విద‌ర్భ స్టార్ ఆఫ్ స్పిన్న‌ర్ అక్షయ్‌ వాఖరే కీల‌క నిర్ణ‌యం తీసుకున్నాడు. రంజీ ట్రోఫీ 2024-25 సీజ‌న్‌ ఫైన‌ల్ విజ‌యనంత‌రం వాఖరే ఫస్ట్‌క్లాస్‌ క్రికెట్‌కు రిటైర్మెంట్‌ ప్రకటించాడు. నాగ్‌పూర్ వేదిక‌గా కేర‌ళ‌తో జ‌రిగిన రంజీ ట్రోఫీ ఫైన‌ల్లో విద‌ర్బ విజ‌యం సాధించింది. ఫైనల్‌ డ్రాగా ముగిసినప్పటికీ.. తొలి ఇన్నింగ్స్‌ ఆధిక్యం ఆధారంగా విదర్భ ఛాంపియ‌న్‌గా అవ‌త‌రించింది. అయితే ఈ మ్యాచ్‌లో వాఖ‌రేకు ఆడే అవ‌కాశం ల‌భించలేదు. అత‌డు చివ‌ర‌గా త‌మిళ‌నాడుతో జ‌రిగిన క్వార్ట‌ర్ ఫైన‌ల్ మ్యాచ్‌లో విద‌ర్బ‌కు ప్రాతినిథ్యం వ‌హిచాడు. ‘రంజీ చాంపియన్‌ జట్టులో భాగస్వామి కావడం ఆనందంగా ఉంది. విజేతగా వీడ్కోలు పలకడం కంటే ఇంకేం కావాలి. 100 మ్యాచ్‌ల అనంతరం తప్పుకోవాలని నిర్ణయించుకున్నా. కానీ జట్టు అవసరాల దృష్ట్యా సీజన్‌ ముగిసేవరకు కొనసాగాను’ అని 39 ఏళ్ల వాఖరే వెల్లడించాడు. 2006-07 రంజీ సీజ‌న్‌తో ఫ‌స్ట్ క్లాస్ క్రికెట్‌లోకి అడుగుపెట్టిన అక్ష‌య్‌.. విద‌ర్బ క్రికెట్ చ‌రిత్ర‌లో త‌న పేరును సువ‌ర్ణ అక్ష‌రాల‌తో లిఖించుకున్నాడు. త‌న సంచ‌ల‌న ప్ర‌ద‌ర్శ‌నతో విద‌ర్భ‌కు ఎన్నో చారిత్ర‌త్మ‌క విజ‌యాల‌ను అందించాడు. మూడోసారి విద‌ర్భ విజేత‌గా నిల‌వ‌డంతో వాఖ‌రే త‌న‌వంతు పాత్ర పోషించాడు. దేశవాళీల్లో 105 మ్యాచ్‌లాడిన ఈ కుడిచేతి వాటం స్పిన్నర్‌ 344 వికెట్లు ఖాతాలో వేసుకున్నాడు. అతడి ఫస్ట్‌ క్లాస్‌ కెరీర్‌లో 3 పది వికెట్‌ హాల్స్‌, 21 ఫైవ్‌ వికెట్ల హాల్స్ ఉన్నాయి.విదర్భకు భారీ నజరానా..మూడోసారి రంజీ టైటిల్‌ నెగ్గిన తమ జట్టుకు విదర్భ క్రికెట్‌ అసోసియేషన్‌ (వీసీఏ) భారీ నజరానా ప్రకటించింది. టీమ్‌ మొత్తానికి రూ. 3 కోట్లు నగదు ప్రోత్సాహకాన్ని అందజేస్తామని తెలిపింది. ఒకే సీజన్‌లో అత్యధిక వికెట్లు తీసి రికార్డు నెలకొలి్పన హర్ష్ దూబేకు రూ. 25 లక్షలు... నాలుగు సెంచరీలతో అదరగొట్టిన కరుణ్‌ నాయర్‌కు రూ. 10 లక్షలు... ఈ రంజీ సీజన్‌లో అత్యధిక పరుగులు చేసిన యశ్‌ రాథోడ్‌కు రూ. 10 లక్షలు... హెడ్‌ కోచ్‌ ఉస్మాన్‌ ఘనీకి రూ. 15 లక్షలు... అసిస్టెంట్‌ కోచ్‌ అతుల్‌ రనాడేకు రూ. 5 లక్షలు... ఫిజియోథెరపిస్ట్‌ డాక్టర్‌ నితిన్‌ ఖురానాకు రూ. 5 లక్షలు... స్ట్రెంత్‌ అండ్‌ కండీషనింగ్‌ కోచ్‌ యువరాజ్‌ సింగ్‌ దసోంధికి రూ. 5 లక్షలు... వీడియో ఎనలిస్ట్‌ అమిత్‌ మాణిక్‌రావుకు రూ. 5 లక్షలు ప్రకటించారు.చదవండి: Champions Trophy: ఆసీస్‌తో సెమీఫైనల్‌.. భారత్‌కు మరోసారి 'హెడ్' ఏక్ తప్పదా?

సీజన్‌ ఆసాంతం నిలకడ కొనసాగించిన విదర్భ జట్టు... తుదిపోరులోనూ అదే జోరు కనబరుస్తూ చాంపియన్‌గా ఆవతరించింది. ప్రత్యర్థులకు ఏమాత్రం అవకాశం ఇవ్వకుండా... పరాజయమే ఎరగకుండా మూడోసారి రంజీ ట్రోఫీ విజేతగా నిలిచింది. అసమాన పోరాటంతో తొలిసారి ఈ ప్రతిష్టాత్మక టోర్నిలో ఫైనల్‌ చేరిన కేరళ జట్టు రన్నరప్‌తో సరిపెట్టుకోగా... దేశవాళీ టోర్నీ చరిత్రలో ఒక సీజన్‌లో అత్యధిక వికెట్లు పడగొట్టిన హర్ష్ దూబేకు ‘ప్లేయర్‌ ఆఫ్‌ ద సిరీస్‌’ అవార్డు దక్కింది. నాగ్‌పూర్‌: దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీలో విదర్భ జట్టు విజేతగా నిలిచింది. కేరళతో జరిగిన తుదిపోరు ‘డ్రా’గా ముగియడంతో... 37 పరుగుల తొలి ఇన్నింగ్స్‌ ఆధిక్యం సాధించిన విదర్భ జట్టుకు ట్రోఫీ దక్కింది. రంజీ ట్రోఫీలో విదర్భ జట్టు చాంపియన్‌గా అవతరించడం ఇది మూడోసారి. 2017–18, 2018–19 సీజన్‌లలో వరుసగా ట్రోఫీ చేజిక్కించుకున్న విదర్భ జట్టు... మళ్లీ ఆరేళ్ల తర్వాత టైటిల్‌ దక్కించుకుంది. తాజా సీజన్‌లో ఫైనల్‌తో కలిపి మొత్తం 10 మ్యాచ్‌లాడిన విదర్భ... పరాజయం లేకుండా ట్రోఫీ కైవసం చేసుకోవడం విశేషం. సుదీర్ఘ రంజీ ట్రోఫీ చరిత్రలో తొలిసారి ఫైనల్‌కు చేరిన కేరళ జట్టు రన్నరప్‌తో సరిపెట్టుకుంది. చాంపియన్‌ విదర్భ జట్టుకు రూ. 5 కోట్లు... రన్నరప్‌ కేరళ జట్టుకు రూ. 3 కోట్లు ప్రైజ్‌మనీగా లభించాయి. సొంత మైదానంలో జరిగిన తుదిపోరులో ఓవర్‌నైట్‌ స్కోరు 249/4తో ఆదివారం ఆఖరి రోజు రెండో ఇన్నింగ్స్‌ కొనసాగించిన విదర్భ జట్టు... 143.5 ఓవర్లలో 9 వికెట్ల నష్టానికి 375 పరుగులు చేసింది. సీనియర్‌ బ్యాటర్‌ కరుణ్‌ నాయర్‌ (295 బంతుల్లో 135; 10 ఫోర్లు, 2 సిక్స్‌లు) క్రితం రోజు స్కోరుకు మరో 3 పరుగులు మాత్రమే చేసి వెనుదిరిగినా... కెప్టెన్‌ అక్షయ్‌ వాడ్కర్‌ (108 బంతుల్లో 25), దర్శన్‌ నల్కండే (98 బంతుల్లో 51 నాటౌట్‌; 3 ఫోర్లు, 1 సిక్స్‌), అక్షయ్‌ కర్నెవర్‌ (70 బంతుల్లో 30; 3 ఫోర్లు, 1 సిక్స్‌) పోరాడారు. ఫలితంగా విదర్భ జట్టు భారీ స్కోరు చేయగలిగింది. తొలి ఇన్నింగ్స్‌ ఆధిక్యం 37 పరుగులు కలుపుకొని ఓవరాల్‌గా విదర్భ జట్టు 412 పరుగుల ముందంజలో నిలిచింది. మ్యాచ్‌లో ఫలితం తేలే అవకాశం లేకపోవడంతో ఇరు జట్ల కెప్టెన్‌లు టీ విరామం కంటే ముందే ‘డ్రా’కు అంగీకరించారు. తొలి ఇన్నింగ్స్‌లో భారీ సెంచరీతో చెలరేగిన విదర్భ బ్యాటర్‌ దానిశ్‌ మాలేవర్‌కు ‘ప్లేయర్‌ ఆఫ్‌ ద మ్యాచ్‌’, హర్ష్ దూబేకు ‘ప్లేయర్‌ ఆఫ్‌ ద సిరీస్‌’అవార్డులు దక్కాయి. స్కోరు వివరాలు విదర్భ తొలి ఇన్నింగ్స్‌: 379; కేరళ తొలి ఇన్నింగ్స్‌: 342; విదర్భ రెండో ఇన్నింగ్స్‌: పార్థ్‌ రేఖడే (బి) జలజ్‌ సక్సేనా 1; ధ్రువ్‌ షోరే (సి) అజహరుద్దీన్‌ (బి) ని«దీశ్‌ 5; దానిశ్‌ మాలేవర్‌ (సి) సచిన్‌ బేబీ (బి) అక్షయ్‌ చంద్రన్‌ 73; కరుణ్‌ నాయర్‌ (స్టంప్డ్‌) అజహరుద్దీన్‌ (బి) ఆదిత్య 135; యశ్‌ రాథోడ్‌ (ఎల్బీడబ్ల్యూ) (బి) ఆదిత్య సర్వతే 24; అక్షయ్‌ వాడ్కర్‌ (బి) ఆదిత్య 25; హర్ష్ దూబే (ఎల్బీడబ్ల్యూ) అధన్‌ టామ్‌ 4; అక్షయ్‌ కర్నెవర్‌ (బి) బాసిల్‌ 30; దర్శన్‌ నల్కండే (నాటౌట్‌) 51; నచికేత్‌ (ఎల్బీడబ్ల్యూ) (బి) ఆదిత్య 3; యశ్‌ ఠాకూర్‌ (నాటౌట్‌) 8; ఎక్స్‌ట్రాలు 16; మొత్తం (143.5 ఓవర్లలో 9 వికెట్లకు) 375. వికెట్ల పతనం: 1–5, 2–7, 3–189, 4–238, 5–259, 6–279, 7–283, 8–331, 9–346, బౌలింగ్‌: ని«దీశ్‌ 15–3–48–1; జలజ్‌ సక్సేనా 50–11–109–1; అధన్‌ టామ్‌ 14–0–57–1; ఆదిత్య సర్వతే 44.5–12–96–4; బాసిల్‌ 7–2–18–1; అక్షయ్‌ చంద్రన్‌ 13–2–33–1.వీసీఏ నజరానా రూ. 3 కోట్లు మూడోసారి రంజీ టైటిల్‌ నెగ్గిన తమ జట్టుకు విదర్భ క్రికెట్‌ అసోసియేషన్‌ (వీసీఏ) భారీ నజరానా ప్రకటించింది. టీమ్‌ మొత్తానికి రూ. 3 కోట్లు నగదు ప్రోత్సాహకాన్ని అందజేస్తామని తెలిపింది. ఒకే సీజన్‌లో అత్యధిక వికెట్లు తీసి రికార్డు నెలకొలి్పన హర్ష్ దూబేకు రూ. 25 లక్షలు... నాలుగు సెంచరీలతో అదరగొట్టిన కరుణ్‌ నాయర్‌కు రూ. 10 లక్షలు... ఈ రంజీ సీజన్‌లో అత్యధిక పరుగులు చేసిన యశ్‌ రాథోడ్‌కు రూ. 10 లక్షలు... హెడ్‌ కోచ్‌ ఉస్మాన్‌ ఘనీకి రూ. 15 లక్షలు... అసిస్టెంట్‌ కోచ్‌ అతుల్‌ రనాడేకు రూ. 5 లక్షలు... ఫిజియోథెరపిస్ట్‌ డాక్టర్‌ నితిన్‌ ఖురానాకు రూ. 5 లక్షలు... స్ట్రెంత్‌ అండ్‌ కండీషనింగ్‌ కోచ్‌ యువరాజ్‌ సింగ్‌ దసోంధికి రూ. 5 లక్షలు... వీడియో ఎనలిస్ట్‌ అమిత్‌ మాణిక్‌రావుకు రూ. 5 లక్షలు ప్రకటించారు. గతేడాది మేం ఫైనల్లో పరాజయం పాలయ్యాం. ఈసారి అలాంటి తప్పు చేయకూడదని ముందే అనుకున్నాం. ప్రతి ఒక్కరు తమ ఆటతీరును మెరుగు పర్చుకున్నారు. దాని ఫలితమే ఈ విజయం. ఈ సీజన్‌లో అత్యధిక పరుగులు చేసిన జాబితాలో తొలి పది మందిలో నలుగురు విదర్భ ఆటగాళ్లు ఉన్నారు. సీజన్‌లో అత్యధిక వికెట్లు తీసిన హర్ష్, అత్యధిక పరుగులు చేసిన యశ్‌ విజయాల్లో కీలక పాత్ర పోషించారు. కెప్టెన్‌ హోదాలో ఈసారి రంజీ ట్రోఫీ అందుకున్న క్షణాలు అద్భుతంగా అనిపించాయి. –అక్షయ్‌ వాడ్కర్, విదర్భ కెప్టెన్‌

రంజీ ట్రోఫీ 2024-25 (Ranji Trophy 2024-25) ఎడిషన్‌ ఛాంపియన్‌గా విదర్భ (Vidarbha) అవతరించింది. కేరళతో (Kerala) జరిగిన ఫైనల్‌ డ్రాగా ముగిసినప్పటికీ.. తొలి ఇన్నింగ్స్‌ ఆధిక్యం ఆధారంగా విదర్భ విజేతగా నిలిచింది. ఈ మ్యాచ్‌లో విదర్భ తొలి ఇన్నింగ్స్‌లో అత్యంత కీలకమైన 37 పరుగుల ఆధిక్యం సాధించింది. తొలి ఇన్నింగ్స్‌లో విదర్భ స్కోర్‌ను క్రాస్‌ చేయలేకపోవడంతో తొలి సారి రంజీ ఫైనల్‌కు చేరిన కేరళ రన్నరప్‌తో సరిపెట్టుకుంది.VIDARBHA LIFTS THE RANJI TROPHY. 🏆- 3rd Ranji title in the last 7 years. 🔥pic.twitter.com/cKclAW94XJ— Mufaddal Vohra (@mufaddal_vohra) March 2, 2025విదర్భ రంజీల్లో తమ మూడో టైటిల్‌ను సొంతం చేసుకుంది. విదర్భ 2017-18, 2018-19 ఎడిషన్లలో వరుసగా రంజీ ఛాంపియన్‌గా నిలిచింది. గత ఎడిషన్‌లోనూ ఫైనల్‌కు చేరిన విదర్భ రన్నరప్‌తో సరిపెట్టుకుంది. గత సీజన్‌ ఫైనల్లో విదర్భ ముంబై చేతిలో ఓడింది.VIDARBHA HAS WON 3 RANJI TROPHY TITLES IN JUST 7 YEARS 🤯- New force of Indian Domestic Cricket. pic.twitter.com/grTjVqWxLd— Johns. (@CricCrazyJohns) March 2, 2025మ్యాచ్‌ విషయానికొస్తే.. ఈ మ్యాచ్‌లో విదర్భ రెండు ఇన్నింగ్స్‌లు బ్యాటింగ్‌ చేయగా.. కేరళ ఒకే ఇన్నింగ్స్‌లో బ్యాటింగ్‌ చేసింది. టాస్‌ ఓడి తొలుత బ్యాటింగ్‌ చేసిన విదర్భ తొలి ఇన్నింగ్స్‌లో 379 పరుగులకు ఆలౌటైంది.యువ ఆటగాడు దనిశ్‌ మలేవార్‌ (153) సూపర్‌ సెంచరీతో కదంతొక్కగా.. స్టార్‌ ఆటగాడు కరుణ్‌ నాయర్‌ (86) సెంచరీకి చేరువలో రనౌటయ్యాడు. విదర్భ ఇన్నింగ్స్‌లో వీరిద్దరు మినహా ఎవరూ చెప్పుకోదగ్గ స్కోర్లు చేయలేదు. 11వ నంబర్‌ ఆటగాడు నచికేత్‌ భూటే (32) మలేవార్‌, కరుణ్‌ నాయర్‌ తర్వాత టాప్‌ స్కోరర్‌గా నిలిచాడు. ధృవ్‌ షోరే (16), యశ్‌ ఠాకూర్‌ (25), కెప్టెన్‌ అక్షయ్‌ వాద్కర్‌ (23), అక్షయ్‌ కర్నేవార్‌ (12), హర్ష్‌ దూబే (12 నాటౌట్‌) రెండంకెల స్కోర్లు చేయగా.. పార్థ్‌ రేఖడే (0), దర్శన్‌ నల్కండే (1), యశ్‌ రాథోడ్‌ (3) పూర్తిగా నిరాశపరిచారు. కేరళ బౌలర్లలో నిదీశ్‌, ఈడెన్‌ యాపిల్‌ తలో 3 వికెట్లు పడగొట్టగా.. బాసిల్‌ 2, జలజ్‌ సక్సేనా ఓ వికెట్‌ దక్కించుకున్నారు.అనంతరం బరిలోకి దిగిన కేరళ తొలి ఇన్నింగ్స్‌లో 342 పరుగులకు ఆలౌటైంది. ఫలితంగా విదర్భ 37 పరుగుల తొలి ఇన్నింగ్స్‌ ఆధిక్యం లభించింది. కేరళ ఇన్నింగ్స్‌లో ఆదిత్య సర్వటే (79), సచిన్‌ బేబి (98) సత్తా చాటగా.. అహ్మద్‌ ఇమ్రాన్‌ (37), మహ్మద్‌ అజాహరుద్దీన్‌ (34), సల్మాన్‌ నిజర్‌ (21), జలజ్‌ సక్సేనా (28) ఓ మోస్తరు స్కోర్లు చేశారు. అక్షయ్‌ చంద్రన్‌ (14), రోహన్‌ కన్నుమ్మల్‌ (0), ఏడెన్‌ యాపిల్‌ టామ్‌ (10), నిధీశ్‌ (1) నిరాశపరిచారు. విదర్భ బౌలర్లలో దర్శన్‌ నల్కండే, పార్థ్‌ రేఖడే, హర్ష్‌ దూబే తలో 3 వికెట్లు పడగొట్టగా.. యశ్‌ ఠాకూర్‌ ఓ వికెట్‌ దక్కించుకున్నాడు.సూపర్‌ సెంచరీతో మెరిసిన కరుణ్‌37 పరుగుల లీడ్‌తో రెండో ఇన్నింగ్స్‌ ప్రారంభించిన విదర్భ రెండో ఇన్నింగ్స్‌లో 9 వికెట్ల నష్టానికి 375 పరుగులు చేసింది. తొలి ఇన్నింగ్స్‌లో సెంచరీ మిస్‌ అయిన కరుణ్‌ నాయర్‌ ఈ ఇన్నింగ్స్‌లో సూపర్‌ సెంచరీతో (135) మెరిశాడు. కరుణ​్‌కు ఈ రంజీ సీజన్‌లో ఇది నాలుగో సెంచరీ. ఓవరాల్‌గా ఈ దేశవాలీ సీజన్‌లో 9వది. ఈ సీజన్‌ విజయ్‌ హజారే ట్రోఫీలో కరుణ్‌ ఐదు సెంచరీలు చేశాడు.రెండో ఇన్నింగ్స్‌లోనూ రాణించిన మలేవార్‌తొలి ఇన్నింగ్స్‌ సెంచరీ హీరో దనిశ్‌ మలేవార్‌ (73) రెండో ఇన్నింగ్స్‌లోనూ అర్ద సెంచరీతో రాణించాడు. ఐదో రోజు ఆట చివరి సెషన్‌లో దర్శన నల్కండే (51 నాటౌట్‌) కేరళ బౌలర్ల సహనాన్ని పరీక్షించాడు. కేరళ బౌలర్లలో ఆదిత్య సర్వటే 4 వికెట్లు తీయగా.. నిధీశ్‌, జలజ్‌, యాపిల్‌ టామ్‌, బాసిల్‌, అక్షయ్‌ చంద్రన్‌ తలో వికెట్‌ పడగొట్టారు. ప్లేయర్‌ ఆఫ్‌ ద సిరీస్‌గా హర్ష్‌ దూబేఈ రంజీ సీజన్‌లో 10 మ్యాచ్‌ల్లో 68 వికెట్లు తీసిన విదర్భ స్పిన్నర్‌ హర్ష్‌ దూబేకు ప్లేయర్‌ ఆఫ్‌ ద టోర్నీమెంట్‌ అవార్డు లభించింది. ఈ ప్రదర్శనతో హర్ష్‌ ఒకే సీజన్‌లో అత్యధిక వికెట్లు తీసిన బౌలర్‌గా రికార్డు క్రియేట్ చేశాడు. ఈ సీజన్‌లో హర్ష్‌ 7 ఐదు వికెట్ల ప్రదర్శనలు.. 3 నాలుగు వికెట్ల ప్రదర్శనలు నమోదు చేశాడు. ఈ మ్యాచ్‌ తొలి ఇన్నింగ్స్‌లో సెంచరీ, రెండో ఇన్నింగ్స్‌లో హాఫ్‌ సెంచరీ చేసిన దనిశ్‌ మలేవార్‌కు ప్లేయర్ ఆఫ్ ద మ్యాచ్ అవార్డు దక్కింది.

విదర్భ బ్యాటర్‌ కరుణ్‌ నాయర్‌(Karun Nair) మరోసారి శతక్కొట్టాడు. రంజీ ట్రోఫీ(Ranji Trophy) ఎలైట్‌ 2024-25 సీజన్‌ ఫైనల్లో భాగంగా కేరళపై సెంచరీ సాధించాడు. ఈ సందర్భంగా అతడు సెలబ్రేట్‌ చేసుకున్న విధానం నెటిజన్లను ఆకర్షించింది. ఈ నేపథ్యంలో భీకర ఫామ్‌లో ఉన్న ఆటగాడి పట్ల వివక్ష చూపిస్తున్న టీమిండియా సెలక్టర్లు సిగ్గుతో తలదించుకోవాలంటూ అతడి అభిమానులు సోషల్‌ మీడియా వేదికగా ఘాటు వ్యాఖ్యలు చేస్తున్నారు.కాగా దేశవాళీ క్రికెట్‌ తాజా ఎడిషన్‌లో ఫార్మాట్లకు అతీతంగా కరుణ్‌ నాయర్‌ దుమ్ములేపుతున్న విషయం తెలిసిందే. దేశీ వన్డే టోర్నమెంట్‌ విజయ్‌ హజారే ట్రోఫీలో విదర్భ(Vidarbha) కెప్టెన్‌గా వ్యవహరించిన ఈ కుడిచేతి వాటం బ్యాటర్‌.. కేవలం ఎనిమిది ఇన్నింగ్స్‌లోనే 779 పరుగులు సాధించాడు. ఇందులో ఏకంగా ఐదు శతకాలు ఉండటం విశేషం.ఈ నేపథ్యంలో ఐసీసీ చాంపియన్స్‌ ట్రోఫీ-2025కి ఎంపిక చేసిన జట్టులో కరుణ్‌ నాయర్‌కు స్థానం దక్కాలని భారత మాజీ క్రికెటర్లు, అభిమానులు డిమాండ్‌ చేశారు. అయితే, బీసీసీఐ సెలక్టర్లు మాత్రం అతడి అత్యద్భుత ప్రదర్శనను పరిగణనలోకి తీసుకోలేదు.ఈ విషయం గురించి జట్టు ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్‌ మాట్లాడుతూ.. నలభై ఏళ్ల వయసుకు దగ్గరపడుతున్న వాళ్లను జట్టులోకి తీసుకోలేమని వ్యాఖ్యానించాడు. అతడు ఫామ్‌లో ఉన్నప్పటికీ ప్రస్తుత జట్టులో చోటు ఇవ్వలేమని కుండబద్దలు కొట్టాడు.23వ శతకంఈ క్రమంలో నిరాశకు గురైనప్పటికీ కరుణ్‌ నాయర్‌ ఆ ప్రభావాన్ని తన ఆట మీద పడనీయలేదు. రంజీ రెండో దశ పోటీల్లో భాగంగా క్వార్టర్‌ ఫైనల్లో తమిళనాడుపై శతకం(122) బాదిన అతడు.. తాజాగా ఫైనల్లోనూ సెంచరీతో మెరిశాడు. నాగ్‌పూర్‌ వేదికగా కేరళ జట్టుతో జరుగుతున్న తుదిపోరులో నాలుగో రోజు ఆటలో భాగంగా కరుణ్‌ నాయర్‌.. 184 బంతుల్లో వంద పరుగులు పూర్తి చేసుకున్నాడు. ఫస్ట్ క్లాస్‌ క్రికెట్‌లో అతడికి ఇది 23వ శతకం.సెలబ్రేషన్స్‌తో సెలక్టర్లకు స్ట్రాంగ్‌ మెసేజ్‌!ఈ నేపథ్యంలో హెల్మెట్‌ తీసి బ్యాట్‌ను ఆకాశం వైపు చూపిస్తూ సెలబ్రేట్‌ చేసుకున్న కరుణ్‌ నాయర్‌... ఆ తర్వాత బ్యాట్‌, హెల్మెట్‌ను కింద పెట్టేసి.. తన చేతి వేళ్లలో తొమ్మిదింటిని ఎత్తి చూపాడు. దేశీ తాజా సీజన్‌లో తాను తొమ్మిది సెంచరీలు సాధించానని.. ఇకనైనా టీమిండియాలో చోట ఇవ్వండి అన్నట్లుగా సెలక్టర్లకు సందేశం పంపాడు. ఇందుకు సంబంధించిన వీడియో నెట్టింట వైరల్‌గా మారింది. కాగా 2016లో టీమిండియా తరఫున అంతర్జాతీయ క్రికెట్‌లో అడుగుపెట్టిన కరుణ్‌ నాయర్‌ ఇప్పటి వరకు కేవలం ఆరు టెస్టులు, రెండు వన్డేలు ఆడాడు. టెస్టుల్లో త్రిబుల్‌ సెంచరీ సాయంతో 374 పరుగులు చేసిన అతడు.. వన్డేల్లో 46 రన్స్‌ చేయగలిగాడు. ఇదిలా ఉంటే.. కేరళతో శనివారం నాటి ఆట ముగిసే సరికి కరుణ్‌ నాయర్‌ 280 బంతులు ఎదుర్కొని 132 పరుగులతో అజేయంగా నిలిచాడు. మరోవైపు.. ఈ మ్యాచ్‌లో విదర్భ పటిష్ట స్థితిలో నిలిచింది. నాలుగో రోజు ఆట పూర్తయ్యే సరికి కేరళ కంటే 286 పరుగుల ఆధిక్యంలో నిలిచింది.చదవండి: 'భారత్‌దే ఛాంపియ‌న్స్ ట్రోఫీ.. ఒకే ఒక్క ప‌రుగు తేడాతో'.. క్లార్క్‌ జోస్యం 💯 for Karun Nair 👏A splendid knock on the big stage under pressure 💪It's his 9⃣th 1⃣0⃣0⃣ in all formats combined this season, and the celebration says it all👌🙌#RanjiTrophy | @IDFCFIRSTBank | #FinalScorecard ▶️ https://t.co/up5GVaflpp pic.twitter.com/9MvZSHKKMY— BCCI Domestic (@BCCIdomestic) March 1, 2025

రంజీ క్రికెట్‌లో (Ranji Trohy) విదర్భ (Vidarbha) లెఫ్ట్‌ ఆర్మ్‌ స్పిన్నర్‌ హర్ష్‌ దూబే (Harsh Dubey) చరిత్ర సృష్టించాడు. ఓ సింగిల్‌ ఎడిషన్‌లో అత్యధిక వికెట్లు (69 వికెట్లు) తీసిన బౌలర్‌గా సరికొత్త రికార్డు నెలకొల్పాడు. గతంలో ఈ రికార్డు బీహార్‌ బౌలర్‌ అషుతోష్ అమన్‌ పేరిట ఉండింది. అమన్‌ 2018-19 ఎడిషన్‌లో 68 వికెట్లు తీశాడు. ప్రస్తుత రంజీ ఎడిషన్‌ (2024-25) ఫైనల్లో (కేరళతో జరుగుతున్న మ్యాచ్‌లో) హర్ష్‌, అమన్‌ రికార్డును బద్దలు కొట్టాడు. ఈ ఎడిషన్‌లో హర్ష్‌ 19 ఇన్నింగ్స్‌ల్లో 16 సగటున 69 వికెట్లు తీశాడు.రంజీ ట్రోఫీ సింగిల్‌ ఎడిషన్‌లో అత్యధిక వికెట్లు తీసిన బౌలర్లు..హర్ష్‌ దూబే (విదర్భ)- 10 మ్యాచ్‌ల్లో 69 వికెట్లు (2024-25)ఆషుతోష్‌ అమన్‌ (బీహార్‌)- 8 మ్యాచ్‌ల్లో 68 వికెట్లు (2018-19)జయదేవ్‌ ఉనద్కత్‌ (సౌరాష్ట్ర)- 10 మ్యాచ్‌ల్లో 67 వికెట్లు (2019-20)ఫైనల్‌ మ్యాచ్‌ విషయానికొస్తే.. ఈ మ్యాచ్‌లో హర్ష్‌ సహా విదర్భ బౌలర్లు రాణించడంతో విదర్భ కేరళపై కీలకమైన తొలి ఇన్నింగ్స్‌ లీడ్‌ సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన విదర్భ 379 పరుగులకు ఆలౌటైంది. యువ ఆటగాడు దనిశ్‌ మలేవార్‌ (153) సూపర్‌ సెంచరీతో విదర్భ భారీ స్కోర్‌ చేయడానికి దోహదపడ్డాడు. అతనికి కరుణ్‌ నాయర్‌ (86) సహకరించాడు.విదర్భ ఇన్నింగ్స్‌లో మలేవార్‌, కరుణ్‌ నాయర్‌ మినహా ఎవరూ చెప్పుకోదగ్గ స్కోర్లు చేయలేదు. 11వ నంబర్‌ ఆటగాడు నచికేత్‌ భూటే (32) మలేవార్‌, కరుణ్‌ నాయర్‌ తర్వాత టాప్‌ స్కోరర్‌గా నిలిచాడు. ధృవ్‌ షోరే (16), యశ్‌ ఠాకూర్‌ (25), కెప్టెన్‌ అక్షయ్‌ వాద్కర్‌ (23), అక్షయ్‌ కర్నేవార్‌ (12), హర్ష్‌ దూబే (12 నాటౌట్‌) రెండంకెల స్కోర్లు చేయగా.. పార్థ్‌ రేఖడే (0), దర్శన్‌ నల్కండే (1), యశ్‌ రాథోడ్‌ (3) పూర్తిగా నిరాశపరిచారు. కేరళ బౌలర్లలో నిదీశ్‌, ఈడెన్‌ యాపిల్‌ తలో 3 వికెట్లు పడగొట్టగా.. బాసిల్‌ 2, జలజ్‌ సక్సేనా ఓ వికెట్‌ దక్కించుకున్నారు.అనంతరం బరిలోకి దిగిన కేరళ తొలి ఇన్నింగ్స్‌లో 342 పరుగులకు ఆలౌటై, విదర్భ తొలి ఇన్నింగ్స్‌ స్కోర్‌కు 37 పరుగులు వెనుకపడింది. కేరళ ఇన్నింగ్స్‌కు ఆదిత్య సర్వటే (79), కెప్టెన్‌ సచిన్‌ బేబి (98) జీవం పోశారు. వీరిద్దరూ అహ్మద్‌ ఇమ్రాన్‌ (37), సల్మాన్‌ నిజర్‌ (21), మహ్మద్‌ అజారుద్దీన్‌ (34), జలజ్‌ సక్సేనాతో (28) కలిసి కీలక భాగస్వామ్యాలు నెలకొల్పారు. ఓ దశలో (సచిన్‌ క్రీజ్‌లో ఉండగా) కేరళ విదర్భ తొలి ఇన్నింగ్స్‌ స్కోర్‌ను దాటేసేలా కనిపించింది. అయితే సచిన్‌ సెంచరీ ముందు అనవసర షాట్‌ ఆడి వ్యక్తిగతంగా నష్టపోవడంతో పాటు జట్టును కూడా ఇరకాటంలో పడేశాడు. సచిన్‌ ఔటయ్యాక కేరళ ఇన్నింగ్స్‌ ఒక్కసారిగా గతి తప్పింది. 18 పరుగుల వ్యవధిలో చివరి 3 వికెట్లు కోల్పోయింది. పార్థ్‌ రేఖడే సచిన్‌ సహా జలజ్‌ సక్సేనా, ఏడెన్‌ యపిల్‌ టామ్‌ వికెట్లు తీశాడు. ఈ ఇన్నింగ్స్‌లో హర్ష్‌ కూడా 3 వికెట్లు తీశాడు. కీలకమైన ఆదిత్య సర్వటే, సల్మాన్‌ నిజర్‌, ఎండీ నిధీశ్‌ వికెట్లు పడగొట్టాడు. నిధీశ్‌ వికెట్‌తో హర్ష్‌ ఓ సింగిల్‌ రంజీ ఎడిషన్‌లో అత్యధిక వికెట్లు తీసిన బౌలర్‌గా అవతరించాడు.కీలకమైన తొలి ఇన్నింగ్స్‌ లీడ్‌ సాధించి విదర్భ కేరళపై పైచేయి సాధించింది. ఈ మ్యాచ్‌ డ్రా అయినా తొలి ఇన్నింగ్స్‌ లీడ్‌ ఆధారంగా విదర్భనే విజేతగా నిలుస్తుంది. అలాగని కేరళకు దారులు మూసుకుపోలేదు. కేరళ విదర్భను రెండో ఇన్నింగ్స్‌లో ఆలౌట్‌ చేసి, వారు నిర్దేశించిన లక్ష్యాన్ని ఛేదించాల్సి ఉంటుంది. అప్పుడే ఆ జట్టు తమ తొలి రంజీ టైటిల్‌ కలను నెరవేర్చుకుంటుంది. ప్రస్తుతానికి కేరళపై విదర్భ ఆధిక్యం సాధించింది. ఈ మ్యాచ్‌లో మరో రెండు రోజుల ఆట మిగిలి ఉంది. విదర్భ, కేరళ తమ రెండో ఇన్నింగ్స్‌లో బ్యాటింగ్‌ చేయాల్సి ఉంది. విదర్భ గత సీజన్‌ ఫైనల్లో ముంబై చేతిలో భంగపడి టైటిల్‌ ఆశలను చేజార్చుకుంది. ఈసారి ఆ జట్టు ఎలాగైనా టైటిల్‌ సాధించాలని పట్టుదలగా ఉంది. కాగా, ఈ సీజన్‌లో విదర్భ సెమీఫైనల్లో ముంబైను చిత్తు చేసి ఫైనల్‌కు చేరగా.. కేరళ గుజరాత్‌పై 2 పరుగుల స్వల్ప తొలి ఇన్నింగ్స్‌ ఆధిక్యం సాధించి తొలిసారి ఫైనల్‌కు చేరింది.

కేరళ, విదర్భ (Kerala Vs Vidarbha) జట్ల మధ్య జరుగుతున్న రంజీ ట్రోఫీ ఫైనల్‌ (Ranji Trophy Final) హోరాహోరీగా సాగుతుంది. తొలి ఇన్నింగ్స్‌ ఆధిక్యం సాధించేందుకు ఇరు జట్లు శాయశక్తులా ప్రయత్నిస్తున్నాయి. టాస్‌ ఓడి తొలుత బ్యాటింగ్‌ చేసిన విదర్భ 379 పరుగులకు ఆలౌటైంది. యువ ఆటగాడు దనిశ్‌ మలేవార్‌ (153) సూపర్‌ సెంచరీతో విదర్భ భారీ స్కోర్‌ చేయడానికి దోహదపడ్డాడు. అతనికి కరుణ్‌ నాయర్‌ (86) సహకరించాడు. అనంతరం బరిలోకి దిగిన కేరళ విదర్భ తొలి ఇన్నింగ్స్‌ స్కోర్‌ను దాటేందుకు విశ్వప్రయత్నాలు చేస్తుంది.ఈ క్రమంలో ఆ జట్టు కెప్టెన్‌ సచిన్‌ బేబి (Sachin Baby) అద్భుతమైన ఇన్నింగ్స్‌ ఆడాడు. కేరళను తొలి ఇన్నింగ్స్‌ సాధించే దిశగా తీసుకెళ్లాడు. అయితే దురదృష్టవశాత్తు సెంచరీకి రెండు పరుగుల దూరంలో ఔటయ్యాడు. ఈ ఇన్నింగ్స్‌లో 235 బంతులు ఎదుర్కొన్న సచిన్‌.. 10 బౌండరీల సాయంతో 98 పరుగులు చేశాడు. సచిన్‌తో పాటు వన్‌డౌన్‌ బ్యాటర్‌ ఆదిత్య సర్వటే (79) కేరళ ఇన్నింగ్స్‌కు గట్టి పునాది వేశాడు. సర్వటే.. అహ్మద్‌ ఇమ్రాన్‌ (37), సచిన్‌ బేబి సహకారంతో అద్భుతమైన భాగస్వామ్యాలు నెలకొల్పాడు. అనంతరం సచిన్‌.. సల్మాన్‌ నిజర్‌ (21), మహ్మద్‌ అజహరుద్దీన్‌ (37), జలజ్‌ సక్సేనా (28 నాటౌట్‌) సాయంతో కేరళ ఇన్నింగ్స్‌ను నిర్మించాడు.మూడో రోజు మూడో సెషన్‌ సమయానికి కేరళ తొలి ఇన్నింగ్స్‌లో ఏడు వికెట్ల నష్టానికి 337 పరుగులు చేసింది. జలజ్‌ సక్సేనా, ఏడెన్‌ యాపిల్‌ టామ్‌ (6) క్రీజ్‌లో ఉన్నారు. విదర్భ తొలి ఇన్నింగ్స్‌ స్కోర్‌కు కేరళ ఇంకా 42 పరుగులు వెనుకపడి ఉంది. తొలి ఇన్నింగ్స్‌ లీడ్‌ సాధిస్తే ఈ మ్యాచ్‌ డ్రా అయినా కేరళనే విజేతగా నిలుస్తుంది. కాబట్టి తొలి ఇన్నింగ్స్‌ లీడ్‌ కోసం ఇరు జట్లు హోరాహోరీగా పోరాడుతున్నాయి.ఇబ్బంది పెట్టిన నల్కండేఈ ఇన్నింగ్స్‌లో కేరళకు మంచి ఆరంభం​ లభించలేదు. ఓపెనర్లు అక్షయ్‌ చంద్రన్‌ (14), రోహన్‌ కన్నుమ్మల్‌ను (0) దర్శన్‌ నల్కండే తెగ ఇబ్బంది పెట్టాడు. వీరిద్దరినీ నల్కండే 13 పరుగుల వ్యవధిలో క్లీన్‌ బౌల్డ్‌ చేశాడు. ఈ ఇన్నింగ్స్‌లో నల్కండే ఈ రెండు వికెట్లతో పాటు మరో వికెట్‌ కూడా తీశాడు. సెమీఫైనల్లో సెంచరీ హీరో మహ్మద్‌ అజహరుద్దీన్‌ను ఎల్బీడబ్ల్యూ చేశాడు. విదర్భ బౌలర్లలో నల్కండేతో పాటు హర్ష్‌ దూబే (2), యశ్‌ ఠాకూర్‌ (1), పార్థ్‌ రేఖడే (1) వికెట్లు తీశారు.అంతకుముందు విదర్భ ఇన్నింగ్స్‌లో మలేవార్‌, కరుణ్‌ నాయర్‌ మినహా ఎవరూ చెప్పుకోదగ్గ స్కోర్లు చేయలేదు. 11వ నంబర్‌ ఆటగాడు నచికేత్‌ భూటే (32) మలేవార్‌, కరుణ్‌ నాయర్‌ తర్వాత టాప్‌ స్కోరర్‌గా నిలిచాడు. ధృవ్‌ షోరే (16), యశ్‌ ఠాకూర్‌ (25), కెప్టెన్‌ అక్షయ్‌ వాద్కర్‌ (23), అక్షయ్‌ కర్నేవార్‌ (12), హర్ష్‌ దూబే (12 నాటౌట్‌) రెండంకెల స్కోర్లు చేయగా.. పార్థ్‌ రేఖడే (0), దర్శన్‌ నల్కండే (1), యశ్‌ రాథోడ్‌ (3) పూర్తిగా నిరాశపరిచారు. కేరళ బౌలర్లలో నిదీశ్‌, ఈడెన్‌ యాపిల్‌ తలో 3 వికెట్లు పడగొట్టగా.. బాసిల్‌ 2, జలజ్‌ సక్సేనా ఓ వికెట్‌ దక్కించుకున్నారు.కాగా, విదర్భ సెమీఫైనల్లో ముంబైను చిత్తు చేసి ఫైనల్‌కు చేరగా.. కేరళ గుజరాత్‌పై 2 పరుగుల స్వల్ప తొలి ఇన్నింగ్స్‌ ఆధిక్యం సాధించి తొలిసారి ఫైనల్‌కు చేరింది.

రంజీ ట్రోఫీ 2024-25 (Ranji Trophy) ఎడిషన్‌ ఫైనల్లో గతేడాది రన్నరప్‌ విదర్భ (Vidarbha), తొలిసారి ఫైనల్‌కు చేరిన కేరళ (Kerala) తలపడుతున్నాయి. విదర్భలోని నాగ్‌పూర్‌ క్రికెట్‌ అసోసియేషన్‌ స్టేడియంలో ఈ మ్యాచ్‌ జరుగుతుంది. ఈ మ్యాచ్‌లో టాస్‌ గెలిచిన కేరళ తొలుత బౌలింగ్‌ ఎంచుకుంది. కేరళ ఆహ్వానం మేరకు బ్యాటింగ్‌కు దిగిన విదర్భ తొలి ఇన్నింగ్స్‌లో భారీ స్కోర్‌ (379) చేసింది. యువ ఆటగాడు దనిశ్‌ మలేవార్‌ (153) సూపర్‌ సెంచరీతో కదంతొక్కాడు. స్టార్‌ ఆటగాడు కరుణ్‌ నాయర్‌ (86) అతనికి సహకరించాడు. దురదృష్టవశాత్తు కరుణ్‌ సెంచరీకి ముందు రనౌటయ్యాడు. విదర్భ ఇన్నింగ్స్‌లో వీరిద్దరు మినహా ఎవరూ చెప్పుకోదగ్గ స్కోర్లు చేయలేదు. 11వ నంబర్‌ ఆటగాడు నచికేత్‌ భూటే (32) మలేవార్‌, కరుణ్‌ నాయర్‌ తర్వాత టాప్‌ స్కోరర్‌గా నిలిచాడు. ధృవ్‌ షోరే (16), యశ్‌ ఠాకూర్‌ (25), కెప్టెన్‌ అక్షయ్‌ వాద్కర్‌ (23), అక్షయ్‌ కర్నేవార్‌ (12), హర్ష్‌ దూబే (12 నాటౌట్‌) రెండంకెల స్కోర్లు చేయగా.. పార్థ్‌ రేఖడే (0), దర్శన్‌ నల్కండే (1), యశ్‌ రాథోడ్‌ (3) పూర్తిగా నిరాశపరిచారు. కేరళ బౌలర్లలో నిదీశ్‌, ఈడెన్‌ యాపిల్‌ తలో 3 వికెట్లు పడగొట్టగా.. బాసిల్‌ 2, జలజ్‌ సక్సేనా ఓ వికెట్‌ దక్కించుకున్నారు.అనంతరం తొలి ఇన్నింగ్స్‌ ప్రారంభించిన కేరళ రెండో రోజు ఆట ముగిసే సమయానికి 3 వికెట్ల నష్టానికి 131 పరుగులు చేసింది. ఓపెనర్లు అక్షయ్‌ చంద్రన్‌ (14), రోహన్‌ కన్నుమ్మల్‌ (0) నిరాశపర్చగా.. ఆదిత్య సర్వటే (66 నాటౌట్‌), అహ్మద్‌ ఇమ్రాన్‌ (37) సాయంతో కేరళ ఇన్నింగ్స్‌కు జీవం పోశాడు. బాధ్యతాయుతమైన అర్ద సెంచరీ చేసిన సర్వటే.. కెప్టెన్‌ సచిన్‌ బేబితో (7) కలిసి ఇన్నింగ్స్‌ను కొనసాగిస్తున్నాడు. విదర్భ బౌలర్లలో దర్శన్‌ నల్కండే అద్భుతంగా బౌలింగ్‌ చేశాడు. 14 పరుగులకే ఇద్దరు కేరళ ఓపెనర్లను పెవిలియన్‌కు పంపాడు. యశ్‌ ఠాకూర్‌ క్రీజ్‌లో నిలదొక్కుకునే ప్రయత్నం చేస్తున్న ఇమ్రాన్‌ను పెవిలియన్‌కు పంపాడు. కేరళ.. విదర్భ తొలి ఇన్నింగ్స్‌ స్కోర్‌కు ఇంకా 248 పరుగులు వెనుకపడి ఉంది. కాగా, విదర్భ సెమీఫైనల్లో ముంబైను చిత్తు చేసి ఫైనల్‌కు చేరగా.. కేరళ గుజరాత్‌పై 2 పరుగుల స్వల్ప తొలి ఇన్నింగ్స్‌ ఆధిక్యం సాధించి తొలిసారి ఫైనల్‌కు అర్హత సాధించింది.

రంజీ ట్రోఫీ 2024-25 (Ranji Trophy) ఎడిషన్‌ ఫైనల్‌ (Ranji Final) మ్యాచ్‌ ఇవాళ (ఫిబ్రవరి 26) మొదలైంది. గతేడాది రన్నరప్‌ విదర్భ (Vidarbha).. తొలిసారి ఫైనల్‌కు చేరిన కేరళతో (Kerala) తలపడుతుంది. ఈ మ్యాచ్‌లో కేరళ టాస్‌ గెలిచి తొలుత బౌలింగ్‌ ఎంచుకుంది. తొలుత బౌలింగ్‌ చేసిన కేరళకు ఆదిలోనే ఫలితం లభించింది. ఆ జట్టు బౌలర్‌ నిధీశ్‌ మ్యాచ్‌ రెండో బంతికే విదర్భ ఓపెనర్‌ పార్థ్‌ రేఖడేను (0) ఔట్‌ చేశాడు. అనంతరం నిధీశ్‌ ఏడో ఓవర్‌లో మరో వికెట్‌ తీశాడు. 11 పరుగుల స్కోర్‌ వద్ద నిధీశ్‌ దర్శన్‌ నల్కండేను (1) పెవిలియన్‌కు పంపాడు. మరికొద్ది సేపటికే విదర్భ మూడో వికెట్‌ కోల్పోయింది. ఈసారి ఏడెన్‌ యాపిల్‌ టామ్‌ కేరళకు సక్సెస్‌ అందించాడు. టామ్‌.. విదర్భ స్టార్‌ బ్యాటర్‌ ధృవ్‌ షోరేను (16) ఔట్‌ చేశాడు. ఫలితంగా విదర్భ 24 పరుగులకే మూడు వికెట్లు కోల్పోయి కష్టాల్లో పడింది.Danish Malewar in his last 13 innings 👏61, 46, 42, 59, 115, 17, 13, 3, 75, 0, 79, 29, 104*(still batting)#RanjiTrophy2025pic.twitter.com/HmdjKiXaOm— CricTracker (@Cricketracker) February 26, 2025సెంచరీతో కదంతొక్కిన దనిశ్‌ మలేవార్‌ఈ దశలో 21 ఏళ్ల దనిశ్‌ మలేవార్‌ (Danish Malewar) సెంచరీతో కదంతొక్కి విదర్భను మళ్లీ మ్యాచ్‌లోకి తీసుకొచ్చాడు. దనిశ్‌ 168 బంతుల్లో సెంచరీ పూర్తి చేసి ఇన్నింగ్స్‌ను కొనసాగిస్తున్నాడు. దనిశ్‌ తన సెంచరీ మార్కును సిక్సర్‌, బౌండరీతో అందుకున్నాడు. దనిశ్‌కు స్టార్‌ ఆటగాడు కరుణ్‌ నాయర్‌ (Karun Nair) సహకారం అందిస్తున్నాడు. కరుణ్‌ సైతం అర్ద సెంచరీని పూర్తి చేసుకున్నాడు. దనిశ్‌, కరుణ్‌ నాలుగో వికెట్‌కు అజేయంగా 158 పరుగులు జోడించారు. 63 ఓవర్లు ముగిసే సరికి విదర్భ స్కోర్‌ 183/3గా ఉంది. దనిశ్‌ 116.. కరుణ్‌ 51 పరుగులతో ఇన్నింగ్స్‌ను కొనసాగిస్తున్నారు.భీకర ఫామ్‌లో దనిశ్‌దనిశ్‌ ప్రస్తుత రంజీ సీజన్‌లో భీకర ఫామ్‌లో ఉన్నాడు. ఈ సీజన్‌లో దనిశ్‌ 13 ఇన్నింగ్స్‌ల్లో రెండు సెంచరీలు, నాలుగు హాఫ్‌ సెంచరీల సాయంతో 600 పైచిలుకు పరుగులు చేశాడు. ఫైనల్లో సెంచరీతో మెరిసిన దనిశ్‌.. క్వార్టర్‌ ఫైనల్‌, సెమీస్‌లో అర్ద సెంచరీలతో రాణించాడు. దనిశ్‌ ఇదే సీజన్‌తో ఫస్ట్‌ క్లాస్‌ క్రికెట్‌లోకి ఎంట్రీ ఇచ్చాడు. ఆంధ్రతో జరిగిన అరంగ్రేటం మ్యాచ్‌లోనే అర్ద సెంచరీతో ఆకట్టుకున్నాడు. అనంతరం వరుసగా 46, 42, 59, 115, 17, 13, 3, 75, 0, 79, 29, 118* పరుగులు స్కోర్‌ చేశాడు.

నాగ్‌పూర్‌: దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీ చివరి అంకానికి చేరింది. బుధవారం నుంచి జరగనున్న 2024–25 రంజీ ట్రోఫీ సీజన్‌ ఫైనల్లో కేరళతో రెండుసార్లు చాంపియన్‌ విదర్భ అమీతుమీ తేల్చుకోనుంది. గతేడాది ఫైనల్లో ముంబై చేతిలో ఓడి రన్నరప్‌గా నిలిచిన విదర్భ జట్టు... ఈసారి ఎట్టి పరిస్థితుల్లోనూ కప్పు చేజిక్కించుకోవాలని చూస్తుంటే... తొలిసారి రంజీ ఫైనల్‌కు చేరిన కేరళ జట్టు అద్భుతాన్ని ఆశిస్తోంది. తాజా సీజన్‌లో ఇరు జట్లు నిలకడైన ప్రదర్శన కనబర్చగా... అక్షయ్‌ వాడ్కర్‌ సారథ్యంలోని విదర్భ పూర్తి ఆధిపత్యం కనబర్చింది. ఫైనల్‌ చేరే క్రమంలో విదర్భ ఆడిన 9 మ్యాచ్‌ల్లో ఎనిమిదింట విజయం సాధించింది. గ్రూప్‌ దశలో ఆడిన ఏడు మ్యాచ్‌ల్లో ఆరింట గెలుపొందిన విదర్భ... క్వార్టర్‌ ఫైనల్లో తమిళనాడును చిత్తు చేసింది. ఇక డిఫెండింగ్‌ చాంపియన్‌ ముంబైతో జరిగిన సెమీఫైనల్లో విజృంభించిన విదర్భ... స్టార్‌లతో కూడిన ముంబైకి ఏమాత్రం అవకాశం ఇవ్వకుండా విజృంభించి ఫైనల్‌కు చేరింది. ఈ క్రమంలో నిరుడు ఫైనల్లో ముంబై చేతిలో ఎదురైన పరాజయానికి బదులు తీర్చుకుంది. సుదీర్ఘ చరిత్ర ఉన్న రంజీ ట్రోఫీలో ఇది 90వ సీజన్‌ కాగా... విదర్భ జట్టుకిది నాలుగో ఫైనల్‌. గతంలో 2017–18, 2018–19 సీజన్‌లలో వరుసగా రెండుసార్లు చాంపియన్‌గా నిలిచిన ఆ జట్టు... గతేడాది ఫైనల్లో ఓడి రన్నరప్‌గా నిలిచింది.అప్పటి నుంచి సుదీర్ఘ ఫార్మాట్‌లో విదర్భ జట్టు నిలకడగా విజయాలు సాధిస్తోంది. ఈ సీజన్‌లో విజయ్‌ హజారే ట్రోఫీలో కూడా విదర్భ జట్టు ఫైనల్‌కు చేరింది. మరోవైపు తొలిసారి తుదిపోరుకు అర్హత సాధించిన కేరళ సమష్టి కృషితోనే టైటిల్‌ చేజిక్కించుకోవాలని చూస్తోంది. బ్యాటింగే బలంగా... తాజా సీజన్‌లో ఎదురైన ప్రత్యర్థినల్లా చిత్తు చేసిన విదర్భ జట్టు... బ్యాటింగే ప్రధాన బలంగా ఫైనల్‌ బరిలోకి దిగనుంది. కెపె్టన్‌ అక్షయ్‌ వాడ్కర్, కరుణ్‌ నాయర్, అథర్వ తైడే, ధ్రువ్‌ షోరే, యశ్‌ రాథోడ్, దానిశ్‌ మాలేవర్‌తో విదర్భ బ్యాటింగ్‌ లైనప్‌ పటిష్టంగా ఉంది. 933 పరుగులు చేసిన యశ్‌ రాథోడ్‌ విదర్భ తరఫున అత్యధిక పరుగులు చేసిన ప్లేయర్‌గా కొనసాగుతున్నాడు. 5 సెంచరీలు, 3 అర్ధసెంచరీలతో విజృంభించిన యశ్‌... 58.13 సగటుతో ఈ పరుగులు రాబట్టడం విశేషం. సీజన్‌లో అత్యధిక పరుగులు చేసిన ప్లేయర్ల జాబితాలో యశ్‌ ప్రస్తుతం మూడో స్థానంలో కొనసాగుతున్నాడు. వికెట్‌ కీపర్, కెపె్టన్‌ అక్షయ్‌ వాడ్కర్‌ కూడా మంచి ఫామ్‌లో ఉన్నాడు. ఇప్పటి వరకు అతడు 48.14 సగటుతో 674 పరుగులు చేసి జట్టు విజయాల్లో కీలక పాత్ర పోషించాడు. అందులో 2 సెంచరీలు, 2 అర్ధసెంచరీలు ఉన్నాయి. ఇక ఫార్మాట్‌తో సంబంధం లేకుండా చెలరేగుతున్న సీనియర్‌ బ్యాటర్‌ కరుణ్‌ నాయర్‌ 8 మ్యాచ్‌లాడి 45.85 సగటుతో 642 పరుగులు సాధించాడు. అందులో 3 సెంచరీలు, 1 హాఫ్‌ సెంచరీ ఉంది. దానిశ్‌ మాలేవర్‌ (557 పరుగులు), ధ్రువ్‌ షోరే (446 పరుగులు) కూడా రాణించారు. బ్యాటింగ్‌లో టాపార్డర్‌ సమష్టిగా కదంతొక్కుతుంటే... బౌలింగ్‌లో 22 ఏళ్ల హర్‌‡్ష దూబే సంచలన ప్రదర్శన కనబరుస్తున్నాడు. 9 మ్యాచ్‌ల్లో 66 వికెట్లు పడగొట్టిన హర్‌‡్ష... ఒక రంజీ సీజన్‌లో అత్యధిక వికెట్లు తీసిన బౌలర్‌గా చరిత్రకెక్కాడు. గతంలో ఈ రికార్డు అశుతోశ్‌ అమన్‌ (2018–19 సీజన్‌లో 68 వికెట్లు; బిహార్‌) పేరిట ఉంది. హర్‌‡్షతో పాటు దర్శన్‌ నల్కండే, నచికేత్‌ భూటె, పార్థ్‌ రెఖడే బౌలింగ్‌లో కీలకం కానున్నారు. ఈ బౌలింగ్‌ దాడిని కాచుకుంటూ పరుగులు రాబట్టాలంటే కేరళ జట్టు శక్తికి మించి పోరాడక తప్పదు. సమష్టి కృషితో... స్టార్‌ ఆటగాళ్లు లేకపోయినా... సమష్టి ప్రదర్శనతోనే కేరళ జట్టు ఫైనల్లో అడుగుపెట్టింది. లీగ్‌ దశలో 3 మ్యాచ్‌లు గెలిచి మరో రెండు మ్యాచ్‌ల్లో తొలి ఇన్నింగ్స్‌ ఆధిక్యం దక్కించుకున్న సచిన్‌ బేబీ సారథ్యంలోని కేరళ జట్టు... రెండు మ్యాచ్‌లు రద్దు కావడంతో గ్రూప్‌ ‘సి’లో రెండో స్థానంతో నాకౌట్‌కు చేరింది. అయితే క్వార్టర్‌ ఫైనల్, సెమీఫైనల్లో మాత్రం కేరళ అసాధారణ పోరాటం కనబర్చింది. జమ్మూకశ్మీర్‌తో జరిగిన క్వార్టర్స్‌ మ్యాచ్‌లో ఒక్క పరుగు తొలి ఇన్నింగ్స్‌ ఆధిక్యంతో ముందంజ వేసిన కేరళ... సెమీఫైనల్లో మాజీ చాంపియన్‌ గుజరాత్‌పై రెండు పరుగుల తొలి ఇన్నింగ్స్‌ ఆధిక్యంతో గట్టెక్కింది. మిడిలార్డర్‌ బ్యాటర్లు సల్మాన్‌ నిజార్, మొహమ్మద్‌ అజహరుద్దీన్‌ జట్టు విజయాల్లో కీలకపాత్ర పోషించారు. నిజార్‌ 86.71 సగటుతో 607 పరుగులు చేశాడు. అందులో 2 సెంచరీలు, 3 హాఫ్‌ సెంచరీలు ఉన్నాయి. అజహరుద్దీన్‌ 75.12 సగటుతో 601 పరుగులు చేశాడు. అందులో ఒక శతకం, 4 అర్ధశతకాలు ఉన్నాయి. క్వార్టర్స్‌లో, సెమీస్‌లో ఈ జంట అసమాన పోరాటం వల్లే కేరళ జట్టు తుదిపోరుకు అర్హత సాధించింది. గంటలకు గంటలు క్రీజులో పాతుకుపోయి ప్రత్యర్థి బౌలర్లపై మానసికంగా పైచేయి సాధించడంలో అజహరుద్దీన్, నిజార్‌ది అందెవేసిన చేయి. వీరితో పాటు జలజ్‌ సక్సేనా, సచిన్‌ బేబీ, రోహన్‌ కున్నుమ్మల్, అక్షయ్‌ చంద్రన్‌ కూడా కలిసికట్టుగా రాణిస్తే కేరళకు తిరుగుండదు. బౌలింగ్‌లో సీనియర్‌ ఆల్‌రౌండర్‌ జలజ్‌ సక్సేనా తాజా సీజన్‌లో 38 వికెట్లు పడగొట్టాడు. ఆదిత్య సర్వతే (30 వికెట్లు) కూడా ఫామ్‌లో ఉన్నాడు. ని«దీశ్, బాసిల్‌ పేస్‌ బౌలింగ్‌ భారం మోయనున్నారు.విదర్భ ఫైనల్‌ చేరిందిలా... » ఆంధ్రపై 74 పరుగుల తేడాతో గెలుపు » పుదుచ్చేరిపై 120 పరుగుల తేడాతో విజయం » ఉత్తరాఖండ్‌పై 266 పరుగుల తేడాతో గెలుపు » హిమాచల్‌ ప్రదేశ్‌పై ఇన్నింగ్స్‌88 పరుగులతో విజయం » గుజరాత్‌పై తొలి ఇన్నింగ్స్‌ ఆధిక్యం » రాజస్తాన్‌పై 221 పరుగులతో గెలుపు » హైదరాబాద్‌పై 58 పరుగులతో విజయం » క్వార్టర్స్‌లో తమిళనాడుపై 198 పరుగులతో గెలుపు » సెమీస్‌లో ముంబైపై 80 పరుగులతో విజయం కేరళ ఫైనల్‌ చేరిందిలా... » పంజాబ్‌పై 8 వికెట్ల తేడాతో విజయం » కర్ణాటకతో మ్యాచ్‌ ‘డ్రా’ » బెంగాల్‌తో మ్యాచ్‌ ‘డ్రా’ » ఉత్తరప్రదేశ్‌పై ఇన్నింగ్స్‌ 117 పరుగులతో గెలుపు » హరియాణాపై తొలి ఇన్నింగ్స్‌ ఆధిక్యం » మధ్యప్రదేశ్‌పై తొలి ఇన్నింగ్స్‌ ఆధిక్యం » బీహార్‌పై ఇన్నింగ్స్‌ 169 పరుగులతో విజయం » క్వార్టర్స్‌లో జమ్ముకశ్మీర్‌పై తొలి ఇన్నింగ్స్‌ ఆధిక్యం » సెమీస్‌లో గుజరాత్‌పై తొలి ఇన్నింగ్స్‌ ఆధిక్యం

టీమిండియా స్టార్‌ క్రికెటర్ల తీరుపై ముంబై క్రికెట్‌ అసోసియేషన్‌(MCA) చీఫ్‌ సెలక్టర్‌​ సంజయ్‌ పాటిల్‌(Sanhay Patil) ఆగ్రహం వ్యక్తం చేశాడు. మొక్కుబడిగా రంజీల్లో ఆడటం వల్ల ముంబై జట్టుకు తీరని అన్యాయం జరిగిందన్నాడు. ‘స్టార్ల’ కోసం ఉత్తమంగా రాణిస్తున్న వర్ధమాన క్రికెటర్లను పక్కనపెట్టడం వల్ల భారీ మూల్యం చెల్లించాల్సి వచ్చిందన్నాడు.దేశవాళీ క్రికెట్‌ ఆడాల్సిందేకాగా జాతీయ జట్టు తరఫున విధుల్లో లేనప్పుడు సెంట్రల్‌ కాంట్రాక్టు ఆటగాళ్లంతా దేశవాళీ క్రికెట్‌ ఆడాలని భారత క్రికెట్‌ నియంత్రణ మండలి(బీసీసీఐ) నిబంధన విధించిన విషయం తెలిసిందే. ఈ ఆదేశాలను అతిక్రమించిన ఇషాన్‌ కిషన్‌(Ishan Kishan), శ్రేయస్‌ అయ్యర్‌లను వార్షిక కాంట్రాక్టు జాబితా నుంచి తప్పించి వేటు వేసింది. తద్వారా ఆటగాళ్లంతా డొమెస్టిక్ క్రికెట్‌ బరిలో దిగాలనే కచ్చితమైన సంకేతాలు ఇచ్చింది.కెప్టెన్‌ రోహిత్‌ శర్మతో పాటుఈ నేపథ్యంలో టెస్టుల్లో ఫామ్‌లేమితో సతమతమైన కెప్టెన్‌ రోహిత్‌ శర్మతో పాటు రికార్డుల రారాజు విరాట్‌ కోహ్లి కూడా రంజీ బరిలో దిగారు. ఇక రోహిత్‌తో పాటు అతడి ఓపెనింగ్‌ జోడీ యశస్వి జైస్వాల్‌, టీమిండియా టీ20 కెప్టెన్‌ సూర్యకుమార్‌ యాదవ్‌, శ్రేయస్‌ అయ్యర్‌, శార్దూల్‌ ఠాకూర్‌, శివం దూబే తదితరులు ముంబై తరఫున మ్యాచ్‌లు ఆడారు.అయితే, రోహిత్‌తో పాటు జైస్వాల్‌ తాము ఆడిన ఒకే ఒక్క మ్యాచ్‌లో విఫలమయ్యారు. ఇదిలా ఉంటే.. ఈ సీజన్‌లో డిఫెండింగ్‌ చాంపియన్‌గా బరిలోకి దిగిన ముంబై.. ఈసారి సెమీస్‌లోనే ఇంటిబాట పట్టింది. ఈ నేపథ్యంలో చీఫ్‌ సెలక్టర్‌ సంజయ్‌ పాటిల్‌ తమ జట్టు వైఫల్యానికి టీమిండియా ఆటగాళ్లే పరోక్ష కారణమనేలా వ్యాఖ్యలు చేశాడు.అగార్కర్‌కు విన్నపం‘‘ఇప్పుడిప్పుడే ఎదుగుతున్న ఆటగాళ్లకు అంతర్జాతీయ క్రికెటర్ల వల్ల అన్యాయం జరిగే ప్రమాదం ఉంది. అంతేకాదు.. ఆసక్తిలేకుండా దేశీ జట్టు తరఫున బరిలోకి దిగి వారు బాగా ఆడకపోతే నష్టం మనకే వస్తుంది. కాబట్టి అసోసియేషన్‌ ఈ విషయంలో జాగ్రత్తగా ఉండాలి.బీసీసీఐ ఆదేశాల వల్ల మనం వారికి జట్టులో చోటు ఇస్తున్నామన్న మాట వాస్తవం. టీమిండియా చీఫ్‌ సెలక్టర్‌ అజిత్‌ అగార్కర్‌, సెలక్షన్‌ కమిటీ మొత్తానికి నాదొక విన్నపం. కేవలం మీరు చెప్పారన్న కారణంగానే ఇంటర్నేషనల్‌ స్టార్లు దేశీ మ్యాచ్‌లు ఆడుతున్నారు.బోర్డు కఠినంగా వ్యవహరిస్తుందనే ఉద్దేశంతో తమను తాము కాపాడుకునేందుకు మాత్రమే ఇలా చేస్తున్నారు. కానీ ఇకపై దేశవాళీ మ్యాచ్‌లలో కూడా వారి ప్రదర్శనను పరిగణనలోకి తీసుకుంటామని మీరు హెచ్చరించండి.టీమిండియాకు ఎంపిక చేసే సమయంలో ఈ ప్రదర్శనను పరిశీలిస్తామని చెప్పండి. అలా కాకుండా కేవలం ఆడి రండి అని చెబితే మాత్రం దేశీ జట్ల మీద ప్రతికూల ప్రభావం పడుతుంది’’ అని స్పోర్ట్‌స్టార్‌తో సంజయ్‌ పాటిల్‌ వ్యాఖ్యానించాడు.సెమీస్‌లో విదర్భ చేతిలో ఓటమికాగా రంజీ ట్రోఫీ 2024-25 సీజన్‌లో పేస్‌ బౌలింగ్‌ ఆల్‌రౌండర్‌ శార్దూళ్‌ ఒక్కడే మెరుగ్గా రాణించాడు. ఇక కెప్టెన్‌ అజింక్య రహానే సహా సూర్యకుమార్‌ యాదవ్‌ విదర్భతో సెమీ ఫైనల్లో పూర్తిగా నిరాశపరిచారు. రహానే 18, 12 పరుగులు చేయగా.. సూర్య 0, 23 రన్స్‌ మాత్రమే చేశాడు. మరోవైపు.. శివం దూబే 0, 12 పరుగులకే పరిమితమయ్యాడు. ఇక శార్దూల్‌ 33 ఓవర్లలో 133 పరుగులు ఇచ్చి కేవలం రెండు వికెట్లు తీశాడు. రెండు ఇన్నింగ్‌స్లో 37, 66 పరుగులు చేశాడు.చదవండి: NZ vs BAN: చర్రిత సృష్టించిన రచిన్‌ రవీంద్ర.. ప్రపంచంలోనే తొలి ప్లేయర్‌గా

‘ధైర్యవంతులనే అదృష్టం వరిస్తుంది’ అనే నానుడి కేరళ జట్టుకు సరిగ్గా సరిపోతుంది. 68 సంవత్సరాల సుదీర్ఘ నిరీక్షణకు తెరదించుతూ... 352 మ్యాచ్‌ల పోరాటం అనంతరం కేరళ జట్టు తొలిసారి రంజీ ట్రోఫీలో ఫైనల్‌కు అర్హత సాధించింది. ఈ సీజన్‌లో అద్వితీయ ప్రదర్శన కనబరుస్తున్న కేరళ జట్టు... తీవ్ర ఉత్కంఠ మధ్య మాజీ చాంపియన్‌ గుజరాత్‌తో జరిగిన సెమీఫైనల్లో పైచేయి సాధించి తొలిసారి తుదిపోరుకు చేరింది. క్వార్టర్‌ ఫైనల్లో ఒక్క పరుగు తొలి ఇన్నింగ్స్‌ ఆధిక్యంతో జమ్మూకశ్మీర్‌ను వెనక్కి నెట్టిన కేరళ... ఇప్పుడు సెమీఫైనల్లో గుజరాత్‌పై రెండు పరుగుల తొలి ఇన్నింగ్స్‌ ఆధిక్యంతో ముందంజ వేసింది. ఒక్క పరుగే కదా అని తేలికగా తీసుకుంటే ... ఎలాంటి ఫలితాలు వస్తాయో ప్రత్యర్థికి రుచి చూపింది. ఆరు దశాబ్దాల పోరాటం అనంతరం దేశవాళీ ఫస్ట్‌క్లాస్‌ క్రికెట్‌ టోర్నీ ఫైనల్‌కు చేరిన కేరళ జట్టు ప్రస్థానంపై ప్రత్యేక కథనం.. సుదీర్ఘ కాలంగా రంజీ ట్రోఫీ ఆడుతున్న కేరళ జట్టు ఇప్పటి వరకు ఒక్కసారి కూడా ఫైనల్‌ చేరలేకపోయింది. ముంబై, కర్ణాటక, ఢిల్లీ, తమిళనాడు, బెంగాల్‌ మాదిరిగా తమ జట్టులో స్టార్‌ ప్లేయర్లు లేకపోయినా... నిలకడ కనబరుస్తున్నప్పటికీ ఆ జట్టు తుదిపోరుకు మాత్రం అర్హత సాధించలేదు. తాజా సీజన్‌లో అసాధారణ పోరాటాలు, అనూహ్య ఫలితాలతో ఎట్టకేలకు కేరళ జట్టు తొలిసారి రంజీ ట్రోఫీ ఫైనల్‌ చేరి చరిత్ర సృష్టించింది. జమ్మూ కశ్మీర్‌తో హోరాహోరీగా సాగిన క్వార్టర్‌ ఫైనల్లో 1 పరుగు తొలి ఇన్నింగ్స్‌ ఆధిక్యంతో సెమీఫైనల్లో అడుగుపెట్టిన కేరళ జట్టు... సెమీస్‌లో మాజీ చాంపియన్‌ గుజరాత్‌పై 2 పరుగుల తొలి ఇన్నింగ్స్‌ ఆధిక్యంతో తమ చిరకాల కల నెరవేర్చుకుంది.నరేంద్ర మోదీ స్టేడియంలో జరిగిన సెమీఫైనల్‌ చివరి రోజు కేరళ జట్టు అద్భుతమే చేసింది. చేతిలో 3 వికెట్లు ఉన్న గుజరాత్‌ జట్టు తుదిపోరుకు అర్హత సాధించాలంటే మరో 29 పరుగులు చేయాల్సిన దశలో తొలి ఇన్నింగ్స్‌ కొనసాగించగా... కేరళ జట్టు కట్టుదిట్టమైన బౌలింగ్‌తో ప్రత్యర్థిని కట్టిపడేసింది. అప్పటికే క్రీజులో పాతుకుపోయి మొండిగా పోరాడుతున్న గుజరాత్‌ బ్యాటర్లు జైమీత్‌ పటేల్, సిద్ధార్థ్‌ దేశాయ్‌లను కేరళ బౌలర్‌ ఆదిత్య వెనక్కి పంపాడు. ఇంకేముంది మరో వికెట్‌ తీస్తే చాలు కేరళ తొలిసారి రంజీ ట్రోఫీ ఫైనల్‌ చేరడం ఖాయమే అనుకుంటే... ఆఖరి వికెట్‌కు అర్జాన్‌ నాగ్‌వస్వల్లా, ప్రియజీత్‌ సింగ్‌ జడేజా మొండిగా పోరాడారు.పది ఓవర్లకు పైగా క్రీజులో నిలిచిన ఈ జంటను చూస్తే ఇక మ్యాచ్‌ కేరళ చేజారినట్లే అనుకుంటున్న తరుణంలో అర్జాన్‌ కొట్టిన షాట్‌ కేరళకు కలిసొచ్చింది. ఆదిత్య వేసిన బంతిని అర్జాన్‌ బలంగా బాదే ప్రయత్నం చేశాడు. బంతి షార్ట్‌లెగ్‌లో ఫీల్డింగ్‌ చేస్తున్న సల్మాన్‌ నిజార్‌ హెల్మెట్‌కు తాకి గాల్లోకి లేచి ఫస్ట్‌ స్లిప్‌లో ఉన్న కెప్టెన్‌ సచిన్‌ బేబీ చేతిలో పడింది. అంతే కేరళ జట్టు సంబరాల్లో మునిగిపోయింది. స్టార్లు లేకుండానే... స్టార్‌ ఆటగాడు సంజూ సామ్సన్‌ భారత జట్టులో ఉండగా... అనుభవజ్ఞులైన విష్ణు వినోద్, బాబా అపరాజిత్‌ వంటి వాళ్లు గాయాలతో జట్టుకు దూరమయ్యారు. అయినా ఈ సీజన్‌లో కేరళ జట్టు స్ఫూర్తివంతమైన ప్రదర్శన కనబర్చింది. ముఖ్యంగా మిడిలార్డర్‌లో కెప్టెన్‌ సచిన్‌ బేబీతో పాటు సీనియర్‌ ప్లేయర్‌ జలజ్‌ సక్సేనా... యువ ఆటగాళ్లు మొహమ్మద్‌ అజహరుద్దీన్, సల్మాన్‌ నిజార్‌ అసమాన పోరాటం కనబర్చారు.జమ్మూ కశ్మీర్‌తో క్వార్టర్స్‌ పోరులో మ్యాచ్‌ను ‘డ్రా’ చేసేందుకు సల్మాన్, అజహరుద్దీన్‌ కనబర్చిన తెగువను ఎంత పొగిడినా తక్కువే. 40 ఓవర్లకు పైగా జమ్మూ బౌలర్లను కాచుకున్న ఈ జంట వికెట్‌ ఇవ్వకుండా మ్యాచ్‌ను ముగించి తొలి ఇన్నింగ్స్‌లో దక్కిన ఒక్క పరుగు ఆధిక్యంతో సెమీఫైనల్‌కు చేరింది.తాజాగా గుజరాత్‌తో సెమీస్‌లోనూ తొలి ఇన్నింగ్స్‌లో కేరళ బ్యాటర్లు అసాధరణ ప్రదర్శన కనబర్చారు. సచిన్‌ బేబీ 195 బంతుల్లో 69 పరుగులు, జలజ్‌ సక్సేనా 83 బంతుల్లో 30 పరుగులు, అజహరుద్దీన్‌ 341 బంతుల్లో 177 పరుగులు, సల్మాన్‌ నిజార్‌ 202 బంతుల్లో 52 పరుగులు చేసి గుజరాత్‌ బౌలర్ల సహనాన్ని పరీక్షించారు. ముందు నుంచే చక్కటి గేమ్‌ ప్లాన్‌తో మైదానంలో అడుగుపెట్టిన కేరళకు చివర్లో అదృష్టం కూడా తోడవడంతో చక్కటి విజయంతో తొలిసారి రంజీ ఫైనల్లో అడుగుపెట్టింది. ఈ టోర్నీ చరిత్రలో కేరళ జట్టు ఇప్పటి వరకు అత్యుత్తమంగా 2018–19 సీజన్‌లో సెమీఫైనల్‌కు చేరింది.నిరీక్షణకు తెరదించుతూ.. తొమ్మిది దశాబ్దాల సుదీర్ఘ చరిత్ర ఉన్న రంజీ ట్రోఫీలో కేరళ జట్టు 1957లో అరంగేట్రం చేసింది. అప్పటి నుంచి ఒక్కటంటే ఒక్కసారి కూడా ఫైనల్‌కు అర్హత సాధించలేకపోయింది. ఫుట్‌బాల్‌కు అధిక ప్రాధాన్యత ఇచ్చే కేరళ వాసులు... క్రికెట్‌ను పెద్దగా పట్టించుకునేవాళ్లు కాదు. కానీ గత రెండు దశాబ్దాల్లో కేరళ క్రికెట్‌లో అనూహ్య మార్పు వచ్చింది. 2007 టి20 ప్రపంచకప్, 2011 వన్డే ప్రపంచకప్‌ గెలిచిన భారత జట్టులో సభ్యుడైన శ్రీశాంత్‌ స్ఫూర్తితో మరెందరో ఆటగాళ్లు క్రికెట్‌పై మక్కువ పెంచుకున్నారు.అందుకు తగ్గట్లే గత కొన్నేళ్లుగా కేరళలో క్రీడా మౌలిక వసతులు మరింత మెరుగు పడటంతో ప్రతిభావంతులు వెలుగులోకి రావడం మొదలైంది. అయితే ఇది ఒక్క రోజులో సాధ్యమైంది కాదు. దీని వెనక ఎన్నో ఏళ్ల శ్రమ దాగి ఉంది. అందుకే శుక్రవారం సెమీస్‌లో కేరళ జట్టు విజయానికి చేరువవుతున్న సమయంలో ప్రసార మాధ్యమాల్లో వీక్షకుల సంఖ్య ఒక్కసారిగా లక్షల్లో పెరిగింది. ప్రతిష్టాత్మక టోర్నీలో కేరళ టీమ్‌ ఫైనల్‌కు చేరగానే సామాజిక మాధ్యమాల్లో శుభాకాంక్షలు వెల్లువెత్తాయి. రాజకీయ, సినీ, క్రీడా రంగానికి చెందిన పలువురు ప్రముఖులు... తామే గెలిచినంతగా లీనమైపోయి జట్టును అభినందనల్లో ముంచెత్తారు. మౌలిక వసతుల్లో భేష్‌.. సాధారణంగా అధిక వర్షపాతం నమోదయ్యే కేరళలో ఒకప్పుడు నిరంతరం అవుట్‌డోర్‌ ప్రాక్టీస్‌ చేయడం కూడా కష్టతరంగా ఉండేది. అలాంటిది ఇప్పుడు ఆ రాష్ట్ర వ్యాప్తంగా 17 ఫస్ట్‌క్లాస్‌ మైదానాలు అందుబాటులోకి వచ్చాయంటే కేరళ క్రికెట్‌లో ఎంత పురోగతి సాధించిందో అర్థం చేసుకోవచ్చు. ఈ కృషి వల్లే కేవలం పెద్ద నగరాల నుంచే కాకుండా... ద్వితీయ శ్రేణి పట్టణాలకు చెందిన ప్రతిభావంతులైన ఆటగాళ్లు కూడా రంజీ జట్టులో చోటు దక్కించుకోగలుగుతున్నారు.‘ముంబై, కర్ణాటక, తమిళనాడు, ఢిల్లీ వంటి ఇతర జట్లతో పోల్చుకుంటే... కేరళ జట్టు ఎంపిక విభిన్నంగా ఉండేది. పరిమితమైన వనరులు మాత్రమే ఉండటంతో అందుబాటులో ఉన్నవాళ్లనే ఎంపిక చేసేవాళ్లం. ముందు ఆ పరిస్థితి మారాలనే ఉద్దేశంతో అన్ని జిల్లాల్లో అకాడమీలను స్థాపించాం. కేవలం ప్లేయర్లకే కాకుండా కోచ్‌లకు కూడా ప్రత్యేక శిక్షణ ఇచ్చాం. మౌలిక వసతులపై ప్రధానంగా దృష్టి పెట్టాం. ఒకప్పుడు వర్షం వస్తే ప్రాక్టీస్‌ ఆగిపోయేది. ఇప్పుడు ఇండోర్‌లోనూ నెట్స్‌ ఏర్పాటు చేశాం.2005లో రాష్ట్రంలో ఒక్క మైదానంలో కూడా లేదు. ఇప్పుడు మొత్తం 17 ఫస్ట్‌క్లాస్‌ గ్రౌండ్‌లు ఉన్నాయి. ప్రస్తుతం దేశంలో మరే రాష్ట్రంలో లేనంతమంది బీసీసీఐ లెవల్‌1 కోచ్‌లు కేరళలో ఉన్నారు’ అని బీసీసీఐ మాజీ ఉపాధ్యక్షుడు మాథ్యూ తెలిపారు.కేరళ క్రికెట్‌ సంఘం కృషి వల్లే స్వేచ్ఛగా ఆడగలుగుతున్నామని... సెమీఫైనల్లో ‘ప్లేయర్‌ ఆఫ్‌ ద మ్యాచ్‌’ అవార్డు దక్కించుకున్న అజహరుద్దీన్‌ వెల్లడించాడు. పరస్పర సహకారం, సమష్టితత్వంతో ముందుకు సాగడం వల్లే మెరుగైన ఫలితాలు వస్తున్నాయని అన్నాడు. ఈనెల 26 నుంచి నాగ్‌పూర్‌లో జరిగే తుది పోరులోనూ కేరళ విజయం సాధిస్తే 10 ఏళ్ల తర్వాత రంజీ ట్రోఫీ చాంపియన్‌గా నిలిచిన దక్షిణాది జట్టుగా నిలుస్తుంది... ఆల్‌ ద బెస్ట్‌ కేరళ..!

రంజీ ట్రోఫీ 2024-25 (Ranji Trophy) చివరి అంకానికి చేరింది. ఈ సీజన్‌లో తొలి ఫైనల్‌ బెర్త్‌ అధికారికంగా ఖరారైంది. రెండో సెమీఫైనల్లో ముంబైని (Mumbai) ఓడించి విదర్భ (Vidarbha) వరుసగా రెండో సీజన్‌లో ఫైనల్‌కు చేరింది. గత సీజన్‌ ఫైనల్లో ముంబై చేతిలో ఎదురైన పరాభవానికి విదర్భ ఈ సీజన్‌ సెమీస్‌లో ప్రతీకారం తీర్చుకుంది. నాగ్‌పూర్‌లోని విదర్భ క్రికెట్‌ అసోసియేషన్‌ మైదానంలో జరిగిన సెమీ ఫైనల్లో ముంబైపై విదర్భ 80 పరుగుల తేడాతో గెలుపొందింది. విదర్భ నిర్దేశించిన 406 పరుగుల భారీ లక్ష్యాన్ని ఛేదించే క్రమంలో ముంబై 325 పరుగులకు ఆలౌటైంది. హర్ష్‌ దూబే 5, యశ్‌ ఠాకూర్‌, పార్థ్‌ రేఖడే తలో రెండు వికెట్లు తీసి ముంబైని దెబ్బకొట్టారు. ముంబై ఇన్నింగ్స్‌లో ఎవ్వరూ భారీ స్కోర్లు చేయలేదు.ముంబై ఓటమి ఖరారైన తర్వాత శార్దూల్‌ ఠాకూర్‌ (66) అర్ద సెంచరీ సాధించాడు. షమ్స్‌ ములానీ (46) సాయంతో శార్దూల్‌ ముంబైని గట్టెక్కించే ప్రయత్నం చేశాడు. స్టార్‌ బ్యాటర్లు అజింక్య రహానే (12), శివమ్‌ దూబే (12), సూర్యకుమార్‌ యాదవ్‌ (23) తక్కువ స్కోర్లకే ఔటయ్యారు. తొలి ఇన్నింగ్స్‌ సెంచరీ హీరో ఆకాశ్‌ ఆనంద్‌ 39 పరుగులకు ఔటయ్యాడు. యువ ఆటగాళ్లు ఆయుశ్‌ మాత్రే (18), సిద్దేశ​్‌ లాడ్‌ (2) నిరాశపరిచారు. ఆఖర్లో తనుశ్‌ కోటియన్‌ (26), మోహిత్‌ అవస్తి (26), రాయ్‌స్టన్‌ డయాస్‌ (23) కంటితడుపు చర్చగా బ్యాట్‌ను ఝులిపించారు.ఈ మ్యాచ్‌లో విదర్భ తొలి ఇన్నింగ్స్‌లో 383 పరుగులకు ఆలౌటైంది. దృవ్‌ షోరే (74), దినిశ్‌ మాలేవార్‌ (79), యశ్‌ రాథోడ్‌ (54) అర్ద సెంచరీలతో రాణించగా.. కరుణ్‌ నాయర్‌ (45), కెప్టెన్‌ అక్షయ్‌ వాద్కర్‌ (34) ఓ మోస్తరు స్కోర్లు చేశారు. అథర్వ తైడే 4, పార్థ్‌ రేఖడే 23, హర్ష్‌ దూబే 18, భూటే 11, యశ్‌ ఠాకూర్‌ 3 పరుగులు చేసి ఔట్‌ కాగా.. దర్శన్‌ నల్కండే 12 పరుగులతో అజేయంగా నిలిచాడు. ముంబై బౌలర్లలో శివమ్‌ దూబే ఐదు వికెట్లతో రాణించగా.. షమ్స్‌ములానీ, రాయ్‌స్టన్‌ డయాస్‌ తలో రెండు, శార్దూల్‌ ఠాకూర్‌ ఓ వికెట్‌ తీశారు.అనంతరం బరిలోకి దిగిన ముంబై తొలి ఇన్నింగ్స్‌లో 270 పరుగులకే ఆలౌటైంది. స్టార్‌ బ్యాటర్లు, టీమిండియా ప్లేయర్లు అజింక్య రహానే (18), సూర్యకుమార్‌ యాదవ్‌ (0), శివమ్‌ దూబే (0) దారుణంగా విఫలమయ్యారు. ఆకాశ్‌ ఆనంద్‌ (106) అద్భుతమైన పోరాటపటిమ కనబర్చి సూపర్‌ సెంచరీతో ముంబై పరువు కాపాడాడు. ఆకాశ్‌ ఆనంద్‌కు సిద్దేశ్‌ లాడ్‌ (35), శార్దూల్‌ ఠాకూర్‌ (37), తనుశ్‌ కోటియన్‌ (33) కాసేపు సహకరించారు. విదర్భ బౌలర్లలో పార్థ్‌ రేఖడే 4, యశ్‌ ఠాకూర్‌, హర్ష్‌ దూబే తలో 2, దర్శన్‌ నల్కండే, భూటే చెరో వికెట్‌ పడగొట్టారు.113 పరుగుల తొలి ఇన్నింగ్స్‌ లీడ్‌తో రెండో ఇన్నింగ్స్‌ ప్రారంభించిన విదర్భ.. 292 పరుగులకు ఆలౌటై ముంబై ముందు కొండంత లక్షాన్ని ఉంచింది. యశ్‌ రాథోడ్‌ 151 పరుగులు చేసి విదర్భ ఇన్నింగ్స్‌కు జీవం​ పోశాడు. యశ్‌కు కెప్టెన్‌ అక్షయ్‌ వాద్కర్‌ (52) సహకరించాడు. వీరిద్దరి నుంచి ఈ స్థాయి ఇన్నింగ్స్‌లు రాకపోయుంటే విదర్భ ముంబై ముందు ఇంత భారీ లక్ష్యాన్ని ఉంచలేకపోయేది. విదర్భను రెండో ఇన్నింగ్స్‌లో షమ్స్‌ ములానీ దెబ్బకొట్టాడు. ఈ ఇన్నింగ్స్‌లో ములానీ ఆరు వికెట్లు తీశాడు. తనుశ్‌ కోటియన్‌ 3, శార్దూల్‌ ఠాకూర్‌ ఓ వికెట్‌ పడగొట్టారు. గుజరాత్‌తో జరుగుతున్న తొలి సెమీఫైనల్‌ డ్రా దిశగా సాగుతున్నప్పటికీ.. తొలి ఇన్నింగ్స్‌లో లభించిన లీడ్‌ (2 పరుగులు) ఆధారంగా కేరళ ఫైనల్‌ బెర్త్‌ ఖరారు చేసుకుంది. రంజీల్లో కేరళ ఫైనల్‌కు చేరనుండటం ఇదే మొదటిసారి. ఈ సీజన్‌ ఫైనల్లో విదర్భ, కేరళ తలపడనున్నాయి.

రంజీ ట్రోఫీ 2024-25 (Ranji Trophy) సెమీ ఫైనల్లో హైడ్రామా చోటు చేసుకుంది. గుజరాత్‌తో (Gujarat) జరుగుతున్న తొలి సెమీస్‌లో కేరళ (Kerala) 2 పరుగుల స్వల్ప ఆధిక్యాన్ని సాధించి, ఫైనల్‌ బెర్త్‌ ఖరారు చేసుకుంది. ఈ మ్యాచ్‌లో తొలుత బ్యాటింగ్‌ చేసిన కేరళ తొలి ఇన్నింగ్స్‌లో 457 పరుగులు చేయగా.. గుజరాత్‌ తొలి ఇన్నింగ్స్‌లో 455 పరుగులకు ఆలౌటైంది. రంజీ రూల్స్‌ ప్రకారం.. మ్యాచ్‌లో ఫలితం తేలని పక్షంలో తొలి ఇన్నింగ్స్‌లో లీడ్‌ సాధించిన జట్టు విజేతగా నిలుస్తుంది. గుజరాత్‌, కేరళ మ్యాచ్‌లో ఫలితం తేలడం అసాధ్యం కాబట్టి, కేరళ విజేతగా నిలిచి ఫైనల్‌కు చేరుకుంటుంది.Drama in the Ranji Trophy semifinals🤯pic.twitter.com/o8Bykc8Q4P— CricTracker (@Cricketracker) February 21, 2025కాగా, ఈ మ్యాచ్‌లో గుజరాత్‌.. కేరళకు గట్టి పోటీ ఇచ్చినప్పటికీ, ఆ జట్టును దురదృష్టం వెంటాడింది. కేరళపై లీడ్‌ సాధించేందుకు కేవలం మూడు పరుగులు అవసరమైన తరుణంలో గుజరాత్‌ ఆఖరి ఆటగాడు సగస్వల్లా ఔటయ్యాడు. నగస్వల్లా బౌలర్‌ ప్రతిభ కారణంగా ఔటై ఉంటే గుజరాత్‌ అంత ఫీల్‌ అయ్యేది కాదు. నగస్వల్లా కొట్టిన షాట్‌ షార్ట్‌ లెగ్‌ ఫీల్డర్‌ సల్మాన్‌ నిజర్‌ హెల్మెట్‌కు తాకి స్లిప్స్‌లో ఉన్న సచిన్‌ బేబి చేతుల్లోకి వెళ్లింది. దీంతో నగస్వల్లా పెవిలియన్‌ ముఖం పట్టాడు. అప్పటివరకు బాగా ఆడిన నగస్వల్లా ఔట్‌ కావడంతో గుజరాత్‌ శిబిరంలో ఒక్కసారిగా నైరాశ్యం ఆవహించింది. తాము ఫైనల్‌కు చేరలేమ‍న్న విషయం తెలుసుకుని గుజరాత్‌ ఆటగాళ్లు కృంగిపోయారు. తృటిలో గుజరాత్‌కు ఫైనల్‌ బెర్త్‌ మిస్‌ అయ్యింది. ఈ సీజన్‌లో కేరళను లక్కీ జట్టుగా చెప్పాలి. క్వార్టర్‌ ఫైనల్లోనూ ఆ జట్టు ఇలాగే స్వల్ప ఆధిక్యంతో (ఒక్క పరుగు) సెమీస్‌కు చేరుకుంది. 91 ఏళ్ల రంజీ ట్రోఫీ చరిత్రలో కేరళ ఫైనల్‌కు చేరడం ఇదే తొలిసారి.స్కోర్ల విషయానికొస్తే.. వికెట్‌కీపర్‌ బ్యాటర్‌ మహ్మద్‌ అజహరుద్దీన్‌ భారీ సెంచరీతో (177 నాటౌట్‌) కదంతొక్కడంతో కేరళ తొలి ఇన్నింగ్స్‌లో 457 పరుగులు చేసింది. కేరళ ఇన్నింగ్స్‌లో కెప్టెన్‌ సచిన్‌ బేబి (69), సల్మాన్‌ నిజర్‌ (52) అర్ద సెంచరీలతో రాణించారు. గుజరాత్‌ బౌలర్లలో సగస్వల్లా 3, చింతన్‌ గజా 2, పి​ జడేజా, రవి బిష్ణోయ్‌, విశాల్‌ జేస్వాల్‌ తలో వికెట్‌ పడగొట్టారు.అనంతరం ప్రియాంక్‌ పంచల్‌ (148) సెంచరీతో అదరగొట్టడంతో గుజరాత్‌ తొలి ఇన్నింగ్స్‌లో 455 పరుగులు చేసింది. గుజరాత్‌ బ్యాటర్లలో ఆర్య దేశాయ్‌ (73), జయ్‌మీత్‌ పటేల్‌ (79) అర్ద సెంచరీలతో రాణించారు. కేరళ బౌలర్లలో సర్వటే, జలజ్‌ సక్సేనా తలో 4 వికెట్లు పడగొట్టారు. ఈ మ్యాచ్‌లో గుజరాత్‌ బ్యాటర్లు సైతం బాగానే బ్యాటింగ్‌ చేసినప్పటికీ.. కేరళ తొలి ఇన్నింగ్స్‌ స్కోర్‌కు రెండు పరుగుల దూరంలో నిలిచిపోయారు. చివరి రోజు లంచ్‌ సమయానికి కేరళ రెండో ఇన్నింగ్స్‌లో వికెట్‌ నష్టపోకుండా 26 పరుగులు చేసింది. రోహన్‌ కన్నుమ్మల్‌ (15), అక్షయ్‌ చంద్రన్‌ (9) క్రీజ్‌లో ఉన్నారు.

కేరళ క్రికెట్‌ జట్టు (Kerala Cricket Team) చరిత్ర సృష్టించనుంది. 91 ఏళ్ల రంజీ ట్రోఫీ (Ranji Trophy) చరిత్రలో తొలిసారి ఫైనల్‌కు అర్హత సాధించనుంది. గుజరాత్‌తో జరుగుతున్న తొలి సెమీఫైనల్లో కేరళ 2 పరుగుల స్వల్ప ఆధిక్యం సాధించింది. తద్వారా ఫైనల్‌ బెర్త్‌ ఖరారు చేసుకోనుంది. ఈ మ్యాచ్‌లో తొలుత బ్యాటింగ్‌ చేసిన కేరళ తొలి ఇన్నింగ్స్‌లో 457 పరుగులు చేయగా.. గుజరాత్‌ తొలి ఇన్నింగ్స్‌లో 455 పరుగులకు ఆలౌటైంది. ప్రస్తుతం ఆట చివరి రోజు కొనసాగుతుంది. కేరళ రెండో ఇన్నింగ్స్‌ ప్రారంభించింది. ఈ మ్యాచ్‌లో ఫలితం తేలడం అసాధ్యం. రంజీ రూల్స్‌ ‍ప్రకారం తొలి ఇన్నింగ్స్‌ ఆధిక్యం సాధించిన జట్టు విజేత నిలుస్తుంది. తద్వారా కేరళ ఫైనల్‌కు చేరుతుంది.దీనికి ముందు కేరళ కార్టర్‌ ఫైనల్లోనూ ఇలాగే స్వల్ప ఆధిక్యం సాధించి సెమీస్‌కు అర్హత సాధించింది. క్వార్టర్‌ ఫైనల్లో కేరళ.. జమ్మూ అండ్‌ కశ్మీర్‌పై ఒక్క పరుగు లీడ్‌ సాధించింది. ఫలితంగా సెమీస్‌కు అర్హత సాధించింది.1957-58 సీజన్‌లో తొలిసారి రంజీ బరిలోకి దిగిన కేరళ.. ఇప్పటివరకు ఒక్కసారి కూడా ఫైనల్‌కు అర్హత సాధించలేదు. 2018-19 సీజన్‌లో సెమీస్‌కు చేరినా.. తుది పోరుకు అర్హత సాధించలేకపోయింది. 1957/58కి ముందు కేరళ ట్రావన్‌కోర్‌-కొచ్చిన్‌ టీమ్‌గా రంజీల్లో ఆడింది.మ్యాచ్‌ విషయానికొస్తే.. వికెట్‌కీపర్‌ బ్యాటర్‌ మహ్మద్‌ అజహరుద్దీన్‌ భారీ సెంచరీతో (177 నాటౌట్‌) కదంతొక్కడంతో కేరళ తొలి ఇన్నింగ్స్‌లో 457 పరుగులు చేసింది. కేరళ ఇన్నింగ్స్‌లో కెప్టెన్‌ సచిన్‌ బేబి (69), సల్మాన్‌ నిజర్‌ (52) అర్ద సెంచరీలతో రాణించారు. గుజరాత్‌ బౌలర్లలో సగస్వల్లా 3, చింతన్‌ గజా 2, పి​ జడేజా, రవి బిష్ణోయ్‌, విశాల్‌ జేస్వాల్‌ తలో వికెట్‌ పడగొట్టారు. అనంతరం ప్రియాంక్‌ పంచల్‌ (148) సెంచరీతో కదంతొక్కడంతో గుజరాత్‌ తొలి ఇన్నింగ్స్‌లో 455 పరుగులు చేసింది. గుజరాత్‌ బ్యాటర్లలో ఆర్య దేశాయ్‌ (73), జయ్‌మీత్‌ పటేల్‌ (79) అర్ద సెంచరీలతో రాణించారు. కేరళ బౌలర్లలో సర్వటే, జలజ్‌ సక్సేనా తలో 4 వికెట్లు పడగొట్టారు. ఈ మ్యాచ్‌లో గుజరాత్‌ బ్యాటర్లు సైతం బాగానే బ్యాటింగ్‌ చేసినప్పటికీ.. కేరళ తొలి ఇన్నింగ్స్‌ స్కోర్‌కు రెండు పరుగుల దూరంలో నిలిచిపోయారు. చివరి రోజు లంచ్‌ సమయానికి కేరళ రెండో ఇన్నింగ్స్‌లో వికెట్‌ నష్టపోకుండా 26 పరుగులు చేసింది. రోహన్‌ కన్నుమ్మల్‌ (15), అక్షయ్‌ చంద్రన్‌ (9) క్రీజ్‌లో ఉన్నారు.విదర్భతో జరుగుతున్న మరో సెమీఫైనల్లో ముంబై ఓటమి అంచుల్లో నిలిచింది. 406 పరుగుల లక్ష్య ఛేదనలో ముంబై 6 వికెట్లు కోల్పోయి 180 పరుగులు మాత్రమే చేసింది. ఈ మ్యాచ్‌లో ముంబై గెలవాలంటే మరో 226 పరుగులు సాధించాలి. స్టార్‌ బ్యాటర్లంతా పెవిలియన్‌కు చేరడంతో ఈ మ్యాచ్‌లో ముంబై గెలవడం అసాధ్యం. ఒకవేళ ఈ మ్యాచ్‌ డ్రా అయినా తొలి ఇన్నింగ్స్ లీడ్‌ ఆధారంగా విదర్భ ఫైనల్‌కు చేరుతుంది. విదర్భ తొలి ఇన్నింగ్స్‌లో 383 పరుగులు చేయగా.. ముంబై 270 పరుగులకే పరిమితమైంది. కాగా, గత సీజన్‌ ఫైనల్లో ముంబై.. విదర్భను ఓడించి ఛాంపియన్‌గా నిలిచింది.

అహ్మదాబాద్‌: జైమీత్‌ పటేల్‌ (161 బంతుల్లో 74 బ్యాటింగ్‌; 2 ఫోర్లు), సిద్ధార్థ్‌ దేశాయ్‌ (134 బంతుల్లో 24 బ్యాటింగ్‌; 1 ఫోర్‌) మొండి పట్టుదలతో ఆడటంతో... గుజరాత్‌ జట్టు రంజీ ట్రోఫీ ఫైనల్‌కు చేరువైంది. కేరళతో జరుగుతున్న సెమీఫైనల్లో ఓవర్‌నైట్‌ స్కోరు 222/1తో గురువారం నాలుగో రోజు తొలి ఇన్నింగ్స్‌ కొనసాగించిన గుజరాత్‌ జట్టు... ఆట ముగిసే సమయానికి 154 ఓవర్లలో 7 వికెట్ల నష్టానికి 429 పరుగులు చేసింది. ఫలితం తేలడం కష్టమైన ఈ మ్యాచ్‌లో తొలి ఇన్నింగ్స్‌ ఆధిక్యం సాధించిన జట్టే ఫైనల్‌కు చేరుకోవడం ఖాయమైంది. అంతకుముందు కేరళ జట్టు తొలి ఇన్నింగ్స్‌లో 457 పరుగులు చేయగా... ప్రస్తుతం చేతిలో 3 వికెట్లు ఉన్న గుజరాత్‌ మరో 29 పరుగులు చేస్తే కేరళ స్కోరును దాటేస్తుంది. ప్రియాంక్‌ పాంచాల్‌ (237 బంతుల్లో 148; 18 ఫోర్లు, 1 సిక్స్‌) భారీ సెంచరీ ఖాతాలో వేసుకోగా... మనన్‌ హింగ్‌రాజియా (127 బంతుల్లో 33; 3 ఫోర్లు), ఉర్విల్‌ పటేల్‌ (43 బంతుల్లో 25; 3 ఫోర్లు), హేమంగ్‌ పటేల్‌ (41 బంతుల్లో 27; 2 ఫోర్లు, 1 సిక్స్‌) తలా కొన్ని పరుగులు చేశారు. కెప్టెన్ చింతన్‌ గాజా (2), విశాల్‌ జైస్వాల్‌ (14) ఎక్కువసేపు నిలవలేకపోయారు. చివర్లో సిద్ధార్థ్‌ దేశాయ్‌తో కలిసి జైమీత్‌ కీలక ఇన్నింగ్స్‌ ఆడాడు. ఓ పక్క పరుగులు సాధిస్తూనే... ఓవర్లు కరిగించాడు. ఈ జంట అబేధ్యమైన ఎనిమిదో వికెట్‌కు 220 బంతుల్లో 72 పరుగులు జోడించింది. ఓవరాల్‌గా గురువారం 83 ఓవర్ల పాటు బ్యాటింగ్‌ చేసిన గుజరాత్‌ జట్టు 207 పరుగులు చేసింది. కేరళ బౌలర్లలో జలజ్‌ సక్సేనా 4 వికెట్లు పడగొట్టాడు. స్కోరు వివరాలు కేరళ తొలి ఇన్నింగ్స్‌: 457; గుజరాత్‌ తొలి ఇన్నింగ్స్‌: ప్రియాంక్‌ (బి) జలజ్‌ సక్సేనా 148; ఆర్య దేశాయ్‌ (బి) బాసిల్‌ 73; మనన్‌ (ఎల్బీడబ్ల్యూ) (బి) జలజ్‌ సక్సేనా 33; ఉర్విల్‌ పటేల్‌ (స్టంప్డ్‌) అజహరుద్దీన్‌ (బి) జలజ్‌ సక్సేనా 25; హేమాంగ్‌ పటేల్‌ (సి) (సబ్‌) రోజర్‌ (బి) నిధీశ్‌ 27; జైమీత్‌ పటేల్‌ (బ్యాటింగ్‌) 74; చింతన్‌ గాజా (ఎల్బీడబ్ల్యూ) (బి) జలజ్‌ సక్సేనా 2; విశాల్‌ జైస్వాల్‌ (సి) బాసిల్‌ (బి) ఆదిత్య 14; సిద్ధార్థ్‌ దేశాయ్‌ (బ్యాటింగ్‌) 24; ఎక్స్‌ట్రాలు 9; మొత్తం (154 ఓవర్లలో 7 వికెట్ల నష్టానికి) 429. వికెట్ల పతనం: 1–131, 2–238, 3–277, 4–292, 5–320, 6–325, 7–357. బౌలింగ్‌: నిధీశ్‌ 23–4–86–1; జలజ్‌ సక్సేనా 61–12–137–4; బాసిల్‌ 22–1–59–1; ఆదిత్య సర్వతే 36–3–104–1; అక్షయ్‌ చంద్రన్‌ 11–0–31–0; ఇమ్రాన్‌ 1–0–3–0.

దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీ సెమీఫైన(Ranji Trophy Semi Final)ల్లో డిఫెండిగ్‌ చాంపియన్‌ ముంబై(Mumbai) జట్టు కష్టాల్లో పడింది. నాగ్‌పూర్‌ వేదికగా విదర్భ(Vidarbha)తో జరుగుతున్న పోరులో బ్యాటర్లు పెద్దగా ఆకట్టుకోలేకపోగా... బౌలర్లు కూడా ప్రభావం చూపలేకపోయారు. ఆరంభంలో ప్రత్యర్థిపై ఒత్తిడి పెంచినప్పటికీ... దాన్ని చివరి వరకు కొనసాగించలేకపోయారు. దీంతో కోలుకున్న విదర్భ జట్టు మూడో రోజు ఆట ముగిసే సమయానికి రెండో ఇన్నింగ్స్‌లో 53 ఓవర్లలో 4 వికెట్ల నష్టానికి 147 పరుగులు చేసింది.యశ్‌ రాథోడ్‌ (101 బంతుల్లో 59 బ్యాటింగ్‌; 4 ఫోర్లు) అర్ధశతకంతో రాణించగా... కెప్టెన్‌ అక్షయ్‌ వాడ్కర్‌ (102 బంతుల్లో 31 బ్యాటింగ్‌; 2 ఫోర్లు) చక్కటి ఇన్నింగ్స్‌ ఆడాడు. అథర్వ తైడె (0), కరుణ్‌ నాయర్‌ (6), ధ్రువ్‌ షోరే (13), దానిశ్‌ (29) విఫలమవడంతో... ఒకదశలో 56 పరుగులకే 4 వికెట్లు కోల్పోయిన మాజీ చాంపియన్‌ విదర్భ జట్టును యశ్‌ రాథోడ్, అక్షయ్‌ ఆదుకున్నారు. వీరిద్దరూ అజేయమైన ఐదో వికెట్‌కు 91 పరుగులు జోడించారు.ఫలితంగా తొలి ఇన్నింగ్స్‌లో 113 పరుగుల ఆధిక్యం దక్కించుకున్న విదర్భ జట్టు... ప్రస్తుతం ఓవరాల్‌గా 260 పరుగుల ఆధిక్యంలో నిలిచింది. ముంబై బౌలర్లలో షమ్స్‌ ములానీ 2... శార్దుల్‌ ఠాకూర్, తనుశ్‌ కొటియాన్‌ చెరో వికెట్‌ పడగొట్టారు. అంతకుముందు ఓవర్‌నైట్‌ స్కోరు 188/7తో బుధవారం మూడో రోజు తొలి ఇన్నింగ్స్‌ కొనసాగించిన ముంబై జట్టు చివరకు 92 ఓవర్లలో 270 పరుగులకు ఆలౌటైంది. ఓపెనర్‌ ఆకాశ్‌ ఆనంద్‌ (256 బంతుల్లో 106; 11 ఫోర్లు) విలువైన సెంచరీ చేశాడు. తనుశ్‌ కొటియాన్‌ (33; 4 ఫోర్లు, 1 సిక్స్‌) అతడికి సహకరించాడు. విదర్భ బౌలర్లలో పార్థ్‌ 4 వికెట్లు పడగొట్టాడు. స్కోరు వివరాలు విదర్భ తొలి ఇన్నింగ్స్‌: 383ముంబై తొలి ఇన్నింగ్స్‌: ఆయుశ్‌ (సి) దానిశ్‌ (బి) దర్శన్‌ 9; ఆకాశ్‌ ఆనంద్‌ (సి) అక్షయ్‌ (బి) నచికేత్‌ 106; సిద్ధేశ్‌ (బి) యశ్‌ ఠాకూర్‌ 35; రహానే (బి) పార్థ్‌ 18; సూర్యకుమార్‌ (సి) దానిశ్‌ (బి) పార్థ్‌ 0; శివమ్‌ దూబే (సి) అథర్వ (బి) పార్థ్‌ 0; షమ్స్‌ ములానీ (ఎల్బీడబ్ల్యూ) (బి) హర్‌‡్ష దూబే 4; శార్దుల్‌ (సి) దర్శన్‌ (బి) యశ్‌ ఠాకూర్‌ 37; తనుశ్‌ (బి) పార్థ్‌ 33; మోహిత్‌ (బి) హర్‌‡్ష దూబే 10; రాయ్‌స్టన్‌ డయస్‌ (నాటౌట్‌) 2, ఎక్స్‌ట్రాలు 16; మొత్తం (92 ఓవర్లలో ఆలౌట్‌) 270. వికెట్ల పతనం: 1–18, 2–85, 3–113, 4–113, 5–113, 6–118, 7–178, 8–247, 9–261, 10–270, బౌలింగ్‌: దర్శన్‌ 12–1–46–1; యశ్‌ ఠాకూర్‌ 16–0–73–2; హర్ష్‌ దూబే 25–3–68–2; నచికేత్‌ 9–2–25–1; పార్థ్‌ 30–9–55–4. విదర్భ రెండో ఇన్నింగ్స్‌: అథర్వ (ఎల్బీడబ్ల్యూ) (బి) శార్దుల్‌ 0; ధ్రువ్‌ షోరే (ఎల్బీడబ్ల్యూ) (బి) తనుశ్‌ 13; దానిశ్‌ (సి అండ్‌ బి) ములానీ 29; కరుణ్‌ నాయర్‌ (ఎల్బీడబ్ల్యూ) (బి) ములానీ 6; యశ్‌ రాథోడ్‌ (బ్యాటింగ్‌) 59; అక్షయ్‌ వాడ్కర్‌ (బ్యాటింగ్‌) 31; ఎక్స్‌ట్రాలు 9; మొత్తం (53 ఓవర్లలో 4 వికెట్ల నష్టానికి) 147. వికెట్ల పతనం: 1–0, 2–40, 3–52, 4–56, బౌలింగ్‌: శార్దుల్‌ ఠాకూర్‌ 6–2–14–1; మోహిత్‌ 2–0–13–0; షమ్స్‌ ములానీ 20–3–50–2; రాయ్‌స్టన్‌ డయస్‌ 7–4–11–0; తనుశ్‌ కొటియాన్‌ 14–1–33–1; శివమ్‌ దూబే 3–0–17–0; ఆయుశ్‌ 1–0–3–0.ముంబై మాజీ కెప్టెన్‌ మిలింద్‌ కన్నుమూత ముంబై జట్టు మాజీ సారథి, మాజీ సెలెక్టర్‌ మిలింద్‌ రేగె (76) బుధవారం గుండెపోటుతో కన్నుమూశారు. దేశవాళీల్లో ఆల్‌రౌండర్‌గా రాణించిన మిలింద్‌ కెరీర్‌లో 52 ఫస్ట్‌క్లాస్‌ మ్యాచ్‌లాడి 1532 పరుగులు చేయడంతో పాటు 126 వికెట్లు పడగొట్టారు. 26 ఏళ్ల వయసులోనే గుండెపోటుకు గురైన మిలింద్‌ ఆ తర్వాత తిరిగి కోలుకొని ముంబై రంజీ జట్టుకు కెపె్టన్‌గా వ్యవహరించాడు. ఆయనకు భార్య ఇద్దరు కుమారులు ఉన్నారు. మిలింద్‌ మృతికి క్రికెట్‌ దిగ్గజం సచిన్‌ టెండూల్కర్‌ సంతాపం వ్యక్తం చేశాడు. మిలింద్‌ చిన్ననాటి మిత్రుడు సునీల్‌ గావస్కర్‌తో పాటు భారత క్రికెట్‌ నియంత్రణ మండలి (బీసీసీఐ), ముంబై క్రికెట్‌ సంఘం (ఎంసీఏ) సంతాపం వ్యక్తం చేశాయి. మిలింద్‌ మృతికి సంతాపంగా విదర్భతో రంజీ ట్రోఫీ సెమీఫైనల్లో ముంబై ప్లేయర్లు నల్లరిబ్బన్లతో బరిలోకి దిగారు.

అహ్మదాబాద్‌: సీనియర్‌ ఓపెనర్‌ ప్రియాంక్‌ పాంచాల్‌ (200 బంతుల్లో 117 బ్యాటింగ్‌; 13 ఫోర్లు, 1 సిక్స్‌) అజేయ శతకంతో అదరగొట్టడంతో... కేరళతో జరుగుతున్న రంజీ ట్రోఫీ సెమీఫైనల్లో మాజీ చాంపియన్‌ గుజరాత్‌ జట్టు దీటుగా బదులిస్తోంది. బ్యాటింగ్‌కు సహకరిస్తున్న పిచ్‌పై మొదట కేరళ బ్యాటర్లు భారీ స్కోరు చేయగా... ఇప్పుడు గుజరాత్‌ కూడా అదే బాటలో నడుస్తోంది. బుధవారం మూడో రోజు ఆట ముగిసే సమయానికి గుజరాత్‌ జట్టు తొలి ఇన్నింగ్స్‌లో 71 ఓవర్లలో ఒక వికెట్‌ నష్టానికి 222 పరుగులు చేసింది. ప్రియాంక్‌ సూపర్‌ సెంచరీకి ఆర్య దేశాయ్‌ (118 బంతుల్లో 73; 11 ఫోర్లు, 1 సిక్స్‌) అర్ధశతకం తోడవడంతో గుజరాత్‌ ఇన్నింగ్స్‌ సజావుగా సాగింది. ఈ జంట కేరళ బౌలర్లను సమర్థవంతంగా ఎదుర్కొవడంతో పరుగుల రాక సులువైంది. ముఖ్యంగా ఆర్య దూకుడుగా ఆడాడు. తొలి వికెట్‌కు 131 పరుగులు జోడించిన అనంతరం అతడు అవుటయ్యాడు. ఆ తర్వాత మనన్‌ హింగ్‌రాజియా (108 బంతుల్లో 30 బ్యాటింగ్‌; 3 ఫోర్లు)తో కలిసి ప్రియాంక్‌ ఇన్నింగ్స్‌ను నడిపించాడు. ఈ క్రమంలో ప్రియాంక్‌ ఫస్ట్‌ క్లాస్‌ కెరీర్‌లో 29వ సెంచరీ పూర్తి చేసుకున్నాడు. తాజా రంజీ సీజన్‌లో అతడికిది రెండో శతకం. మూడో రోజు 71 ఓవర్లు వేసిన కేరళ కేవలం ఒక్క వికెట్‌ మాత్రమే పడగొట్టింది. బాసిల్‌కు ఆ వికెట్‌ దక్కింది. అంతకుముందు ఓవర్‌నైట్‌ స్కోరు 418/7తో బుధవారం తొలి ఇన్నింగ్స్‌ కొనసాగించిన కేరళ జట్టు చివరకు 187 ఓవర్లలో 457 పరుగులు చేసి ఆలౌటైంది. వికెట్‌ కీపర్‌ మొహమ్మద్‌ అజహరుద్దీన్‌ (341 బంతుల్లో 177 నాటౌట్‌; 20 ఫోర్లు, 1 సిక్స్‌) అజేయంగా నిలిచాడు. మూడో రోజు 10 ఓవర్ల పాటు బ్యాటింగ్‌ చేసిన కేరళ జట్టు మరో 39 పరుగులు జోడించి మిగిలిన మూడు వికెట్లు కోల్పోయింది. చివరి వరుస బ్యాటర్లు ఎక్కువసేపు నిలవలేకపోయారు. గుజరాత్‌ బౌలర్లలో అర్జాన్‌ మూడు, చింతన్‌ గజా రెండు వికెట్లు పడగొట్టారు. ప్రస్తుతం చేతిలో 9 వికెట్లు ఉన్న గుజరాత్‌ జట్టు కేరళ తొలి ఇన్నింగ్స్‌ స్కోరుకు ఇంకా 235 పరుగులు వెనుకబడి ఉంది. స్కోరు వివరాలు కేరళ తొలి ఇన్నింగ్స్‌: అక్షయ్‌ (రనౌట్‌) 30; రోహన్‌ (ఎల్బీడబ్ల్యూ) (బి) రవి బిష్ణోయ్‌ 30; వరుణ్‌ (సి) ఉర్విల్‌ (బి) ప్రియజీత్‌సింగ్‌ 10; సచిన్‌ బేబీ (సి) ఆర్య దేశాయ్‌ (బి) అర్జాన్‌ 69; జలజ్‌ సక్సేనా (బి) అర్జాన్‌ 30; అజహరుద్దీన్‌ (నాటౌట్‌) 177; సల్మాన్‌ నిజర్‌ (ఎల్బీడబ్ల్యూ) (బి) విశాల్‌ 52; ఇమ్రాన్‌ (సి) ఉర్విల్‌ (బి) అర్జాన్‌ 24; ఆదిత్య (బి) చింతన్‌ 11; నిదీశ్‌ (రనౌట్‌) 5; బాసిల్‌ (సి) ఆర్య (బి) చింతన్‌ 1; ఎక్స్‌ట్రాలు 18; మొత్తం (187 ఓవర్లలో ఆలౌట్‌) 457. వికెట్ల పతనం: 1–60, 2–63, 3–86, 4–157, 5–206, 6–355, 7–395, 8–428, 9–455, 10–457, బౌలింగ్‌: చింతన్‌ 33–9–75–2; అర్జాన్‌ 34–9–81–3; ప్రియజీత్‌ సింగ్‌ 21–2–58–1; జైమీత్‌ 13–1–46–0; రవి బిష్ణోయ్‌ 30–7–74–1; సిద్ధార్థ్‌ దేశాయ్‌ 33–13–49–0; విశాల్‌ జైస్వాల్‌ 22–5–57–1; ఆర్య దేశాయ్‌ 1–0–3–0. గుజరాత్‌ తొలి ఇన్నింగ్స్‌: ప్రియాంక్‌ (బ్యాటింగ్‌) 117; ఆర్య దేశాయ్‌ (బి) బాసిల్‌ 73; మనన్‌ (బ్యాటింగ్‌) 30; ఎక్స్‌ట్రాలు 2; మొత్తం: (71 ఓవర్లలో ఒక వికెట్‌ నష్టానికి) 222. వికెట్ల పతనం: 1–131. బౌలింగ్‌: నిధీశ్‌ 10–1–40–0; జలజ్‌ 25–5–71–0; బాసిల్‌ 15–1–40–1; ఆదిత్య 17–2–55–0; అక్షయ్‌ చంద్రన్‌ 3–0–11–0; ఇమ్రాన్‌ 1–0–3–0.

నాగ్‌పూర్‌: రంజీ ట్రోఫీలో ముంబై మేటి చాంపియన్‌ జట్టు. దేశవాళీ టోర్నీలో ఏకంగా 48 సార్లు ఫైనల్‌ చేరి 42 సార్లు విజేతగా నిలిచిన ఈ జట్టుకు ఈసారి సెమీఫైనల్లో విదర్భ నుంచి కఠిన సవాళ్లు ఎదురవుతున్నాయి. తొలి రోజు బ్యాటింగ్‌లో సత్తా చాటుకున్న విదర్భ... రెండో రోజు బౌలింగ్‌తో ముంబైని ముప్పుతిప్పలు పెట్టింది. ఫలితంగా డిఫెండింగ్‌ చాంపియన్‌ ఎదురీదుతోంది. ముందుగా ఓవర్‌నైట్‌ స్కోరు 308/5తో రెండోరోజు తొలి ఇన్నింగ్స్‌ను కొనసాగించిన విదర్భ 107.5 ఓవర్లలో 383 పరుగుల వద్ద ఆలౌటైంది. క్రితం రోజు బ్యాటర్లలో యశ్‌ రాథోడ్‌ (54; 7 ఫోర్లు) అర్ధసెంచరీ పూర్తిచేసుకొని వెనుదిరిగాడు. కెపె్టన్‌ అక్షయ్‌ వాడ్కర్‌ (34; 4 ఫోర్లు) కాసేపు కుదురుగా ఆడాడు. హర్ష్‌ దూబే (18; 3 ఫోర్లు), నచికేత్‌ (11; 2 ఫోర్లు), దర్శన్‌ నల్కండే (12; 2 ఫోర్లు) రెండంకెల స్కోర్లు చేశారు. రెండో రోజు 3 వికెట్లు పడగొట్టిన శివమ్‌ దూబేకు మొత్తం 5 వికెట్లు దక్కాయి. తర్వాత తొలి ఇన్నింగ్స్‌ మొదలుపెట్టిన ముంబై ఆట ముగిసే సమయానికి 59 ఓవర్లలో 7 వికెట్లు కోల్పోయి 188 పరుగులు సాధించింది. ఓపెనర్‌ ఆకాశ్‌ ఆనంద్‌ (171 బంతుల్లో 67 బ్యాటింగ్‌; 6 ఫోర్లు) అజేయ అర్ధ సెంచరీతో రాణించాడు. శార్దుల్‌ ఠాకూర్‌ (37; 4 ఫోర్లు, 1 సిక్స్‌), సిద్దేశ్‌ లాడ్‌ (35; 4 ఫోర్లు) మెరుగ్గా ఆడారు. ఫాలోఆన్‌ గండాన్ని తప్పించుకున్న ముంబై జట్టు విదర్భ స్కోరుకు ఇంకా 195 పరుగులు వెనుకబడి ఉంది. ముంబై ఒక దశలో 113/2 స్కోరు వద్ద పటిష్టంగా ఉంది. కేవలం రెండో ఫస్ట్‌క్లాస్‌ మ్యాచ్‌ ఆడుతున్న పార్థ్‌ రెఖాడే తన స్పిన్‌ మాయాజాలంతో ముంబైని కష్టాల్లోకి నెట్టాడు. అనుభవజ్ఞుడైన భారత మాజీ కెప్టెన్, ప్రస్తుత ముంబై సారథి అజింక్య రహానే (18; 4 ఫోర్లు) సహా టీమిండియా హార్డ్‌హిట్టర్లు సూర్యకుమార్‌ యాదవ్‌ (0), శివమ్‌ దూబే (0)లను అసలు ఖాతానే తెరువనీయలేదు. ఒకే ఒక్క ఓవర్లో ఈ ముగ్గురినీ పార్థ్‌ అవుట్‌ చేశాడు. ఇన్నింగ్స్‌ 41వ ఓవర్‌ వేసిన పార్థ్‌ తొలి బంతికి రహానేను, మూడు, ఐదో బంతులకు సూర్య, దూబేలను బోల్తా కొట్టించాడు. ఇది చాలదన్నట్లు మరుసటి ఓవర్లోనే (42వ) హర్ష్‌ దూబే... షమ్స్‌ ములానీ (4) అవుట్‌ కావడంతో ముంబై 113/2 నుంచి 10 బంతుల వ్యవధిలోనే 118/6 స్కోరుతో కుదేలైంది. ఆనంద్, శార్దుల్‌ మెరుగ్గా ఆడటంతో ముంబై కోలుకుంది. ప్రస్తుతం ఆనంద్‌తో పాటు తనుశ్‌ (5 బ్యాటింగ్‌) క్రీజులో ఉన్నాడు. స్కోరు వివరాలు విదర్భ తొలి ఇన్నింగ్స్‌: అథర్వ (సి) ఆనంద్‌ (బి) రాయ్‌స్టన్‌ 4; ధ్రువ్‌ షోరే (సి) రహానే (బి) ములానీ 74; పార్థ్‌ రెఖాడే (సి) సూర్యకుమార్‌ (బి) దూబే 23; దానిశ్‌ (సి) ఆనంద్‌ (బి) ములానీ 79; కరుణ్‌ నాయర్‌ (సి) ఆనంద్‌ (బి) దూబే 45; యశ్‌ రాథోడ్‌ (సి అండ్‌ బి) శార్దుల్‌ 54; అక్షయ్‌ (సి) ఆనంద్‌ (బి) రాయ్‌స్టన్‌ 34; హర్‌‡్ష దూబే (సి) ఆనంద్‌ (బి) శివమ్‌ దూబే 18; నచికేత్‌ (సి) ములానీ (బి) శివమ్‌ దూబే 11; దర్శన్‌ (నాటౌట్‌) 12; యశ్‌ ఠాకూర్‌ (సి)అవస్థి (బి) శివమ్‌ దూబే 3; ఎక్స్‌ట్రాలు 26; మొత్తం (107.5 ఓవర్లలో ఆలౌట్‌) 383. వికెట్ల పతనం: 1–39, 2–93, 3–144, 4–222, 5–261, 6–324, 7–346, 8–364, 9–369, 10–383. బౌలింగ్‌: శార్దుల్‌ 19–0–78–1, మోహిత్‌ 14–2–61–0, రాయ్‌స్టన్‌ డయస్‌ 18–5–48–2, తనుశ్‌ 22–0–78–0, శివమ్‌ దూబే 11.5–1–49–5, షమ్స్‌ ములానీ 23–4–62–2. ముంబై తొలి ఇన్నింగ్స్‌: ఆయుశ్‌ (సి) దానిశ్‌ (బి) దర్శన్‌ 9; ఆకాశ్‌ ఆనంద్‌ (బ్యాటింగ్‌) 67; సిద్ధేశ్‌ (బి) యశ్‌ ఠాకూర్‌ 35; రహానే (బి) పార్థ్‌ 18; సూర్యకుమార్‌ (సి) దానిశ్‌ (బి) పార్థ్‌ 0; శివమ్‌ దూబే (సి) అథర్వ (బి) పార్థ్‌ 0; షమ్స్‌ ములానీ (ఎల్బీడబ్ల్యూ) (బి) హర్ష్‌ దూబే 4; శార్దుల్‌ (సి) దర్శన్‌ (బి) యశ్‌ ఠాకూర్‌ 37; తనుశ్‌ (బ్యాటింగ్‌) 5; ఎక్స్‌ట్రాలు 13; మొత్తం (59 బంతుల్లో 7 వికెట్లకు) 188. వికెట్ల పతనం: 1–18, 2–85, 3–113, 4–113, 5–113, 6–118, 7–178. బౌలింగ్‌: దర్శన్‌ నల్కండే 10–1–40–1, యశ్‌ ఠాకూర్‌ 11–0–56–2, హర్‌‡్ష దూబే 15–1–51–1, నచికేత్‌ 7–1–22–0, పార్థ్‌ రెఖాడే 16–6–16–3.

అహ్మదాబాద్‌: పసలేని గుజరాత్‌ బౌలింగ్‌పై కేరళ బ్యాటర్లు ఆధిపత్యం కనబరుస్తున్నారు. రెండో రోజు ఆటలో ఓవర్‌నైట్‌ బ్యాటర్‌ మొహమ్మద్‌ అజహరుద్దీన్‌ (303 బంతుల్లో 149 బ్యాటింగ్‌; 17 ఫోర్లు) అజేయ సెంచరీతో కదంతొక్కాడు. సల్మాన్‌ నిజర్‌ (202 బంతుల్లో 52; 4 ఫోర్లు, 1 సిక్స్‌) అర్ధసెంచరీతో ఆకట్టుకున్నాడు. రెండు రోజుల్లో గుజరాత్‌ బౌలర్లలో ఏ ఒక్కరు కూడా ప్రభావం చూపలేకపోయారు. 177 ఓవర్లు వేసిన గుజరాత్‌ 7 వికెట్లనే పడగొట్టింది. మంగళవారం అజహరుద్దీన్, సల్మాన్‌ల జోడీ క్రీజులో పాతుకుపోవడంతో రోజంతా కష్టపడిన గుజరాత్‌ బౌలర్లకు మూడే వికెట్లు దక్కాయి. ఓవర్‌నైట్‌ స్కోరు 206/4తో రెండో రోజు తొలి ఇన్నింగ్స్‌ను కొనసాగించిన కేరళ అదే స్కోరు వద్ద కెప్టెన్‌ సచిన్‌ బేబీ (69; 8 ఫోర్లు) వికెట్‌ను కోల్పోయింది. కీలకమైన వికెట్‌ను తీశామన్న ఆనందం లేకుండా సల్మాన్‌... ఓవర్‌నైట్‌ బ్యాటర్‌ అజహరుద్దీన్‌తో కలిసి ఇన్నింగ్స్‌ను నడిపించాడు. ఇద్దరు కూడా ఏమాత్రం అనవసర షాట్‌ల జోలికి వెళ్లకుండా నింపాదిగా పరుగులు జత చేశారు. దీంతో మొదటి సెషన్‌లో మరో వికెట్‌ పడకుండా కేరళ 293/5 స్కోరు వద్ద లంచ్‌ బ్రేక్‌కు వెళ్లింది. తర్వాత జట్టు స్కోరు 300 పరుగులు దాటింది. ఇద్దరు జిడ్డుగా ఆడటంతో గుజరాత్‌ బౌలర్లకు ఆలసటే తప్ప వికెట్ల ఓదార్పు దక్కనే లేదు. ఈ క్రమంలో అజహరుద్దీన్‌ ఫస్ట్‌క్లాస్‌ క్రికెట్‌లో రెండో సెంచరీ పూర్తి చేసుకున్నాడు. డ్రింక్స్‌ విరామం తర్వాత సల్మాన్‌ అర్ధశతకం సాధించాడు. ఈ రెండో సెషన్‌లోనూ వీళ్లిద్దరి ఆటే కొనసాగడంతో గుజరాత్‌ శిబిరానికి వికెట్‌ సంబరమే లేకుండాపోయింది. ఎట్టకేలకు ఆఖరి సెషన్‌ ఊరటనిచ్చింది. ఇందులో రెండు వికెట్లు పడగొట్టగలిగింది. సల్మాన్‌ను విశాల్‌ జైస్వాల్‌ వికెట్ల ముందు దొరకబుచ్చుకోవడంతో ఆరో వికెట్‌కు 149 పరుగుల భాగస్వామ్యం ముగిసింది. కానీ తర్వాత వచి్చన అహమ్మద్‌ ఇమ్రాన్‌ (66 బంతుల్లో 24; 3 ఫోర్లు) కూడా గుజరాత్‌ బౌలర్లను ఇబ్బంది పెట్టాకే నిష్క్ర​మించాడు. ఆదిత్య సర్వతే (10 బ్యాటింగ్‌; 1 ఫోర్‌)తో వచ్చాక అజహరుద్దీన్‌ జట్టు స్కోరును 400 దాటించాడు. ఆటనిలిచే సమయానికి ఇద్దరు అజేయంగా నిలిచారు. అర్జాన్‌కు 3 వికెట్లు దక్కాయి. స్కోరు వివరాలు కేరళ తొలి ఇన్నింగ్స్‌: అక్షయ్‌ (రనౌట్‌) 30; రోహన్‌ (ఎల్బీడబ్ల్యూ) (బి) రవి బిష్ణోయ్‌ 30; వరుణ్‌ (సి) ఉర్విల్‌ (బి) ప్రియజీత్‌సింగ్‌ 10; సచిన్‌ (సి) ఆర్య దేశాయ్‌ (బి) అర్జాన్‌ 69; జలజ్‌ సక్సేనా (బి) అర్జాన్‌ 30; అజహరుద్దీన్‌ (బ్యాటింగ్‌) 149; సల్మాన్‌ (ఎల్బీడబ్ల్యూ) (బి) విశాల్‌ 52; ఇమ్రాన్‌ (సి) ఉర్విల్‌ (బి) అర్జాన్‌ 24; ఆదిత్య (బ్యాటింగ్‌) 10; ఎక్స్‌ట్రాలు 14; మొత్తం (177 ఓవర్లలో 7 వికెట్లకు) 418. వికెట్ల పతనం: 1–60, 2–63, 3–86, 4–157, 5–206, 6–355, 7–395. బౌలింగ్‌: చింతన్‌ గజా 28–8–57–0, అర్జాన్‌ 29–8–64–3, ప్రియజీత్‌ సింగ్‌ 21–2–58–1, జైమీత్‌ 13–1–46–0, రవి బిష్ణోయ్‌ 30–7–74–1, సిద్ధార్థ్‌ దేశాయ్‌ 33–13–49–0, విశాల్‌ జైస్వాల్‌ 22–5–57–1, ఆర్య దేశాయ్‌ 1–0–3–0.

అహ్మదాబాద్‌ వేదికగా గుజరాత్‌, కేరళ జట్ల మధ్య రంజీ ట్రోఫీ తొలి సెమీఫైనల్‌ మ్యాచ్‌ జరుగుతుంది. ఈ మ్యాచ్‌లో కేరళ టాస్‌ గెలిచి తొలుత బ్యాటింగ్‌ చేస్తుంది. రెండో రోజు రెండో సెషన్‌ సమయానికి కేరళ 134.2 ఓవర్లలో 5 వికెట్ల నష్టానికి 325 పరుగులు చేసింది. వికెట్‌కీపర్‌ మొహమ్మద్‌ అజహారుద్దీన్‌ (105 నాటౌట్‌), సల్మాన్‌ నిజర్‌ (40 నాటౌట్‌) బ్యాటింగ్‌ చేస్తున్నారు.కేరళ ఇన్నింగ్స్‌లో కెప్టెన్‌ సచిన్‌ బేబి (69) అ‍ర్ద సెంచరీతో రాణించగా.. అక్షయ్‌ చంద్రన్‌, రోహన్‌ కున్నుమ్మల్‌, జలజ్‌ సక్సేనా తలో 30 పరుగులు చేశారు. వరుణ్‌ నయనార్‌ 10 పరుగులకు ఔటయ్యాడు. గుజరాత్‌ బౌలర్లలో అర్జన్‌ నగస్వల్లా 2, పి జడేజా, రవి బిష్ణోయ్‌ తలో వికెట్‌ పడగొట్టారు.చరిత్ర సృష్టించిన మొహమ్మద్‌ అజహారుద్దీన్‌ఈ మ్యాచ్‌లో సెంచరీతో కదంతొక్కిన మొహమ్మద్‌ అజహారుద్దీన్‌ రికార్డుబుక్కుల్లోకెక్కాడు. రంజీ సెమీఫైనల్లో సెంచరీ చేసిన తొలి కేరళ ఆటగాడిగా చరిత్ర సృష్టించాడు. రంజీల్లో కేరళ గతంలో ఒకే ఒ​క సారి సెమీస్‌కు చేరుకుంది. 2018-19 సీజన్‌లో కేరళ ఫైనల్‌ ఫోర్‌కు అర్హత సాధించింది. అయితే ఆ సీజన్‌ సెమీస్‌లో ఏ కేరళ ఆటగాడు సెంచరీ చేయలేదు. అజహారుద్దీనే రంజీల్లో కేరళ తరఫున సెంచరీ చేసిన తొలి ఆటగాడిగా రికార్డు సృష్టించాడు.ప్రస్తుత రంజీ సీజన్‌లో కేరళ అద్భుతమైన ప్రదర్శనలతో క్వార్టర్‌ ఫైనల్‌కు చేరింది. ఎలైట్‌ గ్రూప్‌-సిలో కేరళ 7 మ్యాచ్‌ల్లో 3 విజయాలు, 4 డ్రాలతో గ్రూప్‌లో రెండో స్థానంలో నిలిచింది. క్వార్టర్‌ ఫైనల్లో కేరళ.. జమ్మూ అండ్‌ కశ్మీర్‌పై ఒక్క పరుగు ఆధిక్యం (తొలి ఇన్నింగ్స్‌లో) సాధించి సెమీస్‌ బెర్త్‌ దక్కించుకుంది.మరో సెమీఫైనల్‌ మ్యాచ్‌లో విదర్భ, ముంబై జట్లు తలపడుతున్నాయి. ఈ మ్యాచ్‌లో తొలుత బ్యాటింగ్‌ చేసిన విదర్భ తొలి ఇన్నింగ్స్‌లో 383 పరుగులకు ఆలౌటైంది. ముంబై బౌలర్‌ శివమ్‌ దూబే ఐదు వికెట్లతో రాణించాడు. షమ్స్‌ములానీ, రాయ్‌స్టన్‌ డయాస్‌ తలో రెండు, శార్దూల్‌ ఠాకూర్‌ ఓ వికెట్‌ తీశారు.విదర్భ ఇన్నింగ్స్‌లో దృవ్‌ షోరే (74), దినిశ్‌ మాలేవార్‌ (79), యశ్‌ రాథోడ్‌ (54) అర్ద సెంచరీలతో రాణించగా.. కరుణ్‌ నాయర్‌ (45), కెప్టెన్‌ అక్షయ్‌ వాద్కర్‌ (34) ఓ మోస్తరు స్కోర్లు చేశారు. అథర్వ తైడే 4, పార్థ్‌ రేఖడే 23, హర్ష్‌ దూబే 18, భూటే 11, యశ్‌ ఠాకూర్‌ 3 పరుగులు చేసి ఔట్‌ కాగా.. దర్శన్‌ నల్కండే 12 పరుగులతో అజేయంగా నిలిచాడు.అనంతరం తొలి ఇన్నింగ్స్‌ ప్రారంభించిన ముంబై.. 18 పరుగుల వద్దే తొలి వికెట్‌ కోల్పోయింది. దర్శన్‌ నల్కండే బౌలింగ్‌లో దనిశ్‌ మలేవార్‌కు క్యాచ్‌ ఇచ్చి ఆయుశ్‌ మాత్రే (9) ఔటయ్యాడు. ప్రస్తుతం ఆకాశ్‌ ఆనంద్‌ (29), సిద్దేశ్‌ లాడ్‌ (19) క్రీజ్‌లో ఉన్నారు. 23 ఓవర్ల అనంతరం ముంబై తొలి ఇన్నింగ్స్‌ స్కోర్‌ 62/1గా ఉంది. విదర్భ తొలి ఇన్నింగ్స్‌ స్కోర్‌కు ముంబై ఇంకా 321 పరుగులు వెనుకపడి ఉంది.

భారత స్టార్‌ ఆల్‌రౌండర్‌ శివమ్‌ దూబే (Shivam Dube) రంజీ ట్రోఫీ సెమీ ఫైనల్లో (Ranji Semi Finals) చెలరేగిపోయాడు. విదర్భతో జరుగుతున్న మ్యాచ్‌లో దూబే (ముంబై) ఐదు వికెట్ల ప్రదర్శనతో మెరిశాడు. తరుచూ బ్యాట్‌తో సత్తా చాటే దూబే ఈ మ్యాచ్‌లో బంతితో చెలరేగాడు. దూబే ధాటికి విదర్భ తొలి ఇన్నింగ్స్‌లో 383 పరుగులకు ఆలౌటైంది.ఓవర్‌నైట్‌ స్కోర్‌ 308/5 వద్ద రెండో రోజు ఆటను ప్రారంభించిన విదర్భ మరో 75 పరుగులు మాత్రమే జోడించి మిగతా ఐదు వికెట్లు కోల్పోయింది. తొలి రోజు ఆటలో 2 వికెట్లు తీసిన దూబే.. రెండో రోజు చెలరేగిపోయి మరో 3 వికెట్లు తీశాడు. ఈ మ్యాచ్‌లో దూబే.. పార్థ్‌ రేఖడే, కీలకమైన కరుణ్‌ నాయర్‌, హర్ష్‌ దూబే, భూటే, యశ్‌ ఠాకూర్‌ వికెట్లు తీశాడు. ముంబై బౌలర్లలో షమ్స్‌ములానీ, రాయ్‌స్టన్‌ డయాస్‌ తలో రెండు, శార్దూల్‌ ఠాకూర్‌ ఓ వికెట్‌ తీశారు.విదర్భ ఇన్నింగ్స్‌లో దృవ్‌ షోరే (74), దినిశ్‌ మాలేవార్‌ (79), యశ్‌ రాథోడ్‌ (54) అర్ద సెంచరీలతో రాణించగా.. కరుణ్‌ నాయర్‌ (45), కెప్టెన్‌ అక్షయ్‌ వాద్కర్‌ (34) ఓ మోస్తరు స్కోర్లు చేశారు. అథర్వ తైడే 4, పార్థ్‌ రేఖడే 23, హర్ష్‌ దూబే 18, భూటే 11, యశ్‌ ఠాకూర్‌ 3 పరుగులు చేసి ఔట్‌ కాగా.. దర్శన్‌ నల్కండే 12 పరుగులతో అజేయంగా నిలిచాడు.అనంతరం తొలి ఇన్నింగ్స్‌ ప్రారంభించిన ముంబై.. 18 పరుగుల వద్దే తొలి వికెట్‌ కోల్పోయింది. దర్శన్‌ నల్కండే బౌలింగ్‌లో దనిశ్‌ మలేవార్‌కు క్యాచ్‌ ఇచ్చి ఆయుశ్‌ మాత్రే (9) ఔటయ్యాడు. ప్రస్తుతం ఆకాశ్‌ ఆనంద్‌ (7), సిద్దేశ్‌ లాడ్‌ (0) క్రీజ్‌లో ఉన్నారు. 4.4 ఓవర్ల అనంతరం ముంబై తొలి ఇన్నింగ్స్‌ స్కోర్‌ 18/1గా ఉంది. విదర్భ తొలి ఇన్నింగ్స్‌ స్కోర్‌కు ముంబై ఇంకా 365 పరుగులు వెనుకపడి ఉంది.మరో సెమీఫైనల్లో గుజరాత్‌, కేరళ జట్లు తలపడుతున్నాయి. ఈ మ్యాచ్‌లో తొలుత బ్యాటింగ్‌ చేస్తున్న కేరళ భారీ స్కోర్‌ దిశగా పయనిస్తుంది. రెండో రోజు తొలి సెషన్‌ సమయానికి ఆ జట్టు 5 వికెట్ల నష్టానికి 293 పరుగులు చేసింది.మొహమ్మద్‌ అజహారుద్దీన్‌ (85), సల్మాన్‌ నిజర్‌ (28) క్రీజ్‌లో ఉన్నారు. కేరళ ఇన్నింగ్స్‌లో కెప్టెన్‌ సచిన్‌ బేబి (69) అ‍ర్ద సెంచరీతో రాణించగా.. అక్షయ్‌ చంద్రన్‌, రోహన్‌ కున్నుమ్మల్‌, జలజ్‌ సక్సేనా తలో 30 పరుగులు చేశారు. వరుణ్‌ నయనార్‌ 10 పరుగులకు ఔటయ్యాడు. గుజరాత్‌ బౌలర్లలో అర్జన్‌ నగస్వల్లా 2, పి జడేజా, రవి బిష్ణోయ్‌ తలో వికెట్‌ పడగొట్టారు.

నాగ్‌పూర్‌: రంజీ ట్రోఫీ చరిత్రలోనే ఘనాపాఠి జట్టయిన ముంబైకి రెండో సెమీఫైనల్లో తొలిరోజే విదర్భ బ్యాటర్లు గట్టి సవాల్‌ విసిరారు. ముంబై బౌలర్లు సగం (5) వికెట్లు పడగొట్టినప్పటికీ ఒకే రోజు విదర్భ 300 పైచిలుకు స్కోరు చేసింది. టాపార్డర్‌లో ధ్రువ్‌ షోరే (109 బంతుల్లో 74; 9 ఫోర్లు), మిడిలార్డర్‌లో దానిశ్‌ మాలేవర్‌ (157 బంతుల్లో 79; 7 ఫోర్లు, 1 సిక్స్‌), కరుణ్‌ నాయర్‌ (70 బంతుల్లో 45; 6 ఫోర్లు), యశ్‌ రాథోడ్‌ (86 బంతుల్లో 47 బ్యాటింగ్‌; 6 ఫోర్లు) సమష్టిగా కదంతొక్కారు. టాస్‌ గెలవగానే బ్యాటింగ్‌ ఎంచుకొని బరిలోకి దిగిన విదర్భకు మంచి ఆరంభమైతే దక్కలేదు.అథర్వ (4) వికెట్‌ పారేసుకున్నాడు. మరో ఓపెనర్‌ ధ్రువ్‌ షోరే, పార్థ్‌ రేఖడే (23; 2 ఫోర్లు)తో కలిసి ఇన్నింగ్స్‌ను కుదుటపరిచాడు. వన్డేలాగే ఆడిన ధ్రువ్‌ 67 బంతుల్లోనే ఫిఫ్టీ సాధించాడు. రెండో వికెట్‌కు వీరిద్దరు 54 పరుగులు జోడించడంతో జట్టు స్కోరు వందకు సమీపించింది. ఈ దశలో 93 పరుగుల వద్ద పార్థ్‌ను శివమ్‌ దూబే అవుట్‌ చేశాడు. దానిష్‌ క్రీజులోకి రాగా... తొలి సెషన్‌లోనే జట్టుస్కోరు వంద దాటింది. ధ్రువ్, దానిశ్‌ విదర్భ ఇన్నింగ్స్‌లో మరో 50 పైచిలుకు భాగస్వామ్యాన్ని జోడించింది.జట్టు స్కోరు 144 పరుగుల వద్ద ధ్రువ్‌ షోరేను షమ్స్‌ ములానీ పెవిలియన్‌ చేర్చడంతో మూడో వికెట్‌కు 51 పరుగుల భాగస్వామ్యం ముగిసింది. తర్వాత వచ్చి కరుణ్‌ నాయర్, యశ్‌ రాథోడ్‌లు కూడా ముంబై బౌలర్లను చక్కగా ఎదుర్కోవడంతో భారీస్కోరుకు బాట పడింది. ఆట నిలిచే సమయానికి యశ్, కెప్టెన్‌ అక్షయ్‌ వాడ్కర్‌ (13 బ్యాటింగ్‌) క్రీజులో ఉన్నారు. వీళ్లిద్దరు కలిసి అబేధ్యమైన ఆరో వికెట్‌కు 47 పరుగులు జోడించారు. ముంబై బౌలర్లలో శివమ్‌ దూబే, షమ్స్‌ ములానీ చెరో 2 వికెట్లు తీశారు.స్కోరు వివరాలు విదర్భ తొలి ఇన్నింగ్స్‌: అథర్వ (సి) ఆనంద్‌ (బి) రాయ్‌స్టన్‌ డయస్‌ 4; ధ్రువ్‌ షోరే (సి) రహానే (బి) ములానీ 74; పార్థ్‌ రేఖడే (సి) సూర్యకుమార్‌ (బి) దూబే 23; దానిశ్‌ (సి) ఆనంద్‌ (బి) ములానీ 79; కరుణ్‌ నాయర్‌ (సి) ఆనంద్‌ (బి) దూబే 45; యశ్‌ రాథోడ్‌ (బ్యాటింగ్‌) 47; అక్షయ్‌ వాడ్కర్‌ (బ్యాటింగ్‌) 13; ఎక్స్‌ట్రాలు 23; మొత్తం (88 ఓవర్లలో 5 వికెట్ల నష్టానికి) 308. వికెట్ల పతనం: 1–39, 2–93, 3–144, 4–222, 5–261. బౌలింగ్‌: శార్దుల్‌ ఠాకూర్‌ 14–0–57–0, మోహిత్‌ 14–2–61–0, రాయ్‌స్టన్‌ డయస్‌ 11–2–26–1, తనుశ్‌ కొటియాన్‌ 22–0–78–0, శివమ్‌ దూబే 9–1–35–2, షమ్స్‌ ములానీ 18–3–44–2.

అహ్మదాబాద్‌: కేరళ, గుజరాత్‌ జట్ల మధ్య రంజీ ట్రోఫీ తొలి సెమీఫైనల్‌ మ్యాచ్‌ చప్పగా మొదలైంది. తొలిరోజు ఆటలో మొదట బ్యాటింగ్‌కు దిగిన కేరళ ఇన్నింగ్స్‌లో కెప్టెన్‌ సచిన్‌ బేబీ (193 బంతుల్లో 69 బ్యాటింగ్, 8 ఫోర్లు) జిడ్డుగా బ్యాటింగ్‌ చేశాడు. దీంతో సోమవారం ఆట ముగిసే సమయానికి కేరళ జట్టు 89 ఓవర్లలో 4 వికెట్ల నష్టానికి 206 పరుగులు చేసింది. మొదట ఓపెనర్లు అక్షయ్‌ చంద్రన్‌ (30; 5 ఫోర్లు), రోహన్‌ (30; 5 ఫోర్లు) 20 ఓవర్ల వరకు వికెట్‌ పడిపోకుండా 60 పరుగులు జతచేశారు. 3 పరుగుల వ్యవధిలో వీరిద్దరూ అవుటయ్యారు. కాసేపయ్యాక వరుణ్‌ నాయనార్‌ (10) నిష్క్రమించగా... కెప్టెన్‌ సచిన్, జలజ్‌ సక్సేనా (30; 4 ఫోర్లు) గుజరాత్‌ బౌలర్ల సహనానికి పరీక్ష పెట్టేలా బ్యాటింగ్‌ చేశారు.గుజరాత్‌ జట్టు ఏకంగా ఏడుగురు బౌలర్లను మార్చిమార్చి ప్రయోగించినా... ప్రయోజనం లేకపోయింది. వీళ్లిద్దరు 27.5 ఓవర్ల పాటు క్రీజులో పాతుకుపోవడంతో ప్రత్యర్థి బౌలర్లు, ఫీల్డర్లు అలసిపోయారు. ఎట్టకేలకు మూడో సెషన్‌ మొదలయ్యాక సక్సేనాను అర్జాన్‌ నగ్వాస్‌వాలా బౌల్డ్‌ చేయడంతో వీరి భాగస్వామ్యానికి తెరపడింది. నాలుగో వికెట్‌కు ఈ జోడీ 71 పరుగులు జోడించింది. తర్వాత మొహమ్మద్‌ అజహరుద్దీన్‌ (30 బ్యాటింగ్‌; 3 ఫోర్లు) కూడా నాయకుడికి అండగా నిలవడంతో గుజరాత్‌ జట్టుకు కష్టాలు కొనసాగాయి.132 బంతుల్లో సచిన్‌ అర్ధసెంచరీ పూర్తి చేసుకున్నాడు. అబేధ్యమైన ఐదో వికెట్‌కు అజహరుద్దీన్, సచిన్‌ 49 పరుగులు జతచేశారు. టెస్టులు, దేశవాళీ టోర్నీలో సెషన్‌కు 30 ఓవర్లు వేస్తారు. అయితే సచిన్‌ 25వ ఓవర్లో క్రీజులోకి వచ్చి ఓ సెషన్‌ ఓవర్లను మించే క్రీజులో నిలిచాడు. 193 బంతులంటే 32 ఓవర్ల పైచిలుకు బంతుల్ని అతను ఎదుర్కొన్నాడు. అర్జాన్, ప్రియజీత్, రవి బిష్ణోయ్‌ తలా ఒక వికెట్‌ తీశారు. స్కోరు వివరాలు కేరళ తొలి ఇన్నింగ్స్‌: అక్షయ్‌ (రనౌట్‌) 30; రోహన్‌ (ఎల్బీడబ్ల్యూ) (బి) రవి బిష్ణోయ్‌ 30; వరుణ్‌ (సి) ఉర్విల్‌ (బి) ప్రియజీత్‌సింగ్‌ 10; సచిన్‌ బేబీ (బ్యాటింగ్‌) 69; జలజ్‌ సక్సేనా (బి) అర్జాన్‌ 30; అజహరుద్దీన్‌ (బ్యాటింగ్‌) 30; ఎక్స్‌ట్రాలు 7; మొత్తం (89 ఓవర్లలో 4 వికెట్లకు) 206. వికెట్ల పతనం: 1–60, 2–63, 3–86, 4–157. బౌలింగ్‌: చింతన్‌ గజా 18–536–0, అర్జాన్‌ 16–4–39–1, ప్రియజీత్‌ సింగ్‌ 12–0–33–1, జైమీత్‌ 9–1–26–0, రవి బిష్ణోయ్‌ 15–2–33–1, సిద్ధార్థ్‌ దేశాయ్‌ 16–8–22–0, విశాల్‌ జైస్వాల్‌ 3–1–13–0.

నాగ్‌పూర్‌: దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీ కీలక ఘట్టానికి చేరింది. సోమవారం నుంచి ప్రారంభం కానున్న సెమీఫైనల్‌ మ్యాచ్‌ల్లో మాజీ చాంపియన్‌ గుజరాత్‌తో కేరళ జట్టు... విదర్భతో డిఫెండింగ్‌ చాంపియన్‌ ముంబై జట్టు తలపడుతున్నాయి. గత ఏడాది టైటిల్‌ కోసం తుదిపోరులో పోటీపడిన విదర్భ, ముంబై ఈసారి సెమీఫైనల్లోనే అమీతుమీ తేల్చుకోనున్నాయి. రికార్డు స్థాయిలో ఇప్పటి వరకు 42 సార్లు రంజీ ట్రోఫీ విజేతగా నిలిచిన ముంబై మరోసారి ట్రోఫీ చేజిక్కించుకోవాలని చూస్తుంటే... ఈ సీజన్‌లో సూపర్‌ ఫామ్‌లో ఉన్న విదర్భ ముంబైకి చెక్‌ పెట్టాలని భావిస్తోంది. అజింక్య రహానే, సూర్యకుమార్‌ యాదవ్, శివమ్‌ దూబే, శార్దుల్‌ ఠాకూర్‌ వంటి టీమిండియా ఆటగాళ్లు ఉన్న ముంబై ఫేవరెట్‌గా బరిలోకి దిగనుండగా... విదర్భ జట్టు సీనియర్‌ బ్యాటర్‌ కరుణ్‌ నాయర్‌పై ఎక్కువ ఆధార పడుతోంది. ఈ సీజన్‌లో పరుగుల వరద పారిస్తున్న కరుణ్‌ నాయర్‌ సెమీఫైనల్లో ఎలాంటి ప్రదర్శన చేస్తాడనేది కీలకం. ఐసీసీ చాంపియన్స్‌ ట్రోఫీకి ‘నాన్‌ ట్రావెలింగ్‌ రిజర్వ్‌’గా ఎంపికైన యశస్వి జైస్వాల్‌ ముంబై జట్టు తరఫున బరిలోకి దిగుతాడనుకుంటే... గాయం కారణంగా అతడు ఈ మ్యాచ్‌కు దూరమయ్యాడు. జైస్వాల్‌ ప్రస్తుతం బీసీసీఐ పర్యవేక్షణలో బెంగళూరులో ప్రత్యేక చికిత్స తీసుకుంటున్నాడు. జైస్వాల్‌ అందుబాటులో లేకపోయినా... ముంబై జట్టు బ్యాటింగ్‌ విభాగానికి వచి్చన ఇబ్బందేమీ లేదు. ఆయుశ్‌ మాత్రే, ఆకాశ్‌ ఆనంద్, సిద్ధేశ్‌ లాడ్, రహానే, సూర్యకుమార్, దూబే, షమ్స్‌ ములానీ, శార్దుల్, తనుశ్‌ రూపంలో ముంబై జట్టుకు తొమ్మిదో స్థానం వరకు బ్యాటింగ్‌ సామర్థ్యం ఉంది. తాజా సీజన్‌లో అత్యధిక మ్యాచ్‌ల్లో లోయర్‌ ఆర్డర్‌ బ్యాటర్లే ముంబై జట్టును ఆదుకున్నారు. హరియాణాతో జరిగిన క్వార్టర్‌ ఫైనల్‌ తొలి ఇన్నింగ్స్‌లో 113 పరుగులకే 7 వికెట్లు కోల్పోయి పీకల్లోతు కష్టాల్లో పడ్డ జట్టును షమ్స్‌ ములానీ, తనుశ్‌ కొటియాన్‌ ఎనిమిదో వికెట్‌కు 183 పరుగులు జోడించి పటిష్ట స్థితికి చేర్చారు. ఈ సీజన్‌లో వీరిద్దరితో పాటు శార్దుల్‌ బ్యాటింగ్‌లో కీలక ఇన్నింగ్స్‌లు ఆడాడు. ఈ నేపథ్యంలో టాపార్డర్‌ కూడా రాణిస్తే ముంబైకి తిరుగుండదు. జోరు మీదున్న కరుణ్‌ నాయర్‌.. ఫార్మాట్‌తో సంబంధం లేకుండా మైదానంలో అడుగు పెడితే సెంచరీ చేయడమే తన కర్తవ్యం అన్నట్లు విదర్భ ఆటగాడు కరుణ్‌ నాయర్‌ దూసుకెళ్తున్నాడు. విజయ్‌ హజారే టోర్నీలో వరుస సెంచరీలతో హోరెత్తించిన ఈ సీనియర్‌ బ్యాటర్‌ రంజీ క్వార్టర్‌ ఫైనల్లో తమిళనాడుపై కూడా భారీ శతకం నమోదు చేశాడు. నాయర్‌ మినహా విదర్భ జట్టులో స్టార్లు లేకపోయినా... సమష్టి ప్రదర్శనతో ఆ జట్టు వరుస విజయాలు సాధిస్తోంది. అథర్వ తైడె, ధ్రువ్‌ షోరే, ఆదిత్య ఠాక్రె, యశ్‌ రాథోడ్, కెపె్టన్‌ అక్షయ్‌ వాడ్కర్‌తో బ్యాటింగ్‌ పటిష్టంగా ఉంది. ఈ సీజన్‌లో 728 పరుగులు చేసిన యశ్‌ రాథోడ్‌ విదర్భ తరఫున అత్యధిక పరుగులు చేసిన బ్యాటర్‌గా కొనసాగుతున్నాడు. కరుణ్‌ నాయర్‌ (591), అక్షయ్‌ వాడ్కర్‌ (588) కూడా భారీగా పరుగులు సాధించి మంచి ఫామ్‌లో ఉన్నారు. బౌలింగ్‌లో హర్ష్ దూబే, యశ్‌ ఠాకూర్, ఆదిత్య ఠాక్రె, నచికేత్‌ భట్‌ కీలకం కానున్నారు. లెఫ్టార్మ్‌ స్పిన్నర్‌ హర్ష్ దూబే తాజా సీజన్‌లో 59 వికెట్లు పడగొట్టి అత్యధిక వికెట్లు తీసిన బౌలర్ల జాబితాలో అగ్రస్థానంలో కొనసాగుతున్నాడు. ఈ నేపథ్యంలో ముంబై టాపార్డర్‌ నిలకడలేమిని సొమ్ము చేసుకుంటూ డిఫెండింగ్‌ చాంపియన్‌పై పైచేయి సాధించాలని విదర్భ యోచిస్తోంది.కేరళ నిరీక్షణ ముగిసేనా!అహ్మదాబాద్‌ వేదికగా ప్రారంభం కానున్న మరో సెమీఫైనల్లో గుజరాత్‌తో కేరళ తలపడనుంది. జమ్మూ కశీ్మర్‌తో క్వార్టర్‌ ఫైనల్లో ఒక్క పరుగు తొలి ఇన్నింగ్స్‌ ఆధిక్యం ద్వారా కేరళ జట్టు ముందంజ వేయగా... సౌరాష్ట్రతో ఏకపక్షంగా సాగిన క్వార్టర్స్‌ మ్యాచ్‌లో గెలిచి గుజరాత్‌ సెమీఫైనల్లో అడుగుపెట్టింది. 2016–17లో చాంపియన్‌గా నిలిచిన గుజరాత్‌ జట్టు ఆ తర్వాత 2019–20 సీజన్‌లో మాత్రమే సెమీస్‌కు చేరింది. మరోవైపు కేరళ జట్టు ఇప్పటి వరకు ఒక్కసారి కూడా రంజీ ట్రోఫీలో ఫైనల్‌కు చేరుకోలేకపోయింది. గుజరాత్‌ జట్టు తరఫున కెపె్టన్‌ చింతన్‌ గాజా, ప్రియాంక్‌ పంచాల్, ఆర్య దేశాయ్, సిద్ధార్థ్‌ దేశాయ్, మనన్‌ హింగ్‌రాజియా, జైమీత్‌ పటేల్, ఉర్విల్‌ పటేల్‌ మంచి ఫామ్‌లో ఉన్నారు. ముఖ్యంగా మిడిలార్డర్‌లో జైమీత్, ఉర్విల్, మనన్‌ కీలక ఇన్నింగ్స్‌లతో గుజరాత్‌ జట్టు సునాయాసంగా సెమీస్‌కు చేరింది. ఈ సీజన్‌లో 582 పరుగులు చేసిన జైమీత్‌ గుజరాత్‌ తరఫున ‘టాప్‌’ స్కారర్‌గా కొనసాగుతున్నాడు. మనన్‌ 570 పరుగులు చేశాడు. బౌలింగ్‌లో అర్జాన్‌ నాగ్‌వస్వల్లా, చింతన్‌ గాజా, రవి బిష్ణోయ్‌ కీలకం కానున్నారు. మరోవైపు సచిన్‌ బేబీ సారథ్యంలోని కేరళ జట్టు... క్వార్టర్స్‌లో జమ్మూకశ్మీర్‌పై చూపిన తెగింపే సెమీస్‌లోనూ కొనసాగించాలని భావిస్తోంది. బ్యాటింగ్‌లో సల్మాన్‌ నిజార్, మొహమ్మద్‌ అజహరుద్దీన్, జలజ్‌ సక్సేనా, సచిన్‌ బేబీ, రోహన్‌ కున్నుమ్మల్‌ కీలకం కానున్నారు. క్వార్టర్స్‌లో నిజార్, అజహరుద్దీన్‌ పోరాటం వల్లే కేరళ జట్టు సెమీస్‌కు చేరగలిగింది. ని«దీశ్, బాసిల్‌ థంపి, జలజ్, ఆదిత్య, అక్షయ్‌ బౌలింగ్‌ భారం మోయనున్నారు.48 తొమ్మిది దశాబ్దాల చరిత్ర కలిగిన రంజీ ట్రోఫీలో ముంబై జట్టు ఇప్పటి వరకు 48 సార్లు ఫైనల్లోకి ప్రవేశించింది. ఇందులో 42 సార్లు విజేతగా నిలువగా... 6 సార్లు రన్నరప్‌ ట్రోఫీతో సరిపెట్టుకుంది.

ముంబై: భారత యువ ఓపెనర్‌ యశస్వి జైస్వాల్‌ రంజీ ట్రోఫీ సెమీఫైనల్లో ముంబై జట్టు తరఫున బరిలోకి దిగనున్నాడు. ఇటీవల ఇంగ్లండ్‌పై అంతర్జాతీయ వన్డే అరంగేట్రం చేసిన యశస్వి జైస్వాల్‌కు చాంపియన్స్‌ ట్రోఫీలో బరిలోకి దిగే భారత జట్టులో చోటు దక్కలేదు. ప్రాథమిక జట్టులో జైస్వాల్‌ను ఎంపిక చేసినా... అనంతరం స్పిన్నర్‌ వరుణ్‌ చక్రవర్తి కోసం 15 మందితో కూడిన జట్టు నుంచి అతడిని తప్పించారు.ప్రస్తుతానికి జైస్వాల్‌తో పాటు పేస్‌ ఆల్‌రౌండర్‌ శివమ్‌ దూబే ఐసీసీ చాంపియన్స్‌ ట్రోఫీకి నాన్‌ ట్రావెలింగ్‌ రిజర్వ్‌లుగా ఉన్నారు. అత్యవసమైతేనే వీరు దుబాయ్‌కు వెళ్లనున్నారు. దీంతో రంజీ ట్రోఫీ సెమీఫైనల్‌ కోసం జైస్వాల్‌ ముంబై సెలెక్టర్లు ఎంపిక చేశారు. విదర్భతో ఈనెల 17 నుంచి జరగనున్న సెమీఫైనల్‌ పోరులో యశస్వి, సూర్యకుమార్, శివమ్‌ దూబే, అజింక్య రహానే, శార్దుల్‌ ఠాకూర్‌ వంటి భారత ఆటగాళ్లు ముంబై జట్టుకు ప్రాతినిధ్యం వహించనున్నారు. ఈ సీజన్‌లో జమ్మూకశ్మీర్‌తో ఆడిన ఏకైక రంజీ మ్యాచ్‌లో జైస్వాల్‌ ఆకట్టుకోలేకపోయాడు. రోహిత్‌ శర్మతో కలిసి ఓపెనర్‌గా బరిలోకి దిగినా... భారీ ఇన్నింగ్స్‌లు ఆడలేకపోయాడు. గతేడాది రంజీ ట్రోఫీ ఫైనల్లో విదర్భను చిత్తు చేసిన ముంబై జట్టు 42వసారి టైటిల్‌ చేజిక్కించుకుంది. ముంబై జట్టు: అజింక్య రహానే (కెప్టెన్ ), ఆయుశ్‌ మాత్రే, అంగ్‌క్రిష్‌ రఘువంశీ, అమోఘ్‌ భక్తల్, సూర్యకుమార్‌ యాదవ్, యశస్వి జైస్వాల్, సిద్ధేశ్‌ లాడ్, శివమ్‌ దూబే, ఆకాశ్‌ ఆనంద్, హార్దిక్‌ తమోర్, సూర్యాన్ష్ షెడ్గే, శార్దుల్‌ ఠాకూర్, షమ్స్‌ ములానీ, తనుశ్‌ కొటియాన్, మోహిత్‌ అవస్థి, సెల్వెస్టర్‌ డిసౌజ, రోస్టన్‌ డియాస్, అథర్వ అంకొలేకర్, హర్ష్ తన్నా.

పుణే: ఒక్క పరుగే కదా అని తేలిగ్గా తీసుకుంటే... ఆ ఒక్క పరుగే ఒక్కోసారి ఫలితాన్ని నిర్ణయిస్తుంది. దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీలో ఈ ఒక్క పరుగు విలువ ఎలాంటిదో అటు కేరళ జట్టుకు... ఇటు జమ్మూ కశ్మీర్‌ జట్టుకు తెలిసొచ్చింది. రంజీ ట్రోఫీ చరిత్రలో తొలిసారి సెమీఫైనల్‌ చేరుకోవాలని ఆశించిన జమ్మూ కశ్మీర్‌ జట్టుకు ఒక్క పరుగు నిరాశను మిగిల్చింది. మరోవైపు తొలి ఇన్నింగ్స్‌లో సంపాదించిన ఒక్క పరుగు ఆధిక్యం కేరళ జట్టుకు ఆరేళ్ల తర్వాత మళ్లీ రంజీ ట్రోఫీలో సెమీఫైనల్‌ బెర్త్‌ను ఖరారు చేసింది. వివరాల్లోకి వెళితే... జమ్మూ కశ్మీర్‌ నిర్దేశించిన 399 పరుగుల భారీ విజయలక్ష్యాన్ని ఛేదించేందుకు ఓవర్‌నైట్‌ స్కోరు 100/2తో రెండో ఇన్నింగ్స్‌ కొనసాగించిన కేరళ జట్టు చివరి రోజు ఆట ముగిసేసరికి 126 ఓవర్లలో 6 వికెట్లు కోల్పోయి 295 పరుగులు సాధించి మ్యాచ్‌ను ‘డ్రా’ చేసుకుంది. సల్మాన్‌ నిజర్‌ (162 బంతుల్లో 44 నాటౌట్‌; 8 ఫోర్లు), మొహమ్మద్‌ అజహరుద్దీన్‌ (118 బంతుల్లో 67 నాటౌట్‌; 9 ఫోర్లు, 2 సిక్స్‌లు) 43 ఓవర్లు ఆడి ఏడో వికెట్‌కు అజేయంగా 115 పరుగులు జోడించి జమ్మూ కశ్మీర్‌ విజయాన్ని అడ్డుకున్నారు. భారత్‌లోని పిచ్‌లపై చివరిరోజు 299 పరుగులు చేయాలంటే ఏ స్థాయి టోర్నీలోనైనా కష్టమే. ఈ నేపథ్యంలో కేరళ బ్యాటర్లు ఆఖరి రోజు క్రీజులో నిలదొక్కుకొని సాధ్యమైనన్ని బంతులు ఆడాలని... జమ్మూ కశ్మీర్‌ బౌలర్లకు వికెట్లు సమర్పించుకోరాదని... మ్యాచ్‌ను ‘డ్రా’ చేసుకోవాలనే ఉద్దేశంతోనే పోరాడారు. చివరకు తమ ప్రయత్నంలో కేరళ బ్యాటర్లు విజయవంతమయ్యారు. వెరసి కేరళ, జమ్మూ కశ్మీర్‌ జట్ల మధ్య ఐదు రోజుల రంజీ ట్రోఫీ చివరి క్వార్టర్‌ ఫైనల్‌ ‘డ్రా’గా ముగిసింది. ఫలితం తేలకపోవడంతో నిబంధనల ప్రకారం తొలి ఇన్నింగ్స్‌ ఆధిక్యం సంపాదించిన జట్టుకు సెమీఫైనల్‌ బెర్త్‌ లభిస్తుంది. జమ్మూ కశ్మీర్‌పై 1 పరుగు తొలి ఇన్నింగ్స్‌ ఆధిక్యం దక్కించుకున్న కేరళ జట్టుకు సెమీఫైనల్‌ బెర్త్‌ ఖాయమైంది. ఈనెల 17 నుంచి జరిగే సెమీఫైనల్లో మాజీ చాంపియన్‌ గుజరాత్‌ జట్టుతో కేరళ తలపడుతుంది. ఆ ఇద్దరు అడ్డుగోడలా... ఓవర్‌నైట్‌ స్కోరు 100/2తో ఇన్నింగ్స్‌ కొనసాగించిన కేరళ బుధవారం తొలి సెషన్‌లో నింపాదిగా ఆడి 46 పరుగులు జోడించి ఒక్క వికెట్‌ కోల్పోయింది. లంచ్‌ సమయానికి కేరళ 146/3తో ఉంది. రెండో సెషన్‌లోనూ కేరళ బ్యాటర్లు ఎలాంటి ప్రయోగాలకు పోలేదు. ఆచితూచి ఆడుతూ వికెట్లను కాపాడుకున్నారు. అయితే ఎనిమిది బంతుల వ్యవధిలో కేరళ సచిన్‌ బేబీ (162 బంతుల్లో 48; 7 ఫోర్లు), జలజ్‌ సక్సేనా (48 బంతుల్లో 18; 3 ఫోర్లు) వికెట్లను కోల్పోయింది. ఆ తర్వాత ఆదిత్య సర్వాతే (27 బంతుల్లో 8; 2 ఫోర్లు) కూడా అవుటయ్యాడు. దాంతో టీ విరామానికి కేరళ 216/6 స్కోరుతో వెళ్లింది. టీ బ్రేక్‌ తర్వాత ఆఖరి సెషన్‌లో మరో నాలుగు వికెట్లు తీస్తే జమ్మూ కశ్మీర్‌కు విజయంతోపాటు సెమీఫైనల్‌ బెర్త్‌ లభించేది. కానీ సల్మాన్‌ నిజర్, అజహరుద్దీన్‌ మొండి పట్టుదలతో ఆడి జమ్మూ కశ్మీర్‌ జట్టు ఆశలను వమ్ము చేశారు. తొలి ఇన్నింగ్స్‌లో అజేయ సెంచరీ సాధించడంతోపాటు రెండో ఇన్నింగ్స్‌లోనూ నాటౌట్‌గా నిలిచిన నిజర్‌కు ‘ప్లేయర్‌ ఆఫ్‌ ద మ్యాచ్‌’ అవార్డు లభించింది. సంక్షిప్త స్కోర్లు జమ్మూ కశ్మీర్‌ తొలి ఇన్నింగ్స్‌: 280; కేరళ తొలి ఇన్నింగ్స్‌: 281; జమ్మూ కశ్మీర్‌ రెండో ఇన్నింగ్స్‌: 399/9 డిక్లేర్డ్‌; కేరళ రెండో ఇన్నింగ్స్‌: 295/6 (126 ఓవర్లలో) (రోహన్‌ 36, అక్షయ్‌ 48, సచిన్‌ బేబీ 48, సల్మాన్‌ నిజర్‌ 44 నాటౌట్‌; అజహరుద్దీన్‌ 67 నాటౌట్, యు«ద్‌వీర్‌ 2/61, సాహిల్‌ 2/50).

పుణే: రంజీ ట్రోఫీ (Ranji Trophy) తాజా సీజన్‌లో చక్కటి ప్రదర్శన కనబరుస్తున్న జమ్మూ కశ్మీర్‌ (Jammu And Kashmir) జట్టు కేరళతో క్వార్టర్‌ ఫైనల్లో భారీ స్కోరు చేసింది. ఓవర్‌నైట్‌ స్కోరు 180/3తో మంగళవారం నాలుగో రోజు రెండో ఇన్నింగ్స్‌ కొనసాగించిన జమ్మూ కశ్మీర్‌ జట్టు 100.2 ఓవర్లలో 399/9 వద్ద ఇన్నింగ్స్‌ డిక్లేర్‌ చేసింది. కెప్టెన్‌ పారస్‌ డోగ్రా (Paras Dogra) (232 బంతుల్లో 132; 13 ఫోర్లు, 2 సిక్స్‌లు) చక్కటి సెంచరీతో చెలరేగగా... కన్హయ్య (64; 5 ఫోర్లు), సాహిల్‌ (59; 6 ఫోర్లు, 1 సిక్స్‌) హాఫ్‌సెంచరీలతో రాణించారు. కేరళ బౌలర్లలో నిదీశ్‌ 4 వికెట్లు పడగొట్టాడు. అనంతరం 399 పరుగుల లక్ష్యంతో రెండో ఇన్నింగ్స్‌ ప్రారంభించిన కేరళ జట్టు మంగళవారం ఆట ముగిసే సమయానికి 36 ఓవర్లలో 2 వికెట్ల నష్టానికి 100 పరుగులు చేసింది. రోహన్‌ (36), ఆక్షయ్‌ చంద్రన్‌ (32 బ్యాటింగ్‌), కెప్టెన్‌ సచిన్‌ బేబీ (19 బ్యాటింగ్‌) తలా కొన్ని పరుగులు చేశారు. జమ్మూ కశ్మీర్‌ బౌలర్లలో యుధ్‌వీర్‌ సింగ్‌ 2 వికెట్లు పడగొట్టాడు. నేడు ఆటకు చివరి రోజు కాగా... చేతిలో 8 వికెట్లు ఉన్న కేరళ జట్టు విజయానికి ఇంకా 299 పరుగులు చేయాల్సి ఉంది. ఈ మ్యాచ్‌లో ఫలితం జమ్మూ కశ్మీర్‌కు అనుకూలంగా వస్తే చరిత్ర అవుతుంది. ఈ జట్టు తొలిసారి సెమీస్‌కు అర్హత సాధించినట్లవుతుంది.

న్యూఢిల్లీ: సౌరాష్ట్ర సీనియర్‌ ఆటగాడు, దేశవాలీ స్టార్‌ బ్యాటర్‌ షెల్డన్‌ జాక్సన్‌ (Sheldon Jackson)... ప్రొఫెషనల్‌ క్రికెట్‌కు రిటైర్మెంట్‌ ప్రకటించాడు. దేశవాళీ క్రికెట్‌లో సుదీర్ఘ కాలంగా రాణిస్తున్న 38 ఏళ్ల షెల్డన్‌ జాక్సన్‌... రంజీ ట్రోఫీలో గుజరాత్‌తో క్వార్టర్‌ ఫైనల్‌ పరాజయం అనంతరం తన నిర్ణయాన్ని వెల్లడించాడు. ఫస్ట్‌క్లాస్‌ క్రికెట్‌లో 106 మ్యాచ్‌లాడిన షెల్డన్‌ 45.80 సగటుతో 7,283 పరుగులు చేశాడు. ఇందులో 21 శతకాలు, 39 అర్ధశతకాలు ఉన్నాయి. కేవలం బ్యాటర్‌గానే కాకుండా... మంచి ఫీల్డర్‌గా, వికెట్‌ కీపర్‌గానూ షెల్డన్‌ జాక్సన్‌ సౌరాష్ట్ర జట్టుకు సేవలందించాడు. 2011లో అరంగేట్రం చేసిన జాక్సన్‌... 2015–16 సీజన్‌లో సౌరాష్ట్ర జట్టు రంజీ ట్రోఫీ చేజిక్కించుకోవడంలో కీలకపాత్ర పోషించాడు. ఇప్పటికే పరిమిత ఓవర్ల క్రికెట్‌కు వీడ్కోలు పలికిన షెల్డన్‌ భారత ‘ఎ’ జట్టుకు కూడా ప్రాతినిధ్యం వహించాడు. జాక్సన్‌కు ఐపీఎల్‌లోనూ ప్రవేశముంది. 2017-22 ఎడిషన్ల మధ్యలో జాక్సన్‌ క్యాష్‌ రిచ్‌ లీగ్‌లో 9 మ్యాచ్‌లు ఆడాడు.

రంజీ ట్రోఫీ 2024-25(Ranji Trophy)లో విదర్భ జట్టు జైత్రయాత్ర కొనసాగుతోంది. క్వార్టర్‌ ఫైనల్‌-2లో తమిళనాడుతో తలపడ్డ విదర్భ భారీ విజయం సాధించింది. నాగ్‌పూర్‌లో మంగళవారం ముగిసిన మ్యాచ్‌లో ఏకంగా 198 పరుగుల తేడాతో గెలిచి సెమీ ఫైనల్లో అడుగుపెట్టింది.కరుణ్‌ నాయర్‌ శతకంకాగా సొంత మైదానం విదర్భ క్రికెట్‌ అసోసియేషన్‌ గ్రౌండ్‌లో శనివారం టాస్‌ గెలిచిన అక్షయ్‌ వాడ్కర్‌ బృందం తొలుత బ్యాటింగ్‌ చేసింది. ఓపెనర్లు అథర్వ టైడే(0), ధ్రువ్‌ షోరే(26)లతో పాటు వన్‌డౌన్‌ బ్యాటర్‌ ఆదిత్య ఠాక్రే(5) ఆకట్టుకోలేకపోయాడు. ఈ క్రమంలో మిడిలార్డర్‌లో డానిశ్‌ మాలేవర్‌(75) అర్ధ శతకంతో రాణించగా.. కరుణ్‌ నాయర్‌(Karun Nair) శతక్కొట్టాడు.హర్ష్‌ దూబే హాఫ్‌ సెంచరీమొత్తంగా 243 బంతులు ఎదుర్కొన్న కరుణ్‌ 122 పరుగులు సాధించాడు. వీరిద్దరికి తోడుగా స్పిన్‌ బౌలింగ్‌ ఆల్‌రౌండర్‌ హర్ష్‌ దూబే(Harsh Dube) హాఫ్‌ సెంచరీ(69)తో మెరిశాడు. ఈ క్రమంలో విదర్భ తమ మొదటి ఇన్నింగ్స్‌లో 353 పరుగులకు ఆలౌట్‌ అయింది. తమిళనాడు బౌలర్లలో సోనూ యాదవ్‌, విజయ్‌ శంకర్‌ మూడేసి వికెట్లు దక్కించుకోగా.. మొహమ్మద్‌ రెండు, అజిత్‌ రామ్‌, మొహమద్‌ అలీ ఒక్కో వికెట్‌ తమ ఖాతాలో వేసుకున్నారు.తమిళనాడు బ్యాటర్లు విఫలంఅనంతరం బ్యాటింగ్‌కు దిగిన తమిళనాడుకు శుభారంభం లభించలేదు. ఓపెనర్లు మొహమద్‌ అలీ(4), నారాయణ్‌ జగదీశన్‌(22)తో పాటు.. సాయి సుదర్శన్‌(7), బూపతి కుమార్‌(0) విఫలమయ్యారు. ఈ క్రమంలో ఆండ్రీ సిద్దార్థ్‌(65) ఇన్నింగ్స్‌ చక్కదిద్దే ప్రయత్నం చేయగా.. హర్ష్‌ దూబే అతడిని పెవిలియన్‌కు పంపాడు.మిగతావాళ్లలో ప్రదోష్‌ పాల్‌(48), సోనూ యాదవ్‌(32) మాత్రం ఫర్వాలేదనిపించగా.. తమిళనాడు 225 పరుగులకు తమ తొలి ఇన్నింగ్స్‌ ముగించింది. విదర్భ బౌలర్లలో ఆదిత్య ఠాక్రే ఐదు వికెట్లతో చెలరేగగా.. యశ్‌ ఠాకూర్‌, నచికేత్‌ భూటే రెండేసి వికెట్లు, హర్ష్‌ దూబే ఒక వికెట్‌ తమ ఖాతాలో వేసుకున్నారు.కెప్టెన్‌ రాణించినా..ఈ క్రమంలో 128 పరుగుల ఆధిక్యంతో రెండో ఇన్నింగ్స్‌ మొదలుపెట్టిన విదర్భ 272 పరుగులకు ఆలౌట్‌ అయింది. ఈసారి యశ్‌ రాథోడ్‌(112) శతకంతో చెలరేగగా.. హర్ష్‌ దూబే మరోసారి హాఫ్‌ సెంచరీ(64) సాధించాడు. ఇక తమిళనాడు బౌలర్లలో కెప్టెన్‌ సాయి కిషోర్‌ ఐదు వికెట్ల ప్రదర్శన నమోదు చేశాడు.అనంతరం 401 పరుగుల భారీ లక్ష్యంతో బరిలోకి దిగిన తమిళనాడు.. మంగళవారం నాటి ఆటలో భాగంగా 202 పరుగులకే కుప్పకూలింది. ప్రదోష్‌ పాల్‌(53), సోనూ యాదవ్‌(57) అర్ధ శతకాలతో రాణించగా.. మిగతా వాళ్లంతా కనీసం ఇరవై పరుగుల మార్కు కూడా అందుకోలేకపోయారు. విదర్భ బౌలర్లలో హర్ష్‌ దూబే, నచికేత్‌ భూటే మూడేసి వికెట్లతో చెలరేగి తమిళనాడు బ్యాటింగ్‌ ఆర్డర్‌ను కుదేలు చేశారు. మరోవైపు ఆదిత్య ఠాక్రే, అక్షయ్‌ వాఖరే చెరో వికెట్‌ తీశారు.సెమీస్‌ పోరులో ముంబైతోఈ నేపథ్యంలో 198 పరుగులతో తమిళనాడును చిత్తుచేసిన విదర్భ సెమీస్‌ చేరుకుంది. శతక వీరుడు కరుణ్‌ నాయర్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. కాగా ఈ సీజన్‌లో విదర్భ ఇప్పటికి ఎనిమిదింట ఏడు విజయాలు సాధించడం విశేషం. ఇక విదర్భ ఫైనల్‌ బెర్తు కోసం ముంబైతో తలపడుతుంది. మరోవైపు.. సౌరాష్ట్రపై గెలుపొందిన గుజరాత్‌ కూడా సెమీ ఫైనల్లో అడుగుపెట్టింది. జమ్మూ కశ్మీర్‌- కేరళ జట్ల మధ్య మ్యాచ్‌లో విజేతతో గుజరాత్‌ అమీతుమీ తేల్చుకుంటుంది.చదవండి: శతక్కొట్టిన రహానే, చెలరేగిన శార్దూల్‌.. సెమీస్‌లో ముంబై119 ఏళ్ల రికార్డు బద్దలు: ప్రపంచంలోనే తొలి టెస్టు జట్టుగా ఐర్లాండ్‌ ఘనత

రంజీ ట్రోఫీ(Ranji Trophy) 2024-25 సీజన్‌లో డిఫెండింగ్‌ చాంపియన్‌ ముంబై(Mumbai) సెమీస్‌కు దూసుకువెళ్లింది. క్వార్టర్‌ ఫైనల్‌-3 మ్యాచ్‌లో హర్యానా జట్టును మట్టికరిపించి టాప్‌-4కు అర్హత సాధించింది. కాగా రంజీ తాజా ఎడిషన్‌లో భాగంగా శనివారం క్వార్టర్‌ ఫైనల్స్‌ మ్యాచ్‌లు మొదలయ్యాయి.తొలి ఇన్నింగ్స్‌లో రహానే విఫలంఈ క్రమంలో కోల్‌కతా వేదికగా ముంబై హర్యానాతో తలపడింది. ఈడెన్‌ గార్డెన్స్‌లో జరిగిన ఈ మ్యాచ్‌లో టాస్‌ గెలిచిన ముంబై తొలుత బ్యాటింగ్‌ చేసింది. ఓపెనర్లు ఆయుశ్‌ మాత్రే(0), ఆకాశ్‌ ఆనంద్‌(10)తో పాటు వన్‌డౌన్‌లో వచ్చిన సిద్ధేశ్‌ లాడ్‌(4) కూడా విఫలమయ్యాడు. కెప్టెన్‌ అజింక్య రహానే(Ajinkya Rahane) సైతం 31 పరుగులకే వెనుదిరగగా.. టీమిండియా టీ20 జట్టు సారథి సూర్యకుమార్‌ యాదవ్‌(9), ఆల్‌రౌండర్‌ శివం దూబే(28) కూడా నిరాశపరిచారు.ఇలాంటి తరుణంలో ఆల్‌రౌండర్‌ షామ్స్‌ ములానీ 91 పరుగులతో రాణించగా.. మరో ఆల్‌రౌండర్‌ తనుశ్‌ కొటియాన్‌ 97 పరుగులతో చెలరేగాడు. ఫలితంగా ముంబై తమ తొలి ఇన్నింగ్స్‌లో 315 పరుగులు చేసింది.అంకిత్‌ కుమార్‌ శతకం కారణంగాఅనంతరం బ్యాటింగ్‌ మొదలుపెట్టిన హర్యానా తమ మొదటి ఇన్నింగ్స్‌లో 301 పరుగులకు ఆలౌట్‌ అయింది. కెప్టెన్‌ అంకిత్‌ కుమార్‌ శతకం(136)తో మెరవగా.. మిగతా వాళ్ల నుంచి అతడికి ఎక్కువగా సహకారం లభించలేదు. పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌ దెబ్బకు హర్యానా బ్యాటర్లు పెవిలియన్‌కు వరుస కట్టారు. అతడు 18.5 ఓవర్ల బౌలింగ్‌లో 58 పరుగులు ఇచ్చి ఏకంగా ఆరు వికెట్లు కూల్చాడు. మిగతా వాళ్లలో షామ్స్‌ ములానీ, తనుశ్‌ కొటియాన్‌ రెండు వికెట్లు దక్కించుకున్నారు.ఈ నేపథ్యంలో పద్నాలుగు పరుగుల ఆధిక్యంతో రెండో ఇన్నింగ్స్‌ మొదలుపెట్టిన ముంబై.. 339 పరుగులు చేసి ఆలౌట్‌ అయింది. అజింక్య రహానే శతక్కొట్టగా(108).. సూర్యకుమార్‌ యాదవ్‌(70) చాన్నాళ్ల తర్వాత అర్ధ శతకం బాదాడు. మిగిలిన వాళ్లలో సిద్దేశ్‌ లాడ్‌ 43, శివం దూబే 48 పరుగులతో రాణించారు.అప్పుడు శార్దూల్‌.. ఇప్పుడు రాయ్‌స్టన్‌ఇక ముంబై విధించిన 353 పరుగుల లక్ష్యాన్ని ఛేదించే క్రమంలో హర్యానా తడబడింది. ఓపెనర్‌ లక్ష్య దలాల్‌(64), సుమిత్‌ కుమార్‌(62) హాఫ్‌ సెంచరీలతో రాణించగా.. మిగతా వాళ్లంతా విఫలమయ్యారు. దీంతో 201 పరుగులకే హర్యానా కుప్పకూలింది. ముంబై బౌలర్లలో శార్దూల్‌ ఠాకూర్‌ మూడు వికెట్లు సాధించగా.. రాయ్‌స్టన్‌ డయాస్‌ ఐదు వికెట్లతో చెలరేగాడు. తనుశ్‌ కొటియాన్‌కు రెండు వికెట్లు దక్కాయి. ఇక హర్యానాపై ముంబై 152 పరుగుల తేడాతో గెలుపొందిన ముంబై వరుసగా రెండోసారి సెమీస్‌లో అడుగుపెట్టింది. శార్దూల్‌ ఠాకూర్‌కు ప్లేయర్‌ ఆఫ్‌ ది మ్యాచ్‌ అవార్డు లభించింది. ముంబై వర్సెస్‌ హర్యానా(క్వార్టర్‌ ఫైనల్‌-3) సంక్షిప్త స్కోర్లు👉ముంబై స్కోర్లు: 315 & 339👉హర్యానా స్కోర్లు: 301 & 201👉ఫలితం: 152 పరుగుల తేడాతో హర్యానాను ఓడించిన ముంబై👉ప్లేయర్‌ ఆఫ్‌ ది మ్యాచ్‌: శార్దూల్‌ ఠాకూర్‌(ముంబై)- మొత్తం తొమ్మిది వికెట్లు.చదవండి: IPL 2025: కొత్త యాజమాన్యం చేతిలోకి గుజరాత్‌ టైటాన్స్‌!

రంజీ ట్రోఫీ నాలుగో క్వార్టర్‌ ఫైనల్లో సౌరాష్ట్రపై గుజరాత్‌ ఇన్నింగ్స్‌ 98 పరుగుల తేడాతో గెలుపొందింది. తద్వారా సెమీస్‌కు అర్హత సాధించింది. ఈ మ్యాచ్‌లో సౌరాష్ట్ర ప్లేయర్లు రెండు ఇన్నింగ్స్‌ల్లో దారుణంగా విఫలమయ్యారు. తొలి ఇన్నింగ్స్‌లో చిరాగ్‌ జానీ (69), రెండో ఇన్నింగ్స్‌లో హార్విక్‌ దేశాయ్‌ (54) మాత్రమే అర్ద సెంచరీలతో పర్వాలేదనిపించారు. ఈ మ్యాచ్‌లో టీమిండియా నయా వాల్‌ చతేశ్వర్‌ పుజారా రెండు ఇన్నింగ్స్‌ల్లో విఫలమయ్యాడు. తొలి ఇన్నింగ్స్‌లో 26 పరుగులు చేసిన పుజారా.. రెండో ఇన్నింగ్స్‌లో 2 పరుగులకే ఔటయ్యాడు.కలిసికట్టుగా రాణించిన గుజరాత్‌ బౌలర్లు ఈ మ్యాచ్‌లో తొలుత బ్యాటింగ్‌ చేసిన సౌరాష్ట్ర 216 పరుగులకే ఆలౌటైంది. చింతన్‌ గజా 4, జయ్‌మీత్‌ పటేల్‌, సిద్దార్థ్‌ దేశాయ్‌ తలో 2, నగస్వల్లా, రవి బిష్ణోయ్‌ చెరో వికెట్‌ పడగొట్టారు. సౌరాష్ట్ర బ్యాటర్లలో చిరాగ్‌ జానీ హాఫ్‌ సెంచరీతో పర్వాలేదనిపించగా.. హార్విక్‌ దేశాయ్‌ (22), పుజారా, షెల్డన్‌ జాక్సన్‌ (14), వసవద (39 నాటౌట్‌), ధర్మేంద్ర జడేజా (22), ఉనద్కత్‌ (14) రెండంకెల స్కోర్లు చేశారు.జయ్‌మీత్‌, ఉర్విల్‌ సెంచరీలుఅనంతరం బరిలోకి దిగిన గుజరాత్‌ బ్యాటర్లు చెలరేగి ఆడారు. జయ్‌మీత్‌ పటేల్‌ (103), ఉర్విల్‌ పటేల్‌ (140) సెంచరీలతో కదంతొక్కగా.. మనన్‌ హింగ్‌రజియా (81) భారీ అర్ద సెంచరీతో రాణించాడు. వీరికి తోడు రవి బిష్ణోయ్‌ (45), చింతన్‌ గజా (39), విశాల్‌ జేస్వాల్‌ (28), ప్రియాంక్‌ పంచల్‌ (25) ఓ మోస్తరు స్కోర్లు చేయడంతో గుజరాత్‌ తొలి ఇన్నింగ్స్‌లో 511 పరుగుల భారీ స్కోర్‌ చేసింది. సౌరాష్ట్ర బౌలర్లలో ధర్మేంద్ర జడేజా ఐదు వికెట్లు తీయగా.. చిరాగ్‌ జానీ 4, జయదేశ్‌ ఉనద్కత్‌ ఓ వికెట్‌ పడగొట్టారు.295 పరుగులు వెనుకపడి రెండో ఇన్నింగ్స్‌ ప్రారంభించిన సౌరాష్ట్ర.. ఈ ఇన్నింగ్స్‌లో ఇంకా దారుణమైన ప్రదర్శన చేసింది. గుజరాత్‌ బౌలర్లు పి జడేజా (4 వికెట్లు), నగస్వల్లా (3), బిష్ణోయ్‌ (2), చింతన్‌ గజా (1) ధాటికి రెండో ఇన్నింగ్స్‌లో 197 పరుగులకే చాపచుట్టేసింది. ఫలితంగా గుజరాత్‌ ఇన్నింగ్స్‌ తేడాతో ఘన విజయం​ సాధించింది. సౌరాష్ట్ర సెకెండ్‌ ఇన్నింగ్స్‌లో హార్విక్‌ దేశాయ్‌ (54) టాప్‌ స్కోరర్‌గా నిలిచాడు. చిరాగ్‌ జానీ (26), షెల్డన్‌ జాక్సన్‌ (27), వసవద (11), డి జడేజా (19), ఉనద్కత్‌ (29) రెండంకెల స్కోర్లు చేశారు.మిగతా మూడు క్వార్టర్‌ ఫైన‍ల్స్‌లో ముంబై, హర్యానా.. విదర్భ, తమిళనాడు.. జమ్మూ అండ్‌ కశ్మీర్‌, కేరళ జట్లు తలపడుతున్నాయి. ప్రస్తుతం నాలుగో రోజు రెండో సెషన్‌ ఆట కొనసాగుతుంది. ఈ మ్యాచ్‌ల్లో రేపు ఫలితం తేలే అవకాశం ఉంది.

హర్యానాతో జరుగుతున్న రంజీ ట్రోఫీ క్వార్టర్‌ ఫైనల్‌ (Ranji Trophy Quarter Final) మ్యాచ్‌లో ముంబై కెప్టెన్‌ అజింక్య రహానే (Ajinkya Rahane) సూపర్‌ సెంచరీతో మెరిశాడు. ఫస్ట్‌ క్లాస్‌ కెరీర్‌లో 200వ మ్యాచ్‌ ఆడుతున్న రహానేకు ఇది 41వ సెంచరీ. రహానే ఈ సెంచరీని 160 బంతుల్లో పూర్తి చేశాడు. ఇందులో 12 ఫోర్లు ఉన్నాయి. సెంచరీ తర్వాత కొద్ది సేపే క్రీజ్‌లో ఉన్న రహానే 108 పరుగుల వద్ద ఔటయ్యాడు. రహానే సూపర్‌ సెంచరీ కారణంగా ముంబై హర్యానా ముందు 354 పరుగుల భారీ లక్ష్యాన్ని (తొలి ఇన్నింగ్స్‌లో లభించిన 14 పరుగుల లీడ్‌ కలుపుకుని) ఉంచింది. ముంబై సెకెండ్‌ ఇన్నింగ్స్‌లో 339 పరుగులకు ఆలౌటైంది. రహానే.. సూర్యకుమార్‌ యాదవ్‌తో (70) కలిసి నాలుగో వికెట్‌కు 129 పరుగులు.. శివమ్‌ దూబేతో (48) కలిసి ఐదో వికెట్‌కు 85 పరుగులు జోడించాడు. ముంబై ఇన్నింగ్స్‌లో ఆయుశ్‌ మాత్రే (31), సిద్దేశ్‌ లాడ్‌ (43) ఓ మోస్తరు స్కోర్లు చేశారు. హర్యానా బౌలర్లలో అనూజ్‌ థక్రాల్‌ 4, సుమిత్‌ కుమార్‌, అన్షుల్‌ కంబోజ్‌, జయంత్‌ యాదవ్‌ తలో 2 వికెట్లు పడగొట్టారు.ఆరేసిన శార్దూల్‌అంతకుముందు హర్యానా తొలి ఇన్నింగ్స్‌లో 301 పరుగులకు ఆలౌటైంది. కెప్టెన్‌ అంకిత్‌ కుమార్‌ (136) సెంచరీ చేసి హర్యానాకు గౌరవప్రదమైన స్కోర్‌ అందించాడు. అంకిత్‌ మినహా హర్యానా ఇన్నింగ్స్‌లో ఎవ్వరూ చెప్పుకోదగ్గ స్కోర్‌ చేయలేదు. ముంబై బౌలర్‌ శార్దూల్‌ ఠాకూర్‌ 6 వికెట్లు తీసి హర్యానా పతనాన్ని శాశించాడు. షమ్స్‌ ములానీ, తనుశ్‌ కోటియన్‌ తలో రెండు వికెట్లు తీశారు.సెంచరీలు చేజార్చుకున్న ములానీ, కోటియన్‌ఈ మ్యాచ్‌లో తొలుత బ్యాటింగ్‌ చేసిన ముంబై 315 పరుగులకు ఆలౌటైంది. రహానే (310 మినహా ముంబై టాపార్డర్‌ బ్యాటర్లంతా విఫలమయ్యారు. ఆయుశ్‌ మాత్రే 0, ఆకాశ్‌ ఆనంద్‌ 10, సిద్దేశ్‌ లాడ్‌ 4, సూర్యకుమార్‌ యాదవ్‌ 9, శివమ్‌ దూబే 28, శార్దూల్‌ ఠాకూర్‌ 15 పరుగులకు ఔటయ్యారు. ఏడు, తొమ్మిది స్థానాల్లో బ్యాటింగ్‌కు దిగిన షమ్స్‌ ములానీ (91), తనుశ్‌ కోటియన్‌ (97) భారీ అర్ద సెంచరీలు సాధించి ముంబైకు గౌరవప్రదమైన స్కోర్‌ అందించారు. వీరిద్దరూ లేకపోయుంటే ముంబై 200 పరుగలలోపే ఆలౌటయ్యేది. హర్యానా బౌలరల్లో అన్షుల్‌ కంబోజ్‌, సుమిత్‌ కుమార్‌ చెరో 3 వికెట్లు.. అనూజ్‌ థాక్రాల్‌, అజిత్‌ చహల్‌, జయంత్‌ యాదవ్‌, నిషాంత్‌ సంధు తలో వికెట్‌ పడగొట్టారు.

గత కొంతకాలంగా ఫామ్‌లేమితో సతమతమవుతున్న భారత టీ20 జట్టు కెప్టెన్‌ సూర్యకుమార్‌ యాదవ్‌ (Surya Kumar Yadav) ఎట్టకేలకు ఫామ్‌లోకి వచ్చాడు. రంజీ ట్రోఫీలో (Ranji Trophy) భాగంగా హర్యానాతో జరుగుతున్న క్వార్టర్‌ ఫైనల్లో బాధ్యతాయుతమైన హాఫ్‌ సెంచరీతో మెరిశాడు. ఈ మ్యాచ్‌ తొలి ఇన్నింగ్స్‌లో 9 పరుగులకే ఔటైన స్కై.. రెండో ఇన్నింగ్స్‌లో 86 బంతుల్లో 70 పరుగులు చేసి ఔటయ్యాడు. ఈ మ్యాచ్‌లో తన జట్టు (ముంబై) కష్టాల్లో ఉన్నప్పుడు (100/3) బరిలోకి దిగిన స్కై.. కెప్టెన్‌ ఆజింక్య రహానేతో కలిసి నాలుగో వికెట్‌కు 129 పరుగులు జోడించాడు. అనూజ్‌ థక్రాల్‌ బౌలింగ్‌లో భారీ సిక్సర్‌ బాదిన స్కై.. ఆతర్వాతి బంతికే ఔటయ్యాడు. మూడో రోజు మూడో సెషన్‌ సమయానికి ముంబై 4 వికెట్ల నష్టానికి 238 పరుగులు చేసింది. రహానేకు (71) జతగా శివమ్‌ దూబే (7) క్రీజ్‌లో ఉన్నాడు. తొలి ఇన్నింగ్స్‌లో లభించిన 14 పరుగుల ఆధిక్యం కలుపుకుని ప్రస్తుతం ముంబై ఆధిక్యం 252 పరుగులుగా ఉంది. ముంబై సెకెండ్‌ ఇన్నింగ్స్‌లో ఆయుశ్‌ మాత్రే 31, ఆకాశ్‌ ఆనంద్‌ 10, సిద్దేశ్‌ లాడ్‌ 43 పరుగులు చేసి ఔటయ్యారు. హర్యానా బౌలర్లలో అన్షుల్‌ కంబోజ్‌, సుమిత్‌ కుమార్‌, అనూజ్‌ థక్రాల్‌, జయంత్‌ యాదవ్‌ తలో వికెట్‌ పడగొట్టారు.ఆరేసిన శార్దూల్‌అంతకుముందు హర్యానా తొలి ఇన్నింగ్స్‌లో 301 పరుగులకు ఆలౌటైంది.కెప్టెన్‌ అంకిత్‌ కుమార్‌ (136) సెంచరీ చేసి హర్యానాకు గౌరవప్రదమైన స్కోర్‌ అందించాడు. అంకిత్‌ మినహా హర్యానా ఇన్నింగ్స్‌లో ఎవ్వరూ చెప్పుకోదగ్గ స్కోర్‌ చేయలేదు. ముంబై బౌలర్‌ శార్దూల్‌ ఠాకూర్‌ 6 వికెట్లు తీసి హర్యానా పతనాన్ని శాశించాడు. షమ్స్‌ ములానీ, తనుశ్‌ కోటియన్‌ తలో రెండు వికెట్లు తీశారు.సెంచరీలు చేజార్చుకున్న ములానీ, కోటియన్‌ఈ మ్యాచ్‌లో తొలుత బ్యాటింగ్‌ చేసిన ముంబై 315 పరుగులకు ఆలౌటైంది. కెప్టెన్‌ రహానే సహా టాపార్డర్‌ బ్యాటర్లంతా విఫలమయ్యారు. ఆయుశ్‌ మాత్రే 0, ఆకాశ్‌ ఆనంద్‌ 10, సిద్దేశ్‌ లాడ్‌ 4, రహానే 31, సూర్యకుమార్‌ యాదవ్‌ 9, శివమ్‌ దూబే 28, శార్దూల్‌ ఠాకూర్‌ 15 పరుగులకు ఔటయ్యారు. ఏడు, తొమ్మిది స్థానాల్లో బ్యాటింగ్‌కు దిగిన షమ్స్‌ ములానీ (91), తనుశ్‌ కోటియన్‌ (97) భారీ అర్ద సెంచరీలు సాధించి ముంబైకు గౌరవప్రదమైన స్కోర్‌ అందించారు. వీరిద్దరూ లేకపోయుంటే ముంబై 200 పరుగలలోపే ఆలౌటయ్యేది.చాలాకాలం తర్వాత హాఫ్‌ సెంచరీతో మెరిసిన సూర్యకుమార్‌భారత టీ20 జట్టు కెప్టెన్‌ సూర్యకుమార్‌యాదవ్‌ చాలాకాలం తర్వాత హాఫ్‌ సెంచరీతో మెరిశాడు. స్కై.. ఇటీవల ఇంగ్లండ్‌తో జరిగిన ఐదు మ్యాచ్‌ల టీ20 సిరీస్‌లో.. అంతకుముందు సౌతాఫ్రికాతో జరిగిన నాలుగు మ్యాచ్‌ల టీ20 సిరీస్‌లో దారుణంగా విఫలమయ్యాడు. టీ20ల్లో గత 9 ఇన్నింగ్స్‌ల్లో స్కై కనీసం ఒక్క హాఫ్‌ సెంచరీ కూడా చేయలేదు. గతేడాది అక్టోబర్‌లో బంగ్లాదేశ్‌తో జరిగిన టీ20లో స్కై చివరిసారి హాఫ్‌ సెంచరీ మార్కును తాకాడు. వన్డేల్లో కూడా స్కై పేలవ ప్రదర్శన కొనసాగుతుంది. 2023 వన్డే వరల్డ్‌కప్‌కు ముందు ఆసీస్‌తో జరిగిన రెండో వన్డేలో స్కై చివరిసారి హాఫ్‌ సెంచరీ చేశాడు. మూడు మ్యాచ్‌ల ఆ సిరీస్‌లో స్కై.. వరుసగా రెండు వన్డేల్లో హాఫ్‌ సెంచరీలు చేశాడు. ఆ సిరీస్‌ అనంతరం జరిగిన వన్డే వరల్డ్‌కప్‌లో స్కై దారుణంగా విఫలమయ్యాడు. ఆ మెగా టోర్నీలో స్కై ఆడిన ఏడు మ్యాచ్‌ల్లో కనీసం ఒక్క హాఫ్‌ సెంచరీ కూడా చేయలేకపోయాడు. ఆ టోర్నీలో ఇంగ్లండ్‌పై చేసిన 49 పరుగులే స్కైకు అత్యధికం.

దేశవాలీ క్రికెట్‌లో విదర్భ ఆటగాడు కరుణ్‌ నాయర్‌ (Karun Nair) పరుగుల ప్రవాహం కొనసాగుతుంది. ఇటీవల ముగిసిన విజయ్‌ హజారే వన్డే ట్రోఫీలో (VHT) ఆకాశమే హద్దుగా చెలరేగిన కరుణ్‌.. ప్రస్తుతం జరుగుతున్న రంజీ ట్రోఫీలోనూ (Ranji Trophy) అదే స్థాయిలో రాణిస్తున్నాడు. విజయ్‌ హజారే ట్రోఫీలో 7 ఇన్నింగ్స్‌ల్లో ఐదు సెంచరీలు, ఓ హాఫ్‌ సెంచరీ సాయంతో 779 పరుగులు చేసిన కరుణ్‌.. ప్రస్తుతం జరుగుతున్న రంజీ ట్రోఫీ క్వార్టర్‌ ఫైనల్లో తమిళనాడుపై బాధ్యతాయుతమైన సెంచరీతో (122) మెరిశాడు.ఈ మ్యాచ్‌లో కరుణ్‌ శతక్కొట్టడంతో తొలుత బ్యాటింగ్‌ చేసిన విదర్భ 353 పరుగులకు ఆలౌటైంది. జట్టు కష్టాల్లో (44/3) ఉన్నప్పుడు బరిలోకి దిగిన కరుణ్‌.. దనిశ్‌ మలేవార్‌ (75), హర్ష్‌ దూబేతో (69) కలిసి ఇన్నింగ్స్‌ను నిర్మించాడు. విదర్భ ఇన్నింగ్స్‌లో ఈ ముగ్గురూ మినహా ఎవరూ రాణించలేదు. అథర్వ తైడే 0, ధృవ్‌ షోరే 26, ఆధిత్య థాకరే 5, యశ్‌ రాథోడ్‌ 13, అక్షయ్‌ వాద్కర్‌ 24, భూటే 2, యశ్‌ ఠాకూర్‌ 2 పరుగులు చేసి ఔటయ్యారు. తమిళనాడు బౌలర్లలో సోనూ యాదవ్‌, విజయ్‌ శంకర్‌ తలో మూడు వికెట్లు పడగొట్టగా.. మొహమ్మద్‌ 2, అజిత్‌ రామ్‌, మొహమ్మద్‌ అలీ ఓ వికెట్‌ తీశారు. అనంతరం బ్యాటింగ్‌కు దిగిన తమిళనాడు మూడో రోజు తొలి సెషన్‌ సమయానికి తొలి ఇన్నింగ్స్‌లో 8 వికెట్ల నష్టానికి 220 పరుగులు చేసింది. ప్రదోశ్‌ రంజన్‌పాల్‌ (51), సోనూ యాదవ్‌ (24) క్రీజ్‌లో ఉన్నారు. తమిళనాడు ఇన్నింగ్స్‌లో మొహమ్మద్‌ అలీ 4, ఎన్‌ జగదీశన్‌ 22, సాయి సుదర్శన్‌ 7, భూపతి కుమార్‌ 0, విజయ్‌ శంకర్‌ 22, ఆండ్రీ సిద్దార్థ్‌ 65, సాయికిషోర్‌ 7, మొహమ్మద్‌ 1 పరుగు చేసి ఔటయ్యారు. విదర్భ బౌలర్లలో ఆధిత్య ఠాకరే 4 వికెట్లు పడగొట్టగా.. యశ్‌ ఠాకూర్‌ 2, నిచికేత్‌ భూటే, హర్ష్‌ దూబే తలో వికెట్‌ దక్కించుకున్నారు. ప్రస్తుతం తమిళనాడు విదర్భ తొలి ఇన్నింగ్స్‌ స్కోర్‌కు ఇంకా 133 పరుగులు వెనుకపడి ఉంది.గతేడాది మొత్తం కొనసాగిన కరుణ్‌ హవాకరుణ్‌ గతేడాది మొత్తం ఫార్మాట్లకతీతంగా విశేషంగా రాణించాడు. మహారాజా ట్రోఫీతో కరుణ్‌ పరుగుల ప్రవాహం మొదలైంది. టీ20 ఫార్మాట్‌లో జరిగిన ఆ టోర్నీలో కరుణ్‌ 10 మ్యాచ్‌ల్లో 188.4 స్ట్రయిక్‌రేట్‌తో, 70 సగటున 490 పరుగులు చేశాడు. ఇందులో 4 అర్ద శతకాలు, ఓ శతకం ఉంది.కరుణ్‌ గత సీజన్‌ రంజీ సీజన్‌లోనూ రెచ్చిపోయి ఆడాడు. 17 ఇన్నింగ్స్‌ల్లో 40.58 సగటున 690 పరుగులు చేశాడు. ఇందులో 3 అర్ధ శతకాలు, 2 శతకాలు ఉన్నాయి.కరుణ్‌ గతేడాది కౌంటీ క్రికెట్‌లోనూ చెలరేగి ఆడాడు. 11 ఇన్నింగ్స్‌ల్లో 48.70 సగటున 487 పరుగులు చేశాడు. ఇందులో ఓ డబుల్‌ సెంచరీ సహా మూడు హాఫ్‌ సెంచరీలు ఉన్నాయి.గతేడాది సయ్యద్‌ ముస్తాక్‌ అలీ టీ20 టోర్నీలోనూ కరుణ్‌ విధ్వంసం కొనసాగింది. ఈ టోర్నీలో కరుణ్‌ 6 ఇన్నింగ్స్‌ల్లో 177.08 స్ట్రయిక్‌రేట్‌తో 42.50 సగటున 255 పరుగులు చేశాడు. ఇందులో 3 అర్ద సెంచరీలు ఉన్నాయి.విజయ్‌ హజారే ట్రోఫీలో కరుణ్‌ ఫామ్‌ పతాకస్థాయికి చేరింది. ఈ టోర్నీలో కరుణ్‌ 7 ఇన్నింగ్స్‌ల్లో 389.50 సగటున, 124.04 స్ట్రయిక్‌రేట్‌తో ఐదు సెంచరీలు, ఓ హాఫ్‌ సెంచరీ సాయంతో 779 పరుగులు చేశాడు.

కోల్‌కతా: కెప్టెన్‌ అంకిత్‌ కుమార్‌ (206 బంతుల్లో 136; 21 ఫోర్లు) సెంచరీతో కదంతొక్కడంతో ముంబైతో జరుగుతున్న రంజీ ట్రోఫీ క్వార్టర్‌ ఫైనల్లో హరియాణా జట్టు దీటుగా బదులిస్తోంది. సహచరుల నుంచి పెద్దగా సహకారం లభించకపోయినా... అంకిత్‌ కుమార్‌ ఒంటరి పోరాటం చేశాడు. ఫలితంగా ఆదివారం ఆట ముగిసే సమయానికి హరియాణా తొలి ఇన్నింగ్స్‌లో 72 ఓవర్లలో 5 వికెట్లు కోల్పోయి 263 పరుగులు చేసింది.లక్షయ్‌ దలాల్‌ (34), యశ్‌వర్ధన్‌ దలాల్‌ (36) ఫర్వాలేదనిపించారు. ముంబై బౌలర్లలో షమ్స్‌ ములానీ, తనుశ్‌ కొటియాన్‌ చెరో 2 వికెట్లు పడగొట్టారు. అంతకుముందు ఓవర్‌నైట్‌ స్కోరు 278/8తో ఆదివారం రెండో రోజు తొలి ఇన్నింగ్స్‌ కొనసాగించిన డిఫెండింగ్‌ చాంపియన్‌ ముంబై చివరకు 88.2 ఓవర్లలో 315 పరుగులకు ఆలౌటైంది.తనుశ్‌ కొటియాన్‌ (173 బంతుల్లో 97; 13 ఫోర్లు) తృటిలో సెంచరీ చేజార్చుకున్నాడు. హరియాణా బౌలర్లలో అన్షుల్‌ కంబోజ్, సుమిత్‌ కుమార్‌ చెరో 3 వికెట్లు తీశారు. చేతిలో 5 వికెట్లు ఉన్న హరియాణా ప్రస్తుతం... ముంబై తొలి ఇన్నింగ్స్‌ స్కోరుకు ఇంకా 52 పరుగులు వెనుకబడి ఉంది. రోహిత్‌ శర్మ (22 బ్యాటింగ్‌), అనూజ్‌ (5 బ్యాటింగ్‌) క్రీజులో ఉన్నారు.రాణించిన హర్ష్‌ దూబే, ఆదిత్య విదర్భ పేసర్‌ ఆదిత్య థాకరే (4/18) సత్తా చాటడంతో తమిళనాడుతో జరుగుతున్న క్వార్టర్‌ ఫైనల్‌ మ్యాచ్‌లో విదర్భ జట్టు మంచి స్థితిలో నిలిచింది. నాగ్‌పూర్‌ వేదికగా జరుగుతున్న ఈ పోరులో ఆదివారం ఆట ముగిసే సమయానికి తమిళనాడు తొలి ఇన్నింగ్స్‌లో 46 ఓవర్లలో 6 వికెట్ల నష్టానికి 159 పరుగులు చేసింది. 18 ఏళ్ల సిద్ధార్థ్‌ (89 బంతుల్లో 65; 10 ఫోర్లు, 2 సిక్స్‌లు) అర్ధశతకం సాధించగా... తక్కినవాళ్లు విఫలమయ్యారు.మొహమ్మద్‌ అలీ (4), నారాయణ్‌ జగదీశన్‌ (22), సాయి సుదర్శన్‌ (7), భూపతి కుమార్‌ (0), విజయ్‌ శంకర్‌ (22) విఫలమయ్యారు. అంతకుముందు ఓవర్‌నైట్‌ స్కోరు 264/6తో రెండో రోజు తొలి ఇన్నింగ్స్‌ కొనసాగించిన విదర్భ... చివరకు 121.1 ఓవర్లలో 353 పరుగులకు ఆలౌటైంది. సీనియర్‌ బ్యాటర్‌ కరుణ్‌ నాయర్‌ (243 బంతుల్లో 122; 18 ఫోర్లు, 1 సిక్స్‌) సెంచరీ అనంతరం అవుట్‌ కాగా... హర్ష్‌ దూబే (69; 9 ఫోర్లు) కీలక ఇన్నింగ్స్‌ ఆడాడు.తమిళనాడు బౌలర్లలో విజయ్‌ శంకర్, సోను యాదవ్‌ చెరో 3 వికెట్లు పడగొట్టారు. చేతిలో నాలుగు వికెట్లు ఉన్న తమిళనాడు జట్టు... ప్రత్యర్థి తొలి ఇన్నింగ్స్‌ స్కోరుకు ఇంకా 194 పరుగులు వెనుకబడి ఉంది. కెపె్టన్‌ సాయి కిశోర్‌ (6 బ్యాటింగ్‌), ప్రదోశ్‌ రంజన్‌ పాల్‌ (18 బ్యాటింగ్‌) క్రీజులో ఉన్నారు. అఖీబ్‌ నబీ ‘పాంచ్‌’ పటాకా పేస్‌ బౌలర్‌ అఖీబ్‌ నబీ ఐదు వికెట్లతో మెరిపించడంతో... కేరళతో జరుగుతున్న రంజీ ట్రోఫీ క్వార్టర్‌ ఫైనల్లో జమ్మూ కశ్మీర్‌ జట్టు మెరుగైన స్థితిలో నిలిచింది. పుణే వేదికగా జరుగుతున్న పోరులో ఆదివారం రెండో రోజు ఆట ముగిసే సమయానికి కేరళ జట్టు 63 ఓవర్లలో 9 వికెట్ల నష్టానికి 200 పరుగులు చేసింది. జలజ్‌ సక్సేనా (78 బంతుల్లో 67; 6 ఫోర్లు, 3 సిక్స్‌లు) టాప్‌ స్కోరర్‌ కాగా... సల్మాన్‌ నజీర్‌ (49 బ్యాటింగ్‌; 8 ఫోర్లు), నిదీశ్‌ (30) రాణించారు.ఇన్నింగ్స్‌ మూడో ఓవర్‌లో రెండు వికెట్లు పడగొట్టిన అఖీబ్‌ను ఎదుర్కునేందుకు కేరళ బ్యాటర్లు తీవ్రంగా ఇబ్బంది పడ్డారు. అంతకుముందు ఓవర్‌నైట్‌ స్కోరు 228/8తో రెండో రోజు తొలి ఇన్నింగ్స్‌ కొనసాగించిన జమ్మూకశీ్మర్‌ జట్టు చివరకు 95.1 ఓవర్లలో 280 పరుగులకు ఆలౌటైంది. యుధ్‌వీర్‌ సింగ్‌ (26), అఖీబ్‌ నబీ (32) కీలక పరుగులు జోడించారు. కేరళ బౌలర్లలో ని«దీశ్‌ 6 వికెట్లతో అదరగొట్టాడు. ప్రస్తుతం చేతిలో ఒక వికెట్‌ మాత్రమే ఉన్న కేరళ జట్టు... ప్రత్యర్థి తొలి ఇన్నింగ్స్‌ స్కోరుకు ఇంకా 80 పరుగులు వెనుకబడి ఉంది. సల్మాన్‌ నజీర్‌ క్రీజులో ఉన్నాడు.మెరిసిన మనన్, జైమీత్‌బ్యాటర్లు రాణించడంతో సౌరాష్ట్రతో జరుగుతున్న జరుగుతున్న క్వార్టర్‌ ఫైనల్‌ మ్యాచ్‌లో గుజరాత్‌ భారీ స్కోరు దిశగా సాగుతోంది. రాజ్‌కోట్‌ వేదికగా జరుగుతున్న పోరులో ఆదివారం ఆట ముగిసే సమయానికి గుజరాత్‌ 95 ఓవర్లలో 4 వికెట్ల నష్టానికి 260 పరుగులు చేసింది. మనన్‌ హింగ్‌రాజియా (219 బంతుల్లో 83; 8 ఫోర్లు, 1 సిక్స్‌), జైమీత్‌ పటేల్‌ (147 బంతుల్లో 88 బ్యాటింగ్‌; 9 ఫోర్లు) అర్ధశతకాలతో మెరిశారు.అంతకుముందు సౌరాష్ట్ర జట్టు తొలి ఇన్నింగ్స్‌లో 216 పరుగులకు ఆలౌట్‌ కాగా... ప్రస్తుతం చేతిలో 6 వికెట్లు ఉన్న గుజరాత్‌ 44 పరుగుల ఆధిక్యంలో కొనసాగుతోంది. జైమీత్‌తో పాటు వికెట్‌ కీపర్‌ ఉరి్వల్‌ పటేల్‌ (29 బ్యాటింగ్‌) క్రీజులో ఉన్నాడు.

కోల్‌కతా: దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీ క్వార్టర్‌ ఫైనల్లో డిఫెండింగ్‌ చాంపియన్‌ ముంబై జట్టు చక్కటి పోరాట పటిమ కనబర్చింది. ఒక దశలో 113 పరుగులకే 7 వికెట్లు కోల్పోయి పీకల్లోతు కష్టాల్లో పడ్డ జట్టును ఆల్‌రౌండర్లు షమ్స్‌ ములానీ (178 బంతుల్లో 91; 10 ఫోర్లు), తనుశ్‌ కొటియాన్‌ (154 బంతుల్లో 85 బ్యాటింగ్‌) ఆదుకున్నారు. శనివారం హరియాణాతో ప్రారంభమైన క్వార్టర్‌ ఫైనల్‌ పోరులో టాస్‌ గెలిచి బ్యాటింగ్‌ ఎంచుకున్న ముంబై జట్టు... తొలి రోజు ఆట ముగిసే సమయానికి 81 ఓవర్లలో 8 వికెట్ల నష్టానికి 278 పరుగులు చేసింది. భారత ఆటగాళ్లు సూర్యకుమార్‌ యాదవ్‌ (9), శివమ్‌ దూబే (28) భారీ ఇన్నింగ్స్‌లు ఆడటంలో విఫలమయ్యారు. ఆయుశ్‌ మాత్రే (0), ఆకాశ్‌ ఆనంద్‌ (10), సిద్ధేశ్‌ లాడ్‌ (4) ఆల్‌రౌండర్‌ శార్దుల్‌ ఠాకూర్‌ (15) ఒకరి వెంట ఒకరు పెవలియన్‌కుచేరారు. కెప్టెన్ అజింక్య రహానే (31) మంచి ఆరంభాన్ని భారీ స్కోరుగా మలచలేకపోయారు. అయితే చివర్లో షమ్స్‌ ములానీ, తనుశ్‌ కొటియాన్‌ జంట ఎనిమిదో వికెట్‌కు 165 పరుగులు జోడించి ముంబై జట్టును తిరిగి పోటీలోకి తెచ్చింది. హరియాణా బౌలర్లను సమర్థవంతంగా ఎదుర్కొన్న వీరిద్దరూ ఇన్నింగ్స్‌కు స్థిరత్వం తీసుకొచ్చారు. మరికాసేపట్లో ఆట ముగుస్తుందనగా... షమ్స్‌ ములానీ అవుట్‌ కాగా... తనుశ్‌తోపాటు మోహిత్‌ అవస్థి (0 బ్యాటింగ్‌) క్రీజులోఉన్నాడు. హరియాణా బౌలర్లలో అన్షుల్‌ కంబోజ్‌ 3, సుమిత్‌ కుమార్‌ 2 వికెట్లు పడగొట్టారు. కరుణ్‌ నాయర్‌ మరో సెంచరీ నాగ్‌పూర్‌: సీనియర్‌ బ్యాటర్‌ కరుణ్‌ నాయర్‌ (180 బంతుల్లో 100 బ్యాటింగ్‌; 14 ఫోర్లు, 1 సిక్స్‌) మరో సెంచరీతో ఆకట్టుకున్నాడు. తాజా సీజన్‌లో ఫుల్‌ ఫామ్‌లో ఉన్న కరుణ్‌ నాయర్‌ అజేయ శతకంతో విజృంభించడంతో తమిళనాడుతో జరుగుతున్న రంజీ ట్రోఫీ క్వార్టర్‌ ఫైనల్లో విదర్భ జట్టు మెరుగైన స్కోరు దిశగా సాగుతోంది. టాస్‌ గెలిచి మొదట బ్యాటింగ్‌కు దిగిన విదర్భ తొలి రోజు ఆట ముగిసే సమయానికి 89 ఓవర్లలో 6 వికెట్ల నష్టానికి 264 పరుగులు చేసింది. అథర్వ తైడె (0), ధ్రువ్‌ షోరె (26), ఆదిత్య ఠాక్రే (5) విఫలమవడంతో ఒక దశలో 44 పరుగులకే 3 వికెట్లు కోల్పోయిన విదర్భ జట్టును దానిశ్‌ మాలేవార్‌ (75; 13 ఫోర్లు)తో కలిసి కరుణ్‌ నాయర్‌ ఆదుకున్నాడు. ఇటీవల దేశవాళీ వన్డే టోర్నమెంట్‌ విజయ్‌ హజారే ట్రోఫీలో వరుసగా నాలుగు శతకాలు బాది రికార్డు సృష్టించిన 33 ఏళ్ల కరుణ్‌ నాయర్‌... ఈ సెంచరీ ద్వారా ఫస్ట్‌ క్లాస్‌ క్రికెట్‌లో 22వ శతకం తన పేరిట లిఖించుకున్నాడు. యశ్‌ రాథోడ్‌ (13), కెపె్టన్‌ ఆకాశ్‌ వాడ్కర్‌ (24) ఎక్కువసేపు నిలవలేకపోయారు. ఆట ముగిసే సమయానికి కరుణ్‌ నాయర్‌తో పాటు హర్‌‡్ష దూబే (19 బ్యాటింగ్‌) క్రీజులో ఉన్నాడు. తమిళనాడు బౌలర్లలో విజయ్‌ శంకర్‌ రెండు వికెట్లు పడగొట్టాడు. సౌరాష్ట్ర 216 ఆలౌట్‌ రాజ్‌కోట్‌: భారత సీనియర్‌ బ్యాటర్‌ చతేశ్వర్‌ పుజారా (26) విఫలమవడంతో గుజరాత్‌తో జరుగుతున్న రంజీ ట్రోఫీ క్వార్టర్‌ ఫైనల్లో సౌరాష్ట్ర ఓ మాదిరి స్కోరుకే పరిమితమైంది. టాస్‌ ఓడి మొదట బ్యాటింగ్‌కు దిగిన సౌరాష్ట్ర తొలి ఇన్నింగ్స్‌లో 72.1 ఓవర్లలో 216 పరుగులకు ఆలౌటైంది. చిరాగ్‌ జానీ (148 బంతుల్లో 69; 11 ఫోర్లు, 1 సిక్స్‌) అర్ధ శతకంతో రాణించగా, అర్పిత్‌ (39 నాటౌట్‌) ఫర్వాలేదనిపించాడు. పుజారా, హార్విక్‌ దేశాయ్‌ (22), షెల్డన్‌ జాక్సన్‌ (14), ప్రేరక్‌ మన్కడ్‌ (0), సమర్‌ గజ్జర్‌ (4) కెప్టెన్ జైదేవ్‌ ఉనాద్కట్‌ (14), ధర్మేంద్ర జడేజా (22) విఫలమయ్యారు. గుజరాత్‌ బౌలర్లలో కెపె్టన్‌ చింతన్‌ గాజా 4 వికెట్లు పడగొట్టగా... జైమీత్‌ పటేల్, సిద్ధార్థ్‌ దేశాయ్‌ చెరో 2 వికెట్లు తీశారు. అనంతరం తొలి ఇన్నింగ్స్‌ ప్రారంభించిన గుజరాత్‌... ఆట ముగిసే సమయానికి 5 ఓవర్లలో వికెట్‌ నష్టపోకుండా 21 పరుగులు చేసింది. చేతిలో 10 వికెట్లు ఉన్న గుజరాత్‌ జట్టు ప్రత్యర్థి తొలి ఇన్నింగ్స్‌ స్కోరుకు 195 పరుగులు వెనుకబడి ఉంది. జమ్ము కశ్మీర్‌ 228/8 పుణే: కేరళతో జరుగుతున్న మరో క్వార్టర్స్‌లో జమ్ము కశ్మీర్‌ జట్టు తొలి ఇన్నింగ్స్‌లో 86 ఓవర్లలో 8 వికెట్ల నష్టానికి 228 పరుగులు చేసింది. టాస్‌ ఓడి మొదట బ్యాటింగ్‌కు దిగిన జమ్ము కశ్మీర్‌ బ్యాటర్లు మంచి ఆరంభాలను భారీ స్కోర్లుగా మలచలేకపోయారు. గ్రూప్‌ దశలో చక్కటి ప్రదర్శన కనబర్చిన జమ్ము కశ్మీర్‌ టాపార్డర్‌... నాకౌట్‌లో దాన్ని కొనసాగించడంలో విఫలమైంది. నసీర్‌ (44), సాహిల్‌ (35), కన్హయ్య (48) కాస్త పోరాడారు. కేరళ బౌలర్లలో నిదీశ్‌ 5 వికెట్లతో ఆకట్టుకున్నాడు.

భారత పురుషుల టీ20 క్రికెట్‌ జట్టు కెప్టెన్‌ సూర్యకుమార్‌ యాదవ్‌(Suryakumar Yadav) బ్యాటింగ్‌ వైఫల్యాల పరంపర కొనసాగుతోంది. ఫార్మాట్‌ మారినా అతడి ఆట తీరులో మాత్రం మార్పరాలేదు. ఇటీవల ఇంగ్లండ్‌(India vs England)తో స్వదేశంలో పొట్టి సిరీస్‌లో సారథిగా అదరగొట్టిన ఈ ముంబైకర్‌.. బ్యాటర్‌గా మాత్రం పూర్తిగా విఫలమైన విషయం తెలిసిందే. తాజాగా రంజీ ట్రోఫీ(Ranji Trophy) మ్యాచ్‌లోనూ సూర్య నిరాశపరిచాడు.ఫోర్‌తో మొదలుపెట్టిహర్యానాతో మ్యాచ్‌లో క్రీజులోకి రాగానే ఫోర్‌ బాది దూకుడుగా ఇన్నింగ్స్‌ ఆరంభించిన సూర్యకుమార్‌.. మరుసటి ఓవర్లోనే వెనుదిరిగాడు. కేవలం తొమ్మిది పరుగులు చేసి నిష్క్రమించాడు. కాగా సూర్య చివరగా ఈ రంజీ సీజన్‌లో భాగంగా మహారాష్ట్రతో మ్యాచ్‌ సందర్భంగా బరిలోకి దిగాడు. అయితే, ఆ మ్యాచ్‌లో కేవలం ఏడు పరుగులే చేసి అవుటయ్యాడు. ఈ నేపథ్యంలో టీ20 కెప్టెన్‌ ఇక టెస్టుల గురించి మర్చిపోవాల్సిందేనంటూ టీమిండియా అభిమానులు కామెంట్లు చేస్తున్నారు.కాగా దేశీ ఫస్ట్‌క్లాస్‌ క్రికెట్‌ ప్రతిష్టాత్మక టోర్నమెంట్‌ రంజీ ట్రోఫీ(Ranji Trophy) క్వార్టర్‌ ఫైనల్స్‌ శనివారం ఆరంభమయ్యాయి. ఇందులో భాగంగా.. కోల్‌కతాలోని ఈడెన్‌ గార్డెన్స్‌ వేదికగా ముంబై- హర్యానా మధ్య క్వార్టర్‌ ఫైనల్‌-3 మొదలైంది. ఇందులో టాస్‌ గెలిచిన ముంబై తొలుత బ్యాటింగ్‌ ఎంచుకుంది. అయితే, హర్యానా పేసర్ల ధాటికి అజింక్య రహానే సేనకు ఆరంభంలోనే ఎదురుదెబ్బలు తగిలాయి.సుమిత్‌ దెబ్బకు బౌల్డ్‌ఓపెనర్‌ ఆయుశ్‌ మాత్రే(0)ను అన్షుల్‌ కాంబోజ్‌ డకౌట్‌ చేయగా.. మరో ఓపెనర్‌, వికెట్‌ కీపర్‌ బ్యాటర్‌ ఆకాశ్‌ ఆనంద్‌ను పది పరుగుల వద్ద సుమిత్‌ కుమార్‌ బౌల్డ్‌ చేశాడు. ఇక వన్‌డౌన్‌లో వచ్చిన సిద్ధేశ్‌ లాడ్‌(4) అన్షుల్‌ వేసిన బంతికి బౌల్డ్‌కాగా.. ఐదో స్థానంలో బ్యాటింగ్‌ చేసిన సూర్యకుమార్‌ యాదవ్‌ సుమిత్‌ దెబ్బకు క్లీన్‌బౌల్డ్‌ అయ్యాడు.ముంబై ఇన్నింగ్స్‌ ఏడో ఓవర్‌ మొదటి బంతికి సిద్ధేశ్‌ అవుట్‌ కాగా.. సూర్య క్రీజులోకి వచ్చాడు. అన్షుల్‌ బౌలింగ్‌లో ఫోర్‌ కొట్టి ఘనంగా ఆరంభించాడు. ఎనిమిదో ఓవర్లో సుమిత్‌ బౌలింగ్‌లోనూ తొలి బంతినే బౌండరీకి తరలించిన సూర్య.. ఆ మరుసటి రెండో బంతికి పెవిలియన్‌ చేరాడు. మొత్తంగా ఐదు బంతులు ఎదుర్కొని రెండు ఫోర్ల సాయంతో తొమ్మిది పరుగులు చేసి ఈ కుడిచేతి వాటం బ్యాటర్‌ అవుటయ్యాడు.ఈ క్రమంలో 29 పరుగులకే నాలుగు వికెట్లు కోల్పోయి కష్టాలో పడిన ముంబై జట్టును కెప్టెన్‌ అజింక్య రహానే, ఆల్‌రౌండర్‌ శివం దూబే ఆదుకునే ప్రయత్నం చేస్తున్నారు. ఇదిలా ఉంటే.. ఇటీవల ఇంగ్లండ్‌తో టీ20 సిరీస్‌లో సూర్యకుమర్‌ యాదవ్‌ తొలి మ్యాచ్‌లోనే డకౌట్‌ అయిన విషయం తెలిసిందే.ఇప్పట్లో టీమిండియా రీఎంట్రీ కష్టమేఆ తర్వాత కూడా వరుస మ్యాచ్‌లలో సూర్య నిరాశపరిచాడు. రెండో టీ20లో 12, మూడో టీ20లో 14 పరుగులు చేసిన అతడు.. నాలుగో టీ20లో మళ్లీ సున్నా చుట్టాడు. ఆఖరిదైన ఐదో టీ20లోనూ రెండు పరుగులే చేసి వెనుదిరిగాడు. అయితే, కెప్టెన్‌గా మాత్రం ఈ ఐదు టీ20ల సిరీస్‌లో 4-1తో సూర్య ఘన విజయం అందుకున్నాడు. ఇక ఇప్పటికే ఫామ్‌లేమి కారణంగా వన్డే జట్టులో ఎప్పుడో స్థానం కోల్పోయిన సూర్య.. రంజీల్లో వరుస వైఫల్యాలతో ఇప్పట్లో టెస్టుల్లోకి వచ్చే అవకాశం కూడా లేకుండా చేసుకుంటున్నాడు. కాగా 2023లో బోర్డర్‌- గావస్కర్‌ ట్రోఫీ సందర్భంగా నాగ్‌పూర్‌ వేదికగా టెస్టుల్లో అరంగేట్రం చేసిన సూర్య.. దారుణంగా విఫలమయ్యాడు. ఆస్ట్రేలియాతో తొలి టెస్టులో 8 పరుగులు మాత్రమే చేశాడు.చదవండి: Ind vs Eng: అద్భుతమైన ఆటగాడు.. అతడినే పక్కనపెడతారా?: ఆసీస్‌ దిగ్గజం

కోల్‌కతా: ప్రతిష్టాత్మక దేశవాళీ క్రికెట్‌ టోర్నమెంట్‌ రంజీ ట్రోఫీ(Ranji Trophy) క్వార్టర్‌ ఫైనల్స్‌ నేటి నుంచి ప్రారంభం కానున్నాయి. కోల్‌కతాలోని ఈడెన్‌ గార్డెన్స్‌ వేదికగా డిఫెండింగ్‌ చాంపియన్‌ ముంబై జట్టు హరియాణాతో పోరుకు సిద్ధమైంది. శనివారం ప్రారంభం కానున్న క్వార్టర్‌ ఫైనల్లో అజింక్య రహానే సారథ్యంలోని ముంబై జట్టు తరఫున స్టార్‌ ఆటగాళ్లు బరిలోకి దిగుతున్నారు. భారత టి20 జట్టు కెప్టెన్ సూర్యకుమార్‌ యాదవ్(Suryakumar Yadav), పేస్‌ ఆల్‌రౌండర్లు శివమ్‌ దూబే, శార్దుల్‌ ఠాకూర్‌లపై అందరి దృష్టి నిలవనుంది. షెడ్యూల్‌ ప్రకారం ఈ మ్యాచ్‌ హరియాణాలోని లాహ్లీలో నిర్వహించాల్సింది. కానీ, అక్కడి వాతావరణ పరిస్థితులు అనుకూలించకపోవడంతో బీసీసీఐ ఈ మ్యాచ్‌ వేదికను మార్చింది. ఇప్పటి వరకు రికార్డు స్థాయిలో 42 సార్లు రంజీ ట్రోఫీ చేజిక్కించుకున్న ముంబై జట్టు మరోసారి ఫేవరెట్‌గా బరిలోకి దిగుతుండగా... పెద్దగా అనుభవం లేని హరియాణా జట్టు ముంబైకి ఏమాత్రం పోటీనిస్తుందనేది ఆసక్తికరం. ఎలైట్‌ గ్రూప్‌ ‘ఎ’లో భాగంగా ముంబై 7 మ్యాచ్‌లాడి 4 విజయాలు, 2 పరాజయాలు, ఒక ‘డ్రా’తో 29 పాయింట్లు ఖాతాలో వేసుకొని నాకౌట్‌కు అర్హత సాధించింది. చివరి గ్రూప్‌ మ్యాచ్‌లో మేఘాలయపై ఇన్నింగ్స్‌ 456 పరుగుల తేడాతో గెలిచి క్వార్టర్స్‌లో అడుగు పెట్టింది. రహానే, సూర్యకుమార్, శివమ్‌ దూబే, సిద్ధేశ్‌ లాడ్, ఆకాశ్‌ ఆనంద్, షమ్స్‌ ములానీలతో ముంబై బ్యాటింగ్‌ లైనప్‌ పటిష్టంగా ఉంది. ఆల్‌రౌండర్‌ శార్దుల్‌ జోరు మీదున్నాడు. అతడు గత మ్యాచ్‌లో 42 బంతుల్లోనే 84 పరుగులు చేయడంతో పాటు బౌలింగ్‌లోనూ విజృంభించి ‘ప్లేయర్‌ ఆఫ్‌ ద మ్యాచ్‌’ అవార్డు గెలుచుకున్నాడు. బౌలింగ్‌లో శార్దుల్‌తో పాటు లెఫ్టార్మ్‌ స్పిన్నర్‌ షమ్స్‌ ములానీ, ఆఫ్‌ స్పిన్నర్‌ తనుశ్‌ కొటియాన్‌ కీలకం కానున్నారు. మరోవైపు ఎలైట్‌ గ్రూప్‌ ‘సి’లో ఆడిన ఏడు మ్యాచ్‌ల్లో 3 గెలిచి, 4 ‘డ్రా’ చేసుకున్న హరియాణా 29 పాయింట్లతో క్వార్టర్స్‌లో అడుగు పెట్టింది. ఆ జట్టులో అంతర్జాతీయ అనుభవం ఉన్న ఆటగాళ్లు లేకపోయినా... ప్రతిభకు కొదువలేదు. అంకిత్‌ కుమార్, నిశాంత్‌ సింధు, హిమాన్షు రాణా, యువరాజ్‌ సింగ్, అన్షుల్‌ కంబోజ్, అనూజ్‌ ఠక్రాల్, జయంత్‌ యాదవ్‌లపై ఆ జట్టు అధికంగా ఆధారపడుతోంది. కరుణ్‌ నాయర్‌పైనే దృష్టి తాజా రంజీ సీజన్‌లో అత్యుత్తమ ప్రదర్శన కనబర్చిన విదర్భ జట్టు... క్వార్టర్స్‌లో తమిళనాడుతో తలపడనుంది. ఎలైట్‌ గ్రూప్‌ ‘బి’లో భాగంగా ఆడిన ఏడు మ్యాచ్‌ల్లో ఆరింట గెలిచిన మరో మ్యాచ్‌ను ‘డ్రా’ చేసుకున్న విదర్భ 40 పాయింట్లతో గ్రూప్‌ టాపర్‌గా నిలిచింది. ఫుల్‌ ఫామ్‌లో ఉన్న సీనియర్‌ ఆటగాడు కరుణ్‌ నాయర్‌ సెంచరీల మీద సెంచరీలతో జోష్‌లో ఉండగా... కెప్టెన్ అక్షయ్‌ వాడ్కర్, అథర్వ తైడె, హార్ష్ దూబేతో విదర్భ బ్యాటింగ్‌ లైనప్‌ పటిష్టంగా ఉంది. బౌలింగ్‌లో ఉమేశ్‌ యాదవ్, ఆకాశ్, ఆదిత్య కీలకం కానున్నారు. మరోవైపు ఎలైట్‌ గ్రూప్‌ ‘డి’లో రెండో స్థానంతో క్వార్టర్స్‌ చేరిన తమిళనాడు జట్టు... విజయ్‌ శంకర్, జగదీశన్, బాబా ఇంద్రజీత్‌ ప్రదర్శనపై ఎక్కువ ఆధారపడుతోంది. పుణేలో జరిగే మరో క్వార్టర్‌ ఫైనల్‌ పోరులో ఎలైట్‌ గ్రూప్‌ ‘ఎ’ నుంచి 35 పాయింట్లు సాధించిన జమ్మూకశ్మీర్‌తో గ్రూప్‌ ‘సి’లో రెండో స్థానంలో నిలిచిన కేరళ జట్టు తలపడుతుంది. రాజ్‌కోట్‌ వేదికగా గుజరాత్, సౌరాష్ట్ర జట్ల మధ్య నాలుగో క్వార్టర్‌ ఫైనల్‌ జరుగుతుంది.

హర్యానాతో జరిగే రంజీ ట్రోఫీ క్వార్టర్‌ ఫైనల్‌ మ్యాచ్‌ (​ఫిబ్రవరి 8-12) కోసం 18 మంది సభ్యుల ముంబై జట్టును ఇవాళ (ఫిబ్రవరి 3) ప్రకటించారు. వెటరన్‌ బ్యాటర్‌ అజింక్య రహానే ఈ జట్టుకు కెప్టెన్‌గా వ్యవహరించనున్నాడు. ఈ మ్యాచ్‌ కోసం ముంబై సెలెక్టర్లు భారత టీ20 జట్టు కెప్టెన్‌ సూర్యకుమార్‌ యాదవ్‌, టీమిండియా విధ్వంసకర బ్యాటర్‌ శివమ్‌ దూబేను ఎంపిక చేశారు. ఇంగ్లండ్‌తో వన్డే సిరీస్‌ నేపథ్యంలో శ్రేయస్‌ అయ్యర్‌, రోహిత్‌ శర్మ, యశస్వి జైస్వాల్‌ పేర్లను ముంబై సెలెక్టర్లు పరిగణలోకి తీసుకోలేదు. ఈ ముగ్గురు భారత వన్డే జట్టులో సభ్యులుగా ఉన్నారు. ముంబై జట్టులో యువ బ్యాటర్లు ఆయుశ్‌ మాత్రే, అంగ్‌క్రిష్‌ రఘువంశీ, సిద్దేశ్‌ లాడ్‌ చోటు దక్కించుకున్నారు. ముంబై బౌలింగ్‌ అటాక్‌ను శార్దూల్‌ ఠాకూర్‌ లీడ్‌ చేస్తాడు. బౌలింగ్‌ విభాగంలో మోహిత్‌ అవస్తి, శివమ్‌ దూబే, తనుశ్‌ కోటియన్‌, షమ్స్‌ ములానీ సభ్యులుగా ఉన్నారు. ఆకాశ్‌ ఆనంద్‌, హార్దిక్‌ తామోర్‌ వికెట్‌ కీపర్లుగా ఎంపికయ్యారు.కాగా, ముంబై జట్టు గ్రూప్‌ దశలో తప్పక గెలవాల్సిన మ్యాచ్‌లో మేఘాలయాపై ఘన విజయం సాధించి క్వార్టర్‌ ఫైనల్‌కు చేరింది. ఈ మ్యాచ్‌లో ముంబై భారీ తేడాతో గెలుపొందడంతో బోనస్‌ పాయింట్‌ కూడా సాధించింది. ఈ మ్యాచ్‌లో ముంబై కేవలం ఒకే ఇన్నింగ్స్‌లో బ్యాటింగ్‌ చేసి ఇన్నింగ్స్‌ 456 పరుగుల భారీ తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన మేఘాలయా 86 పరుగులకే కుప్పకూలింది. శార్దూల్‌ ఠాకూర్‌ హ్యాట్రిక్‌ సాధించాడు. మేఘాలయా ఇన్నింగ్స్‌లో మొదటి ఆరుగురు బ్యాటర్లలో ఐదుగురు డకౌట్లయ్యారు. అనంతరం ముంబై తొలి ఇన్నింగ్స్‌లో 671 పరుగులు చేసింది. సిద్దేశ్‌ లాడ్‌ (145), ఆకాశ్‌ ఆనంద్‌ (103), షమ్స్‌ ములానీ (100 నాటౌట్‌) సెంచరీలు చేశారు. ఆజింక్య రహానే (96), శార్దూల్‌ ఠాకూర్‌ (84) సెంచరీలు మిస్‌ చేసుకున్నారు. అనంతరం మేఘాలయా రెండో ఇన్నింగ్స్‌లో 129 పరుగులకే కుప్పకూలి ఘోర పరాజయాన్ని మూటగట్టుకుంది.ముంబై జట్టు అజింక్య రహానే (కెప్టెన్), ఆయుష్ మాత్రే, అంగ్క్రిష్ రఘువంశీ, అమోఘ్ భత్కల్, సూర్యకుమార్ యాదవ్, సిద్ధేష్ లాడ్, శివమ్ దూబే, ఆకాశ్ ఆనంద్ (వికెట్‌కీపర్‌), హార్దిక్ తమోర్ (వికెట్‌కీపర్‌), సూర్యాంశ్ షెడ్గే, శార్దూల్ ఠాకూర్, షమ్స్ ములానీ, తనుశ్‌ కోటియన్‌, మోహిత్‌ అవస్తి, సిల్వెస్టర్‌ డిసౌజా, రాయ్‌స్టన్‌ డయాస్, అథర్వ అంకోలేకర్‌, హర్ష్ తన్నా

నాగ్‌పూర్‌: భారత జట్టు పేస్‌ బౌలర్‌ మొహమ్మద్‌ సిరాజ్‌ బరిలోకి దిగినా... హైదరాబాద్‌ జట్టుకు నిరాశ తప్పలేదు. రంజీ ట్రోఫీ 2024–2025 దేశవాళీ క్రికెట్‌ టోర్నమెంట్‌ను హైదరాబాద్‌ జట్టు పరాజయంతో ముగించింది. మాజీ చాంపియన్‌ విదర్భ జట్టుతో ఆదివారం ముగిసిన గ్రూప్‌ ‘బి’ ఆఖరి లీగ్‌ మ్యాచ్‌లో చామా మిలింద్‌ నాయకత్వంలోని హైదరాబాద్‌ జట్టు 58 పరుగుల తేడాతో ఓడిపోయింది. విదర్భ నిర్దేశించిన 220 పరుగుల లక్ష్యాన్ని ఛేదించే క్రమంలో... ఓవర్‌నైట్‌ స్కోరు 23/1తో రెండో ఇన్నింగ్స్‌ను కొనసాగించిన హైదరాబాద్‌ జట్టు 38.5 ఓవర్లలో 161 పరుగులకు ఆలౌటై పరాజయాన్ని చవిచూసింది. రాహుల్‌ రాదేశ్‌ (77 బంతుల్లో 48; 4 ఫోర్లు, 1 సిక్స్‌) టాప్‌ స్కోరర్‌గా నిలువగా... చివర్లో మిలింద్‌ (32 బంతుల్లో 20; 2 ఫోర్లు, 1 సిక్స్‌), సిరాజ్‌ (14 బంతుల్లో 26; 3 ఫోర్లు, 2 సిక్స్‌లు) కాసేపు అలరించారు. ఎడంచేతి వాటం స్పిన్నర్‌ హర్‌‡్ష దూబే 57 పరుగులిచ్చి 6 వికెట్లు పడగొట్టి విదర్భ జట్టు విజయంలో ముఖ్యపాత్ర పోషించాడు. బ్యాటర్లు క్రీజులో నిలబడితే ఛేదించే లక్ష్యమైనా... చివరిరోజు హైదరాబాద్‌ బ్యాటర్లు తడబడి మూల్యం చెల్లించుకున్నారు. ఓవరాల్‌గా గ్రూప్‌ ‘బి’లో హైదరాబాద్‌ జట్టు 16 పాయింట్లతో నాలుగో స్థానంలో నిలిచింది. ఎనిమిది జట్లున్న ఈ గ్రూప్‌లో హైదరాబాద్‌ 2 మ్యాచ్‌ల్లో గెలిచి, 2 మ్యాచ్‌లను ‘డ్రా’ చేసుకొని, 3 మ్యాచ్‌ల్లో ఓడిపోయింది. గ్రూప్‌ ‘బి’లో తొలి రెండు స్థానాల్లో నిలిచిన విదర్భ, గుజరాత్‌ జట్లు నాకౌట్‌ దశకు అర్హత సాధించాయి. స్కోరు వివరాలు విదర్భ తొలి ఇన్నింగ్స్‌: 190; హైదరాబాద్‌ తొలి ఇన్నింగ్స్‌: 326; విదర్భ రెండో ఇన్నింగ్స్‌: 355; హైదరాబాద్‌ రెండో ఇన్నింగ్స్‌: తన్మయ్‌ అగర్వాల్‌ (సి అండ్‌ బి) యశ్‌ ఠాకూర్‌ 6; అభిరత్‌ రెడ్డి (సి) దానిశ్‌ (బి) హర్ష్ దూబే 21; తనయ్‌ త్యాగరాజన్‌ (ఎల్బీడబ్ల్యూ) (బి) ఆదిత్య థాకరే 18; రాహుల్‌ రాదేశ్‌ (సి) అథర్వ తైడే (బి) పార్థ్‌ రేఖడే 48; హిమతేజ (సి) అథర్వ తైడే (బి) హర్ష్ దూబే 0; వరుణ్‌ గౌడ్‌ (సి) యశ్‌ రాథోడ్‌ (బి) హర్ష్ దూబే 5; రాహుల్‌ బుద్ది (సి) అక్షయ్‌ వాడ్కర్‌ (బి) పార్థ్‌ రేఖడే 9; చామా మిలింద్‌ (సి) దానిశ్‌ (బి) హర్‌‡్ష దూబే 20; రక్షణ్‌ రెడ్డి (బి) హర్ష్ దూబే 0; సిరాజ్‌ (సి) అథర్వ తైడే (బి) హర్‌‡్ష దూబే 26; అనికేత్‌ రెడ్డి (నాటౌట్‌) 5; ఎక్స్‌ట్రాలు 3; మొత్తం (38.5 ఓవర్లలో ఆలౌట్‌) 161. వికెట్ల పతనం: 1–11, 2–36, 3–61, 4–67, 5–94, 6–107, 7–116, 8–123, 9–140, 10–161. బౌలింగ్‌: యశ్‌ ఠాకూర్‌ 5–1–26–1, ఆదిత్య థాకరే 7–0–27–1, హర్‌ దూబే 11.5–1–57–6, అక్షయ్‌ వఖారే 7–3–16–0, పార్థ్‌ రేఖాడే 8–0–33–2.

భారత్‌లోని పిచ్‌లపై నాలుగో రోజు ఆటలో 200 పరుగుల లక్ష్యమైనా కొండంతలా అనిపిస్తుంది. ఆచితూచి ఆడితేనే దానిని ఛేదించే అవకాశం ఉంటుంది. అలాంటిది ఏకంగా 376 పరుగుల లక్ష్యం ముందుంటే... ఏ జట్టయినా విజయంపై ఆశలు వదులుకోవాల్సిందే. అయితే ఒడిశాతో జరిగిన రంజీ ట్రోఫీ దేశవాళీ క్రికెట్‌ టోర్నీ మ్యాచ్‌ సందర్భంగా సర్వీసెస్‌(Services) జట్టు బ్యాటర్లు మాత్రం అలా అనుకోలేదు. ప్రయత్నిస్తే పోయేదేమీ లేదు కదా అనే ఉద్దేశంతో బరిలోకి దిగారు. ప్రత్యర్థి బౌలర్లపై ఎదురుదాడికి దిగారు. దాంతో చూస్తుండగానే స్కోరు బోర్డుపై 100, 200, 300 పరుగులు నమోదయ్యాయి. చివరకు 376 పరుగుల లక్ష్యం కూడా కరిగిపోయింది. వెరసి సరీ్వసెస్‌ జట్టు రంజీ ట్రోఫీ చరిత్రలోనే చిరస్మరణీయ విజయం అందుకుంది. 376 పరుగుల లక్ష్యంతో ఓవర్‌నైట్‌ స్కోరు 46/0తో రెండో ఇన్నింగ్స్‌ ప్రారంభించిన సర్వీసెస్‌ జట్టు 85.4 ఓవర్లలో వికెట్‌ నష్టపోకుండా లక్ష్యాన్ని అధిగమించింది. సర్వీసెస్‌ ఓపెనర్లలో శుభం రోహిల్లా (270 బంతుల్లో 209 నాటౌట్‌; 30 ఫోర్లు) డబుల్‌ సెంచరీ చేయగా... సూరజ్‌ వశిష్ట (246 బంతుల్లో 154 నాటౌట్‌; 15 ఫోర్లు, 1 సిక్స్‌) సెంచరీ సాధించాడు. ఈ మ్యాచ్‌లో గెలిచినప్పటికీ సరీ్వసెస్‌ జట్టు నాకౌట్‌ దశకు చేరలేకపోయింది. ఆదివారంతో రంజీ ట్రోఫీలో లీగ్‌ దశ మ్యాచ్‌లు ముగిశాయి. ఈనెల 8 నుంచి 12వ తేదీ వరకు జరిగే క్వార్టర్‌ ఫైనల్స్‌లో గుజరాత్‌తో సౌరాష్ట్ర; ముంబైతో హరియాణా; విదర్భతో తమిళనాడు; జమ్మూ కశ్మీర్‌తో కేరళ తలపడతాయి.సర్వీసెస్‌ వరల్డ్‌ రికార్డు..ఇక ఈ మ్యాచ్‌లో అద్భుత విజయం సాధించిన సర్వీసెస్‌ జట్టు పలు అరుదైన రికార్డును తన పేరిట లిఖించుకుంది. రంజీ ట్రోఫీ హిస్టరీలోనే వికెట్‌ కోల్పోకుండా అత్యధిక టార్గెట్‌ను ఛేదించిన జట్టుగా సర్వీసెస్‌ రికార్డులకెక్కింది. ఓవరాల్‌గా రంజీల్లో అత్యధిక టార్గెట​్‌ను ఛేజ్‌ చేసిన రెండో జట్టుగా సర్వీసెస్‌ నిలిచింది. ఈ అరుదైన ఫీట్‌ సాధించిన జాబితాలో రైల్వేస్‌ అగ్రస్ధానంలో ఉంది. గతేడాది సీజన్‌లో అగర్తాల వేదికగా త్రిపురతో జరిగిన మ్యాచ్‌లో 378 పరుగుల లక్ష్యాన్ని రైల్వేస్‌ జట్టు 5 వికెట్లు కోల్పోయి చేధించింది. తాజా మ్యాచ్‌తో సర్వీసెస్‌ రెండో స్ధానానికి చేరింది.ఫస్ట్‌ క్లాస్‌ క్రికెట్‌లో నాల్గవ ఇన్నింగ్స్‌లో వికెట్ నష్టపోకుండా అత్యధిక స్కోర్‌ సాధించిన జట్టుగా సర్వీసెస్‌ వరల్డ్‌ రికార్డు సృష్టించింది. ఇంతకుముందు ఈ రికార్డు పాకిస్తాన్‌కు చెందిన సర్గోధా క్రికెట్‌ క్రికెట్‌ క్లబ్‌ పేరిట ఉండేది. 1998-99 దేశవాళీ సీజన్‌లో లహోర్‌ సిటీపై సర్గోధా వికెట్‌ నష్టపోకుండా 332 పరుగులు చేసింది. తాజా మ్యాచ్‌తో సర్గోదా ఆల్‌టైమ్‌ రికార్డును సర్వీసెస్‌(376) బ్రేక్ చేసింది.చదవండి: IND vs ENG: చరిత్ర సృష్టించిన అభిషేక్‌​.. ప్రపంచంలోనే తొలి ప్లేయర్‌గా

టీమిండియా స్టార్ ప్లేయ‌ర్ విరాట్ కోహ్లి(Virat Kohli) 12 ఏళ్ల త‌ర్వాత రంజీ బ‌రిలోకి దిగిన సంగతి తెలిసిందే. అరుణ్ జైట్లీ స్టేడియం వేదికగా రైల్వేస్‌తో జరిగిన మ్యాచ్‌లో ఢిల్లీ తరపున కోహ్లి ఆడాడు. అతడిని చూసేందుకు అభిమానులు భారీ సంఖ్యలో అరుణ్ జైట్లీ స్టేడియంకు తరలివచ్చారు.కానీ కింగ్ కోహ్లి మాత్రం అభిమానులను తీవ్ర నిరాశపరిచాడు. తొలి ఇన్నింగ్స్‌లో కేవలం 6 పరుగులు మాత్రమే చేసి ఔటయ్యాడు. రైల్వేస్ బౌలర్ హిమాన్షు సాంగ్వాన్ అద్బుతమైన బంతితో కోహ్లిని క్లీన్ బౌల్డ్ చేశాడు. దీంతో స్టేడియం మొత్తం ఒక్కసారిగా సైలెంట్ అయిపోయింది. కోహ్లి ఔటయ్యాక స్టేడియం నుంచి అభిమానులు వెళ్లిపోయారు.సాం‍గ్వాన్‌ను మెచ్చుకున్న కోహ్లి..కాగా మ్యాచ్ ముగిసిన తర్వాత హిమాన్షును కింగ్‌​ కోహ్లి ప్రశంసించినట్లు తెలుస్తోంది. దైనిక్ జాగరణ్ రిపోర్ట్ ప్రకారం.. సాంగ్వాన్ తాను వికెట్ తీసిన బంతిపై సంతకం చేయమని కోహ్లి వద్దకు వెళ్లి అడిగాడంట. అందుకు కోహ్లి.. వాట్ ఎ బాల్‌.. అద్బుతమైన డెలివరీ సంధించావు అని కొనియాడినట్లు సదరు పత్రిక తమ కథనంలో పేర్కొంది.గ్రౌండ్‌లోకి దూసుకొచ్చిన ఫ్యాన్స్‌..మ్యాచ్‌లో భాగంగా మూడో రోజు రక్షణ వలయాన్ని ఛేదించుకొని విరాట్‌ కోసం ముగ్గురు అభిమానులు మైదానంలోకి పరుగులు తీయడంతో కాస్త గందరగోళ పరిస్థితి నెలకొంది. ఈ మ్యాచ్‌ తొలి రోజు గ్రౌండ్‌లో ఫీల్డింగ్‌ చేస్తున్న కోహ్లి వద్దకు వచ్చిన అభిమాని అతడి కాళ్లు మొక్కగా... శనివారం ముగ్గురు అభిమానులు సెక్యూరిటీని దాటి మైదానంలోకి దూసుకొచ్చారు. దీంతో భద్రతా సిబ్బంది వారిని బలవంతంగా బయటకు తీసుకెళ్లారు. ‘గతంలో ఇలాంటి సంఘటనలు ఎప్పుడూ చూడలేదు. కోహ్లి భయ్యా క్రేజ్‌కు ఇది నిదర్శనం. మైదానంలో దూసుకొచి్చన వాళ్లను కొట్టకండి అని కోహ్లి సెక్యూరిటీ సిబ్బందితో చెప్పాడు’ అని ఢిల్లీ స్పిన్నర్‌ శివమ్‌ శర్మ తెలిపాడు. మ్యాచ్‌ అనంతరం సహచర ఆటగాళ్లు, సహాయక సిబ్బంది, గ్రౌండ్‌ స్టాఫ్‌తో కోహ్లి ఫొటోలు దిగాడు.ఢిల్లీ ఘన విజయం..ఇక విరాట్ కోహ్లికి తన సహచరులు గెలుపు కానుక ఇచ్చారు. కోహ్లికి రెండో ఇన్నింగ్స్‌లో బ్యాటింగ్‌ చేసే అవకాశమే రాకుండానే ఢిల్లీ జట్టు ఘనవిజయం సాధించింది. ఎలైట్‌ గ్రూప్‌ ‘డి’లో భాగంగా మూడు రోజుల్లో ముగిసిన పోరులో ఢిల్లీ జట్టు ఇన్నింగ్స్‌ 19 పరుగుల తేడాతో రైల్వేస్‌ జట్టును ఓడించింది. ఓవర్‌నైట్‌ స్కోరు 334/7తో శనివారం తొలి ఇన్నింగ్స్‌ కొనసాగించిన ఢిల్లీ జట్టు... చివరకు 106.4 ఓవర్లలో 374 పరుగులకు ఆలౌటైంది. సుమిత్‌ మాథుర్‌ (206 బంతుల్లో 86; 8 ఫోర్లు) మెరుగైన ప్రదర్శన చేశాడు. రైల్వేస్‌ బౌలర్లలో హిమాన్షు సాంగ్వాన్‌ 4, కునాల్‌ మూడు వికెట్లు పడగొట్టారు. అనంతరం రెండో ఇన్నింగ్స్‌ ప్రారంభించిన రైల్వేస్‌ జట్టు 30.5 ఓవర్లలో 114 పరుగులకు ఆలౌటైంది. మొహమ్మద్‌ సైఫ్‌ (31) టాప్‌ స్కోరర్‌. ఢిల్లీ బౌలర్లలో శివమ్‌ శర్మ 5 వికెట్లతో ఆకట్టుకున్నాడు. అంతకుముందు రైల్వేస్‌ తొలి ఇన్నింగ్స్‌లో 241 పరుగులు చేసింది. ఆల్‌రౌండ్‌ ప్రదర్శన కనబర్చిన సుమిత్‌ మాథుర్‌కు ‘ప్లేయర్‌ ఆఫ్‌ ద మ్యాచ్‌’అవార్డు దక్కింది.చదవండి: Rohit Sharma: నా భార్య లైవ్ చూస్తోంది.. నేను ఆ విష‌యం చెప్ప‌లేను

ప్రతిష్టాత్మక దేశవాళీ క్రికెట్‌ టోర్నమెంట్‌ రంజీ ట్రోఫీ సీజన్‌ను ఆంధ్ర జట్టు విజయంతో ముగించింది. ఎలైట్‌ గ్రూప్‌ ‘బి’లో భాగంగా జరిగిన పోరులో ఆంధ్ర జట్టు 6 వికెట్ల తేడాతో రాజస్తాన్‌ జట్టును చిత్తు చేసింది. తాజా సీజన్‌లో ఆశించిన స్థాయిలో రాణించలేకపోయిన ఆంధ్ర జట్టుకు ఇదే తొలి విజయం కావడం గమనార్హం.ఏడు మ్యాచ్‌ల్లో ఒక విజయం, 3 పరాజయాలు, 3 ‘డ్రా’లతో 13 పాయింట్లు ఖాతాలో వేసుకున్న ఆంధ్ర జట్టు ఎలైట్‌ గ్రూప్‌ ‘బి’లో ఆరో స్థానంలో నిలిచింది. ఓవర్‌నైట్‌ స్కోరు 95/7తో శనివారం మూడో రోజు రెండో ఇన్నింగ్స్‌ కొనసాగించిన రాజస్తాన్‌ చివరకు 39.4 ఓవర్లలో 114 పరుగులకు ఆలౌటైంది.అభిజిత్‌ తోమర్‌ (31), అజయ్‌ సింగ్‌ (30 నాటౌట్‌; 3 ఫోర్లు, 2 సిక్స్‌లు) కాస్త పోరాడారు. ఆంధ్ర జట్టు బౌలర్లలో త్రిపురాణ విజయ్‌ మరోసారి 5 వికెట్లతో విజృంభించగా... పృథ్వీరాజ్‌ 4 వికెట్లు తీశాడు. అనంతరం 153 పరుగుల లక్ష్యంతో రెండో ఇన్నింగ్స్‌ ప్రారంభించిన ఆంధ్ర జట్టు 31 ఓవర్లలో 4 వికెట్లు కోల్పోయి 157 పరుగులు చేసి గెలిచింది.రికీ భుయ్‌ (76 బంతుల్లో 62; 7 ఫోర్లు, 2 సిక్స్‌లు) అర్ధశతకంతో మెరవగా... శ్రీకర్‌ భరత్‌ (43; 5 ఫోర్లు), కరణ్‌ షిండే (35 నాటౌట్‌; 7 ఫోర్లు) రాణించారు. రాజస్తాన్‌ బౌలర్లలో ఖలీల్‌ అహ్మద్‌ 2 వికెట్లు పడగొట్టాడు. అంతకుముందు రాజస్తాన్‌ తొలి ఇన్నింగ్స్‌లో 258 పరుగులు చేయగా... ఆంధ్ర జట్టు 220 పరుగులు చేసింది. రెండు ఇన్నింగ్స్‌ల్లో కలిపి 10 వికెట్లు పడగొట్టిన ఆఫ్‌స్పిన్నర్‌ విజయ్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. ఎలైట్‌ గ్రూప్‌ ‘బి’ నుంచి విదర్భ, గుజరాత్‌ క్వార్టర్‌ ఫైనల్‌కు అర్హత సాధించాయి. చదవండి: 28 ఏళ్ల సుదీర్ఘ కెరీర్‌.. రిటైర్మెంట్ ప్రకటించిన భారత క్రికెటర్‌

రంజీ ట్రోఫీ పునరాగమనంలో విరాట్‌ కోహ్లి(Virat Kohli) విఫలమైనా.. అతడి జట్టు ఢిల్లీ మాత్రం ఘన విజయం సాధించింది. రైల్వేస్‌(Railways Team)ను ఏకంగా ఇన్నింగ్స్‌ పందొమ్మిది పరుగుల తేడాతో ఓడించింది. ఆస్ట్రేలియాతో బోర్డర్‌- గావస్కర్‌ ట్రోఫీ(Border-Gavaskar Trophy)లో వైఫల్యం తర్వాత టీమిండియా స్టార్‌ క్రికెటర్‌ కోహ్లి ఎట్టకేలకు దేశవాళీ క్రికెట్లో రీఎంట్రీ ఇచ్చిన విషయం తెలిసిందే. రైల్వేస్‌ జట్టుతో గురువారం మొదలైన మ్యాచ్‌ సందర్భంగా కోహ్లి ఢిల్లీ తరఫున సొంతమైదానంలో అడుగుపెట్టాడు. దీంతో కోహ్లి ఆటను చూసేందుకు తొలిరోజే వేలాది మంది అరుణ్‌ జైట్లీ స్టేడియానికి పోటెత్తారు. అయితే, ఈ మ్యాచ్‌లో టాస్‌ గెలిచిన ఢిల్లీ తొలుత బౌలింగ్‌ ఎంచుకోవడంతో తొలిరోజు.. కోహ్లికి బ్యాటింగ్‌ చేసే అవకాశం రాలేదు. ఇక శుక్రవారం నాటి రెండో రోజు ఆట సందర్భంగా బ్యాట్‌తో అతడు మైదానంలో అడుగుపెట్టాడు. కరతాళ ధ్వనులు, ఆర్సీబీ... ఆర్సీబీ... కోహ్లి... కోహ్లి... అనే అభిమానుల నినాదాల మధ్య ఉదయమే అతడు క్రీజులోకి వచ్చాడు.15 బంతుల్లోనే ముగిసిన ముచ్చటఅప్పటికే ఐదు వేల పైచిలుకు ప్రేక్షకులు మైదానంలోకి వచ్చేశారు. అయితే కోహ్లిని 6 పరుగుల వద్దే హిమాన్షు క్లీన్‌బౌల్డ్‌ చేయడంతో మరింత మంది అభిమానులు స్టేడియం లోపలికి వచ్చేందుకు ఆసక్తి కనబరచలేదు. కనీసం అతడిబ్యాట్‌ నుంచి ఫిఫ్టీ వచ్చినా వేలసంఖ్యతో తొలిరోజులాగే అరుణ్‌ జైట్లీ స్టేడియం నిండిపోయేది.కానీ.. పుష్కర కాలం తర్వాత రంజీ బరిలోకి దిగిన ఈ దిగ్గజ ఆటగాడి బ్యాటింగ్‌ ముచ్చట 15 బంతుల్లోనే ముగిసింది.ఇక మ్యాచ్‌ విషయానికొస్తే సూపర్‌స్టార్‌ కోహ్లి విఫలమైనప్పటికీ ఎలైట్‌ గ్రూప్‌ ‘డి’లో రైల్వేస్‌తో జరిగిన మ్యాచ్‌లో ఢిల్లీ అద్భుత ప్రదర్శనతో ఆకట్టుకుంది. తొలి ఇన్నింగ్స్‌లో రైల్వేస్‌ను 241 పరుగులకు ఆలౌట్‌ చేసిన బదోని సేన.. తమ మొదటి ఇన్నింగ్స్‌లో 374 రన్స్‌ స్కోరు చేసింది.బదోని కెప్టెన్‌ ఇన్నింగ్స్‌టాపార్డర్‌లో ఓపెనర్లు అర్పిత్‌ రాణా(10), సనత్‌ సంగ్వాన్‌(30).. వన్‌డౌన్‌ బ్యాటర్‌ యశ్‌ ధుల్‌(32) ఎక్కువ సేపు నిలవలేకపోయారు. మరోవైపు.. కోహ్లి ఆరు పరుగులకే అవుట్‌ కాగా.. ఆయుశ్‌ బదోని కెప్టెన్‌ ఇన్నింగ్స్‌తో మెరిశాడు. 77 బంతుల్లోనే 12 ఫోర్లు, మూడు సిక్సర్ల సాయంతో 99 పరుగులు చేసి.. సెంచరీకి ఒక్క పరుగు దూరంలో అవుటయ్యాడు.మూడో రోజే ముగిసిన కథఇక బదోనికి తోడుగా సుమిత్‌ మాథుర్‌ 86 పరుగులతో రాణించగా.. వికెట్‌ కీపర్‌ బ్యాటర్‌ ప్రణవ్‌ రాజువన్షీ 39 రన్స్‌తో ఫర్వాలేదనిపించాడు. ఈ క్రమంలో 374 పరుగుల మేర మెరుగైన స్కోరు సాధించిన ఢిల్లీ.. శనివారం నాటి మూడో రోజు ఆటలో రైల్వేస్‌ కథను ముగించింది.సూరజ్‌ అహుజా బృందాన్ని కేవలం 114 పరుగులకే ఆలౌట్‌ చేసి.. ఘన విజయం సాధించింది. ఢిల్లీ బౌలర్లలో స్పిన్నర్‌ శివం శర్మ ఐదు వికెట్లతో చెలరేగగా.. నవదీప్‌ సైనీ, సిద్ధాంత్‌ శర్మ, మోనీ గరేవాల్‌, ఆయుశ్‌ బదోని ఒక్కో వికెట్‌ పడగొట్టారు. ఇక ఢిల్లీ ఇన్నింగ్స్‌లో మెరుగైన స్కోరు చేయడంతో పాటు.. ఓవరాల్‌గా మూడు వికెట్లు పడగొట్టిన స్పిన్‌ బౌలింగ్‌ ఆల్‌రౌండర్‌ సుమిత్‌ మాథుర్‌కు ప్లేయర్‌ ఆఫ్‌ ది మ్యాచ్‌ అవార్డు లభించింది. రోహిత్‌కు మాత్రం పరాభవంఏదేమైనా రంజీ రీఎంట్రీలో విరాట్‌ కోహ్లి బ్యాట్‌ ఝులిపించలేకపోయినప్పటికీ.. విజయంతో తిరిగి వెళ్లడం విశేషం. మరోవైపు.. రంజీ పునరాగమనం(జనవరి 23)లో టీమిండియా కెప్టెన్‌ రోహిత్‌ శర్మకు మాత్రం ఘోర పరాభవం ఎదురైంది. బ్యాటర్‌(3, 28)గా అతడి వైఫల్యం ముంబై జట్టుపై ప్రభావం చూపింది. జమ్ము కశ్మీర్‌ చేతిలో ముంబై ఐదు వికెట్ల తేడాతో ఓటమిపాలైంది.విరాట్‌ కోహ్లికి సన్మానంఢిల్లీ క్రికెట్‌ సంఘం (డీడీసీఏ) తమ స్టార్‌ క్రికెటర్‌ కోహ్లిని సత్కరించింది. అంతర్జాతీయ కెరీర్‌లో భారత్‌ తరఫున వంద టెస్టులు పూర్తి చేసుకున్న తమ ఆటగాడిని డీడీసీఏ అధ్యక్షుడు రోహన్‌ జైట్లీ శాలువకప్పి సన్మానించారు. ఈ సందర్భంగా మెమెంటోను బహూకరించారు. మూడేళ్ల క్రితమే 2022లోనే కింగ్‌ కోహ్లి వంద టెస్టుల మార్క్‌ దాటాడు. కానీ రంజీల బరిలోకి దిగకపోవడంతో ఆత్మీయ సత్కారం కోసం డీడీసీఏ ఇన్నేళ్లు నిరీక్షించాల్సి వచ్చింది.చదవండి: అతడిని ఆడించడం అన్యాయం.. మాకు ఒక మాట కూడా చెప్ప‌లేదు: బట్లర్‌

నాగ్‌పూర్‌: సహచరుల నుంచి పెద్దగా సహకారం లభించకపోయినా... ఓపెనర్‌ తన్మయ్‌ అగర్వాల్‌ (232 బంతుల్లో 136; 13 ఫోర్లు, 1 సిక్స్‌) సూపర్‌ సెంచరీతో కదంతొక్కాడు. ఫలితంగా రంజీ ట్రోఫీ ఎలైట్‌ గ్రూప్‌ ‘బి’లో భాగంగా విదర్భతో జరుగుతున్న మాŠయ్‌చ్‌లో హైదరాబాద్‌ తొలి ఇన్నింగ్స్‌ ఆధిక్యం దక్కించుకోగలిగింది. ఓవర్‌నైట్‌ స్కోరు 90/2తో శుక్రవారం రెండో రోజు తొలి ఇన్నింగ్స్‌ కొనసాగించిన హైదరాబాద్‌ జట్టు చివరకు 91.4 ఓవర్లలో 326 పరుగులకు ఆలౌటైంది. తన్మయ్‌ ఒంటరి పోరాటం చేయగా... తక్కినవాళ్లు మంచి ఆరంభాలను భారీ స్కోర్లుగా మలచలేకపోయారు. హిమతేజ (64 బంతుల్లో 31; 3 ఫోర్లు), వరుణ్‌ గౌడ్‌ (55 బంతుల్లో 24; 2 ఫోర్లు), రాహుల్‌ బుద్ధి (43 బంతుల్లో 26; 3 ఫోర్లు), తనయ్‌ త్యాగరాజన్‌ (24; 2 ఫోర్లు, 2 సిక్స్‌లు), కెప్టెన్‌ చామా మిలింద్‌ (38; 8 ఫోర్లు) తలా కొన్ని పరుగులు చేశారు. వీరందరితోనూ తన్మయ్‌ భాగస్వామ్యాలు నమోదు చేశాడు. విదర్భ బౌలర్లలో యశ్‌ ఠాకూర్‌ 3 వికెట్లు పడగొట్టగా... హర్‌‡్ష, ఆకాశ్, పార్థ్‌ తలా రెండు వికెట్లు తీశారు. అనంతరం రెండో ఇన్నింగ్స్‌ ప్రారంభించిన విదర్భ శుక్రవారం ఆట ముగిసే సమయానికి 19.5 ఓవర్లలో 2 వికెట్ల నష్టానికి 56 పరుగులు చేసింది. ధ్రువ్‌ షొరే (23), ఆదిత్య (5) ఔట్‌ కాగా... అథర్వ తైడె (20 బ్యాటింగ్‌) క్రీజులో ఉన్నాడు. హైదరాబాద్‌ బౌలర్లలో మొహమ్మద్‌ సిరాజ్, రక్షణ్‌ రెడ్డి చెరో వికెట్‌ పడగొట్టారు. చేతిలో 8 వికెట్లు ఉన్న విదర్భ... హైదరాబాద్‌ తొలి ఇన్నింగ్స్‌ స్కోరుకు ఇంకా 80 పరుగులు వెనుకబడి ఉంది. మరోవైపు హైదరాబాద్‌ క్రికెట్‌ సంఘం (హెచ్‌సీఏ) అధ్యక్షుడు జగన్‌మోహన్‌ రావు... జట్టు ఆటతీరును ప్రశంసించారు. ఈ సీజన్‌లో 4 సెంచరీలు, 2 హాప్‌సెంచరీలు సాధించిన ఓపెనర్‌ తన్మయ్‌ అగర్వాల్‌కు హెచ్‌సీఏ ప్రెసిడెంట్‌ రూ. 1 లక్షనగదు బహుమతిని ప్రకటించారు. ఈ సీజన్‌లో 33 వికెట్లు తీసిన తనయ్‌ త్యాగరాజన్, కెప్టెన్‌ చామా మిలింంద్, టీమిండియా ప్లేయర్‌ మొహమ్మద్‌ సిరాజ్‌ను జగన్‌మోహన్‌ రావు ప్రత్యేకంగా అభినందించారు.

రంజీ ట్రోఫీ (Ranji Trophy) రన్నింగ్‌ సీజన్‌లో ముంబై ఆల్‌రౌండర్‌, టీమిండియా ప్లేయర్‌ శార్దూల్‌ ఠాకూర్‌ (Shardul Thakur) హవా కొనసాగుతుంది. ఈ సీజన్‌లో ఆది నుంచి తనదైన శైలిలో రెచ్చిపోతున్న శార్దూల్‌.. ప్రస్తుతం మేఘాలయాతో జరుగుతున్న మ్యాచ్‌లో ఆకాశమే హద్దుగా చెలరేగిపోయాడు. ఈ మ్యాచ్‌లో తొలుత హ్యాట్రిక్‌ (Hat Trick) తీసిన శార్దూల్‌.. బ్యాటింగ్‌లో మెరుపు అర్ద శతకంతో విరుచుకుపడ్డాడు. ఈ ఇన్నింగ్స్‌లో కేవలం 30 బంతుల్లోనే హాఫ్‌ సెంచరీ పూర్తి చేసిన శార్దూల్‌.. ఓవరాల్‌గా 42 బంతులు ఎదుర్కొని 9 ఫోర్లు, 5 సిక్సర్ల సాయంతో 84 పరుగులు చేశాడు. శార్దూల్‌తో పాటు మిగతా ఆటగాళ్లంతా తలో చేయి వేయడంతో ముంబై తొలి ఇన్నింగ్స్‌లో భారీ స్కోర్‌ (671/7) చేసి ఇన్నింగ్స్‌ను డిక్లేర్‌ చేసింది.ముంబై బ్యాటర్లలో సిద్దేశ్‌ లాడ్‌ (145), వికెట్‌ కీపర్‌ ఆకాశ్‌ ఆనంద్‌ (103), షమ్స్‌ ములానీ (86 బంతుల్లో 100 నాటౌట్‌; 16 ఫోర్లు) సెంచరీలతో కదంతొక్కగా.. కెప్టెన్‌ అజింక్య రహానే (96) తృటిలో సెంచరీని చేజార్చుకున్నాడు. సుయాంశ్‌ షేడ్గే (61) అర్ద సెంచరీతో రాణించాడు. ఇన్నింగ్స్‌ డిక్లేర్‌ చేసే సమయానికి ముంబై 585 పరుగుల ఆధిక్యంలో ఉంది.అంతకుముందు శార్దూల్‌ ఠాకూర్‌ బంతితో చెలరేగడంతో మేఘాలయా తొలి ఇన్నింగ్స్‌లో 86 పరుగులకే కుప్పకూలింది. శార్దూల్‌ హ్యాట్రిక్‌ సహా 4 వికెట్లు తీయగా.. మోహిత్‌ అవస్థి 3, సిల్డెస్టర్‌ డిసౌజా 2, షమ్స్‌ ములానీ ఓ వికెట్‌ పడగొట్టారు. మేఘాలయా ఇన్నింగ్స్‌లో 10వ నంబర్‌ ఆటగాడు హిమాన్‌ పుఖాన్‌ చేసిన 28 పరుగులే అత్యధికం. శార్దూల్‌ దెబ్బకు మేఘాలయా టాపార్డర్‌కు చెందిన ఐదుగురు బ్యాటర్లు డకౌటయ్యారు. ఈ మ్యాచ్‌లో మేఘాలయా ఓ చెత్త రికార్డును మూటగట్టుకుంది. కేవలం 2 పరుగులకే 6 వికెట్లు కోల్పోయి రంజీ చరిత్రలో అత్యంత ఘోరమైన ప్రదర్శన నమోదు చేసింది. 90ల్లో ఔటైన ఐదుగురు ఆటగాళ్లు..ప్రస్తుతం జరుగుతున్న రంజీ మ్యాచ్‌ల్లో ఏకంగా ఐదు మంది ఆటగాళ్లు 90ల్లో ఔటయ్యారు. వీరిలో ఇద్దరు పరుగు తేడాతో సెంచరీ మిస్‌ అయ్యారు. సౌరాష్ట్ర ఆటగాడు చతేశ్వర్‌ పుజారా, ఢిల్లీ కెప్టెన్‌ ఆయుశ్‌ బదోని 99 పరుగుల వద్ద ఔట్‌ కాగా.. ముంబై కెప్టెన్‌ అజింక్య రహానే 96, రైల్వేస్‌ ఆటగాడు ఉపేంద్ర యాదవ్‌ 95, కర్ణాటక కెప్టెన్‌ మయాంక్‌ అగర్వాల్‌ 91 పరుగుల వద్ద ఔటయ్యారు.

కేరళ స్పిన్నర్‌ జలజ్‌ సక్సేనా(Jalaj Saxena) సంచలన రికార్డు సాధించాడు. రంజీ చరిత్ర(Ranji Trophy)లో ఇంత వరకు ఏ బౌలర్‌కూ సాధ్యం కాని ఓ అరుదైన ఘనత సాధించాడు. అత్యధికంగా పందొమ్మిది వేర్వేరు జట్లపై ఐదు వికెట్ల ప్రదర్శన నమోదు చేసిన క్రికెటర్‌గా ఆల్‌టైమ్‌ రికార్డును తన పేరిట లిఖించుకున్నాడు.కాగా మధ్యప్రదేశ్‌లోని ఇండోర్‌లో జన్మించిన జలజ్‌ సక్సేనా.. దేశవాళీ క్రికెట్లో కేరళ(Keral) జట్టుకు ప్రాతినిథ్యం వహిస్తున్నాడు. ఈ క్రమంలో జనవరి 23న రంజీ ట్రోఫీ 2024-25 ఎడిషన్‌లో రెండో దశ పోటీలు ఆరంభం కాగా... కేరళ తరఫున మరోసారి బరిలోకి దిగాడు. సెకండ్‌ లెగ్‌లో కేరళ తొలుత మధ్యప్రదేశ్‌తో తలపడగా.. జలజ్‌ ఈ మ్యాచ్‌లో మొత్తంగా మూడు వికెట్లు మాత్రమే తీశాడు.సల్మాన్‌ నిజార్‌ భారీ శతకంఇక ఈ మ్యాచ్‌ ఫలితం తేలకుండానే ముగియగా.. తాజాగా కేరళ బిహార్‌తో తలపడుతోంది. ఎలైట్‌ గ్రూప్‌- ‘సి’లో భాగంగా తిరువనంతపురంలో గురువారం మొదలైన ఈ మ్యాచ్‌లో టాస్‌ గెలిచిన కేరళ తొలుత బ్యాటింగ్‌ చేసింది. తొలి ఇన్నింగ్స్‌లో 351 పరుగులకు ఆలౌట్‌ అయింది. సల్మాన్‌ నిజార్‌ భారీ శతకం(150) బాదడంతో కేరళ ఈ మేరకు స్కోరు చేయగలిగింది.జలజ్‌కు ఐదు వికెట్లుఈ క్రమంలో బ్యాటింగ్‌కు దిగిన బిహార్‌ జట్టుకు జలజ్‌ సక్సేనా చుక్కలు చూపించాడు. 7.1 ఓవర్ల బౌలింగ్‌లో 19 పరుగులు ఇచ్చి ఏకంగా ఐదు వికెట్లు కూల్చాడు. ఓపెనర్‌ షర్మాన్‌ నిగ్రోథ్‌(6)తో పాటు.. సకీబుల్‌ గనీ(0), బిపిన్‌ సౌరభ్‌(4), కెప్టెన్‌ వీర్‌ ప్రతాప్‌ సింగ్‌(0), హర్ష్‌ సింగ్‌(5) వికెట్లను తన ఖాతాలో వేసుకున్నాడు.జలజ్‌ సక్సేనాకు తోడుగా ఎండీ నిధీశ్‌ , వైశాఖ్‌ చంద్రన్‌, ఆదిత్య సర్వాటే రాణించారు. నిధీశ్‌ రెండు, వైశాఖ్‌, ఆదిత్య ఒక్కో వికెట్‌ తీశారు. ఈ క్రమంలో మొదటి ఇన్నింగ్స్‌లో 64 పరుగులకే బిహార్‌ కుప్పకూలింది. దీంతో తొలి ఇన్నింగ్స్‌లో కేరళకు ఏకంగా 287 పరుగుల ఆధిక్యం లభించింది.కాగా జలజ్‌ సక్సేనా రంజీల్లో ఐదు వికెట్ల ప్రదర్శన నమోదు చేసిన ప్రత్యర్థి జట్లలో బిహార్‌ పందొమ్మిదవది కావడం విశేషం. ఇంతకుముందు పంకజ్‌ సింగ్‌ రంజీల్లో పద్దెనిమిది జట్లపై ఐదు వికెట్ల హాల్‌ సాధించగా.. తాజాగా జలజ్‌ అతడిని అధిగమించాడు.400కు పైగా వికెట్లురంజీ ట్రోఫీలో జలజ్‌ సక్సేనాకు గొప్ప రికార్డు ఉంది. ఇప్పటి వరకు అతడు 416కు పైగా వికెట్లు తీశాడు. తద్వారా టోర్నీ చరిత్రలో అత్యధిక వికెట్ల వీరుల జాబితాలో టాప్‌-10లో నిలిచాడు. ఇక ఇటీవలే అతడు రంజీల్లో ఆరు వేల పరుగుల మైలురాయిని కూడా అధిగమించాడు.ఈ క్రమంలో రంజీల్లో ఈ మేర పరుగులు రాబట్టడంతో పాటు నాలుగు వందలకు పైగా వికెట్లు తీసిన తొలి ఆల్‌రౌండర్‌గా చరిత్రకెక్కాడు. ఇక 2005లో స్వరాష్ట్రం మధ్యప్రదేశ్‌ తరఫున తొలిసారి రంజీ బరిలో దిగిన జలజ్‌.. 2016-17 సీజన్‌ నుంచి కేరళ జట్టుకు ఆడుతున్నాడు.రంజీల్లో అత్యధిక జట్లపై ఐదు వికెట్ల ప్రదర్శన నమోదు చేసిన ఆటగాళ్లు వీరే👉జలజ్‌ సక్సేనా- 19👉పంకజ్‌ సింగ్‌- 18👉సునిల్‌ జోషి- 16👉ఆర్‌. వినయ్‌ కుమార్‌- 16👉షాబాజ్‌ నదీం- 16👉ఆదిత్య సర్వాటే-16. చదవండి: చరిత్ర సృష్టించిన సౌరాష్ట్ర బ్యాటర్‌.. రంజీల్లో ఆల్‌టైమ్‌ రికార్డు

‘కింగ్‌’ రాకతో రంజీ(Ranji Match)లకు కూడా కళొచ్చింది. పుష్కర కాలం తర్వాత రికార్డుల రారాజు రంజీ బరిలో దిగగానే అభిమానం కట్టలు తెంచుకుని స్టేడియం కిక్కిరిసిపోయింది. అంతర్జాతీయ మ్యాచ్‌ జరుగుతుందా అన్న స్థాయిలో ఫస్ట్‌క్లాస్‌ మ్యాచ్‌ను ప్రత్యక్షంగా వీక్షించేందుకు దాదాపు ఇరవై ఏడు వేల మంది తరలివచ్చారు. సూపర్‌స్టార్‌ బ్యాటింగ్‌ చేస్తే చూడాలని ఆశగా రెండో రోజు వరకు వేచి చూశారు.కానీ వారి ఆశలపై ‘రన్‌మెషీన్’ నీళ్లు చల్లాడు. పట్టుమని పది పరుగులు కూడా చేయకుండానే క్రీజును వీడాడు. తన వైఫల్యాల పరపరంపర కొనసాగిస్తూ భారంగా నిష్క్రమించాడు. దీంతో స్టేడియమంతా ఒక్కసారిగా మూగబోయింది. తమ అభిమాన ఆటగాడు మైదానం వీడుతుంటే అంతా నిరాశగా అతడి వైపు చూస్తూ ఉండిపోయారు.ఆసీస్‌ గడ్డపై విఫలంగత కొంతకాలంగా టెస్టుల్లో విఫలమవుతున్న భారత క్రికెట్‌ దిగ్గజం విరాట్‌ కోహ్లి(Virat Kohli).. ఆస్ట్రేలియా పర్యటన సందర్భంగా ఫామ్‌లోకి వచ్చినట్లే కనిపించాడు. బోర్డర్‌- గావస్కర్‌ ట్రోఫీ(Border- Gavaskar Trophy)లో భాగంగా పెర్త్‌లో జరిగిన తొలి టెస్టులో శతకం బాది టచ్‌లోకి వచ్చిన ఈ కుడిచేతి వాటం బ్యాటర్‌.. ఆ తర్వాత మాత్రం అదే జోరును కొనసాగించలేకపోయాడు.ముఖ్యంగా ఆఫ్‌ స్టంప్‌ దిశగా వెళ్తున్న బంతిని ఆడబోయిన ప్రతిసారీ ఆసీస్‌ బౌలర్ల చేతికి ఇచ్చి వికెట్‌ సమర్పించుకున్నాడు కోహ్లి. ఈ క్రమంలో ‘కింగ్‌’ పనైపోయిందంటూ విమర్శలు వెల్లువెత్తాయి. దేశవాళీ క్రికెట్‌ బరిలోకి దిగి మునుపటి లయను అందుకోవాలనే సూచనలు వచ్చాయి.తొలిరోజు ఫీల్డింగ్‌కే పరిమితమైన కోహ్లిఈ క్రమంలో సొంతజట్టు ఢిల్లీ తరఫున రైల్వేస్‌తో మ్యాచ్‌ సందర్భంగా విరాట్‌ కోహ్లి రంజీల్లో పునరాగమనం చేశాడు. సొంత మైదానం అరుణ్‌ జైట్లీ స్టేడియంలో గురువారం మొదలైన ఈ మ్యాచ్‌ను చూసేందుకు జనం పోటెత్తారు. వాళ్లంతా వచ్చింది కేవలం కోహ్లిని చూడటానికే అని ప్రత్యేకంగా చెప్పాల్సిన పనిలేదు.Cameras 📸. Posters 🖼️ Chants 🗣️Cheers 👏A fantastic reception for @imVkohli as he walks out to bat 🔥#RanjiTrophy | @IDFCFIRSTBankScorecard ▶️ https://t.co/IhwXam37gl pic.twitter.com/FXnCSzmOfC— BCCI Domestic (@BCCIdomestic) January 31, 2025 అయితే, ఈ మ్యాచ్‌లో టాస్‌ గెలిచిన ఢిల్లీ తొలుత బౌలింగ్‌ ఎంచుకోగా.. తొలిరోజు కోహ్లి ఫీల్డింగ్‌కే పరిమితమయ్యాడు. తనదైన శైలిలో ప్రేక్షకులను ఉత్సాహపరుస్తూ సందడి చేశాడు. ఇక ఆయుశ్‌ బదోని సారథ్యంలోని ఢిల్లీ జట్టు.. రైల్వేస్‌ను తొలి ఇన్నింగ్స్‌లో 241 పరుగులకు ఆలౌట్‌ చేసింది. అనంతరం గురువారమే బ్యాటింగ్‌కు దిగిన ఢిల్లీ.. మొదటి రోజు ఆట ముగిసే సమయానికి 10 ఓవర్లలో ఒక వికెట్‌ నష్టపోయి 41 పరుగులు చేసింది.ఒకే ఒక్క ఫోర్‌ఈ క్రమంలో రెండో రోజైన శుక్రవారం ఆట సందర్భంగా కోహ్లి క్రీజులోకి వచ్చాడు. నాలుగో స్థానంలో బ్యాటింగ్‌కు దిగిన అతడు పదిహేను బంతులు ఎదుర్కొని కేవలం ఒకే ఒక్క ఫోర్‌ సాయంతో ఆరు పరుగులు మాత్రమే చేసి అవుటయ్యాడు. రైల్వేస్‌ పేసర్‌ హిమాన్షు సంగ్వాన్‌ బౌలింగ్‌లో షాట్‌ ఆడబోయి.. క్లీన్‌బౌల్డ్‌ అయ్యాడు. బౌలర్‌ దెబ్బకు కోహ్లి ఆఫ్‌ స్టంప్‌ ఎగిరిపోయింది. దీంతో రైల్వేస్‌ జట్టు సంబరాలు అంబరాన్నంటగా.. ప్రేక్షకులంతా ఒక్కసారిగా సైలెంట్‌ అయిపోయారు. ఇక కోహ్లి రంజీ రీఎంట్రీలో అభిమానులను తీవ్రంగా నిరాశపరిచి పెవిలియన్‌ బాట పట్టిన దృశ్యాలు నెట్టింట వైరల్‌గా మారాయి. ఇదిలా ఉంటే.. 40 ఓవర్లు పూర్తయ్యేసరికి ఢిల్లీ నాలుగు వికెట్ల నష్టానికి 163 పరుగులే చేసింది.చదవండి: చరిత్ర సృష్టించిన సౌరాష్ట్ర బ్యాటర్‌.. రంజీల్లో ఆల్‌టైమ్‌ రికార్డుHarish Sangwan Knocked Out Virat King Kohli , At The Score of 6 (Full Crowd Reaction + Celebration) #ViratKohli𓃵 | #ViratKohli pic.twitter.com/QBHLRfsLKb— 𝐒𝐑𝐈𝐉𝐀𝐍 🇮🇹 (@LegendDhonii) January 31, 2025

రంజీ ట్రోఫీ 2024-25లో భాగంగా రాజ్‌కోట్ వేదిక‌గా అస్సాంతో జ‌రుగుతున్న మ్యాచ్‌లో సౌరాష్ట్ర దిగ్గజం ఛతేశ్వర్ పుజారా(Cheteshwar Pujara)ను దుర‌దృష్టం వెంటాడింది. తొలి ఇన్నింగ్స్‌లో పుజారా ఒక్క పరుగు దూరంలో 67వ ఫస్ట్ క్లాస్‌ సెంచరీని మిస్‌ చేసుకున్నాడు.పుజారా 99 పరుగుల వద్ద ముక్తర్ హూస్సేన్ బౌలింగ్‌లో ఔటయ్యాడు. ఏ బ్యాటర్‌కైనా ఒక్క పరుగు దూరంలో ఔటైతే ఆ బాధ వర్ణనాతీతం. ఈ డూ ఆర్ డై మ్యాచ్‌లో తన అద్భుత ఇన్నింగ్స్‌తో సౌరాష్ట్రను పటిష్ట స్ధితిలో ఉంచాడు. 167 బంతుల్లో 10 ఫోర్ల సాయంతో 99 పరుగులు చేసి పుజారా పెవిలియన్‌కు చేరాడు.కాగా తొలి ఇన్నింగ్స్‌లో సౌరాష్ట్ర భారీ స్కోర్ దిశగా సాగుతోంది. 109 ఓవ‌ర్లు ముగిసే స‌రికి 7 వికెట్ల న‌ష్టానికి సౌరాష్ట్ర 442 ప‌రుగులు చేసింది. సౌరాష్ట్ర ఇన్నింగ్స్‌లో హర్విక్‌ దేశాయ్‌(130), చిరాగ్‌ జానీ(80) రాణించారు.ఫ‌స్ట్‌క్లాస్ క్రికెట్‌లో అదుర్స్‌..ఇక ఇప్పటివర​కు 276 ఫస్ట్‌క్లాస్‌ మ్యాచ్‌లు ఆడిన పుజారా.. 51.89 సగటుతో 21174 పరుగులు చేశాడు. అతడి ఫస్ట్‌క్లాస్‌ కెరీర్‌లో 66 సెంచరీలు, 80 హాఫ్‌ సెంచరీలు ఉన్నాయి. అదేవిధంగా టెస్టు క్రికెట్‌లో ఇప్పటివరకు 103 మ్యాచ్‌లు ఆడిన ఛతేశ్వర్‌.. 43.60 సగటుతో 7195 పరుగులు చేశాడు.అతడి ఇన్నింగ్స్‌లలో 19 సెంచరీలు, 35 హాఫ్‌సెంచరీలు ఉన్నాయి. పుజారా చివరగా భారత్‌ తరపున 2023 ఏడాదిలో ఆస్ట్రేలియాతో జరిగిన డబ్ల్యూటీసీ ఫైనల్లో ఆడాడు.పాపం రహానే..మరోవైపు మేఘాలయతో జరుగుతున్న ముంబై కెప్టెన్‌ అజింక్య రహానే(Ajinkya Rahane) కూడా తృటిలో సెంచరీ చేసే అవకాశాన్ని కోల్పోయాడు. రెండో ఇన్నింగ్స్‌లో 96 పరుగుల వద్ద రహానే ఔటయ్యాడు. నఫీస్ సిద్ధిక్ బౌలింగ్‌లో భారీ షాట్‌కు ప్రయత్నించి రహానే తన వికెట్‌ను కోల్పోయాడు. ముంబై తొలి ఇన్నింగ్స్‌లో 76 ఓవర్లు ముగిసే సరికి 3 వికెట్ల నష్టానికి 258 పరుగులు చేసింది. రహానే టీమ్‌ ప్రస్తుతం 172 పరుగుల ఆధిక్యంలో కొనసాగుతోంది. అంతకముందు మేఘాలయ తమ తొలి ఇన్నింగ్స్‌లో కేవలం 86 పరుగులకే కుప్పకూలింది.చదవండి: దినేష్ కార్తీక్ విధ్వంసం.. హ్యాట్రిక్ సిక్స్‌ల‌తో హాఫ్ సెంచ‌రీ! వీడియో

ప్రతిష్టాత్మక దేశవాళీ క్రికెట్‌ టోర్నమెంట్‌ రంజీ ట్రోఫీలో ఆంధ్ర ఆఫ్‌స్పిన్నర్‌ త్రిపురణ విజయ్‌ (5/62) విజృంభించాడు. ఫలితంగా ఎలైట్‌ గ్రూప్‌ ‘బి’లో భాగంగా రాజస్తాన్‌తో జరుగుతున్న ఆఖరి లీగ్‌ మ్యాచ్‌లో ఆంధ్ర జట్టు మెరుగైన ప్రదర్శన కనబరిచిందిటాస్‌ గెలిచి మొదట బ్యాటింగ్‌ ఎంచుకున్న రాజస్తాన్‌ జట్టు తొలి ఇన్నింగ్స్‌లో 79.5 ఓవర్లలో 258 పరుగుల వద్ద ఆలౌటైంది. అభిజీత్‌ తోమర్‌ (188 బంతుల్లో 94; 11 ఫోర్లు, 1 సిక్స్‌) శతకం చేజార్చుకోగా... మానవ్‌ సుతార్‌ (104 బంతుల్లో 54; 8 ఫోర్లు) హాఫ్‌సెంచరీతో ఆకట్టుకున్నాడు.కెప్టెన్‌ మహిపాల్‌ లోమ్రర్‌ (2)తో పాటు కార్తీక్‌ శర (13), సమర్పత్‌ జోషి (8) విఫలమయ్యారు. ఆంధ్ర బౌలర్లలో విజయ్‌ 5 వికెట్లు పడగొట్టగా... సత్యనారాయణ రాజు రెండు వికెట్లు తీశాడు. పృథ్వీ రాజ్, శశికాంత్, వినయ్‌ కుమార్‌ తలా ఒక వికెట్‌ ఖాతాలో వేసుకున్నారు. అనంతరం తొలి ఇన్నింగ్స్‌ ప్రారంభించిన ఆంధ్ర జట్టు 8 ఓవర్లలో వికెట్‌ నష్టపోకుండా 49 పరుగులు చేసింది. ఓపెనర్లు వంశీకృష్ణ (23 బంతుల్లో 18 బ్యాటింగ్‌; 3 ఫోర్లు), శ్రీకర్‌ భరత్‌ (23 బంతుల్లో 26 బ్యాటింగ్‌; 5 ఫోర్లు) క్రీజులో ఉన్నారు. చేతిలో 10 వికెట్లు ఉన్న ఆంధ్ర జట్టు... ప్రత్యర్థి తొలి ఇన్నింగ్స్‌ స్కోరుకు ఇంకా 209 పరుగులు వెనుకబడి ఉంది.ఢిల్లీకి ఆడనన్న విజయ్‌..కాగా శ్రీకాకుళంకు చెందిన త్రిపురణ విజయ్(Tripurana Vijay) తొలిసారి ఐపీఎల్‌కు ఎంపికయ్యాడు. ఐపీఎల్‌-2025 మెగా వేలంలో విజయ్‌ను రూ.30 లక్షలకు ఢిల్లీ క్యాపిటల్స్ కొనుగొలు చేసింది. విజయ్‌, 9 ఫస్ట్‌ క్లాస్‌ మ్యాచుల్లో 23 వికెట్లు తీసి, 166 పరుగులు సాధించాడు. రంజీ, కూచ్‌బెహర్‌ ట్రోఫీల్లోనూ రాణించాడు. ప్రస్తుతం ముస్తాక్‌ అలీ టోర్నీలోనూ మంచిగా రాణిస్తున్నాడు. ఈ క్ర‌మంలోనే ఢిల్లీ అత‌డిని త‌మ జ‌ట్టులోకి తీసుకుంది.చదవండి: ఆస్ట్రేలియా ప్రపంచ రికార్డు.. టీమిండియాను వెనక్కి నెట్టి టాప్‌లోకి!

సౌరాష్ట్ర వెటరన్‌ క్రికెటర్‌ షెల్డన్‌ జాక్సన్‌(Sheldon Jackson) సరికొత్త చరిత్ర సృష్టించాడు. రంజీ ట్రోఫీ(Ranji Trophy) టోర్నీలో అత్యధిక సిక్సర్లు(Highest Six Hitter) బాదిన ఆటగాడిగా రికార్డు సాధించాడు. అసోంతో మ్యాచ్‌ సందర్భంగా షెల్డన్‌ జాక్సన్‌ ఈ ఘనత సాధించాడు. కాగా దేశవాళీ ఫస్ట్‌క్లాస్‌ క్రికెట్‌ టోర్నమెంట్‌ రంజీ ట్రోఫీ తాజా ఎడిషన్‌ రెండో దశ పోటీలు జనవరి 23న మొదలయ్యాయి.ఇందులో భాగంగా ఎలైట్‌ గ్రూప్‌-డిలో ఉన్న సౌరాష్ట్ర.. తొలుత ఢిల్లీతో తలపడి పది వికెట్ల తేడాతో ఘన విజయం సాధించింది. ఈ క్రమంలో తమ రెండో మ్యాచ్‌లో గురువారం అసోంతో రాజ్‌కోట్‌ వేదికగా రెండో మ్యాచ్‌ మొదలుపెట్టింది. ఇందులో టాస్‌ గెలిచిన ఆతిథ్య సౌరాష్ట్ర తొలుత బ్యాటింగ్‌ ఎంచుకుంది.అదిరిపోయే ఆరంభంఈ క్రమంలో ఓపెనర్లు హర్విక్‌ దేశాయ్‌, చిరాగ్‌ జైనీ అదిరిపోయే ఆరంభం అందించారు. వికెట్‌ కీపర్‌ బ్యాటర్‌ హర్విక్‌ శతకంతో చెలరేగాడు. 181 బంతులు ఎదుర్కొని 17 ఫోర్లతో రాణించి.. 130 పరుగులు చేశాడు. మరోవైపు.. చిరాగ్‌ 78 బంతుల్లోనే 80 పరుగులతో సత్తా చాటాడు.144వ సిక్సర్‌ఇక వన్‌డౌన్‌ బ్యాటర్‌ ఛతేశ్వర్‌ పుజారా కూడా బ్యాట్‌ ఝులిపించగా.. నాలుగో స్థానంలో వచ్చిన షెల్డన్‌ జాక్సన్‌ కూడా కాసేపు అలరించాడు. మొత్తంగా 86 బంతులు ఎదుర్కొన్న ఈ కుడిచేతి వాటం బ్యాటర్‌ 48 పరుగులు చేశాడు. అతడి ఇన్నింగ్స్‌లో ఐదు ఫోర్లతో పాటు ఒక సి​క్సర్‌ ఉంది. కాగా రంజీల్లో జాక్సన్‌కు ఇది 144వ సిక్సర్‌.ఆల్‌టైమ్‌ రికార్డుఈ క్రమంలోనే 38 ఏళ్ల షెల్డన్‌ జాక్సన్‌ రంజీల్లో ఆల్‌టైమ్‌ రికార్డును సొంతం చేసుకున్నాడు. రంజీ చరిత్రలో అత్యధిక సిక్స్‌లు బాదిన క్రికెటర్‌గా అరుదైన ఘనత సాధించాడు. అంతకు ముందు ఈ రికార్డు టీమిండియా మాజీ వికెట్‌ కీపర్‌ బ్యాటర్‌ నమన్‌ ఓజా పేరిట ఉండేది. అతడు రంజీల్లో 143 సిక్సర్లు కొట్టాడు. తాజాగా షెల్డన్‌ జాక్సన్‌ నమన్‌ ఓజాను అధిగమించాడు.పటిష్ట స్థితిలో సౌరాష్ట్రఇక సౌరాష్ట్ర- అసోం మ్యాచ్‌ విషయానికొస్తే.. తొలి రోజు ఆట ముగిసే సరికి సౌరాష్ట్ర 90 ఓవర్ల ఆట పూర్తి చేసుకుని.. కేవలం మూడు వికెట్ల నష్టానికి 361 పరుగులు సాధించింది. గురువారం ఆట పూర్తయ్యేసరికి ఛతేశ్వర్‌ పుజారా 95, అర్పిత్‌ వసవాడ 8 పరుగులతో క్రీజులో ఉన్నారు. కాగా అర్ధ శతకానికి రెండు పరుగుల దూరంలో ఉన్న వేళ షెల్డన్‌ జాక్సన్‌.. టీమిండియా యువ సంచలనం రియాన్‌ పరాగ్‌ బౌలింగ్‌లో బౌల్డ్‌ కావడం గమనార్హం.అద్బుతమైన రికార్డులు ఉన్నాఇదిలా ఉంటే.. రంజీల్లో షెల్డన్‌ జాక్సన్‌కు అద్బుతమైన రికార్డు ఉంది. సౌరాష్ట్ర తరఫున ఈ వికెట్‌ కీపర్‌ బ్యాటర్‌ ఇప్పటి వరకు 6600కు పైగా పరుగులు సాధించాడు. తద్వారా సితాన్షు కొటక్‌, ఛతేశ్వర్‌ పుజారా తర్వాత సౌరాష్ట్ర తరఫున ఈ ఘనత సాధించిన మూడో క్రికెటర్‌గా కొనసాగుతున్నాడు.ఇప్పటి వరకు షెల్డన్‌ జాక్సన్‌ ఖాతాలో 21 ఫస్ట్‌క్లాస్‌ సెంచరీలు ఉండటం విశేషం. 2019-20 సీజన్‌లో సౌరాష్ట్ర తొలిసారి రంజీ ట్రోఫీ టైటిల్‌ గెలిచిన విషయం తెలిసిందే. నాటి టోర్నీలో 809 పరుగులతో రాణించి సౌరాష్ట్ర ట్రోఫీ సొంతం చేసుకోవడంలో జాక్సన్‌ కీలక పాత్ర పోషించాడు. సెమీ ఫైనల్‌తో కలిపి మొత్తంగా నాడు మూడు శతకాలు బాదాడు.ఇటీవలే గుడ్‌బైఅంతేకాదు.. 2022-23లో రెండోసారి సౌరాష్ట్ర రంజీ ట్రోఫీ గెలిచినపుడు కూడా.. జాక్సన్‌ 588 రన్స్‌ చేశాడు. సెమీస్‌ మ్యాచ్‌లో ఏకంగా 160 పరుగులతో చెలరేగడం విశేషం. అయితే, అతడికి ఒక్కసారి కూడా టీమిండియా తరఫున ఆడే అవకాశం రాలేదు. ఇక పరిమిత ఓవర్ల ఆటలోనూ మెరుగైన రికార్డు కలిగి ఉన్న షెల్డన్‌ జాక్సన్‌ ఇటీవలే వైట్‌బాల్‌ క్రికెట్‌కు వీడ్కోలు పలికాడు. లిస్ట్‌-ఏ క్రికెట్‌లో 86 మ్యాచ్‌లు ఆడిన షెల్డన్‌ జాక్సన్‌ 2792 పరుగులు చేశాడు. ఇందులో తొమ్మిది శతకాలు, 14 అర్ధ శతకాలు ఉన్నాయి.చదవండి: ఆస్ట్రేలియా ప్రపంచ రికార్డు.. టీమిండియాను వెనక్కి నెట్టి టాప్‌లోకి!

ఇటీవలికాలంలో చెప్పుకోదగ్గ ప్రదర్శనలు ఇవ్వలేక ఛాంపియన్స్‌ ట్రోఫీ జట్టులో చోటు దక్కించుకోలేకపోయిన టీమిండియా పేసర్‌ మొహమ్మద్‌ సిరాజ్‌ (Mohammed Siraj).. ప్రస్తుతం జరుగుతున్న రంజీ మ్యాచ్‌లోనూ (Ranji Trophy) ఆకట్టుకోలేకపోయాడు. చాలాకాలం తర్వాత హైదరాబాద్‌ (Hyderabad) తరఫున రంజీ బరిలోకి దిగిన సిరాజ్‌.. విదర్భతో జరుగుతున్న మ్యాచ్‌లో ఒకే ఒక వికెట్‌కు పరిమితమయ్యాడు. భారీ అంచనాలతో ఈ మ్యాచ్‌ బరిలోకి దిగిన సిరాజ్‌ అతి సాధారణ బౌలర్‌లా బౌలింగ్‌ చేశాడు. కొత్త బంతితో మ్యాజిక్‌ చేసే సిరాజ్‌ ఈ మ్యాచ్‌లో తన తొలి 15 ఓవరల్లో ఒక్క వికెట్‌ కూడా తీయలేకపోయాడు. ఈ మ్యాచ్‌లో అతనికి దక్కిన ఏకైక వికెట్‌ చివరి స్పెల్‌లో లభించింది. ఈ మ్యాచ్‌ జరుగుతున్న నాగ్‌పూర్‌ పిచ్‌ పేసర్లకు సహకరించలేదా అంటే అదేమీ లేదు. సిరాజ్‌ సహచర పేసర్లు చింట్ల రక్షన్‌ రెడ్డి, చామ మిలింద్‌ కలిపి ఐదు వికెట్లు తీశారు. ఈ మ్యాచ్‌లో సిరాజ్‌ రాణించకపోయినా మిగతా బౌలర్లు రాణించి విదర్భను 190 పరుగులకే ఆలౌట్‌ చేశారు. రక్షన్‌ రెడ్డి, అనికేత్‌ రెడ్డి తలో మూడు వికెట్లు పడగొట్టగా.. చామ మిలింద్‌ రెండు, తనయ్‌ త్యాగరాజన్‌ ఓ వికెట్‌ దక్కించుకున్నారు. విదర్భ ఇన్నింగ్స్‌లో హర్ష్‌ దూబే (46 బంతుల్లో 65; 7 ఫోర్లు, 4 సిక్సర్లు) ఒక్కడే అర్ద సెంచరీతో రాణించాడు. మెరుపు అర్ద సెంచరీ చేసి జోష్‌ మీదున్న హర్ష్‌ దూబేను ఔట్‌ చేయడమే సిరాజ్‌కు ఊరట కలిగించే అంశం. విదర్భ ఇన్నింగ్స్‌లో హర్ష్‌తో పాటు అక్షయ్‌ వాద్కర్‌ (29), దనిష్‌ మలేవార్‌ (13), పార్థ్‌ రేఖడే (23), యశ్‌ రాథోడ్‌ (16), యశ్‌ ఠాకూర్‌ (17) రెండంకెల స్కోర్లు చేశారు. ఇటీవలికాలంలో ఫార్మాట్లకతీతంగా పరుగుల వరద పారించిన కరుణ్‌ నాయర్‌ (3) ఈ మ్యాచ్‌లో విఫలమయ్యాడు. అనంతరం బ్యాటింగ్‌కు దిగిన హైదరాబాద్‌ 1.3 ఓవర్లలో వికెట్‌ నష్టపోకుండా 13 పరుగులు చేసింది. అభిరథ్‌ రెడ్డి 5 బంతుల్లో 3 ఫోర్ల సాయంతో 12 పరుగులు చేసి బ్యాటింగ్‌ను కొనసాగిస్తున్నాడు. తన్మయ్‌ అగర్వాల్‌ ఒక్క పరుగుతో క్రీజ్‌లో ఉన్నాడు.బీజీటీలోనూ అంతంతమాత్రమే..!ఇటీవల ముగిసిన బోర్డర్‌ గవాస్కర్‌ ట్రోఫీలో టీమిండియా ప్రధాన బౌలర్‌గా చలామణి అయిన సిరాజ్‌.. ఆ సిరీస్‌లో పెద్దగా రాణించలేకపోయాడు. ఈ సిరీస్‌లో సిరాజ్‌ 5 మ్యాచ్‌ల్లో 20 వికెట్లు తీసినప్పటికీ.. జట్టు విజయానికి అతని ప్రదర్శనలు ఏమాత్రం అక్కరకు రాలేదు. బీజీటీలో సిరాజ్‌ బుమ్రా కంటే ఎక్కువ ఓవర్లు బౌలింగ్‌ చేశాడు. అయినా అతని నుంచి ఆశించిన ఫలితాలు రాలేదు. 2023 ఆరంభంలో మంచి ఫామ్‌లో ఉండిన సిరాజ్‌ ఆతర్వాత కొంత కాలం పాటు తన ఫామ్‌ను కొనసాగించగలిగాడు. 2023 నుంచి ఇప్పటివరకు 57 అంతర్జాతీయ మ్యాచ్‌లు ఆడిన సిరాజ్‌ 27.89 సగటున 104 వికెట్లు తీశాడు. ఈ మధ్యకాలంలో అతను మూడు ఐదు వికెట్ల ప్రదర్శనలు నమోదు చేశాడు. 2023 నుంచి ఇప్పటివరకు 683.5 ఓవర్లు వేసిన సిరాజ్‌.. ఈ మధ్యకాలంలో అత్యధిక ఓవర్లు వేసిన భారత పేసర్‌గా గుర్తింపు తెచ్చుకున్నాడు.

మేఘాలయ బ్యాట‌ర్లు దారుణ ప్ర‌ద‌ర్శ‌న క‌న‌బ‌రిచారు. టాస్ ఓడి తొలుత బ్యాటింగ్‌కు దిగిన మేఘాలయ త‌మ మొదటి ఇన్నింగ్స్‌లో కేవ‌లం 86 ప‌రుగులకే ఆలౌటైంది. ఆరంభంలోనే ముంబై స్టార్ ఆల్‌రౌండ‌ర్ శార్ధూల్‌ ఠాకూర్‌(Shardul Thakur) హ్యాట్రిక్ వికెట్ల‌ను ప‌డ‌గొట్టి దెబ్బ‌తీశాడు. అతడి ధాటికి మేఘాల‌య కేవ‌లం 2 ప‌రుగుల‌కే 6 వికెట్లు కోల్పోయింది. ఈ క్ర‌మంలో మేఘాల‌య అత్యంత చెత్త రికార్డును త‌మ పేరిట లిఖించుకుంది.152 ఏళ్ల ఫ‌స్ట్ క్లాస్ క్రికెట్ హిస్ట‌రీలోనే తొలి ఆరు వికెట్లకు అత్య‌ల్ప స్కోర్ చేసిన రెండో జ‌ట్టుగా మేఘాల‌య నిలిచింది. ఈ చెత్త రికార్డు సాధించిన జాబితాలో ఎసీసీ క్రికెట్ క్ల‌బ్ అగ్ర‌స్ధానంలో ఉంది. 1872లో లార్డ్స్‌లో స‌ర్రేతో జ‌రిగిన మ్యాచ్‌లో ఎంసీసీ ఖాతా తెర‌వ‌కుండానే తొలి 6 వికెట్ల‌ను కోల్పోయింది. ఈ లిస్ట్‌లో ఎంసీసీ, మేఘాల‌య త‌ర్వాతి స్ధానాల్లో ఆక్స్‌ఫర్డ్ యూనివర్సిటీ (3-6), లీసెస్టర్‌షైర్(4-6), నార్తాంప్టన్‌షైర్(4-6) ఉన్నాయినాలుగేసిన శార్ధూల్‌..ఇక ఈ మ్యాచ్‌లో శార్థూల్ ఠాకూర్ హ్యాట్రిక్ వికెట్ల‌తో మెరిశాడు. మేఘాల‌య ఇన్నింగ్స్ మూడో ఓవ‌ర్ వేసిన లార్డ్ శార్ధూల్‌.. బి అనిరుధ్, సుమిత్ కుమార్, జస్కిరత్‌లను వ‌రుస బంతుల్లో ఔట్ చేశాడు. ఓవ‌రాల్‌గా 11 ఓవ‌ర్లు బౌలింగ్ చేసిన ఠాకూర్‌.. 43 ప‌రుగులిచ్చి 4 వికెట్ల‌ను ప‌డ‌గొట్టాడు.అత‌డితో పాటు మొహిత్ అవ‌స్థి మూడు, సిల్వ‌స్ట‌ర్ డిసౌజా రెండు , షామ్స్ ములానీ ఒక్క వికెట్ సాధించారు. మేఘాల‌య బ్యాట‌ర్ల‌లో టెయిలాండ‌ర్ హీమ్యాన్‌(28) ప‌రుగుల‌తో టాప్ స్కోర‌ర్‌గా నిలిచాడు.చదవండి: RT 2025: హ్యాట్రిక్‌తో చెలరేగిన శార్ధూల్‌.. టీమిండియాలోకి రీ ఎంట్రీకి సిద్దం

చాలాకాలం తర్వాత రంజీ (Ranji Trophy) బరిలోకి దిగిన కేఎల్‌ రాహుల్‌ (KL Rahul) తొలి ఇన్నింగ్స్‌లోనే నిరాశపరిచాడు. హర్యానాతో ఇవాళ (జనవరి 30) మొదలైన మ్యాచ్‌లో రాహుల్‌ 26 పరుగులకే ఔటయ్యాడు. ఈ ఇన్నింగ్స్‌లో రాహుల్‌కు మంచి ఆరంభం లభించినా సద్వినియోగం చేసుకోలేకపోయాడు. రాహుల్‌ 37 బంతుల్లో 4 సొగసైన బౌండరీలు బాది మాంచి టచ్‌లో ఉన్నట్లు కనిపించాడు. అయితే అన్షుల్‌ కంబోజ్‌ ఓ సాధారణ బంతితో రాహుల్‌ను బోల్తా కొట్టించాడు. వికెట్‌కీపర్‌ రోహిత్‌ శర్మకు క్యాచ్‌ ఇచ్చి రాహుల్‌ నిరాశగా పెవిలియన్‌ బాట పట్టాడు.కాగా, ఈ మ్యాచ్‌లో రాహుల్‌ బరిలోకి దిగే సమయంలో అభిమానుల కేరింతలతో స్టేడియం దద్దరిల్లింది. ఈ మ్యాచ్‌ రాహుల్‌ సొంత మైదానమైన చిన్నస్వామి స్టేడియంలో (బెంగళూరు) జరుగుతుంది. సొంత మైదానంలో రాహుల్‌ను చూసేందుకు పెద్ద ఎత్తున జనం హాజరయ్యారు. రాహుల్‌ నుంచి భారీ ఇన్నింగ్స్‌ ఆశించి వచ్చిన అభిమానులకు నిరాశే ఎదురైంది. ఈ ఇన్నింగ్స్‌లో తొలుత రాహుల్‌ను చూసి అభిమానులు హ్యాపీగా ఫీలయ్యారు. వరుస పెట్టి బౌండరీలు బాదడంతో భారీ స్కోర్‌ చేయడం ఖాయమని అనుకున్నారు. అయితే వారి ఆశలు అడియాశలయ్యాయి. సూపర్‌ టచ్‌లో కనిపించిన రాహుల్‌ కనీసం హాఫ్‌ సెంచరీ కూడా చేయకుండానే నిష్క్రమించాడు.ఈ మ్యాచ్‌లో హర్యానా టాస్‌ గెలిచి కర్ణాటకను బ్యాటింగ్‌కు ఆహ్వానించింది. 17 పరుగుల వ్యక్తిగత స్కోర్‌ వద్ద కేవీ అవనీశ్‌ ఔట్‌ కావడంతో కర్ణాటక 45 పరుగుల వద్ద తొలి వికెట్‌ కోల్పోయింది. అనంతరం బరిలోకి దిగిన రాహుల్‌.. మయాంక్‌ అగర్వాల్‌తో కలిసి రెండో వికెట్‌కు 54 పరుగులు జోడించాడు. రాహుల్‌ ఔటయ్యాక దేవ్‌దత్‌ పడిక్కల్‌ క్రీజ్‌లోకి వచ్చాడు. ఈ లోగా మయాంక్‌ హాఫ్‌ సెంచరీ పూర్తి చేసుకున్నాడు. 40 ఓవర్ల అనంతరం కర్ణాటక స్కోర్‌ 121/2గా ఉంది. మయాంక్‌ 63, పడిక్కల్‌ 9 పరుగులతో క్రీజ్‌లో ఉన్నారు. రాహుల్‌ను ఔట్‌ చేసిన కంబోజ్‌ అనీశ్‌ను కూడా పెవిలియన్‌కు పంపాడు.బీజీటీలోనూ నిరాశపరిచిన రాహుల్‌రాహుల్‌ ఇటీవలికాలంలో వరుసగా విఫలమవుతున్నాడు. తాజాగా ముగిసిన బోర్డర్‌ గవాస్కర్‌ ట్రోఫీలో రాహుల్‌ 5 టెస్ట్‌ల్లో కేవలం 2 హాఫ్‌ సెంచరీలు మాత్రమే చేశాడు. గాయాలు, ఫామ్‌ లేమి కారణంగా రాహుల్‌ ఇటీవలికాలంలో తరుచూ జట్టులోకి వస్తూ పోతున్నాడు. రాహుల్‌ టీ20 జట్టులో చోటు కోల్పోయి చాలాకాలమైంది. వన్డేల్లోనూ రాహుల్‌ అడపాదడపా ప్రదర్శనలే చేస్తున్నాడు. రాహుల్‌కు బీజీటీ 2024-25లో ఐదు టెస్ట్‌లు ఆడే అవకాశం దక్కినా పెద్దగా ఆకట్టుకోలేకపోయాడు. తొలి టెస్ట్‌ సెకెండ్‌ ఇన్నింగ్స్‌లో (77).. మూడో టెస్ట్‌ తొలి ఇన్నింగ్స్‌లో (84) మాత్రమే రాహుల్‌ రాణించాడు.

టీమిండియా స్టార్‌ ఆటగాడు విరాట్‌ కోహ్లి 13 ఏళ్ల సుదీర్ఘ విరామం తర్వాత రంజీ బరిలోకి దిగాడు. రైల్వేస్‌తో ఇవాళ (జనవరి 30) మొదలైన మ్యాచ్‌లో కోహ్లి ఢిల్లీ తరఫున ఆడుతున్నాడు. కోహ్లి సొంత మైదానమైన అరుణ్‌ జైట్లీ స్టేడియంలో ఈ మ్యాచ్‌ జరుగుతుంది. ఈ మ్యాచ్‌లో ఢిల్లీ టాస్‌ గెలిచి తొలుత ఫీల్డింగ్‌ ఎంచుకుంది. 🚨 15,748 ATTENDANCE ON DAY 1 IN DELHI vs RAILWAYS MATCH AT ARUN JAITLEY STADIUM 🚨 (Vipul Kashyap).- The Craze of King Kohli..!!!! 🐐🔥 pic.twitter.com/5yMvhgbcKU— Tanuj Singh (@ImTanujSingh) January 30, 2025చాలాకాలం తర్వాత కోహ్లి సొంత మైదానంలో రంజీ మ్యాచ్‌ ఆడుతుండటంతో అతన్ని చూసేందుకు జనం పోటెత్తారు. గతంలో ఎన్నడూ లేని విధంగా ఈ మ్యాచ్‌ చూసేందుకు 15 వేల పైచిలుకు జనం హాజరయ్యారు. సాధారణంగా రంజీ మ్యాచ్‌ చూసేందుకు ఈ స్థాయిలో జనం రారు. THE CRAZE & AURA OF VIRAT KOHLI. 🐐- The Scenes at Arun Jaitley stadium at the moment. 🔥 pic.twitter.com/Cym5H3EM8z— Tanuj Singh (@ImTanujSingh) January 30, 2025కోహ్లిని తమ సొంత మైదానంలో చూసేందుకు అభిమానులు ఇవాళ తెల్లవారుజాము నుంచే బారులు తీరారు. మ్యాచ్‌ ప్రారంభం కాగానే స్టేడియం మొత్తం కిక్కిరిసిపోయింది. కోహ్లి నామస్మరణతో అరుణ్‌ జైట్లీ స్టేడియం మార్మోగిపోయింది. స్టేడియంలోకి ప్రవేశం ఉచితం కావడంతో జనాలను అదుపు చేయడం పోలీసుల వల్ల కావడం లేదు. స్కూలు విద్యార్థులు సైతం భారీ సంఖ్యలో హాజరయ్యారు. KING KOHLI IS AN EMOTION..!!!! 🐐- The Moments fan entered the ground and touched Virat Kohli's feet. 🥹❤️ pic.twitter.com/RsSgFKeK2t— Tanuj Singh (@ImTanujSingh) January 30, 2025మైదానంలోకి ప్రవేశించిన అభిమాని.. కోహ్లికి పాదాభివందనంకోహ్లి ఫీల్డింగ్‌ చేస్తుండగా ఓ అభిమాని స్టేడియంలోకి జోరబడ్డాడు. సెక్యూరిటీని తప్పించుకుని కోహ్లికి పాదాభివందనం చేశాడు. అనంతరం సెక్యూరిటీ అతన్ని అదుపులోకి తీసుకుని దండించే ప్రయత్నం చేసింది. అయితే కోహ్లి వారిని వారించి సదరు అభిమానిని వదిలి పెట్టాలని కోరాడు. SCHOOL KIDS COMING & CRAZY FOR VIRAT KOHLI AT ARUN JAITLEY STADIUM. 🔥 (Vipul Kashyap).pic.twitter.com/gYH6eGXoHU— Tanuj Singh (@ImTanujSingh) January 30, 2025ఈ మ్యాచ్‌లో కోహ్లిని చూసేందుకు ఢిల్లీ నుంచే కాక చుట్టుపక్కల ప్రాంతాల నుంచి కూడా అభిమానులు వచ్చారు. ఓ అభిమాని ఆంధ్ర నుంచి వచ్చి కోహ్లిని చూస్తూ తరించాడు. కోహ్లిని చూసేందుకు ఇంకా జనాలు వస్తున్నారు. అభిమానులను కంట్రోల్‌ చేయడం కోహ్లి వల్ల కాకపోవడంతో పారా మిలిటరీ రంగంలోకి దిగింది. గతంలో ఓ రంజీ మ్యాచ్‌ చూసేందుకు ఈ స్థాయిలో ప్రేక్షకులు ఎప్పుడూ రాలేదని వ్యాఖ్యాతలు అంటున్నారు. తొక్కిసలాట.. పలువురికి గాయాలుఓ దశలో స్టేడియంలోకి వచ్చేందుకు పెద్ద సంఖ్యలో జనం ఒక్కసారిగా ఎగబడ్డారు. ఈ సమయంలో తొక్కిసలాట జరిగింది. పలువురు గాయాలపాలయ్యారు. ప్రస్తుతం పరిస్థితి అదుపులో ఉంది. పోలీసులు, పారా మిలిటరీ ఒక్కొక్కరిని స్టేడియంలోకి పంపిస్తున్నారు. ఎంట్రీ ఉచితం కావడంతోనే అభిమానులు ఈ స్థాయిలో పోటెత్తారని పోలీసులు అంటున్నారు. ఈ మ్యాచ్‌ను జియో సినిమాలో ప్రత్యక్ష ప్రసారం చేస్తున్నారు.Fan Frenzy Gets Out of Control! 🚨 Heavy rush at Arun Jaitley Stadium leaves supporters injured during Kohli’s return!Click here to view: https://t.co/OYRAcmpXHN pic.twitter.com/07mrfIxr6T— CricTracker (@Cricketracker) January 30, 2025మ్యాచ్‌ విషయానికొస్తే.. తొలుత బౌలింగ్‌ చేస్తున్న ఢిల్లీ.. రైల్వేస్‌పై పట్టు సాధించింది. ఢిల్లీ బౌలర్లు మనీ గ్రేవాల్‌ (8-1-14-2), సిద్దాంత్‌ శర్మ (6-1-25-2), నవ్‌దీప్‌ సైనీ (10-1-31-1) చెలరేగడంతో రైల్వేస్‌ 27 ఓవర్లలో 87 పరుగులు మాత్రమే చేసి 5 వికెట్లు కోల్పోయింది. వికెట్‌కీపర్‌ ఉపేంద్ర యాదవ్‌ (27), కర్ణ్‌ శర్మ (2) క్రీజ్‌లో ఉన్నారు.Fans started gathering at Arun Jaitley stadium from 3 AM night to see Virat Kohli's Ranji Match. 🥶 (RevSportz).- King Kohli, The Biggest Crowd Puller in this Sports. 🐐pic.twitter.com/y9j2JuxfBU— Tanuj Singh (@ImTanujSingh) January 30, 2025ఫస్ట్‌క్లాస్‌ క్రికెట్‌లోనూ అదిరిపోయే ట్రాక్‌ రికార్డుఅంతర్జాతీయ స్థాయిలో అద్భుతమైన ట్రాక్‌ రికార్డు కలిగిన విరాట్‌ కోహ్లికి ఫస్ట్‌ క్లాస్‌ క్రికెట్‌లోనూ అదిరిపోయే రికార్డు ఉంది. ఫస్ట్‌ క్లాస్‌ క్రికెట్‌లో ఢిల్లీకు ప్రాతినిథ్యం వహించే విరాట్‌.. ఆ జట్టు తరఫున 40 ఇన్నింగ్స్‌లు ఆడి 52.66 సగటున 1843 పరుగులు చేశాడు. ఇందులో 6 శతకాలు, 6 అర్ద శతకాలు ఉన్నాయి. కోహ్లి చిన్న వయసులోనే జాతీయ జట్టులోకి ప్రవేశించడంతో ఫస్ట్‌క్లాస్‌ క్రికెట్‌ పెద్దగా ఆడలేకపోయాడు.

రంజీ ట్రోఫీ 2024-25 సీజ‌న్‌లో ముంబై స్టార్ ఆల్‌రౌండ‌ర్, టీమిండియా వెటరన్‌ శార్దూల్ ఠాకూర్(Shardul Thakur) త‌న సూప‌ర్ ఫామ్‌ను కొన‌సాగిస్తున్నాడు. ఈ టోర్నీలో భాగంగా శరద్ పవార్ క్రికెట్ అకాడమీ వేదిక‌గా మేఘాలయతో జ‌రుగుతున్న మ్యాచ్‌లో శార్ధూల్ హ్యాట్రిక్ వికెట్ల‌తో మెరిశాడు.ముంబై బౌలింగ్ ఎటాక్‌ను ప్రారంభించిన శార్దూల్ తొలి ఓవ‌ర్‌లోనే మేఘాలయ ఓపెనర్‌ నిశాంత చక్రవర్తిని డకౌట్‌ చేసి పెవిలియన్‌కు పంపాడు. ఆ త‌ర్వాత మ‌ళ్లీ మూడో ఓవ‌ర్ వేసిన లార్డ్ శార్ధూల్‌.. బి అనిరుధ్, సుమిత్ కుమార్, జస్కిరత్‌లను వ‌రుస బంతుల్లో ఔట్ చేశాడు.దీంతో తొలి ఫ‌స్ట్‌క్లాస్ క్రికెట్ హ్యాట్రిక్‌ను ఠాకూర్ త‌న ఖాతాలో వేసుకున్నాడు. అత‌డి దెబ్బ‌కు మేఘాల‌య కేవ‌లం 2 ప‌రుగుల‌కే 6 వికెట్లు కోల్పోయి పీక‌ల్లోతు క‌ష్టాల్లో ప‌డింది. మేఘాలయ కెప్టెన్ ఆకాష్ చౌదరి(14), ప్రింగ్సాంగ్ సంగ్మా(18) ఇన్నింగ్స్‌ను చ‌క్క‌దిద్దే ప్ర‌య‌త్నం చేస్తున్నారు. 15 ఓవర్లకు మేఘాలయ 6 వికెట్ల నష్టానికి 39 పరుగులు చేసింది.కాగా ఈ మ్యాచ్ కంటే ముందు జ‌మ్మూ అండ్ కాశ్మీర్‌తో జరిగిన మ్యాచ్‌లో శార్ధూల్ ఠాకూర్ సెంచ‌రీతో మెరిశాడు. ఎనిమిదో స్ధానంలో బ్యాటింగ్‌కు వ‌చ్చిన శార్ధూల్ వ‌న్డే త‌ర‌హాలో త‌న సెంచ‌రీ మార్క్‌ను అందుకున్నాడు. రోహిత్ శర్మ,జైశ్వాల్‌,రహానే, శ్రేయస్ అయ్యర్‌​ విఫలమైన చోట, ఠాకూర్ అద్బుతమైన సెంచరీతో మెరిశాడు. శార్దూల్ 119 బంతుల్లో 17 ఫోర్ల సాయంతో 113 ప‌రుగులు చేశాడు. అంతకుముందు మ్యాచ్‌లో కూడా హాఫ్ సెంచరీతో ఈ ముంబై క్రికెటర్ రాణించాడు.టీమిండియాలోకి రీ ఎంట్రీ ఇస్తాడా?లార్డ్ ఠాకూర్ గత 14 నెలలగా జాతీయ జట్టుకు దూరంగా ఉంటున్నాడు. ఠాకూర్‌ చివరగా భారత్‌ తరుపున 2023లో సౌతాఫ్రికాపై టెస్టు మ్యాచ్‌లో ఆడాడు. ఆ తర్వాత పేలవ ఫామ్‌తో జట్టులో చోటు కోల్పోయాడు. అయితే శార్ధూల్‌ తన రిథమ్‌ను తిరిగి పొందాడు. దేశవాళీ క్రికెట్‌లో అద్బుతమైన ప్రదర్శన కనబరుస్తున్నాడు. ఈ ఏడాది ఇంగ్లండ్ పర్యటనతో శార్ధూల్ తిరిగి జట్టులోకి వచ్చే ఛాన్స్ ఉంది. అతడికి టెస్టుల్లో ఇంగ్లండ్ గడ్డపై అద్బుతమైన రికార్డు ఉంది. ఈ క్రమంలోనే ఇంగ్లండ్‌తో టెస్టులకు అతడిని ఎంపిక చేసే అవకాశమున్నట్లు బీసీసీఐ వర్గాలు వెల్లడించాయి.చదవండి: SA 20: వారెవ్వా.. క్రికెట్ చ‌రిత్ర‌లోనే సూప‌ర్ క్యాచ్‌! వీడియో వైర‌ల్‌

న్యూఢిల్లీ: అంతర్జాతీయ క్రికెట్‌లో టన్నులకొద్దీ పరుగులు చేసిన భారత స్టార్‌ క్రికెటర్‌ విరాట్‌ కోహ్లి 2012 తర్వాత దేశవాళీ బాట పట్టాడు. రంజీ ట్రోఫీ చివరి లీగ్‌ మ్యాచ్‌లో ఆడేందుకు కోహ్లి సిద్ధమయ్యాడు. ఎలైట్‌ గ్రూప్‌ ‘డి’లో భాగంగా రైల్వేస్‌తో గురువారం నుంచి ప్రారంభం కానున్న పోరులో కోహ్లి ఢిల్లీ జట్టు తరఫున బరిలోకి దిగుతున్నాడు.గ్రూప్‌ దశలో ఆడిన 6 మ్యాచ్‌ల్లో కేవలం ఒక్క దాంట్లోనే గెలిచిన ఢిల్లీ జట్టుకు నాకౌట్‌ చేరే అవకాశాలు పెద్దగా లేకపోయినా... కోహ్లి బరిలోకి దిగుతుండటంతో ఫలితంతో సంబంధం లేకుండా ... తమ ఆరాధ్య ఆటగాడిని చూసేందుకు భారీగా అభిమానులు మైదానానికి తరలి రానున్నారు. గత ఆరో రౌండ్‌ మ్యాచ్‌ల్లో ఆడిన భారత క్రికెటర్లు రిషభ్‌ పంత్, రోహిత్‌ శర్మ, యశస్వి జైస్వాల్, శ్రేయస్‌ అయ్యర్‌ తదితరులు ఆకట్టుకోలేకపోగా... ఐసీసీ చాంపియన్స్‌ ట్రోఫీకి ముందు కోహ్లి భారీ ఇన్నింగ్స్‌ ఆడితే చూడాలని అభిమానులు ఆశ పడుతున్నారు. ఈ మ్యాచ్‌ను ప్రత్యక్ష ప్రసారం చేసేందుకు ఏర్పాట్లు పూర్తి కాగా... ఢిల్లీ జట్టుకు ఆయుశ్‌ బదోనీ సారథ్యం వహిస్తున్నాడు. ‘ఐపీఎల్‌లో కోహ్లీకి ప్రత్యర్థిగా ఆడాను. ఇప్పుడు నా నాయకత్వంలో వరుస మ్యాచ్‌ల్లో పంత్, కోహ్లి లాంటి దిగ్గజాలు ఆడటం గొప్ప గౌరవంగా భావిస్తున్నా. కోహ్లి నాలుగో స్థానంలోనే బ్యాటింగ్‌ చేస్తాడు. అనవసర ఒత్తిడికి లోను కాకుండా స్వేచ్ఛగా ఆడమని కోహ్లి మాకు సూచించాడు’ అని బదోనీ అన్నాడు. కేఎల్‌ రాహుల్‌ కఠోర సాధన చాన్నాళ్ల తర్వాత రంజీ బరిలోకి దిగనున్న భారత ఆటగాడు కేఎల్‌ రాహుల్‌ బుధవారం ప్రాక్టీస్‌ సెషన్‌ లో పాల్గొన్నాడు. ఎలైట్‌ గ్రూప్‌ ‘సి’లో భాగంగా నేటి నుంచి బెంగళూరులో హరియాణా జట్టుతో తలపడనున్న కర్ణాటక జట్టులో రాహుల్‌ బరిలోకి దిగనున్నాడు. నెట్‌ సెషన్‌లో తీవ్రంగా శ్రమించిన రాహుల్‌... స్పిన్, పేస్‌ అనే తేడా లేకుండా అందరి బౌలింగ్‌లోనూ సుదీర్ఘంగా ప్రాక్టీస్‌ చేశాడు. ఐసీసీ చాంపియన్స్‌ ట్రోఫీకి ఎంపిక చేసిన జట్టులో స్థానం దక్కించుకున్న రాహుల్‌... ఈ మ్యాచ్‌లో మెరుగైన ప్రదర్శన చేసి తన జట్టును రంజీ ట్రోఫీలో నాకౌట్‌ దశకు చేర్చాలని భావిస్తున్నాడు. సిరాజ్‌ పాత బంతితో ప్రాక్టీస్‌ గత మ్యాచ్‌లో స్టార్‌ ఆటగాళ్లతో బరిలోకి దిగి కూడా జమ్మూ కశ్మీర్‌ జట్టు చేతిలో ఓటమి పాలైన ముంబై జట్టు... ఎలైట్‌ గ్రూప్‌ ‘ఎ’ చివరి లీగ్‌ మ్యాచ్‌లో మేఘాలయాతో పోరుకు సిద్ధమైంది. రికార్డు స్థాయిలో 42 సార్లు రంజీ ట్రోఫీ విజేతగా నిలిచిన ముంబై నాకౌట్‌ చేరాలంటే ఈ మ్యాచ్‌లో బోనస్‌ పాయింట్‌ విజయం సాధించడంతో పాటు ... ఇతర మ్యాచ్‌ల ఫలితాలు కూడా అనుకూలించాల్సిన పరిస్థితి నెలకొంది. ఇంగ్లండ్‌తో వన్డే సిరీస్‌ నేపథ్యంలో రోహిత్, యశస్వి, శ్రేయస్‌ అయ్యర్‌ ఈ మ్యాచ్‌కు దూరంగా ఉండనున్నారు. మరి రహానే సారథ్యంలోని ముంబై టీమ్‌ ఎలాంటి ప్రదర్శన కనబరుస్తుందో చూడాలి. ఎలైట్‌ గ్రూప్‌ ‘బి’లో భాగంగా విదర్భతో జరగనున్న మ్యాచ్‌లో హైదరాబాద్‌ తరఫున మొహమ్మద్‌ సిరాజ్‌ బరిలోకి దిగనున్నాడు. ఈ గ్రూప్‌ నుంచి విదర్భ ఇప్పటికే నాకౌట్‌ బెర్త్‌ దక్కించు కోగా... హైదరాబాద్‌కు అవకాశాలు లేవు. అయితే ఐసీసీ చాంపియన్స్‌ ట్రోఫీకి ఎంపిక చేసిన భారత జట్టులో చోటు దక్కించుకోలేకపోయిన హైదరాబాదీ సిరాజ్‌ ఎలాంటి ప్రదర్శన కనబరుస్తాడనేది కీలకం. పాత బంతితో సిరాజ్‌ పెద్దగా ప్రభావం చూపలేకపోతుండటంతోనే అతడిని ఎంపిక చేయలేదని రోహిత్‌ ఇటీవల పేర్కొన్న నేపథ్యంలో... ప్రాక్టీస్‌లో ఈ హైదరాబాదీ మెరుపు తగ్గిన బంతితో సాధన చేశాడు. గ్రూప్‌ ‘బి’లోనే ఉన్న ఆంధ్ర జట్టు విజయనగరం వేదికగా రాజస్తాన్‌తో ఆడనుంది.

న్యూఢిల్లీ: భారత స్టార్‌ క్రికెటర్‌ విరాట్‌ కోహ్లి 2012 తర్వాత దేశవాళీ టోర్నీ రంజీ ట్రోఫీ బరిలోకి దిగనున్నాడు. ఇటీవలి కాలంలో ఫామ్‌లేమితో పాటు షాట్‌ సెలెక్షన్‌ విషయంలో పదే పదే పొరబాట్లు చేస్తూ విమర్శలు ఎదుర్కొంటున్న కోహ్లి... ఐసీసీ చాంపియన్స్‌ ట్రోఫీకి ముందు రంజీ మ్యాచ్‌ ద్వారా ఆత్మవిశ్వాసం పెంపొందించుకోవాలని చూస్తున్నాడు. ఈ నేపథ్యంలో గురువారం నుంచి రైల్వేస్‌తో ప్రారంభం కానున్న రంజీ మ్యాచ్‌లో కోహ్లి ఢిల్లీ తరఫున ఆడనున్నాడు. చివరిసారిగా 2012లో ఉత్తరాఖండ్‌తో జరిగిన రంజీ మ్యాచ్‌లో ఆడిన కోహ్లి... ఆ తర్వాత అంతర్జాతీయ షెడ్యూల్‌ కారణంగా దేశవాళీ మ్యాచ్‌లకు దూరమయ్యాడు. అయితే జాతీయ జట్టుకు ప్రాతినిధ్యం వహించాలంటే దేశవాళీల్లో ఆడాల్సిందే అని ఇటీవల భారత క్రికెట్‌ నియంత్రణ మండలి (బీసీసీఐ) ప్లేయర్లను హెచ్చరించడంతో స్టార్‌ ఆటగాళ్లు కూడా రంజీ బాటపట్టారు. టీమిండియా కెప్టెన్ రోహిత్‌ శర్మ, శుబ్‌మన్‌ గిల్, యశస్వి జైస్వాల్, రవీంద్ర జడేజా, శ్రేయస్‌ అయ్యర్‌ ఆరో రౌండ్‌ రంజీ మ్యాచ్‌ల్లో ఆడగా... రేపటి నుంచి ప్రారంభం కానున్న ఈ సీజన్‌ చివరి లీగ్‌ మ్యాచ్‌ల్లో కోహ్లితో పాటు కర్ణాటక తరఫున కేఎల్‌ రాహుల్, హైదరాబాద్‌ తరఫున మొహమ్మద్‌ సిరాజ్‌ కూడా ఆడుతున్నారు. మంగళవారం ఢిల్లీ జట్టుతో కలిసి కోహ్లి ప్రాక్టీస్‌ సెషన్‌లో పాల్గొన్నాడు. ఆద్యంతం ఉత్సాహంగా కనిపించిన కోహ్లి ... కోచ్‌లతో చర్చిస్తూ కుర్రాళ్లలో ఉత్సాహం నింపుతూ సందడి చేశాడు. కోహ్లి... ‘కడీ చావల్‌’ కెరీర్‌ ఆరంభంలో ఢిల్లీ జట్టు తరఫున ఎన్నో మ్యాచ్‌లు ఆడిన విరాట్‌... తిరిగి 13 ఏళ్ల తర్వాత ఆ డ్రెస్సింగ్‌రూమ్‌లో అడుగు పెట్టాడు. ప్రస్తుతం ఢిల్లీ జట్టులో ఉన్న నవ్‌దీప్‌ సైనీ మినహా మిగిలిన 17 మంది ప్లేయర్లు కేవలం టీవీల్లో మాత్రమే చూసిన స్టార్‌ ఆటగాడితో కలిసి ప్రాక్టీస్‌ చేశారు. ఫిరోజ్‌ షా కోట్లా మైదానంలో ‘చీకూ’గా మొదలైన విరాట్‌ కోహ్లి ప్రస్థానం... దినదిన ప్రవర్ధమానంగా ఎదుగుతూ ‘కింగ్‌’ వరకు చేరింది. ఢిల్లీ హెడ్‌ కోచ్‌ శరణ్‌దీప్‌ సింగ్, బ్యాటింగ్‌ కోచ్‌ బంటూ సింగ్‌ పర్యవేక్షణలో విరాట్‌ ప్రాక్టీస్‌ సాగించాడు. భారత అండర్‌–19 జట్టుకు కోహ్లి కెప్టెన్‌గా వ్యవహరించిన సమయంలో కోచ్‌గా పనిచేసి, ప్రస్తుత జట్టుకు మేనేజర్‌గా పనిచేస్తున్న మహేశ్‌ భాటీ విరాట్‌ కోసం ప్రత్యేక ఏర్పాట్లు చేసినట్లు వెల్లడించారు. ‘అతడేం మారలేదు. అప్పుడెలా ఉన్నాడో ఇప్పుడూ అలాగే ఉన్నాడు. విరాట్‌కు ‘ఛోళే పూరీ’ బాగా ఇష్టమని అతడి కోసం అవి తెప్పించాం. కానీ ఇప్పుడు తినడంలేదని విరాట్‌ చెప్పాడు’ అని మహేశ్‌ పేర్కొన్నాడు. ప్రాక్టీస్‌ అనంతరం ప్లేయర్లతో కలిసి ‘కడీ చావల్‌’ (పప్పన్నం) తిన్నాడని వెల్లడించాడు. మొదట ఈ మ్యాచ్‌ను ప్రత్యక్ష ప్రసారం చేయాలని నిర్ణయించకపోయినా... విరాట్‌ క్రేజ్‌ను దృష్టిలో పెట్టుకొని జియో సినిమా లైవ్‌కు సంబంధించిన ఏర్పాట్లు చేస్తోంది. కుర్రాళ్లతో కలిసి... ఉదయం తొమ్మిది గంటలకు ఖరీదైన పోర్షే కారులో మైదానానికి చేరుకున్న విరాట్‌... ఒక్కసారి ప్రాక్టీస్‌ ప్రారంభించాక నిత్యవిద్యార్థిలా శ్రమించాడు. తొలుత 35 నిమిషాల పాటు ప్లేయర్లతో కలిసి వార్మప్‌ చేసిన కోహ్లి... ఆ తర్వాత 15 నిమిషాల పాటు ఫుట్‌బాల్‌ ఆడాడు. ఆ తర్వాత నెట్‌ సెషన్‌ ప్రారంభమైంది. ఆ సమయంలో ఢిల్లీ రంజీ జట్టు కెప్టెన్‌ ఆయుశ్‌ బదోనీ వద్దకు వెళ్లిన కోహ్లి... ‘ఆయుశ్‌ నువ్వు ముందు బ్యాటింగ్‌ చేయి. ఆ తర్వాత మనిద్దరం స్థానాలు మార్చుకుందాం’ అని చెప్పాడు. స్టార్‌ ఆటగాళ్లు రంజీల్లో ఆడనున్న నేపథ్యంలో ఢిల్లీ క్రికెట్‌ బోర్డు రిషబ్‌ పంత్‌తో పాటు విరాట్‌ కోహ్లికి కెపె్టన్సీ చేపట్టాలని కోరగా... ఈ ఇద్దరూ దాన్ని సున్నితంగా తిరస్కరించారు. దీంతో ఐపీఎల్‌ మెరుపులతో వెలుగులోకి వచ్చిన ఆయుశ్‌ బదోనీ ఢిల్లీ జట్టుకు నాయకత్వం వహిస్తున్నాడు. నెట్స్‌లో గంటకు పైగా ప్రాక్టీస్‌ చేసిన విరాట్‌... త్రోడౌన్స్‌ వేయించుకొని పుల్‌ షాట్లు సాధన చేశాడు. పేసర్లు నవ్‌దీప్‌ సైనీ, రాహుల్‌ గెహ్లాట్, సిద్ధాంత్‌ శర్మ, మోనీ గ్రెవాల్, స్పిన్నర్లు హర్‌‡్ష త్యాగి, సుమిత్‌ మాథుర్‌ను సునాయాసంగా ఎదుర్కొన్న కోహ్లి బ్యాక్‌ఫుట్‌పై ఎక్కువ షాట్లు ఆడే ప్రయత్నం చేశాడు. అలాగే ఆఫ్‌ వికెట్‌ లైన్‌ బంతులను ఎక్కువగా వదిలేశాడు. కోహ్లికి కబీర్‌ ఆసక్తికర ప్రశ్న! మంగళవారం విరాట్‌ ప్రాక్టీస్‌ చేస్తున్న సమయంలో గ్రౌండ్‌లో ఆసక్తికర సంఘటన చోటు చేసుకుంది. కోహ్లి సాధన ముగించుకొని వెళ్తున్న సమయంలో నాలుగో తరగతి చదువుతున్న ఓ కుర్రాడు... ‘విరాట్‌ అంకుల్‌’ అంటూ పిలవడంతో అటు వైపు వెళ్లిన కోహ్లి అతడితో సుదీర్ఘంగా ముచ్చటించి కీలక సూచనలు చేశాడు. ఆ కుర్రాడి పేరు కబీర్‌ కాగా... అతడి తండ్రి ఒకప్పుడు విరాట్‌ కోహ్లీతో కలిసి ఢిల్లీ అండర్‌–17, అండర్‌–19 జట్లకు ఆడిన షావేజ్‌. భారత జట్టుకు ఆడాలంటే ఏం చేయాలని కబీర్‌ ప్రశ్నించగా... ‘కఠోర సాధన చేయాలి. ప్రాక్టీస్‌ ఎప్పుడూ వదిలేయొద్దు. మీ నాన్న నిన్ను ప్రాక్టీస్‌కు వెళ్లు అని చెప్పకూడదు. నువ్వే నాన్నా నేను గ్రౌండ్‌కు వెళ్తున్నా అని చెప్పాలి’ అని కోహ్లి సూచించాడు.

టీమిండియా స్టార్ ప్లేయ‌ర్ విరాట్ కోహ్లి(Virat Kohli) రంజీ ట్రోఫీ పున‌రాగ‌మానికి స‌మయం అస‌న్న‌మైంది. రంజీ ట్రోఫీ 2024-25లో భాగంగా అరుణ్‌జైట్లీ స్టేడియం వేదిక‌గా గురువారం నుంచి రైల్వేస్‌తో ప్రారంభం కానున్న మ్యాచ్‌లో ఢిల్లీ త‌రపున కోహ్లి బ‌రిలోకి దిగనున్నాడు.2012లో చివ‌ర‌గా ఢిల్లీ త‌ర‌పున ఆడిన విరాట్‌.. మ‌ళ్లీ ఇప్పుడు పుష్క‌ర‌కాలం త‌ర్వాత త‌న రాష్ట్రానికి ప్రాతినిథ్యం వ‌హించ‌నున్నాడు. ఇందుకోసం ఇప్ప‌టికే జ‌ట్టుతో క‌లిసిన కింగ్ కోహ్లి త‌న ప్రాక్టీస్‌ను షురూ చేశాడు. న్యూ ఢిల్లీలోని అరుణ్ జైట్లీ స్టేడియంలో ప్రాక్టీస్ సెషన్‌లో కోహ్లి త‌న స‌హాచ‌ర‌ల‌తో క‌లిసి తీవ్రంగా ప్రాక్టీస్ చేస్తున్నాడు.Virat Kohli is playing a circle football game with the Delhi Ranji team pic.twitter.com/94Q5n0lNKg— Virat Kohli Fan Club (@Trend_VKohli) January 28, 2025 ఇందుకు సంబంధించిన ఫోటోలు, వీడియోలు సోష‌ల్ మీడియాలో వైర‌ల‌వుతున్నాయి. రైల్వేస్‌తో మ్యాచ్‌కు ఢిల్లీ అండ్ డిస్ట్రిక్ట్ క్రికెట్ అసోసియేషన్ (DDCA) ప్ర‌క‌టించిన జ‌ట్టులో కోహ్లికి చోటు ద‌క్కింది. దీంతో అత‌డు రైల్వేస్‌తో మ్యాచ్‌లో ఆడడం ఖాయ‌మైంది. అంత‌కుముందు జ‌ట్టుతో పాటు త‌ను శిక్షణ పొందేందుకు సిద్దంగా ఉన్నానని ఢిల్లీ హెడ్‌కోచ్ శరణ్‌దీప్ సింగ్‌కు కోహ్లి తెలిపిన‌ట్లు డీడీసీఎ అధికారి చెప్పుకొచ్చారు. కోహ్లి మంచి మ‌నసు..కాగా సౌరాష్ట్ర‌తో జ‌రిగిన మ్యాచ్‌కు ఢిల్లీ జట్టు కెప్టెన్‌గా స్టార్ వికెట్ కీప‌ర్ బ్యాట‌ర్ రిష‌బ్ పంత్ వ్య‌వ‌హ‌రించాడు. అయితే ఇప్పుడు రైల్వేస్‌తో మ్యాచ్‌కు పంత్‌కు డీడీసీఎ సెల‌క్ట‌ర్లు విశ్రాంతి ఇచ్చాడు. ఈ క్ర‌మంలో విరాట్ కోహ్లిని కెప్టెన్‌గా వ్య‌వ‌హ‌రించమ‌ని సెల‌క్ట‌ర్లు అడిగిన‌ట్లు తెలుస్తోంది.#RanjiTrophyVirat Kohli training at the Arun Jaitley Stadium ahead of Delhi’s Ranji match against Railways. 12 years since he last played. pic.twitter.com/pqAhLStTSA— Samreen Razzaqui (@SamreenRazz) January 28, 2025 కానీ కోహ్లి మాత్రం అందుకు తిర‌ష్క‌రించి అయూష్ బ‌దోనిని కెప్టెన్‌గా కొన‌సాగించ‌మ‌ని సూచించిన‌ట్లు స‌మాచారం. దీంతో సెల‌క్ట‌ర్లు రైల్వేస్‌తో మ్యాచ్‌కు ఆయూష్ బ‌దోనిని ఢిల్లీ సారధిగా ఎంపిక చేశారు. బ‌దోని సారథ్యంలో కోహ్లి ఆడ‌నున్నాడు.గ‌త కొంత కాలంగా ఢిల్లీ జ‌ట్టు సార‌థిగా బ‌దోనినే వ్య‌వ‌హ‌రిస్తున్నాడు. అయితే పంత్ రీఎంట్రీ ఇవ్వ‌డంతో కెప్టెన్సీ నుంచి బ‌దోనిని త‌ప్పించారు. ఇప్పడు రైల్వేస్‌తో మ్యాచ్‌కు పంత్‌ దూరం కావడంతో మళ్లీ బదోని కెప్టెన్సీ బాధ్యతలు చేపట్టాడు. కాగా కోహ్లి తీసుకున్న నిర్ణయంపై సర్వాత్ర ప్రశంసల వర్షం కురుస్తోంది. జూనియర్లు గౌరమివ్వడంలో కింగ్‌ ఎప్పుడు ముందుంటాడని ఫ్యాన్స్‌ కొనియాడుతున్నాడు.రంజీల్లో అదుర్స్‌..కాగా రంజీ ట్రోఫీలో విరాట్‌ కోహ్లి మంచి రికార్డు ఉంది. ఇప్పటివరకు 23 రంజీ మ్యాచ్‌లు ఆడిన కోహ్లి.. 50.77 స‌గ‌టుతో 1574 ప‌రుగులు చేశాడు. అత‌డి ఫ‌స్ట్‌క్లాస్ కెరీర్‌లో ఇప్ప‌టివ‌ర‌కు 5 సెంచ‌రీలు ఉన్నాయి. ఇక 12 ఏళ్ల తర్వాత కోహ్లి రంజీల్లో ఆడుతుండడంతో మ్యాచ్‌ను వీక్షించేందుకు ప్రేక్షకులను ఢిల్లీ క్రికెట్‌ అసోషియేషన్‌ ఉచితంగా అనుమతించనుంది.ఢిల్లీ జట్టు: ఆయుష్ బడోని (కెప్టెన్‌), విరాట్ కోహ్లి, సనత్ సాంగ్వాన్, అర్పిత్ రాణా, యశ్ ధుల్, జాంటీ సిద్ధు, హిమ్మత్ సింగ్, నవదీప్ సైనీ, మనీ గ్రేవాల్, హర్ష్ త్యాగి, సిద్ధాంత్ శర్మ, శివం శర్మ, ప్రణవ్ రాజ్‌వంశీ, వైభవ్ కంద్‌పాల్, మయాంక్ గుసైన్, గగన్ వాట్స్ , ఆయుష్ దోసెజా, సుమిత్ మాథుర్, రాహుల్ గహ్లోట్, జితేష్ సింగ్, వంశ్ బేడీ.చదవండి: Rohit Sharma: కొంపదీసి అందుకోసమేనా ఇదంతా?: గావస్కర్‌

టీమిండియా కెప్టెన్‌ రోహిత్‌ శర్మ(Rohit Sharma), మిడిలార్డర్‌ బ్యాటర్‌ శ్రేయస్‌ అయ్యర్‌(Shreyas Iyer)పై భారత క్రికెట్‌ దిగ్గజం సునిల్‌ గావస్కర్‌(Sunil Gavaskar) విమర్శలు గుప్పించాడు. ఈ ఇద్దరు ఏదో మొక్కుబడిగా రంజీలు ఆడుతున్నారే తప్ప.. జట్టును గెలిపించాలనే తపన కనిపించలేదన్నాడు. టెక్నిక్‌తో బ్యాటింగ్‌ చేయాల్సిన చోట.. దూకుడు ప్రదర్శించి వికెట్లు పారేసుకోవడం సరికాదని హితవు పలికాడు.కాగా ఇటీవల భారత టెస్టు జట్టు ఘోర పరాభవాలు చవిచూసిన విషయం తెలిసిందే. స్వదేశంలో న్యూజిలాండ్‌తో 3-0తో వైట్‌వాష్‌ కావడం సహా.. ఆస్ట్రేలియా పర్యటన సందర్భంగా పదేళ్ల తర్వాత తొలిసారి బోర్డర్‌- గావస్కర్‌ ట్రోఫీని చేజార్చుకుంది.కెప్టెన్‌గా, బ్యాటర్‌గా విఫలంఈ రెండు సిరీస్‌లలో కెప్టెన్‌గా, బ్యాటర్‌గా రోహిత్‌ శర్మ దారుణంగా విఫలమయ్యాడు. ముఖ్యంగా ఆసీస్‌ గడ్డపై కనీసం ఒక్క అర్ధ శతకం కూడా సాధించలేకపోయాడు. ఈ నేపథ్యంలో టెస్టు క్రికెట్‌కు ఇక రిటైర్మెంట్‌ ప్రకటించాలంటూ రోహిత్‌కు మాజీ ‍క్రికెటర్ల నుంచి సూచనలు వచ్చాయి.అయితే, ఇప్పట్లో తాను టెస్టు క్రికెట్‌ నుంచి వైదొలగబోనని రోహిత్‌ శర్మ కుండబద్దలు కొట్టాడు. ఈ నేపథ్యంలో భారత క్రికెట్‌ నియంత్రణ మండలి(బీసీసీఐ) నిబంధనల ప్రకారం.. రంజీ ట్రోఫీ బరిలో దిగాడు. సొంతజట్టు ముంబై తరఫున రంజీ రెండో దశ పోటీల్లో భాగంగా జమ్మూ కశ్మీర్‌తో మ్యాచ్‌ ఆడాడు.రంజీల్లోనూ నిరాశేకానీ.. ఇక్కడ కూడా రోహిత్‌ శర్మ తీవ్రంగా నిరాశపరిచాడు. తొలి ఇన్నింగ్స్‌లో మూడు.. రెండో ఇన్నింగ్స్‌లో 28 పరుగులు చేశాడు. మరో టీమిండియా స్టార్‌, ఇప్పటికే బీసీసీఐ సెంట్రల్‌ కాంట్రాక్టు కోల్పోయిన శ్రేయస్‌ అయ్యర్‌ కూడా ఈ మ్యాచ్‌లో విఫలమయ్యాడు.రెండు ఇన్నింగ్స్‌లో వరుసగా 11, 17 పరుగులు మాత్రమే చేశాడు. ఇక ఈ మ్యాచ్‌లో జమ్మూ కశ్మీర్‌ చేతిలో.. డిఫెండింగ్‌ చాంపియన్‌ ముంబై ఐదు వికెట్ల తేడాతో ఓటమిని చవిచూసింది. నిజానికి ముంబై కాస్తైనా పరువు నిలబెట్టుకుందంటే అందుకు లోయర్‌ ఆర్డర్‌ బ్యాటర్లే కారణం.చెలరేగిన శార్దూల్‌, తనుశ్‌తొలి ఇన్నింగ్స్‌లో మెరుపు అర్థ శతకం(57 బంతుల్లో 51) బాదిన పేస్ బౌలింగ్‌ ఆల్‌రౌండర్‌ శార్దూల్‌ ఠాకూర్‌.. రెండో ఇన్నింగ్స్‌లో శతకం(119)తో సత్తా చాటాడు,. ఇక స్పిన్‌ బౌలింగ్‌ ఆల్‌రౌండర్‌ తనుశ్‌ కొటియాన్‌ సైతం 26, 62 పరుగులు చేశాడు. ఇక శార్దూల్‌ ఈ మ్యాచ్‌లో రెండు వికెట్లు కూడా తీశాడు.ఈ నేపథ్యంలో ముంబై మాజీ ఆటగాడు, టీమిండియా మాజీ కెప్టెన్‌ సునిల్‌ గావస్కర్‌ రోహిత్‌ శర్మ, శ్రేయస్‌ అయ్యర్‌ల ఆట తీరుపై ఘాటు వ్యాఖ్యలు చేశాడు. ‘‘ ఈ ఇద్దరూ తమ స్థాయికి తగ్గట్లు ఆడలేదు. అసలు ఆడాలన్న కసి కూడా వారిలో కనిపించలేదు.కొంపదీసి అందుకోసమేనా ఇదంతా?వీళ్లు నిజంగానే రంజీలు ఆడాలనుకున్నారా. లేదంటే.. బీసీసీఐ సెంట్రల్‌ కాంట్రాక్టులు కోల్పోకూడదు, వాటిపై ప్రభావం పడకూడదన్న ఏకైక కారణంతోనే బరిలోకి దిగారా? అనిపించింది. మరోవైపు.. శార్దూల్‌.. తనూశ్‌.. రెడ్‌బాల్‌ క్రికెట్‌లో జాగ్రత్తగా ఆడుతూనే.. దూకుడుగా ఎలా ఉండాలో చూపించారు’’ అని గావస్కర్‌ పేర్కొన్నాడు.ఏదేమైనా రోహిత్‌ శర్మ, యశస్వి జైస్వాల్‌ వంటి టీమిండియా స్టార్లు ఈ టోర్నీలో ఆడటం వల్ల యువ ఆటగాళ్లలో కొత్త ఉత్సాహం నింపిందని గావస్కర్‌ అన్నాడు. వీరి నుంచి ఆయుశ్‌ మాత్రే వంటి వాళ్లు సలహాలు, సూచనలు తీసుకునేందుకు వీలు కలిగిందని పేర్కొన్నాడు.కాగా వరుస సెంచరీలతో జోరు మీదున్న ఆయుశ్‌ మాత్రే.. రోహిత్‌ శర్మ కోసం జట్టులో తన ఓపెనింగ్‌ స్థానాన్ని త్యాగం చేయాల్సి వచ్చింది. మరోవైపు.. యశస్వి జైస్వాల్‌(4, 26) కూడా రోహిత్‌కు ఓపెనింగ్‌ జోడీగా దిగి.. ఈ మ్యాచ్‌లో విఫలమయ్యాడు.చదవండి: Ab De Villiers: సౌతాఫ్రికా కెప్టెన్‌గా డివిలియర్స్‌.. టీ20 టోర్నీతో రీఎంట్రీ

ఆహా... ఎన్నాళ్లకెన్నాళ్లకు... మనస్టార్లు దేశవాళీ బాటపట్టారు. కింగ్‌ కోహ్లి ఢిల్లీ తరఫున ఆడితే... హైదరాబాద్‌కు సిరాజ్‌ పేస్‌ తోడైతే... కేఎల్‌ రాహుల్‌ కర్ణాటకకు జై కొడితే... జడేజా ఆల్‌రౌండ్‌ ఆటతో సౌరాష్టకు ఆడితే అవి రంజీ మ్యాచ్‌లేనా? రసవత్తర మ్యాచ్‌లు కావా? కచ్చితంగా అవుతాయి. తదుపరి రంజీ దశ పోటీలు తారలతో కొత్త శోభ సంతరించుకుంటున్నాయి. అభిమానులకు నాలుగు రోజులూ ఇక క్రికెట్‌ పండగే! చూస్తుంటే గంభీర్‌ సిఫార్సులతో రూపొందించిన భారత క్రికెట్‌ నియంత్రణ మండలి (బీసీసీఐ) కొత్త మార్గదర్శకాలు ఎంతటి స్టార్లయినా దేశవాళీ కోసం తగ్గాల్సిందేనని నిరూపించబోతున్నాయి. న్యూఢిల్లీ: దేశవాళీ రంజీ ట్రోఫీలోని చివరి రౌండ్‌ మ్యాచ్‌లూ పసందుగా సాగనున్నాయి. అభిమాన క్రికెటర్లు నాలుగు రోజుల ఆటకు అందుబాటులోకి రావడమే దేశవాళీ క్రికెట్‌కు సరికొత్త పండగ తెస్తోంది. ఇదివరకు చెప్పినట్టుగానే విరాట్‌ కోహ్లి ఢిల్లీ ఆడే తదుపరి మ్యాచ్‌కు అందుబాటులోకి వచ్చాడు. ఢిల్లీ డి్రస్టిక్ట్స్‌ క్రికెట్‌ సంఘం (డీడీసీఏ) సోమవారం ఈ విషయాన్ని వెల్లడించడమే కాదు... రైల్వేస్‌ జట్టుతో ఈ నెల 30 నుంచి జరిగే పోరుకోసం ఢిల్లీ జట్టును ప్రకటించింది. అందులో కింగ్‌ కోహ్లి ఉండటమే విశేషం. అరుణ్‌ జైట్లీ స్టేడియంలో ఫిబ్రవరి 2వ తేదీ వరకు అతను తన అభిమానులను దేశవాళీ మ్యాచ్‌ ద్వారా అలరించేందుకు సిద్ధమయ్యాడు. కేవలం మ్యాచ్‌ రోజుల్లోనే కాదు... ఢిల్లీ సహచరులతో పాటు కలిసి కసరత్తు చేసేందుకు అతను మంగళవారం జట్టుతో చేరతాడని ఢిల్లీ కోచ్‌ శరణ్‌దీప్‌ సింగ్‌ ధ్రువీకరించారు. కొన్నిరోజులుగా టీమిండియా మాజీ బ్యాటింగ్‌ కోచ్‌ సంజయ్‌ బంగర్‌ (ప్రస్తుత రాయల్‌ చాలెంజర్స్‌ బెంగళూరు కోచ్‌)తో కలిసి బ్యాటింగ్‌లో శ్రమిస్తున్నాడు. ఈ ఫొటోలు, వీడియోలు నెట్టింట తెగ వైరలవుతున్నాయి. ఇప్పుడు రంజీతో అతను రియల్‌గా బ్యాటింగ్‌ చేయనున్నాడు. ఇదే జరిగితే 2012 తర్వాత కోహ్లి రంజీ మ్యాచ్‌ ఆడనున్నాడు. ఈ నేపథ్యంలో డీడీసీఏ తగిన భద్రతా ఏర్పాట్లు చేస్తోంది. సెక్యూరిటీ సిబ్బందిని పెంచింది. ఢిల్లీ పోలీసులకు సమాచారమిచ్చింది. సౌరాష్ట్రతో ఢిల్లీ ఆడిన గత మ్యాచ్‌లో బరిలోకి దిగిన రిషభ్‌ పంత్‌ ఈ మ్యాచ్‌కు అందుబాటులో లేకపోవడం కాస్త వెలతే! కానీ ‘రన్‌ మెషిన్‌’ కోహ్లి శతక్కొట్టే ఇన్నింగ్స్‌ ఆడితే మాత్రం ఆ వెలతి తీరుతుంది. హైదరాబాద్‌ పేస్‌కా బాస్‌... సిరాజ్‌ జస్‌ప్రీత్‌ బుమ్రా, షమీలాంటి అనుభవజ్ఞులతో పాటు భారత జట్టు పేస్‌ దళానికి వెన్నుదన్నుగా నిలుస్తున్న సిరాజ్‌ ఇప్పుడు హైదరాబాద్‌ బలం అయ్యాడు. గురువారం నుంచి నాగ్‌పూర్‌లో విదర్భ జట్టుతో జరిగే ఎలైట్‌ గ్రూప్‌ ‘బి’ మ్యాచ్‌ బరిలోకి దిగుతున్నాడు. నాగ్‌పూర్‌ ట్రాక్‌ పేస్‌కు అవకాశమిచ్చే వికెట్‌. ఈ నేపథ్యంలో హైదరాబాదీ పేసర్‌ మొహమ్మద్‌ సిరాజ్‌ చెలరేగే అవకాశముంది. అతను నిప్పులు చెరిగితే సొంతగడ్డపై విదర్భకు కష్టాలు తప్పవు! సరిగ్గా ఐదేళ్ల క్రితం 2020లో చివరి రంజీ మ్యాచ్‌ కూడా విదర్భతోనే ఆడిన సిరాజ్‌... మళ్లీ ఆ ప్రత్యర్థితోనే దేశవాళీ ఆట ఆడబోతున్నాడు. జడేజా వరుసగా రెండో మ్యాచ్‌ ఎలైట్‌ గ్రూప్‌ ‘డి’లో ఉన్న సౌరాష్ట్ర తరఫున ఈ నెల 23 నుంచి ఢిల్లీతో జరిగిన మ్యాచ్‌ ఆడిన స్టార్, సీనియర్‌ ఆల్‌రౌండర్‌ రవీంద్ర జడేజా ఈ సీజన్‌లో వరుసగా రెండో మ్యాచ్‌ ఆడేందుకు సై అంటున్నాడు. గత మ్యాచ్‌లో అతని ఆల్‌రౌండ్‌ ‘షో’ వల్లే నాలుగు రోజుల మ్యాచ్‌ కాస్త రెండే రోజుల్లో ముగిసింది. రెండు ఇన్నింగ్స్‌ (5/66, 7/38)ల్లో కలిపి 12 వికెట్లు తీసిన జడేజా తొలి ఇన్నింగ్స్‌లో బ్యాటింగ్‌లో 38 పరుగులు కూడా చేశాడు. సౌరాష్ట్ర 10 వికెట్ల తేడాతో ఢిల్లీని ఓడించింది. గురువారం నుంచి అస్సామ్‌తో జరిగే పోరులో మళ్లీ జోరు కనబరచాలనే లక్ష్యంతో రంజీ బరిలోకి దిగుతున్నాడు. అస్సామ్‌ను హిట్టర్‌ రియాన్‌ పరాగ్‌ నడిపిస్తున్నాడు. భుజం గాయం నుంచి కోలుకున్న పరాగ్‌ ఐపీఎల్‌ ద్వారానే అందరికంటా పడ్డాడు. ఫిట్‌నెస్‌తో రాహుల్‌ రెడీ కర్ణాటక తరఫున ఎలైట్‌ గ్రూప్‌ ‘సి’లో పంజాబ్‌తో జరిగిన గత మ్యాచ్‌లోనే కేఎల్‌ రాహుల్‌ ఆడాలనుకున్నాడు. కానీ మోచేతి గాయం కారణంగా ఆ రంజీ పోరు ఆడలేకపోయిన స్టార్‌ ఓపెనర్‌ ఇప్పుడు పూర్తి ఫిట్‌నెస్‌తో హరియాణా జట్టుతో ఢీకొనేందుకు రెడీ అయ్యాడు. రాహుల్‌ చివరి సారిగా 2020లో బెంగాల్‌తో జరిగిన రంజీ సెమీఫైనల్స్‌ మ్యాచ్‌ ఆడాడు. మళ్లీ ఐదేళ్ల తర్వాత సొంతరాష్ట్రం తరఫున దేశవాళీ మ్యాచ్‌ ఆడనున్నాడు. అతని చేరికతో కర్ణాటక బ్యాటింగ్‌ విభాగం మరింత పటిష్టం అయ్యింది. అంతేకాదు. దేవదత్‌ పడిక్కల్, సీమర్‌ ప్రసిధ్‌ కృష్ణలు కూడా ఆడుతుండటం జట్టుకు కలిసొచ్చే అంశం. ఈ ముగ్గురు ఇటీవల ఆ్రస్టేలియాలో పర్యటించిన భారత జట్టుకు ప్రాతినిధ్యం వహించారు. రోహిత్, జైస్వాల్, అయ్యర్‌ గైర్హాజరు ఈ రంజీ ట్రోఫీలో ముంబై ఆడాల్సిన చివరి లీగ్‌ మ్యాచ్‌లోనూ భారత కెపె్టన్‌ రోహిత్‌ శర్మ సహా యువ సంచలనం యశస్వి జైస్వాల్, శ్రేయస్‌ అయ్యర్‌లు ఆసక్తి కనబరిచారు. ఈ త్రయం జమ్మూకశ్మీర్‌తో జరిగిన గత మ్యాచ్‌లో బరిలోకి దిగింది. అయితే ఇంగ్లండ్‌తో వచ్చే నెల 6, 9, 12 తేదీల్లో జరిగే మూడు వన్డేల సిరీస్‌ కోసం వీరంతా భారత జట్టులో చేరాల్సివుండటంతో ఈ నెల 30 నుంచి ఫిబ్రవరి 2వ తేదీ వరకు జరిగే పోరుకు అందుబాటులో ఉండటం లేదని ముంబై వర్గాలు వెల్లడించాయి.

టీమిండియా స్టార్ ప్లేయర్ విరాట్ కోహ్లి 12 ఏళ్ల తర్వాత రంజీల్లో ఆడేందుకు సిద్దమయ్యాడు. రంజీ ట్రోఫీ 2024-25లో భాగంగా అరుణ్ జైట్లీ స్టేడియం వేదికగా జనవరి 30 ప్రారంభం కానున్న మ్యాచ్‌లో రైల్వేస్‌తో ఢిల్లీ జట్టు తలపడనుంది. ఈ మ్యాచ్ కోసం ఢిల్లీ అండ్ డిస్ట్రిక్ట్ క్రికెట్ అసోసియేషన్ (DDCA) తమ జట్టును ప్రకటించింది.ఈ జట్టులో విరాట్ కోహ్లి డీడీసీఎ సెలక్టర్లు చోటిచ్చారు. జనవరి 28న కోహ్లి జట్టుతో చేరుతాడని ఢిల్లీ హెడ్‌కోచ్ శరణ్‌దీప్ సింగ్ ఇప్పటికే ధ్రువీకరించారు. ఇప్పుడు ఢిల్లీ తమ జట్టును ప్రకటించడంతో కోహ్లి రీఎంట్రీ ఖాయమైంది. యువ ఆటగాడు అయూష్ బడోని సారథ్యంలో కింగ్ కోహ్లి ఆడనున్నాడు. కోహ్లి చివరగా రంజీల్లో 2012-13 సీజన్‌లో ఢిల్లీ తరపున ఆడాడు.ఆ సీజన్‌లో కోహ్లి కేవల ఒకే ఒక మ్యాచ్ ఆడి 57 పరుగులు చేశాడు. అయితే అంతకుముందు సీజన్‌లలో మాత్రం విరాట్ అద్బుతంగా రాణించాడు. ఇప్పటివరకు 23 రంజీ మ్యాచ్‌లు ఆడిన కోహ్లి.. 50.77 స‌గ‌టుతో 1574 ప‌రుగులు చేశాడు. అత‌డి ఫ‌స్ట్‌క్లాస్ కెరీర్‌లో ఇప్ప‌టివ‌ర‌కు 5 సెంచ‌రీలు ఉన్నాయి.అయితే కోహ్లి కేవ‌లం 19 ఏళ్ల వ‌య‌స్సులోనే జాతీయ జ‌ట్టులోకి ఎంట్రీ ఇవ్వ‌డంతో ఎక్కువ‌గా ఫ‌స్ట్ క్లాస్ క్రికెట్ మ్యాచ్‌లు ఆడే అవ‌కాశం ల‌భిచించ‌లేదు. ఇక 12 ఏళ్ల తర్వాత కోహ్లి రంజీల్లో ఆడుతుండడంతో మ్యాచ్‌ను వీక్షించేందుకు ప్రేక్షకులను ఢిల్లీ క్రికెట్‌ అసోషియేషన్‌ ఉచితంగా అనుమతించనుంది.రిషబ్ పంత్ దూరం..ఇక రైల్వేస్‌తో మ్యాచ్‌కు ఢిల్లీ స్టార్‌, భారత వికెట్ కీపర్ బ్యాటర్ రిషబ్ పంత్‌కు సెలక్టర్లు విశ్రాంతి ఇచ్చారు. సౌరాష్ట్రపై ఆడిన పంత్ ఈ మ్యాచ్‌కు మాత్రం దూరంగా ఉన్నాడు. ఇంగ్లండ్‌తో వన్డేల,ఛాంపియన్స్ ట్రోఫీకి ఎంపికైన పంత్‌.. వైట్ బాల్ క్రికెట్‌పై దృష్టిపెట్టాలని నిర్ణయించుకున్నాడు. అతడు వైట్‌బాల్‌తో ప్రాక్టీస్ చేయనున్నట్లు తెలుస్తోంది. తన రంజీ రీ ఎంట్రీ మ్యాచ్‌లో పంత్ నిరాశపరిచాడు. తొలి ఇన్నింగ్స్‌లో కేవ‌లం ఒక్క ప‌రుగు మాత్ర‌మే చేసిన పంత్‌.. రెండో ఇన్నింగ్స్‌లో 17 ప‌రుగులు చేసి ఔట‌య్యాడు. ఢిల్లీ జట్టు: ఆయుష్ బడోని (కెప్టెన్‌), విరాట్ కోహ్లి, సనత్ సాంగ్వాన్, అర్పిత్ రాణా, యశ్ ధుల్, జాంటీ సిద్ధు, హిమ్మత్ సింగ్, నవదీప్ సైనీ, మనీ గ్రేవాల్, హర్ష్ త్యాగి, సిద్ధాంత్ శర్మ, శివం శర్మ, ప్రణవ్ రాజ్‌వంశీ, వైభవ్ కంద్‌పాల్, మయాంక్ గుసైన్, గగన్ వాట్స్ , ఆయుష్ దోసెజా, సుమిత్ మాథుర్, రాహుల్ గహ్లోట్, జితేష్ సింగ్, వంశ్ బేడీ.చదవండి: అప్పట్లో ఒకడుండేవాడు.. ఇప్పుడు తిలక్‌ వర్మ!: భారత మాజీ క్రికెటర్‌

టీమిండియా స్టార్ ప్లేయ‌ర్ విరాట్ కోహ్లి(Virat Kohli) దాదాపు 12 ఏళ్ల త‌ర్వాత తిరిగి రంజీల్లో ఆడేందుకు సిద్ద‌మ‌య్యాడు. జ‌న‌వ‌రి 30 నుంచి అరుణ్‌ జైట్లీ స్టేడియం వేదికగా రైల్వేస్‌తో ప్రారంభం కానున్న మ్యాచ్‌లో ఢిల్లీ త‌ర‌పున కింగ్ కోహ్లి బ‌రిలోకి దిగనున్నాడు. ఈ విష‌యాన్ని ఢిల్లీ జ‌ట్టు హెడ్ కోచ్ శరణ్‌దీప్ సింగ్ ధ్రువీక‌రించాడు. విరాట్ మంగ‌ళవారం(జ‌న‌వ‌రి 28) ఢిల్లీ జ‌ట్టులో చేరి, ప్రాక్టీస్ సెష‌న్‌లో పాల్గోనున్న‌ట్లు ఆయ‌న తెలిపారు.రెడ్ బాల్ క్రికెట్‌లో కోహ్లి గ‌త కొంత‌కాలంగా పేలవ ఫామ్‌తో స‌త‌మ‌త‌మ‌వుతున్నాడు. ఆస్ట్రేలియాతో జ‌రిగిన బోర్డ‌ర్ గ‌వాస్క‌ర్ ట్రోఫీ 2024-25లో విరాట్ కోహ్లి నిరాశ‌ప‌రిచాడు. తొలి టెస్టులో సెంచ‌రీ మిన‌హా మిగితా మ్యాచ్‌ల్లో కోహ్లి దారుణంగా విఫ‌లమ‌య్యాడు. కోహ్లితో పాటు రోహిత్ శ‌ర్మ, శుబ్‌మ‌న్ గిల్ వంటి ప్లేయ‌ర్లు కూడా నిరాశ‌ప‌రిచాడు.ఈ క్ర‌మంలో సీనియ‌ర్ ఆట‌గాళ్లు సైతం దేశవాళీ క్రికెట్‌లో ఆడాల‌ని భార‌త క్రికెట్ బోర్డు ఆదేశాల‌ను జారీ చేసింది. దీంతో అగ్ర‌శ్రేణి ఆట‌గాళ్లు ఒక్కొక్క‌రుగా రంజీ బాట‌ప‌డుతున్నారు. ప్ర‌స్తుత రంజీ సీజ‌న్‌లో ఇప్ప‌టికే కెప్టెన్ రోహిత్ శ‌ర్మ‌, యశస్వి జైస్వాల్, శుభ్‌మన్ గిల్, ర‌వీంద్ర జడేజాలు త‌మ రాష్ట్రాల‌కు ప్రాతినిథ్యం వ‌హించ‌గా.. విరాట్ కోహ్లి, కేఎల్ రాహుల్ సైతం ఆడేందుకు సిద్ద‌మ‌య్యారు. స్టార్ పేస‌ర్ మ‌హ్మ‌ద్ సిరాజ్ కూడా హైద‌రాబాద్ త‌ర‌పున ఆడ‌నున్న‌ట్లు తెలుస్తోంది.కాగా కోహ్లికి రంజీల్లో అద్భుత‌మైన రికార్డు ఉంది. ఇప్ప‌టివ‌ర‌కు 23 మ్యాచ్‌లు ఆడిన కోహ్లి.. 50.77 స‌గ‌టుతో 1574 ప‌రుగులు చేశాడు. అత‌డి ఫ‌స్ట్‌క్లాస్ కెరీర్‌లో ఇప్ప‌టివ‌ర‌కు 5 సెంచ‌రీలు ఉన్నాయి. అయితే కోహ్లి కేవ‌లం 19 ఏళ్ల వ‌య‌స్సులోనే జాతీయ జ‌ట్టులోకి ఎంట్రీ ఇవ్వ‌డంతో ఎక్కువ‌గా ఫ‌స్ట్ క్లాస్ క్రికెట్ మ్యాచ్‌లు ఆడే అవ‌కాశం ల‌భిచించ‌లేదు. ఇక 12 ఏళ్ల తర్వాత కోహ్లి రంజీల్లో ఆడుతుండడంతో మ్యాచ్‌ను వీక్షించేందుకు ప్రేక్షకులను ఢిల్లీ క్రికెట్‌ అసోషియేషన్‌ ఉచితంగా అనుమతించనుంది. కోహ్లి చివరగా రంజీల్లో 2012-13 సీజన్‌లో ఢిల్లీ తరపున ఆడాడు.చదవండి: IND vs ENG: ఇంగ్లండ్‌తో మూడో టీ20.. భారత జట్టులోకి ఇద్దరు స్టార్‌ ప్లేయర్లు?

పుదుచ్చేరి: రంజీ ట్రోఫీ దేశవాళీ క్రికెట్‌ టోర్నమెంట్‌లో ఆంధ్ర జట్టు వరుసగా మూడో ‘డ్రా’ నమోదు చేసింది. పుదుచ్చేరి జట్టుతో ఆదివారం ముగిసిన ఎలైట్‌ గ్రూప్‌ ‘బి’ ఆరో రౌండ్‌ లీగ్‌ మ్యాచ్‌ ఫలితం తేలకుండానే ముగిసింది. తొలి ఇన్నింగ్స్‌ ఆధిక్యం సాధించినందుకు ఆంధ్ర జట్టుకు మూడు పాయింట్లు లభించాయి. ఓవర్‌నైట్‌ స్కోరు 248/5తో చివరి రోజు రెండో ఇన్నింగ్స్‌ కొనసాగించిన ఆంధ్ర జట్టు 82.4 ఓవర్లలో 6 వికెట్లకు 319 పరుగుల వద్ద డిక్లేర్‌ చేసింది.ఓవర్‌నైట్‌ స్కోరు 86 పరుగులతో బ్యాటింగ్‌ కొనసాగించిన కరణ్‌ షిండే (171 బంతుల్లో 119 నాటౌట్‌; 12 ఫోర్లు, 2 సిక్స్‌లు) సెంచరీ పూర్తి చేసుకున్నాడు. ‘ప్లేయర్‌ ఆఫ్‌ ద మ్యాచ్‌’ శశికాంత్‌ (39; 4 ఫోర్లు) తన ఓవర్‌నైట్‌ స్కోరు వద్దే అవుటయ్యాడు. ఆ తర్వాత త్రిపురాణ విజయ్‌ (15; 2 ఫోర్లు), పృథ్వీరాజ్‌ (14 బంతుల్లో 12 నాటౌట్‌; 1 ఫోర్, 1 సిక్స్‌) సహకారంతో కరణ్‌ శతకం సాధించాడు. ఆంధ్ర నిర్దేశించిన 363 పరుగుల విజయలక్ష్యంతో రెండో ఇన్నింగ్స్‌ ప్రారంభించిన పుదుచ్చేరి 46 ఓవర్లలో వికెట్‌ నష్టపోకుండా 152 పరుగులు చేసింది. ఫలితం తేలే అవకాశం లేకపోవడంతో రెండు జట్లు ఆటను ముగించాయి. ఇక పుదుచ్చేరి ఓపెనర్లు గంగా శ్రీధర్‌ రాజు (148 బంతుల్లో 75 నాటౌట్‌; 9 ఫోర్లు), జై పాండే (131 బంతుల్లో 59 నాటౌట్‌; 5 ఫోర్లు) అజేయ అర్ధసెంచరీలు చేశారు. ఎనిమిది జట్లున్న గ్రూప్‌ ‘బి’లో ఆంధ్ర జట్టు 6 మ్యాచ్‌లు పూర్తి చేసుకుంది. 3 మ్యాచ్‌ల్లో ఓడిపోయి, 3 మ్యాచ్‌లను ‘డ్రా’ చేసుకుంది. 7 పాయింట్లతో ఏడో స్థానంలో ఉంది. ఈనెల 30 నుంచి విజయనగరంలో జరిగే చివరి లీగ్‌ మ్యాచ్‌లో రాజస్తాన్‌తో ఆంధ్ర తలపడుతుంది.

సాక్షి, హైదరాబాద్‌: ఇప్పటికే నాకౌట్‌ దశకు అర్హత సాధించే అవకాశం కోల్పోయిన హైదరాబాద్‌ జట్టు రంజీ ట్రోఫీ క్రికెట్‌ టోర్నీలో రెండో విజయాన్ని అందుకుంది. హిమాచల్‌ ప్రదేశ్‌ జట్టుతో ఆదివారం ఉప్పల్‌ స్టేడియంలో ముగిసిన గ్రూప్‌ ‘బి’ ఆరో రౌండ్‌ లీగ్‌ మ్యాచ్‌లో హైదరాబాద్‌ జట్టు ఇన్నింగ్స్‌ 43 పరుగుల తేడాతో ఘనవిజయం సాధించి 7 పాయింట్లు సంపాదించింది. చామా మిలింద్‌ సారథ్యంలో ఈ మ్యాచ్‌ ఆడిన హైదరాబాద్‌ జట్టుకు ఇద్దరు స్పిన్నర్లు తనయ్‌ త్యాగరాజన్, అనికేత్‌ రెడ్డి తమ ప్రదర్శనతో విజయాన్ని కట్టబెట్టారు. ఫాలోఆన్‌ ఆడుతూ ఆఖరి రోజు ఆదివారం ఓవర్‌నైట్‌ స్కోరు 21/0తో రెండో ఇన్నింగ్స్‌ కొనసాగించిన హిమాచల్‌ జట్టు వన్డే తరహాలో ఆడి 45.4 ఓవర్లలో 247 పరుగులకే ఆలౌటై ఓడిపోయింది. హైదరాబాద్‌ ఎడంచేతి వాటం స్పిన్నర్‌ తనయ్‌ త్యాగరాజన్‌ 118 పరుగులిచ్చి 6 వికెట్లు పడగొట్టగా... నిజామాబాద్‌ జిల్లాకు చెందిన మరో ఎడంచేతి వాటం స్పిన్నర్‌ గంగం అనికేత్‌ రెడ్డి 46 పరుగులిచ్చి 4 వికెట్లు తీసుకున్నాడు. హిమాచల్‌ జట్టు రెండో ఇన్నింగ్స్‌లో శుభం అరోరా (72 బంతుల్లో 66; 10 ఫోర్లు, 1 సిక్స్‌) అర్ధ సెంచరీ చేయగా... అంకిత్‌ కాల్సి (39 బంతుల్లో 44; 6 ఫోర్లు), వైభవ్‌ అరోరా (22 బంతుల్లో 32; 2 ఫోర్లు, 3 సిక్స్‌లు) రాణించారు. మ్యాచ్‌ మొత్తంలో తొమ్మిది వికెట్ల తీసిన అనికేత్‌ రెడ్డికి ‘ప్లేయర్‌ ఆఫ్‌ ద మ్యాచ్‌’ అవార్డు లభించింది. ఎనిమిది జట్లున్న గ్రూప్‌ ‘బి’లో హైదరాబాద్‌ ఆరు మ్యాచ్‌లు పూర్తి చేసుకుంది. రెండు మ్యాచ్‌ల్లో ఇన్నింగ్స్‌ విజయాలు సాధించి... రెండు మ్యాచ్‌లను ‘డ్రా’ చేసుకొని, రెండు మ్యాచ్‌ల్లో ఓడిపోయి 16 పాయింట్లతో ఐదో స్థానంలో ఉంది. నాగ్‌పూర్‌లో ఈనెల 30 నుంచి జరిగే చివరి రౌండ్‌ లీగ్‌ మ్యాచ్‌లో విదర్భ జట్టుతో హైదరాబాద్‌ ఆడుతుంది.

రంజీ ట్రోఫీ 2024-25లో భాగంగా నాసిక్‌ వేదికగా బరోడాతో జరిగిన మ్యాచ్‌లో 439 పరుగుల తేడాతో మహారాష్ట్ర ఘన విజయం సాధించింది. 617 పరుగుల భారీ లక్ష్యంతో బరిలోకి దిగిన బరోడా కేవలం 177 పరుగులకే కుప్పకూలింది. మహారాష్ట్ర బౌలర్లలో ముఖేష్‌ చౌదరి 5 వికెట్లు పడగొట్టగా.. రజనీష్ గుర్బానీ మూడు వికెట్లు, రామక్రిష్ణ రెండు వికెట్లు సాధించారు.బరోడా బ్యాటర్లలో అతి సేథ్‌(51) పరుగులతో టాప్‌ స్కోరర్‌గా నిలవగా..జ్యోత్స్నిల్ సింగ్(40) పరుగులతో రాణించారు. మిగితా బ్యాటర్లంతా దారుణంగా విఫలమయ్యారు. ఈ మ్యాచ్‌లో బరోడా కెప్టెన్‌ కృనాల్‌ పాండ్యా(12, 6) తీవ్ర నిరాశపరిచాడు. కాగా మహారాష్ట్ర జట్టు 464/7 వద్ద తమ రెండో ఇన్నింగ్స్‌ను డిక్లేర్‌ చేసింది. మహారాష్ట్ర బ్యాటర్లలో సౌరభ్ నవలే(126) సెంచరీతో మెరవగా..రామక్రిష్ణ(99), కెప్టెన్‌ రుతురాజ్‌ గైక్వాడ్‌(89) కీలక ఇన్నింగ్స్‌లు ఆడారు. అయితే మహారాష్ట్ర తొలి ఇన్నింగ్స్‌లో లభించిన 152 పరుగుల ఆధిక్యాన్ని జోడించి బరోడా ముందు 617 పరుగుల భారీ టార్గెట్‌ను ఉంచింది. ఈ భారీ లక్ష్యాన్ని బరోడా చేధించడంలో చతకలపడింది. కాగా మహారాష్ట్ర తమ తొలి ఇన్నింగ్స్‌లో 297 పరుగులకు ఆలౌట్‌ కాగా..బరోడా 145 పరుగులకే తమ మొదటి ఇన్నింగ్స్‌లో కుప్పకూలింది.చదవండి: IND vs ENG: చరిత్ర సృష్టించిన ఇంగ్లండ్‌ కెప్టెన్‌.. ప్రపంచంలో తొలి ప్లేయర్‌గా

సాక్షి, హైదరాబాద్‌: రంజీ ట్రోఫీ క్రికెట్‌ టోర్నీలో భాగంగా హిమాచల్‌ ప్రదేశ్‌తో జరుగుతున్న మ్యాచ్‌లో హైదరాబాద్‌ బౌలర్‌ అనికేత్‌ రెడ్డి (5/72) సత్తా చాటాడు. ఫలితంగా ఓవర్‌నైట్‌ స్కోరు 33/1తో శనివారం మూడో రోజు తొలి ఇన్నింగ్స్‌ కొనసాగించిన హిమాచల్‌ ప్రదేశ్‌ జట్టు 92 ఓవర్లలో 275 పరుగులకు ఆలౌటైంది. ఇనేశ్‌ మహజన్‌ (79 బంతుల్లో 68 నాటౌట్‌; 7 ఫోర్లు, 4 సిక్స్‌లు) అజేయ అర్ధశతకం సాధించగా... శుభమ్‌ అరోరా (53; 7 ఫోర్లు) హాఫ్‌సెంచరీ చేశాడు.అంకిత్‌ (31), అపూర్వ్‌ వాలియా (37), ఆకాశ్‌ వశిష్ట్‌ (46) తలా కొన్ని పరుగులు చేశారు. హైదరాబాద్‌ బౌలర్లలో తనయ్‌ త్యాగరాజన్‌ రెండు వికెట్లు తీయగా... నిశాంత్, వరుణ్‌ గౌడ్‌లకు చెరో వికెట్‌ దక్కింది. దీంతో హైదరాబాద్‌కు 290 పరుగుల భారీ తొలి ఇన్నింగ్స్‌ ఆధిక్యం లభించడంతో ప్రత్యర్థిని ఫాలోఆన్‌కు ఆహ్వానించింది. శనివారం ఆట ముగిసే సమయానికి హిమాచల్‌ జట్టు రెండో ఇన్నింగ్స్‌లో 5 ఓవర్లలో వికెట్‌ నష్టపోకుండా 21 పరుగులు చేసింది. శుభమ్‌ అరోరా (16 బ్యాటింగ్‌), ప్రశాంత్‌ చోప్రా (1 బ్యాటింగ్‌) క్రీజులో ఉన్నారు. నేడు ఆటకు చివరి రోజు కాగా... చేతిలో 10 వికెట్లు ఉన్న హిమాచల్‌ జట్టు... హైదరాబాద్‌ తొలి ఇన్నింగ్స్‌ స్కోరుకు ఇంకా 269 పరుగులు వెనుకబడి ఉంది. స్కోరు వివరాలు హైదరాబాద్‌ తొలి ఇన్నింగ్స్‌: 565; హిమాచల్‌ ప్రదేశ్‌ తొలి ఇన్నింగ్స్‌: శుభమ్‌ అరోరా (ఎల్బీ) (బి) అనికేత్‌ రెడ్డి 53; ప్రశాంత్‌ చోప్రా (సి) రాహుల్‌ రాధేశ్‌ (బి) నిశాంత్‌ 1; అంకిత్‌ (సి) తన్మయ్‌ అగర్వాల్‌ (బి) తనయ్‌ త్యాగరాజన్‌ 31; అపూర్వ్‌ వాలియా (స్టంప్డ్‌) రాహుల్‌ రాధేశ్‌ (బి) అనికేత్‌ రెడ్డి 37; ఆకాశ్‌ వశిస్ట్ (సి) మిలింద్‌ (బి) అనికేత్‌ రెడ్డి 46; రిషి ధవన్‌ (ఎల్బీ) తనయ్‌ త్యాగరాజన్‌ 22; ఇనేశ్‌ మహజన్‌ (నాటౌట్‌) 68; ముకుల్‌ నేగీ (సి) హిమతేజ (బి) అనికేత్‌ రెడ్డి 0; మయాంక్‌ డాగర్‌ (సి) రక్షణ్‌ రెడ్డి (బి) వరుణ్‌ గౌడ్‌ 0; వైభవ్‌ అరోరా (సి) రక్షణ్‌ రెడ్డి (బి) అనికేత్‌ రెడ్డి 3; దివేశ్‌ శర్మ (రనౌట్‌/హిమతేజ) 1; ఎక్స్‌ట్రాలు 13; మొత్తం (92 ఓవర్లలో ఆలౌట్‌) 275. వికెట్ల పతనం: 1–11, 2–78, 3–111, 4–144, 5–188, 6–217, 7–217, 8–218, 9–267, 10–275, బౌలింగ్‌: నిశాంత్‌ 12–3–52–1; చామా మిలింద్‌ 13–1–32–0; తనయ్‌ త్యాగరాజన్‌ 24–4–62–2; అనికేత్‌ రెడ్డి 25–5–72–5; రక్షణ్‌ రెడ్డి 13–1–29–0; వరుణ్‌ గౌడ్‌ 5–0–16–1. హిమాచల్‌ ప్రదేశ్‌ రెండో ఇన్నింగ్స్‌: శుభమ్‌ అరోరా (బ్యాటింగ్‌) 16; ప్రశాంత్‌ చోప్రా (బ్యాటింగ్‌) 1; ఎక్స్‌ట్రాలు 4; మొత్తం (5 ఓవర్లలో వికెట్‌ నష్టపోకుండా) 21. బౌలింగ్‌: తనయ్‌ త్యాగరాజన్‌ 3–0–13–0; రక్షణ్‌ రెడ్డి 2–1–4–0.

పుదుచ్చేరి: రంజీ ట్రోఫీ ఎలైట్‌ గ్రూప్‌ ‘బి’లో భాగంగా పుదుచ్చేరితో జరుగుతున్న పోరులో ఆంధ్ర జట్టు తొలి ఇన్నింగ్స్‌ ఆధిక్యం సాధించింది. ఓవర్‌నైట్‌ స్కోరు 209/5తో శనివారం మూడో రోజు తొలి ఇన్నింగ్స్‌ కొనసాగించిన పుదుచ్చేరి జట్టు 79 ఓవర్లలో 260 పరుగులకు ఆలౌటైంది. దాంతో ఆంధ్ర జట్టుకు 43 పరుగుల తొలి ఇన్నింగ్స్‌ ఆధిక్యం లభించింది. పుదుచ్చేరి బ్యాటర్‌ అమాన్‌ ఖాన్‌ (50) అర్ధశతకం సాధించాడు. ఆంధ్ర బౌలర్లలో పృథ్వీరాజ్‌ 5 వికెట్లు పడగొట్టగా... విజయ్‌ రెండు వికెట్లు ఖాతాలో వేసుకున్నాడు. మొహమ్మద్‌ రఫీ, శశికాంత్, లలిత్‌ మోహన్‌ తలా ఒక వికెట్‌ తీశారు. అనంతరం రెండో ఇన్నింగ్స్‌ ప్రారంభించిన ఆంధ్ర జట్టు మూడో రోజు ఆట ముగిసే సమయానికి 69 ఓవర్లలో 5 వికెట్ల నష్టానికి 248 పరుగులు చేసింది. కరణ్‌ షిండే (136 బంతుల్లో 86 బ్యాటింగ్‌; 9 ఫోర్లు; 1 సిక్స్‌) అజేయ అర్ధశతకంతో సత్తా చాటగా... శ్రీకర్‌ భరత్‌ (41; 7 ఫోర్లు), షేక్‌ రషీద్‌ (26; 3 ఫోర్లు), రికీ భుయ్‌ (32; 5 ఫోర్లు, 1 సిక్స్‌), శశికాంత్‌ (39 బ్యాటింగ్‌; 4 ఫోర్లు) రాణించారు. పుదుచ్చేరి బౌలర్లలో అంకిత్‌ శర్మ 2 వికెట్లు తీశాడు. నేడు ఆటకు చివరి రోజు కాగా... చేతిలో 5 వికెట్లు ఉన్న ఆంధ్ర జట్టు ఓవరాల్‌గా 291 పరుగుల ఆధిక్యంలో ఉంది. స్కోరు వివరాలు ఆంధ్ర తొలి ఇన్నింగ్స్‌: 303; పుదుచ్చేరి తొలి ఇన్నింగ్స్‌: శ్రీధర్‌ రాజు (సి) శ్రీకర్‌ భరత్‌ (బి) పృథ్వీరాజ్‌ 0; జయ్‌ పాండే (బి) పృథ్వీరాజ్‌ 3; పారస్‌ (సి) శ్రీకర్‌ భరత్‌ (బి) పృథ్వీరాజ్‌ 39; ఆకాశ్‌ (సి) శ్రీకర్‌ భరత్‌ (బి) శశికాంత్‌ 7; మోహిత్‌ కాలె (సి) రషీద్‌ (బి) పృథ్వీరాజ్‌ 60; అరుణ్‌ కార్తీక్‌ (సి) రికీ భుయ్‌ (బి) పృథ్వీరాజ్‌ 59; అమాన్‌ ఖాన్‌ (సి) రికీ భుయ్‌ (బి) లలిత్‌ మోహన్‌ 50; అంకిత్‌ శర్మ (సి) శ్రీకర్‌ భరత్‌ (బి) విజయ్‌ 13; సాగర్‌ (సి) రషీద్‌ (బి) విజయ్‌ 0; అబిన్‌ మాథ్యూ (నాటౌట్‌) 4; గౌరవ్‌ యాదవ్‌ (సి) అభిషేక్‌ రెడ్డి (బి) రఫీ 16; ఎక్స్‌ట్రాలు 9; మొత్తం (79 ఓవర్లలో ఆలౌట్‌) 260. వికెట్ల పతనం: 1–0, 2–9, 3–20, 4–84, 5–148, 6–225, 7–237, 8–238, 9–241, 10–260, బౌలింగ్‌: పృథ్వీరాజ్‌ 23–5–64–5; మొహమ్మద్‌ రఫీ17–1–53–1; శశికాంత్‌ 15–0–57–1; లలిత్‌ మోహన్‌ 16–2–42–1; విజయ్‌ 8–0–36–2. ఆంధ్ర రెండో ఇన్నింగ్స్‌: అభిషేక్‌ రెడ్డి (ఎల్బీ) (బి) గౌరవ్‌ యాదవ్‌ 15; శ్రీకర్‌ భరత్‌ (ఎల్బీ) (బి) అంకిత్‌ శర్మ 41; షేక్‌ రషీద్‌ (రనౌట్‌) 26; కరణ్‌ షిండే (బ్యాటింగ్‌) 86; రికీ భుయ్‌ (సి) (సబ్‌) సీజీడీ శాస్త్రి (బి) అమన్‌ ఖాన్‌ 32; హనుమ విహారి (సి) శ్రీధర్‌ రాజు (బి) అంకిత్‌ శర్మ 0; శశికాంత్‌ (బ్యాటింగ్‌) 39; ఎక్స్‌ట్రాలు 9; మొత్తం (69 ఓవర్లలో 5 వికెట్లకు) 248. వికెట్ల పతనం: 1–24, 2–81, 3–82, 4–141, 5–142, బౌలింగ్‌: గౌరవ్‌ యాదవ్‌ 10–1–49–1; అబిన్‌ మాథ్యూ 11–3–34–0; సాగర్‌ 21–3–72–0; అంకిత్‌ శర్మ 22–3–56–2; అమాన్‌ ఖాన్‌ 3–0–25–1; ఆకాశ్‌ 2–1–11–0.

రంజీ ట్రోఫీ 2024-25లో ముంబై జ‌ట్టుకు జమ్మూ అండ్‌ కాశ్మీర్‌ ఊహించని షాక్‌ ఇచ్చింది. శరద్‌ పవార్‌ క్రికెట్‌ స్టేడియం వేదికగా ముంబై జరిగిన మ్యాచ్‌లో 5 వికెట్ల తేడాతో జమ్మూ కాశ్మీర్‌ ఘన విజయం సాధించింది. ముంబై నిర్దేశించిన 205 పరుగుల లక్ష్యాన్ని కాశ్మీర్‌ జట్టు 5 వికెట్లు కోల్పోయి చేధించింది.జమ్మూ బ్యాటర్లలో ఓపెనర్‌ శుభమ్ ఖజురియా(45) టాప్‌ స్కోరర్‌గా నిలవగా.. వివ్రంత్‌ శర్మ(38), అబిద్‌ ముస్తాక్‌(32 నాటౌట్‌) రాణించారు. ముంబై బౌలర్లలో షామ్స్‌ ములానీ నాలుగు వికెట్లు పడగొట్టాడు. ప్రస్తుత సీజన్‌లో జమ్మూకు ఇది నాలుగో విజయం కావడం గమనార్హం.కాగా అంతకుముందు 274/7 ఓవర్‌నైట్‌ స్కోర్‌తో మూడో రోజు ఆటను ప్రారంభించిన ముంబై తమ రెండో ఇన్నింగ్స్‌లో 290 పరుగులకు ఆలౌటైంది. ముంబై బ్యాటర్లలో శార్ధూల్ ఠాకూర్(119) అద్భుతమైన సెంచరీతో చెలరేగగా.. తనీష్‌ కొటియన్‌(62) రాణిండు. మిగితా బ్యాటర్లంతా నిరాశపరిచారు. కాగా జమ్మూ కాశ్మీర్‌ తమ తొలి ఇన్నింగ్స్‌లో 206 పరుగులకు ఆలౌట్‌ కాగా.. ముంబై తమ మొదటి ఇన్నింగ్స్‌లో కేవలం 120 పరుగులకే కుప్పకూలింది.నిరాశపరిచిన రోహిత్‌ శర్మ..ఇక పదేళ్ల తర్వాత తొలిసారి రంజీ మ్యాచ్‌ ఆడిన టీమిండియా కెప్టెన్‌ రోహిత్‌ శర్మ(Rohit Sharma) తీవ్ర నిరాశపరిచాడు. ఈ మ్యాచ్‌లో ముంబైకి ప్రాతినిథ్యం వహించిన రోహిత్‌.. రెండు ఇన్నింగ్స్‌లలోనూ విఫలమయ్యాడు. తొలి ఇన్నింగ్స్‌లో 19 బంతులు ఎదుర్కొని కేవలం మూడు పరుగులు మాత్రమే చేసిన రోహిత్‌.. రెండో ఇన్నింగ్స్‌లో 28 పరుగులు మాత్రమే చేయగలిగాడు.అతడితో పాటు యశస్వి జైశ్వాల్‌, అజిం‍క్య రహానే, శ్రేయస్‌ అయ్యర్‌ సైతం తమ మార్క్‌ను చూపించలేకపోయారు. కాగా రోహిత్‌ వల్లే ముంబై ఓటమి పాలైందని నెటిజన్లు సోషల్‌ మీడియాలో ట్రోలు చేస్తున్నారు. రోహిత్‌​ శర్మ కోసం అద్భుతమైన ఫామ్‌లో ఉన్న అయూష్‌ మాత్రేను పక్కన పెట్టి ముంబై సెలక్టర్లు తప్పు చేశారని మాజీలు అభిప్రాయపడుతున్నారు.17 అయూష్‌ మాత్రం ప్రస్తుత సీజన్‌లో దుమ్ములేపుతున్నాడు. కేవలం 5 మ్యాచ్‌ల్లో 441 పరుగులు చేశాడు. అటువంటి ఆటగాడిని ఎలా పక్కన పెడతారని ముంబై జట్టు మెనెజ్‌మెంట్‌పై ప్రశ్నల వర్షం కురుస్తోంది.చదవండి: Punjab Vs Karnataka: శతకంతో చెలరేగిన శుబ్‌మన్‌ గిల్‌.. కానీ..

టీమిండియా స్టార్‌ క్రికెటర్‌, పంజాబ్‌ కెప్టెన్‌ శుబ్‌మన్‌ గిల్‌(Shubman Gill) ఎట్టకేలకు ఫామ్‌లోకి వచ్చాడు. రంజీ మ్యాచ్‌లో శతకంతో చెలరేగి తనను తాను నిరూపించుకున్నాడు. ఆస్ట్రేలియాతో జరిగిన బోర్డర్‌- గావస్కర్‌ ట్రోఫీ(Border Gavaskar Trophy)లో గిల్‌ విఫలమైన సంగతి తెలిసిందే. వరుస వైఫల్యాలుగాయం కారణంగా పెర్త్‌లో జరిగిన తొలి టెస్టుకు దూరమైన ఈ పంజాబీ బ్యాటర్‌.. రెండో టెస్టు నుంచి అందుబాటులోకి వచ్చినా పెద్దగా రాణించలేకపోయాడు. అడిలైడ్‌లో జరిగిన ఈ పింక్‌ బాల్‌ టెస్టులో రెండు ఇన్నింగ్స్‌లో కలిపి 59(31, 28) పరుగులు చేశాడు. అయితే, గబ్బాలో జరిగిన మూడో టెస్టులో గిల్‌ తీవ్రంగా నిరాశపరిచాడు. కేవలం ఒక్క పరుగు మాత్రమే చేసి పెవిలియన్‌ చేరాడు. అయితే, నాలుగో టెస్టు జట్టులో మాత్రం అతడికి చోటు దక్కలేదు. దీంతో బాక్సింగ్‌ డే టెస్టుకు దూరమైన గిల్‌.. ఆ తర్వాత సిడ్నీ టెస్టు ఆడినా అందులోనూ విఫలమయ్యాడు. రెండు ఇన్నింగ్స్‌లో వరుసగా 20, 13 పరుగులు సాధించాడు.రంజీ బరిలో పంజాబ్‌ సారథిగాకాగా కంగారూ గడ్డపై ఐదు టెస్టుల సిరీస్‌లో ఓవరాల్‌గా 93 పరుగులు మాత్రమే చేయగలిగాడు. ఈ నేపథ్యంలో శుబ్‌మన్‌ గిల్‌ ఆట తీరుపై తీవ్ర స్థాయిలో విమర్శలు వెల్లువెత్తాయి. ఈ క్రమంలో బోర్డు నిబంధనలకు అనుగుణంగా రంజీ ట్రోఫీ బరిలో దిగాడు. తాజా ఎడిషన్‌ రెండో దశ పోటీల్లో భాగంగా కర్ణాటకతో మ్యాచ్‌ సందర్భంగా ఈ పంజాబ్‌ ఓపెనర్‌ రంగంలోకి దిగాడు.మొదటి ప్రయత్నంలో విఫలంఅయితే, మొదటి ప్రయత్నంలో గిల్‌కు మరోసారి నిరాశే ఎదురైంది. తొలి ఇన్నింగ్స్‌లో ఎనిమిది బంతులు ఎదుర్కొని కేవలం నాలుగు పరుగులే చేసి.. అవుటయ్యాడు. కర్ణాటక పేసర్‌ అభిలాష్‌ శెట్టి బౌలింగ్‌లో క్రిష్ణన్‌ శ్రీజిత్‌కు క్యాచ్‌ ఇచ్చి పెవిలియన్‌ చేరాడు. గిల్‌తో పాటు పంజాబ్‌ మిగతా బ్యాటర్లు కూడా దారుణంగా విఫలం కావడంతో తొలి ఇన్నింగ్స్‌లో 55 పరుగులకే ఆలౌట్‌ అయింది.స్మరణ్‌ డబుల్‌ సెంచరీఈ క్రమంలో కర్ణాటక స్టార్‌ రవిచంద్రన్‌ స్మరణ్‌ (277 బంతుల్లో 203; 25 ఫోర్లు, 3 సిక్స్‌లు) డబుల్‌ సెంచరీతో విజృంభించగా.. జట్టు భారీ స్కోరు సాధించింది. మొదటి ఇన్నింగ్స్‌లో ఏకంగా 475 పరుగులు చేసింది. మయాంక్‌ అగర్వాల్‌ (20), దేవదత్‌ పడిక్కల్‌ (27) ఎక్కువసేపు నిలవలేకపోయిన చోట స్మరణ్‌ చక్కటి ఇన్నింగ్స్‌తో జట్టుకు భారీ స్కోరు అందించాడు. తొలి ఇన్నింగ్స్‌లో 55 పరుగులకు ఆలౌటైన పంజాబ్‌... శుక్రవారం రెండో రోజు ఆట ముగిసే సమయానికి రెండో ఇన్నింగ్స్‌లో 2 వికెట్ల నష్టానికి 24 పరుగులు చేసింది. ప్రభ్‌సిమ్రన్‌ సింగ్‌ (1), అన్‌మోల్‌ప్రీత్‌ సింగ్‌ (14) అవుట్‌ అయ్యారు.గిల్‌ సూపర్‌ ఇన్నింగ్స్‌.. కానీఈ నేపథ్యంలో ఇన్నింగ్స్‌ చక్కదిద్దే బాధ్యత తీసుకున్న శుబ్‌మన్‌ గిల్‌ మూడో రోజు ఆటలో భాగంగా సెంచరీతో చెలరేగాడు. చిన్నస్వామి స్టేడియంలో శనివారం 159 బంతుల్లో వంద పరుగుల మార్కు అందుకున్నాడు. అతడి ఇన్నింగ్స్‌లో పద్నాలుగు ఫోర్లు, మూడు సిక్స్‌లు ఉన్నాయి. గిల్‌ ఓవరాల్‌గా 171 బంతుల్లో 102 పరుగులు సాధించగా.. మిగతా వాళ్ల నుంచి మాత్రం సహకారం అందలేదు. ఈ క్రమంలో 213 పరుగులకు ఆలౌట్‌ అయిన పంజాబ్‌.. కర్ణాటక చేతిలో ఇన్నింగ్స్‌ 207 పరుగుల భారీ తేడాతో పరాజయం పాలైంది.​చదవండి: అతడిని తప్పించి మంచి పనిచేశారు.. ఇదొక విన్నింగ్‌ టీమ్‌: డివిలియర్స్‌Shubman Gill gets his century.. a fine & confident innings #RanjiTrophy #KarvsPun pic.twitter.com/iA1gm6I1Ib— Manuja (@manujaveerappa) January 25, 2025Shubman Gill Celebration after One of best Hundred under pressure in Ranji trophy match against Karnataka 💥📹📷 @Sebashiyun pic.twitter.com/7IMnWegWSy— JassPreet (@JassPreet96) January 25, 2025

శరద్ పవార్ క్రికెట్ అకాడమీ వేదిక‌గా జ‌మ్మూ-కాశ్మీర్‌తో జ‌రుగుతున్న రంజీ ట్రోఫీ మ్యాచ్‌లో ముంబై తిరిగి క‌మ్‌బ్యాక్ ఇచ్చింది. రెండో ఇన్నింగ్స్‌లో ముంబై స్టార్ ఆల్‌రౌండ‌ర్ శార్ధూల్ ఠాకూర్ సెంచ‌రీతో మెరిశాడు. ఎనిమిదో స్ధానంలో బ్యాటింగ్‌కు వ‌చ్చిన శార్ధూల్ వ‌న్డే త‌ర‌హాలో త‌న సెంచ‌రీ మార్క్‌ను అందుకున్నాడు. రోహిత్ శ‌ర్మ‌, జైశ్వాల్‌, శ్రేయ‌స్ అయ్య‌ర్‌, ర‌హానే వంటి స్టార్ ప్లేయ‌ర్లు విఫ‌ల‌మైన చోట‌.. లార్డ్ శార్థూల్ విరోచిత పోరాటంతో త‌న జ‌ట్టును అదుకున్నాడు. శార్దూల్ 119 బంతుల్లో 17 ఫోర్ల సాయంతో 113 ప‌రుగులు చేసి త‌న బ్యాటింగ్‌ను కొన‌సాగిస్తున్నాడు. రెండో రోజు ఆట ముగిసే స‌మ‌యానికి ముంబై తమ రెండో ఇన్నింగ్స్‌లో 7 వికెట్ల న‌ష్టానికి 274 ప‌రుగులు చేసింది. దీంతో 188 ప‌రుగుల ఆధిక్యంలో ముంబై కొన‌సాగుతోంది. ప్ర‌స్తుతం క్రీజులో శార్థూల్‌తో పాటు మ‌రో ఆల్‌రౌండ‌ర్ తనీష్ కొటియ‌న్‌(58 నాటౌట్‌) ఉన్నారు.జమ్మూ బౌలర్లలో ఔకిబ్ నబీ దార్ మూడు వికెట్లు పడగొట్టగా.. ఉమర్ నజీర్ మీర్‌, యుధ్‌వీర్ సింగ్ తలా రెండు వికెట్లు పడగొట్టారు. ​కాగా పదేళ్ల తర్వాత రంజీ ఆడుతున్న భారత కెప్టెన్ రోహిత్ శర్మ రెండు ఇన్నింగ్స్‌లలోనూ తీవ్రనిరాశపరిచాడు. తొలి ఇన్నింగ్స్‌లో 19 బంతులు ఎదుర్కొని కేవలం మూడు పరుగులు మాత్రమే చేసిన రోహిత్‌.. రెండో ఇన్నింగ్స్‌లో 28 పరుగులు మాత్రమే చేయగలిగాడు.అతడితోపాటు జైశ్వాల్‌(4, 26), రహానే(12, 16) విఫలమయ్యారు. మొదటి ఇన్నింగ్స్‌లో ముంబై 120 పరుగులకు ఆలౌట్ కాగా.. జమ్మూ అండ్ కాశ్మీర్ తమ తొలి ఇన్నింగ్స్‌లో 206 పరుగులు చేసింది. ఇక శార్దూల్ తొలి ఇన్నింగ్స్‌లోనూ హాఫ్ సెంచరీతో మెరిశాడు. లార్డ్ ఠాకూర్ గత 14 నెలలగా జాతీయ జట్టుకు దూరంగా ఉంటున్నాడు.దేశవాళీ క్రికెట్‌లో మెరుగైన ప్రదర్శన చేస్తున్నప్పటికి భారత జట్టులోకి పునరాగమనం చేయలేకపోతున్నాడు. ఈ ఏడాది ఇంగ్లండ్ పర్యటనతో శార్ధూల్ తిరిగి జట్టులోకి వచ్చే ఛాన్స్ ఉంది. అతడికి టెస్టుల్లో ఇంగ్లండ్ గడ్డపై అద్బుతమైన రికార్డు ఉంది. ఈ క్రమంలోనే ఠాకూర్‌కు సెలక్లర్లు రీకాల్ చేసే అవకాశాలు కన్పిస్తున్నాయి.చదవండి: భారత్‌తో రెండో టీ20: ఇంగ్లండ్‌ తుదిజట్టు ప్రకటన.. అతడిపై వేటు

టీమిండియా స్టార్‌ ఆల్‌రౌండర్‌ రవీంద్ర జడేజా(Ravindra Jadeja) తన రంజీ పునరాగమనంలో సత్తాచాటాడు. రంజీ ట్రోఫీ 2024-25లో సౌరాష్ట్రకు ప్రాతినిధ్యం వహిస్తున్న జడేజా.. ఢిల్లీతో జరిగిన మ్యాచ్‌లో 12 వికెట్లతో చెల‌రేగాడు. తొలి ఇన్నింగ్స్‌లో 5 వికెట్లు ప‌డ‌గొట్టిన జ‌డ్డూ.. రెండో ఇన్నింగ్స్‌లో 7 వికెట్ల‌తో మెరిశాడు. అత‌డి స్పిన్ మ‌యాజాలానికి ప్ర‌త్య‌ర్ధి బ్యాట‌ర్లు విల్ల‌విల్లాడారు. అటు బ్యాటింగ్‌లోనూ జడేజా అదరగొట్టాడు. 38 పరుగులతో కీలక ఇన్నింగ్స్ ఆడాడు.ఢిల్లీని చిత్తు చేసిన సౌరాష్ట్ర..ఇక ఈ మ్యాచ్‌లో ఢిల్లీపై సౌరాష్ట్ర 10 వికెట్ల తేడాతో ఘన విజయం సాధించింది. ఈ మ్యాచ్ కేవలం రెండు రోజుల్లో మాత్రమే ముగిసిపోయింది. ఢిల్లీ విధించిన 15 పరుగుల స్వల్ప లక్ష్యాన్ని సౌరాష్ట్ర జట్టు వికెట్ నష్టపోకుండా చేధించింది. ఓపెనర్లు హర్విక్ దేశాయ్‌(6), అర్పిత్ రానా(4) ఆజేయంగా నిలిచి మ్యాచ్‌ను ఫినిష్ చేశారు.కాగా అంతకముందు 163/5 ఓవర్‌నైట్ స్కోర్‌తో రెండో రోజు ఆటను ప్రారంభించిన సౌరాష్ట్ర తమ తొలి ఇన్నింగ్స్‌లో 271 పరుగులకు ఆలౌటైంది. దీంతో సౌరాష్ట్రకు తొలి ఇన్నింగ్స్‌లో 83 ప‌రుగుల ఆధిక్యం ల‌భించింది. సౌరాష్ట్ర బ్యాట‌ర్ల‌లో హ‌ర్విక్ దేశాయ్‌(93) టాప్ స్కోర‌ర్‌గా నిల‌వ‌గా.. వాస్వాద‌(62), జ‌డేజా(38) ప‌రుగుల‌తో రాణించారు.ఢిల్లీ బౌల‌ర్ల‌లో హ‌ర్ష్ త్యాగీ నాలుగు వికెట్లు ప‌డ‌గొట్ట‌గా.. అయూష్ బ‌దోని మూడు వికెట్లు సాధించాడు. అనంత‌రం 83 ప‌రుగుల లోటుతో రెండో ఇన్నింగ్స్‌ను ప్రారంభించిన ఢిల్లీ కేవ‌లం 94 ప‌రుగుల‌కే ఆలౌటైంది. దీంతో సౌరాష్ట్ర‌ముందు ఢిల్లీ కేవ‌లం 15 ప‌రుగుల ల‌క్ష్యాన్ని మాత్ర‌మే ఉంచ‌గల్గింది.ఢిల్లీ ఇన్నింగ్స్‌లో కెప్టెన్ అయూష్ బదోని(44) టాప్ స్కోర‌ర్‌గా నిలిచాడు. ఢిల్లీ స్టార్ ప్లేయ‌ర్ రిష‌బ్ పంత్(Rishabh Pant) రెండు ఇన్నింగ్స్‌ల‌లో తీవ్ర‌నిరాశ‌ప‌రిచాడు. తొలి ఇన్నింగ్స్‌లో కేవ‌లం ఒక్క ప‌రుగు మాత్ర‌మే చేసిన పంత్‌.. రెండో ఇన్నింగ్స్‌లో 17 ప‌రుగులు చేసి ఔట‌య్యాడు. సౌరాష్ట్ర బౌల‌ర్ల‌లో జ‌డేజా(7 వికెట్లు)తో పాటు ద‌ర్మేంద్ర జ‌డేజా రెండు వికెట్లు సాధించారు. కాగా తొలి ఇన్నింగ్స్‌లో ఢిల్లీ 188 ప‌రుగుల‌కు ఆలౌటైంది.ఇక 12 వికెట్ల‌తో మెరిసిన రవీంద్ర జ‌డేజాకు ప్లేయ‌ర్ ఆఫ్‌ది మ్యాచ్ అవార్డు ద‌క్కింది.చదవండి: రోహిత్‌, కోహ్లి పరుగుల వరద పారించడం ఖాయం: ఇర్ఫాన్‌ పఠాన్‌

రంజీ ట్రోఫీ 2024-25 ఎడిషన్‌లో భాగంగా జమ్మూ అండ్‌ కశ్మీర్‌తో జరుగుతున్న మ్యాచ్‌లో స్టార్‌ ప్యాకప్‌ ఉన్న ముంబై టీమ్‌ పీకల్లోతు కష్టాల్లో కూరుకుపోయింది. తొలి ఇన్నింగ్స్‌లో 120 పరుగులకే ఆలౌటైన ఈ మాజీ రంజీ ఛాంపియన్‌.. రెండో ఇన్నింగ్స్‌లోనూ పేలవ ప్రదర్శన కొనసాగిస్తుంది. రెండో రోజు లంచ్‌ విరామం సమయానికి ముంబై 86 పరుగులకే సగం వికెట్లు కోల్పోయింది. ప్రస్తుతం ఆ జట్టు జమ్మూ అండ్‌ కశ్మీర్‌ తొలి ఇన్నింగ్స్‌ స్కోర్‌ను సమం చేసింది. జమ్మూ అండ్‌ కశ్మీర్‌ తొలి ఇన్నింగ్స్‌లో 206 పరుగులు చేసింది.రెండో ఇన్నింగ్స్‌లోనూ విఫలమైన స్టార్లు జమ్మూ అండ్‌ కశ్మీర్‌తో మ్యాచ్‌లో ముంబై తరఫున బరిలోకి దిగిన టీమిండియా స్టార్లు రెండో ఇన్నింగ్స్‌లోనూ విఫలమయ్యారు. తొలి ఇన్నింగ్స్‌లో 4 పరుగులు చేసిన యశస్వి జైస్వాల్‌.. సెకెండ్‌ ఇన్నింగ్స్‌లో 26 పరుగులకు (5 ఫోర్లు) ఔటయ్యాడు. తొలి ఇన్నింగ్స్‌లో 3 పరుగులే బిచానా ఎత్తిన రోహిత్‌ శర్మ.. సెకెండ్‌ ఇన్నింగ్స్‌లో కాస్త పర్వాలేదన్నట్టుగా 35 బంతుల్లో 28 పరుగులు చేశాడు. ఈ ఇన్నింగ్స్‌లో రోహిత్‌ 2 సొగసైన బౌండరీలు, 3 భారీ సిక్సర్లు బాది తన పాత రోజులను గుర్తు చేశాడు.శ్రేయస్‌ మరోసారి..!ఈ మ్యాచ్‌లో టీమిండియా వన్డే ప్లేయర్‌ శ్రేయస్‌ అయ్యర్‌కు రెండు ఇన్నింగ్స్‌ల్లో శుభారంభాలే లభించాయి. అయితే వాటిని పెద్ద స్కోర్లుగా మలచడంలో విఫలమయ్యాడు. తొలి ఇన్నింగ్స్‌లో తొలి బంతికే సిక్సర్‌ బాది జోష్‌ మీదున్నట్లు కనిపించిన శ్రేయస్‌ 7 బంతుల్లో 11 పరుగులు మాత్రమే చేసి ఔటయ్యాడు. సెకెండ్‌ ఇన్నింగ్స్‌లోనూ అదే జోష్‌ను ప్రదర్శించిన శ్రేయస్‌.. వచ్చీ రాగానే ఎడాపెడా నాలుగు బౌండరీలు (16 బంతుల్లో 17 పరుగులు) బాది ఔటయ్యాడు.రెండో ఇన్నింగ్స్‌లోనూ డకౌటైన శివమ్‌ దూబేఈ మ్యాచ్‌లో విధ్వంసకర ఆటగాడు శివమ్‌ దూబే రెండు ఇన్నింగ్స్‌ల్లోనూ డకౌటై నిరాశపరిచాడు. శ్రేయస్‌, శివమ్‌ దూబేల వికెట్లు ఒకే స్కోర్‌ వద్ద కోల్పోవడంతో ముంబై కష్టాల్లో పడింది. లంచ్‌ సమయానికి రహానే (12), షమ్స్‌ ములానీ (0) క్రీజ్‌లో ఉన్నారు.ముంబై పరువు కాపాడిన శార్దూల్‌ఈ మ్యాచ్‌లో ఆల్‌రౌండర్‌ శార్దూల్‌ ఠాకూర్‌ ముంబై పరువు కాపాడాడు. 100లోపే ఆలౌటైయ్యేలా కనిపించిన ముంబైను శార్దూల్‌ తన హాఫ్‌ సెంచరీతో గట్టెక్కించాడు. తొలి ఇన్నింగ్స్‌లో మొత్తం 57 బంతులు ఎదుర్కొన్న శార్దూల్‌ 5 ఫోర్లు, 2 సిక్సర్ల సాయంతో 51 పరుగులు చేశాడు. శార్దూల్‌కు తనుశ్‌ కోటియన్‌ (26, 5 ఫోర్లు) కాసేపు సహకరించడంతో ముంబై 100 పరుగుల మార్కును దాటింది.

చాలాకాలం తర్వాత రంజీల్లో ఆడుగుపెట్టిన టీమిండియా బ్యాటింగ్‌ స్టార్లు ఘోరంగా విఫలమయ్యారు. రంజీ ట్రోఫీ 2024-25 సెకెండ్‌ లెగ్‌ మ్యాచ్‌లు నిన్న ప్రారంభం కాగా.. తొలి రోజు భారత టెస్ట్‌ జట్టు సభ్యులు రోహిత్‌ (3), జైస్వాల్‌ (4), శుభ్‌మన్‌ గిల్‌ (4), రిషబ్‌ పంత్‌ (1) సింగిల్‌ డిజిట్‌ స్కోర్లకే ఔటయ్యారు. భారత వన్డే జట్టు సభ్యుడు శ్రేయస్‌ అయ్యర్‌ (11), టీమిండియా భవిష్యత్తు తార రుతురాజ్‌ గైక్వాడ్‌ (10) స్వల్ప స్కోర్లకే నిష్క్రమించారు. గతంలో బోర్డర్‌ గవాస్కర్‌ ట్రోఫీలో అద్భుతమైన ఇన్నింగ్స్‌లు ఆడిన భారత క్లాసికల్‌ బ్యాటర్లు రహానే (12), పుజారా (6), హనుమ విహారి (6) కూడా పూర్తిగా తేలిపోయారు. విధ్వంసకర ఆటగాళ్లు రజత్‌ పాటిదార్‌ (0), శివమ్‌ దూబేకు (0) ఖాతా కూడా తెరవలేదు.టీమిండియా స్టార్ బ్యాటర్ల ప్రదర్శన సెకెండ్‌ ఇన్నింగ్స్‌లోనైనా మారుతుందని అభిమానులు ఆశగా ఎదురు చూశారు. అయితే వారి ఆశలు ఆదిలోనే అడియాశలయ్యాయి. రెండో రోజు ఆట ప్రారంభమైన కొద్ది నిమిషాలకే టీమిండియా కెప్టెన్‌ రోహిత్‌ శర్మ, భారత స్టార్‌ ఓపెనర్‌ యశస్వి జైస్వాల్‌ ఔటయ్యారు. తొలి ఇన్నింగ్స్‌లో సింగిల్‌ డిజిట్‌ స్కోర్లకే పరిమితమైన వీరు సెకెండ్‌ ఇన్నింగ్స్‌లో గుడి కంటే మెల్ల మేలన్నట్టుగా రెండంకెల స్కోర్లు చేశారు.రోహిత్‌ 35 బంతుల్లో 2 ఫోర్లు, 3 సిక్సర్ల సాయంతో 28 పరుగులు చేయగా.. జైస్వాల్‌ 51 బంతుల్లో 4 బౌండరీల సాయంతో 26 పరుగులు చేసి ఔటయ్యాడు. సెకెండ్‌ ఇన్నింగ్స్‌లో రోహిత్‌ క్రీజ్‌లో ఉండింది కొద్ది సేపే అయినా బౌండరీలు, సిక్సర్లతో విరుచుకుపడ్డాడు. ఇదొక్కటే టీమిండియా అభిమానులకు ఊరట కలిగించే విషయం.మ్యాచ్‌ విషయానికొస్తే.. జమ్మూ అండ్‌ కశ్మీర్‌తో జరుగుతున్న మ్యాచ్‌లో తొలి ఇన్నింగ్స్‌లో 120 పరుగులకు ఆలౌటైన ముంబై, సెకెండ్‌ ఇన్నింగ్స్‌లో కూడా అదే పేలవ ప్రదర్శన కనబరుస్తుంది. రెండో రోజు తొలి సెషన్‌లో ఆ జట్టు 3 వికెట్ల నష్టానికి 61 పరుగులు చేసింది. ముంబై టాప్‌ త్రీ బ్యాటర్లు రోహిత్‌ (28), యశస్వి (26), హార్దిక్‌ తామోర్‌ (1) ఔట్‌ కాగా.. అజింక్య రహానే (1), శ్రేయస్‌ అయ్యర్‌ (4) క్రీజ్‌లో ఉన్నారు. ముంబై.. జమ్మూ అండ్‌ కశ్మీర్‌ తొలి ఇన్నింగ్స్‌ స్కోర్‌కు ఇంకా 25 పరుగులు వెనుకపడి ఉంది. జమ్మూ అండ్‌ కశ్మీర్‌ తొలి ఇన్నింగ్స్‌లో 206 పరుగులు చేసింది. శుభమ్‌ ఖజూరియా (53), అబిద్‌ ముస్తాక్‌ (44) ఓ మోస్తరుగా రాణించారు.

టీమిండియా కెప్టెన్‌ రోహిత్‌ శర్మ(Rohit Sharma) బ్యాటింగ్‌ వైఫల్యాలు కొనసాగుతూనే ఉన్నాయి. ఆస్ట్రేలియాతో బోర్డర్‌- గావస్కర్‌ ట్రోఫీలో విఫలమైన ఈ ముంబై రాజా.. రంజీ ట్రోఫీ(Ranji Trophy) మ్యాచ్‌లోనూ పూర్తిగా నిరాశపరిచాడు. జమ్మూ కశ్మీర్‌తో పోరు(Mumbai Vs Jammu Kashmir)లో రెండు ఇన్నింగ్స్‌లో కలిపి కనీసం ఒక్క అర్ధ శతకం కూడా సాధించలేకపోయాడు.ఫలితంగా అతడిపై మరోసారి తీవ్ర స్థాయిలో విమర్శలు వెల్లువెత్తుతున్నాయి. రోహిత్‌ శర్మ ఇకనైనా టెస్టు ఫార్మాట్‌కు రిటైర్మెంట్‌ ప్రకటించి.. యువ క్రికెటర్లకు మార్గం సుగమం చేయాలనే డిమాండ్లు వినిపిస్తున్నాయి. కెప్టెన్‌గా, బ్యాటర్‌గా ఫెయిల్‌కాగా ఇటీవల స్వదేశంలో న్యూజిలాండ్‌తో మూడు టెస్టుల సిరీస్‌లో కెప్టెన్‌గా, బ్యాటర్‌గా రోహిత్‌ విఫలమయ్యాడు. దీంతో కనీవినీ ఎరుగని రీతిలో తొలిసారి సొంతగడ్డపై భారత్‌ 3-0తో ప్రత్యర్థి చేతుల్లో వైట్‌వాష్‌కు గురైంది.అనంతరం.. ఆస్ట్రేలియా గడ్డ మీద ఐదు మ్యాచ్‌ల టెస్టు సిరీస్‌లో కూడా రోహిత్‌ చేతులెత్తేశాడు. ఫలితంగా 3-1తో ఓడిన భారత్‌.. పదేళ్ల తర్వాత తొలిసారి బోర్డర్‌- గావస్కర్‌ ట్రోఫీని ఆస్ట్రేలియాకు కోల్పోయింది. ఇక గత పదకొండు ఇన్నింగ్స్‌లో రోహిత్‌ శర్మ నమోదు చేసిన స్కోర్లు వరుసగా 2, 52, 0, 8, 18, 11, 3, 6, 10, 3, 9.రంజీల్లోనైనా రాణిస్తాడనిఈ నేపథ్యంలో రిటైర్మెంట్‌ అంశం తెరమీదకు రాగా.. తాను ఇప్పట్లో తప్పుకొనే ప్రసక్తి లేదని రోహిత్‌ శర్మ స్పష్టం చేశాడు. ఈ క్రమంలో భారత క్రికెట్‌ నియంత్రణ మండలి(బీసీసీఐ) నిబంధనలకు అనుగుణంగా ముంబై తరఫున రంజీ ట్రోఫీ తాజా ఎడిషన్‌ రెండో దశ పోటీల బరిలో దిగాడు.ఇందులో భాగంగా గురువారం జమ్మూ కశ్మీర్‌తో మొదలైన మ్యాచ్‌లో యశస్వి జైస్వాల్‌తో కలిసి రోహిత్‌ ముంబై ఇన్నింగ్స్‌ ఆరంభించాడు. తొలి ఇన్నింగ్స్‌లో 19 బంతులు ఎదుర్కొని కేవలం మూడు పరుగులే చేసి నిష్క్రమించాడు. కనీసం రెండో ఇన్నింగ్స్‌లోనైనా రాణిస్తాడనుకుంటే.. శుక్రవారం కూడా రోహిత్‌ అభిమానులను మెప్పించలేకపోయాడు.వింటేజ్‌ హిట్‌మ్యాన్‌ను గుర్తుచేసి.. మరోసారి విఫలమైఆరంభంలో దూకుడుగా ఆడుతూ సిక్స్‌లు, బౌండరీలు బాదిన రోహిత్‌ శర్మ.. వింటేజ్‌ హిట్‌మ్యాన్‌ను గుర్తు చేశాడు. అయితే, అదే జోరును కొనసాగించలేకపోయాడు. మొత్తంగా 35 బంతులు ఎదుర్కొన్న ఈ కుడిచేతి వాటం బ్యాటర్‌.. 28 పరుగులు మాత్రమే చేయగలిగాడు. అతడి ఇన్నింగ్స్‌లో రెండు ఫోర్లు, మూడు సిక్సర్లు ఉన్నాయి.VINTAGE ROHIT SHARMA IS BACK....🔥#RohitSharma#RanjiTrophy#Ranjitropy #RohitSharmapic.twitter.com/NQ3T9m52cu— HitMan (@HitMan_4545) January 24, 2025 జైసూ, గిల్‌, పంత్‌ కూడా అంతేఇక తొలి ఇన్నింగ్స్‌లో ఉమర్‌ నజీర్‌ బౌలింగ్‌లో పోరస్‌ డోగ్రాకు క్యాచ్‌ ఇచ్చి అవుటైన రోహిత్‌.. తాజాగా యుధ్‌వీర్‌ సింఘ్‌ బౌలింగ్‌లో అబిద్‌ ముస్తాక్‌ చేతికి ఇచ్చి పెవిలియన్‌ చేరాడు. ఇదిలా ఉంటే.. ఆస్ట్రేలియా గడ్డ మీద భారీ శతకం(161- పెర్త్‌) యశస్వి జైస్వాల్‌ కూడా రంజీ ట్రోఫీలో నిరాశపరిచాడు. జమ్మూ కశ్మీర్‌తో తొలి ఇన్నింగ్స్‌లో నాలుగు పరుగులు చేసిన ఈ లెఫ్టాండర్‌.. రెండో ఇన్నింగ్స్‌లో 51 బంతులు ఎదుర్కొని నాలుగు ఫోర్ల సాయంతో 26 పరుగులు మాత్రమే చేశాడు. వీరిద్దరి వైఫల్యం కారణంగా ముంబై జట్టు కష్టాల్లో కూరుకుపోయింది. మరోవైపు.. శుబ్‌మన్‌ గిల్‌, రిషభ్‌ పంత్‌ కూడా రంజీ పునరాగమనంలో వైఫల్యం చెందారు. కర్ణాటకతో మ్యాచ్‌లో పంజాబ్‌ ఓపెనర్‌గా బరిలోకి దిగిన గిల్‌ నాలుగు పరుగులకే పరిమితమయ్యాడు. ఇక ఢిల్లీ క్రికెటర్‌ రిషభ్‌ పంత్‌ సౌరాష్ట్రతో మ్యాచ్‌లో ఒక్క పరుగుకే పెవిలియన్‌ చేరడం గమనార్హం. చదవండి: Ind vs Engఅతడొక సూపర్‌స్టార్‌.. మా ఓటమికి కారణం అదే: బట్లర్‌ What a Lofted drive - rohit sharma #INDvENG #INDvsENG #ChampionsTrophy #RanjiTrophy#RohitSharma pic.twitter.com/igEGrpYc1n— kuldeep singh (@kuldeep0745) January 24, 2025

రంజీ ట్రోఫీ 2024-25 సెకెండ్‌ లెగ్‌ మ్యాచ్‌లు నిన్నటి నుంచి (జనవరి 23) ప్రారంభమయ్యాయి. తొలి రోజు ఆటలో రవీంద్ర జడేజా (ఐదు వికెట్లు) మినహా టీమిండియా ఆటగాళ్లంతా తేలిపోయారు. పలువురు దేశీయ ఆటగాళ్లు (గుజరాత్‌ బౌలర్‌ సిద్దార్థ్‌ దేశాయ్‌ తొమ్మిది వికెట్ల ప్రదర్శన) సత్తా చాటారు. నిన్న మొదలైన మ్యాచ్‌ల్లో పదో తరగతి చదువుతున్న ఓ కుర్రాడు టీమిండియా మాజీ కెప్టెన్‌ సౌరవ్‌ గంగూలీ రికార్డును బద్దలు కొట్టాడు.15 ఏళ్ల అంకిత్‌ ఛటర్జీ హర్యానాతో నిన్న మొదలైన మ్యాచ్‌లో బెంగాల్‌ తరఫున అరంగేట్రం చేపి, బెంగాల్‌ తరఫున రంజీ అరంగేట్రం చేసిన అతి పిన్న వయస్కుడిగా రికార్డు నెలకొల్పాడు. గతంలో ఈ రికార్డు బీసీసీఐ మాజీ బాస్‌ సౌరవ్‌ గంగూలీ పేరిట ఉండేది. గంగూలీ 17 ఏళ్ల వయసులో రంజీల్లోకి ఎంట్రీ ఇచ్చాడు. అంకిత్‌ ప్రస్తుతం పదో క్లాస్‌ చదువుతున్నాడు. క్లబ్‌ లెవెల్‌ క్రికెట్‌లో అద్భుత ప్రదర్శన అంకిత్‌కు రంజీ జట్టులో చోటు దక్కేలా చేసింది.నిన్న హర్యానాతో మొదలైన మ్యాచ్‌లో అంకిత్‌ 20 బంతులు ఎదుర్కొని బౌండరీ సాయంతో 5 పరుగులు చేసి అజేయంగా నిలిచాడు. తొలి రోజు ఆట ముగిసే సమయానికి అంకిత్‌ ప్రాతినిథ్యం వహిస్తున్న బెంగాల్‌ వికెట్‌ నష్టానికి 6 పరుగులు చేసింది. అంతకుముందు హర్యానా తొలి ఇన్నింగ్స్‌లో 157 పరుగులకే ఆలౌటైంది. బెంగాల్‌ యువ బౌలర్‌ సూరజ్‌ సింధు జైస్వాల్‌ ఆరు వికెట్లు తీసి హర్యానాను దెబ్బేశాడు. టీమిండియాకు ప్రాతినిథ్యం వహించే ముకేశ్‌ కుమార్‌, టీమిండియా పేసర్‌ మహ్మద్‌ షమీ తమ్ముడు మహ్మద్‌ కైఫ్‌ తలో రెండు వికెట్లు తీశారు. హర్యానా ఇన్నింగ్స్‌లో కెప్టెన్‌ అంకిత్‌ కుమార్‌ (57) టాప్‌ స్కోరర్‌గా నిలిచాడు.అతి పిన్న వయస్కుడు వైభవ్‌ సూర్యవంశీఅంకిత్‌ ఛటర్జీ బెంగాల్‌ తరఫున రంజీ అరంగ్రేటం చేసిన అతి పిన్న వయస్కుడైతే.. ఓవరాల్‌గా రంజీల్లో అరంగేట్రం చేసిన అతి చిన్న వయస్కుడి రికార్డు వైభవ్‌ సూర్యవంశీ పేరిట ఉంది. వైభవ్‌ 12 ఏళ్ల వయసులో బీహార్‌ తరఫున రంజీ అరంగేట్రం చేశాడు. వైభవ్‌ ముంబైతో జరిగిన తన తొలి మ్యాచ్‌లోనే అదరగొట్టాడు. వైభవ్‌ భారత్‌ తరఫున అండర్‌ 19 లెవెల్లో అరంగేట్రం చేసిన అతి పిన్న వయస్కుడిగానూ రికార్డు నెలకొల్పాడు. వైభవ్‌.. యూత్‌ టెస్ట్‌ల్లో ఫాస్టెస్ట్‌ సెంచరీ చేసిన భారత్‌ ఆటగాడిగానూ రికార్డు కలిగి ఉన్నాడు.

రంజీ ట్రోఫీలో ఇవాళ (జనవరి 23) టీమిండియా స్టార్‌ బ్యాటర్లకు గడ్డు పరిస్థితులు ఎదురయ్యాయి. రోహిత్‌ శర్మ మొదలుకుని.. వెటరన్లు రహానే, పుజారా, హనుమ విహారి వరకు అంతా దారుణంగా విఫలమయ్యారు. ప్రస్తుత భారత టెస్ట్‌ జట్టు సభ్యులు రోహిత్‌ (3), జైస్వాల్‌ (4), శుభ్‌మన్‌ గిల్‌ (4), రిషబ్‌ పంత్‌ (1) సింగిల్‌ డిజిట్‌ స్కోర్లకే ఔట్‌ కాగా.. భారత వన్డే జట్టు సభ్యుడు శ్రేయస్‌ అయ్యర్‌ (11), టీమిండియా భవిష్యత్తు తార రుతురాజ్‌ గైక్వాడ్‌ (10) స్వల్ప స్కోర్లకే నిష్క్రమించారు. గతంలో బోర్డర్‌ గవాస్కర్‌ ట్రోఫీలో అద్భుతమైన ఇన్నింగ్స్‌లు ఆడిన భారత క్లాసికల్‌ బ్యాటర్లు రహానే (12), పుజారా (6), హనుమ విహారి (6) కూడా తక్కువ స్కోర్లకే ఔటై నిరాశపరిచారు. విధ్వంసకర ఆటగాళ్లు రజత్‌ పాటిదార్‌ (0), శివమ్‌ దూబేకు (0) కూడా ఇవాళ బ్యాడ్‌ డేనే.టీమిండియా ఆటగాళ్లలో ఇవాళ ఎవరైనా సత్తా చాటారా అంటే అది రవీంద్ర జడేజా మాత్రమే. ఢిల్లీతో జరిగిన మ్యాచ్‌లో జడ్డూ ఐదు వికెట్ల ప్రదర్శన నమోదు చేశాడు. జమ్మూ అండ్‌ కశ్మీర్‌తో జరిగిన మ్యాచ్‌లో శార్దూల్‌ ఠాకూర్‌ (51) మెరుపు అర్ద సెంచరీ చేసి తన జట్టు (ముంబై) పరువు నిలబెట్టాడు.ఇవాల్టి నుంచి ప్రారంభంరంజీ ట్రోఫీ 2024-25లో ఇవాల్టి నుంచి (జనవరి 23) సెకెండ్‌ లెగ్‌ మ్యాచ్‌లు ప్రారంభమయ్యాయి. తొలి రోజు టీమిండియా ఆటగాళ్లంతా దాదాపుగా తేలిపోయారు. రవీంద్ర జడేజా మినహాయించి చెప్పుకోదగ్గ ప్రదర్శనలేమీ లేవు.రంజీ ట్రోఫీలో ఇవాల్టి హైలైట్స్‌- ఢిల్లీపై రవీంద్ర జడేజా (సౌరాష్ట్ర) ఐదు వికెట్ల ప్రదర్శన- ఉత్తరాఖండ్‌తో జరిగిన మ్యాచ్‌లో ఏకంగా 9 వికెట్లు పడగొట్టిన గుజరాత్‌ బౌలర్‌ సిద్దార్థ్‌ దేశాయ్‌- మేఘాలయతో జరిగిన మ్యాచ్‌లో ఒడిషా బౌలర్‌ తపస్‌ దాస్‌ 6 వికెట్ల ప్రదర్శన- ఉత్తర్‌ప్రదేశ్‌తో జరిగిన మ్యాచ్‌లో సెంచరీ చేసిన బీహార్‌ ఆటగాడు ఆయుష్‌ లోహారుకా (101)- జార్ఖండ్‌తో జరిగిన మ్యాచ్‌లో పరుగు తేడాతో సెంచరీ చేజార్చుకున్న చత్తీస్‌ఘడ్‌ ఆటగాడు అనుజ్‌ తివారి- ఇదే మ్యాచ్‌లో 5 వికెట్ల ప్రదర్శన నమోదు చేసిన జా​ర్ఖండ్‌ బౌలర్‌ ఉత్కర్ష్‌ సింగ్‌- హర్యానాతో జరిగిన మ్యాచ్‌లో 6 వికెట్ల ప్రదర్శన నమోదు చేసిన బెంగాల్‌ బౌలర్‌ సూరజ్‌ సింధు జైస్వాల్‌- చండీఘడ్‌తో జరిగిన మ్యాచ్‌లో సెంచరీ చేసిన తమిళనాడు ఆటగాడు ఆండ్రీ సిద్దార్థ్‌ (106)- ఇదే మ్యాచ్‌లో ఐదు వికెట్ల ప్రదర్శన నమోదు చేసిన చండీఘడ్‌ బౌలర్‌ విషు కశ్యప్‌ - మధ్యప్రదేశ్‌తో మ్యాచ్‌లో 5 వికెట్లు తీసిన కేరళ బౌలర్‌ నిధీశ్‌- హిమాచల్‌ ప్రదేశ్‌తో జరిగిన మ్యాచ్‌లో అజేయ శతకం బాదిన హైదరాబాద్‌ ఓపెనర్‌ తన్మయ్‌ అగర్వాల్‌ (137)- పుదుచ్ఛేరిపై సెంచరీ చేసిన ఆంధ్ర ఓపెనర్‌ షేక్‌ రషీద్‌ (105)- విదర్భపై 5 వికెట్ల ప్రదర్శన నమోదు చేసిన రాజస్థాన్‌ బౌలర్‌ ఖలీల్‌ అహ్మద్‌

టీమిండియా స్టార్ల రాకతో రంజీ ట్రోఫీ(Ranji Trophy)కి కొత్త కళ వస్తుందనుకుంటే... దాదాపుగా అందరూ ఉసూరుమనిపించారు. భారత టెస్టు కెప్టెన్ రోహిత్‌ శర్మ, వికెట్‌ కీపర్‌ రిషభ్‌ పంత్(Rishabh Pant), శుభ్‌మన్‌ గిల్, రవీంద్ర జడేజా(Ravindra Jadeja), యశస్వి జైస్వాల్‌ గురువారం మొదలైన రంజీ రెండో దశ బరిలో దిగిన విషయం తెలిసిందే.తొలిరోజు జడ్డూ ఒక్కడే హిట్‌ముంబై తరఫున ఓపెనింగ్‌ చేసిన టీమిండియా ఓపెనర్ల జోడీ రోహిత్‌ శర్మ(3)- జైస్వాల్‌(4) పూర్తిగా విఫలమయ్యారు. మిగతా వాళ్లలో ఢిల్లీ స్టార్‌ రిషభ్‌ పంత్‌(1), పంజాబ్‌ ఓపెనర్‌ శుబ్‌మన్‌ గిల్‌(4) కూడా నిరాశపరిచారు. అయితే, సౌరాష్ట్ర స్పిన్నర్‌ రవీంద్ర జడేజా మాత్రం ఐదు వికెట్లతో చెలరేగాడు.ఆరడుగుల బుల్లెట్‌.. ఎవరీ ఉమర్‌ నజీర్‌?అయితే, ఈ అందరు స్టార్ల నడుమ ఈనాటి మ్యాచ్‌లో ఓ ఆరడుగుల బౌలర్‌ హైలైట్‌గా నిలిచాడు. అతడి పేరు ఉమర్‌ నజీర్‌ మీర్‌. జమ్మూ కశ్మీర్‌ ఫాస్ట్‌ బౌలర్‌. ముంబై బ్యాటర్లకు చుక్కలు చూపించిన ఈ స్పీడ్‌స్టర్‌ రోహిత్‌ శర్మ వికెట్‌ తీయడం ద్వారా క్రికెట్‌ వర్గాల్లో చర్చనీయాంశమయ్యాడు.ముంబైలోని శరద్‌ పవార్‌ క్రికెట​ అకాడమీ బీకేసీ మైదానంలో ముంబై- జమ్మూ కశ్మీర్‌ మధ్య గురువారం మొదలైన రంజీ మ్యాచ్‌లో ఆతిథ్య జట్టు టాస్‌ గెలిచింది. తొలుత బ్యాటింగ్‌కు దిగి కశ్మీర్‌ జట్టును బౌలింగ్‌కు ఆహ్వానించింది. అయితే, ఊహించని రీతిలో పట్టుమని పది పరుగులు కూడా చేయకుండానే ఓపెనర్లు వెనుదిరిగారు.రోహిత్‌నే బోల్తా కొట్టించాడుజైస్వాల్‌ను ఆకిబ్‌ నబీ అవుట్‌ చేస్తే.. రోహిత్‌ శర్మ ఉమర్‌ నజీర్‌ బౌలింగ్‌లో కెప్టెన్‌ పారస్‌ డోగ్రాకు క్యాచ్‌ ఇచ్చి పెవిలియన్‌ చేరాడు. ఇక టీమిండియా కెప్టెన్‌ను అవుట్‌ చేయడం ద్వారా వికెట్ల వేట మొదలుపెట్టిన నజీర్‌.. హార్దిక్‌ తామోర్‌(40 బంతుల్లో 7), ముంబై సారథి అజింక్య రహానే(12), ఆల్‌రౌండర్‌ శివం దూబే(0) రూపంలో మరో మూడు కీలక వికెట్లు కూల్చాడు.అలా మొత్తంగా నాలుగు వికెట్లు కూల్చి ముంబై బ్యాటింగ్‌ ఆర్డర్‌ పతనాన్ని నజీర్‌ శాసించాడు. దీంతో అతడి వివరాలపై టీమిండియా అభిమానుల్లో ఆసక్తి నెలకొంది. జమ్మూ కశ్మీర్లోని పుల్వామా సమీపంలో ఉన్న మాలిక్‌పొరాలో నజీర్‌ జన్మించాడు. అతడి ఎత్తు ఆరడుగుల నాలుగు అంగుళాలకు పైమాటే. అదే అతడికి సానుకూలాంశం అయింది.ఫస్ట్‌క్లాస్‌ క్రికెట్‌లో భేష్‌ఈ పొడగరి స్పీడ్‌స్టర్‌ తనదైన బౌలింగ్‌ శైలితో దేశవాళీ క్రికెట్‌లో ఎంతో మంది బ్యాటర్లకు పీడకలలు మిగిల్చాడు. 31 ఏళ్ల ఈ రైటార్మ్‌ పేసర్‌కు.. టీమిండియాకు ఆడాలనేది చిరకాల కోరిక. అయితే, ఇంత వరకు నజీర్‌కు ఆ అవకాశం రాలేదు.అయితే, ఫస్ట్‌క్లాస్‌ క్రికెట్‌లో మాత్రం నజీర్‌ గణాంకాలు మెరుగ్గానే ఉన్నాయి. మొత్తంగా 57 మ్యాచ్‌లలో అతడు 138 వికెట్లు పడగొట్టాడు. గతేడాది రంజీ ట్రోఫీ సందర్భంగా సర్వీసెస్‌ జట్టుపై అత్యుత్తమంగా 6/53తో రాణించాడు. తాజా రంజీ ఎడిషన్‌లో సూపర్‌ ఫామ్‌లో ఉన్న నజీర్‌... గత మూడు మ్యాచ్‌లలో కలిపి పదకొండు వికెట్లు తీశాడు. అతడి ఎకానమీ రేటు 2.64గా నమోదు కావడం గమనార్హం.కుప్పకూలిన ముంబై టాప్‌, మిడిల్‌ ఆర్డర్‌ఇక మ్యాచ్‌ విషయానికొస్తే.. జైస్వాల్‌(4), రోహిత్‌ శర్మ(3), హార్దిక్‌ తామోర్‌(7), అజింక్య రహానే(12), శ్రేయస్‌ అయ్యర్‌(11), శివం దూబే(0), షామ్స్‌ ములానీ(0) వెంటవెంటనే పెవిలియన్‌ చేరడంతో ముంబై కష్టాల్లో కూరుకుపోయింది.బ్యాట్‌ ఝులిపించిన శార్దూల్‌అయితే, పేస్‌ బౌలింగ్‌ ఆల్‌రౌండర్‌ శార్దూల్‌ ఠాకూర్‌ బ్యాట్‌ ఝులిపించడంతో కాస్త ఊపిరి పీల్చుకుంది. 57 బంతుల్లో శార్దూల్‌ ఏకంగా 51 పరుగులు సాధించాడు. అతడికి తోడుగా తనూష్‌ కొటియాన్‌(26) రాణించాడు. వీరిద్దరి కారణంగా ముంబై గౌరవప్రదమైన స్కోరు చేసింది. 33.2 ఓవర్లలో 120 పరుగులకు ఆలౌట్‌ అయింది.జమ్మూ కశ్మీర్‌ బౌలర్లలో ఉమర్‌ నజీర్‌, యుధ్‌వీర్‌ సింగ్‌ నాలుగేసి వికెట్లు కూల్చగా... ఆకిబ్‌ నబీ రెండు వికెట్లు తన ఖాతాలో వేసుకున్నాడు. ఇక గురువారం నాటి తొలిరోజు ఆట ముగిసే సరికి జమ్మూ కశ్మీర్‌ 42 ఓవర్లలో ఏడు వికెట్లు నష్టపోయి 174 పరుగులు చేసింది. ముంబై కంటే 54 పరుగుల ఆధిక్యంలో​ నిలిచింది. చదవండి: అతడొక సూపర్‌స్టార్‌.. మా ఓటమికి కారణం అదే: బట్లర్‌

టీమిండియా స్టార్‌ ప్లేయర్లంతా ఒక్కొక్కరుగా రంజీ బాట పడుతున్నారు. ఇప్పటికే కెప్టెన్‌ రోహిత్‌ శర్మ (ముంబై), యశస్వి జైస్వాల్‌ (ముంబై), శుభ్‌మన్‌ గిల్‌ (పంజాబ్‌), రిషబ్‌ పంత్‌ (ఢిల్లీ), రవీంద్ర జడేజా (సౌరాష్ట్ర), శ్రేయస్‌ అయ్యర్‌ (ముంబై) తమతమ జట్ల తరఫున బరిలోకి దిగారు. జనవరి 30న ప్రారంభమయ్యే మ్యాచ్‌లో టీమిండియా పరుగుల యంత్రం విరాట్‌ కోహ్లి (ఢిల్లీ) కూడా బరిలోకి దిగుతానని ప్రకటించాడు. తాజాగా మరో స్టార్‌ ఆటగాడు కేఎల్‌ రాహుల్‌ కూడా జనవరి 30న ప్రారంభమయ్యే మ్యాచ్‌కు అందుబాటులో ఉంటానని వెల్లడించాడు. రాహుల్‌ కర్ణాటక తరఫున బరిలోకి దిగుతాడు. కర్ణాటక జట్టుకు మయాంక్‌ అగర్వాల్‌ సారథ్యం వహిస్తాడు. ఈనెల 30న ప్రారంభమయ్యే మ్యాచ్‌లో కర్ణాటక.. హర్యానాను ఢీకొంటుంది. ఈ మ్యాచ్‌ కర్ణాటక హోం గ్రౌండ్‌ అయిన చిన్న స్వామి స్టేడియంలో జరుగుతుంది.కాగా, రాహుల్‌ బోర్డర్‌ గవాస్కర్‌ ట్రోఫీ ఆడిన తన సహచరులు రోహిత్‌, యశస్వి, గిల్‌, పంత్‌, జడేజాలతో పాటు రంజీ బరిలో దిగాల్సి ఉండింది. అయితే మోచేతి గాయం కారణంగా అతను ఇవాళ (జనవరి 23) ప్రారంభమైన మ్యాచ్‌కు దూరమయ్యాడు. విరాట్‌ కోహ్లి సైతం గాయం కారణంగానే ఇవాళ మొదలైన మ్యాచ్‌కు అందుబాటులో లేడు.ఇదిలా ఉంటే, ఖాళీగా ఉన్న టీమిండియా ఆటగాళ్లంతా రంజీల్లో తప్పకుండా ఆడాలని బీసీసీఐ కండీషన్‌ పెట్టిన విషయం తెలిసిందే. రంజీల్లో ఆడటం​ తప్పనిసరి చేసిన నేపథ్యంలో గత్యంతరం లేక భారత ఆటగాళ్లంతా ఒక్కొక్కరుగా రంజీ బాట పడుతున్నారు. టీమిండియా స్టార్లంతా విఫలం.. ఒక్క జడేజా తప్ప..!రంజీ బరిలోకి దిగిన టీమిండియా స్టార్లంతా దారుణంగా విఫలమయ్యారు. వేర్వేరు జట్లతో జరిగిన మ్యాచ్‌ల్లో రోహిత్‌ శర్మ, యశస్వి జైస్వాల్‌, శుభ్‌మన్‌ గిల్‌, రిషబ్‌ పంత్‌ సింగిల్‌ డిజిట్‌ స్కోర్లకే పరిమితమయ్యారు. రంజీ బరిలోకి దిగిన టీమిండియా స్టార్‌ ఆటగాళ్లలో ఒక్క రవీంద్ర జడేజా మాత్రమే సత్తా చాటాడు. ఢిల్లీతో జరిగిన మ్యాచ్‌లో జడ్డూ ఐదు వికెట్ల ప్రదర్శన నమోదు చేశాడు.రంజీల మాట అటుంచితే, ప్రస్తుతం భారత టీ20 జట్టు ఇంగ్లండ్‌తో ఐదు మ్యాచ్‌ల సిరీస్‌ ఆడుతుంది. ఈ సిరీస్‌లో భాగంగా నిన్న (జనవరి 22) జరిగిన తొలి మ్యాచ్‌లో భారత్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ 20 ఓవర్లు బ్యాటింగ్‌ చేసి 132 పరుగులకు ఆలౌటైంది. ఇంగ్లండ్‌ ఇన్నింగ్స్‌లో కెప్టెన్‌ జోస్‌ బట్లర్‌ (68) ఒక్కడే రాణించాడు. భారత బౌలర్లు వరుణ్‌ చక్రవర్తి (4-0-23-3), అర్షదీప్‌ సింగ్‌ (4-0-17-2), అక్షర్‌ పటేల్‌ (4-1-22-2), హార్దిక్‌ పాండ్యా (4-0-42-2) అద్భుతంగా బౌలింగ్‌ చేసి ఇంగ్లండ్‌ బ్యాటర్ల భరతం పట్టారు.స్వల్ప లక్ష్య ఛేదనకు దిగిన భారత్‌కు ఓపెనర్లు సంజూ శాంసన్‌ (26), అభిషేక్‌ శర్మ (34 బంతుల్లో 79; 5 ఫోర్లు, 8 సిక్సర్లు) మెరుపు ఆరంభాన్ని అందించారు. అభిషేక్‌ ఆకాశమే హద్దుగా చెలరేగి 20 బంతుల్లోనే హాఫ్‌ సెంచరీ పూర్తి చేశాడు. భారత ఇన్నింగ్స్‌లో కెప్టెన్‌ సూర్యకుమార్‌ యాదవ్‌ (0) నిరాశపరిచినా తిలక్‌ వర్మ (19), హార్దిక్‌ పాండ్యా (3) టీమిండియాను విజయతీరాలకు చేర్చారు. కేవలం 12.5 ఓవర్లలోనే (3 వికెట్లు) భారత్‌ గెలుపు తీరాలు తాకింది. ఇంగ్లండ్‌ బౌలర్లలో జోఫ్రా ఆర్చర్‌ 2, ఆదిల్‌ రషీద్‌ ఓ వికెట్‌ పడగొట్టారు. ఈ సిరీస్‌లో తదుపరి టీ20 జనవరి 25న చెన్నై వేదికగా జరుగనుంది.

రంజీ ట్రోఫీ 2024-25 సెకెండ్‌ లెగ్‌ మ్యాచ్‌లు ఇవాల్టి నుంచి (జనవరి 23) ప్రారంభమయ్యాయి. ఖాళీగా ఉన్న టీమిండియా ఆటగాళ్లంతా రంజీల్లో తప్పక ఆడాలని బీసీసీఐ కండీషన్‌ పెట్టిన నేపథ్యంలో హేమాహేమీలంతా బరిలోకి దిగారు. ముంబై తరఫున రోహిత్‌ శర్మ, యశస్వి జైస్వాల్‌, శ్రేయస్‌ అయ్యర్‌.. పంజాబ్‌ తరఫున శుభ్‌మన్‌ గిల్‌.. ఢిల్లీ తరఫున రిషబ్‌ పంత్‌.. సౌరాష్ట్ర తరఫున రవీంద్ర జడేజా తమ అదృష్టాన్ని పరీక్షించుకుంటున్నారు.తేలిపోయిన పంత్‌.. ఐదేసిన జడేజాఎలైట్‌ గ్రూప్‌ డిలో భాగంగా ఇవాళ ఢిల్లీ, సౌరాష్ట్ర జట్లు తలపడుతున్నాయి. ఈ మ్యాచ్‌లో తొలుత బ్యాటింగ్‌ చేసిన ఢిల్లీ 188 పరుగులకే ఆలౌటైంది. ఢిల్లీ తరఫున బరిలోకి దిగిన టీమిండియా స్టార్‌ రిషబ్‌ పంత్‌ దారుణంగా విఫలమయ్యాడు. పంత్‌ 10 బంతులు ఎదుర్కొని ఒక్క పరుగు మాత్రమే చేసి వెనుదిరిగాడు. ఆయుశ్‌ బదోని (60), యశ్‌ ధుల్‌ (44), మయాంక్‌ గుసెయిన్‌ (38 నాటౌట్‌) ఓ మోస్తరు ఇన్నింగ్స్‌లు ఆడటంతో ఢిల్లీ ఈ మాత్రం స్కోరైనా చేయగలిగింది. ఢిల్లీ బ్యాటింగ్‌ లైనప్‌ను టీమిండియా స్టార్‌ ఆల్‌రౌండర్‌ రవీంద్ర జడేజా కకావికలం చేశాడు. జడ్డూ 17.4 ఓవర్లలో 66 పరుగులిచ్చి ఐదు వికెట్లు తీశాడు. జడేజాకు మరో జడేజా (ధర్మేంద్రసిన్హ్‌) తోడయ్యాడు. ఈ జడేజా 19 ఓవర్లలో 63 పరుగులిచ్చి 3 వికెట్లు పడగొట్టాడు. సౌరాష్ట్ర కెప్టెన్‌ జయదేవ్‌ ఉనద్కత్‌, యువరాజ్‌ సింగ్‌ దోడియా తలో వికెట్‌ దక్కించుకున్నారు. ఢిల్లీ ఇన్నింగ్స్‌ చివరి రెండు బంతులకు వికెట్లు తీసిన రవీంద్ర జడేజాకు సెకెండ్‌ ఇన్నింగ్స్‌లో హ్యాట్రిక్‌ తీసే అవకాశం ఉంటుంది. 36 ఏళ్ల జడ్డూకు ఫస్ట్‌ క్లాస్‌ కెరీర్‌లో ఇది 35వ ఐదు వికెట్ల ఘనత.పేలవ ఫామ్‌ను కొనసాగించిన రోహిత్‌.. నిరాశపరిచిన జైస్వాల్‌, శ్రేయస్‌, దూబేఎలైట్‌ గ్రూప్‌-ఏలో భాగంగా రోహిత్‌ శర్మ, జైస్వాల్‌ ప్రాతినిథ్యం వహిస్తున్న ముంబై.. జమ్మూ అండ్‌ కశ్మీర్‌తో తలపడుతుంది. ఈ మ్యాచ్‌లో పటిష్టమైన బ్యాటింగ్‌ లైనప్‌ కలిగిన ముంబై.. జమ్మూ అండ్‌ కశ్మీర్‌ బౌలర్ల ధాటికి విలవిలలాడిపోయింది. ముంబై తొలి ఇన్నింగ్స్‌లో 33.2 ఓవర్లలో 120 పరుగులకే కుప్పకూలింది. టీమిండియా కెప్టెన్‌ రోహిత్‌ శర్మ పేలవ ప్రదర్శన రంజీల్లోనూ కొనసాగింది. హిట్‌మ్యాన్‌ కేవలం​ 3 పరుగులకే వెనుదిరిగాడు. మరో టీమిండియా స్టార్‌ యశస్వి జైస్వాల్‌ 4 పరుగులకే ఔటయ్యాడు. టీమిండియా పరిమిత ఓవర్ల స్పెషలిస్ట్‌లు శ్రేయస్‌ అయ్యర్‌ (11), శివమ్‌ దూబే (0) నిరాశపరిచారు. ముంబై కెప్టెన్‌, టీమిండియా ఆటగాడు అజింక్య రహానే (12) కూడా తేలిపోయాడు. పీకల్లోతు కష్టాల్లో ఉన్న ముంబైను మరో టీమిండియా ఆటగాడు శార్దూల్‌ ఠాకూర్‌ (51) గట్టెక్కించే ప్రయత్నం చేశాడు. శార్దూల్‌ హాఫ్‌ సెంచరీ పుణ్యమా అని ముంబై 100 పరుగుల మార్కును దాటగలిగింది. శార్దూల్‌కు తనుశ్‌ కోటియన్‌ (26) కాసేపు సహకరించాడు. జమ్మూ అండ్‌ కశ్మీర్‌ బౌలర్లు యుద్‌వీర్‌ సింగ్‌ చరక్‌ (8.2-2-31-4), ఉమర్‌ నజీర్‌ మిర్‌ (11-2-41-4), ఆకిబ్‌ నబీ దార్‌ (13-3-36-2) స్టార్లతో నిండిన ముంబై బ్యాటింగ్‌ లైనప్‌కు బెంబేలెత్తించారు.తీరు మార్చుకోని గిల్‌గిల్‌ వైఫల్యాల పరంపర రంజీల్లోనూ కొనసాగుతుంది. బీజీటీ వచ్చిన అవకాశాలను సద్వినియోగం చేసుకోలేకపోయిన గిల్‌.. కర్ణాటకతో జరుగుతున్న రంజీ మ్యాచ్‌లోనూ నిరాశపరిచాడు. ఈ మ్యాచ్‌లో తొలుత బ్యాటింగ్‌ చేసిన పంజాబ్‌ 55 పరుగులకే కుప్పకూలింది. కర్ణాటక బౌలర్లు ఆకాశమే హద్దుగా చెలరేగి పంజాబ్‌ ఇన్నింగ్స్‌ను మట్టుబెట్టారు. వి కౌశిక్‌ 4, అభిలాశ్‌ షెట్టి 3, ప్రసిద్ద్‌ కృష్ణ 2, యశోవర్దన్‌ పరంతాప్‌ ఓ వికెట్‌ పడగొట్టారు. ఈ మ్యాచ్‌లో పంజాబ్‌ సారధిగా వ్యవహరిస్తున్న గిల్‌ కేవలం 4 పరుగులకే ఔటయ్యాడు. పంజాబ్ ఇన్నింగ్స్‌లో రమన్‌దీప్‌సింగ్‌ (16), మార్కండే (12) మాత్రమే రెండంకెల స్కోర్‌ చేయగలిగారు.

టీమిండియా కెప్టెన్ రోహిత్ శ‌ర్మ(Rohit sharma) త‌న పేలవ ఫామ్‌ను కొన‌సాగిస్తున్నాడు. ప‌దేళ్ల త‌ర్వాత రంజీట్రోఫీలో ముంబై త‌ర‌పున ఆడుతున్న రోహిత్ శ‌ర్మ‌.. అక్క‌డ కూడా తీవ్ర నిరాశ‌ప‌రిచాడు. శరద్ పవార్ క్రికెట్ అకాడమీ వేదిక‌గా జమ్మూ కాశ్మీర్‌తో జరిగిన మ్యాచ్‌లో హిట్‌మ్యాన్ కేవలం మూడు పరుగులు మాత్రమే చేసి ఔటయ్యాడు. ఓపెన‌ర్‌గా బ‌రిలోకి దిగిన రోహిత్ ఆరంభం నుంచే జ‌మ్మూ బౌల‌ర్ల‌ను ఎదుర్కొవ‌డానికి ఇబ్బంది ప‌డ్డాడు. ఆఖ‌రికి 19 బంతులు ఆడి పేస‌ర్ ఉమార్ న‌జీర్ బౌలింగ్‌లో ఔట‌య్యాడు. అత‌డితో పాటు మ‌రో స్టార్ ప్లేయ‌ర్ యశస్వి జైస్వాల్(Yashasvi Jaiswal) సైతం విఫలమయ్యాడు. జైశ్వాల్ కేవలం 4 పరుగులు మాత్రమే చేసి అకిబ్ నబీబ్ బౌలింగ్‌లో ఎల్బీగా వెనుదిరిగాడు.టాస్ గెలిచి బ్యాటింగ్‌కు దిగిన ముంబై కేవ‌లం 41 ప‌రుగుల‌కే 5 వికెట్లు కోల్పోయి క‌ష్టాల్లో ప‌డింది. రోహిత్, జైశ్వాల్‌తో పాటు కెప్టెన్ అజింక్య రహానే,హార్దిక్ తోమార్‌, శివమ్ దూబే వంటి స్టార్ ప్లేయర్లు పెవిలియన్‌కు చేరారు. జమ్మూ బౌలర్ ఉమార్ న‌జీర్ నాలుగు వికెట్లు పడగొట్టి ముంబైని దెబ్బతీశాడు.తీరు మారని రోహిత్‌..కాగా రోహిత్ శర్మ రెడ్‌బాల్ ఫార్మాట్‌లో గడ్డు పరిస్థితులను ఎదుర్కొంటున్నాడు. ఇటీవలే ఆస్ట్రేలియాతో జరిగిన బోర్డర్ గవాస్కర్ ట్రోఫీలో రోహిత్ దారుణ ప్రదర్శన కనబరిచాడు. మొత్తం 5 ఇన్నింగ్స్‌ల‌లో కేవ‌లం 31 ప‌రుగులు మాత్ర‌మే చేశాడు.అంత‌క‌ముందు న్యూజిలాండ్ సిరీస్‌లోనూ హిట్‌మ్యాన్ అదే తీరును క‌న‌బ‌రిచాడు. దీంతో అత‌డిపై విమ‌ర్శ‌లు వెల్లువెత్తాయి. ఈ క్ర‌మంలో త‌న రిథ‌మ్‌ను తిరిగి పొందేందుకు రంజీల్లో ఆడాల‌ని రోహిత్ నిర్ణ‌యించుకున్నాడు. కానీ అక్క‌డ కూడా త‌న మార్క్‌ను చూపించ‌లేక‌పోయాడు. కనీసం​ సెకెండ్‌ ఇన్నింగ్స్‌లోనైనా హిట్‌మ్యాన్‌ తన బ్యాట్‌కు పనిచెబుతాడో లేదో చూడాలి.చదవండి: IND vs ENG: చరిత్ర సృష్టించిన అభిషేక్‌.. ప్రపంచంలోనే తొలి ప్లేయర్‌గా Rohit Sharma out for 3 in 19 😶Embarrass!ng #RohitSharmapic.twitter.com/UIoY5tCj6Z— Veena Jain (@DrJain21) January 23, 2025

దేశవాళీ క్రికెట్‌ పునరాగమనంలో టీమిండియా స్టార్‌ శుబ్‌మన్‌ గిల్‌(Shubman Gill) పూర్తిగా నిరాశపరిచాడు. పంజాబ్‌(Punjab) తరఫున బరిలోకి దిగిన ఈ ఓపెనింగ్‌ బ్యాటర్‌ సింగిల్‌ డిజిట్‌కే పరిమితమయ్యాడు. కాగా గత కొంతకాలంగా భారత ప్రధాన ఆటగాళ్లు కెప్టెన్‌ రోహిత్‌ శర్మ, విరాట్‌ కోహ్లి, శుబ్‌మన్‌ గిల్‌ తదితరులు టెస్టుల్లో విఫలమవుతున్న విషయం తెలిసిందే.తారలు దిగి వచ్చారుఈ క్రమంలో భారత క్రికెట్‌ నియంత్రణ మండలి(బీసీసీఐ) కీలక ఆదేశాలు జారీ చేసింది. జాతీయ జట్టు తరఫున విధుల్లో లేనపుడు ప్రతి ఒక్కరు దేశవాళీ క్రికెట్‌ ఆడాలన్న నిబంధనలు కఠినతరం చేసింది. ఈ నేపథ్యంలో రోహిత్‌ శర్మ, యశస్వి జైస్వాల్‌ ముంబై తరఫున.. రిషభ్‌ పంత్‌ ఢిల్లీ తరఫున.. శుబ్‌మన్‌ గిల్‌ పంజాబ్‌ తరఫున రంజీ ట్రోఫీ(Ranji Trophy) సెకండ్‌ లెగ్‌ బరిలో దిగారు. కోహ్లి మాత్రం మెడనొప్పి వల్ల ఢిల్లీ జట్టుకు దూరంగా ఉన్నాడుపంజాబ్‌ ఓపెనర్‌గా గిల్‌ విఫలంఇక బెంగళూరు వేదికగా కర్ణాటక- పంజాబ్‌ మధ్య గురువారం మొదలైన మ్యాచ్‌లో టాస్‌ గెలిచిన కర్ణాటక.. తొలుత బౌలింగ్‌ ఎంచుకుంది. ఈ క్రమంలో ప్రభ్‌సిమ్రన్‌ సింగ్‌తో కలిసి శుబ్‌మన్‌ గిల్‌ పంజాబ్‌ ఇన్నింగ్స్‌ ఆరంభించాడు. అయితే, కర్ణాటక బౌలర్‌ అభిలాష్‌ శెట్టి వరుస ఓవర్లలో ఓపెనింగ్‌ జోడీని విడగొట్టాడు. ఈ లెఫ్టార్మ్‌ పేసర్‌ బౌలింగ్‌లో తొలి వికెట్‌గా గిల్‌ వెనుదిరిగాడు.కర్ణాటక పేసర్ల జోరుమొత్తంగా ఎనిమిది బంతులు ఎదుర్కొన్న గిల్‌.. ఒకే ఒక్క ఫోర్‌ కొట్టి నిష్క్రమించాడు. క్రిష్ణన్‌ శ్రీజిత్‌కు క్యాచ్‌ ఇచ్చి పెవిలియన్‌ చేరాడు. మరోవైపు.. ప్రభ్‌సిమ్రన్‌ సింగ్‌ 28 బంతుల్లో ఒక ఫోర్‌ సాయంతో ఆరు పరుగులు చేసి.. అభిలాష్‌ శెట్టి బౌలింగ్‌లో అనీశ్‌ కేవీకి క్యాచ్‌ ఇచ్చి అవుటయ్యాడు. ఇక మరో పేసర్‌ వాసుకి కౌశిక్‌ కూడాపంజాబ్‌ బ్యాటర్లకు చుక్కలు చూపించాడు.వన్‌డౌన్‌ బ్యాటర్‌ బ్యాటర్‌ ఫుఖ్రాజ్‌ మన్‌(1)తో పాటు.. నాలుగో స్థానంలో వచ్చిన అన్మోల్‌ప్రీత్‌ సింగ్‌(0)ను సింగిల్‌ డిజిట్‌ స్కోర్లకే పెవిలియన్‌ చేర్చాడు. ఈ క్రమంలో ఆరంభంలోనే నాలుగు వికెట్లు కోల్పోయిన 10 ఓవర్లలో కేవలం 19 పరుగులు మాత్రమే చేసి.. కష్టాల్లో కూరుకుపోయింది.బోర్డర్‌ - గావస్కర్‌ ట్రోఫీలో గిల్‌ ఫ్లాఫ్‌ షోకాగా ఇటీవల ఆస్ట్రేలియాతో జరిగిన బోర్డర్‌ - గావస్కర్‌ ట్రోఫీలో శుబ్‌మన్‌ గిల్‌ విఫలమైన విషయం తెలిసిందే. గాయం వల్ల తొలి టెస్టుకు దూరమైన ఈ కుడిచేతి వాటం బ్యాటర్‌.. రెండో టెస్టు నుంచి అందుబాటులోకి వచ్చాడు. అడిలైడ్‌లో జరిగిన ఈ మ్యాచ్‌లో గిల్‌ రెండు ఇన్నింగ్స్‌లో వరుసగా 31, 28 పరుగులతో ఫర్వాలేదనిపించాడు.అయితే, గబ్బా మైదానంలో జరిగిన మూడో టెస్టులో మాత్రం ఒక్క పరుగుకే పరిమితమయ్యాడు. ఈ క్రమంలో మెల్‌బోర్న్‌ బాక్సింగ్‌ డే టెస్టుకు దూరంగా ఉన్న ఈ వన్‌డౌన్‌ బ్యాటర్‌.. ఆఖరిదైన సిడ్నీ టెస్టులో 20, 13 పరుగులు చేశాడు. మొత్తంగా ఆస్ట్రేలియాతో ఈ ఐదు టెస్టుల సిరీస్‌లో శుబ్‌మన్‌ గిల్‌ కేవలం 93 పరుగులు మాత్రమే చేశాడు. రోహిత్‌- జైస్వాల్‌ కూడా ఫెయిల్‌ఇందులో ఒక్క అర్ధ శతకం కూడా లేకపోవడం గమనార్హం. ఈ నేపథ్యంలో రంజీ బరిలో దిగి ఫామ్‌లోకి రావాలని ఆశించిన గిల్‌కు మొదటి ప్రయత్నంలోనే చుక్కెదురైంది. కర్ణాటకతో మ్యాచ్‌లో రెండో ఇన్నింగ్స్‌లోనైనా అతడు రాణిస్తాడేమో చూడాలి! మరోవైపు.. జమ్మూ- కశ్మీర్‌తో మ్యాచ్‌లో ముంబై ఓపెనర్లు యశస్వి జైస్వాల్‌- రోహిత్‌ శర్మ కూడా ఫెయిలయ్యారు. జైస్వాల్‌ నాలుగు, రోహిత్‌ మూడు పరుగులు మాత్రమే చేసి అవుటయ్యారు. చదవండి: NADA: బుమ్రా, సూర్య, పంత్‌, సంజూ శాంసన్‌.. ఇంకా..

ముంబై: దేశవాళీ ప్రతిష్టాత్మక క్రికెట్‌ టోర్నమెంట్‌ రంజీ ట్రోఫీలో చాలా కాలం తర్వాత భారత స్టార్‌ ఆటగాళ్లు పాల్గొంటున్నారు. జాతీయ జట్టుకు ప్రాతినిధ్యం వహించాలంటే... అందుబాటులో ఉన్న సమయంలో దేశవాళీ మ్యాచ్‌లు ఆడాల్సిందేనని భారత క్రికెట్‌ నియంత్రణ మండలి (బీసీసీఐ) స్పష్టం చేసిన నేపథ్యంలో స్టార్‌ ఆటగాళ్లు రంజీ బాట పట్టారు. నేటి నుంచి దేశవ్యాప్తంగా రంజీ ట్రోఫీ రెండో దశ మ్యాచ్‌లు ప్రారంభం కానుండగా... భారత టెస్టు కెప్టెన్ రోహిత్‌ శర్మ, వికెట్‌ కీపర్‌ రిషభ్‌ పంత్, శుభ్‌మన్‌ గిల్, రవీంద్ర జడేజా, యశస్వి జైస్వాల్‌ వంటి స్టార్‌ ఆటగాళ్లు బరిలోకి దిగనున్నారు. గాయం కారణంగా ఈ మ్యాచ్‌కు విరాట్‌ కోహ్లి అందుబాటులో ఉండనని ముందే వెల్లడించగా... ఢిల్లీ జట్టు ఆడే తదుపరి మ్యాచ్‌లో అతడు కూడా పాల్గొననున్నాడు. రోహిత్‌ శర్మ 12 ఏళ్ల తర్వాత రంజీ ట్రోఫీ బరిలో దిగనున్నాడు. ఇప్పటికే స్టార్‌లతో నిండి ఉన్న డిఫెండింగ్‌ చాంపియన్‌ ముంబై జట్టు రోహిత్‌ శర్మ, యశస్వి జైస్వాల్‌ రాకతో మరింత పటిష్టంగా మారింది. ఎలైట్‌ గ్రూప్‌ ‘ఎ’లో భాగంగా జమ్మూ కశీ్మర్‌తో అజింక్య రహానే సారథ్యంలోని ముంబై జట్టు తలపడుతుంది. ఇప్పటి వరకు రికార్డు స్థాయిలో 42 సార్లు రంజీ ట్రోఫీ కైవసం చేసుకున్న ముంబై జట్టు తాజా సీజన్‌లో 5 మ్యాచ్‌లాడి 3 విజయాలు, ఒక పరాజయం, ఒక ‘డ్రా’తో 22 పాయింట్లు ఖాతాలో వేసుకొని గ్రూప్‌లో మూడో స్థానంలో ఉంది. బరోడా (27 పాయింట్లు), జమ్మూ కశ్మీర్‌ (23 పాయింట్లు) తొలి రెండు స్థానాల్లో ఉన్నాయి. లీగ్‌ దశలో మరో రెండు మ్యాచ్‌లు మాత్రమే మిగిలి ఉన్న నేపథ్యంలో ముంబై జట్టు మెరుగైన ప్రదర్శన కనబర్చాలని చూస్తోంది. రోహిత్‌ రాకతో జట్టు మరింత బలోపేతమైందని ముంబై కెపె్టన్‌ రహానే పేర్కొన్నాడు. ‘రోహిత్‌ అంటే రోహితే. అతడికి ఒకరు చెప్పాల్సిన అవసరం లేదు. అతడితో కలిసి ముంబై డ్రెస్సింగ్‌ రూమ్‌ను మరోసారి పంచుకోనుండటం ఆనందంగా ఉంది. రోహిత్‌ చాలా ప్రశాంతంగా ఉంటాడు. అంతర్జాతీయ స్థాయిలో అది ఎన్నోసార్లు చూశాం. ఎప్పుడు ఎలా ఆడాలో అతడికి బాగా తెలుసు. ఒక్కసారి లయ అందుకుంటే అతడిని ఆపడం కష్టం. ప్రతి ఆటగాడికి క్లిష్ట పరిస్థితులు ఎదురవుతాయి. వాటిని అధిగమించి పరుగుల కోసం తపించడం ముఖ్యం. యశస్వి జైస్వాల్‌ గత కొంతకాలంగా నిలకడగా రాణిస్తున్నాడు. జాతీయ జట్టు తరఫునే కాకుండా ముంబై తరఫున కూడా అతడు మెరుగైన ప్రదర్శన చేశాడు. అంతర్జాతీయ స్థాయిలో అనుభవం ఉన్న వారి సాన్నిహిత్యంలో ముంబై ఆటగాళ్లు ఎంతో నేర్చుకుంటారు’ అని రహానే అన్నాడు. ఆ్రస్టేలియా పర్యటనలో పేలవ ఫామ్‌తో నిరాశ పరిచిన రోహిత్‌ శర్మ... ఐసీసీ చాంపియన్స్‌ ట్రోఫీ ప్రారంభానికి ముందు రంజీ ట్రోఫీ ద్వారా తిరిగి లయ అందుకుంటాడా చూడాలి. పంత్‌ X జడేజా రాజ్‌కోట్‌ వేదికగా జరగనున్న గ్రూప్‌ ‘డి’ మ్యాచ్‌లో సౌరాష్ట్ర జట్టుతో ఢిల్లీ టీమ్‌ ఆడుతుంది. సౌరాష్ట్ర తరఫున టీమిండియా ఆల్‌రౌండర్‌ రవీంద్ర జడేజా బరిలోకి దిగుతుండగా... రిషభ్‌ పంత్‌ ఢిల్లీ జట్టుకు ప్రాతినిధ్యం వహిస్తున్నాడు. చతేశ్వర్‌ పుజారా, జైదేవ్‌ ఉనాద్కట్‌లతో సౌరాష్ట్ర జట్టు బలంగా కనిపిస్తోంది. ఢిల్లీ జట్టులో ఆయుశ్‌ బదోనీ, యశ్‌ ధుల్‌ వంటి యువ ఆటగాళ్లు అందుబాటులో ఉన్నారు. క్వార్టర్స్‌ ఆశలు సజీవంగా ఉండాలంటే ఇరు జట్లకు ఈ మ్యాచ్‌లో విజయం తప్పనిసరి కావడంతో హోరాహోరీ పోరు సాగడం ఖాయమే. చాంపియన్స్‌ ట్రోఫీ కోసం ప్రకటించిన భారత జట్టుకు వైస్‌ కెప్టెన్‌గా ఎంపికైన యువ ఓపెనర్‌ శుబ్‌మన్‌ గిల్‌ పంజాబ్‌ జట్టు తరఫున రంజీ ట్రోఫీ ఆడనుండగా... కర్ణాటక జట్టుకు దేవదత్‌ పడిక్కల్, ప్రసిధ్‌ కృష్ణ ప్రాతినిధ్యం వహిస్తున్నారు. ఇటీవల విజయ్‌ హజారే వన్డే టోర్నీలో సెంచరీల మీద సెంచరీలు బాదిన విదర్భ ప్లేయర్‌ కరుణ్‌ నాయర్‌పై అందరి దృష్టి నిలవనుంది. హిమాచల్‌తో హైదరాబాద్‌ పోరు ఎలైట్‌ గ్రూప్‌ ‘బి’లో భాగంగా హైదరాబాద్‌ వేదికగా గురువారం నుంచి ప్రారంభం కానున్న మ్యాచ్‌లో హిమాచల్‌ ప్రదేశ్‌తో హైదరాబాద్‌ రంజీ జట్టు తలపడనుంది. మరోవైపు పుదుచ్చేరితో ఆంధ్ర జట్టు అమీతుమీ తేల్చుకోనుంది. హైదరాబాద్‌ కెప్టెన్ తిలక్‌ వర్మ జాతీయ విధుల్లో ఉండగా... స్టార్‌ పేసర్‌ సిరాజ్‌ పనిభారం కారణంగా ఈ మ్యాచ్‌కు దూరంగా ఉన్నాడు. తాజా సీజన్‌లో ఇప్పటి వరకు 5 మ్యాచ్‌లాడిన హైదరాబాద్‌ జట్టు ఒక విజయం, 2 పరాజయాలు, 2 ‘డ్రా’లతో 9 పాయింట్లు ఖాతాలో వేసుకొని పట్టికలో ఆరో స్థానంలో ఉండగా... ఆంధ్ర జట్టు ఐదు మ్యాచ్‌ల్లో 3 పరాజయాలు, 2 ‘డ్రా’లతో 4 పాయింట్లు సాధించి ఏడో స్థానంలో కొనసాగుతోంది.

పరిస్థితులు ఎప్పుడూ ఒకేలా ఉండవు. భారత్ క్రికెట్ జట్టులోని హేమాహేమీలైన స్టార్ క్రికెటర్లు కెప్టెన్ రోహిత్ శర్మ, విరాట్ కోహ్లీ ల పరిస్థితి చూస్తే ఈ విషయం అందరికీ అర్థమవుతుంది. గత కొంత కాలం వరకు భారత్ క్రికెట్‌ను శాసించిన ఈ ఇద్దరూ ప్రస్తుతం పేలవమైన ఫామ్ కారణంగా ఇబ్బందులు ఎదుర్కొంటున్నారు.ఇటీవల ఆస్ట్రేలియా పర్యటనతో పాటు.. అంతకుముందు స్వదేశంలో న్యూజిలాండ్ తో జరిగిన టెస్ట్ సిరీస్‌లో భారత్ జట్టు ఘోరంగా విఫలమైన విషయం తెలిసిందే. ఈ నేపథ్యంలో భారత్ క్రికెట్ కంట్రోల్ బోర్డు(బీసీసీఐ) పరిస్థితిని చక్కదిద్దేందుకు చర్యలు చెప్పటింది. ఆటగాళ్లందరికీ కొత్త మార్గదర్శకాలు విడుదల చేసింది. ఇందులో భాగంగా భారత్ జట్టులోని క్రికెటర్లు అందరూ దేశవాళీ పోటీల్లో తప్పనిసరిగా ఆడాలి. ఏదైనా అత్యవసర పరిస్థితులు కారణంగా దేశవాళీ పోటీల్లో ఆడలేనప్పుడు బీసీసీఐ నుంచి తప్పనిసరిగా అనుమతి తీసుకోవాలి. రోహిత్ దశాబ్దం తర్వాతగురువారం రంజీ ట్రోఫీ టోర్నమెంట్ రెండో దశ ప్రారంభమైనప్పుడు ఒక అరుదైన సంఘటన జరగనుంది. అంతర్జాతీయ పోటీల్లో ఎప్పుడూ బిజీగా ఉండే స్టార్ క్రికెటలందరు తమ రాష్ట్ర జట్ల తరఫున రంజీ ట్రోఫీ పోటీల్లో ఆడనున్నారు. ఇందులో రోహిత్ శర్మ, వైస్-కెప్టెన్ శుభ్‌మాన్ గిల్‌, రిషబ్ పంత్, అజయ్ జడేజా, హైదరాబాద్ పేస్ బౌలర్ మహమ్మద్ సిరాజ్‌ వంటి టాప్ స్టార్లు ఉండటం విశేషం.కెప్టెన్ రోహిత్ శర్మ అయితే దాదాపు ఒక దశాబ్దం తర్వాత రంజీ ట్రోఫీ పోటీల్లో ఛాంపియన్స్ ముంబై తరఫున ఆడనున్నాడు. రోహిత్ మాజీ భారత్ ఆటగాడు అజింక్య రహానే నాయకత్వంలో ముంబై తరపున బరిలో దిగనున్నాడు. జమ్మూ కాశ్మీర్‌ తో జరగనున్న మ్యాచ్ లో రోహిత్ భారత్ జట్టు యువ ఓపెనర్ యశస్వి జైస్వాల్‌తో కలిసి ముంబై బ్యాటింగ్ ప్రారంభించే అవకాశం ఉంది. ఎలైట్ గ్రూ-‘ఎ’ లో ముంబై 22 పాయింట్లతో మూడో స్థానంలో ఉంది. ఇక జమ్మూ కాశ్మీర్‌ 23 పాయింట్లతో రెండవ స్థానంలో ఉంది. అయితే ఫిట్ నెస్ లేని కారణంగా విరాట్ కోహ్లీ ఈ రంజీ ట్రోఫీ పోటీల్లో ఆడకుండా బీసీసీఐ నుంచి మినహాయింపు పొందాడు. మెడ నొప్పి తో బాధపడుతున్న కోహ్లీ కోలుకోవడానికి మరికొన్ని రోజులు పట్టవచ్చు.రహానే కితాబురోహిత్ మళ్ళీ జట్టులోకి రావడం ఆనందం కలిగిస్తోందని రహానే కితాబిచ్చాడు. "రోహిత్ తన ఫామ్ ని తిరిగి సాధించాలని ధృడ నిశ్చయంతో ఉన్నాడు. ఇది చాలా ముఖ్యమైన విషయం. నిన్న నెట్ ప్రాక్టీస్ లో రోహిత్ చాలా బాగా బ్యాటింగ్ చేశాడు. ఫామ్ అనేది ఆటగాడి కెరీర్‌లో భాగం. రోహిత్ పై నాకు అపార నమ్మకముంది. రోహిత్ ఎప్పుడూ రిలాక్స్‌గా ఉంటాడు. అంతర్జాతీయ స్థాయిలో ఆడుతున్నప్పుడు కూడా అతని వైఖరి అలాగే ఉంటుంది. అతనికి తన ఆట గురించి బాగా తెలుసు కాబట్టి, అతను ఏమి చేయాలో ఎవరూ చెప్పాల్సిన అవసరం లేదు," అని రహానే కితాబిచ్చాడు. కాగా రాజ్‌కోట్‌లో జరగనున్న మరో మ్యాచ్ లో ఢిల్లీ రెండుసార్లు విజేతలైన సౌరాష్ట్రతో తలపడుతుంది. ఈ మ్యాచ్ లో రిషబ్ పంత్ తన భారత సహచరులు రవీంద్ర జడేజా, మరియు చతేశ్వర్ పుజారాతో తలపడతాడు.ఆస్ట్రేలియా కూడా పాఠాలు నేర్చుకోవాలిఇటీవల జరిగిన బోర్డర్-గవాస్కర్ ట్రోఫీలో భారత్ 1-3 తేడాతో ఓటమి చవిచూసిన నేపథ్యంలో ఆస్ట్రేలియా మాజీ వికెట్ కీపర్-బ్యాటర్ ఇయాన్ హీలీ బీసీసీఐ కొత్త విధానాన్ని సమర్థించాడు. పది పాయింట్ల మార్గదర్శకాలను అమలు చేయడంపై మాట్లాడుతూ.. జట్టులో పెరుగుతున్నసూపర్‌స్టార్ సంస్కృతిని అరికట్టడానికి ఈ కొత్త నిబంధనలు ఉపయోగపడతాయని వ్యాఖ్యానించాడు. భారత క్రికెటర్లలో క్రమశిక్షణ లేకుండా పోయింది.‘‘నిజానికి ఈ సమస్య చాలా కాలంగా ఉంది. ఇప్పుడు ఇది ఆందోళన కలిగించే స్థాయికి చేరుకుంది. బీసీసీఐ అధికారులు తీసుకున్న చర్యలు జట్టు క్రమశిక్షణను కాపాడుకోవడానికి దోహదం చేస్తుందని భావిస్తున్నాను. అయితే దీని నుంచి ఆస్ట్రేలియా, ఇతర ప్రధాన జట్లు కూడా పాఠం నేర్చుకోవాలి" అని హీలి అన్నాడు. చదవండి: జైస్వాల్‌కు చోటు.. తర్వాతి తరం ‘ఫ్యాబ్‌ ఫోర్‌’ వీరే: ఇంగ్లండ్‌ మాజీ కెప్టెన్లు

టీమిండియా స్టార్‌ బ్యాటర్‌ విరాట్‌ కోహ్లి కీలక ప్రకటన చేశాడు. ఈ నెల 30 నుంచి రైల్వేస్‌తో జరిగే రంజీ మ్యాచ్‌లో ఆడతానని స్పష్టం చేశాడు. విరాట్‌ దేశవాలీ క్రికెట్‌లో ఢిల్లీ తరఫున ఆడతాడు. విరాట్‌ రంజీల్లో ఆడటం 12 ఏళ్ల తర్వాత ఇదే మొదటిసారి. విరాట్‌ ఈ నెల 23న సౌరాష్ట్రతో జరుగబోయే మ్యాచ్‌కు అందుబాటులో ఉండటం లేదు. మెడ నొప్పి కారణంగా విరాట్‌ సౌరాష్ట్రతో జరిగే మ్యాచ్‌లో ఆడటం లేదు. ఈ మ్యాచ్‌ కోసం ఎంపిక చేసిన ఢిల్లీ జట్టులో మరో టీమిండియా స్టార్‌ రిషబ్‌ పంత్‌ ఉన్నాడు.సౌరాష్ట్ర తరఫున టీమిండియా వెటరన్‌ ఆల్‌రౌండర్‌ రవీంద్ర జడేజా బరిలోకి దిగనున్నాడు. ఈ నెల 23 నుంచి జరిగే రంజీ మ్యాచ్‌ల్లో చాలా మంది భారత స్టార్‌ క్రికెటర్లు బరిలోకి దిగనున్నారు. ముంబై తరఫున రోహిత్‌ శర్మ, యశస్వి జైస్వాల్‌.. పంజాబ్‌ తరఫున శుభ్‌మన్‌ గిల్‌ బరిలోకి దిగనున్నారు. టెస్ట్‌ల్లో న్యూజిలాండ్‌, ఆస్ట్రేలియా చేతుల్లో ఘోర పరాజయాలు ఎదుర్కొన్న నేపథ్యంలో టీమిండియా ఆటగాళ్లు తప్పక రంజీల్లో ఆడాలని బీసీసీఐ అల్టిమేటం జారీ చేసిన విషయం తెలిసిందే. దీంతో భారత ఆటగాళ్లంతా రంజీ బాట పట్టారు.రేపటి నుంచి (జనవరి 22) టీమిండియా ఇంగ్లండ్‌తో ఐదు మ్యాచ్‌ల టీ20 సిరీస్‌ ఆడనుంది. విరాట్‌ పొట్టి ఫార్మాట్‌కు రిటైర్మెంట్‌ ప్రకటించిన నేపథ్యంలో ఈ సిరీస్‌కు ఎంపిక కాలేదు. విరాట్‌తో పాటు రోహిత్‌ శర్మ, రవీంద్ర జడేజా టీ20లకు రిటైర్మెంట్‌ ప్రకటించిన విషయం తెలిసిందే. ఇంగ్లండ్‌తో టీ20 సిరీస్‌లో సూర్యకుమార్‌ యాదవ్‌ టీమిండియా సారథిగా వ్యవహరిస్తాడు. అతనికి డిప్యూటీగా (వైస్‌ కెప్టెన్‌) హార్దిక్‌ పాండ్యాను కాదని అక్షర్‌ పటేల్‌ను ఎంపిక చేశారు.ఈ సిరీస్‌కు యశస్వి జైస్వాల్‌, శుభ్‌మన్‌ గిల్‌, జస్ప్రీత్‌ బుమ్రా లాంటి కీలక ఆటగాళ్లకు రెస్ట్‌ ఇచ్చారు. ఇదే సిరీస్‌తో స్టార్‌ పేసర్‌ మహ్మద్‌ షమీ రీఎంట్రీ ఇవ్వనున్నాడు. ఈ సిరీస్‌లోని తొలి మ్యాచ్‌ జనవరి 22న కోల్‌కతా వేదికగా జరుగనుంది. అనంతరం జనవరి 25 (చెన్నై), 28 (రాజ్‌కోట్‌), 31 (పూణే), ఫిబ్రవరి 2వ (ముంబై) తేదీల్లో మిగతా నాలుగు టీ20లు జరుగనున్నాయి.టీ20 సిరీస్‌ అనంతరం భారత్‌, ఇంగ్లండ్‌ జట్లు మూడు మ్యాచ్‌ల వన్డే సిరీస్‌లో తలపడతాయి. ఈ సిరీస్‌ ఫిబ్రవరి 19 నుంచి ప్రారంభమయ్యే ఛాంపియన్స్‌ ట్రోఫీకి సన్నాహకంగా ఉండనుంది. వన్డే సిరీస్‌లోని తొలి మ్యాచ్‌ ఫిబ్రవరి 6న నాగ్‌పూర్‌లో జరుగనుండగా.. ఫిబ్రవరి 9, 12 తేదీల్లో రెండు, మూడు మ్యాచ్‌లు కటక్‌, అహ్మదాబాద్‌ వేదికలుగా జరుగనున్నాయి.ఇంగ్లండ్‌తో టీ20ల కోసం ఎంపిక చేసిన భారత జట్టు: సూర్యకుమార్‌ యాదవ్‌ (కెప్టెన్‌), అక్షర్‌ పటేల్‌ (వైస్‌ కెప్టెన్‌), సంజూ శాంసన్‌ (వికెట్‌కీపర్‌), అభిషేక్‌ శర్మ, తిలక్‌ వర్మ, హార్దిక్‌ పాండ్యా, రింకూ సింగ్‌, నితీశ్‌ కుమార్‌ రెడ్డి, హర్షిత్‌ రాణా, అ‍ర్ష్‌దీప్‌ సింగ్‌, మహ్మద్‌ షమీ, వరుణ్‌ చక్రవర్తి, రవి బిష్ణోయ్‌, వాషింగ్టన్‌ సుందర్‌, ధ్రువ్‌ జురెల్‌ (వికెట్‌కీపర్‌)ఇంగ్లండ్‌తో వన్డే సిరీస్‌ కోసం ఎంపిక చేసిన భారత జట్టు: రోహిత్ శర్మ (కెప్టెన్), శుభ్‌మన్ గిల్ (వైస్‌ కెప్టెన్‌), విరాట్ కోహ్లీ, శ్రేయాస్ అయ్యర్, కెఎల్ రాహుల్, హార్దిక్ పాండ్యా, అక్షర్ పటేల్, వాషింగ్టన్ సుందర్, కుల్దీప్ యాదవ్, మహ్మద్ షమీ, అర్ష్‌దీప్ సింగ్, యశస్వి జైస్వాల్, రిషబ్ పంత్‌, హర్షిత్ రానాఛాంపియన్స్‌ ట్రోఫీ కోసం ఎంపిక చేసిన భారత జట్టు: రోహిత్ శర్మ (కెప్టెన్), శుభమన్ గిల్ (విసి), విరాట్ కోహ్లీ, శ్రేయాస్ అయ్యర్, కెఎల్ రాహుల్, హార్దిక్ పాండ్యా, అక్షర్ పటేల్, వాషింగ్టన్ సుందర్, కుల్దీప్ యాదవ్, జస్ప్రీత్ బుమ్రా, మహ్మద్ షమీ, అర్ష్‌దీప్ సింగ్, యశస్వి జైస్వాల్, రిషబ్ పంత్, రవీంద్ర జడేజా.ట్రావెలింగ్‌ రిజర్వ్స్‌: వరుణ్‌ చక్రవర్తి, ఆవేశ్‌ ఖాన్‌, నితీశ్‌ కుమార్‌ రెడ్డి

టీమిండియా కెప్టెన్‌ రోహిత్‌ శర్మ(Rohit sharma) రంజీ ట్రోఫీ 2024-25లో ఆడేందుకు సిద్దమయ్యాడు. ఈ టోర్నీ సెకెండ్‌ రౌండ్‌లో భాగంగా జమ్మూ కాశ్మీర్‌తో జరగనున్న మ్యాచ్‌ కోసం 17 మంది సభ్యులతో కూడిన తమ జట్టును ముంబై క్రికెట్ అసోసియేషన్ తమ జట్టును ప్రకటించింది. ఈ జట్టులో రోహిత్‌ శర్మకు చోటు దక్కింది. 2015లో చివరిసారి రంజీలో ముంబై జట్టుకు ప్రాతినిధ్యం వహించిన హిట్‌మ్యాన్‌.. మళ్లీ పదేళ్ల తర్వాత ఈ ప్రాతిష్టత్మక టోర్నీలో ఆడనున్నాడు.రెడ్‌ బాల్‌​ ఫార్మాట్‌లో రోహిత్‌ శర్మ ప్రస్తుతం గడ్డు పరిస్థితులను ఎదుర్కొంటున్నాడు. ఇటీవలే ఆస్ట్రేలియాతో జరిగిన సిరీస్‌లో హిట్‌మ్యాన్‌ దారుణంగా నిరాశపరిచాడు. అంతకముం‍దు న్యూజిలాండ్‌ సిరీస్‌లోనూ అదే తీరును కనబరిచాడు. ఈ క్రమంలో రోహిత్‌పై పెద్ద ఎత్తున విమర్శలు వెల్లువెత్తాయి. టెస్టులకు రిటైర్మెంట్‌ ప్రకటించాలని పలువురు క్రికెటర్లు డిమాండ్‌ చేశారు. దీంతో రోహిత్‌ తన పూర్వ వైభావాన్ని ఎలాగైనా పొందాలని నిర్ణయించుకున్నాడు. ఈ క్రమంలోనే రంజీల్లో ఆడాలని నిశ్చయించుకున్నాడు. అంతేకాకుండా జాతీయ జట్టుకు ప్రాతినిథ్యం వహించాలంటే.. సీనియర్‌ ఆటగాళ్లు సైతం దేశీవాళీ క్రికెట్‌లో ఆడాలని భారత క్రికెట్‌ బోర్డు హెచ్చరికలు జారీ చేసింది. వీటన్నింటిని పరిగణలోకి తీసుకునే రోహిత్‌ రంజీ ట్రోఫీలో బరిలోకి దిగేందుకు సిద్దమయ్యాడు. ఇక​ జట్టులో విధ్వంసకర ఓపెనర్‌ యశస్వీ జైశ్వాల్‌ను కూడా ముంబై సెలక్టర్లు చేర్చారు. ఈ జట్టుకు వెటరన్‌ ఆటగాడు అజింక్య రహానే సారథ్యం వహించాడు. ఈ మ్యాచ్‌ జనవరి 23 నుంచి ముంబై వేదికగా ప్రారంభం కానుంది.పదేళ్ల తర్వాత..రోహిత్‌ శర్మ చివరగా 2015లో ముంబై తరపున రంజీల్లో ఆడాడు. ముంబై వాంఖడే స్టేడియంలో ఉత్తరప్రదేశ్‌తో జరిగిన మ్యాచ్‌లో ఆఖరిగా బరిలోకి దిగాడు. ఆ మ్యాచ్‌లో నాలుగో స్ధానంలో బ్యాటింగ్‌కు వచ్చిన రోహిత్‌(114) సెంచరీతో మెరిశాడు. కాగా ఫస్ట్‌క్లాస్‌ క్రికెట్‌లో రోహిత్‌కు అద్భుతమైన రికార్డు ఉంది.ఇప్పటివరకు 128 ఫస్ట్‌క్లాస్‌ మ్యాచ్‌లు ఆడిన ఈ ముంబైకర్‌ 9287 పరుగులు చేశాడు. అతడి ఇన్నింగ్స్‌లలో 29 సెంచరీలు, 38 హాఫ్‌ సెంచరీలు ఉన్నాయి. ఇక జమ్మూ కాశ్మీర్‌తో మ్యాచ్‌ తర్వాత ఇంగ్లండ్‌తో జరగనున్న వన్డే సిరీస్‌కు సన్నద్దం కానున్నాడు. ఛాంపియన్స్‌ ట్రోఫీ 2025 సన్నాహాకాల్లో భాగంగా ఈ సిరీస్‌ ప్రారంభం కానుంది.జమ్మూ కాశ్మీర్‌తో మ్యాచ్‌కు ముంబై జట్టు ఇదే..అజింక్య రహానే (కెప్టెన్), రోహిత్ శర్మ, యశస్వి జైస్వాల్, ఆయుష్ మ్హత్రే, శ్రేయాస్ అయ్యర్, సిద్ధేష్ లాడ్, శివమ్ దూబే, హార్దిక్ తమోర్ (వికెట్‌ కీపర్‌), ఆకాష్ ఆనంద్ (వికెట్‌ కీపర్‌), తనుష్ కొటియన్, షమ్స్ ములానీ, హిమాన్షు సింగ్, శార్దూల్ ఠాకూర్, మోహిత్ ఠాకూర్ , సిల్వెస్టర్ డిసౌజా, రొయిస్టన్‌ ద్యాస్‌, కర్ష్ కొఠారిచదవండి: IPL 2025: లక్నో సూపర్‌ జెయింట్స్‌ కొత్త కెప్టెన్‌ ప్రకటన..

న్యూఢిల్లీ: జాతీయ జట్టుకు ప్రాతినిధ్యం వహించాలంటే... దేశవాళీల్లో తప్పక ఆడాలని భారత క్రికెట్‌ నియంత్రణ మండలి (బీసీసీఐ) చేసిన హెచ్చరికలు ఫలితాన్నిస్తున్నాయి. గతంలో అంతర్జాతీయ షెడ్యూల్‌ లేని సమయంలో కూడా దేశవాళీ మ్యాచ్‌లకు దూరంగా ఉన్న టీమిండియా ఆటగాళ్లు ఇప్పుడు... రంజీ ట్రోఫీలో ఆడేందుకు ఆసక్తి చూపుతున్నారు. ఆస్ట్రేలియా పర్యటనలో పేలవ ప్రదర్శన చేసిన భారత కెప్టెన్‌ రోహిత్‌ శర్మ ముంబై జట్టు తరఫున బరిలోకి దిగనున్నట్లు స్పష్టం చేయగా... ఇప్పుడు ఆ జాబితాలో స్పిన్‌ ఆల్‌రౌండర్‌ రవీంద్ర జడేజా కూడా చేరాడు. చివరిసారిగా రెండేళ్ల క్రితం సౌరాష్ట్ర తరఫున బరిలోకి దిగిన జడేజా... ఈ నెల 23 నుంచి ఢిల్లీతో జరగనున్న మ్యాచ్‌లో ఆడనున్నాడు. ఆదివారం రాజ్‌కోట్‌లో సౌరాష్ట్ర జట్టు సభ్యులతో కలిసి జడేజా ప్రాక్టీస్‌ సెషన్‌లో పాల్గొన్నాడు. ‘జడేజా ప్రాక్టీస్‌లో పాల్గొన్నాడు. ఢిల్లీతో జరగనున్న మ్యాచ్‌లో అతడు బరిలోకి దిగుతాడు’ అని సౌరాష్ట్ర క్రికెట్‌ అసోసియేషన్‌ అధ్యక్షుడు జయ్‌దేవ్‌ షా తెలిపారు. గతేడాది టి20 ప్రపంచకప్‌ అనంతరం ఆ ఫార్మాట్‌కు వీడ్కోలు పలికిన ఈ స్పిన్‌ ఆల్‌రౌండర్‌... చాంపియన్స్‌ ట్రోఫీకి ఎంపిక చేసిన జట్టులో చోటు దక్కించుకున్నాడు. స్టార్‌ బ్యాటర్‌ విరాట్‌ కోహ్లి గాయం కారణంగా రంజీ మ్యాచ్‌ ఆడలేనని వెల్లడించగా... రిషబ్‌ పంత్, శుబ్‌మన్‌ గిల్, యశస్వి జైస్వాల్‌ కూడా తమ తమ జట్ల తరఫున రంజీ మ్యాచ్‌లు ఆడనున్నారు. దీంతో ఢిల్లీ, సౌరాష్ట్ర మధ్య జరిగే మ్యాచ్‌లో ఢిల్లీ తరఫున రిషబ్‌ పంత్, సౌరాష్ట్ర తరఫున జడేజా ఆడనున్నారు. విదర్భతో పోరుకు సిరాజ్‌ భారత పేసర్‌ మొహమ్మద్‌ సిరాజ్‌ హైదరాబాద్‌ తరఫున రంజీ మ్యాచ్‌ ఆడనున్నాడు. ఆస్ట్రేలియాతో ‘బోర్డర్‌–గావస్కర్‌ ట్రోఫీ’లో ఐదు టెస్టు మ్యాచ్‌లాడిన సిరాజ్‌... పని భారం కారణంగా ఈ నెల 23 నుంచి హిమాచల్‌ ప్రదేశ్, హైదరాబాద్‌ మధ్య జరగనున్న మ్యాచ్‌కు ఆడకూడదని నిర్ణయించుకున్నాడు. అయితే గ్రూప్‌ దశలో హైదరాబాద్‌ ఆడే చివరి మ్యాచ్‌లో సిరాజ్‌ బరిలోకి దిగనున్నట్లు హైదరాబాద్‌ క్రికెట్‌ సంఘం (హెచ్‌సీఏ) వర్గాలు వెల్లడించాయి. ‘వర్క్‌లోడ్‌ కారణంగా హిమాచల్‌ ప్రదేశ్‌తో మ్యాచ్‌లో సిరాజ్‌ ఆడటం లేదు. విదర్భతో పోరులో మాత్రం అతడు జట్టులో ఉంటాడు’ అని ఓ హెచ్‌సీఏ అధికారి తెలిపారు. ఐసీసీ చాంపియన్స్‌ ట్రోఫీ కోసం ఎంపిక చేసిన భారత జట్టులో సిరాజ్‌కు చోటు దక్కని విషయం తెలిసిందే. కొత్త బంతితో పాటు పాత బంతితోనూ మెరుగైన ప్రదర్శన చేయగలడనే నమ్మకంతో సెలెక్టర్లు సిరాజ్‌ను కాదని అర్‌‡్షదీప్‌ సింగ్‌ను ఎంపిక చేశారు.

టీమిండియా ఆటగాళ్లంతా దేశవాలీ క్రికెట్‌ ఆడాలని బీసీసీఐ కండీషన్‌ పెట్టిన నేపథ్యంలో స్టార్‌ ఆటగాళ్లు రంజీ ట్రోఫీ బాట పట్టారు. భారత టెస్ట్‌, వన్డే జట్టు కెప్టెన్‌ రోహిత్‌ శర్మ, భారత వన్డే జట్టు వైస్‌ కెప్టెన్‌ శుభ్‌మన్‌ గిల్‌ (పంజాబ్‌), స్టార్‌ ఆటగాళ్లు యశస్వి జైస్వాల్‌ (ముంబై), రిషబ్‌ పంత్‌ (ఢిల్లీ), రవీంద్ర జడేజా (సౌరాష్ట్ర) రంజీ ట్రోఫీ మ్యాచ్‌లు ఆడేందుకు సిద్దమయ్యారు. ముంబై రంజీ జట్టు తరఫున తాను తర్వాతి మ్యాచ్‌ బరిలోకి దిగుతానని రోహిత్‌ శర్మ స్వయంగా వెల్లడించాడు. ఈ నెల 23నుంచి ముంబైలోనే జమ్ము కశ్మీర్‌తో జరిగే పోరులో అతను ఆడతాడు. గత 6–7 ఏళ్లలో తాము అంతర్జాతీయ క్రికెట్‌లో బిజీగా ఉండటం వల్ల దేశవాళీ మ్యాచ్‌లు ఆడలేకపోయామని, రంజీ ట్రోఫీ స్థాయిని తక్కువ చేయలేమని రోహిత్‌ అభిప్రాయపడ్డాడు. రోహిత్‌ పదేళ్ల క్రితం తన చివరి రంజీ మ్యాచ్‌ ఆడాడు. 2015 సీజన్‌లో ఉత్తర్‌ప్రదేశ్‌తో జరిగిన మ్యాచ్‌లో రోహిత్‌ 113 పరుగులు (తొలి ఇన్నింగ్స్‌) చేశాడు. గడిచిన 17 ఏళ్లలో రంజీ మ్యాచ్‌ ఆడనున్న తొలి భారత కెప్టెన్‌గా రోహిత్‌ రికార్డు సృష్టిస్తాడు.కోహ్లి, రాహుల్‌ దూరంమరో వైపు మెడ నొప్పితో బాధపడుతున్న స్టార్‌ బ్యాటర్‌ విరాట్‌ కోహ్లి... తాను ఢిల్లీ తరఫున రంజీ మ్యాచ్‌ ఆడలేనని స్పష్టం చేయగా... మోచేతి గాయంతో కేఎల్‌ రాహుల్‌ (కర్ణాటక) కూడా రంజీ పోరుకు దూరమయ్యాడు.ఢిల్లీ జట్టులో పంత్‌రంజీ ట్రోఫీ తదుపరి లీగ్‌ మ్యాచ్‌లు జనవరి 23 నుంచి ప్రారంభమవుతాయి. నెక్స్ట్‌ లెగ్‌ మ్యాచ్‌ల కోసం ఢిల్లీ క్రికెట్‌ అసోసియేషన్‌ 21 మంది సభ్యుల జట్టును ప్రకటించింది. ఈ జట్టులో రిషబ్‌ పంత్‌ పేరుంది. ఢిల్లీ తమ తదుపరి మ్యాచ్‌లో సౌరాష్ట్రను ఢీకొంటుంది. ఢిల్లీ జట్టుకు ఆయుశ్‌ బదోని కెప్టెన్‌గా వ్యవహరిస్తాడు.ఢిల్లీ రంజీ జట్టు: ఆయుశ్‌ బదోని (కెప్టెన్‌), సనత్ సాంగ్వాన్, అర్పిత్ రాణా, యశ్ ధుల్, రిషబ్ పంత్ (వికెట్‌కీపర్‌), జాంటీ సిద్ధూ, హిమ్మత్ సింగ్, నవదీప్ సైనీ, మనీ గ్రేవాల్, హర్ష్ త్యాగి, సిద్ధాంత్ శర్మ, శివం శర్మ, ప్రణవ్ రాజ్‌వంశీ (వికెట్‌కీపర్‌), వైభవ్ కంద్‌పాల్, మయాంక్ గుస్సేన్ , గగన్ వాట్స్, ఆయుష్ దోసెజా, రౌనక్ వాఘేలా, సుమిత్ మాథుర్, రాహుల్ గహ్లోత్, జితేష్ సింగ్.

దేశవాళీ క్రికెట్‌లో విరాట్‌ కోహ్లి ఆడతాడా? లేదా? ఢిల్లీ తరఫున అతడు రంజీ బరిలో దిగుతాడా? అన్న ప్రశ్నలకు తెరదించేందుకు ఢిల్లీ అండ్‌ డిస్ట్రిక్ట్‌ క్రికెట్‌ అసోసియేషన్‌(డీడీసీఏ) సిద్దమైంది. రంజీ ట్రోఫీ 2024-25 సెకండ్‌ లెగ్‌లో భాగంగా జనవరి 23న మొదలుకానున్న మ్యాచ్‌కు శుక్రవారం తమ జట్టును ప్రకటించనుంది.కోహ్లి, పంత్‌లపై విమర్శలుకాగా రంజీ ట్రోఫీ తాజా సీజన్‌ కోసం డీడీసీఏ గతంలోనే 41 మందితో కూడి ప్రాబబుల్‌ జట్టును ప్రకటించింది. ఇందులో టీమిండియా స్టార్లు విరాట్‌ కోహ్లితో పాటు రిషభ్‌ పంత్‌, హర్షిత్‌ రాణా పేర్లు ఉన్నాయి. అయితే, జాతీయ జట్టు విధుల దృష్ట్యా కోహ్లి, పంత్‌ ఢిల్లీ తరఫున ఆడలేకపోయారు. కానీ.. ఇటీవల ఆస్ట్రేలియా(India vs Australia)తో బోర్డర్‌- గావస్కర్‌ ట్రోఫీ సందర్భంగా కోహ్లి(Virat Kohli), పంత్‌ విఫలమైన తీరు విమర్శలకు దారి తీసింది.ముఖ్యంగా ఈ ఇద్దరు ఢిల్లీ బ్యాటర్ల షాట్‌ సెలక్షన్‌, వికెట్‌ పారేసుకున్న విధానం చర్చకు దారితీసింది. ఈ నేపథ్యంలో కోహ్లి, పంత్‌ రంజీ బరిలో దిగి.. తిరిగి మునుపటి లయను అందుకోవాలని పలువురు మాజీ క్రికెటర్లు సూచించారు. ఈ క్రమంలో రంజీ సెకండ్‌ లెగ్‌ మ్యాచ్‌లకు రిషభ్‌ పంత్‌ అందుబాటులోకి రాగా.. కోహ్లి మాత్రం ఇంత వరకు తన నిర్ణయం చెప్పలేదు.ఈ విషయాన్ని డీడీసీఏ కార్యదర్శి అశోక్‌ శర్మ స్వయంగా వెల్లడించాడు. పంత్‌ సెలక్షన్‌కు అందుబాటులో ఉంటానని చెప్పాడని.. అయితే, కోహ్లి మాత్రం ఈ విషయంపై మౌనం వీడటం లేదని విమర్శించాడు. బీసీసీఐ నిబంధనల ప్రకారం అతడు కచ్చితంగా రంజీల్లో ఆడాల్సిందేనని పేర్కొన్నాడు. కెప్టెన్‌గా రిషభ్‌ పంత్‌అంతేకాదు.. ముంబై తరఫున టీమిండియా కెప్టెన్‌ రోహిత్‌ శర్మ(Rohit Sharma) బరిలోకి దిగనున్నాడనే వార్తల నేపథ్యంలో.. ముంబై క్రికెటర్లును చూసి కోహ్లి నేర్చుకోవాల్సింది చాలా ఉందని హితవు పలికాడు. ఈ నేపథ్యంలో శుక్రవారం తమ జట్టును ప్రకటించేందుకు డీడీసీఏ సిద్ధమైంది. ఈ విషయం గురించి డీడీసీఏ అధికారి టైమ్స్‌ ఆఫ్‌ ఇండియాతో మాట్లాడుతూ.. ‘‘శుక్రవారం మధ్యాహ్నం సెలక్షన్‌ మీటింగ్‌ జరుగుతుంది. సౌరాష్ట్రతో మ్యాచ్‌కు రిషభ్‌ పంత్‌ కెప్టెన్‌గా వ్యవహరించే అవకాశం ఉంది’’ అని తెలిపారు. అయితే, కోహ్లి గురించి మాత్రం తమకు సమాచారం లేదని పేర్కొన్నారు. హర్షిత్‌ రాణా మాత్రం ఇంగ్లండ్‌తో టీ20 సిరీస్‌ సందర్భంగా రంజీలకు అందుబాటులో ఉండడని తెలిపారు.రంజీ ట్రోఫీ సెకండ్‌ లెగ్‌- ఢిల్లీ ప్రాబబుల్స్‌ జట్టువిరాట్ కోహ్లి(సమాచారం లేదు), రిషబ్ పంత్, హర్షిత్ రాణా (అందుబాటులో లేడు), ఆయుష్ బదోనీ, సనత్ సంగ్వాన్, గగన్ వాట్స్, యశ్ ధూల్, అనుజ్ రావత్ (వికెట్ కీపర్), జాంటీ సిద్ధూ, సిద్ధాంత్ శర్మ, హిమ్మత్ సింగ్, నవదీప్ సైనీ, ప్రణవ్ రాజ్వంశీ (వికెట్ కీపర్), సుమిత్ మాథుర్, మనీ గ్రేవాల్, శివమ్ శర్మ, మయాంక్ గుస్సేన్, వైభవ్ కండ్పాల్, హిమాన్షు చౌహాన్, హర్ష్ త్యాగి, శివాంక్ వశిష్ట్, ప్రిన్స్ యాదవ్, ఆయుష్ సింగ్, అఖిల్ చౌదరి, హృతిక్ షోకీన్, లక్షయ్ తరేజా (వికెట్ కీపర్), ఆయుష్ దోసేజా, అర్పిత్ రాణా, వికాస్ సోలంకి, సమర్థ్ సేథ్, రౌనక్ వాఘేలా, అనిరుధ్ చౌదరి, రాహుల్ గహ్లోత్, భగవాన్ సింగ్, మయాంక్ రావత్, తేజస్వి దహియా (వికెట్ కీపర్), పార్థీక్, రాహుల్ డాగర్, ఆర్యన్ రాణా, సలీల్ మల్హోత్రా, జితేష్ సింగ్.

ముంబై: భారత క్రికెట్‌ జట్టు కెప్టెన్‌ రోహిత్‌ శర్మ, యువ ఓపెనర్‌ యశస్వి జైస్వాల్‌... ముంబై రంజీ జట్టుతో కలిసి ప్రాక్టీస్‌ చేశారు. ఇటీవల ఆ్రస్టేలియాతో ‘బోర్డర్‌–గావస్కర్‌ ట్రోఫీ’లో రోహిత్‌ పేలవ ప్రదర్శన కనబర్చగా... యశస్వి టీమిండియా తరఫున అత్యధిక పరుగులు చేసిన ప్లేయర్‌గా నిలిచాడు. ఆసీస్‌తో ప్రతిష్టాత్మక సిరీస్‌లో భారత జట్టు పరాజయం పాలవగా... ప్లేయర్లందరూ దేశవాళీ టోర్నీ ల్లో ఆడాలనే డిమాండ్‌ పెరిగింది. హెడ్‌ కోచ్‌ గౌతమ్‌ గంభీర్‌ కూడా ‘అందుబాటులో ఉన్నవాళ్లందరూ రంజీ ట్రోఫీలో ఆడాలి’ అని ఆటగాళ్లకు చురకలు అంటించాడు. ఈ నేపథ్యంలో రోహిత్, యశస్వి ముంబై రంజీ జట్టుతో కలిసి ప్రాక్టీస్‌ చేయడం ప్రాధాన్యం సంతరించుకుంది. మంగళవారం ముంబై రంజీ కెపె్టన్‌ రహానేతో కలిసి రోహిత్‌ సుదీర్ఘ సమయం నెట్స్‌లో గడపగా... బుధవారం జైస్వాల్‌ ప్రాక్టీస్‌ చేశాడు. రంజీ ట్రోఫీ రెండో దశ మ్యాచ్‌లు ఈ నెల 23 నుంచి ప్రారంభం కానుండగా... జమ్ముకశ్మీర్‌తో ముంబై తలపడనుంది. ఈ మ్యాచ్‌లో వీరిద్దరూ ఆడటంపై ఇంకా స్పష్టత రాలేదు. ఈ నెల 20 వరకు జట్టును ప్రకటించే అవకాశం ఉందని... ఆ సమయంలో ఆటగాళ్లందరినీ అందుబాటులో ఉంటారా లేదా అని అడిగి ఎంపిక చేస్తామని ముంబై క్రికెట్‌ బోర్డు అధికారి తెలిపారు. ‘రోహిత్‌ను కూడా అడుగుతాం. అతడు అందుబాటులో ఉంటానంటే జట్టులోకి ఎంపిక చేస్తాం’ అని అన్నారు.

టీమిండియా స్టార్‌ బ్యాటర్‌ విరాట్‌ కోహ్లి తీరును ఢిల్లీ అండ్‌ డిస్ట్రిక్ట్‌ క్రికెట్‌ అసోసియేషన్‌(డీడీసీఏ) కార్యదర్శి అశోక్‌ శర్మ విమర్శించాడు. దేశవాళీ క్రికెట్‌ ఆడే విషయంలో.. ముంబై ఆటగాళ్లను ఆదర్శంగా తీసుకోవాలని కోహ్లికి సూచించాడు. అదే విధంగా.. భారత క్రికెట్‌ నియంత్రణ మండలి(బీసీసీఐ) చెప్పిన తర్వాత కూడా రంజీల్లో ఆడే విషయమై అతడు ఇంకా మౌనం వహించడం సరికాదని అశోక్‌ శర్మ పేర్కొన్నాడు. కాగా విరాట్‌ కోహ్లి టెస్టు ఫార్మాట్లో గత కొంతకాలంగా గడ్డు పరిస్థితులు ఎదుర్కొంటున్న విషయం తెలిసిందే. బంగ్లాదేశ్‌, న్యూజిలాండ్‌ జట్లతో స్వదేశంలో సిరీస్‌లో స్థాయికి తగ్గట్లు రాణించలేకపోయిన ఈ కుడిచేతి వాటం బ్యాటర్‌.. ఆస్ట్రేలియా గడ్డపై బోర్డర్‌- గావస్కర్‌ ట్రోఫీలోనూ విఫలమయ్యాడు. ఐదు మ్యాచ్‌ల టెస్టు సిరీస్‌లో భాగంగా పెర్త్‌లో శతకం బాదడం మినహా మిగతా వేదికల్లో తేలిపోయాడు.బీసీసీఐ చెప్పింది.. మౌనం వీడని కోహ్లిఅంతేకాదు.. ఆఫ్‌ స్టంప్‌ ఆవలగా వెళ్తున్న బంతిని షాట్‌ ఆడేందుకు ప్రయత్నించి.. కోహ్లి దాదాపు ప్రతిసారీ ఒకే రీతిలో అవుటయ్యాడు. దీంతో అతడి ఆట తీరుపై విమర్శల వర్షం కురిసింది. మునుపటి లయను అందుకునేందుకు కోహ్లి ఇకనైనా రంజీల్లో ఆడాలని మాజీ క్రికెటర్లు సూచించారు.ఇక బీసీసీఐ సైతం.. జాతీయ జట్టు విధుల్లో లేనపుడు సెంట్రల్‌ కాంట్రాక్టు ప్లేయర్లంతా దేశీ క్రికెట్‌ ఆడాలని నిబంధన విధించిన విషయం తెలిసిందే. అయితే, కోహ్లి ఇంత వరకు తాను రంజీ మ్యాచ్‌లో పాల్గొనే విషయమై డీడీసీఏకే సమాచారం ఇవ్వలేదు. మరోవైపు.. మరో ఢిల్లీ స్టార్‌, టీమిండియా వికెట్‌ కీపర్‌ బ్యాటర్‌ రిషభ్‌ పంత్‌ మాత్రం సెలక్షన్‌కు అందుబాటులో ఉంటానని స్పష్టం చేశాడు. పంత్‌ క్లారిటీ ఇచ్చాడు... కానీ కోహ్లి మాత్రం ఇలాఈ పరిణామాల నేపథ్యంలో డీడీసీఏ కార్యదర్శి అశోక్‌ శర్మ స్పందించాడు. ‘‘సౌరాష్ట్రతో జనవరి 23 నుంచి రాజ్‌కోట్‌ మొదలయ్యే రంజీ మ్యాచ్‌కు ఢిల్లీ జట్టు తరఫున అందుబాటులో ఉంటానని రిషభ్‌ పంత్‌ చెప్పాడు. ఇక ప్రాబబుల్స్‌ జట్టులో విరాట్‌ కోహ్లి కూడా పేరు ఉంది. కానీ అతడి నుంచి ఎటువంటి సమాచారం లేదు. దేశవాళీ క్రికెట్‌కు ముంబై క్రికెటర్లు ప్రాధాన్యం ఇస్తారు. వాళ్ల నుంచి కోహ్లి స్ఫూర్తి పొందాలి. ఎప్పుడు వీలు దొరికినా దేశీ క్రికెట్‌ టోర్నీల్లో పాల్గొనేందుకు ముంబై క్రికెటర్లు అందుబాటులో ఉంటారు. వాళ్లలో ఇలాంటి గొప్ప సంస్కృతిని చూసి కోహ్లి నేర్చుకోవాలి.దురదృష్టవశాత్తూ ఉత్తరాదిన.. ముఖ్యంగా ఢిల్లీలో మాత్రం ఆటగాళ్లలో ఇలాంటి చొరవ కనిపించడం లేదు. అయినా.. బీసీసీఐ కూడా ఆటగాళ్లందరూ దేశవాళీ క్రికెట్లో ఆడాలని చెప్పింది. అయినప్పటికీ విరాట్‌ మాత్రం స్పందించడం లేదు. ఢిల్లీ తరఫున అతడు కనీసం ఒక్క మ్యాచ్‌ అయినా ఆడితే బాగుంటుంది’’ అని అశోక్‌ శర్మ ఇండియన్‌ ఎక్స్‌ప్రెస్‌తో పేర్కొన్నాడు.రోహన్‌ జైట్లీ స్పందన ఇదీఅయితే, డీడీసీఏ అధ్యక్షుడు రోహన్‌ జైట్లీ మాత్రం అశోక్‌ శర్మ వ్యాఖ్యలకు భిన్నంగా స్పందించాడు. ఫిట్‌నెస్‌, పనిభారం దృష్ట్యా కొంత మంది క్రికెటర్లు డొమెస్టిక్‌ క్రికెట్‌లో పాల్గొనేందుకు ఉత్సాహం చూపించకపోవచ్చని అభిప్రాయపడ్డాడు. ‘‘విరాట్‌ కోహ్లి ఢిల్లీ తరఫున బరిలోకి దిగితే బాగుంటుంది. అతడు ఢిల్లీకి ఆడాలి కూడా!.. కానీ.. చాలా మంది ఫిట్‌నెస్‌ గురించి ఎక్కువగా ఆలోచిస్తూ ఉంటారు.జాతీయ జట్టు తరఫున విధుల్లో లేనపుడు తగినంత విశ్రాంతి తీసుకోవాలని భావిస్తారు. ఒక క్రికెటర్‌ దేశీ క్రికెట్‌ ఆడేందుకు అందుబాటులో ఉండటం అనేక అంశాల మీద ఆధారపడి ఉంటుంది. వాళ్ల ప్రాధాన్యం ఆధారంగానే ఆటగాళ్లు నిర్ణయాలు తీసుకుంటారు’’ అని రోహన్‌ జైట్లీ వ్యాఖ్యానించాడు. చదవండి: పాకిస్తాన్‌కు వెళ్లనున్న రోహిత్‌ శర్మ!.. కారణం?

టెస్టు క్రికెట్‌లో వరుస పరాభవాలు ఎదుర్కొన్న టీమిండియాపై విమర్శల వర్షం కురుస్తోంది. తొలుత స్వదేశంలో న్యూజిలాండ్‌ చేతిలో 3-0తో వైట్‌వాష్‌కు గురైన రోహిత్‌ సేన.. ఆస్ట్రేలియా గడ్డపై కూడా రాణించలేకపోయింది. కంగారూ జట్టుతో ఐదు టెస్టుల సిరీస్‌ను 1-3తో కోల్పోయింది. తద్వారా దాదాపు పదేళ్ల తర్వాత బోర్డర్‌- గావస్కర్‌ ట్రోఫీ(Border Gavaskar Trophy)ని తొలిసారి ఆస్ట్రేలియాకు సమర్పించుకుంది.పేలవ ప్రదర్శన.. ఇక ఈ సిరీస్‌లో కెప్టెన్‌ రోహిత్‌ శర్మ(Rohit Sharma)తో పాటు కీలక బ్యాటర్‌ విరాట్‌ కోహ్లి(Virat Kohli) పూర్తిగా విఫలం కావడం జట్టుపై తీవ్ర ప్రభావం చూపింది. యువ ఆటగాళ్లకు మార్గదర్శకులుగా ఉండాల్సిన ఈ ఇద్దరు దిగ్గజాలు పేలవ ప్రదర్శనతో తేలిపోయారు. రిషభ్‌ పంత్‌, శుబ్‌మన్‌ గిల్‌ వంటి స్టార్లు కూడా కీలక సమయంలో చేతులెత్తేశారు. ఈ నేపథ్యంలో భారత మాజీ క్రికెటర్ల నుంచి విమర్శలు ఎదుర్కొంటున్నారు.ఈ నేపథ్యంలో.. ఇంటా బయట పరాజయాలతో సతమతమవుతున్న టీమిండియా ప్లేయర్లకు... క్రికెట్‌ దిగ్గజం సునీల్‌ గావస్కర్‌ చురకలు అంటించాడు. భారత ఆటగాళ్లందరూ దేశవాళీల్లో ఆడాలని, ఏ ఒక్కరికీ మినహాయింపు ఇవ్వకుండా అందరూ రంజీ ట్రోఫీలో ఆడేలా చూడాలని సన్నీ సూచించాడు. ఎవరికీ మినహాయింపు వద్దు‘బోర్డర్‌–గావస్కర్‌ ట్రోఫీ’లో భారత జట్టు ఓటమి అనంతరం ఆయన మాట్లాడుతూ.. ‘ఈ నెల 23 నుంచి రంజీ ట్రోఫీ తదుపరి రౌండ్‌ మ్యాచ్‌లు ప్రారంభం కానున్నాయి. ప్రస్తుత భారత జట్టులో నుంచి ఎంతమంది ఆటగాళ్లు అందులో పాల్గొంటారో చూడాలి. ఏ ఒక్కరికీ మినహాయింపు లేకుండా అందరూ దేశవాళీ టోర్నీలో పాల్గొనాలి.గంభీర్‌ ఇప్పటికైనా కఠిన నిర్ణయాలు తీసుకోవాలిరంజీ ట్రోఫీకి అందుబాటులో లేని ఆటగాళ్ల విషయంలో టీమిండియా హెడ్‌ కోచ్‌ గౌతమ్‌ గంభీర్‌ కఠిన నిర్ణయాలు తీసుకోవాలి. తాజా ఆస్ట్రేలియా సిరీస్‌తో పాటు న్యూజిలాండ్‌పై కూడా భారత ఆటగాళ్ల ప్రదర్శన గొప్పగా లేదు. ప్రపంచ టెస్టు చాంపియన్‌షిప్‌ ఫైనల్‌కు చేరే అవకాశాలు ఎలాగూ లేవు. ఈ సమయంలో తదుపరి టోర్నీ కోసం అయినా ఇప్పటి నుంచే ప్రయత్నాలు ప్రారంభించాలి. తమను తాము నిరూపించుకోవాలనే తపన ఉన్న ఆటగాళ్లు ముఖ్యం. రంజీ ట్రోఫీ రెండో దశ మ్యాచ్‌ల సమయంలోనే ఇంగ్లండ్‌తో భారత జట్టు టీ20 సిరీస్‌ ఆడనుంది. మరి దానికి ఎంపిక కాని వారిలో ఎంతమంది దేశవాళీ ట్రోఫీలో పాల్గొంటారో చూసేందుకు ఆసక్తిగా ఎదురు చూస్తున్నా’ అని గావస్కర్‌ వ్యాఖ్యానించాడు.గంభీర్‌దీ అదే మాటవరుస వైఫల్యాల నేపథ్యంలో టీమిండియా హెడ్‌కోచ్‌ గౌతం గంభీర్‌ కూడా భారత స్టార్లు దేశవాళీ క్రికెట్ ఆడాల్సిన ఆవశ్యకతను నొక్కి చెప్పాడు. ‘‘ప్రతి ఒక్క ఆటగాడు దేశవాళీ క్రికెట్‌ ఆడాలని కోరుకుంటున్నా. అందుబాటులో ఉన్నప్పుడు తప్పకుండా రంజీ మ్యాచ్‌లు ఆడాల్సిందే. దేశవాళీ మ్యాచ్‌లకు ప్రాధాన్యత ఇవ్వకపోతే జాతీయ జట్టు తరఫున టెస్టు క్రికెట్‌ ఆడే ఆసక్తి లేనట్లే.ఇంగ్లండ్‌తో టెస్టు సిరీస్‌కు ఇంకా చాలా సమయం ఉంది. జట్టులోని ఏ ఒక్కరి భవిష్యత్‌ గురించి ఇప్పుడే నేను మాట్లాడలేను. రోహిత్‌ శర్మ, విరాట్‌ కోహ్లి భవితవ్యం గురించి కూడా ఏమీ చెప్పలేను. అయితే వారిలో పరుగులు సాధించాలనే కసి ఇంకా ఉంది. జట్టులో అందరూ సమానమే. అందరితో ఒకే రీతిన వ్యవహరిస్తా. చివరిదైన సిడ్నీ టెస్టు నుంచి తప్పుకోవాలని రోహితే నిర్ణయించుకున్నాడు. దీంతో జట్టులో ప్రతి ఒక్కరికీ జవాబుదారీతనం ఉండాలని రోహిత్‌ చాటాడు’’ అని సిరీస్‌ ఓటమి తర్వాత గంభీర్‌ వ్యాఖ్యానించాడు.చదవండి: CT 2025: ఛాంపియ‌న్స్ ట్రోఫీకి భార‌త జ‌ట్టు ప్ర‌క‌ట‌న ఎప్పుడంటే? స్టార్‌ ప్లేయర్‌కు ఛాన్స్‌!

టీమిండియా స్టార్‌ పేసర్‌ మొహమ్మద్‌ షమీ రీఎంట్రీలో అదరగొట్టాడు. 360 రోజుల తర్వాత కాంపిటేటివ్‌ క్రికెట్‌లోకి అడుగుపెట్టిన షమీ.. వచ్చీ రాగానే రంజీ మ్యాచ్‌లో తన ప్రతాపం చూపించాడు. రంజీల్లో బెంగాల్‌కు ప్రాతినిథ్యం వహించే షమీ మధ్యప్రదేశ్‌తో జరిగిన మ్యాచ్‌లో మొత్తంగా ఏడు వికెట్లు తీసి సత్తా చాటాడు. తొలి ఇన్నింగ్స్‌లో నాలుగు వికెట్లు తీసిన షమీ.. సెకెండ్‌ ఇన్నింగ్స్‌లో మూడు వికెట్లు పడగొట్టాడు. ఈ మ్యాచ్‌ సెకెండ్‌ ఇన్నింగ్స్‌లో షమీ బ్యాట్‌తోనూ రాణించాడు. 36 బంతులు ఎదుర్కొని 2 ఫోర్లు, 2 సిక్సర్ల సాయంతో 37 పరుగులు చేశాడు. ఈ మ్యాచ్‌లో షమీ ఆల్‌రౌండ్‌ ప్రదర్శనతో రాణించడంతో మధ్యప్రదేశ్‌పై బెంగాల్‌ 11 పరుగుల తేడాతో గెలుపొందింది.MOHAMMAD SHAMI PICKED 7 WICKETS IN HIS FIRST COMPETITIVE MATCH IN 360 DAYS. ❤️pic.twitter.com/e231mVfTDM— Mufaddal Vohra (@mufaddal_vohra) November 16, 2024ఈ మ్యాచ్‌లో తొలుత బ్యాటింగ్‌ చేసిన బెంగాల్‌ 228 పరుగులకు ఆలౌటైంది. షాబాజ్‌ అహ్మద్‌ (92), అనుస్తుప్‌ మజుందార్‌ (44) రాణించారు. మధ్యప్రదేశ్‌ బౌలర్లలో ఆర్మన్‌ పాండే, కుల్వంత్‌ కేజ్రోలియా తలో నాలుగు వికెట్లు పడగొట్టారు. అనంతరం తొలి ఇన్నింగ్స్‌ ప్రారంభించిన మధ్యప్రదేశ్‌ 167 పరుగులకే కుప్పకూలింది. షమీ (4/54) మధ్యప్రదేశ్‌ పతనాన్ని శాశించాడు. మధ్యప్రదేశ్‌ ఇన్నింగ్స్‌లో సేనాపతి (47), రజత్‌ పాటిదార్‌ (41) ఓ మోస్తరు స్కోర్లు చేశారు.61 పరుగుల ఆధిక్యంతో సెకెండ్‌ ఇన్నింగ్స్‌ ప్రారంభించిన బెంగాల్‌ 276 పరుగులకు ఆలౌటైంది. విృత్తిక్‌ ఛటర్జీ (52) అర్ద సెంచరీతో రాణించగా.. సుదీప్‌ ఘరామీ (40), సుదీప్‌ ఛటర్జీ (40), వృద్దిమాన్‌ సాహా (44), షమీ (37) ఓ మోస్తరు స్కోర్లు చేశారు. మధ్యప్రదేశ్‌ బౌలర్లలో అనుభవ్‌ అగర్వాల్‌, కుమార్‌ కార్తికేయ తలో నాలుగు వికెట్లు పడగొట్టారు.338 పరుగుల లక్ష్యాన్ని ఛేదించేందుకు బరిలోకి దిగిన మధ్యప్రదేశ్‌.. షమీ (3/102), షాబాజ్‌ అహ్మద్‌ (4/48), రోహిత్‌ కుమార్‌ (2/47), మొహమ్మద్‌ కైఫ్‌ (షమీ తమ్ముడు) (1/50) ధాటికి 326 పరుగులకు ఆలౌటైంది. సేనాపతి (50), శుభమ్‌ శర్మ (61), వెంకటేశ్‌ అయ్యర్‌ (53) మధ్యప్రదేశ్‌ను గెలిపించేందుకు విఫలయత్నం చేశారు.

సాక్షి, హైదరాబాద్‌: కెప్టెన్ షేక్‌ రషీద్‌ (372 బంతుల్లో 203; 28 ఫోర్లు) డబుల్‌ సెంచరీ , తో చెలరేగడంతో హైదరాబాద్‌తో జరుగుతున్న రంజీ ట్రోఫీ గ్రూప్‌ ‘బి’ మ్యాచ్‌లో ఆంధ్ర జట్టు 147 పరుగుల తొలి ఇన్నింగ్స్‌ ఆధిక్యం సాధించింది. ఎలైట్‌ గ్రూప్‌ ‘బి’లో భాగంగా ఉప్పల్‌ స్టేడియంలో జరుగుతున్న పోరులో ఓవర్‌నైట్‌ స్కోరు 168/2తో శుక్రవారం మూడో రోజు తొలి ఇన్నింగ్స్‌ కొనసాగించిన ఆంధ్ర జట్టు ఆట ముగిసే సమయానికి 143 ఓవర్లలో 9 వికెట్ల నష్టానికి 448 పరుగులు చేసింది. కరణ్‌ షిండే (221 బంతుల్లో 109; 12 ఫోర్లు) సెంచరీతో ఆకట్టుకోగా... షేక్‌ రషీద్‌ ద్విశతకంతో విజృంభించాడు. తాజా రంజీ సీజన్‌లో వరుస వైఫల్యాలతో ఇబ్బంది పడుతున్న రషీద్‌ ఈసారి పూర్తి సాధికారికతతో బ్యాటింగ్‌ చేయగా... హైదరాబాద్‌ బౌలర్లు అతడిని కట్టడి చేయలేకపోయారు. ఆరంభంలో ఆచితూచి ఆడిన రషీద్‌... పరిస్థితులను ఆకలింపు చేసుకున్న అనంతరం ఎడాపెడా బౌండరీలతో స్కోరు బోర్డును ముందుకు నడిపించాడు. ఈ క్రమంలో మూడో వికెట్‌కు కరణ్‌ షిండేతో కలిసి రషీద్‌ 236 పరుగులు జోడించి జట్టుకు తొలి ఇన్నింగ్స్‌ ఆధిక్యం సాధించి పెట్టాడు. హనుమ విహారి (0) డకౌట్‌ కాగా... వికెట్‌ కీపర్‌ కోన శ్రీకర్‌ భరత్‌ (33; 3 ఫోర్లు) ఫర్వాలేదనిపించాడు. హైదరాబాద్‌ బౌలర్లలో అనికేత్‌ రెడ్డి 4 వికెట్లు... చామా మిలింద్, రక్షణ్‌ రెడ్డి చెరో రెండు వికెట్లు పడగొట్టారు. ప్రస్తుతం యరా సందీప్‌ (73 బంతుల్లో 33 బ్యాటింగ్‌; 4 ఫోర్లు, 1 సిక్స్‌), లలిత్‌ మోహన్‌ (0 బ్యాటింగ్‌) క్రీజులో ఉన్నారు.

రంజీ ట్రోఫీ 2024-25 విదర్భ ఆటగాడు, టీమిండియా ట్రిపుల్‌ సెంచూరియన్‌ కరుణ్‌ నాయర్‌ సెంచరీతో కదంతొక్కాడు. గుజరాత్‌తో జరుగుతున్న మ్యాచ్‌లో నాయర్‌ 237 బంతుల్లో 16 ఫోర్లు, 3 సిక్సర్ల సాయంతో 123 పరుగులు చేశాడు. నాయర్‌కు ఫస్ట్‌ క్లాస్‌ క్రికెట్‌లో ఇది 20వ సెంచరీ. ఈ మ్యాచ్‌లో నాయర్‌తో పాటు దనిష్‌ మలేవార్‌ (115), అక్షయ్‌ వాద్కర్‌ (104 నాటౌట్‌) కూడా సెంచరీలతో రాణించడంతో విదర్భ తొలి ఇన్నింగ్స్‌లో భారీ స్కోర్‌ దిశగా దూసుకెళ్తుంది. మూడో రోజు ఆట ముగిసే సమయానికి ఆ జట్టు 8 వికెట్ల నష్టానికి 512 పరుగులు చేసింది. అక్షయ్‌ వాద్కర్‌తో పాటు ప్రఫుల్‌ హింగే (26) క్రీజ్‌లో ఉన్నారు. గుజరాత్‌ బౌలర్లలో తేజస్‌ పటేల్‌ 3, సిద్దార్థ్‌ దేశాయ్‌ 2, అర్జన్‌ సగ్వస్వల్లా, చింతన్‌ గజా, విశాల్‌ జేస్వాల్‌ తలో వికెట్‌ పడగొట్టారు. ప్రస్తుతం విదర్భ గుజరాత్‌ తొలి ఇన్నింగ్స్‌ స్కోర్‌కు 169 పరుగుల ఆధిక్యంలో ఉంది.అంతకుముందు గుజరాత్‌ తొలి ఇన్నింగ్స్‌లో 343 పరుగులకు ఆలౌటైంది. విశాల్‌ జేస్వాల్‌ (112) సెంచరీతో కదంతొక్కగా.. ప్రియాంక్‌ పంచల్‌ (88), చింతన్‌ గజా (86 నాటౌట్‌) అర్ద సెంచరీలతో రాణించారు. విదర్భ బౌలర్లలో ప్రఫుల్‌ హింగే, ఆదిత్య ఠాకరే, భూటే తలో మూడు వికెట్లు పడగొట్టగా.. హర్ష్‌ దూబే ఓ వికెట్‌ దక్కించుకున్నాడు.కాగా, తన కెరీర్‌లో మూడో మ్యాచ్‌లోనే ట్రిపుల్‌ సెంచరీ సాధించిన కరుణ్‌ నాయర్‌ను అంతా మరిచిపోయారు. చెన్నై వేదికగా ఇంగ్లండ్‌తో జరిగిన టెస్ట్‌ మ్యాచ్‌లో నాయర్‌ ట్రిపుల్‌ సెంచరీ చేసి సంచలన సృష్టించాడు. అయితే ట్రిపుల్‌ సెంచరీ అనంతరం మూడు మ్యాచ్‌ల్లోనే కరుణ్‌ కెరీర్‌ ముగియడం విశేషం. ఆరేళ్లుగా అతనికి జాతీయ జట్టు నుంచి పిలుపు రాలేదు. గత రెండేళ్లలో కరుణ్‌ దేశవాలీ టోర్నీల్లో సత్తా చాటుతున్నా సెలెక్టర్లు అతన్ని పట్టించుకోవడం​ లేదు. ఇటీవల ముగిసిన మహారాజా టీ20 టోర్నీలోనూ కరుణ్‌ సెంచరీ చేశాడు. ప్రస్తుత రంజీ సీజన్‌లో కరుణ్‌కు ఇది తొలి శతకం.

360 రోజుల తర్వాత యాక్టివ్‌ క్రికెట్‌లోని అడుగుపెట్టిన టీమిండియా స్టార్‌ పేసర్‌ మొహమ్మద్‌ షమీ వచ్చీ రాగానే రంజీ ట్రోఫీలో చెలరేగిపోతున్నాడు. మధ్యప్రదేశ్‌తో జరుగుతున్న మ్యాచ్‌లో బెంగాల్‌కు ప్రాతినిథ్యం వహించిన షమీ తొలుత బౌలింగ్‌లో రాణించాడు. ఈ మ్యాచ్‌ తొలి ఇన్నింగ్స్‌లో షమీ 19 ఓవర్లలో 54 పరుగులిచ్చి నాలుగు వికెట్లు పడగొట్టాడు. అనంతరం షమీ సెకెండ్‌ ఇన్నింగ్స్‌లో బ్యాట్‌తో చెలరేగిపోయాడు. పదో నంబర్‌ ఆటగాడిగా బరిలోకి దిగిన షమీ 36 బంతుల్లో 2 ఫోర్లు, 2 సిక్సర్ల సాయంతో 37 పరుగులు చేశాడు. షమీ మెరుపు ఇన్నింగ్స్‌తో చెలరేగడంతో బెంగాల్‌ తమ లీడ్‌ను భారీగా పెంచుకోగలిగింది.మ్యాచ్‌ విషయానికొస్తే.. తొలుత బ్యాటింగ్‌ చేసిన బెంగాల్‌ తొలి ఇన్నింగ్స్‌లో 228 పరుగులకు ఆలౌటైంది. షాబాజ్‌ అహ్మద్‌ (92), కెప్టెన్‌ అనుస్తుప్‌ మజుందార్‌ (44) రాణించారు. షమీ 2 పరుగులకే ఔటయ్యాడు. మధ్యప్రదేశ్‌ బౌలర్లలో ఆర్మన్‌ పాండే, కుల్వంత్‌ కేజ్రోలియా తలో నాలుగు వికెట్లు పడగొట్టగా.. అనుభవ్‌ అగర్వాల్‌, కుమార్‌ కార్తికేయ చెరో వికెట్‌ దక్కించుకున్నారు.అనంతరం బరిలోకి దిగిన మధ్యప్రదేశ్‌ తొలి ఇన్నింగ్స్‌లో 167 పరుగులకే ఆలౌటైంది. షమీ (4/54), సూరజ్‌ సింధు జైస్వాల్‌ (2/35), మొహమ్మద్‌ కైఫ్‌ (2/41), రోహిత్‌ కుమార్‌ (1/27) మధ్యప్రదేశ్‌ పతనాన్ని శాశించారు. మధ్యప్రదేశ్‌ ఇన్నింగ్స్‌లో సుభ్రాంన్షు సేనాపతి (47), రజత్‌ పాటిదార్‌ (41) ఓ మోస్తరు స్కోర్లు చేశారు.61 పరుగుల ఆధిక్యంతో సెకండ్‌ ఇన్నింగ్స్‌ ప్రారంభించిన బెంగాల్‌.. సుదీప్‌ ఘరామీ (40), సుదీప్‌ ఛటర్జీ (40), వ్రిత్తిక్‌ ఛటర్జీ (52), వృద్దిమాన్‌ సాహా (44), షమీ (37) ఓ మోస్తరు స్కోర్లు చేయడంతో 276 పరుగులకు ఆలౌటైంది. మధ్యప్రదేశ్‌ బౌలర్లలో అనుభవ్‌ అగర్వాల్‌, కుమార్‌ కార్తికేయ తలో నాలుగు వికెట్లు పడగొట్టగా.. ఆర్యన్‌ పాండే, సరాన్ష్‌ జైన్‌ చెరో వికెట్‌ దక్కించుకున్నారు.338 పరుగుల లక్ష్యాన్ని ఛేదించేందుకు బరిలోకి దిగిన మధ్యప్రదేశ్‌ మూడో రోజు టీ విరామం సమయానికి వికెట్‌ నష్టపోకుండా 59 పరుగులు చేసింది. ఈ మ్యాచ్‌లో మధ్యప్రదేశ్‌ గెలవాలంటే మరో 279 పరుగులు చేయాల్సి ఉంది. ఓపెనర్లు సుభ్రాన్షు సేనాపతి (27), హిమాన్షు మంత్రి (29) క్రీజ్‌లో ఉన్నారు.

రంజీ ట్రోఫీ 2024-25 సీజ‌న్‌లో హ‌ర్యానా పేస‌ర్ అన్షుల్ కాంబోజ్ చ‌రిత్ర సృష్టించాడు. ఈ టోర్నీలో భాగంగా రోహ్‌తక్ వేదికగా కేరళతో జరుగుతున్న మ్యాచ్‌లో తొలి ఇన్నింగ్స్‌లో కాంబోజ్ 10 వికెట్లతో చెలరేగాడు. మొదటి ఇన్నింగ్స్‌లో 30.1 ఓవర్లు బౌలింగ్ చేసిన కాంబోజ్‌.. 49 పరుగులిచ్చి మొత్తం 10 వికెట్లను తన ఖాతాలో వేసుకున్నాడు.తొలి రోజు ఆటలో రెండు వికెట్లు పడగొట్టిన అన్షుల్‌.. రెండో రోజులో మిగితా 8 వికెట్లను నేలకూల్చాడు. తద్వారా రంజీ ట్రోఫీ చరిత్రలో ఒకే ఇన్నింగ్స్‌లో మొత్తం వికెట్లు పడగొట్టిన మూడో బౌలర్‌గా అన్షుల్ రికార్డులకెక్కాడు. ఈ అరుదైన ఘనత సాధించిన జాబితాలో కాంబోజ్ కంటే ముందు బెంగాల్ దిగ్గజం ప్రేమాంగ్షు ఛటర్జీ, రాజస్థాన్ మాజీ ప్లేయర్ ప్రదీప్ సుందరం ఉన్నారు. 1956-57 సీజన్‌లో అస్సాంపై ప్రేమాంగ్షు ఛటర్జీ ఈ ఫీట్ సాధించగా.. 1985-86 సీజన్‌లో విదర్భపై ప్రదీప్ సుందరం 10 వికెట్లు పడగొట్టాడు. మళ్లీ ఇప్పుడు 39 సంవత్సరాల తర్వాత అన్షుల్ కాంబోజ్ ఈ ఎలైట్ జాబితాలో చేరాడు. కాంబోజ్‌ బౌలింగ్‌ మ్యాజిక్‌ ఫలితంగా కేరళ తమ తొలి ఇన్నింగ్స్‌లో 291 పరుగులకు ఆలౌటైంది. ఇప్పటివరకు 19 ఫస్ట్‌క్లాస్‌ క్రికెట్‌ మ్యాచ్‌లు ఆడిన కాంబోజ్‌.. 57 వికెట్లను తన ఖాతాలో వేసుకున్నాడు. అదేవిధంగా కాంబోజ్‌ ఐపీఎల్‌లో ముంబై ఇండియన్స్‌కు కూడా ప్రాతినిథ్యం వహించాడు.ఎవరీ అన్షుల్ కాంబోజ్‌..?23 ఏళ్ల అన్షుల్ కాంబోజ్ హర్యానా తరపున 2022 రంజీ సీజన్‌లో త్రిపురాపై ఫస్ట్‌క్లాస్ అరంగేట్రం చేశాడు. కాంబోజ్‌కు అద్బుతమైన ఫాస్ట్ బౌలింగ్ స్కిల్స్ ఉన్నాయి. ఇప్పటివరకు 19 ఫస్ట్‌క్లాస్‌ క్రికెట్‌ మ్యాచ్‌లు ఆడిన కాంబోజ్‌.. 57 వికెట్లను తన ఖాతాలో వేసుకున్నాడు.కాంబోజ్ ఐపీఎల్‌లో కూడా ఆడాడు. దేశీవాళీ టోర్నీల్లో సంచ‌ల‌న ప్ర‌ద‌ర్శ‌న క‌న‌బ‌రుస్తుండ‌డంతో ఐపీఎల్‌-2024 మినీ వేలంలో ముంబై ఇండియ‌న్స్ సొంతం చేసుకుంది. అయితే ఐపీఎల్‌-2025 మెగా వేలానికి ముందు అత‌డిని ముంబై రిటైన్ చేసుకోలేదు. ఈ నెల 24, 25 తేదీల్లో జెడ్డా వేదికగా జరగనున్న మెగా వేలంలో ఈ హర్యానా పేసర్‌ కోసం ఫ్రాంచైజీలు పోటీ పడే అవకాశముంది.చదవండి: IND Vs AUS: 'కింగ్ త‌న రాజ్యానికి తిరిగొచ్చాడు'.. ఆసీస్‌ను హెచ్చరించిన ర‌విశాస్త్రి

సాక్షి, హైదరాబాద్‌: ప్రతిష్టాత్మక రంజీ ట్రోఫీలో హైదరాబాద్, ఆంధ్ర జట్ల మధ్య ఉప్పల్‌ వేదికగా జరుగుతున్న పోరు రసవత్తరంగా సాగుతోంది. ఓవర్‌నైట్‌ స్కోరు 244/5తో గురువారం రెండో రోజు తొలి ఇన్నింగ్స్‌ కొనసాగించిన హైదరాబాద్‌ జట్టు చివరకు 105.4 ఓవర్లలో 301 పరుగులకు ఆలౌటైంది. ఓపెనర్‌ తన్మయ్‌ అగర్వాల్‌ (287 బంతుల్లో 159; 12 ఫోర్లు, 3 సిక్స్‌లు) భారీ సెంచరీతో రాణించాడు. వికెట్‌ కీపర్‌ రాహుల్‌ రాదేశ్‌ (22) క్రితం రోజు స్కోరు వద్దే అవుట్‌ కాగా.. చామా మిలింద్‌ (5), తనయ్‌ త్యాగరాజన్‌ (10), అనికేత్‌ రెడ్డి (10) పెవిలియన్‌కు వరుస కట్టారు. ఆంధ్ర బౌలర్లలో త్రిపురాణ విజయ్‌ 5, మొహమ్మద్‌ రఫీ 2 వికెట్లు పడగొట్టారు. అనంతరం తొలి ఇన్నింగ్స్‌ ప్రారంభించిన ఆంధ్ర జట్టు రెండో రోజు ఆట ముగిసే సమయానికి 58 ఓవర్లలో 2 వికెట్ల నష్టానికి 168 పరుగులు చేసింది.కెప్టెన్ షేక్‌ రషీద్‌ (161 బంతుల్లో 79 బ్యాటింగ్‌; 11 ఫోర్లు) అర్ధశతకంతో ఆకట్టుకోగా... కరణ్‌ షిండే (41 బ్యాటింగ్‌; 4 ఫోర్లు), అభిషేక్‌ రెడ్డి (38; 4 ఫోర్లు, ఒక సిక్సర్‌) బాధ్యతాయుతంగా ఆడారు. హైదరాబాద్‌ బౌలర్లలో రక్షణ్‌ రెడ్డి, అనికేత్‌ రెడ్డి చెరో వికెట్‌ పడగొట్టారు. చేతిలో 8 వికెట్లు ఉన్న ఆంధ్ర జట్టు... హైదరాబాద్‌ తొలి ఇన్నింగ్స్‌ స్కోరుకు ఇంకా 133 పరుగులు వెనుకబడి ఉంది. రషీద్‌తో పాటు కరణ్‌ షిండే క్రీజులో ఉన్నాడు. స్కోరు వివరాలు హైదరాబాద్‌ తొలి ఇన్నింగ్స్‌: తన్మయ్‌ అగర్వాల్‌ (సి) సందీప్‌ (బి) రఫీ 124; అభిరత్‌ రెడ్డి (సి) మోహన్‌ (బి) విజయ్‌ 35; రోహిత్‌ రాయుడు (సి) (సబ్‌) జ్ఞానేశ్వర్‌ (బి) విజయ్‌ 0; హిమతేజ (సి) భరత్‌ (బి) సందీప్‌ 36; రాహుల్‌ సింగ్‌ (సి అండ్‌ బి) విజయ్‌ 1; నితీశ్‌ రెడ్డి (స్టంప్డ్‌) భరత్‌ (బి) మోహన్‌ 22; రాహుల్‌ రాదేశ్‌ (ఎల్బీ) (బి) శశికాంత్‌ 22; మిలింద్‌ (బి) విజయ్‌ 5; తనయ్‌ (సి) రషీద్‌ (బి) విజయ్‌ 10; అనికేత్‌ రెడ్డి (సి) భరత్‌ (బి) రఫీ 7; రక్షణ్‌ (నాటౌట్‌) 0, ఎక్స్‌ట్రాలు 4, మొత్తం (105.4 ఓవర్లలో ఆలౌట్‌) 301. వికెట్ల పతనం: 1–91, 2–95, 3–151, 4–152, 5–200, 6–245, 7–253, 8–265, 9–288, 10–301. బౌలింగ్‌: శశికాంత్‌ 19–4–38–1; రఫీ 24.4–4–5–59–2; విజయ్‌ 31–5–118–5; లలిత్‌ మోహన్‌ 23–4–64–1; సందీప్‌ 8–0–18–1. ఆంధ్ర తొలి ఇన్నింగ్స్‌: హేమంత్‌ (సి) నితీశ్‌ (బి) రక్షణ్‌ 9; అభిషేక్‌ రెడ్డి (బి) అనికేత్‌ రెడ్డి 38; షేక్‌ రషీద్‌ (బ్యాటింగ్‌) 79; కరణ్‌ షిండే (బ్యాటింగ్‌) 41; ఎక్స్‌ట్రాలు 1, మొత్తం (58 ఓవర్లలో 2 వికెట్లకు) 168. వికెట్ల పతనం: 1–17, 2–84, బౌలింగ్‌: మిలింద్‌ 8–2–21–0; రక్షణ్‌ రెడ్డి 10–0–35–1; అనికేత్‌ రెడ్డి 22–5–56–1; తనయ్‌ త్యాగరాజన్‌ 9–0–39–0; రోహిత్‌ రాయుడు 9–2–16–0.

ఐపీఎల్‌ 2025 సీజన్‌ కోసం చెన్నై సూపర్‌ కింగ్స్‌ 17 ఏళ్ల ముంబై బ్యాటర్‌ ఆయుశ్‌ మాత్రేపై కన్నేసినట్లు గత కొన్ని రోజులుగా ప్రచారం జరుగుతుంది. సీఎస్‌కే మేనేజ్‌మెంట్‌ అతి త్వరలోనే మాత్రేను సెలెక్షన్‌ ట్రయిల్‌ రమ్మని పిలిచినట్లు వార్తలు వినిపిస్తున్నాయి. అన్నీ కుదిరితే మాత్రే వచ్చే సీజన్‌లో సీఎస్‌కే తరఫున అరంగేట్రం చేసే ఛాన్స్‌ ఉంది. మాత్రే బ్యాటింగ్‌ స్కిల్స్‌పై సీఎస్‌కే స్టార్‌ ఆటగాడు మహేంద్ర సింగ్‌ ధోని ప్రత్యేక నిఘా పెట్టినట్లు సమాచారం​. సీఎస్‌కే మేనేజ్‌మెంట్‌ వేలంలో మాత్రేను సొంతం చేసుకుని రుతురాజ్‌ గైక్వాడ్‌తో పాటు ఓపెనర్‌గా పంపాలని భావిస్తుందట.సీఎస్‌కే దృష్టిలో పడ్డ తర్వాత మాత్రే రంజీ ట్రోఫీలో ఓ సూపర్‌ ఇన్నింగ్స్‌ ఆడాడు. సర్వీసెస్‌తో జరుగుతున్న మ్యాచ్‌లో మాత్రే అద్భుతమై సెంచరీతో మెరిశాడు. ఈ మ్యాచ్‌ తొలి ఇన్నింగ్స్‌లో మాత్రే 127 బంతుల్లో 12 ఫోర్లు, 3 సిక్సర్ల సాయంతో 107 పరుగులు చేసి అజేయంగా నిలిచాడు. టీమిండియా బ్యాటర్లు అజింక్య రహానే (19), శ్రేయస్‌ అయ్యర్‌ (47) తక్కువ స్కోర్లకే ఔటైన వేళ మాత్రే మెరుపు సెంచరీతో అలరించాడు. రెండో రోజు టీ విరామం సమయానికి ముంబై 4 వికెట్ల నష్టానికి 188 పరుగులు చేసింది. మాత్రేతో పాటు ఆకాశ్‌ ఆనంద్‌ (1) క్రీజ్‌లో ఉన్నాడు. సర్వీసెస్‌ తొలి ఇన్నింగ్స్‌ స్కోర్‌కు ముంబై ఇంకా 52 పరుగులు వెనుకపడి ఉంది.ఈ మ్యాచ్‌లో తొలుత బ్యాటింగ్‌ చేసిన సర్వీసెస్‌ 240 పరుగులకు ఆలౌటైంది. సర్వీసెస్‌ ఇన్నింగ్స్‌లో మోహిత్‌ అహ్లావత్‌ (76), రోహిల్లా (56) అర్ద సెంచరీలతో రాణించారు. ముంబై బౌలర్లలో శార్దూల్‌ ఠాకూర్‌ నాలుగు వికెట్లు పడగొట్టగా.. మోహిత్‌ అవస్తి, షమ్స్‌ ములానీ తలో రెండు వికెట్లు, జునెద్‌ ఖాన్‌, హిమాన్షు సింగ్‌ చెరో వికెట్‌ దక్కించుకున్నారు.ఇరానీ కప్‌తో అరంగేట్రం..17 ఏళ్ల మాత్రే ఈ ఏడాది అక్టోబర్‌లో రెస్ట్‌ ఆఫ్‌ ఇండియాతో జరిగిన ఇరానీ కప్‌ మ్యాచ్‌లో అరంగేట్రం చేశాడు. మాత్రే ముంబై తరఫున ఇప్పటివరకు 10 ఇన్నింగ్స్‌లు ఆడి రెండు సెంచరీలు, ఓ హాఫ్‌ సెంచరీ సాయంతో 400 పైచిలుకు పరుగులు చేశాడు.

రంజీ ట్రోఫీ ప్లేట్‌ గ్రూప్‌ మ్యాచ్‌ల్లో భాగంగా అరుణాచల్‌ ప్రదేశ్‌తో జరిగిన మ్యాచ్‌లో ఇద్దరు గోవా బ్యాటర్లు అజేయ ట్రిపుల్‌ సెంచరీలతో చెలరేగారు. స్నేహల్‌ కౌతంకర్‌ 215 బంతుల్లో 45 ఫోర్లు, 4 సిక్సర్ల సాయంతో 314 పరుగులు చేయగా.. కశ్యప్‌ బాక్లే 269 బంతుల్లో 39 ఫోర్లు, 2 సిక్సర్ల సాయంతో 300 పరుగులు చేశారు. స్నేహల్‌, కశ్యప్‌ మూడో వికెట్‌కు అజేయమైన 606 పరుగులు జోడించి రంజీ ట్రోఫీ చరిత్రలోనే ఏ వికెట్‌కైనా అత్యధిక భాగస్వామ్యాన్ని నమోదు చేశారు. స్నేహల్‌, కశ్యప్‌ ట్రిపుల్‌ సెంచరీలతో విరుచుకుపడటంతో గోవా తొలి ఇన్నింగ్స్‌లో (93 ఓవర్లలోనే) రెండు వికెట్ల నష్టానికి 727 పరుగులు చేసింది. అంతకుముందు అరుణాచల్‌ ప్రదేశ్‌ తొలి ఇన్నింగ్స్‌లో 84 పరుగులకు ఆలౌటైంది. క్రికెట్‌ గాడ్‌ సచిన్‌ టెండూల్కర్‌ తనయుడు అర్జున్‌ టెండూల్కర్‌ ఐదు వికెట్ల ప్రదర్శన నమోదు చేశాడు. 643 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన అరుణాచల్‌ ప్రదేశ్‌ ఈ ఇన్నింగ్స్‌లోనూ పేలవ ప్రదర్శన కొనసాగించి 92 పరుగులకు చాపచుట్టేసింది. ఫలితంగా గోవా ఇన్నింగ్స్‌ 551 పరుగుల తేడాతో ఘన విజయం సాధించింది. ఈ మ్యాచ్‌లో విశేషాలు.. నమోదైన రికార్డులు..రంజీ ట్రోఫీ చరిత్రలో ఒకే ఇన్నింగ్స్‌లో ఇద్దరు ట్రిపుల్‌ సెంచరీలు చేయడం ఇది రెండో సారి మాత్రమే.1989లో గోవాతో జరిగిన మ్యాచ్‌లో తమిళనాడుకు చెందిన డబ్ల్యూవీ రామన్‌, అర్జున్‌ క్రిపాల్‌ సింగ్‌ ఒకే ఇన్నింగ్స్‌లో ట్రిపుల్‌ సెంచరీలు చేశారు.స్నేహల్‌, కశ్యప్‌ మూడో వికెట్‌కు అజేయమైన 606 పరుగులు జోడించి రంజీ ట్రోఫీ చరిత్రలోనే ఏ వికెట్‌కైనా అత్యధిక భాగస్వామ్యాన్ని నమోదు చేశారు.ఈ మ్యాచ్‌లో గోవా చేసిన స్కోర్‌ (727/2) రంజీ ట్రోఫీ ప్లేట్‌ డివిజన్‌ చరిత్రలో రెండో అత్యధిక స్కోర్‌గా నమోదైంది.రంజీ ట్రోఫీ ప్లేట్‌ డివిజన్‌ చరిత్రలో అత్యధిక స్కోర్‌ మేఘాలయ చేసింది. 2018 సీజన్‌లో సిక్కింతో జరిగిన మ్యాచ్‌లో మేఘాలయ 826 పరుగులు చేసింది.ఈ మ్యాచ్‌లో గోవా చేసిన స్కోర్‌ (727/2) యావత్‌ రంజీ ట్రోఫీ చరిత్రలోనే తొమ్మిదో అత్యధిక స్కోర్‌గా రికార్డైంది.ఈ మ్యాచ్‌లో స్నేహల్‌ చేసిన ట్రిపుల్‌ సెంచరీ మూడో వేగవంతమైన ట్రిపుల్‌ సెంచరీగా (205 బంతుల్లో) రికార్డైంది.రంజీల్లో ఫాస్టెస్ట్‌ ట్రిపుల్‌ సెంచరీ రికార్డు తన్మయ్‌ అగర్వాల్‌ పేరిట ఉంది. తన్మయ్‌ గత రంజీ సీజన్‌లో 147 బంతుల్లో ట్రిపుల్‌ సెంచరీ సాధించాడు.

రంజీ ట్రోఫీలో భాగంగా ఉత్తరాఖండ్‌తో జరుగుతున్న మ్యాచ్‌లో రాజస్థాన్‌ ఆటగాడు మహిపాల్‌ లోమ్రార్‌ అజేయ ట్రిపుల్‌ సెంచరీతో (360 బంతుల్లో 300; 25 ఫోర్లు, 13 సిక్సర్లు) విరుచుకుపడ్డాడు. ఈ మ్యాచ్‌లో రాజస్థాన్‌ టాస్‌ ఓడి తొలుత బ్యాటింగ్‌కు దిగింది. రెండో రోజు టీ విరామం సమయానికి రాజస్థాన్‌ స్కోర్‌ 660/7గా ఉంది. లోమ్రార్‌తో పాటు కుక్నా అజయ్‌ సింగ్‌ (40) క్రీజ్‌లో ఉన్నాడు. రాజస్థాన్‌ ఇన్నింగ్స్‌లో లోమ్రార్‌కు జతగా మరో ఆటగాడు సెంచరీ చేశాడు. కార్తీక్‌ శర్మ 115 బంతుల్లో 11 ఫోర్లు, 6 సిక్సర్ల సాయంతో 113 పరుగులు చేశాడు. టెయిలెండర్లు భరత్‌ శర్మ 54, దీపక్‌ చాహర్‌ 35 పరుగులు చేయగా.. అభిజిత్‌ తోమర్‌ 20, రామ్మోహన్‌ చౌహాన్‌ 29, జుబైర్‌ అలీ ఖాన్‌ 26, దీపక్‌ హూడా 10 పరుగులు చేశాడు. ఉత్తరాఖండ్‌ బౌలర్లలో దీపక్‌ దాపోలా, స్వప్నిల్‌ సింగ్‌ చెరో రెండు వికెట్లు పడగొట్టగా.. అంకిత్‌ మనోర్‌, అభయ్‌ నేగి, అవనీశ్‌ సుధ తలో వికెట్‌ దక్కించుకున్నారు.ఆర్సీబీ వదిలేసింది.. ట్రిపుల్‌ సెంచరీతో విరుచుకుపడ్డాడు..!24 ఏళ్ల మహిపాల్‌ లోమ్రార్‌ను రాయల్‌ ఛాలెంజర్స్‌ బెంగళూరు ఇటీవల వదిలేసింది. 2025 ఐపీఎల్‌ సీజన్‌ కోసం ఆర్సీబీ అట్టిపెట్టుకున్న ఆటగాళ్ల జాబితాలో లోమ్రార్‌కు చోటు దక్కలేదు. ఆర్సీబీ వదిలేసిందన్న కసితో చెలరేగిపోయిన లోమ్రార్‌ ఉత్తరాఖండ్‌తో మ్యాచ్‌లో ట్రిపుల్‌ సెంచరీతో కదంతొక్కాడు. ఈ మ్యాచ్‌లో లోమ్రార్‌ మరెన్ని పరుగులు చేస్తాడో వేచి చూడాలి. లోమ్రార్ ఆర్సీబీ వదిలేసిన నాటి నుంచి కసితో రగిలిపోతున్నాడు. తాజా ట్రిపుల్‌ సెంచరీకి ముందు మ్యాచ్‌లో లోమ్రార్‌ సెంచరీ చేశాడు. హైదరాబాద్‌తో జరిగిన మ్యాచ్‌లో అతను 111 పరుగులు చేశాడు. ఇదే రంజీ సీజన్‌లో హిమాచల్‌ ప్రదేశ్‌తో జరిగిన మ్యాచ్‌లోనూ లోమ్రార్‌ చెలరేగి ఆడాడు. ఆ మ్యాచ్‌లో అతను ఒక్క పరుగు తేడాతో సెంచరీ చేజార్చుకున్నాడు. లోమ్రార్‌ అరివీర భయంకర ఫామ్‌ను చూసి ఆర్సీబీ అతన్ని తిరిగి దక్కించుకునే ప్రయత్నం చేస్తుందేమో వేచి చూడాలి. లోమ్రార్‌ను ఆర్సీబీ 2022 సీజన్‌లో 95 లక్షలకు దక్కించుకుంది. లోమ్రార్‌ 2018లో ఐపీఎల్‌ అరంగేట్రం చేసి వివిధ ఫ్రాంచైజీల తరఫున ఆడాడు.

టీమిండియా వెట‌ర‌న్ పేస‌ర్ మ‌హ్మ‌ద్ ష‌మీ త‌న పునరాగమనాన్ని ఘనంగా చాటుకున్నాడు. 361 రోజుల తర్వాత తిరిగి మైదానంలో అడుగు పెట్టిన‌ షమీ తన మాస్టర్ క్లాస్ బౌలింగ్‌తో అదరగొట్టాడు. రంజీ ట్రోపీ 2024-25 సీజన్‌లో బెంగాల్‌కు ప్రాతినిథ్యం వహిస్తున్న షమీ.. తన రీ ఎంట్రీ ‍మ్యాచ్‌లోనే ప్రత్యర్ధి బ్యాటర్లకు చుక్కలు చూపించాడు.ఇండోర్ వేదిక‌గా మ‌ధ్య‌ప్ర‌దేశ్‌తో జ‌రుగుతున్న మ్యాచ్‌లో ష‌మీ 4 వికెట్ల‌తో చెలరేగాడు. తొలి ఇన్నింగ్స్‌లో 19 ఓవ‌ర్లు బౌలింగ్ చేసిన ఈ బెంగాల్ స్టార్ పేస‌ర్ కేవ‌లం ప‌రుగులిచ్చి 4 వికెట్ల‌ను త‌న ఖాతాలో వేసుకున్నాడు.అత‌డితో పాటు సుర‌జ్ జైశ్వాల్‌, మ‌హ్మ‌ద్ కైఫ్ త‌లా రెండు వికెట్లు ప‌డ‌గొట్టారు. ఫ‌లితంగా మ‌ధ్యప్ర‌దేశ్ త‌మ తొలి ఇన్నింగ్స్‌లో 167 ప‌రుగుల‌కే కుప్ప‌కూలింది. ఇక ఈ మ్యాచ్ తొలి ఇన్నింగ్స్‌లో బెంగాల్ కూడా కేవ‌లం 228 ప‌రుగులు మాత్ర‌మే చేసింది. ప్రస్తుతం బెంగాల్‌ 61 పరుగుల ఆధిక్యంలో ఉంది.టీమిండియాలోకి రీ ఎంట్రీ!?ష‌మీ టీమిండియా త‌ర‌పున చివ‌ర‌గా గ‌తేడాది వ‌న్డే వర‌ల్డ్‌క‌ప్‌లో ఆడాడు. ఆ త‌ర్వాత త‌న కాలి మ‌డమ గాయానికి శ‌స్త్రచికిత్స చేయించుకోవ‌డంతో ఏడాది పాటు ఆట‌కు దూర‌మ‌య్యాడు. అత‌డి తిరిగి మళ్లీ బోర్డర్ - గావస్కర్‌ ట్రోఫీట్రోఫీతో జాతీయ జ‌ట్టులోకి రీ ఎంట్రీ ఇస్తాడ‌ని అంతా భావించారు.కానీ ఫిట్‌నెస్ స‌మ‌స్య‌ల వ‌ల్ల ష‌మీని భార‌త సెల‌క్ట‌ర్లు ప‌రిగ‌ణ‌లోకి తీసుకోలేదు. రంజీల్లో త‌న ఫిట్‌నెస్‌ను నిరూపించుకోవాల‌ని ష‌మీని సెల‌క్ట‌ర్లు సూచించారు. ఈ క్ర‌మంలోనే రంజీల్లో ఆడేందుకు ష‌మీ బరిలోకి దిగాడు.ఇదే ఫిట్‌నెస్‌తో అత‌డు ఒక‌ట్రెండు మ్యాచ్‌లు బెంగాల్ త‌ర‌పున ఆడితే జాతీయ జ‌ట్టులోకి తీసుకోవాల‌ని సెల‌క్ట‌ర్లు భావిస్తున్న‌ట్లు తెలుస్తోంది. ఏది ఏమైనప్పటికీ ఆస్ట్రేలియాతో ఆఖరి మూడు టెస్టుల‌కు భార‌త జ‌ట్టులో ష‌మీ చేరే అవకాశ‌మున్న‌ట్లు ప‌లు రిపోర్టులు పేర్కొంటున్నాయి.చదవండి: IPL 2025: చహల్‌ కోసం పోటా పోటీ.. రూ.12 కోట్లకు కొనుక్కున్న ఆర్సీబీ!? అట్లుంటది మరి ఫ్యాన్స్‌తో..

సాక్షి, హైదరాబాద్‌: ఓపెనర్‌ తన్మయ్‌ అగర్వాల్‌ (240 బంతుల్లో 124 బ్యాటింగ్‌; 10 ఫోర్లు, 1 సిక్స్‌) అజేయ సెంచరీతో చెలరేగాడు. ఫలితంగా ఉప్పల్‌ స్టేడియంలో ఆంధ్ర జట్టుతో మొదలైన రంజీ ట్రోఫీ గ్రూప్‌ ‘బి’ మ్యాచ్‌లో తొలి రోజు ఆట ముగిసే సమయానికి హైదరాబాద్‌ తొలి ఇన్నింగ్స్‌లో 90 ఓవర్లలో 5 వికెట్ల నష్టానికి 244 పరుగులు చేసింది. హైదరాబాద్‌ మాజీ కెపె్టన్‌ తన్మయ్‌ రోజంతా బ్యాటింగ్‌ చేసి అజేయ శతకంతో అలరించాడు. అభిరత్‌ రెడ్డి (114 బంతుల్లో 35; 3 ఫోర్లు, ఒక సిక్సర్‌), హిమతేజ (36; 7 ఫోర్లు) మెరుగైన ఆరంభాలను భారీ స్కోర్లుగా మలచలేకపోయారు. కెప్టెన్‌ రాహుల్‌ సింగ్‌ (1)తో పాటు రోహిత్‌ రాయుడు (0) విఫలం కాగా.. నితీశ్‌ రెడ్డి (22), వికెట్‌ కీపర్‌ రాహుల్‌ రాదేశ్‌ (22 బ్యాటింగ్‌) ఫర్వాలేదనిపించారు. ఆంధ్ర బౌలర్లలో త్రిపురాణ విజయ్‌ 3 వికెట్లు పడగొట్టగా... లలిత్‌ మోహన్, యరా సందీప్‌ చెరో వికెట్‌ తీశారు. తాజా సీజన్‌లో హైదరాబాద్‌ ఇప్పటి వరకు నాలుగు మ్యాచ్‌లు ఆడింది. ఒక మ్యాచ్‌లో గెలిచింది. మరో మ్యాచ్‌ను ‘డ్రా’ చేసుకుంది. రెండు మ్యాచ్‌ల్లో ఓడింది. మొత్తం 8 పాయింట్లతో ఆరో స్థానంలో ఉంది. మరోవైపు ఆంధ్ర జట్టు నాలుగు మ్యాచ్‌ల్లో మూడింట ఓడి, ఒక మ్యాచ్‌ను ‘డ్రా’ చేసుకుంది. స్కోరు వివరాలు హైదరాబాద్‌ తొలి ఇన్నింగ్స్‌: తన్మయ్‌ అగర్వాల్‌ (బ్యాటింగ్‌) 124; అభిరత్‌ రెడ్డి (సి) మోహన్‌ (బి) విజయ్‌ 35; రోహిత్‌ రాయుడు (సి) (సబ్‌) జ్ఞానేశ్వర్‌ (బి) విజయ్‌ 0; హిమతేజ (సి) భరత్‌ (బి) సందీప్‌ 36; రాహుల్‌ సింగ్‌ (సి అండ్‌ బి) విజయ్‌ 1; నితీశ్‌ రెడ్డి (స్టంప్డ్‌) భరత్‌ (బి) మోహన్‌ 22; రాహుల్‌ రాదేశ్‌ (బ్యాటింగ్‌) 22; ఎక్స్‌ట్రాలు 4, మొత్తం (90 ఓవర్లలో 5 వికెట్ల నష్టానికి) 244. వికెట్ల పతనం: 1–91, 2–95, 3–151, 4–152, 5–200, బౌలింగ్‌: శశికాంత్‌ 15–3–32–0; రఫీ 17–3–41–0; విజయ్‌ 27–4–85–3; లలిత్‌ మోహన్‌ 23–4–64–1; సందీప్‌ 8–0–18–1.

హైదరాబాద్‌లోని రాజీవ్‌ గాంధీ ఇంటర్నేషనల్‌ స్టేడియం వేదికగా ఆంధ్రప్రదేశ్‌, హైదరాబాద్‌ మధ్య రంజీ ట్రోఫీ మ్యాచ్‌ జరుగుతుంది. ఈ మ్యాచ్‌లో హైదరాబాద్‌ టాస్‌ గెలిచి తొలుత బ్యాటింగ్‌ ఎంచుకుంది. ఓపెనర్‌ తన్మయ్‌ అగర్వాల్‌ అజేయ సెంచరీతో (124) చెలరేగడంతో తొలి రోజు ఆట ముగిసే సమయానికి హైదరాబాద్‌ జట్టు 5 వికెట్ల నష్టానికి 244 పరుగులు చేసింది. తన్మయ్‌ అగర్వాల్‌తో పాటు రాహుల్‌ రాధేశ్‌ (22) క్రీజ్‌లో ఉన్నారు. హైదరాబాద్‌ ఇన్నింగ్స్‌లో అభిరథ్‌ రెడ్డి 35, రోహిత్‌ రాయుడు 0, కొడిమెల హిమతేజ 26, రాహుల్‌ సింగ్‌ 1, కే నితేశ్‌ రెడ్డి 22 పరుగులు చేసి ఔటయ్యారు. ఆంధ్ర బౌలర్లలో త్రిపురణ విజయ్‌ మూడు వికెట్లు పడగొట్టగా.. లలిత్‌ మోహన్‌, యారా సందీప్‌ తలో వికెట్‌ దక్కించుకున్నారు.కాగా, ప్రస్తుత రంజీ సీజన్‌లో ఆంధ్ర, హైదరాబాద్‌ జట్లు ఎలైట్‌ గ్రూప్‌-బిలో ఉన్నాయి. ఈ గ్రూప్‌లో హైదరాబాద్‌ ఆరో స్థానంలో ఉండగా.. ఆంధ్ర జట్టు ఆఖరిదైన ఎనిమిదో స్థానంలో నిలిచింది. హైదరాబాద్‌ ఈ సీజన్‌లో ఇప్పటివరకు ఆడిన 4 మ్యాచ్‌ల్లో ఓ మ్యాచ్‌లో గెలిచి, 2 మ్యాచ్‌ల్లో ఓటమిపాలై, ఓ మ్యాచ్‌ను డ్రా చేసుకోగా.. ఆంధ్ర ఇప్పటివరకు ఆడిన 4 మ్యాచ్‌ల్లో మూడు పరాజయాలు ఎదుర్కొని, ఓ మ్యాచ్‌ను డ్రా చేసుకుంది.

టీమిండియా దిగ్గజ క్రికెటర్‌ సచిన్‌ టెండుల్కర్‌ కుమారుడు అర్జున్‌ టెండుల్కర్‌ రంజీ మ్యాచ్‌లో అదరగొట్టాడు. అరుణాచల్‌ ప్రదేశ్‌తో పోరులో ఆకాశమే హద్దుగా చెలరేగిన ఈ గోవా ఆల్‌రౌండర్‌.. ఏకంగా ఐదు వికెట్లు కూల్చాడు. అర్జున్‌ దెబ్బకు ప్రత్యర్థి జట్టు బ్యాటింగ్‌ ఆర్డర్‌ పేకమేడలా కుప్పకూలింది. 84 పరుగులకే ఆలౌట్‌ అయింది.గోవాకు ప్రాతినిథ్యంకాగా ముంబైకి చెందిన అర్జున్‌ టెండుల్కర్‌ దేశవాళీ క్రికెట్లో గోవాకు ప్రాతినిథ్యం వహిస్తున్నాడు. ఎడమచేతి వాటం కలిగిన బ్యాటర్‌ అయిన అర్జున్‌.. లెఫ్టార్మ్‌ ఫాస్ట్‌ మీడియం పేసర్‌ కూడా! ఇక 25 ఏళ్ల అర్జున్‌ రంజీ ట్రోఫీ 2024-25లో ప్లేట్‌ గ్రూపులో ఉన్న గోవా.. తాజాగా అరుణాచల్‌ ప్రదేశ్‌ జట్టుతో తలపడుతోంది.పొర్వోరిమ్‌లోని గోవా క్రికెట్‌ అసోసియేషన్‌ అకాడమీ గ్రౌండ్‌లో బుధవారం ఇరుజట్ల మధ్య మ్యాచ్‌ మొదలైంది. టాస్‌ గెలిచిన అరుణాచల్‌ ప్రదేశ్‌ తొలుత బ్యాటింగ్‌ ఎంచుకుంది. ఈ క్రమంలో ఆది నుంచే అటాక్‌ మొదలుపెట్టిన గోవా ఆల్‌రౌండర్‌ అర్జున్‌ టెండుల్కర్‌.. ప్రత్యర్థి జట్టు బ్యాటర్లను బెంబేలెత్తించాడు.టాప్‌-5 వికెట్లు అతడి ఖాతాలోనేఅర్జున్‌ ధాటికి టాపార్డర్‌తో పాటు మిడిలార్డర్‌ కకావికలమైంది. ఓపెనర్‌ నబాం హచాంగ్‌ను డకౌట్‌ చేయడంతో వికెట్ల వేట మొదలుపెట్టిన అర్జున్‌.. మరో ఓపెనర్‌ నీలం ఒబి(22), వన్‌డౌన్‌ బ్యాటర్‌ చిన్మయ్‌ పాటిల్‌(3), నాలుగో స్థానంలో వచ్చిన జే భస్వార్‌(0), ఐదో నంబర్‌ బ్యాటర్‌ మోజీ ఎటె(1)లను పెవిలియన్‌కు పంపాడు.ఫస్ట్‌క్లాస్‌ క్రికెట్‌ కెరీర్లో‌ తొలి ఐదు వికెట్ల ప్రదర్శనతద్వారా అర్జున్‌ టెండుల్కర్‌.. తన ఫస్ట్‌క్లాస్‌ క్రికెట్‌ కెరీర్లో‌ తొలి ఐదు వికెట్ల ప్రదర్శన(5 Wicket Haul) నమోదు చేశాడు. ఇక అర్జున్‌తో పాటు గోవా బౌలర్లలో కేత్‌ పింటో రెండు, మోహిత్‌ రేడ్కర్‌ మూడు వికెట్లతో రాణించారు. ఈ క్రమంలో తొలిరోజు ఆటలోనే కుప్పకూలిన అరుణాచల్‌ ప్రదేశ్‌.. 84 పరుగులకు తమ తొలి ఇన్నింగ్స్‌ను ముగించింది.ముంబై తరఫున కాగా ఐపీఎల్‌-2025 మెగా వేలానికి ముందు అర్జున్ టెండుల్కర్‌ ఈమేరకు ఉత్తమ ప్రదర్శన కనబరచడం.. అతడికి సానుకూలాంశంగా మారింది. ఈ ఆల్‌రౌండర్‌ను దక్కించుకునేందుకు ఫ్రాంఛైజీలు ఆసక్తి చూపే అవకాశం ఉంది. ఇక సచిన్‌ టెండుల్కర్‌ మెంటార్‌గా వ్యవహరిస్తున్న ముంబై ఇండియన్స్‌ తరఫున అర్జున్‌ గతేడాది ఐపీఎల్‌లో అరంగేట్రం చేశాడు. ఇప్పటి వరకు మొత్తంగా ఐదు మ్యాచ్‌లు ఆడి 13 పరుగులు చేయడంతో పాటు.. మూడు వికెట్లు తీశాడు. అయితే, రిటెన్షన్స్‌లో భాగంగా ఐదుగురిని అట్టిపెట్టుకున్న ముంబై.. అర్జున్‌ను వదిలివేసింది. ఇదిలా ఉంటే.. సౌదీ అరేబియాలోని జెద్దా వేదికగా నవంబరు 24, 25 తేదీల్లో ఐపీఎల్‌ వేలంపాట జరుగనుంది.చదవండి: ఆతిథ్య హక్కులు మావే.. మ్యాచ్‌లన్నీ మా దేశంలోనే.. పాక్‌ ప్రభుత్వ వైఖరి ఇదే!

కోల్‌కతా: టీమిండియా సీనియర్‌ పేసర్‌ మొహమ్మద్‌ షమీ పునరాగమనానికి సిద్ధమయ్యాడు. గత ఏడాది వన్డే ప్రపంచకప్‌ తర్వాత గాయం కారణంగా జట్టుకు దూరమైన షమీ... శస్త్రచికిత్స అనంతరం తిరిగి కోలుకొని దేశవాళీ మ్యాచ్‌లు ఆడేందుకు రెడీ అయ్యాడు. రంజీ ట్రోఫీలో భాగంగా బుధవారం నుంచి మధ్యప్రదేశ్‌తో జరగనున్న మ్యాచ్‌లో షమీ బెంగాల్‌ జట్టుకు ప్రాతినిధ్యం వహించనున్నాడు. ఈ మేరకు బెంగాల్‌ క్రికెట్‌ సంఘం మంగళవారం ఒక ప్రకటన విడుదల చేసింది. స్వదేశంలో జరిగిన 2023 వన్డే వరల్డ్‌కప్‌లో 7 మ్యాచ్‌ల్లో 24 వికెట్లు తీసి అదరగొట్టిన షమీ... ఆ తర్వాత గాయం కారణంగా మైదానానికి దూరమయ్యాడు. కాలి మడమకు శస్త్రచికిత్స చేయించుకున్న షమీ... ఇప్పుడు పూర్తిస్థాయిలో కోలుకున్నాడు. ఈ నెల 22 నుంచి ప్రారంభం కానున్న ఆ్రస్టేలియా పర్యటన వరకు అతడు కోలుకుంటాడనుకుంటే అది సాధ్యపడలేదు. ప్రస్తుతం బెంగళూరులోని బీసీసీఐ సెంటర్‌ ఆఫ్‌ ఎక్స్‌లెన్స్‌లో రీహాబిలిటేషన్‌లో ఉన్న షమీ మ్యాచ్‌ ఫిట్‌నెస్‌ సాధించాడు. ‘భారత క్రికెట్‌ జట్టుతో పాటు, బెంగాల్‌ రంజీ టీమ్‌కు శుభవార్త. స్టార్‌ పేసర్‌ మొహమ్మద్‌ షమీ గాయం నుంచి పూర్తిగా కోలుకున్నాడు. మధ్యప్రదేశ్‌తో రంజీ మ్యాచ్‌లో షమీ బెంగాల్‌ జట్టు తరఫున ఆడతాడు’అని బెంగాల్‌ క్రికెట్‌ సంఘం కార్యదర్శి నరేశ్‌ ఓజా తెలిపాడు. షమీ ఫిట్‌నెస్‌ సాధించకపోవడంతో బీసీసీఐ సెలెక్షన్‌ కమిటీ అతడిని ఆస్ట్రేలియాతో జరిగే ఐదు టెస్టుల ‘బోర్డర్‌–గావస్కర్‌ ట్రోఫీ’ కోసం ఎంపిక చేయలేదు. జస్‌ప్రీత్‌ బుమ్రా, మొహమ్మద్‌ సిరాజ్, ఆకాశ్‌దీప్‌ సింగ్, హర్షిత్‌ రాణా, నితీశ్‌ కుమార్‌ రెడ్డి, ప్రసిద్ధ్‌ కృష్ణను ఆ్రస్టేలియాతో సిరీస్‌కు ఎంపిక చేసిన బోర్డు... ముకేశ్‌ కుమార్, నవ్‌దీప్‌ సైనీ, ఖలీల్‌ అహ్మద్‌ను ట్రావెలింగ్‌ రిజర్వ్‌లుగా ప్రకటించింది. జట్టును ప్రకటించిన సమయంలో రోహిత్‌ మాట్లాడుతూ... పూర్తి ఫిట్‌నెస్‌ సాధించని షమీతో ప్రయోగాలు చేయబోమని ప్రకటించాడు.

టీమిండియా సీనియర్‌ క్రికెటర్‌ మహ్మద్‌ షమీ పునరాగమనానికి ముహూర్తం ఖరారైంది. దాదాపు ఏడాది తర్వాత ఈ పేస్‌ బౌలర్‌ కాంపిటేటివ్‌ క్రికెట్‌ ఆడేందుకు సిద్ధమయ్యాడు. ఈ విషయాన్ని బెంగాల్‌ క్రికెట్‌ అసోసియేషన్‌(CAB) ధ్రువీకరించింది. కాగా వన్డే వరల్డ్‌కప్‌-2023లో అత్యధిక వికెట్ల వీరుడిగా నిలిచాడు షమీ.చీలమండ గాయానికి శస్త్ర చికిత్సఈ ఐసీసీ టోర్నీలో ఆలస్యంగా ఎంట్రీ ఇచ్చినా 24 వికెట్లు కూల్చి.. టీమిండియా ఫైనల్‌ చేరడంలో తన వంతు పాత్ర పోషించాడు. అయితే, అప్పటికే గాయం వేధిస్తున్నా పంటి బిగువన నొప్పిని భరించిన ఈ బెంగాల్‌ పేసర్‌... ఈ ఈవెంట్‌ తర్వాత చీలమండ గాయానికి శస్త్ర చికిత్స చేయించుకున్నాడు.ఆ మ్యాచ్‌తో రీ ఎంట్రీఈ క్రమంలో జాతీయ క్రికెట్‌ అకాడమీలో పునరావాసం పొందిన షమీ.. రీ ఎంట్రీ ఎప్పటికపుడు వాయిదా పడింది. అయితే, బెంగాల్‌ క్రికెట్‌ అసోసియేషన్‌ వర్గాలు జాతీయ మీడియాకు అందించిన తాజా సమాచారం ప్రకారం.. షమీ మ్యాచ్‌ ఫిట్‌నెస్‌ సాధించాడు. రంజీ ట్రోఫీ 2024-25 తాజా ఎడిషన్‌లో భాగంగా మధ్యప్రదేశ్‌తో బెంగాల్‌ ఆడబోయే మ్యాచ్‌తో షమీ కాంపిటేటివ్‌ క్రికెట్‌లో రీఎంట్రీ ఇవ్వనున్నాడు.రంజీ ఎలైట్‌ గ్రూప్‌-‘సి’లో భాగంగా బెంగాల్‌- మధ్యప్రదేశ్‌ మధ్య ఇండోర్‌ వేదికగా బుధవారం(నవంబరు 13) ఈ మ్యాచ్‌ ఆరంభం కానుంది. ఇక షమీ రాక గురించి బెంగాల్‌ అసోసియేషన్‌ వర్గాలు మాట్లాడుతూ.. షమీ వల్ల తమ పేస్‌ బౌలింగ్‌ అటాక్‌ మరింత పటిష్టమవుతుందని హర్షం వ్యక్తం చేశాయి. అతడి రాకతో జట్టులో కొత్త ఉత్సాహం నిండిందని... గొప్పగా రాణించే అవకాశం దక్కిందని పేర్కొన్నాయి.ఆసీస్‌ టూర్‌కు?కాగా రంజీ తాజా సీజన్‌లో బెంగాల్‌ జట్టు ఇప్పటి వరకు నాలుగు మ్యాచ్‌లు ఆడింది. మొత్తంగా ఎనిమిది పాయింట్లతో ఐదో స్థానంలో కొనసాగుతోంది. ఇక ఉత్తరప్రదేశ్‌కు చెందిన షమీ.. దేశవాళీ క్రికెట్‌లో బెంగాల్‌ జట్టుకు ప్రాతినిథ్యం వహిస్తున్నాడన్న సంగతి తెలిసిందే.ఇదిలా ఉంటే.. షమీ రంజీల్లో పూర్తిస్థాయిలో ఆడగలిగితే.. ఆస్ట్రేలియాతో బోర్డర్‌- గావస్కర్‌ ట్రోఫీ ఆడే టీమిండియాలో అతడిని చేర్చే అవకాశం లేకపోలేదు. ప్రస్తుతం ఆసీస్‌ టూర్‌ వెళ్లిన భారత జట్టులో ప్రధాన పేసర్లు జస్‌ప్రీత్‌ బుమ్రా, మహ్మద్‌ సిరాజ్‌తో పాటు ఆకాశ్‌ దీప్‌, ప్రసిద్‌ కృష్ణ, హర్షిత్‌ రాణా కూడా ఉన్నారు. ఆస్ట్రేలియాతో బోర్డర్-గవాస్కర్ ట్రోఫీకి భారత జట్టురోహిత్ శర్మ (కెప్టెన్‌), జస్‌ప్రీత్‌ బుమ్రా (వైస్ కెప్టెన్‌), యశస్వి జైస్వాల్, అభిమన్యు ఈశ్వరన్, శుభ్‌మన్ గిల్, విరాట్ కోహ్లి, కేఎల్ రాహుల్, రిషభ్‌ పంత్ (వికెట్ కీపర్‌), సర్ఫరాజ్ ఖాన్, ధృవ్ జురెల్ (వికెట్‌కీపర్‌), రవిచంద్రన్ అశ్విన్, రవీంద్ర జడేజా, మహ్మద్ సిరాజ్ , ఆకాశ్‌ దీప్, ప్రసిద్‌ కృష్ణ, హర్షిత్ రాణా, నితీశ్‌ కుమార్ రెడ్డి, వాషింగ్టన్ సుందర్.చదవండి: BGT: పంత్‌ కాదు!.. అతడే కొత్త రాజు అంటున్న ఆస్ట్రేలియా మీడియా!

జైపూర్‌: దేశవాళీ క్రికెట్‌ టోర్నీ రంజీ ట్రోఫీలో రాజస్తాన్‌తో మ్యాచ్‌ను హైదరాబాద్‌ ‘డ్రా’చేసుకుంది. ఎలైట్‌ గ్రూప్‌ ‘బి’లో ఇప్పటి వరకు నాలుగు మ్యాచ్‌లు ఆడిన హైదరాబాద్‌ ఒక విజయం, 2 ఓటములు, ఒక ‘డ్రా’తో 8 పాయింట్లు ఖాతాలో వేసుకొని పట్టికలో ఆరో స్థానానికి చేరింది. ఓవర్‌నైట్‌ స్కోరు 36/0తో శనివారం నాలుగో రోజు రెండో ఇన్నింగ్స్‌ కొనసాగించిన హైదరాబాద్‌ ఆట ముగిసే సమయానికి 65 ఓవర్లలో 3 వికెట్ల నష్టానికి 273 పరుగులు చేసింది.హిమతేజ (176 బంతుల్లో 101 నాటౌట్‌; 10 ఫోర్లు) అజేయ సెంచరీతో ఆకట్టుకోగా... తన్మయ్‌ అగర్వాల్‌ (126 బంతుల్లో 79; 2 ఫోర్లు, ఒక సిక్సర్‌) అర్ధ శతకంతో మెరిశాడు. అభిరత్‌ రెడ్డి (46; 7 ఫోర్లు), కెపె్టన్‌ రాహుల్‌ సింగ్‌ (47; 4 ఫోర్లు, 2 సిక్సర్లు) ఫర్వాలేదనిపించారు. ఫలితం తేలే అవకాశం లేకపోవడంతో ఇరు జట్ల కెప్టెన్లు నిర్ణీత సమయం కంటే ముందే ‘డ్రాకు అంగీకరించారు. అంతకుముందు హైదరాబాద్‌ తొలి ఇన్నింగ్స్‌లో 410 పరుగులు చేయగా... రాజస్తాన్‌ తొలి ఇన్నింగ్స్‌లో 425 పరుగులు చేసి తొలి ఇన్నింగ్స్‌ ఆధిక్యం సాధించింది.మ్యాచ్‌ ‘డ్రా’గా ముగిసినా... తొలి ఇన్నింగ్స్‌ ఆధిక్యం సాధించిన రాజస్తాన్‌ మూడు పాయింట్లు ఖాతాలో వేసుకొని ఓవరాల్‌గా 13 పాయింట్లతో పట్టికలో నాలుగో స్థానంలో ఉంది. హైదరాబాద్‌ జట్టుకు ఒక పాయింట్‌ దక్కింది. తొలి ఇన్నింగ్స్‌లో మెరుపు సెంచరీ బాదిన రాజస్తాన్‌ బ్యాటర్‌ శుభమ్‌ గర్వాల్‌కు ‘ప్లేయర్‌ ఆఫ్‌ ది మ్యాచ్‌’అవార్డు లభించింది.స్కోరు వివరాలు:హైదరాబాద్‌ తొలి ఇన్నింగ్స్‌ 410; రాజస్తాన్‌ తొలి ఇన్నింగ్స్‌ 425; హైదరాబాద్‌ రెండో ఇన్నింగ్స్‌: తన్మయ్‌ అగర్వాల్‌ (ఎల్బీ) (బి) అజయ్‌ సింగ్‌ 79; అభిరత్‌ రెడ్డి (సి) కునాల్‌ సింగ్‌ రాథోడ్‌ 46; రోహిత్‌ రాయుడు (సి) కునాల్‌ సింగ్‌ రాథోడ్‌ (బి) అనికేత్‌ చౌధరి 0; హిమతేజ (నాటౌట్‌) 101; రాహుల్‌ సింగ్‌ (నాటౌట్‌) 47; ఎక్స్‌ట్రాలు 0, మొత్తం (65 ఓవర్లలో 3 వికెట్లకు) 273. వికెట్ల పతనం: 1–56, 2–57, 3–196, బౌలింగ్‌: దీపక్‌ చహర్‌ 2–0–11–0, అజయ్‌ సింగ్‌ 22–0–84–1, దీపక్‌ హుడా 6–2–17–0, మహిపాల్‌ లొమ్రోర్‌ 18–0–86–0, అరాఫత్‌ ఖాన్‌ 5–1–18–1, అనికేత్‌ చౌధరి 6–0–18–1, అభిజీత్‌ తోమర్‌ 6–0–39–0

సాక్షి, విజయనగరం: రంజీ ట్రోఫీలో తొలి విజయం కోసం చకోర పక్షిలా ఎదురు చూస్తున్న ఆంధ్ర జట్టుకు నాలుగో మ్యాచ్‌లోనూ అది దక్కలేదు. ఊరించే లక్ష్య ఛేదనలో మిడిలార్డర్‌ రాణించినా... కీలక సమయాల్లో వికెట్లు కోల్పోవడం దెబ్బ కొట్టింది. మొత్తానికి పరాజయాల హ్యాట్రిక్‌ అనంతరం తాజా సీజన్‌లో ఆంధ్ర జట్టు ఓటమినుంచి తప్పించుకుంటూ తొలి ‘డ్రా’ నమోదు చేసుకుంది. ఎలైట్‌ గ్రూప్‌ ‘బి’లో భాగంగా విజయనగరం స్పోర్ట్స్‌ కాంప్లెక్స్‌లో ఉత్తరాఖండ్‌తో జరిగిన మ్యాచ్‌ను ఆంధ్ర జట్టు ‘డ్రా’గా ముగించింది. 321 పరుగుల విజయ లక్ష్యంతో ఓవర్‌నైట్‌ స్కోరు 8/1తో శనివారం నాలుగో రోజు రెండో ఇన్నింగ్స్‌ కొనసాగించిన ఆంధ్ర జట్టు... చివరకు 93 ఓవర్లలో 6 వికెట్ల నష్టానికి 186 పరుగులు చేసింది. వికెట్‌ కీపర్‌ కోన శ్రీకర్‌ భరత్‌ (90 బంతుల్లో 92; 12 ఫోర్లు, ఒక సిక్సర్‌) జట్టును గెలిపించేందుకు విఫలయత్నం చేయగా... హనుమ విహారి (189 బంతుల్లో 66; 6 ఫోర్లు, ఒక సిక్సర్‌), కరణ్‌ షిండే (171 బంతుల్లో 65; 8 ఫోర్లు) అర్ధశతకాలతో రాణించారు. ఓపెనర్లు అభిషేక్‌ రెడ్డి (6), మారంరెడ్డి హేమంత్‌ రెడ్డి (2) త్వరగానే ఔటవడంతో ఆంధ్ర జట్టుకు మరో ఓటమి తప్పదనిపించినా... కెపె్టన్‌ షేక్‌ రషీద్‌ (31; 4 ఫోర్లు) కాసేపు పోరాడాడు. అతడు వెనుదిరిగిన తర్వాత కరణ్‌ షిండే , హనుమవిహారి ఇన్నింగ్స్‌ను చక్కదిద్దారు. తొందరపాటుకు పోకుండా ఆచితూచి ఆడుతూ స్కోరు బోర్డును ముందుకు నడిపించారు. విహారి అచ్చమైన టెస్టు ఇన్నింగ్స్‌తో ఆలరించగా.. శ్రీకర్‌ భరత్‌ ఎడాపెడా బౌండ్రీలతో మైదానాన్ని హోరెత్తించాడు. అతడున్నంతసేపు ఆంధ్ర జట్టు విజయం సాధించడం ఖాయమే అనిపించింది. అయితే మరి కాసేపట్లో ఆట ముగుస్తుందనగా... అతడు పెవిలియన్‌ చేరడంతో ఆంధ్ర జట్టు ఆశలు ఆవిరయ్యాయి. ఉత్తరాఖండ్‌ బౌలర్లలో దీపక్‌ ధాపోలా 5 వికెట్లు పడగొట్టాడు. తొలి ఇన్నింగ్స్‌లో సెంచరీ చేసిన ఉత్తరాఖండ్‌ ఓపెనర్‌ ప్రియాన్షు ఖండూరికి ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది. స్కోరు వివరాలు ఉత్తరాఖండ్‌ తొలి ఇన్నింగ్స్‌ 338; ఆంధ్ర తొలి ఇన్నింగ్స్‌ 146; ఉత్తరాఖండ్‌ రెండో ఇన్నింగ్స్‌ 128/9 డిక్లేర్డ్‌; ఆంధ్ర రెండో ఇన్నింగ్స్‌: అభిషేక్‌ రెడ్డి (బి) దీపక్‌ ధాపోలా 6; హేమంత్‌ రెడ్డి (ఎల్బీ) (బి) దీపక్‌ ధాపోలా 2; షేక్‌ రషీద్‌ (ఎల్బీ) (బి) దీపక్‌ ధాపోలా 31; కరణ్‌ షిండే (సి) అవనీశ్‌ సుధ (బి) దీపక్‌ ధాపోలా 65; హనుమ విహారి (బి) దీపక్‌ ధాపోలా 66; శ్రీకర్‌ భరత్‌ (సి) ఆదిత్య తారె (బి) దేవేంద్ర సింగ్‌ బోరా 92; శశికాంత్‌ (నాటౌట్‌) 7; విజయ్‌ (నాటౌట్‌) 1, ఎక్స్‌ట్రాలు 16, మొత్తం (93 ఓవర్లలో 6 వికెట్లకు) 286. వికెట్ల పతనం: 1–8, 2–13, 3–56, 4–140, 5–276, 6–282, బౌలింగ్‌: దీపక్‌ ధాపోలా 21–3–75–5, మయాంక్‌ మిశ్రా 16–5–34–0; స్వప్నిల్‌ సింగ్‌ 19–3–52–0, అభయ్‌ నేగీ 17–4–57–0, దేవేంద్ర సింగ్‌ బోరా 14–2–46–1, అవనీశ్‌ సుధ 5–1–6–0, రవికుమార్‌ సమర్థ్‌ 1–0–1–0.

టీమిండియా స్టార్‌ ఓపెనర్‌ యశస్వి జైస్వాల్‌ తన సోదరుడు తేజస్వి జైస్వాల్‌పై ప్రశంసలు కురిపించాడు. ఫస్ట్‌క్లాస్‌ క్రికెట్‌లో తొలి అర్ధ శతకం బాదినందుకు అతడిని అభినందించాడు. కాగా ఉత్తరప్రదేశ్‌లో జన్మించిన యశస్వి జైస్వాల్‌కు ముగ్గురు తోబుట్టువులు.. ఇద్దరక్కలు, ఓ అన్న ఉన్నారు.ఇటీవలే అరంగేట్రంయశస్వి సోదరుడు తేజస్వి కూడా క్రికెటర్‌గా రాణించాలనే ఆశయంతో ఉన్నాడు. ఈ క్రమంలో దేశవాళీ క్రికెట్‌లో ఇటీవలే అరంగే ట్రం చేవాడు. త్రిపుర జట్టుకు ఆడుతూ.. తాజా రంజీ ట్రోఫీ సీజన్‌లో సూపర్‌ హాఫ్‌ సెంచరీ సాధించాడు. బరోడాతో మ్యాచ్‌లో 159 బంతులు ఎదుర్కొని 12 ఫోర్లు, ఒక సిక్సర్‌ సాయంతో 82 పరుగులు రాబట్టాడు.అంతేకాదు.. ఈ మ్యాచ్‌లో ఒక వికెట్‌ను కూడా తేజస్వి జైస్వాల్‌ తన ఖాతాలో వేసుకున్నాడు. ఈ నేపథ్యంలో త్రిపుర- బరోడా మ్యాచ్‌కు సంబంధించిన స్కోరు కార్డును యశస్వి జైస్వాల్‌ ఇన్‌స్టా స్టోరీలో షేర్‌ చేశాడు. అన్న తేజస్వి జైస్వాల్‌ ఇన్నింగ్స్‌ను హైలైట్‌ చేసి అతడిని అభినందించాడు.డ్రాగా ముగిసిన మ్యాచ్‌కాగా రంజీ ట్రోఫీ 2024-25 సీజన్‌లో భాగంగా అగర్తల వేదికగా త్రిపుర- బరోడా జట్ల మధ్య నవంబరు 6న మ్యాచ్‌ మొదలైంది. ఇందులో టాస్‌ గెలిచిన త్రిపుర తొలుత బౌలింగ్‌ చేసింది. ఈ క్రమంలో బరోడా జట్టు తమ తొలి ఇన్నింగ్స్‌లో 235 పరుగులకు ఆలౌట్‌ అయింది.ఇందుకు బదులుగా ఆతిథ్య త్రిపుర తమ మొదటి ఇన్నింగ్స్‌లో ఏడు వికెట్ల నష్టానికి 482 పరుగుల వద్ద స్కోరును డిక్లేర్‌ చేసింది. అయితే, ఈ నాలుగు రోజుల మ్యాచ్‌లో శనివారమే చివరి రోజు. ఈ క్రమంలో వికెట్లు పడకుండా జాగ్రత్త పడ్డ బరోడా.. ఆట ముగిసే సరికి నాలుగు వికెట్ల నష్టానికి 241 పరుగుల వద్ద నిలిచింది. దీంతో ఫలితం తేలక మ్యాచ్‌ డ్రాగా ముగిసింది.ఒకే ఒక్క విజయంకాగా తేజస్వి జైస్వాల్‌ తమ్ముడు యశస్వి మాదిరే ఎడమచేతి వాటం బ్యాటర్‌. అయితే, ఆల్‌రౌండర్‌ అయిన తేజస్వి రైటార్మ్‌ మీడియం పేసర్‌ కావడం విశేషం. ఇక ఈ సీజన్‌లో త్రిపుర తొలుత ఒడిశాతో మ్యాచ్‌ను డ్రా చేసుకుంది. తర్వాతి మ్యాచ్‌లో మేఘాలయపై ఇన్నింగ్స్‌ 17 పరుగుల తేడాతో గెలిచింది.టీమిండియా ఓపెనర్‌గా పాతుకుపోయిన యశస్విఅనంతరం.. ముంబైతో మ్యాచ్‌ను డ్రా చేసుకుంది. తాజాగా బరోడా జట్టుతో మ్యాచ్‌లోనూ ఫలితం తేల్చలేకపోయింది. ఇదిలా ఉంటే.. యశస్వి జైస్వాల్‌ దేశవాళీ క్రికెట్లో ముంబైకి ప్రాతినిథ్యం వహిస్తున్నాడు. ఐపీఎల్‌లోనూ సత్తా చాటిన ఈ లెఫ్టాండ్‌ బ్యాటర్‌.. ప్రస్తుతం టీమిండియాలో టెస్టు, టీ20 ఓపెనర్‌గా పాతుకుపోయాడు.ముఖ్యంగా టెస్టు అరంగేట్రం(2023)లోనే 23 ఏళ్ల యశస్వి భారీ శతకం(171) బాదాడు. ఇప్పటి వరకు అంతర్జాతీయ కెరీర్‌లో 14 టెస్టులు ఆడి 1407 పరుగులు పూర్తి చేసుకున్నాడు. ఇందులో మూడు సెంచరీలు, రెండు ద్విశతకాలు ఉండటం విశేషం. ఇక భారత్‌ తరఫున 23 టీ20లు ఆడిన యశస్వి ఓ శతకం సాయంతో 723 రన్స్‌ చేశాడు. తదుపరి అతడు ఆస్ట్రేలియా పర్యటనలో బోర్డర్‌- గావస్కర్‌ ట్రోఫీతో బిజీకానున్నాడు.చదవండి: స్టార్‌ ఓపెనర్‌ రీ ఎంట్రీ.. శ్రేయస్‌ అయ్యర్‌ కూడా! కానీ అతడు మిస్‌!

టీమిండియా క్రికెటర్‌ రుతురాజ్‌ గైక్వాడ్‌ సహనం కోల్పోయాడు. అంపైర్ల తీరుపై తీవ్రస్థాయిలో ఆగ్రహం వ్యక్తం చేశాడు. ప్రత్యర్థి బ్యాటర్‌ను అవుట్‌ చేసేందుకు మరీ ఇంత దిగజారాలా అంటూ సర్వీసెస్‌ జట్టు తీరును విమర్శించాడు. ఇంతకీ ఏం జరిగిందంటే..? రుతురాజ్‌ ప్రస్తుతం ఆస్ట్రేలియా పర్యటనలో ఉన్న విషయం తెలిసిందే.ఇటు బ్యాటర్‌గా.. అటు కెప్టెన్‌గా పేలవ ప్రదర్శనభారత్‌-‘ఎ’ జట్టుకు కెప్టెన్‌గా వ్యవహరిస్తున్న అతడు.. ఆస్ట్రేలియా-‘ఎ’తో రెండు మ్యాచ్‌ల అనధికారిక టెస్టు సిరీస్‌ ఆడుతున్నాడు. అక్కడ రుతు స్థాయికి తగ్గట్లు రాణించలేక చతికిలబడ్డాడు. ఇటు బ్యాటర్‌గా.. అటు కెప్టెన్‌గా పేలవ ప్రదర్శనతో విమర్శల పాలయ్యాడు. ఆసీస్‌-‘ఎ’ జట్టుతో నాలుగు ఇన్నింగ్స్‌లో రుతురాజ్‌ చేసిన పరుగులు వరుసగా 0, 5, 4 ,11.దేశవాళీ క్రికెట్‌లో మహారాష్ట్ర కెప్టెన్‌గాఇక రుతురాజ్‌ సారథ్యంలో భారత్‌-‘ఎ’ జట్టు ఇప్పటికే తొలి టెస్టులో ఓడి.. రెండో మ్యాచ్‌లోనూ పరాజయం దిశగా పయనిస్తోంది. ఇదిలా ఉంటే.. భారత్‌లో ప్రస్తుతం రంజీ ట్రోఫీ 2024-25 సీజన్‌ నడుస్తోంది. ఇందులో భాగంగా మహారాష్ట్ర జట్టు తమ నాలుగో మ్యాచ్‌లో సర్వీసెస్‌తో తలపడుతోంది. పుణె వేదికగా బుధవారం మొదలైన ఈ మ్యాచ్‌లో టాస్‌ గెలిచిన సర్వీసెస్‌ తొలుత బ్యాటింగ్‌ చేసింది. తొలి ఇన్నింగ్స్‌లో 293 పరుగులకు ఆలౌట్‌ అయింది. 185 పరుగులకే ఆలౌట్‌ఈ క్రమంలో బ్యాటింగ్‌కు దిగిన మహారాష్ట్ర 185 పరుగులకే కుప్పకూలింది. నిజానికి మహారాష్ట్ర ఈ మేర కాస్త చెప్పుకోదగ్గ స్కోరు చేయడానికి కారణం ఆ జట్టు కెప్టెన్‌ అంకిత్‌ బావ్నే. రుతురాజ్‌ గైక్వాడ్‌ గైర్హాజరీలో మహారాష్ట్ర టీమ్‌ను ముందుకు నడిపిస్తున్న ఈ కుడిచేతి వాటం బ్యాటర్‌ అర్ధ శతకంతో మెరిశాడు.సర్వీసెస్‌తో మ్యాచ్‌లో తమ మొదటి ఇన్నింగ్స్‌లో 104 బంతులు ఎదుర్కొన్న అంకిత్‌.. 8 ఫోర్లు, ఒక సిక్సర్‌ సాయంతో 73 పరుగులు చేశాడు. అయితే, అతడు అవుటైన తీరు వివాదాస్పదంగా మారింది. వివాదాస్పద రీతిలో అంకిత్‌ అవుట్‌క్రీజులో పాతుకుపోయిన అంకిత్‌ వికెట్‌ తీయాలన్న పట్టుదలతో ఉన్న సర్వీసెస్‌.. ఆకాశమే హద్దుగా చెలరేగుతున్న తమ పేసర్‌ అమిత్‌ శుక్లాను రంగంలోకి దించింది.అతడి బౌలింగ్‌లో షాట్‌ ఆడబోయిన అంకిత్‌ విఫలమయ్యాడు. అంకిత్‌ బ్యాట్‌ ఎడ్జ్‌ను తాకిన బంతి సెకండ్‌ స్లిప్‌లో ఫీల్డింగ్‌ చేస్తున్న శుభం రోహిలా చేతిలో పడ్డట్లు కనిపించింది. దీంతో సర్వీసెస్‌ అప్పీలు చేయగా అంపైర్‌ అవుట్‌ ఇచ్చాడు. అయితే, రీప్లేలో మాత్రం.. ఫీల్డర్‌ చేతిలో పడే కంటే ముందే బాల్‌ నేలను తాకినట్లు స్పష్టంగా కనిపించింది.అయినప్పటికీ అంకిత్‌ బావ్నేను అవుట్‌గా ప్రకటించడంతో మహారాష్ట్ర కీలక వికెట్‌ కోల్పోయి కష్టాల్లో పడింది. ఈ నేపథ్యంలో అంకిత్‌ అవుటైన తీరుపై రుతురాజ్‌ ఘాటుగా స్పందించాడు. ‘అప్పీలు చేయడానికైనా కాస్త సిగ్గుండాలి’ఇందుకు సంబంధించిన వీడియోను షేర్‌ చేస్తూ.. ‘‘లైవ్‌ మ్యాచ్‌లో.. దీనిని ఎలా అవుట్‌గా ప్రకటిస్తారు? అసలు అది క్యాచ్‌ అవుట్‌ అని అప్పీలు చేయడం కూడా నిజంగా సిగ్గుచేటు’’ అని మహారాష్ట్ర రెగుల్యర్‌ కెప్టెన్‌ రుతురాజ్‌ గైక్వాడ్‌ మండిపడ్డాడు.ఇక రంజీ తాజా సీజన్‌లో ఎలైట్‌ గ్రూప్‌-ఎ మ్యాచ్‌లలో భాగంగా తొలుత కశ్మీర్‌తో మ్యాచ్‌ డ్రా చేసుకున్న మహారాష్ట్ర.. ఆ తర్వాత ముంబై చేతిలో 9 వికెట్ల తేడాతో ఓడిపోయింది. అనంతరం.. మేఘాలయపై 10 వికెట్ల తేడాతో విజయం సాధించి గెలుపుబాట పట్టింది.చదవండి: అతడికి ఎందుకు ఛాన్స్‌ ఇవ్వడం లేదు?.. కుండబద్దలు కొట్టిన సూర్య Ruturaj Gaikwad was fuming with Ankit Bawne's controversial dismissal against Services #RanjiTrophy2024 Source: Gaikwad's Instagram story pic.twitter.com/HParORg3YQ— Vijeet Rathi (@vijeet_rathi) November 7, 2024

టీమిండియా మిడిలార్డ‌ర్ బ్యాట‌ర్, ముంబై స్టార్ ప్లేయ‌ర్‌ శ్రేయ‌స్ అయ్య‌ర్ త‌న ఫామ్‌ను తిరిగి అందుకున్నాడు. రంజీ ట్రోఫీ 2024-25 సీజ‌న్‌లో భాగంగా బాంద్రా కుర్లా కాంప్లెక్స్ గ్రౌండ్ వేదిక‌గా ఒడిశాతో జ‌రుగుతున్న మ్యాచ్‌లో అయ్య‌ర్ అద్భుత‌మైన డ‌బుల్ సెంచ‌రీతో చెల‌రేగాడు.ఐదో స్ధానంలో బ్యాటింగ్‌కు వ‌చ్చిన అయ్య‌ర్ వ‌న్డే త‌ర‌హాలో ప్ర‌త్య‌ర్ధి బౌల‌ర్ల‌పై విరుచుకుప‌డ్డాడు. మైదానం న‌లుమూల‌ల బౌండ‌రీలు బాదుతూ త‌న స‌త్తా ఎంటో మ‌రోసారి శ్రేయ‌స్‌ చూపించాడు. ఈ క్ర‌మంలో అయ్య‌ర్ కేవ‌లం 201 బంతుల్లో త‌న తొలి ఫ‌స్ట్‌క్లాస్ డ‌బుల్ సెంచరీ మార్క్‌ను అందుకున్నాడు.ఓవ‌రాల్‌గా తొలి ఇన్నింగ్స్‌లో 228 బంతులు ఎదుర్కొన్న అయ్య‌ర్‌.. 24 ఫోర్లు, 9 సిక్స్‌ల‌తో 233 ప‌రుగులు చేసి ఔట‌య్యాడు. అయ్య‌ర్‌తో పాటు సుద్దేశ్ లాడ్(150 బ్యాటింగ్‌) సెంచ‌రీతో మెరిశాడు. వీరిద్ద‌రి విధ్వంసం ఫ‌లితంగా ముంబై త‌మ తొలి ఇన్నింగ్స్‌లో భారీ స్కోర్ దిశ‌గా దూసుకుపోతుంది. 117 ఓవ‌ర్లు ముగిసే స‌రికి ముంబై 4 వికెట్ల న‌ష్టానికి 521 ప‌రుగులు చేసింది.అయ్య‌ర్ రీ ఎంట్రీ ఇస్తాడా?కాగా శ్రేయ‌స్ అయ్య‌ర్ త‌న‌ పేల‌వ ఫామ్ కార‌ణంగా భార‌త టెస్టు జ‌ట్టులో చోటు కోల్పోయాడు. అయ్య‌ర్ చివ‌ర‌గా ఇండియా త‌ర‌పున టెస్టుల్లో ఈ ఏడాది ఆరంభంలో ఇంగ్లండ్‌పై ఆడాడు. తొలి టెస్టు ఆడిన అయ్య‌ర్‌కు త‌న వెన్ను గాయం తిరగ‌బెట్ట‌డంతో సిరీస్ మొత్తానికి దూర‌మ‌య్యాడు.ఆ త‌ర్వాత రంజీల్లో ఆడాల‌న్న బీసీసీఐ అదేశాలు దిక్క‌రించ‌డంతో అయ్య‌ర్ త‌న సెంట్ర‌ల్ కాంట్రాక్ట్‌ను కోల్పోయాడు. ఆ తర్వాత దిగివచ్చిన శ్రేయస్‌ ఫస్ట్‌క్లాస్‌ క్రికెట్‌లో ఆడేందుకు సిదద్దమయ్యాడు. ఈ క్రమంలో బుచ్చిబాబు టోర్నీ, దులీప్‌ ట్రోఫీలో అతడు ఆడాడు. ఇప్పుడు రంజీ సీజన్‌లో కూడా ముంబైకి ప్రాతినిథ్యం వహిస్తున్నాడు. ఇక అద్బుత డబుల్‌ సెంచరీతో అయ్యర్‌ తిరిగి భారత టెస్టు జట్టులోకి రీ ఎంట్రీ ఇచ్చే ఛాన్స్‌ ఉంది.చదవండి: గుడ్‌న్యూస్‌ చెప్పిన పీవీ సింధు.. పునాది పడింది!

జైపూర్‌: రంజీ ట్రోఫీ దేశవాళీ క్రికెట్‌ టోర్నీలో గత మ్యాచ్‌లో సంపూర్ణ ఆధిపత్యంతో ఘనవిజయం సాధించిన హైదరాబాద్‌ జట్టు... మరోసారి స్ఫూర్తివంతమైన ప్రదర్శనతో ఆకట్టుకుంది. బుధవారం రాజస్తాన్‌తో ప్రారంభమైన గ్రూప్‌ ‘బి’ నాలుగో రౌండ్‌ లీగ్‌ మ్యాచ్‌లో హైదరాబాద్‌ బ్యాటర్లందరూ బాధ్యతాయుతంగా ఆడారు. ఫలితంగా హైదరా బాద్‌ గౌరవప్రద స్కోరు దిశగా సాగుతోంది. టాస్‌ గెలిచి బ్యాటింగ్‌ ఎంచుకున్న హైదరాబాద్‌ జట్టు తొలి రోజు ఆట ముగిసే సమయానికి 88 ఓవర్లలో 5 వికెట్ల నష్టానికి 261 పరుగులు చేసింది. కెపె్టన్‌ రాహుల్‌ సింగ్‌ (100 బంతుల్లో 66; 7 ఫోర్లు, ఒక సిక్స్‌) హాఫ్‌ సెంచరీతో మెరిశాడు. వికెట్‌ కీపర్‌ రాహుల్‌ రాదేశ్‌ (43 బ్యాటింగ్‌; 3 ఫోర్లు), ఓపెనర్‌ తన్మయ్‌ అగర్వాల్‌ (40; 4 ఫోర్లు) ఆకట్టుకున్నారు. అభిరత్‌ రెడ్డి (21; 4 ఫోర్లు), రోహిత్‌ రాయుడు (21; ఒక సిక్స్‌), హిమతేజ (24; 3 ఫోర్లు) క్రీజులో నిలదొక్కుకుంటున్న దశలో అవుటయ్యారు.కెప్టెన్ రాహుల్‌ సింగ్‌ మాత్రం ఇన్నింగ్స్‌కు స్థిరత్వం తీసు కొచ్చాడు. అంతర్జాతీయ క్రికెటర్లు దీపక్‌ చహర్, దీపక్‌ హుడా వంటి బౌలర్లను సమర్థవంతంగా ఎదుర్కొంటూ పరుగులు రాబట్టాడు. రాజస్తాన్‌ బౌలర్లలో అజయ్‌ సింగ్‌ 3, దీపక్‌ చహర్, అరాఫత్‌ ఖాన్‌ చెరో వికెట్‌ పడగొట్టారు. ఆట ముగిసే సమయానికి రాహుల్‌ రాదేశ్‌తో పాటు అజయ్‌ దేవ్‌ గౌడ్‌ (34 బ్యాటింగ్‌; 4 ఫోర్లు) క్రీజులో ఉన్నారు.

సాక్షి, విజయనగరం: దేశవాళీ టోర్నీ రంజీ ట్రోఫీలో తొలి విజయం కోసం ఎదురు చూస్తున్న ఆంధ్ర జట్టుకు నాలుగో మ్యాచ్‌లోనూ మెరుగైన ఆరంభం దక్కలేదు. ఇప్పటి వరకు ఆడిన మూడు మ్యాచ్‌ల్లోనూ ఓడిన ఆంధ్ర జట్టు... ఎలైట్‌ గ్రూప్‌ ‘బి’లో అట్టడుగున కొనసాగుతోంది. విజయనగరం స్పోర్ట్స్‌ కాంప్లెక్స్‌లో బుధవారం ప్రారంభమైన మ్యాచ్‌లో టాస్‌ గెలిచిన ఉత్తరాఖండ్‌ జట్టు తొలి రోజు ఆట ముగిసే సమయానికి 87 ఓవర్లలో ఒక వికెట్‌ మాత్రమే కోల్పోయి 232 పరుగులు చేసింది. ఓపెనర్‌ ప్రియాన్షు ఖండూరి (272 బంతుల్లో 107 బ్యాటింగ్‌; 11 ఫోర్లు) అజేయ శతకంతో చెలరేగగా... మరో ఓపెనర్‌ అవ్‌నీశ్‌ (158 బంతుల్లో 86; 12 ఫోర్లు) అర్ధ శతకంతో రాణించాడు. వీరిద్దరూ తొలి వికెట్‌కు 157 పరుగులు జోడించి ఉత్తరాఖండ్‌కు బలమైన పునాది వేశారు. 29 ఏళ్ల ప్రియాన్షుకు ఫస్ట్‌క్లాస్‌ క్రికెట్‌లో ఇది రెండో సెంచరీ కాగా... శతకం చేసేలా కనిపించిన అవ్‌నీశ్‌ను ఆంధ్ర స్పిన్నర్‌ లలిత్‌ మోహన్‌ అవుట్‌ చేశాడు.ఆ తర్వాత కెప్టెన్ రవికుమార్‌ సమర్థ్‌ (30 బ్యాటింగ్‌; 2 ఫోర్లు) కూడా సాధికారికంగా ఆడాడు. ఎలాంటి తొందరపాటుకు పోకుండా ఆచితూచి ఆడిన ఉత్తరాఖండ్‌ ఆటగాళ్లు రోజంతా బ్యాటింగ్‌ చేసిన 2.66 రన్‌రేట్‌తో పరుగులు రాబట్టారు. తొలి ఇన్నింగ్స్‌లో భారీ స్కోరు చేయడమే లక్ష్యంగా సాగుతున్న ఉత్తరాఖండ్‌ను గురువారం ఆంధ్ర బౌలర్లు ఏమాత్రం అడ్డుకుంటారో చూడాలి. స్కోరు వివరాలు ఉత్తరాఖండ్‌ తొలి ఇన్నింగ్స్‌: అవ్‌నీశ్‌ (సి) షేక్‌ రషీద్‌ (బి) లలిత్‌ మోహన్‌ 86; ప్రియాన్షు ఖండూరి (బ్యాటింగ్‌) 107; రవికుమార్‌ సమర్థ్‌ (బ్యాటింగ్‌) 30; ఎక్స్‌ట్రాలు 9; మొత్తం (87 ఓవర్లలో 1 వికెట్‌ నష్టానికి) 232. వికెట్ల పతనం: 1–157, బౌలింగ్‌: చీపురుపల్లి స్టీఫెన్‌ 19–6–42–0; శశికాంత్‌ 18–8–31–0; సత్యనారాయణ రాజు 15–3–50–0; లలిత్‌ మోహన్‌ 26–2–83–1; త్రిపురాణ విజయ్‌ 6–1–15–0; మారంరెడ్డి హేమంత్‌ రెడ్డి 3–0–6–0.

ఐపీఎల్‌ ఫ్రాంచైజీలు అక్టోబర్‌ 31న తాము రీటైన్‌ చేసుకున్న ఆటగాళ్ల జాబితాను ప్రకటించాయి. ఈ జాబితాలో చాలామంది స్టార్‌ ఆటగాళ్ల పేర్లు మిస్‌ అయ్యాయి. డిఫెండింగ్‌ ఛాంపియన్‌ అయిన కేకేఆర్‌ రింకూ సింగ్‌ (రూ. 13 కోట్లు), వరుణ్‌ చక్రవర్తి (రూ. 12 కోట్లు), సునీల్‌ నరైన్‌ (రూ. 12 కోట్లు), ఆండ్రీ రసెల్‌ (రూ. 12 కోట్లు), హర్షిత్‌ రాణా (రూ. 4 కోట్లు), రమన్‌దీప్‌ సింగ్‌ను (రూ. 4 కోట్లు) అట్టిపెట్టుకుని.. కెప్టెన్‌ శ్రేయస్‌ అయ్యర్‌ సహా మిగతా ఆటగాళ్లనంతా వేలానికి వదిలేసింది.కేకేఆర్‌ రిటైన్‌ చేసుకున్న జాబితాలో తమ పేర్లు లేకపోవడంతో మిచెల్‌ స్టార్క్‌, వెంకటేశ్‌ అయ్యర్‌ లాంటి ఆటగాళ్లు మనసు నొచ్చుకున్నారు. వెంకటేశ్‌ అయ్యర్‌ తన మనసులోని మాటను సోషల్‌మీడియాలో షేర్‌ చేసుకున్నాడు. కేకేఆర్‌ వదిలిపెట్టిన తర్వాత జరుగుతున్న తొలి రంజీ మ్యాచ్‌లో వెంకటేశ్‌ అయ్యర్‌ తన ప్రతాపాన్ని చూపాడు. రంజీల్లో మధ్యప్రదేశ్‌కు ఆడే వెంకటేశ్‌ అయ్యర్‌.. బీహార్‌తో జరుగుతున్న మ్యాచ్‌లో 113 బంతుల్లో 11 ఫోర్లు, 4 సిక్సర్ల సాయంతో 118 పరుగులు చేసి అజేయంగా నిలిచాడు.కేకేఆర్‌ తనను వదిలేసిందన్న కోపమో ఏమో కానీ ఈ మ్యాచ్‌లో వెంకటేశ్‌ అయ్యర్‌ చాలా పట్టుదలగా ఆడి సెంచరీ చేశాడు. ఈ సెంచరీతో వెంకటేశ్‌ అయ్యర్‌ ఐపీఎల్‌ ఫ్రాంచైజీలకు కూడా సవాలు విసిరాడు. తానెంత విలువైన ఆటగాడినో అన్న విషయాన్ని వెంకటేశ్‌ అయ్యర్‌ ఫ్రాంచైజీలకు తెలియజేశాడు.మరోవైపు కేకేఆర్‌ వదిలేసిన మరో అయ్యర్‌ కూడా ఇవాళ శతకొట్టాడు. కేకేఆర్‌ మాజీ కెప్టెన్‌ శ్రేయస్‌ అయ్యర్‌.. ఒడిషాతో జరుగుతున్న మ్యాచ్‌లో 164 బంతుల్లో 18 ఫోర్లు, 4 సిక్సర్ల సాయంతో 152 పరుగులు చేసి అజేయంగా నిలిచాడు. ప్రస్తుత రంజీ సీజన్‌లో శ్రేయస్‌కు ఇది వరుసగా రెండో సెంచరీ కావడం విశేషం. తాజా ప్రదర్శనల నేపథ్యంలో ఐపీఎల్‌ 2025 మెగా వేలంలో శ్రేయస్‌కు మాంచి గిరాకీ ఏర్పడే అవకాశం ఉంది.

కేరళ ఆల్‌రౌండర్‌ జలజ్‌ సక్సేనా సరికొత్త చరిత్ర సృష్టించాడు. రంజీ ట్రోఫీలో 6000 పరుగులు సహా 400 వికెట్లు తీసిన తొలి ఆటగాడిగా రికార్డు నెలకొల్పాడు. ఎలైట్‌ గ్రూప్‌-సిలో భాగంగా ఉత్తర్‌ప్రదేశ్‌తో జరిగిన మ్యాచ్‌లో సక్సేనా 400 వికెట్ల మార్కును క్రాస్‌ చేశాడు. సక్సేనా బెంగాల్‌తో జరిగిన గత మ్యాచ్‌లో 6000 పరుగుల మార్కును తాకాడు. యూపీతో జరుగుతున్న మ్యాచ్‌లో నితీశ్‌ రాణా వికెట్‌ తీయడంతో సక్సేనా 400 వికెట్ల క్లబ్‌లో చేరాడు. సక్సేనా ఈ మ్యాచ్‌లో ఐదు వికెట్ల ప్రదర్శన ​కూడా నమోదు చేశాడు. రంజీ కెరీర్‌లో అతనికి ఇది 29వ ఐదు వికెట్ల ఘనత. 37 ఏళ్ల సక్సేనా రంజీ చరిత్రలో 400 వికెట్లు తీసిన 13వ బౌలర్‌గానూ రికార్డుల్లోకెక్కాడు. 2005లో మధ్యప్రదేశ్‌తో తన ఫస్ట్‌క్లాస్‌ కెరీర్‌ను మొదలుపెట్టిన సక్సేనా.. ఆ రాష్ట్రం తరఫున 11 ఏళ్ల వ్యవధిలో 159 వికెట్లు, 4041 పరుగులు స్కోర్‌ చేశాడు. ఆతర్వాత 2016-17 సీజన్‌ నుంచి సక్సేనా కేరళ జట్టుకు మారాడు. ప్రస్తుతం సక్సేనా కేరళ తరఫున రెండో అత్యధిక వికెట్లు తీసిన బౌలర్‌గా కొనసాగుతున్నాడు. కేఎన్‌ అనంతపద్మనాభన్‌ టాప్‌లో ఉన్నాడు. సక్సేనా గత రంజీ సీజన్‌లో దిగ్గజాల సరసన చేరాడు. భారత దేశవాలీ ‍క్రికెట్‌లో (అన్ని ఫార్మాట్లలో) 9000 పరుగులు, 600 వికెట్లు తీసిన నాలుగో ఆటగాడిగా రికార్డుల్లోకెక్కాడు. సక్సేనాకు ముందు వినూ మన్కడ్‌, మదన్‌లాల్‌, పర్వేజ్‌ రసూల్‌ మాత్రమే ఈ ఘనత సాధించారు.మ్యాచ్‌ విషయానికొస్తే.. జలజ్‌ సక్సేనా విజృంభించడంతో (5/56) ఉత్తర్‌ప్రదేశ్‌ తొలి ఇన్నింగ్స్‌లో 162 పరుగులకు ఆలౌటైంది. కేరళ బౌలర్లలో బాసిల్‌ థంపి 2, సర్వటే, కేఎమ్‌ ఆసిఫ్‌, అపరాజిత్‌ తలో వికెట్‌ పడగొట్టారు. యూపీ ఇన్నింగ్స్‌లో 10వ నంబర్‌ ఆటగాడు శివమ్‌ శర్మ (30) టాప్‌ స్కోరర్‌గా నిలిచాడు. అనంతరం తొలి ఇన్నింగ్స్‌ ప్రారంభించిన కేరళ తొలి రోజు ఆట ముగిసే సమయానికి 2 వికెట్లు కోల్పోయి 82 పరుగులు చేసింది. బాబా అపరాజిత్‌ (21), సర్వటే (4) క్రీజ్‌లో ఉన్నారు. యూపీ బౌలర్లలో శివమ్‌ మావి, ఆకిబ్‌ ఖాన్‌లకు తలో వికెట్‌ దక్కింది. యూపీ తొలి ఇన్నింగ్స్‌ స్కోర్‌కు కేరళ ఇంకా 80 పరుగులు వెనుకపడి ఉంది. చదవండి: సెలెక్టర్లకు సవాలు విసిరిన శ్రేయస్‌ అయ్యర్‌.. వరుసగా రెండు సెంచరీలు

రంజీ ట్రోఫీ 2024 సీజన్‌లో ముంబై ఆటగాడు, టీమిండియా ప్లేయర్‌ శ్రేయస్‌ అయ్యర్‌ వరుసగా రెండు మ్యాచ్‌ల్లో సెంచరీలు చేశాడు. ఈ సీజన్‌లో తొలుత మహారాష్ట్రపై శతక్కొట్టిన శ్రేయస్‌.. తాజాగా ఒడిషాపై సూపర్‌ సెంచరీతో కదంతొక్కాడు. ఒడిషాపై శ్రేయస్‌ 101 బంతుల్లోనే సెంచరీ పూర్తి చేశాడు. ఇందులో 14 బౌండరీలు, 2 సిక్సర్లు ఉన్నాయి. ఓవరాల్‌ శ్రేయస్‌కు ఫస్ట్‌ క్లాస్‌ కెరీర్‌లో ఇది 15వ సెంచరీ. శ్రేయస్‌ అటాకింగ్‌ సెంచరీతో సత్తా చాటడంతో ఒడిషాతో జరుగుతున్న మ్యాచ్‌లో ముంబై పటిష్ట స్థితికి చేరింది. 72 ఓవర్ల అనంతరం ముంబై 3 వికెట్ల నష్టానికి 312 పరుగులు చేసింది. శ్రేయస్‌కు జతగా సిద్దేశ్‌ లాడ్‌ (91) క్రీజ్‌లో ఉన్నాడు. అంతకుముందు ఓపెనర్‌ అంగ్‌క్రిష్‌ రఘువంశీ తృటిలో సెంచరీ చేజార్చుకున్నాడు. రఘువంశీ 124 బంతుల్లో 92 పరుగులు చేసి ఔటయ్యాడు. మరో ఓపెనర్‌ ఆయుశ్‌ మాత్రే 18 పరుగులకు వెనుదిరగగా.. కెప్టెన్‌ అజింక్య రహానే డకౌటయ్యాడు. ఒడిషా బౌలర్లలో బిప్లబ్‌ సమంత్రే రెండు వికెట్లు పడగొట్టగా.. సూర్యకాంత్‌ ప్రధాన్‌ ఓ వికెట్‌ దక్కించుకున్నాడు.కాగా, శ్రేయస్ అయ్యర్ తిరిగి టెస్టుల్లోకి రీ ఎంట్రీ ఇచ్చేందుకు కష్టపడుతున్నాడు. పేల‌వ ఫామ్ కార‌ణంగా ఇంగ్లండ్‌తో సిరీస్‌ అనంతరం జ‌ట్టులో చోటు కోల్పోయిన శ్రేయస్‌.. ఆతర్వాత సెంట్ర‌ల్ కాంట్రాక్ట్‌ను కోల్పోయాడు. ప్ర‌స్తుతం టీమిండియాలో రీ ఎంట్రీనే లక్ష్యంగా శ్రేయస్‌ రంజీట్రోఫీలో ఆడుతున్నాడు. శ్రేయస్‌ వరుస సెంచరీలు చేసి సెలెక్టర్లకు సవాలు విసిరాడు. టీమిండియా మిడిలార్డర్‌ బలహీనంగా కనబడుతున్న తరుణంలో శ్రేయస్‌ సెలెక్టర్ల పాలిట ఆశాకిరణంగా కనిపిస్తుంటాడు.మరోవైపు శ్రేయస్‌ను తన ఐపీఎల్‌ ఫ్రాంచైజీ కేకేఆర్‌ ఇటీవలే వదిలించుకున్న విషయం తెలిసిందే. శ్రేయస్‌ కేకేఆర్‌ను గత సీజన్‌లో ఛాంపియన్‌గా నిలిబెట్టినా అతన్ని కేకేఆర్‌ రిటైన్‌ చేసుకోలేదు. నవంబర్‌ 24, 25 తేదీల్లో జెద్దా వేదికగా జరిగే ఐపీఎల్‌ 2025 మెగా వేలంలో శ్రేయస్‌ పాల్గొంటాడు. శ్రేయస్‌ రూ. 2 కోట్ల బేస్‌ ప్రైజ్‌ విభాగంలో తన పేరును నమోదు చేసుకున్నాడు. శ్రేయస్‌తో పాటు రిషబ్‌ పంత్‌, ఇషాన్‌ కిషన్‌, కేఎల్‌ రాహుల్‌, సిరాజ్‌ లాంటి 48 మంది భారతీయ స్టార్‌ క్యాప్డ్‌ ఆటగాళ్లు మెగా వేలంలో పాల్గొననున్నారు.

టీమిండియా కెప్టెన్‌ రోహిత్‌ శర్మ, స్టార్‌ బ్యాటర్‌ విరాట్‌ కోహ్లిలపై విమర్శలు కొనసాగుతున్నాయి. ఈ ఇద్దరు సీనియర్ల వైఫల్యం వల్లే భారత్‌కు స్వదేశంలో ఘోర పరాభవం ఎదురైందని అభిమానులు సైతం మండిపడుతున్నారు. కనీసం ఆస్ట్రేలియా సిరీస్‌లోనైనా సత్తా చాటి జట్టును గెలిపించాలని విజ్ఞప్తి చేస్తున్నారు.మరోవైపు.. భారత మాజీ క్రికెటర్లు మాత్రం.. రోహిత్‌- కోహ్లి ఇప్పటికైనా దేశవాళీ క్రికెట్‌ ప్రాముఖ్యతను గుర్తించి.. రంజీ బరిలో దిగాలని సూచిస్తున్నారు. ఈ నేపథ్యంలో టీమిండియా మాజీ బ్యాటర్‌ మహ్మద్‌ కైఫ్‌ చేసిన వ్యాఖ్యలు వైరల్‌గా మారాయి. విలాసవంతమైన జీవితాన్ని కాస్త పక్కనపెట్టిఆస్ట్రేలియా పర్యటనలో రిషభ్‌ పంత్‌ కీలకం కానున్నాడన్న కైఫ్‌.. సీనియర్లు తమ విలాసవంతమైన జీవితాన్ని కాస్త పక్కనపెట్టి చెమటోడ్చాలని సూచించాడు. పెద్ద పెద్ద కార్లు, విమానాల్లో తిరగడం కంటే.. జట్టు ప్రయోజనాలకే పెద్దపీట వేయాలని పేర్కొన్నాడు. ఒక్కసారి ఫామ్‌లోకి వచ్చారంటే రోహిత్‌, కోహ్లిలాంటి వాళ్లకు వెనుదిరిగి చూసుకోవాల్సిన అవసరం ఉండదని కైఫ్‌ వ్యాఖ్యానించాడు. ఈ మేరకు సోషల్‌ మీడియా వేదికగా తన అభిప్రాయాలు పంచుకుంటూ.. ‘‘పరుగులు రాబట్టేందుకు ఎవరైతే ఇబ్బంది పడుతున్నారో.. ఎవరికైతే సరైనంత ప్రాక్టీస్‌ టైమ్‌ దొరకడం లేదో.. వారు వందకు వంద శాతం దేశవాళీ క్రికెట్‌ ఆడాలి.అక్కడ వీఐపీ ట్రీట్‌మెంట్‌ దొరకకపోవచ్చుమేము పెద్ద పెద్ద కార్లు, విమానాల్లో ప్రయాణిస్తామనే విషయాన్ని మర్చిపోవాలి. మీకు అక్కడ వీఐపీ ట్రీట్‌మెంట్‌ దొరకకపోవచ్చు.. కానీ ఫామ్‌లోకి రావాలంటే ఇదొక్కటే మార్గం’’ అని కైఫ్‌ కోహ్లి, రోహిత్‌లను ఉద్దేశించి కామెంట్‌ చేశాడు. అదే విధంగా.. ఆస్ట్రేలియాతో టెస్టుల్లో రిషభ్ పంత్‌ మరోసారి కీలకంగా మారనున్నాడని ఈ సందర్భంగా అభిప్రాయపడ్డాడు.కివీస్‌తో సిరీస్‌లో దారుణంగా విఫలంకాగా న్యూజిలాండ్‌తో తాజాగా స్వదేశంలో జరిగిన టెస్టు సిరీస్‌లో రోహిత్‌, కోహ్లి తీవ్రంగా నిరాశపరిచారు. ఆరు ఇన్నింగ్స్‌లో రోహిత్‌ వరుసగా 2, 52, 0, 8, 18, 11 పరుగులు మాత్రమే చేయగా.. కోహ్లి 0, 70, 1, 17, 4, 1 రన్స్‌ రాబట్టాడు. ఇద్దరూ కలిసి కేవలం 184 పరుగులు మాత్రమే చేశారు. ఈ సిరీస్‌లో భారత్‌ కివీస్‌ చేతిలో 3-0తో క్లీన్‌స్వీప్‌నకు గురైంది. తద్వారా భారత క్రికెట్‌ చరిత్రలోనే సొంతగడ్డపై మూడు మ్యాచ్‌ల టెస్టు సిరీస్‌లో వైట్‌వాష్‌కు గురైన తొలి జట్టుగా రోహిత్‌ సేన నిలిచింది. కాగా దేశవాళీ క్రికెట్‌లో రోహిత్‌ ముంబై, కోహ్లి ఢిల్లీకి ఆడిన విషయం తెలిసిందే.చదవండి: BGT: రోహిత్‌ను తప్పించి.. అతడిని కెప్టెన్‌ చేయండి.. ఎందుకంటే: టీమిండియా దిగ్గజం

రంజీ ట్రోఫీ 2024-25లో భాగంగా హిమాచల్‌ ప్రదేశ్‌తో జరిగిన మ్యాచ్‌లో ఆంధ్రప్రదేశ్‌ ఓటమిపాలైంది. ఈ మ్యాచ్‌లో హిమాచల్‌ ఇన్నింగ్స్‌ 38 పరుగుల తేడాతో గెలుపొందింది. తొలుత బ్యాటింగ్‌ చేసిన ఆంధ్ర.. తొలి ఇన్నింగ్స్‌లో 344 పరుగులకు ఆలౌటైంది. షేక్‌ రషీద్‌ (69), హనుమ విహారి (66), శ్రీకర్‌ భరత్‌ (65) అర్ద సెంచరీలతో రాణించారు. హిమాచల్‌ బౌలర్లలో దినేశ్‌ శర్మ ఐదు వికెట్లు పడగొట్టాడు.అనంతరం బరిలోకి దిగిన హిమాచల్‌ తొలి ఇన్నింగ్స్‌లో 500 పరుగులకు ఆలౌటైంది. రిషి ధవన్‌ (195) తృటిలో సెంచరీ చేజార్చుకున్నాడు. ఆకాశ్‌ వశిస్ట్‌ (85), అంకిత్‌ కల్సి (53) అర్ద సెంచరీలతో రాణించారు. ఆంధ్ర బౌలర్లలో శశికాంత్‌ ఐదు వికెట్లు సత్తా చాటాడు.156 పరుగులు వెనుకపడి రెండో ఇన్నింగ్స్‌ ప్రారంభించిన ఆంధ్ర.. వినయ్‌ గలేటియా (5/49), మయాంక్‌ డాగర్‌ (4/23) ధాటికి 118 పరుగులకే కుప్పకూలింది. ఫలితంగా ఇన్నింగ్స్‌ 38 పరుగుల తేడాతో ఓటమిపాలైంది. ఆంధ్ర ఇన్నింగ్స్‌లో షేక్‌ రషీద్‌ (34) టాప్‌ స్కోరర్‌గా నిలిచాడు.హైదరాబాద్‌ విజయంపుదుచ్చేరితో జరిగిన మ్యాచ్‌లో హైదరాబాద్‌ ఇన్నింగ్స్‌ 50 పరుగుల తేడాతో గెలుపొందింది. తొలుత బ్యాటింగ్‌ చేసిన హైదరాబాద్‌.. తన్మయ్‌ అగర్వాల్‌ (173) సూపర్‌ సెంచరీతో చెలరేగడంతో తొలి ఇన్నింగ్స్‌లో 8 వికెట్లు కోల్పోయి 536 పరుగులు చేసింది. అభిరత్‌ రెడ్డి (68), రోహిత్‌ రాయుడు (84), హిమతేజ (60), త్యాగరాజన్‌ (53 నాటౌట్‌) అర్ద సెంచరీలతో రాణించారు.అనంతరం బరిలోకి దిగిన పుదుచ్చేరి.. అనికేత్‌ రెడ్డి (6/56) ధాటికి తొలి ఇన్నింగ్స్‌లో 153 పరుగులకు ఆలౌటైంది. ఆ జట్టు తరఫున అజయ్‌ రొహెరా (27) టాప్‌ స్కోరర్‌గా నిలిచాడు. 383 పరుగులు వెనుకపడి రెండో ఇన్నింగ్స్‌ ప్రారంభించిన పుదుచ్చేరి.. సెకెండ్‌ ఇన్నింగ్స్‌లో ఓ మోస్తరుగా ప్రతిఘటించినప్పటికీ (333 ఆలౌట్‌) ఉపయోగం లేకుండా పోయింది. త్యాగరాజన్‌ (7/106) పుదుచ్చేరిని దెబ్బకొట్టాడు. పుదుచ్చేరి సెకెండ్‌ ఇన్నింగ్స్‌లో గంగ శ్రీధర్‌ రాజు (106) సెంచరీతో రాణించాడు.

మధ్యప్రదేశ్‌ బ్యాటర్‌ రజత్‌ పాటిదార్‌ అద్భుత శతకం సాధించాడు. హర్యానాతో మ్యాచ్‌లో జట్టు కష్టాల్లో ఉన్న వేళ మెరుపు శతకంతో ఆదుకున్నాడు. కేవలం 68 బంతుల్లోనే వంద పరుగుల మార్కు అందుకున్నాడు. తద్వారా ఆఖరి రోజు ఆటలో మధ్యప్రదేశ్‌ను పటిష్ట స్థితిలో నిలపగలిగాడు.కాగా రంజీ ట్రోఫీ 2024-25 ఎడిషన్‌లో భాగంగా తొలుత కర్ణాటకతో మ్యాచ్‌ను డ్రా చేసుకున్న మధ్యప్రదేశ్‌.. తదుపరి పంజాబ్‌తో మ్యాచ్‌లోనూ ఫలితం తేల్చలేకపోయింది. ఈ క్రమంలో శనివారం ఇండోర్‌ వేదికగా హర్యానా జట్టుతో రెడ్‌బాల్‌ మ్యాచ్‌ మొదలుపెట్టిన మధ్యప్రదేశ్‌ టాస్‌ గెలిచి తొలుత బ్యాటింగ్‌ చేసింది. తొలి ఇన్నింగ్స్‌లో 308ఓపెనర్‌ హిమాన్షు మంత్రి(97) సహా కెప్టెన్‌ శుభం శర్మ(44), హర్‌ప్రీత్‌ సింగ్‌(36) రాణించడంతో తొలి ఇన్నింగ్స్‌లో 308 పరుగులు చేయగలిగింది. ఈ క్రమంలో బ్యాటింగ్‌కు దిగిన హర్యానా 440 పరుగుల భారీ స్కోరు సాధించింది. ఓపెనర్‌ లక్ష్య దలాల్‌ సెంచరీ(105)తో చెలరేగగా.. హిమాన్షు రాణా 90, ధీరూ సింగ్‌ 94, హర్షల్‌ పటేల్‌ 81 పరుగులతో దుమ్ములేపారు. ఆధిక్యంలోకి హర్యానాదీంతో తొలి ఇన్నింగ్స్‌లో మధ్యప్రదేశ్‌ కంటే 132 పరుగుల ఆధిక్యంలో నిలిచింది హర్యానా. అనంతరం రెండో ఇన్నింగ్స్‌ మొదలుపెట్టిన మధ్యప్రదేశ్‌ ఆరంభంలోనే ఓపెనర్లు సాగర్‌ సోలంకి(32), వెంకటేశ్‌ అయ్యర్‌(28) వికెట్లు కోల్పోయింది.రజత్‌ మెరుపు శతకంఈ క్రమంలో వన్‌డౌన్‌లో వచ్చిన రజత్‌ పాటిదార్‌ 68 బంతుల్లోనే ధనాధన్‌ ఇన్నింగ్స్‌తో శతకం సాధించాడు. మరో ఎండ్‌లో హర్‌ప్రీత్‌ సింగ్‌(44), శుభం శర్మ(38 నాటౌట్‌) సహకారం అందించగా.. పట్టుదలగా క్రీజులో నిలబడి 102 బంతుల్లో 159 పరుగులు చేశాడు. టార్గెట్‌ 177ఈ క్రమంలో 48.1 ఓవర్లలో నాలుగు వికెట్ల నష్టానికి 308 పరుగుల వద్ద ఉండగా మధ్యప్రదేశ్‌ తమ రెండో ఇన్నింగ్స్‌ డిక్లేర్‌ చేసింది. పాటిదార్‌ మెరుపు శతకం వల్ల మంగళవారం నాటి ఆఖరి రోజు ఆటలో భాగంగా హర్యానాకు 177 పరుగుల లక్ష్యం విధించగలిగింది.ఆర్సీబీకి స్ట్రాంగ్‌ మెసేజ్‌ఇక ఐపీఎల్‌-2025 మెగా వేలం సమీపిస్తున్న విషయం తెలిసిందే. ఈ నేపథ్యంలో అక్టోబరు 31 నాటికి ఫ్రాంఛైజీలు తమ రిటెన్షన్‌ జాబితాలను సమర్పించనున్నాయనే వార్తలు వినిపిస్తున్నాయి. ఇలాంటి సమయంలో రజత్‌ పాటిదార్‌ సెంచరీ సాధించి రాయల్‌ చాలెంజర్స్‌ బెంగళూరు(ఆర్సీబీ) యాజమాన్యానికి రేసులో తానూ ఉన్నాననే సందేశం ఇచ్చాడంటూ అభిమానులు కామెంట్లు చేస్తున్నారు. కాగా గత కొన్నేళ్లుగా ఆర్సీబీకి ఆడుతున్న రజత్‌ పాటిదార్‌.. ఈ ఏడాది 395 పరుగులు సాధించాడు. చదవండి: IPL 2025: వాషింగ్టన్‌ సుందర్‌ కోసం ఎగబడుతున్న ఫ్రాంఛైజీలు

బోర్డర్‌ గవాస్కర్‌ ట్రోఫీ కోసం ఎంపికైన టీమిండియా పేసర్‌ హర్షిత్‌ రాణా రంజీ ట్రోఫీలో సత్తా చాటాడు. దేశవాలీ టోర్నీలో ఢిల్లీకి ప్రాతినిథ్యం వహిస్తున్న హర్షిత్‌.. అస్సాంతో జరుగుతున్న మ్యాచ్‌లో ఆల్‌రౌండ్‌ షోతో అదరగొట్టాడు. ఈ మ్యాచ్‌లో హర్షిత్‌ తొలుత ఐదు వికెట్ల ప్రదర్శన (5/80) నమోదు చేసి, ఆతర్వాత మెరుపు హాఫ్‌ సెంచరీ (59; 4 ఫోర్లు, 3 సిక్సర్లు) చేశాడు. ఈ మ్యాచ్‌ సెకెండ్‌ ఇన్నింగ్స్‌లోనూ హర్షిత్‌ రెండు వికెట్లు పడగొట్టాడు.మ్యాచ్‌ విషయానికొస్తే.. తొలుత బ్యాటింగ్‌ చేసిన అస్సాం తొలి ఇన్నింగ్స్‌లో 330 పరుగులకు ఆలౌటైంది. సుమిత్‌ (162) భారీ సెంచరీతో సత్తా చాటగా.. శివ్‌శంకర్‌ రాయ్‌ (59) అర్ద సెంచరీతో రాణించాడు. ఢిల్లీ బౌలర్లలో హర్షిత​్‌ రాణా ఐదు వికెట్లు పడగొట్టగా.. హిమాన్షు చౌహాన్‌ 2, సిద్దాంత్‌ శర్మ, మోనీ గ్రేవల్‌, సుమిత్‌ మాథుర్‌ తలో వికెట్‌ దక్కించుకున్నారు.అనంతరం బరిలోకి దిగిన ఢిల్లీ తొలి ఇన్నింగ్స్‌లో 454 పరుగులు చేసింది. ఢిల్లీ ఇన్నింగ్స్‌లో సుమిత్‌ మాథుర్‌ సెంచరీతో (112) కదంతొక్కగా.. హిమ్మద్‌ సింగ్‌ (55), హర్షిత్‌ రాణా (59), సిద్దాంత్‌ శర్మ (89) అర్ద సెంచరీలతో రాణించారు. అస్సాం బౌలర్లలో రాహుల్‌ సింగ్‌ నాలుగు, పుర్కాయస్తా మూడు, ముక్తర్‌ హుసేన్‌ రెండు, మ్రిన్మోయ్‌ దత్తా ఓ వికెట్‌ పడగొట్టారు.124 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన అస్సాం.. నాలుగో రోజు తొలి సెషన్‌ సమయానికి 7 వికెట్ల నష్టానికి 93 పరుగులు మాత్రమే చేసింది. ఢిల్లీ తొలి ఇన్నింగ్స్‌ స్కోర్‌కు అస్సా​ం ఇంకా 31 పరుగులు వెనుకపడి ఉంది. సుమిత్‌ (17), ముక్తర్‌ హుసేన్‌ (4) క్రీజ్‌లో ఉన్నారు. ఢిల్లీ బౌలర్లలో హర్షిత్‌ రాణా, మోనీ గ్రేవల్‌ తలో రెండు వికెట్లు పడగొట్టగా.. జాంటీ సిద్దూ, సిద్దాంత్‌ శర్మ చెరో వికెట్‌ దక్కించుకున్నారు.చదవండి: శతక్కొట్టిన మయాంక్‌ అగర్వాల్‌.. రాణించిన మనీశ్‌ పాండే

టీమిండియా ఆటగాడు, కర్ణాటక కెప్టెన్‌ మయాంక్‌ అగర్వాల్‌ రంజీ ట్రోఫీ-2024లో శతకంతో మెరిశాడు. బీహార్‌తో జరుగుతున్న మ్యాచ్‌లో మయాంక్‌ మెరుపు సెంచరీ చేశాడు. ఈ మ్యాచ్‌లో 131 బంతులు ఎదుర్కొన్న మయాంక్‌ 12 బౌండరీల సాయంతో 105 పరుగులు చేశాడు. మయాంక్‌కు జతగా మనీశ్‌ పాండే (56) కూడా రాణించడంతో కర్ణాటక తొలి ఇన్నింగ్స్‌లో 7 వికెట్ల నష్టానికి 287 పరుగులు చేసి ఇన్నింగ్స్‌ను డిక్లేర్‌ చేసింది. కర్ణాటక ఇన్నింగ్స్‌లో మయాంక్‌, మనీశ్‌ మినహా ఎవ్వరూ చెప్పుకోదగ్గ స్కోర్లు చేయలేదు. బీహార్‌ బౌలర్లలో హిమాన్షు సింగ్‌ నాలుగు వికెట్లు పడగొట్టగా.. సకీబ్‌ హుసేన్‌ రెండు, వైభవ్‌ సూర్యవంశీ ఓ వికెట్‌ దక్కించుకున్నారు. అంతకుముందు బీహార్‌ తొలి ఇన్నింగ్స్‌లో 143 పరుగులకు ఆలౌటైంది. షర్మన్‌ నిగ్రోద్‌ (60) అర్ద సెంచరీతో రాణించగా.. గనీ (13), బిపిన్‌ సౌరభ్‌ (31), ప్రతాప్‌ సింగ్‌ (16) రెండంకెల స్కోర్లు చేశారు. కర్ణాటక బౌలర్లలో శ్రేయస్‌ గోపాల్‌ నాలుగు వికెట్లు పడగొట్టగా.. మొహిసిన్‌ ఖాన్‌ 3, విద్యాధర్‌ పాటిల్‌, విజయ్‌కుమార్‌ వైశాఖ్‌, వి కౌశిక్‌ తలో వికెట్‌ దక్కించుకున్నారు.144 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన బీహార్‌ నాలుగో రోజు తొలి సెషన్‌ సమయానికి రెండు వికెట్ల నష్టానికి 27 పరుగులు చేసింది. వైభవ్‌ సూర్యవంశీ (6), షర్మన్‌ నిగ్రోద్‌ (0) ఔట్‌ కాగా.. బాబుల్‌ కుమార్‌ (11), గనీ (9) క్రీజ్‌లో ఉన్నారు. కర్ణాటక తొలి ఇన్నింగ్స్‌ స్కోర్‌కు బీహార్‌ ఇంకా 117 పరుగులు వెనుకపడి ఉంది.

టీమిండియా ఆటగాడు యుజ్వేంద్ర చహల్‌ బౌలర్‌గా అందరికీ సుపరిచితుడు.‍ అయితే ఇతనిలో ఓ బ్యాటర్‌ దాగి ఉన్నాడన్న విషయం ఇప్పుడిప్పుడే బయటి ప్రపంచానికి తెలుస్తుంది. బక్క పలచని శరీరాకృతి కలిగిన చహల్‌ ప్రస్తుతం జరుగుతున్న రంజీ సీజన్‌లో సుదీర్ఘ ఇన్నింగ్స్‌లు ఆడుతున్నాడు. ఇది చూసి అతని అభిమానులు ఔరా అంటున్నారు. ఇటీవల ఉత్తర్‌ప్రదేశ్‌తో జరిగిన రంజీ మ్యాచ్‌లో చహల్‌ 152 బంతులు ఎదుర్కొని 48 పరుగులు చేశాడు. తాజాగా మధ్యప్రదేశ్‌తో జరుగుతున్న మ్యాచ్‌లో 142 బంతులు ఎదుర్కొని 27 పరుగులు చేశాడు. వేదిక ఏదైనా ఎప్పుడూ ఇంతటి సుదీర్ఘ ఇన్నింగ్స్‌లు ఆడని చహల్‌ ఒ‍క్కసారిగా ప్రొఫెషనల్‌ బ్యాటర్‌లా మారిపోవడంతో అంతా ఆశ్చర్యపోతున్నారు. టీమిండియాకు నయా ఆల్‌రౌండర్‌ దొరికాడంటూ కామెంట్లు చేస్తున్నారు.కాగా, రంజీల్లో హర్యానాను ప్రాతినిథ్యం వహించే చహల్‌ తాజాగా మధ్యప్రదేశ్‌తో జరుగుతున్న మ్యాచ్‌లో ఓ మారథాన్‌ ఇన్నింగ్స్‌ ఆడాడు. పదో నంబర్‌ బ్యాటర్‌గా బరిలోకి దిగిన చహల్‌.. తొమ్మిదో నంబర్‌ ఆటగాడు హర్షల్‌ పటేల్‌తో (72 నాటౌట్‌) కలిసి దాదాపు 300 బంతులు ఎదుర్కొన్నాడు. హర్షల్‌, చహల్‌ బాధ్యతాయుతమైన ఇన్నింగ్స్‌లు ఆడటంతో మధ్యప్రదేశ్‌పై హర్యానా పైచేయి సాధించింది. ఈ మ్యాచ్‌లో తొలుత బ్యాటింగ్‌ చేసిన మధ్యప్రదేశ్‌ తొలి ఇన్నింగ్స్‌లో 308 పరుగులు చేయగా.. హర్యానా తొలి ఇన్నింగ్స్‌లో 9 వికెట్ల నష్టానికి 431 పరుగులు చేసి ఇన్నింగ్స్‌ను కొనసాగిస్తుంది. మూడో రోజు ఆట ముగిసే సమయానికి హర్యానా 123 ఆధిక్యంలో ఉంది. హర్షల్‌ పటేల్‌తో పాటు అమన్‌ కుమార్‌ (4) క్రీజ్‌లో ఉన్నాడు.

రంజీ ట్రోఫీ 2024-25 ఎడిషన్‌లో బరోడా జట్టు కెప్టెన్‌ కృనాల్‌ పాండ్యా జోరు కొనసాగుతోంది. ఇప్పటికే రెండు హాఫ్‌ సెంచరీలు చేసిన ఈ బ్యాటింగ్‌ ఆల్‌రౌండర్‌.. తాజాగా శతకంతో మెరిశాడు. ఒడిశాతో మ్యాచ్‌లో 143 బంతులు ఎదుర్కొని 119 పరుగులు సాధించాడు. కృనాల్‌ ఇన్నింగ్స్‌లో 15 ఫోర్లు, 4 సిక్సర్లు ఉన్నాయి.ఇక ఈ మ్యాచ్‌లో బరోడా ఒడిషాపై ఏకంగా ఇన్నింగ్స్‌ 98 పరుగుల తేడాతో గెలుపొందింది. ఈ నేపథ్యంలో టీమిండియా స్టార్‌ ఆల్‌రౌండర్‌ హార్దిక్‌ పాండ్యా తన అన్న కృనాల్‌ పాండ్యాపై ప్రశంసలు కురిపించాడు. ‘‘మా అన్నయ్య.. ముందుండి జట్టును నడిపిస్తున్నాడు. టాప్‌ సెంచరీ.. నీ శ్రమకు తగ్గ ఫలితం’’ అంటూ ఇన్‌స్టా స్టోరీలో రాసుకొచ్చాడు.కాగా రంజీ తాజా సీజన్‌లో కృనాల్‌ పాండ్యా సారథ్యంలోని బరోడా వరుస విజయాలతో దూసుకుపోతోంది. తొలి మ్యాచ్‌లో ముంబైని 84 పరుగుల తేడాతో చిత్తు చేసిన ఈ జట్టు.. రెండో మ్యాచ్‌లో సర్వీసెస్‌ను 65 రన్స్‌ తేడాతో ఓడించింది. ఈ క్రమంలో వడోదర వేదికగా ఒడిశా జట్టుతో శనివారం మొదలైన మ్యాచ్‌లో టాస్‌ ఓడిన బరోడా తొలుత బౌలింగ్‌ చేసింది.అయితే, బరోడా బౌలర్ల ధాటికి ఒడిశా బ్యాటర్లు ఎక్కువసేపు క్రీజులో నిలవలేకపోయారు. తొలి ఇన్నింగ్స్‌లో 193 పరుగులకే ఆలౌట్‌ అయ్యారు. ఈ క్రమంలో బ్యాటింగ్‌కు దిగిన బరోడాకు ఓపెనర్‌ శైవిక్‌ శర్మ(96) శుభారంభం అందించగా.. మిడిలార్డర్‌లో విష్ణు సోలంకి(98) దుమ్ములేపాడు. ఇక వీరికి తోడుగా కృనాల్‌ పాండ్యా కెప్టెన్‌ ఇన్నింగ్స్‌తో అలరించాడు. ఫలితంగా బరోడా మొదటి ఇన్నింగ్స్‌లో 456 పరుగులు చేసి.. 263 పరుగులు ఆధిక్యంలో నిలిచింది.అయితే, బరోడా బౌలర్లు మరోసారి చెలరేగడంతో ఒడిశా 165 పరుగులకే కుప్పకూలింది. ఈ క్రమంలో సోమవారం నాటి మూడో రోజు ఆటలోనే ఫలితం తేలింది. బరోడా ఒడిశాపై ఇన్నింగ్స్‌ 98 రన్స్‌ తేడాతో జయభేరి మోగించి హ్యాట్రిక్‌ విజయాన్ని నమోదు చేసింది. కాగా హార్దిక్‌ పాండ్యా సౌతాఫ్రికా పర్యటన సందర్భంగా పునరాగమనం చేయనున్నాడు.చదవండి: Ind vs Aus: 17 కిలోల బరువు తగ్గి.. ఆసీస్‌ టూర్‌కు ఎంపికైన పేసర్‌ View this post on Instagram A post shared by Krunal Himanshu Pandya (@krunalpandya_official)

సాక్షి, విశాఖపట్నం: ప్రతిష్టాత్మక రంజీ ట్రోఫీలో హిమాచల్‌ ప్రదేశ్‌తో జరుగుతున్న మ్యాచ్‌లో ఆంధ్ర బౌలర్‌ శశికాంత్‌ మూడు వికెట్లతో మెరిశాడు. గ్రూప్‌ ‘బి’లో భాగంగా విశాఖపట్నంలోని వైఎస్‌ రాజశేఖరరెడ్డి ఏసీఏ–వీడీసీఏ స్టేడియంలో జరుగుతున్న పోరులో ఆదివారం రెండో రోజు ఆట ముగిసే సమయానికి హిమాచల్‌ ప్రదేశ్‌ తొలి ఇన్నింగ్స్‌లో 65 ఓవర్లలో 4 వికెట్ల నష్టానికి 198 పరుగులు చేసింది. అంకిత్‌ (53; 3 ఫోర్లు), ఆకాశ్‌ వశిష్ట్‌ (52 బ్యాటింగ్‌; 5 ఫోర్లు) అర్ధశతకాలతో ఆకట్టుకున్నారు. ఓపెనర్లు శుభమ్‌ అరోరా (16), ప్రశాంత్‌ చోప్రా (10)తో పాటు... ఏకాంత్‌ సేన్‌ (20) విఫలమయ్యారు. ఆంధ్ర బౌలర్లలో శశికాంత్‌ 3 వికెట్లు పడగొట్టగా... విజయ్‌ ఒక వికెట్‌ తీశాడు. అంతకుముందు ఓవర్‌నైట్‌ స్కోరు 295/6తో రెండో రోజు తొలి ఇన్నింగ్స్‌ కొనసాగించిన ఆంధ్ర జట్టు 92.4 ఓవర్లలో 344 పరుగులకు ఆలౌటైంది. ఆదివారం 49 పరుగులు చేసి మిగిలిన 4 వికెట్లు కోల్పోయింది. మనీశ్‌ (42; 4 ఫోర్లు), త్రిపురాణ విజయ్‌ (33; 2 ఫోర్లు) చివర్లో కీలక పరుగులు చేశారు. హిమాచల్‌ ప్రదేశ్‌ బౌలర్లలో దివేశ్‌ శర్మ 5 వికెట్లు పడగొట్టగా... రిషీ ధావన్‌ మూడు వికెట్లు ఖాతాలో వేసుకున్నాడు. తొలి ఇన్నింగ్స్‌లో మెరుగైన ప్రదర్శనతో ఆంధ్ర జట్టు దీటుగా బదిలిస్తున్న హిమాచల్‌ ప్రదేశ్‌ జట్టు ఇంకా 146 పరుగులు వెనుకబడి ఉంది. చేతిలో ఆరు వికెట్లు ఉండగా... కెపె్టన్‌ రిషీ ధావన్‌ (38 బ్యాటింగ్‌; 4 ఫోర్లు), ఆకాశ్‌ వశి‹Ù్ట క్రీజులో ఉన్నారు. స్కోరు వివరాలు ఆంధ్ర తొలి ఇన్నింగ్స్‌: అభిõషేక్‌ రెడ్డి (ఎల్బీ) (బి) రిషీ ధావన్‌ 5; మహీప్‌ కుమార్‌ (ఎల్బీ) (బి) రిషీ ధావన్‌ 4; షేక్‌ రషీద్‌ (బి) అరి్పత్‌ 69; హనుమ విహారి (సి) రిషీ ధావన్‌ (బి) ముకుల్‌ నేగీ 66; శ్రీకర్‌ భరత్‌ (సి) ఆకాశ్‌ (బి) దివేశ్‌ శర్మ 65; అశ్విన్‌ హెబ్బర్‌ (సి) ఏకాంత్‌ సేన్‌ (బి) దివేశ్‌ శర్మ 15; మనీశ్‌ (సి) ముకుల్‌ నేగీ (బి) దివేశ్‌ శర్మ 42; త్రిపురాణ విజయ్‌ (సి) ఆకాశ్‌ వశి‹Ù్ట (బి) రిషీ ధావన్‌ 33; శశికాంత్‌ (సి) శుభమ్‌ అరోరా (బి) దివేశ్‌ శర్మ 6; లలిత్‌ మోహన్‌ (సి) శుభమ్‌ అరోరా (బి) దివేశ్‌ శర్మ 14; సత్యనారాయణ రాజు (నాటౌట్‌) 1, ఎక్స్‌ట్రాలు 24; మొత్తం (92.4 ఓవర్లలో ఆలౌట్‌) 344. వికెట్ల పతనం: 1–5, 2–11, 3–136, 4–202, 5–226, 6–245, 7–317, 8–321, 9–341, 10–344. బౌలింగ్‌: వినయ్‌ 9–0–41–0; రిషీ ధావన్‌ 19–3–80–3; అర్పిత్‌ గులేరియా 11–0–47–1; దివేశ్‌ శర్మ 20.4–4–60–5; మయాంక్‌ డాగర్‌ 18–2–53–0; ముకుల్‌ నేగీ 15–2–52–1. హిమాచల్‌ ప్రదేశ్‌ తొలి ఇన్నింగ్స్‌: శుభమ్‌ అరోరా (సి) శ్రీకర్‌ భరత్‌ (బి) శశికాంత్‌ 16; ప్రశాంత్‌ చోప్రా (సి) శ్రీకర్‌ భరత్‌ (బి) శశికాంత్‌ 10; అంకిత్‌ (బి) విజయ్‌ 53; ఏకాంత్‌ సేన్‌ (బి) శశికాంత్‌ 20; ఆకాశ్‌ వశిష్ట్‌ (బ్యాటింగ్‌) 52; రిషీ ధావన్‌ (బ్యాటింగ్‌) 38; ఎక్స్‌ట్రాలు 9, మొత్తం (65 ఓవర్లలో 4 వికెట్లకు) 198. వికెట్ల పతనం: 1–12, 2–31, 3–59, 4–124. బౌలింగ్‌: శశికాంత్‌ 15–6–50–3; సత్యనారాయణ రాజు 14–1–40–0; లలిత్‌ మోహన్‌ 11–1–26–0; విజయ్‌ 13–1–41–1; మహీప్‌ కుమార్‌ 4–1–10–0; మనీశ్‌ 7–0–28–0; రషీద్‌ 1–0–2–0.

ఫ‌స్ట్‌క్లాస్ క్రికెట్‌లో మిజోరాం స్టార్ ప్లేయ‌ర్, ప్రముఖ బాలీవుడ్ దర్శకుడు విధు వినోద్ చోప్రా త‌న‌యుడు అగ్ని చోప్రా త‌న సూప‌ర్ ఫామ్‌ను కొన‌సాగిస్తున్నాడు. రంజీ ట్రోఫీ 2024-25 సీజ‌న్‌లో భాగంగా నాడియాడ్ వేదిక‌గా మ‌ణిపూర్ వేదిక‌గా జ‌రుగుతున్న మ్యాచ్‌లో అగ్ని చోప్రా అద్బుత‌మైన డ‌బుల్ సెంచ‌రీతో చెల‌రేగాడు.తొలి ఇన్నింగ్స్‌లో మ‌ణిపూర్ బౌల‌ర్ల‌ను చోప్రా ఉతికారేశాడు. వ‌న్డే త‌ర‌హాలో బ్యాటింగ్ చేస్తూ త‌న రెండో ఫ‌స్ట్‌క్లాస్ డ‌బుల్ సెంచ‌రీ మార్క్‌ను అందుకున్నాడు. ఓవ‌రాల్‌గా 269 బంతులు ఎదుర్కొన్న అగ్ని చోప్రా.. 29 ఫోర్లు, ఒక సిక్స‌ర్‌తో 218 ప‌రుగులు చేసి ఔట‌య్యాడు.కాగా ఈ ప్రస్తుత రంజీ సీజ‌న్‌లో చోప్రాకు ఇది వ‌రుస‌గా రెండో డ‌బుల్ సెంచ‌రీ కావ‌డం విశేషం. ఈ మ్యాచ్ కంటే ముందు అరుణాచల్‌ ప్రదేశ్‌పై సెకెండ్ ఇన్నింగ్స్‌లో చోప్రా ద్విశ‌త‌కం సాధించాడు. అదే మ్యాచ్‌లో చోప్రా తొలి ఇన్నింగ్స్‌లో సెంచ‌రీ కూడా న‌మోదు చేయ‌డం గ‌మ‌నార్హం.ఈ ఏడాది సీజ‌న్‌లో చోప్రా కేవలం ఐదు ఇన్నింగ్స్‌ల‌లో 646 పరుగులు లీడింగ్ రన్ స్కోర‌ర్‌గా కొన‌సాగుతున్నాడు. ఇక ప్రస్తుత మ్యాచ్‌ విషయానికి వస్తే.. చోప్రా విధ్వంసకర డబుల్‌ సెంచరీ ఫలితంగా మిజోరాం తొలి ఇన్నింగ్స్‌లో 536 పరుగుల భారీ స్కోర్‌ సాధించింది.చదవండి: WI vs SL: మూడేళ్ల తర్వాత రీ ఎంట్రీ..! క‌ట్ చేస్తే.. విధ్వంసకర సెంచరీ

బోర్డ‌ర్‌-గ‌వాస్క‌ర్ ట్రోఫీ కోసం ఎంపిక చేసిన భార‌త జ‌ట్టులో ఢిల్లీ యువ పేస‌ర్ హ‌ర్షిత్ రానాకు చోటు ద‌క్కిన సంగ‌తి తెలిసిందే. ఫ‌స్ట్‌క్రికెట్‌లో అద్భుత‌మైన ప్ర‌ద‌ర్శ‌న చేస్తున్నందుకు అత‌డిని కీల‌క‌మైన ఆసీస్ టూర్‌కు సెల‌క్ట‌ర్లు ఎంపిక చేశారు. అయితే టీమిండియాకు సెల‌క్ట్ అయిన‌ జోష్‌లో ఉన్న హ‌ర్షిత్ రానా.. రంజీ ట్రోఫీలో నిప్పులు చెరుగుతున్నాడు. రంజీ ట్రోఫీ 2024-25లో భాగంగా అస్సాం జ‌రుగుతున్న మ్యాచ్‌లో రానా అద‌ర‌గొడుతున్నాడు. త‌న పేస్ బౌలింగ్‌తో ప్ర‌త్య‌ర్ధి బ్యాట‌ర్ల‌కు చుక్కలు చూపిస్తున్నాడు. తొలి ఇన్నింగ్స్‌లో ఇప్ప‌టివ‌ర‌కు 15 ఓవ‌ర్లు బౌలింగ్ చేసిన రానా.. 62 ప‌రుగులిచ్చి 4 వికెట్లు ప‌డ‌గొట్టాడు.రిశావ్ దాస్‌, శుభ‌మ్ మండల్‌, అభిషేక్ ఠాకూర్ వంటి కీల‌క వికెట్లు ప‌డ‌గొట్టి అదిలోనే అస్సాంను హ‌ర్షిత్ దెబ్బ‌తీశాడు. దీంతో 15 ప‌రుగుల‌కే అస్సాం 3 వికెట్లు కోల్పోయి క‌ష్టాల్లో ప‌డింది. ఆ త‌ర్వాత వికెట్ కీప‌ర్ బ్యాట‌ర్ సుమిత్ ఘడిగాంకర్(120) అస్సాం ఇన్నింగ్స్‌ను చ‌క్క‌దిద్దాడు. మొద‌టి రోజు ఆట ముగిసే స‌మ‌యానికి అస్సాం 6 వికెట్ల న‌ష్టానికి 264 ప‌రుగులు చేసింది.గంభీర్ వ‌ల్లే..కాగా ఆసీస్ టూర్‌కు హర్షిత్ రానా ఎంపిక కావ‌డం వెనుక హెడ్ కోచ్ గౌతం గంభీర్ హ‌స్తం ఉంది. ఐపీఎల్‌-2024 సీజ‌న్‌లో కేకేఆర్ మెంటార్‌గా వ్య‌వ‌హ‌రించిన గంభీర్‌ను రానా త‌న అద్బుత ప్ర‌ద‌ర్శ‌న‌ల‌తో ఆక‌ట్టుకున్నాడు. మొత్తం ఈ ఏడాది సీజ‌న్‌లో 19 వికెట్లు ప‌డ‌గొట్టిన హ‌ర్షిత్ రానా.. కేకేఆర్ త‌ర‌పున లీడింగ్ వికెట్ టేక‌ర్‌గా నిలిచాడు. దీంతో అత‌డిని భార‌త జ‌ట్టులోకి తీసుకురావాల‌ని గంభీర్ ఫిక్స్ అయ్యాడు. ఈ క్ర‌మంలోనే బంగ్లాదేశ్‌తో టీ20 సిరీస్‌కు రానాకు భార‌త సెల‌క్ట‌ర్లు ఎంపిక చేశారు. కానీ వైర‌ల్ ఫీవ‌ర్ కార‌ణంగా బెంచ్‌కే ప‌రిమిత‌మ‌య్యాడు. ఇప్పుడు ఏకంగా ప్ర‌తిష్టాత్మ‌క బోర్డ‌ర్ గ‌వాస్క‌ర్ ట్రోఫీకి ఎంపిక చేసిన జ‌ట్టులో ఛాన్స్ కొట్టేశాడు.చదవండి: చాలా బాధగా ఉంది.. కానీ అతిగా పోస్టుమార్టం చేయనక్కర్లేదు: రోహిత్‌ శర్మ

సాక్షి, విశాఖపట్నం: ప్రధాన బ్యాటర్లంతా రాణించడంతో రంజీ ట్రోఫీలో హిమాచల్‌ ప్రదేశ్‌తో పోరులో ఆంధ్ర జట్టు మంచి స్కోరు దిశగా సాగుతోంది. గ్రూప్‌ ‘బి’లో భాగంగా శనివారం విశాఖపట్నంలోని వైఎస్‌ రాజశేఖరరెడ్డి ఏసీఏ–వీడీసీఏ స్టేడియంలో ప్రారంభమైన పోరులో... తొలి రోజు ఆట ముగిసే సమయానికి ఆంధ్ర జట్టు 80 ఓవర్లలో 6 వికెట్ల నష్టానికి 295 పరుగులు చేసింది. కెప్టెన్‌ షేక్‌ రషీద్‌ (69; 9 ఫోర్లు), హనుమ విహారి (66; 12 ఫోర్లు) అర్ధ శతకాలు సాధించగా... వికెట్‌ కీపర్‌ కోన శ్రీకర్‌ భరత్‌ (39 బంతుల్లో 65; 8 ఫోర్లు, 3 సిక్సర్లు) టి20 తరహాల్లో ప్రత్యర్థి బౌలర్లపై విరుచుకుపడి హాఫ్‌ సెంచరీ చేశాడు. టాస్‌ ఓడి మొదట బ్యాటింగ్‌కు దిగిన ఆంధ్ర జట్టుకు శుభారంభం దక్కలేదు. ఓపెనర్లు అభిõÙక్‌ రెడ్డి (5), మహీప్‌ కుమార్‌ (4) విఫలం కావడంతో 11 పరుగులకే 2 వికెట్లు కోల్పోయి కష్టాల్లో పడ్డ జట్టును రషీద్, విహారి ఆదుకున్నారు. ప్రత్యర్థి బౌలర్లు చెలరేగిపోతున్న సమయంలో సంయమనం పాటించిన ఈ జోడీ... క్రీజులో కుదురుకున్నాక వేగంగా పరుగులు రాబట్టింది. రెండో వికెట్‌కు 125 పరుగులు జోడించిన తర్వాత హనుమ విహారి వెనురదిగగా... షేక్‌ రషీద్‌తో కలిసి శ్రీకర్‌ భరత్‌ ఇన్నింగ్స్‌ను నడిపించాడు. అప్పటి వరకు నిధానంగా సాగిన స్కోరుబోర్డు... భరత్‌ రాకతో పరుగులు పెట్టింది. బౌలర్‌తో సంబంధం లేకుండా భరత్‌ ఎడాపెడి బౌండ్రీలతో విజృంభించాడు. ఇక మరింత భారీ స్కోరు చేయడం ఖాయమే అనుకుంటున్న దశలో వీరిద్దరూ వెనుదిరగడంతో పరుగుల వేగం తగ్గింది. అశ్విన్‌ హెబర్‌ (15) ఎక్కువసేపు నిలవలేకపోగా... మనీశ్‌ (31 బ్యాటింగ్‌; 2 ఫోర్లు), త్రిపురన విజయ్‌ (20 బ్యాటింగ్‌; ఒక ఫోర్‌) క్రీజులో ఉన్నారు. వీరిద్దరూ ఏడ వికెట్‌కు అజేయంగా 50 పరుగుల భాగస్వామ్యం నిర్మించారు.

సాక్షి, విశాఖపట్నం: దేశవాళీ టోర్నీ రంజీ ట్రోఫీ మ్యాచ్‌కు విశాఖపట్నం ఆతిథ్యం ఇవ్వనుంది. ఎలైట్‌ గ్రూప్‌-బిలో ఉన్న ఆంధ్ర- హిమాచల్‌ ప్రదేశ్‌ మ్యాచ్‌కు నగరం వేదిక కానుంది. పీఎం పాలెంలో గల ఏసీఏ–వీడీసీఏ అంతర్జాతీయ క్రికెట్‌ స్టేడియంలో శనివారం నుంచి ఈ ఫస్ట్‌క్లాస్‌ మ్యాచ్‌ మొదలుకానుంది. ఇందుకు సంబంధించిన నిర్వహణ ఏర్పాట్లు ఇప్పటికే పూర్తయ్యాయి.కాగా అక్టోబరు 26- 29 వరకు ఆంధ్ర- హిమాచల్‌ ప్రదేశ్‌ మ్యాచ్‌ నిర్వహణకు షెడ్యూల్‌ ఖరారు కాగా.. ఉదయం 9 గంటల నుంచి సాయంత్రం నాలుగు గంటల వరకు ఇన్నింగ్స్‌ సాగనుంది. ఈ నేపథ్యంలో శుక్రవారం ఉదయం సెషన్‌లో సెషన్‌లో ఆంధ్ర, మధ్యాహ్నం సెషన్‌లో హిమాచల్‌ప్రదేశ్‌ జట్లు నెట్స్‌లో ప్రాక్టీసు చేశాయి. అయితే, ఈ మ్యాచ్‌కు ముందు నిర్వాహకులు క్రికెట్‌ ప్రేమికులకు గుడ్‌న్యూస్‌ అందించారు.క్రికెట్‌ అభిమానులకు శుభవార్తరేపటి నుంచి ఆరంభం కానున్న రంజీ మ్యాచ్‌ను వీక్షించేందుకు ప్రేక్షకులకు ఉచిత ప్రవేశం కల్పించనున్నారు. స్టేడియం వద్ద 15వ నంబర్‌ గేట్‌ నుంచి ఉచిత ప్రవేశం ఉంటుంది. ⁠ఉదయం 8 గంటల నుంచి స్టేడియంలోకి అనుమతిస్తారు. ఇదిలా ఉంటే.. రంజీ ట్రోఫీ తాజా ఎడిషన్‌లో ఆంధ్ర జట్టు తొలుత విదర్భ చేతిలో 74 పరుగులు, రెండో మ్యాచ్‌లో గుజరాత్‌ చేతిలో ఒక్క వికెట్‌ తేడాతో ఓడిపోయింది.ఆంధ్రా జట్టు కెప్టెన్‌గా రషీద్‌ఆంధ్రా జట్టు కెప్టెన్‌ రికీబుయ్‌, బ్యాటింగ్‌ ఆల్‌రౌండర్‌ నితీష్‌కుమార్‌ ఆస్ట్రేలియా టూర్‌లో భాగంగా అనధికార నాలుగు రోజుల టెస్ట్‌ మ్యాచ్‌లకు ఎంపికవడంతో అందుబాటులో లేరు. ఆంధ్రా జట్టుకు షేక్‌ రషీద్‌ నాయకత్వం వహించనుండగా అభిషేక్‌ రెడ్డి, హానుమ విహారి ఓపెనింగ్‌ చేయనుండగా అశ్విన్‌ హెబ్బర్‌ మిడిలార్డర్‌లోను, శ్రీకర్‌ భరత్‌ కీపింగ్‌ చేస్తారు. మహీప్‌కుమార్‌, వంశీకృష్ణ బ్యాట్‌ ఝళిపించేందుకు సిద్ధమవుతున్నారు. ఫాస్ట్‌ బౌలింగ్‌ విభాగంలో స్టీఫెన్‌, సత్యనారాయణ, శశికాంత్‌, స్పిన్‌ బౌలింగ్‌ విభాగంలో లలిత్‌, విజయ్‌ బంతి, మనీష్‌ మెరుపులు మెరిపించనున్నారు. రఫీ, కరణ్‌ షిండే సైతం జట్టుకు ఎంపికయ్యారు.చదవండి: ఇదేం కెప్టెన్సీ రోహిత్‌?.. మాజీ హెడ్‌కోచ్‌ ఘాటు విమర్శలు

ముంబై బ్యాటర్‌ శ్రేయస్‌ అయ్యర్‌ మరోసారి గాయం బారిన పడ్డాడు. ఇటీవల జరిగిన రంజీ మ్యాచ్‌ సందర్భంగా శ్రేయస్‌ భుజానికి దెబ్బ తగిలింది. శ్రేయస్‌ వారం రోజుల పాటు విశ్రాంతి తీసుకోవాలని వైద్యులు సూచించారు. దీంతో అతను ముంబై తదుపరి ఆడబోయే రంజీ మ్యాచ్‌కు దూరం కానున్నాడు. ముంబై ఈ నెల 26న త్రిపురతో తలపడాల్సి ఉంది. రంజీల్లో రాణించి టీమిండియాలో చోటు దక్కించుకోవాలని భావించిన శ్రేయస్‌కు గాయాలు పెద్ద సమస్యగా మారాయి.శ్రేయస్‌ ఈ ఏడాది ఆగస్ట్‌లో చివరిసారిగా టీమిండియాకు ఆడాడు. అనంతరం అతను జట్టులో స్థానం కోల్పోయి ఫస్ట్‌క్లాస్‌ క్రికెట్‌ ఆడుతున్నాడు. శ్రేయస్‌ ఇటీవలికాలంలో దులీప్‌ ట్రోఫీ, ఇరానీ కప్‌, రంజీ ట్రోఫీలో మొత్తం ఆరు మ్యాచ్‌లు ఆడాడు. గత వారం మహారాష్ట్రతో జరిగిన రంజీ మ్యాచ్‌లో శ్రేయస్‌ మ్యాచ్‌ విన్నింగ్‌ సెంచరీతో (142) మెరిశాడు. శ్రేయస్‌ ఈ రంజీ సీజన్‌లో ఇప్పటివరకు మూడు ఇన్నింగ్స్‌లు ఆడి 57.33 సగటున 172 పరుగులు చేశాడు. బరోడాతో జరిగిన సీజన్‌ తొలి మ్యాచ్‌లో శ్రేయస్‌ 0, 30 పరుగులు చేశాడు. చదవండి: పృథ్వీ షాపై వేటు

ప్రముఖ బాలీవుడ్‌ దర్శకుడు విధు వినోద్‌ చోప్రా తనయుడు అగ్ని చోప్రా దేశవాలీ క్రికెట్‌లో రికార్డుల మీద రికార్డులు నెలకొల్పుతున్నాడు. గతేడాది రంజీల్లోకి ఎంట్రీ ఇచ్చిన అగ్ని.. తానాడిన మొదటి నాలుగు మ్యాచ్‌ల్లో సెంచరీలు చేశాడు. ఫస్ట్‌ క్లాస్‌ క్రికెట్‌లో ఈ ఘనత ఎవరూ సాధించలేదు. అగ్ని తాజాగా ఆడిన రంజీ మ్యాచ్‌లో మరో రికార్డు నెలకొల్పాడు. రంజీల్లో మిజోరంకు ప్రాతినిథ్యం వహించే అగ్ని.. అరుణాచల్‌ ప్రదేశ్‌తో జరిగిన మ్యాచ్‌లో సెంచరీ, డబుల్‌ సెంచరీ చేసి చరిత్ర సృష్టించాడు. దేశవాలీ క్రికెట్‌లో ఇలా ఒకే మ్యాచ్‌లో సెంచరీ, డబుల్‌ సెంచరీని ఇంతవరకు ఎవరూ చేయలేదు.అరుణాచల్‌ ప్రదేశ్‌తో జరిగిన మ్యాచ్‌లో తొలి ఇన్నింగ్స్‌లో 110 పరుగులు చేసిన అగ్ని.. రెండో ఇన్నింగ్స్‌లో 238 పరుగులు చేశాడు. అగ్ని సూపర్‌ శతకాలతో చెలరేగడంతో ఈ మ్యాచ్‌లో మిజోరం 267 పరుగుల తేడాతో ఘన విజయం సాధించింది. అగ్నికి ప్లేయర్‌ ఆప్‌ ద మ్యాచ్‌ అవార్డు లభించింది.గత సీజన్‌లోనూ పరుగుల వరద పారించిన అగ్నిఅగ్ని గత రంజీ సీజన్‌లోనూ పరుగుల వరద పారించాడు. అగ్ని ఫస్ట్‌ క్లాస్‌ క్రికెట్‌లో ఇప్పటివరకు ఆడిన ఆరు మ్యాచ్‌ల్లో ఐదు సెంచరీలు, మూడు హాఫ్‌ సెంచరీల సాయంతో 939 పరుగులు చేశాడు. అగ్ని సగటు 78.25గా ఉంది. అతని స్ట్రయిక్‌రేట్‌ 103.30గా ఉంది. కాగా, అగ్ని తండ్రి విధు వినోద్‌ చోప్రా గతేడాది "12 ఫెయిల్‌" అనే సూపర్‌ హిట్‌ సినిమాకు దర్శకత్వం వహించాడు. అగ్ని తల్లి అనుపమ చోప్రాకు బాలీవుడ్‌లో మూవీ క్రిటిక్‌గా మంచి పేరు​ంది. చదవండి: ఓవ‌ర్ వెయిట్‌..! టీమిండియా ఓపెన‌ర్‌కు ఊహించ‌ని షాక్‌?

భార‌త దేశవాళీ టోర్నీ రంజీ ట్రోఫీ 2024-25 సీజ‌న్ ప్రారంభ‌మైన సంగ‌తి తెలిసిందే. ప్ర‌స్తుతం ఈ టోర్నీలో గ్రూపు స్టేజి మ్యాచ్‌లు జ‌రుగుతున్నాయి. ఈ ఏడాది ఆక్టోబ‌రు 11న మొద‌లైన ఈ ప్రతిష్టాత్మక టోర్నీ వ‌చ్చే ఏడాది మార్చి 2 వ‌ర‌కు జ‌ర‌గ‌నుంది.అయితే ప్రస్తుత సీజన్‌లో చాలా మంది ఆట‌గాళ్లు త‌మ రాష్ట్ర జ‌ట్ల త‌ర‌పున ఆడేందుకు అందుబాటులో లేరు. స్వ‌దేశంలో న్యూజిలాండ్‌తో జరుగుతున్న టెస్టులతో సీనియ‌ర్ జ‌ట్టు బిజీగా ఉండ‌గా.. తిలక్ వర్మ నేతృత్వంలోని భారత ‘ఎ’ జట్టు ఒమ‌న్‌లో ఎమ‌ర్జింగ్ ఆసియాక‌ప్‌లో ఆడుతోంది. దీంతో దాదాపుగా 30 నుంచి 40 మ‌ధ్య ఆట‌గాళ్లు రంజీ ట్రోఫీకి దూరంగా ఉన్న‌ట్లే. ఈ నేప‌థ్యంలో భార‌త మాజీ క్రికెట‌ర్ సునీల్ గ‌వాస్క‌ర్ కీల‌క వ్యాఖ్య‌లు చేశాడు. ఆట‌గాళ్లు త‌మ‌ రాష్ట్ర జట్ల నుంచి వైదొలగడం వల్ల ప్రతిష్టాత్మక రంజీ ట్రోఫీవిలువ తగ్గుతోందని గ‌వాస్క‌ర్ అవేద‌న వ్యక్తం చేశారు. అదేవిధంగా వ‌చ్చే నెల‌లో ద‌క్షిణాఫ్రికాతో టీ20 సిరీస్‌ను ఎందుకు షెడ్యూల్ చేశారో ఆర్ధం కావ‌డం లేద‌ని ఆయ‌న అన్నారు."ఒక‌వైపు న్యూజిలాండ్‌తో టెస్టు సిరీస్‌తో భార‌త సీనియ‌ర్ ఆట‌గాళ్లు బీజీగా ఉన్నారు. మ‌రోవైపు యువ భార‌త క్రికెట‌ర్లు ఆసియా కప్‌లో ఆడుతున్నారు. ఈ క్ర‌మంలో రంజీ ట్రోఫీ సీజన్ కూడా ప్రారంభమైంది. ఆట‌గాళ్లంతా ఇత‌ర ఈవెంట్‌లలో ఆడేందుకు వెళ్లిపోతున్నారు. దీంతో జాతీయ టోర్నమెంట్(రంజీ ట్రోఫీ) విలువ రోజు రోజుకు త‌గ్గిపోతోంది. బోర్డ‌ర్ గ‌వాస్క‌ర్ ట్రోఫీకి ముందు భార‌త జ‌ట్టు నాలుగు మ్యాచ్‌ల టీ20 సిరీస్ ఆడేందుకు ద‌క్షిణాఫ్రికాకు వెళ్ల‌నుంది. అసలు ఈ సిరీస్ అవస‌ర‌మా? అంతేకాకుండా భార‌త‌-ఎ జ‌ట్టు కూడా కూడా ఆస్ట్రేలియా పర్యటనకు వెళ్లనుంది. ఈ నేప‌థ్యంలో దాదాపు 50 నుండి 60 మంది ఆట‌గాళ్లు రంజీ ట్రోఫీలో తమ రాష్ట్ర జట్లకు అందుబాటులో ఉండరు. ఇత‌ర దేశ క్రికెట్ బోర్డులు ఏవీ కూడా భార‌త్‌లా వారి దేశీవాళీ టోర్నీల‌ను చిన్న‌చూపు చూడ‌లేదు.ఇంగ్లండ్ లేదా ఆస్ట్రేలియా జ‌ట్లు త‌మ దేశవాళీ టోర్నీల కోసం 'ఎ' జ‌ట్ల ప‌ర్య‌ట‌నలను కూడా వాయిదా వేసుకున్న సంద‌ర్భాలు ఉన్నాయి. ముఖ్యంగా ఐపీఎల్ వ‌చ్చిన‌ప్ప‌టి నుంచి రంజీ ట్రోఫీని చాలా మంది నిర్ల‌క్ష్యం చేస్తున్నారు. వ‌చ్చే దేశవాళీ సీజ‌న్ నుంచి అయినా ఈ పరిస్థితి మారుతుందా? అని స్పోర్ట్స్ స్టార్‌కు రాసిన తన కాలమ్‌లో గ‌వాస్క‌ర్ పేర్కొన్నారు.చదవండి: ఓవ‌ర్ వెయిట్‌..! టీమిండియా ఓపెన‌ర్‌కు ఊహించ‌ని షాక్‌?

టీమిండియా ఓపెన‌ర్ పృథ్వీ షాకు ముంబై క్రికెట్ అసోసియేషన్ (MCA) ఊహించ‌ని షాకిచ్చింది. ప్ర‌స్తుతం జ‌రుగుతున్న‌ రంజీ ట్రోఫీ 2024-25 సీజ‌న్‌లో ముంబై జ‌ట్టు నుంచి పృథ్వీ షాను అర్ధంతరంగా ఎంసీఏ త‌ప్పించింది.రంజీ ట్రోఫీ ఎలైట్ గ్రూపులో ఉన్న ముంబై జట్టు తమ తదుపరి మ్యాచ్‌లో త్రిపురతో తలపడనుంది. ఈ మ్యాచ్‌కు ఎంపిక చేసిన జట్టులో షాకు చోటు దక్కలేదు. ఫిట్‌నెస్ స‌మ‌స్య‌ల కార‌ణంగా అత‌డిపై వేటు వేసినట్లు ఎంసీఏ ఓ ప్రకటనలో పేర్కొంది. "పృథ్వీ షాకు సెలక్టర్లు బ్రేక్ ఇచ్చారు. త్రిపురతో మ్యాచ్‌కు అతడు దూరంగా ఉండనున్నాడు. కోచ్‌, సెలక్టర్లు అతడితో చర్చించాకే ఈ నిర్ణయం తీసుకున్నారు. పృథ్వీ తన ఫిట్‌నెస్‌పై దృష్టి సారించాల్సి ఉందని"ఎంసీఎ వెల్లడించింది. క్రిక్‌బజ్ రిపోర్ట్ ప్రకారం.. సంజ‌య్ పాటిల్ నేతృత్వంలో ముంబై సెలక్షన్ కమిటీ పృథ్వీ షా ఫిట్‌నెస్‌పై ఆసంతృప్తితో ఉన్నట్లు తెలుస్తోంది. అంతేకాకుండా పృథ్వీ ఓవర్ వెయిట్‌(ఆధిక బరువు) ఉన్నట్లు సెలక్టర్లు గుర్తించారు. నెట్ ప్రాక్టీస్ సెషన్స్‌ను కూడా పృథ్వీ షా నిర్లక్ష్యం చేస్తున్నాడని టీమ్ మేనేజ్‌మెంట్‌ సెలక్టర్లకు ఫిర్యాదు చేసినట్లు సమాచారం.ఈ క్రమంలోనే అతడిపై వేటు వేసినట్లు క్రిక్‌బజ్ తమ కథనంలో పేర్కొంది. కాగా పృథ్వీ షా గత కొన్నాళ్లుగా తన పేలవ ఫామ్‌ను కొనసాగిస్తున్నాడు. ప్రస్తుత రంజీ ట్రోఫీ సీజన్‌లో తొలి రెండు మ్యాచ్‌ల్లో కేవలం 59 పరుగులే మాత్రమే షా చేశాడు.చదవండి: IND vs NZ: టీమిండియాతో రెండో టెస్టు.. న్యూజిలాండ్‌కు భారీ షాక్‌

త్వరలోనే తాను పునరాగమనం చేయనున్నట్లు టీమిండియా సీనియర్‌ పేస్‌ బౌలర్‌ మహ్మద్‌ షమీ తెలిపాడు. తొలుత దేశవాళీ క్రికెట్‌లో ఆడతానని.. పూర్తి ఫిట్‌నెస్‌ సాధించిన తర్వాతే ఆస్ట్రేలియా పర్యటన గురించి ఆలోచిస్తానని పేర్కొన్నాడు. కాగా వన్డే వరల్డ్‌ కప్‌-2023 ఫైనల్‌ ఆడిన అనంతరం చీలమ గాయంతో షమీ ఆటకు పూర్తిగా దూరమైన విషయం తెలిసిందే. ఫిబ్రవరిలో అతనికి శస్త్రచికిత్స కూడా జరిగింది. కాలిపై భారం పడకూడదనిప్రస్తుతం జాతీయ క్రికెట్‌ అకాడమీ (ఎన్‌సీఏ)లో ఫిట్‌గా మారేందుకు ప్రయత్నిస్తున్న షమీ తొలిసారి తాను పూర్తి రనప్‌తో బౌలింగ్‌ చేసినట్లు తాజాగా వెల్లడించాడు. ఆ సమయంలో గాయానికి సంబంధించి తనకు ఎలాంటి నొప్పి కలగలేదని షమీ చెప్పాడు. కాగా 34 ఏళ్ల షమీ ఆదివారం భారత్-న్యూజిలాండ్‌ టెస్టు ముగిసిన తర్వాత చిన్నస్వామి స్టేడియంలో సుదీర్ఘ సమయం పాటు ఎలాంటి ఇబ్బందీ లేకుండా బౌలింగ్‌ చేశాడు. భారత అసిస్టెంట్‌ కోచ్‌ అభిషేక్‌ నాయర్, బౌలింగ్‌ కోచ్‌ మోర్నీ మోర్కెల్‌ అతడి బౌలింగ్‌ను పర్యవేక్షించారు.ఈ సందర్భంగా షమీ మాట్లాడుతూ.. ‘కాలిపై భారం పడకూడదని చాలా రోజులుగా జాగ్రత్తగా, పరిమిత రనప్‌తో బౌలింగ్‌ చేస్తూ వచ్చాను. ఆదివారం మాత్రం చాలా సంతృప్తిగా అనిపించింది. పూర్తిగా నా సామర్థ్యం మేరకు బౌలింగ్‌ చేశాను. ఏ దశలోనూ ఇబ్బంది పడలేదు. 100 శాతం నొప్పి కూడా తగ్గిపోయింది. సాధ్యమైనంత త్వరగా బరిలోకి దిగాలని ఆశిస్తున్నా’ అని షమీ చెప్పాడు. బెంగాల్‌ తరఫున బరిలోకి... ఆస్ట్రేలియా పర్యటనకు ముందు దేశవాళీ క్రికెట్‌లో రెండు, మూడు మ్యాచ్‌లు ఆడాలని భావిస్తున్న షమీ... అప్పుడే తన ఆట, ఫిట్‌నెస్‌పై పూర్తి స్పష్టత వస్తుందని అన్నాడు. నవంబర్‌ 22 నుంచి పెర్త్‌లో టీమిండియా- ఆసీస్‌ మధ్య తొలి టెస్టు జరగనుండగా... ఫిట్‌గా మారేందుకు షమీకి మరో నెల రోజుల సమయం ఉంది. ‘పూర్తి ఫిట్‌నెస్‌ను సాధించడమే నా ముందున్న లక్ష్యం. ఆ్రస్టేలియాకు వెళ్లే ముందు నేను ఎంత దృఢంగా తయారవుతాననేది ముఖ్యం. ఫిట్‌గా లేకుండా అక్కడికి వెళ్లి ఏదైనా జరిగితే అది మంచిది కాదు.డాక్టర్లు ఓకే చెప్పేలా రోజుకు కనీసం 20–30 ఓవర్లు బౌలింగ్‌ చేయాలని భావిస్తున్నా. అందు కోసం మ్యాచ్‌లు ఆడటమే సరైంది’ అని షమీ పేర్కొన్నాడు. భారత జట్టు ఆసీస్‌ బయల్దేరడానికి ముందు రంజీ ట్రోఫీలో బెంగాల్‌ జట్టు మూడు మ్యాచ్‌లు ఆడనుంది. వీటిలో అతను బరిలోకి దిగే అవకాశం ఉంది. ఫిట్‌గా మారి కంగారూ గడ్డకు చేరితే భారత్, భారత్‌ ‘ఎ’ మధ్య జరిగే మూడు రోజుల మ్యాచ్‌లో కూడా షమీ ఆడవచ్చు.బ్యాటర్లు తడబడ్డా.. మేము చెలరేగిపోవడం ఖాయం!గాయం నుంచి కోలుకొని మళ్లీ ఆడటం అంత సులువు కాదని... ఈ సుదీర్ఘ విరామం ఓపికను ప్రదర్శించే లక్షణాన్ని తనలో పెంచిందని అతను అభిప్రాయ పడ్డాడు. ప్లేయర్‌ ఎప్పుడైనా తన ప్రతిభ, సత్తాపై నమ్మకాన్ని కోల్పోరాదని, ప్రస్తుతం తన పోరాటమంతా ఫిట్‌నెస్‌తోనే అతను షమీ చెప్పాడు. 140 కిలోమీటర్లకు పైగా బంతులు విసిరే ముగ్గురు పేసర్లు ఒకే సమయంలో జట్టులో ఆడటం అరుదని... ఆస్ట్రేలియాలోని బౌన్సీ వికెట్లపై మన జట్టు సాధారణ స్కోరు నమోదు చేసినా... బౌలర్లు చెలరేగిపోగలరని అతడు వ్యాఖ్యానించాడు. 2018–19 పర్యటనలో 16 వికెట్లతో భారత జట్టు ఆసీస్‌ గడ్డపై తొలిసారి సిరీస్‌ గెలవడంలో కీలకపాత్ర పోషించిన షమీ... 2020–21 టూర్‌ తొలి టెస్టులో బ్యాటింగ్‌ చేస్తూ చేతికి గాయం కావడంతో సిరీస్‌ నుంచి తప్పుకొన్నాడు. చదవండి: Mohammed Siraj: సిరాజ్‌కు అసలేమైంది? ఫామ్‌పై ఆందోళన!

రంజీ ట్రోఫీ దేశవాళీ క్రికెట్‌ టోర్నమెంట్‌లో ఆంధ్ర జట్టుకు వరుసగా రెండో పరాజయం ఎదురైంది. మాజీ చాంపియన్‌ గుజరాత్‌ జట్టుతో సోమవారం ముగిసిన గ్రూప్‌ ‘బి’ రెండో లీగ్‌ మ్యాచ్‌లో ఆంధ్ర జట్టు ఒక్క వికెట్‌ తేడాతో ఓటమి పాలైంది.ఆంధ్ర నిర్దేశించిన 144 పరుగుల విజయలక్ష్యాన్ని గుజరాత్‌ జట్టు 50.3 ఓవర్లలో 9 వికెట్లు కోల్పోయి ఛేదించింది. 131 పరుగులవద్ద గుజరాత్‌ 9వ వికెట్‌ను చేజార్చుకోగా... అర్జన్‌ నాగ్‌వాస్‌వాలా (16 నాటౌట్‌; 1 ఫోర్‌) గుజరాత్‌ జట్టును గట్టెక్కించాడు.ఆంధ్ర జట్టు స్పిన్నర్‌ లలిత్‌ మోహన్‌ 76 పరుగులిచ్చి 7 వికెట్లు పడగొట్టి తమ జట్టుకు విజయంపై ఆశలు రేకెత్తించాడు. శశికాంత్‌కు ఒక వికెట్‌ దక్కగా... మరో వికెట్‌ రనౌట్‌ రూపంలో వచి్చంది. అంతకుముందు ఫాలోఆన్‌ ఆడుతూ ఓవర్‌నైట్‌ స్కోరు 203/4తో రెండో ఇన్నింగ్స్‌ కొనసాగించిన ఆంధ్ర జట్టు 90.5 ఓవర్లలో 297 పరుగులకు ఆలౌటైంది. శ్రీకర్‌ భరత్‌ (47; 3 ఫోర్లు, 2 సిక్స్‌లు), హనుమ విహారి (32; 3 ఫోర్లు, 1 సిక్స్‌), నితీశ్‌ కుమార్‌ రెడ్డి (34; 6 ఫోర్లు), త్రిపురాణ విజయ్‌ (30; 3 ఫోర్లు, 2 సిక్స్‌లు) రాణించారు. గుజరాత్‌ బౌలర్లలో అర్జన్‌ నాగ్‌వాస్‌వాలా 4 వికెట్లు తీయగా... సిద్ధార్థ్‌ దేశాయ్, రవి బిష్ణోయ్‌ 3 వికెట్ల చొప్పున పడగొట్టారు.చదవండి: Mohammed Siraj: సిరాజ్‌కు అసలేమైంది? ఫామ్‌పై ఆందోళన!

టీమిండియా అభిమానులకు శుభవార్త. స్టార్‌ పేసర్‌ మొహమ్మద్‌ షమీ గాయం నుంచి పూర్తిగా కోలుకున్నాడు. ఈ విషయాన్ని షమీనే స్వయంగా వెల్లడించాడు. షమీ గతేడాది స్వదేశంలో జరిగిన వన్డే వరల్డ్‌కప్‌ సందర్భంగా గాయపడిన విషయం తెలిసిందే. ఆ గాయం నుంచి కోలుకునేందుకు షమీ సర్జరీ చేయించుకున్నాడు.ప్రస్తుతం షమీ గాయం తాలూకా నొప్పి లేకుండా పూర్తి ఫిట్‌గా ఉన్నట్లు అప్‌డేట్‌ ఇచ్చాడు. తాజాగా అతను నెట్స్‌లో బౌలింగ్ ప్రాక్టీస్ చేస్తూ కనిపించాడు. షమీ తన ఫిట్‌నెస్‌ పట్ల పూర్తి సంతృప్తి వ్యక్తం చేశాడు. సర్జరీ అనంతరం మోకాళ్ల వాపు కారణంగా షమీ పునరాగమనంపై సందేహాలు ఉండేవి. అయితే తాజాగా షమీ నెట్స్‌లో ప్రాక్టీస్‌ చేస్తున్న విధానం చూస్తే ఆ సందేహాలన్నీ పటాపంచలయ్యాయి. షమీ పూర్తి రన్నప్‌తో మునపటిలా బౌలింగ్‌ చేశాడు.Mohammed Shami in action 🔥@MdShami11 pic.twitter.com/qzXHHub4J9— Subhayan Chakraborty (@CricSubhayan) October 20, 2024ఆస్ట్రేలియా టూర్‌కు ముందు షమీ తన ఫిట్‌నెస్‌ను నిరూపించుకునేందుకు రంజీ ట్రోఫీలో ఆడాలని నిర్ణయించుకున్నాడు. షమీ బెంగాల్‌ తరఫున ఒకటి లేదా రెండు రంజీ ట్రోఫీ మ్యాచ్‌లు ఆడే అవకాశం ఉంది. షమీ రీఎంట్రీ వార్త తెలిసి భారత క్రికెట్ అభిమానులు సంతోషం వ్యక్తం చేస్తున్నారు.కాగా, టీమిండియా నవంబర్‌ 21 నుంచి బోర్డర్‌ గవాస్కర్‌ ట్రోఫీ కోసం ఆస్ట్రేలియాలో పర్యటించనుంది. ఈ పర్యటనలో భారత్‌ ఐదు టెస్ట్‌ మ్యాచ్‌లు ఆడనుంది. ఈ సిరీస్‌ సమయానికి స్టార్‌ పేసర్‌ షమీ అందుబాటులో ఉండాని భావిస్తున్నాడు. బీజీటీలో ఆడేందుకు షమీ వీలైనంత విరామాన్ని తీసుకుంటున్నాడు. పూర్తిగా కోలుకున్న తర్వాతే ఈ సిరీస్‌లో ఆడాలన్నది షమీ మనోగతం. ఈ సిరీస్‌ కోసమని షమీ ప్రస్తుతం న్యూజిలాండ్‌తో జరుగుతున్న సిరీస్‌కు కూడా దూరంగా ఉన్నాడు.టీమిండియా ప్రస్తుతం న్యూజిలాండ్‌తో మూడు మ్యాచ్‌ల టెస్ట్‌ సిరీస్‌ ఆడుతున్న విషయం తెలిసిందే. ఈ సిరీస్‌లోని తొలి మ్యాచ్‌లో భారత్‌ 8 వికెట్ల తేడాతో ఓటమిపాలైంది. ఈ సిరీస్‌లోని రెండో టెస్ట్‌ మ్యాచ్‌ పూణే వేదికగా అక్టోబర్‌ 24 నుంచి ప్రారంభం కానుంది. చదవండి: చరిత్ర సృష్టించిన సన్‌రైజర్స్‌ హైదరాబాద్‌ బ్యాటర్‌

భారత క్రికెట్ జట్టుకు దూరంగా ఉంటున్న వెటరన్ బ్యాటర్ ఛెతేశ్వర్ పుజారా మరోసారి ఫస్ట్‌క్లాస్‌ క్రికెట్‌లో సత్తాచాటాడు. పుజారా ప్ర‌స్తుతం రంజీ ట్రోఫీ 2024-25 సీజన్‌లో సౌరాష్ట్రకు ప్రాతినిథ్యం వహిస్తున్నాడు. ఈ టోర్నీలో భాగంగా రాజ్‌కోట్ వేదికగా ఛత్తీస్‌గఢ్‌తో జరుగుతున్న మ్యాచ్‌లో పుజారా అద్బుతమైన డ‌బుల్‌ సెంచరీతో చెలరేగాడు. సౌరాష్ట్ర మొద‌టి ఇన్నింగ్స్‌లో 348 బంతుల్లో త‌న డ‌బుల్ సెంచ‌రీ మార్క్‌ను అందుకున్నాడు. అత‌డి ఇన్నింగ్స్‌లో ఇప్ప‌టివ‌ర‌కు 22 ఫోర్లు ఉన్నాయి. ఫ‌స్ట్‌క్లాస్ క్రికెట్‌లో పుజారాకు ఇది 18వ డ‌బుల్ సెంచ‌రీ కావ‌డం గ‌మ‌నార్హం. అంతేకాకుండా పుజారా ఈ ఇన్నింగ్స్‌తో ఫస్ట్‌క్లాస్ క్రికెట్‌లో 27,000 పరుగుల మైలు రాయిని అందుకున్నాడు. ఈ ఘ‌నతను సాధించిన నాలుగో భార‌త క్రికెట‌ర్‌గా పూజారా నిలిచాడు. ఈ జాబితాలో పూజారా కంటే ముందు సునీల్ గవాస్కర్, సచిన్ టెండూల్కర్, రాహుల్ ద్రవిడ్ ఉన్నారు. అదే విధంగా ఫస్ట్ క్లాస్‌లో అత్యధిక సెంచరీలు చేసిన జాబితాలో పూజారా నాలుగో స్ధానానికి ఎగబాకాడు. ఈ అరుదైన ఫీట్‌ సాధించిన జాబితాలో డాన్ బ్రాడ్‌మన్‌(37) అగ్రస్ధానంలో ఉండగా .. తర్వాతి స్ధానాల్లో వాలీ హమం‍డ్‌(36), హెన్రడన్‌(22), పూజారా(18) కొనసాగుతున్నారు.

ప్రతిష్టాత్మక దేశవాలీ టోర్నీ రంజీ ట్రోఫీలో జమ్మూ అండ్‌ కశ్మీర్‌ ఆటగాడు, సన్‌రైజర్స్‌ హైదరాబాద్‌ ప్లేయర్‌ అబ్దుల్‌ సమద్‌ చరిత్ర సృష్టించాడు. ఒడిషాతో జరుగుతున్న మ్యాచ్‌లో సమద్‌ రెండు ఇన్నింగ్స్‌ల్లో సెంచరీలు చేసి, ఈ ఘనత సాధించిన తొలి జమ్మూ అండ్‌ కశ్మీర్‌ ఆటగాడిగా రికార్డు నెలకొల్పాడు. తొలి ఇన్నింగ్స్‌లో 117 బంతుల్లో 6 ఫోర్లు, 9 సిక్సర్ల సాయంతో 127 పరుగులు చేసిన సమద్‌.. సెకెండ్‌ ఇన్నింగ్స్‌లో 108 బంతుల్లో 5 ఫోర్లు, 6 సిక్సర్ల సాయంతో 108 పరుగులు చేసి అజేయంగా నిలిచాడు. సమద్‌ ట్విన్‌ సెంచరీస్‌తో చెలరేగడంతో ఒడిషాతో మ్యాచ్‌లో జమ్మూ అండ్‌ కశ్మీర్‌ పటిష్ట స్థితికి చేరింది. జమ్మూ అండ్‌ కశ్మీర్‌ ఒడిషా ముందు 269 పరుగల లక్ష్యాన్ని ఉంచింది. నాలుగో రోజు రెండో సెషన్‌ సమయానికి ఒడిషా సెకెండ్‌ ఇన్నింగ్స్‌లో 4 వికెట్లు కోల్పోయి 39 పరుగులు చేసి ఓటమి దిశగా పయనిస్తుంది. ఇవాళే (అక్టోబర్‌ 21) ఆటకు చివరి రోజు కాగా.. ఒడిషా ఇంకా 230 పరుగులు చేయాల్సి ఉంది. చేతిలో మరో ఆరు వికెట్లు మాత్రమే ఉన్నాయి. సందీప్‌ పట్నాయక్‌ (17), బిప్లబ్‌ సమంత్రే (4) క్రీజ్‌లో ఉన్నారు. జమ్మూ అండ్‌ కశ్మీర్‌ బౌలర్లలో ఆబిద్‌ ముస్తాక్‌ 2, సాహిల్‌ లోత్రా, ఉమర్‌ నజీర్‌ మిర్‌ తలో వికెట్‌ పడగొట్టారు.అంతకుముందు జమ్మూ అండ్‌ కశ్మీర్‌ సెకెండ్‌ ఇన్నింగ్స్‌లో 7 వికెట్ల నష్టానికి 270 పరుగులు చేసి ఇన్నింగ్స్‌ను డిక్లేర్‌ చేసింది. సమద్‌ అజేయ సెంచరీతో పోరాడగా.. శుభమ్‌ ఖజూరియా 43, శుభమ్‌ పుండిర్‌ 40 పరుగులు చేశారు. ఒడిషా బౌలర్లలో ప్రధాన్‌ 3, కార్తీక్‌ బిస్వాల్‌ 2, సుమిత్‌ శర్మ, డి ప్రధాన్‌ తలో వికెట్‌ పడగొట్టారు.దీనికి ముందు ఒడిషా తొలి ఇన్నింగ్స్‌లో 272 పరుగులకు ఆలౌటైంది. ఒడిషా కెప్టెన్‌ గోవిందా పొద్దార్‌ అజేయ సెంచరీతో (133) సత్తా చాటాడు. జమ్మూ అండ్‌ కశ్మీర్‌ బౌలర్లలో ఆబిద్‌ ముస్తాక్‌ 4, ఉమర్‌ నజీర్‌ 3, ఆకిబ్‌, యుద్ద్‌వీర్‌ సింగ్‌, సాహిల్‌ లోత్రా తలో వికెట్‌ పడగొట్టారు.ఈ మ్యాచ్‌లో తొలుత బ్యాటింగ్‌ చేసిన జమ్మూ అండ్‌ కశ్మీర్‌ తొలి ఇన్నింగ్స్‌లో 270 పరుగులకు ఆలౌటైంది. జమ్మూ అండ్‌ కశ్మీర్‌ ఇన్నింగ్స్‌లో అబ్దుల్‌ సమద్‌ ఒక్కడే సెంచరీతో సత్తా చాటాడు. ఒడిషా బౌలర్లలో సుమిత్‌ శర్మ ఐదు వికెట్లు తీశాడు. చదవండి: దక్షిణాఫ్రికా బౌలర్ల ఉగ్రరూపం.. 106 పరుగులకే బంగ్లాదేశ్‌ ఆలౌట్‌

అహ్మదాబాద్‌: రంజీ ట్రోఫీ క్రికెట్‌ టోర్నీలో భాగంగా మాజీ చాంంపియన్‌ గుజరాత్‌తో జరుగుతున్న గ్రూప్‌ ‘బి’ లీగ్‌ మ్యాచ్‌లో ఆంధ్ర జట్టు ఫాలోఆన్‌లో పడింది. తొలి ఇన్నింగ్స్‌లో టాపార్డర్‌ వైఫల్యంతో తక్కువ స్కోరుకే ఆలౌటైన ఆంధ్ర జట్టు... రెండో ఇన్నింగ్స్‌లో మెరుగైన ప్రదర్శన కనబర్చింది. అహ్మదాబాద్‌లోని నరేంద్ర మోదీ స్టేడియంలో జరుగుతున్న ఈ పోరులో ఆదివారం ఆట ముగిసే సమయానికి ఆంధ్ర రెండో ఇన్నింగ్స్‌లో ఫాలోఆన్‌ ఆడుతూ 66 ఓవర్లలో 4 వికెట్ల నష్టానికి 203 పరుగులు చేసింది. ఓపెనర్లు అభిషేక్‌ రెడ్డి (113 బంతుల్లో 81; 12 ఫోర్లు, 2 సిక్సర్లు), మహీప్‌ కుమార్‌ (55; 5 ఫోర్లు, ఒక సిక్సర్‌) అర్ధశతకాలతో సత్తా చాటారు. కెప్టెన్ రికీ భుయ్‌ (0), షేక్‌ రషీద్‌ (3) విఫలం కాగా... వికెట్‌ కీపర్‌ కోన శ్రీకర్‌ భరత్‌ (31 బ్యాటింగ్‌; ఒక ఫోర్, ఒక సిక్సర్‌), హనుమ విహారి (24 బ్యాటింగ్‌; 3 ఫోర్లు) పోరాడుతున్నారు. గుజరాత్‌ బౌలర్లలో టీమిండియా స్పిన్నర్‌ రవి బిష్ణోయ్‌ 3 వికెట్లు పడగొట్టాడు. అంతకుముందు ఓవర్‌నైట్‌ స్కోరు 137/5తో మూడో రోజు తొలి ఇన్నింగ్స్‌ కొనసాగించిన ఆంధ్ర జట్టు చివరకు 51.3 ఓవర్లలో 213 పరుగులకు ఆలౌటైంది. టాపార్డర్‌ చేతులెత్తేసిన చోట శ్రీకర్‌ భరత్‌ (96 బంతుల్లో 98; 15 ఫోర్లు, 2 సిక్సర్లు) ఎదురుదాడికి దిగి ఫలితం రాబట్టాడు. భారీ షాట్లతో చెలరేగిన భరత్‌ త్రుటిలో సెంచరీ చేజార్చుకున్నాడు. ఇటీవల బంగ్లాదేశ్‌తో టి20 సిరీస్‌లో మెరుపులు మెరిపించిన నితీశ్‌ కుమార్‌ రెడ్డి (47; 7 ఫోర్లు, ఒక సిక్సర్‌), విజయ్‌ (36; 4 ఫోర్లు, 2 సిక్సర్లు) రాణించారు. గుజరాత్‌ బౌలర్లలో కెపె్టన్‌ చింతన్‌ గాజా 4 వికెట్లు పడగొట్టాడు. తొలి ఇన్నింగ్స్‌లో 154 పరుగుల ఆధిక్యం దక్కించుకున్న గుజరాత్‌ జట్టు ఆంధ్రను ఫాలోఆన్‌ ఆడించగా... రెండో ఇన్నింగ్స్‌లో టాపార్డర్‌ మెరుగైన ప్రదర్శన కనబర్చింది. నేడు ఆటకు ఆఖరి రోజు కాగా... చేతిలో 6 వికెట్లు ఉన్న ఆంధ్ర జట్టు 49 పరుగుల ఆధిక్యంలో నిలిచింది. భరత్, విహారి క్రీజులో ఉన్నారు. స్కోరు వివరాలు గుజరాత్‌ తొలి ఇన్నింగ్స్‌ 367; ఆంధ్ర తొలి ఇన్నింగ్స్‌ 213; ఆంధ్ర రెండో ఇన్నింగ్స్‌: అభిషేక్‌ రెడ్డి (ఎల్బీ) రవి బిష్ణోయ్‌ 81; మహీప్‌ కుమార్‌ (బి) రవి బిష్ణోయ్‌ 55; రికీ భుయ్‌ (సి అండ్‌ బి) అర్జాన్‌ 0; షేక్‌ రషీద్‌ (ఎల్బీ) రవి బిష్ణోయ్‌ 3; శ్రీకర్‌ భరత్‌ (బ్యాటింగ్‌) 31; హనుమ విహారి (బ్యాటింగ్‌) 24; ఎక్స్‌ట్రాలు 9; మొత్తం (66 ఓవర్లలో 4 వికెట్ల నష్టానికి) 203. వికెట్ల పతనం: 1–130, 2–131, 3–138, 4–145, బౌలింగ్‌: చింతన్‌ గాజా 6–2–21–0; అర్జాన్‌ 11– 3–20–1; సిద్ధార్థ్‌ దేశాయ్‌ 22–4–55–0; రవి బిష్ణోయ్‌ 17–2–67–3; జయ్‌మీత్‌ పటేల్‌ 6–2–8–0; మనన్‌ హింగ్రాజియా 4–0–24–0.

రంజీ ట్రోఫీ 2024-25 ఎడిషన్‌లో టీమిండియా క్రికెటర్‌ రుతురాజ్‌ గైక్వాడ్‌ మెరుగ్గా రాణిస్తున్నాడు. తొలుత జమ్మూ కశ్మీర్‌తో మ్యాచ్‌లో 86 పరుగులతో రాణించిన ఈ మహారాష్ట్ర కెప్టెన్‌.. ముంబైతో మ్యాచ్‌లో శతకంతో చెలరేగాడు. తద్వారా తన ఫస్ట్‌క్లాస్‌ క్రికెట్‌ కెరీర్‌లో ఏడో సెంచరీని నమోదు చేశాడు.కాగా రంజీ టోర్నీలో భాగంగా ముంబై- మహారాష్ట్ర మధ్య శుక్రవారం మ్యాచ్‌ మొదలైంది. ముంబైలోని శరద్‌ పవార్‌ క్రికెట్‌ అకాడమీ బీకేసీలో వేదికగా టాస్‌ గెలిచిన మహారాష్ట్ర తొలుత బ్యాటింగ్‌ చేసింది. బ్యాటర్ల వైఫల్యం కారణంగా.. తొలి ఇన్నింగ్స్‌లో 126 పరుగులకే కుప్పకూలింది. కెప్టెన్‌ రుతురాజ్‌ సహా మరో ముగ్గురు ఆటగాళ్లు డకౌట్‌ కావడం ప్రభావం చూపింది.సూర్యకుమార్‌ మళ్లీ ఫెయిల్‌ఈ క్రమంలో బ్యాటింగ్‌కు దిగిన ముంబై ఆదిలోనే ఓపెనర్‌ పృథీ​ షా(1) వికెట్‌ కోల్పోయింది. అయితే, మరో ఓపెనర్‌ ఆయుశ్‌ మాత్రే సూపర్‌ సెంచరీ(176)తో రాణించాడు. మిడిలార్డర్‌ బ్యాటర్‌ శ్రేయస్‌ అయ్యర్‌(142) కూడా శతక్కొట్టాడు. అయితే, టీమిండియా టీ20 కెప్టెన్‌ సూర్యకుమార్‌ యాదవ్‌ మాత్రం మరోసారి రెడ్‌బాల్‌ క్రికెట్‌లో విఫలమయ్యాడు. పద్నాలుగు బంతులు ఎదుర్కొని కేవలం ఏడు పరుగులే చేసి అవుటయ్యాడు.రుతురాజ్‌ సూపర్‌ సెంచరీఅయితే, ఆయుశ్‌, శ్రేయస్‌ల భారీ సెంచరీల వల్ల ముంబై తమ తొలి ఇన్నింగ్స్‌లో 441 పరుగులు చేసింది. ఈ క్రమంలో రెండో ఇన్నింగ్స్‌ మొదలుపెట్టిన మహారాష్ట్రకు ఓపెనర్‌ సచిన్‌ దాస్‌(98) శుభారంభం అందించగా.. వన్‌డౌన్‌ బ్యాటర్‌ రుతురాజ్‌ గైక్వాడ్‌ సెంచరీతో దుమ్ములేపాడు. మొత్తంగా 171 బంతులు ఎదుర్కొన్న అతడు 16 ఫోర్లు, 2 సిక్సర్ల సాయంతో 145 రన్స్‌ సాధించాడు.మూడో రోజు ఆటలో భాగంగా ఆదివారం రుతుతో పాటు అంకిత్‌ బావ్నే తన సూపర్‌ హాఫ్‌ సెంచరీని శతకం దిశగా మలిచే ప్రయత్నం చేస్తున్నాడు. ఈ క్రమంలో మహారాష్ట్ర ఇన్నింగ్స్‌ ఓటమి నుంచి తప్పించుకుంది. రెండో ఇన్నింగ్స్‌లో 102 ఓవర్లలో ఆరు వికెట్ల నష్టానికి 377 రన్స్‌ స్కోరు చేసింది. కాగా ఇటీవల ఆస్ట్రేలియా టూర్‌కు ప్రకటించిన భారత్‌-‘ఎ’ జట్టుకు రుతురాజ్‌ గైక్వాడ్‌ కెప్టెన్‌గా ఎంపికైన విషయం తెలిసిందే. ఇదిలా ఉంటే.. సూర్యకుమార్‌ యాదవ్‌ ఇటీవల దులిప్‌ ట్రోఫీ-2024 బరిలో దిగి కేవలం ఐదు పరుగులే చేసి పెవిలియన్‌ చేరాడు.మహారాష్ట్ర వర్సెస్‌ ముంబై తుదిజట్లుమహారాష్ట్రరుతురాజ్ గైక్వాడ్ (కెప్టెన్‌), అర్షిన్ కులకర్ణి, అంకిత్ బావ్నే, నిఖిల్ నాయక్ (వికెట్‌ కీపర్‌), సచిన్ దాస్, అజీమ్ కాజీ, సత్యజీత్ బచావ్, సిద్ధేష్ వీర్, ఆర్‌ఎస్‌ హంగర్గేకర్, ప్రదీప్ దధే, హితేష్ వాలుంజ్.ముంబైపృథ్వీ షా, ఆయుశ్‌ మాత్రే, హార్దిక్ తమోర్ (వికెట్‌ కీపర్‌), సూర్యకుమార్ యాదవ్, అజింక్య రహానే (కెప్టెన్‌), శ్రేయస్ అయ్యర్, షామ్స్ ములానీ, శార్దూల్ ఠాకూర్, తనుష్ కోటియన్, మోహిత్ అవస్థి, రాయిస్టన్ డైస్‌.చదవండి: సర్ఫరాజ్‌ కాదు!.. మిడిలార్డర్‌లో అతడిని ఆడించాలి: మాజీ క్రికెటర్‌Ruturaj Gaikwad reaches a brilliant hundred and is still going strong! 💯🔥 Leading Maharashtra’s charge against Mumbai with his classy batting, more runs to come!#RuturajGaikwad #CenturyInProgress #RanjiTrophy2024 #MaharashtraCricket pic.twitter.com/J6EwHQPZtC— Maharashtra Cricket Association (@MahaCricket) October 20, 2024

న్యూఢిల్లీ: ప్రతిష్టాత్మక రంజీ ట్రోఫీలో భాగంగా ఢిల్లీతో జరుగుతున్న మ్యాచ్‌లో తమిళనాడు భారీ స్కోరు చేసింది. గ్రూప్‌ ‘డి’లో భాగంగా జరిగిన పోరులో తమిళనాడు 674/6 వద్ద తొలి ఇన్నింగ్స్‌ డిక్లేర్‌ చేసింది. టీమిండియా ప్లేయర్‌ వాషింగ్టన్‌ సుందర్‌ (269 బంతుల్లో 152; 19 ఫోర్లు, ఒక సిక్సర్‌) భారీ సెంచరీతో కదం తొక్కగా... ప్రదోష్‌ రంజన్‌ పాల్‌ (117; 13 ఫోర్లు) శతకం చేశాడు. అంతకుముందు ఓపెనర్‌ సాయి సుదర్శన్‌ (213; 25 ఫోర్లు, ఒక సిక్సర్‌) కూడా ద్విశతకం నమోదు చేసుకోవడంతో తమిళనాడు భారీ స్కోరు చేయగలిగింది. నారాయన్‌ జగదీశన్‌ (65), సిద్ధార్థ్‌ (66 నాటౌట్‌) అర్ధసెంచరీలతో రాణించారు. ఢిల్లీ బౌలర్లలో నవ్‌దీప్‌ సైనీ, హిమాన్షు చౌహాన్‌ చెరో రెండు వికెట్లు పడగొట్టారు. ఓవర్‌నైట్‌ స్కోరు 379/1తో శనివారం తొలి ఇన్నింగ్స్‌ కొనసాగించిన తమిళనాడు జట్టు ఆడుతూ పాడుతూ పరుగులు రాబట్టింది. అనంతరం తొలి ఇన్నింగ్స్‌ ప్రారంభించిన ఢిల్లీ... రెండో రోజు ఆట ముగిసే సమయానికి 16 ఓవర్లలో వికెట్‌ నష్టపోకుండా 43 పరుగులు చేసింది. సనత్‌ సాంగ్వాన్‌ (23 బ్యాటింగ్‌), హర్‌‡్ష త్యాగీ (15 బ్యాటింగ్‌) క్రీజులో ఉన్నారు. చేతిలో 10 వికెట్లు ఉన్న ఢిల్లీ... ప్రత్యర్థి తొలి ఇన్నింగ్స్‌ స్కోరుకు ఇంకా 631 పరుగులు వెనుకబడి ఉంది.

అహ్మదాబాద్‌: సహచరులు విఫలమైన చోట వికెట్‌ కీపర్‌ కోన శ్రీకర్‌ భరత్‌ (72 బంతుల్లో 78 బ్యాటంగ్‌; 12 ఫోర్లు, 2 సిక్సర్లు) ఆకట్టుకున్నాడు. ఫలితంగా గుజరాత్‌తో జరుగుతున్న రంజీ మ్యాచ్‌లో ఆంధ్ర జట్టు తొలి ఇన్నింగ్స్‌లో తేరుకోగలిగింది. గ్రూప్‌ ‘బి’లో భాగంగా జరుగుతున్న ఈ మ్యాచ్‌లో శనివారం ఆట ముగిసే సమయానికి ఆంధ్ర జట్టు తొలి ఇన్నింగ్స్‌లో 32 ఓవర్లలో 5 వికెట్ల నష్టానికి 137 పరుగులు చేసింది. శ్రీకర్‌ భరత్‌తో పాటు... ఇటీవల బంగ్లాదేశ్‌తో టి20 సిరీస్‌లో మెరుపులు మెరిపించిన నితీశ్‌ కుమార్‌ రెడ్డి (34; 6 ఫోర్లు) సత్తా చాటాడు. కెప్టెన్‌ రికీ భుయ్‌ (9), హనుమ విహారి (0), షేక్‌ రషీద్‌ (1), మహీప్‌ కుమార్‌ (0), అభిõÙక్‌ రెడ్డి (15) విఫలమయ్యారు. దీంతో ఒక దశలో ఆంధ్ర జట్టు 29 పరుగులకే సగం వికెట్లు కోల్పోయి పీకల్లోతు కష్టాల్లో పడింది. ఒకవైపు గుజరాత్‌ బౌలర్లు విజృంభిస్తుంటే... ఆంధ్ర బ్యాటర్లు పెవిలియన్‌కు వరుస కట్టారు. ఈ దశలో ఆత్మరక్షణ ధోరణి వీడిన శ్రీకర్‌ భరత్‌ ఎదురుదాడికి దిగి ఫలితం రాబట్టాడు. అతడికి నితీశ్‌ కుమార్‌ రెడ్డి కూడా తోడవడంతో ఆంధ్ర జట్టు కోలుకోగలిగింది. ఈ జంట అబేధ్యమైన ఆరో వికెట్‌కు 107 పరుగులు జోడించింది. గుజరాత్‌ బౌలర్లలో చింతన్‌ గాజా 3 వికెట్లు పడగొట్టాడు. అంతకుముందు ఓవర్‌నైట్‌ స్కోరు 289/8తో రెండో రోజు తొలి ఇన్నింగ్స్‌ కొనసాగించిన గుజరాత్‌ చివరకు 106 ఓవర్లలో 367 పరుగులకు ఆలౌటైంది. కెపె్టన్‌ చింతన్‌ గాజా (152 బంఉత్లో 92; 8 ఫోర్లు, 2 సిక్సర్లు) సెంచరీ చేజార్చుకోగా... అర్జాన్‌ నాగ్‌వస్వల్లా (82 నాటౌట్‌; 11 ఫోర్లు, ఒక సిక్సర్‌) అజేయంగా నిలిచాడు. ఆంధ్ర బౌలర్లలో సత్యనారాయణ రాజు, లలిత్‌ మోహన్‌ చెరో మూడు వికెట్లు పడగొట్టారు. ప్రస్తుతం చేతిలో ఐదు వికెట్లు ఉన్న ఆంధ్ర జట్టు... ప్రత్యర్థి స్కోరుకు ఇంకా 230 పరుగులు వెనుకబడి ఉంది. శ్రీకర్‌ భరత్, నితీశ్‌ కుమార్‌ రెడ్డి క్రీజులో ఉన్నారు. స్కోరు వివరాలు గుజరాత్‌ తొలి ఇన్నింగ్స్‌: 367; ఆంధ్ర తొలి ఇన్నింగ్స్‌: అభిõÙక్‌ రెడ్డి (సి) మనన్‌ హింగ్రాజియా (బి) జడేజా 15; మహీప్‌ కుమార్‌ (సి) ఉర్విల్‌ పటేల్‌ (బి) అర్జాన్‌ 0; షేక్‌ రషీద్‌ (సి) మనన్‌ హింగ్రాజియా (బి) చింతన్‌ గాజా 1; హనుమ విహారి (బి) చింతన్‌ గాజా 0; రికీ భుయ్‌ (సి) ఉర్విల్‌ పటేల్‌ (బి) చింతన్‌ గాజా 9; శ్రీకర్‌ భరత్‌ (నాటౌట్‌) 78; నితీశ్‌ కుమార్‌ రెడ్డి (నాటౌట్‌) 34; ఎక్స్‌ట్రాలు 0; మొత్తం (32 ఓవర్లలో 5 వికెట్లకు) 137. వికెట్ల పతనం: 1–4, 2–5, 3–5, 4–25, 5–29, బౌలింగ్‌: చింతన్‌ గాజా 9–1–40–3; అర్జాన్‌ 7–1–22–1; ప్రియాజిత్‌సింగ్‌ జడేజా 3.5–0–25–1; సిద్ధార్థ్‌ దేశాయ్‌ 8–1–27–0; జయ్‌మీత్‌ పటేల్‌ 0.1–0–0–0, రవి బిష్ణోయ్‌ 4–0–23–0

శ్రేయస్‌ అయ్యర్‌ శతక్కొట్టాడు. మూడేళ్ల తర్వాత ఈ ముంబై బ్యాటర్‌ ఫస్ట్‌క్లాస్‌ క్రికెట్‌లో తొలి సెంచరీ సాధించాడు. రంజీ ట్రోఫీ 2024-25 ఎడిషన్‌లో భాగంగా మహారాష్ట్రతో మ్యాచ్‌ సందర్భంగా వంద పరుగుల మార్కును దాటాడు.టీమిండియా ఆస్ట్రేలియా పర్యటనకు ముందు ఈ మేర అద్భుత శతకం బాదిన శ్రేయస్‌ అయ్యర్‌.. రేసులో తానూ ఉన్నానంటూ సెలక్టర్లకు సందేశం పంపాడు. డిఫెండింగ్‌ చాంపియన్‌ ముంబై రంజీ తాజా ఎడిషన్‌లో తొలుత బరోడాతో తలపడి ఓడిపోయింది.ఈ క్రమంలో రహానే సేన అక్టోబరు 18న మహారాష్ట్రతో తమ రెండో మ్యాచ్‌ మొదలుపెట్టింది. సొంతమైదానంలో టాస్‌ ఓడిన ముంబై తొలుత బౌలింగ్‌ చేసింది. మహారాష్ట్రను తొలి ఇన్నింగ్స్‌లో 126 పరుగులకే ఆలౌట్‌ చేసింది. ముంబై బౌలర్లలో మోహిత్‌ అవస్థి, షామ్స్‌ ములానీ మూడేసి వికెట్లతో చెలరేగగా.. శార్దూల్‌ ఠాకూర్‌, రాయ్‌స్టన్‌ డైస్‌ చెరో రెండు వికెట్లు కూల్చారు.అనంతరం బ్యాటింగ్‌కు దిగిన ముంబైకి ఆదిలోనే షాక్‌ తగిలింది. ఓపెనర్‌ పృథ్వీ షా కేవలం ఒక్క పరుగు చేసి నిష్క్రమించాడు. అయితే, మరో ఓపెనర్‌ ఆయుశ్‌ మాత్రే సూపర్‌ సెంచరీ(232 బంతుల్లో 176) పరుగులు చేయగా.. శ్రేయస్‌ అయ్యర్‌ అతడికి సహకారం అందించాడు. మొత్తంగా 190 బంతులు ఎదుర్కొన్న ఈ కుడిచేతి వాటం బ్యాటర్‌ 142 పరుగులు సాధించాడు. శ్రేయస్‌ ఇన్నింగ్స్‌లో 12 ఫోర్లు, 4 సిక్స్‌లు ఉన్నాయి.ఆయుశ్‌ మాత్రే, శ్రేయస్‌ అయ్యర్‌ శతక ఇన్నింగ్స్‌ కారణంగా ముంబై తమ మొదటి ఇన్నింగ్స్‌లో 441 పరుగుల భారీ స్కోరు సాధించింది. ఇక శనివారం నాటి రెండో రోజు ఆట ముగిసే సరికి మహారాష్ట్ర 31 ఓవర్లలో ఒక వికెట్‌ నష్టానికి 142 పరుగులు చేసింది. ముంబై కంటే 173 పరుగులు వెనుకబడి ఉంది.ముంబై వర్సెస్‌ మహారాష్ట్ర తుదిజట్లుముంబైపృథ్వీ షా, ఆయుశ్‌ మాత్రే, హార్దిక్ తమోర్ (వికెట్‌ కీపర్‌), సూర్యకుమార్ యాదవ్, అజింక్య రహానే (కెప్టెన్‌), శ్రేయస్ అయ్యర్, షామ్స్ ములానీ, శార్దూల్ ఠాకూర్, తనుష్ కోటియన్, మోహిత్ అవస్థి, రాయిస్టన్ డైస్‌.మహారాష్ట్రరుతురాజ్ గైక్వాడ్ (కెప్టెన్‌), అర్షిన్ కులకర్ణి, అంకిత్ బావ్నే, నిఖిల్ నాయక్ (వికెట్‌ కీపర్‌), సచిన్ దాస్, అజీమ్ కాజీ, సత్యజీత్ బచావ్, సిద్ధేష్ వీర్, ఆర్‌ఎస్‌ హంగర్గేకర్, ప్రదీప్ దధే, హితేష్ వాలుంజ్.

రంజీ ట్రోఫీ-2024 ఎలైట్‌ గ్రూప్‌-డి పోటీల్లో భాగంగా ఢిల్లీతో జరుగుతున్న మ్యాచ్‌లో తమిళనాడు ఆటగాళ్లు చెలరేగిపోయారు. ఓపెనర్‌ సాయి సుదర్శన్‌ అజేయ డబుల్‌ సెంచరీతో (202) విరుచుకుపడగా.. వన్‌డౌన్‌లో బ్యాటింగ్‌కు దిగిన వాషింగ్టన్‌ సుందర్‌ సెంచరీకి (96 నాటౌట్‌) చేరువయ్యాడు. ఈ మ్యాచ్‌లో తొలుత బ్యాటింగ్‌కు దిగిన తమిళనాడు తొలి రోజు ఆట ముగిసే సమయానికి వికెట్‌ నష్టానికి 379 పరుగులు చేసింది. ఎన్‌ జగదీశన్‌ 65 పరుగులు చేసి ఔట్‌ అయ్యాడు. నవ్‌దీప్‌ సైనీకి జగదశన్‌ వికెట్‌ దక్కింది.కాగా, ఈ మ్యాచ్‌లో డబుల్‌ సెంచరీతో చెలరేగిన సాయి సుదర్శన్‌ ఇటీవలికాలంలో ఫార్మాట్లకతీతంగా భీకర ఫామ్‌లో ఉన్నాడు. సాయి 2023 నుంచి పాకిస్తాన్‌-ఏపై, ఇంగ్లండ్‌-ఏపై, ఐపీఎల్‌లో, తమిళనాడు ప్రీమియర్‌ లీగ్‌ నాకౌట్స్‌లో, కౌంటీ క్రికెట్‌లో, దులీప్‌ ట్రోఫీలో, రంజీ ట్రోఫీలో సెంచరీలు చేశాడు. 23 ఏళ్ల సాయి సుదర్శన్‌ ఫస్ట్‌ క్లాస్‌ క్రికెట్‌లో ఇప్పటివరకు 25 మ్యాచ్‌లు ఆడి ఆరు సెంచరీలు చేశాడు. అలాగే లిస్ట్‌-ఏ క్రికెట్‌లో 28 మ్యాచ్‌లు ఆడి ఆరు సెంచరీలు బాదాడు.

టీమిండియా క్రికెటర్‌ సంజూ శాంసన్‌ రంజీ బరిలో దిగనున్నాడు. సొంత రాష్ట్రం కేరళ తరఫున రెడ్‌బాల్‌ టోర్నీలో పాల్గొననున్నాడు. అయితే, ఈసారి కెప్టెన్‌గా గాకుండా కేవలం వికెట్‌ కీపర్‌ బ్యాటర్‌గానే ఆడనున్నాడు. ఇందుకు కారణం ఏమిటంటే..?టెస్టుల్లో అరంగేట్రం చేయాలని ఉందని సంజూ శాంసన్‌ ఇటీవల తన మనసులోని మాట వెల్లడించిన విషయం తెలిసిందే. మేనేజ్‌మెంట్‌ సైతం ఇందుకు సుముఖంగా ఉందని పరోక్షంగా తెలిపాడు. యాజమాన్యం సూచనల మేరకే తాను దులిప్‌ ట్రోఫీ-2024 బరిలో దిగానన్నాడు సంజూ.ఇక ఆ టోర్నీలో విధ్వంసకర శతకంతో ఆకట్టుకున్న సంజూ శాంసన్‌.. తదుపరి బంగ్లాదేశ్‌తో టీ20 సిరీస్‌ సందర్భంగా టీమిండియాతో చేరాడు. సొంతగడ్డపై జరిగిన ఈ సిరీస్‌ మూడో మ్యాచ్‌లో సెంచరీతో దుమ్ములేపాడు. ఓపెనర్‌గా బరిలోకి దిగి టీమిండియా 3-0తో బంగ్లాను క్లీన్‌స్వీప్‌ చేయడంలో తన వంతు పాత్ర పోషించాడు.కారణం ఇదేఈ నేపథ్యంలో ఇటీవల ఓ స్పోర్ట్స్‌ వెబ్‌సైట్‌తో మాట్లాడుతూ.. తాను త్వరలోనే టెస్టుల్లో అరంగేట్రం చేస్తాననే సంకేతాలు ఇచ్చాడు. ఇందుకు రంజీ ట్రోఫీ 2024-25 సీజన్‌లో అతడు రాణించాల్సి ఉంది. అయితే, గత ఎడిషన్‌లో కేరళ జట్టుకు కెప్టెన్‌గా వ్యవహరించిన సంజూ ఈసారి.. సారథ్య బాధ్యతలకు దూరమయ్యాడు. టీమిండియా నవంబరులో సౌతాఫ్రికా పర్యటనకు వెళ్లనుండటమే ఇందుకు కారణం.రంజీ తాజా ఎడిషన్‌లో సచిన్‌ బేబీ సారథ్యంలో కేరళ తొలుత పంజాబ్‌తో మ్యాచ్‌ ఆడి.. 8 వికెట్ల తేడాతో గెలుపొందింది. తదుపరి శుక్రవారం నుంచి కర్ణాటకతో తలపడేందుకు సిద్ధం కాగా.. అవుట్‌ఫీల్డ్‌ తడిగా ఉన్న కారణంగా టాస్‌ ఆలస్యమైంది. ఇదిలా ఉంటే.. టీమిండియా టీ20 సిరీస్‌ షెడ్యూల్‌ కారణంగా సంజూ కొన్ని రంజీ మ్యాచ్‌లకు దూరమయ్యే అవకాశం ఉంది.ముఖ్యంగా ఉత్తరప్రదేశ్‌(నవంబరు 6-9), హర్యానా(నవంబరు 13- 16)తో కేరళ ఆడే మ్యాచ్‌లకు సంజూ అందుబాటులో ఉండకపోవచ్చు. ఆ సమయంలో (నవంబరు 8 నుంచి) టీమిండియా టీ20 సిరీస్‌ కోసం సౌతాఫ్రికాకు వెళ్లనుంది. అందుకే సంజూ కేరళ జట్టు కెప్టెన్సీకి దూరంగా ఉన్నట్లు తెలుస్తోంది.చదవండి: IND Vs NZ 1st Test: పాపం రోహిత్‌ శర్మ!.. ఆనందం ఆవిరి.. అన్‌లక్కీ భయ్యా!

టెస్టుల్లో వరుస విజయాలతో జోరు మీదున్న టీమిండియాకు న్యూజిలాండ్‌ చేతిలో చేదు అనుభవం ఎదురైంది. తొలి టెస్టు తొలి ఇన్నింగ్స్‌లో రోహిత్‌ సేనను 46 పరుగులకే ఆలౌట్‌ చేసింది. ఈ నేపథ్యంలో టీమిండియా మాజీ వైస్‌ కెప్టెన్‌, వెటరన్‌ బ్యాటర్‌ అజింక్య రహానే షేర్‌ చేసిన వీడియో సోషల్‌ మీడియాలో వైరల్‌గా మారింది. ఇంతకీ.. భారత బ్యాటర్ల వైఫల్యానికి, రహానే పోస్ట్‌కి సంబంధం ఏమిటంటారా?!రహానేకు అప్ప ట్లో పిలుపుటీమిండియా టెస్టు జట్టులో కీలక సభ్యుడిగా వెలుగు వెలిగిన రహానేకు ప్రస్తుతం జట్టులో చోటు కరువైంది. అయితే, ఐపీఎల్‌-2023లో చెన్నై సూపర్‌ కింగ్స్‌ తరఫున అదరగొట్టడంతో మళ్లీ భారత జట్టు సెలక్టర్ల నుంచి పిలుపు అందుకున్నాడు. ఏకంగా ప్రపంచ టెస్టు చాంపియన్‌షిప్‌ 2023 ఫైనల్‌ ఆడిన జట్టులో స్థానం సంపాదించాడు.తన విలువ చాటుకున్నాడుఇంగ్లండ్‌ గడ్డ మీద ఆస్ట్రేలియాతో జరిగిన నాటి మ్యాచ్‌లో టీమిండియా స్టార్‌ బ్యాటర్లు విఫలం కాగా రహానే 89, 46 పరుగులతో రాణించాడు. ఆ తర్వాత వెస్టిండీస్‌ పర్యటనలో ఏకంగా మరోసారి వైస్‌ కెప్టెన్‌గా ఎంపికయ్యాడు. అయితే, విండీస్‌లో పేలవ ప్రదర్శన కారణంగా రహానేకు మళ్లీ అవకాశాలు రాలేదు.రంజీ, ఇరానీ కప్‌ గెలిచిన సారథిప్రస్తుతం అతడు దేశవాళీ టోర్నీలతో బిజీగా ఉన్నాడు. ముంబై కెప్టెన్‌గా వ్యవహరిస్తున్న రహానే గతేడాది ఆ జట్టును రంజీ చాంపియన్‌గా నిలిపాడు. అంతేకాదు ఇరానీ కప్‌-2024 ట్రోఫీ కూడా గెలిచాడు. ప్రస్తుతం మళ్లీ రంజీ 2024-25 సీజన్‌తో బిజీగా మారాడు. అతడి సారథ్యంలోని ముంబై తమ మొదటి మ్యాచ్‌లో బరోడా చేతిలో ఓడిపోయింది.స్ట్రైకింగ్‌ చేయడానికి సిద్ధంగా ఉన్నాఈ క్రమంలో అక్టోబరు 18 నుంచి తమ రెండో మ్యాచ్‌ ఆడనుంది. ఇందులో భాగంగా రహానే సేన మహారాష్ట్ర జట్టును ఢీకొట్టనుంది. ముంబై వేదికగా జరిగే ఈ మ్యాచ్‌ కోసం రహానే నెట్స్‌లో తీవ్రంగా శ్రమిస్తున్నాడు. ఇందుకు సంబంధించిన వీడియోను గురువారం షేర్‌ చేస్తూ.. ‘‘స్ట్రైకింగ్‌ చేయడానికి సిద్ధంగా ఉన్నాను’’ అంటూ గ్రీన్‌టిక్‌ బాక్స్‌లో రైట్‌ గుర్తు ఉన్న ఎమోజీ పోస్ట్‌ చేశాడు.‘భయ్యా.. నీ టైమింగ్‌ సూపర్‌ఇక అదే సమయంలో టీమిండియా న్యూజిలాండ్‌తో తొలి టెస్టులో 46 పరుగులకే ఆలౌట్‌ అయింది. ఈ నేపథ్యంలో నెటిజన్లు ఈ రెండింటినీ ముడిపెడుతూ సరదాగా కామెంట్లు చేస్తున్నారు. ‘‘భయ్యా.. నీ టైమింగ్‌ సూపర్‌.. ఎప్పుడు ఏ వీడియో పోస్ట్‌ చేయాలో బాగా తెలుసు. నువ్వు టీమిండియా రీఎంట్రీకి సిద్ధంగా ఉన్నావని సంకేతాలు ఇస్తున్నావు కదా! అసలే ఆస్ట్రేలియా పర్యటన ముందుంది మరి!’’ అని రహానే క్యాప్షన్‌కు తమ భాష్యాలు ఆపాదిస్తున్నారు. కాగా విరాట్‌ కోహ్లి గైర్హాజరీలో ఆసీస్‌ గడ్డ మీద టీమిండియా కెప్టెన్‌గా వ్యవహరించిన రహానే నాటి టెస్టు సిరీస్‌ గెలిచి చరిత్ర సృష్టించిన విషయం తెలిసిందే.చదవండి: Ind vs NZ: తప్పు నాదే.. పిచ్‌ను సరిగా అంచనా వేయలేకపోయా: రోహిత్‌ View this post on Instagram A post shared by Ajinkya Rahane (@ajinkyarahane)

సాక్షి, హైదరాబాద్‌: రంజీ ట్రోఫీ 2024-25 సీజన్‌ను హైదరాబాద్‌ జట్టు పరాజయంతో ప్రారంభించింది. బ్యాటర్ల వైఫల్యం కారణంగా కొత్త ఎడిషన్‌ ఆరంభ మ్యాచ్‌లోనే చేదు అనుభవం ఎదుర్కొంది.కాగా హైదారాబాద్‌ గ్రూప్‌ ‘బి’ ఎలైట్‌ డివిజన్‌ తొలి రౌండ్‌ లీగ్‌ మ్యాచ్‌లో భాగంగా హైదరాబాద్‌ తొలుత.. మాజీ చాంపియన్‌ గుజరాత్‌తో తలపడింది. సికింద్రాబాద్‌లోని జింఖానా మైదానంలో సోమవారం ముగిసిన ఈ మ్యాచ్‌లో హైదరాబాద్‌ 126 పరుగుల తేడాతో ఓడిపోయింది. 170 పరుగులకేచివరిరోజు ఆటలో భాగంగా.. 297 పరుగుల విజయలక్ష్యంతో బరిలోకి దిగిన హైదరాబాద్‌ జట్టు 59.1 ఓవర్లలో 170 పరుగులకే కుప్పకూలింది.ఓపెనర్‌ అభిరత్‌ రెడ్డి (59 బంతుల్లో 51; 7 ఫోర్లు, 1 సిక్స్‌) అర్ధ శతకంతో ఆకట్టుకోగా... ఇతర బ్యాటర్లు క్రీజులో నిలదొక్కులేకపోయారు. గుజరాత్‌ బౌలర్లలో ప్రియజీత్‌సింగ్‌ జడేజా, రింకేశ్‌ వాఘేలా 3 వికెట్ల చొప్పున తీయగా... సిద్ధార్థ్‌ దేశాయ్, అర్జన్‌ నాగ్‌వాస్‌వలా 2 వికెట్ల చొప్పున పడగొట్టారు.ఇక ఈ విజయంతో గుజరాత్‌కు 6 పాయింట్లు లభించాయి. గుజరాత్‌ బ్యాటర్‌ మనన్‌ హింగ్రాజియాకు ‘ప్లేయర్‌ ఆఫ్‌ ద మ్యాచ్‌’ అవార్డు లభించింది. ఈనెల 18 నుంచి డెహ్రాడూన్‌లో జరిగే తదుపరి మ్యాచ్‌లో ఉత్తరాఖండ్‌తో హైదరాబాద్‌ తలపడుతుంది.స్కోరు వివరాలు వేదిక: జింఖానా గ్రౌండ్‌, హైదరాబాద్‌టాస్‌: గుజరాత్‌.. తొలుత బ్యాటింగ్‌గుజరాత్‌ తొలి ఇన్నింగ్స్‌: 343హైదరాబాద్‌ తొలి ఇన్నింగ్స్‌: 248గుజరాత్‌ రెండో ఇన్నింగ్స్‌: 201హైదరాబాద్‌ రెండో ఇన్నింగ్స్‌: 170ఫలితం: హైదరాబాద్‌పై 126 పరుగుల తేడాతో గుజరాత్‌ విజయంతన్మయ్‌ అగర్వాల్‌ (బి) అర్జన్‌ నాగ్‌వాస్‌వాలా 1; అభిరత్‌ రెడ్డి (సి) సిద్ధార్థ్‌ దేశాయ్‌ (బి) రింకేశ్‌ వాఘేలా 51; రాహుల్‌ సింగ్‌ (ఎల్బీడబ్ల్యూ) (బి) అర్జన్‌ నాగ్‌వాస్‌వాలా 0; రోహిత్‌ రాయుడు (బి) రింకేశ్‌ వాఘేలా 26; హిమతేజ (సి) రిషి పటేల్‌ (బి) ప్రియజీత్‌ సింగ్‌ 29; రాహుల్‌ రాధేశ్‌ (సి) ఉర్విల్‌ పటేల్‌ (బి) ప్రియజీత్‌ సింగ్‌ 17; తనయ్‌ త్యాగరాజన్‌ (సి) ఉరి్వల్‌ పటేల్‌ (బి) ప్రియజీత్‌ సింగ్‌ 1; సీవీ మిలింద్‌ (సి) ప్రియాంక్‌ పాంచాల్‌ (బి) సిద్ధార్థ్‌ దేశాయ్‌ 28; అనికేత్‌ రెడ్డి (సి) రిషి పటేల్‌ (బి) సిద్ధార్థ్‌ దేశాయ్‌ 2; రక్షణ్‌ రెడ్డి (సి) ప్రియాంక్‌ పాంచాల్‌ (బి) రింకేశ్‌ వాఘేలా 7; నిశాంత్‌ (నాటౌట్‌) 0; ఎక్స్‌ట్రాలు 8; మొత్తం (59.1 ఓవర్లలో ఆలౌట్‌) 170. వికెట్ల పతనం: 1–12, 2–12, 3–76, 4–83, 5–127, 6–130, 7–133, 8–145, 9–170, 10–170. బౌలింగ్‌: సిద్ధార్థ్‌ దేశాయ్‌ 16.1–3–47–2, అర్జన్‌ నాగ్‌వాస్‌వాలా 12–4–28–2, చింతన్‌ గజా 9–3–16–0, ప్రియజీత్‌ సింగ్‌ జడేజా 10–1–23–3, రింకేశ్‌ వాఘేలా 12–2–52–3. చదవండి: W T20 WC: కథ మళ్లీ మొదటికి...

రంజీ ట్రోఫీ 2024 సీజన్‌ ఆరంభంలోనే సంచలనం​ నమోదైంది. డిఫెండింగ్‌ ఛాంపియన్‌ ముంబైకు బరోడా జట్టు షాకిచ్చింది. వడోదరా వేదికగా జరిగిన మ్యాచ్‌లో ముంబైపై బరోడా 84 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన బరోడా తొలి ఇన్నింగ్స్‌లో 290 పరుగులకు ఆలౌటైంది. మితేశ్‌ పటేల్‌ (86), అతిత్‌ సేథ్‌ (66) అర్ద సెంచరీలతో రాణించారు. ముంబై బౌలర్లలో తనుశ్‌ కోటియన్‌ నాలుగు వికెట్లు పడగొట్టగా.. షమ్స్‌ ములానీ మూడు, శార్దూల్‌ ఠాకూర్‌ రెండు, మోహిత్‌ అవస్తి ఓ వికెట్‌ దక్కించుకున్నారు.అనంతరం బరిలోకి దిగిన ముంబై తొలి ఇన్నింగ్స్‌లో 214 పరుగులకు పరిమితమైంది. ముంబై ఇన్నింగ్స్‌లో ఆయుశ్‌ మాత్రే (52) ఒక్కడే అర్ద సెంచరీతో రాణించాడు. స్టార్‌ ఆటగాళ్లు పృథ్వీ షా 7, ఆజింక్య రహానే 29, శ్రేయస్‌ అయ్యర్‌ 0, శార్దూల్‌ ఠాకూర్‌ 27 పరుగులకు ఔటయ్యారు. బరోడా బౌలర్లలో భార్గవ్‌ భట్‌ నాలుగు, అభిమన్యు సింగ్‌ మూడు, మహేశ్‌ పితియా రెండు, కృనాల్‌ పాండ్యా ఓ వికెట్‌ పడగొట్టారు.76 పరుగుల లీడ్‌తో సెకెండ్‌ ఇన్నింగ్స్‌ ప్రారంభించిన బరోడా.. తనుశ్‌ కోటియన్‌ ఐదేయడంతో (5/61) 185 పరుగులకే ఆలౌటైంది. హిమాన్షు సింగ్‌ 3, మోహిత్‌ అవస్తి, శార్దూల్‌ ఠాకూర్‌ తలో వికెట్‌ పడగొట్టారు. బరోడా ఇన్నింగ్స్‌లో కృనాల్‌ పాండ్యా (55) అర్ద సెంచరీతో రాణించాడు. 262 పరుగుల ఓ మోస్తరు లక్ష్యాన్ని ఛేదించేందుకు బరిలోకి దిగిన ముంబై.. భార్గవ్‌ భట్‌ (6/55) మాయాజాలం​ ధాటికి 177 పరుగులకే కుప్పకూలింది. ఫలితంగా చిన్న జట్టు చేతిలో ఘోర పరాజయాన్ని చవి చూసింది. ముంబై ఇ‍న్నింగ్స్‌లో సిద్దేశ్‌ లాడ్‌ ఒక్కడే (59) అర్ద సెంచరీతో రాణించాడు. చదవండి: చరిత్రపుటల్లోకెక్కిన కమిందు మెండిస్‌

బెంగాల్‌ బ్యాటర్‌ అభిమన్యు ఈశ్వరన్‌ మళ్లీ శతక్కొట్టాడు. ఫస్ట్‌క్లాస్‌ క్రికెట్‌లో సూపర్‌ ఫామ్‌ కొనసాగిస్తూ టీమిండియా సెలక్టర్లకు గట్టి సవాల్‌ విసిరాడు. వరుసగా నాలుగు సెంచరీలు బాది అరంగేట్రానికి తాను సిద్ధంగా ఉన్నాననే సంకేతాలు ఇచ్చాడు.ఉత్తరాఖండ్‌లో జన్మించిన అభిమన్యు ఈశ్వరన్‌ దేశవాళీ క్రికెట్‌లో బెంగాల్‌ జట్టుకు ఆడుతున్నాడు. ఈ క్రమంలో తాజా రంజీ ట్రోఫీ ఎడిషన్‌లో భాగంగా ఉత్తరప్రదేశ్‌తో మ్యాచ్‌లో బరిలోకి దిగాడు. లక్నో వేదికగా శుక్రవారం మొదలైన మ్యాచ్‌లో టాస్‌ గెలిచిన బెంగాల్‌ తొలుత బ్యాటింగ్‌ చేసింది. ఈ క్రమంలో అభిమన్యు తొలి ఇన్నింగ్స్‌లో కేవలం 5 పరుగులకే పరిమితమయ్యాడు.వరుసగా నాలుగో సెంచరీఅయితే, రెండో ఇన్నింగ్స్‌లో మాత్రం ఈ కుడిచేతి వాటం బ్యాటర్‌ శతకంతో చెలరేగాడు. మొత్తంగా 172 బంతులు ఎదుర్కొని 127 పరుగులతో అజేయంగా నిలిచాడు. కాగా ఇటీవలి కాలంలో ఫస్ట్‌క్లాస్‌ క్రికెట్‌లో అభిమన్యుకు ఇది వరుసగా నాలుగో సెంచరీ(ఓవరాల్‌గా 27వది). దులిప్‌ ట్రోఫీ-2024లో రెండు శతకాలు బాదిన 29 ఏళ్ల అభిమన్యు.. ఇరానీ కప్‌-2024 మ్యాచ్‌లోనూ సెంచరీ కొట్టాడు. తాజాగా రంజీ ట్రోఫీ మ్యాచ్‌లోనూ వంద పరుగుల మార్కు అందుకున్నాడు. కాగా దేశవాళీ క్రికెట్‌లో పరుగుల వరద పారించడంతో పాటు భారత్‌-‘ఎ’ తరఫున ఆడి జట్టుకు ఎన్నో విజయాలు అందించిన అభిమన్యు.. ఇంత వరకు టీమిండియా తరఫున అరంగేట్రం చేయలేకపోయాడు. బ్యాకప్‌ ఓపెనర్‌!స్వదేశంలో న్యూజిలాండ్‌తో సిరీస్‌ ఆడే జట్టులోనూ చోటు దక్కించుకోలేకపోయాడు. కివీస్‌తో టెస్టులకు ప్రకటించిన జట్టులో ఓపెనింగ్‌ స్లాట్‌లో కెప్టెన్‌ రోహిత్‌ శర్మ, యశస్వి జైస్వాల్‌ మాత్రమే ఉన్నారు. అయితే, ఆస్ట్రేలియాతో పర్యటనలో మాత్రం టీమిండియా ఈ రిస్క్‌ తీసుకునే పరిస్థితి లేదు. కాబట్టి కచ్చితంగా బ్యాకప్‌ ఓపెనర్‌ను ఎంపిక చేస్తారు. అయితే, ప్రస్తుత ఫామ్‌ దృష్ట్యా ఈసారి అభిమన్యు ఈశ్వరన్‌కు ఆ అవకాశం దక్కవచ్చు. రుతురాజ్‌ గైక్వాడ్‌తో పోలిస్తే ఫామ్‌ దృష్ట్యా అభిమన్యుకే ఆ ఛాన్స్‌ ఎక్కువగా ఉంది. అయితే, గతంలోనూ బ్యాకప్‌ ఓపెనర్‌గా ఎంపికైనా.. తుదిజట్టులో మాత్రం అభిమన్యుకు చోటుదక్కలేదు.రోహిత్‌ శర్మ దూరంగా ఉంటే!ఈసారి మాత్రం అభిమన్యుకు అదృష్టం వరించే సూచనలు పుష్కలంగా కనిపిస్తున్నాయి. ఆస్ట్రేలియాతో ఆరంభ టెస్టులకు కెప్టెన్‌ రోహిత్‌ శర్మ దూరంగా ఉండనున్నాడనే వార్తలు వినిపిస్తున్నాయి. కాబట్టి యశస్వి జైస్వాల్‌కు జోడీగా అభిమన్యుకు ప్లేయింగ్‌ ఎలెవన్‌లో స్థానం దక్కినా ఆశ్చర్యపోనక్కర్లేదు. కాగా రెడ్‌బాల్‌ క్రికెట్‌లో గత నాలుగు మ్యాచ్‌లలో అభిమన్యు చేసిన స్కోర్లు వరుసగా 157*, 116, 191, 127*. ఈ నేపథ్యంలో ఆస్ట్రేలియాతో బోర్డర్‌- గావస్కర్‌ ట్రోఫీ ఆడబోయే భారత జట్టులో చోటివ్వాలని అతడి అభిమానుల నుంచి బీసీసీఐకి డిమాండ్లు ఎక్కువయ్యాయి.చదవండి: Asia Cup 2024:భారత జట్టు ప్రకటన.. కెప్టెన్‌గా తిలక్‌ వర్మ

సాక్షి, హైదరాబాద్‌: లెఫ్టార్మ్‌ స్పిన్నర్‌ అనికేత్‌ రెడ్డి (5/36) సత్తా చాటడంతో సికింద్రాబాద్‌ జింఖానా మైదానంలో హైదరాబాద్‌తో జరుగుతున్న రంజీ మ్యాచ్‌ రెండో ఇన్నింగ్స్‌లో గుజరాత్‌ 62.4 ఓవర్లలో 201 పరుగులకు ఆలౌటైంది. ఉమంగ్‌ కుమార్‌ (113 బంతుల్లో 85; 11 ఫోర్లు, 2 సిక్సర్లు) హాఫ్‌ సెంచరీతో రాణించగా... సిద్ధార్థ్‌ దేశాయ్‌ (32), తొలి ఇన్నింగ్స్‌ సెంచరీ హీరో మనన్‌ హింగ్‌రాజియా (25) ఫర్వాలేదనిపించారు.హైదరాబాద్‌ బౌలర్లలో అనికేత్‌ రెడ్డి 5, సీవీ మిలింద్, తనయ్‌ త్యాగరాజన్‌ చెరో రెండు వికెట్లు పడగొట్టారు. అంతకుముందు గుజరాత్‌ తొలి ఇన్నింగ్స్‌లో 93.4 ఓవర్లలో 343 పరుగులు చేయగా... హైదరాబాద్‌ 89.5 ఓవర్లలో 248 పరుగులకు ఆలౌటైంది. కెప్టెన్‌ రాహుల్‌ సింగ్‌ (90 బంతుల్లో 56; 6 ఫోర్లు, 2 సిక్సర్లు), హిమతేజ (184 బంతుల్లో 66; 11 ఫోర్లు), సీవీ మిలింద్‌ (83 బంతుల్లో 60; 9 ఫోర్లు, 2 సిక్సర్లు) అర్ధశతకాలతో రాణించారు.ఓపెనర్లు తన్మయ్‌ అగర్వాల్‌ (0), అభిరథ్‌ రెడ్డి (2) నాలుగు ఓవర్లలోపే పెవిలియన్‌కు చేరగా... వికెట్‌ కీపర్‌ రాహుల్‌ రాధేశ్‌ (8), తనయ్‌ త్యాగరాజన్‌ (1) ప్రభావం చూపలేకపోయారు. అప్పటికే గుజరాత్‌ తొలి ఇన్నింగ్స్‌లో భారీ స్కోరు చేయగా... హైదరాబాద్‌కు సరైన ఆరంభం దక్కలేదు. స్కోరు బోర్డు మీద రెండు పరుగులు నమోదయ్యేసరికి రెండు వికెట్లు పడ్డాయి.ఈ దశలో రోహిత్‌ రాయుడు (23)తో కలిసి కెప్టెన్‌ రాహుల్‌ సింగ్‌ ఇన్నింగ్స్‌ను చక్కదిద్దే ప్రయత్నం చేశాడు. ఆ తర్వాత హిమతేజ, మిలింద్‌ చక్కటి ఇన్నింగ్స్‌లు ఆడటంతో హైదరాబాద్‌ జట్టు ఆ మాత్రం స్కోరు చేయగలిగింది. ఏడో వికెట్‌కు మిలింద్‌తో కలిసి హిమతేజ 99 పరుగులు జోడించాడు. తొలి ఇన్నింగ్స్‌ ఆధిక్యం 95 పరుగులతో కలుపుకొని ఓవరాల్‌గా గుజరాత్‌ 296 పరుగుల ఆధిక్యంలో ఉంది. సోమవారం ఆటకు చివరి రోజు కాగా... మరి ఈ లక్ష్యాన్ని హైదరాబాద్‌ బ్యాటర్లు చేధిస్తారా చూడాలి!చదవండి: IPL 2025: ముంబై ఇండియన్స్‌ హెడ్‌ కోచ్‌గా మహేళ జయవర్దనే