‘‘ఇటీవల ఉత్తర్‌ప్రదేశ్‌లో జరిగిన దౌర్జన్యానికి మానవ సంబంధాలే కారణమని అందరూ ఆలోచిన్తున్న సమయంలో వస్తున్న చిత్రం ‘కేస్‌ 99’. ఈ చిత్రంతో సమాజంలో జరిగే చెడును బయటపెట్టే ప్రయత్నం చేస్తున్నారని తెలిసింది. ప్రియదర్శిని రామ్‌గారు ఏ పనిచేసినా ప్రాణం పెట్టి చేస్తారు. ఈ సినిమా పెద్ద విజయం సాధించాలని మనస్ఫూర్తిగా కోరుకుంటున్నా’’ అని ప్రముఖ దర్శకుడు బోయపాటి శ్రీను అన్నారు. ప్రియదర్శిని రామ్‌ నటించి, దర్శకత్వం వహించిన చిత్రం ‘కేస్‌ 99’. మెలోడ్రామా కంపెనీపై చిలుకూరి కీర్తి, గౌతమ్‌రెడ్డి, వివేక్‌రెడ్డి నిర్మించిన ఈ సినిమా ఫస్ట్‌ లుక్‌ను బోయపాటి శ్రీను విడుదల చేశారు. ఈ సందర్భంగా ప్రియదర్శిని రామ్‌ మాట్లాడుతూ– ‘‘మంచి మనసున్న వ్యక్తి బోయపాటి శ్రీను. ప్రస్తుతం నెట్‌ఫ్లిక్స్, అమెజా¯Œ లాంటి ఓటీటీలో విడుదలవుతున్న వాటిలో పదికి ఏడు సినిమాలు క్రైమ్‌ థ్రిల్లర్‌లే ఉంటున్నాయి. ఎందుకంటే సమాజంలో ఎక్కువగా జరుగుతున్నాయి కాబట్టే ఉంటున్నాయి. వాటన్నింటినీ  నేను పరిష్కరించలేను కానీ నా వంతుగా చక్కని సినిమా తీయాలనిపించింది. కొత్త రక్తంతో వస్తున్న యువ నిర్మాతలు గౌతమ్, కీర్తీ, వివేక్‌లకు చాలా మంచి సినిమా తీశానని నేను మాట ఇస్తున్నా’’ అన్నారు. తిరువీర్, అనువర్ణ, నిహాల్‌ కోదాటి, అజయ్‌ ఖతుర్వార్, అపరాజిత తదితరులు నటించిన ఈ చిత్రానికి కెమెరా: టి. సురేంద్ర రెడ్డి, సంగీతం: ఆషిక్‌ అరుణ్‌.

సాక్షి , హైదరాబాద్‌ : సాక్షి టీవీ సీఈవోగా , ఫ్యామిలీ ఫీచర్స్ ఎడిటర్‌గా, లవ్‌ డాక్టర్‌గా మనకు సుపరిచితులయిన ప్రియదర్శిని రామ్ మంచి టేస్ట్‌ ఉన్న డైరెక్టర్‌ అన్న సంగతి ప్రత్యేకంగా చెప్పనవసరం లేదు. టాస్‌, మనోడు లాంటి విభిన్న చిత్రాలకు దర్శకత్వం వహించి రామ్‌ తన ప్రత్యేకతను చాటుకున్నారు. ఆయన దర్శకత్వం వహించిన మనోడు సినిమాకు రాష్ట్ర ప్రభుత్వం అందించే నంది అవార్డుల్లో స్ఫెషల్‌ జ్యరీ నందీ అవార్డు కూడా రామ్‌ సొంతం చేసుకున్నారు. తాజాగా హత్యలు, బలవన్మరణాలు, కిడ్నాప్‌లు,అత్యాచారాలను వెనక ఉన్న హ్యూమన్ ఎమోషన్ కీపాయింట్‌ ఆధారంగా చేసుకొని ప్రియదర్శిని రామ్‌ 'కేస్‌ 99' అనే ఇన్వస్టిగేషన్‌ డ్రామాను తెరకెక్కించారు.  ముఖ్యంగా హైదరాబాద్‌ శివారులో ఓఆర్‌ఆర్‌లు ఏర్పడ్డాకా సిటీ అంచుల్లో భూ తగాదాలు, దందాలు, మాఫియా పేరిట జరుగుతున్న నేరాలను దృష్టిలో పెట్టుకొని ఈ చిత్రాన్ని రూపొందించారు.  కాగా 'కేస్ 99' సినిమాకు సంబంధించిన టైటిల్ మోషన్ పోస్టర్‌ను ప్రముఖ డైరెక్టర్‌ బోయపాటి శ్రీను శనివారం రిలీజ్‌ చేయనున్నారు. 115 నిమిషాల నిడివి ఉన్న కేస్‌ 99 సినిమా దీపావళికి సందడి చేయనుందని ఫిలింనగర్‌లో టాక్‌. తిరువీర్, అనువర్ణ, నిహాల్, అజయ్, అపరాజిత, అశోక్ రావు, విజయ్ గోపరాజు, క్రిష్ రాజ్, మనోజ్ ముత్యం, నితిన్ ప్రసన్న, ప్రియదర్శిని రామ్ ముఖ్యపాత్రలు పోషించిన ఈ చిత్రాన్ని కీర్తి చిలుకూరి, గౌతమ్ రెడ్డి, వివేక్ రెడ్డి నిర్మిస్తుండగా, ఆషిక్ అరుణ్ ఈ చిత్రానికి సంగీతం అందించారు.

ముప్పై ఐదేళ్ల వయసులో.. నల్లకాలువ దగ్గర జగన్‌ ఒక మాట ఇచ్చాడు. తన తండ్రి వైఎస్‌ మరణాన్ని తట్టుకోలేక చనిపోయిన వారి కుటుంబాలను ఓదారుస్తానని!ఆ మాట మీద నిలబడకపోయుంటే..జగన్‌పై ఇన్ని కక్ష సాధింపులు ఉండేవి కాదు. ఇన్ని కేసులు ఉండేవి కాదు. ఆ కుటుంబానికి ఇన్ని వేధింపులు ఉండేవి కాదు.అయినా మాట మీద నిలబడ్డాడు. ఏ కష్టమొచ్చినా మాట నిలబెట్టుకున్నాడు. విలువలకు కట్టుబడి ఉన్నాడు. వై.ఎస్‌.రాజశేఖరరెడ్డికి గానీ, జగన్‌కి గానీమాటే ప్రమాణం. ‘‘నాన్న గానీ, అన్న గానీ మాట ఇవ్వడం అంటే ప్రమాణం చెయ్యడమే’’ ననిపశ్చిమ గోదావరి జిల్లా నర్సాపురంలోప్రియదర్శిని రామ్‌కి ఇచ్చిన ప్రత్యేక ఇంటర్వ్యూలోవై.ఎస్‌. షర్మిల స్పష్టం చేశారు.  రామ్‌: చాలా కాలం తర్వాత మళ్లీ జగన్‌ అన్న  బాణంలా దూసుకుంటూ వచ్చారు. ఈ ఫీలింగ్‌ ఎలా అనిపిస్తోంది? షర్మిల: ఇట్స్‌ గుడ్‌. ఇన్ని రోజులు ఎందుకు రాలేదు అన్నది మీ ప్రశ్న అయితే.. బేసిక్‌గా అన్న నేను కష్టపడకూడదు అనుకుంటాడు. నాన్న ఉన్నప్పుడు కూడా నేను కష్టపడకూడదు అనుకునేవాడు. నా టెన్త్‌ అయిపోయిన తర్వాత నాన్నలా డాక్టర్‌ అవ్వాలని చాలా మంది ఒత్తిడి చేశారు. కానీ డాక్టర్‌ అయితే చాలా కష్టపడాలి అని నాన్న ఒప్పుకోలేదు. నేను కష్టపడకూడదని ఆలోచిస్తారు. కానీ ఇప్పుడు రావాల్సి వచ్చింది ఎందుకంటే.. ఒకప్పుడు నాన్న ఎంతగానో ప్రేమించిన రాష్ట్రమిది. ఒకప్పుడు కళకళలాడిన రాష్ట్రాన్ని ఇప్పుడు ఈ దుస్థితిలో చూస్తే నాన్న కూతురిగానే కాదు, సామాన్యురాలిగా కూడా గుండె బరువు ఎక్కుతుంది. కనుక ఇప్పుడు రాకపోతే, ఇప్పుడు చెప్పకపోతే, ఈ ఎన్నికల సందర్భంలో ప్రజల దృష్టికి తీసుకురాకపోతే అభివృద్ధిలో మళ్లీ 25 ఏళ్లు వెనక్కు వెళ్తాం అని నాకే అనిపించింది.  రామ్‌: జగన్‌ అన్న బాణం అని సంబోధించినా కూడా నాన్నతోనే పోల్చుకుంటున్నారు? ఆ గాయం ఇంకా మానినట్లు లేదు! షర్మిల: నాన్న పోయిన గాయం ఎప్పటికీ మానదు. నాకు, అమ్మకే కాదు ఈ రాష్ట్ర ప్రజలకూ ఎప్పటికీ మానదనే నేను అనుకుంటున్నాను. కానీ, సూర్యుడు అస్తమిస్తే మళ్లీ ఉదయిస్తాడు. అదే ఆశ అదే జీవితాన్ని నడిపిస్తుంది. మళ్లీ రాజన్న రాజ్యం రావాలి. మళ్లీ ప్రజలు సంతోషంగా ఉండాలి. ఉండగలిగితే అదే తృప్తి.  రామ్‌: చాలా సుదీర్ఘమైన ప్రయాణం. నాన్నగారిని మీరు పోగొట్టుకుని ఈ సెప్టెంబర్‌కు పదేళ్లు కాబోతోంది. జగన్‌ గారి ప్రస్థానం అక్కడి నుంచి.. ఇట్స్‌ బీన్‌ ఏ లాంగ్‌ హార్డ్‌ జర్నీ!  షర్మిల: ఈ పదేళ్లు నిజంగానే టెస్టింగ్‌ పీరియడ్‌. నాన్న ఉన్నప్పుడు ఏ రోజూ మాకు  కష్టం తెలియనివ్వలేదు. నాన్నే పెద్ద కొండలా అడ్డు నిలబడినట్టు.. మాకు ఏ కష్టమూ అనిపించలేదు. నాన్న చనిపోయినప్పుడు 700 మందికి పైగా నాన్న లేడన్న బాధ భరించలేక, నిజం జీర్ణించుకోలేక చనిపోయారు. ఒకవేళ మాకంటే నాన్నను వాళ్లే ఎక్కువగా ప్రేమించారా అనిపించేది. మేం ఒక కుటుంబంగా కూర్చున్నప్పుడు ప్రతి కుటుంబానికి వెళ్లాలి, పరామర్శించాలి, నాన్నను అంతగా ప్రేమించారు కదా, మన కృతజ్ఞత తెలుపుకోవాలి అనుకున్నాం. ఆ తర్వాత అన్న నల్లమలకు వెళ్లడం జరిగింది. లక్షల మంది ముందర మాటివ్వడం జరిగింది. మాటిచ్చినప్పుడు మాకు తెలియలేదు. మా నాన్న కోసం మేము చేయాలనుకున్న పరామర్శకు ఇంకొకరి సమ్మతి.. సోనియా గాంధీ గారి పర్మిషన్‌ అవసరం అని మాకు అనిపించలేదు. కాంగ్రెస్‌ వాళ్లు ‘వీలులేదు మేం పర్మిషన్‌ ఇవ్వం’ అన్నారు. ఆ తర్వాత మేం అపాయింట్‌మెంట్స్‌ అడిగాం. లెటర్స్‌ రాశాం. ఫోన్లు చేశాం. ఆ తర్వాత ఎప్పుడో అపాయింట్‌మెంట్‌ ఇచ్చారు. అమ్మ, నేను, అన్నా వెళ్లి కలిశాం. కలసినప్పుడు సోనియాగాంధీ గారేమో అందర్నీ ఒకచోటుకి పిలిచి ఒకటేసారి అవ్వజేయండీ అన్నారు. ‘‘అలా కాదమ్మా, నాన్న చనిపోయినప్పుడు మీరు మా ఇంటికి వచ్చి పరామర్శించారు. అదే పద్ధతి. అదే సంప్రదాయం. మేమే వాళ్ల ఇంటికి వెళ్లాలి. మేం మాట ఇచ్చాం’’ అని వాళ్లకు ఎంత చెప్పినా అర్థం కాలేదు. ఒప్పించలేక వచ్చేశాం. కాంగ్రెస్‌ వాళ్లు వచ్చి, వాళ్ల మాట వింటే సెంట్రల్‌ మినిస్ట్రీ ఇస్తాం అన్నారు. టెర్మ్‌ అయిపోయాక ముఖ్యమంత్రిని కూడా చేస్తాం అన్నారు. వాళ్ల మాట వినకపోతే కేసులు కూడా పెడతాం అని బెదిరించారు. ఆ తర్వాత ప్రేయర్‌ రూమ్‌లో మేం అంతా కూర్చున్నప్పుడు అన్న అన్నాడు. ‘‘మనకు రెండే ఆప్షన్స్‌ ఉన్నాయి. ఒకటి మనం ఇచ్చిన మాట మర్చిపోయి వాళ్లు చెప్పినట్టు వింటే పదవులు ఇస్తామంటున్నారు. రెండు మనకు కష్టమైనా మనని ఇబ్బంది పెట్టినా కూడా మన మాట నిలబెట్టుకుంటే ఎన్నో కష్టాలు పడాల్సి ఉంటుంది. కానీ ఇచ్చిన మాట నిలబెట్టుకున్నవాళ్లం అవుతాం. నాకైతే నాన్న బాటలో, ఇచ్చిన మాట మీద నిలబడాలని ఉంది. పరామర్శకు పోవాలనే ఉంది’’ అని అన్నాడు. అమ్మేమో.. ‘‘లేదు నాన్నా.. చాలా కష్టపడతావు’’ అని చెప్పింది. ‘‘లేదమ్మా ఇదే కరెక్టు’’ అని అమ్మను ఒప్పించాడు. ‘‘మనం ఇచ్చిన మాటను నిలబెట్టుకోలేకపోతే తండ్రికి తగ్గ కొడుకుని అనిపించుకోలేను నేను’’ అన్నాడు. ఆ తర్వాత ఓదార్పు యాత్ర చేశాడు. రెండు రోజులకే కేసులు పెట్టారు. బయటకు వచ్చాం. అన్నను జైల్లో కూడా పెట్టారు. ఆ పీరియడ్‌ కూడా చాలా కష్టంగా అనిపించింది. అసలు ఏం అర్థం కాలేదు. ఊపిరి ఆడనట్టు అయిపోయింది. ఇంటికి నాన్న తర్వాత అన్న పెద్ద. అలాంటిది అన్నను తీసుకెళ్లి జైల్లో పెట్టడం అంటే మమ్మల్ని అనాథను చేసినట్టు. సోనియా గాంధీగారు కూడా భర్తను పోగొట్టుకున్నారు. తనకూ ఓ కొడుకు ఉన్నాడు. తన కొడుకుని జైల్లో పెడితే ఎలా ఉండేదో, విజయమ్మగారి కొడుకుని జైల్లో పెడితే కూడా అలాగే ఉంటుందని కనీసం ఆలోచించలేకపోయారు. రెండుసార్లు అధికారంలోకి తీసుకువచ్చారు రాజశేఖరరెడ్డిగారు. ఆ కృతజ్ఞత కూడా ఉన్నట్టు అనిపించలేదు. మానవత్వం ఉన్నట్టు కూడా కనిపించలేదు. ఎన్ని చేసినా మేం ఓర్చుకున్నాం. ఆ తర్వాత నేను పాదయాత్ర చేయాల్సి వచ్చింది. దేవుడి దయ వల్ల అన్న బయటకు వచ్చాడు. పదహారు నెలల తర్వాత! ఆ తర్వాత మీకు తెలుసు అన్న ఎంత కష్టపడ్డాడో. ఎలక్షన్‌ వచ్చింది. చాలా మైనర్‌ మార్జిన్‌తో తెలుగుదేశం పార్టీకి కోటీ 35 లక్షల ఓట్లు వస్తే వైఎస్‌ఆర్‌సీపీకి కోటీ 30 లక్షల ఓట్లు వచ్చాయి. మైనర్‌ మార్జిన్‌తో వైఎస్‌ఆర్‌ కాంగ్రెస్‌ పార్టీ ఓడిపోయింది. అప్పుడు కూడా అన్న బాధపడలేదు. అప్పుడు కూడా అన్న చెప్పింది ఒకటే. ‘‘నిలబెట్టుకోలేని వాగ్దానాలు ఇచ్చి అధికారంలో ఉండడం కన్నా ఇచ్చిన మాట మీద నిలబడి విశ్వసనీయత, విలువలు కలిగినవాడిగా అపోజిషన్‌లో ఉన్నా’’ అన్నాడు. ఈ ఐదు ఏళ్లు కష్టపడ్డాడు. రాష్ట్రాన్ని ప్రత్యేక హోదా కోసం చేయని ప్రయత్నం లేదు. ఢిల్లీలో ధర్నాలు చేశాడు. ఆంధ్రప్రదేశ్‌లో రోజుల తరబడి నిరాహార దీక్ష చేశాడు. బంద్‌లు, రాస్తారోకోలు.. ఆఖరికి వైసీపీ ఎంపీలందరూ కూడా రాజీనామాలు చేసి పదవీ త్యాగం చేశారు. ఆ తర్వాత అన్న పాదయాత్ర చేశారు... 3,500 కిలోమీటర్లు. చాలా దూరం, చాలా కష్టం. ప్రజల కష్టం విన్నాడు. తెలుసుకున్నాడు, అర్థం చేసుకున్నాడు.  రామ్‌: మీరు చేసిన పాదయాత్రకు, జగన్‌గారు చేసిన పాదయాత్రకు వ్యత్యాసం ఏంటి?  షర్మిల: నేను చేసిన పాదయాత్ర.. వైఎస్‌ఆర్‌ కుటుంబం ప్రజలకు ఎప్పుడూ అండగానే ఉంటుంది. అందుబాటులోనే ఉంటుంది. ఎన్ని కష్టాలొచ్చినా కూడా అవైలబుల్‌గా ఉంటుంది అని ఒక ధైర్యం నింపడంకోసం చేసింది. జగన్‌ అన్న చేసిన పాదయాత్ర.. మార్పు కోసం పోరాటం చేయాలి, నేను మీకు అండగా నిలబడతాను అని ధైర్యం చెప్పడానికి, భరోసా నింపడానికి చేసింది. మనమందరం కలసి మార్పుని సాధించుకుందాం అని చెప్పడం కోసం చేసిన పాదయాత్ర.  రామ్‌: అంత కొద్ది మార్జిన్‌తో టీడీపీ ప్రభుత్వం రావడం, చంద్రబాబు ముఖ్యమంత్రి అవ్వడం జరిగింది. ఆ తర్వాత జగన్‌గారు.. ప్రజలు అబద్ధపు వాగ్దానాల కంటే కూడా విశ్వసనీయతను నమ్మడంతో ప్రజల తరఫున మళ్లీ పోరాటం మొదలుపెట్టారు. ఈ ఐదేళ్ల కాలంలో చంద్రబాబుగారి పాలన ఎలా ఉందని అనుకుంటున్నారు? షర్మిల: ఈ ఐదేళ్ల కాలంలో చంద్రబాబుగారు ముఖ్యమంత్రిగా ప్రతి విషయంలోనూ విఫలం అయ్యారు. అన్నింటికంటే ముఖ్యం మనకు స్పెషల్‌ కేటగిరీ స్టేటస్‌. బీజేపీతో పొత్తు పెట్టుకొని నాలుగేళ్లు బీజేపీతో సంసారం చేస్తూ కూడా స్పెషల్‌  కేటగిరీ స్టేటస్‌ సాధించుకోకపోవడం చంద్రబాబుగారి గ్రేటెస్ట్‌ ఫెయిల్యూర్‌. హోదా వద్దూ, ప్యాకేజీలతోనే తనకు కమీషన్లు వస్తాయి అనుకుని కేవలం డబ్బుల కోసం ప్రజలను ముంచేశాడు. ప్రత్యేక హోదాను తాకట్టుపెట్టేశాడు. కేవలం తన స్వార్థం కోసం. నాకు చాలా అనుభవం ఉంది. రాజధానిని కట్టేస్తాను అని చెప్పారు. కానీ ఒక్క ఫ్లై ఓవర్‌ కట్టలేదు. ఒక్క పర్మనెంట్‌ బిల్డింగ్‌ కట్టలేదు. కేంద్ర ప్రభుత్వమేమో రూ. 2,500 కోట్లు ఇచ్చాం కొత్త రాష్ట్రం కోసం అంటుంది. ఆ డబ్బంతా ఏమైనట్టు? రాజధాని విషయంలో ఘోరంగా విఫలమయ్యారు. పోలవరంలో కూడా అంతే. కేంద్ర ప్రభుత్వం కట్టాల్సిన ప్రాజెక్ట్‌ అది. ఆయనను ఎవరు తీసుకోమన్నారు. ఆ తర్వాత పర్మిషన్లు ఇవ్వడం లేదని సాకులు చెబితే అసలు ముందు మిమ్మల్ని ఎవరు తీసుకోమన్నారు. 15 వేల కోట్ల ప్రాజెక్ట్‌ను కమీషన్ల కోసం 60 వేల కోట్లకు పెంచారు. అంత భారీగా బడ్జెట్‌ పెంచాల్సిన అవసరం లేదు. ఆ పెద్ద విషయాలన్నీ పక్కన పెడితే రైతులకు రుణమాఫీ అని వాగ్దానం చేశారు. మొత్తం రైతుల రుణం 85 వేల కోట్లు ఉంది ఆ రోజు. దాన్ని కాస్తా కమిటీ వేసి, సాకులు చూపించి 24 వేల కోట్లకు కుదించి, అది కూడా ఇంతవరకూ ఇవ్వలేదు. డ్వాక్రా మహిళలకు రుణమాఫీ అన్నారు. అది కూడా ఒక్క రూపాయి మాఫీ చేయలేదు. కేజీ నుంచి పీజీ వరకూ ఉచిత విద్య అన్నారు. పూర్తి ఫీజు రీయింబర్స్‌మెంట్‌ ఇవ్వడం లేదు. ఆరోగ్యశ్రీ ఆసుపత్రులను తొలగించారు. ఇంటికో ఉద్యోగం ఇస్తాం అన్నారు. ఇలా ప్రతి విషయంలోనూ ఫెయిల్‌ అయ్యారు. చేశానని చెప్పుకోడానికి ఒక్కటీ లేకపోయినా, నేను ఇది చేశాను, అది చేశాను అంటున్నారు. ‘మాట నిలబెట్టుకున్నాను కనుక నాకు ఓట్లు వేయండి’ అని చెప్పే ధైర్యం మాత్రం లేదు చంద్రబాబు గారికి. ఎంతసేపు జగన్‌మోహన్‌రెడ్డి గారిని తిట్టడం, ఎంతసేపున్నా అబద్ధపు హామీలు ఇవ్వడం. అదే చెబుతుంది కదా. ప్రజలకు ఆయనేమీ చేయలేదని.  షర్మిలను ఇంటర్వ్యూ చేస్తున్న ప్రియదర్శిని రామ్‌ రామ్‌: పొత్తుల విషయం.. బీజేపీతో పొత్తులోఉండి, గెలిచి నాలుగున్నరేళ్ల తర్వాత దీన్ని వదిలేసి అటు తెలంగాణాకు వెళ్లి కాంగ్రెస్‌తో కలసి పోటీ చేసి.. ఈ మధ్యలో టీఆర్‌ఎస్‌ను కూడా పొత్తుకు అడిగారని..!  షర్మిల: ఏదైనా చేస్తాడు చంద్రబాబుగారు. ఎవ్వరితో అయినా పొత్తు పెట్టుకుంటాడు. ఫారుక్‌ అబ్దుల్లా ఎవరండీ? మమతా బెనర్జీ ఎవరు? ఏం అవసరం? రామ్‌: చంద్రబాబు నాయుడు మాయమాటల వల్ల ఈ ఎన్నికల్లో కూడా ఏదైనా ఇంపాక్ట్‌ ఉంటుందని అనుకుంటున్నారా?   షర్మిల: ఒకరు ఇంకొకర్ని ఒకసారి మోసం చేయొచ్చు. కానీ అందర్నీ అన్నిసార్లు మోసం చేయడం అసాధ్యం. ప్రజలు 5 ఏళ్లు చంద్రబాబుగారి పాలన చూశారు. ఏం డెలివర్‌ చేశారో వాళ్లకు తెలుసు. రైతులు మోసపోయారు. మహిళలు మోసపోయారు. విద్యార్థులు మోసపోయారు. యువకులు మోసపోయారు. బీసీలు, దళితులు, ఇలా అన్ని వర్గాల వారు మోసపోయారు. చంద్రబాబుగారు మోసం చేసేవాడని, మాట మీద నిలబడని వాడని ప్రజలకు అర్థం అయిందని నేను అనుకుంటున్నాను. ఎక్కడికి వెళ్లినా అదే చెబుతున్నాను. ఈసారి మోసపోయే చాన్స్‌ లేదని నేననుకుంటున్నాను. రామ్‌: జగన్‌గారిని ఒక బలమైన ప్రతిపక్షనేతగా చూశారు. ముఖ్యమంత్రి అయితే అతని పాలన ఎలా ఉంటుందని అనుకుంటున్నారు?  షర్మిల: జగన్‌ గారిని ప్రతిపక్షనేతగా కంటే కూడా ముందే చూశాం. ప్రజలు జగన్‌ గారిని దాదాపు పదేళ్లుగా చూస్తూనే ఉన్నారు. నాన్న చనిపోయినప్పుడు ఎంత ధైర్యంగా నిలబడ్డాడో చూశారు. ఓదార్పుకు  ఇచ్చిన మాట కోసం.. సోనియా గాంధీగారు ఆరోజుల్లో గ్రేట్‌ ఫోర్స్‌.. అంతటి ఫోర్స్‌నీ ఎదిరించారు. ఎదురు నిలబడ్డారు. ఇచ్చిన మాటే ముఖ్యం అని నిలబడ్డారు. ఓదార్పు యాత్ర చేశాడు. కేసులు పెట్టినా భయపడలేదు. జైలుకు వెళ్లినా భయపడలేదు. ఆ తర్వాత ప్రతిపక్ష నేతగా చూశాం. ఇక ప్రత్యేక హోదా కోసం జగన్‌ అన్న చేసిన ప్రయత్నం ఎవ్వరూ చేయలేదు. జగన్‌గారు అంత పోరాటం చేసుండకపోతే చంద్రబాబుగారు ఈ పాటికి ఆ ఉద్యమాన్ని చంపేసుండేవారు. ఈ రోజు ప్రత్యేక హోదా బతికి ఉందంటే జగన్‌గారి వల్లనే. చంద్రబాబు నాయుడుగారు యుటర్న్‌ తీసుకొని మళ్లీ హోదా కావాలి అంటున్నారు. అంటే అది కేవలం జగన్‌గారి వల్ల. ప్రతిపక్షనేతగా ఎంత సమర్థవంతంగా చేశాడో చూశాం. ముఖ్యమంత్రిగా కూడా చాలా సమర్థవంతంగా, తపనతో మనసున్నవాడిగా నాన్నలా చేస్తాడు అనుకోవడంలో, అనడంలో నాకు ఏ మాత్రం అనుమానంలేదు. రాజశేఖరరెడ్డిగారికి తగిన కొడుకు అనిపించుకుంటాడు.  రామ్‌: బీజేపీతో రహస్య ఒప్పందం ఉందని, కాసేపు టీఆర్‌ఎస్‌తోఉందని అంటున్నారు.  షర్మిల: బీజేపీతో నాలుగేళ్లు సంసారం చేసింది చంద్రబాబుగారు. ప్రత్యేక హోదాను తాకట్టుపెట్టింది ఆయన. ఇప్పుడు మాకు బీజేపీతో పొత్తు ఉందనడంలో అసలు అర్ధమే లేదు. మాకు బీజేపీతో పొత్తు ఉంటే జగన్‌గారి కేసులన్నీ మాఫీ చేయించుకునేవారు కాదా? దేర్‌ ఈజ్‌ నథింగ్‌ టు రీడ్‌ బిట్వీన్‌ ది లైన్స్‌. అసలు లాజిక్‌ లేదు. టీఆర్‌ఎస్‌తో పొత్తుకోసం వెంపర్లాడింది చంద్రబాబుగారు. హరికృష్ణగారి మృతదేహం పక్కన ఉందనే ఇంగితం కూడా లేకుండా టీఆర్‌ఎస్‌తో పొత్తు పెట్టుకోవాలనుకుంది చంద్రబాబుగారు. టీఆర్‌ఎస్‌తో పొత్తు అని ఆయన  అంటే అయిపోతుందా? ప్రజలు గమనిస్తున్నారు. పొత్తుల కోసం వెంపర్లాడింది ఎప్పుడూ చంద్రబాబే. జగన్‌గారు మొదటి రోజు నుండి సింగిల్‌గానే పోరాడారు. కాంగ్రెస్‌ పార్టీ నుంచి సింగిల్‌గానే బయటకు వచ్చారు. సింగిల్‌గానే వైఎస్‌ఆర్‌ పార్టీ స్థాపించారు. ఆరోజు నుంచి ఈ రోజు వరకు మాకు ఎవ్వరితోనూ పొత్తులు లేవు.  మాకు అవసరం కూడా లేదు. మా దృష్టిలో కాంగ్రెస్‌ పార్టీ ఆంధ్ర రాష్ట్రానికి ఎంతో ద్రోహం చేసింది. రాష్ట్రాన్ని విభజించిన వాళ్లు అనుకుంటే ప్రత్యేక హోదా కూడా ఆ రోజే ఇచ్చి ఉండచ్చు. ఆ రోజే పోలవరం ఇచ్చేసి ఉండచ్చు. ఆ రోజే రాజధాని కట్టుకోవడానికి డబ్బులు ఇచ్చి ఉండచ్చు. అంత అన్యాయంగా విభజన చేసింది కాంగ్రెస్‌ పార్టీ. అంత అన్యాయం కాంగ్రెస్‌ పార్టీ చేస్తే బీజేపీ ప్రభుత్వంలోకి వచ్చిన తర్వాత ప్రత్యేక హోదా ఇస్తాం అని చెప్పినా కూడా ఇవ్వకుండా వాళ్లూ మనకు అంతే అన్యాయం చేశారు. మాకు ఎవ్వరితోనూ పొత్తులు లేవు. ఆ అవసరం కూడా లేదు.  రామ్‌: ఇప్పుడు కాంగ్రెస్‌ ప్రత్యేకహోదా ఇస్తాను అంటోంది? షర్మిల: ఇచ్చే మనసే ఉంటే ముందే ఇచ్చే ఉండొచ్చు కదా అన్నది నా పాయింట్‌. ఇచ్చేవాళ్లే అయితే విభజన చేసిందే వాళ్లు కదా. పేపర్లు రాసేదే వారు కదా. చట్టాలు చేసింది వాళ్లు కదా. ఆ రోజు ఎందుకు ఇవ్వలేదు అంటున్నాను నేను. ఆ రోజు ఏమైంది మీ తెలివి. మీకు చిత్తశుద్ధి ఉంటే ఆ రోజు ఎందుకు  చేయలేదు. మీకు చిత్తశుద్ధి అప్పుడు లేనప్పుడు ఇప్పుడు ఉంది అని చెబుతుంటే ఎలా నమ్మడం. రామ్‌: జగన్‌గారి ప్రయాణంలో చాలా ముఖ్యమైన ఘట్టం. వైజాగ్‌ ఎయిర్‌పోర్ట్‌లో ఆయన మీద జరిగిన దాడి. దాన్ని చంద్రబాబునాయుడు ప్రభుత్వం నీరుగార్చి ఇంకోలా మాట్లాడటం, కించపరచడం..! షర్మిల: జగన్‌మోహన్‌రెడ్డి గారిమీద హత్యాప్రయత్నం చాలా ప్లాన్డ్‌గా జరిగింది. ఎందుకంటే కత్తి ఉన్నది ఒకరి చేతిలో అయితే.. ఆ కుట్రను పన్నింది ఇంకొకరు. కుట్ర పన్నిన వారు నిజమైన నేరస్తులు. కత్తి పట్టినవాడికి డబ్బులు ఇచ్చారు. వాళ్ల ఊరిలో స్థలాలు, ఇళ్లు ఇచ్చారు. టీడీపీ వారి క్యాంటీన్‌ ఎయిర్‌పోర్ట్‌లో ఉంటే అక్కడ ఉద్యోగం ఇచ్చారు. కత్తిని లోపలికి తెప్పించారు. సీసీ కెమెరాలను బంద్‌ చేశారు. ఆ వ్యక్తి నేను వైసీపీ అభిమానిని, మీ ఫ్యాన్‌ అని చెప్పి మెడమీద ఎటాక్‌  చేయబోయాడు. అప్పుడు జగన్‌ అన్న చేసిందల్లా... ఇలా భుజం ఎత్తి వెనక్కి వెళ్లడం. అది భుజంపై తగిలింది. ఎంత లోతుగా తెగిందంటే కత్తి అక్కడే ఉండిపోయింది. రామ్‌: భుజం ఎత్తకపోయుంటే..!! షర్మిల: భుజం ఎత్తకపోతే నరం తెగేది. నరం తెగితే రక్తం ఆగకుండా కారేది. ఆపాలని ప్రయత్నిస్తే ఊపిరి తీసుకోవడానికి ఇబ్బంది కలిగి ఉండేది. ప్రాణం పోయి ఉండేది. అంత సీరియస్‌గా ఉన్న దాన్ని వీరు హేళన చేస్తున్నారంటే అది రాక్షస ఆనందం. ఒకవేళ లోకేశ్‌కే  మెడమీద తగిలి ఉంటే అప్పుడు చంద్రబాబునాయుడుకి తెలిసేది. ఈ చిన్న కోడి కత్తి ఏం చేస్తుంది అంటున్నారంటే.. ఏం అంటామండీ.. దిగజారుడు రాజకీయం కాకపోతే చంద్రబాబుగారిది! రామ్‌: నవరత్నాలు మూడేళ్ల ముందే ప్రకటించారు మీ అన్నయ్యగారు. వాటిని పట్టుకుని రీ ప్యాకేజ్‌ చేసి కొంచెం ప్రజల్లోకి పంపించి ఇన్‌ఫ్లుయన్స్‌ చేయడానికి ప్రయత్నం జరుగుతోంది. దాని వల్ల మీకు నష్టమే కదా. షర్మిల: కాపీ చేయడం చంద్రబాబుగారికి ముందునుంచి అలవాటు. ప్రజల కోసం ఏవైనా పథకాలు ఉన్నాయి అంటే అవి ఆయన నిజమైన ఆలోచనలై ఉండి ఉండవు. ప్రజలకు చూపించే పథకాలు అన్ని కాపీ కొట్టిన పథకాలే. రాజశేఖరరెడ్డిగారు ఉచిత విద్యుత్‌ ఇస్తానంటే... బట్టలు ఆరేసుకోవడానికి తప్ప దేనికీ పనికిరాదని చంద్రబాబుగారు హేళన చేశాడు. ఉచిత విద్యుత్తు అయినా, ఆరోగ్యశ్రీ అయినా, రుణమాఫీ అయినా, ఫీజు రీయింబర్స్‌మెంట్‌ అయినా, శాచురేషన్‌ పద్ధతిలో ప్రతి ఒక్కరికి ఇల్లు ఉండాలి అనే ఆలోచన అయినా.. అన్నీ రాజశేఖరరెడ్డిగారి పథకాలు. ఆయన అద్భుతంగా అమలు చేసి చూపించిన పథకాలు. ఆయన బతికి ఉంటే... ఈ రోజు వరకూ ఈ పథకాలు అమలు అవుతుండేవి. అలాంటి పథకాలను కాపీ కొట్టాలని ఈ ఐదేళ్లలో చంద్రబాబు ప్రయత్నం చేసి విఫలమయ్యారు. రాజశేఖరరెడ్డిగారు క్లాసులో ముందు బెంచ్‌లో కూర్చొని పథకాలను రాస్తుంటే చంద్రబాబుగారు వెనకాల బెంచ్‌లో కూర్చొని కాపీ కొట్టాలని ప్రయత్నించారు. ఆఖరికి కాపీ కొట్టే విషయంలో కూడా ఫెయిల్‌ అయ్యారు. ఈయన అదే క్లాసులో కూర్చొంటే జగన్‌మోహన్‌రెడ్డిగారు ప్రమోట్‌ అయి ఆ క్లాసుకు వచ్చారు. ఇప్పుడు జగన్‌మోహన్‌రెడ్డిగారు ముందు బెంచ్‌లోకూర్చొని ఉన్నారు. మళ్లీ జగన్‌మోహన్‌రెడ్డిగారి వెనక బెంచ్‌లో కూర్చొని, జగన్‌మోహన్‌రెడ్డిగారి పథకాలను మళ్లీ కాపీ కొట్టాలని చూస్తున్నారు. మళ్లీ ఫెయిల్‌ అవుతాడు. ఎందుకంటే చంద్రబాబుగారికి పాస్‌ అయ్యే క్వాలిఫికేషన్‌ లేదు. రామ్‌: అంత కచ్చితంగా ఎలా చెబుతున్నారు.. జగన్‌గారి పథకాలను చంద్రబాబు ప్రజల్లోకి తీసుకెళ్లలేరు అని? షర్మిల: ఫెయిల్‌ అవుతాడని ఎందుకు చెప్పగలుగుతున్నాం అంటే పథకాలను కాపీ కొట్టవచ్చు కానీ క్యారెక్టర్‌ను ఎవరూ కాపీ కొట్టలేరు. చంద్రబాబుగారు మాయ చేసో, మసి పూసో మోసంతోనే మతలబులు పెట్టుకుని, పొత్తు పెట్టుకున్న పార్టీతోనే మళ్లీ ఛీ కొట్టించుకుని అధికారంలో కూర్చోవడానికి ఎన్నో అవకాశవాద రాజకీయాలు చేశారు. అది చంద్రబాబు క్యారెక్టర్‌. ఇంకోవైపు జగన్‌గారు.. ఇచ్చిన ఓదార్పు అనే మాట కోసం రాజ్యాభిలాషనే వదులుకుని సోనియాగాంధీలాంటి వారిని కూడా ఎదిరించి నిలబడ్డాడు. అదీ క్యారెక్టర్‌ అంటే. అదీ కరేజ్‌ అంటే. అదీ పౌరుషం అంటే. అదీ రోషం అంటే. చంద్రబాబుగారిలా అధికారం కోసం నిలబెట్టుకోలేని వాగ్దాలను ఇవ్వలేదు. చంద్రబాబుగారిలా ఇంకొక పార్టీలో గెలిచిన వారిని తన పార్టీలో చేర్చుకోలేదు. ఆ రోజు మా వెనకాల 18 మంది ఎమ్మెల్యేలు వచ్చారంటే.. కాంగ్రెస్‌ పార్టీలో వారి చేత రాజీనామాలు చేయించి మళ్లీ ఎన్నికలు వస్తే మళ్లీ నిల్చోబెట్టి అన్న జైలులో ఉన్నా కూడా నేను, అమ్మ తిరిగి గెలిపించుకున్నాం. అదీ జగన్‌మోహన్‌రెడ్డిగారి లీడర్‌షిప్‌. అదీ జగన్‌మోహన్‌రెడ్డిగారి క్యారెక్టర్‌. అసలు.. జగన్‌మోహన్‌రెడ్డి గారికి, చంద్రబాబునాయుడుగారికి పోలికే లేదు. పురుషుల్లో పుణ్యపురుషులు వేరయా అన్నారు. చంద్రబాబుగారు విల్‌ నెవర్‌ క్యాచ్‌ అప్‌ ఇట్‌. నిప్పు నిప్పే. తుప్పు తుప్పే. రామ్‌: మీ కుటుంబంలో చాలామందిని రాజకీయాల వల్ల పోగొట్టుకున్నారు. ఆ భయం, ఆ బాధను ఎలా మేనేజ్‌ చేస్తున్నారు? షర్మిల: బాధ అనిపిస్తోంది. బంధువులను, బంధాలను పోగొట్టుకున్నాం. చంద్రబాబు గారు.. మా తాత రాజారెడ్డిగారు మా నాన్న రాజశేఖరరెడ్డిగారికి చాలా బలమని.. బాంబ్‌బ్లాస్ట్‌లో ఆయన్ను చంపించేశారు. తెలుగుదేశం పార్టీవాళ్లు చేశారని తెలుసు. వారికి ఆశ్రయం ఇచ్చింది చంద్రబాబుగారే. ఆ తర్వాతే రాజశేఖరరెడ్డిగారు సీఎం అయ్యారు. ఆయన మనసులో పగ కన్నా ప్రేమే ఎక్కువగా ఉంది. తర్వాత కూడా నాన్నను చంద్రబాబు మళ్లీ అసెంబ్లీకి ఎలా వస్తావో? చూస్తాను  అన్నారు. నాన్న చనిపోకముందు రోజు! అందులోనూ చంద్రబాబుగారి హస్తం ఉందేమో. ఆ తర్వాత మా చిన్నాన్నను కూడా దారుణంగా చంపేశారు. అన్నైనా.. నాన్నయినా నేర్పించింది పగకన్నా.. ప్రగతే ముఖ్యం అని. పగ కన్నా ప్రేమే ముఖ్యం అని. జీవితాన్ని పగలమీద వృథా చేయకూడదు. అదే జీవితాన్ని ప్రజాసేవకు ఉపయోగిస్తే మన జీవితం సార్థకం అవుతుంది.  రామ్‌: దూషణలు జగన్‌గారి దగ్గర ఆగలేదు. మీ వ్యక్తిగత విషయాల గురించి కూడా రకరకాలుగా మాట్లాడారు. అవి మిమ్మల్ని డెస్ట్రాయ్‌ చేస్తున్నాయా? షర్మిల: అవి డెస్ట్రాయ్‌ అని కాదు. బాధ కలిగించాయి. ఎప్పుడో 2014 ఎన్నికలకు ముందు నా పై దుష్ప్రచారం మొదలుపెట్టారు. అప్పట్లో చిల్లర పుకార్లు అని పెద్దగా పట్టించుకోలేదు. అప్పుడు కూడా దగ్గరి వాళ్లు సోషల్‌ మీడియాలో చాలా పోస్టింగ్‌లు ఉన్నాయని చెబుతూనే ఉన్నారు. ఈ ఎన్నికలు దగ్గరకి వచ్చేసరికి మళ్లీ మొదలుపెట్టారు. ఇది ఎన్నికలు దృష్టిలో పెట్టుకునే ఎవరో చేస్తున్నారని అర్థం అయ్యింది. ఎన్నికల్ని దృష్టిలో పెట్టుకుని ఎవరు చేయగలరు అంటే తెలుగుదేశం పార్టీ అని అర్థం అయ్యింది. తెలుగుదేశం పార్టీవాళ్లే చేస్తుంటే  వాళ్లు ఎన్నికలు దగ్గరికి వచ్చే సరికి ఇంకా నాపై ఈ దుష్ప్రచారం ఎక్కువే చేస్తారు తప్ప తక్కువ చేయరని అర్థం అయ్యింది. కనుక వ్యక్తిగతంగా నాకు దీని గురించి మాట్లాడటం ఇబ్బందికరమైనప్పటికీ, బయటకు వచ్చి పోలీస్‌ కేసు పెట్టాల్సి వచ్చింది. ఇప్పుడు పోలీసు వారు చెబుతున్నదాన్ని బట్టి హైదరాబాద్‌ జూబ్లీహిల్స్‌ రోడ్‌ నెంబర్‌ 36లో ఎన్‌బీకే అనే బిల్డింగ్‌ ఉంది. ఆ బిల్డింగ్‌  నందమూరి బాలకృష్ణ  గారిది అని, ఆ బిల్డింగ్‌ నుంచే నాపై దుష్ప్రచారం జరిగిందని,  ఆ ఐపీ అడ్రస్‌లను బట్టి పోలీసులు చెబుతున్నారు. బాలకృష్ణగారి బిల్డింగ్‌ నుంచి జరిగినవే కాకుండా...ఈ వెబ్‌సైట్‌లు.. యూట్యూబ్‌లు, ప్రో టీడీపీ అంటే... టీడీపీని ప్రమోట్‌ చేసేవి, ప్రత్యర్థులను కించపరిచేవి అవి కూడా నాపై కామెంట్స్‌ చేశాయి.  సో.. ఈ పోస్టింగ్‌లు అన్నీ బాలకృష్ణగారి బిల్డింగ్‌ నుంచి ప్రో–టీడీపీ సైట్స్‌ నుంచి జరిగాయి అంటే.. బాలకృష్ణగారికి దీంతో సంబంధం లేదు అని నేను ఎలా అనుకోను? సంబంధం ఉండటమే కాదు. స్వయంగా బాలకృష్ణగారే నాపై ఈ నీచమైన పుకార్లు పుట్టించారని, ప్రచారం చేశారని నేను విశ్వసిస్తున్నాను. బాలకృష్ణగారు ఇంత దిగజారుడుతనానికి ఎందుకు పాల్పడ్డారో ఆయనే సమాధానం చెప్పాలి. నాన్న బతికి ఉన్నప్పుడు బాలకృష్ణగారికి వ్యక్తిగతంగా చాలా పెద్ద సమస్య వచ్చినప్పుడు నాన్న చాలా పెద్ద సాయం చేశారు. నాకు తెలుసు. బాలకృష్ణగారికి కూడా తెలుసు. అయినా.. వైఎస్సార్‌ కూతురికి... అంటే తనకు మేలు చేసినవారి కూతురికి ఇంత ద్రోహం చేశారు అంటే ఏమి అనుకోవాలి. కృతజ్ఞత లేదు అనుకోవాలి. బాలకృష్ణగారికి ఆడపిల్లలు ఉన్నారట. ఇతరుల పిల్లలపై ఇంత నీచమైన పుకార్లను ప్రచారం చేశారు అంటే ఏమి అంటాం. వ్యక్తిత్వం. విలువలు లేవు అంటాం. బాలకృష్ణగారి స్థాయిలో ఇది జరిగింది అంటే లోకేశ్‌కి చంద్రబాబుగారికి కూడా ఈ పాపంలో భాగం ఉందనే నమ్మాలి. తెలుగుదేశంపార్టీ, తెలుగుదేశం పార్టీ నాయకులు ఎంత దిగజారిపోయారో అర్థమైపోతుంది. నాకే కాదు ఏ మహిళకైన తన గౌరవం తనకు చాలా ముఖ్యం. అంతకుమించిన ఆభరణం లేదు. దాని మీద దెబ్బకొట్టడం అంటే.. అంత నీచం అంత దిగజారుడుతనం ఇంకొకటి ఉండదు. తొడ కొట్టినవాడు మగాడు అయిపోడు. మంచి మనసు ఉన్నవాడే అసలైన మగాడు. మహిళను గౌరవించనివాడు మనిషి కాదు. మృగం. ఈ మృగాలకు క్షమాపణ చెప్పే గుణం ఉంటుందని నేను అనుకోను. దేవుడు ఉన్నాడు. ఏదో ఒకరోజు వీరి పాపం పండుతుంది. ఏదో ఒక రూపంలో శిక్ష పడుతుంది. ఒక మహిళ గౌరవాన్ని పణంగా పెటై్టనా సరే అధికారం దక్కించుకోవాలనుకోవడం హేయం. అలాంటివారు చంద్రబాబుగారు, బాలకృష్ణగారు. అంటే ఒక మహిళ గౌరవం మీద తొక్కి నడుచుకుంటూ వెళ్లి సింహాసనం మీద కూర్చోవాలి అనుకోవడం దుర్మార్గం. ఇది చాలా దిగజారుడుతనం. రామ్‌: అమ్మకు ఎన్నో పరీక్షలు....నాన్న చనిపోయినప్పుడు ఓ ఇంటర్వ్యూలో నాతో అన్నారు. ‘రాజశేఖరరెడ్డిని అంతగా ప్రేమించి, ఆయన చనిపోతే గుండె ఆగి చనిపోయారు. నేను ఇంకా బతికే ఉన్నాను’ అని కుమిలి కుమిలి ఏడ్చారు. ఇవాళ మళ్లీ మొత్తం జర్నీలో...ప్రతిసారి మీ కోసం కానీ, జగన్‌ కోసం కానీ ఆవిడ కష్టపడుతూనే ఉన్నారు. పోరాడుతూనే ఉన్నారు. ఎండల్లో తిరుగుతూనే ఉన్నారు.  షర్మిల: నేను, అన్న చిన్నవాళ్లం. తిరిగాం. తిరుగుతున్నాం అంటే అర్థం ఉంది. కానీ అమ్మ ఈ వయసులో ఇంత ఎండలో తిరుగుతున్నారు అంటే మాకు బాధగానే ఉంది. కానీ అమ్మా.. నాన్న ఉన్నప్పుడు కూడా నాన్న అంతగా ప్రేమించే ఆంధ్రరాష్ట్ర ప్రజలకోసం రోజూ ప్రార్థన చేసేది.  నాన్న పోయిన తర్వాత అమ్మ ప్రార్థన మానలేదు.. ఈరోజుæ వరకు.  మన రాష్ట్రం మళ్లీ అభివృద్ధి చెందాలని, ఒకప్పుడు రాజశేఖరరెడ్డిగారి హయాంలో అంత సుభిక్షంగా ఉన్న రాష్ట్రానికి ఇంత దుస్థితి వచ్చిందని మళ్లీ ఆంధ్రరాష్ట్రానికి ఆ గ్లోరీ రావాలని నేటికీ ప్రే చేస్తూనే ఉన్నారు. తన కొడుకు ముఖ్యమంత్రి అయితే.. ప్రజలకు తండ్రి చేసిన మంచి పనులన్నీ తనూ చేస్తాడనీ, అందుకే ప్రజల్ని ఒక అవకాశం ఇమ్మని కోరడానికి తనే స్వయంగా ప్రజల్లోకి వచ్చింది. తన కొడుక్కి అవకాశం ఇవ్వమని కోరుతోంది.                    ►ఒక మహిళ గౌరవాన్ని పణంగా పెటై్టనా సరే అధికారం దక్కించుకోవాలనుకోవడం హేయం. ఒక మహిళ గౌరవం మీద తొక్కి నడుచుకుంటూ వెళ్లి సింహాసనం మీద కూర్చోవాలి అనుకోవడం దుర్మార్గం. ఇది చాలా దిగజారుడుతనం. ►చంద్రబాబుగారు ముఖ్యమంత్రిగా ప్రతి విషయంలోనూ విఫలం అయ్యారు. అన్నింటికంటే ముఖ్యం స్పెషల్‌ కేటగిరీ స్టేటస్‌. బీజేపీతో పొత్తు పెట్టుకొని, నాలుగేళ్లు బీజేపీతో సంసారం చేస్తూ కూడా స్పెషల్‌  కేటగిరీ స్టేటస్‌ సాధించుకోలేక పోవడం చంద్రబాబుగారి గ్రేటెస్ట్‌ ఫెయిల్యూర్‌.  ►రైతులు మోసపోయారు. విద్యార్థులు మోసపోయారు. బీసీలు, దళితులు.. ఇలా అన్ని వర్గాల వారు మోసపోయారు. చంద్రబాబుగారు మోసం చేసేవాడని, మాట మీద నిలబడని వాడని ప్రజలకు అర్థమైపోయింది. ►‘మాట నిలబెట్టుకున్నాను కనుక నాకు ఓట్లు వేయండి’ అని అడిగే ధైర్యం లేదు చంద్రబాబు గారికి. ఎంతసేపూ జగన్‌మోహన్‌ రెడ్డి గారిని తిట్టడం, నిరంతరం అబద్ధపు హామీలు ఇవ్వడం... ఇదే చెబుతోంది కదా.. ఈ ఐదేళ్లలో ప్రజలకు ఆయనేమీ చేయలేదని!

హాయ్‌ అన్నయ్యా! నేనొక అమ్మాయిని ప్రాణం కంటే ఎక్కువగా లవ్‌ చేస్తున్నాను. మాది టూ సైడ్‌ లవ్‌. మా సమస్య ఏంటంటే... మా ఇద్దరిదీ సేమ్‌ ఏజ్‌. ఈ కారణంతో మా పేరెంట్స్‌ మా పెళ్లికి ఒప్పుకుంటారో లేదోనని చాలా భయంగా ఉంది. నేను లేకపోతే తను, తను లేకపోతే నేను ఉండలేమన్నయ్యా! కాబట్టి మంచి సలహా ఇవ్వండి ప్లీజ్‌. –ప్రవీణ్‌ తెల్ల రంగు డై దొరుకుతుందన్నా.. పూసేసుకో...!! ‘ఇదేమైనా సినిమానా సార్‌? తెల్లరంగు పూసుకుని నటించడానికి...!? ఇది లైఫ్‌ సార్‌...!! పుట్టిన డేట్‌.. టైమ్‌.. ఇయర్‌.. ఇవన్నీ రంగుతో మార్చలేం సార్‌!’ రంగుతో మార్చలేనిది... ఆలోచనతో మార్చవచ్చు నీలూ..! ‘అంటే లవ్‌కి ఏజ్‌.. గేజ్‌.. అంతగా అడ్డు రావంటారు. చక్కగా ఒకే ఏజ్‌ కాబట్టి.. ఒకరు పెద్ద, ఒకరు చిన్న అనిపించదు. ఇద్దరూ ఈక్వల్‌గా ఫీల్‌ అవ్వచ్చు. మ్యారీడ్‌ లైఫ్‌ – ఫ్రెండ్లీ లైఫ్‌ అనిపిస్తుంది కదా సార్‌?’ అవును నీలూ! పేరెంట్స్‌కి కూడా ఇదే చెప్పి కన్విన్స్‌ చెయ్యాలి!! ‘చెబుతాడు సార్‌! ప్రవీణ్‌ చాలా స్మార్ట్‌ సార్‌..!! వెరీ బ్రేవ్‌ సార్‌..!! చెబుతాడు... నాకు తెలుసు..!!’ ఆల్‌ ద బెస్ట్‌ ప్రవీణ్‌!! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేనొక అమ్మాయిని దాదాపు ఎనిమిది సంవత్సరాల నుంచి ప్రాణంగా ప్రేమిస్తున్నాను. కానీ ఆ విషయం ఆ అమ్మాయికి చెప్పలేదు. చెప్పాలంటే చాలా భయంగా ఉంది. దీనికి సొల్యూషన్‌ చెప్పండి సార్‌ ప్లీజ్‌. – వెంకట రమణ ఇవాళ మంచి రోజు..! ‘ఎందుకు సార్‌ తిట్లు తింటానికా?’ అంత నెగెటివ్‌గా ఆలోచిస్తే వ్యవహారం ముందుకు సాగేనా నీలూ?? ‘ఏంటి సార్‌..! ముందుకు సాగేది..!? అమ్మాయి లాగుద్ది. అమ్మాయి అమ్మానాన్నా లాగుతారు. వ్యవహారం సాగదు. అందరూ పట్టుకుని పీకితే వెంకటరమణ సాగిపోతాడు. అనవసరంగా డేంజర్‌ ఐడియాలు ఇవ్వకండి. అమాయకుడు మిమ్మల్ని నమ్మి అమ్మాయికి సీరియస్‌గా ప్రపోజ్‌ చేస్తే అనూహ్యమైన పరిణామాలు ఉండొచ్చు.’ ఏంటి నీలూ..? నువ్వు కూడా అధైర్యాన్ని పిండి పోస్తున్నావు. ఇంకా ప్రేమికులు ఏం కావాలి? వాళ్ల ప్రేమ ఏం కావాలి??? ‘ఏం అవ్వక్కర్లేదు సార్‌! తన్నులు తిని కుంటోళ్లు, గుడ్డోళ్లు, వంకరటింకరోళ్లు కాకుండా ఉంటే చాలు సార్‌ మన లవర్లు!’ నీవు చెప్పేది కూడా ఒక రకమైన లవ్వే నీలూ. యాక్చువల్లీ చాలా గొప్ప లవ్‌ నీలూ..! ‘నేనేమన్నాను సార్‌? అసలు నేను ఎలాంటి లవ్‌ గురించి చెప్పాను సార్‌?’ సైలెంట్‌ లవ్‌ నీలూ. మౌనరాగం నీలూ.. మాటలతో చెప్పలేనంత ప్రేమ నీలూ..చాలా డీప్‌ లవ్‌ నీలూ.. చాలా హెవీ లవ్‌ నీలూ. అది చెబితే చిక్కదనం తగ్గిపోద్ది. బరువు తగ్గి లైట్‌ అయిపోతుంది. పంచుకుంటే పూర్‌ అయిపోతుంది. వెంకటరమణ సైలెంట్‌ వర్గ చరిత్రకెక్కడమే రైట్‌ నీలూ! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నాకొక అమ్మాయితో పరిచయం అయ్యింది. ఒక రాంగ్‌ మెసేజ్‌లతో కొన్ని రోజులు మాటల తర్వాత తను నాకు ప్రపోజ్‌ చేసింది. మా కులాలు వేరు కావడంతో వాళ్ళ ఇంట్లో ఒప్పుకోరని తనంటే నాకిష్టమున్నా ‘నో’ అని చెప్పాను. కానీ తనే నన్ను ఒప్పించింది. ఒకరంటే ఒకరికి ప్రాణమిచ్చేంత ప్రేమ ఏర్పడింది. ఆరు నెలల వరకు నాతో బాగానే ఉంది. అప్పుడప్పుడు మన విషయం మా ఇంట్లో తెలిసిందని చెప్పేది. పెళ్ళి చేసుకుందామంటే ఇప్పుడే వద్దని చెప్పేది. ఒక రోజు ఏడుస్తూ ఫోన్‌ చేసి ‘మా అన్నయ్య నన్ను కొట్టాడు. నితో మాట్లాడొద్దంటున్నాడు’ అని చెప్పింది. బయటికెళ్లి పెళ్లి చేసుకుందామంటే.. ‘మా నాన్న చనిపోతారు’ అని చెప్పింది. ఇప్పటికి నాకు అర్థం కానీ విషయం ఏమిటంటే.. తనకు ముందు తెలియదా!? మొదట్లో నేను చెప్పింది కూడా అదే కదా!? ఇది జరిగి సంవత్సరం పైనే అవుతోంది. చనిపోదామనుకున్నా. ఎందుకంటే తప్పు తనది కాదు సార్‌ నాదే. కానీ.. నా తల్లిదండ్రులు నా మీద పెంచుకున్న ఆశల కోసం చస్తూ బతుకుతున్నా. నేను మీకు పెద్ద అభిమానిని సార్‌ నాకు ఒక సలహా ఇవ్వండి. తనని మర్చిపోలేకపోతున్నా. తనని మర్చిపోయే మార్గం చెప్పండి సార్‌. – సంతోష్‌ ప్రేమించినప్పుడు కలిసుండాలని ఉండదా? అమ్మాయి అదే అనుకుంది. ఎలా అయినా పేరెంట్స్‌ ఒప్పుకుంటారని. అన్నయ్య కొట్టి మరీ వారిస్తే కూడా నీకు ఫోన్‌ చేసి విషయం చెప్పింది. తండ్రి ప్రాణం వదిలేస్తానంటే... మనం దూరంగా ఉండటమే నయమన్నది. ఎంత మంచి అమ్మాయి సంతోష్‌..! నువ్వు బాధపడకూడదని నీకు తోడుగా ఉంది. నాన్న కష్టపడకూడదని ప్రాణం లాంటి నిన్ను దూరముంచింది. తన మనస్తాపాన్ని నువ్వు అర్థం చేసుకుని దూరంగా ఉండటం మంచి నిర్ణయం. ‘ఏంటి సార్‌..? అప్పుడు నుంచి చూస్తున్నాను. అందరిని దూరం..దూరం..దూరం... అని చెప్పి ఎంజాయ్‌ చేస్తున్నారు. మీరు చాలా శాడిస్ట్‌ అయిపోతున్నారు సార్‌? సంతోష్‌ని పోయి అమ్మాయి పేరెంట్స్‌తో మాట్లాడమని చెప్పచ్చు కదా! దగ్గర చెయ్యొచ్చు కదా! ఎట్‌ ద మోస్ట్‌ అవమానిస్తారు. లేదంటే రెండు చివాట్లు పెడతారు. ఇంకా కోపమొస్తే అమ్మాయి వాళ్ల అన్న రెండు పీకుతాడు సార్‌!’ కానీ అంతా అల్లరైపోదా నీలూ!? ఆ కుటుంబం కుమిలిపోదా నీలూ? ఆ అమ్మాయి లైఫ్‌ పూర్తిగా స్పాయిల్‌ అయిపోదా నీలూ..? ప్రేమలో అంత స్వార్థం పనికిరాదు నీలూ..!! అమ్మాయి చల్లగా ఉండాలంటే... కుటుంబం చక్కగా ఉండాలంటే..... ‘సార్‌..! మీరిచ్చిన ఆన్సర్‌ అమ్మాయి పేరెంట్స్‌కి చూపిస్తే బెస్ట్‌ సార్‌..! పేరెంట్స్‌ బాధపడరు. సంతోష్‌ దెబ్బలు తినడు. మంచి ఎఫర్ట్‌ చేశాడు కాబట్టి ఆ తర్వాత అమ్మాయిని మరచిపోవడంలో ప్రాబ్లమ్‌ ఉండదు!’ - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! మా ఫ్రెండ్‌ బైక్‌ తీసుకొని ఒక అమ్మాయిని పడగొట్టాను. ఆ అమ్మాయి ఇప్పుడు ఇంటర్‌ సెకండ్‌ ఇయర్‌. మా లవ్‌ చిగురించి ఇప్పటికి రెండు సంవత్సరాలు పూరై్తంది. నేను రోజూ కాలేజ్‌ దగ్గరికి వెళ్లి తనని కలుస్తాను. తనని చూడకుండా ఒక్క నిమిషం కూడా ఉండలేను. అంత గొప్ప ప్రేమ నాది. కానీ మా ఫ్రెండ్స్‌ ఆ అమ్మాయి క్యారెక్టర్‌ మంచిది కాదంటున్నాడు. నాకూ నమ్మబుద్ధి కావట్లేదు. ఆ అమ్మాయి నన్ను వదిలేస్తుందని నాకు డౌట్‌గా ఉంది. వాళ్ల అన్నయ్య నన్ను చాలాసార్లు ‘మా చెల్లి వెంట తిరగవద్దు’ అని బెదిరించాడు. ఆ అమ్మాయి మాత్రం నాతో ఉండడానికే ఇష్టపడుతోంది. నేను ఏ పనీ చేయను, ఖాళీగా తిరుగుతూ ఉంటాను. ఆ అమ్మాయి నాతో ఉంటుందా? ఉండదా? మీరే చెప్పండి. – మధు బైక్‌ వెనక్కి ఇవ్వక తప్పదు...! అమ్మాయి నిన్ను వదలక మానదు...!! అరువు బైక్లు, అరువు ప్రేమలు వర్కౌట్‌ కావు...!!! మనలో వర్త్‌ ఉంటే.. వాకింగ్‌ చేస్తున్న అమ్మాయి టాకింగ్‌ చేస్తుంది...!!! ‘అబ్బా సార్‌..!! ఏం ప్రాస కలిపారు. వాకినా టాకచ్చని.. బైకినా లైకకపోవచ్చని..!’ - ప్రియదర్శిని రామ్‌, లవ్‌ డాక్టర్‌

హలో అన్నయ్యా. నేను ఒక అమ్మాయిని టూ ఇయర్స్‌గా లవ్‌ చేస్తున్నాను. నెలరోజుల క్రితం ప్రపోజ్‌ చేశాను. తనకు ఇష్టం లేదని చెప్పింది. మా అమ్మను బాధ పెట్టడం ఇష్టం లేదంటోంది. రీసెంట్‌గా మళ్లీ ప్రపోజ్‌ చేశాను. అప్పుడు ‘నేను ఎవరినీ లవ్‌ చెయ్యను’ అంటోంది. తనకి నేనంటే ఇష్టం ఉందని తన ప్రవర్తనలో తెలుస్తుంది కానీ, ఎప్పుడూ ఏదో ఒక రీజన్‌ చెప్పి వెళ్లిపోతుంది. మొన్న తనే కాల్‌ చేసి.. ‘నువ్వు బాధపడకు, నీకు నాకంటే బెటర్‌ అమ్మాయి దొరుకుతుంది’ అని చెప్పింది. నేను జాబ్‌ తెచ్చుకుని మీ మమ్మీని ఒప్పిస్తాను అని చెబితే.. ‘నాకు మా అమ్మ అంటే చాలా ఇష్టం. తనని బాధపెట్టను’ అంటోంది. ఏం చెయ్యాలో అసలు అర్థం కావట్లేదు. దయచేసి మంచి సలహా ఇవ్వండి. – పవన్‌ ‘నీకు తాను చెప్పినట్లే మంచి అమ్మాయి దొరుకుతుంది..! ఎంత రఫ్‌ అయిపోయారు సార్‌ మీరు.. పవన్‌ ఏమో ఫుల్‌గా ఫీల్‌ అయిపోయి మీకు రాస్తే... మీరు హార్ట్‌ లేకుండా రఫ్‌ ఆన్సర్‌ ఇస్తున్నారు..! బాధలో ఉన్న ప్రేమికుడికి కొంచెం చల్లటి నీళ్లు ఇవ్వాల్సింది.! మీరేంటి సార్‌ పెట్రోల్‌ పోస్తున్నారు?’ అమ్మాయే చెప్పింది కదా నీలూ..! తన కంటే మంచి అమ్మాయి దొరుకుతుందని!? ‘ఏమో తప్పించుకోవడానికి చెబుతోందేమో..!’ ఆ మాట నేను చెబితే ‘రఫ్‌ అని.. గిఫ్‌ అని’ నన్ను అంటావు కదా నీలూ.. అమ్మాయికి నచ్చకో.. కష్టం చెప్పలేకో.. సంస్కారం ఉన్న నా చెల్లెలు కాబట్టి తిట్టకుండా.. ప్రేమగా దీవిస్తుంది. ‘ఇంకో మంచి అమ్మాయి దొరుకుతుందని భలే చెబుతారు సార్‌..! కానీ పవన్‌కైతే ఆ అమ్మాయే కావాలి!’ అయితే చాలా సింపుల్‌..! అమ్మాయి వాళ్ల అమ్మకు... ‘పవన్‌ నచ్చితే.. అమ్మాయికి కూడా నచ్చుతాడు కదా సార్‌???’ అబ్బబ్బబ్బబ్బా.. నీలూ యు ఆర్‌ టూ గుడ్‌! - ప్రియదర్శిని రామ్‌ , లవ్‌ డాక్టర్‌

హాయ్‌ అన్నయ్యా..! నేను మా బావని లవ్‌ చేస్తున్నాను. తనకి కూడా నేనంటే చాలా ఇష్టం. పెళ్లి చేసుకుందామనుకున్నాం. కానీ మా బావ వాళ్ల అమ్మ.. నాతో మాట్లాడినా, నన్ను పెళ్లి చేసుకున్నా చచ్చిపోతాన ంటోంది. దాంతో తను వాళ్ల అమ్మ మాటను కాదనలేక, ఆమెని ఒప్పించలేక చాలా బాధపడుతున్నాడు. ‘మా అమ్మకు ఇష్టంలేకుండా నిన్ను పెళ్లి చేసుకోలేను, ఒకవేళ చేసుకున్నా నిన్ను హ్యాపీగా ఉంచలేను. సారీ’ అంటున్నాడు. నాకేం చెయ్యాలో అర్థం కావట్లేదు. అందుకే మీకు రాస్తున్నాను. దయచేసి మంచి సలహా ఇవ్వండి అన్నయ్యా! – యువర్‌ సిస్టర్‌ మై డియర్‌ సిస్టర్‌...! నిన్ను ప్రేమించే ముందు ఎంకమ్మ వాళ్ల అమ్మ పర్మిషన్‌ తీసుకున్నాడా? ‘ఏంటి సార్‌..? పిచ్చి క్వశ్చన్‌..? అబ్బాయిలంటే మగాళ్లు సార్‌..! వాళ్లకు ఎవరి పర్మిషన్‌ అక్కర్లేదు! వాళ్లు ఒక్కసారి డిసైడ్‌ చేసుకుంటే... దేవుడు దిగివచ్చినా....mపూజారి రిక్వెస్ట్‌ చేసినా... మొత్తం హోల్‌ విలేజ్‌ కాదన్నా... ఎవరు చెప్పినా వినడు ఈ మగాడు... నాన్న చెప్పినా.. అత్త చెప్పినా.. బాబాయి చెప్పినా.. పిన్ని చెప్పినా...అక్క చెప్పినా.. చెల్లి చెప్పినా.... సార్‌ అర్థమయ్యింది సార్‌..! ఎవడు చెప్పినా వినని మగాడు మెగా లవర్‌..! కానీ ఈ కేసులో అమ్మ మాట వింటున్నాడు కదా సార్‌..??’ అంతా ఎక్స్‌క్యూజెస్‌ నీలూ...! వాడు అమ్మాయిని మోసం చెయ్యాలని డిసైడ్‌ చేసుకున్నాడు. అందుకే.. అమ్మకొట్టుద్ది, నాన్న తిడతాడని స్టోరీస్‌ చెబుతున్నాడు. వెంటనే నా బంగారు సిస్టర్‌ ఈ డర్టీ ఫెలోని మర్చిపోయి హ్యాపీగా జీవించడం మంచిది..! ‘మంచిది..!!’ - ప్రియదర్శిని రామ్‌ , లవ్‌ డాక్టర్‌

హాయ్‌ అన్నయ్యా..! నేను త్రీ ఇయర్స్‌గా ఒక అమ్మాయిని లవ్‌ చేస్తున్నాను. మొదట్లో ఒకసారి ఫోన్‌ చేస్తే.. ‘నీ మీద ఎలాంటి ఫీలింగ్స్‌ లేవు’ అంది. వాళ్ల ఫ్రెండ్స్‌తో బాగా చాట్‌ చేసేది. నా మెసేజ్‌కి మాత్రం లేట్‌గా రిప్లై ఇచ్చేది. దాంతో నేను లైట్‌ తీసుకున్నాను. కానీ ఆ తర్వాత తను నన్ను చూసి నవ్వడం, నావైపు చూసేది. దాంతో చాట్‌ చెయ్యడం, మాట్లాడటం మొదలుపెట్టాను. ఇప్పుడు కూడా సేమ్‌. ‘నా మెసేజ్‌కి లేట్‌ రిప్లై ఏంటి?’ అని అడిగితే ‘నా ఇష్టం’ అని చెప్పి బ్లాక్‌ చేస్తోంది. మళ్లీ నేను బతిమిలాడితేనే అన్‌బ్లాక్‌ చేస్తోంది. తన కోసం నా ఫ్రెండ్స్, నా డ్రీమ్స్‌ అన్నీ వదిలేశాను. కానీ తను మాత్రం నన్ను అర్థం చేసుకోదు. ‘నాకు మీ ఫ్యామిలీ నచ్చదు. మీ ఫ్యామిలీకి నన్ను ఇవ్వరు. నా మీద హోప్స్‌ పెట్టుకోకు’ అంటోంది. వాళ్ల ఇల్లు మా ఇంటి ముందే. తనని చూసిన ప్రతిసారీ ఏడుపు వస్తోంది. చచ్చిపోవాలనిపిస్తోంది. ప్లీజ్‌ అన్నయ్యా! మంచి సలహా ఇవ్వండి. – సన్నీ చెప్పింది కదా సన్నీ ‘ఫీలింగ్‌ లేదని’..!? ‘మరి ఎందుకు సార్‌ చూడటం, నవ్వడం, కవ్వించడం..?’ నీలూ... నీలూ... నీలూ....! మార్నింగ్‌ లేచి సూర్యుడిని చూడరా?? ‘సూర్యుడి పేరు పెట్టారని సన్నీని చూస్తుందా సార్‌? మరీ వెటకారం ఎక్కువైపోయింది సార్‌ మీకు..! చెప్పేవాడికి అడిగేవాడు లోకువ సార్‌..! పాపం సన్నీని చూసింది, నవ్వింది, కవ్వింది.. ఇప్పుడు వద్దంది..!’ కవ్విందేంటి నీలూ?? ప్రాస కలిసిందని తెలుగును ఖూనీ చేస్తున్నావ్‌!? ‘సార్‌.. మీరు ప్రేమను ఖూనీ చేస్తున్నారు. సన్నీ సన్లైట్‌ని ఖూనీ చేస్తున్నారు. ఒక మెగా లవర్‌ హార్ట్‌ని ఖూనీ చేస్తున్నారు సార్‌!’ అది కాదు సన్నీ..! అమ్మాయికి మనమంటే ఇష్టం లేనప్పుడు.. ఊరికే వెంట పడి, నువ్వే కావాలని సాంగ్స్‌ సింగి..(పాడి..) మనం చీప్‌ కాకూడదని చెబుతున్నాను... ఆ అమ్మాయి మన ఫ్యామిలీ గురించి కూడా ఒకలాగ మాట్లాడింది.. మనకు సెల్ఫ్‌ రెస్పెక్ట్‌ ఉండాలి.. రెస్పెక్ట్‌ లేని చోట లవ్‌ ఉండదు. నేను నీ లవ్‌ని ఖూనీ చెయ్యడం లేదు..!! ‘అవును సార్‌.. మీరు సన్నీ ఆత్మాభిమానం ఖూనీ కాకుండా చూస్తున్నారు సార్‌!’ - ప్రియదర్శిని రామ్‌ , లవ్‌ డాక్టర్‌

హాయ్‌ సార్‌..! నాకో పెద్ద సమస్య వచ్చింది. ఆ సమస్య బతికుండగానే నాకు నరకం చూపిస్తోంది. దయచేసి నన్నూ నా ప్రేమనూ మీరే కాపాడాలి. నేనొక అమ్మాయికి ప్రాణం కంటే ఎక్కువగా ప్రేమిస్తున్నాను. మూడేళ్ల క్రితం నాకు ప్రపోజ్‌ చేసింది. అప్పటి నుంచి నాకు రోజూ ఫోన్‌ చేసేది. నేను మాట్లాడకపోతే చచ్చిపోతా అనేది. ‘‘ఏ క్షణమైతే నా నుంచి దూరమవుతావో ఆ క్షణమే నేను ప్రాణాలతో ఉండను’’ అనేది. తనకు ఫోన్‌ లేకుంటే కొనిచ్చాను. ఇదిలా ఉండగా నా ఫ్రెండ్‌ తన గురించి ఓ విషయం చెప్పాడు. ‘‘తనకి ఇంతకు ముందే ఒక లవర్‌ ఉండేవాడని. వాడితో ఇప్పటికీ ఫోన్‌లో మాట్లాడుతోంది’’ అని. నేను నమ్మలేదు. గమనిస్తే నిజమని తేలింది. దాంతో తనని ఒంటరిగా బయటికి వెళ్లొద్దని చెప్పాను. గొడవ పడ్డాను. చాలా కోపగించాను. ఆ మరుసటి రోజే నాకు ఫోన్‌ చేసి.. ‘‘సెల్‌ చార్జింగ్‌ లేదు, నా ఫ్రెండ్‌తో బ్యాటరీ పంపించు’ అంది. నేను కాస్త కోపంలో ఉండి పంపించలేదు. వారం రోజులు ఫోన్‌ చెయ్యడం మానేసింది. నిజంగానే చార్జింగ్‌ లేదేమోనని ఫ్రెండ్‌తో బ్యాటరీ పంపించాను. అయినా ఫోన్‌ రాలేదు. ఏమైందని తన ఫ్రెండ్‌ని అడిగితే తెలియదంటోంది. ఏం చెయ్యాలో అర్థం కావట్లేదు. దయచేసి సలహా ఇవ్వండి అన్నయ్యా ప్లీజ్‌..! – అభిమాని నీవు లేక వీణ పలకలేనన్నది... నువ్వు లేక రాధ నిలువలేనన్నది...‘సార్‌...............................!!’ ఏమైంది నీలూ అంత గట్టిగా కేక వేశావు??? ‘లవ్‌ డాక్టర్‌కి లెటర్‌ రాస్తే డాక్టర్‌ చక్రవర్తి సినిమాలో పాట పాడతారేంటి సార్‌???????’ చూడు నీలూ నీ ‘అభిమాని’ ఒక్క క్షణం కూడా..... మాట్లాడకపోతే ఉండలేనన్నది... నువ్వు లేకపోతే లైఫ్‌ నడపలేనన్నది... నిన్ను చూడకపోతే ఐస్‌ ఓపెన్‌ చెయ్యలేనన్నది... ఫోన్‌ కొనివ్వకపోతే ‘టాక్‌’లేనన్నది.... సెకండ్‌ ఫ్రెండ్‌ లేకపోతే నీ విలువ తెలుసుకోలేనన్నది... వీడు లేని వీణా పలుకలేనన్నది... బ్యాటరీ లేక రాధ నిలువలేనన్నది... ఆ...ఆ...ఆ...ఆ...ఆ................ ‘అర్థమయ్యింది సార్‌..! అన్ని చెప్పిన అమ్మాయి వన్‌ వీక్‌ ‘టాక్‌’కుండా ఉందంటే మనోడికి బాగానే బటర్‌ పూసిందన్నమాట. ‘అభిమాని’ ఇంకొకరి ‘అభిమాని’ అయితే బెటర్‌ దెన్‌ దిస్‌ బటర్‌ అంటున్నారు కదా సార్‌?’ అబ్బబ్బబ్బబ్బా... నీలూ నువ్వు చాలా స్మార్ట్‌! - ప్రియదర్శిని రామ్‌ , లవ్‌ డాక్టర్‌

హాయ్‌ రామ్‌ అన్నయ్యా, నేను ఒక అమ్మాయిని 3 సంవత్సరాల నుంచి లవ్‌ చేస్తున్నాను. కొన్నిరోజులు చాలా హ్యాపీగా ఉన్నాం. సడెన్‌గా ఒకరోజు కాల్‌చేసి ‘మీ మమ్మీ మంచిది కాదు. చాలా బ్యాడ్‌ టాక్‌ వుంది. నీకు నాకు సెట్‌ కాదు’ అని చెప్పి మాట్లాడడం మానేసింది. నాకు మాత్రం తన మెమరీసే గుర్తొస్తున్నాయి. నరకం కనిపిస్తోంది. నేనేం చెయ్యాలో మంచి సలహా ఇవ్వండి అన్నయ్యా, ప్లీజ్‌. – నితీష్‌ ఏమి నరకంరా నితీష్‌. అమ్మను అంత మాట అంటే ఇంకా హెల్‌ అని బెల్‌ కొడుతున్నావు. ఆ పొట్టను చింపుకునే పుట్టావు కదరా తండ్రీ. మూడేళ్ల ఫ్రెండు కోసం ముక్కోటి అమ్మలకు అమ్మ.. నీ బంగారు అమ్మను అంత మాట అంటే పౌరుషం రాకపోగా.. పిల్లకోసం బెంగపెట్టుకుంటావేంట్రా బడుద్ధాయి. మనస్సు ఇచ్చిన పిల్ల, జన్మ ఇచ్చిన తల్లికంటే ఎక్కువారా మొద్దబ్బాయి. వెంటనే అమ్మ కాళ్లకు నమస్కారం చేసి, ‘మమ్మీ యూ ఆర్‌ ద గ్రేటెస్ట్‌’ అని చెప్పి, ప్రాయశ్చిత్తం చేసుకోరా డింభకా! ‘సార్‌... మరి లవ్వో..!?!’ కొవ్వు తక్కువున్న పిల్లతో చేసుకోమను.. లవ్వు! - ప్రియదర్శిని రామ్‌ , లవ్‌ డాక్టర్‌

హాయ్‌ అన్నయ్యా..! నేను మా బావని లవ్‌ చేస్తున్నాను. తను కూడా నన్ను లవ్‌ చేస్తున్నాడు. బట్‌ మా నాన్నకు మా పెళ్లి ఇష్టం లేదు. ఎందుకంటే... మా బావ నాకంటే ముందు మా అక్కని లవ్‌ చేశాడు. అందుకే మా నాన్న నన్ను తనకిచ్చి పెళ్లి చెయ్యడానికి ఒప్పుకోవట్లేదు. నాన్నకి ఇష్టం లేకుండా నేను తనని పెళ్లి చేసుకోలేను. పైగా మా బావ మా అక్కని లవ్‌ చేశాడన్న విషయాన్ని నాదగ్గర దాచలేదు. ప్రపోజ్‌ చేసేటప్పుడే చెప్పాడు. ఇప్పుడు నేనేం చెయ్యాలి. మంచి సలహా ఇవ్వండి ప్లీజ్‌. – శ్రీభాను శ్రీ...! నీకు ఇంకా చెల్లెళ్లూ... కజిన్‌ సిస్టర్స్‌ ఉన్నారా తల్లీ..? ‘ఎందుకు సార్‌ అంత వెటకారం? ఏదో ముందు అక్కయ్యను ప్రేమించాడు. ఇప్పుడు చెల్లెల్ని ప్రేమిస్తున్నాడు. అంత మాత్రాన శ్రీభానూకి ఇంకో సిస్టర్‌ ఉంటే... శ్రీభానుకి కూడా థాంక్యూ వెరీమచ్‌ చెప్పి... సిస్టర్స్‌కి లైన్‌ వేస్తాడనేగా మీ ఫీలింగ్‌?? అంత దుర్మార్గంగా ఎలా ఆలోచిస్తారు సార్‌? లవ్‌ అంటే మీకు అంత లోకువా సార్‌? అసలు ఇంత చీప్‌గా ఎలా ఆలోచిస్తున్నారు సార్‌ మీరు? మీరు శ్రీభాను వాళ్ల డాడీ కంటే దుర్మార్గంగా చేస్తున్నారేంటి సార్‌? ప్లీజ్‌ రిమెంబర్‌ యు ఆర్‌ శ్రీభానూస్‌ బ్రదర్‌..! మిమ్మల్ని ఒక బ్రదర్‌గా రెస్పెక్ట్‌ చేసి మీ సలహా అడిగితే... ‘‘నీకు ఇంకా సిస్టర్స్‌ ఉన్నారా తల్లీ..?’’ అని జోకులు వేస్తారా? పోనీ వాడు తింగరోడు కావచ్చు. అక్కను చిక్కించుకోలేక చెల్లెల్ని లైన్‌లో పెట్టాడని అనుకోవచ్చు. చెల్లెల్ని వలలో వేసుకుని అక్క మీద రివెంజ్‌ తీర్చుకోవాలనే అనుకోవచ్చు. ఒక మేనిప్యులేటర్‌గా ఇంట్లోకి దూరడానికి చెల్లెల్ని తాళం చెవిగా వాడుకునే యూజ్‌లెస్‌ ఫెలో కావచ్చు. రేపు అల్లుడిగా అదే ఇంట్లో.. కాలు మీద కాలు వేసుకుని మామయ్యగారిని ఇన్‌సల్ట్‌ చెయ్యాలనే అనుకోవచ్చు. ఇవన్నీ మనకెందుకు సార్‌? అమ్మాయి చూసుకుంటుంది. మీరు బ్రదర్‌గా గివ్‌ అడ్వయిజ్‌ అండ్‌ టేక్‌ రెస్పెక్ట్‌ సార్‌!!’ అబ్బబ్బబ్బబ్బా.. నీలూ! యు ఆర్‌ టూ గుడ్‌ ఐ సే!! నీ మాటలు విని నాకు బుద్ధి వచ్చింది. శ్రీభానుకి వచ్చిందో లేదో చూద్దాం!! - ప్రియదర్శిని రామ్‌ , లవ్‌ డాక్టర్‌

హలో లవ్‌ డాక్టర్‌ గారు..! ఎలా ఉన్నారు..? ఈ సమస్య నాది కాదు సార్, మా అన్నయ్యది. మా అన్నయ్య త్రీ ఇయర్స్‌ నుంచి ఒక అమ్మాయిని లవ్‌ చేస్తున్నాడు. రీసెంట్‌గా ఆ అమ్మాయి మా అన్నయ్యకు ఓకే చెప్పిందట. ఆ విషయం తెలిసి నేను కూడా చాలా హ్యాపీగా ఫీల్‌ అయ్యాను. ఆ తర్వాత కొన్ని రోజులు బాగానే ఉన్నారు. ఉన్నట్టుండి ఏదో గొడవ జరిగింది. ‘రిలేషన్‌షిప్‌లో గొడవలు కామన్‌ కదా’ అని నేను వాళ్ల మధ్యకి వెళ్లలేదు. ఆ అమ్మాయి ఇప్పుడు మా అన్నయ్యకి బ్రేకప్‌ చెప్పేసిందట. ఏమైందని ఆరాతీస్తే... ‘నేను మా నాన్నకు మాటిచ్చాను, ఎవరినీ లవ్‌ చెయ్యనని’ అంటోంది. ‘మరి ఈ విషయం మొదట్లోనే చెబితే మా అన్నయ్య నిన్ను ఇబ్బంది పెట్టేవాడు కాదుగా’ అని అడిగితే ఆ అమ్మాయి సమాధానం ఇవ్వలేదు. ఇప్పుడు ఏం చెయ్యమంటారు సార్‌. మా అన్నయ్య ఇలా బాధపడుతుంటే చూడలేకపోతున్నాను. తను మాత్రం చాలా హ్యాపీగా ఉంది. ఒక మంచి సలహా ఇవ్వండి ప్లీజ్‌. – నవ్య యూత్‌......!! మైండ్‌ నిలకడగా ఉండదు.....!! ఉండదు కాబట్టే ఎవరో ఒకరు నచ్చుతూ ఉంటారు....!! ఆ తర్వాత నిలకడ ఉండదు కాబట్టి వద్దనుకుంటారు....!! మళ్లీ కావాలనుకుంటారు....!! కొంతమంది మైండ్‌లో ఉన్నది చెప్పకుండా గేమ్స్‌ ఆడుతూ ఉంటారు...!! కానీ మీ అన్నయ్యను ప్రేమించిన అమ్మాయి గేమ్స్‌ ఆడటం లేదు..!! ‘ఏంటి సార్‌..!? నోటికొచ్చినట్లు చెబుతున్నారు..!??? ముందు లవ్వు అంది. ఇప్పుడు పో అంటోంది. దీనికంటే గేమ్స్‌ ఏముంటాయి సార్‌? మీరు ఆ అమ్మాయిని వెనకేసుకొస్తున్నారు. మీకు రాసింది కూడా అమ్మాయే అని గుర్తించడం లేదు. యు డూ జస్టిస్‌ టూ నవ్య సార్‌!’ చెప్పానుకదా నీలూ! అమ్మాయికి నవ్య వాళ్ల అన్నయ్య ఫ్రెండ్‌గా ఓకే అనిపించాడు. అందుకే త్రీ ఇయర్స్‌ ఏం కమిట్‌ కాలేదు. మనోడు ఉండలేక చాలా సెంటిమెంటల్‌ అయిపోయి.. ఆ అమ్మాయిని లవ్వులోకి దించాడు. ఆ అమ్మాయికి తన లవ్‌ గురించి తెలియదు. తనకి అబ్బాయి లవ్వే తెలుసు. ఆ అబ్బాయి లవ్వే తన లవ్‌ అనుకుంది. బుట్టలో పడింది. ఇప్పుడు మైండ్‌  ఓపెన్‌ అయ్యి తుర్రుమంది. ‘అంటే అబ్బాయిలు లవ్‌ గురించి ఎక్కువ ప్రెజర్‌ పెట్టకూడదు అంటారు!! వాళ్ల లవ్వే అమ్మాయిలు రిప్లెక్ట్‌ చేసి పుసుక్కున ఓకే చెప్పి, తర్వాత నిలకడగా ఆలోచించి టాటా–బైబై చెబుతురన్నమాట. అర్థమైందా నవ్యా..! అన్నయ్యకు చెప్పు లవ్‌ నాచురల్‌గా ఇద్దరికీ కలగాలి. ప్రెజర్‌ మంచిది కాదు అని. నెక్ట్స్‌ టైమ్‌ బెటర్‌ లక్‌!! కరెక్ట్‌గా చెప్పానా సార్‌?????’ అబ్బబ్బబ్బబ్బా.. నీలూ యూ ఆర్‌ గ్రేట్‌!!!!!! - ప్రియదర్శిని రామ్‌ , లవ్‌ డాక్టర్‌

హాయ్‌ అన్నయ్యా..! నేనొక అమ్మాయిని లవ్‌ చేస్తున్నాను. ఆ అమ్మాయి కూడా నా వంక చూసేది. అలా రోజూ గమనించాను. ఓ రోజు ధైర్యం చేసి తన ఫ్రెండ్‌ సహాయంతో తనకి లవ్‌ లెటర్‌ ఇప్పించాను. తను ఆ లెటర్‌ని మా అమ్మకు చూపించి, నన్ను తిట్టించింది. ఆ తర్వాత నుంచి తను నా వైపు కోపంగా చూస్తోంది. నన్ను చూడటం మాత్రం మానలేదు. ఏం చెయ్యాలో తెలియట్లేదు. ఒకసారి నవ్వుతూ ఇంట్లోకి వెళ్లిపోయింది. అసలు నా గురించి తను ఏం అనుకుంటోందో అర్థం కావట్లేదు. తనని ఫస్ట్‌ టైమ్‌ ఒక జాతరలో చూశాను. అప్పుడు ఆ అమ్మాయి ఒకసారి నా వంక, మరోసారి పక్కకు ఫేస్‌ తిప్పింది. అసలు తన మనసు ఏంటో తెలియట్లేదు. నాకైతే వాళ్ల అమ్మని ‘మీ అమ్మాయిని పెళ్లి చేసుకుంటాను’ అని అడిగెయ్యాలని ఉంది . కానీ నాకు ఇంకా జాబ్‌ లేదు. జాబ్‌ లేకుండా అడిగితే ఏమని అడగాలి అన్నయ్యా, చెప్పండి ప్లీజ్‌! – కుమార్‌ అడుక్కో అన్నయ్యా..! అడుక్కో....!మనసారా అడుక్కో...!తనివితీరా అడుక్కో....!తడబడకుండా అడుక్కో....!వెనుకంజ వేయకుండా అడుక్కో....!నాన్‌స్టాప్‌గా అడుక్కో....!‘ఏమనుకున్నారు.. తన్నేమనుకున్నారు.. పిచ్చివాడనుకున్నారా.. ప్రేమ బిచ్చగాడనుకున్నారా.. ఏమనుకున్నారు..????????? ఏంటి సార్‌..!? బిచ్చగాడికి చెప్పినట్లు చెబుతున్నారు అడుక్కో...!అడుక్కో....!! అని. ఏంటి సార్‌..!? ఒక సిన్సియర్‌ ప్రేమికుడిని మీరు అంత చీప్‌గా చూస్తున్నారు..????’లవ్వాడినప్పుడు లేని సిగ్గు.. లవ్వు అడుక్కునేటప్పుడు ఎందుకు...?? ఛీ – పో అన్నప్పుడు లేని సిగ్గు.. తనే కావాలని అనుకున్నప్పుడు ఎందుకు?? ఉద్యోగం సద్యోగం లేకుండా పెళ్లి గిళ్లి అనుకున్నప్పుడు లేని సిగ్గు.. కాబోయే అత్తగారిని అడుక్కునేటప్పుడు ఎందుకు??? ఏమో అత్తగారికి నచ్చితే.. పెళ్లి చేసి, ఇల్లరికం ఉంచుకుని, రాజాలాగ చూసుకుంటారేమో..!?! మనమెందుకు అడ్డం చెప్పడం నీలూ????‘సార్‌!! పెళ్లీ అడుక్కుని.. ఇల్లరికమూ అడుక్కుని.. ఉద్యోగమూ అడుక్కుని.. అత్తగారి దగ్గర ఏం రెస్పెక్ట్‌ మిగులుతుంది సార్‌???’ఇవన్నీ అత్తని అడిగేముందు డిసైడ్‌ చేసుకోమను.. సొంత లెగ్స్‌ మీద స్టాండ్‌ అయ్యి పెళ్లికి అమ్మాయిని ఇవ్వమని అత్తగారిని డిమాండ్‌ చేసే పొజిషన్‌కి ముందు రమ్మను నీలూ!! ప్రియదర్శిని రామ్‌ లవ్‌ డాక్టర్‌  lovedoctorram@sakshi.com  

అన్నయ్యా.. చాలా పెద్ద ప్రాబ్లమ్‌..! నేను ఒక అమ్మాయిని లవ్‌ చేశాను. తను నాకు ఏడేళ్లుగా తెలుసు. మూడేళ్ల నుంచి లవ్‌ చేసుకుంటున్నాం. తను చాలా మంచిది. నన్ను బాగా చూసుకునేది. నాతో లవ్‌లో ఉంటూనే తన ఎక్స్‌ బాయ్‌ఫ్రెండ్‌తో మాట్లాడేది. ఫ్రెండ్‌గా మాట్లాడుతుంటే నేను మొదట్లో వద్దని చెప్పలేదు. కానీ తర్వాత వాళ్లు లిమిట్స్‌ క్రాస్‌ చేశారు. దాంతో మాట్లాడొద్దని చెప్పాను. వినలేదు. పైగా ‘కేవలం ఫ్రెండ్‌గానే మాట్లాడుతున్నా’ అనేది. అడ్జెస్ట్‌ అవడానికి చాలా ప్రయత్నించాను. నా వల్ల కాలేదు. అదే కారణంగా మా మధ్య చాలా గొడవలు జరిగాయి. ఆత్మహత్యాయత్నం కూడా చేశాను. అయినా ఆ అమ్మాయి ‘నీకంటే వాడే ఎక్కువ’ అంది. అప్పుడు పేరెంట్స్‌ కోసం ఆలోచించాను. తనని మరిచిపోవాలని నిర్ణయించుకున్నాను. అయితే కొన్నిరోజులకి ఆ అమ్మాయి వాళ్ల కజిన్‌ నాకు మెసేజ్‌ చేసింది. మా బ్రేకప్‌ తర్వాత వాళ్లిద్దరూ కలిసి హ్యాపీగా ఉన్నారట. నాకు వాళ్లు హ్యాపీగా ఉండటం నచ్చలేదన్నయ్యా. అందుకే ఆ అమ్మాయిని బ్లాక్‌మెయిల్‌ చేశాను. ఇప్పుడు మళ్లీ తను నాతో లవ్‌లో ఉంది. నేను చేసింది కరెక్టా? రాంగా? చెప్పండి అన్నయ్యా..!? – విజయ్‌ ఎందుకిలా అయిపోయావు బ్రో...??? నీకు సెల్ఫ్‌ రెస్పెక్ట్‌ ఉండాలి..! ఉంది కూడా..!! కానీ కొంచెం మైండ్‌ దొబ్బింది...! లవ్‌ వల్ల మైండ్‌ రాంగ్‌ డైరెక్షన్‌లో మూవ్‌ అవుతోంది..! నువ్వు లైఫ్‌ కంటే ఎక్కువగా ప్రేమించావు..! అయినా అమ్మాయి రెస్పాండ్‌ కాలేదు..!! అదర్‌సైడ్‌ లవ్‌ కంటిన్యూ చేసింది..!! అప్పుడైనా విషయం అర్థం చేసుకుని ఈ లవ్‌ నుంచి ఎగ్జిట్‌ రూట్‌ కొట్టాల్సింది. కానీ రాంగ్‌ రూట్‌ తీసుకున్నావు.. అమ్మాయి మీద ప్రెజర్‌ పెట్టి లాగుతున్నావు. మొత్తం పెంట పెంట చేసుకుంటున్నావు..!! లవ్‌ నేచురల్‌గా ఉండాలి. ఫోర్స్‌డ్‌గా ఉండకూడదు..!! అలాంటి లవ్‌ నిలవదు..!! నీ లవ్‌ గ్రేట్‌..! దాన్ని షిట్‌ చేసుకోవద్దు..!! వదిలేసెయ్యి.. బీ ఎ హీరో. మైండ్‌ క్లియర్‌ చేసుకో...! లివ్‌ న్యూ లైఫ్‌.. అప్పుడు నువ్వే విజయ్‌..! నీదే విజయం..!! ‘కరెక్ట్‌గా చెప్పారు సార్‌..!! ఈ అడ్వయిజ్‌ ఫాలో అయిపో.. ఇదే నీకు బెస్ట్‌ రూట్‌ విజయ్‌!!’ - ప్రియదర్శిని రామ్‌

హలో రామ్‌ అన్నయ్యా..! నేను నా లైఫ్‌లో అసలు పెళ్లే చేసుకోవద్దనుకున్నాను. కానీ నా లైఫ్‌లోకి ఒక మంచి అబ్బాయి వచ్చాడు. తను నన్ను అర్థం చేసుకున్నట్లు ఈ ప్రపంచంలో ఇంకెవరూ అర్థం చేసుకోలేరు. తను నాకు ప్రపోజ్‌ చేసినప్పుడు ‘మా పేరెంట్స్‌ ఒప్పుకుంటేనే పెళ్లి చేసుకుంటా’ అని చెప్పాను. మేం ఎనిమిదేళ్లుగా ప్రేమించుకుంటున్నాం. అయితే ఇప్పుడు మా పేరెంట్స్‌ మా పెళ్లికి ఒప్పుకోవడం లేదు. ఎందుకని అడిగితే ‘కులాలు వేరు’ అంటున్నారు. తను ఇప్పుడు కెనడాలో జాబ్‌ చేస్తున్నాడు. వాళ్ల పేరెంట్స్‌కి మా గురించి అంతా తెలుసు. వాళ్ల పేరెంట్స్‌ వచ్చి మా పేరెంట్స్‌ని కన్విన్స్‌ చేసినా ఒప్పుకోవట్లేదు. నా లైఫ్‌లో తనని వదులుకోలేకపోతున్నాను. మా పేరెంట్స్‌ అయితే ‘లైఫ్‌లో మేం కావాలా? ఆ అబ్బాయి కావాలా?’ అని అడుగుతున్నారు. తనైతే ‘కెనడా వదిలి వచ్చి ఇక్కడ దగ్గరల్లోనే జాబ్‌ చూసుకుంటాను. మీ అమ్మాయిని నాకు ఇవ్వండి’ అని చాలా రిక్వెస్ట్‌ చేస్తున్నాడు. అయినా సరే మా పేరెంట్స్‌ ఒప్పుకోవడం లేదు అన్నయ్యా. ప్లీజ్‌.. మంచి సలహా ఇవ్వండి. – లలిత ప్రియమైన లలిత తల్లిదండ్రులకు సూపర్‌ లవ్‌..! లలిత సంతోషం కన్నా మనకేమైనా.. మరేమైనా కావాలా? కూతురుకంటే అపురూపంగా చూసుకునే అత్తమామలకంటే ఎక్కువ ఏం ఇవ్వగలం మన బిడ్డకు?? సహచరుడే కాదు.. స్నేహితుడిగా.. రక్షకుడిగా.. కాపాడుకునే అల్లుడికంటే ఏం ముఖ్యం??? మీరు అనుకుంటున్న సంప్రదాయాలు కూడా అవసరమే కానీ మీరిచ్చిన ప్రేమలో సగమైనా ఇవ్వగల భర్త దొరకడం ఎంత కష్టమో మీకు తెలియనిదా? లలితకు మిమ్మల్ని మించిన శ్రేయోభిలాషులు ఇంకెవరు ఉంటారు? మీతో చెప్పుకోలేక.. నాలాంటి ఒక అన్నయ్యకు చెప్పుకుంటుంది కానీ.. మీరు దగ్గరకు తీసుకుని ప్రేమగా మాట్లాడితే తన బాధ మీతోనే పంచుకుంటుంది కదా? ఒకపక్క అబ్బాయీ, వాడి తల్లిదండ్రులూ అమ్మాయిని స్వాగతిస్తున్నారు. లలిత సంస్కారవతి కాబట్టి.. మిమ్మల్ని అనంతంగా ప్రేమిస్తోంది కాబట్టి... మీ ఆరోగ్యం గురించి తపన చెందుతోంది కాబట్టి... మీకు కించిత్తు కష్టం కలగకూడదు కాబట్టి.. తానే బాధపడుతూ, మథనపడుతూ మీ గౌరవం కోసం, మీ క్షేమం కోసం తన ప్రేమను త్యాగం చేస్తోంది కదా??? ఇంటి పెద్దలుగా కాకుండా.. మీ బంగారుతల్లి అమ్మానాన్నలుగా ఆలోచించి, మంచి నిర్ణయం తీసుకోండి. లలిత సంతోషంగా ఉండేలా చూడండి..! సమాజంలో మార్పుకోసం ముందడుగు వెయ్యండి..!! దానికి మేమందరం సాక్షి!! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేనొక అమ్మాయిని లవ్‌ చేస్తున్నాను. నేనంటే ఆ అమ్మాయికి ఇష్టముందో లేదో తెలుసుకోవడం ఎలా? ఆ అమ్మాయి పేరు మహాలక్ష్మి. మేము డిగ్రీ ఫస్ట్‌ ఇయర్‌ చదువుతున్నాం. నేను చూసినప్పుడల్లా నన్ను తనూ చూస్తోంది. అసలు ఆ అమ్మాయికి నా మీద ఇంట్రెస్ట్‌ ఉందా? లవ్‌ ప్రపోజ్‌ చేస్తే ఓకే చేస్తుందా? లేక ఫ్రెండ్‌షిప్‌ చెయ్యాలా? ఆ అమ్మాయి అంటే నాకు చాలా ఇష్టం. అసలు ఇది ప్రేమో లేక ఆకర్షణో తెలుసుకోవడం ఎలా? ఒకవేళ నా ప్రపోజల్‌ని ఓకే చెయ్యకపోతే చదువు మీద దృష్టి పెట్టలేనేమోనని భయంగా ఉంది. ఏం చేస్తే బాగుంటుందో వీలైనంత త్వరగా చెప్పండి సార్‌. దగ్గరలో ఎగ్జామ్స్‌ కూడా ఉన్నాయి, చదువుకుంటాను. దయచేసి మంచి సలహా ఇవ్వండి సార్‌! – మల్లికార్జున్‌ మల్లి.. మల్లి.. మల్లి..... ‘మళ్లీ మళ్లీ ప్రేమించాలా సార్‌?’ నీలూ..! మల్లి.. మల్లి.. మల్లి... ‘అమ్మాయి ఒప్పుకోకపోయినా మళ్లీ మళ్లీ ప్రేమిస్తూనే ఉండాలా సార్‌???’ అది కాదు నీలూ..! మల్లి.. మల్లి.. మల్లి... ఓహో! అర్థమయ్యింది సార్‌..! మల్లికార్జున్‌ పేరు చెబుతుంటే నత్తిగా అనిపిస్తుంది కదా సార్‌??? ఎక్కడ రాంగ్‌ అడ్వైజ్‌ ఇస్తే పాపం మల్లి.. మల్లి.. మల్లికార్జున్‌ డిప్రెస్‌ అయిపోతాడేమోనని భయంగా ఉంది కదా సార్‌?? మళ్లీ.. మళ్లీ.. మళ్లీ.. ఎగ్జామ్‌లో ఫెయిల్‌ అయిపోతాడేమోనని మీరు వర్రీడ్‌ కదా సార్‌?? మళ్లీ ప్రేమలో.. మళ్లీ కెరీర్‌లో.. మళ్లీ లైఫ్‌లో ఫెయిల్‌ అవ్వకూడదని ఆలోచిస్తున్నారు కదా సార్‌??? నేను సింపుల్‌గా ప్రాబ్లమ్‌ సాల్వ్‌ చేసేస్తాను సార్‌! చెప్పమంటారా????’ చె.. చె.. చె... ‘చెబుతా సార్‌..! ఈ క్వశ్చన్, ఆన్సర్‌ రెండూ అమ్మాయిని చదవమంటే పోలా???’ - ప్రియదర్శిని రామ్‌

హాయ్‌ సార్‌..! నేనొక అమ్మాయిని వన్‌ ఇయర్‌ నుంచి ట్రూగా లవ్‌ చేస్తున్నాను. తనూ నన్ను లవ్‌ చేస్తోంది. తనకోసం నేను చాలా వదులుకున్నాను. తనకి వాట్సాప్, ఫేస్‌బుక్‌లంటే ఇష్టం ఉండవని తెలిసి, వాటిని కూడా డిలిట్‌ చేశాను. ఎప్పుడూ ‘నువ్వే నా ప్రాణం, నువ్వే నా ప్రపంచం’ అని చెబుతూ ఉంటుంది కానీ ఇంటికి వెళ్తే ఫోన్‌ చెయ్యదు. ఎక్కడైనా బయట కనిపిస్తే మాట్లాడదు. ఇంట్లో ఒప్పించి పెళ్లి చేసుకుందామని అడిగితే.. ‘మా ఇంట్లో అసలు ఒప్పుకోరు, అడిగినా వేస్ట్‌’ అని చెబుతోంది. నాకేమో తను కావాలి. కానీ తను నన్ను అర్థం చేసుకోవడం లేదు సార్‌! ఏం చెయ్యాలో మీరే చెప్పండి ప్లీజ్‌! – శ్రీ నీది ట్రూ లవ్‌ బ్రో...!! ‘సార్‌..! మరి అమ్మాయిది ఏం లవ్‌ సార్‌???????’ వాట్సాప్, ఫేస్‌బుక్‌ లాంటి లవ్‌..! ‘అంటే అంతా డిజిటల్‌..! నథింగ్‌ రియల్‌..!! అంటున్నారా సార్‌...?!’ జస్ట్‌ టైమ్‌పాస్‌ లవ్‌ నీలూ....!! ‘మరి శ్రీ... వాట్సాప్, ఫేస్‌బుక్‌లు డిలిట్‌ చేసేశాడు కదా సార్‌...! ఇప్పుడు ఎలా సార్‌????’ అమ్మాయిని కూడా మెమరీ నుంచి డిలిట్‌ చేయాలి నీలూ...! ‘ఏంటి సార్‌..! ఇవాళ అబ్బాయిలకి ఫేవర్‌గా మాట్లాడుతున్నారు.. మీకు సిస్టర్స్‌ మీద లవ్‌ తగ్గిందా సార్‌????’ అది కాదు నీలూ..! అమ్మాయికి శ్రీ అంతగా నచ్చలేదు..! ‘అంటే ప్రాణం కంటే ఎక్కువగా లవ్‌ చేసేలాంటి లవ్‌ అమ్మాయికి కలగలేదా సార్‌?’ కలగలేదు కాబట్టి... శ్రీ కూడా...... ‘టేక్‌ ఇట్‌ ఈజీ పాలసీ.. అంటారా సార్‌..!’ అని నవ్వింది నీలాంబరి! - ప్రియదర్శిని రామ్‌ , లవ్‌ డాక్టర్‌

సాక్షి, హైదరాబాద్‌: ‘‘గత శనివారం సైరా షూటింగ్‌ చాలా ముమ్మరంగా జరుగుతుండటం వల్ల నేను అవార్డ్‌ ఫంక్షన్‌కు హాజరుకాలేకపోయాను. కానీ నా మీద ఎంతో అభిమానంతో ‘సాక్షి’ చైర్‌పర్సన్‌ భారతీగారు అవార్డుని నాకు అందజేయాలనుకోవడం ఆనందంగా ఉంది. ఈ అవార్డును అందజేయటానికి ‘సాక్షి’ సంస్థ ప్రతినిధులు పెద్దలు శ్రీ రామచంద్రమూర్తిగారు, సోదరుడు రామ్‌గారు వచ్చి కలవటం సంతోషంగా ఉంది’’అని నటుడు చిరంజీవి అన్నారు. ‘సాక్షి ఎక్స్‌లెన్స్‌ అవార్డ్స్‌–2017’కు సంబంధించి బెస్ట్‌ హీరో అవార్డును చిరంజీవి స్వగృహంలో ఆయనకు బుధవారం అందజేసింది ‘సాక్షి’ మీడియా. ఎడిటోరియల్‌ డైరెక్టర్‌ కె.రామచంద్రమూర్తి, సాక్షి ఫీచర్స్‌ ఎడిటర్‌ ప్రియదర్శిని రామ్‌ను చిరంజీవి సాదరంగా ఆహ్వానించారు. అనంతరం చిరంజీవి మాట్లాడుతూ..‘‘భారతీ గారు నాకు సోదరి లాంటి వారు. నా మీద ఎంతో అభిమానంతో అవార్డుతోపాటు ఓ చాక్లెట్‌ బాక్స్‌ పంపారు. ఇది ఆమె తియ్యని మనసుకు నిదర్శనం. ‘సాక్షి’ గ్రూప్‌ వారు గత నాలుగేళ్లుగా ఈ ఎక్స్‌లెన్స్‌ అవార్డులు ఇస్తున్నారు. గతంలో నేను కూడా ఈ అవార్డు వేడుకల్లో పాల్గొన్నాను. ఆయా రంగాల్లో విశేష ప్రతిభ కనబర్చిన వాళ్లందరినీ గుర్తించి వారిని ఇలా ప్రోత్సహించటం చాలా గొప్ప విషయం. అవార్డు గ్రహీతలందరికీ నా అభినందనలు. అలాగే జీవిత సాఫల్య పురస్కారాన్ని స్వీకరించిన కృష్ణ, విజయనిర్మల గార్లకు, ఇదే అవార్డును స్వీకరించిన చుక్కా రామయ్య గారికి నా అభినందనలు. ఇదే విధంగా ‘సాక్షి’ ఎల్లప్పుడూ ఔత్సాహికులను ప్రోత్సహించాలని కోరుకుంటున్నాను. నా విషయానికొస్తే అవార్డు నాకు రావటానికి దోహదపడింది ‘ఖైదీ నంబర్‌ 150’ సినిమా. 9 ఏళ్ల తర్వాత వచ్చిన నా కమ్‌ బ్యాక్‌ చిత్రాన్ని ప్రేక్షకులు అద్భుతంగా ఆదరించారు. ఆ విధంగా ప్రజల్లో నా స్థానం సుస్థిరం అని మరోసారి రుజువైంది. వాళ్ల ప్రేమను నిజం చేస్తూ వచ్చిన ఈ అవార్డును అందుకోవటం నాకు గర్వంగా, ఆనందంగా ఉంది’’అన్నారు. సైరా చిత్రం గురించి మెగాస్టార్‌ చిరంజీవి మాట్లాడుతూ..‘‘ఇది చాలా మంచి రోజు. నాకు ఈ అవార్డును అందించిన రోజు ఆగస్టు 15. ఈ సందర్భంగా నేను చేస్తున్నది దేశభక్తిని తెలియజేసే సినిమా కావడం చాలా ఆనందంగా ఉంది. స్వాతంత్య్ర సమర యోధుడు ‘ఉయ్యాలవాడ నరసింహారెడ్డి’ జీవితగాధ ఆధారంగా తీస్తున్న సినిమా సైరా. దేశం యావత్తూ గర్వించే గొప్ప సినిమా చరిత్రలో నిలిచిపోతుంది..జైహింద్‌’’ అంటూ ముగించారు. అవార్డు స్వీకరించిన ఆనందాన్ని మనవరాళ్లు సమార, సంహిత, నివృతితో పంచుకుంటున్న చిరంజీవి 

హాయ్‌ అన్నయ్యా..! నేను నెల రోజుల నుంచి ఒకరిని లవ్‌ చేస్తున్నాను. తనకి కూడా నేనంటే ఇష్టమే. కానీ తనని వేరే అమ్మాయి కూడా లవ్‌ చేస్తోంది. ఆ అమ్మాయి ప్రపోజ్‌ చేస్తే తను ఓకే చేశాడట. ఆ విషయం వాళ్ల చాటింగ్‌ చూసేదాకా తెలియలేదు. తర్వాత తనని నేను నిలదీస్తే ‘నేను ఆ అమ్మాయితో జోక్‌ చేశాను. నాకు నువ్వంటేనే ఇష్టం’ అంటున్నాడు. ఏం చెయ్యాలి అన్నయ్యా? నేనంటే ఇష్టముంటే వేరే అమ్మాయితో.. ‘ఐ వాంట్‌ యు, ఐ కిస్‌ యు’ అని మెసేజ్‌లు చెయ్యగలడా..? చెప్పండి అన్నయ్యా..! ఇప్పుడు నేను ఏం చెయ్యాలో మంచి సలహా ఇవ్వండి ప్లీజ్‌! – కిరణ్‌ జ్యోతి ఆ రెండో అమ్మాయి ఫోన్‌ నంబర్‌ సంపాదించు! ‘మీరు మేధావి సార్‌!’ ఎందుకు నీలూ??? ‘మీరు అనుకుంటున్నది నాకు అర్థమైపోయింది సార్‌!’ వాట్‌ ఈజ్‌ దట్‌ నీలూ? ‘చిలిపి! నాకు తెలుసు సార్‌..!! మీరు కిరణ్‌ జ్యోతికి ఏం చెప్పబోతున్నారో నాకు అర్థమైపోయింది సార్‌!!!’ అయితే.. నేను చెప్పాలనుకున్నది కిరణ్‌ జ్యోతికి కూడా తెలిసిపోయిందంటావా నీలూ??? ‘పక్కా సార్‌! ఆఫ్టరా ఆల్‌ కిరణ్‌ మీ సిస్టర్‌ కదా సార్‌! మీరు ఉప్పందిస్తే మొత్తం అర్థం చేసేసుకుని ఉంటుంది సార్‌!!’ అయితే ఇంకో లెటర్‌ తియ్యి..! ఎందుకు టైమ్‌ వేస్ట్‌ చెయ్యడం?!??!? ‘అది కాదు సార్‌..! మీ మనస్సులో ఉన్న ఆన్సర్‌ కరెక్ట్‌గా గెస్‌ చేసిన థ్రిల్‌ ఉండాలి కదా సార్‌..! చెప్పండి!! చెప్పండి ప్లీజ్‌ సార్‌!!!!’ నువ్వే చెప్పు నీలూ!! ‘కిరణ్‌..! ఆ రెండో అమ్మాయి ఫోన్‌ నంబర్‌ కనిపెట్టి.. ‘ఐ వాంట్‌ టు మీట్‌ యు’ అని, ఆ వెధవ ఫోన్‌ నుంచి ఆ సెకండ్‌ లవర్‌కి మెసేజ్‌ పెట్టు..! కలిసి ఈ డబుల్‌ స్టాండర్డ్డ్, డబుల్‌ క్రాస్, డబుల్‌ చీటర్, డబుల్‌ టైమర్, డబుల్‌ డర్టీఫెలో స్టోరీ చెప్పు!! ఇద్దరూ కలిసి వాడ్ని డబుల్‌ డిష్యూం చెయ్యండి? కరెక్టేనా సార్‌!!?’ అబ్బబ్బబ్బబ్బబ్బా...! నువ్వు, కిరణ్‌ ఇద్దరూ డబుల్‌ స్మార్ట్‌!!! - ప్రియదర్శిని రామ్‌ , లవ్‌ డాక్టర్‌  

హాయ్‌ సార్‌..! నేనొక అమ్మాయిని ఇంటర్‌లో ఉండగా లవ్‌ చేశాను. తను కూడా ఓకే చెప్పింది. టూ ఇయర్స్‌ మా లవ్‌ చక్కగా సాగింది. అయితే మా విషయం వాళ్ల ఇంట్లో తెలిసి ఆమెను బాగా కొట్టారు. అప్పటి నుంచి నాకు కాల్‌ చెయ్యడం మానేసింది. నేను కాల్‌ చేసినా, మెసేజ్‌ చేసినా రిప్లై ఇవ్వడం, మాట్లాడటం మానేసింది. ఒకసారి తను నన్ను కలిసి.. ‘నన్ను మరచిపో ప్లీజ్‌’ అని చెప్పింది. నాకు ఆ అమ్మాయి కావాలి సార్‌. తనని ఎలా ఒప్పించాలో అర్థం కావట్లేదు. నేను తనని ప్రాణంగా ప్రేమించాను. వాళ్ల ఇంట్లో ఏమైందో అర్థం కావట్లేదు. ఇప్పుడు నాకేం చెయ్యాలో అర్థం కావట్లేదు. ఏదైనా సలహా ఇవ్వండి ప్లీజ్‌. – సిద్ధు ఏం అర్థం కాలేదు సిద్ధూ...??? అమ్మాయిని కొట్టిన విషయం అర్థం కాలేదా??? అమ్మాయి భయపడుతోందన్న విషయం అర్థం కాలేదా??? అమ్మాయి ‘నన్ను మరచిపో ప్లీజ్‌’ అని రిక్వెస్ట్‌ చేసిన సంగతి అర్థం కాలేదా??? అమ్మాయికి నువ్వు ఫోన్‌ చేసిన ప్రతిసారీ హండ్రెడ్‌ టైమ్స్‌ కలిగే రిస్క్‌ నీకు అర్థం కాలేదా??? అమ్మాయి ఒక వస్తువు కాదు. తను ఒక మనిషి, ఒక కుటుంబంలో భాగం, ఒక ఇంటి గౌరవమన్న విషయం నీకు అర్థం కాలేదా సిద్ధూ??? కొంచెం స్పీడ్‌ తగ్గించు..! కొంచెం ఆలోచించు...!! నీ ఇంట్లో ఉన్న ఒక చెల్లెలో.. కజిన్‌ సిస్టరో ఈ సిట్యుయేషన్‌లో ఉంటే నువ్వు ఒక అన్నయ్యగా తన ప్రేమికుడికి ఏం అడ్వైజ్‌ ఇస్తావో ఆలోచించు సిద్ధూ! ‘మిమ్మల్ని అడ్వైజ్‌ అడిగితే.. సిద్ధూని అడ్వైజ్‌ ఇవ్వమంటున్నారేంటి సార్‌???’కరెక్ట్‌ నీలూ..! సిద్ధూ అడ్వైజ్‌ ఇవ్వాలి. తనకు తానే అడ్వైజ్‌ ఇచ్చుకోవాలి! అమ్మాయి పెయిన్‌ అర్థం చేసుకోవాలి!! - ప్రియదర్శిని రామ్‌

హాయ్‌ సార్‌! నేనొక అమ్మాయిని మూడేళ్లుగా లవ్‌ చేస్తున్నాను. అమ్మాయి కూడా నన్ను లవ్‌ చేసింది. కానీ ఇప్పుడు క్యాస్ట్‌ వేరే అని నన్ను వద్దంటోంది. ‘సేమ్‌ క్యాస్ట్‌ అయితే నువ్వు వద్దన్నా నీ దగ్గరికి వచ్చేదాన్ని’ అంటోంది. కానీ ఆ అమ్మాయి వేరే అబ్బాయితో లవ్‌లో ఉందని నాకు తెలిసింది. తనని అదే అడిగాను. తను ‘ఆ అబ్బాయి నా క్లాస్‌మేట్‌’ అంటోంది. ఇప్పుడు నేనేం చెయ్యాలి? చెప్పండి భయ్యా ప్లీజ్‌..! – లోకేశ్‌ ప్రేమలో క్యాస్ట్‌ భేదాలు అస్సలు ఉండవు లోకేశ్‌! ‘మరి మీ సిస్టర్‌ అబద్ధాలు చెబుతోందా సార్‌?’ నిజం చెబుతోంది నీలాంబరి! ‘అంటే మీరు అబద్ధం చెబుతున్నారా సార్‌?’ నేనూ నిజమే చెబుతున్నా! ‘ఏంటి సార్‌? అమ్మాయి నీ క్యాస్ట్‌ నా క్యాస్ట్‌ సేమ్‌ కాదు. సో నో మ్యారేజ్‌ అని చెబుతోంది. మీరేమో లవ్‌కి క్యాస్ట్‌ భేదాలు ఉండవని చెబుతున్నారు. అలా అయితే మీరైనా, మీ సిస్టర్‌ అయినా అబద్ధం చెబుతున్నట్లే కదా సార్‌!?’ నీలూ.. నేనేమన్నాను. లవ్వుకు క్యాస్ట్‌ అడ్డం రాదు అన్నాను! ‘కరెక్ట్‌ సార్‌!’ సిస్టర్‌ ఏమంది? క్యాస్ట్‌ వేరే అయితే కుదరదు అంది. ‘కరెక్ట్‌ సార్‌!’ మరి కన్ఫ్యూజన్‌ ఏముంది? ‘సార్‌....! అమ్మాయి నీ క్యాస్ట్‌ నా క్యాస్ట్‌ సేమ్‌ కాదు. సో నో మ్యారేజ్‌ అని చెబుతోంది. మీరేమో లవ్‌కి క్యాస్ట్‌ భేదాలు ఉండవని చెబుతున్నారు. అలా అయితే మీరైనా, మీ సిస్టర్‌ అయినా అబద్ధం చెబుతున్నట్లే కదా సార్‌!?’ అంటే నా సిస్టర్‌ ఈ లోకేశ్‌ని అంతగా లవ్‌ చెయ్యడం లేదన్నమాట. ప్రేమించే వాళ్లు ఎక్కడైనా.. ఆస్తి, నేపథ్యాలు, సాంప్రదాయాలు, సంపాదనలు.. మాట్లాడుకుంటారా నీలూ? ‘తిప్పి తిప్పి చెప్పినా కరెక్ట్‌గా చెప్పారు సార్‌. లోకేశ్‌ని అంతగా లవ్‌ చేస్తే పెళ్లికి ఏదీ అడ్డం వచ్చేది కాదు. ప్రేమ అంతగా లేదు కాబట్టే.. అన్ని ఎక్స్‌క్యూజెస్‌ కదా సార్‌!’ అబ్బబ్బబ్బబ్బబ్బా.... నీలూ. యు ఆర్‌ సో స్మార్ట్‌!!!

హాయ్‌.. రామ్‌ అన్నయ్యా..! నేను నాలుగేళ్లుగా ఒకే బాధను మోస్తున్నా. నావల్ల కావట్లేదు. నాలుగేళ్ల క్రితం ఒక అమ్మాయి ‘ప్రేమిస్తున్నా’ అంటూ ప్రపోజ్‌ చేసింది. మొదట్లో లైట్‌ తీసుకున్నా. కానీ ‘నువ్వు లేకుండా నేను బతకలేన’ంది. నమ్మాను. తిరిగి ప్రేమించడం మొదలుపెట్టాను. ఉన్నట్టుండి, మాట్లాడటం మానేసింది. ఫోన్‌ నంబర్‌ బ్లాక్‌ చేసేసింది. తను నాతో మాట్లాడక నాలుగేళ్లు అవుతోందన్నయ్యా. ఇప్పుడు నా దగ్గర కావాల్సినంత డబ్బు, మంచి జాబ్‌.. అన్నీ ఉన్నాయి. కానీ సంతోషంగా ఉండలేకపోతున్నా. నిత్యం మనసు తననే కోరుకుంటోంది. తను ఒక్కసారి నాతో మాట్లాడితే చాలనిపిస్తోంది. ఎప్పుడూ ఏదో కోల్పోతున్నానన్న బాధ నన్ను వెంటాడుతోంది. నేను పిచ్చోడినైపోతున్నా అన్నయ్యా. ఏం చేస్తే నా బాధ తగ్గుతుందో చెప్పండి ప్లీజ్‌. – తమ్ముడు మనోజ్‌ అబ్బా.. మనసు కలచివేస్తోంది కదూ!! ‘ఏంటి సార్‌?? తమ్ముడు అని రాశాడు కాబట్టి.. పాజిటివ్‌గా స్టార్ట్‌ చేశారా సార్‌ ఆన్సర్‌???’ నిజంగా నీలాంబరి.. ఆ బాధ భరించలేనిది! ‘మీకెలా తెలుసు సార్‌.. ఆ..ఆ..ఆ... బాధ??????’ తమ్ముడు బాధ అన్నయ్యకు తెలియదా నీలూ? ‘సార్‌ ఇలాంటి బాధ ఫస్ట్‌ హ్యాన్డ్‌లోనే తెలుస్తుంది.’ ఏం లేదు. నాకు ఆ.. ఆ... ఆ.. బాధ తెలుసు! ‘ఎలా సార్‌? మీకు కూడా అమ్మాయి బిస్కెట్‌ వేసిందా సార్‌???’ బిస్కెట్, చాక్లేట్‌ వెయ్యడానికి నేనేమైనా.. నీలాగ బ్యూటీ కాదు.. నీలాగ స్మార్ట్‌ కాదు. నీలాగ యాక్టివ్‌ కాదు.. నీలాగ యంగ్‌ కూడా కాదు నీలూ! ‘సార్‌... నాకు తెలుసు, మీకేదో బిస్కెట్‌ పడింది. సరే ఆ విషయం తర్వాత మాట్లాడదాం కానీ ముందు మీ తమ్ముడికి మందు పుయ్యండి సార్‌!’ అమ్మో.. నీ బాధ భరించలేనిది. గుండెలో సువ్వలు దిగినట్టు అనిపిస్తుంది. ప్రాణం గుంజేస్తుంది. ఏదో ఒకలాంటి దడ బాడీ అంతా పట్టేస్తుంది. ఏ తప్పు చేయకుండా శిక్షపడటమంటే ఇదేనా అనిపిస్తుంది. ఎప్పుడూ ఒక రకమైన ఎమ్టీనెస్‌ అనిపిస్తుంది. ఒక్కసారి ఫోన్‌ మోగదా? ఒక్కసారి ప్రేయసి పలకదా? మళ్లీ నన్ను ఎట్‌లీస్ట్‌ ఫ్రెండ్‌గానైనా యాక్సెప్ట్‌ చెయ్యదా? అన్న ఆశతో బతికేస్తుంటాం. ‘మరి సొల్యూషన్‌ ఏంటి సార్‌?’ ఈ బాధను బాధతోనే కడిగేయాలన్నది నా సమాధానం. వేరే ఏదీ ఈ బాధను తగ్గించలేదు. బాధను ప్రేమించాలి. ఆ తర్వాత అది తగ్గిపోతుంది. ‘అలా అవుతుందా సార్‌?’ అవుతుంది..! బలం, నిబ్బరం ఉన్న మగాడైతే.. తప్పకుండా ఈ బాధను అనుభవించి మరీ నమిలి పారెయ్యాలి..! హి కెన్‌ డు ఇట్‌!! ‘అవును. బాధ తీయ్యగా ఉంటుంది. దాన్నుంచి పారిపోవద్దు. మెల్లగా అదే తగ్గిపోతుంది. బి బ్రేవ్‌ మనోజ్‌!’ - ప్రియదర్శిని రామ్‌  

హాయ్‌ రామ్‌ అన్నయ్యా..! నా క్లాస్‌మేట్‌ నాకు ప్రపోజ్‌ చేశాడు. తన మంచితనం నచ్చి నేనూ ఓకే చెప్పాను. ఆ తర్వాత నాకు కష్టంగా అనిపించి బ్రేకప్‌ అనేశాను. ఆ గ్యాప్‌లో నాకో ఫ్రెండ్‌ పరిచయమయ్యాడు. అది కాస్త లవ్‌గా మారింది. కొన్ని రోజులకి అసలు ఇలా చెయ్యడం చాలా తప్పనిపించి, ఫస్ట్‌ అబ్బాయి దగ్గరికి వెళ్లి సారీ చెప్పాను. ‘సరే, ఇంకోసారి ఇలా చెయ్యకు’ అన్నాడు. అయితే ఇప్పుడు ఇద్దరూ నేనే కావాలంటున్నారు. భయంతో ఇద్దరికీ ఏం చెప్పలేదు. ఇదిలా ఉండగా.. నా బావ నన్ను లవ్‌ చేస్తున్నాడట. ‘ఇదంతా జరగని పని, వదిలేసెయ్‌’ అని చెప్పాను. బట్‌.. తను మాత్రం ‘నేను వెయిట్‌ చేస్తా, నిన్నే పెళ్లి చేసుకుంటా’ అంటున్నాడు. ఈ ముగ్గురూ నన్ను డీప్‌గా లవ్‌ చేస్తున్నారు. నాకు మాత్రం చాలా గిల్టీగా ఉందన్నయ్యా. వాళ్లతో పాటు మా అమ్మా వాళ్లని కూడా మోసం చేశాను. ఇంక ఈ బాధను నేను భరించలేను. నాకో మంచి సలహా ఇవ్వండి ప్లీజ్‌. – భాను ముగ్గుర్నీ మీటింగ్‌కి పిలువు. ముగ్గురికీ బుద్ధి పెట్టు. ‘మనం ఒక గెల అరటిపండ్లు తిని, తొక్కలు పంపుదాం సార్‌!’ అరటిపండ్ల తొక్కలెందుకు నీలూ??? ‘బుద్ధితో పాటు గడ్డి కూడా పెట్టాలి కదా సార్‌!’ అని నవ్వింది నీలూ. మీటింగ్‌కి పిలిచి ఇప్పుడు ఎవర్నీ లవ్‌ చేసే టైమ్‌ కాదు. వన్‌ ఇయర్‌ తర్వాత డెసీషన్‌ చెబుతానని చెప్పి టైమ్‌ తీసుకో...! ‘వాళ్లు ఆగుతారా సార్‌?’ ఆగక ఏం చేస్తారు నీలూ? ప్రతి ఒక్కడు నన్నే చేసుకోవాలని.. చాలా గుడ్‌ బాయ్స్‌లాగా ఉంటారు. ‘అంతలోకి భానుకి జ్ఞానోదయమయ్యి.. ఒక మంచి డెసీషన్‌ తీసుకుంటుంది కదా సార్‌!!’ అబ్బబ్బబ్బబ్బా.. నీలూ...... ‘ఐ నో సార్, ఐ యామ్‌ వెరీ స్మార్ట్‌!!’ - ప్రియదర్శిని రామ్‌ , లవ్‌ డాక్టర్‌

హాయ్‌ సార్‌..! నేను రెండు సంవత్సరాలుగా హైదరాబాద్‌లో చదువుకుంటున్నాను. అమ్మాయిలతో మాట్లాడాలంటే నాకు చాలా భయం. నా రూమ్‌ పక్కన ఒక అమ్మాయి ఉంది. ఆ అమ్మాయి అప్పుడుప్పుడు నాతో మాట్లాడుతూ ఉండేది. ఆ అమ్మాయి మాట్లాడుతున్నప్పుడు నాకు లోపల భయంగా ఉండేది. ఆ తర్వాత ఆ అమ్మాయి వాళ్ల ఇంటి ముందు కూర్చొని రోజూ నన్ను చూస్తూ ఉండేది. నేను కూడా చూసేవాడిని. నేను నాకు తెలీకుండానే తన ప్రేమలో పడిపోయాను. తను ఏదో ఒక వంకతో నాతో మాట్లాడుతుండేది. నేను ఎప్పుడైనా ఫోన్‌ ఎక్కువ సేపు మాట్లాడితే ‘ఎవరితో?’ అంటూ కోపంగా అడిగేది. మా ఇద్దరి ప్రేమ గురించి వాళ్ల అక్కకి కూడా తెలుసు. వాళ్ల అక్కే తను నన్ను లవ్‌ చేస్తుందని చెప్పింది. ఫస్ట్‌ నేను ప్రపోజ్‌ చెయ్యాలని వెయిట్‌ చేస్తోందట. ఈ లోపు నేను వేసవి సెలవులకి ఇంటికి వెళ్లి తిరిగి హైదరాబాద్‌ వచ్చాను. ఏమైందో ఏమో తెలీదు కానీ తను నన్ను చూడడం లేదు. నాతో మాట్లాడటంలేదు. నేను తనతో మాట్లాడకుండా, చూడకుండా ఉండలేకపోతున్నాను. జీవితం నరకంగా ఉంది. నా జీవితంలో తనను తప్ప మరొకరిని ఊహించుకోలేను. నేను తనకు ప్రపోజ్‌ చేద్దామనుకుంటున్నాను. ఇప్పుడు నన్ను ఏం చెయ్యమంటారు సార్‌??? – చరణ్‌ పడవ వెళ్లిపోయాక చెయ్యగలిగింది ఏముంది చరణ్‌..? ‘స్విమ్మింగ్‌ చెయ్యొచ్చు కదా సార్‌?’ మరి చరణ్‌కి లవ్‌ స్విమ్మింగ్‌ వచ్చో!? రాదో!? ‘వస్తే లవ్‌ సముద్రాన్ని దాటి ప్రియురాలికి లవ్‌ మ్యాటర్‌ చెబుతాడు. స్విమ్మింగ్‌ రాకపోతే...’ మునుగుతాడు కదా నీలూ!! ‘సార్‌.. మీరెప్పుడూ అబ్బాయిల లవ్‌ గురించి నెగెటివ్‌గానే ఆలోచిస్తారు. స్మిమ్మింగ్‌ రాకపోతే నేర్చుకుంటాడు సార్‌!’ అంతలోపు అమ్మాయి ఇంకెవరికైనా కమిట్‌ అయిపోతే...? ‘ఏంటి సార్‌? ప్రపంచంలో ఆ ఒక్క అమ్మాయేనా సార్‌..? ఒక్కసారి స్విమ్మింగ్‌ వచ్చాక.. కాన్ఫిడెన్స్‌ వస్తుంది. అప్పుడు ఏ అమ్మాయికైనా లవ్‌ ప్రపోజ్‌ చేసే దమ్ము ఉంటుంది సార్‌!’ ఈ తెలివి ముందే ఏడ్చి ఉంటే చరణ్‌కి ఇంత ప్రాబ్లమ్‌ ఉండేది కాదు. అయినా ఇప్పటికి పోయింది ఏం లేదు.. లవ్‌ అనే సముద్రాన్ని జయించాలంటే... ముందు భయాన్ని జయించాలి. అమ్మాయికి డీసెంట్‌గా ప్రపోజ్‌ చేసి తాడో పేడో తేల్చుకుంటే... లవ్‌ ఎలా ఉన్నా లైఫ్‌ బాగుంటుంది. - ప్రియదర్శిని రామ్‌

సారీ రామ్‌ అన్నయ్యా..! నా లేఖ కొంచెం పెద్దగా ఉంటుంది. అయినా సరే అరటిపండు తింటూ ఓపికగా చదవండి. అందరిలాగే నాకు మా పేరెంట్స్‌ అంటే చాలా ప్రేమ. వాళ్ల కోసమే నేను లవ్‌కి దూరంగా ఉంటూ వచ్చాను. కానీ ఒక అబ్బాయి టూ ఇయర్స్‌గా నన్ను లవ్‌ చేస్తున్నాడు. చాలా మంచివాడు. తనకి నేనంటే ప్రాణం. అందుకే నేనూ ఓకే చెప్పాను. తనతో మాట్లాడుతూ మా ఇంట్లో కొన్నిసార్లు దొరికిపోయాను. దాంతో బ్రేకప్‌ చెప్పేసి, మాట్లాడటం మానేసేదాన్ని. కానీ రెండు రోజులు కూడా ఒకరితో ఒకరం మాట్లాడకుండా ఉండలేకపోయేవాళ్లం. రీసెంట్‌గా మా విషయం వాళ్ల ఇంట్లో కూడా తెలిసిపోయింది. ‘నువ్వు జాబ్‌ తెచ్చుకో.. మేము ఆ అమ్మాయి ఇంట్లో అడుగుతాం’ అన్నారట. కానీ వాళ్లకి కూడా మా పెళ్లి ఇష్టం లేదు. ‘చచ్చినా ఈ పెళ్లి జరగదు’ అంటున్నారు మా పేరెంట్స్‌. తనేమో ‘మనకి ఎవరూ వద్దు.. మనం పెళ్లి చేసుకుని హ్యాపీగా ఉందాం. తర్వాత వాళ్లే వస్తారు’ అంటున్నాడు. కానీ నాకు మాత్రం అందరూ కావాలి. ఏం చెయ్యాలో అర్థం కావట్లేదు. దయచేసి సలహా ఇవ్వండి అన్నయ్యా. – లీల అమ్మ కడుపులో పెరిగావు.. నాన్న చేతుల్లో ఎదిగావు.. ప్రియుడి మనసులో ఒదిగావు.... ‘లవ్‌ డాక్టర్‌కి దొరికిపోయావు..! ఏంటి సార్‌..? లీల చాలా బాధలో ఉంది. మీ పొయెట్రీ అవసరమా సార్‌...? పాపం గుండె తిప్పుతుంటే మీకు రాసింది. ఇప్పుడు మీ పొయెట్రీ చదివితే కడుపు తిప్పుద్ది సార్‌. ఎంత మంచి చెల్లెలు సార్‌. చక్కగా అరటిపండు ఆన్సర్‌ ఇవ్వమంది. మీరేమో స్టమక్‌ చర్నింగ్‌ కవితలు రాస్తానంటారు. కొంచెం సింపుల్‌గా చెబితే హ్యాపీగా ఉంటుంది సార్‌!’ నీలూ నా పొయెట్రీ బాగుండదా? ‘సార్‌ మీ వాఖ్యాలే అర్థం కావు.. ఇంకా కవితాలేంటి సార్‌!?! వాళ్లకి వేరే సోర్స్‌ లేక మీకు రాస్తున్నారు కానీ...’ అంటే టూ స్టేట్స్‌కి.. టెన్‌ క్రోర్స్‌ తెలుగూస్‌కి మనమే సింగిల్‌ లవ్‌ డాక్టరా నీలూ? ‘అందుకే.. కరెక్ట్‌గా, సింపుల్‌గా చెప్పండి సార్‌. లేకపోతే ఉట్టి పుణ్యానికి కాంపిటీషన్‌ పుట్టుకొస్తుంది.’ లీలా... నువ్వు నది లాంటి దానివి. నదికి లాగే రెండు పక్కలా ఒడ్డు ఉంటుంది. ఒక ఒడ్డు నీ పాస్ట్‌ రిలేషన్‌షిప్స్‌.. ఇంకో ఒడ్డు నీ ఫ్యూచర్‌ రిలేషన్‌షిప్స్‌. పారుతున్న నదిలా నువ్వు ప్రెజెంట్‌. అంటే నిన్నా రేపూ నదికి రెండు ఒడ్డులైతే నువ్వు నేడు. అమ్మానాన్నల ఒడ్డు ఒక పక్క. ప్రియుడి ఒడ్డు మరో పక్క. లేకపోతే నదికి డైరెక్షన్‌ ఉండదు. నువ్వు రెండూ కావాలనుకున్నా, వద్దనుకున్నా రెండూ ఉంటాయి. ‘చెప్పాను కదా సార్‌ మీ పొయెట్రీ కంటే కాంప్లికేటెడ్‌ మీ ప్రోజ్‌. ఒక్కముక్కా అర్థం కాలేదు. సింపుల్‌గా చెప్పండి. అరటిపండు ఇస్తా సార్‌!’nప్రస్తుతం లీల నదిలాగా ముందుకు సాగాలి. మంచి కెరీర్‌ బిల్డ్‌ చేసుకోవాలి. రెండు ఒడ్డులు తప్పకుండా తోడుంటాయి..! ‘సార్‌ ఒకవేళ అబ్బాయి... జింగిరి అయితే... అంటే చెయ్యి ఇచ్చే టైప్‌ అయితే..?’ నీలూ ఒడ్డు లేకపోతే నదికి ప్రవాహం ఉండదన్నాను కానీ.. అసలు నదికి కోపంవస్తే.. ఒడ్డును ముక్కలు చేసి మింగి ఊసేసే శక్తి ఉంటుంది నీలూ. దట్‌ ఈజ్‌ ద పవర్‌ ఆఫ్‌ మై సిస్టర్‌!! -ప్రియదర్శిని రామ్‌

హాయ్‌ సార్‌..! నేనొక అబ్బాయిని లవ్‌ చేస్తున్నాను. తను కూడా నన్ను చాలా లవ్‌ చేస్తున్నాడు. మా లవ్‌ గురించి మా ఇంట్లో తెలిసి చాలా తిట్టారు. కానీ నేను మాత్రం తననే పెళ్లి చేసుకుంటానని చెప్పి, కష్టపడి మా వాళ్లని ఒప్పించాను. ఆ అబ్బాయి వాళ్ల ఇంట్లో కూడా తను ఒప్పించాడు. కానీ కట్నం కావాలంటున్నారు. మా పేరెంట్స్‌ మాత్రం ఒక్క రూపాయి కూడా కట్నం ఇవ్వమని చెప్పేశారు. ఏం చెయ్యాలో నాకు అర్థం కావడంలేదు సార్‌. ప్లీజ్‌ మంచి సలహా ఇవ్వండి. – శ్రావణి శ్రావణి కావాలో.. కట్నం కావాలో.. డిసైడ్‌ చేసుకోమంటూ.... ‘రెండూ వర్కౌట్‌ కావా సార్‌?’ మూడూ వర్కౌట్‌ అవుతాయి నీలూ! ‘మూడేంటి సార్‌.. పెళ్లి, కట్నం రెండే కదా సార్‌!!’మరి జైల్‌కి ఎవరు వెళ్తారు నీలూ... నేనా? ‘వద్దులే అలాంటి సలహా మీరెప్పుడూ ఇవ్వకండి... ఎందుకంటే జైల్లో అరటిపండు ఇవ్వరు కదా సార్‌!’ అని నవ్వింది నీలాంబరి. - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేనొక అమ్మాయిని త్రీ ఇయర్స్‌గా ప్రేమిస్తున్నా. కానీ ఇప్పటివరకూ ఆ అమ్మాయితో మాట్లాడలేదు. నేను ప్రేమిస్తున్న విషయం ఆ అమ్మాయికి తెలుసు. ఒక్కరోజు కూడా తనని చూడకుండా ఉండలేను. వీలు చూసుకుని మాట్లాడదామనుకుంటే.. ఎప్పుడూ తను వాళ్ల పేరెంట్స్‌తోనే ఉంటోంది. ఆమె నన్ను ప్రేమిస్తోందో లేదో ఎలా తెలుసుకోవాలో అర్థం కావట్లేదు సార్‌. ఒకవేళ తను కాదంటే నేను తట్టుకోలేను సార్‌. ప్లీజ్‌ మంచి సలహా ఇవ్వండి సార్‌! – నరేష్‌ నేనూ తట్టుకోలేను... ‘మీరేంటి సార్‌ తట్టుకోలేనిది??’ నో చెబితే... ‘అంటే ఇప్పటి దాకా మీకు ఎవరూ.. ఎప్పుడూ... నో చెప్పలేదా సార్‌?’ చెప్పే ఉంటారు నీలూ..! ‘మరి అప్పుడు తట్టుకున్నారు కదా!?!’ అప్పుడెప్పుడో కదా..! ‘అంటే అప్పుడు యంగ్‌ కాబట్టి తట్టుకోగలిగారు కదా సార్‌!!’ అబ్బబ్బబ్బబ్బా.... నీలూ నువ్వు ఎంత స్మార్ట్‌..! ‘అదే ఇప్పుడు ఎవరైనా ‘నో’ చెబితే మీసాలకు రంగు వేయడం మానేసి సన్యాసం పుచ్చుకుంటారు కదా సార్‌!’ అంత వెటకారం ఎందుకులే నీలూ.. అప్పుడు యంగ్‌ కాబట్టి కనబడిందల్లా కావాలనిపించేది.. నో అని చెప్పినా.. ఇంకొకటి ట్రై చేసుకునేవాడిని. ‘ఓహో... ఓహో... ఓహోహో.... నరేష్‌ ఇంకా యంగ్‌ కాబట్టి... ఇష్టపడడంలో తప్పు లేదు కానీ కుదరకపోతే వేరే ట్రై చేసుకోవాలని కదా సార్‌ మీ ఐడియా..?’ అబ్బబ్బబ్బబ్బా... నీలూ నువ్వు ఎంత అబ్బబ్బబ్బబ్బా.... - ప్రియదర్శిని రామ్‌  

హాయ్‌ రామ్‌ అన్నయ్యా..! నేనొక అమ్మాయిని లవ్‌ చేస్తున్నా. తనంటే నాకు చాలా ఇష్టం. బట్‌ ఈ విషయం ఇప్పటిదాకా తనకి చెప్పలేదు. అయితే కాలేజ్‌ లాస్ట్‌ డే ప్రపోజ్‌ చేద్దామంటే, నా క్లాస్‌మెట్‌ అంతా చెడగొట్టాడు. అసలు ప్రపోజ్‌ చేస్తే ఎలా రియాక్ట్‌ అవుతుందోనని చాలా భయంగా ఉంది. నా లవ్‌ని తనకి ఎలా ఎక్స్‌ప్రెస్‌ చెయ్యాలో ఒక ఐడియా ఇవ్వండి ప్లీజ్‌. – కేశవ్‌ సాక్షి పేపర్లో వచ్చిన నీ క్వశ్చన్‌... దానికి ఇప్పుడు నీలాంబరి ఇచ్చే ఆన్సర్‌ని ఆ అమ్మాయికి చూపించు...! ‘ఆన్సర్‌ నేను ఇవ్వాలా సార్‌? మీరు అరటిపండు తింటారా సార్‌? బాగుంది.. పేపర్లో కాలమ్‌ మీది, కష్టం నాదా సార్‌? ఇలా మీరు నన్ను ఎక్స్‌ప్లాయిట్‌ చెయ్యడం ఏం బాగోలేదు సార్‌!’ ఇలా భయపెడితే ఎలా నీలాంబరి.. ముందే నాది వీక్‌ హార్ట్‌! ‘అమ్మాయిలంటే ఆ మాత్రం భయం ఉండాలి సార్‌..!’ భయంతో కూడిన గౌరవంతో కూడిన... నమ్మకంతో కూడిన... అభిమానంతోనే అడుగుతున్నా నీలూ! ‘అదే పని కేశవ్‌ని కూడా చెయ్యమనండి సార్‌. ఆ అమ్మాయిని గౌరవంతో కూడిన, నమ్మకంతో కూడిన, అభిమానంతో రిక్వెస్ట్‌ చేసుకోమనండి సార్‌!’ - ప్రియదర్శిని రామ్‌

హాయ్‌ అన్నయ్యా..! నాకు ఇప్పటి వరకు ఎవరి మీదా ప్రేమ పుట్టలేదు. రీజన్‌ ఏంటో అర్థం కావడంలేదు. కానీ, నన్ను ఒక అమ్మాయి ఇష్టపడుతోంది. తనకి ఆల్రెడీ బాయ్‌ఫ్రెండ్‌ ఉన్నాడని ఈ మధ్యే తెలిసింది. ఒకవేళ నేను కాలేజ్‌కి వెళ్లకపోతే కాల్‌ చేసి మరీ తిడుతోంది. ఇలా ఇబ్బంది పెడుతుండటంతో ‘నువ్వంటే నాకు ఇష్టంలేదు’ అని చెప్పాను. కానీ ఆ అమ్మాయి ‘మీ ఇంట్లో వాళ్లతో మాట్లాడతా’నంటోంది. దాంతో నువ్వు నాకు నచ్చలేదని గట్టిగానే చెప్పేశాను. అయితే ఆ అమ్మాయి చచ్చిపోతానని బెదిరిస్తోంది. ఏం చెయ్యాలో అర్థం కావడంలేదు. ఆ అమ్మాయిని ఇగ్నోర్‌ చెయ్యడానికి ఒక మంచి సలహా ఇవ్వండి ప్లీజ్‌. – గౌతమ్‌ నీకు ఆల్రెడీ గర్ల్‌ఫ్రెండ్‌ ఉందని చెప్పు గౌతమ్‌!! ‘అబద్ధం చెప్పమని చెబుతున్నారా సార్‌?’ ఆపదలో పడొద్దని చెబుతున్నా!! ‘అమ్మాయిని నమ్మొద్దా సార్‌??’ మనం అబ్బాయిని నమ్మడం లేదా నీలూ?? ‘అంటే, అబ్బాయి ఊరికే వాల్యూ పెంచుకోవడానికి కట్టు కథలు చెబుతున్నాడంటారా సార్‌??? అంత ఆర్డినరీ ఫెలోనా సార్‌ అబ్బాయి? ఇంత సిన్సియర్‌ ఫెలోని పట్టుకుని, అబద్ధాలకోరు అంటున్నారా సార్‌? అసలు అబ్బాయిలకు అంత ‘లో’ సెల్ఫ్‌ రెస్పెక్ట్‌ ఉంటుం దా సార్‌? వాళ్లంటే చాలా క్రేజ్‌ ఉందని చెప్పుకోవడానికి..? అబద్ధాలు చెప్పి చీప్‌ అయిపోతారా సార్‌? అమ్మాయి వెంట పడుతుందని అబ్బాయి చెబితే.. అది అబద్ధం అంటారు. అదే అబ్బాయి వెంట పడుతున్నాడని అమ్మాయిలు చెబితే.. ఓ.. ఎక్కడ లేని సింపతీ చూపిస్తారా సార్‌?’ ఏంటి నీలూ..? ఇప్పుడు గౌతమ్‌ నిజంగా నిజం చెబుతున్నాడని కదా నీ లొల్లి????? ‘అవును సార్‌.. పాపం గౌతమ్‌ని ఆ అమ్మాయి దెయ్యంలా పట్టి పీడిస్తోంది. వాడి స్వేచ్ఛను చికెన్‌ ముక్కలా గుంజి గుంజి తింటోంది. వాడి బ్రెయిన్‌ని మామిడి టెంకలా చీకేస్తోంది. ఏదైనా మంచి సలహా ఇవ్వండి సార్‌!’ గౌతమ్‌... మీ ఇంట్లో ఒప్పుకోరని చెప్పు. నీకు అసలు అమ్మాయిలంటే సిగ్గని చెప్పు. మీ వంశంలో ఎవరూ అమ్మాయిలతో మాట్లాడలేదని, మీది గొప్ప చరిత్రని చెప్పు. మీ ఇంట్లో ఈ విషయం తెలిస్తే.. నిన్ను రూమ్‌లో పెట్టి తాళం వేస్తారని చెప్పు. అమ్మాయితో కనెక్షన్‌ ఉందని తెలిస్తే నీ ఫ్యూచర్‌ ఫినిష్‌ అయిపోతుందని చెప్పు. మీ ఇంటి చుట్టూ ఉన్న వాళ్లు నీ శీలాన్ని శంకిస్తారని చెప్పు. మీ ఇంటి గౌరవానికి నల్ల మచ్చగా మిగిలిపోతావని.. నీ లైఫ్‌ మటాష్‌ అపోతుందని అమ్మాయి కాళ్ల మీద పడి ప్రాధేయపడు. అది కూడా సరిపోకపోతే.... ‘ఆపండి సార్‌..! ఆపండి!! విషయం అర్థమయ్యింది. గౌతమ్‌...! ఆల్రెడీ నీకు గర్ల్‌ఫ్రెండ్‌ ఉందని చెప్పు!’ - ప్రియదర్శిని రామ్‌ ,లవ్‌ డాక్టర్‌

హాయ్‌ అన్నా..! నా వయసు 22. నేను ఎనిమిది నెలలుగా రిలేషన్‌లో ఉన్నా. అంతకుముందు పద్దెనిమిది నెలలు వేరే అమ్మాయితో రిలేషన్‌ ఉండేది. కానీ కొన్ని కారణాల వల్ల విడిపోయాం. ఆ విషయం మొత్తం ప్రజెంట్‌ అమ్మాయికి చెప్పాను. అసలు సమస్య ఏంటంటే.. తను నా విషయంలో పొసెసివ్‌గా ఫీల్‌ అవుతోంది. రీసెంట్‌గా ఏదో పని ఉందంటూ నా ఫోన్‌ తీసుకుంది. అదే సమయానికి... గతంలో నాకు ట్రైన్‌లో పరిచయమైన మరో అమ్మాయి మెసేజ్‌ చేసింది. అప్పటి నుంచి ప్రతి చిన్న విషయానికీ నెగిటివ్‌గా ఆలోచించి అనుమానిస్తోంది. ప్రతిరోజూ గొడవ పెట్టుకుంటోంది. అనుమానించడానికి కూడా ఓ లిమిట్‌ ఉంటుంది కదా అన్నా? రెండోసారి ప్రేమించి నేనూ తప్పు చేశా. కానీ తన కోపాన్ని మాత్రం భరించలేకపోతున్నా. అలా అని అవాయిడ్‌ చెయ్యలేకపోతున్నా. ఏం చెయ్యాలో సలహా ఇవ్వండి ప్లీజ్‌. – నవీన్‌ ఇరవైఆరు నెలల్లో ఇద్దరితో విసిగిపోయావు. ఆల్రెడీ వేరే అమ్మాయిల ఫోన్‌ నంబర్లు సంపాదించావు. చాట్లు, పాట్లు పడుతున్నావు..! తొందరలోనే థర్డ్‌ అమ్మాయికి గుడ్‌ న్యూస్‌... సెకెండ్‌ అమ్మాయికి బ్యాడ్‌ న్యూస్‌... చెప్పడానికి అన్నీ రెడీ చేసుకున్నావు...! అమ్మాయిది పిచ్చి ప్రేమ కాబట్టి.. నీ ఆటలు సాగుతున్నాయి. ‘పిచ్చి ప్రేమ అంటే ఏంటి సార్‌?’ చెబుతున్నాడుగా అమ్మాయి చాలా పొసెసివ్‌ అని. ‘పొసెసివ్‌ అంటే పిచ్చి ప్రేమా సార్‌?’ అని నవీన్‌ అంటున్నాడు...! ఎక్కడ ఇంకో అమ్మాయితో లేచిపోతాడోనని అమ్మాయి మాటిమాటికీ నిఘా పెట్టి అన్ని విషయాలు అడుగుతోందని.. తన ఫ్రీడమ్‌ అంతా మింగేస్తోందని.. కట్టేసినట్లు అనిపిస్తోందని.. అంతా అనుమానమే కానీ, ప్రేమ కాదని నవీన్‌ ఫీల్‌ అవుతున్నాడు. ‘అనుమానమే అంటారా సార్‌?’ కలిసిన అమ్మాయిలందరితో కనెక్షన్‌ పెట్టుకోవడానికి మనోడు పడుతున్న కష్టం చూస్తుంటే అనుమానమెందుకు..? క్యారెక్టర్‌ లూజ్‌ అని అమ్మాయికి ఇప్పటికల్లా కన్ఫర్మ్‌ అయ్యి బ్రేకప్‌ చెయ్యాల్సింది..!! ‘కానీ మంచి అమ్మాయి కాబట్టి... లవ్‌ అంటే రెస్పెక్ట్‌ ఉంది కాబట్టి... రిలేషన్‌షిప్‌కి వాల్యూ ఇస్తుంది కాబట్టి.. ఇంకా ఛీ కొట్టలేదంటారు! అంతేనా సార్‌?’ నవీన్‌.. తన క్యారెక్టర్‌ మంచిదని నిరూపించుకోవాల్సిన అవసరం ఉంది. అప్పుడే నవీన్‌ది లవ్‌ అవుతుంది. లేకపోతే లైఫ్‌లో... ‘ఎప్పుడూ ఎవరి లవ్‌ దొరకదు కదా సార్‌!’ సూపర్‌ నీలూ!! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేను ఏ అమ్మాయిని లవ్‌ చేసినా ‘ఫ్రెండ్‌’ అని సైడ్‌ అయిపోతున్నారు. కొందరు చాలా క్లోజ్‌ అవుతున్నారు. ఎంతగా అంటే చూసేవాళ్లంతా లవర్స్‌ అనుకునేంతగా క్లోజ్‌ అవుతున్నారు. కానీ ‘ఫ్రెండ్‌’ అంటున్నారు. నేను ఇప్పటికే ఇద్దరిని లవ్‌ చేశాను. ఫస్ట్‌ ఒక అమ్మాయిని త్రీ ఇయర్స్‌ లవ్‌ చేశాను కానీ, తను వెళ్లిపోయింది. ప్రస్తుతం ఇంకో అమ్మాయిని లవ్‌ చేస్తున్నాను. బట్‌ తనేమో ‘నాకు లవ్‌ అంటే గిట్టదు, ఫ్రెండ్స్‌లా అయితే ఉందాం’ అంటోంది. నా వల్ల కావడం లేదు. లోపల ఒకలా బయట ఒకలా ఎలా నటిస్తూ ఉండాలి? అలా నావల్ల కావట్లేదు. తనని మరిచిపోలేకపోతున్నా. స్టడీస్‌పై దృష్టి పెట్టలేకపోతున్నా. ప్లీజ్‌ సార్‌ నాకో మంచి సలహా ఇవ్వండి.– – అనుదీప్‌ ఫ్రెండ్‌గా ఉండటం కూడా సూపర్‌ బ్రదర్‌!‘ఏంటి సార్‌ అనుదీప్‌ లైఫ్‌ అంతేనా?’ఏమైంది బ్రో జీవితానికి??‘లవ్వు జివ్వు లేకుండా అలా..?’అలా అంటే???‘అంటే మ్యారేజ్‌ లేకుండా ఇలా... అని సార్‌!’ఇలా అంటే అలా... అలా అంటే ఇలా... ఎలా నీలూ..?????‘ఏంటి సార్‌ ఈ తికమక మాటలు..? అక్కడ అనుదీప్‌ లైఫ్‌లో.. అణువంత లవ్‌దీపం వెలగడం లేదుసార్‌!’అంతా ఒక పరీక్ష నీలూ!‘ఏంటి సార్‌ ప్రేమించినప్పుడల్లా తెడ్డు చూపించడం కూడా ఎగ్జామేనా సార్‌?’తెడ్డు చూపించకపోతే... ప్రేమగుడ్డు పెడతారా నీలూ?‘మరి ఎలా సార్‌ అనుదీప్‌ లవ్‌లైఫ్‌????’అమ్మాయి ప్రేమను పట్టుకోవడం గొప్ప కాదు నీలూ!‘మరి ఏంటి సార్‌ గొప్పా?!!?’ప్రేమించే అమ్మాయిని పట్టుకోవడం గ్రేట్‌! ‘అలాంటి అమ్మాయి ఎక్కడ దొరుకుతుంది సార్‌?’టైమ్‌ వచ్చినప్పుడు పుటుక్కున ఒడిలో పడుతుంది నీలూ!! నడ్డి విరుగుద్దేమో సార్‌?’ అని నవ్వింది నీలాంబరి! - ప్రియదర్శిని రామ్‌ లవ్‌ డాక్టర్‌ lovedoctorram@sakshi.com

హాయ్‌ అన్నయ్యా..! నేనొక అమ్మాయిని ఫోర్‌ ఇయర్స్‌గా లవ్‌ చేస్తున్నా. రీసెంట్‌గా ప్రపోజ్‌ కూడా చేశాను. కానీ, తను రిజెక్ట్‌ చేసింది. దానికి కారణం ఆ అమ్మాయి వాళ్ల ఫాదర్‌. నేను నచ్చలేదు రిజెక్ట్‌ చేసింది, ఓకే. తను మాత్రం హ్యాపీగానే ఉందన్నయ్యా. కానీ నా వల్ల కావడం లేదు. తనని మరచిపోలేకపోతున్నా. కొన్ని రోజులకు మళ్లీ కలిసి ప్రపోజ్‌ చేశాను. ‘నన్ను వదిలి, ఇంకో అమ్మాయిని లవ్‌ చేసుకో’ అని చెప్పింది. సో ఇప్పుడు చెప్పు అన్నా.. నేనేం చెయ్యాలి? ఆ అమ్మాయి చెప్పినట్లుగానే ఫాలో అవ్వాలా? లేక ఆ అమ్మాయినే లవ్‌ చెయ్యాలా? సలహా ఇవ్వండి ప్లీజ్‌. – తేజ వాళ్ల అయ్యకు తెలిస్తే తాట తీస్తాడు..! ‘సార్‌.....! తెలియకపోతే..????’ అమ్మాయి బాట మారుస్తుంది..!! ‘బాట మారితే.. ఎలా ఫాలో అవ్వాలి సార్‌?’ కొత్త చాట్‌ ఓపెన్‌ చెయ్యాలి! ‘ఎవరితో సార్‌?’ తాట తియ్యని నాన్నకు ఉన్న బాట మార్చని అమ్మాయితో..!! ‘అప్పుడు హ్యాపీగా ఉంటాడా సార్‌ తేజా?’ సేఫ్‌గా ఉంటాడు!! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌...  మీరు ఇచ్చే ఆన్సర్స్‌ నాకు బాగా నచ్చుతాయి. నేను లవ్‌ చేస్తున్న అమ్మాయి కూడా మీ కాలమ్‌ డైలీ చదువుతోంది. సార్‌! నా ప్రాబ్లమ్‌ ఏంటంటే...  నేను తనని త్రీ ఇయర్స్‌గా లవ్‌ చేస్తున్నాను. అప్పటి నుంచి ఫోన్‌లో టచ్‌లో ఉన్నాను. ఆ అమ్మాయి రోజు మెసేజ్‌లు, కాల్స్‌ చేస్తోంది. నేను రోజూ సినిమా డైలాగ్స్‌తో ప్రపోజ్‌ చేస్తుంటాను. కానీ తను మాత్రం ‘మా బావను లవ్‌ చేస్తున్నాను’ అంటోంది. అయినా కూడా నాతో ఫోన్‌లో మాట్లాడుతోంది. తనని ఎలా మార్చుకోవాలో అర్థం కావట్లేదు. మంచి సలహా ఇవ్వండి ప్లీజ్‌. – రాఘవ అమ్మాయి మైండ్‌ నువ్వు ఎలాగైనా మార్చాలి రాఘవ..! ‘ఏంటి సార్, మీ చెల్లెలు లవ్‌ చేస్తున్న బావను కాకుండా రాఘవను ప్రేమించమని చెబుతున్నారా?’ అబ్బా నువ్వు చాలా స్మార్ట్‌ నీలూ... విషయాన్ని ఇట్టే పట్టేశావ్‌. ‘వెటకారం వద్దు సార్‌.. అసలు మీరు మీ చెల్లెళ్లు చేసేవన్నీ కరెక్ట్‌... అబ్బాయిలు నాట్‌ కరెక్ట్‌ అని బిలీవ్‌ చేసి... అబ్బాయిల జీవితాలతో ఆడుకునే టైప్‌ కదా సార్‌?? మరి, ఒక్కసారిగా ఇలా కొత్త డైలాగ్‌ కొడితే... సమ్‌థింగ్‌ రాంగ్‌ అనిపించి... బావకు హ్యాండ్‌ ఇచ్చి రాఘవ హ్యాండ్‌ పట్టుకోమంటున్నారేంటి???’ ఆలోచించకు నీలూ... సేమ్‌ ఫ్యామిలీలో మ్యారేజ్‌ చేసుకుంటే పిల్లలు ఏదైనా ప్రాబ్లమ్‌తో పుడతారని...! ‘ఓ.. అందుకా సార్‌..!! మరి మీ చెల్లెలి హార్ట్‌ బ్రేక్‌ అయితే???’ ఉన్నాడు కదా రాఘవ... వీడని గమ్ములా.. అంటే జిగురులా వాడుకుని హార్ట్‌ను అతికించుకుంటుంది. ‘ఆ తర్వాత... కోలుకుంటుంది. ఆ తర్వాత మళ్లీ మీ చెల్లెలికి మీరే అడ్వైజ్‌ ఇస్తారు.. అంతా సెటిల్‌ అయింది, ఇప్పుడు రాఘవకి హ్యాండ్‌ ఇవ్వమని కదూ సార్‌?’ అవ్వ.. నేనలా ఎందుకు చేస్తాను నీలూ? రాఘవ కరెక్ట్‌ బాయ్‌ అనుకుంటే అమ్మాయే ఓకే చెబుతుంది. స్టోరీకి హ్యాపీ ఎండింగ్‌ ఉంటుంది..! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేను రీసెంట్‌గా మా ఆఫీస్‌లో ఒక అమ్మాయిని చూశాను. ఆ అమ్మాయిని చూసినప్పట్నుంచి రోజులో చాలావరకు ఆ అమ్మాయి గురించే ఆలోచిస్తున్నాను. నేను ఆ అమ్మాయిని లవ్‌ చేస్తున్నానేమో అనిపిస్తోంది. ప్రతిరోజు ఆఫీస్‌లో ఆ అమ్మాయితో మాట్లాడుతున్నాను. ఆ అమ్మాయికి నేనంటే ఇష్టమో లేదో ఎలా తెలుసుకోవాలో చెప్పగలరా? నాకు మాత్రం ఆ అమ్మాయంటే చాలా ఇష్టం. దయచేసి మంచి సలహా ఇవ్వండి. – మహేంద్ర డోంట్‌ టాక్‌ లైక్‌ దట్‌!! ‘ఏంటి సార్‌..! ఏం తప్పన్నాడని మహేంద్రని డోంట్‌ టాక్‌ అంటున్నారు. చాలా హర్ట్‌ అవుతాడు సార్‌!’ డోంట్‌ టాక్‌ లైక్‌ దట్‌ నీలూ...!! ‘సార్‌...! నేను కూడా హర్ట్‌ అవుతున్నాను సార్‌!’ నో!! డోంట్‌ టాక్‌ లైక్‌ దట్‌ నీలాంబరి..!‘ఏంటి సార్‌ మీ లొల్లి?’ అరే, రోజూ మాట్లాడుతున్నాడు కదా! ‘కదా!?!’ మరి అలా పెంట మాట్లాడకుండా... ‘ఏం పెంట మాట్లాడుతున్నాడు సార్‌?’ ఇవాళ బ్రేక్‌ఫాస్ట్‌ ఏం చేశారు? నిన్న ఎండ బాగా ఉంది కదూ? రేపు వాన పడుతుందా? ఎల్లుండి మళ్లీ సన్‌ గరం గరంగా కొడతాడా?  అవతలెల్లుండి మళ్లీ వాన పడుతుందా? ఇవన్నీ పెంట మాటలే కదా నీలూ?! ‘ఓ.. ఓహో.. ఓహోహో..! లవ్‌ గురించి మాట్లాడకుండా రోజూ ఈ మాటలేంటి.. పెంట తప్పా? అందుకే డోంట్‌ టాక్‌ లైక్‌ దట్‌ అంటున్నారా సార్‌? మీరు మేధావులు సార్‌. మీ మాటలు అర్థం చేసుకోవడానికి మేము మేధావులమైనా కావాలి. లేదంటే వీసమంత పిచ్చైనా ఉండాలి.’ డోంట్‌ టాక్‌ లైక్‌ దట్‌ నీలూ! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! మూడేళ్ల క్రితం నా మరదలు నాకు ప్రపోజ్‌ చేసింది. అప్పటికే నేను తనని ఇష్టపడుతుండటంతో ఓకే చేశాను. అయితే రీసెంట్‌గా ‘సారీ.. నేను నిన్ను సరదాగా లవ్‌ చేశాను. జస్ట్‌ నువ్వు ఎలా ఫీల్‌ అవుతావో చూద్దామని లవ్‌ అని అబద్ధం చెప్పాను’ అంది. అసలు ఎందుకు ఇలా చేసిందా? అని గట్టిగా ప్రయత్నిస్తున్న సమయంలో నాకు కొన్ని లెటర్స్‌ దొరికాయి. తనకు ఇంకో అబ్బాయి రాసిన లెటర్స్‌ అవి. అందుకే నాకు దూరమైందేమోనని సరిపెట్టుకుని, సైలెంట్‌ అయిపోయాను. అయితే కొన్ని రోజులకి నాకో మరో నిజం తెలిసింది. ఆ అబ్బాయి విషయం వీళ్ల ఇంట్లో తెలిసిపోయి ఫ్యామిలీ అంతా సీరియస్‌ కావడంతో.. ఆ అబ్బాయిని వదిలేసిందట. ఇప్పుడు మళ్లీ మా తమ్ముడికి ప్రపోజ్‌ చేసిందని వాడే వచ్చి నాకు చెప్పాడు. నాకు ఏం చెయ్యాలో అర్థం కావడంలేదు. ‘ఇలాంటివి వద్దురా!’ అంటే మా తమ్ముడు వినడు. నిజం చెబితే ఎలా రియాక్ట్‌ అవుతాడో తెలీదు. మా ఇంట్లోనో, మా అత్త వాళ్ల ఇంట్లోనో విషయం చెబుదామంటే, వాళ్లు బాధపడతారని భయంగా ఉంది. నాది లవ్‌ ఫెయిల్యూర్‌ కాదన్నా. తనే నన్ను వద్దనుకుంది. పోనీ ఇంకెవరినీ ఇబ్బంది పెట్టకుండా తనైనా హ్యాపీగా ఉండాలని నా తాపత్రయం. బట్‌ తనేమో అందరి జీవితాలతో ఆడుకుంటూ జీవితాన్ని నాశనం చేసుకుంటోంది. ప్లీజ్‌ సార్‌ మంచి సలహా ఇవ్వండి. – సాయి పగవాడికి కూడా నీలాంటి లవ్‌స్టోరీ వద్దు అన్నా..! ‘కానీ చాలా వెరైటీగా ఉంది సార్‌.. సినిమా తీస్తే సూపర్‌ హిట్‌ అవుతుంది’ ఏంటి హిట్‌ అయ్యేది? ‘స్టోరీ అదిరింది కదా సార్‌?’ ఫస్ట్‌ మనోడికి ఓకే చెప్పింది. సైడ్‌లో లవ్‌ లెటర్స్‌ రాసింది. ఆ తరువాత లెటర్స్‌ చింపి.. మనోడి తమ్ముడికి హలో చెప్పింది. ఇప్పుడు తమ్ముడు వదిన అనుకోవాలా? మనోడు మరదలనుకోవాలా? మధ్యలో ఉన్న లవర్‌ చిరిగిన ఉత్తరాలు అతికించుకోవాలా? ఈ హోల్‌ ప్రాసెస్‌లో మనోడి మైండ్‌ ప్రాస తప్పి పొగలు కక్కుతుంటే.. నువ్వు సూపర్‌ హిట్టు.. డూపర్‌ హిట్టూ అని సాయి హార్ట్‌లో గునపాలు దించుతుంటే నేను భరించలేకపోతున్నా నీలూ..! ‘సార్‌.. మీరు కూడా లెటర్‌ చదువుతూ నవ్వుకోవడం నేను చూశాను సార్‌.. ఎందుకు అంత ఫీలింగ్‌ ఇస్తున్నారు సార్‌?’ అని పొట్ట చెక్కలయ్యేలా నవ్వుతూ నేల మీద దొర్లుతోంది నీలూ..! అందుకే సాయి... కొన్ని రోజులు టేకిట్‌ ఈజీ అమ్మాయితో కాంటాక్ట్‌ ఉంచుకోకు. కెరీర్‌ మీద దృష్టి పెట్టు..! మరదలు పిల్ల నిన్ను ఆట పట్టిస్తుంది. నువ్వు డోంట్‌ కేర్‌ లాగ ఉంటే.. హ్యాపీ ఎండింగ్‌ అవుతుంది. ‘సార్‌..! సూపర్‌ హిట్‌ సినిమాకి హ్యాపీ ఎండింగ్‌ కూడా సార్‌!’ అంటూ నీలాంబరి పొట్ట పట్టుకుని దొర్లుతూనే ఉంది. - ప్రియదర్శిని రామ్‌ , లవ్‌ డాక్టర్‌

హాయ్‌ సార్‌..! నేనొక అమ్మాయిని లవ్‌ చేస్తున్నాను. ప్రపోజ్‌ చెయ్యాలంటే భయమేస్తోంది. అయితే ఆ అమ్మాయినే నా ఫ్రెండ్‌ కూడా లవ్‌ చేస్తున్నాడు. కానీ వాడి కంటే ముందు నుంచి నేను లవ్‌ చేస్తున్నాను. వాడు మాత్రం ఏదో టైమ్‌ పాస్‌కి లవ్‌ చేస్తున్నాడు. మా ఫ్రెండ్‌కి చెప్పాలంటే ఎలా రియాక్ట్‌ అవుతాడో అని టెన్షన్‌గా ఉంది. వాడు నా బెస్ట్‌ ఫ్రెండ్‌ సార్‌. వాడికోసం ఆ అమ్మాయిని మరచిపోదాం అనుకున్నాను.. కానీ మరచిపోలేకపోతున్నాను. ఆ అమ్మాయి కంటే నాకు నా ఫ్రెండే ఎక్కువ. ఇప్పుడు ఏం చెయ్యాలో అర్థం కావడం లేదు. ప్లీజ్‌ సలహా ఇవ్వండి. – సాయి బాబు ఒక మంచి ఫ్రెండ్‌గా ఉండు!! ‘మరి లవ్‌ సార్‌?’ మంచి ఫ్రెండ్‌గా ఉండటం బెటర్‌! ‘ఫ్రెండ్‌షిప్‌ కంటే లవ్‌ గొప్పది కదా సార్‌?’ మంచి ఫ్రెండ్‌గా ఉండటం బెటర్‌ కంటే బెస్ట్‌ ‘మీరు శాడిస్ట్‌ సార్‌!’ కానీ మంచి ఫ్రెండ్‌ని! ‘ఏంటి సార్‌ మీ ధోరణి.. ఎండ దెబ్బ ఏమైనా కొట్టిందా సార్‌?’ లవ్‌ ఎండలాంటిది. మంచి వేడిగా ఉంటుంది. ఫ్రెండ్‌షిప్‌ వెన్నెల లాంటిది. చల్లగా ఉంటుంది. ‘సార్‌.. సాయి బాబు ఈ హాట్‌ ఎండకు కోల్డ్‌ ట్రీట్‌మెంట్‌తో పిచ్చోడైపోతాడు సార్‌!’ ప్రేమ ఒక పిచ్చి.. ఫ్రెండ్‌షిప్‌ వెరీ సచ్చి! ‘సచ్చి అంటే.. సచ్చినోడులో ‘సచ్చి’నా సార్‌???’ సచ్చి అంటే హిందీలో ట్రూ.. నిజమైనది. స్వచ్ఛమైనది.. క్లీన్‌...! ‘సాయీ! మంచి ఫ్రెండ్‌గా ఉండిపో.. మిగిలిపో.. చరిత్రకు ఎక్కు!’ అని నవ్వింది నీలాంబరి. - ప్రియదర్శిని రామ్‌ ,లవ్‌ డాక్టర్‌

హాయ్‌ అన్నయ్యా...! నేను బీటెక్‌ చదువుతున్నా. నా జూనియర్‌ అమ్మాయి నాకు ప్రపోజ్‌ చేసింది. నిజానికి నాకు ఈ లవ్వు గివ్వు అంటే ఇష్టం ఉండదు. కానీ ఒక అమ్మాయి మన దగ్గరకు వచ్చి ప్రపోజ్‌ చేసినప్పుడు నో చెబితే బాగుండదని ఓకే చెప్పాను. నాకు ఎవరి మీద త్వరగా నమ్మకం రాదు. కానీ తనని బాగా నమ్మాను. మా ఇంట్లో కూడా తనని పరిచయం చేశాను. ఓకే అన్నారు. కానీ ఉన్నట్టుండి ఏమైందో తెలీదు, అవాయిడ్‌ చెయ్యడం మొదలు పెట్టింది. పిలిచినా పలకడం మానేసింది. తనని ప్రాణం కంటే ఎక్కువగా ప్రేమించాను. తన బిహేవియర్‌కి చాలా బాధపడుతున్నా. రోజూ ఏడుస్తున్నా. మా ఫ్రెండ్‌ సాయంతో అసలు ప్రాబ్లమ్‌ ఏంటో? నాతో ఎందుకు మాట్లాడటం లేదో తెలుసుకోవాలనుకున్నా. అనుకున్నట్లే మా ఫ్రెండ్‌ తనని అడిగాడట. ‘మీ ఫ్రెండ్‌కి నాకంటే ముందు ఇద్దరితో అఫైర్‌ ఉంది’ అని చెప్పిందట. మేం బాగా ఉన్న రోజుల్లో ‘ఎవరినైనా లవ్‌ చేశావా?’ అని తను నన్ను అడిగింది. అప్పుడే చెప్పాను ఆ విషయం. తనే అడిగి తెలుసుకుని, ఇప్పుడు అదే ప్రాబ్లమ్‌గా చూపిస్తోంది. నా వల్ల కావడం లేదన్నా. మంచి సలహా ఇవ్వండి ప్లీజ్‌. – కృష్ణ ఏందన్నా కాకపోవడం... లైఫ్‌లో ఇలాంటి ట్విస్ట్‌లు మామూలే.. ఇంకా ఫ్యూచర్‌లో ఎలాంటి టర్న్స్‌ చూడాలో.. ఈ చిన్న జలక్‌కే మనం వీక్‌ అయిపోతే... ముందు ముందు ఇంకా ఎన్ని లవ్‌ స్టోరీలు చూడాలో.. అసలు స్టార్టింగ్‌లో నీకు లవ్వు గివ్వు లాంటివి పట్టవని చెప్పావుగా.. మరి అంతకు ముందే రెండు అఫైర్లు ఉన్నాయని అమ్మాయికి ఎందుకు చెప్పినట్టో... ‘ఏదో ఇంప్రెషన్‌ కొట్టడానికి చెప్పి ఉంటాడు సార్‌!’ అంతేనంటావా నీలాంబరీ? ‘లేక నిజంగానే అఫైర్లు ఉన్నాయేమో సార్‌?’ మరి రెండుసార్లు ఆరితేరినోడు.. మూడోసారి అమ్మాయి ఉతికితే ఆరడానికి కష్టమేమొచ్చుంటుంది నీలూ??? ‘సార్‌... ఇగో హర్ట్‌ అయ్యి ఉంటుంది సార్‌. మొదటి ఇద్దరు అమ్మాయిలను కృష్ణే వదిలించుకుని ఉంటాడు. భూమి రౌండ్‌గా ఉన్నట్లే మనము చేసిన పెంట మనకు అంటక మానదు కదా సార్‌. అందుకే ఈ సారి అమ్మాయి వదిలించుకుందేమో సార్‌!’ అయితే అయ్యింది. కష్టం వచ్చినప్పుడు స్ట్రాంగ్‌గా ఉండాలి. ఆ పెయిన్‌ని ఎంజాయ్‌ చెయ్యడం నేర్చుకోవాలి. గుండె పిండేస్తున్నప్పుడు నవ్వడం నేర్చుకోవాలి. ఓన్లీ హెడ్‌బాత్‌ చేస్తున్నప్పుడే కన్నీళ్లు కార్చెయ్యాలి. ‘అవును సార్‌ మన కన్నీళ్లు ఎవరికీ కనబడకుండా డ్రైనేజ్‌లోకి వెళ్లిపోవాలి. ఫ్రెండ్స్‌ అంతా ‘‘అబ్బా.. కృష్ణ ఈజ్‌ సో బ్రేవ్‌’’ అని మెచ్చుకోవాలి’ అంతే కాదు, నవ్వుతూ ఉంటే.. కొత్త ప్రేమలు మళ్లీ చిగురిస్తాయి కూడా! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేను ఒక అమ్మాయిని లవ్‌ చేస్తున్నాను. నేను ప్రపోజ్‌ చేసిన టూ ఇయర్స్‌ తర్వాత, తను నన్ను వాళ్ల ఫ్రెండ్‌ ఇంటికి రమ్మని చెప్పి అక్కడ ఓకే చెప్పింది. అప్పటి నుంచి మేమిద్దరం ‘ఒకరి కోసం ఒకరం’ అన్నట్లు ఉన్నాం. తను నన్ను చూడకుండా ఒకరోజు కూడా ఉండదు. అయితే ఒకరోజు నాతో ఫోన్‌లో మాట్లాడుతుండగా వాళ్ల ఇంట్లో వాళ్లు విని, ఫోన్‌ గుంజుకుని, కాసేపటి తర్వాత తిరిగి కాల్‌ చెయించారు. ఆమె కాల్‌ చేసి ‘‘నువ్వు ఎవరివో నాకు తెలీదు, ఇంకోసారి కాల్‌ చెయ్యకు’’ అని ఫోన్‌ కట్‌ చేసింది. తనకి నేనంటే చాలా ఇష్టం. తను నాతో మాట్లాడక 11 నెలలు దాటింది. తను నన్ను మరిచిపోయిందా అంటే.. అలా కూడా లేదు. రోజూ నన్ను చూస్తూ వెళ్తుంది. తను లేకుండా నేను ఉండలేను. ప్లీజ్‌ మంచి సలహా ఇవ్వండి. – నవీన్‌ కొత్తగా ఆలోచించు బ్రో...! ‘ఏంటి సార్‌ కొత్తగా ఆలోచించేది.?’ మమ్మీడాడీ ‘నవీన్‌’ అని పేరు పెట్టాక..... ‘నవీనంగా ఆలోచించమంటారా సార్, అదే వాళ్ల మమ్మీడాడీ నవీన్‌కి ప్రాచీన్‌ అని పేరు పెట్టి ఉంటే ఓల్డ్‌గా ఆలోచించమని చెప్పేవారా సార్‌?’ అసలు ఏ మమ్మీడాడీ వాళ్ల కొడుక్కి ‘ప్రాచీన్‌’ అన్న పేరు పెట్టరు నీలూ...! ‘నవ్వకండి సార్‌! పోని సంస్కార్‌ అని పెట్టి ఉంటే ఓల్డ్‌గా ఆలోచించమని చెప్పేవారా సార్‌??’ సంస్కార్‌ అని పేరు ఉంటే మనకెందుకు ఉత్తరం రాస్తాడు నీలూ? ‘సార్‌ మీరు మరీ ఎక్కువగా నవ్వుతున్నారు. నన్నూ నవీన్‌ని ఫూల్‌ చేసి మరీ నవ్వుతున్నారు. దమ్ముంటే నవీనమైన ఆన్సర్‌ ఇవ్వండి సార్‌!’ అరే... దమ్ముండాల్సింది నవీన్‌కి. నాకు కాదు...!! ‘ఏంటో సార్, ఇవాళ అన్నీ తిప్పితిప్పి మాట్లాడుతున్నారు. ఎండాకాలం ప్రభావమా సార్‌??’ నీకు ఉద్యోగం సద్యోగం ఉంటే... పోయి అమ్మాయి వాళ్ల నాన్నకు చెప్పు. పెళ్లి చేసుకొని బాగా చూసుకుంటానని. ‘చెప్పెయ్యి నవీన్‌. మన దమ్మేంటో చూపించు నవీన్‌!’ - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేను ఒక అబ్బాయిని గత మూడేళ్లుగా లవ్‌ చేస్తున్నాను. తను నా ఎంబీఏ క్లాస్‌మేట్‌. నా ఫ్రెండ్స్‌ నన్ను ఫోర్స్‌ చేసి, తన లవ్‌ని యాక్సెప్ట్‌ చేసేలా చేశారు. మొదట్లో తను నాతో చాలా బాగా ఉండేవాడు. కానీ ఈ మధ్య తను జాబ్‌లో జాయిన్‌ అయిన దగ్గరి నుంచి నన్ను తక్కువగా చూస్తున్నాడు. ఏం మాట్లాడినా చులకన చేసి మాట్లాడుతున్నాడు. ఎందుకలా మాట్లాడుతున్నావని అడిగితే, ‘నువ్వు అమ్మాయివి. ఏం చెబితే అది చేయాలి, పడుండాలి’ అంటున్నాడు. ఆ మాటలను భరించలేక తనతో మాట్లాడటం మానేశాను. దాంతో వాళ్ల ఫ్రెండ్‌ నాకు ఫోన్‌ చేసి, ‘వాణ్ని అర్థం చేసుకో. తనని మిస్‌ చేసుకోకు’ అన్నాడు. ఒక్కోసారి ఒక్కోలా బిహేవ్‌ చేస్తాడు సార్‌. నాకేమీ అర్థం కావడం లేదు. తనంటే నాకు చాలా ఇష్టం. మంచి సలహా ఇవ్వండి ప్లీజ్‌. – లక్ష్మి లక్ష్మి బంగారం.... వాడు ఒక బుద్ధి లేని యూజ్‌లెస్‌ ఫెలో! అసలు వన్‌ మినిట్‌ కూడా భరించకూడని శుద్ధ దండగ కేసు...! వాడికి అమ్మాయిని గౌరవించడమే తెలియదు. వాణ్ని పెళ్లి చేసుకుంటే నరకం చూపిస్తాడు. నీకు దండం పెడతా చెల్లి. వాడొద్దు. వాడి ప్రేమ వద్దు. వాడి నీడ వద్దు. ‘సార్‌... నిజమే సార్‌..! అసలు వద్దు, యూజ్‌లెస్‌ ఇడియట్‌ సార్‌ వాడు. అమ్మో, అలాంటి వాడితో వన్‌ డే ఉన్నా... పిచ్చెక్కి పోద్ది సార్‌.. మీ సిస్టర్‌ రియల్లీ లక్కీ సార్‌!’ ఎందుకు నీలూ! ‘మీలాంటి మంచి అన్నయ్య ఉన్నందుకు సార్‌’ అని నవ్వింది నీలాంబరి. - ప్రియదర్శిని రామ్‌ , లవ్‌ డాక్టర్‌

హాయ్‌ సార్‌...! నేనొక అమ్మాయిని ఫోర్‌ ఇయర్స్‌గా లవ్‌ చేస్తున్నా. రీసెంట్‌గా తనకి ప్రపోజ్‌ చేశా. అయితే గతంలో ఒక అబ్బాయిని లవ్‌ చేసి వాళ్ల డాడీకి దొరికిపోయిందట. అప్పుడు ‘మళ్లీ ఎవరినీ లవ్‌ చెయ్యన’ని వాళ్ల డాడీకి ప్రామిస్‌ చేసిందట. ఇప్పుడు కూడా వాళ్ల డాడీకి భయపడే నాకు ఓకే చెప్పడం లేదేమోనని అనిపిస్తోంది. తనంటే నాకు చాలా ఇష్టం. ఇప్పుడు నేనేం చెయ్యాలో చెప్పండి ప్లీజ్‌. ‘ఈ అమ్మాయిని వదిలేసి వేరే అమ్మాయిని ట్రై చేసుకో’ అని మాత్రం చెప్పకండి. నా వల్ల కాదు. నా లవ్‌కి హెల్ప్‌ చెయ్యండి సార్‌ ప్లీజ్‌. – కుమార్‌ రేపు మీ డాడీ, ప్రేమిస్తే తాట తీస్తానంటే..?‘అవును సార్‌! రేపు కుమార్‌ వాళ్ల ఫాదర్‌.. కుమార్‌ ప్రేమిస్తున్నాడని తెలిసి రెచ్చిపోయి.. ‘‘లవ్వు జివ్వు అన్నావంటే కొవ్వు తీస్తా!’’ అనంటే లవ్వు మూసి, బుక్కు ఓపెన్‌ చేసి బుద్ధిగా కూర్చోడా సార్‌!?!’ అబ్బా ఏం చెప్పావు నీలాంబరీ... యు ఆర్‌ బ్రిలియంట్‌! ‘అయితే కుమార్‌ ఏం చెయ్యాలి సార్‌???’ అమ్మాయికి ఒక నీతి.. అబ్బాయికి ఒక నీతి.. కుదరదని చెబుతున్నా! ‘మరి కుమార్‌ ప్రేమకు నీతి ఉండదా సార్‌?’ దమ్ముంటే.. ఉంటుంది! ‘ఎలాంటి దమ్ము ఉండాలి సార్‌?’ పోయి అమ్మాయి వాళ్ల నాన్నకు లవ్‌ ప్రపోజ్‌ చెయ్యాలి నీలూ! ‘ఛీ!! పొండి సార్‌! అమ్మాయిని వదిలి డాడీకి ప్రపోజ్‌ చేస్తే క్రాక్‌ అనుకుంటారేమో సార్‌!’ అలా కాదు నీలూ! అమ్మాయిని ప్రేమిస్తున్న విషయాన్ని డాడీకి చెబితే పోలా??? ‘పోతాడు సార్‌!’ దమ్ముంటే అదే చెయ్యాలి నీలూ! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! చాలారోజులుగా నేనొక అమ్మాయిని సిన్సియర్‌గా లవ్‌ చేస్తున్నా. తను కూడా నన్ను లవ్‌ చేస్తోంది. చాలాసార్లు నాకు ప్రపోజ్‌ చేసింది. కానీ, నేనైతే ఎప్పుడూ ఓకే చెప్పలేదు. ఎందుకంటే నాకు చాలా ఫ్యామిలీ ప్రాబ్లమ్స్‌ ఉన్నాయి. ఈ విషయం తనకి ఎలా చెప్పాలో తెలియడం లేదు. బట్‌ తనంటే నాకు చాలా ఇష్టం. నేను లేకపోతే తను సూసైడ్‌ చేసుకుంటా అంటోంది. ఒకవేళ తనకి నేను ఓకే చెప్పినా, మా ఇంట్లో మా పెళ్లికి ఓకే అంటారన్న నమ్మకం నాకులేదు. అలా అని తనని వదులుకోలేకపోతున్నా. అన్నింటికీ తెగించి ప్రపోజ్‌ చెయ్యలేకపోతున్నా. ప్లీజ్‌ సార్‌ నాకో మంచి సలహా ఇవ్వండి. – మనోజ్‌ అమ్మాయికి ఉన్న దమ్ములో వన్‌ పర్సెంట్‌ ఈ హీరోకి ఉంటే.... ‘ఉంటే ఏం అయ్యేది సార్‌?.. పళ్లు రాలేవి. మమ్మీడాడీ ఇచ్చే పాకెట్‌ మని కట్టయ్యేది. అమ్మాయి తాలూకు బంధువులు... ‘‘తియ్యండ్రా బండ్లు!’’ అంటూ గొడ్డళ్లు.. కొడవళ్లు తిప్పుతూ ఇంటిమీద పడితే... హీరో ఫైట్‌ చేస్తాడా సార్‌?’ డౌటే నీలాంబరీ... ఇప్పటిదాకా అమ్మాయికి మనసు విప్పి మాట చెప్పనోడు, ఇంట్లో వాళ్లకి విషయం చెప్పలేనివాడు.. లవ్‌ కోసం ఫైట్‌ చెయ్యడం కష్టమే. కానీ..... ‘కానీ ఏంటి సార్‌...????!’ అమ్మాయి జీవితం పాడవకూడదని తన ప్రేమను గుండె గూడులో దాచుకుని జీవిస్తున్నవాడు కూడా గ్రేట్‌ లవర్‌ కదా నీలూ?! ‘సార్‌... కన్ఫ్యూజ్‌ చెయ్యకుండా ఏం చేస్తే కరెక్టో చెప్పండి సార్‌!’ఇంట్లో విషయం చెప్పి ఒప్పించగలిగితే.. హీరో నంబర్‌ వన్‌!!n ‘ఇంట్లో కన్విన్స్‌ చెయ్యలేకపోతే.....?’ ఫైటర్‌ నంబర్‌ వన్‌! ‘ఎలాగైనా అమ్మాయికి ఆన్సర్‌ చెప్పమని చెబుతున్నారా సార్‌!?’ ఎగ్జాక్ట్‌లీ! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! ఒక అమ్మాయి నాకు ఫేస్‌ బుక్‌లో పరిచయమైంది. దానిలోనే నన్ను చూసి, డైరెక్ట్‌గా చూడకుండానే లవ్‌ చేసింది. తనని నేను కొన్ని రోజుల తర్వాత కలిశాను. కానీ, నేను తను ఊహించినంత బాగోలేదట. అలా అని నా ప్రేమను వదులుకోలేను అంటోంది. ‘‘నీ ప్రేమ మీద నాకు గౌరవం ఉంది’’ అంటోంది. బట్‌ తను ఫస్ట్‌ లవ్‌ చేసిన అబ్బాయంత నన్ను లవ్‌ చెయ్యలేకపోతుందట. నాకు ఏం అర్థం కావటం లేదు సార్‌. ప్లీజ్‌ మంచి సలహా ఇవ్వండి. – అక్షయ్‌ ‘సూపర్‌ అక్షయ్‌.. లవ్‌ డాక్టర్‌ దొరికిపోయారు. నీ క్వశ్చన్‌కి ఆన్సర్‌ ఇవ్వడం... లవ్‌ డాక్టర్‌కే కాదు.. ఎవరి జేజమ్మకు కూడా కుదరదు. అసలు ఏం క్వశ్చన్‌ అక్షయ్‌.. ఇప్పటికి టెన్‌ టైమ్స్‌ చదివినా అర్థకాలేదు లవ్‌ డాక్టర్‌కి. ఏం చెయ్యాలో అర్థంకాక పచ్చి అరటికాయలు తినేస్తున్నారు. అవునూ.. నాకొక డౌట్‌!?! అమ్మాయికి నువ్వు నచ్చలేదు కానీ ప్రేమిస్తుంది. ప్రేమిస్తుంది కానీ ఫస్ట్‌ అబ్బాయిని నీకంటే ఎక్కువగా ప్రేమిస్తుంది. నిన్ను లైన్లో పెట్టి ఫస్ట్‌ అబ్బాయిని వదులుకోకుండా ప్రేమిస్తుంది. ‘‘ఐయాం ఇన్‌ ద క్యూ’’ అని లైన్లో వేలాడుతున్నావు. అమ్మాయి లైన్‌ ఎప్పుడు డిస్‌కనెక్ట్‌ చేస్తుందోనని టెన్షన్‌లో లవ్‌ డాక్టర్‌కి అడ్వైజ్‌ కోసం రాశావు. అంతే కదా!! అయితే ఆగు, ఈ విషయం అంతా మీసాలాయనకు చెప్పి ఆయన అడ్వైజ్‌ నీకు కనెక్ట్‌ చేస్తా... .....సార్‌! విషయం అంతా విన్నారు కదా, మరి ఏమంటారు? అక్షయ్‌ లవ్‌ కాయా? పండా సార్‌????’ ‘అక్షయ్‌ నేను అడిగిన ప్రశ్నకు సారూ ఇంకో కాయ నోట్లోకి కుక్కుకున్నారు. అంటే... అంటే....! నీ లవ్వు పండు కాదు కాయేనన్నమాట! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌..! నేను రెండేళ్లుగా ఒక అబ్బాయితో లవ్‌లో ఉన్నాను. ఇద్దరం చాలా హ్యాపీగా ఉండేవాళ్లం. కానీ సడన్‌గా మా లైఫ్‌లోకి  మరో వ్యక్తి వచ్చాడు. వాడు నన్ను లవ్‌ చేస్తున్నాడట. నేను లవ్‌లో ఉన్నాననే విషయం తెలుసుకొని, నేను లవ్‌ చేస్తున్న అబ్బాయిని కలిసి, చంపేస్తానని బెదిరించాడట. దాంతో నా లవర్‌ ఇప్పుడు నాతో మాట్లాడటంలేదు. నేను ఈ బాధని భరించలేకపోతున్నా. ఒక్క క్షణం కూడా ఉండలేకపోతున్నా. చాలా సిన్సియర్‌ లవ్‌ సార్‌ మాది. మీరే మంచి సలహా ఇవ్వండి ప్లీజ్‌. – దివ్య గూండా రాజ్యంలో ప్రేమ పూలు వికసించవు. పూలేంటి.. ప్రేమ మొగ్గలు తొడగనైనా తొడగవు. ప్రేమ ఆకు చిగురించదు. ప్రేమ మొక్క ఎదగదు. ‘సార్‌... ఈ బోటనీ క్లాస్‌ ఏంటి సార్‌??? దివ్య అడిగింది ఏంటి...??? మీరు ఫ్లోలో ఏదో పీకడమేంటి సార్‌??? పాపం దివ్య, ఇంకా భయపడుతుందేమో సార్‌???’ వాడెవడో గూండాగాడు... ‘‘నేను ప్రేమిస్తున్న, నీ తాట తీస్తా’’నంటే... మన లవర్‌ తోక ముడుచుకొని పారిపోయాడు. అమ్మాయి ముడుచుకుపోయి బాధపడుతోంది. ప్రేమ పరిమళం... పరవశంతో నాట్యం చేయాల్సిన సమయంలో విచ్చుకోక, తొడగనే తొడగక, ముడుచుకుపోతే.... పొయెట్రీ రాయక ఆన్సర్‌ రాస్తానా నీలాంబరీ!!!???! ‘ప్చ్‌...! ఒక్క ముక్క అర్థం కాలేదు సార్‌....!’ గూండాలకు గుండు కొట్టించేది ఎవరు? ‘పోలీస్‌...! పోలీస్‌..... సార్‌!’మరి వాళ్లకు రాయాల్సిన ఉత్తరం నాకు రాస్తే పొయెట్రీ కాక ప్రోజ్‌ రాస్తానా నీలూ???? - ప్రియదర్శిని రామ్‌,లవ్‌ డాక్టర్‌

హాయ్‌ సార్‌..! నేను ఒక అమ్మాయిని లవ్‌ చేస్తున్నాను. తనకి ప్రపోజ్‌ చేస్తే ‘నో’ అంది. నెల రోజుల తర్వాత తనని కలిసి ‘మీ ఇంట్లో ప్రాబ్లమా?’ అని అడిగాను. ‘‘ఇలాంటివి నాకు ఇష్టం ఉండవు’’ అని చెప్పింది. నేను ఫోన్‌ చేస్తే లిఫ్ట్‌ చేసేది కాదు. ఒకరోజు వాళ్ల అమ్మ నన్ను కలిసి ‘‘మా అమ్మాయిని లవ్‌ చేస్తున్నానని చెప్పావటగా..? నిజమేనా..?’’ అని అడిగింది. ‘‘అవునాంటీ.. మీరు ఒప్పుకుంటే పెళ్లి చేసుకుంటా’’ అని నిజం చెప్పేశాను. ‘‘నాకో చెల్లెలుంది, తనకు పెళ్లి కాగానే మాట్లాడదాం’’ అని పాజిటివ్‌గా స్పందించారు. అదే విషయాన్ని ఆ అమ్మాయికి చెబితే, తను నమ్మలేదు. దాంతో తనకు నమ్మకం కలిగించడానికి వాళ్ల అమ్మ చేతే చెప్పించా. అయినా సరే, నాతో కోపంగానే మాట్లాడుతోంది. తనని కూల్‌ చెయ్యాలంటే నేనేం చెయ్యాలి? ప్లీజ్‌ మంచి సలహా ఇవ్వండి.. – కృష్ణ ‘మధ్యలో మమ్మీ ఏంటి సార్‌???’ కదా!!! ‘ఎక్కడైనా, మమ్మీ రెండు పీకాలి కదా సార్‌?’ కదా!!! ‘ఎందుకు సార్‌ మమ్మీ అలా చేసింది???’ కదా!!! ‘సార్, ఏంటి సార్‌ మీరు కూడా అమ్మాయి లాగా కృష్ణకి ఝలక్‌ ఇస్తున్నారు!?!’ నీలూ... పిన్ని పెళ్లి అయ్యేదాకా... ‘మధ్యలో ఈ పిన్ని ఏంటి సార్‌?’ మమ్మీ సిస్టర్‌ అంటే అమ్మాయికి పిన్నే కదా నీలూ...! ‘ఆవిడ పెళ్లి అయ్యేదాకా కృష్ణారామా అనుకుంటూ కృష్ణ ఉండాలా సార్‌?’ పిన్ని పెళ్లి అయ్యేదాకా హార్టుకు పిన్నీసు పెట్టుకుని ఉండాలి నీలూ...! ‘పెళ్లి తర్వాత పిన్నీసు తీస్తే అమ్మాయి ఒప్పుకుంటుందా సార్‌ హార్టులోకి చేరడానికి...?’ అప్పుటి సంగతి అప్పుడు చూద్దాం నీలూ... ‘ఏడిసినట్టుంది. పిన్నులు, అత్తలు పెళ్లి చేసుకునే దాకా ఆగితే కృష్ణ గర్ల్‌ఫ్రెండ్‌ కూడా ఒక ఓల్డ్‌ ఆంటీ అయిపోతుంది కదా సార్‌?’ కూల్‌.. కూల్‌... నీలూ! ‘అదే అడుగుతున్నాడు సార్‌... కృష్ణ, అమ్మాయిని కూల్‌ ఎలా చెయ్యాలని?’ పిన్ని పెళ్లి భోజనాల్లో అందరికీ కూల్‌ డ్రింకులు ఇచ్చి అమ్మాయి మనసు దోచుకుంటాడు కృష్ణ. ‘మంచి ఐడియా సార్‌! అమ్మాయి పిన్ని పెళ్లికి ఎలాంటి హెల్ప్‌ కావాలన్నా కృష్ణే ముందుండి తంతు నడపాలి సార్‌. అప్పుడు అమ్మాయి కూల్‌గా ఆలోచించి కృష్ణకి ఓకే చెబుతుంది సార్‌. యు ఆర్‌ ఎ జీనియస్‌ సార్‌’ అని నవ్వింది నీలాంబరి. - ప్రియదర్శిని రామ్‌ ,లవ్‌ డాక్టర్‌

హాయ్‌ అన్నయ్యా...! నేను వంశీ అనే అబ్బాయిని ప్రాణం కన్నా ఎక్కువగా ప్రేమిస్తున్నా. తను కూడా నన్ను ప్రేమిస్తున్నాడు. మా నేపథ్యాలు వేరు. వాళ్ల ఇంట్లో అందరూ మా పెళ్లికి ఓకే అన్నారు. కానీ మా పేరెంట్స్‌ ఒప్పుకోవడంలేదు. పెళ్లి గురించి వాళ్లు మాట్లాడటానికి వస్తామంటే.. ‘‘వాళ్లు వస్తే మేం చచ్చిపోతాం’’ అని మా పేరెంట్స్‌ బెదిరిస్తున్నారు. ఆ అబ్బాయిని పెళ్లి చేసుకోవడం కుదరదని కచ్చితంగా చెబుతున్నారు. మా పేరెంట్స్‌ చిన్నప్పటి నుంచీ నాకు ఫ్రీడమ్‌ ఇవ్వలేదు. కానీ నేను ప్రేమించిన అబ్బాయి అన్నీ అర్థం చేసుకుని నన్ను చిన్న పిల్లలా చూసుకుంటాడు. ఏం చెయ్యాలో అర్థం కావడం లేదు అన్నయ్యా. మంచి సలహా ఇవ్వండి ప్లీజ్‌. – రాణి ఫ్రీడమ్‌ ఇస్తే భయమమ్మా... కడుపు చింపుకొని కన్న అమ్మకు భయమమ్మా... రక్తం కార్చి పెంచిన నాన్నకు భయమమ్మా...నీకేమవుతుందోనని భయమమ్మా... తెలియని వయసులో నువ్వు ఏ దుర్మార్గానికి గురి అవుతావోనని భయమమ్మా... పగిలిన బంగారు తల్లిని ఎలా అతికించగలమని భయమమ్మా... ‘సార్‌ ఇంత ఎమోషన్‌లో రాస్తే... ఇంకెవరూ మీకు రాయరు సార్‌. దుకాణం బంద్‌ చేసుకోవాల్సొస్తుంది. లవ్‌ డాక్టర్‌ బోర్డు విరిగిపోతే మళ్లీ అతికించుకోలేమని నాకు భయం సార్‌!!’ జోక్‌ చెయ్యకు నీలాంబరీ... రాణిని రాణిలా పెంచారు. అమ్మానాన్నలకు మళ్లీ చెప్పి చూడాలి. ‘ఒప్పుకుంటారా సార్‌???’ ప్రాబ్లమ్‌ ఏంటంటే ఇంట్లో ఫ్రీడమ్‌ లేదని, వాడే ఫ్రీగా ఆడిస్తున్నాడని అమ్మాయి టెంప్ట్‌ అయిపోతుంది. అదే వాడి చెల్లెలు ఫ్రీగా.. చాలా ఫ్రీగా ఇంకో అబ్బాయితో తిరిగితే భరించగలడా? అమ్మాయి అర్థం చేసుకోవాలి. అన్నీ అమ్మానాన్న సమకూరుస్తుంటే ఏ పెంటగాడైనా ఫ్రీడమ్‌ ఇస్తాడు. ‘కరెక్ట్‌ సార్‌.. రాణి బి కేర్ఫుల్‌!’  

హాయ్‌ అన్నయ్యా! నేను ఒక అమ్మాయిని లవ్‌ చేస్తున్నాను. తనకి ప్రపోజ్‌ చేస్తే, ఓకే చెప్పింది. మేమిద్దరం ఒకే కంపెనీలో జాబ్‌ చేస్తున్నాం. ఏదో పని పడటంతో పదిహేను రోజులు లీవ్‌ పెట్టి మా ఊరికి వెళ్లాను. వచ్చిన తర్వాత తనలో చాలా మార్పు కనిపించింది. అసలు నాతో మాట్లాడటమే మానేసింది. ఏమైంది? ఎందుకు? అని అడిగితే...  ‘మన నేపథ్యాలు వేరు’ అంటోంది. మరి నా లవ్‌ను ఒప్పుకున్నప్పుడు తెలియదా అన్నయ్యా మా నేపథ్యాలు వేరని? అంతేకాదు, తను వేరే అబ్బాయిని లవ్‌ చేస్తోందని నా ఫ్రెండ్‌ ఒకడు చెప్పాడు. తన బర్త్‌డే పార్టీకి కూడా నన్ను పిలవలేదు. నాకేమీ అర్థం కావడం లేదు. ప్లీజ్‌ అన్నయ్యా..! నాకు మంచి సలహా ఇవ్వండి. అంతగా బాధ పడకు బ్రో! ‘ఫిఫ్టిన్‌ డేస్‌లో మైండ్‌ చేంజ్‌ అయితే బాధ కాదా సార్‌..??’ మైండ్‌ కాబట్టి చేంజ్‌ అవుతుంది. ‘ఏంటి సార్‌..! అన్నీ పజిల్స్‌లో మాట్లాడుతున్నారు?’ హార్ట్‌ అయితే చేంజ్‌ అయ్యేది కాదు అని చెబుతున్నా..! ‘మైండ్‌ అయితే చేంజ్‌ అయింది కానీ హార్ట్‌ చేంజ్‌ కాలేదని  చెబుతున్నారా సార్‌?’ కాదు నీలాంబరి.. హార్ట్‌తో ప్రేమించి ఉంటే చేంజ్‌ అయ్యేది కాదని చెబుతున్నా..! ‘అంటే మైండ్‌తో కూడా ప్రేమిస్తారా సార్‌?’ ఇష్టపడటం అంటే మైండ్‌కు నచ్చినట్టు నీలూ! ‘ప్రేమంటే హార్ట్‌కు గుచ్చుకున్నట్టు కదా సార్‌..!!’ అబ్బా... నా దగ్గర ఎంత జ్ఞానం పుచ్చుకున్నావు నీలూ..! ‘సార్‌..! ఈ ఆన్సర్‌ శరత్‌కి నచ్చకున్నాది సార్‌...’ హార్ట్‌తో చదవమను, మైండ్‌తో కాదు... ఆన్సర్‌ నచ్చుతుంది నీలూ..! – శరత్‌

హాయ్‌ అన్నయ్యా..! నేను ఒక అబ్బాయిని లవ్‌ చేస్తున్నా. సహజంగానే నాది చాలా సరదాగా ఉండే లైఫ్‌ స్టైల్‌. అందరితో ఇట్టే కలిసిపోతా. కానీ అలా ఉండటం తనకి నచ్చదు. ‘‘బాయ్స్‌ని చూడొద్దు, ఎవరితోనూ మాట్లాడొద్దు’’ అని రూల్స్‌ పెట్టాడు. తనమీద ఉన్న ఇష్టంతో అన్నీ పాటించా. కానీ, ఎప్పుడూ నా ఫోన్‌ ఆఫ్‌ అవ్వకూడదు. బిజీ రాకూడదు, తను లేకుండా బయటికి  వెళ్లకూడదు, తన మెసేజ్‌కి రిప్లై ఇవ్వడం ఒక్క నిమిషం కూడా లేట్‌ అవ్వకూడదు... ఇలా చాలానే నిబంధనలు పెడుతూ వచ్చాడు. నెలరోజుల క్రితం మెసేజ్‌కి రిప్లై ఇవ్వడం లేట్‌ అయిందని, విడిపోదాం అన్నాడు. నేను ఏం మాట్లాడలేదు. మళ్లీ కాల్‌ చేసి ‘‘నేను లేకుండా ఉంటావా?’’ అన్నాడు. నీకు జాబ్‌ వచ్చాక మాట్లాడుకుందాం, అప్పటిదాకా వద్దు అన్నాను. దాంతో కొంచెం కామ్‌గా ఉన్నాడు. మంచిగా ఉండొచ్చుగా నాతో అని అడిగితే.. ‘‘నీ క్యారెక్టర్‌ బ్యాడ్‌గా ఉన్నంత వరకూ నేను ఇలానే మాట్లాడతా’’ అంటున్నాడు. తన కోసం ఎంతో మారాను. నేనేం తప్పు చేశానో నాకే అర్థం కావట్లేదు. తనే ప్రాణం అనుకున్నాను. కానీ ఎందుకు ప్రతిసారీ అనుమానించి అవమానిస్తున్నాడో తెలీదు. ఏదైనా సలహా ఇవ్వండి అన్నయ్యా ప్లీజ్‌. – అఖిల   సరదాగా ఉండాలి. ‘హీరో ఒప్పుకోడు కదా సార్‌???’ ఎందుకు ఒప్పుకోడు? హీరోయిన్‌ హీరో కంటే సరదాగా ఉంటే హీరో ఒప్పుకోడు సార్‌!’ అంత ఇన్‌సెక్యూర్‌ హీరోనా మనోడు?? ‘కరెక్టే సార్‌.. వాడి మీద కాన్ఫిడెన్స్‌ ఉంటే,  సరదాగా జాలీగా హ్యాపీగా ఉన్నందుకు అసలు అఖిలని ఇంకా ఎక్కువగా ప్రేమించాలి.’ అదెలా నీలాంబరీ??? సినిమాలు చూడ్డంలేదా సార్‌? అమ్మాయి ఎంత యాక్టివ్‌గా ఉంటే హీరో అంతగా లవ్‌లో పడతాడు. వానలో సాంగ్‌ పాడుతాడు. ఎడారిలో కూడా స్టెప్పులు వేస్తాడు. గాల్లో పల్టీలు కొడతాడు. నిద్రలో మేలుకుని ఉంటాడు...’ నీలాంబరీ...!! ‘ఏంటి సార్‌ శంకరాభరణం సినిమాలో శంకర శాస్త్రి ఒర్రినట్టు ఒర్రినారేంటి సార్‌???’ నీ పొయెట్రీ భరించలేకపోతున్నా... ‘అమ్మాయి కూడా అబ్బాయిని ఇక భరించకూడదు సార్‌!’ అని నవ్వింది నీలాంబరి. - ప్రియదర్శిని రామ్‌ ,లవ్‌ డాక్టర్‌

హాయ్‌ అన్నయ్యా...! నేను ఒక అబ్బాయిని ప్రాణం కంటే ఎక్కువగా లవ్‌ చేస్తున్నా. తను కూడా నన్ను లవ్‌ చేస్తున్నాడు. మాది ఐదేళ్ల ప్రేమ. మా పెళ్లికి వాళ్ల ఇంట్లో ఒప్పుకున్నారు కానీ మా ఇంట్లో ఒప్పుకోవడంలేదు. కారణం మా నేపథ్యాలు వేరు. ఎంత ప్రాధేయపడినా మా వాళ్లు మా ప్రేమను అంగీకరించడంలేదు. ‘మా పరువు పోతుంది, ముందు నువ్వు జాబ్‌ మానేసి ఇంట్లో కూర్చో’ అంటున్నారు. అన్నయ్యా... నేను నా పేరెంట్స్‌ని కాదని ఆ అబ్బాయితో ఉండలేను. అలా అని మా వాళ్లు చెప్పినట్లు వేరే అబ్బాయినీ పెళ్లి చేసుకోలేను. ఏం చెయ్యాలో అర్థం కావడంలేదు. మా పేరెంట్స్‌ కనీసం ఆ అబ్బాయిని కలవడానికి కూడా ఇష్టపడ్డంలేదు. నేను ఇష్టపడ్డ అబ్బాయి చాలా మంచివాడన్నయ్యా. నన్ను నా పేరెంట్స్‌ నుంచి దూరం చెయ్యాలనుకోడు. నాకు నా పేరెంట్స్‌తో పాటు తను కూడా కావాలి. ప్లీజ్‌ అన్నయ్యా నాకో మంచి సలహా ఇవ్వండి. కులం కోసం, పరువుకోసం నా ప్రేమను చంపుకోలేను. మా పేరెంట్స్‌కి అర్థమయ్యేలా నా ప్రేమను ఎలా గెలిపించుకోవాలి? – శ్రావ్య డోంట్‌ వర్రీ బంగారం... నీ ప్రేమ గెలుస్తుంది. మీ పేరెంట్స్‌ నీ ప్రేమను ఒప్పుకుంటారు. మీది హ్యాపీ ఎండింగ్‌. ‘ఎలా చెబుతున్నారు సార్‌ అంత కచ్చితంగా??’ అమ్మాయిని ఇచ్చే ముందు పేరెంట్స్‌ ఏం చూస్తారు నీలూ..? ‘అమ్మాయికి తగిన ఫ్యామిలీనా కాదా? అబ్బాయి మంచోడా కాదా? కుటుంబాన్ని పోషించగలడా లేదా? సమాజంలో ఇద్దరూ మంచి పేరు తెచ్చుకోగలరా లేదా?’ సింపుల్‌గా చెప్పాలంటే.. అమ్మాయి సుఖపడుతుందా లేదా అని చూస్తారు.. వాళ్ల బిడ్డను అంతగా ప్రేమించి, నిండుగా గౌరవించే అల్లుడు దొరకడం అదృష్టమేగా..!? ‘ఈ విషయం పేరెంట్స్‌కి ఎవరు చెప్పాలి సార్‌??’ నువ్వెళ్లు నీలూ...! ‘లేదులే సార్‌..! ఈ సమాధానం పేరెంట్స్‌కి పంపుతా సార్‌!’ శభాష్‌ నీలూ...! - ప్రియదర్శిని రామ్‌ ,లవ్‌ డాక్టర్‌

హాయ్‌ సార్‌...! నేను ఐదేళ్లుగా ఒక అమ్మాయిని లవ్‌ చేస్తున్నా. తనూ నన్ను లవ్‌ చేసింది. తను ఆపరేషన్‌ థియేటర్‌లో నర్స్‌గా పనిచేస్తోంది. తనంటే నాకు చాలా ఇష్టం. ఒకరోజు నా దగ్గరకు వచ్చి తనతో పాటు పనిచేస్తున్న ఒకడు తనను బలవంతం చేశాడని బాగా ఏడ్చింది. నీ తప్పులేకుండా జరిగింది కదా అని నచ్చజెప్పి ఆసుపత్రికి తీసుకెళ్లి చాలా కేరింగ్‌గా చూసుకున్నాను. కొన్ని రోజుల తరువాత తన ఫోన్‌లో వాడితో చేసిన చాట్‌ చూసి చాలా షాక్‌ అయ్యాను. మెసేజ్‌లన్నీ చాలా బ్యాడ్‌గా ఉన్నాయి. తనని చాలా పిచ్చిగా నమ్మాను సార్, తనకోసం చాలా చేశాను. అయినా నా బాధంతా నన్ను మోసం చేసినందుకు కాదు, వాడు మంచివాడు కాదు సార్‌. ఎక్కడ తన జీవితం నాశనం చేసుకుంటుందోనని భయంగా ఉంది. నిజానికి తను చేసిన ఈ మోసానికి చనిపోవాలనుకున్నా. కానీ మా ఫ్యామిలీ చాలా పూర్‌ సార్‌. చాలా కష్టపడి నన్ను చదివించారు. నేను లేకపోతే వాళ్లంతా ఏమైపోతారోనని ఆలోచించి ఆగిపోయాను. ఇప్పటికీ తను చేసిన మోసం గుర్తుకొస్తుంటే ప్రాణం పోయినట్లనిపిస్తోంది. చచ్చిపోవాలనిపిస్తోంది. ఏదైనా మంచి సలహా ఇవ్వండి సార్‌ ప్లీజ్‌. – చంద్ర మనసును గుప్పెట్లో పెట్టుకున్నవాడు... ‘అమ్మాయిని గుప్పెట్లో పెట్టుకున్నాననుకున్నాడు సార్‌...!’ నువ్వు ఆగుతావా నీలాంబరీ...??‘ఎందుకు ఆగాలి సార్‌ చంద్ర లైఫ్‌లో ద్రోహం జరిగింది. మీరు ఇప్పుడు కూడా అమ్మాయిది తప్పుకాదని అంటే... కృంగిపోతాడు సార్‌... అయినా ఇదేం చోద్యం సార్‌..?  అక్కడ చంద్ర ప్రాణం గుప్పెట్లో పెట్టుకుని ప్రేమలో తన్నుకులాడుతుంటే... మీరు మనసు గుప్పెట్లో పెట్టుకోమని... పెంట అడ్వైజ్‌లు ఎలా ఇస్తారు సార్‌???’ హలో.. కొంచెం స్లో..! ఎక్కువైంది ఫ్లో....!! ‘ఏంటి సార్‌ ఎక్కువైంది..?? చంద్రకి సరైన ఆన్సర్‌ ఇవ్వకుండా వెటకారాలు, ఛీత్కారాలు లాంటివి నేను ఒప్పుకోను...’ చంద్రా సారీ..! నీకు ఇలా జరగాల్సింది కాదు. ఎంతగా ప్రేమించావు... ఎంతగా అభిమానించావు... తప్పు జరిగినా ఎంతగా ప్రేమిస్తున్నావు..? యు ఆర్‌ గ్రేట్‌ చంద్ర. ఒక అమ్మాయిని ప్రేమించిన దాంట్లో 10%... నీ ఫ్యామిలీని ప్రేమిస్తే... నీ బాధ మాయమైపోతుంది. నీకు ఒక కొత్తదనం అనిపిస్తుంది... మనసు చాలా లైట్‌గా... హ్యాపీగా అనిపిస్తుంది. ప్రేమించడానికి కాదు చంద్ర... ప్రేమించబడడానికి కూడా అర్హత ఉండాలి. ఆ అమ్మాయికి నీ ప్రేమ పొందే అర్హత లేదు.నీ ఫ్యామిలీకి నీ ప్రేమను మించిన ఆనందం లేదు. లవ్‌ లైఫ్‌. లవ్‌ ఫ్యామిలీ... లవ్‌ యువర్‌ సెల్ఫ్‌... తప్పకుండా నీ ప్రేమకు అర్హురాలైన అమ్మాయి నిన్ను వెతుక్కుంటూ వస్తుంది.’ ‘కరెక్ట్‌ ఆన్సర్‌ ఇచ్చారు కాబట్టి మీకు అరటిపండు తినే అర్హత ఉంది సార్‌!’ - ప్రియదర్శిని రామ్‌ ,లవ్‌ డాక్టర్‌

హాయ్‌ అన్నయ్యా..! నేను ఒక అమ్మాయిని లవ్‌ చేస్తున్నా. తను నా మరదలు. ఇంట్లో మా పెళ్లి ఫిక్స్‌ చేశారు. ప్రాబ్లమ్‌ ఏంటంటే... ఆ అమ్మాయి నాతో ఎప్పుడు మాట్లాడలేదు. ఎందుకు మాట్లాడటంలేదు అని అడిగితే.. ‘‘నేనేమైనా పెళ్లి చేసుకోనని చెప్పానా?’’ అని ప్రశ్నిస్తోంది. ‘‘నేనింతే, నాతో మాట్లాడకు’’ అంటోంది. ఆ అమ్మాయికి నేనంటే ఇష్టమా? కాదా? ప్లీజ్‌ మంచి సలహా ఇవ్వండి అన్నయ్యా. – విజయ్‌ మౌనరాగం సినిమా చూడన్నా..! ‘ఎందుకు సార్‌??’ చూస్తే మౌనం ఎందుకో అర్థం అవుతుంది. ‘అదేదో మీరే చెప్పొచ్చు కాదా సార్‌?’ కుదరదు విజయ్‌ సినిమా చూడాల్సిందే.. ‘చూస్తే ఏమవుద్ది సార్‌???’ సినిమా చూసినట్టు అనిపిస్తుంది..! ‘సార్‌...! బుర్ర తినకండి.. అరటిపండు ఇస్తా అసలు విషయం చెప్పండి సార్‌??!’ మౌనంలో కసి ఉంటుంది, కోపం ఉంటుంది. అసహ్యం ఉంటుంది. చీదర ఉంటుంది. వాటన్నింటి వెనుక ఓ గౌరవంతో కూడిన ప్రేమ ఉంటుంది..!! - ప్రియదర్శిని రామ్‌ ,లవ్‌ డాక్టర్‌

అరటిపండు గారు.. నేను డైలీ మీ సలహాలు చదువుతుంటాను. నా బాధ ఏంటంటే... ఐయామ్‌ సింగిల్‌! ఐ వాజ్‌ డిస్టర్బ్‌డ్‌ బై వన్‌ గర్ల్‌. ఐ యామ్‌ నాట్‌ కాన్‌సన్‌ట్రేటింగ్‌ ఆన్‌ మై లైఫ్‌ అండ్‌ గోల్‌. ప్లీజ్‌ ! గివ్‌ మీ ఎ బనానా ఐడియా సార్‌!! ప్లీజ్‌.. ప్లీజ్‌... – నరేష్‌ పోరా పోకిరి... అల్లరి జింగిరి... వంకర టింకరి... ఎందుకు చెయ్యాలి నీకు.. బనానా చాకిరీ..??? స్టాప్‌ దిస్‌ కిరికిరి...!!! ‘అవును సార్, ఐడియాల అరటిపండ్లేవో.. చెట్లకు కాసినట్టు...మీ అడ్వైజ్‌ లాగా చీపుగా దొరుకుతున్నట్టు.. బనానా అడగడమేంటి సార్‌!... కరెక్టుగా ఆన్సర్‌ చేశారు సార్‌!’ నీలాంబరీ... నువ్వు నన్ను పొగుడుతున్నావో... తిడుతున్నావో అర్థం కావడం లేదు...!! ‘అవన్నీ ఎందుకు సార్‌? నరేష్‌కి ఇవ్వాల్సిన బనానా, మీరు తిని హ్యాపీగా.. ఎంజాయ్‌!!’ - ప్రియదర్శిని రామ్‌ లవ్‌ డాక్టర్‌

హాయ్‌ అన్నయ్యా! నేను మీకు చాలా పెద్ద అభిమానిని. మీరు చెప్పే ఆన్సర్స్‌ సూపర్‌గా ఉంటాయి. నేను ఒక అబ్బాయిని లవ్‌ చేశాను. తను కూడా నన్ను లవ్‌ చేశాడు. అయితే కొన్ని ప్రాబ్లమ్స్‌ వల్ల విడిపోయాం. ఆ తరువాత నాకు మరో అబ్బాయి ఫ్రెండ్‌ అయ్యాడు. అది కాస్తా ప్రేమగా మారింది. బట్‌ నేను ముందు ప్రేమించిన అబ్బాయి నాకోసమే వెయిట్‌ చేస్తున్నాడని తెలుసుకుని చాలా ఫీల్‌ అయ్యాను. తప్పు చేశాననుకొని రెండో అబ్బాయికి సారీ చెప్పి.. తనని కలుసుకున్నాను. కొన్ని రోజులు బాగానే ఉన్నాం. అయితే, నేను వాళ్ల ఇంట్లోవాళ్లకి నచ్చలేదు. మళ్లీ మా మధ్య గొడవలు స్టార్ట్‌ అయ్యాయి. ఈ సమయంలో మా బావ నాకు ప్రపోజ్‌ చేశాడు. ‘నో అంటే చచ్చిపోతాను. కనీసం మాట్లాడు..’ అని అంటున్నాడు. ఇక ఇప్పుడు వాడు కూడా ‘నువ్వు కావాలి’ అంటున్నాడు. నాకు మాత్రం చాలా గిల్టీగా ఉంది. వాళ్లకి ఏం చెప్పాలో అర్థం కావడంలేదు. నాకు మంచి సలహా ఇవ్వండి ప్లీజ్‌. – అఖిల బంగారం.. నువ్వు చాలా కన్ఫ్యూజన్‌లో ఉన్నావు. ప్రేమ అంటే ఏంటో అర్థం కాని కన్ఫ్యూజన్‌లో ఉన్నావు. అసలు ప్రేమించకపోతే ఏమీపోదు. కొంత మంది అమ్మాయిలు అలా అనుకుంటున్నారు. ప్రేమిస్తేనే లైఫ్‌ కరెక్ట్‌ అనుకుంటున్నారు. ప్రేమించబడితేనే వాల్యూ ఉంటుందని అనుకుంటున్నారు. నీ చుట్టూ ముగ్గురు అబ్బాయిలు ప్రేమ వలయంలో ఉన్నారు. అవసరమా? అంటే మనం గౌరవంగా ఉన్నట్టా? లేక మనం ఈజీగా దొరుకుతామనుకుంటున్నారా? నిన్ను నువ్వు ముందు వాల్యూ చేయడం నేర్చుకో.. లైఫ్‌లో ఏదైనా మంచి గోల్‌ అనుకో.. కాసిన్ని రోజులు ఈ ప్రేమ పెంటలోనుంచి బయటపడు. డిస్టెన్స్‌ మెయింటెయిన్‌ చెయ్యి.. కూల్‌గా నీ లైఫ్‌ని అర్థం చేసుకో.. రేపు పెళ్లి చేసుకున్నాక అబ్బాయి మనల్ని రెస్పెక్ట్‌ చేసేలా ఉండాలి కానీ తక్కువగా చూడకూడదు. నా మాట విని... ఈ ప్రేమ ట్రాప్‌ నుంచి ముందు బయటపడి లైఫ్‌ గోల్‌ వైపు పరిగెత్తు. ‘కరెక్ట్‌గా చెప్పారు సార్‌! అమ్మాయిలు ప్రేమించాలి కానీ, ప్రేమకు దాసులయిపోయి లైఫ్‌ని పాడు చేసుకోకూడదు..!!’ - ప్రియదర్శిని రామ్‌ లవ్‌ డాక్టర్‌

హాయ్‌ అన్నయ్యా... మీ సమాధానాలన్నీ చదువుతుంటాను. కొన్ని బాగా అనిపిస్తాయి కానీ, కొన్ని అస్సలు నచ్చవు. ఎందుకంటే అమ్మాయి, అబ్బాయి ప్రేమించుకున్న తరువాత... అమ్మాయి వాళ్ల ఇంట్లో ఒప్పుకోక అబ్బాయిని వదిలేస్తే... పేరెంట్స్‌పైన ప్రేమ అంటారు. అదే కారణంతో అబ్బాయి, అమ్మాయిని వదిలేస్తే.. మోసగాడు అంటున్నారు. ఇదేం న్యాయం అన్నయ్యా? నేను ఒక అమ్మాయిని ప్రేమించాను. తను కూడా నన్ను ప్రాణం కంటే ఎక్కువగా ప్రేమించింది. ఇద్దరింట్లోనూ ఒప్పుకోరు. తను నా కోసం ‘అందరినీ వదిలి వస్తాను’ అంటోంది. కానీ, తనను వాళ్ల ఫ్యామిలీ నుంచి దూరం చెయ్యడం ఇష్టం లేదు. అలా అని తను లేకుండా బతకాలేను. ఏం చెయ్యాలి అన్నయ్యా? – తేజ నువ్వు మనిషివి కాదు..... ‘సార్‌... ఎంత మాట అన్నారు సార్‌..! ఒకర్ని పట్టుకుని మనిషివి కావు అంటే.. ఎంత ఫీల్‌ అయిపోతాడు సార్‌..!? మీరు అసలు లవ్‌ డాక్టర్‌ బోర్డ్‌ తీసేసి.. భౌ డాక్టర్‌ అని పెట్టుకుంటే బెటర్‌ సార్‌..! ఇలా అబ్బాయిల మీద కొరకడానికి పరిగెడితే.. ఎలా సార్‌..????’ నువ్వు మనిషివి కాదు తేజా... ‘అదిగో మళ్లీ అదే ధోరణి.. ఏంటి సార్‌ మీరు... మారరా సార్‌??’ నువ్వు మనిషివి కాదు తేజా... నువ్వు... ‘సార్‌!!!!!!’ నన్ను చెప్పనియ్యి నీలాంబరీ....! తేజా నువ్వు మనిషివి కాదు.. మనిషి రూపంలో ఉన్న మహానుభావుడివి. శభాష్‌.. అమ్మాయి కోసం, అమ్మాయి మమ్మీడాడీ కోసం.. లవ్‌ని త్యాగం చేసే నిన్ను... ‘‘లవర్స్‌ ఆఫ్‌ ఇండియా’’ లిస్ట్‌లో టాప్‌లో ఉంచాలి!! ‘సార్‌.. తేజాను మెచ్చుకుని అమ్మాయికి దూరం చేసే మీ ప్లాన్‌ వర్కౌట్‌ కాదు. మీ కుట్ర తేజాకు అర్థమైపోతుంది. తేజా మీ ట్రాప్‌లో పడడు సార్‌..!’ మంచివాడు అని చెబుతున్నా. దాన్ని ట్రాప్‌ అనుకుంటే ఎలా...? ఎంత మంచి మనస్సు ఉంటే అమ్మాయి గురించి ఆలోచిస్తాడు. అయినా పేరెంట్స్‌ని పోగొట్టుకుని.. తేజ దొరికినా... అమ్మాయి హ్యాపీగా ఉండగలదా..??? అందుకే పేరెంట్స్‌ని కన్విన్స్‌ చేసి.. మంచి ఉద్యోగాలు సంపాదించుకుని.. ఆ తరువాత సెటిల్‌ అయితే అందరూ సంతోషంగా ఉంటారు. ‘ఏంటో సార్‌ మీ మాటలు వింటుంటే.. నేను కూడా కన్విన్స్‌ అయిపోతున్నాను. ఇంద అరటి పండు!’ -ప్రియదర్శిని రామ్‌ లవ్‌ డాక్టర్‌ - లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1, బంజారాహిల్స్, హైదరాబాద్‌–34. lovedoctorram@sakshi.com

హాయ్‌ అన్నా, నేను ఒకరిని లవ్‌ చేశా. మొదట్లో బాగానే ఉండేవాళ్లం కానీ, కొంతకాలానికి తన బిహేవియర్‌లో చాలా మార్పు వచ్చింది. ఏంటని అడిగితే.. ‘నువ్వు బ్లాక్‌గా ఉన్నావు, నా ఫ్రెండ్స్‌ నిన్ను వదిలెయ్యమంటున్నారు’ అని చెప్పాడు. చాలా గొడవలయ్యాయి. చివరికి విడిపోయాం. ఆ బాధ నుంచి తేరుకోవడానికి చాలా ఇయర్స్‌ పట్టింది. ఆ తరువాత స్టడీస్‌ కోసం వేరే ఊరు వెళ్లాను. అక్కడ మరో అబ్బాయి పరిచయమయ్యాడు. లవ్‌ అన్నాడు, ప్రాణం అన్నాడు. నమ్మాను. కానీ, కాలం గడిచే కొలదీ ‘మన పెళ్లి జరగదు’ అని చెబుతున్నాడు. ఎందుకు అని అడిగితే.. ‘‘మా అమ్మ చావు బతుకుల్లో ఉన్నప్పుడు.. నేను తనకి మాటిచ్చాను, తను ఎవరిని చూపిస్తే వాళ్లనే పెళ్లి చేసుకోవాలి, తప్పదు!’ అన్నాడు. మళ్లీ అదే బాధ, అదే డిప్రెషన్‌. నాకే ఎందుకు ఇలా జరగాలి?? నేను ప్రేమించడానికి పనికిరానా? అని బాగా ఏడ్చాను. అబ్బాయిలంతా అందాన్ని చూసి లేదా డబ్బుని చూసి పెళ్లిళ్లు చేసుకుంటారని అర్థమయ్యింది. నా అభిప్రాయం తప్పు అని ప్రూవ్‌ చేసేవాడు రావాలని కోరుకుంటున్నా కానీ.. నాకు కుజదోషం ఉందట. అలా ఉంటే జీవితాలు నాశనం అయిపోతాయా? డిప్రెషన్‌లోనే ఉంటారా? అసలు నేను ఈ డిప్రెషన్‌ నుంచి ఎలా బయటికి రావాలి? ప్లీజ్‌ చెప్పండి అన్నయ్యా.. ప్లీజ్‌! – మీ చెల్లెలు నా చిట్టి బంగారు తల్లి!! ఎవడమ్మా అన్నది నీకు కుజదోషం ఉన్నదనీ..? దోషం లేదు... గీషం లేదు... అలాంటి వెయ్యి దోషాలున్నా రాణించిన గ్రేట్‌ అమ్మాయిలు లెక్కలేనంతమంది ఉన్నారు. డిప్రెషన్ని జుట్టు పట్టి ఈడ్చి.. ఒక తన్ను తన్ని.. బయటపడిన తెలుగు అమ్మాయిలలో నువ్వూ ఒక దానివి కావాలిరా బంగారం!! ‘రామ్‌ చెల్లెలా మజాకా! ఒక్కసారి గుండెలో రామ్‌ అన్నయ్యా.. అనుకో! దెబ్బకు డిప్రెషన్‌ దెయ్యం మూటగట్టుకొని పారిపోతుంది!! కదా.. సార్‌!?’  ఎగ్జాక్ట్‌లీ! పర్పెక్ట్‌గా చెప్పావు నీలూ..! ‘సార్‌ లైఫ్‌ ఈజ్‌ బ్యూటిఫుల్‌ సార్‌! ఇట్లా డిప్రెషన్‌తో వేస్ట్‌ చేసుకోకూడదు కదా సార్‌!’ నలుపేంటీ.. అందమేంటీ.. ఆస్తి ఏంటీ.. ప్రేమకు ఇవి కనబడవు! కనబడ్డాయంటే అది ప్రేమ కాదు!! ‘భలే చెప్పారు సార్‌!’ నువ్విలా మోటివేట్‌ చెయ్యి నీలూ.... ఇంకా భలే చెబుతా! ‘సార్‌ మీ చెల్లెలు కూడా మోటివేట్‌ అయిపోయుంటుంది సార్‌.. డిప్రెషన్, గిప్రెషన్‌ జాన్తా నహి..! అని మంచి డ్రెస్‌ వేసుకుని క్వీన్‌లాగా కాలేజ్‌కి పోతుంది సార్‌!’ నీలూ.. ఎంత బాగా చెప్పావు! ఒక్కోసారి నిన్ను చూస్తుంటే... ‘ఆ.. చూస్తుంటే..? చెప్పండి సార్‌ ఏం అనిపిస్తుంది సార్‌???? చెప్పండి.. చెప్పండి.. ప్లీజ్‌....!’అబ్బా వద్దులే ఇంకోసారి చెబుతా నీలూ..! సార్‌ చెప్పకపోతే వన్‌ మంత్‌ అరటిపండు క్యాన్సిల్‌ సార్‌!’ రాణి లక్ష్మీబాయిలా.. రుద్రమదేవిలా.. మదర్‌ ఆఫ్‌ బాహుబలిలా... అనిపిస్తావు నీలూ...! ‘ఏంటో సార్‌! ఏంటో చెబుతారనుకున్నా..! ఏంటో చెప్పారు..! ఏంటో అనుకున్నా.. ఏంటో అనిపిస్తోంది.. ఏంటో....’ అరటిపండు ప్లీజ్‌!! -  ప్రియదర్శిని రామ్ లవ్‌ డాక్టర్‌ లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1, బంజారాహిల్స్, హైదరాబాద్‌–34. lovedoctorram@sakshi.com

హలో రామ్‌ అన్నయ్యా! నువ్వు ఎలా ఉన్నా.. నేను మాత్రం అస్సలు బాగోలేను. నేను ఒక అబ్బాయిని లవ్‌ చేశాను. తను కూడా నన్ను ప్రాణం కంటే ఎక్కువగా ఇష్టపడ్డాడు. బట్‌ ప్రాబ్లమ్‌ అంతా నా దగ్గరే ఉంది. ఇప్పుడు నా ఫ్యామిలీ ఇంపార్టెంట్‌ అని చెప్పి.. ఆ అబ్బాయికి దూరం అవుతున్నా. కానీ, ఆ అబ్బాయి లేకుండా లైఫ్‌నే ఊహించుకోలేకపోతున్నా. మా పేరెంట్స్‌ కోసం నా హ్యాపీనెస్‌ని వదిలేసుకుందాం అనుకున్నా కానీ, నా లవ్‌ని శాక్రిఫైజ్‌ చేస్తే నా జీవితంలో ఇంకేం మిగలదు. ఆ అబ్బాయి వాళ్ల ఇంట్లో చెప్పి ఒప్పించేశాడు. వాళ్ల అమ్మ నన్ను కూతుర్లా చూసుకుంటోంది. మా లవ్‌ మేటర్‌ మా ఇంట్లో చెప్పలేదు. చెప్పినా ఒప్పుకోరు. ఎందుకంటే మా నేపథ్యాలు వేరు. ఇప్పుడు నేనేం చెయ్యాలి? లవ్‌ చేసిన వాడితో ఉండాలా? ఫ్యామిలీ కోసం లవ్‌ని వదిలెయ్యాలా?? – మౌనిక లవ్‌ అంటేనే ఛాయిస్‌! ఒకటి కావాలంటే ఒకటి వదులుకోవాలి!! వదులుకోవడానికి రెడీ అయితేనే ఇంకొకటి దొరుకుతుంది!! రెండూ కావాలంటే.... ‘లవ్‌ డాక్టర్‌కి ఉత్తరం రాయాలి కదా సార్‌??’ నీది చాలా బిజినెస్‌ మైండ్‌ నీలాంబరీ! ‘అరటిపండ్లేమైనా చెట్లకు కాస్తున్నాయా సార్‌???’ కాయట్లేదా? ‘బజారుకెళ్లి జీఎస్‌టీ కట్టి మరీ తెచ్చుకోవాలి సార్‌!!’ చెట్టుకు కాయకుండా బజారుకు ఎలా వస్తాయి నీలూ?? ‘సార్‌ నన్ను ఇంటెలిజెంట్‌ క్వశ్చన్లు అడగకండి. అరటిపండ్లు ఏమయినా చెట్లకు కాస్తాయా.. బజారులో దొరుకుతాయి అన్నాను. అది నిజం కాదా? కాసేది చెట్లకే అయినా ఎంత కాస్ట్‌లీఅయిపోయాయంటే.. డబ్బులు చెట్లకు కాస్తేనే కొనగలిగేంత.. అని చమత్కరించాను! దానికే మీరు మళ్లీ క్లాస్‌ పీకడం బాగోలేదు సార్‌!!!’ కరెక్ట్‌గా చెప్పావు నీలూ.. అమ్మాయి ఏమయినా చెట్టుకు కాసిందా? అబ్బాయి ఇష్టపడగానే తెంచుకుని వెళ్లిపోవడానికి..?? అమ్మాయి అమ్మ కడుపులో కాసింది. నాన్న కష్టంతో పెరిగింది. ఇంటి గౌరవంతో ముడిపడింది. ఇన్నింటినీ తెంచేసుకుని వెళ్లిపోవడం కరెక్టా? కాదు! ప్రేమ చెట్టింటిదయినా, మెట్టినింటిదయినా అంతే గొప్పది! మౌనికకి రెండూ దొరుకుతాయి కానీ, దానికి సాహసం కన్నా, తెగింపు కన్నా.. స్వార్థం కన్నా... ‘సార్‌ కన్నా ఏంటి సార్‌?’ కన్నవారి ప్రేమ కన్నా, వారి అభిప్రాయం కన్నా, వారి అంగీకారం అవసరం!! ‘కుదరదు అని మమ్మీడాడీ అంటారని చెబుతోంది కదా సార్‌???’ చాక్లెట్‌ వద్దంటే మానేసిందా..? ఐస్‌క్రీమ్‌ వద్దంటే మానేసిందా..? కొత్త బట్టలు ఇప్పుడు వద్దులేరా అంటే మానేసిందా? కాస్త మారాం చెయ్యాలి. కాస్త ప్రేమగా అడగాలి. కాస్త బుజ్జగించుకోవాలి. కాస్త నిబ్బరంగా ఉండాలి. కాస్త పేషెన్స్‌ చూపించాలి. ఇప్పుడు మౌనిక ప్రేమ ఇంకా పిందె దశలోనే ఉంది. పండు అవ్వడానికి, చెట్టు నుంచి వీడటానికి ఇంకా సమయం ఉంది. అప్పుడు మమ్మీడాడీలే పండంటి మౌనికను తమలపాకులో పెట్టి మరీ అబ్బాయికి ఇస్తారు! ‘సార్‌ మీ పాజిటివ్‌ థింకింగ్‌ తప్పకుండా వర్కౌట్‌ కావాలి సార్‌!’ - ప్రియదర్శిని రామ్‌ లవ్‌ డాక్టర్‌

హాయ్‌ సార్‌..! నేను ఇంటర్‌ పూర్తి చేశాను. సెకండ్‌ ఇయర్‌లో నా క్లాస్‌మేట్‌ ఒక అమ్మాయి.. ఎఫ్‌బీలో ఫ్రెండ్‌ అయ్యింది. ఆ తరువాత ఫోన్‌లో కూడా మాట్లాడుకునేవాళ్లం. కాలేజ్‌లో కూడా చాలా సీక్రెట్‌గా కలిసేవాళ్లం. కావాలని తనే మాట్లాడుతూ, ఐ కాంటాక్ట్‌ ఇస్తూ స్మైల్‌ చేసేది. ఒకరోజు అనుకోకుండా హగ్‌ కూడా ఇచ్చింది. తనని ఎంత అవాయిడ్‌ చేద్దామనుకున్నా నా వల్ల కావడం లేదు. ‘నాకు లవర్‌ లేడు’ అని చాలాసార్లు చెప్పింది. ఫైనల్‌గా తనకు నాపైన లవ్‌ ఆర్‌ ఇంకేమైనా ఉందా? నేను అంత అందగాడిని కూడా కాదు! – సమీర్‌ నువ్వు అందగాడివి కాదు..! ఐతే....? ‘ఐతే ఏంటి సార్‌..?’ ఐతే....? ‘చెప్పండి సార్‌! ఐతే.. ఐతే.. అని నసిగి నసిగి టెన్షన్‌ పెంచేస్తున్నారు..!’ సమీర్‌ అందగాడు కాదు ఐతే...?..? ఐతే..? ఆమె అంధురాలు అయ్యి ఉంటుంది కదా సమీర్‌? ‘అంతే సార్‌! సమీర్‌ నిజం చెబితే మీరు వెటకారం చేస్తున్నారు!? అసలు.. మీతో హానెస్ట్‌గా ఉండటం అబ్బాయిలది తప్పు సార్‌!’ సమీర్‌ హానెస్ట్‌ అంటున్నావా నీలాంబరీ!? ‘చూడండి సార్‌ ఎంత హానెస్ట్‌గా తాను అందంగా ఉండను అని చెప్పుకున్నాడు కదా సార్‌?!’ అసలు చెప్పిన కథంతా సొల్లు కథే! ‘సార్‌ దాంట్లో అసలు నిజం లేదంటారా??’ ముక్క నిజం లేదు. చుక్క హానెస్ట్‌ లేదు.. తొక్కా లేదు.. అరటిపండూ లేదు! ‘ఎలా సార్‌? హౌ? మీకెలా సార్‌ తెలిసింది అంతా ఫిగ్మెంట్‌ ఆఫ్‌ ఇమాజినేషన్‌ అని?’  ఫిగ్మెంట్‌ ఆఫ్‌ ఇమాజినేషన్‌... ఇంత ఇంగ్లిష్‌ ఎక్కడ పట్టావు నీలూ? ‘సార్‌.. సార్‌.. సార్‌...’ ఆ వంకర్లు తిరగడం ఆపి.. అంత ఇంగిలిపీసు ఎక్కడ పట్టావో చెప్పు..? ‘నేను కూడా మీలాగే ఇంగ్లిష్‌ మాట్లాడాలని నేర్చుకుంటున్నా సార్‌..  ఫిగ్మెంట్‌ ఆఫ్‌ ఇమాజినేషన్‌ అంటే.. అంతా భ్రమ.. కట్టుకథ అని కదా సార్‌ మీరు అంటుంది?? అవును! ‘మీకెలా తెలిసింది సార్‌ అది కట్టుకథ అని??’ రెచ్చిపోతున్నాడు కదా.. హగ్‌ ఇచ్చిందట.. కౌగిలించుకున్న అమ్మాయిది లవ్వా? వాత పెట్టే సువ్వా? అని అడుగుతున్నాడంటే.. మీనింగ్‌ ఏంటి?? ‘ఒట్టి షో–అప్‌ గాడని!’ అమ్మాయే లేనప్పుడు.. లవ్వా జివ్వా అని అడిగితే మండదా?? ‘మండుద్ది సార్‌.. అరటిపండు ఫ్రూట్‌ పంచ్‌ తెస్తా ఆగండి సార్‌.. మీరు మేధావి సార్‌’ అంటూ నవ్వింది నీలూ! - ప్రియదర్శిని రామ్‌ లవ్‌ డాక్టర్‌  లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1, బంజారాహిల్స్, హైదరాబాద్‌–34. lovedoctorram@sakshi.com

హాయ్‌ సార్, నేను లవ్‌లో పడ్డాను. ఎలా మరిచిపోవాలి?? ఎలా బయటికి రావాలి?? ఆ అమ్మాయిని చూస్తే చాలు నా లవ్‌ గుర్తుకొస్తుంది. ఎనీ టిప్స్‌ ప్లీజ్‌ సార్‌!! – చెన్న నా మాట విని ఒక పని చెయ్యి చెన్నన్నా! ‘ఏంటి సార్‌ అంత స్పీడ్‌గా రాస్తున్నారు?’ పాపం చెన్నా టెన్షన్‌ పడుతున్నాడు కదా నీలాంబరీ.. అందుకని... ‘అందుకేనా సారూ...?’ ఎందుకీ వెటకారం? ‘ఎవరయినా అబ్బాయిలు.. లవ్లో నుంచి పడేయమంటే మీ ముఖం వెలిగిపోతుంటుంది సారూ..’ అవునా? ‘సార్‌.. జిలాగా ఉంటే ఏం చేస్తాము సారూ.. అజ్జెంజెంట్గా గీరుకుంటాము కదా సార్‌?’ ఇప్పుడు జిల ఎక్కడ నుంచి వచ్చింది నీలూ? ‘సార్‌ రావక్కరలేదు సార్‌! మీకు ఎప్పుడూ ఉండే జిలే.. అబ్బాయిలను జీకే జిల సార్‌!’ సరే.. ఇప్పుడు చెన్నాకి ఆన్సర్‌ చెప్పాలా వద్దా?’ ‘చెప్పండి సార్‌.. బిడ్డ అనవసరంగా మీ చేతుల్లో బుక్‌ అయిపోయాడు!’ చెన్నా అన్నా.. పక్కన ఫ్రెండ్‌ని ఎప్పుడూ పెట్టుకో.. వాడికో బైనాక్యులర్స్‌.. ఒక నల్ల తువాలు.. ఇప్పించు... ‘బైనాక్యులర్స్‌ ఎందుకు.. తువాలు ఎందుకు సార్‌??’ అదిగో నువ్వు మధ్యలో కౌంటర్లు వెయ్యకుండా ఉంటే చెబుతా.. అల్లంత దూరంలో అమ్మాయి కనబడగాన్నే నీ కళ్లకు నల్ల తువాలు గట్టిగా కట్టెయ్యమను..‘ఏంటి సార్‌ ఈ ఫజిల్‌??’  అమ్మాయి కనబడితే లవ్‌ గుర్తుకొస్తుంది కదా.. అమ్మాయి కనబడకుండా చేసుకుంటే.. గుర్తు రాదుకదా?? ‘వేస్ట్‌ చెన్నా.. ఈయనకి మరిచిపోయే సొల్యూషన్‌ కోసం రాయడం వేస్ట్‌.. నేను ముందే చెప్పా బుక్‌ అయిపోతావని’ అని నవ్వింది నీలు! – ప్రియదర్శిని రామ్‌  

హాయ్‌ సార్‌! నేను, ఒక అమ్మాయి టూ ఇయర్స్‌గా సిన్సియర్‌గా లవ్‌ చేసుకుంటున్నాం. మా ఇంట్లో మా విషయం తెలిసి ఓకే అన్నారు కూడా. ఇక వాళ్ల ఇంట్లో చెబుదాం అనుకునే లోపే తెలిసిపోయింది. ఆ అమ్మాయి వాళ్ల బావే మా విషయం చెప్పేశాడట. తరువాత తను కొన్నిరోజులు సీక్రెట్‌గా మాట్లాడింది కానీ, తరువాత ఏమైందో ఏమో సడన్‌గా మాట్లాడటం మానేసింది. వాళ్ల బావ, వాళ్ల ఇంట్లో వాళ్లు కలిసి తనకు నా గురించి చాలా బ్యాడ్‌గా చెప్పడమే కారణం అని తెలిసింది. నేను వాళ్ల అమ్మగారి జాబ్‌ పోగొట్టడానికి ప్రయత్నించానని, నేను మంచివాడిని కాదని చాలా చెప్పారట. సరేలే ఎప్పటికైనా నిజం తెలుసుకుని వస్తుందిలే అనుకుంటే.. ఇప్పుడు తను వాళ్ల బావని లవ్‌ చేస్తోందట. తననే పెళ్లి చేసుకుంటా అంటోంది. నేను తట్టుకోలేకపోతున్నా సార్‌! మామూలుగా ఉండలేకపోతున్నా. మీరే ఏదైనా సలహా ఇవ్వండి ప్లీజ్‌. – అభిరామ్‌ అభిరామ్‌ లైఫ్‌ ఈజ్‌ నాట్‌ ఈజీ! ఏదీ సింపుల్‌గా దొరకదు కావాలంటే నువ్వు కొంతమంది జీవితాలను చదివి చూడు అంతెందుకు.. మీ ఇంట్లోనే అమ్మకో.. నాన్నకో.. ఏదైనా సాధించాలంటే ఎంత కష్టపడాల్సి వచ్చిందో చూడు.. అయినా ఏదైనా చాలా ఈజీగా దొరికితే దానికి మనం విలువ ఇవ్వం! తానొక అమ్మాయి.. నీకు నచ్చిన అమ్మాయి... ఒకప్పుడు తనకు కూడా నువ్వంటే ఇష్టం! ఇప్పుడు ఇష్టం లేదు! ‘సార్‌ ఇష్టం లేదని ఎలా చెబుతారు సార్‌? బావ వీళ్ల ప్రేమలో పోశాడు కదా సార్‌ పాపిష్టి అనుమానాన్ని... అందుకే కదా సార్‌ అమ్మాయి.. అభిరాంకి థ్యాంక్యూ వెరీ మచ్‌ చెప్పి ‘బావా.. బావా పన్నీరు..’ అని డ్యూయెట్లు పాడుకుంటోంది సార్‌!’ ఇష్టం ఒకరు ఆపితే ఆగదు. ఆగిందంటే అది ఇష్టం కాదు! ఎట్రాక్షన్‌ మాత్రమే.. అభిరాం గుడ్‌ లుకింగ్‌ ఫెలో కాబట్టి అమ్మాయి ఎట్రాక్ట్‌ అయ్యింది! ‘సార్‌.. మీరు అభిరాంని చూసినట్లే మాట్లాడుతున్నారు సార్‌.. మీకెలా తెలుసు అభిరాం గుడ్‌ లుకింగ్‌ అని???’ అంత గుడ్‌ మనస్సు ఉన్న అభిరాం గుడ్‌ లుకింగ్‌ అయ్యే ఉంటాడు నీలూ... ‘ఏదో కానివ్వండి సార్‌ ఈ కాలమ్‌ మీది.. మీరు ఏది రాసినా భరించాలి.. అసలు విషయానికి రండి సార్‌!’ నువ్వు వాళ్ల అమ్మగారి ఉద్యోగానికి ఎసరు పెట్టావంటే నిన్ను వదిలేసిందంటే.. ఫ్యూచర్‌లో ఇలాంటి ఏ పనికిరాని మాటవినో నిన్ను తన్ని తగలేస్తుంది. అలాంటి వీక్‌ పర్సన్‌ని ప్రేమించి జీవితాన్ని తన్ని తగలేసుకునే బదులు.. మూవ్‌ ఫార్వర్డ్‌ బ్రో  ‘అబ్బా ఫైనల్లీ ఫస్ట్‌ టైమ్‌ అమ్మాయిది తప్పు అన్నందుకు ఇదిగో సార్‌ డబుల్‌ అరటిపండు!’

హాయ్‌ సర్‌! నేను ఒక అమ్మాయిని చాలా రోజుల నుంచి లవ్‌ చేస్తున్నా. తనకు లవ్‌ ప్రపోజ్‌ చేశాను. ఓకే అంది. ఎంజాయ్‌ చేశాం. సడన్‌గా ఏమైందో తెలీదు, నాతో మాట్లాడటం మానేసింది. ఏమైందని గట్టిగా అడిగితే ‘మ్యారేజ్‌ అయిపోయింద’ని చెప్పింది. అప్పటి నుంచి తనని మరచిపోవడానికి చాలా ప్రయత్నం చేస్తున్నా. డ్రింక్‌ కూడా అలవాటైపోయింది.  నేను ఆ అమ్మాయిని మరచిపోవడానికి ఒక ఐడియా ఇవ్వండి సార్‌..! ప్లీజ్‌..! – బాషా పెరుగు ఫ్రిజ్‌లో నుంచి తీసి ఒక ఏడు రోజుల పాటు బయటపెట్టు! ‘వాట్‌ హ్యాపెండ్‌ టు యు సార్‌..???’ ఏంటి నీలాంబరీ అంతగా షాక్‌ తిన్నావ్‌??? ‘పెరుగు తీసి బయటపెట్టడం ఏంటి సార్‌???’ అప్పుడు బాషా పెరుగుతాడు!! ‘అబ్బా! ఈ తిక్క నేను భరించలేను సార్‌!’ అర్థం కాలేదా నీలూ?? ‘ఏంటి సార్‌ అర్థమయ్యేది? బాషా ఏమో అమ్మాయిని మరచిపోవడానికి చిట్కా చెప్పమంటే...’ చిట్కానే చెబుతున్నా కదా?? ‘ఏంటి సార్‌... పెరుగు ఫ్రిజ్‌లోంచి తీసి బయట పెట్టడమా ?’ అవును నీలూ... పెరుగును ఏడు రోజుల పాటు బయటపెడితే... ‘ఆ.. పెడితే!?!?’ పుల్ల..ల్ల..ల్ల..ల్ల..గా అయిపోతుంది! ‘అప్పుడు?!?’ దాన్ని తాగాలి నీలూ!! ‘సార్‌.....! మీకు దండం పెడతా! యాక్‌.. బ్యాక్‌.. అయిపోతారు సార్‌ అంత పులిసిన పెరుగు తింటే...!?’  అమ్మాయి పెళ్లయిపోయింది. భయ్యా ప్రేమించాడు. అయినా అమ్మాయి పెళ్లి ఇంకెవరితోనో అయిపోయింది. భయ్యా ప్రేమ కమ్మనిది. ఫ్రిజ్‌లో ఉన్న పెరుగు లాంటిది..! ‘అర్థమయ్యింది సార్‌.. మీరు మేధావి సార్‌..!! ఆ ప్రేమ బాషా చల్లటి ఫ్రిజ్‌ లాంటి గుండెలో నుంచి బయటికి వెళ్లిపోయింది. అలాంటి ప్రేమ పులిసిపోయిన పెరుగు లాంటిది. దాన్ని ఇంకా కావాలనుకోవడం పుల్లటి పెరుగు తాగాలనుకోవడమే..! వెంటనే పులిసిన ఆ ప్రేమను చెత్తలో పారెయ్యాలి.. జీవితానికి కొత్త ప్రేమను..’ తోడుగా తెచ్చుకోవాలి. ‘ఏది!! పెరుగు తోడేసుకోవడానికి తెచ్చుకున్న తోడు లాంటి ప్రేమను తెచ్చుకోవాలి. అంతే కానీ గతాన్ని గుర్తు చేసుకుని బాధ పడకూడదు.’ నువ్వు మేధావి నీలు..! పెరుగు నేనంటే.. కొత్త తోడు నువ్వు అన్నావు..! శభాష్‌!!

హాయ్‌ భయ్యా! నేను డిగ్రీ పూర్తి చేశాను. గ్రూప్స్‌కి చదువుతున్నా. తన పేరు ఆర్‌. నా చిన్నప్పటి క్లాస్‌ మేట్‌. బిటెక్‌ చేసి జాబ్‌ చేస్తోంది. మంచి అమ్మాయి. అందరితో ఫ్రీగా మాట్లాడుతుంది. కానీ వాళ్ల ఇంట్లో వాళ్లకి మాత్రం తనంటే ఇష్టం ఉండదు.  తను ఏం చేసినా తిడతారు. ఇప్పుడు పెళ్లి చేసి పంపేద్దాం అనుకుంటున్నారు. అయితే లవ్‌ ప్రపోజ్‌ చేసినప్పుడే ‘‘నేను నిన్ను పెళ్లి చేసుకుంటా’’ అని చెప్పా. ఒప్పుకుంది. జాబ్‌ రాగానే చేసుకుందాం అని ధైర్యం కూడా చెప్పింది. రోజులు మారాయి. ఇంట్లో పెళ్లి పిక్స్‌ చేశారు. అదేంటి అంటే ఇంట్లో ఒప్పుకోరు అంటుంది. ‘‘నువ్వు ఫ్రెండ్‌లానే ఉండు, నేను నీతో రోజు మాట్లాడతా, నీకు దూరంగా మాత్రం ఉండను, నాకు అన్నీ నువ్వే అంటోంది.’’ ‘‘అయితే పెళ్లి చేసుకుందాం నాకు జాబ్‌ లేకపోయినా.. ఏదో ఒకటి చేసుకుంటూ బతుకుదాం’’ అంటే వద్దంటోంది. పెళ్లిగానీ జరిగితే నీకు దూరంగా బతకలేను, చచ్చిపోతా అంటోంది. ‘‘నువ్వెందుకు చావడం? నేనే చస్తా’’ అంటే.. ‘‘వద్దు నా కోసం నీ లైఫ్‌ స్పాయిల్‌ చేసుకోవద్దు’’ అంటోంది. ఏం చెయ్యాలి భయ్యా?? అసలు ఈ అమ్మాయి ఏం చెయ్యాలనుకుంటుందో నాకేం అర్థం కావడం లేదు. – శ్రీధర్‌ ఇద్దరూ బతకాలి అనుకోవాలి..! ఎప్పుడూ ‘‘చస్తాం..! చద్దాం..!!’’ అంటూ ఉంటే ప్రేమను అవమానించినట్టే...!! అమ్మాయి దొరకలేదని కొట్టుకునే బదులు....‘ఏంటి సార్‌ ఈ సోది? మీరు కొంచెం ఓల్డ్‌ అయిపోయినట్టున్నారు. యంగ్‌గా అసలు మాట్లాడ్డం లేదు. ఇలా అయితే ‘‘లవ్‌ డాక్టర్‌’’ కాదు.. ‘‘లవ్‌ తాత’’ అని పిలుస్తారు!! సార్‌... సే సంథింగ్‌ యంగ్‌!!’ అమ్మాయి దొరకలేదు అని కొట్టుకునే బదులు.. అందమైన ప్రేమను చవిచూశానని.. ఆ మధురమైన ఎక్స్‌పీరియన్స్‌ లైఫ్‌ లాంగ్‌ ఎంజాయ్‌ చెయ్యాలి! కానీ, అమ్మాయి దొరకలేదని డల్‌ అయిపోతే ప్రేమ డొల్ల అయిపోతుంది. ‘ఇప్పుడు ఏం చెయ్యాలి సార్‌ శ్రీధర్‌?!’ అమ్మాయి ఆలోచనను గౌరవించాలి. పెళ్లి చేసుకుందాం రా అంటూ ప్రెషర్‌ పెట్టకూడదు. అమ్మాయి స్వేచ్ఛగా ఆలోచించే స్పేస్‌ ఇవ్వాలి. అమ్మాయి నిర్ణయాన్ని గౌరవించాలి. డోంట్‌ వర్రీ... నువ్వు ఏ నిర్ణయం తీసుకున్నా నేనూ, నా ప్రేమ నీకు తోడుగా ఉంటాయని చెప్పాలి. ఒకవేళ వేరే సంబంధం చేసుకుంటే.. మళ్లీ నాకు ఫోన్‌ చెయొద్దని చెప్పాలి. నువ్వు సుఖంగా ఉంటే చాలు.. నేను క్షేమంగా ఉంటానని’’ నీ ప్రేమ గొప్పతనాన్ని చాటి చెప్పుకోవాలి. యు షుడ్‌ బి హియర్‌ హీరో! ‘శ్రీధర్‌ గుండె నలిగిపోయింది. ప్రేమ.. పెళ్లిగా మారలేదని ముడుచుకుపోయింది. కానీ, ఇప్పుడు మీ మంచి అడ్వైజ్‌తో మళ్లీ శ్రీధర్‌ గుండె పువ్వులా వికసించి ప్రేమ పరిమళాన్ని విరజల్లుద్ది. గొప్ప మనస్సు ఉన్న గొప్ప ప్రేమికుడిగా మనమందరం శ్రీధర్‌కి లైఫ్‌లో బెస్ట్‌ విషెస్‌ ఇద్దాం. ఆల్‌ ది బెస్ట్‌!! – ప్రియదర్శిని రామ్‌ లవ్‌ డాక్టర్‌

హాయ్‌ సర్‌! నా ఫ్రెండ్‌ ఒక అబ్బాయిని ఆరేళ్లుగా లవ్‌ చేస్తోంది. ఆ అబ్బాయి కూడా లవ్‌ చేస్తున్నాడు. కానీ, వీళ్ల ప్రాబ్లమ్‌ ఏంటంటే.. ఆ అబ్బాయి ఈ అమ్మాయిని లవ్‌ చేస్తూ... చాలా మంది అమ్మాయితో అఫైర్స్‌ పెట్టుకున్నాడు. కానీ ఆ అబ్బాయిని నా ఫ్రెండ్‌ ఇంకా లవ్‌ చేస్తూనే ఉంది. ఎంత చెప్పినా వినడం లేదు అన్నయా! తను నా ఫ్రెండ్‌ దగ్గర మనీ కూడా తీసుకుంటాడు. అలా ఇవ్వద్దు అన్నా ఆమె వినదు. తాను పూర్తిగా మారానని నమ్మిస్తున్నాడు. ఎంత వరకు ఆ అబ్బాయిని నమ్మవచ్చు? ప్లీజ్‌... మీరే హెల్ప్‌ చెయ్యండి అన్నయ్యా! – దుర్గ తీసుకున్న ప్రేమను తిరిగి అందరికీ పంచుతున్నారు..! తీసుకున్న అప్పు ఎవరికీ తిరిగి ఇవ్వడం లేదు..! కానీ, అమ్మాయి మాత్రం అబ్బాయి చుట్టే తిరుగుతుంది..! పెద్ద తిరకాసు!!‘తిరిగి తిరిగి మీకు ఉత్తరం రాశారు.. పెద్ద తిరకాసు! సార్‌!!’ నాకు ఉత్తరం రాయడంలో తిరకాసు ఎక్కడుంది నీలూ? ‘సార్‌ మీకు ఛాన్స్‌ ఇస్తే అబ్బాయిలను తిట్టని తిట్టు తిప్పి తిప్పి తిడతారని తెలియక దుర్గ మీకు రాసింది. ఇక ఆన్సర్‌ మీరు చెప్పాల్సిన అవసరమే లేదు. మీ ఆన్సర్‌ నేను కూడా చెప్పగలను సార్‌!’చెప్పు నీలు...! ‘వద్దులే సార్‌ మీ ఉత్తరానికి మీరే చెప్పుకోండి!’ ప్రేమ పారేయు వాడు...అప్పు రిటర్న్‌ కట్టనోడు... లవర్‌ కాదు... గాడిద.. సుమతీ!! - ప్రియదర్శిని రామ్‌లవ్‌ డాక్టర్‌ lovedoctorram@sakshi.com

హాయ్‌ అన్నయ్యా! నేను డిగ్రీ పూర్తి చేశాను. లవ్‌ చేద్దామంటే.. ఒక్క అమ్మాయి కూడా వచ్చి ప్రపోజ్‌ చెయ్యడం లేదన్నయ్యా! అసలు అమ్మాయిలు వచ్చి మనల్ని ప్రపోజ్‌ చెయ్యాలంటే... ఏం చెయ్యాలి? ప్లీజ్‌ చెప్పు అన్నయ్యా!? లైఫ్‌ బోర్‌ కొట్టేస్తోంది. చదివీ చదివీ చిరాకు అనిపిస్తోంది. మా ఫ్రెండ్స్‌ అందరూ నీకు లవర్‌ లేదా అని ఏడిపిస్తున్నారు. ప్లీజ్‌ అన్నయ్యా మంచి సలహా ఇవ్వండి. – మురళి ఎందుకన్నయ్యా నీ గొయ్యి నువ్వే తవ్వుకుంటున్నావు? ప్రేమలో పడితే గూబ గుయ్యిమంటుంది...! హ్యాపీగా ఉన్నావు.. బుద్ధిగా చదువుకుంటున్నావు..! నాకొచ్చే ఉత్తరాలు చదువు..! కొడుకులు ప్రేమించి.... విలవిలాడిపోతున్నారు..! నువ్వు సుఖంగా ఉన్నావని చూడలేక.. నీ పీస్‌ ఆఫ్‌ మైండ్‌ను ఓర్వలేక... నీ హ్యాపీ లైఫ్‌కి జల్స్‌గా ఫీల్‌ అయ్యి... నిన్ను ప్రేమలోకి నెట్టాలనుకుంటున్న కుట్రను గుర్తించు..!! డ్రైనేజ్‌లో పడినా బయటకు రాగలవు! ప్రేమలో పడ్డావో.... గూబ గుయ్యిమంటుంది..! ‘సార్‌ తట్ట బుట్ట ఎత్తుకోండి..! దుకాణం మూసి పోదాం!!’ ఏంటి నీలూ అలా అన్నావు? ‘వాళ్లు ప్రేమలో పడకపోతే మన బిజినెస్‌ ఏం గానూ..???’ మనమంతా సెల్ఫిష్‌గా ఉండకూడదు నీలూ..! ‘పొండి సార్‌! సెల్ఫిష్‌.. బిజినెస్‌ పక్కన పెడితే... ప్రేమలేని జీవితం కూడా ఒక జీవితమేనా సార్‌? ఒట్టి అరటిపండు తింటూ కూర్చుంటే బోరు కొట్టదా సార్‌??’ మధ్యలో మన అరటిపండు ఎక్కడ నుంచి వచ్చింది నీలూ..? ‘ప్రేమ అన్న తోటలోంచి వచ్చింది సార్‌! మురళికి ఎవరైనా ప్రపోజ్‌ చేసే ఐడియా ఒకటి చెప్పండి సార్‌!’ మురళీ....! ఒక ఫ్లూట్‌ కొనుక్కో! కాలేజ్‌ సెంటర్‌లో నిలబడి వాయించు..! ఇక, గర్ల్సే గర్ల్స్‌!! ‘వెరీ బ్యాడ్‌ సార్‌.. మీరు ఫ్లూట్‌ వాయించుకోండి! ఇవాళ నో అరటిపండు!!’ – ప్రియదర్శిని రామ్‌ లవ్‌ డాక్టర్‌

హాయ్‌ సర్, నేను బీటెక్‌ ఫస్ట్‌ ఇయర్‌ చదువుతున్నాను. నేను టెన్త్‌ క్లాస్‌లో ఉన్నప్పుడు ఒక అమ్మాయిని లవ్‌ చేశాను. కానీ అది ఎట్రాక్షన్‌ అనుకుని తనకి చెప్పలేదు. ఇప్పటికి తనని చూడక త్రీ ఇయర్స్‌ అయ్యింది. తనని మరచిపోలేకపోతున్నా. నైట్‌ కలలోకి కూడా వస్తుంది. తనని ఎలాగైనా మరచిపోవాలి. ఏ పని మీదా ధ్యాస ఉండటం లేదు. సార్‌ చెప్పండి తనని ఎలా మరచిపోవాలి? చెప్పండి సార్‌ ప్లీజ్‌ ప్లీజ్‌ ప్లీజ్‌...! – శ్రీకాంత్‌ ‘సార్‌ ప్లీజ్‌ ప్లీజ్‌ ప్లీజ్‌...!’ ఏంటి నీలాంబరీ నీకసలు ప్లీజ్‌ అనే అలవాటే లేదు కదా!? ‘సార్‌.. సార్‌ ప్లీజ్‌.. ప్లీజ్‌.. ప్లీజ్‌...!’ అబ్బాయిని వెటకారం చెయ్యకుండా.... ‘సార్‌ ప్లీజ్‌.. ప్లీజ్‌...!’ శ్రీకాంత్‌ మీద జోకులు వెయ్యకుండా ఆన్సర్‌ చెప్పమంటావు!! అంతేనా?? ‘భలే కనిపెట్టారు ార్‌ మీరు..! నేను చెప్పకుండానే మీకు అర్థమయ్యిపోయింది.. ఎలా?’ ప్రేమికుల ప్రశ్నలు చదివీ చదివీ అన్నీ అర్థమయిపోతున్నాయి నీలూ...! ‘నేను నర్స్‌ని కదా సార్‌! నోరు జారి నన్ను కూడా ప్రేమికురాలు అంటున్నారా?’ నువ్వు అక్షరాలా ప్రేమికురాలివే నీలూ! ‘చెప్పండి చూద్దాం నేను ఎవరినీ ప్రేమిస్తున్నానో..?’ నువ్వు... ‘ఆ.. నేను..!!’ నీ వృత్తిని ప్రేమిస్తున్నావు నీలూ! ‘సార్‌ హాట్‌ పెనం మీద నీళ్లు పొయ్యమని నేను అడగడమే ఆలస్యం..! బకెట్‌ పోసేస్తారు.. వెరీ బ్యాడ్‌ సార్‌!!’ శ్రీకాంత్‌ ఇదీ విషయం.. మనకేవో ఊహలు ఉంటాయి... దాంట్లోనే జీవించాలనిపిస్తుంది. రోజూపడే కష్టాల నుంచి ఈ ఊహలు కొంచెం రిలీఫ్‌ ఇస్తాయి. అజ్ఞాతంగా ప్రేమించడం కూడా అలాంటిదే.! అది తప్పు కాదు...! చిన్నప్పుడు చిన్న చిన్న ఇష్టాలు.. కోరికలు ఉంటాయి..! పెద్దగా అయినాక కూడా అవి గుర్తుకొస్తుంటాయి. గుర్తు చేసుకుని నవ్వుకోవాలి. మనం కూడా ప్రేమించాం! అని థ్రిల్‌ ఫీల్‌ అవ్వాలి. ప్రేమ అంత సంతోషాన్ని కలిగిస్తుంది. అందరి జీవితంలో అలాంటి ఒక ప్రేమ ఉంటుంది. మౌనంగా, అందంగా ఆ జ్ఞాపకాలను తలచుకోవడంలో తప్పు లేదు. అది జీవితానికి అడ్డు అనుకోకూడదు. పార్ట్‌ ఆఫ్‌ లైఫ్‌. ఎంజాయ్‌ ది మెమోరీ! ‘సార్‌ ఎవరి ప్రేమను వాళ్లు మౌనంగా ఎంజాయ్‌ చేస్తుంటే మీరు అరటిపండును ఎంజాయ్‌ చేద్దామనుకుంటున్నారు కదా సార్‌..? మీరు ఎంత శాడిస్ట్‌ సార్‌! ఇలా సింగిల్‌గా ప్రేమించుకుంటూ ఉంటే లాభమేముంది సార్‌?’ దమ్ము ఉంటే ప్రేమించిన వాళ్లకు గౌరవంగా ప్రపోజ్‌ చెయ్యాలి. కాదు అంటే గౌరవంగా సింగిల్‌గా ప్రేమించుకుంటూ ఉండాలి. ప్రేమ ప్రేమికులకు, ప్రేమించిన వాళ్లకు సంతోషాన్ని ఇవ్వాలి కానీ, బాధను కలిగించకూడదు అని చెబుతున్నా...!! రాంగా??? ‘సార్‌ ప్రేమిస్తే అర్థమౌతుంది సార్‌...! మీకేం తెలుసు..?? ఇతరుల ప్రేమను క్యాష్‌ చేసుకుంటున్నారు. మీకేమి అర్థమౌతుంది సార్‌? తొక్కలో అరటిపండు తప్ప!!’ – ప్రియదర్శిని రామ్‌ లవ్‌ డాక్టర్‌

హాయ్‌ అన్నయ్యా! నేను ఒక అమ్మాయిని చాలా బాగా ప్రేమించాను. అమ్మాయి కూడా నన్ను ప్రేమించింది. వన్‌ ఇయర్‌ చాలా బాగున్నాం. ఉన్నట్టుండి తను నాతో మాట్లాడటం లేదు. నేను మాట్లాడదామని వెళ్లినా ముఖం తిప్పుకుంటోంది. ఆల్‌ రెడీ టూ ఇయర్స్‌ గడిచిపోయాయి. కానీ నా మనసు తననే ఇష్టపడుతుంది. అన్నయ్యా మంచి సలహా ఇవ్వండి ప్లీజ్‌! – ఆర్యన్‌ అయ్యో.. ఎంత బాధ అన్నా నీకు..? ఇన్నాళ్లు ప్రేమించి సడన్‌గా యు టర్న్‌ కొట్టింది..! నువ్వు లెఫ్ట్‌లో కనబడితే.. రైట్‌కి ముఖం తిప్పుకుంటుంది..! ‘నువ్వు రైట్‌లో కనబడితే లెఫ్ట్‌కి ముఖం తిప్పుకుంటుంది... ఏంటి సార్‌...? అక్కడ ఆర్యన్‌ గుండె పట్టుకుని విలవిలాడిపోతుంటే.. మీరు అంత క్యాజువల్‌గా... ఏదో గార్డెన్‌లో నడుస్తూ పిచ్చాపాటి మాట్లాడుకున్నట్టు... ‘‘ఓ.. ఓహో..’’ అన్న ధోరణిలో మాట్లాడుతుంటే ఏం కావాలి సార్‌ లవ్‌..? మీరు ఇదే ఫ్లోలో మాట్లాడితే.. మీ కంచంలో అరటిపండు పెట్టే లవ్‌ మిమ్మల్ని వదిలి ఇంకో కంచం చూసుకుంటుంది సార్‌..!’ ఏంటి నీలూ నువ్వేమైనా వదిలిపోతున్నావా!?! ‘సార్‌ నేనేమైనా ఆర్యన్‌ గర్ల్‌ ఫ్రెండ్‌నా సార్‌..?! వదిలిపోవడానికీ.. వదిలేసుకోవడానికీ..? ప్రేమ బాసలను తోసెయ్యడానికీ.. లవ్‌ ఫీలింగ్‌ని దులిపేసుకోవడానికీ.. ఐ యామ్‌ ఏ గుడ్‌ లవర్‌ సార్‌..! నాకు ప్రేమే ఊపిరి సార్‌..!! ఆర్యన్‌ లాంటి బాయ్‌ ఫ్రెండ్‌ నాకూ దొరికితే.....’ దొరికితే... నన్ను వదిలేసి పోతావా నీలూ..!!?!! ‘సార్‌ సెంట్‌మెంట్‌తో కొట్టకండి సార్‌.. వెళ్లిపోయేదాన్నయితే ఉండిపోయేదాన్నా సార్‌???’ అబ్బా ఏం కవిత్వం నీలూ..!! వెళ్లిపోయేదాన్నైతే ఉండిపోయేదాన్నా.. అద్భుతం..!! ‘భూతం లేదు..! దెయ్యం లేదు..!! నాకు బటర్‌ రాసే బదులు ఆర్యన్‌కి ఆయింట్‌మెంట్‌ రాస్తే అరటిపండు దొరుకుద్ది!!’ ఆర్యన్‌.. అరే... లవ్‌ అంటేనే మజా.. రిస్క్‌.. తెగింపు..! దొరుకుద్దని ప్రేమిస్తే అది ప్రేమే కాదు..! ప్రేమిస్తే అదే దొరుకుద్ది..!! అంతకంటే గొప్ప ప్రేమ దొరుకుద్ది..!! ఒక లవ్‌ స్టేషన్‌లో దిగి ఊరు నచ్చకపోతే.. మళ్లీ ట్రెయిన్‌ ఎక్కెయ్యాలి..! జిందగీ ఒక్కసారే దొరుకుద్ది! ప్రేమ వంద సార్లు...!! ‘సార్‌ పోయెట్రీ మీది సార్‌..! ఇంద ఇంద తీసుకో! అరటిపండు సొంతం చేసుకో...!!’ – ప్రియదర్శిని రామ్‌ లవ్‌ డాక్టర్‌

హాయ్‌ అన్నయ్యా! నేను ఒక అమ్మాయిని ప్రేమిస్తున్నా. తనూ నన్ను ప్రేమిస్తోంది. కానీ, కొన్ని రోజుల క్రితం ‘‘ఇదంతా వద్దురా! ఫ్రెండ్స్‌లా ఉందాం!! సెటిల్‌ అయ్యాకా చేసుకుందాం!!’’ అంది. నేను ఓకే అన్నాను కానీ, ఈ మధ్య తన ప్రవర్తనలో చాలా మార్పు కనిపిస్తోంది. తను నన్ను వదిలేస్తుందేమో అని భయంగా ఉందన్నయ్యా. ఏం చెయ్యమంటారు..?? తనంటే నాకు ప్రాణం. ఏదైనా మంచి సలహా ఇవ్వండి ప్లీజ్‌. – మనోహర్‌ బాబు ప్రేమ అంటేనే ప్రాణం! ప్రేమించిన అమ్మాయి మారిపోతుందేమో అన్నది చాలా టెన్షన్‌ క్రియేట్‌ చేస్తుంది. లైఫ్‌ అంతా పెంటపెంటగా అనిపిస్తుంది! కూర్చున్న చోటున కూర్చోనివ్వదు! పడుకుంటే నిద్ర రాదు! అన్నం సహించదు! ఎప్పుడూ.. ఫ్యూచర్‌ ఏమవుతుందోనన్న భయం పట్టుకుంటుంది...! హైబత్‌ హైబత్‌ అనిపిస్తుంది..! ‘హైబత్‌ హైబత్‌ అంటే ఏంటి సార్‌!?!’anxiety  ‘తెలుగులో చెబుతారా సార్‌?’ గుండె దడగా అనిపిస్తుంది! ‘ఓహో.. అలాగా... మరి ఇప్పుడు మనోహర్‌ ఏం చెయ్యాలి సార్‌?’ డౌట్స్‌ మానేసి.. అమ్మాయిని నమ్మాలి! ‘ఆ అమ్మాయి ఏదో తెడ్డు చూపించేలానే ఉంది సార్‌!’ ఎలా తెలుసు నీకు..? ‘ముందు లవ్‌లో ఉంది! తరువాత ఏందో... ఈ అబ్బాయితోనా లవ్‌!? అన్నట్లు అనిపిస్తోంది. తనకు ఇంతకంటే మంచి మ్యాచ్‌ దొరుకుతుందనుకుందేమో అనిపిస్తోంది సార్‌!’ ఆపుతావా..! అక్కడ మనోహర్‌ హైబత్‌ హైబత్‌ అవుతాడు! ‘సార్‌ నిజం చెప్పుకోకపోతే ఎలా సార్‌?? అనవసరంగా హోప్స్‌ పెట్టుకుని కూర్చుంటే.. రేపు బై ఛాన్స్‌... ఆ అమ్మాయి హ్యాడ్‌ ఇస్తే నా ఫ్రెండ్‌ అనవసరంగా డిప్రెస్‌ అయిపోతాడు సార్‌!’ అవును! నిజమే...!! చాలా కష్టంగా అనిపిస్తుంది..! అలా అని... మన శక్తి మనం కోల్పోకూడదు! మనోహర్‌ షుడ్‌ బీ స్ట్రాంగ్‌. లైఫ్‌లో లవ్‌ని ఒక ప్రాసెస్‌గా యాక్సెప్ట్‌ చేసుకోవాలి. లవ్‌ని మనం ఇవ్వాలి. అమ్మాయి ఏ కారణం వల్లైనా ప్రేమ రిటర్న్‌ చెయ్యకపోతే.. మనోహర్‌ కంటే తానే ఎక్కువ నష్టపోతుంది. ‘ఎలా నష్టపోతుంది సార్‌?’ ప్రాణంలా చూసుకునే మనోహర్‌... వరల్డ్‌ అంతా వెతికినా దొరకడు! ‘అవును సార్‌ ఇలాంటి ప్రేమికుడు చాలా రేర్‌... మనోహర్‌ స్ట్రాంగ్‌గా ఉండాలి.. ఇచ్చిన ప్రేమ... పుచ్చుకునే ప్రేమ కంటే గొప్పదని తెలుసుకోవాలి.’

హలో బ్రో...! నా ఫ్రెండ్‌ ఒక అమ్మాయిని లవ్‌ చేస్తున్నాడు. ఆ అమ్మాయి కూడా వాడిని లవ్‌ చేసింది. కానీ ఇప్పుడు ‘‘నువ్వంటే నాకు ఇష్టం లేదు’’ అంటోంది. కలిసిన ఫోర్‌ మంత్స్‌లోనే ‘‘నువ్వంటే నా ప్రాణం, నువ్వు లేకపోతే నేను ఉండలేను. మా ఫ్యామిలీ కంటే నువ్వే ఎక్కువ’’ అన్న అమ్మాయి... ఫోర్‌ మంత్స్‌ తరువాత ‘‘నువ్వు నాకు అవసరం లేదు’’ అని చెప్తోంది.? లవ్‌ అంటే ఫోర్‌ మంత్స్‌లోనే అర్థమైపోతుందా?? ఇప్పుడు అమ్మాయిలు అన్నీ ఆలోచించి.. ఎలాంటి వాడు అని స్టడీ చేసి లవ్‌ చేస్తున్నారు. వాళ్లని నమ్మి.. ఫేక్‌ లవ్స్‌ చేసి.. లైఫ్‌ని పాడు చేసుకుంటున్నారు చాలామంది. బనానాలతో కాకుండా ఆన్సర్‌ చెప్పండి. హాయ్‌ నీలాంబరి గారూ..! ఐ యామ్‌ బిగ్‌ ఫ్యాన్‌ ఆఫ్‌ యు!! – రసూల్‌ నువ్వే ఆన్సర్‌ చెప్పు నీలాంబరీ...! ‘సార్‌ మీరు అంతగా ఫీల్‌ అవ్వకండి. నాకు ఫ్యాన్స్‌ లేరు సార్‌. అంతా మీ ఫ్యాన్సే!! ఊరికే ఉడికించడానికీ.. మిమ్మల్ని ఆట పట్టించడానికీ.. కొంచెం ఏడిపించడానికీ.. కొంచెం గిల్లి చూడటానికీ.. కొంచెం తోలు వల్చడానికీ..’ నీలాంబరీ...!! ‘ఊరికే సార్‌ జోక్‌ చేస్తున్నాడు..! మీరే చెప్పండి సార్‌...!! అమ్మాయిలు ఇలా మోసం చేస్తే అబ్బాయిలు ఏమి కావాలి సార్‌..? వాళ్ల హార్ట్‌ ఎన్ని ముక్కలు అవుతుంది సార్‌..? టైమ్‌ ఎంత వేస్ట్‌ అవుతుంది సార్‌..?? డబ్బు ఎంత దుబారా అవుతుంది సార్‌..? లైఫ్‌ ఎంత టెన్షన్‌ అవుతుంది సార్‌..? అసలు అమ్మాయిలకు ఈ పొగరేంటి సార్‌..? వాళ్లు అందంగా ఉంటారనా.. లేక అబ్బాయిలకు వేరే ఛాయిస్‌ లేదనా..? అయినా ఇలా జీవితాలతో ఆడుకుంటే ఎలా సార్‌..?’ నీలాంబరీ...!! ‘ఎందుకు సార్‌ అంత కోపం..? రసూల్‌ చెబుతున్నది నిజం కాదా సార్‌..!?! కాలు వచ్చి తొక్క మీద పడ్డా.. తొక్క వచ్చి కాలు కింద పడ్డా.. హార్ట్‌ బ్రేక్‌ అయ్యేది అబ్బాయిలకే కదా సార్‌..?? ఎట్లీస్ట్‌ ఎక్కువ శాతం లవ్‌ ఫెయిల్యూర్‌ కేసులు బాయ్సే కదా సార్‌..??’ రసూల్‌ భాయ్‌...! మీ ఫ్రెండ్‌కు చెప్పు నీలాంబరికి లెటర్‌ రాయమని..!! ఈవిడ నన్ను అసలు ఆన్సర్‌ చెప్పనీయడం లేదు..! ‘సారీ సార్‌ చెప్పండి.. అరటి గెల ఇస్తా!! ఏం చెబుతారో నాకు చాలా ఇంట్రెస్ట్‌గా ఉంది సార్‌!’ పడే దాకా లవ్‌ అనిపిస్తుంది. ఎందుకంటే ఒకరినొకరు దూరంగా చూసుకుంటారు కదా!! ఫుల్‌ మూన్‌లా అనిపిస్తారు ఒకరికొకరు..!! మూన్‌ మీద ల్యాన్డ్‌ అయితే కానీ తెలియదు.. అక్కడ విషయం లేదని!! అలా ఫోర్‌ మంత్స్‌లో అమ్మాయికి తెలిసిపోయింది. ఈ స్వయం ప్రకాశం లేని చంద్రుడు దూరంగా ఉంటేనే బాగుంటాడని!! ప్రేమ, ఆకర్షణ, టీనేజ్‌ అనుబంధాల్లోని అయోమయం మిమ్మల్ని గందరగోళపరుస్తుంటే  ప్లీజ్‌ ఈ అడ్రస్‌కు మాత్రం అస్సలు రాయకండి. లవ్‌ డాక్టర్, సాక్షి ఫ్యామిలీ, సాక్షి టవర్స్,  రోడ్‌ నంబర్‌ 1, బంజారాహిల్స్, హైదరాబాద్‌–34.  lovedoctorram@sakshi.com

హాయ్‌ సార్, నేను మీ అభిమానిని. మీ ప్రతి మాటనీ ఫాలో అవుతా. నేనొక అమ్మాయిని ప్రేమించా. ప్రేమించేలా చేసింది తనే. నాకు తెలీకుండానే తను నా జీవితం అయిపోయింది. నా ప్రతి ఆలోచన తానే. తనకి ఫోన్‌ చేస్తే గంటల తరబడి ఎంగేజ్‌ వచ్చేది. ఆ క్షణంలో తను వేరెవరితోనో మాట్లాడుతుం అనే భావన కూడా తట్టుకోలేకపోయేవాణ్ని. అది తాను అనుమానమంటూ నిందించేది. తాను నాతోనే ఎల్లప్పుడూ ఉండాలని కోరుకునేవాణ్ని. బట్‌ తాను నాతో మొత్తానికే మాట్లాడటం మానేసింది. నేను మాత్రం ఈ నరకం భరించలేకపోతున్నా. బతికేందుకు తాను లేదు. చచ్చేందుకు ధైర్యం లేదు. నాది ప్రేమకాదా? – వర్ధన్‌ నీది హండ్రెడ్‌ పర్సెంట్‌ లవ్‌!! అమోఘమైన లవ్‌!! అనిర్వచనీయమైన లవ్‌!! ఆకాశమంత ఎల్తైన లవ్‌!! భూలోకమంత సహనమున్న లవ్‌!! ‘సముద్రమంత డీప్‌ లవ్‌..!! ఏంటి సార్‌ అక్కడ అబ్బాయి సమాధానం అడుగుతుంటే.. ప్రకృతి క్లాస్‌ చెబుతున్నారు....??? ఫైనల్లీ మీరు చెప్పేదేంటో నాకు ఆల్‌ రెడీ తెలుసు...!! చదువుతున్న పాఠకులకు కూడా తెలుసు...!! వర్ధన్‌కి కంపల్సరీగా తెలుసు.. సార్‌!!’సరే.. నేను ఇక్కడితో ఆపేస్తా! ‘ఆపేస్తే.. నేను అరటిపండు ఆపేస్తా సార్‌!’ ఏంటి నీలూ... ఈ బ్లాక్‌ మెయిల్‌ టెక్నిక్‌..? ‘క్వశ్చన్‌కి స్ట్రైట్‌గా ఆన్సర్‌ చెప్పండి సార్‌...!’ అవునూ...!? నాకు తెలుసు.. వాళ్లకీ తెలుసు.. వీళ్లకు తెలుసు.. అన్నావుగా.... ఏం తెలుసు నీలూ..!?! ‘అమ్మాయిని వదిలేసి హ్యాపీగా ఉండరా గురుడా...! అని చెబుతారని తెలుసు!!’ హు.. హు.. హు.. ఇక్కడే నువ్వు తొక్కమీద కాలేసావు నీలూ.. యు హేవ్‌ స్లిప్డ్‌ ఆన్‌ యువర్‌ ఓన్‌ తొక్కా..! ‘సరే సార్‌ నేను స్లిప్డ్‌.. మీరు నోరు జారకుండా చూసుకోండి సార్‌!’ ప్రేమను అనుమానం అన్నది! నువ్వు ఫోన్‌ కొడుతుంటే.. ఆమె ఫోన్‌ ఎంగేజ్‌లో పెట్టింది!! నువ్వు వద్దన్నా నిన్ను ప్రేమలో పడేసింది!! ఇప్పుడు బయట పడేసింది!! నిన్ను ఆట ఆడేసుకుంది!! మరి ఇప్పుడు నువ్వు గేమ్‌ షురూ చెయ్యాలి! ‘పడి ముక్కు మూతి పగలకొట్టుకున్నోడు ఏమి స్టార్ట్‌ చేస్తాడు సార్‌ గేమ్‌..? తొక్కలో ప్రేమ.. జీవితం కంటే గొప్పదా..? నా మాట విను వర్ధన్‌..! లైఫ్‌లో ఎన్నో ఛాన్స్‌లు వస్తాయి..! అప్పుడు ప్రేమించు..! నిన్ను తొక్కలా చూసే అమ్మాయిని నీవు అసలు పట్టించుకోవద్దు..! బ్రేక్‌ అవే ఫ్రమ్‌ దిస్‌ ట్రాప్‌..!! బీ హ్యాపీ.. వర్ధన్‌..! ఏమంటారు సార్‌?’ నేను ఇలా చెబుతానని క్లాస్‌ పీకి... నువ్వే చెప్పేసావా నీలూ..? నీ హార్ట్‌ గోల్డ్‌..!! ప్రేమలో ఎవ్వరూ ఫూల్‌ కాకూడదు. హీరోలే కావాలి. శహభాష్‌ నీలూ..! ఇదిగో అరటిపండు నీకోసం..!! – ప్రియదర్శిని రామ్‌ లవ్‌ డాక్టర్‌

హాయ్‌ అన్నయ్యా! నేను ఒక అబ్బాయిని లవ్‌ చేశాను. తను మా సీనియర్‌. తను కూడా నన్ను లవ్‌ చేశాడు. ఇద్దరికీ మంచి జాబ్స్‌. పేరెంట్స్‌ కూడా పెళ్లికి ఒప్పుకున్నారు. ప్రాబ్లమ్‌ ఏంటంటే.. తను నాకంటే ముందు ఒక అమ్మాయిని లవ్‌ చేశాడు. కానీ, ఆ అమ్మాయికి పెళ్లి అయిపోయింది. తనతో అప్పుడప్పుడూ మాట్లాడుతుంటాడు. ఇప్పటికీ తనంటే ఇష్టమని చెబుతుంటాడు. ఆ అమ్మాయితో మాట్లాడటం నాకు నచ్చడం లేదు. ఇదే విషయం తనకి చెబితే... ‘‘తను నా ఫస్ట్‌ లవ్‌. నేను మరిచిపోలేను. తను నా లైఫ్‌లో ఎప్పటికీ ఉంటుంది. తను ఉండకూడదు అనుకుంటే నువ్వే వెళ్లిపో’’ అని తెగేసి చెప్పాడు. ఇప్పుడున్న నాకంటే వెళ్లిపోయిన ఆ అమ్మాయినే ఎక్కువ ఇష్టపడుతున్నాడు. కొన్నిసార్లు ‘‘నువ్వు నాకు నచ్చలేదు’’ అని చెబుతాడు. ఇప్పుడు పెళ్లి కూడా ఫిక్స్‌ అయిపోయింది. ఇప్పటికీ ఆ అమ్మాయిని ఇష్టపడుతుంటే తనని నా లైఫ్‌లోకి మనస్ఫూర్తిగా అంగీకరించలేకపోతున్నా. వద్దు అని తప్పుకోలేకపోతున్నా. ఏం చెయ్యాలో సలహా ఇవ్వండి అన్నయ్యా ప్లీజ్‌. ఒకవేళ పెళ్లి చేసుకుంటే నేనంటే ఇష్టంలేని వాడిని పెళ్లి చేసుకున్నానని జీవితాంతం బాధపడుతూ ఉండాలి. వద్దు అనుకుంటే.. అమ్మవాళ్లకి ఏం చెప్పాలో అర్థం కావడంలేదు. – మోనిక అమ్మవాళ్లకు చెప్పలేకపోతున్నావు కాబట్టి.. బురదలో దొర్లుతావా? మూర్ఖత్వం కాదూ!! ఒక పెళ్లి అయిపోయిన అమ్మాయి జీవితంలోకి మళ్లీ ఎంటర్‌ అవ్వడమే తప్పు. ఆ అమ్మాయి లైఫ్‌ పాడవడమే కాకుండా... నీ లైఫ్‌ కూడా చెత్త చేస్తున్నాడు..! వాడొక మెంటల్‌ కేస్‌..! వాడికి ప్రేమ లేదు..! పిచ్చి ఉంది..! నా మాట విని పెళ్లయిపోయిన అమ్మాయితో ఒకసారి మాట్లాడు! లైఫ్‌ పాడు చేసుకోవద్దని అడ్వైజ్‌ ఇవ్వు! ఇంకొకరికి ఇచ్చిన అడ్వైజ్‌ నువ్వు కూడా ఫాలో అవ్వు! లీవ్‌ ది క్రీప్‌. అండ్‌ బీ హ్యాపీ!! ‘వాడి ప్రేమ కాంప్లికేటెడ్‌ అయినా మోనికా లవ్‌ ఫ్యూర్‌ కదాసార్‌..? ఎలా అంత ఈజీగా వదిలేసుకోవడం??’ లైఫ్‌ అంతా ఇలాగే ఉంటుంది! డౌట్లో, ఫియర్లో.. కుంగిపోతుంది!! ఎందుకు చేసుకున్నాను ఇలాంటి మనిషిని అని రిగ్రెట్‌ చేస్తుంది!! దానికంటే ‘ఛీ’ అనేస్తే లైఫ్‌ బాగుంటుంది. వద్దు మోనికా... డోంట్‌ స్పాయిల్‌ యువర్‌ లైఫ్‌!! – ప్రియదర్శిని రామ్‌ లవ్‌ డాక్టర్‌

హాయ్‌ అన్నయ్యా!! నేను, ఒక అబ్బాయి గత ఫోర్‌ ఇయర్స్‌గా లవ్‌ చేసుకుంటున్నాం. పెళ్లి చేసుకుంటామని ఇంట్లో కూడా చెప్పాం. కానీ మా పేరెంట్స్‌ ఒప్పుకోవడం లేదు. మా ఇద్దరి నేపథ్యాలు వేరుకావడమే వాళ్లకు పెద్ద సమస్య. తనేమో ‘‘ఎలాగైనా ఒప్పించు.. మాట్లాడు’’ అంటున్నాడు. తను కూడా మా వాళ్లను ఒప్పించేందుకు ప్రయత్నిస్తూనే ఉన్నాడు. అయినా ఒప్పుకోవడం లేదు. దాంతో మా ఫ్రెండ్స్‌ ‘‘ఇంట్లోంచి వచ్చి పెళ్లి చేసుకోండి. కొన్ని రోజులకు వాళ్లే అర్థం చేసుకుంటారులే’’ అంటున్నారు. కానీ నాకు అలా రావడం ఇష్టం లేదన్నయ్యా. నా పేరెంట్స్‌ కూడా నా జీవితంలో ఓ భాగమే. అలా అని వాళ్లు చెప్పిన వ్యక్తిని చేసుకుని నా ప్రేమని వదులుకోలేను. చచ్చిపోవాలనిపిస్తోంది ఇదంతా ఆలోచిస్తుంటే. ఏమైనా సలహా చెప్పండి ప్లీజ్‌? – అనన్య బంగారం.. తొందరెందుకూ! ఇది జీవితం రా..! టైమ్‌ తీసుకోవాలి...!! ‘అవును.. అబ్బాయిని వదిలెయ్యాలి.. అదే కదా సార్‌ మీరు చెప్పేది..!?! ఎన్ని ఆశలతో మీకు రాస్తారు.. మీరేమో బ్రెయిన్‌ వాష్‌ చేసి.. ప్రేమ, పెళ్లి అన్నీ ఆపేస్తూ ఉంటారు.. ‘‘తొందరేముంది బంగారం....’’ అని రాంగ్‌ రూట్‌లో పెట్టి అమ్మాయిని అబ్బాయికి దూరం చేసే ప్లాన్‌ కదా సార్‌ మీది...!? యు ఆర్‌ ది ఎనిమీ ఆఫ్‌ లవ్‌ సార్‌!!’ ఎన్నేసి మాటలంటున్నావు నీలూ...? నా లాంటి గుడ్‌ హార్ట్‌ని అన్నేసి మాటలంటే నువ్వే బ్యాడ్‌ అయిపోతావు!!‘గుడ్డు హార్ట్‌ అంట డ్యాష్‌ గుడ్డు హార్ట్‌..!? చెప్పండి సార్‌... ఏమి చెబుతారో అనన్యకు!! ప్రేమ వద్దు అని చెప్పారో... అరటిపండు వద్దని నేను చెబుతా..!’ తొందరేముంది బంగారం.. నువ్వు మేలిమి బంగారం.. ఇన్ని రోజులు నిన్ను ప్రేమగా పెంచుకున్న తల్లిదండ్రులను నువ్వు గౌరవించడం నాకు చాలా నచ్చింది. యు ఆర్‌ ఎ స్వీట్‌ హార్ట్‌ సిస్టర్‌. అబ్బాయి మంచోడే. ఎందుకంటే తాను కూడా నీ పేరెంట్స్‌ని కన్విన్స్‌ చెయ్యడానికి ట్రై చేస్తున్నాడు. మీ ఇద్దరి మంచితనమే మీ పేరెంట్స్‌ని మార్చుద్ది. అమ్మానాన్నలతో వీలయినప్పుడల్లా నీ ప్రేమ గురించి మాట్లాడు. డోంట్‌ షై అవే! నీలో నువ్వు కుమిలిపోకు!! నీ బాధను తల్లిదండ్రులతో కంటిన్యూయెస్‌గా డిస్కస్‌ చెయ్యి. ముందు కొంచెం కోప్పడతారు. ఆ తరువాత విసుక్కుంటారు. ఆ తరువాత నీ చేత మారాం చేయిస్తారు. కానీ కూతురు సంతోషాన్ని మించింది వాళ్లకు ఏదీ లేదు. కులం.. హోదా.. పరపతి.. అన్నీ ఉండి పిల్ల సంతోషంగా లేకపోతే పేరెంట్స్‌ హ్యాపీగా ఉంటారా?? ఏ మాత్రం ఉండరు!! ప్రపంచాన్ని గెలిచే ముందు మీ ప్రేమ విషయంలో ముందు మీ పేరెంట్స్‌ని గెలవండి. ఐ యామ్‌ ష్యూర్‌ యు విల్‌ సక్సీడ్‌. డోన్ట్‌ గివ్‌ అప్‌ లవ్‌. డోన్ట్‌ గివ్‌ అప్‌ పేరెంట్స్‌.. లవ్‌ యూ తల్లీ. ఆల్‌ ది బెస్ట్‌!! ‘సార్‌ టేక్‌ టూ అరటిపండ్లు.. సార్‌.. యు ఆర్‌ లవ్లీ!!’ – ప్రియదర్శిని రామ్‌ లవ్‌ డాక్టర్‌

హలో సార్‌! నేను గాయిత్రి అనే అమ్మాయిని లవ్‌ చేస్తున్నా. ఈ విషయం మా ఇంట్లో తెలిసి.. మా అత్త కూతురితో నాకు ఎంగేజ్‌మెంట్‌ చేసేశారు. కానీ ఎంత ట్రై చేసినా నేను లవ్‌ చేసిన అమ్మాయిని మరిచిపోలేకపోతున్నా. దాంతో మేము అప్పుడప్పుడూ బయట కలుస్తున్నాం. చివరికి మా విషయం వాళ్ల ఇంట్లో కూడా తెలిసిపోయింది. అయినా వీలున్నప్పుడు కాల్‌ చేసి.. ‘సినిమాకైనా వెళ్దాం’ అంటోంది. నేను తనని అవాయిడ్‌ చెయ్యలేకపోతున్నా. ‘నీకు మ్యారేజ్‌ అయ్యేదాకానే నేను బతికి ఉండేది’ అంటోంది. అవాయిడ్‌ చేస్తే ఇప్పుడే ఏమైనా చేసుకుంటుందేమోనని భయపడుతున్నా. ప్లీజ్‌ ఏదైనా సొల్యూషన్‌  చెప్పండి సార్‌. మీ సమాధానంలో బనానా కానీ.. మరి ఏ ఇతర పండును యూజ్‌ చేయకండి ప్లీజ్‌. – గోపీనాథ్‌ గోపీ పేరు పెట్టుకుని నువ్వు పేరుకు తగ్గట్టు చేస్తే ఎలా బ్రో!? ‘ఏం  చేశాడు సార్‌..???’ ఎంగేజ్‌మెంట్‌ చేసుకుని గర్ల్‌ ఫ్రెండ్‌తో చక్కర్లు కొడుతున్నాడు! ‘సార్‌.. యు ఆర్‌ సో రాంగ్‌ సార్‌!’ ఏంటి నీలూ...! నేను రాంగ్‌.. గోపీ రైట్‌.. అంటున్నావు? ‘గోపీ ఏది చేసినా అమ్మాయికోసం చేస్తున్నాడు సార్‌!’ తన కోసం కాదా? ‘వెటకారం వద్దు సార్‌.. మీరేమనదల్చుకున్నారో ఓపెన్‌గా చెప్పండి సార్‌!’ మనోడు ఇంకా లవ్‌లో ఉన్నాడా లేదా? ‘ఉన్నాడు సార్‌ కానీ..’ కానీ లేదు... మురిగిపోయిన పానీ లేదు.. గోపీ ఈజ్‌ చీటింగ్‌! ‘సార్‌ ఎంత మాట అనేశారు సార్‌.. అమ్మాయికి ఆపద కలగకూడదని శాక్రిఫైజ్‌ చేస్తున్నాడు సార్‌!’శాక్రిఫైజ్‌ లేదు గాడిద గుడ్డు లేదు! ‘సార్‌ వెరీ బ్యాడ్‌ సార్‌. గోపీని అనుమానించడం వెరీ సాడ్‌ సార్‌!’ ప్రేమించే వాడు మరదలితో ఎంగేజ్‌మెంట్‌కి ఎందుకు ఒప్పుకున్నాడు? ‘లేకపోతే ఇంట్లో తాట తీస్తారు కదా సార్‌!?’ తాట తీస్తారన్న భయం ఉంటే తీట మానుకోవాలి! ‘మరి అమ్మాయి ఏమయిపోతుంది సార్‌!?’ అమ్మాయి ఆల్‌రెడీ అన్యాయం అయిపోయింది నీలూ! ‘అదెలా సార్‌?’ ఎంగేజ్‌మెంట్‌ చేసుకున్న రోజే అమ్మాయి అర్థం చేసుకోవాల్సింది గోపీతో వర్కౌట్‌ కాదని! ‘మరి ఇప్పుడు ఏం చెయ్యాలి సార్‌?’ గోపీ తన మరదలికీ.. వాళ్ల పేరెంట్స్‌కీ.. విషయం చెప్పెయ్యాలి! ‘అప్పుడు ఇంట్లో వాళ్లు, అత్తింటివాళ్లు కలిసి తాట తీస్తారు కదా సార్‌?’ తీట, తాట, టాటా లైఫ్‌లో భాగం. ధైర్యం ఉన్నవాడు తన సుఖం కన్నా ఇతరుల సంతోషం కోరుకోవాలి. అలా ప్రవర్తించాలి. ఆలోచిస్తే... గోపీకే అర్థం అవుతుంది. గోíపీ మంచివాడు..! ‘కానీ, అరటిపండు తినడు.. సార్‌’ అని నవ్వింది నీలు! – ప్రియదర్శిని రామ్‌ లవ్‌ డాక్టర్‌

హాయ్‌ సార్‌! నేను ఐదేళ్లుగా ఒకమ్మాయిని ప్రేమిస్తున్నాను. ఆ అమ్మాయి కూడా నన్ను ప్రేమిస్తోంది. అయితే చిన్న చిన్న గొడవలు వస్తే కొన్ని రోజులు మాట్లాడుకోము. ఆ అమ్మాయి స్టడీస్‌ కోసం వేరే ఊరిలో హాస్టల్‌కు వెళ్లింది. అక్కడికి వెళ్లిన తర్వాత కాల్‌ చేయడం లేదు, కానీ అప్పుడు కూడా నన్ను లవ్‌ చేస్తోంది. ఇలా ఆరు నెలలు గడిచాయి. హాలిడేస్‌కి ఇంటికి వచ్చాక కూడా కాల్‌ చేయలేదు. మాట్లాడలేదు, అస్సలు చూడలేదు. ఏం జరిగిందో కూడా చెప్పలేదు. తనని పెళ్లి చేసుకోవాలని ఉంది. కానీ తను నన్ను అవాయిడ్‌ చేస్తున్నట్లు అనిపిస్తోంది. నేను ఏం చేయాలో అర్థం కావడం లేదు. ప్లీజ్‌ ఏదయినా సొల్యూషన్‌ చెప్పండి సార్‌. – సూర్యప్రకాశ్‌ ‘సార్‌! నాకు అర్థం కాక అడుగుతున్నాను..’ నీలాంబరీ! నీకు అర్థం కానిది ఏదీ ఉండదు అయినా అడుగుతావు. ‘అంటే... తెలిసి కూడా అడుగుతానా సార్‌’ అవును నీలూ! నువ్వు చాలా ఇంటలిజెంట్‌. ‘మీరు ఎటకారంగా మాట్లాడి నన్ను హర్ట్‌ చేస్తున్నారు సార్‌’ హర్ట్‌ కాదు గ్రేట్‌ అని చెబుతున్నాను. ‘ఏది సార్‌ ఒక ఎగ్జాంపుల్‌ చెప్పండి సార్‌... నేను తెలిసి కూడా అడిగింది’ ఒక గెలలో ఎన్ని అరటి పండ్లు ఉంటాయో నువ్వు తప్ప ఇంకెవరైనా చెప్పగలరా నీలూ? ‘కరెక్ట్‌ సార్‌... అయినా అర్థం కాక ఒక విషయం అడుగుతా సార్‌’ సరే కానీ. ‘ఇప్పుడు సూర్యప్రకాశ్‌ ప్రాబ్లమ్‌కి ఆన్సర్‌ చెబితే పేపర్‌ చదివేవాళ్లు ఎందుకు చదువుతారు సార్‌... వాళ్లకేమిటి ఇంటరెస్ట్‌’? లవ్‌ అమ్మా!... లవ్‌. మనకు ఉన్న లవ్‌... లేవి లవ్‌... ఉంటే బాగుణ్ను లాంటి లవ్‌.. అయ్యే లేకపోయిందే...లాంటి లవ్‌... మంచి లవ్, కొంటె లవ్, పెంట లవ్‌. ఇది అందరికీ ఇంట్రెస్ట్‌. మన లైఫ్‌లో లేనిది ఇంకొకరికి ఉన్నా లేకపోయినా తెలుసుకోవాలన్న దూల.. లవ్‌. ‘అబ్బ! ఏమి చెప్పారు సార్‌! ఇప్పుడు సూర్యప్రకాశ్‌కి చెప్పండి సార్‌’ అన్నా నీకు ఫైవ్‌ ఇయర్స్‌ పట్టినా అమ్మాయి మనసులో ఏముందో అర్థం కాలేదు. అమ్మాయికి సిక్స్‌ మంత్స్‌లో అర్థమైపోయింది నువ్వు కరెక్ట్‌ కాదని. ‘ఇదేంటి సార్, ‘దూరం’ ప్రేమను పెంచుతుందంటారు కదా సార్‌?’ దూరం అబ్బాయి ప్రేమను పెంచింది... అమ్మాయి ప్రేమను తెంచింది. ‘అలా ఎలా సార్, నేనొప్పుకోను. ఇద్దరూ ఫైవ్‌ ఇయర్స్‌ లవ్‌ చేసుకున్నారు కదా! ఇద్దరికీ సేమ్‌ సేమ్‌ అవ్వాలి కదా సార్‌?’ అర్థం చేసుకోవడానికి దూరం అవసరమే. కొండను చూడాలంటే లోయలో నిలబడాలి. లోయను చూడాలంటే కొండపై నిలబడాలి ‘అమ్మాయి కొండ, అబ్బాయి లోయ అంటున్నారా సార్‌’ అబ్బాయి ప్రేమ గొప్పది కాబట్టి అమ్మాయి కొండలా కనబడుతోంది. ‘అంటే అమ్మాయి ప్రేమ గొప్పది కాదా సార్‌?’ అమ్మాయి ప్రేమ కొంచెం ప్రాక్టికల్‌ అనిపిస్తోంది. ‘ఇప్పుడు సూర్య ఏం చేయాలి సార్‌?’ మేఘం తొలుగుద్ది... సూర్య ప్రకాశిస్తాడు. – ప్రియదర్శిని రామ్‌

హాయ్‌ సార్‌! నా వయసు 22. నేను కాలేజ్‌లో డిగ్రీ చదివేటప్పుడు నా క్లాస్‌మేట్‌ ఒక అమ్మాయి చాలా క్లోజ్‌గా ఉండేది. తను నన్ను లవ్‌ చేస్తుందేమో అనుకున్నా. కాలేజ్‌ అయిపోయాకా నాకు మిస్‌ అవుతున్న ఫీలింగ్‌ ఉండేది. కాలేజ్‌ అయిపోయిన వన్‌ ఇయర్‌ తరువాత డైలీ మెసేజ్‌లు చెయ్యడం మొదలుపెట్టింది. నేనంటే ఇష్టం ఉన్నట్లుగా మాట్లాడేది. ‘ఎవరినైనా లవ్‌ చేస్తున్నావా’ అంటూ నా నుంచి విషయం రాబట్టింది. తీరా ‘నిన్నే లవ్‌ చేస్తున్నా’ అని చెబితే.. ‘నేను అందరితోనూ ఇలానే ఉంటా నువ్వు తప్పుగా అర్థం చేసుకుంటే తప్పు నాది కాదు. పైగా ఇంట్లో ఇలాంటివి ఒప్పుకోరు’ అంది. మరి ఇంకెందుకు వదిలెయ్యి.. మాట్లాడితే నాకు ఫీలింగ్స్‌ వస్తాయి అంటే.. ‘నో’ అంటోంది. ‘మాట్లాడు ఫ్రెండ్స్‌లా ఉందాం లవ్‌ వద్దు ప్లీజ్‌’ అంటోంది. నేను ఆ అమ్మాయిని లవ్‌ చెయ్యాలని అనుకోలేదు సార్‌. అలా జరిగిపోయింది. నాకు నరకంలా ఉంది సార్‌. అమ్మాయి చాలా మంచిది. తనను మర్చిపోవడం నా వల్ల కావడం లేదు. తననుంచి బయటకి వచ్చే సలహా చెప్పండి సార్‌ ప్లీజ్‌. – ప్రసాద్‌ చాలా కష్టమైన పరిస్థితి ప్రసాద్‌! నిన్ను చూస్తుంటే గుండె తరుక్కుపోతోంది! ‘నమ్మద్దు ప్రసాద్‌ ఈయనకు అబ్బాయిల కష్టం చూస్తే ఎప్పుడూ గుండె తరుక్కుపోదు... కదా సార్‌!?’ మరి ఏమవుతుంది నీలూ..? ‘సార్‌ అబ్బాయిలు లవ్‌ప్రాబ్లమ్‌లో చిక్కుకుంటే మీ గుండె హ్యాపీగా డాన్స్‌ చేస్తుంది.. పట్టలేని సంతోషంతో ఆరోజు అరటిపండు కూడా తినరు సార్‌.. కార్టూన్‌ నెట్‌వర్క్‌ చూసినట్టు చూస్తారు సార్‌ మీరు అబ్బాయిలను... అబ్బాయిలు లవ్‌ ప్రాబ్లంలో పడితే ముసిముసి నవ్వులు కూడా నవ్వుతూ ఉంటారు సార్‌ రోజంతా.. ఒక్కోసారి సార్‌కి పిచ్చెక్కిందా అనిపిస్తున్నంత హ్యాపీగా ఉంటారు సార్‌.. మీరు ఒట్టి శాడిస్ట్‌ సార్‌.. అబ్బాయిలు ఎందుకు రాస్తారో నాకు అర్థం కావడం లేదు సార్‌!?’ ఎందుకు రాస్తారు నీలూ..? ‘దిక్కులేక.. మార్కెట్లో వేరే లవ్‌ డాక్టర్‌ ఏడవక!! మీది నడుస్తోంది సార్‌.. రేపెప్పుడైనా మీ ముందు షాప్‌లో కొత్త లవ్‌డాక్టర్‌ వస్తే మీరు ఈగలు తోలుకోవాల్సిందే సార్‌.. అయినా అరటిపండులేకపోతే మిమ్మల్ని ఈగలు కూడా టచ్‌ చెయ్యవు సార్‌!’ అయితే ఇప్పుడు నేనేం చెయ్యాలి నీలూ..? ‘ఊరికే ఓవర్‌ చెయ్యకుండా సింఫుల్‌గా చెప్పండి సార్‌ ప్రసాద్‌కి!!’ ఫోన్‌ నెంబర్‌ మార్చుకో ప్రసాద్‌!! ‘అంత సింఫుల్‌గానా సార్‌?’ ఫోన్‌ నంబర్‌ మార్చు, ఆ నంబర్‌ అమ్మాయికి ఇవ్వకు.. ముక్కు మూసుకుని పాత సిమ్మును గమ్మున డ్రైనేజ్‌లో వేసెయ్యి అన్నా! లేకపోతే మళ్లీ టెంప్ట్‌ అయిపోతావ్‌!! – ప్రియదర్శిని రామ్‌ లవ్‌ డాక్టర్‌

హాయ్‌ సర్‌! మీరు ఏం మాట్లాడుతున్నారో నాకు అర్థం కావడం లేదు. కానీ, మీరు లవ్‌ డాక్టర్‌ అని అర్థమైంది. నా వయసు 27. ఇప్పటికీ సింగిల్‌. నాకు ఇప్పుడు లవ్‌ చెయ్యాలనిపిస్తోంది? ఎలా అవుతాది? నాకు టైమ్‌ ఉండటం లేదు.. లవ్‌ ట్రిక్స్‌ ఏమైనా చెప్పండి లవ్‌ డాక్టర్‌ గారూ..! – విస్సు ‘సార్‌.. అయిపోయింది సార్‌...!’ ఏమయిపోయింది నీలూ..? ‘విస్సు పసిగట్టేశాడు సార్‌!’ ఎవడా విస్సు.. ఏంటా పసిగట్టింది? ‘అయిపోయింది సార్‌.. మిమ్మల్ని అర్థం చేసేసుకున్న ఫస్ట్‌ పర్సన్‌ విస్సు సార్‌!’ ఎవడా విస్సూ... ఏమి అర్థం చేసుకున్నాడు? ‘మీరేమి మాట్లాడుతున్నారో ఎవరికీ అర్థం కావడంలేదని పసిగట్టేసాడు సార్‌!!’ లవ్‌ అందరికీ అర్థం కాదు.. దానికి మైండ్‌ సరిగ్గా పని చెయ్యాలి!! ‘మైండా సార్‌.. హార్ట్‌ కాదా!?’ బుర్ర బొందయితే హార్ట్‌ గొయ్యి అవుతుంది!! ‘కుర్ర బుర్రకి కొన్ని ట్రిక్కులు కావాలంట సార్‌ ప్రేమలో పడటానికి..!’ విస్సు మహారాజుకి కింగ్‌ లాంటి ట్రీట్మెంట్‌ చేస్తే పడతాడు! ‘అలా ఎలా సార్‌?’ సినిమాల్లో చూడ్లా... రాజులు నడుస్తుంటే కాళ్ల కింద పూలు జల్లుతూ ఉంటారు అలా...! ‘మరి ఇప్పుడేమి చెయ్యాలి సార్‌?’ నువ్వు డజన్‌ అరటిపండ్లు తిని.. వాటి తొక్కలు మహారాజశ్రీ.. రాజరాజశ్రీ.. విస్సు గారి కాళ్ల కింద జల్లు! ‘జారి పడతాడు సార్‌! ‘ప్రేమలో పడాలి’ అని అడుగుతున్నాడు కదా!’ ప్రేమంటే అదే నీలాంబరీ..! దాంట్లో అడిగి పడరు!! అడుగేసీ పడరు!! జారి పడతారు.. అదే లవ్‌ ట్రిక్‌! - ప్రియదర్శిని రామ్‌ లవ్‌ డాక్టర్‌

హాయ్‌ అన్నయ్యా! నేను ఒక అబ్బాయిని లవ్‌ చేసాను. ఆ అబ్బాయికి నేను అంటే ఇష్టం. కానీ మా నేపథ్యాలు వేరు. మా పేరెంట్స్‌ ఒప్పుకోరు. వెళ్లిపోయి చేసుకుంటే పేరెంట్స్‌కి ఏమైనా అవుతుందేమోననే బాధ. ఏం చెయ్యాలి.. ప్లీజ్‌ గివ్‌ మీ ఆన్సర్‌.! – నందిని ఎందుకు కాదు! ‘ఏంటి సార్‌ అయ్యేది!’ పెయిన్‌ ఉండదా? ‘ఎందుకు సార్‌ పెయిన్‌!’ మోసి పోసి దాసి చేసినోళ్లకు పెయిన్‌ ఉండదా? ‘పోయెట్రీ వద్దు సార్‌.. ప్రోజ్‌ చెప్పండి’. ప్రోజ్‌ అంటే అదో రకం రోజ్‌ లాంటిదా? ‘మనుషులు మాట్లాడుకునే భాష సార్‌!’ ‘మీకో దండం పెడతా.. ఇలాంటి సోది రాస్తే ఉద్యోగం పోతది.. సార్‌.. ఎవరూ లవ్‌ డాక్టర్‌కి రాయరు! క్లినిక్‌ బంద్‌.. నీలాంబరి మిస్సింగ్‌.. అరటిపండు హుష్‌ కాకి.. అయిపోతుంది సార్‌!!’ నందినీ! నీ డౌట్‌ కరెక్టే. అమ్మానాన్నలకు చాలా బాధ కలుగుతుంది. ప్రేమకు రెండే రెండు అవసరం... ‘ఒక అబ్బాయి ఒక అమ్మాయి.. కదా సార్‌!!’ నువ్వు పోయెట్రీ ఆపితే నేను రోజ్‌ చెబుతా... రోజ్‌ కాదు సార్‌ ప్రోజ్‌ సార్‌!’ ఏదో ఒకటి! ‘ఒకటి కాదు సార్‌ రెండు అన్నారు!!’ ఒకటి ప్రేమను నిలబెట్టుకే ఓర్పు. ఒకటి ప్రేమను సమాజంలో గెలిపించుకునే.. ధైర్యం. అప్పుడు ప్రేమ అందరి విజయం అవుతుంది. అందరి మన్ననలను గెలుస్తుంది.. ఇద్దరి ప్రేమ నలుగురికి పాఠం అవుతుంది. బ్లెస్‌ యు తల్లీ!! - ప్రియదర్శిని రామ్‌ లవ్‌ డాక్టర్‌ ప్రేమ, ఆకర్షణ, టీనేజ్‌ అనుబంధాల్లోని అయోమయం మిమ్మల్ని గందరగోళపరుస్తుంటే ప్లీజ్‌ ఈ అడ్రస్‌కు మాత్రం అస్సలు రాయకండి. లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1, బంజారాహిల్స్, హైదరాబాద్‌–34. lovedoctorram@sakshi.com


 లవ్‌ డాక్టర్‌
 
 హాయ్‌ సర్‌! నేను ఒకప్పుడు ఒక అమ్మాయిని చాలా లవ్‌ చేశాను. అయితే లాస్ట్‌ ఇయర్‌ డిసెంబర్‌లో ఇవన్నీ వద్దని నన్ను వదిలి వెళ్లిపోయింది. ఎందుకు అని ఆరాతీస్తే ఇంట్లో సంబంధాలు చూస్తున్నారని చెప్పింది. అప్పటి నుంచి ఆమె నాతో మాట్లాడలేదు. దాంతో డిప్రెషన్‌లోకి వెళ్లిపోయాను. తరువాత నన్ను నేను సముదాయించుకుని సివిల్స్‌కి ప్రిపేరవ్వాలని డిసైడ్‌ అయ్యా. చదువు మీద ధ్యాసపెట్టి రోజుకు 17 గంటలు చదవడం మొదలు పెట్టా.
 
 అయితే కొన్ని రోజులకి మా అంకుల్‌కి యాక్సిడెంట్‌ అయ్యి 20 డేస్‌ హాస్పిటల్‌లో తోడుగా ఉండాల్సి వచ్చింది. ఆ టైమ్‌లో ఒక నర్స్‌ మా అంకుల్‌ని బాగా చూసుకుంది. ఆ సమయంలో తన ప్రవర్తన నాకు బాగా నచ్చింది. తరువాత పరిచయం బాగా పెరిగి ఫోన్‌లో మాట్లాడుకునేవాళ్లం. తను నన్ను లవ్‌ చేస్తున్నా అని చెప్పింది కూడా. అయితే తనకు ఆల్‌రెడీ పెళ్లి కుదిరిందట. పెద్దల బలవంతం మీద ఒప్పుకుందట. ‘నువ్వు లేకుండా ఉండలేను’ అంటోంది. నాకు తనంటే ఇష్టం కానీ ఏం చెయ్యాలో అర్థం కావడంలేదు సార్‌!! నా మనసులో మాట చెప్పలేకపోతున్నా!
 – అజయ్‌ కుమార్‌
 
 ఇదేనా అడ్రస్‌? ‘ఇదే అనుకుంటా సార్‌!’ మెట్లు ఇంత డార్క్‌గా ఉన్నాయి ఎందుకు? ‘లైట్‌ లేదు కాబట్టి సార్‌!’ అబ్బా ఎంత తెలివి నీది!! ‘నిజం సార్‌! ఎక్కడా స్విచ్‌ లేదు ఇక లైట్‌ ఎలా ఉంటుంది సార్‌?’ ఇంకా ఎన్ని మెట్లో? ‘తలుపు చేరే దాకా సార్‌!’ యు ఆర్‌ వెరీ ఇంటెలిజెంట్‌! ‘జోక్‌ చెయ్యకండి సార్‌.. డోర్‌ వచ్చింది సార్‌’ డోర్‌ రాలేదు.. మనమే డోర్‌ దగ్గరకు వచ్చాం!‘సార్‌ మీరు నాకంటే ఇంటెలిజెంట్‌ సార్‌!! చాల్లే వెటకారం.. తలుపు కొట్టు... ‘మీరే కొట్టొచ్చుగా సార్‌!’ నేనయితే బెల్‌ కొడతా తలుపు కొట్టను!
 
 ‘హా అయితే బెల్లే కొట్టండి సార్‌!’  బెల్‌ లేదు!! ‘జరగండి సార్‌.. నేను తలుపు కొడతా!’  టక..టక..టక.. టక.. ‘సార్‌.. అజయ్‌ కుమార్‌ తలుపు తియ్యడంలేదు సార్‌!’ నువ్వు నర్స్‌ అని తెలియదేమో నీలూ!!  టక..టక..టక.. టక.. ‘సార్‌ అజయ్‌ కుమార్‌ తలుపు తియ్యడం లేదు సార్‌!’ బుద్ధిమంతుడు సివిల్స్‌కి ప్రిపేర్‌ అవుతున్నాడు.. ఏ నర్స్‌ తన దీక్షను డిస్టర్బ్‌ చెయ్యలేదు. చలో పోయి అరటిపండు కొనుక్కుందాం!!
 - ప్రియదర్శిని రామ్‌ లవ్‌ డాక్టర్‌
 
 ప్రేమ, ఆకర్షణ, టీనేజ్‌ అనుబంధాల్లోని అయోమయం మిమ్మల్ని గందరగోళపరుస్తుంటే ప్లీజ్‌ ఈ అడ్రస్‌కు మాత్రం అస్సలు రాయకండి.
 లవ్‌ డాక్టర్, సాక్షి ఫ్యామిలీ,  సాక్షి టవర్స్, రోడ్‌ నంబరు 1, బంజారాహిల్స్,  హైదరాబాద్‌–34.  lovedoctorram@sakshi.com
 
  


 లవ్‌ డాక్టర్‌
 
 హాయ్‌ అన్నయ్యా!! నాకు వన్‌ ఇయర్‌ క్రితం ఒక అబ్బాయి ప్రపోజ్‌ చేశాడు. ‘నిన్ను బాగా చూసుకుంటాను. అమ్మానాన్నలను ఒప్పించి పెళ్లి చేసుకుంటాను’ అని చెప్పాడు. తనని నమ్మి నేను కూడా ఓకే చెప్పాను. అయితే తనకు ఆల్‌రెడీ రెండు బ్రేక్‌అప్స్‌ అయ్యాయని తరువాత తెలిసింది. ఏంటని అడిగితే ‘నీకు చెప్పనందుకు సారీ, బట్‌ నువ్వు బాధపడతావనే చెప్పలేదు’ అన్నాడు. దాంతో కొన్నిరోజులు మళ్లీ హ్యాపీగానే ఉన్నాం. అయితే తనుకు చాలా మంది గర్ల్‌ ఫ్రెండ్స్‌ ఉన్నారని తెలిసి షాక్‌ అయ్యాను. కానీ గర్ల్‌ ఫ్రెండ్స్‌ వేరు, నేను వేరు... అని సరిపెట్టుకున్నాను. కానీ తను వాళ్లతో చాలా క్లోజ్‌గా ఉంటాడట.
 
 ఒక అమ్మాయిని రూమ్‌కి కూడా తీసుకెళ్తుంటాడని తెలిసి తట్టుకోలేకపోయాను. ఏంటని నిలదీస్తే.. తను మూడో మాజీ లవర్‌ అని, తనను మరిచిపోలేక కలిశానని చెప్పాడు. దాంతో చాలా బాధగా అనిపించింది. ఏం చెయ్యాలో అర్థం కావడంలేదు అన్నయ్యా!!      – సాత్విక
 
 గజ్జి పట్టింది తల్లీ వాడికి.. ‘పోదా సార్‌?’ బ్రష్‌తో తోమితే పోయేది కాదు! ‘దేనితో తోమాలి సార్‌?’ చెప్పలేను! ‘ఎందుకు సార్‌?’ బాగుండదు! ‘పర్వాలేదు చెప్పండి సార్‌!’ తప్పదంటావా? ‘కొబ్బరి పీచు, బొగ్గు పొడితో తోమమని కథలు చెప్పకండి సార్‌.. కరెక్ట్‌గా చెప్పండి!’ ఉప్పు కప్పురంబు నొక్క పోలికనుండు గర్ల్‌ గర్ల్‌కి బిహేవియర్‌ వేరు బాయ్‌ ఫ్రెండ్స్‌ అందు గుడ్‌ బాయ్స్‌ వేరయా విశ్వదాభిరామ ఇసుక వేసి తోమ!! ‘అంటే వాటర్‌ లేకుండా తోమాలా సార్‌?’ ప్రేమ లేని ఎడారిలో వేసి తోమాలి! ‘శహబాష్‌ సార్‌.. ఇదిగో అరటిపండు తోమేయ్యండి సార్‌!’
 -  ప్రియదర్శిని రామ్‌ లవ్‌ డాక్టర్‌
 
 లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1,  బంజారాహిల్స్, హైదరాబాద్‌–34.  lovedoctorram@sakshi.com
  


 లవ్‌ డాక్టర్‌
 
 హాయ్‌ సర్‌ నేను ఒక అమ్మాయిని ప్రేమించాను. పెళ్లి  చేసుకుందాము అంటే మా ఇంట్లో వాళ్లు ఒప్పుకోరు నన్ను మరిచిపో అని చెబుతోంది. నేను ఆ అమ్మాయిని మరచిపోలేక పోతున్నా. ఎంత అవాయిడ్‌ చేసినా తనతో ఉన్న జ్ఞాపకాలు బాగా గుర్తొస్తున్నాయి. చాలా కష్టంగా ఉంది సర్‌. అదంతా మరచిపోవడానికి నేను ఏం చెయ్యాలి సొల్యూషన్‌ చెప్పండి ప్లీజ్‌!! – శేఖర్‌
 
 శేఖర్‌ అన్నా చాలా కష్టం!! ‘ఏంటి సార్‌ కష్టం?’ ప్రేమించిన ప్రేయసిని మరువటం ఎంత కష్టం!! ‘ఊరికే పీకకండి సార్‌ మీకేదో ఆ ఎమోషన్‌ అర్థమయినట్లు!?’ ప్రాణం పిండేస్తుంది శేఖర్‌ అన్నా!! ‘ఉత్తుత్తి మాటలు చెప్పకండి సార్‌!’ అన్నం సహించదు! వాటర్‌ కూడా పడదు!! సార్‌ ఆ కోర మీసాలు మీరూ.. ఎవరయినా నవ్విపోతారు! మీరేంటి సార్‌ అంతగా ఫీల్‌ అయిపోతున్నారు?’ నిద్దర పట్టదు! కలలు వస్తునే ఉంటాయి.. పిల్లో తడుస్తూనే ఉంటుంది!! ‘ఛస్‌! ఛస్‌! స్లీప్‌ లేకుండా కలలేంటి సార్‌? లవ్‌ చేసినట్టు మీరు పగటికలలు కన్నట్టే ఉంది సార్‌ మీ తొక్కలో ఆన్సర్‌!!’ఇప్పుడర్థమయిందా శేఖరన్నా అసలు మగాళ్లు ప్రేమిస్తారంటే నమ్మలేని ఆడవారు వీరు!! ‘సార్‌ మీకు లవ్‌ రాదు! శేఖర్‌ లవ్‌ చెయ్యగలడు!!’
 
 ప్రేమించిన వాడే అమ్మాయి సంతోషం కోసం వెనక్కి తిరిగి చూడకుండా వెళ్లిపోతాడు ‘ఏదో పాత కథా సార్‌?’ నీ సుఖమే నే కోరుకున్నా.. నిను వీడి అందుకే వెళుతున్నా!! ‘అరటిపండే నే కోరుకున్నా.. తొక్క తీసి నీకిస్తున్నా..!!’ అని నవ్వింది నీలూ.
 - ప్రియదర్శిని రామ్‌ లవ్‌ డాక్టర్‌
 
 లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1,  బంజారాహిల్స్, హైదరాబాద్‌–34.  lovedoctorram@sakshi.com


 లవ్‌ డాక్టర్‌
 
 హాయ్‌ సర్‌ నా పేరు ఆనంద్‌. నేను డిగ్రీ సెకండ్‌ ఇయర్‌ చదువుతున్నాను. కాలేజ్‌లో ఒక అమ్మాయి నన్ను లవ్‌ చేసింది. తరువాత నేను కూడా ఆ అమ్మాయిని లవ్‌ చేశాను. మేము సంవత్సరం వరకూ బాగానే ఉన్నాం. తననే మ్యారేజ్‌ చేసుకోవాలని అనుకున్నా.. బట్‌ తను వేరే అబ్బాయిని లవ్‌ చేయడం మొదలు పెట్టింది. తను మోసం చేస్తాడు అని తెలిసి కూడా లవ్‌ చేస్తోంది. నన్ను పూర్తిగా మరిచిపోయింది. కానీ నేను తనని మరిచిపోలేకపోతున్నా. తనను పెళ్లి చేసుకోవాలని ఉంది. తనను నాతో కలిపే సమాధానం చెప్పండి ప్లీజ్‌.
 - ఆనందరావు
 అయ్యయ్యో!! ఎంత కష్టం వచ్చింది బ్రదర్‌! అమ్మాయే నిన్ను ఫస్ట్‌ లవ్‌ చేసింది! అవును సార్‌ అమ్మాయే ఫస్ట్‌ లైట్‌ కొట్టింది!’ ఆ తరువాతే మనోడు సైట్‌ కొట్టాడు! ఎగ్జాట్లీ.. తరువాతే సైట్‌ కొట్టాడు సార్‌!! అమ్మాయే ఫస్ట్‌ కటింగ్‌ చేసింది! పెర్ఫెక్ట్‌గా అర్థం చేసుకున్నారు సార్‌!!’  ఇప్పుడు మనోడు కటింగ్‌ చేసేసుకుంటే పోలా? ఎటకారమా సార్‌? అక్కడ బిడ్డ ప్రేమలో గిలగిలలాడుతుంటే కటీఫ్‌ చేయమంటారా సార్‌? మరి ఇంకో అబ్బాయిని ప్రేమిస్తోంది కదా? ‘కదా?’ ఒక పని చెయ్యమను!!
 
 ‘వెయిట్‌ చేయమని మాత్రం చెప్పకండి సార్‌..!’ యహే... నేనెందుకు అలా చెబుతా.. వెయిట్‌ చెయ్యొద్దని చెప్పు!! సార్‌..... ఇంకో అమ్మాయిని ప్రేమించమంటారా సార్‌? నేనలా అనలేదు... వెయిట్‌ చెయ్యొద్దు! సాగిపో ముందుకు!! అని చెప్పా.
 - ప్రియదర్శిని రామ్‌ లవ్‌ డాక్టర్‌
 
 ప్రేమ, ఆకర్షణ, టీనేజ్‌ అనుబంధాల్లోని అయోమయం మిమ్మల్ని గందరగోళపరుస్తుంటే ప్లీజ్‌ ఈ అడ్రస్‌కు మాత్రం అస్సలు రాయకండి.  లవ్‌ డాక్టర్, సాక్షి ఫ్యామిలీ, సాక్షి టవర్స్, రోడ్‌ నంబరు 1, బంజారాహిల్స్, హైదరాబాద్‌–34.  lovedoctorram@sakshi.com