫెడరేషన్‌ కూడా స్పందించింది. ''కామన్‌వెల్త్‌ గేమ్స్‌లో భారత్‌- ఆస్ట్రేలియా సెమీఫైనల్లో షూటౌట్‌ చిన్న తప్పిదం వల్ల క్లాక్‌ సెట్‌ చేయకముందే ప్రారంభమయింది. అందుకే మళ్లీ ప్రారంభించాం. ఈ తప్పిదానికి మేం క్షమించమని కోరుతున్నాం. ఇలాంటివి జరగకుండా జాగ్రత్తపడతాం.'' అని కామెంట్‌ చేసింది. కాగా సెమీస్‌లో ఓడినప్పటికి భారత మహిళల హాకీ జట్టుకు కాంస్య పతక పోరుకు సిద్ధమవనుంది. మరో సెమీఫైనల్లో ఇంగ్లండ్‌ న్యూజిలాండ్‌పై 2-0 తేడాతో విజయం సాధించి ఫైనల్‌ పోరుకు అర్హత సాధించింది. ఇక కాంస్య పతక పోరులో భాగంగా ఆదివారం భారత్‌, న్యూజిలాండ్‌ మహిళల జట్లు పోటీ పడనున్నాయి. Penalty miss hua Australia se and the Umpire says, Sorry Clock start nahi hua. Such biasedness used to happen in cricket as well earlier till we became a superpower, Hockey mein bhi hum jald banenge and all clocks will start on time. Proud of our girls 🇮🇳pic.twitter.com/mqxJfX0RDq — Virender Sehwag (@virendersehwag) August 6, 2022 My heart goes out to the Indian women’s hockey team who fought like bravehearts against Australia. No shame in losing in penalties to the Aussies. Our ladies gave everything on the pitch. As fans, we cannot expect more. Really proud of the this team. 🇮🇳🏑❤️ — Viren Rasquinha (@virenrasquinha) August 5, 2022 చదవండి: 'నా సుత్తిని అవలీలగా ఎత్తేస్తుందేమో'.. మీరాబాయిపై 'థోర్‌' ప్రశంసలు

కామన్‌వెల్త్‌ గేమ్స్‌ 2022లో టీమిండియా మహిళల జట్టు సెమీస్‌కు దూసుకెళ్లింది. గేమ్స్‌లో నిలవాలంటే తప్పక గెలవాల్సిన మ్యాచ్‌లో టీమిండియా వుమెన్స్‌ జూలు విదిల్చారు. బుధవారం బార్బడోస్‌తో జరిగిన మ్యాచ్‌లో టీమిండియా మహిళలు 100 పరుగుల భారీ తేడాతో ఘన విజయం సాధించారు. తొలుత బ్యాటింగ్‌ చేసిన టీమిండియా మహిళలు 20 ఓవర్లలో 4 వికెట్ల నష్టానికి 162 పరుగులు చేసింది. జెమీమా రోడ్రిగ్స్‌(46 బంతుల్లో 56 నాటౌట్‌, 6 ఫోర్లు, ఒక సిక్స్‌) టాప్‌ స్కోరర్‌ కాగా.. షఫాలీ వర్మ(26 బంతుల్లో 43, 7 ఫోర్లు, 1 సిక్సర్‌), చివర్లో దీప్తి శర్మ(28 బంతుల్లో 34, 2 ఫోర్లు, 1 సిక్సర్‌) దుమ్మురేపడంతో భారత్‌ మహిళల జట్టు గౌరవప్రదమైన స్కోరు సాధించింది. అనంతరం బ్యాటింగ్‌ చేసిన బార్బడోస్‌ మహిళల జట్టు భారత్‌ బౌలర్ల ఒత్తిడిని తట్టుకోలేక 20 ఓవర్లలో 8 వికెట్ల నష్టానికి 62 పరుగుల వద్ద ఇన్నింగ్స్‌ ముగించింది. కోషోనా నైట్‌ 16 పరుగులతో టాప్‌ స్కోరర్‌ కాగా.. మిగతావారు సింగిల్‌ డిజిట్‌కే పరిమితమయ్యారు. టీమిండియా వుమెన్స్‌ బౌలర్లలో రేణుకా సింగ్‌ 4 వికెట్లు తీయగా.. మేఘనా సింగ్‌, స్నేహ్ రాణా, రాదా యాదవ్‌, హర్మన్‌ప్రీత్‌ కౌర్‌లు తలా ఒక వికెట్‌ తీశారు. ఇక న్యూజిలాండ్‌, ఇంగ్లండ్‌ మధ్య విజేతతో టీమిండియా మహిళల జట్టు సెమీస్‌లో తలపడనుంది. సెమీస్‌లో గెలిస్తే మాత్రం టీమిండియా మహిళల జట్టుకు పతకం ఖాయమైనట్లే. A fantastic victory for #TeamIndia. They win by 100 runs and advance into the semi-finals at the #CWG2022 👏👏 Scorecard - https://t.co/upMpWogmIP #INDvBAR #B2022 pic.twitter.com/uH6u7psVmG — BCCI Women (@BCCIWomen) August 3, 2022

సించ్‌ ఓపెన్‌ ఏటీపీ–500 టెన్నిస్‌ టోర్నీలో రోహన్‌ బోపన్న (భారత్‌)–షపోవలోవ్‌ (కెనడా) జంట పోరాటం ముగిసింది. లండన్‌లో ఆదివారం జరిగిన పురుషుల డబుల్స్‌ సెమీఫైనల్లో బోపన్న–షపోవలోవ్‌ ద్వయం 5–7, 7–6 (7/4), 4–10తో ‘సూపర్‌ టైబ్రేక్‌’లో గ్లాస్‌పూల్‌ (బ్రిటన్‌)–హ్యారీ హెలియోవారా (ఫిన్‌లాండ్‌) జోడీ చేతిలో పోరాడి ఓడిపోయింది. బోపన్న జంటకు 35,370 పౌండ్లు (రూ. 33 లక్షల 70 వేలు) ప్రైజ్‌మనీగా లభించాయి. చదవండి: Matteo Berrettini: 'నన్ను పెళ్లి చేసుకుంటావా'.. టెన్నిస్‌ స్టార్‌కు వింత అనుభవం

బీడబ్ల్యూఎఫ్‌ టూర్‌ సూపర్‌ 500 టోర్నీ థాయిలాండ్‌ ఓపెన్‌లో భారత స్టార్‌ షట్లర్‌ పీవీ సింధు సెమీఫైనల్లో అడుగు పెట్టింది. శుక్రవారం జరిగిన క్వార్టర్‌ ఫైనల్‌ మ్యాచ్‌లో సింధూ.. పాన్‌కు చెందిన అకానె యమగుచిపై 21-15, 20-22, 21-13 స్కోర్‌తో విజయం సాధించింది. 51 నిమిషాల పాటు హోరాహోరీ జరిగిన ఈ మ్యాచ్‌లో సింధు విజయం సాధించింది. కాగా గురువారం జరిగిన ప్రిక్వార్టర్‌ మ్యాచ్‌లో సింధు 21–16, 21–13 స్కోరుతో సిమ్‌ యు జిన్‌ (కొరియా)పై విజయం సాధించిన సంగతి తెలిసిందే. ఇక శనివారం జరగనున్న సెమీఫైనల్లో చెందిన ఒలింపిక్ ఛాంపియన్ చెన్ యు ఫీతో సింధు తలపడనుంది.  చదవండి: India Tour of Ireland: టీమిండియాతో టీ20 సిరీస్‌.. ఐర్లాండ్‌ కీలక నిర్ణయం

మొరెలోస్‌ ఓపెన్‌ ఏటీపీ చాలెంజర్‌ టెన్నిస్‌ టోర్నీలో సాకేత్‌ మైనేని–యూకీ బాంబ్రీ (భారత్‌) జంట పోరాటం ముగిసింది. మెక్సికోలో శనివారం జరిగిన పురుషుల డబుల్స్‌ సెమీఫైనల్లో సాకేత్‌–యూకీ బాంబ్రీ ద్వయం 6–4, 3–6, 4–10తో ‘సూపర్‌ టైబ్రేక్‌’లో నికోలస్‌ మిజా–రొబెర్టో క్విరోజ్‌ (ఈక్వెడార్‌) జోడీ చేతిలో ఓడిపోయింది. సెమీఫైనల్లో ఓటమి చవిచూసిన భారత జంటకు 1,080 డాలర్ల (రూ.82 వేలు) ప్రైజ్‌మనీతోపాటు 30 ర్యాంకింగ్‌ పాయింట్లు లభించాయి. 

మహిళల వన్డే ప్రపంచకప్‌ 2022లో భాగంగా బుధవారం ఆస్ట్రేలియా, వెస్టిండీస్‌ మధ్య తొలి సెమీఫైనల్‌ మ్యాచ్‌ జరిగింది. 157 పరుగుల తేడాతో విజయం సాధించిన ఆసీస్‌ ఏడోసారి టైటిల్‌ గెలిచేందుకు ఫైనల్లో అడుగుపెట్టింది. ఆసీస్‌ బ్యాటింగ్‌లో బెత్‌ మూనీ చివర్లో దాటిగా ఆడి 31 బంతుల్లోనే 3 ఫోర్ల సాయంతో 43 పరుగులు చేసింది. బ్యాటింగ్‌లో మెరిసిన బెత్‌ మూనీ.. అనంతరం ఫీల్డింగ్‌లోనూ సత్తా చాటింది. వర్షం అంతరాయంతో 45 ఓవర్లకు కుదించగా.. 306 పరుగుల లక్ష్యంతో బరిలోకి దిగిన వెస్టిండీస్‌ ఉమెన్స్‌కు ఇన్నింగ్స్‌ 4వ ఓవర్‌లోనే షాక్‌ తగిలింది. విండీస్‌ ఓపెనర్‌ రషదా విలియమ్స్‌ను.. మేఘన్‌ స్కట్‌డకౌట్‌గా పెవిలియన్‌గా చేర్చింది. అయితే ఇక్కడ హైలైట్‌ అయింది మాత్రం బెత్‌ మూనీనే. విలియమ్స్‌.. కవర్‌ డ్రైవ్‌ దిశగా షాట్‌ ఆడగా అక్కడే ఉన్న బెత్‌ మూనీ విల్లుగా ఒకవైపుగా డైవ్‌ చేస్తూ ఒంటిచేత్తో స్టన్నింగ్‌ క్యాచ్‌ అందుకుంది. దీనికి సంబంధించిన వీడియోనూ ఐసీసీ తన ఇన్‌స్టాగ్రామ్‌లో షేర్‌ చేసింది.  మ్యాచ్‌లో టాస్‌ గెలిచిన వెస్టిండీస్‌ మహిళా జట్టు తొలుత బౌలింగ్‌ ఎంచుకుంది.ఈ క్రమంలో బ్యాటింగ్‌కు దిగిన ఆస్ట్రేలియాకు ఓపెనర్లు హేన్స్‌(85), హేలీ(129) అదిరిపోయే ఆరంభం అందించారు. బెత్‌ మూనీ 43 పరుగులతో అజేయంగా నిలిచింది. ఈ ముగ్గురి అద్భుత ప్రదర్శనతో ఆస్ట్రేలియా నిర్ణీత 45 ఓవర్లలో 3 వికెట్ల నష్టానికి 305 పరుగుల భారీ స్కోరు సాధించింది.లక్ష్య ఛేదనకు దిగిన వెస్టిండీస్‌కు ఓపెనర్‌ డియాండ్ర డాటిన్‌ శుభారంభం అందించింది. 34 పరుగులతో రాణించింది. వన్‌డౌన్‌లో వచ్చిన హేలీ మాథ్యూస్‌ 34, కెప్టెన్‌ స్టెఫానీ టేలర్‌ 48 పరుగులు సాధించారు. ఆ తర్వాత టపటపా వికెట్లు పడ్డాయి. ఒక్కరు కూడా డబుల్‌ డిజిట్‌ స్కోరు చేయలేకపోయారు. దీంతో 37 ఓవర్లలో 148 పరుగులకే ఆలౌట్‌ అయి వెస్టిండీస్‌ కుప్పకూలింది. చదవండి: అజేయ రికార్డును కొనసాగిస్తూ.. వెస్టిండీస్‌ను చిత్తు చేసి.. భారీ విజయంతో ఫైనల్‌కు Mitchell Marsh: ఆస్ట్రేలియాకు షాక్‌.. ఢిల్లీ క్యాపిటల్స్‌కు గుడ్‌న్యూస్‌ View this post on Instagram A post shared by ICC (@icc)

వెల్లింగ్టన్‌: మహిళల వన్డే వరల్డ్‌ కప్‌లో ఆస్ట్రేలియా తర్వాత సెమీస్‌కు అర్హత సాధించిన రెండో జట్టుగా దక్షిణాఫ్రికా నిలిచింది. గురువారం వెస్టిండీస్‌తో జరగాల్సిన కీలక మ్యాచ్‌ వర్షార్పణం కావడం ఆ జట్టుకు మేలు చేసింది. వాన వల్ల మ్యాచ్‌కు 26 ఓవర్లకు కుదించగా ఒక దశలో  సఫారీ స్కోరు 22/4 వద్ద నిలిచింది. ఆట ఆగిపోయే సమయానికి ఆ జట్టు 10.5 ఓవర్లలో 4 వికెట్లకు 61 పరుగులు చేసింది. మళ్లీ వర్షం కురవడంతో ఇక మ్యాచ్‌ తిరిగి మొదలయ్యే అవకాశమే రాలేదు. దీంతో మ్యాచ్‌ను రద్దు చేసి  ఇరు జట్లకు చెరో పాయింట్‌ కేటాయించారు. మెగా ఈవెంట్‌లో రద్దయిన మ్యాచ్‌ ఇదొ క్కటే! దీని వల్ల 9 పాయింట్లతో దక్షిణాఫ్రికా సెమీస్‌ చేరగా వెస్టిండీస్‌ 7 పాయింట్ల వద్ద నిలిచింది.  ఇంగ్లండ్‌ సునాయాస విజయం  క్రైస్ట్‌చర్చ్‌: ఇంగ్లండ్‌ అమ్మాయిల జట్టు పాక్‌పై సునాయాస విజయంతో సెమీస్‌ వైపు అడుగులేస్తోంది. గురువారం జరిగిన లీగ్‌ మ్యాచ్‌లో ఇంగ్లండ్‌ 9 వికెట్ల తేడాతో పాకిస్తాన్‌పై జయభేరి మోగించింది. మొదట పాక్‌ 41.3 ఓవర్లలో 105 పరుగులకే ఆలౌటైంది. సీమర్‌ క్యాథరిన్‌ బ్రంట్‌ (3/17), స్పిన్నర్‌ సోఫీ (3/18) పాక్‌ ఇన్నింగ్స్‌ను కూల్చేశారు. వీళ్లిద్దరి దెబ్బకు... ఓపెనర్‌ సిద్రా అమీన్‌ (32; 4 ఫోర్లు), సిద్రా నవాజ్‌ (23; 1 ఫోర్‌) మినహా ఇంకెవరూ రెండంకెల స్కోరు చేయలేకపోయారు. తర్వాత సునాయాస లక్ష్యాన్ని ఇంగ్లండ్‌ 19.2 ఓవర్లలోనే వికెట్‌ మాత్రమే కోల్పోయి 107 పరుగులతో ఛేదించింది. ఓపెనర్‌ డానీ వ్యాట్‌ (76 నాటౌట్‌; 11 ఫోర్లు) కెప్టెన్‌ హీథర్‌ నైట్‌ (24 నాటౌట్‌) రాణించారు.  తప్పనిసరిగా గెలవాల్సిందే!  భారత జట్టు సెమీస్‌ చేరాలంటే ఆదివారం దక్షిణాఫ్రికాతో ఆఖరి మ్యాచ్‌లో తప్పక గెలవాల్సిన పరిస్థితి వచ్చింది. ప్రస్తుతం మిథాలీ సేన ఖాతాలో 6 పాయింట్లు ఉన్నాయి. సఫారీని ఓడిస్తే వెస్టిండీస్‌ (7)ను వెనక్కి నెట్టి 8 పాయింట్లతో జట్టు ముందంజ వేస్తుంది. ఇంగ్లండ్‌ ఖాతాలో కూడా 6 పాయింట్లే ఉన్నప్పటికీ వారికి ఆఖరి పోరులో ఎదురయ్యేది కూన బంగ్లాదేశ్‌ కావడంతో ఇంగ్లండ్‌కూ మెరుగైన అవకాశాలున్నాయి. ఈ రెండు మ్యాచ్‌లు ఒకే రోజు ఉన్నాయి. అయితే మన మ్యాచ్‌ కూడా వర్షం వల్ల రద్దయితే అప్పుడు భారత్, విండీస్‌ ఖాతాలో 7 పాయింట్లుంటాయి. అప్పుడు విండీస్‌కంటే మెరుగైన రన్‌రేట్‌ ఉన్న భారత్, ఇంగ్లండ్‌ సెమీస్‌ చేరుకుంటాయి. ఈ నేపథ్యంలో మన జట్టు పూర్తి సత్తాను ప్రదర్శించాల్సి ఉంది. చదవండి: World Cup 2022: భారత్‌కు బ్యాడ్‌ న్యూస్‌.. దక్షిణాఫ్రికాపై తప్పక గెలవాల్సిందే.. లేదంటే!

ICC Women World Cup 2022: మహిళల వన్డే ప్రపంచకప్‌లో భారత జట్టును దురదృష్టం వెంటాడింది. వర్షం కారణంగా వెస్టిండీస్‌- దక్షిణాఫ్రికా మ్యాచ్‌ రద్దు కావడంతో భారత్‌ సెమీస్‌ అవకాశాలు సంక్లిష్టంగా మారాయి. మ్యాచ్‌ రద్దు కావడంతో విండీస్‌- ప్రొటిస్‌ జట్లకు చెరో పాయింట్‌ లభించింది. దీంతో 9 పాయింట్లతో దక్షిణాఫ్రికా సెమీఫైనల్లో అడుగు పెట్టగా, విండీస్‌ 7 పాయింట్లతో మూడో స్ధానానికి చేరుకుంది. ఇక భారత్‌ 6 పాయింట్లతో పాయింట్ల పట్టికలో ఐదో స్ధానానికి పడిపోయింది. మరోవైపు పాకిస్తాన్‌పై ఘన విజయంతో ఇంగ్లండ్‌ నాలుగో స్ధానానికి చేరుకుంది. దీంతో భారత్‌కు దక్షిణాఫ్రికాతో మ్యాచ్‌లో చావోరేవో తేల్చుకోవాల్సిన పరిస్థితి. సెమీఫైనల్స్‌కు భారత్‌ అర్హత సాధించాలంటే  ఆదివారం(మార్చి 27) జరుగనున్న తమ చివరి మ్యాచ్‌లో దక్షిణాఫ్రికాను భారత్ కచ్చితంగా ఓడించాలి. అప్పుడు 8 పాయింట్లతో భారత్‌ మూడో స్ధానానికి చేరుకుంటుంది. లేదంటే టోర్నీ నుంచి నిష్క్రమించక తప్పదు. అదే విధంగా ఇంగ్లండ్ కూడా తమ చివరి మ్యాచ్‌లో బంగ్లాదేశ్‌పై విజయం సాధిస్తే మూడో  స్ధానానికి చేరుకునే అవకాశం ఉంది. అయితే ఇంగ్లండ్, భారత్‌ ఇరు జట్లు తమ చివరి మ్యాచ్‌లలో విజయం సాధిస్తే పాయింట్ల పట్టికలో టాప్‌ ఫోర్‌లో నిలుస్తాయి. ఒకవేళ అనూహ్యంగా బంగ్లా చేతిలో ఇంగ్లండ్ ఓటమి చెంది, దక్షిణాఫ్రికా చేతిలో భారత్‌ కూడా ఓటమి పాలైతే రన్‌రేట్‌ కీలకం కానుంది. మరోవైపు న్యూజిలాండ్‌ శనివారం బంగ్లాదేశ్‌తో తలపడనుంది. ఈ మ్యాచ్‌లో న్యూజిలాండ్‌ భారీ తేడాతో విజయం సాధిస్తే..  భారత్‌, ఇంగ్లండ్‌తో పోటీపడే అవకాశం ఉంది. న్యూజిలాండ్‌ 4 పాయింట్లతో ప్రస్తుతం పాయింట్ల పట్టికలో ఆరో స్ధానంలో ఉంది.  చదవండి: World Cup Super League: దక్షిణాఫ్రికాపై సంచలన విజయం.. వరల్డ్‌కప్‌ సూపర్‌ లీగ్‌ టాప్‌లో బంగ్లాదేశ్‌! టీమిండియా ఎక్కడ? View this post on Instagram A post shared by ICC (@icc)

ఐసీసీ మహిళల వన్డే ప్రపంచకప్‌ 2022లో భాగంగా మంగళవారం టీమిండియా, బంగ్లాదేశ్‌ మధ్య మ్యాచ్‌ జరిగింది. తప్పక గెలవాల్సిన మ్యాచ్‌లో టీమిండియా మహిళల జట్టు ఆకట్టుకునే ప్రదర్శనతో సెమీస్‌ అవకాశాలను సజీవంగా ఉంచుకుంది. ప్రస్తుతం టీమిండియా ఆరు మ్యాచ్‌ల్లో మూడు విజయాలు.. మూడు ఓటములతో ఆరు పాయింట్లతో మూడో స్థానంలో ఉంది. బంగ్లాదేశ్‌పై 110 పరుగుల భారీ తేడాతో విజయం సాధించి నెట్‌రన్‌రేట్‌ను కూడా మెరుగుపరుచుకుంది. బంగ్లాతో మ్యాచ్‌కు ముందు మైనస్‌లో ఉన్న రన్‌రేట్‌.. ఇప్పుడు +0.768గా ఉంది. కాగా సెమీస్‌లో మూడు, నాలుగు స్థానాల కోసం ఇంగ్లండ్‌, భారత్‌, వెస్టిండీస్‌ పోటీపడుతున్నాయి. ఇంగ్లండ్‌కు రెండు మ్యాచ్‌లు ఉన్నప్పటికి నాలుగు పాయింట్లు మాత్రమే ఉన్నాయి. కాబట్టి ఆ జట్టు తాను ఆడబోయే రెండు మ్యాచ్‌లు కచ్చితంగా గెలవాల్సి ఉంటుంది.  ఇక ఆదివారం(మార్చి 27న) సౌతాఫ్రికాతో జరగనున్న మ్యాచ్‌లో టీమిండియా గెలిస్తే సమీకరణాలు అవసరం లేకుండా  8 పాయింట్లతో సెమీస్‌లో అడుగుపెడుతుంది. ఒకవేళ సాతాఫ్రికాతో మ్యాచ్‌లో ఓడినప్పటికి మరో అవకాశం ఉంది. టీమిండియాతో మ్యాచ్‌కు ముందు సౌతాఫ్రికా వెస్టిండీస్‌తో మ్యాచ్‌ ఆడాల్సి ఉంది. ఈ మ్యాచ్‌లో గనుక వెస్టిండీస్‌ ఓడిపోతే.. టీమిండియా సెమీస్‌కు చేరుకుంటుంది. అలా కాకుండా వెస్టిండీస్‌ గెలిస్తే టీమిండియాకు నెట్‌రన్‌రేట్‌ కీలకం కానుంది. సౌతాఫ్రికాతో మ్యచ్‌లో టీమిండియా ఓడినప్పటికి.. తక్కువ పరుగుల తేడాతో ఓడిపోవాలి. అప్పుడే నెట్‌ రన్‌రేట్‌ ఆధారంగా సెమీస్‌కు వెళుతుంది. ఇవన్నీ జరగకుండా ఉండాలంటే మనతో మ్యాచ్‌కు ముందు సౌతాఫ్రికా వెస్టిండీస్‌ను ఓడిస్తే సరిపోతుంది.  చదవండి: PAK vs AUS: బాబర్ ఆజం.. కేవలం రికార్డుల కోసమే టెస్టు సిరీస్‌​ ఆడుతున్నావా? World Cup 2022: అరుదైన రికార్డు సాధించిన గోస్వామి.. తొలి భారత బౌలర్‌గా! View this post on Instagram A post shared by ICC (@icc)

ఖతర్‌ ఓపెన్‌ టెన్నిస్‌ టోర్నీలో సానియా మీర్జా (భారత్‌)–లూసీ హర్డెస్కా (చెక్‌ రిపబ్లిక్‌) జంట సంచలనం సృష్టించింది. బుధవారం జరిగిన మహిళల డబుల్స్‌ క్వార్టర్‌ ఫైనల్లో 7–6 (7/5), 4–3తో ప్రపంచ నంబర్‌వన్‌ ర్యాంక్, టాప్‌ సీడ్‌ జోడీ సినియకోవా–క్రిచికోవా (చెక్‌ రిపబ్లిక్‌)పై నెగ్గి సెమీఫైనల్లోకి దూసుకెళ్లింది. తొలి సెట్‌ను సొంతం చేసుకొని రెండో సెట్‌లో సానియా–హర్డెస్కా 4–3తో ఆధిక్యంలో ఉన్న దశలో సినియకోవా–క్రిచికోవా గాయంతో వైదొలిగారు. 

కూలిడ్జ్‌ (ఆంటిగ్వా): గత రెండు అండర్‌–19 ప్రపంచకప్‌లలో భారత్, ఆస్ట్రేలియా రెండుసార్లు నాకౌట్‌ మ్యాచ్‌లలో తలపడగా రెండు సార్లూ భారత్‌నే విజయం వరించింది. 2018 ఫైనల్లో పృథ్వీ షా నాయకత్వంలోని జట్టు ఆసీస్‌ను ఓడించి టైటిల్‌ గెలుచుకోగా... 2020 క్వార్టర్‌ ఫైనల్లో మన చేతుల్లో కంగారూలకు పరాజయం ఎదురైంది. ఈసారి సెమీఫైనల్లో ఈ రెండు టీమ్‌లు తలపడబోతున్నాయి. నేడు జరిగే ఈ కీలక పోరులో గెలిచి ముందంజ వేస్తే భారత్‌ వరుసగా నాలుగోసారి ప్రపంచకప్‌ ఫైనల్లోకి అడుగు పెట్టినట్లవు తుంది. అయితే మూడు సార్లు చాంపియన్‌గా నిలిచిన ఆస్ట్రేలియా ఈ పోరులో సునాయాసంగా తలవంచుతుందా లేక గత మ్యాచ్‌లకు ప్రతీకారం తీర్చుకుంటుందా అనేది ఆసక్తికరం. తాజా ఫామ్‌ ప్రకారం చూస్తే ఇరు జట్లు సమఉజ్జీలుగా కనిపిస్తున్నాయి.     

ICC U19 World Cup 2022: 25 బంతులు... చేయాల్సినవి 5 పరుగులు.. చేతిలో ఒక వికెట్‌. ఓ క్రికెట్‌ జట్టు మ్యాచ్‌ గెలవడానికి ఈ సమీకరణ చాలు. కానీ... శ్రీలంకను దురదృష్టం వెక్కిరించింది. అఫ్గనిస్తాన్‌ అద్భుత రనౌట్‌ చేయడంతో విజయం ఆ జట్టు చేజారింది. అంతేకాదు మెగా టోర్నీలో సెమీస్‌ చేరాలన్న ఆశలు గల్లంతయ్యాయి. కాగా వెస్టిండీస్‌ వేదికగా ఐసీసీ అండర్‌ 19 వరల్డ్‌కప్‌ ఈవెంట్‌ జరుగుతున్న సంగతి తెలిసిందే. ఇందులో భాగంగా... శ్రీలంక, అఫ్గనిస్తాన్‌ మధ్య గురువారం క్వార్టర్‌ ఫైనల్‌ మ్యాచ్‌ జరిగింది. టాస్‌ గెలిచిన శ్రీలంక తొలుత ఫీల్డింగ్‌ ఎంచుకుంది.  ఈ క్రమంలో బ్యాటింగ్‌కు దిగిన అఫ్గనిస్తాన్‌కు శుభారంభం లభించలేదు. ఓపెనర్లు బిలాల్‌ సయేదీ 6, ఖరోటే 13 పరుగులకే పెవిలియన్‌ చేరారు. వన్‌డౌన్‌లో వచ్చిన అల్లా నూర్‌ 25 పరుగులతో ఫర్వాలేదనిపించాడు. అబ్దుల్‌ హైదీ 37, నూర్‌ అహ్మద్‌ 30 పరుగులతో రాణించారు. దీంతో అఫ్గన్‌ గౌరవప్రదమైన స్కోరు చేయగలిగింది. 134 పరుగులకే ఆలౌట్‌ అయింది.  ఆఖరి రనౌట్‌తో ఈ క్రమంలో స్వల్ప లక్ష్యంతో బరిలోకి దిగిన శ్రీలంకకు ఆదిలోనే షాక్‌ తగిలింది. ఓపెనర్‌ చమిందు విక్రమ సింఘే ఒక్కడే డబుల్‌ డిజిట్‌(16) స్కోరు చేయగలిగాడు. మరో ఓపెనర్‌ సదిశ రాజపక్స డకౌట్‌ కాగామిడిలార్డర్‌ దారుణంగా విఫలమైంది. వరుసగా 2,2,1,3,2 స్కోర్లకే పెవిలియన్‌ చేరారు. చివర్లో దునిత్‌ 34, రవీన్‌ డి సిల్వా 21 మెరుపులు మెరిపించారు. వినుజ రణ్‌పల్‌ 11 పరుగులతో క్రీజులో ఉండగా... అఫ్గన్‌ బౌలర్‌ నవీద్‌ సంధించిన బంతిని ఆడే క్రమంలో రనౌట్‌కు ఆస్కారం ఏర్పడింది. దీంతో  శ్రీలంక కథ ముగిసింది. ఇన్నింగ్స్‌లో ఇది నాలుగో రనౌట్‌ కావడం గమనార్హం. ఇక నాలుగు పరుగుల తేడాతో గెలుపొంది సెమీస్‌ చేరిన అఫ్గన్‌ ఆటగాళ్ల సంబరాలు అంబరాన్నంటాయి. సెమీ ఫైనల్‌లో అఫ్గనిస్తాన్‌ ఇంగ్లండ్‌తో తలపడనుంది. స్కోర్లు: అఫ్గనిస్తాన్‌ అండర్‌ 19 జట్టు: 134 (47.1 ఓవర్లు) శ్రీలంక అండర్‌ 19 జట్టు- 130 (46 ఓవర్లు) చదవండి: IPL: వాళ్లిద్దరు నా ఫేవరెట్‌ ప్లేయర్లు... ఐపీఎల్‌లో ఆ జట్టుకు ఆడాలని ఉంది: దక్షిణాఫ్రికా యువ సంచలనం ఏబీడీ 2.0! IND vs WI: టీమిండియాతో సిరీస్‌.. వెస్టిండీస్ జ‌ట్టులో గొడ‌వ‌లు.. పొలార్డ్‌పై సంచలన ఆరోపణలు! Congratulations Afghanistan 🔥🔥🇦🇫🇦🇫🔥🔥 Afg u19 vs sl u19 pic.twitter.com/qBYzNkjiXm — THE NDS soldier (@Muhamma40574471) January 27, 2022 Celebrate the win boys!! The Future stars have all the rights in the world to celebrate thier quarter final win over SL U19s. #FutureStars | #AFGvSL | #U19CWC2022 pic.twitter.com/SNmr2jtTIx — Afghanistan Cricket Board (@ACBofficials) January 27, 2022

ఆస్ట్రేలియన్‌ ఓపెన్‌ గ్రాండ్‌స్లామ్‌లో స్పెయిన్‌బుల్‌ రాఫెల్‌ నాద్‌ల్‌ అదరగొడుతున్నాడు. కెరీర్‌లో 21వ గ్రాండ్‌స్లామ్‌పై కన్నేసిన నాదల్‌ మరో రెండు అడుగుల దూరంలో మాత్రమే ఉన్నాడు. మంగళవారం జరిగిన మెన్స్‌ సింగిల్స్‌ క్వార్టర్‌ ఫైనల్‌ మ్యాచ్‌లో నాదల్‌.. కెనడాకు చెందిన డెనిస్ షాపోవలోవ్‌ను 6-3,6-4,4-6, 3-6,6-3తో ఓడించాడు. దాదాపు 4 గంటల 8 నిమిషాల పాటు జరిగిన ఈ మారథాన్‌ గేమ్‌లో తొలి రెండు సెట్లను నాదల్‌ గెల్చుకోగా.. ఫుంజుకున్న డెనిస్‌ షాపోవలోవ్‌ తర్వాతి రెండు సెట్స్‌లో నాదల్‌ను మట్టికరిపించాడు. అయితే కీలకమైన ఆఖరి సెట్‌లో జూలు విదిల్చిన నాదల్‌ 6-3 తేడాతో సెట్‌ను కైవసం చేసుకొని సెమీస్‌లో అడుగుపెట్టాడు. చదవండి: Australian Open 2022: 'నీ మాటలతో నన్ను ఏడిపించేశావు.. థాంక్యూ'  మరోవైపు మహిళల సింగిల్స్‌ క్వార్టర్‌ ఫైనల్‌ మ్యాచ్‌లో ప్రపంచనెంబర్‌ వన్‌ యాష్లే బార్టీ హోంగ్రౌండ్‌లో దుమ్మురేపింది. 21వ సీడ్‌ జెస్సికా పెగులాను వరుస సెట్లలో ఓడించి సెమీస్‌లో అడుగుపెట్టింది. వన్‌సైడ్‌గా జరిగిన  మ్యాచ్‌లో  తొలి సెట్‌ను 6-2తో గెలుచుకున్న బార్టీ.. రెండో సెట్‌లో ప్రత్యర్థికి ఏ మాత్రం అవకాశమివ్వకుండా 6-0తో రెండోసెట్‌ను కైవసం చేసుకొని దర్జాగా సెమీస్‌కు చేరింది.  ఫ్రెంచ్‌ ఓపెన్‌ చాంపియన్‌ బార్బోరా క్రెజికోవాకు క్వార్టర్‌ఫైనల్లో గట్టిషాక్‌ తగిలింది. అమెరికాకు చెందిన కీస్‌ మాడిసన్‌ చేతిలో 6-3,6-1తో క్రెజికోవా ఘోర పరాజయం పాలయింది. కేవలం గంటా 25 నిమిషాలు మాత్రమే సాగిన మ్యాచ్‌లో కీస్‌ మాడిసన్‌ పూర్తి ఆధిపత్యం కనబరిచింది. 2015 తర్వాత ఒక గ్రాండ్‌స్లామ్‌లో రెండోసారి సెమీస్‌లో అడుగుపెట్టిన మాడిసన్‌ మెయిడెన్‌ టైటిల్‌పై కన్నేసింది. ఇక సెమీస్‌లో కీస్‌ మాడిసన్‌.. ప్రపంచనెంబర్‌ వన్‌ యాష్లే బార్టీతో తలపడనుంది. చదవండి: Australian Open 2022: క్వార్టర్స్‌లో నిష్క్రమించిన రాజీవ్‌ రామ్‌-సానియా మీర్జా జోడీ ¡DALE RAFA!🇪🇸@RafaelNadal is through to the #AusOpen semifinals with a 6-3 6-4 4-6 3-6 6-3 victory over Denis Shapovalov🔥 🎥: @AustralianOpen | #AusOpen | #AO2022 pic.twitter.com/9xsybToVTQ — ATP Tour (@atptour) January 25, 2022 Unstoppable 💯@Madison_Keys is into the #AusOpen quarterfinals for the first time since 2018, taking down Paula Badosa 6-3 6-1. #AO2022 pic.twitter.com/dIGsi7zf5q — #AusOpen (@AustralianOpen) January 23, 2022

India Lose Semi Final Vs Japan Hockey Asia Champions Trophy.. పురుషుల ఆసియా హాకీ చాంపియన్స్‌ ట్రోఫీలో భారత్‌ పోరు ముగిసింది. జపాన్‌తో జరిగిన సెమీఫైనల్‌ మ్యాచ్‌లో 5-3 తేడాతో పరాజయం పాలైంది. ఇక ఫైనల్‌ చేరిన జపాన్‌.. దక్షిణ కొరియాతో అమీతుమీ తేల్చుకోనుంది. ఇక ఇదే జపాన్‌ను లీగ్‌ దశలో 6-0 తేడాతో చిత్తు చేసిన భారత పురుషుల జట్టు మళ్లీ అదే ఫీట్‌ను పునరావృతం చేయలేకపోయింది. రౌండ్‌ రాబిన్‌ లీగ్‌ పద్దతిలో జరిగిన లీగ్‌ దశలో 4 మ్యాచ్‌ల్లో 3 విజయాలతో గ్రూఫ్‌ టాపర్‌గా నిలిచిన భారత్‌ కీలకమైన సెమీస్‌లో మాత్రం ఒత్తిడికి తలొగ్గి పరాజయం చవిచూసింది. ఇక మూడోస్థానం కోసం భారత్‌ పాకిస్తాన్‌తో అమీతుమీ తేల్చుకోనుంది.  

ఢాకా: మూడుసార్లు చాంపియన్‌ భారత హాకీ జట్టు ఆసియా చాంపియన్స్‌ ట్రోఫీలో దూకుడు కనబరుస్తోంది. శుక్రవారం జరిగిన మ్యాచ్‌లో భారత్‌ 3–1 గోల్స్‌ తేడాతో తన చిరకాల ప్రత్యర్థి పాకిస్తాన్‌పై జయభేరి మోగించింది. దాంతో టోర్నీలో రెండు విజయాలు, ఒక ‘డ్రా’తో మొత్తం ఏడు పాయింట్లు సాధించిన టీమిండియా సెమీఫైనల్‌కు అర్హత సాధించింది. భారత వైస్‌ కెప్టెన్‌ హర్మన్‌ప్రీత్‌ సింగ్‌ రెండు గోల్స్‌ (8వ, 53వ నిమిషాల్లో) చేయగా... మరో గోల్‌ను ఆకాశ్‌దీప్‌ సింగ్‌ (42వ నిమిషంలో) చేశాడు. పాకిస్తాన్‌ తరఫున నమోదైన ఏకైక గోల్‌ను జునైద్‌ మన్‌జూర్‌ (45వ నిమిషంలో) చేశాడు. గత ఐదేళ్లలో పాక్‌తో జరిగిన 12 మ్యాచ్‌ల్లో భారత్‌ 11 గెలిచి, ఒక మ్యాచ్‌ను ‘డ్రా’ చేసుకుంది. ఆదివారం జరిగే చివరి లీగ్‌ మ్యాచ్‌లో జపాన్‌తో భారత్‌ ఆడనుంది.

బాలి (ఇండోనేసియా):  రెండు సార్లు ఒలింపిక్‌ పతక విజేత, భారత స్టార్‌ షట్లర్‌ పీవీ సింధు వరల్డ్‌ టూర్‌ ఫైనల్స్‌ బ్యాడ్మింటన్‌ టోర్నీలో సెమీఫైనల్లోకి ప్రవేశించింది. మహిళల సింగిల్స్‌ గ్రూప్‌ ‘ఎ’లో గురువారం జరిగిన మ్యాచ్‌లో సింధు 21–10, 21–13తో వైవోన్‌ లీ (జర్మనీ)పై అలవోక విజయాన్ని సాధించింది. దాంతో గ్రూప్‌లో ఆడిన రెండు మ్యాచ్‌ల్లోనూ నెగ్గిన సింధు మరో మ్యాచ్‌ మిగిలి ఉండగానే నాకౌట్‌కు అర్హత సాధించింది. గ్రూప్‌ టాపర్‌ని తేల్చే నేటి మ్యాచ్‌లో పొర్న్‌పవీ చొచువోంగ్‌ (థాయ్‌లాండ్‌)తో సింధు తలపడనుంది. పురుషుల సింగిల్స్‌లో గ్రూప్‌ ‘ఎ’ నుంచి ఇప్పటికే సెమీ ఫైనల్‌ చేరిన భారత షట్లర్‌ లక్ష్యసేన్‌కు విక్టర్‌ అక్సెల్‌సన్‌ (డెన్మార్క్‌) చేతిలో ఓటమి ఎదురైంది. గ్రూప్‌ విజేతను తేల్చే మ్యాచ్‌లో లక్ష్యసేన్‌ 15–21, 14–21తో అక్సెల్‌సన్‌ చేతిలో ఓడాడు. గ్రూప్‌ ‘బి’ నుంచి పోటీ పడుతున్న మాజీ నంబర్‌వన్‌ కిడాంబి శ్రీకాంత్‌ (భారత్‌) తన రెండో మ్యాచ్‌లో 18–21, 7–21తో కున్లావుట్‌ విదిత్‌ సర్న్‌ (థాయ్‌లాండ్‌) చేతిలో పరాజయంపాలైయ్యాడు. శ్రీకాంత్‌ సెమీస్‌ చేరాలంటే నేడు జరిగే మ్యాచ్‌లో లీ జి జియా (మలేసియా)పై తప్పక నెగ్గాలి. గాయంతో సాత్విక్‌–చిరాగ్‌ జంట అవుట్‌  టోర్నీ నుంచి భారత పురుషుల డబుల్స్‌ ద్వయం సాత్విక్‌ సాయిరాజ్‌–చిరాగ్‌ శెట్టి తప్పుకుంది. సాత్విక్‌ సాయిరాజ్‌ మోకాలి గాయంతో బాధ పడుతుండటంతో ఈ నిర్ణయం తీసుకున్నట్లు భారత బ్యాడ్మింటన్‌ సంఘం (బాయ్‌) తన ప్రకటన ద్వారా తెలిపింది. పురుషుల డబుల్స్‌ గ్రూప్‌ ‘ఎ’లో ఉన్న భారత జంట... గురువారం మార్కస్‌–కెవిన్‌ సంజయ (ఇండోనేసియా) జోడీతో ఆడాల్సి ఉంది. అయితే సాత్విక్‌ గాయం కారణంగా ప్రత్యర్థికి వాకోవర్‌ ఇచ్చి టోర్నీ నుంచి తప్పుకుంది. మహిళల డబుల్స్‌ విభాగంలోనూ భారత్‌కు నిరాశే ఎదురైంది. ‘గ్రూప్‌ బి’లో జరిగిన పోరులో అశ్విని పొన్నప్ప–సిక్కి రెడ్డి ద్వయం 19–21, 20–21తో గ్యాబ్యియెలా–స్టెపాని (బల్గేరియా) జోడీ చేతిలో ఓడింది. దాంతో గ్రూప్‌లో ఆడిన రెండు మ్యాచ్‌ల్లోనూ ఓడిన అశ్విని పొన్నప్ప–సిక్కి రెడ్డి జోడీ జంట టోర్నీ నుంచి నిష్క్రమించింది. 

Darshan Nalkande Pics 4 Wkts In Four Consecutive Balls.. సయ్యద్‌ ముస్తాక్‌ అలీ టి20 ట్రోఫీలో భాగంగా శనివారం ఒక అద్భుత ఘటన జరిగింది. విదర్భ, కర్ణాటక మధ్య జరిగిన సెమీఫైనల్లో మ్యాచ్‌లో విదర్భ బౌలర్‌ దర్శన్‌ నల్కండే నాలుగు వరుస బంతుల్లో నాలుగు వికెట్లు తీసి చరిత్ర సృష్టించాడు. అందులోనూ ఇన్నింగ్స్‌ ఆఖరి ఓవర్‌లో ఈ ఫీట్‌ నమోదు చేయడం విశేషం. చదవండి: Syed Mustaq Ali T20: ఓటమి నుంచి తృటిలో తప్పించుకొని ఫైనల్‌కు ఇన్నింగ్స్‌ 20వ ఓవర్‌ వేసిన దర్శన్‌ నల్కండే.. తొలి బంతికి అనిరుద్ద జోషిని వెనక్కిపంపాడు. తర్వాత వరుస బంతుల్లో శరత్‌ బీఆర్‌, జగదీష్‌ సుచిత్‌లు పెవిలియన్‌ చేర్చి హ్యాట్రిక్‌ నమోదు చేశాడు. ఇక చివరగా నాలుగో బంతికి ఇన్‌ఫాం బ్యాటర్‌ అభినవ్‌ మనోహర్‌ను ఔట్‌ చేసి నాలుగో వికెట్‌ సాధించాడు. ఈ నలుగురిలో అభివన్‌ మనోహర్‌ వికెట్‌ పెద్దది. దీంతో దర్శన నల్కండే అద్భుత ప్రదర్శనపై ట్విటర్‌లో ప్రశంసలు లభిస్తున్నాయి. అయితే ఈ సెమీఫైనల్‌ మ్యాచ్‌లో కర్ణాటక చేతిలో విదర్భ పరాజయం పాలైంది. ఇక ఫైనల్‌ చేరిన కర్ణాటక నవంబర్‌ 22న తమిళనాడుతో అమితుమీ తేల్చుకోనుంది.  చదవండి: Steve Smith As Test Captain: ఆస్ట్రేలియా టెస్టు కెప్టెన్‌గా మరోసారి స్టీవ్‌ స్మిత్‌! pic.twitter.com/hAios7nHR0 — Simran (@CowCorner9) November 20, 2021

Karnataka Enters Final Beat Vidarbha By 4 Runs.. సయ్యద్‌ ముస్తాక్‌ అలీ టి20 ట్రోఫీలో ఓటమి నుంచి తృటిలో తప్పించుకున్న కర్ణాటక ఫైనల్లో ప్రవేశించింది. విదర్భతో జరిగిన ఉత్కంఠభరిత  సెమీఫైనల్లో 4 పరుగుల తేడాతో కర్ణాటక విజయం సాధించింది. ఆద్యంతం హోరాహోరీగా సాగిన సెమీస్‌లో విదర్భ గెలుపు ముంగిట బోల్తా పడింది. తొలుత బ్యాటింగ్‌ చేసిన కర్ణాటక నిర్ణీత 20 ఓవర్లలో 7 వికెట్ల నష్టానికి 176 పరుగులు చేసింది. ఓపెనర్‌ రోహన్‌ కదమ్‌(56 బంతుల్లో 87 పరుగులు, 7 సిక్సర్లు, 4 ఫోర్లు) కదం తొక్కడం.. కెప్టెన్‌ మనీష్‌ పాండే 54 పరుగులతో సహకరించాడు. తొలి వికెట్‌కు ఈ ఇద్దరు రికార్డు స్థాయిలో 132 పరుగులు జోడించారు. ఆ తర్వాత అభినవ్‌ మనోహర్‌ 27 మినహా మిగతావరు పూర్తిగా విఫలమయ్యారు. విదర్భ బౌలర్లలో దర్శన్‌ నల్కండే 4, లలిత్‌ యాదవ్‌ 2, యష్‌ ఠాకూర్‌ ఒక వికెట్ తీశారు. చదవండి: Syed Mustaq Ali T20: హైదరాబాద్‌ ఘోర ఓటమి.. ఫైనల్లో తమిళనాడు అనంతరం బ్యాటింగ్‌ చేసిన  విదర్భ ఇన్నింగ్స్‌లో పెద్దగా స్కోర్లు నమోదు కానప్పటికి బ్యాట్స్‌మన్‌ తలో  చెయ్యి వేశారు. అథర్వ తైడే 32, గణేష్‌ సతీష్‌ 31 పరుగులు చేశారు. కర్ణాటక బౌలింగ్‌లో కెసి కరియప్ప 2, విద్యాదర్‌ పాటిల్‌, దర్శన్‌ ఎంబి, జగదీష్‌ సుచిత్‌, కరుణ్‌ నాయర్‌ తలా ఒక వికెట్‌ తీశారు. ఫైనల్లో ప్రవేశించిన కర్ణాటక.. తమిళనాడుతో అమితుమీ తేల్చుకోనుంది. ఇక 2019 సయ్యద్‌ ముస్తాక్‌ అలీ టి20 ట్రోఫీలో ఈ రెండు జట్ల మధ్యే ఫైనల్‌ జరగింది. అప్పుడు తమిళనాడుపై గెలిచి కర్ణాటక ట్రోఫీని అందుకుంది. చదవండి: Shaheen Afridi: సిక్స్‌ కొట్టాడని కసితీరా కొట్టాడు.. క్షమాపణ ఎందుకు షాహిన్‌?

ఇండోనేసియా మాస్టర్స్‌ సూపర్‌–750 బ్యాడ్మింటన్‌ టోర్నీలో భారత స్టార్‌ షట్లర్‌ సింధు సెమీఫైనల్లోకి దూసుకెళ్లింది. శుక్రవారం జరిగిన మహిళల సింగిల్స్‌ క్వార్టర్‌ ఫైనల్లో సింధు 21–13, 21–10తో నెస్లిహాన్‌ యిగిట్‌ (టర్కీ)పై గెలిచింది. నేడు జరిగే సెమీఫైనల్లో టాప్‌ సీడ్‌ అకానె యామగుచి (జపాన్‌)తో సింధు తలపడుతుంది. పురుషుల సింగిల్స్‌లో భారత్‌కే చెందిన శ్రీకాంత్‌ కూడా సెమీఫైనల్‌ చేరాడు. శ్రీకాంత్‌ 21–7, 21–18తో సహచరుడు ప్రణయ్‌ను ఓడించాడు.

Update: భారీ విజయం సాధించి రన్‌రేటును మరింత మెరుగుపరచుకోవాలన్న భారత్‌ ఆశలకు అఫ్గనిస్తాన్‌ బ్రేక్‌ వేసింది. సమీకరణల అంచనాలను తారుమారు చేస్తూ.. 144 వరకు స్కోరు చేయగలింది. టీమిండియాతో మ్యాచ్‌లో 66 పరుగుల తేడాతో ఓడినప్పటికీ... రన్‌రేటు విషయంలో మాత్రం భారత్‌ కంటే ముందే ఉంది. స్కోర్లు: భారత్‌ - 210/2 (20)  అఫ్గనిస్తాన్‌ - 144/7 (20)  T20 World Cup 2021 Ind Vs Afg: టీ20 ప్రపంచకప్‌2021లో వరుసగా రెండు మ్యాచ్‌ల్లో  ఓటమి చెందిన టీమిండియా సెమీస్‌ అవకాశాలు సంక్లిష్టం చేసుకుంది. అయితే ఆఫ్గనిస్తాన్‌తో నవంబరు 3 నాటి కీలకమైన  మ్యాచ్‌లో టీమిండియా చేలరేగి ఆడింది.  211 పరుగుల భారీ లక్ష్యాన్ని ఆఫ్గనిస్తాన్‌ ముందు ఉంచింది. తద్వారా.. సెమీస్‌కు దూసుకువెళ్లే దారులకు బలమైన పునాది వేసుకుంది టీమిండియా. ఆఫ్గనిస్తాన్‌ను  99 పరుగుల లోపు ఆలౌట్ చేయగలితే .. టీమిండియా రన్‌రేట్‌ న్యూజిలాండ్‌, ఆఫ్గాన్‌ జట్టుల రన్‌రేట్‌ల కంటే మెరుగు పడుతుంది. దీంతో సెమీస్‌ రేస్‌లో భారత్‌ నిలిచే అవకాశాలు మెండుగా ఉంటాయని విశ్లేషణలు వినిపిస్తున్నాయి. ఇక ఆఫ్గన్‌తో మ్యాచ్‌తో జట్టులోకి వచ్చిన రవిచంద్రన్‌ అశ్విన్‌ చాలా పొదుపుగా బౌలింగ్‌ చేస్తూ వికెట్లు పడగొడుతుండటం సానుకూల అంశం. టీమిండియా బౌలర్ల జోరు చూస్తుంటే  నబీ బృందాన్ని తక్కువ స్కోరుకే కట్టడి చేసేలా కనిపిస్తున్నారని.. అదే జరిగితే సెమీస్‌ అవకాశాలు మెరుగు పడతాయని విశ్లేషకులు అంటున్నారు. అలా జరగనట్లయితే.. అలా జరగని పక్షంలో... ఒకవేళ ఆఫ్గనిస్తాన్‌ 120 పరుగులు చేసి... కోహ్లి సేన గనుక వాళ్లను 90 పరుగుల తేడాతో ఓడిస్తే.. టీమిండియా నెట్‌ రన్‌రేటు  +0.50 అవుతుంది. అదే సమయంలో ఆఫ్గన్‌ రన్‌రేటు +1.20.  ఒకవేళ నబీ బృందం 140 పరుగులు చేయగలిగితే... భారత్‌ రన్‌రేటు +0.1కు పడిపోతుంది. ఆఫ్గన్‌  +1.40తో మరింత బలపడుతుంది. అదీ కాకుండా ఆఫ్గన్‌ 160 పరుగులు చేస్తే.. భారత జట్టు పరిస్థితి అధ్వానం(-0.20)గా తయారవుతుంది.  ఇక 180 పరుగులు గనుక సాధిస్తే... పరిస్థితి మరింత( -0.60) దిగజారుతుంది. అదే సమయంలో ఆఫ్గన్‌ రన్‌రేటు దాదాపు 2(+1.90)కు చేరుకుని సెమీస్‌ అవకాశాలను సుగమం చేసుకుంటుంది. చదవండి: Babar Azam: దుమ్ములేపిన బాబర్‌ ఆజం.. వనిందు హసరంగా తొలిసారిగా

Pv Sindhu: ఫ్రెంచ్ ఓపెన్ 2021 టోర్నమెంట్‌లో భారత బ్యాడ్మింటన్ స్టార్  పీవీ సింధు పోరాటం ముగిసింది. సెమీ ఫైనల్ మ్యాచ్‌లో  జపాన్‌కి చెందిన సయాక తకహాషీ చేతిలో  21-18, 16-21, 12-21 తేడాతో సింధు ఒటమి చెందింది. ఈ విజయంతో సయాక తకహాషీ ఫ్రెంచ్ ఓపెన్ ఫైనల్‌కు చేరింది. అంతకుముందు పీవీ సింధు క్వార్టర్ ఫైనల్లో థాయ్‌లాండ్‌కు చెందిన బుసానన్ ఒంగ్‌బమ్రుంగ్‌ఫాన్‌పై 21-14, 21-14తో విజయం సాధించి సెమిస్‌లో అడుగు పెట్టింది. కాగా ఇప్పటి వరకు సయాక తకయాషీతో జరిగిన గత 8 మ్యాచుల్లో పీవీ సింధుకి ఇది నాలుగో ఓటమి కావడం విశేషం.  చదవండి: AUS Vs ENG: టాస్‌ గెలిచి ఫీల్డింగ్‌ ఎంచుకున్న ఇంగ్లండ్‌

చెన్నై: ‘ఫిడే’ ఆన్‌లైన్‌ చెస్‌ ఒలింపియాడ్‌లో భారత జట్టు సెమీఫైనల్లోకి దూసుకెళ్లింది. ఉక్రెయిన్‌ జట్టుతో జరిగిన క్వార్టర్‌ ఫైనల్లో భారత్‌ ‘బ్లిట్జ్‌ టైబ్రేక్‌’లో 5–1తో నెగ్గింది. భారత విజయంలో ఆంధ్రప్రదేశ్‌ గ్రాండ్‌మాస్టర్‌ ద్రోణవల్లి హారిక కీలకపాత్ర పోషించింది. ఆమె ఆడిన మూడు గేముల్లోనూ నెగ్గింది. ముందుగా ఉక్రెయిన్‌తో తొలి మ్యాచ్‌లో భారత్‌ 4–2తో గెలుపొంది....రెండో మ్యాచ్‌లో 2.5–3.5తో ఓడిపోయింది. దాంతో రెండు జట్ల స్కోరు సమమైంది. విజేతను నిర్ణయించడానికి టైబ్రేక్‌ నిర్వహించగా భారత్‌ పైచేయి సాధించింది. టైబ్రేక్‌ గేముల్లో భారత్‌ తరఫున ఆంధ్రప్రదేశ్‌ గ్రాండ్‌మాస్టర్‌ ద్రోణవల్లి హారిక, ఆధిబన్, నిహాల్‌ సరీన్, వైశాలి నెగ్గగా... కోనేరు హంపి, విదిత్‌ తమ గేమ్‌లను ‘డ్రా’ చేసుకున్నారు. హారిక 37 ఎత్తుల్లో నటాలియా బుక్సాను ఓడించగా... లులీజా ఉస్మాక్‌తో గేమ్‌ను హంపి 65 ఎత్తుల్లో ‘డ్రా’గా ముగించింది. అంతకుముందు తొలి మ్యాచ్‌ గేమ్‌లో హారిక 36 ఎత్తుల్లో నటాలియా బుక్సాపై, రెండో మ్యాచ్‌ గేమ్‌లో 32 ఎత్తుల్లో జుకోవాపై గెలిచింది. నేడు జరిగే సెమీఫైనల్లో అమెరికాతో భారత్‌  తలపడుతుంది. 

లండన్‌: ఇంగ్లండ్‌ ఫుట్‌బాల్‌ అభిమానుల 55 ఏళ్ల  నిరీక్షణకు తెర పడింది. ఒక మెగా టోర్నీలో కొన్ని దశాబ్దాల ఎదురుచూపుల తర్వాత ఆ జట్టు ఫైనల్‌ చేరింది. ప్రతిష్టాత్మక ‘యూరో’ కప్‌లో ఇంగ్లండ్‌ తుది పోరుకు అర్హత సాధించింది. భారత కాలమానం ప్రకారం బుధవారం అర్ధరాత్రి జరిగిన సెమీ ఫైనల్లో ఇంగ్లండ్‌ 2–1 గోల్స్‌ తేడాతో డెన్మార్క్‌పై విజయం సాధించింది.  నిర్ణీత సమయానికి ఇరు జట్లు సమంగా నిలవగా... అదనపు సమయంలో సాధించిన గోల్‌తో ఇంగ్లండ్‌ ముందంజ వేసింది. డెన్మార్క్‌ తరఫున మైకేల్‌ డామ్స్‌గార్డ్‌ 30వ నిమిషంలో గోల్‌ చేసి ఆధిక్యం అందించగా... డెన్మార్క్‌కే చెందిన సైమన్‌ జార్‌ ‘సెల్ఫ్‌ గోల్‌’ (39వ నిమిషం)తో ఇంగ్లండ్‌ ఖాతాలో గోల్‌ చేరి స్కోరు సమమైంది. నిర్ణీత సమయం 1–1తో ముగిసింది. అనంతరం మ్యాచ్‌ ఎక్స్‌ట్రా టైమ్‌లో 104వ నిమిషంలో ఇంగ్లండ్‌ కెప్టెన్‌ హ్యారీ కేన్‌ గోల్‌ సాధించి తన జట్టును గెలిపించాడు. 1966లో ప్రపంచ కప్‌ గెలిచిన తర్వాత ఇంగ్లండ్‌ ప్రపంచ కప్‌లో గానీ, యూరో కప్‌లో గానీ (26 ప్రయత్నాల్లో) ఫైనల్‌ చేరలేకపోయింది.   ఆద్యంతం హోరాహోరీ... ఇంగ్లండ్, డెన్మార్క్‌ పోరు ఆరంభం నుంచే ఆసక్తికరంగా సాగింది. సుమారు 66 వేల మంది సొంత ప్రేక్షకుల సమక్షంలో వెంబ్లీ స్టేడియంలో ఇంగ్లండ్‌ దూకుడు ప్రదర్శించగా...టోర్నీలో సత్తా చాటుతూ వచ్చిన డెన్మార్క్‌ కూడా అదే జోరు కనబరిచింది. ముఖ్యంగా డెన్మార్క్‌ గోల్‌ కీపర్‌ కాస్పర్‌ స్కెమికల్‌ అద్భుత ప్రదర్శనతో ప్రత్యర్థిని పదే పదే అడ్డుకున్నాడు. ఇరు జట్లు తొలి గోల్‌ కోసం శ్రమిస్తున్న దశలో ఇంగ్లండ్‌ ఫౌల్‌ కారణంగా డెన్మార్క్‌కు ఫ్రీ కిక్‌ అవకాశం దక్కింది. డామ్స్‌గార్డ్‌ దీనిని సమర్థంగా ఉపయోగించుకోవడంతో ఆ జట్టు ముందంజ వేసింది. ఆ తర్వాత హ్యారీ గోల్‌ చేసేందుకు చేరువగా వచ్చినా....డెన్మార్క్‌ కీపర్‌ ఆ అవకాశం ఇవ్వలేదు. అయితే కొద్ది సేపటికే హ్యారీ సహచరుడు స్టెర్లింగ్‌కు బంతి అందకుండా తప్పించే ప్రయత్నంలో డెన్మార్క్‌ ఆటగాడు జార్‌ తన గోల్‌పోస్ట్‌లోకే బంతిని పంపించడంతో ఇంగ్లండ్‌ ఊపిరి పీల్చుకుంది. వివాదాస్పద పెనాల్టీ... స్కోర్లు సమమైన తర్వాత మరో 51 నిమిషాల పాటు ఇరు జట్లు హోరాహోరీగా పోరాడినా ఎవరికీ ఆధిక్యం దక్కలేదు. ఎక్స్‌ట్రా టైమ్‌లో పెనాల్టీ ఏరియాలోకి దూసుకొచ్చిన ఇంగ్లండ్‌ ఆటగాడు స్టెర్లింగ్, డెన్మార్క్‌ ఆటగాడు మథియాస్‌ జెన్సన్‌కు తగిలి కింద పడ్డాడు. రిఫరీ పెనాల్టీ ప్రకటించగా... వీడియో రివ్యూ (వార్‌) తర్వాత అదే ఖాయమైంది.  హ్యారీ కొట్టిన కిక్‌ను ఈసారి కూడా స్కెమికల్‌ సమర్థంగా అడ్డుకున్నా... ‘రీబౌండ్‌’లో హ్యరీ మళ్లీ గోల్‌ పోస్ట్‌లోకి పంపించడంతో వెంబ్లీ మైదానం హోరెత్తిపోయింది. ఈ పెనాల్టీపై డెన్మార్క్‌ తీవ్ర అసంతృప్తి వ్యక్తం చేసినా లాభం లేకపోయింది.     

యూరో కప్‌ ఫుట్‌బాల్‌ టోర్నమెంట్‌లో మూడు సార్లు చాంపియన్‌ స్పెయిన్‌ సెమీఫైనల్‌కు దూసుకెళ్లింది. శుక్రవారం ఉత్కంఠభరితంగా జరిగిన క్వార్టర్‌ఫైనల్లో స్పెయిన్‌ పెనాల్టీ షూటౌట్‌లో 3–1తో స్విట్జర్లాండ్‌పై గెలుపొందింది.  ఆట 8వ నిమిషంలో డేనిస్‌ జకారియా సెల్ఫ్‌ గోల్‌తో స్పెయిన్‌కు గోల్‌ అందించాడు. 68వ నిమిషంలో స్విట్జర్లాండ్‌ ప్లేయర్‌ షాకిరి గోల్‌ చేయడంతో స్కోర్‌ 1–1తో సమమైంది. నిర్ణీత 90 నిమిషాల సమయంలో ఇరు జట్లు కూడా ఒక్కో గోల్‌ సాధించడంతో మ్యాచ్‌ ఎక్స్‌ట్రా టైమ్‌ (అదనపు సమయం)కు దారి తీసింది. 30 నిమిషాల అదనపు సమయంలో ఇరు జట్లు మరో గోల్‌ సాధించడంలో విఫలమవ్వడంతో విజేతను తేల్చేందుకు పెనాల్టీ షూటౌట్‌ అనివార్యమైంది.  ఇక పెనాల్టీ షూటౌట్‌లో ఎటువంటి తడబాటుకు గురవని స్పెయిన్‌ విజేతగా నిలిచింది. మరో పోరులో బెల్జియం, ఇటలీ మధ్య జరిగిన క్వార్టర్‌ఫైనల్‌లో ఇటలీ పైచేయి సాధించింది. బెల్జియంను 2-1 తేడాతో ఓడించి సెమీస్‌లోకి అడుగుపెట్టింది. బారెల్లా, ఇన్‌సిగ్నేలు చెరో గోల్‌ సాధించారు. ఇక సెమీస్‌ పోరులో ఇటలీ స్పెయిన్‌లు వెంబ్లే స్టేడియం(లండన్‌)లో తలపడనున్నాయి. ఇదిలా ఉంటే ఈ రోజు  చెక్‌ రిపబ్లిక్‌ డెన్మార్క్‌లు తలపడనున్నాయి. చదవండి: ఆడకుంటే జీతం లేదు.. మెస్సీకి షాకిచ్చిన ఆ క్లబ్‌

పారిస్‌: గతంలో మూడుసార్లు గ్రాండ్‌స్లామ్‌ టోర్నీలలో సెమీఫైనల్‌ అడ్డంకిని దాటలేకపోయిన గ్రీస్‌ యువ టెన్నిస్‌ ప్లేయర్‌ స్టెఫనోస్‌ సిట్సిపాస్‌ నాలుగో ప్రయత్నంలో సఫలమయ్యాడు. ఫ్రెంచ్‌ ఓపెన్‌లో 22 ఏళ్ల సిట్సిసాస్‌ టైటిల్‌ పోరుకు అర్హత సాధించాడు. శుక్రవారం జరిగిన పురుషుల సింగిల్స్‌ తొలి సెమీఫైనల్లో ఐదో సీడ్‌ సిట్సిపాస్‌ 3 గంటల 37 నిమిషాల్లో 6–3, 6–3, 4–6, 4–6, 6–3తో ఆరో సీడ్‌ అలెగ్జాండర్‌ జ్వెరెవ్‌ (జర్మనీ)పై విజయం సాధించాడు. తద్వారా ఓ గ్రాండ్‌స్లామ్‌ టోర్నీలో ఫైనల్‌కు చేరిన తొలి గ్రీస్‌ ప్లేయర్‌గా సిట్సిపాస్‌ గుర్తింపు పొందాడు. గతంలో గ్రాండ్‌స్లామ్‌ టోర్నీలలో సిట్సిపాస్‌ అత్యుత్తమ ప్రదర్శన సెమీఫైనల్స్‌ (2019, 2021 ఆస్ట్రేలియన్‌ ఓపెన్‌; 2020 ఫ్రెంచ్‌ ఓపెన్‌) కావడం విశేషం. ఫ్రెంచ్‌ ఓపెన్‌లో తొలిసారి సెమీఫైనల్‌ చేరిన 24 ఏళ్ల జ్వెరెవ్‌ ఆరంభంలోనే తడబడ్డాడు. సిట్సిపాస్‌ ఆటతీరు ముందు ఎదురునిలువలేక వరుసగా రెండు సెట్‌లను కోల్పోయాడు. అయితే మూడో సెట్‌ నుంచి జ్వెరెవ్‌ ఆటతీరు గాడిలో పడింది. అనూహ్యంగా సిట్సిపాస్‌ ఒత్తిడికి లోనయ్యాడు. వరుసగా రెండు సెట్‌లను ఈ గ్రీస్‌ ప్లేయర్‌ సమర్పించుకున్నాడు. దాంతో మ్యాచ్‌ నిర్ణాయక ఐదో సెట్‌కు దారి తీసింది. నాలుగో గేమ్‌లో జ్వెరెవ్‌ సర్వీస్‌ను బ్రేక్‌ చేసి ఆ తర్వాత తన సర్వీస్‌ను నిలబెట్టుకున్న సిట్సిపాస్‌ 4–1తో ఆధిక్యంలోకి వెళ్లాడు. ఆ తర్వాత సిట్సిపాస్‌ తన రెండు సర్వీస్‌లను నిలబెట్టుకున్నాడు. తొమ్మిదో గేమ్‌లోని తన సర్వీస్‌లో ఏస్‌ సంధించి సిట్సిపాస్‌ విజయాన్ని ఖాయం చేసుకున్నాడు. మ్యాచ్‌ మొత్తంలో సిట్సిపాస్‌ ఎనిమిది ఏస్‌లు సంధించి, మూడు డబుల్‌ ఫాల్ట్‌లు చేశాడు. నెట్‌వద్దకు 33 సార్లు దూసుకొచ్చి 24 సార్లు పాయింట్లు సాధించాడు. తన సర్వీస్‌ను మూడుసార్లు కోల్పోయి జ్వెరెవ్‌ సర్వీస్‌ను ఐదుసార్లు బ్రేక్‌ చేశాడు. మరోవైపు జ్వెరెవ్‌ 11 ఏస్‌లు సంధించి, ఏడు డబుల్‌ ఫాల్ట్‌లు చేశాడు. నెట్‌వద్దకు 35 సార్లు దూసుకొచ్చి 23 సార్లు పాయింట్లు గెలిచాడు. సిట్సిపాస్‌ 43 అనవసర తప్పిదాలు... జ్వెరెవ్‌ 47 అనవసర తప్పిదాలు చేశారు. నాదల్, జొకోవిచ్‌ హోరాహోరీ డిఫెండింగ్‌ చాంపియన్‌ రాఫెల్‌ నాదల్‌ (స్పెయిన్‌), నంబర్‌వన్‌ జొకోవిచ్‌ (సెర్బియా) మధ్య రెండో సెమీఫైనల్‌ హోరాహోరీగా సాగుతోంది. తొలి సెట్‌ను నాదల్‌ 6–3తో సొంతం చేసుకున్నాడు. అతను రెండుసార్లు జొకోవిచ్‌ సర్వీస్‌ను బ్రేక్‌ చేశాడు. అనంతరం జొకోవిచ్‌ తేరుకొని రెండో సెట్‌ను 6–3తో గెల్చుకున్నాడు. ఈ సెట్‌లో నాదల్‌ సర్వీస్‌ను అతను రెండుసార్లు బ్రేక్‌ చేశాడు.

న్యూఢిల్లీ: ప్రతిష్టాత్మక చెస్‌ ఒలింపియాడ్‌లో భారత జట్టు  సెమీఫైనల్లోకి ప్రవేశించింది. కరోనా కారణంగా తొలిసారి ఆన్‌లైన్‌లో ఈ టోర్నీ జరుగుతోంది. శుక్రవారం జరిగిన క్వార్టర్‌ ఫైనల్లో భారత్‌ ఆర్మేనియాను ఓడించింది. తొలి రౌండ్‌ పోరులో భారత్‌ 3.5–2.5 పాయింట్ల తేడాతో ఆర్మేనియాపై విజయం సాధించింది. భారత్‌ తరఫున విదిత్‌ గుజరాతీ, ద్రోణవల్లి హారిక, నిహాల్‌ సరీన్‌ విజయాలు సాధించగా...కోనేరు హంపి, వంతిక అగర్వాల్‌ తమ ఆటలో పరాజయం పాలయ్యారు. ఇద్దరు దిగ్గజ ఆటగాళ్లు విశ్వనాథన్‌ ఆనంద్, ఆరోనియన్‌ లెవాన్‌ మధ్య పోరు ‘డ్రా’గా ముగిసింది. అనంతరం రెండో రౌండ్‌ పోరుకు భారత్‌ సన్నద్ధమైంది.   అప్పీల్‌ తిరస్కరణ...  అయితే భారత ఆటగాడు నిహాల్‌ సరీన్‌ చేతిలో ఆర్మేనియన్‌ మార్టిరోస్యాన్‌ హెయిక్‌ ఓడిన పోరు వివాదంగా మారింది. ఆట సాగుతున్న సమయంలో ఆన్‌లైన్‌ కనెక్షన్‌ పోయిందని ఆర్మేనియా జట్టు ‘ఫిడే’కు ఫిర్యాదు చేసింది. ఈ అప్పీల్‌పై సుదీర్ఘ సమయం పాటు విచారణ జరగగా... తమ వైపునుంచి ఇంటర్నెట్‌ కనెక్షన్‌ బాగుందని, నిర్వాహకుల ద్వారా సాంకేతిక లోపమే పరాజయానికి కారణమని ఆర్మేనియా వాదించింది. అయితే ఆ జట్టు అప్పీల్‌ను తిరస్కరించిన అప్పీల్స్‌ కమిటీ ఫలితంలో మార్పు లేదని ప్రకటించింది. ఆ తర్వాత కూడా ఆర్మేనియా తమ నిరసనను కొనసాగించింది. చివరకు తాము రెండో రౌండ్‌ ఆడమని, విత్‌డ్రా చేసుకుంటున్నట్లు చెబుతూ ‘డిఫాల్ట్‌’గా ప్రకటించింది. దాంతో భారత్‌ సెమీస్‌ చేరడం ఖాయమైంది. ఇదే టోర్నీలో మంగోలియాతో జరిగిన మ్యాచ్‌లో కూడా కోనేరు హంపి, విదిత్‌ గుజరాతి మధ్యలో ఇంటర్నెట్‌ కనెక్షన్‌ పోవడంతో ఓటమిపాలయ్యారు. అయితే భారత జట్టు మాత్రం అప్పీల్‌కు వెళ్లకుండా ఫలితాన్ని స్వీకరించింది. శనివారం అజర్‌బైజాన్, పోలండ్‌ మధ్య జరిగే మ్యాచ్‌ విజేతతో సెమీ ఫైనల్లో భారత్‌ తలపడుతుంది.    

చెన్నై: ‘ఫిడే’ మహిళల స్పీడ్‌ చెస్‌ చాంపియన్‌షిప్‌ గ్రాండ్‌ప్రి చివరిదైన నాలుగో అంచె పోటీల్లో భారత నంబర్‌వన్‌ క్రీడాకారిణి, ప్రపంచ మహిళల రాపిడ్‌ చెస్‌ చాంపియన్‌ కోనేరు హంపి సెమీ ఫైనల్లో ప్రవేశించింది. గురువారం జరిగిన క్వార్టర్‌ ఫైనల్‌ పోరులో హంపి 6–5తో వాలెంటినా గునినా (రష్యా)పై విజయం సాధించింది. సెమీస్‌ పోరులో ప్రపంచ నంబర్‌వన్‌ హూ యిఫాన్‌ (చైనా)తో హంపి తలపడుతుంది. హూ యిఫాన్‌ తన క్వార్టర్స్‌ మ్యాచ్‌లో 7.5–3.5తో జన్సయ అబ్దుమాలిక్‌ (కజకిస్తాన్‌)పై గెలుపొందింది. 

సిడ్నీ: మహిళల టి20 ప్రపంచ కప్‌లో భాగంగా జరగనున్న తొలి సెమీఫైనల్‌ మ్యాచ్‌కు వర్షం అడ్డంకిగా మారింది. సిడ్నీలో భారీ వర్షం కురుస్తుండటంతో టాస్‌ ఇంకా వేయలేదు. వర్షం తగ్గే సూచనలు కన్పించడం లేదని స్థానిక సమాచారం. కనీసం 10 ఓవర్లు మ్యాచ్‌ జరిగే పరిస్థితి లేదని తెలుస్తోంది. ఒకవేళ వర్షం తగ్గితే వెంటనే మ్యాచ్ జరిపేందుకు నిర్వాహకులు సిద్ధంగా ఉన్నారు. తొలి సెమీఫైనల్‌ మ్యాచ్‌లో ఇంగ్లండ్‌, భారత జట్లు తలపడనున్నాయి. రిజర్వ్‌ డే లేకపోవడంతో మ్యాచ్‌ను ఎట్టిపరిస్థితుల్లోనే ఈరోజే నిర్వహించాలి. ఒకవేళ మ్యాచ్‌ రద్దయితే భారత్‌ నేరుగా ఫైనల్‌కు చేరుకుంది. పాయింట్ల పట్టికలో అగ్రస్థానంలో ఉండటంతో భారత్‌కు ఫైనల్‌ చాన్స్‌ దక్కుతుంది. మొదటి మ్యాచ్‌ ముగిసిన తర్వాత ఆస్ట్రేలియా, దక్షిణాఫ్రికా జట్ల మధ్య జరగాల్సిన రెండో సెమీస్‌ రద్దయితే సఫారి టీమ్‌ ఫైనల్‌కు వెళుతుంది. గ్రూప్‌ ‘బి’లో దక్షిణాఫ్రికా అగ్రస్థానంలో నిలిచింది. (చదవండి: నాలుగో ప్రయత్నం ఫలిస్తుందా..!) రిజర్వ్‌ డే ఎందుకు లేదు? టోర్నీ ప్రారంభానికి ముందు అంగీకరించిన నిబంధనల్లో రిజర్వ్‌ డే ప్రస్తావన లేకపోవడంతో దీన్ని పెట్టలేదు. ఆలస్యంగా మేలుకున్న ఆస్ట్రేలియా క్రికెట్‌ బోర్డు (సీఏ) తర్వాత రిజర్వ్‌ డే గురించి అంతర్జాతీయ క్రికెట్‌ మండలి (ఐసీసీ) ఆశ్రయించినా ఫలితం లేకుండా పోయింది. ముందుగా అనుకున్నదాని ప్రకారం సెమీఫైనల్‌ మ్యాచ్‌ల కోసం రిజర్వ్‌ డే లేదని, చివరి నిమిషంలో షెడ్యూల్‌ మార్చలేమని సీఏకు ఐసీసీ స్పష్టం చేసింది. సెమీస్, ఫైనల్‌ మ్యాచ్‌లకు రిజర్వ్‌ డే పెడితే టోర్నీ వ్యవధి మరింత పెరుగుతుందని, ఇది అనవసరపు ఇబ్బందికి దారి తీస్తుందని కూడా ఐసీసీ వెల్లడించింది. ప్రస్తుత నిబంధనల ప్రకారం వర్షం పడితే పిచ్, మైదానం పరిస్థితులను బట్టి రిఫరీ నిర్ణయం తీసుకుంటారు. ఒకవేళ వర్షం కారణంగా ఫైనల్‌ మ్యాచ్‌ కూడా రద్దయితే రెండు జట్లను సంయుక్త విజేతలుగా ప్రకటిస్తారు.

పాచెఫ్‌స్ట్రూమ్‌ (దక్షిణాఫ్రికా) : అండర్‌ 19 వరల్డ్‌ కప్‌లో భాగంగా భారత్‌-పాకిస్తాన్‌ మధ్య జరుగుతున్న సెమీఫైనల్లో పాక్‌ జట్టు టీమిండియాకు 173 పరుగులను విజయలక్ష్యంగా నిర్ధేశించింది. భారత  బౌలర్ల దాటికి పాక్‌ జట్టు 43.1 ఓవరల్లో 172 పరుగులకు ఆలౌటైంది. ఆది నుంచే టీమిండియా బౌలర్లు లైన్‌ అండ్‌ లెంగ్త్‌తో కట్టుదిట్టమైన బంతులు వేస్తూ ప్రత్యర్థి జట్టును ఒక ఆట ఆడుకున్నారు. దీంతో పాక్‌ జట్టులో ముగ్గురు బ్యాట్సమెన్‌ తప్ప మిగతావారెవరూ రెండెంకల స్కోరు నమోదు చేయలేకపోయారు. దీంతో భారత బౌలర్లు ఎంత కట్టుదిట్టంగా బౌలింగ్‌ చేశారనేది అర్థమవుతుంది. పాక్‌ బ్యాట్సమెన్లలో ఓపెనర్‌ హైదర్‌ అలీ, కెప్టెన్‌ రోహైల్‌ నాజిర్‌లు అర్థ శతకాలతో రాణించడంతో పాక్‌ జట్టు ఆ మాత్రం స్కోరైనా సాధించగలిగింది. వీరిద్దరు తప్ప మిగతా బ్యాట్సమెన్‌ ఇలా వచ్చి అలా వెళ్లిపోయారు. కాగా భారత బౌలర్లలో సుషాంత్‌ మిశ్రా 3 వికెట్లతో రాణించగా , రవి బిష్ణోయ్‌, కార్తిక్ త్యాగి చెరో 2 వికెట్లు, అంకోల్కెర్‌, యశస్వి జైస్వాల్‌లు ఒక్కో వికెట్‌ తీశారు.(పాక్‌ పనిపడుతున్న టీమిండియా బౌలర్లు)

పాచెఫ్‌స్ట్రూమ్‌ (దక్షిణాఫ్రికా) : అండర్‌ 19 వరల్డ్‌ కప్‌లో భారత్‌- పాక్‌ మధ్య జరుగుతున్న సెమీఫైనల్‌ మ్యాచ్‌ రసవత్తరంగా సాగుతోంది. టాస్‌ గెలిచి బ్యాటింగ్‌ ఏంచుకొన్న పాక్‌ను టీమిండియా ముప్పతిప్పలు పెడుతుంది. భారత బౌలర్లు లైన్‌ అండ్‌ లెంగ్త్‌తో కట్టుదిట్టమైన బంతులు వేస్తూ ప్రత్యర్థి జట్టును రక్షణాత్మక ధోరణిలో పడేశారు. పాక్‌ జట్టు 27 ఓవర్లలో 100 పరుగులను అందుకుందంటే భారత బౌలర్లు ఎంత కట్టుదిట్టంగా బౌలింగ్‌ చేస్తున్నారనేది అర్థమవుతుంది. అంతకుముందు పాక్‌ ఓపెనర్‌ హైదర్‌ అలీ (56 పరుగులు, 9 ఫోర్ల)తో అర్థశతకం సాధించగా, మరో ఓపెనర్‌ మహ్మద్ హురైరా 4 పరుగుల వద్ద సుశాంత్‌ మిశ్రా బౌలింగ్‌లో సక్సేనాకు క్యాచ్‌ ఇచ్చి ఔటవ్వగా, వన్‌డౌన్‌లో వచ్చిన ఫవాద్‌ మునీర్‌ 16 బంతులు ఆడి పరుగులు ఏం చేయకుండానే రవి బిష్ణోయ్‌ చేతికి చిక్కాడు. తర్వాత వచ్చిన ఖాసీమ్‌ అక్రమ్‌ 9 పరుగుల వద్ద రవి బిష్ణోయ్‌ బౌలింగ్‌లో రనౌట్‌గా వెనుదిరిగాడు. ఈ దశలో క్రీజులోకి వచ్చిన మహ్మద్‌ హారిస్‌తో కలిసి పాక్‌ కెప్టెన్‌ నాజిర్‌ ఇన్నింగ్స్‌ను చక్కదిద్దే పనిలో పడ్డాడు. అయితే జట్టు స్కోరు 146 పరుగుల వద్ద ఉన్నప్పుడు రెండో స్పెల్‌కు వచ్చిన అధర్వ అంకోలేకర్ బౌలింగ్‌లో 21 పరుగులు చేసిన మహ్మద్‌ హారిస్‌ వెనుదిరిగాడు. ప్రసుత్తం పాక్‌ జట్టు 39 ఓవర్లలో 7వికెట్లు​ కోల్పోయి 163 పరుగులు చేసింది. పాక్‌ కెప్టెన్‌ రోహైల్‌ నాజిర్‌ 59 పరుగులు , తాహిర్‌ హుస్సేన్‌ 0పరుగుతో క్రీజులో ఉన్నారు.

పాచెఫ్‌స్ట్రూమ్‌ (దక్షిణాఫ్రికా) : అండర్‌-19 వరల్డ్‌ కప్‌లో భారత్‌తో జరుగుతున్న సెమీ ఫైనల్‌ మ్యాచ్‌లో పాకిస్తాన్‌ టాస్‌ గెలిచి బ్యాటింగ్‌ ఎంచుకుంది. ఈ మ్యాచ్‌లో ఇరు జట్లు ఎలాంటి మార్పులు లేకుండానే బరిలోకి దిగనున్నాయి. దాయాదుల మధ్య పోరు కావడం, గెలిచిన జట్టు ఫైనల్‌కు వెళ్లనుండటంతో అందరి దృష్టి ఈ మ్యాచ్‌పైనే ఉంది. ఇరు జట్లు కూడా లీగ్‌ దశలో అద్భుతమైన ఆట తీరు కనబరచడంతో ఈ మ్యాచ్‌పై మరింత ఆసక్తి నెలకొంది. అండర్‌-19 ప్రపంచకప్‌లో భారత్‌ ఆడిన 4 మ్యాచ్‌ల్లో విజయం సాధించిన సంగతి తెలిసిందే. క్వార్టర్స్‌ ఫైనల్‌ల్లో ఆస్ట్రేలియాపై విజయం సాధించిన భారత్‌ సెమీ ఫైనల్లో అడుగుపెట్టింది. మరోవైపు పాకిస్తాన్‌ ప్రపంచకప్‌లో మూడు మ్యాచ్‌లో విజయం సాధించగా.. బంగ్లాదేశ్‌తో మ్యాచ్‌లో మాత్రం ఫలితం తేలలేదు. టోర్నీలో భారత్‌ అత్యధిక స్కోరు 297 కాగా పాక్‌ 294 పరుగులు చేసింది. బౌలింగ్‌లో భారత్‌ మొత్తం 40 వికెట్లు పడగొట్టగా, పాక్‌ 39 వికెట్లు తీసింది. అండర్‌-19 ప్రపంచకప్‌లో భారత్‌, పాకిస్తాన్‌ల మధ్య మొత్తం 9 మ్యాచ్‌లు జరగగా.. భారత్‌ 4 గెలిచి, 5 ఓడింది. అయితే గత మూడు సమరాల్లో భారత్‌దే పైచేయి. 1988, 2002, 2004, 2006, 2010 లలో పాకిస్తాన్‌ గెలిస్తే.. 1998, 2012,2014, 2018లలో భారత్‌ విజయం సాధించింది. 

టోక్యో: రింగ్‌లోకి అడుగు పెట్టకుండానే ఆరుగురు భారత బాక్సర్లకు... క్వార్టర్‌ ఫైనల్లో విజయంతో మరో భారత బాక్సర్‌కు టోక్యో ఒలింపిక్స్‌ బాక్సింగ్‌ టెస్ట్‌ ఈవెంట్‌లో పతకాలు ఖాయమయ్యాయి. మంగళవారం మొదలైన ఈ టోర్నీలో పురుషుల 63 కేజీల విభాగం క్వార్టర్‌ ఫైనల్లో శివ థాపా 5–0తో యుకీ హిరకావ (జపాన్‌)పై గెలుపొంది సెమీఫైనల్లోకి ప్రవేశించి కనీసం కాంస్య పతకాన్ని ఖాయం చేసుకున్నాడు. తక్కువ ఎంట్రీల కారణంగా మరో ఆరుగురు భారత బాక్సర్లకు నేరుగా సెమీఫైనల్లో చోటు లభించడంతో వారి ఖాతాలో పతకాలు చేరనున్నాయి. మహిళల విభాగంలో తెలంగాణ బాక్సర్‌ నిఖత్‌ జరీన్‌ (51 కేజీలు), సిమ్రన్‌జిత్‌ కౌర్‌ (60 కేజీలు), పూజా రాణి (75 కేజీలు)... పురుషుల విభాగంలో సుమీత్‌ సాంగ్వాన్‌ (91 కేజీలు), ఆశిష్‌ (69 కేజీలు), వన్‌హిలిమ్‌పుయా (75 కేజీలు) నేరుగా సెమీఫైనల్‌ బౌట్‌లు ఆడనున్నారు.

9969 రోజులు... ఇంగ్లండ్‌ క్రికెట్‌ జట్టు ఆఖరిసారిగా ప్రపంచ కప్‌ ఫైనల్‌ ఆడి ఇన్నిరోజులైంది! అప్పటి నుంచి ఆ దేశపు అభిమానులు ఎదురు చూపులు చూస్తూనే ఉన్నారు. 1992 వరల్డ్‌ కప్‌ తర్వాత ఆరు టోర్నీలలో ఒక్కసారి కూడా సెమీస్‌ చేరలేకపోయిన ఇంగ్లండ్‌ ఇప్పుడు సొంతగడ్డపై ఎట్టకేలకు తుదిపోరుకు అర్హత సాధించింది. గతంలో మూడు ఫైనల్‌ పోరాటాల్లోనూ ఓడిన ఆ జట్టు నాలుగో సారి ఫైనల్లోకి అడుగుపెట్టి 44 ఏళ్ల తమ టైటిల్‌ కలను నెరవేర్చుకునేందుకు అడుగు దూరంలో నిలిచింది. 2015 ప్రపంచకప్‌లో లీగ్‌ దశలోనే నిష్క్రమించి పాతాళానికి పడిపోయిన ఇంగ్లండ్‌ కొత్తగా ఎగసి ఇప్పుడు డిఫెండింగ్‌ చాంపియన్, చిరకాల ప్రత్యర్థి ఆస్ట్రేలియానే చిత్తు చేసి ఫైనల్లోకి అడుగు పెట్టడం మరో విశేషం. బర్మింగ్‌హామ్‌: సెమీస్‌లో డిఫెండింగ్‌ చాంపియన్‌ ఆస్ట్రేలియా ఖేల్‌ ఖతమైంది. ఈ ప్రపంచకప్‌లో కొత్త చాంపియన్‌ ఖాయమైంది. గురువారం జరిగిన రెండో సెమీఫైనల్లో ఇంగ్లండ్‌ 8 వికెట్ల తేడాతో ఆస్ట్రేలియాపై జయకేతనం ఎగురవేసింది. ముందుగా బ్యాటింగ్‌కు దిగిన ఆస్ట్రేలియా 49 ఓవర్లలో 223 పరుగుల వద్ద ఆలౌటైంది. స్మిత్‌ (119 బంతుల్లో 85; 6 ఫోర్లు) ఒంటరి పోరాటం చేశాడు. ‘మ్యాన్‌ ఆఫ్‌ ద మ్యాచ్‌’ క్రిస్‌ వోక్స్‌ ప్రత్యర్థిని దెబ్బతీశాడు. లక్ష్యఛేదనకు దిగిన ఇంగ్లండ్‌ 32.1 ఓవర్లలో 2 వికెట్లు కోల్పోయి 226 పరుగులు చేసింది. ఓపెనర్‌ జేసన్‌ రా య్‌ (65 బంతుల్లో 85; 9 ఫోర్లు, 5 సిక్స్‌లు) మెరిపించాడు. మోర్గాన్‌ (39 బంతుల్లో 45 నాటౌట్‌), రూట్‌ (46 బంతుల్లో 49 నాటౌట్‌; 8 ఫోర్లు) రాణించారు. ఫించ్‌ 0... 14కే ముగ్గురు ఔట్‌ టాస్‌ నెగ్గిన ఆస్ట్రేలియా బ్యాటింగ్‌ ఎంచుకోగా, వార్నర్‌తో కలిసి ఓపెనింగ్‌ చేసిన కెప్టెన్‌ ఫించ్‌ (0) డకౌటయ్యాడు. ఇన్నింగ్స్‌ రెండో ఓవర్‌ తొలి బంతికే  ఆర్చర్‌ అతన్ని ఔట్‌ చేశాడు. మరుసటి ఓవర్లోనే వార్నర్‌ (9)ను పెవిలియన్‌ చేర్చిన వోక్స్,  హ్యాండ్స్‌కోంబ్‌ (4)ను బౌల్డ్‌ చేశాడు. 6.1 ఓవర్లలో ఆసీస్‌ స్కోరు 14/3. పట్టుమని పది ఓవర్ల ‘పవర్‌ప్లే’  పూర్తికాకముందే టాపార్డర్‌ వికెట్లను కోల్పోయిన కంగారూ జట్టు పీకల్లోతు కష్టాల్లో పడింది. ఆఖరి దాకా స్మిత్‌ ఒక్కడే... రెండో ఓవర్‌ రెండో బంతికే స్మిత్‌ ఆట మొదలైంది. అక్కడి నుంచి 47.1 ఓవర్‌ దాకా స్మిత్‌ జట్టును ఒడ్డున పడేసేందుకు చేసిన పోరాటం అద్వితీయం. హ్యాండ్స్‌కోంబ్‌ నిష్క్రమించాక వచ్చిన అలెక్స్‌ క్యారీ (70 బంతుల్లో 46; 4 ఫోర్లు)తో కలిసి ముందుగా వికెట్ల పతనాన్ని అడ్డుకున్నాడు. తర్వాత జాగ్రత్త పడుతూ... ఓపిగ్గా ఆడుతూ పరుగుల బాటపట్టాడు. ఇద్దరి జోడీ కుదురుకోవడంతో నెమ్మదిగానైనా జట్టు కోలుకుంది. 72 బంతుల్లో స్మిత్‌ అర్ధసెంచరీ పూర్తి చేసుకున్నాడు. నాలుగో వికెట్‌కు 103 పరుగులు జతయ్యాక జట్టు స్కోరు 117 పరుగుల వద్ద క్యారీని,  స్టొయినిస్‌ (0)ను రషీదే ఔట్‌ చేశాడు.  మళ్లీ కుదుపునకు గురైన స్మిత్‌ తన అసాధారణ పోరాటంతో జట్టును నిలబెట్టే ప్రయత్నం చేశాడు. ముందుగా మ్యాక్స్‌వెల్‌ (23 బంతుల్లో 22;  2 ఫోర్లు, 1 సిక్స్‌)తో కలిసి జట్టు స్కోరును 150 పరుగులు దాటించిన స్మిత్‌... టెయిలెండర్లతో కలిసి 200 పరుగుల దాకా తీసుకెళ్లాడు. కమిన్స్‌ (6) విఫలమైనా స్టార్క్‌ (36 బంతుల్లో 29; 1 ఫోర్, 1 సిక్స్‌) మెరుగ్గా ఆడటంతో జట్టు ఆ మాత్రమైనా చేయగలిగింది.    రాయ్‌ జోరు ఇంగ్లండ్‌ విజయలక్ష్యం 224. ఇదేమంత స్కోరే కాదు. కానీ కివీస్‌ చేతిలో జోరుమీదున్న భారత్‌ చిత్తవడం, ముందుగా బ్యాటింగ్‌ చేసిన ఆస్ట్రేలియా వికెట్ల విలాపంతో ఇంగ్లండ్‌ జాగ్రత్తపడింది. రాయ్, బెయిర్‌ స్టో (43 బంతుల్లో 34; 5 ఫోర్లు) మొదట్లో ఆచితూచి ఆడారు. పిచ్‌ను ఆకళింపు చేసుకున్నాక రాయ్‌ రఫ్ఫాడించడం మొదలుపెట్టాడు. స్టార్క్‌ వేసిన నాలుగో ఓవర్లో 2 బౌండరీలు కొట్టాడు. అతని మరుసటి ఓవర్లో భారీ సిక్సర్‌తో ఊపుతెచ్చాడు. పవర్‌ప్లే తర్వాత రాయ్‌ తన బ్యాటింగ్‌ పవర్‌ పెంచాడు. 11వ ఓవర్లో స్పిన్నర్‌ లయన్‌ను రంగంలో దించగా... రాయ్‌ సిక్సర్‌తో అతనికి స్వాగతం పలికాడు. మరో బౌండరీ కూడా కొట్టడంతో అతని ఓవర్లో 13 పరుగులు వచ్చాయి. స్టార్క్‌ వేసిన 15 ఓవర్లో రెండు ఫోర్లు కొట్టిన రాయ్‌ 50 బంతుల్లో ఫిఫ్టీ పూర్తి చేసుకున్నాడు. వికెట్‌ కోసం స్మిత్‌ బౌలింగ్‌తో ఆసీస్‌ ప్రయోగం చేసింది. అతను 16వ ఓవర్‌ వేయగా... రాయ్‌ ‘హ్యాట్రిక్‌’ సిక్సర్లతో విరుచుకుపడ్డాడు. ఈ ఓవర్లో 21 పరుగులు రాగా జట్టు స్కోరు 100 పరుగులు దాటేసింది. ఓపెనింగ్‌ జోడీ దుర్భేద్యంగా మారడంతో స్టార్క్‌ బౌలింగ్‌ను అదేపనిగా కొనసాగించాడు. ఈ ప్రయత్నంలో ఆసీస్‌ కెప్టెన్‌ ఫించ్‌ సఫలమయ్యాడు. 18వ ఓవర్లో బెయిర్‌స్టోను స్టార్క్‌ ఔట్‌ చేయడంతో 124 పరుగుల తొలి వికెట్‌ భాగస్వామ్యానికి తెరపడింది. కాసేపటికే కమిన్స్‌ బౌలింగ్‌లో అంపైర్‌ తప్పుడు నిర్ణయంతో రాయ్‌ ఔటయ్యాడు. అతని నిష్క్రమణతో కెప్టెన్‌ మోర్గాన్‌... రూట్‌కు జతయ్యాడు. జట్టు విజయానికి కేవలం 77 పరుగులే కావాలి. ఎలాంటి ఒత్తిడి లేని ఈ దశలో వీళ్లిద్దరు మరో వికెట్‌ పడకుండా... చక్కగా తమ పని పూర్తిచేశారు. ఇది  ఔటా! అ‘ధర్మసేన’ నిర్ణయంపై జేసన్‌ రాయ్‌ భగ్గుమన్నాడు. 20వ ఓవర్‌ నాలుగో బంతిని కమిన్స్‌ లెగ్‌సైడ్‌లో వేశాడు. పుల్‌షాట్‌కు ప్రయత్నించినా... బంతి బ్యాట్‌కు చిక్కకుండానే కీపర్‌ చేతుల్లో పడింది. కానీ కంగారూ ఆటగాళ్లంతా పెద్దగా అప్పీల్‌ చేసేసరికి ధర్మసేన (శ్రీలంక) తీరిగ్గా ఔటిచ్చాడు. బ్యాట్‌కు తగలనంత దూరం వెళ్లినా... ఔటేంటని రాయ్‌ తీవ్రంగా వాదించాడు. పిచ్‌పై నుంచి కదల్లేదు. మరో అంపైర్‌ ఎరాస్మస్‌ (దక్షిణాఫ్రికా) సర్దిచెప్పడంతో ఆగ్రహంగా పెవిలియన్‌కు వెళ్లిన రాయ్‌ తన గ్లవ్స్‌ను విసిరికొట్టడం కనిపించింది. రాయ్‌పై ఐసీసీ చర్య తీసుకుంది. మ్యాచ్‌ ఫీజులో 30 శాతం జరిమానాతో పాటు 2 డీ మెరిట్‌ పాయింట్లు శిక్షగా విధించింది. అయితే ఎలాంటి నిషేధానికి గురికాకపోవడం ఇంగ్లండ్‌కు పెద్ద ఊరట. స్కోరు వివరాలు ఆస్ట్రేలియా ఇన్నింగ్స్‌: వార్నర్‌ (సి) బెయిర్‌స్టో (బి) వోక్స్‌ 9; ఫించ్‌ ఎల్బీడబ్ల్యూ (బి) ఆర్చర్‌ 0; స్మిత్‌ రనౌట్‌ 85; హ్యాండ్స్‌కోంబ్‌ (బి) వోక్స్‌ 4; క్యారీ (సి) సబ్‌–విన్స్‌ (బి) రషీద్‌ 46; స్టొయినిస్‌ ఎల్బీడబ్ల్యూ (బి) రషీద్‌ 0; మ్యాక్స్‌వెల్‌ (సి) మోర్గాన్‌ (బి) ఆర్చర్‌ 22; కమిన్స్‌ (సి) రూట్‌ (బి) రషీద్‌ 6; స్టార్క్‌ (సి) బట్లర్‌ (బి) వోక్స్‌ 29; బెహ్రెన్‌డార్ఫ్‌ (బి) వుడ్‌ 1; లయన్‌ నాటౌట్‌ 5; ఎక్స్‌ట్రాలు 16; మొత్తం (49 ఓవర్లలో ఆలౌట్‌) 223.  వికెట్ల పతనం: 1–4, 2–10, 3–14, 4–117, 5–118, 6–157, 7–166, 8–217, 9–217, 10–223.  బౌలింగ్‌: వోక్స్‌ 8–0–20–3, ఆర్చర్‌ 10–0–32–2, స్టోక్స్‌ 4–0–22–0, వుడ్‌ 9–0–45–1, ప్లంకెట్‌ 8–0–44–0, రషీద్‌ 10–0–54–3.   ఇంగ్లండ్‌ ఇన్నింగ్స్‌: జేసన్‌ రాయ్‌ (సి) క్యారీ (బి) కమిన్స్‌ 85; బెయిర్‌ స్టో ఎల్బీడబ్ల్యూ (బి) స్టార్క్‌ 34; జో రూట్‌ నాటౌట్‌ 49; మోర్గాన్‌ నాటౌట్‌ 45; ఎక్స్‌ట్రాలు 13; మొత్తం (32.1 ఓవర్లలో 2 వికెట్లకు) 226. వికెట్ల పతనం: 1–124, 2–147. బౌలింగ్‌: బెహ్రెన్‌డార్ఫ్‌ 8.1–2–38–0, స్టార్క్‌ 9–0–70–1, కమిన్స్‌ 7–0–34–1, లయన్‌ 5–0–49–0, స్మిత్‌ 1–0–21–0, స్టొయినిస్‌ 2–0–13–0.   ఆర్చర్‌ బౌన్సర్‌ ధాటికి విలవిల్లాడిన క్యారీ... బ్యాండేజ్‌తో బ్యాటింగ్‌ కొనసాగించి కీలక ఇన్నింగ్స్‌ ఆడాడు.

ప్రతిష్టాత్మక ప్రపంచ కప్‌ సెమీఫైనల్‌ మ్యాచ్‌కు వరుణ దేవుడు అడ్డు పడ్డాడు. భారత్, న్యూజిలాండ్‌ మధ్య పోరులో ఒక ఇన్నింగ్సూ పూర్తిగా ముగియకుండానే వర్షం కారణంగా ఆటకు అంతరాయం కలిగింది. అయితే వరల్డ్‌ కప్‌ నాకౌట్‌ నిబంధనల ప్రకారం ‘రిజర్వ్‌ డే’ అయిన నేడు  మ్యాచ్‌ కొనసాగుతుంది. 46.1 ఓవర్ల వద్ద కివీస్‌ ఇన్నింగ్స్‌ నిలిచిపోగా... ఇప్పుడు అక్కడి నుంచే బుధవారం ఆట జరుగుతుంది. భారత బౌలర్లు చెలరేగడంతో స్వల్ప స్కోరు మాత్రమే చేయగలిగిన కివీస్‌ మిగిలిన 3.5 ఓవర్లలో మరికొన్ని పరుగులు జోడించే అవకాశం ఉంది. రెండో రోజు వాన దెబ్బ లేకుండా సెమీస్‌ సజావుగా సాగితే భారీ బ్యాటింగ్‌ లైనప్‌ కలిగిన టీమిండియాకు లక్ష్యాన్ని ఛేదించడంలో ఇబ్బంది ఉండకపోవచ్చు. ఒకవేళ నేడు కూడా మ్యాచ్‌ మధ్యలో వర్షం కారణంగా ఆటకు అంతరాయం కలిగితే డక్‌వర్త్‌ లూయిస్‌ పద్ధతి ప్రకారం భారత లక్ష్యాన్ని సవరిస్తారు. భారత ఇన్నింగ్స్‌లో కనీసం 20 ఓవర్లు కూడా సాధ్యంకాకపోతే మ్యాచ్‌ రద్దయినట్లు ప్రకటిస్తారు. ఈ నేపథ్యంలో నిబంధనల ప్రకారం లీగ్‌ దశలో టాప్‌ ర్యాంక్‌లో నిలిచిన భారత జట్టు ఫైనల్‌కు చేరుకుంటుంది.    మాంచెస్టర్‌: ప్రపంచ కప్‌ తొలి సెమీస్‌ మ్యాచ్‌ రెండో రోజుకు చేరింది. సుదీర్ఘ సమయం పాటు కురిసిన వర్షం కారణంగా మంగళవారం ఆట అర్ధాంతరంగా నిలిచిపోయింది. టాస్‌ గెలిచి బ్యాటింగ్‌ ఎంచుకున్న న్యూజిలాండ్‌ మ్యాచ్‌ ఆగిపోయే సమయానికి 46.1 ఓవర్లలో 5 వికెట్ల నష్టానికి 211 పరుగులు చేసింది. రాస్‌ టేలర్‌ (85 బంతుల్లో 67 బ్యాటింగ్‌; 3 ఫోర్లు, 1 సిక్స్‌), విలియమ్సన్‌ (95 బంతుల్లో 67; 6 ఫోర్లు) అర్ధ సెంచరీలు సాధించారు. ఐదుగురు భారత బౌలర్లు తలా ఒక వికెట్‌ తీశారు. ప్రస్తుతం టేలర్‌తో పాటు లాథమ్‌ (3 బ్యాటింగ్‌) క్రీజ్‌లో ఉన్నాడు.   ఎదురుచూపులు... కివీస్‌ ఇన్నింగ్స్‌లో భువనేశ్వర్‌ వేసిన 47వ ఓవర్‌ తొలి బంతికి టేలర్‌ రెండు పరుగులు తీశాడు. ఈ దశలో వర్షం వచ్చింది. కొన్ని చినుకుల వరకు అంపైర్లు ఆగినా... చహల్‌ మైదానంలో జారడం, వాన పెరిగితే పిచ్‌ పాడయ్యే ప్రమాదం ఉండటంతో వెంటనే ఆటను నిలిపివేశారు. భారత కాలమానం ప్రకారం సా. 6.30 గంటలకు ఆట ఆగిపోయింది. ఆ తర్వాతి నుంచి వర్షం పెరగడం, మధ్యలో కొంత తెరిపినిచ్చినా పూర్తిగా తగ్గకపోవడంతో గంటలు గడిచిపోయాయి. దాదాపు రెండున్నర గంటల తర్వాత వాన ఆగడంతో అంపైర్లు పరిస్థితిని సమీక్షించేందుకు సిద్ధమయ్యారు. అయితే ఆ వెంటనే మళ్లీ వర్షం వచ్చింది. కివీస్‌ ఇన్నింగ్స్‌ను అంతటితో ఆపివేసి భారత్‌ కనీసం 20 ఓవర్లు ఆడే అవకాశం ఇవ్వాలన్నా రాత్రి గం.11.05కు ఆట ఆరంభం కావాల్సింది. కానీ అలాంటి పరిస్థితి కనిపించలేదు. చివరకు రాత్రి గం.10.52కు మంగళవారం ఆటను యథాతథ స్థితిలో నిలిపివేస్తున్నట్లు ప్రకటించారు.   బౌలర్లు భళా... న్యూజిలాండ్‌ను ప్రపంచ కప్‌ ఆసాంతం వేధించిన ఓపెనింగ్‌ సమస్య సెమీస్‌లోనూ కొనసాగింది. భువీ, బుమ్రా వేసిన తొలి రెండు ఓవర్లు మెయిడిన్లుగా ముగియగా, తీవ్రంగా ఇబ్బంది పడుతూ ఆడిన గప్టిల్‌ (1)ను చక్కటి బంతితో బుమ్రా పెవిలియన్‌ పంపించాడు. స్లిప్‌లో కోహ్లి అద్భుత రీతిలో ఈ క్యాచ్‌ను అందుకున్నాడు. ఎనిమిదో ఓవర్‌ చివరి బంతికి గానీ తొలి ఫోర్‌ కొట్టలేకపోయిన కివీస్‌... తొలి 10 ఓవర్లలో 27 పరుగులే చేయగలిగింది. ఈ దశలో నికోల్స్‌ (51 బంతుల్లో 28; 2 ఫోర్లు), విలియమ్సన్‌ కలిసి జట్టును ఆదుకునే ప్రయత్నం చేశారు. రెండో వికెట్‌కు వీరిద్దరు 68 పరుగులు జత చేశారు. అయితే భారత బౌలర్లు కట్టుదిట్టంగా బంతులు వేయడంతో కివీస్‌ స్కోరు బాగా నెమ్మదిగా సాగింది. ఈ జోడి కుదురుకుంటున్న దశలో జడేజా టర్నింగ్‌ బంతితో నికోల్స్‌ స్టంప్స్‌ను పడగొట్టాడు. దాంతో ఇన్నింగ్స్‌ను చక్కదిద్దే బాధ్యత కెప్టెన్‌తో పాటు మరో సీనియర్‌ టేలర్‌పై పడింది. అయితే ఈ జంట కూడా బౌలింగ్‌ను సమర్థంగా ఎదుర్కోలేక మరీ నెమ్మదిగా ఆడింది. ఒక దశలో 80 బంతుల పాటు న్యూజిలాండ్‌ ఫోర్‌ కూడా కొట్టలేకపోయింది!  ఎట్టకేలకు చహల్‌ ఓవర్లో రెండు ఫోర్లు సాధించిన కివీస్‌ తడబాటును అధిగమించే ప్రయత్నం చేసింది. ఈ క్రమంలో విలియమ్సన్‌ 79 బంతుల్లో అర్ధ సెంచరీ పూర్తి చేసుకున్నాడు. 65 పరుగుల మూడో వికెట్‌ భాగస్వామ్యానికి విలియమ్సన్, టేలర్‌ ఏకంగా 102 బంతులు తీసుకున్నారు. చివరకు చహల్‌ బౌలింగ్‌లో చెత్త షాట్‌కు విలియమ్సన్‌ ఔటయ్యాడు. వెంటనే నీషమ్‌ (12), గ్రాండ్‌హోమ్‌ (16) పెవిలియన్‌ చేరారు. మరో వైపు చహల్‌ బౌలింగ్‌లో సిక్సర్‌తో టేలర్‌ 73 బంతుల్లో హాఫ్‌ సెంచరీ మార్క్‌ను చేరుకున్నాడు. చివర్లో భారత బౌలర్లు కట్టు తప్పడంతోపాటు నాసిరకమైన ఫీల్డింగ్‌తో 5 ఓవర్లలో కివీస్‌ 47 పరుగులు చేయగలిగింది. వారి ఇన్నింగ్స్‌లో 153 డాట్‌ బాల్స్‌ ఉండటం ఆ జట్టు బ్యాటింగ్‌ వైఫల్యానికి నిదర్శనం. మ్యాచ్‌ రద్దయితే... మనమే ఫైనల్‌కు వాతావరణ శాఖ అంచనా ప్రకారం మాంచెస్టర్‌లో బుధవారం కూడా పరిస్థితి అంత మెరుగ్గా ఏమీ లేదు. ఒక వేళ మ్యాచ్‌ సమయంలో మళ్లీ వర్షం పడితే కివీస్‌ ఇన్నింగ్స్‌ను అక్కడితోనే ముగించి డక్‌వర్త్‌ లూయిస్‌ ప్రకారం భారత్‌కు లక్ష్యాన్ని నిర్దేశించే అవకాశం ఉంది. కనీసం 20 ఓవర్ల ఆట సాధ్యమైనా డక్‌వర్త్‌ లూయిస్‌ వర్తిస్తుంది. అదీ జరగకుండా పూర్తిగా రద్దయితే మాత్రం లీగ్‌ దశలో టాప్‌ ర్యాంలో నిలిచిన భారత్‌ ఫైనల్‌కు చేరుతుంది. నిజానికి మంగళవారం మళ్లీ వర్షం రావడమే భారత్‌కు మంచిదైంది. మ్యాచ్‌ను 20 ఓవర్లకు కుదిస్తే టీమిండియా విజయానికి 148 పరుగులు చేయాల్సిన స్థితిలో ఉంది. టి20 స్టార్లు టీమ్‌లో ఉన్నా...వర్షం ఆగిన తర్వాత పిచ్‌లో వచ్చే మార్పు, మబ్బు పట్టిన వాతావరణంలో కివీస్‌ బౌలర్లు స్వింగ్‌తో చెలరేగిపోయే ప్రమాదం ఉండేది. అదే జరిగితే భారత్‌కు ఛేదన కష్టంగా మారిపోయేదేమో! తొలి బంతికే రివ్యూ పోయింది! భువనేశ్వర్‌ వేసిన మ్యాచ్‌ తొలి బంతి గప్టిల్‌ ప్యాడ్లను తాకడంతో భారత ఆటగాళ్లు ఎల్బీడబ్ల్యూ కోసం గట్టిగా అప్పీల్‌ చేశారు. అయితే అంపైర్‌ కెటిల్‌బరో తిరస్కరించడంతో కోహ్లి రివ్యూ కోరాడు. రీప్లేలో బంతి లెగ్‌స్టంప్‌కు దూరంగా వెళుతున్నట్లు తేలింది. దాంతో గప్టిల్‌ బతికిపోగా... మొదటి బంతికే రివ్యూ కోల్పోయిన భారత్‌ తీవ్రంగా నిరాశ చెందింది. స్కోరు వివరాలు   న్యూజిలాండ్‌ ఇన్నింగ్స్‌: గప్టిల్‌ (సి) కోహ్లి (బి) బుమ్రా 1; నికోల్స్‌ (బి) రవీంద్ర జడేజా 28; విలియమ్సన్‌ (సి) జడేజా (బి) చహల్‌ 67; టేలర్‌ (బ్యాటింగ్‌) 67; నీషమ్‌ (సి) కార్తీక్‌ (బి) పాండ్యా 12; గ్రాండ్‌హోమ్‌ (సి) ధోని (బి) భువనేశ్వర్‌ 16; లాథమ్‌ (బ్యాటింగ్‌) 3; ఎక్స్‌ట్రాలు 17; మొత్తం (46.1 ఓవర్లలో 5 వికెట్లకు) 211.   వికెట్ల పతనం: 1–1, 2–69, 3–134, 4–162, 5–200. బౌలింగ్‌: భువనేశ్వర్‌ 8.1–1–30–1; బుమ్రా 8–1–25–1; పాండ్యా 10–0–55–1, రవీంద్ర జడేజా 10–0–34–1, చహల్‌ 10–0–63–1.  87 ఏళ్ల భారత అభిమాని చారులత ఉత్సాహం

‘భారత్‌ సెమీఫైనల్‌ ప్రత్యర్థి న్యూజిలాండ్‌’ శనివారం అర్ధరాత్రి దాటాక ఆస్ట్రేలియా, దక్షిణాఫ్రికా మ్యాచ్‌ ఫలితం వచ్చాక సగటు టీమిండియా అభిమానిని ఒకింత సంతోషపర్చిన మాట ఇది! కివీస్‌తో పోరు అనగానే ఇక గెలుపు ఖాయం అన్నట్లుగా అన్ని వైపుల నుంచి ఫ్యాన్స్‌ నిశ్చింతంగా కనిపిస్తున్నారు. ఫైనల్‌ ప్రత్యర్థి గురించి మాత్రమే చర్చిస్తున్నారు. మరి నిజంగా ప్రపంచ కప్‌ సెమీఫైనల్‌ మాత్రం అంత ఏకపక్షంగా సాగుతుందా? అద్భుత విజయాలతో ఊపు మీదున్న భారత జట్టు నాకౌట్‌ ఒత్తిడిని అధిగమించి అలవోకగా న్యూజిలాండ్‌కు చెక్‌ పెడుతుందా? ఎనిమిది మ్యాచ్‌లలో ఒకే ఒక ఓటమి మినహా ఏడు సాధికారిక విజయాలతో సెమీస్‌ చేరిన జట్టు మనదైతే... పాక్‌తో సమానంగా ఐదు విజయాలే సాధించినా, వరుసగా గత మూడు మ్యాచ్‌లలో ఓడిన తర్వాత కూడా రన్‌రేట్‌ రూపంలో అదృష్టం కలిసొచ్చి ముందంజ వేసిన టీమ్‌ న్యూజిలాండ్‌. బలబలాల పరంగా ప్రత్యర్థి కంటే ఎంతో మెరుగ్గా కనిపిస్తున్న కోహ్లి సేనకే విజయావకాశాలు కనిపిస్తున్నాయి. అయితే ఐసీసీ టోర్నీలో అనూహ్య ప్రదర్శన కనబర్చడం అలవాటుగా మార్చుకున్న కివీస్‌ అంత సులువుగా లొంగుతుందా? ఫుట్‌బాల్‌ సంగతేమో కానీ ఇప్పుడు మాత్రం మాంచెస్టర్‌ మొత్తం నీలి రంగు పులుముకుంది. విండీస్‌తో మ్యాచ్‌ తర్వాత కోహ్లి చేసిన వ్యాఖ్య ఇది. అంతకుముందు ఇదే మైదానంలో పాకిస్తాన్‌తో పోరులో కూడా ‘మెన్‌ ఇన్‌ బ్లూ’ అభిమాన సంద్రం తరలి వచ్చింది. ఒక రకంగా సొంతగడ్డలా కనిపిస్తోన్న ఓల్డ్‌ ట్రఫోర్డ్‌లో కోహ్లి సేన ముందు ‘బ్లాక్‌ క్యాప్స్‌’ నిలవగలదా? మూడోసారి జగజ్జేతగా నిలిచేందుకు రెండడుగుల దూరంలో ఉన్న భారత్‌కు లార్డ్స్‌ ప్రయాణంకంటే ముందు కివీస్‌ సవాల్‌ ఎదురుగా నిలిచింది. ఈ నేపథ్యంలో ఇక అందరి కళ్లూ భారత్‌–న్యూజిలాండ్‌ తొలి సెమీస్‌పైనే ఉన్నాయి.    మాంచెస్టర్‌: ప్రపంచ కప్‌ లీగ్‌ దశలో భారత్, న్యూజిలాండ్‌ మధ్య జరగాల్సిన మ్యాచ్‌ వర్షం కారణంగా రద్దు కావడంతో ‘ఫేస్‌ టు ఫేస్‌’లో ఆధిపత్యం ఎవరిదో తేలలేదు. ప్రాక్టీస్‌ మ్యాచ్‌లో మనపై కివీస్‌ చెలరేగినా అది అసలు సమరం మాత్రం కానే కాదు. ఇప్పు డు ఇరు జట్లు నేరుగా నాకౌట్‌ మ్యాచ్‌లోనే తలపడుతున్నాయి. నేడు ఇక్కడి ఓల్డ్‌ ట్రఫోర్డ్‌ మైదానంలో జరిగే తొలి సెమీఫైనల్‌ మ్యాచ్‌లో న్యూజిలాండ్‌ను భారత్‌ ఎదుర్కోనుంది. 2015లోనూ భారత్‌ సెమీస్‌ చేరి ఆసీస్‌ చేతిలో ఓడగా... కివీస్‌ తుదిపోరుకు అర్హత సాధించి అక్కడ కుదేలైంది. ఇటీవలే కోహ్లి, బుమ్రా లేకుండానే కివీస్‌ను వారి సొంతగడ్డపైనే వన్డే సిరీస్‌లో 4–1తో చిత్తు చేసిన భారత్‌కు ప్రత్యర్థి బలహీనతలపై పక్కా అవగాహన ఉందనడంలో సందేహం లేదు.   మార్పులు ఉంటాయా... వరుస విజయాలతో జోరు మీదున్న జట్టు నాకౌట్‌ మ్యాచ్‌కు వెళుతుంటే సహజంగానే మార్పులకు ఆస్కారం ఉండదు. భారత జట్టు కూడా దాదాపు అదే తరహాలో ఆలోచిస్తోంది. అనితర సాధ్యమైన రీతిలో ఐదు సెంచరీలతో రోహిత్‌ శర్మ చెలరేగి ఆడుతుండగా, కోహ్లి ఈసారి సహాయక పాత్రలో సమర్థంగా రాణించాడు. ఓపెనర్‌గా రాహుల్‌ సఫలం కావడం కూడా భారత్‌లో ఆందోళన తగ్గించింది. అయితే సెమీఫైనల్‌ ఆరంభ ఓవర్లలో వీరంతా బౌల్ట్‌ను సమర్థంగా ఎదుర్కోవడం ముఖ్యం. బౌల్ట్‌కు అవకాశమిస్తే అతను మొత్తం బ్యాటింగ్‌ను కుప్పకూల్చగలడు. నాలుగో స్థానంలో పంత్‌ సామర్థ్యంపై కొంత అపనమ్మకం కనిపిస్తున్నా, అతని స్థానానికి ఢోకా లేదు. పాండ్యా దూకుడును కొనసాగించాల్సి ఉండగా... ధోని ఈసారి ఒక గొప్ప ఇన్నింగ్స్‌ ఆడకపోతాడా అని అంతా ఆశగా ఎదురు చూస్తున్నారు. లంకతో మ్యాచ్‌లో ధోనికి బ్యాటింగ్‌ చేయాల్సిన అవసరం రాలేదు. ఓవరాల్‌గా తన బ్యాటింగ్‌పై అత్తెసరు మార్కులే వేయించుకున్న మాజీ కెప్టెన్‌ కూడా చెలరేగితే టీమిండియాకు తిరుగుండదు. ఇద్దరు రెగ్యులర్‌ పేసర్లతోనే ఆడితే గత మ్యాచ్‌లాగే రవీంద్ర జడేజా కొనసాగే అవకాశం ఉంది. అయితే పిచ్‌ను బట్టి అవసరమైతే ప్రత్యామ్నాయ స్పిన్నర్‌గా పనికొస్తాడు కాబట్టి దినేశ్‌ కార్తీక్‌ స్థానంలో కేదార్‌ జాదవ్‌ తిరిగి రావచ్చు. అయితే లంకతో మ్యాచ్‌లో పాండ్యా కూడా పూర్తి పది ఓవర్ల కోటా వేశాడు కాబట్టి ఈ మార్పు సందేహమే.   విలియమ్సన్‌ మినహా... టోర్నీ ఆరంభంలో చెలరేగిన న్యూజిలాండ్‌ ఆ తర్వాత తడబడింది. తమ చివరి మూడు మ్యాచ్‌లలో పరాజయాలే అందుకు నిదర్శనం. సరిగ్గా చెప్పాలంటే ఒక్క కెప్టెన్‌ విలియమ్సన్‌ మినహా మిగతా వారంతా అంతంత మాత్రంగానే ఆడుతున్నారు. సీనియర్‌ రాస్‌ టేలర్‌ కూడా వరుసగా విఫలమవుతుండటంతో ఆ జట్టు బ్యాటింగ్‌ బలహీనంగా కనిపిస్తోంది. గప్టిల్‌ ఘోరంగా ఆడుతుండగా... రెండో ఓపెనర్‌గా మార్చి మార్చి మున్రో, నికోల్స్‌లను ఆడించినా ఇద్దరూ చేతులెత్తేశారు. మిడిలార్డర్‌లో కీపర్‌ లాథమ్‌ పర్వాలేదనిపిస్తున్నాడు. ఆల్‌రౌండర్లుగా నీషమ్, గ్రాండ్‌హోమ్‌ తమ విలువను చూపిస్తే కివీస్‌ పరిస్థితి మెరుగ్గా ఉంటుంది. సౌతీ స్థానంలో ఫాస్ట్‌ బౌలర్‌ ఫెర్గూసన్‌ రావడం ఖాయమైంది. మూడో పేసర్‌ హెన్రీ స్థానంలో లెగ్‌ స్పిన్నర్‌ సోధికి అవకాశం ఇవ్వాలని కూడా కివీస్‌ మేనేజ్‌మెంట్‌ ఆలోచిస్తోంది. గత రెండు మ్యాచ్‌లలో సాన్‌ట్నర్‌ను తప్పించి రెండో స్పిన్నర్‌ లేని కొరత ఆ జట్టులో బాగా కనిపించింది. పోరాటపటిమలో ఎక్కడా తగ్గని న్యూజిలాండ్‌ జట్టు వరుసగా రెండోసారి ఫైనల్‌కు చేరాలని పట్టుదలగా ఉంది.   సెమీఫైనల్‌ రోజున మాంచెస్టర్‌లో కొంత వర్షసూచన ఉన్నా, అది మ్యాచ్‌కు అంతరాయం కలిగించకపోవచ్చు. ఒకవేళ మంగళవారం మ్యాచ్‌ జరగకపోతే రిజర్వ్‌ డే బుధవారం దానిని నిర్వహిస్తారు. రిజర్వ్‌ డే రోజు కూడా మ్యాచ్‌ సాధ్యం కాకపోతే గ్రూప్‌ దశలో ఎక్కువ పాయింట్లు సాధించిన జట్టు (భారత్‌) ఫైనల్లోకి ప్రవేశిస్తుంది. మ్యాచ్‌ రోజున ఒక జట్టు ఇన్నింగ్స్‌ పూర్తయి రెండో జట్టు ఇన్నింగ్స్‌ ప్రారంభమై మధ్యలో ఆగిపోతే (డక్‌వర్త్‌ లూయిస్‌ పద్ధతిలోనూ విజేత తేలకపోతే)... ఎక్కడ ఆట ఆగిపోయిందో అక్కడి నుంచే మ్యాచ్‌ను  రిజర్వ్‌ డే రోజున కొనసాగిస్తారు. ఒకవేళ సెమీఫైనల్‌ మ్యాచ్‌ ‘టై’గా ముగిస్తే విజేతను నిర్ణయించేందుకు టి20 తరహాలో ‘సూపర్‌ ఓవర్‌’ నిర్వహిస్తారు. ఒకవేళ వర్షం కారణంగా మ్యాచ్‌ రోజు సూపర్‌ ఓవర్‌ సాధ్యపడకపోతే రిజర్వ్‌ డే రోజున సూపర్‌ ఓవర్‌ వేయిస్తారు. ఒకవేళ వర్షం కారణంగా రిజర్వ్‌ డే రోజున కూడా సూపర్‌ ఓవర్‌ వీలుకాకపోతే లీగ్‌ దశలో ఎక్కువ పాయింట్లు సాధించిన జట్టు (భారత్‌) ఫైనల్‌కు చేరుతుంది. పిచ్, వాతావరణం ఓల్డ్‌ ట్రఫోర్డ్‌ మైదానం బ్యాటింగ్‌కు అనుకూలం. భారీ స్కోర్లకు అవకాశం ఉంది. భారత్‌ ఇప్పటికే ఇక్కడ పాక్, విండీస్‌లపై గెలవగా... కివీస్‌ చేతిలో విండీస్‌ త్రుటిలో ఓడింది ఇక్కడే. మోర్గాన్‌ 17 సిక్సర్లు ఇదే స్టేడియంలో బాదాడు. అయితే ఈ మ్యాచ్‌కు కొత్తగా వేసిన పిచ్‌ను వాడుతున్నారు. టాస్‌ గెలిచిన జట్టు ముందుగా బ్యాటింగ్‌ చేయడం ఖాయం. ఈ ప్రపంచకప్‌లో ఈ మైదానంలో జరిగిన 5 లీగ్‌ మ్యాచ్‌లలో తొలుత బ్యాటింగ్‌ చేసిన జట్టే గెలిచింది. ప్రపంచ కప్‌ రెండో దశకు వచ్చేసరికి పిచ్‌లు జీవం కోల్పోయి రెండో ఇన్నింగ్స్‌లో బ్యాటింగ్‌ చేయడం కష్టంగా మారిపోయింది. గత 20 మ్యాచ్‌లలో రెండోసారి బ్యాటింగ్‌ చేసిన టీమ్‌ 4 మ్యాచ్‌లే గెలవగలిగింది. తుది జట్లు (అంచనా)   భారత్‌: కోహ్లి (కెప్టెన్‌), రోహిత్, రాహుల్, పంత్, ధోని, పాండ్యా, కార్తీక్‌/జాదవ్, జడేజా, భువనేశ్వర్, కుల్దీప్, బుమ్రా.   న్యూజిలాండ్‌: విలియమ్సన్‌ (కెప్టెన్‌), గప్టిల్, మున్రో, టేలర్, లాథమ్, నీషమ్, గ్రాండ్‌హోమ్, సాన్‌ట్నర్, ఫెర్గూసన్, బౌల్ట్, హెన్సీ/సోధి.    బౌల్ట్‌ X రోహిత్‌   రోహిత్‌ శర్మ ప్రపంచకప్‌లో ఇప్పటికే 647 పరుగులు సాధించాడు. సచిన్‌ చేసిన ఆల్‌టైమ్‌ వరల్ట్‌ కప్‌ రికార్డు (673)ని దాటేందుకు కేవలం 27 పరుగుల దూరంలో ఉన్న అతను సెమీస్‌లోనూ చెలరేగితే భారత్‌కు తిరుగుండదు. కాబట్టి అతడిని ఆపేందుకు కివీస్‌ తమ ‘ట్రంప్‌ కార్డ్‌’ ట్రెంట్‌ బౌల్ట్‌ను ప్రయోగిస్తుందనడంలో సందేహం లేదు. బౌల్ట్‌ బౌలింగ్‌లో రోహిత్‌ రికార్డు గొప్పగా లేదు. ముఖ్యంగా లెఫ్టార్మ్‌ పేసర్లు వేసే ఇన్‌స్వింగర్లను ఎదుర్కోవడంలో అతని బలహీనత చాలా సార్లు బయటపడింది. వార్మప్‌ మ్యాచ్‌లో కూడా బౌల్ట్‌ సరిగ్గా ఇలాంటి బంతితోనే రోహిత్‌ను ఎల్బీగా ఔట్‌ చేశాడు. ఈసారి రోహిత్‌ అతడిని ఎంత బాగా ఎదుర్కొంటాడో చూడాలి. వన్డేల్లో బౌల్ట్‌ బౌలింగ్‌లో 136 బంతులు ఎదుర్కొన్న రోహిత్‌ 64.7 స్ట్రయిక్‌ రేట్‌తో 88 పరుగులు మాత్రమే చేయగలిగాడు. నాలుగుసార్లు అతని బౌలింగ్‌లో ఔటయ్యాడు.   3-3 ప్రపంచకప్‌లో ఆరుసార్లు సెమీఫైనల్‌ చేరిన భారత్‌ 3సార్లు ఓడి (1987, 1996, 2015) మూడుసార్లు ఫైనల్‌ చేరింది. ఇందులో 2003 ఫైనల్లో ఆస్ట్రేలియా చేతిలో ఓడగా.. 1983, 2011లలో విజేతగా నిలిచింది.  1-6 ప్రపంచ కప్‌లో ఏడుసార్లు సెమీస్‌ చేరిన న్యూజిలాండ్‌ 2015లో ఫైనల్‌ చేరడం మినహా మిగతా ఆరు సార్లు (1975, 1979, 1992, 1999, 2007, 2011) సెమీస్‌లోనే ఓడింది. అత్యధికంగా ఆరు సార్లు సెమీస్‌లో ఓడిన రికార్డు కివీస్‌ పేరిటే ఉంది. 4-3 ప్రపంచకప్‌లో భారత్, న్యూజిలాండ్‌ జట్లు ఏడుసార్లు తలపడ్డాయి. నాలుగు మ్యాచ్‌ల్లో న్యూజిలాండ్‌ గెలిచింది. మూడు మ్యాచ్‌ల్లో భారత్‌కు విజయం దక్కింది. ఈ రెండు జట్లు 2003 తర్వాత మళ్లీ ఓ ప్రపంచకప్‌ మ్యాచ్‌లో అమీతుమీ తేల్చుకోనుండటం విశేషం. 2003 ప్రపంచకప్‌ మ్యాచ్‌లో న్యూజిలాండ్‌పై భారత్‌ ఏడు వికెట్లతో గెలిచింది.   

మాంచెస్టర్‌: ప్రపంచ కప్‌ ఆసాంతం నిరాశజనక ప్రదర్శన కనబర్చిన దక్షిణాఫ్రికా తమ ఆఖరి మ్యాచ్‌లో డిఫెండింగ్‌ చాంపియన్‌ ఆస్ట్రేలియాను ఓడించింది. శనివారం ఇక్కడ జరిగిన ప్రపంచ కప్‌ చివరి లీగ్‌ మ్యాచ్‌లో దక్షిణాఫ్రికా 10 పరుగుల తేడాతో ఆస్ట్రేలియాపై గెలిచింది. ప్రపంచకప్‌ మ్యాచ్‌లో ఆస్ట్రేలియాపై దక్షిణాఫ్రికా గెలవడం 1992 తర్వాత ఇదే తొలిసారి. 326 పరుగుల విజయలక్ష్యంతో బరిలోకి దిగిన ఆస్ట్రేలియా 49.5 ఓవర్లలో 315 పరుగులకు ఆలౌటై  ఓడిపోయింది. ఓపెనర్‌ డేవిడ్‌ వార్నర్‌ (117 బంతుల్లో 122; 15 ఫోర్లు, 2 సిక్స్‌లు) అద్భుత సెంచరీ చేసినా... అలెక్స్‌ క్యారీ (69 బంతుల్లో 85; 11 ఫోర్లు, సిక్స్‌) మెరిసినా ఫలితం లేకపోయింది. ఫించ్‌ (3), స్మిత్‌ (7), స్టొయినిస్‌ (22), మ్యాక్స్‌వెల్‌ (12) తక్కువ స్కోరుకే వెనుదిరిగారు. దక్షిణాఫ్రికా బౌలర్లలో రబడ (3/56), ప్రిటోరియస్‌ (2/27), ఫెలుక్వాయో (2/22) రాణించారు. 4 వికెట్లకు 119 పరుగులతో కష్టాల్లో పడిన ఆసీస్‌ను వార్నర్‌ ఆదుకున్నాడు. అలెక్స్‌ క్యారీతో కలిసి ఐదో వికెట్‌కు 108 పరుగులు జోడించాడు. దక్షిణాఫ్రికా శిబిరంలో ఆందోళన పెంచాడు. అయితే 40వ ఓవర్లో ప్రిటోరియస్‌ బౌలింగ్‌లో మోరిస్‌ కళ్లు చెదిరే క్యాచ్‌ పట్టడంతో వార్నర్‌ ఔటయ్యాడు. దాంతో ఆసీస్‌ జట్టు విజయంపై ఆశలు  వదులుకుంది. అంతకుముందు టాస్‌ గెలిచి బ్యాటింగ్‌ ఎంచుకున్న దక్షిణాఫ్రికా నిర్ణీత 50 ఓవర్లలో 6 వికెట్ల నష్టానికి 325 పరుగులు చేసింది. కెప్టెన్‌ డు ప్లెసిస్‌ (94 బంతుల్లో 100; 7 ఫోర్లు, 2 సిక్స్‌లు) చక్కటి సెంచరీ సాధించాడు. డుసెన్‌ (97 బంతుల్లో 95; 4 ఫోర్లు, 4 సిక్స్‌ల) త్రుటిలో సెంచరీ అవకాశం చేజార్చుకున్నాడు. ఓపెనర్‌ డికాక్‌ (51 బంతుల్లో 52; 7 ఫోర్లు) అర్ధ సెంచరీ చేశాడు. ఆసీస్‌ బౌలర్లలో స్టార్క్‌ (2/59), లయన్‌ (2/53) రెండేసి వికెట్లు తీశారు.  లీగ్‌ దశ మ్యాచ్‌లు ముగిశాక భారత్‌ 15 పాయింట్లతో టాప్‌ ర్యాంక్‌లో నిలువగా... 14 పాయింట్లతో ఆస్ట్రేలియా రెండో స్థానంలో నిలిచింది. 12 పాయింట్లతో ఇంగ్లండ్‌ మూడో స్థానంలో, 11 పాయింట్లతో న్యూజిలాండ్‌ నాలుగో స్థానంలో నిలిచాయి. ఈనెల 9న మాంచెస్టర్‌లో జరిగే తొలి సెమీఫైనల్లో న్యూజిలాండ్‌తో భారత్‌; బర్మింగ్‌హామ్‌లో 11న జరిగే రెండో సెమీఫైనల్లో ఇంగ్లండ్‌తో ఆస్ట్రేలియా తలపడతాయి.

కరాచీ : న్యూజిలాండ్‌పై ఇంగ్లండ్‌ విజయం సాధించడంతో పాకిస్తాన్‌కు దాదాపు సెమీస్‌ దారులు మూసుకపోయాయి. ప్రపంచకప్‌ లీగ్‌లో భాగంగా చివరి మ్యాచ్‌ బంగ్లాదేశ్‌తో పాక్‌ తలపడనుంది. ఈ మ్యాచ్‌లో పాక్‌ 316 పరుగుల తేడాతో గెలిస్తేగానీ నాకౌట్‌కు వెళ్లే అవకాశం లేదు. దీంతో ప్రపంచకప్‌ నుంచి పాక్‌ నిష్క్రమించడం ఖాయమని క్రీడా పండితులు పేర్కొంటున్నారు. ఇప్పటికే టీమిండియాపై ఓడిపోయాక పాక్‌ ఆటగాళ్లపై దుమ్మెత్తిపోస్తున్న ఆ దేశ అభిమానులు, మాజీ క్రికెటర్లు తాజాగా సెమీస్‌ ఆశలు గల్లంతవ్వడంతో మరింత విరుచకుపడుతున్నారు. అయితే మాజీ సారథి మొయిన్‌ ఖాన్‌ మాత్రం పాక్‌ ఆటగాళ్లకు మద్దతుగా నిలుస్తున్నాడు.  ‘1992 ప్రపంచకప్‌ ఫలితాన్ని రిపీట్‌ చేస్తుందని అందరం భావించాం. కానీ సెమీస్‌కు వెళ్లకుండానే వెనుదిరగడం నిరాశ కలిగించేదే. అయితే ఈ ప్రపంచకప్‌లో సర్ఫరాజ్‌ బృందం శక్తి మేర పోరాడింది. స్పూర్తిదాయకమైన ఆటతీరుతో ఆకట్టుకుంది. ఈ ప్రపంచకప్‌లో మరీ అంత చెత్త ప్రదర్శన చేయలేదు. వారిని నిదించాల్సిన అవసరంలేదు. ఆటగాళ్లను మార్చాలని అందరూ అంటున్నారు. కానీ ఆటగాళ్లను, బాధ్యతలను మార్చినంత మాత్రాన ప్రదర్శన మారదు. టీమిండియాపై ఆస్ట్రేలియా ఓడిపోయినా.. తిరిగి పుంజుకొని పాయింట్ల పట్టికలో ఆగ్రస్థానానికి ఎగబాకింది. కానీ పాక్‌ మాత్రం అలా చేయలేకపోయంది. ఆటగాళ్లకు, కోచింగ్‌ బృందానికి ఆటపై మక్కువ, గెలుపు కోసం ఎందాకైనా పోరాడే తెగింపు ఉండాలి’అంటూ మొయిన్‌ ఖాన్‌ పేర్కొన్నాడు. ఇక ప్రపంచకప్‌లో తమ జట్టు చెత్త ప్రదర్శనపై పాకిస్తాన్‌ క్రికెట్‌ బోర్డు(పీసీబీ) ఓ కమిటీని ఏర్పాటు చేసింది. గత మూడేళ్లుగా పాక్‌ ప్రదర్శనపై నివేదిక సమర్పించాలని.. అంతేకాకుండా భవిష్యత్‌ ప్రణాళికలపై కూడా సలహాలు ఇవ్వాలని కమిటీని కోరింది. ఇక సారథ్య బాధ్యతల నుంచి సర్ఫరాజ్‌ను తప్పించాలని పెద్ద మొత్తంలో వాదనలు వినిపిస్తున్నాయి. 

బర్మింగ్‌హామ్‌ : హాట్‌ ఫేవరెట్‌గా ప్రపంచ కప్‌ను మొదలుపెట్టి, ఓ దశలో అనూహ్య ఓటములతో ముప్పు కొనితెచ్చుకున్న ఆతిథ్య ఇంగ్లండ్‌.. కీలక సమయంలో జూలు విదిల్చి 1992 తర్వాత ప్రపంచకప్‌లో మళ్లీ సెమీఫైనల్‌ మెట్టెక్కింది. ప్రపంచకప్‌లో భాగంగా న్యూజిలాండ్‌తో జరిగిన డూ ఆర్‌ డై మ్యాచ్‌లో ఆతిథ్య ఇంగ్లండ్‌ 119 పరుగుల తేడాతో భారీ విజయం అందుకుని నాకౌట్‌కు దూసుకెళ్లింది. అయితే మూడో స్థానంలో ఉన్న ఇంగ్లండ్‌.. సెమీస్‌లో ఏ జట్టును(ఆస్ట్రేలియా లేక భారత్‌)ఎదుర్కొంటుంది అనే అంశంపై ఆ దేశ అభిమానులు, మాజీ క్రికెటర్లు తీ​వ్రంగా చర్చిస్తున్నారు.  తాజాగా ఈ అంశంపై ఇంగ్లండ్‌ మాజీ సారథి మైకెల్‌ వాన్‌ న్యూజిలాండ్‌ మ్యాచ్‌ అనంతరం ట్విటర్‌ వేదికగా స్పందించాడు. ‘ అద్భుతమైన ప్రదర్శన. గత కొద్ది రోజులుగా ఇంగ్లండ్‌ మానసికంగా ధృడంగా ఉంది. సరైన సమయంలో చాంపియన్‌ ఆట తీరును ప్రదర్శించింది. బర్మింగ్‌హామ్‌కు టీమిండియాను తీసుకరండి’అంటూ ట్వీట్‌ చేశాడు. వాన్‌ ట్వీట్‌పై నెటిజన్లు మిశ్రమంగా స్పందిస్తున్నారు. ఆస్ట్రేలియాను ఓడించే ఇంగ్లండ్‌ ఫైనల్‌కు చేరుతుందని ఇది గుర్తుపెట్టుకోండి అంటూ కామెంట్‌ చేస్తున్నారు. (చదవండి: క్రికెట్‌ను వదిలేస్తున్నా...) ప్రస్తుత సారథి ఇయాన్‌ మోర్గాన్‌ కూడా ఇంగ్లండ్‌ సెమీస్‌కు చేరడం పట్ల ఆనందం వ్యక్తం చేశాడు. భారత్‌ను ఓడించిన బర్మింగ్‌హామ్‌లోనే సెమీస్‌ ఆడనుండటం తమకు కలిసొచ్చే అంశమని మోర్గాన్‌ పేర్కొన్నాడు. ఇక లీగ్‌ మ్యాచ్‌లో భాగంగా శనివారం భారత్‌ శ్రీలంకతో, ఆసీస్‌ దక్షిణాఫ్రికాతో తలపడనున్నాయి. ఈ మ్యాచ్‌ల్లో ఆసీస్‌, భారత్‌ గెలిస్తే.. సెమీస్‌లో ఇంగ్లండ్‌తో కోహ్లి సేన తలపడుతుంది. ఒకవేళ ఆసీస్‌ను సఫారీ జట్టు ఓడించి.. శ్రీలంకపై భారత్‌ గెలిస్తే సమీకరణాలు పూర్తిగా మారతాయి. పాయింట్ల పట్టికలో ఆగ్రస్థానంలో ఉండే భారత్‌ సెమీస్‌లో కివీస్‌ను ఎదుర్కొనే అవకాశం ఉంటుంది.  చదవండి: కోహ్లి సేనకు ఇంగ్లండ్‌ గండం తప్పాలంటే.. కనీసం 316 పరుగులతో గెలవాలి..అయితేనే!!

ఈ ప్రపంచకప్‌లో రోహిత్‌ జోరు, భారత్‌ స్కోర్లను చూస్తుంటే ఇక టీమిండియాకు తిరుగులేదనే అనిపిస్తుంది. తాజాగా బంగ్లా పనిపట్టింది. చక్కగా సెమీఫైనల్‌ చేరింది. ఈ టోర్నీలో మేటి జట్లకు దీటుగా రాణిస్తున్న బంగ్లాదేశ్‌ ఆట లీగ్‌ దశలోనే ముగిసింది. ఇక కోహ్లి సేన లక్ష్యం అగ్రస్థానంలో నిలవడమే! ఆఖరి మ్యాచ్‌లో లంకను ఓడిస్తే సెమీస్‌ పరీక్షను ఆత్మవిశ్వాసంతో ఎదుర్కోవచ్చని భావిస్తోంది.   బర్మింగ్‌హామ్‌: ఒక్క పరాజయం ఎదురైందో లేదో వెంటనే టీమిండియా పుంజుకుంది. బంగ్లాదేశ్‌పై అదరగొట్టింది. మంగళవారం జరిగిన మ్యాచ్‌లో 28 పరుగుల తేడాతో విజయం సాధించింది. సగర్వంగా భారత్‌ సెమీఫైనల్లోకి అడుగుపెట్టింది.  ముందుగా బ్యాటింగ్‌కు దిగిన భారత్‌ నిర్ణీత 50 ఓవర్లలో 9 వికెట్ల నష్టానికి 314 పరుగులు చేసింది. ఈ మెగా ఈవెంట్‌లో ‘హిట్‌మ్యాన్‌’ రోహిత్‌ (92 బంతుల్లో 104; 7 ఫోర్లు, 5 సిక్స్‌లు) మళ్లీ సెంచరీతో చెలరేగాడు. కేఎల్‌ రాహుల్‌ (92 బంతుల్లో 77; 6 ఫోర్లు, 1 సిక్స్‌) రాణించాడు. ముస్తఫిజుర్‌ రహ్మాన్‌కు 5 వికెట్లు దక్కాయి. తర్వాత కష్టసాధ్యమైన లక్ష్యాన్ని ఛేదించేందుకు బరిలోకి దిగిన బంగ్లాదేశ్‌ 48 ఓవర్లలో 286 పరుగులకు ఆలౌటైంది. షకీబ్‌ (74 బంతుల్లో 66; 6 ఫోర్లు), సైఫుద్దీన్‌ (38 బంతుల్లో 51 నాటౌట్‌; 9 ఫోర్లు) రాణించారు. భారత బౌలర్లలో బుమ్రా 4 వికెట్లు తీశాడు. రోహిత్‌కు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది. ఇరు జట్లు రెండేసి మార్పులతో బరిలోకి దిగాయి. టీమిండియా తరఫున కుల్దీప్, కేదార్‌ స్థానాల్లో భువనేశ్వర్, దినేశ్‌ కార్తీక్‌ బరిలోకి దిగారు. రుబెల్‌ హొస్సేన్, షబ్బీర్‌ రహ్మాన్‌ బంగ్లా తుదిజట్టులోకి వచ్చారు. సూపర్‌ హిట్‌ జోడి... ధావన్‌ గాయపడగానే భారత్‌కు పెద్ద దెబ్బనుకున్నాం. కానీ ఆ లోటు మాత్రం లేనేలేదు. రాహుల్, రోహిత్‌లిద్దరు కీలకమైన మ్యాచ్‌ల్లో శుభారంభాలిస్తున్నారు. ఈ మ్యాచ్‌లోనూ అదే చేశారు. టాస్‌ నెగ్గగానే కోహ్లి బ్యాటింగ్‌కే ఓటేశాడు. ఆ వెంటే రాహుల్, రోహిత్‌ల జోడి బలమైన భాగస్వామ్యానికి ధాటిగా పునాదులు వేశారు. ఎడ్జ్‌బాస్టన్‌ మైదానంలో ఫోర్లు, సిక్సర్లు అవలీలగా బాదుతుంటే స్కోరు జోరందుకుంది. తొలి 10 ఓవర్లలో వికెట్‌ కోల్పోకుండా 69 పరుగులు చేసిన భారత ఓపెనర్లు భారీ భాగస్వామ్యాన్ని నెలకొలిపే పనిలో అర్ధసెంచరీలు పూర్తి చేసుకున్నారు. రోహిత్‌ 45 బంతుల్లో, రాహుల్‌ 57 బంతుల్లో ఫిఫ్టీలు చేశారు. చేతిలో ఉన్న బౌలింగ్‌ వనరులన్నీ ఉపయోగించినా... 20 ఓవర్లు పూర్తయినా... ఒక్క వికెట్‌ కూడా పడగొట్టలేకపోయిన బంగ్లా బౌలర్లు మరింత నీరసించారు. రోహిత్‌ శతకం బంగ్లా బౌలర్లకు కొరకరాని కొయ్యగా మారిన రోహిత్‌... వీలుచిక్కితే సిక్స్, కుదిరితే బౌండరీలుగా బాదుతుంటే స్కోరు అమాంతం పెరుగుతూ పోయింది. 23.1 ఓవర్లోనే భారత్‌ స్కోరు 150కి చేరింది. రోహిత్‌ 90 బంతుల్లోనే సెంచరీ సాధించాడు. ఈ టోర్నీలో అతనికిది నాలుగో సెంచరీ కావడం విశేషం. పైగా 29వ ఓవర్లోనే సెంచరీ కొట్టడంతో అభిమానులు డబుల్‌ సెంచరీకి అవకాశముందనుకున్నారు. అందుకేనేమో 30వ ఓవర్లో అతను ఔట్‌ కాగానే భారత ప్రేక్షకులు తీవ్రంగా నిరాశచెందారు. సౌమ్య సర్కార్‌ బౌలింగ్‌లో రోహిత్‌ వెనుదిరగడంతో 180 పరుగుల భారీ భాగస్వామ్యానికి తెరపడింది. స్వల్పవ్యవధిలో రాహుల్‌ను రూబెల్‌ పెవిలియన్‌ చేర్చాడు. ముస్తఫిజుర్‌ దెబ్బ... భారత్‌ జోరు, స్కోరు చూస్తే 350 పైచిలుకు గ్యారంటీ అనే అనుకున్నారంతా కానీ ముస్తఫిజుర్‌ బౌలింగ్‌ నైపుణ్యం భారత బ్యాట్స్‌మెన్‌ను కట్టడి చేసింది. ఓపెనర్లు ఔటయ్యాక కెప్టెన్‌ కోహ్లి, రిషభ్‌ పంత్‌ స్కోరు పెంచే బాధ్యతను తీసుకున్నారు. ఈ దశలో ఇన్నింగ్స్‌ 39వ ఓవర్‌ వేసిన ముస్తఫిజుర్‌... కోహ్లి (26), హార్దిక్‌ పాండ్యా (0)లను ఔట్‌ చేయడంతో స్కోరు వేగం మందగించింది. ధాటిగా ఆడుతున్న పంత్‌ (41 బంతుల్లో 48; 6 ఫోర్లు, 1 సిక్స్‌)ను షకీబ్‌ పెవిలియన్‌ చేర్చగా, మిగతా బ్యాట్స్‌మెన్‌ దినేశ్‌ కార్తీక్‌ (8), భువనేశ్వర్‌ (2), షమీ (1) తేలిపోయారు. ధోని (33 బంతుల్లో 35; 4 ఫోర్లు) ఆఖరి ఓవర్‌దాకా ఉన్నా మళ్లీ విమర్శలపాలయ్యే ఆటే ఆడాడు. ఆఖరి 10 ఓవర్లలో కేవలం 63 పరుగులే చేసిన భారత్‌ 5 వికెట్లను కోల్పోయింది.   షకీబ్‌ మరో అర్ధసెంచరీ... భారీ లక్ష్యాన్ని ఛేదించేందుకు బరిలోకి దిగిన బంగ్లాదేశ్‌కు పదో ఓవర్‌ నుంచి కష్టాలు మొదలయ్యాయి. ఓపెనర్లు తమీమ్‌ ఇక్బాల్, సౌమ్య సర్కార్‌ల జోరు లేకపోయినా... క్రీజులో పాతుకుపోతున్న దశలో షమీ తొలిదెబ్బ తీశాడు. తమీమ్‌ (22)ను క్లీన్‌బౌల్డ్‌ చేశాడు. దీంతో సర్కార్‌కు సూపర్‌ ఫామ్‌లో ఉన్న షకీబ్‌ అల్‌ హసన్‌ జతయ్యాడు. 12వ ఓవర్లో జట్టు 50 పరుగులను అధిగమించింది. 16వ ఓవర్‌ వేసిన హార్దిక్‌... సర్కార్‌ (38 బంతుల్లో 33; 4 ఫోర్లు)ను ఔట్‌ చేయడంతో 74 పరుగుల వద్ద రెండో వికెట్‌ కూలింది. అనంతరం షకీబ్, ముష్ఫికర్‌ జట్టు స్కోరును వందకు చేర్చారు. ముష్ఫికర్‌ మూడో వికెట్‌కు 47 పరుగులు జతయ్యాయో లేదో ముష్ఫికర్‌ (23 బంతుల్లో 24, 3 ఫోర్లు)ను చహల్‌ ఔట్‌ చేశాడు. ఇలా భారత బౌలర్లు  ప్రత్యర్థి జట్టు బలమైన భాగస్వామ్యాలు నమోదు చేయకుండా తలా ఒక చెయ్యివేశారు. 30వ ఓవర్లో పాండ్యా బౌలింగ్‌లో లిటన్‌ దాస్‌ (24 బంతుల్లో 22; 1 సిక్స్‌) ఔట్‌ కావడంతో బంగ్లా ఆశలు ఆవిరయ్యాయి. 58 బంతుల్లో అర్ధసెంచరీ పూర్తి చేసుకున్న షకీబ్‌ ఆ తర్వాత ఎక్కువ సేపు క్రీజులో నిలువలేకపోయాడు. మొసద్దిక్, షకీబ్‌ వరుస ఓవర్లలో నిష్క్రమించడంతో 179 పరుగులకే 6 వికెట్లు కోల్పోయింది. టెయిలెండర్లు షబ్బీర్‌ (36 బంతు ల్లో 36; 5 ఫోర్లు), సైఫుద్దీన్‌ కాసేపు పోరాడినప్పటికీ లక్ష్యానికి అవేమాత్రం సరిపోలేదు. ఒకే ఓవర్లో రూబెల్‌ (9), ముస్తఫిజుర్‌ (0)లను బౌల్డ్‌ చేసిన బుమ్రా బంగ్లా ఇన్నింగ్స్‌ను ముగించాడు. ఔటెందుకివ్వరు భారత కెప్టెన్‌ కోహ్లి ఫీల్డు అంపైర్లతో వాదనకు దిగాడు. సౌమ్య సర్కార్‌ ఎల్బీడబ్ల్యూ అప్పీల్‌ను ఔటెందుకు ఇవ్వరని తీవ్ర అసహనం వ్యక్తం చేశాడు. షమీ వేసిన ఇన్నింగ్స్‌ 12 ఓవర్లో బంతి సర్కార్‌ ప్యాడ్లను తాకింది. వెంటనే భారత ఆటగాళ్లంతా గట్టిగా అప్పీల్‌ చేసినా ఫీల్డ్‌ అంపైర్‌ ఎరాస్మస్‌ తిరస్కరించాడు. దీనిపై ఆలస్యంగా... అసహనంతో డీఆర్‌ఎస్‌కు వెళ్లాడు. పలుమార్లు రీప్లే చూశాక నాటౌట్‌ అని ప్రకటించారు. అయితే గత మ్యాచ్‌లో రోహిత్‌కు ఇలాంటి పరిస్థితి ఎదురైనపుడు ఔటిచ్చారు కదాని కాస్త గట్టిగానే వాదించాడు. 9 పరుగుల వద్ద బతికిపోయి... రోహిత్‌ పరుగుల ఖాతా సిక్సర్‌తో మొదలైంది. అలా మొదలైన ఇన్నింగ్స్‌ 9 పరుగుల వద్దే ముగియాల్సింది. దురదృష్టం తమీమ్‌ చేతుల్లోంచి జారితే... అదృష్టం రోహిత్‌ బ్యాట్‌ను తాకింది. తమీమ్‌ క్యాచ్‌ మిస్‌ చేయడం. తదనంతరం అతను మూడంకెల స్కోరు దాకా చెలరేగడం జరిగిపోయాయి. తొలిఓవర్లోనే స్క్వేర్‌ లెగ్‌లో సిక్స్‌ కొట్టాడు రోహిత్‌. ఐదో ఓవర్‌ను ముస్తఫిజుర్‌ వేసే సమయానికి  మరో మూడే పరుగులు జతచేశాడు. నాలుగో బంతిని డీప్‌ స్కేర్‌ లెగ్‌లో గాల్లోకి లేపాడు. తమీమ్‌ సునాయాస క్యాచ్‌ను నేలపాలు చేయడంతో బతికిపోయిన హిట్‌మ్యాన్‌ శతక్కొట్టాడు. ఈ టోర్నీలో దక్షిణాఫ్రికా, ఇంగ్లండ్‌లపై సాధించిన సెంచరీలు కూడా క్యాచ్‌ మిస్‌అయ్యాకే సాధించాడు. 87 ఏళ్ల అభిమానం! భారత్, బంగ్లా మధ్య మ్యాచ్‌లో ఒక వృద్ధ మహిళా అభిమాని ఉత్సాహం అందరినీ ఆకర్షించింది. 87 ఏళ్ల ఆమె పేరు చారులత పటేల్‌. భారత్‌ బ్యాటింగ్‌ చేస్తున్న సమయంలో చిన్నపిల్లలకు ఏమాత్రం తగ్గకుండా బూర ఊదుతూ ఆమె చూపించిన జోష్‌కు అటు ఆటగాళ్లు, ఇటు కామెంటేటర్లు ఫిదా అయ్యారు. 1983లో కపిల్‌ డెవిల్స్‌ లార్డ్స్‌లో ప్రపంచ కప్‌ గెలిచినప్పుడు అక్కడే ఉన్నానని చెప్పిన ‘ఫ్యాన్‌ ఆఫ్‌ ద డే’...మ్యాచ్‌ తర్వాత తన వద్దకు అభిమానంతో వచ్చిన కోహ్లి, రోహిత్‌లపై ఆప్యాయత కురిపిస్తూ భారత్‌ మళ్లీ టైటిల్‌ గెలుస్తుందని నమ్మకం వ్యక్తం చేసింది. స్కోరు వివరాలు భారత్‌ ఇన్నింగ్స్‌: రాహుల్‌ (సి) ముష్ఫికర్‌ (బి) రూబెల్‌ 77; రోహిత్‌ (సి) లిటన్‌ దాస్‌ (బి) సర్కార్‌ 104; కోహ్లి (సి) రూబెల్‌ (బి) ముస్తఫిజుర్‌ 26; రిషభ్‌ (సి) మొసద్దిక్‌ (బి) షకీబ్‌ 48; హార్దిక్‌ (సి) సర్కార్‌ (బి) ముస్తఫిజుర్‌ 0; ధోని (సి) షకీబ్‌ (బి) ముస్తఫిజుర్‌ 35; దినేశ్‌ కార్తీక్‌ (సి) మొసద్దిక్‌ (బి) ముస్తఫిజుర్‌ 8; భువనేశ్వర్‌ రనౌట్‌ 2; షమీ (బి) ముస్తఫిజుర్‌ 1; బుమ్రా నాటౌట్‌ 0; ఎక్స్‌ట్రాలు 13; మొత్తం (50ఓవర్లలో 9 వికెట్లకు) 314. వికెట్ల పతనం: 1–180, 2–195, 3–237, 4–237, 5–277, 6–298, 7–311, 8–314, 9–314. బౌలింగ్‌: మొర్తజా 5–0–36–0, సైఫుద్దీన్‌ 7–0–59–0, ముస్తఫిజుర్‌ 10–1–59–5, షకీబ్‌ 10–0–41–1, మొసద్దిక్‌ 4–0–32–0, రూబెల్‌ 8–0–48–1, సౌమ్య సర్కార్‌ 6–0–33–1. బంగ్లాదేశ్‌ ఇన్నింగ్స్‌: తమీమ్‌ (బి) షమీ 22; సర్కార్‌ (సి) కోహ్లి (బి) హార్దిక్‌ 33; షకీబ్‌ (సి) దినేశ్‌ కార్తీక్‌ (బి) హార్దిక్‌ 66; ముష్ఫికర్‌ (సి) షమీ (బి) చహల్‌ 24; లిటన్‌ దాస్‌ (సి) దినేశ్‌ కార్తీక్‌ (బి) హార్దిక్‌ 22; మొసద్దిక్‌ (బి) బుమ్రా 3; షబ్బీర్‌ (బి) బుమ్రా 36; సైఫుద్దీన్‌ నాటౌట్‌ 51; మొర్తజా (సి) ధోని (బి) భువనేశ్వర్‌ 8; రూబెల్‌ (బి) బుమ్రా 9; ముస్తఫిజుర్‌ (బి) బుమ్రా 0; ఎక్స్‌ట్రాలు 12; మొత్తం ( 48 ఓవర్లలో ఆలౌట్‌) 286. వికెట్ల పతనం: 1–39, 2–74, 3–121, 4–162, 5–173, 6–179, 7–245, 8–257, 9–286, 10–286. బౌలింగ్‌: భువనేశ్వర్‌ 9–0–51–1, బుమ్రా 10–1–55–4, షమీ 9–0–68–1, చహల్‌ 10–0–50–1, హార్దిక్‌ 10–0–60–3.   2: సచిన్‌ (రెండు సార్లు) తర్వాత ఒకే ప్రపంచకప్‌లో 500కు పైగా పరుగులు చేసిన రెండో భారత ఆటగాడు రోహిత్‌ శర్మ. సచిన్‌ 1996 (523 పరుగులు), 2003 (673 పరుగులు)లలో ఈ ఘనత సాధించాడు.   2: కుమార సంగక్కర (2015లో) తర్వాత ఒకే ప్రపంచ కప్‌లో 4 సెంచరీలు చేసిన రెండో ఆటగాడు రోహిత్‌ శర్మ. గత ప్రపంచకప్‌లో బంగ్లాపై చేసిన సెంచరీతో కలిపి రోహిత్‌ చేసిన మొత్తం శతకాల సంఖ్య 5. సచిన్‌ మాత్రమే 6 సెంచరీలు సాధించాడు.  26: రోహిత్‌ వన్డే సెంచరీల సంఖ్య. ఓవరాల్‌ జాబితాలో సచిన్‌ (49), కోహ్లి (41), పాంటింగ్‌ (30), జయసూర్య (28), ఆమ్లా (27) తర్వాత అతను ఆరో స్థానంలో ఉన్నాడు.   230: వన్డేల్లో రోహిత్‌ సిక్సర్ల సంఖ్య. ధోని (228)ని అధిగమించగా... అఫ్రిది (351), గేల్‌ (326), జయసూర్య (270) మాత్రమే ముందున్నారు.   1: ఒకే ప్రపంచకప్‌లో 500కు పైగా పరుగులు చేసి కనీసం 10 వికెట్లు పడగొట్టిన తొలి ఆటగాడు షకీబ్‌ అల్‌ హసన్‌

వరల్డ్‌ నంబర్‌వన్‌ జట్టు హోదాలో, సొంతగడ్డపై ప్రపంచకప్‌ ఫేవరెట్‌గా భారీ అంచనాలతో బరిలోకి దిగిన ఇంగ్లండ్‌ బ్యాటింగ్‌ కోటకు బీటలు పడుతున్నాయి. గత మ్యాచ్‌లో అనూహ్యంగా శ్రీలంక చేతిలో ఓడిన మోర్గాన్‌ సేన ఇప్పుడు చిరకాల ప్రత్యర్థి ఆసీస్‌ చేతిలోనూ చావుదెబ్బ తింది. సాధారణ లక్ష్యాన్ని ఛేదించలేక, కనీసం పూర్తి ఓవర్లు ఆడలేక ఆ జట్టు చతికిల పడింది. ఒకరితో పోటీ పడి మరో బ్యాట్స్‌మన్‌ విఫలం కావడంతో టోర్నీలో మూడో ఓటమిని తమ ఖాతాలో వేసుకుంది. ఫలితంగా సెమీస్‌ అవకాశాలు మరింత సంక్లిష్టం చేసుకుంది. అటు ఆస్ట్రేలియా మాత్రం అదరగొట్టే ఆటతో జైత్రయాత్రను కొనసాగిస్తోంది. మ్యాచ్‌ మ్యాచ్‌కూ రాటుదేలుతున్న కంగారూ సేన వరుసగా నాలుగో విజయాన్ని అందుకొని ప్రపంచకప్‌లో సెమీఫైనల్లోకి అడుగు పెట్టిన తొలి జట్టుగా నిలిచింది. బ్యాటింగ్‌లో ఫించ్, వార్నర్‌ జట్టును ముందుండి నడిపిస్తే బౌలింగ్‌లో బెహ్రన్‌డార్ఫ్‌ ఐదు వికెట్లకు తోడు స్టార్క్‌ అద్భుత బంతులు ఆసీస్‌ను గెలిపించాయి. 1992 తర్వాత ఇంగ్లండ్‌ చేతిలో ఓడని తమ రికార్డును ఈసారి కూడా ఆస్ట్రేలియా నిలబెట్టుకోవడం విశేషం.    లండన్‌: ప్రపంచకప్‌లో తొలి సెమీస్‌ స్థానం ఖాయమైంది. డిఫెండింగ్‌ చాంపియన్‌ ఆస్ట్రేలియా టోర్నీలో ఆరో విజయంతో సెమీఫైనల్లోకి దూసుకెళ్లింది. మంగళవారం లార్డ్స్‌ మైదానంలో జరిగిన మ్యాచ్‌లో ఆసీస్‌ 64 పరుగుల తేడాతో ఇంగ్లండ్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన ఆస్ట్రేలియా 50 ఓవర్లలో 7 వికెట్ల నష్టానికి 285 పరుగులు చేసింది. ‘మ్యాన్‌ ఆఫ్‌ ద మ్యాచ్‌’ కెప్టెన్‌ ఫించ్‌ (116 బంతుల్లో 100; 11 ఫోర్లు, 2 సిక్సర్లు) సెంచరీతో చెలరేగాడు. వార్నర్‌ (61 బంతుల్లో 53; 6 ఫోర్లు) మరోసారి కీలక ఇన్నింగ్స్‌ ఆడాడు. ఇంగ్లండ్‌ 44.4 ఓవర్లలో 221 పరుగులకే ఆలౌటైంది. స్టోక్స్‌ (115 బంతుల్లో 89; 8 ఫోర్లు, 2 సిక్సర్లు) మినహా అంతా విఫలమయ్యారు. బెహ్రన్‌డార్ఫ్‌ (5/44), మిషెల్‌ స్టార్క్‌ (4/43) ప్రత్యర్థిని కుప్పకూల్చారు.    రాణించిన వార్నర్‌... ఆస్ట్రేలియాకు ఫించ్, వార్నర్‌ మరోసారి అదిరే ఆరంభం అందించారు. పిచ్‌ బౌలింగ్‌కు కొంత అనుకూలంగా కనిపించినా... ఇంగ్లండ్‌ పేసర్లు ఆ అవకాశాన్ని ఉపయోగించు కోలేకపోవడంతో కంగారూల ఇన్నింగ్స్‌ సాఫీగా సాగిపోయింది. 15 పరుగుల వ్యక్తిగత స్కోరు వద్ద ఫించ్‌ ఇచ్చిన కష్టసాధ్యమైన క్యాచ్‌ను విన్స్‌ వదిలేయడం, 18 వద్ద ఇంగ్లండ్‌ ఎల్బీ అప్పీల్‌ను అంపైర్‌ తిరస్కరించడం ఆసీస్‌కు కలిసొచ్చింది. అంపైర్‌ నిర్ణయాన్ని ఇంగ్లండ్‌ రివ్యూ చేసినా లాభం లేకపోయింది. తొలి పవర్‌ప్లేలో ఆసీస్‌ 44 పరుగులు చేయగా... ఓపెనర్లు ఇద్దరూ ఒకరితో మరొకరు పోటీ పడి చకచకా పరుగులు సాధించారు. ఈ క్రమంలో ఫించ్‌ 61 బంతుల్లో, వార్నర్‌ 52 బంతుల్లో అర్ధ సెంచరీలు పూర్తి చేసుకున్నారు. 17.5 ఓవర్లలో భాగస్వామ్యం వంద పరుగులకు చేరింది. చివరకు వార్నర్‌ను ఔట్‌ చేసి స్పిన్నర్‌ అలీ ఈ జోడీని విడదీశాడు. మరోవైపు ఫించ్‌ దూకుడు తగ్గించలేదు. 9 పరుగుల వద్ద బట్లర్‌ స్టంపింగ్‌ వదిలేయడంతో బతికిపోయిన ఖాజా (23) కెప్టెన్‌కు అండగా నిలిచాడు. వీరిద్దరు 50 పరుగులు జత చేసిన తర్వాత ఖాజా వెనుదిరిగాడు. ఆ తర్వాత ఆస్ట్రేలియా ఇన్నింగ్స్‌ ఆశించినంత వేగంగా సాగకపోవడంతో స్కోరు 300 పరుగులకు కూడా చేరలేదు. 115 బంతుల్లో ఈ ప్రపంచకప్‌లో రెండో సెంచరీ పూర్తి చేసుకున్న వెంటనే ఫించ్‌ వెనుదిరగ్గా... స్టీవ్‌ స్మిత్‌ (34 బంతుల్లో 38; 5 ఫోర్లు) ఫర్వాలేదనిపించాడు. చివర్లో క్యారీ (27 బంతుల్లో 38 నాటౌట్‌; 5 ఫోర్లు) వేగంగా ఆడటంతో ఆసీస్‌ చెప్పుకోదగ్గ స్కోరు నమోదు చేయగలిగింది.   స్టోక్స్‌ మినహా... 26 పరుగులకు 3 వికెట్లు... లక్ష్య ఛేదనలో ఇంగ్లండ్‌కు లభించిన ఆరంభం ఇది!  ఇన్నింగ్స్‌ రెండో బంతికే విన్స్‌ (0)ను బెహ్రన్‌డార్ఫ్‌ క్లీన్‌బౌల్డ్‌ చేయగా, స్టార్క్‌ అద్భుత బంతికి రూట్‌ (8) వికెట్ల ముందు దొరికిపోయాడు. పుల్‌ షాట్‌ ఆడబోయి మోర్గాన్‌ (4) వెనుదిరిగాడు. ఈ దశలో బెయిర్‌స్టో (27) జట్టును ఆదుకునే ప్రయత్నం చేసినా చెత్త షాట్‌తో నిష్క్రమించాడు. స్టోక్స్, బట్లర్‌ (25) ఐదో వికెట్‌కు 71 పరుగులు జోడించారు. రెండు సార్లు ఔటయ్యే ప్రమాదం తప్పించున్న బట్లర్‌ ఇన్నింగ్స్‌... డీప్‌ స్క్వేర్‌ లెగ్‌లో ఖాజా అద్భుత క్యాచ్‌తో ముగిసింది. స్టోక్స్‌ మాత్రం కండరాల నొప్పితో బాధపడుతూనే చికిత్స తీసుకుంటూ తన పోరాటం కొనసాగించాడు. ఈ క్రమంలో కొన్ని చక్కటి షాట్లు ఆడిన అతను 75 బంతుల్లో హాఫ్‌ సెంచరీ పూర్తి చేసుకున్నాడు. క్రిస్‌ వోక్స్‌ (26) నుంచి అతనికి కొంత సహకారం లభించింది. మ్యాక్స్‌వెల్‌ ఓవర్లో రెండు భారీ సిక్సర్లు, కమిన్స్‌ ఓవర్లో రెండు ఫోర్లు కొట్టి జోరు పెంచే ప్రయత్నం చేసిన స్టోక్స్‌ను బౌల్డ్‌ చేసి స్టార్క్‌ ఆసీస్‌ అడ్డుగోడను తప్పించాడు. అతను వేసిన ఈ యార్కర్‌ మ్యాచ్‌కే హైలైట్‌గా నిలిచింది. ఆ తర్వాత ఇంగ్లండ్‌ పతనం కావడానికి ఎంతో సేపు పట్టలేదు.   స్కోరు వివరాలు   ఆస్ట్రేలియా ఇన్నింగ్స్‌: ఫించ్‌ (సి) వోక్స్‌ (బి) ఆర్చర్‌ 100; వార్నర్‌ (సి) రూట్‌ (బి) అలీ 53; ఖాజా (బి) స్టోక్స్‌ 23; స్మిత్‌ (సి) ఆర్చర్‌ (బి) వోక్స్‌ 38; మ్యాక్స్‌వెల్‌ (సి) బట్లర్‌ (బి) వుడ్‌ 12; స్టొయినిస్‌ (రనౌట్‌) 8; క్యారీ (నాటౌట్‌) 38; కమిన్స్‌ (సి) బట్లర్‌ (బి) వోక్స్‌ 1; స్టార్క్‌ (నాటౌట్‌) 4; ఎక్స్‌ట్రాలు 8; మొత్తం (50 ఓవర్లలో 7 వికెట్లకు) 285.   వికెట్ల పతనం: 1–123, 2–173, 3–185, 4–213, 5–228, 6–250, 7–259. బౌలింగ్‌: వోక్స్‌ 10–0–46–2, ఆర్చర్‌ 9–0–56–1, వుడ్‌ 9–0–59–1, స్టోక్స్‌ 6–0– 29–1, అలీ 6–0–42–1, రషీద్‌ 10–0–49–0.   ఇంగ్లండ్‌ ఇన్నింగ్స్‌: బెయిర్‌స్టో (సి) కమిన్స్‌ (బి) బెహ్రన్‌డార్ఫ్‌ 27; విన్స్‌ (బి) బెహ్రన్‌డార్ఫ్‌ 0; రూట్‌ (ఎల్బీ) (బి) స్టార్క్‌ 8; మోర్గాన్‌ (సి) కమిన్స్‌ (బి) స్టార్క్‌ 4; స్టోక్స్‌ (బి) స్టార్క్‌ 89; బట్లర్‌ (సి) ఖాజా (బి) స్టొయినిస్‌ 25; వోక్స్‌ (సి) ఫించ్‌ (బి) బెహ్రన్‌డార్ఫ్‌ 26; అలీ (సి) క్యారీ (బి) బెహ్రన్‌డార్ఫ్‌ 6; రషీద్‌ (సి) స్టొయినిస్‌ (బి) స్టార్క్‌ 25; ఆర్చర్‌ (సి) వార్నర్‌ (బి) బెహ్రన్‌డార్ఫ్‌ 1; వుడ్‌ (నాటౌట్‌) 1; ఎక్స్‌ట్రాలు 9; మొత్తం (44.4 ఓవర్లలో ఆలౌట్‌) 221.   వికెట్ల పతనం: 1–0, 2–15, 3–26, 4–53, 5–124, 6–177, 7–189, 8–202, 9–211, 10–221. బౌలింగ్‌: బెహ్రన్‌డార్ఫ్‌ 10–0–44–5, స్టార్క్‌ 8.4–1–43–4, కమిన్స్‌ 8–1–41–0, లయన్‌ 9–0–43–0, స్టొయినిస్‌ 7–0–29–1, మ్యాక్స్‌వెల్‌ 2–0–15–0. బెహ్రన్‌డార్ఫ్‌ 7: ప్రపంచకప్‌లో ఒకే జట్టుపై రెండు సెంచరీలు చేసిన ఏడో బ్యాట్స్‌మన్‌గా ఆరోన్‌ ఫించ్‌ గుర్తింపు పొందాడు. డివిలియర్స్‌ అత్యధికంగా వెస్టిండీస్‌పై మూడు సెంచరీలు నమోదు చేశాడు. సచిన్‌ టెండూల్కర్‌ (కెన్యాపై), బ్రియాన్‌ లారా (దక్షిణాఫ్రికాపై), గంగూలీ (కెన్యాపై), స్కాట్‌ స్టయిరిస్‌ (శ్రీలంకపై), రికీ పాంటింగ్‌ (భారత్‌పై) రెండేసి సెంచరీలు సాధించారు.  

దోహా: భారత స్టార్‌ క్యూయిస్ట్, 21 సార్లు ప్రపంచ చాంపియన్‌ పంకజ్‌ అద్వానీ ఖాతాలో మరో పతకం చేరనుంది. ఖతార్‌లోని దోహాలో జరుగుతున్న ఆసియా స్నూకర్‌ చాంపియన్‌షిప్‌లో పంకజ్‌ సెమీఫైనల్‌కు దూసుకెళ్లాడు. తద్వారా కనీసం కాంస్యం ఖాయం చేసుకున్నాడు. గురువారం హోరాహోరీగా జరిగిన క్వార్టర్‌ఫైనల్స్‌ మ్యాచ్‌లో పంకజ్‌ 5–4 (0–99, 1–60, 64–50, 97–0, 35–90, 113–0, 8–107, 61–16, 72–48)తో మన దేశానికే చెందిన ఆదిత్య మెహతాపై చెమటోడ్చి నెగ్గాడు. ఒక దశలో మెహతా 4–3తో నెగ్గేలా కనిపించినప్పటికీ అనూహ్యంగా పుంజుకున్న పంకజ్‌ ఆఖరి రెండు రౌండ్లలోనూ నెగ్గి విజయ కేతనం ఎగరవేశాడు. ఈ గెలుపుతో టోర్నీలో మిగిలిన ఏకైక భారత క్రీడాకారుడిగా నిలిచిన పంకజ్‌.. సెమీఫైనల్లో అస్జాద్‌ ఇక్బాల్‌(పాకిస్థాన్‌)తో తలపడతాడు.

తిరువనంతపురం: కేరళ క్రికెట్‌ జట్టు సరికొత్త చరిత్ర సృష్టించింది. రంజీ ట్రోఫీ చరిత్రలోనే కేరళ జట్టు తొలిసారి సెమిఫైనల్‌కు చేరింది. ఇప్పటివరకు ఆజట్టు క్వార్టర్‌ ఫైనల్‌ వరకు చేరడమే అత్యుత్తమం. గురువారం గుజరాత్‌తో జరిగిన మ్యాచ్‌లో కేరళ జట్టు 113 పరుగుల తేడాతో ఘన విజయం సాధించింది. 195 పరుగుల లక్ష్యంతో బరిలోకి దిగిన గుజరాత్‌ జట్టును కేరళ బౌలర్లు బెంబేలెత్తించారు. కేరళ బౌలర్లు ‘ప్లేయర్‌ ఆఫ్‌ ద మ్యాచ్‌’ బసిల్‌ థంపి(5/27), సందీ వారియర్(4/30)లు చెలరేగడంతో గుజరాత్‌ జట్టు తమ రెండో ఇన్నింగ్స్‌లో 31.3 ఓవర్లకు 81 పరుగులకే ఆలౌటైంది.  గుజరాత్‌ తమ చివరి 6 వికెట్లను 24 పరుగుల వ్యవధిలోనే కోల్పోవడం గమనార్హం.  కేరళ : 185/9, 171 ఆలౌట్‌ గుజరాత్‌: 162 ఆలౌట్‌, 81 ఆలౌట్‌