వెస్టిండీస్- భారత్‌ మధ్య సిరీస్‌ ఫలితాన్ని తేల్చే చివరిదైన మూడో వన్డేకు రంగం సిద్ధమైంది. ట్రినిడాడ్‌ వేదికగా మంగళవారం జరగనున్న ఈ కీలక మ్యాచ్‌లో భారత్‌-విండీస్‌ జట్టు అమీతుమీ తెల్చుకోనున్నాయి. ఇక రెండో వన్డేలో ప్రయోగాలు చేసి ఓటమిపాలైన భారత జట్టు.. ఆఖరి మ్యాచ్‌లో మాత్రం పూర్తి స్ధాయి జట్టుతోనే బరిలోకి దిగనున్నట్లు తెలుస్తోంది. మరోవైపు విండీస్‌ మాత్రం రెండో వన్డే ఫలితాన్నే పునరావృతం చేసి సిరీస్‌ సొంతం చేసు​కోవాలని భావిస్తోంది. ఇక సిరీస్‌ డిసైడర్‌ మూడో వన్డే నేపథ్యంలో టీమిండియా స్టార్‌ ఆల్‌రౌండర్‌ రవీంద్ర జడేజా కీలక వాఖ్యలు చేశాడు. మూడో వన్డేలో విజయం సాధించి సిరీస్‌ను కైవసం చేసుకుంటమని జడ్డూ థీమా వ్యక్తం చేశాడు. "మేము చాలా ఆత్మవిశ్వాసంతో ఉన్నాం. అందులో ఎటువంటి సందేహం లేదు. మేము గత మ్యాచ్‌లో ఓడిపోయాం. అదేమి పెద్ద సమస్య కాదు. ఎందుకంటే ఆటలో గెలుపు, ఓటములు సహజం. మేము మా జట్టులో కొన్ని ప్రయోగాలు చేశాం. అందుకే ఫలితం మేము ఆశించిన విధంగా రాలేదు. ఆసియాకప్‌, ప్రపంచకప్‌కుముందు మేము ఆడుతున్న ఏకైక వన్డే సిరీస్‌ ఇది. అందుకే జట్టు కాంబనేషన్‌లో కొన్ని మార్పులు చేశాం. ఇది మా జట్టుపై ఎటువంటి ప్రభావం చూపదు. ఇక విండీస్‌ యువ ఆటగాళ్లతో కూడిన జట్టు. వారు నేర్చుకోనే స్ధాయిలో ఉన్నారు. అయినప్పటికీ వారు అద్బుతమైన ప్రదర్శన కనబరుస్తున్నారు. వారు భారత జట్టు నుంచి చాలా విషయాలు నేర్చకుంటున్నారని నేను ఆశిస్తున్నాను. వారిలో అద్భుతమైన టాలెంట్‌ ఉంది. మేము కచ్చితంగా ఆఖరి మ్యాచ్‌లో విజయం సాధించి, సిరీస్‌ను సొంతం చేసుకుంటామని జడేజా ఓ స్పోర్ట్‌ ఛానల్‌కు ఇచ్చిన ఇంటర్వ్యూలో పేర్కొన్నాడు. చదవండి: IND vs WI: టీమిండియాతో టీ20 సిరీస్‌.. విండీస్‌ జట్టు ప్రకటన! సిక్సర్ల వీరుడు వచ్చేశాడు

చెన్నై వేదికగా ఆస్ట్రేలియాతో జరిగిన జరిగిన మూడో వన్డేలో 21 పరుగుల తేడాతో టీమిండియా ఓటమిపాలైన సంగతి తెలిసిందే. తద్వారా మూడు వన్డేల సిరీస్‌ను 1-2 తేడాతో భారత్‌ కోల్పోయింది. కాగా గత నాలుగేళ్లలో స్వదేశంలో టీమిండియా సిరీస్‌ను కోల్పోవడం ఇదే తొలి సారి. మార్చి 2019  నుంచి అన్ని ఫార్మాట్లలో వరుసగా 24 సిరీస్‌లలో టీమిండియా విజయం సాధించింది. చివరగా 2019 ఆరంభంలో ఆసీస్‌పైనే భారత్‌ సిరీస్‌ను కోల్పోయింది. అదే విధంగా రోహిత్‌ శర్మకు పూర్తి స్థాయి కెప్టెన్‌గా స్వదేశంలో ఇదే తొలి సిరీస్‌ ఓటమి కావడం గమానార్హం. ఇక సిరీస్‌లో ఓటమిపాలైన టీమిండియా.. ఐసీసీ వన్డే ర్యాంకింగ్స్‌లో అగ్రపీఠాన్ని కూడా కోల్పోయింది. ఐసీసీ తాజా వన్డే ర్యాంకింగ్స్‌లో భారత్‌ రెండో స్థానానికి పడిపోయింది. ఆసీస్‌తో 113 రేటింగ్ పాయింట్లతో  టీమిండియా సమంగా ఉన్నప్పటికీ.. మ్యాచ్‌ విన్నింగ్‌ శాతం పరంగా కంగారూ జట్టు టాప్‌ ర్యాంక్‌కు చేరుకుంది. టీమిండియా తరువాతి స్థానంలో 111 రేటింగ్‌ పాయింట్లతో న్యూజిలాండ్‌ నిలిచింది. చదవండి: IND Vs AUS: సొంతగడ్డపై బెబ్బులే.. కానీ ఆసీస్‌కు మాత్రం దాసోహం                 IND vs AUS: అదే మా కొంప ముంచింది.. అస్సలు ఊహించలేదు! క్రెడిట్‌ మొత్తం వారికే

టీమిండియా స్టార్‌ బ్యాటర్‌ సూర్యకుమార్‌ యాదవ్‌ వన్డేల్లో తన చెత్త ఫామ్‌ను కొనసాగిస్తున్నాడు. ఆస్ట్రేలియాతో తొలి రెండు వన్డేల్లో మొదటి బంతికే ఔట్ అయిన సూర్యకుమార్ యాదవ్.. మూడు వన్టేల్లోనూ తొలి బంతికే క్లీన్‌బౌల్డ్ అయ్యాడు. చెన్నై వేదికగా జరిగిన మూడో వన్డేలో ఏడో స్ధానంలో బ్యాటింగ్‌ వచ్చిన సూర్య.. అష్టన్ అగర్‌ బౌలింగ్‌లో మొదటి బంతికే పెవిలియన్‌కు చేరాడు. అగర్‌ వేసిన స్ట్రెయిట్ లెంగ్త్ బాల్‌కు బ్యాక్‌ఫుట్‌పై షాట్ ఆడేందుకు సూర్య  ప్రయత్నించాడు. కానీ బంతి మిస్ అయి స్టంప్‌లను తాకింది. దీంతో ఖాతా తెరవకుండానే సూర్య నిరాశతో మైదానాన్ని వీడాడు. అత్యంత చెత్త రికార్డు.. ఇక ఈ మ్యాచ్‌లో గోల్డన్‌డక్‌గా వెనుదిరిగిన సూర్యకుమార్‌ యాదవ్‌ అత్యంత చెత్త రికార్డును నెలకొల్పాడు. ఓ వన్డే సిరీస్‌లో వరుసగా మూడు మ్యాచ్‌ల్లో గోల్డెన్ డకౌటైన తొలి బ్యాటర్‌గా సూర్యకుమార్‌ నిలిచాడు. అదే విధంగా మూడు వన్డేల సిరీస్‌లో మూడు సార్లు డకౌట్ అయిన మొదటి భారత బ్యాటర్ కూడా సూర్యనే.  ఇక ఓవరాల్‌గా వన్డేల్లో వరుసగా మూడు సార్లు డకౌటైన ఆరో భారత బ్యాటర్‌గా సూర్య నిలిచాడు. అంతకుముందు  సచిన్ టెండూల్కర్, అనిల్ కుంబ్లే, జహీర్ ఖాన్, ఇషాంత్ శర్మ, జస్ప్రీత్ బుమ్రా వరుసగా మూడు డకౌట్‌లుగా వెనుదిరిగారు. కానీ వీరంతా తొలి బంతికే ఔట్‌ కాలేదు. అయితే ప్రపంచ క్రికెట్‌లో వరుసగా అత్యధిక డకౌట్‌లు అయిన రికార్డు మాత్రం శ్రీలంక దిగ్గజం లసిత్‌ మలింగ పేరిట ఉంది. వన్డేల్లో మలింగ వరుసగా నాలుగు సార్లు డకౌట్‌గా వెనుదిరిగాడు. చదవండి: IND vs AUS: అదే మా కొంప ముంచింది.. అస్సలు ఊహించలేదు! క్రెడిట్‌ మొత్తం వారికే

మూడో వన్డేలో టీమిండియా ఓటమి.. సిరీస్‌ కైవసం చేసుకున్న ఆస్ట్రేలియా చెన్నై వేదికగా జరుగుతున్న మూడో వన్డేలో టీమిండియా ఓటమిపాలైంది. ఫలితంగా 3 మ్యాచ్‌ల వన్డే సిరీస్‌ను ఆస్ట్రేలియా 2-1తేడాతో కైవసం చేసుకుంది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆస్ట్రేలియా 269 పరుగులకు ఆలౌట్‌ కాగా.. ఛేదనలో తడబడిన భారత్‌ 248  పరుగులకే చాపచుట్టేసింది. ఫలితంగా ఆసీస్‌ 21 పరుగుల తేడాతో విజయం సాధించింది.  తొమ్మిదో వికెట్‌ డౌన్‌.. ఓటమి అంచుల్లో భారత్‌ టీమిండియా 243 పరుగుల వద్ద తొమ్మిదో వికెట్‌ కోల్పోయింది.  సిక్సర్‌, ఫోర్‌ కొట్టిన అనంతరం షమీ స్టొయినిస్‌ బౌలింగ్‌లో క్లీన్‌ బౌల్డ్‌ అయ్యాడు.  ఎనిమిదో వికెట్‌ డౌన్‌.. ఓటమి దిశగా భారత్‌ 225 పరుగుల వద్ద టీమిండియా ఎనిమిదో వికెట్‌ కోల్పోయింది. జడేజా బౌలింగ్‌లో స్టోయినిస్‌కు క్యాచ్‌ ఇచ్చి జడేజా (18) ఔటయ్యాడు. టీమిండియా గెలవాలంటే 29 బంతుల్లో 45 పరుగులు చేయాలి. కుల్దీప్‌ (1), షమీ క్రీజ్‌లో ఉన్నారు.  ఏడో వికెట్‌ కోల్పోయిన భారత్‌.. హార్ధిక్‌ ఔట్‌ 218 పరుగుల వద్ద టీమిండియా ఏడో వికెట్‌ కోల్నోయింది. జంపా బౌలింగ్‌లో స్మిత్‌కు క్యాచ్‌ ఇచ్చి హార్ధిక్‌ (40) ఔటయ్యాడు. భారత్‌ ఈ మ్యాచ్‌ గెలవాలంటే 38 బంతుల్లో 52 పరుగులు చేయాల్సి ఉంది.  వరుస బంతుల్లో వికెట్లు కోల్నోయిన భారత్‌.. స్కై మరోసారి గోల్డన్‌ డక్‌ 185 పరుగుల వద్ద టీమిండియా వరుస బంతుల్లో రెండు వికెట్లు కోల్నోయింది. 36వ ఓవర్‌ తొలి బంతికి కోహ్లిని (54) ఔట్‌ చేసిన అగర్‌, ఆతర్వాతి బంతికే సూర్యకుమార్‌కు (0) క్లీన్‌ బౌల్డ్‌ చేశాడు. సూర్యకుమార్‌కు ఇది హ్యాట్రిక్‌ గోల్డన్‌ డకౌట్‌ కావడం విశేషం. హార్ధిక్‌ (28), జడేజా క్రీజ్‌లో ఉన్నారు. టీమిండియా గెలవాలంటే 88 బంతుల్లో 85 పరుగులు చేయాల్సి ఉంది. చేతిలో 4 వికెట్లు మాత్రమే ఉన్నాయి. అక్షర్‌ పటేల్‌ రనౌట్‌ 7 బంతుల వ్యవధిలో టీమిండియా 2 వికెట్లు కోల్పోయింది. భారీ షాట్‌కు ప్రయత్నించి తొలుత రాహుల్‌ ఔట్‌ కాగా.. ఆతర్వాత అక్షర్‌ పటేల్‌ (2) రనౌటయ్యాడు. కోహ్లి (48), హార్ధిక్‌ పాండ్యా క్రీజ్‌లో ఉన్నారు.  మూడో వికెట్‌ డౌన్‌.. కేఎల్‌ రాహుల్‌ ఔట్‌ 146 పరుగుల వద్ద టీమిండియా మూడో వికెట్‌ కోల్పోయింది. జంపా బౌలింగ్‌లో భారీ షాట్‌ ఆడేందుకు ప్రయత్నించి కేఎల్‌ రాహుల్‌ (32) ఔటయ్యాడు. విరాట్‌ కోహ్లి (45), అక్షర్‌ పటేల్‌ క్రీజ్‌లో ఉన్నారు. టీమిండియా గెలవాలంటే 22.1 ఓవర్లలో 124 పరుగులు చేయాల్సి ఉంది.  నిలకడగా ఆడుతున్న కోహ్లి, రాహుల్‌ 77 పరుగుల వద్ద రెండో వికెట్‌ కోల్పోయిన భారత్‌.. ఆతర్వాత మరో వికట్‌ పడకుండా జాగ్రత్తగా ఆడుతుంది. 23 ఓవర్ల తర్వాత భారత్‌ స్కోర్‌ 117/2గా ఉంది. విరాట్‌ కోహ్లి (33), కేఎల్‌ రాహుల్‌ (15) క్రీజ్‌లో ఉన్నారు.  రెండో వికెట్‌ కోల్పోయిన భారత్‌.. గిల్‌ (37) ఔట్‌ 77 పరుగుల వద్ద టీమిండియా రెండో వికెట్‌ కోల్పోయింది. ఆడమ్‌ జంపా బౌలింగ్‌లో శుభ్‌మన్‌ గిల్‌ (37) ఎల్బీడబ్యూ ఔట్‌ అయ్యాడు. కోహ్లి (8), కేఎల్‌ రాహుల్‌ క్రీజ్‌లో ఉన్నారు.  తొలి వికెట్‌ కోల్పోయిన భారత్‌.. రోహిత్‌ (30) ఔట్‌ 65 పరుగుల వద్ద టీమిండియా తొలి వికెట్‌ కోల్పోయింది. సీన్‌ అబాట్‌ బౌలింగ్‌లో మిచెల్‌ స్టార్క్‌ క్యాచ్‌ పట్టడంతో రోహిత్‌ శర్మ (30) ఔటయ్యాడు. గిల్‌ (33), విరాట్‌ కోహ్లి క్రీజ్‌లో ఉన్నారు.  9 ఓవర్లకు భారత్‌ స్కోర్‌: 65/0 270 పరుగుల లక్ష్యంతో బరిలోకి దిగిన టీమిండియా దూకుడుగా ఆడుతోంది. 9 ఓవర్లు ముగిసే సరికి భారత్‌ వికెట్‌ నష్టపోకుండా 65 పరుగులు చేసింది. క్రీజులో రోహిత్‌ శర్మ(30), శుబ్‌మన్‌ గిల్‌(33) పరుగులతో ఉన్నారు. రాణించిన ఆసీస్‌ బ్యాటర్లు.. భారత్‌ టార్గెట్‌ 270 పరుగులు టాస్‌ గెలిచి తొలుత బ్యాటింగ్‌ చేసిన ఆస్ట్రేలియా 49 ఓవర్లలో 269 పరుగులకు ఆలౌటైంది. ఆసీస్‌ బ్యాటర్లలో మిచెల్‌ మార్ష్‌(47), కారీ(38), హెడ్‌(33) పరుగులతో రాణించారు. ఇక భారత బౌలర్లలో హార్దిక్‌ పాండ్యా, కుల్దీప్‌ యాదవ్‌ చెరో మూడు వికెట్లు సాధించగా..అక్షర్‌ పటేల్‌, సిరాజ్‌ తలా రెండు వికెట్లు పడగొట్టారు. 43 ఓవర్లకు ఆసీస్‌ స్కోర్‌: 229/7 43 ఓవర్లు ముగిసే సరికి ఆస్ట్రేలియా 7 వికెట్లు కోల్పోయి 229 పరుగులు చేసింది.  క్రీజులో అగర్‌(8), అబాట్‌(18) పరుగులతో ఉన్నారు. ఆరో వికెట్‌ కోల్పోయిన ఆసీస్‌ 196 పరుగుల వద్ద ఆసీస్‌ ఆరో వికెట్‌ కోల్పోయింది. 25 పరుగులు చేసిన స్టోయినిష్‌.. అక్షర్‌ పటేల్‌ బౌలింగ్‌లో పెవిలియన్‌కు చేరాడు. 28.1: ఐదో వికెట్‌ కోల్పోయిన ఆస్ట్రేలియా లబుషేన్‌ రూపంలో ఆసీస్‌ ఐదో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో గిల్‌కు క్యాచ్‌ ఇచ్చి లబుషేన్‌(28) పెవిలియన్‌ చేరాడు. ఆసీస్‌ స్కోరు: 138/5 (28.1). స్టొయినిస్‌, క్యారీ క్రీజులో ఉన్నారు. 26 ఓవర్లలో ఆసీస్‌ స్కోరు:  128-4 నాలుగో వికెట్‌ డౌన్‌ 24.3: కుల్దీప్‌ యాదవ్‌ బౌలింగ్‌లో ఆసీస్‌ స్టార్‌ డేవిడ్‌ వార్నర్‌ అవుటయ్యాడు. 31 బంతులు ఎదుర్కొన్న అతడు 23 పరుగుల వ్యక్తిగత స్కోరు వద్ద హార్దిక్‌ పాండ్యాకు క్యాచ్‌ ఇచ్చి నిష్క్రమించాడు. లబుషేన్‌, అలెక్స్‌ క్యారీ క్రీజులో ఉన్నారు. వారెవ్వా హార్దిక్‌.. మార్ష్‌ క్లీన్‌ బౌల్డ్‌ ఆస్ట్రేలియాతో మూడో వన్డేలో టీమిండియా వైస్‌ కెప్టెన్‌ హార్దిక్‌ పాండ్యా అద్భుతంగా బౌలింగ్‌ చేస్తున్నాడు. 47 పరుగులతో దూకుడుగా ఆడుతోన్న మిచెల్‌ మార్ష్‌ను హార్దిక్‌ క్లీన్‌ బౌల్డ్‌ చేశాడు. ఇప్పటివరకు టీమిండియా సాధించిన మూడు వికెట్లు కూడా హార్దిక్‌ పడగొట్టినవే కావడం గమనార్హం. 15 ఓవర్లకు ఆసీస్‌ స్కోర్‌: 87/3 రెండో వికెట్‌ కోల్పోయిన ఆసీస్‌.. ఆస్ట్రేలియా రెండో వికెట్‌ కోల్పోయింది. హార్దిక్‌ పాండ్యా బౌలింగ్‌లో.. ఆసీస్‌ కెప్టెన్‌ స్టీవ్‌ స్మిత్‌ డకౌట్‌గా వెనుదిరిగాడు. క్రీజులోకి డేవిడ్‌ వార్నర్‌ వచ్చాడు. తొలి వికెట్‌ కోల్పోయిన ఆసీస్‌.. హెడ్‌ ఔట్‌ 68 పరుగుల వద్ద ఆస్ట్రేలియా తొలి వికెట్‌ కోల్పోయింది.  33 పరుగులు చేసిన ట్రావిస్‌ హెడ్‌.. హార్దిక్‌ పాండ్యా బౌలింగ్‌లో పెవిలియన్‌కు చేరాడు. క్రీజులోకి స్మిత్‌ వచ్చాడు. ►5 ఓవర్లలో ఆస్ట్రేలియా స్కోరు: 39/0 ►రెండు ఓవర్లు ముగిసే సరికి ఆస్ట్రేలియా వికెట్‌ నష్టపోకుండా 13 పరుగులు చేసింది. క్రీజులో మార్ష్‌(9), హెడ్‌(4) పరుగులతో ఉన్నారు. చెపాక్‌ వేదికగా సిరీస్‌ను డిసైడ్‌ చేసే మూడో వన్డేలో తలపడేందుకు భారత్‌- ఆస్ట్రేలియా జట్లు సిద్దమయ్యాయి. ఈ మ్యాచ్‌లో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఈ మ్యాచ్‌లో టీమిండియా ఎటువంటి మార్పులు లేకుండా బరిలోకి దిగింది. చెన్నై లోకల్‌ బాయ్‌ వాషింగ్టన్‌ సుందర్‌కు ఈ మ్యాచ్‌లో కూడా చోటు దక్కలేదు ఇక ఆస్ట్రేలియా మాత్రం రెండు మార్పులు చేసింది. తొలి రెండు వన్డేలకు దూరంగా ఉన్న ఆసీస్‌ స్టార్‌ ఓపెనర్‌ డేవిడ్‌ వార్నర్‌.. ఈ మ్యాచ్‌కు జట్టులోకి వచ్చాడు. అదే విధంగా స్పిన్నర్‌ అగర్‌కు కూడా తుది జట్టు చోటు దక్కింది.  తుది జట్లు భారత్‌: రోహిత్ శర్మ (కెప్టెన్‌), శుభమన్ గిల్, విరాట్ కోహ్లీ, సూర్యకుమార్ యాదవ్, కెఎల్ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, అక్షర్ పటేల్, కుల్దీప్ యాదవ్, మహ్మద్ షమీ, మహ్మద్ సిరాజ్ ఆస్ట్రేలియా: డేవిడ్ వార్నర్, ట్రావిస్ హెడ్, మిచెల్ మార్ష్, స్టీవెన్ స్మిత్(కెప్టెన్‌), మార్నస్ లాబుషేన్‌, అలెక్స్ కారీ(వికెట్‌ కీపర్‌), మార్కస్ స్టోయినిస్, అష్టన్ అగర్, సీన్ అబాట్, మిచెల్ స్టార్క్, ఆడమ్ జంపా

ఆస్ట్రేలియాతో తొలి వన్డేలో విజయం సాధించిన టీమిండియా.. విశాఖపట్నం వేదికగా జరిగిన రెండో వన్డేలో మాత్రం అన్ని విధాల చేతులెత్తేసింది. ఈ మ్యాచ్‌లో భారత్‌ నిర్ధేశించిన 118 పరుగుల స్వల్ప లక్ష్యా‍న్ని.. ఆస్ట్రేలియా వికెట్‌ నష్టపోకుండా చేధించింది. ఓపెనర్లు ట్రావిస్ హెడ్(51), మిచెల్ మార్ష్(66) అర్ధశతకాలతో విజృంభించి మ్యాచ్‌ను 11 ఓవర్లలోనే ముగించారు. భారత బ్యాటర్ల దారుణ ప్రదర్శన.. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన టీమిండియా దారుణ ప్రదర్శన కనబరిచింది. ఆసీస్‌ పేసర్ల దాటికి టీమిండియా బ్యాటర్లు వరుస క్రమంలో పెవిలియన్‌కు క్యూ కట్టారు. ముఖ్యంగా ఆసీస్‌ పేసర్‌ మిచెల్‌ స్టార్క్‌ దెబ్బకు బ్యాటర్లు విలవిల్లాడారు. తొలి ఓవర్‌లోనే శుబ్‌మన్‌ గిల్‌ వికెట్‌ను కోల్పోయిన టీమిండియా.. అనంతరం ఏ దశలోనూ ఆసీస్‌ బౌలర్లను ఎదుర్కోలేకపోయింది. భారత బ్యాటర్లలో విరాట్‌ కోహ్లి 31 పరుగులతో టాప్‌ ‍స్కోరర్‌గా నిలిచాడు. అయ్యర్‌ ఉంటే బాగుండేది.. ఇక ఘోర ఓటమిని టీమిండియా అభిమానులు జీర్ణించుకోలేకపోతున్నారు. ఈ మ్యాచ్‌లో టీమిండియా మిడిలార్డర్‌  శ్రేయస్‌ అయ్యర్‌ ఉంటే బాగుండేది అని ‍ఫ్యాన్స్‌ అభిప్రాయపడుతున్నారు. మిడిలార్డర్‌లో అయ్యర్‌ అద్భుతమైన ఆటగాడని, అతడు ఉండి ఉంటే టీమిండియాకు ఈ పరిస్థితి వచ్చేది కాదని వాపోతున్నారు. ఈ క్రమంలో # శ్రేయస్‌ అయ్యర్‌ అనే ట్యాగ్‌ను సోషల్‌ మీడియాలో ట్రెండ్‌ చేస్తున్నారు. కాగా ఈ సిరీస్‌కు వెన్ను గాయం కారణంగా అయ్యర్‌ దూరమైన సంగతి తెలిసిందే. అయితే అయ్యర్‌ గత కొంత కాలంగా భారత జట్టులో కీలక ఆటగాడిగా కొనసాగుతున్నాడు. ముఖ్యంగా మిడిలార్డర్‌లో అద్భుత ఇన్నింగ్స్‌లు ఆడి భారత జట్టుకు ఎన్నో విజయాలు అందించాడు. ఆసీస్‌తో రెండో వన్డేలో అయ్యర్‌ లేని లోటు స్పష్టంగా కన్పించింది. చదవండి: IND vs AUS: మా ఓటమికి ప్రధాన కారణమిదే.. అస్సలు ఊహించలేదు! వారిద్దరూ అద్భుతం

విశాఖపట్నం వేదికగా ఆస్ట్రేలియాతో జరిగిన రెండో వన్డేలో టీమిండియాకు ఊహించని పరాభవం ఎదురైంది. ఈ మ్యాచ్‌లో గెలిచి సిరీస్‌ సొంతం చేసుకున్న భారత్‌ జోరుకు ఆసీస్‌ బ్రేక్‌లు వేసింది. ఆదివారం సాగరతీరం వేదికగా జరిగిన ఈ మ్యాచ్‌లో టీమిండియాను 10 వికెట్ల తేడాతో ఆస్ట్రేలియా జట్టు చిత్తు చేసింది. 118 పరుగుల స్వల్ప లక్ష్యాన్ని ఆసీస్‌ వికెట్‌ నష్టపోకుండా కేవలం 11 ఓవర్లలోనే ఛేదించింది.  దీంతో మూడు వన్డేల సిరీస్‌ 1-1 సమమైంది. సిరీస్‌ విజేతను నిర్ణయించే ఆఖరి వన్డే చెన్నై వేదికగా మార్చి22న జరగనుంది. ఇక​ఈ ఘోర ఓటమిపై మ్యాచ్‌ అనంతరం టీమిండియా కెప్టెన్‌ రోహిత్‌ శర్మ స్పందించాడు. తమ ఓటమికి కారణం బ్యాటింగ్‌ వైఫల్యమే అని రోహిత్‌ అంగీకరించాడు. "ఈ మ్యాచ్‌లో బ్యాటింగ్‌ పరంగా మేము దారుణంగా విఫలమయ్యాం. స్కోర్‌ బోర్డుపై తగినంత పరుగులు ఉంచలేకపోయాం. ఇటువంటి మంచి వికెట్‌పై కేవలం 117 పరుగులు మాత్రమే చేస్తామని అస్సలు ఊహించలేదు. వరుస క్రమంలో వికెట్లు కోల్పోవడం మా జట్టును దెబ్బతీసింది. తొలి ఓవర్‌లో శుభ్‌మన్‌ వికెట్‌ను కోల్పోయినప్పుడు.. నేను విరాట్‌ ఇన్నింగ్స్‌ను కాస్త సెట్‌ చేశాము. మేమిద్దరం త్వరగా 30 నుంచి 35 పరుగులు రాబట్టాము. అయితే తర్వాత వెంట వెంటనే రెండు వికెట్లు కోల్పోయాం. అది మమ్మల్ని మరింత వెనుక్కి నెట్టింది. అటువంటి క్లిష్ట పరిస్థితుల నుంచి మేము తిరిగి కోలుకోలేకపోయాం. ఈ రోజు మాకు పూర్తిగా కలిసి రాలేదు. స్టార్క్ అద్భుతమైన బౌలర్‌. అతడు కొత్త బంతితో అద్భుతాలు సృష్టిస్తాడు.  స్టార్క్‌ కొత్త బంతిని స్వింగ్ చేసి మమ్మల్ని ఇబ్బంది పెట్టాడు. ఇక మార్ష్‌ ఒక మంచి పవర్‌ హిట్టర్‌ అని మనకు తెలుసు. అతడు సూపర్‌ ఇన్నింగ్స్‌ ఆడాడు. అతడు ప్రపంచం‍లోనే పవర్‌ హిట్టర్లలో టాప్‌ 3 లేదా నాలుగో స్థానంలో మార్ష్‌ ఉంటాడు అని" రోహిత్‌ పేర్కొన్నాడు. చదవండి: IND vs AUS: టీమిండియాపై ఆసీస్‌ సరికొత్త చరిత్ర.. ప్రపంచంలోనే తొలి జట్టుగా

తొలి వన్డే ఓటమికి ఆస్ట్రేలియా ప్రతీకారం తీర్చుకుంది. విశాఖపట్నం వేదికగా టీమిండియాతో జరిగిన రెండో వన్డేలో 10 వికెట్ల తేడాతో ఆసీస్‌ విజయం సాధించింది. 118 పరుగుల స్వల్ప లక్ష్యాన్ని ఆస్ట్రేలియా కేవలం 11 ఓవర్లలోనే ఛేదిచింది. ఆసీస్‌ ఓపెనర్లు మిచెల్‌ మార్ష్‌(66), హెడ్‌(51) పరుగులతో మ్యాచ్‌ను ఫినిష్‌ చేశారు. ఇక 11 ఓవర్లలోనే మ్యాచ్‌ను ముగించిన ఆస్ట్రేలియా ఓ అరుదైన ఘనత సాధించింది. టీమిండియాపై వన్డేల్లో ఓవర్ల పరంగా అత్యధిక వేగంగా టార్గెట్‌ ఛేదించిన జట్టుగా ఆసీస్‌ నిలిచింది. అంతకుముందు 2019లో హామిల్టన్‌ వేదికగా జరిగిన ఓ వన్డే మ్యాచ్‌లో భారత్‌పై 93 పరుగుల లక్ష్యాన్ని న్యూజిలాండ్‌ 14.4 ఓవర్లలో ఛేదించింది. ఇప్పటివరకు ఇదే అత్యంత వేగమైన ఛేజింగ్‌ కాగా.. తాజా మ్యాచ్‌తో కివీస్‌ రికార్డును ఆసీస్‌ బ్రేక్‌ చేసింది. ఇక ఓవరాల్‌గా ఓవర్ల పరంగా  ఆస్ట్రేలియాకు ఇది మూడో అతి పెద్ద విజయం. అంతకుముందు 2004లో యూఏస్‌ఏపై 66 పరుగుల లక్ష్యాన్ని కేవలం 7.5 ఓవర్లలోనే ఆసీస్‌ సాధించింది. ఇక  సిరీస్‌ డిసైడ్‌ చేసే మూడో వన్డే మార్చి 22న చెన్నై వేదికగా జరగనుంది. చదవండి: AUS vs IND: మిచెల్ మార్ష్‌ విధ్వంసం.. 6 ఫోర్లు, 6 సిక్స్‌లతో! ఢిల్లీ ఫ్యాన్స్‌ ఫుల్‌ ఖుషీ

ఆస్ట్రేలియాతో టెస్టు సిరీస్‌ గెలిచి మంచి ఊపుమీద ఉన్న టీమిండియా.. ఇప్పుడు అదే జట్టుతో వన్డే సిరీస్‌లో అమీతుమీ తెల్చుకోవడానికి ఉవ్విళ్లూరుతోంది. టెస్టు సిరీస్‌ ఫలితాన్నే పునరావృతం చేసి వన్డే సిరీస్‌ను కూడా సొంతం చేసుకోవాలని భారత్‌ భావిస్తుంటే..  టెస్టు సిరీస్‌ ఓటమికి ప్రతీకారం​ తీర్చుకోవాలని ఆసీస్‌ వ్యూహాలు రచిస్తోంది. ముంబై వేదికగా శుక్రవారం(మార్చి17) జరగనున్న తొలి వన్డేతో ఈ సిరీస్‌ ప్రారంభం కానుంది. అయితే తొలి వన్డేకు టీమిండియా రెగ్యూలర్‌ కెప్టెన్‌ రోహిత్‌ శర్మ వ్యక్తిగత కారణాలతో దూరమయ్యాడు. దీంతో అతడి స్థానంలో హార్దిక్‌ పాండ్యా జట్టు కెప్టెన్సీ బాధ్యతలు నిర్వహించనున్నాడు. తొలి వన్డేకు రోహిత్‌ దూరం కావడంతో భారత ఇన్నింగ్స్‌ను శుబ్‌మన్‌ గిల్‌తో కలిసి ఇషాన్‌ కిషన్‌ ప్రారంభించడం దాదాపు ఖాయంగా కన్పిస్తోంది. మరోవైపు స్టార్‌ ఆల్‌రౌండర్‌ రవీంద్ర జడేజా ఈ మ్యాచ్‌తో వన్డేల్లో పునరాగమనం చేయనున్నాడు. గాయం నుంచి కోలుకున్నాక తొలి వన్డే జడేజా ఆడనున్నాడు. ఇక జడ్డూ జట్టు సెలక్షన్‌కు అందుబాటులోకి రావడంతో మరో ఆల్‌రౌండర్‌ వాషింగ్టన్‌ సుందర్‌ బెంచ్‌కే పరిమితమయ్యే ఛాన్స్‌ ఉంది. అదే విధంగా స్పిన్నర్లు యజువేంద్ర చాహల్‌, కుల్దీప్‌ యాదవ్‌ ఇద్దరిలో ఎవరో ఒక్కరికే చోటు దక్కే అవకాశం ఉంది. చాహల్‌ను కాదని కుల్దీప్‌వైపే జట్టు మెనెజెమెంట్‌ మొగ్గు చూపుతున్నట్లు సమాచారం. ఇక ఆస్ట్రేలియా విషయానికి వస్తే.. గాయం కారణంగా ఆఖరి రెండు టెస్టులకు దూరమైన స్టార్ ఓపెనర్‌ డేవిడ్‌ వార్నర్‌ తిరిగి జట్టుతో చేరాడు. అదే విధంగా ఈ సిరీస్‌కు ఆసీస్‌ రెగ్యూలర్‌ కెప్టెన్‌ ప్యాట్‌ కమ్మిన్స్‌ దూరం కావడంతో స్టీవ్‌ స్మిత్‌ సారథ్యం వహించను​న్నాడు. తుది జట్లు(అంచనా) భారత్‌: శుబ్‌మన్ గిల్, ఇషాన్ కిషన్ (వికెట్‌ కీపర్‌), విరాట్ కోహ్లి, సూర్యకుమార్ యాదవ్, కేఎల్‌ రాహుల్, హార్దిక్ పాండ్యా (కెప్టెన్‌), రవీంద్ర జడేజా, కుల్దీప్ యాదవ్, మహ్మద్ షమీ, మహ్మద్ సిరాజ్, ఉమ్రాన్ మాలిక్ ఆస్ట్రేలియా: డేవిడ్ వార్నర్, ట్రావిస్ హెడ్, స్టీవ్ స్మిత్ (కెప్టెన్‌), మార్నస్ లాబుషేన్‌, మార్కస్ స్టోయినిస్, అలెక్స్ కారీ (వికెట్‌ కీపర్‌), గ్లెన్ మాక్స్‌వెల్, సీన్ అబాట్, నాథన్ ఎల్లిస్, మిచెల్ స్టార్క్, ఆడమ్ జంపా చదవండి: IND vs AUS: ఆస్ట్రేలియాతో వన్డే సిరీస్‌.. సచిన్‌ ప్రపంచ రికార్డుపై కన్నేసిన కోహ్లి

టీమిండియాతో వన్డే సిరీస్‌కు ముందు ఆస్ట్రేలియాకు మరో గట్టి ఎదురు దెబ్బ తగిలే అవకాశం ఉంది. ఆ జట్టు కెప్టెన్ ప్యాట్‌ కమ్మిన్స్‌తో పాటు స్టార్‌ ఓపెనర్‌ డేవిడ్‌ వార్నర్‌ కూడా వన్డే సిరీస్‌కు దూరం కానున్నట్లు వార్తలు వినిపిస్తున్నాయి. కాగా తన తల్లి ఆనారోగ్యం బారిన పడటటంతో మూడో టెస్టుకు ముందు ఉన్నపళంగా కమ్మిన్స్‌ స్వదేశానికి వెళ్లిన సంగతి తెలిసిందే. క్యాన్సర్‌తో బాధపడుతున్న తన తల్లి ఆరోగ్యం కుదటపడకపోవడంతో కమ్మిన్స్‌ అక్కడే ఉండిపోయాడు. దీంతో బోర్డర్-గవాస్కర్ ట్రోఫీలో మిగిలిన రెండు టెస్టులకు అతడు దూరమయ్యాడు. అయితే కమ్మిన్స్‌ మరి కొన్ని రోజులు  తల్లి దగ్గరే ఉండాలని నిర్ణయించుకున్నట్లు పలు నివేదికలు పేర్కొంటున్నాయి. ఈ క్రమంలో అతడు వన్డే సిరీస్‌తో పాటు ఈ ఏడాది ఐపీఎల్‌ సీజన్‌ ఆరంభ మ్యాచ్‌లకు దూరం కానున్నట్లు సమాచారం. ఇక వార్నర్‌ విషయానికి వస్తే.. ఢిల్లీ వేదికగా భారత్‌తో జరిగిన రెండో టెస్టులో అతడి మోచేయికి గాయమైంది. దీంతో అతడు వెంటనే స్వదేశానికి వెళ్లిపోయాడు. ఇక వార్నర్‌ తన చేతి గాయం నుంచి నెమ్మదిగా కోలుకుంటున్నాడు. అయితే అతడు పూర్తి స్థాయి ఫిట్‌నెస్‌ సాధించడానికి రెండు నుంచి మూడు వారాల సమయం పట్టనున్నట్లు క్రికెట్‌ ఆస్ట్రేలియా వర్గాలు వెల్లడించాయి.  ఈ క్రమంలో అతడు కూడా టీమిండియాతో వన్డే సిరీస్ నుంచి తప్పుకునే సూచనలు కన్పిస్తున్నాయి. ఇక ఇప్పటికే గాయం కారణంగా ఆసీస్‌ స్టార్‌ పేసర్‌ జో రిచర్డ్‌సన్‌ కూడా భారత్‌తో వన్డే సిరీస్‌కు దూరమయ్యాడు. మార్చి 17న ముంబై వేదికగా జరగనున్న తొలి వన్డేతో ఈ సిరీస్‌ ప్రారంభం కానుంది. ఒక వేళ కమ్మిన్స్‌ వన్డే సిరీస్‌కు దూరమైతే.. ఆసీస్‌ జట్టు కెప్టెన్‌గా స్టీవ్‌ స్మిత్‌ వ్యవహరించనున్నాడు.

బోర్డర్ గవాస్కర్ ట్రోఫీ ముగిసిన అనంతరం ఆస్ట్రేలియా భారత జట్లు మూడు వన్డేల సిరీస్‌లో తలపడనున్నాయి. ఈ సిరీస్‌లో భాగంగా మార్చి 19న విశాఖపట్నం వేదికగా భారత్‌ ఆస్ట్రేలియా మధ్య రెండో వన్డే జరగనుంది. ఈ మ్యాచ్‌ టికెట్లను శనివారం(మార్చి 10) నుంచి విక్రయించనున్నట్లు ఆంధ్ర క్రికెట్ అసొసియేషన్ ఓ ప్రకటనలో వెల్లడించింది.  మార్చి 10 నుంచి ఆన్‌లైన్‌లో టికెట్లు బుక్ చేసుకోవచ్చని ఏసీఏ సెక్రటరీ ఎస్ గోపినాథరెడ్డి తెలిపారు. అదే విధంగా 13న ఆఫ్‌లైన్‌లో కూడా టికెట్లను విక్రయించనున్నట్టు ఆయన పేర్కొన్నారు. టికెట్ల ధరలు రూ.600, రూ.1,500, రూ.2000, రూ.3000, రూ.3,500, రూ.6000గా నిర్ణయించామని గోపినాథరెడ్డి వెల్లడించారు. ఇక మార్చి 17న ముంబైలోని వాంఖడే స్టేడియం వేదికగా జరగనున్న తొలి వన్డేతో ఈ సిరీస్‌ ప్రారంభం కానుంది. రెండో వన్డేకు విశాఖ..  ఆఖరి వన్డేకు చెన్నైలోని చెపాక్ స్టేడియం అతిథ్యం ఇవ్వనున్నాయి. అయితే ఆసీస్‌తో తొలి వన్డేకు మాత్రం టీమిండియా రెగ్యూలర్‌ కెప్టెన్‌ రోహిత్‌ శర్మ వ్యక్తిగత కారణాలతో దూరంగా ఉండనున్నాడు. ఈ మ్యాచ్‌లో భారత జట్టు సారథిగా హార్దిక్‌ పాండ్యా వ్యవహరించనున్నాడు. ఆసీస్‌తో వన్డే సిరీస్‌కు భారత జట్టు..    రోహిత్‌ శర్మ (కెప్టెన్‌), హార్ధిక్‌ పాండ్యా (వైస్‌ కెప్టెన్‌), కేఎల్‌ రాహుల్‌, శుభ్‌మన్‌ గిల్‌, విరాట్‌ కోహ్లి, ఇషాన్ కిషన్‌, అక్షర్‌ పటేల్‌, కుల్దీప్‌ యాదవ్‌, రవీంద్ర జడేజా, మహ్మద్‌ షమీ, మహ్మద్‌ సిరాజ్‌, శ్రేయస్‌ అయ్యర్‌, సూర్యకుమార్‌ యాదవ్‌, జయదేవ్‌ ఉనద్కత్‌, వాషింగ్టన్‌ సుందర్‌, ఉమ్రాన్‌ మాలిక్‌, యుజ్వేంద్ర చహల్‌, శార్ధూల్‌ ఠాకూర్‌

స్వదేశంలో ఇంగ్లండ్‌తో జరిగిన వన్డే సిరీస్‌లో బంగ్లాదేశ్‌కు ఓదార్పు విజయం లభించింది. ఛటోగ్రామ్‌ వేదికగా ఇంగ్లండ్‌తో జరిగిన మూడో వన్డేలో 50 పరుగుల తేడాతో బంగ్లాదేశ్‌ ఘన విజయం సాధించింది. తద్వారా వైట్‌వాష్‌ నుంచి బంగ్లా తప్పించుకుంది. 247 పరుగుల లక్ష్యంతో బరిలోకి దిగిన ఇంగ్లండ్‌ 43.1 ఓవర్లలో కేవలం 196 పరుగులకే కుప్పకూలింది.  బంగ్లాదేశ్‌ బౌలర్లలో షకీబ్‌ 4 వికెట్లతో ఇంగ్లండ్‌ పతనాన్ని శాసించగా.. తైజుల్‌ ఇస్లాం, ఎబాడోత్ హుస్సేన్ చెరో రెండు వికెట్లు సాధించారు. ఇంగ్లండ్‌ బ్యాటర్లలో జేమ్స్‌ విన్స్‌(38) పరుగులతో టాప్‌ స్కోరర్‌గా నిలిచాడు. ఇక తొలుత బ్యాటింగ్‌ చేసిన బంగ్లాదేశ్‌ 48.5 ఓవర్లలో 246 పరుగులకు ఆలౌటైంది. బంగ్లా బ్యాటర్లలో  షకీబ్‌ అల్‌హసన్‌(75), రహీం(70), షాంటో హాఫ్‌ సెంచరీలతో రాణించారు. ఇంగ్లండ్‌ బౌలర్లలో జోఫ్రా అర్చర్‌ మూడు వికెట్లు, సామ్‌ కుర్రాన్‌, రషీద్‌ తలా రెండు వికెట్లు సాధించారు. ఇక తొలి రెండు మ్యాచ్‌ల్లో విజయం సాధించిన ఇంగ్లండ్‌.. మూడు వన్డేల సిరీస్‌ను 2-1 తేడాతో సొంతం చేసుకుంది. కాగా ఆల్‌రౌండ్‌ షోతో అదరగొట్టిన షకీబ్‌ ప్లేయర్ ఆఫ్‌ ది మ్యాచ్‌గా ఎంపికవ్వగా.. ఈ సిరీస్‌ అసాంతం అద్భుతంగా రాణించిన ఇంగ్లండ్‌ స్పిన్నర్‌ అదిల్‌ రషీద్‌కు ప్లేయర్‌ ఆఫ్‌ ది సిరీస్‌ అవార్డు వరించింది. చదవండి: SA vs WI: దక్షిణాఫ్రికా కొత్త కెప్టెన్‌గా స్టార్‌ క్రికెటర్‌.. బవుమాపై వేటు!

బ్లూమ్‌ఫోంటైన్ వేదికగా ఇంగ్లండ్‌తో జరిగిన రెండో వన్డేలో 5 వికెట్ల తేడాతో దక్షిణాఫ్రికా విజయం సాధించింది. తద్వారా రెండు మ్యాచ్‌ల సిరీస్‌ను మరో మ్యాచ్‌ మిగిలూండగానే 2-0 తేడాతో ప్రొటీస్‌ సొంతం చేసుకుంది. 343 పరుగుల భారీ లక్ష్యంతో బరిలోకి దిగిన దక్షిణాఫ్రికా 49.1 ఓవర్లలో 5 వికెట్లు కోల్పోయి చేధించింది. ప్రోటీస్‌ విజయంలో ఆ జట్టు కెప్టెన్‌ టెంబా బావుమా కీలక పాత్ర పోషించాడు. 102 బంతులు ఎదుర్కొన్న బావుమా 14 ఫోర్లు, 1 సిక్స్‌తో 109 పరుగులు చేశాడు. అదే విధంగా డెవిడ్‌ మిల్లర్‌ కూడా 58 పరుగులతో ఆజేయం నిలిచి జట్టును విజయ తీరాలకు చేర్చాడు. ఇంగ్లండ్‌ బౌలర్లలో ఓలీ స్టోన్‌, రషీద్‌ చెరో రెండు వికెట్లు పడగొట్టగా.. సామ్‌ కుర్రాన్‌ ఒక్క వికెట్‌ సాధించాడు. ఇ‍క తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 342 పరుగుల భారీ స్కోర్‌ సాధించింది. ఇంగ్లండ్‌ బ్యాటర్లలో హ్యారీ బ్రూక్‌(80), జోస్‌ బట్లర్‌(94 నాటౌట్‌), మొయిన్‌ అలీ(51) అద్భుతమైన ఇన్నింగ్స్‌లు ఆడారు. ప్రోటిస్‌ బౌలర్లలో నోర్జే రెండు వికెట్లు సాధించగా.. పార్నెల్‌, ఎంగిడీ, మార్‌క్రమ్‌, జానెసన్‌ తలా వికెట్‌ పడగొట్టారు. ఇక ఇరు జట్ల మధ్య నామమాత్రపు మూడో వన్డే కింబర్లీ వేదికగా ఫిబ్రవరి 1న జరగనుంది. చదవండి: Gongadi Trisha: శెభాష్‌ బిడ్డా! మ్యాచ్‌ను మలుపు తిప్పిన త్రిష.. భద్రాచలంలో సంబరాలు

ఇంగ్లండ్‌తో మూడు వన్డేల సిరీస్‌ కోసం 16 ‍మంది సభ్యులతో కూడిన తమ జట్టును క్రికెట్‌ సౌతాఫ్రికా ప్రకటించింది. ఈ జట్టుకు టెంబా బావుమా సారథ్యం వహించనున్నాడు. అదే విధంగా ఆల్‌రౌండర్లు మార్కో జాన్‌సెన్‌, సిసంద మగలకు వన్డే జట్టులో చోటు దక్కింది. ఇక గాయం కారణంగా జట్టుకు దూరంగా ఉన్న ప్రోటీస్‌ స్టార్‌ బ్యాటర్‌ వాన్ డెర్ డస్సెన్ ఈ సిరీస్‌తో పునరాగమనం చేయనున్నాడు. ఇక ఈ సిరీస్‌కు ఎంపికైన ప్రోటీస్‌ సీనియర్‌ ఆటగాళ్లు క్వింటన్ డి కాక్, రీజా హెండ్రిక్స్, హెన్రిచ్ క్లాసెన్, కేశవ్ మహారాజ్, జన్నెమాన్ మలన్, ఐడెన్ మార్క్రామ్, డేవిడ్ మిల్లర్ ప్రస్తుతం సౌతాఫ్రికా టీ20 లీగ్‌లో భాగంగా ఉన్నారు. అయితే సిరీస్‌ సమయానికి వీరంతా జట్టుతో కలవనున్నారు. ఇక జనవరి 27న బ్లోమ్‌ఫోంటెయిన్ వేదికగా జరగనున్న తొలి వన్డేతో ఈ సిరీస్‌ ఆరంభం కానుంది.  కాగా భారత్‌ వేదికగా ఈ ఏడాది జరగనున్న వన్డే ప్రపంచకప్‌కు అర్హత సాధించాలంటే ఈ సిరీస్‌ ప్రోటీస్‌కు చాలా కీలకం. ఇంగ్లండ్‌తో వన్డే సిరీస్‌కు ప్రోటీస్‌ జట్టు: టెంబా బావుమా (కెప్టెన్‌), క్వింటన్ డి కాక్, రీజా హెండ్రిక్స్, మార్కో జాన్సెన్, హెన్రిచ్ క్లాసెన్, సిసంద మగలా, కేశవ్ మహరాజ్, జన్నెమాన్ మలన్, ఐడెన్ మార్క్రామ్, డేవిడ్ మిల్లర్, లుంగి ఎన్గిడి, అన్రిచ్ నోర్జే, వేన్ పార్నెల్, షమ్సీ, వాన్ డెర్ డస్సెన్ చదవండి: IND vs NZ: నేను అనుకున్నది జరగలేదు.. అతడు మాత్రం భయపెట్టాడు: రోహిత్‌ శర్మ

తిరువనంతపురం వేదికగా శ్రీలంకతో జరిగిన మూడో వన్డేలో 317 పరుగుల తేడాతో భారత్‌ విజయం సాధించిన సంగతి తెలిసిందే. దీంతో మూడు వన్డేల సిరీస్‌ను 3-0 తేడాతో టీమిండియా క్లీన్‌ స్వీప్‌ చేసింది. అదేవిధంగా వన్డే క్రికెట్‌ చరిత్రలోనే అత్యధిక పరుగుల తేడాతో విజయం సాధించిన జట్టుగా భారత్‌ నిలిచింది. ఇక ఈ మ్యాచ్‌లో టీమిండియా ఆటగాళ్లు విరాట్‌ కోహ్లి, శుబ్‌మాన్‌ గిల్‌ అద్భుతమైన సెంచరీలతో చెలరేగారు. కోహ్లి 110 బంతుల్లో 166 నాటౌట్‌ (13 ఫోర్లు, 8 సిక్స్‌లు), గిల్‌ 97 బంతుల్లో 14 ఫోర్లు, 2 సిక్స్‌లతో 116 పరుగులు చేశాడు. ఈ మ్యాచ్‌తో పాటు సిరీస్‌ అసాంతం రాణించిన కోహ్లికే ప్లేయర్‌ ఆఫ్‌ది మ్యాచ్‌, ప్లేయర్‌ ఆఫ్‌ది సిరీస్‌ అవార్డు దక్కింది. బంతికి ఫోటో తీసిన ఫ్యాన్‌ కాగా ఈ మ్యాచ్‌లో భారత ఇన్నింగ్స్‌ సందర్భంగా ఓ ఫన్నీ సంఘటన చోటు చేసుకుంది. భారత ఇన్నింగ్స్‌లో 45 ఓవర్‌ వేసిన కరుణరత్నే బౌలింగ్‌లో తొలి బంతిని కోహ్లి లాంగ్‌ ఆన్‌ దిశగా స్టాండ్స్‌కు తరిలించాడు. ఈ క్రమంలో స్టాండ్స్‌లో ఉన్న అభిమాని బంతిని అందుకున్నాడు. అయితే ఆ ఫ్యాన్‌ బంతిని తిరిగివ్వకుండా ఫోటో తీసుకుంటూ ఉండి పోయాడు. దీంతో తరువాతి బంతిని ఎదుర్కొవడానికి సిద్దంగా ఉన్న కోహ్లి.. అభిమాని చర్యను చూసి నవ్వుకున్నాడు. ఆ తర్వాత కాసేపటికి అతడు బంతిని తిరిగి అందించాడు. ఇందుకు సంబంధించిన వీడియో ప్రస్తుతం సోషల్‌మీడియాలో వైరల్‌గా మారింది. చదవండి: IND vs SL: ధోనిని గుర్తు చేసిన కోహ్లి.. హెలికాప్టర్‌ షాట్‌తో భారీ సిక్స్‌! వీడియో వైరల్‌ pic.twitter.com/Vn6k6xPwFT — MINI BUS 2022 (@minibus2022) January 15, 2023 pic.twitter.com/PeolYUFd4T — IPLT20 Fan (@FanIplt20) January 15, 2023

స్వదేశంలో న్యూజిలాండ్‌తో జరగనున్న వన్డే సిరీస్‌కు 16 మంది సభ్యులతో కూడిన తమ జట్టును పాకిస్తాన్‌ క్రికెట్‌ బోర్డు గురువారం ప్రకటించింది. ఈ జట్టుకు బాబర్‌ ఆజం సారథ్యం వహించనున్నాడు. ఇక గాయం కారణంగా న్యూజిలాండ్‌తో టెస్టు సిరీస్‌కు దూరమైన పాక్‌ స్టార్‌ పేసర్‌ హరీస్ రౌఫ్‌ తిరిగి వన్డే జట్టకు ఎంపికయ్యాడు. అదే విధంగా పాక్‌ మిడిలార్డర్‌ బ్యాటర్‌ షాన్‌ మసూద్‌, వెటరన్‌ ఆటగాడు హరీస్ సోహైల్ ఛాన్నాళ్ల తర్వాత తిరిగి వన్డే జట్టులోకి వచ్చారు. మరో వైపు పాకిస్తాన్‌ వన్డే ‍కప్‌లో అదరగొట్టన  టయ్యాబ్‌ తాహిర్‌, స్పిన్నర్‌ ఉస్మా మీర్‌కు తొలి సారి పాక్‌ జట్టులో చోటు దక్కింది. కాగా జనవరి 9న కరాచీ వేదికగా ఇరు జట్ల మధ్య జరగనున్న తొలి వన్డేతో ఈ సిరీస్‌ ప్రారంభం కానుంది. న్యూజిలాండ్‌తో వన్డే సిరీస్‌కు పాకిస్తాన్ జట్టు: బాబర్ ఆజం (కెప్టెన్), ఫఖర్ జమాన్, హరీస్ రవూఫ్, హరీస్ సోహైల్, ఇమామ్-ఉల్-హక్, కమ్రాన్ గులామ్, మహ్మద్ హస్నైన్, మహ్మద్ నవాజ్, మహ్మద్ రిజ్వాన్, మహ్మద్ వసీం జూనియర్, నసీమ్, నసీమ్ అలీ అఘా, షానవాజ్ దహానీ, షాన్ మసూద్, తయ్యబ్ తాహిర్, ఉసామా మీర్

బంగ్లాదేశ్‌తో మూడు వన్డేల సిరీస్‌కు టీమిండియా వికెట్‌ కీపర్‌ బ్యాటర్‌ రిషబ్‌ పంత్‌ దూరమయ్యాడు. అతడిని వన్డే జట్టును నుంచి విడుదల చేస్తున్నట్లు తొలి వన్డేకు ముందు బీసీసీఐ ప్రకటన చేసింది.  "బీసీసీఐ మెడికల్‌ టీమ్‌తో సంప్రదింపులు జరిపిన తర్వాతే జట్టు నుంచి విడుదల చేశాం. అతడు తిరిగి టెస్టు సిరీస్‌కు భారత జట్టులో చేరుతాడు. అయితే వన్డే సిరీస్‌కు పంత్‌ ప్రత్యామ్నాయంగా ఎవరినీ ఎంపికచేయలేదు. అదే విధంగా మొదటి వన్డే సెలక్షన్‌కు అక్షర్ పటేల్ అందుబాటులో లేడు" అంటూ బీసీసీఐ ఓ ప్రకటనలో పేర్కొంది. పంత్ కు ఏమైందో మాత్రం  బీసీసీఐ చెప్పలేదు.  ఇక పంత్‌ దూరం కావడంతో కేఎల్‌ రాహుల్‌ వికెట్‌ కీపర్‌ బాధ్యతలు చేపట్టాడు. కాగా గత కొంత కాలంగా పంత్‌ దారుణ ప్రదర్శన కనబరుస్తున్నాడు. ఈ ఏడాది జూన్‌లో ఇంగ్లండ్‌పై  విన్నింగ్ సెంచరీ చేసిన పంత్‌.. అనంతరం ఒక్క మ్యాచ్‌లో కూడా రాణించలేకపోయాడు.  న్యూజిలాండ్‌తో జరిగిన అఖరి వన్డేలో పంత్‌ వెన్ను నొప్పితో బాధ పడ్డాడు. ఈ క్రమంలోనే పంత్‌ను జట్టు నుంచి తప్పించినట్లు తెలుస్తోంది. అయితే నెటిజన్లు మాత్రం కావాలనే పంత్‌ను బీసీసీఐ తప్పించింది అంటూ ట్విటర్‌లో పోస్టులు చేస్తున్నారు. 🚨 UPDATE In consultation with the BCCI Medical Team, Rishabh Pant has been released from the ODI squad. He will join the team ahead of the Test series. No replacement has been sought Axar Patel was not available for selection for the first ODI.#TeamIndia | #BANvIND — BCCI (@BCCI) December 4, 2022 చదవండి: BAN vs IND: 'ప్రపంచకప్‌కు ఇంకా చాలా సమయం ఉంది.. ఇప్పడు మా దృష్టి అంతా దాని పైనే'

న్యూజిలాండ్‌ పర్యటన ముగిసిన వెంటనే  బంగ్లాదేశ్‌తో పరిమిత ఓవర్ల సిరీస్‌లో తలపడేందుకు టీమిండియా సిద్దమైంది. బంగ్లా పర్యటనలో భాగంగా భారత జట్టు మూడు వన్డేలు, రెండు టెస్టులు ఆడనుంది. ఇప్పటికే బంగ్లా గడ్డపై అడుగుపెట్టిన టీమిండియా.. ప్రా‍క్టీస్‌ సెషన్స్‌లో బిజీబిజీగా గడుపుతోంది. ఇక మూడు వన్డేల సిరీస్‌లో భాగంగా ఇరు జట్ల మధ్య తొలి వన్డే డిసెంబర్‌ 4న ఢాకా వేదికగా జరగనుంది. కాగా న్యూజిలాండ్‌ పర్యటనకు దూరమైన టీమిండియా రెగ్యూలర్‌ కెప్టెన్‌ రోహిత్‌ శర్మ, విరాట్‌ కోహ్లి, కేఎల్‌ రాహుల్‌ తిరిగి జట్టులోకి వచ్చారు. మరోవైపు ఈ సిరీస్‌కు టీమిండియా వెటరన్‌ పేసర్‌ మహ్మద్‌ షమీ గాయం కారణంగా దూరమయ్యాడు. అతడి స్థానంలో యువ పేసర్‌ ఉమ్రాన్‌ మాలిక్‌ను బీసీసీఐ ఎంపిక చేసింది. ఇక తొలి వన్డేలో భారత తరపున రజిత్‌ పాటిదర్‌ అంతర్జాతీయ అరంగేట్రం చేసే అవకాశం ఉంది. అదే విధంగా వరుసగా విఫలమవుతున్న పంత్‌ స్థానంలో పాటిదర్‌ అవకాశం ఇవ్వాలని మేనేజ్‌మెంట్‌ భావిస్తున్నట్లు సమాచారం. వికెట్‌ కీపర్‌ బాధ్యతలు భారత వైస్‌ కెప్టెన్‌ కేఎల్‌ రాహుల్‌ చేపట్టనున్నట్లు తెలుస్తోంది. అదే విధంగా రాహుల్‌ ఐదో స్థానంలో బ్యాటింగ్‌కు వచ్చే అవకాశం ఉంది. రోహిత్‌ శర్మ, ధావన్‌ భారత ఇన్నింగ్స్‌ను ప్రారంభించనున్నారు. ఇక ఫస్ట్‌ డౌన్‌లో విరాట్‌ కోహ్లి, సెకెండ్‌ డౌన్‌లో శ్రేయస్‌ అయ్యర్‌ బ్యాటింగ్‌కు వచ్చే ఛాన్స్‌ ఉంది. బౌలింగ్‌ విషయానికి వస్తే ఇద్దరు స్పిన్నర్లు, ముగ్గురు పేస్‌ బౌలర్లతో భారత్‌ బరిలోకి దిగే అవకాశం ఉంది. షమీ స్థానంలో జట్టులోకి వచ్చిన ఉమ్రాన్‌ మాలిక్‌కు తుది జట్టులో ఛాన్స్‌ ఉంది.  భారత తుది జట్టు (అంచనా) శిఖర్ ధావన్, రోహిత్ శర్మ (కెప్టెన్‌), విరాట్ కోహ్లి, శ్రేయాస్ అయ్యర్, కేఎల్‌ రాహుల్(వికెట్‌ కీపర్‌), రజిత్‌ పాటిదర్‌, వాషింగ్టన్ సుందర్, అక్షర్ పటేల్, ఉమ్రాన్‌ మాలిక్‌, దీపక్ చాహర్, మహ్మద్ సిరాజ్ చదవండి: IND vs BAN: దీపక్‌ చాహర్‌కు చేదు అనుభవం.. కనీసం ఫుడ్‌ కూడా లేదంటూ మండిపాటు

స్వదేశంలో భారత్‌తో వన్డే సిరీస్‌కు 16 మంది సభ్యులతో కూడిన తమ జట్టును బంగ్లాదేశ్‌ క్రికెట్‌ బోర్డు ప్రకటించింది. ఈ జట్టుకు వెటరన్‌ ఆటగాడు తమీమ్‌ ఇక్బాల్ సారథ్యం వహించనున్నాడు. అదే విధంగా యువ పేసర్ షోరిఫుల్ ఇస్లాంతో పాటు మిడిల్ ఆర్డర్ బ్యాటర్ మొసద్దెక్ హొస్సేన్‌పై సెలక్టర్లు వేటు వేశారు. గత మరోవైపు జింబాబ్వేతో వైట్‌ బాల్‌ సిరీస్‌కు దూరమైన షకీబ్‌ ఆల్‌ హసన్‌ తిరిగి భారత్‌ సిరీస్‌తో జట్టులోకి వచ్చాడు. ఇక హోం సిరీస్‌లో భాగంగా బంగ్లా జట్టు టీమిండియా మూడు వన్డేలు, రెండు టెస్టు మ్యాచ్‌ల సిరీస్‌ ఆడనుంది. డిసెంబర్ 4న ఢాకా వేదికగా జరగనున్న తొలి వన్డేతో భారత పర్యటన ప్రారంభం కానుంది. భారత్‌తో వన్డేలకు బంగ్లా జట్టు: తమీమ్ ఇక్బాల్ (కెప్టెన్), లిట్టన్ కుమార్ దాస్, అనముల్ హక్ బిజోయ్, షకీబ్ అల్ హసన్, ముష్ఫికర్ రహీమ్, అఫీఫ్ హొస్సేన్, యాసిర్ అలీ చౌదరి, మెహిదీ హసన్ మిరాజ్, ముస్తాఫిజుర్ రహ్మాన్, తస్కిన్ అహ్మద్, హసన్ మహ్మద్, ఎబాడోత్ హుస్సేన్, నసుమ్ అహ్మద్,జ్ముల్ హుస్సేన్ శాంటో,మహ్మదుల్లా,నూరుల్ హసన్ సోహన్‌ చదవండి: IND vs NZ 1st ODI:తొలుత బ్యాటింగ్‌ చేయనున్న భారత్‌.. యువ బౌలర్లు ఎంట్రీ! సంజూకి ఛాన్స్‌

బంగ్లాదేశ్‌తో వన్డే సిరీస్‌కు ముందు టీమిండియాకు గట్టి ఎదురు దెబ్బ తగిలింది. జట్టు స్టార్‌ ఆల్‌రౌండర్‌ రవీంద్ర జడేజా బంగ్లాతో వన్డే సిరీస్‌తో పాటు టెస్టులకు కూడా దూరమయ్యాడు. ఈ ఏడాది సెప్టెంబర్‌లో మోకాలి గాయం బారిన పడిన జడేజా ఇంకా పూర్తిగా కోలుకోలేదు. ఈ క్రమంలోనే బంగ్లాతో వన్డే సిరీస్‌కు జడ్డూ దూరమైనట్లు బీసీసీఐ వెల్లడించింది. అదే విధంగా టెస్టులకు కూడా జడేజా దూరమయ్యే అవకాశం ఉంది. దీంతో అతడి స్థానంలో వన్డేలకు ఆల్‌రౌండర్‌ షాబాజ్‌ అహ్మద్‌ను బీసీసీఐ సీనియర్ సెలక్షన్‌ కమిటీ భర్తీ చేసింది. ఇక యువ పేసర్‌ యాష్‌ దయాల్‌ కూడా వెన్ను నొప్పి కారణంగా బంగ్లాతో వన్డే సిరీస్‌కు దూరమయ్యాడు. అతడి స్థానంలో మరో యువ పేసర్‌ కుల్దీప్‌ సేన్‌ ఎంపికయ్యాడు. మరోవైపు బంగ్లాదేశ్‌తో నాలుగు రోజుల టెస్టు మ్యాచ్‌లకు 13 మంది సభ్యలతో కూడిన భారత్‌-ఏ జట్టును కూడా బీసీసీఐ ప్రకటించింది. ఈ జట్టుకు అభిమన్యు ఈశ్వరన్ సారథ్యం వహించనున్నాడు. అదే విధంగా భారత వెటరన్‌ ఆటగాళ్లు ఛెతేశ్వర్ పుజారా, ఉమేష్ యాదవ్ కూడా ఈ జట్టులో చోటు దక్కించకున్నారు. నవంబర్‌ 29న ఇరుజట్ల మధ్య తొలి నాలుగు రోజుల టెస్టు మ్యాచ్‌ జరగనుంది. ఇక  డిసెంబర్‌ 4న జరగనున్న తొలి వన్డేతో భారత పర్యటన ప్రారంభం కానుంది. బంగ్లాదేశ్ వన్డేలకు భారత జట్టు: రోహిత్ శర్మ (కెప్టెన్‌), కెఎల్ రాహుల్ (వైస్‌ కెప్టెన్‌), శిఖర్ ధావన్, విరాట్ కోహ్లీ, రజత్ పటీదార్, శ్రేయాస్ అయ్యర్, రాహుల్ త్రిపాఠి, రిషబ్ పంత్ (వికెట్‌కీపర్‌), ఇషాన్ కిషన్ (వికెట్‌ కీపర్‌), షాబాజ్ అహ్మద్, అక్షర్ పటేల్ , వాషింగ్టన్ సుందర్, శార్దూల్ ఠాకూర్, మహ్మద్‌  షమీ, మొహమ్మద్. సిరాజ్, దీపక్ చాహర్, కుల్దీప్ సేన్. తొలి నాలుగు రోజుల మ్యాచ్‌కు భారత-ఏ జట్టు: అభిమన్యు ఈశ్వరన్ (కెప్టెన్‌), రోహన్ కున్నుమ్మల్, యశస్వి జైస్వాల్, యశ్ ధుల్, సర్ఫరాజ్ ఖాన్, తిలక్ వర్మ, ఉపేంద్ర యాదవ్ (వికెట్‌ కీపర్‌), సౌరభ్ కుమార్, రాహుల్ చాహర్, జయంత్ యాదవ్, ముఖేష్ కుమార్, నవదీప్ సైనీ, అతిత్ షెత్ రెండో నాలుగు రోజుల మ్యాచ్‌కు భారత-ఏ జట్టు: అభిమన్యు ఈశ్వరన్ (కెప్టెన్‌), రోహన్ కున్నుమ్మల్, యశస్వి జైస్వాల్, యష్ ధుల్, సర్ఫరాజ్ ఖాన్, ఉపేంద్ర యాదవ్ (వికెట్‌ కీపర్‌), సౌరభ్ కుమార్, రాహుల్ చాహర్, జయంత్ యాదవ్, ముఖేష్ కుమార్, నవదీప్ సైనీ, అతిత్ శేథ్, ఛెతేశ్వర్ పుజారా, ఉమేష్ యాదవ్, కేఎస్‌ భరత్ చదవండి: IPL 2023 Mini Auction: సన్‌రైజర్స్‌లోకి బెన్‌ స్టోక్స్‌.. కెప్టెన్‌ కూడా అతడే..?

సిడ్నీ వేదికగా ఇంగ్లండ్‌తో జరిగిన రెండో వన్డేలో 72 పరుగుల తేడాతో ఆస్ట్రేలియా ఘన విజయం సాధించింది. తద్వారా మూడు వన్డేల సిరీస్‌ను ఆస్ట్రేలియా మరో మ్యాచ్‌ మిగిలూండగానే 2-0తో కైవసం చేసుకుంది. 280 పరుగుల భారీ లక్ష్యంతో బరిలోకి దిగిన ఇంగ్లండ్‌ 38.5 ఓవర్లలో 208 పరుగులకు కుప్పకూలింది. ఆస్ట్రేలియా బౌలర్లలో మిచిల్‌ స్టార్క్‌, జంపా నాలుగు వికెట్లు పడగొట్టి ఇంగ్లండ్‌ను దెబ్బ తీయగా.. హాజిల్‌ వుడ్‌ రెండు వికెట్లు సాధించాడు. ఇక ఇంగ్లండ్‌ బ్యాటర్లలో విన్స్‌(60), బట్లర్‌(71) మినహా మిగితా బ్యాటర్లందరూ దారుణంగా విఫలమయ్యారు. కాగా తొలుత బ్యాటింగ్‌ చేసిన ఆస్ట్రేలియా నిర్ణీత 50 ఓవర్లలో 8వికెట్లు కోల్పోయి 280 పరుగులు చేసింది. ఆస్ట్రేలియా బ్యాటర్లలో సీనియర్‌ ఆటగాడు స్టీవ్‌ స్మిత్‌ 94 పరుగులతో కీలక ఇన్నింగ్స్‌ ఆడాడు. అతడితో పాటు లాబుషేన్‌(58), మార్ష్‌(50) అర్ధసెంచరీలతో రాణించారు. ఇంగ్లండ్‌ బౌలర్లలో అదిల్‌ రషీద్‌ మూడు, విల్లీ, వోక్స్‌ తలా రెండు వికెట్లు సాధించారు. ఇక నామమాత్రపు మూడో వన్డే నవంబర్‌ 22న మెల్‌బోర్న్‌ వేదికగా జరగనుంది. చదవండి: న్యూజిలాండ్‌తో రెండో టీ20.. మళ్లీ అదే బ్యాడ్‌ న్యూస్‌..!

ఆస్ట్రేలియాతో జరగనున్న వన్డే సిరీస్‌కు జింబాబ్వే తమ జట్టును మంగళవారం ప్రకటించింది. స్వదేశంలో బంగ్లాదేశ్‌, భారత్‌తో జరిగిన సిరీస్‌లకు దూరమైన జింబాబ్వే పేసర్ బ్లెస్సింగ్ ముజారబానీ తిరిగి జట్టులోకి వచ్చాడు. కాగా 18 ఏళ్ల తర్వాత ఆస్ట్రేలియా పర్యటనకు జింబాబ్వే వెళ్లనుంది. చివరగా 2003-2004లో ఆస్ట్రేలియా టూర్‌కు వెళ్లింది. అదే విధంగా ఇరు జట్లు ముఖాముఖి తలపడి కూడా దాదాపు 8 ఏళ్ల కావస్తోంది. చివగా 2014లో ఆసీస్‌-దక్షిణాఫ్రికా జట్లతో ట్రై సిరీస్‌లో జింబాబ్వే తలపడింది. ఇక ఆస్ట్రేలియా పర్యటనలో భాగంగా జింబాబ్వే మూడు వన్డేల సిరీస్‌ ఆడనుంది. కాగా ఈ సిరీస్‌ 2020 ఆగస్టులో జరగాల్సి ఉండగా.. కరోనా కారణంగా రేండేళ్ల పాటు వాయిదా పడింది. టౌన్‌విల్లే వేదికగా ఆగస్టు 28న జరగనున్న తొలి వన్డేతో ఈ సిరీస్‌ ప్రారంభం కానుంది. ఈ సిరీస్‌ వన్డే సూపర్‌ లీగ్‌లో భాగంగానే జరగనుంది. ఇక ఇప్పటికే ఈ సిరీస్‌ కోసం ఆస్ట్రేలియా కూడా తమ జట్టును ప్రకటించింది. జింబాబ్వే జట్టు: రెగిస్ చకబ్వా (కెప్టెన్,), ర్యాన్ బర్ల్, బ్రాడ్ ఎవాన్స్, ల్యూక్ జోంగ్వే, ఇన్నోసెంట్ కైయా, కైటానో, క్లైవ్ మదాండే, వెస్లీ మాధవెరె, తాడివానాషే మారుమాని, టోనీ మున్యోంగా, బ్లెస్సింగ్ ముజారబానీ, రిచర్డ్ నగరవ, విక్టర్ న్యౌచి సికందర్ రజా, సీన్ విలియమ్స్ ఆస్ట్రేలియా జట్టు: ఆరోన్ ఫించ్ (కెప్టెన్‌), సీన్ అబాట్, అష్టన్ అగర్, అలెక్స్ కారీ, కామెరాన్ గ్రీన్, జోష్ హేజిల్‌వుడ్, మార్నస్ లాబుషేన్‌, మిచెల్ మార్ష్, గ్లెన్ మాక్స్‌వెల్, స్టీవ్ స్మిత్, మిచెల్ స్టార్క్, మార్కస్ స్టోయినిస్, డేవిడ్ వార్నర్, ఆడమ్ జాంపా చదవండి: IND vs PAK: 'రోహిత్‌, రాహుల్‌, కోహ్లి కాదు.. పాకిస్తాన్‌కు చుక్కలు చూపించేది అతడే'

హరారే వేదికగా జింబాబ్వేతో జరిగిన రెండో వన్డేలో భారత్‌ 5 వికెట్ల తేడాతో ఘన విజయం సాధించింది. తద్వారా మూడు వన్డేల సిరీస్‌ను మరో మ్యాచ్‌ మిగిలూండగానే 2-0 తేడాతో భారత్‌ కైవసం చేసుకుంది. 162 పరుగుల స్వల్ప లక్ష్యంతో బరిలోకి దిగిన టీమిండియా 5 వికెట్లు కోల్పోయి 25.4 ఓవర్లలోనే చేధించింది. భారత బ్యాటర్లలో వికెట్‌ కీపర్‌ సంజూ శాంసన్‌ 43 పరుగులతో టాప్‌ స్కోరర్‌గా నిలవగా.. శిఖర్‌ ధావన్‌(33),గిల్‌(33) పరుగులతో రాణించారు. కాగా స్టాండింగ్‌ కెప్టెన్‌ కేఎల్‌ రాహుల్‌ మాత్రం కేవలం ఒక్క పరుగు మాత్రమే చేసి నిరాశ పరిచాడు. ఇక జింబాబ్వే బౌలర్లలో జాంగ్వే రెండు వికెట్లు పడగొట్టగా.. చివంగా, రజా, న్యాచీ తలా వికెట్‌ తీశారు. 161 పరుగులకే కుప్పకూలిన జింబాబ్వే ఇక టాస్‌ ఓడి తొలుత బ్యాటింగ్‌ చేసిన జింబాబ్వే భారత బౌలర్లు చేలరేగడంతో 38.1 ఓవర్లలో 161 పరుగులకే కుప్పకూలింది. జింబాబ్వే ఇన్నింగ్స్‌లో షాన్‌ విలియమ్స్‌ 42 పరుగులతో టాప్‌ స్కోరర్‌గా నిలిచాడు. ఇక భారత బౌలర్లలో శార్థూల్‌ ఠాకూర్‌ మూడు వికెట్లు పడగొట్టగా.. సిరాజ్‌, కుల్ధీప్‌ యాదవ్‌, హుడా,ప్రసిద్ధ్‌ కృష్ణ తలా వికెట్‌ సాధించారు. ఇక ఇరు జట్లు మధ్య అఖరి వన్డే ఆగస్టు 22న హరారే వేదికగా జరగనుంది. చదవండి: IND vs ZIM: టీమిండియాపై జింబాబ్వే అత్యంత చెత్త రికార్డు..

వెస్టిండీస్‌తో తొలి వన్డేలో విజయం సాధించిన భారత్‌కు మరో పోరుకు సిద్దమైంది. పోర్ట్‌ ఆఫ్‌ స్పెయిన్‌ వేదికగా ఆదివారం జరగనున్న రెండో వన్డేలో భారత్, విండీస్‌ తలపడనున్నాయి. కాగా ఈ మ్యాచ్‌కు ముందు ఓ అరుదైన రికార్డు భారత్‌ను ఊరిస్తోంది. ఈ మ్యాచ్‌లో భారత్‌ విజయం సాధిస్తే.. 2-0తేడాతో సిరీస్‌ను కైవసం చేసుకుంటుంది. తద్వారా ఒకే జట్టుపై వరుసగా అత్యధిక ద్వైపాక్షిక వన్డే సిరీస్ విజయాలు సాధించిన జట్టుగా భారత్‌ నిలుస్తోంది. కాగా ఇప్పటి వరకు విండీస్‌పై వరుసగా 11 వన్డే సిరీస్‌ల్లో భారత్‌ విజయం సాధించింది. మరో వైపు పాకిస్తాన్‌ కూడా జింబాబ్వేపై వరుసగా 11 వన్డే సిరీస్‌ల్లో విజయం సాధించి భారత్‌తో సమంగా ఉంది. ఈ సిరీస్‌ను భారత్‌ కైవసం చేసుకుంటే 12 విజయాలతో పాక్‌ను అధిగమిస్తోంది. భారత తుది జట్టు (అంచనా).. శిఖర్ ధవన్(కెప్టెన్), శుభ్‌మన్ గిల్, శ్రేయస్ అయ్యర్, సూర్యకుమార్ యాదవ్, దీపక్ హుడా, సంజూ శాంసన్, అక్షర్ పటేల్, శార్దూల్ ఠాకూర్, యుజ్వేంద్ర చాహల్, మహ్మద్ సిరాజ్, ఆవేశ్ ఖాన్ విండీస్‌ తుది జట్టు(అంచనా) నికోలస్ పూరన్ (కెప్టెన్), షాయ్ హోప్ (వైస్ కెప్టెన్), షమర్ బ్రూక్స్, అకేల్ హోసేన్, అల్జారీ జోసెఫ్, బ్రాండన్ కింగ్, కైల్ మేయర్స్, గుడాకేష్ మోటీ, రోవ్‌మన్ పావెల్, జేడెన్ సీల్స్,రొమారియో షెపర్డ్ చదవండి: Team India Predicted XI: రెండో వన్డేకు టీమిండియా ఇదే..!

ఐసీసీ వరల్డ్‌కప్‌ సూపర్‌ లీగ్‌లో భాగంగా ముల్తాన్‌ వేదికగా వెస్టిండీస్‌తో జరిగిన రెండో వన్డేలో పాకిస్తాన్‌ 120 పరుగుల తేడాతో ఘన విజయం సాధించింది. దీంతో మూడు మ్యాచ్‌ల వన్డే సిరీస్‌ను మరో మ్యాచ్ మిగిలుండగానే 2-0తో పాకిస్తాన్‌ కైవసం చేసుకుంది. పాక్‌ విజయంలో ఇమామ్-ఉల్-హక్, బాబర్ అజాం,మహ్మద్ నవాజ్‌ కీలక పాత్ర పోషించారు. తొలుత టాస్‌ గెలిచి బ్యాటిం‍గ్‌ చేసిన పాకిస్తాన్‌ నిర్ణీత 50 ఓవర్లలో 8 వికెట్ల నష్టానికి 275 పరుగులు చేసింది. పాక్‌ బ్యాటర్లలో ఇమామ్-ఉల్-హక్(72),బాబర్ అజాం(77) పరుగులతో రాణించారు. విండీస్‌ బౌలర్లలో అకేల్ హోసేన్ మూడు, ఫిలిప్‌, జోషఫ్‌ చెరో రెండు వికెట్లు సాధించారు. ఇక 276 పరుగుల లక్ష్యంతో బరిలోకి దిగిన వెస్టిండీస్‌ 155 పరుగులకే కుప్పకూలింది. విండీస్‌ ఇన్నింగ్స్‌లో షమర్ బ్రూక్స్ 42 పరుగులతో టాప్‌ స్కోరర్‌గా నిలిచారు. పాక్‌ బౌలర్లలో మహ్మద్‌ నవాజ్‌ నాలుగు వికెట్లు పడగొట్టి విండీస్‌ పతనాన్ని శాసించాడు. అతడితో పాటు మహ్మద్‌ వసీం మూడు, షదాబ్‌ ఖాన్‌ రెండు, షాహిన్‌ ఆఫ్రిది ఒక్క వికెట్‌ సాధించారు. ఇక ఈ సిరీస్‌లో అఖరి వన్డే ఆదివారం జరగనుంది. చదవండి: T20 WC 2022: 'అతడు టీ20 ప్రపంచకప్‌లో టీమిండియాకు బెస్ట్‌ ఫినిషర్‌ అవుతాడు' One jaffa after another! 🌟 Superstar @mnawaz94 registers his career-best figures of 𝟭𝟬-𝟬-𝟭𝟵-𝟰 🙌#PAKvWI | #KhelAbhiBaqiHai pic.twitter.com/jf8Eg05fwO — Pakistan Cricket (@TheRealPCB) June 10, 2022

Virat Kohli set to Miss a ODI series: దక్షిణాఫ్రికాతో త్వరలో జరగనున్న వన్డే సిరీస్‌కు టీమిండియా స్టార్‌ బ్యాటర్‌, మాజీ కెప్టెన్‌ విరాట్‌ కోహ్లి దూరం కానున్నట్లు తెలుస్తోంది. కాగా దక్షిణాఫ్రికా పర్యటనకు ముందు టీమిండియా వన్డే కెప్టెన్సీ నుంచి కోహ్లిని తప్పించి రోహిత్‌ శర్మకు బీసీసీఐ బాధ్యతలు అప్పజెప్పిన సంగతి తెలిసిందే. టీ20 ప్రపంచకప్‌ తర్వాత టీ20 కెప్టెన్సీ బాధ్యతలు నుంచి తప్పుకున్న కోహ్లి.. వన్డే, టెస్ట్‌లకు సారధి కొనసాగుతానని తెలిపాడు. ఈ క్రమంలో అనూహ్యంగా బీసీసీఐ తీసుకున్న నిర్ణయం విరాట్‌ను తీవ్ర నిరాశకు గురిచేసినట్లు తెలుస్తోంది. దీంతో సాఫారీ గడ్డపై జరిగే వన్డే సిరీస్‌కు దూరంగా ఉండాలని భావిస్తున్నట్లు వార్తలు వినిపిస్తున్నాయి. మరో వైపు జనవరిలో తన కుమార్తె వామిక బర్త్‌డే ఉండడంతో.. కోహ్లి తన కుటుంబంతో కలిసి హాలిడే ప్లాన్ చేసుకున్నట్లు సమాచారం. కాగా టెస్ట్‌ సిరీస్‌ అనంతరం  జనవరి 19 నుంచి మూడు మ్యాచ్‌ల వన్డే సిరీస్ జరగనుంది. అదే సమయంలో తన గారాల పట్టి వామిక తొలి పుట్టిన రోజు ఉండడంతో కోహ్లి సిరీస్‌ నుంచి తప్పుకోనున్నట్లు తెలుస్తోంది. అంతేగాక ఈ విషయం గురించి బీసీసీఐకి సమాచారం ఇచ్చాడని.. వన్డే సిరీస్‌కు తాను అందుబాటులో ఉండనని చెప్పినట్లు సమాచారం. ఓ నెటిజన్ స్పందిస్తూ.."ఇది నిజంగా వినడానికి చాలా షాకింగ్‌గా ఉంది. టెస్ట్‌ సిరీస్‌కు రోహిత్‌ దూరం కాగా, ఇప్పుడు విరాట్‌ కూడా వన్డే సిరీస్‌కు దూరం కానున్నాడు. విరాట్ తన కుటుంబంతో కలిసి హాలిడే ప్లాన్ చేసుకున్నాడు. జనవరిలో తన కుమార్తె  వామికా మెదటి బర్త్‌డే ఉంది. అందుకే కోహ్లి వన్డేలకు దూరం ఉండాలని భావిస్తున్నాడు"అని ట్విటర్‌లో పేర్కొన్నాడు. కాగా గాయం కారణంగా రోహిత్‌ శర్మ దక్షిణాఫ్రికాతో టెస్ట్‌ సిరీస్‌కు దూరమయ్యాడు. చదవండి: Trolls On Rohit Sharma: వైస్‌ కెప్టెన్‌ కాదు.. ముందు ఫిట్‌గా ఉండు.. కోహ్లితో పెట్టుకున్నావు.. ఇదో గుణపాఠం! అయినా ఆ స్కోర్లేంటి బాబూ!

కొలంబో: సిరీస్‌ విజేతను తేల్చే మూడో వన్డేలో సమష్టి ప్రదర్శన కనబర్చిన శ్రీలంక... దక్షిణాఫ్రికాపై 78 పరుగుల తేడాతో ఘనవిజయం సాధించింది. మూడు మ్యాచ్‌ల వన్డే సిరీస్‌ను 2–1తో సొంతం చేసుకుంది. తొలుత శ్రీలంక 50 ఓవర్లలో 9 వికెట్లకు 203 పరుగులు చేసింది. అసలంక (47; 2 ఫోర్లు), దుష్మంత చమీర (29; 3 ఫోర్లు) కీలక ఇన్నింగ్స్‌ ఆడారు. కేశవ్‌ మహరాజ్‌ మూడు వికెట్లు తీశాడు. ఛేదనలో దక్షిణాఫ్రికా 30 ఓవర్లలో 125 పరుగులకు ఆలౌటైంది. వన్డేల్లో అరంగేట్రం చేసిన ఆఫ్‌ స్పిన్నర్‌ మహీశ్‌ తీక్షణ (4/37)తో దక్షిణాఫ్రికాను పడగొట్టాడు. అతడికి చమీర (2/16), హసరంగ (2/32) సహకరించారు. చమీర ‘ప్లేయర్‌ ఆఫ్‌ ద మ్యాచ్‌’... అసలంకకు ‘ప్లేయర్‌ ఆఫ్‌ ద సిరీస్‌’ అవార్డులు లభించాయి. చదవండి: శిఖర్‌ ధావన్‌ విడాకులు

Shoaib Akhtar On Afridi: ఇంగ్లండ్‌లో పర్యటిస్తున్న పాకిస్థాన్ జట్టుకు వరుస ఎదురుదెబ్బలు తగులుతున్నాయి. మూడు వన్డేల సిరీస్‌లో భాగంగా తొలి రెండు వన్డేల్లో ఘోర పరాజయాలను మూటగట్టుకున్న పాక్‌, ఇప్పటికే సిరీస్‌ను కోల్పోయింది. ఈ నేపథ్యంలో పాక్‌ వైఫల్యాలపై ఆ జట్టు మాజీ ఫాస్ట్ బౌలర్ షోయబ్ అక్తర్ విరుచుకుపడ్డాడు. ముఖ్యంగా పాక్‌ పేస్‌ విభాగానికి నాయకత్వం వహిస్తున్న షాహిన్‌ అఫ్రిదిపై ఆయన నిప్పులు చెరిగారు. ఇంగ్లండ్‌తో జరిగిన తొలి రెండు వన్డేల్లో కేవలం రెండు వికెట్లు మాత్రమే పడగొట్టిన షాహిన్‌.. వికెట్లు తీయడం కంటే ఫ్లైయింగ్ కిస్‌లకే ఎక్కువ సమయం కేటాయించాడని చురకలంటించాడు.  ముద్దులు, కౌగిలింతలు పక్కకు పెట్టి, ముందు వికెట్లు ఎలా తీయాలో ఆలోచించాలని ఘాటుగా మందలించాడు. ఒక్క వికెట్ పడగొట్టగానే ఫ్లైయింగ్ కిస్‌లు పెట్టడంలో అర్ధం లేదని, ఐదు వికెట్ల ప్రదర్శన తర్వాత ఇలా చేస్తే బాగుంటుందని పంచ్‌ల వర్షం కురిపించాడు. సిరీస్‌కు ముందు సరిపడా సమయం లేదని సాకులు చెప్పి తప్పించుకోవడం సరికాదని హితవు పలికాడు. మ్యాచ్‌కు కేవలం రెండున్నర రోజులు ముందే ఇంగ్లండ్ జట్టు అక్కడికి వచ్చింది. వారు కలిసి జట్టుగా ఆడగలిగినప్పుడు మీకేమైందని నిలదీశాడు. ఇంగ్లండ్ అకాడమీ టీంతో ఓడిపోవడానికి సిగ్గు లేదా అని ఘాటుగా వ్యాఖ్యానించాడు.  ఈ సందర్భంగా ఆయన పాక్‌ బ్యాటింగ్‌ లైనప్‌పై కూడా ధ్వజమెత్తాడు. బంతికి ఒక పరుగు చేయాల్సిన స్థితిలోనూ అంత కష్టపడడం ఏంటని ప్రశ్నించాడు. ఇది పాక్‌ జట్టు అత్యంత పేలవ ప్రదర్శన అని ఆగ్రహం వ్యక్తం చేశాడు. ఇలానే ఆడితే భవిష్యత్తులో పాక్‌ క్రికెట్‌ మ్యాచ్‌లు చూసేందుకు అభిమానులుండరన్నాడు. పాక్‌ పేలవ ప్రదర్శన ఇలానే కొనసాగితే బాబర్ ఆజం సారథ్యంలోని పాక్ జట్టు 3-0తో ఇంగ్లండ్ చేతిలో ఓడడం ఖాయమని జోస్యం చెప్పాడు. ఇదిలా ఉంటే, పాక్‌ జట్టు తొలి వన్డేలో 9 వికెట్ల తేడాతో, రెండో వన్డేలో 52 పరుగుల తేడాతో ఇంగ్లండ్‌ చేతిలో ఓటమిపాలైంది. ఇరు జట్ల మధ్య నామమాత్రమైన మూడో వన్డే రేపు బర్మింగ్‌హామ్‌లో జరుగనుంది. 

కొలొంబో: లంక బృందంలో వరుసగా కరోనా కేసులు బయటపడుతున్న నేపథ్యంలో ఆ దేశ క్రికెట్‌ బోర్డు ఆటగాళ్లందరికీ మరోసారి కరోనా పరీక్షలు నిర్వహించింది. ఇందులో ఆటగాళ్లందరికీ నెగిటివ్‌ రిపోర్టు రావడంతో అంతా ఊపిరి పీల్చుకున్నారు. భారత్‌తో సిరీస్‌ నిమిత్తం వీరంతా సోమవారం నుంచి బయోబుడగలోకి వెళ్తారు. మరోవైపు భారత్‌తో జరగాల్సిన పరిమిత ఓవర్ల సిరీస్‌లను లం‍క క్రికెట్‌ బోర్డు రీ షెడ్యూల్ చేసింది. ముందుగా ప్రకటించిన షెడ్యూల్‌ ప్రకారం ఈ నెల 13 నుంచి వన్డే సిరీస్‌ ప్రారంభంకావాల్సి ఉండింది. అయితే కరోనా దెబ్బకు ఈ సిరీస్‌ 5 రోజులు ఆలస్యంగా ప్రారంభంకానుంది.  ఈ నెల 18 నుంచి నుంచి వన్డే సిరీస్‌ ప్రారంభమవుతుందని బీసీసీఐ సెక్రటరీ జై షా ప్రకటించిన విషయం తెలిసిందే.  ఇదిలా ఉంటే, ఇంగ్లండ్‌ పర్యటన ముగించుకొని స్వదేశానికి చేరుకున్న శ్రీలంక జట్టులో బ్యాటింగ్‌ కోచ్‌ గ్రాంట్‌ ఫ్లవర్‌తో పాటు డేటా అనలిస్టు నీరోషన్‌, జట్టు సభ్యుడు, క్రికెటర్‌ సందున్‌ వీరక్కోడిలకు కరోనా పాజిటివ్‌గా తేలడంతో వీరంతా వైద్యుల పర్యవేక్షణలో ఐసోలేషన్‌లో ఉన్నారు. ప్రస్తుతానికి ఈ ముగ్గురిలో ఎలాంటి లక్షణాలు లేవని లంక యాజమాన్యం ప్రకటించింది. మొత్తంగా లంక ఆటగాళ్లకు కరోనా పరీక్షల్లో నెగిటివ్‌ రిపోర్టు రావడంతో సిరీస్‌ సజావుగా సాగే అవకాశాలున్నాయి. ఇరు జట్లు కఠిన నిబంధనలు పాటించి, కొత్త కేసులు రాకుండా జాగ్రత్త పడితే, మరో వారం రోజుల్లో అభిమానులు రసవత్తరమైన సిరీస్‌ను ఆస్వాధించే ఆస్కారం ఉంది. 

న్యూఢిల్లీ: ఇంగ్లండ్‌తో జరిగిన ఆఖరి వన్డేలో అద్భుతమైన అర్ధశతకం(44 బంతుల్లో 64) సాధించి, ప్రత్యర్ధి ముందు భారీ లక్ష్యాన్ని ఉంచడంలో కీలకపాత్ర పోషించిన టీమిండియా ఆల్‌రౌండర్‌ హార్ధిక్‌ పాండ్యాపై మాజీ క్రికెటర్‌, వ్యాఖ్యాత ఆకాశ్‌ చోప్రా ప్రశంసల వర్షం కురిపించాడు. ఇటీవల కాలంలో హార్ధిక్‌ స్పెషలిస్ట్‌ బ్యాట్స్‌మెన్‌లా బ్యాటింగ్‌ చేస్తున్నాడని, అతన్ని బ్యాటింగ్‌ ఆర్ఢర్‌లో ప్రమోట్‌ చేస్తే సెంచరీలు సాధించడం పెద్ద కష్టమేమీ కాకపోవచ్చని అభిప్రాయపడ్డాడు. హార్ధిక్‌ బంతిని అద్భుతంగా మిడిల్‌ చేస్తున్నాడని, దాంతో పాటు ప్రొఫెషనల్‌ క్రికెటింగ్‌ షాట్లు ఆడుతున్నాడని ఆయన కితాబునిచ్చాడు. హార్ధిక్‌ తన బ్యాటింగ్‌ సాఫ్ట్‌వేర్‌ను అప్‌డేట్‌ చేసుకున్నాడని ఆయన చమత్కరించాడు. 27 ఏళ్ల హార్ధిక్‌ వన్డేల్లో 7 అర్ధసెంచరీలు సాధించినప్పటికీ, కెరీర్‌లో సెంచరీ మైలురాయి మాత్రం అతన్ని ఊరిస్తూనే ఉంది. వన్డే కెరీర్‌లో అతని అత్యుత్తమ స్కోర్‌ 90 పరుగులుగా ఉంది. ఈ నేపథ్యంలో ఆకాశ్‌ చోప్రా.. హార్ధిక్‌ సెంచరీ సాధించడంపై తన అభిప్రాయాన్ని వెల్లడించాడు. కాగా, ఆదివారం పూణే వేదికగా జరిగిన మూడో వన్డేలో టీమిండియా 7 పరుగుల తేడాతో ఇంగ్లండ్‌పై విజయం సాధించి, మూడు వన్డేల సిరీస్‌ను 2-1తేడాతో కైవసం చేసుకున్న సంగతి తెలిసందే. ఈ మ్యాచ్‌లో తొలుత బ్యాటింగ్‌ చేసిన భారత జట్టు 329 పరుగలకు ఆలౌట్‌ కాగా, ఛేదనలో తడబడ్డ ఇంగ్లండ్‌ నిర్ణీత ఓవర్లలో 9 వికెట్ల నష్టానికి 322 పరుగులు సాధించి మ్యాచ్‌ను చేజార్చుకుంది. ఇంగ్లండ్‌ నవయువ ఆల్‌రౌండర్‌ సామ్‌ కర్రన్‌(83 బంతుల్లో 95; 9 ఫోర్లు, 3 సిక్సర్లు) అద్భుత పోరాట పటిమ కనబర్చాడు. చదవండి: ఆ సిరీస్‌లో పాల్గొన్న మరో క్రికెటర్‌కు కరోనా..

న్యూఢిల్లీ: చివరి బంతి వరకు ఉత్కంఠ రేపిన మూడో వన్డేలో భారత్‌ ఇంగ్లండ్‌పై గ్రాండ్‌ విక్టరీ సాధించి, 2-1తేడాతో సిరీస్‌ను కైవసం చేసుకుంది. టీమిండియా సాధించిన ఈ విజయానికి రిషబ్‌ పంత్‌ అద్భుత బ్యాటింగ్‌, శార్దూల్‌ ఠాకూర్‌ (4/67) బౌలింగ్‌ గణాంకాలే కారణమని అందరూ మెచ్చుకుంటున్నారు. ఆఖరి వరకు ఒంటరి పోరాటం చేసి, భారత్‌ శిబిరంలో ఆందోళన రేపిన ఇంగ్లండ్‌ నవయువ ఆల్‌రౌండర్‌ సామ్‌ కర్రన్‌ను సైతం అందరూ కొనియాడుతున్నారు. అయితే, చివరి ఓవర్‌ అద్భుతంగా బౌల్‌ చేసిన టీమిండియా పేసర్‌ నటరాజన్‌ను మాత్రం ఎవ్వరూ గుర్తించడంలేదని ఇంగ్లాండ్‌ మాజీ కెప్టెన్‌ మైఖేల్‌ వాన్‌ ఆవేదన వ్యక్తం చేశాడు.  6 బంతుల్లో 14 పరుగులు సాధించాల్సిన తరుణంలో అద్భుతమైన యార్కర్లను సంధించిన నట్టూపై ఆయన ప్రశంసల వర్షం కురిపించాడు. ఒత్తిడిలోనూ నటరాజన్‌ తన యార్కర్లతో మాయ చేశాడని, ఆఖరి ఓవర్‌ బౌల్‌ చేసే  సమయంలో అతని గుండె ఎంత వేగంగా కొట్టుకుందో ఊహించడం కష్టమేనని పేర్కొన్నాడు. ఆఖరి ఓవర్లలో తక్కువ ఎత్తులో యార్కర్లు సంధించడం​ అద్భుతమైన కళ అని, అది నట్టూకు బాగానే ఉందని కొనియాడాడు. సరైన బంతులు విసిరి మ్యాచ్‌ను గెలిపించిన నటరాజన్‌ను ఎంత అభినందించినా తక్కువేనని వెల్లడించాడు. స్లాగ్‌ ఓవర్లలో యార్కర్లు వేయడంలో ఏమాత్రం పొరపాటు జరిగినా బంతిని స్టాండ్స్‌లో వెతకాల్సిన పరిస్థితి ఏర్పడుతుందని వివరించాడు. తీవ్ర ఒత్తిడిలో అద్భుతమైన యార్కర్లు సంధించగల ఆటగాళ్లలో లసిత్‌ మలింగ, బ్రెట్‌లీలు ముందువరుసలో ఉంటారని పేర్కొన్నాడు. చదవండి: ఒకే ఓవర్లో ఆరు సిక్సర్లు బాదిన శ్రీలంక ఆల్‌రౌండర్

పూణే: భారత్‌, ఇంగ్లండ్‌ జట్ల మధ్య ఆఖరి బంతి వరకు ఉత్కంఠగా సాగిన మూడో వన్డేలో సంచలన ప్రదర్శనతో అందరి మనసులను దోచుకున్న ఇంగ్లండ్‌ నవయువ ఆల్‌రౌండర్‌ సామ్ కర్రన్ (83 బంతుల్లో 95 నాటౌట్; 9 ఫోర్లు, 3 సిక్సర్లు) అరుదైన ప్రపంచ రికార్డును నమోదు చేశాడు. వన్డేల్లో 8 లేదా ఆ తర్వాత స్థానాల్లో బ్యాటింగ్‌కు దిగి.. అత్యధిక పరుగులు చేసిన ఆటగాళ్ల జాబితాలో సామ్‌ కర్రన్ అగ్రస్థానంలో నిలిచాడు. 2016లో ఇంగ్లండ్‌ పేసర్ క్రిస్‌ వోక్స్ 8వ స్థానంలో బ్యాటింగ్‌కు దిగి శ్రీలంకపై అజేయమైన 95 పరుగులు చేసినప్పటికీ...  సామ్‌ కర్రన్‌ తక్కువ బంతుల్లో అదే స్కోర్‌ చేయడంతో ఈ రికార్డ్‌ అతని ఖాతాలో చేరింది. విండీస్‌ విధ్వంసకర యోధుడు ఆండ్రీ రసెల్ 2011లో భారత్‌పై అజేయమైన 92 పరుగులు(9వ స్థానంలో) చేయగా, వెస్టిండీస్‌పై ఆసీస్‌ ఆటగాడు నాథన్ కౌల్టర్ నైల్ 92 పరుగులు(8వ స్థానంలో) చేశాడు.  కాగా, తాజాగా భారత్‌తో జరిగిన మ్యాచ్‌లో సామ్‌ కర్రన్‌ 8వ స్థానంలో బ్యాటింగ్‌కు దిగి అజేయమైన 95 పరుగులు సాధించాడు. సామ్‌ కర్రన్‌ అద్భుత పోరాటం వృధా కావడంతో టీమిండియా 7 పరుగుల తేడాతో విజయం సాధించింది. ఈ మ్యాచ్‌లో టాస్‌ ఓడి మొదట బ్యాటింగ్‌ చేసిన భారత్ 48.2 ఓవర్లలో 329 పరుగులకు ఆలౌటైంది. ధవన్‌ (67), పంత్‌ (62 బంతుల్లో 78; 5 ఫోర్లు, 4 సిక్సర్లు), హార్దిక్‌ (44 బంతుల్లో 64; 5 ఫోర్లు, 4 సిక్సర్లు) అర్ధ శతకాలతో చెలరేగారు. ప్రత్యర్థి బౌలర్లలో మార్క్‌ వుడ్‌ (3/34), రషీద్‌ (2/81) రాణించారు. అనంతరం ఛేదనలో ఇంగ్లండ్ 50 ఓవర్లలో 9 వికెట్లు కోల్పోయి 322 పరుగులు చేసింది. సామ్‌ కర్రన్‌, డేవిడ్‌ మలాన్‌ (50) అర్ధశతకాలు సాధించారు. టీమిండియా బౌలర్లలో శార్దూల్‌ (4/67), భువనేశ్వర్‌ (3/42) సత్తాచాటారు.  చదవండి: వన్డే ర్యాంకింగ్స్‌లో దూసుకెళ్లిన టీమిండియా

పూణే: ఇంగ్లండ్‌తో మూడో వన్డేలో హిట్‌మ్యాన్‌ రోహిత్‌ శర్మ డబుల్‌ హండ్రెడ్‌ సాధిస్తాడని ఊహించి ముందుగా ట్వీట్‌ చేసిన టీమిండియా స్టార్‌ స్పిన్నర్‌ రవిచంద్రన్‌ అశ్విన్‌.. 37 పరుగుల వద్ద రోహిత్‌ అవుటవ్వడంతో ఆ ట్వీట్‌ను డిలీట్‌ చేశాడు. ప్రస్తుత వన్డే సిరీస్‌లో ఒక్క భారీ ఇన్నింగ్స్‌ కూడా నమోదు చేయని రోహిత్‌.. ఈ మ్యాచ్‌లో మంచి టచ్‌లో ఉన్నట్టు కనిపించాడు. బంతిని చక్కగా మిడిల్‌ చేస్తూ చూడచక్కని షాట్లతో(6 ఫోర్లు) అలరించాడు. దీంతో ఈ మ్యాచ్‌లో రోహిత్‌.. కెరీర్‌లో నాలుగో డబుల్‌ సెంచరీని సాధిస్తాడని, టీమిండియా 400 పరుగుల భారీ స్కోర్‌ను నమోదు చేస్తుందని అశ్విన్‌ ట్వీట్‌ చేశాడు. అయితే రోహిత్‌.. అశ్విన్‌ నమ్మకాన్ని వమ్ము చేస్తూ, ఆదిల్‌ రషీద్‌ వేసిన గూగ్లీకి క్లీన్‌బౌల్డ్‌ అయ్యాడు.    కాగా, సిరీస్‌లో వరుసగా మూడోసారి టాస్‌ ఓడిపోయిన టీమిండియా కెప్టెన్‌ విరాట్‌ కోహ్లి.. ప్రత్యర్ధి కెప్టెన్‌ ఆహ్వానం మేరకు బ్యాటింగ్‌కు అంగీకరించాడు. ఈ మ్యాచ్‌లో టీమిండియా ఒక్క మార్పుతో బరిలోకి దిగింది. స్పిన్నర్‌ కుల్దీప్‌ యాదవ్‌ స్థానంలో నటరాజన్‌ రంగప్రవేశం చేశాడు. ఓపెనర్లు రోహిత్‌ శర్మ, ధవన్‌ శుభారంభాన్ని అందించి, తొలి వికెట్‌కు 103 పరుగుల భాగస్వామ్యాన్ని అందించారు. 37 పరుగుల వ్యక్తిగత స్కోర్‌ వద్ద రోహిత్‌ను రషీద్‌ బోల్తా కొట్టించగా, ధవన్‌(56 బంతుల్లో 67; 10 ఫోర్లు) చూడచక్కని షాట్లతో హాఫ సెంచరీని పూర్తి చేసుకున్నాడు. అయితే వరుస ఓవర్లలో ధవన్‌, కోహ్లి(10 బంతుల్లో 7), రాహుల్‌(18 బంతుల్లో 7) వికెట్లు కోల్పోవడంతో టీమిండియా కష్టాల్లో పడింది. ఆతరువాత క్రీజ్‌లో వచ్చిన పంత్(62 బంతుల్లో 78; 5 ఫోర్లు, 4 భారీ సిక్సర్లు)‌, హార్ధిక్‌(44 బంతుల్లో 64; 5 ఫోర్లు, 4 సిక్సర్లు) లు చెలరేగి ఆడారు. ఆఖర్లో టెయిలెండర్లు వరుసగా వికెట్లు కోల్పోవడంతో టీమిండియా 48.2 ఓవర్లలో 329 పరుగుల వద్ద ఆలౌటైంది. 

పూణే: ఇంగ్లండ్‌తో జరిగిన తొలి వన్డేలో తృటిలో సెంచరీని(106 బంతుల్లో 98; 11 ఫోర్లు, 2 సిక్సర్లు) చేజార్చుకున్న టీమిండియా స్టార్‌ ఓపెనర్‌ శిఖర్‌ ధవన్‌ను మరో అరుదైన రికార్డు ఊరిస్తుంది. రెండో వన్డేలో అతను మరో 94 పరుగులు సాధిస్తే, వన్డే క్రికెట్లో అత్యంత వేగంగా 6వేల పరుగుల మైలురాయిని చేరుకున్న మూడో క్రికెటర్‌గా చరిత్ర పుటల్లోకెక్కానున్నాడు. ఈ జాబితాలో దక్షిణాఫ్రికా మాజీ ఓపెనర్‌ హషీమ్ ఆమ్లా(123 ఇన్నింగ్స్‌లు) అగ్రస్థానంలో ఉండగా‌, టీమిండియా సారధి విరాట్‌ కోహ్లి(136 ఇన్నింగ్స్‌లు) రెండో స్థానంలోనూ, న్యూజిలాండ్‌ కెప్టెన్‌ కేన్‌ విలియమ్సన్‌(139 ఇన్నింగ్స్‌లు) మూడో స్థానంలో ఉన్నారు.  35 ఏళ్ల గబ్బర్‌ ప్రస్తుతం 137 ఇన్నింగ్స్‌ల్లో 45.4 సగటుతో 5,906 పరుగులు చేశాడు. ఇందులో 17 సెంచరీలు, 31 అర్ధసెంచరీలు ఉన్నాయి. శుక్రవారం జరుగబోయే రెండో వన్డేలో అతను మరో 94 పరుగులు చేస్తే, కేన్‌ విలియమ్సన్‌ను వెనక్కునెట్టి మూడో స్థానానికి చేరుకుంటాడు. దీంతోపాటు అతన్ని మరో రికార్డు సైతం ఊరిస్తుంది. వన్డేల్లో 6000 పరుగులు మార్కును చేరుకుంటే, ఆ ఘనత సాధించిన 10వ భారత క్రికెటర్‌గా ఆయన రికార్డు సాధించనున్నాడు. కాగా, మూడు వన్డేల సిరీస్‌లో భాగంగా ఇంగ్లాండ్‌తో జరిగిన తొలి వన్డేలో టీమిండియా 66 పరుగుల తేడాతో విజయం సాధించి, సిరీస్‌లో 1-0 ఆధిక్యంలోకి దూసుకెళ్లింది. ఇరు జట్ల మధ్య రెండో వన్డే రేపు ఇదే వేదికగా జరుగనుంది. చదవండి: మోదీ.. పాక్ ప్రధానికి చేసిన ట్వీ‌ట్‌ సంతోషానిచ్చింది

పూణే:  ఇంగ్లండ్‌తో జరిగిన తొలి వన్డేలో సంచలన ప్రదర్శన(4/54)తో ఆకట్టుకున్న టీమిండియా నయా పేస్‌ టాలెంట్‌ ప్రసిద్ద్‌ కృష్ణ.. ఆసీస్ లెజెండరీ పేసర్ జెఫ్ థామ్సన్ శిష్యరికంలో రాటు దేలాడు. థామ్సన్ ఇచ్చిన చిట్కాలతో తన పేస్‌కు పదును పెట్టాడు. స్వతహాగా ఆసీస్‌ మాజీ స్పీడ్‌స్టర్‌ బ్రెట్‌ లీ అభిమాని అయిన ఆయన.. ఆస్ట్రేలియా పిచ్‌లపై కఠోర సాధన చేశాడు. అలాగే ఎంఆర్‌ఎఫ్ అకాడమీలో ఆసీస్ ఆల్‌ టైమ్‌ గ్రేట్‌ పేసర్‌ గ్లెన్ మెక్‌గ్రాత్ వద్ద కూడా శిక్షణ తీసుకున్నాడు. ఆసీస్‌ ఫాస్ట్‌ బౌలర్ల సూచనలు, సలహాలతో పాటు కఠోర సాధనకు కేరాఫ్‌ అడ్రస్‌గా నిలిచిన ఈ కర్ణాటక కుర్రాడు.. టీమిండియా భవిష్యత్తు ఆశాకిరణంగా ఉద్భవించాడు.  కాగా, పూణేలోని ఎమ్‌సీఏ మైదానం వేదికగా జరిగిన తొలి వన్డేలో కృనాల్‌ పాండ్యాతో పాటు వన్డే క్యాప్‌ను అందుకున్న ప్రసిద్ద్‌‌.. మ్యాచ్‌ను మలుపు తిప్పే ప్రదర్శనతో అదరగొట్టాడు. కీలక సమయంలో జేసన్ రాయ్ (46), ప్రమాదకర బెన్ స్టోక్స్‌ (1)ను ఔట్‌ చేసి ఇంగ్లండ్ పతనాన్ని ప్రారంభించి, ఆతరువాత మిడిల్‌ ఓవర్లలో సామ్‌ బిల్లింగ్స్‌ (18), టామ్ కర్రన్ (11) వికెట్లు తీసి ఇంగ్లండ్‌  ఓటమిని ఖరారు చేశాడు. మొత్తం 8.1 ఓవర్లు బౌల్‌ చేసిన ఆయన.. 54 పరుగులిచ్చి 4 కీలక వికెట్లు పడగొట్టాడు. ఈ క్రమంలో అతను వన్డే అరంగేట్రంలో ఏ భారత బౌలర్‌కు సాధ్యపడని నాలుగు వికెట్ల ఘనతను సాధించాడు.  చదవండి: ఎనిమిదేళ్ల తర్వాత దాయాదుల క్రికెట్‌ పోరు..?

పూణే: ఇంగ్లండ్‌తో తొలి వన్డే ద్వారా వన్డే క్రికెట్‌లోకి అరంగేట్రం చేసి, అదిరిపోయే ప్రదర్శనతో(31 బంతుల్లో 58 నాటౌట్‌; 7 ఫోర్లు, 2 సిక్సర్లు, 10 ఓవర్లలో 1/59) ఆకట్టుకున్న కృనాల్‌ పాండ్యా.. తన తండ్రి పట్ల ఉన్న ఎమోషన్‌ను ఆపుకోలేకపోతున్నాడు. తమ్ముడు హార్ధిక్‌ నుంచి వన్డే క్యాప్‌ అందుకునే సమయంలో తొలుత భావోద్వేగానికి లోనైన కృనాల్‌.. ఆతరువాత ప్రజెంటేషన్‌ వేదిక వద్ద కన్నీలను ఆపుకోలేకపోయాడు. ఈ సందర్భంగా వ్యాఖ్యాత మాట్లాడే ప్రయత్నం చేసినా.. అతను భావోద్వేగాన్ని కంట్రోల్‌ చేసుకోలేక కన్నీటిపర్యంతమయ్యాడు. తన ప్రదర్శన తండ్రికి అంకితమంటూ భావోద్వేగ ప్రకటన చేశాడు.  ఇదిలా ఉండగా తొలి వన్డేలో విజయం అనంతరం హార్దిక్, తన సోదరుడు కృనాల్‌ను ఇంటర్వ్యూ చేయగా, ఆ వీడియోను బీసీసీఐ ట్విటర్‌లో షేర్‌ చేసింది. ఈ సందర్భంగా పాండ్య సోదరులిరువురు మరోసారి భావోద్వేగానికి లోనయ్యారు. తమ తండ్రి తమతో లేకపోయినా ఆయన ధరించాలనుకున్న దుస్తులు తమతో పాటు డ్రస్సింగ్‌ రూమ్‌లో ఉన్నాయని, తమ తండ్రి మ్యాచ్‌ను చూడలేకపోయినా ఆయన దుస్తులైనా ఆ అనుభూతిని పొందుతాయని వారు సంతోషం వ్యక్తం చేశారు.  💬 Our father was with us in dressing room: Pandya brothers @hardikpandya7 interviews @krunalpandya24 post his emotional knock on ODI debut. This has all our heart 💙- By @RajalArora #TeamIndia #INDvENG @Paytm Watch the full interview 🎥 👇https://t.co/yoDGXVi2aK pic.twitter.com/4JrsxtejgC — BCCI (@BCCI) March 24, 2021 హార్దిక్‌ నుంచి క్యాప్‌ అందుకోవడం చూసి నాన్న సంతోషించే ఉంటారని కృనాల్‌ పేర్కొనగా... "మన జీవిత కాలంలో తొలిసారి నాన్న డ్రస్సింగ్‌ రూమ్‌లోకి వచ్చారు. ఆయన ఎప్పుడూ మనతోనే ఉంటారు. మన ఇద్దరి తరఫున నువ్వు అద్భుతంగా ఆడి, నాన్నకు ముందుగానే పుట్టినరోజు కానుక ఇచ్చావంటూ" హార్దిక్‌ భావోద్వేగం చెందాడు. కాగా, ఈ ఏడాది జనవరి 16న పాండ్యా సోదరుల తండ్రి హిమాన్షు పాండ్యా(71) కార్డియాక్‌ అరెస్ట్‌తో మృతి చెందాడు. కృనాల్‌.. తన తండ్రి దుస్తుల సంచీని బరోడా నుంచి పూణేకు తీసుకొచ్చాడు. ఇదిలా ఉంటే, ఇంగ్లాండ్‌తో జరిగిన తొలి వన్డేలో అరంగేట్రం ఆటగాళ్లు(కృనాల్‌, ప్రసిద్ద్‌ కృష్ణ(4/54)) అద్భుతంగా రాణించడంతో టీమిండియా 66 పరుగుల తేడాతో విజయం సాధించింది. ఇరు జట్ల మధ్య రెండో వన్డే శుక్రవారం(మార్చి 26న) జరుగనుంది. చదవండి: భావోద్వేగానికి లోనైన కృనాల్‌ పాండ్యా

పూణే: మూడు వన్డేల సిరీస్‌లో భాగంగా భారత్‌, ఇంగ్లాండ్‌ జట్ల మధ్య జరిగిన తొలి వన్డేలో ఏకంగా నలుగురు ఆటగాళ్లు గాయపడ్డారు. టీమిండియా వైస్‌ కెప్టెన్‌ రోహిత్‌ శర్మ, మిడిలార్డర్‌ బ్యాట్స్‌మెన్‌ శ్రేయస్‌ అయ్యర్‌, ఇంగ్లాండ్‌ కెప్టెన్‌ మోర్గాన్‌, సామ్‌ బిల్లింగ్స్‌ లాంటి కీలక ఆటగాళ్లు ఫీల్డింగ్‌ చేసే సమయంలో గాయపడటంతో తర్వాతి వన్డేకి అందుబాటులో ఉండేది అనుమానంగా మారింది. జట్టు విజయావకాశాలను ప్రభావితం‍ చేయగల నలుగురు ఆటగాళ్లు ఒకే మ్యాచ్‌లో గాయపడటంతో ఇరు జట్లు ఆందోళన చెందుతున్నాయి.  ఇదిలా ఉండగా ఆటగాళ్ల గాయాల విషయం ఐపీఎల్‌ ఫ్రాంచైజీల్లో సైతం గుబులు రేపుతోంది. ఏప్రిల్‌ 9 నుంచి ప్రారంభంకానున్న ఐపీఎల్‌ 14వ సీజన్‌కు ముందు కీలక ఆటగాళ్లు వరుసపెట్టి గాయాలబారిన పడటంపై ఆయా ఫ్రాంచైజీలు విచారం వ్యక్తం చేస్తున్నాయి. గాయాలపాలైన ఆటగాళ్లు వివిధ ఫ్రాంచైజీలకు చెందిన కెప్టెన్లు కావడం.. ఆయా ఫ్రాంచైజీలకు కంటి మీద కునుకు లేకుండా చేస్తోంది. ఢిఫెండింగ్‌ చాంపియన్స్‌ ముంబై ఇండియన్స్‌కు రోహిత్‌, గత సీజన్‌ రన్నరప్‌ ఢిల్లీ క్యాపిటల్స్‌కు శ్రేయస్‌ అయ్యర్‌, కోల్‌కతా నైట్‌ రైడర్స్‌కు ఇయాన్‌ మోర్గాన్‌ సారధ్యం వహిస్తున్నారు.  ఇప్పటికే టీమిండియాతో టీ20 సిరీస్‌లో ఇంగ్లండ్‌ స్టార్‌ ఆటగాడు జోఫ్రా ఆర్చర్‌ మోచేతి గాయం కారణంగా వన్డే సిరీస్‌తో పాటు ఐపీఎల్‌లోని తొలి భాగం మ్యాచ్‌లకు దూరమయ్యాడు. భారత్‌, ఇంగ్లండ్‌ మధ్య జరుగుతున్న ప్రస్తుత వన్డే సిరీస్‌లో ఇరు జట్లలోని చాలా మంది ఆటగాళ్లు ఐపీఎల్‌ జట్లలో కీలక సభ్యులుగా కొనసాగుతున్నారు. దీంతో ఇరు జట్ల మధ్య జరుగబోయే తదుపరి రెండు వన్డేల్లో ఎవరూ గాయపడకూడదని ఫ్రాంఛైజీలు కోరుకుంటున్నాయి. కాగా, ఐపీఎల్‌లో పాల్గొనే ఆటగాళ్లందరూ తమ జట్లు ఏర్పాటు చేసిన బయోబబుల్‌లోకి ప్రవేశించాలంటే వారం రోజుల క్వారంటైన్‌ను తప్పనిసరిగా పూర్తి చేయాల్సి ఉంది. ఏప్రిల్‌ 9న ప్రారంభంకాబోయే తొలి ఐపీఎల్‌ మ్యాచ్‌లో డిఫెండింగ్‌ చాంపియన్‌ ముంబై ఇండియన్స్‌, రాయల్‌ చాలెంజర్స్‌ బెంగళూరుతో తలపడనుంది.  చదవండి: ఇంగ్లండ్‌కు షాక్‌.. రెండో వన్డేకు ఇద్దరు ఆటగాళ్లు దూరం..! చదవండి: టీమిండియాకు షాక్‌.. కీలక ఆటగాడు దూరం!

పూణే: ఇంగ్లండ్‌తో జరిగిన తొలి వన్డేలో అరంగేట్రం బౌలర్‌ ప్రసిద్ద్‌ కృష్ణ(4/54) అద్భుత ప్రదర్శనతో అదరగొట్టాడు. మంగళవారం ఎమ్‌సీఏ మైదానం వేదికగా జరిగిన తొలి వన్డేలో కృనాల్‌ పాండ్యాతో పాటు వన్డే క్యాప్‌ను అందుకున్న ఈ పాతికేళ్ల కర్ణాటక పేసర్‌.. మ్యాచ్‌ను మలుపు తిప్పే ప్రదర్శనతో ఆకట్టుకున్నాడు. కీలక సమయంలో జేసన్ రాయ్ (46), ప్రమాదకర బెన్ స్టోక్స్‌ (1)ను ఔట్‌ చేసి ఇంగ్లండ్ పతనాన్ని ప్రారంభించి, ఆతరువాత మిడిల్‌ ఓవర్లలో సామ్‌ బిల్లింగ్స్‌ (18), టామ్ కర్రన్ (11) వికెట్లు తీసి ఇంగ్లండ్‌  ఓటమిని ఖరారు చేశాడు. మొత్తం 8.1 ఓవర్లు బౌల్‌ చేసిన ఆయన.. 54 పరుగులిచ్చి 4 కీలక వికెట్లు పడగొట్టాడు. ఈ క్రమంలో అతను వన్డే అరంగేట్రంలో ఏ భారత బౌలర్‌కు సాధ్యపడని నాలుగు వికెట్ల ఘనతను సాధించాడు.   గతంలో వన్డే అరంగేట్రంలో భారత బౌలర్లు నోయల్ డేవిడ్ (3/21), వరుణ్ అరోణ్ (3/24), హార్దిక్ పాండ్యా (3/31), పీయూస్ చావ్లా (3/37)లు మూడు వికెట్ల ప్రదర్శన చేయగా తాజాగా ప్రసిద్ద్‌ కృష్ణ ఆ నలుగురు బౌలర్లను వెనక్కునెట్టి నాలుగు వికెట్లు ప్రదర్శనతో అగ్రస్థానంలో నిలిచాడు. వీరిలో స్పిన్నర్ నోయల్ డేవిడ్ 1997లో వెస్టిండీస్‌పై చేసిన ప్రదర్శన ఇప్పటి వరకు టాప్‌లో ఉండింది. ఇంగ్లండ్‌తో జరిగిన తొలి వన్డేలో ప్రసిద్ద్‌ కృష్ణ ఆ రికార్డును సవరించి 24 ఏళ్ల రికార్డును బద్దలు కొట్టాడు. కాగా, మూడు వన్డేల సిరీస్‌లో భాగంగా జరిగిన తొలి వన్డేలో టీమిండియా 66 పరుగుల తేడాతో విజయఢంకా మోగించింది. ఫలితంగా మూడు మ్యాచ్‌ల సిరీస్‌లో 1-0తో ముందంజ వేసింది. టాస్‌ ఓడి మొదట బ్యాటింగ్‌ చేసిన కోహ్లీ సేన నిర్ణీత 50 ఓవర్లలో 5 వికెట్ల నష్టానికి 317 పరుగులు చేసింది. భారత బౌలర్ల ధాటికి లక్ష్య ఛేదనలో ఇంగ్లండ్‌ 42.1 ఓవర్లలో 251 పరుగులకు ఆలౌటైంది. ఓపెనర్ శిఖర్ ధావన్ ‌(98; 11 ఫోర్లు, 2 సిక్సర్లు) కు 'మ్యాన్‌ ఆఫ్‌ ది మ్యాచ్‌' అవార్డు దక్కింది. ఇరు జట్ల మధ్య శుక్రవారం ఇదే వేదికగా రెండో వన్డే జరుగనుంది. చదవండి: అదరగొట్టిన అరంగేట్రం ఆటగాళ్లు.. టీమిండియాదే తొలి వన్డే

పూణే: తొలి వన్డేలో టీమిండియా చేతిలో 66 పరుగుల తేడాతో ఘోరపరాభవాన్ని ఎదుర్కొన్న ఇంగ్లీష్‌ జట్టుకు మరో ఎదురుదెబ్బ తగిలింది. రెండో వన్డేకు ఆ జట్టు కెప్టెన్‌ ఇయాన్‌ మోర్గాన్‌, స్టార్‌ బ్యాట్స్‌మెన్‌ సామ్‌ బిల్లింగ్స్‌ దూరంకానున్నారని తెలుస్తోంది. పూణే వేదికగా మంగళవారం జరిగిన తొలి వన్డేలో ఫీల్డింగ్‌ చేస్తున్న సమయంలో ఈ ఇద్దరు ఆటగాళ్లు గాయపడ్డారు. మోర్గాన్‌కు కుడి చేతి బొటనవేలు, చూపుడు వేలు మధ్య గాయం కావడంతో నాలుగు కుట్లు కూడా వేయాల్సి ఉంటుందని వైద్యులు సూచించారు.  మరోవైపు బౌండరీ లైన్‌ వద్ద బంతిని ఆపే క్రమంలో బిల్లింగ్స్‌ భుజం పైభాగం(కాలర్‌బోన్‌)కు గాయమైంది. దీంతో ఈ ఇద్దరు ఆటగాళ్లకు విశ్రాంతి కల్పించాలని ఇంగ్లండ్‌ జట్టు మేనేజ్‌మెంట్‌ యోచిస్తోంది. ఇదే జరిగితే రెండో వన్డేలో ఇంగ్లండ్‌ జట్టు విజయావకాశాలపై తీవ్ర ప్రభావం పడుతుందని ఆ జట్టు మేనేజ్‌మెంట్‌ భావిస్తోంది. అసలే నిలకడలేమితో సతమతమవుతున్న ఇంగ్లండ్‌ జట్టుకు భారీ షాక్‌ తగిలినట్లైంది. కాగా, మూడు వన్డేల సిరీస్‌లో భాగంగా ఇరు జట్ల మధ్య ఇదే వేదికగా శుక్రవారం(మార్చి 26) రెండో వన్డే జరుగనుంది. ప్రస్తుతం సిరీస్‌లో టీమిండియా 1-0 ఆధిక్యంలో కొనసాగుతుంది. చదవండి: టీమిండియాకు షాక్‌.. కీలక ఆటగాడు దూరం!

పూణే: ఇంగ్లండ్‌తో జరుగుతున్న తొలి వన్డేలో అరంగేట్రం ఆటగాడు కృనాల్‌ పాండ్యా(31 బంతుల్లో 58 నాటౌట్‌; 7 ఫోర్లు, 2 సిక్సర్లు) అదిరిపోయే రికార్డులను తన ఖాతాలో వేసుకున్నాడు. కర్ణాటక పేసర్‌ ప్రసిద్ద్‌ కృష్ణతో కలిసి టీమిండియా వన్డే క్యాప్‌ను అందుకున్న ఈ స్పిన్‌ ఆల్‌రౌండర్‌.. క్లిష్ట సమయంలో(40.3 ఓవర్లలో 205/5 స్కోర్‌ వద్ద) క్రీజ్‌లోకి వచ్చి ఇంగ్లండ్‌ బౌలర్లను చీల్చిచెండాడు. ఈ క్రమంలో అతను ప్రపంచ రికార్డును తన పేరిట లిఖించుకున్నాడు. కేఎల్‌ రాహుల్‌తో కలిసి ఆరో వికెట్‌కు 112 పరుగుల భారీ భాగస్వామ్యాన్ని నమోదు చేసిన ఈ ముంబై ఇండియన్స్‌ ఆటగాడు.. 26 బంతుల్లోనే అర్ధశతకాన్ని నమోదు చేసి చరిత్ర సృష్టించాడు. దీంతో అరంగేట్రంలో ఫాస్టెస్ట్‌ ఫిఫ్టీ నమోదు చేసిన ఆటగాడిగా రికార్డు నెలకొల్పాడు. గతంలో ఈ రికార్డు న్యూజిలాండ్‌ ఆటగాడు జాన్‌ మోరిస్‌(35 బంతుల్లో) పేరిట నమోదై ఉంది. దీంతోపాటు తొలి వన్డే మ్యాచ్‌లోనే అర్ధసెంచరీ నమోదు చేసిన 15వ భారత బ్యాట్స్‌మెన్‌గా రికార్డు నమోదు చేశాడు. అలాగే 7వ స్థానంలో బ్యాటింగ్‌కు దిగి హాఫ్‌ సెంచరీ చేసిన మూడో భారత ఆటగాడిగా రికార్డు పుటల్లోకెక్కాడు. ఈ మ్యాచ్‌లో కృనాల్‌కు తోడుగా మరో ఎండ్‌లో రాహుల్‌(43 బంతుల్లో 62; 4 ఫోర్లు, 4 సిక్సర్లు) సైతం భారీ షాట్లతో చెలరేగడంతో నిర్ణీత 50 ఓవర్లు ముగిసే సమయానికి టీమిండియా 5 వికెట్లు కోల్పోయి 317 పరుగుల భారీ స్కోర్‌ను సాధించింది. తొలుత ధవన్‌(98), కోహ్లి(56) అర్ధశతకాలతో రెచ్చిపోగా, ఆఖర్లో రాహుల్‌, కృనాల్‌ ఫోర్లు, సిక్సర్లతో వీరవిహారం చేశారు. కాగా, ఈ మ్యాచ్‌ ఆరంభంలో తమ్ముడు హార్దిక్‌ నుంచి వన్డే క్యాప్‌ అందుకున్న కృనాల్‌.. తన తండ్రిని గుర్తుచేసుకొని భావోద్వేగానికి లోనయ్యాడు. చదవండి:  భావోద్వేగానికి లోనైన కృనాల్‌ పాండ్యా ధవన్‌ ఖాతాలో అరుదైన రికార్డు..

పుణే: టీమిండియా స్టార్‌ ఆల్‌రౌండర్‌ హార్దిక్‌ పాండ్య సోదరుడు కృనాల్‌ పాండ్య వన్డే క్రికెట్‌లోకి అరంగేట్రం చేశాడు. ఇంగ్లాండ్‌తో తొలి వన్డే మ్యాచ్‌లో కృనాల్‌తోపాటు కర్ణాటక పేసర్‌ ప్రసిద్ద్‌ కృష్ణ కూడా వన్డే క్యాప్‌ అందుకున్నారు. ప్రసిద్ద్‌కు ఇదే తొలి అంతర్జాతీయ మ్యాచ్‌ కాగా, కృనాల్‌ ఇప్పటికే 18 అంతర్జాతీయ టీ20 మ్యాచ్‌లు ఆడాడు. Some brotherly love 💙🫂 A moment to cherish for the duo 🧢#TeamIndia #INDvENG @Paytm pic.twitter.com/UYwt5lmlQq — BCCI (@BCCI) March 23, 2021 కాగా, ఈ ఏడాది ఆరంభంలో పాండ్య సోదరులు తమ తండ్రిని కోల్పోయారు. ఈ నేపథ్యంలో తమ్ముడు హార్దిక్‌ నుంచి క్యాప్‌ అందుకున్న కృనాల్‌.. తన తండ్రిని గుర్తుచేసుకుంటూ భావోద్వేగానికి లోనయ్యాడు. హార్డిక్‌.. తన అన్నను హత్తుకొని ఓదార్చే ప్రయత్నం చేశాడు. దీనికి సంబంధించిన వీడియోను బీసీసీఐ తమ అధికారిక ట్విటర్‌ ఖాతాలో పోస్ట్‌ చేసింది. కాగా, పాండ్యా సోదరుల తండ్రి హిమాన్షు పాండ్యా(71) ఈ ఏడాది జనవరి 16న కార్డియాక్‌ అరెస్ట్‌తో మృతి చెందాడు.  ODI debut for @krunalpandya24 👌 International debut for @prasidh43 👍#TeamIndia @Paytm #INDvENG pic.twitter.com/Hm9abtwW0g — BCCI (@BCCI) March 23, 2021

లక్నో: కెప్టెన్ మిథాలీ రాజ్(104 బంతుల్లో 79 నాటౌట్; 8 ఫోర్లు, సిక్స్‌) అజేయ హాఫ్ సెంచరీతో రాణించినా.. ఇతర బ్యాటర్లు దారుణంగా విఫలమవడంతో దక్షిణాఫ్రికాతో బుధవారం జరిగిన ఆఖరి వన్డేలోనూ టీమిండియా మహిళలు 5 వికెట్ల తేడాతో ఓటమిపాలయ్యారు. లక్నో వేదికగా జరిగిన ఈ మ్యాచ్‌లో టాస్ ఓడి తొలుత బ్యాటింగ్ చేసిన భారత జట్టు 49.3 ఓవర్లలో 188 పరుగులకు ఆలౌటైంది. మిథాలీ రాజ్ మినహా.. ప్రియా పూనియా (18), స్మృతి మంధాన (18), పూనమ్ రౌత్ (10), హేమలత (2), సుష్మ వర్మ (0) దారుణంగా విఫలమయ్యారు. హర్మన్​ప్రీత్ కౌర్ (30) కుదురుగా ఆడుతున్న సమయంలో రిటైర్డ్ హర్ట్​గా వెనుదిరిగటం టీమిండియాకు భారీ నష్టమే చేకూర్చింది. దక్షిణాఫ్రికా బౌలర్లలో నదీన్ డి క్లెర్క్ 3, షంగేస్, సేఖుకునే 2, కాప్‌కు ఒక వికెట్ దక్కింది.  అనంతరం ఛేదనలో దక్షిణాఫ్రికా మహిళలు 48.2 ఓవర్లలో 5 వికెట్ల నష్టానికి 189 పరుగులు చేసి 10 బంతులు మిగిలుండగానే 5 వికెట్ల తేడాతో సునాయాస విజయాన్నందుకున్నారు. సఫారీ బ్యాటర్లలో డుప్రీజ్ (57), అన్నె బోష్‌(58), కాప్(36 నాటౌట్) రాణించారు. టీమిండియా బౌలర్లలో రాజేశ్వరి గైక్వాడ్‌ 3, హేమలత, ప్రత్యూష తలో వికెట్‌ దక్కించుకున్నారు. అన్నె బోష్‌కు ప్లేయర్‌ ఆఫ్‌ ద మ్యాచ్‌ అవార్డ్‌ దక్కగా, లిజెల్‌ లీ ప్లేయర్‌ ఆఫ్‌ ద సిరీస్‌ అవార్డ్‌ దక్కించుకుంది. దీంతో 5 వన్డేల సిరీస్‌ను దక్షిణాఫ్రికా మహిళలు 4-1తేడాతో గెలుపొందారు. ఇరు జట్ల మధ్య 3 టీ20ల సిరీస్‌లో తొలి మ్యాచ్‌ ఇదే వేదికగా మార్చి 20న ప్రారంభంకానుంది.   

దుబాయ్‌: మార్చి 13న సిడ్నీలో ప్రేక్షకులు లేకుండా ఆస్ట్రేలియా, న్యూజిలాండ్‌ మధ్య తొలి వన్డే మ్యాచ్‌ జరిగింది. అంతే... ఆ తర్వాత కరోనా కారణంగా ప్రపంచవ్యాప్తంగా క్రికెట్‌ ఆగిపోయింది. ప్రతిష్టాత్మక ఐపీఎల్‌ కూడా నిరవధిక వాయిదా పడింది. కొంత ఎక్కువ, కొంత తక్కువగా తేడా ఉన్నా... మొత్తంగా వివిధ క్రికెట్‌ బోర్డులకు ఆర్థికపరంగా భారీ దెబ్బ పడింది. కోవిడ్‌–19 తాజా పరిణామాల నేపథ్యంలో క్రికెట్‌ భవిష్యత్తుకు సంబంధించి చర్చించేందుకు అంతర్జాతీయ క్రికెట్‌ మండలి (ఐసీసీ) కీలక సమావేశం నిర్వహించనుంది. ఆన్‌లైన్‌ ద్వారా గురువారం జరిగే ఈ భేటీలో 12 శాశ్వత సభ్య దేశాలు, మూడు అసోసియేట్‌ బోర్డులకు చెందిన చీఫ్‌ ఎగ్జిక్యూటివ్‌లు పాల్గొంటారు. అర్ధంతరంగా ఆగిపోయిన ప్రపంచ టెస్టు చాంపియన్‌షిప్‌ కొనసాగింపు, వివిధ ద్వైపాక్షిక సిరీస్‌లు, ప్రతిపాదిత వన్డే సూపర్‌ లీగ్‌పై ప్రధానంగా చర్చ జరగనుంది. ఆగిపోయిన వివిధ సిరీస్‌ల కోసం కొత్త తేదీలు ఖరారు చేయడం లేదా రద్దుపై తగిన నిర్ణయం కూడా తీసుకునే అవకాశం ఉంది. సిరీస్‌ల రద్దుతో ఆర్థికపరంగా వివిధ బోర్డులను ఆదుకునే విషయంపై కూడా మాట్లాడనున్నట్లు సమాచారం. ఈ ఏడాది అక్టోబర్‌లో ఆస్ట్రేలియాలో జరగాల్సిన టి20 ప్రపంచకప్‌ నిర్వహణ అంశమే ప్రధాన ఎజెండా కావచ్చు. ‘కరోనా నేపథ్యంలో క్రికెట్‌ను కాపాడుకోవడమే ప్రస్తుతం మా అందరి లక్ష్యం. కాబట్టి భేషజాల కోసం, సొంత బోర్డుల ఎజెండా కోసం మాత్రమే కాకుండా మళ్లీ క్రికెట్‌ జరిగి అందరికీ మేలు జరిగే నిర్ణయాలు తీసుకోవడం కీలకం’ అని ఐసీసీ సీనియర్‌ అధికారొకరు వెల్లడించారు. 

రాంచీ :  ఆస్ట్రేలియాతో జరిగిన మూడో వన్డేలో టీమిండియా 32 పరుగుల తేడాతో ఓటమి చవిచూసింది. ఐదు వన్డేల సిరీస్‌లో ఇప్పటికే తొలి రెండు వన్డేలు గెలిచిన కోహ్లి సేన మూడో వన్డేలో మాత్రం చతికిలపడింది. ఆసీస్‌ నిర్దేశించిన 314 పరుగుల భారీ లక్ష్యాన్ని చేధించే క్రమంలో టీమిండియా 281 పరుగులకే కుప్పకూలింది. సారథి విరాట్‌ కోహ్లి(123) వన్‌ మ్యాన్‌ షోతో అదరగొట్టినా విజయాన్ని అందించలేకపోయాడు. చివర్లో విజయ్‌ శంకర్(32)‌, రవీంద్ర జడేజా(24)లు మెరుపులు మెరిపించడంతో విజయంపై ఆశలు కలిగాయి.. కానీ చివరకు ఆసీస్‌నే విజయాన్ని వరించింది. ఆసీస్‌ బౌలర్లలో జంపా, కమిన్స్‌, రిజర్డ్‌సన్‌లు తలో మూడు వికెట్లతో టీమిండియా పతనాన్ని శాసించారు.    ఓపెనర్లు విఫలం.. నిరాశ పరిచిన రాయుడు 314పరుగుల భారీ లక్ష్యంతో బరిలోకి దిగిన టీమిండియాకు శుభారంభం దక్కలేదు. రోహిత్‌ శర్మ(14), ధవన్‌(1)లు వెంటవెంటే ఔట్‌ అవ్వడంతో.. 15 పరుగులకే రెండు వికెట్లు కోల్పోయింది. అనంతరం క్రీజులోకి వచ్చిన రాయుడు(2) కూడా తీవ్రంగా నిరాశ పరిచాడు. ఈ క్రమంలో జట్టును ఆదుకునే బాధ్యతను ధోని, కోహ్లిలు తీసుకున్నారు. అయితే ఈ జోడి క్రీజులో నిలదొక్కుకున్న అనంతరం.. స్కోర్‌ పెంచే ప్రయత్నం చేశారు. ఈ క్రమంలో భారీ షాట్‌లు ఆడే ప్రయత్నంలో ధోని(26) జంపా బౌలింగ్‌లో బౌల్డ్‌ అయ్యాడు. అనంతరం జాదవ్‌(26) బ్యాట్‌తో మెరుపులు మెరిపించినప్పటికీ క్రీజులో ఎక్కువ సేపు క్రీజులో నిలువలేకపోయాడు. మ్యాక్స్‌వెల్‌ బౌలింగ్‌లో 98 పరుగుల వద్ద కీపర్‌ క్యారీ క్యాచ్‌ వదిలేయడంతో బతికిపోయిన కోహ్లి అదే ఓవర్లో డీప్‌ మిడ్‌వికెట్‌ దిశగా రెండు పరుగులు తీసి సెంచరీ పూర్తి చేసుకున్నాడు. జంపా ఓవర్లో వరుసగా రెండు ఫోర్లు కొట్టిన అనంతరం మరో షాట్‌కు ప్రయత్నించి క్లీన్‌బౌల్డ్‌ కావడంతో కోహ్లి అద్భుత ఇన్నింగ్స్‌ ముగిసింది.   

హామిల్టన్‌: న్యూజిలాండ్‌తో సిరీస్‌ అంటే ఎలా ఉంటుందో నాలుగో వన్డేకు గాని టీమిండియాకు తెలిసిరాలేదు. తొలి మూడు వన్డేలు ఆడుతుపాడుతూ గెలిచిన టీమిండియా నాలుగో మ్యాచ్‌లో మాత్రం ఘోరంగా తడబడింది. కివీస్‌ స్టార్‌ బౌలర్‌ ట్రెంట్‌ బౌల్ట్‌(5/21), గ్రాండ్‌ హోమ్‌(3/26) పదునైన బౌలింగ్‌కు భారత బ్యాట్స్‌మెన్‌ విలవిల్లాడారు. కివీస్‌ బౌలర్ల ధాటికి కనీస గౌరవప్రదమైన స్కోర్‌ నమోదు చేయకుండానే 30.5 ఓవర్లలో కేవలం 92 పరుగులకే ప్యాకప్‌ అయింది. పాండ్యా(16) చహల్‌(18), కుల్దీప్‌(15)లు చివర్లో రాణించడంతో ఆమాత్రం స్కోరయినా టీమిండియా సాధించగలిగింది.    దీంతో తొమ్మిదేళ్ల అనంతరం అత్యల్ప స్కోర్‌కు ఆలౌటై చెత్త రికార్డును నెలకొల్పింది. అది కూడా 2010లో దంబుల్లా వేదికగా న్యూజిలాండ్‌(88) పైనే ఈ రికార్డు ఉంది. శ్రీలంక(2000)పై 54 పరుగులే భారత్‌కు వన్డేల్లో అత్యల్ప స్కోరు కావడం గమనార్హం.   ఓ దశలో క్రికెట్‌ చరిత్రలోనే అత్యల్ప స్కోర్‌కే టీమిండియా ఆలౌటవుతుందా అనే అనుమానాన్ని బ్యాట్స్‌మెన్‌ కలిగించారు. టాస్‌ ఓడి తొలుత బ్యాటింగ్‌ చేపట్టిన టీమిండియాకు తొలి 5 ఓవర్లు మాత్రమే ఆనందాన్ని కలిగించాయి. అనంతరం రోహిత్‌ సేనకు కివీస్‌ బౌలర్లు అసలు పేస్‌ రుచి చూపించారు.   టీమిండియాకు ఓపెనర్లు శుభారంభాన్ని అందించలేకపోయారు. కివీస్‌ స్టార్‌ బౌలర్‌ ట్రెంట్‌ బౌల్ట్‌ బౌలింగ్‌లో ధావన్‌ (13) ఎల్బీడబ్ల్యూగా వెనుదిరగగా.. రోహిత్‌ శర్మ(6) రిటర్న్‌ క్యాచ్‌ ఇచ్చి ఔట్‌ అయ్యాడు. దీంతో 23 పరుగులకే టీమిండియా ఓపెనర్ల వికెట్లను కోల్పోయింది. అనంతరం రాయుడు(0), కార్తీక్‌(0)లు గ్రాండ్‌ హోమ్‌ బౌలింగ్‌లో వెంటవెంటనే ఔటయ్యారు. ఎన్నో అంచనాల మధ్య అరంగేట్రం చేసిన శుబ్‌మన్‌ గిల్‌(9) కూడా పూర్తిగా నిరాశ పరిచాడు. కష్టకాలంలో బాధ్యతాయుతంగా ఆడతాడని భావించిన జాదవ్‌(1) కూడా బౌల్ట్‌ బౌలింగ్‌లో ఎల్బీడబ్ల్యూగా వెనుదిరిగాడు. కివీస్‌ బౌలర్లలో బౌల్ట్‌ ఐదు వికెట్లతో అదరగొట్టగా.. గ్రాండ్‌ హోమ్‌ మూడు వికెట్లు సాధించగా.. ఆస్టల్‌, నీషమ్‌లు తలో వికెట్‌ పడగొ​ట్టారు. 

వెల్లింగ్టన్: కోహ్లి సేనతో జాగ్రత్తగా ఉండాలంటూ న్యూజిలాండ్‌ ప్రజలకు ఆదేశ పోలీసులు సరదా హెచ్చరిక జారీ చేశారు. ‘మన దేశంలో పర్యటిస్తున్న టీమిండియా గత వారం నేపియర్, మౌంట్‌ మాంగనీలో నిర్దాక్షిణ్యంగా న్యూజిలాండ్‌ జట్టుపై విరుచుకుపడింది.  కావున ఎవరైనా బ్యాట్ లేదా బంతితో బయటకు వెళ్లాలనుకుంటే అదనపు జాగ్రత్తలు తీసుకోండి’ అంటూ కివీస్‌ పోలీసులు సరదా పోస్ట్ చేశారు. ప్రస్తుతం పోలీసులు చేసిన పోస్ట్‌ సోషల్‌ మీడియాలో వైరల్‌గా మారుతోంది. దీనిపై నెటిజన్లు ఫన్నీగా స్పందిస్తున్నారు.  ఇక ఆస్ట్రేలియాపై కొనసాగించిన జైత్రయాత్రనే న్యూజిలాండ్‌లోనూ టీమిండియా కొనసాగిస్తోంది. ఐదు వన్డేల సిరీస్‌లో భాగంగా తొలి రెండు వన్డేల్లో కోహ్లిసేన ఘన విజయం సాధించిన విషయం తెలిసిందే. అటు బ్యాటింగ్‌లోనూ ఇటు బౌలింగ్‌లోను అదరగొడుతున్న టీమిండియా సోమవారం జరగనున్న మూడో వన్డేలోనే గెలిచి సిరీస్‌ కైవసం చేసుకోవాలని ఆరాటపడుతోంది. రేపటి మ్యాచ్‌లో గెలిచి చివరి రెండు వన్డేలకు రిజర్వ్‌ బెంచ్‌ ఆటగాళ్లకు అవకాశాలివ్వాలని టీమ్‌ మేనేజ్‌మెంట్‌ భావిస్తోంది. ఇక పేపర్‌పై బలంగా ఉన్న కివీస్‌ జట్టు.. మైదానంలో తడబాటుకు గల కారణాలను అన్వేషిస్తోంది. ఎలాగైనా చివరి మూడు వన్డేల్లో మంచి ప్రదర్శన కనబర్చాలని కివీస్‌ ఉవ్విళ్లూరుతోంది.     

వన్డే సిరీస్‌లో వెస్టిండీస్‌ జట్టు భారత్‌ను ఆశ్చర్యపరిచింది. మూడో వన్డేలో గెలిచి సిరీస్‌ను రసవత్తరంగా మార్చింది. కెప్టెన్‌ విరాట్‌ కోహ్లి వరుసగా మూడో సెంచరీతో అదరగొట్టినా... టీమిండియా లక్ష్యానికి చాలా దూరంలోనే నిలిచిపోయింది. ఐసీసీ ర్యాంకింగ్స్‌లో కోహ్లి అగ్రస్థానంలో ఎందుకు ఉన్నా డో ఈ ఇన్నింగ్స్‌ చూస్తే అర్థమవుతుంది. ఓ వైపు వికెట్లు పడుతున్నా... బెదురులేకుండా బ్యాటింగ్‌ చేయడమే అతన్ని ఇతర బ్యాట్స్‌మెన్‌ నుంచి వేరు చేస్తోంది. భారీ లక్ష్య ఛేదనలో బ్యాటింగ్‌ చేయడం అంత సులువు కాదు. కావాల్సిన రన్‌రేట్‌ను దృష్టిలో పెట్టుకొని ఇన్నింగ్స్‌ను నడిపించాల్సి ఉంటుంది. అవతలి ఎండ్‌లో వికెట్లు పడుతుంటే ఇది మరింత కష్టమవుతుంది. అలాంటి సమయంలో ఓ బ్యాట్స్‌మన్‌లోని అత్యుత్తమ ఆట బయటకు వస్తుంది. చాలా మంది బ్యాట్స్‌మెన్‌లను గమనిస్తే  మొదట బ్యాటింగ్‌ చేస్తున్నప్పుడు వారు చాలా బాగా ఆడతారు. అదే లక్ష్య ఛేదనకు వచ్చేసరికి అంతా మారిపోతుంది. కానీ కోహ్లి తీరు వీరందరికి భి న్నం. ఛేదనలో అతని షాట్ల ఎంపిక చక్కగా ఉంటుంది. మూడో వన్డేలో  షై హోప్‌ చెలరేగడంతో మధ్య ఓవర్లలో విండీస్‌ పుంజుకుంది. అతనికి కెప్టెన్‌ హోల్డర్‌ చక్కటి సహకారం అందించాడు. ఇక చివర్లో నర్స్‌ చెలరేగిపోయి జట్టుకు మంచి స్కోరు సాధించిపెట్టాడు. ఈ పర్యటనలో విండీస్‌ కెప్టెన్‌ రోజు రోజుకూ మెరుగవుతున్నాడు. ఆటగాడిగానే కాక సారథిగానూ ఆకట్టుకుంటున్నాడు.

సాక్షి, విశాఖపట్నం : ఇక్కడ వెస్టిండీస్‌తో జరుగుతున్న రెండో వన్డేలో భారత్‌కు ఆదిలోనే ఎదురు దెబ్బ తగిలింది. తొలి మ్యాచ్‌లో సెంచరీతో ఆకట్టుకున్న ఓపెనర్‌ రోహిత్‌ శర్మ(4)  క్యాచ్‌ ఔట్‌గా వెనుదిరిగి నిరాశ పరిచాడు. అనంతరం క్రీజులోకి వచ్చిన కెప్టెన్‌ విరాట్‌ కోహ్లి మరో ఓపెనర్‌ శిఖర్‌ ధావన్‌తో కలిసి ఆచితూచి ఆడుతున్నాడు. ఇక అంతకు ముందు టాస్‌ గెలిచిన భారత్‌ బ్యాటింగ్‌ ఎంచుకుంది. ఈ మ్యాచ్‌లో ముగ్గురు స్పిన్నర్లకు కెప్టెన్‌ కోహ్లి మొగ్గు చూపడంతో పేసర్‌ కలీల్‌ అహ్మద్‌ స్థానంలో కుల్దీప్‌ తుది జట్టులోకి వచ్చాడు.  ఐదు వన్డేల సీరిస్‌లో ఇప్పటికే కోహ్లి సేన తొలి వన్డేలో ఘన విజయం సాధించి 1-0 ఆధిక్యంలో నిలిచిన విషయం తెలిసిందే. అదే ఊపుతో అచ్చొచ్చిన వైజాగ్‌లో మరో విజయం నమోదు చేయాలని  ఉవ్విళ్లురుతోంది. కాగా తొలి మ్యాచ్‌లో భారీ స్కోర్‌ సాధించి విజయం చేజార్చుకున్న విండీస్‌ ఈ మ్యాచ్‌లో ఎలాగైనా విజయం సాధించాలనే పట్టుదలతో ఉంది.  వైజాగ్‌లో భారత్‌కు మంచి రికార్డు ఉంది. ఇప్పటి వరకు ఇక్కడ జరిగిన 7 వన్డేల్లో భారత్‌ కేవలం ఒక్కటి మాత్రమే ఓడి 6 గెలిచింది. అయితే ఆ ఒక్క ఓటమి కూడా విండీస్‌పైనే కావడం భారత్‌కు ప్రతికూలాంశం. ఇప్పటి వరకు ఇక్కడ టాస్‌ గెలిచిన జట్లే ప్రతీ సారి విజయం సాధించాయి. దీంతో భారత్‌కు మరో విజయం కాయమని అభిమానులు భావిస్తున్నారు.  

ఎన్‌ఏడీ జంక్షన్‌(విశాఖ పశ్చిమ) : వైఎస్సార్‌ స్టేడియంలో బుధవారం జరగనున్న రెండో వన్డేలో ఆడే భారత, వెస్టిండీస్‌ జట్లు సోమవారం విశాఖ చేరుకున్నాయి. కట్టుదిట్టమైన భద్రత ఏర్పాట్ల నడుమ రెండు జట్ల ఆటగాళ్లు విశాఖ విమానాశ్రయంలో అడుగు పెట్టారు. తమ అభిమాన క్రికెటర్లను చూడడానికి అభిమానులు పెద్ద ఎత్తున విమానాశ్రయానికి తరలివచ్చారు. విమానాశ్రయం నుంచి బస్సు వద్దకు చేరుకున్న భారత క్రికెటర్లను చూసి కేరింతలు కొట్టారు. వారిని సెల్‌ఫోన్లతో ఫొటోలు తీసి ఉత్సాహపడ్డారు. ప్రత్యేకించి కోహ్లీ, ధోనీ, రోహిత్‌ శర్మ తదితరులు కనిపించినప్పుడు అభిమానులు తెగ సందడి చేశారు. అనంతరం టీమిండియా ఆటగాళ్లు నోవాటెల్‌ హోటల్‌కు, వెస్టిండీస్‌ ఆటగాళ్లు ఫోర్‌ పాయింట్‌ హోటల్‌కు వేరువేరు బస్సుల్లో చేరుకున్నారు.  

సాక్షి, ముంబై: వెస్టిండీస్‌పై టెస్ట్‌ సిరీస్ గెలిచిన ఉత్సాహంతోనే టీమిండియా వన్డే సిరీస్‌కు సన్నద్దమవుతోంది. ఈ నెల 21 నుంచి గువహటి వేదికగా తొలి మ్యాచ్‌ ఆరంభం కానున్న విషయం తెలిసిందే. ఇప్పటికే 14 మంది సభ్యుల జట్టును ప్రకటించిన భారత వన్డే జట్టులో మార్పు చోటుచేసుకుంది. ఉప్పల్ వేదికగా కరేబియన్‌ జట్టుతో జరిగిన రెండో టెస్టులో గాయపడిన శార్దూల్‌ ఠాకూర్‌ స్థానంలో సీనియర్‌ బౌలర్‌ ఉమేశ్‌ యాదవ్‌కు అవకాశం కల్పించారు. వన్డే సిరీస్‌ మొదలయ్యేసరికి గాయం నుంచి శార్దూల్‌ కోలుకుంటాడని సెలక్షన్‌ కమిటీ తొలుత భావించింది. అయితే అతడికి మరింత విశ్రాంతి అవసరమని వైద్యుల సూచన మేరకు వన్డే జట్టు నుంచి తప్పించారు.   ఇక ఈ సిరీస్‌కు సీనియర్‌ క్రికెటర్లకు విశ్రాంతినిచ్చి యువ ఆటగాళ్లకు అవకాశం కల్పిస్తారని అందరూ భావించారు. అయితే వన్డేల్లో విండీస్‌ జట్టు బలంగా ఉన్న నేపథ్యంలో.. ప్రయోగాల జోలికి వెళ్లకుండా చిన్న చిన్న మార్పులతో రెండు వన్డేలకు జట్టును ప్రకటించింది బీసీసీఐ. ఇక ఎన్నో అంచనాల నడుమ వన్డే జట్టులోకి వచ్చిన రిషభ్‌ పంత్‌పై అందరి దృష్టి నెలకొంది. అయితే  సీనియర్‌ క్రికెటర్‌,  టీమిండియా మాజీ సారథి ఎంఎస్‌ ధోనికి విశ్రాంతినిచ్చి కెప్టెన్‌ విరాట్‌ కోహ్లి పంత్‌కు అవకాశం కల్పిస్తాడా లేక రెగ్యులర్‌ బ్యాట్స్‌మన్‌గా జట్టులోకి తీసుకుంటాడో వేచి చూడాలి. 

లార్డ్స్‌: టీమిండియా జోరుకు బ్రేక్‌ పడింది. ఇంగ్లండ్‌తో శనివారం జరిగిన రెండో వన్డేలో 86 పరుగుల తేడాతో కోహ్లి సేన ఘోర ఓటమి చవిచూసింది. దీంతో మూడు వన్డేల సిరీస్‌ను ఇంగ్లండ్‌ 1-1తో సమం చేసింది. మొదట బౌలింగ్‌లో ధారళంగా పరుగులిచ్చి.. అనంతరం భారీ లక్ష్య ఛేదనలో టీమిండియా బ్యాట్స్‌మెన్‌ చేతులెత్తేశారు. 323 పరుగుల భారీ లక్ష్యంతో బరిలోకి దిగిన టీమిండియాకు ఓపెనర్లు సరైన భాగస్వామ్యం అందించలేకపోయారు. తొలి వన్డే సెంచరీ హీరో రోహిత్‌ శర్మ (15) మార్క్‌ వుడ్‌ బౌలింగ్‌లో ఔటయ్యాడు. అనంతరం క్రీజులోకి వచ్చిన కేఎల్‌ రాహుల్‌(0) దారుణంగా విఫలమయ్యాడు. ఇక మరో ఓపెనర్‌ శిఖర్‌ ధావన్‌ 36 (30 బంతుల్లో 6ఫోర్లు) కూడా ఎక్కువసేపు క్రీజులో నిలువలేదు. ఈ క్రమంలో కెప్టెన్‌ విరాట్‌ కోహ్లి, సురేశ్‌ రైనా జట్టును ఆదుకునే ప్రయత్నం చేశారు. వీరిరువురు నాలుగో వికెట్‌కు 80 పరుగులు నమోదు చేసిన తర్వాత కోహ్లి 45(56 బంతుల్లో 2 ఫోర్లు)ని మొయిన్‌ ఆలీ ఔట్‌ చేశాడు. అనంతరం రైనా 46 (63 బంతుల్లో 1ఫోర్‌)కూడా నిష్క్రమించడంతో భారత్‌ ఓటమి దిశగా పయనించింది. ఇంగ్లండ్‌ బౌలర్లు కట్టుదిట్టంగా బౌలింగ్‌ చేస్తుండటంతో రన్‌రేట్‌ పెరిగిపోయింది. మరోవైపు ధోని, పాండ్యా పరుగులు చేయడానికి నానాకష్టాలు పడ్డారు. ఒత్తిడికి గురైన పాండ్యా 21(22 బంతుల్లో 1 ఫోర్‌) ప్లంకెట్‌ బౌలింగ్‌లో వెనుదిరిగాడు. అనంతరం క్రీజులోకి వచ్చిన ఉమేశ్‌ యాదవ్‌ డకౌటయ్యాడు . ఈ మ్యాచ్‌లో టీమిండియా మాజీ కెప్టెన్‌ మహేంద్ర సింగ్‌ ధోని 33 పరుగుల వ్యక్తిగత స్కోర్‌ చేరగానే వన్డేల్లో పదివేల పరుగులు పూర్తి చేశాడు. మరో నాలుగు పరుగులు జోడించిన అనంతరం ధోని 37(59 బంతుల్లో 2ఫోర్లు) ప్లంకెట్‌ బౌలింగ్‌లో వెనుదిరగడంతో భారత్‌ ఓటమి ఖరారైంది. ఇక టెయిలెండర్లు కూడా రాణించకపోవడంతో టీమిండియా నిర్ణీత 50 ఓవర్లలో 236 పరుగులకే ఆలౌటైంది. ఇంగ్లండ్‌ బౌలర్లలో ప్లంకెట్‌ నాలుగు వికెట్లతో చెలరేగగా, అదిల్‌ రషీద్‌, విల్లే చెరో రెండు వికెట్లు.. వుడ్‌, మెయిన్‌ అలీ తలో వికెట్‌ తీశారు. ఇరు జట్ల మధ్య నిర్ణయాత్మకమైన మూడో మ్యాచ్‌ మంగళవారం(జులై 17)న జరగనుంది.  అంతకుముందు టాస్‌ గెలిచి తొలుత బ్యాటింగ్‌ చేపట్టిన ఇంగ్లండ్‌.. బ్యాట్స్‌మెన్‌ చెలరేగి ఆడటంతో భారీ స్కోర్‌ సాధించింది. జోయ్‌ రూట్‌ 113(116 బంతుల్లో 8ఫోర్లు, 1 సిక్సర్‌) సెంచరీతో చెలరేగగా.. కెప్టెన్‌ మోర్గాన్‌ 53 (51 బంతుల్లో 4ఫోర్లు, 1 సిక్సర్‌) బాధ్యతాయుత ఇన్నింగ్స్‌ ఆడాడు. చివర్లో డేవిడ్‌ విల్లే 50(31 బంతుల్లో 5ఫోర్లు, 1 సిక్సర్‌) మెరుపులు మెరిపివ్వడంతో ఇంగ్లండ్‌ నిర్ణీత 50 ఓవర్లలో ఏడు వికెట్ల నష్టానికి 322 పరుగులు చేసింది. భారత్‌ బౌలర్లలో కుల్దీప్‌ యాదవ్‌ మూడు వికెట్లు తీయగా.. చహల్‌, ఉమేశ్‌, పాండ్యా తలో వికెట్‌ పడగొట్టారు.  

లార్డ్స్‌ : ప్రతిష్టాత్మకరమైన లార్డ్స్‌  మైదానంలో  ఇండియా, ఇంగ్లండ్‌ల మధ్య కీలకమైన రెండో వన్డే జరుగుతోంది. కోహ్లి సేనతో జరుగుతున్న ఈ మ్యాచ్‌లో ఇంగ్లండ్‌ టాస్‌ గెలిచి బ్యాటింగ్‌ ఎంచుకుంది. ఇయన్‌ మోర్గాన్‌ సేనకు ఈ మ్యాచ్‌ అత్యంత కీలకం. రెండు జట్లు ఏ విధమైన మార్పులు లేకుండా మొదటి వన్డే ఆడిన టీంతోనే బరిలోకి దిగాయి. మొదటి వన్డేలో కుల్దీప్‌ విజృంభించి ఇండియాకు విజయాన్ని అందించిన విషయం తెలిసిందే. మూడు వన్డేల సిరీస్‌లో కోహ్లిసేన వరుసగా రెండో వన్డే గెలిచి కప్‌ కైవసం చేసుకోవాలని చూస్తోంది. మ్యాచ్‌ అప్‌డేట్స్‌ ఇవి.. ఇరుజట్ల మధ్య నిర్ణయాత్మకమైన మూడో వన్డే మంగళవారం(జులై 17)న జరగనుంది.   ‘ప్లేయర్‌ ఆఫ్‌ ద మ్యాచ్‌’ జోయ్‌ రూట్‌   మూడు వన్డేల సిరీస్‌ను 1-1తో సమం చేసిన ఇంగ్లండ్‌   86 పరుగుల తేడాతో టీమిండియా ఘోర ఓటమి   వన్డేల్లో పదివేల పరుగుల క్లబ్‌లో చేరిన టీమిండియా మాజీ కెప్టెన్‌ మహేంద్ర సింగ్‌ ధోని   ఏడో వికెట్‌ కోల్పోయిన టీమిండియా, ఉమేశ్‌ యాదవ్‌ డకౌట్‌   ఆరో వికెట్‌ కోల్పోయిన టీమిండియా, ప్లంకెట్‌ బౌలింగ్‌లో హార్దిక్‌ పాండ్యా(21) కీపర్‌ క్యాచ్‌ ఔట్‌   35 ఓవర్లలో టీమిండియా ఐదు వికెట్లు కోల్పోయి 174 పరుగులు చేసింది. ప్రస్తుతం ధోని(13), పాండ్యా (10) బ్యాటింగ్‌ చేస్తున్నారు.   భారత్‌ ఐదో వికెట్‌ కోల్పోయింది. సురేష్‌ రైనా 46 వ్యక్తిగత పరుగుల వద్ద వెనుదిరిగాడు. రషీద్‌ వేసిన 32వ ఓవర్‌లో తొలి బంతికే బౌల్డ్‌ అయ్యాడు. 31.1 ఓవర్లకు టీమిండియా స్కోర్‌ 154/5.   టీమిండియా సారధి విరాట్‌ కోహ్లి 45 పరుగుల వద్ద ఔట్‌ అయ్యాడు. భారత్‌ నాలుగో వికెట్‌ కోల్పోయింది. మొయిన్‌ అలీ వేసిన 27వ ఓవర్‌లో చివరి బంతికి ఎల్‌బీడబ్య్లూగా వెనుదిరిగాడు. ఇండియా 27 ఓవర్లలో నాలుగు వికెట్లు కోల్పోయి 140 పరుగులు చేసింది. 38 పరుగులతో సురేష్‌ రైనా ఆడుతున్నాడు.     లక్ష్య ఛేదనలో కోహ్లిసేన 25 ఓవర్లకు మూడు వికెట్లు కోల్పోయి 132 పరుగులు చేసింది. కోహ్లి, సురేష్‌ రైనాలు నెమ్మదిగా ఆడుతూ వికెట్‌ పడకుండా కాపాడుతున్నారు. కోహ్లి 42 పరుగులతో, సురేష్‌ రైనా 34 పరుగులతో ఆడుతున్నారు.   టీమిండియా 21 ఓవర్లకు మూడు వికెట్లు కోల్పోయి 112 పరుగుల చేసింది. విరాట్‌ కోహ్లి(32), సురేష్‌ రైనా(23) పరుగులతో క్రీజ్‌లో ఉన్నారు.   భారత్‌ 15 ఓవర్లకు మూడు వికెట్లు కోల్పోయి 90 పరుగుల చేసింది. విరాట్‌ కోహ్లి(19), సురేష్‌ రైనా(12) పరుగులతో బ్యాటింగ్‌ చేస్తున్నారు.   టీమిండియా 12 ఓవర్లకు మూడు వికెట్లు నష్టపోయి 65 పరుగులు చేసింది. ప్రస్తుతం విరాట్‌ కోహ్లి(7), సురేష్‌ రైనాలు(3) క్రీజ్‌లో ఉన్నారు.    శిఖర్‌ ధావన్ ఔట్‌ తర్వాత క్రీజ్‌లోకి వచ్చిన లోకేష్‌ రాహుల్‌ నిరాశ పరిచాడు. లియామ్‌ ప్లంకెట్ వేసిన 11వ ఓవర్‌లో ఐదో బంతికి బట్లర్‌కు క్యాచ్‌ ఇచ్చి వెనుదిరిగాడు. 60 పరుగులకే టీమిండియా మూడు వికెట్లు కోల్పోయింది.   57 పరుగులు వద్ద టీమిండియా రెండో వికెట్‌ కోల్పోయింది. టీమిండియా 10 ఓవర్‌లో చివరి బంతికి ధావన్‌ వికెట్‌ను కోల్పోయింది. డేవిడ్‌ విల్లే వేసిన బౌలింగ్‌లో స్టోక్స్‌కు క్యాచ్‌ ఇచ్చి ధావన్‌(36) ఔట్‌ అయ్యాడు.  ప్రస్తుతం కోహ్లి(5), లోకేష్‌ రాహుల్‌(0) పరుగులతో క్రీజ్‌లో ఉన్నారు.   భారీ లక్ష్యంతో బరిలోకి దిగిన కోహ్లీ సేన నిలకడగా బ్యాటింగ్‌ చేస్తోంది. భారత్‌ 7 ఓవర్లలో 45 పరుగులు చేసింది. ఓపెనర్లు రోహిత్‌ శర్మ రోహిత్‌ శర్మ 13 పరుగులు, ధావన్‌ 29 పరుగులతో క్రీజులో ఉన్నారు. జో రూట్‌ సెంచరీతో చెలరేగడం.. ఆరోస్థానంలో బ్యాటింగ్‌కు వచ్చిన డేవిడ్‌ విల్లే 31 బంతుల్లో 5 ఫోర్లు, ఒక సిక్సర్‌తో 50 పరుగులు చేయడంతో ఇంగ్లండ్‌ జట్టు భారత్‌కు భారీ లక్ష్యాన్ని నిర్దేశించింది. నిర్ణీత 50 ఓవర్లలో 7 వికెట్లు కోల్పోయి.. ఇంగ్లండ్‌ జట్టు 322 పరుగులు చేసింది. భారత్‌కు 323 పరుగుల భారీ లక్ష్యాన్ని ఉంచింది.   భారత బౌలర్లలో కుల్దీప్ యాదవ్ ఒక్కడే ఒక మోస్తరుగా రాణించి మూడు వికెట్లు పడగొట్టాడు. ఉమేష్ యాదవ్, యజువేంద్ర చాహల్‌, హరిక్ పాండ్య తలో వికెట్‌ తీసుకున్నారు. 8 ఓవర్లు వేసిన సిద్ధార్థ కౌల్‌ (59 పరుగులు ఇచ్చాడు), రెండు ఓవర్లు వేసిన సురేశ్‌ రైనా వికెట్‌ తీయలేకపోయారు.   ఇంగ్లండ్‌ బ్యాట్స్‌మెన్‌లో జాసన్ రాయ్ 40 పరుగులు, జానీ బెయిర్‌ స్టో 38 పరుగులు, జో రూట్ 113 పరుగులు (నాటౌట్‌), ఇయాన్ మోర్గాన్ 53 పరుగులు, బెన్ స్టోక్స్ 5 పరుగులు, జోస్ బట్లర్ 4 పరుగులు, మోయిన్ ఆలీ 13 పరుగులు, డేవిడ్ విల్లీ 50 పరుగులు చేశారు.   ఇంగ్లండ్‌ బ్యాట్స్‌మెన్‌ జో రూట్‌ రెండో వన్డేలో ఒంటరి పోరాటం చేశాడు. జో రూట్‌ 109 బంతుల్లో సెంచరీ నమోదు చేశాడు. వచ్చిన ఆటగాళ్లు వరుసగా ఫెవిలియన్‌ బాట పట్టగా జో రూట్‌ మ్యాచ్‌ను తన భూజాలపై వేసుకుని ముందుకు నడిపించాడు. 48 ఓవర్లకు ఇంగ్లండ్‌ స్కోర్‌ 305/6. రోహిత్‌ చక్కటి డ్రైవ్‌ కొట్టి అద్భుత క్యాచ్‌ అందుకున్నాడు. చహల్‌ వేసిన 42వ ఓవర్‌లో నాల్గో బంతికి మొయిన్‌ ఆలీ భారీ షాట్‌ ఆడబోయి రోహిత్‌కు క్యాచ్‌ ఇచ్చాడు. 240 పరుగుల వద్ద ఇంగ్లండ్‌ ఆరో వికెట్‌ను కోల్పోయింది. ప్రస్తుతం జో రూట్‌(88), మొయిన్‌ అలీ(6) డేవిడ్‌ విల్లే(0) క్రీజ్‌లో ఉన్నారు.      40 ఓవర్లలో ఐదు వికెట్ల నష్టానికి ఇంగ్లండ్‌ 228 పరుగులు చేసింది. ప్రస్తుతం జో రూట్‌(78), మొయిన్‌ అలీ(6) పరుగులతో క్రీజ్‌లో ఉన్నారు.      ఇంగ్లండ్‌ 214 పరుగుల వద్ద ఐదో వికెట్‌ కోల్పోయింది. ఉమేష్‌ యాదవ్‌ బౌలింగ్‌లో జాస్‌ బట్లర్ ధోనికి క్యాచ్‌ ఇచ్చి ఫెవిలియన్‌ బాటపట్టాడు. 36.3 ఓవర్ల వద్ద ఇంగ్లండ్‌ స్కోర్‌ 214/5.   203 పరుగుల వద్ద ఇంగ్లండ్‌ మరో వికెట్‌ కోల్పోయింది. హార్థిక్‌ పాండ్యా బౌలింగ్‌లో బెన్‌ స్టోక్స్‌ కీపర్‌ ధోనీకి క్యాచ్‌ ఇచ్చి వెనుదిరిగాడు. స్టోక్స్‌ ఎనిమిది బంతుల్లో ఐదు పరుగులు చేశాడు. దీంతో 34 ఓఇవర్లలో ఇంగ్లండ్‌ 203 పరుగులు చేసింది. జో రూట్‌ (63) , జోస్‌ బట్లర్‌ క్రీజ్‌లో ఉన్నారు.   30.3 ఓవర్‌లో మూడో వికెట్‌ కోల్పోయిన ఇంగ్లండ్‌. మోర్గాన్‌ 53 పరుగుల వద్ద కుల్దీవ్‌ ఓవర్‌లో భారీ షాట్‌ ఆడబోయి ధావన్‌కు క్యాచ్‌ ఇచ్చి వెనుదిరిగాడు. ఇంగ్లండ్‌ స్కోర్‌: 189/3. తన స్పిన్‌ మాయతో మూడు వికెట్లు తన ఖాతాలో కుల్దీప్‌ వేసుకున్నాడు.   కుల్దీప్‌ బౌలింగ్‌లో వరుసగా ఓపెనర్లను కోల్పోయిన ఇంగ్లండ్‌ జట్టును అనంతరం వచ్చిన జోయ్‌ రూట్‌, కెప్టెన్‌ ఈయాన్‌ మోర్గాన్‌ ఆదుకున్నారు. భారత బౌలర్లను దీటుగా ఎదుర్కొంటూ.. నిలకడగా ఈ ఆడుతున్న ఈ ఇద్దరు.. 28 ఓవర్లు ముగిసే సరికి ఇంగ్లండ్‌ను పటిష్ట స్థితికి తీసుకొచ్చారు. 28 ఓవర్లలో ఇంగ్లండ్‌ రెండు వికెట్లు కోల్పోయి 176 పరుగులు చేసింది. ఈ భాగస్వామ్యాన్ని విడగొట్టేందుకు భారత బౌలర్లు శ్రమిస్తున్నారు. రూట్‌ అర్ధశతకం సాధించగా.. మోర్గాన్‌ 45 పరుగులతో క్రీజ్‌లో ఉన్నాడు.   మరోసారి స్పిన్‌ మ్యాజిక్‌ చూపిన కుల్దీప్. 15 ఓవర్‌లో కీలక వికెట్‌ తీశాడు. ఇంగ్లండ్‌ ఓపెనర్‌ జాసన్‌ రాయ్‌(40) ఔట్‌. సిక్స్‌ బార్డర్‌లో క్యాచ్‌ పట్టిన ఉమేష్‌ యాదవ్‌. 15 ఓవర్లలో ఇంగ్లండ్‌ స్కోర్‌ 88/2 రంగంలోకి దిగిన చైనామన్‌ కుల్దీప్‌, రెండో బంతికే వికెట్‌. బెయిర్‌ స్టో (38) ఔట్‌ పది ఓవర్లలో ఇంగ్లండ్‌​ వికెట్‌ నష్టపోకుండా 69 పరుగులు చేసింది. జాసన్‌ రాయ్‌ 30పరుగులతో, బెయిర్‌ స్టో 38 పరుగులతో క్రీజ్‌లో ఉన్నారు. ఆరో ఓవర్లలో ఇంగ్లండ్‌ జట్టు వికెట్‌ కోల్పోకుండా 32 పరుగులు చేసింది. టీమిండియా: విరాట్‌ కోహ్లి(కెప్టెన్‌), రోహిత్‌ శర్మ, శిఖర్‌ ధావన్‌, లోకేశ్‌ రాహుల్‌, సురేశ్‌ రైనా, ఎంఎస్‌ ధోని, హార్దిక్‌ పాండ్యా, సిద్దార్థ్‌ కౌల్‌, ఉమేశ్‌ యాదవ్‌, చాహల్‌, కుల్దీప్‌ యాదవ్‌ ఇంగ్లండ్‌: ఇయన్‌ మోర్గాన్‌(కెప్టెన్‌), జాసన్‌ రాయ్‌, బెయిర్‌ స్టో, జో రూట్‌, బెన్‌ స్టోక్స్‌, జాస్‌ బట్లర్‌, మొయిన్‌ అలీ, డేవిడ్‌ విల్లే, లియామ్‌ ప్లంకెట్‌, అదిల్‌ రషీద్‌, మార్క్‌ వుడ్‌

బులవాయో: వరుస విజయాలతో దూసకపోతున్న పాకిస్తాన్‌ మరో ఘన విజయం సాధించింది. ఐదు వన్డేల సిరీస్‌లో భాగంగా పాక్‌ తొలి వన్డేలో 201 పరుగుల తేడాతో జింబాబ్వే జట్టును చిత్తుచేసింది. టాస్‌ ఓడి తొలుత బ్యాటింగ్‌ చేపట్టిన పాక్‌కు ఓపెనర్లు చక్కటి శుభారంభాన్నందించారు. ‘మ్యాన్‌ ఆఫ్‌ ది మ్యాచ్‌’ ఇమాముల్‌ హక్‌ 128(134 బంతుల్లో 11 ఫోర్లు) సెంచరీతో చెలరేగగా.. ఫకర్‌ జమాన్‌ 60 (70 బంతుల్లో 7 ఫోర్లు) అర్థసెంచరీతో ఆకట్టుకున్నాడు. ఇక మిగతా బ్యాట్స్‌మెన్‌ కూడా రాణించడంతో పాక్‌ నిర్ణీత 50 ఓవర్లలో ఏడు వికెట్ల నష్టానికి 308 పరుగులు చేసింది.  అనంతరం భారీ లక్ష్యంతో బరిలోకి దిగిన జింబాబ్వే ఏ దశలోనూ పోరాటపటిమను ప్రదర్శించలేదు. పాక్‌ బౌలర్ల ధాటికి 35 ఓవర్లలో 107 పరుగులకే ఆలౌటై భారీ ఓటమిని చవిచూసింది. ఆతిథ్య బ్యాట్స్‌మెన్లలో ర్యాన్‌ ముర్రే 32 నాటౌట్‌(48 బంతుల్లో 1 ఫోర్‌) టాప్‌ స్కోరర్‌ కావడం గమనార్హం.  పాక్‌ బౌలర్లలో షాదాబ్‌ ఖాన్‌ నాలుగు వికట్లతో అదరగొట్టగా.. ఆష్రాఫ్‌, ఉస్మాన్‌ ఖాన్‌ తలా రెండు వికెట్లు సాధించారు. 

నాటింగ్‌హామ్‌: భారత చైనామన్‌ బౌలర్‌ కుల్దీప్‌ యాదవ్‌ ఇంగ్లండ్‌తో తొలి వన్డేలో ఆరు వికెట్లు తీసి ఆకట్టుకున్నాడు. ఇంగ్లండ్‌ బ్యాట్స్‌మెన్‌కు కొరకరాని కొయ్యగా మిగిలిన కుల్దీప్‌(6/25) ఆతిథ్య జట్టును మరోసారి దెబ్బతీశాడు. ట్రెంట్‌బ్రిడ్జ్ మైదానంలో అదరగొట్టిన ఈ లెఫ్టార్మ్‌ స్పిన్నర్‌ పలు రికార్డులు తన పేరిట లిఖించుకున్నాడు. వన్డేల్లో ఒక ఇన్నింగ్స్‌లో అత్యధిక వికెట్లు తీసిన లెఫ్టార్మ్‌ స్పిన్నర్‌గా కుల్దీప్‌ సరికొత్త రికార్డు సృష్టించాడు.  వన్డేల్లో ఇంగ్లండ్‌పై అత్యుత్తమ గణాంకాలు నమోదు చేసిన స్పిన్నర్‌గానూ అరుదైన ఘనత సాధించాడు. వన్డేలో బ్రిటీష్‌ పిచ్‌లపై ఒక ఇన్నింగ్స్‌లో అత్యధిక వికెట్లు తీసిన తొలి స్పిన్నర్‌గా కుల్దీప్‌ సరికొత్త రికార్డు లిఖించాడు. ఒక​ ఇన్నింగ్స్‌లో అత్యధిక వికెట్లు తీసిన ఆసీస్‌ చైనామన్‌ బౌలర్‌ బ్రాడ్‌ హాగ్‌ రికార్డును తిరగరాశాడు. టీమిండియా తరుపున​ బౌలింగ్‌లో అత్యుత్తమ గణాంకాలు నమోదు చేసిన నాలుగో బౌలర్‌గా మరో ఘనత సాధించాడు. గతంలో అనిల్‌ కుంబ్లే(6/12), అమిత్‌ మిశ్రా(6/48), మురళీ కార్తీక్‌(6/27)లు ఈ ఘనత సాధించారు. ఈ ఫీట్‌ సాధించచిన నలుగురు బౌలర్లు స్పిన్నర్లు కావడం విశేషం. ,

నాటింగ్‌హామ్‌: టీమిండియా మణికట్టు మాంత్రికుడు కుల్దీప్‌ యాదవ్‌ మరో సారి ఇంగ్లండ్‌ బ్యాట్స్‌మెన్‌ పనిపట్టాడు. కెరీర్‌లోనే బెస్ట్‌ గణాంకాలు కుల్దీప్‌(6/25) నమోదు చేశాడు. మూడు వన్డేల సిరీస్‌లో భాగంగా  ట్రెంట్‌బ్రిడ్జ్‌ మైదానంలో జరుగుతున్న తొలి మ్యాచ్‌లో ఇంగ్లండ్‌ ఇంకో బంతి మిగిలిండగానే 268 పరుగులకు ఆలౌటైంది. టాస్‌ ఓడి తొలుత బ్యాటింగ్‌ చేపట్టిన ఇంగ్లండ్‌కు ఓపెనర్లు శుభారంభాన్ని అందించారు. తొలి వికెట్‌కు 73 పరుగులు జోడించి ప్రమాదకరంగా మారుతున్న రాయ్‌-బెయిర్‌ స్టో జోడిని విడదీసి కుల్దీప్‌ వికెట్ల ఖాతా తెరిచాడు. ఓపెనర్లు జాసన్‌ రాయ్‌ 38(35 బంతుల్లో 6ఫోర్లు), బెయిర్‌ స్టో 38(35 బంతుల్లో 5 ఫోర్లు 1 సిక్సర్‌), వన్‌డౌన్‌ బ్యాట్స్‌మన్‌ రూట్‌(3)ను వరుస ఓవర్లలో కుల్దీప్‌ పెవిలియన్‌కు పంపించాడు. దీంతో 82 పరుగులకే మూడు వికెట్లు కోల్పోయి కష్టాల్లో పడిన ఇంగ్లండ్‌ను కెప్టెన్‌ మోర్గాన్‌ ఆదుకునే ప్రయత్నం చేశాడు. కానీ చహల్‌ బౌలింగ్‌లో రైనాకు క్యాచ్‌ ఇచ్చి మోర్గాన్‌(19) వెనుదిరిగాడు. ఆదుకున్న స్టోక్స్‌- బట్లర్‌ 105 పరుగులకే నాలుగు వికెట్లు కోల్పోయిన ఇంగ్లండ్‌ను ఆల్‌రౌండర్‌ బెన్‌ స్టోక్స్‌, ఐపీఎల్‌ హీరో బట్లర్‌ ఆదుకున్నారు. ఆరంభం నుంచి  స్టోక్స్‌ నెమ్మదిగా ఆడగా.. బట్లర్‌ ఎడాపెడా బౌండరీలు బాదాడు. ఐదో వికెట్‌కు ఈ జోడి 93 పరుగులు జోడించి ఇంగ్లండ్‌ను పటిష్టస్థితికి చేర్చారు.  మరోసారి కుల్దీప్‌.. ఇంగ్లండ్‌ను లెఫ్టార్మ్‌ స్పిన్నర్‌ కుల్దీప్‌ మరోసారి దెబ్బతీశాడు.  క్రీజులో పాతుకపోయిన స్టోక్స్ 50(103 బంతుల్లో 2ఫోర్లు,1 సిక్సర్‌), బట్లర్‌ 53(51 బంతుల్లో 5ఫోర్లు)లను కుల్దీప్‌ ఔబ్‌ చేశాడు. చివర్లో మొయిన్‌ ఆలీ 24(23 బంతుల్లో 2ఫోర్లు, 1 సిక్సర్‌), అదిల్‌ రషీద్‌ 22(16 బంతుల్లో 1ఫోర్‌, 1 సిక్సర్‌) ధాటిగా ఆడే ప్రయత్నం చేశారు. వరుస ఓవర్లలో టీమిండియా బౌలర్లు   వికెట్లు తీయడంతో ఆతిథ్య జట్టు 268 పరుగులకు ఆలౌటైంది. భారత బౌలర్లలో కుల్దీప్‌ ఆరు వికెట్లతో చెలరేగగా, ఉమేశ్‌ రెండు వికెట్లు, చహల్‌ ఒక్క వికెట్‌ సాధించాడు. అరంగేట్ర మ్యాచ్‌లో సిద్దార్థ్‌ కౌల్‌ ధారళంగా పరుగులు ఇచ్చి తీవ్రంగా నిరాశ పరిచాడు.    

నాటింగ్‌హామ్‌: మూడు వన్డేల సిరీస్‌లో భాగంగా ఇక్కడి ట్రెంట్‌బ్రిడ్జ్‌ మైదానంలో  భారత్, ఇంగ్లండ్‌ మధ్య తొలి మ్యాచ్‌ జరుగుతోంది. ఈ మ్యాచ్‌లో టాస్‌ గెలిచిన టీమిండియా సారథి విరాట్‌ కోహ్లి ఇంగ్లండ్‌ను బ్యాటింగ్‌కు ఆహ్వానించాడు. గాయం కారణంగా భువనేశ్వర్‌ కుమార్‌ దూరం కావడంతో సన్‌రైజర్స్‌ హైదరాబాద్‌ స్టార్‌ బౌలర్‌ సిద్దార్థ్‌ కౌల్‌ అరంగేట్రం చేశాడు. టీమిండియా మాజీ సారథి, సీనియర్‌ ఆటగాడు మహేంద్ర సింగ్‌ ధోని చేతుల మీదుగా క్యాప్‌ అందుకున్నాడు. ఇంగ్లండ్‌తో వన్డే మ్యాచ్‌లో కోహ్లి ఎక్కువగా ప్రయోగాల జోలికి వెళ్లకుండా టీ20 జట్టునే కోనసాగించాడు. చివరి టీ20 ఆడని కుల్దీప్‌ యాదవ్‌కు తుదిజట్టులో అవకాశం దక్కింది.  కాగా, గాయం కారణంగా  హేల్స్‌ దూరమవ్వగా బెన్‌ స్టోక్స్‌ తుది జట్టులోకి వచ్చాడు. పిచ్‌ పొడిబారి ఉండటంతో బ్యాటింగ్‌కు అనుకూలించే అవకాశం ఉంది. దీంతో పరుగుల వరద ఖాయంగా కనిపిస్తోంది. ట్రెంట్‌ బ్రిడ్జ్‌ మైదానంలోనే ఇంగ్లండ్‌ రెండు వరల్డ్‌ రికార్డు స్కోర్‌లు (441, 481) సాధించింది. ఇప్పటికే టి20 సిరీస్‌ గెలుచుకున్న టీమిండియా ఇక్కడా విజయం సాధించాలని పట్టుదలతో ఉంది. వన్డేల్లో ఇటీవలి తమ ధాటిని కొనసాగించాలని ఇంగ్లండ్‌ భావిస్తోంది. 2014లో ఇక్కడ ఆడిన తమ చివరి పర్యటనలో భారత్‌ వన్డే సిరీస్‌ను గెలుచుకుంది.   తుది జట్లు: టీమిండియా: విరాట్‌ కోహ్లి(కెప్టెన్‌), రోహిత్‌ శర్మ, శిఖర్‌ ధావన్‌, లోకేశ్‌ రాహుల్‌, సురేశ్‌ రైనా, ఎంఎస్‌ ధోని, హార్దిక్‌ పాండ్యా, సిద్దార్థ్‌ కౌల్‌, ఉమేశ్‌ యాదవ్‌, చాహల్‌, కుల్దీప్‌ యాదవ్‌ ఇంగ్లండ్‌: ఇయన్‌ మోర్గాన్‌(కెప్టెన్‌), జాసన్‌ రాయ్‌, బెయిర్‌ స్టో, జో రూట్‌, బెన్‌ స్టోక్స్‌, జాస్‌ బట్లర్‌, మొయిన్‌ అలీ, డేవిడ్‌ విల్లే, లియామ్‌ ప్లంకెట్‌, అదిల్‌ రషీద్‌, మార్క్‌ వుడ్‌  

డబ్లిన్‌: మహిళా క్రికెట్‌లో మరో సంచలనం నమోదయింది. ఐర్లాండ్‌తో జరుగుతున్న మూడు వన్డేల సిరీస్‌లో న్యూజిలాండ్‌ క్రీడాకారిణులు రికార్డుల మోత మోగిస్తున్నారు. తొలి వన్డేలో 490 పరుగులు సాధించి ప్రపంచ రికార్డు నెలకొల్పగా, తాజాగా నామమాత్రమైన మూడో వన్డేలో అమిలియా కెర్‌ డబుల్‌ సెంచరీ(232; 145 బంతుల్లో 31 ఫోర్లు, 2 సిక్సర్లు) సాధించటంతో పలు రికార్డులు తిరగరాశారు. మహిళా క్రికెట్‌లో అత్యధిక వ్యక్తిగత స్కోర్‌ సాధించడంతో పాటు, అతి చిన్న వయసులోనే(17 సంవత్సరాల 243 రోజులు) ఈ రికార్డు సాధించిన ప్లేయర్‌గా సంచలనం సృష్టించారు. కాగా ఇప్పటివరకు మహిళా క్రికెట్‌లో ఇది రెండో ద్విశతకం మాత్రమే, మొదటి డబుల్‌ సెంచరీ ఆస్ట్రేలియా క్రీడాకారిణి బెలిందా క్లార్క్‌(229) సాధించారు. ఇక ఓవరాల్‌గా అంతర్జాతీయ వన్డే చరిత్రలో డబుల్‌ సెంచరీ సాధించిన ఏడో వ్యక్తిగా (రోహిత్‌ శర్మ మూడు డబుల్‌ సెంచరీలు సాధించాడు)  అమిలియా కెర్‌ ఈ ఘనత సాధించారు.   

నాగ్‌పూర్‌: భారత మహిళల క్రికెట్‌ జట్టు ఇంగ్లండ్‌తో స్వదేశంలో జరిగిన మూడు వన్డేల సిరీస్‌ను 2-1తేడాతో గెలుచుకుంది.  గురువారం విదర్భ స్టేడియంలో  జరిగిన నిర్ణయాత్మకమైన మూడో వన్డేలో భారత్‌ 8 వికెట్ల తేడాతో గెలిచి సిరీస్‌ను సాధించింది. ఇంగ్లండ్‌ నిర్దేశించిన 202 పరుగుల లక్ష్యాన్ని 45.2 ఓవర్లలో రెండు వికెట్లు కోల్పోయి ఛేదించిన భారత్‌ సిరీస్‌ను కైవసం చేసుకుంది. మొదట టాస్‌ గెలిచి బ్యాటింగ్‌ చేపట్టిన ఇంగ్లండ్‌ను భారీ స్కోర్‌ చేయకుండా భారత బౌలర్లు కట్టుదిట్టమైన బౌలింగ్‌ చేశారు. దీంతో నిర్ణీత ఓవర్లు ముగిసే సరికి ఇంగ్లండ్‌ 9 వికెట్ల నష్టానికి 201 పరుగులు చేసింది. ఇంగ్లండ్‌ ఆటగాళ్లలో జేమ్స్‌(94; 119 బంతుల్లో 7ఫోర్లు, 1సిక్స్‌) రాణించడంతో ఇంగ్లండ్ గౌరవప్రదమైన స్కోర్‌ చేసింది. భారత బౌలర్లలో గోస్వామి, రాజేశ్వరీ గైక్వాడ్‌, దీప్తి శర్మ, పూనమ్‌ యాదవ్‌ తలో రెండు వికెట్లు సాధించారు.  ఆ తర్వాత 202 పరుగుల లక్ష్యంతో బరిలోకి దిగిన టీమిండియా 23 పరుగులకే రోడ్రిగ్స్‌, వేదా కృష్ణమూర్తి వికెట్లు కోల్పోవడంతో కష్టాల్లో నిలిచింది. ఈ సమయంలో మరో ఓపెనర్‌ స్మృతి మంధన (53 రిటైర్డ్‌ హర్ట్‌;67 బంతుల్లో 6ఫోర్లు) తో కలిసి కెప్టెన్‌ మిథాలీ రాజ్‌(74నాటౌట్‌; 124 బంతుల్లో 9ఫోర్లు) ఇన్నింగ్స్‌ చక్కదిద్దింది. మంధన ఔటైన తర్వాత క్రీజులోకి వచ్చిన దీప్తి శర్మ(54నాటౌట్‌; 61 బంతుల్లో 9ఫోర్లు, 1సిక్స్‌) మెరుపు బ్యాటింగ్‌ చేసి భారత్‌ విజయంలో ముఖ్య పాత్ర పోషించారు. ఇంగ్లండ్‌ బౌలర్‌ ష్రబ్‌సోల్‌ రెండు వికెట్లు తీశారు. ఈ మ్యాచ్‌లో ఆల్‌రౌండ్‌ ప్రదర్శన చేసిన దీప్తిశర్మకు ప్లేయర్‌ ఆఫ్‌ ది మ్యాచ్‌, సిరీస్‌లో నిలకడగా రాణించిన స్మృతి మంధన ప్లేయర్‌ ఆఫ్‌ ద సిరీస్‌ గెలుచుకున్నారు.  

నాగ్‌పూర్‌ : ఇంగ్లండ్‌తో జరిగిన తొలి వన్డేలో అద్భుత ప్రదర్శన చేసి విజయం సాధించిన భారత మహిళల జట్టు రెండో వన్డేలో చతికిలపడింది. ఇంగ్లండ్‌తో జరుగుతున్న మూడు వన్డేల సిరీస్‌లో భాగంగా సోమవారం విదర్భ క్రికెట్‌ మైదానంలో జరిగిన రెండో వన్డేలో భారత మహిళల జట్టు ఎని​మిది వికెట్ల తేడాతో ఘోర పరాజయాన్ని చవిచూసింది. దీంతో మూడు వన్డేల సిరీస్‌ను ఇంగ్లండ్‌ జట్టు  1-1తో సమం చేసింది. టాస్‌ గెలిచి తొలుత బ్యాటింగ్‌ చేపట్టిన భారత జట్టు.. ఇంగ్లండ్‌ బౌలర్లు సోఫీ ఎక్లెస్టోన్(4/14), హాజెల్‌(4/32) ధాటికి 37.2 ఓవర్లలో 113 పరుగులకే కుప్పకూలింది. టీమిండియాలో స్మృతి మంధాన (42; 57బంతుల్లో 3ఫోర్లు, 1సిక్సర్‌), దీప్తి శర్మ (26), దేవికా (11) మినహా ఎవరూ రెండంకెల స్కోరు చేయకపోవడం గమనార్హం. ముగ్గురు ఆటగాళ్లు ఖాతా తెరవకుండానే పెవిలియన్‌ చేరడంతో భారత్‌ స్వల్ప స్కోరుకే పరిమితమైంది. ఆపై 114 పరుగుల స్వల్ప లక్ష్యంతో బ్యాటింగ్‌ ఆరంభించిన ఇంగ్లండ్‌ జట్టుకు ఓపెనర్లు శుభారంభం ఇవ్వడంతో 29 ఓవర్లలో కేవలం రెండు వికెట్లు మాత్రమే కోల్పోయి లక్ష్యాన్ని చేధించింది. ఇంగ్లండ్‌ ఆటగాళ్లలో డానియెల్ వ్యాట్ (47;43బంతుల్లో 5ఫోర్లు, 2సిక్సర్లు), బీమౌంట్‌ (39; 85 బంతుల్లో 3ఫోర్లు), కెప్టెన్‌ హీథర్ నైట్(26నాటౌట్‌; 42బంతుల్లో 3ఫోర్లు) రాణించి జట్టుకు ఘన విజయాన్ని అందించారు. భారత బౌలర్లలో ఏక్తా బిస్త్‌ రెండు వికెట్లు సాధించింది.

వడోదర : మూడు వన్డేల సిరీస్‌లో భాగంగా ఆదివారం భారత మహిళల జట్టుతో జరుగుతున్న నామమాత్రమైన మూడో మ్యాచ్‌లో ఆస్ట్రేలియా జట్టు భారీ స్కోర్‌ చేసింది. టాస్‌ గెలిచి ముందుగా బ్యాటింగ్‌ చేపట్టిన ఆస్ట్రేలియా నిర్ణీత 50 ఓవర్లలో ఏడు వికెట్ల నష్టానికి 332 పరుగులు చేసింది. ఆస్ట్రేలియా కీపర్‌ అలైసా హేలీ ‌(133;115బంతుల్లో17 ఫోర్లు, 2సిక్సర్లు) కెరీర్‌లో తొలి సెంచరీ సాధించింది. ఈ క్రమంలో ఆమె ఆస్ట్రేలియా తరపున భారత్‌పై అత్యధిక వ్యక్తిగత స్కోరును నమోదు చేసింది.  ఆస్ట్రేలియా 64 పరుగులకే నికోల్‌ బోల్టన్(11), లాన్నింగ్‌(18) వికెట్లను కోల్పోగా, అలైసా హేలీ-ఎలైస్‌ పెర్రీ జట్టును కాపాడే ప్రయత్నం చేశారు. ఈ జోడి 79 పరుగులు జోడించిన అనంతరం పెర్రీ ‌(32) మూడో వికెట్‌గా పెవిలియన్‌కు చేరింది. తరువాత వచ్చిన ప్లెయర్స్‌లో రాచెల్‌ హేన్స్‌ (43, 39బంతుల్లో 5ఫోర్లు), యాష్లే గార్డనర్ (35, 20బంతుల్లో 6 ఫోర్లు), మూనీ(34, 19బంతుల్లో 5ఫోర్లు) ధాటిగా ఆడటంతో ఆస్ట్రేలియా మహిళా జట్టు భారీ స్కోర్‌ సాధించింది. హర్మన్‌ప్రీత్‌ కౌర్‌ రెండు వికెట్లు సాధించగా, దీప్తి శర్మ, శిఖా పాండే, ఏక్తా బిస్త్‌, పూనం యాదవ్‌ తలో వికట్‌ తీశారు. మూడు వన్డేల సిరీస్‌ను 0-2తో భారత మహిళా జట్టు కోల్పోయిన సంగతి తెలిసిందే. ఎక్తాబిస్త్‌కు గాయం  భారత క్రీడాకారిణి ఏక్తా బిస్త్‌ బౌలింగ్‌ చేస్తూ గాయపడటంతో మ్యాచ్‌ మధ్యలోనే మైదానాన్ని వీడింది.

సెంచూరియన్‌: దక్షిణాఫ్రికాతో వన్డే సిరీస్‌ను భారత్‌ ఘనంగా ముగించింది. ఆరు వన్డేల సిరీస్‌లో ఐదు వన్డేలను అలవోకగా నెగ్గి, సొంత గడ్డపై ప్రోటీస్‌ను మట్టికరిపించింది. కొహ్లి సెంచరీతో రాణించడంతో ఆరో వన్డేలో 8 వికెట్ల తేడాతో దక్షిణాఫ్రికాపై భారత్‌ ఘనవిజయం సాధించింది. టాస్‌ ఓడి తొలుత బ్యాటింగ్‌కు దిగిన దక్షిణాఫ్రికా 205 పరుగుల లక్ష్యాన్ని నిర్దేశించింది. టీమిండియా బౌలర్లు విజృంభణకు సఫారీలు కుప్పకూలారు. ఆద్యంతం ఆకట్టుకున్న భారత బౌలర్లు.. దక్షిణాఫ్రికాకు ఏ దశలోనూ అవకాశం ఇవ్వలేదు. దక్షిణాఫ్రికా ఆటగాళ్లలో జాండో(54), ఫెహ్లకోహియో(34)లు మినహా మిగతా వారు ఆశించిన స్థాయిలో ఆడలేదు. దాంతో దక్షిణాఫ్రికా 46.5 ఓవర్లలో 204 పరుగులకే చాపచుట్టేసింది. భారత బౌలర్లలో శార్దూల్‌ ఠాకూర్‌ నాలుగు వికెట్లు సాధించి అత్యుత్తమ గణాంకాలు నమోదు చేయగా, చాహల్‌, బూమ్రాలు చెరో రెండు వికెట్లు తీశారు. పాండ్యా, కుల్దీప్‌లకు తలో వికెట్‌ దక్కింది. అనంతరం బ్యాటింగ్‌కు దిగిన భారత్‌ రెండు వికెట్లు కోల్పోయి 32.1 ఓవర్లలో 206 పరుగులు చేసింది. కోహ్లి 129( 123 బంతుల్లో) రాణించడంతో భారత్‌ సులువుగా విజయం సాధించింది. మ్యాన్‌ ఆఫ్‌ ది మ్యాచ్‌, మ్యాన్‌ ఆఫ్‌ ది సిరీస్‌ అవార్డు కోహ్లికి దక్కింది.

సాక్షి, స్పోర్ట్స్‌ : ఆతిథ్య సౌతాఫ్రికాను చిత్తుచేసి మొదటి వన్డేలో టీమిండియా సాధించిన ఘనవిజయంపై మాజీ సారథి సౌరవ్‌ గంగూలీ ఆసక్తికర కామెంట్లుచేశాడు. 270 పరుగుల లక్ష్యసాధనలో కోహ్లి సాధించిన సెంచరీ అద్భుతమే అయినప్పటికీ రహానే ఇన్నింగ్స్‌ అంతకంటే విలువైనదని అభిప్రాయపడ్డాడు. ‘ఇప్పుడున్న ఆటగాళ్లందరిలోకి రహానే క్లాస్‌ ప్లేయర్‌ అన్నది నిర్వివాదాంశం. సొగసైన బ్యాటింగ్‌తో అలరించే అతను.. తన అర్థసెంచరీలను సెంచరీలుగా మలుచుకోవడంలో ఇబ్బందిపడుతున్నాడు. విరాట్‌ను చూడండి.. ఒక్కసారి సెట్‌ అయ్యాడంటే సెంచరీ కొట్టకుండా ఊరుకోడు. వాళ్లిద్దరికీ మధ్య అదే తేడా. ఈ విషయంలో కోహ్లి నుంచి రహానే నేర్చుకోవాల్సింది చాలా ఉంది. సారథితో డైనింగ్‌ టేబుల్‌ సంభాషణలు రహానేకి తప్పకుండా ఉపకరిస్తాయి’’ అని ఓ జాతీయ పత్రికకు రాసిన కాలమ్‌లో గంగూలీ పేర్కొన్నాడు. సౌతాఫ్రికా తప్పుచేసిందా! : సఫారీ గడ్డపై తొలిరెండు టెస్టులు దారుణంగా ఓడిపోయిన టీమిండియా.. మూడో టెస్టులో మాత్రం 63 పరుగుల తేడాతో విజయం సాధించిన సంగతి తెలిసిందే. ఆ ఒక్క విజయమే టీమిండియా యాటిట్యూడ్‌లో మార్పునకు కారణమైందని గంగూలీ అన్నారు. ‘‘మూడో టెస్టు అందించిన విజయంతో టీమిండియా గమనం పూర్తిగా మారింది. అదే ఊపులో మొదటి వన్డేను గెల్చుకుంది. ఇంకా ఐదు వన్డేలు, టీ20 సిరీస్‌ ఆడాల్సిన తరుణంలో ఈ మార్పు చాలా అవసరమని చెప్పాలి. ఇక దక్షిణాఫ్రికా.. తన తురుపుముక్కలైన డివిల్లీర్స్‌, స్టెయిన్‌లు లేకుండా బరిలోకి దిగాల్సిరావడం పూడ్చుకోలేని నష్టం. పైగా, టెస్టుల్లో ఇండియన్‌ బ్యాట్స్‌మన్లకు సవాలు విసిరిన ఇన్‌గిడి, ఫిలాండర్లను కూడా పక్కనపెట్టడం నన్ను ఆశ్చర్యానికి గురిచేసింది’’ అని సౌరవ్‌ రాసుకొచ్చారు. సౌతాఫ్రికాతో ఆరు వన్డేల సిరీస్‌లో భాగంగా గురువారం డర్బన్‌లో జరిగిన ఫస్ట్‌ మ్యాచ్‌లో టీమిండియా 6 వికెట్ల తేడాతో విజయం సాధించిన సంగతి తెలిసిందే. రెండో వన్డే సెంచూరియన్‌ వేదికగా ఆదివారం(ఫిబ్రవరి 4)న జరుగనుంది.

సాక్షి, ముంబై : దక్షిణాఫ్రికాతో టెస్ట్‌ సిరిస్‌ ఓటమి తర్వాత వన్డే సిరిస్‌లో భాగంగా కింగ్స్‌మీడ్‌ మైదానంలో జరిగిన తొలి మ్యాచ్‌లో భారత్ శుభారంభం చేసింది. ఈ మ్యాచ్‌లో భారత ఆటగాళ్లు అత్యత్తమ ప్రదర్శన కనబరిచారని క్రికెట్‌ దిగ్గజం సచిన్‌ టెండూల్కర్‌ అభినందనలతో ముంచెత్తారు. కోహ్లి, రహానేల కీలక భాగస్వామ్యం భారత్‌ను విజయతీరాలకు చేర్పించిందని కొనియాడారు. బౌలింగ్‌ విభాగంలో కుల్దీప్‌, చహల్‌లు రాణిస్తే, కోహ్లి, రహానేలు బ్యాటింగ్‌లో సత్తా చాటారని పేర్కొన్నారు. బాగా ఆడారు, ఇలాగే విజయాల పరంపరను కొనసాగించండి అంటూ ట్విట్టర్లో పోస్ట్ చేశారు. Two great partnerships to take India to victory. First, @imkuldeep18 along with @yuzi_chahal and then @imVkohli with @ajinkyarahane88. Great work, boys. Keep up the momentum, #TeamIndia. #INDvSA pic.twitter.com/tQnfETAuco — Sachin Tendulkar (@sachin_rt) 2 February 2018 తొలి మ్యాచ్‌లో భారత్‌ 6 వికెట్లతో దక్షిణాఫ్రికాని చిత్తు చేసింది. ముందుగా బ్యాటింగ్‌కు దిగిన దక్షిణాఫ్రికా 50 ఓవర్లలో 8 వికెట్ల నష్టానికి 269 పరుగులు చేసింది. కెప్టెన్‌ డు ప్లెసిస్‌ (112 బంతుల్లో 120; 11 ఫోర్లు, 2 సిక్సర్లు) సెంచరీ సాధించాడు. కుల్దీప్‌ 3, చహల్‌ 2 వికెట్లు పడగొట్టారు. వీరిద్దరు 20 ఓవర్లలో కేవలం 79 పరుగులే ఇచ్చి 5 వికెట్లు తీయడం సఫారీల పతనాన్ని శాసించింది. అనంతరం భారత్‌ 45.3 ఓవర్లలో 4 వికెట్లకు 270 పరుగులు చేసి విజయాన్నందుకుంది. కెప్టెన్‌ కోహ్లి (119 బంతుల్లో 112; 10 ఫోర్లు) వన్డేల్లో 33వ శతకం సాధించగా... అజింక్య రహానే (86 బంతుల్లో 79; 5 ఫోర్లు, 2 సిక్సర్లు) రాణించాడు. వన్డే సిరిస్‌లో భారత్‌ 1–0తో ముందంజలో నిలవగా... ఆదివారం సెంచూరియన్‌లో రెండో వన్డే జరుగుతుంది.

పెర్త్‌: ప్రతిష్టాత్మక యాషెస్‌ సిరీస్‌లో 0–4తో ఓటమి పాలైన ఇంగ్లండ్, వన్డే సిరీస్‌ను విజయంతో ముగించింది. ఆస్ట్రేలియాతో ఆదివారం హోరాహోరీగా జరిగిన చివరిదైన ఐదో వన్డేలో 12 పరుగులతో విజయం సాధించి 4–1తో సిరీస్‌ చేజిక్కించుకుంది. తొలుత బ్యాటింగ్‌ చేసిన ఇంగ్లండ్‌ 47.4 ఓవర్లలో 259 పరుగులకు ఆలౌటైంది. జాసన్‌ రాయ్‌ (49; 7 ఫోర్లు, 1 సిక్స్‌), బెయిర్‌స్టో (44; 4 ఫోర్లు, 2 సిక్స్‌లు), అలెక్స్‌ హేల్స్‌ (35; 3 ఫోర్లు, 1 సిక్స్‌), జో రూట్‌ (62; 2 ఫోర్లు) రాణించారు. ఆసీస్‌ బౌలర్లో ఆండ్రూ టై ఐదు వికెట్లతో ఆకట్టుకున్నాడు. అనంతరం బరిలోకి దిగిన ఆస్ట్రేలియా 48.2 ఓవర్లలో 247 పరుగులకు ఆలౌటైంది. స్టొయినిస్‌ (87; 6 ఫోర్లు, 4 సిక్స్‌లు) ధాటిగా ఆడగా... మ్యాక్స్‌వెల్‌ (34; 3 ఫోర్లు, ఒక సిక్స్‌), పైన్‌ (34; 2 ఫోర్లు, ఒక సిక్స్‌) ఫర్వాలేదనిపించారు. ఒక దశలో ఆసీస్‌ 189/4తో పటిష్టంగా కనిపించినా... ఇంగ్లండ్‌ పేసర్‌ కరన్‌ (5/35) విజృంభించడంతో ఆసీస్‌ జట్టు 58 పరుగులకే చివరి 6 వికెట్లు కోల్పోయి ఓటమి పాలైంది. మరో బౌలర్‌ మొయిన్‌ అలీకి 3 వికెట్లు దక్కాయి. కరన్‌కు ‘మ్యాన్‌ ఆఫ్‌ ద మ్యాచ్‌’... జో రూట్‌కు ‘మ్యాన్‌ ఆఫ్‌ ద సిరీస్‌’ అవార్డులు దక్కాయి. 

సుదీర్ఘ కాలంగా భారత గడ్డపై టెస్టుల్లో దండయాత్ర చేస్తూ వచ్చినా ఒక్క మ్యాచ్‌ కూడా గెలవలేకపోయిన శ్రీలంక వన్డేల్లో మాత్రం అక్కడక్కడా కొన్ని గుర్తుంచుకోదగ్గ మ్యాచ్‌లు ఆడింది.అయితే మొత్తంగా చూస్తే సొంతగడ్డపై భారత్‌ జోరు ముందు ద్వైపాక్షిక సిరీస్‌లలో లంక పూర్తిగా తలవంచింది. తొమ్మిది సార్లు భారత్‌తో తలపడిన ఆ జట్టు ఒక్కసారి సిరీస్‌ను ‘డ్రా’ చేసుకోవడం మినహా ప్రతీసారి ఓడింది. ఇటీవలే తమ దేశంలో కూడా టీమిండియా చేతిలో 0–5తో చిత్తుగా ఓడిన ఆ జట్టు టెస్టు సిరీస్‌ ఇచ్చిన ఆత్మవిశ్వాసంతో ఇక్కడైనా పోటీ ఇస్తుందా చూడాలి.    సాక్షి క్రీడా విభాగం: భారత జట్టు గత ఏడాదిన్నర కాలంలో ఏడు ద్వైపాక్షిక వన్డే సిరీస్‌లు ఆడితే ఏడింటిలోనూ విజేతగా నిలిచింది. ఇదీ టీమిండియా అద్భుత ఫామ్‌కు సూచన. సరిగ్గా ఇదే సమయంలో శ్రీలంక కూడా ఎనిమిది ద్వైపాక్షిక సిరీస్‌లలో తలపడింది. అయితే వాటిలో ఒక్క ఐర్లాండ్‌పై మినహా మిగిలిన ఏడూ ఓడింది!  ముఖ్యంగా భారత్, పాకిస్తాన్‌ చేతుల్లో క్లీన్‌స్వీప్‌ కావడానికి ముందు తమ సొంతగడ్డపై జింబాబ్వే చేతిలో కూడా ఆ జట్టు సిరీస్‌ కోల్పోయింది. ఈ నేపథ్యంలో శ్రీలంక తాజా పరిస్థితి టెస్టులకంటే వన్డేల్లో భిన్నంగా ఏమీ లేదని అర్థమవుతోంది. కొన్ని మార్పులతో ఆ జట్టు వన్డే సిరీస్‌లో తమ అదృష్టాన్ని పరీక్షించుకోనుంది. మరోవైపు సూపర్‌ స్టార్‌ విరాట్‌ కోహ్లి లేకపోయినా భారత జట్టు అంతే బలంగా కనిపిస్తోంది. ఇటీవలే ఆస్ట్రేలియా, న్యూజిలాండ్‌పై నెగ్గిన జట్టంతా ఇప్పుడు మరో సిరీస్‌ విజయానికి సన్నద్ధమైంది. తొలిసారి భారత జట్టుకు కెప్టెన్‌గా వ్యవహరిస్తున్న రోహిత్‌ శర్మ తనదైన ముద్ర వేయాలని పట్టుదలగా ఉన్నాడు. రేపటి నుంచి జరిగే ఈ మూడు వన్డేల సిరీస్‌లో భారత్‌ ఆధిపత్యం కొనసాగుతుందా లేక శ్రీలంక కోలుకుంటుందా అనేది ఆసక్తికరం. ►9 భారతగడ్డపై భారత్, శ్రీలంక మధ్య జరిగిన వన్డే సిరీస్‌లు. ఇందులో భారత్‌ 8 గెలవగా... 1997–98లో జరిగిన మూడు మ్యాచ్‌ల సిరీస్‌ మాత్రం 1–1తో డ్రాగా ముగిసింది.   ►48 భారత్‌లో ఇరు జట్ల మధ్య మొత్తం 48 వన్డేలు జరిగాయి. ఇందులో భారత్‌ 34 గెలిచి 11 ఓడింది. మరో 3 మ్యాచ్‌లలో ఫలితం రాలేదు. ►2 ఎనిమిది సిరీస్‌లలో భారత్‌ 2 సార్లు క్లీన్‌స్వీప్‌ చేసింది. సరిగ్గా మూడేళ్ల క్రితం 2014లో జరిగిన సిరీస్‌లో భారత్‌ 5–0తో గెలిచింది.   ► 155ఓవరాల్‌గా భారత్, శ్రీలంక 155 వన్డేల్లో తలపడ్డాయి. వీటిలో భారత్‌ 88 గెలిచి, 55 ఓడింది. మరో 11 మ్యాచ్‌లలో ఫలితం రాలేదు.


 చెన్నై:ప్రస్తుతం టెస్టు ర్యాంకింగ్స్ లో అగ్రస్థానంలో కొనసాగుతున్న విరాట్ కోహ్లి నేతృత్వంలోని టీమిండియాను ఇప్పుడు మరొక సువర్ణావకాశం ఊరిస్తోంది. వన్డేల్లో భారత జట్టు టాప్ ర్యాంక్ కు చేరుకోవాలంటే ఆస్ట్రేలియాతో జరిగే వన్డే సిరీస్ ను 4-1 తేడాతో గెలవాల్సి ఉంది. ప్రస్తుతం టీమిండియా-ఆస్ట్రేలియా జట్లు 117 పాయింట్లతో  సమంగా ఉన్నాయి.
 అయితే ర్యాంకింగ్స్ లో మాత్రం డెసిమల్ పాయింట్ల ఆధారంగా ఆసీస్ రెండో స్థానంలో ఉండగా, భారత్ మూడో స్థానంలో ఉంది. దక్షిణాఫ్రికా 119 పాయింట్లతో ప్రథమ స్థానంలో కొనసాగుతోంది. ఇక్కడ సఫారీలను భారత్ అధిగమించాలంటే తాజా సిరీస్ ను 4-1 తో కైవసం చేసుకోవాల్సి ఉంది. ఒకవేళ భారత్ ఒక మ్యాచ్ ను మాత్రమే కోల్పోతే 120 పాయింట్లతో నంబర్ వన్ ర్యాంకును సాధిస్తుంది.
 
 మరొకవైపు ఆసీస్ కూడా 4-1తో సిరీస్ సాధించిన పక్షంలో టాప్ ర్యాంకును సొంతం చేసుకుంటుంది. అప్పుడు భారత్ 114 రేటింగ్ పాయింట్లతో మూడో స్థానంలోనే ఉంటుంది. ఒకవేళ ఆసీస్ క్లీన్ స్వీప్ చేస్తే మాత్రం భారత ర్యాంకు నాల్గో స్థానానికి పడిపోతుంది. ప్రస్తుత ఆసీస్-భారత జట్లు రెండు పటిష్టంగా ఉన్న తరుణంలో ఐదు వన్డేల సిరీస్ హోరాహోరీగా సాగే అవకాశం ఉంది. అయితే స్వదేశంలో జరిగే సిరీస్ కాబట్టి భారత్నే ఫేవరెట్ గా చెప్పుకొవచ్చు. ఇక్కడ ఇరు జట్లకు నంబర్ వన్ ర్యాంకును కైవసం చేసుకునేందుకు సమాన అవకాశాలు ఉండటంతో రసవత్తర పోరు ఖాయం. ఈ నెల 17వ తేదీ నుంచి ఇరు జట్ల మధ్య వన్డే సిరీస్ ఆరంభం కానుంది.


 చెన్నై:భారత్ తో ద్వైపాక్షిక సిరీస్ లో భాగంగా పరిమిత ఓవర్ల క్రికెట్ ఆడేందుకు ఆస్ట్రేలియా క్రికెట్ జట్టులోని ఏడుగురు ఆటగాళ్లు శుక్రవారం చెన్నైకు చేరుకున్నారు. ఆసీస్ పరిమిత ఓవర్ల స్పెషలిస్టు ఆటగాళ్లు అరోన్ ఫించ్, కౌల్టర్ నైల్, జేమ్స్ ఫల్కనర్, ట్రావిస్ హెడ్, స్టోనిస్, ఆడమ్ జంపా, రిచర్డ్ సన్ లు ముందుగా భారత్ కు చేరుకున్న వారిలో ఉన్నారు. వీరంతా ఆస్ట్రేలియా నుంచి సింగపూర్ మీదుగా చెన్నైకు చేరుకున్నారు. కాగా, ఆసీస్ కెప్టెన్ స్టీవ్ స్మిత్, వైస్ కెప్టెన్ డేవిడ్లు మాత్రం శనివారం సాయంత్రానికి భారత్ కు చేరుకునే అవకాశం ఉంది. బంగ్లాదేశ్ పర్యటన ముగించుకున్న ఆసీస్ జట్టులోని పలువురి ఆటగాళ్లు భారత్ కు రానున్నారు.
 
 భారత్ -ఆసీస్ జట్ల మధ్య సెప్టెంబర్ 17వ తేదీన చెన్నైలోని చెపాక్ స్టేడియంలో తొలి వన్డే జరుగనుంది. ఈ మ్యాచ్ కు ముందు సెప్టెంబర్ 13 వ తేదీన బోర్డు ప్రెసిడెంట్ ఎలెవన్ తో ఆసీస్ జట్టు వార్మప్ వన్డే ఆడనుంది. మొత్తం పర్యటనలో ఐదు వన్డేలతో పాటు, మూడు ట్వంటీ 20 మ్యాచ్ లు జరుగనున్నాయి.


 ♦ ప్రయోగాల బాటలో భారత్‌  
 ♦ ధోనిపైనే అందరి దృష్టి
 ♦ శ్రీలంకతో నేటి నుంచి ఐదు వన్డేల సిరీస్‌
 ♦ మధ్యాహ్నం గం. 2.30 నుంచి సోనీ సిక్స్‌లో ప్రత్యక్ష ప్రసారం  
 
 శ్రీలంకతో జరిగిన టెస్టు సిరీస్‌ను సునాయాసంగా 3–0తో క్లీన్‌స్వీప్‌ చేసిన భారత జట్టు ఇప్పుడు వన్డే సిరీస్‌పై దృష్టి పెట్టింది. అయితే భారత్‌ మాత్రం దీన్ని కేవలం ద్వైపాక్షిక సిరీస్‌గా మాత్రమే చూడటం లేదు. ఎందుకంటే ఇప్పటికే చీఫ్‌ సెలక్టర్‌ ఎమ్మెస్కే ప్రసాద్‌ తమ ప్రపంచకప్‌ సన్నాహకాలు ప్రారంభమైనట్టే అని ప్రకటించారు. ఓ ఏడాదిపాటు రొటేషన్‌ ప్రకారం తమ యువ ఆటగాళ్ల ప్రదర్శనను అంచనా వేయాలని భావిస్తోంది.  ఇప్పటి నుంచే తమ వనరులను సరిచూసుకునేందుకు  ఇది ఓ అవకాశంగా తీసుకోనుంది. ఇక సీనియర్‌ బ్యాట్స్‌మన్‌ ఎంఎస్‌ ధోనిపై అందరి దృష్టీ నెలకొనడంతో పరిమిత ఓవర్ల మ్యాచ్‌లో తన సత్తా ఏమిటో నిరూపించుకోవాల్సి ఉంది. మరోవైపు ప్రపంచకప్‌కు నేరుగా బెర్త్‌ దక్కించుకోవాలంటే శ్రీలంక మరో రెండు విజయాలు సాధించాల్సి ఉంది. అసలే ఆత్మవిశ్వాసం             అడుగంటిన వేళ ఈ వన్డే సిరీస్‌లో ఆతిథ్య జట్టు ఏమేరకు రాణించగలదో వేచిచూడాలి.  
 
 దంబుల్లా: టెస్టు సిరీస్‌లో దుమ్మురేపిన టీమిండియా వన్డేల్లోనూ మెరుపులు మెరిపించేందుకు ఆతృతగా ఎదురుచూస్తోంది. శ్రీలంకతో ఐదు వన్డేల సిరీస్‌లో భాగంగా నేడు స్థానిక రణగిరి దంబుల్లా అంతర్జాతీయ మైదానంలో తొలి మ్యాచ్‌ జరగనుంది. మూడు టెస్టుల సిరీస్‌లో శ్రీలంకను చితక్కొట్టిన కోహ్లి బృందం ఎనలేని ఆత్మవిశ్వాసంతో ఉంది. అలాగే 2019 వన్డే ప్రపంచకప్‌ కోసం జట్టును ఇప్పటి నుంచే తయారు చేయాలనే ఆలోచనతో ఉన్న టీమ్‌ మేనేజిమెంట్‌ ఆ దిశగా ఈ సిరీస్‌ను ఉపయోగించుకోవాలనుకుంటోంది. బలహీనంగా కనిపిస్తున్న లంకపై యువ ఆటగాళ్లను పరీక్షించనుంది. ఇప్పటికే యువరాజ్‌ సింగ్‌పై వేటు వేయగా... మాజీ కెప్టెన్‌ ఎంఎస్‌ ధోనిపై తాను ప్రపంచ కప్‌ జట్టులో ఉండాల్సిన ఆటగాడినే అని నిరూపించుకోవాల్సిన బాధ్యత ఉంది. ఇక ఈ సిరీస్‌కు ముందు జింబాబ్వేపై అవమానకర రీతిలో 2–3 తేడాతో ఓడిన లంక పటిష్ట భారత్‌ను నిలువరించి పోయిన పరువును దక్కించుకోవాలని చూస్తోంది. ప్రస్తుతం వన్డే ర్యాంకింగ్స్‌లో ఎనిమిదో స్థానం (88 పాయింట్లు)లో ఉన్న లంక సెప్టెంబర్‌ 30 కటాఫ్‌ తేదీలోపు నేరుగా ప్రపంచకప్‌ బెర్త్‌ దక్కించుకోవాలంటే ఈ సిరీస్‌లో కనీసం రెండు మ్యాచ్‌లు గెలవాలి.  
 
 నాలుగో స్థానంలో రాహుల్‌...
 వన్డేల కోసం భారత జట్టు మారినా ఫామ్‌కు మాత్రం ఢోకా లేదు. అన్ని విభాగాల్లో జట్టు పటిష్టంగానే కనిపిస్తోంది. గాయం నుంచి కోలుకున్న అనంతరం టెస్టు సిరీస్‌లో బరిలోకి దిగిన ఓపెనర్‌ లోకేశ్‌ రాహుల్‌ భీకర ఫామ్‌ను చాటుకున్నాడు. అయితే వన్డేల్లో అతడిని నాలుగో స్థానంలో బరిలోకి దించనున్నారు. గతేడాది అరంగేట్రంలోనే శతకం బాదిన అతను గాయాల కారణంగా కేవలం ఆరు వన్డేలు మాత్రమే ఆడగలిగాడు. అన్నింట్లోనూ ఓపెనర్‌గానే బరిలోకి దిగాడు. అయితే ఈసారి ఓపెనింగ్‌ స్లాట్‌ రోహిత్‌ శర్మ, శిఖర్‌ ధావన్‌లతో భర్తీ చేస్తారు. ప్రపంచకప్‌ అంచనాల్లో రాహుల్‌ కచ్చితంగా ఉంటాడు కాబట్టి అతడిని బెంచ్‌కే పరిమితం చేయలేరు. అందుకే అతడి స్థానాన్ని మిడిలార్డర్‌కు మార్చనున్నారు. అయితే 2015 వరల్డ్‌ కప్‌ నుంచి ఇదే స్థానంలో అజింక్య రహానే మెరుగ్గానే ఆడుతున్నాడు. కానీ రహానే ఇప్పుడు మూడో ఓపెనర్‌గానే ఉండే అవకాశం ఉంది. ఐదో స్థానంలో ధోని రావడం ఖాయమే. ఇక మనీష్‌ పాండే, హార్దిక్‌ పాండ్యా ఆ తర్వాత స్థానాల్లో దిగనున్నారు. బుమ్రా, భువనేశ్వర్‌ పేస్‌ బౌలింగ్‌ విభాగంలో కీలకం కానున్నారు. స్పిన్‌లో కుల్దీప్‌తో పాటు అక్షర్‌ పటేల్, యజువేంద్ర చహల్‌లలో ఒకరికి చాన్స్‌ దక్కవచ్చు.
 
 ఒత్తిడిలో శ్రీలంక...
 టెస్టుల్లో వైట్‌వాష్‌ అనంతరం వన్డే సిరీస్‌ ఆడబోతున్న లంక తీవ్ర ఒత్తిడిలో ఉంది. తమ అభిమానులను తిరిగి ఆకట్టుకోవాలంటే ఈ జట్టు తమ స్థాయికి మించి ప్రదర్శన చేయాల్సిందే. కొత్త కెప్టెన్‌ ఉపుల్‌ తరంగ నేతృత్వంలో నూతనోత్తేజంతో బరిలోకి దిగాలని భావిస్తోంది. ఇరు జట్ల మధ్య జరిగిన చివరి వన్డే (చాంపియన్స్‌ ట్రోఫీ)లో తామే గెలవడం లంకేయులకు కొద్దిగా ఊరటనిచ్చే విషయం.తరంగ, మాథ్యూస్, చండి మాల్‌ బ్యాటింగ్‌ ఆర్డర్‌కు వెన్నెముకలా నిల వనున్నారు. లెఫ్టార్మ్‌ స్పిన్నర్‌ పుష్పకుమార అరంగేట్రం ఖాయమే. బౌలింగ్‌లో సీనియర్‌ పేసర్‌ లసిత్‌ మలింగ, ఫెర్నాండోలపై ఎక్కువగా ఆధార పడనుంది.  
 
 జట్లు: (అంచనా)
 భారత్‌: కోహ్లి (కెప్టెన్‌), ధావన్, రోహిత్, రాహుల్, ధోని, పాండే/జాదవ్, పాండ్యా, కుల్దీప్, భువనేశ్వర్, చహల్, బుమ్రా.
 శ్రీలంక: తరంగ (కెప్టెన్‌), గుణతిలక, మెండిస్, డిక్‌వెలా, మాథ్యూస్, కపుగెడెర, హసరంగా, పెరీరా, ఫెర్నాండో, మలింగ, సందకన్‌.
 
 పిచ్, వాతావరణం
 ఈ ఏడాది జరిగిన రెండు మ్యాచ్‌ల్లో ఇక్కడ 300కు పైగా పరుగులు నమోదయ్యాయి. ఈ మ్యాచ్‌లోనూ అలాంటి పరిస్థితే ఉండే అవకాశాలు ఎక్కువగా ఉన్నాయి. మధ్యాహ్నం చిరుజల్లులు కురిసే అవకాశం ఉంది.
 
 4  శ్రీలంకతో ఈ మైదానంలో ఆడిన 11 వన్డేల్లో భారత్‌ నాలుగు మాత్రమే గెలిచింది.
 2  ప్రపంచకప్‌లో నేరుగా అర్హత దక్కించుకునేందుకు శ్రీలంక గెలవాల్సిన మ్యాచ్‌లు.


 దంబుల్లా: శ్రీలంకతో్ జరిగిన మూడు టెస్టుల సిరీస్ ను 3-0 తో క్లీన్ స్వీప్ చేసిన భారత జట్టు.. ఇప్పుడు వన్డే పోరుకు సిద్ధమైంది.  టెస్టుల తర్వాత లభించిన కొద్ది పాటి విరామంతో సేద తీరిన భారత్.. పరిమిత ఓవర్ల క్రికెట్ కోసం జోరుగా ప్రాక్టీస్ చేస్తోంది. ఆదివారం నుంచి ఐదు వన్డేల సిరీస్ ఆరంభం కానున్న నేపథ్యంలో తొలి వన్డేలో గెలుపుపై భారత్ దృష్టి సారించింది. ఈ మేరకు శుక్రవారం నెట్ ప్రాక్టీస్ లో టీమిండియా క్రికెటర్లు తీవ్రంగా శ్రమించారు. కొద్దిసేపు వార్మప్ తో పాటు ఫుట్ బాల్ ప్రాక్టీస్ చేశారు. ప్రధానంగా శిఖర్ ధావన్, రోహిత్ లు నెట్స్ లో చెమటోడ్చారు. టెస్టు సిరీస్ లో మ్యాన్ ఆఫ్ ద సిరీస్ గా నిలిచిన శిఖర్ ధావన్ తన ఫామ్ ను వన్డేల్లో కూడా కొనసాగించాలని యోచిస్తున్నాడు. అదే సమయంలో టెస్టుల్లో చోటు దక్కని రోహిత్ శర్మ ఎలాగైనా వన్డే సిరీస్ లో సత్తాచాటుకోవాలని భావిస్తున్నాడు. కేవలం పరిమిత ఓవర్ల క్రికెట్ కే పరిమితమైన మహేంద్ర సింగ్ ధోని సైతం జట్టుతో  కలిసి ప్రాక్టీస్ లో పాల్గొన్నాడు. ఆల్ రౌండర్ హార్దిక్ పాండ్యాతో పాటు పేసర్ బూమ్రాలు రవిశాస్త్రి పర్యవేక్షణలో సాధన చేశారు.
  
 తిరుగులేని రికార్డు..
 గత కొన్ని సంవత్సరాలుగా చూస్తే శ్రీలంకపై భారత్ తిరుగులేని రికార్డును కల్గి ఉంది. ధోని సారథిగా బాధ్యతలు చేపట్టిన తర్వాత లంకతో జరిగిన మూడు వన్డే సిరీస్ లను భారత్ సొంతం చేసుకుంది.. ప్రస్తుత విరాట్ సేన కూడా అదే పునరావృతం చేసేందుకు తీవ్ర కసరత్తులు చేస్తోంది. ఇదిలా ఉంచితే ఇరు జట్ల మధ్య 1985 నుంచి చూస్తే 26 ద్వైపాక్షిక వన్డేలు జరిగాయి. అందులో భారత్ 13 మ్యాచ్ ల్లో విజయం సాధించగా, లంకేయులు 10 వన్డేలు గెలిచారు.మూడు మ్యాచ్ ల్లో ఫలితం తేలలేదు. చివరిసారి 2012లో భారత్-శ్రీలంక జట్ల మధ్య ద్వైపాక్షిక సిరీస్ జరిగింది. శ్రీలంకలో జరిగిన ఆ సిరీస్ ను భారత్ 4-1 తో సొంతం చేసుకుంది. ఈసారి కూడా భారత్ వన్డే సిరీస్ ను 'భారీ' తేడాతో గెలవాలనే యోచనలో్ ఉంది. శ్రీలంక అనుభవలేమిని తమకు వరంగా మార్చుకుని సిరీస్ ను వైట్ వాష్ చేయాలనే భావనలో కోహ్లి అండ్ గ్యాంగ్ ఉంది. ఆదివారం రాంగిరి దంబుల్లా ఇంటర్నేషనల్ స్టేడియంలో తొలి వన్డే జరుగనుంది. మధ్యాహ్నం గం.2.30 ని.లకు మ్యాచ్ ఆరంభం కానుంది.


 న్యూఢిల్లీ:శ్రీలంకతో ఐదు వన్డేల సిరీస్ లో భాగంగా భారత వన్డే జట్టును ఆదివారం ప్రకటించనున్నారు. ఈ నేపథ్యంలో భారత మాజీ కెప్టెన్ మహేంద్ర సింగ్ ధోనితో పాటు సురేశ్ రైనాలు పూర్తి ఫిట్ నెస్ ను సాధించి వన్డే సిరీస్ కు సిద్దమయ్యారు.  దీనిలో భాగంగా బెంగళూరులోని నేషనల్ క్రికెట్  అకాడమీలో శిక్షణ అనంతరం సహచరులతో కలిసి దిగిన ఫోటోను ధోని ఇన్స్టాగ్రామ్లో పోస్ట్  చేశాడు. 'ఎన్సీఏ అన్ని  పరీక్షలు అయిపోయాయి. 20 మీటర్ల పరుగును 2.91సెక్లన్లలో ముగించాను. ఇక భారీ భోజనానికి సమయం అయ్యింది'అని ధోని పేర్కొన్నాడు.
 
 టెస్టులకు రిటైర్మెంట్ ప్రకటించిన తరువాత భారత ఆడే పరిమిత ఓవర్ల క్రికెట్ లో ధోనికి కచ్చితంగా స్థానం ఉంటుంది. శ్రీలంకతో వన్డే సిరీస్ కు కూడా ధోని బెర్తు ఖాయం. కాగా, గత కొంత కాలంగా భారత జట్టులో స్థానం కోసం ఎదురుచూస్తున్న సురేశ్ రైనా ఈసారి భారీ ఆశలతో ఉన్నాడు. కచ్చితంగా టీమిండియా జట్టులో స్థానం దక్కుతుందనే భరోసాతో ఉన్నాడు. 2015లో దక్షిణాఫ్రికాతో జరిగిన వన్డే మ్యాచ్ లో రైనా  చివరిసారి కనిపించాడు. మరి రేపు జరిగే భారత జట్టు సెలక్షన్లో రైనాకు స్థానం దక్కుతుందో లేదో చూడాలి. ఇదే సమయంలో జడేజా, అశ్విన్, మహ్మద్ షమీలకు వన్డే సిరీస్ కు విశ్రాంతినివ్వాలని సెలక్షన్ కమిటీ యోచిస్తోంది.


 విజయ లక్ష్యం 388  
 ప్రస్తుతం 170/3 ∙జింబాబ్వేతో టెస్టు  
 
 కొలంబో: జింబాబ్వేతో ఇప్పటికే వన్డే సిరీస్‌ కోల్పోయిన శ్రీలంక జట్టు... ఏకైక టెస్టులో విజయం కోసం పోరాడుతోంది. 388 పరుగుల లక్ష్యంతో బరిలోకి దిగిన లంక నాలుగో రోజు సోమవారం ఆట ముగిసే సమయానికి తమ రెండో ఇన్నింగ్స్‌లో 48 ఓవర్లలో మూడు వికెట్లకు 170 పరుగులు చేసింది. కుశాల్‌ మెండిస్‌ (85 బంతుల్లో 60 బ్యాటింగ్‌; 6 ఫోర్లు) కీలక అర్ధ సెంచరీతో అండగా ఉన్నాడు. ఆటకు నేడు (మంగళవారం) చివరి రోజు కాగా విజయానికి ఆతిథ్య జట్టు మరో 218 పరుగులు చేయాల్సి ఉంది. చేతిలో ఏడు వికెట్లున్నాయి. గతంలో లంక అత్యధిక పరుగుల లక్ష్య ఛేదన 352 మాత్రమే (దక్షిణాఫ్రికాపై).
 
 ఓపెనర్‌ కరుణరత్నే (84 బంతుల్లో 49; 1 ఫోర్‌) ఫర్వాలేదనిపించాడు. క్రీజులో మెండిస్‌తో పాటు ఏంజెలో మాథ్యూస్‌ (33 బంతుల్లో 17 బ్యాటింగ్‌; 1 ఫోర్, 1 సిక్స్‌) ఉన్నాడు. క్రెమెర్‌కు రెండు వికెట్లు దక్కాయి. అంతకుముందు ఓవర్‌నైట్‌ స్కోరు 252/6తో రెండో ఇన్నింగ్స్‌ కొనసాగించిన జింబాబ్వే 107.1 ఓవర్లలో 377 పరుగులకు ఆలౌటయ్యింది. సికిందర్‌ రజా (205 బంతుల్లో 127; 9 ఫోర్లు, 1 సిక్స్‌) కెరీర్‌లో తొలి శతకం సాధించగా... వాలర్‌ (98 బంతుల్లో 68; 8 ఫోర్లు) రాణించాడు. లంక బౌలర్లలో హెరాత్‌కు ఆరు, పెరీరాకు మూడు వికెట్లు దక్కాయి.


 ♦ శ్రీలంకపై తొలిసారి వన్డే సిరీస్‌ కైవసం
 ♦ 2009 తర్వాత విదేశీగడ్డపై సిరీస్‌ విజయం
 
 హంబన్‌టోటా: అంచనాలకు అందని రీతిలో సంచలన ఆటతీరును ప్రదర్శించిన జింబాబ్వే జట్టు శ్రీలంకతో జరిగిన ఐదు వన్డేల సిరీస్‌ను 3–2తో దక్కించుకుంది. సోమవారం జరిగిన ఐదో వన్డేలో ఈ జట్టు 3 వికెట్ల తేడాతో లంకపై నెగ్గింది. దీంతో 2009 అనంతరం జింబాబ్వే విదేశాల్లో వన్డే సిరీస్‌ను గెలిచింది. గత కొన్నేళ్లుగా పేలవ ప్రదర్శనతో కిందిస్థాయికి దిగజారిపోయిన జింబాబ్వేకు లంకపై సిరీస్‌ గెలుపుతో పునరుజ్జీవం సాధించినట్టయ్యింది. 14 నుంచి ఇరు జట్ల మధ్య కొలంబోలో ఏకైక టెస్టు మ్యాచ్‌ జరుగుతుంది.
 
 ముందుగా బ్యాటింగ్‌కు దిగిన లంకను ఆఫ్‌ స్పిన్నర్‌ సికిందర్‌ రజా (3/21) కట్టడి చేయడంతో 50 ఓవర్లలో ఎనిమిది వికెట్లకు 203 పరుగులు మాత్రమే చేయగలిగింది. పర్యాటక జట్టు బౌలింగ్‌ ధాటికి గుణరత్నే (59 నాటౌట్‌; 4 ఫోర్లు), గుణతిలక (52; 5 ఫోర్లు) మాత్రమే అర్ధ సెంచరీలతో రాణించా రు. ఆరుగురు బ్యాట్స్‌మెన్‌ కనీసం రెండంకెల స్కోరు కూడా చేయలేకపోయారు. గ్రేమ్‌ క్రెమెర్‌కు రెండు వికెట్లు దక్కాయి.
 
 ఆ తర్వాత స్వల్ప లక్ష్యం కోసం బ్యాటింగ్‌కు దిగిన జింబాబ్వే 38.1 ఓవర్లలో ఏడు వికెట్లకు 204 పరుగులు చేసి నెగ్గింది. ఓపెనర్లు మసకద్జా (86 బంతుల్లో 73; 9 ఫోర్లు, 1 సిక్స్‌), మిరే (32 బంతుల్లో 43; 5 ఫోర్లు, 2 సిక్సర్లు)ల మధ్య తొలి వికెట్‌కు 92 పరుగులు జత చేరాయి. ముసకందా (49 బంతుల్లో 37; 4 ఫోర్లు) మెరుగ్గా ఆడాడు. ధనంజయకు నాలుగు వికెట్లు దక్కాయి. మ్యాన్‌ ఆఫ్‌ ద మ్యాచ్‌గా సికిందర్‌ రజా, మ్యాన్‌ ఆఫ్‌ ద సిరీస్‌గా మసకద్జా నిలిచారు.


 పోర్ట్ ఆఫ్ స్పెయిన్:వన్డే క్రికెట్ చరిత్రలో భారత జట్టు సరికొత్త మైలురాయిని సొంతం చేసుకుంది. వన్డేల్లో మూడొందల పరుగుల్ని అత్యధికసార్లు సాధించిన జట్టుగా కొత్త చరిత్ర సృష్టించింది. ఈ క్రమంలోనే ఆస్ట్రేలియా క్రికెట్ జట్టును వెనక్కునెట్టింది. ఐదు వన్డేల సిరీస్ లో భాగంగా వెస్టిండీస్ తో ఇక్కడ జరిగిన రెండో వన్డేలో తొలుత బ్యాటింగ్ చేసిన భారత్ జట్టు నిర్ణీత  43 ఓవర్లలో 5 వికెట్లకు 310 పరుగులు చేసింది.
 తద్వారా వన్డే ఫార్మాట్ లో మూడొందలు, అంతకుపైగా స్కోర్లను 96వ సారి భారత సాధించింది. దాంతో ఇప్పటివరకూ ఆస్ట్రేలియా పేరిట ఉన్న రికార్డును భారత్ సవరించింది. ఆస్ట్రేలియా 95 సార్లు మూడొందలకు పైగా స్కోర్లను సాధించి రెండో స్థానానికి పరిమితం కాగా, దక్షిణాఫ్రికా(77) మూడో స్థానంలో ఉంది. ఇక పాకిస్తాన్(69), శ్రీలంక(63), ఇంగ్లండ్(57), న్యూజిలాండ్(51) ఆపై వరుస స్థానాల్లో ఉన్నాయి.
 
 ఆదివారం జరిగిన డే అండ్ నైట్ వన్డేలో భారత్ 105 పరుగుల తేడాతో విండీస్ ను చిత్తు చేసింది. ఓపెనర్‌ అజింక్యా రహానే (104 బంతుల్లో 103; 10 ఫోర్లు, 2 సిక్సర్లు) శతకంతో చెలరేగగా, ధావన్ (59 బంతుల్లో 63; 10 ఫోర్లు) ‌, కోహ్లీ (66 బంతుల్లో 87; 4 ఫోర్లు, 4 సిక్సర్లు) అర్ధ సెంచరీలతో రాణించారు. భారత్‌ 43 ఓవర్లలో ఐదు వికెట్లకు 310 పరుగుల భారీ స్కోరు సాధించింది.  భారీ వర్షం కారణంగా మ్యాచ్ ను 43 ఓవర్లకు కుదించారు. ఆపై విండీస్  43 ఓవర్లకు 6 వికెట్లు కోల్పోయి 205 పరుగులు చేసి ఓటమి పాలైంది.
  


 లార్డ్స్:దక్షిణాఫ్రికాతో ఇక్కడ జరిగిన మూడో వన్డే పిచ్పై ఇంగ్లండ్ కెప్టెన్ ఇయాన్ మోర్గాన్ తీవ్ర అసంతృప్తి వ్యక్తం చేశాడు. అసలు ఇది వన్డేలాడే పిచ్లా ఉందా అంటూ పిచ్ ను రూపొందించిన క్యూరేటర్లపై అసహనం వ్యక్తం చేశాడు. సోమవారం జరిగిన మూడో వన్డేలో ఇంగ్లండ్ తొలుత బ్యాటింగ్ కు దిగి 30 బంతుల్లో 20 పరుగులిచ్చి ఆరు వికెట్లు కోల్పోయిన సంగతి తెలిసిందే. దాంతో ఇంగ్లండ్ సాధారణ స్కోరుకే పరిమితమై ఘోర ఓటమి పాలైంది.
 
 అనంతరం మాట్లాడిన మోర్గాన్.. వన్డే మ్యాచ్ కు ఒక పేలవమైన పిచ్ రూపొందించడాన్ని తప్పుబట్టాడు. ' ఇది వన్డేలాడే పిచ్లా ఎంతమాత్రం లేదు. ఇది ఏ జట్టుకు మంచిది కాదు. ఈ తరహా పిచ్ పై ఎవరు ముందుగా బ్యాటింగ్ చేసినా కష్టాలు తప్పవు. ఇంతటి పేలవమైన పిచ్ ను ఎందుకు రూపొందించినట్లు. పిచ్ పై గడ్డి ఎక్కువగా ఉండటంతో పేసర్లకు స్వర్గధామంలా మారింది. సహజసిద్ధమైన గేమ్ ను ఆడటం కూడా కష్టంగా మారిపోయింది'అని మోర్గాన్ విమర్శించాడు.మరొకవైపు తొలి రెండు వన్డేల్లో ఓటమి పాలై సిరీస్ కోల్పోయిన దక్షిణాఫ్రికా తిరిగి తేరుకున్న తీరును మోర్గాన్ అభినందించాడు. దక్షిణాఫ్రికా బౌలర్లు తమకు ఎటువంటి అవకాశం ఇవ్వకుండా చెలరేగిపోయిన విధానం ఆకట్టుకుందన్నాడు.


 ►రాణించిన రబడా, పార్నెల్‌, మహారాజ్‌
 లండన్‌: మూడు వన్డేల సిరీస్ లో భాగంగా లార్డ్స్ మైదానంలో దక్షిణాఫ్రికాతో జరుగుతున్న చివరి మ్యాచ్ లో ఇంగ్లండ్ బ్యాటింగ్‌ ఆర్డర్‌ చేతులెత్తేసింది. దక్షణాఫ్రికా బౌలర్ల దాటికి 31.1 ఓవర్లలో 153 పరుగులకే కుప్పకూలింది. టాస్‌ ఓడి తొలుత బ్యాటింగ్‌ కు దిగిన ఇంగ్లండ్‌ 20 పరుగులకే ఆరు వికెట్లు కోల్పోయి కష్టాల్లో పడింది.దక్షిణాఫ్రికా పేసర్లు రబడా, పార్నెల్‌, మహరాజ్‌లు విజృంభించడంతో ఇంగ్లండ్ టాపార్డర్ వరుస పెట్టి పెవిలియన్ కు క్యూకట్టేసింది. జాసన్ రాయ్(4), అలెక్స్ హేల్స్(1),జో రూట్(2), ఇయాన్ మోర్గాన్(8), బట్లర్(4),ఆదిల్ రషిద్(0)లు ఇలా వచ్చి అలా పెవిలియన్ కు చేరారు.
 ఇంగ్లండ్‌ బ్యాట్స్‌ మెన్‌ లో బేర్‌ స్టో (8 ఫోర్లతో 51), విల్లి (26), చివర్లో రోలాండ్‌ జోన్స్‌ (5 ఫోర్లతో 37) రాణించడంతో ఇంగ్లండ్‌ 154 పరుగుల లక్ష్యాన్ని నిర్ధేశించింది. ఇక దక్షిణాఫ్రికా బౌలర్లలో రబడాకు(4) వికెట్లు దక్కగా, పార్నెల్‌, మహరాజ్‌లకు మూడేసి వికెట్లు దక్కాయి. ఇప్పటికే సిరీస్ ను 2-0తో  ఇంగ్లండ్ గెలుచుకున్న సంగతి తెలిసిందే.


 లండన్: మూడు వన్డేల సిరీస్ లో భాగంగా లార్డ్స్ మైదానంలో దక్షిణాఫ్రికాతో జరుగుతున్న చివరి మ్యాచ్ లో ఇంగ్లండ్ విలవిల్లాడుతోంది. టాస్ ఓడి తొలుత బ్యాటింగ్ కు దిగిన ఇంగ్లండ్ 20 పరుగులకే ఆరు వికెట్లు కోల్పోయి కష్టాల్లో పడింది. దక్షిణాఫ్రికా పేసర్లు విజృంభించడంతో ఇంగ్లండ్ టాపార్డర్ వరుస పెట్టి పెవిలియన్ కు క్యూకట్టేసింది. జాసన్ రాయ్(4), అలెక్స్ హేల్స్(1),జో రూట్(2), ఇయాన్ మోర్గాన్(8), బట్లర్(4),ఆదిల్ రషిద్(0)లు ఇలా వచ్చి అలా పెవిలియన్ కు చేరారు. ఇంగ్లండ్ కోల్పోయిన ఆరు వికెట్లలో రబడా నాలుగు వికెట్లు సాధించగా, పార్నెల్ రెండు వికెట్లు తీశారు.
 
 ఈ మ్యాచ్ లో ముందుగా బ్యాటింగ్ చేపట్టిన ఇంగ్లండ్ కు ఆదిలోనే ఎదురుదెబ్బ తగిలింది. జాసన్ రాయ్ ను రబడా పెవిలియన్ కు పంపి  ఇంగ్లండ్ కు షాకిచ్చాడు. అనంతరం మూడు పరుగుల వ్యవధిలో రూట్ కూడా రబడా బౌలింగ్ లోనే అవుట్ కావడంతో ఇంగ్లండ్ 7 పరుగులకే రెండు వికెట్లు కోల్పోయింది. ఆపై మోర్గాన్, హేల్స్, బట్లర్, రషిద్లు స్వల్ప వ్యవధిలో అవుట్ కావడంతో ఇంగ్లండ్ ఐదు ఓవర్లలోపే ఆరు వికెట్లను కోల్పోయి పీకల్లోతు కష్టాల్లో పడింది. ఇప్పటికే సిరీస్ ను 2-0తో  ఇంగ్లండ్ గెలుచుకున్న సంగతి తెలిసిందే.


 హెడింగ్లీ: మూడు వన్డేల సిరీస్ లో దక్షిణాఫ్రికాకు ఇంగ్లండ్ షాకిచ్చింది. బుధవారం రాత్రి ఇక్కడ జరిగిన తొలి వన్డేలో ఇంగ్లండ్ 72 పరుగుల తేడాతో అద్భుతమైన విజయాన్ని సాధించింది. తొలుత బ్యాటింగ్ చేసిన ఇంగ్లండ్ 340 పరుగుల లక్ష్యాన్ని నిర్దేశించింది. ఇంగ్లండ్ ఓపెనర్ అలెక్స్ హేల్స్(61) మంచి ఆరంభానివ్వగా, జో రూట్(37) ఫర్వాలేదనిపించాడు. ఆ తరువాత కెప్టెన్ ఇయాన్ మోర్గాన్(107;93 బంతుల్లో 7 ఫోర్లు, 5 సిక్సర్లు) శతకంతో మెరిసి ఇంగ్లండ్ భారీ స్కోరుకు పునాది వేశాడు. ఇక చివర్లో మొయిన్ అలీ (77 నాటౌట్; 51 బంతుల్లో 5 ఫోర్లు, 5 సిక్సర్లు) బ్యాట్ ఝుళిపించడంతో ఇంగ్లండ్ నిర్ణీత ఓవర్లలో ఆరు వికెట్ల నష్టానికి 339 పరుగుల భారీ స్కోరు చేసింది.
 
 అనంతరం బ్యాటింగ్ కు దిగిన దక్షిణాఫ్రికా 45 ఓవర్లలో 267 పరుగులకు ఆలౌటై ఓటమి పాలైంది. హషీమ్ ఆమ్లా (73),  డు ప్లెసిస్(67), ఏబీ డివిలియర్స్(45)లు రాణించినా జట్టుకు గెలిపించలేకపోయారు. వీరి మినహా మిగిలిన బ్యాటింగ్ ఆర్డర్ తీవ్రంగా నిరాశపరచడంతో సఫారీలకు ఓటమి తప్పలేదు.
 
  


 డబ్లిన్: సంచలన విజయాలకు మారుపేరైన బంగ్లాదేశ్ తాజాగా మరో అద్భుత విజయాన్ని సాధించింది. బుధవారం ఇక్కడ జరిగిన వన్డే మ్యాచ్ లో న్యూజిలాండ్ ను బంగ్లాదేశ్ ఐదు వికెట్ల తేడాతో చిత్తు చేసి సరికొత్త ఘనతను సొంతం చేసుకుంది. ఇలా న్యూజిలాండ్ ను విదేశీ గడ్డపై ఓడించడం బంగ్లాదేశ్ కు ఇదే తొలిసారి.
 
 ఈ మ్యాచ్ లో తొలుత బ్యాటింగ్ చేసిన న్యూజిలాండ్  271 పరుగుల లక్ష్యాన్ని నిర్దేశించి ఓటమి పాలైంది.  బంగ్లాదేశ్ ఓపెనర్లలో సౌమ్య సర్కార్ డకౌట్ గా అవుటైనప్పటికీ, మరో ఓపెనర్ తమీమ్ ఇక్బాల్(65) రాణించాడు. అతనికి జతగా షబ్బిర్ రెహ్మాన్(65) కూడా హాఫ్ సెంచరీ సాధించడంతో రెండో వికెట్ కు 136 పరుగుల భాగస్వామ్యం లభించింది. ఆపై ముష్పికర్ రహీమ్(45 నాటౌట్), మొహ్మదుల్లా(46)లు రాణించడంతో బంగ్లాదేశ్ 10 బంతులు మిగిలి ఉండగానే విజయాన్ని సాధించింది.
 
 అంతకుముందు న్యూజిలాండ్ ఎనిమిది వికెట్ల నష్టానికి 270 పరుగులు చేసింది. లాథమ్(84), బ్రూమ్(63), రాస్ టేలర్(60 నాటౌట్) హాఫ్ సెంచరీలు సాధించిన జట్టు గౌరవప్రదమైన స్కోరు చేయడంలో సహకరించారు.


 బార్బోడాస్: ఇంగ్లండ్ తో స్వదేశంలో జరిగిన మూడు వన్డేల సిరీస్ లో వెస్టిండీస్ వైట్ వాష్ అయ్యింది. గురువారం జరిగిన చివరిదైన మూడో వన్డేలో వెస్టిండీస్ 186 పరుగుల తేడాతో ఘోర ఓటమి పాలైంది.దాంతో సిరీస్ ను విండీస్ 0-3 తో కోల్పోయింది. ఈ మ్యాచ్ లో ఇంగ్లండ్ నిర్దేశించిన 329 పరుగుల లక్ష్యాన్ని ఛేదించే క్రమంలో విండీస్ 39.2 ఓవర్లలో142 పరుగులకే చాపచుట్టేసి భారీ ఓటమిని మూటగట్టుకుంది.విండీస్ ఆటగాళ్లలో కార్టర్(46) మినహా ఎవరూ రాణించకపోవడంతో ఆ జట్టుకు దారుణమైన ఓటమి ఎదురైంది.
  
 ఈ క్రమంలోనే ఇంగ్లండ్ వన్డే చరిత్రలో ఐదో 'అతి పెద్ద' విజయాన్ని నమోదు చేసుకుంది. వన్డే క్రికెట్ లో ఇంగ్లండ్ పై స్వదేశంలో కరీబియన్లు వైట్ వాష్ కావడం ఇదే తొలిసారి. అంతకుముందెన్నడూ స్వదేశంలో వెస్టిండీస్ జట్టు ఇంతటి దారుణమైన ఓటమిని మూటగట్టుకోలేదు. తొలుత బ్యాటింగ్ చేసిన ఇంగ్లండ్ 50.0 ఓవర్లలో 328 పరుగులు చేసింది. ఇంగ్లండ్ ఆటగాళ్లు జో రూట్(101), హేల్స్(110)లు శతకాలు సాధించి భారీ స్కోరు సాధించడంలో సహకరించారు.
  


 ఆక్లాండ్: న్యూజిలాండ్ తో జరిగిన ఐదు వన్డేల సిరీస్ ను దక్షిణాఫ్రికా కైవసం చేసుకుంది. శనివారం జరిగిన చివరిదైన ఐదో వన్డేలో దక్షిణాఫ్రికా ఆరు వికెట్ల తేడాతో విజయం సాధించి సిరీస్ ను 3-2 తేడాతో దక్కించుకుంది. న్యూజిలాండ్ నిర్దేశించిన 150 పరుగుల లక్ష్యాన్ని దక్షిణాఫ్రికా 32.2 ఓవర్లలో నాలుగు వికెట్లు కోల్పోయి ఛేదించింది. సాధారణ స్కోరు లక్ష్య ఛేదనలో దక్షిణాఫ్రికా ఓపెనర్లు డీకాక్(6), హషీమ్ ఆమ్లా(8) నిరాశపరిచారు. ఆ తరువాత డుమినీ(3) స్వల్ప వ్యవధిలో అవుట్ కాగా, డివిలియర్స్ (23)ఫర్వాలేదనిపించాడు.
 అయితే  డు ప్లెసిస్(51 నాటౌట్), డేవిడ్ మిల్లర్(45 నాటౌట్) రాణించడంతో దక్షిణాఫ్రికా విజయాన్ని సాధించింది. అంతకుముందు టాస్ ఓడి బ్యాటింగ్ చేసిన న్యూజిలాండ్ 41.1 ఓవర్లలో149 పరుగులకు ఆలౌటైంది. బ్రౌన్లీ(24), నీషమ్(24) సాంత్నార్(24), గ్రాండ్ హోమ్(32)లే కివీస్ జట్టులో రెండంకెల స్కోరు నమోదు చేసిన ఆటగాళ్లు . దాంతో న్యూజిలాండ్ తక్కువ స్కోరుకే పరిమితమైంది. దక్షిణాఫ్రికా బౌలర్లలో రబడా మూడు వికెట్లు సాధించగా, తాహీర్, పెహ్లికువాయోలకు తలో రెండు వికెట్లు దక్కాయి. తొలి వన్డేను దక్షిణాఫ్రికా గెలవగా,  రెండో వన్డేలో న్యూజిలాండ్ విజయం సాధించింది. ఇక మూడో వన్డేలో దక్షిణాఫ్రికా ను విజయం వరించగా, నాల్గో వన్డేలో న్యూజిలాండ్ గెలుపొందింది.


 వెల్లింగ్టన్: దక్షిణాఫ్రికాతో ఇక్కడ శనివారం జరుగుతున్న మూడో వన్డేలో న్యూజిలాండ్ విలవిల్లాడుతోంది. దక్షిణాఫ్రికా విసిరిన 272 పరుగుల లక్ష్యాన్ని ఛేదించే క్రమంలో న్యూజిలాండ్ 77 పరుగులకే ఏడు వికెట్లు కోల్పోయి ఎదురీదుతోంది. న్యూజిలాండ్ ఓపెనర్లు బ్రౌన్ లీ(2),లాథమ్(0)లు ఆదిలోనే పెవిలియన్ కు చేరగా, ఆ తరువాత టాపార్డర్ ఆటగాళ్లు కూడా క్రీజ్ లో నిలబడలేకపోయారు. కెప్టెన్ కేన్ విలియమ్సన్ (23), రాస్ టేలర్(18), బ్రూమ్(0), సాంత్నార్(1), నీషమ్(13)లు వరుసగా పెవిలియన్ కు క్యూ కట్టారు.
 
 అంతకుముందు టాస్ గెలిచి బ్యాటింగ్ ఎంచుకున్న దక్షిణాఫ్రికా 50.0 ఓవర్లలో ఎనిమిది వికెట్ల నష్టానికి 271 పరుగులు చేసింది. దక్షిణాఫ్రికా ఓపెనర్ డీ కాక్(68), కెప్టెన్ ఏబీ డివిలియర్స్(85)లు రాణించగా, డు ప్లెసిస్(36), పార్నెల్(35) ఫర్వాలేదనిపించారు. ఐదు వన్డేల సిరీస్ లో ఇరు జట్లు చెరో మ్యాచ్ గెలిచి సమంగా ఉన్న సంగతి తెలిసిందే.
 
 
  


 సెంచూరియన్:శ్రీలంకతో జరిగిన ఐదు వన్డేల సిరీస్ను దక్షిణాఫ్రికా క్లీన్స్వీప్ చేసింది. శుక్రవారం జరిగిన చివరిదైన ఐదో వన్డేలో దక్షిణాఫ్రికా 88 పరుగుల తేడాతో విజయం సాధించి సిరీస్ ను 5-0 తో క్లీన్ స్వీప్ చేసింది. ఈ సిరీస్ను క్లీన్ స్వీప్ చేయడంతో సఫారీలు తన వన్డే ర్యాంకింగ్స్ లో టాప్ స్థానానికి చేరారు. ఇప్పటివరకూ ప్రథమ స్థానంలో ఉన్న ఆస్ట్రేలియా క్రికెట్ జట్టును వెనక్కినెట్టిన దక్షిణాఫ్రికా అగ్రస్థానానికి చేరుకుంది. ఈ సిరీస్ ఆరంభానికి ముందు ఆసీస్ కంటే దక్షిణాఫ్రికా నాలుగు పాయింట్లు వెనుకబడి వుంది. అయితే ఇటీవల న్యూజిలాండ్ తో జరిగిన వన్డే సిరీస్లో ఆస్ట్రేలియా 0-2 తో ఓటమి పాలైంది. అదే సమయంలో శ్రీలంకను దక్షిణాఫ్రికా వైట్ వాష్ చేసి నంబర్ వన్ ర్యాంకును సొంతం చేసుకుంది. 2014 తరువాత వన్డే ర్యాంకింగ్స్ లో దక్షిణాఫ్రికా నంబర్ వన్ స్థానానికి చేరడం ఇదే తొలిసారి.
 
 
 
 ఈ మ్యాచ్ లో దక్షిణాఫ్రికా విసిరిన  385 పరుగుల లక్ష్యాన్ని ఛేదించే క్రమంలో లంకేయులు 296 పరుగులకే పరిమితమై ఓటమి పాలయ్యారు. దాంతో వన్డే సిరీస్లో ఒక్క విజయాన్ని కూడా నమోదు చేయని శ్రీలంక తన పర్యటనను ముగించింది. తొలుత బ్యాటింగ్ చేసిన దక్షిణాఫ్రికా జట్టు 50 ఓవర్లలో ఆరు వికెట్ల నష్టానికి 384 పరుగులు నమోదు చేసింది. హషీమ్ ఆమ్లా(154),డీకాక్(109) శతకాలు చేయడంతో పాటు,డు ప్లెసిస్(41), బెహర్దియన్(32)లు బ్యాట్ ఝుళిపించడంతో దక్షిణాఫ్రికా భారీ స్కోరు చేసింది. అనంతరం బ్యాటింగ్ ఆరంభించిన శ్రీలంక పోరాడి ఓటమి పాలైంది. గుణరత్నే(114), పతిరానా(56)లు రాణించినా జట్టును పరాజయం నుంచి  గట్టెక్కించలేకపోయారు.


 అడిలైడ్:పాకిస్తాన్ క్రికెటర్ బాబర్ అజమ్ అరుదైన ఘనతను సొంతం చేసుకున్నాడు. ఆస్ట్రేలియాతో గురువారం జరిగిన చివరిదైన ఐదో వన్డేలో అజమ్(100)శతకం సాధించాడు. తద్వారా ఐదు వన్డేల సిరీస్ లో ఆస్ట్రేలియాలో ఆ దేశంపై సెంచరీ సాధించిన రెండో పాకిస్తాన్ ఆటగాడిగా గుర్తింపు సాధించాడు. చివరిసారి 1981లో పాకిస్తాన్ ఆటగాడు జహీర్ అబ్బాస్ ఆస్ట్రేలియాలో ఆసీస్ పై తొలిసారి శతకం సాధించాడు. దాదాపు 35 ఏళ్ల తరువాత ఐదు వన్డేల సిరీస్ లో ఒక పాకిస్తాన్ ఆటగాడు ఆస్ట్రేలియాలో ఆసీస్ పై శతకం చేయడం ఇదే తొలిసారి.
 
 ఈ మ్యాచ్లో పాకిస్తాన్ జట్టు 57 పరుగుల తేడాతో ఓటమి చెందింది. ఆస్ట్రేలియా నిర్దేశించిన 370 పరుగుల లక్ష్యాన్ని ఛేదించలేక చతికిలబడిన పాకిస్తాన్ 49.1 ఓవర్లలో 312 పరుగులకే ఆలౌటై ఓటమి పాలైంది. పాక్ ఆటగాళ్లలో బాబర్ అజమ్ సెంచరీకి తోడు, షర్జిల్  ఖాన్(79) హాఫ్ సెంచరీ సాధించాడు. ఆపై ఉమర్ అక్మల్(46) మినహా ఎవరూ రాణంచలేకపోవడంతో పాకిస్తాన్ కు పరాజయం తప్పలేదు. దాంతో ఐదు వన్డేల సిరీస్ను ఆస్ట్రేలియా 4-1తో కైవసం చేసుకుని తమకు తిరుగులేదని నిరూపించింది.


 సిడ్నీ: నిలకడ లేమితో సతమతమవుతోన్న పాకిస్థాన్‌ వన్డే సిరీస్‌ను కూడా ఆతిథ్య ఆస్ట్రేలియాకు సమర్పించుకుంది. సిడ్నీ వేదికగా ఆదివారం జరిగిన నాలుగో వన్డే మ్యాచ్‌లో పాక్‌ 86 పరుగుల తేడాతో ఆసీస్‌ చేతిలో ఓటమిపాలైంది. తద్వారా ఇంకో మ్యాచ్‌ మిగిలి ఉండగానే 1-3 తేడాతో సిరీస్‌ కోల్పోయింది. ఆసీస్‌ విసిరిన 354 పరుగుల భారీ లక్ష్యాన్ని ఛేధించేందుకు బరిలోదిగిన పాక్‌ 43.5ఓవర్లలో 267 పరుగులకే కుప్పకూలింది.
 
  రెండో ఓవర్‌లోనే ఓపెనర్‌ అజార్‌ అలీ(7)ని కోల్పోయింది. మరో ఓపెనర్‌ షర్జీల్‌ ఖాన్ ‌(74) నిలకడగా ఆడేప్రయత్నం చేశాడు. అతనికి బాబర్ ఖాన్‌‌(32), మొహమ్మద్‌ హఫీజ్‌(40), షోయబ్‌ మాలిక్‌(47)లు చక్కని తోడ్పాటు అందించారు. ఒక దశలో 183/3 స్కోరుతో పాక్‌ గట్టిపోటీ ఇచ్చినప్పటికీ మిడిల్‌ ఆర్డర్‌ విఫలం చెందడంతో 43.5 ఓవర్లలో 267 పరుగులకు ఆలౌట్‌ అయింది. ఆసీస్‌ బౌలర్లలో హాజిల్‌వుడ్‌, జంపాలు చెరో 3 వికెట్లు తీశారు. హెడ్‌క 2, స్టాక్స్‌ ఒక వికెట్‌ నేలకూల్చారు.
 
 టాస్‌ నెగ్గి తొలుత బ్యాటింగ్‌కు దిగిన ఆస్ట్రేలియా.. డాషింగ్‌ ఓపెనర్‌ డేవిడ్‌ వార్నర్‌ (119 బందుల్లో 130 పరుగులు, 11ఫోర్లు, 2సిక్సర్లు) విజృంభణతో 353 పరుగుల భారీ స్కోరు సాధించింది. మ్యాక్స్‌వెల్‌(78), స్టీవ్‌ స్మిత్‌(49), హెడ్‌(51), ఖవాజా(30) తమదైన శైలిలో పరుగులు రాబట్టారు. పాక్‌ బౌలర్లలో హసన్‌ అలీ 5 వికెట్లు పడగొట్టగా, ఆమిర్‌కు ఒక్క వికెట్‌ దక్కింది. వీరవిహారం చేసిన వార్నర్‌కే మ్యాన్‌ ఆఫ్‌ ద మ్యాచ్‌ అవార్డు దక్కింది.
 
 ఇప్పటికే మూడు టెస్టు మ్యాచ్‌ల సిరీస్‌ను కోల్పోయిన పాక్‌, ఇప్పుడు వన్‌డేల్లోనూ ఓటమి చెందడంతో అభిమానులు అసంతృప్తికి గురయ్యారు. పాక్‌ టీం ప్రదర్శనపై ఇంటా, బయటా విమర్శలు చెలరేగుతున్నాయి. అయితే పాక్‌ చీఫ్‌ సెలెక్టర్‌ ఇంజమామ్‌ ఉల్‌ హక్‌ మాత్రం జట్టును వెనకేసుకొచ్చారు. తీరికలేని షెడ్యూల్‌ వల్లే తమ ఆటగాళ్లు అలిసిపోయారని ఇంజీ వ్యాఖ్యానించాడు.
 
 


 కటక్‌: ఇంగ్లండ్‌తో రెండో వన్డేలో టీమిండియాకు ఆరంభంలో ఎదురు దెబ్బ తగిలింది. టాస్‌ ఓడి బ్యాటింగ్‌కు దిగిన విరాట్‌ కోహ్లీ సేన వెంటవెంటనే మూడు వికెట్లు కోల్పోయింది. ఇంగ్లండ్‌ బౌలర్ వోక్స్ ఒకే ఓవర్లో ఓపెనర్ లోకేష్‌ రాహుల్‌, కెప్టెన్ విరాట్‌ కోహ్లీని అవుట్ చేశాడు. రాహుల్‌, కోహ్లీ ఇద్దరూ స్టోక్స్కు క్యాచిచ్చారు.
 తొలి వన్డేలో కెప్టెన్ ఇన్నింగ్స్ ఆడి జట్టును గెలిపించిన కోహ్లీ.. ఈ మ్యాచ్లో ఎనిమిది పరుగులకే అవుటయ్యే సరికి అభిమానులు నిరాశ చెందారు. స్టేడియంలో ఒక్కసారిగా నిశ్శబ్ద వాతావరణం ఏర్పడింది. వోక్స్ తన మరుసటి ఓవర్లో మరో ఓపెనర్‌ శిఖర్ ధవన్‌ను కూడా పెవిలియన్‌ను చేర్చి టీమిండియాను కష్టాల్లోకి నెట్టాడు. ధవన్‌ బౌల్డయ్యాడు.


 పుణె:ఇంగ్లండ్ తో ఐదు టెస్టుల సిరీస్ను విరాట్ కోహ్లి నేతృత్వంలోని టీమిండియా పరాజయమే లేకుండా ముగించడంతో, ఇరు జట్ల మధ్య జరిగే  వన్డే సిరీస్కు మంచి జోష్ వస్తోంది.  దీనిలో భాగంగా మూడు వన్డేల సిరీస్లో భాగంగా పుణెలో జరిగే తొలి వన్డే మ్యాచ్ టికెట్లు అప్పుడే హాట్ కేకుల్లా అమ్ముడుపోయాయి.
  
 మహారాష్ట్ర క్రికెట్ అసోసియేషన్ పుణె అంతర్జాతీయ స్టేడియం కెపాసిటీ 37, 406. అయితే మ్యాచ్ కు ఇంకా  పక్షం రోజులుగా పైగా సమయం ఉన్నప్పటికీ, మొత్తం టికెట్లు అమ్ముడు పోవడంతో వన్డే సిరీస్ కు మంచి ఆరంభమే లభించినట్లు కనబడుతోంది. ఈనెల 15వ తేదీన టికెట్లు అమ్మకాలను ప్రారంభించగా, 27 వ తేదీకి మొత్తం టికెట్లు అమ్ముడుపోయినట్లు స్టేడియం నిర్వాహకులు తెలిపారు. ఈ స్టేడియంలో చివరిసారి 2013లో ఆస్ట్రేలియా-భారత్ జట్ల మధ్య వన్డే జరిగింది. అదే ఆ స్టేడియంలో నిర్వహించిన తొలి వన్డే కాగా, దాదాపు మూడేళ్ల తరువాత అక్కడ రెండో వన్డే జరుగనుంది.
 
 
  


 ముంబై: వచ్చే నెల్లో ఇంగ్లండ్ తో ఆరంభమయ్యే పరిమిత ఓవర్ల క్రికెట్ సిరీస్ నుంచి భారత ఆల్ రౌండర్ జయంత్ యాదవ్ వైదొలిగే అవకాశాలు కనబడుతున్నాయి. ఇంగ్లండ్ తో టెస్టు సిరీస్ సందర్భంగా అమోఘంగా రాణించిన జయంత్ యాదవ్.. మోకాలి గాయం కారణంగా చెన్నై టెస్టుకు దూరమయ్యాడు. అతను ఇంకా మోకాలి గాయం నుంచి తిరిగి కోలుకోలేకపోవడంతో వన్డే సిరీస్లో పాల్గొనే అవకాశాలు తక్కువగా కనిపిస్తున్నాయి.
  
 దాంతో పాటు చెన్నైలో జరిగిన ఆఖరి టెస్టులో ఆడిన స్పిన్నర్ అక్షర్ పటేల్ వేలికి గాయం అయ్యింది. స్పిన్నర్ అశ్విన్ బౌలింగ్ లో డాసన్ క్యాచ్ను పట్టే క్రమంలో అక్షర్ కు గాయమైంది. దాంతో పరిమిత ఓవర్ల క్రికెట్ సిరీస్కు అక్షర్ ఎంపికను దాదాపు పక్కకు పెట్టారు. ఇప్పటికే పలువురు టీమిండియా ఆటగాళ్లు గాయాలు బారిన పడిన సంగతి తెలిసిందే. టీమిండియా స్టార్ ఆటగాళ్లు రోహిత్ శర్మ, అజింక్యా రహానే, మొహ్మద్ షమీలు గాయాలు బారిన పడిన సంగతి తెలిసిందే. దాంతో గాయపడిన ఆటగాళ్ల సంఖ్య క్రమేపీ పెరుతోంది. గాయపడిన ఆటగాళ్ల స్థానాలను భర్తీ చేయడానికి ప్రస్తుతం టీమిండియా సెలక్టర్లు కసరత్తు చేస్తున్నారు.
 
 జనవరి 15 నుంచి భారత-ఇంగ్లండ్ జట్ల మధ్య మూడు వన్డేల సిరీస్ ఆరంభం కానుంది. అనంతరం జనవరి 26వ తేదీన మూడు ట్వంటీ 20 సిరీస్ జరుగుతుంది. అయితే దీనికి ముందు బోర్డు ఎలెవన్ జట్టు రెండు ప్రాక్టీస్ మ్యాచ్లను ఇంగ్లండ్ తో ఆడుతుంది. ఆ ప్రాక్టీస్ మ్యాచ్ల్లో పరిమిత ఓవర్ల కెప్టెన్ ధోని పాల్గొననున్నాడు.


 కరాచీ:ఇంగ్లండ్ క్రికెట్  జట్టుకు స్పిన్ కన్సల్టెంట్గా వ్యవహరిస్తున్న పాకిస్తాన్ దిగ్గజ స్సిన్నర్ సక్లాయిన్ ముస్తాక్ పదవీకాలం పొడిగిస్తూ ఈసీబీ నిర్ణయం తీసుకుంది. ప్రస్తుతం భారత్ లో పర్యటిస్తున్న ఇంగ్లండ్ జట్టుకు స్పిన్ విభాగంలో సక్లయిన్ సహకారం అందిస్తున్నాడు. తొలుత ఈ టెస్టు సిరీస్ వరకూ సక్లయిన్ ను స్పిన్ కన్సల్టెంట్ గా నియమించిన ఈసీబీ.. వన్డేలకు అతని సేవలకు వినియోగించుకోవాలని భావించింది. ఆ క్రమంలోనే అతన్ని వన్డే సిరీస్ లో కూడా కొనసాగించేందుకు సంసిద్ధత వ్యక్తం చేసింది. ఇంగ్లండ్ జట్టు ప్రధాన స్పిన్నర్లు మొయిన్ అలీ, రషిద్లు.. సక్లయిన్ పర్యవేక్షణలో మెళుకవులు నేర్చుకుంటున్నారు.
 
 తన పదవీ కాలం మరోసారి పొడగించడంపై సక్లయిన్ ఆనందం వ్యక్తం చేశాడు. తనకు ఇంగ్లండ్ జట్టుతో ఎటువంటి ఇబ్బందులు లేవని, బౌలింగ్ కోచ్ గా కానీ, కన్సల్టెంట్ కానీ బాధ్యతలు నిర్వర్తించడం ఒక మంచి అనుభూతి అని పేర్కొన్నాడు. స్పిన్ పాఠాలు నేర్చుకునేందుకు ఇంగ్లండ్ స్పిన్నర్లు చాలా ఆతృతగా ఉన్నారని, దానిలో భాగంగానే ఇప్పటికే వారు ఎంతో పురోగతి సాధించారన్నాడు.
  


 ముంబై: ఇటీవల బంగ్లాదేశ్ పర్యటనకు వెళ్లిన ఇంగ్లండ్ క్రికెట్ జట్టు నుంచి తప్పుకున్న ఇయాన్ మోర్గాన్ తిరిగి జట్టులో జాయిన్ కానున్నాడు. భారత్తో జరుగనున్న మూడు వన్డేల సిరీస్కు మోర్గాన్ ను తిరిగి జట్టులో ఎంపిక చేశారు. దాంతోపాటు ఇంగ్లండ్ వన్డే జట్టు, టీ 20 కెప్టెన్గా మోర్గాన్ పేరును ఖరారు చేస్తూ సెలక్టర్లు నిర్ణయం తీసుకున్నారు.
 
 బంగ్లాదేశ్లో భద్రతపై ఆందోళన వ్యక్తం చేసిన మోర్గాన్ ఆ పర్యటనకు దూరంగా ఉన్నాడు. దాంతో ఇంగ్లండ్ వన్డే కెప్టెన్సీ బాధ్యతలను జాస్ బట్లర్కు అప్పగించాల్సి వచ్చింది. ప్రస్తుతం మోర్గాన్ జట్టుకు అందుబాటులోకి రావడంతో అతనే వన్డే,టీ 20 కెప్టెన్గా వ్యవహరించనున్నాడు. బట్లర్తో పాటు అలెక్స్ హేల్స్లు వన్డే, టీ 20 జట్టులో కలవనున్నారు. మరొకవైపు బంగ్లాదేశ్ పర్యటనలో భాగంగా వన్డే జట్టు నుంచి విశ్రాంతినిచ్చిన జో రూట్ ను  భారత్ తో వన్డే సిరీస్ కు ఎంపిక చేశారు.ప్రస్తుతం భారత్ లో పర్యటిస్తున్న ఇంగ్లండ్ టెస్టు జట్టులో రూట్ కొనసాగుతున్న సంగతి తెలిసిందే.
 
 ఇంగ్లండ్ వన్డే జట్టు: ఇయాన్ మోర్గాన్(కెప్టెన్), మొయిన్ అలీ, బెయిర్ స్టో, జాక్ బాల్, సామ్ బిల్లింగ్స్, జాస్ బట్లర్, డావసన్, హేల్స్, ప్లంకెట్, అదిల్ రషిద్, జో రూట్, బెన్ స్టోక్స్, క్రిస్ వోక్స్
 
  


 సిడ్నీ:తన కెరీర్లో 88వ వన్డే ఆడుతున్న ఆస్ట్రేలియా కెప్టెన్ స్టీవ్ స్మిత్ అత్యధిక స్కోరు సాధించాడు. న్యూజిలాండ్తో ఇక్కడ జరుగుతున్న వన్డేలో స్మిత్(164;157  బంతుల్లో 14 ఫోర్లు,4 సిక్సర్లు)తో చెలరేగి ఆడాడు. ఈ క్రమంలో వన్డేల్లో అత్యధిక స్కోరును సాధించాడు. అంతకుముందు స్మిత్ అత్యధిక వ్యక్తిగత వన్డే స్కోరు 149. ఈ ఏడాది వాకాలో భారత్ తో జరిగిన వన్డేలో స్మిత్ ఈ భారీ సెంచరీ సాధించాడు. తాజాగా మరో భారీ సెంచరీ సాధించి తన వన్డే అత్యధిక వ్యక్తిగత స్కోరును సవరించుకున్నాడు.
 
 ఈ మ్యాచ్లో స్మిత్ దూకుడుగా ఆడటంతో ఆస్ట్రేలియా 325 పరుగుల లక్ష్యాన్ని నిర్దేశించింది. టాస్ గెలిచి బ్యాటింగ్ ఎంచుకున్న ఆస్ట్రేలియా 92 పరుగులకే నాలుగు వికెట్లు కోల్పోయినా.. స్మిత్ ఆదుకున్నాడు.ఐదో వికెట్ కు ట్రావిస్ హెడ్ తో కలిసి 127 పరుగుల భాగస్వామ్యాన్ని నెలకొల్పాడు. ఈ క్రమంలోనే హెడ్(52;60 బంతుల్లో5ఫోర్లు) హాఫ్ సెంచరీ సాధించాడు.ఆ తరువాత వేడ్(38) ఫర్వాలేదనిపించడంతో ఆస్ట్రేలియా 50.0ఓవర్లలో ఎనిమిది వికెట్ల నష్టానికి 324 పరుగులు చేసింది.


 విశాఖ:న్యూజిలాండ్ సుదీర్ఘ పర్యటనలో భాగంగా ఆ జట్టును టెస్టుల్లో క్లీన్ స్వీప్ చేసి నంబర్ ర్యాంకును సొంతం చేసుకున్న టీమిండియా..  వన్డే సిరీస్ను 3-2 తో ముగించడంతో  ర్యాంకులో ఎటువంటి మార్పులు చోటు చేసుకోలేదు. అంతర్జాతీయ క్రికెట్ మండలి(ఐసీసీ) వన్డే ర్యాంకింగ్స్లో ధోని సేన నాల్గో స్థానంలోనే కొనసాగుతోంది. ఈ వన్డే సిరీస్కు ముందు నాల్గో స్థానంలో భారత జట్టు బరిలోకి దిగగా, న్యూజిలాండ్ మూడో స్థానంలో పోరుకు సిద్ధమైంది. అయితే న్యూజిలాండ్పై వన్డే సిరీస్ ను మ్యాచ్ తో తేడాతో భారత్ గెలవడంతో ఆ జట్టు నుంచి వన్డే ర్యాంకును మాత్రం సొంతం చేసుకోలేకపోయింది. ప్రస్తుతం  ఇరు జట్లు తమ తమ స్థానాల్లో పదిలంగా ఉన్నాయి.
 
 ఈ సిరీస్ తరువాత భారత క్రికెట్ జట్టు కేవలం ఒక రేటింగ్ పాయింట్ మాత్రమే మెరుగుపరుచుకోగా, అదే సమయంలో న్యూజిలాండ్ ఒక పాయింట్ ను మాత్రమే చేజార్చుకుంది. ఇప్పుడు భారత జట్టు 111 రేటింగ్ పాయింట్లతో నాల్గో స్థానంలోనే కొనసాగుతుండగా, న్యూజిలాండ్ 112 రేటింగ్ పాయింట్లతో మూడో స్థానంలోనే ఉంది. ఈ సిరీస్ను భారత్ 4-1తో గెలిచి ఉంటే వన్డే ర్యాంకింగ్స్లో మూడో స్థానంలో నిలిచేది. ప్రస్తుతం భారత జట్టుకు వన్డే మ్యాచ్లు లేకపోవడంతో చాలా కాలం ఇదే స్థానంలో కొనసాగే అవకాశం ఉంది. ప్రస్తుతం వన్డేల్లో ఆస్ట్రేలియా తొలి స్థానంలో, దక్షిణాఫ్రికా రెండో స్థానంలో కొనసాగుతున్నాయి.


 ధర్మశాల: న్యూజిలాండ్తో ఇక్కడ హిమాచల్ ప్రదేశ్ క్రికెట్ అసోసియేషన్ స్టేడియంలో జరుగుతున్న తొలి వన్డేలో భారత్ టాస్ గెలిచి ఫీల్డింగ్ ఎంచుకుంది. ఈ మ్యాచ్ ద్వారా హార్దిక్ పాండ్యా వన్డేల్లో అరంగేట్రం చేయనున్నాడు. తొలి వన్డేకు సురేష్ రైనా ఎంపికైనా వైరల్ ఫీవర్ కారణంగా దూరం కావడంతో హార్దిక్ పాండ్యాను తుది జట్టులోకి తీసుకున్నారు. ఇప్పటికే టీ 20ల్లో ఆడిన అనుభవం ఉన్న హార్దిక్ కు వన్డేల్లో తొలిసారి అవకాశం కల్పిస్తూ సెలక్టర్లు నిర్ణయం తీసుకున్నారు. మరోవైపు న్యూజిలాండ్ ఫాస్ట్ బౌలర్లు ట్రెంట్ బౌల్ట్, మాట్ హెన్రీలకు విశ్రాంతినిచ్చింది. ధర్మశాల పిచ్ స్పిన్నర్లకు పెద్దగా అనుకూలించే అవకాశం లేకపోవడంతో టాస్ గెలిచిన భారత్ మొదటి ఫీల్డింగ్ ఎంచుకుంది.
 
 భారత తుది జట్టు ఇదే: ఎంఎస్ ధోని(కెప్టెన్), రోహిత్ శర్మ, అజింక్యా రహానే, విరాట్ కోహ్లి, మనీష్ పాండే, కేదర్ జాదవ్, హార్దిక్ పాండ్యా, అక్షర్ పటేల్, అమిత్ మిశ్రా, ఉమేష్ యాదవ్, జస్ప్రిత్ బూమ్రా
 
 న్యూజిలాండ్ తుది జట్టు:కేన్ విలియమ్సన్(కెప్టెన్), మార్టిన్ గప్టిల్, టామ్ లాధమ్, రాస్ టేలర్, కోరీ అండర్సన్, ల్యూక్ రోంచీ, జేమ్స్ నీషమ్, మిచెల్ సాంట్నార్, టిమ్ సౌతీ, బ్రాస్ వెల్, ఇష్ సోథీ


 కేప్టౌన్:ఇటీవల కాలంలో వన్డే క్రికెట్ లో క్లీన్ స్వీప్ల సీజన్ నడుస్తోంది. గత కొద్ది రోజుల క్రితం పాకిస్తాన్తో జరిగిన మూడు వన్డే సిరీస్లో వెస్టిండీస్ వైట్ వాష్ అయితే, తాజాగా దక్షిణాఫ్రికాతో జరిగిన ఐదు వన్డేల సిరీస్ లో ఆసీస్ వైట్ వాష్ అయ్యింది. దాంతో ఐదు వన్డేల సిరీస్ లో ఒక్క గెలుపు కూడా లేకుండా వైట్ వాష్  అయిన అప్రథను ఆసీస్ తొలిసారి మూటగట్టుకోగా, ఆసీస్ పై ఈ సుదీర్ఘ సిరీస్ను దక్షిణాఫ్రికా క్లీన్ స్వీప్ చేసి సరికొత్త చరిత్రను లిఖించింది.
  
 ఇదిలా ఉండగా, ప్రధాన వన్డే జట్లలో ఐదు వన్డేల సిరీస్ను అత్యధికసార్లు కోల్పోయిన జట్లలో జింబాబ్వే తొలిస్థానంలో ఉండగా, ఆసీస్ చివరి స్థానంలో ఉంది. ఐదు వన్డేల సిరీస్ ను ఇప్పటివరకూ జింబాబ్వే ఎనిమిదిసార్లు వైట్ వాష్ కాగా, వెస్టిండీస్ ఆరు వైట్ వాష్లతో రెండో స్థానంలో ఉంది. ఆ తరువాత న్యూజిలాండ్ నాలుగుసార్లు, ఇంగ్లండ్ మూడుసార్లు వైట్ వాష్ అయ్యాయి. అయితే ఐదు వన్డేల ద్వైపాక్షిక సిరీస్ లో భారత్, బంగ్లాదేశ్లు తలో రెండు సార్లు వైట్ వాష్ అయ్యాయి. కాగా, పాకిస్తాన్, శ్రీలంక, దక్షిణాఫ్రికా, కెన్యాలు ఒకసారి మాత్రమే ఐదు వన్డేల సిరీస్ లో వైట్ వాష్ అయ్యాయి. దాంతో ఐదు వన్డేల సిరీస్ లో వైట్ వాష్ అయిన జట్ల సరసన ప్రస్తుతం నంబర్ వన్ స్థానంలో ఉన్న ఆసీస్ కూడా చేరిపోయి ఆ జాబితాలో చివరిస్థానంలో నిలిచింది.
 
 ఓవరాల్ గా వన్డే సిరీస్ లో ఆసీస్ వైట్ వాష్ కావడం ఇది ఏడోసారి. చివరిసారి 2012లో ఇంగ్లండ్ తో  జరిగిన నాలుగు వన్డేల సిరీస్ లో ఆసీస్ వైట్ వాష్ కాగా, 2006-07 సీజన్ లో న్యూజిలాండ్ 3-0తో ఆసీస్ ను క్లీన్ స్వీప్ చేసింది. 1982-83 సీజన్ లో పాకిస్తాన్, శ్రీలంక చేతిలో ఆసీస్ వైట్ వాష్ అయ్యింది. అంతకుముందు 1980లో ఇంగ్లండ్ 2-0తో ఆసీస్ పై గెలిచింది. 1997లో మరోసారి ఇంగ్లండ్ 3-0తో ఆసీస్ ను క్లీన్ స్వీప్ చేసింది.


 కేప్ టౌన్:దక్షిణాఫ్రికా క్రికెట్ జట్టు సరికొత్త చరిత్ర సృష్టించింది. ఆసీస్తో జరిగిన ఐదు వన్డేల సిరీస్ను వైట్ వాష్ చేసి కొత్త అధ్యాయాన్ని లిఖించింది. ఆసీస్తో ఇంతకుమునుపెన్నడూ సాధించని ఈ సుదీర్ఘ వన్డే సిరీస్ను క్లీన్ స్వీప్ చేసిన రికార్డును సఫారీలు ఎట్టకేలకు సాధించారు. ఆస్ట్రేలియాతో బుధవారం రాత్రి జరిగిన డే అండ్ నైట్ వన్డేలో దక్షిణాఫ్రికా 31 పరుగుల తేడాతో విజయం సాధించడంతో అరుదైన ఘనతను సొంతం చేసుకుంది.
  
 ఈ మ్యాచ్ లో టాస్ గెలిచి తొలుత బ్యాటింగ్ చేసిన దక్షిణాఫ్రికా నిర్ణీత ఓవర్లలో ఎనిమిది వికెట్ల నష్టానికి 327 పరుగులు చేసింది. దక్షిణాఫ్రికా మిడిల్ ఆర్డర్ ఆటగాడు రస్క్వో(122;118 బంతుల్లో 14 ఫోర్లు, 2 సిక్సర్లు)తో శతకం సాధించగా, జేపీ డుమినీ(73;75 బంతుల్లో 8 ఫోర్లు) బాధ్యతాయుతంగా ఆడాడు. అనంతరం మిల్లర్(39) ఫర్వాలేదనిపించడంతో దక్షిణాఫ్రికా భారీ లక్ష్యాన్ని ఆసీస్ ముందుంచింది.
 
 అనంతరం బ్యాటింగ్ దిగిన ఆస్ట్రేలియాకు డేవిడ్ వార్నర్- ఫించ్లు మంచి ఆరంభాన్నిచ్చారు. ఈ జోడి తొలి వికెట్ కు 72 పరుగులు జోడించిన తరువాత ఫించ్(19) వెనుదిరిగాడు. అయితే ఆపై వెంటనే కెప్టెన్ స్టీవ్ స్మిత్ డకౌట్ గా పెవిలియన్ చేరగా, మరో మూడు పరుగుల వ్యవధిలో జార్జ్ బెయిలీ(2)కూడా నిష్క్రమించాడు. దాంతో కష్టాల్లో పడిన ఆసీస్ ను మిచెల్ మార్ష్(35), హెడ్(35)లు ఆదుకునే యత్నం చేశారు. అయినప్పటికీ లక్ష్యం భారీగా ఉండటంతో ఆసీస్ 48.2 ఓవర్లలో 296 పరుగులకే పరిమితమై ఓటమి పాలైంది. దాంతో దక్షిణాఫ్రికా 5-0 తేడాతో సిరీస్ ను కైవసం చేసుకుంది.


 మిర్పూర్:మూడు వన్డేల సిరీస్లో భాగంగా ఇక్కడ ఆదివారం రాత్రి జరిగిన రెండో వన్డేలో ఇంగ్లండ్కు బంగ్లాదేశ్ షాకిచ్చింది. బంగ్లాదేశ్ విసిరిన 239 పరుగుల లక్ష్యాన్ని ఛేదించడంలో చతికిలబడిన ఇంగ్లండ్ 34 పరుగుల తేడాతో ఓటమి పాలైంది. బంగ్లా పేస్ బౌలర్ల అటాక్ కు విలవిల్లాడిన ఇంగ్లండ్ 44.4 ఓవర్లలో 204 పరుగులకే పరిమితమై ఓటమి పాలైంది. బంగ్లా బౌలర్లు మష్రాఫ్ మోర్తజా నాలుగు వికెట్లతో ఇంగ్లండ్ పతనాన్ని శాసించగా, మరో పేసర్ తస్కిన్ అహ్మద్ మూడు వికెట్లు సాధించాడు.
  
 ఇంగ్లండ్ 26 పరుగులకే నాలుగు వికెట్లు కోల్పోయి కష్టాల్లో పడిన సమయంలో బెయిర్ స్టో(35), బట్లర్(57)లు రాణించడంతో కాస్త తేరుకున్నట్లు కనిపించింది. కాగా, వరుస విరామాల్లో వికెట్లను కోల్పోయిన ఇంగ్లండ్ విజయాన్ని మాత్రం అందుకోలేకపోయింది. ఇంగ్లండ్ మిగతా ఆటగాళ్లలో రషిద్(33 నాటౌట్), బాల్(28) మోస్తరుగా రాణించారు.
 
 అంతకుముందు టాస్ ఓడి బ్యాటింగ్ చేసిన బంగ్లాదేశ్ 50.0 ఓవర్లలో ఎనిమిది వికెట్లు కోల్పోయి 238 పరుగులు చేసింది. బంగ్లా ఆటగాళ్లలో మొహ్మదుల్లా(75), మోర్తజా(44)లు రాణించారు. ఈ తాజా విజయంతో బంగ్లాదేశ్ సిరీస్ ను 1-1 తో సమం చేసింది. తొలి వన్డేలో ఇంగ్లండ్ గెలిచిన సంగతి తెలిసిందే. మూడో వన్డే బుధవారం జరుగనుంది.
  


 స్డేడియంలో ఆటగాళ్ల ప్రాక్టీసులు, అనంతరం మ్యాచ్ లు ఆడటం చూస్తాంటాం. మరి క్రికెట్ స్టేడియంలో ఆర్మీ జవాన్లు ఎందుకున్నారు అని సందేహం వచ్చిందా? మీ అనుమానం నిజమే. క్రికెటర్లకు రక్షణ కల్పిస్తామన్న ధీమా కల్పించేందుకు ప్రస్తుతం బంగ్లాదేశ్ ఆర్మీ తీవ్రంగా శ్రమిస్తోంది. అసలు విషయం ఏంటంటే.. బంగ్లాదేశ్ రాజధాని ఢాకాలో జూలై 1న ఉగ్రవాదులు, ఒక భారతీయ యువతి సహా 22 మందిని దారుణంగా గొంతులు కోసి చంపిన సంగతి తెలిసిందే. ఈ క్రమంలో బంగ్లాదేశ్-ఇంగ్లండ్ జట్ల మధ్య సిరీస్ షెడ్యూల్ ఉంది.
 
 ఉగ్రదాడులు జరిగిన ప్రాంతంలో మళ్లీ అదే తరహా దాడులు పునరావృతమవుతాయని ఇంగ్లండ్ ఆటగాళ్లు మొదట పలు సందేహాలు వ్యక్తంచేశారు. కానీ, చివరికి బంగ్లా ఆర్మీ సహాయం తీసుకుని ఇంగ్లండ్ ఆటగాళ్లకు రక్షణ కల్పిస్తామని బంగ్లా క్రికెట్ బోర్డు హామితో అంతా ఓకే అయింది. గత శనివారం జరిగిన మూడో వన్డేలో నెగ్గిన బంగ్లా 2-1 తేడాతో అఫ్ఘానిస్తాన్‌ పై కైవసం చేసుకున్న ఆనందంలో ఉండగా.. మరోవైపు పర్యాటక ఇంగ్లండ్ జట్టు మాత్రం కాస్త బెరుకుగా ఉంది.
 
 ఈ నేపథ్యంలో బంగ్లా ఆర్మీ కమాండోల పర్యవేక్షణలో ఇరుజట్ల ఆటగాళ్లు ప్రాక్టీస్ చేశారు. ఢాకా లోని షేర్ ఏ బంగ్లా స్డేడియంలో ఈ జట్ల మధ్య శుక్రవారం రాత్రి తొలి వన్డే జరగనుంది. గతంలో పాకిస్తాన్ లో లంక ఆటగాళ్లపై దాడులు జరిగడంతో ఇప్పటివరకూ ఏ జట్టు పాక్ లో ఆడటానికి సముఖత చూపడం లేదన్న విషయం తెలిసిందే. బంగ్లా మాత్రం అలాంటి వాటికి తావివ్వకుండా తమ దేశంలో మ్యాచ్ లను నిర్వహించాలని ముందడుగు వేసింది.


 అబుదాబి:వెస్టిండీస్ తో జరిగిన మూడు వన్డేల సిరీస్లో పాకిస్తాన్ ఆటగాడు బాబర్ అజామ్ అరుదైన మైలురాయిని నమోదు చేశాడు. మూడు మ్యాచ్ల వన్డే సిరీస్ లో భాగంగా ప్రతీ మ్యాచ్ల్లోనూ శతకాలు చేసిన రెండో ఆటగాడిగా బాబర్ నిలిచాడు. విండీస్ తో జరిగిన మూడో వన్డేలో కూడా బాబర్(117) శతకంతో రాణించి పాక్ సిరీస్ సాధించడంలో కీలక పాత్ర పోషించాడు. ఈ సిరీస్ తొలి రెండు వన్డేల్లో బాబర్(120, 123) రెండు సెంచరీలతో మెరిశాడు.  అంతకుముందు 2013-14 సీజన్లో భారత్ తో జరిగిన మూడు మ్యాచ్ల వన్డే సిరీస్ లోదక్షిణాఫ్రికా ఆటగాడు డీ కాక్ ఈ ఘనతను సాధించాడు.
 
 బుధవారం రాత్రి జరిగిన చివరి దైన మూడో వన్డేలో పాక్ ఆటగాళ్లు అజర్ అలీ(101)తో పాటు బాబర్ కూడా సెంచరీ సాధించాడు. దాంతో పాకిస్తాన్ నిర్ణీత ఓవర్లో ఆరు వికెట్ల నష్టానికి 308 పరుగులు నమోదు చేసింది. అనంతరం బ్యాటింగ్ దిగిన వెస్టిండీస్ 44.0 ఓవర్లలో 172 పరుగులకే ఆలౌట్ కావడంతో 136 పరుగుల తేడాతో ఘోర ఓటమి చెందింది.  కనీసం చివరి మ్యాచ్లో గెలిచి పరువు నిలపుకుందామని భావించిన విండీస్ కు  మరో వైట్ వాష్ తప్పలేదు. ఇరు జట్ల మధ్య జరిగిన టీ 20 సిరీస్ లో కూడా విండీస్ వైట్ వాష్ అయిన సంగతి తెలిసిందే.


 డర్బన్: ఆస్ట్రేలియాతో జరిగిన మూడో వన్డేలోనూ సఫారీలు సింహనాదం చేశారు.  ఆసీస్ విసిరిన 372 పరుగుల లక్ష్యాన్ని అలవోకగా ఛేదించారు..  తొలుత డీకాక్,   హషీమ్ ఆమ్లాలు స్కోరు బోర్డును పరుగులు పెట్టిస్తే,  ఆ తరువాత డేవిడ్ మిల్లర్ వీరవిహారం చేశాడు.  మిల్లర్(118 నాటౌట్: 79 బంతుల్లో 10 ఫోర్లు, 6 సిక్సర్లు)తో విజృంభించి అజేయ శతకంతో విజయంలో కీలక పాత్ర పోషించాడు. ప్రత్యేకంగా మిల్లర్ దెబ్బకు ఆసీస్ ఊచకోతకు గురై హ్యాట్రిక్ ఓటమితో సిరీస్ ను చేజార్చుకుంది.
 
 
 బుధవారం రాత్రి జరిగిన మ్యాచ్లో భారీ లక్ష్యంతో బ్యాటింగ్ ప్రారంభించిన దక్షిణాఫ్రికాకు డీ కాక్ (70;49 బంతుల్లో 6 ఫోర్లు, 2 సిక్సర్లు)  ఓపెనర్ హషీమ్ ఆమ్లా(45;30 బంతుల్లో 9 ఫోర్లు) శుభారంభాన్నిచ్చారు. వీరిద్దరూ దూకుడుగా ఆడి తొలి వికెట్ కు 66 పరుగుల భాగస్వామ్యాన్ని నమోదు చేశారు. అయితే ఆమ్లా తొలి వికెట్ గా అవుటైన తరువాత డీ కాక్ మరింత రెచ్చిపోయాడు. గత మ్యాచ్ల్లో శతకంతో కదం తొక్కిన డీ కాక్.. మరోసారి ఆసీస్ బౌలింగ్ను కకావికలం చేశాడు.  అతనికి జతగా డు ప్లెసిస్(33;32 బంతుల్లో 4 ఫోర్లు) చక్కటి సహకారం అందించాడు. ఈ జోడి ఎప్పుడూ రన్ రేట్ తగ్గకుండా ఆసీస్ పై ఒత్తిడి తెచ్చింది. అయితే డు ప్లెసిస్ అవుటైన స్వల్ప వ్యవధిలో డీకాక్, రస్కో(18) లు పెవిలియన్ చేరడంతో ఆసీస్ ఊపిరి పీల్చుకుంది. ఆ తరుణంలో క్రీజ్ లో కి వచ్చిన మిల్లర్ ఆసీస్ పై ఎదురుదాడికి దిగాడు. బౌండరీలే లక్ష్యంగా విధ్వంసకర ఆట తీరును ప్రదర్శించాడు. ప్రత్యేకంగా ఫెహుల్వాయో(42 నాటౌట్:39 బంతుల్లో 4 ఫోర్లు, 2 సిక్సర్లు)తో కలిసి స్కోరు బోర్డులో వేగం పెంచాడు. వీరిద్దరూ కలిసి వందకు పైగా పరుగుల భాగస్వామ్యం నమోదు చేయడంతో దక్షిణాఫ్రికా ఇంకా నాలుగు బంతులు మిగిలి ఉండగానే ఆరు వికెట్లను కోల్పోయి  విజయాన్ని అందుకుంది. దాంతో ఐదు వన్డేల సిరీస్ను దక్షిణాఫ్రికా 3-0 తో కైవసం చేసుకుంది.  
 
 
 అంతకుముందు టాస్ గెలిచి బ్యాటింగ్ ఎంచుకున్న ఆసీస్ నిర్ణీత ఓవర్లలో ఆరు వికెట్లు కోల్పోయి 371 పరుగులు చేసింది.  ఆసీస్ ఆటగాళ్లలో డేవిడ్ వార్నర్(117;107 బంతుల్లో 13 ఫోర్లు, 2 సిక్సర్లు), స్టీవ్ స్మిత్(108; 107 బంతుల్లో 9 ఫోర్లు, 1 సిక్స్) శతకాలతో రాణించారు.


 అబుధాబి: వెస్టిండీస్ తో జరుగుతున్న వన్డే సిరీస్ మూడో వన్డేకు పాకిస్తాన్ పేస్ బౌలర్ మొహమ్మద్ ఆమిర్ దూరం కానున్నాడు. తన తల్లికి తీవ్ర ఆనారోగ్యంగా ఉందన్న వార్త తెలియగానే ఆమిర్ పాక్ కు బయలుదేరాడని పాక్ క్రికెట్ బోర్డు వెల్లడించింది. ప్రస్తుతం ఆమిర్ తల్లి ఆరోగ్య పరిస్థితి చాలా సీరియస్ గా ఉందని బోర్డు ఓ ప్రకటనలో పేర్కొంది. ఆమెకు ఓ ప్రైవేట్ ఆస్పత్రిలో చికిత్స అందిస్తున్నారు. దీంతో బుధవారం వెస్టిండీస్ తో జరగనున్న చివరిదైన మూడో వన్డేకు అతడు దూరం అవుతున్నాడు. ఆమిర్ స్థానంలో రహత్ అలీ, సోహైల్ ఖాన్ లలో ఒకరికి మూడో వన్డేలో ఆడే అవకాశం దక్కనుంది.
 
 ఈ సిరీస్ లో రెండు వన్డేల్లో కలిపి పాక్ పేసర్ ఆమీర్ రెండు వికెట్లు తీశాడు. పాక్ బ్యాట్స్‌మన్ బాబర్ ఆజమ్ రెండు వన్డేల్లోనూ విజృంభించి సెంచరీలు చేయడంతో మరో వన్డే మిగిలి ఉండగానే 2-0తో సిరీస్ కైవసం చేసుకున్న విషయం తెలిసిందే. నామమాత్రమైన మూడో వన్డే బుధవారం అబుదాభిలో జరగనుంది. పరిస్థితులు చక్కబడితే.. అక్టోబర్ 13నుంచి మొదలుకానున్ను టెస్ట్ సిరీస్ సమయానికి ఆమిర్ జట్టులో చేరే అవకాశం ఉందని బోర్డు సభ్యులు చెప్పారు.


 షార్జా: వెస్టిండీస్‌తో జరుగుతున్న వన్డే సిరీస్‌లోనూ పాకిస్తాన్ జోరు కొనసాగిస్తోంది. ఇప్పటికే మూడు టి20ల సిరీస్‌ను క్లీన్‌స్వీప్ చేసిన ఈ జట్టు ఇప్పుడు మూడు వన్డేల సిరీస్‌ను కూడా 2-0తో దక్కించుకుంది. రేపు (బుధవారం) అబుదాబిలో నామమాత్రమైన చివరి వన్డే జరుగుతుంది. వన్‌డౌన్ బ్యాట్స్‌మన్ బాబర్ ఆజమ్ (126 బంతుల్లో 123; 9 ఫోర్లు, 1 సిక్స్) వరుసగా రెండో సెంచరీతో అదరగొట్టగా... ఆదివారం జరిగిన రెండో వన్డేలో పాక్ 59 పరుగుల తేడాతో నెగ్గింది. షోయబ్ మాలిక్ (84 బంతుల్లో 90; 3 ఫోర్లు, 6 సిక్సర్లు), సర్ఫరాజ్ అహ్మద్ (47 బంతుల్లో 60 నాటౌట్; 7 ఫోర్లు) మెరుపు ఆటతీరుతో ముందుగా బ్యాటింగ్‌కు దిగిన పాక్ 50 ఓవర్లలో ఐదు వికెట్లకు 337 పరుగులు చేసింది.
 
 విండీస్ 50 ఓవర్లలో ఏడు వికెట్లకు 278 పరుగులు చేసి ఓడింది. డారెన్ బ్రేవో (74 బంతుల్లో 61; 5 ఫోర్లు, 3 సిక్సర్లు), మార్లన్ శామ్యూల్స్ (52 బంతుల్లో 57; 4 ఫోర్లు, 2 సిక్సర్లు) మాత్రమే ఆకట్టుకున్నారు. రియాజ్‌కు రెండు వికెట్లు దక్కాయి.


 షార్జా: వెస్టిండీస్ తీరు మారలేదు. పాకిస్తాన్తో జరిగిన ట్వంటీ 20 సిరీస్లో వైట్ వాష్ అయిన విండీస్.. వన్డే సిరీస్ ను కూడా ఘోర ఓటమితోనే ఆరంభించింది. పాకిస్తాన్ తో శుక్రవారం రాత్రి జరిగిన తొలి వన్డేలో విండీస్ 111 పరుగుల తేడాతో భారీ ఓటమి చవి చూసింది. పాక్ విసిరిన 285 పరుగుల లక్ష్యాన్ని ఛేదించే క్రమంలో విండీస్ 38.4 ఓవర్లలో 175 పరుగులకే పరిమితమై ఘోర పరాజయం పాలైంది. దీంతో మూడు వన్డేల సిరీస్ లో పాక్ 1-0 ఆధిక్యం సాధించింది.
 
 
 విండీస్ ఆటగాళ్లలో మార్లోన్ శ్యామ్యూల్స్(43), సునీల్ నరైన్(23), చార్లెస్(20)మినహా ఎవరూ చెప్పుకోదగ్గ స్కోరు సాధించలేదు.  పాక్ స్పిన్నర్ మొహ్మద్ నవాజ్ విండీస్ బ్యాటింగ్ ఆర్డర్ ను కకావికలం చేశాడు. నవాజ్ 10.0 ఓవర్లలో 42 పరుగులిచ్చి నాలుగు వికెట్లతో విండీస్ పతనాన్ని శాసించాడు. అతనికి జతగా పేసర్ హసన్ అలీ మూడు వికెట్లతో సత్తా చాటాడు.
 
 అంతకుముందు టాస్ ఓడి తొలుత బ్యాటింగ్ చేసిన పాకిస్తాన్ 49.0 ఓవర్లలో తొమ్మిది వికెట్ల నష్టానికి 284 పరుగులు చేసింది. పాక్ ఆటగాడు బాబర్ అజమ్(120) శతకంతో రాణించగా, ఓపెనర్ షర్జిల్ ఖాన్(54) హాఫ్ సెంచరీతో ఆకట్టుకున్నాడు. బ్యాడ్ లైట్ కారణంగా మ్యాచ్ ను 49.0 ఓవర్లకు కుదించారు.


 ఇంగ్లండ్ పర్యటనలో భాగంగా టెస్టుల్లో ఆతిథ్య జట్టుకు ధీటుగా జవాబిచ్చిన పాకిస్తాన్ వన్డే సిరీస్ లో మాత్రం ఘోర వైఫల్యాలను చవిచూస్తోంది. టెస్ట్ సిరీస్ 2-2తో సమమైన విషయం తెలిసిందే. అయితే వన్డేల్లో వరుస ఓటములతో పాక్ రోజురోజుకు దిగజారిపోతోంది. నేడు(ఆదివారం) ఇంగ్లండ్, పాక్ మధ్య ఐదో వన్డే కార్డిఫ్ లో జరగనుంది. అయితే ఇప్పటికే ఐదు వన్డేల సిరీస్ను 4-0 తో కోల్పోయిన పాక్ కనీసం చివరి వన్డేలోనైనా నెగ్గి పరువు నిలుపుకోవాలని భావిస్తోంది.
 ప్రతి వన్డేలోనూ ఇంగ్లండ్ ఆటగాళ్లు చెలరేగి ఆడుతుండటంతో వరుస విజయాలతో ఆతిథ్య జట్టు ముందుకెళ్తుంటే పాక్ మాత్రం ఆటతీరును మెరుగు పరుచుకోవడం లేదు. ఒకవేళ ఈ చివరి వన్డేలోనూ ఓటమిపాలైనతే ఐదు వన్డేల సిరీస్లో పాక్ జట్టుకు ఇది మూడో వైట్ వాష్ అవుతుంది. పాక్ వన్డే చరిత్రలో ఐదు వన్డేల సిరీస్లో రెండు జట్లు పాక్ను క్లీన్ స్వీప్ చేశాయి. 1988లో వెస్టిండీస్ చేతిలో తొలిసారి, ఆస్ట్రేలియా చేతిలో 2010లో ఒకసారి పాక్ వైట్ వాష్ కు గురైంది. నేటి వన్డేలో గెలవని పక్షంలో పాక్ జట్టు వన్డే చరిత్రలో మూడోసారి ఘోర పరాభవాన్ని చవిచూడక తప్పదు.


 లీడ్స్: స్వదేశంలో పాకిస్తాన్తో జరుగుతున్న వన్డే సిరీస్లో ఇంగ్లండ్ తన జైత్రయాత్ర కొనసాగిస్తోంది. ఐదు వన్డేల సిరీస్లో భాగంగా నాల్గో వన్డేలో కూడా విజయం సాధించిన ఇంగ్లండ్ సిరీస్లో తిరుగులేని ఆధిక్యంలో నిలిచింది. పాకిస్తాన్తో ఇక్కడ గురువారం జరిగిన డే అండ్ నైట్ మ్యాచ్ లో  ఇంగ్లండ్ కు పాక్ నిర్దేశించిన విజయ లక్ష్యం 248.  గత మూడు వన్డేల్లో గెలిచి మంచి ఊపుమీద ఉన్నఇంగ్లండ్కు ఇది ఏమాత్రం పెద్ద లక్ష్యం కాదు. అయితే 72 పరుగులకే నాలుగు కీలక వికెట్లను కోల్పోయిన ఇంగ్లండ్ ఒక్కసారిగా కష్టాల్లో పడింది. ఆ సమయంలో బెన్ స్టోక్స్, బెయిర్ స్టోల జోడి పాకిస్తాన్ పై ఎదురుదాడికి దిగింది. ఒకవైపు మిడిల్ ఆర్డర్ బ్యాట్స్ మన్ బెయిర్ స్టో(61;83 బంతుల్లో 4 ఫోర్లు, 1 సిక్స్) ఆకట్టుకోగా, ఆల్ రౌండర్ బెన్ స్టోక్స్(69;70 బంతుల్లో 6 ఫోర్లు, 2 సిక్పర్లు) తనదైన శైలిలో అలరించాడు.
  
 ఈ జోడి 103 పరుగుల భాగ్వస్యామ్యం జోడించిన అనంతరం స్టోక్స్ ఐదో వికెట్ గా వెనుదిరగగా, ఆ తరువాత బెయిర్ స్టో-మొయిన్ అలీ(45 నాటౌట్) జంట 53 పరుగులు నమోదు చేసింది. దీంతో ఇంగ్లండ్ ఇంకా రెండు ఓవర్లు ఉండగానే ఆరు వికెట్లు కోల్పోయి లక్ష్యాన్ని ఛేదించింది. అంతకుముందు టాస్ గెలిచిన పాకిస్తాన్ తొలుత బ్యాటింగ్ చేసి 247 పరుగులు చేసింది. పాకిస్తాన్ ఆటగాళ్లలో అజహర్ అలీ(80), ఇమాద్ వసీమ్(57 నాటౌట్)లు రాణించారు. ఈ  సిరీస్లో ఇప్పటివరకూ ఓటమి లేకుండా ఇంగ్లండ్ 4-0తో ముందంజలో ఉండగా, పాకిస్తాన్ మాత్రం బోణి కొట్టడానికి అపసోపాలు పడుతోంది.
  


 * నాలుగో వన్డేలో శ్రీలంకపై ఇంగ్లండ్ విజయం
 * 2-0తో సిరీస్ కైవసం
 లండన్: జాసన్ రాయ్ (118 బంతుల్లో 162; 13 ఫోర్లు, 3 సిక్సర్లు) సంచలన ఇన్నింగ్స్‌తో ఇంగ్లండ్ జట్టు శ్రీలంకపై 305 పరుగుల లక్ష్యాన్ని అలవోకగా ఛేదించింది. కెన్సింగ్టన్ ఓవల్ మైదానంలో బుధవారం జరిగిన నాలుగో వన్డేలో ఇంగ్లండ్ ఆరు వికెట్లతో (డక్‌వర్త్ లూయిస్ పద్ధతిలో)  గెలిచింది. శ్రీలంక ఇన్నింగ్స్‌లో వర్షం కారణంగా 42 ఓవర్లకు కుదించిన ఈ మ్యాచ్‌లో... తొలుత లంక 5 వికెట్లకు 305 పరుగుల భారీస్కోరు సాధించింది. గుణతిలక (62), మెండిస్ (77), చండిమల్ (63), మాథ్యూస్ (67) అర్ధశతకాలతో రాణించారు.
 
 ఇంగ్లండ్ బౌలర్లలో విల్లీ, ఆదిల్ రషీద్ చెరో రెండు వికెట్లు తీశారు. డక్‌వర్త్ లూయిస్ పద్ధతి ప్రకారం ఇంగ్లండ్‌కు 42 ఓవర్లలో 308 పరుగుల లక్ష్యాన్ని నిర్దేశించగా... ఆ జట్టు 40.1 ఓవర్లలో నాలుగు వికెట్లకు 309 పరుగులు చేసి గెలిచింది. రాయ్‌తో పాటు రూట్ (54 బంతుల్లో 65; 9 ఫోర్లు) రాణించాడు. ఇంగ్లండ్‌కు వన్డేల్లో ఇది రెండో అత్యుత్తమ లక్ష్యఛేదన. ఈ మ్యాచ్‌లో 162 పరుగులు చేయడం ద్వారా జాసన్ రాయ్ ఇంగ్లండ్ తరఫున రెండో అత్యధిక వ్యక్తిగత స్కోరు సాధించాడు. ఈ రికార్డు రాబిన్ స్మిత్ (167 నాటౌట్) పేరిట ఉంది. ఐదు వన్డేల సిరీస్‌ను మరో మ్యాచ్ మిగిలుండగానే ఇంగ్లండ్ 2-0తో గెలుచుకుంది. ఒకవన్డే టై కాగా, మరో వన్డే రద్దయింది. సిరీస్‌లో చివరి వన్డే శనివారం జరుగుతుంది.


 లండన్: 306 పరుగుల లక్ష్యాన్ని ఇంగ్లండ్ ఊదిపారేసింది.  ఓపెనర్ జాసన్ రాయ్(162;118 బంతుల్లో 13 ఫోర్లు, 3 సిక్సర్లు)  విధ్వంసకర ఆటకు, జో రూట్(65;54 బంతుల్లో 9ఫోర్లు) సమయోచిత బ్యాటింగ్ తోడు కావడంతో శ్రీలంకపై ఇంగ్లండ్ ఘన విజయం సాధించింది.  ఐదు వన్డేల సిరీస్లో భాగంగా బుధవారం రాత్రి జరిగిన నాల్గో వన్డేలో ఇంగ్లండ్ ఆరు వికెట్ల తేడాతో అద్భుతమైన విజయాన్ని నమోదు చేసింది.
 
 
 టాస్ గెలిచిన ఇంగ్లండ్ తొలుత శ్రీలంకను బ్యాటింగ్కు ఆహ్వానించింది. దీంతో బ్యాటింగ్ కు దిగిన లంకేయులు నిర్ణీత 42.0ఓవర్లలో 305 పరుగుల భారీ స్కోరు నమోదు చేశారు. శ్రీలంక ఆటగాళ్లలో గుణ తిలక(62),కుశాల్ మెండిస్(77), చండిమల్(63), కెప్టెన్ మాథ్యూస్(67 నాటౌట్)లు రాణించడంతో ఆ జట్టు భారీ స్కోరు సాధించింది. అనంతరం బ్యాటింగ్కు దిగిన ఇంగ్లండ్ ఆదిలోనే ఓపెనర్ మొయిన్ అలీ(2) వికెట్ను కోల్పోయింది.
  
 ఆ తరుణంలో మరో ఓపెనర్ జాసన్ రాయ్-జో రూట్ జోడి లంక బౌలర్లపై విరుచుకుపడింది. ఈ జోడీ రెండో వికెట్కు 149 పరుగుల భాగస్వామ్యాన్ని నమోదు చేసిన అనంతరం రూట్ పెవిలియన్ చేరాడు. అయితే జాసన్ రాయ్ 74 బంతుల్లోనే  సెంచరీ నమోదు చేయడంతో ఇంగ్లండ్ స్కోరు బోర్డు వేగంగా కదిలింది. అతనికి కెప్టెన్ ఇయాన్ మోర్గాన్(22) సహకారం అందించడంతో ఇంగ్లండ్ 30.0 ఓవర్లలో మూడు వికెట్ల నష్టానికి 221 పరుగులు చేసింది. అదే క్రమంలో భారీ శతకాన్ని నమోదు చేసిన రాయ్ ఇంగ్లండ్ స్కోరు 281 పరుగుల వద్ద పెవిలియన్ చేరాడు. ఇక చివర్లో బెయిర్ స్టో(29నాటౌట్), బట్లర్(17 నాటౌట్) బాధ్యాతయుతంగా ఆడి ఇంగ్లండ్ను ఇంకా 11 బంతులుండగానే విజయానికి చేర్చారు. దీంతో ఇంగ్లండ్ సిరీస్ను 2-0తో చేజిక్కించుకుంది. ఈ సిరీస్లో తొలి వన్డే టై కాగా, రెండో వన్డేలో ఇంగ్లండ్ విజయం సాధించింది. మూడో వన్డే వర్షం వల్ల రద్దయ్యింది. ఈ మ్యాచ్ కు వర్షం అంతరాయం కల్గించడంతో 42.0 ఓవర్లకు కుదించారు.
  


 బ్రిస్టల్: ఐదు వన్డేల సిరీస్లో భాగంగా శ్రీలంకతో ఆదివారం ఇక్కడ జరుగుతున్న మూడో వన్డేలో ఇంగ్లండ్ టాస్ గెలిచి ఫీల్డింగ్ ఎంచుకుంది. ఇప్పటికే 1-0 ఆధిక్యంలో ఉన్న ఇంగ్లండ్ ఈ మ్యాచ్లో కూడా గెలిచి పైచేయి సాధించాలని భావిస్తోంది. మరోవైపు రెండో వన్డేలో ఘోర పరాజయన్ని ఎదుర్కొన్న లంకేయులు బోణీ చేయాలని భావిస్తున్నారు. తొలి వన్డేలో శ్రీలంక భారీ స్కోరు చేసిన ఆ మ్యాచ్ టైగా ముగిసింది. దీంతో గెలుపు కోసం మాథ్యూస్ సేన ఎదురుచూస్తోంది.
 
 ఇదిలా ఉండగా రెండో వన్డేలో ఇంగ్లండ్ రికార్డు విజయాన్ని సాధించిన సంగతి తెలిసిందే.255 పరుగుల లక్ష్యాన్ని వికెట్ కోల్పోకుండా ఛేదించి కొత్త రికార్డు నమోదు చేసింది.  ఓపెనర్లు అలెక్స్ హేల్స్(133 నాటౌట్;110 బంతుల్లో 10 ఫోర్లు,6 సిక్సర్లు), జాసన్ రాయ్(112 నాటౌట్;95 బంతుల్లో 7 ఫోర్లు, 4 సిక్సర్లు) చెలరేగి ఇంగ్లండ్కు పది వికెట్ల విజయాన్ని అందించారు. తద్వారా వన్డేల్లో వికెట్ కోల్పోకుండా 256 పరుగుల లక్ష్యాన్ని ఛేదించి కొత్త రికార్డు నమోదు చేశారు. దీంతో అంతకుముందు వన్డేల్లో న్యూజిలాండ్ వికెట్ కోల్పోకుండా  ఛేదించిన రికార్డు తెరమరుగైంది. అలాగే ఇంగ్లండ్ తరఫున ఏ వికెట్‌కైనా ఇదే అత్యుత్తమ భాగస్వామ్యం. గతం (2010)లో స్ట్రాస్, ట్రాట్ రెండో వికెట్‌కు 250 పరుగులు జోడించారు.


 ► హేల్స్, రాయ్ శతకాలు
 ► శ్రీలంకతో రెండో వన్డే
  
 బర్మింగ్‌హామ్:  ఓపెనర్లు అలెక్స్ హేల్స్ (110 బంతుల్లో 133 నాటౌట్; 10 ఫోర్లు, 6 సిక్సర్లు), జేసన్ రాయ్ (95 బంతుల్లో 112 నాటౌట్; 7 ఫోర్లు, 4 సిక్సర్లు) అద్భుత శతకాలతో రెచ్చిపోయారు. దీంతో శుక్రవారం శ్రీలంకతో జరిగిన రెండో వన్డేలో ఇంగ్లండ్ 10 వికెట్ల తేడాతో ఘనవిజయం సాధించింది. అలాగే ఐదు వన్డేల సిరీస్‌లో ఆతిథ్య జట్టు 1-0తో ఆధిక్యంలో నిలిచింది. తొలి వన్డే టైగా ముగిసింది. ముందుగా బ్యాటింగ్‌కు దిగిన లంక 50 ఓవర్లలో ఏడు వికెట్లకు 254 పరుగులు చేసింది.
 
 తరంగ (49 బంతుల్లో 53 నాటౌట్; 5 ఫోర్లు; 1 సిక్స్), చండిమాల్ (86 బంతుల్లో 52; 3 ఫోర్లు) అర్ధ సెంచరీలు చేయగా మాథ్యూస్ (54 బంతుల్లో 44; 3 ఫోర్లు), పెరీరా (45 బంతుల్లో 37; 3 ఫోర్లు) ఫర్వాలేదనిపించారు. ప్లంకెట్, రషీద్‌లకు రెండేసి వికెట్లు దక్కాయి. అనంతరం బ్యాటింగ్‌కు దిగిన ఇంగ్లండ్.. ఓపెనర్ల సూపర్ బ్యాటింగ్‌తో 34.1 ఓవర్లలో 256 పరుగులు చేసి నెగ్గింది. దీంతో ఒక్క వికెట్ కోల్పోకుండా 250కిపైగా పరుగులు చేసి గెలిచిన జట్టుగా రికార్డు సృష్టించింది. గతేడాది జింబాబ్వేపై న్యూజిలాండ్ 236 పరుగులు చేసి నెగ్గింది. అలాగే ఇంగ్లండ్ తరఫున ఏ వికెట్‌కైనా ఇదే అత్యుత్తమ భాగస్వామ్యం. గతం (2010)లో స్ట్రాస్, ట్రాట్ రెండో వికెట్‌కు 250 పరుగులు జోడించారు.


 బర్మింగ్హమ్: ఐదు వన్డేల సిరీస్లో భాగంగా శ్రీలంకతో జరిగిన రెండో వన్డేలో ఇంగ్లండ్ సరికొత్త రికార్డు సృష్టించింది. 255 పరుగుల లక్ష్యాన్ని వికెట్ కోల్పోకుండా ఛేదించి కొత్త రికార్డు నమోదు చేసింది.  ఓపెనర్లు అలెక్స్ హేల్స్(133 నాటౌట్;110 బంతుల్లో 10 ఫోర్లు,6 సిక్సర్లు), జాసన్ రాయ్(112 నాటౌట్;95 బంతుల్లో 7 ఫోర్లు, 4 సిక్సర్లు) చెలరేగి ఇంగ్లండ్కు పది వికెట్ల విజయాన్ని అందించారు. తద్వారా వన్డేల్లో వికెట్ కోల్పోకుండా 256 పరుగుల లక్ష్యాన్ని ఛేదించి కొత్త రికార్డు నమోదు చేశారు. దీంతో అంతకుముందు వన్డేల్లో న్యూజిలాండ్ వికెట్ కోల్పోకుండా  ఛేదించిన రికార్డు తెరమరుగైంది. 2015లో జింబాబ్వేపై న్యూజిలాండ్ 236 పరుగుల లక్ష్యాన్ని ఛేదించింది.
 
 
 శుక్రవారం జరిగిన డే అండ్ నైట్ మ్యాచ్లో టాస్ గెలిచి బ్యాటింగ్ ఎంచుకున్న శ్రీలంక నిర్ణీత ఓవర్లలో ఏడు వికెట్లకు 254 పరుగులు చేసింది. శ్రీలంక ఆటగాళ్లలో చండిమాల్(52), కెప్టెన్ ఏంజెలా మాథ్యూస్(44), ఉపుల్ తరంగా(55 నాటౌట్) రాణించి జట్టుకు గౌరవప్రదమైన స్కోరును సాధించారు. అనంతరం బ్యాటింగ్ దిగిన ఇంగ్లండ్ ఆది నుంచి శ్రీలంకపై విరుచుకుపడింది. జాసన్ రాయ్, అలెక్స్ల జోడి దూకుడు ఆడటంతో ఇంగ్లండ్ 34.1 ఓవర్లలోనే విజయాన్ని అందుకుంది.  దీంతో ఐదు వన్డేల సిరీస్లో ఇంగ్లండ్ 1-0 ఆధిక్యం సాధించింది. తొలి వన్డే టైగా ముగిసిన సంగతి తెలిసిందే.


  తొలి టి20లో భారత్ ఓటమి రెండు పరుగులతో గెలిచిన జింబాబ్వే
  
 భారత్ గెలవాలంటే 6 బంతుల్లో 8 పరుగులు కావాలి. క్రీజులో సూపర్ ఫినిషర్ ధోనితో పాటు అక్షర్ పటేల్ ఉన్నాడు... మామూలుగా అయితే ఈ జోడీకిది పెద్ద స్కోరు కాదు... అందులోనూ బౌలింగ్ వేయడానికి వచ్చిన మద్జీవా కూడా ఓవర్‌కు 9కి పైగా పరుగులు ఇచ్చాడు. దీంతో ఇక భారత్ గెలుపు నల్లేరు మీద నడకే అనుకుంటున్న తరుణంలో జింబాబ్వే అనూహ్యంగా షాకిచ్చింది. క్రీజులో ఉన్న ధోనికి సరైన అవకాశం ఇవ్వకుండా ఇతర బ్యాట్స్‌మెన్‌ను కట్టడి చేసి కేవలం ఐదు పరుగులతోనే సరిపెట్టింది. దీంతో ఈ టూర్‌లో భారత్‌కు తొలి ఓటమి ఎదురైంది.
  
  
 హరారే:  వన్డే సిరీస్‌ను క్లీన్‌స్వీప్ చేసి ఊపుమీదున్న భారత్‌ను జింబాబ్వే ఒకే ఒక్క మ్యాచ్‌తో కిందకు దించింది. అన్ని రంగాల్లో సమష్టిగా రాణిస్తూ టి20 సిరీస్‌లో శుభారంభం చేసింది. చిగుంబురా (26 బంతుల్లో 54 నాటౌట్; 1 ఫోర్, 7 సిక్సర్లు) సంచలన బ్యాటింగ్‌తో... శనివారం జరిగిన తొలి మ్యాచ్‌లో జింబాబ్వే 2 పరుగుల తేడాతో భారత్‌పై గెలిచింది. దీంతో మూడు మ్యాచ్‌ల సిరీస్‌లో ఆతిథ్య జట్టు 1-0 ఆధిక్యంలో నిలిచింది. టాస్ ఓడి బ్యాటింగ్‌కు దిగిన జింబాబ్వే 20 ఓవర్లలో 6 వికెట్లకు 170 పరుగులు చేసింది. తర్వాత భారత్ 20 ఓవర్లలో 6 వికెట్లకు 168 పరుగులు మాత్రమే చేసింది. మనీష్ పాండే (35 బంతుల్లో 48; 1 ఫోర్, 3 సిక్సర్లు) టాప్ స్కోరర్. సిరీస్‌లో రెండో టి20 మ్యాచ్ సోమవారం జరుగుతుంది.
 
 
  సిక్సర్ల జాతర...
  అనుభవం లేని భారత కుర్ర పేసర్లపై ఓపెనర్ మసకద్జా మూడు భారీ సిక్సర్లతో విరుచుకుపడ్డా... ఐదో ఓవర్‌లో బుమ్రా దెబ్బకు వికెట్ సమర్పించుకున్నాడు. తర్వాతి ఓవర్‌లో ముతుబామి (0) రిటైర్డ్‌హర్ట్‌గా వెనుదిరిగాడు. అయితే పవర్‌ప్లేలో వికెట్ నష్టానికి 41 పరుగులు చేసిన జింబాబ్వే.. ఏడో ఓవర్‌లో చిబాబా (19 బంతుల్లో 20; 3 ఫోర్లు) వికెట్‌ను చేజార్చుకుంది. ఈ దశలో రజా (18 బంతుల్లో 20; 2 ఫోర్లు), వాలర్ (30) సింగిల్స్‌తో పాటు వీలైనప్పుడల్లా బౌండరీలు బాదుతూ రన్‌రేట్ తగ్గకుండా చూశారు. ఈ ఇద్దరు మూడో వికెట్‌కు 34 బంతుల్లో 47 పరుగులు జత చేశారు. ఆఖర్లో చిగుంబురా భారత బౌలర్ల దుమ్ముదులిపాడు. ఏడు సిక్సర్లు బాది 25 బంతుల్లోనే అర్ధసెంచరీ పూర్తి చేశాడు. ఫలితంగా చివరి ఆరు ఓవర్లలో ఏకంగా 70 పరుగులు సాధించాడు.  
 
 
 
  మనీష్ హవా...
  వన్డే సిరీస్‌లో విశేషంగా రాణించిన లోకేశ్ రాహుల్ (0) తొలి బంతికే డకౌట్ అయినా... మన్‌దీప్ సింగ్, రాయుడు (16 బంతుల్లో 19; 4 ఫోర్లు) ఒకర్నిమించి ఒకరు బౌండరీలు బాదారు. అయితే ఆరో ఓవర్‌లో రాయుడు అనూహ్యంగా అవుట్‌కావడంతో రెండో వికెట్‌కు 44 పరుగుల భాగస్వామ్యం ముగిసింది. ఈ దశలో మనీష్ పాండే నిలకడైన బ్యాటింగ్‌తో ఆకట్టుకున్నా.. రెండో ఎండ్‌లో మన్‌దీప్ వికెట్ చేజార్చుకున్నాడు. ఇక కేదార్ జాదవ్ (19), మనీష్‌లు సింగిల్స్‌కు పరిమితమైనా.. చెరో సిక్సర్ బాది ఒత్తిడిని తగ్గించుకున్నారు. నాలుగో వికెట్‌కు 37 పరుగులు జోడించాకా జాదవ్ అవుటయ్యాడు. అప్పటికి జట్టు స్కోరు 90/4. తర్వాత ధోని (19 నాటౌట్) అండతో మనీష్ సిక్సర్లతో రెచ్చిపోయాడు. చకచకా ఐదో వికెట్‌కు 53 పరుగులు జత చేసి వెనుదిరిగాడు. దీంతో స్కోరు 143/5కి చేరుకుంది. ఇక 12 బంతుల్లో 21 పరుగులు చేయాల్సిన దశలో అక్షర్ పటేల్ (18)... 19వ ఓవర్‌లో 13 పరుగులు రాబట్టినా... ఆఖరి ఓవర్‌లో పేలవమైన బ్యాటింగ్‌తో భారత్ బోల్తా పడింది.
 
  
 ► 2 టి20ల్లో భారత్‌పై జింబాబ్వేకిది వరుసగా రెండో విజయం. గతేడాది జులై 19న హరారేలోనే జరిగిన మ్యాచ్‌లో జింబాబ్వే 10 పరుగులతో నెగ్గింది.
  
 ► 1 టి20ల్లో ఒకే మ్యాచ్‌లో భారత్ తరఫున ఐదుగురు ఆటగాళ్లు (రిషి ధావన్, మన్‌దీప్ సింగ్, ఉనాద్కట్, రాహుల్, చాహల్) అరంగేట్రం చేయడం ఇదే తొలిసారి.
  
 ► 1 టి20 మ్యాచ్‌లో తొలి బంతికే భారత్ వికెట్ కోల్పోవడం ఇదే మొదటిసారి.
  
  
 స్కోరు వివరాలు
 జింబాబ్వే ఇన్నింగ్స్: చిబాబా (బి) ధావన్ 20; మసకద్జా (సి) ధోని (బి) బుమ్రా 25; ముతుబామి రిటైర్డ్ హర్ట్ 0; సికిందర్ రజా రనౌట్ 20; వాలర్ (బి) చాహల్ 30; ముటోంబోది (సి) ధావన్ (బి) పటేల్ 3; చిగుంబురా నాటౌట్ 54; క్రెమర్ (సి) ధావన్ (బి) బుమ్రా 4; మద్జీవా నాటౌట్ 5; ఎక్స్‌ట్రాలు: 9; మొత్తం: (20 ఓవర్లలో 6 వికెట్లకు) 170.
 
 వికెట్ల పతనం: 1-33; 2-50; 3-97; 4-98; 5-111; 6-130.
 
 బౌలింగ్: ఉనాద్కట్ 4-0-43-0; రిషీ ధావన్ 4-0-42-1; బుమ్రా 4-1-24-2; అక్షర్ పటేల్ 4-0-18-1; చాహల్ 4-0-38-1.
 
 భారత్ ఇన్నింగ్స్: రాహుల్ (బి) తిరిపానో 0; మన్‌దీప్ (సి) ముటోంబోడి (బి) చిబాబా 31; రాయుడు (బి) చిబాబా 19; మనీష్ పాండే (సి) తిరిపానో (బి) ముజురబాని 48; కేదార్ జాదవ్ (బి) ముజురబాని 19; ధోని నాటౌట్ 19; అక్షర్ పటేల్ (సి) సబ్ మసకద్జా (బి) మద్జీవా 18; రిషీ ధావన్ నాటౌట్ 1; ఎక్స్‌ట్రాలు: 13; మొత్తం: (20 ఓవర్లలో 6 వికెట్లకు) 168.
 
 వికెట్ల పతనం: 1-0; 2-44; 3-53; 4-90; 5-143; 6-164.
 బౌలింగ్: తిరిపానో 4-0-35-1; మద్జీవా 4-0-34-1; ముజురబాని 4-0-31-2; చిబాబా 2-0 -13-2; రజా 3-0-18-0; క్రెమెర్ 3-0-35-0.


 రెండు పరుగులు చేస్తే భారత్ గెలుస్తుంది... కానీ సిక్సర్ కొడితే రికార్డు సృష్టించొచ్చు. ఇలాంటి స్థితిలో భారత ఓపెనర్ లోకేశ్ రాహుల్ సంచలన షాట్ ఆడాడు. సిక్సర్ బాది సెంచరీ పూర్తి చేసుకుని... అరంగేట్రంలోనే సెంచరీ చేసిన తొలి భారత క్రికెటర్‌గా రికార్డు సృష్టించాడు. బౌలింగ్‌లో బుమ్రా విజృంభణ, బ్యాటింగ్‌లో టాపార్డర్ నిలకడతో జింబాబ్వేతో తొలి వన్డేలో భారత్ 9 వికెట్లతో ఘన విజయం సాధించింది.
  
 * అరంగేట్రంలోనే సెంచరీ చేసిన తొలి భారత క్రికెటర్‌గా రికార్డు
 * చెలరేగిన బుమ్రా, రాణించిన రాయుడు
 * జింబాబ్వేపై 9 వికెట్లతో భారత్ విజయం
 హరారే: జింబాబ్వే పర్యటనలో భారత జట్టు శుభారంభం చేసింది. లోకేశ్ రాహుల్ (115 బంతుల్లో 100 నాటౌట్; 7 ఫోర్లు, 1సిక్సర్) అజేయ సెంచరీకి... రాయుడు  (120 బంతుల్లో 60; 5 ఫోర్లు) నిలకడ తోడవడంతో ధోనిసేన 9 వికెట్ల తేడాతో జింబాబ్వేపై ఘనవిజయం సాధించింది.
 
 హరారే స్పోర్ట్స్ క్లబ్‌లో శనివారం జరిగిన మ్యాచ్‌లో టాస్ ఓడి తొలుత బ్యాటింగ్‌కు దిగిన జింబాబ్వే 49.5 ఓవర్లలో 168 పరుగులకే అలౌటైంది. చిగుంబురా (65 బంతుల్లో 41; 1 ఫోర్) ఒక్కడే చెప్పుకోదగ్గ స్కోరు సాధించాడు. భారత బౌలర్లలో జస్‌ప్రీత్ బుమ్రా (4/28) అద్భుతంగా రాణించగా... ధవల్ కులకర్ణి, బరిందర్ శరణ్ చెరో రెండు వికెట్లను దక్కించుకున్నారు.
 
 అనంతరం బ్యాటింగ్‌కు దిగిన టీమిండియా 42.3 ఓవర్లలోనే వికెట్ నష్టానికి 173 పరుగులు చేసి విజయం సాధించింది. జింబాబ్వే బౌలర్ చటారాకు ఒక వికెట్ దక్కింది. మూడు వన్డేల సిరీస్‌లో భారత్ 1-0 ఆధిక్యంలో ఉంది. రెండో వన్డే సోమవారం జరుగుతుంది.
  
 తడబడిన జింబాబ్వే: ఈ మ్యాచ్ ద్వారా భారత్ తరఫున రాహుల్, చాహల్, కరుణ్ నాయర్ వన్డేల్లో అరంగేట్రం చేశారు. భారత బౌలర్లంతా ఆరంభం నుంచి కట్టుదిట్టంగా బౌలింగ్ చేయడంతో ఏ దశలోనూ జింబాబ్వే ఇన్నింగ్స్ సాఫీగా సాగలేదు. పేసర్ల నిలకడతో ఒక దశలో 77 పరుగులకే ఐదు వికెట్లు కోల్పోయిన జింబాబ్వేను చిగుంబుర, రజా (23) కలిసి ఆదుకున్నారు. అయినా భారత బౌలర్లు వరుస విరామాల్లో వికెట్లు తీయడంతో జింబాబ్వే స్వల్ప స్కోరుకే పరిమితమయింది.
  
 రికార్డు సెంచరీ: కెరీర్‌లో తొలి వన్డే ఆడిన కరుణ్ నాయర్ (7) నిరాశ పరిచినా... మరో ఓపెనర్ లోకేశ్ రాహుల్ నిలకడగా ఆడాడు. రాయుడు, రాహుల్ నిలదొక్కుకునే వరకూ బాగా నెమ్మదిగా ఆడటంతో ఇన్నింగ్స్ నత్తనడకన సాగింది. ఒకసారి కుదురుకున్నాక రాహుల్ వేగం పెంచాడు.
 
 దీంతో 57 బంతుల్లో తన అర్ధసెంచరీ పూర్తయింది. రెండో ఎండ్‌లో రాయుడు పూర్తిగా సింగిల్స్‌కే పరిమితమై రాహుల్‌కు స్ట్రయికింగ్ ఇచ్చాడు. 93 బంతుల్లో అర్ధసెంచరీ చేసిన రాయుడు... ఇన్నింగ్స్ చివరి దశలో రాహుల్ సెంచరీ కోసం సింగిల్స్‌తో, కొన్నిసార్లు పరుగు తీయకుండా సహకరించాడు. సిక్సర్‌తో సెంచరీ మార్కును చేరిన రాహుల్ భారత విజయాన్ని పూర్తి చేశాడు. రాహుల్, రాయుడు రెండో వికెట్‌కు అజేయంగా 162 పరుగులు జోడించడం విశేషం.
  
 స్కోరు వివరాలు:-
 జింబాబ్వే ఇన్నింగ్స్: పీటర్ మూర్ ఎల్బీడబ్ల్యు (బి) శరణ్ 3; చిబాబా (బి) బుమ్రా 13; మసకద్జ (సి) ధోని (బి) కులకర్ణి 14; ఎర్విన్ (సి) సబ్ ఫజల్ (బి) పటేల్ 21; సిబంద (సి) ధోని (బి) బుమ్రా 5; సికందర్ (బి) శరణ్ 23; చిగుంబురా (బి) బుమ్రా 41; ముతుంబామి (సి) రాహుల్ (బి) చహల్ 15; క్రీమర్ (బి) కులకర్ణి 8; చటారా (సి) రాయుడు (బి) బుమ్రా 4; ముజారాబాని (నాటౌట్) 1; ఎక్స్‌ట్రాలు 20; మొత్తం (49. 5 ఓవర్లలో ఆలౌట్) 168.  వికెట్ల పతనం: 1- 8; 2- 30; 3- 47; 4-69; 5-77; 6-115; 7- 140; 8- 156; 9- 167; 10- 168.
  బౌలింగ్: కులకర్ణి 10-1-42-2; శరణ్ 10-0-42-2; బుమ్రా 9.5-2-28-4; పటేల్ 10-1-26-1; చహల్ 10-1-27-1.
  
 భారత్ ఇన్నింగ్స్: రాహుల్ (నాటౌట్) 100; నాయర్ (సి) సికందర్ (బి) చటారా 7; రాయుడు (నాటౌట్) 62; ఎక్స్‌ట్రాలు 4; మొత్తం (42.3 ఓవర్లలో వికెట్ నష్టానికి) 173.  వికెట్ల పతనం: 1-11.
  బౌలింగ్: చటారా 7-1-20-1; ముజారాబాని 6-0-18-0; చిబాబా 8-1-14-0; క్రీమర్ 10-0-47-0; చిగుంబురా 4-0-34-0; సికందర్ 5-0-20-0; మసకద్జా 2.3-0-19-0.


 హరారే: మూడు వన్డేల సిరీస్లో భాగంగా జింబాబ్వేతో శనివారం జరిగిన తొలి వన్డేలో భారత ఓపెనర్ కేఎల్ రాహుల్ రికార్డులు మోతెక్కించాడు. తన అరంగేట్రం మ్యాచ్లోనే సెంచరీ సాధించిన తొలి భారత బ్యాట్స్‌మన్‌గా రాహుల్ సరికొత్త ఫీట్ను నమోదు చేశాడు. తొలుత 58 బంతుల్లో అర్థశతకాన్ని సాధించిన కేఎల్ రాహుల్.. మొత్తం 115 బంతుల్లో ఏడు ఫోర్లు, ఒక సిక్సర్ సాయంతో సెంచరీ పూర్తిచేశాడు.
  
 ఆద్యంతం నిలకడను ప్రదర్శించిన రాహుల్.. అజేయ శతకంతో ఆకట్టుకున్నాడు. టీమిండియా విజయానికి కేవలం రెండు పరుగులు మాత్రమే అవసరమైన తరుణంలో సిక్సర్ కొట్టి రాహుల్ సెంచరీ సాధించాడు. తద్వారా తన మొదటి వన్డేలో సెంచరీ చేసిన భారత బ్యాట్స్‌మన్‌గా రాహుల్ రికార్డును నమోదు చేశాడు.  అంతకుముందు 2006 లో ఇండోర్ లో ఇంగ్లండ్ తో జరిగిన వన్డేలో రాబిన్ ఊతప్ప తన తొలి వన్డేలో నమోదుచేసిన రికార్డు తెరమరుగైంది. ఆ మ్యాచ్లో ఉతప్ప ఓపెనర్ గా వచ్చి 86 పరుగులు చేశాడు. ఆ ఘనతను దాదాపు పదేళ్ల తర్వాత కేఎల్ రాహుల్ సవరించడమే కాకుండా,  అరంగేట్రంలోనే సెంచరీ సాధించిన ఓపెనర్ గా, బ్యాట్స్ మెన్ గా రికార్డు సాధించాడు.  ఈ మ్యాచ్లో భారత్ తొమ్మిది వికెట్ల తేడాతో విజయం సాధించింది. కేఎల్ రాహుల్ (100 నాటౌట్;115 బంతుల్లో 7 ఫోర్లు, 1సిక్స్) శతకంతో రాణించగా, అంబటి రాయుడు (62 నాటౌట్;120 బంతుల్లో 5 ఫోర్లు)  హాఫ్ సెంచరీ నమోదు చేశాడు.


 హరారే:  జింబాబ్వే పర్యటనలో భాగంగా మహేంద్ర సింగ్ ధోని నేతృత్వంలోని యువకులతో కూడిన భారత క్రికెట్ జట్టు కొత్త సవాల్ కు సిద్ధమైంది.  తన రిజర్వ్ బెంచ్ను పరీక్షించుకునే క్రమంలో జింబాబ్వే పర్యటనకు వెళ్లి న భారత జట్టు తన అదృష్టాన్ని పరీక్షించుకోనుంది.  ఈ టూర్లో కెప్టెన్ ధోని మినహా  దాదాపు అంతా కొత్త వారే కావడంతో భారత జట్టు ఎంతవరకూ రాణిస్తుందనేది ఆసక్తికరంగా మారింది. రేపట్నుంచి ఇరు జట్ల మధ్య మూడు వన్డేల సిరీస్ ఆరంభం కానుంది.  భారత కాలమాన ప్రకారం శుక్రవారం  మధ్యాహ్నం గం.12.30 ని.లకు హరారే స్పోర్ట్స్ క్లబ్లో ఇరు జట్ల మధ్య  తొలి వన్డే జరుగునుంది.
 
 అంతకుముందు వరుసగా 2013, 2015 సంవత్సరాల్లో జరిగిన వన్డే సిరీస్ల్లో జింబాబ్వేను భారత జట్టు క్లీన్స్వీప్ చేసిన సంగతి తెలిసిందే. 2013 లో విరాట్ కోహ్లి నేతృత్వంలోని భారత జట్టు 5-0 తో వన్డే సిరీస్ గెలిస్తే, 2015లో అజింక్యా రహానే సారథ్యంలోని టీమిండియా 3-0 తో సిరీస్ను వైట్ వాష్ చేసింది. అయితే తాజా పర్యటనలో ప్రధాన ఆటగాళ్లకు విశ్రాంతినివ్వడంతో భారత జట్టుకు కఠిన పరీక్ష తప్పకపోవచ్చు. అటు జింబాబ్వే పసికూనగా కనిపిస్తున్నా, సంచలన విజయాలు నమోదు చేయడంలో ఆ జట్టు ఎప్పుడూ ముందుంటుంది. దీంతో ధోని అండ్ గ్యాంగ్ ఏమాత్రం అలసత్వం ప్రదర్శించకుండా ఆడితేనే జింబాబ్వేపై విజయాలు సాధ్యమవుతాయి. ప్రస్తుత భారత జట్టు ఐదుగురు ఆటగాళ్లు తొలిసారి అంతర్జాతీయ మ్యాచ్ల్లో అరంగేట్రం చేయబోతున్నారు.  వీరిలో యుజ్వేంద్వ చాహల్, ఫయాజ్ ఫజల్, మన్ దీప్ సింగ్, కరుణ్ నాయర్, జయంత్ యాదవ్లు భారత జెర్సీని  మొదటిసారి ధరించనున్నారు. అయితే మరో యువ క్రికెటర్ లోకేష్ రాహుల్లు కూడా అంతర్జాతీయ అనుభవం తక్కువగానే చెప్పాలి. కేవలం టెస్టు మ్యాచ్లు మాత్రమే ఆడిన రాహుల్.. జింబాబ్వే పర్యటన ద్వారా వన్డేల్లో అరంగేట్రం చేయబోతున్నాడు. ఇదిలా ఉండగా జింబాబ్వే పర్యటనకు వెళ్లిన భారత జట్టులో ధోని తో పాటు, అంబటి రాయుడు, అక్షర్ పటేల్ కు మాత్రమే అంతర్జాతీయంగా ఆడిన అనుభవం ఉంది.
 
 మరోవైపు ధోని కూడా జింబాబ్వే పర్యటనకు వెళ్లి దాదాపు 11 ఏళ్లు కావడం విశేషం.  అంతర్జాతీయ క్రికెట్లోకి అడుగుపెట్టిన తొలినాళ్లలో జింబాబ్వే పర్యటనకు వెళ్లిన ధోని ఆ తరువాత అక్కడకు వెళ్లలేదు. 2005లో  సౌరవ్ గంగూలీ సారథ్యంలో పర్యటించిన భారత జట్టుతో పాటు చివరిసారి ధోని అక్కడకు వెళ్లాడు. ఈ నేపథ్యంలో ధోని కూడా జింబాబ్వే పర్యటన కొత్తదనే చెప్పాలి. దీంతో సరికొత్త జట్టుకు ధోని ఏ వ్యూహ రచనతో సిద్ధం చేస్తాడో వేచి చూడాల్సిందే.


 ► దక్షిణాఫ్రికాపై నాలుగు వికెట్లతో విండీస్ విజయం 
 ► ముక్కోణపు వన్డే సిరీస్
  
 ప్రావిడెన్స్ (గయానా): దక్షిణాఫ్రికా, ఆస్ట్రేలియాలతో జరుగుతున్న ముక్కోణపు వన్డే సిరీస్‌లో వెస్టిండీస్ శుభారంభం చేసింది. స్పిన్నర్ సునీల్ నరైన్ (6/27) కెరీర్‌లో అత్యుత్తమ బౌలింగ్‌తో చెలరేగడంతో శుక్రవారం దక్షిణాఫ్రికాతో జరిగిన డే అండ్ నైట్ మ్యాచ్‌లో విండీస్ 4 వికెట్ల తేడాతో నెగ్గింది. గత 15 ఏళ్లలో తమ సొంతగడ్డపై విండీస్ జట్టు సఫారీలపై నెగ్గడం ఇదే తొలిసారి. టాస్ గెలిచి బ్యాటింగ్‌కు దిగిన దక్షిణాఫ్రికా 46.5 ఓవర్లలో 188 పరుగులకు ఆలౌట్ అయ్యింది. వివాదాస్పద బౌలింగ్‌తో జాతీయ జట్టుకు దూరమైన నరైన్ ఏడు నెలల అనంతరం ఆడిన తొలి అంతర్జాతీయ మ్యాచ్‌లోనే ప్రత్యర్థిని బెంబేలెత్తించాడు.
 
 ఒక దశలో 160 పరుగులకు నాలుగు వికెట్లతో పటిష్టంగా ఉన్న సఫారీలు మరో 22 పరుగులకే చివరి ఆరు వికెట్లను కోల్పోవాల్సి వచ్చింది. రోసో (83 బంతుల్లో 61; 2 ఫోర్లు) అర్ధ సెంచరీ చేశాడు. డివిలియర్స్ (49 బంతుల్లో 31)తో కలిసి మూడో వికెట్‌కు 78 పరుగులు జోడించాడు. బ్రాత్‌వైట్‌కు రెండు వికెట్లు దక్కాయి.
 
 అనంతరం బ్యాటింగ్‌కు దిగిన విండీస్ 48.1 ఓవర్లలో 191 పరుగులు చేసి గెలిచింది. 76 పరుగులకే నాలుగు వికెట్లు కోల్పోయిన దశలో కీరన్ పొలార్డ్ (67 బంతుల్లో 67 నాటౌట్; 2 ఫోర్లు; 6 సిక్సర్లు) అద్భుతంగా ఆడాడు. చార్లెస్ (52 బంతుల్లో 31; 4 ఫోర్లు), డారెన్ బ్రేవో (69 బంతుల్లో 30; 2 ఫోర్లు) రాణించారు. ఫంగిసోకు మూడు, తాహిర్‌కు రెండు వికెట్లు దక్కాయి. నేడు (ఆదివారం) ఆస్ట్రేలియాతో విండీస్ తలపడుతుంది.


 రాంచీ: మరోసారి ఆల్రౌండ్ షోతో అదరగొట్టిన భారత మహిళలు.. శ్రీలంకతో జరిగిన మూడో వన్డేలోనూ ఘన విజయం సాధించి సిరీస్ను క్లీన్ స్వీప్ చేశారు. మూడు వన్డేల సిరీస్లోభాగంగా శుక్రవారం ఇక్కడ ఇరు జట్ల మధ్యజరిగిన చివరి మ్యాచ్లో భారత్ ఏడు వికెట్ల తేడాతో గెలుపొందింది.  తద్వారా భారత్ సిరీస్ను 3-0తో వైట్ వాష్ చేసింది. తొలుత టాస్ గెలిచిన శ్రీలంక మహిళలు బ్యాటింగ్ చేసి 38.2 ఓవర్లలో 112 పరుగులకే చాపచుట్టేశారు. శ్రీలంక మహిళల్లో యశోదా మెండిస్(15),ప్రసాదని వీరక్కోడి(19), శశకళా సిరివర్ధనే(14) లు తీవ్రంగా నిరాశపరిచారు. శ్రీలంక తరపున సురంగికా చేసిన 23 పరుగులే అత్యధిక స్కోరు కావడం గమనార్హం.
 
 అనంతరం స్వల్ప లక్ష్యంతో బ్యాటింగ్ చేపట్టిన భారత్ 18 పరుగులకే రెండు వికెట్లు కోల్పోయి కష్టాల్లో పడింది.  ఆ తరుణంలో వేదా కృష్ణమూర్తి(61నాటౌట్) హాఫ్ సెంచరీతో రాణించగా, దీప్తి శర్మ(28) ఫర్వాలేదనిపించడంతో జట్టు స్కోరు ముందుకు కదిలింది. ఈ జోడీ మూడో వికెట్కు 70 పరుగుల భాగస్వామ్యాన్ని నెలకొల్పడంతో భారత్ 29.3 ఓవర్లలో మూడు వికెట్లు కోల్పోయి లక్ష్యాన్ని చేరుకుంది. తొలి మ్యాచ్ లో భారత మహిళలు 107 పరుగులతో విజయం సాధించగా, రెండో మ్యాచ్ లో ఆరు వికెట్ల తేడాతో గెలుపొందిన సంగతి తెలిసిందే.


 కేప్టౌన్:ఇంగ్లండ్తో జరిగిన ఐదు వన్డేల సిరీస్ను దక్షిణాఫ్రికా కైవసం చేసుకుంది. దీనిలో భాగంగా ఆదివారం ఇక్కడ జరిగిన చివరి వన్డేలో సఫారీలు ఐదు వికెట్ల తేడాతో విజయం సాధించి సిరీస్ ను 3-2 తేడాతో చేజిక్కించుకుంది. కెప్టెన్ ఏబీ డివిలియర్స్(101;97 బంతుల్లో 11 ఫోర్లు,1 సిక్స్) అజేయ శతకంతో రాణించి విజయంలో సహకరించాడు.
 
 ఇంగ్లండ్ విసిరిన 237 పరుగుల లక్ష్యాన్ని ఛేదించే క్రమంలో దక్షిణాఫ్రికాకు ఆదిలోనే ఎదురుదెబ్బ తగిలింది.  డీకాక్(4), డుప్లెసిస్(0), రాసోవ్(4)లు వరుసగా పెవిలియన్ కు చేరడంతో సఫారీలు 22 పరుగులకే మూడు వికెట్లను కోల్పోయారు. అయితే ఆ తరుణంలో క్రీజ్ లో ఉన్న హషీమ్ ఆమ్లాకు ఏబీ డివిలియర్స్ జతకలవడంతో స్కోరు బోర్డు ముందుకు కదిలింది. ఈ జోడీ 125 పరుగుల భాగస్వామ్యాన్ని నమోదు చేసి జట్టును పటిష్టస్థితికి చేర్చింది. ఈ క్రమంలోనే ఆమ్లా(59) హాఫ్ సెంచరీ సాధించాడు. అనంతరం డివిలియర్స్ కు వైజ్(41నాటౌట్) చక్కటి సహకారం అందించడంతో దక్షిణాఫ్రికా 44. 0 ఓవర్లలో ఐదు వికెట్లు కోల్పోయి విజయం సాధించింది. అంతకుముందు టాస్ ఓడి బ్యాటింగ్ చేసిన ఇంగ్లండ్ 45.0 ఓవర్లలో 236 పరుగులకు ఆలౌటయ్యింది. ఇంగ్లండ్ ఆటగాళ్లలో హేల్స్(112) శతకం సాధించాడు.


 హోబార్ట్:మూడు వన్డేల సిరీస్లో భాగంగా ఆస్ట్రేలియా మహిళలతో జరిగిన చివరి మ్యాచ్ లో భారత మహిళలు సత్తా చాటారు. భారత మహిళలు 232 పరుగుల లక్ష్యాన్ని 47.0 ఓవర్లలో ఐదు వికెట్ల నష్టానికి ఛేదించి క్లీన్ స్వీప్ చేయాలనుకున్న ఆసీస్ను అడ్డుకున్నారు. భారత ఓపెనర్ మందనా(55) హాఫ్ సెంచరీతో రాణించగా,  మరో ఓపెనర్ వేదా కృష్ణమూర్తి(12) నిరాశపరిచింది. ఆ తరువాత కెప్టెన్ మిథాలీ రాజ్(89) బాధ్యాతయుత ఇన్నింగ్స్ ఆడటంతో స్కోరు బోర్డు ముందుకు కదిలింది. రెండో వికెట్ కు 58 పరుగులు భాగస్వామ్యాన్ని నెలకొల్పిన మిథాలీ.. మూడో వికెట్ కు 71 పరుగుల భాగస్వామ్యాన్ని సాధించడంలో సహకరించింది.
  
 అయితే భారత స్కోరు 196 పరుగుల వద్ద ఉండగా మిథాలీ రాజ్ రనౌట్ రూపంలో పెవిలియన్ కు చేరింది. అప్పటికి భారత్ విజయానికి 46 పరుగులు అవసరం కాగా, ఎనిమిదికిపైగా ఓవర్లున్నాయి. ఆ తరుణంలో పూనమ్ రౌత్(24 నాటౌట్), శిఖా పాండే(17)లు తమ వంతు సహకారం అందించడంతో భారత్ ఇంకా మూడు ఓవర్లు ఉండగానే లక్ష్యాన్ని చేరుకుంది. అంతకుముందు టాస్ గెలిచిన ఆసీస్ మహిళలు తొలుత బ్యాటింగ్ చేసి నిర్ణీత ఓవర్లలో ఏడు వికెట్ల నష్టానికి 231 పరుగులు నమోదు చేశారు.


 హోబార్ట్: మూడు వన్డేల సిరీస్ లో భాగంగా ఆస్ట్రేలియా మహిళలతో జరిగిన రెండో వన్డేలోనూ భారత మహిళలకు పరాజయం తప్పలేదు. భారత్ విసిరిన 253 పరుగుల లక్ష్యాన్ని 46.4 ఓవర్లలో నాలుగు వికెట్లు కోల్పోయి ఆస్ట్రేలియా ఛేదించింది. దీంతో సిరీస్ ను ఆస్ట్ట్రేలియా 2-0 తేడాతో గెలుచుకుంది. శుక్రవారం జరిగిన వన్డేలో టాస్ గెలిచిన భారత్ బ్యాటింగ్ తీసుకుని నిర్ణీత ఓవర్లలో ఎనిమిది వికెట్ల నష్టానికి 252 పరుగులు చేసింది. భారత మహిళల్లో స్మృతీ మంధన(102) సెంచరీతో ఆకట్టుకోగా, కెప్టెన్ మిథాలీ రాజ్(58) బాధ్యతాయుతంగా ఆడింది. అనంతరం హర్మన్ ప్రీత్ కౌర్ (21),శిఖా పాండే(33) ఫర్వాలేదనిపించడంతో భారత్ గౌరవప్రదమైన స్కోరు చేసింది.
 
 
 ఆపై ఆస్ట్రేలియా దాటిగా బ్యాటింగ్ ఆరంభించింది. ఓపెనర్లు బోల్టాన్(77), లానింగ్(61) రాణించి తొలి వికెట్ కు 138 పరుగులు భాగస్వామ్యాన్ని నెలకొల్పారు. తరువాత పెర్రీ(31), బ్లాక్ వెల్(19), జోనాసెన్(29 నాటౌట్),హీలై(29 నాటౌట్) లు మిగతా పనిని పూర్తి చేయడంతో ఆసీస్ ఇంకా ఆరు వికెట్లు చేతిలో ఉండగానే లక్ష్యాన్ని చేరుకుని సిరీస్ ను చేజిక్కించుకుంది. చివరిదైన మూడో వన్డే ఫిబ్రవరి 7వ తేదీన ఇదే స్టేడియంలో జరుగనుంది.


 కాన్బెర్రా: ఇటీవల ఆస్ట్రేలియా గడ్డపై టీ 20 సిరీస్ ను గెలిచి చరిత్ర సృష్టించిన భారత మహిళలకు తొలి వన్డేలో చుక్కెదురైంది. మూడు వన్డేల సిరీస్ లో భాగంగా మంగళవారం ఆస్ట్రేలియా మహిళలతో జరిగిన తొలి మ్యాచ్ లో భారత మహిళలు 101 పరుగుల తేడాతో ఘోర పరాజయం చవిచూశారు. ఆస్ట్రేలియా విసిరిన 277 పరుగుల లక్ష్యాన్ని ఛేదించడానికి బరిలోకి దిగిన భారత్ 46.5 ఓవర్లలో 175 పరుగులకే చాపచుట్టేసి ఓటమి పాలైంది.
  
 భారత జట్టులో హర్మన్ ప్రీత్ కౌర్(42) మినహా మిగతా క్రీడాకారిణులు విఫలమయ్యారు. కెప్టెన్ మిథాలీ రాజ్(23), జులాన్ గోస్వామి(25) లు ఫ పూనమ్ రౌత్(10), తిరుష్ కామిని(10), వేదా కృష్ణమూర్తి(6),శిఖా పాండే(13)లు నిరాశపరచడంతో ఓటమి తప్పలేదు.  ఆస్ట్రేలియా బౌలర్లలో  పెర్రీ నాలుగు వికెట్లు తీసి భారత పతనాన్ని శాసించగా, స్కట్, జొనాసెన్, గ్రేస్ హరిస్లకు తలో వికెట్ దక్కింది.
  
 అంతకుముందు టాస్ గెలిచి బ్యాటింగ్ చేసిన ఆస్ట్రేలియా మహిళలు 50.0 ఓవర్లలో ఆరు వికెట్లు కోల్పోయి 276 పరుగులు చేశారు. ఆస్ట్రేలియా మహిళా ఓపెనర్ మెగ్ లానింగ్(43), పెర్రీ(90), అలెక్స్ బ్లాక్ వెల్(114)లు రాణించి భారీ చేయడంలో సహకరించారు. భారత బౌలింగ్ లో శిఖా పాండే మూడు వికెట్లు తీయగా, గోస్వామి, రాజేశ్వరి గైక్వాడ్ లు తలో వికెట్ లభించింది.


 సిడ్నీ: ఆస్ట్రేలియా-టీమిండియాల వన్డే సిరీస్ కు ముందు ఇరు జట్ల మధ్య ఆసక్తికర పోరు తప్పదనుకున్న సగటు క్రికెట్ అభిమానికి నిరాశే ఎదురైంది.  ఇప్పటి వరకూ జరిగిన నాలుగు వన్డేలను ఆసీస్ కైవసం చేసుకుని సిరీస్ ను ఏకపక్షంగా మార్చేసింది. ఆసీస్ జట్టులో పెద్దగా అనుభవం లేకపోయినా, సమష్టి కృషితో విజయాలను సాధించింది. ఇక ఈ సిరీస్ లో ఒక వన్డే మాత్రమే మిగిలి ఉండటంతో టీమిండియాకు పరీక్షగా నిలిచింది.  వరుస మూడు వన్డేల్లో తొలుత బ్యాటింగ్ చేసి భారీ స్కోర్లు నమోదు చేసిన ధోని సేనకు పరాభవమే ఎదురైంది. ఈ సిరీస్ లో సెంచరీల మోత మోగించిన టీమిండియా, బౌలింగ్  లో మాత్రం బాగా వెనుకబడిపోయి ఆసీస్ ముందు తలవంచింది. 
 
 ఈ తరుణంలో టీమిండియా సిడ్నీ వేదికగా శనివారం జరిగే ఆఖరి వన్డేకు సిద్ధమైంది. ఉదయం గం.8.50 ని.లకు(భారత కాలమాన ప్రకారం) ఇరు జట్ల మధ్య ఐదో వన్డే జరుగనుంది. ఇది వన్డే సిరీస్ లో చివరిది కావడంతో ఎలాగైన గెలిచి పరువు నిలుపుకోవాలని ధోని సేన భావిస్తుండగా, మరోవైపు సిరీస్ ను క్లీన్ స్వీప్ చేసి తమ అప్రతిహత విజయాల సంఖ్యను మరింత పెంచుకోవాలని ఆసీస్ యోచిస్తోంది. మంచి ఊపుమీద ఉన్న ఆసీస్ కు అడ్డుకట్ట వేసి చివరి వన్డేలో గెలిస్తే మాత్రం ధోనిసేనకు కొద్దిలో కొద్ది ఊరట లభిస్తుంది. ట్వంటీ 20 సిరీస్ కు ముందు ఆత్మవిశ్వాసాన్ని ప్రోది చేసుకోవాలంటే ధోని అండ్ గ్యాంగ్ కు గెలుపు అనివార్యం.  ఈ సిరీస్ లో ఘోర ఓటమికి సంబంధించి టీమిండియా జట్టు ఇప్పటికే తీవ్ర విమర్శలు ఎదుర్కొంటుంది. ఒకే ఒక్క ఛాన్స్ అన్నట్లు.. ఒకే ఒక్క విజయం అనే విధంగా మారిపోయింది ధోని సేన పరిస్థితి.
 
 తుది జట్టులో అశ్విన్!
 
 తొలి రెండు వన్డేల్లో మాత్రమే ఆడిన టీమిండియా ప్రధాన స్పిన్నర్ రవి చంద్రన్ అశ్విన్ రేపటి మ్యాచ్ తుది జట్టులో ఆడే అవకాశం ఉంది. మూడు, నాలుగు వన్డేల్లో అశ్విన్ ను పక్కకు కూర్చోబెట్టి సాహసం చేసిన భారత జట్టు మరోసారి ఆ తప్పిదం చేయకపోవచ్చు. అశ్విన్ తొలి వన్డేలో మాత్రమే రెండు వికెట్లు తీసినా, కీలక సమయాల్లో అతను జట్టును ఆదుకుంటూ గెలుపులో ముఖ్య భూమిక పోషిస్తూ ఉంటాడు. ఈ నేపథ్యంలో అశ్విన్ ను ఆఖరి వన్డేలో  ఆడించే అవకాశాలు ఎక్కువగానే ఉన్నాయి. మరోపక్క అతని స్థానంలో మూడు, నాలుగు వన్డేల్లో ఆడిన ఆల్ రౌండర్ రిషి ధవన్ పెద్దగా ఆకట్టుకోలేదు. ఆ రెండు మ్యాచ్ ల్లో అటు బ్యాటింగ్ లోనూ, బౌలింగ్ లోనూ ఘోరంగా విఫలమైన రిషికి చివరి మ్యాచ్ లో ఆడే అవకాశం ఉండకపోవచ్చు.
 
 వాతావారణం
 
 ఇప్పటివరకూ జరిగిన మ్యాచ్ లకు వాతావరణం అనుకూలంగానే ఉన్నా.. చివరి వన్డేకు వర్షం పడే అవకాశాలు కనబడుతున్నాయి. ఉరుములతో కూడిన జల్లులు పడే అవకాశం ఉంది.  కనిష్ట ఉష్ణోగ్రత 20 డిగ్రీల సెల్సియస్, గరిష్టంగా 26 డిగ్రీల సెల్సియస్ నమోదు అయ్యే అవకాశం ఉంది.


 పెర్త్: టీమిండియాతో మంగళవారం పెర్త్ వేదికగా తొలి వన్డే ఆడనున్న ఆస్ట్రేలియా జట్టులో ఇప్పుడు ఒకే ఒక చర్చ కొనసాగుతోంది. ఇరు జట్లు ఐదు వన్డేల సిరీస్ సమరానికి సన్నద్ధమవుతున్నతరుణంలో టీమిండియా మీడియం పేసర్ బరిందర్ స్రాన్ గురించి ఆసీస్ జట్టు తీవ్ర కసరత్తు చేస్తోంది.  ఆ ఆల్ రౌండర్ బ్యాటింగ్ తీరుతో పాటు, బౌలింగ్ ఏ రకంగా ఉండబోతుంది? అనే దానిపై ఆసీస్ కెప్టెన్ స్టీవ్ స్మిత్ దృష్టి సారించాడు. గత ఐపీఎల్లో బరిందర్ తో ఆడిన అనుభవం ఉన్న స్మిత్.. ఆ బౌలర్ ఆకట్టుకున్నవిధానాన్ని తన సహచర ఆటగాళ్లకు  వివరించే పనిలో పడ్డాడు. ప్రాక్టీస్ మ్యాచ్ లో గాయపడిన మహ్మద్ షమీ స్థానంలో బరిందర్ ను తుది జట్టులో తీసుకుని అవకాశాలు ఎక్కువగా ఉండటంతో అతనిపై ఆసీస్ దృష్టి సారించింది.
 
 
 'నేను అతని బౌలింగ్ ను భారత్ లో ఎక్కువగా చూడకపోయినా.. ఐపీఎల్లో అతని బౌలింగ్ నాకు పరిచయం ఉంది. ఇద్దరం రాజస్థాన్ కు ఆడుతున్నప్పుడు  బరిందర్ చక్కటి బౌలింగ్ తో ఆకట్టుకున్నాడు. మంచి పొడువున్న బరిందర్ ఎడమ చేతి వాటం బౌలర్ . బంతిని ఇరు వైపులా బాగా స్వింగ్ చేయగలడు. అతనొక వైవిధ్యమైన బౌలర్ అనడంలో ఎటువంటి సందేహం లేదు'అని ఆసీస్ ఆటగాళ్లను ముందుగా స్మిత్ హెచ్చరించాడు. ఆసీస్ లో పిచ్ లో పేస్ కే అనుకూలించే అవకాశం ఉండటంతో మొత్తం సిరీస్ లో  పేస్ బౌలర్లతోనే టీమిండియాపై ఎదురుదాడి చేయనున్నట్లు స్మిత్ ఈ సందర్భంగా పేర్కొన్నాడు.


 స్పిన్ ఉచ్చులో పడ్డ డివిలియర్స్
  
 ఏ జట్టుకైనా, ఏ విషయంలో అయినా రెండు ప్రణాళికలు ఉంటాయి. ప్లాన్ ఎ విఫలమైతే వెంటనే ప్లాన్ బి అమల్లోకి తెస్తారు. అయితే దక్షిణాఫ్రికా స్టార్ క్రికెటర్ ఏబీ డివిలియర్స్ ముందు ఇలాంటి ప్లాన్‌లు పనికిరావు. ఎందుకంటే ఎప్పుడు ఎలాంటి షాట్ ఆడతాడో తెలియకుండా బౌలర్లపై విరుచుకుపడతాడు. వన్డే సిరీస్‌లో డివిలియర్స్ ప్రతాపం చూసిన తర్వాత... టెస్టుల్లో దక్షిణాఫ్రికాపై గెలవాలంటే డివిలియర్స్‌ను  పూర్తిగా కట్టడి చేయాలని భారత్‌కు అర్థమైంది.
  
 ఎలాగూ స్పిన్ పిచ్‌లే సిద్ధంగా ఉన్నాయి. అయినా డివిలియర్స్‌ను ఆపాలంటే స్పిన్నర్లకూ ఓ వ్యూహం ఉండాలి. లేకపోతే కష్టం. అందుకే భారత స్పిన్ త్రయం డివిలియర్స్‌కు ‘ప్లాన్ ఏబీ’ సిద్ధం చేసింది. దానిని విజయవంతంగా అమలు చేసి సఫారీల వెన్నెముకను కట్టడిచేసింది.
  
 సాక్షి క్రీడా విభాగం: నాగ్‌పూర్ టెస్టు తొలి ఇన్నింగ్స్‌లో మొదటి రోజు డకౌట్ అయిన తర్వాత ‘చాలా కఠినమైన రోజు ఇది. అయితే ఇక్కడ ఎలా ఆడాలనే దానికి పరిష్కారం దొరికింది’ అని ఏబీ డివిలియర్స్ ఒక ఆసక్తికర ట్వీట్ చేశాడు. దాంతో రెండో ఇన్నింగ్స్‌లో అతను భిన్నంగా ఆడబోతున్నాడనేది మాత్రం అర్థమైంది. నిజంగానే స్టాన్స్ మార్చి ఏబీ భిన్నంగా ఆడేందుకు ప్రయత్నించాడు. అశ్విన్ బౌలింగ్‌లో 13 బంతులు ఎదుర్కొన్న అతను... ఎక్కువ భాగం ముందుకు దూసుకొచ్చి షాట్లు ఆడాడు.
 
 ఎల్బీడబ్ల్యూల నుంచి తప్పించుకునేందుకు... స్వీప్ ఆడినా వికెట్లు వదిలేశాడు. ఒకసారి చాలా ముందుకొచ్చి భారీ షాట్‌కు కూడా ప్రయత్నించినా విఫలమయ్యాడు. సాధ్యమైనంత వరకు దూకుడుగా ఆడి అశ్విన్‌పై ఆధిపత్యం ప్రదర్శిస్తే తర్వాత చెలరేగవచ్చని భావించినట్లున్నాడు. అయితే ఈ జోరులో అతను అశ్విన్ చేతి నుంచి సిరీస్‌లో తొలిసారి వచ్చిన ‘క్యారమ్ బాల్’ విషయంలో అంచనా తప్పాడు.
 
 ఫలితంగా అంతసేపూ క్రీజ్‌లో వెనక్కి వెళ్లకుండా ఎంతో జాగ్రత్త పడిన ఏబీ ‘ఇంజినీర్’ తెలివితేటలకు వికెట్ల ముందు దొరికిపోయాడు. ‘ఈ పర్యటన మొత్తంలో నేను అతనికి ఒక్క క్యారమ్ బాల్ కూడా వేయలేదు. ఇలాంటి పిచ్‌పై క్రీజ్ నుంచి దూరంగా విసురుతూ లోపలికి వచ్చేలా ప్రయత్నించాను. అదో అద్భుతమైన బంతి. నిజాయితీగా చెప్పాలంటే మేం పన్నిన ఉచ్చులో అతను చిక్కాడు’ అని అశ్విన్ చెప్పుకొచ్చాడు.
  
 టి20ల నుంచే...
 దక్షిణాఫ్రికా టెస్టు జట్టులో ఆమ్లా, డు ప్లెసిస్, డుమినిలాంటి ఇతర ప్రధాన బ్యాట్స్‌మెన్‌తో పోలిస్తే ఈ సిరీస్‌లో డివిలియర్స్ కీలకం అవుతాడని అందరూ అంచనా వేశారు. స్పిన్‌ను బాగా ఆడటంతో పాటు ఇక్కడ అందరికంటే ఎక్కువ క్రికెట్ అనుభవం కూడా అతని ఖాతాలో ఉంది. పైగా భారత్‌లో సిరీస్‌కు అడుగు పెట్టక ముందు అతను అటు టెస్టులు, ఇటు వన్డేల్లో కూడా చక్కటి ఫామ్‌లో ఉన్నాడు.
 
 దాంతో టీమిండియా ప్రధాన లక్ష్యం అతనే అయ్యాడు. రెండు టి20 మ్యాచ్‌లలోనూ అశ్విన్ బౌలింగ్‌లోనే డివిలియర్స్ బౌల్డ్ అయ్యాడు. రెండు సార్లూ ఫ్రంట్ ఫుట్‌పై ఆడే ప్రయత్నంలోనే వెనుదిరిగాడు. అప్పటి వరకు అతని కదలికలను గుర్తిస్తూ కెప్టెన్ ధోని చేసిన సూచనలను అశ్విన్ సమర్థంగా అమలు చేయగలిగాడు. అనంతరం కాన్పూర్‌లో జరిగిన తొలి వన్డేలో అశ్విన్ బౌలింగ్‌లో జాగ్రత్తగా ఆడిన డివిలియర్స్ 14 బంతుల్లో 7 పరుగులే చేశాడు. ఆ తర్వాత అశ్విన్ గాయంతో వెనుదిరగడంతో తర్వాతి నాలుగు వన్డేల్లో అతనికి భారత ఆఫ్ స్పిన్నర్ నుంచి ఇబ్బంది ఎదురుకాలేదు.
  
 ముగ్గురూ కలిసి...
 టెస్టు సిరీస్‌లో అశ్విన్‌కు అమిత్ మిశ్రా, రవీంద్ర జడేజా తోడయ్యారు. మొహాలీ టెస్టులో రెండు ఇన్నింగ్స్‌లలోనూ అతను మిశ్రా బౌలింగ్‌లో బౌల్డ్ అయ్యాడు. తొలి ఇన్నింగ్స్‌లో మిశ్రా సాధారణంగా వేసే బంతికంటే నెమ్మదిగా వేయడంతో అంచనా తప్పిన అతను... రెండో ఇన్నింగ్స్‌లో బంతి టర్న్ కాకపోవడంతో భంగ పడ్డాడు. బెంగళూరు టెస్టులోనైతే ఏబీ పూర్తిగా దూకుడు మంత్రం పాటించాడు. తొలి టెస్టు అనుభవంతో అతి జాగ్రత్తకు పోకుండా ఎదురుదాడికి ప్రయత్నించాడు.
 
 జడేజా బౌలింగ్‌లోనే నాలుగు ఫోర్లు బాదిన అతను అదే జోరులో వికెట్ ఇచ్చాడు. ఈసారి భిన్నంగా ప్రయత్నించిన జడేజా, మరోసారి షాట్‌కు ప్రయత్నించేలా కవ్వించాడు. ముందుకొచ్చి ఆడబోయిన అతను అక్కడే లెగ్‌సైడ్ బంతి గాల్లోకి లేపాడు. మూడో టెస్టులోనూ జడేజా దాదాపు అదే మంత్రం ప్రయోగించాడు. దాంతో ఆఫ్‌సైడ్ బంతిని లెగ్ మీదుగా ఆడి నేరుగా బౌలర్‌కే క్యాచ్ ఇచ్చాడు.
 
 ఇక రెండో ఇన్నింగ్స్‌లోనైతే అశ్విన్ అద్భుతం అతడిని పెవిలియన్ చేర్చింది. టి20ల అనంతరం ‘రెండు మ్యాచ్‌లలోనూ అశ్విన్ నన్ను అవుట్ చేయడంకంటే నేను అవుట్ అయ్యానని చెప్పడమే సరైంది. నాలో సాంకేతిక లోపాలు లేవు. అతడిపై ఆధిపత్యం ప్రదర్శించే ప్రయత్నంలోనే వెనుదిరిగాను’ అని గట్టిగా చెప్పిన ఏబీ... టెస్టుల్లో మాత్రం ఆ పని చేయలేకపోయాడు. ఇక సిరీస్‌లో మరో టెస్టు మిగిలి ఉంది. ఈ మ్యాచ్‌కు ముందైనా డివిలియర్స్ ప్రత్యేక సన్నాహకంతో సిద్ధమై వస్తాడా లేక మరోసారి అలాగే అవుటవుతాడా చూడాలి.


 కొలంబో: కుషాల్ పెరీరా (92 బంతుల్లో 99; 6 ఫో ర్లు, 4 సిక్సర్లు), తిరిమన్నె (95 బంతుల్లో 81 నాటౌట్; 5 ఫోర్లు, 1 సిక్స్ ) చెలరేగడంతో బుధవారం  జరిగిన  రెండో వన్డేలో లంక 8 వికెట్ల తేడాతో విండీస్‌పై విజయం సాధించింది. వర్షం కారణంగా 38 ఓవర్లకు కుదించిన మ్యాచ్‌లో  వెస్టిండీస్ 37.4 ఓవర్లలో 214 పరుగులకు ఆలౌటైంది. చార్లెస్ (70 బంతుల్లో 83; 7 ఫోర్లు, 4 సిక్సర్లు), శామ్యూల్స్ (61 బంతుల్లో 63; 4 ఫోర్లు, 2 సిక్సర్లు) రాణించారు. లంక 36.3 ఓవర్లలో 2 వికెట్లకు 225 పరుగులు చేసి (డక్‌వర్త్ లూయీస్ ప్రకారం) నెగ్గింది.  మూడు వన్డేల సిరీస్‌ను శ్రీలంక 2-0తో కైవసం చేసుకుంది.


 కాన్పూర్: టీమిండియా-దక్షిణాఫ్రికాల మధ్య రేపట్నుంచి ఆరంభం కానున్న వన్డే సిరీస్ కు ఇరు జట్లు సన్నద్ధమవుతున్నాయి. కాన్పూర్ వేదికగా ఆదివారం జరిగే తొలి వన్డేలో దక్షిణాఫ్రికాను నిలువరించేందుకు టీమిండియా పూర్తిస్థాయి కసరత్తులు చేస్తోంది. ఇప్పటికే ట్వంటీ 20 సిరీస్ ను కోల్పోయిన మహేంద్ర సింగ్ ధోని అండ్ కంపెనీ ఎలాగైనా వన్డేల్లో మెరుగ్గా రాణించి దక్షిణాఫ్రికా లెక్క సరిచేయాలని భావిస్తోంది. ట్వంటీ 20లో ఆడపా దడపా మెరుపులు తప్ప టీమిండియా స్థాయికితగ్గ ఆటతీరును కనబరిచింది లేదు.  తొలి ట్వంటీ 20 లో ఓపెనర్ రోహిత్ శర్మ, విరాట్ కోహ్లీలు మినహా ఎవరూ పెద్దగా ఆకట్టుకోలేదు. వీరద్దిరి చలవతో ఆ మ్యాచ్ లో 200 పరుగుల లక్ష్యాన్ని ప్రత్యర్థికి నిర్దేశించినా బౌలింగ్ లో టీమిండియా తేలిపోయింది. పేస్ బౌలింగ్ లో భువనేశ్వర్, మోహిత్ శర్మ ఇద్దరూ విఫలమై భారీ స్కోరును కాపాడుకోలేకపోయారు.
 
 
 ఇక రెండో ట్వంటీ 20 టీమిండియా వైఫల్యం అంతా ఇంతా కాదు.  ఒకనాటి భారత క్రికెట్ జట్టును జ్ఞాపకం చేస్తూ ఒకరి వెంట ఒకరు క్యూకట్టిన తీరు నిజంగా బాధాకరం. సగటున తొమ్మిది పరుగులకో వికెట్ చొప్పున  టీమిండియా వరుస వికెట్లను నష్టపోయింది. వంద పరుగులలోపే చాపచుట్టేసి పటిష్టమైన దక్షిణాఫ్రికా బౌలింగ్ ముందు తలవంచింది. కనీసం మూడో ట్వంటీ 20 గెలిచి పరువు దక్కించుకోవాలని భావించినా.. ఆ మ్యాచ్ ను వరుణుడు అడ్డుకున్నాడు. ఒక్క బంతి కూడా పడకుండానే మ్యాచ్ రద్దు కావడంతో ధోని సేన ఆశలు ఆదిలోనే ఆవిరయ్యాయి. ఈ క్రమంలోనే వన్డే సిరీస్ కు రంగం సిద్ధమైంది. ఇరు జట్ల మధ్య జరుగుతున్న సుదీర్ఘ సిరీస్ లో ఐదు వన్డేలు జరుగనున్నాయి. దక్షిణాఫ్రికాను ఆదిలోనే ఒత్తిడిలోకి నెట్టాలంటే తొలి వన్డేలో గెలవడం అనివార్యం. ట్వంటీ 20 సిరీస్ అనంతరం 'ఆఫ్ లో ఉన్న ధోని గ్యాంగ్ వన్డేల్లో  'ఆన్' అవుతుందా?లేదా? అనేది వేచిచూడాల్సిందే.


 కోల్ కతా: వన్డే సిరీస్ లో టీమిండియాతో జాగ్రత్తగా ఉండాలని దక్షిణాఫ్రికా కోచ్ రస్సెల్ డొమిన్గో హెచ్చరించాడు. ట్వంటీ 20 సిరీస్ ను గెలిచామన్న అత్యుత్సాహాన్నిదరిచేరనీయకుండా వన్డే సిరీస్ లో పోరాడితేనే  టీమిండియాతో విజయం సాధ్యమవుతుందన్నాడు. ఒకవేళ అలా జరగని  పక్షంలో తగిన మూల్యం చెల్లించుకోవాల్సి వస్తుందని దక్షిణాఫ్రికా ఆటగాళ్లను హెచ్చరించాడు. 
  
 'టీమిండియాతో జరజాగ్రత్త. ఆ జట్టు వన్డేల్లో అత్యంత ప్రమాదకారి. దాన్ని దృష్టిలో ఉంచుకుని సిరీస్ కు సిద్ధంకండి. ట్వంటీ 20 సిరీస్ ను కోల్పోయిన టీమిండియా ఎదురుదాడికి దిగుతుందనడంలో ఎటువంటి సందేహం లేదు. మూడు ఫార్మెట్లలో టీమిండియా మెరుగ్గా ఉంది' అని సఫారీ ఆటగాళ్లకు డొమిన్గో దిశానిర్ధేశం చేశాడు. ప్రస్తుతం తమ దృష్టి ఆదివారం కాన్పూర్ లో జరుగనున్న తొలి వన్డేపైనే ఉందన్నాడు. ఆ తరువాతే మిగతా మ్యాచ్ లు గురించి ప్రణాళికలు సిద్ధం చేసుకుంటామని ఒక ప్రశ్నకు సమాధానంగా చెప్పాడు. ట్వంటీ 20 సిరీస్ గెలిచిన అనంతరం దక్షిణాఫ్రికాపై మీడియా ప్రభావం ఎక్కువగా ఉందని, వీలైనంత వరకూ ఆటగాళ్ల మీడియాకు దూరంగా ఉంటే మంచిదని డొమిన్గో తెలిపాడు. ప్రేక్షకుల్ని నుంచి  ఎదురయ్యే ఇబ్బందులు గురించి మాట్లడటానికి ఇష్టపడని డొమిన్గో.. తాము మీడియా తాకిడితో సతమతమవుతున్నట్లు తెలిపాడు. రకరకాలైన మీడియా ప్రతినిధుల నుంచి అనేక రకాలైన ప్రశ్నలు రావడం ఆటగాళ్లను ఇబ్బందులకు గురి చేస్తుందన్నాడు.


 తొలి వన్డేలో శ్రీలంకపై పాక్ విజయం
  దంబుల్లా: మొహమ్మద్ హఫీజ్ శతకం (95 బంతుల్లో 103; 10 ఫోర్లు; 4 సిక్సర్లు)తో పాటు బౌలింగ్‌లోనూ నాలుగు వికెట్లు తీయడంతో శ్రీలంకతో జరుగుతున్న వన్డే సిరీస్‌లో పాకిస్తాన్ శుభారంభం చేసింది. శనివారం రణ్‌గిరి దంబుల్లా అంతర్జాతీయ స్టేడియంలో జరిగిన ఈ వన్డేలో పాక్ 6 వికెట్ల తేడాతో నెగ్గింది.
  
  టాస్ ఓడి ముందుగా బ్యాటింగ్‌కు దిగిన లంక 50 ఓవర్లలో ఎనిమిది వికెట్లకు 255 పరుగులు చేసింది. చండిమాల్ (68 బంతుల్లో 65 నాటౌట్; 5 ఫోర్లు; 1 సిక్స్) రాణించాడు. అనంతరం  పాక్ 45.2 ఓవర్లలో నాలుగు వికెట్లకు 259 పరుగులు చేసి గెలిచింది.  షోయబ్ మాలిక్ (45 బంతుల్లో 55 నాటౌట్; 4 ఫోర్లు; 2 సిక్సర్లు) ఆకట్టుకున్నాడు. హ ఫీజ్‌కు కెరీర్‌లో ఇది పదో సెంచరీ. ఈనెల 15న ఇరు జట్ల మధ్య పల్లెకెలెలో రెండో వన్డే జరుగుతుంది.
  


 తొలి టి20లో కివీస్ విజయం
  బెంగళూరు: వన్డే సిరీస్ నెగ్గిన ఉత్సాహంలో ఉన్న భారత మహిళల క్రికెట్ జట్టుకు తొలి టి20 మ్యాచ్‌లో న్యూజిలాండ్ షాకిచ్చింది. కెప్టెన్ సోఫీ డివైన్ (22 బంతుల్లో 70; 5 ఫోర్లు; 8 సిక్సర్లు) తుఫాన్ ఆటతీరుతో చెలరేగడంతో శనివారం చిన్నస్వామి స్టేడియంలో జరిగిన ఈ మ్యాచ్‌లో కివీస్ 8 వికెట్ల తేడాతో ఘనవిజయం సాధించింది. టాస్ గెలిచిన న్యూజిలాండ్ బౌలింగ్ ఎంచుకోగా... భారత్ 19.5 ఓవర్లలో 125 పరుగులకు కుప్పకూలింది.
  
  కట్టుదిట్టమైన బౌలింగ్‌ను ప్రదర్శించిన కివీస్ బౌలర్ల ధాటికి కెప్టెన్ మిథాలీ రాజ్ (23 బంతుల్లో 35; 6 ఫోర్లు) మినహా అంతా విఫలమయ్యారు. నీల్సన్, బ్రాడ్‌మోర్‌లకు మూడేసి వికెట్లు పడ్డాయి. ఆ తర్వాత కివీస్ డివైన్ జోరుతో.... 12.3 ఓవర్లలో రెండు వికెట్లకు 126 పరుగులు చేసి గెలిచింది. మహిళల క్రికెట్‌లో అత్యంత వేగంగా అర్ధసెంచరీ (18 బంతుల్లో) సాధించిన క్రికెటర్‌గా డివైన్ రికార్డు సృష్టించింది. మూడు మ్యాచ్‌ల సిరీస్‌లో కివీస్ 1-0 ఆధిక్యం సాధించింది. రెండో టి20 ఇదే వేదికపై సోమవారం జరుగుతుంది.
  


 మెల్‌బోర్న్: వచ్చే ఏడాది జనవరిలో ఐదు మ్యాచ్‌ల వన్డే సిరీస్ కోసం భారత జట్టు ఆస్ట్రేలియాలో పర్యటించనుంది. మూడు వారాల పాటు జరగనున్న ఈ టూర్‌లో మూడు టి20 మ్యాచ్‌లు కూడా ఆడనుంది. ఇక నుంచి కొత్త ద్వైపాక్షిక ఒప్పందం ప్రకారం టెస్టులకు, వన్డేలకు టీమిండియా ప్రత్యేకంగా ఇక్కడికి రానుంది. ఐదు వన్డేలకు పెర్త్ (జనవరి 12న), బ్రిస్బేన్ (15న), మెల్‌బోర్న్ (17న), కాన్‌బెర్రా (20న), సిడ్నీ (23న)ఆతిథ్యమివ్వనున్నాయి. అడిలైడ్ (26న), మెల్‌బోర్న్ (29న), సిడ్నీ (31)ల్లో మూడు టి20 మ్యాచ్‌లు జరుగుతాయి.
  
  వార్మప్ మ్యాచ్‌తో లంక టూర్ మొదలు: వచ్చే నెలలో జరగనున్న లంక పర్యటనలో భారత్ ఓ వార్మప్ మ్యాచ్ ఆడనుంది. ఆగస్టు 6న ప్రేమదాస స్టేడియంలో శ్రీలంక చైర్మన్స్ ఎలెవన్‌తో టీమిండియా తలపడనుంది. ఇక ఆగస్టు 12 నుంచి 16 వరకు గాలెలో తొలి టెస్టు; 20 నుంచి 24 వరకు కొలంబోలో రెండో టెస్టు; 28 నుంచి సెప్టెంబర్ 1 వరకు పల్లెకెలెలో మూడో టెస్టు జరుగుతాయి.
  


 మిర్పూర్: బంగ్లాతో జరిగిన రెండో వన్డేలోనూ టీమిండియా పరాజయం పాలైంది. వన్డే సిరీస్ బంగ్లా సొంతమైంది. టాస్ గెలిచి బ్యాటింగ్ ఎంచుకున్న భారత్ 45 ఓవర్లలో 200 పరుగులు చేసి ఆలౌటయింది. ఛేజింగ్కు దిగిన బంగ్లా బ్యాట్స్మెన్ ఈ మ్యాచ్ లోనూ రాణించి, డక్వర్త్ లూయిస్ పద్ధతిలో 47 ఓవర్లలో వారికి నిర్దేశించిన 200 పరుగుల లక్ష్యాన్ని 38 ఓవర్లలో సునాయాసంగా ఛేజ్ చేశారు. బంగ్లాకు ఇదే తొలి ద్వైపాక్షిక సిరీస్ కావడం గమనార్హం. షకీబ్ అల్ అసన్ 51 నాటౌట్, షబ్బీర్ రహ్మాన్ 22 నాటౌట్ గా ఉండి జట్టుకు విజయాన్ని అందించారు. దాస్ (36), సర్కార్ (34) లు బంగ్లా విజయంలో తోడ్పడ్డారు. ఆరు వికెట్లు తీసి టీమిండియా పతనాన్ని శాసించిన ముస్తాఫిజుర్ రెహ్మాన్ కు మ్యాన్ ఆఫ్ ద మ్యాచ్ అవార్డు లభించింది. రూబెల్ హుస్సేన్, నాసిర్ హుస్సేన్ లకు తలో రెండు వికెట్లు లభించాయి.
 
 
 రెండో వన్డేలో టీమిండియా ఆది నుంచి తడబడుతూనే బ్యాటింగ్ కొనసాగించింది. టీమిండియా ఆటగాళ్లలో శిఖర్ ధావన్(53), మహేంద్ర సింగ్ ధోనీ(47)లు మాత్రమే కాస్త రాణించారు. సురేష్ రైనా(34), విరాట్  కోహ్లీ(23), రవీంద్ర జడేజా(19), అంబటి రాయుడు(0), రోహిత్ శర్మ(0)లు తీవ్ర నిరాశపరిచారు. భారత బౌలర్లలో అక్షర్ పటేల్, కులకర్ణి, అశ్విన్ ఒక్కో వికెట్ తీశారు.


 పాక్‌పై 3-0తో సిరీస్ సొంతం
  సౌమ్య సర్కార్ సెంచరీ
 మిర్పూర్: బంగ్లాదేశ్ క్రికెట్ జట్టు తమ క్రీడా చరిత్రలోనే అతి పెద్ద విజయాన్ని నమోదు చేసుకుంది. పాకిస్తాన్‌తో జరిగిన మూడు వన్డేల సిరీస్‌ను 3-0తో క్లీన్‌స్వీప్ చేసింది. బుధవారం జరిగిన మూడో వన్డేలో ఓపెనర్ సౌమ్య సర్కార్ సూపర్ సెంచరీ (110 బంతుల్లో 127 నాటౌట్; 13 ఫోర్లు; 6 సిక్సర్లు) సహాయంతో బంగ్లాదేశ్ 8 వికెట్ల తేడాతో పాక్‌ను చిత్తు చేసింది. ఈ దెబ్బతో పాక్ జట్టు తమ ఐసీసీ వన్డే ర్యాంకింగ్స్‌లో ఏడు నుంచి ఎనిమిదో స్థానానికి పడిపోయింది. ముందుగా బ్యాటింగ్‌కు దిగిన పాకిస్తాన్ జట్టు 49 ఓవర్లలో 250 పరుగులకు ఆలౌట్ అయ్యింది.
  
   కెప్టెన్ అజహర్ అలీ (112 బంతుల్లో 101; 10 ఫోర్లు) సెంచరీ చేయగా... హరిస్ సోహైల్ (58 బంతుల్లో 52; 1 ఫోర్; 2 సిక్సర్లు) అర్ధ సెంచరీ చేశాడు. అనంతరం బ్యాటింగ్‌కు దిగిన బంగ్లా 39.3 ఓవర్లలోనే రెండు వికెట్ల నష్టానికి 251 పరుగులు చేసి నెగ్గింది. ఓపెనర్లు సర్కార్, తమీమ్ ఇక్బాల్ (76 బంతుల్లో 64; 8 ఫోర్లు; 1 సిక్స్) తొలి వికెట్‌కు 145 పరుగుల భారీ భాగస్వామ్యాన్ని అందించారు. ఆ తర్వాత ముష్ఫికర్ (43 బంతుల్లో 49 నాటౌట్; 6 ఫోర్లు) అండతో సర్కార్ మూడో వికెట్‌కు అజేయంగా 97 పరుగులు జోడించి జట్టుకు విజయాన్ని అందించాడు.
  
  
 
  


 బర్మింగ్హామ్: ఇంగ్లండ్తో టెస్టు సిరీస్లో ఘోరపరాజయం చవిచూసినా.. వన్డే సిరీస్లో పుంజుకున్న టీమిండియా సిరీస్ విజయంపై దృష్టిసారిస్తోంది. 2-0తో ముందంజలో ఉన్న ధోనీసేన హ్యాట్రిక్ విజయం సాధించడం ద్వారా మరో మ్యాచ్ మిగిలివుండగానే సిరీస్ సొంతం చేసుకోవాలని ఆరాటపడుతోంది. ఇరు జట్ల మధ్య నాలుగో వన్డే మంగళవారం జరగనుంది.
 
 తొలి వన్డే వర్షం కారణంగా రద్దవగా, రెండు, మూడు వన్డేల్లో భారత్ విజయం సాధించిన సంగతి తెలిసిందే. బ్యాటింగ్, బౌలింగ్ విభాగాల్లో పటిష్టంగా కనిపిస్తున్న ధోనీసేన వరుస విజయాలతో సమరోత్సాహంతో ఉంది. కాగా ఇంగ్లండ్కు ఈ మ్యాచ్ చావోరేవో లాంటింది. సిరీస్ గెలిచి అవకాశాల్లేని ఇంగ్లీష్ మెన్ కనీసం సమం చేసి గౌరవం దక్కించుకోవాలంటే  చివరి రెండు వన్డేల్లో గెలిచితీరాలి. ధోనీసేన ఆత్మవిశ్వాసంతో బరిలోకి దిగుతుండగా.. కుక్ సేన ఒత్తిడిలో ఉంది.


 సాక్షికి ప్రత్యేకం
 - ఇంగ్లండ్‌పై టెస్టు విజయం అద్భుతం
 - భారత మహిళా కెప్టెన్ మిథాలీరాజ్
 సాక్షి, హైదరాబాద్: ఎనిమిదేళ్ల తర్వాత ఆడినా...జట్టులో ఎనిమిది మందికి తొలి మ్యాచే అయినా భారత మహిళల క్రికెట్ జట్టు ఇటీవల బలమైన ఇంగ్లండ్‌ను ఏకైక టెస్టులో ఓడించి సంచలనం సృష్టించింది. ఈ విజయంలో కెప్టెన్‌గా హైదరాబాదీ మిథాలీరాజ్ కీలక పాత్ర పోషించింది. ఇంగ్లండ్ పర్యటన అనంతరం స్వస్థలం తిరిగొచ్చిన మిథాలీ... రాబోయే కొన్ని సంవత్సరాలకు సరిపడా స్ఫూర్తిని ఆ విజయం అందించిందంటోంది. భారత మహిళా క్రికెట్ భవిష్యత్తుపై కూడా ఆశాభావంతో ఉన్న కెప్టెన్ తన మనోగతం ‘సాక్షి’తో పంచుకుంది.
 
 విశేషాలు ఆమె మాటల్లోనే...
 ఇంగ్లండ్‌తో ఏకైక టెస్టులో విజయం: చాలా చాలా ఆనందంగా ఉంది. నిజాయితీగా చెప్పాలంటే టెస్టుకు ముందు గెలుస్తామని నేను అనుకోలేదు. గట్టి పోటీ ఇచ్చినా చాలనుకున్నాం. అందుకే కొత్త అమ్మాయిలపై ఒత్తిడి పెంచలేదు. జట్టులో వారు ఎనిమిది మంది ఉన్నారు. కేవలం వంద శాతం కృషి చేయమనే చెప్పాను. నాకంటే వారికే ఈ విజయం విలువ ఎక్కువ.
 
 తొలి టెస్టులోనే ఇలాంటి సంచలనం వారు జీవిత కాలం మరచిపోలేరు.  గెలిపించిన అంశాలు: అక్కడి పచ్చికపై టాస్ నెగ్గడం మాకు కలిసొచ్చింది. దానికి అనుగుణంగా ప్రత్యర్థిని తొలి ఇన్నింగ్స్‌లో తక్కువ స్కోరుకే పరిమితం చేయగలిగాం. మా బ్యాటింగ్ కూడా అలాగే సాగింది. అయితే ఇంగ్లండ్ రెండో ఇన్నింగ్స్  తర్వాత బ్యాటింగ్‌కు అనుకూలంగా పిచ్ మారిపోయింది. దాంతో గెలుపుపై నమ్మకం కలిగింది.
  
 చివరి రోజు ఆట: చాలా టెన్షన్‌తో బ్యాటింగ్‌కు వెళ్లాను. లక్ష్యం చిన్నదే అయినా నేను అవుటైతే ఒక్కసారిగా మన జట్టు కుప్పకూలవచ్చు కూడా! ఆ సమయంలో ఇంగ్లండ్ కొత్త బంతి కూడా తీసుకోవాల్సి ఉంది. ఆ భయం నన్ను వెంటాడింది. అందుకే చాలా జాగ్రత్తగా ఆడాను. విజయానికి చేరువగా వచ్చినా తొందర పడలేదు. ఒక్క తప్పుడు షాట్ కూడా ఆడలేదు.
  
 మహిళల టెస్టుల భవిష్యత్తు: మేం గెలిచిన వెంటనే బీసీసీఐ పెద్దలనుంచి అభినందన సందేశాలు చాలా వచ్చాయి. వారు కూడా మా విజయాన్ని గుర్తించారని, మహిళా క్రికెట్ మారుతోందని నమ్ముతున్నాం. టెస్టు మ్యాచ్‌ల సంగతి సరే... మేం 2007నుంచి దేశవాళీలో కూడా రెండు రోజుల మ్యాచ్‌లు ఆడలేదు. ఇవి రెగ్యులర్‌గా జరిగేతేనే నిలబడగలం. కాబట్టి ఇకపై రెండు రోజుల మ్యాచ్‌లను మహిళా క్రికెట్ ఆశిస్తోంది. వ్యక్తిగతంగా చూస్తే నేను కనీసం మరో 3-4 ఏళ్లు ఆడతాను. నా కెరీర్‌లో టెస్టుల సంఖ్య కనీసం రెండంకెలైనా (ఇప్పటికి 9 ఆడింది) ఉండాలని కోరుకుంటున్నా!
  
 ఇంగ్లండ్‌లో వన్డే సిరీస్ పరాజయం: కొంత బాధ పెట్టింది. టెస్టు ప్రదర్శనలో సగం స్థాయిలో రాణించినా వన్డేలూ గెలిచేవాళ్లం. రెండో వన్డేను చేతులారా పోగొట్టుకున్నాం. ఇకపై ప్రదర్శన మెరుగుపర్చుకోవాలి. ఇక కొత్త ఫార్మాట్ ప్రకారం ప్రపంచకప్‌కు ముందు ప్రతీ జట్టుతో ఆడే అవకాశం రావడం. కనీసం 21 మ్యాచ్‌లు లభించడం మంచి పరిణామం. దీని వల్ల మహిళా క్రికెట్‌లో ప్రమాణాలు పెరుగుతాయి.


 లండన్:టెస్ట్ సిరీస్ లోభారత్ ను ఘోరంగా దెబ్బ తీసిన టెస్టు జట్టునే వన్డేలకు కొనసాగించాలని ఇంగ్లండ్ క్రికెట్ బోర్డు నిర్ణయించింది. భారత్ తో జరిగే వన్డే సిరిస్ కు 15 మంది ఇంగ్లండ్ సభ్యుల బృందంలో 11 మంది టెస్ట్ జట్టులో ఆడిన వారినే తాజాగా ఎంపిక చేసింది. టెస్ట్ జట్టులో ఆడిన వారికి అదనంగా మరో నలుగురిని మాత్రమే వన్డే జట్టకు ఎంపిక చేశారు. వారిలో అలెక్స్ హేల్స్, ఇయాన్ మోర్గాన్, హర్రీ గుర్నీ, జేమ్స్ ట్రేడ్ వెల్ లు తుది జట్టులోకి రానున్నారు.
  
 ఇదిలా ఉండగా టెస్ట్ సిరీస్ లో అకట్టుకున్న స్టువార్డ్ బ్రాడ్ మాత్రం వన్డేలకు అందుబాటలో ఉండకపోవచ్చని బోర్డు తెలిపింది. అదే సమయంలో బ్రాడ్ మోకాలికి సర్జరీ చేయించుకోనున్నందున అతను తుది జట్టులో ఉండకపోవచ్చని పేర్కొంది.


 వన్డే సిరీస్ నెగ్గిన దక్షిణాఫ్రికా  
  మూడో వన్డేలో ఘనవిజయం
  
  హంబన్‌టోటా: శ్రీలంక గడ్డపై దక్షిణాఫ్రికా జట్టు చరిత్ర సృష్టించింది. తొలిసారిగా ఇక్కడ వన్డే సిరీస్‌లో జయకేతనం ఎగురవేసింది. ఇరు జట్ల మధ్య జరిగిన మూడు వన్డేల సిరీస్‌ను సఫారీలు 2-1తో గెలుచుకున్నారు. రెండో వన్డేలో లంక నెగ్గింది. మహింద రాజపక్స మైదానంలో శనివారం జరిగిన చివరి వన్డేలో డివిలియర్స్ సేన 82 పరుగుల తేడాతో శ్రీలంకను మట్టికరిపించింది.
  
  ముందుగా బ్యాటింగ్‌కు దిగిన దక్షిణాఫ్రికా నిర్ణీత 50 ఓవర్లలో ఐదు వికెట్లకు 339 పరుగుల స్కోరు చేసింది. ఓపెనర్ డి కాక్ (127 బంతుల్లో 128; 12 ఫోర్లు; 3 సిక్సర్లు), డివిలియర్స్ (71 బంతుల్లో 108; 11 ఫోర్లు; 4 సిక్సర్లు) శతకాలతో అదరగొట్టారు. సిరీస్‌లో ఇప్పటికే రెండు సెంచరీలతో రెచ్చిపోయిన ఆమ్లా (61 బంతుల్లో 48; 4 ఫోర్లు) మరోసారి ఆకట్టుకున్నాడు. మెండిస్, హెరాత్‌లకు రెండేసి వికెట్లు దక్కాయి. అనంతరం బ్యాటింగ్‌కు దిగిన లంక 44.3 ఓవర్లలో 257 పరుగులకే ఆలౌట్ అయ్యింది. కెప్టెన్ మాథ్యూస్ (81 బంతుల్లో 58; 5 ఫోర్లు; 1 సిక్స్), ఓపెనర్ పెరీరా (25 బంతుల్లో 37; 4 ఫోర్లు; 2 సిక్సర్లు), సంగక్కర (23 బంతుల్లో 36; 6 ఫోర్లు) మాత్రమే రాణించారు. మెక్‌లారెన్‌కు మూడు, డుమిని, మోర్కెల్‌లకు రెండేసి వికెట్లు దక్కాయి. మ్యాన్ ఆఫ్ ద మ్యాచ్ డివిలియర్స్, సిరీస్ హషీమ్ ఆమ్లాలకు దక్కాయి.
  


 కోల్‌కతా: మూడు మ్యాచ్‌ల వన్డే సిరీస్ కోసం భారత జట్టు శుక్రవారం బంగ్లాదేశ్‌కు బయలుదేరి వెళ్లింది. 15 మంది సభ్యుల జట్టుకు సురేశ్ రైనా నాయకత్వం వహిస్తున్నాడు. ధోని, రోహిత్, కోహ్లిలకు విశ్రాంతి ఇవ్వడంతో రైనాకు జట్టు పగ్గాలు అప్పగించారు.  
  
  కొంత మంది జట్టు సభ్యులు గురువారం సాయంత్రమే కోల్‌కతా చేరుకున్నారని జట్టు మేనేజర్ సత్య ప్రసాద్ యాచింద్ర తెలిపారు. భారత్, బంగ్లాల మధ్య ఈనెల 15, 17, 19న మూడు మ్యాచ్‌లు జరగనున్నాయి.
  


 మిర్‌పూర్: బంగ్లాదేశ్‌తో జరిగిన మూడు వన్డేల సిరీస్‌ను శ్రీలంక జట్టు 3-0తో క్లీన్‌స్వీప్ చేసింది.  ఓపెనర్ కుశాల్ పెరీరా (124 బంతుల్లో 106; 6 ఫోర్లు; 5 సిక్స్‌లు) సెంచరీకి తోడు చండిమాల్ (70 బంతుల్లో 64; 4 ఫోర్లు) అర్ధ సెంచరీతో రాణించడంతో మూడో వన్డేలో లంక జట్టు 6 వికెట్ల తేడాతో నెగ్గింది. ముందుగా బ్యాటింగ్‌కు దిగిన బంగ్లాదేశ్ 50 ఓవర్లలో ఎనిమిది వికెట్లకు 240 పరుగులు చేసింది.
  
   నాసిర్ హుస్సేన్ (43 బంతుల్లో 38; 4 ఫోర్లు) రాణించాడు. ధమ్మిక ప్రసాద్‌కు మూడు వికెట్లు, లక్మల్‌కు రెండు వికెట్లు దక్కాయి. అనంతరం బ్యాటింగ్‌కు దిగిన శ్రీలంక 47.3 ఓవర్లలో నాలుగు వికెట్లకు 246 పరుగులు చేసి గెలిచింది. 60 పరుగులకు రెండు వికెట్లు పడిన దశలో పెరీరా, చండిమాల్ మూడో వికెట్‌కు 138 పరుగులు జోడించారు. రూబెల్ హుస్సేన్, మహ్మదుల్లాలకు రెండేసి వికెట్లు దక్కాయి. కుశాల్ పెరీరాకు మ్యాన్ ఆఫ్ ద మ్యాచ్, సేనానాయకేకు మ్యాన్ ఆఫ్ ద సిరీస్ అవార్డులు లభించాయి.
  


  వన్డేల్లో టాప్ ఆర్డర్ కిటకిట
  కానీ ప్రపంచకప్‌కు అవసరం
  చతేశ్వర్ కోసం త్యాగం చేసేదెవరు?
  
  రాహుల్ ద్రవిడ్ తర్వాత అదే స్థాయిలో సాంకేతికంగా ఉన్నతంగా ఆడే ఆటగాడు పుజారా. అందుకే టెస్టుల్లో ద్రవిడ్ రిటైర్‌మెంట్ లోటు కనపడలేదు.
  
  కానీ వన్డేలకు వచ్చే సరికి పుజారా శైలి భారత జట్టుకు సరిపోదనేది సెలక్టర్ల భావన. కానీ న్యూజిలాండ్‌లో వన్డేల్లో ధోనిసేన ఆట చూసిన తర్వాత... ప్రపంచకప్ నిలబెట్టుకోవాలంటే జట్టులో మార్పులు కావాలని అర్థమైంది. దీంతో ఆసియాకప్ కోసం పుజారాను జట్టులోకి ఎంపిక చేశారు. కానీ తనని ఏ స్థానంలో ఆడిస్తారనేదే పెద్ద ప్రశ్న.
  
  సాక్షి క్రీడావిభాగం
  ఇటీవలి కాలంలో విదేశాల్లో భారత్ ఎప్పుడు వన్డే సిరీస్ ఓడిపోయినా... అందరికీ వెంటనే పుజారా గుర్తొస్తున్నాడు. బౌన్సీ వికెట్లపై టాప్ ఆర్డర్‌లో సాంకేతికంగా ఉన్నతంగా ఆడే క్రికెటర్ అవసరమనే వ్యాఖ్య వినిపిస్తోంది. ఆస్ట్రేలియా, న్యూజిలాండ్‌లలో వచ్చే ఏడాది ప్రపంచకప్ జరగనుంది. ధోనిసేన ఇందులో డిఫెండింగ్ చాంపియన్‌గా బరిలోకి దిగుతుంది. ఈ నేపథ్యంలో టైటిల్‌ను నిలబెట్టుకోవాలంటే బౌన్సీ వికెట్లపై నిలకడగా ఆడగల టాప్‌ఆర్డర్ బ్యాట్స్‌మన్ కావాలి. కాబట్టి పుజారా పేరు మళ్లీ తెరమీదకు వచ్చింది. బంగ్లాదేశ్‌లో జరిగే ఆసియాకప్ కోసం ఎంపిక చేసిన భారత జట్టులో చతేశ్వర్‌కు స్థానం దక్కింది.
  
   ఆడింది రెండు వన్డేలే...
  కెరీర్ ఆరంభం నుంచి పుజారాకు టెస్టుల్లో స్థానం విషయంలో ఢోకా లేదు. కానీ వన్డేల దగ్గరకు వచ్చేసరికి తనని పట్టించుకోవడం లేదు. గతంలో ఒకట్రెండు సిరీస్‌లకు ఎంపిక చేసినా బెంచ్‌కు పరిమితం చేశారు. ధోనితో పాటు కొందరు కీలక ఆటగాళ్లు గత ఏడాది జింబాబ్వే పర్యటనకు వెళ్లకుండా విశ్రాంతి తీసుకున్నారు. దీంతో ఆ సిరీస్‌లో పుజారాకు రెండు వన్డేలు ఆడే అవకాశం వచ్చింది. అయితే రెండు మ్యాచ్‌ల్లో కలిపి కేవలం 13 పరుగులు మాత్రమే చేశాడు. దీంతో ఆ తర్వాత అవకాశం రాలేదు. దేశవాళీ క్రికెట్‌లో సుమారు 55 సగటుతో పరుగుల వరద పారించినా... భారత వన్డే జట్టులో స్థానం సుస్థిరం చేసుకోలేకపోయాడు. అయితే న్యూజిలాండ్‌లో భారత జట్టు ఒక్క వన్డే కూడా గెలవకపోవడంతో పుజారా గురించి మళ్లీ సెలక్టర్లు ఆలోచించారు.
  
   ఆసియాకప్‌లో ఆడిస్తారా?
  ప్రస్తుతం భారత తుది జట్టును పరిశీలిస్తే ఎక్కడా ఖాళీ కనిపించడం లేదు. ఓపెనర్లుగా ధావన్, రోహిత్... ఫస్ట్‌డౌన్‌లో కోహ్లి... ఆ తర్వాత రహానే, దినేశ్ కార్తీక్, రాయుడులతో ఆరు స్లాట్లు నిండిపోయాయి. ఒకవేళ పుజారాను పరీక్షించాలనుకుంటే రాయుడు, రహానేలలో ఒకరిని ఆపి పుజారాను తుది జట్టులోకి తేవాలి. ఒకవేళ తెచ్చినా కోహ్లి కాస్త వెనక్కి జరిగి మూడో స్థానంలో ఆడించాలి. ఇప్పుడు కెప్టెన్ కూడా అయిన విరాట్... ఈ మేరకు మార్పులు చేసుకుని పుజారాకు అవకాశం ఇస్తాడో లేదో చూడాలి.
  
   నెమ్మదిగా ఆడటం ప్రతికూలం
  వన్డేల్లో పుజారాకు సెలక్టర్లు స్థానం కల్పించడానికి కూడా కారణం ఉంది. తన బ్యాటింగ్ శైలి ప్రకారం కాస్త నెమ్మదిగా పరుగులు చేస్తాడు. ముఖ్యంగా స్లాగ్ ఓవర్లలో వేగంగా ఆడలేదు. అయితే ఆస్ట్రేలియా, న్యూజిలాండ్ గడ్డలపై వేగం కంటే టెక్నిక్ ముఖ్యం. గతంలో ద్రవిడ్, లక్ష్మణ్ వన్డేల్లో ఇది నిరూపించారు. అయితే పుజారాను జట్టులోకి తీసుకుంటే టాప్ ఆర్డర్‌లోనే ఆడించాలి.
  
  కనీసం 10 నుంచి 35 ఓవర్ల మధ్యలో తను క్రీజులో ఉంటే సింగిల్స్ బాగా వస్తాయి. వికెట్లు కాపాడుకోవచ్చు. అంటే తనని టాప్ ఆర్డర్‌లో ఆడించాలి. ఓపెనర్లుగా ధావన్, రోహిత్... ఫస్ట్‌డౌన్‌లో కోహ్లి. ఈ ముగ్గురూ నిలకడగానే ఆడుతున్నారు. కాబట్టి పూజారాను టాప్ ఆర్డర్‌లో ఆడించలేరు. ఇక నాలుగో స్థానంలో రహానే కుదురుకుంటున్నాడు. ఇంతకు మించి ఆలస్యంగా బ్యాటింగ్‌కు వచ్చిన పుజారా వల్ల జట్టుకు పెద్దగా ప్రయోజనం ఉండదు. కాబట్టి మూడు లేదా నాలుగో స్థానాల్లో ఆడించాలి.
  


 రెండో మ్యాచ్‌లోనూ ఓడిన బంగ్లాదేశ్
   సంగక్కర సెంచరీ
  
  మిర్పూర్: బంగ్లాదేశ్‌తో జరుగుతున్న మూడు వన్డేల సిరీస్‌ను మరో మ్యాచ్ మిగిలి ఉండగానే శ్రీలంక 2-0తో కైవసం చేసుకుంది. ఆల్‌రౌండ్ నైపుణ్యంతో ఆకట్టుకున్న మాథ్యూస్‌సేన గురువారం జరిగిన రెండో వన్డేలో 61 పరుగుల తేడాతో బంగ్లాదేశ్‌పై విజయం సాధించింది. షేర్ ఏ బంగ్లా జాతీయ స్టేడియంలో జరిగిన ఈ మ్యాచ్‌లో... టాస్ గెలిచి బ్యాటింగ్‌కు దిగిన లంక 50 ఓవర్లలో 6 వికెట్లకు 289 పరుగులు చేసింది.
  
   సంగక్కర (115 బంతుల్లో 128; 14 ఫోర్లు) సెంచరీ చేయగా, ప్రియాంజన్ (97 బంతుల్లో 60; 7 ఫోర్లు), మాథ్యూస్ (39 బంతుల్లో 56 నాటౌట్; 6 ఫోర్లు, 1 సిక్సర్) సమయోచితంగా ఆడారు. రూబెల్ హుస్సేన్ 3 వికెట్లు తీశాడు. తర్వాత బ్యాటింగ్‌కు దిగిన బంగ్లాదేశ్ 43 ఓవర్లలో 228 పరుగులకు ఆలౌటై ఓడింది. ముష్ఫీకర్ రహీమ్ (83 బంతుల్లో 79; 5 ఫోర్లు, 2 సిక్సర్లు) టాప్ స్కోరర్. అనాముల్ హక్ (46 బంతుల్లో 42; 7 ఫోర్లు), షకీబ్ (23 బంతుల్లో 24; 2 ఫోర్లు, 1 సిక్సర్), నాసిర్ హుస్సేన్ (24 బంతుల్లో 22; 1 ఫోర్, 1 సిక్సర్) కాసేపు పోరాడారు. మలింగ, సేననాయకే, తిసారా పెరీరా, అజంతా మెండిస్ తలా రెండు వికెట్లు పడగొట్టారు. కెరీర్‌లో 17వ సెంచరీ సాధించిన సంగక్కరకు ‘మ్యాన్ ఆఫ్ ద మ్యాచ్’ అవార్డు లభించింది. ఇరుజట్ల మధ్య నామమాత్రమైన మూడో వన్డే ఢాకాలో శనివారం జరుగుతుంది.
  


 శుక్రవారం తెల్లవారుజామున గం. 3.30 నుంచి సోనీ సిక్స్‌లో ప్రత్యక్ష ప్రసారం
  
  వెల్లింగ్టన్: న్యూజిలాండ్‌తో వన్డే సిరీస్‌ను కోల్పోయిన భారత్ ఇప్పుడు టెస్టు సిరీస్ కోల్పోకుండా కాపాడుకోగలదా! అది అంత సులభం కాబోదు. ఎందుకంటే ఇక్కడి బేసిన్ రిజర్వ్ మైదానంలో పూర్తిగా పచ్చికతో నిండిన పిచ్ రెండో టెస్టు మ్యాచ్ కోసం సిద్ధమైంది.
 
 ఎక్కువ బౌన్స్ ఉండే ఈ వికెట్‌పై భారత్, కివీస్ మధ్య శుక్రవారం తెల్లవారుజామున ఈ మ్యాచ్ ప్రారంభం కానుంది. తొలి టెస్టులో ఓడిన భారత్, సిరీస్ కాపాడుకోవాలంటే ఈ టెస్టు నెగ్గడం తప్పనిసరి. ఇటీవల ఇదే మైదానంలో జరిగిన కివీస్, విండీస్ టెస్టు మూడు రోజుల్లోనే ముగిసింది.
  


  సిడ్నీ: దాదాపు మూడు నెలల తమ ఆస్ట్రేలియా పర్యటనను ఇంగ్లండ్ జట్టు ఘోర పరాజయాలతో ముగించింది. యాషెస్ సిరీస్‌లో ప్రారంభమైన పరాభవాలు ఆ తర్వాత వన్డే సిరీస్‌లోనూ కొనసాగి చివరికి టి20 సిరీస్‌తో ముగిశాయి. ఈ మొత్తం 13 మ్యాచ్‌ల్లో వారికి దక్కింది కేవలం ఒక్క వన్డే విజయం మాత్రమే. తాజాగా ఇరు జట్ల మధ్య మూడోదైన చివరి టి20లో స్టువర్ట్ బ్రాడ్ బృందం 84 పరుగుల తేడాతో మట్టికరిచింది.
  
   దీంతో ఆద్యంతం ఆధిపత్యం చలాయించిన ఆస్ట్రేలియా 3-0తో టి20 సిరీస్‌ను తమ ఖాతాలో జమచేసుకుంది. టాస్ గెలిచి బ్యాటింగ్ తీసుకున్న ఆసీస్ 20 ఓవర్లలో 6 వికెట్లకు 195 పరుగులు చేసింది. సూపర్ ఫామ్‌లో ఉన్న కెప్టెన్ జార్జి బెయిలీ (20 బంతుల్లో 49 నాటౌట్; 4 ఫోర్లు; 3 సిక్స్), ఓపెనర్ వైట్ (37 బంతుల్లో 41; 4 ఫోర్లు; 1 సిక్స్), ఫించ్ (21 బంతుల్లో 30; 1 ఫోర్, 3 సిక్స్) రాణించారు. బ్రాడ్‌కు మూడు వికెట్లు దక్కాయి.
  
  అనంతరం బరిలోకి దిగిన ఇంగ్లండ్ 17.2 ఓవర్లలో 111 పరుగులకు ఆలౌట్ అయ్యింది. ఇయాన్ మోర్గాన్ (20 బంతుల్లో 34; 2 ఫోర్లు; 2 సిక్స్) ఒక్కడే మెరుగ్గా ఆడాడు. ఆసీస్ బౌలింగ్ ధాటికి కేవలం నలుగురు ఆటగాళ్లు మాత్రమే రెండంకెల స్కోరును అందుకోగలిగారు. కౌల్టర్ నైల్, మాక్స్‌వెల్, ముయిర్‌హెడ్‌లకు రెండేసి వికెట్లు దక్కాయి. ‘మ్యాన్ ఆఫ్ ద మ్యాచ్’ అవార్డు బెయిలీకి దక్కింది.
  


 మెల్‌బోర్న్: ఫార్మాట్ ఏదైనా తమ ఆటతీరు మారలేదని ఇంగ్లండ్ జట్టు మరోసారి నిరూపించుకుంది. యాషెస్, వన్డే సిరీస్‌లాగే టి20 సిరీస్‌ను కూడా ఆస్ట్రేలియాకు అప్పగించింది. శుక్రవారం ఎంసీజీలో జరిగిన రెండో టి20లో ఇంగ్లండ్ ఎనిమిది వికెట్ల తేడాతో పరాజయం పాలైంది. దీంతో ఆసీస్ 2-0తో సిరీస్ గెలుచుకుంది. నామమాత్రపు చివరి టి20 సిడ్నీలో ఆదివారం జరుగుతుంది. టాస్ నెగ్గి బ్యాటింగ్‌కు దిగిన ఇంగ్లండ్ 20 ఓవర్లలో తొమ్మిది వికెట్లకు 130 పరుగులు చేసింది. బట్లర్ (27 బంతుల్లో 22; 2 ఫోర్లు) ఒక్కడే టాప్ స్కోరర్. ఓవర్‌కో వికెట్ చొప్పున నాలుగో ఓవర్ నుంచి ఏడో ఓవర్ దాకా వరుసగా నాలుగు వికెట్లు కోల్పోవడంతో ఇంగ్లండ్ కోలుకోలేకపోయింది. హాజెల్‌వుడ్‌కు నాలుగు వికెట్లు దక్కాయి.
  
  అనంతరం ఆసీస్ మరో 31 బంతులు మిగిలి ఉండగానే 14.5 ఓవర్లలో రెండు వికెట్లకు 131 పరుగులు చేసి నెగ్గింది. తొలి ఓవర్ నుంచే వైట్ (45 బంతుల్లో 58 నాటౌట్; 9 ఫోర్లు) బౌండరీల వరద పారించగా... కెప్టెన్ జార్జి బెయిలీ (28 బంతుల్లో 60 నాటౌట్; 7 ఫోర్లు; 3 సిక్స్‌లు) దూకుడైన ఆటతీరుతో పర్యాటక బౌలర్లను ఆడుకున్నాడు.  మ్యాచ్ మొత్తంలో నమోదైన 3 సిక్స్‌లు బెయిలీ బ్యాట్ నుంచే వచ్చాయి.
  


  హోబర్ట్: ఆస్ట్రేలియా పర్యటనలో యాషెస్‌తో పాటు వన్డే సిరీస్‌నూ కోల్పోయిన ఇంగ్లండ్... పొట్టి ఫార్మాట్‌లోనూ తడబడింది. బుధవారం జరిగిన తొలి టి20లో ఆస్ట్రేలియా 13 పరుగుల తేడాతో ఇంగ్లండ్‌ను ఓడించింది.
  
  దీంతో మూడు మ్యాచ్‌ల సిరీస్‌లో 1-0 ఆధిక్యంలో నిలిచింది. టాస్ గెలిచి బ్యాటింగ్ ఎంచుకున్న కంగారులు 20 ఓవర్లలో 4 వికెట్ల నష్టానికి 213 పరుగుల భారీస్కోరు సాధించారు. ఓపెనర్లు వైట్ (43 బంతుల్లో 75; 6 ఫోర్లు, 4 సిక్సర్లు), ఫించ్ (31 బంతుల్లో 52; 5 ఫోర్లు, 3 సిక్సర్లు) చెలరేగి ఆడి తొలి వికెట్‌కు కేవలం 64 బంతుల్లోనే 106 పరుగులు జోడించి శుభారంభాన్నిచ్చారు. క్రిస్ లిన్ (19 బంతుల్లో 33 నాటౌట్; 1 ఫోర్, 3 సిక్సర్లు) చివర్లో వేగంగా పరుగులు చేశాడు.
  
  ఇంగ్లండ్ జట్టు 20 ఓవర్లలో 9 వికెట్లకు 200 పరుగులు చేసి పోరాడినా ఓటమిని తప్పించుకోలేకపోయింది. ఆసీస్ బౌలర్ కౌల్టర్ నీల్ (4/30) ధాటికి ఇంగ్లండ్ ఒక దశలో 100 పరుగులకు ఆరు వికెట్లు కోల్పోయింది. అయితే రవి బొపారా (27 బంతుల్లో 65 నాటౌట్; 2 ఫోర్లు, 7 సిక్సర్లు) టెయిలెండర్ల సహకారంతో చివరి వరకూ పోరాడాడు. రూట్ (32) మినహా ఇంగ్లండ్ ప్రధాన బ్యాట్స్‌మెన్ అంతా విఫలమయ్యారు. ఇరు జట్ల మధ్య రెండో టి20 శుక్రవారం జరుగుతుంది.
  


  సిడ్నీ: ఆస్ట్రేలియా పర్యటనలో ఇంగ్లండ్ జట్టు పేలవ ప్రదర్శన కొనసాగుతోంది. ఇప్పటికే యాషెస్ టెస్టు సిరీస్‌ను కోల్పోయిన కుక్ బృందం వన్డే సిరీస్‌లోనూ చేతులెత్తేసింది. డేవిడ్ వార్నర్ (70 బంతుల్లో 71; 7 ఫోర్లు; 2 సిక్స్), షాన్ మార్ష్ (89 బంతుల్లో 71 నాటౌట్; 7 ఫోర్లు) అర్ధ సెంచరీలతో చెలరేగడంతో ఆదివారం జరిగిన మూడో వన్డేలో ఆసీస్ 7 వికెట్ల తేడాతో నెగ్గింది.
  
  తద్వారా ఐదు వన్డేల సిరీస్‌లో 3-0తో ఆధిక్యంలో నిలిచింది. ముందుగా ఇంగ్లండ్ 50 ఓవర్లలో 9 వికెట్లకు 243 పరుగులు చేసింది. మోర్గాన్ (58 బంతుల్లో 54; 4 ఫోర్లు; 2 సిక్స్) రాణించాడు. కౌల్టర్ నైల్‌కు మూడు వికెట్లు, ఫాల్క్‌నర్, క్రిస్టియాన్‌లకు రెండేసి వికెట్లు దక్కాయి. అనంతరం ఆసీస్ 40 ఓవర్లలో 3 వికెట్లు కోల్పోయి 244 పరుగులు చేసింది.
  


 నేపియర్: భారత్‌తో ఐదు వన్డేల సిరీస్‌కు న్యూజిలాండ్ 13 మంది సభ్యులతో జట్టును ప్రకటించింది. బ్రెండన్ మెకల్లమ్ జట్టుకు సారథిగా వ్యవహరిస్తాడు. ఇటీవల వెస్టిండీస్‌తో వన్డే సిరీస్‌ను డ్రా చేసుకున్న జట్టుపై సెలక్టర్లు నమ్మకాన్ని ఉంచారు. ఈ నెల 19న నేపియర్‌లో తొలి వన్డే జరుగుతుంది.
 
  న్యూజిలాండ్ జట్టు: బ్రెండన్ మెకల్లమ్ (కెప్టెన్), మార్టిన్ గప్టిల్, జెస్సీ రైడర్, కేన్ విలియమ్సన్, రాస్ టేలర్, కోరీ అండర్సన్, లూక్ రోంచీ, జిమ్మీ నీషామ్, నాథన్ మెకల్లమ్, టిమ్ సౌతీ, కైల్ మిల్స్, మిషెల్ మెక్లీంగన్, ఆడమ్ మిల్నే.


 ఒకప్పుడు భారత క్రికెట్ జట్టులోకి ఎంపిక కావాలంటే రంజీ ట్రోఫీలో వరుస సీజన్లలో టన్నుల కొద్దీ పరుగులు సాధిస్తేనే సెలక్టర్ల దృష్టి ఆ ఆటగాడిపై పడేది. దేశవాళీ జట్లపైనే తప్ప ఇతర దేశాల ప్రత్యర్థులతో తలపడే అవకాశాలు కూడా అరుదుగానే దక్కేవి. అయితే ఇప్పుడు అండర్-19 క్రికెట్‌తో పాటు ఈ స్థాయిలో టోర్నీల సంఖ్య కూడా పెరగడంతో మరింత మంది కుర్రాళ్లు తమ సత్తాను ప్రదర్శించేందుకు చక్కటి వేదిక లభించింది.
  
   దానిని వారు సమర్థంగా ఉపయోగించుకుంటూ సీనియర్ల వెనకే తాము సిద్ధంగా ఉన్నామని ఆటతో చాటి చెబుతున్నారు. భవిష్యత్తులో దేశానికి మరిన్ని విజయాలు సాధించగలమంటూ భరోసా కల్పిస్తున్నారు.
  
  (సాక్షి క్రీడా విభాగం)
  దాదాపు ఏడాదిన్నర క్రితం ప్రపంచకప్ విజేత... ఆ తర్వాత ఆస్ట్రేలియాలో నాలుగు దేశాల టోర్నీలో గెలుపు, శ్రీలంకలో వన్డే సిరీస్ కైవసం... కొన్నాళ్ల క్రితం వైజాగ్‌లో నాలుగు దేశాల టోర్నీలో టైటిల్... ఇప్పుడు ఆసియా కప్ ట్రోఫీ... అండర్-19 స్థాయిలో భారత యువ జట్టు ఎదురులేకుండా దూసుకుపోతోంది. 2011 సెప్టెంబర్ నుంచి ఇప్పటి వరకు భారత జట్టు ఆడిన 8 వన్డే అంతర్జాతీయ టోర్నీలలో విజేతగా నిలవడం విశేషం.
  
  అంతకు ముందు కూడా ప్రపంచ కప్ స్థాయి విజయాలున్నా... ఇంత నిలకడగా ఆడుతుండటం ఇటీవల మన యువ జట్టు ఘనతకు నిదర్శనం. ముఖ్యంగా ఇందులో చాలా మంది ఆటగాళ్లు అండర్-19 స్థాయికే పరిమితం కాకుండా ఆ తర్వాత దేశవాళీలో తమ రాష్ట్ర జట్లు, ఐపీఎల్‌లోనూ రాణిస్తూ వ్యక్తిగతంగా గుర్తింపు తెచ్చుకుంటున్నారు.
  
  ఆకట్టుకున్నారు...
  ఆసియా కప్ విజయంలో జట్టులో ప్రతీ ఒక్కరు తమ వంతు బాధ్యతను చక్కగా నిర్వర్తించారు. ఓపెనర్ అంకుశ్ బైన్స్ (హిమాచల్‌ప్రదేశ్) రెండు అర్ధ సెంచరీలతో పాటు ఫైనల్లో కీలక ఇన్నింగ్స్ ఆడాడు. మరో ఓపెనర్ హేర్వాడ్కర్ (ముంబై) కూడా యూఏఈతో జరిగిన తొలి మ్యాచ్‌లో చక్కటి సెంచరీ సాధించి ఆ తర్వాత నేపాల్‌పై కూడా చెలరేగి ఆడాడు. ఇక కెప్టెన్ విజయ్ జోల్ (మహారాష్ట్ర), సంజు సామ్సన్ (కేరళ) ఈ యువ జట్టులో సీనియర్లుగా బాధ్యతతో జట్టును నడిపించారు. ఫైనల్లో ఈ ఇద్దరి భాగస్వామ్యమే జట్టుకు టైటిల్ అందించింది. గత వరల్డ్ కప్ విజయంలో సభ్యుడిగా ఉన్న జోల్ ఇప్పుడు వచ్చే వరల్డ్‌కప్‌లో టీమ్‌ను నడిపించేందుకు తనకు అర్హత ఉందని నిరూపించుకున్నాడు.
  
   సర్ఫరాజ్ ఖాన్ (ముంబై) బ్యాట్స్‌మన్‌గా గత సిరీస్ ఫామ్‌ను కొనసాగించలేకపోయినా, బౌలింగ్‌లో ఆకట్టుకోవడం విశేషం. పేసర్ దీపక్ హుడా (హర్యానా) తొలి మ్యాచ్‌లో 4 వికెట్లు తీసి టోర్నీలో శుభారంభం అందించగా, ఫైనల్లో 2 వికెట్లతో జట్టును నిలబెట్టాడు. ఆఫ్ బ్రేక్ బౌలర్ ఆమిర్ గని (ఉత్తరప్రదేశ్) కీలక వికెట్లు పడగొట్టాడు. చినామన్ శైలితో బౌలింగ్ చేసే కుల్దీప్ యాదవ్ (ఉత్తరప్రదేశ్) జట్టు విజయాల్లో కీలక పాత్ర పోషించాడు. ఈ టోర్నీలో అతను 15 వికెట్లు తీశాడు. ఇక ఏపీ ఆటగాళ్లు రికీ భుయ్, సీవీ మిలింద్ కూడా తాజా విజయంలో భాగమయ్యారు.
  
  సీనియర్ స్థాయిలో...
  గతంలో భారత అండర్-19 జట్టుకు ప్రాతినిధ్యం వహించిన అనేక మంది ఆటగాళ్లు సీనియర్ స్థాయిలోనూ విలువైన ఆటగాళ్లుగా గుర్తింపు తెచ్చుకున్నారు. యువరాజ్, ఇర్ఫాన్ పఠాన్, కైఫ్, దినేశ్ కార్తీక్, రైనా, కోహ్లిలాంటి చాలా మంది ఈ జాబితాలో ఉన్నారు. కేరళ ఆటగాడు సంజు సామ్సన్ అయితే ఐపీఎల్‌లో రాజస్థాన్ జట్టు తరఫున కీలక ఇన్నింగ్స్‌లు ఆడి ఆకట్టుకున్నాడు. 2012 వరల్డ్ కప్ గెలిచిన జట్టు కెప్టెన్ ఉన్ముక్త్ చంద్ ఐపీఎల్ ఢిల్లీ జట్టులో చోటు దక్కించుకున్నాడు. ఆ జట్టులో సభ్యులైన బాబా అపరాజిత్, హనుమ విహారి, విజయ్ జోల్ ఈ ఏడాది రంజీ ట్రోఫీలో అద్భుత ప్రదర్శన కనబర్చారు. కేవలం అండర్-19 స్థాయితోనే సరి పెట్టుకోకుండా ఫస్ట్ క్లాస్ క్రికెట్ ఆడగల సత్తా కూడా తమకుందని వీరు నిరూపించారు. తద్వారా సీనియర్ స్థాయి ఆటకు కావాల్సిన అనుభవాన్ని మూటగట్టుకున్నారు.
  
  టెస్టులు పెరగాలి...
  అయితే వన్డేల్లో యూత్ క్రికెట్ పెరిగినా సుదీర్ఘ ఫార్మాట్‌లో మ్యాచ్‌లో సంఖ్య పెరగాల్సి ఉంది. గత 9 ఏళ్లలో భారత అండర్-19 టీమ్ కేవలం 8 టెస్టు సిరీస్‌లు మాత్రమే ఆడింది. 2013లో ఒకే ఒక్క సిరీస్ శ్రీలంకతో జరిగింది. విశేషం ఏమిటంటే వీటిలో ఒక్క సిరీస్ కూడా భారత్ ఓడిపోలేదు. ఇంగ్లండ్, దక్షిణాఫ్రికాలాంటి జట్లపై కూడా మన టీమ్ సిరీస్ విజయం సాధించింది.
  
   టెస్టు క్రికెట్‌లో రాణించేందుకు కావాల్సిన నైపుణ్యం, సాంకేతికత కుర్రాళ్లకు ఈ నాలుగు రోజుల ఫార్మేట్‌లోనే లభిస్తుంది. కాబట్టి బీసీసీఐ వీటిపై కూడా దృష్టి సారిస్తే మరిన్ని సిరీస్‌లకు అవకాశం ఉంటుంది. వీటిల్లో రాణించే అండర్-19 కుర్రాళ్లు భవిష్యత్తులో టెస్టు క్రికెట్‌ను కూడా సమర్థంగా ఆడి నిలబడగలరనడంలో ఎలాంటి సందేహం లేదు.
  


  సాక్షి క్రీడా విభాగం
  ఒక లాంఛనం ముగిసింది...సచిన్ వీడ్కోలు సాకుతో ఒక బలహీన జట్టును ఆహ్వానించి నిర్వహించిన బలవంతపు పర్యటనలో భారత్ ప్రత్యర్థిని చిత్తు చేసింది. క్రికెటేతర కారణాలతో దక్షిణాఫ్రికా సవాల్‌ను సగానికి కుదించి నిర్వహించిన ఈ టెస్టు, వన్డే సిరీస్‌లతో టీమిండియా సాధించింది ఏమైనా ఉందా...ఈ విజయాల ద్వారా జట్టుకు కొత్తగా లభించిన ప్రయోజనం ఏమిటి...ఇవి జట్టు ఆత్మ విశ్వాసాన్ని పెంచుతాయా!
  
  మెరిసిన రోహిత్, షమీ...
  ఏడాది వ్యవధిలో టెస్టు క్రికెట్‌లో ముగ్గురు దిగ్గజాలు రిటైరైన నేపథ్యంలో ఆయా స్థానాలు భర్తీ చేయగలిగే బ్యాట్స్‌మెన్ కోసం అందరూ ఎదురు చూశారు. పుజారా, కోహ్లిల తర్వాత ఇప్పుడు రోహిత్ శర్మ మూడోవాడిగా నిలిచాడు. వన్డేల్లో అద్భుతమైన ఫామ్‌తో టెస్టుల్లో స్థానం దక్కించుకున్న అతను వరుస సెంచరీలతో చెలరేగాడు.
  
  
  టెక్నిక్ పరంగా దక్షిణాఫ్రికా వికెట్లపై ఎంత వరకు నిలబడగలడో అప్పుడే చెప్పలేకపోయినా...ఆకాశం తాకేలా ఆత్మవిశ్వాసంతో ఉన్న అతని నుంచి మెరుగైన ఇన్నింగ్స్‌లు ఆశించవచ్చు. ఈ సిరీస్‌లో మరో ప్రధాన ప్రయోజనం మొహమ్మద్ షమీ రూపంలో జట్టుకు లభించింది. భారత్‌లాంటి వికెట్లపైనే రివర్స్ స్వింగ్‌తో ఫలితం రాబట్టిన అతను దక్షిణాఫ్రికా బౌన్సీ వికెట్లపై ఖచ్చితంగా ప్రభావం చూపించగలడు. అసలైన సఫారీ పర్యటనకు ముందు షమీ వెలుగులోకి రావడం భారత జట్టు అదృష్టం.
  
  
  జహీర్‌లాంటి సీనియర్ మార్గదర్శకత్వం అతడితో పాటు జట్టుకు ప్రయోజనం చేకూర్చగలదు. ముంబై టెస్టులో సెంచరీ పుజారా సామర్థ్యాన్ని చూపించింది. వచ్చే సిరీస్‌లో అందరికంటే ఎక్కువగా ఆధారపడదగ్గ బ్యాట్స్‌మన్ అయిన ఈ సౌరాష్ట్ర ఆటగాడు చక్కటి ఫామ్‌లో ఉన్నాడు. వన్డేల్లో రారాజుగా ఉన్నా, టెస్టుల్లో కోహ్లి మరింత మెరుగు పడాల్సి ఉందని ఈ సిరీస్ చూపించింది. గంభీర్‌ను కాదని ఓపెనర్‌గా అవకాశం నిలబెట్టుకున్న విజయ్ మాత్రం ఏ మాత్రం ప్రభావం చూపలేకపోయాడు. విండీస్‌లాంటి జట్టుపై సొంతగడ్డపై ఇలా ఆడితే దక్షిణాఫ్రికా అరివీర పేస్‌ను ఎలా ఎదుర్కొంటాడో చూడాలి. లేదంటే అజింక్య రహానే అవకాశం అందుకోవడానికి సిద్ధంగా ఉన్నాడు.
  
  విరాట్‌దే జోరు...
  వన్డేల్లో నంబర్‌వన్‌గా ఉన్న భారత జట్టు ఊహించినట్లుగానే సిరీస్ గెల్చుకుంది. అయితే విశాఖలో వెస్టిండీస్ గెలవడం భారత్ వంద శాతం అజేయమైందేమీ కాదని నిరూపించింది. తొలి రెండు మ్యాచ్‌ల్లో ఆకట్టుకోకపోయినా ధావన్ చివరకు సెంచరీతో మెరిశాడు. రోహిత్ మాత్రం మొదటి మ్యాచ్ బాగా ఆడి, ఆ తర్వాత విఫలమయ్యాడు. కోహ్లి ఎప్పటిలాగే తనదైన శైలిలో నిలకడగా ఆడి ఆకట్టుకున్నాడు.
  
  
   కెప్టెన్ ధోని మూడు మ్యాచ్‌ల్లోనూ నాటౌట్‌గా నిలిచి తన స్థాయిని ప్రదర్శించాడు. అయితే రైనా వరుసగా విఫలం కావడం, జడేజా  బ్యాటింగ్ చేయడం పూర్తిగా మరచిపోవడం భారత్‌కు సమస్యే. విండీస్‌లాంటి బలహీన జట్టుపై కూడా ఇలా ఆడితే షార్ట్ పిచ్ బంతులను రైనా ఎదుర్కోగలడా!  ఎట్టకేలకు యువరాజ్ సింగ్ అర్ధ సెంచరీ సాధించడం కీలక సిరీస్‌కు ముందు శుభవార్తగా చెప్పవచ్చు.
  
   అయితే ఆసీస్‌తో విఫలమైన ఇషాంత్, రంజీల్లో రాణించలేకపోయిన ఉమేశ్ ఏ మాత్రం ప్రభావం చూపిస్తారన్నది చెప్పలేం. వాస్తవానికి భారత వన్డే జట్టు ఫామ్, బలం చూస్తే దక్షిణాఫ్రికాలో కూడా పెద్దగా ఆందోళన చెందాల్సిన పని లేదు. ప్రస్తుతం అక్కడే ఉన్న పాకిస్థాన్ కూడా మ్యాచ్ నెగ్గి ఓ రకంగా భారత్‌కు దారి చూపించింది. భారత్‌లో విండీస్ పర్యటన అద్భుతమైన సన్నాహకంగా చెప్పలేకపోయినా...ఏదైనా టూర్‌కు ముందు విజేతగా నిలవడం ఆత్మ విశ్వాసాన్ని పెంచేదే. ఆ రకంగా చూస్తేనే ఈ సిరీస్ మనకు పనికొచ్చింది.
  


 మధ్యాహ్నం గం. 1.30 నుంచి స్టార్ స్పోర్ట్స్-1లో ప్రత్యక్ష ప్రసారం
  
  బ్యాట్స్‌మెన్ సూపర్ ఫామ్‌తో విండీస్‌తో టెస్టు సిరీస్‌ను క్లీన్‌స్వీప్ చేసిన భారత్.. ఇప్పుడు వన్డే సిరీస్‌పై దృష్టిపెట్టింది. ఫార్మాట్‌కు అనుగుణంగా తన ఆటతీరును మార్చుకుంటున్న ధోనిసేన  మ్యాచ్‌లను ఏకపక్షంగా మార్చేస్తోంది. దీంతో బలమైన ప్రత్యర్థి జట్లు కూడా విజయం ముంగిట బోల్తా కొడుతున్నాయి. ఈ నేపథ్యంలో నేడు విండీస్‌తో ప్రారంభ మయ్యే మూడు మ్యాచ్‌ల వన్డే సిరీస్‌లోనైనా పోటీ ఉంటుందో.. మళ్లీ ఏకపక్షమో చూడాలి!
  
  కొచ్చి: భారత బ్యాటింగ్ బలానికి... కరీబియన్ ఆల్‌రౌండర్ల జోరుకు ఇప్పుడు వన్డే సిరీస్ వేదిక కానుంది. సచిన్ టెండూల్కర్ ‘ఫేర్‌వెల్ టెస్టు సిరీస్’ను క్లీన్‌స్వీప్ చేసిన ధోనిసేన వన్డేల్లోనూ అదే అధిపత్యాన్ని కనబర్చాలని భావిస్తుండగా... పోయిన పరువును కొంతైనా కాపాడుకోవాలని బ్రేవోసేన ప్రయత్నిస్తోంది.
  
  ఈ నేపథ్యంలో ఇరుజట్ల మధ్య  తొలి వన్డే నేడు కొచ్చిలో జరగనుంది. ఓ భావోద్వేగ సిరీస్‌ను ఘనంగా ముగించిన భారత్... ఇప్పుడు క్రికెట్‌పై పూర్తి స్థాయిలో దృష్టిపెట్టింది. టెస్టుల్లో రాణించిన చాలా మంది ఆటగాళ్లు వన్డే జట్టులోనూ ఉండటం వల్ల ఈ సిరీస్‌లోనూ భారత్ ఫేవరెట్‌గా బరిలోకి దిగుతోంది. ఆసీస్‌పై విశేషంగా రాణించిన ఓపెనింగ్ జోడి రోహిత్, ధావన్‌లు కుదురుకుంటే భారీ స్కోరు చేయడం ఖాయంగా కనిపిస్తోంది.
  
   ముఖ్యంగా వన్డేల్లో డబుల్ సెంచరీ నమోదు చేసిన రోహిత్ అద్భుతమైన ఫామ్‌లో ఉండటం... వన్‌డౌన్‌లో వచ్చే కోహ్లి చివరి వరకు ఇన్నింగ్స్‌కు వెన్నెముకగా నిలవడం భారత్‌కు కలిసొచ్చే అంశాలు. మిడిలార్డర్‌లో ధోని మంచి ఫామ్‌లో ఉన్నా... రైనా, యువరాజ్ భారీ స్కోర్లు చేయాల్సిన అవసరం ఉంది. టెస్టు సిరీస్‌కు దూరమైన ఆల్‌రౌండర్ జడేజా మళ్లీ జట్టులోకి రావడంతో మంచి సమతుల్యం కనబడుతోంది. ఇక బౌలింగ్ విభాగంలో భువనేశ్వర్, షమీలకు తోడుగా ఉనాద్కట్ లేదా మోహిత్ శర్మలలో ఒక్కరికి అవకాశం దక్కొచ్చు. అశ్విన్‌కు తోడుగా పార్ట్‌టైమ్ స్పిన్నర్లను ఉపయోగించుకునే అవకాశం ఉంది. దీంతో మిశ్రాకు అవకాశం రాకపోవచ్చు.  
  
  టెస్టు సిరీస్‌లో ఘోరంగా ఓడిన విండీస్... వన్డేల్లోనైనా ఆకట్టుకునే ప్రదర్శన కనబర్చాలని ప్రణాళికలు రచిస్తోంది. స్యామీ స్థానంలో ఆల్‌రౌండర్ డ్వేన్ బ్రేవో కెప్టెన్‌గా వ్యవహరించనున్నాడు. అత్యంత ప్రమాదకరమైన ఓపెనర్ క్రిస్‌గేల్ క్రీజులో నిలబడితే భారత్‌కు కష్టాలు తప్పవు. భారీ హిట్టింగ్ చేసే సామర్థ్యం ఉన్న చార్లెస్, దేవ్‌నారాయణ్, డారెన్ బ్రేవో, శామ్యూల్స్, రామ్‌దిన్‌లపైనే బ్యాటింగ్ బలం ఆధారపడి ఉంది. అయితే వీరిలో నిలకడ లేకపోవడం కాస్త ఆందోళన కలిగించే అంశం. పొలార్డ్ జట్టుకు అందుబాటులో లేకపోవడం లోటుగా కనిపిస్తోంది. భారత వికెట్లపై పేస్ త్రయం సిమ్మన్స్, స్యామీ, రాంపాల్ ప్రభావం చూపినా... నరైన్ స్పిన్ మ్యాజిక్‌పైనే జట్టు విజయం ఆధారపడి ఉంది. కాబట్టి భారత బ్యాటింగ్ బలానికి, విండీస్ ఆల్‌రౌండర్ల నైపుణ్యానికి ఈ మ్యాచ్ పరీక్షగా నిలవనుంది.
  
  జట్లు (అంచనా): భారత్: ధోని (కెప్టెన్), రోహిత్, ధావన్, కోహ్లి, రైనా, యువరాజ్, జడేజా, అశ్విన్, భువనేశ్వర్, షమీ, ఉనాద్కట్ / మోహిత్ శర్మ.
  
  వెస్టిండీస్: డ్వేన్ బ్రేవో (కెప్టెన్), గేల్, చార్లెస్, డారెన్ బ్రేవో, శామ్యూల్స్, దేవ్‌నారాయణ్, సిమ్మన్స్, స్యామీ, నరైన్, రాంపాల్, హోల్డర్.
  
  సచిన్ పెవిలియన్ ఆవిష్కరణ
  వెస్టిండీస్‌తో తొలి వన్డేకు వేదికైన జవహర్‌లాల్ నెహ్రూ స్టేడియంలో కొత్తగా ఏర్పాటు చేసిన సచిన్ టెండూల్కర్ పెవిలియన్‌ను కెప్టెన్ ధోని బుధవారం ఆవిష్కరించాడు. సచిన్ ఫొటోలు, సంతకంతో కూడిన జెర్సీ, ముంబై ఇండియన్స్ సహచరుల సంతకాలతో కూడిన బ్యాట్, మాస్టర్ 24 ఏళ్ల సుదీర్ఘ కెరీర్‌లో మర్చిపోలేని ఇన్నింగ్స్‌కు సంబంధించిన ఫొటోలు ఈ పెవిలియన్‌లో ఏర్పాటు చేశారు.
  
  మాస్టర్ భార్య అంజలి, కూతురు సారా, కుమారుడు అర్జున్‌ల ఫొటోలను కూడా ఉంచారు. సచిన్ సంతకం చేసిన బ్యాట్‌ను త్వరలోనే ఏర్పాటు చేస్తామని కేరళ క్రికెట్ సంఘం (కేసీఏ) వెల్లడించింది. కెరీర్‌లో సచిన్ చేసిన 100 సెంచరీలకు గుర్తుగా వంద బంతులను ప్రదర్శనకు ఉంచారు. ప్రతి బంతిపై మ్యాచ్ జరిగిన తేదీని రాశారు.
  
  పరుగుల వర్షం ?
  కొచ్చిలో మ్యాచ్‌కు వరుణుడి నుంచి ఇబ్బందులు ఉండకపోవచ్చు. కానీ పిచ్‌ను గమనిస్తే పరుగుల వర్షం ఖాయంగా కనిపిస్తోంది. ఇప్పటికే భారత్‌లో వన్డేల్లో భారీ స్కోర్లు వస్తున్న నేపథ్యంలో ఈ మ్యాచ్‌లో బౌలర్ల పరిస్థితి ఎలా ఉండబోతుందో..?