Updates:పీకల్లోతు కష్టాల్లో టీమిండియాటాస్‌ ఓడి బ్యాటింగ్‌కు దిగిన టీమిండియా30 పరుగులకే 3 వికెట్లు కోల్పోయి కష్టాల్లో పడ్డ భారత్‌మూడో వికెట్‌గా వెనుదిరిగిన విరాట్‌కోహ్లి(11) ప్రస్తుతం 13 ఓవర్లు ముగిసేనాటికి భారత్‌ స్కోర్‌ 44-3తొలి వికెట్‌ డౌన్‌.. గిల్‌ ఔట్‌టాస్‌ ఓడి బ్యాటింగ్‌కు దిగిన భారత్‌కు ఆదిలోనే బిగ్‌ షాక్‌ తగిలింది. ఓపెనర్‌ శుబ్‌మన్‌ గిల్‌(2) రూపంలో టీమిండియా తొలి వికెట్‌ కోల్పోయింది. మాట్‌ హెన్రీ బౌలింగ్‌లో ఎల్బీగా వెనుదిరిగాడు. క్రీజులోకి విరాట్‌ కోహ్లి వచ్చాడు. 4 ఓవర్లకు భారత్‌ స్కోర్‌: 15/1. ఐసీసీ ఛాంపియ‌న్స్ ట్రోఫీ-2025 ఆఖరి లీగ్ మ్యాచ్‌లో న్యూజిలాండ్‌, భార‌త్ జ‌ట్లు త‌ల‌ప‌డుతున్నాయి. దుబాయ్ వేదిక‌గా జ‌రుగుతున్న ఈ మ్యాచ్‌లో టాస్ గెలిచిన న్యూజిలాండ్‌ తొలుత బౌలింగ్ ఎంచుకుంది. ఈ మ్యాచ్‌లో భార‌త్ ఒక మార్పుతో బ‌రిలోకి దిగింది.యువ పేస‌ర్ హర్షిత్‌ రాణాకు మెనెజ్‌మెంట్ విశ్రాంతి ఇచ్చింది. అత‌డి స్ధానంలో స్పిన్నర్‌ వరుణ్‌ చక్రవర్తి తుది జ‌ట్టులోకి వ‌చ్చాడు. మ‌రోవైపు కివీస్ కూడా ఓ మార్పుతో ఆడుతోంది. డెవాన్‌ కాన్వే స్ధానంలో డార్లీ మిచెల్‌ జట్టులోకి వచ్చాడు. కాగా ఈ మ్యాచ్ టీమిండియా స్టార్ ప్లేయ‌ర్ విరాట్ కోహ్లికి ఇది 300వ వ‌న్డే కావ‌డం విశేషం.తుది జట్లుభారత్ (ప్లేయింగ్ XI): రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లి, శ్రేయాస్ అయ్యర్, అక్షర్ పటేల్, కేఎల్ రాహుల్(వికెట్ కీపర్‌), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తిన్యూజిలాండ్ (ప్లేయింగ్ XI): విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్(వికెట్ కీపర్‌), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్‌), మాట్ హెన్రీ, కైల్ జామీసన్, విలియం ఒరూర్కేచదవండి: 'ఐపీఎల్‌ను బాయ్‌క‌ట్ చేయండి'.. భార‌త్‌పై అక్కసు వెల్లగక్కిన ఇంజమామ్

ఐసీసీ ఛాంపియ‌న్స్ ట్రోఫీ-2025కు పాకిస్తాన్ ఆతిథ్య‌మిస్తున్న సంగ‌తి తెలిసిందే. అయితే 29 ఏళ్ల త‌ర్వాత త‌మ దేశంలో జ‌రుగుతున్న ఐసీసీ టోర్నీలో ఆతిథ్య పాకిస్తాన్ మాత్రం పూర్తిగా తేలిపోయింది. న్యూజిలాండ్, భారత్‌ చేతిలో వరుస ఓటములను చవిచూసిన పాకిస్తాన్ జట్టు.. ఈ మెగా టోర్నీ గ్రూపు స్టేజిలోనే ఇంటిముఖం పట్టింది.దీంతో పాక్‌​ జట్టుపై ఆ దేశ మాజీ క్రికెటర్లు, అభిమానులు విమర్శల వర్షం కురిపిస్తున్నారు. మరోవైపు టీమిండియా మాత్రం వరుస విజయాలతో తమ సెమీస్ బెర్త్‌ను బెర్త్‌ను ఖారారు చేసుకుంది. కాగా పాకిస్తాన్‌ ఆతిథ్యమిస్తున్న ఈ మెగా టోర్నీలో భారత్‌ మాత్రం తమ మ్యాచ్‌లను దుబాయ్‌ వేదికగా ఆడుతోంది.భద్రత కారణాల రీత్యా తమ జట్టును పాక్‌కు పంపేందుకు బీసీసీఐ నిరాకరించింది. దీంతో ఐసీసీ ఈ ఈవెంట్‌ను హైబ్రిడ్‌ మోడల్‌లో నిర్వహిస్తోంది. ఈ క్రమంలో భార‌త జ‌ట్టుపై పాకిస్తాన్ క్రికెట్ దిగ్గ‌జం ఇంజమామ్ ఉల్ హక్ మ‌రోసారి త‌న అక్క‌సును వెల్లగక్కాడు. బీసీసీఐకి వ్యతిరేకంగా అన్ని క్రికెట్ బోర్డులు ఏకం కావాలని ఇంజమామ్ విషం చిమ్మాడు. "ఛాంపియన్స్ ట్రోఫీ విషయం పక్కన పెట్టండి. ప్రపంచంలోని టాప్ ప్లేయర్లందరూ ఐపీఎల్‌లో పాల్గోంటారు. కానీ భారత ఆటగాళ్లు మాత్రం ఇతర ఫ్రాంచైజీ క్రికెట్ లీగ్‌ల్లో పాల్గోనరు. అందుకు వారి క్రికెట్ బోర్డు అంగీకరించదు. కాబట్టి ఇతర క్రికెట్ బోర్డులు కూడా తమ ఆటగాళ్లను ఐపీఎల్‌ ఆడేందుకు ఎన్‌వోసీ జారీ చేయకూడదు. ఈ విషయంపై అన్ని క్రికెట్ బోర్డులు ఒకే తాటిపై రావాలని" ఓ ఛానల్‌కు ఇచ్చిన ఇంటర్వ్యూలో ఇంజమామ్ పేర్కొన్నాడు.అయితే ఒక్క పాకిస్తాన్ మినహా ప్రపంచవ్యాప్తంగా ఉన్న ఆటగాళ్లందరికి ఐపీఎల్‌లో ఆడేందుకు అనుమతి ఉంది. ఐపీఎల్ ప్రారంభంలో పాకిస్థాన్ ఆటగాళ్లు టోర్నీలో పాల్గొనేవారు. ఐపీఎల్ మొదటి ఎడిషన్(2008) లో చాలా మంది పాక్ ప్లేయర్లు ఐపీఎల్‌లో ఆడారు.అయితే ముంబైలో జరిగిన ఉగ్రవాద దాడి తరువాత పాక్ ఆటగాళ్లను ఐపీఎల్‌లో ఆడకుండా నిషేధిం‍చారు. కాగా బీసీసీఐ మాత్రం తమ ఆటగాళ్లను విదేశీ లీగ్‌లలో ఆడేందకు అనుమతించదు. ఒక ఇండియన్ క్రికెటర్‌ ఓవర్సీస్ లీగ్‌లు ఆడేందుకు అర్హత సాధించాలంటే ఐపీఎల్‌తో సహా భారత క్రికెట్‌కు రిటైర్మెంట్ ఇవ్వాలి.చదవండి: CT 2025 IND Vs NZ: కివీస్‌తో మ్యాచ్‌.. స్టార్‌ ప్లేయర్లకు రెస్ట్‌! విధ్వంసకర వీరుడి ఎం‍ట్రీ?

ఐసీసీ ఛాంపియ‌న్స్ ట్రోఫీ-2025లో భార‌త క్రికెట్ జ‌ట్టు త‌మ చివ‌రి లీగ్ మ్యాచ్‌లో న్యూజిలాండ్‌తో త‌ల‌ప‌డేందుకు సిద్ద‌మైంది. తొలి రెండు మ్యాచ్‌ల్లో విజ‌యం సాధించిన టీమిండియా ఇప్ప‌టికే సెమీస్ బెర్త్‌ను ఖారారు చేసుకున్న సంగ‌తి తెలిసిందే. అయితే త‌మ ఆఖ‌రి లీగ్ మ్యాచ్‌లో కూడా గెలిచి పూర్తి ఆత్మ‌విశ్వాసంతో సెమీస్‌లో అడుగుపెట్టాలని భార‌త జ‌ట్టు భావిస్తోంది.ఈ మ్యాచ్‌లో భారత్‌ గెలిస్తే గ్రూప్‌ టాపర్‌గా సెమీఫైనల్లో ఆ్రస్టేలియాతో తలపడుతుంది. ఓడితే సెమీస్‌లో దక్షిణాఫ్రికాను ఎదుర్కొంటుంది. ఈ నేప‌థ్యంలో భార‌త జ‌ట్టు మెనెజ్‌మెంట్‌కు మాజీ క్రికెట‌ర్ సంజ‌య్ మంజ్రేక‌ర్ కీల‌క సూచ‌న‌లు చేశాడు. తొలి రెండు మ్యాచ్‌ల‌కు బెంచ్‌కే ప‌రిమిత‌మైన ఆట‌గాళ్ల‌ను కివీస్‌తో జ‌రిగే మ్యాచ్‌లో ఆడించాల‌ని మంజ్రేక‌ర్ అభిప్రాయ‌ప‌డ్డాడు."కివీస్‌తో మ్యాచ్‌లో భార‌త్ త‌మ త‌మ బెంచ్ బలాన్ని ప‌రీక్షించుకోవాలి. వికెట్ కీప‌ర్ బ్యాట‌ర్ రిష‌బ్ పంత్‌, పేస‌ర్ అర్ష్‌దీప్ సింగ్‌ల‌కు ఆడే అవ‌కాశం ఇవ్వండి. మొద‌టి రెండు మ్యాచ్‌ల‌కు వీరిద్ద‌రూ బెంచ్‌కే ప‌రిమిత‌మ‌య్యారు. ఈ మ్యాచ్‌లో గెలిచేందుకు అన్ని విధాల ప్ర‌య‌త్నించిండి. గెలిస్తే ఆస్ట్రేలియాతో ఆడుతారు. లేదంటే ద‌క్షిణాఫ్రికాతో త‌ల‌ప‌డతారు. అంతేత‌ప్ప ఓడినంతమాత్రాన భార‌త జ‌ట్టుకు పెద్ద‌గా న‌ష్టం లేదు. కాబ‌ట్టి నావ‌ర‌కు అయితే తుది జ‌ట్టులో మార్పులు చేస్తే బెట‌ర్‌" అని మంజ్రేక‌ర్ జియో హాట్‌స్టార్‌కు ఇచ్చిన ఇంట‌ర్వ్యూలో పేర్కొన్నాడు.కాగా కివీస్‌తో మ్యాచ్‌కు టీమిండియా ప్లేయింగ్ ఎలెవ‌న్‌లో మార్పులు చోటు చేసుకునే సూచ‌న‌లు క‌న్పిస్తున్నాయి. టీమిండియా స్టార్ పేస‌ర్ మ‌హ్మ‌ద్ ష‌మీకి మెనెజ్‌మెంట్ విశ్రాంతి ఇవ్వ‌నున్న‌ట్లు తెలుస్తోంది. అత‌డి స్ధానంలో యువ పేసర్ అర్ష్‌దీప్ సింగ్ జ‌ట్టులో వ‌చ్చే అవ‌కాశ‌ముంది. అదేవిధంగా కేఎల్ రాహుల్ స్ధానంలో రిష‌బ్ పంత్ జ‌ట్టులోకి రానున్న‌ట్లు స‌మ‌చారం.తుది జట్ల వివరాలు (అంచనా) భారత్‌: రోహిత్‌ శర్మ (కెప్టెన్ ), శుబ్‌మన్‌ గిల్, కోహ్లి, శ్రేయస్‌ అయ్యర్, రిషబ్‌ పంత్, హార్దిక్‌ పాండ్యా, రవీంద్ర జడేజా, వాషింగ్టన్‌ సుందర్, హర్షిత్‌ రాణా, వరుణ్ చక్రవర్తి, అర్ష్ దీప్‌ సింగ్‌. న్యూజిలాండ్‌: మిచెల్‌ సాంట్నర్‌ (కెప్టెన్ ), డెవాన్‌ కాన్వే, రచిన్ రవీంద్ర, కేన్‌ విలియమ్సన్, డార్లీ మిచెల్, టామ్‌ లాథమ్, గ్లెన్‌ ఫిలిప్స్, బ్రేస్‌వెల్, జేమీసన్,హెన్రీ, రూర్కే.చదవండి: Champions Trophy: చరిత్రకు అడుగు దూరంలో విరాట్ కోహ్లి..

ఛాంపియన్స్ ట్రోఫీ ప్రారంభానికి కొద్ది రోజుల ముందు వరుకూ భారత్ స్టార్ బ్యాట‌ర్‌ విరాట్ కోహ్లి క్రికెట్ కెరీర్ పై ఎన్నో విమర్శలు చెలరేగాయి. ముఖ్యంగా ఇటీవల జరిగిన ఆస్ట్రేలియా పర్యటనలో కోహ్లీ ఘోర వైఫల్యం ఇందుకు ప్రధాన కారణం. అయితే రోజులు ఎప్పుడూ ఒకేలాగా ఉండవు. ఒక్క మ్యాచ్ తో పరిస్థితి అంతా మారిపోయింది. గత ఆదివారం పాకిస్థాన్‌తో జరిగిన మ్యాచ్‌లో సెంచరీతో అజేయంగా నిలిచిన విరాట్ కోహ్లీ, భారత్ బ్యాటింగ్ లో తన మునుపటి వైభవాన్ని పునరుద్ధరించుకున్నాడు.పాకిస్తాన్ మ్యాచ్ అంటే విజృంభించి ఆడే కోహ్లీ ఇవేమీ కొత్తేమీ కాదు. అయితే న్యూజిలాండ్‌తో ఆదివారం దుబాయ్ ఇంటర్నేషనల్ క్రికెట్ స్టేడియం లో జరిగే ఛాంపియన్స్ ట్రోఫీ భారత్ ఆఖరి లీగ్ మ్యాచ్‌ కోహ్లీ కి చాల ప్రత్యేకం. ఇది కోహ్లీకి 300వ వన్డే మ్యాచ్. ఈ మైలురాయిని చేరుకున్న భారత్ ఆటగాళ్లలో కోహ్లీ ఏడవ వాడు. గతంలో లిటిల్ మాస్టర్ సచిన్ టెండూల్కర్, మాజీ కెప్టెన్లు సౌరవ్ గంగూలీ, రాహుల్ ద్రవిడ్, ఎంఎస్ ధోని వంటి హేమాహేమీలు ఈ రికార్డ్ సాధించిన వారిలో ఉన్నారు.రికార్డుల వేటలో కోహ్లి..కోహ్లీ తన 300వ వన్డేకు చేరుకుంటున్న తరుణంలో, భారత బ్యాట‌ర్ కేఎల్ రాహుల్ ప్రశంసలతో ముంచెత్తాడు. భారత క్రికెట్‌పై కోహ్లీ ప్రభావం ఎంత ఉందో మాటల్లో చెప్పడానికి చాలా కష్టం అని రాహుల్ ప్రశంసలతో ముంచెత్తాడు. రాహుల్ కోహ్లీని తానూ క్రికెట్లో ఎల్లప్పుడూ ఆరాధించే "ముఖ్యమైన సీనియర్ ఆటగాడు" అని ప్రశంసించాడు. "300 వన్డే మ్యాచ్‌లు... కోహ్లీ భారత క్రికెట్‌కు ఎంత గొప్ప సేవకుడో వ్యక్తీకరించడానికి మాటలు సరిపోవు" అని రాహుల్ మ్యాచ్‌కు ముందు విలేకరుల సమావేశంలో వ్యాఖ్యానించాడు.కోహ్లీ ఈ మ్యాచ్ తో మరో రికార్డ్ సాధించాలన్న ఆశయంతో ఉన్నాడు. 36 ఏళ్ల కోహ్లీ న్యూజిలాండ్‌పై 3000 కంటే ఎక్కువ అంతర్జాతీయ పరుగులు చేసిన ఆటగాళ్ల జాబితాలో చేరడానికి ఇంకా 85 పరుగులు మాత్రమే కావాల్సి ఉంది. గతంలో సచిన్ టెండూల్కర్ (3345), రికీ పాంటింగ్ (3145), జాక్వెస్ కల్లిస్ (3071) మరియు జో రూట్ (3068) తర్వాత ఈ మైలురాయిని చేరుకున్న ఐదవ బ్యాట్స్‌మన్‌గా కోహ్లీ చరిత్ర సృష్టిస్తాడు. న్యూజిలాండ్‌పై కోహ్లీ ఇంతవరకూ 55 వన్డే మ్యాచ్‌ల్లో 47.01 సగటుతో 2915 పరుగులు సాధించాడు. ఇందులో 9 సెంచరీలు మరియు 15 అర్ధ సెంచరీలు ఉన్నాయి.కోహ్లీ పై బ్రేస్‌వెల్ ప్రశంసలు "ఇది చాలా పెద్ద విజయం" అని ప్రత్యర్థి న్యూజిలాండ్ జట్టు ఆల్ రౌండర్ మైఖేల్ బ్రేస్‌వెల్ సైతం కోహ్లీ మైలురాయి గురించి ప్రశంసలు గుప్పించాడు. "ఒక క్రికెటర్ కెరీర్‌లో 300 వన్డే మ్యాచ్ లు ఆడటం చాల గొప్ప విషయం. అదీ ఒకే ఫార్మాట్‌లో. కోహ్లీ తన తన కెరీర్‌ను ఎలా ముందుకు తీసుకెళ్లాడనే దానికి ఇది నిదర్శనం అని నేను భావిస్తున్నాను." అని బ్రేస్‌వెల్ వ్యాఖ్యానించాడు.2023 ఐపీఎల్ సీజన్‌లో రాయల్ ఛాలెంజర్స్ బెంగళూరులో కోహ్లీతో కలిసి బ్రేస్‌వెల్ ఆడాడు. అతనికి కోహ్లీ గురించి ప్రత్యక్ష అవగాహన ఉంది. "ఆర్‌సిబిలో అతను ప్రతి మ్యాచ్‌కు ఎలా సిద్ధమయ్యాడో నేను ప్రత్యక్షంగా చూశాను. భారత్ జట్టు లో చాల మంది అగ్రశ్రేణి ఆటగాళ్లు ఉన్నారు. అందులో కోహ్లీ ఒకడు. భారత్ తో ఎదురయ్యే సవాలు ఎదుర్కోవటానికి మేము ఏంతో ఉత్సాహంగా ఎదురు చూస్తున్నాం," అని బ్రెసెవెల్ అన్నాడు.న్యూజిలాండ్ రికార్డ్ ఐసిసి టోర్నమెంట్లలో న్యూజిలాండ్ భారత్ పై ఆధిపత్యం చెలాయించింది. హెడ్-టు-హెడ్ రికార్డ్ లో న్యూజీలాండ్ 10-5 ( డబ్ల్యూ టి సి ఫైనల్‌తో సహా) తో ఆధిపత్యం లో ఉంది. అయితే ఈ రెండు జట్ల మధ్య జరిగిన వన్డేల్లో అయితే భారత్ 60-58 తో ఆధిక్యంలో ఉంది. న్యూజిలాండ్ తో జరిగే మ్యాచ్ లో భారత్ సీనియర్ పేస్ బౌలర్ మహమ్మద్ షమీ ఆడటం అనుమానంగానే ఉంది. పాకిస్తాన్‌తో జరిగిన మ్యాచ్‌లో మహమ్మద్ షమీ కాలి మ‌డ‌మ నొప్పితో ఇబ్బంది ప‌డిన‌ విషయం తెలిసిందే.ఈ కారణంగా షమీ స్థానంలో ఎడమచేతి వాటం పేసర్ అర్ష్‌దీప్ సింగ్‌ను భారత్ ఈ మ్యాచ్ లో ఆడించే అవకాశముంది. న్యూజిలాండ్ లైనప్‌లో ఐదుగురు ఎడమచేతి వాటం బ్యాట‌ర్‌ ఉండటం కూడా ఇందుకు ఒక కారణం. శుక్రవారం జరిగిన ప్రాక్టీస్ సెషన్ లో బౌలింగ్ కోచ్ మోర్న్ మోర్కెల్ పర్యవేక్షణలో అర్ష్‌దీప్ 13 ఓవర్లు ఫుల్ రన్-అప్‌తో బౌలింగ్ చేయగా, షమీ 6-7 ఓవర్లు మాత్రమే కుదించబడిన రన్-అప్‌తో బౌలింగ్ చేశాడు. ఫిబ్రవరి 23న పాకిస్థాన్‌తో జరిగిన మ్యాచ్‌లో తన మూడవ ఓవర్ వేసిన వెంటనే షమీ ఫిజియోల నుండి తన కుడి కాలుకు చికిత్స చేయించుకున్న విషయం తెలిసిందే. ముఖ్యమైన సెమీ-ఫైనల్స్‌కు ముందు భారత్ షమీకి విరామం ఇచ్చే అవకాశం లేకపోలేదు.చదవండి: యువీ స్పిన్‌ మ్యాజిక్‌.. రాయుడు మెరుపులు! సౌతాఫ్రికాను చిత్తు చేసిన భారత్‌​

ఐసీసీ ఛాంపియ‌న్స్ ట్రోఫీ-2025లో ఆఖ‌రి లీగ్ మ్యాచ్ స‌మ‌రానికి సిద్ద‌మైంది. దుబాయ్ వేదిక‌గా న్యూజిలాండ్‌, భార‌త జ‌ట్లు త‌ల‌ప‌డ‌నున్నాయి. ఇప్ప‌టికే సెమీస్ బెర్త్‌ను ఖారారు చేసుకున్న ఇరు జ‌ట్లు లీగ్ స్టేజిని విజ‌యంతో ముగించాల‌ని భావిస్తున్నాయి. కాగా ఈ మ్యాచ్‌తో భార‌త స్టార్ ప్లేయ‌ర్ విరాట్ కోహ్లి 300 వన్డేలు పూర్తి చేసుకోబోతున్నాడు. కాగా ఈ ఘనత సాధించిన 7వ భారత ఆటగాడిగా, ఓవరాల్‌గా 22వ ఆటగాడిగా కోహ్లి నిలుస్తాడు. 2008లో అంతర్జాతీయ క్రికెట్‌లోకి అడుగుపెట్టిన విరాట్‌.. భారత క్రికెట్‌ చరిత్రలో తనకంటూ ఓ ప్రత్యేక గుర్తింపు తెచ్చుకున్నాడు. తన పేరిట ఎన్నో అద్భుతమైన రికార్డులను లిఖించుకున్నాడు.ఇప్పటివరకు భారత జట్టు తరపున 299 వన్డేలు ఆడిన కోహ్లి.. 58.20 సగటుతో 14,085 పరుగులు సాధించాడు. అతడి ఇన్నింగ్స్‌లలో 51 సెంచరీలు, 73 అర్ధసెంచరీలు ఉన్నాయి.300 కంటే ఎక్కువ వన్డేలు ఆడిన భార‌త ఆట‌గాళ్లు..స‌చిన్ టెండూల్క‌ర్ – 463 మ్యాచ్‌లుఎంఎస్ ధోని – 350 మ్యాచ్‌లురాహుల్ ద్ర‌విడ్ – 344 మ్యాచ్‌లుమ‌హ‌మ్మ‌ద్ అజారుద్దీన్ – 334 మ్యాచ్‌లుసౌర‌వ్ గంగూలీ – 311 మ్యాచ్‌లుయువ‌రాజ్ సింగ్ – 304 మ్యాచ్‌లువ‌ర‌ల్డ్ రికార్డుపై క‌న్ను..అదేవిధంగా ఈ మ్యాచ్‌తో అంత‌ర్జాతీయ క్రికెట్‌లో 300 వన్డేలు, 100 టెస్టులు, 100 టీ20లు ఆడిన తొలి క్రికెటర్‌గా విరాట్ కోహ్లి చరిత్ర సృష్టించనున్నాడు. విరాట్ ఇప్పటివరకు 299 వన్డేలు, 123 టెస్టులు, 125 టీ20లు ఆడాడు. సంగర్కరకు చేరువలో కోహ్లి..కాగా వన్డేల్లో అత్యధిక పరుగులు చేసిన జాబితాలో కింగ్‌ కోహ్లి మూడో స్ధానంలో కొనసాగుతున్నాడు. కోహ్లి మరో 149 పరుగులు చేస్తే శ్రీలంక కుమార్‌ సంగక్కర(14234)ను అధిగమిస్తాడు. ఈ జాబితాలో భారత క్రికెట్‌ దిగ్గజం సచిన్‌ టెండూల్కర్‌ అగ్రస్ధానంలో ఉన్నాడు. సచిన్‌ తన కెరీర్‌లో 463 మ్యాచ్‌లు ఆడి 18426 పరుగులు చేశాడు. సచిన్‌ కంటే కోహ్లి ఇంకా 4,341 పరుగులు వెనకబడి ఉన్నాడు. చదవండి: Champions Trophy: టీమిండియా కోసం.. అన్ని జట్లు దుబాయ్‌లోనే?

ఐసీసీ ఛాంపియ‌న్స్ ట్రోఫీ-2025లో సెమీస్ బెర్త్‌లు అధికారికంగా ఖారార‌య్యాయి. గ్రూపు-ఎ నుంచి భార‌త్‌, న్యూజిలాండ్, గ్రూపు-బి నుంచి ద‌క్షిణాఫ్రికా, ఆస్ట్రేలియా జ‌ట్లు సెమీఫైన‌ల్‌కు చేరుకున్నాయి. అయితే ఈ నాలుగు జ‌ట్లు సెమీస్‌కు చేరిన‌ప్ప‌టికి వాటి స్థానాలు ఇంకా ఖారారు కాలేదు.ఆదివారం న్యూజిలాండ్‌-భార‌త్ మ‌ధ్య జ‌రిగే ఆఖ‌రి లీగ్ మ్యాచ త‌ర్వాతే సెమీస్‌లో ఎవ‌రి ప్ర‌త్య‌ర్ధి ఎవ‌ర‌న్న‌ది తేల‌నుంది. కాగా మంగళవారం జరగనున్న తొలి సెమీఫైనల్లో భారత ఆడటం ఇప్పటికే ఖాయమైన సంగ‌తి తెలిసిందే. కానీ ప్ర‌త్య‌ర్ధి సౌతాఫ్రికా లేదా ఆస్ట్రేలియా నా అన్న‌ది నేడు ఖారారు కానుంది. ఈ క్ర‌మంలో చాంపియన్స్‌ ట్రోఫీ గ్రూప్‌ ‘బి’ నుంచి సెమీఫైనల్‌కు అర్హత సాధించిన దక్షిణాఫ్రికా, ఆస్ట్రేలియా జట్లు దుబాయ్‌కు పయనమయ్యాయి. రెండింటిలో ఒక జట్టు మైదానంలోకి దిగకుండానే మళ్లీ లాహోర్‌కు రావాల్సి ఉంటుంది. కివీస్‌తో చివరి పోరులో భారత్‌ విజయం సాధిస్తే ఆస్ట్రేలియాతో రోహిత్‌ సేన మంగళవారం తొలి సెమీఫైనల్‌ ఆడుతుంది.ఇదే జరిగితే దక్షిణాఫ్రికా జట్టు తిరిగి పాకిస్తాన్‌ చేరుకుంటుంది. ఒకవేళ కివీస్‌ చేతిలో ఓడితే టీమిండియా ప్రత్యర్థి దక్షిణాఫ్రికా కానుంది. కంగారూలు రెండో సెమీఫైనల్‌ కోసం పాకిస్తాన్‌కు తిరుగు పయనం కానున్నారు. కీలక సెమీఫైనల్‌కు ముందు దుబాయ్‌ మైదానంలో ప్రాక్టీస్‌ చేయడంతో పాటు అక్కడి పరిస్థితులను అర్థం చేసుకోవడానికి దక్షిణాఫ్రికా, ఆ్రస్టేలియా జట్లకు ఇది ఉపయోగపడనుంది.ఇక కివీస్‌తో ఆఖరి లీగ్‌ మ్యాచ్‌కు టీమిండియా అన్ని విధాల సిద్దమైంది. ఈ మ్యాచ్‌కు ముందు భారత కెప్టెన్‌ రోహిత్‌ శర్మ పూర్తి ఫిట్‌నెస్‌ సాధించాడు. ఈ ఆఖరి మ్యాచ్‌లో భారత్‌​ ఓమార్పుతో బరిలోకి దిగింది.తుది జట్ల వివరాలు (అంచనా) భారత్‌: రోహిత్‌ శర్మ (కెప్టెన్ ), శుబ్‌మన్‌ గిల్, కోహ్లి, శ్రేయస్‌ అయ్యర్, రిషబ్‌ పంత్, హార్దిక్‌ పాండ్యా, రవీంద్ర జడేజా, వాషింగ్టన్‌ సుందర్, హర్షిత్‌ రాణా, వరుణ్ చక్రవర్తి, అర్ష్ దీప్‌ సింగ్‌. న్యూజిలాండ్‌: మిచెల్‌ సాంట్నర్‌ (కెప్టెన్ ), డెవాన్‌ కాన్వే, రచిన్ రవీంద్ర, కేన్‌ విలియమ్సన్, డార్లీ మిచెల్, టామ్‌ లాథమ్, గ్లెన్‌ ఫిలిప్స్, బ్రేస్‌వెల్, జేమీసన్,హెన్రీ, రూర్కే.చదవండి:SA vs Eng: ఇంగ్లండ్‌కు ఘోర అవమానం.. బాధతో బట్లర్‌ బైబై

చాంపియన్స్‌ ట్రోఫీ-2025(ICC Champions Trophy)లో ఇంగ్లండ్‌కు ఘోర పరాభవం ఎదురైంది. ఒక్క మ్యాచ్‌ కూడా గెలవకుండానే ఈ ఐసీసీ వన్డే టోర్నమెంట్‌ నుంచి నిష్క్రమించింది. సౌతాఫ్రికాతో శనివారం నాటి మ్యాచ్‌తో పరాజయాల పరంపరను పరిపూర్ణం చేసుకుని ఇంటిబాట పట్టింది.ఈ మెగా టోర్నీలో గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌లతో కలిసి ఇంగ్లండ్‌ బరిలోకి దిగింది. తమ తొలి మ్యాచ్‌లో ఆస్ట్రేలియాను ఎదుర్కొన్న బట్లర్‌ బృందం.. ఐదు వికెట్ల తేడాతో ఓడిపోయింది. అనంతరం అఫ్గనిస్తాన్‌తో తలపడ్డ ఇంగ్లండ్‌.. ఆఖరి వరకు పోరాడి అనూహ్య రీతిలో ఎనిమిది పరుగుల స్వల్ప తేడాతో పరాజయాన్ని చవిచూసింది.ఇప్పటి వరకు ఇదే అత్యల్ప స్కోరుఈ క్రమంలో సెమీస్‌ రేసు నుంచి వైదొలిగిన ఇంగ్లిష్‌ జట్టు.. ఆఖరిగా సౌతాఫ్రికా(England vs South Africa)తో మ్యాచ్‌లోనైనా గెలవాలని భావించింది. కానీ ప్రొటిస్‌ జట్టు బట్లర్‌ బృందానికి ఆ అవకాశం ఇవ్వలేదు. కరాచీ వేదికగా శనివారం నాటి మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. అయితే, సౌతాఫ్రికా బౌలర్ల ధాటికి 179 పరుగులకే కుప్పకూలింది.ఓపెనర్లలో ఫిల్‌ సాల్ట్‌(8), వన్‌డౌన్‌ బ్యాటర్‌ జామీ స్మిత్‌(0)లతో సహా హ్యారీ బ్రూక్‌(19), లియామ్‌ లివింగ్‌స్టోన్‌(9) పూర్తిగా విఫలమయ్యారు. మిగతా వాళ్లలో జో రూట్‌ 37 పరుగులతో టాప్‌ రన్‌ స్కోరర్‌గా నిలవగా.. జోస్‌ బట్లర్‌(Jos Buttler- 21), జో జోఫ్రా ఆర్చర్‌(25) ఫర్వాలేదనిపించారు. ఈ క్రమంలో 179 పరుగులకే ఇంగ్లండ్‌ ఆలౌట్‌ కాగా.. చాంపియన్స్‌ ట్రోఫీ-2025లో ఇప్పటి వరకు ఇదే అత్యల్ప స్కోరుగా నమోదైంది.ఇక స్వల్ప లక్ష్యంతో బరిలోకి దిగిన సౌతాఫ్రికా 29.1 ఓవర్లలోనే పనిపూర్తి చేసింది. ఓపెనర్లలో రియాన్‌ రికెల్టన్‌(27) ఫర్వాలేదనిపించగా.. తన ప్రొఫెషనల్‌ కెరీర్‌లో తొలిసారిగా ఓపెనర్‌గా వచ్చిన ట్రిస్టన్‌ స్టబ్స్‌ డకౌట్‌ అయ్యాడు. అయితే, వన్‌డౌన్‌ బ్యాటర్‌ రాసీ వాన్‌ డెర్‌ డసెన్‌, హెన్రిచ్‌ క్లాసెన్‌ అర్ధ శతకాలతో చెలరేగారు. బాధతో బట్లర్‌ బైబైడసెన్‌ 87 బంతుల్లో 72 పరుగులతో అజేయంగా నిలవగా.. క్లాసెన్‌ 56 బంతుల్లో 64 రన్స్‌ సాధించాడు. ఈ క్రమంలో మూడు వికెట్లు కోల్పోయి సౌతాఫ్రికా టార్గెట్‌ను ఛేదించింది. సెమీస్‌ చేరడంతో పాటు గ్రూప్‌-బి టాపర్‌గా నిలిచింది. ఇక ఇదే గ్రూపు నుంచి ఆస్ట్రేలియా ఇప్పటికే సెమీస్‌ చేరగా.. గ్రూప్‌-ఎ నుంచి భారత్‌, న్యూజిలాండ్‌ తమ బెర్తులు ఖరారు చేసుకున్నాయి. ఇదిలా ఉంటే.. పరిమిత ఓవర్ల క్రికెట్లో ఇంగ్లండ్‌ వరుస పరాభవాల నేపథ్యంలో బట్లర్‌ కెప్టెన్సీకి గుడ్‌బై చెప్పాడు. అఫ్గనిస్తాన్‌తో మ్యాచ్‌ తర్వాత తన నిర్ణయాన్ని వెల్లడించిన బట్లర్‌.. సౌతాఫ్రికా చేతిలో ఓటమి వల్ల చేదు అనుభవంతో తన కెప్టెన్సీ కెరీర్‌ను ముగించాడు.సౌతాఫ్రికా వర్సెస్‌ ఇంగ్లండ్‌👉వేదిక: నేషనల్‌ స్టేడియం, కరాచి👉టాస్‌: ఇంగ్లండ్‌..బ్యాటింగ్‌👉ఇంగ్లండ్‌ స్కోరు: 179 (38.2)👉సౌతాఫ్రికా స్కోరు: 181/3 (29.1)👉ఫలితం: ఏడు వికెట్ల తేడాతో ఇంగ్లండ్‌పై సౌతాఫ్రికా విజయం👉ప్లేయర్‌ ఆఫ్‌ ది మ్యాచ్‌: మార్కో యాన్సెన్‌(3/39).చదవండి: Champions Trophy: టీమిండియాకు గుడ్‌ న్యూస్‌​..

సౌతాఫ్రిక్రా ఫాస్ట్‌ బౌలర్‌ లుంగి ఎంగిడి(Lungi Ngidi) కీలక మైలురాయిని చేరుకున్నాడు. వన్డే ఫార్మాట్లో వంద వికెట్ల క్లబ్‌లో చేరాడు. ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా ఇంగ్లండ్‌తో మ్యాచ్‌ సందర్భంగా ఎంగిడి ఈ ఘనత సాధించాడు. అంతేకాదు.. తక్కువ బంతుల్లోనే వన్డేల్లో వంద వికెట్లు(100 ODI Wickets) తీసిన రెండో సౌతాఫ్రికా బౌలర్‌గానూ ఈ రైటార్మ్‌ పేసర్‌ రికార్డులకెక్కాడు.పాకిస్తాన్‌ వేదికగా ఫిబ్రవరి 19న మొదలైన చాంపియన్స్‌ ట్రోఫీ టోర్నమెంట్‌ ముగింపు దశకు చేరుకుంటోంది. గ్రూప్‌-‘ఎ’ నుంచి భారత్‌, బంగ్లాదేశ్‌, న్యూజిలాండ్‌, పాకిస్తాన్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ పోటీపడుతున్న ఈ వన్డే టోర్నీలో ఇప్పటికే సెమీస్‌ బెర్తులు ఖరారయ్యాయి.38.2 ఓవర్లలోనే ఖేల్‌ ఖతంగ్రూప్‌-‘ఎ’ నుంచి భారత్‌, న్యూజిలాండ్‌ సెమీ ఫైనల్లో అడుగుపెట్టగా.. గ్రూప్‌-‘బి’ నుంచి ఆస్ట్రేలియాతో పాటు సౌతాఫ్రికా కూడా సెమీస్‌కు అర్హత సాధించింది. లీగ్‌ దశలో తమ చివరి మ్యాచ్‌లో భాగంగా శనివారం నాటి మ్యాచ్‌లో ఇంగ్లండ్‌ను 179 పరుగులకే ఆలౌట్‌ చేసిన క్రమంలో సెమీ ఫైనల్‌ బెర్తును ఖరారు చేసుకుంది.ఇంగ్లండ్‌తో కరాచీ వేదికగా టాస్‌ ఓడి తొలుత బౌలింగ్‌ చేసిన సౌతాఫ్రికా.. 38.2 ఓవర్లలోనే ప్రత్యర్థి ఆట కట్టించింది. పేసర్లలో మార్కో యాన్సెన్‌, వియాన్‌ ముల్దర్‌ మూడేసి వికెట్లతో చెలరేగగా.. కగిసో రబడ, లుంగి ఎంగిడి ఒక్కో వికెట్‌ పడగొట్టారు. స్పిన్నర్‌ కేశవ్‌ మహరాజ్‌ రెండు వికెట్లు తన ఖాతాలో వేసుకున్నాడు. ఇంగ్లండ్‌ బ్యాటర్లలో 37 పరుగులతో జో రూట్‌ టాప్‌ రన్‌స్కోరర్‌గా నిలిచాడు.మిగతా వాళ్లలో బెన్‌ డకెట్‌(24), బట్లర్‌(21), జోఫ్రా ఆర్చర్‌(25) మాత్రమే ఇరవై పరుగుల మార్కు దాటారు. ఇదిలా ఉంటే.. ఈ మ్యాచ్‌లో ఇంగ్లండ్‌ కెప్టెన్‌ జోస్‌ బట్లర్‌ను అవుట్‌ చేయడం ద్వారా తన కెరీర్‌లో కీలక మైలురాయిని అందుకున్నాడు. ఎంగిడి బౌలింగ్‌లో 21 పరుగుల వ్యక్తిగత స్కోరు వద్ద.. కేశవ్‌ మహరాజ్‌కు క్యాచ్‌ ఇచ్చి బట్లర్‌ నిష్క్రమించాడు. ఇక ఎంగిడికి ఇది వన్డేల్లో వందో వికెట్‌ కావడం విశేషం. అంతేకాదు.. సౌతాఫ్రికా తరఫున తక్కువ బంతుల్లోనే ఈ ఫీట్‌ అందుకున్న రెండో బౌలర్‌గానూ ఎంగిడి నిలిచాడు. ఇక ఓవరాల్‌గా సౌతాఫ్రికా బౌలర్లలో ఈ ఘనత సాధించిన పదమూడో బౌలర్‌ ఎంగిడి.వన్డేల్లో సౌతాఫ్రికా తరఫున తక్కువ బంతుల్లోనే వంద వికెట్లు తీసిన బౌలర్లు1. మోర్నీ మోర్కెల్‌- 2859 బంతుల్లో వంద వికెట్లు2. లుంగి ఎంగిడి- 3048 బంతుల్లో వంద వికెట్లు3. ఇమ్రాన్‌ తాహిర్‌- 3050 బంతుల్లో వంద వికెట్లు.ఇంగ్లండ్‌ వర్సెస్‌ సౌతాఫ్రికా తుదిజట్లుసౌతాఫ్రికాట్రిస్టన్ స్టబ్స్, ర్యాన్ రికెల్టన్, రాసీ వాన్ డెర్ డస్సెన్, ఐడెన్ మార్క్రమ్(కెప్టెన్‌), హెన్రిచ్ క్లాసెన్(వికెట్‌ కీపర్‌), డేవిడ్ మిల్లర్, వియాన్ ముల్డర్, మార్కో జాన్సెన్, కేశవ్ మహరాజ్, కగిసో రబడ, లుంగి ఎంగిడి.ఇంగ్లండ్‌ఫిలిప్ సాల్ట్, బెన్ డకెట్, జామీ స్మిత్(వికెట్‌ కీపర్‌), జో రూట్, హ్యారీ బ్రూక్, జోస్ బట్లర్(కెప్టెన్‌), లియామ్ లివింగ్‌స్టోన్, జామీ ఓవర్టన్, జోఫ్రా ఆర్చర్, ఆదిల్ రషీద్, సకీబ్‌ మహమూద్.చదవండి: Karun Nair: మళ్లీ శతక్కొట్టాడు.. సెలబ్రేషన్స్‌తో సెలక్టర్లకు స్ట్రాంగ్‌ మెసేజ్‌! A tough outing for #JosButtler ends as #LungiNgidi finally gets his wicket. The English batter departs after battling hard in a challenging situation.#ChampionsTrophyOnJioStar 👉 #SAvENG | LIVE NOW on Star Sports 2 & Sports18-1 pic.twitter.com/fFMdIRyYeS— Star Sports (@StarSportsIndia) March 1, 2025

భారత్-పాకిస్తాన్(India vs Paksitan) క్రికెట్ మ్యాచ్ ఎప్పుడు ఏ వేదిక పైన జరిగినా ప్రత్యేకమే. ఈ మ్యాచ్ లు ఎప్పుడూ ప్రపంచ క్రీడాభిమానుల దృష్టిని ఆకర్షిస్తాయి. ఇటీవల ఈ రెండు జట్లు మధ్య ఛాంపియన్స్ ట్రోఫీ మ్యాచ్ కోసం పాకిస్తాన్ భారీ స్థాయిలో సన్నద్ధమైంది. "యోధుల్లాగా పోరాడండి. ఛాంపియన్స్ ట్రోఫీ టోర్నమెంట్లో(ICC Champions Trophy) భారత జట్టును ఓడించి మీ సత్తా చూపించండి" అని ఛాంపియన్స్ ట్రోఫీ టోర్నమెంట్‌కు ముందు సాక్షాత్తూ పాకిస్తాన్ ప్రధాన మంత్రి షాబాజ్ షరీఫ్(Shehbaz Sharif) ఆ దేశ క్రికెటర్లను తన సందేశంతో యుద్ధం స్థాయిలో సన్నద్ధం చేశారు. కానీ భారత్ క్రికెటర్ల ప్రతిభ ముందు ఇవేమి పనిచేయలేదు.ఘోర పరాజయంపాకిస్తాన్ తన చిరకాల ప్రత్యర్థితో జరిగిన మ్యాచ్ లో ఘోర పరాజయం చవిదూడడంతో ప్రస్తుతం గ్రూప్ స్టేజి లోనే టోర్నమెంట్ నుంచి వైదొలిగింది. 29 సంవత్సరాల తర్వాత ఛాంపియన్స్ ట్రోఫీ చరిత్రలో తొలిసారిగా ఈ ఐసీసీ టోర్నమెంట్‌కు ఆతిధ్యమిచ్చిన మొహమ్మద్ రిజ్వాన్ నాయకత్వంలోని పాకిస్తాన్ జట్టు కేవలం ఐదు రోజుల్లోనే అవమానకరమైన రీతిలో గ్రూప్ దశలోనే టోర్నమెంట్ నుంచి నిష్క్రమించింది.ప్రకృతి కూడా సహకరించలేదుమొదట న్యూజిలాండ్, ఆ తర్వాత భారత్ చేతిలో వరుస పరాజయాలు చవిచూసిన పాకిస్తాన్ కి ప్రకృతి కూడా సహకరించలేదు. చివరి లీగ్ మ్యాచ్‌లో బంగ్లాదేశ్‌పై విజయం సాధించాలని ఆశించిన పాకిస్తాన్ కి వర్షం అడ్డంకిగా నిలిచింది. దీంతో రావల్పిండిలో జరగాల్సిన ఈ మ్యాచ్ వర్షం కారణంగా రద్దు కావడంతో పాకిస్తాన్ మూడు మ్యాచ్ ల నుంచి కేవలం ఒక్క పాయింట్ తో అవమానకరంగా వైదొలిగింది.స్వదేశం లో జరిగిన ఈ ప్రతిష్టాత్మకమైన టోర్నమెంట్ లో పాకిస్తాన్ క్రికేటర్ల పేలవమైన ప్రదర్శన పై ఆ దేశం మొత్తం అసంతృప్తి గా ఉంది. అభిమానులు, క్రికెట్ పండితులు, మాజీ ఆటగాళ్ల నుండి చాలా మంది పాకిస్తాన్ ప్రదర్శన పై దుమ్మెత్తిపోస్తున్నారు. దీంతో పాకిస్తాన్ జట్టు ఆట తీరు ని షెహబాజ్ షరీఫ్ స్వయంగా సమీక్షించాలని భావిస్తున్నారు.షెహబాజ్ షరీఫ్ రాజకీయ మరియు ప్రజా వ్యవహారాల సలహాదారు రాణా సనావుల్లా ఇటీవల ఇచ్చిన ఇంటర్వ్యూలో, ఛాంపియన్స్ ట్రోఫీలో తమ జట్టు దారుణమైన ప్రదర్శనను ప్రధాని స్వయంగా సమీక్షించాలని భావిస్తున్నారని వెల్లడించారు. అంతేకాకుండా, ఈ క్రికెట్ సంబంధిత అంశాన్ని పాకిస్తాన్ పార్లమెంట్ లో లేవనెత్తుతామని కూడా ఆయన సూచించారు.పీసీబీ అధికారులపై అసంతృప్తిప్రధాన మంత్రి సహాయకుడు రాణా సనావుల్లా, దేశంలోని ప్రొఫెషనల్ క్రికెట్‌పై ఆర్థిక వ్యయాలకు సంబంధించి పారదర్శకత కోసం పిలుపునిచ్చారు. క్రీడలకు వనరులు ఎలా కేటాయించబడుతున్నాయ్యో తెలుసుకునే హక్కు ప్రజలకు ఉందని ఆయన చెప్పారు. జవాబుదారీతనం మరియు సంస్కరణల అవసరాన్ని గురుంచి మరింత నొక్కి చెప్పారు.పాకిస్తాన్‌కు చెందిన 'ది ఎక్స్‌ప్రెస్ ట్రిబ్యూన్' నివేదిక ప్రకారం, పాకిస్తాన్ క్రికెట్ బోర్డు (పీసీబీ)లోని ఉన్నత స్థాయి అధికారుల అధిక జీతాలపై దృష్టిని సారించాలని రాణా సనావుల్లా సూచించారు. దాదాపు నెలకు రూ.5 మిలియన్ల వరకు జీతం పొందుతున్న పీసీబీ అధికారులలో చాలా మందికి వారి బాధ్యతల గురించి స్పష్టమైన అవగాహన లేదని, అయినప్పటికీ వారు తమ విధులను నిర్వర్తించకుండా గణనీయమైన పరిహారం పొందుతూనే ఉన్నారని సనావుల్లా విమర్శించారు.అంతేకాకుండా, పీసీబీ అధికారులు అనుభవిస్తున్న విపరీత ప్రోత్సాహకాలు మరియు అధికారాలపై ఆయన ఆశ్చర్యం వ్యక్తం చేశారు, వారు పాకిస్తాన్ సంస్థలో పనిచేస్తున్నారా లేదా అభివృద్ధి చెందిన దేశంలో పనిచేస్తున్నారా అని ప్రశ్నించారు. పిసిబి లో చాలా కాలంగా కొనసాగుతున్న అధికార దుర్వినియోగానికి సనావుల్లా ఈ సమస్యలను ఆపాదించారు. పీసీబీ అధికారుల జవాబురాహిత్యం ప్రస్తుత పాకిస్తాన్ క్రికెట్ క్షీణతకు ప్రత్యక్షంగా దోహదపడిందని ఆయన వాదించారు.పాక్ జట్టులో భారీ మార్పులు ? ఈ సమీక్ష పాకిస్తాన్ జట్టులో భారీ కుదుపులకు దారితీయవచ్చు, బాబర్ అజామ్, షాహీన్ అఫ్రిది, హరిస్ రౌఫ్ మరియు నసీమ్ షా వంటి ప్రముఖ ఆటగాళ్ళు బహిష్కరణకు గురయ్యే అవకాశం కూడా ఉందని నివేదికలు సూచిస్తున్నాయి. జట్టు వైఫల్యం కారణంగా తాను రాజీనామా చేసే ఉద్దేశ్యం లేదని తాత్కాలిక ప్రధాన కోచ్ ఆకిబ్ జావేద్ బహిరంగంగా ప్రకటించినప్పటికీ, పీసీబీ అతని ఒప్పందాన్ని రద్దు చేస్తుందనే అభిప్రాయాలు వ్యక్తమవుతున్నాయి.ఛాంపియన్స్ ట్రోఫీ తర్వాత, ఈ ఏడాది లో జరిగే ఆసియా కప్ సమయంలో రెండు చిరకాల ప్రత్యర్థులు కనీసం మూడుసార్లు తలపడనున్నాయి. 2026 ఫిబ్రవరి, మార్చి నెలల్లో భారత్ , శ్రీలంకలో జరగనున్న ఐసీసీ టీ20 ప్రపంచ కప్ కోసం ఈ జట్లు సిద్ధమవుతున్నందున ఆసియా కప్ టీ20 ఫార్మాట్‌లో నిర్వహించాలని నిర్ణయించారు. ఆసియా కప్‌ను నిర్వహించే హక్కులు భారత్ కి కేటాయించినప్పటికీ ఈ టోర్నమెంట్ తటస్థ దేశంలో జరుగుతుందని భావిస్తున్నారు. భారత్- పాకిస్తాన్ ఆతిథ్య దేశాలుగా ఉన్నప్పుడు, పోటీని వేరే చోట నిర్వహించాలని ఆసియా క్రికెట్ కౌన్సిల్ (ఎసీసీ) గతంలో ప్రకటించింది.చదవండి: Karun Nair: మళ్లీ శతక్కొట్టాడు.. సెలబ్రేషన్స్‌తో సెలక్టర్లకు స్ట్రాంగ్‌ మెసేజ్‌!

ICC Champions Trophy 2025: ఇంగ్లండ్‌తో మ్యాచ్‌లో సౌతాఫ్రికా బౌలర్లు ఆకాశమే హద్దుగా చెలరేగారు. ఆది నుంచే బట్లర్‌ బృందానికి చుక్కలు చూపించి... స్వల్ప స్కోరుకే పరిమితం చేశారు. 38.2 ఓవర్లలోనే ఇంగ్లండ్‌ బ్యాటర్ల ఆట కట్టించి 179 పరుగులకే ఆలౌట్‌ చేశారు.తద్వారా అఫ్గనిస్తాన్‌ సెమీస్‌ ఆశలపై నీళ్లు చల్లిన ప్రొటిస్‌ బౌలర్లు.. సౌతాఫ్రికా సెమీ ఫైనల్‌(Semi Final) బెర్తును అనధికారికంగా ఖరారు చేశారు. ఐసీసీ చాంపియన్స్‌ ట్రోఫీ-2025లో గ్రూప్‌-‘బి’ ఆఖరి లీగ్‌ దశ మ్యాచ్‌లో సౌతాఫ్రికా ఇంగ్లండ్‌కు చేదు అనుభవాన్ని మిగిల్చింది. కరాచీలో శనివారం నాటి ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకోగా.. పేసర్‌ మార్కో యాన్సెన్‌(Marco Jancen) టాపార్డర్‌ను కుప్పకూల్చాడు.ఆకాశమే హద్దుగాఓపెనర్లు ఫిల్‌ సాల్ట్‌(8), బెన్‌ డకెట్‌(24), వన్‌డౌన్‌ బ్యాటర్‌ జేమీ స్మిత్‌(0)ల వికెట్లను యాన్సెన్‌ తన ఖాతాలో వేసుకున్నాడు. మిగతా వాళ్లలో పేస్‌ బౌలర్‌ వియాన్‌ ముల్దర్‌ ప్రమాదకర బ్యాటర్‌ జో రూట్‌(44 బంతుల్లో 37)ను అద్బుత రీతిలో బౌల్డ్‌ చేయడంతో పాటు.. టెయిలెండర్లు జోఫ్ ఆర్చర్‌(31 బంతుల్లో 25), ఆదిల్‌ రషీద్‌(2)లను పెవిలియన్‌కు పంపాడు.ఇక స్పిన్నర్‌ కేశవ్‌ మహరాజ్‌ హ్యారీ బ్రూక్‌(19), కెప్టెన్‌ జోస్‌ బట్లర్‌(21)ల రూపంలో రెండు కీలక వికెట్లు దక్కించుకోగా.. పేసర్‌ కగిసో రబడ జేమీ ఓవర్టన్‌(11) వికెట్‌ను తన ఖాతాలో వేసుకున్నాడు. ఈ క్రమంలో 38.2 ఓవర్లలో కేవలం 179 పరుగులు మాత్రమే చేసి ఇంగ్లండ్‌ ఆలౌట్‌ అయింది.ఇదిలా ఉంటే.. గ్రూప్‌-‘బి’ నుంచి ఆస్ట్రేలియా ఇప్పటికే సెమీ ఫైనల్‌ చేరిన విషయం తెలిసిందే. అయితే, రెండో బెర్తును సౌతాఫ్రికా దాదాపు ఖాయం చేసుకున్నా.. టెక్నికల్‌గా అఫ్గనిస్తాన్‌ కూడా.. ఈ మ్యాచ్‌కు ముందు రేసులో ఉంది. సౌతాఫ్రికాతో మ్యాచ్‌లో ఇంగ్లండ్‌ ముందుగా బ్యాటింగ్‌ చేసి 300 పరుగులు చేయడం సహా.. ప్రొటిస్‌ను కనీసం 207 పరుగుల తేడాతో ఓడించాలి. హష్మతుల్లా బృందానికి నిరాశేఅప్పుడే అఫ్గనిస్తాన్‌ ఆశలు సజీవంగా ఉంటాయి. అయితే, సౌతాఫ్రికా బౌలర్లు హష్మతుల్లా బృందం ఆశలను ఇలా అడియాసలు చేశారు. కాగా గ్రూప్‌-‘బి’లో భాగంగా సౌతాఫ్రికా తొలుత అఫ్గనిస్తాన్‌తో తలపడి ఏకంగా 107 పరుగుల తేడాతో చిత్తు చేసింది. తద్వారా భారీ నెట్‌ రన్‌రేటు(+2.140) సాధించింది. ఈ క్రమంలో తమ తర్వాతి ఆస్ట్రేలియాతో ఆడాల్సిన మ్యాచ్‌ వర్షం రద్దైనా ప్రొటిస్‌ జట్టు పటిష్ట స్థితిలోనే నిలిచింది. ఈ నేపథ్యంలో ఆస్ట్రేలియా- అఫ్గనిస్తాన్‌ మధ్య శుక్రవారం నాటి మ్యాచ్‌లో గెలిచిన జట్టు గ్రూప్‌-బి నుంచి సెమీస్‌ చేరే అవకాశం ఉండగా.. వరుణుడి వల్ల ఈ మ్యాచ్‌ కూడా అర్ధంతరంగా ముగిసింది.ఈ క్రమంలో అప్పటికే రెండు పాయింట్లు(ఇంగ్లండ్‌పై గెలుపొంది) కలిగి ఉన్న ఆసీస్‌.. నిన్నటి మ్యాచ్‌ రద్దైన కారణంగా మరో పాయింట్‌ సాధించింది. తద్వారా గ్రూప్‌-బి నుంచి సెమీస్‌ చేరిన తొలి జట్టుగా నిలిచింది. ఇదిలా ఉంటే.. గ్రూప్‌- ఎ నుంచి భారత్‌, న్యూజిలాండ్‌.. పాకిస్తాన్‌, బంగ్లాదేశ్‌లను చిత్తు చేసి సెమీస్‌ బెర్తులు ఖరారు చేసుకున్నాయి. ఇక ఇంగ్లండ్‌ విధించిన స్వల్ప లక్ష్యాన్ని ఛేదించడంతో సంబంధం లేకుండా సౌతాఫ్రికా కూడా టాప్‌-4కు చేరుకుంది.సౌతాఫ్రికా- ఇంగ్లండ్‌ మ్యాచ్‌ ఇన్నింగ్స్‌ బ్రేక్‌ సమయానికి గ్రూప్‌-బి పాయింట్ల పట్టిక1. ఆస్ట్రేలియా- పూర్తైనవి మూడు- ఒక గెలుపు- రెండు రద్దు- పాయింట్లు 4- నెట్‌ రన్‌రేటు (+0.475)2. సౌతాఫ్రికా- పూర్తైనవి రెండు- ఒక గెలుపు- ఒకటి రద్దు- పాయింట్లు మూడు- నెట్‌ రన్‌రేటు (+2.140)3. అఫ్గనిస్తాన్‌- ఆడింది మూడు- గెలిచింది ఒకటి- ఓడింది ఒకటి- ఒకటి రద్దు - పాయింట్లు 3- నెట్‌ రన్‌రేటు (-0.990)4. ఇంగ్లండ్‌- ఆడింది రెండు- ఓడింది రెండు- పాయింట్లు సున్నా- నెట్‌ రన్‌రేటు (-0.305)చదవండి: Karun Nair: మళ్లీ శతక్కొట్టాడు.. సెలబ్రేషన్స్‌తో సెలక్టర్లకు స్ట్రాంగ్‌ మెసేజ్‌!

పాకిస్తాన్‌ క్రికెట్‌ జట్టుపై విమర్శల పర్వం కొనసాగుతోంది. ఐసీసీ చాంపియన్స్‌ ట్రోఫీ-2025(ICC Champions Trophy)లో చెత్త ప్రదర్శన కారణంగా రిజ్వాన్‌ బృందంపై ఆ దేశ మాజీ క్రికెటర్లు విరుచుకుపడుతున్నారు. డిఫెండింగ్‌ చాంపియన్‌ హోదాలో బరిలోకి దిగి ఒక్క మ్యాచ్‌ కూడా గెలవకపోవడాన్ని తప్పుబడుతున్నారు.కనీసం ఒక్క విజయం కూడా లేకుండానే ఈ వన్డే టోర్నమెంట్‌ నుంచి నిష్క్రమించడాన్ని తప్పుబడుతున్నారు. పాకిస్తాన్‌ క్రికెట్‌ బోర్డు(PCB) ఇప్పటికైనా ప్రక్షాళన చర్యలు చేపట్టాలని.. ఆటగాళ్ల పట్ల కాస్త కఠినంగా వ్యవహరించాలని విజ్ఞప్తి చేస్తున్నారు. ఈ నేపథ్యంలో దిగ్గజ పేస్‌ బౌలర్‌ వసీం అక్రం(Wasim Akram) కూడా తన అభిప్రాయాలు పంచుకున్నాడు.5-6 మార్పులు చేయాల్సి వచ్చినాటెన్‌ స్పోర్ట్స్‌ షో లో మాట్లాడుతూ.. ‘‘జరిగిందేదో జరిగింది. ఇదే జట్టుతో గత రెండేళ్లుగా మనం ఎన్నో పరిమిత ఓవర్ల మ్యాచ్‌లు కోల్పోయాం. ఇప్పటికైనా కఠినమైన నిర్ణయాలు తీసుకోకతప్పదు. ప్రతిభ ఉన్న యువ ఆటగాళ్లకు అవకాశం ఇవ్వాలని వకార్‌ యూనిస్‌ అంటున్నాడు. ఒకవేళ మన జట్టులో 5-6 మార్పులు చేయాల్సి వచ్చినా అందుకు వెనుకాడకండి.ఇదే జట్టును మాత్రం కొనసాగిస్తే వచ్చే ఆరునెలల్లో మనం మరిన్ని చేదు అనుభవాలు చూస్తాం. టీ20 ప్రపంచకప్‌-2026కు ఇప్పటి నుంచే జట్టును సిద్ధం చేయండి’’అని వసీం అక్రం పీసీబీకి సూచించాడు. అయితే, ఈ దిగ్గజ ఫాస్ట్‌బౌలర్‌ వ్యాఖ్యలపై పాక్‌ మాజీ ఆల్‌రౌండర్‌ షాహిద్‌ ఆఫ్రిది అభ్యంతరం వ్యక్తం చేశాడు.‘‘వసీం భాయ్‌ మాటలు నేను విన్నాను. టీమిండియా చేతిలో ఓటమి తర్వాత మనమంతా భావోద్వేగంలో మునిగిపోయిన మాట వాస్తవం. అయినా.. జట్టు నుంచి 6-7 మంది ఆటగాళ్లను తప్పించాలని వసీం భాయ్‌ అంటున్నాడు.నిజంగా అంత సీనుందా?ఒకవేళ అదే జరిగితే.. మనకు వారి స్థానాన్ని భర్తీ చేసేందుకు ఐదారుగురు ప్లేయర్లు ఉన్నారా?.. మన బెంచ్‌ బలమెంతో మీకు తెలియదా వసీం భాయ్‌! మన దేశవాళీ క్రికెటర్లలో అంతర్జాతీయ స్థాయిలో రాణించగల ఆటగాళ్లు ఎంతమంది?.. ఒకవేళ మీరన్నట్లు ఆటగాళ్లను జట్టు నుంచి తొలగిస్తే వారిలో ఎంత మందికి సరైన రీప్లేస్‌మెంట్‌ దొరుకుతుంది? మీరేమో ప్రపంచకప్‌నకు ఇప్పటి నుంచి సిద్ధం కావాలని చెబుతున్నారు.కానీ ఒకవేళ మనం ఆ పని మొదలుపెట్టినా.. అప్పుడు కూడా మన మీద ఏడ్చేవాళ్లు చాలా మందే ఉంటారు. పీసీబీ ఎలాంటి చర్యలు తీసుకున్నా మళ్లీ విమర్శలు వస్తూనే ఉంటాయి’’ అని షాహిద్‌ ఆఫ్రిది సామా టీవీ షోలో వసీం అక్రం వ్యాఖ్యలకు కౌంటర్‌ ఇచ్చాడు. కాగా ఐసీసీ చాంపియన్స్‌ ట్రోఫీ-2025కి ఆతిథ్యం ఇస్తున్న పాకిస్తాన్‌ లీగ్‌ దశలోనే నిష్క్రమించిన విషయం తెలిసిందే.ఎనిమిది జట్లు పాల్గొంటున్న ఈ టోర్నీలో గ్రూప్‌-‘ఎ’లో భాగంగా తొలుత న్యూజిలాండ్‌ చేతిలో ఓడిన రిజ్వాన్‌ బృందం.. రెండో మ్యాచ్‌లో దాయాది భారత్‌ చేతిలో పరాజయం పాలైంది. అనంతరం బంగ్లాదేశ్‌తో మ్యాచ్‌ రద్దు కావడంతో ఒక్క గెలుపు కూడా లేకుండానే ఈ మెగా టోర్నీలో తమ ప్రయాణం ముగించింది. ఇక ఈ ఈవెంట్లో భారత్‌, న్యూజిలాండ్‌ , పాకిస్తాన్‌, బంగ్లాదేశ్‌లతో పాటు.. గ్రూప్‌-బి నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ బరిలో నిలిచాయి.చదవండి: 'భారత్‌దే ఛాంపియ‌న్స్ ట్రోఫీ.. ఒకే ఒక్క ప‌రుగు తేడాతో'.. క్లార్క్‌ జోస్యం

చాంపియన్స్‌ ట్రోఫీ-2025(ICC Champions Trophy)లో మరో ఆసక్తికపోరుకు రంగం సిద్దమైంది. గ్రూప్‌-‘బి’ ఆఖరి లీగ్‌ మ్యాచ్‌లో భాగంగా సౌతాఫ్రికా- ఇంగ్లండ్‌(South Africa vs England) తలపడనున్నాయి. కరాచీ వేదికగా శనివారం నాటి ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకోగా.. ప్రొటిస్‌ జట్టు బౌలింగ్‌కు సిద్ధమైంది.కాగా ఈ ఐసీసీ వన్డే టోర్నీ నుంచి ఇంగ్లండ్‌ ఇప్పటికే నిష్క్రమించిన విషయం తెలిసిందే. అయితే, ఆఖరి మ్యాచ్‌లోనైనా గెలిచి పరువు నిలబెట్టుకోవాలని పట్టుదలగా ఉంది. మరోవైపు.. ఎలాంటి సమీకరణలతో పనిలేకుండా సెమీ ఫైనల్లో అడుగుపెట్టాలంటే సౌతాఫ్రికా ఈ మ్యాచ్‌లో తప్పక గెలవాల్సిందే. కాబట్టి ప్రొటిస్‌ జట్టుకు కూడా ఇంగ్లండ్‌తో పోరు కీలకంగా మారడంతో మ్యాచ్‌ మరింత రసవత్తరం కానుంది.హిట్టర్లు వచ్చేశారు..! కీలక మ్యాచ్‌లో బవుమా లేకుండానే.. అయితే, ఈ మ్యాచ్‌కు సౌతాఫ్రికా రెగ్యులర్‌ కెప్టెన్‌ టెంబా బవుమా(Temba Bavuma) దూరమయ్యాడు. అతడితో పాటు టోనీ డి జోర్జ్‌ కూడా ఇంగ్లండ్‌తో మ్యాచ్‌కు అందుబాటులో లేడని తాత్కాలిక సారథి ఐడెన్‌ మార్క్రమ్‌ టాస్‌ సందర్భంగా వెల్లడించాడు. వీరిద్దరు అనారోగ్యంతో బాధపడుతున్నారని.. బవుమా, టోనీ స్థానాల్లో ట్రిస్టన్‌ స్టబ్స్‌, హెన్రిచ్‌ క్లాసెన్‌ తుదిజట్టులోకి వచ్చినట్లు తెలిపాడు. గత మ్యాచ్‌ వర్షం కారణంగా రద్దైందని.. అయితే, ఆ తర్వాత తాము నెట్స్‌లో తీవ్రంగా శ్రమించి ఇంగ్లండ్‌తో మ్యాచ్‌కు సిద్ధమైనట్లు తెలిపాడు.సరైన సమయంలోనేమరోవైపు ఇంగ్లండ్‌ కెప్టెన్‌గా చివరి మ్యాచ్‌ ఆడుతున్న బట్లర్‌ మాట్లాడుతూ.. తాను సరైన సమయంలోనే కెప్టెన్సీకి రాజీనామా చేసినట్లు తెలిపాడు. అన్నీ ఆలోచించిన తర్వాతే ఈ నిర్ణయం తీసుకున్నానన్నాడు. గాయపడిన మార్క్‌వుడ్‌ స్థానంలో సకీబ్‌ మహబూబ్‌ జట్టులోకి వచ్చినట్లు పేర్కొన్నాడు. కాగా ఆసీస్‌, అఫ్గనిస్తాన్‌ జట్ల చేతిలో ఓటమి తర్వాత ఇంగ్లండ్‌ నిష్క్రమించగా... గ్రూప్‌-బి నుంచి ఆస్ట్రేలియా సెమీస్‌ చేరింది. గ్రూప్‌-ఎ నుంచి టీమిండియా,న్యూజిలాండ్‌ బెర్తులు ఖరారు చేసుకున్నాయి.తుదిజట్లుసౌతాఫ్రికాట్రిస్టన్ స్టబ్స్, ర్యాన్ రికెల్టన్, రాసీ వాన్ డెర్ డస్సెన్, ఐడెన్ మార్క్రమ్(కెప్టెన్‌), హెన్రిచ్ క్లాసెన్(వికెట్‌ కీపర్‌), డేవిడ్ మిల్లర్, వియాన్ ముల్డర్, మార్కో జాన్సెన్, కేశవ్ మహరాజ్, కగిసో రబడ, లుంగి ఎన్గిడి.ఇంగ్లండ్‌ఫిలిప్ సాల్ట్, బెన్ డకెట్, జామీ స్మిత్(వికెట్‌ కీపర్‌), జో రూట్, హ్యారీ బ్రూక్, జోస్ బట్లర్(కెప్టెన్‌), లియామ్ లివింగ్‌స్టోన్, జామీ ఓవర్టన్, జోఫ్రా ఆర్చర్, ఆదిల్ రషీద్, సకీబ్‌ మహమూద్.చదవండి: Champions Trophy: ఆసీస్‌తో కీలక సమరం.. ఆఫ్ఘనిస్తాన్‌ కొంపముంచిన రషీద్‌ ఖాన్‌

ఐసీసీ ఛాంపియన్స్ ట్రోఫీ-2025 పాకిస్తాన్‌, దుబాయ్ వేదికలగా హైబ్రిడ్ మోడల్‌లో జరుగుతున్న సంగతి తెలిసిందే. వాస్తవానికి ఈ టోర్నీ పాకిస్తాన్ ఒక్క వేదికగానే జరగాల్సి ఉండగా.. ఆ దేశానికి భారత జట్టును పంపేందుకు బీసీసీఐ నిరాకరించింది. భారత క్రికెట్ బోర్డు ఆటగాళ్ల భద్రతను కారణంగా ఐసీసీకి చూపించింది.దీంతో ఐసీసీ ఈ టోర్నీని హైబ్రిడ్ మోడల్‌లో నిర్వహించేందుకు పీసీబీని ఒప్పించింది. దీంతో భారత్ తమ మ్యాచ్‌లను దుబాయ్ అంతర్జాతీయ క్రికెట్ స్టేడియం వేదికగా ఆడుతోంది. ఈ క్రమంలో ఒకే వేదికలో మ్యాచ్‌లను నిర్వహించడం ద్వారా భారత్‌కు అడ్వాంటేజ్ కలుగుతోందని ఇంగ్లండ్ మాజీలు నాజర్ హుస్సేన్, మైఖేల్ అథర్టన్ ఐసీసీ తీరును తప్పుబట్టారు.వీరిద్దరే కాకుండా ఇంగ్లండ్ కెప్టెన్ జోస్ బట్లర్‌, ఆసీస్ కెప్టెన్ ప్యాట్ కమ్మిన్స్‌​ ఈ తరహా కామెంట్సే చేశారు. తాజాగా ఇంగ్లండ్ మాజీల వ్యాఖ్యలకు భారత క్రికెట్ దిగ్గజం సునీల్ గవాస్కర్ గట్టి కౌంటరిచ్చాడు. ముందు మీ జట్టు సంగతి చూసుకుండి, తర్వాత ఇతర జట్ల గురించి మాట్లాడండి అంటూ సన్నీ ఫైరయ్యాడు."మీరంతా ఎంతో అనుభవజ్ఞులైన ఆటగాళ్లు. అంతేకాకుండా చాలా తెలివైన వారు కూడా. అసలు మీ జట్టు(ఇంగ్లండ్‌) ఎందుకు సెమీస్‌కు ఆర్హత సాధించలేకపోయిందో సమీక్షించుకుండి సర్‌. ఎప్పుడూ భారత జట్టుపై దృష్టి సారించే బదులు, మీ సొంత టీమ్‌పై ఫోకస్ చేయవచ్చుగా. మీ ఆటగాళ్లు చాలా పేలవంగా ఆడుతున్నారు. వారు అంచనాలకు తగ్గట్టు రాణించలేకపోతున్నారు. ఫస్ట్ మీ దేశం, మీ టీమ్ గురుంచి ఆలోచించడండి. అంతే తప్ప భారత్‌కు అది జరిగింది, భారత్ ఇలా ఆడింది అని పనికిమాలిన కామెంట్స్ ఎందుకు. భారత జట్టు ఎప్పుడూ ఒకేలా ఉంటుంది. మీ వ్యాఖ్యలను ఎవరూ పట్టించుకోరు. అంతర్జాతీయ క్రికెట్‌లో భారత్ సేవలు అద్బుతం.ఆటపరంగానే కాకుండా, ఆర్థికపరంగా కూడా వెన్నుదన్నుగా నిలుస్తోంది. టెలివిజ‌న్ హ‌క్కులు. మీడియా ఆదాయం ద్వారా భారీగా ఆదాయం వ‌స్తోంది. కామెంటేర్లగా మీరు తీసుకుంటున్న జీతాలు కూడా భార‌త్ వ‌ల్లేనన్న విషయం మర్చిపోకండి "అంటూ ఇండియా టూడేకు ఇచ్చిన ఇంటర్వ్యూలో గవాస్కర్ మండిపడ్డాడు.కాగా ఈ మెగా టోర్నీలో ఇంగ్లండ్‌​​ జట్టు గ్రూపు స్టేజిలోనే ఇంటి ముఖం పట్టింది. అఫ్గానిస్తాన్‌ చేతిలో మరోసారి ఇంగ్లండ్‌ ఓటమి పాలైంది. ఈ ఓటుములకు నైతిక బాధ్యత వహిస్తూ ఇంగ్లండ్‌ వైట్‌ బాల్‌ కెప్టెన్సీ నుంచి జోస్‌ బట్లర్‌ తప్పుకున్నాడు. ఇంగ్లండ్‌ తమ ఆఖరి మ్యాచ్‌ శనివారం రావల్పిండి వేదికగా దక్షిణాఫ్రికాతో ఆడుతోంది.చదవండి: 'భారత్‌దే ఛాంపియ‌న్స్ ట్రోఫీ.. ఒకే ఒక్క ప‌రుగు తేడాతో'.. క్లార్క్‌ జోస్యం

ఐసీసీ ఛాంపియ‌న్స్ ట్రోఫీ-2025లో టీమిండియా అద్బుత‌మైన ప్ర‌ద‌ర్శ‌న క‌న‌బ‌రుస్తున్న సంగ‌తి తెలిసిందే. ఇప్ప‌టికే తొలి రెండు మ్యాచ్‌ల్లో గెలిచి సెమీస్ బెర్త్‌ను ఖారారు చేసుకున్న భార‌త జ‌ట్టు.. త‌మ ఆఖరి లీగ్ మ్యాచ్ ఆడేందుకు సిద్ద‌మైంది. ఆదివారం దుబాయ్ వేదిక‌గా న్యూజిలాండ్‌తో భార‌త్ త‌ల‌ప‌డ‌నుంది.అనంత‌రం రోహిత్ సేన సెమీఫైన‌ల్లో ద‌క్షిణాఫ్రికా లేదా ఆస్ట్రేలియాతో త‌ల‌ప‌డే అవ‌కాశ‌ముంది. ఈ క్ర‌మంలో ఆస్ట్రేలియా మాజీ కెప్టెన్ మైఖేల్ క్లార్క్ ఆసక్తిక‌ర వ్యాఖ్య‌లు చేశాడు. ఛాంపియ‌న్స్ ట్రోఫీ విజేత‌గా టీమిండియా నిలుస్తుంద‌ని క్లార్క్ జోస్యం చెప్పాడు."ఈ మెగా టోర్నీ ఫైన‌ల్ మ్యాచ్‌లో ఆస్ట్రేలియా, భార‌త జ‌ట్లు త‌ల‌ప‌డ‌తాయ‌ని భావిస్తున్నాను. ఆసీస్ ఛాంపియ‌న్స్‌గా నిల‌వాల‌ని నేను మ‌న‌స్పూర్తిగా కోరుకుంటున్నాను. కానీ టీమిండియాకే విజ‌య అవ‌కాశాలు ఎక్కువ‌గా ఉన్నాయి. ఛాంపియన్స్ ట్రోఫీని భార‌త్ సొంతం చేసుకుంటుంది నేను అనుకుంటున్నాను. భార‌త్ ప్ర‌స్తుతం ప్ర‌పంచంలోనే నంబర్ 1 వన్డే జట్టుగా ఉంది. వారిని ఓడించ‌డం అంత ఈజీ కాదు. భార‌త్‌, ఆసీస్ మ‌ధ్య తుది పోరు హోర‌హోరీగా జ‌రుగుతుంది. కానీ టీమిండియా ఒక్క ప‌రుగు తేడాతో విజ‌యం సాధిస్తుంది" అని రేవ్ స్పోర్ట్స్ ఛాన‌ల్‌కు ఇచ్చిన ఇంట‌ర్వ్యూలో క్లార్క్ పేర్కొన్నాడు. అదే విధంగా ఈ మెగా టోర్నీ టాప్ స్కోర‌ర్‌గా టీమిండియా కెప్టెన్ రోహిత్ శ‌ర్మ నిలుస్తాడ‌ని క్లార్క్ అంచ‌నా వేశాడు."రోహిత్ శ‌ర్మ తిరిగి ఫామ్‌ను అందుకున్నాడు. ఛాంపియ‌న్స్ ట్రోఫీకి ముందు అత‌డు క‌ట‌క్‌లో భారీ సెంచ‌రీ సాధించాడు. అద్భుత‌మైన షాట్ల‌తో అంద‌రిని అల‌రించాడు. అత‌డు ఈ మెగా ఈవెంట్‌లో కూడా మంచి ట‌చ్‌లో క‌న్పిస్తున్నాడు. రోహిత్ భార‌త్‌కు కీల‌కంగా మార‌నున్నాడు. అత‌డు త‌న దూకుడును కొన‌సాగించాలి. ప‌వ‌ర్ ప్లేలో ప‌రుగులు రాబ‌ట్టాల‌న్న అత‌డి ఉద్దేశ్యంలో ఎలాంటి త‌ప్పు లేదు. రోహిత్ అద్భుత‌మైన ఆట‌గాడు. రోహిత్ శ‌ర్మ టోర్నీ టాప్ స్కోర‌ర్‌గా నిలిచిన ఆశ్చర్యపోనవసరం లేదు" అని క్లార్క్ చెప్పుకొచ్చాడు. కాగా బంగ్లాదేశ్‌పై 40 ప‌రుగులు చేసిన హిట్‌మ్యాన్‌.. పాకిస్తాన్ 20 ప‌రుగుల‌తో క్విక్ ఇన్నింగ్స్ ఆడాడు.చదవండి: జోస్ బట్లర్ రాజీనామా.. ఇంగ్లండ్ కొత్త కెప్టెన్ అతడే!?

ఇంగ్లండ్ క్రికెట్‌లో కెప్టెన్‌గా జోస్ బట్ల‌ర్(Jos Buttler) ప్ర‌స్థానం ముగిసింది. ఇంగ్లండ్‌ జట్టు పరిమిత ఓవర్ల ఫార్మాట్‌ కెప్టెన్సీ బాధ్యతల నుంచి తప్పుకుంటున్నట్లు జోస్‌ బట్లర్ శుక్ర‌వారం ప్రకటించాడు. చాంపియన్స్‌ ట్రోఫీలో అఫ్గానిస్తాన్‌ చేతిలో ఓడిన ఇంగ్లండ్‌ జట్టు నాకౌట్‌ రేసుకు దూరమైన నేపథ్యంలో బట్లర్‌ ఈ నిర్ణయం తీసుకున్నాడు.శనివారం దక్షిణాఫ్రికాతో మ్యాచ్‌ అనంతరం నాయకత్వ బాధ్యతల నుంచి తప్పుకోనున్నట్లు బట్లర్‌ వెల్లడించాడు. అయితే ఆటగాడిగా జట్టులో కొనసాగుతానని వెల్లడించాడు. ‘కెప్టెన్సీ నుంచి తప్పుకోవాలని నిర్ణయించుకున్నా. ఈ నిర్ణయం నాకు, జట్టుకు మేలు చేస్తుందనుకుంటున్నా. సారథ్య బాధ్యతలను ఇతరులకు అప్పగించేందుకు ఇదే సరైన సమయమని భావిస్తున్నా’ అని బట్లర్‌ వెల్లడించాడు.అయితే 2022 టీ20 ప్ర‌పంచ‌క‌ప్‌ను నాయ‌కుడిగా త‌న జ‌ట్టుకు అందించిన బట్ల‌ర్.. ఆ త‌ర్వాత జ‌రిగిన ఐసీసీ ఈవెంట్ల‌లో త‌న మార్క్‌ను చూపించ‌లేక‌పోయాడు. 2023లో భారత్‌ వేదికగా జరిగిన వన్డే ప్రపంచకప్‌, టీ20 ప్ర‌పంచ‌క‌ప్‌-2024లో లీగ్ స్టేజిలో ఇంటిముఖం ప‌ట్టిన ఇంగ్లీష్ జ‌ట్టు.. ఇప్పుడు ఛాంపియ‌న్స్ ట్రోఫీలోనూ అదే ఫ‌లితాన్ని పున‌రావృతం చేసింది. దీంతో బట్లర్ కెప్టెన్సీ పెద్ద ఎత్తున విమర్శలు వ్యక్తమవుతున్నాయి. ఈ క్రమంలోనే బట్లర్ తన కెప్టెన్సీకి రాజీనామా చేశాడు. అయితే ఇంగ్లండ్ తదుపరి కెప్టెన్ ఎవరన్నది క్రికెట్ వర్గాల్లో ప్రస్తుతం చర్చనీయాంశమైంది.కెప్టెన్‌​గా హ్యారీ బ్రూక్‌..?పరిమిత ఓవర్ల ఫార్మాట్‌లో ఇంగ్లండ్ క్రికెట్ జ‌ట్టు త‌దుప‌రి కెప్టెన్‌గా మిడిల్-ఆర్డర్ బ్యాటర్ హ్యారీ బ్రూక్ బాధ్య‌త‌లు చేప‌ట్ట‌నున్న‌ట్లు తెలుస్తోంది. బ్రూక్ ప్ర‌స్తుతం ఇంగ్లండ్ జ‌ట్టు వైస్ కెప్టెన్‌గా ఉన్నాడు. గ‌తేడాది బ‌ట్ల‌ర్ గైర్హ‌జ‌రీలో ఆస్ట్రేలియాతో జ‌రిగిన టీ20 సిరీస్‌లో ఇంగ్లండ్ జ‌ట్టు సార‌థిగా కూడా బ్రూక్ వ్య‌వ‌హ‌రించాడు.అయితే ఈ సిరీస్‌ను 3-2 తేడాతో ఇంగ్లండ్ కోల్పోయింది. అయితే జ‌ట్టులో లివింగ్ స్టోన్‌, అదిల్ ర‌షీద్, డ‌కెట్ వంటి సీనియ‌ర్లు ఉన్న‌ప్ప‌టికి .. ఇంగ్లండ్ హెడ్ కోచ్ మాత్రం బ్రూక్ వైపే మొగ్గు చూపుతున్నారు. ఇంగ్లండ్ మాజీలు సైతం బ్రూక్‌ను కెప్టెన్‌గా నియ‌మించాల‌ని ఈసీబీని సూచిస్తున్నారు. ఇంగ్లండ్ త‌మ త‌దుప‌రి వైట్‌బాల్ సిరీస్ ఈ ఏడాది మేలో వెస్టిండీస్‌తో ఆడ‌నుంది. ఈ గ్యాపులో ఇంగ్లండ్‌ క్రికెట్‌ జట్టుకు కొత్త వైట్‌బాల్‌ కెప్టెన్‌ వచ్చే ఛాన్స్‌ ఉంది.చదవండి: Champions Trophy: టీమిండియాకు గుడ్‌ న్యూస్‌​..

ఐసీసీ ఛాంపియ‌న్స్ ట్రోఫీ-2025లో టీమిండియా త‌మ ఆఖ‌రి లీగ్ మ్యాచ్ ఆడేందుకు సిద్ద‌మైంది. ఆదివారం(మార్చి 2) దుబాయ్ వేదిక‌గా న్యూజిలాండ్‌తో భార‌త్ త‌ల‌ప‌డ‌నుంది. ఇప్ప‌టికే సెమీస్ బెర్త్‌ను ఖారారు చేసుకున్న టీమిండియా.. ఈ మ్యాచ్‌లో కూడా గెలిచి టేబుల్ టాప‌ర్‌గా లీగ్ స్టేజిని ముగించాల‌ని భావిస్తోంది. అయితే ఈ మ్యాచ్‌కు ముందు భార‌త్‌కు గుడ్ న్యూస్ అందింది.తొడ కండరాల గాయంతో బాధ‌ప‌డుతున్న టీమిండియా కెప్టెన్ రోహిత్ శ‌ర్మ పూర్తి ఫిట్‌నెస్ సాధించాడు. ఈ గాయం కార‌ణంగా రెండు రోజుల పాటు ప్రాక్టీస్ సెష‌న్‌కు దూరంగా ఉన్న రోహిత్‌.. తిరిగి మ‌ళ్లీ నెట్స్‌లో అడుగుపెట్టాడు. శుక్ర‌వారం దాదాపు 95 నిమిషాల పాటు రోహిత్ బ్యాటింగ్ ప్రాక్టీస్ చేశాడు. ఈ విష‌యాన్ని భారత క్రికెట్ జట్టు అసిస్టెంట్ కోచ్ ర్యాన్ టెన్ డెష్కాట్ ధ్రువీకరించాడు."రోహిత్ శ‌ర్మ గాయంపై ఎటువంటి ఆందోళ‌న అవ‌స‌రం లేదు. అత‌డు పూర్తి ఫిట్‌నెస్ సాధించాడు. నెట్స్‌లో చాలా సమయం పాటు బ్యాటింగ్ ప్రాక్టీస్ చేశాడు. ఫీల్డింగ్ ప్రాక్టీస్‌లో కూడా అత‌డు భాగ‌మ‌య్యాడు. అత‌డికి ఈ గాయాన్ని ఎలా మెనెజ్ చేయాలో బాగా తెలుసు" అని ప్రీ మ్యాచ్ కాన్ఫ‌రెన్స్‌లో టెన్ డెష్కాట్ పేర్కొన్నాడు. మ‌రోవైపు జ్వ‌రం బారిన ప‌డిన ఓపెన‌ర్ శుబ్‌మ‌న్ గిల్ కూడా కివీస్‌తో మ్యాచ్‌కు సిద్దంగా ఉన్న‌ట్లు తెలుస్తోంది. ఈ మ్యాచ్ కోసం భార‌త జ‌ట్టు శ‌నివారం త‌మ ఆఖ‌రి ప్రాక్టీస్ సెష‌న్‌లో పాల్గోనుంది. కాగా న్యూజిలాండ్‌తో మ్యాచ్ కోసం భార‌త తుది జట్టులో ఎటువంటి మార్పులు చోటుచేసుకోపోవ‌చ్చు.తొలి రెండు మ్యాచ్‌ల్లో ఆడిన జ‌ట్టునే ఈ మ్యాచ్‌కు కొన‌సాగించే అవ‌కాశ‌ముంది. దీంతో వికెట్ కీప‌ర్ బ్యాట‌ర్ రిష‌బ్ పంత్‌, యువ పేస‌ర్ అర్ష్‌దీప్ సింగ్ మ‌రోసారి బెంచ్‌కే ప‌రిమిత‌మ‌య్యే సూచ‌న‌లు క‌న్పిస్తున్నాయి.భారత తుది జట్టు (అంచనా)రోహిత్ శర్మ (కెప్టెన్‌), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్‌ రాహుల్ (వికెట్ కీప‌ర్‌), హార్దిక్ పాండ్యా, అక్షర్ పటేల్, రవీంద్ర జడేజా, హర్షిత్ రాణా, మహమ్మద్ షమీ, కుల్దీప్ యాదవ్.చదవండి: Champions Trophy: సెమీస్‌కు ముందు ఆస్ట్రేలియాకు భారీ షాక్‌..

ఐసీసీ ఛాంపియ‌న్స్ ట్రోఫీ-2025లో గ్రూపు-బి నుంచి ఆస్ట్రేలియా సెమీఫైన‌ల్‌కు ఆర్హ‌త సాధించింది. ఈ మెగా టోర్నీలో భాగంగా శుక్ర‌వారం అఫ్గానిస్తాన్‌-ఆస్ట్రేలియా మ‌ధ్య జ‌రిగిన మ్యాచ్ వ‌ర్షం కార‌ణంగా ర‌ద్దు అయింది. దీంతో నాలుగు పాయింట్ల‌తో ఆసీస్ త‌మ సెమీస్ బెర్త్‌ను ఖారారు చేసుకుంది. అయితే సెమీఫైన‌ల్స్‌కు ముందు కంగారుల‌కు భారీ షాక్ త‌గిలింది. ఆ జ‌ట్టు స్టార్ ఆల్‌రౌండ‌ర్ మాథ్యూ షార్ట్ గాయం కార‌ణంగా సెమీస్‌కు దూరం కానున్న‌ట్లు తెలుస్తోంది.షార్ట్ ప్రస్తుతం తొడ కండరాల గాయంతో బాధ‌ప‌డుతున్నాడు. అఫ్గాన్‌తో మ్యాచ్‌లో ఫీల్డింగ్ చేస్తుండ‌గా షార్ట్ తొడ కండరాలు ప‌ట్టేశాయి. అయిన‌ప్పటికి సెకెండ్ ఇన్నింగ్స్‌లో బ్యాటింగ్‌కు వ‌చ్చిన షార్ట్ కాస్త ఇబ్బంది ప‌డుతూ క‌న్పించాడు. కేవలం 15 బంతుల్లో 3 ఫోర్లు, 1 సిక్సర్‌తో 20 పరుగులు చేసి అతడు ఔటయ్యాడు. కాగా మ్యాచ్ అనంతరం షార్ట్ గాయంపై ఆసీస్ కెప్టెన్ స్టీవ్‌​ స్మిత్‌​​ స్పందించాడు."షార్ట్ తొడకండరాల గాయంతో బాధపడుతున్నాడు. అతడు నడవడానికి కాస్త ఇబ్బంది పడడం మేము చూశాము. అయితే నాకౌట్స్‌​ మ్యాచ్‌లు మొదలు కావడానికి ఇంకా మూడు రోజుల సమయం ఉంది. కాబట్టి షార్ట్ తన గాయం నుంచి కోలుకుంటాడని ఆశిస్తున్నాము. అయితే షార్ట్‌​ ఒకవేళ సెమీస్‌కు దూరమైనా, అతడి స్ధానాన్ని భర్తీ చేసేందుకు మా కుర్రాళ్లు సిద్దంగా ఉన్నారని" స్మిత్ పేర్కొన్నాడు.కాగా సెమీస్‌కు షార్ట్ దూరమైతే ఆసీస్‌కు గట్టి ఎదురు దెబ్బ అనే చెప్పాలి. అతడికి అద్బుతమైన ఆల్‌రౌండ్ స్కిల్స్ ఉన్నాయి. ఈ మెగా టోర్నీలో ఇంగ్లండ్‌పై భారీ లక్ష్యాన్ని ఆసీస్ చేధించడంలో షార్ట్‌ది కూడా కీలక పాత్ర. రన్ ఛేజ్‌లో ఈ ఆసీస్ ఆల్‌రౌండర్ 62 పరుగులతో అద్భుతమైన ఇన్నింగ్స్‌​ ఆడాడు.కాగా ఈ మెగా ఈవెంట్‌లో కెప్టెన్ ప్యాట్ కమ్మిన్స్‌, మిచెల్ స్టార్క్‌, జోష్ హాజిల్‌వుడ్ వంటి స్టార్ ప్లేయర్ల సేవలను ఆసీస్ కోల్పోయింది. ఇప్పుడు ఈ జాబితాలోకి షార్ట్ చేరాడు. షార్ట్ స్ధానంలో యువ ఆటగాడు జేక్‌​ ఫ్రేజర్ మెక్‌గర్క్‌​ తుది జట్టులోకి వచ్చే అవకాశముంది.చదవండి: ఆసీస్‌తో మ్యాచ్ రద్దు.. అయినా అఫ్గాన్‌కు సెమీస్ చేరే ఛాన్స్‌​! ఎలా అంటే?

ఐసీసీ ఛాంపియ‌న్స్ ట్రోఫీ-2025లో మ‌రో మ్యాచ్ వ‌రుణుడు ఖాతాలో చేరింది. ఈ మెగా టోర్నీ గ్రూప్‌ ‘బి’లో భాగంగా ఆ్రస్టేలియా, అఫ్గానిస్తాన్‌ మధ్య శుక్రవారం జరిగిన కీల‌క‌ మ్యాచ్‌ అర్ధాంతరంగా రద్దయింది. ఫ‌లితంగా ఇరు జ‌ట్లకు చెరో పాయింట్ ల‌భించింది. దీంతో ఆస్ట్రేలియా 4 పాయింట్ల‌తో సెమీఫైన‌ల్‌కు ఆర్హ‌త సాధించింది. కానీ ఈ మ్యాచ్ ర‌ద్దు కావ‌డంతో అఫ్గానిస్తాన్ సెమీస్ ఆశ‌లు మాత్రం అవిర‌య్యాయి. అయితే మాథ్య‌మేటిక‌ల్‌గా మాత్రం ఇంకా అఫ్గాన్ సెమీస్ చేసే దారులు మూసుకుపోలేదు.అఫ్గాన్ సెమీస్ చేరాలంటే?ఈ మెగా టోర్నీ గ్రూపు-బి నుంచి ఆస్ట్రేలియా సెమీస్‌కు ఆర్హ‌త సాధించ‌గా.. మ‌రో బెర్త్ ఇంకా అధికారికంగా ఖారారు కాలేదు. గ్రూపు-బి చివ‌రి లీగ్ మ్యాచ్‌లో రావ‌ల్పిండి వేదిక‌గా ఇంగ్లండ్‌-ద‌క్షిణాఫ్రికా జ‌ట్లు త‌ల‌ప‌డ‌నున్నాయి. ఈ మ్యాచ్‌లో సౌతాఫ్రికా గెలిస్తే.. 5 పాయింట్లతో గ్రూప్‌ టాపర్‌గా సెమీస్‌లో అడుగుపెడుతుంది. ఒక‌వేళ ఈ మ్యాచ్‌లో ప్రోటీస్ జ‌ట్టు ఓడితే మాత్రం 3 పాయింట్లతో అఫ్గానిస్తాన్‌తో సమంగా నిలుస్తుంది. అప్పుడు రన్‌రేట్‌ పరిగణనలోకి వస్తుంది.ప్రస్తుతం దక్షిణాఫ్రికా (2.140)తో పోలిస్తే అఫ్గాన్‌ రన్‌రేట్‌ చాలా పేలవంగా (–0.990) ఉంది. ఇప్ప‌టికే చెత్త ఆట తీరుతో గ్రూపు స్టేజిలో ఇంటి ముఖం ప‌ట్టిన ఇంగ్లండ్‌.. సూప‌ర్ ఫామ్‌లో ఉన్న స‌ఫారీల‌ను ఓడించ‌డం అంత సులువు కాదు. అయితే అఫ్గాన్ సెమీస్‌కు చేరాలంటే అద్బుతం జ‌ర‌గాలి. ఇంగ్లండ్‌ ముందుగా బ్యాటింగ్‌ చేసి 300 పరుగులు చేస్తే దక్షిణాఫ్రికా కనీసం 207 పరుగుల తేడాతో ఓడాలి. అప్పుడే సౌతాఫ్రికా ర‌న్‌రేట్ అఫ్గాన్ కంటే దిగువ‌కు వ‌స్తుంది.హెడ్ మెరుపులు..ఇక వ‌ర్షం కార‌ణంగా ర‌ద్దు అయిన ఈ మ్యాచ్‌లో తొలుత బ్యాటింగ్ చేసిన అఫ్గానిస్తాన్ నిర్ణీత‌ 50 ఓవర్లలో 273 పరుగులకు ఆలౌటైంది. సాదిఖుల్లా అటల్‌ (95 బంతుల్లో 85; 6 ఫోర్లు, 3 సిక్స్‌లు), అజ్మతుల్లా ఒమర్జాయ్‌ (63 బంతుల్లో 67; 1 ఫోర్, 5 సిక్స్‌లు) అర్ధ సెంచరీలు చేశారు. ఆసీస్‌ బౌలర్లలో డ్వార్‌షూయిస్‌ 3 వికెట్లు తీయగా... ఆడమ్‌ జంపా, స్పెన్సర్‌ జాన్సన్‌ చెరో 2 వికెట్లు పడగొట్టారు.అనంతరం ఛేదనలో 12.5 ఓవర్లు ముగిసేసరికి ఆసీస్‌ ఒక వికెట్‌ నష్టానికి 109 పరుగులు చేసి విజయం దిశగా వెళుతోంది. మాథ్యూ షార్ట్‌ (20) అవుట్‌ కాగా... ట్రవిస్‌ హెడ్‌ (40 బంతుల్లో 59 నాటౌట్‌; 9 ఫోర్లు, 1 సిక్స్‌), స్టీవ్‌ స్మిత్‌ (19 నాటౌట్‌) రెండో వికెట్‌కు అభేద్యంగా 65 పరుగులు జోడించారు. ఈ దశలో కురిసిన వాన ఆపై తెరిపినివ్వలేదు. నిబంధనల ప్రకారం వన్డే మ్యాచ్‌లో ఫలితం రావాలంటే ఛేజింగ్‌ చేస్తున్న జట్టు కనీసం 20 ఓవర్లు ఆడాల్సి ఉంటుంది. ఈ క్ర‌మంలోనే మ్యాచ్‌ను అంపైర్‌లు ర‌ద్దు చేశారు.చదవండి: ఇంగ్లండ్‌ కెప్టెన్సీకి జోస్‌ బట్లర్‌ రాజీనామా

సౌతాఫ్రికా వెటరన్‌ బ్యాటర్‌ రాసీ వాన్‌ డెర్‌ డసెన్‌(Rassie van der Dussen) ఆసక్తికర వ్యాఖ్యలు చేశాడు. తన కెరీర్‌లో చాంపియన్స్‌ ట్రోఫీ-2025(ICC Champions Trophy) చివరి ఐసీసీ టోర్నీ కాబోతుందని పేర్కొన్నాడు. అయితే, తన రిటైర్మెంట్‌ అంశం గురించి ఇప్పుడే చెప్పలేనని.. ఇది మాత్రం వాస్తమని అన్నాడు.అఫ్గన్‌తో మ్యాచ్‌లో అర్ధ శతకంకాగా ఫిబ్రవరి 19న పాకిస్తాన్‌ వేదికగా చాంపియన్స్‌ ట్రోఫీ మొదలుకాగా.. సౌతాఫ్రికా తమ తొలి మ్యాచ్‌లో అఫ్గనిస్తాన్‌ను ఎదుర్కొంది. కరాచీలో జరిగిన ఈ మ్యాచ్‌లో డసెన్‌ నాలుగో స్థానంలో బ్యాటింగ్‌కు వచ్చి అర్ధ శతకంతో అదరగొట్టాడు. కేవలం 46 బంతుల్లోనే 3 ఫోర్లు, 2 సిక్సర్ల సాయంతో 52 పరుగులు సాధించాడు.నాకు ఇదే ఆఖరి ఐసీసీ టోర్నీతదుపరి సౌతాఫ్రికా ఆస్ట్రేలియాతో తలపడాల్సి ఉండగా వర్షం కారణంగా రావల్పిండిలో బుధవారం జరగాల్సిన మ్యాచ్‌ రద్దై పోయింది. ఈ క్రమంలో మార్చి 1న తమ ఆఖరి లీగ్‌ మ్యాచ్‌లో భాగంగా సౌతాఫ్రికా ఇంగ్లండ్‌ను ఎదుర్కొంటుంది. ఈ నేపథ్యంలో ఈఎస్‌పీఎన్‌క్రిక్‌ఇన్ఫోతో మాట్లాడిన డసెన్‌.. ‘‘నాకు ఇదే ఆఖరి ఐసీసీ టోర్నీ అని కచ్చితంగా చెప్పగలను.ఇందుకోసం ముందుగా నేనేమీ ప్రణాళికలు రచించుకోలేదు. మేనేజ్‌మెంట్‌ కూడా నాపై ఎలాంటి ఒత్తిడి పెట్టలేదు. కానీ ఇదే నిజం. నా కెరీర్‌ చరమాంకానికి చేరుకుంది. ప్రొటిస్‌ తరఫున క్రికెట్‌ ఆడటంమే నా ఏకైక లక్ష్యం. దేశానికి ప్రాతినిథ్యం వహించడం కంటే గొప్ప విషయం మరొకటి ఉండదు.ప్రొటిస్‌ తరఫున కొనసాగుతాచాలా మంది రిటైర్మెంట్‌ తర్వాత లీగ్‌ క్రికెట్‌ ఆడతావా? అని అడుగుతున్నారు. ఏమో ఇప్పుడే కచ్చితంగా చెప్పలేను. కానీ లీగ్‌ క్రికెట్‌లో ఆడాలన్న తపన నాలో ఉంది. అయితే, ముందుగా చెప్పినట్లు సౌతాఫ్రికాకు ఆడటమే నా మొదటి ప్రాధాన్యం. ఒకవేళ ఇంకో సెంట్రల్‌ కాంట్రాక్టు దక్కితే కచ్చితంగా ప్రొటిస్‌ తరఫున కొనసాగుతా’’ అని తన మనసులోని భావాలను పంచుకున్నాడు.కాగా 36 ఏళ్ల రాసీ వాన్‌ డెర్‌ డసెన్‌ 2018లో అంతర్జాతీయ క్రికెట్‌లో అడగుపెట్టాడు. సౌతాఫ్రికా తరఫున ఇప్పటి వరకు 18 టెస్టులు, 69 వన్డేలు, 50 టీ20 మ్యాచ్‌లు ఆడి.. ఆయా ఫార్మాట్లలో వరుసగా 905, 2516, 1257 పరుగులు చేశాడు. వన్డేల్లో అతడి ఖాతాలో ఆరు శతకాలు ఉన్నాయి.చాంపియన్స్‌ ట్రోఫీ-2025లో సౌతాఫ్రికా జట్టుర్యాన్ రికెల్టన్ (వికెట్‌ కీపర్‌), టోనీ డి జోర్జి, తెంబా బావుమా (కెప్టెన్‌), రాసీ వాన్ డెర్ డసెన్, ఐడెన్ మార్క్రమ్, డేవిడ్ మిల్లర్, వియాన్ ముల్డర్, మార్కో జాన్సెన్, కేశవ్ మహారాజ్, కగిసో రబడ, లుంగి ఎన్గిడి, హెన్రిచ్‌ క్లాసెన్‌, తబ్రేజ్‌ షంసీ, ట్రిస్టన్‌ స్టబ్స్‌, కార్బిన్‌ బాష్‌.చదవండి: ‘ఏంటిది? నేను అవుటయ్యానా?’.. జాన్సన్‌ దెబ్బకు రహ్మనుల్లా బౌల్డ్‌

అఫ్గనిస్తాన్‌తో మ్యాచ్‌లో ఆస్ట్రేలియా బౌలర్‌ స్పెన్సర్‌ జాన్సన్‌(Spencer Johnson) అద్బుతం చేశాడు. నమ్మశక్యం కాని రీతిలో రహ్మనుల్లా గుర్బాజ్‌(Rahmanullah Gurbaz)ను బౌల్డ్‌ చేశాడు. ఇందుకు సంబంధించిన వీడియో క్రికెట్‌ ప్రేమికులకు కనువిందు చేస్తోంది. ఐసీసీ చాంపియన్స్‌ ట్రోఫీ-2025లో భాగంగా అఫ్గన్‌- ఆసీస్‌(Afghanistan vs Australia) శుక్రవారం లాహోర్‌ వేదికగా అమీతుమీ తేల్చుకుంటున్నాయి.నమ్మశక్యం కాని డెలివరీఈ మ్యాచ్‌లో గెలిచిన జట్టు ఎలాంటి సమీకరణలతో పనిలేకుండా నేరుగా గ్రూప్‌-‘బి’ నుంచి సెమీస్‌లో అడుగుపెడుతుంది. అందుకే ఇరుజట్లకు ఈ మ్యాచ్‌ అత్యంత కీలకంగా మారింది. ఇక గడాఫీ స్టేడియంలో టాస్‌ గెలిచిన అఫ్గనిస్తాన్‌ తొలుత బ్యాటింగ్‌ ఎంచుకోగా.. ఆసీస్‌ లెఫ్టార్మ్‌ పేసర్‌ స్పెన్సర్‌ జాన్సన్‌ బౌలింగ్‌ ఎటాక్‌ ఆరంభించాడు.ఈ క్రమంలో అఫ్గన్‌ ఇన్నింగ్స్‌ తొలి ఓవర్లో ఐదో బంతికే జాన్సన్‌ అద్బుత రీతిలో రహ్మనుల్లా గుర్బాజ్‌ను బౌల్డ్‌ చేశాడు. నమ్మశక్యం కాని డెలివరీతో అతడిని పెవిలియన్‌కు పంపాడు. గంటకు 140.7 కిలోమీటర్ల వేగంతో జాన్సన్‌ సంధించిన బంతిని గుర్బాజ్‌ తప్పుగా అంచనా వేశాడు. స్వింగ్‌ అవుతున్న బాల్‌ను ఆడేందుకు ప్రయత్నించి విఫలమయ్యాడు.ఏంటిది? నేను అవుటయ్యానా?ఈ క్రమంలో బ్యాట్‌ కిందుగా వెళ్లిన బంతి ఆఫ్‌ స్టంప్‌ను ఎగురగొట్టింది. దీంతో గుర్బాజ్‌.. ‘‘ఏంటిది? నేను అవుటయ్యానా?.. నమ్మలేకపోతున్నా’’ అన్నట్లుగా ఇచ్చిన షాకింగ్‌ రియాక్షన్‌ వైరల్‌ అయింది. మరోవైపు.. జాన్సన్‌ సహచర సభ్యులతో కలిసి తొలి వికెట్‌ను సెలబ్రేట్‌ చేసుకున్నాడు. కాగా చాంపియన్స్‌ ట్రోఫీ-2025లో అఫ్గనిస్తాన్‌ ఓపెనర్‌ రహ్మనుల్లా గుర్బాజ్‌ వరుస వైఫల్యాలు కొనసాగుతున్నాయి. సౌతాఫ్రికా, ఇంగ్లండ్‌లతో మ్యాచ్‌లలో అతడు వరుసగా 10, 6 పరుగులు చేశాడు. తాజాగా ఆస్ట్రేలియాతో మ్యాచ్‌లో ఐదు బంతులు ఎదుర్కొని డకౌట్‌గా వెనుదిరిగాడు.Goneee!#SpencerJohnson sends #RahmanullahGurbaz packing with a brilliant yorker! 📺📱 Start Watching FREE on JioHotstar: https://t.co/3pIm2C5OWa#ChampionsTrophyOnJioStar 👉 #AFGvAUS | LIVE NOW on Star Sports 2 & Sports 18-1 pic.twitter.com/FGSwXB2WGA— Star Sports (@StarSportsIndia) February 28, 2025సెమీస్‌లో టీమిండియా, న్యూజిలాండ్‌ఇదిలా ఉంటే.. ఈ వన్డే టోర్నమెంట్లో ఇప్పటికే రెండు జట్లు సెమీ ఫైనల్‌కు చేరుకున్నాయి. గ్రూప్‌-‘ఎ’ నుంచి టీమిండియా, న్యూజిలాండ్‌ టాప్‌-4కు అర్హత సాధించాయి. ఈ రెండు జట్లు పాకిస్తాన్‌, బంగ్లాదేశ్‌లను టోర్నీ నుంచి నాకౌట్‌ చేశాయి. ఇక గ్రూప్‌-‘బి’లో సౌతాఫ్రికా సెమీస్‌ చేరడం ఖాయంగా కనిపిస్తోంది. తమ తొలి మ్యాచ్‌లో అఫ్గనిస్తాన్‌ను 107 పరుగుల తేడాతో చిత్తు చేసిన ప్రొటిస్‌ జట్టు రెండు పాయింట్లతో పాటు నెట్‌ రన్‌రేటు(+2.140) పరంగా అదరగొట్టింది. అయితే, ఆసీస్‌తో జరగాల్సిన మ్యాచ్‌ వర్షం వల్ల రద్దు కావడంతో మరో పాయింట్‌ సౌతాఫ్రికా ఖాతాలో చేరింది.చాంపియన్స్‌ ట్రోఫీ-2025: అఫ్గనిస్తాన్‌ వర్సెస్‌ ఆస్ట్రేలియా తుదిజట్లుఅఫ్గనిస్తాన్‌రహ్మానుల్లా గుర్బాజ్(వికెట్‌ కీపర్‌), ఇబ్రహీం జద్రాన్, సెదిఖుల్లా అటల్, రహమత్ షా, హష్మతుల్లా షాహిది(కెప్టెన్‌), అజ్మతుల్లా ఒమర్జాయ్, మహ్మద్ నబీ, గుల్బదిన్‌ నాయిబ్, రషీద్ ఖాన్, నూర్ అహ్మద్, ఫజల్హాక్ ఫరూఖీ.ఆస్ట్రేలియామాథ్యూ షార్ట్, ట్రావిస్ హెడ్, స్టీవెన్ స్మిత్(కెప్టెన్‌), మార్నస్ లబుషేన్‌, జోష్ ఇంగ్లిస్, అలెక్స్ క్యారీ(వికెట్‌ కీపర్‌), గ్లెన్ మాక్స్‌వెల్, బెన్ డ్వార్షుయిస్, నాథన్ ఎల్లిస్, ఆడమ్ జంపా, స్పెన్సర్ జాన్సన్.చదవండి: IND vs NZ: కివీస్‌తో మ్యాచ్‌కు రోహిత్‌ దూరం.. కెప్టెన్‌గా అతడు!

వరణుడు కరుణించాడు. అఫ్గనిస్తాన్‌- ఆస్ట్రేలియా(Afghanistan vs Australia) మధ్య మ్యాచ్‌కు మార్గం సుగమం చేశాడు. ఫలితంగా లాహోర్‌ వేదికగా ఇరుజట్ల మధ్య సెమీస్‌ రేసు సమరానికి నగారా మోగింది. టాస్‌ గెలిచిన అఫ్గనిస్తాన్‌ తొలుత బ్యాటింగ్‌ ఎంచుకుంది.పాకిస్తాన్‌ వేదికగా ఫిబ్రవరి 19న ఐసీసీ చాంపియన్స్‌ ట్రోఫీ-2025(ICC Champions Trophy) మొదలైన విషయం తెలిసిందే. గ్రూప్‌-‘ఎ’ నుంచి భారత్‌, పాకిస్తాన్‌, న్యూజిలాండ్‌, బంగ్లాదేశ్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ ఈ వన్డే టోర్నమెంట్‌ బరిలో దిగాయి. ఇక ఇప్పటికే వరుసగా రెండు మ్యాచ్‌లు గెలిచి భారత్‌(Team India), న్యూజిలాండ్‌ సెమీ ఫైనల్లో అడుగుపెట్టగా.. గ్రూప్‌-‘బి’ సెమీ ఫైనలిస్టులు శుక్రవారం నాటి ఆఫ్గన్‌- ఆసీస్‌ మ్యాచ్‌ ఫలితంతో ఖరారు కానున్నాయి.గెలిస్తే నేరుగా సెమీస్‌కేగ్రూప్‌-‘బి’లో సౌతాఫ్రికా తొలి మ్యాచ్‌లో అఫ్గన్‌ను 107 పరుగుల తేడాతో చిత్తు చేసి పటిష్ట స్థితిలో నిలిచింది. అనంతరం ఆస్ట్రేలియాతో రావల్పిండిలో జరగాల్సిన మ్యాచ్‌ వర్షం వల్ల రద్దు కాగా.. మొత్తంగా మూడు పాయింట్లు సాధించిన ప్రొటిస్‌ జట్టు నెట్‌ రన్‌రేటు(+2.140) పరంగా అగ్రస్థానంలో కొనసాగుతోంది.ఇక ఇదే గ్రూపులో ఉన్న ఆసీస్‌ కూడా ప్రస్తుతం మూడు పాయింట్లతో ఉండగా.. ఇంగ్లండ్‌ను ఓడించిన అఫ్గనిస్తాన్‌ ఖాతాలో రెండు పాయింట్లు ఉన్నాయి. మరోవైపు.. ఇప్పటికే ఆసీస్‌, అ‍ఫ్గన్‌ చేతిలో ఓడిన ఇంగ్లండ్‌ ఇంటిబాట పట్టగా.. సెమీస్‌ రేసులో సౌతాఫ్రికా, ఆస్ట్రేలియా, అఫ్గనిస్తాన్‌ పోటీపడుతున్నాయి.ఇందులో భాగంగా లాహోర్‌లోని గడాఫీ స్టేడియంలో శుక్రవారం నాటి మ్యాచ్‌ తొలి సెమీ ఫైనలిస్టును ఖరారు చేయనుంది. అఫ్గన్‌- ఆసీస్‌ పోరులో గనుక కంగారూ జట్టు గెలిస్తే ఎలాంటి సమీకరణలతో సంబంధం లేకుండా సెమీస్‌ చేరుతుంది. అఫ్గన్‌ గెలిచినా నేరుగా సెమీ ఫైనల్లో అడుగుపెడుతుంది. అయితే, అప్పుడు ఆస్ట్రేలియా సౌతాఫ్రికా- ఇంగ్లండ్‌ ఫలితం కోసం ఎదురుచూడాల్సి ఉంటుంది.అందుకే ముందుగా బ్యాటింగ్‌ఇక ఈ మ్యాచ్‌లో టాస్‌ గెలిచిన అఫ్గనిస్తాన్‌ కెప్టెన్‌ హష్మతుల్లా షాహిది తొలుత బ్యాటింగ్‌ చేయడానికి మొగ్గుచూపాడు. ‘‘వికెట్‌ బ్యాటింగ్‌కు అనుకూలంగా కనిపిస్తోంది. ద్వితీయార్థ భాగంలో కాస్త మందకొడిగా ఉంటుందనిపిస్తోంది. అందుకే ముందుగా బ్యాటింగ్‌ చేయాలని నిర్ణయించుకున్నాం. ఇంగ్లండ్‌పై గెలిచిన జట్టుతోనే ఆస్ట్రేలియాతో మ్యాచ్‌లోనూ బరిలోకి దిగుతున్నాం’’ అని హష్మతుల్లా తెలిపాడు.మరోవైపు.. ఆసీస్‌ కెప్టెన్‌ స్టీవ్‌ స్మిత్‌ మాట్లాడుతూ.. తాను టాస్‌ గెలిస్తే ముందుగా బౌలింగే ఎంచుకునేవాడినని తెలిపాడు. పిచ్‌ పరిస్థితులు ఎప్పటికప్పుడు మారిపోతున్నాయని.. ఏదేమైనా తమ ఆటగాళ్లు దూకుడుగా ముందుకు వెళ్లడం ఖాయమన్నాడు.తాము కూడా ఎలాంటి మార్పుల్లేకుండా.. ఇంగ్లండ్‌తో ఆడిన జట్టుతోనే ఆడబోతున్నట్లు తెలిపాడు.అఫ్గనిస్తాన్‌ వర్సెస్‌ ఆస్ట్రేలియా తుదిజట్లుఅఫ్గనిస్తాన్‌రహ్మానుల్లా గుర్బాజ్(వికెట్‌ కీపర్‌), ఇబ్రహీం జద్రాన్, సెదిఖుల్లా అటల్, రహమత్ షా, హష్మతుల్లా షాహిది(కెప్టెన్‌), అజ్మతుల్లా ఒమర్జాయ్, మహ్మద్ నబీ, గుల్బదిన్‌ నాయిబ్, రషీద్ ఖాన్, నూర్ అహ్మద్, ఫజల్హాక్ ఫరూఖీ.ఆస్ట్రేలియామాథ్యూ షార్ట్, ట్రావిస్ హెడ్, స్టీవెన్ స్మిత్(కెప్టెన్‌), మార్నస్ లబుషేన్‌, జోష్ ఇంగ్లిస్, అలెక్స్ క్యారీ(వికెట్‌ కీపర్‌), గ్లెన్ మాక్స్‌వెల్, బెన్ డ్వార్షుయిస్, నాథన్ ఎల్లిస్, ఆడమ్ జంపా, స్పెన్సర్ జాన్సన్.చదవండి: #Jos Buttler: అఫ్గాన్‌ చేతిలో ఓటమి.. ఇంగ్లండ్ కెప్టెన్ సంచలన నిర్ణయం!

ఇంగ్లండ్‌ క్రికెట్‌ జట్టుపై ఆ దేశ మాజీ బ్యాటర్‌ మార్క్‌ బుచర్‌(Mark Butcher) ఆగ్రహం వ్యక్తం చేశాడు. గర్వ తలకెక్కితే ఇలాంటి చేదు అనుభవాలే చూడాల్సి వస్తుందంటూ ఘాటు విమర్శలు చేశాడు. ఇప్పటికైనా కళ్లు తెరిచి ఆటపై కాస్త దృష్టి పెట్టాలంటూ హితవు పలికాడు. కాగా ఐసీసీ వన్డే వరల్డ్‌కప్‌-2023(ICC ODI World Cup)లో పేలవ ప్రదర్శన కనబరిచిన ఇంగ్లండ్‌.. తాజాగా చాంపియన్స్‌ ట్రోఫీ-2025(ICC Champions Trophy)లోనూ తీవ్రంగా నిరాశపరిచింది.సెమీస్‌ కూడా చేరకుండానేగ్రూప్‌-‘బి’లో భాగంగా ఆస్ట్రేలియా, అఫ్గనిస్తాన్‌ జట్ల చేతిలో ఓడి కనీసం సెమీస్‌ కూడా చేరకుండానే టోర్నమెంట్‌ నుంచి నిష్క్రమించింది. ఈ రెండు మ్యాచ్‌లలో ఏమాత్రం కష్టపడినా ఇంగ్లండ్‌ గెలిచేదే. ముఖ్యంగా అఫ్గన్‌తో మ్యాచ్‌లో జో రూట్‌(120)కు ఒక్కరు సహకారం అందించినా బట్లర్‌ బృందం గట్టెక్కేదే. కానీ ఎనిమిది పరుగుల స్వల్ప తేడాతో ఓడి ఘోర పరాభవాన్ని మూటగట్టుకుంది.ఇక ఈ వన్డే టోర్నీకి ముందు భారత్‌లో పర్యటించిన ఇంగ్లండ్‌ జట్టు.. ఐదు మ్యాచ్‌ల టీ20 సిరీస్‌లో 4-1తో ఓడింది. అదే విధంగా సిరీస్‌లో రోహిత్‌ సేన చేతిలో వన్డే 3-0తో క్లీన్‌స్వీప్‌నకు గురైంది. ఈ నేపథ్యంలో నాడు ఇంగ్లండ్‌ ఓపెనర్‌ బెన్‌ డకెట్‌ మాట్లాడుతూ.. వైట్‌వాష్‌ పరాజయాన్ని తాము లెక్కచేయమని.. చాంపియన్స్‌ ట్రోఫీ గెలవడమే తమ లక్ష్యమని పేర్కొన్నాడు. అయితే, అది జరగదని ఇప్పటికే తేలిపోయింది.గర్వం తలకెక్కిందిఈ నేపథ్యంలో మార్క్‌ బుచర్‌ విజ్డన్‌తో మాట్లాడుతూ.. బట్లర్‌ బృందం తీరుపై మండిపడ్డాడు. ఆటగాళ్ల గర్వం, నిర్లక్ష్య ధోరణి వల్లే... ప్రతి ఒక్కరు ఇంగ్లండ్‌ జట్టు ఓడిపోవాలని కోరుకున్నారని.. ఇకనైనా దూకుడు స్వభావాన్ని విడిచిపెట్టాలని ఆటగాళ్లకు సూచించాడు. ‘‘చాలా మంది అఫ్గనిస్తాన్‌తో మ్యాచ్‌లో ఇంగ్లండ్‌ ఓడిపోవాలని ఎందుకు కోరుకున్నారో నాకు తెలుసు.ఇంగ్లండ్‌ జట్టుకు గర్వం తలకెక్కింది. వన్డే ఫార్మాట్‌ అంటే బొత్తిగా లెక్కలేదు. వన్డే వరల్డ్‌కప్‌(2019) గెలవడానికి ఎంత కష్టపడ్డారో మరచిపోయారు. గెలిచిన తర్వాత ఇకపై ఆడటం అవసరం లేదన్నట్లుగా వ్యవహరిస్తున్నారు. అహంభావం పెరిగిపోయింది. దాని ఫలితంగానే ఈ చేదు అనుభవాలు.ప్రతి ఒక్కరు ఇంగ్లండ్‌ ఓడిపోవాలనే కోరుకున్నారుమైదానంలో ఉన్న అఫ్గనిస్తాన్‌, పాకిస్తాన్‌ జట్ల అభిమానులే కాదు.. ప్రతి ఒక్కరు ఇంగ్లండ్‌ ఓడిపోవాలని కోరుకుంది ఇందుకే. ప్రతిసారీ ఆటతో అలరిస్తామని చెబితే సరిపోదు. మ్యాచ్‌లు కూడా గెలవాలి’’ అంటూ మార్క్‌ బుచర్‌ బట్లర్‌ బృందానికి చురకలు అంటించాడు.కాగా వన్డే వరల్డ్‌కప్‌-2023 నుంచి ఇప్పటి వరకు పదహారు వన్డేలు ఆడిన ఇంగ్లండ్‌ పన్నెండింట ఓడిపోవడం గమనార్హం. ఇక బ్రెండన్‌ మెకల్లమ్‌ వన్డే, టీ20 జట్ల హెడ్‌కోచ్‌గా వచ్చిన తర్వాత భారత్‌ చేతిలో క్లీన్‌స్వీప్‌, చాంపియన్స్‌ ట్రోఫీ లీగ్‌ దశలోనే నిష్క్రమించడంతో విమర్శలు తారస్థాయికి చేరాడు.చాంపియన్స్‌ ట్రోఫీ-2025లో ఇంగ్లండ్‌ జట్టుఫిలిప్ సాల్ట్, బెన్ డకెట్, జామీ స్మిత్ (వికెట్‌ కీపర్‌), జో రూట్, హ్యారీ బ్రూక్, జోస్ బట్లర్ (కెప్టెన్‌), లియామ్ లివింగ్‌స్టోన్, జోఫ్రా ఆర్చర్, జామీ ఓవర్టన్, ఆదిల్ రషీద్, మార్క్ వుడ్, రెహాన్‌ అహ్మద్‌, సకీబ్‌ మహమూద్‌, టామ్‌ బాంటన్‌, గస్‌ అట్కిన్సన్‌.చదవండి: CT 2025: ఇక్కడ ఓడిపోయాం.. అక్కడ మాత్రం రాణిస్తాం: పాక్‌ కెప్టెన్‌

ఇస్లామాబాద్‌: ఛాంపియన్స్ ట్రోఫీ-2025లో ఆతిథ్య పాకిస్థాన్‌ జట్టు ప్రదర్శన ఆ దేశ అభిమానులను తీవ్ర నిరాశకు గురిచేసింది. పాకిస్థాన్‌ ఆడిన రెండు మ్యాచుల్లో(భారత్‌, న్యూజిలాండ్‌) ఓటమిని చవిచూసింది. వర్షం కారణంగా బంగ్లాదేశ్‌తో మ్యాచ్‌ రద్దు అయ్యింది. దీంతో, పాయింట్ల ప‌ట్టిక‌లో ఆఖ‌రి స్థానానికి ప‌రిమిత‌మైంది. ఈ నేపథ్యంలో ప్లేయర్స్‌, పీసీబీపై తీవ్ర విమర్శలు వెల్లువెత్తుతున్నాయి.మరోవైపు.. పాకిస్థాన్‌ టీమ్‌ ఆట‌తీరుపై రాజకీయ నాయకులు కూడా దృష్టి సారించారు. రిజ్వాన్ సేన దారుణ ఆట‌తీరు, పీసీబీ వ్యవహారాలను ప్రధాని షెహబాజ్ షరీఫ్ దృష్టికి తీసుకెళ్తామని ప్ర‌ధాని రాజకీయ, ప్రజా వ్యవహారాల సలహాదారు రాణా సనావుల్లా వెల్లడించారు. పార్లమెంట్‌లో జట్టు ప్రదర్శనపై చర్చించాలని ప్రధాని షెహబాబ్‌ను కోరుతామని అన్నారు. జట్టు ఓటమిపై ప్రధాని కూడా ఆందోళన వ్యక్తం చేసినట్టు తెలిపారు. ఈ సందర్బంగా సనావుల్లా మాట్లాడుతూ.. పాక్‌ క్రికెట్‌ జట్టు ఆట తీరుపై ప్రధాని వ్యక్తిగతంగా దృష్టిసారించాని కోరుతాం. జట్టు ఆటతీరు దారుణంగా ఉంది. పాక్ దారుణ ప్ర‌ద‌ర్శ‌నపై మంత్రివర్గంలో, పార్లమెంటులో ప్ర‌స్తావించాలనుకుంటున్నాం. క్రికెట్ బోర్డు ఒక స్వతంత్ర సంస్థ. పాక్ బోర్డు త‌మ ద‌గ్గ‌ర ఉన్న న‌గ‌దును వేటికి ఎలా ఖ‌ర్చుపెడుతుందో తెలుసుకునే హ‌క్కు ప్ర‌జ‌ల‌కు ఉంది. పీసీబీలోని కొంద‌రు అధికారులు నెల‌కు ఐదు మిలియ‌న్ల‌కు వ‌ర‌కు అందుకుంటున్నారు. వారు తమకు నచ్చినట్లు చేయగలరు. కానీ, వారి బాధ్య‌త‌లను నిర్వ‌ర్తించ‌డంలో విఫలం అవుతున్నారు. గత దశాబ్ద కాలంగా మనం క్రికెట్‌లో ఒడిదుడుకులను ఎదుర్కొంటున్నాం. ఆటగాళ్లకు ఇచ్చే ప్రోత్సాహకాలు సైతం భారీగా ఉన్నాయి. ఇవన్నీ జట్టు ప్రదర్శనపై ప్రభావితం చూపుతున్నాయి’ అని చెప్పుకొచ్చారు. ఈ నేపథ్యంలో పాక్‌ జట్టు ఆట తీరుపై పార్లమెంట్‌లో వాడేవేడి చర్చ జరిగే అవకాశం ఉంది.ఇదిలా ఉండగా.. ఛాంపియన్స్ ట్రోఫీలో పాకిస్తాన్ క‌థ ముగిసింది. ఒక్క మ్యాచ్‌లో కూడా గెల‌వ‌కుండానే(బంగ్లాదేశ్‌తో మ్యాచ్‌ వర్షం కారణంగా రద్దు) టోర్నీ నుంచి నిష్క్రమించింది. ఈ నేపథ్యంలో జట్టు దారుణమైన ప్రదర్శన ఆ దేశ క్రికెట్ నిపుణులు, మాజీ ఆటగాళ్లలో ఆందోళనను రేకెత్తించింది. ఇలాంటి వైఫ‌ల్యాల‌కు జట్టు ఆటగాళ్ల ప్రదర్శన ఒక్క‌టే కార‌ణం కాద‌ని, పాక్ జ‌ట్టు దేశ‌వాలీ వ్య‌వ‌స్థ పూర్తిగా క్షీణించ‌డం అని వారు చెబుతున్నారు.

చాంపియన్స్‌ ట్రోఫీ-2025(ICC Champions Trophy)లో టీమిండియా ఆఖరి లీగ్‌ మ్యాచ్‌కు సన్నద్ధమవుతోంది. ఈ ఐసీసీ వన్డే టోర్నమెంట్లో ఇప్పటికే సెమీ ఫైనల్‌ చేరుకున్న రోహిత్‌ సేన.. న్యూజిలాండ్‌తో ఆదివారం నామమాత్రపు మ్యాచ్‌ ఆడనుంది. అయితే, ఈ మ్యాచ్‌కు కెప్టెన్‌ రోహిత్‌ శర్మ(Rohit Sharma) దూరం కానున్నట్లు వార్తలు వినిపిస్తున్నాయి.రోహిత్‌కు రెస్ట్‌ ఇవ్వడమే మంచిదిపాకిస్తాన్‌తో మ్యాచ్‌ సందర్భంగా హిట్‌మ్యాన్‌ పిక్కల నొప్పితో బాధపడిన విషయం తెలిసిందే. ఈ క్రమంలో మైదానం వీడి కాసేపు విశ్రాంతి తీసుకున్న తర్వాత మళ్లీ ఫీల్డింగ్‌కు వచ్చాడు. అయితే, నొప్పి ఇంకా పూర్తిగా తగ్గలేదని తెలుస్తోంది. దుబాయ్‌లో జరిగిన ప్రాక్టీస్‌ సెషన్‌లోనూ అతడు బ్యాటింగ్‌ చేయలేకపోయాడు. దీంతో కివీస్‌తో మ్యాచ్‌కు దూరంగా ఉండాలని రోహిత్‌ శర్మ నిర్ణయించుకున్నట్లు తెలుస్తోంది.సెమీస్‌ మ్యాచ్‌ మార్చి 4, 5 తేదీల్లోనే జరుగనున్న తరుణంలో రోహిత్‌కు విశ్రాంతిన్విడమే మంచిదని యాజమాన్యం కూడా భావిస్తున్నట్లు ఇండియన్‌ ఎక్స్‌ప్రెస్‌ కథనం పేర్కొంది. ఈ నేపథ్యంలో వైస్‌ కెప్టెన్‌ శుబ్‌మన్‌ గిల్‌(Shubman Gill) తాత్కాలిక సారథిగా బాధ్యతలు చేపట్టే అవకాశం ఉంది. గిల్‌తో పాటు ఓపెనర్‌గా రాహుల్‌అయితే, గిల్‌ జ్వరంతో బాధపడుతున్నాడని వార్తలు రాగా.. ఆప్షనల్‌ నెట్‌ సెషన్‌లో అతడు గంటలపాటు బ్యాటింగ్‌ ప్రాక్టీస్‌ చేయడంతో వాటికి చెక్‌ పడింది.ఇదిలా ఉంటే.. రోహిత్‌ శర్మ గనుక దూరమైతే గిల్‌కు ఓపెనింగ్‌ జోడీగా కేఎల్‌ రాహుల్‌ వచ్చే అవకాశం ఉంది. అదే జరిగితే మరో వికెట్‌ కీపర్‌ బ్యాటర్‌ రిషభ్‌ పంత్‌కు తుదిజట్టులో చోటు దక్కే అవకాశం ఉంది. ఇక గ్రూప్‌-‘ఎ’ నుంచి కివీస్‌ కూడా భారత్‌తో పాటు సెమీస్‌ చేరిన విషయం తెలిసిందే. ఈ నేపథ్యంలో మార్చి 2 నాటి మ్యాచ్‌లో గెలిచి రెట్టించిన ఆత్మవిశ్వాసంతో సెమీ ఫైనల్‌ బరిలో దిగాలని ఇరుజట్లు భావిస్తున్నాయి. అంతేకాదు.. ఈ మ్యాచ్‌లో గెలుపు ఆధారంగానే గ్రూప్‌-‘ఎ’ విజేతతో పాటు సెమీస్‌ ప్రత్యర్థి ఎవరన్నది తేలనుంది.కాగా ఫిబ్రవరి 19న పాకిస్తాన్‌ వేదికగా చాంపియన్స్‌ ట్రోఫీ-2025 మొదలైంది. గ్రూప్‌-‘ఎ’ నుంచి భారత్‌, న్యూజిలాండ్‌, బంగ్లాదేశ్‌, పాకిస్తాన్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ బరిలో నిలిచాయి. అయితే, గ్రూప్‌-‘ఎ’లో వరుసగా రెండు మ్యాచ్‌లో ఓడటంతో పాటు.. తమ మధ్య ఆఖరి మ్యాచ్‌ వర్షం వల్ల రద్దు కావడంతో పాక్‌- బంగ్లా కనీసం ఒక్క విజయం లేకుండానే నిష్క్రమించాయి. ఇక గ్రూప్‌-బి నుంచి ఇంగ్లండ్‌ ఇంటిబాటపట్టింది. ఇక ఈ టోర్నీలో టీమిండియా తమ మ్యాచ్‌లు అన్నీ దుబాయ్‌లో ఆడుతోంది.చదవండి: అఫ్గన్‌ చేతిలో ఓటమి.. బట్లర్‌ సంచలన నిర్ణయం?!

అఫ్గనిస్తాన్‌ పరిమిత ఓవర్ల క్రికెట్‌ జట్టు కెప్టెన్‌ హష్మతుల్లా షాహిది(Hashmatullah Shahidi)కి కోపమొచ్చింది. తాము చాంపియన్స్‌ ట్రోఫీ గెలిచేందుకు వచ్చామని.. కేవలం ఒక్క వ్యక్తితో పోటీపడటానికి కాదంటూ అతడు అసహనాన్ని వెళ్లగక్కాడు. ఆస్ట్రేలియాతో కీలక మ్యాచ్‌కు ముందు విలేకరులు వేసిన ప్రశ్నే ఇందుకు కారణం.ఇంగ్లండ్‌ను బయటకు పంపిన అఫ్గన్‌కాగా ఐసీసీ చాంపియన్స్‌ ట్రోఫీ-2025(ICC Champions Trophy)లో తమ ఆరంభ మ్యాచ్‌లో సౌతాఫ్రికా చేతిలో ఓడిన అఫ్గనిస్తాన్‌.. ఇంగ్లండ్‌పై గెలుపుతో సెమీస్‌ రేసులో నిలిచింది. రెండో మ్యాచ్‌లో భాగంగా బట్లర్‌ బృందాన్ని(Afghanistan vs England) ఎనిమిది పరుగుల స్వల్ప తేడాతో ఓడించి టోర్నీ నుంచి బయటకు పంపిన అఫ్గన్‌ జట్టు.. శుక్రవారం లాహోర్‌లో పటిష్ట ఆస్ట్రేలియాతో తలపడనుంది.మీకేం అనిపిస్తోంది?ఈ నేపథ్యంలో అఫ్గనిస్తాన్‌ కెప్టెన్‌ హష్మతుల్లా షాహిది మీడియాతో మాట్లాడగా.. ఆసీస్‌ ఆల్‌రౌండర్‌ గ్లెన్‌ మాక్స్‌వెల్‌ గురించి ప్రశ్న ఎదురైంది. మాక్సీ కోసం అఫ్గన్‌ ఎలాంటి ప్రణాళికలు రచించిందని విలేకరులు అడుగగా.. ‘‘మీకేం అనిపిస్తోంది?... కేవలం మాక్స్‌వెల్‌తో ఆడేందుకే మేము ఇక్కడికి వచ్చాం అనుకుంటున్నారా?దయచేసి అలా ఆలోచించవద్దు. మేము మొత్తం ఆస్ట్రేలియా జట్టును ఎదుర్కోనేందుకు సిద్ధంగా ఉన్నాము. అందుకు తగ్గ వ్యూహాలు మా దగ్గర ఉన్నాయి. వన్డే వరల్డ్‌కప్‌-2023లో మాక్స్‌వెల్‌ అద్బుతంగా ఆడాడని నాకూ తెలుసు. కానీ అదంతా గతం.ఆస్ట్రేలియాను ఓడించాంఆ మ్యాచ్‌ తర్వాత మేము టీ20 ప్రపంచకప్‌-2024లో ఆస్ట్రేలియాను ఓడించాం. ప్రత్యర్థి జట్లు అన్నీ మాకు సమానమే. అన్ని మ్యాచ్‌లకు మేము పూర్తిస్థాయిలో సన్నద్ధమవుతాము. అంతేగానీ.. ఒక్క ఆటగాడిని ఎదుర్కొనేందుకు మేము ఇక్కడకు రాలేదు.మాక్స్‌వెల్‌తో పాటు ఆసీస్‌ జట్టు మొత్తాన్ని ఎదుర్కునేందుకు అత్యుత్తమ స్థాయిలో రాణించాలని భావిస్తున్నాం’’ అంటూ దిమ్మతిరిగేలా కౌంటర్‌ ఇచ్చాడు. కాగా భారత్‌ వేదికగా 2023లో జరిగిన వన్డే ప్రపంచకప్‌ టోర్నీలో అఫ్గనిస్తాన్‌ అదరగొట్టిన విషయం తెలిసిందే. పాకిస్తాన్‌, ఇంగ్లండ్‌ను ఓడించడంతో పాటు ఆస్ట్రేలియానూ ఓడించినంత పనిచేసింది.మాక్స్‌వెల్‌ మాయతో ఆరోజు అలా!అయితే, అఫ్గన్‌ విధించిన 292 పరుగుల లక్ష్యాన్ని ఛేదించే క్రమంలో ఆసీస్‌ కష్టాల్లో కూరుకుపోయిన వేళ మాక్స్‌వెల్‌ పరుగుల తాండవం చేశాడు. చేతిలో ఏదో మంత్రదండం ఉందా అన్నట్లుగా బ్యాట్‌తో మాయచేశాడు. ఒక కాలికి గాయమైనా.. ఒంటి కాలితోనే పరుగులు తీశాడు. అద్బుత బ్యాటింగ్‌తో ఏకంగా 201 పరుగులతో అజేయంగా నిలిచి కంగారూ జట్టును విజయతీరాలకు చేర్చాడు.ఫలితంగా సెమీస్‌ చేరుకోవాలన్న అఫ్గనిస్తాన్‌ ఆశలకు గండిపడగా.. ఫైనల్లోనూ గెలిచిన ఆస్ట్రేలియా ఆరోసారి విశ్వవిజేతగా అవతరించింది. అయితే, ఈ మ్యాచ్‌ తర్వాత అఫ్గన్‌- ఆసీస్‌ టీ20 ప్రపంచప్‌-2024లో తలపడగా.. ఈసారి హష్మతుల్లా బృందం పైచేయి సాధించి సెమీ ఫైనల్‌ చేరుకుంది.ఇక వన్డేల్లో మాత్రం ఇప్పటి వరకు అఫ్గనిస్తాన్‌- ఆస్ట్రేలియా నాలుగు మ్యాచ్‌లలో తలపడగా.. నాలుగింట ఆసీస్‌ విజయం సాధించింది. చాంపియన్స్‌ ట్రోఫీ తాజా మ్యాచ్‌లో గనుక అఫ్గన్‌ గెలిస్తే సరికొత్త చరిత్ర ఆవిష్కృతం కావడంతో పాటు.. ఆసీస్‌ను బయటకు పంపి సెమీస్‌కూ చేరి కొత్త రికార్డు సాధిస్తుంది.చాంపియన్స్‌ ట్రోఫీ-2025లో ఆస్ట్రేలియా జట్టు: మాథ్యూ షార్ట్, ట్రావిస్ హెడ్, స్టీవెన్ స్మిత్(కెప్టెన్‌), మార్నస్ లబుషేన్‌, జోష్ ఇంగ్లిస్(వికెట్‌ కీపర్‌), అలెక్స్ కారీ, గ్లెన్ మాక్స్‌వెల్, బెన్ ద్వార్షుయిస్, నాథన్ ఎల్లిస్, ఆడమ్ జంపా, స్పెన్సర్ జాన్సన్, జేక్ ఫ్రేజర్-మెక్‌గుర్క్, సీన్ అబాట్‌, ఆరోన్‌ హార్డీ, తన్వీర్‌ సంఘా.అఫ్గనిస్తాన్‌ జట్టురహ్మానుల్లా గుర్బాజ్(వికెట్‌ కీపర్‌), ఇబ్రహీం జద్రాన్, సెదిఖుల్లా అటల్, రహ్మత్ షా, హష్మతుల్లా షాహిది(కెప్టెన్‌), అజ్మతుల్లా ఒమర్జాయ్, మహ్మద్ నబీ, గుల్బాదిన్ నాయబ్, రషీద్ ఖాన్, నూర్ అహ్మద్, ఫజల్హాక్ ఫరూఖీ, ఫరీద్ అహ్మద్‌ మాలిక్‌,ఇక్రం అలిఖిల్‌, నంగెలియా ఖరోటే, నవీద్‌ జద్రాన్‌.చదవండి: Ind vs NZ: కివీస్‌తో మ్యాచ్‌లో ఓపెనర్‌గా అతడు.. పంత్‌కి ఛాన్స్‌!

ఐసీసీ చాంపియన్స్‌ ట్రోఫీ-2025(ICC Champions Trophy)లో తాము అంచనాలు అందుకోలేకపోయామని పాకిస్తాన్‌ కెప్టెన్‌ మహ్మద్‌ రిజ్వాన్‌(Mohammad Rizwan) విచారం వ్యక్తం చేశాడు. సొంతగడ్డపై సత్తా చాటాలని భావిస్తే.. ఊహించని రీతిలో నిష్క్రమించడం నిరాశను కలిగించిందని పేర్కొన్నాడు. యువ ఆటగాడు సయీమ్‌ ఆయుబ్‌(Saim Ayub) గాయం కూడా తమ జట్టు ప్రదర్శనపై ప్రభావం చూపిందని.. ఏదేమైనా తప్పుల నుంచి పాఠాలు నేర్చుకుని ముందుకు సాగుతామని తెలిపాడు.ఆతిథ్య జట్టు అట్టడుగునదాదాపు మూడు దశాబ్దాల తర్వాత ఐసీసీ టోర్నమెంట్‌ నిర్వహణ అవకాశం... పెద్ద ఎత్తున హంగామా... డిఫెండింగ్‌ చాంపియన్‌గా అంచనాలు... కానీ పాకిస్తాన్‌ అభిమానులకు స్వదేశంలో కనీసం తమ జట్టు ఆడిన మూడు మ్యాచ్‌లు కూడా చూసే అవకాశం దక్కలేదు!కరాచీలో న్యూజిలాండ్‌తో తొలి మ్యాచ్‌లో చిత్తుగా ఓడి, ఆపై దుబాయ్‌లో భారత్‌ చేతిలో పరాజయంతో సెమీఫైనల్‌కు దూరమైన పాక్‌ టీమ్‌కు నామమాత్రపు మ్యాచ్‌ కూడా కలిసి రాలేదు. గ్రూప్‌ ‘ఎ’లో భాగంగా పాకిస్తాన్, బంగ్లాదేశ్‌ మధ్య గురువారం జరగాల్సిన మ్యాచ్‌ పూర్తిగా రద్దయింది.మూలిగే నక్కమీద తాటిపండుఎడతెరిపి లేకుండా సాగిన వాన కారణంగా టాస్‌ కూడా వేయకుండానే మ్యాచ్‌ కథ ముగిసింది. ఫలితంగా పరువు కోసమైనా తమ ఫ్యాన్స్‌ కోసం ఈ మ్యాచ్‌లో బాగా ఆడాలనుకున్న పాక్‌ జట్టుకు తీవ్ర నిరాశ ఎదురైంది. రావల్పిండిలో రద్దైన రెండో మ్యాచ్‌ ఇది. అంతకుముందు మంగళవారం ఆస్ట్రేలియా, దక్షిణాఫ్రికా మ్యాచ్‌లో కూడా ఒక్క బంతి వేసే అవకాశమే రాలేదు.ఇక పాక్‌- బంగ్లాదేశ్‌ మ్యాచ్‌ రద్దు తర్వాత గ్రూప్‌ ‘ఎ’లో ఇరు జట్ల ఖాతాలో ఒక్కో పాయింట్‌ చేరింది. అయితే పాకిస్తాన్‌ (–1.087) కంటే మెరుగైన రన్‌రేట్‌ ఉన్న బంగ్లాదేశ్‌ (–0.443) మూడో స్థానంతో ముగించగా, ఆతిథ్య జట్టు అట్టడుగున నిలిచింది!ఈ నేపథ్యంలో పాకిస్తాన్‌ జట్టుపై తీవ్ర స్థాయిలో విమర్శలు వెల్లువెత్తుతున్నాయి. చెత్త ప్రదర్శనతో పరువు తీశారంటూ ఆ దేశ మాజీ క్రికెటర్లు మండిపడుతున్నారు. ఈ క్రమంలో అవమానకర రీతిలో టోర్నీ నుంచి నిష్క్రమించిన నేపథ్యంలో కెప్టెన్‌ రిజ్వాన్‌ తమ ఓటములకు కారణాలను విశ్లేషించాడు.‘‘మా దేశ ప్రజల కళ్లెదుట గొప్పగా ఆడాలని కోరుకున్నాం. మాపై అంచనాలు కూడా భారీగానే ఉన్నాయి. అయితే, మేము అందుకు తగ్గ ప్రదర్శన చేయలేకపోయాం. పరాజయాలు మమ్మల్ని తీవ్రంగా నిరాశపరిచాయి.ఆస్ట్రేలియా, సౌతాఫ్రికా, జింబాబ్వేలతో వన్డే సిరీస్‌లలో అదరగొట్టిన సయీమ్‌ ఆయుబ్‌ గాయం వల్ల ఈ టోర్నీకి దూరమయ్యాడు. ఫఖర్‌ జమాన్‌ కూడా గాయపడటంతో జట్టు కూర్పులో అకస్మాత్తుగా మార్పులు చేయాల్సి వచ్చింది. ఇది జట్టు నైతిక స్థైర్యాన్ని దెబ్బతీసింది.అక్కడ మేము గొప్పగా రాణిస్తాంఅయితే, కెప్టెన్‌గా నేను ఇలాంటి కారణాలు చెప్పకూడదు. ఇద్దరు కీలక ఆటగాళ్లు గాయపడినా మేము బాగా ఆడాల్సింది. ఈ తప్పుల నుంచి పాఠాలు నేర్చుకుంటాం. అన్ని విభాగాల్లోనూ మెరుగుపడాల్సి ఉంది. చాంపియన్స్‌ ట్రోఫీలో మేము ఎంతో ప్రొఫెషనల్‌గా ఆడాము. అయినా ఇంకా ఇంకా రాణించాల్సి ఉంది.ఒక్కోసారి అనవసరపు తప్పిదాల వల్ల మూల్యం చెల్లించాం. తదుపరి మేము న్యూజిలాండ్‌ పర్యటనకు వెళ్లబోతున్నాం. అక్కడ మేము గొప్పగా రాణిస్తామని ఆశిస్తున్నా. పాకిస్తాన్‌లో న్యూజిలాండ్‌తో మ్యాచ్‌లో చేసిన తప్పులు అక్కడ పునరావృతం చేయబోము. కివీస్‌ గడ్డపై సత్తా చాటుతాం’’ అని 32 ఏళ్ల రిజ్వాన్‌ పేర్కొన్నాడు.కాగా చాంపియన్స్‌ ట్రోఫీ ముగిసిన తర్వాత 5 వన్డేలు, 3 టీ20ల సిరీస్‌లు ఆడేందుకు పాకిస్తాన్‌ జట్టు న్యూజిలాండ్‌కు వెళ్లనుంది. మరోవైపు.. బంగ్లాదేశ్‌ 3 వన్డేలు, 3 టీ20ల కోసం జింబాబ్వేకు ఆతిథ్యం ఇస్తుంది. చదవండి: Champions Trophy: టీమిండియాకు గుడ్‌ న్యూస్‌.. అత‌డు వచ్చేశాడు

అందివచ్చిన ప్రతి అవకాశాన్ని సద్వినియోగం చేసుకుంటూ ఒక్కో మెట్టు అధిరోహిస్తున్న 25 ఏళ్ల శుభ్‌మన్‌ గిల్‌(Shubman Gill) ప్రస్తుతం వన్డే ఫార్మాట్‌లో వరల్డ్‌ నంబర్‌వన్‌ ర్యాంకర్‌గా కొనసాగుతున్నాడు. అంతేకాకుండా ప్రతిష్టాత్మక ఐసీసీ చాంపియన్స్‌ ట్రోఫీ(ICC Champions Trophy)లో భారత జట్టుకు వైస్‌ కెప్టెన్‌గా ఎంపికైన అతడు బ్యాటర్‌గానూ ఇరగదీస్తున్నాడు. అంతా కలిసొస్తే భవిష్యత్‌లో భారత భావి కెప్టెన్‌గా గిల్‌ను చూడవచ్చు.... పంజాబ్‌ యువ ఓపెనర్‌ స్థాయి నుంచి అంచెలంచెలుగా ఎదిగిన గిల్‌ ప్రస్థానం వర్దమాన ఆటగాళ్లకు ఆదర్శం.బ్యాట్‌ పట్టగానే ఆ కుర్రాడు తన పరుగుల వేట ఎలా ఉంటుందో ప్రపంచానికి చూపెట్టాడు. అంతర్‌ జిల్లా అండర్‌–16 క్రికెట్‌ టోర్నీ మ్యాచ్‌లో 351 పరుగులు చేసి ప్రకంపనలు రేపాడు. అదే ఊపులో విజయ్‌ మర్చంట్‌ ట్రోఫీ అరంగేట్రంలోనే అజేయ డబుల్‌ సెంచరీతో చెలరేగాడు. అండర్‌–19 జాతీయ జట్టుకు సులువుగానే ఎంపికయ్యాడు. అప్పటికే ఓపెనర్‌గా రాటుదేలిన ఆ కుర్రాడు 2018లో జరిగిన అండర్‌–19 ప్రపంచకప్‌ టోర్నీలో విశ్వరూపం ప్రదర్శించాడు.న్యూజిలాండ్‌ వేదికగా జరిగిన ఆ టోర్నీలో 372 పరుగులు చేసి టాప్‌ స్కోరర్‌గా నిలవడంతో పాటు ’ప్లేయర్‌ ఆఫ్‌ ద సిరీస్‌’ అవార్డు దక్కించుకొని యువభారత జట్టు ట్రోఫీ చేజిక్కించుకోవడంలో కీలక పాత్ర పోషించాడు. తదనంతరం అండర్‌–19 ప్రదర్శనతో అనతి కాలంలోనే జాతీయ సీనియర్‌ జట్టుకు ఎంపికయ్యాడు. మనం చెప్పుకున్న ఈ విశేషాలన్నీ పంజాబ్‌ యువ క్రికెటర్‌ శుభ్‌మన్‌ గిల్‌ గురించే. సీనియర్‌ ప్లేయర్లు ఉన్న జట్టుకు వైస్‌ కెప్టెన్‌విరాట్‌ కోహ్లి, శ్రేయస్‌ అయ్యర్, అక్షర్‌ పటేల్, కేఎల్‌ రాహుల్, హార్దిక్‌ పాండ్యా, రవీంద్ర జడేజా, షమీ వంటి సీనియర్‌ ప్లేయర్లు ఉన్న జట్టుకు గిల్‌ వైస్‌ కెప్టెన్‌గా ఎంపికయ్యాడంటే అతడి ప్రతిభ ఏ పాటిదో అర్థం చేసుకోవచ్చు. మూడు ఫార్మాట్లలోనూ జట్టులో కీలక ఆటగాడిగా ఎదిగిన గిల్‌ ముఖ్యంగా వన్డేల్లో తన అసాధారణ ఆటతీరుతో ఆకట్టుకుంటున్నాడు.2019లో న్యూజిలాండ్‌పై అంతర్జాతీయ వన్డే అరంగేట్రం చేసిన గిల్‌ ఇప్పటి వరకు 52 మ్యాచ్‌లు ఆడి 62.13 సగటుతో 2734 పరుగులు సాధించాడు. క్రీజులో నిలదొక్కుకుంటే చాలు భారీ ఇన్నింగ్స్‌లు ఆడతాడనే గుర్తింపు తెచ్చుకున్న గిల్‌ ఇప్పటికే ఒక డబుల్‌ సెంచరీ, 8 సెంచరీలు ఖాతాలో వేసుకున్నాడు.మూడు ఫార్మాటల్లో సెంచరీలు చేసిన అతికొద్దిమంది ఆటగాళ్లలో ఒకడైన గిల్‌ ఇటీవల ఇంగ్లండ్‌తో వన్డే సిరీస్‌లో వీరవిహారం చేశాడు. మూడు మ్యాచ్‌లలో ఒక సెంచరీ రెండు హాఫ్‌ సెంచరీలు నమోదు చేసుకొని ఐసీసీ వన్డే బ్యాటింగ్‌ ర్యాంకింగ్స్‌లో తిరిగి అగ్రస్థానం దక్కించుకున్నాడు.అండర్‌–19 స్థాయిలోనే గిల్‌ కంటే మెరుగైన నైపుణ్యం ఉన్న ఆటగాడిగా గుర్తింపు తెచ్చుకోవడంతో పాటు ప్రపంచకప్‌ అందించిన పృథ్వీ షా ఇప్పుడు టీమిండియా సెలక్షన్‌ దరిదాపుల్లో కూడా లేకుండా పోగా ప్రతిభకు క్రమశిక్షణ జోడించిన శుభ్‌మన్‌ గిల్‌ ‘ఎదిగే కొద్దీ ఒదిగి ఉండాలి’ అనే ప్రాథమిక సూత్రాన్ని పాటిస్తున్నాడు. 2023 ఐపీఎల్‌ సీజన్‌ గుజరాత్‌ టైటాన్స్‌ తరఫున 890 పరుగులు చేసి ఆరెంజ్‌ క్యాప్‌ అందుకున్న గిల్‌ ప్రస్తుతం ఆ ఫ్రాంచైజీ సారథిగా కొనసాగుతున్నాడు. – ఇంతియాజ్‌ మొహమ్మద్‌చదవండి: CT 2025 Aus Vs Afg: వరుణుడు కరుణిస్తే...

ఐసీసీ చాంపియన్స్‌ ట్రోఫీ-2025(ICC Champions Trophy)లో కనీసం ఒక్క మ్యాచ్‌ అయినా గెలవాలన్న పాకిస్తాన్‌ ఆశలపై వరణుడు నీళ్లు చల్లాడు. వర్షం కారణంగా పాక్‌- బంగ్లాదేశ్‌(Pakistan vs Bangladesh) మధ్య గురువారం జరగాల్సిన మ్యాచ్‌ రద్దైపోయింది. ఫలితంగా ఇరుజట్లకు చెరో పాయింట్‌ వచ్చింది. ఈ క్రమంలో డిఫెండింగ్‌ చాంపియన్‌గా ఈ వన్డే టోర్నమెంట్‌ బరిలో దిగిన పాకిస్తాన్‌ పేరిట ఓ చెత్త రికార్డు నమోదైంది. అదేమిటంటే....కాగా 2017 తర్వాత చాంపియన్స్‌ ట్రోఫీ టోర్నీ జరగటం ఇదే తొలిసారి. నాడు టైటిల్‌ గెలిచిన పాకిస్తాన్‌ ఈసారి ఈ మెగా ఈవెంట్‌ ఆతిథ్య హక్కులను సంపాదించింది. తద్వారా వన్డే వరల్డ్‌కప్‌-2023(ICC ODI World Cup)లో చెత్త ప్రదర్శన కనబరిచినా ఆతిథ్య జట్టు హోదాలో నేరుగా అర్హత సాధించింది. ఇక ఈ టోర్నీలో పాక్‌తో పాటు గ్రూప్‌-‘ఎ’లో భారత్‌, బంగ్లాదేశ్‌, న్యూజిలాండ్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ భాగమయ్యాయి. ఫిబ్రవరి 19న ఈ టోర్నమెంట్‌ మొదలుకాగా.. తొలి మ్యాచ్లో పాకిస్తాన్‌- న్యూజిలాండ్‌ తలపడ్డాయి. ఇందులో కివీస్‌ జట్టు గెలిచింది. రెండు ఓటములు.. సెమీస్‌ ఆశలు గల్లంతుఅనంతరం పాకిస్తాన్‌ దాయాది టీమిండియాతో పోరులోనూ ఓడిపోయింది. ఈ క్రమంలో సెమీస్‌ చేరే అవకాశాన్ని పోగొట్టుకున్న రిజ్వాన్‌ బృందం.. కనీసం ఆఖరి మ్యాచ్‌లోనైనా గెలిచి పరువు నిలుపుకోవాలని భావించింది. లీగ్‌ దశలో చివరగా బంగ్లాదేశ్‌తో గురువారం మ్యాచ్‌ ఆడేందుకు సిద్ధం కాగా.. వర్షం రూపంలో చేదు అనుభవం ఎదురైంది.రావల్పిండిలో ఎడతెగని చినుకుల కారణంగా టాస్‌ పడకుండానే పాక్‌- బంగ్లా మ్యాచ్‌ ముగిసిపోయింది. ఈ క్రమంలో నిబంధనల ప్రకారం ఇరుజట్లకు చెరో పాయింట్‌ వచ్చింది. దీంతో గ్రూప్‌-‘ఎ’ పాయింట్ల పట్టికలో అట్టడుగున నాలుగో స్థానంతో టోర్నీని ముగించింది. బంగ్లాదేశ్‌తో సమానంగా ఒక పాయింట్‌ సాధించినప్పటికీ నెట్‌ రన్‌రేటు పరంగా పాక్‌ వెనుబడి ఉండటం ఇందుకు కారణం.పాకిస్తాన్‌ చెత్త రికార్డు.. ప్రపంచంలోనే తొలి జట్టుగాఈ నేపథ్యంలో చాంపియన్స్‌ ట్రోఫీ చరిత్రలో గ్రూప్‌ దశ(2002 నుంచి) ప్రవేశపెట్టిన తర్వాత.. ఒక్క విజయం కూడా సాధించకుండా.. అదే విధంగా పాయింట్ల పట్టికలో ఆఖరున నిలిచిన తొలి జట్టుగా పాకిస్తాన్‌ చెత్త రికార్డు మూటగట్టుకుంది. ఓవరాల్‌గా ఈ జాబితాలో కెన్యా తర్వాత రెండో స్థానంలో నిలిచింది. 2000 సంవత్సరంలో చాంపియన్స్‌ ట్రోఫీకి ఆతిథ్యమిచ్చిన కెన్యా ఒక్కటీ గెలవకుండానే నిష్క్రమించింది.ఇదే కాకుండా డిఫెండింగ్‌ చాంపియన్‌ హోదాలో చాంపియన్స్‌ ట్రోఫీ బరిలో దిగి ఒక్క మ్యాచ్‌ కూడా గెలవకుండా ఇంటిబాట పట్టిన రెండో జట్టుగానూ పాకిస్తాన్‌ నిలిచింది. 2009, 2013 ఎడిషన్లలో ఆస్ట్రేలియా కూడా మూడు మ్యాచ్‌లలో ఒక్కటి గెలవలేదు. వర్షం వల్ల ఓ మ్యాచ్‌ రద్దు కావడంతో ఇప్పుడు పాక్‌ మాదిరే వరణుడి వల్ల ఒక్క పాయింట్‌ సాధించగలిగింది.చాంపియన్స్‌ ట్రోఫీ-2025లో పాకిస్తాన్‌ ప్రయాణం👉ఫిబ్రవరి 19- కరాచీలో న్యూజిలాండ్‌ చేతిలో 60 పరుగుల తేడాతో ఓటమి👉ఫిబ్రవరి 23- దుబాయ్‌లో టీమిండియా చేతిలో ఆరు వికెట్ల తేడాతో ఓటమి👉ఫిబ్రవరి 27- రావల్పిండిలో బంగ్లాదేశ్‌తో మ్యాచ్‌ వర్షం కారణంగా రద్దుగ్రూప్‌-‘ఎ’ పాయింట్ల పట్టిక1. న్యూజిలాండ్‌- ఆడినవవి రెండు- గెలిచినవి రెండు- పాయింట్లు నాలుగు- నెట్‌ రన్‌రేటు+0.863(సెమీస్‌కు అర్హత)2. ఇండియా- ఆడినవవి రెండు- గెలిచినవి రెండు- పాయింట్లు నాలుగు- నెట్‌ రన్‌రేటు +0.647(సెమీస్‌కు అర్హత)3. బంగ్లాదేశ్‌- మ్యాచ్‌లు మూడు- ఓడినవి రెండు- ఒకటి రద్దు ఒక పాయింట్‌- నెట్‌ రన్‌రేటు-0.443(ఎలిమినేటెడ్‌)4. పాకిస్తాన్‌- మ్యాచ్‌లు మూడు- ఓడినవి రెండు- ఒకటి రద్దు ఒక పాయింట్‌- నెట్‌ రన్‌రేటు-1.087 (ఎలిమినేటెడ్‌).చదవండి: ఆస్ట్రేలియానూ వదలకండి: అఫ్గనిస్తాన్‌ జట్టుపై పాక్‌ మాజీ క్రికెటర్‌ ప్రశంసలు

అఫ్గనిస్తాన్‌ క్రికెట్‌ జట్టుపై పాకిస్తాన్‌ మాజీ ఫాస్ట్‌బౌలర్‌ షోయబ్‌ అక్తర్‌(Shoaib Akhtar) ప్రశంసలు కురిపించాడు. ఇంగ్లండ్‌(Afghanistan vs England)తో మ్యాచ్‌లో హష్మతుల్లా బృందం అద్భుత ప్రదర్శనతో ఆకట్టుకుందని.. ఇదే జోరులో ఆస్ట్రేలియాను కూడా ఓడించాలని ఆకాంక్షించాడు. అఫ్గన్ ఆటగాళ్లను చూస్తుంటే ముచ్చటేస్తుందని... దేశం మొత్తాన్ని గర్వించేలా చేశారని కొనియాడాడు.ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా అఫ్గనిస్తాన్‌.. ఆస్ట్రేలియా, సౌతాఫ్రికా, ఇంగ్లండ్‌లతో కలిసి గ్రూప్‌-‘బి’లో ఉంది. ఈ ‍క్రమంలో తమ తొలి మ్యాచ్‌లో సౌతాఫ్రికా చేతిలో 107 పరుగుల తేడాతో చిత్తుగా ఓడింది అఫ్గనిస్తాన్‌. అయితే, తదుపరి మ్యాచ్‌లో మాత్రం అద్బుత విజయంతో సెమీస్‌ రేసులోకి దూసుకువచ్చింది.ఇంగ్లండ్‌ నిష్క్రమించగా..లాహోర్‌ వేదికగా బుధవారం నాటి మ్యాచ్‌లో అనూహ్య రీతిలో ఇంగ్లండ్‌పై విజయం సాధించింది. చివరి వరకు ఉత్కంఠగా సాగిన మ్యాచ్‌లో ఎనిమిది పరుగుల తేడాతో బట్లర్‌ బృందాన్ని ఓడించింది. దీంతో ఇంగ్లండ్‌ ఈ ఐసీసీ వన్డే టోర్నీ నుంచి నిష్క్రమించగా.. అఫ్గనిస్తాన్‌ తదుపరి ఆస్ట్రేలియాతో తలపడనుంది. ఈ మ్యాచ్‌ ఫలితాన్ని బట్టే గ్రూప్‌-బి నుంచి సెమీస్‌ చేరబోయే జట్లు ఖరారు కానున్నాయి.మీరేం బాధపడకండి సోదరా..!ఈ నేపథ్యంలో పాకిస్తాన్‌ మాజీ క్రికెటర్‌ షోయబ్‌ అక్తర్‌ అఫ్గనిస్తాన్‌ జట్టును ఆకాశానికెత్తాడు. ‘‘మీకు శుభాకాంక్షలు. మీ విజయం పట్లనాకెంతో సంతోషంగా ఉంది. గుల్బదిన్‌(అఫ్గనిస్తాన్‌ ఆల్‌రౌండర్‌)ను కలిసినపుడు.. ‘మీరు ఇంగ్లండ్‌ను తప్పక ఓడించాలి’ అని అతడితో అన్నాను. అప్పుడు అతడు.. ‘మీరేం బాధపడకండి సోదర.. వాళ్లను మేము అస్సలు ఉపేక్షించం.. ఓడించి తీరతాం’ అన్నాడు.ఆ తర్వాత నేను.. ‘ఆస్ట్రేలియాను కూడా మీరు ఓడించాలి’ అని కోరాను. దుబాయ్‌లో ఉన్నపుడు నేను గుల్బదిన్‌తో ఈ మాటలు చెప్పాను. ఏం చేసైనా ఇంగ్లండ్‌పై గెలుపొందాలని అతడికి బలంగా చెప్పాను. ఈరోజు అఫ్గనిస్తాన్‌ ఆ పని చేసి చూపించింది. ఆటలో ఎలా ముందుకు దూసుకువెళ్లాలో చెబుతూ గొప్ప పరిణతి కనబరిచింది.పటిష్ట జట్టును ఓడించింది. ఈరోజు మీదే. అయితే, సెమీ ఫైనల్‌ చేరాలనే లక్ష్యాన్ని ఏమాత్రం నిర్లక్ష్యం చేయవద్దు. గతంలో ఆస్ట్రేలియాతో మ్యాచ్‌లో ఏం జరిగిందో గుర్తుంది కదా. ఈసారి అది పునరావృతం కాకూడదు. ఆసీస్‌నూ వదలకండినిజానికి మీరు సౌతాఫ్రికా, ఆస్ట్రేలియా, ఇంగ్లండ్‌ వంటి జట్లతో కూడిన కఠినమైన గ్రూపులో ఉన్నారు. అయినా, సరే ఈరోజు అత్యద్భుతంగా ఆడారు. మాకు మజానిచ్చే మ్యాచ్‌ అందించినందుకు ధన్యవాదాలు’’ అని షోయబ్‌ అక్తర్‌ పేర్కొన్నాడు.కాగా వన్డే వరల్డ్‌కప్‌-2023లో ఇంగ్లండ్‌ను ఓడించిన హష్మతుల్లా షాహిది బృందం.. ఈసారి కూడా వారిపై గెలుపొందింది. అయితే, నాటి టోర్నీలో ఆస్ట్రేలియాతో మ్యాచ్‌లోనూ విజయానికి చేరువైన సమయంలో గ్లెన్‌ మాక్స్‌వెల్‌ భీకర ద్విశతకంతో అఫ్గన్‌ నుంచి మ్యాచ్‌ లాగేసుకున్నాడు. ఈ క్రమంలోనే అక్తర్‌ ఈసారి అఫ్గనిస్తాన్‌ మరింత జాగ్రత్తగా ఆడాలని సూచించాడు.చాంపియన్స్‌ ట్రోఫీ-2025: అఫ్గనిస్తాన్‌ వర్సెస్‌ ఇంగ్లండ్‌👉వేదిక: గడాఫీ స్టేడియం, లాహోర్‌👉టాస్‌: అఫ్గనిస్తాన్‌.. తొలుత బ్యాటింగ్‌👉అఫ్గనిస్తాన్‌ స్కోరు: 325/7 (50)👉ఇంగ్లండ్‌ స్కోరు: 317 (49.5)👉ఫలితం: ఇంగ్లండ్‌పై ఎనిమిది పరుగుల తేడాతో అఫ్గన్‌ గెలుపు👉ప్లేయర్‌ ఆఫ్‌ ది మ్యాచ్‌: ఇబ్రహీం జద్రాన్‌(146 బంతుల్లో 12 ఫోర్లు, 6 సిక్సర్ల సాయంతో 177 రన్స్‌).చదవండి: అతడొక అద్భుతం.. క్రెడిట్‌ తనకే.. బాధగా ఉంది: బట్లర్‌

న్యూజిలాండ్‌(India vs New Zealand)తో వన్డే నేపథ్యంలో భారత తుదిజట్టు కూర్పు గురించి టీమిండియా మాజీ క్రికెటర్‌ ఆకాశ్‌ చోప్రా(Aakash Chopra) ఆసక్తికర వ్యాఖ్యలు చేశాడు. ఓపెనింగ్‌ జోడీ మారవచ్చని.. అదే విధంగా.. కొత్తగా ఇద్దరు ఆటగాళ్లకు జట్టులో దక్కవచ్చని అంచనా వేశాడు. అయితే, తాను మాత్రం ఇలాంటి మార్పులు వద్దనే సూచిస్తానని పేర్కొన్నాడు.సెమీస్‌లో భారత్‌, కివీస్‌ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా భారత్‌.. పాకిస్తాన్‌, న్యూజిలాండ్‌, బంగ్లాదేశ్‌లతో కలిసి గ్రూప్‌-‘ఎ’లో ఉంది. ఈ క్రమంలో లీగ్‌ దశలో భాగంగా తొలుత బంగ్లాదేశ్‌ను ఓడించిన రోహిత్‌ సేన.. అనంతరం చిరకాల ప్రత్యర్థి పాకిస్తాన్‌పై కూడా జయభేరి మోగించింది. మరోవైపు.. న్యూజిలాండ్‌ కూడా ఈ రెండు జట్లపై గెలిచి భారత్‌తో పాటు సెమీస్‌ చేరింది.రోహిత్‌ శర్మ దూరం?ఈ క్రమంలో లీగ్‌ దశలో చివరగా నామమాత్రపు మ్యాచ్‌లో భారత్‌- కివీస్‌ ఆదివారం తలపడనున్నాయి. ఈ మ్యాచ్‌ ఇరుజట్లకు సెమీస్‌కు సన్నాహకంగా మారనుంది. ఇందులో గెలిచి రెట్టించిన ఆత్మవిశ్వాసంతో ముందుకు వెళ్లాలని భారత్‌- న్యూజిలాండ్‌ పట్టుదలగా ఉన్నాయి. ఇదిలా ఉంటే.. పాక్‌తో మ్యాచ్‌ సందర్భంగా పిక్కల్లో నొప్పితో బాధపడిన టీమిండియా కెప్టెన్‌ రోహిత్‌ శర్మ.. పూర్తిస్థాయిలో కోలుకోలేదని సమాచారం.అదే విధంగా.. మరో ఓపెనర్‌ శుబ్‌మన్‌ గిల్‌ కూడా జ్వరంతో బాధపడుతున్నట్లు తెలుస్తోంది. ఈ నేపథ్యంలో మాజీ ఓ‍పెనర్‌ ఆకాశ్‌ చోప్రా మాట్లాడుతూ.. ‘‘న్యూజిలాండ్‌తో మ్యాచ్‌లో టీమిండియా మార్పులు చేయబోతోందా? రోహిత్‌ శర్మ ఇందులో ఆడకపోవచ్చు. మహ్మద్‌ షమీ కూడా విశ్రాంతి తీసుకునే అవకాశం ఉంది.రిషభ్‌ పంత్‌, అర్ష్‌దీప్‌ సింగ్‌లకు అవకాశంకేఎల్‌ రాహుల్‌ ఓపెనర్‌గా రాబోతున్నాడు. రిషభ్‌ పంత్‌, అర్ష్‌దీప్‌ సింగ్‌లకు ఈసారి తుదిజట్టులో చోటు దక్కుతుందనే వార్తలు వస్తున్నాయి. ఇలా జరగొచ్చు. లేదంటే జరగకపోవచ్చు. కానీ నా అభిప్రాయం ప్రకారం భారత్‌ గత రెండు మ్యాచ్‌లలో ఆడిన జట్టుతోనే ముందుకు వెళ్లాలి.గెలుపు మనకు ఓ అలవాటుగా మారినప్పుడు.. అదే జట్టును కొనసాగిస్తే ఇంకా మెరుగైన ఫలితాలు ఉంటాయి. చాంపియన్స్‌ ట్రోఫీలో జడ్డూ గత మ్యాచ్‌లలో పెద్దగా వికెట్లు తీయలేదు. అయినా సరే అతడిని కొనసాగించాల్సిందే. జడ్డూను కాదని వరుణ్‌ చక్రవర్తిని తీసుకువచ్చే ఆలోచన కూడా యాజమాన్యానికి ఉండి ఉండవచ్చు.జడ్డూనే ఆడించాలిలేదా.. కివీస్‌ జట్టులో ఎడమచేతి వాటం ఆటగాళ్లు ఎక్కువ కాబట్టి వాషింగ్టన్‌ సుందర్‌ను ఆడించే యోచనలో ఉండొచ్చు. కానీ జడ్డూనే ఆడించాలని నేను కోరుకుంటాను. ఎందుకంటే.. అతడు తదుపరి సెమీస్‌ మ్యాచ్‌ ఆడాల్సి ఉంది. ఇలాంటి సమయంలో విశ్రాంతి పేరిట పక్కనపెట్టకూడదు’’ అని అభిప్రాయపడ్డాడు.ఒకవేళ తుదిజట్టులో మార్పు చేయాలని భావిస్తే షమీని తప్పించి అర్ష్‌దీప్‌ను ఆడిస్తే ప్రయోజనకరంగానే ఉంటుందని ఆకాశ్‌ చోప్రా ఈ సందర్భంగా పేర్కొన్నాడు. కాగా బంగ్లాదేశ్‌తో మ్యాచ్‌లో తొమ్మిది ఓవర్ల కోటా వేసిన స్పిన్‌ బౌలింగ్‌ ఆల్‌రౌండర్‌ రవీంద్ర జడేజా 37 పరుగులు ఇచ్చి వికెట్‌ తీయలేకపోయాడు. ఇక పాకిస్తాన్‌తో మ్యాచ్‌లో మాత్రం ఏడు ఓవర్లలోనే 40 రన్స్‌ ఇచ్చిన జడ్డూ ఒక వికెట్‌ తీయగలిగాడు. ఇదిలా ఉంటే.. చాంపియన్స్‌ ట్రోఫీ జట్టులో కేఎల్‌ రాహుల్‌తో కలిసి వికెట్‌ కీపర్‌ కోటాలో అవకాశం దక్కించుకున్న రిషభ్‌ పంత్‌కు మాత్రం తుదిజట్టులో ఆడే ఛాన్స్‌ రావడం లేదు. అయితే, కివీస్‌తో మ్యాచ్‌కు రోహిత్‌ దూరంగా ఉంటే మాత్రం.. రాహుల్‌ ఓపెనర్‌గా వస్తే.. పంత్‌కు చోటు దక్కవచ్చు.బంగ్లాదేశ్‌, పాకిస్తాన్‌లతో మ్యాచ్‌లలో ఆడిన భారత జట్టురోహిత్ శర్మ (కెప్టెన్‌), శుబ్‌‌మన్ గిల్, విరాట్ కోహ్లి, శ్రేయస్ అయ్యర్, అక్షర్ పటేల్, కేఎల్‌ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, హర్షిత్ రాణా, మహ్మద్‌ షమీ, కుల్దీప్ యాదవ్.బెంచ్‌: రిషభ్‌ పంత్‌(వికెట్‌ కీపర్‌), వాషింగ్టన్‌ సుందర్‌, వరుణ్‌ చక్రవర్తి, అర్ష్‌దీప్‌ సింగ్‌.చదవండి: అతడొక అద్భుతం.. క్రెడిట్‌ తనకే.. బాధగా ఉంది: బట్లర్‌

ఐసీసీ చాంపియన్స్‌ ట్రోఫీ-2025(ICC Champions Trophy)లో వరుస పరాజయాలతో.. కనీసం సెమీస్‌ కూడా చేరకుండానే నిష్క్రమించింది పాకిస్తాన్‌ క్రికెట్‌ జట్టు. డిఫెండింగ్‌ చాంపియన్‌ హోదాలో బరిలోకి దిగి లీగ్‌ దశలోనే టోర్నీ నుంచి నిష్క్రమించడంతో ఇంటా బయటా రిజ్వాన్‌(Mohammad RIzwan) బృందంపై విమర్శలు వెల్లువెత్తుతున్నాయి. ఈ నేపథ్యంలో హెడ్‌కోచ్‌ ఆకిబ్‌ జావేద్‌(Aaqib Javed) సైతం ఆటగాళ్లపై తీవ్ర పదజాలంతో విరుచుకుపడ్డాడని.. ఘాటు వ్యాఖ్యలతో వారిని దూషించాడని స్థానిక మీడియాలో ప్రచారం జరుగుతోంది.ఆటగాళ్లను గౌరవిస్తానుఈ వార్తలపై ఆకిబ్‌ జావేద్‌ తాజాగా స్పందించాడు. తానెన్నడూ ఆటగాళ్లను దూషించలేదని స్పష్టం చేశాడు. తమ జట్టులో కోచ్‌ ఆటగాళ్లను తిట్టే సంస్కృతి ఉందన్న మాట నిజమేనని.. అయితే, తాను మాత్రం అందుకు విరుద్ధమని తెలిపాడు. ఈ మేరకు.. ‘‘ఆటగాళ్లపై నేనెప్పుడూ అసభ్య పదజాలం వాడను.గురువు పిల్లలను కొట్టడం, కోచ్‌ ఆటగాళ్లను తిట్టడం మా సంస్కృతిలో ఉంది. అయితే, నేను మాత్రం ఈ విధానాన్ని విశ్వసించను. ఆటగాళ్లను నేను గౌరవిస్తాను. కోచ్‌గా వారికి కావాల్సిన సాయం చేస్తాను. జట్టు ప్రయోజనాల కోసం కఠినంగా శ్రమించేలా చేస్తాను. అంతేగానీ.. తిట్టడం వల్ల మెరుగైన ఫలితాలు వస్తాయని ఆలోచించే రకం కాదు’’ అని ఈ మాజీ క్రికెటర్‌ పేర్కొన్నాడు.అందుకే నిలకడ కూడా ఉండదుఇక చాంపియన్స్‌ ట్రోఫీలో పాక్‌ బ్యాటింగ్‌ వైఫల్యాల గురించి ప్రస్తావనకు రాగా.. ‘‘గత నాలుగేళ్లుగా మా క్రికెట్‌ బోర్డులో, జట్టులో చాలా మార్పులే జరిగాయి. సరైన, నిర్ధిష్టమైన విధానాలు లేనప్పుడు నిలకడ కూడా ఉండదు.మా ఆటగాళ్లను వేరే జట్ల ఆటగాళ్లతో పోల్చినపుడు వారి బోర్డులు ఏ విధంగా ఉన్నాయి? ఎలాంటి సదుపాయాలు కల్పిస్తున్నాయి? అన్న అంశాలు కూడా పరిగణనలోకి తీసుకోవాలి. యాజమాన్యం నిలకడగా ఉంటే.. ఆటగాళ్లను కూడా మనం ప్రశ్నించే వీలు ఉంటుంది’’ అని పాక్‌ క్రికెట్‌ బోర్డు తీరుపై ఆకిబ్‌ జావేద్‌ పరోక్షంగా విమర్శలు సంధించాడు.ఏదేమైనా ఐసీసీ టోర్నమెంట్లలో వరుస ఓటములు చవిచూసిన జట్టును ఉపేక్షించేది లేదని.. కచ్చితంగా చర్యలు ఉంటాయని ఆకిబ్‌ జావేద్‌ పేర్కొన్నాడు. సాకులు చెప్పి తప్పించుకునే వీలులేదు. కచ్చితంగా చర్యలు ఉంటాయి. ప్రతి మ్యాచ్‌కు ముందు ఫలితం అనుకూలంగా ఉంటుందనే భావిస్తాం.కచ్చితంగా బాధ ఉంటుందికానీ ఒక్కోసారి చెత్త ప్రదర్శన కారణంగా తీవ్ర నిరాశకు గురికావాల్సి వస్తుంది. కచ్చితంగా ఈ ఓటములు మమ్మల్ని బాధించాయి. భవిష్యత్తులో మరింత మెరుగ్గా ఆడతామని జాతికి చెప్పడం తప్ప ప్రస్తుతం చేసేదేమీ లేదు’’ అని ఆకిబ్‌ జావేద్‌ చెప్పుకొచ్చాడు. కాగా లీగ్‌ దశలో భాగంగా చివరగా బంగ్లాదేశ్‌తో మ్యాచ్‌కు ముందు హిందుస్తాన్‌ టైమ్స్‌తో మాట్లాడుతూ ఈ మేరకు వ్యాఖ్యలు చేశాడు. ఇక చాంపియన్స్‌ ట్రోఫీలో గ్రూప్‌-‘ఎ’లో ఉన్న పాకిస్తాన్‌ న్యూజిలాండ్‌, టీమిండియా చేతిలో ఓడి సెమీస్‌ చేరకుండానే నిష్క్రమించింది. అంతకుముందు వన్డే వరల్డ్‌కప్‌-2023, టీ20 ప్రపంచకప్‌-2024లోనూ ఇదే తరహా చెత్త ప్రదర్శనతో నాకౌట్‌ దశకు కూడా చేరలేకపోయింది.చదవండి: #Jos Buttler: అఫ్గాన్‌ చేతిలో ఓటమి.. ఇంగ్లండ్ కెప్టెన్ సంచలన నిర్ణయం!

చాంపియన్స్‌ ట్రోఫీ-2025(ICC Champions Trophy)లో ఇంగ్లండ్‌ ప్రయాణం ముగిసిపోయింది. అఫ్గనిస్తాన్‌(Afghanistan vs England)తో ఆఖరి వరకు ఉత్కంఠగా సాగిన పోరులో బట్లర్‌ బృందానికి చేదు అనుభవమే మిగిలింది. ఎనిమిది పరుగుల స్వల్ప తేడాతో అఫ్గన్‌ గెలుపొంది ఇంగ్లండ్‌ను టోర్నమెంట్‌ నుంచి బయటకు పంపింది. తమదైన రోజున ఎంతటి పటిష్ట జట్టునైనా ఓడిస్తామని హష్మతుల్లా బృందం మరోసారి నిరూపించింది.ఈ నేపథ్యంలో ఇంగ్లండ్‌ కెప్టెన్‌ జోస్‌ బట్లర్‌(Jos Buttler) తీవ్ర నిరాశకు గురికాగా.. అఫ్గనిస్తాన్‌ సారథి హష్మతుల్లా పట్టరాని సంతోషంలో మునిగిపోయాడు. ఇక ఓటమిపై స్పందించిన బట్లర్‌.. తామే చేజేతులా కీలక మ్యాచ్‌ను చేజార్చుకున్నామని విచారం వ్యక్తం చేశాడు. గెలిచే మ్యాచ్‌లోనూ ఓడిపోవడం కంటే బాధ మరొకటి ఉండదని అన్నాడు.రూట్‌ అద్భుతమైన ఇన్నింగ్స్‌ ఆడాడు‘‘టోర్నమెంట్‌ నుంచి ఇంత త్వరగా నిష్క్రమించడం నిరాశను మిగిల్చింది. అఫ్గనిస్తాన్‌తో మ్యాచ్‌లో గెలిచేందుకు మాకు అన్ని అవకాశాలు ఉన్నా వాటిని సద్వినియోగం చేసుకోలేకపోయాం. ఈరోజు రూట్‌ అద్భుతమైన ఇన్నింగ్స్‌ ఆడాడు. ఆఖరి పది ఓవర్లలో అంతా తారుమారైంది.క్రెడిట్‌ తనకేఏదేమైనా ఇబ్రహీం జద్రాన్‌ అత్యద్భుతంగా బ్యాటింగ్‌ చేశాడు. అతడికి క్రెడిట్‌ ఇవ్వాలి. ఇక దురదృష్టవశాత్తూ మార్క్‌ వుడ్‌ మోకాలికి గాయమైంది. అయినా సరే తను బౌలింగ్‌ చేయడం ప్రశంసనీయం. డెత్‌ ఓవర్లలో ఇలా కీలక బౌలర్‌ గాయపడటం తీవ్ర ప్రభావం చూపింది. ప్రపంచంలోని అత్యుత్తమ ఆటగాళ్లు ఒకడిగా ఉన్నా నా నుంచి ఇలాంటి ప్రదర్శన ఎంతమాత్రం సరికాదు. అయినా ఈ ఉద్వేగ సమయంలో నేను ఎలాంటి నిర్ణయాలు(రిటైర్మెంట్‌) తీసుకోను’’ అని బట్లర్‌ పేర్కొన్నాడు.ఇబ్రహీం జద్రాన్‌ ప్రతిభావంతుడైన ఆటగాడుఇక అఫ్గనిస్తాన్‌ కెప్టెన్‌ హష్మతుల్లా షాహిది మాట్లాడుతూ.. ‘‘ఇది సమిష్టి విజయం. ఈ గెలుపుతో మా దేశం మొత్తం సంతోషంలో మునిగిపోయింది. 2023లో ఇంగ్లండ్‌ను తొలిసారిగా మేము ఓడించాం. అప్పటి నుంచి రోజురోజుకు మరింతగా మా ఆటకు మెరుగులు దిద్దుకుని.. ఇప్పుడు మరోసారి అదే ఫలితాన్ని పునరావృతం చేశాం.నరాలు తెగే ఉత్కంఠ రేపిన మ్యాచ్‌లో మాదే పైచేయి కావడం ఆనందంగా ఉంది. ఇబ్రహీం జద్రాన్‌ ప్రతిభావంతుడైన ఆటగాడు. ఒత్తిడిలోనూ అతడు అద్బుతంగా ఆడాడు. నేను చూసిన వన్డే ఇన్నింగ్స్‌లో ఇదొక అత్యుత్తమ ప్రదర్శన అని చెప్పగలను.అజ్మత్‌ కూడా బాగా ఆడాడు. జట్టులో నైపుణ్యాలు గల సీనియర్లతో పాటు జూనియర్లుకూడా ఉండటం మా అదృష్టం. ప్రతి ఒక్కరికి తమ పాత్ర ఏమిటో తెలుసు’’ అని తెలిపాడు.కాగా చాంపియన్స్‌ ట్రోఫీలో భాగంగా గ్రూప్‌-బి లో ఉన్న అఫ్గనిస్తాన్‌- ఇంగ్లండ్‌ మధ్య బుధవారం వన్డే మ్యాచ్‌ జరిగింది. లాహోర్‌లోని గడాఫీ స్టేడియంలో జరిగిన ఈ పోరులో టాస్‌ గెలిచిన అఫ్గన్‌ తొలుత బ్యాటింగ్‌ చేసింది. ఓపెనర్‌ ఇబ్రహీం జద్రాన్‌(177) భారీ శతకంతో దుమ్ములేపగా.. హష్మతుల్లా(40), అజ్మతుల్లా(41), మహ్మద్‌ నబీ(40) రాణించారు. ఫలితంగా నిర్ణీత 50 ఓవర్లలో అఫ్గన్‌ 325 పరుగుల మేర భారీ స్కోరు సాధించింది.ఇక లక్ష్య ఛేదనలో ఇంగ్లండ్‌ 317 పరుగులకే పరిమితమైంది. జో రూట్‌ శతకం(120) సెంచరీ చేయగా.. మిగతా వాళ్లలో ఒక్కరు కూడా కనీసం నలభై పరుగుల మార్కు అందుకోలేదు దీంతో ఎనిమిది పరుగుల స్వల్ప తేడాతో ఇంగ్లండ్‌కు పరాజయం తప్పలేదు. ఇక ఈ ఓటమితో టోర్నీ నుంచి బట్లర్‌ బృందం నిష్క్రమించింది. ఈ గ్రూపు నుంచి సౌతాఫ్రికా, ఆస్ట్రేలియా సెమీస్‌ రేసులో ఫేవరెట్లుగా ఉండగా.. అఫ్గనిస్తాన్‌ తానూ పోటీలో ఉన్నానంటూ ముందుకు వచ్చింది.చదవండి: Champions Trophy: టీమిండియాకు గుడ్‌ న్యూస్‌.. అత‌డు వచ్చేశాడు

ఐసీసీ ఛాంపియ‌న్స్ ట్రోఫీ-2025లో అఫ్గానిస్తాన్ సంచ‌ల‌నం సృష్టించింది. ఈ మెగా టోర్నీలో భాగంగా బుధవారం లాహోర్ వేదికగా జరిగిన మ్యాచ్‌లో పటిష్టమైన ఇంగ్లండ్‌ను 8 పరుగుల తేడాతో అఫ్గాన్ మట్టికర్పించింది. దీంతో ఛాంపియన్స్ ట్రోఫీ చరిత్రలోనే అఫ్గానిస్తాన్ తమ తొలి విజయాన్ని నమోదు చేసింది. కాగా ఐసీసీ ఈవెంట్లలలో ఇంగ్లండ్‌ను అఫ్గానిస్తాన్ ఓడించడం వరుసగా ఇది రెండో సారి కావడం విశేషం​.వన్డే ప్రపంచకప్‌-2023లో ఇంగ్లీష్ జట్టును చిత్తు చేసిన అఫ్గానిస్తాన్‌.. ఇప్పుడు ఛాంపియన్స్ ట్రోఫీలోనూ అదే ఫలితాన్ని రిపీట్ చేసింది.ఈ మెగా టోర్నీలో తొలిసారి సెమీఫైన్‌ల్‌కు చేరేందుకు అఫ్గానిస్తాన్ అడుగుదూరంలో నిలిచింది. ఫిబ్ర‌వ‌రి 28న లాహోర్‌లోని గడ్డాఫీ స్టేడియం వేదిక‌గా ఆస్ట్రేలియాతో షాహిది బృందం తలపడనుంది.ఒమర్జాయ్ సరికొత్త చరిత్ర..కాగా అఫ్గాన్ చారిత్రత్మక విజయంలో ఆ జట్టు స్టార్ ఆల్‌రౌండర్ అజ్మతుల్లా ఒమర్జాయ్‌ కీలక పాత్ర పోషించాడు. తొలుత బ్యాటింగ్‌లో 41 ప‌రుగులతో అద‌ర‌గొట్టిన ఒమర్జాయ్.. ఆ త‌ర్వాత బౌలింగ్‌లో 5 వికెట్లు ప‌డ‌గొట్టి ప్ర‌త్య‌ర్ధి ప‌త‌నాన్ని శాసించాడు. ఈ క్రమంలో ఒమర్జాయ్ అరుదైన రికార్డును తన పేరిట లిఖించుకున్నాడు.ఛాంపియన్స్ ట్రోఫీలో ఒకే మ్యాచ్‌లో 40 ప్లస్ పరుగులతో పాటు 5 వికెట్ల తీసిన తొలి ఆటగాడిగా ఒమర్జాయ్ చరిత్ర సృష్టించాడు. ఇప్పటివరకు ఈ ఫీట్ ఎవరూ సాధించలేదు. అదేవిధంగా ఈ టోర్నమెంట్ చరిత్రలో రన్ ఛేజింగ్‌లో 5 వికెట్ల హాల్ సాధించిన ఐదో ప్లేయర్‌గా ఒమర్జాయ్ నిలిచాడు. ఈ జాబితాలో జాక్వెస్ కల్లిస్, మఖాయా ఏంటిని, జాకబ్ ఓరమ్, మెక్‌గ్రాత్ వంటి దిగ్గజాలు ఉన్నారు.జద్రాన్‌ సూపర్‌ సెంచరీ..ఈ మ్యాచ్‌లో తొలుత బ్యాటింగ్ చేసిన నిర్ణీత 50 ఓవర్లలో 7 వికెట్లు కోల్పోయి 325 పరుగులు చేసింది. అఫ్గాన్‌​ ఓపెనర్ ఇబ్రహీం జాద్రాన్ అద్భుతమైన సెంచరీతో చెలరేగాడు. 146 బంతులు ఎదుర్కొన్న జద్రాన్‌.. 12 ఫోర్లు, 6 సిక్స్‌లతో 177 పరుగులు చేశాడు. అతడితో పాటు నబీ(40), షాహిదీ(40), అజ్మతుల్లా ఓమర్జాయ్‌(41) రాణించారు. ఇంగ్లండ్ బౌలర్లలో జోఫ్రా అర్చర్ మూడు వికెట్లు పడగొట్టాడు. 326 పరుగుల లక్ష్యఛేదనలో ఇంగ్లండ్‌.. 49.5 ఓవర్లలో 317 పరుగులకు ఆలౌట్ అయింది.చదవండి: #Jos Buttler: అఫ్గాన్‌ చేతిలో ఓటమి.. ఇంగ్లండ్ కెప్టెన్ సంచలన నిర్ణయం!

ఐసీసీ ఛాంపియ‌న్స్ ట్రోఫీ-2025లో వ‌రుస విజ‌యాల‌తో అద‌ర‌గొడుతున్న టీమిండియాకు ఓ గుడ్ న్యూస్ అందింది. ఈ మెగా టోర్నీలో తొలి రెండు మ్యాచ్‌ల‌కు దూర‌మైన భార‌త బౌలింగ్ కోచ్ మోర్నీ మోర్కల్ తిరిగి జ‌ట్టుతో చేరాడు. కాగా ఈ మెగా టోర్నీ ఆరంభానికి ముందు మోర్క‌ల్ వ్యక్తిగత కారణాల రీత్యా త‌న స్వ‌దేశానికి వెళ్లిపోయాడు. ఈ విష‌యాన్ని బంగ్లాతో మ్యాచ్‌కు ముందు ప్రీ మ్యాచ్ కాన్ఫ‌రెన్స్‌లో భార‌త హెడ్‌కోచ్ గౌతం గంభీర్ వెల్ల‌డించాడు.మొద‌టి రెండు మ్యాచ్‌ల్లో బౌలింగ్ కోచ్ లేకుండానే భార‌త్ బ‌రిలోకి దిగింది. అయితే తన తండ్రి హఠాన్మరణం కారణంగా దక్షిణాఫ్రికాకు వెళ్లిన మోర్క‌ల్‌.. దాదాపు వారం రోజుల త‌ర్వాత తిరిగి దుబాయ్‌కు చేరుకున్నాడు. న్యూజిలాండ్‌తో మ్యాచ్‌కు ముందు అత‌డి నేతృత్వంలో భారత ఫాస్ట్ బౌలర్లు చెమటోడ్చుతున్నారు.ఇందుకు సంబంధించిన ఫోటోలు సోషల్ మీడియాలో వైరలవుతున్నాయి. 40 ఏళ్ల మోర్నీ గతేడాది సెప్టెంబర్‌లో భారత పేస్‌ బౌలింగ్‌ కోచ్‌గా బాధ్యతలు చేపట్టాడు. మోర్నీ కోచ్‌గా బాధ్యతలు చేపట్టిన తర్వాత భారత పేస్‌ విభాగం మరింత పటిష్టమైంది. ఇక భారత్‌కు మరో శుభవార్త కూడా అందింది.పంత్ ఫుల్ ఫిట్‌​..నెట్ ప్రాక్టీస్‌లో గాయప‌డిన టీమిం‍డియా వికెట్ కీపర్ బ్యాటర్ రిషబ్ పంత్ పూర్తి ఫిట్‌నెస్ సాధించాడు. పాకిస్తాన్‌తో మ్యాచ్‌కు ముందు పంత్ మోకాలికి గాయ‌మైంది. దీంతో అత‌డు మూడు రోజుల పాటు ప్రాక్టీస్‌కు దూర‌మ‌య్యాడు. ఇప్పుడు పూర్తి ఫిట్‌నెస్ సాధించ‌డంతో పంత్ త‌న ప్రాక్టీస్‌ను తిరిగి మొద‌లు పెట్టాడు. కాగా కేఎల్ రాహుల్ ఫ‌స్ట్ ఛాయిస్ వికెట్ కీప‌ర్‌గా ఉండ‌డంతో పంత్ తొలి రెండు మ్యాచ్‌ల‌కు బెంచ్‌కే ప‌రిమిత‌మ‌య్యాడు. కివీస్‌తో మ్యాచ్‌కు కూడా పంత్‌ను పక్క‌నే పెట్టే అవ‌కాశ‌ముంది. ఇక మార్చి 2న భార‌త్ త‌మ చివ‌రి లీగ్ మ్యాచ్‌లో న్యూజిలాండ్‌తో త‌ల‌ప‌డ‌తోంది. ఇప్ప‌టి ఈ రెండు జ‌ట్లు త‌మ సెమీస్ బెర్త్‌ను ఖారారు చేసుకున్నాయి.చదవండి: #Joe Root: చ‌రిత్ర సృష్టించిన జో రూట్‌.. ప్రపంచంలో ఒకే ఒక్కడు

ఛాంపియన్స్ ట్రోఫీ-2025లో ఇంగ్లండ్ క్రికెట్ జట్టు ప్రయాణం ముగిసింది. ఈ టోర్నీలో భాగంగా బుధవారం లహోర్ వేదికగా అఫ్గానిస్తాన్‌తో జరిగిన మ్యాచ్‌లో 8 ప‌రుగుల‌ తేడాతో ఓటమి పాలైన ఇంగ్లండ్‌.. సెమీస్ రేసు నుంచి నిష్క్రమించింది. ఐసీసీ ఈవెంట్‌లలో అఫ్గాన్ ‍చేతిలో ఇంగ్లండ్ ఓడిపోవ‌డం ఇది వ‌రుస‌గా రెండో సారి కావ‌డం గ‌మ‌నార్హం. వ‌న్డే ప్ర‌పంచక‌ప్‌-2023లో ఇంగ్లీష్ జట్టును మ‌ట్టిక‌ర్పించిన అఫ్గాన్స్‌.. ఇప్పుడు ఛాంపియ‌న్స్ ట్రోఫీలోనూ ఖంగుతిన్పించారు.ఇక ఈ మ్యాచ్‌లో ఇంగ్లండ్ ఓట‌మి పాలైన‌ప్ప‌టికి.. ఆ జ‌ట్టు సీనియ‌ర్ బ్యాట‌ర్ జో రూట్ అద్బుత‌మైన ఇన్నింగ్స్ ఆడాడు. 326 పరుగుల లక్ష్య ఛేదనలో రూట్ సెంచ‌రీతో మెరిశాడు. ఓ ద‌శ‌లో ఇంగ్లండ్‌ను ఈజీగా గెలిపించేలా క‌న్పించిన రూట్‌.. ఆఖ‌రి ఓవ‌ర్ల‌లో త‌న వికెట్‌ను అఫ్గాన్‌కు స‌మ‌ర్పించుకున్నాడు.దీంతో మ్యాచ్ అఫ్గాన్ సొంత‌మైంది. రూట్ 111 బంతుల్లో 11 ఫోర్లు, ఒక సిక్సర్‌తో 120 పరుగులు చేశాడు. రూట్‌కు ఇది 17వ వ‌న్డే సెంచ‌రీ. అయితే వ‌న్డేల్లో అత‌డికి ఇది దాదాపు ఆరేళ్ల త‌ర్వాత వ‌చ్చిన శ‌త‌కం కావ‌డం గ‌మనార్హం. ఈ క్ర‌మంలో రూట్ ఓ అరుదైన ఘ‌న‌త‌ను త‌న పేరిట లిఖించుకున్నాడు.చ‌రిత్ర సృష్టించిన రూట్‌..ఐసీసీ ఈవెంట్‌లలో 300 ప్లస్ పరుగుల చేజింగ్‌లో అత్యధిక సెంచరీలు సాధించిన ఆటగాడిగా రూట్ రికార్డులకెక్కాడు. ఐసీసీ టోర్నమెంట్లలో మూడు వందలకు పైగా పరుగుల లక్ష్య చేధనలో రూట్ ఇప్పటివరకు మూడు సెంచరీలు సాధించాడు. 2017 ఛాంపియన్స్ ట్రోఫీలో బంగ్లాదేశ్‌పై, 2019 వన్డే ప్రపంచ కప్‌లోనాటింగ్‌హామ్‌లో పాకిస్థాన్‌పై శతకాలు నమోదు చేశాడు. ఈ రెండు సందర్బాలు ఇంగ్లండ్ టార్గెట్ మూడు వందలకు పైగానే ఉంది. ఇంతకుముందు ఈ రికార్డు శ్రీలంక మాజీ కెప్టెన్ కుమార సంగక్కర, బంగ్లాదేశ్ క్రికెట్ దిగ్గజం షకీబ్‌ అల్‌ హసన్ పేరిట ఉండేది. వీరిద్దరూ చెరో రెండు సెంచరీలు సాధించారు. తాజా మ్యాచ్‌తో ఈ దిగ్గజ క్రికెటర్ల రికార్డును రూట్ బ్రేక్ చేశాడు.అదేవిధంగా ఛాంపియన్స్ ట్రోఫీలో ఛేజింగ్‌లో అత్యధిక సెంచరీలు చేసిన క్రిస్ గేల్‌, షేన్ వాట్సన్ రికార్డును రూట్ సమం చేశాడు. ఈ ముగ్గురు లెజండరీ క్రికెటర్లు తలా రెండు శతకాలు నమోదు చేశారు. ఇక ఇంగ్లండ్ త‌మ ఆఖ‌రి మ్యాచ్‌లో మార్చి1న క‌రాచీ వేదిక‌గా ద‌క్షిణాఫ్రికాతో త‌ల‌ప‌డుతోంది.చదవండి: #Jos Buttler: అఫ్గాన్‌ చేతిలో ఓటమి.. ఇంగ్లండ్ కెప్టెన్ సంచలన నిర్ణయం!

పాకిస్తాన్ వేదిక‌గా జ‌రుగుతున్న ఐసీసీ ఛాంపియ‌న్స్ ట్రోఫీలో మ‌రోసారి భద్రతా లోపం తలెత్తింది. గొప్పలు చెప్పుకుంటున్న పాకిస్తాన్ క్రికెట్ బోర్డు ఆటగాళ్లకు సరైన భద్రత కల్పించడంలో మాత్రం విఫలమవుతోంది. ఎంతమంది ఉన్న సెక్యూరిటీ సిబ్బంది ఉన్నా అభిమానులు మాత్రం వారు కళ్లు గప్పి మైదానంలోకి దూసుకొస్తున్నారు. ఈ మెగా టోర్నీలో భాగంగా బుధవారం లహోర్ వేదికగా ఇంగ్లండ్‌తో జరిగిన ఉత్కంఠపోరులో 8 పరుగుల తేడాతో అఫ్గానిస్తాన్ సంచలన విజయం సాధించింది.ఈ క్రమంలో అఫ్గాన్ టీమ్ విన్నింగ్ సెలబ్రేషన్స్ చేసుకుంటుండగా.. ఓ ఊహించ‌ని సంఘ‌ట‌న చోటు చేసుకుంది. స్టాండ్స్‌లో నుంచి ఓ వ్య‌క్తి మైదానంలో ప‌రిగెత్తుకుంటూ వ‌చ్చి అఫ్గాన్ ఆట‌గాళ్ల‌ను కౌగిలించుకునేందుకు ప్రయత్నించాడు. వెంట‌నే అప్ర‌మ‌త్త‌మైన భద్రతా సిబ్బంది వెంటనే మైదానంలోకి వ‌చ్చి ఆ వ్యక్తిని బయటకు బ‌లవంతంగా తీసుకుళ్లారు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.ఇదేమి తొలిసారి కాదు..కాగా ఈ మెగా టోర్నీలో ఓ వ్య‌క్తి మైదానంలో దూసుకు రావ‌డం ఇదేమి తొలిసారి కాదు. రావ‌ల్పిండి వేదిక‌గా న్యూజిలాండ్‌, బంగ్లాదేశ్‌తో జ‌రిగిన మ్యాచ్ సంద‌ర్భంగా కూడా ఇటువంటి సంఘ‌ట‌నే చోటుచేసుకుంది. పాకిస్తాన్‌లోని ఓ ఉగ్రవాద సంస్థ మద్దతుదారుడు పిచ్‌లోకి పరిగెత్తుకుంటూ వ‌చ్చి కివీ స్టార్ రచిన్ రవీంద్రను హత్తుకునే ప్రయత్నం చేశాడు.ఆ తర్వాత సెక్యూరిటీ సిబ్బంది వచ్చి అతడిని బయటకు తీసుకుళ్లారు. సదరు వ్యక్తిని అరెస్ట్ చేసిన పోలీసులు, పాకిస్తాన్‌లోని ఏ క్రికెట్ వేదికలోకి అతడికి ప్రవేశం లేకుండా నిషేధించారు. కాగా ఈ ఈ మెగా ఈవెంట్‌లో పాకిస్తాన్‌ గ్రూపు స్టేజిలోనే ఇంటిముఖం పట్టిన సంగతి తెలిసిందే.చదవండి: #Jos Buttler: అఫ్గాన్‌ చేతిలో ఓటమి.. ఇంగ్లండ్ కెప్టెన్ సంచలన నిర్ణయం! View this post on Instagram A post shared by ICC (@icc)

ఐసీసీ టోర్న‌మెంట్ల‌లో ఇంగ్లండ్ క్రికెట్ జ‌ట్టుకు మ‌రోసారి అఫ్గానిస్తాన్ చేతిలో ప‌రాభావం ఎదురైంది. ఐసీసీ ఛాంపియ‌న్స్ ట్రోఫీ-2025లో బుధ‌వారం ల‌హోర్ వేదిక‌గా అఫ్గాన్‌తో జ‌రిగిన మ్యాచ్‌లో 8 ప‌రుగుల తేడాతో ఇంగ్లండ్ ఓటమి పాలైంది. 326 పరుగుల లక్ష్యఛేదనలో ఇంగ్లండ్‌.. 49.5 ఓవర్లలో 317 పరుగులకు ఆలౌట్ అయింది.ఓ ద‌శ‌లో సునాయ‌సంగా గెలిచేలా క‌న్పించిన ఇంగ్లీష్ జ‌ట్టు.. వ‌రుస క్ర‌మంలో వికెట్లు కోల్పోవడంతో ఓట‌మి చ‌విచూడాల్సింది. దీంతో ఈ మెగా టోర్నీ లీగ్ స్టేజీలోనే ఇంగ్లండ్ ఇంటి ముఖం ప‌ట్టాల్సి వ‌చ్చింది. ఈ టోర్నీలో ఇప్ప‌టివ‌ర‌కు ఆడిన రెండు మ్యాచ్‌ల్లోనూ ఇంగ్లండ్ ప‌రాజ‌యం పాలైంది.జో రూట్ సూప‌ర్ సెంచ‌రీ..ఇంగ్లండ్ బ్యాట‌ర్ల‌లో వెట‌రన్ ఆట‌గాడు జో రూట్ అద్బుతమైన సెంచరీతో చెలరేగాడు. రూట్ 111 బంతుల్లో 11 ఫోర్లు, ఒక సిక్సర్‌తో 120 పరుగులు చేశాడు. ఈ ఇంగ్లండ్ మాజీ కెప్టెన్ మ్యాచ్ ఫినిష్ చేస్తాడని అంతా భావించారు. కానీ 46 ఓవర్‌లో అనూహ్యంగా రూట్ ఔట్ కావడంతో మ్యాచ్ ఒక్కసారిగా అఫ్గాన్ వైపు మలుపు తిరిగింది. రూట్‌తో పాటు బెన్ డకెట్ 38, కెప్టెన్ జోస్ బట్లర్ 38, జేమీ ఒవెర్టన్ 32, హ్యారీ బ్రూక్ 25 పరుగులు చేశారు. ఆఫ్ఘన్ బౌలర్లలో అజ్మతుల్లా ఒమర్జాయ్ 5 వికెట్లతో చెలరేగారు. అతడితో పాటు మహ్మద్ నబీ రెండు, , ఫజల్ హక్ ఫరూఖీ, రషీద్ ఖాన్, గుల్బదిన్ నాయబ్ తలా వికెట్ సాధించారు.జద్రాన్ రికార్డు సెంచరీ..ఈ మ్యాచ్ లో టాస్ గెలిచి తొలుత బ్యాటింగ్ చేసిన అఫ్గానిస్తాన్ నిర్ణీత 50 ఓవర్లలో 7 వికెట్లు కోల్పోయి 325 పరుగులు చేసింది. అఫ్గాన్‌​ ఓపెనర్ ఇబ్రహీం జాద్రాన్ రికార్డు సెంచరీ (177)తో చెలరేగాడు. అతడితో పాటు నబీ(40), షాహిదీ(40), అజ్మతుల్లా ఓమర్జాయ్‌(41) రాణించారు. ఇంగ్లండ్ బౌలర్లలో జోఫ్రా అర్చర్ మూడు వికెట్లు పడగొట్టాడు.కెప్టెన్సీకి జోస్‌​ గుడ్‌బై..!కాగా ఇంగ్లండ్ కెప్టెన్ జోస్ బ‌ట్ల‌ర్(Jos Buttler) ప్ర‌స్తుతం గ‌డ్డు ప‌రిస్థితుల‌ను ఎదుర్కొంటున్నాడు. వ్య‌క్తిగ‌త ప్ర‌ద‌ర్శ‌న ప‌రంగా ప‌ర్వాలేద‌న్పిస్తున్న బ‌ట్ల‌ర్‌.. కెప్టెన్సీలో మాత్రం పూర్తిగా తేలిపోతున్నాడు. అత‌డు కెప్టెన్సీలో ఇంగ్లండ్ జ‌ట్టు వ‌రుస‌గా మూడు ఐసీసీ టోర్నీల్లో గ్రూపు స్టేజిలోనే ఇంటిముఖం ప‌ట్టింది. వ‌న్డే వ‌ర‌ల్డ్‌క‌ప్ 2023, టీ20 ప్ర‌పంచ‌క‌ప్‌-2024లో లీగ్ ద‌శ‌లో నిష్క్ర‌మించిన ఇంగ్లండ్.. ఇప్పుడు ఛాంపియ‌న్స్ ట్రోఫీలోనూ అదే ఫలితాన్ని పున‌రావృతం చేసింది.ఇంగ్లండ్ ఐసీసీ టోర్నీల్లోనూ కాకుండా ద్వైపాక్షిక సిరీస్‌లలోనూ ఇదే తీరును కనబరుస్తుంది. ముఖ్యంగా అఫ్గానిస్తాన్ చేతిలో వరుసగా రెండు ఐసీసీ ఈవెంట్లలో ఇంగ్లండ్ ఓడిపోవడాన్ని ఆ దేశ మాజీ క్రికెటర్లు, అభిమానులు జీర్ణించుకోలేకపోతున్నారు. దీంతో కెప్టెన్ బట్లర్‌పై విమర్శల వర్షం కురిపిస్తున్నారు. ఈ క్రమంలో బట్లర్ ఓ సంచలన నిర్ణయం తీసుకున్నట్లు తెలుస్తోంది. ఛాంపియన్స్ ట్రోఫీ తర్వాత ఇంగ్లండ్ వైట్ బాల్ కెప్టెన్సీకి బట్లర్ రాజీనామా చేయనున్నట్లు వార్తలు వినిపిస్తున్నాయి. అఫ్గాన్‌తో మ్యాచ్ అనంతరం బట్లర్‌​ చేసిన వ్యాఖ్యలు ఈ వార్తలకు మరింత బలాన్ని చేకూరుస్తున్నాయి. "నేను ఇప్పుడు ఎలాంటి భావోద్వేగ ప్రకటన చేయాలనుకోలేదు. కానీ నా కోసం, కొంతమంది మా అగ్రశ్రేణి ప్లేయర్ల కోసం నేను కొన్ని ఆంశాలను పరిగణలోకి తీసుకోవాలంటూ" పోస్ట్ మ్యాచ్ ప్రేజెంటేషన్‌లో బట్లర్ పేర్కొన్నాడు. దీంతో త్వరలోనే కెప్టెన్సీకి జోస్ ది బాస్ గుడ్‌బై చెప్పనున్నాడన్న ఊహాగానాలు ఊపందుకున్నాయి.చదవండి: పాకిస్తాన్ కోచ్‌గా వెళ్లేందుకు నేను సిద్దం: యువరాజ్‌ తండ్రి

ఛాంపియన్స్‌ ట్రోఫీ-2025లో (Champions Trophy) భాగంగా ఇవాళ (ఫిబ్రవరి 26) జరిగిన మ్యాచ్‌లో ఇంగ్లాండ్‌పై అఫ్గానిస్తాన్‌ 8 పరుగుల తేడాతో విజయం సాధించింది. తొలుత టాస్‌ గెలిచి బ్యాటింగ్‌ చేసిన అఫ్గానిస్తాన్‌ నిర్ణీత 50 ఓవర్లలో 7 వికెట్ల నష్టానికి 325 పరుగుల భారీ స్కోర్‌ చేసింది. ఇందులో ఓపెనర్‌ ఇబ్రహీం జద్రాన్‌ రికార్డు శతకంతో చెలరేగాడు. మొత్తం 146 బంతుల్లో 12 ఫోర్లు, 6 సిక్సర్లతో 177 పరుగులు చేసి ఔటయ్యాడు. అఫ్గానిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (6), సెదికుల్లా అటల్‌ (4), రహ్మత్‌ షా (4) విఫలం కాగా.. హష్మతుల్లా షాహిది (40), అజ్మతుల్లా ఒమర్‌జాయ్‌ (41), మహ్మద్‌ నబీ (40) రాణించారు. ఇంగ్లండ్‌ బౌలర్లలో జోఫ్రా ఆర్చర్‌ 3 వికెట్లు పడగొట్టగా.. లివింగ్‌స్టోన్‌ 2, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన ఇంగ్లండ్‌.. 49.5 ఓవర్లలో 317 పరుగులకు ఆలౌటైంది. ఇంగ్లండ్‌ బ్యాటర్లలో జో రూట్‌(120) సెంచరీతో మెరవగా.. డకెట్‌(38), జెమీ ఓవర్టన్‌(32) పరుగులు చేశారు. అఫ్గానిస్తాన్‌ బౌలర్లలో అజ్మతుల్లా ఒమర్జాయ్ 5 వికెట్లతో రాణించాడు. మహ్మద్‌ నబీ 2 వికెట్లు సాధించగా, ఫజల్హాక్ ఫరూఖీ, రషీద్ ఖాన్, గుల్బాదిన్ నాయబ్ తలో వికెట్‌ పడగొట్టారు. ఈ ఓటమితో ఇంగ్లండ్‌​ సెమీస్‌​ రేసు నుంచి నిష్క్రమించింది.

ఛాంపియ‌న్స్ ట్రోఫీ-2025లో కీలక పోరుకు రంగం సిద్ద‌మైంది. ఈ మెగా టోర్నీ గ్రూపు-బిలో భాగంగా ల‌హోర్ వేదిక‌గా ఇంగ్లండ్ జ‌ట్లు త‌ల‌ప‌డతున్నాయి. ఈ మ్యాచ్‌లో టాస్ గెలిచిన అఫ్గానిస్తాన్‌ తొలుత బ్యాటింగ్ ఎంచుకుంది. ఇంగ్లండ్ ఓ మార్పుతో బ‌రిలోకి దిగింది.గాయం కార‌ణంగా ఈ టోర్నీకి దూర‌మైన బ్రాడైన్ కార్స్ స్ధానంలో తుది జ‌ట్టులోకి రెహ‌న్ అహ్మ‌ద్ వ‌చ్చాడు. సెమీస్ ఆశ‌ల‌ను సజీవంగా ఉంచుకోవాలంటే ఈ మ్యాచ్ ఇరు జ‌ట్ల‌కు కీల‌కం. ఈ మ్యాచ్‌లో ఓడిన జట్టు టోర్నీ నుంచి ఇంటిముఖం ప‌డుతోంది. కాగా రెండు జ‌ట్లు కూడా త‌మ తొలి మ్యాచ్‌లో ఓట‌మి చ‌విచూశాయి.తుది జట్లుఅఫ్గానిస్తాన్‌​ జట్టు: రహ్మానుల్లా గుర్బాజ్(వికెట్ కీపర్‌​), ఇబ్రహీం జద్రాన్, సెడిఖుల్లా అటల్, రహ్మత్ షా, హష్మతుల్లా షాహిదీ(సి), అజ్మతుల్లా ఒమర్జాయ్, గుల్బాదిన్ నాయబ్, మొహమ్మద్ నబీ, రషీద్ ఖాన్, నూర్ అహ్మద్, ఫజల్హాక్ ఫరూఖీ.ఇంగ్లండ్‌: ఫిల్ సాల్ట్, బెన్ డకెట్, జామీ స్మిత్(వికెట్‌), జో రూట్, హ్యారీ బ్రూక్, జోస్ బట్లర్(కెప్టెన్‌), లియామ్ లివింగ్‌స్టోన్, జామీ ఓవర్టన్, ఆదిల్ రషీద్, జోఫ్రా ఆర్చర్, మార్క్ వుడ్.చదవండి: పాకిస్తాన్ కోచ్‌గా వెళ్లేందుకు నేను సిద్దం: యువరాజ్‌ తండ్రి

పాకిస్తాన్ క్రికెట్ జ‌ట్టు వ‌రుస‌గా మూడో ఐసీసీ టోర్న‌మెంట్‌లోనూ నిరాశ‌ప‌రిచింది. వ‌న్డే ప్ర‌పంచ‌క‌ప్‌-2023, టీ20 వ‌ర‌ల్డ్‌క‌ప్‌-2024 టోర్నీల్లో గ్రూపు స్టేజిలో ఇంటి ముఖం ప‌ట్టిన పాకిస్తాన్‌.. ఇప్పుడు త‌మ సొంత గ‌డ్డ‌పై జ‌రుగుతున్న ఛాంపియ‌న్స్ ట్రోఫీలోనూ అదే తీరును క‌న‌బ‌రిచింది. న్యూజిలాండ్, భార‌త్ చేతుల్లో వ‌రుస ఓట‌ముల‌ను చ‌విచూసిన పాకిస్తాన్‌.. లీగ్ స్టేజిలోనే తమ ప్ర‌యాణాన్ని ముగించింది.పాకిస్తాన్‌కు ఎంత మంది కోచ్‌లు మారుతున్నా, ఆ జ‌ట్టు త‌ల‌రాత మాత్రం మార‌డం లేదు. రోజురోజుకు పాక్ క్రికెట్ ప‌రిస్థితి మ‌రింత అద్వానంగా తాయారుఅవుతోంది. ఆఖ‌రికి వారి దేశ మాజీ క్రికెట‌ర్లు సైతం పాక్ జ‌ట్టుకు అండ‌గ నిల‌వ‌డం లేదు. వసీం అక్ర‌మ్‌, షోయ‌బ్ అక్త‌ర్, వకార్ యూనిస్ వంటి పాక్ దిగ్గ‌జాలు త‌మ జట్టుపై విరుచుకుప‌డుతున్నారు. బాబ‌ర్ ఆజం ఒక మోస గాడ‌ని అక్త‌ర్ విమ‌ర్శించ‌గా.. పాక్ క్రికెట‌ర్ల‌కు ఆట కంటే తిండే ఎక్కువ అని అక్ర‌మ్ హేళ‌న చేశాడు.అయితే సొంత దేశ ఆట‌గాళ్లే స‌పోర్ట్‌గా నిల‌వ‌ని పాక్ జ‌ట్టుకు.. భార‌త మాజీ క్రికెట‌ర్‌, లెజెండ‌రీ యువ‌రాజ్ సింగ్ తండ్రి యోగరాజ్ సింగ్ మ‌ద్ద‌తుగా నిలిచాడు. పాక్ జ‌ట్టును ఉద్దేశించి ఆ దేశ మాజీ క్రికెట‌ర్లు చేస్తున్న వ్యాఖ్య‌ల‌పై యోగ‌రాజ్ మండిప‌డ్డాడు. విమ‌ర్శ‌లు చేసే బ‌దులుగా ఒక మంచి జ‌ట్టును తాయారు చేయవ‌చ్చుగా అంటూ పాక్ మాజీ క్రికెట‌ర్ల‌కు యోగ‌రాజ్ చుర‌క‌లు అంటించాడు."వసీం అక్రమ్ లాంటి దిగ్గజాలు ఏమి చేస్తున్నారో నాకు ఆర్ధం కావ‌డం లేదు. క్రికెట్ కామెంట్రీ చేస్తూ డబ్బులు సంపాదిస్తున్నారు. మీ దేశానికి తిరిగి వెళ్లి క్రికెట్ శిబిరాలను నిర్వ‌హించి, మంచి టీమ్‌ను తాయారు చేయ‌వ‌చ్చుగా. మీ జ‌ట్టుపై మీరే విమ‌ర్శ‌లు చేసుకుంటే ఏమి వ‌స్తుంది. వ‌చ్చే ఏడాది టీ20 ప్ర‌పంచ‌క‌ప్ జ‌రుగుతుంది. మీలో ఎవరు పాకిస్తాన్‌ ప్రపంచ కప్ గెలవడానికి కృషి చేస్తారో చూడాలనుకుంటున్నాను. లేకుంటే నేనే పాకిస్తాన్‌కు వెళ్లి ఓ మంచి జట్టును తాయారు చేస్తాను" అని యోగరాజ్ పేర్కొన్నాడు.ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. కాగా యోగరాజ్ సింగ్ సొంతంగా క్రికెట్ అకాడమీని నిర్వహిస్తున్నారు. ఆయన అర్జున్ టెండూల్కర్ వంటి ఆటగాళ్లకు శిక్షణ ఇచ్చాడు. 1980లో అంతర్జాతీయ క్రికెట్‌లోకి అడుగుపెట్టిన యోగరాజ్‌.. భారత్ తరఫున ఒక టెస్టు, 6 వన్డేలు ఆడాడు.చదవండి: 'ఇంత చెత్త‌గా ఆడుతార‌ని ఊహించలేదు.. నన్ను క్ష‌మించండి'

ఐసీసీ ఛాంపియ‌న్స్ ట్రోఫీ-2025లో ఆతిథ్య‌ పాకిస్తాన్ ప్ర‌యాణం ముగిసిన సంగ‌తి తెలిసిందే. తొలి రెండు మ్యాచ్‌ల్లో ఓట‌మి చ‌విచూసిన పాకిస్తాన్‌.. టోర్నీ ప్రారంభ‌మైన కేవ‌లం ఆరు రోజుల్లోనే ఇంటిముఖం ప‌ట్టింది. దీంతో ఈ మెగా టోర్నీకి ముందు తాము చేసిన వ్యాఖ్య‌ల‌ను పాక్ మాజీ ఆట‌గాళ్లు వెనక్కి తీసుకుంటున్నారు. తాజాగా ఈ జాబితాలో పాక్ మాజీ బ్యాట‌ర్ బ‌సిత్ అలీ చేరాడు. ఛాంపియ‌న్స్ ట్రోఫీ ఫైన‌ల్‌కు పాకిస్తాన్ చేరుతుంద‌ని, తుది పోరు లాహోర్ వేదిక‌గా జ‌రుగుతుంద‌ని అలీ అంచ‌నా వేశాడు. అయితే పాక్ లీగ్ స్టేజిలోనే నిష్క్ర‌మించిడంతో తాజాగా అలీ క్షమాపణలు చెప్పాడు. భార‌త్‌-ద‌క్షిణాఫ్రికా మ‌ధ్య ఫైన‌ల్ మ్యాచ్ జ‌ర‌గాల‌ని త‌ను కోరుకుంటున్న‌ట్లు అత‌డు తెలిపాడు."ఛాంపియ‌న్స్ ట్రోఫీ ఫైన‌ల్ లాహెర్ వేదిక‌గా జ‌రుగుతుంద‌ని, పాక్ టైటిల్ పోరుకు ఆర్హ‌త సాధిస్తుంద‌ని చెప్పినందుకు న‌న్ను క్ష‌మించిండి. ఈ టోర్నీలో పాకిస్తాన్ టీమ్ ఇంత చెత్త‌గా ఆడుతుంద‌ని నేను అస్స‌లు ఊహించ‌లేదు. ఈ మెగా ఈవెంట్‌లో భార‌త్ త‌మ అధిప‌త్యాన్ని కొన‌సాగించాల‌ని కోరుకుంటున్నాను. మ‌ర్చి 9న దుబాయ్ వేదిక‌గా ఫైన‌ల్లో ద‌క్షిణాఫ్రికా, భార‌త్‌లు త‌ల‌ప‌డితే బాగుంటుంది. మ‌రోసారి టీ20 ప్ర‌పంచ‌క‌ప్ ఫైన‌ల్‌ను త‌ల‌పిస్తుందని అనుకుంటున్నాను" అని అలీ తన యూట్యూబ్‌ ఛానల్‌లో పేర్కొన్నాడు.బై బై అకీబ్‌..!ఇక ఈ ఘోర ప్ర‌ద‌ర్శ‌న నేప‌థ్యంలో పాకిస్తాన్ క్రికెట్ బోర్డు చ‌ర్య‌ల‌కు ఉప‌క్ర‌మించిన‌ట్లు తెలుస్తోంది. ఇందులో భాగంగా త‌మ జ‌ట్టు తాత్కాలిక హెడ్ కోచ్ అకిబ్‌ జావెద్‌తో పాటు సహాయక సిబ్బందిని తొలిగించాల‌ని పీసీబీ చైర్మెన్ మొహ్సిన్ నఖ్వీ నిర్ణ‌యించుకున్న‌ట్లు స‌మాచారం. తాత్కాలిక హెడ్ కోచ్‌గా ఉన్న అకిబ్ ప‌ద‌వీ కాలం ఈ నెల 27తో ముగియ‌నుంది.ఈ టోర్నీ ముగిసిన అనంత‌రం పాకిస్తాన్ జ‌ట్టు వైట్‌బాల్ సిరీస్‌లో త‌ల‌ప‌డేందుకు న్యూజిలాండ్‌కు వెళ్ల‌నుంది. దీంతో న్యూజిలాండ్ టూర్‌కు ముందు పాక్‌కు కొత్త హెడ్‌కోచ్ అవకాశ‌ముంద‌ని పీసీబీ మూలాలు వెల్ల‌డించాయి. పాక్ త‌మ చివ‌రి లీగ్ మ్యాచ్‌లో ఫిబ్ర‌వరి 27న బంగ్లాదేశ్‌తో రావ‌ల్పిండి వేదిక‌గా త‌ల‌ప‌డ‌నుంది.చదవండి: మీ కంటే కోతులు బెట‌ర్‌.. త‌క్కువ‌గా తింటాయి: వసీం అక్రమ్‌

ఛాంపియన్స్ ట్రోఫీ 2025లో భాగంగా ఇటీవల భారత్-పాక్ జట్ల మధ్య జరిగిన ఉత్కంఠభరిత మ్యాచ్‌లో విరాట్ కోహ్లీ తన సత్తా చాటారు. దాంతోపాటు ఈ మ్యాచ్‌ ప్రారంభం కాకముందే ప్రపంచంలోనే అత్యంత ధనవంతుల్లో ఒకరైన ముఖేష్ అంబానీ రికార్డు సృష్టించారు. అదెలా అనుకుంటున్నారా.. రిలయన్స్ ఇండస్ట్రీస్‌కు చెందిన జియోహాట్‌స్టార్ భారత్-పాక్ మ్యాచ్‌ను ప్రసారం చేసే ప్రత్యేక హక్కులను కలిగి ఉంది. దాంతో కొన్ని గంటలపాటు సుమారు 12 కోట్ల మందికిపైగా ఈ మ్యాచ్‌ను వీక్షించారు. కంపెనీకి ఇతర ప్రసార హక్కులు, యాడ్‌ రెవెన్యూ ద్వారా బారీగానే ఆదాయం సమకూరినట్లు నిపుణులు అంచనా వేస్తున్నారు. దాంతో భారత్‌-పాక్‌ మ్యాచ్‌లో భారత్‌ విజయం సాధించడంతోపాటు దీన్ని అందరూ వీక్షించేందుకు ప్రసార హక్కులు సాధించిన ముఖేశ్‌ అంబానీ కూడా విజేతగానే నిలిచినట్లు భావిస్తున్నారు.రిలయన్స్‌ ఇటీవలే అధికారికంగా హాట్‌స్టార్‌తో కలిసి జియోహాట్‌స్టార్‌ను ఆవిష్కరించింది. ఈ వ్యూహాత్మక భాగస్వామ్యం ఇరు కంపెనీలకు ఎంతో లాభదాయకమని రెండు సంస్థలు గతంలో తెలిపాయి. ఇటీవల జరిగిన ఒక్కమ్యాచ్‌లోనే భారీగా రెవెన్యూ సంపాదించినట్లు మార్కెట్‌ వర్గాలు అభిప్రాయపడుతున్నాయి. భారత్‌-పాకిస్థాన్‌ మ్యాచ్‌ రసవత్తరంగా ఉంటుందని ముందే గ్రహించిన కోట్లాదిమంది వ్యూయర్స్‌ జియోహాట్‌స్టార్‌లో ఈ మ్యాచ్‌ను లైవ్‌లో వీక్షించారు. ఇది ప్లాట్‌ఫామ్‌ వ్యూయర్‌షిప్‌ను పెంచడమే కాకుండా ప్రకటనలు, సబ్‌స్క్రిప్షన్లను, సంస్థ ఆదాయాన్ని కూడా పెంచింది. అంతేకాకుండా, రిలయన్స్ ఇండస్ట్రీస్ ఆధ్వర్యంలోని మరో ఛానెల్ స్పోర్ట్స్ 18 ఈ మ్యాచ్‌ను టెలివిజన్‌లో ప్రసారం చేసే హక్కులను కలిగి ఉంది. దీంతో అంబానీ కంపెనీ ఆన్‌లైన్‌, టీవీ వ్యూయర్‌షిప్‌ రెండింటి నుంచి లాభపడింది.ఇటీవల భారత్-పాక్ జట్ల మధ్య జరిగిన ఉత్కంఠభరిత మ్యాచ్‌లో విరాట్ కోహ్లీ తన సత్తా చాటారు. 242 పరుగుల విజయ లక్ష్యంతో బరిలోకి దిగిన టీమిండియాలో కోహ్లీ సెంచరీ (111 బంతుల్లో 100) చేశారు. మరో 7.3 ఓవర్లు మిగిలి ఉండగానే ఆరు వికెట్ల తేడాతో భారత్‌ మ్యాచ్‌ను కైవసం చేసుకుంది. ఈ విజయం సెమీఫైనల్లో భారత్ స్థానాన్ని సుస్థిరం చేయడమే కాకుండా 2017 ఛాంపియన్స్ ట్రోఫీ ఫైనల్ తర్వాత వన్డేల్లో పాకిస్థాన్‌పై రికార్డు నెలకొల్పింది.ఇదీ చదవండి: గాల్లో ఎగిరే కారు వచ్చేసింది..! ధర ఎంతంటే..జియోహాట్‌స్టార్‌ ప్లాన్లు ఇలా..రూ.195 డేటా ప్లాన్ 90 రోజుల వ్యాలిడిటీతో వస్తుంది. 15GB డేటాను అందిస్తుంది. క్రీడలు, వినోద ప్రియులకు ఇది తగిన ఎంపికగా ఉంటుంది. ఇతర ప్రామాణిక రీఛార్జ్ ప్లాన్‌ల మాదిరిగా ఈ ఆఫర్‌లో వాయిస్ లేదా ఎస్‌ఎంఎస్‌ ప్రయోజనాలు ఉండవు. గుర్తించాల్సిన మరో ముఖ్యమైన విషయం ఏమిటంటే ఇందులో లభించే జియోహాట్‌స్టార్ సబ్‌స్క్రిప్షన్ 90 రోజుల మొబైల్ ప్లాన్ మాత్రమే. అంటే యూజర్లు జియోహాట్‌స్టార్‌ను మొబైల్‌లో మాత్రమే వీక్షించగలరు.రీచార్జ్‌ ఇలా..వినియోగదారులు ఈ ఆఫర్‌ను మైజియో (MyJio) యాప్, జియో వెబ్‌సైట్ లేదా అధీకృత జియో రిటైలర్ల ద్వారా పొందవచ్చు. రీఛార్జ్ ప్రక్రియ ఇతర జియో ప్రీపెయిడ్ ప్లాన్‌ల మాదిరిగానే ఉంటుంది. థర్డ్-పార్టీ రీఛార్జ్ ప్లాట్‌ఫామ్‌ల ద్వారా కూడా ఈ ప్లాన్ అందుబాటులో ఉంది.మరో ప్లాన్‌రూ.195 డేటా ప్లాన్‌తోపాటు జియో హాట్‌స్టార్ సబ్‌స్క్రిప్షన్‌ ఉచితంగా వచ్చే మరో స్టాండర్డ్‌ ప్లాన్‌ కూడా అందుబాటులో ఉంది. అదే రూ.949 ప్లాన్‌. దీనికి 84 రోజుల వ్యాలిడిటీ ఉంటుంది. 2GB రోజువారీ డేటా, అపరిమిత 5G డేటా, 84 రోజుల పాటు జియో హాట్‌స్టార్ ఉచిత మొబైల్ సబ్‌స్క్రిప్షన్‌ ప్రయోజనాలను ఈ ప్లాన్‌ అందిస్తుంది.

ఐసీసీ ఛాంపియ‌న్స్ ట్రోఫీ-2025లో పాకిస్తాన్(Pakistan) క‌థ ముగిసిన సంగ‌తి తెలిసిందే. డిఫెండింగ్ ఛాంపియ‌న్స్‌గా బ‌రిలోకి దిగిన పాకిస్తాన్ వ‌రుసగా రెండు మ్యాచ్‌ల్లో ఓట‌మి పాలై మ‌రో మ్యాచ్ మిగిలూండ‌గానే టోర్నీ నుంచి నిష్క్ర‌మించింది. తొలి మ్యాచ్‌లో కివీస్ చేతిలో 60 ప‌రుగుల తేడాతో ఓట‌మి చవిచూసిన రిజ్వాన్ బృందం.. ఆ తర్వాతి మ్యాచ్‌లో చిరకాల ప్రత్యర్ధి భారత్ చేతిలో 6 వికెట్ల తేడాతో పాక్ పరాజయం పాలైంది.ఈ క్రమంలో పాక్ జ‌ట్టు గ్రూపు స్టేజీలోనే ఇంటిముఖం ప‌ట్ట‌డాన్ని ఆ దేశ మాజీ క్రికెటర్లు, అభిమానులు జీర్ణించుకులేకపోతున్నారు. యావత్తు పాకిస్తాన్ మొత్తం వారి క్రికెట్‌ జట్టు ప్రదర్శనపై మండిపడుతోంది. మాజీ క్రికెటర్లు అయితే పాక్ జట్టును ఏకిపారేస్తున్నారు. తాజాగా పాకిస్తాన్ క్రికెట్ దిగ్గజం వసీం అక్రమ్‌(Wasim Akram) రిజ్వాన్ సేనపై విమర్శల వర్షం కురిపించాడు. భారత్‌తో జరిగిన మ్యాచ్‌లో పాక్ ప్లేయర్లు సరైన డైట్ కూడా పాటించలేదని అక్రమ్ మండిపడ్డాడు."పాకిస్తాన్ ఆటగాళ్లు పూర్తి ఫిట్‌నెస్‌గా లేరు. సరైన డైట్ కూడా పాటించడం లేదు. భారత్‌తో జరిగిన మ్యాచ్‌లో మొదటి డ్రింక్స్ బ్రేక్ సమయంలో ఆటగాళ్ళ కోసం ఒక ప్లేట్ నిండా అరటిపండ్లు ఉండడం చూశాను. కోతులు కూడా ఇన్ని అరటిపండ్లు తినవు. అవి వాటికి ఆహారం అయినప్పటికి అతిగా తినవు.కానీ మా ప్లేయర్లు మాత్రం కోతులు కంటే ఎక్కువగా తింటున్నారు. ఈ చెత్త ప్రదర్శన కనబరిచినందుకు జట్టుపై పాకిస్తాన్ క్రికెట్ బోర్డుపై తీవ్రమైన చర్యలు తీసుకోవాలి. క్రికెట్ ఎంతో ముందుకు వెళ్తున్నప్పటికి మా జట్టు మాత్రం ఇంకా గతంలో ఆడినట్లే ఆడుతోంది.అది మారాలి. ఫియర్ లెస్ క్రికెటర్లు, యువ ఆటగాళ్లను జట్టులోకి తీసు​కురండి. ప్రస్తుత జట్టులో కచ్చితంగా ఐదు, ఆరు మార్పులు చేయాలి. ఇప్పటికైనా మీ తప్పులను మీరు తెలుసుకుంది.టీ20 ప్రపంచకప్‌-2026 కోసం జట్టును సిద్దం చేయండి" అంటూ అక్రమ్ ఓ క్రికెట్ షోలో పేర్కొన్నాడు. ఇక పాకిస్తాన్‌ తమ చివరి లీగ్‌ మ్యాచ్‌లో ఫిబ్రవరి 27న బంగ్లాదేశ్‌తో తలపడనుంది.చదవండి: IML 2025: స‌చిన్, యువీ మెరుపులు.. ఇంగ్లండ్‌ను చిత్తు చేసిన భార‌త్‌

ఆస్ట్రేలియా- సౌతాఫ్రికా(Australia vs South Africa) మధ్య వన్డే మ్యాచ్‌ రద్దైంది. వర్షం కారణంగా కనీసం టాస్‌ కూడా పడకుండానే ఆట ముగిసిపోయింది. కాగా చాంపియన్స్‌ ట్రోఫీ-2025(ICC Champions Trophy)లో భాగంగా గ్రూప్‌-‘బి’లో ఉన్న ఆసీస్‌- ప్రొటిస్‌ జట్ల మధ్య మంగళవారం మ్యాచ్‌ నిర్వహణకు షెడ్యూల్‌ ఖరారైంది.రావల్పిండి(Rawalpindi) వేదికగా జరగాల్సిన ఈ కీలక మ్యాచ్‌కు ఆది నుంచే వరణుడు అడ్డు తగిలాడు. దీంతో మైదానాన్ని కవర్లతో కప్పి ఉంచారు. కాస్త తెరిపినిచ్చినా మ్యాచ్‌ మొదలుపెట్టేందుకు సిద్ధం కాగా వర్షం మాత్రం ఆగలేదు. కాసేపు వాన ఆగినా.. కొద్దిసేపటి తర్వాత మళ్లీ చినుకులు పడ్డాయి.కటాఫ్‌ టైమ్‌ రాత్రి 7.32 నిమిషాల వరకుఇలా ఆగుతూ, సాగుతూ దోబూచులాడిన వరణుడి కారణంగా ఆఖరికి అంపైర్లు మ్యాచ్‌ రద్దు చేస్తున్నట్లు ప్రకటించారు. వర్షం తగ్గకపోవడంతో.. మ్యాచ్‌ మొదలయ్యే పరిస్థితి కనిపించకపోవడంతో ఈ నిర్ణయం తీసుకున్నారు. కటాఫ్‌ టైమ్‌ రాత్రి 7.32 నిమిషాల వరకు ఉన్నప్పటికీ కనీసం ఇరవై ఓవర్ల మ్యాచ్‌ సాగేందుకు కూడా గ్రౌండ్‌ పరిస్థితి అనుకూలంగా లేదు. చెరో పాయింట్‌దీంతో మొదలుకాకుండానే మ్యాచ్‌ ముగిసిపోయినట్లు ప్రకటించిన అంపైర్లు.. నిబంధనల ప్రకారం ఇరుజట్లకు చెరో పాయింట్‌ కేటాయించారు. ఈ నేపథ్యంలో బుధవారం ఇంగ్లండ్‌- అఫ్గనిస్తాన్‌ మధ్య జరిగే మ్యాచ్‌ ఫలితం ఆధారంగా ఈ గ్రూప్‌ నుంచి టోర్నీ నుంచి వైదొలిగే తొలి జట్టు ఖరారు కానుంది.ఇక తాజాగా వచ్చిన ఒక్కో పాయింట్‌తో బవుమా సారథ్యంలోని సౌతాఫ్రికా, స్మిత్‌ కెప్టెన్సీలోని ఆస్ట్రేలియా చెరో మూడు పాయింట్లతో సమానంగా ఉన్నాయి. అయితే, నెట్‌ రన్‌రేటు పరంగా పటిష్ట స్థితిలో ఉన్న ప్రొటిస్‌ జట్టు పట్టికలో టాప్‌లో కొనసాగుతుండగా.. ఆసీస్‌ రెండో స్థానంలో ఉంది. ఇక సౌతాఫ్రికా తమ తదుపరి మ్యాచ్‌లో ఇంగ్లండ్‌తో, ఆస్ట్రేలియా అఫ్గనిస్తాన్‌తో తలపడతాయి. ఇందులో విజయం సాధిస్తే గనుక ప్రొటిస్‌, కంగారు జట్లు నేరుగా సెమీ ఫైనల్లో అడుగుపెడతాయి.ఇక చాంపియన్స్‌ ట్రోఫీలో మొత్తంగా ఎనిమిది జట్లు పాల్గొంటున్నాయి. ఇందులో గ్రూప్‌-‘ఎ’ నుంచి భారత్‌, పాకిస్తాన్‌, న్యూజిలాండ్‌, బంగ్లాదేశ్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ బరిలో నిలిచాయి. అయితే, గ్రూప్‌-‘ఎ’లో భాగంగా తమ తొలి రెండు మ్యాచ్‌లు గెలిచిన భారత్‌, న్యూజిలాండ్‌ సెమీస్‌ చేరగా.. పాకిస్తాన్‌, బంగ్లాదేశ్‌ తమ మొదటి రెండు మ్యాచ్‌లలో ఓడి టోర్నీ నుంచి నిష్క్రమించాయి. ఆసీస్‌కు ఇది నాలుగోసారికాగా చాంపియన్స్‌ ట్రోఫీ టోర్నమెంట్లో గత ఎనిమిది మ్యాచ్‌లలో ఆస్ట్రేలియాకు నాలుగుసార్లు ఇలాంటి చేదు అనుభవమే ఎదురైంది. వర్షం వల్ల మ్యాచ్‌ రద్దు కావడం లేదంటే.. ఫలితం తేలకుండానే గేమ్‌ ముగిసిపోయింది.చాంపియన్స్‌ ట్రోఫీ-2025 పాయింట్ల పట్టికగ్రూప్‌-‘ఎ’👉న్యూజిలాండ్‌- ఆడినవవి రెండు- గెలిచినవి రెండు- పాయింట్లు నాలుగు- నెట్‌ రన్‌రేటు+0.863(సెమీస్‌కు అర్హత)👉ఇండియా- ఆడినవవి రెండు- గెలిచినవి రెండు- పాయింట్లు నాలుగు- నెట్‌ రన్‌రేటు +0.647(సెమీస్‌కు అర్హత)👉బంగ్లాదేశ్‌- ఆడినవి రెండు- ఓడినవి రెండు- పాయింట్లు సున్నా- నెట్‌ రన్‌రేటు-0.443(ఎలిమినేటెడ్‌)👉పాకిస్తాన్‌- ఆడినవి రెండు- ఓడినవి రెండు- పాయింట్లు సున్నా- నెట్‌ రన్‌రేటు-1.087 (ఎలిమినేటెడ్‌)గ్రూప్‌-బి👉సౌతాఫ్రికా- పూర్తైనవి రెండు- ఒక గెలుపు- ఒకటి రద్దు- పాయింట్లు మూడు- నెట్‌ రన్‌రేటు +2.140👉ఆస్ట్రేలియా- పూర్తైనవి రెండు- ఒక గెలుపు- ఒకటి రద్దు- పాయింట్లు మూడు- నెట్‌ రన్‌రేటు +0.475👉ఇంగ్లండ్‌- ఆడింది ఒకటి- ఓడింది ఒకటి- పాయింట్లు సున్నా- నెట్‌ రన్‌రేటు -0.475👉అఫ్గనిస్తాన్‌- ఆడింది ఒకటి- ఓడింది ఒకటి- పాయింట్లు సున్నా- నెట్‌ రన్‌రేటు-2.140.చదవండి: పదే పదే అవే తప్పులు.. పాక్‌పై గెలిచి విజయంతో ముగిస్తాం: బంగ్లాదేశ్‌ కెప్టెన్‌

‘‘ఎంతటి పటిష్ట జట్టునైనా ఓడించగల సత్తా మా జట్టుకు ఉంది. చాంపియన్స్‌ ట్రోఫీ గెలవడమే మా లక్ష్యం’’... ఐసీసీ టోర్నమెంట్‌ ఆరంభానికి ముందు బంగ్లాదేశ్‌ కెప్టెన్‌ నజ్ముల్‌ హుసేన్‌ షాంటో(Najmul Hossain Shanto) చేసిన వ్యాఖ్యలు ఇవి. అయితే, ఈ వన్డే ఈవెంట్‌ ఆరంభమైన ఆరు రోజుల్లోనే.. లీగ్‌ దశలోనే బంగ్లాదేశ్‌ ప్రయాణం ముగిసిపోయింది.గ్రూప్‌-‘ఎ’లో భాగంగా తొలుత టీమిండియా చేతిలో ఓడిన షాంటో బృందం.. సోమవారం నాటి మ్యాచ్‌లో న్యూజిలాండ్‌(Bangladesh Vs New Zealand) జట్టు చేతిలోనూ ఓటమిని చవిచూసింది. తద్వారా సెమీస్‌ కూడా చేరుకుండానే టోర్నీ నుంచి నిష్క్రమించింది. ఈ నేపథ్యంలో కెప్టెన్‌ నజ్ముల్‌ హుసేన్‌ షాంటో మాట్లాడుతూ.. జట్టు ప్రదర్శన పట్ల తీవ్ర అసంతృప్తి వ్యక్తం చేశాడు. ముఖ్యంగా బ్యాటర్ల వైఖరిని ఎండగట్టాడు.పదే పదే అవే తప్పులు..‘‘గతంలో చేసిన తప్పులను పునరావృతం చేయకూడదని పదే పదే చెప్పాను. కానీ మేము మళ్లీ అదే రిపీట్‌ చేస్తున్నాం. బ్యాటింగ్‌ విభాగంలో మేము మెరుగుపడాల్సి ఉంది. ఈ టోర్నమెంట్‌ తర్వాత కచ్చితంగా బ్యాటింగ్‌ యూనిట్‌లో మార్పులు ఉంటాయి.బ్యాటర్లు మరింత బాధ్యతాయుతంగా వ్యవహరించాల్సింది. కానీ గత రెండు మ్యాచ్‌లలోనూ అలా జరుగలేదు. ఓడిన ప్రతిసారీ సిబ్బందిపై వేటు వేయడం, మార్చడం చేయలేము. ఆటగాళ్లు కూడా తమ వైఖరిని మార్చుకోవాలి. ఓటమిని తేలికగానే అంగీకరిస్తున్నట్లుగా ఉందిఇప్పటికే చాలా మందికి చాలా అవకాశాలు ఇచ్చాము. అయినా.. ప్రతిసారి మేము ఓటమిని తేలికగానే అంగీకరిస్తున్నట్లు అనిపిస్తోంది. ఇకపై మేము మరింత జవాబుదారీగా ఉండాల్సిన పరిస్థితి కనిపిస్తోంది’’అని ఈఎస్‌పీఎన్‌క్రిక్‌ఇన్ఫోతో నజ్ముల్‌ షాంటో పేర్కొన్నాడు.ఇక కివీస్‌ మ్యాచ్‌లో తమ ప్రదర్శన గురించి మాట్లాడుతూ.. ‘‘మాకు శుభారంభమే లభించింది. కానీ మిడిల్‌ ఓవర్లలో వరుస వికెట్లు కోల్పోయాం. మా బ్యాటింగ్‌ అస్సలు బాగాలేదు. నిజానికి పిచ్‌ బ్యాటింగ్‌కు సహకరించింది. అయినా.. భారీ భాగస్వామ్యాలు నెలకొల్పడంలో విఫలమయ్యాం.పాక్‌పై గెలిచి విజయంతో ముగిస్తాంఅయితే, మా బౌలింగ్‌ పట్ల నేను సంతోషంగానే ఉన్నాను. గత రెండేళ్లుగా మా బౌలర్లు నిలకడగా రాణిస్తున్నారు. ఇక లీగ్‌ దశలో మాకు మరొక్క మ్యాచ్‌ మాత్రమే మిగిలి ఉంది. పాకిస్తాన్‌పై గెలిచి విజయంతో ఇంటిబాట పట్టాలని పట్టుదలగా ఉన్నాం. ఏదేమైనా మేమైతే బ్యాటింగ్‌, ఫీల్డింగ్‌ విభాగాల్లో మెరుగుపడాల్సి ఉందని కచ్చితంగా చెప్పగలను’’ అని షాంటో అన్నాడు. కాగా రావల్పిండిలో సోమవారం కివీస్‌తో మ్యాచ్‌లో బంగ్లాదేశ్‌ ఐదు వికెట్ల తేడాతో ఓటమిపాలైంది.ఇక టీమిండియా, న్యూజిలాండ్‌లతో మ్యాచ్‌లలో బంగ్లా గట్టి పోటీనిచ్చిప్పటికీ.. దానిని విజయంగా మలచుకోలేకపోయింది. ఇక నజ్ముల్‌ షాంటో భారత్‌తో మ్యాచ్‌లో డకౌట్‌ కాగా.. కివీస్‌తో మ్యాచ్‌ల మాత్రం అర్ధ శతకం(77)తో రాణించాడు. మిగతా వాళ్లలో జాకిర్‌ అలీ(68, 46), తౌహీద్‌ హృదోయ్‌(భారత్‌పై శతకం) మాత్రమే మెరుగ్గా ఆడారు. కాగా గ్రూప్‌ దశలో ఆఖరిగా గురువారం(ఫిబ్రవరి 27) రావల్పిండి వేదికగా పాకిస్తాన్‌తో బంగ్లాదేశ్‌ తలపడుతుంది. బంగ్లా మాదిరే ఆడిన రెండు మ్యాచ్‌లలో ఓడి నిష్క్రమించిన పాక్‌.. ఆఖరి మ్యాచ్‌లోనైనా గెలవాలని ఉవ్విళ్లూరుతోంది.చదవండి: Aus vs SA: కీలక మ్యాచ్‌కు వర్షం అడ్డంకి.. ఒకవేళ రద్దైతే..!

చాంపియన్స్‌ ట్రోఫీ-2025(ICC Champions Trophy)లో కీలక మ్యాచ్‌కు వర్షం అడ్డంకిగా మారింది. గ్రూప్‌-‘బి’లో భాగంగా ఆస్ట్రేలియా- సౌతాఫ్రికా(Australia vs South Africa) మధ్య మంగళవారం మ్యాచ్‌ జరగాల్సి ఉండగా.. వరణుడి కారణంగా టాస్‌ ఆలస్యమైంది. రావల్పిండి(Rawalpindi)లో వర్షం కురుస్తున్న కారణంగా మైదానాన్ని కవర్లతో కప్పి ఉంచారు.టాస్‌ సమయానికి(భారత కాలమానం ప్రకారం మధ్యాహ్నం రెండు గంటలకు)మధ్యలో కాస్త తెరిపినివ్వగా కవర్లు తీయగా.. మళ్లీ కాసేపటికే చినుకులు పడ్డాయి. ఆకాశం మేఘావృతమై ఉంది. నల్లనిమబ్బులు కమ్ముకుని ఉండటంతో ఆసీస్‌- ప్రొటిస్‌ మ్యాచ్‌ సజావుగా సాగే సూచనలు కనిపించడం లేదు.ఇంగ్లండ్‌కు తలపోటుఒకవేళ వర్షం వల్ల ఈ మ్యాచ్‌ రద్దైతే మాత్రం ఇంగ్లండ్‌ సెమీస్‌ అవకాశాలపై ప్రతికూల ప్రభావం పడుతుంది. కాగా వన్డే టోర్నమెంట్లో గ్రూప్‌-‘ఎ’ నుంచి భారత్‌, పాకిస్తాన్‌, న్యూజిలాండ్‌, బంగ్లాదేశ్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ పోటీపడుతున్నాయి.గ్రూప్‌-‘ఎ’ నుంచి రెండేసి విజయాలతో భారత్‌, న్యూజిలాండ్‌ ఇప్పటికే తమ సెమీస్‌ బెర్తులు ఖరారు చేసుకున్నాయి. మరోవైపు.. గ్రూప్‌-‘బి’లో ఆస్ట్రేలియా, సౌతాఫ్రికా చెరో విజయంతో పాయింట్ల పట్టికలో తొలి రెండుస్థానాల్లో కొనసాగుతున్నాయి.టాప్‌లో సౌతాఫ్రికాతమ ఆరంభ మ్యాచ్‌లో సౌతాఫ్రికా అఫ్గనిస్తాన్‌ను ఏకంగా 107 పరుగులతో చిత్తు చేసింది. ఇక ఆసీస్‌ ఇంగ్లండ్‌పై ఐదు వికెట్ల తేడాతో గెలిచింది. ఒక్కో విజయం ద్వారా ఈ రెండు జట్లకు చెరో రెండు పాయింట్లు లభించినప్పటికీ.. నెట్‌ రన్‌రేటు(+2.140) పరంగా సౌతాఫ్రికా ప్రథమ స్థానం ఆక్రమించింది.ఒకవేళ మంగళవారం నాటి మ్యాచ్‌ వర్షం కారణంగా రద్దైతే.. నిబంధనల ప్రకారం ఇరుజట్లకు చెరో పాయింట్‌ లభిస్తుంది. అప్పుడు సౌతాఫ్రికా ఖాతాలో మూడు, ఆసీస్‌ ఖాతాలో మూడు పాయింట్లు చేరతాయి. ఇక ఇంగ్లండ్‌ విషయానికొస్తే.. ఆస్ట్రేలియా చేతిలో ఓడిపోయిన బట్లర్‌ బృందం.. తదుపరి అఫ్గనిస్తాన్‌, సౌతాఫ్రికాలతో తలపడనుంది. ఈ రెండు మ్యాచ్‌లలో గెలిస్తేనే ఇంగ్లండ్‌ సెమీస్‌ ఆశలు సజీవంగా ఉంటాయి.ఇందులో ఏ ఒక్కటి ఓడినా ఇతర మ్యాచ్‌ల ఫలితాలపై ఆధారపడాల్సి ఉంటుంది. ఇక సౌతాఫ్రికా తమ తదుపరి మ్యాచ్‌లో నెగ్గితే మాత్రం నేరుగా సెమీ ఫైనల్‌కు దూసుకువెళ్తుంది. ఆస్ట్రేలియా మాత్రం ఇంగ్లండ్‌ మాదిరి ఇతర మ్యాచ్‌ల ఫలితాలు తేలేదాకా వేచి చూడాల్సి ఉంటుంది.నాడు సెమీ ఫైనల్లోఇదిలా ఉంటే.. ఆస్ట్రేలియా- సౌతాఫ్రికా చివరగా 2023లో ఐసీసీ(వన్డే) ఈవెంట్లో తలపడ్డాయి. భారత్‌ వేదికగా జరిగిన వన్డే వరల్డ్‌కప్‌లో నాడు సెమీ ఫైనల్లో సౌతాఫ్రికాను 212 పరుగులకు కట్టడి చేసిన ఆస్ట్రేలియా.. ఆఖరి వరకు ఉత్కంఠగా సాగిన పోరులో మూడు వికెట్ల తేడాతో గెలిచి ఫైనల్‌ చేరింది. ఆఖరి పోరులో టీమిండియాపై విజయం సాధించి టైటిల్‌ విజేతగా అవతరించింది. కాగా చాంపియన్స్‌ ట్రోఫీలో ఒక మ్యాచ్‌లో విజయానికి రెండు పాయింట్లు లభిస్తాయి. మ్యాచ్‌ రద్దైతే ఇరుజట్లకు చెరో పాయింట్‌ వస్తుంది.చాంపియన్స్‌ ట్రోఫీ-2025కి ఆస్ట్రేలియా జట్టుస్టీవ్‌ స్మిత్ (కెప్టెన్‌), జోష్ ఇంగ్లిస్ (వికెట్‌ కీపర్‌), మాథ్యూ షార్ట్, ట్రావిస్ హెడ్, మార్నస్ లబుషేన్‌, అలెక్స్ కారీ, గ్లెన్ మాక్స్‌వెల్, బెన్ ద్వార్షుయిస్, నాథన్ ఎల్లిస్, ఆడమ్ జంపా, స్పెన్సర్ జాన్సన్, సీన్ అబాట్, ఆరోన్ హార్డీ, జేక్ ఫ్రేజర్ మెగర్క్‌, తన్వీర్‌ సంఘా.సౌతాఫ్రికా జట్టుర్యాన్ రికెల్టన్ (వికెట్‌ కీపర్‌), టెంబా బావుమా (కెప్టెన్‌), టోనీ డి జోర్జి, రాస్సీ వాన్ డెర్ డసెన్, ఐడెన్ మార్క్రమ్‌, డేవిడ్ మిల్లర్, మార్కో జాన్సెన్, వియాన్ ముల్డర్, కేశవ్ మహారాజ్, కగిసో రబడ, లుంగీ ఎంగిడి, తబ్రేజ్‌ షంసీ, హెన్రిచ్‌ క్లాసెన్‌, ట్రిస్టన్‌ స్టబ్స్‌, కార్బిన్‌ బాష్‌.Update: వర్షం వల్ల టాస్‌ పడకుండానే ఆసీస్‌- సౌతాఫ్రికా మ్యాచ్‌ రద్దుచదవండి: అతి చేయొద్దు.. ఇలాంటి ప్రవర్తన సరికాదు: పాక్‌ దిగ్గజం ఆగ్రహం

చాంపియన్స్‌ ట్రోఫీ-2025(ICC Champions Trophy)లో భారత జట్టు అదరగొడుతోంది. ఈ వన్డే ఫార్మాట్‌ టోర్నమెంట్లో తొలుత బంగ్లాదేశ్‌తో తలపడ్డ టీమిండియా ఆరు వికెట్ల తేడాతో గెలుపొందింది. అనంతరం చిరకాల ప్రత్యర్థి పాకిస్తాన్‌(India vs Pakistan)పై కూడా ఇదే ఫలితాన్ని పునరావృతం చేసింది.దుబాయ్‌ వేదికగా సమిష్టిగా రాణించి దాయాదిపై విజయం సాధించి సెమీ ఫైనల్లో అడుగుపెట్టింది. తదుపరి లీగ్‌ దశలో భాగంగా చివరగా పటిష్ట న్యూజిలాండ్‌ జట్టుతో రోహిత్‌ సేన ఆదివారం తలపడనుంది. ఇక తొలి రెండు మ్యాచ్‌లలోనూ భారత్‌ ఒకే జట్టుతో ఆడింది. ఈ నేపథ్యంలో కివీస్‌తో నామమాత్రపు మ్యాచ్‌లో మాత్రం ఒక మార్పు చేస్తే బాగుంటుందని ఇంగ్లండ్‌ మాజీ క్రికెటర్‌ డారెన్‌ గాఫ్‌ అన్నాడు.షమీ లేకపోయినాకివీస్‌తో మ్యాచ్‌లో భారత తుదిజట్టు గురించి తన అభిప్రాయాలు పంచుకుంటూ.. ‘‘షమీకి విశ్రాంతినివ్వాలి. పాకిస్తాన్‌పై అద్భుత విజయంతో టీమిండియా విశ్వాసం రెట్టింపు అయింది. వారి బ్యాటింగ్‌ లైనప్‌ బాగుంది.కాబట్టి దుబాయ్‌లో మరో స్పిన్నర్‌ను అదనంగా తుదిజట్టులో చేర్చుకోవచ్చు. లాహోర్‌ మాదిరి దుబాయ్‌ పిచ్‌ మరీ అంత ఫ్లాట్‌గా కూడా ఏమీ లేదు. ఫిట్‌నెస్‌ సమస్యలు ఎదుర్కొంటున్న షమీని కాపాడుకోవాల్సిన బాధ్యత యాజమాన్యంపై ఉంది.అంతేకాదు.. హార్దిక్‌ పాండ్యా బౌలింగ్‌ చేసిన విధానం అద్భుతంగా ఉన్న కారణంగా షమీ లేకపోయినా పెద్దగా ఆందోళనపడాల్సిన పనిలేదు. నాకు తెలిసి న్యూజిలాండ్‌తో మ్యాచ్‌ సందర్భంగా టీమిండియా ఈ ఒక్క మార్పు చేస్తుంది. షమీని పక్కనపెట్టి మరో స్పిన్నర్‌ను ఆడిస్తుంది’’ అని డారెన్‌ గాఫ్‌ హిందుస్తాన్‌ టైమ్స్‌తో పేర్కొన్నాడు.కాగా బంగ్లాదేశ్‌తో మ్యాచ్‌లో 10 ఓవర్ల బౌలింగ్‌ కోటా పూర్తిచేసిన షమీ.. 53 పరుగులు ఇచ్చి ఏకంగా ఐదు వికెట్లు కూల్చాడు. అయితే పాకిస్తాన్‌తో మ్యాచ్‌లో పొదుపుగా బౌలింగ్‌ చేసినప్పటికీ వికెట్‌ తీయలేకపోయాడు. చీలమండ గాయం తాలుకు నొప్పి తిరగబెట్టడంతో పాక్‌తో మ్యాచ్‌ సందర్భంగా కాసేపు అతడు విశ్రాంతి తీసుకున్నాడు.ఇక చాంపియన్స్‌ ట్రోఫీ-2025లో విజేతపై తన అంచనా తెలియజేస్తూ.. ‘‘టీమిండియా పటిష్టంగా ఉంది. ఇందులో సందేహం లేదు. వన్డేల్లో ఇటీవల ఇంగ్లండ్‌ జట్టును మట్టికరిపించిన విధానం అద్బుతంగా అనిపించింది.టైటిల్‌ ఫేవరెట్‌ టీమిండియానేఇక ఇండియాతో పాటు సౌతాఫ్రికా, న్యూజిలాండ్‌ కూడా స్ట్రాంగ్‌గా ఉన్నాయి. మరి టోర్నీలో ఎవరు విజేతగా అవతరిస్తారని అడిగితే మాత్రం నేను టీమిండియానే ఎంచుకుంటాను. బ్యాటింగ్‌లో భారత్‌ అదరగొడుతోంది. ప్రపంచస్థాయి బౌలర్‌, ప్రధాన పేసర్‌ అయిన జస్‌‍ప్రీత్‌ బుమ్రా జట్టుతో లేకపోయినా ఆ ప్రభావం పడకుండా సమిష్టిగా రాణిస్తోంది. అందుకే నా టైటిల్‌ ఫేవరెట్‌ టీమిండియానే’’ అని ఇంగ్లండ్‌ మాజీ పేసర్‌ డారెన్‌ గాఫ్‌ చెప్పుకొచ్చాడు.కాగా బంగ్లాదేశ్‌, పాకిస్తాన్‌లతో మ్యాచ్‌లలో టీమిండియా ఒక స్పెషలిస్టు స్పిన్నర్‌(కుల్దీప్‌ యాదవ్‌), ఇద్దరు స్పిన్‌ బౌలింగ్‌ ఆల్‌రౌండర్లు(అక్షర్‌ పటేల్‌, రవీంద్ర జడేజా), ఒక పేస్‌బౌలింగ్‌ ఆల్‌రౌండర్‌(హార్దిక్‌ పాండ్యా), ఇద్దరు పేసర్ల(హర్షిత్‌ రాణా, మహ్మద్‌ షమీ)లతో బరిలోకి దిగింది.చాంపియన్స్‌ ట్రోఫీ-2025లో బంగ్లాదేశ్‌, పాకిస్తాన్‌లతో మ్యాచ్‌లలో భారత తుదిజట్టురోహిత్ శర్మ (కెప్టెన్‌), శుబ్‌‌మన్ గిల్, విరాట్ కోహ్లి, శ్రేయస్ అయ్యర్, అక్షర్ పటేల్, కేఎల్‌ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, హర్షిత్ రాణా, మహ్మద్‌ షమీ, కుల్దీప్ యాదవ్.బెంచ్‌: రిషభ్‌ పంత్‌(వికెట్‌ కీపర్‌), వాషింగ్టన్‌ సుందర్‌, వరుణ్‌ చక్రవర్తి, అర్ష్‌దీప్‌ సింగ్‌.చాంపియన్స్‌ ట్రోఫీ-2025లో న్యూజిలాండ్‌ జట్టువిల్ యంగ్, డెవాన్ కాన్వే, కేన్ విలియమ్సన్, రచిన్ రవీంద్ర, టామ్ లాథమ్ (వి​కెట్‌ కీపర్‌), గ్లెన్ ఫిలిప్స్, మైకేల్ బ్రేస్‌వెల్, మిచెల్ సాంట్నర్ (కెప్టెన్‌), మాట్ హెన్రీ, కైలీ జెమీసన్, విలియం ఒరూర్కీ, డారిల్‌ మిచెల్‌, నాథన్‌ స్మిత్‌, మార్క్‌ చాప్‌మన్‌, జాకొబ్‌ డఫీ.చదవండి: NZ vs BAN: చర్రిత సృష్టించిన రచిన్‌ రవీంద్ర.. ప్రపంచంలోనే తొలి ప్లేయర్‌గా

ఐసీసీ ఛాంపియ‌న్స్ ట్రోఫీ-2025లో డిఫెండింగ్ ఛాంపియ‌న్స్ పాకిస్తాన్(Pakistan) గ్రూపు స్టేజిలోనే ఇంటిముఖం ప‌ట్టింది. న్యూజిలాండ్ చేతిలో బంగ్లాదేశ్‌తో ఓట‌మి పాల‌వ్వ‌డంతో పాక్ సెమీస్ ఆశ‌లు అవిర‌య్యాయి. ఒక‌వేళ ఈ మ్యాచ్‌లో బంగ్లా గెలిచి ఉంటే పాక్ సెమీస్ ఆశ‌లు స‌జీవంగా ఉండేవి. అయితే టోర్నీలో పాక్ దారుణ ప్ర‌ద‌ర్శ‌న క‌న‌బ‌రిచింది. త‌మ తొలి మ్యాచ్‌లో న్యూజిలాండ్‌పై 60 ప‌రుగుల తేడాతో ఓట‌మి పాలైన పాక్‌.. ఆ త‌ర్వాత భార‌త్ చేతిలో 6 వికెట్ల తేడాతో దారుణ ప‌రాజ‌యాన్ని చ‌విచూసింది.దీంతో పాక్ క‌థ టోర్నీ ప్రారంభ‌మైన కేవ‌లం ఆరు రోజుల్లోనే ముగిసిపోయింది. ఈ క్ర‌మంలో పాక్ జ‌ట్టు ముప్పేట దాడిని ఎదుర్కొంటుంది. తాజాగా పాక్ జ‌ట్టుపై భార‌త క్రికెట్ దిగ్గ‌జం సునీల్ గవాస్కర్(Sunil Gavaskar) విమ‌ర్శ‌లు గుప్పించారు. ప్రస్తుత పాకిస్తాన్ జట్టు ఇండియన్‌-బి టీమ్‌ను కూడా ఓడించలేదని ఆయన ఎద్దేవా చేశారు."పాకిస్తాన్ జట్టు బెంచ్ అంత బలంగా లేకపోవడం నాకు ఆశ్చర్యం కలిగిస్తోంది. పాకిస్తాన్ జట్టులో ఒకప్పుడు సహజమైన నైపుణ్యాలు, ప్రతిభ కలిగిన ఆటగాళ్లు ఉండేవారు. టెక్నికల్‌గా వారు అంత గొప్పగా లేకపోయినా, గేమ్‌పై మాత్రం వారికి మంచి అవగహన ఉండేది. బ్యాట్‌తో పాటు బంతితో కూడా అద్భుతాలు చేసేవారు. ఉదాహరణకు ఇంజమామ్-ఉల్-హక్‌ను తీసుకుంటే... అతడిలా ఉండాలని యువ ఆటగాళ్లకు సలహా ఇవ్వలేం. కానీ ఆట పట్ల అతడికి ఒక తరహా పిచ్చి ఉండేదని చెప్పవచ్చు. ఆటే పరమావధిగా ముందుకు సాగేవాడు. తన దూకుడుతో ఒక్కోసారి సాంకేతిక లోపాలను అధిగమించి అనుకున్న ఫలితాన్ని రాబట్టడంలోనూ సఫలమయ్యేవాడు. ప్రస్తుతం ఉన్న ఫామ్‌తో పాక్ జట్టు, భారత్‌-బి టీమ్‌పై కూడా గెల‌వ‌లేదు. సి టీమ్ విషయంలో కచ్చితంగా చెప్పలేను" ఓ ఛాన‌ల్‌కు ఇచ్చిన ఇంట‌ర్వ్యూలో గ‌వాస్క‌ర్ పేర్కొన్నాడు.చదవండి: భారత్‌ పటిష్ట జట్టు.. ఆ అడ్వాంటేజ్‌ కూడా ఉండటం వల్ల..: కమిన్స్‌

చాంపియన్స్‌ ట్రోఫీ-2025(ICC Champions Trophy)లో టీమిండియా అద్భుత ప్రదర్శనతో ఆకట్టుకుంటోంది. ఇప్పటి వరకు జరిగిన రెండు మ్యాచ్‌లలో జయభేరి మోగించిన రోహిత్‌ సేన.. సెమీ ఫైనల్లో అడుగుపెట్టింది. లీగ్‌ దశలో భాగంగా ఆఖరిగా నామమాత్రపు మ్యాచ్‌లో న్యూజిలాండ్‌(India vs New Zealand)ను ఢీకొట్టనుంది. ఇక కివీస్‌ కూడా ఇప్పటికే సెమీస్‌ చేరుకోగా.. ఇరుజట్లకు నాకౌట్‌ స్టేజ్‌ కోసం ఇదొక సన్నాహక మ్యాచ్‌గా ఉండబోతోంది.ఇదిలా ఉంటే.. ఈ మెగా వన్డే టోర్నమెంట్‌ నిర్వహణ హక్కులను పాకిస్తాన్‌ దక్కించుకున్న విషయం తెలిసిందే. అయితే, భద్రతా కారణాల దృష్ట్యా టీమిండియా మాత్రం అంతర్జాతీయ క్రికెట్‌ మండలి(ICC) ఆమోదంతో తటస్థ వేదికైన దుబాయ్‌లో తమ మ్యాచ్‌లన్నీ ఆడుతోంది.భారత్‌ పటిష్ట జట్టు.. ఆ అడ్వాంటేజ్‌ కూడా ఉండటం వల్ల..ఈ నేపథ్యంలో ఒకే వేదికపై ఆడటం భారత జట్టుకు అదనపు ప్రయోజనాన్ని చేకూరుస్తుందనే విమర్శలు వస్తున్నాయి. ఈ విషయంపై ఆస్ట్రేలియా కెప్టెన్‌ ప్యాట్‌ కమిన్స్‌ స్పందించాడు. ‘‘టోర్నీ సజావుగా సాగిపోతోంది. అయితే, ఒకే మైదానంలో ఆడటం వల్ల టీమిండియాకు కచ్చితంగా ప్రయోజనం ఉంటుంది.అయినా ఆ జట్టు ఎంతో పటిష్టంగా ఉంది. అద్భుతంగా ఆడుతున్నారు. ఒకే వేదికపై ఆడటం మాత్రం అదనంగా ఎంతో కొంత లాభం చేకూరుస్తుందనడంలో సందేహం లేదు’’ అని యాహూ స్పోర్ట్‌తో కమిన్స్‌ పేర్కొన్నాడు. కాగా చీలమండ నొప్పి కారణంగా ప్యాట్‌ కమిన్స్‌ చాంపియన్స్‌ ట్రోఫీకి దూరమైన విషయం తెలిసిందే.ఈ క్రమంలో స్టీవ్‌ స్మిత్‌ కెప్టెన్సీలో ఆసీస్‌ ఈ వన్డే టోర్నీ బరిలో దిగింది. గ్రూప్‌-బిలో భాగంగా తమ తొలి మ్యాచ్‌లో ఇంగ్లండ్‌తో తలపడ్డ కంగారూ జట్టు ఐదు వికెట్ల తేడాతో గెలుపొందింది. విజయంతో టోర్నీని ఆరంభించిన స్మిత్‌ బృందం.. తదుపరి సౌతాఫ్రికాతో మ్యాచ్‌లో నెగ్గి సెమీస్‌ చేరాలనే పట్టుదలతో ఉంది.ఐపీఎల్‌తో రీఎంట్రీఇదిలా ఉంటే.. కమిన్స్‌ ఐపీఎల్‌-2025 ద్వారా పునరాగమనం చేయనున్నాడు. ఈ విషయం గురించి ప్రస్తావిస్తూ... ‘‘చీలమండ గాయానికి చికిత్స తీసుకుంటున్నాను. ఏదేమైనా ఇంట్లో ఉండటం, కుటుంబ సభ్యులతో సమయం గడపటం సంతోషంగా ఉంది. వచ్చే వారం నుంచి బౌలింగ్‌ ప్రాక్టీస్‌ మొదలుపెడతాను.వచ్చే నెల నుంచి ఐపీఎల్‌ ఆరంభం కాబోతోంది. తదుపరి ప్రపంచ టెస్టు చాంపియన్‌షిప్‌ ఫైనల్‌ ఆడాల్సి ఉంది. ఆ తర్వాత వెస్టిండీస్‌ పర్యటన.. ఇలా రానున్న ఆరు నెలలు బిజీబిజీగా గడువబోతోంది’’ అని కమిన్స్‌ చెప్పుకొచ్చాడు. కాగా కమిన్స్‌ ఇటీవలే రెండోసారి తండ్రయ్యాడు. కుమార్తె ఈదికి అతడి భార్య జన్మనిచ్చింది. కాగా ఐపీఎల్‌లో సన్‌రైజర్స్‌ హైదరాబాద్‌ కెప్టెన్‌గా వ్యవహరిస్తున్న విషయం తెలిసిందే.చాంపియన్స్‌ ట్రోఫీ-2025కి ఆస్ట్రేలియా జట్టుస్టీవ్‌ స్మిత్ (కెప్టెన్‌), జోష్ ఇంగ్లిస్ (వికెట్‌ కీపర్‌), మాథ్యూ షార్ట్, ట్రావిస్ హెడ్, మార్నస్ లబుషేన్‌, అలెక్స్ కారీ, గ్లెన్ మాక్స్‌వెల్, బెన్ ద్వార్షుయిస్, నాథన్ ఎల్లిస్, ఆడమ్ జంపా, స్పెన్సర్ జాన్సన్, సీన్ అబాట్, ఆరోన్ హార్డీ, జేక్ ఫ్రేజర్ మెగర్క్‌, తన్వీర్‌ సంఘా.చదవండి: Virat Kohli: ఇదేం తీరు కోహ్లి? ఇలాంటివి అవసరమా?.. మండిపడ్డ గావస్కర్‌

ఐసీసీ ఛాంపియ‌న్స్ ట్రోఫీ-2025లో ఆతిథ్య పాకిస్తాన్(Pakistan) ప్ర‌యాణం గ్రూపు స్టేజిలోనే ముగిసింది. 29 ఏళ్ల త‌ర్వాత త‌మ సొంత‌గ‌డ్డ‌పై జ‌రుగుతున్న ఐసీసీ టోర్నీలో పాకిస్తాన్ ఏ మాత్రం ప్ర‌భావం చూప‌లేక‌పోయింది. తొలి మ్యాచ్‌లో న్యూజిలాండ్ చేతిలో ఘోర ఓట‌మి చ‌విచూసిన పాక్ జ‌ట్టు.. భార‌త్‌తో జ‌రిగిన రెండో మ్యాచ్‌లోనూ అదే ఫ‌లితాన్ని పున‌రావృతం చేసింది. దీంతో వరుసగా రెండు మ్యాచ్‌ల్లో ఓటమి పాలైన రిజ్వాన్ బృందం.. ఈ టోర్నీ లీగ్ దశలోనే ఇంటిముఖం పట్టింది. ఈ క్రమంలో పాకిస్తాన్ క్రికెట్ బోర్డు చ‌ర్య‌ల‌కు సిద్ద‌మ‌వుతున్న‌ట్లు తెలుస్తోంది.హెడ్ కోచ్‌పై వేటు..ఇందులో భాగంగా త‌మ జ‌ట్టు తాత్కాలిక హెడ్ కోచ్ అకిబ్‌ జావెద్‌తో పాటు సహాయక సిబ్బందిని తొలిగించాల‌ని పీసీబీ చైర్మెన్ మొహ్సిన్ నఖ్వీ నిర్ణ‌యించుకున్న‌ట్లు ప‌లు రిపోర్టులు పేర్కొంటున్నాయి. గ‌తేడాది ఆఖ‌రిలో గ్యారీ కిర్‌స్టెన్ త‌ప్పుకున్న త‌ర్వాత పాక్ జ‌ట్టు తాత్కాలిక హెడ్‌కోచ్‌గా సెలక్షన్ కమిటీలో భాగంగా ఉన్న అకిబ్ జావెద్‌ను పీసీబీ నియ‌మించింది.ఆ త‌ర్వాత జాసన్‌ గిల్లెస్పీ తప్పుకోవడంతో టెస్టు జట్టుకు కూడా అకిబ్‌నే కోచ్‌గా కొన‌సాగించారు. అత‌డి నేృత్వంలోనే పాక్ జట్టు దక్షిణాఫ్రికా, ఆస్ట్రేలియాతో వన్డే సిరీస్‌లను సొంతం చేసుకుంది. అయితే ఛాంపియన్స్ ట్రోఫీకి వచ్చే సారికి పాక్ జట్టు పూర్తిగా తేలిపోయింది."ఛాంపియన్స్ ట్రోఫీలో మా జట్టు దారుణ ప్రదర్శన కనబరిచింది. పాక్ జట్టుకు వేర్వేరు ప్రధాన కోచ్‌లు(వైట్‌బాల్‌, రెడ్ బాల్ క్రికెట్‌) ఉంటారా అనే దానిపై బోర్డు ఇంకా నిర్ణయం తీసుకోలేదు. అయితే ఒక విషయం మాత్రం ఖచ్చితంగా చెప్పవచ్చు. ఈ మెగా టోర్నీలో పాక్‌ పేలవమైన ప్రదర్శన కనబరచడంతో ప్రస్తుత కోచింగ్ స్టాప్ మొత్తాన్ని మార్చడం ఖాయమని" ఓ పీసీబీ సీనియర్ అధికారి పీటీఐతో పేర్కొన్నారు. అయితే పీసీబీ విదేశీ కోచ్‌ల కోసం కాకుండా, తమ దేశ మాజీ ఆటగాళ్లను హెడ్ కోచ్‌గా ఎంపిక చేసేందుకు ప్రయత్నిస్తున్నట్లు సదరు అధికారి తెలిపారు. ఇక పాక్ త‌మ చివ‌రి లీగ్‌ మ్యాచ్‌లో ఫిబ్ర‌వ‌రి 27 రావ‌ల్పిండి వేదిక‌గా బంగ్లాదేశ్‌తో త‌ల‌ప‌డ‌నుంది.చదవండి: దేశవాళీలో ఆడితే మంచిదే కానీ...

ఐసీసీ ఛాంపియ‌న్స్ ట్రోఫీ-2025లో త‌మ తొలి మ్యాచ్‌లో ఓట‌మి పాలైన ఇంగ్లండ్ క్రికెట్ జ‌ట్టుకు మ‌రో భారీ షాక్ త‌గిలింది. ఆ జ‌ట్టు బౌలింగ్ ఆల్ రౌండర్ బ్రైడన్ కార్స్ గాయం కార‌ణంగా ఈ టోర్నీలో మిగిలిన మ్యాచ్‌ల‌కు దూర‌మ‌య్యాడు. ఈ టోర్నీలో భాగంగా ఆస్ట్రేలియాతో జ‌రిగిన మ్యాచ్‌లో కార్స్ ఎడ‌మ కాలికి గాయ‌మైంది.అయితే గాయం కాస్త తీవ్ర‌మైన‌ది కావ‌డంతో ఈసీబీ వైద్య బృందం అతడికి విశ్రాంతి అవసరమని సూచించినట్ల తెలుస్తోంది. ఈ క్రమంలోనే అతడు టోర్నీ మధ్యలోనే వైదొలిగాడు. అతడి స్ధానాన్ని లెగ్ స్పిన్నర్ రెహాన్ అహ్మద్‌తో ఇంగ్లండ్ క్రికెట్ భర్తీ చేసింది. "బ్రైడన్ కార్స్ మెకాలి గాయం కారణంగా టోర్నీ నుంచి తప్పుకున్నాడు.అతడి స్ధానంలో లీసెస్టర్‌షైర్, ఇంగ్లండ్ బౌలింగ్ ఆల్ రౌండర్ రెహాన్ అహ్మద్‌ను జట్టులోకి తీసుకున్నామని" ఇంగ్లండ్ అండ్ వేల్స్‌‍ క్రికెట్ బోర్డు ఓ ప్రకటనలో పేర్కొంది. కాగా రెహాన్ ప్రస్తుతం ఇంగ్లండ్ జట్టుతో పాటే ఉన్నాడు. అతడిని ఛాంపియన్స్ ట్రోఫీకి స్టాండ్‌బైగా ఇంగ్లండ్ సెలక్టర్లు ఎంపిక చేశారు. ఇప్పుడు కార్స్ దూరం కావడంతో ప్రధాన జట్టులో అ‍హ్మద్‌కు చోటు దక్కింది. కాగా అహ్మద్‌కు అద్బుతమైన బౌలింగ్ స్కిల్స్ ఉన్నాడు. అతడిని జట్టులోకి తీసుకోవడం ఇంగ్లీష్ జట్టు స్పిన్ బలాన్ని పెంచుతుంది. ఇప్పటివరకు తీలయన్స్ జట్టులో స్పెషలిస్ట్ స్పిన్నర్‌గా ఆదిల్ రషీద్ మాత్రమే ఉన్నాడు. అహ్మద్‌కు బ్యాట్‌తో రాణించే సత్తాకూడా ఉంది. రెహాన్ తన కెరీర్‌లో ఇప్పటివరకు 6 వన్డేలు ఆడి పది వికెట్లు పడగొట్టాడు.కాగా ఈ మెగా టోర్నీలో ఇంగ్లండ్.. ఆస్ట్రేలియాతో జరిగిన తమ తొలి మ్యాచ్‌లో 5 వికెట్ల తేడాతో ఓటమి పాలైంది. బట్లర్ సేన తమ తదుపరి మ్యాచ్‌లో ఫిబ్రవరి 26న అఫ్గానిస్తాన్‌తో తలపడనుంది. ఇంగ్లండ్ తమ సెమీస్ ఆశలను సజీవంగా ఉంచుకోవాలంటే అఫ్గాన్‌పై తప్పక గెలవాల్సిందే.ఛాంపియన్స్ ట్రోఫీకి ఇంగ్లండ్ జట్టు..జోస్ బట్లర్ (కెప్టెన్‌), జోఫ్రా ఆర్చర్, గుస్ అట్కిన్సన్, టామ్ బాంటన్, హ్యారీ బ్రూక్, బెన్ డకెట్, జామీ ఓవర్టన్, జామీ స్మిత్, లియామ్ లివింగ్‌స్టోన్, ఆదిల్ రషీద్, జో రూట్, సాకిబ్ మహమూద్, ఫిల్ సాల్ట్, మార్క్ వుడ్, రెహాన్ అహ్మద్చదవండి: Champions Trophy 2025: పాకిస్తాన్‌కు భారీ షాక్‌.. టోర్నీ నుంచి ఔట్‌

విరాట్ కోహ్లి.. ప్రపంచ క్రికెట్‌లో తనను మించిన ఛేజ్ మాస్ట‌ర్ లేడ‌ని మరోసారి నిరూపించుకున్నాడు. ఐసీసీ ఛాంపియన్స్ ట్రోఫీ-2025(Champions Trophy 2025)లో భాగంగా చిరకాల ప్రత్యర్ధి పాకిస్తాన్‌తో జరిగిన మ్యాచ్‌లో కోహ్లి అద్బుతమైన ఇన్నింగ్స్ ఆడాడు. తన ఫామ్‌పై వస్తున్న విమర్శలకు బ్యాట్‌తోనే కింగ్ కోహ్లి(Virat Kohli) సమాధనమిచ్చాడు.దాయాదిపై విరాట్ ఆజేయ శతకం సాధించాడు. ఈ ఢిల్లీ క్రికెటర్‌ లక్ష్య చేధనలో ఆఖరి వరకు క్రీజులో ఉండి మ్యాచ్‌ను ముగించాడు. అతడి ఇన్నింగ్స్‌కు, పట్టుదలకు ప్రత్యర్ధి జట్టు కెప్టెన్ సైతం ఫిదా పోయాడు. ఈ మ్యాచ్‌లో 111 బంతులు ఎదుర్కొన్న కోహ్లి సరిగ్గా 100 పరుగులు చేసి అజేయంగా నిలిచాడు. కోహ్లికి ఇది 51వ వన్డే సెంచరీ కాగా.. అంతర్జాతీయ కెరీర్‌లో 82వది కావడం. సచిన్ 100 సెంచరీలకు కోహ్లి 18 శతకాల దూరంలో ఉన్నాడు.కోహ్లి ప్రదర్శనపై అన్ని వైపులనుంచి ప్రశంసలు వస్తున్నాయి. "అతని ఆటను చూస్తే కనీసం మరో 2–3 ఏళ్లు ఆడి మరిన్ని శతకాలు సాధించే అవకాశం ఉందని భారత మాజీ క్రికెటర్‌ నవ్‌జోత్‌ సింగ్‌ సిద్ధూ అభిప్రాయ పడ్డాడు. ‘కోహ్లిలాంటి ఆటగాడు తరానికొక్కడు మాత్రమే ఉంటాడు. అతని పట్టుదల, పోరాటతత్వం ఈ మ్యాచ్‌లో కనిపించింది. ప్రతికూల పరిస్థితుల్లో బాగా ఆడినప్పుడు ఒకరి సత్తా ఏమిటో తెలుస్తుంది. కోహ్లి కనీసం మరో 2–3 ఏళ్లు ఆడటం మాత్రమే కాదు, మరో 10–15 సెంచరీలు సాధిస్తాడని బల్లగుద్ది చెప్పగలను. గత ఆరు నెలల్లో అతనిపై విమర్శలు వచ్చాయి. కానీ పాకిస్తాన్‌పై పరుగులు సాధించడం మరో పదేళ్ల పాటు దీనిని ఎవరూ మరచిపోలేరు’ అని సిద్ధూ వ్యాఖ్యానించాడు. కుర్రాళ్లు కోహ్లి లాంటి ఆటగాళ్ల నుంచే స్ఫూర్తి పొందుతారని, వారిని ఆదర్శంగా తీసుకొని ముందుకు వెళతారని సిద్ధూ అభిప్రాయ పడ్డాడు. ‘కోహ్లి సామర్థ్యం ఏమిటో ఈ మ్యాచ్‌లో కనిపించింది. ఇన్నింగ్స్‌ ఆరంభంలో అతని ట్రేడ్‌మార్క్‌ కవర్‌ డ్రైవ్‌లు చూస్తే పాత విరాట్‌ గుర్తుకొచ్చాడు. ఇన్నింగ్స్‌ సాగిన కొద్దీ అతనిలోని పోరాట తత్వానిŠన్‌ నేను చూశాను. ఒక ఆట ఎదగాలంటే ఇలాంటివారే స్ఫూర్తిగా నిలుస్తారు.అతను కోహినూర్‌లాంటి వాడు. ఛేదనలో కోహ్లి రికార్డు చూస్తే ఒత్తిడిని ఏమాత్రం దరిచేరనీయకుండా ఆడతాడని అర్థమవుతుంది. కోహ్లి సెంచరీ చేసినప్పుడు రోహిత్‌ శర్మ కూడా ఎంతో ఆనందంగా కనిపించాడు. సహచరుడి పట్ల గర్వంగా ఉండటం టీమ్‌ గేమ్‌లో ఉండే గొప్పతనం ఏమిటో చూపించింది’ అని సిద్ధూ పేర్కొన్నాడు.

ఇటీవలే ముక్కోణపు వన్డే సిరీస్‌లో గాయపడిన‌ న్యూజిలాండ్ స్టార్ ఆల్‌రౌండ‌ర్ ర‌చిన్ ర‌వీంద్ర అద్బుత‌మైన క‌మ్‌బ్యాక్ ఇచ్చాడు. గాయం నుంచి కోలుకుని తిరిగి వ‌చ్చిన తొలి మ్యాచ్‌లోనే సెంచ‌రీతో మెరిశాడు. ఐసీసీ ఛాంపియ‌న్స్ ట్రోఫీ-2025లో భాగంగా రావ‌ల్పిండి వేదిక‌గా బంగ్లాదేశ్‌తో జ‌రిగిన మ్యాచ్‌లో ర‌వీంద్ర శ‌త‌కంతో చెల‌రేగాడు. 237 ప‌రుగుల ల‌క్ష్య చేధ‌న‌లో 15 ప‌రుగుల‌కే రెండు కీల‌క వికెట్లు కోల్పోయిన కివీస్‌ను ర‌వీంద్ర త‌న అద్బుత‌మైన ఇన్నింగ్స్‌తో ఆదుకున్నాడు.డెవాన్ కాన్వే, టామ్ లాథ‌మ్‌తో క‌లిసి కీల‌క భాగ‌స్వామ్యాల‌ను నెల‌కొల్పాడు. ఈ క్ర‌మంలో 95 బంతుల్లో తన నాలుగో వ‌న్డే సెంచరీ మార్క్‌ను రవీంద్ర అందుకున్నాడు. ఓవరాల్‌గా 105 బంతులు ఎదుర్కొన్న రచిన్‌.. 12 ఫోర్లు, ఓ సిక్సర్‌తో 112 పరుగులు చేసి ఔటయ్యాడు.అత‌డి సూప‌ర్ సెంచ‌రీ ఫ‌లితంగా కివీస్ ల‌క్ష్యాన్ని 5 వికెట్లు కోల్పోయి 46.1 ఓవ‌ర్ల‌లో అందుకుంది. దీంతో త‌మ సెమీస్ బెర్త్‌ను న్యూజిలాండ్ ఖారారు చేసుకుంది. ఇక ఈ మ్యాచ్‌లో శ‌త‌కొట్టిన ర‌వీంద్ర ప‌లు అరుదైన ఘ‌న‌త‌ల‌ను త‌న పేరిట లిఖించుకున్నాడు.ర‌వీంద్ర సాధించిన రికార్డులు ఇవే..వన్డే ప్రపంచకప్, ఛాంపియన్స్ ట్రోఫీ అరంగేట్రంలోనే సెంచరీ సాధించిన ఏకైక బ్యాటర్‌గా ర‌చిన్ ర‌వీంద్ర రికార్డుల‌కెక్కాడు. ఐసీసీ వన్డే వరల్డ్‌కప్-2023లో అహ్మదాబాద్ వేదికగా ఇంగ్లండ్‌తో ఆడిన తన తొలి మ్యాచ్‌లోనే సెంచరీ చేసిన రచిన్.. ఛాంపియన్స్ ట్రోఫీలోనూ బంగ్లాదేశ్‌తో ఆడిన మొద‌టి మ్యాచ్‌లోనే శ‌తకంతో మెరిశాడు.త‌ద్వారా ఈ అరుదైన ఫీట్‌ను ర‌చిన్ త‌న ఖాతాలో వేసుకున్నాడు. వ‌న్డే ప్ర‌పంచ‌క‌ప్ చ‌రిత్ర‌లో ఇప్ప‌టివ‌ర‌కు 19 మంది త‌మ డెబ్యూ మ్యాచ్‌లోనే సెంచ‌రీ చేయ‌గా.. ఛాంపియన్స్ ట్రోఫీలో 15 మంది ఆటగాళ్లు తమ ఫస్ట్ మ్యాచ్‌లోనే శ‌తక్కొట్టారు.కానీ ఈ రెండు ఈవెంట్ల‌లోనే అరంగేట్ర మ్యాచ్‌ల్లో సెంచ‌రీలు సాధించిన తొలి ప్లేయ‌ర్ ర‌వీంద్రే కావ‌డం విశేషం. రవీంద్ర తన కెరీర్‌లో నాలుగు వ‌న్డే సెంచరీలు నమోదు చేయగా.. ఆ నాలుగు కూడా ఐసీసీ వేదికలపైనే కావడం విశేషం. దీంతతో ఐసీసీ వన్డే ఈవెంట్లలో అత్యధిక సెంచరీలు నమోదు చేసిన కివీస్‌ బ్యాటర్‌గా కూడా రచిన్‌ రికార్డు సృష్టించాడు. ఇప్పటివరకు ఈ రికార్డు న్యూజిలాండ్‌ స్టార్‌ ప్లేయర్‌ కేన్‌ విలియమ్సన్‌(3) పేరిట ఉండేది. తాజా మ్యాచ్‌తో విలియమ్సన్‌ రికార్డును రచిన్‌ బ్రేక్‌ చేశాడు.చదవండి: Champions Trophy 2025: పాకిస్తాన్‌కు భారీ షాక్‌.. టోర్నీ నుంచి ఔట్‌

ఐసీసీ ఛాంపియన్స్‌ ట్రోఫీలో భాగంగా ఆదివారం పాకిస్తాన్‌తో జరిగిన మ్యాచ్‌లో 6 వికెట్ల తేడాతో భారత్‌ విజయం సాధించిన సంగతి తెలిసిందే. ఈ మ్యాచ్‌లో టీమిండియా స్టార్‌ ప్లేయర్‌ విరాట్‌ కోహ్లి ఆజేయ శతకంతో చెలరేగాడు. ఆఖరి వరకు క్రీజులో ఉండి తమ జట్టును విజయ తీరాలకు చేర్చాడు.అయితే కోహ్లి తన 51 వ వన్డే సెంచరీని అందుకునే క్రమంలో కొంత ఉత్కంఠ నెలకొంది. మైదానంలోనూ, టీవీల ముందు అభిమానులు కూడా కోహ్లి సెంచరీ చేస్తాడా లేదా అనేదాని గురించే ఆసక్తిగా ఎదురు చూశారు.వీరి పరిస్థితి ఇలా ఉంటే క్రీజ్‌లో మరోవైపు ఉన్న అక్షర్‌ పటేల్‌ పరిస్థితి ఎలా ఉంది! భారత్‌ విజయానికి 19 పరుగులు, కోహ్లి సెంచరీకి 14 పరుగులు కావాల్సిన స్థితిలో అక్షర్‌ బ్యాటింగ్‌కు వచ్చాడు. అతను ఒక్క పెద్ద షాట్‌ ఆడి బౌండరీ సాధించినా లెక్క మారిపోయేది. అందుకే అతను పరుగులు తీయరాదనే అందరూ కోరుకున్నారు.తాను కూడా ఇలాగే భావించినట్లు, కోహ్లి సెంచరీ కోసం లెక్కలు వేసుకున్నట్లు అక్షర్‌ వెల్లడించాడు. ‘మ్యాచ్‌ చివరికి వచ్చేసరికి నేను కూడా లెక్కలు వేయడం మొదలు పెట్టాను. బంతి నా బ్యాట్‌ ఎడ్జ్‌ తీసుకొని కూడా వెళ్లరాదని కోరుకున్నాను. ఆ సమయంలో అంతా సరదాగా అనిపించింది.ఇంత తీవ్ర ఒత్తిడి ఉండే మ్యాచ్‌లో విరాట్‌ సెంచరీని డ్రెస్సింగ్‌ రూమ్‌ నుంచి నేను చూడటం ఇదే మొదటిసారి. ఈ ఇన్నింగ్స్‌ను చాలా ఆస్వాదించాను. 50 ఓవర్ల పాటు ఫీల్డింగ్‌ చేసిన తర్వాత వికెట్ల మధ్య అతను పరుగెత్తిన తీరు విరాట్‌ ఫిట్‌నెస్‌కు తార్కాణం’ అని అక్షర్‌ వ్యాఖ్యానించాడు. ఇక టీమిండియా తమ ఆఖరి లీగ్‌ మ్యాచ్‌లో మార్చి 2న దుబాయ్‌ వేదికగా న్యూజిలాండ్‌తో తలపడనుంది.

ఐసీసీ ఛాంపియ‌న్స్ ట్రోఫీ-2025లో పాకిస్తాన్ క‌థ ముగిసింది. తొలి రెండు మ్యాచ్‌ల్లో ఓట‌మి పాలైన పాకిస్తాన్ త‌మ సెమీస్ ఆశలను బంగ్లాదేశ్‌పై పెట్టుకుంది. ఈ క్రమంలో సోమవారం రావల్పండి వేదికగా న్యూజిలాండ్‌తో జరిగిన మ్యాచ్‌లో 5 వికెట్ల తేడాతో బంగ్లాదేశ్ పరాజయం పాలైంది.దీంతో పాకిస్తాన్ సెమీస్ ఆశలు అవిరయ్యాయి. ఒకవేళ ఈ మ్యాచ్‌లో బంగ్లా గెలిచుంటే.. అప్పుడు మూడు జట్లకు సెమీస్ అవకాశాలు ఉండేవి. కానీ బంగ్లా ఓటమి పాలవ్వడంతో మరో మ్యాచ్ మిగిలూండగానే పాక్ ఇంటిముఖం పట్టింది. ఈ మెగా టోర్నీలో డిఫెండింగ్ ఛాంపియన్‌గా బరిలోకి దిగిన పాకిస్తాన్ మ‌రోసారి ఛాంపియ‌న్స్ ట్రోఫీని ముద్దాడాల‌ని భావించింది. కానీ తొలి రెండు మ్యాచ్‌ల్లో అన్ని విభాగాల్లో విఫ‌ల‌మై ఘోర ఓట‌ముల‌ను మూట క‌ట్టుకుంది. మొద‌టి మ్యాచ్‌లో న్యూజిలాండ్ చేతిలో 60 ప‌రుగుల తేడాతో ఓట‌మి చవిచూసిన పాకిస్తాన్‌.. రెండో మ్యాచ్‌లో 6 వికెట్ల తేడాతో భార‌త్ చేతిలో ప‌రాజ‌యం పాలైంది. ఈ నేప‌థ్యంలో పాక్ గ్రూపు స్టేజిలోనే ఇంటిముఖం ప‌ట్ట‌డానికి గ‌ల కార‌ణాలపై ఓ లుక్కేద్దాం.బ్యాటింగ్‌లో ఫెయిల్‌..పాకిస్తాన్ ఓట‌ముల‌కు ప్ర‌ధాన కార‌ణం బ్యాటింగ్ వైఫ‌ల్య‌మ‌నే చెప్పుకోవాలి. మొద‌టి రెండు మ్యాచ్‌ల్లోనూ పాక్ బ్యాట‌ర్లు తీవ్ర నిరాశ‌ప‌రిచారు. జ‌ట్టులో కీల‌క ఆట‌గాడిగా కొన‌సాగుతున్న బాబ‌ర్ ఆజం త‌న స్దాయికి త‌గ్గ ప్ర‌ద‌ర్శ‌న చేయ‌లేక‌పోయాడు. కివీస్‌తో జ‌రిగిన మ్యాచ్‌లో బాబ‌ర్‌ 64 ప‌రుగులు చేసిన‌ప్ప‌టికి.. ఛేజింగ్‌లో స్లో ఇన్నింగ్స్ ఆడి విమ‌ర్శ‌ల మూట‌క‌ట్టుకున్నాడు. ఏ జ‌ట్టుకైనా ఓపెనింగ్ భాగ‌స్వామ్యం అనేది చాలా ముఖ్యం.కానీ పాకిస్తాన్‌కు మాత్రం మొద‌టి రెండు మ్యాచ్‌ల్లో క‌నీసం 50 ప‌రుగుల భాగస్వామ్యం కూడా రాలేదు. అంత‌కు తోడు రెగ్యూల‌ర్ ఓపెన‌ర్ ఫ‌ఖార్ జ‌మాన్, సైమ్ అయూబ్ గాయాల పాల‌వ్వ‌డం కూడా పాక్ విజ‌యవ‌కాశాల‌ను దెబ్బ‌తీశాయి. మిడిలార్డ‌ర్‌లో సైతం పాకిస్తాన్ బ‌ల‌హీనంగా క‌న్పించింది.ప్ర‌తీ మ్యాచ్‌లోనూ స‌త్తాచాటే కెప్టెన్ మ‌హ్మ‌ద్ రిజ్వాన్‌... ఈ టోర్నీలో మాత్రం త‌న మార్క్‌ను చూపించ‌లేక‌పోయాడు. న్యూజిలాండ్‌తో మ్యాచ్‌లో కేవ‌లం మూడు ప‌రుగులు మాత్రమే చేసిన రిజ్వాన్‌.. భార‌త్‌తో మ్యాచ్‌లో 46 ప‌రుగులు సాధించాడు. అదేవిధంగా తయ్యబ్ తాహిర్‌ను జ‌ట్టులోకి ఎందుకు తీసుకున్నారో ఆర్ధం కావ‌డం లేదు.తొలి రెండు మ్యాచ్‌ల్లోనూ సింగిల్ డిజిట్ స్కోర్ల‌కే అత‌డు ప‌రిమిత‌మ‌య్యాడు. మొద‌టి మ్యాచ్‌లో విఫ‌ల‌మైన‌ప్ప‌టికి అతడిని భార‌త్‌తో మ్యాచ్‌కు కూడా కొన‌సాగించారు. అక్క‌డ కూడా అత‌డు అదే తీరును క‌న‌బ‌రిచాడు. ప్ర‌స్తుత పాక్ జ‌ట్టులో హిట్టింగ్ చేసే స‌త్తా ఉన్న ఆట‌గాడు ఒక్క‌రు కూడా క‌న్పించ‌డం లేదు.బౌలింగ్‌లో కూడా..పాకిస్తాన్ క్రికెట్ ఫాస్ట్ బౌలింగ్‌కు పెట్టింది పేరు. పాకిస్తాన్‌కు ప్ర‌ధాన బ‌లం పేస్ బౌలింగ్‌. ప్ర‌తీ మ్యాచ్‌లోనూ వారు స్పిన్న‌ర్ల కంటే పేస‌ర్ల‌పైనే ఎక్కువ‌గా ఆధార‌ప‌డుతుంటారు. గ‌త కొంత కాలంగా షాహీన్ అఫ్రిది, నసీం షా, హ‌రీస్ ర‌వూప్ పేస్ త్ర‌యం పాక్‌కు ఎన్నో అద్బుత విజ‌యాల‌ను అందించింది. కానీ ఈ సారి మాత్రం ఈ పేస్ త్ర‌యం చేతులేత్తేసింది. రెండు మ్యాచ్‌ల్లోనూ ఈ ముగ్గురు ఫాస్ట్ బౌల‌ర్లు త‌మ స‌త్తాచాట‌లేకపోయారు. త‌మ పేల‌వ బౌలింగ్‌తో భారీగా ప‌రుగులు స‌మ‌ర్పించుకున్నారు. వీళ్ల‌తో పోలిస్తే స్పిన్న‌ర్ అర్బ‌ర్ ఆహ్మ‌ద్ ఎంతో బెట‌ర్‌. రెండు వికెట్లే తీసిన‌ప్ప‌టికి పొదుపుగా బౌలింగ్ చేశాడు.ఫీల్డింగ్ వైఫ‌ల్యం..పాకిస్తాన్ ఓట‌మికి ఫీల్డింగ్ వైఫ‌ల్యం మ‌రో కార‌ణంగా చెప్ప‌వ‌చ్చు. అప్ప‌టికి, ఇప్పటికీ పాకిస్తాన్ ఫీల్డింగ్ మాత్రం మార‌లేదు. క్యాచ్‌స్ విన్ మ్యాచ్‌స్ అంటారు. తొలి రెండు మ్యాచ్‌ల్లోనూ పాకిస్తాన్ ఫీల్డ‌ర్లు తీవ్ర నిరాశ‌ప‌రిచారు. న్యూజిలాండ్‌తో జ‌రిగిన మ్యాచ్‌లో టామ్ లాథ‌మ్ క్యాచ్ విడిచిపెట్ట‌డంతో అత‌డు ఏకంగా సెంచరీ బాదేశాడు.భార‌త్‌తో మ్యాచ్‌లోనూ శుబ్‌మ‌న్ గిల్‌, శ్రేయ‌స్ అయ్య‌ర్ క్యాచ్‌ల‌ను పాక్ ఫీల్డ‌ర్లు జార‌విడిచారు. మూడు విభాగాల్లో విఫలమం కావడంతో టోర్నీ ఆరంభమైన ఆరు రోజుల్లోనే పాక్‌ కథ ముగిసింది. ఇక పాక్ త‌మ చివ‌రి మ్యాచ్‌లో ఫిబ్ర‌వ‌రి 27 రావ‌ల్పిండి వేదిక‌గా బంగ్లాదేశ్‌తో త‌ల‌ప‌డ‌నుంది. అదేవిధంగా గ్రూపు-ఎ నుంచి భారత్‌, న్యూజిలాండ్‌ జట్లు తమ సెమీస్‌ బెర్త్‌లను ఖారారు చేసుకున్నాయి.చదవండి: కోహ్లి, రోహిత్‌ మర్రిచెట్టు లాంటి వాళ్లు.. అయినా అతడు ఎదుగుతున్నాడు!

ఐసీసీ ఛాంపియన్స్ ట్రోఫీ-2025లో న్యూజిలాండ్ మరో అద్భుత విజయాన్ని అందుకుంది. ఈ మెగా టోర్నీలో భాగంగా రావల్పిండి వేదికగా బంగ్లాదేశ్‌తో జరిగిన మ్యాచ్‌లో 5 వికెట్ల తేడాతో న్యూజిలాండ్ గెలుపొందింది. దీంతో కివీస్ తమ సెమీస్ బెర్త్‌ను ఖారారు చేసుకుంది. 237 పరుగుల లక్ష్యాన్ని కివీస్‌ కేవలం 5 వికెట్లు మాత్రమే కోల్పోయి 46.1 ఓవర్లలో చేధించింది.బ్లాక్‌ క్యాప్స్‌ బ్యాటర్లలో యువ ఆటగాడు రచిన్‌ రవీంద్ర అద్బుతమైన సెంచరీతో చెలరేగాడు. గాయం నుంచి కోలుకుని వచ్చిన తొలి మ్యాచ్‌లోనే రవీంద్ర శతకొట్టాడు. ఇన్నింగ్స్‌ ఆరంభంలోనే స్టార్‌ ప్లేయర్లు విల్‌ యంగ్‌, కేన్‌ విలియమ్సన్‌ వికెట్లు కోల్పోయిన కివీస్‌ను రచిన్‌ ఆదుకున్నాడు.డెవాన్‌ కాన్వేతో కలిసి స్కోర్‌ను బోర్డును ముందుకు తీసుకు వెళ్లాడు. ఈ క్రమంలో 95 బంతుల్లో తన నాలుగో సెంచరీ మార్క్‌ను రవీంద్ర అందుకున్నాడు. ఓవరాల్‌గా 105 బంతులు ఎదుర్కొన్న రచిన్‌.. 12 ఫోర్లు, ఓ సిక్సర్‌తో 112 పరుగులు చేసి ఔటయ్యాడు. అతడితో పాటు టామ్‌ లాథమ్‌(55), డెవాన్‌ ​కాన్వే(30) రాణించారు. బంగ్లా బౌలర్లలో టాస్కిన్‌ ఆహ్మద్‌, నహిద్‌ రాణా, ముస్తఫిజుర్‌ రెహ్మాన్‌, రిషాద్‌ తలా వికెట్‌ సాధించారు.ఇక తొలుత బ్యాటింగ్ చేసిన బంగ్లాదేశ్‌ జట్టు నిర్ణీత 50 ఓవర్లలో 9 వికెట్లు కోల్పోయి 236 పరుగులకే పరిమితమైంది.కివీస్ బౌలర్లలో స్పిన్నర్ మైఖల్ బ్రేస్‌వెల్ నాలుగు వికెట్ల‌తో స‌త్తాచాటాడు. అతడితో పాటు విలియమ్ ఓ రూర్క్ రెండు, హెన్రీ, జామీసన్‌ తలా వికెట్ సాధించారు. బంగ్లా బ్యాటర్లలో కెప్టెన్ నజ్ముల్ హూస్సేన్ శాంటో(110 బంతుల్లో 9 ఫోర్లతో 77) టాప్ స్కోరర్‌గా నిలవగా.. జాకర్ అలీ(45), రిషద్ హొస్సేన్(26) రాణించారు.

ఐసీసీ ఛాంపియ‌న్స్ ట్రోఫీ-2025లో రావ‌ల్పిండి వేదిక‌గా న్యూజిలాండ్‌తో జ‌రుగుతున్న మ్యాచ్‌లో బంగ్లాదేశ్ పోరాడుతోంది. 237 ప‌రుగుల స్వల్ప ల‌క్ష్యాన్ని కాపాడుకునేందుకు బంగ్లా బౌల‌ర్లు తీవ్రంగా ప్ర‌య‌త్నిస్తున్నారు. ఈ క్ర‌మంలో బంగ్లా స్పీడ్ స్టార్ టాస్కిన్ అహ్మ‌ద్‌ తొలి ఓవ‌ర్‌లోనే త‌న జ‌ట్టుకు ఘన‌మైన ఆరంభాన్ని ఇచ్చాడు. టాస్కిన్ సంచ‌లన‌ బంతితో న్యూజిలాండ్ ఓపెన‌ర్ విల్ యంగ్‌ను క్లీన్ బౌల్డ్ చేశాడు.న్యూజిలాండ్ ఇన్నింగ్స్ తొలి ఓవ‌ర్ వేసిన టాస్కిన్‌.. ఆఖ‌రి బంతిని యంగ్‌కు అద్బుత‌మైన లెంగ్త్ డెలివ‌రీగా సంధించాడు. ఆ డెలివ‌రీని యంగ్ స్ట్రైట్ డ్రైవ్ ఆడేందుకు ప్ర‌య‌త్నించాడు. కానీ బంతి బ్యాట్‌-ప్యాడ్ గ్యాప్ మ‌ధ్య నుంచి దూసుకెళ్లి స్టంప్స్‌ను గిరాటేసింది. దీంతో యంగ్ ఒక్క‌సారిగా బిత్త‌ర‌పోయాడు.టాస్కిన్ దెబ్బ‌కు కివీ ఓపెన‌ర్ ఖాతా తెర‌వ‌కుండానే పెవిలియ‌న్‌కు చేరాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. ఆ త‌ర్వాత ఓవ‌ర్‌లోనే కేన్ విలియ‌మ్స‌న్‌(5) సైతం ఔట‌య్యాడు. అయితే రచిన్ ర‌వీంద్ర‌(59) నిల‌క‌డ‌గా ఆడుతుండ‌డంతో కివీస్ 25 ఓవ‌ర్ల‌కు ముగిసేస‌రికి 111 ప‌రుగులు చేసింది. ఇక తొలుత బ్యాటింగ్ చేసిన బంగ్లాదేశ్‌ జట్టు నిర్ణీత 50 ఓవర్లలో 9 వికెట్లు కోల్పోయి 236 పరుగులకే పరిమితమైంది.కివీస్ బౌలర్లలో స్పిన్నర్ మైఖల్ బ్రేస్‌వెల్ నాలుగు వికెట్ల‌తో స‌త్తాచాటాడు. అతడితో పాటు విలియమ్ ఓ రూర్క్ రెండు, హెన్రీ, జామీసన్‌ తలా వికెట్ సాధించారు. బంగ్లా బ్యాటర్లలో కెప్టెన్ నజ్ముల్ హూస్సేన్ శాంటో(110 బంతుల్లో 9 ఫోర్లతో 77) టాప్ స్కోరర్‌గా నిలవగా.. జాకర్ అలీ(45), రిషద్ హొస్సేన్(26) రాణించారు. 𝗧𝗔𝗦𝗞ed him! 🔥A peach of a delivery by #TaskinAhmed sends Will Young packing on a duck! 👌#ChampionsTrophyOnJioStar 👉 #BANvNZ | LIVE NOW on Star Sports 2 & Sports 18-1📺📱 Start Watching FREE on JioHotstar! pic.twitter.com/Jl6nwTn5rh— Star Sports (@StarSportsIndia) February 24, 2025

టీమిండియా స్టార్ ప్లేయ‌ర్ శుబ్‌మ‌న్ గిల్(Shubman Gill) త‌న సూప‌ర్ ఫామ్‌ను కొనసాగిస్తున్నాడు. ఐసీసీ ఛాంపియ‌న్స్ ట్రోఫీ-2025 తొలి మ్యాచ్‌లో సెంచ‌రీతో మెరిసిన గిల్‌.. ఆదివారం పాకిస్తాన్‌తో జ‌రిగిన కీల‌క మ్యాచ్‌లోనూ స‌త్తాచాటాడు. 52 బంతుల్లో 7 ఫోర్ల సాయంతో 46 పరుగులు చేసి ఔటయ్యాడు.గిల్‌ క్రీజులో ఉన్నంతసేపు తన ట్రేడ్ మార్క్ షాట్లతో అభిమానులను అలరించాడు. ఈ క్ర‌మంలో గిల్‌పై భార‌త మాజీ క్రికెట‌ర్లు సంజయ్ బంగర్, నవజ్యోత్ సింగ్ సిద్దూ ప్ర‌శంస‌ల వ‌ర్షం కురిపించారు. రాబోయే రోజుల్లో భార‌త జ‌ట్టు బ్యాటింగ్ ఎటాక్‌ను గిల్ లీడ్ చేస్తాడ‌ని వారిద్ద‌రూ కొనియాడారు."శుబ్‌మ‌న్ గిల్ ఒక అద్బుతం. త‌న కెరీర్ ఆరంభం నుంచే అత్యుత్త‌మ ప్ర‌ద‌ర్శ‌న క‌న‌బ‌రుస్తున్నాడు. త‌న రెండున్నర ఏళ్ల వ‌న్డే క్రికెట్ కెరీర్‌లో ఎన్నో మైలు రాయిల‌ను సాధించాడు. ప్ర‌పంచ నంబ‌ర్‌-1 బ్యాట‌ర్‌గా కొన‌సాగుతున్నాడు. అత‌డి బ్యాటింగ్ టెక్నిక్ కూడా చాలా బాగుంది.స్ట్రెయిట్ డ్రైవ్, ఆన్-డ్రైవ్ షాట్ల‌ను అద్బుతంగా ఆడుతున్నాడు. మిడ్-ఆఫ్, మిడ్ ఆన్ ఫీల్డ‌ర్లు 30 యార్డ్ స‌ర్కిల్ ఉన్న‌ప్ప‌టికి వారి మ‌ధ్య నుంచి బంతిని బౌండ‌రీకు త‌ర‌లిస్తున్నాడు. అత‌డు క‌చ్చితంగా రాబోయే రోజుల్లో భారత బ్యాటింగ్ యూనిట్‌కు వెన్న‌ముకగా నిలుస్తాడని" బంగ‌ర్ జియో హాట్‌స్టార్‌కు ఇచ్చిన ఇంట‌ర్వ్యూలో పేర్కొన్నాడు. గిల్ షాట్ ఆడే టైమింగ్ అద్బుతంగా ఉంది. భార‌త జ‌ట్టులో విరాట్‌ కోహ్లి, రోహిత్‌ మర్రిచెట్టు లాంటి వాళ్లు. సాధ‌ర‌ణంగా మర్రి చెట్టు కింద ఎటువంటి మెక్క‌లు పెర‌గ‌వు. కానీ గిల్ మాత్రం.. రోహిత్‌, విరాట్ వంటి మర్రిచెట్టు నీడల్లోంచి గొప్ప క్రికెట‌ర్‌గా ఎదుగుతున్నాడు. ఈ మ్యాచ్‌లో గిల్ కొట్టిన రెండు స్ట్రెయిట్ డ్రైవ్‌లు, క‌వ‌ర్ డ్రైవ్ షాట్ల‌ను చూడ‌టానికి రెండు క‌ళ్లు స‌రిపోలేదు. ఆ షాట్లు చూసి ప్ర‌త్య‌ర్ధి జ‌ట్టు ఆట‌గాళ్లు సైతం షాక్ అయిపోయారు" అని సిద్దూ చెప్పుకొచ్చాడు.చదవండి: చాలా అలసిపోయాను.. అది నా బలహీనత.. కానీ అదే బలం: కోహ్లి

ఐసీసీ ఛాంపియన్స్ ట్రోఫీ-2025లో భాగంగా రావల్పిండి వేదికగా బంగ్లాదేశ్‌తో జరుగుతున్న మ్యాచ్‌లో న్యూజిలాండ్ బౌలర్లు అదరగొట్టారు. టాస్ ఓడి తొలుత బ్యాటింగ్‌కు దిగిన బంగ్లా జట్టు నిర్ణీత 50 ఓవర్లలో 9 వికెట్లు కోల్పోయి 236 పరుగులకే పరిమితమైంది.కివీస్ బౌలర్లలో స్పిన్నర్ మైఖల్ బ్రేస్‌వెల్ నాలుగు వికెట్లు పడగొట్టి బంగ్లా టాపర్డర్‌ను దెబ్బతీశాడు. బ్రేస్‌వెల్‌ను ఎదుర్కోలేక బంగ్లా బ్యాటర్లు పెవిలియన్‌కు క్యూ కట్టారు. ఈ కివీ స్టార్ స్పిన్నర్ తన 10 ఓవర్ల కోటాలో 26 పరుగులు మాత్రమే ఇచ్చాడు.అతడితో పాటు విలియమ్ ఓ రూర్క్ రెండు, హెన్రీ, జామీసన్‌ తలా వికెట్ సాధించారు. బంగ్లా బ్యాటర్లలో కెప్టెన్ నజ్ముల్ హూస్సేన్ శాంటో(110 బంతుల్లో 9 ఫోర్లతో 77) టాప్ స్కోరర్‌గా నిలవగా.. జాకర్ అలీ(45), రిషద్ హొస్సేన్(26) రాణించారు. కాగా ఈ మ్యాచ్‌లో కివీస్‌ విజయం సాధిస్తే సెమీస్‌కు ఆర్హత సాధిస్తుంది.న్యూజిలాండ్‌తో పాటు భారత్‌ కూడా అధికారికంగా గ్రూపు-ఎ నుంచి సెమీస్‌ అడుగుపెడుతోంది. భారత్‌ ఇప్పటికే తొలి రెండు మ్యాచ్‌ల్లో విజయం సాధించి పాయింట్స్‌ టేబుల్‌ టాపర్‌గా కొనసాగుతోంది. ఈ మ్యాచ్‌లో బంగ్లా ఓడిపోతే, పాకిస్తాన్‌ అధికారికంగా టోర్నీ నుంచి నిష్క్రమిస్తుంది.తొలి రెండు మ్యాచ్‌ల్లో ఓటమి చవిచూసిన పాకిస్తాన్‌.. తమ సెమీస్‌ ఆశలను బంగ్లాపైనే పెట్టుకుంది. అయితే కివీస్‌ ముందు స్వల్ప లక్ష్యం ఉండడంతో పాక్‌ టోర్నీ నుంచి ఇంటిముఖం పట్టేట్లే కన్పిస్తోంది.చదవండి: అతడు ఫామ్‌లో లేడన్నారు.. కానీ మాకు చుక్క‌లు చూపించాడు: పాక్‌ కెప్టెన్

విరాట్‌ కోహ్లి అంటే విరాట్‌ కోహ్లి(Virat Kohli)నే.. తనకు ఎవరూ సాటిలేరు.. సాటిరారు అని మరోసారి నిరూపించాడు ఈ రన్‌మెషీన్‌. తన పనైపోయిందన్న వారికి అద్బుత శతకంతో ఫినిషింగ్‌ టచ్‌ ఇచ్చి చిరకాల ప్రత్యర్థి పాకిస్తాన్‌(India vs Pakistan)తో పోరులో టీమిండియాను విజయతీరాలకు చేర్చాడు.ఈ సందర్భంగా కోహ్లి ఎన్నో అరుదైన ఘనతలు సాధించాడు. వన్డేల్లో అత్యంత వేగంగా పద్నాలుగు వేల పరుగులు పూర్తి చేసుకున్న క్రికెటర్‌గా నిలవడంతో పాటు.. ఈ మైలురాయి చేరుకున్న మూడో ప్లేయర్‌గా చరిత్రకెక్కాడు. అంతేకాదు.. ఓ ఐసీసీ టోర్నమెంట్లో ఒకే ప్రత్యర్థిపై అత్యధికసార్లు ప్లేయర్‌ ఆఫ్‌ ది మ్యాచ్‌ అవార్డు అందుకున్న ఆటగాడిగా వరల్డ్‌ రికార్డు సాధించాడు.అదే విధంగా చాంపియన్స్‌ ట్రోఫీ(Champions Trophy)లో తనకు ఒక్క శతకం కూడా లేదన్న లోటును కూడా కోహ్లి ఈ మ్యాచ్‌ సందర్భంగా తీర్చేసుకున్నాడు. ఇక వన్డేల్లో అత్యధికంగా 51 సెంచరీలు పూర్తి చేసుకుని ప్రపంచంలో ఈ ఘనత సాధించిన ఏకైక క్రికెటర్‌గా నిలిచిన కోహ్లి.. అంతర్జాతీయ కెరీర్‌లో ఓవరాల్‌గా 82 సెంచరీల మైలురాయిని అందుకుని.. శతక శతకాల ధీరుడు సచిన్‌ టెండుల్కర్‌ రికార్డుకు మరింత చేరువయ్యాడు.ఈ నేపథ్యంలో తన మ్యాచ్‌ విన్నింగ్స్‌ అనంతరం కోహ్లి మాట్లాడుతూ.. ‘‘సెమీస్‌ చేరే అవకాశం ఉన్న కీలక మ్యాచ్‌లో ఈ తరహాలో ఆడటం సంతృప్తిగా ఉంది. రోహిత్‌ అవుటైన తర్వాత మధ్య ఓవర్లలో ఎలాంటి సాహసోపేత షాట్లకు పోకుండా జాగ్రత్తగా ఆడే బాధ్యత నాపై పడింది. చాలా అలసిపోయానుఇది సరైన వ్యూహం. నేను వన్డేల్లో ఎప్పుడూ ఇలాగే ఆడతాను. నా ఆట గురించి నాకు చాలా బాగా తెలుసు. బయటి విషయాలను పట్టించుకోకుండా నా సామర్థ్యాన్ని నమ్ముకోవడం ముఖ్యం.ఎన్నో అంచనాలు ఉండే ఇలాంటి మ్యాచ్‌లలో వాటిని అందుకోవడం నాకు కష్టం కాదు. స్పిన్‌లో జాగ్రత్తగా ఆడుతూ పేస్‌ బౌలింగ్‌లో పరుగులు రాబట్టాలనే స్పష్టత నాకు ఉంది. గిల్, అయ్యర్‌ కూడా బాగా ఆడారు. ఈ ఇన్నింగ్స్‌తో నేను చాలా అలసిపోయాను. తర్వాతి మ్యాచ్‌కు వారం రోజుల విరామం ఉంది. 36 ఏళ్ల వయసు ఉన్న నాకు ఇది సంతోషాన్ని కలిగించే విషయం’’ అని పేర్కొన్నాడు.నాకు ఇదొక క్యాచ్‌-22 లాంటిదిఇక బీసీసీఐ టీవీ ఇంటర్వ్యూలో భాగంగా తన బలహీనత, బలం అయిన షాట్‌ గురించి కోహ్లి చేసిన వ్యాఖ్యలు వైరల్‌ అవుతున్నాయి. ‘‘కవర్‌ డ్రైవ్‌ షాట్‌.. నాకు ఇదొక క్యాచ్‌-22 లాంటిది(ముందే వద్దని అనుకున్నా ఓ పని చేయకుండా ఉండలేకపోవడం అనే అర్థంలో). అంటే.. చాలా ఏళ్లుగా నాకు ఇది బలహీనతగా మారింది. అయితే, ఈ షాట్‌ కారణంగా నేను ఎన్నో పరుగులు రాబట్టాను.ఈరోజు మాత్రం ఆచితూచే ఆడాను. తొలి రెండు బౌండరీలు కవర్‌ డ్రైవ్‌ షాట్ల ద్వారానే వచ్చినట్టు గుర్తు. అయితే, కొన్నిసార్లు రిస్క్‌ అని తెలిసినా సాహసం చేయకతప్పలేదు. ఏదేమైనా అలాంటి షాట్లు ఆడటం ద్వారా మ్యాచ్‌ నా ఆధీనంలో ఉందనే భావన కలుగుతుంది.వ్యక్తిగతంగా నాకిది ఎప్పటికీ గుర్తుండిపోయే ఇన్నింగ్స్‌. ఇక జట్టుకు కూడా ఇది గొప్ప విజయం’’ అని విరాట్‌ కోహ్లి చెప్పుకొచ్చాడు. కాగా వన్డేల్లో ఫామ్‌లోకి వచ్చినప్పటికీ.. టెస్టుల్లో కోహ్లి అవుటైన తీరుపై మాత్రం విమర్శలు ఎక్కువగానే వచ్చాయి. ఆస్ట్రేలియాతో బోర్డర్‌- గావస్కర్‌ ట్రోఫీ టెస్టు సిరీస్‌ సమయంలో ఆఫ్‌ సైడ్‌ స్టంప్‌ దిశగా వెళ్తున్న బంతిని ఆడే క్రమంలో అతడు ఎక్కువసార్లు అవుటయ్యాడు. అయితే, తాజాగా ఆ షాట్ల గురించి కోహ్లి ఈ మేరకు వ్యాఖ్యలు చేయడం విశేషం.చదవండి: Virat Kohli: ఇదేం తీరు కోహ్లి? ఇలాంటివి అవసరమా?.. మండిపడ్డ గావస్కర్‌ View this post on Instagram A post shared by Team India (@indiancricketteam)

ఐసీసీ ఛాంపియ‌న్స్ ట్రోఫీ-2025లో ఆతిథ్య పాకిస్తాన్ క‌థ దాదాపు ముగిసిన‌ట్లే. ఈ మెగా టోర్నీలో పాక్ వ‌రుస‌గా రెండో ఓట‌మి చవిచూసింది. దుబాయ్ వేదికగా భారత్‌తో జరిగిన కీలక మ్యాచ్‌లో 6 వికెట్ల తేడాతో పాక్ ఓటమి పాలైంది. దీంతో తమ సెమీస్ అవకాశాలను పాక్ సంక్లిష్టం చేసుకుంది.ఈ మ్యాచ్‌లో అన్ని విభాగాల్లోనూ పాక్ విఫలమైంది. తొలుత బ్యాటింగ్‌లో 241 పరుగులకు కుప్పకూలిన పాక్‌.. అనంతరం బౌలింగ్‌లోనూ తేలిపోయింది. 242 పరుగుల లక్ష్యాన్ని భారత్ కేవలం 4 వికెట్లు మాత్రమే కోల్పోయి 42.3 ఓవర్లలో ఊదిపడేసింది. భారత బ్యాటర్లలో విరాట్ కోహ్లి అద్భుతమైన సెంచరీతో మెరిశాడు.పాక్ బౌలర్లలో షాహీన్ అఫ్రిది రెండు వికెట్లు పడగొట్టగా.. అర్బర్ ఆహ్మద్‌, కుష్దిల్ షా తలా వికెట్ సాధించారు. మిగితా బౌలర్లంతా దారుణంగా విఫలమయ్యారు. బ్యాటింగ్‌లోనూ సౌద్ షకీల్‌, రిజ్వాన్‌, కుష్దీల్ షా మినహా మిగితా బ్యాటర్లంతా చేతులెత్తేశారు.ఇక ఈ ఓటమిపై మ్యాచ్ అనంతరం పాక్ కెప్టెన్ మహ్మద్ రిజ్వాన్ స్పందించాడు. ఈ మ్యాచ్‌లో సెంచ‌రీతో మెరిసిన‌ విరాట్ కోహ్లిపై రిజ్వాన్ ప్రశంస‌ల వ‌ర్షం కురిపించాడు. విరాట్ కోహ్లి అద్బుత ఇన్నింగ్స్ ఇన్నింగ్స్ ఆడి త‌మ నుంచి మ్యాచ్‌ను లాగేసుకున్నాడ‌ని రిజ్వాన్ చెప్పుకొచ్చాడు."తొలుత విరాట్ కోహ్లి గురుంచి మాట్లాడాలి అనుకుంటున్నాను. అత‌డి హార్డ్ వ‌ర్క్ చూసి ఆశ్చ‌ర్య‌పోయాను. అత‌డు చాలా క‌ష్ట‌ప‌డి ఈ స్దాయికి చేరుకున్నాడు. అత‌డు ఫామ్‌లో లేడ‌ని క్రికెట్ ప్ర‌పంచం మొత్తం అనుకుంటుంది. కానీ ఇటువంటి పెద్ద‌ మ్యాచ్‌ల‌లో మాత్రం విరాట్ ఆటోమేటిక్‌గా ఫామ్‌లోకి వ‌చ్చేస్తాడు.అతడు ఈ మ్యాచ్‌లో ఎక్క‌డ కూడా ఇబ్బంది ప‌డేట్లు క‌న్పించ‌లేదు. చాలా సులువ‌గా షాట్లు ఆడాడు. అత‌డు మేమి ప‌రుగులు ఇవ్వ‌కుండా క‌ట్టడిచేయాల‌న‌కున్నాము. కానీ అత‌డు ఈజీగా ప‌రుగులు సాధించాడు. అత‌డి ఫిట్‌నెస్ లెవ‌ల్స్‌తో పాటు హార్డ్ వ‌ర్క్‌ను ప్ర‌శంసించాల్సిందే.అత‌డు మా లాంటి క్రికెట‌రే. కానీ మా కంటే ఎంతో ఫిట్‌గా ఉన్నాడు. వికెట్ల మ‌ధ్య ఎంతో వేగంగా ప‌రుగులు తీస్తున్నాడు. అతడిని ఔట్ చేయడానికి చాలా ప్రయత్నించాం. కానీ అత‌డు త‌న అద్బుత‌మైన ఆట తీరుతో మ్యాచ్‌ను మా నుంచి తీసుకుపోయాడు. ఇక మ్యాచ్‌లో మేము అన్ని విభాగాల్లో మేము నిరాశపరిచాం.అందుకే ఓడిపోయాము. అర్బర్ ఆహ్మద్ మాత్రం అద్బుతంగా బౌలింగ్ చేశాడు. ఈ ఒక్కటి మినహా ఇంకా ఏమీ మాకు సానుకూళ అంశాలు లేవు. మా తప్పులను సరిదిద్దుకోవాల్సిన అవసరముంది" అని పోస్ట్ మ్యాచ్ ప్రేజేంటేషన్‌లో రిజ్వాన్ పేర్కొన్నాడు.చదవండి: ‘కావాలనే అలా చేశాడు.. లూజర్‌’.. ఆ కోరల నుంచి తప్పించుకుని ఇలా!

ఐసీసీ ఛాంపియ‌న్స్ ట్రోఫీ-2025లో పాకిస్తాన్ వ‌రుస‌గా రెండో ఓట‌మి చ‌విచూసింది. దీంతో త‌మ సెమీస్ అవ‌కాశాల‌ను పాక్ జ‌ట్టు సంక్లిష్టం చేసుకుంది. తొలి మ్యాచ్‌లో న్యూజిలాండ్ చేతిలో ఓట‌మి చ‌విచూసిన పాకిస్తాన్‌.. రెండో మ్యాచ్‌లో కూడా అదే ఫలితం పున‌రావృతమైంది. దుబాయ్‌​ వేదికగా భారత్‌తో జరిగిన మ్యాచ్‌లో 6 వికెట్ల తేడాతో పాక్ పరాజయం పాలైంది. బ్యాటింగ్‌, బౌలింగ్ రెండింటిలోనూ విఫలమైన ఆతిథ్య జట్టు ఈ ఘోర ఓటమిని మూటకట్టుకుంది.దీంతో పాక్‌​ జట్టు ఇంటాబయట విమర్శలు ఎదుర్కొం‍టుంది. తాజాగా ఈ జాబితాలోకి పాకిస్తాన్ ఫాస్ట్ బౌలింగ్ దిగ్గజం షోయబ్ అక్తర్ చేరాడు. ఈ మ్యాచ్‌లో విఫలమైన పాక్ స్టార్ ప్లేయర్ బాబర్‌​ ఆజం(Babar Azam)పై విమర్శలు గుప్పించాడు. ఓపెనర్‌గా బరిలోకి దిగిన బాబర్ ఆట తీరును అక్తర్ తప్పుబట్టాడు."మనం ఎప్పుడూ బాబర్ ఆజంను విరాట్‌​ కోహ్లితో పోలుస్తాం. విరాట్‌కు బాబర్‌కు చాలా వ్యత్యాసం ఉంది. కోహ్లి.. సచిన్ టెండూల్కర్‌ను రోల్‌మోడల్‌గా తీసుకుని తన కెరీర్‌ను ప్రారంభించాడు. టెండ్కూలర్ అంతర్జాతీయ ‍క్రికెట్‌లో 100 సెంచరీలు చేశాడు. విరాట్ ఇప్పుడు అతడి వారసత్వాన్ని పొందేందుకు ప్రయత్నిస్తున్నాడు.సచిన్ సెంచరీలకు చేరువతున్నాడు. కానీ బాబర్ ఆజంకు ఎవరూ ఆదర్శం లేరు. అతడి ఆలోచిన విధానం సరిగ్గాలేదు. అనవసరమైన విషయాలపై దృష్టి పెట్టి తన రిథమ్‌ను కోల్పోయాడు. బాబ‌ర్ ఆజం ఒక మోస‌గాడు. అత‌డు కెరీర్ ఆరంభం నుంచి సెల్ఫిష్‌గా ఉన్నాడు. పాకిస్థాన్ క్రికెట్ జట్టు గురించి మాట్లాడేందుకు నాకు ఆస‌క్తి లేదు" అని అక్త‌ర్ ఓ ఛానల్‌కు ఇచ్చిన ఇంట‌ర్వ్యూలో పేర్కొన్నాడు. కాగా ఈ మ్యాచ్‌లో బాబర్‌​ ఆజం 23 పరుగులు చేసి ఔటయ్యాడు.విరాట్ కోహ్లి సూప‌ర్ సెంచ‌రీ..కాగా ఈ మ్యాచ్‌లో 242 పరుగుల టార్గెట్‌ను భారత్ కేవలం నాలుగు వికెట్లు మాత్రమే కోల్పోయి 42.3 ఓవర్లలో చేధించింది. భార‌త బ్యాట‌ర్ల‌లో విరాట్ కోహ్లి ఆజేయ సెంచ‌రీతో చెల‌రేగాడు. కోహ్లి 111 బంతుల్లో 7 ఫోర్లతో సరిగ్గా 100 పరుగులు చేసి నాటౌట్‌గా నిలిచాడు.అత‌డితో పాటు శ్రేయస్‌ అయ్యర్‌(67 బంతుల్లో 5 ఫోర్లు, ఒక సిక్సర్‌తో 56), శుబ్‌మన్‌ గిల్‌(46) పరుగులతో రాణించారు. పాక్‌ బౌలర్లలో షాహీన్‌ అఫ్రిది రెండు వికెట్లు పడగొట్టగా.. ఆర్బర్‌ ఆహ్మద్‌, కుష్దిల్‌ షా తలా రెండు వికెట్లు వికెట్‌ సాధించారు.చదవండి: పాకిస్తాన్‌ మ్యాచ్‌లో హార్దిక్‌ ధరించిన వాచీ ధర తెలిస్తే ఫ్యూజులు ఎగిరిపోవాల్సిందే..!

పాకిస్తాన్‌ యువ బౌలర్‌ అబ్రార్‌ అహ్మద్‌ వ్యవహారశైలిపై ఆ దేశ దిగ్గజ పేసర్‌ వసీం అక్రం ఆగ్రహం వ్యక్తం చేశాడు. ఎంత ఎత్తుకు ఎదిగినా ఒదిగి ఉండాలని.. అంతేతప్ప అతి చేయకూడదంటూ చీవాట్లు పెట్టాడు. కాగా చాంపియన్స్‌ ట్రోఫీ-2025లో భాగంగా పాకిస్తాన్‌ ఆదివారం టీమిండియాతో తలపడింది.దుబాయ్‌లో జరిగిన ఈ మ్యాచ్‌లో టాస్‌ గెలిచిన పాక్‌ కెప్టెన్‌ మహ్మద్‌ రిజ్వాన్‌ తొలుత బ్యాటింగ్‌ ఎంచుకున్నాడు. అయితే, భారత బౌలర్ల ధాటికి పాకిస్తాన్‌ 241 పరుగులకే కుప్పకూలింది. స్పిన్నర్లలో కుల్దీప్‌ యాదవ్‌ మూడు, అక్షర్‌ పటేల్‌, రవీంద్ర జడేజా తలా ఒక వికెట్‌ తీయగా.. పేసర్లలో హార్దిక్‌ పాండ్యా రెండు, హర్షిత్‌ రాణా ఒక వికెట్‌ దక్కించుకున్నారు.పాకిస్తాన్‌ ఇన్నింగ్స్‌లో వన్‌డౌన్‌ బ్యాటర్‌ సౌద్‌ షకీల్‌(62) టాప్‌ స్కోరర్‌గా నిలవగా.. రిజ్వాన్‌(46) ఫర్వాలేదనిపించాడు. ఈ క్రమంలో లక్ష్య ఛేదనకు దిగిన టీమిండియా ఆరంభం నుంచే ప్రత్యర్థి జట్టు బౌలర్లపై ఎదురుదాడికి దిగింది. కెప్టెన్‌ రోహిత్‌ శర్మ 15 బంతుల్లోనే 20 పరుగులు చేయగా.. మరో ఓపెనర్‌ శుబ్‌మన్‌ గిల్‌ ఆదిలో దూకుడుగా ఆడినా వీలు చిక్కినప్పుడల్లా బంతిని బౌండరీకి తరలించాడు.చక్కటి షాట్లతో అలరిస్తూ అర్ధ శతకానికి చేరువైన సమయంలో అనూహ్య రీతిలో గిల్‌ పెవిలియన్‌ చేరాడు. మొత్తంగా 52 బంతులు ఎదుర్కొన్న ఈ 25 ఏళ్ల కుడిచేతి వాటం బ్యాటర్‌.. పాక్‌ స్పిన్నర్‌ అబ్రార్‌ అహ్మద్‌ వేసిన అద్భుత బంతికి బౌల్డ్‌ అయ్యాడు. దీంతో 46 పరుగుల వ్యక్తిగత స్కోరు వద్ద నిష్క్రమించాడు.అయితే, ఆ సమయంలో అబ్రార్‌ అహ్మద్‌ కాస్త అతిగా స్పందించాడు. రెండు చేతులు కట్టుకుని నిలబడి.. ‘‘ఇక వెళ్లు’’.. అన్నట్లుగా కళ్లతోనే సైగలు చేయగా సహచర ఆటగాళ్లు కూడా వచ్చి అతడితో ఆనందం పంచుకున్నారు. అప్పుడు మరో ఎండ్‌లో ఉన్న విరాట్‌ కోహ్లి కాస్త సంయమనం పాటించాడు. ఇందుకు సంబంధించిన దృశ్యాలు నెట్టింట వైరల్‌ కాగా.. అబ్రార్‌ తీరుపై తీవ్ర స్థాయిలో విమర్శలు వచ్చాయి.‘‘ప్రిన్స్‌తో పెట్టుకున్నందుకు.. కింగ్‌ మీకు చుక్కలు చూపించాడు. మిమ్మల్ని ఓడించాడు. అందుకే అతి చేయొద్దు’’ అంటూ టీమిండియా అభిమానులు కోహ్లి శతకంతోనే పాక్‌ జట్టుకు బదులిచ్చాడంటూ ట్రోల్‌ చేస్తున్నారు. ఇక ఈ గిల్‌ వికెట్‌ తీసిన తర్వాత అబ్రార్‌ అహ్మద్‌ వ్యవహరించిన తీరుపై పాకిస్తాన్‌ మాజీ ఫాస్ట్‌బౌలర్‌ వసీం అక్రం కూడా స్పందించాడు.‘‘అబ్రార్‌ బంతి వేసిన తీరు నన్ను ఆకట్టుకుంది. కానీ అతడి చర్య ఎంతమాత్రం ఆమోదయోగ్యనీయం కాదు. సెలబ్రేట్‌ చేసుకునేందుకు ఎన్నో మార్గాలు ఉన్నాయి. వికెట్‌ తీసిన ఆనందాన్ని వ్యక్తపరచడంలో తప్పులేదు. కానీ.. మ్యాచ్‌లో మనం ఇబ్బందులు ఎదుర్కొంటున్న సమయంలో ఇలాంటివి పనికిరావు. ఎంత హుందాగా ఉంటే అంత మంచిది. అయితే, ఈరోజు అబ్రార్‌ అతి చేశాడు. అతడిని వారించేందుకు అక్కడ ఒక్కరూ ముందుకు రాలేదు. ఇలాంటి ప్రవర్తన టీవీల్లో చూడటానికి కూడా అస్సలు బాగాలేదు’’ అని వసీం అక్రం అబ్రార్‌కు చురకలు అంటించాడు. కాగా చిరకాల ప్రత్యర్థి పాకిస్తాన్‌ను ఆరు వికెట్ల తేడాతో చిత్తు చేసిన భారత్‌.. గ్రూప్‌-ఎ నుంచి సెమీస్‌ బెర్తును దాదాపుగా ఖాయం చేసుకుంది. ఇక మెగా వన్డే టోర్నమెంట్లో భారత్‌, పాకిస్తాన్‌, న్యూజిలాండ్‌, బంగ్లాదేశ్‌లతో పాటు గ్రూప్‌-బి నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ టైటిల్‌ కోసం పోటీపడుతున్నాయి.

ఛాంపియన్స్‌ ట్రోఫీ-2025లో భాగంగా నిన్న (ఫిబ్రవరి 23) భారత్‌, పాకిస్తాన్‌ మ్యాచ్‌ (దుబాయ్‌ వేదికగా) జరిగింది. ఈ మ్యాచ్‌లో భారత్‌ 6 వికెట్ల తేడాతో గెలుపొందింది. విరాట్‌ కోహ్లి సూపర్‌ సెంచరీ (111 బంతుల్లో 100 నాటౌట్‌; 7 ఫోర్లు) చేసి భారత్‌కు ఘన విజయాన్ని అందించాడు.ఈ మ్యాచ్‌లో తొలుత బ్యాటింగ్‌ చేసిన పాక్‌.. 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. ఇమామ్‌ ఉల్‌ హక్‌ 10, బాబర్‌ ఆజమ్‌ 23, సల్మాన్‌ అఘా 19, తయ్యబ్‌ తాహిర​్‌ 4, షాహీన్‌ అఫ్రిది 0, నసీం షా 14, హరీస్‌ రౌఫ్‌ 8 పరుగులు చేసి ఔటయ్యారు. భారత బౌలర్లలో కుల్దీప్‌ 3, హార్దిక్‌ 2, హర్షిత్‌ రాణా, అక్షర్‌ పటేల్‌, రవీంద్ర జడేజా తలో వికెట్‌ తీశారు.అనంతరం బరిలోకి దిగిన భారత్‌.. కోహ్లి శతక్కొట్టడంతో 42.3 ఓవర్లలో 4 వికెట్లు కోల్పోయి లక్ష్యాన్ని ఛేదించింది. శ్రేయస్‌ అయ్యర్‌ (56) బాధ్యతాయుతమైన అర్ద సెంచరీతో రాణించాడు. విరాట్‌తో కలిసి మూడో వికెట్‌కు 114 పరుగుల భాగస్వామ్యాన్ని నెలకొల్పి భారత విజయాన్ని ఖరారు చేశాడు. అంతకుముందు ఓపెనర్‌ రోహిత్‌ శర్మ (20) తన సహజ శైలిలో మెరుపు ఇన్నింగ్స్‌ ఆడాడు. శుభ్‌మన్‌ గిల్‌ (46) యధావిధిగా క్లాసికల్‌ ఇన్నింగ్స్‌తో ఆకట్టుకున్నాడు. పాక్‌ బౌలర్లలో అఫ్రిది 2, అబ్రార్‌ అహ్మద్‌, ఖుష్దిల్‌ షా తలో వికెట్‌ తీశారు. ఈ గెలుపుతో భారత్‌ సెమీస్‌ బెర్త్‌ దాదాపుగా ఖరారు చేసుకుంది. వరుస పరాజయాలతో పాక్‌ సెమీస్‌ అవకాశాలను సంక్లిష్టం చేసుకుంది.కాగా, ఈ మ్యాచ్‌లో విరాట్‌ సెంచరీతో పాటు మరో నాన్‌ క్రికెటింగ్‌ అంశం హైలైట్‌గా నిలిచింది. ఈ మ్యాచ్‌లో భారత ఆల్‌రౌండర్‌ హార్దిక్‌ పాండ్యా ధరించిన వాచీ అందరి దృష్టిని ఆకర్శించింది. ఈ వాచీ గురించి క్రికెట్‌ అభిమానులు ఆరా తీయగా కళ్లు బైర్లు కమ్మే విషయాలు వెలుగు చూశాయి. ఈ వాచీ ప్రపంచంలో అత్యంత ఖరీదైన బ్రాండ్‌ల్లో ఒకటైన రిచర్డ్ మిల్లె RM 27-02 టైమ్‌పీస్‌ అని తెలిసింది. దీని విలువ భారత కరెన్సీలో సుమారు 6.92 కోట్లుంటుంది. ఈ అల్ట్రా లగ్జరీ వాచ్ చాలా అరుదుగా దర్శనమిస్తుంది. ‍అత్యంత సంపన్నులు మాత్రమే ఇలాంటి ఖరీదైన ఈ వాచీలను ధరించగలరు. ఈ వాచీ విలువ తెలిసి క్రికెట్‌ అభిమానులు షాక్‌ తిన్నారు.ఈ అరుదైన వాచీని మొదట టెన్నిస్ లెజెండ్ రాఫెల్ నాదల్ కోసం రూపొందించారని తెలుస్తోంది. ఇది విప్లవాత్మక కార్బన్ TPT యూనిబాడీ బేస్‌ప్లేట్‌కు ప్రసిద్ధి చెందింది. ఇలాంటి వాచీలు ఇప్పటివరకు కేవలం 50 మాత్రమే ఉత్పత్తి చేయబడ్డాయని సమాచారం.ఇదిలా ఉంటే, పాక్‌తో మ్యాచ్‌లో హార్దిక్‌ భారత్‌ విజయంలో తనవంతు పాత్ర పోషించాడు. ఈ మ్యాచ్‌లో హార్దిక్‌ 8 ఓవర్లు వేసి కీలకమైన బాబర్‌ ఆజమ్‌, సౌద్‌ షకీల్‌ వికెట్లు తీశాడు. అత్యంత పొదుపుగా కూడా బౌలింగ్‌ చేశాడు. 8 ఓవర్లలో కేవలం 31 పరుగులు మాత్రమే ఇచ్చాడు. అనంతరం హార్దిక్‌కు బ్యాటింగ్‌ చేసే అవకాశం వచ్చినా పెద్ద స్కోర్‌ చేయలేకపోయాడు. అప్పటికే భారత విజయం ఖరారైపోయింది. మ్యాచ్‌ను తొందరగా ముగించే క్రమంలో హార్దిక్‌ 6 బంతుల్లో 8 పరుగులు చేసి ఔటయ్యాడు.ఈ మ్యాచ్‌లో హార్దిక్‌ ఓ మైలురాయిని అందుకున్నాడు. అంతర్జాతీయ క్రికెట్‌లో హార్దిక్‌ 200 వికెట్లు పూర్తి చేసుకున్నాడు. కెరీర్‌లో ఇప్పటివరకు 216 అంతర్జాతీయ మ్యాచ్‌లు ఆడిన హార్దిక్‌.. 30.76 సగటున 200 వికెట్లు తీశాడు. అంతర్జాతీయ క్రికెట్‌లో అత్యధిక వికెట్లు తీసిన భారత్‌ బౌలర్ల జాబితాలో హార్దిక్‌ 24వ స్థానంలో నిలిచాడు.

టీమిండియా విజయాన్ని తక్కువ చేసేలా మాట్లాడిన పాకిస్తాన్‌ జర్నలిస్టుకు శ్రేయస్‌ అయ్యర్‌(Shreyas Iyer) గట్టి కౌంటర్‌ ఇచ్చాడు. వేదిక ఏదైనా పాక్‌పై గెలుపు తమకు ఎల్లప్పుడూ మధురంగానే ఉంటుందని.. ఆదివారం నాటి మ్యాచ్‌లో తనకు మజా వచ్చిందంటూ అతడికి తమ జట్టు ఓటమిని గుర్తు చేశాడు.కాగా చాంపియన్స్‌ ట్రోఫీ-2025(ICC Champions Trophy) ఆతిథ్య హక్కులను డిఫెండింగ్‌ చాంపియన్‌ హోదాలో పాకిస్తాన్‌ దక్కించుకున్న విషయం తెలిసిందే. అయితే, భద్రతా కారణాల దృష్ట్యా టీమిండియాను అక్కడికి పంపేందుకు భారత క్రికెట్‌ నియంత్రణ మండలి(BCCI) నిరాకరించగా.. ఐసీసీ జోక్యంతో హైబ్రిడ్‌ విధానంలో టోర్నీ జరుగుతోంది. తటస్థ వేదికైన దుబాయ్‌లో భారత జట్టు తమ మ్యాచ్‌లు ఆడుతోంది.42.3 ఓవర్లలోనే..ఇందులో భాగంగా తొలుత బంగ్లాదేశ్‌ను ఓడించిన రోహిత్‌ సేన.. తాజా మ్యాచ్‌లో పాకిస్తాన్‌ను చిత్తు చేసి సెమీస్‌ బెర్తును దాదాపుగా ఖాయం చేసుకుంది. దుబాయ్‌ అంతర్జాతీయ స్టేడియంలో టాస్‌ ఓడి తొలుత బౌలింగ్‌ చేసిన భారత్‌ పాక్‌ను 241 పరుగులకు కట్టడి చేసింది. ఇక 42.3 ఓవర్లలోనే లక్ష్యాన్ని ఛేదించి పాక్‌పై గెలుపొందింది.ఈ విజయంలో విరాట్‌ కోహ్లి(100 నాటౌట్‌)తో పాటు శుబ్‌మన్‌ గిల్‌(46), శ్రేయస్‌ అ‍య్యర్‌(56)లది కూడా కీలక పాత్ర. ఈ నేపథ్యంలో విజయానంతరం శ్రేయస్‌ మీడియా సమావేశంలో మాట్లాడగా.. ఓ పాకిస్తానీ జర్నలిస్టు.. దుబాయ్‌లో గాకుండా పాకిస్తాన్‌లో పాకిస్తాన్‌ను ఓడించి ఉంటే ఇంకా బాగుండేది కదా అని ప్రశ్నించాడు.ఇరుజట్లకు తటస్థ వేదికే..సదరు జర్నలిస్టు మాటల్లోని వ్యంగ్యాన్ని అర్థం చేసుకున్న శ్రేయస్‌ అయ్యర్‌ హుందాగానే కౌంటర్‌ వేశాడు. ‘‘పాకిస్తాన్‌లో నేను ఒక్క మ్యాచ్‌ కూడా ఆడలేదు. కాబట్టి అక్కడ గెలిస్తే ఆ అనుభూతి ఎలా ఉంటుందో నాకు తెలియదు. అయితే, దుబాయ్‌ అనేది ఇరుజట్లకు తటస్థ వేదికే.ఇక భారత్‌- పాక్‌ మ్యాచ్‌ అంటే అంచనాలు భారీగానే ఉంటాయి. అయినా మేము దుబాయ్‌లో ఎక్కువగా మ్యాచ్‌లు ఆడలేదు. ఏదైతేనేం ఈ మ్యాచ్‌లో పాకిస్తాన్‌ను ఓడించాము కదా. అదే ఓ మధురానుభూతి. బయట నుంచి వచ్చే ఒత్తిడిని అధిగమించి మరీ మా పని పూర్తి చేశాం.నేనైతే ఈ విజయాన్ని పూర్తిగా ఆస్వాదిస్తున్నా. పాకిస్తాన్‌పై ఇది నాకు మూడో మ్యాచ్‌. ఇందులో గెలవడం ఎంతో మజాన్నిచ్చింది’’ అని శ్రేయస్‌ అయ్యర్‌ సమాధానమిచ్చాడు. సొంతగడ్డపై పాక్‌ బలమైన జట్టుగా ఉంటుందనే ఉద్దేశంతో ఆ దేశ జర్నలిస్టు చేసిన వ్యాఖ్యలను తన మాటలతో ఇలా తిప్పికొట్టాడు.ఐసీసీ చాంపియన్స్‌ ట్రోఫీ-2025: టీమిండియా వర్సెస్‌ పాకిస్తాన్ స్కోర్లు👉వేదిక: దుబాయ్‌👉టాస్‌: పాకిస్తాన్‌.. తొలుత బ్యాటింగ్‌👉పాకిస్తాన్‌ స్కోరు- 241(49.4) ఆలౌట్‌👉భారత్‌ స్కోరు- 244/4 (42.3)👉ఫలితం: పాక్‌ను ఆరు వికెట్ల తేడాతో ఓడించిన టీమిండియా👉ప్లేయర్‌ ఆఫ్‌ ది మ్యాచ్‌: విరాట్‌ కోహ్లి(100 పరుగులు నాటౌట్‌).చదవండి: Virat Kohli: ఇదేం తీరు కోహ్లి? ఇలాంటివి అవసరమా?.. మండిపడ్డ గావస్కర్‌

టీమిండియా స్టార్‌ బ్యాటర్‌ విరాట్‌ కోహ్లి(Virat Kohli) తీరుపై భారత క్రికెట్‌ దిగ్గజం సునిల్‌ గావస్కర్‌(Sunil Gavaskar) అసహనం వ్యక్తం చేశాడు. పాకిస్తాన్‌(India vs Pakistan)తో మ్యాచ్‌లో అనవసర చర్య ద్వారా వికెట్‌ కోల్పోయే ప్రమాదం తెచ్చుకున్నాడని.. అయితే, అదృష్టవశాత్తూ బయటపడటంతో తాము ఊపిరి పీల్చుకున్నామన్నాడు. కాగా చాంపియన్స్‌ ట్రోఫీ-2025లో భాగంగా భారత్‌ ఆదివారం పాకిస్తాన్‌తో తలపడింది.దుబాయ్‌ వేదికగా జరిగిన ఈ మ్యాచ్‌లో టాస్‌ ఓడిన రోహిత్‌ సేన తొలుత ఫీల్డింగ్‌ చేసింది. బౌలర్ల విజృంభణ కారణంగా దాయాదిని 241 పరుగులకే ఆలౌట్‌ చేసింది. అనంతరం లక్ష్య ఛేదనను దూకుడుగా ఆరంభించిన టీమిండియా.. మిడిల్‌ ఓవర్లలో మాత్రం ఆచితూచి నిలకడగా ఆడింది. సెంచరీ మార్కు.. విన్నింగ్‌ షాట్‌ముఖ్యంగా ఓపెనర్‌ శుబ్‌మన్‌ గిల్‌(46), నాలుగో నంబర్‌ బ్యాటర్‌ శ్రేయస్‌ అయ్యర్‌(56)లతో కలిసి విరాట్‌ కోహ్లి అద్భుత భాగస్వామ్యాలు నెలకొల్పాడు.ఏ దశలో నిర్లక్ష్యపు షాట్లకు యత్నించకుండా.. సహచర బ్యాటర్లతో చక్కగా సమన్వయం చేసుకుంటూ ఇన్నింగ్స్‌ నిర్మించాడు. ఈ క్రమంలో అర్ధ శతకం పూర్తి చేసుకున్న కోహ్లి.. దానిని శతకంగా మలిచాడు. అంతేకాదు బౌండరీ బాది సెంచరీ మార్కు అందుకున్న ఈ రన్‌మెషీన్‌.. టీమిండియాను గెలుపుతీరాలకు చేర్చాడు. ఈ క్రమంలో విరాట్‌ కోహ్లిపై భారత్‌తో పాటు పాకిస్తాన్‌ మాజీ క్రికెటర్లు, అభిమానులు ప్రశంసల వర్షం కురిపిస్తున్నారు.అయితే, బ్యాటింగ్‌ చేస్తున్న సమయంలో కోహ్లి చేసిన ఓ పని మాత్రం సునిల్‌ గావస్కర్‌కు ఆగ్రహం తెప్పించింది. భారత ఇన్నింగ్స్‌లో 21 ఓవర్‌ను పాక్‌ బౌలర్‌ హ్యారిస్‌ రవూఫ్‌ వేయగా.. ఐదో బంతికి కోహ్లి సింగిల్‌ తీశాడు. ఈ క్రమంలో సురక్షితంగానే క్రీజులోకి చేరుకున్న కోహ్లి.. ఆ తర్వాత ఓవర్‌ త్రో కాబోతున్న బంతిని తన చేతితో ఆపేశాడు.నిజానికి అక్కడ దగ్గర్లో పాకిస్తాన్‌ ఫీల్డర్లు ఎవరూ లేరు. ఒకవేళ ఓవర్‌ త్రో అయినా ఓ అదనపు పరుగు వచ్చేది. అయినా, ఎంసీసీ నిబంధనల ప్రకారం ఓ బ్యాటర్‌ బంతి లైవ్‌లో ఉన్నపుడు దానిని తన మాటలు, చేతల ద్వారా అడ్డుకునే ప్రయత్నం చేయకూడదు. ఒకవేళ ఉద్దేశపూర్వకంగా అతడు అలా చేసినట్లు భావించి ఫీల్డింగ్‌ చేస్తున్న జట్టు అప్పీలు చేస్తే.. సదరు బ్యాటర్‌ను అవుట్‌గా ప్రకటించవచ్చు.అబ్‌స్ట్రక్ట్‌ ఫీల్డ్‌ నిబంధన కింద..కోహ్లి విషయంలో ఒకవేళ పాక్‌ జట్టు ఈ విషయంలో అప్పీలుకు వెళ్లి ఉంటే పరిస్థితి చేజారిపోయేదని గావస్కర్‌ అన్నాడు. కామెంట్రీ సమయంలో.. ‘‘అతడు తన చేతితో బంతిని ఆపాడు. ఒకవేళ పాకిస్తాన్‌ గనుక అప్పీలు చేస్తే ఏమయ్యేది?.. అబ్‌స్ట్రక్ట్‌ ఫీల్డ్‌ నిబంధన కింద అతడు అవుటయ్యేవాడేమో?!.. కానీ వాళ్లు అలా చేయలేదు. ఎందుకంటే.. అక్కడ దగ్గర్లో ఫీల్డర్‌ లేడు.అంతేకాదు ఓవర్‌ త్రో ద్వారా అదనపు పరుగు రాకుండా ఉండిపోయిందని భావించి ఉండవచ్చు. నిజానికి మిడ్‌వికెట్‌ వద్ద ఫీల్డింగ్‌ చేస్తున్న ఆటగాడు డైవ్‌ చేస్తే బాగుండేది. కానీ ముందుకు వెళ్లిపోతున్న బంతిని కోహ్లి జోక్యం చేసుకుని మరీ ఆపడం సరికాదు. అదృష్టవశాత్తూ ఎవరూ అప్పీలు చేయలేదు కాబట్టి సరిపోయింది’’ అని గావస్కర్‌ అసహనం వ్యక్తం చేశాడు. కాగా 21వ ఓవర్‌ ముగిసే సరికి కోహ్లి కేవలం 41 పరుగుల వద్ద ఉండటం గమనార్హం. ఇక ఈ మ్యాచ్‌లో 111 బంతులు ఎదుర్కొన్న కోహ్లి సరిగ్గా 100 పరుగులు చేసి అజేయంగా నిలిచాడు. వన్డేల్లో అతడికి ఇది 51వ సెంచరీ కాగా.. అంతర్జాతీయ కెరీర్‌లో 82వది కావడం విశేషం. సచిన్‌ టెండ్కులర్‌ వంద సెంచరీల రికార్డుకు కోహ్లి ఇంకా 18 శతకాల దూరంలో ఉన్నాడు.చాంపియన్స్‌ ట్రోఫీ-2025: భారత్‌ వర్సెస్‌ పాకిస్తాన్ స్కోర్లు👉పాకిస్తాన్‌- 241(49.4) ఆలౌట్‌👉భారత్‌- 244/4 (42.3)👉ఫలితం: పాక్‌ను ఆరు వికెట్ల తేడాతో ఓడించిన భారత్‌.చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

టీమిండియా బౌలింగ్‌ దళంపై కెప్టెన్‌ రోహిత్‌ శర్మ(Rohit Sharma) ప్రశంసలు కురిపించాడు. పాకిస్తాన్‌తో మ్యాచ్‌లో తమ బౌలర్లు అదరగొట్టారని.. ప్రత్యర్థిని నామమాత్రపు స్కోరుకు కట్టడి చేసి తమపై కాస్త ఒత్తిడిని తగ్గించారని అన్నాడు. మిడిల్‌ ఓవర్లలో పొదుపుగా బౌలింగ్‌ చేసిన తీరు అద్భుతమని బౌలర్లను కొనియాడిన రోహిత్‌ శర్మ.. ఇక ఛేజ్‌మాస్టర్‌ విరాట్‌ కోహ్లి(Virat Kohli) నుంచి ఇలాంటి ఇన్నింగ్స్‌ రావడం తననేమీ ఆశ్చర్యపరచలేదని తెలిపాడు.చాంపియన్స్‌ ట్రోఫీ-2025లో బంగ్లాదేశ్‌పై గెలిచి విజయంతో ఈ ఐసీసీ టోర్నీని ఆరంభించిన రోహిత్‌ సేన.. ఆదివారం నాటి తమ రెండో మ్యాచ్‌లో పాకిస్తాన్‌ను ఓడించింది. చిరకాల ప్రత్యర్థిపై ఆరు వికెట్ల తేడాతో జయభేరి మోగించి సెమీ ఫైనల్‌ రేసులో మున్ముందుకు దూసుకుపోయింది.దుబాయ్‌ వేదికగా దాయాది పాకిస్తాన్‌తో తలపడ్డ టీమిండియా.. టాస్‌ ఓడి తొలుత బౌలింగ్‌ చేసింది. ఈ క్రమంలో 49.4 ఓవర్లలో ప్రత్యర్థిని 241 పరుగులకు ఆలౌట్‌ చేసింది. కుల్దీప్‌ యాదవ్‌ మూడు, హార్దిక్‌ పాండ్యా రెండు వికెట్లతో మెరవగా.. అక్షర్‌ పటేల్‌, రవీంద్ర జడేజా, హర్షిత్‌ రాణా ఒక్కో వికెట్‌ తీశారు. అదే విధంగా.. అక్షర్‌ తన అద్భుత ఫీల్డింగ్‌తో రెండు రనౌట్లలో భాగమయ్యాడు.ఇక లక్ష్య ఛేదనకు దిగిన భారత్‌ 42.3 ఓవర్లలోనే టార్గెట్‌ను ఊదేసింది. విరాట్‌ కోహ్లి ఫోర్‌ బాది శతకం పూర్తి చేసుకోవడంతో జట్టును విజయతీరాలకు చేర్చాడు. మిగతా వాళ్లలో ఓపెనర్‌ శుబ్‌మన్‌ గిల్‌(46), మిడిలార్డర్‌ స్టార్‌ శ్రేయస్‌ అయ్యర్‌(56) అద్బుత ఇన్నింగ్స్‌ ఆడారు.ఈ నేపథ్యంలో విజయానంతరం టీమిండియా కెప్టెన్‌ రోహిత్‌ శర్మ మాట్లాడుతూ... జట్టు ప్రదర్శన పట్ల సంతృప్తి వ్యక్తం చేశాడు. ‘‘బంతితో మేము మ్యాచ్‌ ఆరంభించిన విధానం సూపర్‌. బౌలింగ్‌ విభాగం అద్భుతమైన ప్రదర్శనతో పాకిస్తాన్‌ను నామమాత్రపు స్కోరుకే పరిమితం చేసింది. లక్ష్య ఛేదనలో లైట్ల వెలుగులో బ్యాటింగ్‌ చేయడం ఈ పిచ్‌పై ఎంత బాగుంటుందో.. స్లో వికెట్‌పై ఆడటం అంతే కఠినంగానూ ఉంటుందని మాకు తెలుసు.అయితే, మా బ్యాటింగ్‌ లైనప్‌ త్వరగానే పనిపూర్తి చేసింది. ఏదేమైనా.. అక్షర్‌, కుల్దీప్‌, జడేజా మిడిల్‌ ఓవర్లలో గొప్పగా రాణించారు. వన్డే ఫార్మాట్లో తమకున్న అనుభవాన్ని ఇక్కడ చూపించారు. రిజ్వాన్‌తో పాటు సౌద్‌ షకీల్‌ల వికెట్లు మాకు కీలకం. వారిద్దరిని ఎక్కువ సేపు క్రీజులో ఉండనీయవద్దనే మా ప్రయత్నాలు ఫలించాయి.ఈ ముగ్గురు స్పిన్నర్లు ఈరోజు అద్భుతమే చేశారు. అయితే, పేసర్లు హార్దిక్‌, హర్షిత్‌, షమీ బౌలింగ్‌ చేసిన విధానాన్ని కూడా మనం మర్చిపోకూడదు. బౌలింగ్‌ యూనిట్‌లో ప్రతి ఒక్కరు తమ కర్తవ్యాన్ని చక్కగా నిర్వర్తించారు.ఇక కోహ్లి దేశం కోసం ఆడటాన్ని ఎంతగా ఇష్టపడతాడో నేను ప్రత్యేకంగా చెప్పాల్సిన పనిలేదు. జట్టు ప్రయోజనాల కోసం తన శక్తినంతా ధారపోస్తాడు. కీలక సమయంలో తనలోని అత్యుత్తమ నైపుణ్యాలను మరింత మెరుగ్గా ప్రదర్శిస్తాడు. కోహ్లి అంటే ఏమిటో ఈరోజు మరోసారి నిరూపించాడు.డ్రెసింగ్‌ రూంలో కూర్చున వాళ్లలో ఒక్కరు కూడా కోహ్లి ఇన్నింగ్స్‌ చూసి ఆశ్చర్యపోలేదు. ఎందుకంటే.. సుదీర్ఘకాలంగా జట్టు కోసం అతడేం చేస్తున్నాడో అందరికీ తెలుసు. మిడిల్‌ ఓవర్లలో.. మరో ఎండ్‌లోని బ్యాటర్లతో చక్కటి సమన్వయంతో అతడు ముందుకు సాగిన విధానం అద్భుతం. అంతేకాదు తనదైన స్టైల్లో మ్యాచ్‌ను ముగించడం రెట్టింపు సంతోషం. గిల్‌, శ్రేయస్‌ కూడా విలువైన ఇన్నింగ్స్‌ ఆడారు’’ అని రోహిత్‌ శర్మ చెప్పుకొచ్చాడు.చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

ఇంట (పాక్‌లో) జరిగిన మ్యాచ్‌లో న్యూజిలాండ్‌ చేతిలో... దుబాయ్‌లో జరిగిన పోరులో భారత్‌ చేతిలో... చిత్తుగా ఓడిన పాకిస్తాన్‌కు ఇక ఆతిథ్య మురిపెమే మిగలనుంది. సెమీఫైనల్‌కు వెళ్లే దారైతే మూసుకుపోయింది. 2017 విజేత పాక్‌.. గ్రూప్‌ ‘ఎ’లో అందరికంటే ముందే ని్రష్కమించే జట్టుగా అట్టడుగున పడిపోనుంది. ఈ ఆదివారం కోసం అందరూ ఎదురుచూసిన మ్యాచ్‌లో రోహిత్‌ శర్మ సారథ్యంలోని భారత్‌ 6 వికెట్ల తేడాతో పాకిస్తాన్‌పై ఘనవిజయం సాధించింది. 2017లో తమపైనే ఫైనల్లో గెలిచి కప్‌ను లాక్కెళ్లిన పాక్‌ జట్టును టీమిండియా ఈసారి పెద్ద దెబ్బే కొట్టింది. అసలు కప్‌ రేసులో పడకముందే లీగ్‌ దశలోనే ని్రష్కమించేలా ఓడించింది. టాస్‌ గెలిచి ముందుగా బ్యాటింగ్‌కు దిగిన పాకిస్తాన్‌ 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (76 బంతుల్లో 62; 5 ఫోర్లు), రిజ్వాన్‌ (77 బంతుల్లో 46; 3 ఫోర్లు) రాణించారు. కుల్దీప్‌ 3 వికెట్లు, హార్దిక్‌ పాండ్యా 2 వికెట్లు తీశారు. అనంతరం భారత్‌ 42.3 ఓవర్లలో నాలుగే వికెట్లు కోల్పోయి 244 పరుగులు చేసి గెలిచింది. సులువైన విజయం ముంగిట విరాట్‌ కోహ్లి (111 బంతుల్లో 100 నాటౌట్‌; 7 ఫోర్లు) బౌండరీ కొట్టి సెంచరీని పూర్తి చేసుకోగా.. భారత్‌ కూడా లక్ష్యాన్ని అధిగమించింది. శ్రేయస్‌ అయ్యర్‌ (67 బంతుల్లో 56; 5 ఫోర్లు, 1 సిక్స్‌), శుబ్‌మన్‌ గిల్‌ (52 బంతుల్లో 46; 7 ఫోర్లు) రాణించారు. షాహిన్‌ షా అఫ్రిది 2 వికెట్లు తీశాడు. కోహ్లికి ‘ప్లేయర్‌ ఆఫ్‌ ది మ్యాచ్‌’ లభించింది. భారత్‌ తమ చివరి లీగ్‌ మ్యాచ్‌ను మార్చి 2న న్యూజిలాండ్‌తో ఆడుతుంది. భారత క్రికెట్‌ జట్టు పాకిస్తాన్‌ టీమ్‌కంటే ఒక ‘కాంతి సంవత్సరం’ ముందుంది! దుబాయ్‌లో ఇది మరోసారి రుజువైంది. అందరిలోనూ ఆసక్తి, చర్చను రేపుతూ ప్రసారకర్తలు, ప్రకటనకర్తలకు అతి పెద్ద బ్రాండ్‌ ఈవెంట్‌గా మారిన భారత్, పాకిస్తాన్‌ మధ్య మ్యాచ్‌ మళ్లీ ఏకపక్షంగా ముగిసింది. మ్యాచ్‌ ఆరంభమైనప్పటి నుంచి టీమిండియా సంపూర్ణ ఆధిపత్యం కనబర్చగా, ఏ దశలోనూ పాక్‌ కనీస పోటీ ఇచ్చే స్థితిలో కనిపించలేదు.పిచ్‌ నెమ్మదిగా ఉండవచ్చు... పరుగులు రావడం కష్టంగా మారవచ్చు... అయినా సరే పాక్‌ బ్యాటింగ్‌ బృందం పేలవ ఆటతో అతి సాధారణ స్కోరుకే పరిమితమైంది... మన బౌలర్లు సమష్టిగా రాణిస్తూ ప్రత్యర్థి ని పూర్తిగా అడ్డుకున్నారు. ఆపై ఛేదనలో భారత్‌ అలవోకగా దూసుకుపోయింది... పాక్‌ బౌలర్లు టీమిండియాను ఏమాత్రం నిలువరించలేకపోయారు. పిచ్‌ ఎలా ఉన్నా సత్తా ఉంటే పరుగులు రాబట్టవచ్చనే సూత్రాన్ని చూపిస్తూ మన బ్యాటర్లంతా తమ స్థాయిని ప్రదర్శించాడు.ఎప్పటిలాగే ఛేదనలో వేటగాడైన విరాట్‌ కోహ్లి తన లెక్క తప్పకుండా పరుగులు చేస్తూ ఒకే షాట్‌తో భారత్‌ను గెలిపించడంతో పాటు తన శతకాన్ని కూడా పూర్తి చేసుకున్నాడు. తాజా గెలుపుతో భారత్‌ దాదాపు సెమీఫైనల్లో చోటు ఖాయం చేసుకోగా... రెండు పరాజయాల తర్వాత డిఫెండింగ్‌ చాంపియన్‌ పాక్‌ టోర్నీ నుంచి నిష్క్రమించడం దాదాపుగా ఖాయమైంది. ఆతిథ్య దేశమైన ఆ జట్టు ఇక తమ సొంతగడ్డకు వెళ్లి అభిమానుల మధ్య నామమాత్రమైన చివరి పోరులో ఆడటమే మిగిలింది. దుబాయ్‌: చాంపియన్స్‌ ట్రోఫీ వన్డే క్రికెట్‌ టోర్నమెంట్‌లో భారత్‌ దాదాపుగా సెమీఫైనల్‌ స్థానాన్ని ఖాయం చేసుకుంది. తొలి పోరులో బంగ్లాదేశ్‌ను చిత్తు చేసిన రోహిత్‌ శర్మ బృందం ఇప్పుడు గ్రూప్‌ ‘ఎ’ రెండో మ్యాచ్‌లో డిఫెండింగ్‌ చాంపియన్‌ పాకిస్తాన్‌ జట్టుపై గెలిచింది. ఆదివారం జరిగిన పోరులో భారత్‌ 6 వికెట్ల తేడాతో పాకిస్తాన్‌పై ఘన విజయం సాధించింది. టాస్‌ గెలిచి బ్యాటింగ్‌ ఎంచుకున్న పాకిస్తాన్‌ 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (76 బంతుల్లో 62; 5 ఫోర్లు) అర్ధ సెంచరీ సాధించగా... కెప్టెన్‌ మొహమ్మద్‌ రిజ్వాన్‌ (77 బంతుల్లో 46; 3 ఫోర్లు), ఖుష్‌దిల్‌ షా (39 బంతుల్లో 38; 2 సిక్స్‌లు) ఫర్వాలేదనిపించారు. భారత బౌలర్లలో కుల్దీప్‌ యాదవ్‌కు 3 వికెట్లు దక్కగా...హార్దిక్‌ పాండ్యా 2 కీలక వికెట్లు తీశాడు. అనంతరం భారత్‌ 42.3 ఓవర్లలో 4 వికెట్లకు 244 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ విరాట్‌ కోహ్లి (111 బంతుల్లో 100 నాటౌట్‌; 7 ఫోర్లు) సెంచరీ సాధించాడు. శుబ్‌మన్‌ గిల్‌ (52 బంతుల్లో 46; 7 ఫోర్లు), శ్రేయస్‌ అయ్యర్‌ (67 బంతుల్లో 56; 5 ఫోర్లు, 1 సిక్స్‌) అండగా నిలిచారు. కోహ్లి, అయ్యర్‌ మూడో వికెట్‌కు 114 పరుగులు జోడించారు. తమ ఆఖరి మ్యాచ్‌లో వచ్చే ఆదివారం న్యూజిలాండ్‌తో భారత్‌ తలపడుతుంది. షకీల్‌ అర్ధ సెంచరీ... షమీ నియంత్రణ కోల్పోయి వేసిన తొలి ఓవర్‌తో పాక్‌ ఇన్నింగ్స్‌ మొదలైంది. ఈ ఓవర్లో అతను ఏకంగా 5 వైడ్‌లు వేయడంతో మొత్తం 11 బంతులతో ఓవర్‌ పూర్తి చేయాల్సి వచ్చింది! ఆ తర్వాత బాబర్‌ ఆజమ్‌ (26 బంతుల్లో 23; 5 ఫోర్లు) చక్కటి కవర్‌డ్రైవ్‌లతో పరుగులు రాబట్టాడు. అయితే బాబర్‌ను పాండ్యా వెనక్కి పంపించగా, అక్షర్‌ ఫీల్డింగ్‌కు ఇమామ్‌ ఉల్‌ హక్‌ (10) రనౌటయ్యాడు. ఈ దశలో రిజ్వాన్, షకీల్‌ జట్టును ఆదుకునే ప్రయత్నం చేశారు. అయితే వీరిద్దరు మరీ నెమ్మదిగా ఆడటంతో పరుగుల వేగం మందగించింది. ఒకదశలో 32 బంతుల తర్వాత గానీ బౌండరీ రాలేదు.హార్దిక్‌ పాండ్యా చక్కటి స్పెల్‌ (6–0–18–1)తో పాక్‌ను కట్టి పడేసాడు. తొలి 10 ఓవర్లలో 52 పరుగులు చేసిన జట్టు తర్వాతి 10 ఓవర్లలో 27 పరుగులు మాత్రమే రాబట్టగలిగింది. ఆ తర్వాతా ఒక దశలో వరుసగా 53 బంతుల పాటు ఫోర్‌ రాలేదు! అనంతరం కాస్త ధాటిని పెంచిన షకీల్‌ 63 బంతుల్లో అర్ధ సెంచరీ పూర్తి చేసుకున్నాడు. అక్షర్‌ బౌలింగ్‌లో ముందుకొచ్చి షాట్‌ ఆడబోయే క్రమంలో రిజ్వాన్‌ బౌల్డ్‌ కావడంతో 104 పరుగుల మూడో వికెట్‌ భాగస్వామ్యానికి తెర పడింది. మరో 14 పరుగుల వ్యవధిలో షకీల్, తాహిర్‌ (4) వెనుదిరగ్గా... ఆపై కుల్దీప్‌ వరుస బంతుల్లో 2 వికెట్లు తీసి దెబ్బ కొట్టాడు. చివర్లో ఖుష్‌దిల్‌ కాస్త వేగంగా ఆడటంతో పాక్‌ ఆ మాత్రం స్కోరైనా చేయగలిగింది. శతక భాగస్వామ్యం... స్వల్ప లక్ష్యమే అయినా భారత్‌ తమ ఇన్నింగ్స్‌ను ధాటిగా ప్రారంభించింది. ఛేదనలో రోహిత్‌ శర్మ (15 బంతుల్లో 20; 3 ఫోర్లు, 1 సిక్స్‌), గిల్‌ చకచకా పరుగులు రాబట్టారు. అయితే షాహిన్‌ అఫ్రిది అద్భుత బంతితో రోహిత్‌ను క్లీన్‌»ౌల్డ్‌ చేయడంతో జట్టు తొలి వికెట్‌ కోల్పోయింది. ఆ తర్వాత అఫ్రిది వరుస రెండు ఓవర్లలో కలిపి 5 ఫోర్లు బాదిన గిల్‌ జోరు ప్రదర్శించాడు. మరోవైపు కోహ్లి కూడా తనదైన శైలిలో చక్కటి షాట్లతో ఆధిక్యం ప్రదర్శించాడు. కోహ్లితో రెండో వికెట్‌కు 69 పరుగులు జోడించిన తర్వాత గిల్‌ వెనుదిరిగాడు. ఈ దశలో కోహ్లి, అయ్యర్‌ పార్ట్‌నర్‌íÙప్‌ జట్టును గెలుపు దిశగా తీసుకెళ్లింది.వీరిద్దరు ఎక్కడా తడబాటు లేకుండా చక్కటి సమన్వయంతో దూసుకుపోయారు. వీరిని నిలువరించేందుకు పాక్‌ బౌలర్లు తీవ్రంగా ప్రయత్నించినా లాభం లేకపోయింది. ఈ క్రమంలో కోహ్లి 62 బంతుల్లో అర్ధ సెంచరీ పూర్తి చేసుకున్నాడు. 25 పరుగుల వద్ద అయ్యర్‌ ఇచ్చిన క్యాచ్‌ను షకీల్‌ వదిలేయడం కూడా కలిసొచ్చింది. అనంతరం 63 బంతుల్లో అతని హాఫ్‌ సెంచరీ పూర్తయింది. విజయానికి 28 పరుగుల దూరంలో అయ్యర్‌... 19 పరుగుల దూరంలో హార్దిక్‌ పాండ్యా (8) అవుటైనా ... అక్షర్‌ పటేల్‌ (3 నాటౌట్‌)తో కలిసి కోహ్లి మ్యాచ్‌ ముగించాడు. స్కోరు వివరాలు పాకిస్తాన్‌ ఇన్నింగ్స్‌: ఇమామ్‌ (రనౌట్‌) 10; బాబర్‌ (సి) రాహుల్‌ (బి) పాండ్యా 23; షకీల్‌ (సి) అక్షర్‌ (బి) పాండ్యా 62; రిజ్వాన్‌ (బి) అక్షర్‌ 46; సల్మాన్‌ (సి) జడేజా (బి) కుల్దీప్‌ 19; తాహిర్‌ (బి) జడేజా 4; ఖుష్‌దిల్‌ (సి) కోహ్లి (బి) రాణా 38; అఫ్రిది (ఎల్బీ) (బి) కుల్దీప్‌ 0; నసీమ్‌ (సి) కోహ్లి (బి) కుల్దీప్‌ 14; రవూఫ్‌ (రనౌట్‌) 8; అబ్రార్‌ (నాటౌట్‌) 0; ఎక్స్‌ట్రాలు 17; మొత్తం (49.4 ఓవర్లలో ఆలౌట్‌) 241. వికెట్ల పతనం: 1–41, 2–47, 3–151, 4–159, 5–165, 6–200, 7–200, 8–222, 9–241, 10–241. బౌలింగ్‌: షమీ 8–0–43–0, హర్షిత్‌ రాణా 7.4–0–30–1, హార్దిక్‌ పాండ్యా 8–0–31 –2, అక్షర్‌ పటేల్‌ 10–0–49–1, కుల్దీప్‌ యాదవ్‌ 9–0–40–3, జడేజా 7–0–40–1. భారత్‌ ఇన్నింగ్స్‌: రోహిత్‌ శర్మ (బి) షాహిన్‌ అఫ్రిది 20; గిల్‌ (బి) అబ్రార్‌ 46; విరాట్‌ కోహ్లి (నాటౌట్‌) 100; శ్రేయస్‌ అయ్యర్‌ (సి) ఇమామ్‌ (బి) ఖుష్‌దిల్‌ 56; పాండ్యా (సి) రిజ్వాన్‌ (బి) షాహిన్‌ అఫ్రిది 8; అక్షర్‌ (నాటౌట్‌) 3; ఎక్స్‌ట్రాలు 11; మొత్తం (42.3 ఓవర్లలో 4 వికెట్లకు) 244. వికెట్ల పతనం: 1–31, 2–100, 3–214, 4–223. బౌలింగ్‌: అఫ్రిది 8–0–74–2, నసీమ్‌ షా 8–0–37–0, హారిస్‌ రవూఫ్‌ 7–0–52–0, అబ్రార్‌ 10–0–28–1, ఖుష్‌దిల్‌ 7.3–0–43–1, సల్మాన్‌ 2–0–10–0. 14000 వన్డేల్లో 14 వేల పరుగులు దాటిన మూడో ఆటగాడిగా కోహ్లి నిలిచాడు. సచిన్‌ (350), సంగక్కర (378)కంటే చాలా తక్కువ ఇన్నింగ్స్‌ (287)లలో అతను ఈ మైలురాయిని దాటాడు.158 వన్డేల్లో కోహ్లి క్యాచ్‌ల సంఖ్య. అత్యధిక క్యాచ్‌లు పట్టిన భారత ఫీల్డర్‌గా అజహరుద్దీన్‌ (156) రికార్డును అతను అధిగమించాడు. 82 అంతర్జాతీయ క్రికెట్‌లో మూడు ఫార్మాట్‌లలో కలిపి కోహ్లి శతకాల సంఖ్య. వన్డేల్లో 51, టెస్టుల్లో 30, టి20ల్లో 1 సెంచరీ అతని ఖాతాలో ఉన్నాయి. చాంపియన్స్‌ ట్రోఫీలో నేడున్యూజిలాండ్‌ X బంగ్లాదేశ్‌మధ్యాహ్నం గం. 2:30 నుంచి స్టార్‌ స్పోర్ట్స్‌లో ప్రత్యక్ష ప్రసారం

టీమిండియా స్టార్ బ్యాట‌ర్ విరాట్ కోహ్లి.. పాకిస్తాన్‌పై త‌న‌కు తిరుగులేద‌ని మ‌రోసారి నిరూపించున్నాడు. ఐసీసీ ఛాంపియన్స్ ట్రోఫీ-2025లో దుబాయ్ వేదిక‌గా జ‌రిగిన మ్యాచ్‌లో విరాట్ కోహ్లి అద్బుత‌మైన సెంచ‌రీతో చెల‌రేగాడు. 242 ప‌రుగుల ల‌క్ష్య చేధ‌నలో కోహ్లి కీల‌క ఇన్నింగ్స్ ఆడాడు. రోహిత్ శర్మ ఔటయ్యక క్రీజులోకి విరాట్.. ప్ర‌త్య‌ర్ధి బౌలర్ల‌కు చుక్క‌లు చూపించాడు. తొలుత శుబ్‌మ‌న్ గిల్‌తో క‌లిసి విలువైన భాగస్వామ్యం నెల‌కొల్పిన కోహ్లి.. ఆ త‌ర్వాత శ్రేయ‌స్ అయ్య‌ర్‌తో క‌లిసి జ‌ట్టును విజ‌య తీరాల‌కు చేర్చాడు. ఈ క్ర‌మంలో 94 బంతుల్లో త‌న 51వ వ‌న్డే సెంచ‌రీ మార్క్‌ను కింగ్ కోహ్లి అందుకున్నాడు. ఓవ‌రాల్‌గా కోహ్లికి ఇది 81వ అంత‌ర్జాతీయ సెంచ‌రీ కావ‌డం గ‌మ‌నార్హం. కాగా కోహ్లి అద్భుత సెంచరీ ఫలితంగా 242 పరుగుల లక్ష్యాన్ని భారత్‌ 4 వికెట్లు కోల్పోయి 42.3 ఓవర్లలో చేధించింది. దీంతో చిరకాల ప్రత్యర్ధిపై 6 వికెట్ల తేడాతో రోహిత్‌ సేన విజయాన్ని అందించాడు."సెమీస్‌కు ఆర్హత సాధించడానికి అవసరమైన మ్యాచ్‌లో ఈ తరహా ఇన్నింగ్స్ ఆడటం చాలా సంతోషంగా ఉంది. ఆరంభంలోనే రోహిత్ వికెట్ కోల్పోయిన తర్వాత ఆఖరి వరకు ఉండి మ్యాచ్‌ను ఫినిష్ చేయాలనుకున్నాను. ఆఖ‌రి మ్యాచ్‌లో చేసిన త‌ప్పిదాలు ఈ రోజు చేయ‌కూడ‌ద‌ని నిర్ణయించుకున్నాను. మిడిల్ ఓవర్లలో​ స్పిన్నర్ల బౌలింగ్‌లో ఎక్కువ రిస్క్ తీసుకోకుండా ఇన్నింగ్స్‌ను ముందుకు తీసుకువెళ్లడమే నా పని. కానీ శ్రేయస్ అయ్యర్ మాత్రం ఆఖరిలో స్పిన్నర్లను ఎటాక్‌​ చేసి బౌండరీలు రాబాట్టాడు. నాకు కూడా కొన్ని బౌండరీలు వచ్చాయి. గతంలో ఛేజింగ్‌లో ఏ విధంగా ఆడానో, ఈ మ్యాచ్‌లో కూడా అదే చేశాను. నా ఆట తీరుపై నాకు పూర్తి నమ్మకం ఉంది. నా ఫామ్‌పై వస్తున్న వార్తలను పెద్దగా పట్టించుకోను. బయట విషయాలకు దూరంగా ఉంటాను. అలా అని పొగడ్తలకు పొంగిపోను. జట్టు కోసం వంద శాతం ఎఫక్ట్ పెట్టడమే నా పని. ఇక రోహిత్ ఔటైనప్పటికి శుబ్‌మన్ మాత్రం అద్బుతంగా ఆడాడు.షహీన్‌ అఫ్రిది లాంటి వరల్డ్‌​ క్లాస్‌ బౌలర్‌ను ఎటాక్ చేసి ఒత్తిడిలో పెట్టాడు. అందుకే అతడు ప్రపంచంలోనే నంబర్ వన్ బ్యాటర్ బ్యాటర్ అయ్యాడు. శ్రేయస్ కూడా నాలుగో స్ధానంలో బాగా ఆడాడు. స్వదేశంలో ఇంగ్లండ్‌తో జరిగిన మ్యాచ్‌లలో అయ్యర్‌తో కలిసి కొన్ని భాగస్వామ్యాలు నెలకొల్పాను. ఈ రోజు కూడా ఇద్దరం కలిసి మ్యాచ్‌ను విజయానికి దగ్గరగా తీసుకువెళ్లామని" మ్యాన్ ఆఫ్‌ది మ్యాచ్ కోహ్లి పేర్కొన్నాడు.చదవండి: విరాట్‌ కోహ్లి ప్రపంచ రికార్డు.. సచిన్‌కు సాధ్యం కాని ఘనత

ఐసీసీ ఛాంపియ‌న్స్ ట్రోఫీ-2025లో భార‌త్ వ‌రుస‌గా రెండో విజ‌యాన్ని న‌మోదు చేసింది. ఈ మెగా టోర్నీలో భాగంగా దుబాయ్ వేదిక‌గా దాయాది పాకిస్తాన్‌తో జ‌రిగిన మ్యాచ్‌లో 6 వికెట్ల తేడాతో టీమిండియా విజ‌యభేరి మోగించింది. ఈ గెలుపుతో భార‌త్ త‌మ సెమీస్ బెర్త్‌ను ఖారారు దాదాపు ఖారారు చేసుకున్నట్లే. పాకిస్తాన్ నిర్ధేశించిన 242 పరుగుల టార్గెట్‌ను భారత్ కేవలం నాలుగు వికెట్లు మాత్రమే కోల్పోయి 42.3 ఓవర్లలో ఊదిపడేసింది.విరాట్ సూపర్ సెంచరీ..భారత బ్యాటర్లలో విరాట్ కోహ్లి సూపర్ సెంచరీతో మెరిశాడు. రోహిత్ శర్మ ఔటయ్యక క్రీజులోకి విరాట్‌.. అద్బుత‌మైన ఇన్నింగ్స్ ఆడాడు. తొలుత శుబ్‌మ‌న్ గిల్‌తో క‌లిసి విలువైన పార్టనర్‌షిప్‌ నెల‌కొల్పిన కోహ్లి.. ఆ త‌ర్వాత శ్రేయ‌స్ అయ్య‌ర్‌తో క‌లిసి మ్యాచ్ విన్నింగ్ భాగస్వామ్యం నమోదు చేశాడు.ఈ క్ర‌మంలో 111 బంతుల్లో త‌న 51వ వ‌న్డే సెంచ‌రీ మార్క్‌ను కింగ్ కోహ్లి అందుకున్నాడు. కోహ్లి 111 బంతుల్లో 7 ఫోర్లతో సరిగ్గా 100 పరుగులు చేసి ఆజేయంగా నిలిచాడు. కోహ్లికి ఇది 82వ అంతర్జాతీయ సెంచరీ కావడం విశేషం. ఇక కోహ్లితో పాటు శ్రేయస్‌ అయ్యర్‌(67 బంతుల్లో 5 ఫోర్లు, ఒక సిక్సర్‌తో 56), శుబ్‌మన్‌ గిల్‌(46) పరుగులతో రాణించారు. పాక్‌ బౌలర్లలో షాహీన్‌ అఫ్రిది రెండు వికెట్లు పడగొట్టగా.. ఆర్బర్‌ ఆహ్మద్‌, కుష్దిల్‌ షా తలా రెండు వికెట్లు వికెట్‌ సాధించారు.చెలరేగిన భారత బౌలర్లు.. అంతకముందు బ్యాటింగ్‌​ చేసిన పాకిస్తాన్‌ పాకిస్తాన్‌ 49.4 ఓవర్లలో 241 పరుగులకు ఆలౌటైంది. పాక్‌ బ్యాటర్లలో సౌద్‌ షకీల్‌(62) టాప్‌ స్కోరర్‌గా నిలవగా.. కెప్టెన్‌ రిజ్వాన్‌(46), ఖుష్దిల్‌ షా(38) మెరుగ్గా ఆడారు. ఇక భారత బౌలర్లలో కుల్దీప్‌ యాదవ్‌ మూడు, హార్దిక్‌ పాండ్యా రెండు వికెట్లు తీయగా.. అక్షర్‌ పటేల్‌, రవీంద్ర జడేజా, అక్షర్‌ పటేల్‌ ఒక్కో వికెట్‌ తీశారు. భారత్‌ తమ తదుపరి మ్యాచ్‌లో మార్చి 2న న్యూజిలాండ్‌తో తలపడనుంది.చదవండి: IND vs PAK: అఫ్రిది క‌ళ్లు చెదిరే యార్క‌ర్‌.. రోహిత్ శ‌ర్మ షాక్‌! వీడియో వైర‌ల్‌

టీమిండియా స్టార్‌ బ్యాటర్‌ విరాట్‌ కోహ్లి ప్రపంచ రికార్డు(Virat Kohli World Record) సాధించాడు. వన్డేల్లో అత్యంత వేగంగా పద్నాలుగు వేల పరుగులు చేసిన తొలి క్రికెటర్‌గా చరిత్రకెక్కాడు. ఈ క్రమంలో దిగ్గజ బ్యాటర్‌, క్రికెట్‌ దేవుడుగా పేరొందిన సచిన్‌ టెండుల్కర్‌(Sachin Tendulkar) ఆల్‌టైమ్‌ రికార్డును కోహ్లి బ్రేక్‌ చేశాడు. పాకిస్తాన్‌తో మ్యాచ్‌ సందర్భంగా ఈ అరుదైన ఘనత సాధించాడు.రాణించిన భారత బౌలర్లుకాగా ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా భారత్‌ ఆదివారం చిరకాల ప్రత్యర్థి పాకిస్తాన్‌ను ఢీకొట్టింది. దుబాయ్‌లో టాస్‌ ఓడి తొలుత ఫీల్డింగ్‌ చేసిన రోహిత్‌ సేన.. రిజ్వాన్‌ బృందాన్ని 241 పరుగులకు కట్టడి చేసింది. టీమిండియా బౌలర్లలో చైనామన్‌ స్పిన్నర్‌ కుల్దీప్‌ యాదవ్‌ అత్యధికంగా మూడు వికెట్లు తీయగా.. పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా రెండు కీలక వికెట్లు కూల్చాడు.మిగతా వాళ్లలో స్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, రవీంద్ర జడేజా చెరో వికెట్‌ తీయగా.. పేసర్లలో హర్షిత్‌ రాణా కూడా ఒక వికెట్‌ దక్కించుకున్నాడు. ఇక పాక్‌ విధించిన 242 పరుగుల లక్ష్యాన్ని ఛేదించే క్రమంలో భారత ఓపెనర్లు కెప్టెన్‌ రోహిత్‌ శర్మ, శుబ్‌మన్‌ గిల్‌ దూకుడుగా ఇన్నింగ్స్‌ ఆరంభించారు.ఈ క్రమంలో 15 బంతుల్లోనే మూడు ఫోర్లు, ఒక సిక్సర్‌ బాది 20 పరుగులు చేసిన హిట్‌మ్యాన్‌.. పాక్‌ ప్రధాన పేసర్‌ షాహిన్‌ ఆఫ్రిది వేసిన అద్భుత బంతికి బౌల్డ్‌ అయ్యాడు. దీంతో రోహిత్‌ స్థానంలో క్రీజులోకి వచ్చిన కోహ్లి గిల్‌తో కలిసి నిలకడగా ఆడుతూ ఇన్నింగ్స్‌ చక్కదిద్దాడు. అయితే, పాక్‌ స్పిన్నర్‌ అబ్రార్‌ అహ్మద్‌ సూపర్‌ డెలివరీతో గిల్‌(46)ను పెవిలియన్‌కు పంపాడు.తొలి క్రికెటర్‌గా వరల్డ్‌ రికార్డుఈ నేపథ్యంలో సరిగ్గా వంద పరుగులు చేసిన తర్వాత టీమిండియా రెండో వికెట్‌ కోల్పోగా.. కోహ్లి ఆచితూచి ఆడుతూ సహనం ప్రదర్శించాడు. ఈ క్రమంలో పదిహేను పరుగుల వ్యక్తిగత స్కోరు వద్ద కోహ్లి వన్డేల్లో 14000 పరుగుల మైలురాయిని చేరుకున్నాడు. తద్వారా ఈ ఘనత సాధించిన మూడో క్రికెటర్‌గా ఈ రన్‌మెషీన్‌ నిలిచాడు. అంతేకాదు.. అత్యంత వేగంగా అంటే.. తక్కువ ఇన్నింగ్స్‌లోనే ఈ మైల్‌స్టోన్‌ అందుకున్న తొలి క్రికెటర్‌గా వరల్డ్‌ రికార్డు సాధించాడు.కాగా వన్డేల్లో పద్నాలుగు వేల పరుగులు చేయడానికి సచిన్‌ టెండుల్కర్‌కు 350 ఇన్నింగ్స్‌ అవసరమైతే.. కోహ్లి 287వ ఇన్నింగ్స్‌లోనే ఈ ఘనత సాధించడం విశేషం. తద్వారా 300లోపు ఇన్నింగ్స్‌లోనే ఈ ఫీట్‌ నమోదు చేయడం గమనార్హం. ఈ క్రమంలోనే వన్డేల్లో అత్యధిక పరుగుల వీరుల జాబితాలో కోహ్లి మూడో స్థానానికి ఎగబాకాడు. ఇదిలా ఉంటే.. పాక్‌తో మ్యాచ్‌లో శతకంతో లక్ష్య ఛేదన పూర్తి చేసి జట్టును గెలిపించాడు.వన్డేల్లో అత్యధిక పరుగుల వీరులు1.సచిన్‌ టెండుల్కర్‌(ఇండియా)- 18426 రన్స్‌(452 ఇన్నింగ్స్‌)2.కుమార్‌ సంగక్కర(శ్రీలంక)- 14234 రన్స్‌(380 ఇన్నింగ్స్‌)3.విరాట్‌ కోహ్లి(ఇండియా)- 14000+ రన్స్‌(287 ఇన్నింగ్స్‌)*4. రిక్కీ పాంటింగ్‌(ఆస్ట్రేలియా)- 13704 రన్స్‌(365 ఇన్నింగ్స్‌)5. సనత్‌ జయసూర్య(శ్రీలంక)- 13430 రన్స్‌(433 ఇన్నింగ్స్‌).చదవండి: కోహ్లి సరికొత్త చరిత్ర.. భారత్‌ తరఫున తొలి ఆటగాడిగా అరుదైన ఫీట్‌

ఐసీసీ ఛాంపియ‌న్స్ ట్రోఫీ-2025లో దుబాయ్ వేదిక‌గా భార‌త్‌తో జ‌రుగుతున్న మ్యాచ్‌లో పాకిస్తాన్ స్పీడ్ స్టార్ షాహీన్ అఫ్రిది సంచ‌ల‌న బంతితో మెరిశాడు. అఫ్రిది ఇన్‌స్వింగ్ యార్కర్‌తో టీమిండియా కెప్టెన్ రోహిత్ శ‌ర్మ‌(Rohit Sharma)ను క్లీన్ బౌల్డ్ చేశాడు. 242 ప‌రుగుల ల‌క్ష్యంతో బ‌రిలోకి దిగిన భార‌త్‌కు రోహిత్ శ‌ర్మ ఘ‌న‌మైన ఆరంభించేందుకు ప్ర‌య‌త్నించాడు.అందుకు త‌గ్గ‌ట్టుగానే భార‌త ఇన్నింగ్స్ రెండో ఓవ‌ర్‌లో సిక్స‌ర్, ఫోర్ బాది రోహిత్ మంచి టచ్‌లో క‌న్పించాడు. దీంతో కెపెన్‌​ నుంచి భారీ ఇన్నింగ్స్ రావ‌డం ఖాయ‌మ‌ని అంద‌రూ భావించారు. కానీ షాహీన్ అఫ్రిది మాత్రం అంద‌రి ఆశ‌ల‌పై నీళ్లు చల్లాడు. ఐదో ఓవ‌ర్ వేసిన అఫ్రిది ఆఖ‌రి బంతిని రోహిత్‌కు అద్బుత‌మైన ఇన్‌స్వింగింగ్ యార్కర్‌గా సంధించాడు.అఫ్రిది వేసిన బంతికి రోహిత్ ద‌గ్గ‌ర స‌మాధానమే లేకుండా పోయింది. హిట్‌మ్యాన్ త‌న బ్యాట్‌ను కింద‌కు దించే లోపే బంతి వెళ్లి స్టంప్స్‌ను గిరాటేసింది. దీంతో రోహిత్ ఒక్క‌సారిగా షాక్ అయిపోయాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. రోహిత్‌ 15 బంతుల్లో 3 ఫోర్లు, 1 సిక్సర్‌తో 20 పరుగులు చేశాడు.మూడేసిన కుల్దీప్‌.. ఇక ఈ మ్యాచ్‌లో తొలుత బ్యాటింగ్‌ చేసిన పాకిస్తాన్‌ 49.4 ఓవర్లలో 241 పరుగులకు ఆలౌటైంది. పాక్‌ బ్యాటర్లలో సౌద్‌ షకీల్‌(62) టాప్‌ స్కోరర్‌గా నిలవగా.. కెప్టెన్‌ రిజ్వాన్‌(46), ఖుష్దిల్‌ షా(38) మెరుగ్గా ఆడారు. ఇక భారత బౌలర్లలో కుల్దీప్‌ యాదవ్‌ మూడు, హార్దిక్‌ పాండ్యా రెండు వికెట్లు తీయగా.. అక్షర్‌ పటేల్‌, రవీంద్ర జడేజా, అక్షర్‌ పటేల్‌ ఒక్కో వికెట్‌ తీశారు.చదవండి: IND vs PAK: రోహిత్‌ శర్మ వరల్డ్‌ రికార్డు.. What a yorker by Shaheen AfridiRohit Sharma gone 🔥🔥Pakistan vs India | India vs Pakistan#ViratKohli𓃵 #ICCChampionsTrophy2025 #RohitSharma𓃵 #BabarAzam𓃵 #CT25 #PakistanCricket #INDvsPAK #ENGvsAUS #ENGvAUS #AUSvENG #AUSvsENG #PAKvIND #PAKvsINDIA #INDvPAK #IndiavsPakistan pic.twitter.com/3Jzczetqth— SOHAIB (@S0HAIB_7) February 23, 2025

ఐసీసీ ఛాంపియ‌న్స్ ట్రోఫీ-2025లో భాగంగా దుబాయ్‌ వేదిక‌గా పాకిస్తాన్‌తో జ‌రుగుతున్న మ్యాచ్‌లో టీమిండియా కెప్టెన్ రోహిత్ శ‌ర్మ అరుదైన ఘ‌న‌త సాధించాడు. అంత‌ర్జాతీయ వ‌న్డేల్లో అత్యంత‌వేగంగా 9000 ప‌రుగుల మైలురాయిని అందుకున్న తొలి ఓపెన‌ర్‌గా రోహిత్ వ‌ర‌ల్డ్ రికార్డు సాధించాడు. ఈ మ్యాచ్‌లో ఒక్క పరుగు వ్యక్తిగత స్కోర్ వద్ద రోహిత్ ఈ ఘనతను అందుకున్నాడు.హిట్‌మ్యాన్ ఈ ఫీట్‌ను కేవలం 181 ఇన్నింగ్స్‌లలో సాధించాడు. కాగా ఇప్పటివరకు ఈ రికార్డు భారత క్రికెట్ దిగ్గజం సచిన్ టెండూల్కర్ పేరిట ఉండేది. సచిన్ 197 ఇన్నింగ్స్‌లలో ఈ ఫీట్ సాధించాడు. ఇక ఓవరాల్‌గా ఈ రికార్డు సాధించిన ఆరో ప్లేయర్‌గా హిట్‌మ్యాన్ నిలిచాడు.కాగా వన్డే ఫార్మాట్‌లో రోహిత్ శర్మకు అద్బుతమైన ట్రాక్ రికార్డు ఉంది. ఇప్పటివరకు ఏకంగా తన కెరీర్‌లో మూడు డబుల్ సెంచరీలను రోహిత్ నమోదు చేశాడు. ఓవరాల్‌గా తన కెరీర్‌లో 270 వన్డేలు ఆడిన రోహిత్‌..48.89 సగటుతో 11049 పరుగులు చేశాడు. అతడి ఇన్నింగ్స్‌లలో 32 సెంచరీలు ఉన్నాయి. ఇక పాకిస్తాన్‌తో మ్యాచ్‌లో రోహిత్‌ ‍క్విక్‌ ఇన్నింగ్స్‌ ఆడి ఔటయ్యాడు. 15 బంతుల్లో 3 ఫోర్లు, 1 సిక్సర్‌తో 20 పరుగులు చేశాడు. ఈ హైవోల్టేజ్‌ మ్యాచ్‌లో తొలుత బ్యాటింగ్‌​ చేసిన పాకిస్తాన్‌ 49.4 ఓవర్లలో 241 పరుగులకు ఆలౌటైంది. పాక్‌ బ్యాటర్లలో వన్‌డౌన్‌ బ్యాటర్‌ సౌద్‌ షకీల్‌(62) టాప్‌ స్కోరర్‌గా నిలవగా.. కెప్టెన్‌ రిజ్వాన్‌(46), ఖుష్దిల్‌ షా(38) మెరుగ్గా ఆడారు. ఇక భారత బౌలర్లలో కుల్దీప్‌ యాదవ్‌ మూడు, హార్దిక్‌ పాండ్యా రెండు వికెట్లు తీయగా.. అక్షర్‌ పటేల్‌, రవీంద్ర జడేజా, అక్షర్‌ పటేల్‌ ఒక్కో వికెట్‌ తీశారు.వన్డేల్లో అత్యధిక పరుగులు చేసిన ఓపెనర్లు వీరే..సచిన్ టెండూల్కర్-15310సనత్ జయసూర్య- 12740క్రిస్ గేల్-10179ఆడమ్ గిల్‌క్రిస్ట్- 9200సౌరవ్ గంగూలీ- 9146రోహిత్ శర్మ 9000చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

టీమిండియా స్టార్‌ క్రికెటర్‌ విరాట్‌ కోహ్లి(Virat Kohli) సరికొత్త చరిత్ర సృష్టించాడు. భారత్‌ తరఫున వన్డేల్లో అత్యధిక క్యాచ్‌లు(Most Catches) పట్టిన ఫీల్డర్‌గా అరుదైన ఘనత సాధించాడు. దాయాది పాకిస్తాన్‌(India vs Pakistan)తో మ్యాచ్‌ సందర్భంగా కోహ్లి ఈ ఫీట్‌ నమోదు చేశాడు. ఈ క్రమంలో మాజీ కెప్టెన్‌ మహ్మద్‌ అజారుద్దీన్‌ పేరిట ఉన్న ఆల్‌టైమ్‌ రికార్డును ఈ మాజీ సారథి బద్దలు కొట్టాడు.241 పరుగులకు పాక్‌ ఆలౌట్‌చాంపియన్స్‌ ట్రోఫీ-2025లో భాగంగా గ్రూప్‌-‘ఎ’లో ఉన్న భారత్‌ తమ తొలి మ్యాచ్‌లో బంగ్లాదేశ్‌తో తలపడింది. దుబాయ్‌లో గురువారం నాటి మ్యాచ్‌లో బంగ్లాను ఆరు వికెట్ల తేడాతో ఓడించింది. తాజాగా అదే వేదికపై చిరకాల ప్రత్యర్థి పాకిస్తాన్‌ను ఢీకొట్టిన భారత్‌ 241 పరుగులకు దాయాదిని ఆలౌట్‌ చేసింది.బాబర్‌ ఆజం(23), సౌద్‌ షకీల్‌(62) రూపంలో రెండు కీలక వికెట్లను హార్దిక్‌ పాండ్యా దక్కించుకోగా.. కుల్దీప్‌ యాదవ్‌ సల్మాన్‌ ఆఘా(19), షాహిన్‌ ఆఫ్రిది(0), నసీం షా(14)లను అవుట్‌ చేశాడు. ఇక అక్షర్‌ పటేల్‌, రవీంద్ర జడేజా, హర్షిత్‌ రాణా ఒక్కో వికెట్‌ తీయగా.. అక్షర్‌ పటేల్‌ ఇమామ్‌-ఉల్‌-హక్‌(10), హ్యారిస్‌ రవూఫ్‌(8) రనౌట్లలో భాగమయ్యాడు.Jaha matter bade hote hai, waha @hardikpandya7 khade hote hai! 😎Two big wickets in two overs & #TeamIndia are in the driver's seat! 🇮🇳💪#ChampionsTrophyOnJioStar 👉 #INDvPAK | LIVE NOW on Star Sports 1, Star Sports 1 Hindi, Star Sports 2 & Sports 18-1!📺📱 Start Watching… pic.twitter.com/Neap2t4fWC— Star Sports (@StarSportsIndia) February 23, 2025 కోహ్లి సరికొత్త చరిత్రఅయితే, ఈ మ్యాచ్‌లో కోహ్లి రెండు సూపర్‌ క్యాచ్‌లు అందుకుని తన పేరును చరిత్రలో పదిలం చేసుకున్నాడు. తొలుత కుల్దీప్‌ యాదవ్‌ బౌలింగ్‌లో నసీం షా ఇచ్చిన క్యాచ్‌ను అందుకున్న కోహ్లి.. అనంతరం హర్షిత్‌ రాణా బౌలింగ్‌లో ఖుష్దిల్‌ షా(38) ఇచ్చిన క్యాచ్‌ను అద్భుత రీతిలో అందుకున్నాడు. ఈ క్రమంలో టీమిండియా తరఫున వన్డేల్లో అత్యధిక క్యాచ్‌లు అందుకున్న ఫీల్డర్‌గా కోహ్లి నిలిచాడు. అంతకు ముందు మహ్మద్‌ అజారుద్దీన్‌ పేరిట ఈ రికార్డు ఉండేది. ఇప్పుడు కోహ్లి దానిని బద్దలు కొట్టాడు. ఇక జాబితాలో ఓవరాల్‌గా శ్రీలంక స్టార్‌ మహేళ జయవర్దనే(218), ఆస్ట్రేలియా దిగ్గజం రిక్కీ పాంటింగ్‌(160) ఈ జాబితాలో టాప్‌-2లో కొనసాగుతున్నారు.వన్డేల్లో టీమిండియా తరఫున అత్యధిక క్యాచ్‌లు అందుకున్న ఫీల్డర్లు1. విరాట్‌ కోహ్లి- 1582. మహ్మద్‌ అజారుద్దీన్‌- 1563. సచిన్‌ టెండుల్కర్‌- 1404. రాహుల్‌ ద్రవిడ్‌- 1245. సురేశ్‌ రైనా- 102.చాంపియన్స్‌ ట్రోఫీ-2025: టీమిండియా వర్సెస్‌ పాకిస్తాన్‌ తుదిజట్లుటీమిండియారోహిత్‌ శర్మ (కెప్టెన్‌), శుబ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, హార్దిక్‌ పాండ్యా, రవీంద్ర జడేజా, హర్షిత్‌ రాణా, మహ్మద్‌ షమీ, కుల్దీప్‌ యాదవ్‌.పాకిస్తాన్‌సౌద్‌ షకీల్‌, బాబర్‌ ఆజం, ఇమామ్‌-ఉల్‌ -హక్‌, మహ్మద్‌ రిజ్వాన్‌ (కెప్టెన్‌/వికెట్‌ కీపర్‌), సల్మాన్‌ ఆఘా, తయ్యబ్‌ తాహిర్‌, ఖుష్దిల్‌ షా, షాహిన్‌ అఫ్రిది, నసీం షా, హ్యారిస్‌ రవూఫ్‌, అబ్రార్‌ అహ్మద్‌.చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

ఐసీసీ ఛాంపియ‌న్స్ ట్రోఫీ-2025లో దుబాయ్ వేదిక‌గా పాకిస్తాన్‌తో జ‌రుగుతున్న మ్యాచ్‌లో భార‌త బౌల‌ర్లు అద్భుత‌మైన ప్ర‌ద‌ర్శ‌న క‌న‌బ‌రిచారు. టాస్ ఓడి తొలుత బ్యాటింగ్‌కు దిగిన పాకిస్తాన్ 41.4 ఓవ‌ర్ల‌లో 241 ప‌రుగుల‌కు ఆలౌటైంది. భార‌త బౌల‌ర్ల‌లో స్పిన్న‌ర్ కుల్దీప్ యాద‌వ్ మూడు వికెట్ల‌తో స‌త్తాచాటాడుఫ‌స్ట్ స్పెల్‌లో వికెట్ లెస్‌గా వెనుదిరిగిన కుల్దీప్‌.. త‌న రెండో స్పెల్‌లో మాత్రం అద‌ర‌గొట్టాడు. అత‌డితో హార్దిక్ పాండ్యా సైతం బంతితో మ్యాజిక్ చేశాడు. ఈ మ్యాచ్‌లో మంచి ట‌చ్‌లో క‌న్పించిన పాక్ ఓపెన‌ర్ బాబ‌ర్ ఆజంను హార్దిక్ ఔట్ చేసి భార‌త్‌కు తొలి వికెట్‌ను అందించాడు.అదే విధంగా హాఫ్ సెంచ‌రీతో మెరిసిన సౌద్ షకీల్‌ను కూడా పాండ్యానే పెవిలియ‌న్‌కు పంపాడు. ఓవరాల్‌గా 8 ఓవర్లు బౌలింగ్‌ చేసిన పాండ్యా.. కేవలం 31 పరుగులిచ్చి 2 వికెట్లను తన ఖాతాలో వేసుకున్నాడు. వీరిద్దరితో పాటు అక్షర్‌ పటేల్‌, రవీంద్ర జడేజా తలా వికెట్‌ సాధించారు.ఇక పాకిస్తాన్ బ్యాటర్లలో సౌద్‌ షకీల్‌(76 బంతుల్లో 5ఫోర్లతో 62) టాప్‌ స్కోరర్‌గా నిలవగా.. కెప్టెన్‌ మహ్మద్‌ రిజ్వాన్‌(46), కుష్దీల్‌​ షా(38) కీలక ఇన్నింగ్స్‌లు ఆడారు. మరి 242 పరుగుల టార్గెట్‌ను భారత్ సునాయసంగా ఛేదిస్తుందో లేదా పాక్ డిఫెండ్ చేసుకుంటుందో వేచి చూడాలి.చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!