సాక్షి, వికారాబాద్‌: మహాత్మాగాంధీ జాతీయ ఉపాధి హామీ పథకం (ఎంజీఎన్‌ఈజీఎస్‌)లో అత్యుత్తమ సేవలకు గాను తెలంగాణ నుంచి రెండు జిల్లాలు జాతీయ అవార్డుకు ఎంపికయ్యాయి. వివిధ కేటగిరీల్లో దేశవ్యాప్తంగా 18 జిల్లాలను కేంద్రం ఎంపిక చేయగా.. రాష్ట్రం నుంచి వికారాబాద్, కామారెడ్డి అవార్డు కైవసం చేసుకున్నాయి. ఉపాధి హామీ పనులు సమర్థంగా నిర్వహించడం, ఎక్కువ మంది కూలీలకు పని కల్పించడం తదితర అంశాల్లో అవార్డుకు ఈ జిల్లాలు ఎంపికయ్యాయి.   పనులపై ప్రజెంటేషన్‌  ఉపాధి హామీ పథకంలో ఉత్తమ సేవలకు ఆయా జిల్లాల నుంచి అవార్డులకు జాబితా పంపాలని రాష్ట్రాలకు కేంద్రం సూచించగా.. వికారాబాద్, కామారెడ్డి, సిరిసిల్ల, సిద్దిపేట, జనగాం, నిర్మల్‌ జిల్లాలను రాష్ట్ర ప్రభుత్వం ప్రతిపాదించింది. జిల్లాల్లో చేసిన ఉపాధి పనులపై పవర్‌ పాయింట్‌ ప్రజెంటేషన్‌ ఇవ్వాలని కూడా జిల్లా కలెక్టర్లను రాష్ట్ర ప్రభుత్వం ఆదేశించింది. దీంతో ఈ ఏడాది మే నెలలో కలెక్టర్లు పథకం ద్వారా చెపట్టిన పనులు, లబ్ధిదారుల ప్రగతిపై ప్రజెంటేషన్‌ ఇచ్చారు. దీనిపై సంతృప్తి చెందిన కేంద్రం జిల్లాలను అవార్డుకు ఎంపిక చేసింది. ఈ నెల 11న ఢిల్లీలో కేంద్ర గ్రామీణాభివృద్ధి శాఖ మంత్రి నరేంద్రసింగ్‌ తోమర్‌ చేతుల మీదుగా కలెక్టర్లు అవార్డు అందుకోనున్నారు.   మరింత బాధ్యతగా పని చేస్తాం  జిల్లాలోని గ్రామీణాభివృద్ధి అధికారులు, ఉద్యోగుల సహకారంతో లక్ష్య సాధనలో సఫలీకృతమయ్యాం. దీంతో కేంద్రం జాతీయ స్థాయి అవార్డుకు ఎంపిక చేసింది. ఇకపై మరింత బాధ్యతగా పని చేస్తాం.         – జాన్సన్, డీఆర్‌డీఓ, వికారాబాద్‌ జిల్లా

సాక్షి, అమరావతి: రాష్ట్రంలో ఉపాధి హామీ పథకం అమలులో చోటుచేసుకున్న అక్రమాలపై కేంద్ర ప్రభుత్వం వివరణ కోరింది. రాష్ట్రానికిచ్చిన ఉపాధి నిధులను ఇతర పథకాలకు మళ్లించారని, గత మూడేళ్లలో రూ.9,862 కోట్లు దుర్వినియోగం చేశారని తప్పుబట్టింది. దీనిపై వివరణ ఇవ్వాలని పేర్కొంటూ ఉపాధి హామీ అమలును పర్యవేక్షించే కేంద్ర గ్రామీణాభివృద్ధి శాఖ డైరెక్టర్‌ వారం క్రితం రాష్ట్ర ప్రభుత్వానికి లేఖ (నంబర్‌  హెచ్‌– 11012– 21–2018) రాశారు.  నాలుగున్నరేళ్లలో రూ.20,634 కోట్లు చంద్రబాబు ముఖ్యమంత్రిగా అధికారం చేపట్టిన నాటి నుంచి గత నాలుగున్నర ఏళ్లలో ఉపాధి  పథకం అమలుకు కేంద్రం రూ. 20,634 కోట్లు ఇచ్చింది. ఈ ఏడాది ఏప్రిల్‌ 1వ  తేదీ నుంచి ఇప్పుటి వరకు ఐదు నెలల కాలానికే రూ. 5,753 కోట్లు విడుదల చేసింది. ఈ నిధులను రాష్ట్ర ప్రభుత్వం కేవలం ఉపాధి హామీ పథకం అమలుకు మాత్రమే ఖర్చు పెట్టాల్సి ఉంటుంది. ఉపాధి హామీ కింద ఏ పనులు చేపట్టాలి? వేటిని చేపట్టకూడదనే అంశాలపై కేంద్రం స్పష్టమైన విధివిధానాలను ఖరారు చేసి రాష్ట్ర ప్రభుత్వాలకు తెలిపింది. నిబంధనలకు విరుద్ధంగా జీవోలతో మళ్లింపు ఉపాధి పథకం నిధులతో చేపట్టే ఏ పని అయినా కాంట్రాక్టర్ల ప్రమేయం లేకుండా కేవలం గ్రామ పంచాయతీల ఆధ్వర్యంలో చేయాలని నిబంధనలు స్పష్టంగా ఉన్నాయి. అయితే నిబంధనలు ఉల్లంఘించి రాష్ట్ర స్థాయిలో చంద్రబాబు ప్రభుత్వం ప్రత్యేకంగా జీవోలు ఇచ్చి ఉపాధి నిధులను సాగునీటి పనులకు వ్యయం చేసిందని కేంద్ర అధికారులు లేఖలో పేర్కొన్నారు. నీరు– చెట్టు పేరుతోప్రొక్లెయిన్లతో చిన్న తరహా సాగునీటి చెరువుల్లో పూడిక తీత పనులు చేపట్టి అందుకు ఉపాధి నిధులను చెల్లించారని కేంద్రం లేఖలో పేర్కొంది. మట్టినీ మింగేశారు! రూ. 9,862 కోట్ల ఉపాధి హామీ నిధులను సాగునీటి చెరువుల్లో మట్టి వెలికి తీసే పనులకు ఖర్చు పెట్టడంతో పాటు భారీ పరిమాణంలో తవ్విన మట్టిని ఎక్కడ ఉపయోగించారో వివరాలు లేకపోవడాన్ని కేంద్రం తప్పుబట్టింది. చెరువుల నుంచి వెలికి తీసిన మట్టిని కాంటాక్టర్లు రూ.వేల కోట్ల కు విక్రయించినట్లు కేంద్రం అనుమానం వ్యక్తం చేసింది.  సోము వీర్రాజు లేఖతో కదలిక.. ఉపాధి హామీ పథకంతో పాటు నీరు– చెట్టు కార్యక్రమం పేరుతో భారీగా అవినీతి జరుగుతున్నట్లు బీజేపీ ఎమ్మెల్సీ సోము వ్రీరాజు గత ఆగస్టు 1వ తేదీన కేంద్రానికి ఫిర్యాదు చేశారు. కేంద్రం ఇచ్చే నిధులతో అమలయ్యే కార్యక్రమంలో జరిగిన అక్రమాలపై విజిలెన్స్‌ విచారణకు ఆదేశించాలని ప్రధాని మోదీ, కేంద్ర గ్రామీణాభివృద్ధి శాఖ మంత్రి తోమర్‌కు ఆయన ఫిర్యాదు చేశారు. ఈ నేపథ్యంలో వివరాలను సేకరించిన కేంద్ర గ్రామీణాభివృద్ధి శాఖ తమ దృష్టికి వచ్చిన అంశాలపై ప్రాథమికంగా రాష్ట్ర ప్రభుత్వ వివరణ కోరినట్టు అధికారవర్గాలు వెల్లడించాయి.

సాక్షి, అమరావతి: గ్రామాల్లో పేద కూలీలకు జీవనోపాధి కల్పించడానికి కేంద్ర ప్రభుత్వం ప్రవేశపెట్టిన మహాత్మాగాంధీ జాతీయ గ్రామీణ ఉపాధి హామీ పథకాన్ని రాష్ట్రంలో తెలుగుదేశం ప్రభుత్వం స్వలాభం కోసం ఉపయోగించుకుంటోంది. ఎన్నికలు సమీపిస్తుండడంతో ఈ పథకం నిధులతో సొంత ప్రచారం చేసుకోవాలని ప్రభుత్వం సంకల్పించింది. ఇప్పటినుంచి ఎన్నికలయ్యే దాకా దాదాపు 8 నెలలపాటు వందల సంఖ్యలో షార్ట్‌ఫిలింలు, పెద్దపెద్ద హోర్డింగ్‌లు, భారీ ఫ్లెక్సీలు, పోస్టర్లు రాష్ట్రమంతటా నిండిపోనున్నాయి. పేరుకే ప్రభుత్వ పథకాలపై ప్రచారం.. వాస్తవానికి జరిగేదంతా ముఖ్యమంత్రి చంద్రబాబు నాయుడు, ఆయన తనయుడు, మంత్రి నారా లోకేశ్‌ల భజన కీర్తనలే. వారిద్దరిని ప్రపంచంలోనే గొప్ప పరిపాలనాదక్షులుగా చిత్రీకరిస్తూ ప్రజలను మభ్యపెట్టడమే ఈ ప్రచారపర్వం అసలు ఉద్దేశం.  ప్రభుత్వం మనదే.. అడిగేదెవరు?  ఉపాధి హామీ పథకంలో కూలీలకు డబ్బులు చెల్లించడానికి నిధులు లేవంటూ చేతులెత్తేస్తున్న ప్రభుత్వం మరోవైపు సొంత ప్రచారం కోసం అదే పథకం నిధులను వాడుకోవాలని నిర్ణయించడం గమనార్హం. కూలీలకు దాదాపు నెల రోజులుగా డబ్బులు చెల్లించడం ప్రభుత్వం నిలిపివేసింది. రూ.542 కోట్ల బకాయిలు చెల్లించాల్సి ఉంది. కానీ, ఉపాధి హామీ పథకం నిధుల నుంచి రూ.కోట్లు ఖర్చు పెట్టి భారీ ఎన్నికల ప్రచారానికి టీడీపీ ప్రభుత్వం ప్రణాళిక సిద్ధం చేసుకుంది. ఈ సొమ్ముతో వచ్చే ఎన్నికల్లో అధికార తెలుగుదేశం పార్టీకి లబ్ధి చేకూరేలా ప్రచారానికి రూపకల్పన చేశారు. ఉపాధి హామీ పథకం అమలు విభాగానికి మంత్రిగా నారా లోకేశ్‌ వ్యవహరిస్తుండడంతో ప్రభుత్వ పెద్దలు ఆదేశించడం.. ఈ పథకం నిధులను ఎన్నికల ప్రచారానికి ఖర్చు పెట్టడానికి ప్రణాళిక సిద్ధం చేయడం.. ఆ ప్రణాళికకు మంత్రి నారా లోకేశ్‌ ఆమోదం తెలపడం వంటివి శరవేగంగా.. కేవలం పది రోజుల్లో పూర్తయింది.  ఇక రాష్ట్రమంతటా ప్రచార హోరు  ఉపాధి హామీ పథకం నిధుల నుంచి రూ.కోట్ల ఖర్చుతో 130 లఘుచిత్రాలను(షార్ట్‌ ఫిలింలు) చిత్రీకరించి, వాటిని 8 నెలలపాటు రాష్ట్రంలోని అన్ని సినిమా థియేటర్లలో ప్రదర్శించాలని ప్రభుత్వ పెద్దలు నిర్ణయించారు. అలాగే రాష్ట్రంలోని అన్ని ఆర్టీసీ బస్టాండ్లు, రైల్వే స్టేషన్లను హోర్డింగ్‌లు, ఫ్లెక్సీలు, పోస్టర్లను నింపేస్తారు. రాష్ట్రవ్యాప్తంగా ఆటో రిక్షాలకు అంటించడానికి ముఖ్యమంత్రి చంద్రబాబు, మంత్రి లోకేశ్‌ ఫోటోలతో కూడిన 50,000 పోస్టర్లను ముద్రించనున్నారు. ఇప్పటికే స్వచ్ఛ భారత్‌ పథకం నుంచి దాదాపు రూ.20 కోట్లు వెచ్చించి, ఆర్టీసీ బస్సుల చుట్టూ చంద్రబాబు బొమ్మలతో కూడిన ప్రచార పోస్టర్లను అతికించాలని ప్రభుత్వం ఆదేశించిన సంగతి తెలిసిందే. తాజాగా ఉపాధి హామీ పథకం నిధుల నుంచి కోట్లాది రూపాయలు ఖర్చు పెట్టి ఆర్టీసీ బస్సుల చుట్టూ చంద్రబాబు బొమ్మలతో కూడిన ప్రచార పోస్టర్లను అతికించాలని ప్రణాళికలో పొందుపరిచారు. ప్రతి పట్టణంలో నాలుగు పెద్ద పెద్ద హోర్డింగ్‌లు, మండల కేంద్రాల్లో ఒక్కోటి చొప్పున హోర్డింగ్‌లు ఏర్పాటు చేయాలని నిర్ణయించారు.  బకాయిలు ఎప్పుడిస్తారో?  గ్రామీణ ప్రాంతాల్లో నిరుపేద కూలీలు ఉపాధి హామీ పథకంలో చేసిన పనులకు గాను కూలీ డబ్బుల కోసం చకోర పక్షుల్లా ఎదురు చూస్తున్నారు. రాష్ట్రంలో 660 గ్రామీణ ప్రాంత మండలాలు ఉండగా, ఇందులో 170 మండలాల్లో కూలీలకు ప్రభుత్వం రూ.కోటికి పైగా బకాయిలు చెల్లించాల్సి ఉంది. ప్రకాశం జిల్లా యర్రగొండపాలెం మండలంలోని 16 గ్రామ పంచాయతీల్లోని 13,084 కుటుంబాలకు చెందిన కూలీలు గత నాలుగు నెలలుగా ఉపాధి హామీ పథకం కింద పనులు చేశారు. ఆయా కుటుంబాలకు ప్రభుత్వం రూ.2.5 కోట్ల బకాయిలు చెల్లించాల్సి ఉంది. ఒక్కో కుటుంబానికి సగటున రూ.2 వేల చొప్పున ప్రభుత్వం బకాయి పడింది. అనంతపురం జిల్లా శింగనమల మండలంలోని కూలీలకు రూ. 2.36 కోట్లు, శ్రీకాకుళం జిల్లా సీతంపేట మండలంలోని కూలీలకు రూ. 2.26 కోట్లు, శ్రీకాకుళం జిల్లా గార్ల మండలంలోని కూలీలకు రూ.1.96 కోట్లు ప్రభుత్వం చెల్లించాలి. రాష్ట్రవ్యాప్తంగా 660 మండలాల్లోని కూలీలకు ప్రభుత్వం ఆదివారం నాటికి రూ.542.80 కోట్ల బకాయిలను చెల్లించాల్సి ఉంది.  ఉపాధి నిధులు స్వాహా  నిరుపేద కూలీలకు సొంత గ్రామాల్లోనే పనులు కల్పించి, వలసలకు అడ్డుకట్ట వేసేందుకు ఉపాధి హామీ పథకం అమలు కోసం కేంద్ర ప్రభుత్వం ఇచ్చిన నిధులను రాష్ట్ర సర్కారు దారి మళ్లించింది. రూ.5,224 కోట్ల ఉపాధి నిధులను ఖర్చు పెట్టి 19,179 కిలోమీటర్ల మేర సిమెంట్‌ రోడ్ల నిర్మాణం చేపట్టింది. మరో రూ.570 కోట్లతో మట్టి రోడ్లు నిర్మించినట్లు సమాచారం. దాదాపు రూ.6,000 కోట్ల విలువైన పనులను ఎలాంటి టెండర్లు లేకుండా అధికార తెలుగుదేశం పార్టీ కార్యకర్తలకు నామినేషన్‌ విధానంలో కట్టబెట్టింది. ఉపాధి హామీ పథకం పనులపై సోషల్‌ ఆడిట్‌ తూతూమంత్రంగా జరుగుతోంది. ఈ పథకం నిధులను కేవలం గ్రామాల్లోనే ఖర్చు చేయాలి. పట్టణ ప్రాంతాల్లో ఖర్చు పెట్టడం నిబంధనలకు విరుద్ధమే. అయినా, టీడీపీ ప్రభుత్వం ఎన్నికల ప్రచారంలో భాగంగా పట్టణ ప్రాంతాల్లో ఉపాధి హామీ పథకం నిధులతో హోర్డింగ్‌లు, ఫ్లెక్సీలు ఏర్పాటు చేయాలని ప్రణాళిక రూపొందించింది. మరోవైపు కేంద్ర ప్రభుత్వం ఇచ్చిన నిధుల్లో దాదాపు రూ.814 కోట్లను రాష్ట్ర ప్రభుత్వం తన వద్దే అట్టిపెట్టుకుంది. ఈ నిధులను రాష్ట్ర ప్రభుత్వం ఇతర కార్యక్రమాలకు మళ్లించిందని అధికార వర్గాలు చెబుతున్నాయి.  

కడప సిటీ: ఉపాధి కూలీలకు ఆరువారాలుగా కూలి డబ్బులు అందలేదు. పనులు చేసినా పస్తులు ఉండాల్సిన పరిస్థితి నెలకొంది. ఈవిషయంలో అధికారులు నిమ్మకు నీరెత్తినట్లు వ్యవహరిస్తున్నారని వారు వాపోతున్నారు. ఇప్పటికైనా రాష్ట్ర ప్రభుత్వం జోక్యం చేసుకుని డబ్బులు అందేలా చూడాలని కోరుతున్నారు. జిల్లాలో ఉపాధి హామీ కింద రోజుకు 1.7 లక్షల పనిదినాలు నమోదవుతున్నాయి.795 గ్రామ పంచాయితీల్లో పనులు జరుగుతున్నాయి.రోజుకు సగటున రూ.170–205వరకు కూలి ఇవ్వాలి. అయితే పని చేసినా సకాలంలో డబ్బులు అందక పోవడంతో ఇబ్బందులు ఎదుర్కొంటున్నారు.   4,88,939 మందికి..రూ.40.88 కోట్లు పెండింగ్‌ జిల్లాలో దాదాపు 4,88,939 మంది కూలీలకు రూ.40.88 కోట్లు రావాల్సి ఉంది. అంటే సగటున ఒక్కొక్కరికి  రూ.8,000 రావాల్సి ఉంది. రెజెక్ట్‌ అయిన ఖాతాలకు సంబంధించి 10,914 మంది కూలీలకు గాను రూ.97.61 లక్షలు రావాల్సి ఉంది. వివిధ కారణాలతో ఖాతాల్లో డబ్బులు జమ కాని కూలీలు 13,079 మందికి 2.21 లక్షలు రావాల్సి ఉంది.ఈ పరిస్థితుల్లో కూలీలు ఉపాధి పనులకు వెళ్లడానికి ఇష్టపడటం లేదు. కూలీలకు సకాలంలో డబ్బులు రాకపోవడానికి కారణం కేంద్ర ప్రభుత్వమే కారణమని రాష్ట్ర ప్రభుత్వం చెబుతోంది. దీంతో కూలీలు మండి పడుతున్నారు. ఇబ్బందులు లేకుండా చూస్తాం కూలీలకు సకా లంలో డబ్బులు అందేలా చర్యలు తీసుకుంటాం.జూలై నెలకు సం బంధించి కొన్ని రోజుల వేతనం అందలేదని తెలిసింది.సమావేశం నిర్వహించి తగిన కారణాలను తెలుసుకుంటాం. కూలీలకు న్యాయం జరిగేలా చూస్తాం.  – వై.హరిహరనాథ్, డ్వామా, పీడీ

సాక్షి, హైదరాబాద్‌: వ్యవసాయానికి జాతీయ గ్రామీణ ఉపాధి హామీ పథకాన్ని సమర్థవంతంగా వినియోగించుకోవడం వలన రైతుల ఆదాయాన్ని పెంచవచ్చని కేంద్ర గ్రామీణాభివృ ద్ధిశాఖ కార్యదర్శి అమర్‌జిత్‌ తెలిపారు. మంగళవారం హైదరాబాద్‌లో ‘2022 సంవత్సరానికి రైతుల ఆదాయం రెట్టింపు’ లక్ష్యంతో వ్యవసాయం, ఉపాధి హామీ అనుసంధానం విధానాన్ని రూపొందించే అంశంపై ‘నీతి ఆయోగ్, రాష్ట్ర వ్యవసాయశాఖ’ సంయుక్తంగా నిర్వహించిన ఒక రోజు వర్క్‌షాపులో ఆయన ముఖ్య అతిథిగా పాల్గొని ప్రసంగించారు. ఆయన మాట్లాడుతూ, వివిధ రాష్రాల్లో ఉపాధి హామీ పథకం ద్వారా రైతులకు మెరుగైన సౌకర్యాలు కల్పించడం ద్వారా వారి ఆదాయం పెరిగినట్లు గుర్తించామన్నారు. పంటల సాగు ఖర్చును తగ్గించటం, మెరుగైన మార్కెటింగ్‌ సౌకర్యం, గిడ్డంగుల నిర్మాణం ద్వారా వారి ఆదాయం పెంపొందించవచ్చని తెలిపారు. ఇన్‌పుట్‌ ఖర్చులు తగ్గించడం వలన మేలైన ఫలితాలు లభిస్తాయని, ఉపాధి హామీ పథకం ద్వారా గ్రామంలో రైతులకు అవసరమైన ఆస్తుల కల్పనకు ఉన్న అవకాశాలను వినియోగించుకోవాలన్నారు. కూలీల వేతనాలు స్థిరంగా ఉన్నాయి కానీ, వ్యవసాయ సాగుకు అవసరమైన విత్తనాలు, ఎరువులు తదితర ఖర్చులు గణనీయం గా పెరిగినట్లు సర్వేలు తెలుపుతున్నాయని తెలిపారు. ఉపాధి హామీ పథకంలో కొన్ని మార్పు లు చేయడం ద్వారా రైతులకు మేలు చేకూర్చే చర్యలు చేపట్టవచ్చన్నారు. వివిధ రాష్ట్రాలలో సమర్థవంతంగా అమలవుతున్న ఉపాధి హామీ పథకాన్ని పవర్‌ పాయింట్‌ ప్రజెంటేషన్‌ ద్వారా వివరించారు. రైతుల ఆదాయం పెంపొందించడానికి ప్రకృతి వనరుల యాజమాన్యం, మౌలిక సదుపాయాలు, ఆరోగ్యకరమైన రుణ సదుపాయం, పరిశోధన, మార్కెటింగ్‌ వ్యూహాలు తదితర తొమ్మిది అంశాలపై దృష్టి పెట్టాలన్నారు. 98% చిన్న, సన్నకారు రైతులు: సీఎస్‌ రాష్ట్ర ప్రభుత్వం రైతుల ఆదాయం పెంపొందించడానికి అమలు చేస్తున్న వివిధ పథకాలను ప్రభుత్వ ప్రధాన కార్యదర్శి ఎస్‌.కె.జోషి వివరించారు. తెలంగాణలో రైతులకు పెట్టుబడికోసం రైతుబంధు పథకం ప్రారంభించామని, సంవత్సరానికి ఎకరానికి రూ.8 వేలు ఇస్తున్నామన్నారు. ఆగస్టు 15 నుంచి రూ.5 లక్షల ఉచిత బీమాను ప్రతి రైతుకు అందిస్తున్నామన్నారు. భూసర్వే ద్వారా తెలంగాణలో 98 శాతం చిన్న, సన్నకారు రైతులు ఉన్నారని గుర్తించినట్లు తెలిపారు. రైతుల ఆదాయం పెంచడానికి, పాడి పరిశ్రమ, చేపల పెంపకం, గొర్రెల పెంపకాన్ని ప్రోత్సహిస్తున్నట్లు తెలిపారు. హరితహారం పథకాన్ని పెద్ద ఎత్తున అమలు చేస్తున్నందున ఉపాధి హామీలో వేతనం కింద అధిక నిధులను రాష్ట్రానికి కేటాయించాలని కేంద్రాన్ని కోరారు. ఇన్‌పుట్‌ ఖర్చు తగ్గించి, ఉత్పత్తి పెంపొందించినప్పుడే రైతులకు ఆదాయం పెరుగుతుందన్నా రు. వ్యవసాయశాఖ ముఖ్య కార్యదర్శి పార్థసార థి స్వాగతోపన్యాసం చేస్తూ రైతుల ఆదాయం రెట్టింపు చేయడానికి తీసుకోవలసిన చర్యలపై సలహాలు, సూచనలను వివిధ వర్గాల నుండి తీసుకోవడానికి ఈ వర్క్‌షాప్‌ ఏర్పాటు చేసినట్లు తెలిపారు. వ్యవసాయాన్ని లాభసాటిగా మార్చడానికి తగు సూచనలు అందించాలని ఆయన కోరారు. ఈ సదస్సులో కేంద్ర గ్రామీణాభివృద్ధి శాఖ అదనపు కార్యదర్శి సంజీవ్‌ కుమా ర్, వ్యవసాయ శాఖ సంయుక్త కార్యదర్శి దేవేశ్‌ చతుర్వేది, నీతి ఆయోగ్‌ సలహాదారు ఎ.కె.జైన్, ఎన్‌.ఐ.ఆర్‌.డి డైరెక్టర్‌ జనరల్‌ డాక్టర్‌ డబ్లు్య ఆర్‌ రెడ్డి, రాష్ట్ర గ్రామీణ అభివృద్ధి శాఖ ముఖ్య కార్యదర్శి వికాస్‌ రాజ్, తెలంగాణ, ఏపీ, కర్ణాటక, తమిళనాడు, కేరళ రాష్ట్రాలు, పాండిచ్చేరి, అండమాన్‌ నికోబార్‌ ప్రాంతాల వ్యవసాయ, గ్రామీణాభివృద్ధి, నీతి ఆయోగ్‌ అధికారులు, వ్యవసాయరంగ నిపుణులు, రైతుసంఘాల ప్రతినిధులు, ఎన్జీవోలు పాల్గొన్నారు.

జిల్లాలోని కుల్లూరు పంచాయతీలో ప్రస్తుతం రంగస్థలం కథ నడుస్తోంది. పంచాయతీ ఎన్నికలు రాక ముందే అక్కడ వాతావరణం వేడెక్కింది. పంచాయతీలో ఓ ప్రజాప్రతినిధి చెప్పిందే వేదం. ఆయన చెప్పినట్లు అధికారులు, ప్రజలు వినాల్సిందే. వినకపోతే వారిపై అవినీతి, అక్రమాల పేరుతో అధికారుల చేత విచారణలు, వేదింపులకు గురి చేస్తున్నాడు. తప్పు చేయకపోయినా.. చేసినట్లు ఆధారాలు లేకపోయినా.. ఏదో ఒక విధంగా చర్యలు తీసుకునేలా అధికారులపై ఒత్తిళ్లు చేయిస్తున్నాడు. ఉపాధి హామీ ఫీల్డ్‌ అసిస్టెంట్‌ ప్రజాప్రతినిధి చెప్పినట్లు చేయడం లేదనే అక్కసుతో అతనిపై లేనిపోని ఆరోపణలు చేస్తూ ఇబ్బందులకు గురిచేస్తున్నారు. ఆకాశారామన్న ఫిర్యాదులు తీసుకెళ్లి జిల్లా అధికారులకు అందజేసి విచారణ పేరుతో వేదిస్తున్నారు. అధికారులు కూడా ఆకాశ రామన్న ఫిర్యాదులకు అత్యంత ప్రధాన్యం ఇచ్చి కింది స్థాయి అధికారులతో విచారణలు చేయిస్తున్నారు. విచారణలో ఎలాంటి ఆధారాలు లేదని నివేదికలు అందజేస్తే మరొక ఆకాశ రామన్న ఫిర్యాదు చేసి విచారించి చర్యలు తీసుకోమని ఒత్తిడి తెస్తున్నారు.   నెల్లూరు(పొగతోట): జిల్లాలోని కలువాయి మండలంలో ఉన్న కుల్లూరు మేజర్‌ పంచాయతీలో ఉపాధి హామీ పథకానికి సంబంధించి పి.వంశీకృష్ణ ఫీల్డ్‌ అసిస్టెంట్‌(ఎఫ్‌ఏ)గా పని చేస్తూ కూలీలకు పనులు కల్పిస్తున్నాడు. ఉపాధి హామీ పనులు కల్పించడంలో ఈ పంచాయతీ ప్రథమ స్థానంలో ఉండడంతో ఎఫ్‌ఏ వంశీకృష్ణ ఎంపీడీఓ చేతులమీదుగా అవార్డు కూడా అందుకున్నారు. ఉ పాధి కూలీలకు రోజుకు రూ.200లకు పైగా వేత నం మంజూరయ్యేలా పనులు చూపిస్తున్నాడు. ఎఫ్‌ఏ తాను చెప్పినట్లుగా నడుచుకోలేదని ప్రజా ప్రతినిధి ఆకాశ రామన్న ఫిర్యాదులు చేయడం ప్రారంభించాడు. ఇద్దరు, ముగ్గురు కూలీలను రెచ్చగొట్టి ఎఫ్‌ఏపై ఫిర్యాదులు చేయించాడు. కొద్ది రోజుల తరువాత ఫిర్యాదులు చేసిన కూలీలు ఎంపీడీఓ వద్దకు వచ్చి తమకు రాజకీయాలతో సంబంధం లేదని, ఎఫ్‌ఏ తమకు పనులు కల్పిస్తున్నాడని, అతను అక్రమాలకు పాల్పడడం లేదని తెలిపారు.\ తమకు రావాల్సిన వేతనాలు అతను తీసుకోవడం లేదని ఎంపీడీఓకు రాతపూర్వకంగా వివరించారు. అనంతరం ఆ ప్రజాప్రతినిధి కూలీలు కాకుండా పంచాయతీ పాలక సభ్యులతో ఫిర్యాదు చేయించాడు. ఫిర్యాదు అందుకున్న అధికారులు ఆగమేఘాలపై కుల్లూరులో ఈ నెల 18వ తేదీన విచారణ చేపట్టారు. విచారణ సమయంలో ఎలాంటి ఆధారాలు లభించలేదు. గతంలో ఆధారులు లేని ఫిర్యాదుకు సంబంధించి బ్యాంక్‌ కార్సండెంట్‌ నుంచి కూలీలకు ఇవ్వాల్సిన రూ.1.20 లక్షల నగదు ఎఫ్‌ఏ తీసుకున్నాడని అతనితో రాయించుకుని దీనిపై క్రిమినల్‌ కేసు పెడతామని బెదిరిస్తున్నారు. ఉపాధి పనులు చేసినందుకు బ్యాంక్‌ కార్సండెంట్‌ కూలీలకు వేతనాలు ఇవ్వాల్సిఉంది. దానితో ఎఫ్‌ఏకు ఎలాంటి సంబంధం ఉండదు. చేసిన పనులకు వేతనాలు ఇంత వరకు ఇవ్వలేదని కూలీలు ఎలాంటి ఫిర్యాదులు చేయలేదు. ఫిర్యాదులు చేయకుండా బ్యాంక్‌ కార్సండెంట్‌ నుంచి ఎఫ్‌ఏ నగదు తీసుకుపోయడంటే గుడ్డిగా ఏవిధంగా కేసు నమోదు చేసే విషయాన్ని పరిశీలిస్తే పై నుంచి ఏస్థాయిలో ఒత్తిళ్లు వచ్చాయో అర్థమవుతోంది.    అవినీతిని కప్పిపెట్టి.. కుల్లూరు పంచాయతీలో రోడ్లు వేయకుండా రూ.లక్షల బిల్లులు స్వాహా చేసిన పంచాయతీ కార్యదర్శిపై ఎలాంటి విచారణ చేయలేదు. పంటకుంటల బిల్లులు మంజూరు కాగానే వాటిని పూడ్చి వేసి పంటలు సాగు చేస్తున్నా వాటిపై ఎలాంటి విచారణ చేయడం లేదు. పంచాయతీ కార్యదర్శి నిధులు స్వాహా చేశారని జిల్లా అధికారులకు నాలుగు పర్యయాలు ఫిర్యాదులు చేసినా ఇప్పటి వరకు ఎలాంటి విచారణ చేపట్టలేదు. ఉపాధి టీఏకు రూ.3.50 లక్షల రికవరీ పడితే దానిని రూ.14 వేలకు తగ్గించారు. దీనిపై ఇంత వరకు విచారణ చేయలేదు. అధికారపార్టీ ప్రజాప్రతినిధి కావడంతో అధికారులు ఆయన చెప్పినట్లు చేస్తున్నారు. ఎలాంటి ఆధారాలు లేకపోయిన ఎఫ్‌ఏపై చర్యలు తీసుకునేందుకు రంగం సిద్ధం చేయడం చేస్తుండడం గమనార్హం.

సాక్షి, అమరావతి: మహాత్మాగాంధీ జాతీయ గ్రామీణ ఉపాధి హామీ పథకాన్ని వ్యవసాయంతో అనుసంధానించే విషయమై కేంద్రం నియమించిన ముఖ్యమంత్రుల కమిటీ ముసాయిదా నివేదికను దాదాపు సిద్ధం చేసింది.వచ్చే పార్లమెంటు వర్షాకాల సమావేశాల్లోపు కేంద్రానికి సమర్పించవచ్చని తెలిసింది. కేంద్రం అమలు చేస్తున్న అత్యంత ప్రతిష్టాత్మక పథకాల్లో ఒకటైన ఉపాధి హామీ పథకాన్ని వ్యవసాయంతో అనుసంధానం చేస్తే వ్యవసాయ ఖర్చులు గణనీయంగా తగ్గుతాయని ముఖ్యమంత్రుల కమిటీ అభిప్రాయపడినట్టు సమాచారం. అయితే ఈ కమిటీ చేయబోయే సిఫారసులు ఏమిటన్నది ముందే బయటకు పొక్కడంతో  విమర్శలు వెల్లువెత్తాయి. వ్యవసాయ ఖర్చులు తగ్గితేనే రైతు బతికి బట్టకడతాడని కొందరు రైతులు వాదిస్తుండగా కూలీల కడుపుకొట్టి భూ స్వాములకు పెడతారా? అని వ్యవసాయ కూలి సంఘాలు మండిపడుతున్నాయి.   అసలేమిటీ కమిటీ? వ్యవసాయ ఖర్చులు తగ్గించాలనే దానిపై పరిశీలించి నివేదిక సమర్పించేందుకు కేంద్రం ఏడు రాష్ట్రాల (ఆంధ్రప్రదేశ్, బిహార్, యూపీ, గుజరాత్, పశ్చిమ బెంగాల్, సిక్కిం, మధ్యప్రదేశ్‌) ముఖ్యమంత్రులతో కమిటీ ఏర్పాటు చేసి మధ్యప్రదేశ్‌ సీఎం శివరాజ్‌ సింగ్‌ చౌహాన్‌ను చైర్మన్‌గా నియమించింది. ఈ కమిటీ ఇటీవల ఢిల్లీలో భేటీ అయి వ్యవసాయ ఖర్చులు తగ్గించేందుకు తీసుకోవాల్సిన చర్యలపై చర్చించింది. విత్తనం మొదలుకొని పంటల ఉత్పత్తుల అమ్మకాల వరకు పథకాన్ని ఎలా వర్తింపజేయవచ్చు అనేది ప్రధానంగా చర్చించింది. సాగు ఖర్చులు తగ్గించి, నీటిని సమర్థంగా వినియోగించడం ద్వారా ఉత్పత్తిని పెంచడం, గిట్టుబాటు కల్పించడం, ప్రకృతి విపత్తులతో దెబ్బతిన్న భూముల్ని తిరిగి పునరుద్ధరించడం వంటి అంశాలను చర్చించినా ప్రధానంగా ఉపాధి హామీ పథకాన్ని వ్యవసాయానికి ఎలా అనుసంధానం చేయాలన్న దానిపైనే దృష్టి కేంద్రీకరించినట్టు తెలిసింది. దేశంలో అమలవుతున్న అతిపెద్ద సంక్షేమ పథకమైన ఉపాధి హామీకి 2017–18లో కేంద్రం రూ.55 వేల కోట్లను కేటాయించి నైపుణ్యం లేని కూలి కింద సంతకం చేసి గుర్తింపు కార్డు పొందిన ప్రతి గ్రామీణ కార్మికునికి ఏడాదికి వంద రోజుల పని కల్పిస్తోంది. గ్రామీణ ఉపాధి, అనువైన ఆస్తుల సృష్టి అనే ఉపాధి హామీ పథకం లక్ష్యాల సాధనకు అనుగుణంగా వ్యవసాయ రంగ అవసరాలను తీర్చడం ఎలా? అనే విషయాన్ని ముఖ్యమంత్రుల కమిటీ పరిగణలోకి తీసుకుంది. కనీస వేతనాల కన్నా ఉపాధి హామీ కూలి ఎక్కువగా ఉన్నందున వ్యవసాయంతో అనుసంధానం చేస్తే ఉపయోగంగా ఉంటుందని భావిస్తోంది. భూస్వాముల ఉపాధిగా మారుస్తారా? వ్యవసాయంలో ఉపాధి హామీ నిధులు ఖర్చుకు అవకాశం ఇవ్వడాన్ని వ్యవసాయ కార్మిక సంఘాలు  వ్యతిరేకిస్తున్నాయి. ఇప్పటికే 29 రకాల పనులను వ్యవసాయంతో అనుసంధానం చేశారని, మరో 12 రకాల పనులను కొత్తగా ఆ జాబితాలో చేర్చాలని చూస్తున్నారని, అదే జరిగితే ఇది భూస్వాముల ఉపాధి హామీగా మారుతుందని వాదిస్తున్నాయి. సీఎం చంద్రబాబు ఇందుకు సుముఖత వ్యక్తం చేయడాన్ని ఏపీ వ్యవసాయ కార్మిక సంఘం అధ్యక్షుడు సుబ్బారావు ఖండించారు. ఉపాధి హామీ పథకం ప్రారంభించిన స్ఫూర్తినే దెబ్బతీస్తారా? అని ప్రశ్నించారు. ఉపాధి పథకాన్ని వ్యవసాయంతో అనుసంధానం చేయాల్సి వస్తే వంద రోజుల పని చట్టాన్ని 360 రోజుల పనికి పెంచాలని వ్యవసాయ కార్మిక సంఘాలు డిమాండ్‌ చేస్తున్నాయి.

సాక్షి, హైదరాబాద్‌: ఉపాధి హామీ పథకం కూలీలకు వేతనాల చెల్లింపులో జాప్యం లేకుండా చూడాలని, వీటి చెల్లింపునకే బ్యాంకులు, పోస్టాఫీసులు తొలి ప్రాధాన్యత ఇవ్వాలని పంచాయతీరాజ్, గ్రామీణాభివృద్ధి శాఖ మంత్రి జూపల్లి కృష్ణారావు అధికారులను ఆదేశించారు. ఉపాధి కూలీలకు వేతనాల చెల్లింపులో జాప్యంపై బ్యాంకర్లు, తపాలా, గ్రామీణాభివృద్ధి శాఖ అధికారులతో జూపల్లి గురువారం సమీక్ష నిర్వహించారు. నిరుపేద కూలీలకోసం ఉపాధి హామీ పథకం చేపడుతున్నామని, కూలి చెల్లింపులో జాప్యం చేయడం ఏంటని ఆగ్రహం వ్యక్తం చేశారు. బ్యాంకుల ద్వారా చెల్లింపులో ఎలాంటి ఇబ్బందులు లేవని, నగదు కొరత కారణంగా పోస్టల్‌ చెల్లింపుల్లో తీవ్రజాప్యం జరుగుతోందని గ్రామీణాభివృద్ధి శాఖ అధికారులు మంత్రికి తెలిపారు. బ్యాంకుల్లో ఖాతా తీసుకునేందుకు ఆధార్‌ కార్డుతోపాటు పాన్‌ కార్డు అడగడం వల్ల ఉపాధి కూలీలకు ఇబ్బందులు ఎదురవుతున్నాయని చెప్పారు. అలాగే మూడు నెలలపాటు ఆపరేట్‌ చేయకుండా ఉన్న కూలీల అకౌంట్లను తొలగించడం, జీరో బ్యాలెన్స్‌ అకౌంట్లను ప్రారంభించేందుకు బ్యాంకు సిబ్బంది నిరాకరించడం లాంటి కారణాలతో దాదాపు 60 శాతం చెల్లింపులను పోస్టల్‌ ద్వారా చేయాల్సి వస్తుందని వివరించారు. ఉపాధి కూలీలకు చెల్లింపులకోసం ఏప్రిల్, మే నెలల్లో బ్యాంకులకు రూ.360 కోట్లను, పోస్టాఫీసులకు రూ.412 కోట్లను విడుదల చేసినట్లు గ్రామీణాభివృద్ధి శాఖ అధికారులు తెలిపారు. ఇప్పటివరకు బ్యాంకులు రూ.350 కోట్ల వరకు చెల్లింపులు జరిపాయని, తపాలా శాఖ కేవలం రూ.79 కోట్లు మాత్రమే చెల్లించిందని అధికారులు వివరించారు. తపాలా శాఖ తీరుపై జూపల్లి అసంతృప్తి వ్యక్తం చేశారు. ఇప్పటినుంచి ఎలాంటి జాప్యం లేకుండా చెల్లింపులు జరపాలని పోస్ట్‌ మాస్టర్‌ జనరల్‌ పీవీఎస్‌ రెడ్డిని ఆదేశించారు. ఆర్‌బీఐ నుంచి నగదు విడుదల చేయకపోవడం, వారం రోజులుగా పోస్టల్‌ సిబ్బంది సమ్మెలో ఉండటం వల్ల చెల్లింపుల్లో జాప్యం జరిగిందని పీవీఎస్‌ రెడ్డి వివరించారు. నగదు కొరతను అధిగమించేందుకు చర్యలు తీసుకుంటున్నామని, ఉపాధి నిధుల చెల్లింపు కోసమే ప్రత్యేకంగా రూ.150 కోట్లను బుధవారం విడుదల చేశామని ఆర్‌బీఐ డిప్యూటీ జనరల్‌ నాగేశ్వర్‌రావు తెలిపారు.

కడప సిటీ : ఉపాధి హామీ పథకం జిల్లాలో సక్రమంగా అమలుకు నోచుకోలేదన్న విమర్శలున్నాయి.  సమస్యలను పరిష్కరించడంలో అధికారులు తీవ్ర వైఫల్యం చెందారన్న ఆరోపణలున్నాయి. మజ్జిగ పంపిణీ, కూలీలకు సౌకర్యాలు, బిల్లుల చెల్లింపు, పెండింగ్‌ ఖాతాల పరిష్కారాలు, సిబ్బంది సమస్యలు తదితర అంశాలు తిష్టవేసి పరిష్కారానికి నోచుకోక కూలీలు ఇబ్బందులు పడుతున్నారు.  పంపిణీ కాని మజ్జిగ :జిల్లాలో రోజుకు ఉపాధి  పనులకు 1.80 లక్షల మంది కూలీలు హాజరవుతున్నట్లు అధికారుల లెక్కలు చెబుతున్నాయి.   వేసవిలో కూలీలకు వడదెబ్బ సోకకుండా ఒక్కొక్కరికి 250ఎం.ఎల్‌ మజ్జిగను  అందించాల్సి ఉంటుంది. ఇందుకుగానూ మేట్లకు మజ్జిగకు రూ.4లు, పంపిణీ చేసినందుకు ఒక్క రూపాయి ఇస్తారు.  అయితే జిల్లాలో చాలా చోట్ల మేట్లు కూలీలకు మజ్జిగ పంపిణీ చేయకుండానే పంపిణీ చేస్తున్నట్లు నమోదు చేసుకుంటున్నారు. తమ ఖాతాలలో ఆ మొత్తాన్ని జమ చేసుకుంటున్నారు. అధికారులకు తెలిసినప్పటికీ ఈ విషయం పట్టించుకోలేదన్న ఆరోపణలు ఉన్నాయి.  పరిష్కారంకానీ సస్పెన్షన్‌ ఖాతాలు :గతకొన్నేళ్లుగా ఉపాధి కూలీలకు సంబంధించి సస్పెన్షన్‌ ఖాతాల జాబితాలో ఉన్న వారికి ఇప్పటికీ కూలీ ల సొమ్ము అందలేదు. జిల్లా వ్యాప్తంగా ఈ  ఖాతాల పరిధిలో 13,832మంది కూలీలు ఉన్నారు. దాదాపు రూ.2.26కోట్లు ఈ కూలీలకు డబ్బులు రావాల్సి ఉంది. ఆధార్‌ కార్డు బ్యాంక్‌ ఖాతాకు లింకేజీ కాకపోవడంవల్ల కూలీలకు డబ్బులు జమ కాలేదు. ఈ సమస్యను అధికారులు పరిష్కరించలేదు. ♦ కంప్యూటర్‌ ఆపరేటర్లు జాబ్‌ కార్డులు ఇచ్చేటప్పుడు వారి బ్యాంక్‌ ఖాతాకు ఆధార్‌ కార్డు, ఉపాధి హామీ జాబ్‌ కార్డు నంబర్లు సరిగా వేస్తేనే ఖాతా నమోదవుతుంది.  ఆపరేటర్ల నిర్లక్ష్యం ఉన్నా అధికారులు దగ్గరుండి చేయించకపోవడంవల్లే ఈ పరిస్థితి నెలకొంది. వాటర్‌ షెడ్‌ గ్రామాలలో అందని మజ్జిగ.. జిల్లాలో 795పంచాయతీలున్నాయి. ఇందులో 200గ్రామాలు వాటర్‌ షెడ్‌ కింద ఎంపికయ్యాయి. అయితే ఈ పథకం కింద ఎంపికైన గ్రామాలలో ఉపాధి కూలీలు మజ్జిగ పంపిణీకి నోచుకోలేదు. ఈ పథకానికి సంబంధించి ప్రత్యేక వెబ్‌సైట్‌ ఓపెన్‌ కాకపోవడంవల్లే ఈ పరిస్థితి వచ్చిందని అధికారులు చెబుతున్నారు.   దాదాపు 40వేల మంది కూలీలకు మజ్జిగ అందడంలేదు.  సరిగా అందని బిల్లులు :జిల్లాలో గతంలో లేని విధంగా కూలీలకు బిల్లుల సమస్య వెంటాడుతోంది.  2016–17 సంవత్సరంలో మార్చి నాటికే దాదాపు రూ.60లక్షల మేర బిల్లులు రావాల్సి ఉండగా.. ఇప్పటివరకు పూర్తిస్థాయిలో బిల్లులు రాలేదు. ప్రస్తుతం పనిచేస్తున్న ఉపాధి పనులకు సంబంధించి కూలీలకు సకాలంలో కూలీ డబ్బులు అందడంలేదు. దీంతో కూలీలు పనులకు రావాలంటే మొగ్గు చూపడంలేదు. సోషల్‌ ఆడిట్‌పై విమర్శలు : ఉపాధి  పనులను సక్రమంగా చేశారా.. లేక అక్రమాలకు పాల్పడ్డారా అనే విషయంపై సామాజిక తనిఖీ(సోషల్‌ ఆడిట్‌) చేయడం ఉపాధి  పథకంలో ఒక నియమంగా ఉంటుంది. కానీ జిల్లాలో సోషల్‌ ఆడిట్‌పై పలు విమర్శలు వస్తున్నాయి.  ♦ ముద్దనూరులో సోషల్‌ ఆడిట్‌ సక్రమంగా జరగలేదని కలెక్టర్‌ దృష్టికి తీసుకెళ్లగా.. ప్రత్యేక బృందంతో విచారణ చేపట్టినట్లు తెలుస్తోంది. అలాగే సొ మ్ము రికవరీ చేయడానికి అలసత్వం ప్రదర్శిస్తున్న ట్లు తెలుస్తోంది. కొంతమందినుంచి రికవరీ చేయకుండానే లోపాయికారి ఒప్పందం చేసుకుని అధికా రులు మళ్లీ విధులలో చేర్చుకున్నట్లు సమాచారం.   ♦ ఉపాధిలో తిష్ట వేసిన సమస్యలను పరిష్కరించాలని డైరెక్టర్‌ రంజిత్‌ బాషాను ఉపాధి హామీ కూలీలు కోరుతున్నారు. ఎన్నో ఏళ్లుగా తిష్ట వేసిన సమస్యలను పరిష్కరించే దిశగా నేడు జరిగే  సమీక్ష సమావేశంలో నిర్ణయం తీసుకోవాలని కోరుతున్నారు.

కర్నూలు(అర్బన్‌) :  ఉపాధి హామీ అమలులో  నిర్లక్ష్యంగా వ్యవహరించిన 15 మంది ఫీల్డ్‌ అసిస్టెంట్ల(సీనియర్‌ మేటీలు)ను సస్పెండ్‌ చేసినట్లు డ్వామా పీడీ ఎం.వెంకటసుబ్బయ్య తెలిపారు. శుక్రవారం సాయంత్రం ఆయన విలేకరులతో మాట్లాడుతూ 2018–19 ఆర్థిక సంవత్సరంలో ప్రభుత్వం నిర్ణయించిన పనిదినాలను పూర్తి చేయడంలో   ఫీల్డ్‌ అసిస్టెంట్లు పూర్తిగా విఫలమయ్యారన్నారు. ఆర్థిక సంవత్సరం ప్రారంభమై నెల రోజులు పూర్తి కావొస్తున్నా ఇంతవరకు ఆయా గ్రామ పంచాయతీల్లో ఉపాధి పనులు ప్రారంభం కాని విషయాన్ని జిల్లా కలెక్టర్‌ దృష్టికి తీసుకుపోయాన్నారు. కలెక్టర్‌ ఆదేశాల మేరకు ఆదోని మండలం బసాపురం, చిన్నహరివాణం, ఆత్మకూరు మండలం సున్నిపెంట, చాగలమర్రి మండలం నేలంపాడు, హొళగుంద మండలం పెద్దగోనేహాల్, కోసిగి మండలం జంబులదిన్నె, మిడుతూరు మండలం కలమందలపాడు, ఓర్వకల్లు మండలం మీదివేముల, అవుకు మండలం చెర్లోపల్లి, రామాపురం, పాణ్యం మండలం కొత్తూరు, ప్యాపిలి మండలం మెట్టుపల్లి, ఎన్‌.రంగాపురం, పెద్దపూదిర్ల, వెల్దుర్తి మండలం అల్లుగుండు ఫీల్డ్‌ అసిస్టెంట్లను సస్పెండ్‌ చేశామన్నారు. 

సారంగాపూర్‌(జగిత్యాల): ఉపాధి హామీ కూలీలను తీసుకెళ్తున్న ట్రాలీ ఆటో బోల్తాపడిన సంఘటనలో 21 మంది గాయపడ్డారు. జగిత్యాల జిల్లా లక్ష్మీదేవిపల్లి–పెంబట్ల గ్రామాల మధ్య సోమవారం ఈ సంఘటన జరిగింది. పోలీసులు, స్థానికుల కథనం ప్రకారం.. సారంగాపూర్‌ మండలం పెంబట్ల గ్రామంలోని బుడిగెజంగాలకాలనీ, బీసీ కాలనీకి చెందిన కూలీలు కొద్దిరోజులుగా ఉపాధి హామీ పనులకు వెళ్తున్నారు. సోమవారం ఉదయం పెంబట్ల–రంగపేట గ్రామాల మధ్య పెద్దమ్మ ఆలయానికి మూడు కిలోమీటర్ల దూరంలో ఉన్న అటవీ ప్రాంతంలో పనులు నిర్వహించడానికి సుమారు 35 మంది గ్రామానికి చెందిన పార్తం గంగాధర్‌ ట్రాలీ ఆటోలో వెళ్లారు. పనులు ముగించుకుని ట్రాలీ ఆటోలో ఇళ్లకు బయల్దేరారు. ఆటో లక్ష్మీదేవిపల్లి గ్రామం దాటగానే ఓవర్‌లోడ్‌ కారణంగా కుదుపునకు గురికావడంతో డ్రైవర్‌ సడెన్‌గా బ్రేక్‌వేశాడు. దీంతో వేగంగా వెళుతున్న వాహనం ఒక్కసారిగా అదుపు తప్పి బోల్తాపడింది. ఈసంఘటనలో 21 మంది కూలీలు గాయపడ్డారు.   సకాలంలో స్పందించిన పోలీసులు  సంఘటన విషయం తెలుసుకున్న సారంగాపూర్‌ ఎస్సై రాజయ్య 10 నిమిషాల్లో తన సిబ్బందితో ఘటనాస్థలానికి చేరుకున్నారు. క్షతగాత్రులను జగిత్యాల ఏరియా ఆస్పత్రికి తరలించారు. తహసీల్దార్‌ వసంత, ఎంపీడీవో పుల్లయ్య పరిస్థితిని సమీక్షించారు. క్షతగాత్రులను జగిత్యాల ఎమ్మెల్యే జీవన్‌రెడ్డి పరామర్శించారు.

ఆదోని: ఉపాధి హామీ పథకం అమలులో నిర్లక్ష్యంగా వ్యవహరిస్తే ఇంటికి పంపుతానని జిల్లా కలెక్టర్‌ సత్యనారాయణ హెచ్చరించారు. బు«ధవారం పట్టణంలోని ఎంపీడీవో సమావేశం హాలులో ఆదోని, కౌతాళం, కోసిగి, పెద్దకడబూరు, మంత్రాలయం మండలాల ఎంపీడీఓలు, ఏపీఓలు, టెక్నికల్‌ అసిస్టెంట్లు, ఇంజినీరింగ్‌ కన్సల్టెంట్లతో సమావేశం నిర్వహించారు. నిర్దేశించిన లక్ష్యం మేరకు ప్రగతి లేక పోవడంతో కలెక్టర్‌ ఆగ్రహం వ్యక్తం చేశారు. పనులు కల్పించకపోవడంతో ఆదోని డివిజన్‌ పరిధిలోని మండలాల నుంచి ప్రజలు ఎక్కువగా వలసలు పోతున్నారన్నారు. పత్రికల్లో వార్తలు వస్తున్నా.. సిగ్గు అనిపించదా? బుద్ధి ఉన్నోళ్లు ఎవరైనా స్పందించకుండా ఉంటారా? అని మండి పడ్డారు. వలసల నివారణచకు చర్యలు తీసుకోకపోతే బాధ్యులను ఇంటికి పంపుతానని హెచ్చరించారు. ఐదు మండలాల్లో మార్చి చివరి లోగా 175 లక్షల పనిదినాలు కల్పించాల్సి ఉండగా 125 లక్షల పనిదినాలు మాత్రమే కల్పించారన్నారు. సీనియర్‌ మేట్లు, ఫీల్డ్‌ అసిస్టెంట్లు   సక్రమంగా పనిచేయడం లేదని మంత్రాలయం, పెద్దకడుబూరు ఎంపీడీవోలు ఫిర్యాదు చేయగా.. పూర్తి వివరాలతో నివేదిక పంపితే చర్యలు తీసుకుంటానని కలెక్టరు చెప్పారు. ఎండలు మండుతున్నందున ఉదయం, సాయంత్రం మాత్రమే పనులు చేపట్టాలని సూచించారు. కూలీలు పని చేసే చోట తాగునీరు, ఓఆర్‌ఎస్‌ ప్యాకెట్లు, మజ్జిగ ఏర్పాటు చేయాలని ఆదేశించారు. అనంతరం ఆదోని డివిజన్‌లో తాగు నీటి వనరులపై ఆర్‌డబ్ల్యూఎస్‌ ఈఈ రామస్వామితో చర్చించారు. వేసవిలో ఎక్కడా నీటి సమస్య తలెత్తకుండా చర్యలు తీసుకోవాలని ఆదేశించారు.  సమావేశంలో డ్వామా పీడీ వెంకటసుబ్బయ్య, ఆర్డీఓ ఓబులేసు, అదనపు పీడీ నాగేశ్వరరావు, ఏపీడీ మల్లేశ్వరి,  ఏపీవోలు మన్న, మద్దిలేటి పాల్గొన్నారు. 

సాక్షి ప్రతినిధి, కడప : ఉపాధి హామీ పథకం జిల్లాకు వరం. నాలుగేళ్లుగా జిల్లాలో వర్షాభావ పరిస్థితులు నెలకొన్న నేపథ్యంలో  వలసలు నియంత్రించేందుకు ప్రతి ఒక్కరికీ పని కల్పించడమే లక్ష్యంగా పని చేస్తున్నాం. ఇందుకు తగిన కార్యాచరణ ప్రణాళికతో ముందుకెళ్తున్నాం. రోజూ లక్ష పని దినాలు నమోదయ్యేలా క్షేత్ర సిబ్బంది ని నిత్యం పర్యవేక్షిస్తున్నాం. ఈ పథకం పరిధిలో ఏ స్థాయిలో కూడా అవినీతిని సహించేది లేదు. అవినీతికి ఎవరైనా పాల్పడుతున్నట్లు తెలిస్తే నేరుగా నాకు ఫిర్యాదు చేయొచ్చు. ఎవ్వరిని వదిలిపెట్టం. కఠిన చర్యలు తీసుకుంటాం.’ అని జిల్లా నీటి యాజమాన్య సంస్థ(డ్వామా) పీడీ వై హరి హరనాథ్‌రెడ్డి పేర్కొన్నారు. ఈ ఆర్థిక సంవత్సరంలో రూ. 270 కోట్లు ఖర్చు చేశామని ఇందులో సింహభాగం కూలీలకే చెల్లించామని ఆయన వివరించారు. జిల్లాలో ఉపాధి, వాటర్‌షెడ్ల పనుల నిర్వహణ, సిబ్బంది పనితీరు..అక్రమాలు.. వంటి వాటిపై ‘సాక్షి’ ఆయనతో ముఖాముఖి నిర్వహించింది. ఆ వివరాలు ఆయన మాటల్లోనే.. ప్రతి కూలీకి పనికల్పిస్తాం.. ప్రతి కూలీకి పని కల్పించడమే కర్తవ్యంగా పెట్టుకున్నాం. ఆ దిశగా క్షేత్రస్థాయి సిబ్బందిని సమాయత్తం చేస్తున్నాం. కూలీలు అడిగినా పనులు కల్పించకపోతే తీవ్ర చర్యలు ఉంటాయని హెచ్చరించాం. ఇప్పుడిప్పుడు పని దినాల సంఖ్య పెరుగుతోంది. రోజూ 80 వేల మంది దాకా కూలీలు పనులకు వస్తున్నారు. ఈ సంఖ్యను లక్షకుపైగా పెంచాలనేది లక్ష్యం. రాజంపేట, జమ్మలమడుగు, పులివెందుల ప్రాంతాల్లో పొలం పనులు జరుగుతున్నాయి. రానున్న రెండు మూడు రోజుల్లో పని దినాల సంఖ్య లక్షకుపైగా పెరిగే అవకాశం ఉంది. అలాగే 2018–19 ఆర్థిక సంవత్సరానికి 1.30 కోట్ల పని దినాలు   లక్ష్యంగా పెట్టుకున్నాం. ∙రూ.270 కోట్లు ఖర్చు చేశాం.. ఈ ఆర్థిక సంవత్సరంలో పని దినాల నమోదు లక్ష్యం 1.39 కోట్లు. ఇప్పటికే 1.08 కోట్ల పని దినాలను పూర్తి చేశాం. మిగిలిన పని దినాలను మార్చి నాటికి పూర్తి చేస్తాం. ఈ ఏడాది ఉపాధి హామీ కింద రూ.330 కోట్లు ఖర్చు చేయాలన్నది లక్ష్యం. ఇప్పటి దాకా రూ.270 కోట్లు ఖర్చు చేశాం. ఇందులో కూలీలకే రూ.157 కోట్లు చెల్లించాం. సామగ్రి కొనుగోలు కింద మరో రూ.87 కోట్లు వ్యయం చేశాం. వేతనాలకు రూ.18 కోట్లు వెచ్చించాం. ∙బాధ్యతతో పనిచేయాలి.. క్లస్టర్‌లో సహాయ పీడీలు విధుల పట్ల ఎవరూ నిర్లక్ష్యంగా వ్యవహరించరాదు. కేవలం సిబ్బందిపై కర్ర పెత్తనం చేస్తామంటే కుదరదు. సమష్టిగా పని చేస్తేనే ఫలితాలు సాధ్యం. ఇదే విషయాన్ని ప్రతి వారం సమీక్షల్లో చెబుతున్నాం. రూ.2.36 కోట్ల అవినీతి జరిగింది.. పదమూడేళ్ల కిందట ఈ పథకం మొదలైంది. మొత్తం 12 విడతల సామాజిక తనిఖీలు జరిగాయి. ఉపాధి, వాటర్‌షెడ్ల పనుల్లో దాదాపు రూ.9.84 కోట్ల అక్రమాలు జరిగినట్లు సామాజిక తనిఖీ బృందాలు తేల్చాయి. ఇందులో రూ.4.86 కోట్లు విచారణ తర్వాత రద్దు చేశాం. మరో రూ.2.36 కోట్ల మేర వసూలు చేశాం. ఆర్‌ఆర్‌ చట్టం కింద రూ.1.53 కోట్లు, మిగిలిన రూ.96 లక్షలు వేతనాల రికవరీ కింద వసూలు చేయాల్సి ఉంది. అవినీతికి పాల్పడితే కఠిన చర్యలు.. ఉపాధి, వాటర్‌షెడ్ల పనుల్లో ఏస్థాయి అధికారైనా అవినీతికి పాల్పడితే కఠిన చర్యలు ఉంటాయి. ఏ స్థాయిలో అవినీతిని సహించేది లేదు. అధికారులెవరైనా అవినీతికి పాల్పడుతున్నట్లు తెలిస్తే.. నేరుగా నాకు ఫోన్‌ ద్వారా ఫిర్యాదు చేయొచ్చు. అవినీతి ఆరోపణలు నిజమని తేలితే కఠిన చర్యలు తీసుకుంటాం. పీఓలపై పని ఒత్తిడి ఉన్నది వాస్తవమే.. ఉపాధి హామీ పథకంలో ఎంపీడీఓలే పీఓలుగా పనిచేస్తున్నారు. వీరు సరిగా పనిచేయలేదన్నది వాస్తవం కాదు. నేను వచ్చిన తర్వాత తరచూ వారితో మాట్లాడుతున్నా.. మండల కంప్యూటర్‌ కేంద్రాల్లో ఎంపీడీఓలు ఉండి ప్రతి లావాదేవీని వారే చేస్తున్నారు. అయితే వారు ఇతర పనుల పట్ల దృష్టి సారించడంతో   పని ఒత్తిడి ఉన్న మాట వాస్తమే. అలాగని వారు ఉపాధి పనిని ఎప్పుడూ నిర్లక్ష్యం చేయడం లేదు.

రాయికోడ్‌(అందోల్‌): ఈజీఎస్‌ (ఎంప్లాయిమెంట్‌ గ్యారంటీ స్కీం) పనులు జిల్లాలోని ఆయా మండలాల్లో నత్తనడకన సాగుతున్నాయి. చేసిన పనులకు సంబంధించి కూలీల వేతనాలు, మెటీరియల్‌ కాంపోనెంట్‌ నిధులు సక్రమంగా విడుదల కావడం లేదు. నాడెం కంపోస్టు పిట్స్, పాఠశాలల కిచెన్‌ షెడ్స్, ఇంకుడు గుంతలు, పశువుల పాకలు, సేద్యపు నీటి గుంతలు, డంపింగ్‌ యార్డులు తదితర పనులు మందకొడిగా సాగుతున్నాయి. 2016 నుంచి ఆయా రకాల పనులు మంజూరైనా ఆశించిన స్థాయిలో పురోగతి కనిపించడం లేదు. అధికారుల పర్యవేక్షణ లేక, గ్రామీణ ప్రాంతాల్లో ఆశించిన స్థాయిలో అవగాహన లేక, బిల్లులు సకాలంలో అందుతాయనే భరోసా లేక మంజూరైన పనులు నిదానంగా నడుస్తున్నాయి.  సేద్యపు నీటి గుంతలు.. జిల్లాలో 3,031 సేద్యపు నీటి గుంతలకు 777 గుంతలే వివిధ దశల్లో పనులు కొనసాగుతున్నట్లు అధికారిక లెక్కలు చెబుతున్నాయి. రైతులకు ఎంతో ఉపయోగకరంగా ఉండే సేద్యపు నీటి గుంతలను నిర్మింపజేసి పంటల సాగులో రైతులు ఎదుర్కొనే నీటి ఇబ్బందులను తీర్చాల్సి ఉండగా పనులు ఆశించిన స్థాయిలో  ముందుకు సాగడంలేదు.  పూర్తికాని పశువుల పాకలు.. జిల్లాలోని ఆయా మండలాల్లో 558 నిర్మించాల్సి ఉండగా 55 పశువుల పాకలు మాత్రమే నిర్మాణ దశలో ఉన్నాయి. పశువుల పాకలు లేక పోషకులు తాము పోషిస్తున్న పశువులను ఆరుబయట కట్టేస్తున్నారు. ఈ దశలో పశువులు, పోషకుల ప్రయోజనం కోసం మంజూరు చేసిన పాకలు పూర్తి చేయడంలో క్షేత్రస్థాయిలో సంబంధిత అధికారులు, సిబ్బందికి చిత్తశుద్ధి కొరవడిందనే ఆరోపణలు ఉన్నాయి.  306 మాత్రమే పూర్తయిన కంపోస్ట్‌ పిట్స్‌.. 1,333 నాడెం కంపోస్టు పిట్స్‌ మంజూరు కాగా 306 మాత్రమే ప్రారంభించినట్లు సంబంధిత అధికారులు తెలిపారు.  ఇంకుడు గుంతలు అంతంతే..  53,138 ఇంకుడు గుంతలు మంజూరవగా ఇప్పటివరకు 22,013 ఇంకుడుగుంతలు మాత్రమే పూర్తి చేశారు. ప్రస్తుతం ఎక్కడా ఇంకుడుగుంతల నిర్మాణం చురుగ్గా సాగుతున్న పరిస్థితులు లేవు. ఇంకుడుగుంతలు నిర్మించుకున్న వారికి సకాలంలో బిల్లులు రాకపోవడంతో ఈ పనులు చేపట్టడానికి లబ్ధిదారులు ఆసక్తి చూపడంలేదని తెలుస్తోంది.  పూర్తికాని డంపింగ్‌ యార్డులు.. జిల్లాకు 330 డంపింగ్‌ యార్డులు మంజూరయ్యాయి. ఇందులో 142 డంపింగ్‌ యార్డులు మాత్రమే ప్రారంభమయ్యాయి. డంపింగ్‌ యార్డుల నిర్మాణంలో అధికారులు పెద్దగా దృష్టి సారించడం లేదనే వాదనలు వినవస్తున్నాయి. పూర్తయిన కిచెన్‌ షెడ్లు 128 మాత్రమే..  ఆయా మండలాల్లోని ప్రభుత్వ పాఠశాలలకు 539 కిచెన్‌ షెడ్లు మంజూరు చేయగా 128 మాత్రమే పూర్తయినట్లు ఈజీఎస్‌ అధికారులు వెల్లడించారు. శ్మశాన వాటికల అభివృద్ధి పనులు సైతం ఆశించిన స్థాయిలో సాగడం లేదు. వివిధ రకాల పనులు మంజూరవుతున్నా వాటిని పూర్తి చేయడంలోనే లోపాలు కనిపిస్తున్నాయి.  కొరవడిన పర్యవేక్షణ..  ఈజీఎస్‌ పనులపై పర్యవేక్షణ లేక ఆశించిన స్థాయి లో పనుల్లో పురోగతి లేదనే విమర్శలు వినిపిస్తున్నాయి. జిల్లా, మండల స్థాయిలోని అధికారులు క్షేత్రస్థాయిలో పర్యవేక్షణకు ప్రాధాన్యతనిచ్చి ప్రజల్లో ఈజీఎస్‌ పనులపై సరైన అవగాహన కల్పిస్తే ఆశిం చిన లక్ష్యాలను చేరుకునే అవకాశం ఉంది. పనులు పూర్తి చేయడానికి కృషి చేస్తున్నామని అధికారులు చెబుతున్నా గ్రామాల్లో పనుల పురోగతి అందుకు విరుద్ధంగా ఉంది. ఇప్పటికైనా పటిష్ట ప్రణాళికలు వేసి మంజూరైన అన్నిరకాల ఈజీఎస్‌ పనులను పూర్తి చేయాలని పలువురు కోరుతున్నారు. 

సాక్షి, హైదరాబాద్‌: తెలంగాణలో గ్రామీణాభివృద్ధి శాఖ కార్యక్రమాల అమలు బాగుందని కేంద్ర గ్రామీణాభివృద్ధి సహాయ మంత్రి రాంకృపాల్‌ యాదవ్‌ ప్రశంసించారు. రాష్ట్రంలో అమలవుతున్న వివిధ కేంద్ర పథకాలపై మంత్రి జూపల్లి కృష్ణారావుతో కలసి రాజేంద్రనగర్‌లోని రాష్ట్ర పంచాయతీరాజ్‌ మరియు గ్రామీణాభివృద్ధి సంస్థ (టీ సిపార్డ్‌)లో సోమవారం సమీక్ష నిర్వహించారు. తెలంగాణలో అమలు చేస్తున్న కేంద్ర ప్రభుత్వ పథకాల పురోగతిని పవర్‌ పాయింట్‌ ప్రజెంటేషన్‌ రూపంలో అధికారులు వివరించారు. ఉపాధి హామీ, పీఎంజీఎస్‌వై, రూర్బన్, డీడీయూజీకేవై, టీఆర్‌ఐజీపీ, పింఛన్ల పంపిణీ తదితర అంశాలపై సుదీర్ఘంగా చర్చించారు. అనంతరం రాంకృపాల్‌ యాదవ్‌ మాట్లాడుతూ.. తెలంగాణలో గ్రామీణాభివృద్ధి శాఖ కార్యక్రమాల అమలు బాగుందని, మరింత ఉత్సాహంగా పనిచేయాలని సూచించారు. క్షేత్రస్థాయిలో ప్రభుత్వ పథకాలను ప్రతి ఒక్కరికి అందేలా చర్యలు తీసుకోవాల్సిన అవసరముందని చెప్పారు. హరితహారంలో భాగంగా నాటిన మొక్కల మనుగడ రేటు 70 శాతం వరకు ఉండటంపై ఆయన సంతృప్తి వ్యక్తం చేశారు.  ఉపాధి హామీ పనిదినాల్ని పెంచండి  దేశానికే ఆదర్శంగా గ్రామీణాభివృద్ధి శాఖను తీర్చిదిద్దుతామని మంత్రి జూపల్లి అన్నారు. కేంద్రం నుంచి రాష్ట్రానికి మరింత సహకారం అందజేయాలని కోరారు. పెద్ద ఎత్తున ఉపాధి హామీని అమలు చేస్తున్నామని, ఈ ఆర్థిక సంవత్సరంలో మొదట్లో ఇచ్చిన 8 కోట్ల పనిదినాల లక్ష్యాన్ని ఇప్పటికే అధిగమించామని తెలిపారు. ఈ లక్ష్యాన్ని 16 కోట్లకు పెంచాలని విజ్ఞప్తి చేశారు. గతంలో నిలిచిన పనులకు సంబంధించి రూ.800 కోట్ల విలువైన రహదారుల నిర్మాణానికి పీయంజీఎస్‌వై–2 కింద అనుమతినివ్వాలని కోరారు. రాష్ట్రానికి మూడు విడతల్లో 16 రూర్బన్‌ క్లస్టర్లను మంజూరు చేశారని.. కనీసం జిల్లాకు ఒక్కటైనా ఇవ్వాలని కోరుతూ కేంద్ర మంత్రి రాంకృపాల్‌ యాదవ్‌కు జూపల్లి వినతి పత్రం అందజేశారు. ఈ సమీక్షలో పంచాయతీరాజ్, గ్రామీణాభివృద్ధి శాఖ ముఖ్య కార్యదర్శి వికాస్‌ రాజ్, కమిషనర్‌ నీతూ ప్రసాద్, సెర్ప్‌ సీఈఓ పౌసమి బసు తదితరులు పాల్గొన్నారు.  

సాక్షి, హైదరాబాద్‌: ఉపాధి హామీ కూలీలకు నాలుగు నెలలుగా వేతనాలివ్వడం లేదని సీపీఐ రాష్ట్ర కార్యదర్శి చాడ వెంకటరెడ్డి మంగళవారం ఆవేదన వ్యక్తం చేశారు. పండుగ పూట వారిని పస్తులు ఉంచుతారా అని ప్రభుత్వాన్ని ప్రశ్నించారు. దసరా, దీపావళి పండుగలకు కూలీ డబ్బులు ఇవ్వలేదని, సంక్రాంతికైనా వారికి వేతనాలు చెల్లించాలని డిమాండ్‌ చేశారు. ఉపాధిహామీ పథకం కింద చేపట్టిన కొత్తబావుల తవ్వకం, పూడికతీత వంటి పనులకు కూలి డబ్బులను చెల్లించకపోవడంతో కూలీలు అప్పుల బారిన పడుతున్నారని ఆవేదన వ్యక్తం చేశారు.

వ్యవసాయ కూలీలు పనుల సమయంలో ఖాళీగా లేకుండా, పనుల కోసం వలస పోకుండా తమ ప్రాంతాలలోనే పనులు చేసుకొని ఉండాలన్న ఉద్దేశంతో గతంలో కేంద్ర ప్రభుత్వం ఉపాధి హామీ పథకాన్ని అమలులోకి తెచ్చింది.  ప్రస్తుత రాష్ట్ర ప్రభుత్వం కేంద్ర పథకాలకు రాజకీయ రంగు పూసి తమ పథకాలుగా  ప్రచారం చేసుకుంటుంది. పథకాల అమల్లో  లోపాలుంటే మాత్రం దాన్ని అమలు చేసే వారిపై నెడుతుంది. రామభద్రపురం: కేంద్ర పథకాలకు రాష్ట్రంలో అధికార తెలుగుదేశం ప్రభుత్వం తమ రంగు వేస్తూ ప్రయోజనం పొందేందుకు శతవిధాల ప్రయత్నిస్తుంది. ఈ క్రమంలోనే ఉపాధి హామీ జాబ్‌ కార్డులను పూర్తిగా పసుపు రంగుతో ముద్రించి జారీ చేసింది. తెలుగుదేశం ప్రచార కార్డులుగా పసుపు రంగుతో ముద్రించిన జాబ్‌కార్డులను ఇప్పటికే జిల్లాలోని ఏపీఓలు క్షేత్ర స్థాయి అధికారులకు అందజేశారు. వీటిని జన్మభూమి గ్రామ సభలలో ఉపాధి హామీ వేతనదారులకు అందజేస్తున్నారు. జిల్లాలో 5,03,038 జాబ్‌కార్డులుండగా, సుమారుగా 11 లక్షలు వేతనదారులున్నారు. వారిలో 3,50,000 పైబడి జాబ్‌కార్డుదారులు పనులుకు వెళ్తున్నట్టు సమాచారం. వీరికి గతంలో మాదిరిగా కాకుండా కొత్తగా పసుపు పచ్చరంగులో ఉపాది పనులకు పోతున్న వేతనదారులకు మాత్రమే ఫోటోలతో ముద్రించిన జాబ్‌కార్డులను పంపిణీ చేస్తున్నారు. ఇప్పటి వరకు ఉన్న జాబ్‌కార్డులు స్థానంలో కొత్త వాటికి ఆధార్‌ అనుసంధానం చేసి అందజేస్తున్నారు. వీటిని పుస్తక రూపంలో ముద్రించి కుటుంబంలో ఉపాధి పనులకు వెళ్తున్న వారి వివరాలను ముద్రించారు.  కార్డు ఐదేళ్లు ఉపయోగపడేలా రూపొందించారు. అలాగే పనులు చేసే ముందుగా ఒక ఫోటో, 60 శాతం పనులు పూర్తి చేసిన తరువాత మరో ఫోటో తీసి జియో ట్యాగింగ్‌ చేయాల్సి ఉంటుంది. ఇలా చేయడం వల్ల ఉపాధి పనుల్లో అక్రమాలకు తావు లేకుండా ఉంటుందని అధికారులు చెబుతున్నారు. ఇక నుంచి వివిధ సంక్షేమ, అభివృద్ధి పథకాలకు ఈ జాబ్‌ కార్డులు కీలకంగా మారనున్నాయని సమాచారం.  హౌసింగ్‌ పథకంలో ఇళ్ల నిర్మాణం, ఇంకుడు గుంతల తవ్వకం, గ్రామాల్లో సీసీ రోడ్లు, వ్యక్తిగత మరుగుదొడ్లు, పశుగ్రాస క్షేత్రాలు నాడెఫ్‌ తొట్లు, చెరువులు తవ్వకం, పూడికతీత పనులు, వర్మీ కంపోస్టులు, మట్టి రోడ్ల నిర్మాణం ఇలా అన్ని పనులకు జాబ్‌కార్డుల అవసరం ఉంటుందని అధికారులు చెబుతున్నారు. దీంతో కొత్తగా అందజేస్తున్న జాబ్‌కార్డులు టీడీపీ ప్రచార కార్డులుగా ఉన్నాయని, కేంద్ర ప్రభుత్వ పథకాలను రాష్ట్ర ప్రభుత్వ పథకాలుగా చెప్పుకోవడం విడ్డూరంగా ఉందని బీజేపీ నాయకులు పెదవి విరుస్తున్నారు. సొంత పథకాలుగా ప్రచారం తగదు... రాష్ట్రాభివృద్ధి కోసం కేంద్ర ప్రభుత్వం రాష్ట్ర ప్రభుత్వం ద్వారా సంక్షేమ ప«థకాలను అమలు చేస్తాయి. ఆ పథకాలను కేంద్రం ఇచ్చిన వాటా ఎంత ఉంది, రాష్ట్ర ప్రభుత్వ వాటా ఎంత అనేది రాష్ట్ర ప్రభుత్వాలు ప్రచారం చేయాలి. అలా కాకుండా సొంత పథకాలుగా ప్రచారం చేసుకోవడం విడ్డూరంగా ఉంది.   –పెద్దింటి జగన్మోహనరావు, బీజేపీ జిల్లా అధ్యక్షుడు నిర్వీర్యం చేస్తోంది... రాష్ర ప్రభుత్వం కేంద్ర ప్రభుత్వం అమలు చేస్తున్న సంక్షేమ పథకాలను నిర్వీర్యం చేస్తోంది. కేంద్ర ప్రభుత్వం అమలు చేస్తున్న ప్రతీ పథకానికి 80 శాతం నిధులు ఇస్తుంది. కానీ రాష్ట్ర ప్రభుత్వం ఉపయోగించుకోవడం తప్ప కనీసం ఏ పథకానికి కేంద్రం ప్రభుత్వ పేరు చెప్పడం లేదు. –ఆర్‌.లక్ష్మణరావు, బీజేపీ జిల్లా కార్యవర్గ సభ్యులు

గ్రామీణాభివృద్ధి శాఖ కమిషనరేట్‌ శాంసంగ్‌ మొబైల్‌ ఫోన్ల వ్యాపారం ప్రారంభించిందా? ఉపాధి హామీ పథకం సిబ్బంది వద్దంటున్నా బలవంతంగా పాత స్మార్ట్‌ఫోన్లను అంటగట్టే ప్రయత్నాలు ప్రారంభిం చిందా? స్మార్టు ఫోన్లు ఉన్నా మళ్లీ కొనాల్సి వస్తోందని ఉపాధి హామీ పథకం సిబ్బంది వాపోతున్నారా? అంటే అవుననే సమాధానాలు వస్తున్నాయి. ఉపాధి పథకం సిబ్బంది వద్ద ఇప్పటికే స్మార్టు ఫోన్లు ఉన్నా అంతగా ఫీచర్లు లేని ఫోన్లను బలవంతంగా అంటగట్టడం ఇందుకు నిదర్శనం. సాక్షి, మచిలీప్నటం: రాష్ట్రంలో జాతీయ గ్రామీణ ఉపాధి హామీ పథకం ప్రారంభించి పదేళ్లు పూర్తయింది. పథకంలో పారదర్శకత కోసం 8 ఏళ్లుగా కూలీల హాజరు, పని కొలతల నమోదు, కూలి చెల్లింపును ఆన్‌లైన్‌లో చేపడుతున్నారు. ఇందు కోసం క్షేత్ర స్థాయి సిబ్బంది మొదలు కార్యాలయ సిబ్బంది వరకు ప్రతి ఒక్కరూ అధునాతన టెక్నాలజీతో కూడిన ఆండ్రాయిడ్‌ స్మార్టు ఫోన్లను వినియోగిస్తున్నారు. 2006లో పథకం ప్రారంభం సమయంలో గ్రామీణాభివృద్ధి శాఖ ఉపాధి హామీ పథకం సిబ్బందికి సాధారణ ఫోన్లు ఉచితంగా అందజేసింది. ఆన్‌లైన్‌ చెల్లింపులు ప్రారంభమవడంతో నాలుగేళ్ల క్రితం రూ.6,700 విలువైన శాంసంగ్‌ ఆండ్రాయిడ్‌ స్మార్ట్‌ ఫోన్లు అందజేసింది. ఫోన్‌ ధరలో 50 శాతం సిబ్బంది చెల్లిస్తే, మిగిలిన మొత్తం గ్రామీణాభివృద్ధి భరిస్తుందని మొదట్లో చెప్పినా ఆ మొత్తాన్ని కూడా సిబ్బంది వేతనం నుంచే వసూలు చేశారు. వద్దన్నా ఫోన్లు సెల్‌ఫోన్‌ కంపెనీల మధ్య పోటీ నేపథ్యంలో అధునాతన సాంకేతిక పరిజ్ఞానంతో, సరికొత్త ఫీచర్లతో మొబైల్‌ ఫోన్లు చౌకధరలకే లభిస్తున్నాయి. ఉపాధి సిబ్బంది కూడా రూ.10 వేలకు పైగా విలువైన లేటెస్ట్‌ మోడల్‌ స్మార్ట్‌ఫోన్లతో రోజువారీగా కూలీల హాజరు, కొలతలు, జీపీఎస్‌ ద్వారా క్షేత్రస్థాయి నుంచే ఎన్‌ఆర్‌ఈజీఎస్‌ వెబ్‌సైట్‌కు అప్‌లోడ్‌ చేస్తున్నారు. క్షేత్రస్థాయి ఫీల్డ్‌ అసిస్టెంట్లతో పాటు మేట్లు కూడా వీటినే వినియోగిస్తున్నారు. ఈ నేథ్యంలో ఇటీవల ఎన్‌ఆర్‌ఈజీఎస్‌ సరఫరా చేసే స్మార్ట్‌ ఫోన్లు ఎవరికి కావాలంటూ గ్రామీణాభివృద్ధి శాఖ కమిషనరేట్‌ నుంచి ఉపాధి సిబ్బందిని అడిగారు. 80 శాతం మందికి పైగా క్షేత్రస్థాయి సిబ్బంది తమకు అవసరం లేదని స్పష్టం చేశారు. అయితే రాష్ట్రంలోని అన్ని డ్వామా ప్రాజెక్టు డైరెక్టర్‌ కార్యాలయాలకు పాతబడిన శాంసంగ్‌ జే2 ప్రో మొబైల్‌ పార్శిళ్లు వచ్చిచేరాయి. జిల్లాలో గ్రామీణాభివృద్ధి శాఖలో ఏపీడీ, పీఓ, టెక్నిలక్‌ అసిస్టెంట్స్, సీనియర్‌ మేట్లు కలిపి 1035 మంది ఉన్నారు. వారందరికీ రూ.93 లక్షలు వెచ్చించి కొనుగోలు చేశారు. ఇప్పటికే 80 శాతం ఫోన్లను ఎంపీడీఓ కార్యాలయాలకు సరఫరా చేశారు. కొంత మంది సిబ్బందికి సైతం పంపిణీ చేశారు. మిగిలిన వారికి రెండు మూడు రోజుల్లో అందజేయనున్నారు. సిబ్బంది అప్పుగా ఫోన్లు ఇచ్చి, నెలకు రూ.900 చొప్పున జీతంలో కోత విధించనున్నారు. పాత ఫోన్లకు అధిక ధర శ్యాంసంగ్‌ జే2 ప్రో మోడల్‌ పాతబడింది. ప్రస్తుతం సరికొత్త జే7 మోడల్‌ మార్కెల్లో లభిస్తోంది. ఈ ఫోన్ల కంటే ఎక్కువ ఫీచర్స్‌ ఉన్న వీవో, అప్పో ఫోన్లు చౌకగా లభిస్తున్నాయి. ఆ కంపెనీలతో పోల్చితే శాంసంగ్‌ బ్యాటరీ లైఫ్, ఫీచర్స్‌ కూడా తక్కువే. అమెజాన్‌ వంటి ఆన్‌లైన్‌ సంస్థ రూ.8,470 రూపాయలకే విక్రయిస్తున్న జే2 ప్రో ఫోన్‌ను రూ.9080కు అంటగడుతున్నారు.రాష్ట్ర వ్యాప్తంగా దాదాపు 26,786 మందికి అంటగట్టేందుకు రూ.24.32 కోట్లు వెచ్చించి ఫోన్లుకొన్నారు. ఇన్ని ఫోన్లు కొంటే ఆన్‌లైన్‌ ధరకంటే తక్కువకే రావాలి. అయితే ధర అంతకు విరుద్ధంగా ఉంది. అధికార పార్టీ ప్రజా ప్రతినిధుల పాత్ర దాగుందని, ఇందులో భాగంగానే తమ కమీషన్ల కోసం సిబ్బందిని పావులుగా వాడుకుంటున్నారన్న ఆరోపణలున్నాయి.

సాక్షి, అమరావతి: తెలుగుదేశం పాలనలో ఆత్మలకు ప్రాణమొస్తోంది. ప్రాణం రావడమే కాదు ఉపాధి హామీ పథకంలో పనిచేస్తున్నాయి. బిల్లులు కూడా తీసుకుంటున్నాయి. కావాలంటే పశ్చిమ గోదావరి జిల్లా నల్లజర్ల మండలం తెలికిచర్ల గ్రామానికి వెళ్లి చూడండి. ఈ గ్రామానికి చెందిన పాముల గంగరాజు 2010లో ఉపాధి హామీ పథకంలో కూలీగా నమోదు చేసుకున్నారు. గంగరాజు, భార్య చింటమ్మ పేరిట ఆ కుటుంబానికి 050681324014010959 నెంబరుతో జాబ్‌కార్డును ప్రభుత్వం జారీ చేసింది. గంగరాజు అనారోగ్యం పాలై 2013లో మరణించారు. అతడి మరణాన్ని ధ్రువీకరిస్తూ తెలికిచెర్ల గ్రామ పంచాయతీ కార్యదర్శి అదే ఏడాది మరణ ధ్రువీకరణ పత్రాన్ని కూడా జారీ చేశారు. కానీ చనిపోయిన గంగరాజు ఏప్రిల్, మే, జూన్‌ నెలల్లో 48 రోజులు పాటు పనిచేసినట్టు ఉపాధి హామీ పథకం రికార్డులో పేర్కొన్నారు. ఆ మేరకు బిల్లులు కూడా తీసుకున్నారు. స్థానిక టీడీపీ నేతలు, అధికారులు కుమ్మక్కై గ్రామంలో ఉన్న మరో పాముల గంగ రాజు పేరిట బ్యాంకు ఖాతాలు తెరిచి, దాని ద్వారా డబ్బులు డ్రా చేశారని సమాచారం. చనిపోయిన గంగరాజు తండ్రి పేరు రాముడు అని ఉపాధి పథకం జాబ్‌ కార్డులో ఉండగా... డబ్బులు తీసుకున్న గంగరాజు తండ్రి పేరు నాగేశ్వరరావు కావడం గమనార్హం. అయినా అవేమీ పట్టించుకోకుండా బిల్లులు చెల్లించడం రాష్ట్రంలో ఉపాధి హామీ పథకం అమలు తీరుకు అద్దం పడుతోంది.  రాష్ట్రమంతటా దొంగమస్టర్ల దందానే చనిపోయిన గంగరాజు పేరుతో బిల్లులు తీసుకున్నట్లే దొంగ మస్టర్ల దందా రాష్ట్రమంతటా యధేచ్చగా జరుగుతుంది. రాష్ట్ర ప్రభుత్వంలో ఉన్న పెద్దలే ఇప్పుడు పరోక్షంగా ఉపాధి హామీ పథకంలో దొంగ మస్టర్ల ప్రక్రియను ప్రోత్సహిస్తున్నారని అధికార యంత్రాంగం ఆరోపిస్తోంది. ఉపాధి హామీ పథకంలో కూలీలకు నేరుగా వారి బ్యాంకు ఖాతాలో కూలీ డబ్బులు చెల్లిస్తున్న కేంద్ర ప్రభుత్వం... కూలీలు జిల్లాల వారీగా చేసిన పని విలువను బట్టి రాష్ట్రానికి మెటీరియల్‌ నిధులను విడుదల చేస్తోంది. పథకంలో కూలీ ద్వారా రూ.60 పని జరిగినట్టు రికార్డులు చూపితే మరో రూ.40 చొప్పున రాష్ట్రానికి 40 శాతం మెటీరియల్‌ నిధులు మంజూరు చేస్తోంది. ఈ 40 శాతం మెటీరియల్‌ నిధులతో గ్రామాల్లో పెద్ద మొత్తంలో కాంట్రాక్టు పనులు అప్పగిస్తున్నారు. గ్రామీణ ప్రాంతాల్లో చంద్రబాట పథకంలో వేసే సిమెంట్‌ రోడ్లు నిర్మాణానికి, అంగన్‌వాడీ, గ్రామ పంచాయతీ, మండల పరిషత్‌ కార్యాలయాల నిర్మాణాలకు ఉపాధి హామీ పథకంలో కేంద్రం నుంచి అందే మెటీరియల్‌ నిధులే దిక్కు. ఎన్టీఆర్‌ గృహ నిర్మాణ పథకంలో ఇల్లు మంజూరు చేసిన ప్రతి లబ్ధిదారుడు ఒక్కొక్కరికీ రూ. 55 వేలు ఉపాధి హామీ పథకం నిధులను చెల్లిస్తున్నారు. స్మశానాల చుట్టూ ప్రహరీ గోడ, పాఠశాలల్లో ఆటస్థలాలు, చివరకు మినీ స్టేడియాలకు ఈ రకమైన ‘ఉపాధి’ నిధులను ఖర్చు చేయాలని ప్రభుత్వం అధికారులకు ఆదేశించింది. దీంతో సిమెంట్‌ రోడ్లు, ప్రభుత్వ భవనాల నిర్మాణాలకు అవసరమయ్యే ఉపాధి హామీ పథకం మెటీరియల్‌ నిధులు కేంద్రం నుంచి ఎక్కువ మొత్తంలో విడుదల కావాలంటే రాష్ట్రంలో కూలీల ద్వారా ఎక్కువ పని జరిగినట్టు రికార్డులు చూపించాలి. ఈ నేపథ్యంలో ఉపాధి పథకం 40 శాతం మెటీరియల్‌ నిధులను కేంద్రం నుంచి అధిక మొత్తం రాబట్టుకునేందుకు కూలీల పని కల్పనకు ప్రభుత్వం గ్రామాల్లో ఫీల్డు అసిస్టెంట్లకు టార్గెటు విధించింది. ప్రతి రోజూ ప్రతి జిల్లాకు లక్షల మంది చొప్పున కూలీలకు పని కల్పించాలని ఉన్నతాధికారులు ఆదేశించడంతో టార్గెట్లు పూర్తి చేసే ప్రక్రియ సులభమైన దొంగ మస్టర్ల నమోదు దందా ఊపందుకుంది.  రెండురకాల ప్రయోజనాలతో నేతలదే హవా! గ్రామంలో ఉపాధి హామీ పథకంలో ఎక్కువ మంది పనిచేసిన దాని ప్రకారమే ఆ జిల్లా పరిధిలోని గ్రామాల్లో సిమెంట్‌ రోడ్లకు నిధులు కేటాయింపు ఉంటుందని ముఖ్యమంత్రి సహా మంత్రులు, అధికార పార్టీ ఎమ్మెల్యేలు టీడీపీ అంతర్గత సమావేశాల్లో ప్రచారం చేశారు. దీంతో గ్రామ స్థాయి టీడీపీ నేతలు తమ పరిధిలోని ఫీల్డు అసిస్టెంట్ల ద్వారా దొంగ మస్టర్లతో ఎక్కువ పనిచేసినట్టు చూపించే ప్రక్రియకు తెరతీశారు. తమకు అనుకూలమైన వారి పేరిట పంట కుంట (ఫామ్‌ ఫాండ్‌)లను మంజూరు చేసి, వాటిని పొక్లెయిన్‌ మెషీన్ల ద్వారా తవ్వించి, అదే పనిని కూలీలతో చేయించినట్టు రికార్డులు నమోదు చేయిస్తున్నారు. రూ.5 వేలు ఖర్చు పెట్టి పొక్లెయిన్ల ద్వారా చేసిన పనికి రూ. 30–40 వేల పనిని కూలీల ద్వారా చేసినట్టు చూపి సొమ్ము చేసుకుంటున్నారు. ఆ విధంగా రెండు రకాలుగా ప్రయోజనాలు పొందుతున్నారు.  నెల్లూరు జిల్లాలో పోలీసు కేసు పొక్లెయిన్ల సహాయంతో తవ్విన పంట కుంటకు తమకు తెలిసిన కూలీల పేర్లతో పనిచేసినట్టు చూపి బిల్లు చేసుకోవడంపై శ్రీ పొట్టి శ్రీరాములు నెల్లూరు జిల్లాలో ఇటీవల పోలీసు కేసు కూడా నమోదైంది. దుత్తలూరు మండలంలో కొందరు టీడీపీ నేతలు తమ గ్రామంలోని ఫీల్డు అసిస్టెంట్‌ సహాయంతో పొక్లెయిన్ల ద్వారా తవ్విన దాదాపు 10 పంట కుంటలకు కూలీల పేరుతో బిల్లు చేసుకున్నట్టు నమోదు చేసుకున్నారు. కేంద్ర ప్రభుత్వం నిర్వహించిన సోషల్‌ ఆడిట్‌లో ఈ విషయాలు వెలుగులోకి రావడంతో సిబ్బంది నుంచి ఆ మొత్తాన్ని రికవరీ చేయాలని ఉన్నతాధికారులు నిర్ణయించారు. దీంతో కొందరు టీడీపీ నేతలు పొక్లెయిన్ల ద్వారా తవ్విన దానికి కూలీల ద్వారా చేయించినట్టు మోసగించి తమ ద్వారా బిల్లు చేసుకున్నారంటూ సంబంధించిన సిబ్బంది మండల పోలీసు స్టేషన్లలో ఫిర్యాదు చేశారు. ప్రస్తుతం ఈ కేసు విచారణలో ఉంది. 

సాక్షి ప్రతినిధి, విజయనగరం: ఆమెకు తల్లిదండ్రుల్లేరు.. పేదరికం కారణంగా వివాహమూ కాలేదు.. చిన్న ఉద్యోగం చేసుకుంటూ పొట్టపోసుకుంటోంది. ఆమెపై ఎటువంటి అవినీతి ఆరోపణలు లేవు.. అయినా ఆ నిరుపేదరాలిపై కక్షగట్టారు. నాలుగు మెతుకులు పెడుతున్న ఆ చిన్న ఉద్యోగం నుంచి ఆమెను తొలగించారు. ఆమె చేసిన తప్పల్లా.. పై అధికారి కోరిక తీర్చకపోవడమే. దీంతో ఉపాధి కోల్పోయి వీధినపడ్డ ఆ అభాగ్యురాలు తనకు న్యాయం చేయాలంటూ ‘సాక్షి’ని ఆశ్రయించింది.   ఉద్యోగమే ఆధారం: విజయనగరం జిల్లా జామి మండలం, లొట్లపల్లి గ్రామానికి చెందిన ఆమె పేరు జన్నెల వాణిశ్రీ. నిరుపేద కుటుంబం. తల్లిదండ్రులు వ్యవసాయ కూలీలు. ఐదుగురు ఆడపిల్లల్లో వాణిశ్రీ చిన్నమ్మాయి. ఇంటర్‌ వరకు చదివిన వాణిశ్రీ నాలుగేళ్ల పాటు కూలి పనులకెళ్లారు. 2006లో ఉపాధి హామీ పథకం రావడంతో ఫీల్డ్‌ అసిస్టెంట్‌గా ఉద్యోగంలో చేరారు. అప్పటి నుంచీ మరో వ్యాపకం లేకుండా విధులకు అంకితమయ్యారు. 2008–09 సంవత్సరాల్లో తల్లిదండ్రులు కాలం చేశారు. ఒకప్పుడు కట్నం ఇవ్వలేక తల్లిదండ్రులు ఆమెకు పెళ్లి చేయలేకపోయారు. ఇప్పుడు పెళ్లి గురించి ఆలోచించే పరిస్థితిలో ఆమె జీవితం లేదు. కోరిక తీర్చు.. లేదా డబ్బులు కట్టు! ఈ నేపథ్యంలో పైఅధికారి కన్ను తనపై పడుతుందని ఆమె ఊహించలేదు. అతని బుద్ధి తెలిసి కుంగిపోయారు. డబ్బుకి పేదనైనా.. గుణానికి కాదంటూ అతని కోరికను తిరస్కరించారు. అదే ఆమె చేసిన నేరమన్నట్లు ఆమెకు వేధింపులు మొదలయ్యాయి. ఉన్నవి, లేనివి కల్పించారు. రికార్డులు తారుమారు చేసి ఈ ఏడాది ఫిబ్రవరి నుంచి ఆమెను విధులకు రావొద్దన్నారు. ఆపై ఈ నెల 16వ తేదీన ఉద్యోగంలోంచి తొలగించారు. ఉద్యోగం కావాలంటే కోరిక తీర్చాలి లేదా.. రూ.30 వేలైనా ఇవ్వాలని పైఅధికారి చేసిన ప్రతిపాదన విని ఆమె కన్నీరు మున్నీరయ్యారు. న్యాయం కోసం డ్వామా పీడీకి, జిల్లా కలెక్టర్‌కు నేరుగా ఫిర్యాదుచేసినా ఫలితం లేకుండాపోయిందని ఆవేదన వ్యక్తంచేశారు. విచారించాకే చర్యలు ఫిబ్రవరి నుంచి వాణిశ్రీ విధులకు హాజరు కావడం లేదు. దీనిపై విచారణ జరిపి విధుల నుంచి తొలగిస్తున్నట్లు ఆదేశాలు జారీచేశాం. ఆమె స్థానంలో జన్మభూమి కమిటీ సూచించిన వ్యక్తిని నియమించాం. – శ్రీహరి, ఐదు మండలాల క్లస్టర్‌ ఏపీడీ. ఆమె మాటలు అవాస్తవం ఫీల్డ్‌ అసిస్టెంట్‌ వాణిశ్రీ చేస్తున్న ఆరోపణలు అవాస్తవం. ఆమెను ఏ రకంగానూ వేధించలేదు. విధి నిర్వహణలో ఆమె చాలా నిర్లక్ష్యంగా వ్యవహరిస్తుంటుంది. రికార్డులు కూడా సక్రమంగా నిర్వహించడం లేదు. ఆమెను తొలగించడానికి ఇంకా చాలా కారణాలున్నాయి. ఆమె స్థానంలో ఎవరో ఒకరిచే పనిచేయించుకోవాలి కాబట్టి వేరొకరిని నియమించుకున్నాం.  – పి.కామేశ్వరరావు, ఉపాధి హామీ ఏపీవో, జామి మండలం.  

నెల్లూరు(పొగతోట): గూడూరు రూరల్‌ మండలంలోని ఉపాధిహామీ ఏపీఓ సుబ్బరాయుడిపై దాడి చేసిన అధికారపార్టీ నాయకుడి తనయుడు నాగరాజు, అతని అనుచరులను అరెస్ట్‌ చేయాలని మహాత్మాగాందీ జాతీయ గ్రామీణ ఉపాధి హామీ పథకం ఉద్యోగుల సమాఖ్య(జేఏసీ) జిల్లా అధ్యక్ష, కార్యదర్శులు బద్దిపూడి మధు, వల్లూరు దయానంద్‌ డిమాండ్‌ చేశారు. ఉపాధి హామీ సిబ్బందికి రక్షణ కల్పించాలని కోరుతూ సోమవారం కలెక్టరేట్‌ ఎదుట ధర్నా నిర్వహించారు. ఈ సందర్భంగా వారు మాట్లాడుతూ ఏపీఓపై అధికారపార్టీకి చెందిన వ్యక్తులు 20 మంది చుట్టుముట్టి మేము చెప్పిన పనులు చేయవా అంటూ పిడిగుద్దులు గుద్దుతూ, కాళ్ళతో తన్నారని ఆవేదన వ్యక్తం చేశారు. ఏపీఓ ప్రాణభయంతో పోలీస్‌స్టేషన్‌కు పరుగులు తీసిన పోలీసులు పట్టించుకోలేదన్నారు. ఉపా«ధి సిబ్బంది అభద్రతతో పనులు చేయలేమని తెలిపారు. ఈ మేరకు కలెక్టర్‌ ఆర్‌.ముత్యాలరాజుకు వినతిపత్రం సమర్పించారు.  జ్ఞానప్రకాష్, శ్రీనివాసులు తదితరులు పాల్గొన్నారు. రాష్ట్రపతి, ప్రధాని చిత్రపటాలు ప్రభుత్వ కార్యాలయాల్లో ఉంచాలి రాష్ట్రపతి, ప్రధాని చిత్రపటాలు ప్రభుత్వ కార్యాలయాల్లో ఏర్పాటు చేసేలా అధికారులు చర్యలు తీసుకోవాలని బీజేపీ రాష్ట్ర ప్రధాన కార్యదర్శి ఎస్‌. సురేష్‌రెడ్డి కోరారు. ఈ మేరకు సోమవారం కలెక్టరేట్‌ ఎదుట ధర్నా నిర్వహించారు.  ఈ మేరకు.. కలెక్టర్‌ ఆర్‌.ముత్యాలరాజుకు వినతి పత్రం సమర్పించారు. రాష్ట్రపతి, ప్రధాన మంత్రి చిత్రపటాలను అధికారులకు అందజేశారు.  ఈ కార్యక్రమంలో బీజేపీ నాయకులు తదితరులు పాల్గొన్నారు.  న్యాయం చేయండి అల్లూరు చెరువు భూముల్లో పంటలు సాగు చేసుకుంటూ జీవనం సాగిస్తున్న యానాదులకు న్యాయం చేయాలని యానాది సంక్షేమ సంఘం జిల్లా అధ్యక్షుడు పెంచలయ్య కోరారు. ఈ మేరకు సోమవారం కలెక్టరేట్‌ ఎదుట ధర్నా నిర్వహించారు. ఈ సందర్భంగా ఆయన మాట్లాడుతు చెరువు భూముల్లో 140 యానాది కుటుంబాలు సాగు చేసుకుంటూ జీవనం సాగిస్తున్నట్లు తెలిపారు. సమ్మర్‌స్టోరేజ్‌ కోసం ఆ భూముల్లో ఐదెకరాలు మాత్రమే ప్రభుత్వం తీసుకుందన్నారు. గతంలో పంటలు సాగు చేసుకున్న యానాదులు భూముల్లోకి వెళితే ఎస్సీలు దౌర్జన్యం చేస్తున్నారని ఆవేదన వ్యక్తం చేశారు.  న్యాయం చేయాలని కలెక్టర్‌ ఆర్‌.ముత్యాలరాజుకు వినతిపత్రం సమర్పించారు. భూస్వాముల నుంచి రక్షణ కల్పించండి.. పేద రైతులకు భూ స్వాముల నుంచి రక్షణ కల్పించేలా జిల్లా అధికారులు చర్యలు తీసుకోవాలని సీపీఐ సినియర్‌ నాయకులు పి.దశరథరామయ్య, వి. రామరాజు, ఏఐటీయూసీ జిల్లా కార్యదర్శి దామా అంకయ్య డిమాండ్‌ చేశారు. ఈ మేరకు సోమవారం కలెక్టరేట్‌ ఎదుట ధర్నా నిర్వహించారు. ఈ సందర్భంగా వారు మాట్లాడుతు. నెల్లూరు రూరల్‌ మండలం కందమూరులో 150 ఎకరాల ప్రభుత్వ భూములను నిరుపేదలు సాగు చేసుకుంటూ జీవనం సాగిస్తున్నారని తెలిపారు. అయితే నెల్లూరుకు చెందిన వ్యాపారులు సాగు చేయనివ్వకుండా రైతులపై క్రిమినల్‌ కేసులు పెట్టారని తెలిపారు. అప్పటి కలెక్టర్‌ భూములను పరిశీలించి వ్యాపారులకు ఇచ్చిన పట్టాలను రద్దు చేయమని ఆదేశించినట్లు గుర్తుచేశారు.  ప్రస్తుతం దొంగ పట్టాలు సృష్టించి రైతులను భూముల్లోకి దిగనివ్వకుండా అడ్డుపడుతున్నారన్నారు. భూములు సాగు చేస్తున్నా వారికి పట్టాలు ఇచ్చేలా చర్యలు తీసుకోవాలని కలెక్టర్‌ ఆర్‌.ముత్యాలరాజుకు వినతిపత్రం సమర్పించారు. సొసైటీకి ఎన్నికలు నిర్వహించాలి బ్రాహ్మణక్రాక ఫిషర్‌మెన్‌ కో–ఆపరేటివ్‌ సొసైటీకి ఎన్నికలు నిర్వహించేలా జిల్లా అధికారులు చర్యలు తీసుకోవాలని సొసైటీ సభ్యులు డిమాండ్‌ చేశారు. ఈ మేరకు సోమవారం కలెక్టరేట్‌ ఎదుట ధర్నా నిర్వహించారు. 1975లో జలదంకి మండలం బ్రాహ్మణక్రాక సోసైటీ రిజిస్టర్‌ అయిందన్నారు. ఎన్నికలు నిర్వహించకుండా జరిగినట్లు ప్రచారం చేస్తున్నారని తెలిపారు. కార్యవర్గ సభ్యుల గడువు పూర్తి అయినందున సోసైటీకి ఎన్నికలు నిర్వహించేలా అధికారులు చర్యలు తీసుకోవాలని కోరుతు జిల్లా కలెక్టర్‌ ఆర్‌. ముత్యాలరాజుకు వినతిపత్రం సమర్పించారు.

బోధన్‌రూరల్‌(బోధన్‌): ప్రభుత్వ పథకాల అమలు, గ్రామీణ ప్రజలకు ఉపాధిహామీ కల్పనలో ప్రభుత్వ నిధులు దుర్వినియోగం, నిర్లక్ష్యానికి పాల్పడితే కఠిన చర్యలు తప్పవని జిల్లా గ్రామీణాభివృద్ధి అధికారి వెంకటేశ్వర్లు అన్నారు. సోమవారం బోధన్‌ మండల పరిషత్‌ కార్యాలయంలో 10వ విడత మండలస్థాయి ఈజీఎస్‌ సామాజిక తనిఖీ ప్రజావేదిక నిర్వహించారు. ఈ తనిఖీలో మండలం లోని 32 జీపీల పరిధిలో ఉపాధిహామీ పథకంలో చేపట్టిన అభివృద్ధి పనుల వివరాలు, రికార్డుల నమోదు, నిధుల వినియోగం వంటి అంశాలపై డీఆర్‌డీవో ఆధ్వర్యంలో తనిఖీలు నిర్వహించారు. 2016 సెప్టెంబర్‌ 1 నుంచి 2017 జూన్‌ 30 వరకు మండలంలో మొత్తం రూ. 12కోట్లకు పైగా ప్రభుత్వ నిధులు వినియోగించారని, అయితే ఇందులో సుమారు రూ. 3లక్షల వరకు నిధులు దుర్వినియోగం జరిగినట్లు గుర్తించామని అధికారులు తెలిపారు. ఈ నిధులను ఫీల్డ్‌ అసిస్టెంట్‌లు, సీనియర్‌ అసిస్టెంట్‌లు, టెక్నికల్‌ అసిస్టెంట్‌ల నుంచి రికవరీ చేపట్టామని వారు తెలిపారు. విధుల్లో నిర్లక్ష్యం గా వ్యవరించిన 70మంది మేట్లను తొలగించామని డీఆర్‌డీవో వెంకటేశ్వర్లు తెలిపారు. ఎంపీడీవో మల్లారెడ్డి, ఈవోపీఆర్‌డీ రాజేశ్వర్, ఈజీఎస్‌ ఏపీఓ రాజేశ్వర్, సోషల్‌ ఆడిట్‌ అధికారి చంద్రశేఖర్, ఎస్‌ఆర్పీపీలు రాము, రవి పాల్గొన్నారు.

కొన్ని నిర్ణయాలు అమాయకులను బలితీసుకుంటాయి. కొందరి వేధింపులు కొన్ని బతుకులను రోడ్డున పడేస్తాయి. కొత్తవలసలో ఇటీవల చోటు చేసుకుంటున్న సంఘటనలు అక్కడి అధికారుల నిర్ణయాలను ప్రశ్నిస్తున్నాయి. నెల రోజుల క్రితం ఓ కాంట్రాక్టు బోర్‌ మెకానిక్‌ ఆత్మహత్య చేసుకోగా... తాజాగా ఉపాధిహామీ ఫీల్డు అసిస్టెంట్‌ కూడా ఆ బాటలోనే ప్రాణాలు తీసుకున్నాడు. ఇవి యాదృచ్ఛికమే అయినా... ఇందుకు ప్రోత్సహించిన పరిణామాలను ఉన్నతాధికారులు గుర్తించాల్సిన అవసరం ఉంది. సాక్షిప్రతినిధి, విజయనగరం: కొత్తవలస మండలం కంటకాపల్లి పంచాయతీ ఉపాధి హామీ పథకం క్షేత్రసహాయకుడైన పెదిరెడ్ల ఆనంద్‌ను రెండేళ్ల క్రితం సస్పెండ్‌ చేశారు. సోషల్‌ ఆడిట్‌లో అభ్యంతరాలు వ్యక్తం కావడంతో అప్పటి పీడీ ప్రశాంతి ఈ చర్యలు తీసుకున్నారు. అనంతర కాలంలో అతనిపై వచ్చిన ఆరోపణలు రుజువుకాకపోవడంతో తిరిగి విధుల్లోకి తీసుకోవాల్సిందిగా అక్కడి ఎంపీడీఓ పి.నారాయణరావుకు సూచించారు. కానీ ఆయన మాత్రం ఇంకా ఆనంద్‌ సస్పెన్షన్‌లోనే ఉన్నాడంటున్నారు. రెండేళ్ల నుంచి ఆనంద్‌ విధులు నిర్వర్తిస్తున్నాడని స్థానికులు చెబుతున్నారు. ఆయన చేసిన సంతకాలను కంప్యూటర్‌ ఆపరేటర్, ఏపీఓ, ఎంపీడీఓలు ధ్రువీకరించి లక్షల రూపాయల బిల్లులు కూడా చేసేశారు. గత జూలై 15వ తేదీ వరకూ ఉపాధి పనులకు సంబంధించి ఎన్‌ఎంఆర్‌ షీట్లలో ఆనంద్‌ చేసిన సంతకాలు ఉన్నాయి. రెండేళ్ల క్రితమే విధులకు దూరమైన ఉద్యోగి వాటిలో ఎలా సంతకాలు చేశారన్నది జవాబు లేని ప్రశ్న. జీతం లేకున్నా... కానీ ఆయనకు రెండేళ్లుగా జీతం రావడం లేదు. ఇంతలో ఏమైందో ఏమో మూడు నెలల క్రితం నుంచే ఆనంద్‌ను విధులకు రానివ్వడం లేదు. రెండేళ్లుగా జీతం లేక, మూడు నెలలుగా ఉద్యోగం లేకపోవడంతో తీవ్ర మనస్తాపానికి గురై ఆనంద్‌ ఉరివేసుకుని ఆత్మహత్య చేసుకున్నాడు. ఆనంద్‌ ఇచ్చిన రికార్డుల ఆధారంగా ఉపాధి హామీలో దాదాపు రూ.40 లక్షల బిల్లులు మంజూరయ్యాయి. రెండేళ్ల క్రితం సస్పెండ్‌ అయిన ఆనంద్‌ సంతకానికి ఇన్ని లక్షల రూపాయలు ఎలా విడుదలయ్యాయి. మూడు నెలల క్రితం నుంచే విధులకు హాజరుకాకపోవడం ఏమిటి ఇవన్నీ అనుమానాలు రేకెత్తిస్తున్న అంశాలే. నెల రోజుల క్రితం బోర్‌మెకానిక్‌... గ్రామీణ నీటి సరఫరా విభాగంలో(ఆర్‌డబ్ల్యూస్‌) కాంట్రాక్ట్‌ బోర్‌ మెకానిక్‌గా పనిచేస్తున్న మునగపాక శ్రీనివాసరావు కొత్తవలస–కె కోటపాడు రోడ్డులో ఉన్న పాత ఎంపీడీఓ కార్యాలయం సమీపంలోని ఆర్‌డబ్ల్యూఎస్‌ కార్యాలయంలో గత నెల 14వ తేదీన ఫ్యాన్‌కు ఉరివేసుకుని ఆత్మహత్య చేసుకున్నారు. నిజానికి ఆయన మరణానికి కూడా అధికారులే కారణమంటున్నారు. మూడు నెలల పాటు అతనికి జీతం ఇవ్వకుండా నిలిపివేయడంతో అతను మనస్తాపం ప్రాణాలు తీసుకున్నాడన్నది ఆరోపణ. అతను మరణించిన తర్వాత కూడా ప్రాణాంతక వ్యాధివల్ల ఆత్మహత్య చేసుకున్నాడని అధికారులతో కలిసి స్థానిక ప్రజాప్రతినిధి ఒకరు తప్పుడు ప్రచారం చేయగా తన్నులు కూడా తిన్నారు. ఈ కేసు ఇంకా నడుస్తోంది. ఈ లోగానే ఆనంద్‌ ఆత్మహత్య చేసుకోవడం, ఇద్దరూ ఒకే ఎంపీడీఓ పరిధిలో పనిచేసేవారే కావడం విశేషం.

సాక్షి, అమరావతి: రాష్ట్ర అభివృద్ధిని వైఎస్సార్‌ కాంగ్రెస్‌ పార్టీ అడ్డుకుంటోందంటూ విస్తృతంగా ప్రచారం చేయాలని టీడీపీ నేతలను తెలుగుదేశం పార్టీ అధినేత, సీఎం చంద్రబాబు ఆదేశించారు. ఇందుకు కరపత్రాలు పంపిణీ చేయాలని సూచించారు. ‘ఇంటింటికి తెలుగుదేశం’ కార్యక్రమం జరుగుతున్న తీరుపై బుధవారం  చంద్రబాబు తన నివాసం నుంచి వీడియో కాన్ఫరెన్స్‌ ద్వారా సమీక్షించారు. ఉపాధి హామీ పనులను కార్మికులతో కాకుండా యంత్రాలతో చేయిస్తున్నారంటూ వైఎస్సార్‌సీపీ ఎంపీలు వైవీ సుబ్బారెడ్డి, అవినాశ్‌రెడ్డి కేంద్ర ప్రభుత్వానికి ఫిర్యాదు చేశారని సీఎం వివరించారు.యంత్రాలతో చేయిస్తున్నా మన్న విషయాన్ని పక్కనపెట్టి.. వైఎస్సార్‌సీపీ వల్లే ఉపాధి హామీ పథకం నిధులు రాలేదని ప్రచారం చేయాలని సూచించారు.  కొత్త నాయకులు వస్తారని హెచ్చరిక ‘ఇంటింటికి తెలుగుదేశం’ కార్యక్రమం కొన్ని నియోజకవర్గాల్లో తూతూమంత్రంగా జరగడంపై బాబు ఆగ్రహం వ్యక్తం చేశారు. పనితీరు సరిగా లేకపోతే రాజకీయ భవిష్యత్‌ ఉండదని, వారి స్థానంలో కొత్త నాయకులు వస్తారని హెచ్చరించారు. జిల్లా పార్టీ ఇన్‌చార్జ్‌లు అన్ని నియోజకవర్గాల్లో కార్య క్రమం ఎలా జరుగుతుందో రోజూ తెలుసు కోవాలన్నారు. పార్టీ ఎమ్మెల్యేలు లేనిచోట నియోజకవర్గ ఇన్‌చార్జ్‌లు ఈ కార్యక్రమం నిర్వహించాలన్నారు. ఇళ్ల నిర్మాణంతో పాటు రేషన్‌ షాపుల్లో చక్కెర, కిరోసిన్‌ అందడం లేదంటూ ప్రజలు మండిపడుతున్నారని పలువురు నేతలు చెప్పగా బాబు పరిశీలిద్దామంటూ జవాబిచ్చారు. 


 ♦ వాయిదా పడ్డ కేంద్ర బృందం పర్యటన
 ♦ ఊపిరి పీల్చుకుంటున్న ‘ఉపాధి’ సిబ్బంది
 ♦ రికార్డుల్లో లొసుగులతో అంతర్గత మధనం
 ♦ అంతర్గత ఆడిట్‌లో సంతృప్తికర ఫలితాలు
 ♦ వచ్చాయంటున్న అధికారులు
 
 రికార్డుల పరిశీలనకు కేంద్ర బృందం రానున్నదనే సమాచారంతో ఉపాధి హామీ పథకం సిబ్బందిలో గుబులు మొదలైంది. హడావుడిగా గత కొన్ని రోజులుగా రాత్రనకా, పగలనక రికార్డులు సేకరించే పనిలో పడ్డారు. సంబంధిత జిరాక్సు కాపీలకే వేల రూపాయలు ఖర్చయ్యాయంటే ఏమేరకు సిద్ధపడ్డారో అర్థం చేసుకోవచ్చు. అయితే ఇప్పుడు కేంద్రం బృందం పర్యటన తాత్కాలికంగా వాయిదా పడిందన్న సమాచారంతో కాస్త ఊపిరిపీల్చుకుంటున్నారు...
 
 సాక్షి, మచిలీపట్నం : ఉపాధి హామీ పథకం సిబ్బందికి కాస్త ఉపశమనం కలిగినట్లయింది. ఇప్పటి వరకు పథకంలో చేపట్టిన పనులకు సంబంధించిన రికార్డుల పరిశీలనకు ఈనెలలో రాష్ట్ర, కేంద్ర బృందాలు జిల్లాలో పర్యటించనున్నట్లు వార్తలు వెలువడ్డాయి. ఈ నేపథ్యంలో ఉపాధి హామీ పథకం సిబ్బంది, అధికారులు హడావుడిగా రికార్డులు సిద్ధం చేసుకున్నారు. తమ తప్పులు ఎక్కడ బహిర్గమవుతాయోనని ఆందోళన చెందిన విషయం తెలిసిందే. అయితే ప్రస్తుతం జిల్లాకు రాష్ట్ర బృందం మాత్రమే తనిఖీలకు వచ్చినట్లు సమచారం. కేంద్ర బృందం తూర్పుగోదావరి జిల్లా పర్యటనకు వెళ్లినట్లు తెలిసింది. దీంతో జిల్లా ఉపాధి అధికారులు ఊపిరి పీల్చుకుంటున్నారు. కేంద్ర బృందం పకడ్బందీగా తనిఖీలు నిర్వహిస్తే.. ఆ తనిఖీ ల్లో రికార్డుల నిర్వహణ, నిధుల వెచ్చింపుల్లో తేడాలు వస్తే శాఖపరమైన చర్యలకు బలవ్వాల్సిన పరిస్థితి వస్తుందని మదన పడ్డారు.
 
 అంతర్గత ఆడిట్‌లో సంతృప్తికర ఫలితాలు !
 ఉపాధి పథకం నిధులతో జిల్లావ్యాప్తంగా అనేక అభివృద్ధి పనులు చేపడుతున్నారు. ఏటా రూ.కోట్లు వెచ్చిస్తున్నారు. గ్రామీణ ప్రాంతాలు, పంచాయతీల్లో రహదారుల నిర్మాణం, మరుగుదొడ్లు, ఎన్టీఆర్‌ గృహాలు తదితర వాటికి రూ.కోట్ల నిధులు మంజూరవుతున్నాయి. గత ఐదేళ్లలో జిల్లా వ్యాప్తంగా రూ.400 కోట్లతో వివిధ ప్రాంతాల్లో ఉపాధి పనులు చేపట్టినట్లు సమాచారం. కాగా ఈ పనులకు సంబంధించిన రికార్డుల నిర్వహణ గతంలో గందరగోళంగా ఉండేది. కేంద్ర బృందం జిల్లాలో పర్యటించనుందన్న ఆదేశాలతో అధికారులు రికార్డుల క్రమబద్ధీకరణకు శ్రీకారం చుట్టారు. ఒక్కో మండలంలో రూ.50 వేలు జిరాక్స్‌ కాపీలకే వెచ్చించారంటే ఏ మేరకు క్రమబద్ధీకరించారో అర్థం అవుతోంది. గత నెలలోనే బృందం జిల్లాకు రావాల్సి ఉండగా.. వాయిదా పడుతూ వచ్చింది.
 
 ఈనెలలో కూడా బృందం వచ్చే సూచనలు కనిపించకపోవడంతో ఉద్యోగుల్లో ఆనందం వెల్లువెత్తుతోంది. ఈ నేపథ్యంలో ముందస్తు జాగ్రత్తగా అధికారులు ఐదేళ్లుగా ఉపాధి పథకం నిధుల వ్యయంపై అంతర్గత ఆడిట్‌ నిర్వహించారు. ఆ ఆడిట్‌లో ఎలాంటి అవకతవకలు, నిధుల దుర్వినియోగం బహిర్గతం కాలేదని డ్వామా పీడీ రాజగోపాల్‌ తెలిపారు. తాను బాధ్యతలు స్వీకరించినప్పటి నుంచి ఎలాంటి అవకతవకలకు ఆస్కారం ఇవ్వలేదన్నారు. రికార్డుల నిర్వహణ సైతం పక్కాగా చేపడుతున్నట్లు తెలిపారు. ఈ నేపథ్యంలోనే అంతర్గత ఆడిట్లో సైతం ఎలాంటి తప్పులు బయటపడలేదని అభిప్రాయం వ్యక్తం చేస్తున్నారు.


 ► గ్రామీణాభివృద్ధి మంత్రి జూపల్లి
 
 సాక్షి, న్యూఢిల్లీ: ఉపాధి హామీ పథకంకింద కూలీ లకు వేతన బకాయిలను దసరా లోపు చెల్లించేందుకు చర్యలు చేపట్టినట్టు తెలంగాణ గ్రామీణాభి వృద్ధి శాఖ మంత్రి జూపల్లి కృష్ణారావు తెలిపారు. గురువారం ఇక్కడ కేంద్ర గ్రామీణాభివృద్ధి శాఖ కార్యదర్శి అమర్‌జిత్‌ సిన్హాతో భేటీ అయిన అనం తరం కృష్ణారావు మీడియాతో మాట్లాడారు. నరేగా కింద కేంద్రం ఇవ్వాల్సిన రూ.250 కోట్ల బకాయిలను వెంటనే విడుదల చేయాలని కార్యదర్శిని కోరినట్టు తెలిపారు.
 
 కేంద్రం నిధులు విడుదల చేయనం దున వేతనాలు చెల్లించడం ఇబ్బందిగా మారిందని వివరించారు. బకా యిల్లో రూ.200 కోట్లను తక్షణం విడుదల చేసేందుకు చర్యలు తీసు కుంటున్నట్టు కార్యదర్శి చెప్పారని మంత్రి వివరించారు. అలాగే కేంద్ర గ్రామీణాభివృద్ధి శాఖ అదనపు కార్యదర్శి డాక్టర్‌ నగేష్‌సింగ్‌తోనూ జూపల్లి భేటీ అయ్యారు. ఈ సమావేశాల్లో తెలంగాణ ప్రభుత్వ ప్రత్యేక ప్రతినిధి రామచంద్రు తెజావత్‌ తదితరులు పాల్గొన్నారు.


 కేంద్రానికి మంత్రి జూపల్లి లేఖ
 సాక్షి, హైదరాబాద్‌: రాష్ట్రానికి రావాల్సిన ఉపాధి హామీ బకాయిలను వెంటనే విడుదల చేయాలని కేంద్ర పంచాయతీరాజ్, గ్రామీణాభి వృద్ధి శాఖ మంత్రి నరేంద్రసింగ్‌ తోమర్‌కు రాష్ట్ర గ్రామీణాభివృద్ధి శాఖ మంత్రి జూపల్లి కృష్ణారావు విజ్ఞప్తి చేశారు. శనివారం ఈ మేరకు కేంద్ర మంత్రికి లేఖ రాశారు. రూ.500 కోట్ల వేతన, రూ.500కోట్ల మెటీరియట్‌ కాంపోనెంట్‌ నిధులను విడుదల చేయాలని కోరారు. రాష్ట్రం లో 438 మండలాలు, 8,517 గ్రామాల్లో ఉపాధి హామీ పథకాన్ని చేపడుతున్నట్లు తెలిపారు.
 రాష్ట్రంలో వ్యక్తిగత మరుగుదొడ్లు, ఇంకుడు గుం తలు, అంగన్‌వాడీ, గ్రామ పంచాయతీ భవన నిర్మాణాలు, అంతర్గత రోడ్ల నిర్మాణం భారీ స్థాయిలో చేపడుతున్నామన్నారు. ఈ ఆర్థిక సంవత్సరానికి సంబంధించి రూ.250 కోట్ల వేతన, రూ.135 కోట్ల మెటీరియల్‌ కాంపో నెంట్‌ నిధులను కేంద్రం విడుదల చేయాల్సి ఉందని లేఖలో జూపల్లి వివరించారు. కేంద్రం నుంచి నిధుల విడుదలలో జాప్యం వల్ల ఉపాధి పనుల పురోగతికి ఆటంకం ఏర్పడు తోందన్నారు.


 ♦ 2 నెలలుగా ‘ఉపాధి’ బిల్లుల పెండింగ్‌
 ♦ అమలు కాని మూడు రోజుల పేమెంట్‌ ప్రణాళిక
 ♦ పస్తులుంటున్న కూలీలు ఫలితమివ్వని సర్కారు లక్ష్యం
 
 దినాం కూలికి పోవాలె.. మీరు సెప్పినట్టు పనిచేయాలె.. కాని కూలికి మాత్రం నెలల తరబడి ఆగాలె.. గిదేం పనో అర్థమైతలేదు.. రెండు నెలలైంది బిల్లులిచ్చి.. రెక్కల కష్టానికి అప్పుడే పైసలిస్తే బాగుంటది.. చేతిలో చిల్లిగవ్వలేక పస్తులుంటున్నం.. జర మా గురించి పట్టించుకోండయ్యా.. అంటూ ఏ గ్రామానికి వెళ్లినా ఉపాధి హామీ పథకంలో పనిచేస్తున్న కూలీలను అధికారులను ఇలావేడుకుంటున్నారు.  
 
 జెడ్పీసెంటర్‌(మహబూబ్‌నగర్‌) : వలసల నివారణకు ప్రభుత్వం గ్రామాల్లో ప్రతిష్టాత్మకంగా నిర్వహిస్తున్న ఉపాధి హామీ పథకం నీరుగాతోంది. అధికారులు అడిగిన వారందరికీ పని కల్పిస్తున్నా చేసిన కష్టానికి మాత్రం నిరీక్షించేలా చేస్తున్నారు. ప్రభుత్వం జూలైలో రూ.10 నిధులు విడుదల చేసినా వాటిని పంపిణీ చేయడంలో అధికారులు నిర్లక్ష్యం వహిస్తున్నారు. రెండు నెలలనుంచి చెల్లింపులు పెండింగ్‌లో ఉండటంతో కూలీలు పస్తులుండాల్సి వస్తోంది.
 
 రెండు నెలలుగా పెండింగులో..
 జిల్లాలో సుమారు రెండు నెలల నుంచి కూలీ డబ్బులు పెండింగ్‌లో ఉన్నాయి. జిల్లా వ్యాప్తంగా 10,767 మంది కూలీలకు రూ.10 కోట్ల డబ్బులు రావాల్సి ఉంది.  2017–18 ఆర్థిక సంవత్సరం జిల్లాలో 68 లక్షల పని దినాలు కల్పించాలని అధికారులు లక్ష్యంగా పెట్టుకున్నారు. ఇప్పటిదాక 31.45 లక్షల పని దినాలను మాత్రమే కల్పించారు. జూలైలో రూ.14 కోట్ల నిధులు మంజూరయ్యాయి. ఇంకా జిల్లాకు రూ.10 కోట్ల నిధులు విడుదల కావాల్సి ఉంది. కూలి డబ్బుల చెల్లింపు క్రమాన్ని పరిశీలిస్తే 42.14 శాతం కల్పించినట్లు లెక్కలు చెబుతున్నాయి. వారం  రోజులుగా కూలీలు చేసిన కష్టానికి ఆ వారం చివరి రోజు నుంచి మూడు రోజుల్లో చెల్లిం పు ఆర్డర్‌ను జనరేట్‌ చేయాలి. ఈ మేరకు చెల్లింపులు అస్సలు అమలు కావడం లేదు.
 
 పనితీరు ఇలా..
 జిల్లాలో 21 మండలాలు, 485 గ్రామాలు, 1049 ఆమ్లెట్‌ గ్రామాలు ఉన్నాయి. జిల్లాలో మొత్తం 2,49,192 జాబ్‌కార్డులు ఉన్నాయి. 447 గ్రామాల్లో ఉపాధి పనులు జరుగుతున్నాయి. ఇప్పటిదాక 91,653 కుటుంబాలకు పని కల్పించగా ఇందులో 1,47,725 కూలీలకు పని పొందారు. వీటికి ఇçప్పటిదాక 49.16 శాతం వేతనాలను చెల్లించారు. ఇప్పటి దాక 2,06,159 లక్షల పనులు చేపట్టగా ఇందులో 54187 పనులు నిర్మాణంలో ఉన్నాయి. 1,51, 972 పనులు పూర్తి చేశారు.  
 
 బడ్జెట్‌ బాగానే ఉన్నా..
 జిల్లాలో 2017–18 ఆర్థిక సంవత్సరానికి అధికారులు 68 లక్షల పని దినాలతో లేబర్‌ బడ్జెట్‌ తయారు చేశారు. జిల్లాలో 2,49,192 బాజ్‌కార్డులుండగా 10,767 మంది కూలీలకు డబ్బులు రావాల్సి ఉంది. సుమారు రెండునెలల నుంచి 42.14 శాతం మాత్రమే నమోదు కావడంతో క్షేత్రస్థాయిలో ఈ పథకం అమలు లోటుపాట్లున్నట్లు స్పష్టమవుతోంది. ఏటా ఇదే పరిస్థితి కొనసాగుతున్నా అధికారుల శ్రద్ధ చూపడం లేదనే విమర్శలు వస్తున్నాయి.  
 
  పని చేయని ఈఎంఎంఎస్‌
 కూలీల హాజరు, పనుల నాణ్యతలో పారదర్శకత, సిబ్బందికి పని భారం తగ్గించడం కోసం ప్రభుత్వం ప్రమోగాత్మకంగా జీపీఎస్‌తో అనుసంధానించి అమలు చేస్తున్న ఎలక్ట్రానిక్‌ మాస్టర్‌ మెజర్మెంట్‌ సిష్టం (ఈఎమ్మెమ్మెఎస్‌) ఎగతాళికి గురయింది. దీనికోసం ప్రభుత్వం అన్ని స్థాయి ఉద్యోగులకు స్మార్ట్‌ఫోన్లు ఇచ్చింది. క్షేత్రసహాయకుల, సాంకేతిక సహాయకుల కీలక పాత్ర పోషించాల్సి ఉంటుంది. ఏ రోజుకారోజు కూలీల హాజరును ఫీల్డ్‌ అసిస్టెంట్‌ వారం మొత్తం చేసిన పనికి సంబంధించి కొలతలను టెక్నికల్‌ అసిస్టెంబట్‌ ఫొటోలతో సహాయ ఇంటర్నెట్‌లో అప్‌లోడ్‌ చేయాలి. ఉపగ్రహ ఫొటోలు పని ప్రదేశాల వద్ద నుంచి అప్‌లోడ్‌ చేశారా.? లేదా? అనేది ఎక్కడి నుంచి పంపారో తెలిసిపోతుంది. సిబ్బంది అక్రమాలను అరికట్టడమేగాక పనితీరులో మార్పు వస్తుంది. ఈ మాస్టర్‌ ఎంసీపీలో వెంటనే జరరేట్‌ చేయడానికి ఆస్కారం ఉంటుంది. కూలీలకు చెల్లింపు సకాలంలో చేతికందుతాయి.
 
 నిర్లక్ష్యం వీడని సిబ్బంది
 కలెక్టర్‌ రొనాల్డ్‌రోస్‌ ఉపాధి పనులను వేగవంతం చేయడానికి తరచూ జిల్లాలో ఎక్కడో ఓ చోట సమీక్షలు,  క్షేత్రస్థాయిలో పరిశీలనలు చేస్తున్నారు. గ్రామాల్లో ప్రతి ఒక్క ఫీల్డ్‌ అసిస్టెంట్‌ కనీసం 50 మంది కూలీలకు పని కల్పించాలని ఆదేశించారు. కానీ కనీసం పది మందికి కూడా ఉపాధి లభించడంలేదు. అత్యధిక కూలీలున్న ఈ జిల్లాలోనే పథకం  విజయవంతం చేయడానికి అధికార యాంత్రాంగం విఫలమవుతోంది. ఆరు నెలలుగా పనులు అతి తక్కువగా జరుగుతున్నాయి. ప్రతి గ్రామంలో కనీసం వంద మందికి పనులు కల్పించాలని ప్రభుత్వం ఆదేశాలు జారీ చేసినా 20 నుంచి 30 మందికి మించడంలేదు. వారికి నిర్దేశించిన లక్ష్యంలో కేవలం 17 శాతం మాత్రమే పనులు కల్పించారు. అత్యల్పంగా పని కల్పించిన  116 మంది సిబ్బంది జాబితాను తయారుచేశారు.


 ► ఉపాధి హామీ పథకం నిధుల వ్యయంపై కేంద్రం విచారణ
 ► నెలల తరబడి కూలీలకు నిలిచిన చెల్లింపులు
 ► నిధుల వ్యయంలో అవకతవకలే కారణం
 ► నేడు జిల్లాకు కేంద్ర బృందం రాక
 
 ఒంగోలు సెంట్రల్‌: జాతీయ గ్రామీణ ఉపాధి హామీ పథకం తీరుతెన్నులపై కేంద్ర ప్రభుత్వ బృందం నేడు జిల్లాలో పర్యటించి, పరిశీలించనుంది. ఇప్పటికే నిధుల విడుదలను నిలిపేసింది. ఈ పథకం కింద కేంద్రం 90 శాతం నిధులు ఇస్తుండగా, రాష్ట్ర ప్రభుత్వం తన వాటాగా 10  శాతం విడుదల చేస్తూ రాష్ట్రంలో ఉపాధి హామీ పనులను నిర్వహిస్తోంది.
 
 అయితే కేంద్ర మార్గదర్శకాలకు విరుద్ధంగా రాష్ట్ర ప్రభుత్వం సొంత పథకాలకు నిధులను దారి మళ్లించడం, నిధుల వినియోగానికి సంబంధించి లెక్కలు లేకుండా కనీసం పుస్తక నిర్వహణ కూడా లేకపోవడంతో నిధుల విడుదలను ఆపేసింది. దీంతో ఉపాధి హామీ పనులను  ప్రత్యక్షంగా అధ్యయనం చేయడానికి కేంద్ర బృందం సోమవారం జిల్లాకు వస్తున్నట్లు సమాచారం. ఈ బృందం క్షేత్ర స్థాయి పరిశీలన అనంతరం సంతృప్తి చెందితేనే రాష్ట్రానికి, తద్వారా జిల్లాకు ఉపాధి నిధులు మంజూరవుతాయి.
 
 ఇప్పటికే జూన్‌ నెలలో కర్నూలు జిల్లా పత్తికొండ నియోజకవర్గంలో ఉపాధి పనులను పరిశీలించిన కేంద్ర బృందం నివ్వెరపోయింది. ఈ పరిశీలనలో ఎక్కడా రికార్డులు లేకపోవడం, ఒక వేళ ఉన్నా అసంపూర్తిగా ఉండటంతో ఉపాధి పనుల్లో అవకతవకలు జరుగుతున్నట్లు ప్రాథమికంగా ఒక అంచనాకు వచ్చి నిధుల విడుదలను నిలిపేసింది. నేడు జిల్లాలో కేంద్ర బృందం పర్యటిస్తున్న నేపథ్యంలో క్షేత్ర స్థాయి అధికారులు, సిబ్బంది ముందస్తు జాగ్రత్త చర్యలు చేపట్టారు. పాత పనులకు సంబంధించి పాత తేదీలతో సెలవు రోజుల్లో కూడా సిబ్బంది పనిచేసి రికార్డులను నమోదు చేయడంలో నిమగ్నమయ్యారు. నెలన్నరకు పైగా ఉపాధి కూలీని కూడా విడుదల చేయలేదు. కూలీ కంటే మెటీరియల్‌ చెల్లింపులే ఎక్కువగా ఉన్నట్లు సమాచారం.
 
 రాష్ట్ర పథకాలపై ప్రభావం:
 రాష్ట్ర ప్రభుత్వం ఉపాధి నిధులను దారి మళ్లించి తన సొంత పథకాలకు వినియోగిస్తుందనే అంశంపై ముఖ్యంగా కేంద్ర బృందం పరిశీలించనున్నట్లు సమాచారం. చంద్రన్న బాట కింద సీసీ రహదారులు, అంగన్‌వాడీ కేంద్రాలకు మెరుగులు, పంచాయతీ కార్యాలయాల నిర్మాణం, నీటితొట్టెలు, వర్మీ కంపోస్టు తదితర పథకాలకు ఉపాధి నిధులను వెచ్చిస్తున్నారని కొంత వరకూ గుర్తించినట్లు సమాచారం. కేంద్రం తన వాటా కింద 90 శాతం నిధులు ఉపాధి హామీకి విడుదల చేస్తున్న నేపథ్యంలో, రాష్ట్రం తన సొంత పథకాలకు  వాటిని ఎలా ఖర్చుచేస్తారనే విషయంపై తీవ్ర స్థాయిలో మండిపడినట్లు సమాచారం. అంతే కాకుండా క్షేత్ర స్థాయిలో నిధులను ఇష్టం వచ్చినట్లు ఖర్చు చేసినట్లు గత పరిశీలనలో కేంద్ర బృందాలు తెలుసుకున్నాయి.
 
 నివేదిక మేరకే నిధులు:
 జూన్‌ 23 నుంచి జిల్లాలో ఉపాధి కూలీలకు వేతనం, మెటీరియల్‌ కాంపోనెంట్‌ చెల్లింపులకు సంబంధించిన బకాయిలు దాదాపు రూ.80 కోట్ల వరకూ ఉన్నట్లు సమాచారం. ఇందులో అత్యధికం కూలీల బకాయిలే ఉండటం విశేషం. మెటీరియల్‌ కాంపోనెంట్‌కు సంబంధించి ఎప్పటికప్పుడు నిధులు చెల్లిస్తున్నారు.  
 
 నిలిచిపోయిన ఉపాధి కూలీ
 దాదాపు 9 లక్షల పని దినాలకు సంబంధించి బకాయిలు చెల్లించాలి. జిల్లాలో 7.88 లక్షల ఉపాధి కార్డులు ఉండగా వీరిలో పనిచేస్తున్న కుటుంబాలు 3.60 లక్షలు, కూలీలు 6 లక్షల మంది పనిచేస్తున్నారు. ఏ లక్ష్యంతో ఉపాధి హామీని ఏర్పాటు చేశారో ఆ లక్ష్యం ప్రస్తుతం నెరవేరడం లేదు. వర్షాభావంతో ఉపాధి పథకమే ఏకైక దిక్కుగా ఉన్న రోజుల్లో ఉపాధి చేసిన నెలల తరబడి వేతనాలు ఇవ్వకపోవడంతో రెక్కాడితే కానీ డొక్కాడని పరిస్థితిలో ఉన్న కూలీల జీవనం ప్రశ్నార్థకంగా మారింది. 


 ►  ‘ఉపాధి’లో అంతులేని అక్రమాలు
 ►  సిబ్బందికి అండగా విచారణాధికారి
 
 అనుకున్నదే జరిగింది. ముందుస్తు ప్రణాళిక ప్రకారం ప్రొసీడింగ్‌ అధికారి, విజిలెన్స్, క్వాలిటీ కంట్రోల్‌ అధికారులు అవినీతిపరులకు అండగా నిలిచారు. రూ.కోట్ల ప్రజా ధనాన్ని బొక్కేసిన అధికారపార్టీ నాయకులకు, ఉపాధి సిబ్బందికి హాని జరగకుండా కంటికి రెప్పులా కాపాడారు.
 
 సామాజిక తనిఖీ బృందం ఉపాధి పనుల్లో భారీగా జరిగిన అవినీతికి ఆధారాలు చూపిస్తున్నా బహిరంగ చర్చా వేదిక మీద న్యాయ నిర్ణేతలు పట్టించుకోలేదు. తమ గ్రామాల్లో ఉపాధిలో జరిగిన అవినీతి గురించి చెప్పేందుకు వచ్చిన వారు ప్రొసీడింగ్‌ అధికారి తీరు చూసి న్యాయం జరగదని వెనుదిరిగారు. ఇదంతా సీతారామపురం మండల పరిషత్‌ కార్యాలయంలో శనివారం ఉదయం 11 గంటల నుంచి ఆదివారం ఉదయం 7 గంటల వరకు నిర్వహించిన ఉపాధి హామీ పథకం బహిరంగ చర్చావేదిక వద్ద జరిగింది.
 
 ఉదయగిరి/సీతారామపురం: సీతారామపురం మండలంలో 2016 మార్చి నుంచి 2017 జూన్‌ వరకు జరిగిన  రూ.16.77కోట్ల ఉపాధి పనులకు సంబంధించి జూలై 28 నుంచి ఆగస్టు 18 వరకు సోషల్‌ ఆడిట్‌ బృందం క్షేత్రస్థాయిలో పనులు తనిఖీ చేసి అందులో లోపాలు, అవినీతిని  గుర్తించి  చర్చావేదక వద్ద తమ నివేదికలు చదివి వినిపించారు. వీరు తమ క్షేత్ర పరిశీలనలో రూ.9.84కోట్లు అవినీతి జరిగినట్లు గుర్తించారు. ఇందులో యంత్రాలతో పనులు చేసి బినామీ మస్టర్లు వేసి నేతలు, సిబ్బంది రూ.కోట్లు దిగమింగారు.
 
 పనులు చేయకుండానే పెద్ద మొత్తంలో దోచేసిన వైనం గురించి వేదిక ముందుంచారు. నాయకులు, ఉపాధి సిబ్బంది, సామగ్రి సప్లయర్లు ఏ విధంగా ఉపాధి నిధులు కాజేశారో సవివరంగా తెలియజేశారు. అయినా దీంతో మాకు పని ఏముంది, న్యాయ నిర్ణేతను తాను అయినందున తాను చెప్పింది వేదం అన్నట్లుగా ప్రొసీడింగ్‌ అధికారి నాసర్‌రెడ్డి వ్యవహరించారు. రూ.కోట్లలో జరిగిన  అవినీతిని భారీగా తగ్గించి రూ.87 లక్షలకు కుదించారు. ఉపాధి సిబ్బందికి, నాయకులతో కుదిరిన ఒప్పుందం మేరకు, బహిరంగ వేదిక వద్ద ముందే చెప్పిన విధంగా జరిగిన అవినీతితో నిమిత్తం లేకుండా పది శాతం మాత్రమే రికవరీకి ఆదేశాలిచ్చారు.
 
 ఊపిరి పీల్చుకున్న తెలుగు తమ్ముళ్లు, సిబ్బంది
 మండలంలో భారీగా జరిగిన అవినీతి ఎక్కడ బయటపడి పరువు పోతుందో అనే ఆందోళనతో ఉన్న తెలుగు తమ్ముళ్లు ప్రొసీడింగ్‌ అధికారి సహకారంతో ఊపిరి పీల్చుకున్నారు. సస్పెన్షన్లు తప్పవని కంగారుగా ఉన్న ఉపాధి సిబ్బందిపై కూడా సదరు అధికారి ప్రేమ చూపడంతో చిన్న చర్యలు కూడా లేకపోవడంతో ఎగిరి గంతులు వేస్తున్నారు. నియోజవర్గంలో ఇప్పటికే అధికారి పార్టీ ముఖ్య నేతలు పసుపు కుంభకోణంలో చిక్కి క్రిమినల్‌ కేసులు నమోదు కావడంతో పార్టీ ప్రతిష్ట, ఎమ్మెల్యే పరువు పోయింది. ఇదే తరుణంలో ఉపాధి అవినీతి బయటపడితే  ప్రజల వద్ద మరింత పలచనవుతామని కంగారుపడ్డారు. దీంతో సదరు నాయకులు  చర్చావేదికకు వచ్చిన అధికారులను లోబరుచుకున్నట్లు తెలుస్తోంది. అధికారులు చేసిన మేలుకు ప్రతిఫలంగా రూ.లక్షల్లో ముడుపులు ముట్టాయనే ప్రచారం సాగుతోంది.
 
 అధికారుల తీరుపై విస్మయం
 అవినీతికి పాల్పడిన అధికారులు, సిబ్బంది అంతు తేల్చే కలెక్టర్‌ ఉన్నప్పుటికీ పక్కాగా జరిగిన అవినీతిని కప్పిపుచ్చిన అధికారుల తీరుపై స్థానికులు విస్మయం వ్యక్తం చేస్తున్నారు. కలెక్టర్‌ ప్రత్యేక చొరవ తీసుకుని నిజాయితీ అధికారులతో విచారణ చేయిస్తే అవినీతిపరుల భరతం పట్టే అవకాశం ఉంది.
 
 ఇదేమీ తీరు
 మండలంలో 15 నెలలకు సంబంధించి రూ. 16.77 కోట్ల ఉపాధి పనులు నిర్వహించారు. వాటిలో మెటీరియల్‌ పనులు రూ.7 కోట్లు, కూలీల పనులు రూ.9.75 కోట్లు జరిగాయి. జిల్లాలోనే ఎక్కువ పనులు, అవినీతి జరిగే మండలం సీతారామపురం అనే విషయం జిల్లా అధికారులకు బాగా తెలుసు. అయితే ఈ మండలంలో జరుగుతున్న అవినీతిపై మీడియా, పత్రికలు పెద్దగా ఫోకస్‌ చేయకపోవడంతో వాస్తవాలు వెలుగులోకి రావడం లేదు. దీంతో జిల్లా అధికారులు కూడా పెద్దగా దృష్టి సారించడం లేదు. ఇదే ఇక్కడ పనిచేస్తున్న ఉద్యోగులకు, ఉపాధి సిబ్బందికి, రాజకీయ నాయకులకు  వరంగా మారింది.
 
 దీంతో ఇష్టారాజ్యంగా ప్రజా ధనాన్ని మింగేస్తున్నారు. ఈ పరిణామం భవిష్యత్తులో అక్రమార్కులు మరింత అవినీతికి పాల్పడేందుకు ఆస్కారం కల్పిస్తోంది. చర్చా వేదికలో ప్రొసీడింగ్‌ అధికారి రికవరీకి ఆదేశించిన వివరాలు ఇలా ఉన్నాయి. ఉపాధి సిబ్బంది నుంచి రూ.45.10 లక్షలు, కూలీల నుంచి రూ.4.80 లక్షలు, లబ్ధిదారుల నుంచి రూ.2.92 లక్షలు, సప్లయిదారు నుంచి రూ.9 లక్షలు, ఫారెస్ట్‌ అధికారులు నుంచి రూ.14.76 లక్షలు, ఇరిగేషన్‌ శాఖ నుంచి రూ.2.84 లక్షలు రికవరీకి ఆదేశించారు. అదేవిధంగా వివిధ పంచాయతీల్లో 42 పనులను క్వాలిటీ కంట్రోల్‌ అధికారులు, రెండు పనులు ఏపీడీకి పరిశీలనకు ఇచ్చారు.
  


 అనంతపురం టౌన్‌: వలసల్ని నివారించి ఉన్న ఊరిలోనే ఉపాధి కల్పించాలన్న లక్ష్యంతో తీసుకొచ్చిన ఉపాధి హామీ పథకం అక్రమార్కులకు వరంగా మారుతోంది. బినామీ ఖాతాలు తెరిచి గుట్టుచప్పుడు కాకుండా నిధులు స్వాహా చేస్తున్నారు. జిల్లా వ్యాప్తంగా రెండున్నరేళ్ల వ్యవధిలో ఏకంగా రూ.15 కోట్లకు పైగా ఉపాధి కూలి సొమ్ము ‘సస్పెండ్‌’ అయింది. సుమారు 95 వేల మంది కూలీలకు ఈ డబ్బు చెల్లించాల్సి ఉందని రికార్డుల్లో ఉన్నా అసలు కథ వేరేలా ఉంది. సగానికి పైగా కూలీల సొమ్మును బోగస్‌ అకౌంట్లలో వేసుకునేందుకు క్షేత్రస్థాయి అధికారులు స్కెచ్‌ వేశారు. అయితే ‘ఆధార్‌’ అనుసంధానంతో ఈ వ్యూహం బెడిసికొట్టినట్లు స్పష్టమవుతోంది. సస్పెండ్‌లో ఉన్న సొమ్మును క్లెయిం చేసుకోవడానికి ఎవరూ ముందుకు రాకపోవడం దీనికి బలం చేకూరుస్తోంది.  
 
 ∙క్లెయిం చేసుకునేందుకు          వెనుకంజ
 గత ఏడాది డిసెంబర్‌ నుంచి ఆధార్‌ అనుసంధానమైన బ్యాంక్‌ ఖాతాలకు నేరుగా వేతనాలను జమ చేస్తున్నారు. పనులు చేస్తున్న కూలీలకు చెల్లించాల్సిన డబ్బు పక్కదారి పట్టకుండా తీసుకొచ్చిన ఈ విధానంతో అక్రమార్కులకు చెక్‌ పడగా.. నిజంగా పనులు చేసి తమ బ్యాంక్‌ ఖాతాకు ఆధార్‌ అనుసంధానం కాని కూలీలకు కొత్త కష్టాలను తెచ్చిపెట్టింది. చాలా మంది కూలీలు తమ అవసరాల నిమిత్తం రెండు, మూడు బ్యాంకుల్లో ఖాతాలు తెరిచారు. ఎంసీసీ (మండల కంప్యూటర్‌ సెంటర్‌)ల్లో ఉపాధి కూలీకి సంబంధించి జాబ్‌కార్డు, ఆధార్, బ్యాంక్‌ ఖాతాలు ‘లింక్‌’ చేశారు.  తద్వారానే పేమెంట్స్‌ జనరేట్‌ చేసే అవకాశం ఉంది.
 
 అయితే కూలీల ఖాతాల్లో నగదు పడాలంటే తప్పనిసరిగా బ్యాంక్‌లో ఆధార్‌ అనుసంధానం కావాలి. ఈ ప్రక్రియలో తీవ్ర జాప్యం జరుగుతుండటంతో చాలా మందికి వారాల తరబడి వేతనాలు అందడం లేదు. గడిచిన రెండున్నరేళ్ల వ్యవధిలో జిల్లా వ్యాప్తంగా 94,839 మంది కూలీలకు సంబంధించి రూ.1567.57 లక్షల వేతనం సస్పెండ్‌లో ఉంది. ఇందులో 90 రోజులు పైబడి 52,216 మంది కూలీలకు చెందిన రూ.867.45 లక్షలు సస్పెండ్‌ అయింది. ఈ సొమ్ములో సగానికి పైగా బోగస్‌ ఉన్నట్లు తెలుస్తోంది. దీని కారణంగానే సొమ్మును క్లెయిం చేసుకునేందుకు ఎవరూ ముందుకు రావడం లేదు.
  
 ∙ఈ ఏడాది అదే పరిస్థితి
 ఈ ఏడాది ప్రారంభం నుంచి ఆధార్‌ అనుసంధానమైన బ్యాంక్‌ ఖాతాల్లోనే నగదు పడేలా కేంద్రం నిర్ణయం తీసుకుంది. ప్రస్తుతానికి జిల్లా వ్యాప్తంగా 993 పంచాయతీల్లో పనులు చేసిన 49,056 మంది కూలీలకు చెందిన రూ.865.9 లక్షలు సస్పెండ్‌లోకి వెళ్లింది. ఇందులో 30 రోజుల్లోగా 32,204 మంది కూలీలకు సంబంధించి రూ.4.70 కోట్లు, 30 నుంచి 60 రోజుల్లోగా 8096 మంది కూలీలకు చెందిన రూ.157.31 లక్షలు, 60 నుంచి 90 రోజుల్లోపు 4647 మంది కూలీలకు గానూ 121.65 లక్షలు సస్పెండ్‌ అయింది.
 
  90 రోజులకు పైబడి 4109 మంది కూలీలకు గానూ రూ.116.95 లక్షలు సస్పెండ్‌ అయ్యాయి. ఇందులో ఉపాధి హామీ కింద చేసిన పనులకు సంబంధించి ఏకంగా రూ.6 కోట్లకు పైగా సస్పెండ్‌ అయింది. ఇందులో ఎక్కువ భాగం బ్యాంకుల్లో ‘ఆధార్‌’ అనుసంధానంలో జాప్యం వల్ల పడలేదని తెలుస్తోంది. ఈ క్రమంలోనే గ్రామీణాభివృద్ధి శాఖ కమిషనర్‌ నుంచి ఆధార్‌ ప్రక్రియ వేగవంతం చేయాలని ఆదేశాలు అందాయి.


 ► ఆగ్రహించిన ఉపాధిహామీ కూలీలు
 ► పోస్టాఫీసు ఎదుట ఆందోళన
 
 కామారెడ్డి రూరల్‌(కామారెడ్డి): రెక్కలు ముక్కలు చేసుకుని ఉపాధి కూలికి వెళ్తే తమకు సరైన గిట్టుబాటు రేటు వస్తుందని ఆశించిన ఉపాధిహామీ కూలీలకు చెదు అనుభవం ఎదురైంది. ఉపాధిహామీ పథకం కింద పనిచేసి నెలలు గడుస్తున్నా తమకు కూలి డబ్బులు సక్రమంగా అందకపోవడంతో కూలీలు నైరాశ్యం చెందారు. ప్రభుత్వం సకాలంలో ఉపాధి కూలీలకు డబ్బులు చెల్లించాలని సూచిస్తున్నా పోస్టాఫీసు సిబ్బంది తమ వ్యక్తిగత కారణాలతో కూలీలకు చెల్లించకుండా ఇబ్బందులు పెడుతున్న సంఘటన మండలంలోని అడ్లూర్‌లో జరిగింది.
 
 ఉపాధిహామీ పథకం కింద పనిచేసిన కూలీలు గ్రామంలోని పోస్టాఫీసుకు బుధవారం ఉదయం 7 గంటలకు డబ్బుల కోసం వెళ్లారు. బీపీఎం నాయిని బాల్‌రాజు 15రోజులుగా కూలీలను కార్యాలయం చుట్టూ తిప్పుకుంటున్నారు. బుధవారం ఉదయం పోస్టాఫీసుకు సకాలంలో వస్తే డబ్బులు చెల్లిస్తామనడంతో కూలీలంతా ఉదయం 7నుంచి సాయంత్రం 4 గంటల వరకు ఎదుట పడిగాపులు కాశారు. అయినా బీపీఎం పోస్టాఫీస్‌లో ఉండడంలేదని ఆగ్రహించిన కూలీలు డబ్బులు చెల్లించకపోవడంతో ఆగ్రహానికి గురైన అక్కడే ఆందోళనకు దిగారు. కూలీలు బీపీఎంకు పలుమార్లు ఫోన్‌ చేసినా స్పందించపోవడంపై తమ అసహనాన్ని ప్రదర్శించారు. డబ్బులు ఎప్పుడిస్తారో చెప్పాలని కూలీలు ఆగ్రహం వ్యక్తం చేశారు.


 - ఉపాధి హామీ కౌన్సిల్‌ సమావేశంలో మంత్రి జూపల్లి 
 - ఉపాధి పనుల్లో దేశంలోనే తెలంగాణకు రెండో స్థానం
  
 సాక్షి, హైదరాబాద్‌: అందరి భాగస్వామ్యంతో ఉపాధిహామీని ముందుకు తీసుకుపోవాలని రాష్ట్ర ఉపాధిహామీ కౌన్సిల్‌ చైర్మన్, మంత్రి జూపల్లి కృష్ణారావు పిలుపునిచ్చారు. జూపల్లి అధ్యక్షతన శనివారం రాజేంద్రనగర్‌లోని సిపార్డ్‌లో రాష్ట్ర ఉపాధిహామీ కౌన్సిల్‌ రెండో సమావేశం జరిగిం ది. సమావేశంలో మంత్రులు హరీశ్‌రావు,  నాయి ని నర్సింహారెడ్డి, పోచారం శ్రీనివాసరెడ్డి, చందూలాల్‌ పాల్గొన్నారు. ఉపాధిహామీ పనుల్లో దేశంలోనే తెలంగాణ రెండో స్థానంలో నిలిచిందని జూపల్లి తెలిపారు. ఈ ఆర్థిక ఏడాదిలో రూ.3 వేల కోట్ల విలువైన పనులను చేపట్టేలా టార్గెట్‌ పెట్టుకున్నామని, జాబ్‌ కార్డులున్న 60% మంది కూలీ లకు 100 రోజుల పని కల్పించే లక్ష్యంతో ముందుకు పోతున్నామన్నారు.
 
 మిషన్‌ కాకతీయ చెరువుల పూడికతీతను చేపడుతున్నామని, పాఠశాలల్లో మరుగుదొడ్డు, కిచెన్‌ షెడ్ల నిర్మాణాలు చేపడుతున్నామని అన్నారు. రూ.13 లక్షలతో పంచాయ తీ భవనాలు, రూ.10 లక్షలతో శ్మశాన వాటికలు నిర్మిస్తున్నామని చెప్పారు. 2018 అక్టోబర్‌ 2 నాటి కి స్వచ్ఛ తెలంగాణగా మార్చేందుకు ఇంకుడు గుంతలు, పెద్ద ఎత్తున వ్యక్తిగత మరుగుదొడ్ల నిర్మాణాలు చేపడుతున్నామన్నారు. ఈ ఆర్థిక ఏడాదిలో 2.63 లక్షల వ్యక్తిగత మరుగుదొడ్ల నిర్మాణం లక్ష్యంగా పెట్టుకోగా, ఇప్పటికే 34,088 మరుగుదొడ్లను నిర్మించామని తెలిపారు. వ్యక్తిగత మరుగుదొడ్ల నిర్మాణానికి స్త్రీ నిధి బ్యాంకు ద్వారా రూ.200 కోట్లను మహిళా సంఘాలకు అడ్వాన్స్‌ రూపంలో అందజేస్తున్నామని వివరించారు. 1,000 మంది జనాభాకు ఇద్దరు ఉపాధి కూలీలను ఏడాది పొడవునా పారిశుధ్య కార్మికులుగా వినియోగించుకునేందుకు అవకాశమివ్వాలని ఇటీవల భోపాల్‌లో కేంద్ర మంత్రి తోమర్‌ను కోరామన్నారు.
  
 ఉపాధి హామీ సిబ్బందికి హరీశ్‌ ప్రశంసలు..
 ఇటీవల జాతీయస్థాయిలో 5 అవార్డులు దక్కిం చుకున్న ఉపాధి హామీ సిబ్బందిని, అధికారులను  హరీశ్‌రావు అభినందించారు. వాటర్‌ స్టోరేజీ పాండ్‌కు ప్లాస్టిక్‌ కవర్‌ బదులుగా బ్రిక్స్‌తో నిర్మించుకునే అవకాశమివ్వాలని కోరారు. మొక్కలకు నీరు పోసే ట్యాంకర్‌కు రూ.482 ఇస్తున్నారని, దీనిని పెంచాలని కోరారు. శ్మశానవాటికల కోసం సిద్దిపేటలో ఒక డిజైన్‌ను రూపొందించామని, దీనిని ఇతర ప్రాంతాల్లోనూ టైప్‌–2గా నిర్మించుకునే వెసులుబాటు ఇవ్వాలన్నారు. రోడ్డు పక్కన కూరగాయలు అమ్మే వారికోసం షెడ్డులను నిర్మించాలని సూచించారు. జిల్లా, మండల స్థాయి సమావేశాల్లో పాల్గొనే అవకాశం కల్పించాలని, టీఏ ఇవ్వాలని సభ్యులు కోరగా జూపల్లి సానుకూలంగా స్పందించారు. సమావేశంలో సాంఘిక సంక్షేమ శాఖ స్పెషల్‌ సీఎస్‌ మిశ్రా, గ్రామీణాభివృద్ధి శాఖ ముఖ్య కార్యదర్శి వికాశ్‌రాజ్, కమిషనర్‌ నీతూప్రసాద్, కౌన్సిల్‌ సభ్యులైన కరీంనగర్, వరంగల్‌ జెడ్పీ చైర్మన్లు తుల ఉమ పాల్గొన్నారు. 


 సాక్షి, హైదరాబాద్‌: తెలంగాణ దేశానికే ఆదర్శంగా నిలుస్తోందని, అందులో భాగంగా పలు అంశాల్లో జాతీయ స్థాయి అవార్డులు దక్కాయని గ్రామీ ణాభివృద్ధి శాఖ మంత్రి జూపల్లి కృష్ణారావు అన్నారు. జాతీయ స్థాయిలో అవార్డులు సాధిం చిన ఉపాధిహామీ, ఈజీఎంఎం, సెర్ప్‌ అధికారులను అభినందించారు.
 శనివారం గ్రామీణాభివృద్ధి శాఖ కమిషనర్‌ కార్యాలయంలో మంత్రి మాట్లాడుతూ.. ఉపాధి హామీ పథకంలో రాష్ట్రం దేశానికే ఆదర్శంగా నిలిచిందని, ఈ ఆర్థిక సంవత్సరం 3 నెలల్లో రూ.1,080 కోట్ల విలువైన ఉపాధి పనులు చేపట్టిందని చెప్పారు. సెర్ప్‌ ద్వారా మహిళా సాధికారత, ఉపాధి అవకాశాల కల్పనలోనూ జాతీయ అవార్డులు వచ్చాయన్నారు. అవార్డు పొందిన నిజామాబాద్‌ జిల్లా మనోహరాబాద్‌ సర్పంచ్‌ తిరుపతిరెడ్డి మాట్లాడుతూ.. సర్పంచ్‌ పదవిని బాధ్యతగా చేపట్టి గ్రామ సమగ్రాభివృద్ధికి కృషి చేశానన్నారు. కమిషనర్‌ నీతూ ప్రసాద్, సెర్ప్‌ సీఈఓ పౌసమిబసు పాల్గొన్నారు.


 ఢిల్లీలో ప్రదానం చేసిన కేంద్ర మంత్రి నరేంద్ర సింగ్‌ తోమర్‌
 సాక్షి, న్యూఢిల్లీ: మహాత్మాగాంధీ జాతీయ ఉపాధి హామీ పథకం అమలులో తెలంగాణకు పలు అవా ర్డులు దక్కాయి. కేంద్ర పంచాయతీరాజ్, గ్రామీణా భివృద్ధి శాఖ 2015–16 సంవత్సరానికిగాను ప్రకటించిన అవార్డుల్లో ఉపాధి హామీ పథకం అమలు లో పారదర్శకత–జవాబుదారీతనం, అత్యధిక పని దినాలు, సకాలంలో వేతనాల చెల్లింపు, పోస్టాఫీసు ల ద్వారా కూలీలకు డబ్బు అందించడం వంటి విభాగాల్లో తెలంగాణకు ఐదు అవార్డులు దక్కాయి. సోమవారం ఢిల్లీలో జరిగిన ప్రత్యేక కార్యక్రమంలో కేంద్ర పంచాయతీరాజ్, గ్రామీణాభివృద్ధి శాఖ మంత్రి నరేంద్రసింగ్‌ తోమర్‌ ఈ అవార్డులను ప్రదానం చేశారు.
 
 పారదర్శకత– జవాబుదారీతనం, జియోట్యాగింగ్‌ అమలు విభాగాల్లో లభించిన అవార్డులను రాష్ట్ర గ్రామీణాభివృద్ధి శాఖ ముఖ్య కార్యదర్శి వికాస్‌రాజ్, కమిషనర్‌ నీతూప్రసాద్‌ కుమారి అందుకున్నారు. అత్యధిక పనిదినాలు పూర్తి చేసిన జిల్లాల విభాగంలో వరంగల్‌ రూరల్‌ జిల్లా అవార్డు దక్కించుకుంది. గ్రామాల్లో ఎక్కువరోజులు పని కల్పించిన పంచాయతీ కేటగిరీలో నిజామాబాద్‌ జిల్లా మనోహరాబాద్‌ పంచాయతీ అవార్డు సాధిం చింది. సర్పంచ్‌ తిరుపతి రెడ్డి ఈ అవార్డు అందుకున్నారు. కూలీలకు సకాలంలో డబ్బులు పంపిణీ చేసిన పోస్టాఫీసు విభాగంలో నిజామాబాద్‌ జిల్లా ఇందల్‌వాయ్‌ బ్రాంచ్‌ పోస్టుమాస్టర్‌ అబ్దుల్‌ సత్తార్‌ అవార్డు అందుకున్నారు. ఉత్తమ జాతీయ వనరుల సంస్థ, జాతీయ గ్రామీణ ఉపాధి మిషన్‌ అవార్డును సెర్ప్‌ సీఈవో పొసుమి బసు అందుకున్నారు.


 ►  ‘ఉపాధి’ కూలీల ఖాతాల స్తంభన
 ►  ఐసీఐసీఐ బ్యాంకుల నుంచి అందని కూలీ
 ► దిక్కుతోచని స్థితిలో దాదాపు 3 లక్షల మంది
 ► పట్టించుకోని అధికారులు
 
 ఉదయగిరి: ఉపాధి హామీ చట్టం ప్రకారం కూలీ పని చేసిన 15 రోజుల్లో నగదు వారి ఖాతాల్లో జమచేయాలి. కాస్త అటోఇటో నగదు కూలీల ఖాతాల్లో జమవుతున్నప్పటికీ, ఇప్పుడా నగదు తీసుకునే అవకాశం లేకుండా ఐసీఐసీఐ బ్యాంకు అధికారులు వాటిని బ్లాక్‌ చేశారు. దీంతో రెండు నెలలనుంచి పేదల డొక్కలు ఎండుతున్నాయి. వీరి ఖాతాలు ఎందుకు స్తంభింపజేశారో ఎవరూ చేప్పడం లేదు. కూలీల కష్టం గురించి అధికారులకు తెలిపినా సమస్య పరిష్కారం కావడం లేదు.
 
 మరోవైపు జిల్లా అధికారులు కూలీల సంఖ్యను పెంచాలని విపరీతంగా ఒత్తిడి తెస్తున్నారే తప్ప వారి ఖాతాల్లో పడిన నగదు డ్రా చేసుకునే అవకాశాన్ని ఆపివేసిన ఐసీఐసీఐ బ్యాంకు అధికారులపై చర్యలు తీసుకోవడం లేదు. ఫలితంగా పలువురు కూలీలు తీవ్ర ఆవేదన వ్యక్తం చేస్తున్నారు. జిల్లాలో 5.42 లక్షల జాబ్‌కార్డులున్నాయి. వీటి పరిధిలో 12.8 లక్షల మంది ఉపాధి కూలీలు నమోదై ఉన్నారు. వీరిలో సుమారు ఐదు లక్షల మంది కూలీలు పనులు చేసినట్లు రికార్డులు చూపుతున్నాయి.
 
 వీరిలో 3.50 లక్షల వరకు ఐసీఐసీఐ బ్యాంకులో ఖాతాలు కలిగి ఉన్నారు. ఈ ఖాతాలలో జమయిన ఉపాధి కూలీ నగదును డ్రా కాకుండా చేయడంతో ఉపాధి కూలీలకు సమస్య తలెత్తింది. ఆ బ్యాంకు బిజినెస్‌ కరస్పాండెంట్లు కూడా సేవలందించడంలో పూర్తిగా విఫలమయ్యారు. స్థానికంగా ఉండే వీరి స్వైపింగ్‌ మిషన్లలో కూలీలు నగదు డ్రా చేయకుండా ఖాతాలు లాక్‌ చేయడంతో ఉపాధి కూలీలు తీవ్ర ఇబ్బందులు పడుతున్నారు.  ఈ బ్యాంకు జిల్లా కేంద్రంలో మాత్రమే ఉండటంతో వ్యక్తిగతంగా అక్కడికి వెళ్లి కూలీలు తమ నగదు డ్రా చేసుకునే పరిస్థితి లేదు.
 
 కూలీలకు అందని నగదు
 ఈ పథకం ప్రారంభంలో ఉపాధి కూలీల నగదును పొదుపు గ్రామసమాఖ్యల ద్వారా పంపిణీ చేసేవారు. ఇందులో ఉన్న ఇబ్బందులను తొలగించేందుకు పోస్టాఫీసుల ద్వారా కూలీలకు నగదు పంపిణీ చేశారు. ఆ తర్వాత ఐసీఐసీఐ బ్యాంకు ద్వారా ఉపాధి కూలీల నగదును పంపిణీ చేశారు. ఆ తర్వాత మరలా పోస్టాఫీసుల ద్వారా పంపిణీ చేపట్టారు. గతేడాది ఆగస్టు నుంచి పోస్టాఫీసుల నుంచి కాకుండా బ్యాంకు ఖాతాల ద్వారా ఉపాధి నగదును పంపిణీచేయాలని నిర్ణయించి ఈ ప్రక్రియకు శ్రీకారం చుట్టారు. అయితే చాలామంది ఖాతాలు ఐసీఐసీఐ బ్యాంకులో ఉన్నందున ఆ ఖాతాల్లోనే ఆర్నెల్ల నుంచి నగదు జమవుతూ ఉంది. ఈ నగదును ఉపాధి కూలీలు స్థానికంగా ఉన్న బ్యాంకుల బిజినెస్‌ కరస్పాండెంట్ల స్వైపింగ్‌ మిషన్ల ద్వారా తీసుకుంటున్నారు. అయితే ఈ ఏడాది ఏప్రిల్‌ నుంచి ఐసీఐసీఐ బ్యాంకులో పడిన ఉపాధి కూలీల నగదు డ్రా కాకుండా ఆ బ్యాంకు అధికారులు స్తంభింపచేశారు. దీంతో ఉపాధి కూలీలు ఆ నగదు తీసుకునే అవకాశం లేకుండా పోయింది.
 
 ఐసీఐసీఐ బ్యాంకే ఖాతాల ఏర్పాటు:
 సాధారణంగా ఒక బ్యాంకులో ఖాతా ఓపెన్‌ చేయాలంటే ఆ ఖాతాదారుడి రెండు అడ్రస్‌ ప్రూఫ్‌లు, ఆధార్‌ తప్పనిసరి. కానీ స్థానిక ఉపాధి సిబ్బంది ద్వారా కూలీల ప్రమేయం లేకుండానే ఆధార్‌ నంబర్లు సేకరించిన ఐసీఐసీఐ సిబ్బంది వారి పేరిట ఖాతాలు తెరిచారు. అయితే చాలామంది ఉపాధికూలీలు తమ నగదును స్థానిక బ్యాంకులో జమచేయాలని బ్యాంకు ఖాతానంబర్లు ఇచ్చినప్పటికీ వాటిలో జమకావడం లేదు. ఐసీఐసీఐ బ్యాంకులోనే జమవుతున్నాయి. ఇపుడు వారు డబ్బు డ్రా చేసుకునే అవకాశం లేకుండా పోవడంతో తీవ్ర ఇబ్బందిపడుతున్నారు.
 
 సమస్యకు త్వరలో పరిష్కారం:
 ఈ సమస్య మా దృష్టికి వచ్చింది. ఈ విషయమై ఇప్పటికే జిల్లా అధికారులకు తెలియచేశాము. జిల్లా అధికారులు ఆ బ్యాంకు అధికారులతో మాట్లాడి సమస్యను త్వరలో పరిష్కరిస్తారు. ప్రతి ఉపాధి కూలీ నగదు వారు కోరుకున్న బ్యాంకులో జమయ్యే విధంగా ప్రయత్నం చేస్తున్నాము. త్వరలో ఈ సమస్య పరిష్కారమవుతుంది.  –నాగేశ్వరరావు, ఏపీవో


 హరితహారం లక్ష్యం
 ►నాటిన మొక్కల సంరక్షణకు ప్రత్యేక చర్యలు
 ►ఉపాధి హామీ నిధులు వెచ్చించాలని ప్రభుత్వ నిర్ణయం
 ►తాగునీటి మాదిరిగా ట్యాంకర్లతో నీళ్లు సరఫరా
 ►ట్రిప్పుకు రూ.480, ఉపాధి కూలీకి రూ.150 చెల్లింపు
 ►ఈ ఏడాది జిల్లాలో 1.83 కోట్ల మొక్కలు..
 ►మొక్కలకు కంచెగా సర్కారు తుమ్మ ఏర్పాటు
 ►చర్యలు తీసుకుంటున్న అధికార యంత్రాంగం
 ►గతేడాది 50 శాతం కూడా బతకలేదు
 
 నిజామాబాద్‌ : నాటిన మొక్కలు ఏనుకుంటేనే.. ‘హరితహారం’ లక్ష్యం నెరవేరుతుంది. లక్షల్లో మొక్కలు నాటడం.. ఆ తర్వాత వాటిని పట్టించుకోకపోవడంతో అవి ఎండిపోవడం సాధారణంగా జరుగుతున్న తంతు.. జిల్లాలో కమ్యూనిటీ ప్లాంటేషన్, బ్లాక్‌ ప్లాంటేషన్‌ కింద నాటిన మొక్కల్లో కనీసం 50 శాతం కూడా బతకలేదు. ఈ సమస్యను అధిగమించే చర్యలపై జిల్లా అధికార యంత్రాగం ఈ ఏడాది దృష్టి సారించింది. ఈసారి నాటిన ప్రతి మొక్కను రక్షించుకునేందుకు పకడ్బందీ చర్యలు తీసుకోవాలని భావిస్తోంది. వంద శాతం బతికించుకునేందుకు (సర్వైవల్‌) కోసం ఏర్పాట్లు చేస్తోంది. ఇందుకోసం ఉపాధి హామీ నిధులను వినియోగించుకోవాలని భావిస్తోంది. వర్షాకాలం తర్వాత మొక్కలు బతకాలంటే కనీసం వారానికి ఒకసారైనా నీళ్లు అవసరం ఉంటుంది. తాగునీటి కోసం మాదిరిగానే ట్యాంకర్ల ద్వారా మొక్కలకు నీటిని పోసేందుకు ముందస్తు ప్రణాళికను సిద్ధం చేస్తోంది.
 
 ఆయా గ్రామాల్లో 400 మొక్కలకు ట్యాంకర్‌ ద్వారా నీళ్లు పోస్తే ఒక్కో ట్రిప్పుకు రూ.480 చొప్పున చెల్లించాలని నిర్ణయించారు. అలాగే నీళ్లు పోసిన వారికి ఉపాధి హామీ కింద రోజుకు రూ.150 వరకు కూలీ డబ్బులు చెల్లించేలా ఏర్పాట్లు చేస్తున్నారు. గత ఏడాది ఈ విధానం అమలులో ఉన్నప్పటికీ ఆశించిన మేర కు చర్యలు చేపట్టలేదు. చాలా చోట్ల మొక్కలు ఎండిపోయాయి. దీంతో రూ.కోట్లు వెచ్చించి చేపట్టిన హరితహారం కార్యక్రమం అనుకున్న మేర కు లక్ష్యాన్ని చేరలేకపోయింది. గత ఏడాది ఉమ్మడి నిజామాబాద్‌ జిల్లా పరిధిలో 3.61 కోట్ల మొక్కలు నాటారు. నిజామాబాద్‌ పరి« దిలో సుమా రు 1.92 కోట్ల మొక్కలు పెట్టినట్లు అటవీశాఖ అధికారుల రికార్డులు చెబుతున్నాయి. ఇందులో సుమారు 69 శాతం మొక్కలు బతి కినట్లు ఆ శాఖ రికార్డుల్లో పేర్కొన్నారు. కమ్యూనిటీ ప్లాంటేషన్‌లో భాగంగా నాటిన మొక్కలు 60 శాతం మాత్రమే బతికాయని భావిస్తున్నారు. అలాగే బ్లాక్‌ ప్లాంటేషన్‌ మొక్కల సర్వైవల్‌ కూడా అంతే ఉంది. మొత్తం మీద సగటున 69 శాతం మొక్కలు బతికినట్లు రికార్డుల్లో పేర్కొన్నారు.
 
 అవగాహనపై దృష్టి..
 ఈ ఏడాది జిల్లా వ్యాప్తంగా 1.83 కోట్ల మొక్కల నాటాలని జిల్లా అధికార యంత్రాంగం లక్ష్యంగా నిర్ణయించింది. నాటిన మొక్కలను కాపాడుకునేందుకు ఉచితంగా పనిచేయాల్సిన అవసరం లేదని, ప్రతి పనికి ప్రభుత్వం డబ్బులు చెల్లిస్తుందనే అంశాన్ని ప్రజల్లోకి తీసుకెళ్లాలని అధికారులు భావిస్తున్నారు. ఉపాధి హామీ పథకం కింద ఈ మొక్కల సంరక్షణ చర్యలు చేపట్టే అంశాన్ని అన్ని గ్రామాల్లో ఉపాధి హామీ కూలీలకు అవగాహన కల్పించాలని భావిస్తున్నారు. నాటిన మొక్కలను పశువులు మేయకుండా రక్షించుకునేందుకు సర్కారు తుమ్మను కంచెగా నాటాలని భావిస్తున్నారు. హరితహారం కార్యక్రమం ప్రారంభం కాకముందే గ్రామాల్లో తుమ్మ కంపను అందుబాటులో ఉంచేందుకు ఉపాధి హామీ మేట్‌లు, కూలీలను సమాయత్తం చేయాలని నిర్ణయించారు.
 
 సంరక్షణ చర్యలపై దృష్టి పెట్టాం
 హరితహారంలో నాటిన మొక్కల సంరక్షణపై ప్రత్యేక దృష్టి సారించాము. ఇందుకోసం ముందస్తుగా ప్రణాళిక బద్ధంగా చర్యలు తీసుకుంటున్నాము. ఉపాధిహామీ పథకం కింద ఈ సంరక్షణ చర్యలు చేపట్టే అంశంపై గ్రామాల్లో అవగాహన కల్పించాలని భావిస్తున్నాము.– ప్రసాద్, జిల్లా అటవీశాఖాధికారి


 ► పనులు చేసినా గిట్టుబాటుకాని కూలి    
 ►సగటు వేతనం రూ.116 మాత్రమే
 ►ఏళ్ల తరబడి ఇదే పరిస్థితి..   
 ►కొన్ని చోట్ల రోజు కూలి రూ.50 లోపే!
 ►వలసలే శరణ్యమంటున్న కూలీలు  
 
 కరువు కోరల్లో చిక్కుకున్న ‘అనంత’లో కూలీలకు ఆసరాగా నిలవాల్సిన ఉపాధి హామీ పథకం వారి కడుపు మాడుస్తోంది. మండే ఎండల్లో.. కాలే కడుపులతో పనులు చేయాల్సిన దారుణ పరిస్థితి ఉంది. గట్టిపడిన నేలలో చేతులు బొబ్బలు ఎక్కేలా పని చేస్తున్నా గిట్టుబాటు కూలి అందడం లేదు.  ప్రభుత్వం కనీస వేతనం రూ.194 ఇస్తున్నామని చెబుతున్నా క్షేత్రస్థాయిలో ఆ పరిస్థితి లేదు. కొందరు కూలీలకు వారం రోజులు పని చేసినా రూ.500 కూడా రావడం లేదంటే పరిస్థితి ఎంత దారుణంగా ఉందో అర్థం చేసుకోవచ్చు. ప్రభుత్వం 30 శాతం అలవెన్స్‌గా ఇస్తున్నా కూలీల జీవనోపాధి కష్టంగా మారుతోంది. అందువల్లే వలసలు అనివార్యంగా మారాయి.                – అనంతపురం టౌన్‌
 
 అనంతపురం టౌన్‌: జిల్లాలో 7,77,830 జాబ్‌కార్డులు జారీ చేశారు. 48,243 శ్రమశక్తి సంఘాల్లో 7,68,709 మంది కూలీలు ఉన్నారు. ప్రస్తుతం జిల్లా వ్యాప్తంగా రోజుకు 2 లక్షల మంది వరకు ఉపాధి పనులకు వెళ్తున్నారు. అయితే కూలి మాత్రం గిట్టుబాటు కావడం లేదు. ఈ ఏడాది ఇప్పటి వరకు 3.13 లక్షల మందికి ఉపాధి కల్పించారు. మామూలు రోజుల్లో చేసినట్లుగా వేసవిలో ఉపాధి పనులను కూలీలు చేయలేరు. ఎండవేడిమికి కూలి గిట్టుబాటు కాక పూటగడవని పరిస్థితి తలెత్తే అవకాశం ఉంది. దీన్ని దృష్టిలో పెట్టుకున్న ప్రభుత్వం వేసవిలో అదనపు కూలిని ముందుగానే ప్రకటించింది. ఉపాధి కింద రోజువారీ వేతనం రూ.194 ఉండగా అదనపు కూలి కింద ఈ ఏడాది ఫిబ్రవరిలో 20 శాతం, మార్చిలో 25 శాతం, ఏప్రిల్‌/మే నెలల్లో 30 శాతం అందించారు.
 
 ఇక జూన్‌లో 20 శాతం అందించనున్నారు. అంటే ఒక్క రోజు కూలి కింద రూ. 235 నుంచి రూ.280 వరకు రావాల్సి ఉంది. అయితే చాలా గ్రామాల్లో గిట్టుబాటు కూలి అందడం లేదు. గుమ్మఘట్ట మండలం కలుగోడులో ఈనెల 1వ తేదీ(గురువారం) ఏకంగా ఉపాధి పనులనే బహిష్కరించారు. ఇక్కడ సగటున రోజు కూలి రూ.50లోపే వస్తోంది. ఉపాధి హామీ పథకం ప్రారంభం నుంచి ఇప్పటి వరకు చూసుకున్నా సగటు వేతనం రూ.116 మాత్రమే ఉన్నట్లు గణాంకాలు స్పష్టం చేస్తున్నాయి. ఈ క్రమంలోనే ఉపాధి పనులకు కోసం వలస బాట పట్టాల్సిన పరిస్థితి ఉంది. ఇప్పటికే కదిరి, పుట్టపర్తి, రాయదుర్గం, కళ్యాణదుర్గం, హిందూపురం, గుంతకల్లు, తాడిపత్రి తదితర నియోజకవర్గాల నుంచి పెద్ద ఎత్తున బెంగళూరు, తమిళనాడు, తెలంగాణకు వలస వెళ్లారు. గత ఏడాది అధికారులు కేవలం సేద్యపు కుంటలతోనే నెట్టుకు వచ్చారు. ఈ ఏడాది ఇతర పనులు కూడా కల్పిస్తామని చెబుతున్నా కూలి గిట్టుబాటు కావడం లేదు. ప్రధానంగా క్షేత్రస్థాయిలో కొలతల విషయంలో అధికారుల నిర్లక్ష్యం కూడా ఉన్నట్లు కూలీలు ఆరోపిస్తున్నారు.
 
 చేతులు బొబ్బలెక్కుతున్నాయ్‌
 డగౌట్‌ పాండ్స్‌ పనులు చేస్తున్నాం. పైన ఒక అడుగు వరకు మెత్తగా వచ్చినా ఆ తర్వాత గునపం దింపాలంటే కష్టమే. చేతులు బొబ్బలెక్కుతున్నాయి. పోనీ చేసిన కష్టానికి ప్రతిఫలం ఉంటుందా అంటే అదీ లేదు. ఆరు రోజులకు గాను రూ.300లోపే కూలి పడింది. పేరుకే వేసవి అలవెన్సులు. మా కష్టానికి తగ్గ గిట్టుబాటు కూలి రావడం లేదు. పరిస్థితి ఇలాగే ఉంటే పనులకు వెళ్లేది లేదు. వలసలే శరణ్యం. – తిప్పేస్వామి, ఉపాధి కూలీ, కలుగోడు  
 
 ఆరు రోజులు చేస్తే రూ.280
 ఎంపీటీసీ సభ్యురాలిగా ఉన్నా... అందరితో కలిసి ఉపాధి పనులకు వెళ్తున్నా. చాలా మంది కూలీలు ఆరు రోజులు పనులు చేస్తే రూ.260 నుంచి రూ.280లోపే పడింది. రోజుకు సగటున రూ.50 లోపు కూలి వస్తే ఎలా బతకాలి? ప్రభుత్వం చెప్పేదొకటి.. ఇక్కడ జరుగుతుందొకటి. ఈ విషయంపై అధికారులతో చర్చించినా ఫలితం లేదు. అందుకే గురువారం (ఈనెల 1న) అందరం కలిసి ఉపాధి పనులను బహిష్కరించాం. గిట్టుబాటు కూలి, మెత్తటి నేలలో పనులిస్తేనే ఉపాధికి వెళ్తాం.   – టి.సుకన్య, కలుగోడు ఎంపీటీసీ సభ్యురాలు, గుమ్మఘట్ట మండలం  
 
  


 - గ్రామీణాభివృద్ధికి జతగా సెర్ప్‌ సిబ్బంది
 - ఉపాధిహామీ కమిటీల ఏర్పాటు
 
 సాక్షి, హైదరాబాద్‌: ఉపాధి హామీ పథకం కింద గ్రామీణ పేదలకు వందరోజుల ఉపాధి కల్పించాలని ప్రభుత్వం లక్ష్యంగా పెట్టుకుంది. గ్రామాల్లో వ్యవసాయ పనులు ముగియ డంతో ఖాళీగా ఉన్న కూలీలందరినీ ఉపాధి హామీ వైపు మళ్లించేందుకు గ్రామీణాభివృద్ధి శాఖ ప్రణాళికలు సిద్ధం చేస్తోంది. కూలీలకు ఉపాధిహామీ పథకం పట్ల అవగాహన కల్పించడం, వారికి అవసరమైన జాబ్‌ కార్డులను ఇప్పించడం, కూలీల డిమాండ్‌ మేరకు ఉపాధి పనులను సిద్ధం చేయడం.. తదితర కార్యక్రమాలను త్వరితగతిన పూర్తి చేసేందుకు ఉపాధిహామీ సిబ్బందితో పాటు గ్రామీణ పేదరిక నిర్మూలన సంస్థ (సెర్ప్‌) సిబ్బంది సేవలను కూడా వినియోగించు కోవాలని నిర్ణయించింది. అంతేకాకుండా ఉపాధిహామీ కార్యక్రమాన్ని మరింత ఉధృతం చేసేందుకు రాష్ట్రవ్యాప్తంగా 18,405 గ్రామ సమాఖ్యల సహాయకులను, 3,209 మంది కమ్యూనిటీ కోఆర్డినేటర్లను, 45.65 లక్షల మంది స్వయం సహాయక సంఘాల మహిళలను భాగస్వాములను చేయాలని ప్రభుత్వం నిర్ణయించింది.
 
 గ్రామ స్థాయిలో సమష్టిగా..
 ఉపాధిహామీ పనులు కల్పించే నిమిత్తం జాబ్‌ కార్డులు ఇప్పించేందుకు గ్రామీణాభివృద్ధి శాఖ సిబ్బందితో సెర్ప్‌ సిబ్బంది కలసి పని చేయాలని ప్రభుత్వం సూచించింది. పనుల డిమాం డ్‌ను సృష్టించే విధంగా కూలీలను, ఎస్‌ఎస్‌ఎస్, ఎస్‌హెచ్‌జీ గ్రూపులను ప్రోత్స హించాలని ఆదేశిం చింది. గ్రామంలో రోజు వారీ ఉపాధిహామీ పనులను పర్యవేక్షిం చేందుకు గ్రామస్థాయిలో ఐదుగురు సభ్యుల తో కమిటీని ఏర్పాటు చేయాలని ప్రభు త్వం సూచించింది. లేబర్‌ బడ్జెట్‌ రూప కల్పనలో గ్రామ సమాఖ్యలు కీలక పాత్ర పోషించాలని ఆదేశించింది. గ్రామాలలో లేబర్‌ బడ్జెట్‌ పురోగతిని మండల సమాఖ్యలు సమీక్షించాలని, మండల స్థాయిలో పనిచేసే ఏపీఎంలు, కమ్యూనిటీ కోఆర్డి నేటర్లు ఆయా పనులను పర్యవేక్షించాలని సర్కారు సూచించింది.


 ► 18న ప్రతి మండలంలో ఉపాధి పనులపై సమావేశం
 ► మంత్రి జూపల్లి వెల్లడి
 
 సాక్షి, హైదరాబాద్‌: రాష్ట్రంలో ఉపాధి హామీ కార్యక్రమాన్ని ఉద్యమంలా ముందుకు తీసు కెళ్లాలని గ్రామీణాభివృద్ధి శాఖ మంత్రి జూపల్లి కృష్ణారావు అధికారులను ఆదేశించా రు. ఉపాధిహామీ పనుల పురోగతిని జిల్లా, మండల స్థాయి అధికారులతో శనివారం ఇక్కడ వీడియో కాన్ఫరెన్స్ ద్వారా సమీక్షించా రు. రాజకీయాలకతీతంగా ప్రజాప్రతినిధులు, మహిళా సంఘాలు, సెర్ప్‌ ఉద్యోగులు, వీవోఏల సేవలను కూడా ఉపాధి హామీ పథ కం అమలులో వినియోగించుకోవాలని అధి కారులకు మంత్రి సూచించారు.
 ఈ నెల 18న ప్రతి మండల కేంద్రంలో ఉపాధి పనులపై అధికారులు, ప్రజాప్రతినిధులతో ప్రత్యేక సమావేశాలు నిర్వహించాలన్నారు. వచ్చే వారంలో ఉపాధి పనులపై చర్చించేందుకు పంచాయతీ, మండల, జిల్లాపరిషత్‌ సర్వ సభ్య సమావేశాలు ఏర్పాటు చేయాలని, ఖాళీ గా ఉన్న ఫీల్డ్‌ అసిస్టెంట్, టెక్నికల్‌ అసిస్టెంట్‌ పోస్టులను వెంటనే భర్తీ చేసేలా చర్యలు తీసు కోవాలని కమిషనర్‌ నీతూకుమారి ప్రసాద్‌ను ఆదేశించారు.
 జూన్‌ నెలాఖరులోగా సుమారు 75 రోజులు పెద్ద ఎత్తున ఉపాధి పనులు చేపట్టాలని జూపల్లి అధికారులకు సూచించా రు. జాబ్‌ కార్డులున్నవారిలో కనీసం 60 శాతం మంది కూలీలకు 100 రోజుల ఉపాధి కల్పించే లక్ష్యంతో పనిచేయాలన్నారు. చెరువు పూడికతీతపనులను ప్రారంభించని అధికారు లపై చర్యలు  తీసుకుంటామన్నారు.  
 
 అలంపూర్‌కు వరం తుమ్మిళ్ల ప్రాజెక్ట్‌
 తుమ్మిళ్ల ఎత్తిపోతల ప్రాజెక్ట్‌కు కేబినెట్‌ ఆమో దం తెలపడంతో గద్వాల జిల్లా అలంపూర్‌ రైతాంగానికి మంచి రోజులు వచ్చాయని జూపల్లి అన్నారు. సచివాలయంలో మంత్రి మాట్లాడుతూ దశాబ్దాలుగా రాజోలిబండ డైవర్షన్  స్కీమ్‌(ఆర్‌డీఎస్‌)కు చుక్కనీరు కూడా రాకపోవడంతో ఆ ప్రాంత రైతాంగం కుదేలైందన్నారు. ఈ నేపథ్యంలో తుమ్మిళ్ల ఎత్తిపోతలకు మొదటి విడతగా రూ.397 కోట్లు, రెండో విడతలో రూ.386కోట్లను ప్రభుత్వం మంజూరు చేసిందని, 2018 చివరి నాటికి ప్రాజెక్ట్‌ను పూర్తి చేస్తామన్నారు.
 
 వేసవిలోగా వంతెనల నిర్మాణం
 పీఎంజీఎస్‌వై, నాబార్డ్‌ నిధులతో చేపట్టిన వంతెనలు, రహదారుల నిర్మాణ పనులను వేసవిలోగా పూర్తి చేయాలని జూపల్లి అధికారులను ఆదేశించారు. రహ దారి, వంతెనల నిర్మాణ పనుల పురోగతిపై పంచాయతీరాజ్‌ ఇంజనీరింగ్‌ అధికారులతో శనివారం మంత్రి సమీక్షిం చారు. నిర్మాణ పనులు నత్తనడకన సాగ డంపై అసంతృప్తి వ్యక్తం చేశారు. పరిపాలనా అనుమతులు వచ్చిన వారం రోజుల్లోపే అంచనాలు, డిజైనింగ్‌ పూర్తి చేయాలని, నెల రోజుల్లో టెండర్‌ ప్రక్రియ పూర్తి చేయాలని, టెండర్‌ ప్రక్రియ ముగిసిన 15 రోజుల్లో కాంట్రాక్టర్‌కు వర్క్‌ ఆర్డర్‌ ఇవ్వాలని సూచించారు.
 
 కాంగ్రెస్‌ నేతలవే కాపీ బతుకులు: జూపల్లి
 సాక్షి, హైదరాబాద్‌: రాష్ట్రంలోని రైతుల కోసం సీఎం కేసీఆర్‌ తీసుకున్న ఉచిత ఎరువుల పంపిణీ నిర్ణయం విప్లవాత్మ కమైందని మంత్రి జూపల్లి కృష్ణారావు అన్నారు. దేశ చరిత్రలో ఏ ప్రధాని, సీఎం తీసుకోని ఇలాంటి నిర్ణయాన్ని విపక్షాలు స్వాగతించాల్సిందిపోయి మతిభ్రమించే లా మాట్లాడుతున్నాయన్నారు.
 ఎమ్మెల్యే గువ్వల బాలరాజు, ఎమ్మెల్సీ నారాయణ రెడ్డితో కలసి శనివారం ఆయన టీఆర్‌ఎస్‌ ఎల్పీ కార్యాలయంలో విలేకరులతో మా ట్లాడారు. ఉచిత ఎరువుల పంపిణీ ఎన్ని కల కోసం తీసుకున్న నిర్ణయం కాదని, ఎన్నికల కోసమే పథకాలు తెచ్చిన చరిత్ర కాంగ్రెస్‌ పార్టీదన్నారు. కాంగ్రెస్‌ వాళ్లను కాపీ కొట్టాల్సిన ఖర్మ తమకు పట్టలేదని, అసలైన కాపీ బతుకులు కాంగ్రెస్‌ నేతలవే నన్నారు. విపక్ష నేతలు నోరు అదుపులో పెట్టుకోవాలని గువ్వల హెచ్చరించారు. రాష్ట్రంలో కాంగ్రెస్‌ మాయమవడం ఖాయ మని నారాయణరెడ్డి అన్నారు.


 ► ఆరు నెలలుగా ఉపాధి వేతనాలు లేవు
 ► నియోజకవర్గంలో ఉపాధి వేతనదారుల అగచాట్లు
 ► సమాధానం చెప్పని అధికారులు....
 
 పాలకొండ రూరల్‌: రెక్కాడితేగాని డొక్కాడని వేతనదారులకు ఉపాధి సిబ్బంది చుక్కలు చూపిస్తున్నారు. నియోజకవర్గంలో నాలుగు మండలాల్లో ఇదే పరిస్థితి నెలకొంది. దీంతో వందలాది వేతనదారులు ఉసూరుమంటున్నారు. దాదాపు 5 నెలలుగా తమ వేతనాలు అందటం లేదని వాపోతున్నారు. 2016 డిశంబర్‌ నుండి ప్రస్తుత వేసవి వరకు దాదాపు వేతనాలు అందటం లేదని చెబుతున్నారు. వేసవిలో ఎండలో మండిపోతూ రెక్కలు ముక్కలు చేసుకుని జాతీయ ఉపాధిహామీ పనులు చేస్తున్నా అధికారులు స్పందించకపోవటంపై విమర్శలు గుప్పిస్తున్నారు.
 
 లక్షల్లో బకాయిలు...: పాలకొండ నియోజకవర్గంలో ఉపాధి వేతనాలు లక్షల్లో బకాయిలు ఉన్నాయి. ముఖ్యంగా గ్రామీణ ప్రాంతాల్లో 45 శాతం ఉపాధి పనులపై ఆధారపడుతున్నారు. ఒక్కో మండలంలో 4 నుండి 5వేల మందికి జాబ్‌కార్డులు ఉండగా మొత్తంగా 4 మండలాల్లో సుమారు మండలానికి వంద వంతున చెరువులు, కాలువలు, రహదారుల పనులు జరుగుతున్నాయి. వీటి సంబంధించి వేతనాలు లేవు. దీనికితోడు ఇటీవల రోడ్ల ప్రక్కన వేసిన మొక్కలకు, వాటికి అమర్చిన ట్రీ గార్డులకు, నిత్యం అందించిన నీటి వసతులకు సంబంధించిన వేతనాలు అందించకపోవటంతో లక్షల్లో వేతనాలు బకాయిలు ఉన్నాయి.
 
 పాలకొండ మండలంలో 5 వేల మంది వేతనదారులకు 38 పనులకు సంబంధించి రూ.63 లక్షలు, ఏజెన్సీ సీతంపేటలో రూ.19 లక్షల 5వేలు, భామినిలో రూ.11లక్షల 50 వేలు, వీరఘట్టంలో దాదాపు రూ.11 లక్షలవరకు బకాయిలు ఉన్నట్లు వేతనదారులు చెబుతున్నారు. వేతనాలకోసం సీఎఫ్‌ల వద్ద వేతనదారులు ప్రస్తావిస్తే వారు సరైన సమాధానం చెప్పకపోగా కసురు కోవటంతో మండల ఉపాధి కార్యాలయాల చుట్టూ వేతనదారులు తిరుగుతున్నారు. గతంలో ఇచ్చిన స్లిప్‌లు కూడా ఇవ్వకపోవటంతో తాము 5 నెలలు ఎంతపని చేశామో, ఎంత వేతనం వస్తుందో తెలియని పరిస్థితి నెలకొందని పలువురు చెబుతున్నారు. మరికొన్ని చోట్ల పనులు నిలిపేశారు.
 
 నగదు లావాదేవీల్లో..: గత కొద్ది రోజులుగా ట్రజరీ, బ్యాంకుల ద్వారా నగదు లావాదేవీలు సక్రమంగా జరగకపోవటం, ప్రభుత్వం వీరిని పట్టించుకోకపోవటంతో దాదాపు అన్ని ప్రాంతాల్లో ఇదే సమస్య నెలకొంది. ఉపాధి వేతనాల నగదు రాష్ట్ర వ్యాప్తంగా విడుదల కాలేదని, పోస్టల్, బ్యాంకులకు జమ చేసినప్పటికీ సాంకేతిక సమస్యల కారణంగా వేతనదారుల ఖాతాలకు జమకాలేదని ఉపాధి అధికారులు చెబుతున్నారు. ఏది ఏమైనా తాము కష్టిస్తున్న పనికి వేతనాలు తక్షణం చెల్లించాలని, తమ సమస్యలు గుర్తించాలని వేతనదారులు కోరుతున్నారు.
 –ఐదు నెలలుగా: ఐదు నెలలుగా వేతనాలు లేవు. బతకటం ఎలా. సీఫ్‌కు అడిగితే కసురుకుంటుంది. తినడానికి తిండి లేని పరిస్థితి. పిల్లలకు ఫీజులు చెల్లించలేకపోతున్నాం. నరకం చూస్తున్నాం. అధికారులు స్పందించాలి. ---వావిలపిల్లి సూరమ్మ, అట్టలి,పాలకొండ మండలం...
 
 –వలసపోవాలి: కష్టపడుతున్నా వేతనం లేదు. ఉపాధిపనులు నమ్ముకుని బతుకుతున్నాం. ఇన్నాళ్లు వేనాలు చెల్లించకపోతే కుటుంబాలను ఎలా నెట్టుకొస్తాం. అధికారులు స్పందించుట లేదు. వేతనాల కోసం మండల కేంద్రాల్లో బ్యాంకుల చుట్టూ తిరగాల్సిన పరిస్థితి. ---పార్వతి, ఉపాధి వేతనదారు. పాలకొండ మండలం...
 
 పట్టించుకోవటం లేదు:  అసలే దివ్యాంగుడిని. అటుపై ఉపాధి పనులు చేసుకుంటూ జీవనం గడుపుతున్నాను. గడిచిన ఐదు నెలలుగా వేతనాలు ఇవ్వడం లేదు. నాబాధ చెప్పుకోలేను. మూగవాడిని కావడంతో ఇబ్బంది పడుతున్నాను. --- జగన్, దివ్యాంగ వేతనదారు.


 ఉపాధి హామీ పథకం నిధులు కైంకర్యం
 - ఫామ్‌ పాండ్స్‌ తవ్వకం పేరిట రాష్ట్రంలో భారీగా అవినీతి
 - వాటాలు పంచుకున్న ప్రభుత్వ పెద్దలు, టీడీపీ అగ్రనేతలు
 - ఒక్క ఏడాదిలోనే దాదాపు రూ.1,000 కోట్లు స్వాహా
 - తవ్వేది ఒక కుంట.. రికార్డుల్లో 10 కుంటలుగా నమోదు
 - యథేచ్ఛగా నిబంధనల ఉల్లంఘన... టీడీపీ నేతలే కాంట్రాక్టర్లు
 -  ప్రకాశం జిల్లా కంభాలపాడులో ‘సాక్షి’ పరిశీలనలో అక్రమాలు బహిర్గతం  
 
 సాక్షి, అమరావతి: గ్రామాల్లో పేద కూలీలకు పనులు కల్పించాలనే సదాశయంతో కేంద్రం ఇస్తున్న జాతీయ గ్రామీణ ఉపాధి హామీ పథకం నిధులను రాష్ట్రంలో ప్రభుత్వ పెద్దలు, అధికార పార్టీ అగ్రనేతలు ఆరగిస్తున్నారు. ఫామ్‌ పాండ్స్‌(పంట కుంటలు) తవ్వకం పేరిట కేవలం ఒక్క ఏడాదిలోనే దాదాపు రూ.వెయ్యి కోట్లు మింగేశారు. ఈ పనులను గ్రామస్థాయిలో టీడీపీ నాయకులకు కట్టబెట్టి, మీకింత మాకింత అంటూ వాటాలు పంచేసుకున్నారు. ఫామ్‌ పాండ్స్‌ తవ్వకం ముసుగులో భారీ ఎత్తున సాగుతున్న ఈ అవినీతి బాగోతం ‘సాక్షి’ క్షేత్రస్థాయి పరిశీలనలో బట్టబయలైంది.
 
 పేద కుటుంబాలకు వారి సొంత గ్రామాల్లో పనులు కల్పించడానికి ఉపాధి హామీ పథకంలో భాగంగా కేంద్ర ప్రభుత్వం ఫామ్‌ పాండ్స్‌ నిర్మాణానికి నిధులిస్తోంది. 2016 ఏప్రిల్‌ నుంచి 2017 మార్చి మధ్య కాలంలో కేంద్రం ఇచ్చిన ఉపాధి హామీ పథకం నిధులతో దేశవ్యాప్తంగా అన్ని రాష్ట్రాల్లో కలిపి 5,45,625 పంట కుంటలు తవ్వగా, ఇందులో ఒక్క ఆంధ్రప్రదేశ్‌లోనే 3,11,161 కుంటలు తవ్వినట్లు రాష్ట్ర ప్రభుత్వం ప్రకటించడం గమనార్హం. ఇందుకోసం రూ.965.64 కోట్లు ఖర్చు చేసినట్లు లెక్కలు చూపుతోంది. రాష్ట్రంలో మరో 1,04,000 పంట కుంటలు నిర్మాణంలో ఉన్నాయి.
 
 రాష్ట్రవ్యాప్తంగా అన్ని జిల్లాల్లో ఫామ్‌పాండ్స్‌ తవ్వకాల్లో లెక్కలేనన్ని అక్రమాలు చోటుచేసుకున్నాయి. ప్రభుత్వ పెద్దల సహకారంతో ఈ పనులను దక్కించుకున్న అధికార పార్టీ నాయకులు నిబంధనలను యథేచ్ఛగా తుంగలో తొక్కారు. ఒక కుంట తవ్వి, పదికుంటలు తవ్వినట్లు రికార్డుల్లో రాసేశారు. ఈ మేరకు బిల్లులు సమర్పించి, ప్రభుత్వం నుంచి డబ్బులు నొక్కేశారు. పెద్దలకు వాటాలు అందజేశారు. రాష్ట్రవ్యాప్తంగా ఎక్కడ చూసినా ఇదే పరిస్థితి. మచ్చుకు ఒక గ్రామాన్ని ‘సాక్షి’ పరిశీలించింది. అధికార పార్టీ నాయకుల అవినీతి, అక్రమాలు బహిర్గతమయ్యాయి.
 
 ఒక్క ఏడాదే రూ.1.51 కోట్ల చెల్లింపులు
 ప్రకాశం జిల్లా పొదిలి మండలం కంభాలపాడులో పంట కుంటల తవ్వకం పనులను ‘సాక్షి’ పరిశీలించింది. ప్రభుత్వ రికార్డుల ప్రకారం ప్రకాశం జిల్లాలో ఎక్కువ సంఖ్యలో ఫామ్‌పాండ్స్‌ తవ్విన మొదటి ఐదు గ్రామ పంచాయతీల్లో కంభాలపాడు ఒకటి. అందుకే ఈ గ్రామాన్ని ‘సాక్షి’ పరిశీలనకు ఎంచుకుంది. ఉపాధి హామీ పథకం మొదలైన నాటి నుంచి ఇప్పటివరకు 11 ఏళ్లలో ఈ గ్రామంలో ఈ పథకం కింద కూలీలకు రూ.3.79 కోట్లు చెల్లించగా, అందులో రూ.1.51 కోట్లు ఈ ఒక్క ఏడాదే పంటల కుంటల కోసం చెల్లించారు.
 
 రికార్డులు తప్పుల తడకలు
 కంభాలపాడులో మొత్తం 322 పంట కుంటల పనులు చేపట్టారు. ఒక్క ఏడాదిలోనే 278 కుంటల తవ్వకం పూర్తి చేసినట్టు రికార్డులో పేర్కొన్నారు. గ్రామంలో పంటకుంటలు ఎక్కడ తవ్వాలనే వివరాలు కూడా నమోదు చేసుకోకుండా పనులు మంజూరు చేశారు. వాటిని పూర్తి చేశారు, బిల్లులు కూడా చెల్లించారు. కానీ క్షేత్రస్థాయిలో ఈ మేరకు పంట కుంటలు కనిపించడం లేదు. నిబంధనల ప్రకారం ఒక కుంట తవ్వకానికి అనుమతి ఇచ్చేటప్పుడు దాన్ని ఏ రైతు పొలంలో తవ్వుతారన్న వివరాలను స్పష్టంగా పేర్కొనాలి. సంబంధిత రైతు ఉపాధి హామీ పథకంలో కూలీగా నమోదు చేసుకుని ఉండాలి. రైతు పొలం సర్వేనంబరు, కూలీ కార్డుసంఖ్య తెలపాలి.
 
 పొలాల్లో కాకుండా బహిరంగ ప్రదేశాల్లో పనులకు అనుమతిచ్చినా, సంబంధిత ప్రాంతం గురించి స్పష్టమైన వివరాలతోపాటు సర్వే నంబరును నమోదు చేయాలి. కంభాలపాడులో 240 పంట కుంటలను ఏయే రైతుల పొలాల్లో తవ్వారన్న వివరాలను ప్రభుత్వ రికార్డుల్లో పొందుపరచలేదు. రికార్డుల్లో 83 మంది రైతుల పేర్లను నమోదు చేసినప్పటికీ, వారి ఉపాధి హామీ పథకం జాబ్‌ కార్డు సంఖ్య స్థానంలో దొంగ నంబర్లు నమోదు చేశారు. 147 పంట కుంటలను ఏ సర్వే నంబరులో తవ్వారన్న వివరాల్లేవు.
 
 దొంగ జాబ్‌కార్డు నంబర్లు నమోదు
 కంభాలపాడులో పంట కుంటలను ఎక్కడ తవ్వారని స్థానిక అధికారులను అడిగితే వాగుల వైపే చూపిస్తున్నారు. మొదట గ్రామంలోని చిన్న ఊట్ల వాగు ప్రాంతంలో 78, ఎర్రవంక వాగులో 70, పల్లెకంటి వాగులో 73 పంట కుంటలను తవ్వినట్టు చెప్పారు. ‘సాక్షి’ పరిశీలనలో చిన్న ఊట్ల వాగు, వాగుకు ఇరుపక్కల రైతుల పొలాల్లో కేవలం 28 పంట కుంటలు మాత్రమే కనిపించాయి. గ్రామంలో మొత్తం 13 కిలోమీటర్ల పరిధిలో ఉండే మూడు వాగుల్లో 211 కుంటలు తవ్వారా? అని అధికారుల వద్ద ఆరా తీస్తే.. తాము మొదట ఇచ్చిన సమాచారం తప్పుగా వచ్చిందంటూ కొత్తగా మరొక పేర్ల జాబితాను అందజేశారు.
 
 రెండో జాబితాలో పెద్ద ఊట్ల వాగులో 48, ఎర్రవంక వాగులో 14తోపాటు ఒక్కొక్క రైతు పేరుతో నాలుగైదు కుంటలను తవ్వినట్లు పేర్కొన్నారు. విజయవాడలోని గ్రామీణాభివృద్ధి శాఖ కమిషనర్‌ కార్యాలయంలో ఉన్న జాబితాకు, స్థానిక అధికారులిచ్చిన రెండు జాబితాలకు పొంతనలేదు. కమిష నర్‌ కార్యాలయంలోని  జాబితాలో దొంగ జాబ్‌కార్డు నంబ ర్లు నమోదు చేయడం గమనార్హం. కూలీ జాబ్‌ కార్డులో ఉండే 18 అంకెల సంఖ్యను నమోదు చేయాల్సి ఉండగా, 9 అంకెల సంఖ్యలను మాత్రమే నమోదు చేశారు.
 
 పనులన్నీ టీడీపీ నేతల పరం
 రాష్ట్రంలో కొన్ని నెలలుగా ఉపాధి హామీ పథకంలో కేవలం పంట కుంటల తవ్వకం పనులకే ప్రభుత్వం అనుమతులు మంజూరు చేస్తోంది. ఈ పథకానికి కేంద్రం ఇచ్చే నిధులతో కాంట్రాక్టర్ల ద్వారా పనులు చేయించకూడదని నిబంధనలు న్నా గ్రామస్థాయిలో అధికార పార్టీ నేతలు, వారి అనుచరులే ఈ పనులు దక్కించుకుంటున్నారు.
 
 యంత్రాల వాడకం... కూలీల పేరుతో బిల్లులు
 ఉపాధి హామీ పథకం పనుల్లో యంత్రాల వాడకంపై నిషేధం ఉంది. అయినా పంట కుంటలను యంత్రాలతో తవ్వి కూలీల పేరుతో బిల్లులు చేసుకుంటున్నారు. రాష్ట్రవ్యాప్తంగా ఉపాధి హామీ పథకంలో పని చేసిన కూలీలకు రోజుకు రూ.129 చొప్పున కూలీ పడుతుండగా, కంభాలపాడులో కూలీలకు రోజుకు రూ.188 చొప్పున చెల్లింపులు జరిపినట్లు రికార్డుల్లో పేర్కొన్నారు. పంటకుంట చుట్టూ రాళ్లతో రివిట్‌మెంట్‌ను ఏర్పాటు చేయాల్సి ఉంటుంది. ‘సాక్షి’ బృందం పరిశీలించిన ఏ ఒక్క కుంటకూ రాళ్లతో రివిట్‌మెంట్‌ చేసిన దాఖలాలు లేవు.
 
 బోర్డులు పెట్టలేదు.. బిల్లులు తీసుకున్నారు
 ఉపాధి హామీ పథకంలో చేపట్టిన పనుల వివరాలతో పని ప్రాంతంలో తప్పనిసరిగా బోర్డులు ఏర్పాటు చేయాలి. కంభాలపాడులో కేవలం ఒక్కచోట మాత్రమే బోర్డును ఏర్పాటు చేసినప్పటికీ, చిన్న ఊట్ల వాగుపై తవ్విన పంటకుంటకు పెద్ద ఊట్ల వాగులో తవ్వకానికి అనుమతిచ్చిన బోర్డును ఉంచారు. మిగిలిన చోట్ల ఎక్కడా బోర్డులు లేవు. ఏడాది కిందట పూర్తయిన వాటి వద్ద సైతం బోర్డులు ఏర్పాటు చేయలేదు. బోర్డుల ఖర్చు పేరిట రూ.500 చొప్పున బిల్లులు మాత్రం తీసుకున్నారు. బోర్డుల గురించి అధికారులను అడిగితే.. ఆర్డర్‌ ఇచ్చామని బదులిచ్చారు. అక్రమాలు బయటపడతాయనే ఉద్దేశంతోనే బోర్డులు ఏర్పాటు చేయలేదని గ్రామస్థులు చెబుతున్నారు. కంభాలపాడులో స్థానిక టీడీపీ నేత అండదండలతోనే పంటకుంటల తవ్వకంలో అవినీతి చోటు చేసుకుందని గ్రామస్థులు ఆరోపిస్తున్నారు.


 ► ఉపాధిహామీ సిబ్బంది పనితీరుపై మంత్రి రామన్న అసహనం
 ► మొక్కలు తక్కువ ఉన్నా కాపాడలేకపోతున్నాం
 ► నాన్‌ సీఆర్‌ఎఫ్‌ బిల్లుల పెండింగ్‌పై అసంతృప్తి
 ► పథకాల అమలు తీరుపై మంత్రి సమీక్ష
 ఆదిలాబాద్‌ అర్బన్‌: రైతులు కంపోస్టు ఎరువు కోసం ఉపయోగించే గుంతలకు ఇంతవరకు బిల్లులు ఇవ్వలేదని, ఉపాధి హామీ పథకంలో ఏం జరుగుతుందో ఎవరికీ తెలియదని రాష్ట్ర అటవీ, పర్యావరణ శాఖ మంత్రి జోగు రామన్న అసహనం వ్యక్తం చేశారు. పని చేయని ఫీల్డ్, టెక్నికల్‌ అసిస్టెంట్లను తొలగించాలని ఆదేశించారు. గురువారం కలెక్టరేట్‌ సమావేశ మందిరంలో వేసవిలో ఎదురవుతున్న తాగునీటి ఇబ్బందులు, ఉపాధి హామీ పనులు, హరితహారంపై సమీక్షించారు.
 కలెక్టర్‌ జ్యోతిబ్ధు ప్రకాశ్‌ అధ్యక్షతన జరిగిన ఈ సమావేశంలో ఉపాధి హామీ, ఆర్‌డబ్ల్యూఎస్, అటవీశాఖ, అధికారులు పాల్గొన్నారు. ఉపాధి హామీపై సమీక్ష సందర్భంగా మంత్రి రామన్న మాట్లాడుతూ జిల్లాలో ఉపాధి హామీ పనుల్లో ఆదిలాబాద్‌ వెనుకబడి ఉందని అన్నారు. రెండు వేల మంది మాత్రమే పనులు చేస్తున్నారని అధికారులు తెలుపగా.. అవగాహన కల్పించి మరిన్ని పనులు కల్పించాలని సూచించారు. వేసవిలో పనులు చేస్తున్న కూలీలకు అదనంగా డబ్బులు వస్తాయన్న విషయం తెలుపాలని, గ్రామాల్లోని వీఆర్‌ఏల సహకారం తీసుకోవాలని అన్నారు.
 మొక్కలు కాపాడలేకపోతున్నాం..
 జిల్లాలో గత రెండేళ్ల క్రితం రోడ్డుకు ఇరువైపులా నాటిన మొక్కలు తక్కువగా ఉన్న కూడా వాటిని కాపాడలేకపోతున్నామని మంత్రి రామన్న అన్నారు. వేసవి దృష్ట్యా అగ్గి తగిలి అనేక చెట్లు కాలిపోయాయని పేర్కొన్నారు. ఈ విషయం సంబంధిత అధికారులకు ఇంత వరకు కూడా తెలియదని అన్నారు. అటవీ ప్రాంతంలో అగ్గి తగిలి చెట్లు కాలిపోతున్నాయని, ఇందుకు చర్యలు తీసుకోవాలని ఆదేశించారు. గ్రామస్థాయిలో పని చేసే అధికారులు, సిబ్బంది పైస్థాయి అధికారులకు ఎలా, ఏం తెలియజేస్తున్నారో అర్థం కావడం లేదని అన్నారు.
 ఎంపీడీవోలకు వారి కింది స్థాయి సిబ్బంది రోజువారీ నివేదికలు ఇవ్వరా.. అని ప్రశ్నించారు. జైనథ్‌ మండలంలో రోడ్డు గుండా నాటిన మొక్కలు కాలిపోయాయని మంత్రి ప్రస్తావించారు. జిల్లాలో తక్కువ కిలోమీటర్ల మేర చెట్లు నాటిన వాటిని కాపాడలేకపోతున్నామని, వేసవి కాలంలో జరిగే అగ్ని ప్రమాదాల వల్ల చెట్లు కాలిపోకుండా చూడాలని అధికారులకు సూచించారు. ఫారెస్ట్‌ నర్సరీల్లో పనులు చేస్తున్న కూలీలకు ఇంకా వేతనాలు రాలేదని మంత్రి దృష్టికి తీసుకురాగా, అక్కడ కమిషనరేట్‌లో పంపామని చెబుతారు.. ఇక్కడికేమో రాలేదు.. ఆ విషయం ఓసారి పరిశీలించి తెలుపాలని చెప్పారు.
 తాగునీటి ఇబ్బందులు రావొద్దు
 తాగునీటి సరఫరాపై మంత్రి అధికారులతో సమీక్షించారు. ఆదిలాబాద్, బోథ్‌ నియోజకవర్గాల్లో ఎక్కడెక్కడ రవాణా ద్వారా నీటిని సరఫరా చేస్తున్నారో తెలుసుకున్నారు. వీఆర్‌ఏలు, మండల అధికారులు గ్రామాలకు వెళ్లి ఉపాధి హామీ, తాగునీరు, హరితహారంపై ప్రజలకు అవగాహన కల్పించాలని పేర్కొన్నారు. పెన్‌గంగ నుంచి జైనథ్, బేల మండలాలకు తాగునీరు అందించే పైప్‌లైన్‌కు విద్యుత్‌ కనెక్షన్‌ ఇవ్వకపోవడంపై మంత్రి అసంతృప్తి వ్యక్తం చేశారు.
 సాత్నాల పైప్‌లైన్‌ను ఎందుకు ప్రారంభించడం లేదని సంబంధిత అధికారులను ప్రశ్నించారు. జిల్లాలో వేసవిలో తాగునీటి ఇబ్బందుల రావొద్దని ఆదేశింంచారు. గతేడాదిలో జరిగిన నాన్‌ సీఆర్‌ఎఫ్‌ పనులు పూర్తయ్యాయి, కానీ ఇంత వరకు బిల్లులు ఇవ్వకపోవడంపై మంత్రి అసంతృప్తి వ్యక్తం చేశారు. ఈ కార్యక్రమంలో జేసీ కృష్ణారెడ్డి, ఐఎఫ్‌ఎస్‌ ఎస్‌కె.గుప్తా, డీఆర్డీవో రాజేశ్వర్, తహశీల్దార్లు, ఎంపీడీఓలు, అధికారులు పాల్గొన్నారు. 


 లబ్ధిదారులకు సక్రమంగా చేరేలా సర్కారు చర్యలు: జూపల్లి  
 
 సాక్షి, హైదరాబాద్‌: ఈ నెల నుంచి ‘ఆసరా’ పింఛన్లను పోస్టాఫీసుల ద్వారానే పంపిణీ చేయాలని ప్రభుత్వం నిర్ణయించిందని గ్రామీణాభివృద్ధి శాఖ మంత్రి జూపల్లి కృష్ణారావు చెప్పారు. శనివారం సచివాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ.. ప్రస్తుతం 2,551 గ్రామాల లబ్ధిదారులకు బ్యాంకుల ద్వారా పింఛన్ల పంపిణీ జరుగుతోందని, మండలంలో ఉండే ఒక బ్యాంక్‌ వద్దకే అన్ని గ్రామాల నుంచి లబ్ధిదారులు రావడం ఇబ్బందికరంగా మారిందన్నారు. ఆ ఇబ్బందులను దృష్టిలో పెట్టుకొని పోస్టాఫీసు ఉన్న ప్రతి గ్రామంలోనూ బయోమెట్రిక్‌ విధానంతో పింఛన్లను అందించాలని నిర్ణయించామన్నారు.
 
 పంచాయతీలకు సమీపంలో తండాల్లోని లబ్ధిదారులు కూడా వారి ఇంటివద్దనే పింఛన్‌ సొమ్ము అందుకునేందుకు ఏర్పాట్లు చేస్తున్నామన్నారు. గతంలో.. వేలి ముద్రలు సరిపోలని వారికి పంచాయతీ కార్యదర్శి ద్వారా పింఛన్‌ సొమ్మును అందజేశామని, అందులోనూ అవకతవకలు జరుగుతున్నందున, ఐరిస్‌ విధా నాన్ని అమలు చేయాలని భావిస్తున్నామన్నారు. కొల్లాపూర్‌ నియోజకవర్గం గోపులాపూర్‌లో ఓ వృద్ధురాలికి గత 4 నెలలుగా పింఛన్‌ సొమ్ము ఇవ్వకుండా, అక్రమాలకు పాల్పడుతున్న పంచాయతీ కార్యదర్శిని సస్పెండ్‌ చేసినట్లు మంత్రి జూపల్లి పేర్కొన్నారు.
 
 అత్యధికంగా ఉపాధిహామీ పనులు
 2016–17 ఆర్థిక సంవత్సరంలో ఉపాధిహామీ పథకం కింద రాష్ట్రవ్యాప్తంగా రూ. 2,618 కోట్ల పనులు జరిగాయని, గత 10 సంవత్సరాలతో పోల్చితే అత్యధికంగా ఉపాధిహామీ నిధులు ఖర్చు చేసిన ఘనత తెలంగాణ ప్రభుత్వానికే దక్కుతుందని మంత్రి జూపల్లి పేర్కొన్నారు. పదేళ్లలో దాదాపు రూ.3,827 కోట్లు ఖర్చు చేయక పోవడంతో ఆ నిధులు మురిగి పోయాయన్నారు. 2017–18లో సుమారు రూ. వెయ్యికోట్ల మేర సిమెంట్‌ రహదారుల నిర్మాణానికి వెచ్చించాలని ప్లాన్‌ చేస్తున్నామన్నారు. రాష్ట్రంలో పనికోరిన ప్రతి ఒక్కరికి ఆన్‌లైన్‌ ద్వారానే జాబ్‌ కార్డు మంజూరు చేసి, ప్రతి కుటుంబానికి 100 రోజుల పాటు ఉపాధి కల్పించేందుకు కృషి చేస్తున్నామని మంత్రి జూపల్లి చెప్పారు. సమావేశంలో ఎమ్మెల్సీ కసిరెడ్డి నారాయణరెడ్డి, ఎమ్మెల్యేలు బాలరాజు, రామ్మోహన్‌రెడ్డి, రవికుమార్, మహబూబ్‌నగర్‌ జెడ్పీ చైర్మన్‌ భాస్కర్‌ తదితరులున్నారు.


 - ఉపాధిహామీ కింద సీసీరోడ్ల నిర్మాణంలో కొన్నిచోట్ల అవకతవకలు
 - గ్రామీణాభివృద్ధి శాఖకు ఫిర్యాదులు
 
 సాక్షి, హైదరాబాద్‌: ఉపాధిహామీ పథకం కింద చేపట్టిన సిమెంట్‌ రహదారుల నిర్మాణ పనుల్లో పెద్ద ఎత్తున అవకతవకలు చోటు చేసుకుంటున్నాయని గ్రామీణాభి వృద్ధి శాఖకు ఫిర్యాదులు వెల్లువెత్తుతున్నాయి. కొన్ని జిల్లాల్లో ఇంతకు మునుపే వివిధ ప్రభుత్వ పథకాల కింద వేసిన సీసీరోడ్లనే తాజాగా కొద్దిపాటి మరమ్మతులు చేసి, కొత్త సిమెంట్‌ రోడ్ల మాదిరిగా చిత్రీకరిస్తున్నట్లు ఉన్నతాధి కారుల పరిశీలనలో తేలింది. ఉపాధిహామీ పథకంలో మెటీరియల్‌ కాంపొనెంట్‌ నిధులను ఆర్థిక సంవత్సరం ముగిసేలోగా ఖర్చు చేయాల్సి ఉన్నందున, గత నెలరోజు లుగా గ్రామాల్లో హడావిడి వాతావరణం నెలకొంది. కొన్ని జిల్లాల్లో సిమెంట్‌ రహదారుల నిర్మాణానికి అవసరమైన ఇసుక అందుబాటులో లేకపోవడం, కొన్ని ప్రాంతాల్లో నిర్మాణ పనులు చేసేందుకు అవసరమైన మేస్త్రీలు దొరకకపోవడంతో ఆశించిన స్థాయిలో పనులు ముందుకు సాగడం లేదని తెలుస్తోంది.
 
 రూ.300 కోట్లకు మించే పరిస్థితి లేదు...
 ఆర్థిక సంవత్సరం ముగిసేనాటికి కేవలం 7,564 పనులు మాత్రమే కొనసాగుతున్నాయని, వీటికి రూ.259.09కోట్లు మాత్రమే ఖర్చయిందని గ్రామీణాభివృద్ధి శాఖ అధికారులు తమ అధికారిక వెబ్‌సైట్లో పొందుపరిచారు. కొన్ని జిల్లాల్లో ఇంటర్నెట్‌ సమస్యల కారణంగా పనుల వివరాలను నమోదు చేయలేదని, మొత్తంగా రూ.300 కోట్లకు మించి సీసీ రోడ్లకు ఖర్చయ్యే పరిస్థితి కనిపించడం లేదని తెలుస్తోంది. దీంతో ఆయా గ్రామాల్లో పాత సిమెంట్‌ రోడ్లనే కొత్త రహదారులుగా చూపి సొమ్ము చేసుకునేందుకు అక్రమార్కులు ప్రయత్నిస్తున్నారు. కొందరు ప్రజాప్రతినిధులు తమ గ్రామాల్లో కొత్త సీసీరోడ్లు వేసినట్లు రికార్డుల్లో నమోదు చేయాలని క్షేత్రస్థాయి సిబ్బందిపై ఒత్తిడి చేస్తున్నారని తెలుస్తోంది. కొన్ని జిల్లాల్లోనైతే ఏకంగా ఎమ్మెల్యేలు, మంత్రులు తమ అనుయూయులకు సీసీరోడ్ల బిల్లులు ఇప్పించాలని జిల్లా కలెక్టర్లపై ఒత్తిడి పెంచుతున్నట్లు సమాచారం.
 
 పూర్తి చేసిన వాటికే బిల్లులు..
 మార్చి 31లోగా సీసీరోడ్లు నిర్మించకుండా బిల్లులు పొందేందుకు అస్కారం లేదని, పూర్తిచేసిన రహదారులకు మాత్రమే బిల్లులు మంజూరవుతాయని ఉన్నతాధికారులు అంటున్నారు. నిర్మించిన ప్రతి సీసీరోడ్‌ను తప్పనిసరిగా జియోట్యాగింగ్‌ చేస్తున్నామని, ఆయా రహదారుల వద్ద ఉపాధిహామీ నిధులతో నిర్మించిన రహదారిగా శిలాఫలకాలు ఏర్పాటు చేయనున్నామని అధికారులు చెబుతున్నారు.


 అధికారులతో జూపల్లి
 సాక్షి, హైదరాబాద్‌: గ్రామాల్లో మంజూరైన సిమెంట్‌ రహదారుల నిర్మాణ పనులను మార్చి 31లోగా పూర్తి చేయాలని అధికా రులను పంచాయతీరాజ్, గ్రామీణాభి వృద్ధి శాఖ మంత్రి జూపల్లి కృష్ణారావు ఆదేశించారు. ఉపాధి హామీ కింద జరుగు తున్న సీసీ రోడ్ల నిర్మాణ పనుల పురోగ తిపై మంగళవారం ఆయన సమీక్షించారు. కేంద్రం నుంచి వచ్చే ప్రతి రూపాయిని వృథా కాకుండా సద్వినియోగం చేయాలని సూచించారు.
 వచ్చే ఆర్థిక సంవత్సరం లోనూ పెద్దెత్తున ఉపాధి పనులు చేపట్టేం దుకు ప్రణాళికలు సిద్ధం చేసుకోవాల్సిన అవసరం ఉందని, ఆ దిశగా అధికారులు సమాయత్తం కావాలన్నారు. ప్రపంచవ్యా ప్తంగా ఉన్న తెలుగు వారందరికీ మంత్రి జూపల్లి ఉగాది శుభాకాంక్షలు తెలిపారు. నూతన సంవత్సరంలో రాష్ట్రం మరింత అభివృద్ధి పథంలో నడవాలని, ప్రజలంతా సుఖసంతోషాలతో ఉండాలని ఆకాంక్షిం చారు. పంచాయతీరాజ్‌ ఇంజనీర్‌ ఇన్‌ చీఫ్‌ సత్యనారాయణరెడ్డి పాల్గొన్నారు.


 తొలి విడతలో 500 గ్రామాల్లో ఏర్పాటుకు తెలంగాణ గ్రామీణాభివృద్ధి శాఖ ప్రణాళికలు
 
 సాక్షి, హైదరాబాద్‌: రాష్ట్రవ్యాప్తంగా గ్రామాల్లో వైకుంఠధామాల(శ్మశానవాటిక)ను ఏర్పాటు చేయాలని తెలంగాణ ప్రభుత్వం సంకల్పించింది. ఇందుకుగాను ఉపాధిహామీ పథకం నిధులు వెచ్చించాలని నిర్ణయిచింది. ప్రభుత్వ ఆదేశాల మేరకు తొలి విడతలో 500 గ్రామాల్లో వైకుంఠ థామాల ఏర్పాటుకు గ్రామీణాబివృద్ధి శాఖ ప్రణాళికలు సిద్ధం చేసింది. రాష్ట్రంలో మొత్తంగా తొలివిడతలో మెటీరియల్‌ కాంపొనెంట్‌ కింద రూ.50 కోట్లు ఖర్చు చేయనున్నారు. 
 
 ఎంపిక చేసిన గ్రామాల్లో వైకుంఠధామాల ఏర్పాటు నిమిత్తం మార్గదర్శకాలను సూచిస్తూ అన్ని జిల్లాల కలెక్టర్లు, జిల్లా గ్రామీణాభివృద్ధి అధికారులకు కమిషనర్‌ నీతూకుమారి ప్రసాద్‌ సర్క్యులర్‌ జారీ చేశారు. ఉపాధిహామీ చట్టంలో గ్రామీణ మౌలిక సదుపాయాల కల్పన కింద ఈ పనులను చేపట్టేందుకు వెసులుబాటు ఉందని ఆమె పేర్కొన్నారు.వైకుంఠధామాలకు ఒక్కో గ్రామానికి రూ.10 లక్షలు ఖర్చవుతుందని అధికారులు అంచనావేశారు. అయితే, ఆయా గ్రామాల్లో జనాభాను బట్టి అంచనాల్లో కొంత మేరకు హెచ్చుతగ్గులు ఉండే వచ్చు. ఏదేని గ్రామంలో దాతలు ముందుకు వచ్చినట్లయితే, వైకుంఠ ధామం ఏర్పాటుకు రూ.5 లక్షలు లేదా వ్యయంలో 25 శాతం (ఏది ఎక్కువైతే అది) ఇచ్చినవారి పెద్దల లేదా తల్లిదండ్రుల స్మారకంగా పేరును పెట్టనున్నారు.
 
 వైకుంఠ ధామం ఎలాగంటే..
 ఒక్కో వైకుంఠధామంలో రెండు దహన వేదికలు, ఒక స్టోర్‌రూమ్, సందర్శకులకు షెడ్, రెండు మరుగుదొడ్లు, సింటెక్స్‌ ఓవర్‌హెడ్‌ ట్యాంక్, సోలార్‌లైటింగ్‌ ఏర్పాటు చేయనున్నారు. దీంతోపాటు భూమి అభివృద్ధి, హద్దుల ఏర్పాటు పనులను ఉపాధిహామీ కింద వేరుగా చేపట్టనున్నారు. నీటి సరఫరా, ప్రహరీ, ఇతర పనులను గ్రామ పంచాయతీ లేదా ఇతర నిధులతో పూర్తి చేయాలని కమిషనర్‌ సూచించారు. స్థలం ఎంపిక నిమిత్తం రెవెన్యూ అధికారుల సహకారం తీసుకోవాలని, గ్రామసభ ఆమోదం లభించాక పంచాయతీరాజ్‌ ఇంజనీరింగ్‌ అధికారులతో అంచనాలను సిద్ధం చేయించాలని ఉపాధిహామీ సిబ్బందిని కమిషనర్‌ ఆదేశించారు.


 ⇒ ఇప్పటికే ఇద్దరు యువకులు మృతి
 ⇒ ఆస్పత్రిలో మరో 60 మంది బాధితులు
 
 హసన్‌పర్తి: వరంగల్‌ అర్బన్‌ జిల్లా హసన్‌పర్తి మండలం మడిపల్లి గ్రామం పచ్చకామెర్ల వ్యాధితో బాధపడుతోంది. ఈ వ్యాధికి గురైన ఇద్దరు యువకులు ఆస్పత్రిలో బుధవారం వేకువజామున మృతిచెందారు. ఒకరు వరంగల్‌లోని ఎంజీఎం ఆస్పత్రిలో ప్రాణాలు వదలగా, మరొకరు హైదరాబాద్‌లోని ప్రైవేట్‌ ఆస్పత్రిలో మృతిచెందాడు. గ్రామానికి చెందిన ఉపాధి హామీ పథకం కంప్యూటర్‌ ఆపరేటర్‌ కాందారి సురేందర్‌(30)  మూడు రోజుల క్రితం హైదరాబాద్‌లోని ఓ ప్రైవేట్‌ ఆస్పత్రిలో బుధవారం చనిపోయాడు. కామెర్ల వ్యాధి సోకడం వల్ల కిడ్నీ, కాలేయం దెబ్బతిని  మృతిచెందినట్లు వైద్యులు తెలిపారు. ఇదే ప్రాంతానికి చెందిన ఆటో డ్రైవర్‌ బొనగాని శ్రీమంత్‌ (18) వరంగల్‌ ఎంజీఎంలో చికిత్స పొందుతూ మంగళవారం మరణించాడు.
 
 ఆస్పత్రిలో మరో 60 మంది
 మడిపల్లిలో కామెర్ల వ్యాధి సోకి మరో 60 మంది వివిధ ఆస్పత్రుల్లో చికిత్స పొందుతున్నారని స్థానికులు తెలిపారు. మరికొంత మంది ప్రైవేట్‌ ఆస్పత్రులకు వెళ్లే ఆర్థిక స్తోమత లేక స్థానికంగా వైద్యం చేయిం చుకుంటున్నారని గ్రామస్తులు చెప్పారు.  అర్బన్‌ జిల్లా జాయింట్‌ కలెక్టర్‌ దయానంద్‌ బుధవారం గ్రామాన్ని సందర్శించారు. పారి శుద్ధ్యం, తాగునీటి వ్యవస్థను పరిశీలించారు. కామెర్ల వ్యాధితో బాధపడుతున్న వారి ఇళ్లకు వెళ్లి పరామర్శించారు.


 అన్నదాతలకు సాయం అందలేదన్న విపక్షాలు
 ⇒ సంక్షేమ పథకాలకు నిధులు తగ్గించారని ధ్వజం
 
 న్యూఢిల్లీ: రైతుల ఆత్మహత్యలు, ఉపాధి హామీ పథకం, నోట్ల రద్దు తదితర అంశాలపై పార్లమెంటు ఉభయ సభలు సోమవారం విపక్ష, అధికార పక్షాల వాగ్యుద్ధంతో దద్దరిల్లాయి. పేదలకు ఉద్దేశించిన సంక్షేమ పథకాల నిధులకు ప్రభుత్వంకోత పెట్టిందని విపక్షాలు మండిపడ్డాయి. నోట్ల రద్దుతో ఏం సాధించారో చెప్పాలని డిమాండ్‌ చేశాయి. గ్రామీణ ఉపాధి హామీకి పెంచిన రూ. వెయ్యి కోట్ల నిధులు ఏ మూలకూ సరిపోవని లోక్‌సభలో కాంగ్రెస్‌ ఆరోపించింది. నిధుల కోసం అనుబంధ డిమాండ్లపై జరిగిన చర్చలో కేసీ వేణుగోపాల్‌ (కాంగ్రెస్‌) మాట్లాడుతూ.. ఉపాధి పథకాన్ని ప్రశంసించిన ప్రధాని మోదీ దానికి కేవలం ఒక శాతం నిధులే పెంచారన్నారు.
 
 సాయం అందక రైతులు ఆత్మహత్యలు చేసుకుంటున్నారని, తమిళనాడులో చనిపోయిన రైతుల పుర్రెలతో జంతర్‌మంతర్‌ వద్ద నిరసనలు తెలుపుతున్నారని వెల్లడించారు. గోవాలో బీజేపీకి తగినంత బలం లేకపోయినా ప్రభుత్వాన్ని ఏర్పాటు చేయడం అనైతికమని మండిపడ్డారు. పుర్రెల వార్త అబద్ధమని అన్నాడీఎంకే పేర్కొనగా.. కాంగ్రెస్‌ నేత మల్లికార్జున్‌ ఖర్గే జోక్యం చేసుకుని, దేశవ్యాప్తంగా రైతులు కష్టాలుపడుతున్నారన్నారు. స్థూల దేశీయోత్పత్తి రేటును నోట్ల రద్దు దెబ్బతీస్తుందని ఆందోళన వ్యక్తం చేశారు. బీజేపీ సభ్యుడు కిరీట్‌ సోమయ్య కల్పించుకుంటూ.. నోట్ల రద్దును ప్రశ్నిస్తున్న కాంగ్రెస్‌ యూపీలో విలువ కోల్పోయిందన్నారు. దేశం నాశనం కావడం లేదని, మోదీకి అడ్డుపడుతున్న వాళ్లే నాశనం అవుతున్నారన్నారు.
 
 రాజ్యసభలో..
 రైతు రుణాలను రద్దుచేస్తామన్న బీజేపీ ప్రభుత్వం తన హామీని నిలబెట్టుకోకపోవడంతో ఒక్క మహారాష్ట్రలోనే 117 మంది రైతులు ఆత్మహత్యలకు పాల్పడ్డారని రాజ్యసభలో కాంగ్రెస్‌ ఆరోపించింది. జీరో అవర్‌లో ప్రమోద్‌తివారీ ఈ అంశాన్ని లేవనెత్తారు. కరువు పరిస్థితుల వల్ల రైతులు చనిపోవడం లేదని, పంటకు గిట్టుబాటు ధరలేక చనిపోతున్నారని అన్నారు. నోట్ల రద్దుకుS ప్రజల నుంచి భారీ మద్దతు లభించిందని, ఆర్థిక వ్యవస్థలో 33.7 శాతంగా ఉన్న బ్లాక్‌ మార్కెట్‌కు భారీ దెబ్బ తగిలిందని ఆర్థిక శాఖ సహాయ మంత్రి అర్జున్‌ మేఘ్‌వాల్‌ చెప్పారు. డిజిటల్‌ ఇండియా, మేకిన్‌ ఇండియా, స్టార్టప్‌ ఇండియా ప్రాజెక్టులతో పేదలకు లబ్ధి చేకూరుతుందన్నారు.
 
 చార్జీలను ఉపసంహరించాలి: ఠాకూర్‌
 వినియోగదారుల లావాదేవీలపై చార్జీలు విధించాలన్న బ్యాంకుల ప్రతిపాదనను, క్రెడిట్‌ కార్డులపై 3% పన్ను ప్రతిపాదనను ఉపసంహరించుకోవాలని బీజేపీ ఎంపీ అనురాగ్‌ ఠాకూర్‌ లోక్‌సభలో ప్రభుత్వాన్ని డిమాండ్‌ చేశారు. రాజ్యసభలో సీపీఎం తదితర విపక్షాలు కూడా ఇదే డిమాండ్‌చేశాయి.  
 
 మంత్రుల గైర్హాజరుపై అన్సారీ అసంతృప్తి
 రాజ్యసభలో ప్రశోత్తరాల సమయంలో జవాబులు చెప్పాల్సిన విద్యుత్, పర్యావరణ, నౌకాయాన శాఖల మంత్రులు లేకపోవడంపై చైర్మన్‌ అన్సారీ అసంతృప్తి వ్యక్తం చేశారు.


 నెలన్నరగా వేతనాల చెల్లింపులు నిలిపివేసిన రాష్ట్ర ప్రభుత్వం
 
 ⇒ కూలీలకు చెల్లించాల్సిన బకాయిలు రూ.310.58 కోట్లు
 ⇒ కాంట్రాక్టర్లకు మాత్రం రూ.877.52 కోట్లు విడుదల
 ⇒ కేంద్ర నిధులను ఇతర అవసరాలకు మళ్లిస్తున్న రాష్ట్ర ప్రభుత్వం
 ⇒ డబ్బులు రాక, తిండి దొరక్క అవస్థల పాలవుతున్న కూలీలు
 ⇒ పనుల కోసం పక్క రాష్ట్రాలకు వలసబాట పడుతున్న కూలీలు
 
 సాక్షి, అమరావతి: మహాత్మాగాంధీ జాతీయ గ్రామీణ ఉపాధి హామీ పథకం.. కరువు కోరల్లో చిక్కి వలసబాట పడుతున్న ప్రజలకు సొంత ఊళ్లలోనే పనులు కల్పించేందుకు ప్రవేశపెట్టిన ఈ స్కీమ్‌కు సాక్షాత్తూ ప్రభుత్వమే తూట్లు పొడుస్తోంది. కూలీలకు ఎప్పటికప్పుడు డబ్బులు చెల్లిస్తేనే వారి కడుపుల్లోకి నాలుగు మెతుకులు వెళ్లే పరిస్థితి. అలాంటిది నెలన్నర రోజులుగా ప్రభుత్వం కూలి డబ్బులు చెల్లించకుండా నిలిపివేసింది. దీంతో నిరుపేద కూలీలు పస్తులతో అల్లాడిపోతున్నారు. ఉపాధి హామీ పథకాన్ని నమ్ముకోలేక పనుల కోసం పక్క రాష్ట్రాలకు సైతం వలస వెళ్తున్నారు. ప్రభుత్వం సకాలంలో డబ్బులు ఇవ్వకపోతే ఎలా బతకాలని కూలీలు ప్రశ్నిస్తున్నారు. కూలీలకు చెల్లించడానికి డబ్బుల్లేవంటున్న ప్రభుత్వం ఇదే పథకం కింద మెటీరియల్‌ పనులు చేసే కాంట్రాక్టర్లకు మాత్రం బకాయిల చెల్లింపునకు రూ.877.55 కోట్లు విడుదల చేయడం గమనార్హం.
 
 నిలిచిపోయిన చెల్లింపులు
 రాష్ట్రంలో ఉపాధి హామీ పథకం కింద పనులు చేసిన వారికి ఫిబ్రవరి రెండో తేదీ నుంచి చెల్లింపులు నిలిచిపోయాయి. ఈ నెలన్నర రోజులకు కూలీలకు రూ.310 కోట్లు చెల్లించాల్సి ఉందని అధికారులు చెబుతున్నారు. ఈ పథకం అమలుకు కేంద్ర ప్రభుత్వ ఇస్తున్న నిధులను రాష్ట్ర సర్కారు ఇతర అవసరాలకు మళ్లిస్తోంది. ఉపాధి హామీ పథకంలోనే మెటీరియల్‌ పనులు చేసే కాంట్రాక్టర్లకు మాత్రమే డబ్బులు చెల్లిస్తూ కూలీలకు మాత్రం మొండిచేయి చూపుతోంది. ఫిబ్రవరి, మార్చిలో ప్రభుత్వం రూ.877.55 కోట్లు విడుదల చేసింది. అయితే, కూలీలకు పైసా కూడా ఇవ్వకుండా మొత్తం నిధులను ఉపాధి హామీ పథకంలో చేపట్టే సిమెంట్‌ రోడ్డు పనులు చేసిన కాంట్రాక్టర్ల బకాయిలకే చెల్లించారు. ఫిబ్రవరి 2వ తేదీ తర్వాత ఆ నెలలో పని చేసిన 13,99,331 కూలీలకు రూ.160.56 కోట్లు, మార్చిలో 17వ తేదీ నాటికి 14,96,161 మందికి రూ.150.02 కోట్ల మేర వేతన బకాయిలు చెల్లించాల్సి ఉంది.
 
 కాంట్రాక్టర్ల కోసం ఎనిమిది సార్లు నిధులు
 ఉపాధి హామీ పథకం ద్వారా చేపట్టే మెటీరియల్‌ (కాంట్రాక్టు) పనులకు రాష్ట్ర ప్రభుత్వం రూ.877.55 కోట్ల నిధులు విడుదల చేసింది. ఈ ఏడాది జనవరి 21 నుంచి మార్చి 17వ తేదీ  మధ్య ఆర్థిక శాఖ ఎనిమిది విడతల్లో నిధులిచ్చింది. ఈ మేరకు జీవోలు కూడా జారీ చేసింది.  
 
 తొమ్మిది నెలలైనా కూలి డబ్బులు రాలేదు
 ‘‘మా ఇంట్లో నలుగురం ఫారంపాండ్‌ గుంతలు తవ్వే పని చేశాం. పనులు పూర్తయి తొమ్మిది నెలలైనా ఇంకా డబ్బులు రాలేదు.  నెలల తరబడి కూలి డబ్బులు ఇవ్వకపోతే కుటుంబాన్ని ఎలా పోషించుకోవాలి?’’
 – సుంకమ్మ, ఉపాధి కూలీ,ఉప్పర్లపల్లి, కర్నూలు జిల్లా
 
 డబ్బులు రాక ఇబ్బందులు పడుతున్నాం
 ‘‘ఉపాధి హామీ పథకంలో పనులు చేసిన మాకు కూలీ డబ్బులు రాక తీవ్ర ఇబ్బందులు ఎదుర్కొంటున్నాం. నిన్నమొన్నటి వరకూ పనులు ప్రారంభించలేదు. నెల రోజులుగా అడపాదడపా మాత్రమే పనులు దొరుకుతున్నాయి. వీటికి కూడా డబ్బులు ఇవ్వడం లేదు. ఒక్కోసారి కనీస వేతనం రోజుకు రూ.60 కూడా రావట్లేదు’’
 – బి.వెంకటమ్మ, ఉపాధి హామీ పథకం కూలీ, అమరాం గ్రామం, రాజాం మండలం, శ్రీకాకుళం జిల్లా
 
 ఎప్పటికైనా డబ్బులు ఇస్తారని వెళ్తున్నాం
 ‘‘నెలల తరబడి కూలీ డబ్బులు ఇవ్వకపోవడంతో వేరే పనులకు వెళ్లిపోవాలని అనుకున్నాం. స్థానికంగా వ్యవసాయ పనులు కూడా లేకపోవడంతో ఎప్పటికైనా డబ్బులు ఇస్తారు కదా అనే ఆశతో భారంగానే రోజూ ఉపాధి పనులకు వెళ్తున్నాం. పనులకు వెళ్లకపోతే జాబ్‌కార్డులు రద్దు అవుతాయని అంటున్నారు. అందుకే తప్పనిసరై వెళ్లాల్సి వస్తోంది’’
 – కలికోట పార్వతి, ఉపాధి కూలీ, మామిడిపల్లి గ్రామం, సాలూరు మండలం, విజయనగరం జిల్లా
 
 డబ్బులు ఇవ్వకపోతే వలస వెళ్లాల్సిందే..
 ‘‘ఉపాధి హామీ పథకం కింద పది వారాలుగా పనులు చేసినా వేతనాలు అందలేదు. వారానికొకసారైనా డబ్బులు అందకపోతే బతుకు వెళ్లదీయడం కష్టంగా మారుతోంది. కూలీ సొమ్ము ఎప్పటికప్పుడు చెల్లించకపోతే మూటాముల్లె సర్దుకొని వలసవెళ్లక తప్పదు. బ్యాంకు ఖాతాలతో అంతా గందరగోళంగా ఉంది. పోస్టాఫీస్‌కు వెళితే బ్యాంక్‌లో పడతాయని, మా వద్దకు రావొద్దని చెబుతున్నారు. బ్యాంకుకు వెళితే డబ్బులు లేవంటున్నారు. తిరగలేక చస్తున్నాం’’
 – మల్లపురెడ్డి వెంకట్లు, ఉపాధి కూలీ, వల్లూరు గ్రామం, నెల్లిమర్ల మండలం, విజయనగరం జిల్లా
 
 కూలీ డబ్బులు రాకపోతే ఎట్లా బతకాలి?
 ‘‘డిసెంబర్‌ నుంచి తొమ్మిది వారాలు ఫారంపాండ్‌ గుంతలు తవ్వే పనికిపోయాం. ఇంతవరకు ఒక్క రూపాయి కూలీ డబ్బులు కూడా ఇవ్వలేదు. తొమ్మిది వారాలుగా కూలీ డబ్బులు రాకపోతే మేము ఎట్లా బతకాలి? ప్రభుత్వం వెంటనే మాకు కూలీ డబ్బులు చెల్లించి ఆదుకోవాలి’’
 – పెద్ద రంగన్న, ఉపాధి కూలీ, ఉప్పర్లపల్లి, కర్నూలు జిల్లా
 
 
  


 - రాష్ట్ర బడ్జెట్లో ఉపాధిహామీకి రూ.3 వేల కోట్లు కేటాయింపు
 - 30 వేల కోట్ల పనిదినాలు కల్పించడంపై సందేహాలు
 
 సాక్షి, హైదరాబాద్‌: మహాత్మాగాంధీ జాతీయ ఉపాధి హామీ పథకం అమలుపై సర్కారు అంచనాలకు, ఆచరణకు భారీ వ్యత్యాసం కని పిస్తోంది. రానున్న ఆర్థిక సంవత్సరంలో రాష్ట్రంలో ఉపాధి హామీ అమలు నిమిత్తం తాజా బడ్జెట్లో రూ.3 వేల కోట్లు కేటాయిం చిన సంగతి తెలిసిందే. ఈ మొత్తంలో రూ.253.98 కోట్లు నిర్వహణ పద్దుగాను, రూ.2,746.02 కోట్లు ప్రగతి పద్దుగానూ ప్రభుత్వం చూపింది. ప్రగతి పద్దుగా చూపిన మొత్తాన్ని ప్రభుత్వం మెటీరియల్‌ కాంపొ నెంట్‌ కింద పేర్కొనడంపై సిబ్బందిని విస్మ యానికి గురి చేసింది.
 
 ఉపాధిహామీ కూలీలకు వేతనంగా ఇచ్చిన మొత్తంలో 40 శాతం దాకా మెటీరియల్‌ కాంపొనెంట్‌ కింద ఖర్చు చేసేందుకు వీలుకానుంది. అయితే, రాష్ట్ర ప్రభుత్వం తాజా బడ్జెట్లో రూ.2,746.02 కోట్ల మొత్తాన్ని మెటీరియల్‌ కాంపొనెంట్‌గా ఖర్చు చేయడంతో నిర్దేశిత నిష్పత్తి మేరకు వేతన కాంపొనెంట్‌ కింద రూ.4,119.03 కోట్లు ఖర్చు చేయాల్సి వస్తుంది. ప్రస్తుతం రాష్ట్రంలో నమోదైన సగటు వేతనం రూ.138 ప్రకారం వచ్చే ఏడాది రూ.4,119 కోట్ల వేతన కాంపొనెంట్‌ను ఖర్చు చేసేందుకు దాదాపు 30 కోట్ల  పనిదినాలను కూలీలకు కల్పిం చాల్సి ఉంటుంది.
 
 రాష్ట్ర ప్రభుత్వమిచ్చిన మెటీరియల్‌ కాంపొనెంట్‌కు అనుగుణంగా కేంద్ర ప్రభుత్వం వేతన కాంపొనెంట్‌ ఇచ్చేందుకు అంగీకరించినప్పటికీ, 30 కోట్ల పనిది నాలను జనరేట్‌ చేయడం ఎలా సాధ్యమనే ప్రశ్న వివిధ స్థాయిల్లో వ్యక్తమవుతోంది. ఇది లా ఉంటే.. గత మూడేళ్లలో రాష్ట్రంలో ఉపా ధిహామీ కింద కూలీలకు 14 కోట్లకు మించి పనిదినాలు కల్పించలేని పరిస్థితి ఉండగా, వచ్చే ఏడాది 30 కోట్ల పనిదినాల కల్పనకు సర్కారు అంచనా వేయడం గమనార్హం. సర్కారు బడ్జెట్లో పేర్కొన్న అంచనాలు బాగా నే ఉన్నా, ఆచరణలో 30 కోట్ల పనిదినాలను కల్పించడం ఎంతవరకు సాధ్యమని పలు జిల్లాల గ్రామీణాభివృద్ధి అధికారులు సందేహం వ్యక్తం చేస్తున్నారు. ఉపాధి హామీ పనులకు వచ్చిన కూలీలకు ప్రభుత్వం సకాలంలో వేతనాలు ఇవ్వనందున, ఈ ఏడాది పనులకు వచ్చేవారి సంఖ్య గణనీయంగా తగ్గిందని డీఆర్డీవోలు చెబుతున్నారు. ఊహా జనితమైన అంచనాలతో ప్రభుత్వం ప్రజలను మభ్యపెడుతోందని పలువురు ఎంపీటీసీలు, జడ్పీటీసీలు ఆరోపిస్తున్నారు.


 రూ.2 కోట్లకుపైగా అక్రమాలు జరిగినట్టు తనిఖీల్లో గుర్తింపు
 
 దుత్తలూరు మండలంలో జరిగిన ఉపాధి హామీ పనుల్లో అవినీతికి అంతులేదు. కోట్ల రూపాయల ప్రజా ధనాన్ని రాజకీయ నేతలు, అధికారులు, సిబ్బంది బొక్కేశారు. నిబంధనలకు విరుద్ధంగా యంత్రాలతో పనులు చేసి బినామీ మస్టర్లు వేసి కూలీల సొమ్ములను స్వాహా చేశారు.
 
 ఉదయగిరి: జిల్లాలో ఏ మండలంలో జరగని విధంగా దుత్తలూరు మండలంలో రూ.11కోట్లకు పైగా పనులు ఏడాది కాలంలో చేశారు.
 ఈ పథకం ప్రారంభించిన 2007 నుంచి ఈ ఆడిట్‌ను  మినహాయిస్తే ఎప్పుడూ రూ.5 కోట్లకు మించి పనులు జరగలేదు. ఈ ఒక్క ఉదాహరణ చాలు అవినీతి బాగోతాన్ని తేటతెల్లం చేస్తోంది. ఈ అంశాలన్నింటినీ బలపరుస్తూ పదిరోజుల నుంచి జరిగిన సామాజిక క్షేత్ర స్థాయి తనిఖీల్లో గుర్తించిన అవినీతి అక్షరాలా రూ.2కోట్లకు పైగా ఉన్నట్లు సమాచారం. అయితే వాస్తవంగా ఈ అవినీతి అక్రమాలు రూ.3 కోట్లకు పైగానే ఉంటాయని అంచనా. ఈ అవినీతికి మూలకారుకులైన ఉపాధి సిబ్బంది, అధికారులను రక్షించే బాధ్యతను కొంతమంది అధికార పార్టీ నేతలు తీసుకోవడంతో అక్రమార్కులపై ఏ మేరకు చర్యలు ఉంటాయో బహిరంగ చర్చావేదిక పూర్తి అయ్యేంత వరకు వేచి చూడాలి.
 
 కనిపించని అభివృద్ధి
 మండలంలో 2016 జనవరి నుంచి డిసెంబరు వరకు కేవలం కూలీల పేరుతో జరిగిన ఖర్చు రూ.7.83 కోట్లుకాగా, సామగ్రి కోసం ఖర్చు చేసిన మొత్తం రూ.3.71కోట్లు. మొత్తంగా ఏడాది కాలంలో ఈ పథకంలో ఖర్చు చేసిన నిధులు రూ.11.53 కోట్లు. ఇంత పెద్ద మొత్తంలో ఖర్చు చేసినా గ్రామాల్లో అభివృద్ధి నామామాత్రమే. కూలీల చేత చేయించాల్సిన పనులను యంత్రాలతో చేయించి, బినామీ మస్టర్లు ద్వారా నేతలు స్వాహా చేశారు. కొన్ని గ్రామాల్లో అధికార అండదండలతో కూలీలను బెదిరించి వారి పేర్లతో మస్టర్లు వేసి అరకొరగా ఇచ్చి వారిచేతనే పోస్టాఫీసు, బ్యాంకుల ద్వారా నగదు డ్రా చేసి దిగమింగారు. దీంతో నిధులు అయితే మంచినీళ్లు మాదిరే ఖర్చు అయినా అభివృద్ధి కనిపించలేదు.
 
 పనులు చేయకుండానే నిధులు స్వాహా
 ఈ పథకంలో ఇంతవరకు జరిగిన క్షేత్ర స్థాయి తని ఖీల్లో పనుల కొలతల్లో తేడాలు, నాసిరకంగా పనులు, యంత్రాలతో పనులు చేయడంలాంటి అంశాలు మా త్రమే గుర్తించారు. వీటిపై రికవరీ పెట్టారు. కానీ ఈ మండలంలో పనులు చేయకుండానే నిధులు కాజేశారు. ముఖ్యంగా పంట సంజీవని పేరుతో ఫాంపాండ్స్‌ తీయకుండానే తీసినట్లు రికార్డుల్లో నమోదు చేసి నిధులు మింగారు. కొన్ని చోట్ల పనులను యంత్రాలతో చేయించారు. పనులు మంజూరు అయిన ప్రాంతా నికి గుంటలు ఉన్న ప్రాంతానికి సంబంధమే లేదు. నిబంధలకు విరుద్ధంగా చెరువులు, వాగులు, వంకలు, ప్రభుత్వ పోరంబోకు భూముల్లో గుంటలు తీశారు. వీటి ద్వారా రైతులకు ఎలాంటి ప్రయోజనం లేదు. ఈ అవకతవకలు భైరవరం, బ్రహ్మశ్వేరం, ఏరుకొల్లు, రాచవారిపల్లి, నందిపాడు, నర్రవాడ, బోడవారిపల్లి, బండకిందపల్లి, దుత్తలూరు పంచాయతీల్లో చోటుచేసుకున్నాయి.
 
 సిబ్బంది చేతివాటం
 ఈ అవినీతి వ్యవహారంలో సిబ్బంది పెద్ద మొత్తంలో మింగేశారు. ఓ టీఏ ఏకంగా రూ.50 లక్షలు సంపాదిం చినట్లు చర్చించుకుంటున్నారు. మెటీరియల్‌ పనుల్లో జరిగిన అక్రమాలకు ఇప్పుటికే ఈసీ, ఏపీఓ, ఒక టీఏ ను సస్పెండ్‌ చేశారు. సామగ్రి పనులకు సంబం ధించి పే ఆర్డర్‌ ఇచ్చే కీలక స్థానంలో ఉన్న ఏంపీడీఓకు పాత్ర ఉన్నా అ«ధికారులు అతడిపై ఎలాంటి చర్యలు తీసుకోకపోవడంపై సర్వత్రా జిల్లా అధికారుల తీరుపై విమర్శలు వ్యక్తమవుతున్నాయి. పైగా ఆ ఎంపీడీఓ అవినీతి గురించి ప్రశ్నించే వారిపై వ్యంగ్యంగా వ్యాఖ్యలు చేయ డం విశేషం. పాపంపల్లిలో నాబార్డు ద్వారా జరిగిన కుంటలను మళ్లీ చూపి ఉపాధి నిధులు స్వాహా చేసిన ట్లు ఆడిట్‌ బృందాలు గుర్తించాయి. రాచవారిపల్లెలో ఓ చెక్‌డ్యామ్‌కు పునాదులు లేకుండానే పైపైనే పనులు చేసి నిధులు దిగమింగినట్లు తనిఖీల్లో గుర్తించారు. దు త్తలూరులో సుమారు 30, భైరవరంలో 10, నందిపాడులో 9,పాపంపల్లిలో 4, బ్రహ్మేశ్వరంలో 15 గుంటలు తీయకుండానే నిధులు స్వాహా చేసినట్లు ఆడిట్‌ అధికారులు గుర్తించిట్లు విశ్వసనీయ సమాచారం.
 
 నేడు బహిరంగ చర్చావేదిక
 ఎమ్మెల్సీ ఎన్నికల కోడ్‌ అమలులో ఉన్నందున సామాజిక తనిఖీ బృందాలు గ్రామసభలు జరపలేదు. పైగా మండల కేంద్రంలో నిర్వహించాల్సిన బహిరంగ చర్చావేదికను జిల్లా కేంద్రంలోని డ్వామా కార్యాలయంలో సోమవారం నిర్వహిస్తారు. ఈ వేదిక సాక్షిగా అడిట్‌ బృందం బయటపెట్టే అవినీతిని కప్పెట్టేందుకు తీవ్ర ప్రయత్నాలు సాగుతున్నాయి. ఈ వేదికకు డ్వామా పీడీ హరిత వస్తే ఇబ్బందులు తప్పవని గ్రహించిన ఉపాధి అధికారులు ఆమెను రాకుండా చేసే ప్రయత్నాలు సాగుతున్నట్లు ప్రచారం జరుగుతోంది. మరి  ఈ అవినీతిలో భాగస్వాములున్నవారిపై చర్యలు ఉంటా యా! లేక తేలిపోతాయా! తేలాలంటే సోమవారం సాయంత్రం వరకు వేచి చూడక తప్పదు.


 ఏపీ, తెలంగాణల్లో రూ.3 పెరిగిన కూలీ
 
 సాక్షి, అమరావతి: దేశవ్యాప్తంగా ‘ఉపాధి హామీ’ కూలీలకు చెల్లించే వేతనాన్ని కేంద్ర ప్రభుత్వం పెంచింది. ఈ పెంపు రాష్ట్రాల వారీగా వేర్వేరుగా ఉంది. ఏపీ, తెలంగాణల్లో కూలీలకు ప్రస్తుత ఆర్థిక ఏడాదిలో రోజుకు గరిష్టంగా రూ.194 వేతనంగా చెల్లిస్తుండగా, ఆ మొత్తాన్ని రూ.197కు పెంచుతూ కేంద్ర గ్రామీణాభివృద్ధి శాఖ నోటిఫికేషన్‌ జారీ చేసింది. ఏప్రిల్‌ 1 నుంచి ఈ వేతనాలు అమల్లోకి రానున్నాయి.


 ♦ ఉమ్మడి జిల్లా పరిధిలో రూ.85.31కోట్లతో సీసీ రోడ్లు
 ♦ పంచాయతీ తీర్మానాలు లేకుండానే ఎంపీ, ఎమ్మెల్యేల సిఫారసులు
 ♦ పనులు తమకే అప్పగించాలంటున్న సర్పంచులు
 ♦ రోడ్ల నిర్మాణానికి మార్చి 31వరకే గడువు
 
 ఆదిలాబాద్‌ కల్చరల్‌ : ప్రభుత్వం ప్రతిష్టాత్మకంగా ప్రవేశపెట్టిన ఎన్ ఆర్‌ఈజీఎస్‌ 20:80 అభివృద్ధి పనులు అభాసుపాలవుతున్నాయి. సర్పంచ్‌ తీర్మానం లేకుండానే కార్యకర్తల పేరుతో ప్రజాప్రతినిధులు పనులు చేసి సర్పంచులకు మొండిచేయి చూపిస్తున్నారు. కొన్ని గ్రామపంచాయతీల్లో ఎంపీ, ఎమ్మెల్యేలు 20 శాతం నిధులు కేటాయించి తమకు అనుకూలమైన కార్యకర్త పేరును పంచాయతీ ఇంజినీర్లకు సిఫారసు చేస్తున్నట్లు ఆరోపణలున్నాయి.
 గ్రామపంచాయతీలో సర్పంచ్, ఉప సర్పంచ్, వార్డు మెంబర్లు ఈ పనులు చేసుకునేందుకు సిద్ధంగా ఉన్నా ప్రజాప్రతినిధులు సిఫారసులతో నిరాశ చెందుతున్నారు. అభివృద్ధి పనులు 20 శాతం వెచ్చించి ఇష్టారాజ్యంగా కొందరు ప్రజాప్రతినిధులు వ్యవహరించడంపై ప్రజాగ్రహం కనిపిస్తోంది. ఇది గ్రామ పంచాయతీలో ప్రతిపక్ష సర్పంచులు ఉన్న ప్రాంతంలో ఈ సిఫారసుల తంతు ఎక్కువగా ఉన్నట్లు ఆరోపణలున్నాయి.
 
 నిధులు సమకూరేదిలా..
 20:80 పథకంలో 20శాతం స్థానిక పంచాయతీ, ఎమ్మెల్యేలు, ఎంపీ నిధుల నుంచి గ్రామపంచాయతీలకు నిధులు కేటాయించగా కేంద్ర ప్రభుత్వం జాతీయ ఉపాధిహామీ పథకం నుంచి 80 శాతం నిధులు గ్రామాభివృద్ధి, సీసీ రోడ్ల నిర్మాణానికి వెచ్చిస్తోంది. నిజానికి 20 శాతం గ్రామపంచాయతీలు, ఇతర ప్రజాప్రతినిధుల సహకారంతో చెల్లించి 80 శాతం నిధులు సమకూర్చుకునేందుకు గ్రామపంచాయతీల తీర్మానాన్ని తీసుకోలేదు.
 20శాతం నిధులు చెల్లించడానికి  ముందుకు వచ్చినా స్థానిక ప్రజాప్రతినిధులే చెల్లిస్తున్నారని, గ్రామ పంచాయతీలకు సంబంధం లేకుండా సంబంధిత ప్రజాప్రతినిధులకు అనుకూలంగా ఉన్న ఏరియాలో పనులు చే పడుతున్నారు. ఉపాధిహామీ పథకం నిబంధనల ప్రకా రం ఎస్సీ, ఎస్టీ కాలనీలకు ఎక్కువగా ప్రాధాన్యం ఇవ్వా ల్సి ఉండగా ఆ పరిస్థితులు ఎక్కడా కనిపించడం లేదని ప్రజాప్రతినిధులు ఆరోపిస్తున్నారు. గ్రామసభల ద్వారా పంపిన పనులను పక్కన పెట్టినట్లుగా తెలుస్తోంది.
 
 ఉమ్మడి జిల్లాలో కేటాయించిన నిధులు.. పనులు
 ఉపాధిహామీ పథకంలోని 20:80 ప్రకారం ఉమ్మడి జిల్లాలో రూ.85.31కోట్లతో సీసీ రోడ్ల నిర్మాణం చేపడుతున్నారు. ఆదిలాబాద్‌ జిల్లాలో 875 సీసీ రోడ్ల నిర్మాణానికి రూ.23 కోట్లు, కుమురం భీం జిల్లాలో 471 పనులకుగాను రూ.19.57 కోట్లు, నిర్మల్‌ జిల్లాలో 444 పనులకు రూ.20.33 కోట్లు, మంచిర్యాలలో 530 పనులకు రూ.22.41 కోట్లతో సీసీ రోడ్ల నిర్మాణాలు చేపడుతున్నారు. కాగా ఇందులో కేంద్ర ప్రభుత్వం ఎన్ఆర్‌ఈజీఎస్‌ నిధులు రూ.68 కోట్ల 24 లక్షల 80 వేలు సమకూర్చగా, ఎంపీ, ఎమ్మెల్యే, జీపీల నిధులు రూ.17 కోట్ల 6 లక్షల 20 వేలు 20 శాతం కింద జమ చేయాల్సి ఉంది.
 
 సర్పంచులకు మొండిచేయి
 ఎన్ఆర్‌ఈజీఎస్‌ నిధులతో అభివృద్ధి నిర్మాణ పనులు నిర్వహించాల్సిన ఈ పనుల్లో కొందరు సర్పంచులకు మొండిచేయి చూపుతున్నారు. 20శాతం నిధులు వెచ్చించిన ఎమ్మెల్యే, ఎంపీలను తమకు అనుకూలంగా కార్యకర్తల పేర్లను అధికారులకు సిఫారసు చేస్తున్నట్లు ఆరోపణలున్నాయి. దీంతో గ్రామ పంచాయతీ తీర్మానించే సర్పంచ్, వార్డు మెంబర్ల పరిస్థితి అయోమయంలో పడింది. కొందరు సర్పంచులు ఈ తీర్మానానికి అంగీకరించలేని పరిస్థితులు కనిపించగా, తాము సిఫారసు చేసిన వ్యక్తిని పనులు చేయనీయని పక్షంలో 20 శాతం నిధులను చెల్లించమనే పరోక్ష సంకేతాలు ఇస్తున్నట్లు సమాచారం. దీంతో సర్పంచులు కార్యకర్తలు, ప్రజాప్రతినిధుల విధి విధానాలను వ్యతిరేకిస్తున్నట్లు తెలుస్తోంది.  
 
 ముంచుకొస్తున్న గడువు
 ప్రభుత్వం నిర్వహించే 20 : 80 పనులకు గడ్డుకాలం ఉన్నట్లు తెలుస్తోంది. వారం రోజుల క్రితం ఇచ్చిన ఉత్తర్వులతో ఇప్పటివరకు ఒకటి రెండు పనులు మినహా ఎక్కడా ప్రారంభం కాలేదు. మార్చి 31లోపు ఈపనులు చేయాలని ప్రభుత్వం అధికారులకు ఆదేశాలు జారీ చేసింది. కానీ సర్పంచులు ఇంకా పనులు ప్రారంభించలేదు. గడువు ముగుస్తుందని వేగవంతంగా పనులు చేస్తే నాణ్యత లోపాలు ఏర్పడే అవకాశాలున్నట్లుగా ప్రజలు భావిస్తున్నారు.


 ► గుర్తించిన ‘ఉపాధి’ కూలీలు
 ► పోలీసులకు సమాచారం
 వెంకటాపురం (భద్రాచలం): జయశంకర్‌ భూపాలపల్లి జిల్లా వెంకటాపురం మండల పరిధి మల్లాపురం సమీప పాలెం ప్రాజెక్టు వద్ద శనివారం ల్యాండ్‌మైన్  బయటపడింది. అటవీ ప్రాంతంలో కందకాలు తవ్వేందుకు ఉపాధి హామీ కూలీలు ఉదయం పనులు చేపట్టారు.
 కొందరు కూలీలు కొప్పుగుట్ట సమీప అటవీప్రాంతంలో మూత్రవిసర్జనకు వెళ్లగా... కాళ్లకు కరెంట్‌ వైర్లు తగలడంతో వాటిని పరిశీలించారు. వైర్లు రోడ్డు మీద తవ్విన గుంత వరకు ఉండడాన్ని గమనించి భయంతో అదే ప్రాంతంలో పనిచేస్తున్న మిగతా కూలీలకు విషయం చెప్పారు. వారు పోలీసులకు సమాచారం అందించడంతో అక్కడికి చేరుకుని ల్యాండ్‌మైన్ గా గుర్తించారు. బాంబు స్క్వాడ్‌ను రప్పించి తనిఖీలు చేయించనున్నారు.


 ⇒ కరువుదెబ్బకు పల్లెలు వదిలి నగరాలకు వలస
 ⇒ తంబళ్లపల్లె నియోజకవర్గంలో దీన పరిస్థితులు
 ⇒ పల్లెల్లో నిర్మానుష్యం.. తాళం పడిన ఇళ్లే దర్శనం
 ⇒ అపహాస్యం చేస్తున్న ఉపాధి హామీ పథకం
 
 తంబళ్లపల్లె నియోజకవర్గంలో పల్లెలకు పల్లెలే వలసబాట పడుతున్నాయి. ఒకప్పుడు బాగాబతికిన కుటుంబాలు కూడా బతుకుదెరువు కోసం మూటాముల్లె సర్దుకుని నగరాలకు వెళ్లిపోతున్నాయి. 2015 నవంబర్‌లో కురిసిన వర్షానికి పంటలు పండి కళకళలాడిన పొలాలు ఇప్పుడు ఎడారిని తలపిస్తున్నాయి. నిశ్శబ్ద వాతావరణం కనిపిస్తున్న పల్లెలు కన్నీటి కథలే చెబుతున్నాయి. వర్షాభావంతో భూగర్భ జలాలు పడిపోయాయి. పంటలసాగు పూర్తిగా కనుమరుగైపోయింది. రైతులు, కూలీలకు పనిలేకుండాపోయింది. కష్టం చేయలేని ముసలివారిని, కడుపున పుట్టిన చిన్నపిల్లలను ఇంటికి కాపలాపెట్టి ఊరుగాని ఊరు వెళ్లిపోతున్నారు. అష్టకష్టాలు పడుతూ జీవితాల్ని నెట్టుకొస్తున్నారు.
 
 బి.కొత్తకోట: నియోజకవర్గంలోని బి.కొత్తకోట, కురబలకోట, పెద్దతిప్పసముద్రం, పెద్దమండ్యం, తంబళ్లపల్లె, ములకలచెరువు మండలాల్లో కరువు కరాళనృత్యం చేస్తోంది. చేసేదానికి పనిలేక పొట్టచేతబట్టుకుని పలువురు వలసబాటపడుతున్నారు. ఒకప్పుడు బాగాబతికిన కుటుంబాలూ దినసరి కూలీలుగా చేరేందుకు పట్టణాలకు వెళ్లిపోతున్నాయి. ఇళ్లకు ముసలివారు కాపలాదారులవుతున్నారు. బెంగళూరు, కేరళ, గోవా, తిరుపతి, హైదరాబాద్, ముంబై నగరాలకు వెళ్లిపోతున్నారు. భవన నిర్మాణ పనుల్లో కూలీలుగా, ఫ్యాక్టరీలు, ఏటీఎం కేంద్రాల్లో వాచ్‌మెన్లుగా కాలం వెళ్లదీస్తున్నారు. రోడ్లమీద పానీపూరి అమ్ముకుంటూ కొందరు, ఫుట్‌పాత్‌ వ్యాపారం చేసుకుంటూ మరికొందరు నెట్టుకొస్తున్నారు.    
 
 గ్రామాలు ‘ఖాళీ’
 బీరంగి, మొటుకు, బడికాయలపల్లె, గుమ్మసముద్రం, బురకాయలకోట, మద్దినాయునిపల్లె, చౌడసముద్రం, సోంపల్లె, నాయునిచెరువుపల్లె, గూడుపల్లె, కాలువపల్లె, రామానాయక్‌ తాండా, బండకింద తాండా, కుడుమువారిపల్లె, వడ్డివంకతాండా, మందలవారిపల్లె, ముదివేడు, కనసానివారిపల్లె, సిద్దారెడ్డిగారిపల్లె, తుమ్మచెట్లపల్లె, భద్రయ్యగారిపల్లె, గుట్టమీద సాయిబులపల్లె, పట్టెంవాండ్లపల్లె, మడుమూరు, సంపతికోట, దేవప్పకోట, బురుజుపల్లె, కాట్నగల్లు, బూచి పల్లె, మద్దయ్యగారిపల్లె, తుమ్మరకుంట, కందుకూరు, టీ.సదుం, గోపిదిన్నె, కన్నెమడుగు, ఎర్రసానిపల్లె, కోటకొండ, కోటాల, ఆర్‌ఎన్‌తాండా, తంబళ్లపల్లె, దిన్నిమీదపల్లె పంచాయతీల్లో అధిక కుటుంబాలు వలసలు వెళ్లాయి.
 
 47కు 32 కుటుంబాలు వలస
 కురబలకోట మండలంలోని తుమ్మచెట్లపల్లెలో 47 కుటుంబాలున్నాయి. ఇక్కడి జనాభా 282 మంది. 32 కుటుంబాలు వలస వెళ్లాయి. ఈ కుటుంబాలకు చెందిన వ్యక్తులు బెంగళూరు, హైదరాబాద్‌ నగరాల్లో కూలి పనులు చేస్తున్నారు. కేబుల్‌ వేసేందుకు గుంతలు తవ్వడం వీరి పని. వలస వెళ్లిన కుటుంబాలకు చెందిన పిల్లలు ఇళ్లవద్దే ఉంటున్నారు. పెద్దలకు డబ్బులు చేతికందాక ఇంటికి వచ్చి కొన్నిరోజులుండి మళ్లీ పనుల కోసం వలసలు వెళ్తారు.
 
 ఏడాదిగా ఉపాధి జాడలేదు
 ఈ పల్లెల్లో జాబ్‌కార్డులు 132 ఉన్నాయి. ఇక్కడ ఏడాదిగా ఉపాధి జాడలేదు పెద్దమండ్యం మండలం సీ.గొల్లపల్లె పంచాయతీకి చెందిన కుడుములవారిపల్లెలో 54 కుటుంబాలు నివసిస్తున్నాయి. ఇందులో 11 కుటుంబాలు పూర్తిగా పల్లె వదిలి బెంగళూరుకు వలస వెళ్లాయి. ఇళ్లకు తాళాలు వేయడంతో గృహాలకు ఆలనాపాలనా లేక దుస్థితికి చేరాయి. ఈ పల్లెలో 96 జాబ్‌కార్డులు, 140 మంది కూలీలు ఉన్నారు. ఏడాదిగా ఒక్క ఉపాధి పనినీ మంజూరు కాలేదు. ఇక్కడ క్షేత్ర సహాయకుడి పోస్టు ఖాళీగా ఉన్నా అధికారులు పట్టించుకోలేదు. కుటుంబాలకు కుటుంబాలే వలసలు వెళ్తున్నాయి.
 
 బి.కొత్తకోటలో మరీ అధ్వానం
 తంబళ్లపల్లె నియోజకవర్గంలోని ఆరు మండలాల్లో జాబ్‌కార్డులు కలిగిన కూలీలు 62,461 మంది ఉన్నారు. వీరిలో అధికారులు ఉపాధి పనులు కల్పిస్తున్నది 15,749 మంది కూలీలకు మాత్రమే. ఇందులోనూ ఈ ఆర్థిక సంవత్సరంలో అత్యంత దారుణంగా పనులు కల్పించింది బి.కొత్తకోట మండలంలోనే. ఇక్కడ 11,759 జాబ్‌కార్డులు కలిగిన కూలీలుంటే పనులు చేస్తున్నది 2,027 మంది కూలీలే. చేసేదానికి పనిలేక నగరాలకు వలసలు వెళ్లాల్సిన పరిస్థితులు ఏర్పడ్డాయి.
 
 కూలీలుగా మార్చేసింది
 పెద్దతిప్పసముద్రం పాత మండలం వీధికి చెందిన బడికాయలపల్లె ఖాదర్‌సాబ్‌(70)కు భార్య, ఇద్దరు కొడుకులు ఉన్నారు. వ్యవసాయమే ఆధారం.  నాలుగు ఎకరాల పొలం ఉంది. సేద్యం చేసేందుకు మూడు బోర్లు వేయించాడు. చుక్కనీరు పడకపోగా అప్పులు మిగిలాయి. చేతిలో చిల్లిగవ్వలేని పరిస్థితి. బతుకుదెరువు కరువైంది. ఇద్దరు కొడుకులు బెంగళూరుకు వలసవెళ్లారు. పెద్ద కొడుకు మహబూబ్‌పీర్‌ తోపుడు బండిపై టీ అమ్ముతున్నాడు. చిన్నకొడుకు షఫీసాబ్‌ భవన నిర్మాణ కార్మికుడిగా ఉన్నాడు. వీరి సంపాదనతోనే కుటుంబం గడిచే పరిస్థితి. షఫీసాబ్‌ ముగ్గురు కుమార్తెలు, కుమారుడు, భార్య పీటీఎంలోనే ఉంటున్నారు. షఫీసాబ్‌ కూలి చేస్తే వచ్చే మొత్తంలో ఖర్చులు పోగా మిగిలిన సొమ్ము ఇంటికి పంపిస్తున్నాడు. భర్త బెంగళూరు వెళ్లడంతో ఇక్కడ బిడ్డల ఆలనాపాలనా చూసుకోవడం కష్టంగా ఉందని భార్య షాహీనా ఆవేదన వ్యక్తం చేస్తోంది.


 ⇒ ఉపాధి పనుల్లో రోజుకు ఏడు లక్షల మంది కూలీలు!
 ⇒ ఇక కనిష్ట కూలీ రూ.130, గరిష్టం రూ.310
 
 సాక్షి, హైదరాబాద్‌: రాష్ట్రంలో ఉపాధి హామీ పనులు ఊపందుకున్నాయి. జనవరిలో ఉపాధి పనులకు లక్ష మంది లోపే హాజరు కాగా, ఫిబ్రవరి నుంచి ఆ సంఖ్య క్రమేపీ పెరుగుతూ వస్తోంది. గత వారంలోనైతే రోజుకు సగటున 5.78 లక్షల మంది చొప్పున కూలీలు ఉపాధి పనుల్లో పాల్గొన్నారు. ఇక తాజాగా శుక్రవారం నాడైతే ఏకంగా 6.99 లక్షల మంది కూలీలు పనులకు రావడం విశేషం! గ్రామీణ ప్రాంతాల్లో వ్యవసాయ పనులు బాగా తగ్గడం, ప్రభుత్వం 20 శాతం నుంచి 35 శాతం దాకా సమ్మర్‌ అలవెన్స్‌ పెంచడంతో జాబ్‌ కార్డులున్న కూలీలంతా ఉపాధి పనుల వైపే మొగ్గుతున్నట్లు తెలుస్తోంది.
 
 మరోవైపు ఉపాధి కూలీలకు రూరల్‌ స్టాండర్డ్‌ షెడ్యూల్‌ రేట్లను కూడా ప్రభుత్వం తాజాగా సవరించింది. దాదాపు 21 విభాగాల్లో వివిధ రకాల పనులకు రేట్లను 28 శాతం దాకా పెంచుతూ శనివారం ఉత్తర్వులిచ్చింది. ఉపాధి హామీ కింద గ్రామీణాభివృద్ధి శాఖ ప్రస్తుతం కూలీలకు చెల్లిస్తున్న రోజువారీ వేతన సగటు రూ.137 కాగా, తాజా పెంపుదలతో పూర్తిస్థాయిలో రోజువారీ వేతనం (రూ.194) అందే అవకాశం ఏర్పడిందని ఉన్నతాధికారులు పేర్కొంటున్నారు. ఉపాధిహామీ కూలీలందరికీ తాజా ఉత్తర్వుల మేరకు పెరిగిన వేతనాలందేలా చర్యలు చేపట్టాలని గ్రామీణాభివృద్ధి శాఖ కమిషనర్‌ను ప్రభుత్వం ఆదేశించింది. రాష్ట్రంలోని 8,182 గ్రామాలలో ఉపాధి పనులు జరుగుతుండగా, పని కోరిన కూలీలందరికీ ఉపాధి కల్పించే నిమిత్తం రూ.14 వేల కోట్ల విలువైన 11లక్షల పనులను గ్రామీణాభివృద్ధి శాఖ అధికారులు సిద్ధం చేశారు.
 
 సవరించిన రూరల్‌ స్టాండర్డ్‌ షెడ్యూల్డ్‌ రేట్లు
 ► కొండ ప్రాంతాలు, పల్లపు ప్రాంతాల్లో భూమి తవ్వకం, భూమిని చదును చేసే పనులకు ప్రస్తుతం క్యూబిక్‌ మీటరుకు రూ.114 ఇస్తుండగా రూ.145.82కు పెంచారు
 ► చెక్‌డ్యామ్‌లు, చిన్న కుంటల్లో పూడికతీత పనులకు కూలీ రూ.114 నుంచి 130కి పెంపు
 ► సరిహద్దు కందకాలు, కరకట్టల పనులకు కూలీ క్యూబిక్‌ మీటరుకు రూ.157.39 నుంచి రూ.173.13కు పెంచారు
 ► ఫీడర్‌ ఛానళ్లలో పూడికతీత, అప్రోచ్‌ రోడ్ల నిర్మాణం, ఇందిరమ్మ కాలనీల్లో నీరు నిలిచే ప్రాంతాలను పూడ్చడం, మురికి కాల్వల నిర్మాణం తదితర పనుల్లో క్యూబిక్‌ మీటరుకు రూ.114 నుంచి రూ.145.82కు పెంచారు
 ► వ్యవసాయ కుంటలు, బావులు, నీటి సంరక్షణ కందకాల తవ్వకం, డంపింగ్‌ యార్డులలో పనులకు రూ.194 నుంచి రూ.246.30కు పెంచారు
 ► గరప నేలల్లో పనులకు క్యూబిక్‌ మీటరుకు రూ.140.6 నుంచి రూ.180కి పెంచారు
 ► పలు పనులకు క్యూబిక్‌ మీటర్‌కు కనిష్టంగా రూ.130, గరిష్టంగా రూ.310 అందనుంది


 ఉపాధిహామీకి నిధుల కొరత
 
 సాక్షి, హైదరాబాద్‌: రాష్ట్రంలో ఉపాధిహామీ పథకం అమలు పరిస్థితి దయనీయంగా మారింది. ఉపాధి పనులు చేసిన కూలీలకు వేత నాలిచ్చేందుకూ నిధుల కొరత ఏర్పడింది. నిన్నమొన్నటివరకు కేంద్రం ఇచ్చిన నిధులను రాష్ట్ర ప్రభుత్వం ఇతర అవసరాలకు వినియోగించింది. దీంతో కూలీలకు వేతనా లను తామే నేరుగా చెల్లిస్తామని ప్రకటించిన కేంద్రం.. పక్షం రోజులుగా వేతన చెల్లింపుల ను నిలిపివేసింది. దీంతో రాష్ట్రంలో ఉపాధి కూలీలకు సుమారు రూ.40 కోట్ల మేర వేతన చెల్లింపులు ఆగిపోయినట్లు తెలుస్తోంది.
 
 ఆగిన వేతన చెల్లింపులు...
 గత నెల 1 నుంచి ఉపాధి పనులు చేసిన కూలీలకు నేషనల్‌ ఎలక్ట్రానిక్‌ ఫండ్‌ మేనేజ్‌ మెంట్‌ సిస్టమ్‌ (ఎన్‌ఈఎఫ్‌ఎంఎస్‌) ద్వారా కేంద్ర గ్రామీణాభివృద్ధి శాఖ నుంచి నేరుగా వేతనాలు అందుతున్నాయని.. ఉన్నట్టుండి జనవరి 20 నుంచి చెల్లింపులు నిలిచిపోయా యని క్షేత్ర స్థాయి సిబ్బంది చెబుతున్నారు. ఉపాధిహామీకి కేటాయించిన నిధులను ఉత్తరాది రాష్ట్రాలు ఎప్పటికప్పుడు ఎగరేసు కు పోతున్నాయన్న ఆరోపణలు వినిపిస్తు న్నాయి. నిధుల విషయమై ఉత్తరాది రాష్ట్రాల నేతలు బలమైన లాబీయింగ్‌ చేస్తున్నారని, తెలంగాణతో సహా దక్షిణాది రాష్ట్రాల నేతలు పట్టించుకోక పోవడంవల్లనే నిధులు రావడం లేదని సర్పంచుల సంఘాలు అంటున్నాయి. మరోవైపు వేతన కాంపోనెంట్‌ పెరిగితేనే మెటీరియల్‌ కాంపోనెంట్‌ కింద నిధులు మంజూరు కానున్నాయి. గ్రామాలలో రూ. 600 కోట్ల ఉపాధిహామీ మెటీరియల్‌ కాంపో నెంట్‌ నిధులతో సిమెంట్‌ రహదారులకు ప్రణాళికలు సిద్ధం చేస్తున్న ప్రభుత్వం.. వేతన కాంపోనెంట్‌ను పెంచేందుకు అవసర మైన నిధులను కేటాయించడంలేదు.
 
 ‘ఉపాధి’ కూలీల అవస్థలు...
 అటు కేంద్రం నిధులివ్వక.. ఇటు రాష్ట్రం పట్టించుకోక వేతనం కోసం ఉపాధి కూలీలు నానా అవస్థలు పడుతున్నారు. పరిస్థితి ఇలాగే కొనసాగితే ఉపాధి కూలీల సంఖ్య తగ్గిపోయే ప్రమాదముంది. ఇదే అంశాన్ని రాష్ట్ర ప్రభుత్వ వైఫల్యంగా చూపి.. కేంద్రం ఉపాధిహామీ నిధుల్లో మరింత కోత పెట్టే ప్రమాదం ఏర్పడనుంది. కేంద్రం సకాలంలో నిధులివ్వకపోయినా కూలీలకు వేతన చెల్లిం పులు ఆగకుండా రాష్ట్ర ప్రభుత్వం గ్రామీణా భివృద్ధి శాఖకు రివాల్వింగ్‌ ఫండ్‌ను అందిస్తే మేలని సర్పంచులు సూచిస్తున్నారు.


 ‘ఉపాధి’కి ఊతం
 ‘ఉపాధి’వేతన చెల్లింపులకు రూ.3,500 కోట్లు మంజూరయ్యే అవకాశం
 సాక్షి, హైదరాబాద్‌: ఉపాధి హామీ పథకానికి కేంద్రం తాజా బడ్జెట్‌లో పెద్ద ఎత్తున నిధులు కేటాయించడం రాష్ట్రంలో ఉపాధి పనులకు మరింత ఉత్సాహాన్నిచ్చేలా ఉంది. మహాత్మాగాంధీ జాతీయ గ్రామీణ ఉపాధి హామీ పథకానికి రూ.48వేల కోట్లను కేంద్రం ప్రతిపాదించింది. గతేడాది కన్నా రూ.10 వేల కోట్లు అధికంగా కేటాయించడం పట్ల గ్రామీణాభివృద్ధి శాఖ హర్షం వ్యక్తం చేస్తోంది. తాజా కేటాయింపుల నేపథ్యంలో రాష్ట్రంలో పెద్ద ఎత్తున ఉపాధి హామీ పనులు చేపట్టేందుకు వీలు కలుగుతుందని ఆ శాఖ సిబ్బంది చెబుతోంది.
 ప్రస్తుత ఆర్థిక సంవత్సరంలో ఉపాధి హామీ కూలీల వేతనాలకు రూ.2,300 కోట్లు ఖర్చు చేస్తుండగా, వచ్చే ఏడాది రూ.3 వేల కోట్ల నుంచి రూ3,500 కోట్ల దాకా పెరిగే అవకాశముందని అధికారులు అంచనా వేస్తున్నారు. ఉపాధి పనులను అధికంగా చేసే రాష్ట్రాల్లో దేశంలోనే తెలంగాణ 5వ స్థానంలో ఉన్నందున కేటాయింపులు అధికంగా రావొచ్చని చెబుతున్నారు. పనిదినాలు కూడా భారీగా పెరిగే అవకాశం ఉందని పేర్కొంటున్నారు. ఉపాధి హామీ పనుల్లో మహిళలకు అధిక ప్రాధాన్యం ఇవ్వాలని కేంద్రం సూచించడం గమనార్హం.
 
 నీటి సంరక్షణపైనే ఫోకస్‌!
 వచ్చే ఆర్థిక సంవత్సరంలో నీటి సంరక్షణపై ప్రధానంగా దృష్టి సారించి ఉపాధి హామీ పనులు చేపట్టాలని కేంద్రం భావిస్తోంది. వ్యవసాయ కుంటలు, కాంటూర్‌ ట్యాంక్స్, చెరువుల పూడికతీత.. తదితర నీటి సంరక్షణ చర్యలు చేపట్టనుంది. శాశ్వత ఆస్తుల కల్పనలో భాగంగా అంగన్ వాడీ, గ్రామ పంచాయతీ భవనాల నిర్మాణం, సిమెంట్‌రోడ్డు, పాఠశాలల్లో కిచెన్ షెడ్స్, మరుగుదొడ్ల నిర్మాణ పనులకు అధిక ప్రాధాన్యం ఇవ్వనుంది.    – బి.సైదులు, జాయింట్‌ కమిషనర్‌ (ఉపాధిహామీ)
 
 సాగు ప్రాజెక్టుల రుణాలకు వెసులుబాటు
 కార్పస్‌ ఫండ్‌ పెంపుతో తగిన స్థాయిలో రుణాలు అందే అవకాశం
 సాక్షి, హైదరాబాద్‌: కేంద్రం బుధవారం ప్రవేశపెట్టిన బడ్జెట్‌ సాగునీటి ప్రాజెక్టులకు చేయూత నిచ్చేలా ఉందని నీటి పారుదల శాఖ వర్గాలు చెబుతున్నాయి. నాబార్డు కింద ఏర్పాటు చేసిన కార్పస్‌ ఫండ్‌ను రూ.20 వేల కోట్ల నుంచి రూ.40 వేల కోట్లకు పెంచనుండడంతో ఆ మేరకు రాష్ట్రాలకు రుణ వెసులుబాటు కలుగుతుందని పేర్కొంటున్నాయి. ప్రధాన మంత్రి కృషి సించాయి యోజన (పీఎంకేఎస్‌వై) కింద కేంద్రం గుర్తించిన 11 తెలంగాణ ప్రాజెక్టుల కోసం తగినన్ని రుణాలు తెచ్చుకునేందుకు అవకాశం ఏర్పడుతుందని చెబుతున్నాయి.
 వాస్తవానికి సాగునీటి ప్రాజెక్టులు వేగంగా పూర్తి చేయడం కోసం కేంద్రం గతేడాదే దీర్ఘకాలిక సాగునీటి నిధి (ఎల్‌టీఐఎఫ్‌) కింద రూ.20 వేల కోట్లతో కార్పస్‌ ఫండ్‌ను ఏర్పాటు చేసింది. కానీ దేవాదుల, రాజీవ్‌ భీమా, ఎస్‌ఆర్‌ఎస్పీ రెండోదశ, నీల్వాయి, ర్యాలివాగు, మత్తడి వాగు, పాలెం వాగు, కొమ్రం భీమ్, జగన్నాథపూర్, పెద్దవాగు, గొల్లవాగు, వరద కాలువలకు ఎలాంటి రుణాలూ దక్కలేదు. ఈ నేపథ్యంలో రాష్ట్ర ప్రభుత్వం ఆ ప్రాజెక్టులను కాళేశ్వరం కార్పొరేషన్  పరిధిలోకి తెచ్చింది. ఈ కార్పొరేషన్ కు ఎఫ్‌ఆర్‌బీఎం పరిమితితో సంబంధం లేకుండా రూ.7,900 కోట్లు రుణాలు ఇవ్వాలని కోరగా.. నాబార్డు అంగీకరించింది కూడా. తాజాగా కార్పస్‌ ఫండ్‌ను పెంచడంతో కాళేశ్వరం కార్పొరేషన్  కింద రుణాలు తీసుకునే వెసులుబాటు దొరకనుంది. పీఎంకేఎస్‌వై కమిటీలో మంత్రి హరీశ్‌రావు సభ్యుడిగా ఉండటం సైతం రాష్ట్రానికి కలిసిరానుంది.
 
 హైదరాబాద్‌ ఐఐటీకి 75 కోట్లు  
 గిరిజన వర్సిటీకి రూ.10 కోట్లు
 సాక్షి, హైదరాబాద్‌: హైదరాబాద్‌లోని ఐఐటీకి ఎంప్లాయి అసిస్టెన్స్  ప్రోగ్రాం కింద రూ. 75 కోట్లు  కేంద్రం బడ్జెట్‌లో ప్రత్యేకంగా కేటాయించింది. విభజన చట్టం హామీలో భాగంగా తెలంగాణ రాష్ట్రంలో ఏర్పాటు చేయనున్న ట్రైబల్‌ యూనివర్సిటీ కోసం రూ. 10 కోట్లు కేటాయించింది. ఎడ్యుకేషనల్లీ బ్యాక్‌వర్డ్‌ బ్లాక్‌లకు (ఈబీబీ) కేటాయించే ఇన్నోవేషన్ ఫండ్‌ ద్వారా రాష్ట్రంలోని 317 ఎడ్యుకేషనల్లీ బ్యాక్‌వర్డ్‌ మండలాలకు ప్రయోజనం చేకూరే అవకాశం ఉంది. జాతీయ స్థాయి పోటీ పరీక్షల నిర్వహణకు నేషనల్‌ టెస్టింగ్‌ ఏజెన్సీ(ఎ్ టీఏ) ఏర్పాటు చేస్తామని బడ్జెట్‌లో ప్రకటించారు. దేశ వ్యాప్తంగా ఇంజనీరింగ్‌ కాలేజీల్లో ప్రవేశాలను కూడా జేఈఈ మెయిన్  పరీక్ష ద్వారా చేపట్టాలని కేంద్రం భావిస్తోంది. ఈ నేపథ్యంలో జేఈఈ మెయిన్  పరీక్షను కూడా నేషనల్‌ టెస్టింగ్‌ ఏజెన్సీ ద్వారానే నిర్వహించనున్నారు.
 
 గర్భిణులకు రూ.15 వేల ప్రోత్సాహకం  
 రాష్ట్ర ప్రభుత్వం యోచన.. కేంద్ర బడ్జెట్‌లో రూ.6 వేలు కేటాయింపు
 సాక్షి, హైదరాబాద్‌: గర్భిణులు ప్రభుత్వ ఆసుపత్రుల్లో కాన్పు చేయించుకుంటే రూ.15 వేలు ప్రోత్సా హకం ఇవ్వాలని రాష్ట్ర ప్రభుత్వం యోచిస్తోంది. దీనికి సంబంధించిన ప్రతిపాదనలను వైద్య ఆరోగ్యశాఖ వర్గాలు రూపొందిస్తున్నాయి. బుధవారం కేంద్రం తన బడ్జెట్‌లో గర్భిణులకు రూ. 6 వేలు కేటాయించింది. అంటే కేంద్రం నుంచి రూ.6వేలు వస్తే... రాష్ట్రం రూ.9 వేలు కేటాయిస్తే సరిపోతుంది. గర్భిణులకు ఇంత భారీగా ప్రోత్సాహకం అందించే రాష్ట్రం మనదే కానుండటం గమనార్హం. ఇప్పటి వరకు రాష్ట్రంలో గర్భిణులకు రూ. వెయ్యి ప్రోత్సాహకంగా ఇస్తున్న సంగతి తెలిసిందే.  
 
 ప్రత్యేకంగా 347 డెలివరీ పాయింట్లు...
  రాష్ట్రంలో గుర్తించిన 347 ప్రాథమిక ఆరోగ్య కేంద్రాల  లో ప్రత్యేకంగా కాన్పు కోసం డెలివరీ పాయింట్లను ఏర్పాటు చేయాలని ప్రభుత్వం నిర్ణయించింది. వాటిని 24 గంటలూ పనిచేసే ఆసుపత్రులుగా తీర్చిదిద్దుతారు. ముగ్గురు వైద్యులు, ఆరుగురు నర్సులు, ప్రత్యేక డెలివరీ గదులను అందుబాటులోకి తీసుకొస్తారు. తద్వారా గర్భిణులను ప్రభుత్వాసుపత్రులకు వచ్చేలా కృషి చేయాలని నిర్ణయించారు.
 
 ఉపకారానికి చేయూత
 ఎస్సీ, ఎస్టీ, మైనార్టీ సంక్షేమానికి నిధులు
 సాక్షి, హైదరాబాద్‌: కేంద్ర ఆర్థిక మంత్రి అరుణ్‌జైట్లీ బుధవారం పార్లమెంటులో ప్రవేశపెట్టిన బడ్డెట్‌లో విద్యార్థులకు ఉపకారవేతనాలు ఇవ్వనున్నట్లు ప్రకటిం చారు. దీంతో ఎస్సీ, ఎస్టీ, బీసీ, మైనార్టీలకు చెందిన పాఠశాల (ప్రీమెట్రిక్‌) విద్యార్థులకు సైతం ఉపకార వేతనాలు అందనున్నాయి. మోదీ ప్రభుత్వం తొలిసారిగా గిరిజన పాఠశాల విద్యార్థులకు ఉపకార వేతనాలు ఇస్తోంది. ఇందులో భాగంగా 2017–18 వార్షిక బడ్జెట్‌లో నిధుల కేటాయింపులను రెట్టింపు చేసింది. ఉపకార వేతనాల కింద మైనార్టీ సంక్షేమానికి రూ.1500 కోట్లు, ఎస్సీ సంక్షేమం కింద రూ.3,397 కోట్లు, బీసీ విద్యార్థుల కోసం 1,027 కోట్లు, గిరిజన సంక్షేమం కింద రూ.1,612.07 కోట్లు కేటాయించారు. ఈ క్రమంలో బీసీ విద్యార్థులకు పరిమిత సంఖ్యలోనే విద్యార్థులకు ఉపకారవేతనాలు దక్కనున్నాయి.


 11 వేల వంటగదులు, 7 వేల మరుగుదొడ్ల నిర్మాణం: నీతూ ప్రసాద్‌
 
 సాక్షి, హైదరాబాద్‌: ప్రభుత్వ పాఠశాలల్లో కనీస మౌలిక వసతుల కల్పనకు మహాత్మాగాంధీ జాతీయ గ్రామీణ ఉపాధిహామీ పథకం నుంచి నిధులు వెచ్చించాలని సర్కారు నిర్ణయించింది. 30 జిల్లాల్లోని (హైదరాబాద్‌ మినహా) ప్రభుత్వ పాఠశాలన్నింటిలో 11,080 వంట గదులు, 7,080 మరుగుదొడ్లు అవసరమన్న ప్రతిపాద నలకు ఆమోదం తెలిపింది. ఈ మేరకు శనివారం అన్ని జిల్లాల గ్రామీణాభివృద్ధి అధికారులతో నిర్వహించిన సమావేశంలో ఆ శాఖ కమిషనర్‌ నీతూ కుమారి ప్రసాద్‌ వెల్లడించారు. 
 
 వీటితో పాటు నీటి వసతి కోసం బోరు, మోటర్లు ఏర్పాటు చేయాలన్నారు. అసంపూర్తిగా ఉన్న అంగన్‌వాడీ, గ్రామపంచాయతీ భవనాలను నెలలో పూర్తి చేయాలని అధికారులకు సూచించారు. గ్రామీణా భివృద్ధి శాఖలో సిబ్బంది కొరత ఉందని పలువురు తెలుపగా, దీనిపై త్వరలోనే చర్యలు తీసుకుంటానన్నారు.


 ►  రోజూ 50వేల మందికి ‘ఉపాధి’ కల్పించాలి
 ►26న మలవిసర్జన రహిత జిల్లాగా ప్రకటన
 ► నగదు రహిత గ్రామాలుగా 61 ఎంపిక
 ► వీడియోకాన్ఫరెరన్స్  లో    జేసీ యాస్మిన్ బాషా
 
 సాక్షి, సిరిసిల్ల : ఉపాధిహామీ ద్వారా చేపట్టే పనుల్లో కూలీల సంఖ్య పెంచకపోతే ఏపీవోలపై చర్యలు తీసుకుంటామని జేసీ షేక్‌ యాస్మిన్ బాషా హెచ్చరించా రు. సోమవారం మండల అధికారులతో సిరిసిల్ల నుంచి ఆమె వీడియో కాన్ఫరెన్స్  నిర్వహించారు. రోజూ 50 వేల మందికి పైగా కూలీలకు పని కల్పించాలని ఎంపీడీవోలను ఆదేశించారు. ప్రతీగ్రామంలో ఉపాధి పనులు చేపట్టాలన్నారు. ఈనెల 26వ తేదీ నాటికి జిల్లాను వందశా తం బహిరంగ మల విసర్జన రహిత జిల్లాగా ప్రకటించనున్నట్లు తెలిపారు. అన్ని శాఖలు సమన్వయంతో పనిచేసినప్పుడే ఇది సాధ్యమని అన్నారు. కేంద్ర బృందం మూడుసార్లు జిల్లాలో పర్యటించి నిర్ధారించుకున్నాకే ఓడీఎఫ్‌గా ప్రకటిస్తుందన్నారు. వంద శాతం నగదు రహిత లావాదేవీలకు 61 గ్రామాలను ఎంపిక చేసినట్లు తెలిపారు.
 ఈ గ్రామాల్లోని ప్రజలందరితో బ్యాంక్‌ ఖాతాలు తెరిపించాలన్నారు. హరితహారంలో నర్సరీల పెంపకంపై దృష్టి పెట్టాలన్నారు. గ్రామపంచాయతీలకు జాతీయ ఆరోగ్య మిషన్  కింద రూ.10 వేలు మంజూరు చేశామని, వీటిని వినియోగించి పారిశుధ్య పనులు చేపట్టాలన్నారు. పాఠశాలలు, అంగన్ వాడీ కేంద్రాల్లో మరుగుదొడ్లు వంద శాతం ఉపయోగంలో ఉండాలన్నారు. డీఆర్‌డీవో పీడీ ఎన్ .హన్మంతరావు, డీడబ్ల్యూవో సరస్వతి, డీఎంహెచ్‌వో ఆర్‌.రమేశ్, అధికారులు పాల్గొన్నారు.


 కూలీల ఖాతాల్లోకి నేరుగా రూ.200 కోట్లకు పైగా నిధులు జమ
 
 సాక్షి, హైదరాబాద్‌: కేంద్రం ఇచ్చే ఉపాధిహామీ పథకం నిధులను తాత్కాలికంగా ఇతరత్రా పథకాలు, కార్యక్రమాల కోసం మళ్లించేందుకు అలవాటుపడ్డ రాష్ట్ర ప్రభుత్వానికి చుక్కెదురైంది. నేషనల్‌ ఎలక్ట్రానిక్‌ ఫండ్‌ మేనేజ్‌మెంట్‌ సిస్టమ్‌(ఎన్‌ఈఎఫ్‌ఎంసీ)ను అమలు చేస్తూ కేంద్రం తాజాగా విడుదల చేసిన ఈ నిధుల్లో రూ.200 కోట్ల నుంచి రూ.300 కోట్ల మేరకు నిధులు నేరుగా కూలీల ఖాతాల్లో జమ కానున్నాయి. దీంతో అత్యవసర పరిస్థితులున్నప్పటికీ ఇతరత్రా పథకాలు, కార్యక్రమాలకు మళ్లించే పరిస్థితి లేకుండా పోయిందని ఆర్థిక శాఖ తలపట్టుకుంటోంది. రాష్ట్రంలో దాదాపు 40లక్షల మందికిపైగా ఉన్న ఉపాధి హామీ కూలీలకు ఏటా రూ.1,300 కోట్ల నుంచి రూ.1,500 కోట్ల మేరకు కేంద్రం నుంచి నిధులు విడుదలవుతున్నాయి. ఇప్పటివరకు ఇవి నేరుగా ప్రభుత్వ కన్సాలిడేట్‌ ఫండ్‌లో జమయ్యేవి.
 
 అయితే ఈ ఏడాది ప్రారంభంలో రైతుల రుణమాఫీ, ఆసరా ఫించన్లు, ఇతర ప్రాజెక్టులకు చెల్లింపులు చేసేందుకు రాష్ట్ర ప్రభుత్వం ఉపాధి నిధులను దారి మళ్లించింది. దీంతో దాదాపు 9లక్షల మంది కూలీలకు నెలపాటు చెల్లింపులు ఆగిపోయాయి. ఈ పరిస్థితిని నివారించేందుకు కేంద్రం ఎన్‌ఈఎఫ్‌ఎంసీను అమల్లోకి తెచ్చింది. నేరుగా కూలీల ఖాతాల్లోకి మస్టర్‌ రోల్‌ ప్రకారం నిధులను 48గంటల్లో చెల్లించాలని నిర్ణయించింది. ఎన్‌ఈఎఫ్‌ఎంసీ వివరాల నమోదు బాధ్యతను గ్రామీణాభి వృద్ధి శాఖకు అప్పగించింది.
 
 ఈ పరిస్థితి గుర్తించిన రాష్ట్ర ప్రభుత్వం ఎఫ్‌ఎంసీ నమోదు చేసే సమయంలో రాష్ట్ర సంచితనిధి ఖాతా నంబర్‌ను ఎంట్రీ చేయాలని అధికారుల ను ఆదేశించింది. వీటిని కొన్ని జిల్లాల అధికారులు అనుసరించగా కొందరు కేంద్రం నిర్దేశించినట్లుగా కూలీల ఖాతా నంబర్లు ఇచ్చారు. దీంతో ఈ నెలారంభం నుంచే కూలీల ఖాతాల్లో డబ్బులు జమవుతున్నాయి. మరికొన్ని నిధులు రాష్ట్ర సంచిత నిధిలో జమయ్యాయి. ఈ ఏడాది దాదాపు రూ.200కోట్లకుపైగా కూలీల ఖాతాలకు, మిగతాది రాష్ట్ర ఖజానాలో జమవుతుందని అంచనా వేస్తున్నారు.


 కేంద్ర మంత్రి నరేంద్ర సింగ్‌ను కోరిన మంత్రి జూపల్లి
 సాక్షి, న్యూఢిల్లీ: తెలంగాణలో గ్రామీ ణాభివృద్ధికి కేంద్రం నుంచి అందు తున్న సాయాన్ని పెంచాలని కేం ద్ర పంచాయతీరాజ్‌ శాఖ మంత్రి నరేంద్ర సింగ్‌ తోమర్‌ను మంత్రి జూపల్లి కృష్ణారావు కోరా రు. సోమవారం మంత్రి జూపల్లి, ఎంపీలు జితేందర్‌రెడ్డి, బీబీ పాటిల్, పంచాయతీ రాజ్‌ శాఖ కమిషన్  నీతూప్రసాద్‌.. కేంద్ర మంత్రిని ఢిల్లీలోని ఆయన కార్యాలయంలో కలసి వివిధ అంశాలపై వినతిపత్రాలు సమర్పించారు.
 తెలంగాణలో లక్ష్యానికి మించి ఉపాధి హామీ పనులు జరుగు తున్నం దున ఈ ఆర్థిక సంవత్సరానికి పని దినాలు పెంచాలని  కోరారు. రూర్బన్  పథకం కింద తెలంగాణకు అదనపు క్లస్టర్లను మంజూరు చేయాలని, మహిళా సంఘాల వడ్డీ రాయితీ బకాయిలు విడుదల చేయాలని కోరారు.


 జిల్లాలో మొత్తం జాబ్‌కార్డులు3.32 లక్షలు
 • వినియోగంలో ఉన్నవి 1.28 లక్షలు
 • ప్రభుత్వ నిర్ణయంతో రద్దయ్యేవి  సుమారు 2 లక్షలు
 • 15 రోజుల్లో కొత్త కార్డులు
 
 ఖమ్మం మయూరిసెంటర్‌ : ఉపాధి హామీ పథకంలో ఇక నుంచి పనిచేసే వారికే జాబ్‌ కార్డులు ఇవ్వాలని ప్రభుత్వం నిర్ణయించింది. పనిచేయని వారి కార్డులను తొలగించనుంది. అర్హులందరికీ పని కల్పించేందుకు ఈ ప్రక్రియ చేపట్టినట్లు ప్రభుత్వం చెబుతోంది. సుమారు పదిహేను రోజుల్లో కొత్త కార్డులు ఇవ్వనుంది. జాబ్‌కార్డు పొందినవారిలో సగం మంది పనులకు హాజరుకావడం లేదు. ఈ క్రమంలో పనిచేసేవారికే జాబ్‌ కార్డులు ఇవ్వాలని ప్రభుత్వం నిర్ణయించింది.
 
 జిల్లాలో  మహాత్మాగాంధీ జాతీయ గ్రామీణ ఉపాధి హామీ పథకానికి సంబంధించి 3.32 లక్షల జాబ్‌కార్డులు ఉన్నాయి. వీటిలో 1.28 లక్షల కార్డులు మాత్రమే అత్యధిక పనులు చేసిన జాబితాలో ఉన్నాయి. మొత్తం 7.75 లక్షల మంది కూలీలుగా నమోదు చేసుకోగా 2.28 లక్షల మంది మాత్రమే ఉపాధి పనికి హాజరవుతున్నారు. దీంతో ఉపాధి పనిని వినియోగించుకునేవారికి కార్డులు అందించాలని ప్రభుత్వం యోచిస్తోంది.  సుమారు 2 లక్షల కార్డులు రద్దు కానున్నాయి.
 
 పథకాల కోసమే కార్డులు
 ప్రభుత్వ పథకాలను ఉపయోగించుకునేందుకే జిల్లాలో జాబ్‌ కార్డులను ఉపయోగించుకుంటున్నారు. కేంద్ర, రాష్ట్ర ప్రభుత్వాలు అందిస్తున్న పథకాల్లో రాయితీ కల్పిస్తుండడంతో పాటు టాయిలెట్ల నిర్మాణం, ఇంకుడు గుంటలు, పొలంలో నాటేందుకు టేకు మొక్కలు వంటివి కార్డుదారులకు అందిస్తున్నారు. దీంతో చాలా మంది వీటికోసం కార్డులు తీసుకొని ప్రభుత్వం కల్పిస్తున్న పనికి వెళ్ళడం లేదు. కొందరు ఒకరిపై కార్డు తీసుకొని ఇంకొకరు పనికి వెళ్తున్నారు. వీటన్నింటికి చెక్‌పెట్టేందుకు ప్రభుత్వం నిర్ణయంతీసుకుంది.  ప్రస్తుతం కొనసాగుతున్న కార్డులను రద్దు చేసి ప్రభుత్వం నూతన కార్డులు ఇవ్వనుంది.
 మూడు రకాలుగా ఆదివాసీలకు గ్రీన్‌కార్డు, వికలాంగులకు లైట్‌బ్లూ, సాధారాణ కూలీలకు బ్లూ కార్డులు ఇవ్వనుంది. ప్రభుత్వం కల్పిస్తున్న పని రోజుల్లో సగానికి పైగా పని దినాలు ఉపయోగించుకుంటేనే కార్డులు ఇవ్వనున్నారు. జాబ్‌కార్డులు రాగానే పనులు ప్రారంభించేందుకు యంత్రాం గం ప్రణాళికలు రూపొందించింది.
 
 అర్హులకు మాత్రమే కార్డులు
 ఉపాధి పథకాన్ని వినియోగించుకుని పని చేసే కూలీలకు మాత్రమే జాబ్‌కార్డులు అంది స్తాం. 2015–16 సంవత్సరంలో 45 లక్షల పనిదినాలకు 43.5 లక్షల పని దినాల పని జరిగింది. ప్రతి కూలికీ వంద రోజుల పని కల్పించడమే లక్ష్యంగా ప్రభుత్వం నిర్ణయించింది. పని చేయని వారి కార్డులను రద్దు చేస్తాం. – మురళీధర్‌రావు, డీఆర్‌డీఓ
 
 పని చేసేవారికి ఇస్తేనే ప్రయోజనం
 పని చేసేవారికే జాబ్‌కార్డు విధానం మంచిది. ఈ నిర్ణయంతో అర్హులకు కార్డుతో పాటు 100 రోజుల పని లభిస్తుంది. కూలీలు కూడా ప్రభుత్వం అందిస్తున్న పథకాలను వినియోగించుకొని అవకాశం ఉంటుంది. నూతన విధానాలతో అక్రమాలకు అడ్డుకట్ట వేయవచ్చు.
 – మరికంటి నరేష్, ఉపాధి మేట్‌ 


 
 పెద్ద మొత్తంలో నిధులు జేబుల్లోకి
 
 చోద్యం చూస్తున్న అధికారులు
 
 ఈ చిత్రంలో కనిపిస్తున్న చెక్‌డ్యాం వరికుంటపాడు మండలం యర్రంరెడ్డిపల్లి చెరువు పైభాగాన తారురోడ్డు సమీపంలో నిర్మించింది. దీని నిర్మాణంలో నిబంధనలు, నాణ్యతా ప్రమాణాలు పాటించలేదు. చెరువుకు నీరు వచ్చే వరవకు చెరువుకు అతి తక్కువ సమీపంలో దీనిని నిర్మించారు. రూ.10 లక్షల అంచనా వ్యయంతో దీని నిర్మాణం చేపట్టారు. ఇక్కడ అవసరం లేకపోయినా కేవలం కాంట్రాక్టరుకు లబ్ధి చేకూర్చేందుకే ఈ పనిని ప్రతిపాదించారు. దీని నిర్మాణంలో వాడిన ఇసుకలో అధిక శాతం మట్టి ఉంది. ఇసుక, సిమెంటు, కంకర నిష్పత్తిలో కూడా నాణ్యతా ప్రమాణాలు పాటించలేదు. పైన ప్లాస్టరింగ్, తుదిమెరుగులు దిద్దడంతో చూసేందుకు చాలా చక్కగా ఉన్నా కొద్ది కాలానికే నిర్మాణం దెబ్బతినే ప్రమాదం పొంచి ఉంది.
 ఉపాధిహామీ పథకం కొంతమంది అక్రమార్కులకు కల్పతరువుగా మారింది. అన్ని పనులకు ఉపాధి పథకాన్ని లింకు చేయడంతో దుర్వినియోగానికి అవకాశం ఏర్పడింది. ఈ పథకంలో నిధులు ఇబ్బడిముబ్బడిగా ఉండటంతో తక్కువ వ్యయం అయ్యే పనులకు కూడా కొంతమంది ఎక్కువ మొత్తంలో ఎస్టిమేషన్లు వేసుకుని నిధులు ఆరగిస్తున్నారు.  
 
 ఉదయగిరి: ఉపాధి హామీ పనులను పర్యవేక్షించాల్సిన క్వాలిటీ కంట్రోల్, మండల, జిల్లాస్థాయి అధికారుల పర్యవేక్షణ పూర్తిగా వదిలివేయడంతో సప్లయర్‌  ముసుగులో ఉన్న కాంట్రాక్టర్లు అందినకాడికి దోచుకుంటున్నారు. జిల్లాలో ఉపాధి నిధులతో చెక్‌డ్యాంలు, ఫైబర్‌ చెక్‌డ్యాంలు, సాలిడ్‌ వేస్ట్‌ మేనేజ్‌మెంట్, సిమెంటురోడ్లు, నాడెప్, ఇంకుడుగుంతలు, ఫాంపాండ్ల నిర్మాణ పనుల్లో అవినీతికి అడ్డూ అదుపు లేకుండా పోయింది. ఈ నిధుల దోపిడీలో ఎక్కువ భాగస్వామ్యం అధికార పార్టీ నేతలదే కావడం విశేషం.
 
 జిల్లాలో సాయిల్‌ వేస్ట్‌ మేనేజ్‌మెంట్‌ కింద 91 పనులు మంజూరయ్యాయి. ఇంతవరకు వీటి నిర్మాణం కోసం రూ.70 లక్షలు వినియోగించారు. ఈ పనులు ఎక్కువగా అధికార పార్టీ సర్పంచ్‌లు, వారు లేనిచోట ఆ పార్టీ నేతలు చేపట్టారు. జరిగిన పనులు పరిశీలిస్తే..ఇవి ఒకట్రెండు ఏళ్లకంటే ఎక్కువ మన్నే పరిస్థితి కనిపించలేదు. అధిక ఎస్టిమేషన్లతో నిధులు దోచుకుంటున్నారు. జిల్లాలో చెక్‌డ్యాంల నిర్మాణం కోసం రూ.184 కోట్లు వెచ్చించాలని నిర్ణయించారు.
 
 ఈ నిధులతో 29,500 చెక్‌డ్యాంలకు ప్రతిపాలనా ఆమోదం లభించింది. ఉదయగిరి, ఆత్మకూరు, కావలి వెంకటగిరి, గూడూరు నియోజకవర్గాల్లో చెక్‌డ్యాంల నిర్మాణాలకు రూ.50 కోట్లు ఖర్చు చేశారు. వీటిలో అక్రమాలు చోటుచేసుకున్నట్లు ఫిర్యాదులు ఉన్నాయి. ముఖ్యంగా ఉదయగిరి నియోజకవర్గంలో వీటి నిర్మాణంలో జరుగుతున్న అవినీతి, అధిక స్థాయిలో ఉందని విమర్శలున్నాయి. జిల్లాలో ఏ నియోజకవర్గంలో లేనివిధంగా ఉదయగిరి ప్రాంతంలో జరుగుతున్న ఫైబర్‌ చెక్‌డ్యాంల నిర్మాణాల్లో కూడా అవినీతి స్థాయి ఎక్కువగా ఉంది. వీటి నిర్మాణంలోనూ, నాణ్యతా ప్రమాణాల్లోనూ, డిజైన్లలోనూ, ప్రతిపాదనల రూపకల్పనలోనూ అవినీతి చోటుచేసుకున్నదని మాజీ ఎమ్మెల్యే, వైఎస్సార్‌సీపీ నేత మేకపాటి చంద్రశేఖర్‌రెడ్డి బహిరంగంగా విమర్శిస్తున్నారు. వీటి టెండర్ల వ్యవహారంలో స్థానిక ఎమ్మెల్యే బొల్లినేని వెంకటరామారావు పాత్రపై కూడా విమర్శనాస్త్రాలు గుప్పిస్తున్నారు.  
 
 సిమెంటు రోడ్ల నిర్మాణంలోనూ ఇదే తీరు
 గ్రామీణ ప్రాంత ప్రజల్లో అంతర్గత రోడ్ల నిర్మాణానికి చేపట్టిన సిమెంటురోడ్లకు 50 శాతం నిధులు ఉపాధిహామీ నుంచి ఉపయోగిస్తున్నారు. రోడ్లు నాసిరకంగా ఉండటంతో వెంటనే పగుళ్లిస్తున్నాయి. జిల్లాలో గతేడాది 400 కి.మీ. మేర రోడ్డు నిర్మాణాల కోసం రూ.203 కోట్లు వెచ్చించారు. ఈ ఏడాది 271 కి.మీ. సిమెంటురోడ్లు వేసేందుకు రూ.36.15 కోట్లు ఖర్చు చేస్తున్నారు.  
 
 సప్లయర్‌ పేరుతో దోపిడీ
 గ్రామాల్లో నూరు శాతం మరుగుదొడ్లు, ఇంకుడుగుంతల నిర్మాణాలు పూర్తిచేసేందుకు అధికార పార్టీ నేతలకు పనులు అప్పగించారు. వీరికి ముందుగా కొంత అడ్వాన్సు నగదు కూడా ఇస్తున్నారు. మరుగుదొడ్ల నిర్మాణంలో పనులు నాసిరకంగా జరుగుతున్నాయనే విమర్శలున్నాయి. తూతూమంత్రంగా ఇంకుడుగుంతల పనులు చేసి నిధులు స్వాహా చేస్తున్నారు. వర్మీకంపోస్టు నిర్మాణాల్లోనూ ఇదేరకౖ మెన దోపిడీ సాగుతోంది.  
 
 ఫిర్యాదుచేస్తే స్పందిస్తాం
 ఉపాధిహామీ నిధులతో మెటీరియల్‌ పనుల్లో అవినీతి జరిగితే ఫిర్యాదు చేస్తే పూర్తిస్థాయిలో విచారణ జరిపి బాధ్యులపై చర్యలు తీసుకుంటాం. అవినీతికి పాల్పడిన కొంతమంది సిబ్బందిపై ఇప్పటికే వేటు వేశాం.  
  హరిత, డ్వామా పీడీ


 ఇందూరు : నిజామాబాద్, కామారెడ్డి ఉమ్మడి జిల్లాల్లో కలిపి మూడేళ్లలో 420 నూతన బావుల తవ్వకానికి రూ.8.70 కోట్లు మంజూరయ్యాయి. కానీ.. ఇప్పటివరకు ఉమ్మడి జిల్లాల్లో ఒక్క బావి మాత్రమే తవ్వకం పూర్తయింది.70 నూతన బావుల తవ్వకాలు కొనసాగుతున్నాయి. ఇంకా 349 బావుల తవ్వకం ప్రారంభించలేదు. కామారెడ్డి జిల్లాలో ఏడాదికి 60 చొప్పున బావులు మంజూరైనా ఇప్పటివరకు ఒక్కటి మాత్రమే పూర్తయింది. అలాగే నిజామాబాద్‌ జిల్లాలో ఏడాదికి 80 నూతన బావుల తవ్వకం కోసం నిధులు ఖర్చుకాలేదు. ఉపాధి హామీ పథకాన్ని వ్యవసాయానికి అనుసంధానం చేయాలని కేంద్ర ప్రభుత్వం ప్రణాళికలు రూపొందించి ఆదేశాలు జారీ చేస్తున్నా.. క్షేత్ర స్థాయిలో బావుల తవ్వకం, సేంద్రియ ఎరువుల తయారీ, రైతుల జల సౌధలు(ఫారం ఫాండ్స్‌), పశువుల పాకలు మొదలైనవి రైతులకు ఉపయోగపడే పనులు ముందుకు సాగడం లేదు.
 
 ఒక్క బావిలో పూడిక తీయలేదు..
 ఉమ్మడి జిల్లాల్లో 30 శాతం పంటలకు నీటి సరఫరా బావుల ద్వారానే కొనసాగుతోంది. 2014–15 సంవత్సరంలో కొత్త బావుల తవ్వకానికి, పూడిక తీతకు నూతన మార్గదర్శకాలు రూపొందించిన అధికారులు అటకెక్కించారు. అలాగే ఆ ఏడాది తవ్విన బావులకు సకాలంలో కూలీ డబ్బులు ఇవ్వకపోవడంతోపాటు బావుల తవ్వకం ద్వారా కలిగే ప్రయోజనాలను రైతులకు వివరించడంలో విఫలమవుతున్నారు. తద్వారా రైతులు ఆసక్తి చూపడం లేదు. అలాగే ఉమ్మడి జిల్లాల్లో మూడు దశాబ్దాలలో తవ్విన పాత బావులు 49,500 వరకు ఉన్నాయి. అధికారులు రైతులకు అవగాహన కల్పించి గత వేసవిలో పూడికతీత పనులు చేయించి ఉంటే.. ఈ ఏడాది సెప్టెంబర్‌లో కురిసిన భారీ వర్షాలకు బావుల్లోకి నీళ్లు చేరి భూగర్భ జలాలు బాగా పెరిగి వ్యవసాయానికి లాభసాటిగా ఉండేది. అధికారుల పనితీరు కారణంగా ఈ ఏడాది ఉమ్మడి జిల్లాల్లోని 49 మండలాల్లో ఒక్క బావిలో కూడా పూడికతీత పనులు చేపట్టకపోవడం గమనార్హం. మూడేళ్లుగా వర్షాభావ పరిస్థితుల వల్ల రైతులు బావుల తవ్వకం కంటే గొట్టపు బావుల తవ్వకానికి అధిక ప్రాధాన్యత ఇచ్చారు. బోరు బావుల వద్ద ఇంకుడు గుంతలు తీయించడం, పారే నీటిని నిలువరించేందుకు వీలుగా అడ్డంగా రాతికట్టు కట్టించడం వంటివి చేపడితే బాగుండేది. వర్షం నీటి సంరక్షణకు అధిక ప్రాధాన్యత ఇచ్చి నీటి నిల్వ కుంటలు, పాత బావుల్లో పూడికతీత పనులు చేపడితే సమృద్ధిగా నీటి సంరక్షణ జరిగేది.
 
 ప్రమాదకర బావులను పూడ్చడం లేదు..
 జిల్లాలో చాలా గ్రామాల్లో ఇంటికి ఆనుకుని, రోడ్ల పక్కన, వ్యవసాయ గట్ల పక్కన వృధాగా ఉండి ప్రమాదకంగా ఉన్న బావులను పూడ్చడానికి ఉపాధిహామీ పథకం ద్వారా అవకాశం ఉంది. ప్రమాదకర బావుల వల్ల చాలా మందితోపాటు పశువులు కూడా పడి మృతి చెందిన సంఘటనలున్నాయి. ఇలాంటి బావులను పూడ్చివేయడం రైతులకు, స్థానికులకు ఆర్థికంగా ఇబ్బందే. ముఖ్యంగా జక్రాన్‌పల్లి, ఆర్మూర్, గాంధారి, జుక్కల్‌ మండలాల్లో ఈ సమస్య ఎక్కువగా ఉంది. కావునా.. ఉపాధిహామీ పథకం కింద పాడుబడ్డ పాత బావులను పూడ్చి వేయాల్సిన అవసరం ఎంతైనా ఉంది. ఎంపీడీఓల సహాయంతో గ్రామ సర్పంచ్, పంచాయతీ కార్యదర్శులతో ఇలాంటి బావులను గుర్తించి పూడ్చివేయిస్తే బాగుంటుంది.


 ► పల్లెల్లో కొనసాగుతున్న పనులు
 ► సాంకేతిక లోపాలతో సిబ్బందికి ఇబ్బంది
 
 గంభీరావుపేట :
 మహాత్మాగాంధీ జాతీయ గ్రామీణ ఉపాధిహామీ పథకంలో చేపట్టిన పనుల్లో పారదర్శకత కోసం ప్రభుత్వం జియోట్యాగింగ్‌ను ప్రవేశపెట్టింది. 2006 నుంచి పనులు పూర్తయి లబ్ధిదారులకు బిల్లులు అందిన అంశాలనే ట్యాగ్‌ చేస్తున్నారు. ప్రగతిలో ఉన్న పనులను ట్యాగ్‌ చేయరు. ఇంకుడుగుంతలు, వ్యక్తిగత మరుగుదొడ్లు, కుంటలు, కాలువలు, పూడికతీత, అడ్డుకట్టలు తదితర పనుల్లో పూర్తయిన పనులను సిబ్బంది ట్యాగింగ్‌ చేస్తున్నారు.
 
 ట్యాగింగ్‌ చేయడం ఇలా..
 ఎన్ ఆర్‌ఈజీఎస్‌ ద్వారా రూపొందించిన ప్రత్యేకమైన ‘భువన్  యాప్‌’ను ఓపెన్  చేసుకొని పూర్తయిన పనుల రెండు ఫోటోలు తీసుకోవాలి. వాటిని ఆన్ లైన్ లో పొందుపర్చాలి. జియోట్యాగింగ్‌ వల్ల ఎక్కడి పనులనైనా ఆన్ లైన్ లో చూసుకోవచ్చు.
 
 జిల్లాలో ట్యాగింగ్‌ వివరాలు
 జిల్లా వ్యాప్తంగా 32,453 పూర్తయిన పనులను జియోట్యాగింగ్‌కు టార్గెట్‌ చేశారు. ఇందులో ఇప్పటికీ 17,189 పనుల వివరాలను అధికారులు ట్యాగ్‌ చేశారు.
 
 సాంకేతిక లోపాలు
 జియోట్యాగింగ్‌ చేసే సమయంలో నెట్‌కనెక్ట్‌ కాకుండా క్షేత్రస్థాయిలో ఈజీఎస్‌ సిబ్బంది ఇబ్బందులకు గురవుతున్నారు. పనులు జరిగిన గ్రామీణ ప్రాంతాలకు వెళ్లినప్పుడు ఈసమస్య మరింత ఎక్కువవుతోంది. ఆన్ లైన్ లో వివరాలను పంపించడానికి కూడా కష్టంగా మారుతోంది.
 
 నెట్‌వర్క్‌ సమస్యలున్నాయి
 ఈజీఎస్‌ పనుల ట్యాగింగ్‌ విషయంలో తీవ్ర ఇబ్బందులు పడుతున్నం. పల్లెల్లో నెట్‌వర్క్‌ లేక ట్యాగింగ్‌ చేయడంలో కాస్త జాప్యం జరుగుతోంది. ఉన్నతాధికారుల ఆదేశాల మేరకు మండలంలో వందశాతం ట్యాగింగ్‌ కోసం కృషి చేస్తున్నం.
 –సాయిక్రిష్ణ, టెక్నికల్‌ అసిస్టెంట్, గంభీరావుపేట
 
 రాష్ట్రంలో 8వ స్థానం
 ఈజీఎస్‌ జియోట్యాగింగ్‌ విషయంలో జిల్లా రాష్ట్రంలో 8వ స్థానంలో ఉంది. ఇప్పటికీ 53శాతం ట్యాగింగ్‌ పూర్తయ్యిం ది. పనులు వేగవంతం చేయాలని సిబ్బందిని ఆదేశించాం. సాంకేతిక లోపా లు తలెత్తడంతో రాత్రింబవళ్లు సిబ్బంది కృషి చేస్తున్నారు.        
 –హన్మంతరావు,డీఆర్‌డీవో, రాజన్న సిరిసిల్ల జిల్లా


 ఏళ్లు గడుస్తున్నా రికవరీ చేయని అధికారులు
 నోటీసులు, మెమోలు ‘మామూలే..’
 మూలన పడ్డ ఫైళ్లు.. అధికారులపై చర్యలు శూన్యం
 దర్జాగా విధులు నిర్వర్తిస్తున్న అక్రమార్కులు
 సమాచార హక్కు చట్టంతో వెలుగులోకి..
 
 ఆదిలాబాద్‌ కల్చరల్‌ :   గ్రామీణ ప్రాంతాల్లో వలసల నివారణకు ప్రభుత్వం ప్రతిష్టాత్మకంగా అమలు చేస్తున్న ఉపాధి హామీ పథకం అక్రమార్కుల పాలిట వరంగా మారింది. అందిన కాడికి అధికారులు దండుకోవడంతో అభాసుపాలవుతోంది. గ్రామాల్లో ఫీల్డ్‌ అసిస్టెంట్లు చేసే చిన్నపాటి పొరపాట్లకు సస్పెండ్‌ చేస్తూ తొలగించే అధికారులు.. నిధులు కాజేసి, లెక్క చూపని అధికారులపై చర్యలు తీసుకోకపోవడం విమర్శలకు దారి తీస్తోంది. ఏ ఒక్కరిపైనా చర్యలు తీసుకోకపోగా.. షోకాజు నోటీసులతో అధికార యంత్రాం గం సరిపెడుతోంది. రికవరీ చేయాలని ఉన్నతాధికారులు ఆదేశిస్తున్నా ‘మామూలు’గా వ్యవహరిస్తున్నారు. ఆదిలాబాద్‌కు చెందిన ఆర్టీఐ యాక్టు వెల్ఫేర్‌ సొసైటీ అధ్యక్షుడు ఠాకూర్‌ జోగేందర్‌సింగ్‌ జిల్లా గ్రామీణాభివృద్ధి సంస్థకు ఆర్టీఐ యాక్టు ద్వారా దరఖాస్తు చేసుకోగా.. గత ఏడాది నవంబర్‌లో వివరాలు వెల్లడించా రు. అక్రమార్కుల వివరాలు ఇందులో ఉన్నాయి. ఉమ్మడి జిల్లాలో అధికారులు అక్రమాలకు పాల్పడి రూ.28 కోట్లు దుర్వినియోగం చేశారు. ఉన్నతాధికారుల పాత్ర కూడా ఉందనే విమర్శలున్నాయి.
 
 చేయని పనులు చేసినట్లుగా, మట్టి, మొరం రోడ్లు వేసినట్లుగా, పనులు చేయకుండా చేసినట్లుగా, చెరువుల్లో మట్టితీత.. వంటి పలు రకాల పనులు చేయించినట్లు మస్టర్‌లు రికార్డు చేసి రూ.కోట్లలో ఉపాధి నిధుల ు దుర్వినియోగం చేసినట్లు తేలింది. ఈ విషయం సామాజిక తనిఖీ బృందాల పరిశీలనలో వెల్లడైంది.
 
 ఎవరెంత దుర్వినియోగం చేశారంటే.. : నిధులు దుర్వినియోగం చేసిన వారిలో ఉమ్మడి జిల్లాలోని ఎంపీడీవోలు, పంచాయతీరాజ్‌ ఏఈఈలు, ట్రైబ ల్‌వెల్పేర్‌ ఏఈలు ఉన్నారు. ఉమ్మడి జిల్లాలో 14 మంది ఎంపీడీవోలు మొ త్తం రూ.కోటీ 9 లక్షల 31,593 దుర్వినియోగం చేసినట్లు సామాజిక తనిఖీ లో తేలింది. పంచాయతీ రాజ్‌ ఏఈఈలు 40 మంది రూ.కోటి 8 లక్షల 16,102 దుర్వినియోగం చేయగా.. రికార్డులు కూ డా అప్పగించని నిధులు రూ.10 కోట్ల 7 లక్షల 74,584 దుర్వినియోగం చేశారు. మొత్తం రూ.11కోట్ల 15 లక్షల 90,686 పంచాయతీరాజ్‌ ఏఈఈలు 40 మంది స్వాహా చేశారు. ట్రైబల్‌ వెల్పేర్‌ ఏఈలు 17 మంది రూ.14 లక్షల 49,861 తప్పుడు లెక్కలతో కాజేసినట్లు సామాజిక తనిఖీలో తేలింది. రికార్డులు కూడా అందించకుండా రూ.16 కోట్ల 33 లక్షల 58,947.. మొత్తం రూ. 16 కోట్ల 48 లక్షల 08,808 అక్రమాలకు గురైనట్లు సామాజిక తనిఖీ బృం దం తేల్చింది. ఉమ్మడి జిల్లా లో ఎంపీడీవోలు, పీఆర్‌ ఏఈఈలు, టీడబ్ల్యూఏఈలు కలిసి మొత్తం రూ.28 కోట్ల 73 లక్షల 31,087 దుర్వినియోగం చేశారు. ఉన్నతాధికారుల హస్తం ఉండడంతోనే రికవరీ చేయడం లేదనే ఆరోపణలున్నాయి. అక్రమాలకు పాల్పడిన కొందరు విధుల్లోనే ఉన్నారు.
 
 రూ.కోట్లల్లోనే అవినీతి..: కుభీర్‌ ఎంపీడీవో సత్యనారాయణ రూ. 95,09, 752 దుర్వినియోగం చేశారు. 2010లో పంచాయతీ రాజ్‌ కమిషనర్‌ చార్జి మెమో జారీ చేశారు. పలుమార్లు చార్జి మెమోలు అందించినా ఇప్పటి వరకు ఆయనపై ఎలాంటి చర్యలు తీసుకోలేకపోగా రికవరీ కూడా చేయడం లేదు. ఉట్నూర్‌కు చెందిన ఎంపీడీవో చందర్‌ 9 లక్షల నిధులకు లెక్కలు చూపలే దు. మిగతా ఎంపీడీవోలు లక్షల్లో నిధులను జేబుల్లో వేసుకున్నారనే ఆరోపణలున్నాయి. తాండూరు పీఆర్‌ ఏఈఈ రూ.10,51,905, కెరమెరి ఏఈఈ రూ.18,51,717, ఉట్నూర్‌కు చెందిన ఏఈఈ రూ.17,12,428, జైనథ్‌ ఏఈ ఈ రూ.7,55,357, తాండూరుకు చెందిన ఏఈఈ రూ.5,61,987 నిధులు దుర్వినియోగం చేశారు. తాంసి ఏఈఈ రూ.94 లక్షల 63,531, భీమిని ఏఈఈ రూ.2 కోట్ల 75 లక్షల 86,110, ఆదిలాబాద్‌ ఏఈఈ రూ.కోటీ 3 లక్షల 49,200, దహెగాం ఏఈఈ 90 లక్షల 94,476 నిధులకు లెక్కలు చూపలేదు. వీరితోపాటు వాంకిడి, జన్నారం, తదితర మండలాల పీఆర్‌ ఏఈఈ, ఏటీడబ్ల్యూ ఏఈలు, ఎంపీడీవోలు నిధుల దుర్వినియోగానికి పాల్పడినట్లు తేలింది.


 సాక్షి ప్రతినిధి – నెల్లూరు :  దళిత వాడలకు మౌళిక సదుపాయాలు కల్పించడానికి ప్రభుత్వం విడుదల చేసిన ఎస్సీ సబ్‌ ప్లాన్‌ నిధులను అధికార పార్టీ నేతలు, అధికారులు కలిపి కొల్లగొట్టేందుకు పథకం రచించారు. రూ.40 కోట్ల పనులకు 10 నుంచి 15 శాతం దాకా తక్కువ తో టెండర్లు దాఖలయ్యే అవకాశం ఉన్నా, అంతా కూడబలుక్కుని 1.45 శాతానికి లోపే సింగిల్‌ టెండర్లు దాఖలయ్యేలా రాజకీయం నడిపారు. ఈ వ్యవహారంలో ప్రభుత్వానికి రూ.4 నుంచి రూ.4.5 కోట్ల నష్టం వాటిల్లనుంది.  
 
 ఎస్సీ సబ్‌ప్లాన్‌  నిధులను జాతీయ గ్రామీణ ఉపాధి హామీ పథకం కింద దళిత వాడలకు రోడ్డు సౌకర్యాలు మెరుగు పరచడానికి పంచాయతీరాజ్‌ శాఖ అధికారులు ప్రణాళికలు తయారు చేశారు. గత ఏడాది జూన్‌ నెలాఖరులో ఆన్‌లైన్‌ ద్వారా  ఈ పనులకు టెండర్లు పిలిచారు. నిబంధనల ప్రకారం టెండర్ల దాఖలుకు గడువు ముగిసిన చివరి రోజే టెక్నికల్‌ బిడ్‌ తెరవాల్సి వుంది. అయితే ఏ పని ఎవరికి దక్కాలనే   విషయం  అధికార పార్టీ  ఎమ్మెల్యేలు, నియోజక వర్గ ఇన్‌చార్జ్‌లు అధికారులకు ముందే ఆదేశాలు జారీ చేశారు. నిబంధనలు ఎలా మార్చుకున్నా, రూల్స్‌ ఎలా ఉన్నా తాము చెప్పిన వారికే పనులు దక్కాలని గట్టిగా చెప్పారు. అధికారులు ఇదే అదనుగా తీసుకుని స్వామి కార్యంతో పాటు స్వకార్యం కూడా నెరవేర్చుకునేలా టెండర్లలో రింగ్‌ లీడర్ల పాత్ర పోషించారు.
 
 పోటీకి వస్తారని ఊహించిన కాంట్రాక్టర్లకు అధికారులే ఫోన్లు చేసి ఇది ఫలానా నాయకుడికి కేటాయించిన పననీ, పోటీగా టెండర్‌ దక్కించుకున్నా పని ఎలా  చేయగలుగుతారని పరోక్షంగా బెదిరింపులకు పాల్పడ్డారనే ఆరోపణలు వెల్లువెత్తాయి. ఈ మధ్యస్థాలను ఖాతరు చేయకుండా  కొన్ని పనులకు ఎక్కువ మంది కాంట్రాక్టర్లు టెండర్లు దాఖలు చేశారు. ఈ విషయం తెలిసి అధికారులు కంగుతిన్నారు. ఏదో ఒక కారణం చూపి తమకు గిట్టని వారిని అనర్హులుగా చేయడానికి ఉపాయాలు వెదికారు. ఇందుకోసం అనేక రాయబారాలు నడిపి నెలన్నర తర్వాత  టెక్నికల్‌ బిడ్‌ తెరిచారు. ఇందులో కూడా అర్హులైన వారిని తప్పించడానికి వారితో రాజీ బేరాలు మాట్లాడినట్లు కాంట్రాక్టర్లు బహిరంగంగానే చెబుతున్నారు. వీటికి తలవంచని కాంట్రాక్టర్లను తప్పించడం కోసం æ మరో నెల పాటు ప్రైస్‌ బిడ్‌ తెరవకుండా రాజకీయం నడిపారు.  కాంట్రాక్టర్‌ ఆన్‌లైన్‌లో ఈ ఏంఐ చెల్లించకుండా డీడీ తీశారని, తాను చేస్తున్న ఇతర పనుల వివరాలు పొందుపరచలేదని, డిక్లరేషన్‌ లేదనే రకరకాల కారణాలతో చాలా మందిని తప్పించారు.
 
 అన్నీ సెటిల్‌మెంట్‌ లెస్‌లే
 ► ఎస్సీ సబ్‌ప్లాన్‌ నిధుల కింద పిలిచిన ఈ పనుల్లో  కాంట్రాక్టర్‌ లాభం కూడా కలిపి పనుల అంచనా రూపొందిస్తారు. అందువల్ల ఈ పనులకు ఎక్కువతో టెండర్లు దాఖలు చేయడానికి వీలులేదు. దీంతో గతంలో ఈ తరహా పనులకు 10 నుంచి 15 శాతం తక్కువతో టెండర్లు దాఖలయ్యేవి. అయితే అధికారులు ఈ సారి మాత్రం కాంట్రాక్టర్లతో కూడబలుక్కుని ప్రతి పనికీ 1.45 శాతం లోపే తక్కువతో సింగిల్‌  టెండర్లే నిలిచేలా మంత్రాంగం చేశారు. నిబంధనల ప్రకారం సింగిల్‌ టెండర్‌ నిలిస్తే తిరిగి టెండర్లు పిలవాలనే నిబంధనలను ఈ పనుల వ్యవహారంలో అటకెక్కించారు.
 ► సింగిల్‌ టెండర్‌ను ఆమోదింపచేసే ఉద్దేశంతో పంచాయతీ రాజ్‌ శాఖలోని   జాతీయ గ్రామీణ ఉపాధి పథకం పనులు చూస్తున్న చీఫ్‌ ఇంజనీర్‌కు ఫైలు పంపారు. తక్కువ ధరతో టెండర్లు దక్కించుకున్న కాంట్రాక్టర్లు టీడీపీ ఇన్‌చార్జ్‌లు చెప్పిన వారు కాకపోతే ఆ పనులు రద్దు చేయాలని సీఈకి సిఫారసు చేశారు. తమను అనర్హులుగా చూపి  టెండర్లు రద్దు చేయడానికి అధికారులు చేసిన ప్రయత్నాలపై ఇద్దరు కాంట్రాక్టర్లు కోర్టును ఆశ్రయించారు.  ఈ టెండర్ల వ్యవహారంపై కొందరు కాంట్రాక్టర్లు ప్రభుత్వానికి, విజిలెన్స్‌ ఎన్‌ఫోర్స్‌మెంట్‌కు ఫిర్యాదు చేశారు. ప్రతి పనికీ 1.45 శాతంలోపే తక్కువతో టెండర్లు దాఖలైన వ్యవహారం చూసి విజిలెన్స్‌ అధికారులు ఆశ్చర్య పోతున్నారు.
 ఇవీ పనులు
 ► విడవలూరు మండలం చౌకచర్ల నుంచి దంపూరు మీదుగా రామతీర్థం వరకు రోడ్డు నిర్మాణం. అంచనా వ్యయం రూ.2 కోట్లు.  27–6–2016న టెండర్లు పిలిచారు. 19–9–2016న టెక్నికల్‌ బిడ్‌ తెరిచారు.  14–10–2016వ తేదీ ప్రైస్‌ బిడ్‌ తెరిచారు. 1.45 శాతం తక్కువతో సింగిల్‌ టెండర్‌ దాఖలైన భవాని కన్‌స్ట్రక్షన్స్‌కు పని అప్పగించేలా ప్రతిపాదన చేశారు.
 ► సైదాపురం  మండలం అన్నమరాజుపల్లి నుంచి వేముల చేడు దాకా మెటల్‌ రోడ్డు నిర్మాణానికి రూ.1.66 కోట్లతో 27–6–2016వ తేదీ టెండర్లు పిలిచారు.  12–8–2016వ తేదీ టెక్నికల్‌ బిడ్డు,  7–10–2016న ప్రైస్‌ బిడ్‌ తెరిచారు. 0.1 శాతం తక్కువతో సింగిల్‌ టెండర్‌ దాఖలు చేసిన వి.పి.రెడ్డికి పని అప్పగించడానికి ప్రతిపాదనలు పంపారు.
 ► డక్కిలి మండలం దగ్గవోలు ఆర్‌ అండ్‌ బీ రోడ్డు నుంచి పాతనలపాడు ఎస్సీ కాలనీ దాకా రోడ్డు నిర్మాణానికి రూ 1.89 కోట్లతో 27–6–2016వ తేదీ టెండర్లు పిలిచారు. 12–8–2016వ తేదీ టెక్నికల్‌ బిడ్, 3–10–2016వ తేదీ ప్రైస్‌ బిడ్‌ తెరిచారు. 0.45 శాతం తక్కువతో టెండర్‌ దాఖలు చేసిన వి.పి.రెడ్డికి పని అప్పగించడానికి ప్రతిపాదించారు.
 ► ఏర్పేడు– గూడూరు ఆర్‌ అండ్‌బీ రోడ్డు నుంచి నాయుడుపేట  మాటుమడుగు మీదుగా రాపూరు రోడ్డు వరకు రూ.3.40 కోట్లతో బీటీ రోడ్డు నిర్మాణానికి 27–6–2016న టెండర్లు పిలిచారు. 12–8–2016న టెక్నికల్‌ బిడ్, 7–10–2016న ప్రైస్‌ బిడ్‌ తెరిచారు. 1.17 శాతం తక్కువతో సింగిల్‌ టెండర్‌ దాఖలు చేసిన ఎస్‌ ఎస్‌ ఆర్‌ కన్‌స్ట్రక్షన్స్‌కు పని అప్పగించడానికి ప్రతిపాదించారు.
 ► గూడూరు ప్యాకేజీ కింద గొల్లపాలెం పంచాయతీ రాజ్‌ రోడ్డు నుంచి కోటిగుంటకు బీటీ సర్ఫేస్‌ రోడ్డు నిర్మాణానికి రూ.34 లక్షలు, నిడిగుర్తి నుంచి చిన్నతోట ఆర్‌ అండ్‌బీ రోడ్డు దాకా బీటీ సర్ఫేస్‌ రోడ్డు నిర్మాణానికి రూ 1.03 కోట్లతో  27–6–2016వ తేదీ టెండర్లు పిలిచారు. 7–9–2016న టెక్నికల్‌ బిడ్, 7–10–2016వ తేదీ ప్రైస్‌ బిడ్‌ తెరిచారు. 0.63 శాతం తక్కువతో సింగిల్‌ టెండర్‌ దాఖలైన ఎం.సెంథిల్‌ కుమార్‌ అనే కాంట్రాక్టరుకు ఈ పని అప్పగించే ఆలోచనతో సీఈకి ప్రతిపాదనలు పంపారు.  


 ద్వితీయ స్థానంలో సంగెం మండలం
 ఉద్యోగులను అభినందించిన కలెక్టర్‌
 
 గీసుకొండ : ఉపాధి హామీ పథకంలో నాణ్యత, పారదర్శకతను చాటుతూ అక్రమాలకు అడ్డుకట్ట వేయడానికి ప్రతీ పనిని  ‘భువన్‌’ యాప్‌ ద్వారా జియో ట్యాగింగ్‌ చేసే ప్రక్రియ చేపడుతున్న విషయం విదితమే. ఈ మేరకు వరంగల్‌ రూరల్‌ జిల్లాలోని గీసుకొండ మండలం రాష్ట్రంలోనే ప్రథమ స్థానంలో నిలిచింది. మొత్తం 107.55 శాతం పనులను జియో ట్యాగ్‌ చేసి ప్రథమ స్థానంలో నిలవగా సంగెం మండలం 102.15 శాతంతో ద్వితీయ స్థానంలో నిలిచింది.
 
 ఈ మేరకు హన్మకొండలో శనివారం జరిగిన సమావేశంలో కలెక్టర్‌ ప్రశాంత్‌ జీవన్‌ పాటిల్‌.. గీసుకొండ మండల అధికారులు, సిబ్బందిని అభినందించారని ఎంపీడీఓ వీరమల్ల సాయిచరణ్‌ తెలిపారు. ఉద్యోగుల కృషితోనే ఈ ఘనత సాధ్యమైందని ఎంపీడీఓ పేర్కొన్నారు.
  


 మంత్రి జూపల్లి  
 సాక్షి, హైదరాబాద్: రాష్ట్రంలో స్వచ్ఛభారత్ మిషన్ కింద చేపట్టిన పనులకు ఉపాధిహామీ నిధులను వినియోగించుకోవాలని పంచాయ తీరాజ్, గ్రామీణాభివృద్ధి మంత్రి జూపల్లి కృష్ణారావు అధికారులకు సూచించారు. ము ఖ్యంగా 2018 అక్టోబర్ 2 నాటికి రాష్ట్ర వ్యాప్తంగా 100 శాతం వ్యక్తిగత మరుగుదొడ్ల నిర్మాణాన్ని పూర్తి చేయాలన్నారు. ఇందుకు అవలంభించాల్సిన కార్యాచరణపై సోమవా రం గ్రామీణాభివృద్ధి శాఖ కార్యాలయంలో ఆయన సమీక్షించారు. మరుగుదొడ్ల నిర్మా ణంపై గ్రామీణులను చైతన్యం చేయడంతో పాటు, వాటిని వినియోగంలోకి తెచ్చేందుకు అవసరమైన చర్యలు చేపట్టాలన్నారు.
 
 రెం డేళ్లలో అన్ని గ్రామాల్లో వంద శాతం మరుగు దొడ్ల నిర్మాణం చేపట్టేం దుకు కార్యాచరణ రూ పొందించాలని అధికారులను ఆదేశించారు. ఎంప్లారుుమెంట్ జనరేషన్ అండ్ మార్కె టింగ్ మిషన్ ద్వారా పెద్దఎత్తున యువతకు శిక్షణ కార్యక్రమాలు చేపట్టడం పైనా ఆ విభాగం అధికారులతో మంత్రి సమీక్షిం చారు. ప్రతి జిల్లాలోనూ స్కిల్ డెవలప్‌మెంట్ సెంటర్లను ఏర్పాటు చేయాలని సూచిం చారు.  ఆదేశించారు.


 సాక్షి, హైదరాబాద్: ఉపాధి హామీ బకారుు లను వెంటనే చెల్లిం చాలని సీపీఐ రాష్ట్ర కార్యదర్శి చాడ వెంకట రెడ్డి రాష్ట్ర ప్రభుత్వాన్ని డిమాండ్ చేశారు. ఏప్రిల్ నుంచి ఇప్పటివరకు ఉపాధి కూలీ లు చేసిన పనులకు సంబంధించి రూ.200 కోట్లు పైబడి ప్రభుత్వం విడుదల చేయాల్సి ఉందన్నారు. దీంతో కూలీలు ఇబ్బందులను ఎదుర్కొంటున్నారని ఒక ప్రకటనలో పేర్కొన్నారు. పాత బకారుులు రాక, పెద్ద నోట్ల రద్దుతో పనులు దొరక్క కూలీలు ఇక్కట్లకు గురవుతున్నారని ఆవేదన వ్యక్తం చేశారు.


 వారి ఖాతాల్లోనే జమ చేయనున్న కేంద్రం
 సామగ్రి ఖర్చు మాత్రమే రాష్ట్ర ప్రభుత్వానికి చెల్లింపు
  
  సాక్షి, హైదరాబాద్: ఉపాధి హామీ పనులు చేసిన కూలీలకు ఇకపై వేతన ఇబ్బందులు తొలగిపోనున్నాయి. డిసెంబర్ 1 నుంచి ఈ పథకం కింద పనులు చేసిన కూలీలకు వేతనాల సొమ్మును నేరుగా వారి బ్యాంకు ఖాతాల్లోనే జమ చేయాలని కేంద్రం నిర్ణరుుంచిం ది. కేంద్రం నుంచి ఉపాధి సొమ్ము రాష్ట్ర ఖజానాకు జమ కావడం, ఆ సొమ్మును వెంటనే గ్రామీణాభివృద్ధి శాఖకు బదిలీ చేయాల్సిన రాష్ట్ర ప్రభుత్వం ఇతర పనులకు మళ్లించడం వంటివాటితో కూలీలకు సకాలంలో వేతనాలు అందడం లేదు. దీంతో ఉపాధి కూలీలు పనులు మానేయడం, వలస పోయిన దుస్థితి ఏర్పడడంతోపాటు కొన్నిసార్లు ఉపాధి నిధులను విడుదల చేరుుంచడానికి రాష్ట్ర గవర్నర్ స్వయంగా జోక్యం చేసుకోవాల్సి వచ్చింది కూడా. ఇలా రాష్ట్ర ప్రభుత్వాల నిర్లక్ష్యం కారణంగా తాము అప్రదిష్ట పాలుకావాల్సి వస్తోందని భావించిన కేంద్రం... నేరుగా కూలీల ఖాతాల్లో వేతనాలు జమ చేసేందుకు చర్యలు చేపట్టింది.
 
  ఎన్‌ఈఎఫ్‌ఎంఎస్ ద్వారా..
  ఉపాధి కూలీలకు రోజు వారీ వేతనాలను చెల్లించేందుకు ‘నేషనల్ ఎలక్ట్రానిక్ ఫండ్ మేనేజ్‌మెంట్ సిస్టమ్’ను కేంద్ర ప్రభుత్వం ఇప్పటికే రూపొందించింది. రాష్ట్రంలో వివిధ జిల్లాల్లో ఉపాధి పనులు చేసిన కూలీల పేరు, ఆధార్, జాబ్‌కార్డ్ నంబర్, చెల్లించాల్సిన వేతనం తదితర వివరాలను ‘తెలంగాణ పేమెంట్ మేనేజ్‌మెంట్ సిస్టమ్(టీపీఎంఎస్)’ద్వారా గ్రామీణాభివృద్ధి శాఖ అధికారులు కేంద్రానికి పంపుతారు. ఆ వివరాలను ఎన్ ఈఎఫ్‌ఎంఎస్‌కు అనుసంధానించి, కూలీ లకు వేతనాలు చెల్లిస్తారు. దీనికి సంబంధిం చి రంగారెడ్డి జిల్లాలో చేపట్టిన పైలట్ ప్రాజెక్టు సత్ఫలితాలు ఇవ్వడంతో.. రాష్ట్రమంతటా అమలు చేయాలని నిర్ణరుుంచారు. దీంతో ఉపాధి కూలీలకు ఇకపై వేతన సమస్యలు ఉండవని ఉపాధి హామీ పథకం సిబ్బంది, అధికారులు పేర్కొంటున్నారు.
  
  రూ.202 కోట్లు విడుదల
  రాష్ట్రంలో డిసెంబర్ నెలాఖరు వరకు ఉపాధి హామీ పనుల చెల్లింపుల కోసం మూడో విడత కింద కేంద్రం రూ.202 కోట్లు విడుదల చేసింది. ఈ మేరకు కేంద్ర ప్రభుత్వ ఉప కార్యదర్శి ఏకే సంబ్లీ మంగళవారం ఉత్తర్వులు జారీచేశారు. ఈ మొత్తం సొమ్ములో రూ.152.23 కోట్లను వేతన చెల్లింపులకు, రూ.50 కోట్లను మెటీరియల్ కాంపొనెంట్ కింద అవసరమైన సామగ్రికి వినియోగించుకోవాలని అందులో పేర్కొన్నారు. కూలీల కు వేతన చెల్లింపులను ఎన్‌ఈఎఫ్‌ఎంఎస్ ద్వారా నేరుగా వారి ఖాతాల్లో జమ చేస్తామని.. మెటీరియల్ కాంపొనెంట్ సొమ్మును త్వరలోనే రాష్ట్ర ప్రభుత్వానికి అందజేస్తామని స్పష్టం చేశారు.


 ► దాడిలో కానిస్టేబుల్ కూడా..
 ► అడ్డుకున్న వారిపై దుర్భాషలు
 ► ఫిర్యాదు చేసిన ఫీల్డ్ అసిస్టెంట్  
  
 లావేరు : ఉపాధి హామీ పథకంలో కొత్తకోట పంచాయతీ ఫీల్డ్ అసిస్టెంట్‌గా పని చేస్తున్న రొక్కం అనిల్‌కుమార్‌పై అదే గ్రామానికి చెందిన తెలుగుదేశం నాయకులు మేడబోరుున శ్రీరాంమూర్తి, రొక్కం సాంబమూర్తి, మేడబోరుున సంపత్‌కుమార్, టీడీపీ నేత కుమారుడైన పోలీస్ కానిస్టేబుల్ రొక్కం దినేష్‌కుమార్ శుక్రవారం దాడి చేసి గాయపరిచారు. అడ్డుకున్న కూలీలను దుర్భాషలాడారు. దీంతో అనిల్‌కుమార్ తనపై దాడి చేసిన వారిపై ఎస్‌ఐ రామారావుకు ఫిర్యాదు చేశారు. దీనికి సంబంధించి ఫీల్డ్ అసిస్టెంట్, ఉపాధి కూలీలు తెలిపిన వివరాలు... కొత్తకోట గ్రామంలో అక్కురోడ్డు నుంచి లచ్చిరాజు చెరువు వరకు కొత్తగా మట్టి రోడ్డు  వేయడం కోసం 2015-16లో పంచాయతీ తీర్మానం చేస్తూ ఉపాధి నిధులు మంజూరు చేశారు.
 
 అప్పట్లో పనులు కొంత మేరకు చేసి మధ్యలో నిలిపివేశారు. గ్రామానికి చెందిన ఎస్సీ ఉపాధి కూలీలు తమ వంద రోజుల పని దినాలు పూర్తి కాకపోవడంతో ఉపాధి పనులు కల్పించాలని ఇటీవల ఉపాధి అధికారులను కోరారు.దీంతో ఫీల్డ్ అసిస్టెంట్ అనిల్‌కుమార్ ఉన్నతాధికారుల ఆదేశాలతో ఆ కూలీలతో  నిలిచిన పనులను గురువారం తిరిగి చేపట్టారు. శుక్రవారం కూడా పనులు చేసేందుకు వెళ్లగా గ్రామానికి చెందిన తెలుగుదేశం నేతలు మేడబోరుున శ్రీరాంమూర్తి, రొక్కం సాంబమూర్తి, మేడబోరుున సంపత్‌కుమార్, సాంబమూర్తి కుమారుడు అరుున హైదరాబాద్‌లో  కానిస్టేబుల్‌గా పని చేస్తున్న రొక్కం దినేష్‌కుమార్ పనులు వద్దకు వచ్చి జిరారుుతీ భూముల్లో రోడ్డు వేస్తున్నారని పనులు నిలుపుదల చేయాలని కూలీలు, ఫీల్డ్ అసిస్టెంట్‌తో  వాగ్వివాదానికి దిగారు. జిరారుుతీ భూముల్లో పనులు చేయడం లేదని పీల్డ్ అసిస్టెంట్ చెప్పినా వారు వినిపించుకోలేదు.
 
 దీంతో పనులను నిలుపుదల చేసి ఫీల్డ్ అసిస్టెంట్ అనిల్‌కుమార్ కూలీల వద్ద మస్టర్లు వివరాలు నమోదు చేసుకుంటుండగా కానిస్టేబుల్ దినేష్‌కుమార్  తొలుత వచ్చి ఫీల్డ్ అసిస్టెంట్ కడుపులో కాలితో తన్నాడు. తరువాత మిగతా ముగ్గురు  నాయకులు అతనిపై దాడికి పాల్పడి కొట్టారు. వెంటనే అక్కడ ఉన్న కూలీలు  అడ్డుకోగా వారిని కానిస్టేబుల్, టీడీపీ నాయకులు తిడుతూ నానా దుర్భాషలాడారు. విషయం కొత్తకోటలో ఉన్న  ఫీల్డ్ అసిస్టెంట్ కుటుంబ సభ్యులుకు, వైఎస్సార్ సీపీ సాంసృతిక విభాగం జిల్లా అధ్యక్షుడు రొక్కం బాలక్రిష్ణలకు తెలియడంతో వారు తన అనూయులతో ఘటనా స్థలానికి వచ్చారు. దీంతో తెలుగుదేశం, వైఎస్సార్‌సీపీ నేతల మధ్య కొంతసేపు ఘర్షణ నెలకొంది.
 
 ఎస్‌ఐకు ఫిర్యాదు
 పీల్డ్ అసిస్టెంట్‌పై దాడి జరిగిన విషయం తెలుసుకొని లావేరు ఎస్‌ఐ సీహెచ్ రామారావు, హెచ్‌సీ రాంబాబు, ఉపాధి హామీ పథకం లావేరు మండల ఏపీవో శ్రీనివాసులనాయుడు, టీఏ రవి కొత్తకోట గ్రామానికి వెళ్లారు. కానిస్టేబుల్, టీడీపీ నాయకులు  చేసిన దాడి గురించి ఫీల్డ్ అసిస్టెంట్ అనిల్‌కుమార్‌తో పాటు ఎస్సీ కూలీలు టి దుర్గాభవానీ, యాగాటి రమణమ్మ, చిన్నమ్మడు, లింగాల లక్ష్మి, కె.బోడమ్మలు పాటు పలువురు  ఎస్‌ఐ రామరావుకు వివరించారు. దాడికి పాల్పడిన టీడీపీ నాయకులకు చెందిన జిరారుుతీ భూములు లేవని, సంబంధం లేకపోరుునా టీడీపీ నాయకులు, కానిస్టేబుల్ జోక్యం చేసుకున్నారని ఫీల్డ్ అసిస్టెంట్ చెప్పారు.  దాడికి పాల్పడిన కానిస్టేబుల్‌పై, టీడీపీ నాయకులపైన చర్యలు తీసుకోవాలని వారంతా డిమాండ్ చేశారు.


 జనవరి నుంచి కార్డుల పంపిణీకి సన్నాహాలు
 
  సాక్షి, హైదరాబాద్: మహాత్మాగాంధీ జాతీయ గ్రామీణ ఉపాధి హామీ పథకం (ఎంజీఎన్‌ఆర్‌ఈ జీఎస్) కూలీలకు కొత్త జాబ్ కార్డులు ఇవ్వాలని గ్రామీణాభివృద్ధి శాఖ నిర్ణ రుుంచింది. నిబంధనల ప్రకారం ప్రతి ఐదేళ్లకో మారు కొత్త జాబ్‌కార్డు లను అందజేయాల్సి ఉన్నందున వచ్చే ఏడాది జనవరి నుంచి వీటిని పంపిణీ చేసేందుకు గ్రామీణాభివృద్ధి శాఖ ఉన్నతాధికారులు సన్నాహాలు చేస్తున్నారు. అన్ని గ్రామాల్లోనూ గ్రామసభలు ఏర్పాటుచేసి ప్రజాప్రతినిధుల చేతులమీదుగా అందజేయాలని ఉన్నతాధికారులు భావిస్తున్నారు. రాష్ట్రంలో ప్రస్తుతం 56.39 లక్షల కుటుంబాలకు జాబ్ కార్డులుండగా, 1.28 కోట్ల మంది కూలీలుగా నమోదు చేసుకున్నారు.
 
 మూడేళ్ల లో ఉపాధి పనులకు వచ్చేవారి జాబితాలను పరిశీలిస్తే 24 లక్షల కుటుంబాలకు చెందిన 40.92 లక్షల మంది మాత్రమే ఈ పథకాన్ని వినియోగించుకుంటు న్నారు. వ్యక్తిగత మరుగుదొడ్లు, ఉద్యాన పంటలకు సబ్సిడీ తదితర పథకాల కోసమే ఎక్కువమంది జాబ్‌కార్డులు తీసుకున్నట్లు తేలింది. రాష్ట్రవ్యాప్తంగా పెద్ద ఎత్తున ఉపాధి పనులు జరుగుతున్నా సగటు పనిదినాలు మాత్రం తక్కువగా కనిపిస్తున్నారుు. ఈ నేపథ్యంలో వాస్తవంగా ఉపాధి పనులకు వచ్చేవారికి మాత్రమే కొత్తకార్డులను అందజేయాలని ఉన్నతాధికారులు నిర్ణరుుంచారు. ఈ మేరకు అన్ని జిల్లాల్లోనూ తనిఖీలు చేయాలని ఆయా జిల్లాల గ్రామీణాభివృద్ధి అధికారులను ఆ శాఖ కమిషనర్ ఆదేశించారు.
 
  మూడేళ్లలో ఒక్కరోజైనా పనికి రాకుంటే కార్డ్ కట్!
  ఇప్పటికే కార్డులు పొంది మూడేళ్లలో ఒక్కరోజు కూడా ఉపాధి పనులకు వెళ్లని కుటుంబాలను కొత్త కార్డుల జాబితాలో నుంచి తొలగించాలని నిర్ణరుుంచారు. తాత్కాలిక వలసల కారణంగా ఒకేపేరుతో పలుచోట్ల జాబ్‌కార్డులు పొందినవారి పేర్లను కూడా ప్రస్తుతముంటున్న జిల్లాలో మినహా మిగతా చోట్ల తొలగించను న్నారు. ప్రస్తుతం పనులకు వస్తున్న వారితోపాటు కొత్తగా 18 ఏళ్లు నిండిన పేద యువతీ, యువకులకు, ఆయా గ్రామాలకు కొత్తగా వచ్చిన కోడళ్లకు, శాశ్వతంగా వలస వచ్చిన కుటుంబాలకు కొత్తకార్డులను జారీ చేయనున్నారు. అర్హులైన కూలీలందరికీ జాబ్‌కార్డులిస్తామని అధికారులు పేర్కొంటున్నారు.


 ► వేతనాలు తీసుకోనున్న ఉపాధి వేతనదారులు
 ► ప్రతి ఒక్కరికీ ఖాతాలు తప్పనిసరి
 ► పోస్టాఫీస్ సేవలు బంద్
  
 ఖాతా  తప్పనిసరి
 ప్రభుత్వ ఆదేశాల ప్రకారం ఉపాధి హామీ పథకంలో పనిచేస్తున్న వేతనదారులందరూ బ్యాంకు ఖాతాలు కలిగి ఉండాలి. ఇకపై వేతనదాలు బ్యాంకు ఖాతాలకు జమ అవుతారుు. ప్రస్తుతం 143 పంచాయతీల్లో ఈ విధానం అమలవుతోంది.  -పి.ప్రశాంతి, డ్వామా పీడీ, విజయనగరం
  
 విజయనగరం పూల్‌బాగ్: ఉపాధి హామీ పథకం వేతనాల చెల్లింపుల్లో మళ్లీ మార్పు చోటుచేసుకుంది. ఇంతవరకు పోస్టాఫీసుల్లో వేతనాలు తీసుకునేవారు. ఇకపై ఆ విధానానికి స్వస్తి పలికి కొత్త విధానానికి నాంది పలకనున్నారు. వేతనదారుల సొమ్మును బ్యాంకు ఖాతాల్లో జమ చేయడానికి సంబంధిత అధికారులు అన్ని ఏర్పాట్లూ చేశారు. కేంద్ర ప్రభుత్వ ఆదేశాల మేరకు వేతనదారుల ఖాతాల్లో కూలి డబ్బులు జమ చేసేందుకు కార్యచరణ రూపొందిస్తున్నారు. గతంలోనే ఈ  ఆదేశాలు జారీ అరుునప్పటికీ పూర్తి స్థారుులో జిల్లాలో అమలు కాలేదు. వేతనదారులందరికీ బ్యాంకు ఖాతాలు లేకపోవడమే దీనికి కారణంగా చెబుతున్నారు.
 
 కేంద్ర ప్రభుత్వ ఆదేశాల మేరకు దశల వారీగా అమలు చేసేందుకు జిల్లా అధికారులు చర్యలు చేపడుతున్నారు. ఇందులో భాగంగానే జిల్లాలోని 921 పంచాయతీలకు గాను 143 పంచాయతీల్లో ప్రస్తుతం బ్యాంకుల ద్వారా సొమ్మును జమ చేస్తున్నారు. విడతల వారీగా 921 పంచాయతీల్లోనూ ఈ విధానం అమలు చేయనున్నారు. ప్రస్తుతం ఖాతాదారులందరి చేతా బ్యాంకు ఖాతాలు తెరిపించే పనిలో ఉపాధి సిబ్బంది ఉన్నారు.
 
  మొదటి విడతలో 143 గ్రామాల్లో రెండో విడతలో 300.. మూడో విడతలో 478 గ్రామాల్లోని వేతనదారులకు బ్యాంకుల ద్వారా వేతనాలు చెల్లించనున్నారు.


 ► అధ్వానంగా ఎస్సారెస్పీ ఉపకాలువలు
 ► నిలువెత్తు చెట్లు..నిండిన పూడిక
 ► చి‘వరి’కి నీరందడం అనుమానమే
  
 నిండా పూడిక. . నిలువెత్తు పెరిగిన చెట్లతో ఎస్సారెస్పీ ఉపకాలువలు అధ్వానంగా మారారుు. చుక్క నీరు  ముందుకుసాగని దుస్థితి. ఎల్‌ఎండీ నిండా నీరున్నా చి‘వరి’కి నీరందడం అనుమానమే. కాకతీయ ఉపకాలువలు గండ్లు పడి, డీపీలు పాడరుు మరమ్మతుకు నోచుకోవడం లేదు. డిసెంబర్ మొదటి వారంలోనే ఎస్సారెస్పీ అధికారులు నీటి విడుదలకు ప్రణాళికలు రూపొందించారు. అరుుతే ఈలోపే ఉపకాలువలను మరమ్మతు చేస్తే తప్ప ఆయకట్టు చివరి భూములకు నీరందే పరిస్థితి కనిపించడం లేదు. - మానకొండూర్
  
  5 లక్షల ఎకరాలకు సాగునీరు
 దిగువ మానేరు పరిధిలోని కాకతీయకాలువ ద్వారా 5 లక్షల ఎకరాలకుపైగా సాగు నీరందించేందుకు అధికారులు ప్రణాళికలు సిద్ధం చేశారు. కరీంనగర్, వరంగల్‌రూరల్, వరంగల్‌అర్బన్, భూపాలపల్లి, మహబూబాబాద్ జిల్లాల పరిధిలోని 71 డిస్ట్రిబ్యూటరీ కాలువల ద్వారా సాగునీరందించనున్నారు. గతంలోనే ప్రభుత్వం ప్రధాన కాలువను రూ.1.30కోట్లతో ఆధునికీకరించింది. కాలువ సామర్థ్యాన్ని సైతం అధికారులు ఇప్పటికే పరీక్షించారు. కానీ సమస్య ఉపకాలువల వద్ద ఉంది.
  
 అధ్వానంగా ఉపకాలువలు
 ఉపకాలువల పరిస్థితి అధ్వానంగా ఉంది. ప్రధాన కాలువను మరమ్మతు చేసిన ప్రభుత్వం ఉపకాలువలపై దృష్టిసారించలేదు. సెప్టెంబర్‌లో ప్రధాన కాలువకు 5 వేల క్యూసెక్కుల నీటిని విడుదల చేసిన అధికారులు మానకొండూర్ మండల పరిధిలోని దేవంపల్లి వద్ద ఉన్న డీబీఎం6 ఉపకాలువ సామర్థ్యాన్ని పరీక్షించేందుకు ఎక్కువ మొత్తంలో నీరు విడుదల చేశారు. నీటి సామర్థ్యం పెంచడంతో ఉపకాలువకు కేవలం కిలోమీటరు దూరంలోనే గండిపడింది. దీంతో నీరంతా వృథాగా పోరుుంది.
  
 చెత్తాచెదారం
 ఉపకాలువలు చెత్తచెదారంతో ఉన్నారుు. గతంలోనే ఉపాధిహామీ ద్వారా కాకతీయ ఉపకాలువల్లో పూడికను, చెట్లను తొలగించారు. అరుుతే ఈ పనులు కొన్ని ఉపకాలువలకే మంజూరుకావడంతో చాలా కాలువల్లో నిలువెత్తు పెరిగిన చెట్లు దర్శనమిస్తున్నారుు. వీటిని తొలగించకపోతే ఆయకట్టు సగం భూములకు సైతం నీరందే పరిస్థితి లేదని రైతులు పేర్కొంటున్నారు. ఇప్పటికై నా అధికారులు స్పందించి కాలువలను బాగు చేయాలని కోరుతున్నారు.
  
 పెరిగిన కాలువ సామర్థ్యం
 కాకతీయ కాలువను ఆధునికీకరణ చేపట్టి నీటి సామర్థ్యాన్ని పెంచారు. గతంలో రెండు వేల క్యూసెక్కులు సాగునీరు వదిలిన అధికారులు, గత సెప్టెంబర్‌లో ఐదు వేల క్యూసెక్కులు వరకు విడుదల చేసి కాలువ సామర్థ్యాన్ని పరీక్షించారు. ప్రధాన కాలువ సామర్థ్యం పెరిగినా ఆ స్థారుులో బలంగా ఉపకాలువలు లేవని రైతులు, అధికారులు అభిప్రాయపడుతున్నారు.
  
 కలెక్టర్ దృష్టికి ఉపకాలువల దుస్థితి
 ఉపకాలువ పరిస్థితిని కలెక్టర్ దృష్టికి ఎస్సారెస్పీ అధికారులు తీసుకెళ్లినట్లు తెలిసింది. ఉపకాలువలను బాగు చేసేందుకు నిధులు అవసరమని వి న్నవించినట్లు ఎస్సారెస్పీకి చెందిన ఓ అధికారి తెలిపారు. కాలువలు ఎప్పు డు బాగుపడతాయో వేచిచూడాల్సిందే. 


 ∙50 పని దినాలు పెంచుతూ ఆదేశాలు
 ∙ఇప్పటికే వలసబాట పట్టిన గ్రామీణులు
 ∙సాఫ్ట్‌వేర్‌ వస్తేనే పనుల కల్పన  
 అనంతపురం టౌన్ : కరువు జిల్లాలో వలసల నివారణకు   ప్రభుత్వం ఉపాధి హామీ పథకం కింద ప్రస్తుతం కల్పిస్తున్న పనులతో పా టు మరో 50 దినాలను అదనంగా కల్పిస్తోంది. ఈ మేరకు గ్రామీణాభివృద్ధి శాఖకు ఆదేశాలు జారీ చేసింది. అయితే అదనపు పనులకు సంబంధించి నూతన సాఫ్ట్‌వేర్‌ ఇంకా అందాల్సి ఉంది.
 
  వలస బాటలో గ్రామీణులు : జిల్లాలో ఈ  ఏడాది కనీవినీ రీతిలో కరువు కారణంగా గ్రామీణులు వలసబాట పట్టారు. వర్షాభావం కారణంగా ఖరీఫ్‌లో 6 లక్షల హె క్టార్లకు పైగా వేరుశనగ దెబ్బతింది. రబీలోనూ  1.50 లక్షల హెక్టార్లలో సాగులోకి రావాల్సిన పంటలు కూడా పత్తాలేకుండాపోయాయి. ఫలితంగా వ్యవసాయ కూలీలు పనులులేక వలసబాట పడుతు న్నారు.కొందరు బెంగళూరు, చెన్నై ప్రాం తాలకు వలసవెళ్లిపోవడంతో కొన్ని గ్రా మాల్లో వెలవెలబోతున్నాయి. రాయదు ర్గ, కళ్యాణదుర్గం, కదిరి, మడకశిర, పెనుకొండ నియోజకవర్గాల్లో పరిస్థితి మరీ ఘోరంగా ఉంది. ఇప్పటికే వంద రోజుల పనిదినాలు పూర్తి చేసుకున్న జాబ్‌కార్డు దారులు గ్రామాల్లోఖాళీగా ఉంటున్నారు.
  63 మండలాల్లో అదనపు పనులు  
 వర్షపాతాన్ని పరిగణనలోకి తీసుకున్న ప్రభుత్వం రాష్ట్ర వ్యాప్తంగా 241 మండలాలను కరువు మండలాలుగా ప్రకటించింది. మన జిల్లా వరకు 63 మండలాలనూ కరువు మండలాలుగా పది రోజుల కిందట  ప్రకటించిన విషయం తెలిసిందే. ఈ నేపథ్యంలో అన్ని ప్రాంతాల్లోనూ అదనపు పనులు కల్పించనున్నారు.  ఈ ఏడాది ఏప్రిల్‌ నుంచి నవంబర్‌ 5వ తేదీ వరకు 2,48, 428 కుటుంబాలకు గాను 4,31,677 మందికి ఉపాధి పనులు కల్పించారు. 22,802 కుటుంబాలు వంద రోజుల పని దినాలు పూర్తి చేసుకున్నారు. ప్రభుత్వ తాజా ఆదేశాలతో ఈ కుటుంబాలకు కూడా పనిదినాలు కల్పిస్తారు.  
 సాఫ్ట్‌వేర్‌ వస్తేనే పనులు  
 ఈ ఏడాది ఇప్పటికే కోటి 26 లక్షలకు పై గా పనిదినాలు క ల్పించాం. కరువు మండలాలుగా ప్రకటించడంతో 50 పని దినాలను అదనంగా ఇవ్వాలని సర్క్యులర్‌ వచ్చింది. సాఫ్ట్‌వేర్‌ రాగానే  పనులు కల్పిస్తాం. ప నులు కావాల్సిన వారు అధికారులను సంప్రదించొచ్చు.   
    – నాగభూషణం, డ్వామా పీడీ 


 సాక్షి, హైదరాబాద్: కమ్యూనిస్టు పార్టీలు, ప్రజాసంఘాలు పోరాడి సాధించుకున్న గ్రామీణ ఉపాధి హామీ పథకాన్ని నిధుల కొరతతో నీరుగార్చే ప్రయత్నం జరుగుతోందని సీపీఐ కార్యదర్శి చాడ వెంకటరెడ్డి విమర్శించారు. కేంద్రం ఈ చట్టాన్ని బలోపేతం చేసి రూ.10 వేల కోట్లు కేటాయించాలని డిమాండ్ చేశారు. బుధవారం జరిగిన భారత జాతీయ మహిళా సమాఖ్య రాష్ర్ట  సమావేశంలో ఆయన మాట్లాడారు. మహిళలపై హింస పెరుగుతున్నా, ఈ ఘటనలను అరికట్టడంలో ప్రభుత్వాలు విఫలమవుతున్నాయని మండిపడ్డారు.
 
 రాష్ట్రంలో డెంగీ జ్వరాలు విజృంభిస్తున్నా, ఈ ఏడాది 1,983 కేసులు నమోదైనా, నివారించడంలో అధికార యంత్రాంగం, ప్రభుత్వం విఫలమవుతున్నాయని విమర్శించారు. మహిళా సమాఖ్య అధ్యక్షురాలు పోటు కళావతి అధ్యక్షతన జరిగిన ఈ సమావేశంలో ఉస్తేల సృజన, ఎన్.జ్యోతి, ఎం.నళిని, ఎస్.ఛాయాదేవి, సదాలక్ష్మి పాల్గొన్నారు.


 అధికారులపై చర్యలకు తాత్సారం
  నోటీసులు, చార్జెస్ పేరుతో దాటవేత
  విమర్శలకు దారి తీస్తున్న అధికారుల తీరు
  
  సాక్షి, నిజామాబాద్ :‘ఉపాధి’ అక్రమాలపై చర్యల విషయంలో ఆ శాఖ ఉన్నతాధికారుల తీరు విమర్శలకు దారితీస్తోంది. క్షేత్రస్థాయిలో పనిచేసే కాంట్రాక్టు సిబ్బందిపై వేటు వేస్తున్న అధికారులు.. రూ.లక్షల్లో అక్రమాలకు పాల్పడిన రెగ్యులర్ అధికారులపై చర్యలు తీసుకోవడంలో తీవ్ర జాప్యం చేస్తున్నారు. జిల్లా వ్యాప్తంగా 13 మంది ఎంపీడీవోలు రూ.లక్షల్లో ఉపాధి హామీ నిధులు కాజేసినట్లు సామాజిక తనిఖీల్లో తేలింది. అలాగే 20 మంది పంచాయతీరాజ్ ఏఈలు సైతం భారీ ఎత్తున దిగమింగినట్లు ప్రాథమికంగా వెలుగుచూసింది. మరో తొమ్మిది మంది నీటి పారుదల శాఖ ఏఈల అక్రమాలు సైతం వెలుగులోకి వచ్చాయి. ఉపాధి హామీ పనుల్లో అక్రమాలకు పాల్పడ్డారనే కారణంగా గ్రామ స్థాయిలో పనిచేసే 96 మంది ఫీల్డ్ అసిస్టెంట్లను తొలగించిన అధికారులు, ఒక్క ఎంపీడీవోపైన గానీ, ఏఈలపైన గానీ చర్యలు తీసుకున్న దాఖలాల్లేకపోవడం గమనార్హం. నోటీసుల పేరుతో ఏళ్ల తరబడి జాప్యం జరుగుతుండటంతో విమర్శలు వస్తున్నాయి.
  
  గ్రామీణ ప్రాంతాల్లోని నిరుపేద కూలీల వలసలను నివారించేందుకు ప్రభుత్వం ఉపాధి హామీ పథకం అమలు చేస్తోంది. ఇందుకోసం ఏటా రూ. వందల కోట్లు ఖర్చు చేస్తోంది. భారీ వ్యయంతో చేపట్టిన పనుల తీరుపై సామాజిక తనిఖీలు చేపడుతోంది. పనుల నాణ్యత, అవకతవకలు, పనుల పురోగతి వంటివి క్షేత్ర స్థాయిలో తెలుసుకునేందుకు ఆయా మండలాల్లో ప్రజావేదికను ఏర్పాటు చేసి, కూలీలతో సమావేశాలు నిర్వహిస్తున్నారు. ఇందులో భాగంగా జిల్లా వ్యాప్తంగా పది విడతల్లో సామాజిక తనిఖీలు జరిగాయి. సుమారు 314 ప్రజావేదికలు నిర్వహించారు. ఆయా గ్రామాల్లో జరిగిన పనులు, కూలీలకు అందిన డబ్బులు, మెటీరియల్ కాంపోనెంట్, ఇలా వివిధ అంశాలపై ఈ వేదికపై పరిశీలిస్తారు.
  
   సామాజిక తనిఖీల్లో భారీగా అవకతవకలు వెలుగు చూస్తున్నాయి. ఇప్పటి వరకు సుమారు రూ.4.20 కోట్ల ఉపాధి హామీ నిధులు దుర్వినియోగం అయినట్లు తనిఖీల్లో తేలింది. ఈ మొత్తాన్ని రికవరీ చేయడంలో సంబంధిత అధికారులు మీన మేషాలు లెక్కిస్తున్నారనే ఆరోపణలు వ్యక్తమవుతున్నాయి. ఇప్పటి వరకు కేవలం రూ.1.87 కోట్లు మాత్రమే రికవరీ చేయగలిగారు. అంటే పక్కదారి పట్టిన సొమ్ములో కనీసం 50 శాతం కూడా రికవరీ కాలేదు. మిగిలిన రూ.2.33 కోట్లు పక్కదారి పట్టిన సోమ్మును అక్రమార్కుల నుంచి వసూలు చేయాల్సి ఉంది. ఈ అక్రమాలకు సంబంధించి జిల్లా వ్యాప్తంగా 1,297 మందిపై అధికారులు చర్యలు తీసుకున్నారు. ఇందులో 96 మంది ఫీల్డ్ అసిస్టెంట్లను తొలగించారు. అలాగే 26 మంది టెక్నికల్ అసిస్టెంట్లను, ఐదుగురు ఏపీఓలపై సస్పెన్షన్ వేటు వేశారు. 1,163 మేట్లు, ఇతర గ్రామీణ స్థాయిలో పనిచేసే కింది స్థాయి సిబ్బందిపై చర్యలు తీసుకున్న అధికారులు, ఒక్క రెగ్యులర్ అధికారిపై కూడా చర్యలు లేకపోవడం గమనార్హం. నోటీసులు, ఆర్టికల్ ఆఫ్ ఛార్జెస్ ఇలా జాప్యం జరుగుతుండటం గమనార్హం.
  


 సాక్షి, హైదరాబాద్: ఉపాధి హామీ పథకం లో భాగంగా రాష్ట్రంలో రూ.200 కోట్ల మేర పెండింగ్‌లో ఉన్న కూలీల వేతనాలను వెంటనే చెల్లించేం దుకు చర్యలు తీసుకోవాలని సీపీఎం విజ్ఞప్తి చేసింది. హరితహారం పనులు చేసి 4 నెలలు గడుస్తున్నా కూలీలకు డబ్బులు విడుదల కాలేదంది. ప్రస్తుతం జరుగుతున్న అవకతవకలను సరిదిద్ది, ఉపాధి హామీ చట్టాన్ని సక్రమంగా అమలు చేయాలని సోమవారం సీఎంకు రాసిన లేఖలో ఆ పార్టీ కార్యదర్శి తమ్మినేని వీరభద్రం కోరారు.
 
 ఈ పథకానికి బడ్జెట్‌లో  రాష్ట్రం కేటాయిస్తున్న 10శాతం నిధులను ఖర్చు చేయడం లేదన్నారు. 90 శాతం కేంద్రం నిధులను కూడా ఇతర శాఖల్లోని అవసరాలకు ప్రభుత్వం వాడుకుంటోందన్నారు. అందువల్ల ఉపాధి కూలీలకు చట్టంలో పేర్కొన్న విధంగా వేతనాలు చెల్లించడంలో జాప్యం జరుగుతోందన్నారు.


 సాక్షి, హైదరాబాద్: ప్రభుత్వ లక్ష్యం, ప్రజల ఆకాంక్షలు నెరవేర్చేలా అన్నివర్గాల భాగస్వామ్యంతో ముందుకు వెళ్లాలని అన్ని జిల్లాల గ్రామీణాభివృద్ధి అధికారు(డీఆర్‌డీవో)లకు పంచాయతీరాజ్ శాఖ మంత్రి జూపల్లి కృష్ణారావు పిలుపునిచ్చారు. కొత్త జిల్లాల నేపథ్యం లో నూతనంగా నియమితులైన డీఆర్‌డీవోలకు డీఆర్‌డీఏ, డ్వామా వంటి కార్యక్రమాలపై ఏర్పాటు చేసిన అవగాహన శిబిరాన్ని జూపల్లి బుధవారం ప్రారంభించారు. అనంతరం ఆయన మాట్లాడుతూ  ప్రతి ఒక్కరి దరికి సంక్షేమ ఫలాలను చేర్చడమే చిన్న జిల్లాల  ఏర్పాటు లక్ష్యమన్నారు.  గ్రామాలు స్వయంసమృద్ధిని సాధించే విధం గా ప్రభుత్వం ముందుకు వెళుతోందన్నారు.
 
  పేదరిక నిర్మూలనే లక్ష్యం కావాలి
  అన్ని జిల్లాల్లో అర్హులందరికీ పెన్షన్లు అందేలా చర్యలు తీసుకోవాలని మంత్రి జూపల్లి కృష్ణారావు డీఆర్‌డీవోలను ఆదేశించారు. రాష్ట్రంలో పేదరికాన్ని నిర్మూలించేందుకు మహిళా, ప్రజాసంఘాలు, ప్రజాప్రతినిధులను భాగస్వాములను చేయాలన్నారు. ఇప్పటికే విద్యుత్ సరఫరా, నూతన పారిశ్రామిక విధానం, మిషన్ కాకతీయ, మిషన్ భగీరథల ద్వారా దేశానికే రాష్ట్రం ఆదర్శంగా మారిందని  మంత్రి చెప్పారు. కొన్నేళ్లుగా నిస్తేజంగా మారిన మహిళా సంఘాలను సంఘటిత శక్తిగా మార్చేందుకు అవసరమైన చర్యలు చేపట్టాలని డీఆర్‌డీవోలను ఆదేశించారు.  
 
  60 శాతం కుటుంబాలకు ఉపాధి
  ప్రతి గ్రామంలో కనీసం 60 శాతం కుటుంబాలకు ఉపాధి హామీ పథకం కింద వంద రోజుల పని కల్పించేందుకు చర్యలు తీసుకోవాలని అధికారులను జూపల్లి ఆదేశించారు. ఉపాధి హామీ పనులపై కరపత్రాల ద్వారా ఇంటింటి ప్రచారం నిర్వహించాలని, కూలీ లకు సంపూర్ణంగా అవగాహన కల్పించాలని సూచించారు. 


 ఆదోని రూరల్‌: ప్రతి గ్రామంలో పది వర్మీ కంపోస్టు యార్డులు ఏర్పాటు చేయాలని ఉపాధి హామీ పథకం సిబ్బందిని డ్వామా పీడీ పీడీ పుల్లారెడ్డి ఆదేశించారు. బుధవారం స్థానిక ఉపాధి హామీ కార్యాలయ సమావేశ భవనంలో ఆదోని, కౌతాళం, కోసిగి, పెద్దకడబూరు, మంత్రాలయం మండలాల ఉపాధి హామీ సిబ్బందితో సమీక్ష నిర్వహించారు. ఉపాధి హామీ పథకం ద్వారా గ్రామాల్లో చేపట్టే మరుగుదొడ్ల నిర్మాణం, ఫారంపాండ్స్‌, వర్మీ కంపోస్టు యార్డుల లక్ష్యంపై మాట్లాడారు. సిబ్బంది నిర్లక్ష్యం కారణంగానే చాలా గ్రామాల్లో పనులు పూర్తి కాలేదనే ఆరోపణలు ఉన్నాయన్నారు. లక్ష్యాలను పూర్తి చేయకపోతే చర్యలు తీసుకుంటామని హెచ్చరించారు. సమావేశంలో జిల్లా మానిటరింగ్‌ అధికారిణి సులోచన తదితరులు పాల్గొన్నారు.


 ఉపాధి కూలీలను సరఫరా చేసినందుకు కాంట్రాక్టర్లకు డబ్బులు చెల్లింపు
  
 - చట్టం ప్రాథమిక సూత్రానికే ప్రభుత్వం తూట్లు
 - రాష్ట్ర ప్రభుత్వం సర్క్యులర్ నంబర్-1926 జారీ
 - ఇప్పటికే ఉపాధి పనులకు నిధులు కటకట
 - రోజుకు మూడు లక్షల మందికి మాత్రమే పని
  
  సాక్షి, అమరావతి: పార్టీ నేతలు, కార్యకర్తల జేబులు నింపేందుకు పేద కూలీల కడుపు కొట్టేందుకు రాష్ట్ర ప్రభుత్వం సిద్ధమైంది. కూలీలకు కావాల్సినప్పుడల్లా పని కల్పించడం కోసమే పుట్టిన ‘మహాత్మాగాంధీ జాతీయ గ్రామీణ ఉపాధి హామీ పథకం’లోనే కాంట్రాక్టర్ల ప్రమేయానికి తెరలేపింది. కూలీలకు నేరుగా పనులు కల్పించాలన్న పథకం ప్రాథమిక ఉద్దేశానికే గండికొడుతూ ఉత్తర్వులు జారీ చేసింది. ఉపాధి హామీ పథకం ద్వారా రాష్ట్రంలో చేపట్టే పనులకు నైపుణ్యం కలిగిన పని(స్కిల్డ్, సెమీ స్కిల్డ్ లేబర్) వారిని కాంట్రాక్టర్ల ద్వారా సరఫరా చేసుకోవడానికి అనుమతిస్తూ రాష్ట్ర గ్రామీణాభివృద్ధి శాఖ జూలై 11వ తేదీన సర్క్యులర్ నంబర్-1926ను జారీ చేసింది. దీని ప్రకారం ఈ తరహా కూలీలను సరఫరా చేసినందుకు నేరుగా సప్లయిర్ పేరుతో కాంట్రాక్టర్లకే ప్రభుత్వం డబ్బులు చెల్లిస్తోంది. 2005లో కేంద్ర ప్రభుత్వం పార్లమెంట్‌లో చట్టం చేయడం ద్వారా అమల్లోకి తీసుకొచ్చిన ఉపాధి హామీ పథకం ప్రాథమిక సూత్రాలకు తాజా సర్క్యులర్ తూట్లు పొడుస్తోందనే ఫిర్యాదులు కేంద్రానికి అందాయి. పార్టీ నేతలు, కార్యకర్తలకు కాంట్రాక్టులు కట్టబెట్టేందుకే రాష్ట్ర ప్రభుత్వం ఈ పధకాన్ని దుర్వినియోగం చేస్తోందని తీవ్ర ఆరోపణలు వెల్లువెత్తుతున్నాయి.
 
  నేతలకు కాంట్రాక్టులు కోసమే ప్రభుత్వం పాట్లు
  ఉపాధి పథకం ద్వారా పనులు పొందే కూలీలకు జిల్లాల వారీగా చెల్లించే మొత్తంలో గరిష్టంగా 40 శాతం సిమెంట్ రోడ్లు, భవన నిర్మాణాలకు ఖర్చు పెట్టుకోవచ్చని కేంద్ర ప్రభుత్వ నిబంధనలు చెబుతున్నాయి. అలాంటి పనులకు ఉపాధి పథకం నిధులు ఖర్చు పెట్టేటప్పుడు కూడా ఆయా పనులను కాంట్రాక్టర్లకు అప్పగించకుండా నేరుగా గ్రామ పంచాయతీల ద్వారా మాత్రమే వాటిని చేపట్టాలని నిబంధనలు స్పష్టంగా ఉన్నాయి. అయితే, చంద్రబాబు ముఖ్యమంత్రి అయ్యాక గ్రామ పంచాయతీలతో సంబంధం లేకుండా తమ పార్టీ నేతలకు కాంట్రాక్టు పనులు కల్పించేందుకు రాష్ట్ర ప్రభుత్వ నిబంధనల్లో రకరకాల మార్పులు చేశారు. కేంద్ర ప్రభుత్వం విడుదల చేసే ఉపాధి హామీ పథకం నిధులు, 14వ ఆర్థిక సంఘం నిధులు సగం సగం కలిపి ఆ మొత్తం నిధులతో చంద్రన్న బాట పేరుతో గ్రామాల్లో సీసీ రోడ్ల నిర్మాణానికి కొత్త పథకానికి శ్రీకారం చుట్టారు. పంచాయతీల ద్వారానే ఖర్చు పెట్టాల్సిన రెండు రకాల నిధులను సప్లయిర్ పేరుతో సొంత పార్టీ నేతల ద్వారా పనులు చేయించేలా కొత్త నిబంధనలు అమలు చేస్తున్నారు.
  
  కూలీల పనుల కన్నా కాంట్రాక్టు పనులకే ప్రాధాన్యం
  కేంద్రమిచ్చే ఉపాధి నిధులతో రాష్ట్ర ప్రభుత్వం సొంత నేతల ఆధ్వర్యంలో మెటీరియల్ పనులు చేయించడానికి ప్రాధాన్యత ఇవ్వడంతో  తీవ్ర వర్షాభావ పరిస్థితుల్లో కూలీలకు పని కల్పించడానికి అధికారులు నిధుల ఇబ్బందిని ఎదుర్కొంటున్నారు. కేంద్రం ఈ ఏడాది ఉపాధి పథకంలో రాష్ట్రానికి ఇప్పటివరకు రూ. 3,488.35 కోట్లు విడుదల చేసింది. రాష్ట్ర ప్రభుత్వం కేంద్రమిచ్చే నిధులకు పది శాతం కలిపి గ్రామీణాభివృద్ది శాఖకు నిధులు విడుదల చేయాల్సి ఉండగా, ఇప్పటివరకు రూ.3,180 కోట్లను విడుదల చేసింది. అయితే, గత ఆర్థిక సంవత్సరం ముగింపులో నిధులు లేకపోయినా ప్రభుత్వం సొంత పార్టీ నేతలతో సిమెంట్ రోడ్డు పనులు చేయించడంతో దాదాపు రూ.1000 కోట్లకు పైగా ఈ ఏడాది నిధులను చెల్లించాల్సి వచ్చింది. ఈ ఏడాది కూడా మరో రూ. 730 కోట్లు మెటీరియల్ పనులకు ఖర్చు పెట్టారు. ఇప్పటివరకు కూలీల వేతనాలకు కేవలం రూ. 1,942 కోట్లు  చెల్లించినా నిధులకు ఇబ్బందులు ఉన్నాయని, కూలీలకు  పనుల కల్పనకు వెనుకాడాల్సిన పరిస్థితి నెలకొని ఉందని అధికార వర్గాలు పేర్కొంటున్నాయి. ఇప్పుడు రాష్ట్రంలోని 13 జిల్లాల్లో రోజూ మూడు లక్షల మందికి మించి ఉపాధి పనులు పొందలేకపోవడం గమనార్హం.


 జాతీయ చేనేత దినోత్సవం సందర్భంగా సదస్సులో వక్తల డిమాండ్
  
 సాక్షి, న్యూఢిల్లీ: చేనేత కార్మికులను కొద్దిపాటి నైపుణ్యం కలిగిన భూమిలేని వ్యవసాయ కార్మికులుగా గుర్తించి జాతీయ ఉపాధి హామీ హక్కులు కల్పించాలని సీపీఐ నేత డి.రాజా డిమాండ్ చేశారు. జాతీయ చేనేత దినోత్సవం సందర్భంగా ఆదివారం ఢిల్లీలో కాంగ్రెస్ ఎంపీ రాపోలు ఆనంద భాస్కర్ ఏర్పాటు చేసిన సదస్సులో ఈ మేరకు డిమాండ్ల చార్టర్‌ను విడుదల చేశారు.
 
 చేనేత పరిశ్రమ పలు ఇక్కట్లు ఎదుర్కుంటోందని, చేనేత కార్మికులకు రక్షణ లేకుండా పోయిందని, ప్రభుత్వం సాయం అందించాల్సిన అవసరం ఉందని రాజా పేర్కొన్నారు. చేనేత కార్మికుల సంక్షేమానికి రాజకీయాలకు అతీతంగా పోరాడాల్సిన అవసరం ఉందని చెప్పారు. చేనేత కార్మికులను మధ్యవర్తులు దోపిడీ చేస్తున్నారని, చేనేత కార్మికుల నుంచి వినియోగదారులు ఉత్పత్తులను కొనుగోలు చేసే ఏర్పాట్లు చేయాల్సిన అవసరం ఉందని కాంగ్రెస్ ఎంపీ విప్లవ్ ఠాకూర్ చెప్పారు.
 
 చేనేత కార్మికుల ఉత్పత్తుల మార్కెటింగ్‌ను ప్రోత్సహించేందుకు కేంద్ర జౌళి మంత్రిత్వ శాఖ ప్రత్యేకంగా ఒక పోర్టల్‌ను ఏర్పాటు చేయాలని బీజేపీ మాజీ ఎంపీ తరుణ్ విజయ్ సూచించారు. గత కొన్నేళ్లుగా చేనేత కార్మికుల సంఖ్య తగ్గుతోందని ఆవేదన వ్యక్తం చేశారు. వారికి ఉపాధి హామీ కింద 100 రోజుల ఉపాధి కల్పించాలన్నారు. చేనేత సంఘాలకు సబ్సిడీలు ఇవ్వడం వల్ల కార్మికులకు లబ్ధి చేకూరడం లేదని మాజీ ఎంపీ రామచంద్ర కుంతియా పేర్కొన్నారు. సబ్సిడీ కంటే ఉద్యోగ భద్రత, ఉపాధి, సామాజిక భద్రత అత్యంత ముఖ్యమని అభిప్రాయపడ్డారు.


 • పంచాయతీరాజ్ శాఖ ప్రతిపాదనలకు సీఎం కేసీఆర్ ఆమోదం
 • ఉత్తర్వులు జారీ చేయాలని అధికారులకు ఆదేశాలు
 సాక్షి, హైదరాబాద్: గ్రామీణ పేదరిక నిర్మూలన పథకం (సెర్ప్), ఉపాధి హామీ పథకం కింద పనిచేస్తున్న ఉద్యోగుల వేతనాల పెంపునకు ముఖ్యమంత్రి కె.చంద్రశేఖర్‌రావు ఆమోద ముద్ర వేశారు. ఈ మేరకు వేతనాల పెంపు కోసం పంచాయతీరాజ్, గ్రామీణాభివృద్ధి శాఖ అధికారులు సమర్పించిన ప్రతిపాదనలపై ఆ శాఖ మంత్రి జూపల్లి కృష్ణారావు, సెర్ప్ సీఈవో పౌసమిబసుతో మంగళవారం క్యాంపు కార్యాలయంలో కేసీఆర్ సమీక్షించారు. అనంతరం ఏమేరకు వేతనాలను పెంచాలనే దానిపై అధికారులకు ఆదేశాలిచ్చారు.
 సెర్ప్‌లో మొత్తం 4,174 మంది ఉద్యోగులు పనిచేస్తున్నారు. అందులో 767 మంది మండల సమాఖ్య క్లస్టర్ కో-ఆర్డినేటర్లుగా పనిచేస్తున్నారు. వారి వేతనాన్ని ప్రస్తుతమున్న రూ.6,150 నుంచి రూ.12 వేలకు పెంచాలని సీఎం ఆదేశించారు. మిగతా ఉద్యోగులకు 30 శాతం పెంచాలని సూచించారు. ఇక ఉపాధి హామీ పథకంలో పనిచేస్తున్న 6,900 మంది ఫీల్డ్ అసిస్టెంట్లకు ప్రస్తుతమున్న రూ.6,290 వేతనాన్ని రూ.10 వేలకు పెంచాలని... మిగతా ఉద్యోగులకు 20 శాతం మేర పెంచాలని సూచించారు. ఈ వేతనాల పెంపునకు సంబంధించి వీలైనంత త్వరగా ఉత్తర్వులు జారీచేయాలని మంత్రి జూపల్లికి సూచించారు.
  కొందరికి మోదం.. మరికొందరికి ఖేదం
 సెర్ప్, ఉపాధి హామీ ఉద్యోగుల వేతనాల పెంపుపై కొందరు ఉద్యోగులు హర్షం ప్రకటిస్తుండగా, మరికొందరు తీవ్ర అసంతృప్తి వ్యక్తం చేస్తున్నారు. రూ.6 వేల వేతనంతో పనిచేస్తున్న ఫీల్డ్ అసిస్టెంట్లకు రెండింతలు పెంచి.. తమకు 20 శాతమే పెంచడం ఎంతవరకు సమంజసమని ఉపాధి హామీ పథకంలో పనిచేస్తున్న ఇతర ఉద్యోగులు ఆవేదన వ్యక్తం చేస్తున్నారు. సెర్ప్ ఉద్యోగులతో సమానంగా 30 శాతం వేతనాలు పెంచినా బాగుండేదని పేర్కొంటున్నారు. ఇక 50 శాతం దాకా వేతనాలు పెరుగుతాయని ఆశించిన సెర్ప్ ఉద్యోగులు సైతం తాజా నిర్ణయంపై ఆగ్రహం వ్యక్తం చేస్తున్నారు.


 రాష్ట్రాలకు కేంద్ర ప్రభుత్వం బంపర్ ఆఫర్
 * ఎల్‌పీజీ తరహాలో నేరుగా లబ్ధిదారులకే ప్రయోజనాలు
 * దీంతో డూప్లికేట్లు, అనర్హులు, అక్రమార్కులకు ముకుతాడు
 * దేశవ్యాప్తంగా రూ.36 వేల కోట్లు మిగులుతాయని అంచనా
 * అన్ని రాష్ట్రాల్లోని లబ్ధిదారుల డేటా ఒకేచోటికి
 * డీబీటీ ప్రత్యేక సెల్ ఏర్పాటు చేసిన రాష్ట్ర ప్రభుత్వం
 సాక్షి, హైదరాబాద్: పెన్షన్లు.. స్కాలర్‌షిప్పులు.. ఉపాధిహామీ.. ప్రజాపంపిణీ.. ఉపాధి శిక్షణ.. వీటికి సంబంధించి అమలవుతున్న పథకాలు.. కార్యక్రమాలకు కేంద్ర ప్రభుత్వం సబ్సిడీని అందిస్తోంది.
 
 వీటిలో కొన్ని నేరుగా లబ్ధిదారుల ఖాతాలకు చేరుతున్నాయి. మరికొన్ని పథకాలకు సంబంధించిన సబ్సిడీ ముందుగా ఆయా శాఖలకు అందుతున్నాయి. అయితే ఈ సబ్సిడీ నిధులు వివిధ రకాలుగా దుర్వినియోగమవుతున్నాయి. దీంతో కేంద్ర ప్రభుత్వ ఉద్దేశం చాలావరకూ దెబ్బతింటోంది. ఈ నేపథ్యంలో రాష్ట్రాలకు బంపర్ ఆఫర్ ప్రకటించింది కేంద్ర ప్రభుత్వం. సబ్సిడీ నిధులను ఆదా చేస్తే ఆ డబ్బును రాష్ట్రాలకే పంచి పెడతామని ప్రకటించింది. వివిధ పథకాలకు ఇస్తున్న సబ్సిడీ నిధులను నేరుగా లబ్ధిదారులకు బదిలీ చేసే విధానాలను అమలు చేస్తే.. దేశవ్యాప్తంగా సుమారు రూ.36 వేల కోట్లు మిగులుతాయని అంచనా వేసింది.
 
 కేంద్రం ఇప్పటికే ఎల్‌పీజీ గ్యాస్ సబ్సిడీలను నేరుగా వినియోగదారుల బ్యాంకు ఖాతాల్లో జమ చేస్తోంది. దీంతో దేశవ్యాప్తంగా దాదాపు రూ.28 వేల కోట్లు ఆదా అయినట్లుగా లెక్కతేల్చింది. రాష్ట్ర ప్రభుత్వాలు సహకరిస్తే సబ్సిడీ నిధులను ఆదా చేసే అవకాశముందని, వీటిని ఆయా రాష్ట్రాల ఖాతాలకే బదిలీ చేస్తామని కేంద్రం హామీ ఇచ్చింది. రాష్ట్ర ప్రభుత్వాలు అందుకు తగిన వ్యూహాలను అమలు చేయాలని సూచించింది. ఇటీవల కేంద్ర కేబినెట్ సెక్రెటేరియట్ అన్ని రాష్ట్రాల ఆర్థిక శాఖ అధికారులతో ఢిల్లీలో ఈ అంశంపై ప్రత్యేక వర్క్‌షాప్ నిర్వహించింది.
  
 నేరుగా ప్రయోజనం
 ఉదాహరణకు రేషన్ బియ్యం, కిరోసిన్, ప్రజా పంపిణీ ద్వారా సరఫరా చేసే రేషన్ సరుకులపై కేంద్రం ఇచ్చే సబ్సిడీ నేరుగా రాష్ట్ర ఖాతాలో జమవుతుంది. అందుకు బదులుగా కిరోసిన్ లబ్ధి పొందే రేషన్ కార్డుదారుడికి.. ఆ నెల కిరోసిన్ అందిందా..? లేదా..? అనే వివరాలను సెల్‌ఫోన్‌కు ఎస్సెమ్మెస్ పంపించే విధానం అమలు చేయాలని నిర్ణయించింది.
 
 దీంతో సబ్సిడీ కిరోసిన్‌పై పక్కదారి పడుతున్న కోట్లాది రూపాయలు ఆదా అవుతాయని కేంద్రం భావిస్తోంది. కొన్ని పథకాలకు ఐరిష్ విధానం అమలు చేయాలని, మరికొన్నింటికి బయో మెట్రిక్‌ను.. ఇదేతరహాలో వివిధ విభాగాల్లో అమలవుతున్న పథకాలను, లబ్ధిదారుల డేటాను ఒకేచోటికి చేర్చడం ద్వారా భారీ మొత్తంలో నిధులు ఆదా అవుతాయని విశ్లేషించింది. దీంతో డూప్లికేట్లు, అనర్హులు, అక్రమార్కులకు ముకుతాడు పడుతుందనే అభిప్రాయపడింది.
  
 లబ్ధిదారుల డేటా ఒకేచోట..
 అన్ని విభాగాల డేటాను సమ్మిళితం చేసేందుకు వీలుగా పథకాలన్నింటినీ ‘ఆధార్’తో అనుసంధానం చేయాలని కేంద్రం నిర్ణయం తీసుకుంది. అన్ని రాష్ట్రాలు తమ దగ్గర ఉన్న డేటాను కేంద్రం అధ్వర్యంలోని ‘సర్వం’ డేటాబేస్‌తో లింకప్ చేయాలని సూచించింది. దీంతో అన్ని రాష్ట్రాల్లో లబ్ధిదారుల డేటా ఒకేచోటికి చేరుతుంది. ప్రభుత్వం సైతం ఎప్పటికప్పుడు తమకు అవసరమైన సమాచారాన్ని ఈ డేటాబేస్ నుంచి రాబట్టుకునే అవకాశం ఉంటుంది.
 
 ఆధార్‌తో అనుసంధానం చేయటం ద్వారా.. ఏ గ్రామంలో.. ఏ కుటుంబం.. ప్రభుత్వం నుంచి ఏయే పథకాల్లో ఎంతమేరకు లబ్ధి పొందిందనే వివరాలను క్షణాల్లో తెలుసుకోవటం సాధ్యమవుతుందని, అది ప్రజా ప్రతినిధులకు, రాష్ట్ర ప్రభుత్వాలకు సైతం ఉపయుక్తంగా ఉంటుందని నిర్దేశించింది. ఈ నేపథ్యంలో అన్ని రాష్ట్రాలు డెరైక్ట్ బెనిఫిట్ ట్రాన్స్‌ఫర్(డీబీటీ) సెల్‌ను ఏర్పాటు చేయాలని కేంద్రం తక్షణ కార్యాచరణను నిర్దేశించింది. గత వారంలో జరిగిన ఈ సదస్సు నేపథ్యంలో తెలంగాణ ప్రభుత్వం డీబీటీ సెల్‌ను ఏర్పాటు చేసింది.
 
 ఆర్థిక శాఖ కార్యదర్శి నవీన్ మిట్టల్‌ను ఈ సెల్‌కు కో ఆర్డినేటర్‌గా, జాయింట్ సెక్రెటరీ వి.సాయిప్రసాద్‌ను నోడల్ ఆఫీసర్‌గా నియమించింది. అన్ని విభాగాల్లో పథకాలను, లబ్ధిదారుల డేటాను సమ్మిళితం చేసి.. ఒకే డేటాబేస్ కిందికి తీసుకువచ్చేందుకు డీబీటీ సెల్ ప్రత్యేక కార్యాచరణ చేపడుతుంది. రాష్ట్రంలో డేటా ఒకేచోటికి వచ్చిన తర్వాత.. కేంద్రం సూచించిన ‘సర్వం’ డేటాబేస్‌కు లింకప్ చేస్తారు.


 
 సీఎం చైర్మన్‌గా కమిటీ
 
 అందులో సభ్యుడిగా తుపాకుల
 
 1983లో కేసీఆర్‌ ఆశీస్సులతో రాజకీయాల్లోకి..
 
 సిద్దిపేట రూరల్‌: ఉపాధి హామీ రాష్ట్ర కౌన్సిల్‌ మెంబర్‌గా సిద్దిపేట మండలం పొన్నాల గ్రామానికి చెందిన తుపాకుల బాల్‌రంగం నియమితులయ్యారు. ఈ మేరకు గురువారం ఉత్తర్వులు జారీ అయ్యాయి. ఈయన మండలంలో క్రియాశీల నాయకుడిగా పని చేయడంతోపాటు సీఎం కేసీఆర్‌తో మంచి సాన్నిహిత్యముంది. మూడు దశాబ్దాలకుపైగా కేసీఆర్‌తో ఉన్న అనుబంధతో రాజకీయం కొనసాగుతోంది. 1983లో కేసీఆర్‌ ఆశీస్సులతో  రాజకీయాల్లోకి వచ్చారు.
 1995 నుంచి 2001 వరకు పొన్నాల సర్పంచ్‌గా పని చేశారు. 1990 నుంచి 2006 వరకు పార్టీ మండల అధ్యక్షుడిగా పని చేశారు. 2006 నుంచి 2011 వరకు సిద్దిపేట జెడ్పీటీసీగా పని చేశారు. 2011 నుంచి టీఆర్‌ఎస్‌ మండల కోఆర్డినేటర్‌గా పని చేస్తున్నారు. రిజర్వేషన్‌ నేపథ్యంలో పొన్నాల సర్పంచ్‌గా తుపాకుల బాల్‌రంగం సతీమణి ఎల్లమ్మ రెండు దఫాలుగా సర్పంచ్‌గా పని చేశారు. తాజాగా ఆయన ఉపాధి హామీ మెంబర్‌గా నియమితులయ్యారు. సీఎం కేసీఆర్‌ చైర్మన్‌గా ఉండే రాష్ట్ర కౌన్సిల్‌లో 15మంది సభ్యులుంటారు. అందులో కేటగిరీ2 విభాగంలో ఈయనకు అవకాశం లభించింది.
 ఉపాధిహామీ బలోపేతానికి కృషి
 ఉపాధిహామీ పథకాన్ని క్షేత్రస్థాయిలో బలోపేతం చేయడానికి కృషి చేస్తానని ఉపాధిహామీ రాష్ట్ర కౌన్సిల్‌ మెంబర్‌ తుపాకుల బాల్‌రంగం అన్నారు. శుక్రవారం సిద్దిపేట ప్రెస్‌క్లబ్‌లో ఏర్పాటు చేసిన విలేకర్ల సమావేశంలో ఆయన మాట్లాడారు. తనపై నమ్మకంతో జిల్లా నుంచి ఉపాధిహామీ రాష్ట్రకౌన్సిల్‌ మెంబర్‌గా ఎన్నుకున్న సీఎం కేసీఆర్, మంత్రి హరీశ్‌రావులకు కృతజ్ఞతలు తెలిపారు. గ్రామీణ ప్రాంతాల్లో ఉపాధిహామీలో జరుగుతున్న పనులను పర్యవేక్షించడంతోపాటు పనుల రూపకల్పనలో క్రియాశీలకంగా పని చేస్తానన్నారు.
 క్షేత్రస్థాయిలో కూలీల ఇబ్బందులను తొలగించడంతోపాటు ఉపాధి హామీని వ్యవసాయానికి అనుబంధంగా చేసి, రైతుల ఇబ్బందులు తొలగించేందుకు కృషి చేస్తానని హామీ ఇచ్చారు. ఎంపీపీ ఎర్ర యాదయ్య, ఎంపీపీ మాజీ ఉపాధ్యక్షులు మారెడ్డి రవీందర్‌రెడ్డి, పట్టణ కౌన్సిలర్‌ బర్ల మల్లికార్జున్, మామిండ్ల ఉమారాణి ఐలయ్య, పయ్యావుల రాములు, పీఏసీఎస్‌ చైర్మన్‌ నల్ల నరేందర్‌రెడ్డి, ఎంపీటీసీలు గంగపురం మహేష్, కదుర్ల బాలయ్య, బరిగెల నర్సింలు, నాయకులు గ్యార యాదగిరి, శ్రీనివాస్, భాస్కర్‌గౌడ్, యాదగిరి తదితరులు పాల్గొన్నారు.
  


 దుగ్గొండి : ఉపాధి హామీ పథకంలో భాగంగా ఇంకుడు గుంతలు నిర్మించుకున్న లబ్ధిదారులకు బిల్లుల చెల్లింపులో అలసత్వం ప్రదర్శించిన సిబ్బందిపై డ్వామా పీడీ శేఖర్‌రెడ్డి ఆగ్రహం వ్యక్తం చేశారు. ‘గుంతలు సరే..బిల్లులేవి’ శీర్షికన శనివారం ‘సాక్షి’లో ప్రచురితమైన కథనానికి ఆయన స్పందించారు. గ్రామాలవారీగా గుంతల వివరాలు.. బిల్లుల చెల్లింపులు తెలపాలంటూ మండల అధికారులకు ఆయన ఆదేశించారు. దీనిపై ఎంపీడీఓ వెంకటేశ్వర్‌రావు మండల పరిషత్‌ కార్యాలయంలో ఉపాధి సిబ్బందితో ప్రత్యేకంగా సమావేశమై గ్రామాలవారిగా పనులపై వివరాలు సేకరించారు. రెండు రోజుల్లోగా గుంతలు తీసిన వారందరి బిల్లులు సిద్ధం చేసి, ఎంబీ రికార్డుతో పాటు ఆన్‌లైన్‌ ప్రక్రియ పూర్తిచేయాలని పీడీ ఆదేశించినట్లు ఎంపీడీఓ తెలిపారు.  


 ఎంపీపీ భర్త రామా
  
 వీరబల్లి: మండలంలో ఉపాధిహామీపనులు మొదలుకుని ఎలాంటి అభివృద్ధిపనులు వచ్చినా తాను చెప్పినవారికే ఇవ్వాలని అధికారులకు హుకుం జారీచేస్తున్నాడని ఎంపీపీ స్వరూ స్వప్న భర్త రామా, తదితర టీడీపీ నాయకులు తెలుపుతున్నారని కొందరు రైతులు ఆరోపణలు చేస్తున్నారు. మండలంలో మామిడిమొక్కలు నాటుకునేందుకు మంజూరు కాగా ఈ విషయమై ఏపీవో హేమలతను రైతులు శివ, హరి, చంద్ర, బాబులతోపాటు మరికొందరు పలుమార్లు ఏపీవోను సంప్రదించగా నాయకుల వద్దకు వెళ్లి ఒక మాట అడగండి అని అంటున్నారని రైతులు వాపోతున్నారు. ఏపీవో కార్యాలయంలో నేరుగా రైతులే సంప్రదించగా ఏపీవోపై ఆగ్రహం చెందగా తమకు మామిడిమొక్కలు నాటుకునేందుకు మంజూరయ్యాయని సోమవారం నుంచి మొక్కలు నాటుకునేందుకు పనులు కల్పిస్తామని తెలిపారు. రైతులు ఉపాధి అధికారులపై ఆగ్రహం చెందిన విషయం ఎంపిపి భర్త రామాకు ఏపివో తెలుపగా అతను విలేకర్లపై మండిపడ్డాడు.
 
 దీంతో ఆయన న్యూస్‌లైన్‌తో మాట్లాడుతూ తాము ఎన్నికలలో ఎంతో ఖర్చుచేశామని ఎలాంటిపని వచ్చినా తమను సంప్రదించాల్సిందేకదా అంటూ విలేకర్లపై చిందులువేశారు. రైతులు కొందరు ఏపివోపై ఆగ్రహం చెందగా ఎంపీపీ భర్త న్యూస్‌లైన్‌పై పలు ఆరోపణలు చేశారు. ఉపాధి అధికారులు కూలీల పట్ల పక్షపాతంలేకుండా పనులు కల్పించాలని పార్టీనాయకులకు తొత్తులుగా ఉండకూడదు అని పలువురు వారిపై మండిపడ్డారు. ఉన్నతాధికారులు ఈ విషయం గమనించి అందరికీ సమ న్యాయం కల్పించేలా ఉపాధి సిబ్బందిపై తగు చర్యలు తీసుకోవలసిన బాధ్యత ఎంతైనా లేకపోలేదు.
  


 హరితహారంలో మొక్కలు నాటిన వాటిపై కాకిలెక్కలు చ్పెప్దొదని హెచ్చరిక
 తాండూరు రూరల్‌: తెలంగాణ రాష్ర్ట ప్రభుత్వం ప్రతిష్ఠాత్మకంగా నిర్వహిస్తున్న హరితహారం కార్యక్రమంలో మొక్కలు నాటడంపై కాకిలెక్కలు చెప్పవద్దని ఉపాధి సిబ్బందిపై డ్వామా పీడీ హరిత ఆగ్రహం వ్యక్తం చేశారు. మండల పరిషత్‌ కార్యాలయంలోని ఠాగూర్‌హాల్లో ఎంపీడీఓ జగన్‌మోహన్‌రావు ఆధ్వర్యంలో ఉపాధి హామీ సిబ్బందితో బుధవారం ప్రత్యేక సమావేశం నిర్వహించారు. ఈ సందర్భంగా ఆమె మాట్లాడుతూ.. హరితహారం కార్యక్రమాన్ని నీరుగారిస్తే తగిన చర్యలు తప్పవని హెచ్చరించారు. ఆయా గ్రామాల్లో ఉపాధి హామీ పథకం ద్వారా ఎన్ని మొక్కలు నాటారో వివరాలు వెల్లడించాలని ఫీల్డ్‌ అసిస్టెంట్లను కోరారు. తప్పుడు సమాచారం ఇవ్వడంతో ఆమె ఫీల్డ్‌ అసిస్టెంట్లపై ఆగ్రహం వ్యక్తం చేశారు. హరితహారం కార్యక్రమం అంటే మీకు తమాషాగా ఉందా..? అని హెచ్చరించారు. నెలరోజుల నుంచి కార్యక్రమంపై చెబుతూనే ఉన్నా.. మీ పద్ధతి మార్చుకోవడం లేదన్నారు. గ్రామాల్లో ఎన్ని గుంతలు తవ్వారు? ఎన్ని మొక్కలు నాటారు..? అనే విషయాలపై సమగ్రంగా నివేదిక ఇవ్వాలని ఆదేశించారు. అనంతరం మండలం మొత్తంపై నివేదిక ఇవ్వాలని ఏపీఓ శారదను కోరారు. ఆమె కూడా తప్పుడు నివేదిక ఇవ్వడంతో స్టోరీలు చెప్పొద్దని ఆగ్రహం వ్యక్తం చేశారు. అన్నీ తప్పుడు లెక్కలే చెబుతున్నారని ఈసీ, టెక్నికల్‌ అసిస్టెంట్లు, ఫీల్డ్‌ అసిస్టెంట్లపై అసహనం వ్యక్తం చేశారు.
 ఉపాధి పనులను విస్మరిస్తే ఊరుకునేది లేదు
 బషీరాబాద్‌: గ్రామాల్లో ఉపాధి కూలీలకు ఉపాధి కల్పించడంలో నిర్లక్ష్యంగా వ్యవహరిస్తే సహించేది లేదని డ్వామా పీడీ హరిత ఉపాధి సిబ్బందిపై ఆగ్రహం వ్యక్తం చేశారు. మండల పరిషత్‌ కార్యాలయంలో హరితహారం కార్యక్రమంలో భాగంగా మండల స్థాయి అధికారులు, సిబ్బందితో బుధవారం సమీక్షా సమావేశం నిర్వహించారు. గ్రామ పంచాయతీల వారీగా హరితహారం కార్యక్రమంపై సిబ్బందితో సమీక్షించారు. హరితహారం కార్యక్రమంలో మొక్కలు నాటడంపట్ల చిత్తశుద్ధితో పనిచేయడం లేదని ఉపాధి సిబ్బందిపై మండిపడ్డారు. పాఠశాలల్లో ఇప్పటివరకు ఎన్ని మొక్కలు నాటారని అడిగి తెలుసుకున్నారు. వన నర్సరీల్లో నుంచి తరలించిన మొక్కలను నాటారా? లేదా? అనే విషయమై విచారణ జరుగుతుందన్నారు. హరితహారం మొక్కలు నాటినట్లు తప్పుడు నివేదికలు సమర్పిస్తే చర్యలు తీసుకుంటామన్నారు. నాటిన మొక్కలను పరిరక్షించేలా అధికారులు, సిబ్బంది చూడాలన్నారు. కార్యక్రమంలో ఎంపీపీ కరుణ, ఎంపీడీఓ ప్రమీల, ఏపీఓ జనార్ధన్‌, అటవీశాఖ బీట్‌ అధికారి జర్నప్ప, ఏపీఎం చినశేఖర్‌, వివిధ శాఖల అధికారులు, సిబ్బంది తదితరులు ఉన్నారు.


 ► ‘ఉపాధి’ పనులకు ‘నీరు-చెట్టు’ మెరుగులు
 ► అధికార పార్టీ నాయకుల జిమ్మిక్కులు
 ►అధికారులకు భారీగా ముడుపులు
 ► రూ.11.63 లక్షలు ఉపాధి హామీ కింద చేసిన పనులకు రూ.33.85లక్షల  నీరు-చెట్టు నిధులు
  
 పెళ్లకూరు: ‘నీరు-చెట్టు పథకం కింద టీడీపీ కార్యకర్తలకు రాష్ర్ట ప్రభుత్వం నిధులు మంజూరు చేసింది. పనులు చేజిక్కించుకున్న టీడీపీ నాయకులు, కార్యకర్తలు పనులు పూర్తి చేసినట్లు తెలియజేస్తారు. వెంటనే వారికి బిల్లులు చేయండి. అంతేగాని పనులపై పర్యవేక్షణ, పని లోపాలు గుర్తించాల్సిన అవసరం అధికారులకు లేదు. బిల్లులు చేసే అధికారులకు ఫార్మాలిటీస్ అంతా తమ్ముళ్లే చూసుకుంటారు’ - సూళ్లూరుపేట నియోజకవర్గ పరిధిలోని అధికారులకు టీడీపీకి చెందిన ఓ మాజీ ఎమ్మెల్యే హుకుం చేశారు. దీంతో టీడీపీ శ్రేణుల అక్రమాలకు అడ్డూఅదుపూ లేకుండా పోయింది. కొత్తకొత్త మార్గాలు అన్వేషించి మరీ ప్రభుత్వ నిధులను కొల్లగొడుతున్నారు. ఉపాధి హామీ పథకం కింద చేసిన పనులకు సైతం తూతూమంత్రంగా మెరుగులు దిద్ది భారీమొత్తం తమ ఖాతాల్లో జమవేసుకుంటున్నారు.
  
 తూతూ మంత్రంగా..
  కానూరు పంచాయతీలోని కొండచెరువు కట్టపనులను (వర్క్‌కోడ్ : 091334307007050459)  2014 జూలై, 24 నుంచి ఉపాధి హామీ కూలీలతో నిర్వహించారు. ఈ పనులకు సంబంధించి రూ.1,38,391 ఉపాధి హామీ నిధులను కూలీలకు చెల్లించారు. అయితే అదే ప్రాంతానికి చెందిన ఓ టీడీపీ నాయకుడు ఉపాధి కూలీలు చేసిన పనులపై తూతూమంత్రంగా యంత్రాలతో మెరుగులు దిద్ది రూ.9.4లక్షలు నీరు-చెట్టు నిధులు స్వాహా చేసేందుకు ప్రయత్నిస్తున్నట్టు ఆరోపణలు ఉన్నాయి. అదేవిధంగా కానూరు రాజుపాళెంలో గంగిరేనిగుంట కట్టపనులను ఉపాధి హామీ పథకం కింద (వర్క్ కోడ్ : 091334307007170362) 2016 మే, 5 నుంచి పనులు చేపట్టి 10,343 పని దినాల్లో పూర్తి చేశారు. అందుకు రూ.7,70,932 ఉపాధి హామీ నిధులను కూలీలకు చెల్లించారు. అదేవిధంగా ఉదినాముడి గుంట కట్ట పనులు (వర్క్‌కోడ్ : 091334307007170302) ఉపాధి హామీలో 2,668 పని దినాల్లో కట్ట పనులు చేయడంతో కూలీలకు రూ.2,54,323 చెల్లించారు. అయితే గ్రామానికి చెందిన టీడీపీ నేత ఉపాధి హామీ పథకం కింద చేసిన ఈ పనులకు యంత్రాలతో నామమాత్రంగా తుదిమెరుగులు దిద్ది మరో రూ.24.45 లక్షలు నిధులు బొక్కేసేందుకు ప్రయత్నిస్తున్నారు. రెండువారాలుగా ఈ తంతు నడుస్తున్నా అధికారుల్లో చలనం లేకపోవడం విచారకరం.
 
  నిబంధనలకు తూట్లు
  ఉపాధి హామీ పథకం కింద చేసిన పనులకు మళ్లీ నీరు-చెట్టు కింద నిధులు వెచ్చిస్తుండటంతో అధికారుల తీరుపై సర్వత్రా విమర్శలు వినిపిస్తున్నాయి. కేవలం నీరు-చెట్టు నిధులు బొక్కేసేందుకు అధికారులకు భారీగా ముడుపులిచ్చి అంచనాలు సిద్ధం చేసినట్లు ఆరోపణలున్నాయి. ఈ యేడాది మే మాసంలో ఉపాధి హామీ పథకం కింద చేసిన పనులనే నీరు-చెట్టు పథకం కింద చేజిక్కించుకున్న అధికారపార్టీ నేతలు పైపై మెరుగులు దిద్దుతున్నా అధికారులు పట్టించుకోకపోవడం విశేషం. పనులపై అధికారుల పర్యవేక్షణ కొరవడటంతో నేతల ఇష్టారాజ్యమైంది. ఉపాధి హామీలో చేపట్టిన పనులకు నీరు-చెట్టు కింద మరోమారు నిధులు మంజూరు చేయడం చట్టవిరుద్ధం. ఈ క్రమంలో మండలంలో పలుచోట్ల ప్రజాధనం దుర్వినియోగం అవుతోంది. నిబంధనలకు విరుద్ధంగా ముందూ వెనుకా చూసుకోకుండా మంచినీళ్ల ప్రాయంలా నీరు-చెట్టు నిధులను ఖర్చు చేస్తున్నవారిపై కలెక్టర్ ప్రత్యేక దృష్టి సారించాలని స్థానికులు కోరుతున్నారు.
  
 అనుమతులు ఇవ్వలేదు
 ఉపాధి హామీ పథకం కింద చెరువుకట్ట పనులు చేసేందుకు ఇరిగేషన్ శాఖ నుంచి అనుమతులు ఇవ్వలేదు. ప్రస్తుతం నీరు-చెట్టు పనులను నిబంధనల మేర చేపట్టేలా చర్యలు చేపడుతున్నాం.  - ఇరిగేషన్ ఏఈ సుబ్బారావు.


 - రూ.800 కోట్లతో గ్రామీణాభివృద్ధిశాఖ ప్రణాళికలు
 - మొక్కలను సంరక్షించే ఉపాధి కూలీలకు దినసరి వేతనాలు
  
  సాక్షి, హైదరాబాద్ : హరితహారానికి ఉపాధి హామీ నిధులను వెచ్చించేందుకు అధికారులు ప్రణాళికలు సిద్ధం చేశారు. ఈ ఆర్థిక సంవత్సరంలో ఈ పథకం నుంచి సుమారు రూ.800 కోట్లు ఖర్చు చేయనున్నారు. ఉపాధిహామీ చట్టంలోని కేటగిరి -ఎ ప్రకారం అడవులు, రహదారులు, చెరువు గట్లు, ప్రభుత్వ విద్యా, పారిశ్రామిక సంస్థలు, కమ్యూనిటీ స్థలాలు తదితర ప్రదేశాల్లోనూ, కేటగిరి-బి మేరకు ఇళ్లు, పంట పొలాలు తదితర వ్యక్తిగత స్థలాల్లో మొక్కలను పెంచేందుకు కేంద్ర ప్రభుత్వం వీలు కల్పించిందని రాష్ట్ర గ్రామీణాభివృద్ధి శాఖ అధికారులు చెబుతున్నారు. మొక్కలు నాటేందుకు అవసరమైన గుంతల తవ్వకం, రవాణా, మొక్కల పెంపకం, వాటిని సంరక్షించేవారికి దినసరి వేతనాలను కూడా ఉపాధి హామీ నుంచే కేటాయించాలని నిర్ణయించారు. రాష్ట్రవ్యాప్తంగా అన్ని జిల్లాల్లో మొత్తం 15 వేల ఎకరాల్లో ఏర్పాటు చేసిన నర్సరీల్లో మూడు కోట్లకుపైగా మొక్కలను పెంచుతున్నారు. ఆయా నర్సరీల్లో ఇప్పటికే సుమారు 60 లక్షల ఈత మొక్కలు, 40 లక్షల పండ్లు, పూలు, 6 లక్షల టేకు మొక్కలు సిద్ధం చేసినట్లు తెలుస్తోంది. సుమారు 13 వేల కిలోమీటర్ల మేర రహదారుల వెంట మొక్కలు నాటేందుకు చర్యలు తీసుకుంటున్నారు. ఏడాది పొడవునా ఉపాధిహామీ పథకం కింద హరితహారాన్ని కొనసాగించాలని గ్రామీణాభివృద్ధి శాఖ నిర్ణయించింది.
 
  కోటి మొక్కల హరితహారం నేడే
  హరితహారంలో భాగంగా మంగళవారం ఒక్కరోజునే రాష్ట్రవ్యాప్తంగా కోటి మొక్కలను నాటేందుకు గ్రామీణాభివృద్ధి శాఖ అధికారులు ఏర్పాట్లు పూర్తి చేశారు. ఈ కార్యక్రమానికి మహబూబ్‌నగర్ జిల్లా నారాయణపేట్ అసెంబ్లీ నియోజకవర్గంలోని దామరగిద్ద గ్రామంలో రాష్ట్ర పంచాయతీరాజ్, గ్రామీణాభివృద్ధి శాఖ మంత్రి జూపల్లి కృష్ణారావు శ్రీకారం చుట్టనున్నారు. ఈ మేరకు సోమవారం అన్ని జిల్లాల  క్షేత్రస్థాయి అధికారులకు పంచాయతీరాజ్ శాఖ ప్రత్యేక ప్రధాన కార్యదర్శి ఎస్పీ సింగ్ వీడియో కాన్ఫరెన్స్ ద్వారా పలు సూచనలు చేశారు. కోటి మొక్కల హరితహారంలో 4.15 లక్షల స్వయం సహాయక గ్రూపుల నుంచి 47.21 లక్షల మంది మహిళలు పాల్గొంటారని మంత్రి తెలిపారు. సమావేశంలో కమిషనర్ అనితారాంచంద్రన్, గ్రామీణ పేదరిక నిర్మూలన సంస్థ(సెర్ప్) సీఈవో పౌసమీ బసు తదితరులు పాల్గొన్నారు.


 ♦ ఎంపీడీఓపై కేసు ఉపసంహరించుకుంటే సరే...
 ♦ లేదంటే ఉన్న ఉద్యోగం ఊడుతుంది...
 ♦ టెక్నికల్ అసిస్టెంట్‌కు ఉన్నతాధికారి బెదిరింపులు
 ♦ ఆమేరకు సియూజీ సిమ్ కట్ చేసిన వైనం
  సాక్షి ప్రతినిధి, కడప :  ‘ఆడబిడ్డలకు అండగా ఉంటాం. విధి నిర్వహణలో మహిళా ఉద్యోగులపై వేధింపులు సహించం.’ ఇవన్నీ ప్రస్తుత పాలకులు చెప్పే మాటలు. వాస్తవంలో అందుకు విరుద్ధమెన పరిస్థితులు నెలకొన్నాయి. వేధింపులకు ఎదురేగి పోరాటం చేస్తే అండగా నిలవాల్సిన ఉన్నతాధికారులు బెదిరింపులకు పాల్పడుతున్నారు. చెప్పినట్లు వినకపోతే ఉద్యోగం ఊడుతుందని హెచ్చరికలు జారీచేస్తున్నారు. విశ్వసనీయ వర్గాల కథనం మేరకు..ఉపాధి హామీ పథకంలో టెక్నికల్ అసిస్టెంట్‌గా ఎం. మేరి ముద్దనూరులో విధులు నిర్వర్తిస్తున్నారు. ముద్దనూరు  ఎంపీడీఓ మనోహర్‌రాజు వేధింపులు అధికమయ్యాయని ఆమె ఉన్నతాధికారులకు మొరపెట్టుకుంది. విషయం తెలుసుకున్న ఎంపీడీఓ మేరిపై అవినీతి ఆరోపణలు వచ్చాయంటూ సరెండర్ చేస్తూ ఆదేశాలు జారీచేశారు.
 ఎలాంటి ముందస్తు నోటీసు లేకుండా సరెండర్ చేయడం వెనుక అసలు వ్యవహారం ఏమిటో విచారణ చేపట్టాల్సిందిగా అడిషనల్‌పీడీ విజయ్‌కుమార్ విచారణకు ఆదేశించారు. విచారణాధికారిగా ఏపీడీ మల్లేశ్వరరెడ్డిని నియమించారు. నివేదిక అనంతరం ఎంపీడీఓ సరెండర్‌ను రద్దుచేస్తూ ఉత్తర్వులు జారీ చేశారు. ఈక్రమంలో ఎంపీడీఓ మనోహార్‌రాజు వేధింపులు భరించలేకున్నా, ఇక్కడి నుంచి బదిలీ చేయమని స్వయంగా పీడీ రమేష్‌కు మేరీ ఏప్రిల్ 21న రాతపూర్వకంగా కోరారు. ఆరు మండలాలను ఆప్షన్ ఇస్తూ ఏదో మండలానికి బదిలీ చేయాలని అభ్యర్థించారు. ‘ఎలాంటి తప్పు చేయలేదు, మీరేందుకు బదిలీ కావాలి, మేమున్నాం’ అంటూ ఉన్నతాధికారులు అప్పట్లో నోటిమాటలు చెప్పారు.
 ఉపాధి కూలీల నుంచి ఎలాంటి ఆరోపణలు లేకపోగా, ఉన్నతాధికారులు సైతం అండగా ఉండటంతో మేరీ విధులు నిర్వహిస్తూ వచ్చారు. అయితే వేధింపులు పునరావృతం కావటంతో ఆమె జేసీ శ్వేతను జూన్ 2న ఆశ్రయించినట్లు సమాచారం. ఎంపీడీఓ వేధింపులు భరించలేకున్నా, అక్కడి నుంచి బదిలీ చేయమంటే అధికారులు చేయడం లేదని మొరపెట్టుకున్నట్లు తెలుస్తోంది. వెంటనే స్పందించిన జేసీ ఎంపీడీఓకు ఫోన్ చేసి వార్నింగ్ ఇచ్చినట్లు సమాచారం. అయినప్పటీకీ ధోరణి మారకపోవడంతో జూన్ 24న ముద్దనూరు పోలీసుస్టేషన్‌లో మేరీ ఫిర్యాదు చేశారు. ఆమేరకు పోలీసులు ఎస్సీ ఎస్టీ అట్రాసిటీ కేసు కూడా నమోదు చేశారు.
 ప్లేట్ ఫిరాయించిన ఉన్నతాధికారి
 గతంలో అండగా నిలిచిన ఉన్నతాధికారి ఒకరు ఉన్నట్లుండీ ప్లేట్ ఫిరాయించారు. జూన్ 24న మేరీ పోలీసులకు ఫిర్యాదు చేయగా, మరుసటిరోజు నుంచి వార్నింగ్‌లు మొదలయ్యాయి. కేసు ఉపసంహరించుకోకపోతే ఉద్యోగం చేయలేవని హెచ్చరికలు తీవ్రమయ్యాయి. విసిగిపోయిన మేరి వెనక్కి తగ్గేది లేదని గట్టిగా చెప్పినట్లు సమాచారం. మహిళగా మేరి తెగువను అభినందించాల్సి పోయి, శాఖాపరంగా వేధింపులు... అత్యున్నతాధికారి సమక్షంలో బెదిరింపులు పాల్పడటం రివాజుగా మారినట్లు సమాచారం. ఈక్రమంలోనే ఆమెకు ఇచ్చిన సియూజీని సైతం కట్ చేసినట్లు తెలుస్తోంది. కాగా కేసు ఉపసంహారించుకోవాలని మేరీపై పెద్దఎత్తున ఒత్తిడి పెంచడం వెనుక ఓ ఎమ్మెల్యే సిఫార్సులే  కారణంగా తెలుస్తోంది. అధికారపార్టీ కండువా కప్పుకున్న ఆ ఎమ్మెల్యే కేసు ఉపసంహరింపజేయాల్సిన బాధ్య త ఉన్నతాధికారిదేనని దిశానిర్దేశం చేసినట్లు సమాచారం. ఆమేరకు తొలివిడతగా సియూజీ సిమ్ కట్ చేసినట్లు తెలుస్తోంది. రేపోమాపో టెక్నికల్ అసిస్టెంట్ ఉద్యోగం సైతం తొలగించేందుకు రంగం సిద్ధం చేసినట్లు సమాచారం.
 నిసిగ్గుగా అధికారుల ప్రవర్తన
 టెక్నికల్ అసిస్టెంట్‌పై వేధింపుల వ్యవహారంలో అధికార పార్టీలో ఉన్న ఎమ్మెల్యే ఒకరు సిఫార్సు చేశారని అత్యున్నతాధికారులు నిసిగ్గుగా ప్రవర్తిస్తున్నారని పలువురు ఉద్యోగ సంఘాల నాయకులు ఆగ్రహం వ్యక్తం చేస్తున్నారు. ఉన్నతాధికారులు అన్యాయం వైపు మొగ్గుచూపుతూ రాజకీయ నాయకులకు కొమ్ముకాయడాన్ని పలువురు చిరుద్యోగులు మండిపడుతుండటం విశేషం.


 ఫోర్జరీ సంతకాలతో లక్షలు కాజేసిన కాంట్రాక్టర్
 ఏరియా ఆసుపత్రిలో వెలుగుచూసిన వైనం
 మల్లగుల్లాలు పడుతున్న వైద్య సిబ్బంది
  
 ప్రజా సంక్షేమం కోసం తలపెట్టిన ఉపాధి హామీ.. సీసీరోడ్లు, నీరు-చెట్టు పనుల్లో అధికార పార్టీకి చెందిన అనుయాయులు అందినకాడికి దోచుకుంటున్నారు. ఆఖరికి  పేద రోగుల పౌష్టికాహారం  కోసం ప్రభుత్వం  ఇస్తున్న డైట్  నిధులను సైతం వదలటం లేదు. ఏరియా ఆసుపత్రిలో లక్షల్లో  డైట్ నిధుల స్వాహా చేసిన విషయం వెలుగులోకి వచ్చింది. రాష్ట్ర పంచాయతీరాజ్ శాఖ మంత్రి చింతకాయల అయ్యన్నపాత్రుడి ఇలాకాలోనే రోగుల సొమ్ము కాజేయటంపై  విస్మయం వ్యక్తమవుతోంది.
  
 నర్సీపట్నం:  అధికారుల ఫోర్జరీ సంతకాలతో స్థానిక ఏరియా ఆస్పత్రి కాంట్రాక్టర్ సుమారు 10 లక్షల రూపాయలు కాజేసిన వైనం వెలుగుచూసింది. గత ఎన్నికల్లో టీడీపీకి విధేయులుగా పనిచేసిన వారిలో కొంత మందికి  ఆసుపత్రిలో ఏఎన్‌ఎంలు, సెక్యూరిటీ గార్డులుగా ఉపాధి కల్పించారు. అప్పటి డైట్ కాంట్రాక్టర్‌ను అర్ధంతరంగా తొలగించి పార్టీకి విధేయుడుగా ఉన్న ఒక  వ్యక్తికి బినామీ  కాంట్రాక్టర్‌గా అవకాశం కల్పించా రు.   వైద్య సిబ్బందిని ప్రలోభ పెట్టడానికి ఆయన చేసిన ప్రయత్నాలు ఫలించకపోవడంతో  ఫోర్జరీ సంతకాలు చేసేందుకు కూడా వెనకాడలేదు. డైట్ పర్యవేక్షకురాలిగా ఆసుపత్రి  హెడ్‌నర్సు పద్మ వ్యవహరిస్తున్నారు. ఆమె ఇచ్చిన హాజరు ప్రకారం రోగులకు భోజనం తయారు చేసి వడ్డించాలి. బిల్లుల చెల్లింపునకు వచ్చేసరికి హెడ్‌నర్సుతో పాటు ఆర్‌ఎంవో సుధా శారద, గుమస్తా ధ్రువీకరించిన అనంతరం  ఆసుపత్రి సూపరింటెండెంట్  డైట్ కాంట్రాక్టర్‌కు బిల్లు మంజూరు చేయాల్సి ఉంది. అయితే  పర్యవేక్షకురాలు  పద్మ సంతకం ఫోర్జరీ చేసి, మిగిలిన ఇద్దరు చేత సంతకాలు పెట్టించి సూపరింటెండెంట్‌కు బిల్లులు సమర్పిస్తున్నారు.  పర్యవేక్షకురాలు ఇచ్చిన హాజరు ప్రకారం రోగులకు  కాంట్రాక్టర్ భోజనం పెడుతున్నాడు.  ఉన్నవారి కంటే ఆదనంగా రోగుల సంఖ్యను చూపించి అధిక మొత్తంలో డైట్ బిల్లులు మారుస్తుండటంపై అనుమానం వచ్చి హెడ్‌నర్సు పద్మ డైట్ షీట్లను పరిశీలించారు. ఈ షీట్లలో  సంతకాలు తనవి కావని, తన దగ్గర ఉన్న రోగుల హాజరుకు, ఫోర్జరీ సంతకాలతో ఉన్న హాజరుకు చాలా వ్యత్యాసం ఉందని సూపరింటెం డెంట్ హెచ్.వి.దొర దృష్టికి తీసుకెళ్లారు. ఆమె ఫిర్యాదుతో రోగులకు సంబంధించిన డైట్ బిల్లులను క్షుణ్ణంగా పరిశీలించారు. రోగుల సంఖ్య కంటే ఆదనంగా బిల్లు మార్చినట్టు సూపరింటెండెంట్ నిర్ధారణకు వచ్చారు. ఏడాది కాలంగా జరుగుతున్న ఈ స్వాహా పర్వంలో సుమారు రూ.10 లక్షల వరకు  కాంట్రాక్టర్ కాజేసినట్లు  ఆసుపత్రి అధికారుల పరిశీలనలో వెల్లడైనట్లు తెలిసింది.
  
 సంతకాల ఫోర్జరీ వాస్తవమే
 డైట్ బిల్లుల్లో ఫోర్జరీ సంతకాలు జరిగిన సంగతి వాస్తవమేనని ఆసుపత్రి సూపరింటెండెంట్ దొర స్పష్టంచేశారు. సంబంధిత కాంట్రాక్టర్ నుండి స్వాహా చేసిన నిధులు రికవరీ చేస్తామని  చెప్పారు. దీనిపై ఉన్నతాధికారులకు నివేదిక అందజేస్తామని ఆయన తెలిపారు. 
  
 చర్యలకు  వైఎస్సార్‌సీపీ డిమాండ్
 రోగుల పేరిట నిధులు  స్వాహా చేసిన సంబంధిత కాంట్రాక్టర్‌పై క్రిమినల్ చర్యలు తీసుకోవాలని కోరుతూ వైఎస్సార్‌సీపీ పట్టణ పార్టీ అధ్యక్షులు కోనేటి రామకృష్ణ, పార్టీ నాయకులు పెదిరెడ్ల నాగేశ్వరరావు, గుడబండి నాగేశ్వరరావు తదితరులు  సూపరింటెండెంట్ దొరకు మెమొరాండం అందజేశారు. రోగుల సంక్షేమం కోసం ఇస్తున్న నిధులను పక్కదారి పట్టించటం దారుణమని   పేర్కొన్నారు. అధికారపార్టీ ప్రజాప్రతినిధుల అండతోనే ఇష్టారాజ్యంగా బిల్లులు చేసుకుని స్వాహా చేశారని ఆరోపించారు.  నిధుల స్వాహాపై జిల్లా కలెక్టర్, వైద్య విధాన పరిషత్ కోఆర్డినేటర్ దృష్టికి తీసుకెళ్లామన్నారు. నిధులు రాబట్టడమే కాకుండా ఫోర్జరీ సంతకాలకు కారకులైన వారిపై క్రిమినల్ చర్యలకు సిఫార్సు చేయాలని ఆయన డిమాండ్ చేశారు.
  


 పాలకోడేరు రూరల్ : ఉపాధిహామీ పథకం కూలీల కుటుంబాల కోసం పూర్తి కాల జీవన ఉపాధి పథకం అందుబాటులోకి వచ్చింది. దీనిని ఆంధ్రాభ్యాంకు స్వయం ఉపాధి శిక్షణ సంస్థ రూపొందించింది. వివిధ కోర్సుల్లో, వృత్తుల్లో ఉపాధికూలీలకు, లేదా వారి కుటుంబ సభ్యులకు శిక్షణ ఇచ్చేందుకు శ్రీకారం చుట్టింది. ఈ కార్యక్రమ వివరాలను ఉపాధిహామీ పథకం భీమవరం క్లస్టర్ అసిస్టెంట్ ప్రాజెక్టు అధికారి దుండి రాంబాబు తెలిపారు. ఉపాధి హామీ కూలీలకు ప్రభుత్వం ప్రస్తుతం వందరోజుల పని కల్పిస్తోంది.
 
 వారికి 365 రోజులూ ఉపాధి లభించేలా చూడాలనే సదాశయంతో ఆంధ్రాబ్యాంకు స్వయం ఉపాధి శిక్షణ సంస్థ ముందుకొచ్చింది. అర్హులను ఎంపిక చేసి శిక్షణకు పంపిచే బాధ్యతను అధికారులకు అప్పగించింది.  
  
 అర్హతలు
 * ఉపాధి హామీ పనుల్లో వంద రోజులు పనిచేసిన కుటంబానికి చెందిన వారు గానీ లేదా వంద రోజులు పనిచేసిన వారు గానీ అయి ఉండాలి.
 * వయస్సు 18 నుంచి 35 ఏళ్లలోపు ఉండాలి. ఎస్సీ, ఎస్టీ మహిళలు అయితే 18 నుంచి 45 ఏళ్ల వయస్సు ఉండాలి.
 * కంప్యూటర్, డ్రైవింగ్ కోర్సులకు అయితే పదో తరగతి పాస్ అయి ఉండాలి.
 * ఉపాధిహామీ పథకం జాబ్ కార్డు కలిగి ఉండాలి.
 * ఆయా కోర్సులు చేయగలిగితే                  
 వికలాంగులు కూడా అర్హులు.
 * 2014-2015 ఏడాదిలో వంద రోజులు పని చేసిన వారు అయి ఉండాలి(ప్రస్తుతానికి)
  
 శిక్షణ కాలం
 శిక్షణార్థులు ఎంచుకున్న కోర్సును బట్టి ఆరు రోజుల నుంచి 45 రోజులపాటు శిక్షణ ఉంటుంది. శిక్షణ అంతా ఏలూరులోని అశోక్ నగర్ ఆంధ్రాబ్యాంకు స్వయం ఉపాధి శిక్షణ సంస్థలోనే జరుగుతుంది. ఏడాదికి 1700 మందికే సంస్థ శిక్షణ ఇస్తుంది. శిక్షణా కాలంలో  ఉచిత భోజనం, వసతి ఏర్పాటు చేస్తారు.  
  
 ప్రయోజనం
 శిక్షణ పూర్తి చేసుకున్న వారికి కోర్సు పూర్తి చేసినట్లు సర్టిఫికెట్‌ను ఆంధ్రాబ్యాంకు శిక్షణ సంస్థ జారీచేస్తోంది. అలాగే శిక్షణార్థులు స్వయం ఉపాధి పొందడం కోసం బ్యాంకు రుణాలు మంజూరు చేయించేందుకు కృషి చేస్తోంది.  
  
 శిక్షణ ఇచ్చే కోర్సులు
 ఏలూరులోని అశోక్‌నగర్‌లో ఆంధ్రాబ్యాంకు స్వయం ఉపాధి శిక్షణ సంస్థ ఉంది. దీనిలో ఉపాధి కూలీలు, వారి కుటుంబ సభ్యులకు  శిక్షణ ఇచ్చే కోర్సులివే..
  
 ⇒ కంప్యూటర్ (డీటీపీ,ఎంఎస్ ఆఫీస్)
 ⇒ కంప్యూటర్ హార్డ్‌వేర్
 ⇒ డ్రైవింగ్
 ⇒ సెల్‌ఫోన్ రిపేరింగ్
 ⇒ ఇటుకల తయారీ
 ⇒ సిమెంట్ వరల తయారీ
 ⇒ బ్యాగుల తయారీ
 ⇒ టైలరింగ్
 ⇒ ఫ్యాబ్రిక్ పెయింటింగ్
 ⇒ స్క్రీన్ ప్రింటింగ్
 ⇒ కుట్లు, అల్లికలు
 ⇒ గోర్రెల పెంపకం
 
 దరఖాస్తు విధానం
 స్వయం ఉపాధి శిక్షణలో చేరడం కోసం అభ్యర్థులు నేరుగా ఏలూరు అశోక్ నగర్‌లోని ఆంధ్రాబ్యాంకు స్వయం ఉపాధి శిక్ష కేంద్రానికి వెళ్లి అక్కడ దరఖాస్తు చేసుకోవచ్చు. లేదా ఉపాధిహామీ పథకం మండల టీఏ ద్వారా కూడా దరఖాస్తు చేసుకోవచ్చు. ఎంపికైన వారికి బ్యాచ్‌ల వారీగా శిక్షణ ఉంటుంది.


 ♦ ఈజీఎస్ అమలులో జిల్లాకు ప్రథమస్థానం
 ♦ అత్యధిక కూలీలకు ఉపాధి కల్పించిన ఘనత
 ♦ కూలీ డబ్బుల చెల్లింపుల్లోనూ అగ్రస్థానం
 ♦ రాష్ట్ర గ్రామీణాభివృద్ధి శాఖ ప్రశంసలు
 అడిగిన కూలీలందరికీ ఉపాధి పని.. పనిచేసిన కూలీలకు సకాలంలో చెల్లింపులు.. జాబ్‌కార్డులున్న వారిలో ఎక్కువ మందికి వందరోజుల పని కల్పించడం.. స్వచ్ఛ భారత్‌లో భాగంగా నిర్దేశించిన లక్ష్యంలో మెరుగైన పురోగతి.. నీటి  గుంతల తవ్వకాల్లో లక్ష్యానికి నాలుగురెట్ల సాధన.. ఇన్ని రికార్డులతో గ్రామీణాభివృద్ధిలో పరుగులు పెడుతూ రాష్ట్రంలోనే రంగారెడ్డి జిల్లా అగ్రస్థానంలో నిలిచింది.
 - సాక్షి, రంగారెడ్డి జిల్లా
 సాక్షి, రంగారెడ్డి జిల్లా: మహాత్మాగాంధీ జాతీయ గ్రామీణ ఉపాధి హామీ పథకం కింద చేపట్టిన పలు కార్యక్రమాలను విజయవంతంగా పూర్తిచేయడంతో రాష్ట్ర గ్రామీణాభివృద్ధి శాఖ.. జిల్లా నీటి యాజమాన్య సంస్థను ప్రశంసలతో ముంచెత్తింది. బుధవారం రాష్ట్ర గ్రామీణాభివృద్ధి శాఖ ఉన్నతాధికారుల సమావేశంలో డ్వామా పీడీ హరితతోపాటు సిబ్బందిని పంచాయతీ రాజ్ గ్రామీణాభివృద్ధి శాఖ ప్రత్యేక ముఖ్య కార్యదర్శి అభినందించారు.
 లక్ష్యాలు అధిగమించి..
 2016-17 వార్షిక సంవత్సరంలో గత నెలాఖరు నాటికి జిల్లాలోని కూలీలకు 44.06 లక్షల పనిదినాలు కల్పించాలని లక్ష్యంగా ప్రభుత్వం నిర్దేశించింది. అటు పట్టణ వాతావరణ, ఇటు గ్రామీణ ప్రాంతం తోడవడంతో లక్ష్యసాధన కొంత ఇబ్బందికరమైనప్పటికీ.. క్షేత్రస్థాయిలో ఉపాధికి ప్రత్యేక చొరవ తీసుకుని ఏకంగా 45.85 లక్షల పనిదినాలు కల్పించారు. నిర్దేశించిన లక్ష్యంలో 104.08 శాతం పురోగతి సాధించి పని కల్పించడంలో రాష్ట్రంలోనే జిల్లా ప్రథమ స్థానంలో నిలిచింది. ఆ తర్వాతి స్థానాల్లో ఖమ్మం (91.88%), నిజామాబాద్ (88.54%) జిల్లాలున్నాయి.
  1,644 కుటుంబాలకు వందరోజుల పని..
 ఈజీఎస్ పథకంలో ప్రతి కుటుంబానికి వందరోజుల పని కల్పించాలి. కరువు నేపథ్యంలో పనిదినాలను 150కి పెంచుతూ కేంద్ర ప్రభుత్వం నిర్ణయం తీసుకుంది. అయితే తాజా వార్షిక సంవత్సరంలో ఇప్పటివరకు వంద రోజుల పనిదినాలు పొందిన కుటుంబాలు 1,644 ఉన్నాయి. రాష్ట్రంలో వందరోజుల పనిదినాలు పొందిన కుటుంబాలు జిల్లా నుంచే నమోదు కావడం గమనార్హం.
 ఫాంపండ్స్.. అదుర్స్
 రైతుల పొలాల్లో నీటి కొలను (ఫాంపండ్స్) ఏర్పాటు ప్రక్రియను ఈజీఎస్‌లో పొందుపర్చారు. ఈ క్రమంలో 2016- 17 వార్షిక సంవత్సరంలో జిల్లాకు ఫాంపండ్స్ లక్ష్యాన్ని 1000గా ప్రభుత్వం నిర్ధారించింది. కానీ జిల్లా యంత్రాంగం ప్రత్యేక చొరవ తీసుకుని ఈ లక్ష్యాన్ని ఏకంగా 8,700 పెంచు తూ ప్రభుత్వ అనుమతి తీసుకుంది. ఈ క్రమంలో ఇప్పటివరకు మూడు వేల ఫాంపండ్స్ నిర్మాణ పనులు మొదలు పెట్టగా.. ఇప్పటివరకు 550 ఫాంపండ్స్ పూర్తయ్యాయి. రాష్ట్రంలో అత్యధిక ఫాంపండ్స్ నిర్మించింది జిల్లాలోనే.
  చెల్లింపుల్లోనూ జోరు..
 ఉపాధి పథకం కింద పనిచే సిన ప్రతి కూలీకి మూడు రోజుల్లోగా డబ్బులు చెల్లించాలి. అయితే పలు జిల్లాల్లో పోస్టాఫీస్ సిబ్బంది ద్వారా డబ్బులు చెల్లిస్తుండగా.. జిల్లాలో మాత్రం కూలీలకు ప్రత్యేకం బ్యాంకు ఖాతాలు తెరిపించి వాటిల్లో ఆన్‌లైన్ పద్ధతిలో డబ్బులు జమచేస్తున్నాడు. కూలీ డబ్బుల చెల్లింపుల ప్రక్రియ ఇతర జిల్లాలతో పోలిస్తే రంగారెడ్డిజిల్లాలో వేగంగా జరుగుతుంది. ఈక్రమంలో కూలీ చెల్లింపుల విభాగంలోనూ జిల్లా ముందువరుసలో ఉంది.
 నెలాఖర్లోగా 56 గ్రామాల్లో...
 వ్యక్తిగత మరుగుదొడ్ల నిర్మాణంలోనూ జిల్లా దూసుకెళ్తోంది. ప్రతి ఇంట్లో మరుగుదొడ్డి ఉండాలనే లక్ష్యంతో కేంద్ర ప్రభుత్వం స్వచ్ఛ భారత్ మిషన్ కింద పలు కార్యక్రమాలు చేపడుతోంది. ఈక్రమంలో త్వరలో జిల్లాలో 56 గ్రామాల్లో వందశాతం మరుగుదొడ్లు నిర్మించనుంది. ఈనెలాఖర్లోగా ఈ లక్ష్యాన్ని సాధిస్తామని ప్రాజెక్టు డెరైక్టర్ హరిత ‘సాక్షి’తో అన్నారు. మొత్తంగా నెలాఖర్లోగా బహిరంగ మల విసర్జన నిషేధిత కేటగిరీలో 56గ్రామాలను ప్రకటిస్తామని ఆమె అన్నారు.


 - స్వీకరించాలని సిబ్బందికి డెరైక్టర్ అనితారామచంద్రన్ ఆదేశం
 -  జాబ్ కార్డుదారుల్లో సగం మందికైనా 100 రోజుల పని కల్పించాలి
  
  సాక్షి, హైదరాబాద్: ఉపాధి పనుల కోసం ఇకపై వారంలో ఆరు రోజులపాటు దరఖాస్తు చేసుకోవచ్చని గ్రామీణాభివృద్ధి విభాగం డెరైక్టర్ అనితారామచంద్రన్ వెల్లడించారు. ఇప్పటివరకు ఉన్న మూడు రోజులను పొడిగిస్తూ మంగళవారం మార్గదర్శకాలను విడుదల చేశారు. ప్రతివారంలో సోమవార ం నుంచి శనివారం వరకు శ్రమశక్తి సంఘాలు, జాబ్‌కార్డులు కలిగిన వ్యక్తుల నుంచి పనికొరకు దరఖాస్తులు స్వీకరించి పని కల్పించాలని క్షేత్రస్థాయి సిబ్బందికి సూచించారు.  
 
  మార్గదర్శకాలు ఇవీ..
 ►బ్యాచ్ 1, 2 వారీగా గ్రామ పంచాయతీల్లో పని కోరినవారి వద్ద నుంచి ఫీల్డ్ అసిస్టెంట్లు దరఖాస్తులు స్వీకరించి రశీదులు అందజేయాలి. దరఖాస్తుల స్వీకరణ నిమిత్తం రోజూ ఫీల్డ్ అసిస్టెంట్లు, సీనియర్ మేట్‌లు గ్రామ పంచాయతీ కార్యాలయం/రచ్చబండ వద్ద ఉదయం 6 నుంచి 7 గంటల వరకు అందుబాటులో ఉండాలి.
 ►దరఖాస్తులు స్వీకరించే ప్రదేశం నుంచే మొబైల్ ద్వారా లబ్ధిదారుల ఫొటోలను అప్‌లోడ్ చేయాలి. అవసరమైన మేరకు దరఖాస్తు ఫారాలు శ్రమశక్తి సంఘాలకు మేట్‌ల ద్వారా అందించాలి.
 ►స్వీకరించిన దరఖాస్తులు, రశీదు నంబర్ల వివరాలతో తప్పనిసరిగా డిమాండ్ రిజిస్టర్‌ను నిర్వహించాలి. ప్రతి బుధవారం జరిగే సమావేశం వరకు స్వీకరించిన దరఖాస్తుల వివరాలను డిమాండ్ రిజిస్టర్‌లో నమోదు చేసి టెక్నికల్ అసిస్టెంట్, ఏపీవోల సంతకాలను తీసుకోవాలి.
 ►రోజూ ఎంపీడీవో/ ఉపాధిహామీ ప్రాజెక్ట్ అధికారి ఆధ్వర్యంలో ఏపీవోల బృందం కనీసం ఒక గ్రామంలో సమావేశం నిర్వహించాలి. నెలలోగా మండలంలోని అన్ని గ్రామాల్లోనూ సమావేశాలు నిర్వహించి ఉపాధిహామీ పథకంలో ఎదురవుతున్న ఇబ్బందులు, లబ్ధిదారులకు కల్పిస్తున్న హక్కులపై అవగాహన కల్పించాలి.
 ►గ్రామంలో జాబ్‌కార్డ్ కలిగినవారిలో సగం మందికిపైగా 100 రోజుల పనిని తప్పనిసరిగా పొందేలా చర్యలు చేపట్టాలి. సమావేశం జరిగిన ప్రదేశం నుంచి ఫీల్డ్ లేదా టెక్నికల్ అసిస్టెంట్లు సమావేశపు ఫొటోలను మొబైల్ ద్వారా అప్‌లోడ్ చేయాలి.
 
  ఆ మూడు జిల్లాల్లో ఉపాధి మెరుగు
  ఉపాధి హామీ పథకం పనులను కల్పించడం లో రంగారెడ్డి, ఖమ్మం, నిజామాబాద్ జిల్లా లు ముందున్నాయని పంచాయతీరాజ్ స్పెషల్ సీఎస్ ఎస్పీసింగ్ ప్రశంసించారు. నల్లగొండ, వరంగల్, మెదక్ జిల్లాల్లో అధికారులు   పనితీరును మరింత మెరుగుపర్చుకోవాలని సూచించారు. ఉపాధిహామీ పథకం అమలుపై వివిధ జిల్లాల డ్వామా పీడీలతో మంగళవారం వీడియోకాన్ఫరెన్స్ ద్వారా ఆయన సమీక్షించారు. ఈ ఏడాది వంద శాతం లేబర్ బడ్జెట్ సాధించడానికి రోజూ 15.72 లక్షల మంది కూలీలకు ఉపాధి పనులు కల్పించాలన్నారు. కూలీల జాబ్‌కార్డులకు ఆధార్ నం బరును నెలాఖరులోగా అనుసంధానం చేయాలని అధికారులకు సూచించారు.


 ► తాడిపత్రి నియోజకవర్గంలో జనసంద్రం మధ్య సాగుతున్న రైతు భరోసా యాత్ర
 ► రెండోరోజు యాత్రలో మూడు కుటుంబాలకు వైఎస్ జగన్ భరోసా
 ► క్రిష్టిపాడులో వైఎస్సార్‌సీపీ కార్యకర్త కుటుంబానికి పరామర్శ
 ►  పెద్దవడుగూరు, యాడికి మండలాల్లో జగన్‌ను చూసేందుకు భారీగా వచ్చిన జనం
 ►  నేడు తాడిపత్రి నియోజకవర్గంలో ముగియనున్న యాత్ర.. రేపటి నుంచి కదిరి పరిధిలో.
  
 సాక్షిప్రతినిధి, అనంతపురం : వైఎస్సార్‌సీపీ అధినేత వైఎస్ జగన్‌మోహన్‌రెడ్డి చేపట్టిన ఐదో విడత రైతు భరోసా యాత్ర రెండోరోజు జనసంద్రం మధ్య దిగ్విజయంగా సాగింది. ప్రతిపల్లె జగన్నినాదంతో మార్మోగింది. అభిమాన నేత రావడంతో జనం తండోపతండాలుగా రోడ్లపైకి వచ్చారు. ఆయనతో  కరచాలనం చేసి ఆనందపరవశులయ్యారు. జన ఉప్పెన మధ్య జగన్ కాన్వాయ్ నిదానంగా ముందుకు సాగింది. అయినా పలుగ్రామాల్లో ప్రజలు గంటల తరబడి రోడ్లపై వేచి ఉండి జగన్‌ను స్వాగతించారు.
 
 
 రైతు భరోసా యాత్ర రెండో రోజు గురువారం పెద్దవడుగూరు మండలం మేడిమాకులపల్లి నుంచి మొదలైంది. ఆ గ్రామంలోని జెడ్పీటీసీ సభ్యుడు చిదంబర్‌రెడ్డి నివాసంలో బసచేసిన జగన్‌ను ఉదయం తాడిపత్రి నియోజకవర్గంలోని  ముఖ్యనేతలు, కార్యకర్తలు కలిశారు. అక్కడి నుంచి లక్షుంపల్లికి చేరుకున్నారు. మార్గమధ్యంలో పొలాల్లో వ్యవసాయపనులు చేస్తున్న మహిళా కూలీలు జగన్‌ను చూసి పరుగెత్తుకొచ్చారు. వారిని చూసిన జగన్ కాన్వాయ్‌ను ఆపారు. అందరినీ ఆప్యాయంగా పలకరించారు. లక్షుంపల్లి వీధులు జనంతో కిక్కిరిసిపోయాయి. ఈ ఊరు దాటేందుకు గంట సమయం పట్టింది. దారిలో చిన్నపిల్లలను ఆప్యాయంగా ముద్దాడారు. వృద్ధులను ‘ఏం పేరు అవ్వా.. ఏం పేరు తాతా?’ అంటూ పలకరించారు. యువకులతో కరచాలనం చేశారు. కొంతమంది చిన్నారులు, యువకులు సెల్ఫీలు తీసుకున్నారు. కాన్వాయ్ వస్తుంటే మిద్దెలపై నుంచి బంతిపూల వర్షం కురిపించారు.
 
 ఉపాధి హామీ పథకం ఫీల్డ్‌అసిస్టెంట్‌గా గతంలో పనిచేసిన నాగరాజు వీల్‌చైర్‌లో రాగా అతన్ని జగన్ పలకరించారు. తనకు ఆరోగ్యం బాగోలేదని, వైఎస్సార్‌సీపీ కార్యకర్త అని ముద్రవేసి ఫీల్డ్‌అసిస్టెంటుగా తొలగించారని నాగరాజు వాపోయాడు. ఆపై మరింత ఆరోగ్యం క్షీణించి ఇలా కుర్చీకి పరిమితమయ్యానని ఆవేదన వ్యక్తం చేశాడు. తర్వాత వైఎస్సార్‌సీపీ నాయకుడు సూర్యనారాయణరెడ్డి ఇంటికి మర్యాదపూర్వకంగా వెళ్లారు. అక్కడి నుంచి ముప్పాలగుత్తి, బుర్నాకుంట మీదుగా కదరగుట్టపల్లికి చేరుకున్నారు. దారిలో యాడికి కాలువను పరిశీలించారు. ఆ తర్వాత క్రిష్టిపాడుకు చేరుకోగా.. డప్పులు, బ్యాండ్‌వాయిద్యాలతో గ్రామస్తులు ఘనస్వాగతం పలికారు. ఈ ఊరు దాటేందుకు రెండు గంటల సమయం పట్టిందంటే ఏస్థాయిలో జనం తరలివచ్చారో ఇట్టే తెలుస్తోంది. ఈ గ్రామంలో ఆత్మహత్య చేసుకున్న చేనేత కార్మికుడు నాగరాజు కుటుంబానికి భరోసా ఇచ్చారు. తర్వాత ఇదే గ్రామంలో గుండెపోటుతో మృతి చెందిన అన్నెం శ్రీరాములు అనే వైఎస్సార్‌సీపీ కార్యకర్త కుటుంబాన్ని పరామర్శించారు.
 
 ఇక్కడి నుంచి నేరుగా యాడికి మండలం రాయలచెరువు చేరుకున్నారు. మహిళలు దిష్టితీసి తిలకం దిద్ది హారతి పట్టారు. గ్రామస్తులంతా రోడ్డుపైకి రావడంలో హైవే కిక్కిరిసింది. అక్కడి నుంచి కూర్మాజీపేటకు చేరుకోగా.. గ్రామస్తులు అపూర్వ స్వాగతం పలికారు. ఆపై రామరాజుపల్లికి చేరుకున్నారు. తర్వాత గ్రామస్తుల కోరిక మేరకు భోగాలకట్టకు వెళ్లి..అక్కడి నుంచి నగరూరుకు చేరుకున్నారు. ఆత్మహత్య చేసుకున్న రైతులు దాసరి కోదండరాముడు, రామసుబ్బారెడ్డి కుటుంబాలను పరామర్శించారు. అటు నుంచి నేరుగా యాడికి చేరుకున్నారు. రామిరెడ్డి ఇంట్లో  బస చేశారు. రెండోరోజు యాత్రలో ఉరవకొండ ఎమ్మెల్యే వై.విశ్వేశ్వరరెడ్డి, వైఎస్సార్‌సీపీ రాష్ట్ర ప్రధాన కార్యదర్శి అనంత వెంకట్రామిరెడ్డి, పార్టీ ప్రోగ్రాం కోఆర్డినేటర్ తలశిల రఘురాం, జిల్లా అధ్యక్షుడు శంకరనారాయణ, మాజీ ఎమ్మెల్యేలు బి.గురునాథరెడ్డి, కాపు రామచంద్రారెడ్డి, కేతిరెడ్డి వెంకట్రామిరెడ్డి, నియోజకవర్గ సమన్వయకర్తలు తోపుదుర్తి ప్రకాశ్‌రెడ్డి,  వై.వెంకట్రామిరెడ్డి, వీఆర్ రామిరెడ్డి, అదనపు సమన్వయకర్త రమేశ్‌రెడ్డి, శింగనమల నియోజకవర్గ నేత ఆలూరి సాంబశివారెడ్డి, నాయకులు కేతిరెడ్డి పెద్దారెడ్డి, చవ్వారాజశేఖరరెడ్డి, మీసాల రంగన్న, కోటి సూర్యప్రకాశ్‌బాబు, ఆలమూరు శ్రీనివాసరెడ్డి, ఎల్‌ఎం మోహన్‌రెడ్డి, గువ్వల శ్రీకాంత్‌రెడ్డి, మహానందరెడ్డి, ట్రేడ్‌యూనియన్, ఎస్సీ సెల్ జిల్లా అధ్యక్షులు ఆదినారాయణరెడ్డి, పెన్నోబులేసు తదితరులు పాల్గొన్నారు.
  
  
  నేటి యాత్ర ఇలా..
 మూడోరోజు రైతు భరోసా యాత్ర వివరాలను ప్రోగ్రాం కోఆర్డినేటర్ తలశిల రఘురాం, జిల్లా అధ్యక్షుడు శంకరనారాయణ వెల్లడించారు. వైఎస్ జగన్ యాడికిలో రామిరెడ్డి నివాసం నుంచి బయలుదేరి కమ్మవారిపల్లి, పసలూరు, గార్లదిన్నె, చిన్నపప్పూరు మీదుగా రామకోటి చేరుకుంటారు. ఆ గ్రామంలో ఆత్మహత్య చేసుకున్న చేనేత కార్మికుడు నాగరాజు కుటుంబాన్ని పరామర్శిస్తారు. ఆ తర్వాత పెద్దపప్పూరు, షేక్‌పల్లి, నామనాంకంపల్లి, వరదాయపల్లి మీదుగా ముచ్చుకోటకు చేరుకుంటారు.  రైతు లీలా కృష్ణమూర్తి కుటుంబానికి భరోసానిస్తారు.


 పోస్టాఫీస్ వద్దనే నిద్రిస్తున్న ఉపాధి కూలీలు
 
  సదాశివనగర్: మండుటెండలో ఉపాధి హామీ పనులు చేసిన కూలీలు.. చేసిన పనికి కూలీ తీసుకునేందుకు పడరాని పాట్లు పడుతున్నారు. కూలీ డబ్బుల కోసం పొద్దస్తమానం ఎండలో నిలబడడమే కాకుండా రాత్రి వేళ పోస్టాఫీస్ వద్దనే నిద్రపోతున్నారు. ఈ తంతు నిజామాబాద్ జిల్లా సదాశివనగర్ మండల కేంద్రంలో జరుగుతోంది. మండలంలోని 115 గ్రూపులకు సంబంధించి ఉపాధి హామీ కూలీలకు ఇక్కడి పోస్టాఫీస్‌లోనే అందించాల్సి ఉంది.
 
 పోస్టాఫీస్‌లో ఒకటే బయోమెట్రిక్ మిషన్ ఉండడం... ఒకేసారి వందల మంది డబ్బుల కోసం వస్తుండడంతో ఇబ్బందులు ఎదురవుతున్నాయి. ఈ క్రమంలోనే పోస్టాఫీస్ సిబ్బంది రోజుకు 50 మందికి మాత్రమే డబ్బులు ఇస్తామని నిబంధన పెట్టింది. ఇదేమంటే ఇష్టమున్న చెప్పుకోమని బెదిరిస్తున్నారని కూలీలు ఆరోపిస్తున్నారు. దిక్కుతోచని స్థితిలో ఉపాధి హామీ కూలీలు తమ ఖాతా పుస్తకాలను పోస్టాఫీసు ముందు వరుసలో పెట్టి.. అక్కడే రోడ్డుపై నిద్రిస్తున్నారు.
  
  వారం సంది ఇక్కడే పడుకుంటున్నా...
  పోస్టాఫీస్ దగ్గర్నే వారం సంది పండుకుంటున్నా. ఇంకా పైసలు ఇయ్యలేదు. ఎవళ్లూ పట్టించుకుంటలేరు. నాలుగు వారాల పైసలు రావాలే. డబ్బుల కోసం గోస పడుతున్నం.
  -కువైట్ బీరయ్య, ఉపాధి కూలీ, సదాశివనగర్
  
  రోడ్డు మీదనే పడుకుంటున్నం
  నాలుగు రోజుల సంది పొద్దుందాక వరుసలో నిలబడ్డ, రాత్రి ఇక్కడే పడుకున్న పైసలు అస్తలేవు. నాలుగు వారాల పైసలు రావాలే. రోజు గిదే తిప్పలు పడుతున్నం. ఈ పోస్టాపీస్ దగ్గర గీ రోడ్డు మీదనే పడుకుంటున్నం.
  ఇట్టబోయిన చిన్న బాలయ్య, ఉపాధి కూలీ సదాశివనగర్
  
  కూలీల మీదికి కోపానికొస్తుండ్రు..
  మా పైసలు మాకు ఇయ్యమంటే ఈ పోస్టాపీస్‌లో పని చేసేటోళ్లు కూలీలను ఇష్టమొచ్చినట్లు తిడుతుండ్రు. రోజు 50 మందికే పైసలిస్తాండ్రు. మధ్యాహ్నం ఒంటి గంటకు పైసలు ఇయ్యడం చాలు జేసి 3 గంటలకు తినడానికి పోతడు.  మళ్ల అయిదు గంటలకు బందు జేస్తుండ్రు.
  -మర్రి ఆశిరెడ్డి, కూలీ, సదాశివనగర్


 వైఎస్సార్ జిల్లా రాజుపాలెం మండలం గాదెగూడూరు గ్రామంలో ఉపాధి హామీ పనుల్లో విషాదం చోటు చేసుకుంది. గ్రామానికి చెందిన కాకనూరు వెంకటలక్ష్మమ్మ (55) బుధవారం ఉదయం ఉపాధి హామీ పథకంలో భాగంగా చెరువు పూడికతీత పనులకు వెళ్లింది. మట్టి పెళ్లలు విరిగి ఆమెపై పడిపోవడంతో తీవ్రంగా గాయపడి మృతి చెందింది.
 
  


 ఎన్‌ఆర్‌ఈజీఎస్ కార్యక్రమాలపై సమీక్షలో మంత్రి జూపల్లి
  
  సాక్షి, హైదరాబాద్: ఉపాధిహామీ కార్యక్రమాల అమలులో గ్లోబల్ పొజిషనింగ్ సిస్టమ్ (జీపీఎస్) టెక్నాలజీని వినియోగించాలని పంచాయతీరాజ్, గ్రామీణాభివృద్ధి శాఖ మంత్రి జూపల్లి కృష్ణారావు అధికారులను ఆదేశించారు. ఆదివారం రాజేంద్రనగర్‌లోని టీసీపార్డ్‌లో ఎన్‌ఆర్‌ఈజీఎస్ కార్యక్రమాలపై గ్రామీణాభివృద్ధి విభాగం ఉన్నతాధికారులతో ఆయన సమీక్షించారు. వివిధ జిల్లాల్లో ఉపాధి నిధులతో చేపడుతున్న నిర్మాణ పనుల ఫొటోలను నగరం నుంచే పర్యవేక్షించడం ద్వారా, పనుల పరిశీల నతో పాటు పారదర్శకతకూ దోహదపడుతుందన్నారు. పలు అంశాలపై అవగాహన కలిగిన వ్యక్తులను కన్సల్టెంట్‌లుగా పెట్టుకోవాలని సూచిం చారు. పనుల్లో వేగం పెంచేందుకు సరైన గౌరవవేతనమిచ్చి వారి సేవలను వినియోగించుకోవాలన్నారు. అంచనాలు, డిజైన్ల రూపకల్పనకు ప్రత్యేక బృందాన్ని ఏర్పాటు చేయాలని సూచించారు.
 
  జూన్ 2కల్లా గ్రామాలన్నీ పరిశుభ్రంగా..
  రాష్ట్ర అవతరణ దినోత్సవాన్ని పురస్కరించుకొని అన్ని గ్రామాల్లోనూ ఈ నెల 27, 28 తేదీల్లో ప్రత్యేకంగా పారిశుధ్య కార్యక్రమాలను చేపట్టాలని, జూన్ 2కల్లా గ్రామాలన్నీ పరిశుభ్రంగా తీర్చిదిద్దేందుకు చర్యలు చేపట్టాలని పంచాయతీరాజ్ శాఖ డెరైక్టర్‌ను మంత్రి  జూపల్లి ఆదేశించారు. తెలంగాణ పల్లె ప్రగతి కార్యక్రమం అమలులో భాగంగా రైతులకు లాభసాటి వ్యవసాయ, పాడి పరిశ్రమ పద్ధతులను తెలపాలన్నారు. అమూల్ పాల విక్రయ సంస్థ రూపొందించిన బిజినెస్ మోడల్‌ను పరిశీలించాలని సూచించారు. జూన్ 24 నుంచి అదిలాబాద్, నిజామాబాద్, వరంగల్, కరీంనగర్, నల్లగొండ, ఖమ్మం జిల్లాల్లో గ్రామీణాభివృద్ధి కార్యక్రమాలను, పంచాయతీరాజ్ శాఖ చేపట్టిన పనుల్ని స్వయంగా పరిశీలించేందుకు వెళుతున్నట్లు మంత్రి జూపల్లి తెలిపారు. సమీక్షలో పీఆర్ శాఖ డెరైక్టర్ అనితా రామ్‌చంద్రన్, పలువురు పంచాయతీరాజ్, గ్రామీణాభివృద్ధి శాఖల అధికారులు పాల్గొన్నారు.


 మోమిన్‌పేట: జాబ్ కార్డు కలిగిన ప్రతి కూలీకి పని కావాలని కోరే హక్కు ఉందని తెలంగాణ రాష్ట్ర గ్రామీణాభివృద్ధి శాఖ మంత్రి జూపల్లి కృష్ణారావు అన్నారు. గురువారం రంగారెడ్డి జిల్లా మోమిన్‌పేట మండలం చీమల్‌దరి, కేసారం గ్రామాలలో ఉపాధి హామీ పథకంలో భాగంగా చేపడుతున్న పనులను గురువారం మంత్రి పరిశీలించారు. కూలీలను సమస్యలు అడిగి తెలుసుకున్నారు. ఉపాధి హామీ రాష్ట్ర కార్యాలయంలో 40 లక్షల మంది కూలీల ఫోన్ నంబర్లు ఉన్నాయని, వారందరికీ సీజన్ ప్రకారం కూలీ రెట్ల వివరాలను మెసేజ్ చేస్తామని తెలిపారు. కార్యక్రమంలో రవాణా శాఖ మంత్రి పట్నం మహేందర్‌రెడ్డి, చేవెళ్ల ఎంపీ విశ్వేశ్వర్‌రెడ్డి, ఎమ్మెల్యేలు సంజీవరావు, యాదయ్యపాల్గొన్నారు.
  


 ► ముందుకు రాని నిర్వాహకులు
 ► ఎండలో అవస్థలు పడుతున్న వేతనదారులు
 ►  పట్టించుకోని అధికారులు
 
 ఉపాధి హామీ పథకం వేతనదారులు మండుటెండలో మాడిపోతున్నారు. ఎండనుంచి ఉపశమనం కోసం ప్రవేశపెట్టిన మజ్జిగ పథకం వీరి దరి చేరలేదు. పనుల్లో ఉన్న వారందరికీ మజ్జిగను సరఫరా చేస్తామని ప్రభుత్వం ప్రకటించినప్పటికీ..ఇది కొద్దిమందికే పరిమితమైంది. ప్రధానంగా మజ్జిగను సరఫరా చేసేందుకు నిర్వాహకులు ముందుకు రావడం లేదు. అధికారులు కూడా పట్టించుకోవడం లేదనే విమర్శలు వస్తున్నాయి.
  
 శ్రీకాకుళం: ఉపాధి పనులు చేస్తున్న వేతనదారులకు మజ్జిగను సరఫరా చేయాలనే ప్రభుత్వ లక్ష్యం రాష్ట్రంలో తీరేటట్టులేదు. రాష్ట్రంలో లక్షలాది మంది పనులకు వెళ్తున్నప్పటికీ కొద్దిచోట్ల మాత్రమే ఇది అమలవుతోంది. ఒక్కో వేతనదారుకి పని సమయంలో  గ్లాసు మజ్జిగ అందజేయాలన్నది ప్రభుత్వం ఉద్దేశమైనప్పటికీ.. అనేక కారణాలతో ఇది ముందుకు సాగడం లేదు. గ్లాసు మజ్జిగను మూడు రూపాయలకు వేతనదారుకి అందజేయాలి. ఈ డబ్బులను ప్రభుత్వమే చెల్లిస్తోంది.
 
 గ్లాసుడు మజ్జిగ కచ్చితంగా 100 మిల్లీలీటర్లు ఉండాలి. తయారీకి కావాల్సిన పాలు సేకరించి, వాటిని తోడుపెట్టి, నీళ్లు, మిరపాకాయలు, అల్లం, కరివేపాకు వంటివి కలిపిన మజ్జిగను రోజూ  ఉదయాన్నే ఉపాధి పనుల వద్దకు బాధ్యులు చేరవేయాలి. ఈ బాధ్యతలను ప్రభుత్వం మహిళా స్వయం సంఘాలకు అప్పజెప్పారు. ఈ విధానం చేయడంలో ఇబ్బందులు ఉండడం, మూడు రూపాయల ధర గిట్టుబాటు ఉండదని భావించిన సంఘ సభ్యులు మజ్జిగ తయారీకి ముందుకు రావడం లేదు. ఫలితంగా ఉపాధి వేతనదారులకు మజ్జిగ ముచ్చటే తీరని పరిస్థితి నెలకొంది.
  
 142 గ్రామాలకే పరిమితం
 శ్రీకాకుళం జిల్లాలో 1101 గ్రామ పంచాయతీలు ఉండగా.. సుమారు 5.62 లక్షల మంది వేతనదారులు ఉన్నారు. ప్రస్తుతం 953 పంచాయతీల్లో సుమారు 2.24 లక్షల మంది ‘ఉపాధి’ పనులు పనిచేస్తున్నారు. తీవ్రమైన ఎండలో పనులు చేస్తున్న వీరికి మజ్జిగ సరఫరా కావడం లేదు. కేవలం 142 పంచాయతీలకు మాత్రమే పరిమితమైంది. మిగిలిన 811 పంచాయతీల్లో అమలు కానప్పటికీ అధికారులు పట్టించుకోవడం లేదనే విమర్శలు వేతనదారుల నుంచి వస్తున్నారు.
  
 ఎప్పుడిస్తారో..
 మజ్జిగన్నారు. రోజులు గడుస్తున్నా ఇప్పటికీ ఇవ్వడం లేదు. కనీసం ఉపాధి పని ప్రాంతంలో మంచినీరు దొరకడం లేదు. ఇంటి నుంచే సీసాలతో నీరు తెచ్చుకుంటున్నాం. ఇటువంటి పరిస్థితిల్లో కాకుండా తరువాత ఇచ్చినా ప్రయోజనం ఉండదు. ఎప్పుడు  మజ్జిక పథకం ప్రారంభిస్తారో తెలీదు. - గంగు ఎర్రమ్మ, వేతనదారు, గూడేం
 
 నీళ్లు సైతం అందుబాటులో లేవు
 ఉపాధి పని దగ్గర కనీసం నీరు కూడా అందుబాటులో ఉండడం లేదు. దాహం వేస్తే నీటి కోసం ఇబ్బంది పడుతున్నాం. విశ్రాంతి తీసుకోవడానికి నీడ కూడా ఉండడం లేదు. మజ్జిగ మాటను అధికారులు మరిచిపోయారు. - రాములమ్మ, వేతనదారు, తమ్మినాయుడుపేట, ఎచ్చెర్ల మండలం


 ► పథకం వూటున టీడీపీ అనుయాయుల అక్రమాలు
 ► కొన్ని చోట్ల యుంత్రాలతో పనులు
 ► ప్రభుత్వ, పొరంబోకు స్థలాల్లో జేసీబీలతో తవ్వకాలు
  
  
 చిన్న, సన్నకారు రైతుల మెట్ట పొలా ల్లో వర్షపు నీరు నిలబడేలా కుంటలు తవ్వి భూగర్భ జలాలను పెంచాలని ప్రభుత్వం భావించింది. ఇందుకోసం ‘పంట సంజీవని’ పథకాన్ని అమలు చేస్తోంది. ఉపాధి హామీ పథకం కింద గుంటలను తవ్వి రైతుకు లబ్ధి చేకూర్చడంతోపాటు కూలీలకు పనిదినాలను కల్పించి వలసలను నివారించాలని ఆదేశించింది. దీన్ని శ్రీకాళహస్తికి చెందిన తెలుగు తమ్ముళ్లు తమకు అనుగుణంగా మార్చుకున్నారు. ప్రభుత్వ, పొరంబోకు స్థలాల్లో జేసీబీలతో కుంటలు తవ్వి బిల్లులు చేసుకుంటున్నారు. ఈ విషయం తెలిసినా అధికార పార్టీ నాయకుల ఒత్తిళ్లతో చూసీ చూడనట్టు వ్యవహరిస్తున్నారనేఆరోపణలు వెల్లువెత్తుతున్నాయి.
  
  
  శ్రీకాళహస్తి రూరల్ :  శ్రీకాళహస్తి వుండలంలోని కోదండరావూపురంలో ఉపాధి హామీ పథకంలో పనిచేస్తున్న సీనియుర్ మేట్, జన్మభూమి కమిటీ సభ్యుడైన వురో వ్యక్తి పేరిట తవు వ్యవసాయు పొలాల్లో పంట సంజీవని కుంటలు తవ్వినట్లుగా బిల్లులు వుంజూరయ్యూరుు. వారి పొలాల్లో ఎలాంటి కుంటలు లేవు. గ్రావు పొరంబోకు స్థలంలో 5 మీటర్ల పొడవు, 5 మీటర్ల వెడల్పు, రెండు మీటర్ల లోతు కొతలతో రెండు కుంటలు తవ్వారు. ఈ పనులకు రూ.64,876 బిల్లులు తీసుకున్నారు. అదే గ్రావూనికి చెందిన వురో రైతు తన పొలంలో ఇదే కొలతలతో పంట సంజీవని కుంటను తవ్వాడు. రూ.32,438 బిల్లు వుంజూరు కాగానే తర్వాత పొలంలోని కుంట పూడ్చేశాడు. వీటిని స్థానికులు గుర్తించడంతో బయటకు వచ్చాయి.
 
 ఈ అక్రమాలకు కొలతలు తీసుకునే దగ్గర నుంచి గుంత పూర్తయ్యే వరకు టెక్నికల్ అసిస్టెంట్, ఈసీ తదితర ఉపాధి అధికారులు సహకరించారని స్థానికులు ఆరోపిస్తున్నారు. వుండలంలోనే కాకుండా నియోజకవర్గంలో ఈ తరహా అక్రవూలు చాలా చోట్ల జరుగుతున్నాయునే ఆరోపణలు వెల్లువెత్తుతున్నాయి. జిల్లా డ్వావూ అధికారులు విచారణ చేపడితే వురెన్ని అక్రవూలు వెలుగుచూసే అవకాశం ఉంది.
 
 
  నెరవేరని లక్ష్యం...
  శ్రీకాళహస్తి నియోజకవర్గంలో శ్రీకాళహస్తి మండలంలో 46 పంచాయుతీలు, తొట్టంబేడులో 27, ఏర్పేడులో 40, రేణిగుంటలో 19 పంచాయుతీలు ఉన్నారుు. పంట సంజీవని కుంటలు పంచాయుతీకి 100 చొప్పున నియోజకవర్గంలో 13,200 తవ్వాలని ప్రభుత్వం నిర్ధేశించింది. తద్వారా వర్షాలు పడినప్పుడు నీరు అందులో చేరి భూగర్భ జలాలు పెరుగుతాయనేది ప్రభుత్వ లక్ష్యం. ఇప్పటి వరకు అధికార గణాంకాల ప్రకారం పరిశీలిస్తే శ్రీకాళహస్తి వుండలంలో 380 గుంతలు, తొట్టంబేడులో 362, ఏర్పేడులో 371, రేణిగుంటలో 183 గుంతలు వూత్రమే తవ్వారు. అధికారుల పర్యవేక్షణ కొరవడడంతో కొన్ని చోట్ల అధికారపార్టీ నాయుకులు జేసీబీలు పెట్టి కుంటలు తవ్వారు. తర్వాత తవుకు అనుకూలమైన ఉపాధి కూలీలు పేర్లతో వుస్టర్లు రూపొందించుకుని బిల్లులు స్వాహా చేశారనే ఆరోపణలు వెల్లువెత్తుతున్నాయి. పంట సంజీవని కుంటలపై సావూజిక తనిఖీ అధికారులు క్షుణ్ణంగా తనిఖీలు చేస్తే అవకతవకలు బయుటపడతాయుని ప్రజలు అంటున్నారు.
  
  
  పంట సంజీవని కుంట తవ్వినా  బిల్లు రాలేదు
  పథకం కింద వూ పొలంలో కుంటను తవ్వావుు. రెండు నెలలు గడుస్తున్నా బిల్లులు వుంజూరు కాలేదు. కొందరు టీడీపీ నాయకులు పొరంబోకు స్థలంలో తవ్విన కుంటలకు అధికారులు బిల్లులు చెల్లించారు. వాటికి ఏ ప్రాతిపదికో అర్థం కావడం లేదు. - మునిరత్నంరెడ్డి, కోదండరావూపురం
 
  అనువుతులతోనే తవ్వుకోవాలి
  పంట సంజీవని కుంటలను పంచాయుతీ ఆమోదంతో రైతుల పొలాల్లోనే కాకుండా ప్రభుత్వ స్థలాల్లో కూడా తవ్వుకునే వెసులుబాటు కల్పించాం. దీనికి పంచాయుతీ తీర్మానం తప్పనిసరి. ఎవరైనా పథకం కింద కుంటలను తవ్వుకుని పూడ్చివేస్తే కఠిన చర్యలు తీసుకుంటాం.
  - వేణుగోపాల్‌రెడ్డి, డ్వావూ పీడీ, చిత్తూరు
  


 ♦ కేంద్రానికి లేఖ రాయాలని
 ♦ అధికారులకు జూపల్లి ఆదేశం
  సాక్షి, హైదరాబాద్: రాష్ట్రంలో కొత్తగా ఏర్పడిన నగర పంచాయతీల్లోనూ జాతీయ గ్రామీణ ఉపాధి హామీ చట్టం కింద ఉపాధి పనులను కల్పించాలని పంచాయతీరాజ్ మంత్రి జూపల్లి కృష్ణారావు అధికారులను ఆదేశించారు. పంచాయతీరాజ్, గ్రామీణాభివృద్ధి విభాగాలకు సం బంధించిన కార్యక్రమాలపై శనివారం ఆయన సమీక్షించారు. గత నెలలో ప్రభుత్వం ఏర్పాటు చేసిన 11 నగర పంచాయతీల్లో ఉపాధి హామీ పనులను నిలిపివేయడంతో కూలీలు ఇబ్బందు లు పడుతున్నారని జూపల్లి చెప్పారు.
 రాష్ట్రంలో తీవ్ర కరువు పరిస్థితులున్న కారణంగా ఈ ఆర్థిక సంవత్సరంలోనూ ఈ పథకం కింద 50 అదనపు పనిదినాలను కల్పించాలని అధికారులకు సూచించారు. ఈ అంశాలను ఇటీవల నగరానికి వచ్చిన కేంద్ర గ్రామీణాభివృద్ధి మంత్రి దృష్టికి తీసుకురాగా ఆయన సానుకూలంగా స్పందించారని చెప్పారు. దీనికి అధికారికంగా అనుమతి కోసం కేంద్రానికి వెంటనే లేఖ రాయాలని అధికారులను జూపల్లి ఆదేశించారు.
  లక్ష్యాలను చేరకుంటే  ఇంటికే... 
 కూలీలకు ఉపాధి పనులు కల్పించడంలో ఫీల్డ్ అసిస్టెంట్లకు లక్ష్యాలను నిర్దేశించాలని, ప్రతి గ్రామంలోనూ 200 శాతం పనులను సిద్ధంగా ఉంచాలని జూపల్లి సూచించారు. ప్రతి గ్రామంలోనూ జాబ్‌కార్డులు కలిగిన వారిలో కనీసం 50 శాతం మందికి పనులు కల్పించడాన్ని టార్గెట్‌గా నిర్దేశించాలని, లక్ష్యాలను చేరడంలో నిర్లక్ష్యం వహించిన సిబ్బందిపై కఠిన చర్యలు తీసుకోవాలని ఆదేశించారు. పంచాయతీరాజ్ శాఖ స్పెషల్ సీఎస్ ఎస్పీసింగ్, డెరైక్టర్ అనితా రాంచంద్రన్, ఈఎన్‌సీ సత్యనారాయణరెడ్డి, డిప్యూ టీ కలెక్టర్ పూర్ణచంద్రరావు పాల్గొన్నారు.
  వేతనాలు వెంటనే చెల్లిస్తాం...
 స్థానిక సంస్థల ప్రజాప్రతినిధులకు అర్నెల్ల వేతన బకాయిలను వెంటనే చెల్లించే ఏర్పాటు చేస్తానని శనివారం తనను కలసిన ఎంపీటీసీల ఫోరం ప్రతినిధులకు జూపల్లి హామీ ఇచ్చారు. మంత్రిని కలసిన వారిలో తెలంగాణ ఎంపీటీసీల ఫోరం రాష్ట్ర అధ్యక్షుడు బోళ్ల కరుణాకర్, ప్రధాన కార్యదర్శి మనోహర్‌రెడ్డి, కరీంనగర్, రంగారెడ్డి జిల్లాల అధ్యక్షులు తులా బాలయ్య, సునీత సంజీవ్‌రెడ్డి తదితరులు ఉన్నారు.


 తూర్పు గోదావరి జిల్లా జగ్గం పేట మండలం జే.కొత్తూరు గ్రామంలో ఉపాధి హామీ కూలీ శుక్రవారం పాము కాటు తో మృతి చెందింది. జాతీయ గ్రామీణ ఉపాధి హామీ పథకం కింద గ్రామంలోని చెరువులో పూడికతీత పనులు జరుగుతున్నాయి. గ్రామానికి చెందిన సరిపల్లి పాపాయమ్మ(50) కూలి పనులకు వెళ్లగా నాగు పాము కాటేసింది. దీంతో ఆమె నిమిషాల వ్యవధిలోనే మృతి చెందింది. సమాచారం తెలుసుకున్న గ్రామీణ ఉపాధి హామీ పథకం ప్రాజెక్టు డైరెక్టర్ సంఘటనా స్థలానికి చేరుకున్నారు. పాపాయమ్మ కుటుంబాన్ని ఆదుకుంటామని హామీ ఇచ్చారు.
 
  


 ♦ మహబూబ్‌నగర్, రంగారెడ్డి జిల్లాల్లో నిధుల దుర్వినియోగం
 ♦ సామాజిక తనిఖీ(సోషల్ ఆడిట్)లో వెల్లడైన అవినీతి అక్రమాలు
  
  సాక్షి, హైదరాబాద్: ఉపాధి హామీ పథకం నిధులు అక్రమార్కులకు పలహారంగా మారాయి. మహబూబ్‌నగర్ జిల్లాలోనే పెద్ద ఎత్తున అక్రమాలు చోటు చేసుకున్నాయి. పంచాయతీరాజ్ కన్వెర్జెన్స్ పనుల కింద రాష్ట్రవ్యాప్తంగా గతేడాది గ్రామ పంచాయతీల్లో సిమెంట్ రోడ్లు, మురుగు కాల్వలు నిర్మించారు. ఆయా పనులకు కేటాయించిన ఉపాధి హామీ పథకం నిధుల వినియోగంపై ఇటీవల రెండు జిల్లాల్లో సామాజిక తనిఖీ నిర్వహించగా, భారీగా అక్రమాలు జరిగాయని వెల్లడైంది. సుమారు రూ.1.80 కోట్లు దుర్వినియోగం కాగా, మరో రూ.5.82 కోట్ల పనులకు లెక ్కలు చె ప్పేందుకు స్థానిక అధికారులు ముందుకు రాలేదు.
 
  మహబూబ్‌నగర్ జిల్లాలోనే అధికం
  మహబూబ్‌నగర్, రంగారెడ్డి జిల్లాల్లో జరిగిన 344 కన్వర్జెన్స్ పనులపై సామాజిక తనిఖీ నిర్వహించాల్సిందిగా పంచాయతీరాజ్ డెరైక్టర్ సోషల్ ఆడిట్ బృందాలకు సూచించారు. ఆయా పనుల్లో రూ.5.82 కోట్ల విలువైన 69 పనులకు రికార్డులను అప్పగించేందుకు ఆయా జిల్లాల్లోని పంచాయతీరాజ్ ఇంజనీరింగ్ విభాగం అధికారులు ససేమిరా అన్నారు. 247 పనులకుగాను రూ.17.95 కోట్లు ఖర్చు చేసినట్లు అధికారుల లెక్కలు చూపగా, వాటిలో రూ.1.80 కోట్లు వివిధ రకాలు దుర్వినియోగమైనట్లు సోషల్ ఆడిట్ బృందం తేల్చింది.
 
 అత్యధికంగా మహబూబ్‌నగర్ జిల్లాలో జరిగిన 189 పనులకు రూ.13.11 కోట్లు ఖర్చు చేయగా, సుమారు 1.60 కోట్లు దుర్వినియోగమయ్యాయి. రంగారెడ్డి జిల్లాలో జరిగిన 58 పనుల రికార్డులను పరిశీలించిన సామాజిక తనిఖీ అధికారులు రూ.20 లక్షలు అక్రమార్కులపరమైనట్లు తేల్చారు. యంత్రాలను వినియోగించడం, కూలీలకు చెల్లించిన నిధులు, వాస్తవంగా ఇచ్చిన మొత్తాలకు తేడాలు కనబడడం, కొలతల్లో వ్యత్యాసం తదితర అక్రమాలు చోటు చేసుకున్నాయని సోషల్ ఆడిట్ బృందం తేల్చింది.


 హైదరాబాద్: కరువు సహాయక చర్యలకు అధికారులు ప్రాధాన్యం ఇవ్వాలని తెలంగాణ ముఖ్యమంత్రి కేసీఆర్ సూచించారు. శుక్రవారం ఎంసీహెచ్ఆర్డీలో కలెక్టర్లతో కేసీఆర్ సమావేశమయ్యారు. ప్రత్యేకించి మధ్యాహ్నం వేళల్లో ఉపాధి హామీ పనులు చేయించొద్దని చెప్పారు. గ్రామాల్లో పశుగ్రాసం కొరత లేకుండా చూడాలన్నారు. ఖరీఫ్ కు ఇప్పటినుంచే అధికారులు సిద్ధం కావాలని కేసీఆర్ సూచించారు. పత్తి పంటకు భవిష్యత్ లేదని, ప్రత్యామ్నాయం చూడాలన్నారు.
 
 పత్తికి బదులు సోయాబీన్, మొక్కజొన్న పంటలు సాగుచేయాలని ఆయన సూచించారు. త్వరలో మూడో విడత రైతు రుణమాఫీ చేస్తామని కేసీఆర్ స్పష్టం చేశారు. ఇదిలా ఉండగా, ఈ ఏడాది 106 శాతం వర్షాలు కురుస్తాయని వాతావరణ శాఖ డైరెక్టర్ వైకే రెడ్డి చెప్పారు.


 ♦ రాష్ట్ర ప్రభుత్వానికి కోదండరాం డిమాండ్
 ♦ రైతులను ఆదుకునే చర్యలు చేపట్టాలి
  
  సాక్షి, హైదరాబాద్: రాష్ట్రవ్యాప్తంగా నెలకొన్న కరువు పరిస్థితులపై ప్రభుత్వం తక్షణమే స్పందించాలని తెలంగాణ జేఏసీ చైర్మన్ కోదండరాం డిమాండ్ చేశారు. కరువు పరిస్థితులపై చర్చించేందుకు త్వరలో అన్ని పార్టీలతో రౌండ్‌టేబుల్ సమావేశం నిర్వహిస్తామని చెప్పారు. రాష్ట్రంలో కరువు పరిస్థితులపై టీ జేఏసీ రూపొందించిన నివేదికను శనివారం హైదరాబాద్‌లోని టీజేఏసీ కార్యాలయంలో కోదండరాం విడుదల చేశారు. త్వరలో తమ నివేదికను రాష్ట్ర ప్రభుత్వ ప్రధాన కార్యదర్శికి అందజేస్తామన్నారు. ఇటీవల టీజేఏసీ, తెలంగాణ విద్యా వేదిక బృందాలు రంగారెడ్డి, నల్లగొండ, కరీంనగర్, ఆదిలాబాద్ జిల్లాల్లో పర్యటించి రాష్ట్రంలో కరువు పరిస్థితులపై సమాచారాన్ని సేకరించాయని తెలిపారు. 50, 60 ఏళ్లలో ఇలాంటి కరువును ప్రజలు ఎదుర్కోలేదని వెల్లడైందన్నారు.   
 
  ఒక్కో జిల్లాలో ఒక్కోలా...
  రాష్ట్రంలోని ఒక్కో జిల్లాలో ఒక్కో విధమైన కరువు పరిస్థితి ఉందని తమ పరిశీలనలో వెల్లడైందని కోదండరాం చెప్పారు. వాస్తవ పరిస్థితుల ఆధారంగా మండలాలను కరువు పీడిత ప్రాంతాలుగా ప్రకటించి ‘డ్రాట్ మాన్యువల్’కు అనుగుణంగా కరువు నివారణ చర్యలు చేపట్టాలన్నారు. గ్రామం యూనిట్ గా వర్షపాతం వివరాలు నమోదు చేయాలని, వర్షాభావంతో పంట నష్టపోయిన రైతులకు ఎకరాకు రూ.10వేల చొప్పున పరిహారం చెల్లించాలని కోరారు. సహకార,వాణిజ్య బ్యాంకుల పంట రుణాలను రీషెడ్యూల్ చేయాలని, గ్రామీణాభివృద్ధి శాఖ తరఫున ఉపాధి కల్పన పథకాలను రూపొందించి అమ లు చేయాలన్నారు.
 
 రాష్ట్రంలో ఉపాధి హామీ పథకం సక్రమంగా అమలు కావడం లేదని, ఉపాధి కూలీలకు తక్షణమే బకాయిలు చెల్లించాలన్నారు. గ్రామాల్లో పేదలకు మధ్యాహ్న భోజన పథకం అమలు చేయాలని, పశుపోషణ రైతులకు భారంగా మారినందున ఉచితంగా గ్రాసం సరఫరా చేయాలని డిమాండ్ చేశారు. విత్తనాలు, ఎరువుల కొనుగోలుకు రైతులకు ఇన్‌పుట్ సబ్సిడీ ఇవ్వాలని, ఈ సబ్సిడీ చెల్లింపులో అవకతవకలు, అవినీతిపై ఆరోపణలు వస్తున్నాయని... పంటల బీమా పేరిట రైతుల నుంచి ఇన్సూరెన్స్ కంపెనీలు వసూలు చేసిన ప్రీమియం మొత్తాన్ని తిరిగి చెల్లించాలని చెప్పారు. మద్యం కంపెనీలకు నీటి సరఫరాను నిలిపివేయాలని, నిజాం షుగర్ ఫ్యాక్టరీని తెరిచి రైతులను ఆదుకోవాలన్నారు. జూన్ 2ను తెలంగాణ ఉద్యమకారుల ఆత్మగౌరవ దినోత్సవంగా ప్రకటిస్తామన్నారు. టీజేఏసీ కో ఆర్డినేటర్ పిట్టల రవీందర్, విద్యుత్ జేఏసీ నాయకులు రఘు పాల్గొన్నారు.


 ♦ ఏడాదిన్నరగా పైసా విదల్చని సర్కారు
 ♦ ఫలితంగా 293 ప్రాజెక్టుల్లో అటకెక్కిన 88,159 పనులు
 ♦ ఇతర ప్రాజెక్టుల్లోకి ఉద్యోగుల డిప్యూటేషన్
 ♦ ఇప్పటికే 350 మంది ఉపాధిహామీ పథకంలోకి బదిలీ!
  
  సాక్షి, రంగారెడ్డిజిల్లా ప్రతినిధి: ప్రభుత్వం వాటర్‌షెడ్ పథకానికి స్వస్తి పలికింది. ఈ మేరకు అంతర్గత సంకేతాలిచ్చిన సర్కారు.. ఆ ప్రాజెక్టు కింద సేవలందిస్తున్న ఉద్యోగులను ఇతర విభాగాల్లోకి బదలాయిస్తోంది. ‘ప్రతి నీటి చుక్కను ఒడిసిపడుదాం.. భూగర్భజలాల వృద్ధితో సాగు విస్తీర్ణాన్ని పెంపొందిద్దాం’ అనే నినాదంతో తలపెట్టిన సమగ్ర వాటర్‌షెడ్ నిర్వహణ కార్యక్రమం(ఐడబ్ల్యూఎంపీ) భవిష్యత్తు సంకటంలో పడింది. ఏడాదిన్నరగా ప్రభుత్వం నిధులు విదల్చకపోవడంతో పనులు అటకెక్కాయి. రాష్ట్రవ్యాప్తంగా ఇప్పటికే మూడోవంతు ఉద్యోగులను డిప్యూటేషన్ పద్ధతిపై ఉపాధి హామీ పథకానికి అనుసంధానం చేశారు. తాజాగా మిగిలిన ఉద్యోగులను ప్రాధాన్యతాక్రమంలో తీసుకోవాలని జిల్లా నీటి యాజమాన్య సంస్థల ప్రాజెక్టు డెరైక్టర్లకు గ్రామీణాభివృద్ధిశాఖ కమిషనర్ మౌఖిక ఆదేశాలు జారీ చేశారు.
 
  293 ప్రాజెక్టులపై ప్రభావం!
  రాష్ట్రంలో హైదరాబాద్, నిజామాబాద్ మినహా ఎనిమిది జిల్లాల్లో సమగ్ర వాటర్ షెడ్ నిర్వహణ కార్యక్రమం కింద 293 ప్రాజెక్టులున్నాయి. వీటితోపాటు మరో 1,491 మైక్రో వాటర్‌షెడ్లు కొనసాగుతున్నాయి. ఒక్కో వాటర్ షెడ్ పరిధి లో కనిష్టంగా ఐదు గ్రామాలను క్లస్టర్‌గా పరిగణిస్తూ అక్కడ రాతి కట్టల నిర్మాణం, నీటి వృథాను అరికట్టేందుకు చెక్‌డ్యాం ల ఏర్పాటు, గులకరాళ్ల కట్టలు, ఇంకుడు గుంతల తవ్వకం, పశువుల కోసం నీటితొట్ల ఏర్పాటు వంటి పనులు చేపడుతున్నారు. 2015-16 సంవత్సరానికి సంబంధించి 293 వాటర్‌షెడ్ల పరిధిలో 1,586 గ్రామాల్లో 88,159 పనులను నిర్దేశించారు.
 
 ఇందుకుగాను రూ.430.06 కోట్లు అవసరమని ప్రణాళిక తయారు చేశారు. గడచిన ఆర్థిక సంవత్సరంలో ఈ పథకం కింద రాష్ట్ర ప్రభుత్వం పైసా కూడా విదల్చలేదు. దీంతో పనులు ఎక్కడికక్కడ నిలిచిపోయాయి. వాటర్‌షెడ్ కార్యక్రమాలు నిలిచిపోవడంతో అటు సిబ్బందికిసైతం పని లేకుండా పోయింది. ఆర్థిక సంవత్సరం ముగియడం.. కొత్తగా 2016-17 వార్షిక సంవత్సరం ప్రారంభం కావడం.. కరువు నేపథ్యంలో ఉపాధిహామీ పనులు ఊపందుకున్న తరుణంలో సిబ్బంది కొరతను అధిగమించేందుకు గ్రామీణాభివృద్ధి శాఖ ఉద్యోగుల బదలాయింపునకు ఉపక్రమించింది. ఇందు లో భాగంగా వాటర్‌షెడ్ కింద పనిచేస్తున్న ఉద్యోగులను అవసరమైన చోట ఉపాధి పథకంలోకి మళ్లిస్తోంది.
 
  350 మందికి డిప్యూటేషన్లు!
  రాష్ట్రంలో 293 వాటర్‌షెడ్ ప్రాజెక్టుల్లో 1,955 మంది పనిచేస్తున్నారు. వీరంతా కాంట్రాక్టు ఉద్యోగులే. వాటర్‌షెడ్ పనులకు నిధులివ్వకపోవడంతో వీరిని క్రమంగా ఉపాధిహామీ పథకం కింద పనులకు డిమాండ్ ఉన్నచోటకు డిప్యూటేషన్ పద్ధతిలో పంపిస్తున్నారు. ఇప్పటికే రాష్ట్రవ్యాప్తంగా 350 మందిని తాత్కాలిక డిప్యూటేషన్‌పై పంపినట్లు అధికారవర్గాలు తెలిపాయి. డిప్యూటేషన్లకు సంబంధించి గ్రామీణాభివృద్ధి శాఖ కమిషనర్ మౌఖిక ఆదేశాలు ఇవ్వడంతో ఈ మేరకు డ్వామా ప్రాజెక్టు డెరైక్టర్లు చర్యలు చే పట్టారు. అదేవిధంగా ఐడబ్ల్యూఎంపీ జిల్లా కార్యాలయాల్లో పనిచేస్తున్న 88 మంది అధికారులు, ఉద్యోగుల సంఖ్యను కూడా కుదిం చాల్సిందిగా ఆదేశాలిచ్చినట్లు తెలిసింది. మరో పక్షం రోజు ల్లో ఉద్యోగులు, సిబ్బందికి డిప్యూటేషన్లకు సంబంధించి లిఖితపూర్వక ఆదేశాలు జారీ చేసే అవకాశముంది.


 అధికారిక యువజన సంఘాల పనితీరుపై సమీక్ష
 
  న్యూఢిల్లీ: దేశంలోని అనేక ప్రాంతాలు కరువుతో అల్లాడుతున్న నేపథ్యంలో నీటి సంరక్షణ, నిల్వ కోసం రానున్న నెలల్లో గ్రామీణ ఉపాధి హామీ పథకం కింద భారీ చర్యలు చేపట్టనున్నట్టు ప్రధాని మోదీ ప్రకటించారు. ఈ చర్యల్లో అధికారిక యువజన సంఘాలైన ఎన్‌సీసీ, ఎన్‌ఎస్‌ఎస్, భారత్ స్కౌట్స్ అండ్ గైడ్స్, ఇండియన్ రెడ్ క్రాస్ సొసైటీలు కూడా పాలుపంచుకోవాలని పిలుపునిచ్చారు. మంగళవారం మోదీ ఢిల్లీలోఎన్‌సీసీ, ఎన్‌ఎస్‌ఎస్, స్కౌట్స్ అండ్ గైడ్స్, రెడ్‌క్రాస్ సొసైటీల పనినీరుపై సమీక్ష నిర్వహించారు. ఈ సంఘాలన్నీ సమన్వయం, పరస్పర సహకారంతో ముందుకు సాగాలని  సూచించారు.
 
 దేశంలో నెలకొన్న కరువు పరిస్థితుల నేపథ్యంలో ఎన్‌సీసీ, ఎన్‌ఎస్‌ఎస్ తదితర సంఘాలు తక్షణం రంగంలోకి దిగాలని కోరారు. యూత్ ఆర్గనైజేషన్ల ప్రతినిధులు తమ సంఘాల పనితీరు గురించి, సమాజంలో ఆయా సంఘాల  పాత్ర గురించి ప్రధాని మోదీకి వివరించారు. వారికి ప్రధాని మోదీ పలు సూచనలు, సలహాలు అందించారు. ముఖ్యంగా స్వచ్ఛత, యువతలో జాతీయ స్ఫూర్తిని పెంపొందించాలని వారికి సూచించారు. యూత్ ఆర్గనైజేషన్లు సామాజిక మీడియాలో చురుకుగా పాలుపంచుకోవడం ద్వారా యువతకు చేరువగా ఉండేందుకు కృషి చేయాలని చెప్పారు.


 పారదర్శకంగా ఉపాధి పనులు  వలసలను నివారిస్తాం
 అవినీతికి పాల్పడితే క్రిమినల్ కేసులు
 అర్హులైన వారికే పింఛన్లు
  
 గంగాధర నెల్లూరు: ఉపాధిహామీ పనుల్లో అవినీతిని అరికట్టేందుకే సామాజిక తనిఖీ చేపడుతున్నారని ఎంపీపీ ప్రగతి తెలిపారు. ఎంపీడీఓ  కార్యాలయం ఆవరణలో మం గళవారం ఎంపీపీ అధ్యక్షతన సామాజిక తనిఖీపై  బహిరంగ సమావేశం జరిగింది. ఆమె మాట్లాడుతూ మండలంలో ఉపాధి హామీ పనులు పారదర్శకంగా ఉండాలన్నారు. కూలీలకు ఎలాంటి ఇబ్బందులు లేకుండా పనులు కల్పించాలన్నారు. వలసలను నివారించడం, పేదలకు పనులు కల్పించడమే ఈ పథకం ముఖ్య ఉద్దేశమని తెలిపారు. ఎంపీడీఓ షైలా మాట్లాడుతూ ఈ ఆర్థిక సంవత్సరంలో  2000 పనులకు రూ. 3.24 కోట్లు ఖర్చు పెట్టినట్లు వివరించారు. దీనిపై సామాజిక తనిఖీ చేయడం జరిగిందన్నారు. అవకతవకలను నిరోధించడానికి కృషి చేస్తున్నామన్నారు.
 
 
 అదనపు ఏపీడీ శంకరయ్య మాట్లాడుతూ మండలంలోని పలు పంచాయతీల్లో 19 మంది మృతి చెందారని, వా రి కుటుంబానికి రావల్సిన పింఛన్లు కొందరు స్వాహా చేసిన విషయం బయటపడిందన్నారు. దీనికి సంబంధించి రూ. 71,500 రికవరీ చేయాల్సి ఉందన్నారు. అ ర్హత లేని వారికి ిపింఛన్లు ఇచ్చారని, దీనిని తొలగించాలని ఎంపీడీఓ షైలాను ఆదేశించారు. అవినీతికి పా ల్పడే వారిని సహించేది లేదన్నారు. క్రిమినల్ కేసులు నమోదు చేస్తామని హెచ్చరించారు. కార్యక్రమంలో ఎపీఓ రవికుమార్, ఏపీఎంలు లక్ష్మీప్రసాద్‌రెడ్డి, చిరంజీవి, ఏపీఓ మార్గరెట్ తదితరులు పాల్గొన్నారు.
  
  


 ‘కరువు’పై ఉన్నతాధికారులతో సమీక్షలో గవర్నర్  
 ♦ ఉపాధి నిధుల మళ్లింపుపై సీరియస్
 ♦ కరువు ప్రణాళిక రెండు నెలలు కొనసాగించాలి
 ♦ రుతుపవనాలు వచ్చేదాకా అప్రమత్తంగా ఉండాలి
 ♦ ఆగమేఘాలపై రూ.683 కోట్లు విడుదల చేసిన ప్రభుత్వం
  
  సాక్షి, హైదరాబాద్: రాష్ట్రంలో కరువు పరిస్థితులను అధిగమించేందుకు ప్రభుత్వం చేపడుతున్న చర్యలపై గవర్నర్ ఇ.ఎస్.ఎల్.నరసింహన్ అసంతృప్తి వ్యక్తం చేశారు. ‘‘చేస్తున్నట్లు చెప్పడం కాదు.. చేసి చూపించండి.. వాటి ఫలితాలు కనిపించాలి..’’ అని ఉన్నతాధికారులను ఆదేశించారు. ప్రధానంగా మహాత్మా గాంధీ జాతీయ గ్రామీణ ఉపాధి హామీ పథకానికి నిధుల విడుదలను పెండింగ్‌లో పెట్టడంపై గవర్నర్ సీరియస్ అయినట్లు తెలిసింది. అదనపు పనిదినాలు కల్పించాల్సిన సమయంలో ఉన్న నిధులను ఇతర పద్దులకెలా మళ్లిస్తారని ఆయన నిలదీసినట్లు సమాచారం. ఈ నిధులను ఇతర పద్దులకు మళ్లించడం సరైంది కాదని, వెంటనే విడుదల చేయాలని గవర్నర్ పేర్కొన్నట్లు తెలియవచ్చింది.
 
 కరువు చర్యలపై వరుసగా ఫిర్యాదులు అందుతున్న నేపథ్యంలో రాష్ట్రవ్యాప్తంగా నెలకొన్న కరువు పరిస్థితులపై గవర్నర్ మంగళవారం రాజ్‌భవన్‌లో ఉన్నతాధికారులతో సమీక్షించారు. రాష్ట్ర పంచాయతీరాజ్‌శాఖ ప్రత్యేక ప్రధాన కార్యదర్శి ఎస్‌పీ సింగ్‌తో సమావేశమై కరువు దుర్భిక్ష పరిస్థితులు, ప్రభుత్వం చేపడుతున్న చర్యలను ఆరా తీశారు. ఈ సందర్భంగా శాఖాపరంగా చేపట్టిన కరువు నివారణ చర్యలను గవర్నర్‌కు ఎస్పీ సింగ్ వివరించారు. కరువు నేపథ్యంలో కూలీలకు మరింత ఉపాధి కల్పించే నిమిత్తం రూ. 300 కోట్లతో అదనపు పనిదినాలను కల్పిస్తున్నామన్నారు.
 
 ఈ ఆర్థిక సంవత్సరంలో ఉపాది హామీ పథకం కింద కేంద్ర, రాష్ట్ర ప్రభుత్వాలు రూ. 3 వేల కోట్ల దాకా నిధులు ఇవ్వనున్నాయని, ఈ మేరకు పనులు కల్పించేందుకు ప్రణాళికలు సిద్ధం చేశామని చెప్పారు. గ్రామీణ నీటిసరఫరా విభాగం ద్వారా అన్ని గ్రామాల్లోనూ ప్రజలకు తాగునీటి వసతుల కల్పనకు రూ. 220 కోట్లు విడుదల చేశామని, స్థానికంగా నీటి లభ్యత లేని ప్రాంతాలకు ఇతర ప్రాంతాల నుంచి నీటిని ట్యాంకర్ల ద్వారా సరఫరా చేస్తున్నామని చెప్పారు. తాగునీటికి సంబంధించి ఇబ్బందులు తలెత్తకుండా అన్ని చర్యలు చేపట్టాలని జిల్లా కలెక్టర్లకు ఆదేశాలిచ్చామని, ఈ విషయమై ప్రతి వారం సమీక్షిస్తున్నామన్నారు. పశువులకూ నీటి కొరత ఏర్పడకుండా గ్రామీణాభివృద్ధి విభాగం ద్వారా నీటి తొట్లు ఏర్పాటు చేస్తున్నామన్నారు. దీనిపై స్పందించిన గవర్నర్ ప్రభుత్వం చేస్తున్నట్లు చెబుతున్నవన్నీ ఆచరణలో అమలు కావాలని, ఫలితాలు కూడా కనిపించాలని ఆదేశించారు. కరువును ఎదుర్కొనే ప్రణాళిక తాత్కాలికంగా కాకుండా, కనీసం రెండు నెలలు కొనసాగించాలని సూచించారు. కనీసం రుతుపవనాలు వచ్చేంత వరకు ప్రభుత్వం అప్రమత్తంగా ఉండాలని సూచించారు.
 
  గవర్నర్ సమీక్షతో కదలిక...
  ఉపాధి హామీ కూలీలకు వేతనాలు అందని విషయమై స్వయంగా గవర్నరే జోక్యం చేసుకోవడంతో రాష్ట్ర ప్రభుత్వం హుటాహుటిన దిద్దుబాటు చర్యలు చేపట్టింది. ఉపాధి కూలీలకు వేతన చెల్లింపులు, అదనపు పనిదినాల కల్పన నిమిత్తం రూ. 683.87 కోట్లు విడుదల చేస్తూ మంగళవారం రాత్రి గ్రామీణాభివృద్ధి శాఖ హడావిడిగా ఉత్తర్వులు జారీ చేసింది.


 చింతూరు : ముఖ్యమంత్రి చంద్రబాబు చింతూరు పర్యటన నేపథ్యంలో ఉపాధిహామీ అధికారులు టీచర్ల అవతారమెత్తారు. ఉపాధిహామీలో భాగంగా నిర్మించిన ఊటకుంటను సందర్శించిన అనంతరం సీఎం ఉపాధి కూలీలతో ఇష్టాగోష్టి నిర్వహించునున్న నేపథ్యంలో ఆయనతో ఎలా మాట్లాడాలనే దానిపై అధికారులు మంగళవారం కూలీలకు పాఠాలు నేర్పారు. ‘వేసవిలో ప్రభుత్వం ద్వారా రూ.ఏడుకు కూలీలకు ఇస్తున్న మజ్జిగ అందుతుందా, లేదా అని సీఎం అడిగితే ఇస్తున్నారని చెప్పాలి. కూలీలు పనిచేస్తున్న ప్రదేశంలోఫస్ట్‌ఎయిడ్ బాక్స్ అందుబాటులో ఉంటుందా అని సీఎం అడిగితే, ఉంటుందని చెప్పాలి.
 
 వేతనాలు సక్రమంగా ఇస్తున్నారా, పనికి తగ్గ వేతనం అందుతుందా అని అడిగితే, అవునని చెప్పాలి’ అంటూ కూలీలకు గంటపాటు శిక్షణ ఇచ్చారు. ఆయా విషయాలు ఏమాత్రం తడబడకుండా సీఎంకు చెప్పాలని, లేకుంటే అధికారులకు చెడ్డపేరు వస్తుందంటూ కూలీలను ప్రాథేయపడడం కనిపించింది.
  
 సీఎంగారు నడవలేరని..
 ముఖ్యమంత్రి ఎక్కువ దూరం నడవాల్సి వస్తుందని గురుకుల పాఠశాల గోడనే కూలగొట్టేశారు అధికారులు. ఐటీడీఏ భవనం, ట్రెజరీ కార్యాలయం ప్రారంభోత్సవాల అనంతరం సీఎం పక్కనున్న సభా ప్రాంగణానికి చేరుకోవాలి. కాగా ఈ కార్యాలయాల నుంచి బయలుదేరిన సీఎం పాఠశాల మెయిన్ గేటు మీదుగా సభా ప్రాంగణానికి చేరుకునే అవకాశం ఉన్నా, ఆయనను అంతదూరం నడపడం బాగుండదేమో అని అధికారులు అనుకున్నట్టున్నారు. దీంతో ట్రెజరీ కార్యాలయం ఎదురుగా రహదారి పక్కనే ఉన్న పాఠశాల ప్రహరీని పొక్లెయిన్‌తో కూల్చివేసి, నేరుగా సభాస్థలికి దారి ఏర్పాటు చేశారు.


 నిధుల విడుదలపై కేంద్రానికి సుప్రీం మొట్టికాయ
  
  న్యూఢిల్లీ: కరువు రాష్ట్రాల్లో ఉపాధి హామీ నిధుల విడుదల జాప్యంపై సుప్రీంకోర్టు మరోసారి కేంద్రానికి మొట్టికాయలు వేసింది. ‘నిధులను ముందుగా విడుదల చేస్తే పనులకు అవాంతరం కలగదు. ప్రభుత్వాన్ని ఎవరూ ప్రశ్నించరు. చెల్లింపుల్లో జాప్యమే అసలు సమస్య. ఇది ఎంతమాత్రం ఆమోదయోగ్యం కాదు’ అని మండిపడింది. రాష్ట్రాల్లో కరువును ప్రకటించడంలో కేంద్రం పాత్ర ఏంటని జస్టిస్ ఎంబీ లోకూర్ నేతృత్వంలోని బెంచ్ మంగళవారం కేంద్రాన్ని ప్రశ్నించింది. ఏపీ, తెలంగాణ సహా 12 రాష్ట్రాల్లో తగినంత కరువు సహాయం ప్రకటించలేదన్న పిటిషన్‌ను బెంచ్ మళ్లీ  విచారించింది. 10 కరువు రాష్ట్రాల్లోని వివరాలపై సమగ్రనివేదిక ఇవ్వాలని, ఎన్ని జిల్లాల్లో, ఎన్ని గ్రామాల్లో ఎంతమంది ప్రభావితమయ్యారో చెప్పాలని ఆదేశించింది.
 
 కరువు ప్రాంతాల ప్రకటనకు సంబంధించిన ప్రకటన వివరాలను, జాతీయ విపత్తు నిర్వహణ దళానికి, రాష్ట్ర విపత్తు స్పందన నిధికి జరిపిన బడ్జెట్ కేటాయింపుల వివరాలనూ సమర్పించాలంది. కేంద్రం తరఫున హాజరైన అదనపు సొలిసిటర్ జనరల్ (ఏఎస్‌జీ) పీఎస్ నరసింహ వాదనలు వినిపిస్తూ.. కరువు ప్రకటనపై పూర్తి అధికారాలు రాష్ట్రానికే ఉంటాయని, కేంద్రం సలహాదారు పాత్రే పోషిస్తుందన్నారు. నిధుల కేటాయింపు, పర్యవేక్షణే కేంద్రానిదన్నారు. జస్టిస్ ఎన్‌వీ రమణ స్పందిస్తూ, అయితే ఇందులో కేంద్రం ప్రమేయమేం లేదా, ఇది రాష్ట్రాలు, కోర్టుల మధ్యనే ఉంటుందా అని ప్రశ్నించారు. 
 
 కరువు మార్గదర్శకాల అమలు పర్యవేక్షణకు స్వతంత్ర కమిషనర్‌ను నియమించాలనడాన్ని ఏఎస్‌జీ వ్యతిరేకించారు. అలాంటప్పుడు ప్రతీ చట్ట అమలుకు ఒక కమిషనర్‌ను నియమించాల్సి ఉంటుందని, అవసరమైతే దీనిపై కోర్టు ఉత్తర్వులు జారీచేయొచ్చన్నారు. దీనిపై బెంచ్  మండిపడుతూ.. ‘మేం ఏవైనా ఆదేశాలిస్తే పరిధిని అతిక్రమించారంటారు. మేము ఏదైనా చెబితే అది మీకు సమస్య. రాజ్యాంగం కల్పించిన ప్రతీ హక్కును పరిరక్షించడానికి మేమున్నామని భావిస్తారు. ఉపాధి హామీ నిధులను రేపు విడుదల చేయాలని ఆదేశిస్తే.. మీరు ఆ పని చేస్తారా..’ అని అడిగింది. పిటిషనర్ స్వరాజ్ అభియాన్ తరఫున వాదనలు వినిపించిన ప్రశాంత్ భూషణ్ కోర్టు కమిషనర్‌ను నియమించాలని కోరారు. తదుపరి విచారణను ఈనెల 19కి వాయిదా వేశారు.


 వడదెబ్బకు ఉపాధి హామీ పథకం కూలీ మృతి చెందాడు. ఈ ఘటన శ్రీకాకుళం జిల్లా సొరబుజ్జిలి మండలం వీరభద్రాపురం గ్రామంలో మంగళవారం జరిగింది. గ్రామానికి చెందిన అంపోలు సీతారామ్ (52) చెరువు పూడిక తీత పనులకు వెళ్లాడు. మధ్యాహ్నం సమయంలో చెరువు గట్టుపై ఒక్కసారిగా కుప్పకూలిపోయాడు. వెంటనే ఆర్‌ఎంపీ వైద్యుడికి కబురు పెట్టగా, అతను వచ్చి సీతారామ్ మృతి చెందినట్టు ధ్రువీకరించారు.
 
  


 ప్రభుత్వానికి టీజేఏసీ డిమాండ్
  
  సాక్షి, హైదరాబాద్: రాష్ట్రంలో చేపట్టిన సాగు, తాగునీటి పథకాల సమగ్ర ప్రాజెక్టు నివేదిక (డీపీఆర్)లను వెంటనే బహిర్గతం చేయాలని తెలంగాణ ఐక్య కార్యాచరణ సమితి (టీజేఏసీ) ప్రభుత్వాన్ని డిమాండ్ చేసింది. ప్రాజెక్టుల కాస్ట్ బెనిఫిట్ అనాలిసిస్ (సీబీఏ)లతోపాటు విద్యుత్ కొనుగోళ్ల ఒప్పందాలను (పీపీఏ) ప్రజల ముందుంచాలని స్పష్టం చేసింది. మణుగూరు థర్మల్ పవర్ ప్రాజెక్టు, జెన్‌కో ప్రాజెక్టుల బ్యాక్‌డౌన్, ఛత్తీస్‌గఢ్‌తో విద్యుత్ కొనుగోలు ఒప్పందాలు, థర్మల్ పవర్‌టెక్‌తో ఒప్పందాలు, సింగరేణి ప్రాజెక్టు నిర్మాణ, ఉత్పత్తి వ్యయాల పెంపుపై ప్రభుత్వం వెంటనే శ్వేతపత్రం విడుదల చేయాలని కూడా డిమాం డ్ చేసింది.
 
 విద్యుత్ నియంత్రణ కమిషన్ (ఈఆర్‌సీ) విచారణలో ఉద్యోగులు పాల్గొన రాదంటూ విధించిన నిషేధాన్ని వెంటనే ఎత్తేయాలని, కాంట్రాక్టు, ఔట్‌సోర్సింగ్ ఉద్యోగుల మాదిరిగానే ప్రభుత్వరంగ సంస్థల్లోని ఉద్యోగులకూ వేతనాలు పెంచాలని కోరింది. ప్రభుత్వ నిర్ణయాలను వెలువరించే ఉత్తర్వులను ప్రజ లకు అందుబాటులో ఉంచాలని సూచించింది. ఆదివారం హైదరాబాద్‌లో జరిగిన తెలంగాణ జేఏసీ స్టీరింగ్ కమిటీ విస్తృత స్థాయి సమావేశంలో ప్రజా సమస్యలకు సంబంధించిన 30 అంశాలపై జేఏసీ ఏకగ్రీవ తీర్మానాలు చేసింది. తీర్మానాలు, సమావేశంలో చర్చించిన అంశాలను టీజేఏసీ చైర్మన్ ప్రొఫెసర్ కోదండరాం విలేకరులకు వివరించారు.
 
  ప్రాజెక్టులపైనే రాష్ట్ర భవిష్యత్తు
  ప్రాజెక్టుల డీపీఆర్‌లు, సీబీఏలపై నిపుణులతో సదస్సులు నిర్వహిస్తామని, సదస్సుల్లో వ్యక్తమైన అభిప్రాయాలను ప్రజల వద్దకు తీసుకెళ్తామని ప్రొఫెసర్ కోదండారం చెప్పారు. రూ. వేల కోట్ల ప్రజాధనం ఇమిడి ఉన్న ప్రాజెక్టులపైనే తెలంగాణ రాష్ట్ర భవిష్యత్తు ఆధారపడి ఉందన్నారు. రాష్ట్రంలో నెలకొన్న తీవ్ర కరువు పరిస్థితులు, సాగు, తాగునీటి ప్రాజె క్టుల్లో అవకతవకలు, ప్రజలకు భారంగా పరిణమించనున్న విద్యుత్ కొనుగోలు ఒప్పందాలు తదితర అంశాలపై ప్రజలను చైతన్యపరచాల్సిన బాధ్యతను టీజేఏసీ చేపడుతుందని, ఈ మేరకు రాష్ట్రవ్యాప్త సదస్సులు, పాదయాత్రలను జేఏసీ నిర్వహించనుందని చైర్మన్ కోదండరాం వెల్లడించారు. రాష్ట్రంలో మరిన్ని కరువు మండలాలను గుర్తించాలని, ఇప్పటికే ప్రకటించిన కరువు మండలాల్లో ప్రణాళికను అమలు చేయాలని ప్రభుత్వాన్ని డిమాండ్ చేశారు. తాగునీటి సరఫరా, పశుగ్రాసం పంపిణీతోపాటు పంట నష్టపోయిన రైతులకు పరిహారం, ఇన్‌పుట్ సబ్సిడీని అందించాలన్నారు. కరువు ప్రాంతాల్లో వేసవి సెలవుల్లోనూ మధ్యాహ్న భోజనం అమలు చేయాలని, వృద్ధులకు, చేతి వృత్తిదారులకు ఈ పథకాన్ని వర్తింపజేయాల్సిన అవసరం ఉందన్నారు.
 
  ప్రభుత్వమే ఉచితంగా విద్య, వైద్యం అందించాలి
  ప్రభుత్వరంగంలోనే విద్య, వైద్య విభాగాలను బలోపేతం చేసి ఉచితంగా ప్రజలకు అందేలా చర్యలు చేపట్టాలని కోదండరాం డిమాండ్ చేశారు. నిజాం షుగర్ ఫ్యాక్టరీ, ఐడీపీఎల్, హిందుస్తాన్ కేబుల్స్ తదితర మూతపడిన పరిశ్రమలను తెరిపించడంతోపాటు హిమాచల్‌ప్రదేశ్‌లో మాదిరిగా ప్రైవేటు కంపెనీల్లో స్థానికులకు రిజిర్వేషన్ కల్పించే అంశాన్ని ప్రభుత్వం పరిశీలించాలని ఆయన సూచించారు. రాష్ట్ర పురోభివృద్ధి కోసం తెలంగాణ జేఏసీ కొనసాగుతుందని, రాజకీయేతర శక్తిగానే ముందుకెళుతుందన్నారు. ప్రభుత్వం అనుసరిస్తున్న ప్రతి విషయంపైనా జేఏసీ తన విధానాన్ని ఇకపైనా ప్రకటిస్తుందన్నారు. అంబేడ్కర్ ఆశయాలకు అనుగుణంగా, ఆయన సూచించిన మార్గంలోనే జేఏసీ నడుస్తుందన్నారు. తెలంగాణ సాధన కోసం ప్రాణాలర్పించిన, జైళ్లు, కేసుల పాలైన, ఉద్యోగాలు కోల్పోయిన ఉద్యమకారులను ప్రభుత్వం గుర్తించాలన్నారు. సమావేశంలో టీజేఏసీ రాష్ట్ర సమన్వయ కర్త పిట్టల రవీందర్, విద్యుత్ జేఏసీ కన్వీనర్ రఘు, జేఏసీ నాయకులు ఖాజా మొహినుద్దీన్, నల్లపు ప్రహ్లాద్, వివిధ జిల్లాల టీజేఏసీ ప్రతినిధులు పాల్గొన్నారు.
  
  టీజేఏసీ తీర్మానాల్లో మరికొన్ని..
  ► ఉద్యమంలో పాల్గొన్న లాయర్ల కోసం రూ. 100 కోట్లతో ప్రభుత్వం ఏర్పాటు చేసిన సంక్షేమ నిధిని అర్హులైన వారి సంక్షేమానికి తక్షణం వాడాలి
 ► కరువు పరిస్థితులను అంచనా వేసేందుకు గ్రామాన్ని యూనిట్‌గా తీసుకొని వర్షపాతాన్ని లెక్కించాలి. ఇందుకోసం అన్ని గ్రామాల్లోనూ వర్షపాత నమోదు కేంద్రాలను ఏర్పాటు చేయాలి
 ► పంటలు నష్టపోయిన రైతులకు తక్షణ సాయంగా ఎకరానికి రూ. 10 వేల చొప్పున రైతులకు నగదు అందించాలి
 ► వ్యవసాయ అనుబంధ చేతి వృత్తిదారులు, మేకలు, గొర్రెల పెంపకందారులను ఆదుకునేందుకు చర్యలు చేపట్టాలి
 ► ఉపాధి హామీ పథకాన్ని వ్యవసాయంతో అనుసంధానించాలి
 ► ఒకేసారి రైతులకు రుణమాఫీ చేసి వెంటనే పంట రుణాలు ఇప్పించాలి
 ► వ్యవసాయ స్థిరీకరణ కోసం వ్యవసాయ అనుబంధ పరిశ్రమలు, పాడి పరిశ్రమను అభివృద్ధి చేయాలి


 పనులను క్షేత్రస్థాయిలో పరిశీలించిన కలెక్టర్
  
  కోస్గి: కూలీలకు ఉపాధి హామీ పనులను కల్పించడంలో నిర్లక్ష్యం వద్దని అధికారులు, సిబ్బందికి కలెక్టర్ టీకే శ్రీదేవి సూచించారు. ప్రభుత్వం కోట్లాది రూపాయలు వెచ్చిస్తుంటే అధికార యంత్రాంగం విధుల పట్ల నిర్లక్ష్యంగా వ్యవహరిస్తుండడంతో ఉపాధి ఫలాలు కూలీలకు అందకుండా పోతున్నాయని ఆగ్రహం వ్యక్తంచేశారు. గురువారం ఆమె గురువారం మండలంలోని నాచారం గ్రామంలో ఉపాధి పనులను క్షేత్రస్థాయిలో పరిశీలించారు. పనులకు రాకపోయినా కూలీల పేర్లను మస్టర్‌లో నమోదుచేసి హాజరువేయడంపై ఫీల్డ్ అసిస్టెంట్ అబ్దుల్‌ఖదీర్‌ను ప్రశ్నించగా.. సమాధానం చెప్పలేకపోవడంతో పనులకు రాని కూలీల పేర ఎన్ని డబ్బులు అక్రమాలు చేస్తున్నారంటూ మండిపడ్డారు. ఏపీడీ నీళ్లు నమలడంతో అప్పటికప్పుడు పీడీ దామోదర్‌రెడ్డిని నివేదిక అందించాలని కోరారు.
 
 పనిచేయడం ఇష్టం లేని అధికారులు స్వచ్ఛందంగా తప్పుకోవాలని నిర్లక్ష్యంగా వ్యవహరిస్తే కఠినచర్యలు తీసుకోవాల్సి ఉంటుందని హెచ్చరించారు. ఉపాధి పనులు జరిగే చోటకు వెళ్లి తాగేందుకు నీళ్లెక్కడున్నాయని కూలీలను అడగ్గా ఇంటినుంచి తెచ్చుకుంటున్నామని కలెక్టర్‌కు తెలిపారు. తాగునీటి సౌకర్యం, ఇతర మౌలిక వసతుల కోసం ఒక కూలీకి ప్రభుత్వం ప్రతిరోజు రూ.9 అదనంగా చెల్లిస్తుందని ఈ విషయంలో కూలీలకు అవగాహన లేకపోవడంతో అధికారులు, సిబ్బంది ఇష్టారీతిగా వ్యవహరిస్తూ వారికి నష్టం కలిగిస్తున్నారని ఆగ్రహం వ్యక్తంచేశారు. గ్రామంలో పనిచేస్తున్న గ్రూపులు, చేపట్టిన పనులు, చెల్లించిన బిల్లులు, కూలీల వివరాలతోపాటు సమగ్ర నివేదికను అందజేయాలని పీడీని ఆదేశించారు.


 -జెడ్పీ సీఈఓ కుర్మారావు
  
 
 రాయచూరు రూరల్  : 2015-16వ సంవత్సరానికి రాయచూరు జిల్లాకు రూ.150 కోట్ల క్రియా పథకానికి ఆమోదం లభించిందని, దీనికి సంబంధించి రూ.100 కోట్లు ఖర్చు అయ్యాయని జిల్లా పంచాయతీ సీఈఓ కుర్మారావు తెలిపారు. గురువారం ఆయన జిల్లా పంచాయతీ సభాంగణంలో జరిగిన ప్రగతి పరిశీలన సమావేశంలో పాల్గొని మాట్లాడారు. జిల్లాలోని 164 గ్రామ పంచాయతీల్లో అధికంగా చేపట్టిన ఉపాధి హామీ పథకంలో జరుగుతున్న అవినీతిని అరికట్టేందుకు గ్రామ పంచాయతీ అభివృద్ధి అధికారుల నుంచి పాస్ బుక్, చెక్ బుక్‌లను అందించాలని ఆదేశాలను జారీ చేశామన్నారు. పంచాయతీల్లో చేపట్టిన అనేక పనులు పూర్తి కాకుండానే బిల్లులు పెట్టి నిధు లను పొందుతున్నారని, దీనిని నివారించేందుకు ఫిబ్రవరి, మార్చి నెలల్లో చేపట్టిన ఉపాధి హామీ పథకం పనుల వివరాలను పూర్తిగా విశ్లేషించిన తరువాతే నిధులను విడుదల చేస్తామని తెలిపారు. ఈ పథకంలో ఎటువంటి షరతులు విధించినా ప్రతీ గ్రామ పంచాయతీల లో పంచాయతీ కార్యద ర్శులు, అభివృద్ధి అధికారులు, అధ్యక్షులు కుమ్మక్కై నిధులను స్వాహా చేస్తున్నారన్నారు.
  
 
 దీనికి సంబంధించి తమకు అనేక ఫిర్యాదులు అందాయని వెల్లడించారు. పథకం పనులను పూర్తిగా విశ్లేషించేందుకు ప్రతీ 5 గ్రామ పంచాయతీలకు ఒకరు చొప్పున నోడల్ అధికారులను నియమించడం జరిగిందని, పథకం వివరాలను వారందించిన తరువాతే బిల్లులను విడుదల చేయడం జరుగుతుందన్నారు. ఈ పనుల్లో ఏ విధమైన అవినీతి చోటు చేసుకున్నట్లు వెల్లడైనా సంబంధిత అధికారులపై క్రిమిన ల్ కేసులు పెట్టి వారిపై చట్టరీత్య చర్యలు చేపడతామని హెచ్చరించారు.
  
  


 ► ‘ఉపాధి’ కల్పనలో  దిగజారిన ‘అనంత’ స్థానం
 ► తొలి నుంచి అగ్రస్థానంలో కొనసాగిన జిల్లా
 ► చివరి నిమిషంలో విశాఖ, విజయనగరం ముందంజ
 ► మూడోస్థానంతో సరిపెట్టుకోవాల్సిన పరిస్థితి
  
 కూలీలకు ‘ఉపాధి’ కల్పనలో ‘అనంత’ స్థానం దిగజారిపోయింది. తొలి నుంచి రాష్ట్రంలో అగ్రస్థానంలో కొనసాగుతూ వచ్చిన జిల్లా..ఈసారి మాత్రం మూడోస్థానంతో  సరిపెట్టుకోవాల్సి వచ్చింది. జిల్లా నీటియాజమాన్య సంస్థ (డ్వామా) అధికారులు చివరి నిమిషంలో చేతులెత్తేయడంతో ఈ పరిస్థితి తలెత్తింది.  మొదట్నుంచీ అల్లంత దూరంలో ఉన్న విశాఖపట్నం ఇప్పుడు నెంబర్‌వన్ అయ్యింది. విజయనగరం రెండోస్థానాన్ని దక్కించుకుంది.
  
  అనంతపురం సెంట్రల్ : మహాత్మాగాంధీ జాతీయ గ్రామీణ ఉపాధి హామీ పథకం ద్వారా  కూలీలకు పనుల కల్పనలో జిల్లా అధికారులు వెనుకబడిపోయారు. 2015-16 ఆర్థిక సంవత్సరంలో జిల్లావ్యాప్తంగా 93,611  కుటుంబాలకు మాత్రమే వందరోజుల పని కల్పించారు.  ఇందుకోసం రూ.556 కోట్లు ఖర్చు చేశారు. పనులు పొందిన కుటుంబాల సంఖ్య తక్కువగా ఉండటంతో రాష్ట్రంలో ‘అనంత’ మూడోస్థానానికి పడిపోయింది. ఈ పథకం అమలుకు సంబంధించి ర్యాంకుల కేటాయింపునకు 100 రోజుల పని పొందిన కుటుంబాలను ప్రామాణికంగా తీసుకుంటారు.
 
 విశాఖపట్నం జిల్లాలో రూ.475 కోట్లు ఖర్చు చేసి 1,05,512 కుటుంబాలకు, విజయనగరం జిల్లాలో రూ.482 కోట్లు ఖర్చు చేసి 99,460  కుటుంబాలకు వంద రోజుల పని కల్పించారు. దీంతో అవి మొదటి, ద్వితీయ స్థానాలు కైవసం చేసుకున్నాయి. ఈ రెండు జిల్లాలు నెల క్రితం మన జిల్లా కంటే పది వేల కుటుంబాలు వెనుకబడి ఉన్నాయి. అయితే.. చివరి నిమిషంలో ఎక్కువ మంది కూలీలు పనుల్లోకి వచ్చేలా అధికారులు చర్యలు తీసుకున్నారు. నిధులు ఖర్చు చేయడంలో మాత్రం అనంతపురం జిల్లానే అగ్రస్థానంలో నిలవడం ఊరట కల్గించే అంశం.
 
 
 చేజేతులా..
 జిల్లాస్థానం పడిపోవడానికి అధికారులు తీసుకున్న నిర్ణయాలు, వారి నిర్లక్ష్యమే కారణమని తెలుస్తోంది. మార్చి 26 నాటికి జిల్లాలో వంద రోజులు పూర్తి చేసుకోవడానికి మూడు రోజులు తక్కువ ఉన్న కుటుంబాలు  20వేల పైచిలుకు ఉన్నాయి. వీటిని ఆ మూడు రోజులు పనిలో పాల్గొనేలా చర్యలు తీసుకొని ఉంటే అగ్రస్థానానికి ఢోకా ఉండేది కాదు. ఈ విషయంలో అధికారులు విఫలమయ్యారు. ఉపాధిహామీ చట్టం ప్రకారం కూలీలు అడిగిన పని కల్పించాలి.  జిల్లాలో మాత్రం ఫారంపాండ్లు చేపట్టాలని అధికారులు  చెబుతున్నారు. కష్టతరమైన ఈ పనికి కూలీలు రావడం లేదు. ఎక్కువశాతం ఎర్రనేలలు ఉండటంతో మట్టిని తవ్వలేక ఇబ్బంది పడుతున్నారు. విశాఖపట్నం, విజయనగరం జిల్లాల్లో కూలీలు అడిగిన పని మంజూరు చేస్తున్నారు. దీనివల్ల అవి ర్యాంకింగ్‌ను మెరుగుపరచుకున్నాయి.
  
 ► జిల్లాలో జాబ్‌కార్డు పొందిన కుటుంబాలు : 7.87 లక్షలు
 ► పనులకు సక్రమంగా హాజరవుతున్న కూలీలు : 4.27 లక్షలు
 ► వందరోజుల పని కల్పించిన కుటుంబాలు : 93,611
 ► కూలీలపై  ఖర్చు : రూ. 226 కోట్లు
 ► మొత్తం ఖర్చు : రూ. 556 కోట్లు


 ♦ కేంద్ర సాయంలో జాప్యమొద్దు
 ♦ కేంద్రానికి సుప్రీం అక్షింతలు
  
  సాక్షి, న్యూఢిల్లీ:  కరువు రాష్ట్రాల్లో సరిపడా ఉపాధి హామీ నిధులను విడుదల చేయకపోవడం పట్ల కేంద్రంపై సుప్రీంకోర్టు ఆగ్రహం వ్యక్తంచేసింది. ఉపశమన చర్యలను వెంటనే చేపట్టాలని, ఏడాది తర్వాత కాదని అక్షింతలు వేసింది. ‘మీరు నిధులు విడుదల చేయకపోతే పని చేయడానికి ఎవరూ ఇష్టపడరు. రాష్ట్రాలేమో తమ వద్ద నిధుల్లేవంటాయి. అందువల్ల ఉపాధి పనులకు వారు డబ్బులు చెల్లించరు’ అని చెప్పింది. రాష్ట్రాలకు కేంద్రం ప్రకటించే సాయం ఏదైనా తక్షణమే అందించాలని స్పష్టం చేసింది.
 
 దేశంలోని పలు రాష్ట్రాల్లో కరువు తీవ్రత అధికంగా ఉందని, కేంద్రం తగిన చర్యలు తీసుకోకపోవడం వల్ల ప్రజలు మృత్యువాత పడుతున్నారంటూ స్వరాజ్ అభియాన్ సంస్థ, సామాజికవేత్త యోగేంద్ర యాదవ్ దాఖలు చేసిన పిటిషన్లను బుధవారం జస్టిస్ మదన్ బి.లోకూర్, జస్టిస్ ఎన్.వి.రమణల బెంచ్ విచారించింది. ఏపీ, తెలంగాణతోపాటు 12 రాష్ట్రాల్లో కరువు వచ్చినా తగినంత పరిహారం ఇవ్వలేదని పిటిషనర్లు పేర్కొన్నారు.  ఉపాధి హామీ పథకంలో కేంద్రం గత ఏడాది రూ. 36 వేల కోట్లు విడుదల చేయాల్సి ఉండగారూ. 3 వేల కోట్లే విడుదల చేసిందని పిటిషనర్ల   న్యాయవాది ప్రశాంత్‌భూషణ్ తెలిపారు. దీంతో జస్టిస్ ఎన్వీ రమణ స్పందిస్తూ.. ‘ఒక పక్క 45 డిగ్రీలతో ఎండలు మండిపోతున్నాయి. తాగునీరూ లేదు.
 
 ప్రజలు వలస పోతున్నారు. వారికి ఉపశమనం కోసం ఏదైనా చేయాలి. అందువల్ల రాష్ట్రాలు కోరిన వెంటనే నిధులు విడుదల చేస్తే నిజమైన సాయంగా ఉంటుంది’ అని పేర్కొన్నారు. ‘ఉపాధి, కరువు నిధులతోపాటు విపత్తులు సంభవించినప్పుడు కూడా కేంద్రం ప్రకటించే సాయం వెంటనే చేరడం లేదు. సాయం ఆలస్యమైతే అది ప్రజలకు ఉపయోగకరంగా ఉండదు. ఏపీలో హుద్‌హుద్ తుపాను వచ్చినప్పుడూ కేంద్రం రూ. 1,000 కోట్లు సాయం ప్రకటించి నెలలు గడిచాక రూ. 300 కోట్లే  ఇచ్చినట్టు పత్రికల్లో చదివా’నని అన్నారు.
 
 ఉపాధి హామీని ఇప్పటికే 46 శాతం అమలుచేస్తున్నామని, 50 శాతం అమలుకు కృషిచేస్తామని కేంద్రం తరఫు న్యాయవాది నివేదించారు. ‘ఇప్పుడు 46 శాతం.. తరువాత 50 శాతం అంటున్నారు. మరి 100 శాతం ఎప్పుడు అమలుచేస్తారు’ అని జస్టిస్ రమణ ప్రశ్నించారు. ఇలాంటి పరిస్థితుల్ల వెనకబడిన, కరువు రాష్ట్రాల్లో ప్రజల పరిస్థితి ఏంటని ప్రశ్నించారు. గురువారమూ విచారణ జరుపుతామని, కేంద్రం వైఖరిపై అఫిడవిట్  వేయాలని జస్టిస్ ఎన్వీ రమణ ఆదేశించారు. గురువారం కాకుండా మరో రోజు విచారణ జరపాలని కేంద్రం తరపు న్యాయవాది కోరగా, వేసవి సెలవులు వస్తుందన్నందున నిధుల విడుదలపై ఇప్పుడే విచారణ చేయాలని ధర్మాసనం పేర్కొంది.


 నిలిచిపోయిన ఉపాధి హామీ చెల్లింపులు
 ఫిబ్రవరి 12 నుంచి పెండింగ్
 6 లక్షల మంది కూలీల ఎదురుచూపు
 ప్రభుత్వం నుంచి నిధులు రాలేదంటున్న అధికారులు
  
 
 హన్మకొండ అర్బన్ :గ్రామాల్లో కూలీలకు పని కల్పించి వారి జీవనోపాధిని మెరుగుపర్చేందుకు ప్రవేశపెట్టిన ఉపాధి హామీ పథకం లక్ష్యం నెరవేరడం లేదు. కూలీలు పనులు చేసి నెలలు గడుస్తున్నా వారికి కూలి డబ్బులు చెల్లించడం లేదు. దీంతో రోజువారీ కూలీలు నానా అవస్థలు పడుతున్నారు. 24గంటల్లో  చెల్లింపులు చేస్తామని చెప్పిన ప్రభుత్వం ప్రసుతం 50రోజులు దాటినా కూలీలకు చెల్లింపులు చేయడం లేదు. డబ్బుల కోసం  క్షేత్రస్థాయిలో కూలీలు ఆందోళనకు దిగుతున్నా సిబ్బంది, అధికారులు సర్ధిచెప్పి పనుల్లోకి తీసుకుంటున్నారు. డబ్బులు సకాలంలో చెల్లించకపోవడంతో ఉపాధి హామీ కూలీల హాజరు శాతం కూడా తగ్గుతోంద ని క్షేత్రస్థాయి సిబ్బంది అంటున్నారు.
  
 ఫిబ్రవరి 12నుంచి పెండింగ్
 జిల్లాలో ఈ సంవత్సరం ఫిబ్రవరి తరువాత నిధులు రాకపోవడంతో అధికారులు కూలీలకు డబ్బులు చెల్లించలేదు. ఫిబ్రవరి నుంచి ఇప్పటి వరకు మొత్తం 6.03లక్షల మంది కూలీలకు రూ.32.82 కోట్లు చెల్లింపులు చేయాల్సిఉంది. ప్రభుత్వం నుంచి నిధులు రాక పోవడం వల్లనే కూలి చెల్లించలేక పోతున్నామని అధికారులు అంటున్నారు. ఈ విషయంలో అధికారులు స్పష్టమైన తేదీ కూడా చెప్పే పరిస్థితి లేదు. జిల్లాలో 911గ్రామ పంచాతీల పరిధిలో ఉపాధి హామీ పనులు కొనసాగుతున్నాయి. బుధవారం జిల్లా వ్యాప్తంగా లక్ష మంది కూలీలు పనులకు హాజరయ్యారు.
  
 నిధులు రాకనే చెల్లింపులు చేయలేదు  డ్వామా పీడీ శేఖర్‌రెడ్డి
 ఫిబ్రవరి 12నుంచి బడ్జెట్ రాక కూలీలకు చెల్లింపులు చేయలేకపోయాం. సమస్యను ప్రభుత్వానికి ఎప్పటికప్పడు తెలియజేసున్నాం. నిధులు రాగానే చెల్లింపులు చేస్తాం. ప్రస్తుతం వేసవి తీవ్రత ఉన్న దృష్ట్యా ఉదయం మాత్రమే పనుల్లోకి వెళ్లాలని చెపుతున్నాం. పని ప్రదేశాల్లో అవసరమైన అన్నిరకాల రక్షణ చర్యలు తీసుకుంటున్నాం.
  
  
 పని కల్పించింది 41రోజులే..
 ఉపాధి హామీ పథకం కింద కూలీలకు వంద రోజుల పని కల్పించాల్సి ఉండగా 2015-16 సంవత్సరంలో కల్పించిన పనిదినాలు సరాసరిగా 41 రోజులే. రాష్ట్రం మొత్తంలో చూస్తే సగటు పని దినాలు 47 కాగా.. జిల్లాలో మాత్రం ఈ సంఖ్య 41 మాత్రమే ఉండటం గమనార్హం. జిల్లాలో పూర్తిగా 100 రోజుల పని 20,959 కుటుంబాలకు మాత్రమే కల్పించారు. సంవత్సరంలో మొత్తం 5.90 లక్షల మంది కూలీలు పనులకు వచ్చారు. వీరికి మొత్తంగా 1.30కోట్ల పనిదినాలు అధికారులు కల్పించారు. ఇందుకోసం మొత్తం రూ.244.73కోట్లు చెల్లింపులు చేశారు.
  


 న్యూఢిల్లీ: కేంద్ర ప్రభుత్వం తాజాగా ప్రకటించిన గ్రామీ ణ ఉపాధి హామీ పథకం సవరించిన వేతనాలు రాష్ట్రాల ప్రభుత్వాలను సందిగ్ధంలో పడేశాయి. రాష్ట్రాలు నిర్ణయించిన కనీస వేతనాలతో పోలిస్తే కేంద్రం కొత్తగా ప్రకటించిన ఉపాధి వేతనాలు తక్కువగా ఉండటమే ఇందుకు కారణం. ఉదాహరణకు.. రాజస్తాన్ ప్రభుత్వం నిర్ణయిం చిన కనీస వేతనాలు రూ.197. ఉపాధి హామీ పనుల వేతనాలు మాత్రం రూ.181. బిహార్, జార్ఖండ్, ఒడిశా, ఛత్తీస్‌గఢ్ తదితర రాష్ట్రాల్లోనూ ఇదే పరిస్థితి. దక్షిణాది ప్రాంతాల్లో గణనీయంగా పెరగ్గా.. తూర్పు రాష్ట్రాల్లో తగ్గాయి. ఏపీలో రూ.180 నుంచి రూ.194 కు పెరగ్గా, కర్ణాటకలో రూ.204 నుంచి రూ.224కు పెరిగాయి.


 ♦ సొంత వ్యవహారాలపైనే జిల్లా మంత్రులకు శ్రద్ధ
 ♦ ఇన్‌చార్జి మంత్రి తీరూ అలాగే ఉంటే ఎలా?
 ♦ గంటా, అయన్నలతోపాటు  యనమలపై సీఎం ఆగ్రహం
 ♦ ఉపాధి హామీ పథకాన్ని సద్వినియోగించుకోలేదని చివాట్లు
 ♦ మంత్రివర్గ సమావేశంలోనే  ముగ్గురికీ తలంటు
 
 ‘సొంత వ్యవహారాలే తప్ప.. పాలనను పట్టించుకోరు.. జిల్లాలో ఇద్దరు మంత్రులున్నా ఏం లాభం?.. వారు సరే.. మరి ఇన్‌చార్జి మంత్రి ఏం చేస్తున్నట్లు??.. ఒక్కసారైనా జిల్లా అభివృద్ధిపై సమీక్ష నిర్వహించారా!.. ఎమ్మెల్యేల కష్టసుఖాలు తెలుసుకున్నారా!!.. ఇలా అయితే కష్టం. తీరు మార్చుకోకపోతే.. నా నిర్ణయం నేను తీసుకుంటాను’.. ఇదీ మంత్రులు గంటా, అయ్యన్న, యనమలలకు సీఎం చంద్రబాబు తలంటిన విధం. రాష్ట్ర మంత్రివర్గ సమావేశంలో చోటుచేసుకున్న ఈ సంఘటన చర్చనీయాంశమైంది.
 సాక్షి ప్రతినిధి, విశాఖపట్నం: ‘మీ సొంత వ్యవహారాలు చూసుకుంటున్నారు. విశాఖ జిల్లా మంత్రులే కాదు ఇన్‌చార్జి మంత్రీ అలాగే ఉన్నారు. ఇలా అయితే కష్టం’ అని సీఎం చంద్రబాబు మండిపడ్డారు. జిల్లా మంత్రులు గంటా శ్రీనివాసరావు, అయ్యన్నపాత్రుడులతోపాటు ఇన్‌చార్జి మంత్రి యనమల రామకృష్ణుడుపై ఆయన ఆగ్రహం వ్యక్తం చేశారు. విజవాయడలో శనివారం నిర్వహించిన రాష్ట్ర మంత్రిమండలి సమావేశంలో సీఎం ఇలా సూటిగా మొట్టికాయలు చేయడం విశేషం. ప్రధానంగా ఉపాధి హామీ పథకం అమలు తీరు సక్రమంగా లేదని తీవ్ర అసంతృప్తి వ్యక్తం చేశారు. జిల్లా మంత్రుల మధ్య నెలకొన్న విభేదాలు, ఇన్‌చార్జి మంత్రి యనమలను జిల్లా పాలనా వ్యవహారాల్లో జోక్యం చేసుకోకుండా అడ్డుకుంటున్న తీరుపై సీఎం అసంతృప్తిగా ఉన్నారు. వాటిని దృష్టిలో ఉంచుకునే మంత్రివర్గ సమావేశంలో మంత్రులను సున్నితంగానైనా సూటిగా మందలించారు.
  ఉపాధి హామీ అమలు ఇలాగేనా!
 ఉపాధి హామీ పథకం నుంచి గరిష్ట ప్రయోజనం లభించేలా చూడటంలో మంత్రులు అయ్యన్న, గంటా, యనమల విఫలయమ్యారని చంద్రబాబు ఆగ్రహం వ్యక్తం చేశారు. ఈ పథకంలో లేబర్, మెటీరియల్ కాంపోనెంట్‌లు 60 : 40 నిష్పత్తిలో ఉండొచ్చు. కానీ మెటీరియల్ కాంపోనెంట్‌ను అవకాశం ఉన్నంతవరకు ఉపయోగించుకోలేకపోతున్నారని మండిపడ్డారు. అంగన్‌వాడీ భవనాలు, సామాజిక భవనాలు, ఇతర పనులు చేపట్టేందుకు అవకాశం ఉన్నప్పటికీ మంత్రుల అశ్రద్ధ వల్ల సాధ్యం కావడం లేదని అసంతృప్తి వ్యక్తం చేశారు.
  మంత్రులు గంటా, అయ్యన్నలు జిల్లా పరిపాలనా వ్యవహారాలను ఏమాత్రం పట్టించుకోవడం లేదని సూటిగానే వ్యాఖ్యానించారు. ‘మీరిద్దరూ మీ సొంత వ్యవహారాలే చూసుకుంటున్నారు. పాలనను పట్టించుకోవడం లేదు. దాంతో ప్రభుత్వానికి చెడ్డపేరు వస్తోంది. ఇదే పరిస్థితి కొనసాగితే నా నిర్ణయం నేను తీసుకుంటాను’ అని స్పష్టం చేయడం ప్రాధాన్యం సంతరించుకుంది.
  ఇన్‌చార్జ్ మంత్రి ఏం చేస్తున్నట్లు!?
 జిల్లా మంత్రులే కాదు.. ఇన్‌చార్జి మంత్రి యనమల రామకృష్ణుడు కూడా ఏమీ పట్టించుకోవడం లేదని ఆయన ఆగ్రహం  వ్యక్తం చేశారు. ఇంతవరకు జిల్లాలో పాలనా వ్యవహారాలను ఇన్‌చార్జి మంత్రిగా  ఎందుకు సమీక్షించ లేదని ప్రశ్నించారు. ఎమ్మెల్యేలతో సమన్వయం లేకపోవడాన్ని ప్రస్తావించారు. జిల్లా మంత్రులు ఎలాగూ ఎమ్మెల్యేలను పట్టించుకోవడం లేదు.. ఇన్‌చార్జి మంత్రీ అలాగే ఉంటే ఎలా అని నిలదీశారు. మంత్రివర్గ సమావేశంలో ముగ్గురు మంత్రులపై సీఎం ఇంతగా ఆగ్రహం వ్యక్తం చేయడం చర్చనీయాంశమైంది.


 గూడూరు ఎమ్మెల్యే పాశం సునీల్‌కుమార్
 
 చిట్టమూరు: కోట, వాకాడు, చిట్టమూరు మండలాల్లోని రోడ్ల నిర్మాణానికి నిధులు మంజూరైనట్లు గూడూరు ఎమ్మెల్యే పాశం సునీల్‌కుమార్ తెలిపారు. శుక్రవారం ఆయన స్థానిక విలేకరులతో మాట్లాడారు. మండల పరిధిలోని గునపాటిపాళెం నుంచి ఉప్పలమర్తి మీదుగా కొత్త చెరువుకట్ట  లింకు రోడ్డు వరకు 3.8 కిలోమీటర్లకు గాను రూ.3.2 కోట్లు మంజూరయ్యాయన్నారు. కోట మండ లం తిన్నెలపూడి పంచాయతీ లక్ష్మక్కకండ్రిగ నుంచి తూర్పుకండ్రిగ వరకు బీటీ రోడ్డుకు రూ.81 లక్షలు విడులయ్యాయన్నారు. ఉపాధిహామీ పథకంలో పనులు చేపడుతారని పేర్కొన్నారు. చిట్టమూరు మండలంలో ఎస్‌టీపీ ద్వారా మెట్టు గిరిజన కాలనీ నుంచి జంగాలపల్లి బ్రిడ్జి వరకు నిర్మించే రోడ్డుకు రూ.1.18 కోట్లు మంజూరయ్యాయన్నారు.
 
 గొల్లపాళెం నుంచి కోటిగుంట గిరిజన కాలనీ వరకు రూ.34 లక్షలతో రోడ్డు నిర్మాణం చేపట్టనున్నట్లు ఎమ్మె ల్యే తెలిపారు. అలాగే వాకాడు మండలం నిడుగుర్తి నుంచి చిన్నతోట మీదుగా పంట్రంగం శివాలయం వరకు రోడ్డు నిర్మాణానికి రూ.1.03 కోట్లు మంజూరయ్యాయన్నారు. ఈ రోడ్డు నిర్మాణానికి అటవీశాఖ అనుమతులు రావాల్సి ఉందన్నారు. అనుమతులు కోసం ఆ శాఖ అధికారులతో సంప్రదింపులు జరిపి తర్వలో అనుమతులు వచ్చేలా చర్యలు తీసుకుంటామని ఎమ్మెల్యే పేర్కొన్నారు.


  2015-16లో సవాళ్ల మధ్య సాగిన ఉపాధిహామీ
 ► చెల్లింపుల్లో వెనుకడుగు, పని ప్రదేశాల్లో సౌకర్యాలు కరువు
 ► ఈసారి కూడా మహిళలదే పైచేయి
 ► ఎట్టకేలకు లేబర్ బడ్జెట్ లక్ష్యాన్ని చేరుకున్న పథకం
 ► నిర్ణీత సమయంలో చెల్లింపులు 46.8 శాతమే
  
 జాతీయ గ్రామీణ ఉపాధి హామీ పథకం 2015-16 ఆర్థిక సంవత్సర లక్ష్యాన్ని ఎట్టకేలకు చేరుకున్నారు. అయితే చెల్లింపుల్లో కొంత జాప్యం జరిగింది. ఇకముందు దీనిని నివారించి పథకాన్ని పకడ్బందీగా అమలుచేస్తామని అధికారులు చెబుతున్నారు. గత ఆర్థిక సంవత్సరం పథకం లక్ష్యం..పనిదినాలు, కూలి డబ్బుల చెల్లింపు తదితర అంశాలపై సాక్షి ఫోకస్.
  
 మహబూబ్‌నగర్ న్యూటౌన్:-  జిల్లాలో మహాత్మాగాంధీ జాతీయ గ్రామీణ ఉపాధి హామీ పథకం 2015-16 ఆర్థిక సంవత్సరంలో అనేక ఆటుపోట్ల మధ్య నిర్దేశించిన లేబర్ బడ్జెట్ లక్ష్యాన్ని చేరుకుంది.  క్షేత్రస్థాయిలో సిబ్బంది కొరత, సమ్మెలు, కూలి చెల్లింపుల్లో ఆలస్యం, పని ప్రదేశాల్లో కూలీలకు సౌకర్యాల కొరత వంటి ఇబ్బందుల మధ్య అనుకున్న లక్ష్యాన్ని.. అతికష్టం మీద చేరుకుంది. గ్రామాల్లో కూలీల డిమాండ్ ఉన్నప్పటికీ నిర్వహణ లోపాల కారణంగా ఈ పథకం అమలు అనేక ఆటుపోట్ల మధ్య కొనసాగింది. ప్రభుత్వం ప్రతిష్టాత్మకంగా చేపట్టిన తెలంగాణకు హరిత హారం కార్యక్రమంలో ఉపాధిహామీ పథకానికి మొదటి ప్రాధాన్యం ఉండగా గత జూన్ నెలలో ఉపాధి సిబ్బంది సమ్మెతో ఆశించిన లక్ష్యాన్ని చేరుకోలేకపోయింది. గ్రామాలలోని కూలీలకు చెల్లింపుల్లో ఆలస్యం, పనుల కేటాయింపుల్లో నిర్లక్ష్యం, అక్రమాల నివారించడంలో ఉదాసీనత కారణంగా ఈ పథకం కూలీలకు పూర్తి స్థాయిలో నమ్మకాన్ని కలిగించలేకపోయిందన్న భావన వ్యక్తమవుతోంది.
 
 తీవ్ర వర్షాభావ పరిస్థితులతో వ్యవసాయరంగం పూర్తిగా దెబ్బతినడంతో పాటు జిల్లా అంతటా కరువు పరిస్థితులు నెలకొన్నాయి. ఈ పరిస్థితుల్లో ప్రధాన పాత్ర పోషించాల్సిన ఉపాధిహామీ పథకం అమలు నిర్లక్ష్యానికి గురైందన్న విమర్శలు వినిపిస్తున్నాయి. రెట్టింపు లక్ష్యాన్ని చేరుకోవాల్సిన అవసరమున్నప్పటికీ ఈ పథకం నిర్వహణాలోపానికి కారణమైంది. దీంతో జిల్లాలోని అనేక గ్రామాల్లో కూలీలు వలసబాట పట్టారు. ఈ నేపథ్యంలో ప్రభుత్వం జిల్లాను కరువు జిల్లాగా ప్రకటించి ఉపాధి హామీలో పని చేస్తున్న కూలీల కూలి రేట్లను పెంచడంతో పా టు కూలీ కుంటుంబాలకు కల్పిస్తున్న పనిదినాలను 100 రోజుల నుంచి 150 రోజులకు పెంచింది. అయినా క్షేత్ర స్థాయిలో అవగాహన, పనిప్రదేశాల్లో సౌకర్యాలు కల్పించడంలో ప్రభుత్వం విఫలమైంది. దీంతో అనుకున్న దాని కంటే ఎక్కువ ఫలితాలు సాధించాల్సిన ఈ పథకం గ్రామాల్లో నిరాధరణకు గురైందనే చెప్పవచ్చు.  
  
  జిల్లాలో పురోగతి ఇలా...
 జిల్లాలో ఉపాధి హామీ పథకం ద్వారా 9,15,689 కుటుంబాలకు జాబ్‌కార్డులు జారీ చేశారు. మొత్తం 54,129 శ్రమశక్తి సంఘాలుగా ఏర్పడి 10,39,162 మంది కూలీలుగా నమోదయ్యారు. 2015-16 ఆర్థిక సంవత్సరంలో మార్చి 31వ తేదీ వరకు ఈ పథకం ద్వారా జిల్లాలో రూ. 273.76 కోట్లు ఖర్చు చేశారు. అందులో కూలీల ఖర్చు రూ.212.82 కోట్లు కాగా, సామగ్రి, నైపుణ్యత కూలీలకు రూ. 42.08 కోట్లు ఖర్చు చేశారు.
 
 ఈ సంవత్సరం ఉపాధి హామీ పథకం కూలీలకు 1,64,73,386 పనిదినాలు కల్పించి లేబర్ బడ్జెట్ లక్ష్యాన్ని చేరుకుంది. పథకం ప్రారంభమైన నాటి నుంచి ఇప్పటివరకు జిల్లాలో ఖర్చు చేసిన నిధులు రూ.2,272.27 కోట్లు కాగా రూ.1,561.31 కోట్లను కూలీలపై ఖర్చు చేశారు. జిల్లాలో 100 రోజులు పూర్తి చేసుకున్న కుటుంబాలు 46,375 ఉండగా 150 రోజులు పూర్తి చేసుకున్న కుటుంబాలు 7,500 ఉన్నాయి.
  
 కలవర పెట్టిన చెల్లింపు సమస్య
 మహాత్మాగాంధీ జాతీయ గ్రామీణ ఉపాధి హామీ పథకం నిబంధనల ప్రకారం చెల్లింపులు జరగడం లేదు. ప్రతి ఆర్థిక సంవత్సరంలో ఈ సమస్య కూలీలను కలవరపెడుతోంది. వారం రోజులు పనిచేసిన కూలీలకు కంప్యూటర్‌లో మూడు రోజుల్లోపు పేఆర్డర్లు తయారు చేసి వచ్చే వారం లోపు చెల్లింపు చేయాలి. ప్రభుత్వం ఈ పథకంపై పర్యవేక్షణాలోపం కారణంగా కూలీలకు నిర్ణీత సమయంలో చెల్లింపులు జరగడం లేదు. గడిచిన ఆర్థిక సంవత్సరంలో జిల్లాలో మూడురోజుల్లో చెల్లింపుశాతం 46.8 గా నమోదైంది. నిర్ణీత సమయంలో చెల్లింపులు 50శాతం కూడా చేయకపోవడం గమనార్హం. నిబంధనల ప్రకారం మూడు రోజుల్లో చెల్లింపు ప్రక్రియను వేగవంతం చేయడంలో ప్రభుత్వం విఫలమవుతోంది. గత జన వరి మాసం ప్రారంభం నుంచి చెల్లింపులు మూడు నాలుగు వారాలకోసారి  చేయడంతో కూలీ కుటుంబాలు తీవ్ర ఇబ్బందులు ఎదుర్కోవాల్సి వస్తోంది. 2015-16 ఆర్థిక సంవత్సరానికి సంబంధించిన చెల్లింపులు జిల్లాలో దాదాపు రూ.7.6 కోట్లు నిలిచిపోయాయి.
  
  వికలాంగుల భాగస్వామ్యం అంతంతే!
 ఉపాధి హామీ పథకంలో వికలాంగుల భాగస్వామ్యం నామమాత్రంగా మిగులుతోంది. ఈ పథకం ద్వారా వికలాంగులకు ఉపాధి కల్పించాలని ప్రభుత్వం చట్టంలో పేర్కొంది. అయితే ఆశించిన స్థాయిలో వికలాంగులను ఈ పథకంలో భాగస్వాములను చేయడం లేదు. జిల్లాలో 17,448 మంది వికలాంగుల కుటుంబాలకు ప్రభుత్వం జాబ్ కార్డులు జారీ చేసింది. మొత్తం 897  వికలాంగుల శ్రమశక్తి సంఘాలను ఏర్పాటు చేసి 19,968 మంది వికలాంగులను నమోదు చేసింది. గడిచిన ఆర్థిక సంవత్సరంలో 4,495 మంది వికలాంగులకే పని కల్పించింది. అందులో 360 మంది వంద రోజులు ఉపాధి పనిపూర్తి చేసుకోగా, 38 మంది 150 రోజులు పూర్తి చేసుకున్నారు.
  
  మహిళలదే పైచేయి
 ఈ పథకంలో మహిళా కూలీల పాత్ర పై చేయిగా నిలుస్తోంది. ఈ పథకం ప్రారంభంనుంచి మహిళా కూలీల భాగస్వామ్యం పురుషులతో పోలిస్తే హెచ్చు స్థాయిలో ఉంటోంది. 2015-16లో 3,07,430 మంది పురుషులు కూలీ పనులు చేయగా 4,16,064 మంది మహిళా కూలీలు ఉపాధి హామీ పనుల్లో భాగస్వాములయ్యారు.
  
  లేబర్ బడ్జెట్ లక్ష్యాన్ని సాధించాం
 పాలమూరు జిల్లాలో ఉపాధి హామీ పథకంలో పనిచేసేందుకు కూలీల డిమాండ్ ఉంది. చాలా గ్రామాల్లో స్థానిక పరిస్థితులు ఇబ్బందులకు గురిచేశాయి. గడిచిన ఆర్థిక సంవత్సరంలో ఉపాధి హామీ లేబర్ బడ్జెట్ లక్ష్యాన్ని ఆలస్యంగా చేరుకున్నాం. ఈ సంవత్సరం అలా జరగకుండా ఇప్పటినుంచే ప్రణాళికాప్రకారం ముందుకెళ్తాం.  - కె.దామోదర్‌రెడ్డి, డ్వామా పీడీ


  ‘ఉపాధి హామీ పథకం’ పరిపాలనా వ్యయంపై తెలుగు రాష్ట్రాలకు కేంద్రం స్పష్టీకరణ
  
  సాక్షి, న్యూఢిల్లీ: జాతీయ గ్రామీణ ఉపాధి హామీ పథ కం అమలుకు సంబంధించి తెలుగు రాష్ట్రాలలో పరి పాలనా వ్యయం 6శాతం సీలింగ్ కంటే అధికంగా ఉండడంపై కేంద్ర గ్రామీణాభివృద్ధి మంత్రిత్వ శాఖ ఆందోళన వ్యక్తం చేసింది. శాఖకు చెందిన మేనేజ్‌మెంట్ ఇన్‌ఫర్మేషన్ సిస్టమ్స్ నివేదిక ప్రకారం ఏపీలో 2015-16గాను పరిపాలనా వ్యయం 8.29 శాతం, తెలంగాణలో 13.91 శాతంగా ఉంది. ఈ విషయమై తెలుగు రాష్ట్ర ప్రభుత్వాలతో సమీక్షించాలని కేంద్ర గ్రామీణాభివృద్ధి శాఖ నిర్ణయించింది. అలాగే 6శాతం సీలింగ్ కంటే అధికంగా ఉన్న వ్యయాన్ని రాష్ట్ర ప్రభుత్వాలే భరించాలంది.
 
 అలాగే తెలుగు రాష్ట్రాల్లో ఉపాధిహామీ పథకానికి సంబంధించిన పనులు అసంపూర్తిగా ఉండడంపై పెదవి విరిచింది. ఏపీలో ఈ పథకం అరంభమైనప్పటి నుంచి గతేడాది మార్చి 31 వరకూ 76.70 శాతం పనులు మాత్రమే పూర్తయ్యాయి. 2015-16 ఆర్థిక సంవత్సరానికి గాను ఈ నెల 18 వరకు కేవలం 5.88 శాతం, తెలంగాణలో ఈ నెల 22 వరకు 21.4 శాతం పనులే పూర్తయ్యాయి. 2015 మార్చికి ఏపీలో 1,35,688, తెలంగాణలో 5,99,191 అసంపూర్తి పనులను ఈ జూలై 31 కల్లా పూర్తి చేయాలంది. వ్యవసాయం అనుబంధ కార్యకలాపాలకు జిల్లా స్థాయిలో వ్యయ పరిమితి 60శాతం కంటే తక్కువగా ఏపీలోని అనంతపురం, తెలంగాణలోని వరంగల్ జిల్లాల్లో జరిగిందని శాఖ పేర్కొంది.


 మండపేట :ఉపాధి హామీ పథకం కూలీలకు కష్టార్జితం చేతికందాలంటే ఇకమీదట బ్యాంకు ఖాతా ఉండాల్సిందే. ఇక నుంచి ‘ఉపాధి’ కూలీల వేతనాలను నేరుగా వారి బ్యాంకు ఖాతాలకే జమ చేయాలని కేంద్ర ప్రభుత్వం నిర్ణయించింది. ఈ విధానాన్ని తొలివిడతగా జిల్లాలోని 142 గ్రామాల్లో ఏప్రిల్ 1 నుంచి అమలు చేయనున్నారు. అనంతరం జిల్లావ్యాప్తంగా అమలు చేసేందుకు అధికారులు కసరత్తు చేస్తున్నారు.వేతనాల చెల్లింపుల్లో జాప్యాన్ని నివారించడంతోపాటు, అవకతవకలను అరికట్టే ఉద్దేశంతో ఉపాధి హామీ పథకం కూలీల వేతనాలను నేరుగా వారి బ్యాంకు ఖాతాలకు జమ చేయాలని కేంద్రం నిర్ణయించింది. 
  
  ఏప్రిల్ 1 నుంచి నూతన విధానం అమలుకు ఆదేశాలిచ్చింది. ఇందులో భాగంగా ఉపాధి కూలీలకు చెందిన ప్రధానమంత్రి జన్‌ధన్ లేదా వారి వ్యక్తిగత పొదుపు ఖాతాల వివరాలను సిద్ధం చేయాలని రెండు నెలల క్రితమే జిల్లా యంత్రాంగానికి  ఉత్తర్వులు అందాయి. వాస్తవానికి మార్చి నెల నుంచే ఈ విధానాన్ని అమలు చేయాలని జిల్లా యంత్రాంగం భావించింది. జిల్లాలోని 62 మండలాల పరిధిలోని 1,075 పంచాయతీల్లో 7,60,313 జాబ్‌కార్డులు ఉన్నాయి. వీటిద్వారా శ్రమశక్తి సంఘాల్లో 8,45,712 మంది సభ్యులుగా ఉన్నారు. వీరిలో సుమారు 4.82 లక్షల మంది రోజువారీ ఉపాధి కూలీలుగా పని చేస్తున్నారు. కొత్త విధానానికి అనుగుణంగా వారి బ్యాంకు ఖాతాల వివరాలను ఉపాధి హామీ పథకం సిబ్బంది సేకరించి ఆన్‌లైన్‌లో పొందుపరుస్తున్నారు. జిల్లావ్యాప్తంగా ఇప్పటివరకూ 3,47,842 మంది ఖాతాల వివరాలు సేకరించారు.
  
  గత సమస్యలు అధిగమించే లక్ష్యంతో..
  మహాత్మాగాంధీ జాతీయ గ్రామీణ ఉపాధి హామీ పథకం 2007 మే నెల నుంచి అమలులోకి వచ్చింది. మొదట్లో కార్మికులతో పుస్తకాల్లో సంతకాలు చేయించుకుని చెల్లింపులు చేసేవారు. ఈ విధానంలో పలుచోట్ల అక్రమాలు చోటుచేసుకున్నాయి. వీటిని నివారించే పేరుతో బయోమెట్రిక్ పద్ధతిని అమలులోకి తెచ్చారు. ప్రస్తుతం అత్యధిక శాతం కూలీలకు తపాలా శాఖ ద్వారా బయోమెట్రిక్ తరహాలో 12 నుంచి 14 రోజులకోసారి వేతనాలు చెల్లిస్తున్నారు. ఆధార్ సంఖ్య, వేలిముద్రలు సరిపోలకపోవడం, సాంకేతిక సమస్యలతో వేతనాలు పొందేందుకు ఉపాధి కూలీలు ఇబ్బందులకు గురి కావాల్సి వస్తోంది. ఆయా సమస్యలను అధిగమించే లక్ష్యంతో నూతన విధానం అమలుకు కేంద్రం ఆదేశాలిచ్చింది.
  
  బ్యాంకుల్లో ముందుకు సాగని ప్రక్రియ
  నూతన విధానం అమలు కోసం తొలివిడతగా జిల్లాలోని 48 మండలాల పరిధిలో 142 గ్రామాలను ఎంపిక చేశారు. దీనిని అమలు చేసేంతవరకూ మిగిలిన పంచాయతీల్లో ప్రస్తుతం ఉన్న బయోమెట్రిక్ పద్ధతిలోనే వేతనాలు చెల్లిస్తారు. కొత్త విధానం ప్రకారం ఉపాధి కూలీల వేతనాల చెల్లింపునకు వారి వ్యక్తిగత ఖాతాలను ఆధార్ కార్డుతో అనుసంధానం చేసి, వారికి ఏటీఎం కార్డులు అందజేయాల్సి ఉంది. 
  
  ఈ మేరకు డ్వామా అధికారులు కూలీల ఖాతాల వివరాలను అందజేసినా ఆర్థిక సంవత్సరం ముగింపు నేపథ్యంలో బ్యాంకుల్లో ఈ ప్రక్రియ ముందుకు సాగడం లేదు. తొలివిడతగా ఎంపిక చేసిన పంచాయతీల్లో ఇప్పటివరకూ 56 శాతం ఖాతాల అనుసంధానం మాత్రమే పూర్తయ్యింది. ఆయా గ్రామాల పరిధిలో 1,20,234 మంది కూలీలకు గానూ ఇప్పటివరకూ 67,808 మంది ఖాతాలను మాత్రమే అనుసంధానం చేశారు. మిగిలిన ఖాతాల అనుసంధానం త్వరితగతిన పూర్తికాకుంటే కూలి చెల్లింపుల్లో ఇబ్బందులు తప్పవన్న అనుమానాలు వ్యక్తమవుతున్నాయి.
  


 ఉపాధిలో పరిమితులను ఎత్తేయాలి
 సాక్షి, హైదరాబాద్: రాష్ట్రంలోని 443 గ్రామీణ మండలాల్లో కరువు తీవ్రత ఉందని, ఉపాధి హామీ పథకం లో వంద రోజుల పని దినాల పరిమితిని తొలగించాలనిపీసీసీ అధ్యక్షుడు ఎన్.ఉత్తమ్‌కుమార్ రెడ్డి బుధవారం ఒక ప్రకటనలో డిమాండ్ చేశారు. రాష్ట్రవ్యాప్తంగా 73 లక్షల వరకు వ్యవసాయ కూలీలు ఉన్నారని, వీరంతా గ్రామాల్లో పనిలేక ఇతర ప్రాంతాలకు వలసపోతున్నారని తెలిపారు. గ్రామాల్లో పంటలు ఎండిపోయాయని, తీవ్ర దుర్భిక్ష పరిస్థితులు నెలకొన్నాయని పేర్కొన్నారు. భూగర్భ జలాలు అడుగంటిపోయి సాగునీటికే కాకుండా మూగజీవాల తాగునీటికీ ఇబ్బందులు వస్తున్నాయని ఉత్తమ్ వివరించారు. ఉపాధి కూలీలకు దినసరి కూలిని రూ.124 నుంచి రూ.200కు పెంచాలన్నారు. రాష్ట్రంలోని 443 గ్రామీణ మండలాలను కరువు మండలాలుగా ప్రకటించాలని డిమాండ్ చేశారు. రాష్ట్రంలోని 8,517 గ్రామ పంచాయతీల్లో యుద్ధప్రాతిపదికన తాగునీటి కోసం చర్యలు తీసుకోవాలని సూచించారు.


 ♦ ఉపాధి చట్టంపై వక్రభాష్యాలు... ప్రతిపక్ష నేతపై వ్యాఖ్యలు
 ♦ కూలీల వేతనాలకు కనీసం 60% ఖర్చు చేయాలంటున్న చట్టం
 ♦ చట్టంలో గరిష్ట పరిమితి లేదు...
 ♦ మెటీరియల్ కాంపొనెంట్ గరిష్టంగా 40% మించరాదు
 ♦ వైఎస్ హయాంలో 97 శాతం నిధులు వేతనాలకే..
 ♦ 100 శాతం నిధులు కూలీలకే ఖర్చుచేస్తున్న తమిళనాడు
  
  సాక్షి, హైదరాబాద్: కరువు చుట్టుముట్టిన కష్టకాలంలో రెక్కాడితే కానీ డొక్కాడని కూలీల విషయంలో చట్టాలు, కండిషన్లు మాట్లాడడం పాలకులకు విదాయకమేనా? కానీ ముఖ్యమంత్రి చంద్రబాబు నాయుడు మాట్లాడతారు. ఉపాథిహామీ నిధులలో కూలీల వేతనాలకు 60శాతం, మెటీరియల్ ఖర్చులకు 40శాతం ఖర్చుపెట్టాల్సి ఉందని ఆయన వాదించడం ఈ కోవలోకే వస్తుంది. ముఖ్యమంత్రి పేదలకు హామీ ఇచ్చే రీతిలో కాకుండా ప్రతిపక్షంపై దబాయింపునకు దిగడం విశేషం.
 
 ఉపాధి హామీ పథకం ప్రస్తావనలో భాగంగా 40 శాతం మెటీరియల్ కాంపొనెంట్‌పై ముఖ్యమంత్రి మాట్లాడుతూ...ఇది కేంద్రం తెచ్చిన చట్టమని, ప్రతిపక్షనేతకు ఆ మాత్రం అవగాహన లేకపోతే ఎలా అని అన్నారు. దీనికి జగన్‌మోహన్‌రెడ్డి ఒక్కసారి క్లారిఫికేషన్ చదివి వినిపించారు. ఉపాధి హామీ పథకంలో  కూలీల వేతనాలకు కనీసం 60 శాతం ఖర్చు చేయాలనేది నిబంధన అని, అంటే గరిష్టంగా దానికి మించి ఎంతైనా ఖర్చు చేయవచ్చునని అన్నారు. దానర్థం 40 శాతం మెటీరియల్ కాంపొనెంట్ విధిగా వాడుకోవాలని కాదని అన్నారు. ఓవైపు క్లారిఫికేషన్ ఇస్తూండగానే స్పీకర్ మైక్ కట్‌చేశారు.
 
  ఉపాధి చట్టం ఏం చెబుతోంది?
   నిజానికి చట్టం అలాంటి కండిషన్ ఏదీపెట్టలేదు. ఉపాధి హామీ పథకం కింద కేంద్ర ప్రభుత్వం రాష్ట్రానికిచ్చే నిధులలో కూలీల వేతనాలకే గరిష్టభాగం ఖర్చుపెట్టాల్సి ఉంటుంది. జాతీయ గ్రామీణ ఉపాధి హామీ పథకం చట్టం -2005లోని లేబర్ బడ్జెట్ ఛాప్టర్ 8.4.4 నిబంధనలో ఈ విషయాన్ని స్పష్టంగా పేర్కొన్నారు. ఈ నిబంధన ప్రకారం ఉపాథి నిధులలో కూలీలకు కనీసం 60 శాతం (గరిష్టంగా ఎంతయినా కావచ్చు), మెటీరియల్ అవసరాలకు గరిష్టంగా 40 శాతం (అంతకు మించరాదు) ఖర్చు పెట్టుకోవచ్చని పేర్కొన్నారు. అయితే చంద్రబాబు ప్రభుత్వ హయాంలో ఇది పూర్తిగా తిరగబడుతోంది.  ఈ ఏడాది కేంద్రం మన రాష్ట్రానికిచ్చిన నిధులలో ఎక్కువ భాగం మెటీరియల్ వినియోగం పేరిట సిమెంట్‌రోడ్లు, నీరు- చెట్టు పథకానికి కేటాయించారు. ఇదే విషయాన్ని ప్రతిపక్ష నేత వైఎస్ జగన్‌మోహన్‌రెడ్డి అసెంబ్లీలో ఎత్తిచూపారు. సీసీ రోడ్ల నిర్మాణానికి బదులు కేంద్ర నిధులలో అధికభాగాన్ని కూలీల వేతనాలకు ఖర్చు చేయాలని ఆయన డిమాండ్ చేశారు.అయితే అధికారపక్షం మాత్రం యథాప్రకారం ఎదురుదాడికి దిగింది.
 
  తమిళనాడులో పదేళ్లుగా వంద శాతం నిధులు పేదలకే
  తమిళనాడు రాష్ట్ర ప్రభుత్వం ఇప్పటికీ ఉపాధి పథకంలో కేంద్రం ఆ రాష్ట్రానికిచ్చే నిధులలో వంద శాతం పేదల కూలీల వేతనంగా చెల్లిస్తున్నారు. ఎక్కడైనా మెటీరియల్ అవసరాలకు డబ్బులు ఖర్చు పెట్టాల్సిన పరిస్థితులుంటే అందుకు రాష్ట్ర ప్రభుత్వం నుంచి వేరుగా నిధులు కేటాయించి ఈ పథకంలో మెటీరియల్ అవసరాలకు ఉపయోగిస్తున్నారని ఆ రాష్ట్ర ప్రభుత్వ ఉన్నతాధికారులు చెబుతున్నారు.


 - అసెంబ్లీలో వైఎస్ జగన్‌మోహన్‌రెడ్డి
 - పేదవాడికి అన్నం పెట్టే పథకానికి తూట్లు పొడుస్తున్నారు
 - మెటీరియల్ కాంపోనెంట్ పేరిట 40% నిధులను దారి మళ్లిస్తున్నారు
 - ప్రొక్లెయినర్లతో సిమెంట్ రోడ్ల పనులు చేయిస్తున్నారు
 - నిధులన్నీ కూలీలకే ఇవ్వాలి
 - సీఎం కేంద్ర ప్రభుత్వంతో మాట్లాడి ఒప్పించాలని డిమాండ్
  
 సాక్షి, హైదరాబాద్: పేదల ఆకలి తీర్చే జాతీయ గ్రామీణ ఉపాధి హామీ పథకాన్ని పూర్తిగా పేదలకు ఉపయోగపడేలా చేయాలని ప్రతిపక్ష నేత వైఎస్ జగన్‌మోహన్‌రెడ్డి సూచించారు. ఈ పథకం ద్వారా కూలీలకు వంద శాతం మేలు జరగాల్సి ఉండగా మెటీరియల్ కాంపోనెంట్ పేరిట 40% నిధులను దారి మళ్లిస్తున్నారని విమర్శించారు. ఆయన మంగళవారం అసెంబ్లీలో మాట్లా డుతూ.. ‘‘ఉపాధి హామీ అంటే.. పేదవాడి కడుపు నింపే పథకం. ఈ కూలీల్లో ఎక్కువ మంది దళితులే ఉన్నారు. కానీ, ప్రభుత్వం ఉపాధి హామీ పథకం నిధులను దారి మళ్లించింది. నీరు-మీరుతోపాటు సిమెంట్ రోడ్ల నిర్మాణానికి ఈ నిధులను వెచ్చిస్తోంది. సిమెంట్ రోడ్ల పనులను ప్రొక్లెయినర్లతో చేయిస్తున్నారు. వైఎస్ రాజశేఖరరెడ్డి సీఎంగా ఉన్నప్పుడు ఉపాధి హామీ పథకం నిధులు 100 శాతం కూలీలకే చెందేవి. ఇప్పుడు 40 శాతం మెటీరియల్ కాంపొనెంట్ అని, 60 శాతం కూలీలకు అని చెబుతున్నారు.
  
  చట్టం ప్రకారం 60 శాతానికి పైగా నిధులను కూలీలకు చెల్లించవచ్చు. ముఖ్యమంత్రి కేంద్రాన్ని ప్రశ్నిస్తే 100 శాతం కూలీలకే దక్కేవి. కేంద్ర ప్రభుత్వం ఇస్తున్న నిధులతో ప్రొక్లెయినర్లు పెట్టి పనులు చేస్తే కూలీలకు ఉపాధి ఎలా దొరుకుతుంది? గతంలో వైఎస్ సీఎంగా ఉన్నప్పుడు ఉపాధి హామీ కూలీలకు 100 శాతం నిధులను నేరుగా బ్యాంకుల్లో, పోస్టాఫీసుల్లో జమచేసే వారు. కేంద్రం ఈ పథకంలో మార్పులు చేస్తున్నా ముఖ్యమంత్రి మాట్లాడడం లేదు. ఎన్టీయేలో భాగస్వామి అయిన టీడీపీ కేంద్రంతో మాట్లాడి 100 శాతం నిధులు ఉపాధి హామీ కూలీలకు దక్కేలా చేయొచ్చు కదా! రాష్ట్రంలో 1.70 కోట్ల మంది ఉపాధి హామీకి దరఖాస్తు చేసుకుంటే 58 లక్షల మందికే పని కల్పిస్తున్నారు. కడుపునిండా అన్నం పెట్టే ఉపాధి హామీకి తూట్లు పొడుస్తున్నారు’’ అని జగన్ ధ్వజమెత్తారు.
  
  దళిత జాతికి తీవ్ర అన్యాయం
  ఏ వెనుకబడిన దళితుల కోసమైతే బీఆర్ అంబేడ్కర్ పోరాటం చేశారో ఆ వర్గాన్నే రాష్ట్ర ప్రభుత్వం అణచివేస్తోందని వైఎస్ జగన్‌మోహన్‌రెడ్డి ఆవేదన వ్యక్తం చేశారు. అసెంబ్లీలో మంగళవారం అంబేడ్కర్ 125వ జయంతిపై చర్చ సందర్భంగా ఆయన మాట్లాడారు. అంబేడ్కర్ ఏ వర్గం కోసం, ఏ జాతి ఔన్నత్యం కోసం పోరాటం చేశారో ఆ జాతికి ఇక్కడ తీవ్ర అన్యాయం జరుగుతోందన్నారు. దళితులు క్రిస్టియన్లుగా మారితే వారికి ఎస్సీ సర్టిఫికెట్లు ఇచ్చే పరిస్థితి లేదన్నారు. దళితుల్లోనూ కులాలు, మతాలు ఉంటాయా? అని ప్రశ్నించారు.
  
  ఉపప్రణాళిక నిధులు రాజ్యాంగ హక్కు
  ఎస్సీ, ఎస్టీ ఉప ప్రణాళిక నిధులను వారికోసమే ఖర్చు చేయాలని, అది దళితులకు రాజ్యాంగం ద్వారా సంక్రమించిన హక్కు అని ప్రతిపక్ష నేత జగన్ పేర్కొన్నారు. ఈ నిధుల్లోనూ ప్రభుత్వం కోత విధిస్తోందని విమర్శించారు. ‘‘దళితుల నిధుల్లో రూ.2,500 కోట్లు, ఎస్టీల నిధుల్లో రూ.1,300 కోట్లు కోత వేశారు. ఎస్టీ, ఎస్టీల అభివృద్ధి అంటే ఇదేనా?’’ అని జగన్ నిలదీశారు. రెండేళ్లుగా గిరిజన సలహా మండలిని ఎందుకు ఏర్పాటు చేయలేదనిప్రశ్నించారు.
  
  విశ్వసనీయత ఉంటేనే హుందాతనం
  ఓ నాయకుడికి వ్యక్తిత్వం, విశ్వసనీయత అనే రెండు గుణాలు ఉన్నపుడే రాజకీయాల్లో హుందాతనం వస్తుందని ప్రతిపక్ష నేత జగన్ అన్నారు. మంగళవారం అసెంబ్లీ వాయిదా పడిన తరువాత ఆయన లాబీల్లో మీడియా ప్రతినిధులతో మాట్లాడారు. జ్యోతుల నెహ్రూ రాజీనామాపై స్పందించాలని కోరగా... ‘‘ఏముంది మేం బాధితులం. ఆయన(చంద్రబాబు) ప్రలోభానికి వారు లొంగిపోయారు’’ అని బదులిచ్చారు. ‘‘రాజకీయాల్లో వ్యక్తిత్వం, విశ్వసనీయత రెండూ ఉండాలి, అవి లేనప్పుడు భార్య కూడా గౌరవించదు. ఈ రెండూ ఉన్నాయా లేవా అని చంద్రబాబు తన మనస్సాక్షిని ప్రశ్నించుకోవాలి. మా పార్టీని వీడిపోయిన వాళ్లు కూడా వాళ్ల మనస్సాక్షిని ఇదే విషయం ప్రశ్నించుకోవాలి. పార్టీని వీడిన ఎమ్మెల్యేల చేత రాజీనామా చేయించి ప్రజల్లోకి వెళితే గెలుస్తామన్న ధైర్యం, విశ్వాసం చంద్రబాబుకు లేవు. ఎమ్మెల్యేలను అధికార పక్షం దాదాపు రూ.30 కోట్లతో ప్రలోభాలు పెడుతోంది’’ అని జగన్ పేర్కొన్నారు.
  
  చంద్రబాబు కాలం చెల్లిన నేత
  గ్రామీణ ఉపాధి పథకం హామీ గురించి చట్టంలో ఏముందో జగన్ తెలియజేశారు. ఒక పనిలో కూలీలకు చెల్లించే వేతనాలు 60 శాతానికి మించి ఎంతైనా పెరగొచ్చని స్పష్టంగా ఉంటే చంద్రబాబుకు మాత్రం అర్థం కాదని అన్నారు. చంద్రబాబు ఔట్‌డేటెడ్ పొలిటీషియన్ (కాలం చెల్లిన రాజకీయవేత్త) ఆయనకు అర్థం కాదు అని జగన్ అన్నారు.


 ♦ ఎండలో పనిచేస్తే కలిగేదుష్పరిణామాలను వివరించండి
 ♦ ఏపీ, తెలంగాణ ప్రభుత్వాలకు హైకోర్టు ఆదేశం
  సాక్షి, హైదరాబాద్: ఏపీ, తెలంగాణలో ఎండలు మండుతుండడంతో ప్రైవేట్ కంపెనీలు మిట్ట మధ్యాహ్నం కార్మికుల చేత పనులు చేయించకుండా తగిన చర్యలు తీసుకోవాలని హైకోర్టు సోమవారం రెండు రాష్ట్రాల ప్రభుత్వాలకు సూచించింది. ఎండలు తీవ్రంగా ఉన్న సమయంలో జాతీయ గ్రామీణ ఉపాధి హామీ పథకం కూలీలు పనులు చేయకుండా చూడాలని, అలా పనిచేస్తే కలిగే దుష్పరిణామాల గురించి వారికి అవగాహన కల్పించాలంది. వడగాల్పుల నుంచి ప్రజలను రక్షించేందుకు ఇప్పటికే ప్రారంభించిన చర్యలను కొనసాగించాలని, వాటిని మరో మూడు వారాల తరువాత పర్యవేక్షిస్తామని చెప్పింది. తదుపరి విచారణను వచ్చే నెలకు వాయిదా వేసింది. ఈ మేరకు తాత్కాలిక ప్రధాన న్యాయమూర్తి జస్టిస్ దిలీప్ బి.బొసాలే, న్యాయమూర్తి జస్టిస్ పి.నవీన్‌రావులతో కూడిన హైకోర్టు ధర్మాసనం ఉత్తర్వులు జారీ చేసింది.
  ఎవరికి వారే జాగ్రత్తలు తీసుకోవాలి
 వడగాలుల నుంచి ప్రజలను రక్షించేందుకు ఏపీ, తెలంగాణ ప్రభుత్వాలు తగిన చర్యలు తీసుకోవడం లేదని, ప్రాణాలు కోల్పోతున్న వారికి నష్టపరిహారం చెల్లించడం లేదంటూ రంగారెడ్డి జిల్లాకు చెందిన పిట్టల శ్రీశైలం హైకోర్టులో ఇటీవల పిల్ దాఖలు చేశారు. ఈ వ్యాజ్యాన్ని తాత్కాలిక ప్రధాన న్యాయమూర్తి నేతృత్వంలోని ధర్మాసనం సోమవారం విచారించింది. తెలంగాణ ప్రభుత్వ ప్రత్యేక న్యాయవాది ఎ.సంజీవ్‌కుమార్ వడగాలుల నుంచి ప్రజలను రక్షించేందుకు తీసుకుంటున్న చర్యలను వివరించారు. ధర్మాసనం స్పందిస్తూ... ప్రతి ఒక్కరూ వడగాలుల బారిన పడకుండా ఉండేలా చూడటం ప్రభుత్వానికి సాధ్యం కాదని, ఎవరికి వారు జాగ్రత్తలు తీసుకోవాలని సూచించింది. పిటిషనర్ తరఫు న్యాయవాది స్పందిస్తూ...
 ఉపాధి హామీ పథకం కూలీలు మధ్యాహ్నం 3 గంటల సమయంలో పనిచేస్తున్నారని, దీనివల్ల వడదెబ్బకు గురై మృత్యువాత పడుతున్నారన్నారు. ఇలాంటి కూలీల  విషయంలో ఏం చర్యలు తీసుకుంటున్నారో చెప్పాలని సంజీవ్‌ను ధర్మాసనం కోరింది. మధ్యాహ్నం 12 నుంచి 3 గంటల వరకు పను లు చేయాలని చెప్పడం లేదన్నారు. ఇలా ఎవరైనా పని చేయిస్తున్నట్లు తేలితే సంబంధిత అధికారులపై చట్ట ప్రకారం చర్యలు తీసుకోవాలని ధర్మాసనం ఆదేశించింది. ప్రైవేట్ కంపెనీ ల్లో ఎండల్లో పని చేయిస్తుంటే వారి విషయం లో ఏం చేయబోతున్నారో తెలపాలంది.


 ► జెడ్పీటీసీ సభ్యులను కూడా వదలని పీఆర్ ఇంజనీర్లు
 ► జెడీ స్థాయీ సంఘాల సమావేశాల్లో సభ్యుల ఆరోపణ
 ► వివిధ అంశాలపై వాడీవేడి చర్చ
  
 హన్మకొండ : పంచాయతీరాజ్, మిషన్ కాకతీయలో పర్సంటేజీలు ఇస్తేనే బిల్లులు చెల్లిస్తున్నారని జెడ్పీటీసీ సభ్యులు అధికారులపై అగ్రహం వ్యక్తం చేశారు. పంచాయతీరాజ్ ఇంజనీర్లు జెడ్పీటీసీ సభ్యుల నుంచి కూడా పర్సంటేజీలు డిమాండ్ చేస్తున్నారని మండిపడ్డారు. జిల్లా ప్రజా పరిషత్ పాలక మండలి సభ్యులు పర్సంటేజీలు చెల్లించాల్సి రావడం దుర్మార్గమని 7వ స్థాయి సంఘానికి అధ్యక్షతన వహించిన లింగాల ఘనపురం జెడ్పీటీసీ సభ్యుడు గంగసాని రంజిత్‌రెడ్డితో పాటు పలువురు సభ్యులు ఆందోళన వ్యక్తం చేశారు.
 
 ఇక జెడ్పీ స్థాయీ సంఘం సమావేశానికి పీఆర్ ఎస్‌ఈ రాకపోవడంపై ఆగ్రహం వ్యక్తం చేశారు. హన్మకొండలోని జిల్లా ప్రజాపరిషత్ కార్యాలయంలో జెడ్పీ స్థాయీ సంఘాల సమావేశం శనివారం జరిగింది. జిల్లా ప్రజాపరిషత్ చైర్‌పర్సన్ గద్దల పద్మ అనారోగ్యం కారణంగా గైర్హాజరు కావడంతో.. రెండో స్థాయీ సంఘం సమావేశాన్ని మంగపేట జెడ్పీటీసీ వైకుంఠం అధ్యక్షతన, నాలుగో సంఘం సమావేశాన్ని నర్సింహులపేట జెడ్పీటీసీ ధర్మారం వేణు అధ్యక్షతన, ఏడో సంఘం సమావేశాన్ని లింగాల ఘనపురం జెడ్పీటీసీ సభ్యుడు గంగసాని రంజిత్‌రెడ్డి అధ్యక్షతన నిర్వహించగా.. సంగెం జెడ్పీటీసీ గుగులోతు వీరమ్మ అధ్యక్షతన జరగాల్సిన 5వ స్థాయి సంఘం సమావేశాన్ని కోరం లేక వాయిదా వేశారు.
 
  అధికారుల తీరు సరికాదు..
 మిషన్ కాకతీయ బిల్లులు సైతం పర్సంటేజీలు ఇస్తేనే విడుదల చేస్తున్నారని స్థాయీ సంఘం సమావేశంలో గూడూరు జెడ్పీటీసీ సభ్యుడు మహమ్మద్ ఖాసీం ఆరోపించారు. ఆయనతో పాటు పలువురు బిల్లుల విషయమై విమర్శలు చేయగా పీఆర్ ఇంజనీర్లు, నీటిపారుదల శాఖ ఇంజనీర్లు స్పందించకపోవడం విశేషం. ఇక పనులు లేక కూలీలు ఇబ్బందులు పడుతున్నా ఉపాధి హామీ పథకం పనులు ఎందుకు కల్పించడం లేదని, పనుల వివరాలకు తమకు చెప్పాలని గణపురం జెడ్పీటీసీ సభ్యుడు మోటపోతుల శివశంకర్ సూచించారు. దీనికి డ్వామా ఏపీడీ శ్రీనివాస్ స్పందిస్తూ మాట్లాడుతూ పనుల వివరాలు తెలియజేసేలా చర్యలు తీసుకుంటామన్నారు. జిల్లాలో 24 గంటల విద్యుత్ సరఫరా జరుగుతుందని అధికారులు చెపుతున్న అంశంలో వాస్తవం లేదని ఖాసిం అన్నారు.
 
  జనగామలో దుర్గమ్మ గుడి ప్రాంతంలోని నాగుల చెరువు ఆక్రమణ జరిగిందని, చెరువులో అక్రమంగా నిర్మించిన గోడను కూల్చాలని లింగాలగణపురం జెడ్పీటీసీ సభ్యుడు రంజిత్ నీటిపారుదల శాఖ అధికారులను డిమాండ్ చేశారు. కాగా, జెడ్పీ వైస్ చైర్మన్ చెట్టుపల్లి మురళీధర్ అధ్యక్షతన మూడో స్థాయీ సంఘం సమావేశంలో వ్యవసాయ, ఉద్యాన,పట్టు పరిశ్రమ, మత్స్యశాఖలపై, పర్వతగిరి జెడ్పీటీసీ సభ్యురాలు మాదాసి శైలజ అధ్యక్షతన జరిగిన ఆరో స్థాయీ సంఘం సమావేశంలో సాంఘక సంక్షేమ శాఖపై, నర్సింహులపేట జెడ్పీటీసీ సభ్యుడు ధర్మారం వేణు అధ్యక్షతన జరిగిన మరో సమావేశంలో విద్య, వైద్య శాఖలపై సమీక్షించారు. ఈ సమావేశంలో జెడ్పీ సీఈఓ అనిల్‌కుమార్‌రెడ్డి, నీటిపారుదల శాఖ ఎస్‌ఈ విజయ్‌భాస్కర్‌రావు, జేడీఏ బి.గంగారాం, ఆయా శాఖల అధికారులు పాల్గొన్నారు.


 ► కోట్ల రూపాయల ప్రజాధనం పక్కదారి
 ► సామాజిక తనిఖీల్లో తేలిన నిజం
 ► వసూలుపై యంత్రాంగం మీనమేషాలు
  
 సాక్షి, కర్నూలు: మహాత్మాగాంధీ జాతీయ గ్రామీణ ఉపాధి హామీ పథకంలో కొందరు  కోట్ల రూపాయలు కొల్లగొట్టేశారు. పనులు చేయకుండానే చేసినట్లు చూపి జేబులు నింపేసుకున్నారు. కొందరు నాయకులు, అధికారులు, సిబ్బంది ఏకమై దోచేశారు. ప్రజాధనం పరుల పాలైందని సాక్షాత్తూ సామాజిక తనిఖీల్లోనే వెల్లడయింది. ఎక్కడ.. ఎవరు.. ఎంత అక్రమాలకు పాల్పడ్డారన్నది నివేదికల సహా నిగ్గు తేల్చారు. అయినా యంత్రాంగం నిమ్మకు నీరెత్తినట్లు వ్యవహరిస్తోంది. ఎనిమిదేళ్లుగా ఇదే తంతు జరుగుతున్నా తీవ్రంగా పరిగణించకపోవడం గమనార్హం. ఇంత వరకు ఏడు విడతల సామాజిక తనిఖీలు జరిగాయి.
 
 ఇందులో 12.59 కోట్ల మేర ఉపాధి నిధులు పక్కదారి పట్టాయని అధికారికంగా తేలింది. ఇంత వరకు వసూలు చేసింది రూ. 3.20 కోట్లకు మించలేదు. మిగిలిన నిధులు రాబట్టడంలో అధికారులు తీవ్రంగా విఫలమవుతున్నారు. ఉపాధి హామీ పథకం 2006-07 ఆర్థిక సంవత్సరం నుంచి జిల్లాలో అమలవుతోంది. ఇంత వరకు రూ. 3293.35 కోట్ల విలువైన 2,84,385 లక్షల పనులు పూర్తి చేశారు. ఇందులో కూలీల వేతనాల కోసమే రూ. 1,435.40 కోట్లు ఖర్చు చేసినట్లు చూపుతున్నారు. ఈ ఏడాది 1,230.20 కోట్ల విలువైన పనులు చేపట్టాలని నిర్ణయించారు. ఇంత వరకు రూ. 154.45 కోట్ల విలువైన 13,121 పనులు పూర్తి చేసినట్లు నివేదికల్లో చూపుతున్నారు. పేదలకు ‘ఉపాధి’ చూపాల్సిన పథకం కొంత మందికి వరంగా మారింది.
 
  నిగ్గుతేలుతున్నా!
  పథకం ప్రారంభమైనప్పటి నుంచి ఇప్పటి వరకు రూ. 16.78 కోట్లు పక్కదారి పట్టినట్లు గుర్తించారు. అయితే డ్వామా అధికారులు మాత్రం రూ. 12.59 కోట్లు అవినీతి జరిగినట్లు ఆమోదించారు. ఎనిమిదేళ్లుగా అక్రమాల పర్వం కొనసాగుతూనే ఉంది. చేసిన పనులపై ఏటా సామాజిక తనిఖీలు నిర్వహించి నిజాలు నిగ్గు తేల్చుతున్నారు. వాస్తవానికి సామాజిక తనిఖీల్లో తేలుతున్న అక్రమాలు అంతంతే. ఈ కొద్దిపాటి పరిశీలనలోనే ఇంత భారీ స్థాయిలో తేలితే.. పథకంలో పూర్తి స్థాయి అక్రమార్కులకు అంతే ఉండదన్న వాదన ఉంది. మరి ఇంత స్థాయిలో అవినీతి జరుగుతున్నా చర్యలు తీసుకోవాల్సిన అధికారులు మీనమేషాలు లెక్కిస్తున్నారు. ఆయా గ్రామాల్లో నాయకుల నుంచి కార్యకర్తల వరకు భాగస్వామ్యం ఉన్నట్లు ఆరోపణలు వెల్లువెత్తాయి.
  అక్రమాలకు అంతేలేదు
  జిల్లాలో ఇప్పటి వరకు రూ. 12.59 కోట్ల ఉపాధి నిధులు పక్కదారి పట్టించారని సామాజిక తనిఖీల్లో గుర్తించారు. ఇందులో ప్రమేయం ఉన్న 12 మంది ఎంపీడీఓలపై, 8 మంది ఏపీఓలు, 18 మంది ఈసీలు, 124 మంది టెక్నికల్ అసిస్టెంట్లపై చర్యలకు సిఫార్సు చేశారు. అయితే చట్ట ప్రకారం చర్యలు తీసుకోవాల్సి ఉన్నా యంత్రాంగం మిన్నకుండిపోయింది. నిధుల వసూలు కూడా నిలిచిపోయింది. ఇప్పటి వరకు రూ. 3.20 కోట్లు మాత్రమే రికవరీ చేశారు. మిగిలిన నిధుల వసూలు మాత్రం జరగలేదు.


 నిజామాబాద్ జిల్లా భీమ్‌గల్ మండలం గొంగుప్పల్ గ్రామంలో వడదెబ్బకు ఓ ఉపాధి హామీ కూలీ ప్రాణాలు కోల్పోయాడు. శుక్రవారం గ్రామంలోనే వ్యవసాయ క్షేత్రాల్లో జరుగుతున్న ఉపాధి హామీ కూలీ పనులకు మొండి కైలాస్ (44) వెళ్లాడు. ఎండ ప్రభావానికి మధ్యాహ్న సమయంలో స్పృహ తప్పి పడిపోయాడు. తోటి కూలీలు ఆటోలో ఆస్పత్రికి తరలిస్తుండగా ప్రాణాలు కోల్పోయాడు.
 
  


 ♦ ఒకవైపు దుబారా..మరోవైపు పేదల ఉపాధికి గండి
 ♦ ఉపాధి హామీ నిధులు భారీ ఎత్తున మళ్లింపు
 ♦ పేదలకు పనులు కల్పించకుండా..అధికార పార్టీ నేతల పరం
 ♦ ప్రస్తుత ఆర్థిక సంవత్సరంలో రూ.2,458 కోట్లు మళ్లింపు
 ♦ 2016-17లో ఉపాధి కింద రూ.4,764 కోట్ల ఖర్చుకు నిర్ణయం
 ♦ ఏకంగా రూ.3,500 కోట్లు మళ్లింపునకు కార్యాచరణ
  
  
  సాక్షి, హైదరాబాద్: మహాత్మాగాంధీ ఉపాధి హామీ పథకం స్ఫూర్తికి రాష్ట్ర ప్రభుత్వం తూట్లు పొడుస్తోంది. పేదల జీవనోపాధికి ఉపయోగపడేలా కేంద్రం ఇస్తున్న ఉపాధి హామీ నిధులను.. నిబంధనలు, మార్గదర్శకాలకు విరుద్ధంగా రాష్ట్ర ప్రభుత్వం భారీయెత్తున ఇతర కార్యక్రమాలకు మళ్లిస్తోంది. ప్రత్యేక విమానాల్లో పర్యటనలకు, ప్రచారార్భాటాలకు వందలాది కోట్లు దుబారా చేస్తున్న ప్రభుత్వం.. దుబారా తగ్గించుకుని, ఆ నిధులతో పథకాలు చేపట్టాల్సిందిపోయి, నిధుల మళ్లింపుతో నిరుపేద కూలీల ఉపాధికి గండి కొడుతోంది.
 
 మరోవైపు ఆయా పనులను దక్కించుకుంటున్న అధికార తెలుగుదేశం పార్టీ నేతలు, కార్యకర్తలు యంత్రాలను వినియోగించి పనులు చేయిస్తూ కూలీల పేరుతో నిధులు కైంకర్యం చేస్తున్నారు. ప్రస్తుత ఆర్థిక సంవత్సరంలో రూ.2,458 కోట్లను ఇతర కార్యక్రమాలకు మళ్లించగా.. వచ్చే ఆర్థిక సంవత్సరంలో కూడా ఏకంగా రూ. 3,500 కోట్లను మళ్లించేందుకు ప్రభుత్వం కార్యాచరణను రూపొందించింది. ఒకపక్క రాష్ట్రంలో కరువు పరిస్థితులు నెలకొన్నాయి. రాష్ట్ర ప్రభుత్వం ఇప్పటికే 359 మండలాలను కరువు ప్రాంతాలుగా ప్రకటించింది. దీంతో గ్రామాల్లో కూలీలకు వ్యవసాయ పనులు లేకుండా పోయాయి. ఇలాంటి పరిస్థితుల్లో ఉపాధి హామీ ద్వారా పనులు కల్పించాల్సిన ప్రభుత్వం.. ఆ పథకం నిధులను ఇతర అవసరాల కోసం మళ్లించడంతో ఉపాధి పనులకు నిధులు లేకుండా పోతున్నాయి. దీంతో పనుల కోసం కూలీలు ఇతర ప్రాంతాలకు వలసలు వెళ్లాల్సిన పరిస్థితి నెలకొంది. అధికార తెలుగుదేశం నేతలు, కార్యకర్తలను ఆర్థికంగా బలోపేతం చేసే ఉద్దేశంతోనే ప్రభుత్వం ఉపాధి నిధుల మళ్లింపునకు మొగ్గు చూపుతోందనే విమర్శలు వ్యక్తమవుతున్నాయి.
 
  నిరుపేదలకు దూరంగా ఉపాధి
  ప్రస్తుత ఆర్థిక సంవత్సరంలో ఎస్సీ సామాజిక వర్గానికి చెందిన 20.62 లక్షల కుటుంబాల్లో దాదాపు 50 లక్షల మంది కూలీలుగా ప్రభుత్వం వద్ద నమోదు చేసుకున్నారు. అయితే అందులో కేవలం 14 లక్షల మందికే ఉపాధి హామీ పథకం ద్వారా పనులు కల్పించారు. ఇక ఎస్టీ సామాజికవర్గంలో 7.06 లక్షల కుటుంబాలకు చెందిన 15 లక్షల మంది ఉపాధి హామీ పథకంలో నమోదు చేసుకోగా.. అందులో కేవలం 6.81 లక్షల మందికి మాత్రమే ప్రభుత్వం పనికల్పించింది. మొత్తంగా రాష్ట్రంలో 83,29,881 కుటుంబాల్లోని 1.76 కోట్ల మంది ఉపాధి కూలీలుగా నమోదు చేసుకోగా.. ప్రభుత్వం కేవలం 58 లక్షల మందికే పనులు కల్పిస్తోంది. ఉపాధి హామీ పథకం కింద కేంద్రం నుంచి వచ్చే నిధులను రాష్ట్రంలో కేవలం కొన్ని పనులకు మాత్రమే పరిమితం చేయడం కారణంగా నిరుపేద కూలీలకు పనులు అందకుండా పోతున్నాయని అధికారవర్గాలు పేర్కొంటున్నాయి. భూమి లేని నిరుపేదలకు పని కల్పించే పనులకు అనుమతివ్వడం దాదాపుగా తగ్గిపోవడంతో నిరుపేదలు ఈ పథకం ద్వారా లబ్ధి పొందడం గగనంగా మారిందని అంటున్నారు.  
 
  సబ్ ప్లాన్‌ల నిధుల వ్యయంపై నిర్లక్ష్యం
  ఎస్సీ, ఎస్టీ, బీసీ ఉప ప్రణాళికల విషయంలో రాష్ట్ర ప్రభుత్వం నిర్లక్ష్యంగా వ్యవహరిస్తోంది. ప్రస్తుత ఆర్థిక సంవత్సరం (2015-16)లో ఉప ప్రణాళికల వ్యయం తీరే ఇందుకు నిదర్శనం. రాష్ట్ర ప్రభుత్వం వ్యయం చేయకపోవడంతో ఎస్సీ, ఎస్టీ, బీసీ ఉప ప్రణాళికల్లో ఏకంగా రూ.5,500 కోట్లు ఖర్చుకు నోచుకోకుండా మురిగిపోయాయి. ఎస్సీ ఉప ప్రణాళిక కింద బడ్జెట్‌లో రూ.5,800 కోట్లు కేటాయించగా ఇప్పుడు ఆ మొత్తాన్ని రూ.4,045 కోట్లకు సవరించడం గమనార్హం. అంటే రూ. 1,755 కోట్లకు కోతపడినట్లైంది. అలాగే ఎస్టీ ఉప ప్రణాళిక కింద బడ్జెట్‌లో రూ.2,000 కోట్లు కేటాయించగా ఇప్పటివరకు రూ.1234 కోట్లే వ్యయం చేశారు. అంటే రూ.766 కోట్లు ఖర్చు కాలేదన్నమాట. ఇక బీసీ ఉప ప్రణాళికకు రూ.6,644 కోట్లు కేటాయింగా ఇప్పటివరకు సుమారు రూ.3,000 కోట్లు మాత్రమే వ్యయం చేశారు.
  
  కూలీల పేరుతో స్వాహా చేస్తున్న టీడీపీ నేతలు
  2015-16 ఆర్థిక సంవత్సరంలో ఇప్పటికే సీసీ రోడ్ల నిమిత్తం రూ.500 కోట్ల ఉపాధి హామీ నిధులను ప్రభుత్వం మళ్లించింది. అదే సమయంలో ఈ పనులను నామినేషన్‌పై టీడీపీ నేతలు, కార్యకర్తలకు అప్పగిస్తోంది. వారు అరకొర పనులు చేసి జేబులు నింపుకుంటున్నారు. మరోవైపు సీసీ రోడ్ల పనుల్లో కూలీలకు ఉపాధి కల్పించే అవకాశం దాదాపుగా ఉండకపోవడం గమనార్హం. ఇక నీరు-చెట్టు కార్యక్రమానికి సైతం ప్రభుత్వం ఉపాధి నిధులు మళ్లిస్తోంది. ఆ పనులను కూడా టీడీపీ నేతలతో కూడిన జన్మభూమి కమిటీలు, సాగునీటి సంఘాలకు అప్పగించింది. 2015-16 ఆర్థిక సంవత్సరంలో నీరు-చెట్టు పనుల కోసం ఉపాధి హామీ నుంచి ఏకంగా రూ.1,958 కోట్లను మళ్లించారు. 2015-16లో ఇప్పటివరకు ఉపాధి హామీ కింద రూ.3,527 కోట్లను వ్యయం చేయగా అందులో 60 శాతం నిధులను నీరు-చెట్టుకు మళ్లించడం గమనార్హం. చెరువుల్లో పూడికతీతకు టీడీపీ నేతలు యంత్రాలను వినియోగిస్తూ కూలీల పేరిట నిధులు స్వాహా చేస్తుండగా.. కూలీలకే వ్యయం చేస్తున్నామంటూ ప్రభుత్వం తప్పుడు ప్రచారానికి పాల్పడుతోంది. 2016-17లో ఉపాధి హామీ కింద రూ.4,764 కోట్లను వ్యయం చేయాలని నిర్ణయించిన ప్రభుత్వం.. అందులో ఏకంగా రూ.3,500 కోట్లు నీరు-చెట్టు (రూ.2,500 కోట్లు), సీసీ రోడ్లకు (రూ.1,000 కోట్లు) మళ్లించాలని నిర్ణయించింది.
  
  150 పనిదినాలు కల్పించిన వైఎస్
  ఉపాధి హామీ కింద ఒక్కో కుటుంబానికి గరిష్టంగా 100 పనిదినాలకే అవకాశం ఉండేది. అయితే దేశంలోనే తొలిసారిగా వైఎస్ రాజశేఖర్‌రెడ్డి తన హయాంలో.. 100 పనిదినాలు పూర్తి చేసిన కుటుంబాలకు అదనంగా మరో 50 పనిదినాలకు అవకాశం కల్పించారు. అంతేకాదు రాష్ట్ర ప్రభుత్వ ఖజానా నుంచే నిధులు ఖర్చు పెట్టారు. తర్వాత అనేక రాష్ట్రాలు వైఎస్ విధానాన్ని అనుసరించి 150 వరకు పనిదినాలు సొంత నిధులతో కల్పిస్తున్నాయి. తాజాగా కేంద్రం కూడా ఈ ఏడాది నుంచి కరువు ప్రాంతాల్లో 100 రోజులు పనిదినాలు పూర్తి చేసుకున్న కుటుంబాలకు అదనపు పనిదినాలకు అవకాశం కల్పించడం గమనార్హం. ఈ పథకంలో నిధులు దుర్వినియోగం అవుతున్నాయనే విషయం గుర్తించిన వైఎస్ ప్రభుత్వం.. దేశంలోనే మొదటిసారిగా డీబీటీ (అర్హులకే నేరుగా నిధులు అందేలా) విధానాన్ని ప్రతిపాదించింది. ప్రస్తుతం రాష్ట్రంలో అమలవుతున్న ఈ విధానాన్ని ఇప్పుడు దేశవ్యాప్తం చేసేందుకు కేంద్ర అధికారులు చర్యలు చేపడుతున్నారు.


 యాదగిరిగుట్ట: ప్రధాని మోదీ మహాత్మాగాంధీ జాతీయ ఉపాధి హామీ పథకాన్ని నీరుగార్చే కుట్రకు పాల్పడుతున్నారని వ్యవయసాయ కార్మిక సంఘం మాజీ అధ్యక్షుడు నాగేంద్రనాథ్ ఓజా విమర్శించారు. శుక్రవారం నల్లగొండ జిల్లా యాదగిరిగుట్టలో జరిగిన తెలంగాణ రాష్ట్ర వ్యవసాయ కార్మిక సంఘం సమావేశాల్లో ఆయన పాల్గొని మాట్లాడారు. ఉపాధి హామీ పథకం కింద కూలీలకు సంవత్సరానికి 200 రోజులు పని కల్పించాలని, దినసరి కూలీగా రూ.300 చెల్లించాలని ఆయన డిమాండ్ చేశారు. కేంద్ర రాష్ట్ర ప్రభుత్వాలు రైతుల దగ్గర భూములను సేకరించి కార్పొరేట్ శక్తులకు అమ్ముకునే కుట్రకు పాల్పడుతున్నాయని మండిపడ్డారు. 


 ఉపాధి హామీ పథకంలో జరుగుతున్న అక్రమాలపై ఫిర్యాదు చేసేందుకు వెళ్లిన దళితులపై టీడీపీ నాయకులు దాడి చేశారు. ఈ ఘటన చిత్తూరు జిల్లా రామకుప్పం మండలంలో సోమవారం చోటుచేసుకుంది. ఈ విషయం తెలుసుకున్న ఎంఆర్‌పీఎస్, బీఎస్‌పీ, బాస్ సంస్థ నాయకులు టీడీపీ నాయకుల తీరును నిరసిస్తూ ధర్నా నిర్వహించారు. సీఎం చంద్రబాబు, ఆ పార్టీ నాయకులు దళితులపై వివక్ష చూపుతున్నారని వారు మండిపడ్డారు.
 
  


 త్రిపురారం/నల్లగొండ టౌన్: రాజకీయ పార్టీ ఏర్పాటు చేసే ఆలోచనేమీ తనకు లేదని టీజేఏసీ చైర్మన్ ప్రొఫెసర్ ఎం.కోదండరాం చెప్పారు. తన సారథ్యంలో కొత్త పార్టీ ఏర్పాటయ్యే అవకాశం ఉందని వస్తున్న వార్తలపై ఆయనీ వివరణ ఇచ్చారు. ఆదివారం నల్లగొండ జిల్లా హాలియాలో విలేరుల సమావేశంలో, నల్లగొండలో జరిగిన టీపీటీఎఫ్ జిల్లా సదస్సు, పన్మాల గోపాల్‌రెడ్డి ఆత్మీయ అభినందన సభలో ఆయన మాట్లాడారు. రాష్ట్రంలో కరువు నివారణ కోసం ప్రభుత్వం కార్యాచరణ ప్రణాళిక రూపొందించాల్సిన అవసరం ఉందన్నారు. 
 
 నాగార్జునసాగర్ ఎడమ కాల్వ కింద దుర్భర పరిస్థితి నెలకొందన్నారు. ఎడమ కాల్వ ఆధునీకరణ పేరుతో కాల్వకు ఇరువైపుల, లోపల సీసీ (సిమెంట్ కాంక్రీట్) లైనింగ్ చేయడం వల్ల భూమిలోకి నీరు ఇంకే పరిస్థితి లేకుండా పోయి, జలమట్టం గణనీయంగా తగ్గిందన్నారు. గ్రామాల్లో తాగునీరు, పశుగ్రాసం దొరక్కఇబ్బందిపడే పరిస్థితి నెలకొందన్నారు. ఉపాధి హామీ పథకం నిర్వహణ కూడా అస్తవ్యస్తంగా ఉందన్నారు. దుర్భిక్ష పరిస్థితుల నేపథ్యంలో జేఏసీ, తెలంగాణ విద్యావంతుల వేదిక ఆధ్వర్యంలో సర్వే చేపట్టనున్నట్లు ఆయన తెలిపారు.


 నెలరోజులుగా కూలీలకు నిలిచిన చెల్లింపులు
 ♦ దాదాపు కోటి పనిదినాలకు రూ. 170 కోట్ల వరకు బకాయిలు
 ♦ ఆగస్టులోనే రూ. 550 కోట్లు ఇచ్చిన కేంద్ర ప్రభుత్వం
 ♦ ఆ నిధులను ఇతర అవసరాలకు వినియోగించుకున్న రాష్ట్ర సర్కారు
 ♦ ప్రభుత్వం నిధులివ్వకపోవడంతో గ్రామాల్లో ఆగిన పనులు
  
  సాక్షి, హైదరాబాద్: రాష్ట్రంలో ఉపాధి హామీ పనులకు నిధుల కొరత ఏర్పడింది. తొమ్మిది జిల్లాల్లో ఉపాధి పనులకు వెళుతున్న సుమారు తొమ్మిది లక్షల మంది కూలీలకు వేతనాలు నిలిచిపోయాయి. దాదాపు నెల రోజులుగా రోజువారీ వేతనాలు అందకపోతుండడంతో ఉపాధి పనులకు వచ్చే వారి సంఖ్య కూడా గణనీయంగా తగ్గింది. ఫిబ్రవరి మొదటి వారంలో 44.86 లక్షల పనిదినాలు నమోదు కాగా, రెండో వారం 35.30 లక్షలు, మూడోవారంలో 14.76 లక్షల పనిదినాలు నమోదు కావడం గమనార్హం. నెలారంభంలో రోజుకు తొమ్మిది లక్షల మంది పనులకు హాజరుకాగా.. మూడోవారంలో పనులకు హాజరైంది మూడు లక్షల మందే.
 
 ఉపాధి హామీ పథకం కింద కేంద్రం ఆగస్టులోనే రూ. 550 కోట్లను రాష్ట్రానికి విడుదల చేసినా.. చెల్లింపులు లేకపోవడం ఆందోళనకరంగా మారింది. అసలు గత ఆర్థిక సంవత్సరం వరకు కేంద్రం ఉపాధి హామీ పనులను నిర్వహించే రాష్ట్ర గ్రామీణాభివృద్ధి శాఖకే నేరుగా నిధులు ఇచ్చేది. కానీ ఈసారి నుంచి రాష్ట్ర ప్రభుత్వానికి అందజేస్తోంది. ఇలా అందిన నిధులను రాష్ట్ర ప్రభుత్వం ఇతర ప్రాజెక్టులకు మళ్లించింది. దీంతో కూలీలకు వేతనాలు చెల్లించలేక గ్రామీణాభివృద్ధిశాఖ చేతులెత్తేసింది.
 
  భారీగా బకాయిలు..
  రాష్ట్రవ్యాప్తంగా ఉపాధి హామీ పనులు జరిగిన ప్రాంతాల్లో సుమారు కోటి పనిదినాలు పూర్తి చేసిన కూలీలకు దాదాపు రూ.170 కోట్లు చెల్లించాల్సి ఉంది. చేసిన పనికిగాను రోజువారీ వేతనాలను చెల్లించకపోతుండడంతో కూలీల్లో అసంతృప్తి వ్యక్తమవుతోంది. ఉపాధిహామీ పథకం కింద రోజుకు కూలీ రూ. 180గా కేంద్రం నిర్ణయించినా... సగటున రూ.130కి మించి అందడం లేదు. ఇక వేసవిలో ఉపాధి పనులు పనిచేసే కూలీలకు కేంద్రం 20 నుంచి 35శాతం ప్రత్యేక అలవెన్స్‌ను ప్రకటించినా... రూ.170 నుంచి రూ. 180లోపే అందుతోంది. ఇది కూడా కొద్దిరోజులుగా చేతికి అందకపోతుండడంతో ఉపాధి పనులకు వచ్చే కూలీల సంఖ్య రోజురోజుకు తగ్గిపోతోంది. ఫలితంగా గ్రామాల్లో జరగాల్సిన పనులు మందగించాయి.
 
  అధికారులు ఏమంటున్నారంటే..
  ఉపాధి పనులు చేసిన కూలీలకు కొన్నిరోజులు వేతనాలు అందకపోవడం వాస్తవమేనని క్షేత్రస్థాయి అధికారులే చెబుతున్నారు. గ్రామీణాభివృద్ధి శాఖ నుంచి నిధులు రాకపోవడంతో కూలీలకు ఏం సమాధానం చెప్పాలో అర్థం కావడం లేదని వాపోతున్నారు. అయితే పనులకు వచ్చే కూలీల సంఖ్య తగ్గిపోవడానికి వేతనాలు అందకపోవడంతోపాటు చాలా మంది కూలీల కుటుంబాలు 150 రోజుల పనిదినాలను పూర్తి చేసుకుని ఉండడం, గ్రామాల్లో జాతరలు, వివాహాలకు ఇదే సీజన్ కావడం కూడా కారణమని చెబుతున్నారు. కూలీలకు పనులు కల్పించే విషయంలో ఎటువంటి ఇబ్బంది లేదని... భూముల అభివృద్ధి, ఇంకుడు గుంతల తవ్వకం, మరుగుదొడ్ల నిర్మాణం తదితర పనులు సమృద్ధిగా ఉన్నాయని అంటున్నారు.


 ♦ ‘మిషన్ భగీరథ’పై సమీక్షలో సీఎం కేసీఆర్
 ♦ రాష్ట్రంలోని చాలా వరకు గ్రామాలకు తాగునీరు అందించాలి
 ♦ ఏప్రిల్‌లో తొమ్మిది నియోజకవర్గాల్లో నీటి సరఫరా
 ♦ {sీట్‌మెంట్ ప్లాంట్లు పూర్తికాగానే సరఫరా మొదలుపెట్టండి
 ♦ జెన్‌కో, ట్రాన్స్‌కో సమన్వయంతో వేగంగా పనులు జరగాలి
 ♦ ‘ఉపాధి హామీ’ కింద పైప్‌లైన్ల కందకాలు తవ్వే పనులు
 ♦ డిజైన్లు, అనుమతుల్లో జాప్యం చేయవద్దని ఆదేశం
  
  సాక్షి, హైదరాబాద్: ఈ ఏడాది చివరినాటికే రాష్ట్రంలో చాలా వరకు గ్రామాలకు తాగునీటిని అందించాలని అధికారులను ముఖ్యమంత్రి కె.చంద్రశేఖర్‌రావు ఆదేశించారు. ఇందుకు అవసరమైన కార్యాచరణ రూపొందించుకుని, వేగంగా పనులు చేయాలని సూచించారు. జెన్‌కో, ట్రాన్స్‌కోలతో సమన్వయం కుదుర్చుకుని పంప్‌హౌజ్, పైప్‌లైన్లు తదితర పనులు చేయాలని... విద్యుత్ శాఖ అధికారులు కనీసం పది రోజుల పాటు మిషన్ భగీరథ పనుల్లో పాలుపంచుకోవాలని పేర్కొన్నారు. వాటర్ ట్రీట్‌మెంట్ ప్లాంట్లు పూర్తయిన చోట వెంటనే అక్కడి ప్రాంతాలకు మంచినీటి సరఫరా జరిగేలా కార్యాచరణ రూపొందించుకోవాలని ఆదేశించారు.
 
 మిషన్ భగీరథ పనుల పురోగతిపై మర్రి చెన్నారెడ్డి మానవ వనరుల కేంద్రంలో శుక్రవారం సీఎం కేసీఆర్ సమీక్షించారు. మంత్రి జగదీశ్‌రెడ్డి, ఎమ్మెల్యే ఎర్రబెల్లి దయాకర్‌రావు, పంచాయతీరాజ్ శాఖ కార్యదర్శి ఎస్‌పీ సింగ్, సీఎం అదనపు కార్యదర్శి స్మితా సబర్వాల్, ఈఎన్‌సీ సురేందర్‌రెడ్డి, సీఈలు, ఎస్‌ఈలు, వర్కింగ్ ఏజెన్సీల ప్రతినిధులు ఇందులో పాల్గొన్నారు. రెండు విడతలుగా సుదీర్ఘంగా సాగిన ఈ భేటీలో ఇన్‌టేక్ వెల్స్, వాటర్ ట్రీట్‌మెంట్ ప్లాంట్లు, పైపులైన్ల నిర్మాణం తదితర పనులను సెగ్మెంట్ల వారీగా సమీక్షించారు. డిజైన్లు, అనుమతులు ఇవ్వడంలో జాప్యాన్ని నివారించాలని... అవాంతరాలను తొలగించేందుకు ముఖ్యమంత్రి కార్యాలయం జోక్యం చేసుకుంటుందని సీఎం కేసీఆర్ పేర్కొన్నారు. ఏప్రిల్ చివరి నాటికి రాష్ట్రంలోని తొమ్మిది నియోజకవర్గాలకు మంచినీరు అందించేందుకు జరుగుతున్న పనుల పట్ల సంతృప్తి వ్యక్తం చేశారు. ఈ ఏడాది చివరి నాటికి ఎక్కడెక్కడ ఏయే పనులు పూర్తి చేయగలుగుతారు, నెలవారీగా ఎక్కడెక్కడ ఏమేం పనులు జరుగుతాయి అనే అంశాలపై పక్కా ప్రణాళిక రూపొందించుకోవాలని ఆదేశించారు.
 
  ఖరీఫ్‌కు ముందే పైపులైన్లు
  రైతుల పొలాల గుండా వెళ్లే పైపులైన్ల నిర్మాణాన్ని ఖరీఫ్ పనులు ప్రారంభమయ్యే జూన్‌లోగా పూర్తిచేయాలని సీఎం కేసీఆర్ ఆదేశించారు. తాగునీటి సరఫరాకు  ఉపయోగించే పైపులైన్లు నాణ్యతతో ఉండాలని, రోగ కారకమైనందున సిమెంట్ పైపులైన్లను ఎట్టి పరిస్థితుల్లో వాడవద్దని సూచించారు. పెద్ద ఎత్తున అవసరమయ్యే పైపులు, వాల్వ్‌లను సమకూర్చుకునేందుకు అవసరమైన వ్యూహం రూపొందించాలని... రాష్ట్రంలోని కంపెనీలు పైపులైన్లు, వాల్వ్‌లు అందించే పరిస్థితి లేకుంటే దేశంలో ఉత్తమమైన సంస్థలకు పనులు ఇవ్వాలని చెప్పారు.
 
  ఉపాధి హామీతో తవ్వకాలు
  ఇన్‌టేక్ వెల్, వాటర్ ట్రీట్‌మెంట్ ప్లాంట్లతో పాటు గ్రామాల్లో అంతర్గత పైపులైన్ల నిర్మాణం వేగంగా జరగాలని సీఎం కేసీఆర్ ఆదేశించారు. పైపులైన్ల నిర్మాణానికి కందకాలు తవ్వే పనిని ఉపాధి హామీ పథకం కింద చేపట్టాలని సూచించారు. తాగునీటి పంపింగ్‌కు అవసరమయ్యే విద్యుత్ సరఫరాకు ట్రాన్స్‌ఫార్మర్లు, లైన్లు, సబ్‌స్టేషన్ల నిర్మాణం త్వరితగతిన పూర్తి చేయాలన్నారు. మిషన్ భగీరథ పనులు పూర్తయిన తర్వాత వచ్చే పదేళ్ళ పాటు నిర్వహణ బాధ్యత వర్కింగ్ ఏజెన్సీలకే ఉంటుందని... నిర్ణీత కాలంలో పనులు పూర్తిచేసిన వారికిచ్చే 1.5 శాతం ఇన్సెంటివ్‌ను అందుకునేందుకు అన్ని వర్కింగ్ ఏజెన్సీలు ప్రయత్నించాలని పేర్కొన్నారు.
  
  ఐటీఐ ఫిట్టర్లకు ఉపాధి కల్పించాలి
  మిషన్ భగీరథ పనులకు అవసరమైన సిబ్బందిని నియమించుకోవాలని, ఇంజనీరింగ్ పనుల్లో సాంకేతిక విద్య అభ్యసించిన విద్యార్థులను ఉపయోగించాలని సీఎం కేసీఆర్ సూచించారు. పైప్‌లైన్ ఫిట్టింగ్, కనెక్టింగ్ తదితర పనులు చేసే అవకాశాన్ని గ్రామాల్లో ఉండే ఐటీఐ పూర్తి చేసిన ఫిట్టర్లకు ఇవ్వాలని.. మంత్రులు, కలెక్టర్లు చొరవ తీసుకొని మండలాల వారీగా ఐటీఐ పూర్తి చేసిన వారి వివరాలు తీసుకోవాలని చెప్పారు. డిజైన్ల రూపకల్పనలో మరింత వేగం అవసరమని వ్యాప్కోస్ ప్రతినిధులకు సీఎం సూచించారు. 2016 చివరి నాటికి పూర్తయ్యే పనులకు సంబంధించిన డి జైన్లు వచ్చే నెలాఖరు నాటికి ఖరారు చేయాలన్నారు.


 తూప్రాన్: పురుషునితో మహిళకు పెళ్లి జరుగుతుందని అందరికీ తెలుసు. కానీ, మెదక్ జిల్లా తూ ప్రాన్ మండలం వెంకటాపూర్‌లో మామిడి చెట్టు.. మరో మామిడి మొక్క వివాహ బంధంతో బుధవారం ఒక్కటయ్యాయి. మామిడితోట నాటి తొమ్మిదేళ్లు పూర్తి చేసుకున్న సందర్భాన్ని పురస్కరించుకుని యజమాని ఈ తంతు నిర్వహించారు. పెళ్లికి కుటుంబసభ్యులతో పాటు బంధుమిత్రులనూ ఆహ్వానించాడు. వెంకటాపూర్ గ్రామానికి చెందిన రైతు బుచ్చిరెడ్డిగారి శ్రీకాంత్‌రెడ్డి దివంగత ముఖ్యమంత్రి వైఎస్ రాజశేఖరరెడ్డి హయాంలో ఉపాధి హామీ పథకం కింద 2007-08లో 350 మామిడి మొక్కలను తన నాలుగు ఎకరాల పొలంలో నాటాడు. ప్రస్తుతం అవి మంచి దిగుబడిని ఇస్తున్నాయి. దీంతో ఆ రైతు తోట నాటి తొమ్మిదేళ్లు పూర్తి చేసుకున్న సందర్భంగా మామిడితోటలో రెండు మామిడి చెట్లకు బ్రాహ్మణోత్తములతో వేదమంత్రాలు. బాజాభజంత్రీల మధ్య వైభవంగా వివాహం జరిపించాడు. పెద్ద మామిడిచెట్టుకు చిన్న మామిడి మొక్కనిచ్చి పెళ్లి జరిపించిన విషయం సర్వత్రా చర్చనీయాంశమైంది.


 కొడంగల్: ఉపాధి హామీ పథకంలో చేసిన పనికి తగిన కూలి ఇవ్వలేదని ఆరోపిస్తూ ఇన్‌చార్జి ఎంపీడీఓ వీరబ్రహ్మచారిపై కూలీలు దాడి చేశారు. ఈ ఘటన మహబూబ్‌నగర్ జిల్లా కొడంగల్‌లో బుధవారం జరిగింది. పర్సాపూర్‌కి చెందిన సగం మంది కూలీలు ర్యాలపేట చెరువు మట్టిరోడ్డు పనులకు వెళ్లారు. వారం రోజుల పాటు పని చేశారు. రోజుకు ఒక్కొక్కరికి రూ.10-12 మాత్రమే కూలి డబ్బులు వచ్చే విధంగా ఈజీఎస్ సిబ్బంది బిల్లులు తయారు చేశారు. దీంతో ఆగ్రహించిన కూలీలు బుధవారం కొడంగల్ అంబేద్కర్ చౌరస్తా నుంచి ఎంపీడీఓ కార్యాలయం వరకు చావు డప్పు కొట్టుకుంటూ వచ్చారు.
 
 ఒక్కసారిగా కార్యాలయంలోకి దూసుకెళ్లారు. వీరబ్రహ్మచారిపై మూకుమ్మడిగా దాడి చేశారు. ఫర్నిచర్ ధ్వంసం చేశారు. కాగా ఎంపీడీఓ ఫిర్యాదు మేరకు దాడికి పాల్పడిన పర్సాపూర్‌కి చెందిన రామకృష్ణ, జీడీ మల్లేష్, సాకలి మల్లప్ప, జీడీ మొగులప్పలపై కేసు నమోదు చేశారు.


 ప్రజాప్రతినిధిగా ఎన్నికయ్యారంటే చాలు.. చుట్టూ మందీ మార్బలం ఉంటారు.. దర్పం ప్రదర్శిస్తుం టారు. కానీ, నిజామాబాద్ జిల్లా బీర్కూర్ మండలం కిష్టాపూర్  ఎంపీటీసీ సభ్యురాలు గంజాయి లక్ష్మీ మాత్రం ఉపాధి పనులకు వెళ్తున్నారు. మంగళవారం ఆమె పారపట్టి ట్రాక్టర్‌లో మట్టి నింపుతుం డగా, పనులను పరిశీలించేందుకు వచ్చిన ఎంపీడీవో భరత్‌కుమార్ ఎంపీటీసీ సభ్యురాలిని చూసి అవాక్కయ్యారు. ‘మేడమ్ మీరు ఉపాధి హామీ పనికి వచ్చారా? అంటూ పలకరిం చా రు. దీంతో  ’వర్షాల్లేక  పొలం పనులు సాగడం లేదు. ఇంటి వద్ద ఊరికే కూర్చునే కంటే నలుగురితో కలసి ఉపాధి పనులకు వెళ్తే తప్పులేదని ఎంపీటీసీ లక్ష్మీ అన్నారు.    
  - బీర్కూర్


 నిందితులపై ఎస్సీ, ఎస్టీ అట్రాసిటి కేసు నమోదు
 రొంపిచర్ల: పరగటిచర్ల గ్రామంలో ఉపాధి హామీ పథకంలో అధికార పార్టీ వర్గ విభేదాలు దళితులపై దాడికి దారి తీశాయి. పరగటిచర్ల గ్రామ పంచాయతీ సర్పంచి పదవి రిజర్వేషన్‌లో ఎస్సీలకు కేటాయిచారు. ఆ గ్రామానికి చెందిన టీడీపీ మండల ఎస్సీసెల్ అధ్యక్షుడు కొమ్ముల నాగేశ్వరరావు తన భార్య ప్రభావతిని పోటీ పోయించగా ఆమె గెలిచారు. అయితే టీడీపీకి చెందిన రెండు వర్గాల ఒప్పందం మేరకు చిగురుపాటి ఆదినారాయణ వర్గానికి చెందిన ప్రభావతి మొదటి రెండున్నర సంవత్సరాలు, కామినేని శేషయ్య వర్గానికి సంబంధించి మిగిలిన రెండున్నర సంవత్సరాలు సర్పంచిగా కొనసాగేటట్లు ఒప్పందాలు కుదుర్చుకున్నారు.
 
 అయితే చిగురుపాటి,  కామినేని వర్గాల మధ్యఒద్దిక కుదరటం లేదు. గ్రామంలో ఉపాధి హామీ పనులు నిర్వహించేందుకు ఇప్పటి వరకు పనిచేస్తున్న ఫీల్డ్ అసిస్టెంటులను తొలగించి కొత్తవారిని ఏర్పాటు చేసుకునేందుకు రెండు వర్గాలు అంగీకరించాయి. అయితే తమ వర్గానికి చెందిన వారిని ఫీల్డ్ అసిస్టెంటుగా నియమించాలని పట్టుబట్టి చివరికి చిగురుపాటి వర్గానికి చెందిన కొంగర నాగభిక్షంను నియమించారు. రెండు రోజుల క్రితం ఫీల్డ్ అసిస్టెంట్, ఆయన బంధువులు దళితవాడలో పనులు నిర్వహించేందుకు దండోరా వేయాలని వెళ్లారు. అక్కడే ఉన్న సర్పంచి వర్గీయులు పంచాయతీ తీర్మానం లేకుండా పనులు ఎలా నిర్వహిస్తారు అని ప్రశ్నించడంతో గొడవ ప్రారంభమైంది.
 
 ఇరువురి మధ్య మాటామాటా పెరిగి ధూషించుకునే వరకు వచ్చింది. సర్పంచి వర్గీయులు పోలీస్ స్టేషన్‌కు వెళ్లి రక్షణ కావాలని కోరారు. సర్పంచి భర్త, టీడీపీ ఎస్సీసెల్ అధ్యక్షులు కొమ్ముల నాగేశ్వరరావు పాలకేంద్రంలో 20 ఏళ్ళుగా టెస్టర్‌గా పనిచేస్తున్నారు. యథాప్రకారం శుక్రవారం రాత్రి విధులు నిర్వహించుకునేందుకు వెళ్లాడు. అప్పటికే దారికాచి ఉన్న కొందరు అగ్ర కులస్తులు నాగేశ్వరరావుపై దాడిచేస్తుండగా, కొందరు దళితులు అడ్డుకునేయత్నం చేశారు. ఈ ప్రయత్నంలో అడ్డువచ్చిన దళితులను కూడా చితకబాదారు. క్షతగాత్రులందరూ నరసరావుపేట ఏరియా వైద్యశాలలో చికిత్స పొందుతున్నారు.
 
 కేసు నమోదు..
 టీడీపీ ఎస్సీ సెల్ మండల అధ్యక్షులు కొమ్ముల నాగేశ్వరరావు మీద దాడి చేసిన ఆగ్రవర్ణాలకు చెందిన 15 మందిపై ఎస్సీ, ఎస్టీ అట్రాసిటి కేసు నమోదు చేసి దర్యాప్తు చేస్తున్నట్లు ఎస్సై సయ్యద్ సమీర్ బాషా శనివారం తెలిపారు. నాగేశ్వరరావును పరగటిచర్ల గ్రామానికి చెందిన అగ్ర కులాల వారు శుక్రవారం దాడిచేసి కులంపేరుతో ధూషించడమే కాక గాయపరిచినట్లు ఫిర్యాదు అందిందన్నారు.  గ్రామంలో శాంతి భద్రత పరిరక్షణ నిమిత్తం పోలీసు పికెట్ ఏర్పాటు చేశామన్నారు.
  


 బ్యాంకర్లు పాత బకాయిల కింద కూలీ డబ్బులను జమ చేసుకుంటుండడంతో ఉపాధి కూలీకి వె ళ్లాలంటేనే నిరుపేదలు భయపడుతున్నారు. ఉపాధి హామీ పధకం కింద కూలీలు చేసిన పనులకు గాను ఈజీఎస్ నుంచి వారానికోరోజు నేరుగా బ్యాంకులో వారిపేరిట ఖాతాల్లో డబ్బులు జమ అవుతోంది. ఈ డబ్బును కూలీలు బ్యాంక్ ఖాతాల్లోనే ఉంచుకుంటున్నారు. అయితే, ఈ డబ్బు నిల్వ చూసిన బ్యాంకు అధికారులు మాత్రం సంబంధిత వ్యక్తుల పాత బకాయిల కింద మినహాయించుకుంటున్నారు. దీంతో కూలీలు లబోదిబోమంటున్నారు.
 
 దీనిపై స్పందించిన ఈజీఎస్ అధికారులు.. ఖాతాల్లో డబ్బును వెంటనే డ్రా చేసుకోండంటూ కూలీలకు సూచిస్తున్నారు. బ్యాంక్ చర్యల కారణంగా కూలీలు ఉపాధి పనులు మానేస్తున్నట్లు అధికారులు తెలిపారు. ఒక్క రంగారెడ్డి జిల్లా యాచారం మండలంలో రెండువేల మంది ఇప్పటికే పనులు మానేశారని అన్నారు. ఈ నేపథ్యంలో ఉపాధి పనుల లక్ష్యం కుంటుపడింది. దీంతో కూలీల్లో ధైర్యం నింపేందుకు ఉన్నతాధికారుల ఆదేశాలతో ఆయా బ్యాంక్ మేనేజర్లతో సమావేశమయ్యేందుకు కూడా సిద్ధమవుతున్నారు.
 
  


 రైతులకు బ్యాంకుల షాక్!
 ♦ నేరుగా బ్యాంకుల్లోనే సర్దుబాటు
 ♦ కూలీలుగా మారిన కర్షకులపై బ్యాంకర్ల కర్కశత్వం
  
  సాక్షి, రంగారెడ్డి జిల్లా ప్రతినిధి: కర్షకుల పట్ల బ్యాంకులు కర్కశంగా వ్యవహరిస్తున్నాయి. రైతు ఖాతాల్లోని నగదును దొడ్డిదారిన పంట రుణ బకాయిల కింద జమ చేసుకుంటున్నాయి. కరువుతో వ్యవసాయ పనులు మందగించడంతో ఉపాధి కూలీలుగా మారిన రైతుల నుంచి కూలి సొమ్మును లాగేసుకుంటున్నాయి. తీవ్ర వర్షాభావ పరిస్థితులతో వీధినపడిన అన్నదాతలకు అంతో ఇంతో ఉపాధి హామీ పథ కం (ఈజీఎస్) అండగా నిలుస్తోంది. ఈ క్రమంలో ఉపాధి పథకం కింద పనులు చేస్తున్న రైతులపై బ్యాంకులు రికవరీ అస్త్రాన్ని ప్రయోగిస్తున్నాయి. కూలి పనితో వచ్చే నాలుగు పైసలను బ్యాంకర్లు పంట రుణ ఖాతాలోకి మళ్లిస్తున్నారు. కేవలం పంట రుణాలేకాదు.. సహకార రుణాలు, ఆర్థిక చేయూత, లింకు రుణాల వసూలులోనూ ఇదే పద్ధతి అవలంబిస్తున్నారు. పాత బకాయిల సర్దుబాటుపై కనీస సమాచారం ఇవ్వకపోవడంతో రైతాంగం లబోదిబోమంటోంది. కరువుతో సాగుసాగక.. కూలి పనులు చేసుకుంటుంటే బ్యాంకు లు తమ కష్టార్జితాన్ని చడీచప్పుడు లేకుండా జమ చేసుకుంటుండడం అన్నదాతలను ఆందోళనకు గురిచేస్తోంది.
 
  20 శాతం కూడా సేద్యానికి నోచుకోలేదు
  వర్షాభావ పరిస్థితులతో జిల్లాలో కరువు తాండవిస్తోంది. ప్రస్తుత రబీ సీజన్‌లో 50 వేల హెక్టార్ల సాధారణ విస్తీర్ణంలో కనీసం 20 శాతం కూడా సేద్యానికి నోచుకోలేదు. పశుగ్రాసం కొరత, తాగునీటి ఎద్దడి నేపథ్యంలో జిల్లాను కరువు ప్రాంతంగా ప్రకటించాలని యంత్రాంగం ప్రభుత్వానికి నివేదిక పంపింది. దీనిపై ఇప్పటివరకు సానుకూల స్పందన రానప్పటికీ, ఉపాధి పథకం కింద 150 రోజుల పని దినాలు కల్పించాల్సిందిగా ఆదేశించింది. కనీసం ఈ రూపంలోనైనా ఉపాధి దొరుకుతుందని ఆశించిన రైతులకు బ్యాంకర్లు షాక్ ఇచ్చారు. ఉపాధి చెల్లింపులను నేరుగా బ్యాంకు ఖాతాల్లోకి ఆన్‌లైన్ పద్ధతిలో జమ చేస్తుండడాన్ని అనువుగా మలచుకున్నారు.
 
 మూడు రోజులకోసారి జిల్లా నీటియాజమాన్య సంస్థ(డ్వామా) కూలి డబ్బును కూలీల వ్యక్తిగతఖాతాలో జమ చేస్తున్నాయి. ఇదే అదనుగా బ్యాంకర్లు ఆ నిధులను పంట రుణ పద్దు కింద బదలాయిస్తున్నారు. గత రెండ్రోజులుగా ఇబ్రహీంపట్నం, యాచారం, మంచాల తదితర మండలాల్లో వందల సంఖ్యలో రైతుల ఈజీఎస్ ఖాతాల నుంచి పంట రుణాల ఖాతాకు మళ్లించారు. కనీస సమాచారం ఇవ్వకుండా నిధులు దారి మళ్లిస్తుండడంతో రైతుల్లో ఆగ్రహం కట్టలు తెంచుకుంటోంది. మంగళవారం యాచారం మండల కేంద్రంలోని ఎస్‌బీహెచ్ వద్ద పలువురు రైతులు బ్యాంకు మేనేజర్‌తో వాగ్వాదానికి దిగారు. ఉపాధి అధికారులు జోక్యం చేసుకోవడంతో పరిస్థితి సద్దుమణిగింది.
 
  కలెక్టర్ దృష్టికి తీసుకెళ్తా..
  రైతుల ఖాతా నుంచి కూలి సొమ్మును పంట రుణ ఖాతాలో సర్దుబాటు చేసిన అంశంపై ఫిర్యాదు అందింది. ఈ విషయంపై బ్యాంకర్లతో సంప్రదింపులు జరుపుతున్నాం. యాచారంలో చోటుచేసుకున్న సంఘటనను కలెక్టర్ దృష్టికి తీసుకెళ్తా.  
  - హరిత, ప్రాజె క్టు డెరైక్టర్, జిల్లా నీటి యాజమాన్య సంస్థ
  
  నాకు తెలియకుండానే నొక్కేశారు..
  బోర్లు ఎండిపోవడంతో విధిలేని పరిస్థితుల్లో ఉపాధి పనులు చేస్తున్న. కూలి డబ్బును బ్యాంకు ఖాతాలో జమ చేసినట్లు ఈజీఎస్ అధికారులు రెండ్రోజుల క్రితం చెప్పారు. దీంతో నిధులను విత్‌డ్రా చేసేందుకు బ్యాంకుకు వెళ్లా. అయితే (62070346933) ఖాతాలో డబ్బులు లేవని చెప్పడంతో బ్యాంకు అధికారులను ప్రశ్నించా.. పంట రుణ ఖాతాలోకి రూ.1,800 జమచేసినట్లు చెప్పారు. నా ప్రమేయం లేకుండా నిధులను ఎలా మళ్లిస్తారంటూ నిలదీశా.. బ్యాంకర్ నిర్లక్ష్యంగా సమాధానమివ్వడంతో ఈజీఎస్ ఏపీడీ తిరుపతయ్యకు ఫిర్యాదు చేశా.     
 - గడల అంజయ్య, ఉపాధి కూలి, యాచారం


 నెల్లిమర్ల:  ఉపాధిహామీ పథకంలో వందరోజుల నిబంధన కూలీలకు గుదిబండగా మారింది. ఒకే జాబ్‌కార్డులో ఉండే వేతనదారులంతా కలిసి ఆర్థిక సంవత్సరంలో వంద పనిదినాలు పూర్తిచేయడంతో వారికి అధికారులు పనులు నిలిపేశారు. ఈ విధంగా మండలంలోని 472 కుటుంబాలకు చెందిన సుమారు 1200మంది పనిలేక ఇబ్బంది పడుతున్నారు. రాబోయే రెండునెలల పాటు పనిలేకపోతే ఎలా బతకాలని వాపోతున్నారు. మండలంలోని 26పంచాయతీల్లో మొత్తం 8వేల జాబ్‌కార్డులున్నాయి. వీరికి సంబంధించి 15వేల మంది కూలీలు ఉపాధిహామీ పథకంలో పనిచేస్తున్నారు.
  
  గత ఏప్రిల్ నెలనుంచి ఇప్పటివరకు 472 జాబ్‌కార్డులకు చెందిన కూలీలు వందరోజుల పని పూర్తి చేసుకున్నారు. ప్రభుత్వ నిబంధనల ప్రకారం ఒకే ఆర్థిక సంవత్సరంలో వందరోజులు పని పూర్తిచేసుకున్నవారికి మరి పని కల్పించకూడదు. అందువల్ల వీరిని సోమవారంనుంచి పనులకు రానివ్వకుండా ఉపాధిహామీ అధికారులు నిలిపివేశారు. వారంతా లబోదిబోమంటున్నారు. వాస్తవానికి ఒక్కో జాబ్‌కార్డులో ముగ్గురేసి, నలుగురేసి కూలీలు ఉన్నారు. దీనివల్ల ఒక్కొక్కరు నెలరోజులు చేసినా వందరోజులు పూర్తయిపోతుంది. ఈ ఆర్థిక సంవత్సరం మరో రెండు నెలలుండగా ఇకపై తమకు ఉపాధి ఎలా అన్నదే ప్రశ్న. వేరే పనులకు వెళ్దామన్నా ప్రస్తుతం వ్యవసాయ పనులు కూడా లేవని వాపోతున్నారు.