బిగ్‌బాస్ షోతో చాలామంది గుర్తింపు తెచ్చుకున్నారు. ఇప్పటికే తెలుగులో ఏడు సీజన్లు పూర్తి కాగా త్వరలో 8వ సీజన్ ప్రారంభం కానుంది. ఇందులో భాగంగానే పలువురు పేర్లు ఇప్పటికే వినిపిస్తున్నాయి. సరే ఇదంతా పక్కనబెడితే తాజాగా బిగ్ బాస్ బ్యూటీ ఇనయా సుల్తానా ప్రేమలో ఉన్న విషయాన్ని బయటపెట్టింది. ప్రియుడిని కూడా పరిచయం చేసేసింది. ఇంతకీ ఎవరతడు?రామ్ గోపాల్ వర్మతో ఓ వీడియోలో కనిపించిన ఇనయా అప్పట్లో వైరల్ అయింది. అలా బిగ్ బాస్ 6వ సీజన్‌లో అడుగు పెట్టింది. ఉన్నంతలో పర్వాలేదనిపించే ఫెర్ఫార్మెన్స్ చేసింది. షో అయిపోయిన తర్వాత ఈమెకు పెద్దగా సినిమా ఛాన్సులు రాలేదు. దీంతో హాట్ హాట్ ఫొటో షూట్స్ చేస్తూ ఫాలోవర్స్‌ని ఎంటర్‌టైన్ చేస్తూ బిజీగా ఉంది.(ఇదీ చదవండి: 'భారతీయుడు 2' టీమ్‌కి సీఎం రేవంత్ రెడ్డి అభినందనలు.. ఎందుకంటే?)ప్రస్తుతం గోవాలో ఎంజాయ్ చేస్తున్న ఇనయా.. ఓ వ్యక్తితో కలిసి క్లోజ్‌గా కనిపించింది. తాజాగా అతడితోనే బాత్రూంలో టవల్ కట్టుకుని మరీ సెల్ఫీలకు పోజులిచ్చింది. దీని కింద బిగ్ బాస్ ఓటీటీలో పాల్గొన్న యాంకర్ శివ కామెంట్ చేయగా.. ఇనయా తన ప్రేమ నిజమేనని క్లారిటీ ఇచ్చేసింది.ఇనయా బాయ్ ఫ్రెండ్ విషయానికొస్తే ఇతడి పేరు గౌతమ్ కొప్పిశెట్టి. యోగా ట్రైనర్, జిమ్ కోచ్ అని ఇన్ స్టాలోని బయో బట్టి తెలుస్తోంది. గతంలో జిమ్‌లో వీళ్ల ప్రేమ వ్యవహారం మొదలై, రిలేషన్‌షిప్ వరకు వచ్చిందని తెలుస్తోంది. రొమాంటిక్ పోజులు చూస్తుంటే త్వరలో పెళ్లి చేసేసుకుంటారేమో అనిపిస్తోంది.(ఇదీ చదవండి: ఓటీటీలో హిట్ సినిమా.. ఇకపై తెలుగులోనూ స్ట్రీమింగ్) View this post on Instagram A post shared by Doulath sulthana (@inayasulthanaofficial) View this post on Instagram A post shared by Doulath sulthana (@inayasulthanaofficial)

బిగ్ బాస్ షోతో చాలామంది పేరు తెచ్చుకున్నారు. అలా ఆరో సీజన్‌లో పాల్గొని గుర్తింపు తెచ్చుకున్న సీరియల్ నటి కీర్తి భట్. పలు సీరియల్స్‌లో హీరోయిన్‌గా నటించింది. యాక్సిడెంట్ జరిగిన తర్వాత కొన్నాళ్లు కోమాలో ఉండి, తిరిగి కోలుకుంది. రీసెంట్‌గానే ప్రియుడితో ఎంగేజ్ మెంట్ చేసుకున్న ఈ బ్యూటీ.. త్వరలో పెళ్లి చేసుకోబోతుంది. ఈ క్రమంలోనే జంటగా ఓ ఇంటర్వ్యూకి వచ్చింది. తనకు జరిగిన దారుణమైన అనుభవాల్ని బయటపెట్టింది.స్వతహాగా కన్నడ అమ్మాయి అయిన కీర్తి భట్.. 2019లో 'మనసిచ్చి చూడు' అనే సీరియల్‌తో తెలుగులోకి ఎంట్రీ ఇచ్చింది. 'కార్తీకదీపం'లోనూ నటించింది. 2022లో ప్రసారమైన బిగ్‌బాస్ షోలో ఆకట్టుకునే ప్రదర్శన చేసింది. ప్రస్తుతం 'మధురానగరిలో' సీరియల్ చేస్తోంది. 2017లో కీర్తి భట్ ప్రయాణిస్తున్న కారు ప్రమాదానికి గురవగా.. ఈమె తల్లిదండ్రులు, అన్న-వదిన మృత్యువాతపడ్డారు. అదృష్టం బాగుండి కీర్తి ప్రాణాలతో బయటపడింది. కానీ కొన్నాళ్ల పాటు కోమాలో ఉండి వచ్చింది. అప్పుడే దారుణమైన సంఘటనలు జరిగాయని కీర్తి చెప్పుకొచ్చింది.'ఫ్యామిలీకి యాక్సిడెంట్ అయిన తర్వాత నన్ను మంగళూరు తీసుకెళ్లారు. అక్కడే 35 రోజులు ఉండాల్సి వచ్చింది. అక్కడ నాకు చాలా చేదు అనుభవాలు ఎదుర్కొన్నా. నన్ను ఎక్కడెక్కడో టచ్ చేసేవారు. తెలుస‍్తుంది కానీ స్పర్మ లేకపోవడం వల్ల నెట్టేయడానికి కూడా బలముండేది కాదు. కోలుకున్న తర్వాత అక్కడి నుంచి ఎవరికీ చెప్పకుండా వచ్చేశాను. ఎటైనా వెళ్లాలంటే డబ్బులు కావాలి. ఆటో వాళ్ల దగ్గరకి వెళ్తే.. '200 ఇస్తా వస్తావా' అంటే సరే వస్తానని అనేదాన్ని. తర్వాత వాళ్ల లుక్ చూసి అర్థమయ్యేది' అని కీర్తి భట్ తనకెదురైన దారుణాల్ని బయటపెట్టింది.

తెలుగు బిగ్‌బాస్ షోతో గుర్తింపు తెచ్చుకున్న నటి వాసంతి కృష్ణన్ పెళ్లి చేసుకుంది. తన సొంతూరు తిరుపతిలో ప్రియుడు పవన్ కల్యాణ్‌తో ఏడడుగులు వేసింది. కుటుంబ సభ్యుల సమక్షంలో మంగళవారం అర్థరాత్రి ఈ వేడుక జరిగింది. ఇందుకు సంబంధించిన వీడియోలు కొన్ని సోషల్ మీడియాలో వైరల్ అవుతున్నాయి. ఈ క్రమంలోనే పలువురు వాసంతికి శుభాకాంక్షలు తెలియజేస్తున్నారు. (ఇదీ చదవండి: ఓటీటీలోకి సూపర్‌స్టార్ సినిమా.. అనుకున్న టైమ్ కంటే ముందే!) ఆంధ్రప్రదేశ్ తిరుపతికి చెందిన వాసంతి.. సీరియల్, సినిమాల్లో నటి. 'సిరిసిరి మువ్వలు' సీరియల్‌తో ఇండస్ట్రీలోకి వచ్చింది. గోరింటాక్, గుప్పెడంత మనసు సీరియల్స్‌లోనూ ఈమె యాక్ట్ చేసింది. గతేడాది 'భువన విజయం' లాంటి పలు చిన్న చిత్రాల్లో సహాయ పాత్రలు పోషించింది. తెలుగుతో పాటు కన్నడలోనూ ఈమె పలు సినిమాలు చేసింది. ఫ్యామిలీ ఫ్రెండ్ అయిన పవన్ కల్యాణ్‌తో వాసంతి కృష్ణన్.. గతేడాది ప్రేమలో పడింది. అలా ప్రేమికులు కాస్త గతేడాది డిసెంబరులో నిశ్చితార్థం చేసుకున్నారు. ఇప్పుడు పెద్దల సమక్షంలో పెళ్లి చేసుకుని ఒక్కటయ్యారు. అయితే వాసంతిలానే ఈమె భర్త పవన్ కూడా నటుడే. హీరోగా ఓ రెండు సినిమాలు చేస్తున్నాడు.  (ఇదీ చదవండి: బాయ్ ఫ్రెండ్‌తో హీరోయిన్ రకుల్ పెళ్లి.. ఈ జోడీ ఆస్తి ఎంతో తెలుసా?) View this post on Instagram A post shared by @priyaaa14391

యూట్యూబ్ ఛానెళ్ల ఇంటర్వ్యూలు రోజురోజుకీ మరింత దారుణంగా తయారవుతున్నాయి. హద్దులు దాటేస్తున్నారు. తాజాగా బిగ్‌బాస్ బ్యూటీ వాసంతి కృష్ణన్‌ ఇంటర్వ్యూకి సంబంధించిన ఓ వీడియో వైరల్ కావడంతో ఈ డిస్కషన్ వచ్చింది. ఎందుకంటే మరీ డైరెక్ట్‌గానే భర్తతో ముద్దులాట లాంటిది చేయడం వింతగా అనిపించింది. (ఇదీ చదవండి: అనుపమ అభిమాని వీడియో.. ఎందుకు ఇలా చేస్తున్నారని ఆవేదన) బిగ్‌బాస్ 6వ సీజన్‌లో పాల్గొన్న వాసంతి కృష్ణన్.. ఇప్పుడు పెళ్లికి రెడీ అయిపోయింది. పవన్ కల్యాణ్ అనే వ్యక్తిని పెళ్లి చేసుకోనుంది. అయితే వాలంటైన్స్ డే సందర్భంగా ఈ జంటని ఓ యూట్యూబ్ ఛానెల్‌లో ఇంటర్వ్యూ చేశారు. మాట్లాడి వదిలేస్తే పెద్దగా ప్రాబ్లమ్ ఉండేది కాదు కానీ చేతులతో పట్టుకోకుండా ద్రాక్ష పళ్లు తినిపించడం అనే గేమ్ పెట్టారు. అయితే ఈ గేమ్ చూస్తుంటే లైవ్‌లోనే సరసాలు ఆడినట్లు కనిపించింది. ఇదే ఇంటర్వ్యూలో ఇలానే పలు గేమ్స్ పెట్టారు. తాజాగా వీటికి సంబంధించిన ఓ వీడియో వైరల్ కావడంతో.. వీళ్లపై ట్రోల్స్ దారుణంగా వస్తున్నాయి. ఇంటర్వ్యూలో ఇలాంటి పనులేంట్రా బాబు అని తిట్లు అందుకుంటున్నారు. యాంకర్ సంగతి అటుంచితే ఇంటర్వ్యూ ఇచ్చే వారైనా కనీసం ఆలోచించరా అని నెటిజన్స్ ఆడేసుకుంటున్నారు. (ఇదీ చదవండి: నెలకు రూ.35 లక్షలు వచ్చే పనిమానేశా: '12th ఫెయిల్' హీరో) Anchor ❌ Broker ✅ Telugu telivision shows Chala Devalop ainayi 🤮🤮🤮 pic.twitter.com/Hf73bAnQGY — 𝕋𝔼𝕄ℙ𝔼ℝ🐯 (@faruk97717430) February 17, 2024

బిగ్‌బాస్‌ కంటెస్టెంట్‌ ఆదిరెడ్డి పేరు టాలీవుడ్‌ ప్రేక్షకులకు సుపరిచితమే. కామన్‌ మ్యాన్‌ కోటాలో బిగ్‌ బాస్‌-6లోకి ఎంట్రీ ఇచ్చి ఊహించని విధంగా టాప్‌-5 కంటెస్టెంట్లలో ఒకరిగా నిలిచారు. ఈ షో ద్వారానే ఆదిరెడ్డి మంచి గుర్తింపు తెచ్చుకున్నారు. ప్రస్తుతం తన యూట్యూబ్ ఛానెల్‌ ద్వారా వీడియోలు చేస్తున్నారు. అంతే కాకుండా గతేడాది జరిగిన బిగ్‌బాస్‌ సీజన్‌-7పై రివ్యూలు కూడా ఇచ్చారు. బిగ్‌బాస్‌ షోపై రివ్యూలతో మరింత ఫేమస్ అయ్యారు. అయితే తాజాగా ఆదిరెడ్డికి ఓ సమస్య వచ్చిపడింది. సాయం కావాలంటూ ప్రతి ఒక్కరు నేరుగా ఇంటికి వస్తున్నారని ఆయన ఆవేదన వ్యక్తం చేశారు. ఈ విషయంపై అభిమానులుకు ఆదిరెడ్డి విజ్ఞప్తి చేశారు. దయచేసి ఎవరూ కూడా ఇలా రావొద్దంటూ రిక్వెస్ట్‌ చేస్తూ వీడియో రిలీజ్ చేశారు. ప్రస్తుతం ఈ వీడియో సోషల్ మీడియాలో వైరల్‌గా మారింది.  (ఇది చదవండి: అయోధ్య రామ మందిరానికి బిగ్‌ బాస్‌ 'ఆదిరెడ్డి' విరాళం) ఆది రెడ్డి వీడియోలో మాట్లాడుతూ మాట్లాడుతూ.. 'దయచేసి అర్థం చేసుకోండి .. నాకు తోచిన సహాయం నేను చేస్తున్నాను. నాకు వీలైనంత సాయం చేస్తుంటే ఉంటా. కానీ డైరెక్ట్‌గా ఇంటికి చాలా మంది వస్తున్నారు. వాళ్ల అందరికి నేనేం చేయగలను చెప్పండి . ఎవరు వచ్చినా ఆహారం అంటే ఒకరోజు పెట్టించగలను.  కానీ వాళ్ల బాధలన్నీ చెప్పినా నేను ఏం చేయలేని పరిస్థితి. దయచేసి ఎవరు కూడా ఇంటికి కానీ.. సెలూన్‌కు కానీ రావొద్దు. సమాజానికి నా వంతు కృషి చేస్తాను. అంతే కానీ అందరికి చేయలేను కదా. ఎలాగోలా వచ్చిన వాళ్లకి ఛార్జీలకి ఇచ్చి పంపుతున్నా . దయచేసి అర్థం చేస్కోండి. తప్పుగా అనుకోవద్దు ప్లీజ్. నాతో మాట్లాడాలంటే కామెంట్స్‌, మెసేజేస్‌ ద్వారా పంపండి.' అంటూ విజ్ఞప్తి చేశారు ఆదిరెడ్డి. కాగా.. ఆదిరెడ్డి ఇటీవలే 'శ్రీరామ జన్మభూమి తీర్థ క్షేత్ర' ట్రస్ట్‌కు తన వంతుగా ఒక లక్ష రూపాయలు విరాళం అందించాడు. View this post on Instagram A post shared by Adi Reddy (@adireddyofficial)

బిగ్‌బాస్‌తో ఫేమ్ తెచ్చుకున్న మాజీ కంటెస్టెంట్ ఆదిరెడ్డి. తెలుగువారి రియాలిటీ షో బిగ్‌బాస్ సీజన్‌-6లో కంటెస్టెంట్‌గా అడుగుపెట్టారు. అయితే తాను ప్రస్తుతం యూట్యూబర్‌గా రాణిస్తున్నారు. గతేడాది జరిగిన బిగ్‌బాస్‌ సీజన్‌-7 షోపై కూడా చాలా వీడియోలు చేశాడు. ముఖ్యంగా పల్లవి ప్రశాంత్‌కు సపోర్ట్‌గా చాలా సార్లు మాట్లాడారు. అయితే తాజాగా ఓ ఇంటర్వ్యూకు హాజరైన ఆది రెడ్డి పలు ఆసక్తికర విషయాలు పంచుకున్నారు. గతంలో యాంకర్‌ రవిపై చేసిన వీడియో పట్ల సారీ చెప్పడంపై ఆయన స్పందించారు.  ఆదిరెడ్డి ఇంటర్వ్యూలో మాట్లాడుతూ.. 'యాంకర్ రవి అంటే నాకు భయం లేదు. కానీ నేను అతనికి సారీ చెప్పా. ఎందుకంటే నేను ఫ్యామిలీ రిలేషన్స్‌కు ఎక్కువ ప్రాధాన్యత ఇస్తా. నా వల్ల వాళ్లు బాధ పడ్డప్పుడు నేను సారీ చెప్తే తప్పేముంది? మనకు ఫ్యామిలీ రిలేషన్స్ ముఖ్యం కదా?. అసలు ఏం జరిగిందంటే.. బిగ్‌బాస్ టాస్క్‌లో యాంకర్‌ రవి అన్న సంచాలక్. ఆయనకు బిగ్‌బాస్‌ కొన్ని రూల్స్ చెప్పాడంట. ఆ విషయం బయట ఉన్న మనకు తెలియదు. కానీ.. నేను రవి అన్న కావాలనే సన్నీని ఓడించాడని నెగెటివ్‌గా వీడియోలో చెప్పా. కానీ హౌస్‌ లోపల జరిగేవి కొన్ని మనకు చూపించరు కదా. ఆ విషయం నాకు బిగ్‌బాస్‌ వెళ్లి వచ్చాక అర్థమైంది. మనమే రవిని తప్పుగా అనుకున్నామని నాకు క్లారిటీ వచ్చింది. ఇప్పుడు సారీగా ఫీలయ్యాను. ' అంటూ క్లారిటీ ఇచ్చారు.  View this post on Instagram A post shared by Anchor Ravi (@anchorravi_offl)

బిగ్ బాస్ తెలుగు సీజన్ 6లో వాసంతి కృష్ణన్‌కు మంచి గుర్తింపు తెచ్చుకుంది. షోలో తన అందచందాలతో మరింత పాపులారిటీని క్రియేట్‌ చేసుకుంది. బిగ్‌ బాస్‌ హౌస్‌లో తన గ్లామర్‌తో మెప్పించిన ఈ బ్యూటీ త్వరలో పెళ్లి పీటలు ఎక్కనుంది. ఈ క్రమంలో పవన్‌ కల్యాణ్‌ అనే వ్యక్తితో వాసంతి ఎంగేజ్‌మెంట్‌ జరిగింది. డిసెంబర్‌ 7న జరిగిన ఈ కార్యక్రమానికి బిగ్‌ బాస్‌,బుల్లితెర నటీనటులు హాజరయ్యారు. వాసంతి పెళ్లి చేసుకోబోతున్న అబ్బాయి కూడా ఇండస్ట్రీకి దగ్గరగా ఉండే వ్యక్తే... వారిద్దరూ ప్రేమించి ఆపై పెద్దలను ఒప్పించి ఒకటి కాబోతున్నారు. పవన్‌ కూడా ఇప్పటికే రెండు సినిమాల్లో హీరోగా నటిస్తున్నాడు. త్వరలో ఆ చిత్రాలు ప్రేక్షకుల ముందుకు రానున్నాయి. ఆంధ్రప్రదేశ్‌లోని తిరుపతికి చెందిన వాసంతి.. తన ఎంగేజ్‌మెంట్‌ కార్యక్రమం కూడా తిరుపతిలోని తాజ్‌ హోటల్‌లో జరిగింది. ఈ వేడుకలో శ్రీసత్య, అర్జున్ కళ్యాణ్, ఆర్జే సూర్య, గీతూ రాయల్, ఇనాయ సుల్తానా తదితరులు పాల్గొన్నారు. మరికొందరు ఇన్‌స్టా ద్వారా వారిద్దిరికి శుభాకాంక్షలు తెలిపారు. వాసంతి, పవన్‌ కల్యాణ్‌ ఇద్దరూ కూడా ఫ్యామిలీ ఫ్రెండ్స్‌ అని సమాచారం.. ఇదే ఏడాదిలో మొదలైన వారిద్దరి ప్రేమ ఇలా పెళ్లికి ప్రథమ అడుగు పడింది. త్వరలో పెళ్లి ఎప్పుడు అనేది కూడా వాసంతినే ప్రకటించనుంది. అయితే బిగ్‌బాస్‌కు ముందు వాసంతి ఓ సీరియల్‌తో పాటు రెండు చిన్న సినిమాలలో నటించింది. సిరిసిరి మువ్వలు అనే సీరియల్‌తో  తెలుగు ఇండస్ట్రీలోకి ఎంట్రీ ఇచ్చిన వాసంతి.. గోరింటాకు, గుప్పెడంత మనసు సీరియల్స్‌లో ఈమె నటించింది. సంపూర్ణేష్‌తో కలిసి ఓ మూవీలో నటించిన వాసింతి కన్నడలో కూడా పలు చిత్రాల్లో నటించడం విషేశం. View this post on Instagram A post shared by SUNKARA VEERA VENKATA SURYANARAYANA (@rjsurya_official)

బిగ్‌ బాస్‌ సీజన్‌-7 నుంచి ఆరోవారం నయని పావని ఎలిమినేట్‌ అయ్యింది. వైల్డ్ కార్డ్‌తో హౌస్‌లోకి అడుగుపెట్టిన పావని కేవలం ఒక వారంలోనే బిగ్‌ బాస్‌ హౌస్‌ నుంచి బయటకు వచ్చేసింది. వాస్తవానికి మిగిలిన కంటెస్టెంట్‌ల కంటే ఆమె మెరుగ్గానే ఆటలో తన సత్తా చూపినప్పటికే ఎలిమినేట్‌ అయ్యింది. దీంతో చాలామంది ప్రేక్షకులు నయని పావని ఎలిమినేషన్‌ను ఫేక్‌ అని కామెంట్లు చేస్తున్నారు. అమెను హౌస్‌ నుంచి పంపించడం చాలా అన్యాయం అని పలువురు కామెట్లు చేయగా.. యాంకర్ శివ కూడా ఆమెది అన్ ఫెయిర్ ఎలిమినేషన్ అంటూ తెలిపాడు. ఓటింగ్‌కు, ఎలిమినేషన్‌కు ఎలాంటి సంబంధం లేదు తాజాగా బిగ్‌బాస్‌- 6 కంటెస్టెంట్‌ అర్జున్ కల్యాణ్ కూడా నయని పావని ఎలిమినేషన్‌ ప్రక్రియను తప్పుపట్టాడు. నయని పావని ఎలిమినేట్ కావడంపై అర్జున్ కల్యాణ్ ఎక్స్ (ట్విటర్‌) ద్వారా స్పందించాడు. నయని పావనీని ఎలిమినేట్ చేయడం వల్ల బిగ్ బాస్ షో విలువను కోల్పోయింది అన్నాడు. ఆమె ఎలిమినేషన్‌ ప్రక్రియలో లోపాలు ఉన్నాయని, అది తనను ఎంతగానో బాధించిదని తెలిపాడు. ఎంతో యాక్టివ్‌గా ఉండే ఆమెకు ఇలా జరగడం కరెక్ట్‌ కాదని చెప్పాడు. దీంతో బిగ్‌బాస్‌ క్రెడిబిలిటీ దెబ్బతినడమే కాకుండా షో నిర్వాహుకులకు భారీ నష్టమని పేర్కొన్నాడు. అంతేకాకుండా ప్రేక్షకులు వేసే ఓటింగ్‌కు, కంటెస్టెంట్ల ఎలిమినేషన్‌కు ఎలాంటి సంబంధం లేదని షాకింగ్‌ న్యూస్‌ చెప్పాడు. ఈ విషయాన్ని ప్రజలు ఇప్పటికైనా అర్థం చేసుకోవాలని కోరాడు. బిగ్‌బాస్‌ అన్ని సీజన్స్ కి సంబంధించిన ఓటింగ్, ఎలిమినేషన్ వివరాలు  ఇవ్వాలని ఎవరైనా కోర్టులో పిల్ దాఖలు చేయాలని అర్జున్ కల్యాణ్ పేర్కొన్నాడు. కోర్టులు ఖాళీగా లేవు దీంతో అర్జున్‌ కల్యాణ్‌కు పలువురు నెటిజన్లు కొన్ని ప్రశ్నలు సందించారు. ఇలాంటి పిల్స్ తీసోకోవడానికి కోర్టులు ఖాళీగా లేవని ఒకరు రాసుకొచ్చారు. దీంతో అర్జున్‌ ఇలా తిరిగి రిప్లై ఇచ్చాడు. రెండు తెలుగు రాష్ట్రాలతో పాటు ప్రపంచంలోని  చాలామంది తెలుగువారు ఈ షో చూస్తున్నారు. ఆపై  ఓట్లు కూడా వేస్తున్నారు. కానీ వారి ఓట్లకు విలువ లేకుండా ఇలాంటి నిర్ణయాల తీసుకోవడం వల్ల ప్రేక్షకులు కూడా నిరుత్సాహానికి గురౌతున్నారు. దీంతో కంటెస్టెంట్స్ కూడా నష్టపోతున్నారు. (ఇదీ చదవండి: అమర్ ​దీప్​ బ్యాక్​గ్రౌండ్​​ తెలుసా.. లండన్‌లో స్టడీస్​, పొలిటికల్ ఫ్యామిలీ ఇంకా మరెన్నో..) కేవలం ఓట్ల వల్లే నిర్ణయాలు తీసుకుంటున్నామని చెబుతూ ఇలాంటి తప్పుడు చర్యలతో బాధపెట్టడం కరెక్ట్‌ కాదు. ఇలాంటి ఎలిమినేషన్స్ వల్ల వారికి కావాల్సిన టీఆర్పీ వస్తుంది. మా సీజన్‌లో కూడా ఇలాంటి సంఘటనలు కొన్ని జరిగాయి. అలా బిగ్‌బాస్‌పై బజ్‌ క్రియేట్‌ చేశారు. ఈ కారణాలు చాలవా పిల్ ఫైల్ చేయడానికి.' అంటూ అర్జున్‌ అభిప్రాయం చెప్పాడు. బిగ్‌బాస్‌ అగ్రిమెంట్‌ సీక్రెట్‌ ఇదే ఇప్పుడు ఎందుకు ఇలాంటి కామెంట్లు చేస్తున్నారని మరో నెటిజన్‌ ప్రశ్నించాడు. మీ ఎలిమినేషన్‌ ప్రక్రియ జరిగినప్పుడు ఎందుకు స్పందించలేదని అర్జున్‌ను తప్పుపట్టారు. దీంతో ఆయన ఇలా తిరిగి సమాధానం ఇచ్చాడు. ' నేను ఎలిమినేషన్‌ సమయంలో బిగ్‌బాస్‌ వారు ఇచ్చిన అగ్రిమెంట్‌ కాంట్రాక్ట్‌లో ఉన్నాను. నేను ఎలిమినేషన్ అయిన తర్వాత అసలు విషయం తెలిసింది. బిగ్‌బాస్‌ -6లో నేను ఓటింగ్ వల్ల ఎలిమినేట్ కాలేదు. ఇదే విషయం నాకు ఎంతో ఆలస్యంగా తెలిసింది. బిగ్‌బాస్‌ అగ్రిమెంట్‌లో ఒక క్లాజ్‌ ఉంటుంది. హౌస్‌లోని ఒక కంటెస్టెంట్‌ను ఎప్పుడైనా, ఎలాగైనా, ఎటువంటి కారణం చెప్పకుండా ఎలిమినేట్ చేసే అధికారం షో నిర్వాహుకులకు ఉంటుంది.' అని అర్జున్‌ సెన్సేషనల్‌ విషయాన్ని తెలిపాడు. ఎలిమినేషన్స్ అనేవి ఓటింగ్ వల్ల మాత్రమే జరగవు. హౌస్‌లో వాళ్లు ఏ స్థాయిలో ఎంటర్ టైన్ చేస్తున్నారు అనే విషయంపై కూడా ఆధారపడి ఉంటుందని చెప్పుకొచ్చాడు. దీంతో బిగ్‌బాస్‌ అసలు గుట్టు ఇదా అంటూ నెటిజన్లు పలు రకాలుగా కామెంట్లు చేస్తున్నారు. అర్జున్‌ కల్యాణ్‌ వ్యాఖ్యలకు బిగ్‌బాస్‌ టీమ్‌ ఏమైన సమాధానం చెబుతుందేమో తెలియాల్సి ఉంది. Felt really bad for #NayaniPavani. She didn't deserve it for sure. Huge loss for the show and their credibility. Hope ppl realize now that there is no link between voting and eliminations. Somebody should file a PIL to show the votings of all seasons and eliminations.… — Arjun Kalyan (@ArjunKalyan) October 15, 2023 @ArjunKalyan meeru eliminate ayinappudu enduku adagaledu evariki enni votes vachayo chupinchamani..if you remember BB season 3 Ali Reza ane contestant ki voting motham chupincharu ani tane last lo unnadu ani tane cheppadu..meeku guts leva adagadaniki appudu?? — Jagadeesh Bandaru (@NenuJagadeesh) October 15, 2023

తెలుగులో లేడీ కమెడియన్స్ చాలా తక్కువ మంది. అందులో ఫైమా గురించి ప్రత్యేకంగా చెప్పాల్సిన పనిలేదు. టీవీ షోలతో పాపులారిటీ తెచ్చుకున్న ఈమె.. తనదైన మార్క్ కామెడీ టైమింగ్‌తో అలరిస్తూ ఉంటుంది. అలాంటి ఈమె.. ఇప్పుడు కొత్తింట్లో అడుగుపెట్టింది. అప్పట్లో తన తల్లికి ఇచ్చిన మాటని నిలబెట్టుకుంది. 'పటాస్' షోలో స్టాండప్ కామెడీ చేస్తూ వెలుగులోకి వచ్చిన ఫైమా.. ఆ తర్వాత 'జబర్దస్త్'లోకి ఎంట్రీ ఇచ్చింది. తొలుత సహాయ పాత్రల్లో కనిపించిన ఈమె.. తన మార్క్ విచిత్రమై యాస, టైమింగ్‌తో ఆకట్టుకుంది. ఒకానొక దశలో టీమ్ లీడర్స్‌నే డామినేట్ చేసి మరీ గుర్తింపు తెచ్చుకుంది. (ఇదీ చదవండి: 'ఛాంగురే బంగారు రాజా' సినిమా రివ్యూ) అలా కమెడియన్‌గా చాలా క్రేజ్ తెచ్చుకున్న ఫైమా.. గతేడాది 'బిగ్‌బాస్'లో పాల్గొంది. దాదాపు 10 వారాల పాటు ఉండి, అద్భుతమైన ఎంటర్‌టైన్‌మెంట్ ఇచ్చింది. అయితే షోలో అడుగుపెట్టినప్పుడు తల్లి గురించి కొన్ని విషయాలు చెప్పింది. బీడీలు చుట్టి, అలా వచ్చిన డబ్బుతో తమని పెంచిందని చెప్పిన ఫైమా.. ఆమెకి ఓ ఇల్లు కట్టివ్వాలనేదే తన కోరిక అని చెప్పింది. ఇప్పుడు ఆ కలని నిజం చేసి చూపించింది. ఇదిలా ఉండగా ఫైమా.. ప్రస్తుతం పలు షోల్లో కమెడియన్, డ్యాన్సర్‌గా ఆకట్టుకుంటోంది. మరోవైపు 'పటాస్' నుంచి తనతో ట్రావెల్ అవుతున్న కమెడియన్ ప్రవీణ్‪‌తో ఈమె ప్రేమలో ఉంది. ఇక ఎలానూ ఇల్లు కట్టేసింది కాబట్టి త్వరలో వీళ్లిద్దరూ పెళ్లి చేసుకున్నా ఆశ్చర్యపోవాల్సిన పనిలేదు. చూడాలి ఎప్పుడో ఆ శుభకార్యం జరుగుతుందో? (ఇదీ చదవండి: అతడితో పులిహోర కలిపేస్తున్న రతిక.. పాపం ప్రశాంత్!)

బిగ్‌బాస్‌ సీజన్‌-6తో క్రేజ్‌ సంపాదించుకున్న ఇనయా సుల్తానా గురించి ప్రత్యేకంగా పరిచయం చేయాల్సిన పనిలేదు. ఆర్జీవీతో ఆమె చేసిన డ్యాన్స్‌ వీడియో ఎంతగా వైరల్‌ అయ్యిందో అందరికీ తెలిసిందే. అదే గుర్తింపుతో బిగ్‌బాస్‌లో అడుగుపెట్టిన ఇనయా లేడీ లైగర్‌గా పేరు సంపాదించుకుంది. మొదట ఆర్జీవీ భామ అని నెగిటివ్‌గా వార్తలొచ్చినా తన ఆటతీరు, మాటతీరుతో మెప్పించింది. అంతకుముందు అడపాదడపా చిత్రాల్లో మెరిసిన ఇనయా ఇప్పుడు హీరోయిన్‌గా ఛాన్స్‌ కొట్టేసింది. శివనాగు దర్శకత్వం వహిస్తున్న ‘నటరత్నాలు’ చిత్రంలో ఇనయా హీరోయిన్‌గా నటించనుంది. ఎవరెస్ట్‌ ఎంటర్‌టైన్‌మెంట్స్‌ సమర్పణలో చందన ప్రొడక్షన్స్‌ పతాకంపై డా. దివ్య ఈ చిత్రాన్ని నిర్మిస్తున్నారు. త్వరలోనే ఆ సినిమాకు సంబంధించి మరిన్ని వివరాలు వెల్లడిస్తామని నిర్మాత తెలిపారు. 

బిగ్‌బాస్‌ ఫేం శ్రీసత్య గురించి ప్రత్యేకంగా పరిచయం అవసరం లేదు. బిగ్‌బాస్‌ 6 సీజనల్‌లో హౌజ్‌లో అడుగుపెట్టి తనదైన ఆట తీరుతో బాగా ఆకట్టుకుంది. ప్రస్తుతం ఆమె స్టార్‌ మా ప్రసారం అవుతున్న బిబి జోడి డాన్స్‌లో షోలో అలరిస్తోంది. ఇందులో శ్రీసత్య మరో బిగ్‌బాస్‌ కంటెస్టెంట్‌ మెహబూబ్‌ దిల్‌ సేతో జోడికట్టింది. వీరిద్దరి జోడికి మంచి రెస్పాన్స్‌ వస్తోంది. స్టేజ్‌పై డాన్స్‌ చేస్తుండగా ఇద్దరి మధ్య కెమిస్ట్రీ బాగా కుదిరిందంటూ షో జడ్జస్‌ కూడా వారి పర్ఫామెన్స్‌పై ప్రశంసలు కురిపిస్తున్నారు. చదవండి: వాగ్వాదంగా మారిన అనసూయ వాలంటైన్స్‌ డే పోస్ట్‌, చెప్పుతో కొడతానంటూ..! ఇదిలా ఉంటే మంగళవారం వాలంటైన్స్‌ డే సందర్భంగా మెహబూబ్‌ దిల్‌ సే శ్రీసత్యకి ఎర్ర గులాబిల బోకెతో ప్రపోజ్‌ చేసి షాకిచ్చాడు. దీంతో శ్రీసత్య అతడిపై సీరియస్‌ అయిన వీడియో ప్రస్తుతం వైరల్‌గా మారింది. కొరియోగ్రఫర్స్‌ ప్రియాంక, సంకేత్‌ల సాయంతో మహబూబ్‌ దిల్‌ సే శ్రీసత్యకు తన ప్రేమను వ్యక్తం చేశాడు. శ్రీసత్య దగ్గరికి వెళ్లి మొదట పరోక్షంగా ఓ అమ్మాయిని ప్రమించానని, తను రిజెక్ట్‌ చేస్తే తట్టుకోలేనంటూ వాపోయాడు. ఎవరిని అంటూ ఆరా తీయగా.. నిన్నేనని ఆమెను సర్‌ప్రైజ్‌ చేశాడు. దీంతో శ్రీసత్య షాకైన శ్రీసత్య బిగ్‌బాస్‌ హౌజ్‌లో పెంట అయ్యింది.. ఇప్పుడు కూడా పెంట అయ్యిద్ది? అంటూ మహబూబ్‌పై గట్టిగా అరిచింది. చదవండి: అనుష్క శెట్టికి అరుదైన వ్యాధి, స్వయంగా వెల్లడించిన స్వీటీ దీనికి అతడు ‘నువ్వు, నీ క్యారెక్టర్‌ నాకు బాగా నచ్చాయ్‌. నీలాంటి మంచి అమ్మాయిని వదుకోవాలనుకోవడం ఇష్టం లేదు’ అంటూ తన మనసులో మాట చెప్పాడు. ఇక శ్రీసత్య తన ప్రపోజల్‌ను ఒప్పుకోకపోవడంతో చేయి కోసుకుంటానంటూ మహబూబ్‌ బ్లాక్‌మెయిల్‌ చేయడంతో.. ‘ఇప్పటికే నేను ఆత్మహత్యయత్నం కూడా చేశా తెలుసా? నా ఎంగేజ్‌మెంట్‌ బ్రేకప్‌ తర్వాత నా లైఫ్‌లో ఎవరికి మరో చాన్స్‌ ఇవ్వాలనుకోవడం లేదు. నాకు మనుషుల మీదే నమ్మకం పోయింది’ అంటుంది శ్రీసత్య. అలా కాసేపు ఇద్దరు అర్గ్యూ చేసుకున్న అనంతరం ఇది ప్రాంక్‌ అంటూ అందరికి షాకిచ్చాడు మహబూబ్‌. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది. దీనిపై నెటిజన్లు రకరకాలుగా స్పందిస్తున్నారు. 

బిగ్‌బాస్‌ షోకు ఉన్న క్రేజే వేరు. పక్కింటి ముచ్చట్లను చెవులు ఎక్కుపెట్టి వినే జనాలను ఆధారంగా చేసుకునే ఈ షో మొదలుపెట్టారు. వంద రోజులపాటు సెలబ్రిటీలను సోషల్‌ మీడియాకు, ఇంటికి దూరంగా ఓ ఇంట్లో ఉంచడం, వారు ఎలా ఉంటారో ప్రజలకు తెలియాలన్నదే షో కాన్సెప్ట్‌. ఇక్కడ జనాలు వారికి నచ్చినవారికి ఓటేస్తారు, నచ్చనివారిని బయటకు పంపించేస్తారు. అలా ఎంతమంది హౌస్‌లో అడుగుపెట్టినా చివరికి ఒక్కరే విజేతగా నిలుస్తారు. ఎన్టీఆర్‌ హోస్ట్‌గా వ్యవహరించిన బిగ్‌బాస్‌ మొదటి సీజన్‌లో శివబాలాజీ, నాని వ్యాఖ్యాతగా ఉన్న రెండో సీజన్‌లో కౌశల్‌ మండా, నాగార్జున బిగ్‌బాస్‌ పగ్గాలు చేతపట్టిన మూడో సీజన్‌లో రాహుల్‌ సిప్లిగంజ్‌, నాలుగో సీజన్‌లో అభిజిత్‌, ఐదో సీజన్‌లో వీజే సన్నీ, ఆరో సీజన్‌లో సింగర్‌ రేవంత్‌ గెలిచారు. మొదట్లో భారీ టీఆర్పీ రేటింగ్స్‌తో ఊపందుకున్న బిగ్‌బాస్‌కు రానురానూ ఆదరణ కరువైపోయింది. బిగ్‌బాస్‌ ఆరో సీజన్‌కు వచ్చిన టీఆర్పీయే అందుకు ప్రత్యక్ష ఉదాహరణగా నిలిచింది. ఫస్ట్‌ సీజన్‌ గ్రాండ్‌ ఫినాలే ఎపిసోడ్‌కు 14.13, రెండో సీజన్‌ ఫినాలేకు 15.05, మూడో సీజన్‌ ఫినాలేకు 18.29, నాలుగో సీజన్‌ ఫినాలేకు 19.51, ఐదో సీజన్‌ ఫినాలేకు 16.04 టీఆర్పీ వచ్చాయి. రేవంత్‌ గెలుపొందిన ఆరో సీజన్‌ ఫినాలే ఎపిసోడ్‌ మాత్రం అతి దారుణంగా 8.17 టీఆర్పీతో సరిపెట్టుకుంది. ఆరో సీజన్‌లో కంటెస్టెంట్ల ఎంపిక దగ్గరి నుంచి ఏదీ బాలేదని మొదటి నుంచే నెటిజన్లు పెదవి విరిచారు. పైగా ప్రారంభ వారాల్లోనే రేవంత్‌ విన్నర్‌ అని అందరూ ఫిక్సయ్యారు. అతడికి హౌస్‌లో గట్టి పోటీనిచ్చేవారే కరువయ్యారు. ఎలాగో అతడే గెలుస్తాడని ప్రేక్షకులు కూడా ఫిక్సైపోయి ఫినాలేను పక్కనపెట్టేసినట్లున్నారు. ఏదేమైనా మిగతా ఐదు సీజన్లకు డబల్‌ డిజిట్‌ టీఆర్పీ వస్తే ఆరో సీజన్‌ మాత్రం కేవలం సింగిల్‌ డిజిట్‌తో సరిపెట్టుకుని తెలుగు బిగ్‌బాస్‌ చరిత్రలోనే అట్టర్‌ ఫ్లాప్‌ సీజన్‌గా నిలిచింది. చదవండి: పేదలకు నయన్‌ దంపతుల సర్‌ప్రైజ్‌ గిఫ్ట్స్‌ సమంత వండర్‌ఫుల్‌ లేడీ, తనను అమ్మలా కాపాడుకుంటా: రష్మిక

చిత్తూరు రూరల్‌: ‘హాయ్‌..చిత్తూరు. నాయనా..మీ అభిమానం సల్లంగుండా!’ అంటూ బిగ్‌బాస్‌ ఫేమ్‌ గీతురాయల్‌ పలకరించింది. చిత్తూరు నాగయ్య కళాక్షేత్రంలో తానా చైతన్య స్రవంతి కార్యక్రమం అట్టహాసంగా నిర్వహించారు. కార్యక్రమానికి హాజరైనా గీతు రాయల్‌ చిత్తూరు వాసుల్లో జోష్‌ను పెంచింది. గీతూ.. ఒక్క సెల్ఫీ– అంటూ యువత ఉత్సాహం చూపింది. ఆతర్వాత వేదికపైకి వెళ్లి  హాయ్‌ చిత్తూరు అంటూ మొదలుపెట్టింది. ‘మీ అభిమానం చూస్తుంటే.. నా వల్ల కావడం లేదురా నాయనా.. నేను చిత్తూరు వదిలి వెళ్లి పోయి 15 ఏళ్లు అయింది. అయినా కూడా చిత్తూరు యాసను నా బ్లడ్‌లో ఎక్కించేసుకున్నా. ఏ సందర్భమైనా నేను చిత్తూరు యాసలోనే మాట్లాడుతున్నా. నన్ను ఏవరైనా మీది ఏ ఊరంటే..హేయ్‌.. మాది చిత్తూరు రా.. అని గర్వంగా చెబుతున్నా. బిగ్‌బాస్‌ వెళ్లాక నేను రెండు విషయాలు నేర్చుకున్నా. మనం తప్పు చేయకపోతే ఎదుటి వ్యక్తి ఎంతా తోపైనా అసలు తగ్గకూడదు. మనవైపు తప్పుంటే చిన్నపిల్లలైనా క్షమాపణ చెప్పాల్సిందే.. జీవితాంతం మీకు రుణపడి ఉంటా’ అని ముగించింది. ఆమెను తానా నిర్వాహకులు ఘనంగా సన్మానించారు. చదవండి: కృతిసనన్‌తో డేటింగ్‌పై ప్రభాస్‌ను డైరెక్ట్‌గా అడిగేసిన బాలయ్య  

బిగ్‌బాస్‌ 6 తెలుగు విజేత, సింగర్‌ రేవంత్‌ గురించి ప్రత్యేకంగా చెప్పన్కర్లేదు. ఈ సీజన్‌లో బిగ్‌బాస్‌ హౌజ్‌లో అడుగుపెట్టిన రేవంత్‌ తనదైన ఆట తీరు, మాటలతో ప్రేక్షకులను ఆకట్టుకున్నాడు. మొదటి నుంచి టైటిల్‌ గెలిచేది తానే అంటూ ధీమా వ్యక్తం చేశాడు. చెప్పినట్టుగా బిగ్‌బాస్‌ ట్రోఫీని సొంతం చేసుకున్నాడు. 15 వారాల పాటు హౌజ్‌లో సందడి చేసిన రేవంత్‌ బిగ్‌బాస్‌ ఇంట్లో ఉండగానే తండ్రి అయిన సంగతి తెలిసిందే. ఆయన భార్య అన్విత ఇటీవల పండంటి బిడ్డకు జన్మనిచ్చింది. ఆ సంతోషకర సమయంలో భార్య పక్కనే లేనని, బిడ్డను ఎత్తుకోలేకపోయానంటూ రేవంత్‌ ఇంట్లో కన్నీరు పెట్టుకున్నాడు.  చదవండి: ఆస్కార్‌ రేసులో మరింత ముందుకు దూసుకెళ్లిన ‘ఆర్‌ఆర్‌ఆర్‌’ ఇక ఎట్టకేలకు హౌజ్‌ నుంచి బయటకు రాగానే రేవంత్‌ తన కూతురిని తొలిసారి కలుసుకున్నాడు. టైటిల్‌తో బయటకు వచ్చిన రేవంత్‌కు ఆయన భార్య గ్రాండ్‌ వెల్‌కమ్‌ చెప్పింది. అంతేకాదు ఎప్పటికి గుర్తుండిపోయేలా బిడ్డను తొలిసారి రేవంత్‌ చేతికి ఇచ్చింది. విజేతగా ఇంటికి వెళ్లిన రేవంత్‌కు ఇది డబుల్‌ ధమాకా అనే చెప్పాలి. అటూ విన్నర్‌గా నిలిచి తొలిసారి తన కూతురిని చూడపోతున్నాడు. బిగ్‌బాస్‌ ట్రోఫీతో ఇంటికి వెళ్లిన రేవంత్‌ కళ్లకు గంతలు కట్టి లోపలికి తీసుకేళ్లారు. పాప దగ్గరికి వెళ్లగానే కళ్ల గంతలు తీసి కూతురిని రేవంత్‌ చేతికి అందించింది భార్య అన్విత.  చదవండి: భారీగా రెమ్యునరేషన్‌ పెంచిన విజయ్‌.. తలైవాను అధిగమించాడా? పాపను అపురూపంగా చేతిలోకి తీసుకుంటూ రేవంత్‌.. తండ్రిగా ఎమోషనల్ అయిపోయాడు. తొలిసారి రేవంత్‌ తన బిడ్డను కలిసిన ఈ వీడియో ప్రస్తుతం సోషల్‌ మీడియాలో వైరల్‌గా మారింది. తండ్రిగా కూతురిని చూసుకుని మురిసిపోతున్న రేవంత్‌ ఈ వీడియో అతడి ఫ్యాన్స్‌, ఫాలోవర్స్‌ని బాగా ఆకట్టుకుంటుంది. దీనికి ‘క్యూట్‌ వీడియో’, ‘మోస్ట్‌ అడారబుల్‌ మూమెంట్‌’ అంటూ నెటిజన్లు కామెంట్స్‌ చేస్తున్నారు. ఇదిలా ఉంటే బిగ్‌బాస్‌ విజేతగా నిలచి టైటిల్‌ను తన బిడ్డకు అంకితం ఇస్తానంటూ రేవంత్‌ మొదటి చెప్పుకొచ్చిన సంగతి తెలిసిందే.  View this post on Instagram A post shared by 𝐀𝐍𝐕𝐈 (@anvitha_gangaraju)

బిగ్ బాస్ తెలుగు -6 సీజన్ గ్రాండ్ ఫినాలే ఆదివారం ముగిసిన సంగతి తెలిసిందే. ఈ సీజన్‌లో సింగర్ రేవంత్ విన్నర్‌గా నిలవగా.. శ్రీహాన్ రన్నరప్‌గా నిలిచాడు. అయితే ఈ సీజన్‌ ఆశించిన స్థాయిలో సక్సెస్ కాలేదనే చెప్పాలి. గత సీజన్లతో పోలిస్తే ఈ ఏడాది తీవ్ర నిరాశకు గురిచేసంది. మరి ఎందుకిలా జరిగింది. నాగార్జున హోస్ట్ చేసిన కూడా ఈ సీజన్  నిరాశపరిచేందుకు గల కారణాలేవో ఓ సారి చూద్దాం. టాలీవుడ్ కింగ్ నాగార్జున హోస్ట్‌గా వ్యవహరించిన బిగ్ బాస్ తెలుగు సీజన్- 6 'ఎంటర్‌టైన్‌మెంట్‌కి అడ్డా ఫిక్స్‌' అనే ట్యాగ్‌లైన్‌తో అభిమానుల ముందుకొచ్చింది. ఈ రియాల్టీ షోలో కంటెస్టెంట్స్ తమ ఎత్తులు, పైఎత్తులతో అభిమానులను అలరించే ప్రయత్నం చేశారు. కానీ గతంలో కంటే ఈ సీజన్ ప్రేక్షకులను నిరాశ పరిచింది. ఇటీవల కొన్ని ప్లాట్‌ఫామ్స్‌లో చాలా మంది ప్రతివాదులు సీజన్‌ను 'ఫ్లాప్' అని పిలుస్తున్నారు.  ఇండియా-పాకిస్తాన్ మ్యాచ్ ప్రభావం: సెప్టెంబర్ 4న జరిగిన గ్రాండ్ ప్రీమియర్ ఎపిసోడ్ రేటింగ్స్‌లో తెలుగులో రియాలిటీ టీవీ సిరీస్ గత సీజన్ల కంటే అత్యల్ప టీఆర్పీ రేటింగ్ నమోదు చేసింది. ఆసియా కప్ 2022లో భారతదేశం, పాకిస్తాన్ మధ్య జరిగే క్రికెట్ మ్యాచ్ ఈ షోపై ప్రభావం చూపింది. నిరాశపర్చిన కంటెస్టెంట్స్ ఫర్మామెన్స్: ఈ సీజన్ ప్రారంభంలో వినోదభరితమైన టాస్క్‌లతో మొదలైంది. కానీ చివరికి దాగా అదే ఊపును కొనసాగించలేకపోయారు. ఇది ప్రేక్షకుల ఆసక్తిని తీవ్రంగా ప్రభావితం చేసింది. ఈ సీజన్ చివరి భాగంలో కొన్ని వినూత్న టాస్క్‌లు ప్రవేశపెట్టి ఉండాల్సింది.  కంటెస్టెంట్స్‌ బలహీనతలు: ఈ సీజన్‌లో కొంతమంది పోటీదారులు బిగ్‌ బాస్ ఛాలెంజ్‌ను ప్రభావితం చేసినా.. కొందరు పోటీదారుల పనితీరు కారణంగా విజయవంతమైన టాస్క్‌లు కూడా సక్సెస్ కాలేదని బిగ్ బాస్ ప్రస్తావించారు. గీతూ, ఇనయ లాంటి కంటెస్టెంట్ల ఫర్ఫామెన్స్ ఇతర కంటెస్టెంట్ల సహనాన్ని పరీక్షించింది.  ఆకట్టుకోలేక పోయిన జంటలు: టాస్క్‌లతో పాటు రొమాంటిక్ ట్రాక్స్ కూడా ఈ షో చూసే అభిమానులను ఆకట్టుకుంటాయి. కానీ ఈ సీజన్‌లో అర్జున్ కళ్యాణ్, శ్రీ సత్య  సూర్య,  ఆరోహి జోడీలు ఫ్యాన్స్‌ను నిరాశ పరిచాయి. సూర్యపై తనకు క్రష్ ఉందని ఇనయ చెప్పినా అభిమానులను ఆకట్టుకోవడంలో విఫలమయ్యారు. ఊహించని ఎలిమినేషన్స్: అభినయ శ్రీ, సుదీప, బాలాదిత్య, గీతూ, ఇనయ లాంటి పోటీదారులను ఊహించని విధంగా ఎలిమినేట్ కావడం అభిమానులను షాక్‌కు గురి చేసింది. దీంతో సోషల్ మీడియాలో కొందరు అభిమానులు ఒక వర్గం గీతూ, ఇనాయను తొలగించడాన్ని తప్పుబట్టారు.  టీవీ, ఓటీటీలో ప్రసారం: ఈ కార్యక్రమం టీవీతో పాటు, ఓటీటీలో ప్రత్యక్ష ప్రసారం చేశారు. కానీ రాత్రి 10 గంటలకు ప్రసారమయ్యే ప్రతి ఎపిసోడ్‌లోని ఈవెంట్‌లను 'లీక్' చేయడం మరింత దెబ్బతీసింది. ఈ సీజన్‌లో వీక్షకుల సంఖ్య తక్కువగా ఉండటం వెనుక ఇది కూడా ఒక కారణమని చెప్పవచ్చు. ఈ విషయాన్ని హోస్ట్ నాగార్జున అక్కినేని తప్ప మరెవరూ ధృవీకరించలేదు. వీక్షకుల సంఖ్య తగ్గడం గురించి తాను కూడా ఆందోళన చెందుతున్నానని నాగార్జున అన్నారు. అయితే మేకర్స్ ఈ విషయంలో సంతోషంగా ఉన్నందున షో కొనసాగించమని చెప్పారని తెలిపారు. 

ముక్కుసూటిగా మాట్లాడే వ్యక్తి ఆదిరెడ్డి. నామినేషన్స్‌లో తను మాట్లాడినప్పుడు ఎదురు తిరగడానికి హౌస్‌మేట్స్‌ జంకేవారు. అంత సూటిగా, గునపంలా తన నామినేషన్‌ పాయింట్‌ దింపేవాడు. ఏదైనా పొరపాటు చేసినట్లు అనిపిస్తే వెంటనే దాన్ని సరిదిద్దుకునేందుకు ప్రయత్నిస్తాడు కానీ తను తప్పు చేయలేదనిపిస్తే నాగార్జునను సైతం ఎదిరించేందుకు వెనుకాడడు. బిగ్‌బాస్‌ ఆరో సీజన్‌లో అతడు థర్డ్‌ రన్నరప్‌గా నిలిచాడు. గుండె నిండా సంతోషంతో బయటకు వచ్చిన ఆదిరెడ్డి తాజాగా ఓ ఇంటర్వ్యూలో మాట్లాడుతూ ఎమోషనలయ్యాడు. 'ఒకప్పుడు నాకెన్నో సమస్యలుండేవి, కానీ ఈరోజు లేదు. 2013లో అమ్మ సూసైడ్‌ చేసుకుని చనిపోయింది. అప్పటికే బ్యాంకులో తీసుకున్న రూ.11 లక్షల లోన్‌ కట్టలేకపోయాం. 2018లో ఒకటిన్నర ఎకరా అమ్మేసి ఆ లోన్‌ తీర్చేశాం. అప్పటిదాకా చెల్లె పెన్షన్‌తో బతికాం. నెల్లూరులోని వరికుంటపాడుకు వెళ్తే అక్కడున్న ప్రతి మనిషి నేను పడ్డ కష్టాలన్నీ చెప్తారు. అమ్మ చనిపోయిన పదిహేను రోజుల తర్వాత బయటకు వెళ్తే తిన్నావా? అని జాలిగా అడిగేవారు. అంత దుర్భర స్థితిలో కాలం వెళ్లదీసాం. పెద్దయ్యాక మా అక్క ఫోన్‌ చేసి రెండు లక్షలు సంపాదించరా? నేను రెండు లక్షలు అప్పు చేసి నీకు పెళ్లి చేస్తానని మాట్లాడింది. అలాంటి దీన స్థాయి నుంచి పెళ్లి చేసుకుని నా కుటుంబంతో మంచి పొజిషన్‌లో నిలబడటమే కాకుండా ఇంతమంది జనాల ప్రేమను పొందడం నా సక్సెస్‌. ఒకప్పుడు వదులైన బట్టలేసుకుని తిరిగాను, ఇప్పుడు సూట్‌లు వేసుకుని దర్జాగా తిరుగుతున్నాను. ఒకప్పుడు నా ఊరు నన్ను జాలిగా చూసింది, ఇప్పుడు వారు గర్వపడేలా చేశాను. చాలా హ్యాపీ.. కష్టాల వల్ల అమ్మ ఆత్మహత్య చేసుకుంది. నాకూ కష్టాలు ఎదురయ్యాయి. కానీ వాటిని తట్టుకుని నిలబడ్డాను. అమ్మ చనిపోయేముందు వరకు ఏదైనా ఫంక్షన్‌కు వెళ్లాలంటే ఎవరి దగ్గరైనా ఒక బంగారు నగ అడిగి అది వేసుకునేది. ఆమె బతికి ఉండుంటే ఒంటినిండా నగలు వేసేవాడిని' అంటూ కన్నీళ్లు పెట్టుకున్నాడు. చదవండి: హీరోయిన్‌ కంటే ఎక్కువే సంపాదించిన ఆదిరెడ్డి గ్రాండ్‌ ఫినాలే నుంచి నేరుగా మండపానికి, నేహా పెళ్లి ఫోటో వైరల్‌

బిగ్ బాస్‌ రియాల్టీ షో తెలుగు సీజన్‌-6 విన్నర్‌గా సింగర్ రేవంత్ నిలవగా.. రన్నర్‌గా శ్రీహాన్ నిలిచిన విషయం తెలిసిందే. దీంతో అభిమానుల్లో ఈ షోలో పాల్గొన్నవారికి ఎంత ప్రైజ్ మనీ వచ్చింది. ఎవరెవరు ఎంత రెమ్యూనరేషన్ తీసుకున్నారు అదే విషయంపై చర్చ మొదలైంది. ఈ సీజన్ రన్నరప్ శ్రీహాన్‌ ఎంత రెమ్యూనరేషన్‌ తీసుకున్నారో ఓ లుక్కేద్దాం.  ఈ సీజన్‌లో శ్రీహాన్ ఎత్తుపల్లాలతో కూడిన ప్రయాణాన్ని దాటుకుంటూ వచ్చి గెలుపునకు అడుగు దూరంలో నిలిచారు.  ఈ 15 వారాల జర్నీతో తన మనసును సంతోషంతో నింపుకున్నారు. తోటి ఇంటిసభ్యులకోసం శ్రీహాన్ నిలబడ్డ తీరును బిగ్‌ బాస్ ప్రశంసించారు. బిగ్ బాస్ తెలుగు 6 రియాలిటీ షోలో పాల్గొనడానికి వారానికి రూ.1.75 లక్షలు తీసుకున్నట్లు సమాచారం. దీంతో 15 వారాలకు దాదాపు రూ.26 లక్షలకు పైగానే సంపాదించినట్లు తెలుస్తోంది.  15 వారాల పాటు అలరించిన ఈ షో ఆదివారం గ్రాండ్‌ ఫినాలే జరుపుకుంది. విన్నర్‌ డిక్లరేషన్‌ అనంతరం చివరిలో ట్విస్ట్‌ చోటుచేసుకోగా.. రేవంత్‌ కంటే కాస్త ఎక్కువ ఓట్లు తెచ్చుకున్న శ్రీహాన్‌ రన్నరప్‌గా నిలిచాడు. శ్రీహాన్‌ నిర్ణయం వల్ల రేవంత్‌ విన్నర్‌గా నిలిచి ట్రోఫీని సొంతం చేసుకున్నాడు. కానీ ఏకంగా శ్రీహాన్‌ నలభై లక్షలు దక్కించుకున్నాడు.  బిగ్‌బాస్ హౌస్‌లో స్టైలిష్‌ కంటెస్టెంట్‌ ఆఫ్‌ ద సీజన్‌గా నిలిచి రూ.5 లక్షల రూపాయలు గెలుచుకున్నాడు. దీంతో ఈ సీజన్‌ మొత్తంలో రూ.71 లక్షలు ఆర్జించాడు శ్రీహాన్ గ్రాండ్‌గా గ్రాండ్ ఫినాలే: దాదాపు మూడు నెలల పాటు ప్రేక్షకులను అలరించిన ఆరో సీజన్ ఆదివారంతో ముగిసింది. గ్రాండ్‌ ఫినాలేకు ఆది రెడ్డి, రోహిత్, రేవంత్‌, కీర్తి, శ్రీహాన్ మాత్రమే మిగిలారు. చివరికి రేవంత్ బిగ్‌బాస్ విన్నర్‌గా నిలిచారు. ప్రస్తుత సీజన్‌లో మొత్తం 21 మంది కంటెస్టెంట్స్‌ పాల్గొన్నారు.  నిఖిల్, రవితేజ, రాధ, శ్రీలీల వంటి తారల రాకతో మరింత జోష్ వచ్చింది. గతంలో ఎన్నడూ చూడని విధంగా మాజీ కంటెస్టెంట్లు డ్యాన్సులతో మెప్పించారు. కింగ్ నాగార్జున మరోసారి తన హోస్ట్‌తో ఆకట్టుకున్నాడు. ఆద్యంతం ఈ సీజన్ అందరినీ బాగా అలరించింది.

బుల్లితెరపై తెలుగు బిగ్‌బాస్‌ 6 సీజన్‌ సందడికి ఎండ్‌ కార్డ్‌ పడింది. ఆదివారం బిగ్‌బాస్‌ గ్రాండ్‌ ఫినాలే ఘనంగా ముగిసింది. ఈ సీజన్‌లో రేవంత్‌ విజేత నిలిచి ట్రోఫీ కైవసం చేసుకోగా.. శ్రీహాన్‌ రన్నర్‌గా నిలిచాడు. ఇక టాప్‌ 3 కంటెస్టెంట్‌గా కీర్తి నిలిచింది. మొదటి నుంచి కీర్తి హౌజ్‌లో తనకంటూ ప్రత్యేక గుర్తింపు తెచ్చుకుంది. హౌజ్‌ సింపతి గేన్‌ చేస్తుందంటూ ఎన్ని కామెంట్స్‌ వచ్చినా తడబడకుండా ఆమె ముందుకు సాగుతూనే ఉంది. ఆటలో సైతం తన మార్క్‌ చూపిస్తూ వచ్చింది. చేతి వేలు దెబ్బతిన్నా ఆటలో.. ఎక్కడ తగ్గేదేలే అంటూ ముందకు సాగింది. గాయపడినప్పటికీ మిగతా కంటెస్టెంట్స్‌కి గట్టి పోటినిచ్చింది. తన ఆటతీరుతో ఎంతోమంది ప్రేక్షక హృదయాలను గెలుచుకున్న కీర్తి టాప్‌ 3లో నిలిచింది. ఫినాలేలో బిగ్‌బాస్‌ ఇచ్చిన ఆఫర్‌ను వద్దనుకుని రూ. 30 లక్షల ప్రైజ్‌మనీని చేజార్చుకుంది. ఎవరూ చెప్పిన వినకుండా విన్నర్‌ అవుతాననే కాన్ఫిడెంట్‌తో రూ. 30 లక్షల బ్రీఫ్‌కేస్‌ను తిరస్కరించింది. దీంతో కొందరు ఆమెది ఓవర్‌ కాన్ఫీడెన్స్‌ అంటూ కామెంట్స్‌ చేస్తుండగా.. ​ఆడియన్స్‌ మాత్రం ఆమె కాన్ఫిడెన్స్‌కి ఫిదా అవుతున్నారు. మరికొందరు ఆ బ్రీఫ్‌కేస్‌ తీసుకుని ఉంటే తన శ్రమ తగిన ఫలితం ఉండేదంటూ చర్చించుకుంటున్నారు. ఈ నేపథ్యంలో కీర్తి 15 వారాలకు ఎంత రెమ్యునరేషన్‌ తీసుకుందనేది ఆసక్తిగా మారింది. పలు టీవీ సీరియల్స్‌ ద్వారా గుర్తింపు పొంది బిగ్‌బాస్‌ హౌజ్‌లో అడుగుపెట్టిన కీర్తి ఒక్కొ వారానికి గానూ రూ. 50 వేల నుంచి రూ. 75 వేలు తీసుకుందని వినికిడి. ఈ బజ్‌ ప్రకారం.. 15 వారాలపాటు హౌజ్‌లో కొనసాగిన కీర్తి మొత్తం రూ. 8 లక్షల నుంచి రూ. 11 లక్షల పైనే తీసుకుందని వినికిడి. దీనిప్రకారం హౌజ్‌లో లేడీ కంటెస్టెంట్స్‌తో పోలిస్తే అందరి కంటే కీర్తి రెమ్యునరేషన్‌ ఎక్కువని తెలుస్తోంది.  చదవండి:  మొత్తం బిగ్‌బాస్‌ ద్వారా రేవంత్‌ ఎంత సంపాదించాడో తెలుసా? ‘కాంతార’ భూత కోల వేడుకలో అనుష్క సందడి, వీడియో వైరల్‌

కామన్‌ మ్యాన్‌ నుంచి రివ్యూయర్‌గా.. రివ్యూయర్‌ నుంచి కంటెస్టెంట్‌గా.. కంటెస్టెంట్‌ నుంచి కెప్టెన్‌గా.. కెప్టెన్‌ నుంచి థర్డ్‌ రన్నరప్‌గా ఎదిగాడు ఆదిరెడ్డి. విన్నర్‌ కాలేకపోయానన్న బాధ కన్నా తనను ఫినాలే వరకు తీసుకొచ్చి ఆదరించినందుకు ఎక్కువ సంతోషపడుతున్నాడు. తనకింత గుర్తింపు తెచ్చిన బిగ్‌బాస్‌ షోకు, ఓట్లేసి ఇంత దూరం తీసుకువచ్చిన ప్రేక్షకులకు జీవితాంతం రుణపడి ఉంటానన్నాడు. ప్రేక్షకుల అభిమానమే కాకుండా బిగ్‌బాస్‌ ద్వారా అతడు ఎంత సంపాదించాడో చూద్దాం.. గత కొన్ని సీజన్ల నుంచి ఆదిరెడ్డి రివ్యూలు ఇస్తూ పోతున్నాడు. అతడి రివ్యూలను మెచ్చుకునేవాళ్లు ఉన్నారు, విమర్శించే వాళ్లూ ఉన్నారు. ఏ కంటెస్టెంట్‌ దగ్గరో డబ్బులు నొక్కేసాడు, అందుకే వారిని పొగుడుతూ వేరేవారిని తిడుతున్నాడన్న మాటలు కూడా వినిపించేవి. కానీ అలాంటి విమర్శలను ధీటుగా తిప్పికొట్టేవాడు ఆదిరెడ్డి. నాకు డబ్బిచ్చేంత సీన్‌ ఏ కంటెస్టెంట్‌కూ లేదని, బిగ్‌బాస్‌ షోలో ఉన్నవారి కంటే యూట్యూబ్‌లో తాను ఎక్కువ సంపాదిస్తానని చెప్పేవాడు. తనను కొనడం ఎవ్వరితరం కాదని కుండ బద్ధలు కొట్టేవాడు. తాజాగా ఓ ఇంటర్వ్యూలో షాని మాట్లాడుతూ.. ఒక సినిమాకు స్టార్‌ హీరోయిన్‌ అందుకునే పారితోషికం.. తన నెల సంపాదనతో సమానం అని ఆదిరెడ్డే స్వయంగా చెప్పాడని తెలిపాడు. అతడు డబ్బుల కోసం కాకుండా బిగ్‌బాస్‌ జర్నీని ఆస్వాదించాలని వచ్చాడని పేర్కొన్నాడు. షానీ చెప్పినదాని ప్రకారమైతే బిగ్‌బాస్‌ అతడికి కోట్లల్లో ఇవ్వాలి. కానీ అంత ఇచ్చుకోలేమని బిగ్‌బాస్‌ చేతులెత్తేశాడట! సోషల్‌ మీడియాలో వినిపిస్తున్న సమాచారం ప్రకారం.. వారానికి లక్ష రూపాయలకు అటూఇటుగా పారితోషికం అందుకున్నాడట ఆది. ఈ లెక్కన 15 వారాలకుగానూ అతడు దాదాపు రూ.12 లక్షల వరకు ఆర్జించినట్లు తెలుస్తోంది. చదవండి: గ్రాండ్‌ ఫినాలే రోజు గ్రాండ్‌గా నేహా పెళ్లి, ఫోటో వైరల్‌ శ్రీహాన్‌కు హింట్‌.. బిగ్‌బాస్‌పై రేవంత్‌ ఫ్యాన్స్‌ ఫైర్‌

బిగ్‌బాస్‌ తెలుగు ఆరో సీజన్‌ విన్నర్‌ రేవంత్‌ అని ముందునుంచే అందరూ గట్టిగా ఫిక్స్‌ అయ్యారు. చివరికి అదే నిజమైంది. ప్రైజ్‌మనీలో నుంచి రూ.40 లక్షలు ఆఫర్‌ చేసినా నాకు కప్పే కావాలని మొండిగా కూర్చున్నాడు. కానీ శ్రీహాన్‌ మాత్రం ట్రోఫీ గెల్చుకుంటానో లేదోనన్న భయంతో ఆ ఆఫర్‌కు టెంప్ట్‌ అయిపోయి డబ్బులు తీసేసుకున్నాడు. చివరికి నాగ్‌.. రేవంత్‌ కంటే శ్రీహాన్‌కు కొద్దిగా ఓట్లు ఎక్కువ పడ్డాయని చెప్పడంతో అందరూ అవాక్కయ్యారు. కానీ రేవంత్‌ ఫ్యాన్స్‌ మాత్రం సోషల్‌ మీడియాలో ఆగ్రహంతో ఊగిపోతున్నారు. మావాడికి తక్కువ ఓట్లు రావడమేంటని మండిపడుతున్నారు. బిగ్‌బాస్‌ 6 విన్నర్‌ ఎవరు? అని స్టార్‌ మా నిర్వహించిన పోల్‌లో కూడా రేవంత్‌కు అత్యధికంగా 61 శాతం ఓట్లు పడ్డాయని, అలాంటప్పుడు శ్రీహాన్‌కు ఎక్కువ ఓట్లు అని అబద్ధాలాడుతున్నారేంటని గరమవుతున్నారు. అయినా ఫినాలేలో ఇద్దరు మిగిలినప్పుడు డబ్బులు ఆఫర్‌ చేయడమేంటి? అందులోనూ హౌస్‌మేట్స్‌ అందరితో శ్రీహాన్‌ను డబ్బులు తీసుకోమని హింట్‌ ఇవ్వడమేంటి? చివర్లో అతడికే ఎక్కువ ఓట్లు వచ్చాయని చెప్పడమేంటి? అని ఫైర్‌ అవుతున్నారు. ఆరు సీజన్లలో ఇంత చెత్త సీజన్‌ను ఎప్పుడూ చూడలేదని షోపై దుమ్మెత్తిపోస్తున్నారు. పైసా కూడా తీసుకోకుండా ప్రేక్షకుల ఓట్లకు విలువిచ్చి రేవంత్‌ ట్రోఫీ ఎత్తుకున్నాడని.. అతడే రియల్‌ విన్నర్‌ అంటూ గర్వపడుతున్నారు. అప్పుడు అభిజిత్‌, ఇప్పుడు రేవంత్‌ డబ్బును లెక్క చేయకుండా ట్రోఫీ కోసం నిలబడ్డారు, అదీ విన్నర్‌ లక్షణమంటూ కొనియాడుతున్నారు. మొదట్లో డబ్బు వద్దే వద్దన్న శ్రీహాన్‌ రూ.40 లక్షలనేసరికి మాటమార్చి బ్రీఫ్‌కేస్‌ అందుకుని ప్రేక్షకుల ఓట్లను కరివేపాకులా తీసిపారేశాడని విమర్శిస్తున్నారు. బిగ్‌బాస్‌ టీమ్‌ రేవంత్‌కు దక్కాల్సిన రూ.50 లక్షలు కూడా శ్రీహాన్‌కే కట్టబెట్టాల్సిందని వ్యంగ్యాస్త్రాలు సంధిస్తున్నారు. ఇలా హోరెత్తిపోతున్న కామెంట్లతో ట్విటర్‌లో #Revanth, #BiggBossTelugu6 హ్యాష్‌ట్యాగ్స్‌ ట్రెండింగ్‌గా మారాయి. చదవండి: రేవంత్‌ విజయానికి కారణాలివే!

బిగ్‌బాస్‌ తెలుగు ఆరో సీజన్‌ గ్రాండ్‌గా ముగిసింది. 21 మంది కంటెస్టెంట్లతో ప్రారంభమైన ఈ షోలో రోహిత్‌, కీర్తి, ఆదిరెడ్డి, శ్రీహాన్‌, రేవంత్‌ ఫినాలేకు చేరుకోగా రేవంత్‌ విజేతగా అవతరించాడు. రూ.40 లక్షలు తీసుకుని శ్రీహాన్‌ రన్నరప్‌గా నిలిచాడు. అయితే ప్రేక్షకుల ఓట్లు శ్రీహాన్‌కు ఎక్కువ వచ్చాయని, కానీ అతడు బ్రీఫ్‌కేస్‌ తీసుకోవడంతో రేవంత్‌ టైటిల్‌ గెలిచాడని ప్రకటించాడు నాగ్‌. ఇకపోతే ఈ గ్రాండ్‌ ఫినాలే వీరిద్దరికే కాదు నేహా చౌదరికి కూడా జీవితాంతం గుర్తుండిపోనుంది. కారణం.. అదే రోజు రాత్రి ఆమె పెళ్లి జరిగింది. తనను పెళ్లి కూతురిని చేసిన తర్వాత గ్రాండ్‌ ఫినాలే వచ్చిన నేహా షో అయిపోగానే అందరూ మండపానికి వచ్చి ఆశీర్వదించండని కోరింది. ఆదివారం రాత్రి పది గంటలకు ఆమె వివాహం ఘనంగా జరిగింది. ఈ వేడుకకు బిగ్‌బాస్‌ సెలబ్రిటీలు హాజరై సందడి చేశారు. నూతన వధూవరులతో వీరు దిగిన ఫోటో ప్రస్తుతం సోషల్‌ మీడియాలో వైరల్‌గా మారింది. చదవండి: విన్నర్‌ కంటే ఎక్కువ గెల్చుకున్న శ్రీహాన్‌, ఎన్ని లక్షలంటే? 28 సీజన్లలో మొట్టమొదటిసారి.. బిగ్‌బాస్‌ షోలో ఇద్దరు విన్నర్స్‌

బిగ్‌బాస్‌ 6 తెలుగు సీజన్‌కు ఎండ్‌ కార్డ్‌ పడింది. 15 వారాల పాటు అలరించిన ఈ షో ఆదివారం గ్రాండ్‌ ఫినాలే జరుపుకుంది. విన్నర్‌ డిక్లరేషన్‌ అనంతరం చివరిలో ట్విస్ట్‌ చోటుచేసుకుంది. రేవంత్‌ కంటే కాస్త ఎక్కువ ఓట్లు తెచ్చుకున్న శ్రీహాన్‌ రన్నరప్‌గా నిలిచాడు. శ్రీహాన్‌ నిర్ణయం వల్ల రేవంత్‌ విన్నర్‌గా నిలిచి ట్రోఫీని సొంతం చేసుకున్నాడు. దీంతో శ్రీహాన్‌కు ఎదురుదెబ్బ తగిలింది. కానీ, ఏకంగా శ్రీహాన్‌ నలభై లక్షలు దక్కించుకున్నాడు. దీంతో యాభై లక్షల ప్రైజ్‌ మనీలో విజేత రేవంత్‌కి దక్కింది పది లక్షలే. అయినప్పటికీ విన్నర్‌గా నిలిచిన రేవంత్‌ గెలుచుకున్న ప్రైజ్‌మనీ దాదాపు రూ. 50 లక్షల పైనే అయ్యింది. బిగ్‌బాస్‌ సీజన్‌ 6 ట్రోఫీతో పాటు అతను పది లక్షల ప్రైజ్‌మనీ అందుకున్నాడు. వీటితో పాటు ‘సువర్ణభూమి’ వారి 605 గజాల ఫ్లాట్‌, పది లక్షల విలువైన మారుతి సుజుకి బ్రెజా కారుని ప్రకటించారు. సువర్ణ భూమి వారు ఇచ్చిన ప్లాట్‌ విలువ రూ. 30 లక్షలు ఉంటుందని చెప్పిన సంగతి తెలిసిందే. దీంతో మొత్తంగా రేవంత్‌కు యాభై లక్షలు అందుకున్నాడు. ఇకపోతే బిగ్‌బాస్‌ ద్వారా రేవంత్‌ ఎంత సంపాదించాడనేది ఆసక్తిగా మారింది. ప్రైజ్‌మనీ విషయం పక్కన పెడితే.. అతడి 15 వారాల పారితోషికం హాట్‌టాపిక్‌గా మారింది. ఈ తాజా బజ్‌ ప్రకారం.. రేవంత్‌ ఒక్కో వారానికి రూ. 2 లక్షల తీసుకున్నట్లు తెలుస్తోంది. ఈ లెక్కన రేవంత్‌ 15 వారాలకు గానూ  నుంచి దాదాపు రూ. 30 లక్షల పైనే అందుకున్నట్లు సమాచారం. దీంతో రేవంత్‌ బిగ్‌బాస్‌ విన్నర్‌ ప్రైజ్‌మనీతో పాటు పారితోషికం కలిపి రూ. 80 లక్షలపైనే సంపాదించినట్లు టాక్‌ వినిపిస్తోంది. ఈ రకంగా ఈ సీజన్‌లో అత్యధిక పారితోషికం అందుకున్న కంటెస్టెంట్‌గా రేవంత్‌ నిలవడం విశేషం. చదవండి:  అందుకే సీతారామంకు తెలుగు వారిని తీసుకోలేదు: హను రాఘవపూడి నాకు నేనే పెద్ద విమర్శకురాలిని: సమంత ఆసక్తికర వ్యాఖ్యలు

టైటిల్‌ గెలిచేది నేనే, రాసిపెట్టుకోండి అని రేవంత్‌ చాలాసార్లు అన్నాడు. ప్రైజ్‌మనీలో నుంచి డబ్బులు కట్‌ అయినప్పుడు కూడా తన జేబులో ఉన్న డబ్బులు పోయినట్లు అందరికంటే ఎక్కువగా అల్లాడిపోయాడు. తిరిగి ప్రైజ్‌మనీ రూ.50 లక్షలకు చేరుకున్నప్పుడు ఏకంగా సీజన్‌ టైటిల్‌ గెలిచేసినట్లు సంబరపడ్డాడు. తన మీద, తన అభిమానుల మీదున్న నమ్మకం అది! మొదట్లో ఈ సీజన్‌ ట్రోఫీ ఎత్తేది నేనే అని రేవంత్‌ అన్నప్పుడు చాలామందికి విడ్డూరంగా అనిపించేది. కోపానికి, ఆవేశానికి బ్రాండ్‌ అంబాసిడర్‌గా ఉన్న ఇతడు గెలవడమేంటని నవ్వుకున్నారు. కానీ నాగ్‌ అతడు చేసిన తప్పొప్పులను ఎత్తిచూపినా, చూపకోయినా కోపాన్ని మాత్రం తగ్గించుకోమని పదేపదే హెచ్చరిస్తూ ఉండేవాడు. అయినా ఆవేశాన్ని అణచుకోకపోవడంతో ఏకంగా ఎల్లో కార్డ్‌ చూపించాడు. దెబ్బకు ఓ మెట్టు దిగిన రేవంత్‌ అందరినీ గుద్దిపడేస్తా అనే లెవల్‌లో కాకుండా తన జోలికొస్తే మాత్రమే ఊరుకోను అన్నట్లుగా కొంత కామ్‌ అయిపోయాడు.  కానీ అప్పటివరకు గేమ్‌లో ఎంతోమందిని విసిరికొట్టాడు, నెట్టేశాడు, పడేశాడు, చాలా ఫిజికల్‌ అయ్యాడు. అంత క్రూరంగా గేమ్‌ ఆడేవాడు, కానీ అది గెలుపు కోసం మాత్రమే! అయితే రేవంత్‌లో ఉన్న ఓ గొప్ప లక్షణం ఏంటంటే కోపాన్ని ఎక్కువ సేపు కంటిన్యూ చేయడు. గొడవ అయిపోయాక దాన్ని మర్చిపోయి వెంటనే సారీ చెప్పి అవతలివాళ్లను అక్కున చేర్చుకుంటాడు. ఒకరకంగా ఇదతడికి మైనస్‌గానూ మారింది. అప్పటివరకు అంత ఆవేశపడ్డ వ్యక్తి సడన్‌గా సారీ చెప్తున్నాడంటే అది నటనా? నిజమా? అన్న అనుమానాలు కూడా వ్యక్తమయ్యాయి. కానీ రానురానూ అతడి కోపం పాలపొంగు వంటిదని హౌస్‌మేట్స్‌కు, ప్రేక్షకులకు అర్థమైంది. ఇక ఫిజికల్‌ టాస్కుల్లో రేవంత్‌ను కొట్టేవాడే లేడు. నిద్రలో నుంచి లేపి టాస్కు ఆడమన్నా సిద్ధంగా ఉంటాడు. హౌస్‌లో రెండు సార్లు కెప్టెన్‌ అయిన ఘనత కూడా ఇతగాడి పేరు మీదుంది. స్నేహానికి ఎంత విలువిస్తాడో ప్రత్యక్షంగా చూశాం. కాకపోతే రేవంత్‌లో కొన్ని మైనస్‌లు కూడా ఉన్నాయి. రేషన్‌ మేనేజర్‌గా ఉన్నప్పుడు ఎంతసేపూ సరుకులు అయిపోకుండా ఎలా వండాలి? అని ఆలోచించేవాడే తప్ప అవతలివాళ్ల ఆకలి తీరుతుందా? లేదా? అని అర్థం చేసుకునేవాడు కాదు. మా కడుపు నిండట్లేదు బాబోయ్‌, ఇంకాస్త వండండి అని చెప్పినా సరే పిడికెడంత బియ్యం కూడా ఎక్కువ పెట్టేవాడు కాదు. స్ట్రిక్ట్‌గా ఉండటంతో చాలామంది హౌస్‌మేట్స్‌ అతడిని వెనకాల తిట్టుకునేవారు. ఇక్కడ మరో విచిత్రం ఏంటంటే.. కొన్నిసార్లు రేవంత్‌ ఫుడ్‌ దాచుకుని తినేవాడు. ఇక ఆవేశంలో ఏం మాట్లాడతాడో అతడికే అర్థం కాదు. ఆ మాటలను తర్వాత మర్చిపోతుంటాడు కూడా! మరి ఇన్ని మైనస్‌లున్నా విజేత ఎలా అయ్యాడంటారా? రేవంత్‌ చెప్పినట్లే అతడికి హౌస్‌లో ఎవరూ గట్టి పోటీ ఇవ్వలేదు. శ్రీహాన్‌ మొదట్లో ఓపెన్‌ అవడానికి, గేమ్‌ ఆడటానికి సమయం పట్టింది. తర్వాత ఎంటర్‌టైన్‌మెంట్‌తో పాటు టాస్కులు ఆడినప్పటికీ నామినేషన్స్‌లో అతడు చేసే వెటకారంతో విమర్శలపాలు కావాల్సి వచ్చింది. కానీ చివర్లో మాత్రం పుంజుకుని రేవంత్‌తో ఓటింగ్‌లో తలపడ్డాడు. ఆదిరెడ్డి.. ఎంతసేపూ రివ్యూలు ఇస్తూ ఇన్‌ఫ్లూయెన్స్‌ చేస్తూ అతిగా ఆలోచనల్లో గడిపేశాడు. కీర్తి.. ప్రతిచిన్నదానికీ హర్ట్‌ అవుతూ బాధపడటానికే ఎక్కువ సమయం వెచ్చించింది. మాటతో, ప్రవర్తనతో మిస్టర్‌ పర్‌ఫెక్ట్‌ అనిపించుకున్న రోహిత్‌ ఆటలో మాత్రం వెనకబడ్డాడు. ఇక ఫినాలేలో ప్రేక్షకుల ఓట్లకు విలువిచ్చి డబ్బు తీసుకోకుండా చివరి క్షణం వరకు అలాగే నిలబడి ట్రోఫీ ఎగరేసుకుపోయాడు రేవంత్‌. చదవండి: విన్నర్‌ కంటే ఎక్కువ గెల్చుకున్న శ్రీహాన్‌.. ఎన్ని లక్షలో తెలుసా? మరికొద్ది గంటల్లో పెళ్లి.. గ్రాండ్‌ ఫినాలేకు వచ్చిన బిగ్‌బాస్‌ కంటెస్టెంటల​

బిగ్‌బాస్‌ షో ఎంతమందితో ప్రారంభమైనా గెలిచేది ఒక్కరే. కానీ మొట్టమొదటిసారి బిగ్‌బాస్‌ షోలో ఇద్దరు విన్నర్స్‌ అయ్యారు. దేశవ్యాప్తంగా ఇప్పటివరకు 28 బిగ్‌బాస్‌ సీజన్లు జరగ్గా ఇంతవరకు ఎన్నడూ లేనట్లుగా బిగ్‌బాస్‌ చరిత్రలోనే తొలిసారి ఇద్దరు విజేతలుగా నిలిచారని తెలిపాడు నాగ్‌. రూ.40 లక్షలు తీసుకుని శ్రీహాన్‌ రన్నరప్‌ అని ఒప్పేసుకున్నాడు. కప్పు ముఖ్యం బిగిలూ అనుకున్న రేవంత్‌ డబ్బులను లెక్కచేయకుండా ట్రోఫీ ఎత్తుకుని విన్నర్‌గా అవతరించాడు. అంతేకదా అనుకుంటున్నారేమో! చివర్లో అసలైన ట్విస్ట్‌ బయటపెట్టాడు నాగ్‌. ప్రేక్షకులు శ్రీహాన్‌కు ఎక్కువ ఓట్లేసి గెలిపించారని వెల్లడించడంతో అతడి ముఖం మతాబులా వెలిగిపోయింది. అదే సమయంలో ట్రోఫీ నాదే అని షో మొదటి రోజు నుంచే కలలు కంటున్న రేవంత్‌ ముఖం వెలవెలబోయింది. అయినా నాగార్జున ఆఫర్‌ చేసిన బ్రీఫ్‌కేస్‌ మాయ వల్ల శ్రీహాన్‌ రూ.40 లక్షలు గెల్చుకుని ప్రేక్షకుల ఓట్ల ప్రకారం విజేతగా నిలవగా.. కప్పు అందుకుని రేవంత్‌ విన్నర్‌ అయ్యాడు. చదవండి: ముద్దు పెట్టుకోబోయిన నాగ్‌.. మెలికలు తిరిగిన ఫైమా విన్నర్‌ కంటే ఎక్కువ గెల్చుకున్న శ్రీహాన్‌.. ఎన్ని లక్షలంటే?

బ్రీఫ్‌కేస్‌... బిగ్‌బాస్‌ షో ఫినాలేలో ఇంట్రస్టింగ్‌ అంకం అది. గత సీజన్లలో ఓడిపోయి వట్టి చేతులతో వెళ్లేబదులు సూట్‌కేస్‌ అందుకుని హౌస్‌ నుంచి సంతృప్తిగా బయటకు వచ్చేసినవాళ్లు ఉన్నారు. మరి ఈ సీజన్‌లో ఎవరైనా సూట్‌కేసు అందుకుంటారా? అంటే డౌటే అన్న అనుమానం వ్యక్తమైంది. హౌస్‌లో టాప్‌ 3 కంటెస్టెంట్లు మిగిలినప్పుడు రవితేజ సూట్‌కేస్‌ పట్టుకుని వెళ్లాడు. మొదట ప్రైజ్‌మనీలో నుంచి పది శాతం ఇస్తానని తర్వాత దాన్ని 30 శాతం వరకు తీసుకెళ్లాడు. అయినా సరే ఎవరూ దాన్ని తీసుకునేందుకు ముందుకు రాలేదు. కీర్తిని ఆమె ఫ్రెండ్‌ డబ్బులు తీసుకోమని చెప్పినా ఆమె వద్దని తలాడించి చివరికి ఖాళీ చేతులతో బయటకు వచ్చేసింది. తర్వాత శ్రీహాన్‌, రేవంత్‌.. ఇద్దరు మాత్రమే మిగిలారు.  దీంతో నాగార్జున గోల్డెన్‌ బ్రీఫ్‌కేసుతో హౌస్‌లోకి వెళ్లాడు. రూ.25 లక్షలున్న బ్రీఫ్‌కేసును ఎవరు సొంతం చేసుకుంటారని అడిగాడు. ఇద్దరూ వద్దనేసరికి ఆఫర్‌ను రూ.30 లక్షలకు పెంచాడు. ఆరోహి, కీర్తి, అభినయ, మెరీనా, రోహిత్‌, సుదీప మినహా మిగతా అందరూ శ్రీహాన్‌ సూట్‌కేసు తీసుకోవడమే మంచిదని చెప్పారు. అందరి అభిప్రాయం అడిగిన తర్వాత ఇద్దరూ సూట్‌కేసు తీసుకోవడానికి ససేమీరా అన్నారు. దీంతో నాగ్‌ ఆ డబ్బును రూ.40 లక్షలకు పెంచాడు. మొదట్లో సూట్‌కేసు తీసుకోవద్దన్న శ్రీహాన్‌ తండ్రి చివరికి తీసుకోమని చెప్పాడు. తండ్రి మాట విన్నాక శ్రీహాన్‌ అమ్మానాన్న కోసం తీసుకుంటున్నానన్నాడు. అలా రన్నరప్‌గా శ్రీహాన్‌ రూ.40 లక్షలు గెల్చుకోగా, విన్నర్‌ రేవంత్‌కు కేవలం రూ.10 లక్షలు మాత్రమే మిగిలాయి. చదవండి: ఆ ముగ్గురి కంటే ముందే ఎలిమినేట్‌ అయినందుకు హ్యాపీ: ఆదిరెడ్డి మరికొద్ది గంటల్లో పెళ్లి.. పెళ్లికూతురి గెటప్‌లో ఫినాలేకు వచ్చిన నేహా చౌదరి

స్పెషల్‌ గెస్టులతో బిగ్‌బాస్‌ ఫినాలే అదిరిపోయింది. అయితే సెలబ్రిటీలను ఊరికే పిలుస్తారా? వారితో ఎలిమినేషన్‌ ప్రక్రియను నిర్వహిస్తారు. మొదటగా నిఖిల్‌ హౌస్‌లోకి వెళ్లి టాప్‌ 5 కంటెస్టెంట్లలో ఒకరైన రోహిత్‌ను ఎలిమినేట్‌ చేసి తనతోపాటు స్టేజీపైకి తీసుకొచ్చాడు. తర్వాత ధమాకా హీరోహీరోయిన్లు రవితేజ, శ్రీలీల జింతాత స్టెప్పుతో స్టేజీని అల్లాడించారు. అనంతరం ఆదిరెడ్డి ఎలిమినేట్‌ అయ్యాడు. పదిమంది నామీద పడి మాట్లాడినా నేను ఎదురునిలబడగలనన్న ధైర్యం బిగ్‌బాస్‌తో వచ్చిందన్నాడు ఆది. తర్వాత అతడు టాప్‌ 3 కంటెస్టెంట్ల గురించి మాట్లాడుతూ.. 'కీర్తి బిగ్‌బాస్‌ షోలో కనిపించడం వల్ల తెలుగు రాష్ట్రాల్లో చాలా ఆత్మహత్యలు ఆగుతాయి. అన్ని కష్టాల్లో ఉన్న ఆమె అంత ధైర్యంగా ముందుకెళ్లడం చాలామందికి ఇన్‌స్పిరేషన్‌. రేవంత్‌లో 20 తప్పులు ఉంటే 40 పాజిటివ్‌లు ఉంటాయి. భార్య గర్భవతిగా ఉన్నప్పుడు ఆమెను వదిలి వచ్చి హౌస్‌లో గేమ్‌ ఆడటం అంటే మామూలు విషయం కాదు. నాకంటే ఆ ముగ్గురు బాగా ఆడారు. కాబట్టి వాళ్లకంటే ముందే ఎలిమినేట్‌ అయినందుకు సంతోషంగా ఉంది' అన్నాడు. చదవండి: కాసేపట్లో పెళ్లి పెట్టుకుని గ్రాండ్‌ ఫినాలేకు వచ్చిన బిగ్‌బాస్‌ కంటెస్టెంట్‌ బిగ్‌బాస్‌ తెలుగు 6 సీజన్‌ లవర్‌ బాయ్‌ ఎవరంటే?

బిగ్‌బాస్‌ గ్రాండ్‌ ఫినాలేలో అవార్డుల కార్యక్రమం జరిగింది. ఓ ఐదు అవార్డులను ప్రవేశపెట్టిన నాగ్‌ వాటికి ఎవరు అర్హులో చెప్పాలని ఫైనలిస్టులను ఆదేశించాడు. మొదటగా బెస్ట్‌ చెఫ్‌ అవార్డును ప్రవేశపెట్టాడు. ఇది మెరీనాకు సరిగ్గా సూటవుతుందన్నాడు రేవంత్‌. అందరికీ వంట చేసి పెడుతూనే తను గేమ్‌ ఆడేదని చెప్పాడు. దీంతో ఆ అవార్డును మెరీనాకు అందించాడు హోస్ట్‌. తర్వాత బెస్ట్‌ డ్యాన్సర్‌ అవార్డును ఫైమాకు ఇవ్వాలన్నాడు ఆదిరెడ్డి. ఆమె స్టేజీపైకి రాగానే చేతికి ముద్దు పెడతానంటూ ఆటపట్టించాడు నాగ్‌. దెబ్బకు హడలిపోయిన ఫైమా.. మీరు ముద్దులు ఇస్తే నాకు నిద్ర పట్టడం లేదంటూ దూరం జరిగింది. అనంతరం కీర్తి.. స్లీపింగ్‌ స్టార్‌ అవార్డును శ్రీసత్యకు ఇవ్వాలనడంతో నాగ్‌ దాన్ని ఆమెకు బహుకరించాడు. రోహిత్‌.. రాజ్‌ బెస్ట్‌ గేమర్‌ అని చెప్పడంతో అతడికి పురస్కారం ఇచ్చాడు నాగ్‌. శ్రీహాన్‌.. లవర్‌ బాయ్‌ అవార్డుకు అర్జున్‌ కల్యాణ్‌ పేరును సూచించాడు. దీంతో అతడు స్టేజీపైకి వెళ్లి అవార్డు అందుకున్నాడు. చదవండి: పెళ్లికూతురి గెటప్‌లోనే గ్రాండ్‌ ఫినాలేకు వచ్చిన నేహా చౌదరి బిగ్‌బాస్‌ 6 గ్రాండ్‌ ఫినాలే.. లైవ్‌ అప్‌డేట్స్‌

పెళ్లా? బిగ్‌బాస్‌ షోనా? అంటే బిగ్‌బాస్‌నే ఎంచుకుంది యాంకర్‌ నేహా చౌదరి. కానీ మూడో వారంలోనే ఎలిమినేట్‌ కావడంతో ఇంటిదారి పట్టింది. ఇక దొరికిందే ఛాన్స్‌ అనుకున్న ఆమె కుటుంబసభ్యులు నేడు ఆమె పెళ్లి చేసేస్తున్నారు. అయితే పెళ్లికూతురి గెటప్‌లోనే గ్రాండ్‌ ఫినాలేకి వచ్చేసింది నేహా చౌదరి. ఇంకో ఏడాదిదాకా పెళ్లిని వాయిదా వేద్దామనుకున్నా, కానీ తప్పలేదని చెప్పింది. విధి ఆడిన వింత నాటకంలో బలిపశువు అయిపోయానని నేహా అనగానే బలిపశువు అయ్యేది నువ్వా? అతడా? అని నాగ్‌ కౌంటరిచ్చాడు. మీరు బిగ్‌బాస్‌ విన్నర్‌ ఎవరనేది ప్రకటించే సమయానికి నా మెడలో మూడు ముళ్లు పడనున్నాయని చెప్పుకొచ్చింది నేహా. పది గంటలకు నాకు పెళ్లైపోతుందని, నా బెస్ట్‌ ఫ్రెండ్‌ అనిల్‌నే పెళ్లాడబోతున్నానని తెలిపింది. దీంతో నాగ్‌ మరికొద్ది గంటల్లో కొత్త జీవితాన్ని ఆరంభించనున్న ఈ కొత్త జంటకు శుభాకాంక్షలు తెలిపాడు. ఇక అంత బిజీలోనూ నేహా గ్రాండ్‌ ఫినాలేకు రావడం గ్రేట్‌ అనే చెప్పాలి. చదవండి: ఆదిరెడ్డి స్థానం మారింది

బిగ్‌బాస్‌ తెలుగు ఆరో సీజన్‌ విన్నర్‌గా రేవంత్ నిలిచారు. రన్నరప్‌గా శ్రీహాన్ నిలిచారు.  ఈ గ్రాండ్‌ ఫినాలేలో మాజీ కంటెస్టెంట్ల డ్యాన్సులతో పాటు హీరోయిన్స్‌ స్పెషల్‌ డ్యాన్సులతో కనువిందు చేశారు. ఈ గ్రాండ్‌ ఫినాలేలో నిఖిల్‌, ధమాకా టీమ్‌ రవితేజ, శ్రీలీల, సీనియర్ హీరోయిన్ రాధ స్టేజీపై సందడి చేశారు.  అందరూ ఎంతో ఆసక్తిగా ఎదురుచూసిన బిగ్‌బాస్ 6 తెలుగు గ్రాండ్‌ ఫినాలే వైభవంగా జరిగింది. వాల్తేరు వీరయ్య బాస్‌ పార్టీ సాంగ్‌తో కింగ్‌ నాగార్జున అదిరిపోయే ఎంట్రీ ఇచ్చారు. ఇక వచ్చీ రావడంతో కంటెస్టెంట్ల ఫ్యామిలీ మెంబర్స్‌ను ఆత్మీయంగా పలకరించాడు నాగ్‌. అనంతరం మిడ్‌ వీక్‌ ఎలిమినేషన్‌ ద్వారా బయటకు వచ్చేసిన శ్రీసత్యతో ముచ్చటించాడు. మరికాసేపట్లో పెళ్లి పెట్టుకుని పెళ్లికూతురి గెటప్‌లో గ్రాండ్‌ ఫినాలేకు వచ్చిన నేహా చౌదరిని చూసి అవాక్కయ్యాడు.  ఈ షో ముగిసిన వెంటనే అందరూ మండపానికి వచ్చేసి తనను ఆశీర్వదించాలని కోరింది నేహా. బిగ్‌బాస్‌ మినీ అవార్డులు.. తర్వాత టాప్‌ ఫైనలిస్టులతో అవార్డుల పంపిణీ చేపట్టాడు నాగ్‌. అందులో భాగంగా ఐదు అవార్డులు ప్రవేశపెట్టాడు. మొదటగా బెస్ట్‌ చెఫ్‌ అవార్డు మెరీనాకు ఇవ్వాలన్నాడు రేవంత్‌. అందరికీ వంట చేసి పెడుతూనే గేమ్‌ ఆడేదని చెప్పాడు. దీంతో ఆ అవార్డును మెరీనాకు అందించాడు హోస్ట్‌. తర్వాత బెస్ట్‌ డ్యాన్సర్‌ అవార్డును ఫైమాకు ఇవ్వాలన్నాడు ఆదిరెడ్డి. ఆమె స్టేజీపైకి రాగానే చేతికి ముద్దు పెడతానంటూ ఆటపట్టించాడు నాగ్‌. దెబ్బకు హడలిపోయిన ఫైమా.. మీరు ముద్దులు ఇస్తే నాకు నిద్ర పట్టడం లేదంటూ దూరం జరిగింది. అనంతరం కీర్తి.. స్లీపింగ్‌ స్టార్‌ అవార్డును శ్రీసత్యకు ఇవ్వాలనడంతో నాగ్‌ దాన్ని ఆమెకు బహుకరించాడు. రోహిత్‌.. రాజ్‌ బెస్ట్‌ గేమర్‌ అని చెప్పడంతో అతడికి పురస్కారం ఇచ్చాడు నాగ్‌. శ్రీహాన్‌.. బెస్ట్‌ లవర్‌ బాయ్‌ అవార్డుకు అర్జున్‌ కల్యాణ్‌ పేరును సూచించాడు. దీంతో అతడు స్టేజీపై వచ్చి అవార్డు అందుకున్నాడు. తర్వాత యంగ్ హీరో నిఖిల్ గెస్ట్‌గా ఎంట్రీ ఇచ్చాడు. హౌస్‌లోకి వెళ్లి టాప్‌-5 కంటెస్టెంట్స్‌లో ఒకరైన రోహిత్‌ను ఎలిమినేట్‌ చేసి తనతో పాటు బయటకు తీసుకొచ్చేశాడు.  ధమాకా హీరోహీరోయిన్లు రవితేజ, శ్రీలీల స్టేజీపైకి వచ్చి జింతాత స్టెప్పుతో ఓ ఊపు ఊపారు. ఇంతలో ఆదిరెడ్డి ఎలిమినేట్‌ అయిపోయాడు. తర్వాత అతడు టాప్‌ 3 కంటెస్టెంట్ల గురించి మాట్లాడుతూ.. 'కీర్తి బిగ్‌బాస్‌ షోలో కనిపించడం వల్ల తెలుగు రాష్ట్రాల్లో చాలా ఆత్మహత్యలు ఆగుతాయి. అన్ని కష్టాల్లో ఉన్న ఆమె అంత ధైర్యంగా ముందుకెళ్లడం చాలామందికి ఇన్‌స్పిరేషన్‌. రేవంత్‌లో 20 తప్పులు ఉంటే 40 పాజిటివ్‌లు ఉంటాయి. భార్య గర్భవతిగా ఉన్నప్పుడు ఆమెను వదిలి వచ్చి హౌస్‌లో గేమ్‌ ఆడటం అంటే మామూలు విషయం కాదు. నాకంటే ఆ ముగ్గురు బాగా ఆడారు. కాబట్టి వాళ్లకంటే ముందే ఎలిమినేట్‌ అయినందుకు సంతోషంగా ఉంది' అన్నాడు. తర్వాత రవితేజ హౌస్‌లోకి వెళ్లి టాప్‌ 3 కంటెస్టెంట్లకు సూట్‌కేసు ఆఫర్‌ చేశాడు. ప్రైజ్‌మనీలో నుంచి పది శాతం మీ సొంతమని ఊదరగొట్టినా ఎవరూ పట్టించుకోలేదు. దాన్ని ముప్పై శాతానికి పెంచినా సరే వద్దే వద్దన్నట్లుగా సైలెంట్‌గా ఉండిపోయారు. దీంతో రవితేజ చేసేదేం లేక కీర్తి చేయి పట్టుకుని బయటకు తీసుకొచ్చాడు. ఇక హౌస్‌లో రేవంత్, శ్రీహాన్ మాత్రమే మిగిలారు. ఈసారి వారి కోసం నాగార్జున రంగంలోకి దిగాడు. గోల్డెన్‌ బ్రీఫ్‌కేసుతో హౌస్‌లోకి వెళ్లాడు. రూ.25 లక్షలున్న బ్రీఫ్‌కేసును ఎవరు సొంతం చేసుకుంటారని అడిగాడు. ఇద్దరూ వద్దనేసరికి ఆఫర్‌ను రూ.30 లక్షలకు పెంచాడు. ఆరోహి, కీర్తి, అభినయ, మెరీనా, రోహిత్‌, సుదీప మినహా మిగతా అందరూ శ్రీహాన్‌ సూట్‌కేసు తీసుకోవడమే మంచిదని చెప్పారు. అందరి అభిప్రాయం అడిగిన తర్వాత ఇద్దరూ సూట్‌కేసు తీసుకోవడానికి ససేమీరా అన్నారు. దీంతో నాగ్‌ ఆ డబ్బును రూ.40 లక్షలకు పెంచాడు. మొదట్లో సూట్‌కేసు తీసుకోవద్దన్న శ్రీహాన్‌ తండ్రి చివరికి తీసుకోమని చెప్పాడు. తండ్రి మాట విన్నాక శ్రీహాన్‌ అమ్మానాన్న కోసం తీసుకుంటున్నానన్నాడు. ఇద్దరినీ స్టేజీపైకి తీసుకొచ్చాక రేవంత్‌కు ట్రోఫీ బహుకరించడంతో పాటు పది లక్షల చెక్‌, 605 గజాల సువర్ణభూమి ప్లాట్‌ను అందించారు. చివరగా అందరికీ దిమ్మతిరిగిపోయే న్యూస్‌ చెప్పాడు నాగ్‌. బిగ్‌బాస్‌ చరిత్రలోనే తొలిసారి ఇద్దరూ విన్నర్స్‌ అయ్యాడన్నాడు. అదెలాగంటే ట్రోఫీ అందుకుని రేవంత్‌ గెలిచాడని, కానీ ప్రేక్షకుల ఓట్లు శ్రీహాన్‌కే ఎక్కువ వచ్చాయని ట్విస్ట్‌ ఇచ్చాడు. ఏదేమైనా ట్రోఫీ అందుకుంది రేవంత్‌ కాబట్టి అతడిని అఫీషియల్‌ విన్నర్‌గా ప్రకటించాడు.

బిగ్‌బాస్‌ తెలుగు ఆరో సీజన్‌ ఎంత గ్రాండ్‌గా ప్రారంభమైందో అంతే గ్రాండ్‌గా ముగియనుంది. మరికొద్ది గంటల్లో ఫినాలే ఎపిసోడ్‌ మొదలుకానుంది. ఈ ఎపిసోడ్‌ ఏ రేంజ్‌లో ఉండబోతోందో సాంపుల్‌ చూపించేందుకు తాజాగా ప్రోమో వదిలారు. ఇందులో మాజీ కంటెస్టెంట్ల డ్యాన్సులతో పాటు హీరోయిన్స్‌ స్పెషల్‌ డ్యాన్సులు కూడా ఉండనున్నాయి. అలాగే నిఖిల్‌, ధమాకా టీమ్‌ రవితేజ, శ్రీలీల కూడా స్టేజీపై సందడి చేసినట్లు తెలుస్తోంది. తర్వాత మాస్‌ మహారాజకు బ్రీఫ్‌కేస్‌ ఇచ్చి హౌస్‌ లోపలకు పంపించారు. కానీ ఫైనలిస్టులు ఎవరూ దాన్ని అందుకోవడానికి రెడీగా లేనట్లు కనిపించింది. ఇకపోతే ఎలాగో రేవంత్‌ విజేతగా అవతరించగా శ్రీహాన్‌ రన్నర్‌గా నిలిచాడంటూ సోషల్‌ మీడియా కోడై కూస్తోంది. మూడో స్థానంలో ఆదిరెడ్డి ఉన్నాడని మొదట పుకార్లు వ్యాపించినప్పటికీ ప్రస్తుతం నడుస్తున్న టాక్‌ ప్రకారం కీర్తి సెకండ్‌ రన్నరప్‌గా నిలిచిందట. ఆదిరెడ్డి నాలుగో స్థానంతో, రోహిత్‌ ఐదో స్థానంతో సరిపెట్టుకున్నట్లు తెలుస్తోంది. చదవండి: రూ. 5 లక్షలు పట్టేసిన శ్రీహాన్‌

మాజీ కంటెస్టెంట్ల రాకతో బిగ్‌బాస్‌ హౌస్‌కు కొత్త కళ వచ్చింది. మొదటగా రోల్‌ రైడా హౌస్‌లో అడుగుపెట్టి త్వరలో బీబీ జోడీ షో రాబోతుందంటూ గుడ్‌న్యూస్‌ చెప్పాడు. అది కంటెస్టెంట్లు జంటలుగా పాల్గొనే రియాలిటీ డ్యాన్స్‌ షో అని తెలిపాడు. తర్వాత ఫైనలిస్టులకు ఆల్‌ ద బెస్ట్‌ చెప్పి వీడ్కోలు తీసుకున్నాడు. తర్వాత మెహబూబ్‌, అషూ జంటగా లోపలకు ఎంట్రీ ఇచ్చారు. వారు హౌస్‌మేట్స్‌తో ఫన్నీ గేమ్స్‌ ఆడించారు. అందులో భాగంగా ఏ ప్రశ్న అడిగినా తప్పు సమాధానమే చెప్పాలన్నారు. ఇందులో కీర్తి.. శ్రీహాన్‌ గర్ల్‌ఫ్రెండ్‌ ఎవరు? అని అడగ్గా ఆదిరెడ్డి టపీమని ఇనయ పేరు చెప్పాడు. దీంతో హౌస్‌మేట్స్‌ పడీపడీ నవ్వారు. అంతలోనే బ్యాడ్‌న్యూస్‌ అంటూ.. హౌస్‌లో ఒకరిని తమతోపాటు ఎలిమినేట్‌ చేసి తీసుకెళ్తామనగానే అందరి ముఖాలు వాడిపోయాయి. మరీ టెన్షన్‌ పెట్టడం మంచిదికాదని భావించిన వాళ్లు ఇది ప్రాంక్‌ అని చెప్పడంతో హౌస్‌మేట్స్‌ ఊపిరి పీల్చుకున్నారు. వారు వెళ్లిపోగానే అవినాష్‌- అరియానా వచ్చి డ్యాన్స్‌ చేసి, పంచ్‌లు పేల్చుతూ ఫుల్‌ ఎంటర్‌టైన్‌ చేశారు. ఆ తర్వాత చైతూ, కాజల్‌ వచ్చి ఫైనలిస్టులను సర్‌ప్రైజ్‌ చేశారు. శ్రీహాన్‌ అంటే ఎంటర్‌టైన్‌మెంట్‌, రేవంత్‌.. కోపం, ఆదిరెడ్డి.. కాన్ఫిడెంట్‌, రోహిత్‌.. కామ్‌ అండ్‌ కంపోజ్‌డ్‌, కీర్తి గేమ్‌ బాగా ఆడుతుందంటూ ఒక్కొక్కరి గురించి షార్ట్‌ అండ్‌ స్వీట్‌గా చెప్పాడు చైతూ. అనంతరం కొన్ని వస్తువులు వాడుతూ డ్యాన్స్‌ చేయాలని టాస్క్‌ ఇచ్చారు. ఈ టాస్క్‌లో కీర్తి గెలిచి ఫ్రైడ్‌ చికెన్‌ సంపాదించుకుంది. ఈ జంట వెళ్లిపోగానే రవి-భాను లోపలకు ఎంట్రీ ఇచ్చారు. ఫైనలిస్టులకు టంగ్‌ ట్విస్టర్స్‌ ఇచ్చి వాటిని స్పీడ్‌గా చెప్పాలన్నాడు. అందరూ బానే చెప్పినా తెలుగు రాని కీర్తి కొంత తడబడుతూ దాన్ని పూర్తి చేసింది. తర్వాత బిగ్‌బాస్‌ ఓ టాస్క్‌ ఇచ్చాడు. సీజన్‌ ముగింపుకు వచ్చేసరికి ఎవరి మీద అభిప్రాయం మారిందో చెప్పాలన్నాడు. ముందుగా శ్రీహాన్‌ మాట్లాడుతూ.. మొదట్లో కీర్తి మంచి ఫ్రెండ్‌గా ఉండేది. కానీ రానురానూ గొడవలయ్యాయి. జీవితంలో ఎన్నో కష్టాలు దాటుకుంటూ వచ్చి ఇక్కడ గేమ్‌ మీద ఫోకస్‌ పెట్టి ఇంతవరకు రావడం చిన్న విషయం కాదంటూ ఆమెకు హ్యాట్సాఫ్‌ చెప్పాడు. నెక్స్ట్‌ ఆదిరెడ్డి.. మొదట్లో రేవంత్‌ యాటిట్యూడ్‌ చూపిస్తున్నాడనిపించింది. కానీ చాలాకాలానికి అది యాటిట్యూడ్‌ కాదని అర్థమైందన్నాడు. రోహిత్‌ వంతు రాగా ఆదిరెడ్డి తప్పును అంగీకరిస్తారని తెలుసుకున్నానన్నాడు. రేవంత్‌ మాట్లాడుతూ.. ఆదిరెడ్డి రివ్యూయర్‌ కాబట్టి మానిప్యులేటర్‌ అనుకునేవాడిని. ఈ మధ్యకాలంలో అతడితో ఎక్కువగా ఉంటున్నాను. ఆ సమయంలోనే ఆయన్ను నేనెందుకు అర్థం చేసుకోలేకపోయానని ఫీలయ్యానని చెప్పాడు. కీర్తి వంతు రాగా.. శ్రీహాన్‌ జెన్యూన్‌ కాదు, డ్రామా చేస్తున్నాడనుకున్నాను. నాకు సారీ చెప్పినప్పుడు కూడా అది నిజమని నమ్మలేదు. కానీ తర్వాత ఆ అభిప్రాయం మారింది అని చెప్పింది.  ఇకపోతే కొన్నివారాలుగా ఆన్‌లైన్‌లో లెన్స్‌కార్ట్‌ స్టైలిష్‌ కంటెస్టెంట్‌ పోటీ జరుగుతున్న విషయం తెలిసిందే కదా! ఇందులో శ్రీహాన్‌​ గెలిచి స్టైలిష్‌ కంటెస్టెంట్‌ ఆఫ్‌ ద సీజన్‌గా నిలవడమే కాకుండా రూ.5 లక్షల రూపాయలు గెలుచుకున్నాడు. ఆ మరుసటి రోజు అఖిల్‌ సార్థక్‌, తేజస్విని మదివాడ హౌస్‌లోకి వచ్చి ఆటపాటలతో సందడి చేసి వీడ్కోలు తీసుకున్నారు. చదవండి: అర్జున్‌ కల్యాణ్‌కు నేనంటే లవ్‌.. వీడియో చూసి షాకైన శ్రీసత్య బిగ్‌బాస్‌ విన్నర్‌ అతడే!

గ్రాండ్‌ ఫినాలే వీక్‌లో అడుగుపెట్టిన శ్రీసత్యకు బిగ్‌బాస్‌ షాకిచ్చాడు. ఫినాలేకు చేరకుండానే మిడ్‌ వీక్‌ ఎలిమినేషన్‌ ద్వారా ఆమెను బయటకు పంపించేశాడు. దీంతో హౌస్‌ను వీడలేక వీడి వచ్చేసింది శ్రీసత్య. తాజాగా ఆమె బిబి కెఫెలో యాంకర్‌ శివకు ఇంటర్వ్యూ ఇచ్చింది. ఈ సందర్భంగా పలు ఆసక్తికర విషయాలు పంచుకుంది. ముందుగా యాంకర్‌ శివ మాట్లాడుతూ.. శ్రీహాన్‌ మారిపోయాడంటున్నావేంటి అని అడిగాడు. అందుకు శ్రీసత్య.. అతడు మారడం తప్పనట్లేదు. కానీ సడన్‌గా ఫ్లిప్‌ అయ్యాడని చెప్పింది. వెంటనే అందుకున్న శివ.. ఫ్లిప్పింగ్‌ల కోసం నువ్వు మాట్లాడుతున్నావా? అని సెటైర్‌ వేశాడు. గెలుపును తీసుకుంటావు, కానీ ఓటమిని తీసుకోలేవని రేవంత్‌ను తప్పుపట్టిన నువ్వు ఓసారి ప్లేటు తీసి విసిరికొట్టావని గుర్తు చేశాడు. దీనికామె నేను ఫుడ్‌ మీద కోపం చూపించలేదని బదులిచ్చింది. అలాగే ఓసారి శ్రీహాన్‌, నేను కావాలనే ఇనయను రెచ్చగొట్టామంది. కాకపోతే అది గేమ్‌లో భాగంగానే స్పష్టం చేసింది. శ్రీహాన్‌, నువ్వు, రేవంత్‌ కావాలని బ్యాచ్‌గా ఏర్పడినట్లు అనిపించిందన్న శివ.. మీరు కావాలని గొడవలు పెట్టుకుంటారు కదా అని అడిగాడు. ఆ ప్రశ్నతో అవాక్కైన శ్రీసత్య.. ఫ్రెండ్సంటే కొట్టుకుంటారు కదా, అందులో తప్పేముందన్నట్లుగా ఫేస్‌ పెట్టింది. దీనికి శివ స్పందిస్తూ ఫ్రెండ్స్‌ తప్పులను వారి వెనకాల వెళ్లి చెప్పడం ఫ్రెండ్‌షిప్‌ కానే కాదని కుండ బద్ధలు కొట్టాడు. తర్వాత అర్జున్‌ కల్యాణ్‌ గురించి అడగ్గా డీసెంట్‌ బాయ్‌ అని చెప్పింది శ్రీసత్య. తనకు తెలిసినంతవరకు అతడికి నేనంటే ఇష్టం, ప్రేమ ఉండొచ్చని అభిప్రాయపడింది. ఇంతలో శివ ఓ వీడియో చూపించాడు. అందులో అర్జున్‌.. ఎలాగో నేను శ్రీసత్య వెనకాల తిరుగుతున్నాను. నువ్వు నా వెనక పడితే కంటెంట్‌కు మంచి ట్రయాంగిల్‌ లవ్‌ స్టోరీ అయ్యేది కదా అంటూ వాసంతితో మాట్లాడాడు. ఈ వీడియో చూపించిన శివ.. అర్జున్‌ కల్యాణ్‌ దృష్టిలో శ్రీసత్య ఒక కంటెంట్‌ అని చెప్పగా శ్రీసత్యకు నోట మాట రాక షాక్‌లో ఉండిపోయింది. చదవండి: శ్రీసత్య ఎలిమినేట్‌, క్షమించని వేడుకున్న శ్రీహాన్‌ శ్రీసత్య పారితోషికం ఎంతో తెలుసా?

రేపటితో బిగ్‌బాస్‌ షో కథ క్లోజ్‌ కానుంది. శ్రీసత్య ఎలిమినేట్‌ కావడంతో హౌస్‌లో ఐదుగురు మిగిలారు. వీరంతా ఫైనల్‌కు చేరుకున్నామన్న సంతోషంలో మునిగి తేలుతున్నారు. ఇకపోతే గత బిగ్‌బాస్‌ సీజన్లలో అలరించిన కొందరు కంటెస్టెంట్లతో త్వరలో బీబీ జోడీ రానుంది. ఈ షోలో ముక్కు అవినాష్‌- అరియానా, అఖిల్‌-తేజస్వి, అర్జున్‌- వాసంతి, సూర్య- ఫైమా, రవికృష్ణ- భాను, మెహబూబ్‌- అషు, చైతు- కాజల్‌, రోల్‌ రైడా-స్రవంతి జంటలుగా పాల్గొననున్నారు. ఈ షోను ప్రమోట్‌ చేసే క్రమంలో నేడు అషు, మెహబూబ్‌, అవినాష్‌, అరియానా హౌస్‌లో అడుగుపెట్టారు. ఇక ఎంటర్‌టైన్‌మెంట్‌కు కేరాఫ్‌ అడ్రస్‌ అయిన అవినాష్‌ ఇంట్లో బెల్లీ డ్యాన్స్‌, నాగిని డ్యాన్స్‌ చేసి అందరినీ నవ్వించారు. మరి మాజీ కంటెస్టెంట్ల రచ్చ చూడాలంటే నేటి ఎపిసోడ్‌ వచ్చేదాకా ఆగాల్సిందే! చదవండి: డబ్బు కోసమే వచ్చానన్న శ్రీసత్య ఎంత సంపాదించిందంటే? తుస్సుమన్న అవతార్‌ 2, ఆసినిమాను కూడా దాటలేకపోయింది

బిగ్‌బాస్‌ సీజన్‌-6కి మరికాసేపట్లో శుభం కార్డు పడనుంది. ఇప్పటికే సత్య ఎలిమినేట్‌ అవగా చివరగా ఐదుగురు సభ్యులు ఫినాలేకు చేరుకున్నారు. ఈ క్రమంలో బిగ్‌బాస్‌ విన్నర్‌ ఎవరన్న దానిపై నెట్టింట బాగా చర్చ నడుస్తుంది. గత సీజన్లతో పోలిస్తే ఈ సీజన్‌ అట్టర్‌ ఫ్లాప్‌ అన్న అభిప్రాయం ప్రేక్షకుల్లో ఉంది. ఇదిలా ఉంటే ఎన్నడూ లేనంతగా ఈ సీజన్‌కు పొలిటికల్‌ రంగు కూడా పులుముకుంది. టాప్‌-2లో ఉండాల్సిన ఇనయాను కావాలనే ఎలిమినేట్‌ చేయడం, మిడ్‌ వీక్‌ ఎలిమినేషన్‌ అని చెప్పి ఫినాలేకు ఒకరోజు ముందు సత్యను ఎలిమినేట్‌ చేయడంపై ఇప్పటికే ఆడియెన్స్‌ ఫైర్‌ అవుతున్నారు. దీనికి తోడు పొలిటికల్‌ పవర్‌తో రేవంత్‌ను విన్నర్‌ కాకుండా చేసేందుకు కూడా విశ్వ ప్రయత్నాలు జరిగాయంటూ నెట్టింట వార్తలు పుట్టుకొస్తున్న నేపథ్యంలో అసలు బిగ్‌బాస్‌ సీజన్‌-6 విజేత ఎవరన్నదానిపై హౌస్‌మేట్స్‌ ఫ్యామిలీతో పాటు ఆడియెన్స్‌లోనూ తీవ్ర ఉత్కంఠ నెలకొంది. నిన్న(శుక్రవారం)అర్థరాత్రే ఓటింగ్‌ లైన్స్‌ క్లోజ్‌ అయ్యాయి. సోషల్‌ మీడియాలో అందుతున్న ఓటింగ్‌ ప్రకారం చివరగా రోహిత్‌ నిలిచినట్లు తెలుస్తుంది. ఇక టాప్‌-4 ప్లేస్‌ను కీర్తి దక్కించుకుంది. టాప్‌-3లో ఆదిరెడ్డి, రేవంత్‌, శ్రీహాన్‌లు ఉన్నారు. వీరిలో అత్యదికంగా ఓట్లు సంపాదించుకొని సింగర్‌ రేవంత్‌ సీజన్‌-6 విజేతగా నిలవగా, శ్రీహాన్‌ రన్నరన్‌ స్థానాన్ని కైవసం చేసుకున్నారు. ఇక కామన్‌ మ్యాన్‌గా ఎంట్రీ ఇచ్చిన ఆదిరెడ్డి టాప్‌-3తో సరిపెట్టుకున్నట్లు తెలుస్తుంది. మరి ఇందులో ఎంతనిజం ఉందన్నది అఫీషియల్‌ అనౌన్స్‌మెంట్‌ వచ్చేవరకు వేచి చూడాల్సిందే. 

Bigg Boss 6 Telugu, Episode 104: బిగ్‌బాస్‌ ఇచ్చిన ఛాలెంజ్‌లు గెలవడమే కాకుండా ఏకాభిప్రాయంలోనూ నెగ్గి రోహిత్‌, శ్రీసత్య ప్రేక్షకులను ఓట్లడిగే అవకాశాన్ని దక్కించుకున్నారు. నేడు మిగతావారికి కూడా ఛాన్స్‌ రావాలన్న ఉద్దేశంతో మరిన్ని టాస్కులు పెట్టాడు. అలా వాటిలో శ్రీహాన్‌, కీర్తి గెలిచి ప్రేక్షకులతో మాట్లాడారు. ముందుగా శ్రీహాన్‌ మాట్లాడుతూ.. 'నాకు ఓటడిగే అర్హత ఉందో, లేదో మీరే నిర్ణయించాలి. దానికంటే ముందు నేను తెలీకుండా చేసిన తప్పులకు క్షమాపణలు అడుగుతున్నా. నా మాటల వల్ల, యాటిట్యూడ్‌ వల్ల కొందరు బాధపడుతున్నారని తర్వాత తెలిసింది. నాకు తెలియకుండానే వారిని బాధపెట్టానని అర్థమయ్యాక నా తప్పులు సరిదిద్దుకున్నాను. అవన్నీ మనసులో పెట్టుకోకుండా మీరు నన్ను ఇక్కడి వరకు తీసుకొచ్చారు.  టికెట్‌ టు ఫినాలే రేవంత్‌ వదిలేయడం వల్ల నాకు వచ్చింది అని అందరూ అంటుంటే బాధగా ఉంది. కానీ గేమ్‌ అంతా మీరు చూశారు. ఊహించని పరిస్థితుల మధ్య బిగ్‌బాస్‌ షోకు వచ్చాను. ట్రోఫీ గెలవడం నాకు చాలా ముఖ్యం. మీ ప్రేమను ఓట్ల రూపంలో చూపించి గెలిపించండి. ఎక్కువ క్షమించేవాళ్లే ఎక్కువ ప్రేమిస్తారు. నేను తప్పు చేసినందుకు క్షమించండి' అంటూ చేతులెత్తి వేడుకున్నాడు. అలాగే ఇండియన్‌ ఆర్మీ జవాన్లకు, అన్నం పెట్టే రైతులకు ఎప్పటికీ రుణపడి ఉంటానంటూ సెల్యూట్‌ చేశాడు. తర్వాత కీర్తి మాట్లాడుతూ.. 'ఇన్నిరోజులు బిగ్‌బాస్‌ హౌస్‌లో కీర్తిని చూశారు. బయట ఎలా ఉన్నాను? లోపల ఎలా ఉన్నాను? అన్నీ చూశారు. మీ ఇంటి కూతురిలా నాకు సపోర్ట్‌ చేశారు. మున్ముందు కూడా అలాగే మద్దతిస్తారనుకుంటున్నాను. నా శక్తిని మించి ఆడాను. నేను స్ట్రాంగ్‌గా ఉన్నాను. నాలాంటివాళ్లు కూడా బలంగా ఉండాలనుకుంటున్నాను. ట్రోఫీ గెలిచినా కూడా ఆ డబ్బులు నాకోసం వాడుకోను. నాలాంటి అనాధల కోసం, సామాజిక కార్యక్రమాల కోసం ఆ డబ్బులు వాడతాను. అందరికీ ఓట్లేయండి, కానీ నాక్కొంచెం ఎక్కువ ఓట్లేయండి' అని కోరింది.  తర్వాత ఉదయం ఆరుగంటలకే హౌస్‌మేట్స్‌ను నిద్ర లేపిన బిగ్‌బాస్‌ అర్జంటుగా బ్యాగులు సర్దేసుకోండి, ఒకరిని మిడ్‌ వీక్‌ ఎలిమినేషన్‌ ద్వారా బయటకు పంపించేస్తానని చెప్పాడు. ఈ మాటతో షాకైన కంటెస్టెంట్లు చేసేదేం లేక బుద్ధిగా తమ బట్టలు సర్దేసుకుని గార్డెన్‌ ఏరియాలో వచ్చి నిల్చున్నారు. మీ అభిప్రాయంలో ఎవరు వెళ్లిపోతారనుకుంటున్నారో చెప్పమని మెలిక పెట్టాడు బిగ్‌బాస్‌. దీంతో శ్రీహాన్‌.. రోహిత్‌ పేరు, ​కీర్తి.. ఆదిరెడ్డి, శ్రీసత్య.. రేవంత్‌, ఆదిరెడ్డి.. కీర్తి, రోహిత్‌.. శ్రీహాన్‌ ఎలిమినేట్‌ కావచ్చని అభిప్రాయపడ్డారు. తర్వాత బిగ్‌బాస్‌ మాట్లాడుతూ.. మెజారిటీ ఇంటిసభ్యులు కీర్తి వెళ్లిపోతుందని నిర్ణయించారు. కానీ ప్రేక్షకుల నిర్ణయం ప్రకారం శ్రీసత్య టాప్‌ 5కి చేరుకోకుండా ఈ క్షణమే ఎలిమినేట్‌ అయిందని ప్రకటించాడు. ఎలిమినేషన్‌ను ముందే పసిగట్టిన శ్రీసత్యకు బాధను లోలోపలే దిగమింగి బయటకు మాత్రం చిరునవ్వుతో నిలబడింది. కానీ రేవంత్‌ బాధ ఆపుకోలేక ఏడ్చేశాడు. చివరికి అందరికీ ఆల్‌ ద బెస్ట్‌ చెప్తూ హౌస్‌కు వీడ్కోలు పలికింది శ్రీసత్య. చదవండి: బిగ్‌బాస్‌ షో నుంచి తప్పుకోనున్న నాగ్‌ రేవంత్‌ తండ్రి చనిపోయినా బతికే ఉన్నాడని అబద్ధం చెప్పాం

శ్రీసత్యది అదృష్టమో, దురదృష్టమో తెలీదు కానీ గ్రాండ్‌ ఫినాలేకు ఒక్క అడుగు దూరంలో ఆగిపోయింది. ఎన్నో వారాలుగా కొందరు నెటిజన్లు ప్రయత్నించిన ఆపరేషన్‌ అసత్య అర్ధాంతరంగా ఆగిపోగా బిగ్‌బాస్‌ ఈసారి దాన్ని భుజాన వేసుకున్నాడేమో అన్నట్లుగా ఆమెను టాప్‌ 5లో ఉంచకుండా బయటకు పంపించేశాడు. ఫినాలే కోసం ఎలా రెడీ అవ్వాలి? అని ప్లానింగ్‌లో ఉన్న శ్రీసత్యకు ఇది పెద్ద షాక్‌ అనే చెప్పాలి! మొదట్లో బిగ్‌బాస్‌ షోను పిక్‌నిక్‌ స్పాట్‌గా భావించింది శ్రీసత్య. అందరి ఆటను చూడ్డానికే వచ్చాను తప్ప ఆడటానికి కాదన్నట్లుగా ప్రవర్తించింది. ఆమె బిహేవియర్‌ చూసి హౌస్‌మేట్సే కాదు నాగార్జున సైతం తిట్టిపోశాడు. దీంతో మెల్లిగా తనను తాను మార్చుకుంటూ నెమ్మదిగా రంగంలోకి దిగి దెబ్బలు తగిలినా సరే ఆట వదిలేదే లేదన్నట్లుగా గేమ్‌ ఆడటం ప్రారంభించింది. అయితే ఇతరుల నామినేషన్స్‌ చూసి ఎగతాళి చేసినట్లుగా నవ్వడం, వెటకారం, రేవంత్‌ గురించి వెనకాల మాట్లాడటం ఇలా కొన్ని తప్పుల వల్ల ఆమెపై విపరతీమైన నెగెటివిటీ ఏర్పడింది.  ఎప్పుడైతే ఫ్యామిలీ మెంబర్స్‌ హౌస్‌లో అడుగుపెట్టారో అప్పుడు తను చేసిన తప్పేంటో తెలిసి వచ్చింది. ఇలా తయారయ్యావేంటి? నా కూతురు ఇలా ఉండదు అని తండ్రి ముఖం పట్టుకుని అనేసరికి వెటకారాన్ని తగ్గించేసింది. అనవసరంగా గొడవలు పెట్టుకోవడం మానేసింది. అందరితో బాగుండటానికి ప్రయత్నించింది. కానీ అప్పటికే సమయం మించిపోయింది. ఎన్నోవారాలుగా ఆపరేషన్‌ అసత్య అంటూ తనను ఎలిమినేట్‌ చేయడానికి ప్రయత్నించారు, కానీ కుదరలేదు. ఎట్టకేలకు ఫినాలేలో అడుగుపెట్టానోచ్‌ అని సంబరపడుతున్న తరుణంలో బిగ్‌బాస్‌ ఆమెను మిడ్‌ వీక్‌ ఎలిమినేట్‌ చేసి బయటకు పంపించేయడం దారుణమనే చెప్పాలి. మరి 15 వారాలు హౌస్‌లో ఉన్నందుకు ఆమె ఎంత పారితోషికం అందుకుందని పలువురు ఆరా తీస్తున్నారు. సోషల్‌ మీడియాలో చక్కర్లు కొడుతున్న సమాచారం ప్రకారం ఆమెకు వారానికి లక్ష చొప్పున పారితోషికం ఇచ్చారట. అంటే ఈ లెక్కన ఆమె 15 వారాలకు గానూ రూ.15 లక్షలు సంపాదించినట్లు తెలుస్తోంది. మరి ఇదెంతవరకు నిజమో తెలియాల్సి ఉంది. చదవండి: బిగ్‌బాస్‌ షోకు నాగార్జున గుడ్‌బై చెప్పనున్నాడా?

బిగ్‌బాస్‌ తెలుగు ఆరో సీజన్‌ ఎప్పుడు ఎటు వైపు వెళ్తుందో ఎవరికీ అర్థం కాకుండా ఉంది. స్ట్రాంగ్‌ కంటెస్టెంట్లు అనుకున్నవారు ఎప్పుడో ఎలిమినేట్‌ అవగా గ్రాండ్‌ ఫినాలే వీక్‌లో మరొకరిని పంపించి ఓ ఆటాడుకుంటున్నాడు బిగ్‌బాస్‌. మరోపక్క  ఈ సీజన్‌లో చాలావరకు అన్‌ఫెయిర్‌ ఎలిమినేషన్స్‌ జరిగాయంటూ నెటిజన్లు నెట్టింట మండిపడ్డ విషయం తెలిసిందే! మరీ ముఖ్యంగా ఇనయ ఎలిమినేషన్‌తో ఈ ఆగ్రహం పీక్స్‌కు వెళ్లింది. అయితే దీనిపై నాగార్జున కూడా సీరియస్‌ అయ్యాడని, ఇక మీదట బిగ్‌బాస్‌ షోకి వ్యాఖ్యాతగా వ్యవహరించబోనని తేల్చి చెప్పాడంటూ ఓ వార్త సోషల్‌ మీడియాలో వైరల్‌గా మారింది.  అంతేకాదు నెక్స్ట్‌ సీజన్‌కు రౌడీ హీరో విజయ్‌ దేవరకొండ హోస్ట్‌గా రానున్నాడన్న ప్రచారమూ ఊపందుకుంది. మరి ఇందులో ఎంతవరకు నిజముందన్నది తెలియాల్సి ఉంది. కానీ గత సీజన్లతో పోలిస్తే ఈసారి షోకి ఆదరణ తగ్గడమే కాక విమర్శలు ఎక్కువయ్యాయన్నది జగమెరిగిన సత్యం. అన్ని సీజన్ల కంటే ఈ సీజన్‌ లాంఛింగ్‌ ఎపిసోడ్‌కే అతి తక్కువ(8.5) టీఆర్పీ వచ్చింది. దీనిపై నాగ్‌ సైతం కొంత అప్‌సెట్‌ అయినట్లు తెలుస్తోంది. దీనికి తోడు సీజన్‌లో మలుపులు, అన్‌ఫెయిర్‌ ఎలిమినేషన్లు టీఆర్పీకి గుదిబండగా మారాయి. అటు ప్రేక్షకులు సైతం ఈ సీజన్‌ను ఫ్లాప్‌ సీజన్‌గా తేల్చేశారు. కనీసం నెక్స్ట్‌ సీజన్‌కైనా మంచి కంటెస్టెంట్లను, ఫెయిర్‌ ఎలిమినేషన్లు పెట్టండని చురకలంటిస్తున్నారు. చదవండి: రేవంత్‌ తండ్రి చనిపోయినా బతికే ఉన్నాడని చెప్పాం త్వరలో కొత్త జీవితం ప్రారంభిచబోతున్నా: మంచు మనోజ్‌

టాస్కుల్లో రేవంత్‌ను కొట్టేవాడే లేడు. కానీ వ్యక్తిత్వంలో మాత్రం అతడు ఎక్కడో వెనక స్థానంలో ఉన్నాడు. మిగతావాళ్లను చులకన చేయడం, తనే తోపునని ఫీలవడం, టాస్కుల్లో ఫిజికల్‌ అవడం, ఓటమిని జీర్ణించుకోలేని తత్వం.. ఇలా చాలా మైనస్‌లే ఉన్నాయి. కానీ షో మొదటి రోజు నుంచి ఇప్పటివరకు ఒకేలా ఉన్నాడు. ఏదున్నా ముక్కుసూటిగా మాట్లాడతాడు. అందరితో గొడవలు పడతాడు, మళ్లీ కాసేపటికే సారీ చెప్పి కలిసిపోతాడు. అలా రేవంత్‌లో ప్లస్‌లు, మైనస్‌లు రెండూ ఉన్నాయి. ప్రస్తుతం ట్రెండ్‌ చూస్తుంటే రేవంత్‌ కప్పు కొట్టేలా ఉన్నాడు. ఈ క్రమంలో రేవంత్‌ తల్లి సీతా సుబ్బలక్ష్మి ఓ ఇంటర్వ్యూలో ఆసక్తికర వ్యాఖ్యలు చేసింది. 'నా భర్త పేరు శంకర. నాకు మొదట కొడుకు పుట్టాడు. తర్వాత రేవంత్‌ కడుపులో ఉండగానే నా భర్త చనిపోయాడు. మా ఆయన లేకపోయినా బంగారంలాంటి పిల్లల్నిచ్చారని ఎప్పుడూ తలుచుకుంటాను. భర్త లేకుండా ఇద్దరు పిల్లల్ని పెంచానంటే అది నా ఫ్యామిలీ వల్లే.. మా నాన్న, అమ్మ, అన్నయ్యలు, వదినలు.. నన్ను, నా పిల్లల్ని కంటికి రెప్పలా కాపాడుకుంటూ వచ్చారు. వాళ్లు అండగా లేకపోతే నేను రోడ్డున పడేదాన్ని. రేవంత్‌ పుట్టాక నీకు నాన్న లేడని చెప్తే ఎక్కడ మనసులో పెట్టుకుంటాడోనని నిజం దాచాను. మీ నాన్న దుబాయ్‌లో ఉంటారు.. నిదానంగా వస్తారులే అని చెప్పేవాళ్లం. వాడిని చూస్తే నాకు ఇప్పటికీ బాధగా ఉంటుంది. ఎందుకంటే వాడు తండ్రి ప్రేమకు నోచుకోలేదు. భగవంతుడు ఎందుకా లోటు మిగిల్చాడని ఎప్పుడూ బాధపడేదాన్ని. రేవంత్‌కు నా లక్షణాలే వచ్చాయి. కానీ అంత కోపం నాకు లేదు. వాడి కోపం కాసేపే ఉంటుంది. తర్వాత మామూలైపోయి సారీ చెప్తాడు' అని చెప్పుకొచ్చింది రేవంత్‌ తల్లి. చదవండి: కీర్తి ఎలిమినేట్‌ అవుతుందన్న హౌస్‌మేట్స్‌, ఝలక్‌ ఇవ్వనున్న బిగ్‌బాస్‌

ఏ బుధవారమో, గురువారమో మిడ్‌ వీక్‌ ఎలిమినేషన్‌ జరుగుతుందనుకుంటే దాన్ని శుక్రవారం దాకా లాక్కొచ్చాడు బిగ్‌బాస్‌. కానీ ఎలిమినేట్‌ కానుంది ఎవరో ఆల్‌రెడీ సోషల్‌ మీడియాలో లీకైంది. శ్రీసత్య ఈరోజు బిగ్‌బాస్‌ హౌస్‌ నుంచి పెట్టాబేడా సర్దుకుని రావడం ఖాయమని తెలిసిపోయింది. కానీ బిగ్‌బాస్‌ మాత్రం ఎవరు ఎలిమినేట్‌ అవుతారో గెస్‌ చేయండని ఇంటిసభ్యులను అడిగాడు. ఇందుకు శ్రీహాన్‌.. రోహిత్‌ పేరు చెప్పగా, ఆదిరెడ్డి, శ్రీసత్య.. కీర్తి వెళ్లిపోతుందని, కీర్తి.. ఆదిరెడ్డి ఎలిమినేట్‌ అవుతాడేమోనని అభిప్రాయపడ్డారు. 'మెజారిటీ ఇంటిసభ్యులందరూ కీర్తిని టాప్‌ 5కి అనర్హురాలుగా భావించారు. కానీ ప్రేక్షకుల అభిప్రాయంలో ఎలిమినేట్‌ కానుంది ఎవరంటే...' అన్న సస్పెన్స్‌తో ప్రోమో ముగించాడు బిగ్‌బాస్‌. ఇక హౌస్‌మేట్స్‌కు ఝలక్‌ ఇస్తూ కీర్తికి బదులుగా శ్రీసత్యను ఎలిమినేట్‌ చేయనున్నారు. అప్పుడు కంటెస్టెంట్ల ఎక్స్‌ప్రెషన్‌ ఏంటో చూడాలంటే నేటి ఎపిసోడ్‌ చూసేయాల్సిందే! చదవండి: నా తప్పులు క్షమించి విన్నర్‌ను చేయండి: శ్రీసత్య ఇనయకు ఇదివరకే పెళ్లయిందా? వైరల్‌ అవుతున్న ఫోటో

బిగ్‌బాస్‌ సీజన్‌-6కి లేడీ టైగర్‌ అంటే అందరికీ ఠక్కున గుర్తొచ్చే పేరు ఇనయా సుల్తానా. ఆర్జీవీ బ్యూటీ అనే ట్యాగ్‌ లైన్‌తో హౌస్‌లోకి ఎంటర్‌ అయిన ఇనయా నెగిటివ్‌ ఇమేజ్‌తోనే వెళ్లింది. ప్రేక్షకులు సహా ఇంటిసభ్యులు కూడా ఇనయా గురించి తక్కువ అంచనా వేశారు. మహాఅయితే రెండు, మూడు వారాల్లో ఎలిమినేట్‌ అవుతుందని భావించారు. కానీ అనూహ్యంగా ఒంటరి పోరాటంతో ప్రేక్షకుల్ని విపరీతంగా మెప్పించింది. హౌస్‌ మొత్తం టార్గెట్‌ చేసినా, ప్రతిసారి ఎలిమినేషన్స్‌కి పంపినా అంతకు రెట్టింపు ధైర్యంతో ఆటతీరు ప్రదర్శించింది. ఇదేతీరు ఆడియెన్స్‌ను కూడా బాగా అట్రాక్ట్‌ చేసింది. ఫినాలేలో టాప్‌-2 కంటెస్టెంట్‌గా పేరు సంపాదించుకున్న ఇనయా అనూహ్యంగా గతవారం ఎలిమినేట్‌ అయిన సంగతి తెలిసిందే. కావాలనే ఇనయాను బయటకు పంపించారంటూ పెద్ద ఎత్తున​ విమర్శలు వచ్చాయి. ఇదిలా ఉంటే తాజాగా ఇనయాకు సంబంధించి ఓ వార్త నెట్టింట తెగ వైరల్‌ అవుతుంది. పెళ్లికూతురిగా ముస్తాబైన ఓ ఫోటో ఇప్పుడు సోషల్‌ మీడియాలో తెగ చక్కర్లు కొడుతుంది. ఇందులో ఇనయా తల్లి కూడా పక్కనే ఉంది. దీంతో ఇనయాకు ముందే పెళ్లయిందా? అనే సందేహం వ్యక్తమవుతుంది. మరోవైపు కావాలనే ఇనయా క్రేజ్‌ను డ్యామేజ్‌ చేసేందుకు ఇలా చేస్తున్నారంటూ కొందరు అభిప్రాయపడుతున్నారు. మరి నెట్టింట వైరల్‌ అవుతున్న ఈ ఫోటోలో ఎంత నిజం ఉందన్నది తెలియాలంటే స్వయంగా ఇనయానే ఈ ఫోటోపై స్పందించాల్సి ఉంటుంది. 

Bigg Boss Telugu 6, Episode 102 Highlights: కంటెస్టెంట్లు అందరూ మీ గమ్యానికి ఒక్క అడుగు దూరంలో ఉన్నారని ఫినాలే కోసం ఊదరగొట్టాడు బిగ్‌బాస్‌. మీ మనసుల్లోని మాటలను ప్రేక్షకులతో నేరుగా పంచుకుని వారి నుంచి ఓట్లు కోరవచ్చంటూ ఓట్‌ అప్పీల్‌ టాస్క్‌ ఇచ్చాడు. అందులో భాగంగా మొదటగా మీకు వినిపిస్తుందా? అనే ఛాలెంజ్‌ ఇచ్చాడు. ఇందులో బిగ్‌బాస్‌ ప్లే చేసిన సౌండ్స్‌ను గుర్తించి సరైన ఆర్డర్‌లో రాయాల్సి ఉంటుంది. ఈ గేమ్‌లో తక్కువ పాయింట్లు వచ్చిన కీర్తి, రేవంత్‌, శ్రీహాన్‌, శ్రీసత్య ఛాలెంజ్‌ నుంచి తొలగిపోయారు. అయితే శ్రీసత్య అరవడం వల్లే తన గేమ్‌ పోయిందని విసుకున్నాడు శ్రీహాన్‌. నీ తప్పు కూడా ఉంది, అనవసరంగా నన్ను బ్లేమ్‌ చేయకు అని గట్టిగానే ఆన్సరిచ్చింది శ్రీసత్య. కాసేపటికి శ్రీహాన్‌ సారీ చెప్పడంతో గొడవ చప్పున చల్లారింది. మొదటి ఛాలెంజ్‌లో గెలిచిన ఆదిరెడ్డి, రోహిత్‌లలో ఎవరైనా ఒకరిని ఏకాభిప్రాయంతో ఓట్ల అప్పీలు కోసం ఎన్నుకోమన్నాడు బిగ్‌బాస్‌. రేవంత్‌ మినహా మిగిలిన ముగ్గురూ రోహిత్‌కే ఓటేయడంతో అతడు ఓట్లు అడిగే అవకాశాన్ని గెలుచుకున్నాడు. దీంతో రోహిత్‌ మాట్లాడుతూ.. మొదటి నుంచి నేను ఎలా ఆడుతున్నాను? ఎలా మాట్లాడుతున్నాను? నా థింకింగ్‌ ఏంటి? నా క్యారెక్టర్‌ ఏంటి? అన్నీ మీరు చూస్తూ ఉన్నారు. మొదట్లో మెరీనాతో కలిసి ఆడేవాళ్లం. సెపరేట్‌ అయ్యాక విడివిడిగా ఆడాం. నాకు ఎప్పుడూ అదృష్టం కలిసిరావట్లేదు. ఈ సీజన్‌ 6 టైటిల్‌ గెలవాలన్నదే నా కోరిక. నా కుటుంబం గర్వపడేలా చేయాలనుకుంటున్నాను. అందుకు మీ సహకారం కావాలి' అంటూ తన స్పీచ్‌ ముగించాడు. తర్వాత ఎగ్స్‌ షాట్‌ అనే ఛాలెంజ్‌లో రేవంత్‌, శ్రీసత్య, కీర్తి, శ్రీహాన్‌ పాల్గొనగా రేవంత్‌, శ్రీసత్య గెలుపొందారు. ఈ ఇద్దరిలో ఒకరిని ఏకాభిప్రాయంతో సెలక్ట్‌ చేయమన్నాడు బిగ్‌బాస్‌. దీంతో శ్రీహాన్‌, కీర్తి, రోహిత్‌.. శ్రీసత్యకు ఓటేయగా ఆదిరెడ్డి ఒక్కడే రేవంత్‌కు మద్దతు పలికాడు. గెలిచేవాడికి ఛాన్స్‌ ఇస్తే బాగుంటుందని ఆదిరెడ్డి పరోక్షంగా రేవంతే విజేత అని అభిప్రాయపడినట్లు కనిపించింది. రేవంత్‌ స్ట్రాంగ్‌ ప్లేయర్‌ అని అతడికి ఈ ఓట్‌ అప్పీలు చేసుకునే అవకాశం ఇవ్వాలని శ్రీసత్యకు ఇస్తే ఏం యూజ్‌ ఉంటుందని మాట్లాడాడు. దీనికి శ్రీసత్య కూడా గట్టిగానే సమాధానమిచ్చింది. ఆల్‌రెడీ గెలుస్తాడంటున్నారు, అలాంటప్పుడు ప్రత్యేకంగా ఓట్లు అడిగే అవసరమెందుకు? అని కౌంటరిచ్చింది. ఏదేమైనా ఈ ఛాలెంజ్‌లో తనకు సపోర్ట్‌ చేయలేదని రేవంత్‌ ఒకింత హర్టయ్యాడు. ఇక శ్రీసత్య ప్రేక్షకులను ఓట్లు అడుగుతూ.. 'మొదట్లో నాకు దెబ్బలు తగలకుండా ఆడాలనుకునేదాన్ని. కానీ మూడో వారం నుంచి నేను వందశాతం ఎఫర్ట్స్‌ పెట్టి ఆడాను. నేనేమైనా తప్పు చేసుంటే క్షమించండి. ఈ హౌస్‌లోకి వచ్చినప్పుడే విన్నర్‌ అవ్వాలని నిర్ణయించుకున్నా. ఆ విజయం మీ చేతుల్లోనే ఉంది. ఈ టైటిల్‌ నాకెంతో ముఖ్యం.. ఈ సీజన్‌కు లేడీ విన్నర్‌ అయితే బాగుంటుంది. కాబట్టి మర్చిపోకుండా నాకు ఓటేయండి' అని అభ్యర్థించింది. మరోపక్క సోషల్‌ మీడియాలో శ్రీసత్య మిడ్‌ వీక్‌ ఎలిమినేట్‌ అయిందని వార్తలు వస్తున్నాయి. ఈ క్రమంలో ఆమె లేడీ విన్నర్ కావాలనుకుంటుందని చెప్పడంతో అభిమానుల మనసు ఒక్కసారిగా కలుక్కుమంది. చదవండి: పాపం శ్రీసత్య.. మిడ్‌ వీక్‌ ఎలిమినేషన్‌కు బలి ఎన్నో వారాలుగా అన్యాయం.. ఎట్టకేలకు రోహిత్‌కు ఛాన్స్‌

కంటెస్టెంట్ల ఎమోషన్స్‌తో ఓ ఆటాడుకుంటున్నాడు బిగ్‌బాస్‌. మరో మూడు రోజుల్లో గ్రాండ్‌ ఫినాలేలో అడుగుపెట్టబోతున్నామని ఫుల్‌ ఖుషీలో ఉన్నారు టాప్‌ 6 కంటెస్టెంట్లు. కానీ ఆ ఆశలపై నీళ్లు చల్లుతూ వారిలో ఒకరిని నేడే హౌస్‌ నుంచి పంపించేయనున్నారు. మిడ్‌ వీక్‌ ఎలిమినేట్‌ చేసి కేవలం ఐదుగురిని మాత్రమే ఫినాలేకు పంపించనున్నారు.  ఇకపోతే ఎప్పటిలాగే ఓట్‌ అప్పీల్‌ కోసం హౌస్‌మేట్స్‌కు ఆఖరి పోరాటం అనే టాస్క్‌ ఇచ్చాడు బిగ్‌బాస్‌. ఇందులో సౌండ్స్‌ విని వాటిని గుర్తుపట్టి అవేంటో రాయాల్సి ఉంటుంది. ఈ టాస్క్‌లో ఆదిరెడ్డి, రోహిత్‌ ఎక్కువ పాయింట్లు తెచ్చుకున్నారు. వీరిలో ఒకరిని ఏకాభిప్రాయంతో ఓట్‌ అప్పీలు కోసం ఎంపిక చేయమన్నాడు బిగ్‌బాస్‌. ఏకాభిప్రాయం అన్న ప్రతిసారి రోహిత్‌ను సైడ్‌ చేసుకుంటూ వచ్చిన హౌస్‌మేట్స్‌ ఈ ఒక్కసారికి మాత్రం అతడికే అవకాశం ఇవ్వడం గమనార్హం. దీంతో అతడు.. పదిహేను వారాలుగా మీరు సపోర్ట్‌ చేస్తూ వచ్చారు. కచ్చితంగా టైటిల్‌ గెలుస్తానని నమ్మకం ఉంది అని ధీమా వ్యక్తం చేశాడు. అలాగే ఓట్‌ అప్పీల్‌ కోసం మరో టాస్క్‌ ఇవ్వగా ఇందులో రేవంత్‌, శ్రీసత్య ముందు స్థానాల్లో నిలిచారు. వీరిలో ఒకరిని ఏకాభిప్రాయంతో ఎన్నుకోమనగా ఆదిరెడ్డి.. రేవంత్‌కు, శ్రీహాన్‌.. శ్రీసత్యకు ఓటేశారు. మరి మిగతావాళ్లు ఎవరిని సెలక్ట్‌ చేశారు? ఎవరు ఓట్లు అడిగే ఛాన్స్‌ దక్కించుకున్నారో తెలియాలంటే నేటి ఎపిసోడ్‌ చూడాల్సిందే! చదవండి: పాపం శ్రీసత్య.. మిడ్‌ వీక్‌ ఎలిమినేషన్‌కు బలి నన్ను ఛీ, తూ అని గెంటేశారు, ఇప్పుడు చెప్తున్నా..: కీర్తి

బిగ్‌బాస్‌ తెలుగు ఆరో సీజన్‌ చివరి అంకానికి చేరుకుంది. 21 మందితో ప్రారంభమైన ఈ షోలో ప్రస్తుతం ఆరుగురు మాత్రమే మిగిలారు. కానీ ఫినాలేకు ఐదుగురు మాత్రమే వెళ్తారని ప్రకటించాడు నాగ్‌. అంటే ఎన్నడూ లేనిది ఈసారి కొత్తగా మిడ్‌ వీక్‌ ఎలిమినేషన్‌ చేపట్టనున్నారు.  నిన్నటివరకు వచ్చిన ఓట్లను పరిగణనలోకి తీసుకుని అతి తక్కువ ఓట్లు వచ్చిన ఒకరిని నేడు ఎలిమినేట్‌ చేస్తారన్నమాట. సోషల్‌ మీడియాలో వినిపిస్తున్న సమాచారం ప్రకారం శ్రీసత్యను మిడ్‌వీక్‌ ఎలిమినేషన్‌తో హౌస్‌ నుంచి బయటకు పంపించనున్నట్లు తెలుస్తోంది. కానీ హాట్‌స్టార్‌లో ఆమెకు ఓటింగ్‌ వేసేందుకు ఇంకా ఛాన్స్‌ ఉన్నట్లు చూపిస్తోంది. బహుశా ఓటింగ్‌ లిస్ట్‌ నుంచి ఆమెను తప్పిస్తే ఎలిమినేట్‌ అయింది ఎవరనేది ముందే తెలిసిపోతుందని బిగ్‌బాస్‌ తనను ఇంకా ఓటింగ్‌ లైన్‌లో ఉంచినట్లు కనిపిస్తోంది. కానీ దీనివల్ల మిగతా ఐదుగురికి నష్టం జరిగే అవకాశం ఉంది. ఎందుకంటే తనను ఓటింగ్‌ లిస్ట్‌లో ఉంచడం వల్ల శ్రీసత్యకు ఓట్లేసినా అవి బూడిదలో పోసిన పన్నీరు కిందే లెక్క! అదే ఓటింగ్‌ లైన్‌ క్లోజ్‌ చేస్తే ప్రేక్షకులు తనకు కాకుండా మిగతా ఐదుగురిలో వారికి నచ్చినవారికి ఓట్లేసి గెలిపించుకునే ఆస్కారం ఉంది. మరోవైపు మిడ్‌ వీక్‌ ఎలిమినేషన్‌ ఉందన్న విషయం టాప్‌ 6 కంటెస్టెంట్లకు ఇంతవరకు తెలియదు. గ్రాండ్‌ ఫినాలేకు ఎలా రెడీ అవాలి? సూట్‌ కేస్‌ ఆఫర్‌ చేస్తే ఏం చేయాలి? ఇలా దాని గురించే ఆలోచిస్తూ బోలెడు ఆశలు పెట్టుకున్నారు. డబ్బుల కోసమే బిగ్‌బాస్‌కు వచ్చానన్న శ్రీసత్య సూట్‌కేస్‌ ఆఫర్‌ చేస్తే తీసుకుపోయేందుకు కూడా సిద్ధంగా ఉంది. అలాంటి సమయంలో ఆమెను ఫినాలేకు రెండు రోజుల ముందే బయటకు పంపించేయడం దారుణమనే చెప్పాలి. చదవండి: నన్ను బయటకు గెంటేసినవారికి ఇప్పుడు చెప్తున్నా

Bigg Boss 6 Telugu, Episode 102: రేవంత్‌, ఆదిరెడ్డి, శ్రీసత్య, రోహిత్‌లు వారి జర్నీలు చూసి గాల్లో తేలిపోతున్నారు. ఈరోజు శ్రీహాన్‌, కీర్తిల వంతు వచ్చింది. మొదటగా శ్రీహాన్‌ గార్డెన్‌ ఏరియాలోకి వచ్చాడు. అప్పుడే అతడి తల్లి ఫోన్‌ చేసి బిగ్‌బాస్‌కు వెళ్లాలన్న కోరిక ఎలాగో నెరవేరింది. ఇక ట్రోఫీ గెల్చుకుని రా అని కొడుకును ప్రేమగా కోరింది. తప్పకుండా టైటిల్‌ కొట్టే వస్తానని ధీమాగా చెప్పాడు శ్రీహాన్‌.  బిగ్‌బాస్‌ శ్రీహాన్‌తో మాట్లాడుతూ.. 'బిగ్‌బాస్‌ ప్రయాణంలో ఎన్ని భావోద్వేగాలు ఉంటాయో ఆట కోసం, గెలుసు కోసం సభ్యులు పడే తపన ఎలాంటిదో మునుపటి సీజన్‌లో దగ్గరి నుంచి చూశారు. ఈసారి స్వయంగా ఆ అనుభవాన్ని పొందేందుకు హౌస్‌లో అడుగుపెట్టారు. అందరితో సరదాగా ఉండటం, అవసరమొచ్చినప్పుడు ఎవరినైనా ఎదురించడం.. ఈ రెండూ మీలో ఉన్నాయి. మీలోని అల్లరి మీకు స్నేహితులను తీసుకొచ్చింది. కలిసి మీరు చేసిన వినోదం నవ్వులను పంచింది. వ్యక్తిత్వాన్ని నిర్ణయించేది మాటలు మాత్రమే కాదు, చేతలు కూడా అనే విషయం మీకు బాగా తెలుసు. మీరు తోటి ఇంటిసభ్యుల కోసం నిలబడ్డ తీరు స్నేహానికి మీరిచ్చే విలువను తెలుపుతుంది. ఎక్కడ తగ్గాలో, ఎక్కడ నెగ్గాలో తెలిసిన శ్రీహాన్‌ తన స్నేహితుల కోసం తగ్గారు. ఆట ఎలా ఆడాలో తెలుసుకుని అదే స్నేహితులతో పోటీపడి టికెట్‌ టు ఫినాలే నెగ్గారు. కొన్ని సందర్భాల్లో ఇతరులకు మీరొక సేఫ్‌ ప్లేయర్‌ అనిపించినా వారి మాటలకు మీ ఆటతో సమాధానం చెప్పారు. సోషల్‌ మీడియా నుంచి ఎదిగి సాధ్యమైనంత ఎక్కువమందికి వినోదం పంచడానికి ఇతర సభ్యుల సహకారం లేకుండా మీకు మీరుగా అవకాశం వచ్చిన ప్రతిసారి ప్రయత్నించిన తీరు అందరికీ నచ్చింది. ఆ విషయమే మిమ్మల్ని ఇక్కడివరకూ తీసుకొచ్చింది. మీ పొరపాట్లు మీ రెండు వారాలు కెప్టెన్సీ దూరమయ్యేలా చేశాయి. ఎత్తుపల్లాలతో సాగే ఈ ప్రయాణంలో మీరు ఒంటరిగా గడిపిన క్షణాలు గార్డెన్‌లో మీరు దించుకున్న గుండె బరువును బిగ్‌బాస్‌ విన్నారు. ఇంట్లో వారితో మాట్లాడే వచ్చే బలం ఎంతో అని తెలిసినా ఆ అవకాశాన్ని తోటిసభ్యుల కోసం వదులుకున్నారు. పట్టుకోవడంలోనే కాదు వదిలేయడంలో కూడా బలముంటుంది. దాంతో ఏదైనా సాధించొచ్చు. మీ బలాన్ని, వినోదాన్ని, పట్టుదలను ఇలాగే కొనసాగించి అనుకున్నవన్నీ సాధించాలని బిగ్‌బాస్‌ కోరుకుంటున్నాడు అని చెప్పాడు. ఇది విన్న శ్రీహాన్‌ నన్ను చాలా బాగా అర్థం చేసుకున్నారు అంటూ ఎమోషనలయ్యాడు. తర్వాత కీర్తి గార్డెన్‌ ఏరియాలోకి వచ్చింది. ఇంతలో ఫోన్‌ రింగైంది. అవతలి నుంచి మానస్‌ మాట్లాడుతూ.. 'ఒళ్లు హూనమైపోతున్నా, వేలికి ఫ్రాక్చర్‌ అయినా, సాఫ్ట్‌ టార్గెట్‌ అనుకుని నామినేట్‌ చేసినా ఎక్కడా బెదరకుండా ఆడిన ఆట చూసి నాకే కాదు లోపలున్న హౌస్‌మేట్స్‌కు, బయటున్న ప్రేక్షకులకు మబ్బులు వదిలిపోయాయి. ప్రతి ఒక్కరి ఇంట్లో నీలాంటి కూతురు ఉంటే చాలు, ఇం​కేం అవసరం లేదనుకునేలా చేశారు. అమ్మాయిలు ఎందులోనూ తక్కువ కాదని, అన్నింటిలో ముందుంటారని నిరూపించావు. ఈ సీజన్‌లో ఫస్ట్‌ లేడీ కెప్టెన్‌ అయ్యావు, అలాగే ఫస్ట్‌ లేడీ విన్నర్‌ అవ్వాలని అందరం కోరుకుంటున్నాము' అని చెప్పి ఆమె పెదాలపై ఆత్మస్థైర్యంతో కూడిన నవ్వులు పూయించాడు. తర్వాత బిగ్‌బాస్‌ మాట్లాడుతూ.. 'కీర్తి, కల్పితం కన్నా నిజ జీవితం ఎంతో నాటకీయమైనది. ఒకవైపు మీ బరువైన గతం మిమ్మల్ని లోపలి నుంచి దహిస్తుంటే కణకణమండే కొడవలిలా జీవితంపై దండయాత్ర చేసేందుకు మీరు చూపించిన గుండె నిబ్బరం ఎంతోమందికి స్ఫూర్తి. అడవిలో మహావృక్షం ఒకటే ఉంటుంది. అది తాను ఒంటరినని బాధపడి తల వంచితే ఆకాశం తాకే తన ఎదుగుదలను చూడలేదు. మీకుగా సంపాదించిన పేరు, ప్రేమను ఎన్నో రెట్లు చేయడానికి బిగ్‌బాస్‌ ఇంట్లోకి అడుగుపెట్టారు. మొదటినుంచీ మొండిధైర్యాన్ని చూపిస్తూ వచ్చారు. ఇంట్లో మిమ్మల్ని అర్థం చేసుకునేవారు కనపడక కలవరపడ్డారు. మీదంటూ ఒక కుటుంబం లేదని బాధపడ్డారు. భాష మీ భావాలను వ్యక్తపరిచేందుకు పరిమితిగా మారినా మీ కన్నీళ్లు మనసులోని భావాలను దాచలేకపోయాయి. కొన్నిసార్లు ఇంట్లో పరిస్థితులు మీరెంత బలమైనవారో మర్చిపోయేలా చేసినట్లనిపించింది. సింపతీ కోసమే మీ ప్రయత్నం అని మిగతావారు నిందించినప్పుడు మీ మనసు గాయపడింది. మీరనుకున్న విషయాన్ని బలంగా వినిపించినా మద్దతు తెలిపే స్నేహితులు లేక నిరాశ చెందారు. కానీ మీ ఆట ఆగలేదు. గాయాలు మిమ్మల్ని ఆపలేకపోయాయి. అన్నింటినుంచీ తేరుకుని మొదటి ఫీమేల్‌ కెప్టెన్‌గా నిలిచారు. పద్నాలుగు వారాల సుదీర్ఘ ప్రయాణం తర్వాత గ్రాండ్‌ ఫినాలేకు చేరాలనే కోరిక సాధ్యమవడానికి కారణం మీ ఒక్కరు మాత్రమే కాదు, మీ కుటుంబం కూడా! ఎందుకంటే ఇప్పుడు మీ కుటుంబ సభ్యుల సంఖ్య ఒకటి కాదు కొన్ని లక్షలు.. అని ముగించాడు. బిగ్‌బాస్‌ మాటలతో కీర్తి పులకరించపోయింది. 'ఈ రోజు నా జీవితంలో గుర్తుండిపోతుంది. ఎవరైతే నన్ను ఛీ,తూ అన్నారో, నువ్వు చూడటానికి బాగోలేవు అంటూ బయటకు గెంటేశారో వారికి నేనీరోజు చెప్తున్నాను. ఇదీ కీర్తి.. ఈరోజు నా పేరెంట్స్‌ ఆత్మకు శాంతి దొరుకుతుందని భావిస్తున్నాను. ఇన్నాళ్లకు నేను మనస్ఫూర్తిగా నవ్వుతున్నాను. నన్ను ఇక్కడివరకు తీసుకొచ్చిన ప్రేక్షకులకు రుణపడి ఉంటాను' అంది కీర్తి. చదవండి: బిగ్‌బాస్‌ 6 విజేత ఎవరో తెలుసా? ఎక్కడ నెగ్గాలో కాదు ఎక్కడ తగ్గాలో తెలుసు

బిగ్‌బాస్‌ షో ప్రారంభమవుతుందంటే మురిసిపోయే జనాలు షోకి శుభం కార్డు పడుతుందంటే మాత్రం తెగ ఫీలైపోతుంటారు. కానీ ఈసారి మాత్రం హమ్మయ్య, ఎట్టకేలకు ముగింపు కాబోతుందని ఊపిరి పీల్చుకుంటున్నారు. అలా ఉంది మరి ఈ సీజన్‌. ఎంటర్‌టైన్‌మెంట్‌కు అడ్డా ఫిక్స్‌ అని నాగ్‌ అన్నాడే తప్ప మరీ అంత భీభత్సమైన ఎంటర్‌టైన్‌మెంట్‌ అయితే లేదు. పైగా బాగా ఆడుతున్నారనుకున్న కంటెస్టెంట్లను అన్యాయంగా ఎలిమినేట్‌ చేసేసి తమకు కావాల్సిన వాళ్లనే టాప్‌ 5లో పెట్టుకుంది బిగ్‌బాస్‌​ యాజమాన్యం.. అన్న మాటలు కూడా వినిపిస్తున్నాయి. మరీ ముఖ్యంగా ఇనయ సుల్తాన ఎలిమినేట్‌ అయిన తర్వాత ఆరో సీజన్‌పై మరింత విమర్శలు వచ్చిపడ్డాయి. అందుకు తగ్గట్టుగానే టీఆర్పీ కూడా ఢమాల్‌ అని పడిపోయింది. ఇవన్నీ పక్కనపెడితే ప్రస్తుతం ఇంట్లో ఆరుగురు ఉన్నారు. రోహిత్‌, రేవంత్‌, కీర్తి, శ్రీహాన్‌, ఆదిరెడ్డి, శ్రీసత్య.. వీరిలో ఒకరు రేపు ఎలిమినేట్‌ కాబోతున్నారు. దీంతో మిగిలిన మిగతా ఐదుగురు ఫినాలేలో అడుగుపెట్టనున్నారు. ఇప్పటికే విన్నర్‌ ఎవరనేదానిపై జోరుగా చర్చ సాగుతోంది. ఈ తరుణంలో గూగుల్‌ తల్లి బిగ్‌బాస్‌ తెలుగు ఆరో సీజన్‌ విజేత ఎవరనేది ప్రకటించింది. ఈ షోలో మిస్టర్‌ పర్‌ఫెక్ట్‌గా నిలిచిన రోహిత్‌ విన్నర్‌గా అవతరించనున్నాడని తెలిపింది. బిగ్‌బాస్‌ 6 విన్నర్‌ ఎవరు? బిగ్‌బాస్‌ తెలుగు ఆరో సీజన్‌ విజేత ఎవరు? ఇలా ఎలా అడిగినా రోహిత్‌ పేరే సూచిస్తోంది. మరి నిజంగానే అతడు టైటిల్‌ అందుకుంటాడేమో చూడాలి! ప్రస్తుతానికి అనఫీషియల్‌ ఓటింగ్‌లో రేవంత్‌, శ్రీహాన్‌ మొదటి స్థానం కోసం పోటీపడుతున్నారు. ఆదిరెడ్డి, రోహిత్‌కు కూడా బాగానే ఓట్లు పడుతున్నట్లు తెలుస్తోంది. కీర్తి, శ్రీసత్య ఓట్ల శాతంలో వెనకపడినట్లు కనిపిస్తోంది. బిగ్‌బాస్‌ షోకి ముందు వరకు రోహిత్‌ ఎవరికీ పెద్దగా తెలియదు. హౌస్‌లో అడుగుపెట్టాకే తన మాటతో, ఆటతో, నిజాయితీతో అభిమానులను సంపాదించుకున్నాడు. అటు హౌస్‌మేట్స్‌తో, ఇటు ప్రేక్షకులతో మిస్టర్‌ పర్ఫెక్ట్‌ అనిపించుకున్నాడు. కానీ ఆటలో మిగతావారికంటే కొద్దిగా వెనుకబడటంతో ఓట్లలో కూడా వెనుకపడుతున్నాడు. ప్రస్తుతానికైతే రేవంత్‌ గెలిచే సూచనలే ఎక్కువగా కనిపిస్తున్నాయి. చదవండి: ఎక్కడ నెగ్గాలో కాదు ఎక్కడ తగ్గాలో తెలుసు.. శ్రీహాన్‌ ఎమోషనల్‌

బిగ్‌బాస్‌ హౌస్‌లో కంటెస్టెంట్లు వంద రోజులు ప్రయాణించారు. ఇప్పుడు ఒక్కసారి వెనక్కు తిరిగి చూసుకుంటే వారు చేసిన చిలిపి పనులు, అల్లర్లు, కష్టాలు, కొట్లాటలు, కోపతాపాలు, సంతోషాలు, ఏడుపులు.. ఇలా అన్నీ కనిపిస్తున్నాయి. వీటన్నింటి పరిగణనలోకి తీసుకున్న బిగ్‌బాస్‌ వారి వ్యక్తిత్వాన్ని మెచ్చుకుంటూ జర్నీ వీడియోలు చూపిస్తున్నాడు. తాజాగా కీర్తి గురించి బిగ్‌బాస్‌ మాట్లాడుడూ.. కల్పితం కన్నా నిజ జీవితం ఎంతో నాటకీయమైనది. ఒకవైపు మీ బరువైన గతం మిమ్మల్ని లోపలి నుంచి దహిస్తుంటే మీరు చూపించిన గుండె నిబ్బరం ఎందరికో స్ఫూర్తి. అడవిలో మహావృక్షం ఒకటే ఉంటుంది. అది తాను ఒంటరినని బాధపడి తల వంచితే ఆకాశం తాకే తన ఎదుగుదలను చూడలేదు. ఇంట్లో మిమ్మల్ని అర్థం చేసుకునేవారు కనపడక కలవరపడ్డారు. మీదంటూ ఒక కుటుంబం లేదని బాధపడ్డారు. సింపతీ కోసమే మీ ప్రయత్నం అని మిగతావారు నిందించినప్పుడు మీ మనసు గాయపడింది. కానీ మీ ఆట ఆగలేదు. గాయాలు మిమ్మల్ని ఆపలేకపోయాయి. గ్రాండ్‌ ఫినాలేకు చేరాలనే కోరిక సాధ్యమవడానికి కారణం మీరు ఒక్కరు మాత్రమే కాదు, కుటుంబం కూడా! ఎందుకంటే మీ కుటుంబ సభ్యుల సంఖ్య ఒకటి కాదు కొన్ని లక్షలు. కష్టాల పునాదులపై నిర్మించి విజయాన్ని కదపడం అంత సులభం కాదు అంటూ బిగ్‌బాస్‌ కీర్తిని ఆకాశానికి ఎత్తేయడంతో ఆమె ఆనంద భాష్పాలు రాల్చింది. చదవండి: ఎక్కడ నెగ్గాలో కాదు ఎక్కడ తగ్గాలో తెలుసు: శ్రీహాన్‌

ఎత్తుపల్లాలతో కూడిన ప్రయాణాన్ని దాటుకుంటూ వచ్చి గెలుపుకు అడుగు దూరంలో ఉన్నారు బిగ్‌బాస్‌ కంటెస్టెంట్లు. ఇప్పటికే రేవంత్‌, శ్రీసత్య, రోహిత్‌, ఆదిరెడ్డి వారి వంద రోజుల జర్నీని చూసి గుండె నిండా సంతోషాన్ని నింపుకున్నారు. ఈరోజు శ్రీహాన్‌, కీర్తిల వంతు వచ్చింది. ఈ మేరకు తాజాగా ఓ ప్రోమో రిలీజైంది. శ్రీహాన్‌ గురించి బిగ్‌బాస్‌ మాట్లాడుతూ.. తోటి ఇంటిసభ్యుల కోసం నిలబడ్డ తీరు స్నేహానికి మీరిచ్చే విలువను తెలుపుతుంది. ఎక్కడ తగ్గాలో, ఎక్కడ నెగ్గాలో తెలిసిన శ్రీహాన్‌ తన స్నేహితుల కోసం తగ్గారు. ఆట ఎలా ఆడాలో తెలుసుకుని అదే స్నేహితులతో పోటీపడి టికెట్‌ టు ఫినాలే నెగ్గారు. కొన్ని సందర్భాల్లో ఇతరులకు మీరొక సేఫ్‌ ప్లేయర్‌ అనిపించినా మీ ఆటతో సమాధానం చెప్పారు. ఈ ప్రయాణంలో మీరు ఒంటరిగా గడిపిన క్షణాలు బిగ్‌బాస్‌ విన్నారు. పట్టుకోవడంలోనే కాదు వదిలేయడంలో కూడా బలముంటుంది. మీ బలాన్ని, వినోదాన్ని, పట్టుదలను ఇలాగే కొనసాగించి అనుకున్నవన్నీ సాధించాలని బిగ్‌బాస్‌ కోరుకుంటున్నాడు అంటూ బిగ్‌బాస్‌ అతడిపై పొగడ్తల వర్షం కురిపించాడు. తన గురించి బిగ్‌బాస్‌ అంత గొప్పగా మాట్లాడేసరికి శ్రీహాన్‌కు కన్నీళ్లు ఆగలేవు. చదవండి: రోహిత్‌ జర్నీ హైలైట్‌, రుణపడి ఉంటానన్న ఆదిరెడ్డి అలీ కూతురి పెళ్లి వీడియో వచ్చేసింది

బిగ్‌బాస్‌ సీజన్‌-6 చివరి అంకానికి చేరుకుంది. గ్రాండ్‌ ఫినాలేకు అతి దగ్గర్లో ఉన్న నేపథ్యంలో బిగ్‌బాస్‌ కంటెస్టెంట్లకు హౌస్‌లో తమ జర్నీ వీడియోలను చూపించాడు. ఇప్పటికే రేవంత్‌, సత్యల జర్నీ వీడియోలు చూశాం. ఇప్పుడు ఆదిరెడ్డి, రోహిత్‌ల జర్నీ ఎలా ఉంది? బిగ్‌బాస్‌ చేసిన రివ్యూ ఏంటి అన్నది చదివేద్దాం. ఆదిరెడ్డి జర్నీ గురించి బిగ్‌బాస్‌ మాట్లాడుతూ.. ''కామన్‌మ్యాన్‌గా ఇంట్లోకి అడుగుపెట్టి ప్రతి అంశంలో నిశితంగా చూడగలిగడం ఆటలో ఒక అడుగు ముందుంచింది. కొన్నిసార్లు మీ అంచనా తప్ప మీకే నష్టం జరిగింది. .మీలోని రివ్యూవర్‌ని కాకుండా ఒక సామాన్యుడ్ని కొన్ని సార్లు బయటపెట్టారు. అది అందరినీ ఆకట్టుకుంది. మీరు చేసిన డాన్స్ కూడా అందులో ఒకటి.మాట పడని స్వభావం.. మాట ఎలా అనాలో తెలిసిన తనం మీకు మాత్రమే సొంతం. సామాన్యుడిగా మొదలై విజేతగా నిలిచేందుకు ఒక అడుగు దూరంలో ఉన్న మీ ప్రయాణం కూడా ఆగకూడదని ఆశిస్తూ ఆల్ ది బెస్ట్'' అంటూ జర్నీని ముగించారు.  హౌస్‌లో చివరగా రోహిత్‌ జర్నీని చూపించాడు బిగ్‌బాస్‌. భార్య మెరీనా ఫోన్‌ కాల్‌తో ఫుల్‌ ఖుషీ అయిన రోహిత్‌కు ఆ తర్వాత బిగ్‌బాస్‌ వంద రోజుల జర్నీని చూపించాడు. ఇక రోహిత్‌ గురించి బిగ్‌బాస్‌ అద్భుతంగా చెప్పారు. ''భార్య భర్తలుగా ఇంట్లోకి అడుగుపెట్టారు. ఏ ప్రయాణంలోనైనా ఎదురయ్యే సవాళ్లు, ఏర్పడే పరిస్థితుల కారణంగా వచ్చే కష్టసుఖాలు పంచుకోవడం కేవలం జీవిత భాగస్వామితోనే సాధ్యమవుతుంది. ఆ తోడు మీకు ఈ ఇంట్లో లభించింది. ఇదే విషయం గురించి ఇంట్లోవాళ్లు మిమ్మల్ని తరచూ నామినేట్‌ చేస్తున్నప్పుడు మీ మనసుకి బాధ కలిగింది. స్నేహితులు జట్టుగా ఆడితే తప్పు కానప్పుడు మీరు ఆడితే ఎందుకు చర్చనీయాంశం అయ్యిందో అర్థం కాలేదు. భార్యభర్తలకు మించిన స్నేహితులుంటారా? అనే భావన కలిగింది. అయినా మీరు అవేం లెక్కచెయ్యలేదు. మీ సహనాన్ని కోల్పోలేదు. మీ మంచితనాన్ని అవకాశంగా ఇతరులు తీసుకున్నా, మీరు వారికి మంచి చేయడానికే నిర్ణయించుకున్నారు. మీ అమ్మగారు మిమ్మల్ని కెప్టెన్‌గా చూడాలనే కోరిక అసంపూర్ణంగా మిగిలిపోయినా ఈ స్థానంలో మిమ్మల్ని ఇలా చూసి గర్వపడతారు'' అంటూ రోహిత్‌ గురించి అద్భుతంగా మాట్లాడారు. ఈ జర్నీ వీడియోతో రోహిత్‌ విన్నర్‌ మెటీరియల్‌ అనేంత పాజిటివ్‌గా చూపించారు. మిగతా ఇంటిసభ్యుల కంటే రోహిత్‌ జర్నీ వీడియో చాలా ఇంప్రెసివ్‌గా ఉందని పలువురు అభిప్రాయం వ్యక్తం చేస్తున్నారు. 

గతవారం బిగ్‌బాస్‌ షో నుంచి ఇనయ సుల్తాన ఎలిమినేట్‌ అయిన సంగతి తెలిసిందే. ఫినాలేలో ఉండాల్సిన ఆమె హౌస్‌ నుంచి బయటకు వచ్చేయడాన్ని ఇప్పటికీ ఆమె ఫాలోవర్స్‌ జీర్ణించుకోలేకపోతున్నారు. మొదటి రెండు వారాల్లోనే ఎలిమినేట్ అవుతుందనుకున్న ఈ అమ్మడు అనూహ్యంగా 14 వారాలు హౌస్ లో ఉండటం అందరినీ ఆశ్చర్యానికి గురి చేసింది. ఇక ఆరోహి ఎలిమినేట్‌ అయిన అనంతరం ఆమె సూర్యకు క్లోజ్‌ అయ్యింది. వీరిద్దరి సాన్నిహిత్యం చూసింది అంతా సమ్‌థింగ్‌ సమ్‌థింగ్‌ అనుకున్నారు. చదవండి: పెళ్లయిన డైరెక్టర్‌ను ధన్య బాలకృష్ణ సీక్రెట్‌ పెళ్లి చేసుకుందా? నటి సంచలన వ్యాఖ్యలు సూర్య తనకు మంచి స్నేహితుడు అంటూనే అతడిపై స్పెషల్‌ ఇంట్రెస్ట్‌ చూపించింది ఇనయ. అలాగే సూర్య కూడా. ఇక ఇద్దరి మధ్య లవ్‌ ట్రాక్‌ నడుస్తుందని, ఇక హౌజ్‌లో ఫుల్‌ ఎంటర్‌టైన్‌మెంట్‌ అనుకుంటుండగా అనూహ్యంగా సూర్య ఎలిమినేట్‌ అయ్యాడు. ఇక సూర్య హౌజ్‌ వీడటంతో ఇనయ పడిన బాధ ఇంతఅంత కాదు. ఇక హౌజ్‌లో అతడి కప్పును వాడటం, సూర్య సూర్య అంటూ కలవరించడం చేసింది. ఆ తర్వాత హోస్ట్‌ నాగార్జున కాస్తా వారించడం ఇక ఆటపై దృష్టి పెట్టింది. అలా స్ట్రాంగ్‌ కంటెస్టెంట్‌గా పేరుతెచ్చుకున్న ఆమె 14వ వారం బిగ్‌బాస్‌ హౌజ్‌ను వీడింది. ఇక బయటక వచ్చిరాగానే ఇనయ, సూర్యను కలుసుకుంది. ఇనయతో కలిసి క్లోజ్‌గా దిగిన ఫొటోను సూర్య తన ఇన్‌స్టాగ్రామ్‌ పేజీలో షేర్‌ చేశాడు. ఇందులో సూర్య, ఇనయను హగ్‌ చేసుకుని కనిపించాడు. దీంతో ఈ పోస్ట్‌పై నెటిజన్లు భిన్నాభిప్రాయలు వ్యక్తం చేస్తు‍న్నారు. ‘హౌజ్‌లో బాగా కనెక్ట్‌ అయిన వీరిద్దరు బయట కూడా అలాగే ఉంటారో లేదో చూడాలి’, ‘ఈ రిలేషన్‌ ఎన్ని రోజులు కొనసాగుతుందో చూస్తాం’ కొందరూ కామెంట్స్‌ చేస్తుంటే మరికొందరు ‘లేడీ టైగర్‌ ఇనయా’, ‘ఇనయది అన్‌ఫెయిర్‌ ఎలిమినేషన్‌, రియల్‌ బిగ్‌బాస్‌ విన్నర్‌’ అంటూ ఆమెకు మద్దతుగా నిలుస్తున్నారు.  చదవండి: విజయ్‌ సేతుపతి షాకింగ్‌ లుక్‌ వైరల్‌, అవాక్కవుతున్న ఫ్యాన్స్‌ View this post on Instagram A post shared by RJ Surya (Konda Babu) (@rjsurya_official)

Bigg Boss 6 Telugu, Episode 100: బిగ్‌బాస్‌ సీజన్‌ 6లో టాప్‌ 6 కంటెస్టెంట్ల జర్నీ వీడియోలు రెడీ అయ్యాయి. ఈరోజు ఇద్దరు హౌస్‌మేట్స్‌ జర్నీలను వారి కళ్లకు కట్టినట్లు చూపించాడు. అంతేకాకుండా ఇప్పటివరకు ఆడిన టాస్కులకు సంబంధించిన వస్తువులను గార్డెన్‌ ఏరియాలో ఉంచి పెట్టాడు. హౌస్‌లో సంతోషకరమైన, బాధాకరమైన క్షణాలకు సంబంధించిన ఫోటోలను అక్కడక్కడా అతికించాడు. మొదటగా రేవంత్‌ను గార్డెన్‌ ఏరియాలోకి రమ్మని పిలుపు వచ్చింది. డోర్‌ తీసుకుని బయటకు వచ్చిన రేవంత్‌ ఆ సెట్టింగ్‌ చూసి సర్‌ప్రైజ్‌ అయ్యాడు. అక్కడున్న బొమ్మను తీసుకుని ఈ షో గెలిచి ఇంటికి వెళ్లాక నా కూతుర్ని ఇలాగే ఎత్తుకుంటానని ఊహల్లో తేలిపోయాడు. ఇంతలో అతడికి భార్య అన్విత నుంచి ఫోన్‌కాల్‌ వచ్చింది. ఎంతమంది ఉన్నా నువ్వు లేవనే బాధ ఉంది. కానీ నువ్వు గెలిచి రావాలని చెప్పడంతో సంతోషపడిపోయాడు రేవంత్‌. తర్వాత ఎప్పటిలాగే బిగ్‌బాస్‌ ఉపన్యాం అందుకున్నాడు. 'ఇప్పటివరకు గాత్రానికి సంబంధించిన ఎన్నో పోటీల్లో మీరు గెలిచారు. ఇప్పుడు వ్యక్తిత్వానికి సంబంధించిన పోటీలో కూడా గెలవాలని బిగ్‌బాస్‌ ఇంట్లో అడుగుపెట్టారు. మొదటి రోజు నుంచే మీరు చూపించిన దూకుడు ఇతర పోటీసభ్యులకు తమ పోటీ ఎవరనే విషయాన్ని స్పష్టం చేసింది. మీ కోపం బలహీనతగా మారి పొరపాట్లకు కారణమైంది. ఓటమిని తీసుకోలేని మనస్తత్వం చుట్టూ ఉన్నవారికి మిమ్మల్ని వేలెత్తి చూపించే అవకాశాన్నిచ్చింది. కోపాన్ని ఆయుధంగా కాకుండా ప్యాషన్‌గా మార్చారు. అది మీ నాయకత్వ లక్షణాలను, పట్టుదలను రెట్టింపు చేసింది. మీ ఆకలి.. టాస్కుల్లో ఎంత చూపించారో, హౌస్‌లో కూడా అంతే చూపించారు. దాచుకుని తినడంలో మీలోని చిన్నపిల్లాడి అమాయకత్వాన్ని బిగ్‌బాస్‌ గమనించాడు. మీ కోపం పరదా వెనకున్న సున్నిత మనసు బిగ్‌బాస్‌కు తెలుసు. జీవితంలో అన్ని భావాలను కలిగి ఉన్నవారే నిజమైన విజేతలు. వాటన్నింటినీ దాచుకోకుండా ప్రేక్షకులకు చూపించినతీరు మిమ్మల్ని వారికి ఇంకా దగ్గర చేసింది. జీవితంలో తండ్రయ్యే ఎంతో ముఖ్యమైన క్షణాలను దగ్గరుండి అనుభవించే అవకాశాన్ని వదులుకుని ఇంటిసభ్యులకు దూరంగా ఉంటూ ఓవైపు కలతగా ఉన్నా, మరోవైపు గెలుపు కోసం ఎక్కడిదాకానైనా వెళ్లాలనే కోరిక మిమ్మల్ని ముందుకు నడిపింది...' అంటూ అతడి జర్నీ వీడియో ప్లే చేశారు. అది చూసి ఎమోషనలైన రేవంత్‌.. బిగ్‌బాస్‌కు జీవితాంతం రుణపడి ఉంటానన్నాడు. తెలిసీ తెలియక చేసిన తప్పులను క్షమించమని వేడుకున్నాడు. తర్వాత శ్రీసత్యకు పిలుపు వచ్చింది. రాగానే అక్కతో ఫోన్‌ మాట్లాడి కన్నీళ్లు పెట్టుకుంది. అనంతరం ఆమె గురించి బిగ్‌బాస్‌ మాట్లాడుతూ.. పరిస్థితులు భుజాలపై బరువును పెంచితే దాన్ని చిరునవ్వుతో మోస్తూ ముందుకు కదిలే సత్తువ చూపించడమే మనిషి మొదటి విజయం. ఆ పట్టుదల, మొండితనం రెండూ ఉన్నాయి. కాబట్టే మీరు బిగ్‌బాస్‌ ఇంట్లోకి అడుగుపెట్టారు. కష్టం వచ్చినప్పుడు పారిపోవడమో, ఎదుర్కోవడమో రెండే దారులుంటాయి. మీరు ధైర్యంగా చిరునవ్వుతో ఎదుర్కోవడాన్ని ఎంచుకున్నారు. బిగ్‌బాస్‌ ఇంట్లోకి వచ్చిన మొదట్లో మీలో ఎన్నో అనుమానాలు, భయాలు, ప్రశ్నలు ఎవరికి ఎంత దగ్గరవ్వాలో తెలియని ఒక సంకోచ స్థితి మీ ఆటపై నుంచి దృష్టిని తప్పించినప్పుడు మీ అమ్మ కోసం బిగ్‌బాస్‌ ఇంట్లోకి మీరు వచ్చిన కారణం, అందుకు మీరు చేరుకోవాల్సిన లక్ష్యం గుర్తొచ్చాయి. ఒంటరితనమే అడ్డుగా మార్చుకున్న మీకు.. మీలో మరో కోణాన్ని తట్టే ఇద్దరు స్నేహితులు దొరికి ఈ ప్రయాణాన్ని సులువు చేశారు. మీ నవ్వు ఈ ఇంట్లో ఎప్పటికీ నిలిచిపోయేలా మీ బలాన్ని మీకు గుర్తు చేసిన తీరు మిమ్మల్ని ఇంకా దగ్గర చేసింది. సరైన వ్యక్తులు సరైన సమయంలో జీవితంలోకి రావడం ఎంత బలమో డీటాచ్‌మెంట్‌ను నమ్మే మీకు కొత్త అనుభవం. మన బలాన్ని మనం నమ్మిన తర్వాతే ప్రపంచం నమ్ముతుంది. అది నమ్మడం మొదలుపెట్టినప్పుడే మీరు కెప్టెన్‌ అయ్యారు. పద్నాలుగు వారాల ప్రయాణంలో ఒక్కోవారం మీకన్నా బలంగా ఉన్నవారిని దాటుకుంటూ ఆటలో ఆఖరి దశకు చేరుకున్నారు. మీ లక్ష్యం వైపు ఇలాగే ముందుకెళ్లాలని ఆశిస్తూ ఆల్‌ దె బెస్ట్‌ చెప్పాడు బిగ్‌బాస్‌. తర్వాత తన జర్నీ చూసి ఎమోషనలైంది శ్రీసత్య. మిగతా హౌస్‌మేట్స్‌ జర్నీ రేపటి ఎపిసోడ్‌లో చూద్దాం.. చదవండి: సూర్యతో లవ్‌లో ఉన్నానని చెప్పానా? యాంకర్‌కు ఇచ్చిపడేసిన ఇనయ అమర్‌తేజుల హల్దీ ఫంక్షన్‌, ఫోటోలు వైరల్‌

బిగ్‌బాస్‌ షోలో ఇనయ సుల్తాన ఎలిమినేట్‌ అయింది. ఫినాలేలో ఉండాల్సిన ఆమె హౌస్‌ నుంచి బయటకు వచ్చేయడాన్ని ఇప్పటికీ జీర్ణించుకోలేకపోతున్నారు అభిమానులు. ఇకపోతే షో నుంచి ఎగ్జిట్‌ అయిన ఇనయ బిగ్‌బాస్‌ కెఫెలో యాంకర్‌ శివకు ఇంటర్వ్యూ ఇచ్చింది. అతడు అడిగే ప్రశ్నలకు సూటిగా సుత్తి లేకుండా సమాధానాలిచ్చింది. ప్రతిసారి టైటిల్‌ విన్నర్‌ నేనే అని ఎందుకు అరిచేదాని? అని శివ ప్రశ్నించగా నా మీద నాకున్న నమ్మకంతోనే అలా అన్నానని చెప్పింది. సూర్యతో లవ్‌ ట్రాక్‌ వల్ల నీ గ్రాఫ్‌ తగ్గింది అని శివ చెప్పగా అతడిని ప్రేమిస్తున్నానని ఎప్పుడైనా చెప్పానా? అని తిరిగి ప్రశ్నించింది. ఊహించని ప్రశ్నతో అవాక్కయ్యాడు శివ. సూర్య గురించి రేవంత్‌ దగ్గర ఎందుకు బ్యాక్‌ బిచ్చింగ్‌ చేశావని అడగ్గా.. అది బ్యాక్‌ బిచ్చింగ్‌ కాదు, అప్పుడు కోపంలో అలా చెప్పానని ఆన్సరిచ్చింది. అంటే నీకు నచ్చినప్పుడు బాగా మాట్లాడతావు, నచ్చకపోతే ఎన్ని స్టేట్‌మెంట్లైనా వదులుతావు, అంతేనా? అని శివ సెటైర్‌ వేయగా.. ఎన్ని స్టేట్‌మెంట్లు కాదు, అప్పుడనిపించింది మాత్రమే చెప్తాను అంటూ కౌంటరిచ్చింది. రేవంత్‌ గురించి చెప్పమని శివ అడగడంతో అతడు ఒక్కోసారి ఒక్కోలా ప్రవర్తిస్తాడంది ఇనయ. అచ్చం నీలాగే కదా అని యాంకర్‌ సెటైర్‌ వేయగా తన గురించి అడిగినప్పుడు మధ్యలో నన్నెందుకు తీసుకొస్తున్నావు అని మండిపడింది. నేనూ, తను ఒకేలా ప్రవర్తిస్తామా? అని ప్రశ్నించగా నాకు తెలీదని బదులిచ్చాడు శివ. మరి తెలియనప్పుడు నా గురించి ఎందుకు చెప్పావని ఎదురు తిరిగింది. ఈ ఇంటర్వ్యూ చూసిన జనాలు 'ఇనయ రాక్స్‌, యాంకర్‌ శివ షాక్స్‌', 'శివకు ఇనయ మాత్రమే కౌంటర్‌ ఇవ్వగలదు', 'లాస్ట్‌ కౌంటర్‌ అదిరిపోయింది', 'ప్రతి ఒక్కరినీ చులకన చేసి మాట్లాడుతున్న శివకు ఇనయ సరిగ్గా జవాబిచ్చింది' అంటూ కామెంట్లు చేస్తున్నారు. చదవండి: జర్నీ చూసి భావోద్వేగానికి లోనైన రేవంత్‌, శ్రీసత్య మిడ్‌ వీక్‌ ఎలిమినేషన్‌, అతడే టైటిల్‌ గెలవాలన్న ఇనయ

బిగ్‌బాస్‌.. నిన్ను నీకే కొత్తగా చూపిస్తుంది. నీలో దాగి ఉన్న శక్తిని బయటకు తీస్తుంది. షో ముగిసేసరికి నీకు నువ్వే కొత్తగా పరిచయమయ్యేలా చేస్తుంది. ఈ షోలో పాల్గొనే ప్రతి కంటెస్టెంట్‌ బిగ్‌బాస్‌ ద్వారా ఏదో ఒకటి నేర్చుకునే వెళ్తాడు. ఎవరితోనూ కలవని వాళ్లు కూడా అందరితో కలిసిపోతారు. తమలోని తప్పొప్పులను తెలుసుకుని వాటిని సరిదిద్దుకుంటారు. బిగ్‌బాస్‌ ఆరో సీజన్‌ జర్నీ ముగింపుకు వచ్చింది. ఈ ఆదివారంతో షోకు శుభం కార్డు పడనుంది. దీంతో హౌస్‌లో మిగిలిన ఆరుగురికి వారి జర్నీలు చూపిస్తున్నాడు బిగ్‌బాస్‌. తమ ప్రయాణాన్ని చూసి హౌస్‌మేట్స్‌ భావోద్వేగానికి లోనవుతున్నారు. కప్పు గెలుచుకుని ఇంటికి రా అంటూ అక్క ఫోన్‌ చేసి కోరడంతో భావోద్వేగానికి లోనైంది శ్రీసత్య. భుజాలపై బరువును చిరునవ్వుతో మోస్తూ ముందుకు కదిలి సత్తువ చూపించడమే మొదటి విజయం. మీరు చిరునవ్వుతో కష్టాలను ధైర్యంగా ఎదుర్కొన్నారు అంటూ ఆమెను పొగడ్తలతో ముంచెత్తాడు బిగ్‌బాస్‌. ఆ మాటలతో భావోద్వేగానికి లోనైంది శ్రీసత్య. అటు రేవంత్‌.. బొమ్మను ఎత్తుకుని గెలిచి ఇంటికెళ్లాక నా కూతురిని ఇలాగే ఎత్తుకుంటానంటూ నమ్మకంతో చెప్తున్నాడు. 'మీ కోపమే బలహీనతగా మారి పొరపాట్లకు కారణమైంది. ఈ విషయాన్ని వెంటనే అర్థం చేసుకుని అందుకు తగ్గుట్గా మారి మీ కోపాన్ని ప్యాషన్‌గా మార్చారు. జీవితంలో అన్ని భావాలను కలిగి ఉన్నవారే నిజమైన విజేతలు. తండ్రయ్యే ఎంతో ముఖ్యమైన క్షణాలను దగ్గరుండి అనుభవించే అవకాశం వదిలి బిగ్‌బాస్‌ గేమ్‌ కోసం ఎంతదూరమైనా వెళ్లాలని ఆరాటపడ్డారు' అంటూ రేవంత్‌పై పొగడ్తలు కురిపించాడు బిగ్‌బాస్‌.

బిగ్‌బాస్‌ తెలుగు ఆరో సీజన్‌లో లేడీ టైగర్‌గా పేరు తెచ్చుకుంది ఇనయ సుల్తాన. టాస్కుల్లో టఫ్‌ ఫైట్‌ ఇచ్చే ఇనయ నామినేషన్స్‌లో కూడా అందరితో వాదించేది. మొదట్లో తన ప్రవర్తనతో చిరాకు పుట్టించినప్పటికీ రానురాను మాటతీరు, ఆటతీరు మెరుగుపరుచుకుని తనకంటూ ప్రత్యేక ఫ్యాన్‌ ఫాలోయింగ్‌ను సంపాదించుకుంది. తనలో ఉన్న ఫైర్‌ను చూసి రేవంత్‌కు గట్టి పోటీనిచ్చేలా ఉందే అనుకున్నారంతా! కానీ అందరి అంచనాలను తలకిందులు చేస్తూ ఫినాలేకు ఒక వారం ముందే హౌస్‌ నుంచి ఎలిమినేట్‌ అయింది. టాప్‌ 3లో ఉండాల్సిన కంటెస్టెంట్‌ను అలా ఎలా పంపించేస్తారని అభిమానులు బిగ్‌బాస్‌పై తీవ్రస్థాయిలో మండిపడుతున్నారు. ఇదిలా ఉంటే బిగ్‌బాస్‌ ద్వారా పాపులారిటీ, స్పెషల్‌ ఫ్యాన్‌ బేస్‌ సంపాదించుకున్న ఇనయ ఈ షో ద్వారా ఎంత వెనకేసిందని నెటిజన్లు ఆరా తీస్తున్నారు. సోషల్‌ మీడియాలో చక్కర్లు కొడుతున్న సమాచారం ప్రకారం.. ఇనయ సుల్తానా వారానికి లక్ష రూపాయల పైనే రెమ్యునరేషన్‌ అందుకుందట. ఈ లెక్కన పద్నాలుగు వారాలకు గానూ సుమారు రూ.15 లక్షల పారితోషికం తీసుకున్నట్లు తెలుస్తోంది. చదవండి: మిడ్‌ వీక్‌ ఎలిమినేషన్‌, శ్రీహాన్‌కు ఇనయ ఫుల్‌ సపోర్ట్‌

Bigg Boss 6 Telugu, Episode 99: ఊహించిందే జరిగింది.. ఈ వారం ఇనయ ఎలిమినేట్‌ అయింది. ఫినాలేకు ఒక అడుగు దూరంలోనే తన ప్రయాణం ముగిసింది. తన జర్నీని చూసి కన్నీళ్లు పెట్టుకుంది ఇనయ. చివరి నిమిషంలో కెప్టెన్‌ అవడమే కాకుండా బెస్ట్‌ కెప్టెన్‌గా అందరిచేత శెభాష్‌ అనిపించుకుని ఇంటి నుంచి బయటకు వచ్చింది. మరి ఈరోజు ఎపిసోడ్‌ హైలైట్స్‌లో ఏమేం జరిగాయో చదివేయండి.. బిగ్‌బాస్‌ హౌస్‌ గురించి కంటెస్టెంట్లకు ఎంత అవగాహన ఉందో తెలుసుకోవడానికి 'నీకెంత తెలుసు' అనే టాస్క్‌ ఇచ్చాడు నాగ్‌. హౌస్‌లో నిత్యం చూసే పరిసరాల గురించి కొన్ని ప్రశ్నలు అడిగాడు. ఇందులో ఎక్కువ ప్రశ్నలకు సమాధానాలు చెప్పిన రేవంత్‌ గిఫ్ట్‌ హ్యాంపర్‌ సొంతం చేసుకున్నాడు. తర్వాత పాటలు, డ్యాన్సులతో ఎంటర్‌టైన్‌ చేశారు హౌస్‌మేట్స్‌. నాగ్‌ అందరినీ సేవ్‌ చేసుకుంటూ రాగా చివర్లో ఆదిరెడ్డి, ఇనయ మాత్రమే మిగిలారు. కంటెస్టెంట్లు ఊపిరి బిగపట్టుకుని చూస్తున్న సమయంలో ఇనయ ఎలిమినేట్‌ అయినట్లు ప్రకటించాడు నాగ్‌. ఎలాగైనా కప్పు కొట్టాలన్న తన కల నెరవేరకుండానే హౌస్‌ నుంచి బయటకు వచ్చేయడంతో భావోద్వేగానికి లోనైంది. ఒక్క అడుగు దూరంలో ఆగిపోయానని ఫీలైంది. స్టేజీమీదకు వచ్చిన ఇనయతో ఓ గేమ్‌ ఆడించాడు నాగ్‌. టాప్‌ 6 కంటెస్టెంట్లలో ఉన్న మంచి, చెడు లక్షణాలను చెప్పమన్నాడు. ఇనయ మాట్లాడుతూ..  శ్రీహాన్‌తో స్టార్ట్‌ చేస్తాను. అతడు మంచివాడని తర్వాత అర్థమైంది. అతడే టైటిల్‌ కొట్టి రావాలి. అవతలి వాళ్లను అర్థం చేసుకుంటే బాగుండు, బ్యాక్‌ బిచింగ్‌ తగ్గించుకోవాలి. ఆదిరెడ్డి.. నిజాయితీపరుడు. శ్రీసత్య తనకు నచ్చినవాళ్ల కోసం ఏదైనా చేస్తుంది. నచ్చనివాళ్లను విపరీతంగా రెచ్చగొడుతుంది. కీర్తి ఎలాంటి బాధనుంచైనా బయటపడగలదు, కానీ దానికి సమయం పడుతుంది. రోహిత్‌ డీసెంట్‌ గుడ్‌ బాయ్‌. కానీ తనలోని సామర్థ్యాన్ని పూర్తిగా బయటపెట్టలేదు. రేవంత్‌.. అందరితో బాగుంటాడు, అందరికీ ఫుడ్‌ షేర్‌ చేస్తాడు. కానీ అందరికీ మంచి చెప్పాలనుకుంటాడు, అది అవతలవాళ్లకు నచ్చదు అని చెప్పుకొచ్చింది. ఇనయను పంపించేసిన నాగ్‌ మిడ్‌ వీక్‌ ఎలిమినేషన్‌ ఉంటుందని ప్రకటించాడు. బుధవారం ఒకరిని హౌస్‌ నుంచి పంపించేస్తామని తెలిపాడు. కాబట్టి హౌస్‌లో ఎవరిని హౌస్‌లో ఉంచాలనుకుంటున్నారో? ఎవరిని ఫినాలేకు పంపించాలనుకుంటున్నారో.. వారికి ఆలస్యం చేయకుండా ఓట్లు గుద్దేయండి.. చదవండి: లేడీ టైగర్‌ను పంపించేస్తారా.. చెత్త సీజన్‌ అంటూ ట్రోలింగ్‌ సినిమాలు వర్కవుట్‌ కాలేదు, చనిపోదామనుకున్నా

బిగ్‌బాస్‌ షోలో ఈ వారం ఇనయ ఎలిమినేట్‌ కానుంది అన్న విషయాన్ని ఆమె అభిమానులు అస్సలు జీర్ణించుకోలేకపోతున్నారు. లేడీ సింగాన్ని బయటకు పంపించేయడమేంటని బిగ్‌బాస్‌పై ఫైర్‌ అవుతున్నారు. ఈ క్రమంలో తాజాగా ఓ ఇంట్రస్టింగ్‌ ప్రోమో రిలీజైంది. ఇందులో నాగ్‌ హౌస్‌మేట్స్‌తో ఓ ఫన్‌ గేమ్‌ ఆడించాడు. ఒకరు డ్యాన్స్‌ స్టెప్‌ వేస్తే అది ఏ పాటో మిగతావాళ్లు గెస్‌ చేయాల్సి ఉంటుంది. అలా పాటలు, డ్యాన్సులతో హౌస్‌మేట్స్‌ ఫుల్‌ జోష్‌లోకి వెళ్లిపోయారు. ఆదిరెడ్డి అయితే నేను డ్యాన్సర్‌ అంటూ అందరికంటే ఓ స్టెప్పు ఎక్కువే వేశాడు. తర్వాత అందరినీ సేవ్‌ చేసుకుంటూ రాగా చివరికి ఆదిరెడ్డి, ఇనయ మిగిలారు. వీరిలో ఎవరు ఎలిమినేట్‌ అవుతారనేది బోర్డుపై చూపిస్తానడంతో ప్రోమో ముగిసింది. ఎలాగో ఆది సేవ్‌ అవగా ఇనయ ఎలిమినేట్‌ అయిందని అందరికీ తెలిసిపోవడంతో ఈ ఎలిమినేషన్‌ ఎలాంటి సస్పెన్స్‌ లేకుండా జరిగిపోయింది. చదవండి: అది రేవంత్‌ను చూసే నేర్చుకున్నా: నాగార్జున

సండే ఫండే ప్రోమో వచ్చేసింది. ఈ సారి కూడా కంటెస్టెంట్లతో సరదా గేమ్స్‌ ఆడించాడు హోస్ట్‌ నాగార్జున. వంద రోజులుగా బిగ్‌బాస్‌ హౌస్‌లో ఉంటున్న ఏడుగురికి ఇంటి గురించి ఏమాత్రం అవగాహన ఉందో తెలుసుకోవాలనుకున్నాడు. ఈ క్రమంలో హౌస్‌లో ఎన్ని గోల్డెన్‌ హ్యాండ్స్‌ ఉన్నాయి? వాష్‌రూమ్‌ ఏరియాలో ఎన్ని పూలకుండీలు ఉన్నాయి? లాంటి ప్రశ్నలడిగాడు. నాగార్జున ప్రశ్న అడగ్గానే ఎవరు గంట కొడితే వారు సమాధానం చెప్పాల్సి ఉంటుంది. కరెక్ట్‌ ఆన్సర్‌ చెప్తే రెండు పాయింట్లు జోడిస్తానని, తప్పు సమాధానం చెప్తే రెండు పాయింట్లు మైనస్‌ చేస్తానన్నాడు. వీఐపీ బాల్కనీకి ఎన్ని మెట్లున్నాయి అని అడగ్గా ఆదిరెడ్డి పది మెట్లు అని చెప్పాడు. నాగార్జున మైనస్‌ 2 అన్నాడు. అప్పటికే బెల్‌ కొట్టిన శ్రీసత్య 7 లేదా 8 అని చెప్పింది. 7 మెట్లు సరైన సమాధానమంటూ వెంటనే ఒక పాయింట్‌ ఇచ్చాడు నాగ్‌. అదేంటి సర్‌, ఆమె రెండు ఆప్షన్లు చెప్పింది కదా అని రేవంత్‌ సందేహం వ్యక్తం చేయగా.. 'నేను సంచాలక్‌, నా ఇష్టం. అయినా ఇది నేను రేవంత్‌ దగ్గరే నేర్చుకున్నాను' అని పంచ్‌ ఇచ్చాడు. చదవండి: లేడీ సింగాన్ని పంపించేస్తారా? మా ఓట్లంటే లెక్క లేదా? ఈ వారం ఇనయ ఎలిమినేట్‌?

బిగ్‌బాస్‌ షోలో ఏదైనా జరగొచ్చు. ముఖ్యంగా లవ్‌ ట్రాక్‌లు ప్రతి సీజన్‌లో హైలైట్‌గా నిలుస్తాయనడంలో ఏమాత్రం సందేహం లేదు. తాజాగా బిగ్‌బాస్‌ సీజన్‌-6లోనూ సత్య-అర్జున్‌ కల్యాణ్‌ల లవ్‌ యాంగిల్‌ ప్రత్యేకంగా నిలిచింది. తన గేమ్‌ ఆడటం కూడా మర్చిపోయి సత్య ప్రేమలో పడిపోయిన అర్జున్‌ 7వ వారమే ఎలిమినేట్‌ అయి బయటకు వచ్చేశాడు. హౌస్‌లో ఉన్నంతసేపూ సత్య-సత్య అంటూ తిరిగిన అర్జున్‌ బిగ్‌బాస్‌ నుంచి బయటకు వచ్చాక మాత్రం ప్లేట్‌ మార్చిసినట్లు కనిపిస్తుంది. మరో కంటెస్టెంట్‌ వాసంతి కృష్ణన్‌తో ఈమధ్య షికార్లు చేస్తున్న అర్జున్‌ రీసెంట్‌గా ఓ షోలో పాల్గొన్నాడు. ఇదే షోకు వాసంతి కూడా వచ్చింది. అయితే టాస్క్‌లో భాగంగా వాసంతి కాకరకాయ జ్యూస్‌ తాగాల్సి రాగా, తను తాగకుండా అర్జున్‌కు తాగమని ఇస్తుంది. వాసంతి కోసం అర్జున్‌ కరేలా జ్యూస్‌ తాగుతాడు. దీనికి ఇంప్రెస్‌ అయిన వాసంతి వెంటనే అతడి బుగ్గ మీద గట్టిగా ముద్దు పెట్టేసింది. దీనికి సంబంధించిన ఫోటోలు ప్రస్తుతం నెట్టింట చక్కర్లు కొడుతున్నాయి.   

Bigg Boss 6 Telugu, Episode 98: ఫినాలే దగ్గరపడుతుండటంతో నాగార్జున ఫన్నీ టాస్కులు మానేసి సీరియస్‌ టాస్కులు ఆడించాడు. మొదటగా బిగ్‌బాస్‌ హౌస్‌లో ఓట్ల క్యాంపెయినింగ్‌ మొదలుపెట్టాడు. ఈ క్రమంలో శ్రీహాన్‌ మాట్లాడుతూ.. రేవంత్‌ తప్పులను అంగీకరించడు. అతడికి కోపం ఎక్కువ. కానీ నేను తప్పులను ఒప్పుకోవడమే కాకుండా వాటిని సరిదిద్దుకుంటాను. తనకంటే బాగా ఎంటర్‌టైన్‌ చేస్తాను. అందుకోసం నాకు ఓటేసి గెలిపించాలి అని చెప్పాడు. ఇక రేవంత్‌ మాట్లాడుతూ.. నేను ఏ టాస్కునూ వదల్లేదు. విన్నర్‌కు కావాల్సిన అన్ని లక్షణాలు నాకున్నాయి. శ్రీహానే కాదు, ఇక్కడ ఎవరినీ నాకు కాంపిటీటర్‌గా అనుకోలేదు అని చెప్పాడు. దీంతో శ్రీహాన్‌ మధ్యలో కలగజేసుకుంటూ ఒకటి చెప్పాలి సర్‌ అని అడిగాడు. దీనికి నాగ్‌.. రేవంత్‌ ఫ్లిప్పర్‌ అని చెప్పాలనుకున్నావు, అంతేనా? అన్నాడు. దీంతో అందుకున్న రేవంత్‌.. శ్రీహాన్‌ వెనకాల మాట్లాడతాడని తెలుసు, ఇంతకుముందు కూడా విన్నాను, కానీ ఎప్పుడూ తనను అడగలేదని చెప్పాడు. అతడి మాట విని షాకైన శ్రీహాన్‌.. నీకు చెప్పిన విషయాలే మాట్లాడానే తప్ప వెనకాల కొత్తగా ఏమీ మాట్లాడలేదు అని బదులిచ్చాడు. తర్వాత మిగతా ఐదుగురు కూడా తమలో ఉన్న పాజిటివ్‌ అంశాలను చెప్తూ దానికోసం ఓట్లేయాలన్నారు. అనంతరం హౌస్‌మేట్స్‌ దెయ్యం టాస్కులో ఎంత భయపడ్డారో వారికే వీడియో వేసి చూపించాడు నాగ్‌. చీకటి గదిలో తాము చేసిన విన్యాసాలు చూసి కంటెస్టెంట్లు పడీపడీ నవ్వుకున్నారు. ఆ తర్వాత హౌస్‌మేట్స్‌తో మరో గేమ్‌ ఆడించాడు నాగ్‌. బెస్ట్‌ అనుకున్న ముగ్గురికి స్టార్‌ రేటింగ్స్‌ ఇచ్చి, వేస్ట్‌ అనుకున్న ముగ్గురికి క్రాస్‌ సింబల్‌ ఫేస్‌పైన ముద్రించాలన్నాడు. అలా ఈ గేమ్‌లో ఎవరెవరు ఎవరికి స్టార్స్‌, ఎవరికి క్రాస్‌ గుర్తులు ఇచ్చుకుంటూ వెళ్లారంటే.. కంటెస్టెంట్‌ 3 స్టార్స్‌ 2 స్టార్స్‌ 1 స్టార్‌ సింగిల్‌ క్రాస్‌ డబల్‌ క్రాస్‌ (బ్యాడ్‌) ట్రిపుల్‌ క్రాస్‌ (వెరీ బ్యాడ్‌) ఆదిరెడ్డి. శ్రీహాన్‌ రేవంత్‌ రోహిత్‌ శ్రీసత్య ఇనయ కీర్తి కీర్తి రోహిత్‌ ఇనయ రేవంత్‌ శ్రీహాన్‌ కీర్తి ఆదిరెడ్డి శ్రీసత్య శ్రీహాన్‌ రేవంత్‌ ఆదిరెడ్డి రోహిత్‌ ఇనయ కీర్తి ఇనయ కీర్తి శ్రీసత్య రేవంత్‌ శ్రీహాన్‌ రోహిత్‌ ఆదిరెడ్డి రేవంత్‌ శ్రీసత్య శ్రీహాన్‌ కీర్తి ఆదిరెడ్డి రోహిత్‌ ఇనయ శ్రీహాన్‌ రేవంత్‌ ఆదిరెడ్డి శ్రీసత్య ఇనయ కీర్తి రోహిత్‌ రోహిత్‌ ఆదిరెడ్డి రేవంత్‌ కీర్తి శ్రీహాన్‌ శ్రీసత్య ఇనయ తర్వాత కీర్తి, రేవంత్‌ సేవ్‌ అయినట్లు ప్రకటించాడు నాగ్‌. దీంతో టికెట్‌ టు ఫినాలే సాధించిన శ్రీహాన్‌తో పాటు రేవంత్‌, కీర్తి ఫైనల్‌ వీక్‌కు వెళ్లారని ప్రకటించాడు నాగ్‌. మిగిలిన నలుగురిలో ఎవరు ఎలిమినేట్‌ అవుతారో హౌస్‌మేట్స్‌ గెస్‌ చేయాలన్నాడు. ముందుగా శ్రీహాన్‌.. రోహిత్‌ వెళ్లిపోతాడని అభిప్రాయపడగా కీర్తి.. ఆదిరెడ్డి ఎలిమినేట్‌ అయిపోతాడేమోనని చెప్పుకొచ్చింది. రేవంత్‌ వంతు రాగా.. ఎన్నడూ ఎవిక్షన్‌కు భయపడని ఇనయ మొట్టమొదటిసారి నిన్న భయపడింది. దాన్నిబట్టి ఆమె ఎలిమినేట్‌ కావచ్చేమోననుకున్నాడు. దీంతో ఇనయ అందుకుంటూ.. నిన్ననే కదా నేను టాప్‌ 5 కంటెస్టెంట్‌ అన్నావు, అంతలోనే మాట మార్చి ఈ వారం వెళ్లిపోతానని చెప్తున్నావేంటి అంటూ నిలదీసింది. రేవంత్‌ ఇప్పుడు తన మనసులో ఉన్నది మాట్లాడాడంటూ జరగబోయేది ఇదేనని చెప్పకనే చెప్పాడు నాగ్‌. ఇకపోతే మొన్నటిదాకా ప్రైజ్‌మనీని బిగ్‌బాస్‌ పెంచగా ఈసారి నాగార్జున ఇంటిసభ్యులకు మర ఓ బంపర్‌ ఆఫర్‌ ఇచ్చాడు. తన ముందున్న మూడు సూట్‌కేసుల్లో డబ్బులున్నాయని, ఎక్కువ అమౌంట్‌ ఉన్న కరెక్ట్‌ సూట్‌కేస్‌ సెలక్ట్‌ చేసుకోమన్నాడు. హౌస్‌మేట్స్‌ అత్యధికంగా రూ.3 లక్షలున్న సూట్‌కేసు సెలక్ట్‌ చేసుకున్నారు. దీంతో ఈ మూడు లక్షలు కలపగా ఫైనల్‌ ప్రైజ్‌మనీ రూ.50 లక్షలకు చేరింది. ఈ అరకోటి రూపాయలతో పాటు విన్నర్‌ రూ.25 లక్షల విలువైన 605 గజాల స్థలాన్ని గెలుచుకోనున్న విషయం తెలిసిందే! దీనికి తోడు మారుతి సుజుకి బ్రెజ్జా కారు సైతం సొంతం చేసుకోనున్నట్లు ప్రకటించడంతో హౌస్‌మేట్స్‌ ఎగిరి గంతేశారు. చదవండి: లేడీ టైగర్‌ను పంపించేస్తారా? మా ఓట్లంటే లెక్క లేదా? టాప్‌ 3లో ఉంటుందనుకున్న ఇనయ ఎలిమినేట్‌?

వచ్చే వారమే బిగ్‌బాస్‌ తెలుగు ఆరో సీజన్‌ గ్రాండ్‌ ఫినాలేకు ముహూర్తం ఫిక్స్‌ చేశారు. ప్రస్తుతం హౌస్‌లో ఏడుగురు ఉన్నా సింగిల్‌ ఎలిమినేషన్‌తో ఒక్కరినే ఎలిమినేట్‌ చేశారట. మరి ఆ బయటకు వచ్చేసింది ఎవరా? అని ఒకసారి సోషల్‌ మీడియా ఓపెన్‌ చేసి చూశారంటే మీకే అర్థం అయిపోతుంది. ఆమె మరెవరో కాదు ఇనయ సుల్తాన. ఓటింగ్‌లో టాప్‌ ప్లేస్‌లో ఉండే ఇనయ ఎలిమినేట్‌ కావడమేంటని అందరూ షాకవుతున్నారు. అయితే నాగార్జున మాత్రం ఇంటిసభ్యుల మనసులో ఏముందో తెలుసుకోవాలనుకున్నాడు. ఈవారం ఎవరు వెళ్లిపోతారనుకుంటున్నారు? అని ప్రశ్నించాడు. ఇందుకు శ్రీహాన్‌.. రోహిత్‌ వెళ్లిపోతాడని అభిప్రాయపడ్డాడు. కీర్తి.. ఆదిరెడ్డి పేరు సూచించింది. రేవంత్‌ను ఇదే ప్రశ్న అడగ్గా.. ఎప్పుడూ నామినేషన్స్‌కు భయపడని ఇనయ నిన్న కొంత భయపడుతున్నట్లు చెప్పిందంటూ ఆమె పేరు చెప్పాడు. దీంతో మధ్యలో అందుకున్న ఇనయ.. నిన్ననే కదా, నేను టాప్‌ 5లో ఉంటానన్నావు, బయటకు వెళ్లనన్నావు అని నిలదీసింది. దీనిపై నాగ్‌ మాట్లాడుతూ.. నీకలా చెప్పాడేమో కానీ, తన మనసులో ఉన్న మాట ఇదే అని స్పష్టం చేశాడు. చదవండి: షాకింగ్‌ ట్విస్ట్‌.. ఇనయ ఎలిమినేటెడ్‌ వరస్ట్‌ సీజన్‌.. లేడీ సింగాన్ని పంపించేస్తారా? నెట్టింట ‍ట్రోలింగ్‌

సాధారణంగా ఎలిమినేషన్‌ సండే జరుగుతుంది. డబుల్‌ ఎలిమినేషన్‌ ఉన్నప్పుడు మాత్రమే శనివారం కూడా ఒకర్ని బయటకు పంపించేస్తుంటారు. ఈ వారం కూడా డబుల్‌ ఎలిమినేషన్‌ ఉంటుందనుకుంటే సింగిల్‌ ఎలిమినేషన్‌ చాలనుకున్నట్లున్నాడు బిగ్‌బాస్‌. ఇకపోతే ఇదివరకే షూటింగ్‌ ముగిసిందని, టాప్‌ 3 కంటెస్టెంట్‌ అయిన ఇనయను ఎలిమినేట్‌ చేశారంటూ ఓవార్త సోషల్‌ మీడియాలో దావానంలా వ్యాపించింది. ఇదెంతవరకు నిజమో తెలీదు కానీ ఇనయ ఫ్యాన్స్‌ ఘోరంగా హర్ట్‌ అయ్యారు. ఒక్క ఇనయ ఫ్యాన్స్‌ మాత్రమే కాదు బిగ్‌బాస్‌ వీక్షించే ఎంతోమంది ఫినాలేలో ఉండాల్సిన వ్యక్తిని సడన్‌గా పంపించడమేంటని షాకవుతున్నారు. వేరేవాళ్లను సేవ్‌ చేయడం కోసం ఇనయను బలి చేశారని ఆగ్రహానికి లోనవుతున్నారు. ఫలితంగా ట్విటర్‌లో ఇనయ అన్‌ఫెయిర్‌ ఎలిమినేషన్‌("INAYA UNFAIR ELIMINATION") ట్రెండ్‌ అవుతోంది. 33 వేలకుపైగా ట్వీట్లతో ట్విటర్‌ హోరెత్తిపోతోంది. 'ప్రేక్షకుల ఓట్లంటే లెక్క లేదా? ఇప్పటికే షో ఫ్లాపైంది, ఇంకా ఇనయను పంపించేసి మరింత అప్రతిష్ట మూటగట్టుకున్నారు', 'చెత్త సీజన్‌కు చెత్త విన్నర్‌ను మీరే సెలక్ట్‌ చేసుకోండి, మగవాళ్లకు గట్టిపోటీనిచ్చిన లేడీ టైగర్‌ ఇనయ, అలాంటిది ఆమెను కనీసం ఫినాలేలో కూడా అడుగుపెట్టనీయకుండా ప్లాన్‌ చేసి పంపించేస్తారా?', రియాలిటీ షోలో కూడా పాలిటిక్సా?' అంటూ నెట్టింట నెటిజన్లు బిగ్‌బాస్‌పై నిప్పులు చెరుగుతున్నారు. ఆమె లేకపోతే ఫినాలేకు టీఆర్పీయే రాదంటూ శాపనార్థాలు పెడుతున్నారు. ఎన్ని వరస్ట్‌ సీజన్లు వచ్చినా అన్నింటికంటే పరమ వరస్ట్‌ ఈ సీజనే అని తిట్టిపోస్తున్నారు. Enni worst seasons vachina, S6 ni beat cheylev!! History lo nilichipothundhi, UNBEATABLE WORST SEASON! 1st nundi kastapadi game adinollantha vellipoyaru, theerigga vacation ki vachinollu migilipoyaru!! INAYA UNFAIR ELIMINATION — Nivvi☃️ (@Nivvi011) December 10, 2022 Fighter #inaya got robbed of her winning chance #BiggBossTelugu6 👎 INAYA UNFAIR ELIMINATION https://t.co/eiZFbmagir — Nish (@bb3telugublr) December 10, 2022 There is no value for audience votes in Telugu Bigboss INAYA UNFAIR ELIMINATION pic.twitter.com/BPERApPEBy — vikyath kumar (@vikyath_kumar) December 10, 2022 చదవండి: ఇనయ ఎలిమినేట్‌

దెయ్యాలను చూసి భయపడిపోయిన కంటెస్టెంట్లను చూసి మేము బాగా నవ్వుకున్నామన్నాడు నాగార్జున. ఈ సీజన్‌లోనే మోస్ట్‌ ఎంటర్‌టైనింగ్‌ వీడియో అంటూ దెయ్యం టాస్కులో కంటెస్టెంట్లు ఏ రేంజ్‌లో భయపడ్డారో మరోసారి చూపించాడు. తర్వాత అవతలి వాళ్లకంటే నేనే ఎందుకు బెస్ట్‌, నాకే ఎందుకు ఓట్లు వేయాలో చెప్పమంటూ ఓ టాస్క్‌ ఇచ్చాడు. అప్పుడే ఫిట్టింగ్‌ పెట్టేశారంటూ గొణుక్కున్నాడు రేవంత్‌. రేవంత్‌ కన్నా నువ్వెందుకు బెటర్‌? నీకెందుకు ఓట్లేయాలో చెప్పు అని శ్రీహాన్‌ను ఆదేశించాడు నాగ్‌. దీనికతడు లేచి ప్రతి ఒక్కరూ ఏదో ఒక సందర్భంలో తప్పులు చేస్తుంటారు. కానీ దాన్ని ఒప్పుకోగలగాలి. ఆ గుణం రేవంత్‌కు లేదు అన్నాడు. అంతలోనే ఇంకో విషయం గుర్తురావడంతో చెప్పొచ్చా? అని పర్మిషన్‌ అడిగాడు. రేవంత్‌ ఫ్లిప్పర్‌, నేను కాదంటావు, అంతేనా.. అని నాగ్‌ గెస్‌ చేయగా ఛఛ, అది కాదన్నాడు శ్రీహాన్‌. మొన్న ఆదిరెడ్డితో అదే అన్నావుగా అని నాగ్‌ అనగా అలా అనలేదని సంజాయిషీ ఇచ్చుకునే ప్రయత్నం చేశాడు. ఇంతలోనే రేవంత్‌ కలగజేసుకుంటూ శ్రీహాన్‌ నా వెనకాల మాట్లాడతాడని తెలుసు అంటూ ఉక్రోషానికి లోనయ్యాడు. ఈ మాటతో శ్రీహాన్‌ ఒక్కసారిగా షాకయ్యాడు. శ్రీహాన్‌ ఫ్లిప్పర్‌ అనే పదం వాడాడా? లేదా? అని ఆదిరెడ్డిని అడగ్గా అతడు తనకు గుర్తు లేదని బదులిచ్చాడు. దీంతో నాగ్‌.. నిన్ను మించిన ఫ్లిప్పర్‌ లేడులే అంటూ ఉడాల్‌ మామపై సెటైర్‌ వేశాడు. చదవండి: ఏమిటేమిటి? ఇనయ ఎలిమినేట్‌ అయిందా? సీనియర్‌ నటి దారుణ హత్య, కన్న కొడుకే కొట్టి చంపాడు

'ఇనయ.. యూ ఆర్‌ ఎలిమినేటెడ్‌..' నాగార్జున ఈ మాట అనడాన్ని కలలో కూడా ఊహించుకోలేకపోతున్నారా? కానీ జరిగేది ఇదేనని తెలుస్తోంది. టాప్‌ 2లో ఉంటుందనుకున్న ఇనయను అర్ధాంతరంగా ఎలిమినేట్‌ చేసినట్లు ప్రచారం జరుగుతోంది. ఇదే కనక జరిగితే ఇంతకంటే ఘోరం మరొకటి ఉండదు. బిగ్‌బాస్‌కు వచ్చాక అభిమానులను సంపాదించుకున్నవారిలో ఇనయ ఒకరు. 'మై లైఫ్‌ మై రూల్స్‌' అనే ఆమె 'మై గేమ్‌ మై స్ట్రాటజీస్‌' అన్నట్లుగా ఆడింది. తన ఆటతీరుకు, ఎవరినైనా ఎదురించే ధైర్యానికి ఎంతోమంది ఫిదా అయ్యారు. తనలో ఉన్న ఫైర్‌ను అలాగే కంటిన్యూ చేస్తే టాప్‌ 3లో చోటు దక్కించుకోవడం ఖాయం అనుకున్నారంతా. అన్నట్లుగానే నామినేషన్స్‌లో ఉన్న ప్రతిసారి ఆమెను సేవ్‌ చేస్తూ వచ్చారు. ఈ వారం కూడా ఆమె నామినేషన్‌లోకి వచ్చింది. ఎప్పటిలాగే అనధికారిక పోల్స్‌లో మంచి ఓట్ల శాతంతో రెండు, మూడు స్థానాల్లో తచ్చాడుతోంది. శ్రీసత్య, కీర్తి చివరి ప్లేస్‌ నుంచి గట్టెక్కేందుకు ప్రయత్నిస్తున్నారు. దీంతో బిగ్‌బాస్‌ ఈ ఇద్దరిలో ఒకరిని పంపిచేస్తాడనుకుంటే ఎవరూ ఊహించని కంటెస్టెంట్‌ను ఎలిమినేట్‌ చేశాడట. అమ్మాయిల్లో ఫిజికల్‌ టాస్క్‌లలో తోపు పర్ఫామెన్స్‌ ఇచ్చిన ఇనయను ఎలిమినేట్‌ చేసినట్లు ఓ వార్త లీకైంది. రేవంత్‌కు గట్టి పోటీ ఇచ్చిన ఇనయను సడన్‌గా ఎలిమినేట్‌ చేయడమేంటని అప్పుడే నెటిజన్లు ఫైర్‌ అవుతున్నారు. ఒకవేళ బిగ్‌బాస్‌ కావాలని తప్పుడు సమాచారాన్ని లీక్‌ చేశాడా? అసలు ఈవారం శ్రీసత్య, కీర్తి, ఇనయలలో ఎవరు ఎలిమినేట్‌ అవుతారనేది తెలియాలంటే రేపటి వరకు ఆగాల్సిందే! చదవండి: లెక్క తేలింది, విన్నర్‌ ప్రైజ్‌మనీ ఎంతంటే?

Bigg Boss 6 Telugu, Episode 97: బిగ్‌బాస్‌ తెలుగు ఆరో సీజన్‌లో  ప్రైజ్‌మనీ వ్యవహారం ఓ కొలిక్కి వచ్చింది. గతంలో దాన్ని కత్తిరించుకుంటూ పోయిన బిగ్‌బాస్‌ ఈ వారం ఆ కోల్పోయిన డబ్బు తిరిగి పొందేందుకు అవకాశాలిస్తూ పోయాడు. నేటితో ఆ ఛాన్స్‌లకు తెరదించాడు. ఫైనల్‌ ప్రైజ్‌మనీని ప్రకటించాడు. మరి ఆ అమౌంట్‌ ఎంతో తెలియాలంటే నేటి ఎపిసోడ్‌ హైలైట్స్‌ చదివేయాల్సిందే! రెండు రోజులగా దెయ్యం టాస్కుతో ఇంటిసభ్యులను హడలెత్తిస్తున్నాడు బిగ్‌బాస్‌. ఈరోజు శ్రీసత్య, కీర్తిలను చీకటి గదిలోకి పంపించాడు. వీళ్లిద్దరూ గడ్డిని చూసి కూడా గజగజ వణికిపోయారు చివరికి బిగ్‌బాస్‌ చెప్పిన వస్తువులు తీసుకురావడంతో రూ.20 వేలు ఇచ్చాడు. తర్వాత రోహిత్‌ను ఆ తర్వాత హౌస్‌మేట్స్‌ అందరినీ చీకటి గదిలో వేశారు. అక్కడ ఇనయ, కీర్తి దెయ్యాల్లా భయపెడుతూ అందరినీ ఓ ఆటాడుకున్నారు. ఈసారి ఇంటిసభ్యులు మరో రూ.13వేలు గెలిచారు. మనీబాల్‌ టాస్క్‌లో రేవంత్‌ రూ.500, రోహిత్‌ రూ.1500 సాధించాడు. అనంతరం ఆరో సీజన్‌లోని ఐకానిక్‌ సంఘటనలను మరోసారి ప్రదర్శించి ఎంటర్‌టైన్‌ చేయాలన్నాడు బిగ్‌బాస్‌. ఈ క్రమంలో ఇనయ- శ్రీహాన్‌ల పిట్ట కథ, హోటల్‌ టాస్క్‌లో శ్రీసత్య- అర్జున్‌ ఒప్పందం, అర్జున్‌-రేవంత్‌ పప్పు గొడవ, మిషన్‌  పాజిబుల్‌ టాస్క్‌లోని ఆదిరెడ్డి సీక్రెట్‌ టాస్క్‌(బాత్రూమ్‌ను అశుభ్రపరిచి గొడవ చేసిన గొడవ), కీర్తి వేలు గాయపడ్డ సంఘటన, కెప్టెన్సీ టాస్క్‌లో రోహిత్‌ గోనె సంచులను తన్నిన సీన్‌.. వీటన్నింటినీ మరోసారి కళ్లకు కట్టినట్లు చూపించారు. అందరూ నటించడం కాదు ఏకంగా జీవించేశారు. వీరి యాక్టింగ్‌ స్కిల్స్‌తో బిగ్‌బాస్‌ను అలరించి రూ.43,000 గెలుచుకున్నారు. అన్ని ఛాలెంజ్‌లు, టాస్కులు పూర్తైన తర్వాత ఫైనల్‌గా విన్నర్‌ ప్రైజ్‌మనీ రూ.47,00,000కి చేరింది. ఈ సంతోషంలో రేవంత్‌ పాట పాడగా కీర్తి, శ్రీసత్య డ్యాన్సులేశారు. చదవండి: ఈ వారం డబుల్‌ ఎలిమినేషన్‌? ఫైమాకు గోల్డెన్‌ ఛాన్స్‌ ఇచ్చిన పటాస్‌ ప్రవీణ్‌

బుల్లితెర హిట్‌ షో బిగ్‌బాస్ తెలుగు ఆరో సీజన్‌ ముగింపుకు వచ్చింది. ప్రారంభంలో పస లేని ఈ షో ఇప్పుడిప్పుడే రసవత్తరంగా మారింది. ఆరిపోయే దీపానికి వెలుగెక్కువ అన్నట్లుగా క్లైమాక్స్‌కు వచ్చాక షో వెలుగులు సంతరించుకుంటోంది. మొన్నటికాదా గొడవలు, పగలతో రగిలిపోయిన హౌస్‌మేట్స్‌ ఇప్పుడిప్పుడే ఫన్‌కు ఎక్కువ ప్రాధాన్యమిస్తున్నారు. ప్రస్తుతం హౌస్‌లో ఏడుగురు సభ్యులు మిగిలారు. ఇందులో ఒకరిని బయటకు పంపించే సమయం ఆసన్నమైంది. ఆల్‌రెడీ శ్రీహాన్‌ టికెట్‌ టు ఫినాలే గెలిచి నామినేషన్స్‌ నుంచి తప్పించుకుని మొట్టమొదటి ఫైనలిస్టుగా నిలిచాడు. రేవంత్‌ ఎలాగో విన్నర్‌ మెటీరియల్‌ కాబట్టి అతడు ఓటింగ్‌లో ఎప్పటిలాగే టాప్‌లో ఉంటూ వస్తున్నాడు. తర్వాతి స్థానాల్లో ఇనయ, ఆదిరెడ్డి, రోహిత్‌ ఉన్నారు. చివరి రెండు స్థానాల్లో శ్రీసత్య, కీర్తి తచ్చాడుతున్నారు. నిజానికైతే ఈ వారం శ్రీసత్య ఎలిమినేట్‌ కావాల్సిందే! కానీ ఫ్యామిలీ వీక్‌ తర్వాత శ్రీసత్యలో చాలా మార్పు వచ్చింది. వెటకారం పూర్తిగా తగ్గించేసింది. గేమ్‌లో తన ఫ్రెండ్స్‌ అని కూడా చూడకుండా శ్రీహాన్‌, రేవంత్‌పైనా అరిచేసింది. వరుస టాస్కులు గెలిచింది. అందరితో కలిసిపోయి గొడవలకు దూరంగా ఉంది. ఫలితంగా ఈ వారం తన గ్రాఫ్‌ బాగా పెరిగింది. కీర్తి.. తన వేలి నొప్పి కారణంగా పలు టాస్కులు గెలవలేకపోయింది. అలా అని ఆడలేదని కాదు, తనవంతు ప్రయత్నం చేసింది. కానీ ప్రస్తుతం ఉన్నవారిలో ప్రేక్షకులు శ్రీసత్య, కీర్తిలలో ఒకరిని ఎలిమినేట్‌ చేయాలని భావిస్తున్నట్లు అనధికారిక పోల్స్‌ చెప్తున్నాయి. పైగా ఈ వారం శ్రీసత్య గ్రాఫ్‌ పెరిగి ఓట్ల శాతం పెరగడంతో కీర్తి వెనకబడినట్లు కనిపిస్తోంది. ఈ లెక్కన కీర్తి ఎలిమినేట్‌ కావొచ్చేమో, లేదంటే శ్రీసత్య- కీర్తి ఇద్దరినీ బిగ్‌బాస్‌ బయటకు పంపించేస్తాడేమో! ఈ సీజన్‌ సిక్స్‌ కాబట్టి ఫినాలేకు సిక్స్‌ మెంబర్స్‌ను పంపించే ప్లాన్స్‌ ఉంటే మాత్రం వీళ్లిద్దరిలో ఏ ఒక్కరో ఎలిమినేట్‌ కాక తప్పదు. మరి బిగ్‌బాస్‌ ఎవరిని ఎలిమినేట్‌ చేస్తాడు? ఎవరు ఫినాలేకు దూరం కానున్నారో చూడాలి! చదవండి: రోడ్డు మీద చెప్పుల్లేకుండా తిరిగా: శ్రీహాన​ గర్ల్‌ఫ్రెండ్‌ సిరి ఫైమాకు గోల్డెన్‌ గిఫ్ట్‌ ఇచ్చిన ప్రియుడు

బిగ్‌బాస్‌ తెలుగు ఆరో సీజన్‌లో విన్నర్‌ ఎవరంటే ఇష్టం ఉన్నా లేకపోయినా రేవంత్‌ అనే చెప్తారు. గెలుపు గాలులు అతడివైవే వీస్తున్నట్లు కనిపిస్తోంది. ఇకపోతే అతడు హౌస్‌లో ఏం మాట్లాడినా ఎవరూ పెద్దగా ఎదురుచెప్పరు, వార్నింగ్‌లు ఇచ్చినా, తిండి పెట్టకపోయినా గట్టిగా నిలదీసేవారే లేరు, ఒక్క ఫైమా తప్ప! అందరిలా ఆమె చేతులు కట్టుకుని కూచోకుండా తప్పనిపించిన ప్రతిసారి రేవంత్‌ను కడిగి పారేసింది. నేనే తోపు అని ఫీలైన రేవంత్‌ చేసే తప్పులను అందరి ముందే ఎత్తిచూపింది. కానీ వెటకారం వల్ల గేమ్‌ నుంచి ఎలిమినేట్‌ కావాల్సి వచ్చింది. తాజాగా ఆమె.. తన ఫ్యామిలీ మెంబర్స్‌ ముఖ్యంగా ప్రియుడు పటాస్‌ ప్రవీణ్‌ బిగ్‌బాస్‌ నుంచి వచ్చాక ఎలా వెల్‌కమ్‌ చెప్పారో చూడండంటూ యూట్యూబ్‌లో ఓ వీడియో వదిలింది. ఇందులో ప్రవీణ్‌.. ఫైమాతో కేక్‌ కట్‌ చేయించాడు. కడప దర్గాలో పూజ చేయించిన నీళ్ల బాటిల్‌ను ఆమె చేతికిచ్చి ఆయురారోగ్యాలతో ఉండాలని కోరుకున్నాడు . తర్వాత తన మెడలో ఉన్న బంగారు గొలుసును ఆమెకు బహుమతిగా ఇచ్చాడు. దీంతో ఆమె సంతోషంతో ఉబ్బితబ్బిబ్బైపోయింది. చదవండి: శ్రీహాన్‌తో బ్రేకప్‌పై తొలిసారి స్పందించిన సిరి పూజ చేస్తున్న హీరో.. విపరీతంగా ట్రోల్‌ చేస్తున్న నెటిజన్లు

బిగ్‌బాస్‌ తెలుగు ఐదో సీజన్‌లో షణ్ను- సిరిల ఫ్రెండ్‌షిప్‌ హద్దు మీరిన సంగతి తెలిసిందే! ఈ విషయాన్ని వాళ్లే స్వయంగా ఒప్పుకున్నారు. తప్పనిపించినా వీడి ఉండలేకపోతున్నామని వాపోయారు. కానీ ఎప్పుడైతే సిరి బాయ్‌ఫ్రెండ్‌, నటుడు శ్రీహాన్‌ బిగ్‌బాస్‌ స్టేజీపైకి వచ్చాడో అతడికి ముఖం చూపించుకోలేక వెక్కి వెక్కి ఏడ్చేసింది సిరి. ఇక శ్రీహాన్‌.. నన్ను వదిలేస్తున్నావా? అని ఒక డైలాగ్‌ విసరడంతో సిరిని మరింత తిట్టిపోశారు నెటిజన్లు. అంత మంచివాడిని ఎలా మోసం చేయాలనిపించిందంటూ నానామాటలన్నారు. కట్‌ చేస్తే షో అయిపోయాక వాళ్లిద్దరూ ఎప్పటిలాగే కలిసిపోయారు. నెగెటివిటీకి చెక్‌ పెడుతూ మరింత దగ్గరయ్యారు. ఈసారి శ్రీహాన్‌ షోలో అడుగుపెట్టాడు. గేమ్‌ బాగా ఆడుతున్నాడు. కానీ వెటకారం, ఫ్రెండ్‌షిప్‌ వల్ల గెలుపుకు దూరం అవుతున్నాడు. అతడికి బయట నుంచి భీభత్సంగా సపోర్ట్‌ చేస్తోంది సిరి. తాజాగా ఆమె బిగ్‌బాస్‌ కెఫెలో పాల్గొంది. ఈ సందర్భంగా ఆమె ఎన్నో విషయాలు మనసు విప్పి మాట్లాడింది. 'ఇంట్లో ఎవరూ శ్రీహాన్‌కు బెస్ట్‌ ఫ్రెండ్‌ ట్యాగ్‌ ఇవ్వలేదు. అది చూసిన నాకే ఎంతో బాధనిపించింది, ఆ పరిస్థితిలో శ్రీహాన్‌ ఎంత బాధపడ్డాడో! నాకు పెళ్లి కాకుండానే కొడుకు చైతూ ఎలా వచ్చాడనుకుంటున్నారు. అతడు మా మామయ్య కొడుకు. కరోనా సమయంలో వైజాగ్‌ వెళ్లాం. అప్పుడు మాకు బాగా దగ్గరయ్యాడు. మామయ్యకు ఆరోగ్యం, ఆర్థిక స్థితి బాగోలేకపోవడంతో మేము తెచ్చేసుకుని పెంచుకుంటున్నాం. బహుశా ఏడాదిలోపు మా పెళ్లి కూడా అయిపోతుందనుకుంటా' అని చెప్పుకొచ్చింది. బ్రేకప్‌ రూమర్స్‌ గురించి మాట్లాడుతూ.. 'బిగ్‌బాస్‌ ఐదో సీజన్‌ తర్వాత మా మధ్య చాలా గొడవలయ్యాయి. బ్రేకప్‌ వరకూ వెళ్లాము. అతడు నన్ను వదిలి వెళ్లాక నాకు కోవిడ్‌ వచ్చింది. ఎవరికీ కనిపించకుండా ఎటైనా వెళ్లిపోదామనుకున్నాను. ఫోన్‌ స్విచ్ఛాఫ్‌ చేసి రోడ్ల మీద చెప్పులు లేకుండా తిరిగాను. ఫోన్‌ ఆన్‌ చేయగానే శ్రీహాన్‌ మెసేజ్‌లు, ఫోన్‌ కాల్స్‌ ఉన్నాయి. ఇప్పుడు ఫోన్‌ ఎత్తకపోతే జీవితంలో కనిపించను అని మెసేజ్‌ పెట్టాడు. వెంటనే నేను కాల్‌ చేశాను, రోడ్డు మీద తిరుగుతున్న నన్ను వచ్చి తీసుకెళ్లాడు. అలా చాలా జరిగాయి. కానీ ఇప్పుడు మేము ఎప్పటికీ విడిపోనంత దగ్గరయ్యాం' అని చెప్పుకొచ్చింది సిరి. చదవండి: సూసైడ్‌ బాంబ్‌ అనుకొని అరెస్ట్‌ చేశారు: సత్యదేవ్‌ శ్రీసత్య, ఇనయల పరువు పాయే

Bigg Boss 6 Telugu, Episode 96: టాస్కుల్లో, నామినేషన్స్‌లో కయ్యానికి కాలు దువ్వే కంటెస్టెంట్లు దెయ్యం పేరెత్తితే చాలు హడలెత్తిపోతున్నారు. ఇప్పటికే ఆదిరెడ్డి, శ్రీహాన్‌ ఎంత ఘోరంగా వణికిపోయారో నిన్ననే చూశాం. నేడు మిగతా ఇంటిసభ్యుల వంతు వచ్చింది. మరి వారు భయపడ్డారా? భయపడినా సరే గెలిచారా? అనేది నేటి ఎపిసోడ్‌ హైలైట్స్‌లో చూద్దాం.. కన్ఫెషన్‌ రూమ్‌లోకి రమ్మని శ్రీసత్యకు పిలుపు వచ్చింది. అప్పటిదాకా మిగతావాళ్ల భయాన్ని చూసిన నవ్విన ఆమె తన వంతురాగానే ఒళ్లంతా చెమటలు పట్టేశాయి. తలుపు దాటి లోపలకు వెళ్లడానికి తెగ భయపడిపోయింది. కన్ఫెషన్‌ రూమ్‌లోకి రాకపోతే డబ్బులు కట్‌ అవుతాయని బిగ్‌బాస్‌ హెచ్చరించినా ఆమెకు ఒక్క అడుగు ముందుకు వేయడానికి కూడా ధైర్యం చాల్లేదు. ఎంతసేపటికీ అలా డోర్‌ దగ్గరే తచ్చాడుతూ ఉండటంతో లక్ష రూపాయలు కోల్పోయారని చెప్పాడు బిగ్‌బాస్‌. అనవసరంగా డబ్బులు పోయాయని తెగ ఫీలైన రేవంత్‌ శ్రీసత్యపై అరిచాడు. బిగ్‌బాస్‌ ఇంటిసభ్యులకు బిగ్‌ బాంబ్‌ అనే మరో ఛాలెంజ్‌ ఇచ్చాడు. ఇందులో కీర్తి, శ్రీసత్య, రేవంత్‌ పోటీపడ్డారు. మిగతా హౌస్‌మేట్స్‌ ఏకాభిప్రాయంతో ఇనయ గెలుస్తుందని భావించారు, కానీ అక్కడ శ్రీసత్య విజయం సాధించింది. ఇంటిసభ్యుల అంచనా బోల్తా కొట్టడంతో రూ.64,900 గెలుచుకునే ఛాన్స్‌ కోల్పోయారని ప్రకటించాడు బిగ్‌బాస్‌. నేను గెలుస్తానని నా ఫ్రెండ్‌వైన నువ్వెందుకు నమ్మలేదంటూ శ్రీహాన్‌ను నిలదీసింది శ్రీసత్య. మూడు ఛాలెంజ్‌లు నేనే గెలిచినా కూడా నన్ను నమ్మాలనిపించలేదా? అని సూటిగా ప్రశ్నించింది. ఆ ప్రశ్నలకు ఏం సమాధానం చెప్పాలో అర్థం కాక నీళ్లు నమిలాడు శ్రీహాన్‌. తర్వాత ఇంటిసభ్యులందరికీ మనీ టవర్‌ ఛాలెంజ్‌ ఇవ్వగా ఇందులో రూ.41,500 గెలుచుకున్నారు. అనంతరం వెలిగించు - విజయం సాధించు గేమ్‌లో శ్రీహాన్‌, శ్రీసత్య పోటీపడ్డారు. హౌస్‌మేట్స్‌ ఊహించినట్లుగా శ్రీహాన్‌ గెలవడంతో రూ.1,23,400 కైవసం చేసుకున్నారు. ఇప్పటిదాకా గెలిచిన ఛాలెంజ్‌ల మొత్తాన్ని కలపగా ప్రైజ్‌మనీ రూ.46,00,000కి చేరింది. దీంతో హౌస్‌మేట్స్‌ మరీ ముఖ్యంగా రేవంత్‌ పండగ చేసుకున్నాడు. తర్వాత దెయ్యం టాస్కులో ఎంతో ధైర్యంగా చీకటి గదిలో అడుగు పెట్టిన ఇనయ అరుపులు, కేకలతో కన్ఫెషన్‌ రూమ్‌ను దద్దరిల్లేలా చేసింది. అంత భయంలోనూ ఎలాగోలా బిగ్‌బాస్‌ చెప్పిన షూ తీసుకుని బయటకు రావడం విశేషం. ఈ టాస్క్‌ గెలవడంతో రూ.12,000 లభించాయి. నెక్స్ట్‌ కన్ఫెషన్‌ రూమ్‌లో అడుగుపెట్టిన రేవంత్‌ భయపడ్డాడో, భయపడ్డట్లు నటించాడో తెలీదు కానీ దెయ్యం గొంతునే ఇమిటేట్‌ చేసి అవలీలగా సూర్య కప్పు తీసుకుని వచ్చేశాడు. ఈసారి రూ.10,000 లభించాయి. ఇక దెయ్యం టాస్కులో కీర్తి మాత్రమే మిగిలింది. మరి తనకేమైనా మినహాయింపు ఉందా? లేదంటే రేపటి ఎపిసోడ్‌లో తనకు కూడా టాస్క్‌లో వెల్‌కమ్‌ చెప్తారా? చూడాలి! చదవండి: నాన్న చనిపోయాక ఆఫీస్‌ బాయ్‌గా మారాను: రాజశేఖర్‌ నా ముగ్గురు గర్ల్‌ఫ్రెండ్స్‌కు టికెట్లు కావాలి.. హీరో ఆన్సరేంటో తెలుసా?

బిగ్‌బాస్‌ 6 తెలుగు సీజన్‌లో నెగెటివిటీని కాకుండా గ్రాఫ్‌ను పెంచుకుంటూ పోయిన వ్యక్తి రాజశేఖర్‌. జనాల ఓట్లు పడ్డప్పటికీ లక్‌ కలిసిరాకపోవడంతో ఎలిమినేట్‌ కావాల్సి వచ్చింది. అతడు ఆఫీస్‌ బాయ్‌ నుంచి మోడల్‌గా ఎదిగిన తీరు ఎందరికో ఆదర్శనీయం. మరి ఈ జర్నీ ఎలా సాధ్యమైందో అతడి మాటల్లోనే చదివేయండి.. 'నాది హైదరాబాద్‌. 2009లో మా నాన్న చనిపోయాడు. నా చెల్లిని చదివించడం కోసం ఆఫీస్‌ బాయ్‌గా పని చేశాను. కానీ మంచి ఉద్యోగం రావాలంటే చదువు అవసరమని అర్థమైంది. దీంతో ఓపక్క చదువుతూనే మరోపక్క పని చేసేవాడిని. అలా ఆఫీస్‌ బాయ్‌గా పని చేసిన అదే కార్యాలయంలో రిలేషన్‌షిప్‌ మేనేజర్‌గా, సేల్స్‌ టీమ్‌ లీడర్‌గా ఎదిగాను. తర్వాత ఏం చేయాలని అనుకున్నప్పుడు మోడలింగ్‌ ఆలోచన వచ్చింది. 2015లో మోడలింగ్‌ మొదలుపెట్టాను. 2018లో మోస్ట్‌ డిజైరబుల్‌ మెన్‌గా నిలిచాను. ఎన్నో బ్రాండ్స్‌కు పని చేశాను. కెరియర్‌ బిల్డ్‌ చేసుకునే సమయంలో కరోనా దెబ్బ కొట్టింది. టీవీ ప్రాజెక్ట్స్‌ చేశాను. అప్పుడు బిగ్‌బాస్‌ ఆఫర్‌ వచ్చింది. టాప్‌ 5లో ఉంటాననుకున్నాను. కానీ కుదరలేదు ' అని చెప్పుకొచ్చాడు రాజ్‌. చదవండి: ఆ నటుడు నన్ను మోసం చేశాడు: నిర్మాత సంచలన ఆరోపణలు  

ప్రైజ్‌మనీని పెంచుకునేందుకు ఇంటిసభ్యులకు సువర్ణావకాశం ఇచ్చాడు బిగ్‌బాస్‌. ఇప్పటిదాకా టాస్కులతో డబ్బు సంపాదించిన హౌస్‌మేట్స్‌కు ఈసారి దెయ్యం టాస్కు ఇచ్చాడు. ఈ దెబ్బతో హడలిపోయిన ఇంటిసభ్యులు మా వల్ల కాదని బెంబేలెత్తుతున్నారు. అయినప్పటికీ భయంతో వణికిపోతూనే ఆదిరెడ్డి, శ్రీహాన్‌ చీకటి గదిలోకి వెళ్లి బిగ్‌బాస్‌ చెప్పిన వస్తువులను వెతికి తీసుకొచ్చారు. ఈసారి శ్రీసత్యను డార్క్‌ రూమ్‌లోకి వెళ్లమన్నాడు బిగ్‌బాస్‌. కానీ ఆమె మాత్రం నేనొక్కదాన్ని రాలేనంటూ తలుపు బయటే నిల్చుండిపోయింది. విన్నర్‌ అయ్యేది తనేనని ఫిక్స్‌ అయిన రేవంత్‌.. నీ వల్ల డబ్బులు కట్‌ అయితే మాత్రం సీరియస్‌ అవుతానని ముందే వార్నింగ్‌ ఇచ్చాడు. అయినా చివరికి అతడు అన్నట్లే జరిగింది. ఆమె లోపలకు వెళ్లకపోవడంతో లక్ష రూపాయలు కోల్పోయారని బిగ్‌బాస్‌ ప్రకటించాడు. దీంతో శ్రీసత్యపై ఆగ్రహం వ్యక్తం చేశాడు రేవంత్‌. తర్వాత బిగ్‌ బాంబ్‌ అనే మరో ఛాలెంజ్‌ ఇచ్చాడు బిగ్‌బాస్‌. ఇందులో శ్రీసత్య, ఇనయ, రేవంత్‌ పాల్గొన్నారు. మరి వీరిలో ఎవరు గెలిచారు? ఎవ ఓడిపోయారు? అనేది తెలియాలంటే ఎపిసోడ్‌ వచ్చేదాకా ఆగాల్సిందే! చదవండి: ఇండస్ట్రీలో విషాదం, హాస్యనటుడు కన్నుమూత స్వాతి నా ఆల్‌టైం క్రష్‌: హరీష్‌ శంకర్‌

Bigg Boss Telugu 6, Episode 95: ఇప్పటిదాకా నేను ఆడతానంటే నేను ఆడతానని ముందుకు వచ్చిన హౌస్‌మేట్స్‌ ఈరోజు దెయ్యం టాస్కులో మాత్రం నావల్ల కాదు బాబోయ్‌ అంటూ బెంబేలెత్తిపోయారు. అయినా సరే విడిచిపెట్టని బిగ్‌బాస్‌ వారిని చీకటి గదిలోకి పిలిచి ముచ్చెమటలు పట్టేలా చేశాడు. ఇంతకీ ఈ టాస్కులో వారు గెలిచారా? లేదా? అసలు ప్రైజ్‌మనీ లెక్క సెట్టయిందా? అనే విషయాలు తెలియాలంటే నేటి ఎపిసోడ్‌ హైలైట్స్‌ చదివేయాల్సిందే!  దెయ్యం దెబ్బకు జడుసుకుని చస్తున్నారు హౌస్‌మేట్స్‌. మరీ ముఖ్యంగా దెయ్యం పేరెత్తితేనే వణికిపోతున్నాడు ఆదిరెడ్డి. చూడటానికి తాటిచెట్టులా ఉన్నావు, అలా భయపడతావేంటి భయ్యా అని రేవంత్‌ సెటైర్లు వేశాడు. ఇకపోతే బిగ్‌బాస్‌ ఇంటిసభ్యులకు నేడు ఐదో ఛాలెంజ్‌ ఇచ్చాడు. ఇందులో రోహిత్‌, ఆదిరెడ్డి పాల్గొన్నారు. వీరిలో విజేతను ఎంచుకోండంటూ మిగతా ఇంటిసభ్యులకు తలా ఇరవై వేలు అప్పజెప్పాడు బిగ్‌బాస్‌. ఈ ఛాలెంజ్‌లో ఆదిరెడ్డి విజయం సాధించాడు. శ్రీసత్య మినహా మిగతా నలుగురు ఆదిరెడ్డికి సపోర్ట్‌ చేయడంతో వారి దగ్గరున్న మొత్తం కలిపి రూ.80 వేలు గెలుచుకున్నారని ప్రకటించాడు బిగ్‌బాస్‌. తర్వాత పరమాన్నం కోసం కప్పులు తెచ్చుకోండని శ్రీహాన్‌కు చెప్పాడు రేవంత్‌. అన్నం తిన్నాక పరమాన్నం తింటే బాగుంటుందని అందరూ అభిప్రాయపడ్డారు. దీంతో రేవంత్‌.. నేను మీకు తినమని చెప్పలేదు, కేవలం రుచి చూడమన్నాననంతేనని మాట మార్చాడు. ఈ మాటతో అవాక్కైన శ్రీహాన్‌, శ్రీసత్య.. ఇందాకే కదా, కప్పులు తెచ్చుకో అన్నావ్‌ అని నిలదీయగా నేను జస్ట్‌ టేస్ట్‌ చూడమన్నాను, ప్రతిదాంట్లో తప్పులు వెతక్కండి అని అలిగాడు. రేవంత్‌కు తన తప్పులు చెప్తే అస్సలు తీసుకోడంటూ అసహనం వ్యక్తం చేశాడు శ్రీహాన్‌. అనంతరం బిగ్‌బాస్‌ ఇంటిసభ్యులకు ఇచ్చిన ఆరో ఛాలెంజ్‌లో శ్రీహాన్‌, కీర్తి పోటీపడ్డారు. హౌస్‌మేట్స్‌ అందరూ నీకే ఓటేస్తారు కాబట్టి బాగా ఆడి గెలవమని శ్రీహాన్‌కు సిగ్నల్స్‌ ఇచ్చింది కీర్తి. అన్నట్లుగానే ఈ గేమ్‌లో హౌస్‌మేట్స్‌ అందరూ శ్రీహాన్‌కే సపోర్ట్‌ చేయగా అతడు గెలవడంతో ప్రైజ్‌మనీలో రెండు లక్షలు జమయింది. ఈ టాస్కులో కుండ పగలగొట్టగా దాని మట్టి ఏరుకుని తిన్నారు శ్రీసత్య, ఇనయ, కీర్తి. ఇది చూసిన బిగ్‌బాస్‌.. ఇకనుంచి మీకు రేషన్‌కు బదులుగా మట్టి పంపిస్తే సరిపోతుందా అని ఆటపట్టించాడు. తర్వాత ఇంటిసభ్యులకో డిఫరెంట్‌ టాస్క్‌ ఇచ్చాడు. సమయానుసారం కన్ఫెషన్‌ రూమ్‌కి పిలుస్తానని, అప్పుడు తాను చెప్పిన ఆజ్ఞలను పాటిస్తే డబ్బులు లభిస్తాయన్నాడు. మొదట ఆదిరెడ్డిని పిలిచాడు. కన్ఫెషన్‌ రూమ్‌ గదంతా చీకటిగా ఉండటంతో ఒక్క అడుగు కూడా ముందుకు వేయలేకపోయాడు ఆది. గదిలోని క్యాండిల్‌ వెతికి బయటకు తీసుకెళ్లమని ఆదేశించాడు బిగ్‌బాస్‌. అతడికి ఎంతసేపటికి క్యాండిల్‌ దొరకకపోవడంతో ఎవరైనా తోడు కావాలా? అని అడిగాడు. దీంతో అతడు శ్రీహాన్‌ పేరు చెప్పాడు. ఇక అప్పటికే భయపడి చస్తున్న ఆదిరెడ్డిని తన భయంతో మరింత హడలెత్తించాడు. ఇద్దరూ భయపడి చస్తూనే వస్తువులను వెతికారు. వీరి భయాన్ని చూసి ప్రేక్షకులు నవ్వాపుకోవడం కష్టమే! ఫైనల్‌గా ఇద్దరూ కలిసి క్యాండిల్‌, గన్‌ సాధించి పట్టుకోవడంతో మరింత డబ్బు జమైంది. ఫైనల్‌గా ఈ రోజు ఎపిసోడ్‌ ముగిసే సమయానికి ప్రైజ్‌మనీ రూ. 44,35,100కి చేరింది. చదవండి: రేవంత్‌ ఫుడ్‌ గొడవలు, ఇక మారడా? బుట్టబొమ్మతో లవ్‌లో పడ్డ సల్మాన్‌ ఖాన్‌

మనల్ని ఎవడ్రా ఆపేది అన్నట్లుగా మాటలో, ఆటలో దూసుకుపోయే ఆదిరెడ్డి, శ్రీహాన్‌లను భయంతో గజగజ వణికిపోయేలా చేస్తున్నాడు బిగ్‌బాస్‌. నిన్న దెయ్యం అరుపులతో హౌస్‌మేట్స్‌ను హడలెత్తించిన బిగ్‌బాస్‌ నేడు వారందరికీ ఓ స్పెషల్‌ టాస్క్‌ ఇచ్చాడు. చీకటి గదిలోకి వెళ్లి క్యాండిల్‌ను కనుక్కోవాలని ఆదిరెడ్డికి ఓ పని అప్పజెప్పాడు. కానీ ఆది అడుగు తీసి అడుగు ముందుకు వేస్తే కదా.. భయంతో ఉన్నచోటనే ఉండిపోయాడు. అతడు భయపడటంతో మీకు తోడు కోసం ఎవరినైనా పంపించాలా? అని బిగ్‌బాస్‌ అడిగాడు. ఇందుకతడు శ్రీహాన్‌ పేరు చెప్పడంతో అతడిని చీకటి గదిలోకి రమ్మన్నాడు బిగ్‌బాస్‌. శ్రీహాన్‌ వచ్చి ధైర్యం చెప్తాడనుకుంటే అరుపులు, కేకలతో ఆదిరెడ్డిని మరింత భయపెట్టాడు. మరి ఇంతకీ వాళ్లిద్దరూ ఆ ఛాలెంజ్‌ గెలిచారా? లేదా? చూడాలి. చదవండి: కేజీఎఫ్‌ నటుడు కన్నుమూత

మరి కొద్ది రోజుల్లో బిగ్‌బాస్‌ కథ ముగియనుంది. ఇలాంటి సమయంలో రసవత్తరమైన టాస్కులతో ఆటను రక్తికట్టించాల్సిన బిగ్‌బాస్‌ సోది టాస్కులిస్తూ మరింత చిరాకు పుట్టిస్తున్నాడు. ఇక ఇప్పటివరకు ఏ ఒక్కరూ విన్నర్‌ మెటీరియల్‌ అనిపించకపోవడం సీజన్‌కే పెద్ద మైనస్‌. కాస్తో కూస్తో అభిమానగణంతో, ఆటతో విన్నర్‌ అవుతాడనుకున్న రేవంత్‌ తన ప్రవర్తనతో జనాలకు మరింత చికాకు పుట్టిస్తున్నాడు. ప్రతిదానికీ గొడవలు పడుతూ నేనే తోపు అన్నట్లుగా మాట్లాడుతూ యాటిట్యూడ్‌ చూపిస్తున్నాడు. తాజాగా అతడు ఇంట్లోవారితో మరోసారి గొడవపడ్డట్లు కనిపిస్తోంది. ఈ మేరకు ప్రోమో రిలీజైంది. ఇందులో రేవంత్‌.. ఫుడ్‌ కోసం శ్రీహాన్‌ను కప్పు తెచ్చుకోమన్నాడు. అంతలోనే నేను తినమని చెప్పలేదంటూ మాట మార్చాడు. వెంటనే అందుకున్న శ్రీహాన్‌, శ్రీసత్య.. ఇప్పుడే కప్పు తెచ్చుకోమన్నావ్‌ కదా అని నిలదీయడంతో రేవంత్‌ ఉలిక్కిపడ్డాడు. ప్రతిదాంట్లో తప్పులు వెతికితే నావల్ల కాదంటూ ఆగ్రహం వ్యక్తం చేశాడు. ఏదైనా సరే ఒప్పుకునే ధైర్యం ఉండాలని రేవంత్‌పై శ్రీహాన్‌ గరమయ్యాడు. తర్వాత బిగ్‌బాస్‌ హౌస్‌మేట్స్‌కు మరో ఛాలెంజ్‌ ఇచ్చాడు. కానీ ఇక్కడ అందరూ ప్లాన్‌ ప్రకారం ఆడి గెలిచినట్లు తెలుస్తోంది. అదెలాగో తెలియాలంటే నేటి ఎపిసోడ్‌ చూడాల్సిందే! చదవండి: బిగ్‌బాస్‌ ఇంట్లో దెయ్యం.. శ్రీహాన్‌ దుప్పట్లో చేరిన శ్రీసత్య ఆ మూడు దెబ్బల వల్ల బాలీవుడ్‌నే వదిలేద్దామనుకున్నా: హీరో

Bigg Boss 6 Telugu, Episode 94: మొన్నటిదాకా ప్రైజ్‌మనీకి కోతలు పెట్టిన బిగ్‌బాస్‌ ఇప్పుడు దాన్ని పెంచుకునేందుకు హౌస్‌మేట్స్‌కు వరుస ఛాలెంజ్‌లు విసురుతున్నాడు. ఆ ఛాలెంజ్‌లలో ఎవరు పాల్గొంటారో ఏకాభిప్రాయంతో చెప్పాలన్నాడు. అందులో ఎవరు గెలుస్తారో కూడా ముందే ఊహించాలన్నాడు. కరెక్ట్‌గా గెస్‌ చేస్తేనే డబ్బులు తిరిగిస్తానని మెలిక పెట్టాడు. ఈ క్రమంలో బిగ్‌బాస్‌ నేడు రెండో ఛాలెంజ్‌ ఇవ్వగా ఇందులో రేవంత్‌, ఇనయ పోటీపడ్డారు. అయితే ఈ ఇద్దరిలో ఎవరు గెలుస్తారనేది మెజారిటీ ఇంటిసభ్యులు కరెక్ట్‌గా గెస్‌ చేస్తే రూ.1,10,000 ప్రైజ్‌మనీకి తిరిగి యాడ్‌ అవుతాయన్నాడు. అందరూ అనుకున్నట్లుగా పిరమిడ్‌ పడొద్దు అనే ఛాలెంజ్‌లో రేవంత్‌ విజయం సాధించడంతో రూ.1,10,000 గెలుచుకున్నారని ప్రకటించాడు బిగ్‌బాస్‌. తర్వాత మూడో ఛాలెంజ్‌ కోసం ఏకాభిప్రాయంతో రెండు జంటలను ఎంచుకోమన్నాడు. దీంతో ఆదిరెడ్డి- కీర్తి, శ్రీహాన్‌- శ్రీసత్య మనీ ట్రాన్స్‌ఫర్‌ గేమ్‌లో పోటీపడ్డారు. ఇనయ, రేవంత్‌, రోహిత్‌.. ఆదిరెడ్డి టీమ్‌ గెలుస్తుందని చెప్పారు. కానీ వారి అంచనాలను తలకిందులు చేస్తూ శ్రీహాన్‌- శ్రీసత్య గెలవడంతో వారు లక్ష రూపాయలు గెలుచుకునే అవకాశాన్ని పోగొట్టుకున్నారు. తర్వాత రేవంత్‌ ఇప్పటికింకా నా వయసు నిండా పదహారే.. అంటూ పాట పాడగా ఆదిరెడ్డి అందుకనుగుణంగా స్టెప్పులేశాడు. అనంతరం బిగ్‌బాస్‌ నాలుగో ఛాలెంజ్‌ ప్రవేశపెట్టాడు. పవర్‌ పంచ్‌ టాస్క్‌లో రేవంత్‌, ఇనయ పాల్గొనగా అందరూ ఊహించినట్లు రేవంత్‌ గెలవడంతో ప్రైజ్‌మనీకి మరో రూ.2 లక్షలు జమయ్యాయి. దీంతో మొత్తం ప్రైజ్‌మనీ రూ.41,10,100కి చేరింది. రాత్రి శ్రీసత్య ఓ దెయ్యం కథ చెప్పింది. ఓ ఫంక్షన్‌లో ఓ అబ్బాయి వింతగా ప్రవర్తించాడని చెప్పింది. అందరూ ఆ అబ్బాయిని కొడుతున్నా అతడికి చలనం లేకుండా అలాగే నడుచుకుంటూ అడవిలోకి వెళ్లిపోయాడని చెప్పింది. ఇంతలో సడన్‌గా దెయ్యం సౌండ్‌ వినిపించడంతో శ్రీసత్య పరుగెత్తుకుంటూ వెళ్లి శ్రీహాన్‌ బెడ్‌ మీదకు చేరింది. ఇక శ్రీహాన్‌ అయితే బాత్రూమ్‌కి వెళ్లడానికి కూడా భయపడ్డాడు. అది గమనించిన శ్రీసత్య కావాలని దెయ్యంలా నవ్వుతూ అతడిని మరింత భయపెట్టింది. ఇక ఇనయ అయితే ఏకంగా దెయ్యం పట్టినదానిలా ప్రవర్తించి ఆదిరెడ్డిని వణికిపోయేలా చేసింది. దెయ్యం భయంతో అందరూ జడుసుకుంటూ, నవ్వుకుంటూ ఏ అర్ధరాత్రికో పడుకున్నారు. చదవండి: స్టేజీపై భార్యను పరిచయం చేసిన హీరో సత్యదేవ్‌ నేను టాప్‌5లో ఉండనని తెలుసు, రేవంత్‌ ఎలిమినేట్‌ అవ్వాలి: ఫైమా

మొన్నటిదాకా ప్రైజ్‌మనీ కట్‌ చేస్తూ కంటెస్టెంట్ల ఆశల మీద నీళ్లు గుమ్మరించాడు బిగ్‌బాస్‌. తాజాగా ఆ కోల్పోయిన డబ్బులు తిరిగి సంపాదించుకునేందుకు మరో బంపర్‌ ఆఫర్‌ ఇచ్చాడు. సమయానుసారం ఛాలెంజ్‌లు విసురుతూ.. అందులో ఎవరు గెలుస్తారో ముందే ఊహించాలని, కరెక్ట్‌గా గెస్‌ చేస్తేనే డబ్బులు తిరిగి ప్రైజ్‌మనీలో యాడ్‌ చేస్తానని ట్విస్ట్‌ ఇచ్చాడు. ఇప్పటికే ఒక ఛాలెంజ్‌ ఓడిపోయి, మరో ఛాలెంజ్‌ గెలిచిన హౌస్‌మేట్స్‌ తాజాగా మరో ఛాలెంజ్‌కు సిద్ధమైనట్లు కనిపిస్తోంది. ఈ మేరకు తాజాగా ప్రోమో రిలీజైంది. ఇందులో శ్రీసత్య, రేవంత్‌ గొడవపడ్డారు. నెక్స్ట్‌ గేమ్‌కు ఒక అబ్బాయి, ఒక అమ్మాయి వెళ్తారన్నావ్‌ కదా, ఎందుకు మాట మారుస్తున్నావని నిలదీసింది శ్రీసత్య. మొత్తం అన్ని గేమ్స్‌ అమ్మాయి- అబ్బాయి కలిసి ఆడతారని నేను చెప్పలేదే అని రేవంత్‌ అనగా కేవలం మొదటి మూడు రౌండ్స్‌ మాత్రమేనని కూడా చెప్పలేదు కదా అంది శ్రీసత్య. ప్రతిసారి అబ్బాయిలు మాత్రమే అంటే ఇంకెందుకు గేమ్స్‌.. మీరే ఆడుకోండి, అమ్మాయిలు ఆడరు అని ఫైర్‌ అయింది. దీనికి రేవంత్‌.. నీకు ఆలోచించే శక్తి లేదా? యాటిట్యూడా? అని ఆగ్రహం వ్యక్తం చేశాడు. ఇకపోతే ప్రస్తుతం ప్రైజ్‌మనీ రూ.39,10,000 ఉండగా దీన్ని రూ.లక్ష పెంచుకునేందుకు ఓ గేమ్‌ పెట్టాడు బిగ్‌బాస్‌. మనీ ట్రాన్స్‌ఫర్‌ గేమ్‌లో కీర్తి- ఆదిరెడ్డి, శ్రీసత్య-శ్రీహాన్‌ ఆడారు. మొత్తానికి రేవంత్‌ను ఎదిరించి మరీ గేమ్‌ ఆడింది శ్రీసత్య. మరి ఈ ఆటలో ఏ జంట గెలిచింది? మిగతావాళ్లు ఎవరు గెలుస్తారో కరెక్ట్‌గా గెస్‌ చేశారా? లేదా? అనేది తెలియాలంటే మరికొద్ది గంటలు ఆగాల్సిందే! చదవండి: ఇప్పటికిప్పుడు ఛాన్స్‌ ఇస్తే రేవంత్‌ను పంపించేస్తా: ఫైమా పైసా వసూల్‌ కోసం పోటీపడ్డ రేవంత్‌, ఇనయ

కామెడీకి కేరాఫ్‌ అడ్రస్‌గా ఉంటుందనుకుంటే వ్యంగ్యానికి, వెటకారానికి నిలువెత్తు నిదర్శనంగా మారింది ఫైమా. బిగ్‌బాస్‌ తెలుగు ఆరో సీజన్‌లో అడుగుపెట్టిన తొలినాళ్లలో తన కామెడీతో అందరినీ పొట్టచెక్కలయ్యేలా నవ్వించిన ఫైమా రానురానూ కామెడీని పక్కనపెట్టి గేమ్‌పైనే ఫుల్‌ ఫోకస్‌ పెట్టింది. ఈ క్రమంలో హౌస్‌మేట్స్‌తో గొడవలు, గొడవపడే క్రమంలో వెటకారాలు కనిపించాయి. 13 వారాల తర్వాత హౌస్‌ నుంచి ఎలిమినేట్‌ అయిన ఫైమా తాజాగా బిగ్‌బాస్‌ కెఫె ఇంటర్వ్యూలో పాల్గొంది. వెటకారాన్ని ఎందుకు తగ్గించుకోలేదని యాంకర్‌ శివ అడగ్గా తాను బయట ఎలా ఉందో లోపల కూడా అలాగే ఉన్నానని బదులిచ్చింది. ఇప్పుడు నీకు ఇంట్లో ఉన్న ఒకరిని బయటకు పంపించే అవకాశం ఇస్తే ఎవరిని ఎలిమినేట్‌ చేస్తావన్న ప్రశ్నకు రేవంత్‌ పేరు చెప్పింది. ప్రస్తుతం హౌస్‌లో ఉన్న ఇతర కంటెస్టెంట్ల గురించి ఆమె మాట్లాడుతూ.. స్ట్రాంగ్‌ అనుకున్న గీతూ వెళ్లిపోయినప్పుడే మా అంచనాలు తారుమారవుతున్నాయనిపించింది. నేను టాప్‌ 5లో ఉండనని అప్పుడే అర్థమైంది. ఇకపోతే ఆర్జే సూర్య వెళ్లిపోయే వారం రోజుల ముందు నుంచి ఇనయ నాతో సరిగా మాట్లాడటం మానేసింది. కోపంలో చాలా మాటలు అనేస్తుంది. దానివల్ల నేను చాలా హర్ట్‌ అయ్యాను. కానీ ఆమె గేమ్‌లో మగవాళ్లకు కూడా గట్టి పోటీనిస్తుంది.  శ్రీహాన్‌ గేమ్‌లో ఓడిపోతున్నామని తెలిసినా గెలవడానికే ప్రయత్నిస్తాడు. రోహిత్‌ ఎవరినీ నొప్పించకుండా మాట్లాడతాడు. ఆదిరెడ్డి ఫెయిర్‌గా ఆడుతున్నాడు, కాకపోతే మరీ ఎక్కువ ఆలోచిస్తాడు, అదే అతడి మైసస్‌. రేవంత్‌ గేమ్‌ స్టార్ట్‌ అవకముందే అందరికీ వార్నింగ్‌ ఇస్తాడు. కానీ అంతా అయిపోయాక వచ్చి సారీ చెప్తాడు. కీర్తి స్ట్రాంగ్‌ ప్లేయర్‌. శ్రీసత్య మొదట్లో భయపడి ఆడలేదు కానీ తర్వాత గేమ​ ఆడటం మొదలుపెట్టింది' అని చెప్పుకొచ్చింది ఫైమా. చదవండి: పైసా వసూల్‌ కోసం పోటీపడ్డ ఇనయ, రేవంత్‌

బిగ్‌బాస్‌ తెలుగు ఆరో సీజన్‌లో మొన్నటిదాకా ప్రైజ్‌మనీకి కోతలు పెట్టిన బిగ్‌బాస్‌ కంటెస్టెంట్లకో గుడ్‌న్యూస్‌ చెప్పాడు. ఇప్పటివరకు కట్‌ అయిన డబ్బులను ప్రైజ్‌మనీలో యాడ్‌ చేస్తానన్నాడు. కాకపోతే అందుకోసం కొన్ని టాస్కులు గెలవాల్సి ఉంటుందని, ఎవరు గెలుస్తారో కరెక్ట్‌గా గెస్‌ చేయాలని మెలిక పెట్టాడు. అందుకు సరేనంటూ ఎగిరి గంతేశారు హౌస్‌మేట్స్‌.  అందులో భాగంగా కంటెస్టెంట్లకు నేడు రెండో ఛాలెంజ్‌ ఇచ్చాడు. అందులో ఇనయ, రేవంత్‌ పోటీపడ్డారు. మెజారిటీ హౌస్‌మేట్స్‌ రేవంత్‌ గెలుస్తాడని భావించగా అదే నిజమైంది. దీంతో రూ.1,10,000 విన్నర్‌ ప్రైజ్‌మనీలో తిరిగి యాడ్‌ అయినట్లు తెలుస్తోంది. మరి బిగ్‌బాస్‌ ఇంకా ఏమేం ఛాలెంజ్‌లిచ్చాడు? ఎంత అమౌంట్‌ తిరిగి యాడ్‌ అయిందో తెలియాలంటే ఎపిసోడ్‌ వచ్చేదాకా ఆగాల్సిందే! చదవండి: హీరోయిన్‌ అయితే అలాంటి పాత్రలు చేయొద్దా?

బిగ్‌బాస్‌ సీజన్‌-6, ఎపిసోడ్‌ 93 హైలైట్స్‌ : ప్రతి సీజన్‌లో లాగానే ఈసారి కూడా నెంబర్‌ గేమ్‌ టాస్క్‌ జరిగింది. తమ ఆటతీరు కారణంగా ఎవరు ఏఏ స్థానాల్లో ఉండాలో నిర్ణయించుకొని ఆయా నెంబర్స్‌ వద్ద  నిలబడాలని బిగ్‌బాస్‌ ఆదేశిస్తాడు. దీని ప్రకారం నామినేషన్స్‌ కూడా ఉంటాయి. తమకు కావాల్సిన నెంబర్‌ ర్యాంకింగ్‌ కోసం హౌస్‌మేట్స్‌ వాదించుకోవచ్చు. వాళ్లు చెప్పింది కన్విన్సింగ్‌గా అనిపిస్తే ఆ సభ్యులు తమ ర్యాంకింగ్‌ను ఇచ్చే అవకాశం ఉంది. ఒకేవళ ఒకే ర్యాంక్‌ కోసం ఇద్దరు నిలబడితే వాళ్లిద్దరూ నామినేషన్స్‌లో ఉండే సందర్భాలు ఉన్నాయి. ఈ టాస్కులో మొదటగా రేవంత్‌ నెం1 స్థానంలో నిలుచున్నాడు. ఆ తర్వాత ఇనయా, కీర్తి, సత్యలు నిల్చుంటారు. ఇక 5,6,7 స్థానాల్లో శ్రీహాన్‌, ఆదిరెడ్డి, రేవంత్‌లు ఉంటారు. బయట ఎలా ఉన్నానో.. ఇక్కడ కూడా అలాగే ఉన్నాను అంటూ రేవంత్‌ నెం1 స్థానంలో నిలబడ్డాడు. శ్రీహాన్ అయితే.. ‘నేను చేసింది తప్పు అని యాక్సెప్ట్ చేసే ధైర్యం కొంతమందికే ఉంటుంది.. దాంట్లో నేను ఒక్కడ్ని.. నాకు కావాల్సింది మొదటి స్థానం’ అంటూనే వెళ్లి 5వ స్థానానికి పరిమితం అవుతాడు.  అయితే తమ నెంబర్‌ ర్యాంకింగ్స్‌ కోసం పోటీపడ్డ ఇంటి సభ్యులు టాస్క్‌ ముగిసిన సమయానికి రేవంత్‌, శ్రీహాన్‌, ఆదిరెడ్డిలు తొలి మూడు స్థానాలను దక్కించుకున్నారు. ఆ తర్వాత ఇనయా, శ్రీసత్యలు 4, 5 స్థానల్లో నిల్చోగా, రోహిత్‌ 6వ స్థానంలో చివరగా కీర్తి 7వ స్థానంలో సెటిలైపోయింది. మరి హౌస్‌మేట్స్‌ అనుకున్నట్లుగా విన్నింగ్‌ ర్యాంకింగ్స్‌ కూడా ఉంటాయా? లేదా అన్నది చూడాల్సి ఉంది. 

ప్రముఖ రియాలిటీ షో బిగ్‌బాస్‌ 6 తెలుగు 14వ వారంలోకి అడుగుపెట్టింది. గత వారం ఎలిమినేషన్‌లో భాగంగా ఫైమా హౌజ్‌ను వీడింది.  ఫన్‌ అండ్‌ గేమ్‌ రెండూ కలిపి కొట్టే ఫైమా ఎలిమినేట్‌ కావడంతో ప్రస్తుతం హౌజ్‌లో కాస్తా సందడి తగ్గినట్లు కనిపిస్తోంది. 13వ వారం మొదటి నుంచి కీర్తి ఎలిమినేట్‌ అవుతుందనే అభిప్రాయలు వ్యక్తం అవగా అనూహ్యంగా ఫైమా బిగ్‌బాస్‌ను వీడింది. ఇది ఆమె ఫాలోవర్స్‌ షాకింగ్‌ న్యూస్‌ అనే చెప్పాలి. అయితే ఆమె చేసిన కొన్ని పొరపాటు వల్ల నెగిటివిటి రావడంతో చివరికి ఫైమా బయటకు వచ్చేసింది.  రోహిత్‌ను ఫైమా తిట్టడం వల్లే ఆమెకు నెగిటివిటీ వచ్చినట్లు తెలుస్తోంది. ఇక ఏదేమైన స్ట్రాంగ్‌ కంటెస్టెంట్‌ అయిన ఫైమా ఎలిమినేట్‌ అవ్వడం పలువురిని షాక్‌కు గురి చేస్తోంది. ఇదిలా ఉంటే 13 వారాలకు గానూ ఫైమా తీసుకున్న పారితోషికం ప్రస్తుతం హాట్‌టాపిక్‌గా మారింది. జబర్దస్త్‌ లేడీ కమెడియన్‌గా మంచి ఆదరన పొందిన ఫైమాకు ఎంత రెమ్యునరేషన్‌ అందిందనేది ఆసక్తిని సంతరించుకుంది. దీంతో తను తీసుకున్న మొత్తం ఎంత అని నెటిజన్లు ఆరా తీయడం ప్రారంభించారు. ఈ నేపథ్యంలో ఫైమా రెమ్యునరేషన్‌కు సంబంధించిన ఓ అప్‌డేట్‌ సోషల్‌ మీడియాలో చక్కర్లు కొడుతోంది. ఈ తాజా బజ్‌ ప్రకారం బిగ్‌బాస్‌ నుంచి ఫైమాకు భారీగానే  పారితోషికం అందినట్లు తెలుస్తోంది. కాగా ఒక్కొక్కొ వారానికి గానూ ఫైమాకు బిగ్‌బాస్ రూ. 25వేల నుంచి 30 వేలు ఇచ్చినట్లు ఇప్పటికే వార్తలు వచ్చిన సంగతి తెలిసిందే. దీని ప్రకారం చూస్తే 13 వారాల పాటు బిగ్‌బాస్‌ హౌస్‌లో ఫైమా కొనసాగింది. కాబట్టి మొత్తంగా ఆమెకు 3 లక్షల 25 వేలు ఆ పైచిలుకు పారితోషికం అందినట్లు తెలుస్తోంది. ఒక విధంగా చూస్తే ఇది ఆమెకు మంచి రెమ్యునరేషన్ అని చెప్పవచ్చు. ఎందుకంటే రియాలిటీ షోలు చేసినప్పుడు ఆమెకు ఎప్పుడు కూడా ఈ రేంజ్‌లో రెమ్యూనరేషన్ వచ్చింది లేదు. ఇక ఇప్పుడు కెరీర్ మొత్తంలో ఆమెకు ఎక్కువ స్థాయిలో రెమ్యునరేషన్ రావడంతో ఫైమా ఫుల్‌ ఖుషిలో ఉన్నట్లు సన్నిహితుల నుంచి సమాచారం. మరి బిగ్‌బాస్‌తో వచ్చిన క్రేజ్‌తో ఫైమా తదుపరి కెరీర్‌ ఏ స్థాయిలో దూసుకుపోతుందో చూడాలి. ఇదిలా ఉంటే ఇకపై ఫైమా జబర్దస్త్‌లో కనిపిస్తుందా? లేదా? అనే విషయం కూడా చర్చనీయాంశంగా మారింది. చదవండి:  నెక్ట్స్‌ మహానటి ఎవరు? ఆ స్టార్‌ హీరోయిన్‌ పేరు చెప్పిన అగ్ర నిర్మాతలు నిర్మాతపై దుష్పచారం, నటుడు యోగిబాబుపై నిర్మాతల మండలిలో ఫిర్యాదు