ఛాంపియన్ ట్రోఫిలో భారత్ విజయం సాధించడంపై ఉత్తర అమెరికా తెలుగు సంఘం (నాట్స్) హర్షం వ్యక్తం చేసింది. ఉత్కంఠభరితంగా సాగిన ఫైనల్ మ్యాచ్లో భారత్ గెలవడంతో అమెరికాలో భారత క్రికెట్ అభిమానులు సంబరాలు చేసుకున్నారు.ఛాంపియన్ ట్రోఫీలో ఒక్క మ్యాచ్‌ కూడా ఓడిపోకుండా భారత్ ఫైనల్‌కు చేరడం.. ఫైనల్‌లో కూడా అసాధారణ విజయం సాధించడాన్ని నాట్స్ నాయకత్వం అభినందించింది. భారత క్రికెట్ కెప్టెన్ రోహిత్ శర్మతో పాటు ప్లేయర్స్‌ అంతా ఈ సీరీస్‌లో అద్భుతమైన ఆటతీరును ప్రదర్శించారని నాట్స్ బోర్డ్ చైర్మన్ ప్రశాంత్ పిన్నమనేని ఓ ప్రకటనలో తెలిపారు. ఛాంపియన్ ట్రోఫీ విజయంతో ప్రవాస భారతీయుల హృదయాలు ఆనందంతో ఉప్పొంగాయని నాట్స్ అధ్యక్షుడు మదన్ పాములపాటి అన్నారు. ఛాంపియన్ ట్రోఫీలో భారత్ విజయానికి తామంతా గర్వపడుతున్నామని నాట్స్ ప్రెసిడెంట్ ఎలెక్ట్ శ్రీహరి మందాడి తెలిపారు.మరిన్ని NRI వార్తల కోసం ఇక్కడ క్లిక్‌ చేయండి!కాగా పాకిస్తాన్‌, దుబాయ్‌ సంయుక్తంగా ఆతిథ్యమిచ్చిన ఛాంపియన్స్‌ ట్రోఫీ-2025 ఎడిషన్‌లో టీమిండియా విజేతగా నిలిచింది. దుబాయ్‌ వేదికగా ఇవాళ (మార్చి 9) జరిగిన ఫైనల్లో భారత్‌ 4 వికెట్ల తేడాతో విజయం సాధించింది. ఉత్కంఠగా సాగిన ఫైనల్లో తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. 252 పరుగుల లక్ష్యాన్ని ఛేదించేందుకు బరిలోకి దిగిన భారత్‌, 49 ఓవర్లలో 6 వికెట్లు కోల్పోయి విజయతీరాలకు చేరింది. తొలివికెట్‌ భాగస్వామ్యం రోహిత్‌ (76) శుభ్‌మన్‌ గిల్‌ (31) 105 పరుగులు అందించారు. కోహ్లీ కేవలం ఒక్క పరుగుకే వెనుదిరిగాడు. ఆ తరువాత కేఎల్‌ రాహుల్‌ (34 నాటౌట్‌).. హార్దిక్‌ పాండ్యా (18), రవీంద్ర జడేజా (18 నాటౌట్‌) బౌండరీతో భారత్‌ ట్రోఫి దక్కించుకుంది. ఛాంపియన్స్‌ ట్రోఫీని గెలవడం భారత్‌కు ఇది మూడోసారి (2002, 2013, 2025).

అంతర్జాతీయ వేదికపై పాకిస్తాన్‌ క్రికెట్‌ జట్టు పరిస్థితి నానాటికి దిగజారుతుంది. ఓ సారి వన్డే వరల్డ్‌కప్‌ (1996), ఓ సారి టీ20 వరల్డ్‌కప్‌ (2009), ఓ సారి ఛాంపియన్స్‌ ట్రోఫీ (2017) గెలిచిన ఆ జట్టు ప్రస్తుతం పసికూనలపై గెలిచేందుకు కూడా నానా తంటాలు పడుతుంది. గడిచిన రెండేళ్లలో పాక్‌ క్రికెట్‌ జట్టు అదఃపాతాళానికి పడిపోయింది. ఆ జట్టు పరిస్థితి వెంటిలేటర్‌పై ఉన్న రోగిలా తయారైంది. యూఎస్‌ఏ, జింబాబ్వే, ఐర్లాండ్‌, ఆఫ్ఘనిస్తాన్‌, బంగ్లాదేశ్‌ లాంటి చిన్న జట్లు సైతం పాక్‌ను మట్టికరిపిస్తున్నాయి. స్వదేశంలో కూడా ఆ జట్టు మ్యాచ్‌లు గెలవలేకపోతుంది. సొంతగడ్డపై జరిగిన ఛాంపియన్స్‌ ట్రోఫీ-2025లో కనీసం ఒక్క మ్యాచ్‌ కూడా గెలవలేక గ్రూప్‌ దశలోనే నిష్క్రమించింది. అంతకుముందు స్వదేశంలో న్యూజిలాండ్‌, సౌతాఫ్రికా పాల్గొన్న ట్రై సిరీస్‌లోనూ పరాజయంపాలైంది. తాజాగా పరిమిత ఓవర్ల సిరీస్‌ల కోసం న్యూజిలాండ్‌లో పర్యటిస్తున్న ఆ జట్టు ఐదు మ్యాచ్‌ల టీ20 సిరీస్‌లో తొలి రెండు మ్యాచ్‌ల్లో ఓడింది. ప్రక్షాళన పేరుతో సీనియర్లను పక్కన పెట్టిన పాక్‌ సెలెక్టర్లు ప్రస్తుతం వస్తున్న ఫలితాలతో నైరాశ్యంలో మునిగిపోయారు. ఇక ఏం చేసినా తమ జట్టు పరిస్థితి బాగుపడదని అనుకుంటున్నారు. భారత్‌లో గల్లీ క్రికెట్‌ ఆడే జట్లు సైతం పాక్‌ను ఓడించే పరిస్థితులు ఉన్నాయి. న్యూజిలాండ్‌ పర్యటనకు ముందు పూర్వవైభవం సాధిస్తామని ప్రగల్భాలు పలికిన పీసీబీ.. ప్రస్తుతం వస్తున్న ఫలితాలతో నోరు మెదపకుండా ఉంది. సీనియర్లు బాబర్‌ ఆజమ్‌, మహ్మద్‌ రిజ్వాన్‌ అన్నా ఉంటే కనీసం ఈ ఘోర పరాజయాల గోస తప్పేదని అనుకుంటున్నారు. న్యూజిలాండ్‌ పర్యటనలో పాక్‌ వరుసగా రెండు మ్యాచ్‌ల్లో చిత్తుగా ఓడింది. తొలి మ్యాచ్‌లో కనీసం 100 పరుగులు కూడా చేయలేకపోయిన పాక్‌ బ్యాటర్లు.. ఇవాళ (మార్చి 18) జరిగిన రెండో మ్యాచ్‌లో ముక్కీ మూలిగి 135 పరుగులు చేశారు. అయినా న్యూజిలాండ్‌ బ్యాటర్లు విధ్వంసం సృష్టించి పాక్‌ నిర్దేశించిన లక్ష్యాన్ని ఊదేశారు. ఈ మ్యాచ్‌లో పాక్‌ బౌలర్లు గల్లీ బౌలర్లను తలపించారు. వరల్డ్‌ క్లాస్‌ బౌలర్‌ అని చెప్పుకునే షాహీన్‌ అఫ్రిదికి న్యూజిలాండ్‌ బ్యాటర్‌ టిమ్‌ సీఫర్ట్‌ చుక్కలు చూపించాడు. ఓ ఓవర్‌లో ఏకంగా నాలుగు సిక్సర్లు బాది పక్కకు కూర్చోబెట్టాడు. మరో పేసర్‌ మొహమ్మద్‌ ఆలీని ఫిన్‌ అలెన్‌ వాయించాడు. ఆలీ వేసిన ఓ ఓవర్‌లో అలెన్‌ మూడు సిక్సర్లు కొట్టాడు. వాస్తవానికి ఈ సిరీస్‌ కోసం క్రికెట్‌ న్యూజిలాండ్‌ ద్వితియ శ్రేణి జట్టును ఎంపిక చేసింది. ఛాంపియన్స్‌ ట్రోఫీ ఆడిన సీనియర్లు ఐపీఎల్‌ కోసం భారత్‌కు పయనమయ్యారు. 'ఏ' జట్టుతోనే పాక్‌ పరిస్థితి ఇలా ఉంటే, సీనియర్లు ఉన్న జట్టు ఎదురైనప్పుడు పాక్‌ పరిస్థితి తలచుకుంటే జాలేస్తుంది. ఇలాంటి దయనీయ పరిస్థితుల్లో పాక్‌ క్రికెట్‌ను ఆదుకునే ఆపద్భాంధవుడెవరో చూడాలి.2023 నుంచి పాక్‌ క్రికెట్‌ జట్టు పరిస్థితిఆఫ్ఘనిస్తాన్‌ చేతిలో టీ20 సిరీస్‌ ఓటమివన్డే ప్రపంచ కప్-2023లో ఆఫ్ఘనిస్తాన్‌ చేతిలో ఘోర పరాజయం2023 వన్డే ప్రపంచ కప్‌లో గ్రూప్ దశలోనే నిష్క్రమణస్వదేశంలో బంగ్లాదేశ్‌ చేతిలో టెస్ట్‌ సిరీస్‌ ఓటమిఐర్లాండ్‌ చేతిలో టీ20 మ్యాచ్‌లో షాకింగ్‌ ఓటమి2024 టీ20 ప్రపంచ కప్‌లో యూఎస్‌ఏ చేతిలో ఊహించని పరాభవం2024 టీ20 ప్రపంచ కప్‌లో గ్రూప్ దశలోనే నిష్క్రమణజింబాబ్వే చేతిలో వన్డే, టీ20 మ్యాచ్‌ల్లో ఓటమి2025 ఛాంపియన్స్ ట్రోఫీలో గ్రూప్ దశలోనే నిష్క్రమణగత 16 టీ20ల్లో పాక్‌ కేవలం 4 మ్యాచ​్‌ల్లో మాత్రమే గెలిచింది. అది కూడా జింబాబ్వే, ఐర్లాండ్‌, కెనడాపై

ఛాంపియన్స్‌ ట్రోఫీ-2025 నిర్వహణ వల్ల పాకిస్తాన్‌ క్రికెట్‌ బోర్డు (పీసీబీ) అప్పుల ఊబిలో కూరుకుపోయిందని తెలుస్తుంది. ఈ మెగా టోర్నీకి ఆతిథ్యమివ్వడం వల్ల పీసీబీకి రూ. 869 కోట్ల నష్టం వాటిల్లినట్లు సమాచారం. ఛాంపియన్స్‌ ట్రోఫీ నిర్వహణపై పెట్టిన పెట్టుబడిలో 85 శాతం నష్టాలు వచ్చినట్లు పాక్‌ మీడియానే ప్రచారం చేస్తుంది. టోర్నీ నిర్వహణ వల్ల వచ్చిన భారీ నష్టాలను.. ఆటగాళ్లపై ఆర్దిక అంక్షల ద్వారా పూడ్చుకోవాలని పీసీబీ భావిస్తుంది. ఇందులో భాగంగా తొలుత దేశవాలీ క్రికెటర్ల మ్యాచ్‌ ఫీజ్‌ల్లో కోత విధించిన పీసీబీ.. తాజాగా జాతీయ ఆటగాళ్లపై కాస్ట్‌ కట్టింగ్‌ కొరడా ఝులిపించింది. పాకిస్తాన్‌ జాతీయ జట్టుకు ప్రాతినిథ్యం​ వహించే ఆటగాళ్ల మ్యాచ్‌ ఫీజుల్లో సగానికిపైగా కోత విధించినట్లు తెలుస్తుంది. అలాగే పాక్‌ ఆటగాళ్లు ఫైవ్‌ స్టార్‌ హోటల్‌లలో బస చేయడంపై కూడా నిషేధం విధించినట్లు సమాచారం.ఛాంపియన్స్‌ ట్రోఫీ నిర్వహణ కోసం పాక్‌ క్రికెట్‌ బోర్డు దాదాపు రూ. 1000 కోట్లు ఖర్చు చేసినట్లు తెలుస్తుంది. ఇందులో వేదికల ఆధునీకరణ (కరాచీ, లాహోర్‌, రావల్పిండి) కోసమే సగానికి పైగా నిధులు ఖర్చు చేసినట్లు సమాచారం​. స్టేడియాల మరమ్మత్తుల కోసం ముందుగా అంచనా వేసిన వ్యయం కంటే 50 శాతం అధిక మొత్తం ఖర్చైనట్లు పాక్‌ మీడియా వెల్లడించింది. బదులుగా స్పాన్సర్‌షిప్‌లు, టికెట్ల అమ్మకం ద్వారా వచ్చిన మొత్తం గోరంత కూడా లేదని పేర్కొంది.భారీ అంచనాల మధ్య స్వదేశంలో జరిగిన ఛాంపియన్స్‌ ట్రోఫీలో డిఫెండింగ్‌ ఛాంపియన్స్‌ హోదాలో బరిలోకి దిగిన పాక్‌ ఒక్కటంటే ఒక్క మ్యాచ్‌ కూడా గెలవకుండా గ్రూప్‌ దశలోనే టోర్నీ నుంచి నిష్క్రమించింది. ఈ టోర్నీలో పాక్‌.. న్యూజిలాండ్‌, టీమిండియా చేతుల్లో వరుసగా ఓడింది. బంగ్లాదేశ్‌తో జరగాల్సిన చివరి గ్రూప్‌ మ్యాచ్‌ వర్షం​ కారణంగా బంతి కూడా పడకుండానే రద్దైంది. భారత్‌తో మ్యాచ్‌ను దుబాయ్‌లో ఆడిన పాక్‌.. కోట్లు ఖర్చు చేసి స్వదేశంలో ఒక్క మ్యాచ్‌ మాత్రమే ఆడగలిగింది. అందులోనూ న్యూజిలాండ్‌ చేతిలో చావుదెబ్బ తినింది. చివరి మ్యాచ్‌లో బంగ్లాదేశ్‌పై అయినా గెలుద్దాం అనుకుంటే వరుణుడు కరుణించలేదు. ఈ టోర్నీలో భారత్‌ చివరి వరకు అజేయంగా నిలిచి ఛాంపియన్‌గా నిలిచింది. ఫైనల్లో భారత్‌ న్యూజిలాండ్‌ను ఓడించి మూడో సారి ఛాంపియన్స్‌ ట్రోఫీని కైవసం చేసుకుంది. పాక్‌కు టోర్నీ నిర్వహణ వల్ల వచ్చిన నష్టాల కంటే తమ దేశం ఆతిథ్యమిచ్చిన టోర్నీలో భారత్‌ గెలవడం వల్ల కలిగే బాధ ఎక్కువగా ఉంది. కాగా, పాక్‌ ఆతిథ్యమిచ్చిన ఛాంపియన్స్‌ ట్రోఫీలో భారత్‌ తమ మ్యాచ్‌లను దుబాయ్‌లో ఆడిన విషయం తెలిసిందే. భద్రతాపరమైన సమస్యల కారణంగా బీసీసీఐ టీమిండియాను పాక్‌లో ఆడేందుకు అనుమతించలేదు.

ఛాంపియన్స్‌ ట్రోఫీ-2025 విజయానంతరం టీమిండియాపై ఆసీస్‌ స్పీడ్‌గన్‌ మిచెల్‌ స్టార్క్‌ ప్రశంసల వర్షం​ కురిపించాడు. వ్యక్తిగత కారణాల చేత ఛాంపియన్స్‌ ట్రోఫీకి దూరంగా ఉన్న స్టార్క్‌.. తాజాగా ఓ ఇంటర్వ్యూలో మాట్లాడుతూ భారత క్రికెట్‌ను, టీమిండియా కీలక సభ్యుడు కేఎల్‌ రాహుల్‌ను ఆకాశానికెత్తాడు. ప్రపంచ క్రికెట్‌లో ప్రస్తుతం భారత్‌ ఒక్కటే ఒకే రోజు మూడు ఫార్మాట్లలో మూడు వేర్వేరు జట్లను బరిలోకి దించగలదని అన్నాడు. టెస్ట్‌ల్లో ఆస్ట్రేలియాపై.. వన్డేల్లో ఇంగ్లండ్‌పై.. టీ20ల్లో సౌతాఫ్రికాపై ఒకే రోజు మూడు వేర్వేరు జట్లను బరిలోకి దించినా భారత జట్లు గట్టి పోటీ ఇవ్వగలవని కితాబునిచ్చాడు. భారత్‌ మినహా ప్రపంచ క్రికెట్‌లో ఏ దేశానికి ఒకే రోజు మూడు వేర్వేరు జట్లను బరిలోకి దించే సత్తా లేదని కొనియాడాడు.కేఎల్‌ రాహుల్‌ను ఆకాశానికెత్తిన స్టార్క్‌మిచెల్‌ స్టార్క్‌ టీమిండియా స్టార్‌ ఆటగాడు కేఎల్‌ రాహుల్‌పై ప్రశంసల వర్షం కురింపించాడు. ఛాంపియన్స్‌ ట్రోఫీలో రాహుల్‌ ప్రదర్శనలు అద్భుతమని కొనియాడాడు. టీమిండియాకు రాహుల్‌ మిస్టర్‌ ఫి​క్సిట్‌ లాంటి వాడని అన్నాడు. టీమిండియా అవసరాల కోసం అతను ఏమైన చేయగలడని కొనియాడాడు. ఓపెనర్‌గా, మిడిలార్డర్‌లో, ఆరో స్థానంలో, వికెట్‌ కీపింగ్‌ బ్యాటర్‌గా, ఫీల్డర్‌గా.. ఇలా ఏ పాత్రలో అయినా రాహుల్‌ ఒదిగిపోగలడని కితాబిచ్చాడు. ఛాంపియన్స్‌ ట్రోఫీకి ముందు రాహుల్‌ తన ఐదో స్థానాన్ని అక్షర్‌ పటేల్‌కు త్యాగం చేసిన విషయాన్ని గుర్తు చేశాడు. ఆరో స్థానంలో బ్యాటింగ్‌కు వచ్చి అద్భుతాలు చేశాడని అన్నాడు. ఛాంపియన్స్‌ ట్రోఫీ-2025లో టీమిండియా గెలుపుకు రాహుల్‌ ప్రధాన కారకుడని పేర్కొన్నాడు. రాహుల్‌ లాంటి మల్టీ టాలెంటెడ్‌ ఆటగాడితో కలిసి ఆడేందుకు ఉత్సాహంగా ఉన్నానని తెలిపాడు. కాగా, మిచెల్‌ స్టార్క్‌ ఈ ఏడాది ఐపీఎల్‌లో కేఎల్‌ రాహుల్‌తో కలిసి ఢిల్లీ క్యాపిటల్స్‌కు ఆడనున్నాడు. స్టార్క్‌ను గతేడాది మెగా వేలంలో ఢిల్లీ రూ. 11.75 కోట్లు సొంతం చేసుకుంది. అంతకుముందు ఏడాది (2024) స్టార్క్‌ కేకేఆర్‌కు ఆడాడు. ఆ సీజన్‌ వేలంలో కేకేఆర్‌ స్టార్క్‌కు రికార్డు ధర (రూ. 24.75 కోట్లు) చెల్లించి సొంతం చేసుకుంది. ఐపీఎల్‌ చరిత్రలో ఇది మూడో అ‍త్యధిక ధర. ఐపీఎల్‌లో అత్యధిక ధర పొందిన ఆటగాడి రికార్డు రిషబ్‌ పంత్‌ పేరిట ఉంది. పంత్‌ను ఈ సీజన్‌ కోసం లక్నో సూపర్‌ జెయింట్స్‌ రూ. 27 కోట్లు చెల్లించి సొంతం​ చేసుకుంది. ఇదే సీజన్‌ వేలంలో ఐపీఎల్‌లో రెండో అత్యధిక ధర కూడా నమోదైంది. పంజాబ్‌ కింగ్స్‌ శ్రేయస్‌ అయ్యర్‌కు రూ. 26.75 కోట్లు చెల్లించింది.ఐపీఎల్‌లో టాప్‌-5 పెయిడ్‌ ప్లేయర్స్‌రిషబ్‌ పంత్‌- 27 కోట్లు (లక్నో, 2025)శ్రేయస్‌ అయ్యర్‌- 26.75 కోట్లు (పంజాబ్‌, 2025)మిచెల్‌ స్టార్క్‌- 24.75 కోట్లు (కేకేఆర్‌, 2024)వెంకటేశ్‌ అయ్యర్‌- 23.75 కోట్లు (కేకేఆర్‌, 2025)పాట్‌ కమిన్స్‌- 20.50 కోట్లు (సన్‌రైజర్స్‌, 2024)2025 ఐపీఎల్‌ సీజన్‌ కోసం ఢిల్లీ జట్టు..ఫాఫ్‌ డుప్లెసిస్‌, జేక్‌ ఫ్రేజర్‌ మెక్‌గుర్క్‌, కరుణ్‌ నాయర్‌, సమీర్‌ రిజ్వి, అషుతోష్‌ శర్మ, విప్రాజ్‌ నిగమ్‌, దర్శన్‌ నల్కండే, అజయ్‌ జాదవ్‌ మండల్‌, త్రిపురణ విజయ్‌, అక్షర్‌ పటేల్‌, మన్వంత్‌ కుమార్‌, మాధవ్‌ తివారి, ట్రిస్టన్‌ స్టబ్స్‌, అభిషేక్‌ పోరెల్‌, డొనొవన్‌ ఫెరియెరా, కేఎల్‌ రాహుల్‌, కుల్దీప్‌ యాదవ్‌, దుష్మంత చమీరా, మిచెల్‌ స్టార్క్‌, మోహిత్‌ శర్మ, టి నటరాజన్‌, ముకేశ్‌ కుమార్‌

ప్రతిష్టాత్మక విజ్డన్‌ సంస్థ ఛాంపియన్స్‌ ట్రోఫీ-2025 టీమ్‌ ఆఫ్‌ ది టోర్నమెంట్‌ను ఇవాళ (మార్చి 13) ప్రకటించింది. ఈ జట్టుకు కెప్టెన్‌గా, ఓపెనర్‌గా టీమిండియా సారధి రోహిత్‌ శర్మను ఎంపిక చేసింది. ఈ జట్టులో ఐదుగురు టీమిండియా ఆటగాళ్లకు చోటు దక్కింది. రోహిత్‌ శర్మతో పాటు విరాట్‌ కోహ్లి, కేఎల్‌ రాహుల్‌, మహ్మద్‌ షమీ, వరుణ్‌ చక్రవర్తి విజ్డన్‌ టీమ్‌ ఆఫ్‌ ద టోర్నీకి ఎంపికయ్యారు. ఈ జట్టుకు న్యూజిలాండ్‌ నుంచి నలుగురు.. ఇంగ్లండ్‌, ఆఫ్ఘనిస్తాన్‌ జట్ల నుంచి చెరో ఆటగాడు ఎంపికయ్యారు. న్యూజిలాండ్‌ నుంచి రచిన్‌ రవీంద్ర, మైఖేల్‌ బ్రేస్‌వెల్‌, కెప్టెన్‌ మిచెల్‌ సాంట్నర్‌, ఫైనల్‌కు ముందు గాయపడిన స్పీడ్‌స్టర్‌ మ్యాట్‌ హెన్రీ విజ్డన్‌ ఛాంపియన్స్‌ ట్రోఫీ జట్టులో చోటు దక్కించుకున్నారు. ఇంగ్లండ్‌ నుంచి జో రూట్‌, ఆఫ్ఘనిస్తాన్‌ నుంచి అజ్మతుల్లా ఒమర్‌జాయ్‌ విజ్డన్‌ జట్టుకు ఎంపికయ్యారు.రోహిత్‌కు జతగా రచిన్‌ రవీంద్ర ఓపెనర్‌గా ఎంపిక కాగా.. విరాట్‌ వన్‌డౌన్‌లో, జో రూట్‌ నాలుగో స్థానం కోసం ఎంపిక చేయబడ్డారు. వికెట్‌కీపర్‌ బ్యాటర్‌గా కేఎల్‌ రాహుల్‌ ఎంపిక కాగా.. ఫాస్ట్‌ బౌలింగ్‌ ఆల్‌రౌండర్‌ కోటాలో ఒమర్‌జాయ్‌, స్పిన్‌ బౌలింగ్‌ ఆల్‌రౌండర్లుగా బ్రేస్‌వెల్‌, సాంట్నర్‌ ఎంపికయ్యారు. స్పెషలిస్ట్‌ స్పిన్నర్‌గా వరుణ్‌ చక్రవర్తి.. స్పెషలిస్ట్‌ పేసర్లుగా మహ్మద్‌ షమీ, మ్యాట్‌ హెన్రీ ఎంపికయ్యారు.ఛాంపియన్స్‌ ట్రోఫీ జట్టును ఎంపిక చేయడంతో పాటు విజ్డన్‌ టీమిండియా ఆటగాళ్లకు రేటింగ్‌లు కూడా ఇచ్చింది. ఛాంపియన్స్‌ ట్రోఫీలో ప్రదర్శనల ఆధారంగా ఈ రేటింగ్‌లు ఇచ్చింది. భారత ఆటగాళ్లలో కేఎల్‌ రాహుల్‌, వరుణ్‌ చక్రవర్తి అత్యధిక రేటింగ్‌ పాయింట్లు పొందారు. వీరికి 10కి 9 పాయింట్లు లభించాయి. రాహుల్‌, వరుణ్‌ తర్వాత విరాట్‌ అత్యధిక రేటింగ్‌ పాయింట్లు పొందాడు. విరాట్‌కు 10కి 8.5 రేటింగ్‌ పాయింట్లు లభించాయి. ఆతర్వాత రోహిత్‌ శర్మ, శ్రేయస్‌ అయ్యర్‌, అక్షర్‌ పటేల్‌, కుల్దీప్‌ యాదవ్‌కు తలో 8 పాయింట్లు లభించాయి. శుభ్‌మన్‌ గిల్‌కు 7.5.. షమీ, జడేజాలకు తలో 7.. హార్దిక్‌, హర్షిత్‌ రాణాకు 10కి 6 పాయింట్లు లభించాయి.కాగా, ఛాంపియన్స్‌ ట్రోఫీ-2025 ఫైనల్లో టీమిండియా న్యూజిలాండ్‌ను ఓడించి మూడోసారి టైటిల్‌ను దక్కించుకున్న విషయం తెలిసిందే. ఈ టోర్నీలో భారత్‌ అజేయ జట్టుగా నిలిచింది. ఈ టైటిల్‌తో భారత్‌ ఐసీసీ టైటిళ్ల సంఖ్య ఏడుకు చేరింది. రోహిత్‌ సారథ్యంలో టీమిండియా వరుసగా రెండు ఐసీసీ టైటిళ్లు సాధించింది. కేవలం​ ఏడాదిలోపే భారత్‌ టీ20 వరల్డ్‌కప్‌, ఐసీసీ ఛాంపియన్స్‌ ట్రోఫీలను కైవసం చేసుకోవడం విశేషం. న్యూజిలాండ్‌తో జరిగిన ఫైనల్లో రోహిత్‌ శర్మ బాధ్యతాయుతమైన అర్ద శతకం సాధించి టీమిండియా విజయంలో ప్రధానపాత్ర పోషించాడు. ఈ ప్రదర్శనకు గానూ రోహిత్‌కు ప్లేయర్‌ ఆఫ్‌ ద మ్యాచ్‌ అవార్డు కూడా లభించింది.

ఛాంపియన్స్‌ ట్రోఫీలో టీమిండియా గెలవడాన్ని పాకిస్తాన్‌ వాళ్లే కాకుండా ఇతర దేశాల వాళ్లు కూడా జీర్జించుకోలేకపోతున్నారు. మెగా టోర్నీలో టీమిండియా తమ మ్యాచ్‌లన్నీ ఒకే వేదికపై ఆడి లబ్ది పొందిందని కొన్ని భారత వ్యతిరేక శక్తులు అవాక్కులు చవాక్కులు పేలుతున్నాయి. తాజాగా ఛాంపియన్స్‌ ట్రోఫీ-2025లో ప్రాతినిథ్యమే లేని విండీస్‌ కూడా ఈ అంశంపై నోరు మెదపడం మొదలుపెట్టింది. భారత్‌ దుబాయ్‌లోనే తమ మ్యాచ్‌లన్నీ ఆడటాన్ని విండీస్‌ దిగ్గజ ఫాస్ట్‌ బౌలర్‌ ఆండీ రాబర్ట్స్‌ తప్పుబట్టాడు. మిగతా జట్లు మైళ్లకు మైళ్లు ప్రయాణించి మ్యాచ్‌లు ఆడితే, టీమిండియా మాత్రం కాలు కదపకుండా ఒకే వేదికపై అన్ని మ్యాచ్‌లు​ ఆడిందని అన్నాడు. టోర్నీకి ఆతిథ్యమిచ్చినా పాకిస్తాన్‌ కూడా టీమిండియాతో మ్యాచ్‌కు దుబాయ్‌కు వెళ్లిందని గుర్తు చేశాడు. ఇలాంటప్పుడు పాక్‌ జట్టుకు ఆతిథ్య సౌలభ్యం ఎక్కడ లభించిందని ప్రశ్నించాడు. ఒకే వేదికపై టీమిండియా మ్యాచ్‌లు షెడ్యూల్‌ చేసినందుకు ఐసీసీపై కూడా ధ్వజమెత్తాడు. బీసీసీఐ ప్రతి కోరికను తీర్చడాన్ని ఐసీసీ మానుకోవాలని సూచించాడు. ఛాంపియన్స్‌ ట్రోఫీ తటస్థ వేదిక (దుబాయ్‌) విషయంలో ఐసీసీ బీసీసీఐకి అనుకూలంగా వ్యవహరించిందని మండిపడ్డాడు. ఒకే వేదికపై అన్ని మ్యాచ్‌లు ఆడటం ద్వారా టీమిండియా లబ్ది పొందిందని ఆరోపించాడు. ఈ విషయంలో మిగతా జట్లకు అన్యాయం జరిగిందని వాపోయాడు. ఇకనైనా ఐసీసీ బీసీసీఐకి సహకరించడం మానుకోవాలని అన్నాడు. 2024 టీ20 వరల్డ్‌కప్‌లోనూ ఓ విషయంలో ఐసీసీ బీసీసీఐకి సహకరించిందని నిరాధార ఆరోపణ చేశాడు. టీమిండియా కోసం బీసీసీఐ చేసే ప్రతి అభ్యర్థనను నెరవేర్చకూడదని ఐసీసీకి సూచించాడు. అప్పుడప్పుడైనా బీసీసీఐకి నో చెప్పాలని వ్యంగ్యంగా అన్నాడు. ప్రపంచంలో బీసీసీఐ ధనిక బోర్డు కావడంతో ఐసీసీ వారి చెప్పినట్టల్లా ఆడుతుందని అన్నాడు. తనవరకు ఐసీసీ అంటే ఇండియన్‌ క్రికెట్‌ బోర్డు అని ఎద్దేవా చేశాడు. బీసీసీఐ ప్రతి విషయంలో ఐసీసీని శాశిస్తుందని తెలిపాడు. రేపటి రోజుల్లో బీసీసీఐ నో బాల్స్‌ వద్దు, వైడ్‌ బాల్స్‌ వద్దన్నా ఐసీసీ తలూపుతుందని అన్నాడు. బీసీసీఐని తృప్తి పరిచేం​దుకు ఐసీసీ ఏమైనా చేస్తుందని అన్నాడు. 74 ఏళ్ల ఆండీ రాబర్ట్స్‌ తొలి మూడు వన్డే ప్రపంచకప్‌ టోర్నీల్లో విండీస్‌ జట్టులో కీలక సభ్యుడిగా ఉన్నాడు. ఈ మూడింటిలో విండీస్‌ తొలి రెండు ప్రపంచకప్‌లను గెలిచింది. 1983 వరల్డ్‌కప్‌లో కపిల్‌ దేవ్‌ నేతృత్వంలోని భారత జట్టు ఫైనల్లో విండీస్‌ను చిత్తు చేసి ఛాంపియన్‌గా అవతరించింది. నేడు రాబర్ట్స్‌ చేసిన వ్యాఖ్యలు నాటి ప్రపంచకప్‌ అవమానాన్ని దృష్టిలో పెట్టుకుని చేసినట్లుంది. కాగా, రాబర్ట్స్‌ లేవనెత్తిన విషయాన్నే ఇంగ్లండ్‌ మాజీ కెప్టెన్‌ మైక్‌ అథర్టన్‌ కూడా లేవనెత్తాడు. ఒకే వేదికపై ఆడి, ఎలాంటి ప్రయాణ బడలికలు లేకుండా టీమిండియా లబ్ది పొందిందని సోషల్‌మీడియా వేదికగా ఆరోపించాడు. అయితే ఒకే వేదికపై మ్యాచ్‌లు ఆడటం వల్ల టీమిండియాకు అదనంగా ఒరిగిందేమీ లేదని పాక్‌ మాజీ కెప్టెన్‌ వసీం అక్రం అనడం విశేషం. ఈ టోర్నీలో భారత్‌ వేదికతో సంబంధం లేకుండా చాలా బలంగా ఉండిందని అక్రం అన్నాడు. ఈ జట్టుతో భారత్‌ పాకిస్తాన్‌లో కూడా గెలిచేదని తెలిపాడు. కాగా, ఛాంపియన్స్‌ ట్రోఫీలో భారత్‌ అన్ని మ్యాచ్‌లను దుబాయ్‌లో అడి అన్నింటా విజయాలు సాధించింది. ఫైనల్లో టీమిండియా న్యూజిలాండ్‌ను చిత్తు చేసి మూడోసారి ఛాంపియన్స్‌ ట్రోఫీని ఎగరేసుకుపోయింది. వాస్తవానికి ఈ టోర్నీకి పాక్‌ ఆతిథ్యమిస్తున్నప్పటికీ.. భద్రతా కారణాల రిత్యా టీమిండియా పాక్‌లో పర్యటించడానికి బీసీసీఐ ఒప్పుకోలేదు. సుదీర్ఘ చర్చల అనంతరం ఐసీసీ టీమిండియా మ్యాచ్‌లను దుబాయ్‌కు మార్చింది.

ఛాంపియన్స్‌ ట్రోఫీ-2025 గెలిచిన టీమిండియాపై పాకిస్తాన్‌ దిగ్గజ ఆల్‌రౌండర్‌ షాహిద్‌ అఫ్రిది ప్రశంసల వర్షం​ కురిపించాడు. ఈ జట్టుతో భారత్‌ వరల్డ్‌ ఎలెవెన్‌పై కూడా సునాయాసంగా గెలుస్తుందని కితాబునిచ్చాడు. ఛాంపియన్స్‌గా నిలిచేందుకు టీమిండియా ఆటగాళ్లు వంద శాతం అర్హులని కొనియాడాడు.ఛాంపియన్స్‌ ట్రోఫీ కోసం భారత సెలెక్టర్లు సరైన జట్టును ఎంపిక చేశారని అన్నాడు. వారు దుబాయ్‌లో పరిస్థితులను ముందుగానే అంచనా వేసి స్పిన్‌ లోడ్‌తో బరిలోకి దిగారని తెలిపాడు. ఒకే వేదికపై ఆడటం భారత్‌కు కలిసొచ్చిందని అంటూనే ట్రోఫీ విజయంలో సెలెక్టర్ల పాత్ర అమోఘమని కితాబునిచ్చాడు.దుబాయ్‌లో స్పిన్నర్ల పాత్ర చాలా కీలకమని తెలిపాడు. తనకు అ‍క్కడ ఆడిన అనుభవం ఉంది కాబట్టి స్పిన్నర్ల పాత్ర గురించి తెలుసని చెప్పాడు. కేవలం స్పిన్నర్లే కాకుండా టీమిండియా మొత్తం పటిష్టంగా ఉందని అన్నాడు. ఈ జట్టుతో ప్రపంచంలో ఏ జట్టునైనా ఓడించవచ్చని తెలిపాడు.తమ అత్యుత్తమ ఫాస్ట్ బౌలర్ జస్ప్రీత్ బుమ్రా లేకపోయినా ఈ టోర్నీలో భారత్‌ అన్ని మ్యాచ్‌లు గెలిచిందని గుర్తు చేశాడు. వన్డే ఫార్మాట్‌లో ఘనమైన ట్రాక్‌ రికార్డు కలిగిన మహ్మద్‌ సిరాజ్‌ను ఛాంపియన్స్‌ ట్రోఫీకి ఎంపిక చేయకుండా భారత సెలెక్టర్లు సాహసోపేత నిర్ణయం​ తీసుకున్నారని అన్నాడు. నలుగురు స్పిన్నర్లకు ఆడించడం టీమిండియా వర్కౌట్‌ అయ్యిందని తెలిపాడు. ఈ టోర్నీలో పాకిస్తాన్ ఒకే ఒక స్పెషలిస్ట్‌ స్పిన్నర్‌తో (అబ్రార్‌ అహ్మద్‌) బరిలోకి దిగి పెద్ద తప్పు చేసిందని అభిప్రాయపడ్డాడు.కాగా, పాకిస్తాన్‌ ఆతిథ్యం ఇచ్చిన ఛాంపియన్స్‌ ట్రోఫీ-2025లో భారత్‌ అజేయ జట్టుగా నిలిచి ఛాంపియన్‌గా నిలిచిన విషయం తెలిసిందే. ఈ టోర్నీలో భారత్‌ గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌లపై విజయాలు సాధించి, సెమీస్‌లో ఆస్ట్రేలియా, ఫైనల్స్‌లో న్యూజిలాండ్‌ను మట్టికరిపించి, ముచ్చటగా మూడోసారి టైటిల్‌ను ఎగరేసుకుపోయింది. మరోవైపు డిఫెండింగ్‌ ఛాంపియన్‌గా బరిలోకి పాకిస్తాన్‌ కనీసం ఒక్క మ్యాచ్‌ కూడా గెలవలేక​ గ్రూప్‌ దశలోనే టోర్నీ నుంచి నిష్క్రమించింది. పాక్‌ సొంతగడ్డపై ఆడుతున్న అడ్వాంటేజ్‌ను కూడా పొందలేక గ్రూప్‌ దశలో ఆడిన 3 మ్యాచ్‌ల్లో రెండింట (న్యూజిలాండ్‌, భారత్‌ చేతుల్లో) ఓడింది. బంగ్లాదేశ్‌తో జరగాల్సిన మ్యాచ్‌ వర్షం​ కారణంగా రద్దైంది. సొంతగడ్డపై డిఫెండింగ్‌ ఛాంపియన్‌ హోదాలో బరిలోకి దిగి కనీసం ఒక్క మ్యాచ్‌ కూడా గెలవకపోవడంతో పాక్‌కు సొంత అభిమానుల నుంచే ఛీదరింపులు ఎదురవుతున్నాయి. ఆ దేశ మాజీలు పాక్‌ జట్టుపై దుమ్మెత్తిపోస్తున్నారు. జట్టును ఎంపిక చేసిన సెలెక్టర్లను తూర్పారబెడుతున్నారు. పాక్‌ మాజీలు పాక్‌ ఓడిపోయిన దానికంటే తమ దేశం ఆతిథ్యమిచ్చిన టోర్నీలో భారత్‌ గెలిచినందుకు ఎక్కువగా బాధపడుతున్నారు. పైకి టీమిండియాను పొగుడుతున్నట్లు నటిస్తున్నప్పటికీ లోలోపల కుమిలిపోతున్నారు.

చాంపియన్స్‌ ట్రోఫీ విజేత భారత్‌

ఛాంపియన్స్‌ ట్రోఫీ 2025 విజేత టీమిండియాపై పాకిస్తాన్‌ క్రికెట్‌ బోర్డు అధ్యక్షుడు మొహిసిన్‌ నఖ్వీ తన అక్కసును వెళ్లగక్కాడు. ఛాంపియన్స్‌ ట్రోఫీ విజయవంతం కావడంపై ట్వీట్‌ చేస్తూ టోర్నీ విజేత భారత్‌ను విస్మరించాడు. తన ట్వీట్‌లో నఖ్వీ ఛాంపియన్స్‌ టీమిండియా పేరెత్తకుండా మిగతా విషయాలన్నిటిని ప్రస్తావించాడు. ఇది ఓ లెక్కన టీమిండియాకు అవమానమేనని భారత క్రికెట్‌ అభిమానులు మండిపడుతున్నారు. తమ దేశం ఆతిథ్యమిచ్చిన టోర్నీలో సొంత జట్టు కనీసం గ్రూప్‌ దశ కూడా దాటలేకపోగా.. భారత్‌ ఛాంపియన్‌గా అవతరించడాన్ని నఖ్వీ జీర్ణించుకోలేకపోతున్నాడు. అందుకే అతను దుబాయ్‌లో జరిగిన టోర్నీ ముగింపు వేడుకకు కూడా హాజరుకాలేదు. టోర్నీ ఆతిథ్య బోర్డు అధ్యక్షుడి హోదాలో నఖ్వీ ముగింపు వేడుకకు రావాల్సి ఉన్నా ఓ సాధారణ ఉద్యోగిని పంపి చేతులు దులుపుకున్నాడు. ఇలా చేసినందుకు ఐసీసీ అధ్యక్షుడిగా ఉన్న జై షా పాక్‌కు గట్టిగానే బుద్ది చెప్పాడు. పీసీబీ పంపించిన ఉద్యోగిని ప్రోటోకాల్‌‍ సాకుగా చూపి పోడియం​పైకి అనుమతించలేదు. ఈ టోర్నీ ప్రారంభం కాక ముందు నుంచి నఖ్వీ ఏదో ఒక రూపంలో భారత్‌ తన అయిష్టతను బహిర్గతం చేస్తూనే ఉన్నాడు. టీమిండియా తమ జెర్సీలపై పాక్‌ పేరును తప్పక ఉంచుకోవాలని పట్టుబట్టి మరీ ఐసీసీ చేత ఒప్పించుకున్నాడు. టోర్నీ ప్రారంభానికి ముందు అన్ని దేశాల జాతీయ జెండాలను ‍ప్రదర్శించి, ఒ‍క్క భారత జెండాను మాత్రమే విస్మరించాడు. భద్రతా కారణాల చేత టీమిండియా పాక్‌లో అడుగుపెట్టేందుకు నిరాకరించినందుకు ఏదో ఒక రీతిలో భారత్‌పై అక్కసును వెళ్లగక్కుతూనే ఉన్నాడు. తాజాగా టోర్నీ సక్సెస్‌ నోట్‌లో ఛాంపియన్స్‌ టీమిండియా పేరు ప్రస్తావించుకుండా తన వక్రబుద్దిని చాటుకున్నాడు. ఇలా చేయడంపై కొందరు భారత అభిమానులు మండిపడుతున్నప్పటికీ.. మరికొందరు మాత్రం​ లైట్‌గా తీసుకుంటున్నారు. వాళ్లు మన జట్టు పేరు ప్రస్తావించడమేంటి.. వారికి అస్సలు టీమిండియా పేరెత్తే అర్హత లేదంటూ కౌంటరిస్తున్నారు.ఇంతకీ ఛాంపియన్స్‌ ట్రోఫీ సక్సెస్‌ నోట్‌లో నఖ్వీ ఏం రాశాడంటే.. టోర్నీని అద్భుతంగా నిర్వహించిన పీసీబీ అధికారులు, స్టాఫ్‌కు కృతజ్ఞతలు. టోర్నీ నిర్వహణకు సహకరించిన ప్రాంతీయ ప్రభుత్వాలకు ధన్యవాదాలు. టోర్నీ నిర్వహణలో తమకు సహకరించిన ఐసీసీ అధికారులకు మరియు పాకిస్తాన్‌కు ప్రయాణించిన అద్భుతమైన క్రికెట్ జట్లకు హృదయపూర్వక కృతజ్ఞతలు. మీ అందరి నిబద్ధత మరియు సమిష్టి కృషితోనే ఈ ప్రతిష్టాత్మక టోర్నమెంట్‌ నిర్వహణ విజయవంతమైంది. ఈ మెగా టోర్నీని విజయవంతంగా నిర్వహించినందుకు యావత్‌ పాకిస్తాన్‌ గర్వపడుతుంది.కాగా, మార్చి 9న దుబాయ్‌లో జరిగిన ఫైనల్లో టీమిండియా న్యూజిలాండ్‌పై విజయం సాధించి, ముచ్చటగా మూడోసారి ఐసీసీ ఛాంపియన్స్‌ ట్రోఫీని కైవసం చేసుకున్న విషయం తెలిసిందే. ఈ టోర్నీలో పాక్‌ ఒక్క మ్యాచ్‌ కూడా గెలవలేక గ్రూప్‌ దశలోనే నిష్క్రమించింది. ఈ టోర్నీలో భారత్‌తో జరిగిన పోరులో పాక్‌ యధా మామూలుగా చిత్తుగా ఓడింది. పసికూన బంగ్లాదేశ్‌పై అయినా విజయం సాధించి టోర్నీలో బోణీ కొట్టాలనుకుంటే అది కాస్త వర్షం కారణంగా రద్దైంది. అంతకుముందు టోర్నీ తొలి మ్యాచ్‌లో న్యూజిలాండ్‌ పాక్‌కు చుక్కలు చూపించింది. ఇలా స్వదేశంలో జరిగిన టోర్నీలో వరుస పరాజయాలు ఎదుర్కొన్న పాక్‌, అవమాన భారంతో నిష్క్రమించింది.

న్యూజిలాండ్‌తో టీ20 సిరీస్‌కు ముందు పాక్‌ స్పీడ్‌స్టర్‌ హరీస్‌ రౌఫ్‌కు గుడ్‌ న్యూస్‌ అందింది. రౌఫ్‌ తండ్రి అయ్యాడు. అతని భార్య ముజ్నా మసూద్‌ మాలిక్‌ మగ​బిడ్డకు జన్మనిచ్చింది. హరీస్‌ రౌఫ్‌-ముజ్నా మాలిక్‌కు ఇది తొలి సంతానం. రౌఫ్‌-ముజ్నా వివాహాం 2022, డిసెంబర్‌ 23న జరిగింది.రౌఫ్‌ తొలిసారి తండ్రి అయిన విషయం తెలిసి అతని సహచరుడు షాహీన్‌ అఫ్రిది సోషల్‌మీడియా వేదికగా శుభాకాంక్షలు తెలిపాడు. నా సహోదరుడా.. మీకు మగబిడ్డ పుట్టినందుకు హృదయపూర్వక శుభాకాంక్షలు. నీకు, నీ కుటుంబానికి అంతులేని ఆనందం కలగాలని దేవుడిని ప్రార్ధిస్తున్నానని తన ఎక్స్‌ ఖాతాలో రాసుకొచ్చాడు. అఫ్రిది పోస్ట్‌ను చూసి షాదాబ్‌ ఖాన్‌ కూడా రౌఫ్‌కు శుభాకాంక్షలు తెలిపాడు.ఇదిలా ఉంటే, స్వదేశంలో జరిగిన ఛాంపియన్స్‌ ట్రోఫీ-2025లో భంగపడిన అనంతరం పాక్‌ మార్చి 16 నుంచి న్యూజిలాండ్‌లో పర్యటించనుంది. ఈ పర్యటనలో పాక్‌ న్యూజిలాండ్‌తో ఐదు మ్యాచ్‌ల టీ20 సిరీస్‌, మూడు మ్యాచ్‌ల వన్డే సిరీస్‌ ఆడుతుంది. ఈ పర్యటనకు బయల్దేరకముందే హరీస్‌ రౌఫ్‌కు కొడుకు పుట్టాడన్న శుభవార్త అందింది.న్యూజిలాండ్‌తో టీ20 సిరీస్‌ కోసం ప్రకటించిన పాక్‌ జట్టులో హరీస్‌ రౌఫ్‌ కీలక సభ్యుడు. రౌఫ్‌తో పాటు అతనికి శుభాకాంక్షలు తెలిపిన షాహీన్‌ అఫ్రిది, షాదాబ్‌ ఖాన్‌ కూడా న్యూజిలాండ్‌ సిరీస్‌ కోసం ఎంపిక చేసిన పాక్‌ టీ20 జట్టులో ఉన్నారు. అయితే ఈ ముగ్గురికి వన్డే జట్టులో చోటు దక్కలేదు.న్యూజిలాండ్‌తో టీ20 సిరీస్‌ కోసం పాక్‌ జట్టు: ఒమెయిర్‌ యూసఫ్‌, అబ్దుల్‌ సమద్‌, హసన్ నవాజ్‌, ఖుష్దిల్‌ షా, సల్మాన్‌ అఘా (కెప్టెన్‌), షాదాబ్‌ ఖాన్‌, ఇర్ఫాన్‌ ఖాన్‌, జహన్దాద్‌ ఖాన్‌, మొహమ్మద్‌ హరీస్‌, ఉస్మాన్‌ ఖాన్‌, షాహీన్‌ అఫ్రిది, అబ్బాస్‌ అఫ్రిది, హరీస్‌ రౌఫ్‌, అబ్రార్‌ అహ్మద్‌, సూఫియాన్‌ ముఖీమ్‌, మొహమ్మద్‌ అలీన్యూజిలాండ్‌తో వన్డే సిరీస్‌ కోసం పాక్‌ జట్టు: అబ్దుల్లా షఫీక్‌, ఇమామ్‌ ఉల్‌ హాక్‌, ఖుష్దిల్‌ షా, బాబర్‌ ఆజమ్‌, తయ్యబ్‌ తాహిర్‌, ఇర్ఫాన్‌ ఖాన్‌, సల్మాన్‌ అఘా, ఫహీమ్‌ అష్రాఫ్‌, మహ్మద్‌ రిజ్వాన్‌, అబ్రార్‌ అహ్మద్‌, అకీఫ్‌ జావిద్‌, మొహమ్మద్‌ ఆలీ, మహ్మద్‌ వసీం జూనియర్‌, నసీం షా, సూఫియాన్‌ ముఖీమ్‌కాగా, స్వదేశంలో జరిగిన ఛాంపియన్స్‌ ట్రోఫీలో ఘెర పరాభవ​ం​ అనంతరం పాక్‌ క్రికెట్‌ బోర్డు జట్టు మొత్తాన్ని ప్రక్షాళన చేసింది. పరిమిత ఓవర్ల కెప్టెన్‌ మహ్మద్‌ రిజ్వాన్‌, స్టార్‌ ఆటగాడు బాబర్‌ ఆజమ్‌ను టీ20 జట్టు నుంచి తప్పించి కేవలం వన్డేలకే పరిమితం చేసింది. అలాగే సీనియర్‌ బౌలర్లు షాహీన్‌ అఫ్రిది, హరీస్‌ రౌఫ్‌, స్టార్‌ ఆల్‌రౌండర్‌ షాదాబ్‌ ఖాన్‌లను కేవలం టీ20లకే పరిమితం చేసింది. ఛాంపియన్స్‌ ట్రోఫీ-2025లో పాక్‌ ఒక్క మ్యాచ్‌ కూడా గెలవకుండానే గ్రూప్‌ దశలోనే టోర్నీ నుంచి నిష్క్రమించింది.న్యూజిలాండ్‌ పర్యటనలో పాక్‌ షెడ్యూల్‌..మార్చి 16- తొలి టీ20 (క్రైస్ట్‌చర్చ్‌)మార్చి 18- రెండో టీ20 (డునెడిన్‌)మార్చి 21- మూడో టీ20 (ఆక్లాండ్‌)మార్చి 23- నాలుగో టీ20 (మౌంట్‌ మౌంగనూయ్‌)మార్చి 26- ఐదో టీ20 (వెల్లింగ్టన్‌)మార్చి 29- తొలి వన్డే (నేపియర్‌)ఏప్రిల్‌ 2- రెండో వన్డే (హ్యామిల్టన్‌)ఏప్రిల్‌ 5- మూడో వన్డే (మౌంట్‌ మౌంగనూయ్‌)పాకిస్తాన్‌తో 5 మ్యాచ్‌ల టీ20 సిరీస్‌ కోసం న్యూజిలాండ్‌ జట్టు: మైఖేల్ బ్రేస్‌వెల్ (కెప్టెన్), ఫిన్ అలెన్, మార్క్ చాప్‌మన్, జాకబ్ డఫీ, జాక్ ఫౌల్క్స్ (4,5 మ్యాచ్‌లకు), మిచ్ హే, మాట్ హెన్రీ (4,5 మ్యాచ్‌లకు), కైల్ జామిసన్ (1, 2, 3 మ్యాచ్‌లకు), డారిల్ మిచెల్, జిమ్మీ నీషమ్, విల్ ఓ'రూర్కే (1, 2, 3 మ్యాచ్‌లకు), టిమ్ రాబిన్సన్, బెన్ సియర్స్, టిమ్ సీఫెర్ట్, ఇష్ సోధి

ఛాంపియన్స్‌ ట్రోఫీ-2025తో టీమిండియా ఖాతాలో ఏడో ఐసీసీ ట్రోఫీ చేరింది. భారత్‌ తొలిసారి 1983లో ఐసీసీ ట్రోఫీ (వన్డే వరల్డ్‌కప్‌) గెలిచింది. ఆతర్వాత 2002 (ఛాంపియన్స్‌ ట్రోఫీ, శ్రీలంకతో సంయుక్తంగా), 2007 (టీ20 వరల్డ్‌కప్‌), 2011 (వన్డే వరల్డ్‌కప్‌), 2013 (ఛాంపియన్స్‌ ట్రోఫీ), 2024 (టీ20 వరల్డ్‌కప్‌), 2025లో (ఛాంపియన్స్‌ ట్రోఫీ) ఐసీసీ ట్రోఫీలు కైవసం చేసుకుంది. ప్రపంచంలో అత్యధిక ఐసీసీ ట్రోఫీలు గెలిచిన జట్ల జాబితాలో భారత్‌ ఆస్ట్రేలియా తర్వాతి స్థానంలో ఉంది.ఆస్ట్రేలియా అత్యధికంగా 10 ఐసీసీ ట్రోఫీలు (1987, 1999, 2003, 2007, 2015, 2023 వన్డే వరల్డ​్‌కప్‌లు.. 2021 టీ20 వరల్డ్‌కప్‌.. 2006, 2009 ఛాంపియన్స్‌ ట్రోఫీ.. 2021-23 డబ్ల్యూటీసీ టైటిల్‌) కైవసం చేసుకుంది. ఆస్ట్రేలియా, భారత్‌ తర్వాత అత్యధిక ఐసీసీ టైటిళ్లు గెలిచిన ఘనత వెస్టిండీస్‌కు దక్కుతుంది. విండీస్‌ మొత్తంగా ఐదు ఐసీసీ టైటిళ్లు (1975, 1979 వన్డే వరల్డ్‌కప్‌లు.. 2012, 2016 టీ20 వరల్డ​్‌కప్‌లు.. 2004 ఛాంపియన్స్‌ ట్రోఫీ) సాధించింది.విండీస్‌ తర్వాత పాకిస్తాన్‌ (1992 వన్డే వరల్డ్‌కప్‌.. 2009 టీ20 వరల్డ్‌కప్‌.. 2017 ఛాంపియన్స్‌ ట్రోఫీ), శ్రీలంక (1996 వన్డే వరల్డ్‌కప్‌.. 2014 టీ20 వరల్డ్‌కప్‌.. 2002 ఛాంపియన్స్‌ ట్రోఫీ (భారత్‌తో కలిసి సంయుక్తంగా), ఇంగ్లండ్‌ (2019 వన్డే వరల్డ్‌కప్‌.. 2010, 2022 టీ20 వరల్డ్‌కప్‌లు) తలో మూడు ఐసీసీ టైటిళ్లు సాధించాయి. న్యూజిలాండ్‌ రెండు (2000 ఛాంపియన్స్‌ ట్రోఫీ.. 2019-2021 డబ్ల్యూటీసీ), సౌతాఫ్రికా ఓ ఐసీసీ టైటిల్‌ (1998 ఛాంపియన్స్‌ ట్రోఫీ) గెలిచింది.ఐసీసీ టైటిళ్లు గెలిచిన జట్ల విషయం ఇలా ఉంటే.. వ్యక్తిగతంగా అత్యధిక ఐసీసీ టైటిళ్లు గెలిచిన ఘనత ఆసీస్‌ మాజీ కెప్టెన్‌ రికీ పాంటింగ్‌, టీమిండియా స్టార్‌ బ్యాటర్‌ విరాట్‌ కోహ్లికి దక్కుతుంది. ఈ ఇద్దరు తలో ఐదు ఐసీసీ టైటిళ్లు (అండర్‌-19 ఈవెంట్లు కలుపుకొని) సాధించారు. పాంటింగ్‌ 1999, 2003,2007 వన్డే వరల్డ్‌కప్‌లు.. 2006, 2009 ఛాంపియన్స్‌ ట్రోఫీలు గెలువగా.. విరాట్‌ 2008 అండర్‌ 19 వరల్డ్‌కప్‌.. 2011 వన్డే వరల్డ్‌కప్‌.. 2013, 2025 ఛాంపియన్స్‌ ట్రోఫీలు.. 2024 టీ20 వరల్డ్‌కప్‌ టైటిళ్లు గెలిచాడు.పాంటింగ్‌, విరాట్‌ తర్వాత అత్యధిక ఐసీసీ టైటిళ్లు గెలిచిన ఘనత రోహిత్‌ శర్మ (2007, 2024 టీ20 వరల్డ్‌కప్‌లు.. 2013, 2025 ఛాంపియన్స్‌ ట్రోఫీలు), ఆడమ్‌ గిల్‌క్రిస్ట్‌ (1999, 2003, 2007 వన్డే వరల్డ్‌కప్‌లు.. 2006 ఛాంపియన్స్‌ ట్రోఫీ), గ్లెన్‌ మెక్‌గ్రాత్‌ (1999, 2003, 2007 వన్డే వరల్డ్‌కప్‌లు.. 2006 ఛాంపియన్స్‌ ట్రోఫీ), షేన్‌ వాట్సన్‌ (2007, 2015 వన్డే వరల్డ్‌కప్‌లు.. 2006, 2009 ఛాంపియన్స్‌ ట్రోఫీలు), డేవిడ్‌ వార్నర్‌ (2015, 2023 వన్డే వరల్డ్‌కప్‌లు.. 2021 టీ20 వరల్డ్‌కప్‌.. 2021-23 డబ్ల్యూటీసీ టైటిల్‌), మిచెల్‌ స్టార్క్‌ (2015, 2023 వన్డే వరల్డ్‌కప్‌లు.. 2021 టీ20 వరల్డ్‌కప్‌.. 2021-23 డబ్ల్యూటీసీ టైటిల్‌), స్టీవ్‌ స్మిత్‌కు (2015, 2023 వన్డే వరల్డ్‌కప్‌లు.. 2021 టీ20 వరల్డ్‌కప్‌.. 2021-23 డబ్ల్యూటీసీ టైటిల్‌) దక్కుతుంది. వీరంతా తలో నాలుగు ఐసీసీ టైటిళ్లు గెలిచారు.కాగా, ఛాంపియన్స్‌ ట్రోఫీ-2025 ఫైనల్లో భారత్‌ న్యూజిలాండ్‌పై 4 వికెట్ల తేడాతో గెలుపొంది, మూడో ఛాంపియన్స్‌ ట్రోఫీ టైటిల్‌ను, ఓవరాల్‌గా ఏడో ఐసీసీ టైటిల్‌ను కైవసం చేసుకుంది.

దుబాయ్‌: రోహిత్‌ శర్మ, విరాట్‌ కోహ్లిల చేతుల్లో నాలుగో ఐసీసీ టైటిల్స్‌...రవీంద్ర జడేజాకు ముచ్చటగా మూడోది. గిల్, పంత్, పాండ్యా, అక్షర్, అర్‌‡్షదీప్‌ సింగ్, కుల్దీప్‌ ఏడాది వ్యవధిలో రెండో ఐసీసీ ట్రోఫీని అందుకోగా... షమీ, అయ్యర్, రాహుల్, సుందర్, రాణా మొదటిసారి కప్‌ను ముద్దాడారు... 15 మంది సభ్యుల జట్టులో అందరి ఘనతలు వేర్వేరు కావచ్చు... కానీ ఇప్పటికే ఎన్ని గెలిచినా, ఏం సాధించినా మరో విజయం దక్కినప్పుడు అందరిలో కనిపించే ఆనందం ఒక్కటే... సంబరాల్లో ఎవరూ ఎక్కువ కాదు, ఎవరూ తక్కువ కాదు. ఆదివారం చాంపియన్స్‌ ట్రోఫీ టైటిల్‌ను గెలుచుకున్న భారత జట్టు ఆటగాళ్ల వేడుకల్లో ఇది స్పష్టంగా కనిపించింది. జడేజా బౌండరీ కొట్టి ఛేదన పూర్తి చేయడంతో మొదలైన జోష్‌ సోమవారం వరకు సాగింది. స్టేడియంలో ఒకవైపు జట్టు సహచరులతో విజయాన్ని పంచుకుంటూనే మరోవైపు రోహిత్, కోహ్లి, జడేజా, షమీ, గిల్‌ తమ కుటుంబ సభ్యులతో ట్రోఫీ ఆనందాన్ని ప్రదర్శిస్తూ సుదీర్ఘ సమయం గడిపారు. అక్కడి నుంచి ఇదే ఉత్సాహం డ్రెస్సింగ్‌ రూమ్‌లోనూ కొనసాగింది. ప్రత్యేకంగా సిద్ధం చేసిన కేక్‌ను కెప్టెన్‌ రోహిత్‌ కట్‌ చేసిన తర్వాత తమ విజయానుభూతిని అంతా పంచుకున్నారు. అనంతరం హోటల్‌ చేరుకున్న భారత బృందానికి ఘన స్వాగతం లభించింది. మ్యాచ్‌ గెలిచిన తర్వాత కుల్దీప్‌ చెప్పినట్లు రాత్రంతా పార్టీ కొనసాగింది. గిల్, పాండ్యా, వరుణ్‌ హోటల్‌ గదుల్లోనే చాంపియన్స్‌ ట్రోఫీతో ఫోటోలకు పోజులిస్తూ ఈ మధుర క్షణాలను చిరస్మరణీయం చేసుకున్నారు. సోమవారం ఉదయం విజేత కెప్టెన్‌తో ఐసీసీ ప్రత్యేక ఫొటో షూట్‌ కార్యక్రమం జరిగింది. ముందుగా ఐసీసీ ప్రచార కార్యక్రమంలో భాగంగా టోర్నీ జ్ఞాపికలుగా మ్యాచ్‌లలో ఉపయోగించిన బంతులు, స్టంప్స్‌పై రోహిత్‌ శర్మ ఆటోగ్రాఫ్‌లు ఇచ్చాడు. ఆ తర్వాత ప్రఖ్యాత బుర్జ్‌ ఖలీఫా నేపథ్యంగా జరిగిన షూట్‌లో ట్రోఫీతో భారత సారథి సగర్వంగా నిలిచాడు. గత ఏడాది రోహిత్‌ నాయకత్వంలోనే గెలుచుకున్న టి20 వరల్డ్‌ కప్‌ను కూడా చాంపియన్స్‌ ట్రోఫీతో కలిపి ప్రదర్శించడం విశేషం. స్వదేశానికి చేరిన టీమిండియా ఆటగాళ్లుచాంపియన్స్‌ ట్రోఫీలో విజేతగా నిలిచి సంబరాలు ముగించిన వెంటనే టీమిండియా స్వదేశం పయనమైంది. సోమవారం రాత్రికే జట్టు ఆటగాళ్లంతా భారత్‌కు చేరుకున్నారు.

ఛాంపియన్స్‌ ట్రోఫీ-2025 విజేతగా టీమిండియా అవతరించిన విషయం తెలిసిందే. దుబాయ్‌ వేదికగా నిన్న (మార్చి 9) జరిగిన ఫైనల్లో భారత్‌ న్యూజిలాండ్‌పై 4 వికెట్ల తేడాతో గెలుపొంది, మూడోసారి (2002, 2013, 2025) ఛాంపియన్స్‌ ట్రోఫీని కైవసం చేసుకుంది. ఈ టోర్నీలో మొత్తం 8 జట్లు పాల్గొనగా.. భారత్‌, న్యూజిలాండ్‌ అత్యుత్తమ ప్రదర్శన కనబర్చి ఫైనల్‌కు చేరాయి. ఉత్కంఠగా సాగిన ఫైనల్లో భారత్‌ న్యూజిలాండ్‌పై పైచేయి సాధించింది. టీమిండియా ఈ టోర్నీలో గ్రూప్‌ దశలోనూ కివీస్‌పై విజయం సాధించింది.ఈ టోర్నీలో భారత్‌ విజేతగా నిలిచినప్పటికీ.. గణాంకాలలో న్యూజిలాండ్‌ ఆటగాళ్లే టాప్‌లో ఉన్నారు. బ్యాటింగ్‌లో రచిన్‌ రవీంద్ర.. బౌలింగ్‌లో మ్యాట్‌ హెన్రీ టోర్నీ టాపర్లుగా నిలిచారు. ఈ టోర్నీలో తొలి మ్యాచ్‌ నుంచే అదరగొట్టిన రచిన్‌.. 4 మ్యాచ్‌ల్లో 65.75 సగటున, 106.48 స్ట్రయిక్‌రేట్‌తో 263 పరుగులు (2 సెంచరీలు) చేసి లీడింగ్‌ రన్‌ స్కోరర్‌గా నిలిచాడు. తద్వారా ప్లేయర్‌ ఆఫ్‌ ద టోర్నీ అవార్డును కూడా గెలుచుకున్నాడు. బౌలింగ్‌ విషయానికొస్తే.. ఈ టోర్నీలో మ్యాట్‌ హెన్రీ 4 మ్యాచ్‌ల్లో 10 వికెట్లు తీసి లీడింగ్‌ వికెట్‌ టేకర్‌గా నిలిచాడు. గాయం కారణంగా కీలకమైన ఫైనల్లో హెన్రీ ఆడకపోవడం న్యూజిలాండ్‌ విజయావకాశాలను ప్రభావితం చేసింది.ఈ టోర్నీలో అత్యధిక వికెట్లు తీసిన బౌలర్ల జాబితాలో హెన్రీ తర్వాతి స్థానాల్లో భారత మిస్టరీ స్పిన్నర్‌ వరుణ్‌ చక్రవర్తి, న్యూజిలాండ్‌ కెప్టెన్‌ మిచెల్‌ సాంట్నర్‌, టీమిండియా పేసర్‌ మహ్మద్‌ షమీ ఉన్నారు. వీరు ముగ్గురు తలో 9 వికెట్లు తీశారు. సాంట్నర్‌ షమీ తలో ఐదు మ్యాచ్‌లు ఆడగా.. వరుణ్‌ కేవలం 3 మ్యాచ్‌ల్లోనే 9 వికెట్లు పడగొట్టాడు. ఈ టోర్నీ టాప్‌-5 లీడింగ్‌ వికెట్‌ టేకర్లు భారత్‌, న్యూజిలాండ్‌ వారే కావడం​ విశేషం.ఛాంపియన్స్‌ ట్రోఫీ-2025లో అత్యధిక వికెట్లు తీసిన బౌలర్లుమ్యాట్‌ హెన్రీ- 10వరుణ్‌ చక్రవర్తి- 9మిచెల్‌ సాంట్నర్‌- 9మహ్మద్‌ షమీ- 9మైఖేల్‌ బ్రేస్‌వెల్‌- 8కుల్దీప్‌ యాదవ్‌- 7ఛాంపియన్స్‌ ట్రోఫీ-2025లో ఐదు వికెట్ల ప్రదర్శనలుమ్యాట్‌ హెన్రీ- భారత్‌పైవరుణ్‌ చక్రవర్తి- న్యూజిలాండ్‌పైమహ్మద్‌ షమీ- బంగ్లాదేశ్‌పైఅజ్మతుల్లా ఒమర్‌జాయ్‌- ఇంగ్లండ్‌పైఛాంపియన్స్‌ ట్రోఫీ-2025లో అత్యధిక పరుగులు చేసిన ఆటగాళ్లురచిన్‌ రవీంద్ర- 263శ్రేయస్‌ అయ్యర్‌- 243బెన్‌ డకెట్‌- 227జో రూట్‌- 225విరాట్‌ కోహ్లి- 218ఛాంపియన్స్‌ ట్రోఫీ-2025లో సెంచరీలు చేసిన ఆటగాళ్లురచిన్‌ రవీంద్ర-2బెన్‌ డకెట్‌జో రూట్‌విరాట్‌ కోహ్లిఇబ్రహీం జద్రాన్‌టామ్‌ లాథమ్‌కేన్‌ విలియమ్సన్‌శుభ్‌మన్‌ గిల్‌విల్‌ యంగ్‌ర్యాన్‌ రికెల్టన్‌జోస్‌ ఇంగ్లిస్‌డేవిడ్‌ మిల్లర్‌తౌహిద్‌ హృదయ్‌ఛాంపియన్స్‌ ట్రోఫీ-2025లో టీమిండియా ఆటగాళ్ల ‍ప్రదర్శనలుఅయ్యర్ - 243 పరుగులు కోహ్లి - 218 పరుగులు గిల్ - 188 పరుగులు రోహిత్ - 180 పరుగులు రాహుల్ - 140 పరుగులు అక్షర్ - 109 పరుగులు + 5 వికెట్లు హార్దిక్ - 99 పరుగులు + 4 వికెట్లు జడేజా - 27 పరుగులు + 5 వికెట్లు షమీ - 9 వికెట్లు వరుణ్ - 9 వికెట్లు కుల్దీప్ - 7 వికెట్లు హర్షిత్ - 4 వికెట్లుఛాంపియన్స్‌ ట్రోఫీ-2025 ఫైనల్‌ విషయానికొస్తే.. తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేయగా.. భారత్‌ 49 ఓవర్లలో 6 వికెట్లు కోల్పోయి లక్ష్యాన్ని ఛేదించింది.

ఛాంపియన్స్‌ ట్రోఫీ-2025 ఫైనల్లో టీమిండియా విజయానంతరం దుబాయ్‌ క్రికెట్‌ స్టేడియంలో పలు ఆసక్తికర సన్నివేశాలు చోటు చేసుకున్నాయి. టీమిండియా ఆటగాళ్ల విజయోత్సవ సంబురాలతో పాటు పలు దృష్యాలు సోషల్‌మీడియాను విపరీతంగా ఆకర్శించాయి. ఇందులో ఒకటి విరాట్‌ కోహ్లి.. సహచరుడు మహ్మద్‌ షమీ తల్లికి పాదాభివందనం చేయడం. విజయోత్సవ సంబురాల్లో భాగంగా టీమిండియా ఆటగాళ్లంతా కుటుంబ సభ్యులతో కలిసి స్టేడియంలో కలియతిరుగుతుండగా.. కోహ్లికి షమీ తల్లి తారసపడింది. Virat Kohli Touched Mohammad Shami’s Mother Feet And Clicked Pictures With Shami’s Family. pic.twitter.com/D08GRCfurN— khalid Chougle (@ChougleKhalid) March 10, 2025కోహ్లి వెంటనే షమీ తల్లి కాళ్లకు నమస్కరించి ఆశీర్వాదం తీసుకున్నాడు. అనంతరం షమీ కుటుంబ సభ్యులతో కలిసి ఫోటోలు దిగాడు. విరాట్‌ షమీ తల్లి పాదాలకు నమస్కరించిన వీడియో సోషల్‌మీడియాలో వైరలవుతుంది. ఇది చూసి జనాలు విరాట్‌ను పొగడ్తలతో ముంచెత్తుతున్నారు. విరాట్‌కు పెద్దలంటే ఎంత గౌరవమోనని చర్చించుకుంటున్నారు. ఛాంపియన్స్‌ ట్రోఫీ విజయానంతరం దుబాయ్‌ స్టేడియంలో ఇలాంటి ఫ్యామిలీ మూమెంట్స్‌ చాలా కనిపించాయి. శుభ్‌మన్‌ గిల్‌ తండ్రితో రిషబ్‌ పంత్‌ చిందులేయడం.. శ్రేయస్‌ తల్లి అతన్ని ముద్దాడటం.. ఇలా చాలా ఆసక్తికర ఫ్యామిలీ మూమెంట్స్‌కు ఛాంపియన్స్‌ ట్రోఫీ ఫైనల్‌ వేదికైంది.Shubman Gill's father doing Bhangra with Rishabh Pant. 😂❤️pic.twitter.com/SdUu58044d— Mufaddal Vohra (@mufaddal_vohra) March 10, 2025ఇదిలా ఉంటే, నిన్నటి ఫైనల్లో భారత్‌ న్యూజిలాండ్‌ను 4 వికెట్ల తేడాతో ఓడించి మూడోసారి ఛాంపియన్స్‌ ట్రోఫీని కైవసం చేసుకుంది. భారత్‌ ఆటగాళ్లలో విరాట్‌, రోహిత్‌, జడేజా మినహా దాదాపుగా అందరికీ ఇదే తొలి ఐసీసీ టైటిల్‌ కావడం విశేషం. చాలాకాలంగా టీమిండియాలో కీలక సభ్యుడిగా ఉన్నా షమీకి సైతం ఐదే తొలి ఐసీసీ టైటిల్‌. 2013 జనవరిలో అంతర్జాతీయ అరంగేట్రం చేసిన షమీ.. ఐసీసీ ఈవెంట్లలో టీమిండియా తరఫున ఎన్నో అత్యుత్తమ ప్రదర్శనలు చేసినా దీనికి ముందు ఒక్కసారి కూడా టైటిల్‌ విన్నింగ్‌ జట్టులో భాగం కాలేకపోయాడు. గతేడాది భారత్‌ టీ20 వరల్డ్‌కప్‌ గెలిచినప్పటికీ.. ఆ ఐసీసీ టోర్నీకి షమీ దూరంగా ఉన్నాడు. వన్డే వరల్డ్‌కప్‌-2023 సందర్భంగా గాయపడిన షమీ.. తిరిగి ఛాంపియన్స్‌ ట్రోఫీ-2025తోనే (ఐసీసీ టోర్నీలు) రీఎంట్రీ ఇచ్చాడు. ఈ ఛాంపియన్స్ ట్రోఫీలో షమీ 5 మ్యాచ్‌ల్లో 25.88 సగటున, 5.68 ఎకానమీ రేటుతో 9 వికెట్లు తీసి భారత్‌ అజేయ యాత్రతో తనవంతు పాత్ర పోషించాడు. ఈ టోర్నీలో షమీ అత్యుత్తమ ప్రదర్శన బంగ్లాదేశ్‌పై వచ్చింది. ఆ మ్యాచ్‌లో షమీ ఐదు వికెట్ల ప్రదర్శన నమోదు చేశాడు. సెమీస్‌లో ఆస్ట్రేలియాపై కూడా షమీ సత్తా చాటాడు. ఆ మ్యాచ్‌లో షమీ మూడు వికెట్లు పడగొట్టాడు.ఫైనల్‌ విషయానికొస్తే.. తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేయగా.. భారత్‌ 49 ఓవర్లలో 6 వికెట్లు కోల్పోయి లక్ష్యాన్ని ఛేదించింది. ఈ మ్యాచ్‌లో భారత స్పిన్నర్లు చెలరేగడంతో న్యూజిలాండ్‌ ఓ మోస్తరు స్కోర్‌కే పరిమితమైంది. న్యూజిలాండ్‌ తరఫున డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) రాణించారు. రచిన్‌ రవీంద్ర (37), ఆఖర్లో గ్లెన్‌ ఫిలిప్స్‌ (34) ఓ మోస్తరు స్కోర్లు చేశారు. విల్‌ యంగ్‌ (15), కేన్‌ విలియమ్సన్‌ (11), టామ్‌ లాథమ్‌ (14),మిచెల్‌ సాంట్నర్‌ (8) తక్కువ స్కోర్లకు ఔటయ్యారు. భారత్‌ బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో 2.. షమీ, జడేజా చెరో వికెట్‌ పడగొట్టారు.ఛేదనలో రోహిత్‌ (76) భారత్‌కు శుభారంభాన్ని అందించారు. శుభ్‌మన్‌ గిల్‌తో (31) కలిసి తొలి వికెట్‌కు 105 పరుగులు జోడించాడు. అయితే భారత్‌ 17 పరుగుల వ్యవధిలో గిల్‌, కోహ్లి (1), రోహిత్‌ వికెట్లు కోల్పోయి కష్టాల్లో పడింది. ఈ దశలో శ్రేయస్‌ అయ్యర్‌ (48), అక్షర్‌ పటేల్‌ (29) మంచి భాగస్వామ్యం నెలకొల్పి భారత్‌ను తిరిగి గేమ్‌లోకి తెచ్చారు. అయితే శ్రేయస్‌, అక్షర్‌ కూడా స్వల్ప వ్యవధిలో ఔట్‌ కావడంతో టీమిండియా మరోసారి కష్టాల్లో పడింది. అయితే కేఎల్‌ రాహుల్‌ (34 నాటౌట్‌).. హార్దిక్‌ పాండ్యా (18), రవీంద్ర జడేజాతో (18 నాటౌట్‌) కలిసి మ్యాచ్‌ విన్నింగ్‌ భాగస్వామ్యాలు నెలకొల్పి భారత్‌ను విజయతీరాలకు చేర్చాడు. న్యూజిలాండ్‌ బౌలర్లలో సాంట్నర్‌, బ్రేస్‌వెల్‌ తలో 2 వికెట్లు పడగొట్టగా.. జేమీసన్‌, రచిన్‌ చెరో వికెట్‌ దక్కించుకున్నారు.

20 రోజుల పాటు సాగిన ఛాంపియన్స్‌ ట్రోఫీ-2025 భారత్‌, న్యూజిలాండ్‌ మధ్య జరిగిన నిన్నటితో (మార్చి 9) ఫైనల్‌తో ముగిసింది. ఈ టోర్నీలో భారత్‌ విజేతగా నిలిచింది. దుబాయ్‌ వేదికగా జరిగిన ఫైనల్లో టీమిండియా న్యూజిలాండ్‌ను 4 వికెట్ల తేడాతో ఓడించి, మూడోసారి ఛాంపియన్స్‌ ట్రోఫీని కైవసం చేసుకుంది.కాగా, నిన్నటి ఫైనల్‌ అనంతరం ప్రజెంటేషన్‌ సెర్మనీ సందర్భంగా పోడియంపై ఒక్క పాకిస్తాన్‌ ప్రతినిథి కూడా కనపడకపోవడం చర్చనీయాంశంగా మారింది. టోర్నీకి ఆతిథ్యమిచ్చిన పాకిస్తాన్‌ నుంచి పోడియంపై ఒక్క ప్రతినిధి కూడా లేకపోవడ​ం​ ఆశ్చర్యాన్ని కలిగించింది. ఈ అంశాన్ని పాకిస్తాన్‌ మాజీ ఫాస్ట్‌ బౌలర్‌ షోయబ్‌ అక్తర్‌ సోషల్‌మీడియా వేదికగా లేవనెత్తాడు. టోర్నీకి ఆతిథ్యమిచ్చిన పాకిస్తాన్‌ నుంచి ఒక్క ప్రతినిధి కూడా లేకపోవడమేంటని ప్రశ్నించాడు. ఇలా జరగడం దురదృష్టకరమని అన్నాడు.వాస్తవానికి భారత్‌, న్యూజిలాండ్‌ మధ్య జరిగిన ఫైనల్‌ మ్యాచ్‌కు టోర్నీ ఆతిథ్య దేశ హోదాలో పాకిస్తాన్‌ నుంచి ఒక్కరైనా హాజరు కావాల్సి ఉండింది. అయితే అలా జరగలేదు. ముగింపు వేడుకకు పీసీబీ చైర్మన్ మొహ్సిన్ నఖ్వీ రావాల్సి ఉన్నా రాలేదు. బదులుగా, పాకిస్తాన్‌ లెగ్‌ మ్యాచ్‌లు నిర్వహించిన టోర్నీ డైరెక్టర్‌ సుమైర్ అహ్మద్‌ను పంపారు. ప్రోటోకాల్‌ ప్రకారం ముగింపు వేడుకల్లో పోడియంపైకి బోర్డు ద్వారా ఎన్నికైన సభ్యులు లేదా డైరెక్టర్లను మాత్రమే అనుమతిస్తారు. సుమైర్‌ అహ్మద్‌ పీసీబీ ఉద్యోగి మాత్రమే కావడంతో అతన్ని పోడియంపైకి అనుమతించలేదు. దుబాయ్ లెగ్‌కు బాధ్యత వహించిన మరో టోర్నమెంట్ డైరెక్టర్ ఆండ్రీ రస్సెల్‌ను కూడా పోడియంపైకి పిలువ లేదు. మొత్తంగా పాకిస్తాన్‌ ప్రతినిథి లేకుండానే ఛాంపియన్స్‌ ట్రోఫీ ముగింపు వేడుక ముగిసింది.ముగింపు వేడుకలో ఐసీసీ తరఫున చైర్మన్‌ జై షా, బీసీసీఐ అధ్యక్షుడు రోజర్‌ బిన్నీ, బీసీసీఐ కార్యదర్శి దేవజిత్‌ సైకియా, న్యూజిలాండ్ క్రికెట్ డైరెక్టర్ రోజర్ ట్వోస్ పాల్గొన్నారు.ఇదిలా ఉంటే, ఉత్కంఠగా సాగిన నిన్నటి ఫైనల్లో భారత్‌ న్యూజిలాండ్‌పై 4 వికెట్ల తేడాతో విజయం సాధించింది. తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేయగా.. భారత్‌ 49 ఓవర్లలో 6 వికెట్లు కోల్పోయి లక్ష్యాన్ని ఛేదించింది. ఈ మ్యాచ్‌లో భారత స్పిన్నర్లు చెలరేగడంతో న్యూజిలాండ్‌ ఓ మోస్తరు స్కోర్‌కే పరిమితమైంది. న్యూజిలాండ్‌ తరఫున డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) రాణించారు. రచిన్‌ రవీంద్ర (37), ఆఖర్లో గ్లెన్‌ ఫిలిప్స్‌ (34) ఓ మోస్తరు స్కోర్లు చేశారు. విల్‌ యంగ్‌ (15), కేన్‌ విలియమ్సన్‌ (11), టామ్‌ లాథమ్‌ (14),మిచెల్‌ సాంట్నర్‌ (8) తక్కువ స్కోర్లకు ఔటయ్యారు. భారత్‌ బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో 2.. షమీ, జడేజా చెరో వికెట్‌ పడగొట్టారు.ఛేదనలో రోహిత్‌ (76) భారత్‌కు శుభారంభాన్ని అందించారు. శుభ్‌మన్‌ గిల్‌తో (31) కలిసి తొలి వికెట్‌కు 105 పరుగులు జోడించాడు. అయితే భారత్‌ 17 పరుగుల వ్యవధిలో గిల్‌, కోహ్లి (1), రోహిత్‌ వికెట్లు కోల్పోయి కష్టాల్లో పడింది. ఈ దశలో శ్రేయస్‌ అయ్యర్‌ (48), అక్షర్‌ పటేల్‌ (29) మంచి భాగస్వామ్యం నెలకొల్పి భారత్‌ను తిరిగి గేమ్‌లోకి తెచ్చారు. అయితే శ్రేయస్‌, అక్షర్‌ కూడా స్వల్ప వ్యవధిలో ఔట్‌ కావడంతో టీమిండియా మరోసారి కష్టాల్లో పడింది. అయితే కేఎల్‌ రాహుల్‌ (34 నాటౌట్‌).. హార్దిక్‌ పాండ్యా (18), రవీంద్ర జడేజాతో (18 నాటౌట్‌) కలిసి మ్యాచ్‌ విన్నింగ్‌ భాగస్వామ్యాలు నెలకొల్పి భారత్‌ను విజయతీరాలకు చేర్చాడు. న్యూజిలాండ్‌ బౌలర్లలో సాంట్నర్‌, బ్రేస్‌వెల్‌ తలో 2 వికెట్లు పడగొట్టగా.. జేమీసన్‌, రచిన్‌ చెరో వికెట్‌ దక్కించుకున్నారు.

టీమిండియా ఛాంపియన్స్ ట్రోఫీని మరోసారి ముద్దాడింది. దాదాపు 12 ఏళ్ల తర్వాత ఛాంపియన్స్‌గా నిలిచింది. దుబాయ్ వేదికగా జరిగిన ఈ మ్యాచ్‌లో న్యూజిలాండ్‌పై గ్రాండ్ విక్టరీ కొట్టింది. ఫైనల్ ‍మ్యాచ్‌లో నువ్వా నేనా అన్నట్లు సాగిన ‍మ్యాచ్‌లో భారత స్టార్‌ క్రికెటర్, వికెట్‌ కీపర్ కేఎల్ రాహుల్ మరోసారి క్లాస్ ఇన్నింగ్స్ ఆడారు. చివరి వరకు క్రీజ్‌లో ఉండి టీమిండియాను ఛాంపియన్‌గా నిలిపాడు. ఒక వైపు వికెట్స్ పడుతున్నా 34 పరుగుతులతో నాటౌట్‌గా నిలిచి విజయ తీరాలకు చేర్చాడు. దీంతో పాకిస్తాన్ హోస్ట్‌ చేసిన ఛాంపియన్స్ ట్రోఫీ విజేతగా టీమిండియా నిలిచింది.అయితే ఈ ఫైనల్ మ్యాచ్‌లో టీమిండియా గెలవడంపై బాలీవుడ్ నటుడు సునీల్ శెట్టి సంతోషం వ్యక్తం చేశారు. ముఖ్యంగా తన అల్లుడు కేఎల్ రాహుల్‌పై ప్రశంసలు కురిపించారు. ఈ మేరకు రాహుల్ ఫోటోను షేర్ చేస్తూ ట్వీట్ చేశారు. ఇండియాకి విష్.. రాహుల్ కమాండ్ అంటూ క్యాప్షన్ కూడా రాసుకొచ్చారు. ఇది చూసిన నెటిజన్స్‌ సునీల్ శెట్టిని ప్రశంసిస్తున్నారు. అల్లుడికి మామ సపోర్ట్ చేయడాన్ని చూసి నెటిజన్స్‌ ఆనందం ‍వ్యక్తం చేస్తున్నారు. రాహుల్ అన్నా రాక్‌స్టార్.. టీమిండియాకు కాబోయే కెప్టెన్ అంటూ ఓ నెటిజన్‌ రిప్లై ఇ‍చ్చాడు. 2027లో కేఎల్ కెప్టెన్సీలో వన్డే వరల్డ్ కప్‌ గెలుస్తామంటూ మరో నెటిజన్ రాసుకొచ్చాడు. అల్లుడికి మామ సపోర్ట్‌ చేయడం గొప్ప విషయం.. మా నాన్న కూడా నాకు సపోర్ట్‌ చేయడు అంటూ ఓ నెటిజన్ ఫన్నీగా సునీల్ శెట్టి ట్వీట్‌కు స్పందించాడు. అతియాను పెళ్లాడిన కేఎల్ రాహుల్..బాలీవుడ్ నటుడు సునీల్ శెట్టి కూతురు అతియా శెట్టిని కేఎల్ రాహుల్ పెళ్లాడిన సంగతి తెలిసిందే. కొన్నేళ్ల పాటు ప్రేమలో ఉన్న వీరిద్దరు ఆ తర్వాత వివాహాబంధంలోకి అడుగుపెట్టారు. ప్రస్తుతం అతియా శెట్టి గర్భంతో ఉన్నారు. త్వరలోనే వీరిద్దరు తల్లిదండ్రులు కాబోతున్నారు. సునీల్ శెట్టి తాతగా ప్రమోట్ కానున్నారు. ఏప్రిల్‌లో అతియా శెట్టి, కేఎల్ రాహుల్ తమ బిడ్డకు స్వాగతం పలకనున్నారు. 🇮🇳 INDIA’S WISH !!!! Rahul’s COMMAND …… pic.twitter.com/SbllRkbUgP— Suniel Shetty (@SunielVShetty) March 9, 2025

ఐసీసీ వైట్‌ బాల్‌ టోర్నీలు (పరిమిత ఓవర్ల టోర్నీలు) అనగానే టీమిండియా కృష్ణార్జునులు విరాట్‌ కోహ్లి, రోహిత్‌ శర్మలకు పూనకం వస్తుంది. ఈ ఇద్దరు మామూలు మ్యాచ్‌ల్లో ఎలా ఆడినా ఐసీసీ ఈవెంట్లలో మాత్రం చెలరేగిపోతారు. ఇందుకు తాజా నిదర్శనం 2025 ఛాంపియన్స్‌ ట్రోఫీ. ఈ ఐసీసీ టోర్నీలో విరాట్‌ ఆది నుంచే చెలరేగగా.. రోహిత్‌ కీలకమైన ఫైనల్లో మ్యాచ్‌ విన్నింగ​్‌ ఇన్నింగ్స్‌ ఆడి భారత్‌ను ఛాంపియన్‌గా నిలిపాడు.ఈ ఇద్దరు గడిచిన 18 ఏళ్లలో భారత్‌కు ఐసీసీ టోర్నీల్లో ఎన్నో చిరస్మరణీయ విజయాలు అందించారు. రోహిత్‌ ఆటగాడిగా 2007 టీ20 వరల్డ్‌కప్‌, 2013 ఛాంపియన్స్‌ ట్రోఫీ.. కెప్టెన్‌గా 2024 టీ20 ప్రపంచకప్‌, 2025 ఛాంపియన్స్‌ ట్రోఫీ విజయాల్లో భాగం కాగా.. విరాట్‌ ఆటగాడిగా 2011 వన్డే వరల్డ్‌కప్‌, 2013 ఛాంపియన్స్‌ ట్రోఫీ, 2024 టీ20 వరల్డ్‌కప్‌, 2025 ఛాంపియన్స్‌ ట్రోఫీ విజయాల్లో భాగమయ్యాడు.ఐసీసీ ఈవెంట్లలో కోహ్లి, రోహిత్‌ల ట్రాక్‌ రికార్డును పరిశీలిస్తే ప్రపంచంలో ఏ ఆటగాడికి సాధ్యం కాని రికార్డు వీరు సొంతం చేసుకున్నారు. కోహ్లి, రోహిత్‌ ఐసీసీ వైట్‌బాల్‌ టోర్నీల్లో ఇప్పటివరకు (ఛాంపియన్స్‌ ట్రోఫీ-2025 ఫైనల్‌) తలో 90 మ్యాచ్‌లు ఆడి 70కి పైగా విజయాల్లో (కోహ్లి 72, రోహిత్‌ 70) భాగమయ్యారు. ప్రపంచంలో మరే క్రికెటర్‌ ఐసీసీ వైట్‌బాల్‌ టోర్నీల్లో వీరు సాధించినన్ని విజయాలు సాధించలేదు. కోహ్లి, రోహిత్‌ తర్వాత ఐసీసీ వైట్‌ బాల్‌ టోర్నీల్లో అత్యధిక మ్యాచ్‌లు గెలిచిన ఘనత మహేళ జయవర్దనేకు దక్కుతుంది. జయవర్దనే 93 మ్యాచ్‌ల్లో 57 విజయాలు సాధించాడు.ఐసీసీ వైట్‌ బాల్‌ టోర్నీల్లో అత్యధిక మ్యాచ్‌లు గెలిచిన ఆటగాళ్లు..విరాట్‌ కోహ్లి- 72 (90 మ్యాచ్‌లు)రోహిత్‌ శర్మ- 70 (90)మహేళ జయవర్దనే- 57 (93)కుమార సంగక్కర- 56 (90)రవీంద్ర జడేజా- 52 (66)రికీ పాంటింగ్‌- 52 (70)ఎంఎస్‌ ధోని- 52 (78)ఛాంపియన్స్‌ ట్రోఫీ-2025 విషయానికొస్తే.. ఈ టోర్నీలో భారత్‌ అజేయ జట్టుగా ఫైనల్‌కు చేరి ఫైనల్లో న్యూజిలాండ్‌ను మట్టికరిపించి ఛాంపియన్‌గా నిలిచింది. ఉత్కంఠగా సాగిన ఫైనల్లో తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. భారత స్పిన్నర్లు చెలరేగిన వేల డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) అద్భుతమైన అర్ద సెంచరీలు సాధించి న్యూజిలాండ్‌కు గౌరవప్రదమైన స్కోర్‌ అందించారు. ఆదిలో రచిన్‌ రవీంద్ర (37), ఆఖర్లో గ్లెన్‌ ఫిలిప్స్‌ (34) మంచి ఇన్నింగ్స్‌లు ఆడగా.. విల్‌ యంగ్‌ (15), కేన్‌ విలియమ్సన్‌ (11), టామ్‌ లాథమ్‌ (14),మిచెల్‌ సాంట్నర్‌ (8) తక్కువ స్కోర్లకు ఔటయ్యారు. భారత్‌ బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో 2.. షమీ, జడేజా చెరో వికెట్‌ పడగొట్టారు.అనంతరం భారత్‌ 49 ఓవర్లలో 6 వికెట్లు కోల్పోయి లక్ష్యాన్ని ఛేదించింది. ఛేదనలో రోహిత్‌ (76) భారత్‌కు శుభారంభాన్ని అందించారు. శుభ్‌మన్‌ గిల్‌తో (31) కలిసి తొలి వికెట్‌కు 105 పరుగులు జోడించాడు. అయితే భారత్‌ 17 పరుగుల వ్యవధిలో గిల్‌, కోహ్లి (1), రోహిత్‌ వికెట్లు కోల్పోయి కష్టాల్లో పడింది. ఈ దశలో శ్రేయస్‌ అయ్యర్‌ (48), అక్షర్‌ పటేల్‌ (29) మంచి భాగస్వామ్యం నెలకొల్పి భారత్‌ను తిరిగి గేమ్‌లోకి తెచ్చారు. అయితే శ్రేయస్‌, అక్షర్‌ కూడా స్వల్ప వ్యవధిలో ఔట్‌ కావడంతో టీమిండియా మరోసారి కష్టాల్లో పడింది.ఈ దశలో కేఎల్‌ రాహుల్‌ (34 నాటౌట్‌).. హార్దిక్‌ పాండ్యా (18), రవీంద్ర జడేజాతో (18 నాటౌట్‌) కలిసి మ్యాచ్‌ విన్నింగ్‌ భాగస్వామ్యాలు నెలకొల్పి భారత్‌ను విజయతీరాలకు చేర్చాడు. జడేజా బౌండరీ బాది భారత్‌ను గెలిపించాడు. న్యూజిలాండ్‌ బౌలర్లలో సాంట్నర్‌, బ్రేస్‌వెల్‌ తలో 2 వికెట్లు పడగొట్టగా.. జేమీసన్‌, రచిన్‌ చెరో వికెట్‌ దక్కించుకున్నారు. ఛాంపియన్స్‌ ట్రోఫీని గెలవడం భారత్‌కు ఇది మూడోసారి (2002, 2013, 2025). ఫైనల్లో అద్భుతంగా బ్యాటింగ్‌ చేసిన రోహిత్‌ శర్మకు ప్లేయర్‌ ఆఫ్‌ ద మ్యాచ్‌ అవార్డు లభించగా.. టోర్నీ ఆధ్యాంతం రాణించిన రచిన్‌ రవీంద్రకు ప్లేయర్‌ ఆఫ్‌ ద టోర్నీ అవార్డు లభించింది.

భారత క్రికెటర్‌ యుజ్వేంద్ర చాహల్, కొరియోగ్రాఫర్‌, నటి ధనశ్రీ వర్మ విడాకుల వార్తలు వైరల్ అవుతున్న విషయం తెలిసిందే. దాదాపు నిజమే అయినప్పటికీ అధికారికంగా ప్రకటన రాలేదు. అయితే, చహల్‌ మరో యువతితో డేటింగ్‌లో ఉన్నాడని కూడా వార్తలు వచ్చాయి. ఆర్జే మహ్వాష్‌తో(RJ Mahvash) డేటింగే వల్లే చహల్ కాపురంలో చిచ్చు మొదలైందని పుకార్లు కూడా వచ్చాయి. కొద్దిరోజుల క్రితమే వాటిని మహ్వాష్‌ తిప్పికొట్టింది. అవన్నీ రూమర్స్‌ మాత్రమేనని ఆమె పేర్కొంది. అయితే, తాజాగా వారిద్దరూ కలిసి చాంపియన్స్ ట్రోఫీ ఫైనల్‌లో సందడి చేశారు. దీంతో మరోసారి నెట్టింట వైరల్‌ అవుతున్నారు.ఛాంపియన్స్‌ ట్రోఫీలో భాగంగా దుబాయ్‌లో భారత్‌, న్యూజిలాండ్‌ల మధ్య ఫైనల్‌ మ్యాచ్‌ జరిగింది. 12 ఏళ్ల విరామం తర్వాత మళ్లీ ఛాంపియన్స్‌ ట్రోఫీని టీమ్‌ఇండియా అందుకుంది. ఇంతటి సంబరంలో కూడా యుజ్వేంద్ర చహల్, ఆర్జే మహ్వాష్‌ ఫోటోలు నెట్టింట వైరల్‌ అవుతున్నాయి. మ్యాచ్‌ జరుగుతున్న సమయంలో వారిద్దరూ ప్రేక్షకుల గ్యాలరీలో సందడిగా కనిపించారు. చాలా సన్నిహితంగా ఉన్న ఫోటోలను షోషల్‌మీడియాలో కొందరు షేర్ చేశారు. గతంలో వీళ్లిద్దరూ రెస్టారెంట్‌లో కనిపించిగా ఆ ఫొటోలు వైరల్‌ అయ్యాయి. ఇప్పుడు ఇలా మరోసారి సన్నిహితంగా కనిపించడంతో వారిద్దరిపై వస్తున్న డేటింగ్‌ వార్తలు నిజమేననే అనుమానాలు మరింత బలపడే అవకాశం ఉంది. ఒక సందర్భంలో బాలీవుడ్‌ నటుడు వివేక్‌ ఒబేరాయ్‌ కూడా ఈ జంటతో ముచ్చటించారు. ఆయన కూడా చహల్‌, మహ్వాష్‌ ఫోటోలను షేర్‌ చేశారు.ఆర్జే మహ్వాష్‌ సినీ నటి మాత్రమే కాదు.. ప్రస్తుతం ఆమె ఒక సినిమాకు నిర్మాతగా ఉన్నారు. నిర్మాణ కార్యక్రమంలో ఉన్న ఆ చిత్రం త్వరలో విడుదల కానుంది. అయితే, ఆమెకు రేడియో జాకీగా మొదట బాగా గుర్తింపు వచ్చింది. ఇప్పుడు క్రికెటర్‌ యుజ్వేంద్ర చహల్‌తో డేటింగ్‌లో ఉన్నట్లు వార్తలు వస్తుండటంతో ఆమె పేరు ట్రెండ్‌ అవుతుంది.Following separation from actress-choreographer #DhanashreeVerma, cricketer #YuzvendraChahal was spotted with #RJMahvash watching #INDvsNZ Champions Trophy final in Dubai. pic.twitter.com/j5cjTXcdvL— Cinemania (@CinemaniaIndia) March 9, 2025

దుబాయ్‌: వన్డే ప్రపంచకప్, టి20 ప్రపంచకప్, ప్రపంచ టెస్టు చాంపియన్‌షిప్‌ (డబ్ల్యూటీసీ)... అంతర్జాతీయ క్రికెట్‌లో మూడు ఫార్మాట్ల చాంపియన్లు అవతరిస్తారు. అంతర్జాతీయ క్రికెట్‌ మండలి (ఐసీసీ) మాత్రం ‘చాంపియన్స్‌ ట్రోఫీ’ విజేతలకు మాత్రమే ప్రత్యేకమైన తెలుపురంగు జాకెట్లను అందజేస్తుంది. జెంటిల్‌మెన్‌ క్రికెట్‌లో దర్పానికి, గొప్ప గౌరవానికి ప్రతీకగా ట్రోఫీతో పాటు జాకెట్లను ఇస్తారు. విన్నింగ్‌ టీమ్‌ సభ్యులందరూ ఈ వైట్‌ జాకెట్లు (white jackets) ధరించే బహుమతి ప్రదానోత్సవ వేడుకలో తెగ హంగామా చేస్తారు. 1998లో బంగ్లాదేశ్‌లో ఈ టోర్నీకి శ్రీకారం చుట్టారు. అప్పట్లో నాకౌట్‌ టోర్నీగా మొదలైన ఈ ఈవెంట్‌ను మినీ ప్రపంచకప్‌గా అభివర్ణించేవారు. ఇక వైట్‌ జాకెట్ల హంగు, వేదికపై ఆర్భాటం మాత్రం 2009లో మొదలైంది. ముంబైకి చెందిన ప్రముఖ ఫ్యాషన్‌ డిజైనర్‌ బబితా ఈ వైట్‌ జాకెట్ల రూపకర్త. మనకిది సాధారణ వైట్‌ సూట్‌లాగే కనిపిస్తుంది. కానీ ఇది ఎంతో ప్రత్యేకమైన ఇటాలియన్‌ వూల్‌తో తయారైంది. వినూత్న టెక్చ్సర్, స్ట్రిప్‌లు, బంగారు వర్ణ ఎంబ్రాయిడింగ్‌ వర్క్‌ చాంపియన్స్‌ ట్రోఫీ లోగోతో ఆ జాకెట్లకు మరిన్ని వన్నెలద్దారు డిజైనర్లు. పాకిస్తాన్‌ ఆతిథ్యమిచ్చిన తాజా టోర్నీకి సంబంధించిన ఈ ప్రత్యేకమైన జాకెట్లను ఆ దేశ దిగ్గజం, మాజీ కెప్టెన్ వసీమ్‌ అక్రమ్‌ విడుదల చేశాడు. ఈ సందర్భంగా అక్రమ్‌ మాట్లాడుతూ ‘ఐసీసీ చాంపియన్స్‌ ట్రోఫీ అత్యుత్తమ టోర్నీకి నిదర్శనం. క్రికెట్‌ గొప్పతనాన్ని విశ్వవ్యాప్తం చేసింది. ఆరంభం నుంచి విశేషాదరణ చూరగొంది’ అని అన్నాడు.చ‌ద‌వండి: రోహిత్ శ‌ర్మ వ‌ర‌ల్డ్ రికార్డు.. ఇప్ప‌టివ‌ర‌కు ఎవ‌రికీ సాధ్యం కాలేదు

నవంబర్‌ 19, 2023... కోట్లాది మంది భారతీయుల ఆశలు మోస్తూ వన్డే వరల్డ్‌ కప్‌లో ఫైనల్‌ బరిలోకి దిగిన భారత్‌ అనూహ్య పరాజయంతో అభిమానుల గుండెలు బద్దలయ్యాయి... జూన్‌ 29, 2024... టి20 ఫార్మాట్‌లో తమ స్థాయికి తగ్గ ఆటను కనబరుస్తూ భారత జట్టు వరల్డ్‌ కప్‌ గెలుచుకుంది...ఫ్యాన్స్‌కు కాస్త ఊరట... మార్చి 9, 2025... అంచనాలకు అనుగుణంగా ప్రతీ మ్యాచ్‌లో సంపూర్ణ ఆధిక్యంతో భారత జట్టు చాంపియన్స్‌ ట్రోఫీ సాధించింది... దేశవ్యాప్తంగా అన్ని చోట్లా ఆనందం... సాక్షి క్రీడా విభాగం : సుమారు 16 నెలల వ్యవధిలో భారత జట్టు మూడు ఐసీసీ టోర్నీల్లో ఫైనల్‌ చేరింది. వాటిలో రెండింటిలో విజేతగా నిలిచింది. వన్డే వరల్డ్‌ కప్‌ ఓటమి వేదన ఇప్పటికీ తీరనిది అయినా మిగతా రెండు విజయాలతో సాంత్వన దక్కిందనేది మాత్రం వాస్తవం. అంతర్జాతీయ క్రీడల్లో ఒక టోర్నమెంట్‌కు, మరో టోర్నమెంట్‌కు పోలిక ఉండదు. ఒక విజయానికి, మరో విజయానికి సంబంధం ఉండదు. దేని ప్రత్యేకత దానిదే. కానీ గెలుపు ఇచ్చే కిక్‌ మాత్రం ఎప్పుడైనా ఒకటే! ఇప్పుడు టీమిండియా ఆటగాళ్లు దానినే అనుభవిస్తున్నారు.వరల్డ్‌ కప్‌ కాకపోయినా టాప్‌–8 జట్ల మధ్య జరిగిన సమరంలో భారత్‌ తమ అగ్రస్థానాన్ని నిలబెట్టుకుంది. 2013లో చాంపియన్స్‌ ట్రోఫీ గెలిచిన జట్టులో సభ్యులైన రోహిత్, కోహ్లి, జడేజా ఇప్పుడూ ఉన్నారు. 2017 ఫైనల్లో పాక్‌ చేతిలో ఓడిన వారిలో ఈ ముగ్గురితో పాటు హార్దిక్‌ పాండ్యా, షమీ కూడా ఉన్నారు. షమీ, అయ్యర్, రాహుల్, హర్షిత్‌ రాణా, వరుణ్, సుందర్‌లకు ఇదే తొలి ఐసీసీ టైటిల్‌. దాని విలువ ఏమిటో వారి ఆనందంలోనే కనిపిస్తోంది. స్పిన్నర్లే విన్నర్లు... చాంపియన్స్‌ ట్రోఫీ కోసం జట్టును ప్రకటించినప్పుడు ‘ఐదుగురు స్పిన్నర్లా’ అంటూ అన్ని వైపుల నుంచి ఆశ్చర్యం వ్యక్తమైంది. పైగా అప్పటికే ఎంపిక చేసిన జట్టులో ఉన్న బ్యాటర్‌ యశస్వి జైస్వాల్‌ను తప్పించి మరీ వరుణ్‌ చక్రవర్తిని ఎంపిక చేశారు. టోర్నీలో మన స్పిన్నర్ల ప్రదర్శన చూస్తే ఇది ఎంత సరైన నిర్ణయమో తేలింది. సుందర్‌కు మ్యాచ్‌ ఆడే అవకాశం రాకపోగా... మిగతా నలుగురు వరుణ్, కుల్దీప్, అక్షర్, జడేజా పెను ప్రభావం చూపించారు. ఈ నలుగురు కలిసి మొత్తం 26 వికెట్లు పడగొట్టారు. ఇందులో వరుణ్‌ గురించి ప్రత్యేకంగా చెప్పాలి. కేవలం 15.11 సగటుతో అతను 9 వికెట్లు తీశాడు. లీగ్‌ దశలోనే కివీస్‌ పని పట్టిన అతను ఫైనల్లోనూ అదే ఆటను ప్రదర్శించి జట్టు విజయానికి కారణమయ్యాడు. కీలకమైన యంగ్, ఫిలిప్స్‌ వికెట్లు తీసిన అతను కనీసం ఒక్క బౌండరీ కూడా ఇవ్వకపోవడం విశేషం! టోర్నీకి ముందు అతను ఒకే ఒక వన్డే ఆడాడు. ‘వరుణ్‌ బౌలింగ్‌లో ఏదో ప్రత్యేకత ఉంది. నెట్స్‌లో కూడా అతను మాకు మామూలుగానే బౌలింగ్‌ చేస్తాడు. తన అసలైన ఆయుధాలను మ్యాచ్‌లోనే ప్రదర్శిస్తాడు. అలా చేస్తే చాలు’ అంటు రోహిత్‌ చేసిన ప్రశంస వరుణ్‌ విలువను చూపించింది. ఆరంభంలో కుల్దీప్‌ పెద్దగా ప్రభావం చూపకపోయినా... తుది పోరులో రెండు కీలక వికెట్లతో కివీస్‌ను నిలువరించాడు. జడేజా, అక్షర్‌ కూడా కట్టుదిట్టమైన బౌలింగ్‌తో ప్రత్యర్థులను కట్టి పడేశారు. వీరిద్దరి ఎకానమీ 4.35 మాత్రమే ఉందంటే వారు ఎంత పొదుపుగా బౌలింగ్‌ చేశారో అర్థమవుతుంది. గాయం నుంచి కోలుకొని తిరిగొచ్చిన షమీ గతంలోలా అద్భుతంగా బౌలింగ్‌ చేయకపోయినా కీలక సమయాల్లో జట్టును ఆదుకున్నాడు. టోర్నీలో అతను తీసిన 9 వికెట్లలో సెమీస్‌లో స్మిత్‌ను అవుట్‌ చేసిన క్షణం హైలైట్‌గా నిలిచింది. బుమ్రా లేని లోటును పూరిస్తూ ఈ సీనియర్‌ బౌలర్‌ తన వంతు పాత్రను పోషించాడు. బ్యాటర్లు సమష్టిగా... బ్యాటింగ్‌లో ఎప్పటిలాగే విరాట్‌ కోహ్లి (మొత్తం 218 పరుగులు) భారత జట్టు మూల స్థంభంగా నిలిచాడు. 1 సెంచరీ, 1 అర్ధసెంచరీతో రెండుసార్లు ‘ప్లేయర్‌ ఆఫ్‌ ద మ్యాచ్‌’గా అతను జట్టును గెలిపించాడు. టోర్నీకి ముందు అతని బ్యాటింగ్‌పై కాస్త సందేహాలు రేగినా... వాటిని అతను పటాపంచలు చేశాడు. కోహ్లినే స్వయంగా చెప్పినట్లు ఆ్రస్టేలియా టూర్‌ తర్వాత తాము ఒక విజయం కోసం చూస్తున్న స్థితిలో ఈ టైటిల్‌ దక్కింది. మొత్తం పరుగులు చూస్తే రోహిత్‌ శర్మ (180) తక్కువగానే కనిపిస్తున్నా... ఓపెనర్‌గా అతను చూపించిన ప్రభావం ఎంతో ఉంది. శ్రేయస్‌ అయ్యర్‌ (243) జట్టు అత్యధిక స్కోరర్‌గా నిలవగా, గిల్‌ (188 పరుగులు) ఒక సెంచరీతో తాను ప్రధాన పాత్ర పోషించాడు. తనపై వస్తున్న విమర్శలకు జవాబిస్తూ కేఎల్‌ రాహుల్‌ (140 పరుగులు) మూడు మ్యాచ్‌లలో చివరి వరకు నిలిచి జట్టును గెలుపు తీరం చేర్చాడు. ఐదో స్థానంలో ప్రమోట్‌ అయిన అక్షర్‌ పటేల్‌ (109 పరుగులు) కూడా ఆకట్టుకున్నాడు. టాప్‌–6 బ్యాటర్లు ఆశించిన స్థాయిలో ఆడటంతో ఆందోళన లేకపోయింది. ఐదు మ్యాచ్‌లలో భారత్‌ నాలుగు సార్లు సునాయాసంగా 232, 242, 265, 252 లక్ష్యాలను అందుకుంది. కెప్టెన్ గా రోహిత్‌ ముద్ర... భారత్‌ నుంచి ధోని మాత్రం కెపె్టన్‌గా ఒకటికి మించి ఐసీసీ టైటిల్స్‌ సాధించాడు. ఇప్పుడు రెండు ట్రోఫీలతో రోహిత్‌ శర్మ తన నాయకత్వ లక్షణాలను ప్రదర్శించాడు. మరో దాంట్లో ఫైనల్‌ కూడా చేర్చిన ఘనత, వరల్డ్‌ టెస్టు చాంపియన్‌షిప్‌లో ఫైనల్లో సారథిగా వ్యవహరించిన ఘనత కూడా అతని ఖాతాలో ఉంది. చాంపియన్స్‌ ట్రోఫీలో కీలక సమయాల్లో కెప్టెన్ గా అతను జట్టును నడిపించిన తీరు హైలైట్‌గా నిలిచింది. గంభీర్‌కు ఊరట... ద్రవిడ్‌ నుంచి కోచ్‌గా బాధ్యతలు తీసుకున్న తర్వాత గంభీర్‌ కోచింగ్‌లో చెప్పుకోదగ్గ ఫలితాలు రాలేదు. శ్రీలంకపై టి20 సిరీస్, స్వదేశంలో ఇంగ్లండ్‌తో సిరీస్‌ లు గెలిచినా వాటిని ఎవరూ పెద్దగా పట్టించుకోలేదు. సొంతగడ్డపై న్యూజిలాండ్, ఆ తర్వాత ఆసీస్‌ చేతిలో టెస్టుల్లో చిత్తయిన అవమాన భారం మాత్రమే అందరికీ గుర్తుండిపోయింది.ఇలాంటి సమయంలో వచ్చిన గెలుపు కోచ్‌గా అతనికి ఊరటనిచ్చిoదనడంలో సందేహం లేదు. ‘అంతర్జాతీయ క్రికెట్‌లో సంతృప్తికరమైన ఆట ఎప్పటికీ ఉండదు. ప్రతీసారి ఏదో ఒక విషయం మెరుగు పర్చుకోవాల్సిందే. అప్పుడే నిలకడగా ఫలితాలు వస్తాయి’ అంటూ ఆటగాళ్లలో స్ఫూర్తి నింపిన కోచ్‌ ఇప్పుడు ఫైనల్‌ అనంతరం చిరునవ్వులు చిందించాడు.ప్రధాని ప్రశంసలు... మూడోసారి చాంపియన్స్‌ ట్రోఫీ టైటిల్‌ గెలిచిన భారత క్రికెట్‌ జట్టుకు ప్రధానమంత్రి నరేంద్ర మోదీ అభినందించారు. ‘అద్భుతమైన మ్యాచ్‌...అద్భుతమైన ఫలితం... ఐసీసీ చాంపియన్స్‌ ట్రోఫీ గెలిచిన మన క్రికెట్‌ జట్టును చూసి గర్వపడుతున్నా. టోర్నమెంట్‌ ఆసాంతం వారంతా చాలా బాగా ఆడారు. అసాధారణ ఆల్‌రౌండ్‌ ప్రదర్శన కనబర్చిన మన జట్టుకు నా అభినందనలు’ అని ‘ఎక్స్‌’లో మోదీ పేర్కొన్నారు. టీమిండియాకు ఆంధ్రప్రదేశ్‌ ముఖ్యమంత్రి చందబ్రాబు, తెలంగాణ సీఎం రేవంత్‌ రెడ్డి, కేంద్ర మంత్రి కిషన్‌ రెడ్డి కూడా అభినందనలు తెలిపారు.మాజీ సీఎం జగన్‌ అభినందనలు ఐసీసీ చాంపియన్స్‌ ట్రోఫీలో అసాధారణ విజయం సాధించిన భారత జట్టుకు ఆంధ్రప్రదేశ్‌ మాజీ ముఖ్యమంత్రి వైఎస్‌ జగన్‌మోహన్‌రెడ్డి అభినందనలు తెలిపారు. ఈ మేరకు ఆదివారం రాత్రి తన ‘ఎక్స్‌’ ఖాతా ద్వారా స్పందించారు. ‘ఇది ఎంతో అర్హమైన అజేయ విజయం. మన దేశానికి గర్వకారణమైన క్షణం! టీమిండియాకు అభినందనలు’ అని ఆయన పేర్కొన్నారు.7 భారత్‌ సాధించిన అంతర్జాతీయ క్రికెట్‌ కౌన్సిల్‌ (ఐసీసీ) టైటిల్స్‌ సంఖ్య. ఇందులో 2 వన్డే వరల్డ్‌కప్‌లు (1983, 2011), 2 టి20 వరల్డ్‌కప్‌లు (2007, 2024), 3 చాంపియన్స్‌ ట్రోఫీలు (2022, 2013, 2025) ఉన్నాయి. ఈ జాబితాలో ఆస్ట్రేలియా 10 ఐసీసీ టైటిల్స్‌తో అగ్రస్థానంలో ఉంది.ఎవరికెంత ప్రైజ్‌మనీ అంటే? విజేత భారత్‌ 22 లక్షల 40 వేల డాలర్లు (రూ. 19 కోట్ల 52 లక్షలు) రన్నరప్‌ కివీస్‌ 11 లక్షల 20 వేల డాలర్లు (రూ. 9 కోట్ల 76 లక్షలు)

భారత జట్టు మరోసారి తమ చాంపియన్‌ ఆటను ప్రదర్శించింది. తొలి మ్యాచ్‌ నుంచి అన్ని రంగాల్లో ఆధిక్యం ప్రదర్శిస్తూ వచ్చిన జట్టు అజేయంగా విజయప్రస్థానాన్ని ముగించింది. అటు బౌలింగ్‌లో, ఇటు బ్యాటింగ్‌లో సమష్టి ఆటతో ఒక్కో ప్రత్యర్థిని పడగొడుతూ వచ్చిన జట్టు తమ స్థాయికి తగ్గ విజయాన్ని అందుకుంది. ఏడాది వ్యవధిలో మరో అంతర్జాతీయ క్రికెట్‌ కౌన్సిల్‌ (ఐసీసీ) టైటిల్‌ను సొంతం చేసుకొని ప్రపంచ క్రికెట్‌పై తమ ఆధిపత్యాన్ని స్పష్టంగా చూపించింది. 2023 వన్డే వరల్డ్‌ కప్‌ ఫైనల్‌ ఓటమిని పూర్తిగా మరచిపోయేలా కాకపోయినా... ఈ ఫార్మాట్‌లో మరో ప్రతిష్టాత్మక టైటిల్‌ను గెలుచుకొని అభిమానులకు ఆనందాన్ని పంచింది. 2013లాగే ఒక్క ఓటమి కూడా లేకుండా టీమిండియా ట్రోఫీని గెలుచుకోవడం విశేషం. ఫైనల్లో టాస్‌ ఓడినా న్యూజిలాండ్‌ను సాధారణ స్కోరుకే పరిమితం చేయడంతోనే భారత్‌కు గెలుపు దారులు తెరుచుకున్నాయి. మన స్పిన్‌ చతుష్టయాన్ని ఎదుర్కోవడంలో మళ్లీ తడబడిన కివీస్‌ భారీ స్కోరు సాధించలేకపోయింది. ఛేదనలో రోహిత్‌ శర్మ దూకుడైన ఆరంభం లక్ష్యాన్ని అందుకునేందుకు తగిన పునాది వేసింది. మధ్యలో కొద్దిసేపు కివీస్‌ స్పిన్నర్లూ ప్రభావం చూపడంతో 17 పరుగుల వ్యవధిలో 3 కీలక వికెట్లు కోల్పోయి కొంత ఉత్కంఠ నెలకొంది. అయితే లక్ష్యం మరీ చిన్నది కావడంతో సమర్థమైన బ్యాటింగ్‌ లైనప్‌ తడబడకుండా టీమ్‌ను విజయతీరం చేర్చింది. క్రికెట్‌లో ‘మంచి బాలురు’వంటి న్యూజిలాండ్‌ టీమ్‌ మరోసారి ‘పోరాడి ఓడిన’ ముద్రతోనే నిరాశగా నిష్క్రమించింది.దుబాయ్‌: ఐసీసీ చాంపియన్స్‌ ట్రోఫీ–2025ను భారత్‌ సొంతం చేసుకుంది. లీగ్‌ దశలో మూడు మ్యాచ్‌లతో పాటు సెమీఫైనల్, ఫైనల్‌ కలిపి ఆడిన ఐదు మ్యాచ్‌లలో ఓటమి లేకుండా జట్టు టైటిల్‌ గెలుచుకుంది. దుబాయ్‌లో ఆదివారం జరిగిన ఫైనల్లో భారత్‌ 4 వికెట్ల తేడాతో మాజీ చాంపియన్‌ న్యూజిలాండ్‌పై విజయం సాధించింది. గతంలో భారత్‌ 2002, 2013లలో కూడా చాంపియన్స్‌ ట్రోఫీ టైటిల్‌ను గెల్చుకుంది. ఫైనల్లో టాస్‌ గెలిచి ముందుగా బ్యాటింగ్‌కు దిగిన కివీస్‌ 50 ఓవర్లలో 7 వికెట్ల నష్టానికి 251 పరుగులు చేసింది. డరైల్‌ మిచెల్‌ (101 బంతుల్లో 63; 3 ఫోర్లు), మైకేల్‌ బ్రేస్‌వెల్‌ (40 బంతుల్లో 53 నాటౌట్‌; 3 ఫోర్లు, 2 సిక్స్‌లు) అర్ధ సెంచరీలు చేశారు. అనంతరం భారత్‌ 49 ఓవర్లలో 6 వికెట్లకు 254 పరుగులు సాధించి గెలిచింది. ‘ప్లేయర్‌ ఆఫ్‌ ద మ్యాచ్‌’ రోహిత్‌ శర్మ (83 బంతుల్లో 76; 7 ఫోర్లు, 3 సిక్స్‌లు) చెలరేగగా... శ్రేయస్‌ అయ్యర్‌ (62 బంతుల్లో 48; 2 ఫోర్లు, 2 సిక్స్‌లు) కీలక ఇన్నింగ్స్‌ ఆడాడు. టోర్నీ మొత్తంలో 263 పరుగులు చేసి 3 వికెట్లు తీసిన న్యూజిలాండ్‌ ప్లేయర్‌ రచిన్‌ రవీంద్ర ‘ప్లేయర్‌ ఆఫ్‌ ద టోర్నీ’ అవార్డు గెల్చుకున్నాడు. మిచెల్‌ హాఫ్‌ సెంచరీ... కివీస్‌ ఇన్నింగ్స్‌ను రచిన్‌ రవీంద్ర (29 బంతుల్లో 37; 4 ఫోర్లు, 1 సిక్స్‌) ధాటిగా మొదలు పెట్టాడు. పాండ్యా ఓవర్లో 2 ఫోర్లు, సిక్స్‌ కొట్టిన అతను షమీ ఓవర్లో మరో రెండు ఫోర్లు బాదాడు. దాంతో ఆరో ఓవర్లోనే భారత్‌ స్పిన్నర్‌ వరుణ్‌ను బౌలింగ్‌కు దింపింది. విల్‌ యంగ్‌ (23 బంతుల్లో 15; 2 ఫోర్లు)ను అవుట్‌ చేసి అతను ఓపెనింగ్‌ జోడీని విడదీశాడు. 10 ఓవర్లలో కివీస్‌ స్కోరు 69 పరుగులకు చేరింది. తన తొలి బంతికే రచిన్‌ను బౌల్డ్‌ చేసిన కుల్దీప్, తన రెండో ఓవర్లో విలియమ్సన్‌ (14 బంతుల్లో 11; 1 ఫోర్‌)ను పెవిలియన్‌ పంపించి ప్రత్య ర్థిని దెబ్బ కొట్టాడు.లాథమ్‌ (30 బంతుల్లో 14) కూడా ఎక్కువ సేపు నిలవలేకపోయాడు. ఈ దశలో మిచెల్, గ్లెన్‌ ఫిలిప్స్‌ (52 బంతుల్లో 34; 2 ఫోర్లు, 1 సిక్స్‌) కలిసి జట్టును ఆదుకునే ప్రయత్నం చేశారు. అయితే స్పిన్నర్లను ఎదుర్కోవడంలో బ్యాటర్లు బాగా ఇబ్బంది పడటంతో పరుగులు నెమ్మదిగా వచ్చాయి. వరుసగా 81 బంతుల పాటు బౌండరీనే రాలేదు. ఎట్టకేలకు 91 బంతుల్లో మిచెల్‌ అర్ధ సెంచరీ పూర్తయింది. ఒక వైపు తక్కువ వ్యవధిలో వరుసగా వికెట్లు కోల్పోయినా... ఆఖర్లో బ్రేస్‌వెల్‌ వేగంగా ఆడటంతో జట్టు స్కోరు 250 పరుగులు దాటింది. చివరి 10 ఓవర్లలో కివీస్‌ 79 పరుగులు చేసింది. నలుగురు భారత స్పిన్నర్లు కలిపి 38 ఓవర్లలో 144 పరుగులిచ్చి 5 వికెట్లు తీయగా... ఇద్దరు పేసర్లు 12 ఓవర్లలో 104 పరుగులిచ్చి ఒకే వికెట్‌ తీయడం మన స్పిన్నర్ల ప్రభావాన్ని చూపించింది. రాణించిన అయ్యర్‌... ఇన్నింగ్స్‌ రెండో బంతికే సిక్స్‌తో మొదలు పెట్టిన రోహిత్‌ తన ఇన్నింగ్స్‌ ఆసాంతం దూకుడుగా ఆడాడు. నాథన్‌ స్మిత్‌ ఓవర్లో అతను 2 ఫోర్లు, సిక్స్‌ కొట్టాడు. మరో ఎండ్‌లో శుబ్‌మన్‌ గిల్‌ (50 బంతుల్లో 31; 1 సిక్స్‌) పరుగులు చేయడానికి తీవ్రంగా శ్రమించాడు. 10 ఓవర్లలో స్కోరు 64 పరుగులు కాగా, 41 బంతుల్లోనే రోహిత్‌ హాఫ్‌ సెంచరీ మార్క్‌ను చేరుకున్నాడు. ఎట్టకేలకు శతక భాగస్వామ్యం తర్వాత గిల్‌ అవుట్‌ కావడంతో భారత్‌ తొలి వికెట్‌ కోల్పోయింది. ఆపై మరో 17 పరుగుల తేడాతో రెండు కీలక వికెట్లు తీసి కివీస్‌ పైచేయి సాధించింది. బ్రేస్‌వెల్‌ తొలి బంతికి కోహ్లి (1) వికెట్ల ముందు దొరికిపోగా, రోహిత్‌ భారీ షాట్‌కు ప్రయత్నించి స్టంపౌటయ్యాడు. ఈ దశలో అయ్యర్, అక్షర్‌ పటేల్‌ (40 బంతుల్లో 29; 1 ఫోర్, 1 సిక్స్‌) కలిసి చక్కటి సమన్వయంతో జాగ్రత్తగా ఆడుతూ మళ్లీ ఇన్నింగ్స్‌ను నడిపించారు. అయితే వీరిద్దరిని తక్కువ వ్యవధిలో వెనక్కి పంపడంతో కివీస్‌ బృందంలో ఆశలు రేగాయి. అయితే కేఎల్‌ రాహుల్‌ (33 బంతుల్లో 34 నాటౌట్‌; 1 ఫోర్, 1 సిక్స్‌) ముందుండి నడిపిస్తూ జట్టును విజయం దిశగా తీసుకెళ్లాడు. 68 బంతుల్లో 69 పరుగులు చేయాల్సిన స్థితిలో బరిలోకి దిగిన రాహుల్‌కు హార్దిక్‌ పాండ్యా (18 బంతుల్లో 18; 1 ఫోర్, 1 సిక్స్‌) సహకరించాడు. 49వ ఓవర్‌ చివరి బంతిని జడేజా (6 బంతుల్లో 9 నాటౌట్‌; 1 ఫోర్‌) డీప్‌స్క్వేర్‌ లెగ్‌ దిశగా ఫోర్‌ కొట్టడంతో భారత్‌ విజయాన్ని పూర్తి చేసుకుంది. స్కోరు వివరాలు న్యూజిలాండ్‌ ఇన్నింగ్స్‌: యంగ్‌ (ఎల్బీ) (బి) వరుణ్‌ 15; రచిన్‌ (బి) కుల్దీప్‌ 37; విలియమ్సన్‌ (సి అండ్‌ బి) కుల్దీప్‌ 11; మిచెల్‌ (సి) రోహిత్‌ (బి) షమీ 63; లాథమ్‌ (ఎల్బీ) (బి) జడేజా 14; ఫిలిప్స్‌ (బి) వరుణ్‌ 34; బ్రేస్‌వెల్‌ (నాటౌట్‌) 53; సాంట్నర్‌ (రనౌట్‌) 8; స్మిత్‌ (నాటౌట్‌) 0; ఎక్స్‌ట్రాలు 16; మొత్తం (50 ఓవర్లలో 7 వికెట్లకు) 251. వికెట్ల పతనం: 1–57, 2–69, 3–75, 4–108, 5–165, 6–211, 7–239. బౌలింగ్‌: షమీ 9–0–74–1, పాండ్యా 3–0–30–0, వరుణ్‌ చక్రవర్తి 10–0–45–2, కుల్దీప్‌ యాదవ్‌ 10–0–40–2, అక్షర్‌ పటేల్‌ 8–0–29–0, రవీంద్ర జడేజా 10–0–30–1. భారత్‌ ఇన్నింగ్స్‌: రోహిత్‌ (స్టంప్డ్‌) లాథమ్‌ (బి) రచిన్‌ 76; శుబ్‌మన్‌ గిల్‌ (సి) ఫిలిప్స్‌ (బి) సాంట్నర్‌ 31; కోహ్లి (ఎల్బీ) (బి) బ్రేస్‌వెల్‌ 1; శ్రేయస్‌ అయ్యర్‌ (సి) రచిన్‌ (బి) సాంట్నర్‌ 48; అక్షర్‌ పటేల్‌ (సి) రూర్కే (బి) బ్రేస్‌వెల్‌ 29; కేఎల్‌ రాహుల్‌ (నాటౌట్‌) 34; హార్దిక్‌ పాండ్యా (సి అండ్‌ బి) జేమీసన్‌ 18; జడేజా (నాటౌట్‌) 9; ఎక్స్‌ట్రాలు 8; మొత్తం (49 ఓవర్లలో 6 వికెట్లకు) 254. వికెట్ల పతనం: 1–105, 2–106, 3–122, 4–183, 5–203, 6–241. బౌలింగ్‌: జేమీసన్‌ 5–0–24–1, రూర్కే 7–0–56–0, స్మిత్‌ 2–0–22–0, సాంట్నర్‌ 10–0–46–2, రచిన్‌ 10–1–47–1, బ్రేస్‌వెల్‌ 10–1–28–2, ఫిలిప్స్‌ 5–0–31–0. ఫిలిప్స్‌ అసాధారణంఫీల్డింగ్‌ అత్యుత్తమ ప్రమాణాలు చూపిస్తూ తన స్థాయిని పెంచుకున్న ఫిలిప్స్‌ ఆదివారం మరోసారి దానిని ప్రదర్శించాడు. షార్ట్‌ కవర్‌ వైపు గిల్‌ షాట్‌ ఆడగా అసాధారణంగా గాల్లోకి ఎగురుతూ ఒంటి చేత్తో ఫిలిప్స్‌ అందుకోవడం అందరినీ ఒక్కసారిగా షాక్‌కు గురి చేసింది. ఈ టోర్నీలో అతను ఇప్పటికే కోహ్లి, రిజ్వాన్‌ క్యాచ్‌లను కూడా ఇదే తరహాలో అందుకున్నాడు. క్యాచ్‌లు వదిలేశారు...భారత జట్టు ఫీల్డింగ్‌లో పలు అవకాశాలు చేజార్చింది. కష్టసాధ్యమే అయినా ఏకంగా నాలుగు క్యాచ్‌లు వదిలేసింది. అయితే లైఫ్‌ లభించిన ఆటగాళ్లెవరూ దానిని పెద్దగా సది్వనియోగం చేసుకోలేకపోవడంతో పెద్దగా నష్టం జరగలేదు. రచిన్‌ రవీంద్ర స్కోరు 29 వద్ద ఉన్నప్పుడు రెండుసార్లు బతికిపోయాడు. షమీ రిటర్న్‌ క్యాచ్‌ వదిలేయగా, అయ్యర్‌ మరో క్యాచ్‌ వదిలేశాడు. మిచెల్‌ స్కోరు 38 వద్ద రోహిత్‌ క్యాచ్‌ వదిలేయగా, ఫిలిప్స్‌ స్కోరు 27 వద్ద గిల్‌ క్యాచ్‌ వదిలేసి అవకాశమిచ్చాడు. ఆ తర్వాత కివీస్‌ కూడా గ్రౌండ్‌ ఫీల్డింగ్‌ అద్భుతంగా చేసినా... రెండు క్యాచ్‌లు వదిలేసింది. గిల్‌ 1 పరుగు వద్ద మిచెల్‌ క్యాచ్‌ వదిలేయగా, అయ్యర్‌ 44 పరుగుల వద్ద ఉన్నప్పుడు జేమీసన్‌ అతి సులువైన క్యాచ్‌ను అందుకోలేకపోయాడు. 12 రోహిత్‌ శర్మ వరుసగా 12వసారి టాస్‌ ఓడిపోయాడు. ఈ జాబితాలో అగ్ర స్థానంలో ఉన్న వెస్టిండీస్‌ దిగ్గజం బ్రియాన్‌ లారా (12) రికార్డును సమం చేశాడు. అయితే మ్యాచ్‌లు గెలుస్తూ ఐసీసీ టైటిల్‌ సాధించిన వేళ ఇలాంటి టాస్‌లు ఎన్ని ఓడిపోయినా రోహిత్‌కు లెక్క లేదు! ‘నేను రిటైర్‌ కావడం లేదు’ చాలా సంతోషంగా ఉంది. చక్కటి క్రికెట్‌ ఆడిన మాకు దక్కిన ఫలితమిది. మొదటి నుంచి మా స్పిన్నర్లు ప్రభావం చూపించారు. ఎన్నో అంచనాలు ఉన్న సమయంలో వారు నిరాశపర్చలేదు. ఈ సానుకూలతను మేం సమర్థంగా వాడుకున్నాం. రాహుల్‌ మానసికంగా దృఢంగా ఉంటాడు. సరైన షాట్‌లను ఎంచుకుంటూ ఒత్తిడి లేకుండా అతను ఈ మ్యాచ్‌ను ముగించగలిగాడు. అతని వల్లే అవతలి వైపు పాండ్యా స్వేచ్ఛగా ఆడగలిగాడు. మా బ్యాటర్లంతా ఆకట్టుకునే ప్రదర్శన ఇచ్చారు. వరుణ్‌ బౌలింగ్‌లో ఎంతో ప్రత్యేకత ఉంది. అతను కీలక సమయాల్లో వికెట్లు తీశాడు. ఇలాంటి పిచ్‌పై అలాంటి బౌలర్‌ కావాలని అంతా కోరుకుంటారు. మాకు ఇది సొంత మైదానం కాకపోయినా పెద్ద సంఖ్యలో వచ్చి మద్దతుగా నిలిచిన అభిమానులకు కృతజ్ఞతలు. దూకుడుగా బ్యాటింగ్‌ చేసేందుకు నన్ను కోచ్‌ ప్రోత్సహించారు. మరో విషయం నేను స్పష్టం చేయదల్చుకున్నాను. నేను ఈ ఫార్మాట్‌నుంచి రిటైర్‌ కావడం లేదు. ఎలాంటి వదంతులు రాకూడదని ఇది చెబుతున్నాను –రోహిత్, భారత కెప్టెన్ గొప్పగా అనిపిస్తోంది. ఆ్రస్టేలియాతో సిరీస్‌ తర్వాత సరైన రీతిలో పునరాగమనం చేయాలని భావించాం. కుర్రాళ్ళతో కలిసి ఆడటం ఎంతో బాగుంది. వారు సరైన సమయంలో స్పందిస్తూ జట్టును ముందుకు తీసుకెళుతున్నారు. ఇన్నేళ్లుగా ఆడుతున్న తర్వాత ఒత్తిడి కొత్త కాదు. టైటిల్‌ గెలవాలంటే ఆటగాళ్లంతా రాణించాల్సి ఉంటుంది. అందరూ సమష్టిగా సత్తా చాటడంతోనే ఇది సాధ్యమైంది. సరైన, తగిన సమయం సమయం చూసి తప్పుకోవడం ముఖ్యం (రిటైర్మెంట్‌పై). –విరాట్‌ కోహ్లి

పాకిస్తాన్‌, దుబాయ్‌ సంయుక్తంగా ఆతిథ్యమిచ్చిన ఛాంపియన్స్‌ ట్రోఫీ-2025 ఎడిషన్‌లో టీమిండియా విజేతగా నిలిచింది. దుబాయ్‌ వేదికగా ఇవాళ (మార్చి 9) జరిగిన ఫైనల్లో భారత్‌ 4 వికెట్ల తేడాతో విజయం సాధించింది. ఉత్కంఠగా సాగిన ఫైనల్లో తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. భారత స్పిన్నర్లు చెలరేగిన వేల డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) అద్భుతమైన అర్ద సెంచరీలు సాధించి న్యూజిలాండ్‌కు గౌరవప్రదమైన స్కోర్‌ అందించారు. ఆదిలో రచిన్‌ రవీంద్ర (37), ఆఖర్లో గ్లెన్‌ ఫిలిప్స్‌ (34) మంచి ఇన్నింగ్స్‌లు ఆడారు. న్యూజిలాండ్‌ ఇన్నింగ్స్‌లో విల్‌ యంగ్‌ (15), కేన్‌ విలియమ్సన్‌ (11), టామ్‌ లాథమ్‌ (14),మిచెల్‌ సాంట్నర్‌ (8) తక్కువ స్కోర్లకు ఔటయ్యారు. భారత్‌ బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో 2.. షమీ, జడేజా చెరో వికెట్‌ పడగొట్టారు. భారత బౌలర్లలో షమీ, హార్దిక్‌ ధారాళంగా పరుగులు సమర్పించుకోగా.. కుల్దీప్‌, వరుణ్‌, జడ్డూ, అక్షర్‌ పొదుపుగా బౌలింగ్‌ చేశారు. ఈ మ్యాచ్‌లో భారత స్పిన్నర్లు అద్భుతంగా బౌలింగ్‌ చేసి న్యూజిలాండ్‌ బ్యాటర్లు భారీ స్కోర్‌ చేయకుండా కట్టడి చేశారు.అనంతరం స్పిన్‌కు అనుకూలించే పిచ్‌పై 252 పరుగుల లక్ష్యాన్ని ఛేదించేందుకు బరిలోకి దిగిన భారత్‌.. 49 ఓవర్లలో 6 వికెట్లు కోల్పోయి విజయతీరాలకు చేరింది. ఛేదనలో రోహిత్‌ (76) భారత్‌కు శుభారంభాన్ని అందించారు. శుభ్‌మన్‌ గిల్‌తో (31) కలిసి తొలి వికెట్‌కు 105 పరుగులు జోడించాడు. అయితే భారత్‌ 17 పరుగుల వ్యవధిలో గిల్‌, కోహ్లి (1), రోహిత్‌ వికెట్లు కోల్పోయి కష్టాల్లో పడింది. ఈ దశలో శ్రేయస్‌ అయ్యర్‌ (48), అక్షర్‌ పటేల్‌ (29) మంచి భాగస్వామ్యం నెలకొల్పి భారత్‌ను తిరిగి గేమ్‌లోకి తెచ్చారు. అయితే శ్రేయస్‌, అక్షర్‌ కూడా స్వల్ప వ్యవధిలో ఔట్‌ కావడంతో టీమిండియా మరోసారి ఒత్తిడిలో పడింది. ఇన్నింగ్స్‌ మధ్యలో పరుగులు చేసేందుకు భారత బ్యాటర్లు తెగ ఇబ్బంది పడ్డారు. న్యూజిలాండ్‌ స్పిన్నర్లు అద్భుతంగా బౌలింగ్‌ చేసి టీమిండియా బ్యాటర్లపై తీవ్రమైన ఒత్తిడి తెచ్చారు.ఈ దశలో కేఎల్‌ రాహుల్‌ (34 నాటౌట్‌).. హార్దిక్‌ పాండ్యా (18), రవీంద్ర జడేజాతో (18 నాటౌట్‌) కలిసి మ్యాచ్‌ విన్నింగ్‌ భాగస్వామ్యాలు నెలకొల్పి భారత్‌ను విజయతీరాలకు చేర్చాడు. జడేజా బౌండరీ బాది భారత్‌ను గెలిపించాడు. న్యూజిలాండ్‌ బౌలర్లలో సాంట్నర్‌, బ్రేస్‌వెల్‌ తలో 2 వికెట్లు పడగొట్టగా.. జేమీసన్‌, రచిన్‌ చెరో వికెట్‌ దక్కించుకున్నారు. ఛాంపియన్స్‌ ట్రోఫీని గెలవడం భారత్‌కు ఇది మూడోసారి (2002, 2013, 2025). ఫైనల్లో అద్భుతంగా బ్యాటింగ్‌ చేసిన రోహిత్‌ శర్మకు ప్లేయర్‌ ఆఫ్‌ ద మ్యాచ్‌ అవార్డు లభించగా.. టోర్నీ ఆధ్యాంతం రాణించిన రచిన్‌ రవీంద్రకు ప్లేయర్‌ ఆఫ్‌ ద టోర్నీ అవార్డు లభించింది.

క్రికెట్‌ చరిత్రలోనే అత్యుత్తమమైన క్యాచ్‌ నమోదైంది. న్యూజిలాండ్‌తో జరుగుతున్న ఛాంపియన్స్‌ ట్రోఫీ-2025 ఫైనల్లో గ్లెన్‌ ఫిలిప్స్‌ ఈ క్యాచ్‌ను అందుకున్నాడు. మిచెల్‌ సాంట్నర్‌ బౌలింగ్‌లో శుభ్‌మన్‌ గిల్‌ ఆడిన షాట్‌ను (కవర్స్‌ దిశగా) ఫిలిప్స్‌ అమాంతం గాల్లోకి ఎగిరి పట్టేసుకున్నాడు. ఈ క్యాచ్‌ను ఫిలిప్స్‌ సైతం నమ్మలేకపోయాడు. క్యాచ్‌ పట్టిన తర్వాత కింద కూర్చుని క్యాచ్‌ పట్టానా అన్నట్లు ఎక్స్‌ప్రెషన్‌ పెట్టాడు. What a magnificent catch by GLENN PHILLIPS 🤯👏👏👏#INDvsNZ #ChampionsTrophyFinal pic.twitter.com/1CxjG3QYiw— INNOCENT EVIL ⁶𓅓 (@raju_innocentev) March 9, 2025ఈ క్యాచ్‌ను చూసి గిల్‌ నోరెళ్లపెట్టాడు. ఈ క్యాచ్‌ తర్వాత దుబాయ్‌ స్టేడియంలో నిశ్శబ్దం ఆవహించింది. అప్పటిదాకా భారత్‌కు సపోర్ట్‌ చేసిన ప్రేక్షకులు ఫిలిప్స్‌ క్యాచ్‌ చూసి షాక్‌లో ఉండిపోయారు. అస్సలు సాధ్యంకాని క్యాచ్‌ను పట్టడంతో అభిమానులు ఫిలిప్స్‌కు జేజేలు పలుకుతున్నారు. ఈ క్యాచ్‌ను సంబంధించిన వీడియో సోషల్‌మీడియాను షేక్‌ చేస్తుంది. ఫిలిప్స్‌ మనిషా లేక పక్షా అని నెటిజన్లు చర్చించుకుంటున్నారు. ఫిలిప్స్‌ ఇదే టోర్నీలో విరాట్‌ కోహ్లి క్యాచ్‌ను (గ్రూప్‌ దశ మ్యాచ్‌లో) కూడా ఇలాగే నమ్మశక్యంకాని రీతిలో పట్టుకున్నాడు. ఆ క్యాచ్‌ను ఇది తలదన్నేలా ఉంది. క్యాచెస్‌ విన్‌ మ్యాచెస్‌ అన్న నానుడుని ఫిలిప్స్‌ నిజం చేస్తాడేమో చూడాలి.ఫిలిప్స్‌​ పట్టుకున్న క్యాచ్‌ ఆషామాషీ వ్యక్తిది కాదు. గిల్‌ మ్యాచ్‌ ఫలితాన్ని డిసైడ్‌ చేసే సత్తా ఉన్న ఆటగాడు. అదీ కాక భారత్‌ అప్పటిదాకా బాగా స్కోర్‌ చేసి విజయం దిశగా దూసుకుపోతుండుంది. ఫిలిప్స్‌ క్యాచ్‌తో భారత్‌ డిఫెన్స్‌లో పడింది. పుండుపై కారం చల్లినట్లు గిల్‌ (31) ఔటైన పరుగు వ్యవధిలోనే భారత్‌ అత్యంత కీలకమైన విరాట్‌ కోహ్లి (1) వికెట్‌ కూడా కోల్పోయింది. మరో 17 పరుగుల తర్వాత క్రీజ్‌లో కుదురుకుపోయిన రోహిత్‌ శర్మ (76) కూడా ఔటయ్యాడు. దీంతో భారత్‌ ఒక్కసారిగా కష్టాల్లో కూరుకుపోయినట్లైంది. శ్రేయస్‌ అయ్యర్‌ (35), అక్షర్‌ పటేల్‌ (13) భారత ఇన్నింగ్స్‌ను చక్కద్దిద్దే ప్రయత్నం చేస్తున్నారు. 35 ఓవర్ల తర్వాత భారత్‌ స్కోర్‌ 161/3గా ఉంది. ఈ మ్యాచ్‌లో భారత్‌ గెలవాలంటే 90 బంతుల్లో 91 పరుగులు చేయాలి. చేతిలో మరో 7 వికెట్లు ఉన్నాయి.అంతకుముందు టాస్‌ గెలిచి తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. స్పిన్‌కు అనుకూలిస్తున్న పిచ్‌పై డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) అద్భుతమైన అర్ద సెంచరీలు చేసి న్యూజిలాండ్‌కు గౌరవప్రదమైన స్కోర్‌ అందించారు. న్యూజిలాండ్‌ ఇన్నింగ్స్‌లో విల్‌ యంగ్‌ 15, రచిన్‌ రవీంద్ర 37, కేన్‌ విలియమ్సన్‌ 11, టామ్‌ లాథమ్‌ 14, గ్లెన్‌ ఫిలిప్స్‌ 34, మిచెల్‌ సాంట్నర్‌ 8 పరుగులు చేసి ఔటయ్యారు. భారత బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో రెండు.. షమీ, జడేజా చెరో వికెట్‌ పడగొట్టారు. భారత బౌలర్లలో షమీ, హార్దిక్‌ ధారాళంగా పరుగులు సమర్పించుకున్నారు. ఈ మ్యాచ్‌లో భారత స్పిన్నర్లు అద్భుతంగా బౌలింగ్‌ చేసినా న్యూజిలాండ్‌ మంచి స్కోర్‌ చేసింది.

ఛాంపియన్స్‌ ట్రోఫీ-2025 ఫైనల్స్‌లో భారత్‌, న్యూజిలాండ్‌ జట్లు తలపడుతున్నాయి. దుబాయ్‌ వేదికగా జరుగుతున్న మ్యాచ్‌లో న్యూజిలాండ్‌ తొలుత బ్యాటింగ్‌ చేసి భారత్‌ ముందు ఫైటింగ్‌ టార్గెట్‌ను (252) ఉంచింది. స్పిన్‌కు అనుకూలిస్తున్న పిచ్‌పై డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) అద్భుతమైన అర్ద సెంచరీలతో రాణించారు. ఫలితంగా న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది.న్యూజిలాండ్‌ ఇన్నింగ్స్‌లో విల్‌ యంగ్‌ 15, రచిన్‌ రవీంద్ర 37, కేన్‌ విలియమ్సన్‌ 11, టామ్‌ లాథమ్‌ 14, గ్లెన్‌ ఫిలిప్స్‌ 34, మిచెల్‌ సాంట్నర్‌ 8 పరుగులు చేశారు. భారత బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో రెండు.. షమీ, జడేజా చెరో వికెట్‌ పడగొట్టారు. భారత బౌలర్లలో షమీ, హార్దిక్‌ ధారాళంగా పరుగులు సమర్పించుకున్నారు. ఈ మ్యాచ్‌లో భారత స్పిన్నర్లు అద్భుతంగా బౌలింగ్‌ చేసినా న్యూజిలాండ్‌ మంచి స్కోర్‌ చేయగలిగింది.అనంతరం 252 పరుగుల లక్ష్య ఛేదనలో భారత ఓపెనర్‌ రోహిత్‌ శర్మ ధాటిగా ఇన్నింగ్స్‌ను ప్రారంభించాడు. రోహిత్‌ కేవలం 41 బంతుల్లోనే 5 ఫోర్లు, 3 సిక్సర్ల సాయంతో హాఫ్‌ సెంచరీ పూర్తి చేసుకున్నాడు. ఐసీసీ టోర్నీల ఫైనల్స్‌లో రోహిత్‌ శర్మకు ఇది తొలి హాఫ్‌ సెంచరీ కావడం విశేషం. ఈ టోర్నీ ప్రస్తుత ఎడిషన్‌లోనూ రోహిత్‌కు ఇదే తొలి హాఫ్‌ సెంచరీ.18 ఓవర్ల అనంతరం భారత్‌ స్కోర్‌ 103/0గా ఉంది. రోహిత్‌తో (62 బంతుల్లో 69; 7 ఫోర్లు, 3 సిక్సర్లు) పాటు శుభ్‌మన్‌ గిల్‌ (46 బంతుల్లో 29; సిక్స్‌) క్రీజ్‌లో ఉన్నాడు. ఈ మ్యాచ్‌లో భారత్‌ గెలవాలంటే మరో 32 ఓవర్లలో 149 పరుగులు చేయాలి.ఐసీసీ టోర్నీల ఫైనల్స్‌లో రోహిత్‌ శర్మ స్కోర్లు.. 69*(62), 2025 CT 9(5), 2024 T20 WC47(31), 2023 ODI WC43(60), 2023 WTC15(26), 2023 WTC30(81), 2021 WTC34(68), 2021 WTC0(3), 2017 CT29(26), 2014 T20 WC9(14), 2013 CT30*(16), 2007 T20 WC

భారత్‌, న్యూజిలాండ్‌ మధ్య జరుగుతున్న ఛాంపియన్స్‌ ట్రోఫీ-2025 ఫైనల్‌ తర్వాత టీమిండియా స్టార్‌ ఆల్‌రౌండర్‌ రవీంద్ర జడేజా వన్డేలకు రిటైర్మెంట్‌ ప్రకటిస్తాడని సోషల్‌మీడియా కోడై కూస్తుంది. ఫైనల్‌ మ్యాచ్‌లో జడ్డూ తన కోటా 10 ఓవర్లు పూర్తి చేసిన తర్వాత విరాట్‌ కోహ్లి అతన్ని భావోద్వేగంతో హగ్‌ చేసుకోవడంతో ఈ ప్రచారం మొదలైంది. విరాట్‌.. ఆసీస్‌తో జరిగిన సెమీఫైనల్‌ తర్వాత స్టీవ్‌ స్మిత్‌ను కూడా ఇలాగే హగ్‌ చేసు​కున్నాడు. ఆ మ్యాచ్‌ అనంతరం​ స్టీవ్‌ స్మిత్‌ వన్డేలకు గుడ్‌ బై చెప్పాడు. దీంతో ఫైనల్‌ మ్యాచ్‌ తర్వాత జడేజా కూడా రిటైర్‌ అవుతాడని సోషల్‌మీడియాలో కామెంట్ల వర్షం కురుస్తుంది.Kohli hugged Smith - Retirement Kohli hugged jadeja - Retirement??#Indvsnz #Indvsnzfinal pic.twitter.com/DtKFESNFii— भाई साहब (@Bhai_saheb) March 9, 2025కాగా, న్యూజిలాండ్‌తో జరుగుతున్న ఫైనల్లో జడేజా ఎక్కువ వికెట్లు తీయకపోయినా చాలా పొదుపుగా బౌలింగ్‌ చేశాడు. ఈ మ్యాచ్‌లో జడ్డూ కీలకమైన టామ్‌ లాథమ్‌ వికెట్‌ తీసి తన కోటా 10 ఓవర్లలో కేవలం 30 పరుగులు మాత్రమే ఇచ్చాడు. జడేజా మిడిల్‌ ఓవర్లలో చాలా పొదుపుగా బౌలింగ్‌ చేసి న్యూజిలాండ్‌ బ్యాటర్లను ముప్పుతిప్పలు పెట్టాడు. ఈ టోర్నీలో జడేజా మొదటి మ్యాచ్‌ నుంచి ఇలాంటి ప్రదర్శనలతోనే ఆకట్టుకున్నాడు. ఈ టోర్నీలో జడేజా 5 మ్యాచ్‌ల్లో 4.36 ఎకానమీతో 5 వికెట్లు తీశాడు. జడేజా గతేడాది టీ20 వరల్డ్‌కప్‌ తర్వాత టీ20లకు రిటైర్మెంట్‌ ప్రకటించాడు. ఆ టోర్నీలో భారత్‌ విజేతగా నిలిచిన విషయం తెలిసిందే. 2024 టీ20 వరల్డ్‌కప్‌ తర్వాత జడేజాతో పాటు రోహిత్‌ శర్మ, విరాట్‌ కోహ్లి కూడా పొట్టి ఫార్మాట్‌కు రిటైర్మెంట్‌ ప్రకటించారు. ఒకవేళ జడేజా ఛాంపియన్స్‌ ట్రోఫీ ఫైనల్‌ తర్వాత నిజంగానే వన్డేలకు రిటైర్మెంట్‌ ప్రకటించినా టెస్ట్‌ల్లో కొనసాగే అవకాశం ఉంది.మ్యాచ్‌ విషయానికొస్తే.. న్యూజిలాండ్‌తో జరుగుతున్న ఫైనల్లో భారత స్పిన్నర్లు చెలరేగడంతో తొలుత బ్యాటింగ్‌ చేసిన న్యూజిలాండ్‌ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. ఈ మ్యాచ్‌లో జడేజా సహా భారత స్పిన్నర్లంతా చెలరేగినా న్యూజిలాండ్‌ బ్యాటర్లు మంచి స్కోర్‌నే చేశారు. స్పిన్‌కు అనుకూలిస్తున్న పిచ్‌పై డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) అద్భుతమైన అర్ద సెంచరీలు చేసి న్యూజిలాండ్‌కు గౌరవప్రదమైన స్కోర్‌ అందించారు. న్యూజిలాండ్‌ ఇన్నింగ్స్‌లో విల్‌ యంగ్‌ 15, రచిన్‌ రవీంద్ర 37, కేన్‌ విలియమ్సన్‌ 11, టామ్‌ లాథమ్‌ 14, గ్లెన్‌ ఫిలిప్స్‌ 34, మిచెల్‌ సాంట్నర్‌ 8 పరుగులు చేసి ఔటయ్యారు. భారత బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో రెండు.. షమీ, జడేజా చెరో వికెట్‌ పడగొట్టారు. భారత బౌలర్లలో షమీ, హార్దిక్‌ ధారాళంగా పరుగులు సమర్పించుకున్నారు.252 పరుగుల ఛేదనలో భారత్‌కు రోహిత్‌ శర్మ మెరుపు ఆరంభాన్ని అందించాడు. రోహిత్‌ 35 బంతుల్లో 5 ఫోర్లు, 3 సిక్సర్ల సాయంతో 47 పరుగులు చేసి అజేయంగా ఉన్నాడు. మరో ఎండ్‌లో శుభ్‌మన్‌ గిల్‌ 13 బంతుల్లో 7 పరుగులు చేసి రోహిత్‌కు ఎక్కువగా స్ట్రయిక్‌ ఇస్తున్నాడు. 8 ఓవర్ల తర్వాత ఇండియా స్కోర్‌ 59/0గా ఉంది.

దుబాయ్‌ వేదికగా జరుగుతున్న ఛాంపియన్స్‌ ట్రోఫీ-2025 ఫైనల్లో భారత్‌, న్యూజిలాండ్‌ పోటీపడుతున్నాయి. ఈ మ్యాచ్‌లో న్యూజిలాండ్‌ టాస్‌ గెలిచి తొలుత బ్యాటింగ్‌ చేసింది. నిర్ణీత ఓవర్లలో ఆ జట్టు 7 వికెట్ల నష్టానికి 251 పరుగులు చేసింది. డారిల్‌ మిచెల్‌ (63), మైఖేల్‌ బ్రేస్‌వెల్‌ (53 నాటౌట్‌) అర్ద సెంచరీలు చేసి న్యూజిలాండ్‌కు గౌరవప్రదమైన స్కోర్‌ అందించారు. న్యూజిలాండ్‌ ఇన్నింగ్స్‌లో విల్‌ యంగ్‌ 15, రచిన్‌ రవీంద్ర 37, కేన్‌ విలియమ్సన్‌ 11, టామ్‌ లాథమ్‌ 14, గ్లెన్‌ ఫిలిప్స్‌ 34, మిచెల్‌ సాంట్నర్‌ 8 పరుగులు చేశారు.భారత బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో రెండు.. షమీ, జడేజా చెరో వికెట్‌ పడగొట్టారు. భారత బౌలర్లలో షమీ, హార్దిక్‌ ధారాళంగా పరుగులు సమర్పించుకున్నారు.ఈ మ్యాచ్‌లో భారత స్పిన్నర్లు అద్భుతంగా బౌలింగ్‌ చేసినా న్యూజిలాండ్‌ మంచి స్కోర్‌ చేయగలిగింది. డారిల్‌ మిచెల్‌, మైఖేల్‌ బ్రేస్‌వెల్‌ అత్యంత కీలకమైన ఇన్నింగ్స్‌లు ఆడి భారత్‌కు టఫ్‌ టార్గెట్‌ నిర్దేశించారు. స్పిన్నర్లు వరుణ్‌ చక్రవర్తి, కుల్దీప్‌ యాదవ్‌, రవీంద్ర జడేజా తమ కోటా 10 ఓవర్లు పూర్తి చేసి పొదుపుగా బౌలింగ్‌ చేయడంతో పాటు కీలకమైన వికెట్లు తీశారు. అయితే ఇన్నింగ్స్‌ చివర్లో అక్షర్‌ పటేల్‌ కోటా ఓవర్లు ఇంకా మిగిలి ఉన్నా (2 ఓవర్లు) కెప్టెన్‌ రోహిత్‌ ఎందుకో అతనితో బౌలింగ్‌ చేయించలేదు. చివరి 3 ఓవర్లలో షమీ 2, హార్దిక్‌ ఓ ఓవర్‌ వేశారు. ఈ 3 ఓవర్లలో న్యూజిలాండ్‌ 35 పరుగులు పిండుకుంది. న్యూజిలాండ్‌ 235 పరుగులు చేస్తే కష్టమనుకున్న తరుణంలో షమీ, హార్దిక్‌ ధారాళంగా పరుగులు సమర్పించుకున్నారు. చివరి ఓవర్లలో షమీ, హార్దిక్‌ ఇచ్చిన పరుగులు టీమిండియా ఫేట్‌ను మార్చే ప్రమాదముంది.ఈ పిచ్‌పై 252 పరుగులు ఛేదించడం అంత ఆషామాషీ విషయం కాదు. పిచ్‌పై మంచి టర్న్‌ లభిస్తుంది. న్యూజిలాండ్‌ వద్ద సాంట్నర్‌, బ్రేస్‌వెల్‌ లాంటి నాణ్యమైన స్పిన్నర్లు ఉన్నారు. రచిన్‌ రవీంద్ర, గ్లెన్‌ ఫిలిప్స్‌ తమ స్పిన్‌ బౌలింగ్‌తో మాయాజాలం చేయగలరు. మొత్తంగా భారత బ్యాటర్లు న్యూజిలాండ్‌ బౌలర్ల నుంచి కఠినమైన సవాళ్లు ఎదుర్కోవాల్సి ఉంటుంది. ఛేదనలో ఓపెనర్‌ రోహిత్‌ కనీసం 20 ఓవర్ల పాటు క్రీజ్‌లో ఉండటం చాలా కీలకం. రోహిత్‌ తన సహజ శైలిలో వేగంగా పరుగులు సాధించే క్రమంలో వికెట్‌ కోల్పోతే టీమిండియా మూల్యం చెల్లించుకోక తప్పదు. భారత్‌కు ఓపెనింగ్‌ భాగస్వామ్యం చాలా కీలకం. భారత్‌ పవర్‌ ప్లేలో ఎట్టి పరిస్థితుల్లో వికెట్లు కోల్పోకూడదు. ఒకవేళ టీమిండియా పవర్‌ ప్లేలో వికెట్లు కోల్పోతే మిడిలార్డర్‌పై తీవ్రమైన ఒత్తిడి పడుతుంది. స్పిన్‌కు అనుకూలించే పిచ్‌పై సాంట్నర్‌, బ్రేస్‌వెల్‌ లాంటి బౌలర్లను తట్టుకుని నిలబడటం ఆషామాషీ విషయం కాదు.

ఛాంపియన్స్‌ ట్రోఫీ-2025 ఫైనల్లో ఇవాళ (మార్చి 9) భారత్‌, న్యూజిలాండ్‌ జట్లు తలపడుతున్నాయి. దుబాయ్‌ వేదికగా జరుగుతున్న ఈ మ్యాచ్‌లో న్యూజిలాండ్‌ టాస్‌ గెలిచి తొలుత బ్యాటింగ్‌ చేస్తుంది. భారత స్పిన్నర్లు అద్భుతంగా బౌలింగ్‌ చేస్తుండటంతో న్యూజిలాండ్‌ 196 పరుగులకు (44 ఓవర్లలో) సగం​ వికెట్లు కోల్పోయింది. డారిల్‌ మిచెల్‌ (51), మైఖేల్‌ బ్రేస్‌వెల్‌ (21) క్రీజ్‌లో ఉన్నారు. భారత బౌలర్లలో వరుణ్‌ చక్రవర్తి, కుల్దీప్‌ యాదవ్‌ తలో రెండు వికెట్లు పడగొట్టగా.. రవీంద్ర జడేజా ఓ వికెట్‌ దక్కించుకున్నాడు. వరుణ్‌, కుల్దీప్‌ న్యూజిలాండ్‌ ఆటగాళ్లు భాగస్వామ్యాలు నెలకొల్పుతున్న సమయంలో వికెట్లు తీసి భారత్‌ను తిరిగి ఆటలోకి తెచ్చారు. భారత్‌కు తొలి ఫలితం​ వరుణ్‌ చక్రవర్తి అందించాడు. ఇన్నింగ్స్‌ 8వ ఓవర్‌ చివరి బంతికి వరుణ్‌ విల్‌ యంగ్‌ను (15) ఎల్బీడబ్ల్యూ చేశాడు. అనంతరం కుల్దీప్‌ తన మొదటి బంతికే ఇన్‌ ఫామ్‌ బ్యాటర్‌ రచిన్‌ రవీంద్రను (37) క్లీన్‌ బౌల్డ్‌ చేశాడు. కొద్ది సేపటికే కుల్దీప్‌ మరో అద్భుత బంతితో స్టార్‌ ఆటగాడు కేన్‌ విలియమ్సన్‌ను (11) క్యాచ్‌ అండ్‌ బౌల్డ్‌ చేశాడు. మిచెల్‌, లాథమ్‌ క్రీజ్‌లో కుదురుకుంటుండగా.. జడేజా లాథమ్‌ను (14) వికెట్ల ముందు దొరకబుచ్చుకున్నాడు. మిచెల్‌తో కలిసి 50 పరుగులకు పైగా భాగస్వామ్యాన్ని నెలకొల్పి ప్రమాదకరంగా కనిపిస్తున్న ఫిలిప్స్‌ను (34) వరుణ్‌ చక్రవర్తి మరో అద్బుతమైన బంతితో క్లీన్‌ బౌల్డ్‌ చేశాడు.ఇంతవరకు బాగానే ఉన్నా, ఈ మ్యాచ్‌లో భారత ఫీల్డర్ల ప్రదర్శన చాలా దారుణంగా ఉండింది. 40 ఓవర్లలోపే భారత ఫీల్డర్లు నాలుగు క్యాచ్‌లు డ్రాప్‌ చేశారు. తొలుత రచిన్‌ రవీంద్ర అందించిన రెండు క్యాచ్‌లను శ్రేయస్‌ అయ్యర్‌, మహ్మద్‌ షమీ నేలపాలు చేశారు. అయితే అదృష్టవశాత్తు రచిన్‌ ఔట్‌ కావడంతో భారత ఆటగాళ్లు ఊపిరిపీల్చుకున్నారు. తర్వాత భారత ఫీల్డర్లు రోహిత్‌ శర్మ, శుభ్‌మన్‌ గిల్‌ మరో రెండు క్యాచ్‌లు జారవిడిచారు. డారిల్‌ మిచెల్‌ క్యాచ్‌ను రోహిత్‌.. ఫిలిప్స్‌ క్యాచ్‌ను గిల్‌ వదిలేశారు. ప్రమాదకరంగా కనిపిస్తున్న ఫిలిప్స్‌ ఔటయ్యాడు కానీ మరో డేంజర్‌ బ్యాటర్‌ డారిల్‌ మిచెల్‌ ఇంకా క్రీజ్‌లోనే ఉన్నాడు. మిచెల్‌ డ్రాప్‌ క్యాచ్‌కు టీమిండియా మూల్యం చెల్లించకుంటుందేమో వేచి చూడాలి.

ఐసీసీ ఛాంపియ‌న్స్ ట్రోఫీ-2025 ఫైన‌ల్లో దుబాయ్ వేదిక‌గా భార‌త్‌-న్యూజిలాండ్ జ‌ట్లు త‌లప‌డేందుకు సిద్ద‌మైంది. ఈ ఫైన‌ల్ పోరుకు ముందు కివీస్‌కు గ‌ట్టి ఎదురు దెబ్బ త‌గిలే సూచ‌న‌లు క‌న్పిస్తున్నాయి. ఆ జ‌ట్టు స్టార్ పేస‌ర్ మాట్ హెన్రీ గాయం కార‌ణంగా ఫైన‌ల్ మ్యాచ్‌కు దూర‌మ‌య్యే అవ‌కాశ‌ముంది.హెన్రీ ప్ర‌స్తుతం భుజం గాయంతో బాధ‌ప‌డుతున్నాడు. సౌతాఫ్రికాతో జ‌రిగిన సెమీస్‌లో గాయ‌ప‌డ్డ ఈ కివీ స్పీడ్ స్టార్ ఇంకా కోలుకోపోయిన‌ట్లు తెలుస్తోంది. అత‌డు భుజం నొప్పి కార‌ణంగా అత‌డు ఎక్కువ‌గా ప్రాక్టీస్‌లో కూడా పాల్గోక‌పోయిన‌ట్లు స‌మాచారం.నెట్ ప్రాక్టీస్‌లో హెన్రీ కేవ‌లం ఏడు బంతులు మాత్రమే సంధించినట్లు రేవ్‌స్పోర్ట్స్ జ‌ర్న‌లిస్ట్ రోహిత్ జుగ్లాన్ త‌న సోష‌ల్ మీడియా ఖాతాలో పోస్ట్ చేశాడు. హెన్రీ అందుబాటుపై ఇప్ప‌టివ‌ర‌కు న్యూజిలాండ్ జ‌ట్టు మెనెజ్‌మెంట్ ఎటువంటి ప్ర‌క‌ట‌న చేయ‌లేదు. ప్ర‌స్తుత ప‌రిస్థితుల బ‌ట్టి అత‌డు మ్యాచ్‌లో ఆడే సూచన‌లు క‌న్పించ‌డం లేదు.ఒకవేళ హెన్రీ ఫైనల్‌కు దూరమైతే కివీస్‌కు గట్టి ఎదురుదెబ్బే అనే చెప్పాలి. అతడు ప్రస్తుతం అద్బుతమైన ఫామ్‌లో ఉన్నాడు. భారత్‌తో జరిగిన ఆఖరి లీగ్ మ్యాచ్‌లో హెన్రీ 5 వికెట్లతో సత్తాచాటాడు. ముఖ్యంగా భారత్‌పై మంచి రికార్డు అతడికి ఉంది. భారత్‌పై 11 మ్యాచ్‌లు ఆడిన ఈ కివీ స్పీడ్ స్టార్‌.. 4.48 ఎకానమీతో 21 వికెట్లు పడగొట్టాడు. హెన్రీ మ్యాచ్‌కు దూర‌మైతే అత‌డి స్ధానంలో జాక‌బ్ డ‌ఫీ తుది జ‌ట్టులోకి వ‌చ్చే ఛాన్స్ ఉంది.తుది జట్ల వివరాలు (అంచనా) భారత్‌: రోహిత్‌ (కెప్టెన్‌), శుబ్‌మన్ గిల్, కోహ్లి, శ్రేయస్ అయ్యర్‌, కేఎల్ రాహుల్, పాండ్యా, జడేజా, అక్షర్ పటేల్‌, మహ్మద్‌ షమీ, కుల్దీప్, వరుణ్‌. న్యూజిలాండ్‌: సాంట్నర్‌ (కెప్టెన్‌), యంగ్, రచిన్, విలియమ్సన్, మిచెల్, లాథమ్, ఫిలిప్స్, బ్రేస్‌వెల్, జేమీసన్, రూర్కే, హెన్రీ/ డఫీ.చదవండి: IML 2025: యువ‌రాజ్‌, రాయుడు విధ్వ‌ంసం..సెమీస్‌కు చేరిన టీమిండియా

పుష్కర కాలం క్రితం భారత జట్టు ఐదు మ్యాచ్‌లలో వరుసగా విజయాలు సాధించి అజేయంగా చాంపియన్స్‌ ట్రోఫీ టైటిల్‌ను సొంతం చేసుకుంది. నాటి జట్టులో ఆడిన రోహిత్, కోహ్లి, జడేజా ప్రస్తుత టీమ్‌లోనూ భాగంగా ఉన్నారు. ఇప్పుడు కూడా టీమిండియా దాదాపు అదే తరహా ఫామ్‌తో ప్రత్యర్థులపై పైచేయి సాధిస్తూ వచ్చింది. మరో మ్యాచ్‌లో ఇదే జోరు కొనసాగిస్తే ఏడాది వ్యవధిలో రెండో ఐసీసీ టైటిల్‌ భారత్‌ ఖాతాలో చేరుతుంది. భారత్‌ మూడో చాంపియన్స్‌ ట్రోఫీ టైటిల్‌ వేటలో ఇప్పుడు న్యూజిలాండ్‌ అడ్డుగా ఉంది. లీగ్‌ స్థాయిల్లో ఎలా ఆడినా మన టీమ్‌పై ఐసీసీ నాకౌట్‌ మ్యాచ్‌లలో కివీస్‌దే పైచేయిగా ఉంది. పట్టుదలతో చివరి వరకు పోరాడటం, అంచనాలకు మించి రాణించడంలో ఆ జట్టుకు ఎంతో పేరుంది. వారం రోజుల క్రితం భారత్‌ చేతిలో ఓడినా ఆ మ్యాచ్‌తో దీనికి పోలిక లేదు. ఆ మ్యాచ్‌ పరాజయం నుంచి పాఠాలు నేర్చుకుంటూ అసలు పోరులో సత్తా చాటగలదు. గెలుపోటములతో పాటు మరో కీలకాంశం ఈ మ్యాచ్‌కు సంబంధించి చర్చకు వస్తోంది. సుదీర్ఘ కాలంగా భారత జట్టు మూల స్థంభాలుగా అద్భుత విజయాలు అందించిన రోహిత్‌ శర్మ, విరాట్‌ కోహ్లి ఈమ్యాచ్‌తో తమ వన్డే కెరీర్‌ను ముగిస్తారా...టి20 వరల్డ్‌ కప్‌ తరహాలో ఘనంగా ఆటను ముగిస్తారా అనేది చూడాలి. మరో వైపు కివీస్‌ కూడా తమ స్టార్‌ విలియమ్సన్‌కు ఒక్క ఐసీసీ వన్డే టోర్నీతోనైనా వీడ్కోలు పలకాలని పట్టుదలగా ఉంది.దుబాయ్‌: చాంపియన్స్‌ ట్రోఫీలో పలు ఆసక్తికర సమరాల తర్వాత అసలైన ఆఖరి పోరుకు రంగం సిద్ధమైంది. టోర్నీలో ఆద్యంతం ఆధిపత్యం కనబర్చిన టీమిండియా ఒక వైపు... నిలకడగా రాణించిన కివీస్‌ మరో వైపు తుది సమరం కోసం రంగంలో నిలిచాయి. ప్రపంచ క్రికెట్‌ అభిమానులంతా ఎదురు చూస్తున్న ఐసీసీ చాంపియన్స్‌ ట్రోఫీ ఫైనల్‌ మ్యాచ్‌లో నేడు న్యూజిలాండ్‌తో భారత్‌ తలపడుతుంది. 2017లో చివరిసారిగా జరిగిన ఈ టోర్నీలో రన్నరప్‌గా నిలిచిన భారత్‌ అంతకు ముందు రెండు సార్లు టైటిల్‌ సాధించింది. 2000లో చాంపియన్స్‌ ట్రోఫీని గెలిచిన కివీస్‌ ఖాతాలో వన్డేల్లో ఏకైక ఐసీసీ టోర్నీ ఉంది. భారత్‌ తమ బలమైన బ్యాటింగ్‌తో పాటు స్పిన్‌పై ఆధారపడుతుండగా...పరిస్థితులకు తగినట్లు స్పందించే తమ ఆల్‌రౌండ్‌ నైపుణ్యాన్ని కివీస్‌ నమ్ముకుంది. చివరకు ఎవరిది పైచేయి అవుతుందో ఆసక్తికరం. మార్పుల్లేకుండా... టోర్నీలో భారత్‌ ప్రదర్శన చూస్తే తుది జట్టులో ఎలాంటి మార్పులకు అవకాశమే లేదు. ఆటగాళ్లంతా చక్కటి ఫామ్‌లో ఉన్నారు. ఓపెనర్‌గా గిల్‌ కీలకం కానుండగా... మిడిలార్డర్‌లో అయ్యర్, రాహుల్‌ జట్టు భారం మోస్తారు. రాహుల్‌ బ్యాటింగ్‌ దూకుడు సెమీఫైనల్లో కనిపించింది కాబట్టి అతని ఫామ్‌పై కూడా ఆందోళన పోయింది. వన్డే వరల్డ్‌ కప్‌ సెమీస్‌లో కివీస్‌పై సెంచరీ చేసినప్పటినుంచి ఆ జట్టుపై అయ్యర్‌ మన బెస్ట్‌ బ్యాటర్‌. వరుసగా అన్ని మ్యాచ్‌లలో అతను చెలరేగిపోయాడు. స్టార్‌ బ్యాటర్‌ కోహ్లి గురించి కొత్తగా చెప్పాల్సిన అవసరం లేదు. ఈ టోర్నీలో కోహ్లి నాలుగు ఇన్నింగ్స్‌లలో కలిపి 217 పరుగులు సాధించాడు. అతని స్థాయి ఇన్నింగ్స్‌ మరొకటి వస్తే చాలు భారత్‌కు తిరుగుండదు. అన్ని ఫార్మాట్‌లలో కలిపి తాను ఆడిన ఐసీసీ టోర్నీ ఫైనల్స్‌లో 10 ఇన్నింగ్స్‌లలో కోహ్లి 3 అర్ధసెంచరీలు చేశాడు. దీనిని మరింత మెరుగుపర్చుకునే అవకాశం అతని ముందుంది.అయితే ఇప్పుడు భారత జట్టుకు సంబంధించి రోహిత్‌ బ్యాటింగే కాస్త ఆందోళన కలిగిస్తోంది. ఈ టోర్నీలో ఆడిన అన్ని మ్యాచ్‌లలో అతను విఫలమయ్యాడు. దూకుడుగా 20–30 పరుగులు చేసి పవర్‌ప్లేలోనే నిష్క్రమిస్తుండటం జట్టుకు ఇబ్బందిగా మారుతోంది. దీనిని అధిగమించి రోహిత్‌ భారీ స్కోరు చేయాలని అభిమానులు ఆశిస్తున్నారు. 10 ఐసీసీ టోర్నీ ఫైనల్‌ ఇన్నింగ్స్‌లలో రోహిత్‌ ఒక్క అర్ధ సెంచరీ కూడా చేయలేదు! ఇప్పుడు తన స్థాయిని చూపించేందుకు ఇది సరైన వేదిక. మరో వైపు భారత స్పిన్నర్లు ప్రత్యర్థిపై చెలరేగిపోయేందుకు సిద్ధంగా ఉన్నారు. లీగ్‌ దశలో ఐదు వికెట్లతో కివీస్‌ను దెబ్బ తీసిన వరుణ్‌ చక్రవర్తి జట్టు ప్రధానాస్త్రం కాగా, లెఫ్టార్మ్‌ మణికట్టు బౌలర్‌ కుల్దీప్‌ యాదవ్‌ కూడా ప్రత్యర్థిపై ఆధిపత్యం ప్రదర్శించగలడు. జడేజా, అక్షర్‌ కూడా రాణిస్తే కివీస్‌కు కష్టాలు ఖాయం. మన నలుగురు స్పిన్నర్లు కలిపి టోర్నీలో 21 వికెట్లు తీశారు. పేస్‌తో షమీ ఆకట్టుకోగా, పాండ్యా కూడా అండగా నిలుస్తున్నాడు. హెన్రీ ఆడతాడా! లీగ్‌ దశలో భారత్‌ చేతిలో ఓడినా న్యూజిలాండ్‌పై ఆ మ్యాచ్‌ ఫలితం పెద్దగా పడలేదు. ఆ మ్యాచ్‌లోజరిగిన లోపాలను సవరించుకొని బరిలోకి దిగుతున్నామని టీమ్‌ మేనేజ్‌మెంట్‌ ఆత్మవిశ్వాసం ప్రదర్శిస్తోంది. టీమ్‌ బ్యాటింగ్‌ విషయంలో కివీస్‌ బలంగా కనిపిస్తోంది. రచిన్‌ రవీంద్ర సెంచరీలతో చెలరేగిపోతుండగా... విలియమ్సన్‌ కూడా అదే స్థాయి ఆటను ప్రదర్శించాడు. ఐదు ఐసీసీ టోర్నీ ఫైనల్స్‌ ఇన్నింగ్స్‌ ఆడిన విలియమ్సన్‌ ఒకే ఒక అర్ధ సెంచరీ చేసినా... అతను ఈ టోర్నీలో రాణిస్తున్న తీరు జట్టుకు అదనపు బలంగా మారింది. యంగ్, మిచెల్‌ కూడా ఆకట్టుకోగా... ఫిలిప్స్‌ తన ఫీల్డింగ్‌తో హైలైట్‌గా నిలిచాడు. ధాటిగా ఆడగల సత్తా ఉన్న ఫిలిప్స్‌ కూడా చెలరేగితే కివీస్‌ కూడా భారీ స్కోరు సాధించగలేదు. జట్టు స్పిన్‌ కూడా మెరుగ్గానే ఉంది. కెప్టెన్ సాంట్నర్, బ్రేస్‌వెల్‌లతో పాటు ఫిలిప్స్‌ కూడా బంతిని బాగా టర్న్‌ చేయగల సమర్థుడు. పేసర్లు జేమీసన్, రూర్కేలు కీలకం కానుండగా అసలు మ్యాచ్‌కు ముందు హెన్రీ గాయం ఆందోళన రేపుతోంది. భారత్‌తో మ్యాచ్‌లో ఐదు వికెట్లు తీసిన హెన్రీ జట్టు ప్రధానాయుధం. అతను కోలుకొని బరిలోకి దిగితే కివీస్‌కు ఊరట. పిచ్, వాతావరణం ఫైనల్‌కు కూడా నెమ్మదైన పిచ్‌ అందుబాటులో ఉంది. ఆట సాగుతున్న కొద్దీ స్పిన్నర్ల ప్రభావం పెరుగుతుంది. టాస్‌ గెలిచిన జట్టు బ్యాటింగ్‌ ఎంచుకోవడం ఖాయం. వర్ష సూచన లేదు. వన్డే టోర్నీ గెలిపిస్తాడా! భారత కెప్టెన్ గా రోహిత్‌ శర్మ జట్టును నాలుగు ఐసీసీ ఈవెంట్లలోనూ ఫైనల్‌ చేర్చాడు. వరల్డ్‌ టెస్టు చాంపియన్‌షిప్, వన్డే వరల్డ్‌ కప్, టి20 వరల్డ్‌ కప్, ఇప్పుడు చాంపియన్స్‌ ట్రోఫీలో టీమిండియా ఆఖరి పోరుకు అర్హత సాధించింది. ఇందులో రెండు ఫైనల్స్‌లో పరాజయం పాలైన జట్టు టి20ల్లో విశ్వవిజేతగా నిలిచింది.ఇప్పుడు ధోని తర్వాత రెండు ఐసీసీ టైటిల్స్‌ సాధించిన భారత సారథిగా నిలిచేందుకు అతను అడుగు దూరంలో ఉన్నాడు. దీనిని అతను అందుకుంటాడా అనేది నేడు జరిగే ఫైనల్‌ పోరులో తేలుతుంది. 2013లో చాంపియన్స్‌ ట్రోఫీలో ఓపెనర్‌గా బరిలోకి దిగిన రోహిత్‌ తన బ్యాటింగ్‌తో జట్టు విజయంలో కీలక పాత్ర పోషించాడు. ఆఖరి మ్యాచా! కోహ్లి, రోహిత్‌ల భవిష్యత్తు ఈ మ్యాచ్‌తో తేలుతుందని అంతటా చర్చ వినిపిస్తోంది. 2027 వన్డే వరల్డ్‌ కప్‌ సన్నాహకాల్లో భాగంగా జట్టును సిద్ధం చేసేందుకు వీరు తప్పుకుంటారని అనుకుంటున్నా దీనిపై ఇప్పుడు స్పష్టత రాకపోవచ్చు. నిజానికి వీరి స్థాయి, ఆటను బట్టి చూస్తే ఇప్పటికిప్పుడు తప్పుకోవాల్సిన అవసరం లేదు. ముఖ్యంగా కోహ్లి అయితే చెలరేగిపోతున్నాడు. అతని ఫిట్‌నెస్‌కు కూడా ఢోకా లేదు. అయితే స్టీవ్‌ స్మిత్‌ తరహాలోనే తానే స్వయంగా దూరమవుతాడా అనేది చెప్పలేం. మరో వైపు రోహిత్‌పైనే అందరి దృష్టీ ఉంది. ఇప్పటికి టి20లనుంచి తప్పుకున్న రోహిత్‌ సిడ్నీ టెస్టుకు దూరమైన దానిపై కూడా సందేహాలు రేపాడు. ఇక మిగిలిన ఫార్మాట్‌ వన్డేలు మాత్రమే. అయితే నిజంగా కొనసాగే ఆలోచన లేకపోయినా ఈ మ్యాచ్‌ ముగియగానే అధికారికంగా రిటైర్మెంట్‌పై ఎలాంటి ప్రకటన రాకపోవచ్చని వినిపిస్తోంది. భారీగా బెట్టింగ్‌లు... ఫైనల్‌పై జోరుగా బెట్టింగ్‌ సాగుతోంది. ఈ మొత్తం సుమారు రూ.5 వేల కోట్ల వరకు ఉండవచ్చని తెలుస్తోంది. దీని వెనక పెద్ద మాఫియా సామ్రాజ్యం కూడా ఉన్నట్లు పోలీసులు చెబుతున్నారు. ఆసీస్‌తో సెమీస్‌ మ్యాచ్‌పై పెద్ద స్థాయిలో బెట్టింగ్‌లు చేసిన ఐదుగురిని పోలీసులు అరెస్టు చేశారు. 2000భారత్, న్యూజిలాండ్‌ మధ్యే 2000 ఐసీసీ చాంపియన్స్‌ ట్రోఫీ ఫైనల్‌ జరిగింది. ఈ మ్యాచ్‌లో కివీస్‌ 4 వికెట్ల తేడాతో నెగ్గి టైటిల్‌ సొంతం చేసుకుంది. తుది జట్ల వివరాలు (అంచనా) భారత్‌: రోహిత్‌ (కెప్టెన్‌), గిల్, కోహ్లి, అయ్యర్, రాహుల్, పాండ్యా, జడేజా, అక్షర్, షమీ, కుల్దీప్, వరుణ్‌. న్యూజిలాండ్‌: సాంట్నర్‌ (కెప్టెన్‌), యంగ్, రచిన్, విలియమ్సన్, మిచెల్, లాథమ్, ఫిలిప్స్, బ్రేస్‌వెల్, జేమీసన్, రూర్కే, హెన్రీ/ డఫీ.

ఛాంపియన్స్‌ ట్రోఫీ-2025 తుది అంకానికి చేరింది. దుబాయ్‌ వేదికగా రేపు (మార్చి 9) జరుగబోయే ఫైనల్లో భారత్‌, న్యూజిలాండ్‌ అమీతుమీ తేల్చుకోనున్నాయి. ఈ మ్యాచ్‌ భారతకాలమానం ప్రకారం మధ్యాహ్నం 2:30 గంటలకు ప్రారంభమవుతుంది. క్రికెట్‌ అభిమానులు ఈ మ్యాచ్‌ కోసం కళ్లకు వత్తులు పెట్టుకుని ఎదురుచూస్తున్నారు.విజేతకు భారీ ప్రైజ్‌మనీఈసారి ఛాంపియన్స్ ట్రోఫీ విజేతగా నిలిచే జట్టు భారీ మొత్తంలో ప్రైజ్‌మనీ లభించనుంది. అంతర్జాతీయ క్రికెట్ కౌన్సిల్ (ఐసీసీ) ప్రకటించిన వివరాల ప్రకారం.. ఛాంపియన్స్ ట్రోఫీ గెలిచిన జట్టుకు దాదాపు రూ. 19.48 కోట్లు ($2.24 మిలియన్) లభిస్తాయి. ఫైనల్లో ఓడిపోయిన జట్టు రూ. 9.74 కోట్లు ($1.12 మిలియన్) పొందుతుంది.సెమీఫైనలిస్టులకు కూడా భారీ ప్రైజ్‌మనీ ఈసారి ఛాంపియన్స్‌ ట్రోఫీ సెమీఫైనలిస్ట్‌లకు కూడా భారీ ప్రైజ్‌మనీ లభించనుంది. సెమీస్‌లో ఓడిన జట్లు ఆస్ట్రేలియా, సౌతాఫ్రికా రూ. 4.87 కోట్లు ($5,60,000) చొప్పున పొందుతాయి. ఈసారి గ్రూప్ దశ నుంచి నిష్క్రమించిన జట్లకు కూడా ప్రైజ్‌మనీ లభిస్తుంది.ఐదు, ఆరు స్థానాల్లో నిలిచిన ఆఫ్ఘనిస్తాన్, బంగ్లాదేశ్‌కు రూ. 3.04 కోట్లు ($3,50,000) లభిస్తాయి. ఏడు, ఎనిమిది స్థానాల్లో నిలిచే పాకిస్తాన్, ఇంగ్లండ్ జట్లకు సుమారు రూ. 1.22 కోట్లు ($1,40,000) లభిస్తాయి. ఈ ఏడాది ఛాంపియన్స్ ట్రోఫీ కోసం ఐసీసీ సుమారు రూ. 60 కోట్లు ($6.9 మిలియన్లు) కేటాయించింది. 2017 ఛాంపియన్స్ ట్రోఫీతో పోలిస్తే ఇది 53 శాతం అధికం.అజేయ భారత్‌ఈ టోర్నీలో టీమిండియా అజేయ జట్టుగా ఫైనల్‌కు చేరింది. భారత్‌.. గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌నూ సూపర్‌ విక్టరీలు సాధించి సెమీస్‌కు చేరింది. సెమీస్‌లో ఆసీస్‌ను మట్టికరిపించి ఫైనల్‌కు చేరింది. మరోవైపు న్యూజిలాండ్‌ గ్రూప్‌ దశలో పాకిస్తాన్‌, బంగ్లాదేశ్‌పై విజయాలు సాధించి, భారత్‌ చేతిలో ఓడింది. అయినా గ్రూప్‌-ఏలో రెండో స్థానంలో నిలిచి సెమీస్‌కు చేరింది. సెమీస్‌లో కివీస్‌ సౌతాఫ్రికాను చిత్తు చేసి తుది పోరుకు అర్హత సాధించింది.రెండోసారిఛాంపియన్స్‌ ట్రోఫీ ఫైనల్లో న్యూజిలాండ్‌ భారత్‌ను ఎదుర్కోవడం ఇది రెండోసారి. 2000 ఎడిషన్‌ ఫైనల్లో కివీస్‌ భారత్‌ను ఢీకొట్టి విజేతగా నిలిచింది. న్యూజిలాండ్‌కు అది తొలి ఐసీసీ టైటిల్‌. ఐసీసీ టోర్నీల్లో న్యూజిలాండ్‌ సాధించిన రెండో టైటిల్‌ కూడా భారత్‌పైనే (ఫైనల్స్‌) కావడం గమనార్హం. 2019-2021 డబ్ల్యూటీసీ ఫైనల్లో న్యూజిలాండ్‌ భారత్‌ను ఓడించి తమ రెండో ఐసీసీ టైటిల్‌ను కైవసం చేసుకుంది. ఐసీసీ ఫైనల్స్‌లో న్యూజిలాండ్‌పై భారత్‌కు మంచి ట్రాక్‌ రికార్డు లేకపోవడంతో భారత అభిమానులు ఆందోళన పడుతున్నారు.

ఛాంపియన్స్‌ ట్రోఫీ-2025 ఫైనల్‌ మ్యాచ్‌కు ముందు టీమిండియా స్టార్‌ ఆటగాడు విరాట్‌ కోహ్లి గాయమైనట్లు తెలుస్తుంది. ఇవాళ (మార్చి 8) ప్రాక్టీస్‌ సెషన్ సందర్భంగా విరాట్‌ గాయపడినట్లు జియో న్యూస్‌ తెలిపింది. నెట్స్‌లో ఓ పేసర్‌ను ఎదుర్కొనే క్రమంలో విరాట్‌ మోకాలికి గాయమైనట్లు సమాచారం​. గాయపడిన అనంతరం విరాట్‌ ప్రాక్టీస్‌ను ఆపేసినట్లు తెలుస్తుంది. విరాట్‌ గాయానికి ఫిజియో చికిత్స చేశాడని సమాచారం. చికిత్స తర్వాత విరాట్‌ డ్రెస్సింగ్‌ రూమ్‌కు వెళ్లకుండా మైదానంలోనే సహచరులతో గడిపినట్లు తెలుస్తుంది. విరాట్‌ గాయంపై కోచింగ్‌ స్టాఫ్‌ను ఆరా తీయగా తీవ్రమైంది కాదని పేర్కొన్నట్లు తెలుస్తుంది. ప్రాక్టీస్‌ సెషన్‌లో విరాట్‌ మోకాలికి కట్టు కట్టుకుని తిరిగినట్లు జియో న్యూస్‌ పేర్కొంది. విరాట్‌ గాయం గురించి తెలిసి అభిమానులు తొలుత ఆందోళన చెందారు. విరాట్‌ గాయంపై టీమిండియా మేనేజ్‌మెంట్‌ నుంచి ఎలాంటి అధికారిక ప్రకటన లేకపోవడంతో ఊపిరిపీల్చుకున్నారు. ఫైనల్లో విరాట్‌ ఎంత కీలకమైన ఆటగాడో ప్రత్యేకించి చెప్పక్కర్లేదు. ఒకవేళ స్వల్ప గాయమైనా ముందు జాగ్రత్త చర్చగా విరాట్‌ను ప్రాక్టీస్‌ చేయనిచ్చి ఉండరు. ఈ టోర్నీలో విరాట్‌ అత్యంత కీలకమైన ఇన్నింగ్స్‌లు ఆడి టీమిండియా ఫైనల్‌కు చేరడంలో ముఖ్యపాత్ర పోషించాడు. ఈ టోర్నీలో విరాట్‌ దాయాది పాకిస్తాన్‌పై సూపర్‌ సెంచరీ చేసి భారత్‌ను గెలిపించాడు. ఆసీస్‌తో జరిగిన సెమీఫైనల్లోనూ విరాట్‌ మ్యాచ్‌ విన్నింగ్‌ ఇన్నింగ్స్‌ ఆడాడు. ఈ మ్యాచ్‌లో కూడా విరాట్‌ సెంచరీ చేసుండాల్సింది. అయితే తృటిలో ఆ అవకాశాన్ని చేజార్చుకున్నాడు. విరాట్‌ సూపర్‌ ఫామ్‌ను ఫైనల్లోనూ కొనసాగించి భారత్‌కు మరో ఐసీసీ టైటిల్‌ అందించాలని టీమిండియా అభిమానులు కోరుకుంటున్నారు. ఫైనల్లో విరాట్‌ మంచి ఇన్నింగ్స్‌ ఆడితే భారత విజయాన్ని ఎవరూ అడ్డుకోలేరు. దుబాయ్‌ పిచ్‌లకు విరాట్‌ అలవాటు పడ్డాడు కాబట్టి ఫైనల్లో తప్పక రాణిస్తాడని అంతా అనుకుంటున్నారు.కాగా, దుబాయ్‌ వేదికగా రేపు (మార్చి 9) జరుగబోయే ఫైనల్లో టీమిండియా న్యూజిలాండ్‌తో అమీతుమీ తేల్చుకోనున్న విషయం తెలిసిందే. ఈ టోర్నీలో టీమిండియా అజేయ జట్టుగా ఫైనల్‌కు చేరింది. భారత్‌.. గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌నూ సూపర్‌ విక్టరీలు సాధించి సెమీస్‌కు చేరింది. సెమీస్‌లో ఆసీస్‌ను మట్టికరిపించి ఫైనల్‌కు చేరింది. మరోవైపు న్యూజిలాండ్‌ గ్రూప్‌ దశలో పాకిస్తాన్‌, బంగ్లాదేశ్‌పై విజయాలు సాధించి, భారత్‌ చేతిలో ఓడింది. అయినా గ్రూప్‌-ఏలో రెండో స్థానంలో నిలిచి సెమీస్‌కు చేరింది. సెమీస్‌లో కివీస్‌ సౌతాఫ్రికాను చిత్తు చేసి తుది పోరుకు అర్హత సాధించింది.ఛాంపియన్స్‌ ట్రోఫీ ఫైనల్లో న్యూజిలాండ్‌ భారత్‌ను ఎదుర్కోవడం ఇది రెండోసారి. 2000 ఎడిషన్‌ ఫైనల్లో కివీస్‌ భారత్‌ను ఢీకొట్టి విజేతగా నిలిచింది. న్యూజిలాండ్‌కు అది తొలి ఐసీసీ టైటిల్‌. ఐసీసీ టోర్నీల్లో టీమిండియాను న్యూజిలాండ్‌పై అంత మంచి ట్రాక్‌ రికార్డు లేదు. ఈ టోర్నీలో భారత్‌ న్యూజిలాండ్‌ను గ్రూప్‌ దశలో ఓడించినప్పటికీ.. ఫైనల్లో ఓడించడం మాత్రం అంత ఈజీ కాదు. ఐసీసీ ఈవెంట్లలో (అన్ని ఫార్మాట్లలో) న్యూజిలాండ్‌ భారత్‌తో ఆడిన 16 మ్యాచ్‌ల్లో పదింట గెలిచింది. ఐసీసీ నాకౌట్‌ మ్యాచ్‌ల్లో భారత్‌పై న్యూజిలాండ్‌కు మరింత ఘనమైన ట్రాక్‌ రికార్డు ఉంది. ఐసీసీ నాకౌట్స్‌లో భారత్‌, న్యూజిలాండ్‌ నాలుగు సార్లు ఎదురెదురుపడగా.. 3 మ్యాచ్‌ల్లో కివీస్‌, ఒక మ్యాచ్‌లో భారత్‌ గెలుపొందాయి. న్యూజిలాండ్‌ తమ చరిత్రలో గెలిచిన రెండు ఐసీసీ టైటిళ్లు భారత్‌పైనే (ఫైనల్స్‌లో) సాధించినవే కావడం గమనార్హం. 2000 ఛాంపియన్స్‌ ట్రోఫీ తర్వాత న్యూజిలాండ్‌ తమ రెండో ఐసీసీ టైటిల్‌ను 2021లో సాధించింది. 2019-2021 డబ్ల్యూటీసీ ఫైనల్లో న్యూజిలాండ్‌ భారత్‌ను ఓడించి తమ రెండో ఐసీసీ టైటిల్‌ను ఎగరేసుకుపోయింది.

భారత్, న్యూజిలాండ్ మధ్య దుబాయ్‌లో జరుగనున్న 2025 ఛాంపియన్స్ ట్రోఫీ ఫైనల్‌ను రెండు సమవుజ్జీలైన జట్ల మధ్య జరిగే టైటిల్ పోరుగా అభివర్ణించవచ్చు. బ్యాటింగ్ పరంగా చూస్తే భారత్, న్యూజిలాండ్ రెండు జట్ల బ్యాట్స్మన్ అద్భుతమైన ఫామ్‌లో ఉన్నారు. భారత్ తో జరిగిన చివరి లీగ్ మ్యాచ్ లో మినహా న్యూజిలాండ్ బ్యాట్స్మన్ ఎక్కడా తడబడినట్టు కానీ, తక్కువ స్థాయిలో ఆడుతున్నట్టు కానీ కనిపించలేదు. న్యూజిలాండ్ ను ఈ మ్యాచ్ లో నిలువరించి ఘనత భారత మిస్టరీ స్పిన్నర్ వరుణ్ చక్రవర్తికి దక్కుతుంది.తొలి పోరులో వరుణ్ దే పైచేయిగత ఆదివారం జరిగిన ఆఖరి లీగ్ మ్యాచ్‌లో వరుణ్ చక్రవర్తి కివీస్ బ్యాట్స్మన్‌ని తన వైవిధ్యమైన బౌలింగ్ తో ముప్పతిప్పలు పెట్టాడు. అంటే న్యూ జిలాండ్ బ్యాట్స్మన్ కి స్పిన్నర్లను ఆడటం తెలియక కాదు. వారి జట్టులోనూ అద్భుతమైన స్పిన్నర్లు ఉన్నారు. స్పిన్నర్లపై ఆధిపత్యం సాధించే అద్భుతమైన బ్యాట్స్మన్ కూడా ఉన్నారు. కానీ వరుణ్ మాత్రం విభిన్నమైన స్పిన్నర్. అతని బౌలింగ్ యాక్షన్ బట్టి అతని ఎలాంటి బంతి వేస్తాడో అంచనా వేయడం కష్టం.అదే ప్రత్యర్థి బ్యాట్స్మన్ కి పెద్ద అవరోధంగా కనిపిస్తోంది. అందుకే ఆ మ్యాచ్ లో వరుణ్ మిస్టరీ కోడ్‌ను అర్థం చేసుకోవడానికి కివీస్ బ్యాటర్లు నానా తిప్పలు పడ్డారు. ఈ మ్యాచ్ లో వరుణ్‌ 52 పరుగులిచ్చి 5 వికెట్లు పడగొట్టాడు. ఇందులో విల్ యంగ్, గ్లెన్ ఫిలిప్స్ మరియు మిచెల్ సాంట్నర్ వంటి కీలక వికెట్లు కూడా ఉన్నాయి. ఆ తర్వాత సెమీ-ఫైనల్‌లో ఆస్ట్రేలియాపై కూడా వరుణ్ మంచి వైవిధ్యం తో బౌలింగ్ చేసాడు. ఎప్పడూ భారత్ జట్టుకి ప్రధాన అడ్డంకి గా నిలిచే ఆస్ట్రేలియా ఓపెనర్ ట్రావిస్ హెడ్‌ను తన తొలి బంతితోనే బోల్తా కొట్టించాడు. వరుణ్‌ ఫామ్‌ ఫైనల్‌కి ముందు భారత్‌కు అదనపు బలాన్నిస్తునడంలో సందేహం లేదు.వరుణ్ గురించి హెచ్చరించిన కివీస్ కోచ్ అందుకే మ్యాచ్ కి ముందే న్యూజిలాండ్ కోచ్ గ్యారీ స్టీడ్ తమ బ్యాట్సమన్లని వరుణ్ నుంచి ఎదురయ్యే సవాలుకి సిద్ధంగా ఉండాలని హెచ్చరించాడు. గత మ్యాచ్ లో మా జట్టు పై 5/42 గణాంకాలతో పైచేయి సాధించిన వరుణ్ ఫైనల్లో ఆడతాడని కచ్చితంగా చెప్పగలను. వరుణ్ ఒక క్లాస్ బౌలర్. గత మ్యాచ్ లో మాకు తన నైపుణ్యం మేమిటో రుచి చూపించాడు. ఫైనల్లో వరుణ్ మాకు పెద్ద ముప్పుగా భావిస్తున్నాం. ఈ విషయం (వరుణ్ మా ప్రధాన అడ్డంకి అని ) ముందే తెలిసింది కాబట్టి అతన్ని ఎలా ఎదుర్కోగలం. ఎలా పరుగులు సాధించగలము అనే దాని పై అంచనాలు వేస్తున్నామని స్టీడ్ అన్నాడు.హెన్రీ ఆడతాడా?న్యూజిలాండ్, దక్షిణాఫ్రికా మధ్య జరిగిన రెండో ఛాంపియన్స్ ట్రోఫీ సెమీ-ఫైనల్ సందర్భంగా కివీస్ స్టార్ పేసర్ మాట్ హెన్రీ గాయపడ్డాడు. ప్రమాదకరమైన బ్యాట్స్మన్ హెన్రిచ్ క్లాసెన్‌ను అవుట్ చేసే ప్రయత్నంలో డైవింగ్ క్యాచ్ తీసుకుంటుండగా, హెన్రీ కుడి భుజంపై గాయమైంది. వెంటనే ఫిజియోలు అతనిని పరిశీలించినప్పటికీ అతను తీవ్ర అసౌకర్యంతో ఉన్నట్టు కనిపించాడు. చివరికి హెన్రీ మైదానం నుండి బయటకు వెళ్లవలసి వచ్చింది. ఈ మ్యాచ్ లో మాట్ హెన్రీ తన 10 ఓవర్లను పూర్తి చేయలేకపోయాడు. అతను కేవలం 7 ఓవర్లు బౌలింగ్ చేసి 2 వికెట్లు తీసి 42 పరుగులు ఇచ్చాడు.ఈ మ్యాచ్ అనంతరం న్యూజిలాండ్ కెప్టెన్ మిచెల్ సాంట్నర్ మాట్లాడుతూ.. మాట్ హెన్రీ భుజం కొంచెం నొప్పిగా ఉందని.. అతను భారత్‌తో ఫైనల్ ఆడగలడో లేదో వేచి చూడాలన్నాడు. ఈ మ్యాచ్ లో భారత్ బ్యాట్స్మన్ ని నిలువరించడంలో హెన్రీ కీలక పాత్ర వహించాడు. ఈ మ్యాచ్ లో హెన్రీ ఛాంపియన్స్ ట్రోఫీ చరిత్రలో తన అత్యుత్తమ గణాంకాలు (5/42) నమోదు చేసుకున్నాడు. ఫైనల్లో హెన్రీ ఆడకపోతే న్యూజిలాండ్‌కు పెద్ద దెబ్బ అవుతుంది.

ఛాంపియన్స్‌ ట్రోఫీ-2025లో భారత్‌ తమ మ్యాచ్‌లను దుబాయ్‌లో ఆడుతున్న విషయం తెలిసిందే. ఈ టోర్నీకి పాక్‌ ఆతిథ్యమిస్తున్నప్పటికీ.. భద్రతా కారణాల రిత్యా టీమిండియా తమ మ్యాచ్‌లను దుబాయ్‌లో ఆడుతుంది. అయితే టీమిండియా తమ మ్యాచ్‌లను ఒకే వేదికపై ఆడటాన్ని కొందరు ప్రస్తుత, మాజీ క్రికెటర్లు తప్పుబడుతున్నారు. ఒకే వేదికపై మ్యాచ్‌లు ఆడటం​ వల్ల టీమిండియా లబ్ది పొందుతుందని ఆరోపిస్తున్నారు.ఈ ఆరోపణలపై భారత స్పిన్‌ దిగ్గజం రవిచంద్రన్‌ అశ్విన్‌ స్పందించాడు. ఒకే వేదికపై ఆడటం వల్ల టీమిండియా లబ్ది పొందుతుందనడం సరికాదన్నాడు. గతంలో (2009 ఛాంపియన్స్‌ ట్రోఫీ) సౌతాఫ్రికా ఒకే వేదికపై అన్ని మ్యాచ్‌లు ఆడినా ఫైనల్‌కు చేరలేదన్న విషయాన్ని గుర్తు చేశాడు. బాగా ఆడితేనే టోర్నమెంట్లు గెలుస్తారని, సాకుల వల్ల కాదని చురకలంటించాడు. దుబాయ్‌లో ఆడటం వల్ల టీమిండియా లబ్ది పొందుతుందని తమ కెప్టెన్‌, కోచ్‌లను ప్రశ్నించినప్పుడు నవ్వుకున్నానని అన్నాడు. టీమిండియా చివరిగా కోవిడ్‌కు ముందు 2018లో (ఆసియా కప్‌) దుబాయ్‌లో ఆడిందన్న విషయాన్ని గుర్తు చేశాడు. టీమిండియా తర్వాత న్యూజిలాండ్‌, ఇంగ్లండ్‌, సౌతాఫ్రికా దుబాయ్‌లో ఆడాయని అన్నాడు. ప్రయాణించడం వల్ల ఆటగాళ్లు అలసిపోతారన్న విషయంతో ఏకీభవించిన అశ్విన్‌.. షెడ్యూల్‌ ఫిక్స్‌ చేయడంలో టీమిండియా ప్రమేయం ఉండదన్న విషయాన్ని గుర్తు చేశాడు. సౌతాఫ్రికా ఆటగాడు డేవిడ్‌ మిల్లర్‌ చేసిన వ్యాఖ్యలకు ప్రతిగా ఈ విషయాన్ని ప్రస్తావించాడు.ఎంతమంది ఎన్ని రకాలుగా టీమిండియాపై ఆరోపణలు (ఒకే వేదిక అంశం) చేసినా న్యూజిలాండ్‌ ఆటగాళ్లు మాత్రం ఎలాంటి వ్యాఖ్యలు చేయరని కితాబునిచ్చాడు. ఇలాంటి చౌకబారు వ్యాఖ్యలు చేయకుండా కేవలం ఆటపై దృష్టి పెడుతుంది కాబట్టే న్యూజిలాండ్‌కు భారీ సంఖ్యలో అభిమానులున్నారని అన్నాడు. ఫైనల్లో గెలిచినా ఓడినా న్యూజిలాండ్ ఆటగాళ్లు హుందాగా ప్రవర్తిస్తారని తెలిపాడు.కాగా, ఛాంపియన్స్‌ ట్రోఫీ-2025లో భారత్‌ అదరగొడుతున్న విషయం తెలిసిందే. గ్రూప్‌ దశలో బంగ్లాదేశ్‌, పాక్‌, న్యూజిలాండ్‌పై విజయాలు సాధించిన భారత్‌.. సెమీస్‌లో ఆసీస్‌ను మట్టికరిపించి అజేయ జట్టుగా ఫైనల్‌కు చేరింది. మరోవైపు న్యూజిలాండ్‌ గ్రూప్‌ దశలో పాకిస్తాన్‌, బంగ్లాదేశ్‌పై విజయాలు సాధించి, భారత్‌ చేతిలో ఓడింది. అయినా గ్రూప్‌-ఏలో రెండో స్థానంలో నిలిచి సెమీస్‌కు చేరింది. సెమీస్‌లో కివీస్‌ సౌతాఫ్రికాను చిత్తు చేసి తుది పోరుకు అర్హత సాధించింది. దుబాయ్‌ వేదికగా రేపు (మార్చి 9) జరుగబోయే తుది సమరంలో న్యూజిలాండ్‌ రోహిత్‌ సేనతో అమీతుమీ తేల్చుకోనుంది.ఛాంపియన్స్‌ ట్రోఫీ ఫైనల్లో న్యూజిలాండ్‌ భారత్‌ను ఎదుర్కోవడం ఇది రెండోసారి. 2000 ఎడిషన్‌ ఫైనల్లో కివీస్‌ భారత్‌ను ఢీకొట్టి విజేతగా నిలిచింది. న్యూజిలాండ్‌కు అది తొలి ఐసీసీ టైటిల్‌.

ఛాంపియన్స్ ట్రోఫీ-2025(Champions Trophy)లో ఫైనల్ పోరుకు సమయం అసన్నమైంది. ఆదివారం​(మార్చి 9) దుబాయ్ వేదికగా జరగనున్న ఫైనల్ మ్యాచ్‌లో భారత్‌-న్యూజిలాండ్ జ‌ట్లు అమీతుమీ తెల్చుకోనున్నాయి. ఈ టైటిల్ పోరు కోసం ఇరు జ‌ట్లు త‌మ ఆస్ర‌శాస్త్రాల‌ను సిద్దం చేసుకున్నాయి.ఈ మ్యాచ్‌లో గెలిచి ముచ్చ‌ట‌గా మూడో సారి ఛాంపియ‌న్స్ ట్రోఫీ టైటిల్‌ను ముద్దాడాల‌ని భార‌త జ‌ట్టు భావిస్తుంటే.. మ‌రోసారి ఐసీసీ టోర్నీ ఫైన‌ల్లో టీమిండియాను ఓడించాల‌ని కివీస్ ప‌ట్టుద‌ల‌తో ఉంది. ఇక ఈ మెగా ఫైనల్‌ మ్యాచ్‌కు పిచ్ ఏర్పాటు పూర్తి అయింది. గ్రూపు స్టేజిలో పాకిస్తాన్‌-భారత్ మ్యాచ్ కోసం ఉపయోగించిన పిచ్‌నే తుది పోరుకు కూడా క్యూరేటర్ సిద్దం చేసినట్లు తెలుస్తోంది.ఈ మెగా టోర్నీలో భారత్ ఆడిన తమ నాలుగు మ్యాచ్‌లు వేర్వేరు పిచ్‌లపైనే ఆడింది. ఎందుకంటే ఒక్కసారి ఉపయోగించిన పిచ్‌ను మళ్లీ ఉపయోగించాలంటే కనీసం రెండు వారాల గ్యాప్ ఉండేలా ఎమిరేట్స్ క్రికెట్ బోర్డు (ECB) ప్లాన్ చేసింది. ఇప్పుడు పాకిస్తాన్‌తో లీగ్ మ్యాచ్ ఆడి రెండు వారాలు పూర్తి కావడం‍తో ఆ పిచ్‌పై మళ్లీ ఆడేందుకు భారత్ సిద్దమైంది. కాగా ఆ మ్యాచ్‌లో పాకిస్తాన్ 244 పరుగులు చేయగా.. ఆ లక్ష్యాన్ని భారత్ సునాయసంగా ఛేదించింది.కివీస్‌కు మరోసారి..కాగా ఈ వికెట్ మరోసారి స్పిన్నర్లకు అనుకూలించే అవకాశముంది. పాక్‌తో జరిగిన మ్యాచ్‌లో కుల్దీప్ యాదవ్‌, జడేజా, అక్ష‌ర్ ప‌టేల్ వంటి మ‌ణిక‌ట్టు స్పిన్న‌ర్లు బంతితో మ్యాజిక్ చేశారు. ఆ మ్యాచ్‌లో ఇంకా మిస్ట‌రీ స్పిన్న‌ర్ వ‌రుణ్ చ‌క్ర‌వ‌ర్తి లేడు. అత‌డు ప్లేయింగ్ ఎలెవ‌న్‌లోకి వ‌చ్చాక భార‌త స్పిన్ విభాగం మ‌రింత ప‌టిష్టంగా మారింది. న్యూజిలాండ్‌తో జ‌రిగిన లీగ్ మ్యాచ్‌లో వ‌రుణ్ ఏకంగా 5 వికెట్ల‌తో స‌త్తాచాటాడు. అత‌డి స్పిన్ దాటికి కివీలు విల్లవిల్లాడారు. ఈ క్ర‌మంలో మ‌రోసారి న్యూజిలాండ్‌కు వ‌రుణ్ నుంచి ముప్పు పొంచి ఉంది. అయితే ప్ర‌త్య‌ర్ధి జ‌ట్టులో కూడా మెరుగైన స్పిన్న‌ర్లు ఉన్నారు.కెప్టెన్ మిచెల్ శాంట్న‌ర్‌, బ్రెస్‌వెల్ వంటివారు బంతితో అద్భుతాలు చేయ‌గ‌ల‌రు. వీరికి తోడు ర‌చిన్ ర‌వీంద్ర‌, గ్లెన్ ఫిలిప్స్ వంటి పార్ట్ టైమ్ స్పిన్న‌ర్లకు కూడా మ్యాచ్‌ను మలుపు తిప్పే స‌త్తాఉంది. దీంతో మరోసారి బ్యాటర్లకు స్పిన్నర్ల నుంచి కఠిన సవాలు ఎదురుకానుంది.కివీస్‌దే పైచేయి..కాగా ఐసీసీ టోర్నమెంట్‌ ఫైనల్లో న్యూజిలాండ్‌-భారత జట్లు రెండు సార్లు తలపడ్డాయి. ఈ రెండు మ్యాచ్‌ల్లో కూడా కివీసే విజయం సాధించింది. 2000 ఛాంపియన్స్ ట్రోఫీ ఫైనల్‌లో, 2021 ప్రపంచ టెస్ట్ ఛాంపియన్‌షిప్ ఫైనల్లో టీమిండియాను బ్లాక్‌​ క్యాప్స్‌ చిత్తు చేసింది.చదవండి: రోహిత్‌ శర్మ భారీ ఇన్నింగ్స్‌ ఆడితే...

న్యూఢిల్లీ: భారత కెప్టెన్ , స్టార్‌ ఓపెనర్‌ రోహిత్‌ శర్మ ఫైనల్లో భారీ ఇన్నింగ్స్‌ ఆడితే అది మ్యాచ్‌నే ప్రభావితం చేస్తుందని క్రికెట్‌ దిగ్గజం సునీల్‌ గావస్కర్‌ విశ్లేషించారు. ‘హిట్‌మ్యాన్‌’ 25, 30 పరుగులకే పరిమితం కాకుండా ఎక్కువసేపు క్రీజులో ఉండాలని ఆయన ఆకాంక్షించారు. ఈ టోర్నీలో రోహిత్‌ మెరుపు ఆరంభాల కోసం ప్రతిసారి ఎదురుదాడికి దిగుతున్నాడు. కానీ ఇదే క్రమంలో వెంటనే అవుటవుతున్నాడు. చాంపియన్స్‌ ట్రోఫీలో బంగ్లాదేశ్‌పై చేసిన 41 పరుగులే రోహిత్‌ అత్యధిక స్కోరుగా ఉంది. దీనిపై గావస్కర్‌ మాట్లాడుతూ ‘ఒకవేళ రోహిత్‌ 25 ఓవర్లపాటు బ్యాటింగ్‌ చేస్తే భారత్‌ 180 నుంచి 200 పరుగులు సాధిస్తుంది. అప్పుడు రెండు, మూడు వికెట్లు పడినా ఇన్నింగ్స్‌కు ఏ ఇబ్బంది ఉండదు. అక్కడి నుంచి సులువుగా 350 పరుగుల మార్క్‌ను దాటేస్తుంది. ఈ విషయాన్ని భారత కెపె్టన్‌ గుర్తుంచుకోవాలి. ఓపెనింగ్‌ మెరుపులు మెరిపించి వెళ్లడం కంటే కూడా కాస్త దూకుడుగా ఆడుతూ కనీసం 25–30 ఓవర్ల పాటు క్రీజును అట్టిపెట్టుకుంటే మ్యాచ్‌ రూపురేఖలే మారుతాయ్‌. రోహిత్‌ ఆట ఇన్నింగ్స్‌పై పెను ప్రభావాన్ని చూపిస్తుంది. దీంతో ఫైనల్‌ మ్యాచ్‌ను ప్రత్యర్థి చేతుల్లోంచి లాగేసుకోవచ్చు’ అని అన్నారు. భారత కెప్టెన్‌ పాక్‌పై 20, న్యూజిలాండ్‌పై 15, ఆ్రస్టేలియాపై 28 పరుగులు చేశాడు. ఇప్పటి వరకు అర్ధసెంచరీ కూడా బాదలేకపోయాడు. న్యూజిలాండ్‌కు నాసిర్‌ హుస్సేన్‌ మద్దతు చాంపియన్స్‌ ట్రోఫీలో భారత్‌ అజేయమైన జట్టే అయినప్పటికీ ఫైనల్లో ట్రోఫీ గెలిచే అర్హత న్యూజిలాండ్‌కే ఉందని ఇంగ్లండ్‌ మాజీ కెపె్టన్‌ నాసిర్‌ హుస్సేన్‌ అన్నాడు. ‘కివీ క్రికెటర్లు చోకర్లు కాదు. ఒత్తిడిలోనూ నిలబడే స్థైర్యం వారికుంది. ప్రపంచశ్రేణి ఆటగాళ్లు ప్రస్తుత జట్టులో ఉన్నారు. అమీతుమీలో వారంతా శక్తికిమించే పోరాడతారు’ అని వివరించాడు.

దుబాయ్‌: న్యూజిలాండ్‌ జట్టుకు ‘మిస్టరీ స్పిన్నర్‌’ వరుణ్‌ చక్రవర్తి(Varun Chakravarthy) బెంగపట్టుకుంది. అతనితోనే పెద్ద ముప్పు అని స్వయంగా కివీస్‌ హెడ్‌ కోచ్‌ గ్యారీ స్టెడ్‌ వెల్లడించారు. ఆదివారం ఇక్కడ జరిగే ‘ఐసీసీ చాంపియన్స్‌ ట్రోఫీ(ICC Champions Trophy 2025)’ టైటిల్‌ పోరులో భారత్, న్యూజిలాండ్‌ జట్లు తలపడనున్నాయి. ఈ నేపథ్యంలో కోచ్‌ స్టెడ్‌ మీడియాతో మాట్లాడుతూ ‘భారత్‌తో జరిగిన లీగ్‌ మ్యాచ్‌లో వరుణ్‌ తిప్పేశాడు. అతని 5 వికెట్ల ప్రదర్శనే మ్యాచ్‌లో మేం కోలుకోకుండా చేసింది. అతనొక క్లాస్‌ బౌలర్‌. తన స్పిన్‌ నైపుణ్యంతో ఎవరికైనా ఉచ్చు బిగించగలడు. ఫైనల్లోనూ అతనే మాకు పెద్ద సమస్య. అందుకే మేం అతని బౌలింగ్‌పై ప్రత్యేకంగా దృష్టి సారించాం. ఎలాగైనా ఫైనల్‌ రోజు అతని ఉచ్చులో పడకుండా బ్యాటింగ్‌ చేయాలనే ప్రణాళికతో బరిలోకి దిగుతాం’ అని అన్నారు. పలువురు క్రికెటర్లు దుబాయ్‌ అనుకూలతలపై చేస్తున్న వ్యాఖ్యల్ని ఆయన పెద్దగా పట్టించుకోలేదు. ‘టోర్నీ షెడ్యూల్, వేదికలనేవి మన చేతుల్లో ఉండవు. అందుకే దానిపై అతిగా ఆలోచించం. ఆందోళన చెందం. భారత్‌ అన్నీ మ్యాచ్‌లు అక్కడ ఆడి ఉండొచ్చు. అలాగే మేం కూడా అక్కడ ఓ మ్యాచ్‌ ఆడాం. కాబట్టి అక్కడి పరిస్థితులెంటో మాకూ బాగా తెలుసు. ఇలాంటి పెద్ద టోర్నీలో అదికూడా ఎనిమిది జట్ల నుంచి రెండు జట్లు ఫైనల్‌ దశకు వచ్చాక అనుకూలతలు, ప్రతికూలతలనే సాకులు వెతక్కొద్దు. టైటిల్‌కు ఒక మ్యాచ్‌ దూరంలో ఉన్నాం. దాని గురించే ఆలోచిస్తాం. వ్యూహాలు రచిస్తాం. మిగతా విషయాల్ని పట్టించుకోం’ అని కోచ్‌ వివరించారు. షెడ్యూల్‌ పాక్‌ నుంచి దుబాయ్‌కి... అక్కడి నుంచి తిరిగి ఇక్కడికి బిజిబిజీగా ఉన్నప్పటికీ న్యూజిలాండ్‌ ప్రొఫెషనల్‌ క్రికెటర్లకు ఎలాంటి బడలిక ఇబ్బందులు ఉండబోవని చెప్పారు. ఫైనల్‌కు హెన్రీ దూరం! పేసర్‌ మ్యాట్‌ హెన్రీ(Matt Henry) చాంపియన్స్‌ ట్రోఫీ ఫైనల్‌ ఆడటం అనుమానంగా మారింది. భుజం నొప్పితో బాధపడుతున్న అతను ఆదివారం మ్యాచ్‌ సమయానికల్లా కోలుకుంటాడని టీమ్‌ మేనేజ్‌మెంట్‌ గంపెడాశలు పెట్టుకుంది. 33 ఏళ్ల హెన్రీ భారత్‌పై లీగ్‌ మ్యాచ్‌లో 5/42 గణాంకాలు నమోదు చేయడంతోపాటు ఈ టోర్నీలో మొత్తం 10 వికెట్లు తీశాడు. తన ప్రదర్శనతో ప్రధాన బౌలర్‌గా మారిన అతను దక్షిణాఫ్రికాతో జరిగిన సెమీస్‌లో గాయపడ్డాడు. ‘మ్యాచ్‌ సమయంలో కిందపడటంతో అతని భుజానికి స్వల్పగాయమైంది. ఇదేమంత తీవ్రమైంది కాదు. ముందుజాగ్రత్తగా స్కానింగ్‌ కూడా తీశాం. సానుకూల రిపోర్టు వస్తుందనే ఆశిస్తున్నాం. ఫైనల్లో అతను ఎలాగైనా ఆడాలని మేమంతా గట్టిగా కోరుకుంటున్నాం’ అని కోచ్‌ స్టెడ్‌ చెప్పారు.

భారత్‌, న్యూజిలాండ్‌ మధ్య ఛాంపియన్స్‌ ట్రోఫీ-2025 ఫైనల్‌ మార్చి 9న దుబాయ్‌ వేదికగా జరుగనుంది. ఈ మ్యాచ్‌కు ముందు టీమిండియా స్టార్‌ ఆటగాడు విరాట్‌ కోహ్లి మూడు భారీ రికార్డులు ఊరిస్తున్నాయి. ఈ మ్యాచ్‌లో కోహ్లి మరో 95 పరుగులు చేస్తే వన్డేల్లో న్యూజిలాండ్‌పై అత్యధిక పరుగులు చేసిన బ్యాటర్‌గా అవతరిస్తాడు. ఈ క్రమంలో క్రికెట్‌ దిగ్గజం సచిన్‌ టెండూల్కర్‌ రికార్డును అధిగమిస్తాడు. సచిన్‌ వన్డేల్లో న్యూజిలాండ్‌పై 1750 పరుగులు చేయగా.. ‍ప్రస్తుతం విరాట్‌ ఖాతాలో 1656 పరుగులు ఉన్నాయి.ఈ మ్యాచ్‌లో (ఫైనల్లో) విరాట్‌ సెంచరీ సాధిస్తే.. వన్డేల్లో న్యూజిలాండ్‌పై అత్యధిక సెంచరీలు చేసిన భారత బ్యాటర్‌గా సరికొత్త రికార్డు సృష్టిస్తాడు. ప్రస్తుతం ఈ రికార్డు విరాట్‌, వీరేంద్ర సెహ్వాగ్‌ పేరిట సంయుక్తంగా ఉంది. వీరిద్దరూ వన్డేల్లో న్యూజిలాండ్‌పై చెరో 6 సెంచరీలు బాదారు.ఈ మ్యాచ్‌లో విరాట్‌ మరో 128 పరుగులు చేస్తే.. ఐసీసీ వన్డే నాకౌట్స్‌లో అత్యధిక పరుగులు చేసిన భారత ఆటగాడిగా అవతరిస్తాడు. ప్రస్తుతం​ ఈ రికార్డు సచిన్‌ టెండూల్కర్‌ పేరిట ఉంది. ఐసీసీ వన్డే నాకౌట్స్‌లో మాస్టర్‌ బ్లాస్టర్‌ 657 పరుగులు చేశాడు. ప్రస్తుతం విరాట్‌ ఖాతాలో 530 పరుగులు ఉన్నాయి.ఈ మ్యాచ్‌లో విరాట్‌ హాఫ్‌ సెంచరీ చేస్తే ఐసీసీ వన్డే నాకౌట్స్‌లో అత్యధిక హాఫ్‌ సెంచరీలు చేసిన ఆటగాడిగా సచిన్‌ సరసన నిలుస్తాడు. సచిన్‌ ఐసీసీ నాకౌట్స్‌లో ఆరు అర్ద సెంచరీలు చేయగా.. ప్రస్తుతం విరాట్‌ ఖాతాలో ఐదు అర్ద శతకాలు ఉన్నాయి.ప్రస్తుతం విరాట్‌ ఉన్న ఫామ్‌ ప్రకారం చూస్తే పైన ఉన్న మూడు రికార్డులు బద్దలు కావడం ఖాయంగా కనిపిస్తుంది. ఛాంపియన్స్‌ ట్రోఫీ-2025లో విరాట్‌ ఇప్పటివరకు 4 మ్యాచ్‌లు ఆడి 72.33 సగటున, 83.14 స్ట్రయిక్‌రేట్‌తో 217 పరుగులు చేశాడు. ఇందులో ఓ సెంచరీ, ఓ హాఫ్‌ సెంచరీ ఉన్నాయి. ఫైనల్లో విరాట్‌ సెంచరీ చేస్తే వన్డేల్లో 52వ శతకం.. ఓవరాల్‌గా 83వ శతకం అవుతుంది.విరాట్‌ ఫైనల్లో న్యూజిలాండ్‌పై సెంచరీ సాధించాలని ప్రతి భారత క్రికెట్‌ అభిమాని కోరుకుంటున్నాడు. అలాగే ఈ మ్యాచ్‌లో రోహిత్‌ శర్మ కూడా ఫామ్‌లోకి రావాలని టీమిండియా ఫ్యాన్స్‌ ఆశిస్తున్నారు. టీమిండియాకు కృష్ణార్జులు లాంటి రోహిత్‌, కోహ్లి భారత్‌కు మరో ఐసీసీ టైటిల్‌ అందించాలని యావత్‌ భారతం ఆశిస్తుంది.టీమిండియాకు చెడు సూచకంఛాంపియన్స్‌ ట్రోఫీ ఫైనల్‌కు ముందు టీమిండియాకు చెడు సూచిస్తుంది. ఐసీసీ టోర్నీల ఫైనల్స్‌లో న్యూజిలాండ్‌ను ఎదుర్కొన్న ప్రతిసారి భారత్‌కు అపజయమే ఎదురైంది. ఐసీసీ టోర్నీల ఫైనల్స్‌లో భారత్‌, న్యూజిలాండ్‌ ఇప్పటివరకు రెండు సార్లు ఎదురెదురుపడ్డాయి. తొలిసారి ఈ ఇరు జట్లు ఛాంపియన్స్‌ ట్రోఫీ-2000 ఎడిషన్‌ ఫైనల్లో తలపడ్డాయి. నాడు న్యూజిలాండ్‌ భారత్‌ను ఓడించి తమ తొలి ఐసీసీ టైటిల్‌ను సొంతం చేసుకుంది. ఈ ఇరు జట్లు ఇనాగురల్‌ డబ్ల్యూటీసీ ఫైనల్లో (2019-2021) రెండో సారి పోటీపడ్డాయి. ఈసారి కూడా న్యూజిలాండ్‌ భారత్‌ను ఓడించి తమ రెండో ఐసీసీ టైటిల్‌ను ఎగరేసుకుపోయింది. న్యూజిలాండ్‌, తమ రెండు ఐసీసీ టైటిళ్లను భారత్‌పైనే గెలవడం విశేషం.

టీమిండియా స్టార్‌ మిడిలార్డర్‌ బ్యాటర్‌ శ్రేయస్‌ అయ్యర్‌కు ప్రమోషన్‌ లభించనుందని తెలుస్తుంది. శ్రేయస్‌ బీసీసీఐ సెంట్రల్‌ కాంట్రాక్ట్‌ను తిరిగి దక్కించుకోనున్నాడని సమాచారం. ఛాంపియన్స్‌ ట్రోఫీ-2025లో అద్భుత ప్రదర్శనల తర్వాత బీసీసీఐ ఈ నిర్ణయం తీసుకున్నట్లు తెలుస్తుంది. శ్రేయస్‌ గతేడాది మార్చిలో బీసీసీఐ సెంట్రల్‌ కాంట్రాక్ట్‌ను కోల్పోయాడు. 2023 వన్డే వరల్డ్‌కప్‌లో అంచనాలకు మించి రాణించినప్పటికీ బీసీసీఐ అతని కాంట్రాక్ట్‌ను పునరుద్దరించలేదు. గత మార్చిలో శ్రేయస్‌తో పాటు ఇషాన్‌ కిషన్‌ కూడా బీసీసీఐ కాంట్రాక్ట్‌ను కోల్పోయాడు.శ్రేయస్‌ బీసీసీఐ సెంట్రల్‌ కాంట్రాక్ట్‌ కోల్పోయాక టీమిండియాలో స్థానాన్ని కూడా చేజార్చుకున్నాడు. అయితే దేశవాలీ టోర్నీల్లో అద్భుతంగా రాణించి గోడకు కొట్టిన బంతిలా తిరిగి జట్టులో చోటు సంపాదించాడు. రీఎంట్రీలో శ్రేయస్‌ మరింత రెచ్చిపోయి ఆడుతున్నాడు. ఛాంపియన్స్‌ ట్రోఫీలో 4 మ్యాచ్‌లు ఆడి 79.92 స్ట్రయిక్‌రేట్‌తో 195 పరుగులు చేశాడు. శ్రేయస్‌ ప్రదర్శనల ఆధారంగా టీమిండియా ఛాంపియన్స్‌ ట్రోఫీలో అజేయంగా ఫైనల్‌కు చేరింది.ఈ టోర్నీలో శ్రేయస్‌ జట్టు కష్టాల్లో ఉన్నప్పుడు అత్యంత కీలకమైన ఇన్నింగ్స్‌లు ఆడాడు. మొదటి బ్యాటింగ్‌తో పాటు ఛేదనలోనూ సత్తా చాటాడు. బంగ్లాదేశ్‌తో జరిగిన తొలి మ్యాచ్‌లో నిరాశపరిచిన (17 బంతుల్లో 15) శ్రేయస్‌.. ఆతర్వాత చిరకాల ప్రత్యర్థి పాకిస్తాన్‌తో జరిగిన మ్యాచ్‌లో హాఫ్‌ సెంచరీతో (67 బంతుల్లో 56) మెరిశాడు. చివరి గ్రూప్‌ మ్యాచ్‌లో న్యూజిలాండ్‌పై మరో హాఫ్‌ సెంచరీ చేసిన శ్రేయస్‌.. ఆస్ట్రేలియాతో జరిగిన సెమీఫైనల్లో విరాట్‌ కోహ్లితో కలిసి కీలక ఇన్నింగ్స్‌ (45) ఆడి భారత విజయంలో ప్రధానపాత్ర పోషించాడు. ఈ ప్రదర్శనల తర్వాత శ్రేయస్‌కు ఎందుకు సెంట్రల్‌ కాంట్రాక్ట్‌ ఇవ్వకూడదని చర్చ మొదలైంది. దీంతో బీసీసీఐ శ్రేయస్‌కు తిరిగి సెంట్రల్‌ కాంట్రాక్ట్‌ ఇచ్చి గౌరవించుకోవాలని భావిస్తుంది. బీసీసీఐ మరికొద్ది రోజుల్లో అధికారికంగా సెంట్రల్‌ కాంట్రాక్ట్‌ ఆటగాళ్ల జాబితాను ప్రకటించనుంది. సెంట్రల్‌ కాంట్రాక్ట్‌ జాబితాలోకి కొత్తగా వరుణ్‌ చక్రవర్తి వచ్చే అవకాశం ఉంది.ఇదిలా ఉంటే, ప్రస్తుతం జరుగుతున్న ఛాంపియన్స్‌ ట్రోఫీలో టీమిండియా ఫైనల్‌కు చేరిన విషయం తెలిసిందే. సెమీస్‌లో ఆసీస్‌ను మట్టికరిపించిన భారత్‌ తుది సమరానికి అర్హత సాధించింది. మరోవైపు న్యూజిలాండ్‌ సెమీస్‌లో సౌతాఫ్రికాను చిత్తు చేసి తుది పోరుకు అర్హత సాధించింది. భారత్‌, న్యూజిలాండ్‌ మధ్య ఫైనల్‌ మ్యాచ్‌ ఈనెల 9వ తేదీన దుబాయ్‌ వేదికగా జరుగనుంది. భారతకాలమానం​ ప్రకారం ఈ మ్యాచ్‌ మధ్యాహ్నం 2:30 గంటలకు ప్రారంభమవుతుంది.ఛాంపియన్స్‌ ట్రోఫీ ఫైనల్లో భారత్‌, న్యూజిలాండ్‌ తలపడటం ఇది రెండో సారి. 2000 ఎడిషన్‌లో ఇరు జట్లు ఎదురెదురుపడగా.. న్యూజిలాండ్‌ భారత్‌ను ఓడించి తమ తొలి ఐసీసీ టైటిల్‌ను సొంతం చేసుకుంది. ఈ ఇరు జట్లు ఇనాగురల్‌ డబ్ల్యూటీసీ ఫైనల్లోనూ (2019-2021) తలపడ్డాయి. ఈసారి కూడా న్యూజిలాండ్‌ భారత్‌ను ఓడించి తమ రెండో ఐసీసీ టైటిల్‌ను ఎగరేసుకుపోయింది. న్యూజిలాండ్‌, తమ రెండు ఐసీసీ టైటిళ్లను భారత్‌పైనే గెలవడం విశేషం.

లాహోర్‌: చాంపియన్స్‌ ట్రోఫీలో అన్ని మ్యాచ్‌లు ఒకే వేదికపై, ఒకే మైదానంలో ఆడుతూ, కనీసం ప్రయాణం చేసే అవసరం కూడా లేకుండా భారత్‌కు అన్ని అనుకూలతలు ఉన్నాయని వస్తున్న విమర్శల్లో మరో కీలక ఆటగాడు గొంతు కలిపాడు. టీమిండియాతో ఆదివారం జరిగే తుది పోరుకు ముందు కివీస్‌ టాప్‌ బ్యాటర్‌ కేన్‌ విలియమ్సన్‌ పరోక్షంగా ఇదే విషయంపై మాట్లాడాడు. దుబాయ్‌లో పరిస్థితులపై భారత్‌కు మంచి అవగాహన ఉంది కదా అనే ప్రశ్నకు సమాధానమిస్తూ... ‘దుబాయ్‌లో ఎలాంటి వ్యూహాలు పని చేస్తాయో భారత్‌కు బాగా తెలుసు. అన్ని మ్యాచ్‌లు ఒకే చోట ఆడిన జట్టుకు అక్కడి పరిస్థితులు, పిచ్‌ ఎలా స్పందిస్తుందో అవగాహన ఉంటుంది కదా. కానీ షెడ్యూల్‌ అలా ఉంది కాబట్టి ఏమీ చేయలేం. ఇతర అంశాల ప్రభావం ఉన్నా సరే... మేం ఫైనల్‌పైనే పూర్తిగా దృష్టి పెట్టాం. లాహోర్‌లో ఆడిన వాటితో పోలిస్తే అక్కడి పరిస్థితులు భిన్నం. మేమూ ఒక మ్యాచ్‌ దుబాయ్‌లో ఆడాం. ఫైనల్‌ కోసం అందుబాటులో ఉన్న సమయాన్ని వాడుకొని సన్నద్ధమవుతాం. భారత్‌ చేతిలో ఓడిన గత లీగ్‌ మ్యాచ్‌ నుంచి పాఠాలు నేర్చుకుంటాం’ అని విలియమ్సన్‌ అన్నాడు. మరోవైపు కివీస్‌ కెప్టెన్ మైకేల్‌ సాంట్నర్‌ కాస్త భిన్నంగా స్పందించాడు. విభిన్న పరిస్థితుల్లో ఆడాల్సి రావడం అంతర్జాతీయ క్రికెట్‌ స్వభావమని, టోర్నీ షెడ్యూల్‌ను నిర్ణయించేది తాను కాదన్న సాంట్నర్‌ ఫైనల్‌ కోసం ఆసక్తిగా ఎదురు చూస్తున్నట్లు చెప్పాడు.

ఛాంపియన్స్‌ ట్రోఫీ-2025 ఫైనల్‌ మ్యాచ్‌ను నిర్వహించబోయే అంపైర్ల పేర్లను ఐసీసీ ఇవాళ (మార్చి 6) ప్రకటించింది. ఈ మ్యాచ్‌ కోసం ఐసీసీ అనుభవజ్ఞులైన మ్యాచ్‌ అఫీషియల్స్‌ను ఎంపిక చేసింది. ఈ మ్యాచ్‌లో ఆన్‌ ఫీల్డ్‌ అంపైర్లుగా పాల్‌ రీఫిల్‌, రిచర్డ్‌ ఇల్లింగ్‌వర్త్‌ వ్యవహరించనున్నారు. థర్డ్‌ అంపైర్‌గా జోయల్‌ విల్సన్‌ విధులు నిర్వహించనున్నాడు. ఫోర్త్‌ అంపైర్‌గా కుమార ధర్మసేన.. మ్యాచ్‌ రిఫరీగా రంజన్‌ మదుగలే వ్యవహరించనున్నారు. ఫైనల్‌ మ్యాచ్‌ అంపైర్లలో పాల్‌ రీఫిల్‌ సౌతాఫ్రికా, న్యూజిలాండ్‌ మధ్య జరిగిన రెండో సెమీస్‌లో ఫీల్డ్‌ అంపైర్‌గా వ్యవహరించగా.. ఇల్లింగ్‌వర్త్‌, భారత్‌-ఆస్ట్రేలియా మధ్య జరిగిన తొలి సెమీఫైనల్‌కు ఫీల్డ్‌ అంపైర్‌గా వ్యవహరించాడు. నాలుగు సార్లు ఐసీసీ అంపైర్‌ ఆఫ్‌ ద ఇయర్‌గా నిలిచిన ఇల్లింగ్‌వర్త్‌.. 2023 వన్డే వరల్డ్‌కప్‌, 2024 టీ20 వరల్డ్‌కప్‌ ఫైనల్స్‌లోనూ ఫీల్డ్‌ అంపైర్‌గా వ్యవహరించాడు. ఇల్లింగ్‌వర్త్‌.. భారత్‌, న్యూజిలాండ్‌ మధ్య జరిగిన గ్రూప్‌ స్టేజీ మ్యాచ్‌కు కూడా ఫీల్డ్‌ అంపైర్‌గా వ్యవహరించాడు.కాగా, ఛాంపియన్స్‌ ట్రోఫీ ఫైనల్లో భారత్‌, న్యూజిలాండ్‌ జట్లు తలపడనున్న విషయం తెలిసిందే. ఈ మ్యాచ్‌ దుబాయ్‌ వేదికగా మార్చి 9న జరుగనుంది. ఈ మ్యాచ్‌ భారతకాలమానం ప్రకారం మధ్యాహ్నం 2:30 గంటలకు ప్రారంభమవుతుంది. భారత్‌ తొలి సెమీఫైనల్లో ఆస్ట్రేలియాను ఓడించి ఫైనల్‌కు చేరగా.. న్యూజిలాండ్‌ రెండో సెమీస్‌లో సౌతాఫ్రికాను చిత్తు చేసి తుది పోరుకు అర్హత సాధించింది.ఇదిలా ఉంటే, ఛాంపియన్స్‌ ట్రోఫీ ఫైనల్లో భారత్‌, న్యూజిలాండ్‌ తలపడటం ఇది రెండో సారి. 2000 ఎడిషన్‌లో ఇరు జట్లు ఎదురెదురుపడగా.. న్యూజిలాండ్‌ భారత్‌ను ఓడించి తమ తొలి ఐసీసీ టైటిల్‌ను సొంతం చేసుకుంది. ఈ ఇరు జట్లు ఇనాగురల్‌ డబ్ల్యూటీసీ ఫైనల్లో (2019-2021) రెండో సారి తలపడ్డాయి. ఈసారి కూడా న్యూజిలాండ్‌ భారత్‌ను ఓడించి తమ రెండో ఐసీసీ టైటిల్‌ను ఎగరేసుకుపోయింది. న్యూజిలాండ్‌, తాము గెలిచిన రెండు ఐసీసీ టైటిళ్లను భారత్‌పైనే గెలవడం విశేషం.

టీమిండియా స్టార్‌ పేసర్‌ మహ్మద్‌ షమీపై ఆల్ ఇండియా ముస్లిం జమాత్‌ జాతీయ అధ్యక్షుడు మౌలానా షాబుద్దీన్‌ రజ్వీ సంచలన వ్యాఖ్యలు చేశాడు. పవిత్ర రంజాన్‌ మాసంలో షమీ పెద్ద నేరం చేశాడని ఆరోపించాడు. షమీ ఓ క్రిమినల్‌ అని సంభోదించాడు. షమీపై రజ్వీ చేసిన వ్యాఖ్యలు ప్రస్తుతం దేశవ్యాప్తంగా దూమారం రేపుతున్నాయి. అసలేం జరిగిందంటే.. ఛాంపియన్స్‌ ట్రోఫీ-2025 తొలి సెమీఫైనల్లో భారత్‌, ఆస్ట్రేలియా జట్లు తలపడ్డాయి. దుబాయ్‌ వేదికగా జరిగిన ఈ మ్యాచ్‌లో టీమిండియా ఘన విజయం సాధించింది. ఈ మ్యాచ్‌ సందర్భంగా షమీ ఎనర్జీ డ్రింక్‌ తాగుతూ కనిపించాడు. దీనిపై ముస్లిం మత పెద్ద రజ్వీ తీవ్రంగా స్పందించాడు. #WATCH | Bareilly, UP: President of All India Muslim Jamaat, Maulana Shahabuddin Razvi Bareilvi says, "...One of the compulsory duties is 'Roza' (fasting)...If any healthy man or woman doesn't observe 'Roza', they will be a big criminal...A famous cricket personality of India,… pic.twitter.com/RE9C93Izl2— ANI (@ANI) March 6, 2025పవిత్ర రంజాన్‌ మాసంలో షమీ రోజా (ఉపవాసం​) పాటించకుండా పెద్ద నేరం చేశాడని అన్నాడు. రంజాన్‌ మాసంలో ఆరోగ్యకరమైన వ్యక్తి రోజా పాటించకపోతే నేరస్థుడవుతాడని తెలిపాడు. రంజాన్‌ మాసంలో ముస్లింలంతా రోజా పాటిస్తుంటే షమీ ఇలా చేయడమేంటని ప్రశ్నించాడు. రోజా పాటించకుండా షమీ ప్రజల్లోకి తప్పుడు సందేశాన్ని పంపుతున్నాడని అన్నాడు. రోజా పాటించనందుకు షమీని క్రిమినల్‌తో పోల్చాడు. ఇలా చేసినందుకు షమీ దేవునికి సమాధానం​ చెప్పాలని ఓ వీడియో రిలీజ్‌ చేశాడు. షమీపై రజ్వీ చేసిన వ్యాఖ్యలపై క్రీడాభిమానులు మండిపడుతున్నారు. మతాన్ని క్రీడలతో ముడిపెట్టకూడదని అంటున్నారు. షమీ దేశం కోసం​ ఆడుతూ రోజా ఉండలేకపోయాడని కామెంట్లు చేస్తున్నారు. ఈ విషయంలో ముస్లిం సమాజంతో పాటు యావత్‌ దేశం​ షమీకి మద్దతుగా నిలుస్తుంది. షమీ ఈ విషయాన్ని పక్కన పెట్టి ఛాంపియన్స్‌ ట్రోఫీ ఫైనల్‌పై దృష్టి పెట్టాలని టీమిండియా అభిమానులు కోరుకుంటున్నారు.కాగా, ఆస్ట్రేలియాతో జరిగిన సెమీఫైనల్లో షమీ 48 పరుగులిచ్చి 3 వికెట్లు తీశాడు. ఈ టోర్నీలో బంగ్లాదేశ్‌లో జరిగిన తొలి మ్యాచ్‌లో షమీ ఐదు వికెట్ల ప్రదర్శన నమోదు చేశాడు. అనంతరం పాకిస్తాన్‌, న్యూజిలాండ్‌తో జరిగిన గ్రూప్‌ మ్యాచ్‌ల్లో షమీ వికెట్లు తీయలేకపోయాడు. సెమీస్‌లో ఆసీస్‌పై విజయం సాధించి భారత్‌ ఫైనల్‌కు చేరింది. మార్చి 9న జరిగే ఫైనల్లో టీమిండియా న్యూజిలాండ్‌తో అమీతుమీ తేల్చుకుంటుంది. 2000 ఎడిషన్‌ (ఛాంపియన్స్‌ ట్రోఫీ) తర్వాత భారత్‌, న్యూజిలాండ్‌ ఫైనల్లో తలపడటం ఇదే మొదటిసారి. ఐసీసీ టోర్నీల ఫైనల్స్‌లో భారత్‌తో తలపడిన రెండు సందర్భాల్లో న్యూజిలాండే విజేతగా నిలిచింది. 2000 ఎడిషన్‌ ఛాంపియన్స్‌ ట్రోఫీ, 2019-2021 డబ్ల్యూటీసీ ఫైనల్స్‌లో న్యూజిలాండ్‌ భారత్‌పై జయకేతనం ఎగురవేసి ఐసీసీ టైటిళ్లు ఎగరేసుకుపోయింది.

టోర్నీకి ముందు... మూడు దశాబ్దాల తర్వాత చాంపియన్స్‌ ట్రోఫీ రూపంలో ఓ ఐసీసీ టోర్నీ భాగ్యం దక్కించుకున్న పాకిస్తాన్‌... ఎంతో మురిపెంగా న్యూజిలాండ్, దక్షిణాఫ్రికాలను పిలిచి కనుమరుగైన ముక్కోణపు టోర్నీతో సన్నాహక సమరంలో పాల్గొంది. ఫైనల్‌కు ముందు... టైటిల్‌ పోరుకుముందే పాకిస్తాన్‌లో ఆతిథ్యం ముగిసింది. రెండో సెమీఫైనల్‌తోనే వారి ఐసీసీ ఈవెంట్‌ ముచ్చట తీరింది. ఇక ఓవర్‌ టు దుబాయ్‌! పాక్‌ సన్నాహక టోర్నీ పెడితే ట్రోఫీ గెలిచి మరీ సన్నద్ధమైన న్యూజిలాండ్‌ ఇప్పుడు ఏకంగా చాంపియన్స్‌ ట్రోఫీపైనే కన్నేసింది. లాహోర్‌: చాంపియన్స్‌ ట్రోఫీ రెండో సెమీఫైనల్లో న్యూజిలాండ్‌ గర్జించింది. ముందు బ్యాటింగ్‌లో... తర్వాత బౌలింగ్‌లో దక్షిణాఫ్రికా జట్టును కుదేలు చేసింది. రెండు మాజీ చాంపియన్‌ జట్ల మధ్య బుధవారం జరిగిన సెమీఫైనల్లో 2000 టోర్నీ విజేత కివీస్‌ 50 పరుగుల తేడాతో 1998 చాంపియన్‌ దక్షిణాఫ్రికాపై జయభేరి మోగించింది. టాస్‌ నెగ్గి ముందుగా బ్యాటింగ్‌కు దిగిన న్యూజిలాండ్‌ నిర్ణీత 50 ఓవర్లలో 6 వికెట్ల నష్టానికి 362 పరుగుల భారీస్కోరు చేసింది. ‘ప్లేయర్‌ ఆఫ్‌ ద మ్యాచ్‌’ రచిన్‌ రవీంద్ర (101 బంతుల్లో 108; 13 ఫోర్లు, 1 సిక్స్‌), కేన్‌ విలియమ్సన్‌ (94 బంతుల్లో 102; 10 ఫోర్లు, 2 సిక్స్‌లు) సెంచరీలతో కదంతొక్కారు. ఫిలిప్స్‌ (27 బంతుల్లో 49 నాటౌట్‌; 6 ఫోర్లు, 1 సిక్స్‌), మిచెల్‌ (37 బంతుల్లో 49; 4 ఫోర్లు, 1 సిక్స్‌) చెలరేగారు. అనంతరం కష్టసాధ్యమైన లక్ష్యఛేదనకు దిగిన దక్షిణాఫ్రికా జట్టు 50 ఓవర్లలో 9 వికెట్ల నష్టానికి 312 పరుగులు చేసి ఓడింది. మిల్లర్‌ (67 బంతుల్లో 100 నాటౌట్‌; 10 ఫోర్లు, 4 సిక్స్‌లు) వీరోచిత సెంచరీతో ఆకట్టుకున్నాడు. ఓపెనర్, కెపె్టన్‌ బవుమా (71 బంతుల్లో 56; 4 ఫోర్లు, 1 సిక్స్‌), డసెన్‌ (66 బంతుల్లో 69; 4 ఫోర్లు, 2 సిక్స్‌లు) రాణించారు. దుబాయ్‌లో ఈ నెల 9న ఆదివారం జరిగే ‘ఐసీసీ చాంపియన్స్‌ ట్రోఫీ’ ఫైనల్లో భారత్‌తో న్యూజిలాండ్‌ ఆడుతుంది. ఇటు రచిన్, అటు విలియమ్సన్‌ టాప్‌–4 బ్యాటర్లు ఆడితే స్కోరు ఏ రకంగా జోరందుకుంటుందో న్యూజిలాండ్‌ ఇన్నింగ్స్‌ చూస్తే అర్థమవుతుంది. మొదట ఓపెనర్లు విల్‌ యంగ్‌ (23 బంతుల్లో 21; 3 ఫోర్లు), రచిన్‌ రవీంద్ర 48 పరుగులతో మంచి ఆరంభమే ఇచ్చారు. యంగ్‌ అవుటయ్యాక వచ్చిన విలియమ్సన్‌తో రచిన్‌ సమన్వయం న్యూజిలాండ్‌ భారీస్కోరుకు బాట వేసింది. సఫారీలాంటి మేటి బౌలర్లపై ఇద్దరూ సులువుగా షాట్లు బాదారు. అలుపు లేకుండా పరుగులు రాబట్టారు.47 బంతుల్లో రచిన్, 61 బంతుల్లో విలియమ్సన్‌ ఫిఫ్టీలు చేశారు. ఇద్దరి బ్యాటింగ్‌ ప్రతాపంతో స్కోరుబోర్డు పరుగు పెట్టింది. 93 బంతుల్లో రచిన్‌ శతకం పూర్తవగా, 32వ ఓవర్లో జట్టు 200 స్కోరు చేసింది. ఎట్టకేలకు రచిన్‌ను రబడ అవుట్‌ చేసి రెండో వికెట్‌కు 164 పరుగుల భాగస్వామ్యానికి తెరదించాడు. మిచెల్‌ కూడా ధాటిగా పరుగులు సాధించడంతో దక్షిణాఫ్రికాకు కష్టాలు తప్పలేదు. విలియమ్సన్‌ 91 బంతుల్లో సెంచరీ పూర్తి చేసుకొని కాసేపటికి నిష్క్రమించాడు. 40 ఓవర్లలో 250 పరుగులు చేసిన న్యూజిలాండ్‌ చివరి 10 ఓవర్లలో 112 పరుగుల్ని చకచకా జత చేసింది. మిల్లర్‌ 100 నాటౌట్‌ ఓపెనర్‌ రికెల్టన్‌ (17) ఆరంభంలోనే అవుట్‌ కాగా... కెపె్టన్‌ బవుమా, డసెన్‌లు చక్కగా ఆడటంతో ఒకదశలో సఫారీ స్కోరు 125/1. లక్ష్యానికి సరైన దిశగా కనిపించింది. కానీ అదే స్కోరుపై బవుమా, కాసేపయ్యాక డసెన్, క్లాసెన్‌ (3), మార్క్‌రమ్‌ (29 బంతుల్లో 31; 3 ఫోర్లు)లు నిష్క్రమించడంతో 200 స్కోరు వద్ద ఆరో వికెట్‌ కోల్పోయి లక్ష్యానికి దూరమైంది. ఈ దశలో ఒకేఒక్కడు మిల్లర్‌ ఒంటరి పోరాటం చేశాడు. ముల్డర్‌ (8), యాన్సెన్‌ (3)ల అండలేక అతని పోరాటం ఓటమి అంతరాన్ని తగ్గించింది కానీ జట్టును గెలిపించలేకపోయింది. 46 ఓవర్లలో సఫారీ స్కోరు 259/9. అప్పటికి మిల్లర్‌ (47 నాటౌట్‌) ఫిఫ్టీ కూడా చేయలేదు. కానీ చివరి 4 ఓవర్లలో 53 పరుగులు చేస్తే ఆ పరుగులన్నీ అతనే బాదడం... 67 బంతుల్లోనే సెంచరీ సాధించడం విశేషం. స్కోరు వివరాలు న్యూజిలాండ్‌ ఇన్నింగ్స్‌: యంగ్‌ (సి) మార్క్‌రమ్‌ (బి) ఇన్‌గిడి 21; రచిన్‌ (సి) క్లాసెన్‌ (బి) రబడ 108; విలియమ్సన్‌ (సి) ఇన్‌గిడి (బి) ముల్డర్‌ 102; మిచెల్‌ (సి) రబడ (బి) ఇన్‌గిడి 49; లాథమ్‌ (బి) రబడ 4; ఫిలిప్స్‌ (నాటౌట్‌) 49; బ్రేస్‌వెల్‌ (సి) రికెల్టన్‌ (బి) ఇన్‌గిడి 16; సాంట్నర్‌ (నాటౌట్‌) 2; ఎక్స్‌ట్రాలు 11; మొత్తం (50 ఓవర్లలో 6 వికెట్లకు) 362. వికెట్ల పతనం: 1–48, 2–212, 3–251, 4–257, 5–314, 6–360. బౌలింగ్‌: యాన్సెన్‌ 10–0–79–0, ఇన్‌గిడి 10–0–72–3, రబడ 10–1–70–2, ముల్డర్‌ 6–0–48–1, కేశవ్‌ మహరాజ్‌ 10–0–65–0, మార్క్‌రమ్‌ 4–0–23–0. దక్షిణాఫ్రికా ఇన్నింగ్స్‌: రికెల్టన్‌ (సి) బ్రేస్‌వెల్‌ (బి) హెన్రీ 17; బవుమా (సి) విలియమ్సన్‌ (బి) సాంట్నర్‌ 56; డసెన్‌ (బి) సాంట్నర్‌ 69; మార్క్‌రమ్‌ (సి అండ్‌ బి) రచిన్‌ 31; క్లాసెన్‌ (సి) హెన్రీ (బి) సాంట్నర్‌ 3; మిల్లర్‌ (నాటౌట్‌) 100; ముల్డర్‌ (సి) రచిన్‌ (బి) బ్రేస్‌వెల్‌ 8; యాన్సెన్‌ (ఎల్బీడబ్ల్యూ) (బి) ఫిలిప్స్‌ 3; కేశవ్‌ (సి) లాథమ్‌ (బి) ఫిలిప్స్‌ 1; రబడ (సి) ఫిలిప్స్‌ (బి) హెన్రీ 16; ఇన్‌గిడి (నాటౌట్‌) 1; ఎక్స్‌ట్రాలు 7; మొత్తం (50 ఓవర్లలో 9 వికెట్లకు) 312. వికెట్ల పతనం: 1–20, 2–125, 3–161, 4–167, 5–189, 6–200, 7–212, 8–218, 9–256. బౌలింగ్‌: హెన్రీ 7–0–43–2, జేమీసన్‌ 7–1–57–0, రూర్కే 8–0–69–0, బ్రేస్‌వెల్‌ 10–0–53–1, సాంట్నర్‌ 10–0–43–3, రచిన్‌ రవీంద్ర 5–0–20–1, ఫిలిప్స్‌ 3–0–27–2.

ఇవాళ (మార్చి 5) జరిగిన ఛాంపియన్స్‌ ట్రోఫీ-2025 రెండో సెమీఫైనల్లో సౌతాఫ్రికాపై న్యూజిలాండ్‌ 50 పరుగుల తేడాతో ఘన విజయం సాధించింది. తద్వారా మార్చి 9న జరిగే ఫైనల్లో టీమిండియాతో అమీతుమీకి అర్హత సాధించింది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ రచిన్‌ రవీంద్ర (101 బంతుల్లో 108; 13 ఫోర్లు, సిక్స్‌), కేన్‌ విలియమ్సన్‌ (94 బంతుల్లో 102; 10 ఫోర్లు, 2 సిక్సర్లు) సెంచరీలతో కదంతొక్కడంతో నిర్ణీత 50 ఓవర్లలో 6 వికెట్ల నష్టానికి 362 పరుగుల భారీ స్కోర్‌ చేసింది. డారిల్‌ మిచెల్‌ 49 పరుగులతో (37 బంతుల్లో 4 ఫోర్లు, సిక్స్‌) రాణించగా.. ఆఖర్లో గ్లెన్‌ ఫిలిప్స్‌ (27 బంతుల్లో 49 నాటౌట్‌; 6 ఫోర్లు, సిక్స్‌) మెరుపు ఇన్నింగ్స్‌ ఆడాడు. సౌతాఫ్రికా బౌలర్లలో ఎంగిడి 3, రబాడ 2, ముల్దర్‌ ఓ వికెట్‌ పడగొట్టారు.భారీ లక్ష్య ఛేదనలో తడబడిన సౌతాఫ్రికా నిర్ణీత ఓవర్లలో 9 వికెట్ల నష్టానికి 312 పరుగులు మాత్రమే చేయగలిగింది. బవుమా (56), డసెన్‌ (69) అర్ద సెంచరీలతో రాణించగా.. ఆఖర్లో పోరాడితే పోయేదేమీ లేదన్నట్లు ఆడి మిల్లర్‌ మెరుపు సెంచరీ (67 బంతుల్లో 100 నాటౌట్‌; 10 ఫోర్లు, 4 సిక్సర్లు) బాదాడు. మిల్లర్‌ చివరి బంతికి రెండు పరుగులు తీసి సెంచరీ పూర్తి చేసుకున్నాడు. కివీస్‌ కెప్టెన్‌ మిచెల్‌ సాంట్నర్‌ 3 వికెట్లు తీసి సౌతాఫ్రికా విజయావకాశాలను దెబ్బకొట్టాడు. మ్యాట్‌ హెన్రీ, గ్లెన్‌ ఫిలిప్స్‌ తలో 2, బ్రేస్‌వెల్‌, రచిన్‌ రవీంద్ర చెరో వికెట్‌ పడగొట్టారు. భారత్‌, న్యూజిలాండ్‌ మధ్య ఫైనల్‌ మ్యాచ్‌ దుబాయ్‌ వేదికగా జరుగనుంది. కాగా, తొలి సెమీఫైనల్లో టీమిండియా ఆసీస్‌పై ఘన విజయం సాధించి వరుసగా మూడోసారి, ఓవరాల్‌గా ఐదోసారి ఛాంపియన్స్‌ ట్రోఫీ ఫైనల్‌కు అర్హత సాధించింది. సెమీస్‌లో విరాట్‌ కోహ్లి చిరస్మరణీయమైన ఇన్నింగ్స్‌ ఆడి భారత్‌ గెలుపులో కీలకపాత్ర పోషించాడు. చరిత్ర సృష్టించిన కేన్‌ఈ మ్యాచ్‌లో న్యూజిలాండ్‌ స్టార్‌ ఆటగాడు కేన్‌ విలియమ్సన్‌ ఓ అరుదైన మైలురాయిని తాకాడు. 27 పరుగుల వ్యక్తిగత స్కోర్‌ వద్ద అంతర్జాతీయ క్రికెట్‌లో 19000 పరుగులు పూర్తి చేసుకున్నాడు. తద్వారా ఈ ఘనత సాధించిన తొలి న్యూజిలాండ్‌ ఆటగాడిగా చరిత్ర సృష్టించాడు. కేన్‌ తన 370వ అంతర్జాతీయ మ్యాచ్‌లో ఈ ఘనత సాధించాడు.48వ శతకం.. స్టీవ్‌ స్మిత్‌ రికార్డు సమంనేటి మ్యాచ్‌లో సెంచరీతో కేన్‌ వన్డేల్లో 15వ సెంచరీ, ఓవరాల్‌గా (మూడు ఫార్మాట్లలో) 48వ సెంచరీని నమోదు చేశాడు. ప్రస్తుతం యాక్టివ్‌గా ఉన్న క్రికెటర్లలో అత్యధిక వన్డే సెంచరీలు (మూడు ఫార్మాట్లలో) చేసిన ఆటగాళ్ల జాబితాలో కేన్‌ నాలుగో స్థానానికి ఎగబాకాడు. ఈ క్రమంలో ఆసీస్‌ స్టార్‌ ఆటగాడు, ఫాబ్‌ ఫోర్‌లో ఒకడైన స్టీవ్‌ స్మిత్‌ రికార్డును సమం చేశాడు. అంతర్జాతీయ క్రికెట్‌లో యాక్టివ్‌గా ఉన్న క్రికెటర్లలో అత్యధిక సెంచరీలు చేసిన రికార్డు విరాట్‌ కోహ్లి (82) పేరిట ఉంది. ఓవరాల్‌గా అత్యధిక సెంచరీలు చేసిన రికార్డు సచిన్‌ (100) పేరిట ఉంది. రచిన్‌ రికార్డు శతకంఈ మ్యాచ్‌లో సెంచరీతో రచిన్‌ కూడా రికార్డుల్లోకెక్కాడు. కివీస్‌ తరఫున ఐసీసీ వన్డే టోర్నీల్లో అత్యధిక శతకాలు (5) బాదిన క్రికెటర్‌గా చరిత్ర సృష్టించాడు. ఈ టోర్నీ ప్రస్తుత ఎడిషన్‌లో రచిన్‌కు ఇది రెండో శతకం కాగా.. అంతకుముందు భారత్‌లో జరిగిన 2023 వన్డే వరల్డ్‌కప్‌లో మూడు సెంచరీలు బాదాడు.

ఛాంపియన్స్‌ ట్రోఫీ-2025 ముగిసిన నెల రోజుల్లోనే పాకిస్తాన్‌ మరో మెగా క్రికెట్‌ టోర్నీకి ఆతిథ్యమివ్వనుంది. పాక్‌ వేదికగా ఏప్రిల్‌ 4 నుంచి మహిళల వన్డే వరల్డ్‌కప్‌ క్వాలిఫయర్స్‌ జరుగనున్నాయి. ఈ విషయాన్ని ఐసీసీ సూచనప్రాయంగా వెల్లడించింది. ఈ టోర్నీలో మొత్తం ఆరు జట్లు పాల్గొంటాయి. ఇందులో రెండు జట్లు (ఫైనల్‌కు చేరే జట్లు) ఈ ఏడాది భారత్‌లో జరిగే వన్డే వరల్డ్‌కప్‌కు అర్హత సాధిస్తాయి. వరల్డ్‌ కప్‌ క్వాలిఫయర్స్‌లో పాకిస్తాన్‌ సహా బంగ్లాదేశ్‌, వెస్టిండీస్‌, ఐర్లాండ్‌, స్కాట్లాండ్‌, థాయ్‌లాండ్‌ జట్లు పాల్గొంటాయి. ఈ టోర్నీ జరిగే తేదీలు, వేదికలను త్వరలోనే ప్రకటింస్తారు. లాహోర్‌ వేదికగా ఈ టోర్నీ మ్యాచ్‌లన్నీ జరుగుతాయని తెలుస్తుంది.ఈ ఏడాది అక్టోబర్‌లో భారత్‌ వేదికగా మహిళల వన్డే వరల్డ్‌కప్‌ జరుగనుంది. ఈ టోర్నీకి భారత్‌ సహా ఆస్ట్రేలియా, ఇంగ్లండ్‌, సౌతాఫ్రికా, శ్రీలంక, న్యూజిలాండ్‌ నేరుగా అర్హత సాధించాయి. క్వాలిఫయర్స్‌ ద్వారా పాక్‌ వరల్డ్‌కప్‌కు అర్హత సాధిస్తే భారత్‌, పాక్‌ మ్యాచ్‌లు తటస్థ వేదికలపై జరుగుతాయి. భారత్‌ 2013లో కూడా మహిళల వన్డే వరల్డ్‌కప్‌కు ఆతిథ్యమిచ్చింది. నాడు మెజార్టీ మ్యాచ్‌లు ముంబైలో జరగగా.. పాకిస్తాన్‌ మ్యాచ్‌లన్నీ కటక్‌లో జరిగాయి.కాగా, పాకిస్తాన్‌ 29 ఏళ్ల తర్వాత ఓ ఐసీసీ టోర్నీకి (ఛాంపియన్స్‌ ట్రోఫీ-2025) ఆతిథ్యమిస్తున్న విషయం తెలిసిందే. పాక్‌లో చివరిగా 1996 పురుషుల వన్డే వరల్డ్‌కప్‌ జరిగింది. ఈ టోర్నీకి పాక్‌తో పాటు భారత్‌, శ్రీలంక దేశాలు ఆతిథ్యమిచ్చాయి. అప్పటినుంచి భద్రతా కారణాల రిత్యా పాక్‌లో ఒక్క ఐసీసీ ఈవెంట్‌ కూడా జరగలేదు. మళ్లీ 29 ఏళ్ల తర్వాత పాక్‌ ఛాంపియన్స్‌ ట్రోఫీ-2025కి ఆతిథ్యమిస్తుంది. ఈ టోర్నీలో కూడా అన్ని మ్యాచ్‌లు పాక్‌లో జరగడం లేదు. భద్రతా కారణాల రిత్యా భారత్‌ తమ మ్యాచ్‌లను దుబాయ్‌లో ఆడుతుంది. ఈ టోర్నీలో భారత్‌ ఇదివరకే ఫైనల్‌కు చేరడంతో ఫైనల్‌ కూడా దుబాయ్‌లోనే జరుగుతుంది. ఈ టోర్నీలో పాక్‌ ఒక్క విజయం కూడా సాధించకుండానే గ్రూప్‌ దశలోనే నిష్క్రమించింది.

ఛాంపియన్స్‌ ట్రోఫీ చరిత్రలోనే అత్యధిక స్కోర్‌ నమోదైంది. 2025 ఎడిషన్‌లో భాగంగా సౌతాఫ్రికాతో ఇవాళ (మార్చి 5) జరుగుతున్న రెండో సెమీఫైనల్లో న్యూజిలాండ్‌ 6 వికెట్ల నష్టానికి 362 పరుగులు భారీ స్కోర్‌ చేసింది. ఈ మ్యాచ్‌కు ముందు ఛాంపియన్స్‌ ట్రోఫీలో అత్యధిక స్కోర్‌ రికార్డు ఆస్ట్రేలియా పేరిట ఉంది. ఇదే ఎడిషన్‌లో ఇంగ్లండ్‌తో జరిగిన మ్యాచ్‌లో ఆసీస్‌ 356 పరుగులు చేసింది. ఆ మ్యాచ్‌లో ఇంగ్లండ్‌ నిర్దేశించిన 352 పరుగుల లక్ష్యాన్ని ఛేదిస్తూ ఆసీస్‌ ఈ రికార్డు స్కోర్‌ సాధించింది.ఛాంపియన్స్‌ ట్రోఫీ చరిత్రలో టాప్‌-5 అత్యధిక స్కోర్లు362 - న్యూజిలాండ్ vs దక్షిణాఫ్రికా, 2025356 - ఆస్ట్రేలియా vs ఇంగ్లండ్, 2025351 - ఇంగ్లండ్ vs ఆస్ట్రేలియా, 2025347 - న్యూజిలాండ్ vs USA, 2004338 - పాకిస్తాన్ vs ఇండియా, 2017331 - ఇండియా vs సౌత్ ఆఫ్రికా, 2013ఈ మ్యాచ్‌లో న్యూజిలాండ్‌ చేసిన స్కోర్‌ ఐసీసీ వన్డే టోర్నమెంట్ల నాకౌట్‌ మ్యాచ్‌ల్లో మూడో అత్యధిక స్కోర్‌గా (362) రికార్డైంది. ఐసీసీ వన్డే టోర్నమెంట్ల నాకౌట్‌ మ్యాచ్‌ల్లో అత్యధిక స్కోర్‌ రికార్డు టీమిండియా పేరిట ఉంది. 2023 వన్డే వరల్డ్‌కప్‌ సెమీఫైనల్లో భారత్‌ న్యూజిలాండ్‌పై 397 పరుగులు చేసింది.ఐసీసీ వన్డే టోర్నమెంట్ల నాకౌట్‌ మ్యాచ్‌ల్లో టాప్‌-5 అత్యధిక స్కోర్లు397/4 - IND vs NZ, ముంబై , CWC 2023 SF393/6 - NZ vs WI, వెల్లింగ్టన్, CWC 2015 QF362/6 - NZ vs SA, లాహోర్, CT 2025 SF359/2 - AUS vs IND, జోహన్నెస్‌బర్గ్, CWC 2003 ఫైనల్338/4 - PAK vs IND, ది ఓవల్, CT 2017 ఫైనల్రచిన్‌, విలియమ్సన్‌ శతకాలుమ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌ చేసిన న్యూజిలాండ్‌.. రచిన్‌ రవీంద్ర (108), కేన్‌ విలియమ్సన్‌ (102) సెంచరీలతో కదంతొక్కడంతో నిర్ణీత 50 ఓవర్లలో 6 వికెట్ల నష్టానికి 362 పరుగుల భారీ స్కోర్‌ చేసింది. న్యూజిలాండ్‌ ఇన్నింగ్స్‌లో విల్‌ యంగ్‌ 21, డారిల్‌ మిచెల్‌ 49, టామ్‌ లాథమ్‌ 4, బ్రేస్‌వెల్‌ 16 పరుగులు చేసి ఔట్‌ కాగా.. ఆఖర్లో గ్లెన్‌ ఫిలిప్స్‌ (49 నాటౌట్‌) సుడిగాలి ఇన్నింగ్స్‌ ఆడాడు. సౌతాఫ్రికా బౌలర్లలో ఎంగిడి 3, రబాడ 2, ముల్దర్‌ ఓ వికెట్‌ తీశారు.ఛేదిస్తే చరిత్రేవన్డే క్రికెట్‌లో కేవలం రెండు సందర్భాల్లో మాత్ర‍మే నేడు కివీస్‌ నిర్దేశించిన టార్గెట్‌ (363) కంటే ఎక్కువ లక్ష్యాలు ఛేదించబడ్డాయి. ఈ రెండు సార్లు భారీ లక్ష్యాలను సౌతాఫ్రికానే ఛేదించింది. రెండు సందర్భాల్లో సౌతాఫ్రికా ప్రత్యర్థి ఆస్ట్రేలియానే కావడం విశేషం. 2006లో సౌతాఫ్రికా 435 పరుగుల లక్ష్యాన్ని విజయవంతగా ఛేదించింది. ఆతర్వాత 2016లో 372 లక్ష్యాన్ని ఊదేసింది.

ఛాంపియన్స్‌ ట్రోఫీ-2025లో భాగంగా సౌతాఫ్రికాతో ఇవాళ (మార్చి 5) జరుగుతున్న రెండో సెమీఫైనల్లో న్యూజిలాండ్‌ ఆటగాళ్లు రచిన్‌ రవీంద్ర, కేన్‌ విలియమ్సన్‌ సెంచరీలతో విరుచుకుపడ్డారు. న్యూజిలాండ్‌ టాస్‌ గెలిచి బ్యాటింగ్‌ చేస్తుండగా.. తొలుత రచిన్‌ రవీంద్ర సెంచరీ పూర్తి చేసుకున్నాడు. ఆతర్వాత కొద్ది సేపటికే కేన్‌ విలియమ్సన్‌ శతక్కొట్టాడు. వీరిద్దరూ సెంచరీలతో చెలరేగడంతో న్యూజిలాండ్‌ భారీ స్కోర్‌ దిశగా దూసుకెళ్తుంది. సెంచరీల అనంతరం రచిన్‌ (108), కేన్‌ (102) ఇద్దరూ ఔటయ్యారు. 45 ఓవర్ల తర్వాత న్యూజిలాండ్‌ స్కోర్‌ 296/4గా ఉంది. డారిల్‌ మిచెల్‌ (48), గ్లెన్‌ ఫిలిప్స్‌ (9) క్రీజ్‌లో ఉన్నారు. సౌతాఫ్రికా బౌలర్లలో రబాడ 2, ఎంగిడి, ముల్దర్‌ తలో వికెట్‌ పడగొట్టారు.48వ శతకం.. స్టీవ్‌ స్మిత్‌ రికార్డు సమంనేటి మ్యాచ్‌లో సెంచరీతో కేన్‌ వన్డేల్లో 15వ సెంచరీ, ఓవరాల్‌గా (మూడు ఫార్మాట్లలో) 48వ సెంచరీని నమోదు చేశాడు. ప్రస్తుతం యాక్టివ్‌గా ఉన్న క్రికెటర్లలో అత్యధిక వన్డే సెంచరీలు (మూడు ఫార్మాట్లలో) చేసిన ఆటగాళ్ల జాబితాలో కేన్‌ నాలుగో స్థానానికి ఎగబాకాడు. ఈ క్రమంలో ఆసీస్‌ స్టార్‌ ఆటగాడు, ఫాబ్‌ ఫోర్‌లో ఒకడైన స్టీవ్‌ స్మిత్‌ రికార్డును సమం చేశాడు. అంతర్జాతీయ క్రికెట్‌లో యాక్టివ్‌గా ఉన్న క్రికెటర్లలో అత్యధిక సెంచరీలు చేసిన రికార్డు విరాట్‌ కోహ్లి (82) పేరిట ఉంది. ఓవరాల్‌గా అత్యధిక సెంచరీలు చేసిన రికార్డు సచిన్‌ (100) పేరిట ఉంది.అంతర్జాతీయ క్రికెట్‌లో అత్యధిక సెంచరీలు చేసిన ఆటగాళ్లు (ప్రస్తుతం యాక్టివ్‌గా ఉన్న ప్లేయర్లు)విరాట్‌ కోహ్లి-82జో రూట్‌-53రోహిత్‌ శర్మ-49కేన్‌ విలియమ్సన్‌-48స్టీవ్‌ స్మిత్‌-48హ్యాట్రిక్‌ సెంచరీలువన్డేల్లో సౌతాఫ్రికాపై కేన్‌ మామకు ఇది వరుసగా మూడో సెంచరీ కావడం విశేష​ం. ఏ జట్టుపై అయినా వన్డేల్లో హ్యాట్రిక్‌ సెంచరీలు సాధించిన తొలి న్యూజిలాండ్‌ బ్యాటర్‌ విలియమ్సనే. సౌతాఫ్రికాపై వన్డేల్లో హ్యాట్రిక్‌ సెంచరీలు చేసిన తొలి బ్యాటర్‌ కూడా విలియమ్సనే. ఐసీసీ టోర్నీల్లో (వన్డేలు) రచిన్‌ రవీంద్ర (5) తర్వాత అత్యధిక సెంచరీలు చేసిన న్యూజిలాండ్‌ బ్యాటర్‌ కూడా విలియమ్సనే (4). 19000 పరుగుల క్లబ్‌లో కేన్‌.. తొలి న్యూజిలాండ్‌ ప్లేయర్‌ఈ ఇన్నింగ్స్‌లో 27 పరుగుల వ్యక్తిగత స్కోర్‌ వద్ద కేన్‌ విలియమ్సన్‌ ఓ అరుదైన మైలురాయిని తాకాడు. అంతర్జాతీయ క్రికెట్‌లో 19000 పరుగులు పూర్తి చేసుకున్న తొలి న్యూజిలాండ్‌ ఆటగాడిగా చరిత్ర సృష్టించాడు. కేన్‌ తన 370వ అంతర్జాతీయ మ్యాచ్‌లో ఈ ఘనత సాధించాడు.ఓవరాల్‌గా 16వ ఆటగాడుఅంతర్జాతీయ క్రికెట్‌లో 19000 పరుగులు పూర్తి చేసుకున్న 12వ ఆటగాడిగా కేన్‌ రికార్డుల్లోకెక్కాడు. కేన్‌కు ముందు సచిన్‌ (34357), సంగక్కర (28016), విరాట్‌ కోహ్లి (27598), రికీ పాంటింగ్‌ (27483), జయవర్దనే (25957), జాక్‌ కల్లిస్‌ (25534), రాహుల్‌ ద్రవిడ్‌ (24208), బ్రియాన​్‌ లారా (22358), సనత్‌ జయసూర్య (21032), శివ్‌నరైన్‌ చంద్రపాల్‌ (20988), జో రూట్‌ (20724), ఇంజమామ్‌ ఉల్‌ హక్‌ (20580), ఏబీ డివిలియర్స్‌ (20014), రోహిత్‌ శర్మ (19624), క్రిస్‌ గేల్‌ (19593) ఈ ఘనత సాధించారు.

ఛాంపియన్స్‌ ట్రోఫీ-2025లో (Champions Trophy-2025) భాగంగా సౌతాఫ్రికా, న్యూజిలాండ్‌ (South Africa Vs New Zealand) జట్ల మధ్య ఇవాళ (మార్చి 5) రెండో సెమీఫైనల్‌ జరుగుతుంది. లాహోర్‌ వేదికగా జరుగుతున్న ఈ మ్యాచ్‌లో న్యూజిలాండ్‌ టాస్‌ గెలిచి తొలుత బ్యాటింగ్‌ చేస్తుంది. 33 ఓవర్ల అనంతరం న్యూజిలాండ్‌ స్కోర్‌ 212/1గా ఉంది. విల్‌ యంగ్‌ (21) ఔట్‌ కాగా.. రచిన్‌ రవీంద్ర (108), కేన్‌ విలియమ్సన్‌ (80) క్రీజ్‌లో ఉన్నారు. విల్‌ యంగ్‌ వికెట్‌ లుంగి ఎంగిడికి దక్కింది.కాగా, ఈ ఇన్నింగ్స్‌లో 27 పరుగుల వ్యక్తిగత స్కోర్‌ వద్ద కేన్‌ విలియమ్సన్‌ (Kane Williamson) ఓ అరుదైన మైలురాయిని తాకాడు. అంతర్జాతీయ క్రికెట్‌లో 19000 పరుగులు పూర్తి చేసుకున్న తొలి న్యూజిలాండ్‌ ఆటగాడిగా చరిత్ర సృష్టించాడు. కేన్‌ తన 370వ అంతర్జాతీయ మ్యాచ్‌లో ఈ ఘనత సాధించాడు. ప్రస్తుతం కేన్‌ ఖాతాలో 47 సెంచరీలు, 103 హాఫ్‌ సెంచరీలు ఉన్నాయి. కేన్‌ ఒక్క వన్డేల్లోనే 164 ఇన్నింగ్స్‌ల్లో 14 సెంచరీలు, 48 హాఫ్‌ సెంచరీల సాయంతో 7185 పరుగులు చేశాడు. టెస్ట్‌ల్లో 186 ఇన్నింగ్స్‌ల్లో 33 సెంచరీలు, 37 అర్ద సెంచరీల సాయంతో 9276 పరుగులు.. 93 టీ20 ఇన్నింగ్స్‌ల్లో 18 హాఫ్‌ సెంచరీల సాయంతో 2575 పరుగులు చేశాడు. ఓవరాల్‌గా 16వ ఆటగాడుఅంతర్జాతీయ క్రికెట్‌లో 19000 పరుగులు పూర్తి చేసుకున్న 12వ ఆటగాడిగా కేన్‌ రికార్డుల్లోకెక్కాడు. కేన్‌కు ముందు సచిన్‌ (34357), సంగక్కర (28016), విరాట్‌ కోహ్లి (27598), రికీ పాంటింగ్‌ (27483), జయవర్దనే (25957), జాక్‌ కల్లిస్‌ (25534), రాహుల్‌ ద్రవిడ్‌ (24208), బ్రియాన​్‌ లారా (22358), సనత్‌ జయసూర్య (21032), శివ్‌నరైన్‌ చంద్రపాల్‌ (20988), జో రూట్‌ (20724), ఇంజమామ్‌ ఉల్‌ హక్‌ (20580), ఏబీ డివిలియర్స్‌ (20014), రోహిత్‌ శర్మ (19624), క్రిస్‌ గేల్‌ (19593) ఈ ఘనత సాధించారు. 19000 పరుగుల మైలురాయిని తాకే క్రమంలో కేన్‌ డేవిడ్‌ వార్నర్‌ను (18995) అధిగమించాడు.అంతర్జాతీయ క్రికెట్‌లో న్యూజిలాండ్‌ తరఫున అత్యధిక పరుగులు చేసిన ఆటగాళ్ల జాబితాలో కేన్‌ తర్వాత అత్యధికంగా రాస్‌ టేలర్‌ 18199 పరుగులు చేశాడు. స్టీఫెన్‌ ఫ్లెమింగ్‌ 15289 పరుగులు సాధించాడు. ప్రస్తుతం కేన్‌ న్యూజిలాండ్‌ తరఫున అత్యధిక సెంచరీలు (47) చేసిన ఆటగాడిగానూ రికార్డు కలిగి ఉన్నాడు. 2010లో అంతర్జాతీయ క్రికెట్‌లోకి అరంగేట్రం చేసిన కేన్‌.. మూడు ఫార్మాట్లలో తనదైన ముద్ర వేసి ఈ తరం ఫాబ్‌ ఫోర్‌లో ఒకడిగా కొనసాగుతున్నాడు.కాగా, ప్రస్తుతం సౌతాఫ్రికా, న్యూజిలాండ్‌ మధ్య జరుగుతున్న మ్యాచ్‌లో విజేత దుబాయ్‌ వేదికగా జరిగే ఛాంపియన్స్‌ ట్రోఫీ-2025 ఫైనల్లో భారత్‌తో తలపడుతుంది. ఈ మ్యాచ్‌ మార్చి 9న జరుగనుంది. భారత్‌.. తొలి సెమీస్‌లో ఆసీస్‌ను చిత్తు చేసి వరుసగా మూడోసారి, ఓవరాల్‌గా ఐదోసారి ఛాంపియన్స్‌ ట్రోఫీ ఫైనల్స్‌కు అర్హత సాధించింది.

ఐసీసీ ఛాంపియ‌న్స్ ట్రోఫీ-2025లో రెండో సెమీఫైన‌ల్‌కు స‌మ‌యం అస‌న్న‌మైంది. సెకెండ్ సెమీఫైన‌ల్లో ల‌హోర్ వేదిక‌గా ద‌క్షిణాఫ్రికా, న్యూజిలాండ్ జ‌ట్లు త‌ల‌ప‌డ‌నున్నాయి. ఈ మ్యాచ్‌కు ముందు సౌతాఫ్రికాకు అదిరిపోయే వార్త అందింది. తొడ కండరాల గాయంతో బాధ‌ప‌డుతున్న ప్రోటీస్ స్టార్ ఐడైన్ మార్‌క్ర‌మ్.. ఇప్పుడు పూర్తి ఫిట్‌నెస్ సాధించాడు.మంగ‌ళ‌వారం నిర్వ‌హించిన ఫిట్‌నెస్ టెస్టులో అత‌డు పాసైన‌ట్లు క్రికెట్ సౌతాఫ్రికా ఓ ప్ర‌క‌ట‌న‌లో వెల్ల‌డించింది. ఇంగ్లండ్‌తో జరిగిన ఆఖరి లీగ్ మ్యాచ్‌లో స్టాండిండ్ కెప్టెన్‌గా ఉన్న మార్‌క్రమ్ తొడ కండరాలు పట్టేశాయి. దీంతో అతడు మ్యాచ్ మధ్యలోనే మైదాన్ని వీడాడు. ఈ క్రమంలో ప్రోటీస్ పగ్గాలు హెన్రిచ్ క్లాసెన్ చేపట్టాడు. అయితే సెమీఫైనల్లో అతడు ఆడేది అనుమానంగా మారింది. అతడికి బ్యాకప్‌గా జార్జ్‌ లిండేను సైతం సౌతాఫ్రికా క్రికెట్‌ బోర్డు పాకిస్తాన్‌కు రప్పించింది. కానీ ఐడైన్‌ ఇప్పుడు ఫిట్‌నెస్ సాధించడంతో సౌతాఫ్రికా టీమ్ మెనెజ్‌మెంట్ ఊపిరి పీల్చుకుంది. మరోవైపు ఇంగ్లండ్‌తో మ్యాచ్‌కు జ్వరం కారణంగా దూరమైన ప్రోటీస్ కెప్టెన్ టెంబా బావుమా, ఓపెనర్ డీజోర్జీ కూడా పూర్తిగా కోలుకున్నట్లు తెలుస్తోంది.వీరిద్దరూ కూడా కివీస్‌తో మ్యాచ్‌కు అందుబాటులో ఉండనున్నారు. ఇక ఈ మ్యాచ్‌లో గెలిచిన జట్టు ఆదివారం జరగనున్న ఫైనల్లో టీమిండియాతో తాడోపేడో తెల్చుకోనుంది.సౌతాఫ్రికా తుది జట్టు(అంచనా): ర్యాన్ రికెల్టన్, టెంబా బావుమా (కెప్టెన్‌), రాస్సీ వాన్ డెర్ డస్సెన్, ఐడెన్ మార్క్రామ్, హెన్రిచ్ క్లాసెన్ (వికెట్ కీపర్‌), డేవిడ్ మిల్లర్, మార్కో జాన్సెన్, వియాన్ ముల్డర్, కేశవ్ మహారాజ్, కగిసో రబడ, లుంగి ఎంగిడీన్యూజిలాండ్‌ తుది జట్టు(అంచనా): విల్ యంగ్, డెవాన్ కాన్వే, కేన్ విలియమ్సన్, రచిన్ రవీంద్ర, టామ్ లాథమ్ (వికెట్ కీపర్‌), గ్లెన్ ఫిలిప్స్, మైకేల్ బ్రేస్‌వెల్, మిచెల్ సాంట్నర్ (కెప్టెన్), నాథన్ స్మిత్, మాట్ హెన్రీ, విల్ ఓ'రూర్క్చదవండి: శుబ్‌మన్‌ గిల్‌ చేసిన ‘తప్పు’..! టీమిండియాకు శాపమయ్యేది! ఎందుకంటే..

లాహోర్‌: ఎనిమిదేళ్ల విరామం తర్వాత జరుగుతున్న చాంపియన్స్‌ ట్రోఫీ వన్డే టోర్నమెంట్‌లో భారత జట్టు ఫైనల్‌ తొలి బెర్త్‌ను ఖరారు చేసుకోగా... ఫైనల్‌ రెండో బెర్త్‌ కోసం దక్షిణాఫ్రికా, న్యూజిలాండ్‌ జట్లు నేడు ముఖాముఖి పోరుకు సిద్ధమయ్యాయి. ఈ మ్యాచ్‌లో గెలిచిన జట్టు ఆదివారం దుబాయ్‌లో జరిగే టైటిల్‌ పోరులో టీమిండియాతో ఆడుతుంది. ఐసీసీ టోర్నీల్లో దురదృష్టం వెంట పెట్టుకొని తిరిగే దక్షిణాఫ్రికా జట్టు ఈసారి ఎలాగైనా విజయం సాధించాలని చూస్తుంటే... పాకిస్తాన్‌ పిచ్‌లపై ఇటీవల ముక్కోణపు సిరీస్‌ గెలిచిన న్యూజిలాండ్‌ అదే జోరు కొనసాగించాలని భావిస్తోంది. బలాబలాల దృష్ట్యా ఇరు జట్లు సమ ఉజ్జీలే అయినా... నాణ్యమైన స్పిన్నర్లు అందుబాటులో ఉన్న న్యూజిలాండ్‌దే పైచేయిగా కనిపిస్తోంది. ఇరు జట్లు గతంలో ఒక్కోసారి ఈ టోర్నీలో విజేతగా నిలిచాయి. 1998లో దక్షిణాఫ్రికా, 2000లో న్యూజిలాండ్‌ ఈ ట్రోఫీని చేజిక్కించుకున్నాయి. అయితే అప్పట్లో ఈ టోర్నీ పేరు చాంపియన్స్‌ ట్రోఫీ అని కాకుండా... ‘ఐసీసీ నాకౌట్‌ ట్రోఫీ’ అని ఉండేది. ఐసీసీ టోర్నీల్లో ‘చోకర్స్‌’గా ముద్ర చెరిపేసుకోవాలని తెంబా బవుమా సారథ్యంలో దక్షిణాఫ్రికా జట్టు కృతనిశ్చయంతో ఉంది. మరోవైపు 2015, 2019 వన్డే ప్రపంచకప్‌లలో తుదిమెట్టుపై తడబడి రన్నరప్‌తో సరిపెట్టుకున్న న్యూజిలాండ్‌ ఈసారి ట్రోఫీ చేజిక్కించుకోవడమే లక్ష్యంగా అడుగులు వేస్తోంది. గ్రూప్‌ ‘బి’లో ఆడిన రెండు మ్యాచ్‌ల్లోనూ గెలిచి... ఆసీస్‌తో పోరు వర్షం కారణంగా రద్దు కావడంతో దక్షిణాఫ్రికా 5 పాయింట్లతో అగ్రస్థానంలో నిలిచి సెమీఫైనల్‌కు అర్హత సాధించింది. మరోవైపు గ్రూప్‌ ‘ఎ’లో రెండు మ్యాచ్‌లు గెలిచి, ఒక దాంట్లో ఓడి 4 పాయింట్లతో కివీస్‌ సెమీస్‌కు చేరింది. సఫారీలకు సాధ్యమేనా? ఫార్మాట్‌తో సంబంధం లేకుండా ఐసీసీ నిర్వహిస్తున్న గత 7 ఈవెంట్లలో నాకౌట్‌కు చేరిన దక్షిణాఫ్రికా జట్టు... ఈసారి కప్పుకొట్టడమే లక్ష్యంగా ముందుకు సాగుతోంది. 2023 పురుషుల వన్డే ప్రపంచకప్, 2024 పురుషుల టి20 ప్రపంచకప్, 2025 ప్రపంచ టెస్టు చాంపియన్‌షిప్‌ (డబ్ల్యూటీసీ), 2024 పురుషుల అండర్‌–19 వరల్డ్‌కప్, 2024 టి20 ప్రపంచకప్, 2025 మహిళల అండర్‌–19 ప్రపంచకప్‌ ఇలా.. ఈ ఏడు టోర్నీల్లో సఫారీ టీమ్‌ నాకౌట్‌ దశకు చేరింది. గాయం కారణంగా గత మ్యాచ్‌కు అందుబాటులో లేకపోయిన దక్షిణాఫ్రికా కెప్టెన్‌ బవుమా ఈ మ్యాచ్‌లో ఆడనున్నాడు. డోర్జీ కూడా కోలుకున్నప్పటికీ అతడికి తుది జట్టులో చోటు దక్కడం అనుమానమే.మార్క్‌రమ్, డసెన్, క్లాసెన్, మిల్లర్, రికెల్టన్‌ కలిసి కట్టుగా రాణించాలని టీమ్‌ మేనేజ్‌మెంట్‌ ఆశిస్తోంది. పిచ్‌ బ్యాటింగ్‌కు అనుకూలించే సూచనలు ఉన్న నేపథ్యంలో స్టార్‌ ఆటగాళ్లలో ఒకరు ఇన్నింగ్స్‌ ఆసాంతం నిలవాల్సిన అవసరముంది. బౌలింగ్‌లో స్టార్‌ పేసర్లు కగిసో రబడ, లుంగి ఇన్‌గిడి కంటే... ఆల్‌రౌండర్‌ మార్కో యాన్సెన్, ముల్డర్‌ బాగా ప్రభావం చూపుతున్నారు. కేశవ్‌ మహరాజ్‌ స్పిన్‌ బౌలింగ్‌ బాధ్యతలు నిర్వర్తించనున్నాడు. ఆత్మవిశ్వాసంతో కివీస్‌... పాకిస్తాన్‌ వేదికగా ఇటీవల జరిగిన ముక్కోణపు వన్డే సిరీస్‌ సొంతం చేసుకున్న న్యూజిలాండ్‌ ఆత్మవిశ్వాసంతో ఉంది. లీగ్‌ దశలో భాగంగా భారత్‌ చేతిలో ఓడినప్పటికీ కివీస్‌ను తక్కువ అంచనా వేసేందుకు లేదు. విల్‌ యంగ్, రచిన్‌ రవీంద్ర, కేన్‌ విలియమ్సన్, డారిల్‌ మిషెల్, టామ్‌ లాథమ్, గ్లెన్‌ ఫిలిప్స్, బ్రేస్‌వెల్‌ రూపంలో న్యూజిలాండ్‌ బ్యాటింగ్‌ బలంగా ఉంది. బౌలింగ్‌ రూర్కే, హెన్రీ, జేమీసన్‌తో పాటు కెపె్టన్‌ సాంట్నర్‌ కీలకం కానున్నాడు.7 ఐసీసీ టోర్నీల్లో దక్షిణాఫ్రికా, న్యూజిలాండ్‌ మధ్య ఇప్పటి వరకు 11 మ్యాచ్‌లు జరగగా... అందులో న్యూజిలాండ్‌ 7 మ్యాచ్‌ల్లో విజయం సాధించింది. నాలుగింటిలో దక్షిణాఫ్రికా గెలిచింది.

కంగారేమీ లేదు... అంతా మన నియంత్రణలోనే సాగింది... ఆస్ట్రేలియాతో ఐసీసీ నాకౌట్‌ మ్యాచ్‌ అనగానే పెరిగే ఉత్కంఠ, ఒత్తిడి అన్నింటినీ టీమిండియా అధిగమించేసింది... ఎప్పటిలాగే టాస్‌ ఓడిపోవడం మినహా 11 బంతుల ముందే మ్యాచ్‌ ముగించే వరకు భారత్‌ అన్ని విధాలుగా తమ ఆధిపత్యాన్ని ప్రదర్శించింది. ముందు పదునైన బౌలింగ్‌తో... ఆపై చక్కటి బ్యాటింగ్‌తో ఆస్ట్రేలియాను పడగొట్టి చాంపియన్స్‌ ట్రోఫీలో ఆఖరి సమరానికి అర్హత సాధించింది.265 పరుగుల లక్ష్యం... చాంపియన్స్‌ ట్రోఫీ గత రెండు మ్యాచ్‌లలో భారత్‌ ఛేదించిన స్కోర్లతో పోలిస్తే ఇది కాస్త ఎక్కువ. బ్యాటింగ్‌ సాగుతున్నకొద్దీ పిచ్‌ నెమ్మదిస్తోంది. అయితేనేమి... కోహ్లి తనకు మాత్రమే సాధ్యమైన రీతిలో క్లాస్‌ ఆటతీరుతో అలవోకగా పరుగులు రాబడుతూ జట్టును నడిపించాడు. ఆరంభంలో రోహిత్, ఆపై అయ్యర్, రాహుల్, పాండ్యా... ఇలా అంతా అండగా నిలవడంతో గెలుపు భారత్‌ దరిచేరింది. ఆసీస్‌ ఆట సెమీఫైనల్లోనే ముగిసింది. 2017 చాంపియన్స్‌ ట్రోఫీలో ఫైనల్‌ చేరిన భారత్‌ తుది పోరులో పాకిస్తాన్‌ చేతిలో ఓడింది. ఆ తర్వాత మూడు ఐసీసీ వన్డే టోర్నీల్లోనూ కనీసం సెమీస్‌ లేదా ఫైనల్‌కు చేరి తమ స్థాయిని చూపించింది. మధ్యలో గెలిచిన టి20 వరల్డ్‌ కప్‌ దీనికి అదనం. ఇప్పుడు మరో టైటిల్‌ వేటలో టీమిండియా ప్రత్యర్థి ఎవరో నేడు తేలనుంది. ఇదే జోరు కొనసాగిస్తే 2013 తరహాలోనే అజేయ ప్రదర్శనతో మళ్లీ మనం చాంపియన్స్‌ కావడం ఖాయం! దుబాయ్‌: చాంపియన్స్‌ ట్రోఫీలో వరుసగా మూడోసారి భారత్‌ ఫైనల్‌ చేరింది. గత టోర్నీ రన్నరప్‌ అయిన టీమిండియా ఈసారి అజేయ ప్రదర్శనతో తుది పోరుకు అర్హత సాధించింది. మంగళవారం జరిగిన తొలి సెమీఫైనల్లో భారత్‌ 4 వికెట్ల తేడాతో ఆ్రస్టేలియాను ఓడించింది. టాస్‌ గెలిచి బ్యాటింగ్‌ ఎంచుకున్న ఆ్రస్టేలియా 49.3 ఓవర్లలో 264 పరుగులకు ఆలౌటైంది. కెప్టెన్ స్టీవ్‌ స్మిత్‌ (96 బంతుల్లో 73; 4 ఫోర్లు, 1 సిక్స్‌), అలెక్స్‌ కేరీ (57 బంతుల్లో 61; 8 ఫోర్లు, 1 సిక్స్‌) అర్ధ సెంచరీలు సాధించారు. షమీ 3 వికెట్లు పడగొట్టగా... రవీంద్ర జడేజా, వరుణ్‌ చక్రవర్తి చెరో 2 వికెట్లు తీశారు. అనంతరం భారత్‌ 48.1 ఓవర్లలో 6 వికెట్లకు 267 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ విరాట్‌ కోహ్లి (98 బంతుల్లో 84; 5 ఫోర్లు) కీలక ఇన్నింగ్స్‌ ఆడగా... శ్రేయస్‌ అయ్యర్‌ (62 బంతుల్లో 45; 3 ఫోర్లు), కేఎల్‌ రాహుల్‌ (34 బంతుల్లో 42 నాటౌట్‌; 2 ఫోర్లు, 2 సిక్స్‌లు) రాణించారు. నేడు దక్షిణాఫ్రికా, న్యూజిలాండ్‌ మధ్య జరిగే రెండో సెమీఫైనల్‌ మ్యాచ్‌ విజేతతో ఆదివారం దుబాయ్‌లోనే జరిగే ఫైనల్లో భారత్‌ తలపడుతుంది. రాణించిన స్మిత్‌... హెడ్‌ మరోసారి భారత బౌలర్లపై ఆధిపత్యం ప్రదర్శించాడు. ‘సున్నా’ వద్ద ఇచి్చన రిటర్న్‌ క్యాచ్‌ను షమీ అందుకోలేకపోవడంతో అతను బతికిపోగా, మరో ఎండ్‌లో కూపర్‌ కనోలీ (9 బంతుల్లో 0) విఫలమయ్యాడు. పాండ్యా ఓవర్లో వరుసగా 4, 6 కొట్టిన హెడ్, షమీ ఓవర్లో వరుసగా మూడు ఫోర్లు బాదాడు. దాంతో ఆరో ఓవర్లోనే భారత్‌ స్పిన్నర్‌ కుల్దీప్‌ను బౌలింగ్‌కు దింపింది. మరో మూడు ఓవర్ల తర్వాత భారత్‌ అసలు ఫలితం సాధించింది.వరుణ్‌ బౌలింగ్‌లో తాను ఎదుర్కొన్న తొలి బంతినే భారీ షాట్‌ ఆడబోయి హెడ్‌ లాంగాఫ్‌లో గిల్‌కు క్యాచ్‌ ఇవ్వడంతో జట్టు ఊపిరి పీల్చుకుంది. మరోవైపు స్మిత్‌ సాహసాలకు పోకుండా జాగ్రత్తగా ఆడుతూ ఇన్నింగ్స్‌ను నిర్మించాడు. అతనికి కొద్దిసేపు లబుషేన్‌ (36 బంతుల్లో 29; 2 ఫోర్లు, 1 సిక్స్‌) సహకరించాడు. 68 బంతుల్లో స్మిత్‌ హాఫ్‌ సెంచరీ పూర్తయింది. అయితే తక్కువ వ్యవధిలో లబుషేన్, ఇన్‌గ్లిస్‌ (12 బంతుల్లో 11)లను అవుట్‌ చేసి జడేజా దెబ్బ కొట్టాడు. ఈ దశలో స్మిత్, కేరీ భాగస్వామ్యంతో జట్టు కోలుకుంది. వీరిద్దరు కలిసి స్కోరును 200 వరకు తీసుకొచ్చారు. ఈ భాగస్వామ్యం బలపడుతున్న దశలో షమీ ఆటను మలుపు తిప్పాడు. అతని బౌలింగ్‌లో ముందుకొచ్చి షాట్‌ ఆడబోయిన స్మిత్‌ బౌల్డయ్యాడు. మ్యాక్స్‌వెల్‌ (5 బంతుల్లో 7; 1 సిక్స్‌) విఫలం కాగా, ఆసీస్‌ వరుసగా వికెట్లు కోల్పోయింది. చివర్లో కేరీ దూకుడుతో జట్టు మెరుగైన స్కోరు సాధించగలిగింది. కీలక భాగస్వామ్యాలు... ఛేదనలో ఆరంభంలోనే శుబ్‌మన్‌ గిల్‌ (11 బంతుల్లో 8; 1 ఫోర్‌) వెనుదిరగ్గా... క్రీజ్‌లో ఉన్నంత సేపు రోహిత్‌ శర్మ (29 బంతుల్లో 28; 3 ఫోర్లు, 1 సిక్స్‌) ధాటిగా ఆడాడు. అయితే ఓపెనర్లు వెనుదిరిగిన తర్వాత కోహ్లి, అయ్యర్‌ భాగస్వామ్యంతో జట్టు సురక్షిత స్థితికి చేరింది. చక్కటి సమన్వయంతో బ్యాటింగ్‌ చేసిన వీరిద్దరు ప్రత్యర్థికి ఎలాంటి అవకాశం ఇవ్వకుండా టీమ్‌ను విజయం దిశగా నడిపించారు. ఈ క్రమంలో 53 బంతుల్లో కోహ్లి హాఫ్‌ సెంచరీ పూర్తి కాగా, అయ్యర్‌ దానిని చేజార్చుకున్నాడు. వీరిద్దరు మూడో వికెట్‌కు 18.3 ఓవర్లలో 91 పరుగులు జోడించారు. ఆ తర్వాత అక్షర్‌ పటేల్‌ (30 బంతుల్లో 27; 1 ఫోర్, 1 సిక్స్‌), రాహుల్‌లతో కోహ్లి కీలక భాగస్వామ్యాలు నెలకొల్పాడు. 51 వద్ద మ్యాక్స్‌వెల్‌ క్యాచ్‌ వదిలేయడం కూడా కోహ్లికి కలిసొచ్చింది. చక్కటి షాట్లతో ఆకట్టుకున్న అతను టోర్నీలో మరో శతకం అందుకునేలా కనిపించాడు. అయితే విజయానికి 40 పరుగుల దూరంలో భారీ షాట్‌కు ప్రయత్నించి విరాట్‌ అవుటయ్యాడు. ఈ స్థితిలో హార్దిక్‌ పాండ్యా (24 బంతుల్లో 28; 1 ఫోర్, 3 సిక్స్‌లు) మెరుపు బ్యాటింగ్‌ ఛేదనను సులువు చేసింది. 20 బంతుల్లో 24 పరుగులు చేయాల్సి ఉండగా కొంత ఉత్కంఠ పెరిగింది. అయితే జంపా ఓవర్లో పాండ్యా రెండు వరుస సిక్సర్లు బాదగా... అతను అవుటైన తర్వాత మ్యాక్స్‌వెల్‌ బౌలింగ్‌లో భారీ సిక్స్‌తో రాహుల్‌ మ్యాచ్‌ను ముగించాడు. 1 చాంపియన్స్‌ ట్రోఫీ చరిత్రలో వరుసగా మూడుసార్లు (2013, 2017, 2025) ఫైనల్లోకి ప్రవేశించిన తొలి జట్టుగా భారత్‌ నిలిచింది. 7 ఐసీసీ వన్డే టోర్నీలలో కోహ్లికి లభించిన ‘ప్లేయర్‌ ఆఫ్‌ ద మ్యాచ్‌’ అవార్డులు. ఈ జాబితాలో సచిన్‌ టెండూల్కర్‌ (10), రోహిత్‌ శర్మ (8) తొలి రెండు స్థానాల్లో ఉన్నారు. 14 ఐసీసీ టోర్నీలలో అత్యధికంగా 14 సార్లు ఫైనల్‌ చేరుకున్న జట్టుగా భారత్‌ గుర్తింపు పొందింది. ఆస్ట్రేలియా (13)ను భారత్‌ వెనక్కి నెట్టింది. 746 చాంపియన్స్‌ ట్రోఫీ టోర్నీ చరిత్రలో అత్యధిక పరుగులు చేసిన క్రికెటర్ల జాబితాలో కోహ్లి (746 పరుగులు) రెండో స్థానానికి చేరాడు. తొలి స్థానంలో క్రిస్‌ గేల్‌ (791 పరుగులు), మూడో స్థానంలో జయవర్ధనే (742) ఉన్నారు. గిల్‌కు అంపైర్‌ వార్నింగ్‌ హెడ్‌ క్యాచ్‌ పట్టినప్పుడు శుబ్‌మన్‌ గిల్‌ ప్రదర్శించిన ‘అతి’ ఆనందం అంపైర్‌ నుంచి హెచ్చరికకు గురయ్యేలా చేసింది. క్యాచ్‌ అందుకోగానే కొద్ది సేపయినా తన చేతిలో ఉంచకుండా అతను బంతిని గాల్లోకి విసిరేశాడు. నిజానికి క్యాచ్‌ పట్టడంలో అతను ఎక్కడా తడబడలేదు. అయితే ఎంతసేపు అనే విషయంలో నిబంధనలు సరిగ్గా లేకపోయినా... కనీసం 2–3 సెకన్ల పాటు ఫీల్డర్‌ బంతిని తన నియంత్రణలో ఉంచుకోవాలి. ఇదే విషయాన్ని అంపైర్‌ ఇల్లింగ్‌వర్త్‌ ప్రత్యేకంగా గిల్‌కు వివరించాడు. ఇలాంటి సందర్భాల్లో అవుట్‌/నాటౌట్‌ ఇచ్చే విషయంలో అంపైర్‌కు విచక్షణాధికారం ఉంటుంది.స్మిత్‌ అదృష్టం అక్షర్‌ వేసిన ఇన్నింగ్స్‌ 14వ ఓవర్లో అనూహ్యం చోటు చేసుకుంది. స్మిత్‌ డ్రైవ్‌ చేయగా బంతి అతడి ప్యాడ్‌ల మీదుగా స్టంప్స్‌ను తాకింది. అయితే బెయిల్స్‌ పడకపోవడంతో స్మిత్‌ బతికిపోయాడు. ఆపే ప్రయత్నం చేస్తే తన కాలితోనే స్టంప్స్‌ పడిపోతాయని భావనతో కావచ్చు స్మిత్‌ అలా కూడా చేయలేదు. ఆ సమయంలో అతని స్కోరు 23 పరుగులు. అతని స్కోరు 36 వద్ద ఉన్నప్పుడు షమీ బౌలింగ్‌లో బలంగా షాట్‌ కొట్టగా... తన ఎడమ చేత్తో క్యాచ్‌ పట్టే ప్రయత్నం చేసిన షమీ విఫలమయ్యాడు. అయితే ఇది చాలా కఠినమైన క్యాచ్‌. రోహిత్‌కు లైఫ్‌కెప్టెన్ రోహిత్‌ శర్మ 28 పరుగుల ఇన్నింగ్స్‌లో కూడా రెండుసార్లు అదృష్టం కలిసొచి్చంది. 13 పరుగుల వద్ద బ్యాక్‌వర్డ్‌ పాయింట్‌లో అతను ఇచ్చిన సునాయాస క్యాచ్‌ను కనోలీ వదిలేయగా... 14 వద్ద కాస్త కష్టసాధ్యమైన క్యాచ్‌ను లబుషేన్‌ అందుకోలేకపోయాడు. పాకిస్తాన్‌పై ఎలా లక్ష్యాన్ని ఛేదించామో ఇది కూడా దాదాపు అదే తరహాలో సాగింది. అప్పుడు సెంచరీ చేసినా ఏడు ఫోర్లే కొట్టాను. పరిస్థితులను అర్థం చేసుకోవడమే అన్నింటికంటే ముఖ్యం. దాని ప్రకారమే నా వ్యూహం సాగుతుంది. స్ట్రయిక్‌ రొటేట్‌ చేయడం కూడా అలాంటిదే. ఇలాంటి పిచ్‌పై భాగస్వామ్యాలు నెలకొల్పడం కీలకం. బౌండరీలతో వేగంగా ఆటను ముగించే ప్రయత్నంలో నేను వెనుదిరిగా. కొన్నిసార్లు అనుకున్న ప్రణాళికలు పని చేయవు. క్రీజులో పరుగుల కోసం నేను తొందరపడలేదు. అదే నా ఇన్నింగ్స్‌లో నాకు నచ్చిన విషయం. సింగిల్స్‌ తీయడాన్ని కూడా ప్రాధాన్యతగా భావిస్తేనే మంచి క్రికెట్‌ ఆడుతున్నట్లు లెక్క. ఇక ఎలాంటి ఒత్తిడి లేదు. లక్ష్యం దిశగా వెళుతున్నామని అప్పుడే అర్థమవుతుంది. ఇలాంటి నాకౌట్‌ మ్యాచ్‌లలో చేతిలో వికెట్లు ఉంటే ప్రత్యర్థి కూడా ఒత్తిడిలో సునాయాసంగా పరుగులు ఇచ్చేస్తుంది. అప్పుడు మన పరిస్థితి మరింత సులువవుతుంది. ఓవర్లు, చేయాల్సిన పరుగుల గురించి స్పష్టత ఉంటే చాలు. రన్‌రేట్‌ ఆరు పరుగులకు వచ్చినా సమస్య ఉండదు. ఎందుకంటే ఈ సమయంలో వికెట్లు తీస్తేనే ప్రత్యర్థికి అవకాశం దక్కుతుంది తప్ప నిలదొక్కుకున్న బ్యాటర్లను వారు అడ్డుకోలేరు. ఈ దశలో మైలురాళ్లు నాకు ఏమాత్రం ముఖ్యం కాదు. సెంచరీ సాధిస్తే మంచిదే. లేకపోతే విజయం దక్కిన ఆనందం ఎలాగూ ఉంటుంది. డ్రెస్సింగ్‌ రూమ్‌లో సంబరాలు ఉంటాయి. ఏం చేసినా ఒదిగి ఉండి మళ్లీ సాధన చేయడం, జట్టును గెలిపించేందుకు మళ్లీ కొత్తగా బరిలోకి దిగడమే నాకు తెలిసింది. ఇప్పటికీ అదే చేస్తున్నాను. –విరాట్‌ కోహ్లి ఆటలో ఆఖరి బంతి పడే వరకు ఏమీ చెప్పలేం. ఆసీస్‌ ఇన్నింగ్స్‌ ముగిశాక ఇది మరీ చిన్న స్కోరేమీ కాదని, విజయం కోసం మేం చాలా బ్యాటింగ్‌ చేయాల్సి ఉంటుందని అర్థమైంది. ఇవాళ మా బ్యాటింగ్‌ అన్ని రకాలుగా బాగుంది. పిచ్‌ కూడా మెరుగ్గా అనిపించింది. అయితే పిచ్‌పై ఎక్కువ దృష్టి పెట్టకుండా మా ఆటనే నమ్ముకున్నాం. ఆరు బౌలింగ్‌ ప్రత్యామ్నాయాలు, ఎనిమిదో నంబర్‌ వరకు బ్యాటింగ్‌ చేయగలవారు ఉండాలని మేం కోరుకున్నాం.దానిని బట్టే జట్టును ఎంపిక చేశాం. ఇప్పుడు ఆ ఆరుగురు బౌలర్లను సమర్థంగా వాడుకున్నాం. కోహ్లి ఎన్నో ఏళ్లుగా ఇదే తరహాలో జట్టును గెలిపిస్తూ వస్తున్నాడు. ఫైనల్‌కు ముందు ఆటగాళ్లంతా ఫామ్‌లో ఉంటే జట్టులో ఆత్మవిశ్వాసం పెరుగుతుంది. అయితే దాని గురించి అతిగా ఆలోచించడం లేదు. సమయం వచి్చనప్పుడు అంతా సరైన రీతిలో స్పందిస్తారు. –రోహిత్‌ శర్మ, భారత కెప్టెన్‌ 4 ఐసీసీ ఈవెంట్లు... వన్డే వరల్డ్‌ కప్, టి20 వరల్డ్‌ కప్, చాంపియన్స్‌ ట్రోఫీ, వరల్డ్‌ టెస్టు చాంపియన్‌షిప్‌లలో భారత్‌ను ఫైనల్‌ చేర్చిన తొలి కెప్టెన్‌గా రోహిత్‌ శర్మ నిలిచాడు. 336 అంతర్జాతీయ క్రికెట్‌లో అత్యధిక క్యాచ్‌లు తీసుకున్న భారతీయ ఫీల్డర్‌గా కోహ్లి ఘనత వహించాడు. 334 క్యాచ్‌లతో రాహుల్‌ ద్రవిడ్‌ పేరిట ఉన్న రికార్డును కోహ్లి సవరించాడు. వన్డేల్లో అత్యధిక క్యాచ్‌లు తీసుకున్న రెండో ఫీల్డర్‌గానూ కోహ్లి (161 క్యాచ్‌లు) నిలిచాడు. శ్రీలంక ప్లేయర్‌ మహేళ జయవర్ధనే (218 క్యాచ్‌లు) తొలి స్థానంలో ఉన్నాడు. స్కోరు వివరాలు ఆ్రస్టేలియా ఇన్నింగ్స్‌: హెడ్‌ (సి) గిల్‌ (బి) వరుణ్‌ 39; కనోలీ (సి) రాహుల్‌ (బి) షమీ 0; స్మిత్‌ (బి) షమీ 73; లబుషేన్‌ (ఎల్బీ) (బి) జడేజా 29; ఇన్‌గ్లిస్‌ (సి) కోహ్లి (బి) జడేజా 11; కేరీ (రనౌట్‌) 61; మ్యాక్స్‌వెల్‌ (బి) అక్షర్‌ 7; డ్వార్‌షూయిస్‌ (సి) అయ్యర్‌ (బి) వరుణ్‌ 19; జంపా (బి) పాండ్యా 7; ఎలిస్‌ (సి) కోహ్లి (బి) షమీ 10; తన్విర్‌ సంఘా (నాటౌట్‌) 1; ఎక్స్‌ట్రాలు 7; మొత్తం (49.3 ఓవర్లలో ఆలౌట్‌) 264. వికెట్ల పతనం: 1–4, 2–54, 3–110, 4–144, 5–198, 6–205, 7–239, 8–249, 9–262, 10–264. బౌలింగ్‌: షమీ 10–0–48–3, హార్దిక్‌ పాండ్యా 5.3–0–40–1, కుల్దీప్‌ యాదవ్‌ 8–0–44–0, వరుణ్‌ చక్రవర్తి 10–0–49–2, అక్షర్‌ పటేల్‌ 8–1–43–1, రవీంద్ర జడేజా 8–1–40–2. భారత్‌ ఇన్నింగ్స్‌: రోహిత్‌ (ఎల్బీ) (బి) కనోలీ 28; గిల్‌ (బి) డ్వార్‌షూయిస్‌ 8; కోహ్లి (సి) డ్వార్‌షూయిస్‌ (బి) జంపా 84; అయ్యర్‌ (బి) జంపా 45; అక్షర్‌ (బి) ఎలిస్‌ 27; రాహుల్‌ (నాటౌట్‌) 42; పాండ్యా (సి) మ్యాక్స్‌వెల్‌ (బి) ఎలిస్‌ 28; జడేజా (నాటౌట్‌) 2; ఎక్స్‌ట్రాలు 3; మొత్తం (48.1 ఓవర్లలో 6 వికెట్లకు) 267. వికెట్ల పతనం: 1–30, 2–43, 3–134, 4–178, 5–225, 6–259. బౌలింగ్‌: డ్వార్‌షూయిస్‌ 7–0–39–1, ఎలిస్‌ 10–0–49–2, కనోలీ 8–0–37–1, జంపా 10–0–60–2, సంఘా 6–0–41–0, మ్యాక్స్‌వెల్‌ 6.1–0–35–0, హెడ్‌ 1–0–6–0.

దుబాయ్‌ వేదికగా ఇవాళ (మార్చి 4) జరిగిన ఛాంపియన్స్‌ ట్రోఫీ-2025 తొలి సెమీఫైనల్లో భారత్‌ ఆస్ట్రేలియాను 4 వికెట్ల తేడాతో చిత్తు చేసింది. తద్వారా వరుసగా మూడోసారి (2013, 2017, 2025), మొత్తంగా ఐదోసారి ఛాంపియన్స్‌ ట్రోఫీ ఫైనల్‌కు అర్హత సాధించింది. ఈ గెలుపుతో భారత కెప్టెన్‌ రోహిత్‌ శర్మ చరిత్ర సృష్టించాడు. నాలుగు ఐసీసీ టోర్నీల్లో ఫైనల్‌కు చేరిన తొలి కెప్టెన్‌గా ప్రపంచ రికార్డు నెలకొల్పాడు. రోహిత్‌ సారథ్యంలో టీమిండియా 2023 ఐసీసీ వరల్డ్‌ టెస్ట్‌ ఛాంపియన్‌షిప్‌, 2023 వన్డే వరల్డ్‌కప్‌, 2024 టీ20 వరల్డ్‌కప్‌.. తాజాగా 2025 ఛాంపియన్స్‌ ట్రోఫీలో ఫైనల్స్‌ చేరింది. ప్రపంచంలో ఏ ఇతర కెప్టెన్‌ ఈ నాలుగు ఐసీసీ టోర్నీల్లో తన జట్టును ఫైనల్స్‌కు చేర్చలేదు. ప్రస్తుతం ఈ ఘనత సాధించిన ఏకైక కెప్టెన్‌ రోహిత్‌ శర్మ మాత్రమే.ప్రతీకారం​ తీర్చుకున్న భారత్‌తాజాగా గెలుపుతో భారత్‌ 2023 వన్డే ప్రపంచకప్‌ ఫైనల్స్‌లో ఆసీస్‌ చేతిలో ఎదురైన పరాభవానికి ప్రతీకారం తీర్చుకుంది. 2023 వరల్డ్‌కప్‌ ఫైనల్స్‌ తర్వాత వన్డేల్లో భారత్‌ ఆసీస్‌ను ఎదుర్కోవడం ఇదే మొదటిసారి. హ్యాట్రిక్‌ విజయాలుఇతర టోర్నీలో భారత్‌ పాలిట కొరకరాని కొయ్యగా ఉన్న ఆస్ట్రేలియా.. ఛాంపియన్స్‌ ట్రోఫీలో మాత్రం తమ ఆధిపత్యాన్ని నిలబెట్టుకోలేకపోతుంది. ఈ టోర్నీలో భారత్‌ ఆసీస్‌పై ఆధిపత్యాన్ని కొనసాగిస్తుంది. ఇరు జట్లు ఛాంపియన్స్‌ ట్రోఫీ నాకౌట్స్‌లో మూడుసార్లు ఎదురెదురుపడగా.. మూడు సందర్భాల్లో టీమిండియానే జయకేతనం ఎగురవేసింది. ఛాంపియన్స్‌ ట్రోఫీ నాకౌట్స్‌లో భారత్‌, ఆస్ట్రేలియా తొలిసారి 1998 ఎడిషన్‌ క్వార్టర్‌ ఫైనల్స్‌లో తలపడ్డాయి. ఆ మ్యాచ్‌లో భారత్‌ 44 పరుగుల తేడాతో గెలుపొందింది. తర్వాత 2000 ఎడిషన్‌ క్వార్టర్‌ ఫైనల్స్‌లో ఇరు జట్లు రెండో సారి ఢీకొన్నాయి. ఈసారి భారత్‌ 20 పరుగుల తేడాతో ఆసీస్‌ను మట్టికరిపించింది. తాజాగా 2025 ఎడిషన్‌ సెమీస్‌లో గెలుపుతో భారత్‌ ఆసీస్‌పై హ్యాట్రిక్‌ విజయాలు (ఛాంపియన్స్‌ ట్రోఫీ నాకౌట్స్‌లో) నమోదు చేసింది.మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌ చేసిన ఆస్ట్రేలియా 49.3 ఓవర్లలో 264 పరుగులకు ఆలౌటైంది. స్టీవ్‌ స్మిత్‌ (73), అలెక్స్‌ క్యారీ (61) అర్ద సెంచరీలతో రాణించారు. ఆసీస్‌ ఆటగాళ్లలో ట్రవిస్‌ హెడ్‌ 39, కూపర్‌ కన్నోలీ 0, లబూషేన్‌ 29, జోస్‌ ఇంగ్లిస్‌ 11, మ్యాక్స్‌వెల్‌ 7, డ్వార్షుయిస్‌ 19, ఆడమ్‌ జంపా 7, నాథన్‌ ఇల్లిస్‌ 10 పరుగులు చేశారు. భారత బౌలర్లలో మహ్మద్‌ షమీ 3 వికెట్లు పడగొట్టగా.. వరుణ్‌ చక్రవర్తి, రవీంద్ర జడేజా తలో 2, హార్దిక్‌ పాండ్యా, అక్షర్‌ పటేల్‌ చెరో​ వికెట్‌ దక్కించుకున్నారు.ఛేదనలో విరాట్‌ చిరస్మరణీయమైన ఇన్నింగ్స్‌ (84) ఆడటంతో భారత్‌ 48.1 ఓవర్లలో 6 వికెట్లు కోల్పోయి లక్ష్యాన్ని చేరుకుంది. మ్యాక్స్‌వెల్‌ బౌలింగ్‌లో సిక్సర్‌ బాది కేఎల్‌ రాహుల్‌ (42 నాటౌట్‌) మ్యాచ్‌ను ఫినిష్‌ చేశాడు. ఆఖర్లో హార్దిక్‌ (24 బంతుల్లో​ 28) మెరుపు ఇన్నింగ్స్‌ ఆడగా.. భారత్‌ గెలుపులో శ్రేయస్‌ అయ్యర్‌ (45), అక్షర్‌ పటేల్‌ (27) తలో చేయి వేశారు. కెప్టెన్‌ రోహిత్‌ శర్మ (28) టీమిండియాకు మెరుపు ఆరంభాన్ని అందించాడు. భారత ఇన్నింగ్స్‌లో శుభ్‌మన్‌ గిల్‌ (8) ఒక్కడే సింగిల్‌ డిజిట్‌ స్కోర్‌కు ఔటయ్యాడు. ఆసీస్‌ బౌలర్లలో ఇల్లిస్‌, జంపా తలో రెండు వికెట్లు పడగొట్టగా.. డ్వార్షుయిస్‌, కన్నోలీ చెరో వికెట్‌ దక్కించుకున్నారు.కాగా, రేపు (మార్చి 5) జరుగబోయే రెండో సెమీఫైనల్లో సౌతాఫ్రికా, న్యూజిలాండ్‌ తలపడనున్నాయి. ఈ మ్యాచ్‌ లాహోర్‌ వేదికగా జరుగనుంది. ఈ మ్యాచ్‌లో విజేతతో భారత్‌ మార్చి 9న జరిగే ఫైనల్లో తలపడుతుంది.

ఛాంపియన్స్‌ ట్రోఫీ-2025 ఎడిషన్‌ భారత్‌ ఫైనల్లోకి ప్రవేశించింది. దుబాయ్‌ వేదికగా ఇవాళ (మార్చి 4) జరిగిన తొలి సెమీస్‌లో టీమిండియా ఆసీస్‌ను 4 వికెట్ల తేడాతో చిత్తు చేసింది. తద్వారా ఛాంపియన్స్‌ ట్రోఫీలో వరుసగా మూడోసారి (మొత్తంగా ఐదోసారి) ఫైనల్స్‌కు చేరింది. ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా 49.3 ఓవర్లలో 264 పరుగులకు ఆలౌటైంది.స్టీవ్‌ స్మిత్‌ (73), అలెక్స్‌ క్యారీ (61) అర్ద సెంచరీలతో రాణించారు. ఆసీస్‌ ఆటగాళ్లలో ట్రవిస్‌ హెడ్‌ 39, కూపర్‌ కన్నోలీ 0, లబూషేన్‌ 29, జోస్‌ ఇంగ్లిస్‌ 11, మ్యాక్స్‌వెల్‌ 7, డ్వార్షుయిస్‌ 19, ఆడమ్‌ జంపా 7, నాథన్‌ ఇల్లిస్‌ 10 పరుగులు చేశారు. భారత బౌలర్లలో మహ్మద్‌ షమీ 3 వికెట్లు పడగొట్టగా.. వరుణ్‌ చక్రవర్తి, రవీంద్ర జడేజా తలో 2, హార్దిక్‌ పాండ్యా, అక్షర్‌ పటేల్‌ చెరో​ వికెట్‌ దక్కించుకున్నారు. ఈ మ్యాచ్‌లో భారత్‌ ఒకే ఒక స్పెషలిస్ట్‌ పేసర్‌తో (షమీ) బరిలోకి దిగినప్పటికీ ఆసీస్‌ను ఆలౌట్‌ చేయడంలో సఫలమైంది.ఛేదనలో విరాట్‌ (84) చిరస్మరణీయ ఇన్నింగ్స్‌ ఆడటంతో భారత్‌ 48.1 ఓవర్లలో 6 వికెట్లు కోల్పోయి లక్ష్యాన్ని చేరుకుంది. మ్యాక్స్‌వెల్‌ బౌలింగ్‌లో సిక్సర్‌ బాది కేఎల్‌ రాహుల్‌ (42 నాటౌట్‌) మ్యాచ్‌ను ఫినిష్‌ చేశాడు. ఆఖర్లో హార్దిక్‌ (24 బంతుల్లో​ 28) మెరుపు ఇన్నింగ్స్‌ ఆడగా.. భారత్‌ గెలుపులో శ్రేయస్‌ అయ్యర్‌ (45), అక్షర్‌ పటేల్‌ (27) తలో చేయి వేశారు. కెప్టెన్‌ రోహిత్‌ శర్మ (28) టీమిండియాకు మెరుపు ఆరంభాన్ని అందించాడు. భారత ఇన్నింగ్స్‌లో శుభ్‌మన్‌ గిల్‌ (8) ఒక్కడే సింగిల్‌ డిజిట్‌ స్కోర్‌కు ఔటయ్యాడు. ఆసీస్‌ బౌలర్లలో ఇల్లిస్‌, జంపా తలో రెండు వికెట్లు పడగొట్టగా.. డ్వార్షుయిస్‌, కన్నోలీ చెరో వికెట్‌ దక్కించుకున్నారు.ఆసీస్‌ నిర్దేశించిన 265 పరుగుల లక్ష్యాన్ని ఛేదించడంతో భారత్‌ సరికొత్త చరిత్ర సృష్టించింది. ఐసీసీ వన్డే ఈవెంట్లలో ఆసీస్‌ నిర్దేశించిన అత్యధిక లక్ష్యాన్ని ఛేదించిన జట్టుగా రికార్డు నెలకొల్పింది.కాగా, రేపు (మార్చి 5) జరుగబోయే రెండో సెమీఫైనల్లో సౌతాఫ్రికా, న్యూజిలాండ్‌ తలపడనున్నాయి. ఈ మ్యాచ్‌ లాహోర్‌ వేదికగా జరుగనుంది. ఈ మ్యాచ్‌లో విజేతతో భారత్‌ మార్చి 9న జరిగే ఫైనల్లో తలపడుతుంది.

హైదరాబాద్: చాంపియన్స్ ట్రోఫీలో భాగంగా ఈరోజు(మంగళవారం) జరిగిన తొలి సెమీ ఫైనల్ లో గెలిచి ఫైనల్ చేరిన టీమిండియా విజయం పట్ల కేంద్ర మంత్రి కిషన్ రెడ్డి హర్షం వ్యక్తం చేశారు. . ఈ సెమీస్ లో అద్భుతమైన ప్రతిభ కనబరిచి రోహిత్ సేనకు అభినందనలు తెలియజేశారు. ఇదే జోష్ ను ఫైనల్ కూడా కనబరిచి చాంపియన్స్ ట్రోఫీ గెలవాలని ఆయన ఆకాంక్షించారు.ఆసీస్ తో జరిగిన తొలి సెమీఫైనల్లో భారత్ నాలుగు వికెట్ల తేడాతో విజయం సాధించింది. ఆసీస్ నిర్దేశించిన 265 పరుగుల లక్ష్యాన్ని భారత్ 48.1 ఓవర్లలోనే ఆరు వికెట్లు కోల్పోయి ఛేదించింది. కోహ్లి(84), శ్రేయస్ అయ్యర్(45), రాహుల్(42 నాటౌట్)లు బాధ్యతాయుతంగా ఆడగా, హార్దిక్ పాండ్యా( 24 బంతుల్లో 3 సిక్సర్లు, 1 ఫోర్‌ 28)లు బ్యాట్ ఝుళిపించారు. దాంతో భారత్ లక్ష్యాన్ని సునాయాసంగా సాధించి తుదిపోరుకు సిద్ధమైంది. బుధవారం జరిగే న్యూజిలాండ్‍, దక్షిణాఫ్రికాల రెండో సెమీ ఫైనల్లో విజేతతో భారత్ తలపడనుంది.

ఛాంపియన్స్‌ ట్రోఫీ-2025లో భాగంగా ఆస్ట్రేలియాతో ఇవాళ (మార్చి 4) జరుగుతున్న తొలి సెమీఫైనల్లో టీమిండియా స్టార్‌ ఆటగాడు విరాట్‌ కోహ్లి కీలకమైన ఇన్నింగ్స్‌ ఆడాడు. 265 పరుగుల ఛేదనలో విరాట్‌ 98 బంతుల్లో 5 బౌండరీల సాయంతో 84 పరుగులు చేశాడు. ఈ ఇన్నింగ్స్‌తో విరాట్‌ చరిత్రపుట్లోకెక్కాడు. ఐసీసీ నాకౌట్ మ్యాచ్‌ల్లో 1000 పరుగులు పూర్తి చేసిన తొలి బ్యాటర్‌గా రికార్డు సృష్టించాడు.ఐసీసీ నాకౌట్‌ మ్యాచ్‌ల్లో అత్యధిక పరుగులు చేసిన ఆటగాళ్లు..విరాట్‌ కోహ్లి-1003రోహిత్‌ శర్మ-808రికీ పాంటింగ్‌-731ఈ మ్యాచ్‌లో విరాట్‌ మరో రికార్డు కూడా సాధించాడు. ఐసీసీ టోర్నీల్లో అత్యధిక హాఫ్‌ సెంచరీలు (24) చేసిన ఆటగాడిగా అవతరించాడు. గతంలో ఈ రికార్డు సచిన్‌ టెండూల్కర్‌ (23) పేరిట ఉండేది. తాజా హాఫ్‌ సెంచరీతో విరాట్‌ తన పేరిట ఉండిన మరో రికార్డును మరింత మెరుగుపర్చుకున్నాడు. ఐసీసీ నాకౌట్స్‌లో విరాట్‌ తన హాఫ్‌ సెంచరీల సంఖ్యను 10కి పెంచుకున్నాడు. ఐసీసీ నాకౌట్స్‌లో సచిన్‌, స్టీవ్‌ స్మిత్‌ తలో ఆరు అర్ద సెంచరీలు చేశారు.మ్యాచ్‌ విషయానికొస్తే.. ఆస్ట్రేలియాపై భారత్‌ 4 వికెట్ల తేడాతో ఘన విజయం సాధించింది. తద్వారా ఫైనల్‌కు అర్హత సాధించింది. ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా 49.3 ఓవర్లలో 264 పరుగులకు ఆలౌటైంది.స్టీవ్‌ స్మిత్‌ (73), అలెక్స్‌ క్యారీ (61) అర్ద సెంచరీలతో రాణించారు. భారత బౌలర్లలో మహ్మద్‌ షమీ 3 వికెట్లు పడగొట్టగా.. వరుణ్‌ చక్రవర్తి, రవీంద్ర జడేజా తలో 2, హార్దిక్‌ పాండ్యా, అక్షర్‌ పటేల్‌ చెరో​ వికెట్‌ దక్కించుకున్నారు.అనంతరం విరాట్‌ కోహ్లి కీలకమైన ఇన్నింగ్స్‌ (84) ఆడటంతో భారత్‌ 48.1 ఓవర్లలో 6 వికెట్లు కోల్పోయి లక్ష్యాన్ని ఛేదించింది. మ్యాక్స్‌వెల్‌ బౌలింగ్‌లో సిక్సర్‌ బాది కేఎల్‌ రాహుల్‌ (42 నాటౌట్‌) మ్యాచ్‌ను ఫినిష్‌ చేశాడు. ఆఖర్లో హార్దిక్‌ (24 బంతుల్లో​ 28) మెరుపు ఇన్నింగ్స్‌ ఆడగా.. భారత్‌ గెలుపులో శ్రేయస్‌ అయ్యర్‌ (45), అక్షర్‌ పటేల్‌ (27) తలో చేయి వేశారు. కెప్టెన్‌ రోహిత్‌ శర్మ (28) టీమిండియాకు మెరుపు ఆరంభాన్ని అందించాడు.

ఛాంపియన్స్‌ ట్రోఫీ-2025లో భాగంగా భారత్‌, ఆస్ట్రేలియా మధ్య ఇవాళ (మార్చి 4) తొలి సెమీఫైనల్ జరుగుతుంది. దుబాయ్‌ వేదికగా జరుగుతున్న ఈ మ్యాచ్‌లో ఆస్ట్రేలియా టాస్‌ గెలిచి తొలుత బ్యాటింగ్‌ చేసింది. స్టీవ్‌ స్మిత్‌ (73), అలెక్స్‌ క్యారీ (61) అర్ద సెంచరీలతో రాణించడంతో ఆసీస్‌ 49.3 ఓవర్లలో 264 పరుగులకు ఆలౌటైంది. ఆసీస్‌ ఆటగాళ్లలో ట్రవిస్‌ హెడ్‌ 39, కూపర్‌ కన్నోలీ 0, లబూషేన్‌ 29, జోస్‌ ఇంగ్లిస్‌ 11, మ్యాక్స్‌వెల్‌ 7, డ్వార్షుయిస్‌ 19, ఆడమ్‌ జంపా 7, నాథన్‌ ఇల్లిస్‌ 10 పరుగులు చేశారు. భారత బౌలర్లలో మహ్మద్‌ షమీ 3 వికెట్లు పడగొట్టగా.. వరుణ్‌ చక్రవర్తి, రవీంద్ర జడేజా తలో 2, హార్దిక్‌ పాండ్యా, అక్షర్‌ పటేల్‌ చెరో​ వికెట్‌ దక్కించుకున్నారు.ఛేదనలో భారత్‌ లక్ష్యం దిశగా పయనిస్తుంది. 33 ఓవర్ల అనంతరం భారత్‌ స్కోర్‌ 167/3గా ఉంది. శుభ్‌మన్‌ గిల్‌ (8), రోహిత్‌ శర్మ (28), శ్రేయస్‌ అయ్యర్‌ (45) ఔట్‌ కాగా.. విరాట్‌ కోహ్లి (64), అక్షర్‌ పటేల్‌ (20) క్రీజ్‌లో ఉన్నారు. ఈ మ్యాచ్‌లో భారత్‌ గెలవాలంటే 17 ఓవర్లలో మరో 98 పరుగులు చేయాలి. భారత బ్యాటర్లలో రోహిత్‌ శర్మ వికెట్‌ కూపర్‌ కన్నోలీకి.. గిల్‌ వికెట్‌ డ్వార్షుయిస్‌కు.. శ్రేయస్‌ అయ్యర్‌ వికెట్‌ ఆడమ్‌ జంపాకు దక్కింది.pic.twitter.com/9zGKhnuFuP— kuchnahi123@12345678 (@kuchnahi1269083) March 4, 2025రోహిత్‌, విరాట్‌ చెత్త నిర్ణయంకాగా, భారత్‌ బ్యాటింగ్‌ సందర్భంగా టీమిండియా కెప్టెన్‌ రోహిత్‌ శర్మ, స్టార్‌ ఆటగాడు విరాట్‌ కోహ్లి ఓ చెత్త నిర్ణయం తీసుకున్నారు. ఇన్నింగ్స్‌ 8వ ఓవర్‌ చివరి బంతికి కూపర్‌ కన్నోలీ బౌలింగ్‌లో రోహిత్‌ శర్మ ఎల్బీడబ్ల్యూ అయినట్లు ఫీల్డ్‌ అంపైర్‌ ప్రకటించాడు. రోహిత్‌ వికెట్ల ముందు దొరికిపోయినట్లు సుస్పష్టంగా తెలుస్తుంది. ఈ విషయం రోహిత్‌తో పాటు నాన్‌ స్ట్రయికింగ్‌ ఎండ్‌లో ఉన్న విరాట్‌ కోహ్లి కూడా తెలుసు. అయినప్పటికీ రోహిత్‌, కోహ్లితో చర్చించి రివ్యూ వెళ్లడం అభిమానులను విస్మయానికి గురి చేసింది. వికెట్ల ముందు దొరికిపోయినట్లు క్లియర్‌గా తెలుస్తున్నా రోహిత్‌, కోహ్లి రివ్యూకి వెళ్లడమేంటని ఫ్యాన్స్‌ మండిపడుతున్నారు. మ్యాచ్‌లో చాలా దూరం​ ప్రయాణించాల్సి ఉండగా అనవసరంగా రివ్యూ వేస్ట్‌ చేశారని దుమ్మెత్తిపోస్తున్నారు. కాగా, కన్నోలీ సంధించిన ఫుల్‌ లెంగ్త్‌ బంతిని స్వీప్‌ చేయబోయి రోహిత్‌ వికెట్ల ముందు ఈజీగా దొరికిపోయాడు.

ఛాంపియన్స్‌ ట్రోఫీ-2025లో భాగంగా భారత్‌, ఆస్ట్రేలియా జట్లు ఇవాళ (మార్చి 4) తొలి సెమీఫైనల్లో తలపడుతున్నాయి. దుబాయ్‌ వేదికగా జరుగుతున్న ఈ మ్యాచ్‌లో ఆస్ట్రేలియా టాస్‌ గెలిచి తొలుత బ్యాటింగ్‌ చేసింది. స్టీవ్‌ స్మిత్‌ (73), అలెక్స్‌ క్యారీ (61) అర్ద సెంచరీలతో రాణించడంతో ఆసీస్‌ భారత్‌ ముందు ఫైటింగ్‌ టోటల్‌ను ఉంచింది. 49.3 ఓవర్లలో ఆ జట్టు 264 పరుగులకు ఆలౌటైంది. ఆసీస్‌ ఆటగాళ్లలో ట్రవిస్‌ హెడ్‌ 39, కూపర్‌ కన్నోలీ 0, లబూషేన్‌ 29, జోస్‌ ఇంగ్లిస్‌ 11, మ్యాక్స్‌వెల్‌ 7, డ్వార్షుయిస్‌ 19, ఆడమ్‌ జంపా 7, నాథన్‌ ఇల్లిస్‌ 10 పరుగులు చేసి ఔటయ్యారు. భారత బౌలర్లలో మహ్మద్‌ షమీ 3 వికెట్లు పడగొట్టగా.. వరుణ్‌ చక్రవర్తి, రవీంద్ర జడేజా తలో 2, హార్దిక్‌ పాండ్యా, అక్షర్‌ పటేల్‌ చెరో​ వికెట్‌ దక్కించుకున్నారు.ఛేదనలో భారత్‌ ఆదిలోనే రెండు వికెట్లు కోల్పోయి కష్టాల్లో పడింది. ఓపెనర్లు శుభ్‌మన్‌ గిల్‌ 8, రోహిత్‌ శర్మ 28 పరుగులు చేసి ఔటయ్యారు. విరాట్‌ కోహ్లి (26 నాటౌట్‌), శ్రేయస్‌ అయ్యర్‌ (29 నాటౌట్‌) భారత ఇన్నింగ్స్‌ను చక్కదిద్దే ప్రయత్నం చేస్తున్నారు. 19 ఓవర్ల అనంతరం భారత్‌ స్కోర్‌ 93/2గా ఉంది. ఈ మ్యాచ్‌లో భారత్‌ గెలవాలంటే మరో 31 ఓవర్లలో 172 పరుగులు చేయాలి​. చేతిలో 8 వికెట్లు ఉన్నాయి. భారత బ్యాటర్లలో రోహిత్‌ శర్మ వికెట్‌ కూపర్‌ కన్నోలీకి.. గిల్‌ వికెట్‌ డ్వార్షుయిస్‌కు దక్కింది.97 ఏళ్ల చరిత్రలో తొలిసారి ఇలా..!ఈ మ్యాచ్‌లో భారత్‌ ఆసక్తికర రీతిలో జట్టును సమీకరించింది. కేవలం ఒకే ఒక స్పెషలిస్ట్‌ పేసర్‌తో (మహ్మద్‌ షమీ) బరిలోకి దిగింది. 97 ఏళ్ల అంతర్జాతీయ క్రికెట్‌ చరిత్రలో భారత్‌ ఓ ఐసీసీ ఈవెంట్‌ సెమీస్‌ లేదా ఫైనల్స్‌లో ఇలా ఒకే ఒక స్పెషలిస్ట్‌ పేసర్‌తో బరిలోకి దిగడం ఇదే మొదటిసారి.మొత్తంగా ఐసీసీ వన్డే సెమీస్‌ లేదా ఫైనల్స్‌లో ఓ జట్టు ఒకే ఒక స్పెషలిస్ట్‌ పేసర్‌తో బరిలోకి దిగడం ఇదే నాలుగో సారి మాత్రమే. తొలి రెండు సందర్భాలు ఛాంపియన్స్‌ ట్రోఫీ తొలి రెండు ఎడిషన్లలో (1998, 2000) చోటు చేసుకోవడం విశేషం. 1998 ఎడిషన్‌ ఫైనల్లో సౌతాఫ్రికా, 2000 ఎడిషన్‌ సెమీస్‌లో పాకిస్తాన్‌ జట్లు ఇలానే ఒకే ఒక స్పెషలిస్ట్‌ పేసర్‌తో బరిలోకి దిగాయి. మూడో సందర్భం 2011 వన్డే వరల్డ్‌కప్‌ సెమీఫైనల్లో చోటు చేసుకుంది. నాడు శ్రీలంక న్యూజిలాండ్‌పై ఒకే ఒక పేసర్‌ను బరిలోకి దించి విజయం సాధించింది. 14 ఏళ్ల అనంతరం భారత్‌ తిరిగి ఓ ఐసీసీ ఈవెంట్ సెమీస్‌లో ఒకే ఒక పేసర్‌ను బరిలోకి దించి పెద్ద సాహసమే చేసింది.ఐసీసీ ఈవెంట్ల సెమీస్‌ లేదా ఫైనల్స్‌లో ఒకే ఒక పేసర్‌తో బరిలోకి దిగిన జట్లు..సౌతాఫ్రికా (1998 ఛాంపియన్స్‌ ట్రోఫీ ఫైనల్స్‌)- వెస్టిండీస్‌పై గెలుపుపాకిస్తాన్‌ (2000 ఛాంపియన్స్‌ ట్రోఫీ సెమీస్‌)- న్యూజిలాండ్‌ చేతిలో ఓటమిశ్రీలంక (2011 వన్డే వరల్డ్‌కప్‌ సెమీస్‌)- న్యూజిలాండ్‌పై గెలుపుభారత్‌ (2025 ఛాంపియన్స్‌ ట్రోఫీ సెమీస్‌)

టీమిండియా కెప్టెన్‌ రోహిత్‌ శర్మ (Rohit Sharma) ఖాతాలో మరో రికార్డు చేరింది. ఛాంపియన్స్‌ ట్రోఫీ-2025లో (Champions Trophy-2025) భాగంగా ఆస్ట్రేలియాతో ఇవాళ (మార్చి 3) జరుగుతున్న మ్యాచ్‌లో ఓ సిక్సర్‌ బాదిన రోహిత్‌.. ఐసీసీ వన్డే ఈవెంట్లలో అత్యధిక సిక్సర్లు బాదిన ఆటగాడిగా అవతరించాడు. రోహిత్‌ ఐసీసీ వన్డే టోర్నీల్లో ఇప్పటివరకు 42 ఇన్నింగ్స్‌ల్లో 65 సిక్సర్లు బాదాడు. గతంలో ఈ రికార్డు రోహిత్‌, క్రిస్‌ గేల్‌ పేరిట సంయుక్తంగా ఉండేది. గేల్‌ 51 ఇన్నింగ్స్‌ల్లో 64 సిక్సర్లు బాదాడు. ఐసీసీ వన్డే టోర్నీల్లో అత్యధిక సిక్సర్లు బాదిన టాస్‌-5 ఆటగాళ్ల జాబితా ఇలా ఉంది.రోహిత్‌ శర్మ-65 సిక్సర్లు (42 ఇన్నింగ్స్‌లు)క్రిస్‌ గేల్‌-64 (51 ఇన్నింగ్స్‌లు)గ్లెన్‌ మ్యాక్స్‌వెల్‌-49 (30 ఇన్నింగ్స్‌లు)డేవిడ్‌ మిల్లర్‌-45 (30 ఇన్నింగ్స్‌లు)సౌరవ్‌ గంగూలీ-42 (32 ఇన్నింగ్స్‌లు)మ్యాచ్‌ విషయానికొస్తే.. రోహిత్‌ 29 బంతుల్లో 3 బౌండరీలు, ఓ సిక్సర్‌ సాయంతో 28 పరుగులు చేసి ఔటయ్యాడు. ఈ టోర్నీలో రోహిత్‌కు మరోసారి మంచి ఆరంభం లభించినప్పటికీ భారీ స్కోర్‌ చేయలేకపోయాడు. రోహిత్‌ తక్కువ స్కోర్‌కే ఔట్‌ కావడం టీమిండియా విజయావకాశాలను ‍ప్రభావితం చేసే అవకాశం ఉంది. 265 పరుగుల లక్ష్య ఛేదనలో రోహిత్‌ రెండో వికెట్‌గా వెనుదిరిగాడు. అంతకుముందు మరో ఓపెనర్‌ శుభ్‌మన్‌ గిల్‌ కూడా తక్కువ స్కోర్‌కే (8) ఔటయ్యాడు. రోహిత్‌ ఔటయ్యే సమయానికి టీమిండియా స్కోర్‌ 43/2గా ఉంది. విరాట్‌ కోహ్లి (5), శ్రేయస్‌ అయ్యర్‌ (0) క్రీజ్‌లో ఉన్నారు. ఈ మ్యాచ్‌లో టీమిండియా గెలవాలంటే సుదీర్ఘ ప్రయాణం చేయాల్సి ఉంది. రోహిత్‌ శర్మ వికెట్‌ కూపర్‌ కన్నోలీకి.. గిల్‌ వికెట్‌ డ్వార్షుయిస్‌కు దక్కింది.ఈ మ్యాచ్‌లో ఆస్ట్రేలియా టాస్‌ గెలిచి తొలుత బ్యాటింగ్‌ చేసి 49.3 ఓవర్లలో 264 పరుగులకు ఆలౌటైంది. స్టీవ్‌ స్మిత్‌ (73), అలెక్స్‌ క్యారీ (61) అర్ద సెంచరీలు చేసి ఆసీస్‌కు ఫైటింగ్‌ స్కోర్‌ అందించారు. ఆసీస్‌ ఆటగాళ్లలో ట్రవిస్‌ హెడ్‌ 39, కూపర్‌ కన్నోలీ 0, లబూషేన్‌ 29, జోస్‌ ఇంగ్లిస్‌ 11, మ్యాక్స్‌వెల్‌ 7, డ్వార్షుయిస్‌ 19, ఆడమ్‌ జంపా 7, నాథన్‌ ఇల్లిస్‌ 10 పరుగులు చేసి ఔటయ్యారు. భారత బౌలర్లలో మహ్మద్‌ షమీ 3 వికెట్లు పడగొట్టగా.. వరుణ్‌ చక్రవర్తి, రవీంద్ర జడేజా తలో 2, హార్దిక్‌ పాండ్యా, అక్షర్‌ పటేల్‌ చెరో​ వికెట్‌ దక్కించుకున్నారు.

టీమిండియా స్టార్‌ బ్యాటర్‌ విరాట్‌ కోహ్లి (Virat Kohli) అంతర్జాతీయ క్రికెట్‌లో మరో రికార్డు తన పేరిట లిఖించుకున్నాడు. ఈసారి విరాట్‌ బ్యాటర్‌గా కాకుండా ఫీల్డర్‌గా ఓ ప్రత్యేకమైన రికార్డును సొంతం చేసుకున్నాడు. ఛాంపియన్స్‌ ట్రోఫీ-2025లో (Champions Trophy-2025) భాగంగా ఆస్ట్రేలియాతో ఇవాళ (మార్చి 4) జరుగుతున్న మ్యాచ్‌లో జోస్‌ ఇంగ్లిస్ క్యాచ్‌ పట్టుకున్న విరాట్‌.. అంతర్జాతీయ క్రికెట్‌లో భారత్‌ తరఫున అత్యధిక క్యాచ్‌లు పట్టుకున్న ఫీల్డర్‌గా రికార్డు నెలకొల్పాడు. ఇంగ్లిస్‌ క్యాచ్‌కు ముందు ఈ రికార్డు విరాట్‌, రాహుల్‌ ద్రవిడ్‌ (Rahul Dravid) పేరిట సంయుక్తంగా ఉండేది. వీరిద్దరు అంతర్జాతీయ క్రికెట్‌లో చెరి 334 క్యాచ్‌లు పట్టారు. ఇంగ్లిస్‌ క్యాచ్‌తో విరాట్‌ సోలోగా ఈ రికార్డును తన ఖాతాలో వేసుకున్నాడు. విరాట్‌ అంతర్జాతీయ క్రికెట్‌లో (మూడు ఫార్మాట్లు) ఇప్పటివరకు 657 ఇన్నింగ్స్‌ల్లో పాల్గొని 335 క్యాచ్‌లు అందుకోగా.. రాహుల్‌ ద్రవిడ్‌ 571 ఇన్నింగ్స్‌ల్లో 334 క్యాచ్‌లు పట్టాడు. భారత్‌ తరఫున మూడు ఫార్మాట్లలో అత్యధిక క్యాచ్‌లు పట్టుకున్న ఆటగాళ్ల జాబితాలో విరాట్‌, ద్రవిడ్‌ తర్వాత మహ్మద్‌ అజహరుద్దీన్‌ (261), సచిన్‌ టెండూల్కర్‌ (256) ఉన్నారు.ఓవరాల్‌గా చూస్తే.. అంతర్జాతీయ క్రికెట్‌లో అత్యధిక క్యాచ్‌ల రికార్డు మహేళ జయవర్దనే పేరిట ఉంది. జయవర్దనే 768 అంతర్జాతీయ ఇన్నింగ్స్‌ల్లో 440 క్యాచ్‌లు పట్టాడు. ఈ జాబితాలో జయవర్దనే తర్వాత రికీ పాంటింగ్‌ (364), రాస్‌ టేలర్‌ (351) జాక్‌ కల్లిస్‌ (338) ఉన్నారు. విరాట్‌ 335 క్యాచ్‌లతో ఐదో స్థానంలో ఉన్నాడు.భారత్‌-ఆస్ట్రేలియా మ్యాచ్‌ విషయానికొస్తే.. ఛాంపియన్స్‌ ట్రోఫీ-2025లో భాగంగా భారత్‌-ఆస్ట్రేలియా మధ్య ఇవాళ తొలి సెమీఫైనల్ జరుగుతుంది. ఈ మ్యాచ్‌లో ఆస్ట్రేలియా టాస్‌ గెలిచి తొలుత బ్యాటింగ్‌ ఎంచుకుంది. ఆసీస్‌కు ఆదిలోనే షాక్‌ తగిలింది. ఓపెనర్‌ కూపర్‌ కన్నోలిని షమీ డకౌట్‌ చేశాడు. ఆతర్వాత కొద్ది సేపు ట్రవిస్‌ హెడ్‌ మెరుపులు మెరిపించాడు. హెడ్‌ 33 బంతుల్లో 5 ఫోర్లు, 2 సిక్సర్ల సాయంతో 39 పరుగులు చేసి వరుణ్‌ చక్రవర్తి బౌలింగ్‌లో ఔటయ్యాడు. అనంతరం కెప్టెన్‌ స్టీవ్‌ స్మిత్‌, మార్నస్‌ లబూషేన్‌ కొద్ది సేపటి వరకు వికెట్‌ పడకుండా జాగ్రత్తగా ఆడారు. వీరిద్దరూ మూడో వికెట్‌కు 56 పరుగులు జోడించారు. అనంతరం రవీంద్ర జడేజా లబూషేన్‌ను (29) బోల్తా కొట్టించాడు. ఆతర్వాత వచ్చిన జోస్‌ ఇంగ్లిస్‌ (11) కొద్ది సేపే క్రీజ్‌లో నిలబడి రవీంద్ర జడేజా బౌలింగ్‌లో ఔటయ్యాడు. ఇంగ్లిస్‌ తర్వాత బరిలోకి దిగిన అలెక్స్‌ క్యారీ ధాటిగా ఆడుతూ స్కోర్‌ బోర్డును పరుగులు పెట్టాస్తున్నాడు. స్టీవ్‌ స్మిత్‌, క్యారీ ఐదో వికెట్‌కు 50 పరుగుల భాగస్వామ్యాన్ని పూర్తి చేసి ఇన్నింగ్స్‌లు కొనసాగిస్తున్నారు. స్టీవ్‌ స్మిత్‌ 71, క్యారీ 38 పరుగులతో క్రీజ్‌లో ఉన్నారు. 36 ఓవర్ల అనంతరం ఆసీస్‌ స్కోర్‌ 195/4గా ఉంది. భారత బౌలర్లలో రవీంద్ర జడేజా 2, షమీ, వరుణ్‌ చక్రవర్తి తలో వికెట్‌ తీశారు.

భారత్, పాకిస్తాన్‌ మధ్య మ్యాచ్‌లు ఏకపక్షంగా మారిపోయాయి... వేర్వేరు కారణాలతో యాషెస్‌ సమరాలు గత కొన్నేళ్లుగా కళ తప్పాయి... అంతర్జాతీయ క్రికెట్‌లో ఇప్పుడు అన్నింటికంటే ఆసక్తికర పోరు అంటే భారత్, ఆ్రస్టేలియా మధ్య జరిగేదే. ఫార్మాట్‌ ఏదైనా హోరాహోరీ పోరాటాలు, అత్యుత్తమ స్థాయిలో వ్యక్తిగత ప్రదర్శనలు వెరసి ఇరు జట్ల మధ్య మ్యాచ్‌లను ఆకర్షణీయంగా మార్చేశాయి. ఇప్పుడు అభిమానులు ఎదురు చూసినట్లుగా మరోసారి రెండు అగ్రశ్రేణి టీమ్‌ల మధ్య నాకౌట్‌ సమరానికి సర్వం సిద్ధమైంది. ఐసీసీ టోర్నీల్లో ప్రత్యేకంగా నాకౌట్‌ మ్యాచ్‌లలో భారత్, ఆసీస్‌ మధ్య మ్యాచ్‌ ఉండే తీవ్రతే వేరు... వన్డే వరల్డ్‌ కప్‌ ఫైనల్‌ తర్వాత ఈ ఫార్మాట్‌లో ఇరు జట్లు మళ్లీ ఇప్పుడే తలపడబోతున్నాయి. చాంపియన్స్‌ ట్రోఫీ సెమీఫైనల్‌ మ్యాచ్‌కు, వరల్డ్‌ కప్‌ ఫైనల్‌కు మధ్య స్థాయి అంతరం ఎంతో ఉన్నా... ఆసీస్‌ను ఓడించి ఇంటికి పంపిస్తే వచ్చే మజాయే వేరు. ఈ టోర్నీలో లీగ్‌ దశలో ఆడిన మూడు మ్యాచ్‌లలో గెలిచి టీమిండియా అజేయంగా నిలవగా, అగ్రశ్రేణి ఆటగాళ్లు లేకున్నా... ఇంగ్లండ్‌పై ఛేదన ఆసీస్‌ పట్టుదలను చూపించింది. దుబాయ్‌: చాంపియన్స్‌ ట్రోఫీలో లీగ్‌ దశ తర్వాత ఇప్పుడు అత్యంత కీలక మ్యాచ్‌కు రంగం సిద్ధమైంది. దుబాయ్‌ అంతర్జాతీయ స్టేడియంలో నేడు జరిగే తొలి సెమీఫైనల్లో మాజీ చాంపియన్లు భారత్, ఆ్రస్టేలియా తలపడనున్నాయి. వనరులు, ఫామ్‌ను బట్టి చూస్తే రోహిత్‌ బృందానిదే అన్ని రకాలుగా పైచేయిగా కనిపిస్తుండగా, చెప్పుకోదగ్గ బౌలింగ్‌ లేని ఆసీస్‌ పూర్తిగా తమ బ్యాటింగ్‌నే నమ్ముకుంది. భారత్‌ స్పిన్‌ చతుష్టయాన్ని కంగారులు ఎలా ఎదుర్కొంటారనేదే ఆసక్తికరం. అదే జట్టుతో... న్యూజిలాండ్‌తో చివరి లీగ్‌కు ముందు పేసర్‌ హర్షిత్‌ రాణాకు విశ్రాంతినిస్తూ జట్టు స్పిన్నర్‌ వరుణ్‌ చక్రవర్తిని ఎంచుకుంది. తనకు లభించిన ఈ అవకాశాన్ని అద్భుతంగా వాడుకున్న అతను ఐదు వికెట్లతో తన విలువను ప్రదర్శించాడు. ఆసీస్‌ టాప్‌–7 ఆటగాళ్లలో మ్యాక్స్‌వెల్, స్మిత్‌లకు మాత్రమే వరుణ్‌ను ఎదుర్కొన్న అనుభవం ఉంది. స్టీవ్‌ స్మిత్‌ కూడా 2021 తర్వాతి అతని బౌలింగ్‌లో ఆడలేదు. ఆ తర్వాతే వరుణ్‌ తన బౌలింగ్‌ను మెరుగుదిద్దుకొని మరింతగా రాటుదేలాడు. కాబట్టి అతడిని పక్కన పెట్టి మళ్లీ రెండో పేసర్‌ను ఆడించే అవకాశం లేదు. మిగతా ముగ్గురు స్పిన్నర్లు రవీంద్ర జడేజా, అక్షర్‌ పటేల్, కుల్దీప్‌ యాదవ్‌ కూడా ఎంతో ప్రభావం చూపిస్తున్నారు. కాబట్టి ఇక్కడి పిచ్‌పై మన నలుగురు స్పిన్నర్లు మంత్రం బాగా పని చేస్తున్నట్లే. షమీకి తోడుగా హార్దిక్‌ పాండ్యా పేస్‌ బౌలింగ్‌ ఓవర్ల కోటా పూర్తి చేయగలిగితే చాలు. బ్యాటింగ్‌లో టాప్‌–3 గత మ్యాచ్‌లో విఫలమైనా... ఈ కీలక పోరులో చెలరేగిపోగల సత్తా వారికి ఉంది. శ్రేయస్‌ అయ్యర్‌ తన ఫామ్‌ను కొనసాగిస్తుండగా, కేఎల్‌ రాహుల్‌ కూడా రాణించాడు. అయితే రాహుల్‌ తన కీపింగ్‌లో మరింత చురుగ్గా ఉండాల్సిన అవసరం ఉంది. అక్షర్‌ బ్యాటింగ్‌లో అంచనాలకు మించి రాణిస్తుండటం సానుకూలాంశం. పాండ్యా దూకుడైన బ్యాటింగ్‌ చివర్లో భారత్‌కు భారీ స్కోరు అందించగలదు. ఓవరాల్‌గా చూస్తే టీమిండియా దాదాపు ఎలాంటి లోపాలు లేకుండా అన్ని రకాలుగా పటిష్టంగా కనిపిస్తోంది. బ్యాటర్లు రాణిస్తేనే... ముగ్గురు ప్రధాన పేసర్లు స్టార్క్, కమిన్స్, హాజల్‌వుడ్‌ దూరం కావడంతో టోర్నీకి ముందే ఆ్రస్టేలియా విజయావకాశాలు తగ్గిపోయాయి. అయితే ఇంగ్లండ్‌పై 352 పరుగుల లక్ష్యాన్ని అలవోకగా ఛేదించడంతో ఆ జట్టు స్థాయి ఏమిటో కనిపించింది. దక్షిణాఫ్రికాతో మ్యాచ్‌ రద్దు కాగా, అఫ్గానిస్తాన్‌పై కూడా మ్యాచ్‌ ఆగే సమయానికి ఆసీస్‌ విజయం వైపు వెళుతోంది. బ్యాటింగ్‌లో ట్రవిస్‌ హెడ్, ఇన్‌గ్లిస్‌లు దూకుడుగా ఆడగల సమర్థులు కాగా... లబుషేన్, స్మిత్‌ ఇన్నింగ్స్‌ను నడిపించగలరు. మన టీమ్‌పై హెడ్‌ ఆట ఏమిటో కొత్తగా చెపాల్సిన అవసరం లేదు. చివర్లో కేరీ, మ్యాక్స్‌వెల్‌ వేగంగా పరుగులు రాబట్టగలరు. షార్ట్‌ గాయంతో దూరం కావడంతో అతని స్థానంలో వచ్చిన ఆల్‌రౌండర్‌ కూపర్‌ కనోలీ బరిలోకి దిగుతాడు. బ్యాటింగ్‌తో పాటు అతని లెఫ్టార్మ్‌ స్పిన్‌ కూడా కీలకం కానుంది. రెగ్యులర్‌ స్పిన్నర్‌ ఆడమ్‌ జంపా ఒక్కడే కాగా, మ్యాక్స్‌వెల్‌పై అదనపు భారం ఉంది. పిచ్‌ను బట్టి చూస్తే ముగ్గురు పేసర్లుతో ఆసీస్‌ ఆడుతుందా అనేది సందేహమే. డ్వార్‌షూయిస్‌ స్థానంలో మరో స్పిన్నర్‌ తన్వీర్‌ సంఘాను ఎంచుకునే అవకాశం కూడా ఉంది. స్పిన్, అనుభవం లేని పేస్‌తో భారత్‌ను నిలువరించడం అంత సులువు కాదు కాబట్టి అనుభవజ్ఞులైన బ్యాటర్లపై జట్టు ఆధారపడుతోంది. పిచ్, వాతావరణం టోర్నీలో ఇప్పటి వరకు జరిగిన అన్ని మ్యాచ్‌ల తరహాలోనే ఇప్పుడూ నెమ్మదైన పిచ్‌ సిద్ధంగా ఉంది. స్పిన్నర్లు సహజంగానే ప్రభావం చూపిస్తారు. టాస్‌ గెలిచిన జట్టు బ్యాటింగ్‌ ఎంచుకోవడం ఖాయం. తుది జట్ల వివరాలు (అంచనా) భారత్‌: రోహిత్‌ (కెపె్టన్‌), గిల్, కోహ్లి, అయ్యర్, రాహుల్, అక్షర్, పాండ్యా, జడేజా, కుల్దీప్, షమీ, వరుణ్‌. ఆ్రస్టేలియా: స్మిత్‌ (కెప్టెన్‌), హెడ్, ఇన్‌గ్లిస్, లబుõÙన్, కనోలీ, కేరీ, మ్యాక్స్‌వెల్, ఎలిస్, స్పెన్సర్, జంపా, డ్వార్‌షుయిస్‌/సంఘా.

చాంపియన్స్‌ ట్రోఫీ తొలి రెండు మ్యాచ్‌లలో 229, 242 పరుగుల లక్ష్యాలను భారత్‌ అలవోకగా ఛేదించింది. ఈసారి మాత్రం ముందుగా బ్యాటింగ్‌ చేసే అవకాశం వచ్చింది. న్యూజిలాండ్‌ పదునైన బౌలింగ్‌ ముందు భారీ స్కోరు చేయడం కష్టంగా మారింది. టాప్‌–3 బ్యాటర్లు 30 పరుగులకే వెనుదిరగ్గా... చివరకు టీమిండియా 249 పరుగులకే పరిమితమైంది. ఈ స్కోరును నిలబెట్టుకోగలదా అనే సందేహాలు... అయితే మన స్పిన్నర్లు విన్నర్లుగా మారారు... భారత స్పిన్‌ను ఎదుర్కోవడంలో పూర్తిగా తడబడిన కివీస్‌ ఓటమిని ఆహ్వానించింది. చాంపియన్స్‌ ట్రోఫీలో తొలి మ్యాచ్‌ ఆడిన ‘మిస్టరీ స్పిన్నర్‌’ వరుణ్‌ చక్రవర్తి ముందుండి నడిపించగా... కుల్దీప్‌ యాదవ్, రవీంద్ర జడేజా, అక్షర్‌ పటేల్‌ విజయంలో తలా ఓ చేయి వేశారు. ఇక భారత జట్టుకు అసలైన సవాల్‌ మంగళవారం జరిగే తొలి సెమీఫైనల్లో ఆస్ట్రేలియా రూపంలో ఎదురవుతోంది. వన్డే వరల్డ్‌ కప్‌ ఫైనల్‌ తర్వాత ఇరు జట్లు మళ్లీ ఇప్పుడే వన్డే మ్యాచ్‌లో తలపడనుండగా... బుధవారం జరిగే రెండో సెమీఫైనల్లో దక్షిణాఫ్రికాను న్యూజిలాండ్‌ ఎదుర్కొంటుంది. దుబాయ్‌: చాంపియన్స్‌ ట్రోఫీలో భారత్‌ లీగ్‌ దశను అజేయంగా ముగించింది. సెమీఫైనల్‌ స్థానం ఖాయమైపోయిన తర్వాత ఆడిన చివరి లీగ్‌ మ్యాచ్‌లోనూ గెలిచిన టీమిండియా ఆరు పాయింట్లతో గ్రూప్‌ ‘ఎ’ టాపర్‌గా నిలిచి తమ స్థాయిని ప్రదర్శించింది. ఆదివారం జరిగిన పోరులో భారత్‌ 44 పరుగుల తేడాతో న్యూజిలాండ్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన భారత్‌ 50 ఓవర్లలో 9 వికెట్ల నష్టానికి 249 పరుగులు చేసింది. శ్రేయస్‌ అయ్యర్‌ (98 బంతుల్లో 79; 4 ఫోర్లు, 2 సిక్స్‌లు) అర్ధ సెంచరీ సాధించగా... హార్దిక్‌ పాండ్యా (45 బంతుల్లో 45; 4 ఫోర్లు, 2 సిక్స్‌లు), అక్షర్‌ పటేల్‌ (61 బంతుల్లో 42; 3 ఫోర్లు, 1 సిక్స్‌) రాణించారు. అయ్యర్, అక్షర్‌ నాలుగో వికెట్‌కు 22.4 ఓవర్లలో 98 పరుగులు జోడించారు. కివీస్‌ బౌలర్లలో మాట్‌ హెన్రీ (5/42) ఐదు వికెట్లతో భారత్‌ను దెబ్బ తీశాడు. అనంతరం న్యూజిలాండ్‌ 45.3 ఓవర్లలో 205 పరుగులకే ఆలౌటైంది. కేన్‌ విలియమ్సన్‌ (120 బంతుల్లో 81; 7 ఫోర్లు) మినహా అంతా విఫలమయ్యారు. ‘ప్లేయర్‌ ఆఫ్‌ ద మ్యాచ్‌’ వరుణ్‌ చక్రవర్తి (5/42) తన కెరీర్‌లో రెండో వన్డేలోనే ఐదు వికెట్ల ప్రదర్శన నమోదు చేశాడు. మంగళవారం ఇదే మైదానంలో జరిగే తొలి సెమీఫైనల్లో ఆ్రస్టేలియాతో భారత్‌ తలపడుతుంది. గ్రూప్‌ ‘ఎ’లో రెండో స్థానంలో నిలిచిన న్యూజిలాండ్‌ బుధవారం లాహోర్‌లో జరిగే రెండో సెమీఫైనల్లో గ్రూప్‌ ‘బి’ టాపర్‌ దక్షిణాఫ్రికాతో ఆడుతుంది. కీలక భాగస్వామ్యం... హెన్రీ, జేమీసన్‌ స్వింగ్‌ బౌలింగ్‌తో కట్టడి చేయడంతో ఆరంభంలో పరుగులు చేయడంలో భారత బ్యాటర్లు ఇబ్బంది పడ్డారు. ఈ క్రమంలో 15 పరుగుల వ్యవధిలో గిల్‌ (7 బంతుల్లో 2), రోహిత్‌ (17 బంతుల్లో 15; 1 ఫోర్, 1 సిక్స్‌), కోహ్లి (14 బంతుల్లో 11; 2 ఫోర్లు) వెనుదిరిగారు. బ్యాక్‌వర్డ్‌ పాయింట్‌ దిశగా కోహ్లి బలంగా షాట్‌ కొట్టగా... గాల్లోకి ఎగురుతూ గ్లెన్‌ ఫిలిప్స్‌ అత్యద్భుతంగా క్యాచ్‌ అందుకున్న తీరు హైలైట్‌గా నిలిచింది. తన 300వ వన్డేలో తక్కువ స్కోరుకే అవుటై కోహ్లి నిరాశగా మైదానం వీడాడు. 30/3 వద్ద ఇన్నింగ్స్‌ను చక్కదిద్దేందుకు అయ్యర్, అక్షర్‌ ప్రయత్నించారు. క్రీజ్‌లో నిలదొక్కుకునే ప్రయత్నంలో చాలా జాగ్రత్తగా ఆడటంతో ఒక దశలో వరుసగా 51 బంతుల పాటు బౌండరీనే రాలేదు. అయితే ఆ తర్వాత స్కోరు వేగం కాస్త పెరిగింది. రూర్కే ఓవర్లో 3 ఫోర్లు కొట్టి ధాటిని ప్రదర్శించిన అయ్యర్‌ 75 బంతుల్లో అర్ధ సెంచరీ పూర్తి చేసుకున్నాడు. అక్షర్‌ను అవుట్‌ చేసి రచిన్‌ ఈ జోడీని విడదీయగా... 10 పరుగుల వ్యవధిలో అయ్యర్, కేఎల్‌ రాహుల్‌ (29 బంతుల్లో 23; 1 ఫోర్‌) పెవిలియన్‌ చేరారు. జడేజా (20 బంతుల్లో 16; 1 ఫోర్‌) కూడా ఎక్కువ సేపు నిలవలేదు. అయితే చివర్లో పాండ్యా మెరుపు బ్యాటింగ్‌తో భారత్‌ 250 పరుగులకు చేరువగా రాగలిగింది. జేమీసన్‌ ఓవర్లో పాండ్యా వరుసగా 4, 4, 6 బాదాడు. భారత్‌ ఈ మ్యాచ్‌లో ఒక మార్పుతో బరిలోకి దిగింది. పేసర్‌ హర్షిత్‌ రాణాకు విశ్రాంతినిస్తూ స్పిన్నర్‌ వరుణ్‌ చక్రవర్తిని జట్టులోకి తీసుకుంది. విలియమ్సన్‌ మినహా... ఛేదనలో కివీస్‌కు సరైన ఆరంభం లభించలేదు. అక్షర్‌ చక్కటి క్యాచ్‌తో రచిన్‌ రవీంద్ర (12 బంతుల్లో 6)ను అవుట్‌ చేయడంతో భారత్‌కు తొలి వికెట్‌ లభించింది. ఆ తర్వాత కూడా న్యూజిలాండ్‌ ఇన్నింగ్స్‌లో ఒక్కటి కూడా చెప్పుకోదగ్గ భాగస్వామ్యం లేకపోయింది. ఒకవైపు విలియమ్సన్‌ పట్టుదలగా నిలబడినా... మరో ఎండ్‌లో బ్యాటర్లంతా వరుస కట్టి పెవిలియన్‌ చేరారు. భారత స్పిన్నర్ల బంతులను అర్థం చేసుకోలేక వరుసగా నలుగురు బ్యాటర్లు ఎల్బీడబ్ల్యూగా పెవిలియన్‌ చేరడం విశేషం. మిచెల్‌ (35 బంతుల్లో 17; 1 ఫోర్‌), లాథమ్‌ (20 బంతుల్లో 14), ఫిలిప్స్‌ (8 బంతుల్లో 12; 1 సిక్స్‌), బ్రేస్‌వెల్‌ (3 బంతుల్లో 2) విఫలం కాగా... మరో ఎండ్‌లో 77 బంతుల్లో విలియమ్సన్‌ హాఫ్‌ సెంచరీ పూర్తయింది. 40 ఓవర్లలో కివీస్‌ స్కోరు 165/6. మరో 60 బంతుల్లో 85 పరుగులు చేయాలి. చేయాల్సిన రన్‌రేట్‌ పెరిగి పోతుండగా ఒత్తిడిలో భారీ షాట్‌కు ప్రయత్నించి విలియమ్సన్‌ అక్షర్‌ బౌలింగ్‌లో ముందుకొచ్చి ఆడబోయి స్టంపౌట్‌గా వెనుదిరిగాడు. అంతకుముందు వ్యక్తిగత స్కోర్లు 1, 32, 68 వద్ద రాహుల్‌ (రెండు), వరుణ్‌ క్యాచ్‌లు వదిలేయడంతో విలియమ్సన్‌ బతికిపోయాడు. మాజీ కెప్టెన్‌ అవుటవ్వడంతో కివీస్‌ గెలుపుపై ఆశలు వదిలేసుకుంది. చివర్లో కెపె్టన్‌ మైకేల్‌ సాంట్నర్‌ (31 బంతుల్లో 28; 1 ఫోర్, 2 సిక్స్‌లు) పోరాడినా లాభం లేకపోయింది. 54 పరుగుల తేడాతో ఆ జట్టు చివరి 6 వికెట్లు కోల్పోయింది. స్కోరు వివరాలు భారత్‌ ఇన్నింగ్స్‌: రోహిత్‌ (సి) యంగ్‌ (బి) జేమీసన్‌ 15; గిల్‌ (ఎల్బీ) (బి) హెన్రీ 2; కోహ్లి (సి) ఫిలిప్స్‌ (బి) హెన్రీ 11; అయ్యర్‌ (సి) యంగ్‌ (బి) రూర్కే 79; అక్షర్‌ (సి) విలియమ్సన్‌ (బి) రచిన్‌ 42; రాహుల్‌ (సి) లాథమ్‌ (బి) సాంట్నర్‌ 23; పాండ్యా (సి) రచిన్‌ (బి) హెన్రీ 45; జడేజా (సి) విలియమ్సన్‌ (బి) హెన్రీ 16; షమీ (సి) ఫిలిప్స్‌ (బి) హెన్రీ 5; కుల్దీప్‌ (నాటౌట్‌) 1; ఎక్స్‌ట్రాలు 10; మొత్తం (50 ఓవర్లలో 9 వికెట్లకు) 249. వికెట్ల పతనం: 1–15, 2–22, 3–30, 4–128, 5–172, 6–182, 7–223, 8–246, 9–249. బౌలింగ్‌: హెన్రీ 8–0–42–5, జేమీసన్‌ 8–0–31–1, రూర్కే 9–0–47–1, సాంట్నర్‌ 10–1–41–1, బ్రేస్‌వెల్‌ 9–0–56–0, రచిన్‌ 6–0–31–1. న్యూజిలాండ్‌ ఇన్నింగ్స్‌: యంగ్‌ (బి) వరుణ్‌ 22; రచిన్‌ (సి) అక్షర్‌ (బి) పాండ్యా 6; విలియమ్సన్‌ (స్టంప్డ్‌) రాహుల్‌ (బి) అక్షర్‌ 81; మిచెల్‌ (ఎల్బీ) (బి) కుల్దీప్‌ 17; లాథమ్‌ (ఎల్బీ) (బి) జడేజా 14; ఫిలిప్స్‌ (ఎల్బీ) (బి) వరుణ్‌ 12; బ్రేస్‌వెల్‌ (ఎల్బీ) (బి) వరుణ్‌ 2; సాంట్నర్‌ (బి) వరుణ్‌ 28; హెన్రీ (సి) కోహ్లి (బి) వరుణ్‌ 2; జేమీసన్‌ (నాటౌట్‌) 9; రూర్కే (బి) కుల్దీప్‌ 1; ఎక్స్‌ట్రాలు 11; మొత్తం (45.3 ఓవర్లలో ఆలౌట్‌) 205. వికెట్ల పతనం: 1–17, 2–49, 3–93, 4–133, 5–151, 6–159, 7–169, 8–195, 9–196, 10–205. బౌలింగ్‌: షమీ 4–0–15–0, పాండ్యా 4–0–22–1, అక్షర్‌ 10–0–32–1, వరుణ్‌ 10–0–42–5, కుల్దీప్‌ 9.3–0–56–2, జడేజా 8–0–36–1.

ఛాంపియన్స్‌ ట్రోఫీ-2025 సెమీఫైనల్లో ఏయే జట్లు తలపడబోతున్నాయో తేలిపోయింది. ఇవాళ (మార్చి 2) జరిగిన మ్యాచ్‌లో న్యూజిలాండ్‌పై విజయంతో భారత్‌ గ్రూప్‌-ఏ టాపర్‌గా నిలిచింది. తద్వారా సెమీస్‌లో గ్రూప్‌-బిలో సెకెండ్‌ ప్లేస్‌లో నిలిచిన ఆస్ట్రేలియాతో అమీతుమీకి సిద్దమైంది. భారత్‌, ఆస్ట్రేలియా వన్డే ఫార్మాట్‌లో చివరిసారిగా 2023 వన్డే వరల్డ్‌కప్‌ ఫైనల్లో తలపడ్డాయి. నాటి మ్యాచ్‌లో ఆసీస్‌ భారత్‌ను ఓడించి జగజ్జేతగా నిలిచింది. దాదాపుగా ఏడాదిన్నర తర్వాత భారత్‌కు ఆసీస్‌పై ప్రతీకారం తీర్చుకునే అవకాశం వచ్చింది. ఈ అవకాశాన్ని టీమిండియా సద్వినియోగం చేసుకుంటుందో లేదో వేచి చూడాలి. భారత్‌, ఆస్ట్రేలియా మధ్య తొలి సెమీఫైనల్‌ మార్చి 4న దుబాయ్‌ వేదికగా జరుగనుంది.నేటి మ్యాచ్‌లో ఫలితంతో రెండో సెమీస్‌లో ఎవరెవరు తలపడబోతున్నారో కూడా తేలిపోయింది. భారత్‌ చేతిలో ఓటమితో న్యూజిలాండ్‌ గ్రూప్‌-ఏలో రెండో స్థానంలో నిలిచింది. తద్వారా గ్రూప్‌-బి టాపర్‌ అయిన సౌతాఫ్రికాను రెండో సెమీస్‌లో ఢీకొంటుంది. ఈ మ్యాచ్‌ లాహోర్‌ వేదికగా మార్చి 5న జరుగుతుంది. అనంతరం రెండు సెమీఫైనల్స్‌లో విజేతలు మార్చి 9న జరిగే ఫైనల్లో అమీతుమీ తేల్చుకుంటాయి. తొలి సెమీస్‌లో ఆసీస్‌ను ఓడించి టీమిండియా ఫైనల్‌కు చేరితే దుబాయ్‌ వేదికగా అంతిమ సమరం జరుగుతుంది. ఒకవేళ సెమీస్‌లో టీమిండియా ఆసీస్‌ చేతిలో ఓడితే లాహోర్‌ ఫైనల్‌ మ్యాచ్‌కు వేదికవుతుంది.హ్యాట్రిక్‌ విజయాలుభారత్‌ గ్రూప్‌-ఏలో హ్యాట్రిక్‌ విజయాలు సాధించి అజేయ జట్టుగా సెమీస్‌కు చేరింది. తొలి మ్యాచ్‌లో బంగ్లాదేశ్‌ను ఓడించిన టీమిండియా.. రెండో మ్యాచ్‌లో చిరకాల ప్రత్యర్థి పాకిస్తాన్‌ను మట్టికరిపించింది. చివరిగా ఇవాళ జరిగిన మ్యాచ్‌లో భారత్‌ న్యూజిలాండ్‌పై ఘన విజయం​ సాధించింది. మరోవైపు ఆస్ట్రేలియా ఈ టోర్నీలో ఒకే ఒక మ్యాచ్‌లో విజయం​ సాధించినప్పటికీ సెమీస్‌కు అర్హత సాధించింది. గ్రూప్‌ దశలో ఆఫ్ఘనిస్తాన్‌, సౌతాఫ్రికా మ్యాచ్‌లు వర్షం కారణంగా రద్దు కాగా.. ఆసీస్‌ ఇంగ్లండ్‌పై మాత్రమే గెలుపొందింది. 44 పరుగుల తేడాతో కివీస్‌ను చిత్తు చేసిన టీమిండియాగ్రూప్‌-ఏలో భాగంగా ఇవాళ జరిగిన చివరి మ్యాచ్‌లో న్యూజిలాండ్‌పై భారత్‌ 44 పరుగుల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత ఓవర్లలో 9 వికెట్ల నష్టానికి 249 పరుగులు చేయగా.. ఛేదనలో తడబడిన న్యూజిలాండ్‌ 45.3 ఓవర్లలో 205 పరుగులకు ఆలౌటైంది. వరుణ్‌ చక్రవర్తి ఐదు వికెట్లు తీసి న్యూజిలాండ్‌ పతనాన్ని శాశించాడు. కేన్‌ విలియమ్సన్‌ (81) న్యూజిలాండ్‌ను గెలిపించేందుకు విఫలయత్నం చేశాడు.

ఛాంపియన్స్‌ ట్రోఫీ-2025లో టీమిండియా హ్యాట్రిక్‌ విజయాలు నమోదు చేసింది. గ్రూప్‌-ఏలో భాగంగా న్యూజిలాండ్‌తో ఇవాళ (మార్చి 2) జరిగిన మ్యాచ్‌లో భారత్‌ 44 పరుగుల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత ఓవర్లలో 9 వికెట్ల నష్టానికి 249 పరుగులు చేయగా.. ఛేదనలో తడబడిన న్యూజిలాండ్‌ 45.3 ఓవర్లలో 205 పరుగులకు ఆలౌటైంది. వరుణ్‌ చక్రవర్తి ఐదు వికెట్లు తీసి న్యూజిలాండ్‌ పతనాన్ని శాశించాడు. కేన్‌ విలియమ్సన్‌ (81) న్యూజిలాండ్‌ను గెలిపించేందుకు విఫలయత్నం చేశాడు. ఈ గెలుపు అనంతరం భారత్‌ గ్రూప్‌-ఏ టాపర్‌గా నిలిచింది. తద్వారా సెమీస్‌లో గ్రూప్‌-బిలో రెండో స్థానంలో నిలిచిన ఆస్ట్రేలియాతో తలపడతుంది. మార్చి 4న ఈ మ్యాచ్‌ జరుగనుంది. అనంతరం మార్చి 5న జరిగే రెండో సెమీఫైనల్లో గ్రూప్‌-ఏలో రెండో స్థానంలో నిలిచిన న్యూజిలాండ్‌.. గ్రూప్‌-బి టాపర్‌ సౌతాఫ్రికాను ఢీకొట్టనుంది.రాణించిన శ్రేయస్‌, హార్దిక్‌, అక్షర్‌తొలుత బ్యాటింగ్‌ చేసిన భారత్‌.. శ్రేయస్‌ అయ్యర్‌ (79), అక్షర్‌ పటేల్‌ (42), హార్దిక్‌ పాండ్యా (45) రాణించడంతో గౌరవప్రదమైన స్కోర్‌ చేయగలిగింది. ఈ మ్యాచ్‌లో భారత టాప్‌-3 బ్యాటర్లు రోహిత్‌ శర్మ (15), శుభ్‌మన్‌ గిల్‌ (2), విరాట్‌ కోహ్లి (11) విఫలమయ్యారు. మధ్యలో కేఎల్‌ రాహుల్‌ (23) కాసేపు నిలకడగా ఆడాడు. ఆఖర్లో రవీంద్ర జడేజా 16, షమీ 5 పరుగులకు ఔటయ్యారు. న్యూజిలాండ్‌ బౌలర్లలో జేమీసన్‌ ఐదు వికెట్లు తీసి టీమిండియాను దెబ్బకొట్టాడు. విలియమ్‌ రూర్కీ, మిచెల్‌ సాంట్నర్‌, రచిన్‌ రవీంద్ర తలో వికెట్‌ తీశారు.ఐదేసిన వరుణ్‌250 పరుగుల లక్ష్యాన్ని ఛేదించేందుకు బరిలోకి దిగిన న్యూజిలాండ్‌.. భారత బౌలర్లు మూకుమ్మడిగా దాడి చేయడంతో లక్ష్యానికి 45 పరుగుల దూరంలో నిలిచిపోయింది. కెరీర్‌లో రెండో వన్డే ఆడుతున్న వరుణ్‌ ఐదు వికెట్లు తీసి న్యూజిలాండ్‌ పతనాన్ని శాశించాడు. కుల్దీప్‌ 2, హార్దిక్‌ పాండ్యా, అక్షర్‌ పటేల్‌, రవీంద్ర జడేజా తలో వికెట్‌ తీసి భారత్‌ గెలుపులో తమవంతు పాత్ర పోషించారు. వీరందరూ చెలరేగడంతో భారత్‌ 250 పరుగుల లక్ష్యాన్ని విజయవంతంగా కాపాడుకుంది. ఓ పక్క క్రమం తప్పకుండా వికెట్లు పడుతున్నా న్యూజిలాండ్‌ను గెలిపించేందుకు విలియమ్సన్‌ విఫలయత్నం చేశాడు. అయితే అతనికి సహచరుల నుంచి ఎలాంటి సహకారం లభించలేదు. న్యూజిలాండ్‌ ఇన్నింగ్స్‌లో విల్‌ యంగ్‌ 22, రచిన్‌ రవీంద్ర 6, డారిల్‌ మిచెల్‌ 17, టామ్‌ లాథమ్‌ 14, గ్లెన్‌ ఫిలిప్స్‌ 12, బ్రేస్‌వెల్‌ 2, మ్యాట్‌ హెన్రీ 2, విలియమ్‌ ఓరూర్కీ 1 పరుగు చేశారు. ఆఖర్లో మిచెల్‌ సాంట్నర్‌ (28) బ్యాట్‌ ఝులిపించినా అప్పటికే జరగాల్సిన నష్టం​ జరిగిపోయింది.

ఛాంపియన్స్‌ ట్రోఫీ-2025లో భాగంగా భారత్‌, న్యూజిలాండ్‌ జట్లు ఇవాళ (మార్చి 2) తలపడుతున్నాయి. దుబాయ్‌ వేదికగా జరుగుతున్న ఈ మ్యాచ్‌లో న్యూజిలాండ్‌ పేసర్‌ మ్యాట్‌ హెన్రీ చెలరేగిపోయాడు. ఐదు వికెట్ల ప్రదర్శనతో సత్తా చాటాడు. తద్వారా ఛాంపియన్స్‌ ట్రోఫీలో భారత్‌పై ఐదు వికెట్లు తీసిన తొలి బౌలర్‌గా రికార్డు నెలకొల్పాడు. అలాగే ఈ మెగా టోర్నీలో భారత్‌పై అత్యుత్తమ బౌలింగ్‌ గణాంకాలు (8-0-42-5) నమోదు చేసిన కివీస్‌ బౌలర్‌గానూ రికార్డుల్లోకెక్కాడు.ఛాంపియన్స్‌ ట్రోఫీలో భారత్‌పై అత్యుత్తమ గణాంకాలు5/42 - మాట్ హెన్రీ, 20254/25 - నవీద్-ఉల్-హసన్, 20044/36 - షోయబ్ అక్తర్, 20044/62 - డగ్లస్ హోండో, 2002ఈ మ్యాచ్‌లో హెన్రీ కీలకమైన శుభ్‌మన్‌ గిల్‌, విరాట్‌ కోహ్లి, హార్దిక్‌ పాండ్యా వికెట్లతో పాటు రవీంద్ర జడేజా, మహ్మద్‌ షమీ వికెట్లు తీశాడు. స్కోర్‌ 15 పరుగుల వద్ద ఉండగానే గిల్‌ను ఔట్‌ చేసిన హెన్రీ భారత్‌ను తొలి దెబ్బ తీశాడు. అనంతరం గత మ్యాచ్‌ సెంచరీ హీరో విరాట్‌ను ఔట్‌ చేసి టీమిండియా కష్టాలను మరింత అధికం చేశాడు. ఇన్నింగ్స్‌ చివర్లో ధాటిగా ఆడుతున్న హార్దిక్‌ను ఔట్‌ చేసి భారత్‌ భారీ స్కోర్‌ చేయకుండా కళ్లెం వేశాడు. ఒక్కో పరుగు కీలకమైన తరుణంలో స్ట్రయిక్‌ రొటేట్‌ చేస్తున్న రవీంద్ర జడేజాను ఔట్‌ చేశాడు. చివరిగా షమీని ఔట్‌ చేసి కెరీర్‌లో మూడో ఐదు వికెట్ల ఘనతను నమోదు చేశాడు.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌ చేసిన భారత్‌.. మ్యాట్‌ హెన్రీ చెలరేగడంతో నిర్ణీత 50 ఓవర్లలో 9 వికెట్ల నష్టానికి 249 పరుగులు మాత్రమే చేయగలిగింది. భారత ఇన్నింగ్స్‌లో శ్రేయస్‌ అయ్యర్‌ (79), అక్షర్‌ పటేల్‌ (42), హార్దిక్‌ పాండ్యా (45) మాత్రమే రాణించారు. భారత టాప్‌-3 బ్యాటర్లు విఫలమయ్యారు. రోహిత్‌ శర్మ 15, శుభ్‌మన్‌ గిల్‌ 2, విరాట్‌ కోహ్లి 11 పరుగులు చేశారు. మధ్యలో కేఎల్‌ రాహుల్‌ (23) కాసేపు నిలకడగా ఆడాడు. ఆఖర్లో రవీంద్ర జడేజా 16, షమీ 5 పరుగులకు ఔటయ్యారు. న్యూజిలాండ్‌ బౌలర్లలో జేమీసన్‌, విలియమ్‌ రూర్కీ, మిచెల్‌ సాంట్నర్‌, రచిన్‌ రవీంద్ర తలో వికెట్‌ తీశారు.అనంతరం 250 పరుగుల లక్ష్యాన్ని ఛేదించేందుకు బరిలోకి దిగిన న్యూజిలాండ్‌ క్రమం తప్పకుండా వికెట్లు కోల్పోతూ కష్టాల్లో ఉంది. ఆ జట్టు 37 ఓవర్ల అనంతరం సగం​ వికెట్లు కోల్పోయి 159 పరుగులు మాత్రమే చేయగలిగింది. ఈ మ్యాచ్‌లో న్యూజిలాండ్‌ గెలవాలంటే 78 బంతుల్లో 91 పరుగులు చేయాలి. చేతిలో 5 వికెట్లు మాత్రమే ఉన్నాయి. కేన్‌ విలియమ్సన్‌ (76) క్రీజ్‌లో పాతుకుపోయాడు. భారత బౌలర్లలో వరుణ్‌ చక్రవర్తి 2, హార్దిక్‌ పాండ్యా, కుల్దీప్‌ యాదవ్‌, రవీంద్ర జడేజా తలో వికెట్‌ తీశారు. న్యూజిలాండ్‌ ఇన్నింగ్స్‌లో విల్‌ యంగ్‌ 22, రచిన్‌ రవీంద్ర 6, డారిల్‌ మిచెల్‌ 17, టామ్‌ లాథమ్‌ 14, గ్లెన్‌ ఫిలిప్స్‌ 12 పరుగులు చేసి ఔటయ్యారు. విలియమ్సన్‌కు జతగా బ్రేస్‌వెల్‌ క్రీజ్‌లో ఉన్నాడు.

ఛాంపియన్స్‌ ట్రోఫీ-2025లో పాల్గొంటున్న భారత క్రికెట్‌ జట్టుకు మేనేజర్‌గా వ్యవహరిస్తున్న ఆర్ దేవరాజ్ ఇంట తీవ్ర విషాదం నెలకొంది. దేవరాజ్‌ తల్లి కమలేశ్వరి ఇవాళ (మార్చి 2) ఉదయం మృతి చెంచారు. దీంతో దేవరాజ్‌ భారత బృందాన్ని వదిలి హైదరాబాద్‌కు బయల్దేరారు. దేవరాజ్‌ తిరిగి టీమిండియాతో కలుస్తారా లేదా అన్నది అస్పష్టంగా ఉంది. మంగళవారం జరిగే సెమీఫైనల్‌ ఫలితంపై ఈ విషయం ఆధారపడి ఉంటుంది. దేవరాజ్ ప్రస్తుతం హైదరాబాద్ క్రికెట్ అసోసియేషన్ (HCA) కార్యదర్శిగా వ్యవహరిస్తున్నారు. దేవరాజ్‌ తల్లి మృతి పట్ల హెచ్‌సీఏ సంతాపం వ్యక్తం చేసింది. ఆమె ఆత్మకు శాంతి చేకూరాలని ఓ ప్రకటనలో తెలిపింది. దేవరాజ్‌ ఇటీవలే టీమిండియా మేనేజర్‌ ఎంపికయ్యారు.ఇదిలా ఉంటే, టీమిండియా ప్రస్తుతం దుబాయ్‌ ఇంటర్నేషనల్‌ స్టేడియంలో న్యూజిలాండ్‌తో తలపడుతుంది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. మ్యాట్‌ హెన్రీ (8-0-42-5) చెలరేగడంతో నిర్ణీత 50 ఓవర్లలో 9 వికెట్ల నష్టానికి 249 పరుగులు మాత్రమే చేయగలిగింది. భారత ఇన్నింగ్స్‌లో శ్రేయస్‌ అయ్యర్‌ (79), అక్షర్‌ పటేల్‌ (42), హార్దిక్‌ పాండ్యా (45) మాత్రమే రాణించారు. భారత టాప్‌-3 బ్యాటర్లు విఫలమయ్యారు. రోహిత్‌ శర్మ 15, శుభ్‌మన్‌ గిల్‌ 2, విరాట్‌ కోహ్లి 11 పరుగులు చేశారు. మధ్యలో కేఎల్‌ రాహుల్‌ (23) కాసేపు నిలకడగా ఆడాడు. ఆఖర్లో రవీంద్ర జడేజా 16, షమీ 5 పరుగులకు ఔటయ్యారు. న్యూజిలాండ్‌ బౌలర్లలో జేమీసన్‌, విలియమ్‌ రూర్కీ, మిచెల్‌ సాంట్నర్‌, రచిన్‌ రవీంద్ర తలో వికెట్‌ తీశారు.కాగా, గ్రూప్‌-ఏలో భారత్‌, న్యూజిలాండ్‌ ఇదివరకే సెమీస్‌కు చేరడంతో ఈ మ్యాచ్‌ నామమాత్రంగా జరుగుతుంది. గ్రూప్‌-బి నుంచి ఆస్ట్రేలియా, సౌతాఫ్రికా సెమీస్‌కు చేరాయి. ఈ మ్యాచ్‌ ఫలితంతో భారత్‌ సెమీస్‌లో ఏ జట్టును ఢీకొట్టబోతుందో తెలుస్తుంది. ఒకవేళ ఈ మ్యాచ్‌లో టీమిండియా ఓడితే సెమీస్‌లో సౌతాఫ్రికాతో తలపడుతుంది. అదే గెలిస్తే ఆస్ట్రేలియాను ఢీకొట్టాల్సి ఉంటుంది.

టీమిండియా స్టార్‌ ఆటగాడు విరాట్‌ కోహ్లి (Virat Kohli) ఖాతాలో మరో వరల్డ్‌ రికార్డు (World Record) చేరింది. ఛాంపియన్స్‌ ట్రోఫీ-2025లో (Champions Trophy-2025) భాగంగా న్యూజిలాండ్‌తో జరుగుతున్న మ్యాచ్‌తో 300 వన్డేల మైలురాయిని తాకిన విరాట్‌.. అంతర్జాతీయ క్రికెట్‌లో 300 వన్డేలు, 100కు పైగా టెస్ట్‌లు, 100కు పైగా టీ20లు ఆడిన ఏకైక క్రికెటర్‌గా చరిత్ర సృష్టించాడు. ప్రపంచంలో ఏ ఇతర క్రికెటర్‌ ఈ ఘనత సాధించలేదు. విరాట్‌ ఇప్పటివరకు 300 వన్డేలు, 123 టెస్ట్‌లు, 125 టీ20లు ఆడాడు. భారత్‌ తరఫున 300 వన్డేలు ఆడిన ఏడో క్రికెటర్‌గా, ఓవరాల్‌గా 22వ ఆటగాడిగానూ విరాట్‌ రికార్డుల్లోకెక్కాడు. విరాట్‌కు ముందు సచిన్‌ టెండూల్కర్‌ (463), ఎంఎస్‌ ధోని (350), రాహుల్‌ ద్రవిడ్‌ (344), మహ్మద్‌ అజారుద్దీన్‌ (334), సౌరవ్‌ గంగూలీ (311), యువరాజ్‌ సింగ్‌ (304) భారత్‌ తరఫున 300 వన్డేల మైలురాయిని తాకారు.కాగా, విరాట్‌ తన 300 వన్డేలో కేవలం 11 పరుగులకే ఔటై నిరాశపరిచాడు. గ్లెన్‌ ఫిలిప్స్‌ నమ్మశక్యం కాని క్యాచ్‌తో విరాట్‌ను పెవిలియన్‌కు పంపాడు. గత మ్యాచ్‌లో విరాట్‌ పాకిస్తాన్‌పై సూపర్‌ సెంచరీ చేసిన విషయం తెలిసిందే. ఈ మ్యాచ్‌లో విరాట్‌ 52 పరుగులు చేసుంటే ఛాంపియన్స్‌ ట్రోఫీలో అత్యధిక పరుగులు చేసిన భారత బ్యాటర్‌గా రికార్డుల్లోకెక్కేవాడు. ఈ రికార్డు శిఖర్‌ ధవన్‌ పేరిట ఉంది. ధవన్‌ ఛాంపియన్స్‌ ట్రోఫీలో 13 మ్యాచ్‌లు ఆడి 701 పరుగులు చేశాడు. ప్రస్తుతం (ఈ మ్యాచ్‌తో కలుపుకుని) విరాట్‌ ఖాతాలో 662 పరుగులు ఉన్నాయి (ఛాంపియన్స్‌ ట్రోఫీలో).ఓవరాల్‌గా విరాట్‌ వన్డేల్లో అత్యధిక పరుగులు చేసిన ఆటగాళ్ల జాబితాలో మూడో స్థానంలో కొనసాగుతున్నాడు. వన్డేల్లో సచిన్‌ (18426), సంగక్కర (14234) మత్రమే విరాట్‌ కంటే ఎక్కువ పరుగులు చేశారు. విరాట్‌ ఇప్పటివరకు 288 ఇన్నింగ్స్‌లు ఆడి 14096 పరుగులు చేశాడు. విరాట్‌ ఇటీవలే వన్డేల్లో అత్యంత వేగంగా 14000 పరుగులు పూర్తి చేసిన ఆటగాడిగా రికార్డు నెలకొల్పాడు. పాక్‌పై సెంచరీతో వన్డేల్లో విరాట్‌ సెంచరీల సంఖ్య 51కి చేరింది. ప్రపంచ క్రికెట్‌లో ఇన్ని సెంచరీలు (50కిపైగా) ఎవరూ చేయలేదు.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌ చేసిన భారత్‌.. మ్యాట్‌ హెన్రీ (8-0-42-5) ఐదేయడంతో నిర్ణీత ఓవర్లలో 9 వికెట్ల నష్టానికి 249 పరుగులు మాత్రమే చేయగలిగింది. భారత ఇన్నింగ్స్‌లో శ్రేయస్‌ అయ్యర్‌ (79), అక్షర్‌ పటేల్‌ (42), హార్దిక్‌ పాండ్యా (45) రాణించారు. భారత టాప్‌-3 బ్యాటర్లు విఫలమయ్యారు. రోహిత్‌ శర్మ 15, శుభ్‌మన్‌ గిల్‌ 2, విరాట్‌ కోహ్లి 11 పరుగులు చేశారు. అక్షర్‌ పటేల్‌ ఔటయ్యాక కేఎల్‌ రాహుల్‌ (23) శ్రేయస్‌తో కలిసి కాసేపు నిలకడగా ఆడాడు. ఆఖర్లో రవీంద్ర జడేజా 16, షమీ 5 పరుగులకు ఔటయ్యారు. న్యూజిలాండ్‌ బౌలర్లలో జేమీసన్‌, విలియమ్‌ రూర్కీ, మిచెల్‌ సాంట్నర్‌, రచిన్‌ రవీంద్ర తలో వికెట్‌ తీశారు.కాగా, గ్రూప్‌-ఏలో భారత్‌, న్యూజిలాండ్‌ ఇదివరకే సెమీస్‌కు చేరడంతో ఈ మ్యాచ్‌ నామమాత్రంగా జరుగుతుంది. గ్రూప్‌-బి నుంచి ఆస్ట్రేలియా, సౌతాఫ్రికా సెమీస్‌కు చేరాయి. ఈ మ్యాచ్‌ ఫలితంతో భారత్‌ సెమీస్‌లో ఏ జట్టును ఢీకొట్టబోతుందో తెలుస్తుంది. ఒకవేళ ఈ మ్యాచ్‌లో టీమిండియా ఓడితే సెమీస్‌లో సౌతాఫ్రికాతో తలపడుతుంది. గెలిస్తే ఆస్ట్రేలియాను ఢీకొట్టాల్సి ఉంటుంది.

ఛాంపియన్స్‌ ట్రోఫీ-2025లో భాగంగా న్యూజిలాండ్‌తో ఇవాళ (మార్చి 2) జరుగతున్న మ్యాచ్‌లో కివీస్‌ ఆటగాళ్లు మైదానంలో పాదరసంలా కదిలారు. పరుగులు నియంత్రించడంతో పాటు పలు అద్భుతమైన క్యాచ్‌లు పట్టారు. కివీస్‌ స్టార్‌ ఫీల్డర్‌ గ్లెన్‌ ఫిలిప్స్‌ పట్టిన ఓ క్యాచ్‌ మ్యాచ్‌ మొత్తానికే హైలైట్‌గా నిలిచింది. కెరీర్‌లో 300వ వన్డే ఆడుతున్న విరాట్‌ కోహ్లిని ఫిలిప్స్‌ కళ్లు చెదిరే క్యాచ్‌తో పెవిలియన్‌ బాట పట్టించాడు. View this post on Instagram A post shared by ICC (@icc)కోహ్లి బ్యాక్‌వర్డ్‌ పాయింట్‌ దిశగా ఆడిన షాట్‌ను ఫిలిప్స్‌ నమ్మశకంకాని క్యాచ్‌గా మలిచాడు. కుడివైపు గాల్లోకి ఎగిరి ఒంటిచేత్తో సూపర్‌ మ్యాన్‌ క్యాచ్‌ అందుకున్నాడు. కోహ్లి ఆడిన షాట్‌కు ఫిలిప్స్‌ సెకెన్ల వ్యవధిలో రియాక్టయ్యాడు. ఈ క్యాచ్‌ను చూసి కోహ్లి సహా మైదానంలో ఉన్న వారంతా నివ్వెరపోయారు. కోహ్లి సతీమణి అనుష్క అయితే తలపట్టుకుంది. ఈ క్యాచ్‌కు సంబంధించిన వీడియో ప్రస్తుతం నెట్టింట వైరలవుతుంది. ఈ మ్యాచ్‌లో మరో అద్భుతమైన క్యాచ్‌ కూడా నమోదైంది. రవీంద్ర జడేజాను కేన్‌ విలియమ్సన్‌ సూపర్‌ క్యాచ్‌తో పెవిలియన్‌కు పంపాడు. దీనికి సంబంధించిన వీడియో కూడా సోషల్‌మీడియాలో వైరలవుతుంది.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌ చేసిన భారత్‌.. మ్యాట్‌ హెన్నీ (8-0-42-5) ఐదేయడంతో నిర్ణీత ఓవర్లలో 9 వికెట్ల నష్టానికి 249 పరుగులు మాత్రమే చేయగలిగింది. భారత ఇన్నింగ్స్‌లో శ్రేయస్‌ అయ్యర్‌ (79), అక్షర్‌ పటేల్‌ (42), హార్దిక్‌ పాండ్యా (45) రాణించారు. భారత టాప్‌-3 బ్యాటర్లు విఫలమయ్యారు. రోహిత్‌ శర్మ 15, శుభ్‌మన్‌ గిల్‌ 2, విరాట్‌ కోహ్లి 11 పరుగులు చేశారు. అక్షర్‌ పటేల్‌ ఔటయ్యాక కేఎల్‌ రాహుల్‌ (23) శ్రేయస్‌తో కలిసి కాసేపు నిలకడగా ఆడాడు. ఆఖర్లో రవీంద్ర జడేజా 16, షమీ 5 పరుగులకు ఔటయ్యారు. న్యూజిలాండ్‌ బౌలర్లలో జేమీసన్‌, విలియమ్‌ రూర్కీ, మిచెల్‌ సాంట్నర్‌, రచిన్‌ రవీంద్ర తలో వికెట్‌ తీశారు. కాగా, గ్రూప్‌-ఏలో భారత్‌, న్యూజిలాండ్‌ ఇదివరకే సెమీస్‌కు చేరడంతో ఈ మ్యాచ్‌ నామమాత్రంగా జరుగుతుంది. గ్రూప్‌-బి నుంచి ఆస్ట్రేలియా, సౌతాఫ్రికా సెమీస్‌కు చేరాయి.తుది జట్లు..భారత్ (ప్లేయింగ్ XI): రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లి, శ్రేయాస్ అయ్యర్, అక్షర్ పటేల్, కేఎల్ రాహుల్(వికెట్ కీపర్‌), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తిన్యూజిలాండ్ (ప్లేయింగ్ XI): విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్(వికెట్ కీపర్‌), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్‌), మాట్ హెన్రీ, కైల్ జామీసన్, విలియం ఓరూర్కీ

న్యూజిలాండ్‌పై టీమిండియా ఘన విజయంన్యూజిలాండ్‌పై టీమిండియా 44 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన భారత్‌ నిర్ణీత ఓవర్లలో 9 వికెట్ల నష్టానికి 249 పరుగులు చేయగా.. ఛేదనలో తడబడిన న్యూజిలాండ్‌ 45.3 ఓవర్లలో 205 పరుగులకు ఆలౌటైంది. వరుణ్‌ చక్రవర్తి ఐదు వికెట్లు తీసి న్యూజిలాండ్‌ పతనాన్ని శాశించాడు. కేన్‌ విలియమ్సన్‌ (81) న్యూజిలాండ్‌ను గెలిపించేందుకు విఫలయత్నం చేశాడు. విలియమ్సన్‌కు మిగతా కివీస్‌ బ్యాటర్ల నుంచి సహకారం లభించలేదు. భారత బౌలర్లలో వరుణ్‌తో పాటు కుల్దీప్‌ (2), హార్దిక్‌ పాండ్యా (1), అక్షర్‌ పటేల్‌ (1), రవీంద్ర జడేజా (1) వికెట్లు తీశారు.అంతకుముందు భారత్‌.. శ్రేయస్‌ అయ్యర్‌ (79), అక్షర్‌ పటేల్‌ (42), హార్దిక్‌ పాండ్యా (45) రాణించడంతో ఓ మోస్తరు స్కోర్‌ చేసింది. న్యూజిలాండ్‌ బౌలర్లలో జేమీసన్‌ ఐదు, విలియమ్‌ రూర్కీ, మిచెల్‌ సాంట్నర్‌, రచిన్‌ రవీంద్ర తలో వికెట్‌ తీశారు. మార్చి 4న జరిగే తొలి సెమీఫైనల్లో భారత్‌.. ఆస్ట్రేలయాతో తలపడనుంది. మార్చి 5న జరిగే రెండో సెమీఫైనల్లో న్యూజిలాండ్‌.. సౌతాఫ్రికాను ఢీకొట్టనుంది. ఐదు వికెట్లు తీసిన వరుణ్‌ చక్రవర్తివరుణ్‌ చక్రవర్తి తన రెండో వన్డేలోనే ఐదు వికెట్ల ప్రదర్శన నమోదు చేశాడు. మ్యాట్‌ హెన్రీ (2) వికెట్‌ ఈ మ్యాచ్‌లో వరుణ్‌కు ఐదవది. విరాట్‌ కోహ్లి క్యాచ్‌ పట్టడంతో హెన్రీ ఔటయ్యాడు.సాంట్నర్‌ క్లీన్‌ బౌల్ట్‌.. వరుణ్‌ ఖాతాలో నాలుగో వికెట్‌న్యూజిలాండ్‌ ఓటమి దాదాపుగా ఖరారైపోయింది. వరుణ్‌ చక్రవర్తి బౌలింగ్‌లో న్యూజిలాండ్‌ చివరి ఆశాకిరణం మిచెల్‌ సాంట్నర్‌ (28) క్లీన్‌ బౌల్డ్‌ అయ్యాడు. డేంజర్‌ మ్యాన్‌ విలియమ్సన్‌ ఔట్‌169 పరుగుల వద్ద న్యూజిలాండ్‌ ఏడో వికెట్‌ కోల్పోయింది. డేంజర్‌ మ్యాన్‌ కేన్‌ విలియమ్సన్‌ (81) ఔటయ్యాడు. అక్షర్‌ పటేల్‌ బౌలింగ్‌లో విలియమ్సన్‌ స్టంపౌటయ్యాడు. ఆరో వికెట్‌ కోల్పోయిన న్యూజిలాండ్‌.. బ్రేస్‌వెల్‌ ఔట్‌.. వరుణ్‌ ఖాతాలో మూడో వికెట్‌159 పరుగుల వద్ద న్యూజిలాండ్‌ ఆరో వికెట్‌ కోల్పోయింది. వరుణ్‌ చక్రవర్తి బౌలింగ్‌లో బ్రేస్‌వెల్‌ (2) ఎల్బీడబ్ల్యూ అయ్యాడు. డేంజర్‌ మ్యాన్‌ గ్లెన్‌ ఫిలిప్స్‌ ఔట్‌వరుణ్‌ చక్రవర్తి బౌలింగ్‌లో సిక్సర్‌ బాదిన మరుసటి బంతిరే డేంజర్‌ బ్యాటర్‌ గ్లెన్‌ ఫిలిప్స్‌ ఔటయ్యాడు. ఫిలిప్స్‌ను వరుణ్‌ ఎల్బీడబ్ల్యూ చేశాడు. 35.4 ఓవర్ల అనంతరం భారత్‌ స్కోర్‌ 151/5గా ఉంది. ఈ మ్యాచ్‌లో న్యూజిలాండ్‌ గెలవాలంటే 86 బంతుల్లో 99 పరుగులు చేయాలి. నాలుగో వికెట్‌ కోల్పోయిన న్యూజిలాండ్‌133 పరుగుల వద్ద (32.2 ఓవర్లు) న్యూజిలాండ్‌ నాలుగో వికెట్‌ కోల్పోయింది. జడేజా కీలకమైన టామ్‌ లాథమ్‌ (14) వికెట్‌ తీశాడు. లాథమ్‌ జడేజా బౌలింగ్‌లో ఎల్బీడబ్ల్యూ అయ్యాడు. ఈ మ్యాచ్‌లో న్యూజిలాండ్‌ గెలవాలంటే మరో 117 పరుగులు చేయాలి. హాఫ్‌ సెంచరీ పూర్తి చేసుకున్న విలియమ్సన్‌జడేజా బౌలింగ్‌లో బౌండరీతో కేన్‌ విలియమ్సన్‌ హాఫ్‌ సెంచరీ పూర్తి చేసుకున్నాడు. కేన్‌కు వన్డేల్లో ఇది 47వ హాఫ్‌ సెంచరీ. కేన్‌ తన హాఫ్‌ సెంచరీలో 5 బౌండరీలు బాదాడు. మ్యాజిక్‌ చేసిన కుల్దీప్‌.. మూడో వికెట్‌ కోల్పోయిన న్యూజిలాండ్‌93 పరుగుల వద్ద న్యూజిలాండ్‌ మూడో వికెట్‌ కోల్పోయింది. కుల్దీప్‌ యాదవ్‌ మ్యాజిక్‌ డెలివరీతో డారిల్‌ మిచెల్‌ను (17) ఎల్బీడబ్ల్యూ చేశాడు. 26 ఓవర్ల తర్వాత న్యూజిలాండ్‌ స్కోర్‌ 104/3గా ఉంది. కేన్‌ విలియమ్సన్‌ 45, టామ్‌ లాథమ్‌ 5 పరుగులతో క్రీజ్‌లో ఉన్నారు. ఈ మ్యాచ్‌లో న్యూజిలాండ్‌ గెలవాంటే ఇంకా 146 పరుగులు చేయాలి. విల్‌ యంగ్‌ను క్లీన్‌ బౌల్డ్‌ చేసిన వరుణ్‌ చక్రవర్తి49 పరుగుల వద్ద (13.3 ఓవర్లు) న్యూజిలాండ్‌ రెండో వికెట్‌ కోల్పోయింది. వరుణ్‌ చక్రవర్తి బౌలింగ్‌లో విల్‌ యంగ్‌ (22) క్లీన్‌ బౌల్డ్‌ అయ్యాడు. కేన్‌ విలియమ్సన్‌కు (19) జతగా డారిల్‌ మిచెల్‌ క్రీజ్‌లోకి వచ్చాడు. అక్షర్‌ పటేల్‌ సూపర్‌ క్యాచ్‌.. తొలి వికెట్‌ కోల్పోయిన న్యూజిలాండ్‌250 పరుగుల లక్ష్య ఛేదనలో న్యూజిలాండ్‌ 17 పరుగుల వద్ద తొలి వికెట్‌ కోల్పోయింది. హార్దిక్‌ పాండ్యా బౌలింగ్‌లో అక్షర్‌ పటేల్‌ సూపర్‌ క్యాచ్‌ పట్టడంతో రచిన్‌ రవీంద్ర (6) ఔటయ్యాడు. విల్‌ యంగ్‌కు (10) జతగా కేన్‌ విలియమ్సన్‌ క్రీజ్‌లోకి వచ్చాడు.రాణించిన శ్రేయస్‌ అయ్యర్‌.. న్యూజిలాండ్‌ టార్గెట్‌ ఎంతంటే..?దుబాయ్‌ వేదికగా న్యూజిలాండ్‌తో జరుగుతున్న మ్యాచ్‌లో భారత్‌ స్వల్ప స్కోర్‌కే పరిమితమైంది. శ్రేయస్‌ అయ్యర్‌ (79), అక్షర్‌ పటేల్‌ (42), హార్దిక్‌ పాండ్యా (45) రాణించడంతో భారత్‌ నిర్ణీత 50 ఓవర్లలో 9 వికెట్ల నష్టానికి 249 పరుగులు చేసింది. ఈ మ్యాచ్‌లో భారత టాప్‌-3 బ్యాటర్లు విఫలమయ్యారు. రోహిత్‌ శర్మ 15, శుభ్‌మన్‌ గిల్‌ 2, విరాట్‌ కోహ్లి 11 పరుగులు చేశారు. అక్షర్‌ పటేల్‌ ఔటయ్యాక కేఎల్‌ రాహుల్‌ (23) శ్రేయస్‌తో కలిసి కాసేపు నిలకడగా ఆడాడు.ఆఖర్లో రవీంద్ర జడేజా 16, షమీ 5 పరుగులకు ఔటయ్యారు. న్యూజిలాండ్‌ బౌలర్లలో మ్యాట్‌ హెన్రీ ఐదు వికెట్లతో మెరిశాడు. జేమీసన్‌, విలియమ్‌ రూర్కీ, మిచెల్‌ సాంట్నర్‌, రచిన్‌ రవీంద్ర తలో వికెట్‌ తీశారు. ఈ మ్యాచ్‌లో న్యూజిలాండ్‌ ఫీల్డర్లు మైదానంలో పాదరసంలా కదిలారు. పలు అద్భుతమైన క్యాచ్‌లు పట్టారు. గ్లెన్‌ ఫిలిప్స్‌ (కోహ్లి), కేన్‌ విలియమ్సన్‌ (జడేజా) పట్టిన క్యాచ్‌లు మ్యాచ్‌ మొత్తానికే హైలైట్‌గా నిలిచాయి.ఎనిమిదో వికెట్‌ కోల్పోయిన భారత్‌246 పరుగుల వద్ద భారత్‌ ఎనిమిదో వికెట్‌ కోల్పోయింది. మ్యాట్‌ హెన్రీ బౌలింగ్‌లో రచిన్‌ రవీంద్రకు క్యాచ్‌ ఇచ్చి హార్దిక్‌ పాండ్యా (45) ఔటయ్యాడు. చివరి ఓవర్‌లో హార్దిక్‌ సింగిల్స్‌ తీయకుండా ఓవరాక్షన్‌ చేశాడు. ఏడో వికెట్‌ కోల్పోయిన టీమిండియా223 పరుగుల వద్ద టీమిండియా ఏడో వికెట్‌ కోల్పోయింది. మ్యాట్‌ హెన్రీ బౌలింగ్‌లో కేన్‌ విలియమ్సన్‌ అద్భుతమైన క్యాచ్‌ పట్టడంతో రవీంద్ర జడేజా (16) ఔటయ్యాడు. ఆరో వికెట్‌ కోల్పోయిన భారత్‌182 పరుగుల వద్ద (39.1 ఓవర్లు) భారత్‌ ఆరో వికెట్‌ కోల్పోయింది. మిచెల్‌ సాంట్నర్‌ బౌలింగ్‌లో కేఎల్‌ రాహుల్‌ (23) ఔటయ్యాడు. హార్దిక్‌ పాండ్యాకు (3) జతగా రవీంద్ర జడేజా క్రీజ్‌లోకి వచ్చాడు. ఐదో వికెట్‌ కోల్పోయిన భారత్‌.. శ్రేయస్‌ ఔట్‌172 పరుగుల వద్ద (36.2 ఓవర్లు) టీమిండియా ఐదో వికెట్‌ కోల్పోయింది. 98 బంతుల్లో 78 పరుగులు చేసిన శ్రేయస్‌ అయ్యర్‌ విలియమ్‌ ఓరూర్కీ బౌలింగ్‌లో విల్‌ యంగ్‌కు క్యాచ్‌ ఇచ్చి ఔటయ్యాడు. కేఎల్‌ రాహుల్‌కు (17) జతగా హార్దిక్‌ పాండ్యా క్రీజ్‌లోకి వచ్చాడు. నాలుగో వికెట్‌ కోల్పోయిన భారత్‌128 పరుగుల వద్ద భారత్‌ నాలుగో వికెట్‌ కోల్పోయింది. క్రీజ్‌లో కుదురుకున్న అక్షర్‌ పటేల్‌ 42 పరుగుల వద్ద ఔటయ్యాడు. రచిన్‌ రవీంద్ర బౌలింగ్‌లో లీడింగ్‌ ఎడ్జ్‌ తీసుకోవడంతో అక్షర్‌ ఔటయ్యాడు. కేన్‌ విలియమ్సన్‌ అద్భుతమైన క్యాచ్‌ పట్టుకుని అక్షర్‌ను పెవిలియన్‌కు పంపాడు. శ్రేయస్‌కు (51) జతగా కేఎల్‌ రాహుల్‌ క్రీజ్‌లోకి వచ్చాడు. హాఫ్‌ సెంచరీ పూర్తి చేసుకున్న శ్రేయస్‌టీమిండియా కష్టాల్లో ఉన్నప్పుడు బరిలోకి దిగిన శ్రేయస్‌ అద్భుతమైన హాఫ్‌ సెంచరీతో ఆకట్టుకున్నాడు. ఈ మ్యాచ్‌లో శ్రేయస్‌ 75 బంతుల్లో 4 బౌండరీల సాయంతో హాఫ్‌ సెంచరీని పూర్తి చేసుకున్నాడు. వన్డేల్లో శ్రేయస్‌కు ఇది అత్యంత నిదానమైన (బంతుల పరంగా) హాఫ్‌ సెంచరీ. 29 ఓవర్ల అనంతరం భారత్‌ స్కోర్‌ 127/3గా ఉంది. శ్రేయస్‌ 51, అక్షర్‌ పటేల్‌ 42 పరుగులతో క్రీజ్‌లో ఉన్నారు. ఛాంపియన్స్‌ ట్రోఫీ-2025లో భాగంగా ఇవాళ (మార్చి 2) భారత్‌, న్యూజిలాండ్‌ జట్లు తలపడుతున్నాయి. దుబాయ్‌ వేదికగా జరుగుతున్న ఈ మ్యాచ్‌లో న్యూజిలాండ్‌ టాస్‌ గెలిచి తొలుత బౌలింగ్‌ ఎంచుకుంది. తొలుత బ్యాటింగ్‌కు దిగిన భారత్‌.. కివీస్‌ పేసర్లు చెలరేగడంతో 30 పరుగులకే 3 వికెట్లు కోల్పోయి కష్టాల్లో పడింది. కెప్టెన్‌ రోహిత్‌ శర్మ (17) మరోసారి మంచి ఆరంభం లభించినప్పటికీ సద్వినియోగం చేసుకోలేకపోయాడు. శుభ్‌మన్‌ గిల్‌ (2) ఈ టోర్నీలో తొలిసారి సింగిల్‌ డిజిట్‌ స్కోర్‌కు ఔటయ్యాడు. గత మ్యాచ్‌ సెంచరీ హీరో విరాట్‌ కోహ్లి 11 పరుగులు చేసి పెవిలియన్‌కు చేరాడు.కష్టాల్లో ఉన్న భారత్‌ను శ్రేయస్‌ అయ్యర్‌ (35 నాటౌట్‌), అక్షర్‌ పటేల్‌ (23 నాటౌట్‌) ఆదుకునే ప్రయత్నం చేస్తున్నారు. వీరిద్దరు నాలుగో వికెట్‌కు ఇప్పటికే 60 పరుగులు జోడించారు. 23 ఓవర్ల అనంతరం భారత్‌ స్కోర్‌ 3 వికెట్ల నష్టానికి 90 పరుగులుగా ఉంది. కివీస్‌ బౌలర్లలో మ్యాట్‌ హెన్రీ 2, జేమీసన్‌ ఓ వికెట్‌ పడగొట్టారు. కాగా, గ్రూప్‌-ఏలో భారత్‌, న్యూజిలాండ్‌ ఇదివరకే సెమీస్‌కు చేరడంతో ఈ మ్యాచ్‌ నామమాత్రంగా జరుగుతుంది. గ్రూప్‌-బి నుంచి ఆస్ట్రేలియా, సౌతాఫ్రికా సెమీస్‌కు చేరాయి.తుది జట్లు..భారత్ (ప్లేయింగ్ XI): రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లి, శ్రేయాస్ అయ్యర్, అక్షర్ పటేల్, కేఎల్ రాహుల్(వికెట్ కీపర్‌), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తిన్యూజిలాండ్ (ప్లేయింగ్ XI): విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్(వికెట్ కీపర్‌), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్‌), మాట్ హెన్రీ, కైల్ జామీసన్, విలియం ఒరూర్కే

ఐసీసీ ఛాంపియ‌న్స్ ట్రోఫీ-2025లో సెమీస్ బెర్త్‌లు అధికారికంగా ఖారార‌య్యాయి. గ్రూపు-ఎ నుంచి భార‌త్‌, న్యూజిలాండ్, గ్రూపు-బి నుంచి ద‌క్షిణాఫ్రికా, ఆస్ట్రేలియా జ‌ట్లు సెమీఫైన‌ల్‌కు చేరుకున్నాయి. అయితే ఈ నాలుగు జ‌ట్లు సెమీస్‌కు చేరిన‌ప్ప‌టికి వాటి స్థానాలు ఇంకా ఖారారు కాలేదు.ఆదివారం న్యూజిలాండ్‌-భార‌త్ మ‌ధ్య జ‌రిగే ఆఖ‌రి లీగ్ మ్యాచ త‌ర్వాతే సెమీస్‌లో ఎవ‌రి ప్ర‌త్య‌ర్ధి ఎవ‌ర‌న్న‌ది తేల‌నుంది. కాగా మంగళవారం జరగనున్న తొలి సెమీఫైనల్లో భారత ఆడటం ఇప్పటికే ఖాయమైన సంగ‌తి తెలిసిందే. కానీ ప్ర‌త్య‌ర్ధి సౌతాఫ్రికా లేదా ఆస్ట్రేలియా నా అన్న‌ది నేడు ఖారారు కానుంది. ఈ క్ర‌మంలో చాంపియన్స్‌ ట్రోఫీ గ్రూప్‌ ‘బి’ నుంచి సెమీఫైనల్‌కు అర్హత సాధించిన దక్షిణాఫ్రికా, ఆస్ట్రేలియా జట్లు దుబాయ్‌కు పయనమయ్యాయి. రెండింటిలో ఒక జట్టు మైదానంలోకి దిగకుండానే మళ్లీ లాహోర్‌కు రావాల్సి ఉంటుంది. కివీస్‌తో చివరి పోరులో భారత్‌ విజయం సాధిస్తే ఆస్ట్రేలియాతో రోహిత్‌ సేన మంగళవారం తొలి సెమీఫైనల్‌ ఆడుతుంది.ఇదే జరిగితే దక్షిణాఫ్రికా జట్టు తిరిగి పాకిస్తాన్‌ చేరుకుంటుంది. ఒకవేళ కివీస్‌ చేతిలో ఓడితే టీమిండియా ప్రత్యర్థి దక్షిణాఫ్రికా కానుంది. కంగారూలు రెండో సెమీఫైనల్‌ కోసం పాకిస్తాన్‌కు తిరుగు పయనం కానున్నారు. కీలక సెమీఫైనల్‌కు ముందు దుబాయ్‌ మైదానంలో ప్రాక్టీస్‌ చేయడంతో పాటు అక్కడి పరిస్థితులను అర్థం చేసుకోవడానికి దక్షిణాఫ్రికా, ఆ్రస్టేలియా జట్లకు ఇది ఉపయోగపడనుంది.ఇక కివీస్‌తో ఆఖరి లీగ్‌ మ్యాచ్‌కు టీమిండియా అన్ని విధాల సిద్దమైంది. ఈ మ్యాచ్‌కు ముందు భారత కెప్టెన్‌ రోహిత్‌ శర్మ పూర్తి ఫిట్‌నెస్‌ సాధించాడు. ఈ ఆఖరి మ్యాచ్‌లో భారత్‌​ ఓమార్పుతో బరిలోకి దిగింది.తుది జట్ల వివరాలు (అంచనా) భారత్‌: రోహిత్‌ శర్మ (కెప్టెన్ ), శుబ్‌మన్‌ గిల్, కోహ్లి, శ్రేయస్‌ అయ్యర్, రిషబ్‌ పంత్, హార్దిక్‌ పాండ్యా, రవీంద్ర జడేజా, వాషింగ్టన్‌ సుందర్, హర్షిత్‌ రాణా, వరుణ్ చక్రవర్తి, అర్ష్ దీప్‌ సింగ్‌. న్యూజిలాండ్‌: మిచెల్‌ సాంట్నర్‌ (కెప్టెన్ ), డెవాన్‌ కాన్వే, రచిన్ రవీంద్ర, కేన్‌ విలియమ్సన్, డార్లీ మిచెల్, టామ్‌ లాథమ్, గ్లెన్‌ ఫిలిప్స్, బ్రేస్‌వెల్, జేమీసన్,హెన్రీ, రూర్కే.చదవండి:SA vs Eng: ఇంగ్లండ్‌కు ఘోర అవమానం.. బాధతో బట్లర్‌ బైబై

భారత్, న్యూజిలాండ్‌ వన్డేల్లో చివరిసారిగా గత వరల్డ్‌ కప్‌లో తలపడ్డాయి. లీగ్‌ మ్యాచ్‌తో పాటు సెమీస్‌లో కూడా భారత్‌ సంపూర్ణ ఆధిపత్యం ప్రదర్శించి విజయాలు అందుకుంది. అంతకు ముందు కివీస్‌తో వరుసగా మూడు వన్డేల్లో కూడా టీమిండియాదే పైచేయి. అయితే ఫార్మాట్‌లు వేరైనా ఇటీవల మన గడ్డపై టెస్టు సిరీస్‌లో ఆ జట్టు కొట్టిన దెబ్బ ఇంకా తాజాగానే ఉంది. ఇరు జట్లలో ఎక్కువ మంది ఆటగాళ్లు ఆ సిరీస్‌లో ఆడినవారే. ఈ నేపథ్యంలో ఐసీసీ టోర్నీలో తమ సత్తా చాటేందుకు భారత్‌ సిద్ధంగా ఉంది. చాంపియన్స్‌ ట్రోఫీ కోణంలో ఇది నామమాత్రపు మ్యాచే అయినా సెమీస్‌కు ముందు సన్నాహకంగా ఇది ఉపయోగపడనుంది. ఇరు జట్ల సెమీస్‌ ప్రత్యర్థి ఎవరో కూడా ఈ మ్యాచ్‌తోనే తేలనుంది. దుబాయ్‌: చాంపియన్స్‌ ట్రోఫీ లీగ్‌ దశలో గ్రూప్‌ ‘ఎ’నుంచి ఇప్పటికే సెమీ ఫైనల్‌ చేరిన భారత్, న్యూజిలాండ్‌ చివరి లీగ్‌ మ్యాచ్‌కు సన్నద్ధమయ్యాయి. ఆడిన రెండు మ్యాచ్‌లలోనూ నెగ్గిన టీమ్‌లు ఆత్మవిశ్వాసంతో బరిలోకి దిగుతున్నాయి. ఈ మ్యాచ్‌లో భారత్‌ గెలిస్తే గ్రూప్‌ టాపర్‌గా సెమీఫైనల్లో ఆ్రస్టేలియాతో తలపడుతుంది. ఓడితే సెమీస్‌లో దక్షిణాఫ్రికాను ఎదుర్కొంటుంది. పంత్‌కు చాన్స్‌! గత రెండు మ్యాచ్‌లలో ప్రత్యర్థులను తక్కువ స్కోర్లకే పరిమితం చేసి భారత జట్టు లక్ష్యాలను సునాయాసంగా ఛేదించింది. మన ప్రదర్శనను బట్టి చూస్తే అంతా ఫామ్‌లో ఉండటంతో మార్పులు చేయాల్సిన అవసరం లేదు. అయితే అందుబాటులో ఉన్న ఇతర ఆటగాళ్లకు మ్యాచ్‌ అవకాశం ఇచ్చే ఆలోచనతో టీమ్‌ మేనేజ్‌మెంట్‌ ఉంది. వికెట్‌ కీపర్‌గా రాహుల్‌ స్థానంలో రిషబ్‌ పంత్‌ ఆడటం దాదాపు ఖాయమైంది. కారు ప్రమాదం నుంచి కోలుకొని పునరాగమనం చేసిన తర్వాత పంత్‌ ఇప్పటి వరకు ఒకే ఒక్క వన్డే గత ఏడాది ఆడాడు. ఈ మ్యాచ్‌ తర్వాత ఒకే రోజు విరామంతో సెమీఫైనల్‌ ఆడాల్సి ఉండటంతో ప్రధాన పేసర్‌ షమీకి విశ్రాంతినిచ్చే అవకాశం కూడా ఉంది. అతని స్థానంలో అర్ష్ దీప్‌ ఆడవచ్చు. కివీస్‌ టాప్‌–8లో ఐదుగురు ఎడమచేతి వాటం బ్యాటర్లు కాబట్టి లెఫ్టార్మ్‌ స్పిన్నర్‌ అక్షర్‌ స్థానంలో సుందర్‌ జట్టులోకి రానున్నాడు. పంత్‌ బరిలోకి దిగితే అక్షర్‌ బ్యాటింగ్‌ అవసరం కూడా టీమ్‌కు అంతగా ఉండకపోవచ్చు. మరో వైపు కుల్దీప్‌ స్థానంలో వరుణ్‌ చక్రవర్తిని కూడా ఆడిస్తే అతని వన్డే ప్రదర్శనను అంచనా వేసే అవకాశం ఉంది. బ్యాటింగ్‌పరంగా రోహిత్, గిల్, కోహ్లి, అయ్యర్‌లతో టాప్‌–4 పటిష్టంగా ఉండగా పాండ్యా, జడేజా అదనపు బలం. అదే జట్టుతో... న్యూజిలాండ్‌ కూడా అన్ని రంగాల్లో పటిష్టంగా కనిపిస్తోంది. జట్టులో అటు బ్యాటర్లు, ఇటు బౌలర్లు కూడా సత్తా చాటుతున్నారు. రచిన్, యంగ్, లాథమ్‌ ఇప్పటికే సెంచరీలు సాధించగా, కాన్వే కూడా ఫామ్‌లో ఉన్నాడు. సీనియర్‌ బ్యాటర్‌ విలియమ్సన్‌ వైఫల్యమే కొంత ఆందోళన కలిగిస్తోంది. అయితే గతంలో కీలక మ్యాచ్‌లలో భారత్‌పై రాణించిన రికార్డు ఉన్న మాజీ కెపె్టన్‌ తన స్థాయికి తగినట్లు ఆడితే టీమ్‌కు తిరుగుండదు. ఫిలిప్స్‌లాంటి ఆల్‌రౌండర్‌ జట్టుకు మరింత కీలకం. జేమీసన్, రూర్కే, హెన్సీలతో పేస్‌ బౌలింగ్‌ చాలా పటిష్టంగా ఉంది. కివీస్‌ స్పిన్‌ కూడా చాలా బలంగా ఉండటం విశేషం. సాంట్నర్, బ్రేస్‌వెల్‌ చక్కటి బౌలింగ్‌తో ఆకట్టుకున్నారు. ఓవరాల్‌గా కివీస్‌ కూడా దుర్బేధ్యంగా కనిపిస్తోంది. తుది జట్ల వివరాలు (అంచనా) భారత్‌: రోహిత్‌ (కెప్టెన్ ), గిల్, కోహ్లి, అయ్యర్, పంత్, పాండ్యా, జడేజా, సుందర్, రాణా, వరుణ్, అర్ష్ దీప్‌. న్యూజిలాండ్‌: సాంట్నర్‌ (కెప్టెన్ ), కాన్వే, రచిన్, విలియమ్సన్, మిచెల్, లాథమ్, ఫిలిప్స్, బ్రేస్‌వెల్, జేమీసన్,హెన్రీ, రూర్కే. పిచ్, వాతావరణం స్పిన్‌కు అనుకూలం. వర్షసూచన ఏమాత్రం లేదు. టాస్‌ గెలిచిన జట్టు బ్యాటింగ్‌ ఎంచుకోవడం ఖాయం. కోహ్లి @300 భారత స్టార్‌ బ్యాటర్‌ విరాట్‌ కోహ్లి ఈ మ్యాచ్‌తో 300 వన్డేలు పూర్తి చేసుకోబోతున్నాడు. ఈ ఘనత సాధించిన 7వ భారత ఆటగాడిగా, ఓవరాల్‌గా 22వ ఆటగాడిగా కోహ్లి నిలుస్తాడు. 299 వన్డేల కెరీర్‌లో కోహ్లి 58.20 సగటుతో 14,085 పరుగులు సాధించాడు. ఇందులో 51 సెంచరీలు, 73 అర్ధసెంచరీలు ఉన్నాయి. కోహ్లికి ముందు భారత్‌ నుంచి సచిన్, ధోని, ద్రవిడ్, అజహరుద్దీన్, గంగూలీ, యువరాజ్‌ 300 వన్డేలు ఆడారు.

ఛాంపియన్స్‌ ట్రోఫీ-2025 గ్రూప్‌-బిలో భాగంగా ఆఫ్ఘనిస్తాన్‌, ఆస్ట్రేలియా మధ్య ఇవాళ (ఫిబ్రవరి 28) జరగాల్సిన మ్యాచ్‌ వర్షం కారణంగా ఫలితం తేలకుండా ముగిసింది. మ్యాచ్‌ మధ్యలో మొదలైన వర్షం ఎంతకీ తగ్గకపోవడంతో మ్యాచ్‌ను రద్దు చేస్తున్నట్లు అంపైర్లు ప్రకటించారు. దీంతో ఇరు జట్లకు చెరో పాయింట్‌ లభించింది. ఫలితంగా ఆస్ట్రేలియా గ్రూప్‌-బి నుంచి సెమీస్‌కు చేరుకుంది. ఈ మ్యాచ్‌లో ఫలితం తేలకపోవడంతో ఆఫ్ఘనిస్తాన్‌ సెమీస్‌ అవకాశాలు దాదాపుగా గల్లంతయ్యాయి. ఏదైనా అద్భుతం జరిగి రేపటి మ్యాచ్‌లో సౌతాఫ్రికాపై ఇంగ్లండ్‌ భారీ విజయం సాధిస్తే తప్ప, ఆఫ్ఘనిస్తాన్‌ సెమీస్‌కు చేరలేదు. ఈ మ్యాచ్‌ రద్దు కావడం సౌతాఫ్రికాకు పరోక్షంగా కలిసొచ్చింది. రేపటి మ్యాచ్‌లో ఇంగ్లండ్‌ చేతిలో ఓడినా సౌతాఫ్రి​కా సెమీస్‌కు చేరుకుంటుంది. అయితే ఈ మ్యాచ్‌లో సౌతాఫ్రికా మరీ దారుణంగా మాత్రం ఓడకూడదు. ఒకవేళ అలా జరిగి సౌతాఫ్రికా రన్‌రేట్‌ మైనస్‌లోకి పడిపోతే మాత్రం ఆఫ్ఘనిస్తాన్‌ సెమీస్‌కు చేరుకుంటుంది. ప్రస్తుతం ఆస్ట్రేలియా ఖాతాలో 4 పాయింట్లు (0.475), సౌతాఫ్రికా ఖాతాలో 3 పాయింట్లు (2.140), ఆఫ్ఘనిస్తాన్‌ ఖాతాలో 3 పాయింట్లు (-0.990) ఉన్నాయి. ఈ గ్రూప్‌లో ఉన్న మరో జట్టు ఇంగ్లండ్‌ ఇదివరకే టోర్నీ నుంచి నిష్క్రమించింది. ఆఫ్ఘనిస్తాన్‌ సెమీస్‌కు చేరాలంటే ఇలా జరగాలి..!క్రిక్‌బజ్‌ లెక్కల ప్రకారం.. ఆఫ్ఘనిస్తాన్‌ సెమీస్‌కు చేరాలంటే రేపటి మ్యాచ్‌లో ఇంగ్లండ్‌ తొలుత బ్యాటింగ్ చేస్తే సౌతాఫ్రికాను కనీసం 207 పరుగుల తేడాతో ఓడించాల్సి ఉంటుంది. ఒకవేళ ఇంగ్లండ్‌ సెకెండ్‌ బ్యాటింగ్‌ చేస్తే 11.1 ఓవర్లలో లక్ష్యాన్ని ఛేదించాల్సి ఉంటుంది (రెండు సందర్భాల్లో మొదటి ఇన్నింగ్స్ టోటల్‌ 300 పరుగులు అనుకుంటే).ఇలా జరగకపోతే మాత్రం రేపటి మ్యాచ్‌లో ఇంగ్లండ్‌ చేతిలో ఓడినా సౌతాఫ్రికా సెమీస్‌కు చేరుకుంటుంది. రేపటి మ్యాచ్‌ కూడా వర్షం​ కారణంగా రద్దైనా సౌతాఫ్రికానే సెమీస్‌కు చేరుకుంటుంది.కాగా, గ్రూప్‌-ఏ నుంచి ఇదివరకే సెమీస్‌ బెర్తలు ఖారారైన విషయం తెలిసిందే. ఈ గ్రూప్‌ నుంచి మరో మ్యాచ్‌ జరగాల్సి ఉన్నా భారత్‌, న్యూజిలాండ్‌ సెమీస్‌కు చేరుకున్నాయి. ఈ గ్రూప్‌లో మిగిలిన మ్యాచ్‌లో భారత్‌, న్యూజిలాండ్‌ తలపడనున్నాయి. ఈ మ్యాచ్‌ మార్చి 2వ తేదీన జరుగుతుంది.మ్యాచ్‌ విషయానికొస్తే.. తొలుత బ్యాటింగ్‌ చేసిన ఆఫ్ఘనిస్తాన్‌.. సెదిఖుల్లా అటల్‌ (95 బంతుల్లో 85; 6 ఫోర్లు, 3 సిక్సర్లు), అజ్మతుల్లా ఒమర్‌జాయ్‌ (63 బంతుల్లో​ 67; ఫోర్‌, 5 సిక్సర్లు) అర్ద సెంచరీలతో సత్తా చాటడంతో నిర్ణీత 50 ఓవర్లలో 273 పరుగులకు ఆలౌటైంది. సెదిఖుల్లా, ఒమర్‌జాయ్‌.. ఇబ్రహీం జద్రాన్‌ (22), రహ్మత్‌ షా (12), కెప్టెన్‌ హష్మతుల్లా షాహిది (20), రషీద్‌ ఖాన్‌తో (19) కలిసి కీలక భాగస్వామ్యాలు నెలకొల్పి ఆసీస్‌ ముందు ఫైటింగ్‌ టోటల్‌ను ఉంచారు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (0), మహ్మద్‌ నబీ (1), గుల్బదిన్‌ నైబ్‌ (4), నూర్‌ అహ్మద్‌ (6) నిరాశపరిచారు. ఆసీస్‌ బౌలర్లలో బెన్‌ డ్వార్షుయిష్‌ 3, స్పెన్సర్‌ జాన్సన్‌, ఆడమ్‌ జంపా తలో 2, ఎల్లిస్‌, మ్యాక్స్‌వెల్‌ చెరో వికెట్‌ పడగొట్టారు.అనంతరం ఆస్ట్రేలియా లక్ష్యాన్ని ఛేదిస్తుండగా ఒక్కసారిగా వర్షం మొదలైంది. దీంతో మ్యాచ్‌ ఆగిపోయింది. మ్యాచ్‌ ఆగిపోయే సమయానికి ఆసీస్‌ 12.5 ఓవర్లలో వికెట్‌ నష్టానికి 109 పరుగులు చేసింది. మాథ్యూ షార్ట్‌ (20) ఔట్‌ కాగా.. ట్రవిస్‌ హెడ్‌ (59), స్టీవ్‌ స్మిత్‌ (19) క్రీజ్‌లో ఉన్నారు. షార్ట్‌ వికెట్‌ ఒమర్‌జాయ్‌కు దక్కింది.

ఛాంపియన్స్‌ ట్రోఫీ-2025 (Champions Trophy) గ్రూప్‌-బిలో భాగంగా ఇవాళ (ఫిబ్రవరి 28) జరుగుతున్న కీలకమైన మ్యాచ్‌లో ఆస్ట్రేలియా (Australia), ఆఫ్ఘనిస్తాన్‌ (Afghanistan) జట్లు తలపడుతున్నాయి. ఈ మ్యాచ్‌కు వరుణుడు అడ్డు (Rain Stopped The Play) తగిలాడు. ఆఫ్ఘనిస్తాన్‌ ఇన్నింగ్స్‌ పూర్తై.. ఆస్ట్రేలియా లక్ష్యాన్ని ఛేదిస్తుండగా ఒక్కసారిగా వర్షం మొదలైంది. దీంతో మ్యాచ్‌ ఆగిపోయింది. మ్యాచ్‌ ఆగిపోయే సమయానికి ఆసీస్‌ పైచేయి ఉంది. ఆఫ్ఘనిస్తాన్‌ నిర్దేశించిన 274 పరుగుల లక్ష్యాన్ని ఛేదించే క్రమంలో ఆసీస్‌ 12.5 ఓవర్ల తర్వాత వికెట్‌ నష్టానికి 109 పరుగులు చేసింది. ట్రవిస్‌ హెడ్‌ (59), స్టీవ్‌ స్మిత్‌ (19) క్రీజ్‌లో ఉన్నారు. ఈ మ్యాచ్‌లో ఆసీస్‌ గెలవాలంటే మరో 37.1 ఓవర్లలో 165 పరుగులు చేయాలి. చేతిలో 9 వికెట్లు ఉన్నాయి. వర్షం​ ఎంతకీ తగ్గక ఈ మ్యాచ్‌ ఫలితాన్ని డక్‌ వర్త్‌ లూయిస్‌ పద్దతిలో ప్రకటించాల్సి వస్తే ఆస్ట్రేలియానే విజేతగా నిలుస్తుంది. ఆసీస్‌ వర్షం ముప్పును ముందే పసిగట్టి ఛేదనను ధాటిగా ప్రారంభించింది. ఆఫ్ఘనిస్తాన్‌ ఫీల్డర్లు రెండు సునాయాస క్యాచ్‌లు వదిలేయడంతో ఆసీస్‌ ఊపిరి పీల్చుకుంది. ఈ రెండు క్యాచ్‌ల్లో ఒకటి ట్రవిస్‌ హెడ్‌ది ఉంది. లైఫ్‌ లభించిన అనంతరం హెడ్‌ చెలరేగిపోయాడు. ఎడాపెడా బౌండరీలు, సిక్సర్లు బాది 34 బంతుల్లో హాఫ్‌ సెంచరీ పూర్తి చేసుకున్నాడు.సెమీస్‌కు చేరాలంటే ఈ మ్యాచ్‌లో ఆఫ్ఘనిస్తాన్‌ తప్పక గెలవాలి. ఓడిపోయినా లేక ఫలితం రాకపోయినా ఆఫ్ఘనిస్తాన్‌ టోర్నీ నిష్క్రమించింది. ఈ మ్యాచ్‌లో ఆస్ట్రేలియా గెలిస్తే.. ఆ జట్టుతో పాటు సౌతాఫ్రికా సెమీస్‌కు చేరుతుంది. ఈ మ్యాచ్‌లో ఫలితం రాకపోయినా ఆస్ట్రేలియా, సౌతాఫ్రికానే సెమీస్‌కు చేరకుంటాయి.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆఫ్ఘనిస్తాన్‌.. వన్‌ డౌన్‌ బ్యాటర్‌ సెదిఖుల్లా అటల్‌ (95 బంతుల్లో 85; 6 ఫోర్లు, 3 సిక్సర్లు), ఆల్‌రౌండర్‌ అజ్మతుల్లా ఒమర్‌జాయ్‌ (63 బంతుల్లో​ 67; ఫోర్‌, 5 సిక్సర్లు) అర్ద సెంచరీలతో సత్తా చాటడంతో నిర్ణీత 50 ఓవర్లలో 273 పరుగులకు ఆలౌటైంది. సెదిఖుల్లా, ఒమర్‌జాయ్‌.. ఇబ్రహీం జద్రాన్‌ (22), రహ్మత్‌ షా (12), కెప్టెన్‌ హష్మతుల్లా షాహిది (20), రషీద్‌ ఖాన్‌తో (19) కలిసి కీలక భాగస్వామ్యాలు నెలకొల్పి ఆసీస్‌ ముందు ఫైటింగ్‌ టోటల్‌ను ఉంచారు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (0), మహ్మద్‌ నబీ (1), గుల్బదిన్‌ నైబ్‌ (4), నూర్‌ అహ్మద్‌ (6) నిరాశపరిచారు. ఆసీస్‌ బౌలర్లలో బెన్‌ డ్వార్షుయిష్‌ 3, స్పెన్సర్‌ జాన్సన్‌, ఆడమ్‌ జంపా తలో 2, ఎల్లిస్‌, మ్యాక్స్‌వెల్‌ చెరో వికెట్‌ పడగొట్టారు.

ఇంగ్లండ్‌ పరిమిత ఓవర్ల కెప్టెన్సీకి (England White Ball Captaincy) జోస్‌ బట్లర్‌ (Jos Buttler) రాజీనామా చేశాడు. ఛాంపియన్స్‌ ట్రోఫీ-2025లో (Champions Trophy) ఇంగ్లండ్‌ గ్రూప్‌ దశలోనే నిష్క్రమించిన నేపథ్‌యంలో బట్లర్‌ ఈ నిర్ణయం​ తీసుకున్నాడు. సౌతాఫ్రికాతో రేపు (మార్చి 1) జరుగబోయే మ్యాచ్‌ ఇంగ్లండ్‌ వైట్‌ బాల్‌ కెప్టెన్‌గా బట్లర్‌కు చివరిది. 2022 జూన్‌లో బట్లర్‌ ఇంగ్లండ్‌ ఫుల్‌ టైమ్‌ వైట్‌ బాల్‌ కెప్టెన్‌గా బాధ్యతలు చేపట్టాడు. ఇయాన్‌ మోర్గాన్‌ నుంచి బట్లర్‌ బాధ్యతలు స్వీకరించాడు. బట్లర్‌ సారథ్యంలో ఇంగ్లండ్‌ 2022 టీ20 వరల్డ్‌కప్‌ గెలిచింది. బట్లర్‌ సారథ్యంలో ఇంగ్లండ్‌ వన్డేల్లో దారుణంగా విఫలమైంది. బట్లర్‌ కెప్టెన్సీలో ఇంగ్లండ్‌ 12 మ్యాచ్‌ల్లో గెలిచి 22 మ్యాచ్‌ల్లో ఓటమిపాలైంది. 2023 వన్డే వరల్డ్‌కప్‌లో బట్లర్‌ నేతృత్వంలోని ఇంగ్లండ్‌ ఏడో స్థానంలో నిలిచి, సెమీస్‌కు చేరకుండానే నిష్క్రమించింది. వన్డే వరల్డ్‌కప్‌ తర్వాత బట్లర్‌ నేతృత్వంలో ఇంగ్లండ్‌ 17లో 13 వన్డేలు ఓడింది.ఛాంపియన్స్‌ ట్రోఫీ-2025 తొలి మ్యాచ్‌లో ఇంగ్లండ్‌ భారీ స్కోర్‌ చేసినప్పటికీ ఆస్ట్రేలియా చేతిలో ఓటమిపాలైంది. అనంతరం రెండో మ్యాచ్‌లో పసికూన ఆఫ్ఘనిస్తాన్‌ చేతిలో స్వల్ప తేడాతో ఓటమిపాలై టోర్నీ నుంచి నిష్క్రమించింది. ఈ మ్యాచ్‌ పూర్తయిన వెంటనే బట్లర్‌ రాజీనామా విషయమై హింట్‌ ఇచ్చాడు. తాజాగా అధికారికంగా తన రాజీనామాను ప్రకటించాడు. భారత్‌ సిరీస్‌లోనూ ఘోర పరాభవంబట్లర్‌ నేతృత్వంలోని ఇంగ్లండ్‌ జట్టు ఛాంపియన్స్‌ ట్రోఫీకి ముందు భారత పర్యటనలోనూ దారుణంగా విఫలమైంది. ఈ పర్యటనలో ఇంగ్లండ్‌ ఐదు మ్యాచ్‌ల టీ20 సిరీస్‌ను 1-4 తేడాతో.. మూడు మ్యాచ్‌ల వన్డే సిరీస్‌ను 0-3 తేడాతో (క్లీన్‌ స్వీప్‌) కోల్పోయింది. భారత​్‌తో సిరీస్‌లు ముగిసిన వెంటనే బట్లర్‌పై విమర్శలు తారాస్థాయికి చేరాయి. కెప్టెన్సీ నుంచి తప్పుకోవాలని పెద్ద ఎత్తును డిమాండ్లు వినిపించాయి.వ్యక్తిగతంగానూ దారుణంగా విఫలమవుతున్న బట్లర్‌పరిమిత ఓవర్లలో జట్టును విజయవంతంగా నడిపించలేకపోయిన బట్లర్‌.. వ్యక్తిగతంగానూ దారుణంగా విఫలమయ్యాడు. బట్లర్‌ బ్యాట్‌ నుంచి ఓ మంచి ఇన్నింగ్స్‌ జాలువారి చాలాకాలం అయ్యింది. భారత్‌ పర్యటనలో.. ప్రస్తుతం ఛాంపియన్స్‌ ట్రోఫీలోనూ బట్లర్‌ తేలిపోయాడు. ఫామ్‌ లేమితో సతమతమవుతున్న బట్లర్‌ గాయాలతోనూ వేధించబడుతున్నాడు. 2023 వన్డే వరల్డ్‌కప్‌, 2024 టీ20 వరల్డ్‌కప్‌లో డిఫెండింగ్‌ ఛాంపియన్‌గా బరిలోకి దిగిన ఇంగ్లండ్‌.. బట్లర్‌ నాయకత్వంలో టైటిల్‌ నిలబెట్టుకోవడంలో విఫలమైంది. ఇంగ్లండ్‌ తదుపరి వైట్‌ బాల్‌ కెప్టెన్‌గా హ్యారీ బ్రూక్‌ను నియమించాలని ఆ దేశ అభిమానలు కోరుకుంటున్నారు.

ఛాంపియన్స్‌ ట్రోఫీ-2025 గ్రూప్‌-బిలో భాగంగా ఆస్ట్రేలియాతో జరుగుతున్న కీలక సమరంలో ఆఫ్ఘనిస్తాన్‌ తొలుత బ్యాటింగ్‌ చేసి ఓ మోస్తరు స్కోర్‌ చేసింది. వన్‌ డౌన్‌ బ్యాటర్‌ సెదిఖుల్లా అటల్‌ (95 బంతుల్లో 85; 6 ఫోర్లు, 3 సిక్సర్లు), ఆల్‌రౌండర్‌ అజ్మతుల్లా ఒమర్‌జాయ్‌ (63 బంతుల్లో​ 67; ఫోర్‌, 5 సిక్సర్లు) అర్ద సెంచరీలతో సత్తా చాటడంతో ఆఫ్ఘనిస్తాన్‌ నిర్ణీత 50 ఓవర్లలో 273 పరుగులకు ఆలౌటైంది. సెదిఖుల్లా, ఒమర్‌జాయ్‌.. ఇబ్రహీం జద్రాన్‌ (22), రహ్మత్‌ షా (12), కెప్టెన్‌ హష్మతుల్లా షాహిది (20), రషీద్‌ ఖాన్‌తో (19) కలిసి కీలక భాగస్వామ్యాలు నెలకొల్పి ఆసీస్‌ ముందు ఫైటింగ్‌ టోటల్‌ను ఉంచారు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (0), మహ్మద్‌ నబీ (1), గుల్బదిన్‌ నైబ్‌ (4), నూర్‌ అహ్మద్‌ (6) నిరాశపరిచారు. ఆసీస్‌ బౌలర్లలో బెన్‌ డ్వార్షుయిష్‌ 3, స్పెన్సర్‌ జాన్సన్‌, ఆడమ్‌ జంపా తలో 2, ఎల్లిస్‌, మ్యాక్స్‌వెల్‌ చెరో వికెట్‌ పడగొట్టారు.274 పరుగుల లక్ష్యాన్ని ఛేదించేందుకు బరిలోకి దిగిన ఆస్ట్రేలియాకు శుభారంభం లభించింది. ఓపెనర్‌ మాథ్యూ షార్ట్‌ తొలి ఓవర్‌ నుంచే ఆఫ్ఘన్‌ బౌలర్లపై ఎదురుదాడికి దిగాడు. ఒమర్‌జాయ్‌ వేసిన ఇన్నింగ్స్‌ తొలి ఓవర్‌లో ఓ బౌండరీ బాదిన షార్ట్‌.. మూడో ఓవర్‌లో శివాలెత్తిపోయాడు. ఒమర్‌జాయ్‌ వేసిన ఈ ఓవర్‌లో షార్ట్‌ 2 బౌండరీలు, ఓ సిక్సర్‌ బాదాడు. ఫలితంగా ఈ ఓవర్‌లో 14 పరుగులు వచ్చాయి. మరో ఎండ్‌లో విధ్వంసకర ఆటగాడు ట్రవిస్‌ హెడ్‌ కూడా ఫజల్‌ హక్‌ ఫారూకీ బౌలింగ్‌లో బౌండరీ బాది మాంచి టచ్‌లో ఉన్నట్లు కనిపించాడు. వీరిద్దరు రెచ్చిపోవడంతో ఆస్ట్రేలియా 3 ఓవర్లలో 32 పరుగులు చేసింది.హెడ్‌ క్యాచ్‌ జారవిడిచిన రషీద్‌ ఖాన్‌ఫజల్‌ హక్‌ ఫారూకీ వేసిన నాలుగో ఓవర్‌ తొలి బంతికి డేంజరెస్‌ బ్యాటర్‌ ట్రవిస్‌ హెడ్‌ను ఔట్‌ చేసే సువర్ణావకాశాన్ని ఆఫ్ఘనిస్తాన్‌ చేజార్చుకుంది. హెడ్‌ మిడ్‌ ఆన్‌ దిశగా అందించిన క్యాచ్‌ను రషీద్‌ ఖాన్‌ జారవిడిచాడు. ఈ క్యాచ్‌ ఎంత మూల్యమైందో ఆఫ్ఘనిస్తాన్‌ కొద్ది సేపటిలోనే తెలిసింది. లైఫ్‌ లభించిన అనంతరం హెడ్‌ చెలరేగిపోయాడు. ఆతర్వాతి బంతికే సిక్సర్‌ బాదాడు. అదే ఓవర్‌ చివరి బంతికి బౌండరీ కొట్టాడు. దీంతో 4 ఓవర్ల అనంతరం ఆసీస్‌ స్కోర్‌ వికెట్‌ నష్టపోకుండా 42కు చేరింది.సింపుల్‌ క్యాచ్‌ను జారవిడిచిన ఖరోటేఅనంతరం ఐదో ఓవర్‌ తొలి బంతికి ఆఫ్ఘనిస్తాన్‌ సబ్‌స్టిట్యూట్‌ ఫీల్డర్‌ ఖరోటే సింపుల్‌ క్యాచ్‌ను జారవిడిచాడు. ఈ సారి మాథ్యూ షార్ట్‌కు లైఫ్‌ లభించింది. ఒమర్‌జాయ్‌ బౌలింగ్‌ షార్ట్‌ డీప్‌ స్క్వేర్‌ లెగ్‌ దిశగా షాట్‌ ఆడాడు. చేతిలోకి వచ్చిన క్యాచ్‌ను ఖరేటో వదిలేశాడు. దీంతో 7 బంతుల వ్యవధిలో ఆఫ్ఘనిస్తాన్‌ ఫీల్డర్లు రెండు క్యాచ్‌లు జారవిడిచినట్లైంది.ఆఫ్ఘనిస్తాన్‌ ఊపిరిపీల్చుకుందిఖరోటే క్యాచ్‌ వదిలేశాక రెండు బంతులకే షార్ట్‌ ఔటయ్యాడు. ఒమర్‌జాయ్‌ బౌలింగ్‌లో గుల్బదిన్‌ క్యాచ్‌ పట్టడంతో షార్ట్‌ మెరుపు ఇన్నింగ్స్‌కు (15 బంతుల్లో 20; 3 ఫోర్లు, సిక్స్‌) తెరపడింది. దీంతో ఆఫ్ఘన్లు ఊపిరిపీల్చుకున్నారు. షార్ట్‌కు ఔట్‌ చేసిన ఆనందం ఆఫ్ఘన్లకు ఎంతో సేపు మిగల్లేదు. స్టీవ్‌ స్మిత్‌ వచ్చీ రాగానే రెండు వరుసగా బౌండరీలతో విరుచుకుపడ్డాడు. ఫలితంగా ఆసీస్‌ 5 ఓవర్లలోనే 50 పరుగుల మార్కును దాటింది.మూల్యం చెల్లించుకుంటున్న ఆఫ్లన్లుహెడ్‌ క్యాచ్‌ను జారవిడిచినందుకు ఆఫ్ఘన్లు తగిన మూల్యం చెల్లించుకుంటున్నారు. లైఫ్‌ లభించాక హెడ్‌ చెలరేగిపోయాడు. ఇన్నింగ్స్‌ ఆరో ఓవర్‌లో 3 బౌండరీలు.. తొమ్మిదో ఓవర్‌లో హ్యాట్రిక్‌ బౌండరీలు సాధించి ఆఫ్ఘన్లను పశ్చాత్తాపపడేలా చేశాడు. అనంతరం హెడ్‌ నూర్‌ అహ్మద్‌ వేసిన 11వ ఓవర్‌లో రెండు పరుగులు తీసి కెరీర్‌లో 17వ హాఫ్‌ సెంచరీని పూర్తి చేసుకున్నాడు. 12 ఓవర్లలోనే ఆస్ట్రేలియా వికెట్‌ నష్టపోయి 100 పరుగుల మార్కును తాకింది.ఈ మ్యాచ్‌లో ఆఫ్ఘనిస్తాన్‌ గెలిస్తే సెమీస్‌కు చేరుకుంటుంది. ఓడితే మాత్రం టోర్నీ నుంచి నిష్క్రమిస్తుంది. ఆసీస్‌కు మాత్రం ఈక్వేషన్స్‌ అలా లేవు. ఆసీస్‌ ఈ మ్యాచ్‌లో ఓడినా.. రేపు జరుగబోయే మ్యాచ్‌లో ఇంగ్లండ్‌ సౌతాఫ్రికాను ఓడిస్తే సెమీస్‌కు చేరే అవకాశం (మెరుగైన రన్‌రేట్‌ కలిగి ఉంటే) ఉంటుంది.

ప్రస్తుతం జరుగుతున్న ఛాంపియన్స్‌ ట్రోఫీలో (Champions Trophy-2025) ఆఫ్ఘనిస్తాన్‌ (Afghanistan) అంచనాలకు మించి రాణిస్తుంది. ఆఫ్ఘన్లకు ఇది అరంగేట్రం ఎడిషనే (ఛాంపియన్స్‌ ట్రోఫీలో) అయినా.. ఎంతో అనుభవజ్ఞుల్లా ఆడుతున్నారు. దాయాది పాకిస్తాన్‌ కంటే వెయ్యి రెట్లు బెటర్‌ అనిపిస్తున్నారు. ఈ టోర్నీలో తమ రెండో మ్యాచ్‌లో పటిష్టమైన ఇంగ్లండ్‌కు షాకిచ్చిన ఆఫ్ఘన్లు.. ఇవాళ (ఫిబ్రవరి 28) ఆస్ట్రేలియాతో జరుగుతున్న డూ ఆర్‌ డై మ్యాచ్‌లో (సెమీస్‌కు చేరాలంటే ఈ మ్యాచ్‌ తప్పక గెలవాలి) తొలుత బ్యాటింగ్‌ చేసి భారీ స్కోర్‌ సాధించారు. వన్‌ డౌన్‌ బ్యాటర్‌ సెదిఖుల్లా అటల్‌ (Sediqulla Atal) (95 బంతుల్లో 85), ఆల్‌రౌండర్‌ అజ్మతుల్లా ఒమర్‌జాయ్‌ (Azmatulla Omarzai) (63 బంతుల్లో​ 67) అర్ద సెంచరీలతో సత్తా చాటడంతో ఆఫ్ఘనిస్తాన్‌ నిర్ణీత 50 ఓవర్లలో 273 పరుగులకు ఆలౌటైంది.తొలి ఓవర్‌లోనే ఓపెనర్‌ రహ్మానుల్లా గుర్బాజ్‌ (0) వికెట్‌ కోల్పోయి కష్టాల్లో పడిన ఆఫ్ఘనిస్తాన్‌ను గత మ్యాచ్‌ సెంచరీ హీరో ఇబ్రహీం జద్రాన్‌ (22), వన్‌డౌన్‌ బ్యాటర్‌ సెదిఖుల్లా అటల్‌ ఆదుకున్నారు. వీరిద్దరు రెండో వికెట్‌కు 67 పరుగులు జోడించారు. అనంతరం జద్రాన్‌ను అద్భుతమైన బంతితో ఆడమ్‌ జంపా బోల్తా కొట్టించాడు. తర్వాత బరిలోకి దిగిన రహ్మత్‌ షా (12) కొద్దిసేపు నిలకడగా ఆడాడు. బౌండరీ కొట్టి జోష్‌ మీదున్న షాను మ్యాక్స్‌వెల్‌ ఔట్‌ చేశాడు. అనంతరం అటల్‌.. కెప్టెన్‌ హష్మతుల్లా షాహిదితో (20) కలిసి ఇన్నింగ్స్‌ను నిర్మించాడు. వీరిద్దరు నాలుగో వికెట్‌కు 68 పరుగులు జోడించారు. వీరిద్దరూ క్రీజ్‌లో ఉండగా.. ఆఫ్ఘనిస్తాన్‌ ఈ మ్యాచ్‌లో కూడా భారీ స్కోర్‌ సాధించేలా కనిపించింది. అయితే సెదిఖుల్లా దురదృష్టవశాత్తు సెంచరీకి ముందు ఔటై ఆఫ్ఘనిస్తాన్‌ ఆశలు నీరుగార్చాడు. సెదీఖుల్లా క్రీజ్‌లో ఉన్నంత సేపు ఆస్ట్రేలియన్లకు చెమటలు పట్టించాడు.సెదిఖుల్లా ఔటైన కొద్ది సేపటికే హష్మతుల్లా షాహిది, మహ్మద్‌ నబీ (1), గుల్బదిన్‌ నైబ్‌ (4) కూడా ఔట్‌ కావడంతో ఆఫ్ఘనిస్తాన్‌ 199 పరుగులకే 7​ వికెట్లు కోల్పోయి స్వల్ప స్కోర్‌కే పరిమితం అయ్యేలా చేసింది. ఈ దశలో గత మ్యాచ్‌ హీరో అజ్మతుల్లా ఒమర్‌జాయ్‌ విజృంభించాడు. వరుస సిక్సర్లతో విరుచుకుపడి ఆఫ్ఘనిస్తాన్‌ స్కోర్‌ను 270 దాటించాడు. మధ్యలో రషీద్‌ ఖాన్‌ (19) కూడా తన స్టయిల్‌లో విరుచుకుపడ్డాడు. మొత్తానికి సెదీఖుల్లా, ఒమర్‌జాయ్‌ అదరగొట్టడంతో ఆఫ్ఘనిస్తాన్‌ ఆస్ట్రేలియా ముందు ఫైటింగ్‌ టోటల్‌ను ఉంచింది. ఆసీస్‌ బౌలర్లలో బెన్‌ డ్వార్షుయిష్‌ 3, స్పెన్సర్‌ జాన్సన్‌, ఆడమ్‌ జంపా తలో 2, ఎల్లిస్‌, మ్యాక్స్‌వెల్‌ చెరో వికెట్‌ పడగొట్టారు. ఈ మ్యాచ్‌లో ఆఫ్ఘనిస్తాన్‌ గెలిస్తే సెమీస్‌కు చేరుకుంటుంది. ఓడితే మాత్రం టోర్నీ నుంచి నిష్క్రమిస్తుంది. ఆసీస్‌కు మాత్రం ఈక్వేషన్స్‌ అలా లేవు. ఆసీస్‌ ఈ మ్యాచ్‌లో ఓడినా.. రేపు జరుగబోయే మ్యాచ్‌లో ఇంగ్లండ్‌ సౌతాఫ్రికాను ఓడిస్తే సెమీస్‌కు చేరే అవకాశం (మెరుగైన రన్‌రేట్‌ కలిగి ఉంటే) ఉంటుంది.

ఇస్లామాబాద్‌: ఛాంపియన్స్ ట్రోఫీ-2025లో ఆతిథ్య పాకిస్థాన్‌ జట్టు ప్రదర్శన ఆ దేశ అభిమానులను తీవ్ర నిరాశకు గురిచేసింది. పాకిస్థాన్‌ ఆడిన రెండు మ్యాచుల్లో(భారత్‌, న్యూజిలాండ్‌) ఓటమిని చవిచూసింది. వర్షం కారణంగా బంగ్లాదేశ్‌తో మ్యాచ్‌ రద్దు అయ్యింది. దీంతో, పాయింట్ల ప‌ట్టిక‌లో ఆఖ‌రి స్థానానికి ప‌రిమిత‌మైంది. ఈ నేపథ్యంలో ప్లేయర్స్‌, పీసీబీపై తీవ్ర విమర్శలు వెల్లువెత్తుతున్నాయి.మరోవైపు.. పాకిస్థాన్‌ టీమ్‌ ఆట‌తీరుపై రాజకీయ నాయకులు కూడా దృష్టి సారించారు. రిజ్వాన్ సేన దారుణ ఆట‌తీరు, పీసీబీ వ్యవహారాలను ప్రధాని షెహబాజ్ షరీఫ్ దృష్టికి తీసుకెళ్తామని ప్ర‌ధాని రాజకీయ, ప్రజా వ్యవహారాల సలహాదారు రాణా సనావుల్లా వెల్లడించారు. పార్లమెంట్‌లో జట్టు ప్రదర్శనపై చర్చించాలని ప్రధాని షెహబాబ్‌ను కోరుతామని అన్నారు. జట్టు ఓటమిపై ప్రధాని కూడా ఆందోళన వ్యక్తం చేసినట్టు తెలిపారు. ఈ సందర్బంగా సనావుల్లా మాట్లాడుతూ.. పాక్‌ క్రికెట్‌ జట్టు ఆట తీరుపై ప్రధాని వ్యక్తిగతంగా దృష్టిసారించాని కోరుతాం. జట్టు ఆటతీరు దారుణంగా ఉంది. పాక్ దారుణ ప్ర‌ద‌ర్శ‌నపై మంత్రివర్గంలో, పార్లమెంటులో ప్ర‌స్తావించాలనుకుంటున్నాం. క్రికెట్ బోర్డు ఒక స్వతంత్ర సంస్థ. పాక్ బోర్డు త‌మ ద‌గ్గ‌ర ఉన్న న‌గ‌దును వేటికి ఎలా ఖ‌ర్చుపెడుతుందో తెలుసుకునే హ‌క్కు ప్ర‌జ‌ల‌కు ఉంది. పీసీబీలోని కొంద‌రు అధికారులు నెల‌కు ఐదు మిలియ‌న్ల‌కు వ‌ర‌కు అందుకుంటున్నారు. వారు తమకు నచ్చినట్లు చేయగలరు. కానీ, వారి బాధ్య‌త‌లను నిర్వ‌ర్తించ‌డంలో విఫలం అవుతున్నారు. గత దశాబ్ద కాలంగా మనం క్రికెట్‌లో ఒడిదుడుకులను ఎదుర్కొంటున్నాం. ఆటగాళ్లకు ఇచ్చే ప్రోత్సాహకాలు సైతం భారీగా ఉన్నాయి. ఇవన్నీ జట్టు ప్రదర్శనపై ప్రభావితం చూపుతున్నాయి’ అని చెప్పుకొచ్చారు. ఈ నేపథ్యంలో పాక్‌ జట్టు ఆట తీరుపై పార్లమెంట్‌లో వాడేవేడి చర్చ జరిగే అవకాశం ఉంది.ఇదిలా ఉండగా.. ఛాంపియన్స్ ట్రోఫీలో పాకిస్తాన్ క‌థ ముగిసింది. ఒక్క మ్యాచ్‌లో కూడా గెల‌వ‌కుండానే(బంగ్లాదేశ్‌తో మ్యాచ్‌ వర్షం కారణంగా రద్దు) టోర్నీ నుంచి నిష్క్రమించింది. ఈ నేపథ్యంలో జట్టు దారుణమైన ప్రదర్శన ఆ దేశ క్రికెట్ నిపుణులు, మాజీ ఆటగాళ్లలో ఆందోళనను రేకెత్తించింది. ఇలాంటి వైఫ‌ల్యాల‌కు జట్టు ఆటగాళ్ల ప్రదర్శన ఒక్క‌టే కార‌ణం కాద‌ని, పాక్ జ‌ట్టు దేశ‌వాలీ వ్య‌వ‌స్థ పూర్తిగా క్షీణించ‌డం అని వారు చెబుతున్నారు.

లాహోర్‌: చాంపియన్స్‌ ట్రోఫీలో ఇంగ్లండ్, అఫ్తానిస్తాన్‌ల మ్యాచ్‌ ఫలితం మొత్తం గ్రూప్‌ ‘బి’ సమీకరణాలనే మార్చేసింది. నాలుగు జట్లలో ఒక్క ఇంగ్లండ్‌ తప్ప దక్షిణాఫ్రికా, ఆస్ట్రేలియా, అఫ్గానిస్తాన్‌లు సెమీఫైనల్‌ రేసులో ఉన్నాయి. ఈ రోజు నాకౌట్‌ దశ బెర్త్‌ కోసం ఆసీస్, అఫ్గాన్‌లు కాచుకున్నట్లే ఆసక్తికరంగా మ్యాచ్‌ను ఆపేందుకు వర్షం కూడా కాచుకుంది. శుక్రవారం వానముప్పు ఉందని స్థానిక వాతావరణ కేంద్రం తెలిపింది. ఒకవేళ మ్యాచ్‌ను ముంచేసే వాన కురిస్తే మాత్రం అఫ్గానిస్తాన్‌ కథ ఇక్కడితోనే ముగుస్తుంది. 4 పాయింట్లతో ఆస్ట్రేలియా, ఇంగ్లండ్‌తో మిగిలున్న మ్యాచ్‌తో సంబంధం లేకుండా దక్షిణాఫ్రికా (ప్రస్తుతం 3 పాయింట్లు) సెమీస్‌కు అర్హత సాధిస్తాయి. తాజా పోరు విషయానికొస్తే ఆ్రస్టేలియాను ఓడించడం అఫ్గాన్‌కు అంత సులువైతే కాదు. కానీ ఇది క్రికెట్‌. స్థిరమైన ఫలితాలేవీ ఉండవు. మేటి జట్టా, గట్టి ప్రత్యర్థా... అనేవి, గత గణాంకాలు పనికిరావు. శుక్రవారం ఏ జట్టు బాగా ఆడితే ఆ జట్టే గెలుస్తుంది. అఫ్గాన్‌ ఈ టోర్నీలో సంచలనానికి సీక్వెల్‌ చూపిస్తే మాత్రం దక్షిణాఫ్రికా, ఇంగ్లండ్‌ మ్యాచ్‌ ఫలితం, ఇతర ఏ సమీకరణంతో సంబంధం లేకుండా దర్జాగా సెమీస్‌ చేరుతుంది. ఆసీస్‌ మాత్రం దక్షిణాఫ్రికా మ్యాచ్‌ ఫలితం కోసం నిరీక్షించక తప్పదు. ఆ్రస్టేలియా కంటే దక్షిణాఫ్రికా రన్‌రేట్‌ మెరుగ్గా ఉండటంతో సఫారీ జట్టు ఓడిపోయినా సెమీఫైనల్‌ చేరే అవకాశాలు ఎక్కువగా ఉన్నాయి. ఇరు జట్లకు తెలిసిన పిచ్‌పై... లాహోర్‌పై ఇటు అఫ్గాన్‌కు, అటు ఆసీస్‌కు అవగాహన ఉంది. ఇరు జట్లు కూడా తమ బ్యాటింగ్‌ సత్తాతోనే తమ తమ మ్యాచ్‌ల్లో గెలిచాయి. కాబట్టి ఇక్కడి పిచ్‌ పరిస్థితుల్ని బాగా ఆకళింపు చేసుకున్నాయి. దీంతో సహజంగా టాస్‌ కీలకపాత్ర పోషించే అవకాశముంది. ఏ రకంగా చూసిన మాజీ చాంపియన్‌ ఆ్రస్టేలియా గట్టి ప్రత్యర్థి. కానీ అజేయమైన ప్రత్యర్థి కాదు. ఈ ‘చాంపియన్స్‌’ చరిత్రలో 2009 తర్వాత మొన్న ఇంగ్లండ్‌పై మాత్రమే గెలిచిన కంగారూ జట్టు మధ్యలో జరిగిన రెండు టోర్నీల్లో ఓటమి లేదంటే రద్దు ఫలితాలతో నిరాశపరిచింది. ఇంగ్లండ్‌తో జరిగిన మ్యాచ్‌లో 352 పరుగుల లక్ష్యాన్ని ఛేదించిన ఆస్ట్రేలియా బౌలింగ్‌ దళం చాలా బలహీనంగా ఉంది. పేస్‌ త్రయం కమిన్స్, స్టార్క్, హాజల్‌వుడ్‌ల లోటు కనిపిస్తోంది. బౌలింగ్‌ విషయంలో అఫ్గాన్‌ కాస్త మెరుగే అయినా... స్మిత్, లబుõÙన్, హెడ్, ఇన్‌గ్లిస్, మ్యాక్స్‌వెల్‌లాంటి బ్యాటింగ్‌ లైనప్‌ను ఢీకొంటుందా అనే సందేహం కూడా ఉంది. పిచ్, వాతావరణం లాహోర్‌ పూర్తిగా బ్యాటింగ్‌ పిచ్‌. ఆస్ట్రేలియా–ఇంగ్లండ్‌... అఫ్గాన్‌–ఇంగ్లండ్‌ జట్ల మధ్య నాలుగుసార్లు 300 పైచిలుకు స్కోరు సులువైంది. దీంతో మరో భారీస్కోరు ఆశించవచ్చు. ఇదే జరిగితే బౌలర్లకు కష్టాలు తప్పకపోవచ్చు. కానీ భారీ వర్షసూచన కూడా ఉంది. 4 ఆ్రస్టేలియాతో అఫ్గానిస్తాన్‌ జట్టు ఇప్పటి వరకు 4 వన్డేలు ఆడింది. నాలుగింటిలోనూ ఆ్రస్టేలియానే గెలిచింది.తుది జట్లు ఆస్ట్రేలియా: స్టీవ్‌ స్మిత్‌ (కెప్టెన్ ), షార్ట్, హెడ్, లబుషేన్, జోస్‌ ఇన్‌గ్లిస్, అలెక్స్‌ కేరీ, మ్యాక్స్‌వెల్, డ్వార్షుయిస్, నాథన్‌ ఎలిస్, ఆడమ్‌ జంపా, జాన్సన్‌. అఫ్గానిస్తాన్‌: హష్మతుల్లా (కెప్టెన్ ), గుర్బాజ్, ఇబ్రహీమ్‌ జద్రాన్, సిద్ధిఖుల్లా, రహ్మత్‌ షా, అజ్మతుల్లా ఒమర్జాయ్, నబీ, గుల్బదిన్, రషీద్‌ ఖాన్, నూర్‌ అహ్మద్, ఫజల్‌హక్‌.

ఛాంపియన్స్‌ ట్రోఫీ-2025లో (Champions Trophy 2025) భాగంగా పాకిస్తాన్‌ (Pakistan), బంగ్లాదేశ్‌ (Bangladesh) మధ్య ఇవాళ (ఫిబ్రవరి 27) జరగాల్సిన మ్యాచ్‌ వర్షం ‍కారణంగా రద్దైంది. ఎడతెరిపి లేని వర్షం కారణంగా ఈ మ్యాచ్‌లో టాస్‌ కూడా పడలేదు. ప్రస్తుత ఎడిషన్‌లో వర్షం కారణంగా రద్దైన రెండో మ్యాచ్‌ ఇది. ఫిబ్రవరి 25న ఆస్ట్రేలియా, సౌతాఫ్రికా మధ్య జరగాల్సిన మ్యాచ్‌ కూడా ఇలాగే టాస్‌ కూడా పడకుండా రద్దైంది. పాకిస్తాన్‌, బంగ్లాదేశ్‌ మ్యాచ్‌ గ్రూప్‌-ఏలో భాగంగా జరగాల్సిన నామమాత్రపు మ్యాచ్‌. ఈ గ్రూప్‌ నుంచి ఈ రెండు జట్లు ఇదివరకే సెమీస్‌ రేసు నుంచి నిష్క్రమించాయి. ఈ గ్రూప్‌ నుంచి భారత్‌, న్యూజిలాండ్‌ సెమీస్‌ బెర్త్‌లు ఖరారు చేసుకున్నాయి. పాకిస్తాన్‌, బంగ్లాదేశ్‌ జట్లు ఆడిన రెండు మ్యాచ్‌ల్లో భారత్‌, న్యూజిలాండ్‌ చేతుల్లో ఓడాయి. ఆతిథ్య దేశ హోదాలో నేటి మ్యాచ్‌లోనైనా గెలిచి పరువు కాపాడుకోవాలని పాకిస్తాన్‌ భావించింది. అయితే వరుణుడు వారి ఆశలపై నీళ్లు చల్లాడు. ఆతిథ్య దేశంగా పాకిస్తాన్‌ ఒక్క మ్యాచ్‌ కూడా గెలవకుండానే టోర్నీ నుంచి నిష్క్రమించింది. ఇక్కడ హైలైట్‌ విషయం ఏంటంటే పాక్‌ పాయింట్ల పట్టికలో చివరి స్థానంలో నిలిచింది. పాక్‌తో పోలిస్తే మెరుగైన రన్‌రేట్‌ కలిగిన బంగ్లాదేశ్‌ మూడో స్థానంలో ముగించింది. టోర్నీ ప్రారంభానికి ముందు పాక్‌లాగే బీరాలు పలికి బంగ్లాదేశ్‌ కూడా ఒక్క విజయం కూడా లేకుండానే టోర్నీ నుంచి నిష్క్రమించింది. గ్రూప్‌-ఏలో చివరి మ్యాచ్‌లో భారత్‌, న్యూజిలాండ్‌ జట్లు తలపడనున్నాయి. భారత్‌, న్యూజిలాండ్‌ ఇదివరకే సెమీస్‌కు చేరడంతో ఈ మ్యాచ్‌ కూడా నామమాత్రంగానే సాగనుంది. ఈ మ్యాచ్‌ మార్చి 2న దుబాయ్‌లో జరుగనుంది.గ్రూప్‌-ఏ నుంచి సెమీస్‌ బెర్త్‌లు ఖరారైనా.. గ్రూప్‌-బిలో పోటీ మాత్రం రసవత్తరంగా సాగుతుంది. నిన్నటి మ్యాచ్‌లో ఇంగ్లండ్‌పై ఆఫ్ఘనిస్తాన్‌ సంచలన విజయం​ సాధించడంతో ఈ గ్రూప్‌ నుంచి సెమీస్‌ రేసు రంజుగా మారింది. ఆఫ్ఘనిస్తాన్‌ చేతిలో ఓటమితో ఇంగ్లండ్‌ టోర్నీ నుంచి నిష్క్రమించగా.. రెండు సెమీస్‌ బెర్త్‌ల కోసం సౌతాఫ్రికా, ఆస్ట్రేలియా, ఆఫ్ఘనిస్తాన్‌ పోటీపడుతున్నాయి. సౌతాఫ్రికా, ఆస్ట్రేలియా తలో మ్యాచ్‌ గెలవగా.. ఇరు జట్ల మధ్య జరగాల్సిన మ్యాచ్‌ వర్షం కారణంగా రద్దైంది. ఫలితంగా ఇరు జట్లకు చెరో పాయింట్‌ లభించింది. ప్రస్తుతం సౌతాఫ్రికా, ఆస్ట్రేలియా చెరి 3 పాయింట్లతో పాయింట్ల పట్టికలో తొలి రెండు స్థానాల్లో ఉన్నాయి. ఇంగ్లండ్‌పై గెలుపు.. అంతకుముందు సౌతాఫ్రికా చేతిలో ఓటమితో ఆఫ్ఘనిస్తాన్‌ 2 పాయింట్లతో మూడో స్థానంలో ఉంది. రేపు ఆఫ్ఘనిస్తాన్‌ లాహోర్‌లో ఆస్ట్రేలియాతో తలపడుతుంది. ఈ మ్యాచ్‌లో ఆస్ట్రేలియా గెలిస్తే సెమీస్‌ బెర్త్‌ ఖరారు చేసుకుంటుంది. ఆఫ్ఘనిస్తాన్‌ టోర్నీ నుంచి నిష్క్రమిస్తుంది. ఒకవేళ ఆస్ట్రేలియాపై ఆఫ్ఘనిస్తాన్‌ గెలిస్తే.. ఆఫ్ఘనిస్తాన్‌ సెమీస్‌కు చేరుకుంటుంది. రెండో బెర్త్‌ మార్చి 1న జరిగే సౌతాఫ్రికా, ఇంగ్లండ్‌ మ్యాచ్‌ ఫలితంపై ఆధారపడి ఉంటుంది. ఆ మ్యాచ్‌లో సౌతాఫ్రికా గెలిస్తే రెండో సెమీస్‌ బెర్త్‌ ఖరారు చేసుకుంటుంది. ఒకవేళ ఇంగ్లండ్‌ గెలిస్తే.. సౌతాఫ్రికా, ఆస్ట్రేలియా జట్లలో మెరుగైన రన్‌ రేట్‌ కలిగిన జట్టు సెమీస్‌కు చేరుకుంటుంది.

రెండేళ్ల క్రితం వన్డే వరల్డ్‌ కప్‌లో అఫ్గానిస్తాన్‌ చేతిలో ఇంగ్లండ్‌ ఓటమి పాలైంది. ఆ రోజు అది ఒక సంచలనంగా కనిపించింది. ఇప్పుడు మరో ఐసీసీ టోర్నీలో మళ్లీ చెలరేగిన అఫ్గానిస్తాన్‌ అదే తరహా ఆటతో మళ్లీ ఇంగ్లండ్‌ పని పట్టింది. ఇప్పుడిది సంచలనం కాదు సాధారణమని నిరూపించింది. స్ఫూర్తిదాయక ఆటతో అదరగొట్టిన అఫ్గానిస్తాన్‌ చాంపియన్స్‌ ట్రోఫీలో తమ సెమీఫైనల్‌ ఆశలను సజీవంగా ఉంచుకోగా... వరుసగా రెండో ఓటమితో ఇంగ్లండ్‌ నిష్క్రమించింది.చాంపియన్స్‌ ట్రోఫీ చరిత్రలో అత్యధిక వ్యక్తిగత స్కోరుతో ఇబ్రహీమ్‌ జద్రాన్‌ తన టీమ్‌కు భారీ స్కోరును అందించగా... బౌలింగ్‌లో ఐదు వికెట్లతో అజ్మతుల్లా టీమ్‌ను నిలబెట్టాడు. ఆరేళ్ల తర్వాత వన్డేల్లో సెంచరీ చేసిన జో రూట్‌ ఎంతో పోరాడినా... విజయానికి 26 బంతుల్లో 39 పరుగులు చేయాల్సిన దశలో అతను అవుటవ్వడం ఇంగ్లండ్‌ ఓటమికి కారణమైంది. లాహోర్‌: చాంపియన్స్‌ ట్రోఫీ గ్రూప్‌ ‘బి’లో ఇంకా ఆసక్తికర పోటీ సాగుతోంది. ఆ్రస్టేలియా, దక్షిణాఫ్రికాలతో పాటు ఇప్పుడు అఫ్గానిస్తాన్‌ కూడా సెమీఫైనల్‌ రేసులోకి వచ్చింది. బుధవారం జరిగిన మ్యాచ్‌లో అఫ్గానిస్తాన్‌ 8 పరుగుల తేడాతో ఇంగ్లండ్‌ను ఓడించింది. టాస్‌ గెలిచి బ్యాటింగ్‌ ఎంచుకున్న అఫ్గానిస్తాన్‌ నిరీ్ణత 50 ఓవర్లలో 7 వికెట్ల నష్టానికి 325 పరుగులు సాధించింది. ‘ప్లేయర్‌ ఆఫ్‌ ద మ్యాచ్‌’ ఇబ్రహీమ్‌ జద్రాన్‌ (146 బంతుల్లో 177; 12 ఫోర్లు, 6 సిక్స్‌లు) భారీ సెంచరీ బాదగా... అజ్మతుల్లా (31 బంతుల్లో 41; 1 ఫోర్, 3 సిక్స్‌లు), మొహమ్మద్‌ నబీ (24 బంతుల్లో 40; 2 ఫోర్లు, 3 సిక్స్‌లు), కెప్టెన్‌ హష్మతుల్లా (67 బంతుల్లో 40; 3 ఫోర్లు) సహకరించారు. అనంతరం ఇంగ్లండ్‌ 49.5 ఓవర్లలో 317 పరుగులకు ఆలౌటైంది. జో రూట్‌ (111 బంతుల్లో 120; 11 ఫోర్లు, 1 సిక్స్‌) సెంచరీ చేయగా...అఫ్గాన్‌ బౌలర్‌ అజ్మతుల్లా ఒమర్జాయ్‌ (5/58) ప్రత్యరి్థని దెబ్బ తీశాడు. శుక్రవారం జరిగే తమ చివరి లీగ్‌ మ్యాచ్‌లో ఆ్రస్టేలియాతో అఫ్గానిస్తాన్‌; శనివారం జరిగే మ్యాచ్‌లో దక్షిణాఫ్రికాతో ఇంగ్లండ్‌ తలపడతాయి. ఆ్రస్టేలియా, దక్షిణాఫ్రికా 3 పాయింట్లతో సంయుక్తంగా అగ్రస్థానంలో ఉండగా... అఫ్గానిస్తాన్‌ ఖాతాలో 2 పాయింట్లున్నాయి. చివరి మ్యాచ్‌లో ఇంగ్లండ్‌ నెగ్గినా ఆ జట్టుకు రెండు పాయింట్లు మాత్రమే లభిస్తాయి. భారీ భాగస్వామ్యాలు... ఇంగ్లండ్‌ ఆరంభంలో కట్టుదిట్టంగా బౌలింగ్‌ చేయడంతో అఫ్గాన్‌ బ్యాటర్లు పరుగులు చేయడానికి ఇబ్బంది పడ్డారు. ఇదే ఒత్తిడిలో జట్టు 26 పరుగుల వ్యవధిలో 3 వికెట్లు కోల్పోయింది. ఒకే ఓవర్లో గుర్బాజ్‌ (6), సాదిఖుల్లా (4)లను అవుట్‌ చేసిన ఆర్చర్‌ ఆ తర్వాత రహ్మత్‌ షా (4)ను కూడా వెనక్కి పంపాడు. తొలి 10 ఓవర్లలో 3 ఫోర్లు, 1 సిక్స్‌తో అఫ్గాన్‌ 39 పరుగులే చేసింది. అయితే ఆ తర్వాతి మూడు భాగస్వామ్యాలు అఫ్గాన్‌ను భారీ స్కోరు దిశగా నడిపించాయి. దూకుడైన బ్యాటింగ్‌తో చెలరేగిన ఇబ్రహీమ్‌ వరుసగా నాలుగు, ఐదు, ఆరో వికెట్‌లకు హష్మతుల్లాతో 103 పరుగులు, అజ్మతుల్లాతో 72 పరుగులు, నబీతో 111 పరుగులు జోడించాడు. ఒవర్టన్‌ ఓవర్లో 2 ఫోర్లు, సిక్స్‌ కొట్టిన ఇబ్రహీమ్‌...106 బంతుల్లో వన్డేల్లో ఆరో సెంచరీని పూర్తి చేసుకున్నాడు. 40వ ఓవర్‌ తర్వాత అఫ్గాన్‌ బ్యాటింగ్‌ మరింత ధాటిగా సాగింది. ఆర్చర్‌ ఓవర్లో ఇబ్రహీమ్‌ 3 ఫోర్లు, సిక్స్‌ బాదగా... రూట్‌ ఓవర్లో నబీ 2 ఫోర్లు, 2 సిక్స్‌లు కొట్టాడు. మెరుపు ప్రదర్శన చేసిన ఇబ్రహీమ్‌ చివరి ఓవర్‌ తొలి బంతికి అవుటయ్యాడు. ఆఖరి 10 ఓవర్లలో అఫ్గానిస్తాన్‌ 113 పరుగులు సాధించడం విశేషం. రూట్‌ మినహా... సాల్ట్‌ (12), జేమీ స్మిత్‌ (9) ఆరంభంలోనే వెనుదిరగడంతో భారీ ఛేదనలో ఇంగ్లండ్‌కు సరైన ఆరంభం లభించలేదు. అయితే రూట్, డకెట్‌ (45 బంతుల్లో 38; 4 ఫోర్లు) కలిసి జట్టును ఆదుకున్నారు. ఈ భాగస్వామ్యం తర్వాత బ్రూక్‌ (25), బట్లర్‌ (42 బంతుల్లో 38; 2 సిక్స్‌లు) కూడా కొద్దిసేపు రూట్‌కు సహకరించారు. అయితే వరుస విరామాల్లో వికెట్లు కోల్పోవడంతో ఇంగ్లండ్‌ ఇన్నింగ్స్‌ సరైన రీతిలో సాగలేదు. రూట్, ఒవర్టన్‌ (28 బంతుల్లో 32; 3 ఫోర్లు) భాగస్వామ్యం కొద్దిగా ఇంగ్లండ్‌ విజయంపై ఆశలు రేపింది. 101 బంతుల్లో రూట్‌ వన్డేల్లో 17వ సెంచరీ పూర్తి చేసుకున్నాడు. అయితే చక్కటి బంతితో రూట్‌ను అజ్మతుల్లా బోల్తా కొట్టించిన తర్వాత ఒక్కసారిగా మ్యాచ్‌ అఫ్గాన్‌ వైపు మొగ్గింది.స్కోరు వివరాలు అఫ్గానిస్తాన్‌ ఇన్నింగ్స్‌: గుర్బాజ్‌ (బి) ఆర్చర్‌ 6; ఇబ్రహీమ్‌ (సి) ఆర్చర్‌ (బి) లివింగ్‌స్టోన్‌ 177; సాదిఖుల్లా (ఎల్బీ) (బి) ఆర్చర్‌ 4; రహ్మత్‌ షా (సి) ఆదిల్‌ రషీద్‌ (బి) ఆర్చర్‌ 4; హష్మతుల్లా (బి) రషీద్‌ 40; అజ్మతుల్లా (సి) (సబ్‌) బాంటన్‌ (బి) ఒవర్టన్‌ 41; నబీ (సి) రూట్‌ (బి) లివింగ్‌స్టోన్‌ 40; గుల్బదిన్‌ (నాటౌట్‌) 1; రషీద్‌ ఖాన్‌ (నాటౌట్‌) 1; ఎక్స్‌ట్రాలు 11; మొత్తం (50 ఓవర్లలో 7 వికెట్లకు) 325. వికెట్ల పతనం: 1–11, 2–15, 3–37, 4–140, 5–212, 6–323, 7–324. బౌలింగ్‌: ఆర్చర్‌ 10–0–64–3, మార్క్‌ వుడ్‌ 8–0–50–0, ఒవర్టన్‌ 10–0–72–1, ఆదిల్‌ రషీద్‌ 10–0–60–1, రూట్‌ 7–0–47–0, లివింగ్‌స్టోన్‌ 5–0–28–2. ఇంగ్లండ్‌ ఇన్నింగ్స్‌: సాల్ట్‌ (బి) అజ్మతుల్లా 12; డకెట్‌ (ఎల్బీ) (బి) రషీద్‌ 38; స్మిత్‌ (సి) అజ్మతుల్లా (బి) నబీ 9; రూట్‌ (సి) గుర్బాజ్‌ (బి) అజ్మతుల్లా 120; బ్రూక్‌ (సి అండ్‌ బి) నబీ 25; బట్లర్‌ (సి) రహ్మతుల్లా (బి) అజ్మతుల్లా 38; లివింగ్‌స్టోన్‌ (సి) గుర్బాజ్‌ (బి) గుల్బదిన్‌ 10; ఒవర్టన్‌ (సి) నబీ (బి) అజ్మతుల్లా 32; ఆర్చర్‌ (సి) నబీ (బి) ఫారుఖీ 14; రషీద్‌ (సి) ఇబ్రహీమ్‌ (బి) అజ్మతుల్లా 5; వుడ్‌ (నాటౌట్‌) 2; ఎక్స్‌ట్రాలు 12; మొత్తం (49.5 ఓవర్లలో ఆలౌట్‌) 317. వికెట్ల పతనం: 1–19, 2–30, 3–98, 4–133, 5–216, 6–233, 7–287, 8–309, 9–313, 10–317. బౌలింగ్‌: ఫారుఖీ 10–0–62–1, అజ్మతుల్లా 9.5–0–58–5, నబీ 8–0–57–2, రషీద్‌ ఖాన్‌ 10–0–66–1, నూర్‌ 10–0–51–0, గుల్బదిన్‌ 2–0–16–1. చాంపియన్స్‌ ట్రోఫీలో నేడుపాకిస్తాన్‌ X బంగ్లాదేశ్‌స్టార్‌ స్పోర్ట్స్, జియోహాట్‌స్టార్‌లో ప్రత్యక్ష ప్రసారం

ఛాంపియన్స్‌ ట్రోఫీ-2025లో (Champions Trophy) భాగంగా ఇవాళ (ఫిబ్రవరి 26) జరిగిన మ్యాచ్‌లో ఇంగ్లాండ్‌పై అఫ్గానిస్తాన్‌ 8 పరుగుల తేడాతో విజయం సాధించింది. తొలుత టాస్‌ గెలిచి బ్యాటింగ్‌ చేసిన అఫ్గానిస్తాన్‌ నిర్ణీత 50 ఓవర్లలో 7 వికెట్ల నష్టానికి 325 పరుగుల భారీ స్కోర్‌ చేసింది. ఇందులో ఓపెనర్‌ ఇబ్రహీం జద్రాన్‌ రికార్డు శతకంతో చెలరేగాడు. మొత్తం 146 బంతుల్లో 12 ఫోర్లు, 6 సిక్సర్లతో 177 పరుగులు చేసి ఔటయ్యాడు. అఫ్గానిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (6), సెదికుల్లా అటల్‌ (4), రహ్మత్‌ షా (4) విఫలం కాగా.. హష్మతుల్లా షాహిది (40), అజ్మతుల్లా ఒమర్‌జాయ్‌ (41), మహ్మద్‌ నబీ (40) రాణించారు. ఇంగ్లండ్‌ బౌలర్లలో జోఫ్రా ఆర్చర్‌ 3 వికెట్లు పడగొట్టగా.. లివింగ్‌స్టోన్‌ 2, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన ఇంగ్లండ్‌.. 49.5 ఓవర్లలో 317 పరుగులకు ఆలౌటైంది. ఇంగ్లండ్‌ బ్యాటర్లలో జో రూట్‌(120) సెంచరీతో మెరవగా.. డకెట్‌(38), జెమీ ఓవర్టన్‌(32) పరుగులు చేశారు. అఫ్గానిస్తాన్‌ బౌలర్లలో అజ్మతుల్లా ఒమర్జాయ్ 5 వికెట్లతో రాణించాడు. మహ్మద్‌ నబీ 2 వికెట్లు సాధించగా, ఫజల్హాక్ ఫరూఖీ, రషీద్ ఖాన్, గుల్బాదిన్ నాయబ్ తలో వికెట్‌ పడగొట్టారు. ఈ ఓటమితో ఇంగ్లండ్‌​ సెమీస్‌​ రేసు నుంచి నిష్క్రమించింది.

అంతర్జాతీయ క్రికెట్‌లో ఇంగ్లండ్‌ స్టార్‌ ఆటగాడు జో రూట్‌ మరో సెంచరీ చేశాడు. రూట్‌.. వన్డేల్లో దాదాపు ఆరేళ్ల తర్వాత శతక్కొట్టాడు. ఛాంపియన్స్‌ ట్రోఫీ-2025లో భాగంగా ఆఫ్ఘనిస్తాన్‌తో జరుగుతున్న మ్యాచ్‌లో రూట్‌ సెంచరీతో మెరిశాడు. భారీ లక్ష్య ఛేదనలో రూట్‌ అద్భుతమైన శతకాన్ని సాధించాడు. ఈ మ్యాచ్‌లో రూట్‌ 98 బంతుల్లో 10 ఫోర్ల సాయంతో సెంచరీ పూర్తి చేశాడు. రూట్‌కు వన్డేల్లో ఇది 17వ సెంచరీ. ఓవరాల్‌గా (టెస్ట్‌ల్లో, వన్డేల్లో కలిపి) 53వది. ప్రస్తుతం యాక్టివ్‌గా ఉన్న ప్లేయర్లలో అత్యధిక సెంచరీలు చేసిన ఆటగాళ్ల జాబితాలో రూట్‌.. విరాట్‌ కోహ్లి తర్వాతి స్థానంలో ఉన్నాడు. కోహ్లి ఇప్పటివరకు 82 సెంచరీలు చేయగా.. రూట్‌ 53, రోహిత్‌ శర్మ 49, స్టీవ్‌ స్మిత్‌ 48, కేన్‌ విలియమ్సన్‌ 47 అంతర్జాతీయ సెంచరీలు చేశారు. రూట్‌ సెంచరీతో ప్రస్తుత ఛాంపియన్స్‌ ట్రోఫీలో సెంచరీల సంఖ్య 11కు చేరింది. ఛాంపియన్స్‌ ట్రోఫీ ఏ ఎడిషన్‌లోనూ ఇన్ని సెంచరీలు నమోదు కాలేదు. రూట్‌ వన్డేల్లో చివరిగా 2019లో సెంచరీ చేశాడు.మ్యాచ్‌ విషయానికొస్తే.. రూట్‌ సెంచరీతో మెరిసినా ఇంగ్లండ్‌కు ఓటమి తప్పేలా లేదు. ఆఫ్ఘనిస్తాన్‌ నిర్దేశించిన 326 పరుగుల లక్ష్య ఛేదనలో ఇంగ్లండ్‌ తడబడుతుంది. ప్రస్తుతం ఆ జట్టు 44 ఓవర్లలో 6 వికెట్లు కోల్పోయి 268 పరుగులు చేసింది. ఈ మ్యాచ్‌లో ఇంగ్లండ్‌ గెలవాలంటే 36 బంతుల్లో 58 పరుగులు చేయాలి. చేతిలో మరో 4 వికెట్లు మాత్రమే ఉన్నాయి. రూట్‌ 107, జేమీ ఓవర్టన్‌ 18 పరుగులతో క్రీజ్‌లో ఉన్నారు. ఇంగ్లండ్‌ ఇన్నింగ్స్‌లో ఫిల్‌ సాల్ట్‌ 12, బెన్‌ డకెట్‌ 38, జేమీ స్మిత్‌ 9, హ్యారీ బ్రూక్‌ 38, జోస్‌ బట్లర్‌ 38, లివింగ్‌స్టోన్‌ 10 పరుగులు చేసి ఔటయ్యారు. ఆఫ్ఘనిస్తాన్‌ బౌలర్లలో ఒమర్‌జాయ్‌, నబీ తలో రెండు వికెట్లు పడగొట్టగా.. రషీద్‌ ఖాన్‌, గుల్బదిన్‌ నైబ్‌ చెరో వికెట్‌ దక్కించుకున్నారు.అంతకుముందు ఇబ్రహీం జద్రాన్‌ రికార్డు శతకంతో చెలరేగడంతో ఆఫ్ఘనిస్తాన్‌ నిర్ణీత 50 ఓవర్లలో 7 వికెట్ల నష్టానికి 325 పరుగుల భారీ స్కోర్‌ చేసింది. ఈ మ్యాచ్‌లో జద్రాన్‌ 146 బంతుల్లో డజను ఫోర్లు, అర డజను సిక్సర్ల సాయంతో 177 పరుగులు చేసి ఔటయ్యాడు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (6), సెదికుల్లా అటల్‌ (4), రహ్మత్‌ షా (4) విఫలం కాగా.. హష్మతుల్లా షాహిది (40), అజ్మతుల్లా ఒమర్‌జాయ్‌ (41), మహ్మద్‌ నబీ (40) రాణించారు. ఇంగ్లండ్‌ బౌలర్లలో జోఫ్రా ఆర్చర్‌ 3 వికెట్లు పడగొట్టగా.. లివింగ్‌స్టోన్‌ 2, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.

ఛాంపియన్స్‌ ట్రోఫీ-2025లో (Champions Trophy) భాగంగా ఆఫ్ఘనిస్తాన్‌తో ఇవాళ (ఫిబ్రవరి 26) జరుగుతున్న మ్యాచ్‌లో ఇంగ్లండ్‌ ఓపెనర్‌ బెన్‌ డకెట్‌ (Ben Duckett) 1000 పరుగుల మైలురాయిని తాకాడు. ఈ మ్యాచ్‌లో 38 పరుగులు చేసి ఔటైన డకెట్‌.. 4 పరుగుల వ్యక్తిగత స్కోర్‌ వద్ద ఈ ఘనత సాధించాడు. 21 ఇన్నింగ్స్‌ల్లో 6 అర్ద సెంచరీలు, 3 సెంచరీల సాయంతో 1000 పరుగులు పూర్తి చేసుకున్న డకెట్‌.. ఇంగ్లండ్‌ తరఫున అత్యంత వేగంగా ఈ ఘనత సాధించిన ఆటగాడిగా రికార్డు నెలకొల్పాడు. ఈ రికార్డును డకెట్‌.. కెవిన్‌ పీటర్సన్‌, జోనాథన్‌ ట్రాట్‌, డేవిడ్‌ మలాన్‌తో కలిసి షేర్‌ చేసుకున్నాడు. ఈ ముగ్గురు కూడా 21 ఇన్నింగ్స్‌ల్లోనే 1000 పరుగుల మార్కును తాకారు.ఓవరాల్‌గా ఈ రికార్డును డకెట్‌.. వివ్‌ రిచర్డ్స్‌, క్వింటన్‌ డికాక్‌, బాబర్‌ ఆజమ్‌, రస్సీ వాన్‌ డర్‌ డస్సెన్‌లతో కూడా షేర్‌ చేసుకున్నాడు. వీరు కూడా 21 ఇన్నింగ్స్‌ల్లోనే 1000 పరుగులు పూర్తి చేసుకున్నారు. వన్డేల్లో అత్యంత వేగంగా 1000 పరుగులు పూర్తి చేసుకున్న రికార్డు పాక్‌ బ్యాటర్‌ ఫకర్‌ జమాన్‌ పేరిట ఉంది. జమాన్‌ కేవలం 18 ఇన్నింగ్స్‌ల్లోనే ఈ ఘనత సాధించాడు. ఫకర్‌ తర్వాత అత్యంత వేగంగా ఈ ఘనత సాధించిన రికార్డు ఇమామ్‌ ఉల్‌ హాక్‌, శుభ్‌మన్‌ గిల్‌ పేరిట ఉంది. వీరిద్దరు 1000 పరుగులు పూర్తి చేసేందుకు 19 ఇన్నింగ్స్‌లు తీసుకున్నారు.కెరీర్‌లో తొలి 1000 పరుగులు పూర్తి చేసేందుకు అ‍త్యధిక సమయం​ తీసుకున్న బ్యాటర్‌గా డకెట్‌ మరో రికార్డును తన ఖాతాలో వేసుకున్నాడు. 2016 అక్టోబర్‌లో తొలి వన్డే ఆడిన డకెట్‌.. 8 ఏళ్ల 143 రోజుల తర్వాత 1000 పరుగులు పూర్తి చేశాడు. డకెట్‌ తర్వాత 1000 పరుగులు పూర్తి చేసేందుకు సుదీర్ఘ సమయం తీసుకున్న ఆటగాడిగా టెంబా బవుమా నిలిచాడు. బవుమా 6 ఏళ్ల 174 రోజుల వ్యవధిలో తన తొలి 1000 వన్డే పరుగులు పూర్తి చేశాడు.జద్రాన్‌ రికార్డు సెంచరీ.. ఆఫ్ఘనిస్తాన్‌ భారీ స్కోర్‌టాస్‌ గెలిచి తొలుత బ్యాటింగ్‌ చేసిన ఆఫ్ఘనిస్తాన్‌.. యువ ఓపెనర్‌ ఇబ్రహీం జద్రాన్‌ రికార్డు శతకంతో చెలరేగడంతో నిర్ణీత 50 ఓవర్లలో 7 వికెట్ల నష్టానికి 325 పరుగుల భారీ స్కోర్‌ చేసింది. ఈ మ్యాచ్‌లో జద్రాన్‌ 146 బంతుల్లో డజను ఫోర్లు, అర డజను సిక్సర్ల సాయంతో 177 పరుగులు చేసి ఔటయ్యాడు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (6), సెదికుల్లా అటల్‌ (4), రహ్మత్‌ షా (4) విఫలం కాగా.. హష్మతుల్లా షాహిది (40), అజ్మతుల్లా ఒమర్‌జాయ్‌ (41), మహ్మద్‌ నబీ (40) రాణించారు. ఇంగ్లండ్‌ బౌలర్లలో జోఫ్రా ఆర్చర్‌ 3 వికెట్లు పడగొట్టగా.. లివింగ్‌స్టోన్‌ 2, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన ఇంగ్లండ్‌.. 27 ఓవర్ల అనంతరం 4 వికెట్లు కోల్పోయి 153 పరుగులు చేసింది. ఫిలిప్‌ సాల్ట్‌ 12, బెన్‌ డకెట్‌ 38, జేమీ స్మిత్‌ 9, హ్యారీ బ్రూక్‌ 25 పరుగులు చేసి ఔట్‌ కాగా.. జో రూట్‌ (52), జోస్‌ బట్లర్‌ (9) క్రీజ్‌లో ఉన్నారు. ఆఫ్ఘన్‌ బౌలర్లలో నబీ 2, ఒమర్‌జాయ్‌, రషీద్‌ ఖాన్‌ తలో వికెట్‌ తీశారు. ఈ మ్యాచ్‌లో ఇంగ్లండ్‌ గెలుపొందాలంటే 23 ఓవర్లలో మరో 173 పరుగులు చేయాలి.

ఛాంపియన్స్‌ ట్రోఫీ-2025లో (Champions Trophy) భాగంగా లాహోర్‌ వేదికగా ఇంగ్లండ్‌తో ఇవాళ (ఫిబ్రవరి 26) జరుగుతున్న కీలక సమరంలో ఆఫ్ఘనిస్తాన్‌ యువ ఓపెనర్‌ ఇబ్రహీం జద్రాన్‌ (Ibrahim Zadran) రికార్డు శతకం సాధించాడు. ఈ మ్యాచ్‌లో జద్రాన్‌ 146 బంతుల్లో డజను ఫోర్లు, అర డజను సిక్సర్ల సాయంతో 177 పరుగులు చేసి ఔటయ్యాడు. ఫలితంగా టాస్‌ గెలిచి తొలుత బ్యాటింగ్‌ చేసిన ఆఫ్ఘనిస్తాన్‌ నిర్ణీత 50 ఓవర్లలో 7 వికెట్ల నష్టానికి 325 పరుగుల భారీ స్కోర్‌ చేసింది. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (6), సెదికుల్లా అటల్‌ (4), రహ్మత్‌ షా (4) విఫలం కాగా.. హష్మతుల్లా షాహిది (40), అజ్మతుల్లా ఒమర్‌జాయ్‌ (41), మహ్మద్‌ నబీ (40) రాణించారు. ఇంగ్లండ్‌ బౌలర్లలో జోఫ్రా ఆర్చర్‌ 3 వికెట్లు పడగొట్టగా.. లివింగ్‌స్టోన్‌ 2, జేమీ ఓవర్టన్‌, ఆదిల్‌ రషీద్‌ తలో వికెట్‌ తీశారు.ఈ మ్యాచ్‌లో సూపర్‌ సెంచరీతో అలరించిన జద్రాన్‌ పలు రికార్డులు కొల్లగొట్టాడు. ఛాంపియన్స్‌ ట్రోఫీ చరిత్రలోనే అత్యధిక స్కోర్‌ (177) నమోదు చేసిన ఆటగాడిగా చరిత్ర సృష్టించాడు. ఈ మ్యాచ్‌కు ముందు ఈ రికార్డు ఇంగ్లండ్‌ ఆటగాడు బెన్‌ డకెట్‌ పేరిట ఉండేది. డకెట్‌ ఇదే ఎడిషన్‌లో ఆస్ట్రేలియాపై 165 పరుగులు స్కోర్‌ చేశాడు.ఛాంపియన్స్‌ ట్రోఫీలో అత్యధిక వ్యక్తిగత స్కోర్లు..ఇ‍బ్రహీం జద్రాన్‌-177బెన్‌ డకెట్‌-165నాథన్‌ ఆస్టల్‌-145 నాటౌట్‌ఆండీ ఫ్లవర్‌-145సౌరవ్‌ గంగూలీ-141 నాటౌట్‌సచిన్‌ టెండూల్కర్‌-141గ్రేమీ స్మిత్‌-141ఈ సెంచరీతో జద్రాన్‌ మరో రెండు భారీ రికార్డులు కూడా సాధించాడు. వన్డేల్లో ఆఫ్ఘనిస్తాన్‌ తరఫున అత్యధిక వ్యక్తిగత స్కోర్‌ చేసిన ఆటగాడిగా రికార్డు నెలకొల్పాడు. ఈ రికార్డు గతంలో కూడా జద్రాన్‌ పేరిటే ఉండేది. జద్రాన్‌ తన రికార్డును తనే సవరించుకున్నాడు. 2022లో శ్రీలంకతో జరిగిన వన్డేలో జద్రాన్‌ 162 పరుగులు చేశాడు. ఈ మ్యాచ్‌కు ముందు వరకు వన్డేల్లో ఆఫ్ఘనిస్తాన్‌ తరఫున ఇదే అత్యధిక వ్యక్తిగత స్కోర్‌గా ఉండింది. వన్డేల్లో ఆఫ్ఘనిస్తాన్‌ తరఫున అత్యధిక వ్యక్తిగత స్కోర్లు..ఇబ్రహీం జద్రాన్‌-177 వర్సెస్‌ ఇంగ్లండ్‌, 2025ఇబ్రహీం జద్రాన్‌-162 వర్సెస్‌ శ్రీలంక, 2022రహ్మానుల్లా గుర్భాజ్‌-151 వర్సెస్‌ పాకిస్తాన్‌, 2023అజ్మతుల్లా ఒమర్‌జాయ్‌-149 నాటౌట్‌ వర్సెస్‌ శ్రీలంక, 2024రహ్మానుల్లా గుర్భాజ్‌-145 వర్సెస్‌ బంగ్లాదేశ్‌, 2023ఈ సెంచరీతో జద్రాన్‌ రెండు ఐసీసీ వన్డే ఈవెంట్లలో సెంచరీలు చేసిన తొలి ఆఫ్ఘనిస్తాన్‌ ఆటగాడిగా రికార్డు నెలకొల్పాడు. జద్రాన్‌.. వన్డే వరల్డ్‌కప్‌లో, ఛాంపియన్స్‌ ట్రోఫీలో సెంచరీలు చేశాడు. జద్రాన్‌.. 2023 వన్డే వరల్డ్‌కప్‌లో ఆస్ట్రేలియాపై సూపర్‌ సెంచరీతో మెరిశాడు. ముంబైలో జరిగిన ఆ మ్యాచ్‌లో జద్రాన్‌ 129 పరుగులు చేసి అజేయంగా నిలిచాడు.ఈ రికార్డులతో పాటు జద్రాన్‌ మరో ఘనత కూడా సాధించాడు. పాక్‌ గడ్డపై నాలుగో అత్యధిక వన్డే స్కోర్‌ చేసిన ఆటగాడిగా నిలిచాడు. పాక్‌ గడ్డపై వన్డేల్లో అత్యధిక స్కోర్‌ చేసిన ఘనత గ్యారీ కిర​్‌స్టన్‌కు దక్కుతుంది. 1996 వరల్డ్‌కప్‌లో కిర్‌స్టన్‌ యూఏఈపై 188 పరుగులు (నాటౌట్‌) చేశాడు.పాక్‌ గడ్డపై వన్డేల్లో అత్యధిక స్కోర్లు..గ్యారీ కిర్‌స్టన్‌-188 నాటౌట్‌వివియన్‌ రిచర్డ్స్‌-181ఫకర్‌ జమాన్‌-180 నాటౌట్‌ఇబ్రహీం జద్రాన్‌-177బెన్‌ డకెట్‌-165ఆండ్రూ హడ్సన్‌-161జద్రాన్‌ అద్భుత పోరాటం​టాస్‌ గెలిచి తొలుత బ్యాటింగ్‌ ఎంచుకున్న ఆఫ్ఘనిస్తాన్‌.. ఇంగ్లండ్‌ పేసర్‌ జోఫ్రా ఆర్చర్‌ ధాటికి 37 పరుగులకే 3 వికెట్లు కోల్పోయి పీకల్లోతు కష్టాల్లో పడింది. ఆర్చర్‌.. 11 పరుగుల వద్ద గుర్భాజ్‌ను (6), 15 పరుగుల వద్ద సెదికుల్లా అటల్‌ను (4).. 37 పరుగుల వద్ద రహ్మత్‌ షాను (4) ఔట్‌ చేశాడు. ఈ దశలో జద్రాన్‌.. కెప్టెన్‌ హష్మతుల్లా షాహిది, అజ్మతుల్లా ఒమర్‌జాయ్‌, మహ్మద్‌ నబీతో కీలక భాగస్వామ్యాలు నెలకొల్పి ఆఫ్ఘనిస్తాన్‌ ఇన్నింగ్స్‌ను నిర్మించాడు. సెంచరీ వరకు ఆచితూచి ఆడిన జద్రాన్‌.. ఆతర్వాత శివాలెత్తిపోయాడు. ఎడాపెడా బౌండరీలు బాది ఇంగ్లండ్‌ బౌలర్లకు చుక్కలు చూపించాడు. లివింగ్‌స్టోన్‌ వేసిన ఇన్నింగ్స్‌ చివరి ఓవర్‌ తొలి బంతికి జద్రాన్‌ ఔటయ్యాడు. జద్రాన్‌ ఔట్‌ కాపోయుంటే ఆఫ్ఘనిస్తాన్‌ ఇంకా భారీ స్కోర్‌ చేసేది. ఇదే ఓవర్‌లో నబీ కూడా ఔట్‌ కావడంతో ఆఫ్ఘనిస్తాన్ చివరి ఓవర్‌లో కేవలం​ 2 పరుగులు మాత్రమే చేయగలిగింది.

ఛాంపియన్స్‌ ట్రోఫీ-2025లో (Champions Trophy) భాగంగా ఇంగ్లండ్‌తో (England) ఇవాళ (ఫిబ్రవరి 26) జరుగుతున్న కీలక సమరంలో ఆఫ్ఘనిస్తాన్‌ (Afghanistan) యువ ఓపెనర్‌ ఇబ్రహీం జద్రాన్‌ (Ibrahim Zadran) సూపర్‌ సెంచరీతో మెరిశాడు. ఈ మ్యాచ్‌లో జద్రాన్‌ 106 బంతుల్లో 6 ఫోర్లు, 3 సిక్సర్ల సాయంతో 100 పరుగులు పూర్తి చేసుకున్నాడు. 35 మ్యాచ్‌ల వన్డే కెరీర్‌లో జద్రాన్‌కు ఇది ఆరో శతకం. ఈ సెంచరీతో జద్రాన్‌ ఓ అరుదైన ఘనత సాధించాడు. వన్డే వరల్డ్‌కప్‌లో, ఛాంపియన్స్‌ ట్రోఫీలో సెంచరీ చేసిన తొలి ఆఫ్ఘనిస్తాన్‌ ఆటగాడిగా రికార్డు నెలకొల్పాడు. జద్రాన్‌ 2023 వన్డే వరల్డ్‌కప్‌లో ఆస్ట్రేలియాపై సూపర్‌ సెంచరీతో మెరిశాడు. ముంబైలో జరిగిన ఆ మ్యాచ్‌లో జద్రాన్‌ 129 పరుగులు చేసి అజేయంగా నిలిచాడు.మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌ చేస్తున్న ఆఫ్ఘనిస్తాన్‌.. ఇంగ్లండ్‌ పేసర్‌ జోఫ్రా ఆర్చర్‌ ధాటికి 37 పరుగులకే 3 వికెట్లు కోల్పోయి పీకల్లోతు కష్టాల్లో పడింది. ఆర్చర్‌.. 11 పరుగుల వద్ద గుర్భాజ్‌ను (6), 15 పరుగుల వద్ద సెదికుల్లా అటల్‌ను (4).. 37 పరుగుల వద్ద రహ్మత్‌ షాను (4) ఔట్‌ చేశాడు. ఈ దశలో జద్రాన్‌.. కెప్టెన్‌ హష్మతుల్లా షాహిది నాలుగో వికెట్‌కు 103 పరుగులు జోడించి ఆఫ్ఘనిస్తాన్‌ ఇన్నింగ్స్‌కు జీవం పోశారు. హష్మతుల్లా 40 పరుగులు చేసి ఆదిల్‌ రషీద్‌ బౌలింగ్‌లో ఔటయ్యాడు. అనంతరం జద్రాన్‌..అజ్మతుల్లా ఒమర్‌జాయ్‌ సాయంతో సెంచరీ పూర్తి చేసుకున్నాడు. 31 బంతుల్లో బౌండరీ, మూడు సిక్సర్ల సాయంతో 41 పరుగులు చేసిన అనంతరం అజ్మతుల్లా జేమీ ఓవర్టన్‌ బౌలింగ్‌లో ఔటయ్యాడు. 42 ఓవర్లు ముగిసే సరికి ఆఫ్ఘనిస్తాన్‌ స్కోర్‌ 5 వికెట్ల నష్టానికి 227 పరుగులుగా ఉంది. జద్రాన్‌తో (115) పాటు మహ్మద్‌ నబీ (8) క్రీజ్‌లో ఉన్నారు.కాగా, గ్రూప్‌-బిలో ఈ మ్యాచ్‌ డూ ఆర్‌ డై మ్యాచ్‌గా పరిగణించబడుతుంది. ఈ మ్యాచ్‌లో గెలిచిన జట్టు సెమీస్‌ రేసులో నిలుస్తుంది. ఓడిన జట్టు టోర్నీ నుంచి నిష్క్రమిస్తుంది. ఇంగ్లండ్‌, ఆఫ్ఘనిస్తాన్‌ తమ తొలి మ్యాచ్‌ల్లో ఆస్ట్రేలియా, సౌతాఫ్రికా చేతుల్లో ఓడిన విషయం తెలిసిందే. ఆస్ట్రేలియా, సౌతాఫ్రికా మధ్య నిన్న జరగాల్సిన మ్యాచ్‌ వర్షం కారణంగా రద్దైంది. దీంతో ఇరు జట్లకు చెరో పాయింట్‌ లభించింది. ప్రస్తుతం గ్రూప్‌-బి పాయింట్ల పట్టికలో సౌతాఫ్రికా, ఆస్ట్రేలియా తలో 3 పాయింట్లతో తొలి రెండు స్థానాల్లో ఉన్నాయి. ఇంగ్లండ్‌, ఆఫ్ఘనిస్తాన్‌ ఖాతా తెరవకుండా మూడు, నాలుగు స్థానాల్లో నిలిచాయి. గ్రూప్‌-ఏ నుంచి భారత్‌, న్యూజిలాండ్‌ జట్లు ఇదివరకే సెమీస్‌ బెర్త్‌లు ఖరారు చేసుకున్నాయి. ఆతిథ్య పాకిస్తాన్‌, బంగ్లాదేశ్‌ టోర్నీ నుంచి నిష్క్రమించాయి.

ఛాంపియన్స్‌ ట్రోఫీ-2025లో (Champions Trophy) భాగంగా ఆఫ్ఘనిస్తాన్‌తో (Afghanistan) ఇవాళ (ఫిబ్రవరి 26) జరుగుతున్న కీలకమైన మ్యాచ్‌లో ఇంగ్లండ్‌ (England) పేసర్‌ జోఫ్రా ఆర్చర్‌ (Jofra Archer) చెలరేగిపోయాడు. ఈ మ్యాచ్‌లో ప్రస్తుతానికి (6 ఓవర్లు) మూడు వికెట్లు తీసిన ఆర్చర్‌.. తొలి వికెట్‌తో ఓ భారీ రికార్డును తన పేరిట లిఖించుకున్నాడు. వన్డేల్లో ఇంగ్లండ్‌ తరఫున అత్యంత వేగంగా 50 వికెట్లు తీసిన బౌలర్‌గా రికార్డు నెలకొల్పాడు. వన్డేల్లో 50 వికెట్ల మార్కును చేరుకునేందుకు ఆర్చర్‌కు కేవలం 30 మ్యాచ్‌లు మాత్రమే అవసరమయ్యాయి. గతంలో ఈ రికార్డు జేమ్స్‌ ఆండర్సన్‌ పేరిట ఉండేది. ఆండర్సన్‌ 31 వన్డేల్లో 50 వికెట్ల మార్కును తాకాడు. ఇంగ్లండ్‌ బౌలర్లు స్టీవ్‌ హార్మిసన్‌ 32, స్టీవ్‌ ఫిన్‌ 33 వన్డేల్లో 50 వికెట్లు తీశారు. వన్డేల్లో అత్యంత వేగంగా 50 వికెట్లు తీసిన రికార్డు శ్రీలంక మాజీ స్పిన్నర్‌ అజంతా మెండిస్‌ పేరిట ఉంది. మెండిస్‌ కేవలం 19 మ్యాచ్‌ల్లోనే ఈ మైలురాయిని తాకాడు. మెండిస్‌ తర్వాత నేపాల్‌ బౌలర్‌ సందీప్‌ లామిచ్చేన్‌ (22 మ్యాచ్‌ల్లో) అత్యంత వేగంగా 50 వికెట్ల మైలురాయిని తాకాడు.వన్డేల్లో అత్యంత వేగంగా 50 వికెట్లు తీసిన టాప్‌-5 బౌలర్లు..అజంత మెండిస్‌-19 మ్యాచ్‌లుసందీప్‌ లామిచ్చేన్‌-22అజిత్‌ అగార్కర్‌-23మెక్‌క్లెనగన్‌-23కుల్దీప్‌ యాదవ్‌-24మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌కు దిగిన ఆఫ్ఘనిస్తాన్‌ జోఫ్రా ఆర్చర్‌ ధాటి​​కి ఆదిలోనే మూడు వికెట్లు కోల్పోయి కష్టాల్లో పడింది. ఆర్చర్‌.. 11 పరుగుల వద్ద గుర్భాజ్‌ను (6), 15 పరుగుల వద్ద సెదికుల్లా అటల్‌ను (4).. 37 పరుగుల వద్ద రహ్మత్‌ షాను (4) ఔట్‌ చేశాడు. అయితే ఇబ్రహీం జద్రాన్‌, కెప్టెన్‌ హష్మతుల్లా షాహిది నాలుగో వికెట్‌కు 103 పరుగులు జోడించి ఆఫ్ఘనిస్తాన్‌ ఇన్నింగ్స్‌కు జీవం పోశారు. హష్మతుల్లా 40 పరుగులు చేసి ఆదిల్‌ రషీద్‌ బౌలింగ్‌లో ఔటయ్యాడు. అనంతరం జద్రాన్‌..అజ్మతుల్లా ఒమర్‌జాయ్‌ (29 నాటౌట్‌) సాయంతో సెంచరీ పూర్తి చేసుకున్నాడు. జద్రాన్‌కు ఇది వన్డేల్లో ఆరో సెంచరీ. జద్రాన్‌ 2023 వరల్డ్‌కప్‌లో పటిష్టమైన ఆస్ట్రేలియాపై సెంచరీ సాధించాడు. జద్రాన్‌ సెంచరీ పూర్తయ్యాక అజ్మతుల్లా బ్యాట్‌ను ఝులిపిస్తున్నాడు. లివింగ్‌స్టోన్‌ బౌలింగ్‌లో సిక్సర్‌.. మార్క్‌ వుడ్‌ బౌలింగ్‌లో వరుసగా బౌండరీ, సిక్సర్లు సాధించాడు. ప్రస్తుతం అజ్మతుల్లా 24 బంతుల్లో బౌండరీ, 3 సిక్సర్ల సాయంతో 39 పరుగులు చేసి అజేయంగా ఉన్నాడు. 37.3 ఓవర్ల అనంతరం ఆఫ్ఘనిస్తాన్‌ స్కోర్‌ 201/4గా ఉంది.

లాహోర్‌: ఐసీసీ చాంపియన్స్‌ ట్రోఫీలో ముందుకెళ్లేందుకు ఇంగ్లండ్‌ కీలకమైన పోరుకు సిద్ధమైంది. బుధవారం జరిగే మ్యాచ్‌లో బట్లర్‌ బృందం అఫ్గానిస్తాన్‌తో తలపడుతుంది. ఈ మ్యాచ్‌లో గెలిచిన జట్టే సెమీస్‌ రేసులో ఉంటుంది. ఓడిన జట్టు ఇంటిదారి పట్టాల్సిందే. తొలి మ్యాచ్‌లో ఆ్రస్టేలియాపై 350 పైచిలుకు స్కోరు చేసినా బౌలింగ్‌ వైఫల్యంతో ఓడిన ఇంగ్లండ్‌... లోపాల్ని సవరించుకొని అఫ్గాన్‌తో సమరానికి సిద్ధమైంది. ఓపెనర్‌ బెన్‌ డకెట్, జో రూట్, కెపె్టన్‌ బట్లర్, ఆర్చర్‌లు జోరు మీదున్నారు. రషీద్‌ ఖాన్, నూర్‌ అహ్మద్, నబీలతో కూడిన ప్రత్యర్థి స్పిన్‌ త్రయంపై జాగ్రత్తగా ఆడితే పరుగుల వరద పారించొచ్చు. వుడ్, ఆదిల్‌ రషీద్, లివింగ్‌స్టోన్‌లతో ఉన్న బౌలింగ్‌ దళం పరుగుల నిరోధంపై దృష్టి పెట్టాల్సి ఉంది. మరోవైపు అఫ్గానిస్తాన్‌ తొలి పోరులో దక్షిణాఫ్రికాతో ఘోరంగా ఓడింది. సఫారీకి 300 పైచిలుకు పరుగులు సమరి్పంచుకున్న అఫ్గాన్‌ కనీసం 50 ఓవర్ల కోటా కూడా ఆడలేక 208 పరుగులకే కుప్పకూలింది. టాపార్డర్‌లో గుర్బాజ్, జద్రాన్, సిద్ధిఖుల్లా వైఫల్యం జట్టుకు ఇబ్బందిగా మారింది. రహ్మత్‌ షా ఒక్కడే బాధ్యత కనబరిచాడు. కీలకమైన పోరులో జట్టంతా కలిసి సమష్టిగా సర్వశక్తులు ఒడ్డితేనే గట్టి ప్రత్యర్థి ఇంగ్లండ్‌ను ఎదుర్కోవచ్చు లేదంటే ఏ ఒక్కరిద్దరి ప్రదర్శనను నమ్ముకుంటే మాత్రం గత ఫలితమే మళ్లీ పునరావృతం అవుతుంది. తుది జట్లు (అంచనా) ఇంగ్లండ్‌: బట్లర్‌ (కెప్టెన్‌), సాల్ట్, డకెట్, జేమీ స్మిత్, రూట్, హ్యారీ బ్రూక్, లివింగ్‌స్టోన్, కార్స్, ఆర్చర్, ఆదిల్‌ రషీద్, మార్క్‌ వుడ్‌. అఫ్గానిస్తాన్‌: హష్మతుల్లా (కెప్టెన్‌), గుర్బాజ్, జద్రాన్, సిద్ధిఖుల్లా, రహ్మత్‌ షా, అజ్మతుల్లా, నబీ, గుల్బదిన్, రషీద్‌ ఖాన్, నూర్‌ అహ్మద్, ఫజల్‌హక్‌.3 ఇప్పటి వరకు వన్డే ఫార్మాట్‌లో ఇంగ్లండ్, అఫ్గానిస్తాన్‌ జట్లు ముఖాముఖిగా మూడుసార్లు తలపడ్డాయి. వరల్డ్‌కప్‌ టోర్నీ సందర్భంగానే ఈ మూడు మ్యాచ్‌లు జరిగాయి. ఇంగ్లండ్‌ (2015, 2019లలో) రెండుసార్లు, అఫ్గానిస్తాన్‌ (2023లో) ఒకసారి గెలుపొందాయి.

రావల్పిండి: ఐసీసీ చాంపియన్స్‌ ట్రోఫీ గ్రూప్‌ ‘బి’లో హోరాహోరీగా సాగాల్సిన మ్యాచ్‌పై వరుణుడు నీళ్లు చల్లాడు. దీంతో రావల్పిండిలో పసందైన క్రికెట్‌ విందును ఆస్వాదించాలని వచ్చిన ప్రేక్షకులకు నిరాశే మిగిలింది. రెండు పటిష్ట జట్ల మధ్య నువ్వా నేనా అన్నట్లు సాగుతుందనుకున్న సమరం సర్వత్రా ఆసక్తిని రేపింది. గెలిచిన జట్టు సెమీఫైనల్‌ వైపు నడిచేది. కానీ వర్షం వల్ల ఈ మ్యాచ్‌ ఒక్క బంతికైనా నోచుకోలేకపోయింది. తెరిపినివ్వని వానతో మైదానమంతా చిత్తడిగా మారడంతో బ్యాట్లు, బంతులతో కుస్తీ చేయాల్సిన ఆటగాళ్లు డ్రెస్సింగ్‌ రూమ్‌లకే పరిమితమయ్యారు. చివరకు చేసేదేమీ లేక ఫీల్డ్‌ అంప్లైర్లు క్రిస్‌ గఫాని (ఆస్ట్రేలియా), రిచర్డ్‌ కెటిల్‌బొరొ (ఇంగ్లండ్‌)లు అవుట్‌ఫీల్డ్‌ను పరిశీలించి మ్యాచ్‌ నిర్వహణ అసాధ్యమని తేల్చారు. వెంటనే మ్యాచ్‌ను రద్దు చేస్తున్నట్లు ప్రకటించారు. ఇరు జట్లకు ఒక్కో పాయింట్‌ కేటాయించారు. గ్రూప్‌ ‘బి’లో దక్షిణాఫ్రికా, ఆస్ట్రేలియా తమ తొలి మ్యాచ్‌ల్లో శుభారంభం చేశాయి. ఫలితమివ్వని ఈ మ్యాచ్‌ వల్ల గ్రూప్‌లోని ఇంగ్లండ్, అఫ్గానిస్తాన్‌... అన్ని జట్లు ఇప్పుడు రేసులో నిలిచినట్లయ్యింది. ఎందుకంటే మూడేసి పాయింట్లతో ఉన్న దక్షిణాఫ్రికా, ఆస్ట్రేలియాలకు మిగిలింది ఒక్కటే మ్యాచ్‌ కాగా... పాయింట్ల పట్టికలో ఖాతా తెరువని ఇంగ్లండ్, అఫ్గానిస్తాన్‌లకు రెండేసి మ్యాచ్‌లున్నాయి. చాంపియన్స్‌ ట్రోఫీలో నేడుఇంగ్లండ్‌ X అఫ్గానిస్తాన్‌వేదిక: లాహోర్, మధ్యాహ్నం గం. 2:30 నుంచి స్టార్‌ స్పోర్ట్స్, జియోహాట్‌స్టార్‌లో ప్రత్యక్ష ప్రసారం

ఛాంపియన్స్ ట్రోఫీ-2025లో కొత్త వివాదం తలెత్తింది. భారత జెండాను కలిగి ఉన్నాడన్న కారణంగా లాహోర్‌లోని గడాఫీ స్టేడియం నుండి ఓ వ్యక్తిని బయటకు ఈడ్చుకెళ్లారు. దీనికి సంబంధించిన వీడియో ప్రస్తుతం సోషల్‌మీడియాలో వైరలవుతుంది. ఈ వీడియోలో పాకిస్తాన్ భద్రతా సిబ్బంది భారత జెండాను లాక్కొని, జెండాను పట్టుకున్న వ్యక్తిని స్టేడియంలో నుండి బయటికి ఊడ్చుకెళ్లారు. ఫిబ్రవరి 22వ తేదీన ఆస్ట్రేలియా, ఇంగ్లండ్ మ్యాచ్‌ సందర్భంగా ఈ సంఘటన జరిగినట్లు తెలుస్తోంది. View this post on Instagram A post shared by Laughter Colours | Memes Only (@laughtercolours)ఈ వీడియో సోషల్‌మీడియాలో పోస్ట్‌ అయిన సెకెన్లలో వైరలైంది. భారత జెండా కలిగి ఉన్న వ్యక్తి పాకిస్తాన్‌ పౌరుడే అయినప్పటికీ భారత అభిమాని అని తెలుస్తుంది. సదరు వ్యక్తిని పాక్‌ భద్రతా సిబ్బంది కొట్టి అరెస్ట్‌ చేశారని ప్రచారం జరుగుతుంది. ఈ వీడియోపై పాకిస్తాన్ క్రికెట్ బోర్డు (PCB) నుంచి ఎలాంటి స్పందన లేదు. భారత జెండా పట్టుకున్న వ్యక్తి పేరు, వివరాలు కూడా తెలియరాలేదు. ఈ వీడియో నిజమైతే మరెన్ని వివాదాలకు దారి తీస్తుందో వేచి చూడాలి. భద్రతా సిబ్బంది నిజంగానే భారత అభిమానిపై దాడి చేసుంటే పాక్‌ తీవ్ర పరిణామాలు ఎదుర్కోవాల్సి ఉంటుంది. భారత అభిమానులు ఈ వీడియోపై తీవ్రంగా స్పందిస్తున్నారు. క్రికెట్‌ను క్రికెట్‌ లాగే చూడాలి. క్రికెట్‌ను ఇతరత్రా విషయాలతో ముడి పెట్టకూడదని అంటున్నారు.ఇదిలా ఉంటే, 29 ఏళ్ల తర్వాత ఓ ఐసీసీ ఈవెంట్‌కు (ఛాంపియన్స్‌ ట్రోఫీ) ఆతిథ్యమిస్తున్న పాకిస్తాన్‌.. పట్టుమని 10 రోజులు కూడా టోర్నీలో నిలువలేకపోయింది. ఛాంపియన్స్‌ ట్రోఫీ ప్రారంభమైన ఆరు రోజుల్లోనే పాక్‌ టోర్నీ నుంచి నిష్క్రమించింది. నిన్నటి మ్యాచ్‌లో బంగ్లాదేశ్‌పై న్యూజిలాండ్‌ విజయం సాధించడంతో ఛాంపియన్స్‌ ట్రోఫీలో పాక్‌ కథ ముగిసింది. ఈ టోర్నీలో పాక్‌ వరుసగా న్యూజిలాండ్‌, భారత్‌ చేతుల్లో ఘోర పరాజయాలు ఎదుర్కొంది. న్యూజిలాండ్‌ చేతిలో ఓటమితో పా​క్‌తో పాటు బంగ్లాదేశ్‌ కూడా టోర్నీ నుంచి నిష్క్రమించింది. ఆడిన రెండు మ్యాచ్‌ల్లో విజయాలు సాధించిన భారత్‌, న్యూజిలాండ్‌ జట్లు గ్రూప్‌-ఏ నుంచి సెమీస్‌కు అర్హత సాధించాయి. ఈ టోర్నీలో పాక్‌ తమ చివరి గ్రూప్‌ మ్యాచ్‌లో బంగ్లాదేశ్‌తో తలపడుతుంది. గ్రూప్‌-ఏ నుంచి సెమీస్‌ బెర్తులు ఖరారు కావడంతో ఈ మ్యాచ్‌కు ప్రాధాన్యత లేదు. మరోవైపు ఈ టోర్నీలో భారత్‌, న్యూజిలాండ్‌ ప్రయాణం జోరుగా సాగుతుంది. ఇరు జట్లు పాకిస్తాన్‌, బంగ్లాదేశ్‌లను మట్టికరిపించాయి. ఈ రెండు జట్ల మధ్య నామమాత్రపు పోరు మార్చి 2న జరుగనుంది.గ్రూప్‌-బి విషయానికొస్తే.. ఈ గ్రూప్‌లో ఇవాళ (ఫిబ్రవరి 25) జరగాల్సిన ఆస్ట్రేలియా, సౌతాఫ్రికా మ్యాచ్‌ వర్షం కారణంగా రద్దైంది. ఫలితంగా ఇరు జట్లకు చెరో పాయింట్‌ లభించింది. ఇప్పటివరకు సౌతాఫ్రికా, ఆసీస్‌ తలో మ్యాచ్‌లో గెలిచి పాయింట్ల పట్టికలో తొలి రెండు స్థానాల్లో ఉన్నాయి. ఆసీస్‌తో పోలిస్తే సౌతాఫ్రికా మెరుగైన రన్‌రేట్‌ కలిగి ఉంది. ఈ గ్రూప్‌లో ఇంగ్లండ్‌, ఆఫ్ఘనిస్తాన్‌ ఇంకా బోణీ కొట్టాల్సి ఉంది. ఈ రెండు జట్లు తమతమ తొలి మ్యాచ్‌ల్లో ఆస్ట్రేలియా, సౌతాఫ్రికా చేతిలో ఓడాయి. సౌతాఫ్రికా ఆఫ్ఘనిస్తాన్‌ను.. ఆస్ట్రేలియా ఇంగ్లండ్‌ను మట్టికరిపించాయి. టోర్నీలో రేపు ఇంగ్లండ్‌, ఆఫ్ఘనిస్తాన్‌ తలపడనున్నాయి.

భారత్- పాక్ మ్యాచ్ అంటే చాలు ప్రపంచంలో ఏ మూలన ఉన్నా కూడా టీవీలకు అతుక్కుపోవాల్సిందే. ప్రతి బాల్‌కు నరాలు తెగే ఉత్కంఠగా ఉంటుంది. భారతీయులతో పాటు ప్రపంచవ్యాప్తంగా క్రికెట్ ప్రేమికులు ఈ మ్యాచ్‌ కోసం ఎదురు చూస్తుంటారు. అంతలా క్రేజ్ ఉన్న మ్యాచ్ ప్రపంచ క్రికెట్‌లో పాక్- ఇండియా పోరు మాత్రమే. ఇలాంటి మ్యాచ్‌ను లైవ్‌లో చూడాలని ఎవరూ కోరుకోరు. ఆ ‍అదృష్టం రావాలే కానీ ఎంతైనా సరే టికెట్ కొని మ్యాచ్ ‍చూసేందుకు ఆసక్తి చూపిస్తారు. అలాంటి ప్రాముఖ్యత ఉన్న ఇలాంటి మ్యాచ్‌కు మన టాలీవుడ్ సినీతారలు పెద్దఎత్తున హాజరయ్యారు. దుబాయ్‌లో జరిగిన ఛాంపియన్స్‌ ట్రోఫీ మ్యాచ్‌కు హాజరైన వారిలో మెగాస్టార్ చిరంజీవి, డైరెక్టర్ సుకుమార్ కూడా ఉన్నారు.అయితే ఈ మ్యాచ్ జరుగుతున్న సమయంలో కెమెరాలు మన సినీ తారలను హైలెట్ చేస్తూ టీవీల్లో చూపించారు. మన డైరెక్టర్‌ సుకుమార్‌ను సైతం కెమెరాల్లో చాలాసేపు చూపించారు. తెలుగు సినిమా ప్రైడ్‌ డైరెక్టర్ సుకుమార్ అని కామెంట్రీ చెబుతున్న వ్యక్తి అన్నాడు. ఇలాంటి మ్యాచ్‌లు సప్లై తక్కువ.. డిమాండ్ ఎక్కువ అని వ్యాఖ్యనించాడు.కానీ ఇదే సమయంలో అక్కడే తెలుగు కామెంట్రీ బాక్స్‌లో ఉన్న టీమిండియా మాజీ క్రికెటర్‌ అంబటి రాయుడు మాత్రం వివాదాస్పద రీతిలో మాట్లాడారు. సప్లై కాదు.. ఇలాంటి మ్యాచ్ అంటే టీవీల్లో ఎక్కువగా కనిపిస్తారు కదా.. ఇతర మ్యాచ్‌ల్లో కనిపించడం చాలా తక్కువ.. పబ్లిసిటీ స్టంట్‌ అది..' అంటూ అంబటి రాయుడు మాట్లాడారు. ఈ వీడియో కాస్తా నెట్టింట వైరల్ కావడంతో అంబటి రాయుడిపై పలువురు నెటిజన్స్ ఆగ్రహం వ్యక్తం చేస్తున్నారు. సోషల్ మీడియా వేదికగా అంబటి రాయుడిపై మండిపడుతున్నారు. మన తెలుగు సినిమా గొప్ప దర్శకుడిని అలా ఎలా అంటారని అంబటిని ప్రశ్నిస్తున్నారు. పబ్లిసిటీ స్టంట్ అంటూ హేళన చేస్తారా? అని ప్రశ్నిస్తున్నారు. Chiranjeevi , Sukumar cricket match ki vellatam oka Publicity Stunt :- Ambati Rayudu @KChiruTweets @SukumarWritings pic.twitter.com/ztbCgHBJES— Songs Lover (@Songs_Lover_) February 23, 2025

బంగ్లాదేశ్‌ స్పిన్నర్‌ రిషాద్‌ ఓవర్లో కవర్స్‌ దిశగా ఫోర్‌ కొట్టిన కివీస్‌ బ్యాటర్‌ బ్రేస్‌వెల్‌... ఈ షాట్‌తో చాంపియన్స్‌ ట్రోఫీ గ్రూప్‌ ‘ఎ’లో మరో రెండు మ్యాచ్‌లు మిగిలి ఉండగానే సమీకరణం తేలిపోయింది. ఈ బౌండరీతో న్యూజిలాండ్, భారత్‌ అధికారికంగా సెమీఫైనల్లోకి ప్రవేశించాయి. డిఫెండింగ్‌ చాంపియన్, ఆతిథ్య జట్టయిన పాకిస్తాన్‌తో పాటు బంగ్లాదేశ్‌ కథ కూడా లీగ్‌ దశలోనే ముగిసింది. నిష్క్రమించిన రెండు జట్లు ప్రాధాన్యత లేని పోరులో గురువారం తలపడనుండగా... సెమీస్‌కు ముందు సన్నాహకంగా ఆదివారం కివీస్‌ను భారత్‌ ఎదుర్కోనుంది.కివీస్‌ కట్టుదిట్టమైన బౌలింగ్‌ను ఎదుర్కొనడంలో విఫలమైన బంగ్లాదేశ్‌ తొలి మ్యాచ్‌ తరహాలోనే పేలవ బ్యాటింగ్‌తో దాదాపు అదే స్కోరు సాధించగా... మరో 23 బంతులు మిగిలి ఉండగానే న్యూజిలాండ్‌ ఛేదనను అలవోకగా పూర్తి చేసింది. విరామం లేకుండా వరుసగా 10 ఓవర్లు వేసిన ఆఫ్‌స్పిన్నర్‌ బ్రేస్‌వెల్‌ నాలుగు కీలక వికెట్లతో ప్రత్యర్థి పని పట్టగా... బ్యాటింగ్‌లో రచిన్‌ రవీంద్ర సెంచరీ హైలైట్‌గా నిలిచాయి. గత చాంపియన్స్‌ ట్రోఫీలో తమను ఓడించి సెమీఫైనల్‌ చేరిన బంగ్లాదేశ్‌ను ఇప్పుడు కివీస్‌ అదే తరహాలో 5 వికెట్లతో ఓడించి సెమీస్‌ చేరడం విశేషం. రావల్పిండి: చాంపియన్స్‌ ట్రోఫీలో వరుసగా రెండో విజయంతో మాజీ విజేత న్యూజిలాండ్‌ సెమీఫైనల్లోకి అడుగు పెట్టింది. ఇదే గ్రూప్‌లో రెండు విజయాలు సాధించిన భారత్‌ కూడా కివీస్‌తో పాటు సెమీస్‌ చేరింది. సోమవారం జరిగిన గ్రూప్‌ ‘ఎ’ లీగ్‌ మ్యాచ్‌లో కివీస్‌ 5 వికెట్ల తేడాతో బంగ్లాదేశ్‌ను ఓడించింది. టాస్‌ గెలిచి ముందుగా బ్యాటింగ్‌కు దిగిన బంగ్లాదేశ్‌ 50 ఓవర్లలో 9 వికెట్ల నష్టానికి 236 పరుగులు చేసింది.కెప్టెన్‌ నజ్ముల్‌ హుసేన్‌ (110 బంతుల్లో 77; 9 ఫోర్లు), జాకీర్‌ అలీ (55 బంతుల్లో 45; 3 ఫోర్లు, 1 సిక్స్‌) రాణించగా... ‘ప్లేయర్‌ ఆఫ్‌ ద మ్యాచ్‌’ బ్రేస్‌వెల్‌ (4/26) నాలుగు వికెట్లతో బంగ్లాదేశ్‌ను దెబ్బ తీశాడు. అనంతరం న్యూజిలాండ్‌ 46.1 ఓవర్లలో 5 వికెట్లకు 240 పరుగులు సాధించి గెలిచింది. రచిన్‌ రవీంద్ర (105 బంతుల్లో 112; 12 ఫోర్లు, 1 సిక్స్‌) సెంచరీతో సత్తా చాటగా... లాథమ్‌ (76 బంతుల్లో 55; 3 ఫోర్లు) రాణించాడు. నజ్ముల్‌ అర్ధసెంచరీ... బంగ్లాదేశ్‌ ఇన్నింగ్స్‌ను ఓపెనర్లు తన్‌జీద్‌ (24; 1 ఫోర్, 2 సిక్స్‌లు), నజ్ముల్‌ ధాటిగా మొదలు పెట్టారు. తన్‌జీద్‌ రెండు సిక్స్‌లు బాదగా, జేమీసన్‌ ఓవర్లో నజ్ముల్‌ 3 ఫోర్లు కొట్టాడు. అయితే 9వ ఓవర్లోనే స్పిన్‌ బౌలింగ్‌ను మొదలు పెట్టిన కివీస్‌ ఫలితం సాధించింది. బ్రేస్‌వెల్‌ తొలి ఓవర్లోనే తన్‌జీద్‌ వికెట్‌ తీసి పతనానికి శ్రీకారం చుట్టగా... మిరాజ్‌ (13) మరోసారి విఫలమయ్యాడు. అయితే ఆ తర్వాత బ్రేస్‌వెల్‌ మళ్లీ బంగ్లాను దెబ్బ కొట్టాడు.21 పరుగుల వ్యవధిలో బంగ్లా తౌహీద్‌ (7), ముషి్ఫకర్‌ (2), మహ్మదుల్లా (4) వికెట్లు కోల్పోయింది. ఈ మూడు వికెట్లూ బ్రేస్‌వెల్‌ ఖాతాలోకే చేరాయి. ఈ దశలో నజ్ముల్, జాకీర్‌ కొద్దిసేపు వికెట్ల పతనాన్ని నిలువరించారు. 71 బంతుల్లో నజ్ముల్‌ అర్ధ సెంచరీ పూర్తయింది. నజ్ముల్‌ను అవుట్‌ చేసి రూర్కే ఈ జోడీని విడదీయగా... బంగ్లా మిగిలిన వికెట్లు కోల్పోయేందుకు ఎక్కువ సమయం పట్టలేదు. బంగ్లా ఇన్నింగ్స్‌లో డాట్‌ బాల్స్‌ ఏకంగా 178 ఉన్నాయి. శతక భాగస్వామ్యం... లక్ష్యాన్ని ఛేదించే క్రమంలో తొలి ఓవర్లోనే యంగ్‌ (0) అవుట్‌ కాగా, కొద్ది సేపటికే కేన్‌ విలియమ్సన్‌ (5) కూడా వెనుదిరిగాడు. కాన్వే, రచిన్‌ కలిసి మూడో వికెట్‌కు 57 పరుగులు జోడించిన తర్వాత కాన్వే పెవిలియన్‌ చేరాడు. అయితే రచిన్, లాథమ్‌ల భారీ భాగస్వామ్యం జట్టును గెలుపు దిశగా తీసుకెళ్లింది. ఈ ద్వయాన్ని విడదీసేందుకు బంగ్లా బౌలర్లు ఎంత ప్రయత్నించినా లాభం లేకపోయింది. ఈ క్రమంలో 95 బంతుల్లోనే రచిన్‌ కెరీర్‌లో నాలుగో సెంచరీని అందుకున్నాడు. లాథమ్‌ కూడా 71 బంతుల్లో హాఫ్‌ సెంచరీ సాధించాడు. ఎట్టకేలకు విజయానికి 36 పరుగుల దూరంలో రచిన్‌ను బంగ్లా అవుట్‌ చేయగా, కొద్ది సేపటికే లాథమ్‌ కూడా నిష్క్రమించాడు. అయితే ఫిలిప్స్‌ (21 నాటౌట్‌), బ్రేస్‌వెల్‌ (11 నాటౌట్‌) కలిసి మిగతా పనిని పూర్తి చేశారు. స్కోరు వివరాలు బంగ్లాదేశ్‌ ఇన్నింగ్స్‌: తన్‌జీద్‌ (సి) విలియమ్సన్‌ (బి) బ్రేస్‌వెల్‌ 24; నజ్ముల్‌ (సి) బ్రేస్‌వెల్‌ (బి) రూర్కే 77; మిరాజ్‌ (సి) సాంట్నర్‌ (బి) రూర్కే 13; తౌహీద్‌ (సి) విలియమ్సన్‌ (బి) బ్రేస్‌వెల్‌ 7; ముషి్ఫకర్‌ (సి) రచిన్‌ (బి) బ్రేస్‌వెల్‌ 2; మహ్ముదుల్లా (సి) రూర్కే (బి) బ్రేస్‌వెల్‌ 4; జాకీర్‌ (రనౌట్‌) 45; రిషాద్‌ (సి) సాంట్నర్‌ (బి) హెన్రీ 26; తస్కీన్‌ (సి) కాన్వే (బి) జేమీసన్‌ 10; ముస్తఫిజుర్‌ (నాటౌట్‌) 3; నాహిద్‌ (నాటౌట్‌) 0; ఎక్స్‌ట్రాలు 25; మొత్తం (50 ఓవర్లలో 9 వికెట్లకు) 236.వికెట్ల పతనం: 1–45, 2–64, 3–97, 4–106, 5–118, 6–163, 7–196, 8–231, 9– 236. బౌలింగ్‌: హెన్రీ 9–0–57–1, జేమీసన్‌ 9–1– 48–1, బ్రేస్‌వెల్‌ 10–0–26–4, రూర్కే 10–1– 48– 2, సాంట్నర్‌ 10–1–44–0, ఫిలిప్స్‌ 2–0– 10–0. న్యూజిలాండ్‌ ఇన్నింగ్స్‌: యంగ్‌ (బి) తస్కీన్‌ 0; కాన్వే (బి) ముస్తఫిజుర్‌ 30; విలియమ్సన్‌ (సి) ముష్ఫికర్‌ (బి) నాహిద్‌ 5; రచిన్‌ (సి) (సబ్‌) పర్వేజ్‌ (బి) రిషాద్‌ 112; లాథమ్‌ (రనౌట్‌) 55; ఫిలిప్స్‌ (నాటౌట్‌) 21; బ్రేస్‌వెల్‌ (నాటౌట్‌) 11; ఎక్స్‌ట్రాలు 6; మొత్తం (46.1 ఓవర్లలో 5 వికెట్లకు) 240.వికెట్ల పతనం: 1–0, 2–15, 3–72, 4–201, 5–214. బౌలింగ్‌: తస్కీన్‌ 7–2–28–1, నాహిద్‌ 9–0–43–1, మిరాజ్‌ 10–0–53–0, ముస్తఫిజుర్‌ 10–0–42–1, రిషాద్‌ 9.1–0–58–1, నజ్ముల్‌ 1–0–12–0. చాంపియన్స్‌ ట్రోఫీలో నేడుఆ్రస్టేలియా x దక్షిణాఫ్రికామధ్యాహ్నం గం. 2:30 నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఛాంపియన్స్‌ ట్రోఫీ-2025లో భాగంగా నిన్న (ఫిబ్రవరి 23) భారత్‌, పాకిస్తాన్‌ మ్యాచ్‌ (దుబాయ్‌ వేదికగా) జరిగింది. ఈ మ్యాచ్‌లో భారత్‌ 6 వికెట్ల తేడాతో గెలుపొందింది. విరాట్‌ కోహ్లి సూపర్‌ సెంచరీ (111 బంతుల్లో 100 నాటౌట్‌; 7 ఫోర్లు) చేసి భారత్‌కు ఘన విజయాన్ని అందించాడు.ఈ మ్యాచ్‌లో తొలుత బ్యాటింగ్‌ చేసిన పాక్‌.. 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. ఇమామ్‌ ఉల్‌ హక్‌ 10, బాబర్‌ ఆజమ్‌ 23, సల్మాన్‌ అఘా 19, తయ్యబ్‌ తాహిర​్‌ 4, షాహీన్‌ అఫ్రిది 0, నసీం షా 14, హరీస్‌ రౌఫ్‌ 8 పరుగులు చేసి ఔటయ్యారు. భారత బౌలర్లలో కుల్దీప్‌ 3, హార్దిక్‌ 2, హర్షిత్‌ రాణా, అక్షర్‌ పటేల్‌, రవీంద్ర జడేజా తలో వికెట్‌ తీశారు.అనంతరం బరిలోకి దిగిన భారత్‌.. కోహ్లి శతక్కొట్టడంతో 42.3 ఓవర్లలో 4 వికెట్లు కోల్పోయి లక్ష్యాన్ని ఛేదించింది. శ్రేయస్‌ అయ్యర్‌ (56) బాధ్యతాయుతమైన అర్ద సెంచరీతో రాణించాడు. విరాట్‌తో కలిసి మూడో వికెట్‌కు 114 పరుగుల భాగస్వామ్యాన్ని నెలకొల్పి భారత విజయాన్ని ఖరారు చేశాడు. అంతకుముందు ఓపెనర్‌ రోహిత్‌ శర్మ (20) తన సహజ శైలిలో మెరుపు ఇన్నింగ్స్‌ ఆడాడు. శుభ్‌మన్‌ గిల్‌ (46) యధావిధిగా క్లాసికల్‌ ఇన్నింగ్స్‌తో ఆకట్టుకున్నాడు. పాక్‌ బౌలర్లలో అఫ్రిది 2, అబ్రార్‌ అహ్మద్‌, ఖుష్దిల్‌ షా తలో వికెట్‌ తీశారు. ఈ గెలుపుతో భారత్‌ సెమీస్‌ బెర్త్‌ దాదాపుగా ఖరారు చేసుకుంది. వరుస పరాజయాలతో పాక్‌ సెమీస్‌ అవకాశాలను సంక్లిష్టం చేసుకుంది.కాగా, ఈ మ్యాచ్‌లో విరాట్‌ సెంచరీతో పాటు మరో నాన్‌ క్రికెటింగ్‌ అంశం హైలైట్‌గా నిలిచింది. ఈ మ్యాచ్‌లో భారత ఆల్‌రౌండర్‌ హార్దిక్‌ పాండ్యా ధరించిన వాచీ అందరి దృష్టిని ఆకర్శించింది. ఈ వాచీ గురించి క్రికెట్‌ అభిమానులు ఆరా తీయగా కళ్లు బైర్లు కమ్మే విషయాలు వెలుగు చూశాయి. ఈ వాచీ ప్రపంచంలో అత్యంత ఖరీదైన బ్రాండ్‌ల్లో ఒకటైన రిచర్డ్ మిల్లె RM 27-02 టైమ్‌పీస్‌ అని తెలిసింది. దీని విలువ భారత కరెన్సీలో సుమారు 6.92 కోట్లుంటుంది. ఈ అల్ట్రా లగ్జరీ వాచ్ చాలా అరుదుగా దర్శనమిస్తుంది. ‍అత్యంత సంపన్నులు మాత్రమే ఇలాంటి ఖరీదైన ఈ వాచీలను ధరించగలరు. ఈ వాచీ విలువ తెలిసి క్రికెట్‌ అభిమానులు షాక్‌ తిన్నారు.ఈ అరుదైన వాచీని మొదట టెన్నిస్ లెజెండ్ రాఫెల్ నాదల్ కోసం రూపొందించారని తెలుస్తోంది. ఇది విప్లవాత్మక కార్బన్ TPT యూనిబాడీ బేస్‌ప్లేట్‌కు ప్రసిద్ధి చెందింది. ఇలాంటి వాచీలు ఇప్పటివరకు కేవలం 50 మాత్రమే ఉత్పత్తి చేయబడ్డాయని సమాచారం.ఇదిలా ఉంటే, పాక్‌తో మ్యాచ్‌లో హార్దిక్‌ భారత్‌ విజయంలో తనవంతు పాత్ర పోషించాడు. ఈ మ్యాచ్‌లో హార్దిక్‌ 8 ఓవర్లు వేసి కీలకమైన బాబర్‌ ఆజమ్‌, సౌద్‌ షకీల్‌ వికెట్లు తీశాడు. అత్యంత పొదుపుగా కూడా బౌలింగ్‌ చేశాడు. 8 ఓవర్లలో కేవలం 31 పరుగులు మాత్రమే ఇచ్చాడు. అనంతరం హార్దిక్‌కు బ్యాటింగ్‌ చేసే అవకాశం వచ్చినా పెద్ద స్కోర్‌ చేయలేకపోయాడు. అప్పటికే భారత విజయం ఖరారైపోయింది. మ్యాచ్‌ను తొందరగా ముగించే క్రమంలో హార్దిక్‌ 6 బంతుల్లో 8 పరుగులు చేసి ఔటయ్యాడు.ఈ మ్యాచ్‌లో హార్దిక్‌ ఓ మైలురాయిని అందుకున్నాడు. అంతర్జాతీయ క్రికెట్‌లో హార్దిక్‌ 200 వికెట్లు పూర్తి చేసుకున్నాడు. కెరీర్‌లో ఇప్పటివరకు 216 అంతర్జాతీయ మ్యాచ్‌లు ఆడిన హార్దిక్‌.. 30.76 సగటున 200 వికెట్లు తీశాడు. అంతర్జాతీయ క్రికెట్‌లో అత్యధిక వికెట్లు తీసిన భారత్‌ బౌలర్ల జాబితాలో హార్దిక్‌ 24వ స్థానంలో నిలిచాడు.

ఇస్లామాబాద్‌: ఐసీసీ ఛాంపియన్స్‌ ట్రోఫీ-2025 మ్యాచ్‌లకు సంబంధించి పాకిస్తాన్‌‌ ఇంటెలిజెన్స్‌ ఆ దేశ ప్రభుత్వానికి కీలక సమాచారమందించినట్లు తెలుస్తోంది. ట్రోఫీలో మ్యాచ్‌లకు హాజరయ్యే విదేశీయులను ముఖ్యంగా చైనా,అరబ్‌ దేశస్తులను ‘ఐఎస్‌కేపీ’ ఉగ్రవాద సంస్థ కిడ్నాప్‌ చేసే ప్రమాదముందని హెచ్చరించింది. చైనా,అరబ్‌ దేశస్తులు ఎక్కువగా సందర్శించే హోటళ్లు, ఇతర ప్రదేశాలపై ఐఎస్‌కేపీ ఉగ్రవాదులు నిఘా ఉంచినట్లు తెలిపింది. కిడ్నాప్‌ చేసిన వారిని ఉంచేందుకు మ్యాచ్‌లు జరుగుతున్న ఆయా నగరాల శివార్లలో ఐఎస్‌కేపీ ప్రత్యేక గదులు అద్దెకు తీసుకున్నట్లు సమాచారమిచ్చింది. అంతర్జాతీయ ఈవెంట్లను నిర్వహించే విషయంలో పాకిస్తాన్‌ సామర్థ్యాన్ని తాజా ఇంటెలిజెన్స్‌ నివేదిక మరోసారి ప్రశ్నార్థకంలో పడేసింది. పాకిస్తాన్‌ ఇంటెలిజెన్స్‌తో పాటు ఆఫ్ఘనిస్తాన్ ఇంటెలిజెన్స్‌‌ కూడా ఐఎస్‌కేపీ దాడులపై ఒకే తరహా సమాచారం అందించించడం గమనార్హం.

భారత్‌, పాకిస్తాన్‌ క్రికెట్‌ మ్యాచ్‌ల్లో ఆటగాళ్లు ఒకరినొకరు కవ్వించుకోవడం, మాటల యుద్దానికి దిగడం సర్వ సాధారణం. అయితే ఇటీవలికాలంలో ఇలాంటి వాతావరణంలో బాగా మార్పు వచ్చింది. ఇరు జట్ల ఆటగాళ్లు ఒకరినొకరు గౌరవించుకుంటున్నారు. స్నేహపూర్వకంగా మెలుగుతున్నారు. మైదానంలో హుందాగా ప్రవర్తిస్తున్నారు. కోహ్లి, రోహిత్‌ జమానా మొదలయ్యాక భారత్‌, పాకిస్తాన్‌ మ్యాచ్‌ల్లో స్లెడ్జింగ్‌ అనేదే కనిపించడం లేదు. జూనియర్లు సీనియర్లను గౌరవిస్తున్నారు. వీలైతే సలహాలు తీసుకుంటున్నారు. ఇటీవలి కాలంలో చాలామంది పాక్‌ ఆటగాళ్లు విరాట్‌ కోహ్లి దగ్గర చిట్కాలు తీసుకోవడం చూశాం​.Virat Kohli to Abrar Ahmed pic.twitter.com/4BrIhnw6vb— Sagar (@sagarcasm) February 23, 2025అయితే తాజాగా జరిగిన భారత్‌, పాకిస్తాన్‌ మ్యాచ్‌లో పాక్‌ యువ స్పిన్నర్‌ అబ్రార్‌ అహ్మద్‌ ఈ మంచి సంప్రదాయానికి తూట్లు పొడిచాడు. ఛాంపియన్స్‌ ట్రోఫీ-2025లో భాగంగా జరిగిన ఈ మ్యాచ్‌లో అబ్రార్‌ చాలా ఓవరాక్షన్‌ చేశాడు. ఫలితంగా భారత క్రికెట్‌ అభిమానుల నుంచి తిట్ల దండకాన్ని అందుకుంటున్నాడు. Look at audacity of Abrar 🤬Beta Karachi airport ke liye flight pakdo, hold this elimination ✌🏽 pic.twitter.com/J6c3ax7LDS— 🥹 shim8u (@veerjatt007) February 23, 2025అసలేం జరిగిందంటే.. భారత్‌, పాకిస్తాన్‌ జట్లు నిన్న (ఫిబ్రవరి 23) దుబాయ్‌లో తలపడ్డాయి. ఈ మ్యాచ్‌లో భారత్‌ బ్యాటింగ్‌ చేస్తున్న సమయంలో అబ్రార్‌ అహ్మద్‌ అతి చేశాడు. పాక్‌ నిర్దేశించిన లక్ష్యాన్ని భారత్‌ సాఫీగా ఛేదిస్తుండగా.. శుభ్‌మన్‌ గిల్‌ రెండో వికెట్‌గా వెనుదిరిగాడు. గిల్‌ను అబ్రార్‌ క్లీన్‌ బౌల్డ్‌ చేశాడు. గిల్‌ను ఔట్‌ చేశాక అబ్రార్‌ ఓవరాక్షన్‌ అంతాఇంతా కాదు. Batao, ye Abrar Ahmed ne utne matches nahi khele jitney ki Centuries Gill ki hai, lekin send-off dekho lukkhe ka https://t.co/3C8Sd4TLNz pic.twitter.com/dhtHqbPUPG— Mihir Jha (@MihirkJha) February 23, 2025చేతులు కట్టుకుని నిలబడి 'వెళ్లు.. ఇక వెళ్లు.. వెళ్లి బ్యాగ్ సర్దుకో' అన్నట్టు సైగలు చేశాడు. దీంతో భారత అభిమానులకు చిర్రెత్తుకొచ్చింది. అబ్రార్‌ను సోషల్‌ మీడియా వేదికగా ఓ రేంజ్‌లో ఆడుకుంటున్నారు. బ్యాగ్‌ సర్దుకోవాల్సింది గిల్‌ కాదు, మీరే అంటూ కామెంట్లు చేస్తున్నారు. Watch it before it get remove Abrar reaction to Gill One word for abrar 👇🏼👇🏼 #indvspak #viratkohli pic.twitter.com/coEQydD2qy— Vodka triceps (@vodkatriceps) February 24, 2025కొందరు గిల్‌ హార్డ్‌ కోర్‌ అభిమానులు వాడకూడని భాషలో అబ్రార్‌ను దూషిస్తున్నారు. ఇంకొందరేమో నీకు సరిగ్గా బుద్ది చెప్పే విరాట్‌ కోహ్లి ఇంకా క్రీజ్‌లోనే ఉన్నాడంటూ కామెంట్స్‌ చేశారు. మొత్తానికి అబ్రార్‌ చేసిన ఓవరాక్షన్‌తో పాక్‌ జట్టు మొత్తం ట్రోలింగ్‌కు గురైంది.మ్యాచ్‌ విషయానికొస్తే.. విరాట్‌ సూపర్‌ సెంచరీతో కదంతొక్కడంతో పాక్‌పై భారత్‌ 6 వికెట్ల తేడాతో ఘన విజయం సాధించింది. విరాట్‌ అజేయ సెంచరీతో భారత్‌ను విజయతీరాలకు చేర్చాడు. తొలుత బ్యాటింగ్‌ చేసిన పాక్‌.. 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. ఇమామ్‌ ఉల్‌ హక్‌ 10, బాబర్‌ ఆజమ్‌ 23, సల్మాన్‌ అఘా 19, తయ్యబ్‌ తాహిర​్‌ 4, షాహీన్‌ అఫ్రిది 0, నసీం షా 14, హరీస్‌ రౌఫ్‌ 8 పరుగులు చేసి ఔటయ్యారు. భారత బౌలర్లలో కుల్దీప్‌ 3, హార్దిక్‌ 2, హర్షిత్‌ రాణా, అక్షర్‌ పటేల్‌, రవీంద్ర జడేజా తలో వికెట్‌ తీశారు.అనంతరం బరిలోకి దిగిన భారత్‌.. కోహ్లి శతక్కొట్టడంతో (111 బంతుల్లో 100 నాటౌట్‌; 7 ఫోర్లు) 42.3 ఓవర్లలో 4 వికెట్లు కోల్పోయి లక్ష్యాన్ని ఛేదించింది. శ్రేయస్‌ అయ్యర్‌ (56).. విరాట్‌తో కలిసి కీలకమైన భాగస్వామ్యాన్ని నెలకొల్పి భారత విజయాన్ని ఖరారు చేయగా.. ఓపెనర్లు రోహిత్‌ శర్మ (20), శుభ్‌మన్‌ గిల్‌ (46) కీలక ఇన్నింగ్స్‌లు ఆడారు. పాక్‌ బౌలర్లలో అఫ్రిది 2, అబ్రార్‌ అహ్మద్‌, ఖుష్దిల్‌ షా తలో వికెట్‌ తీశారు. ఈ గెలుపుతో భారత్‌ సెమీస్‌ బెర్త్‌ దాదాపుగా ఖరారు చేసుకుంది. వరుస పరాజయాలతో పాక్‌ సెమీస్‌ అవకాశాలను సంక్లిష్టం చేసుకుంది.

పరుగుల యంత్రం విరాట్‌ కోహ్లి (Virat Kohli) అంతర్జాతీయ క్రికెట్‌లో మరో ఘనత సాధించాడు. మూడు ఫార్మాట్లలో కలిపి అత్యధిక పరుగులు చేసిన ఆటగాళ్ల జాబితాలో టాప్‌-3లోకి చేరాడు. ఛాంపియన్స్‌ ట్రోఫీలో (Champions Trophy 2025) భాగంగా పాకిస్తాన్‌తో నిన్న జరిగిన మ్యాచ్‌లో (India Vs Pakistan) సెంచరీ చేసిన విరాట్‌.. ఆసీస్‌ మాజీ కెప్టెన్‌ రికీ పాంటింగ్‌ను (Ricky Ponting) వెనక్కు నెట్టి మూడో స్థానానికి ఎగబాకాడు. ఈ జాబితాలో బ్యాటింగ్‌ లెజెండ్‌ సచిన్‌ టెండూల్కర్‌ అగ్రస్థానంలో.. లంక దిగ్గజ బ్యాటర్‌ కుమార సంగక్కర రెండో స్థానంలో ఉన్నారు. అంతర్జాతీయ క్రికెట్‌లో విరాట్‌ మరో 514 పరుగులు చేస్తే సంగక్కరను కూడా వెనక్కు నెట్టి రెండో స్థానానికి ఎగబాకుతాడు.అంతర్జాతీయ క్రికెట్‌లో అత్యధిక పరుగులు చేసిన టాప్‌-5 బ్యాటర్స్‌సచిన్‌ టెండూల్కర్‌- 782 ఇన్నింగ్స్‌ల్లో 34357 పరుగులుకుమార సంగక్కర- 666 ఇన్నింగ్స్‌ల్లో 28016విరాట్‌ కోహ్లి- 614 ఇన్నింగ్స్‌ల్లో 27503రికీ పాంటింగ్‌- 668 ఇన్నింగ్స్‌ల్లో 27483మహేళ జయవర్దనే- 725 ఇన్నింగ్స్‌ల్లో 25957కాగా, పాక్‌తో నిన్న జరిగిన మ్యాచ్‌లో విరాట్‌ మరో అరుదైన మైలురాయిని కూడా దాటాడు. 15 పరుగుల వ్యక్తిగత స్కోర్‌ వద్ద వన్డేల్లో 14000 పరుగులు పూర్తి చేసుకున్నాడు. తద్వారా ఈ ఘనత సాధించిన మూడో క్రికెటర్‌గా రికార్డు నెలకొల్పాడు. విరాట్‌కు ముందు సచిన్‌ (18426), సంగక్కర్‌ (14234) మాత్రమే వన్డేల్లో 14000 పరుగుల మార్కును దాటారు. ఈ రికార్డు సాధించే క్రమంలో విరాట్‌ మరో రికార్డు కూడా తన ఖాతాలో వేసుకున్నాడు. వన్డేల్లో అతి తక్కువ ఇన్నింగ్స్‌ల్లో 14000 పరుగులు పూర్తి చేసిన ఆటగాడిగా రికార్డు సృష్టించాడు. గతంలో ఈ రికార్డు సచిన్‌ టెండూల్కర్‌ పేరిట ఉండేది. సచిన్‌ 350 ఇన్నింగ్స్‌ల్లో ఈ ఘనత సాధించగా.. విరాట్‌ కేవలం 287వ ఇన్నింగ్స్‌ల్లో 14000 పరుగులు పూర్తి చేశాడు.వన్డేల్లో 51వ సెంచరీనిన్నటి మ్యాచ్‌లో పాక్‌పై సెంచరీతో విరాట్‌ వన్డే సెంచరీల సంఖ్య 51కి చేరింది. మూడు ఫార్మాట్లలో కలిపి విరాట్‌ సెంచరీల సంఖ్య 82కు చేరింది. ప్రపంచ ​క్రికెట్‌లో సెంచరీల సంఖ్యా పరంగా సచిన్‌ (100) ఒక్కడే విరాట్‌ కంటే ముందున్నాడు.విరాట్‌ సూపర్‌ సెంచరీ.. పాక్‌ను చిత్తు చేసిన భారత్‌విరాట్‌ సూపర్‌ సెంచరీతో కదంతొక్కడంతో నిన్నటి మ్యాచ్‌లో పాక్‌పై భారత్‌ 6 వికెట్ల తేడాతో గెలుపొందింది. ఈ మ్యాచ్‌లో విరాట్‌ అజేయ సెంచరీతో భారత్‌ను విజయతీరాలకు చేర్చాడు. తొలుత బ్యాటింగ్‌ చేసిన పాక్‌.. 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. ఇమామ్‌ ఉల్‌ హక్‌ 10, బాబర్‌ ఆజమ్‌ 23, సల్మాన్‌ అఘా 19, తయ్యబ్‌ తాహిర్‌ 4, షాహీన్‌ అఫ్రిది 0, నసీం షా 14, హరీస్‌ రౌఫ్‌ 8 పరుగులు చేసి ఔటయ్యారు. భారత బౌలర్లలో కుల్దీప్‌ 3, హార్దిక్‌ 2, హర్షిత్‌ రాణా, అక్షర్‌ పటేల్‌, రవీంద్ర జడేజా తలో వికెట్‌ తీశారు.అనంతరం బరిలోకి దిగిన భారత్‌.. కోహ్లి శతక్కొట్టడంతో (111 బంతుల్లో 100 నాటౌట్‌; 7 ఫోర్లు) 42.3 ఓవర్లలో 4 వికెట్లు కోల్పోయి లక్ష్యాన్ని ఛేదించింది. శ్రేయస్‌ అయ్యర్‌ (56).. విరాట్‌తో కలిసి కీలకమైన భాగస్వామ్యాన్ని నెలకొల్పి భారత విజయాన్ని ఖరారు చేశాడు. ఓపెనర్లు రోహిత్‌ శర్మ (20), శుభ్‌మన్‌ గిల్‌ (46) కీలక ఇన్నింగ్స్‌లు ఆడారు. పాక్‌ బౌలర్లలో అఫ్రిది 2, అబ్రార్‌ అహ్మద్‌, ఖుష్దిల్‌ షా తలో వికెట్‌ తీశారు. ఈ గెలుపుతో భారత్‌ సెమీస్‌ బెర్త్‌ దాదాపుగా ఖరారు చేసుకుంది. వరుస పరాజయాలతో పాక్‌ సెమీస్‌ అవకాశాలను సంక్లిష్టం చేసుకుంది.

ఛాంపియన్స్‌ ట్రోఫీ-2025లో నిన్న (ఫిబ్రవరి 23) పాక్‌పై భారత్‌ 6 వికెట్ల తేడాతో గెలుపొందింది. ఈ మ్యాచ్‌లో భారత్‌ అన్ని విభాగాల్లో సత్తా చాటి దాయాదిని మట్టికరిపించింది. పాక్‌ నిర్దేశించిన 242 పరుగుల సాధారణ లక్ష్యాన్ని భారత్‌ సునాయాసంగా ఛేదించింది. కోహ్లి సూపర్‌ సెంచరీతో మెరిసి భారత్‌ను గెలిపించాడు. బౌండరీతో సెంచరీ పూర్తి చేసుకోవడంతో పాటు భారత్‌ను విజయతీరాలకు చేర్చాడు. కోహ్లి మ్యాచ్‌ విన్నింగ్‌ సెంచరీని విశ్వవాప్తంగా ఉన్న క్రికెట్‌ అభిమానులు ఘనంగా సెలబ్రేట్‌ చేసుకున్నారు. కోహ్లి సెంచరీ అనంతరం​ పాక్‌లోనూ సంబరాలు జరిగాయి. అసలైన క్రికెట్‌ అభిమానులు భారత్‌-పాక్‌ మధ్య ఉన్న అంతరాలను మరిచి క్రికెట్‌ను ఆస్వాధించారు. మ్యాచ్‌కు వేదిక అయిన దుబాయ్‌ స్టేడియంలో ఓ ఆసక్తికర సన్నివేశం అందరి దృష్టిని ఆకర్శించింది. Suryakumar Yadav poses with a Pakistani fan 🇵🇰🇮🇳♥️#INDvsPAK #ChampionsTrophy2025 pic.twitter.com/CUHBhOjWM3— Ahtasham Riaz (@ahtashamriaz22) February 23, 2025భారత టీ20 జట్టు కెప్టెన్‌ సూర్యకుమార్‌ యాదవ్‌తో ఫోటో కోసం ఓ పాక్‌ మహిళా అభిమాని ఎగబడింది. దీనికి సంబంధించిన వీడియో సోషల్‌ మీడియాలో వైరలవుతుంది. అభిమానం ఎల్లలు దాటడమంటే ఇదేనేమో అని అభిమానులు చర్చించుకుంటున్నారు. కాగా, ఈ మ్యాచ్‌ చూసేందుకు భారత క్రికెటర్లతో పాటు చాలామంది సెలబ్రిటీలు హాజరయ్యారు.మ్యాచ్‌ విషయానికొస్తే.. తొలుత బ్యాటింగ్‌ చేసిన పాక్‌ 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. ఇమామ్‌ ఉల్‌ హక్‌ 10, బాబర్‌ ఆజమ్‌ 23, సల్మాన్‌ అఘా 19, తయ్యబ్‌ తాహిర​్‌ 4, షాహీన్‌ అఫ్రిది 0, నసీం షా 14, హరీస్‌ రౌఫ్‌ 8 పరుగులు చేసి ఔటయ్యారు. భారత బౌలర్లలో కుల్దీప్‌ 3, హార్దిక్‌ 2, హర్షిత్‌ రాణా, అక్షర్‌ పటేల్‌, రవీంద్ర జడేజా తలో వికెట్‌ తీశారు.అనంతరం బరిలోకి దిగిన భారత్‌.. కోహ్లి సెంచరీతో కదంతొక్కడంతో 42.3 ఓవర్లలో 4 వికెట్లు కోల్పోయి లక్ష్యాన్ని ఛేదించింది. శ్రేయస్‌ అయ్యర్‌ (56).. విరాట్‌తో కలిసి కీలకమైన భాగస్వామ్యాన్ని నెలకొల్పి భారత విజయాన్ని ఖరారు చేశాడు. ఓపెనర్లు రోహిత్‌ శర్మ (20), శుభ్‌మన్‌ గిల్‌ (46) కీలక ఇన్నింగ్స్‌లు ఆడారు. పాక్‌ బౌలర్లలో అఫ్రిది 2, అబ్రార్‌ అహ్మద్‌, ఖుష్దిల్‌ షా తలో వికెట్‌ తీశారు. ఈ గెలుపుతో భారత్‌ సెమీస్‌ బెర్త్‌ దాదాపుగా ఖరారు చేసుకుంది. వరుస పరాజయాలతో పాక్‌ సెమీస్‌ అవకాశాలను సంక్లిష్టం చేసుకుంది.

ఛాంపియన్స్‌ ట్రోఫీ-2025లో (Champions Trophy) పాక్‌పై విరాట్‌ (Virat Kohli) సెంచరీని విశ్వవ్యాప్తంగా ఉన్న క్రికెట్‌ అభిమానులు ఘనంగా సెలబ్రేట్‌ చేసుకున్నారు. నిన్న దుబాయ్‌లో దాయాదితో జరిగిన మ్యాచ్‌లో కోహ్లి బౌండరీ కొట్టి తన సెంచరీ పూర్తి చేసుకోవడంతో పాటు భారత్‌ను విజయతీరాలకు చేర్చిన విషయం తెలిసిందే. ఈ విజయం అనంతరం భారత్‌లో సంబరాలు అంబరాన్ని అంటాయి. గల్లీ నుంచి ఢిల్లీ వరకు అభిమానులు భారత విజయాన్ని సెలబ్రేట్‌ చేసుకున్నారు.Fans dancing and celebrating Virat Kohli's Hundred & Team India's Win against Pakistan in Mumbai. 🔥🇮🇳 (ANI).pic.twitter.com/Hxg0VCq43Y— Tanuj Singh (@ImTanujSingh) February 23, 2025మ్యాచ్‌ జరిగిన దుబాయ్‌లో భారత అభిమానుల ఆనందానికి అవధుల్లేవు. మ్యాచ్‌ చూడటానికి వచ్చిన సెలబ్రిటీలు సైతం సాధారణ వ్యక్తుల్లా భారత విజయాన్ని ఆస్వాధించారు. కోహ్లి క్రేజ్‌ ఎల్లలు దాటి పాకిస్తాన్‌కు కూడా పాకింది. పాక్‌ సిటిజన్లు కోహ్లి తమ సొంత జట్టుపై సెంచరీ చేసినా సెలబ్రేట్‌ చేసుకున్నారు. కోహ్లి సెంచరీ అనంతరం పాక్‌ రాజధాని ఇస్లామాబాద్‌లోనూ సంబరాలు జరిగాయి.Crazy scenes in ISLAMABAD! ONLY @imVkohli can do this 🙏🙏🙏🙏pic.twitter.com/reIvbpr9nk— CricTracker (@Cricketracker) February 23, 2025కొందరు క్రికెట్‌ అభిమానులు భారత్‌, పాక్‌ మధ్య ఉన్న అంతరాన్ని మరిచి విరాట్‌ సెంచరీని సెలబ్రేట్‌ చేసుకున్నారు. దీనికి సంబంధించిన వీడియో సోషల్‌మీడియాలో వైరలవుతుంది. పాక్‌పై భారత విజయాన్ని అతి సున్నితమైన కశ్మీర్‌ ప్రాంతంలోనూ సెలబ్రేట్‌ చేసుకున్నారు. భారత అభిమానులు రోడ్లపైకి వచ్చి కేరింతలు కొడుతూ బాణాసంచా కాల్చారు. 'భారత్‌ మాతాకి జై' అన్న నినాదాలతో యావత్‌ భారత దేశం మార్మోగిపోయింది. కోహ్లి నామస్మరణతో క్రికెట్‌ ప్రపంచం దద్దరిల్లింది.CELEBRATIONS IN JAMMU AFTER INDIA'S VICTORY OVER PAKISTAN. 🇮🇳pic.twitter.com/OYLNoYSoE3— Mufaddal Vohra (@mufaddal_vohra) February 23, 2025కాగా, నిన్నటి మ్యాచ్‌లో భారత్‌ పాక్‌పై 6 వికెట్ల తేడాతో ఘన విజయం సాధించింది. ఈ మ్యాచ్‌లో విరాట్‌ కోహ్లి సూపర్‌ సెంచరీ చేసి భారత్‌ను గెలిపించాడు. పాక్‌ నిర్దేశించిన 242 పరుగుల సాధారణ లక్ష్యాన్ని భారత్‌ సునాయాసంగా ఛేదించింది. కోహ్లి వన్డేల్లో 51వ సెంచరీతో, ఓవరాల్‌గా 82వ సెంచరీతో మెరిశాడు. భారత్‌ను గెలిపించడంలో శ్రేయస్‌ అయ్యర్‌ (56), శుభ్‌మన్‌ గిల్‌ (46), కుల్దీప్‌ యాదవ్‌ (9-0-40-3), హార్దిక్‌ పాండ్యా (8-0-31-2) తమవంతు పాత్రలు పోషించారు.ఈ మ్యాచ్‌లో తొలుత బ్యాటింగ్‌ చేసిన పాక్‌ 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. భారత బౌలర్లలో కుల్దీప్‌ 3, హార్దిక్‌ 2, హర్షిత్‌ రాణా, అక్షర్‌ పటేల్‌, రవీంద్ర జడేజా తలో వికెట్‌ తీశారు. ఈ గెలుపుతో భారత్‌ సెమీస్‌ బెర్త్‌ దాదాపుగా ఖరారైంది. వరుస పరాజయాలతో పాక్‌ సెమీస్‌ అవకాశాలను సంక్లిష్టం చేసుకుంది.

స్వదేశంలో జరుగుతున్న ఛాంపియన్స్‌ ట్రోఫీలో (Champions Trophy-2025) పాకిస్తాన్‌ (Pakistan) వరుసగా రెండు మ్యాచ్‌ల్లో ఓడి సెమీస్‌ అవకాశాలను సంక్లిష్టం చేసుకుంది. టోర్నీ ఆరంభ మ్యాచ్‌లో న్యూజిలాండ్‌ చేతిలో ఖంగుతిన్న దాయాది.. భారత్‌తో నిన్న జరిగిన మ్యాచ్‌లో ఘోర పరాభవాన్ని ఎదుర్కొంది. వరుసగా న్యూజిలాండ్‌, భారత్‌ చేతిలో ఓడినా పాక్‌ సెమీస్‌కు చేరే అవకాశాలు ఇంకా సజీవంగానే ఉన్నాయి. న్యూజిలాండ్‌తో నేడు (ఫిబ్రవరి 24) జరుగబోయే మ్యాచ్‌లో బంగ్లాదేశ్‌ విజయం సాధించాలి. అలాగే ఫిబ్రవరి 27వ తేదీన జరిగే మ్యాచ్‌లో బంగ్లాదేశ్‌పై పాక్‌ ఘన విజయం సాధించాలి. దీంతో పాటు మార్చి 2న జరిగే మ్యాచ్‌లో న్యూజిలాండ్‌ను భారత్‌ ఓడించాలి. ఇలా జరిగితే గ్రూప్‌-ఏలో పాకిస్తాన్‌, న్యూజిలాండ్‌, బంగ్లాదేశ్‌ తలో రెండు పాయింట్లు కలిగి ఉంటాయి. అప్పుడు నెట్‌ రన్‌రేట్‌ ఆధారంగా రెండో సెమీస్‌ బెర్త్‌ ఖరారవుతుంది. ఈ లెక్కన పాక్‌ సెమీస్‌ అవకాశాలు ఇంకా ఉన్నట్లే. ఒకవేళ నేటి మ్యాచ్‌లో న్యూజిలాండ్‌ చేతిలో బంగ్లాదేశ్‌ ఓడితే మాత్రం పాక్‌ మిగతా మ్యాచ్‌లతో సంబంధం లేకుండా టోర్నీ నుంచి నిష్క్రమిస్తుంది. చివరి గ్రూప్‌ మ్యాచ్‌లో పాక్‌ బంగ్లాదేశ్‌పై ఎంతటి భారీ విజయం సాధించినా ఎలాంటి ఉపయోగం ఉండదు. కాబట్టి పాక్‌ టోర్నీలో సజీవంగా ఉండాలంటే నేటి మ్యాచ్‌లో బంగ్లాదేశ్‌ న్యూజిలాండ్‌ను ఓడించాలి.కాగా, దుబాయ్‌ వేదికగా పాకిస్తాన్‌తో నిన్న జరిగిన మ్యాచ్‌లో భారత్‌ 6 వికెట్ల తేడాతో ఘన విజయం సాధించింది. ఈ మ్యాచ్‌లో విరాట్‌ కోహ్లి సూపర్‌ సెంచరీ చేసి భారత్‌ను గెలిపించాడు. పాక్‌ నిర్దేశించిన 242 పరుగుల సాధారణ లక్ష్యాన్ని భారత్‌ సునాయాసంగా ఛేదించింది. కోహ్లి వన్డేల్లో 51వ సెంచరీతో, ఓవరాల్‌గా 82వ సెంచరీతో మెరిపించాడు. భారత్‌ను గెలిపించడంలో శ్రేయస్‌ అయ్యర్‌ (56), శుభ్‌మన్‌ గిల్‌ (46), కుల్దీప్‌ యాదవ్‌ (9-0-40-3), హార్దిక్‌ పాండ్యా (8-0-31-2) తమవంతు పాత్రలు పోషించారు. ఈ గెలుపుతో భారత్‌ గ్రూప్‌-ఏ నుంచి సెమీస్‌ బెర్త్‌ను దాదాపుగా ఖరారు చేసుకున్నట్లే. తమ తొలి మ్యాచ్‌లో బంగ్లాదేశ్‌పై విజయం సాధించిన టీమిండియా.. 4 పాయింట్లతో గ్రూప్‌ టాపర్‌గా నిలిచింది. ప్రస్తుతం భారత నెట్‌ రన్‌రేట్‌ 0.647గా ఉంది. రెండో స్థానంలో ఉన్న న్యూజిలాండ్‌ రన్‌రేట్‌ (1.200) భారత్‌ కంటే కాస్త మెరుగ్గా ఉంది.భారత్‌తో మ్యాచ్‌లో తొలుత బ్యాటింగ్‌ చేసిన పాక్‌ 49.4 ఓవర్లలో 241 పరుగులకు ఆలౌటైంది. సౌద్‌ షకీల్‌ (62) అర్ద సెంచరీతో రాణించగా.. కెప్టెన్‌ రిజ్వాన్‌ (46), ఖుష్దిల్‌ షా (38) ఓ మోస్తరు స్కోర్లు చేశారు. వీరు మినహా పాక్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. ఇమామ్‌ ఉల్‌ హక్‌ 10, బాబర్‌ ఆజమ్‌ 23, సల్మాన్‌ అఘా 19, తయ్యబ్‌ తాహిర​్‌ 4, షాహీన్‌ అఫ్రిది 0, నసీం షా 14, హరీస్‌ రౌఫ్‌ 8 పరుగులు చేసి ఔటయ్యారు. పాక్‌ 47 పరుగులకే ఓపెనర్ల వికెట్లు కోల్పోయినప్పటికీ.. రిజ్వాన్‌, షకీల్‌ క్రీజ్‌లో ఉండగా భారీ స్కోర్‌ చేసేలా కనిపించింది. అయితే వీరిద్దరూ స్వల్ప వ్యవధిలో ఔట్‌ కావడంతో పాక్‌ తిరిగి కోలుకోలేకపోయింది. ఈ దశలో భారత బౌలర్లు రెచ్చిపోవడంతో పాక్‌ వరుస క్రమాల్లో వికెట్లు కోల్పోయి నామమాత్రపు స్కోర్‌కు పరిమితమైంది. భారత బౌలర్లలో కుల్దీప్‌, హార్దిక్‌తో పాటు హర్షిత్‌ రాణా (7.4-0-30-1), అక్షర్‌ పటేల్‌ (10-0-49-1), రవీంద్ర జడేజా (7-0-40-1) కూడా వికెట్లు తీశారు.అనంతరం బరిలోకి దిగిన భారత్‌.. 42.3 ఓవర్లలో 4 వికెట్లు కోల్పోయి లక్ష్యాన్ని ఛేదించింది. భారత్‌కు ఓపెనర్లు రోహిత్‌ శర్మ (20), శుభ్‌మన్‌ గిల్‌ (46) ఓ మోస్తరు ఆరంభాన్ని ఇచ్చారు. రోహిత్‌ తన సహజ శైలిలో షాట్లు ఆడి క్రీజ్‌లో ఉన్న కొద్ది సేపు అలరించాడు. గిల్‌.. సెంచరీ హీరో విరాట్‌ కోహ్లితో కలిసి భారత్‌ గెలుపుకు బాటలు వేశాడు. గిల్‌ ఔటయ్యాక శ్రేయస్‌ విరాట్‌ జత కలిశాడు. వీరిద్దరు మూడు వికెట్‌కు 114 పరుగుల భాగస్వామ్యం నెలకొల్పి భారత్‌ గెలుపును ఖరారు చేశారు. ఆఖర్లో కోహ్లి సెంచరీ పూర్తి చేస్తాడా లేదా అన్న ఉత్కంఠ నెలకొని ఉండింది. అయితే అక్షర్‌ పటేల్‌ లెక్కలు చూసుకుని సెంచరీ పూర్తి చేసేందుకు కోహ్లికి స్ట్రయిక్‌ ఇచ్చాడు. కోహ్లి బౌండరీతో సెంచరీ పూర్తి చేసుకోవడమే కాకుండా భారత్‌ను విజయతీరాలకు చేర్చాడు. పాక్‌ బౌలర్లలో అఫ్రిది 2, అబ్రార్‌ అహ్మద్‌, ఖుష్దిల్‌ షా తలో వికెట్‌ తీశారు.

రావల్పిండి: టోర్నీ ఆరంభ మ్యాచ్‌లో ఆతిథ్య పాకిస్తాన్‌ను ఓడించిన న్యూజిలాండ్‌ వరుస విజయాలతో సెమీఫైనల్‌ చేరాలని భావిస్తుంది. నేడు బంగ్లాదేశ్‌తో జరిగే పోరులో గెలిచి నాకౌట్‌కు అర్హత పొందాలనే లక్ష్యంతో బరిలోకి దిగుతోంది. సోమవారం గ్రూప్‌ ‘ఎ’లో జరిగే ఈ మ్యాచ్‌ బంగ్లాదేశ్‌కు చావోరేవో కానుంది. భారత్‌ చేతిలో తొలి మ్యాచ్‌ ఓడిన నజు్మల్‌ హుస్సేన్‌ బృందం నెట్‌ రన్‌రేట్‌లోనూ మైనస్‌లోకి పడిపోయింది. ఇప్పుడు ఇదీ ఓడితే ఇంటిదారి పట్టడం మినహా ఇంకో దారే ఉండదు. అయితే పటిష్టమైన కివీస్‌ను ఓడించడం అంత సులభం కాదు. చాంపియన్స్‌ ట్రోఫీకి ముందు పాక్‌లో సన్నాహకంగా జరిగిన ముక్కోణపు వన్డే టోర్నీలో టైటిల్‌ సాధించిన న్యూజిలాండ్‌ ఆల్‌రౌండ్‌ సామర్థ్యంతో పటిష్టంగా ఉంది. ఈ నేపథ్యంలో బంగ్లాదేశ్‌లాంటి జట్టుపై గెలుపొందడం, సెమీఫైనల్‌కు చేరడం కివీస్‌కు కష్టమైతే కాదు. అయితే మ్యాచ్‌పై ఏ బెంగా లేని న్యూజిలాండ్‌ తుదిజట్టు కసరత్తుపైనే తర్జనభర్జన పడుతోంది. తలకు అయిన స్వల్పగాయం నుంచి రచిన్‌ రవీంద్ర కోలుకోవడంతో కివీస్‌కు డాషింగ్‌ ఓపెనర్‌ అందుబాటులో వచ్చాడు.గత మ్యాచ్‌లో కాన్వే, విల్‌ యంగ్‌ ఇన్నింగ్స్‌ ఆరంభించగా, ఇప్పుడు విల్‌ యంగ్‌ను తప్పించే అవకాశముంది. ఇదే జరిగితే లెఫ్ట్‌–రైట్‌ హ్యాండ్‌ ఓపెనింగ్‌ కాంబినేషన్‌ అటకెక్కుతుంది. ఫామ్‌లో ఉన్న కాన్వేతో రవీంద్ర ఇన్నింగ్స్‌ ఆరంభిస్తాడు. మరోవైపు తొలి మ్యాచ్‌లో ఓడిన బంగ్లాదేశ్‌ తీవ్ర ఒత్తిడిలో మరో గట్టి ప్రత్యర్థిని ఎదుర్కొననుండటం పెద్ద సవాల్‌గా మారింది. గత మ్యాచ్‌లో భారత్‌ను బౌలింగ్‌తో ఇబ్బంది పెట్టిన నజు్మల్‌ బృందం బ్యాటింగ్‌లో పేలవమైన ప్రదర్శన కనబరిచింది. ఇప్పుడు బ్యాటింగ్‌ లోపాలను సరిదిద్దుకుంటే మ్యాచ్‌లో ప్రత్యరి్థకి గట్టిపోటీ ఇచ్చే అవకాశముంటుంది. లేదంటే ఇంకో మ్యాచ్‌ (పాక్‌తో) ఉండగానే గ్రూప్‌ దశలోనే వెనుదిరగడం ఖాయమవుతుంది.

సాక్షి, అమరావతి: చాంపియన్స్‌ ట్రోఫీలో పాకిస్తాన్‌పై ఘన విజయం సాధించిన భారత క్రికెట్‌ జట్టుకు మాజీ సీఎం, వైఎస్సార్‌సీపీ అధ్య­క్షుడు వైఎస్‌ జగన్‌ అభినందనలు తెలియ­జేశారు.అద్భుత సెంచరీ చేసిన విరాట్‌ కోహ్లీకి ప్రత్యేకంగా అభినందనలు తెలిపారు. ఈ మేరకు ఆదివారం ‘ఎక్స్‌’లో వైఎస్‌ జగన్‌ పోస్టు చేశారు.

ఛాంపియన్స్‌ ట్రోఫీ-2025లో భారత్‌, పాకిస్తాన్‌ జట్లు ఇవాళ (ఫిబ్రవరి 23) తలపడుతున్నాయి. దుబాయ్‌ వేదికగా ఈ మ్యాచ్‌ జరుగుతుంది. మధ్యాహ్నం 2:30 గంటలకు మ్యాచ్‌ ప్రారంభమవుతుంది. ఈ మ్యాచ్‌లో పాకిస్తాన్‌ టాస్‌ గెలిచి తొలుత బ్యాటింగ్‌ ఎంచుకుంది. రోహిత్‌ శర్మ వరుసగా తొమ్మిదో మ్యాచ్‌లో టాస్‌ ఓడాడు. ఈ మ్యాచ్‌ కోసం టీమిండియా ఎలాంటి ప్రయోగాలు చేయలేదు. గత మ్యాచ్‌లో ఆడిన జట్టునే యధాతథంగా కొనసాగించింది. పాక్‌ మాత్రం ఓ మార్పుతో బరిలోకి దిగింది. న్యూజిలాండ్‌తో మ్యాచ్‌లో గాయపడిన ఫకర్‌ జమాన్‌ స్థానంలో ఇమామ్‌ ఉల్‌ హక్‌ తుది జట్టులోకి వచ్చాడు. తుది జట్లు..పాకిస్తాన్‌: సౌద్‌ షకీల్‌, బాబర్‌ ఆజమ్‌, ఇమామ్‌ ఉల్‌ హక్‌, రిజ్వాన్‌ (కెప్టెన్‌, సల్మాన్‌ అఘా, తయ్యబ్‌ తాహిర్‌, ఖుష్దిల్‌ షా, షాహీన్‌ అఫ్రిది, నసీం షా, హరీస్‌ రౌఫ్‌, అబ్రార్‌ అహ్మద్‌భారత్‌: రోహిత్‌ శర్మ (కెప్టెన్‌), శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, హార్దిక్‌ పాండ్యా, రవీంద్ర జడేజా, హర్షిత్‌ రాణా, షమీ, కుల్దీప్‌ యాదవ్‌

ఛాంపియన్స్‌ ట్రోఫీ-2025లో భారత్‌, పాకిస్తాన్‌ జట్లు ఇవాళ (ఫిబ్రవరి 23) తలపడనున్నాయి. దుబాయ్‌ వేదికగా ఈ మ్యాచ్‌ జరుగనుంది. మధ్యాహ్నం 2:30 గంటలకు మ్యాచ్‌ ప్రారంభమవుతుంది. అయితే ఈ మ్యాచ్‌ ప్రారంభానికి ముందు పాక్‌కు సంబంధించి ఓ చేదు వార్త వినిపిస్తుంది. భారత్‌తో మ్యాచ్‌కు స్టార్‌ ఆటగాడు బాబర్‌ ఆజమ్‌ దూరం కానున్నాడని ప్రచారం జరుగుతుంది. ఈ వార్త ప్రస్తుతం సోషల్‌మీడియాలో వైరలవుతుంది. నిన్న జరిగిన ట్రైనింగ్‌ సెషన్స్‌లో బాబర్‌ పాల్గొనకపోవడంతో ఈ ప్రచారం మొదలైంది. బాబర్‌ కంటి ఇన్‌ఫెక్షన్‌తో బాధపడుతున్నాడని తెలుస్తుంది. ట్రైనింగ్‌ సెషన్స్‌కు బాబర్‌ మినహా అందరూ హాజరయ్యారు. బాబర్‌కు ఏమైందోనని పాక్‌ అభిమానులు ఆందోళన పడుతున్నారు. ఈ ప్రచారంలో నిజమెంతో తెలియాలంటే మరికొన్ని గంటలు ఎదురుచూడాల్సిందే.కాగా, ఛాంపియన్స్‌ ట్రోఫీ తొలి మ్యాచ్‌లో (న్యూజిలాండ్‌తో) జిడ్డుగా (90 బంతుల్లో 64 పరుగులు) ఆడి బాబర్‌ విమర్శలపాలైన విషయం తెలిసిందే. గత కొంతకాలంగా పేలవ ఫామ్‌తో సతమతమవుతున్న బాబర్‌ న్యూజిలాండ్‌పై హాఫ్‌ సెంచరీ చేసినప్పటికీ ముప్పేట దాడిని ఎదుర్కొన్నాడు. భారీ లక్ష్య ఛేదనలో బాబర్‌ నిదానంగా ఆడటం పాక్‌ విజయావకాశాలను దెబ్బ తీసింది. ఫామ్‌లో లేకపోయినా భారత్‌తో మ్యాచ్‌లో పాక్‌ బాబర్‌పై గంపెడాశలు పెట్టుకుంది. మిగతా మ్యాచ్‌ల్లో అతని ఫామ్‌ ఎలా ఉ‍న్నా భారత్‌పై మాత్రం చెలరేగాలని పాక్‌ అభిమానులు కోరుకుంటున్నారు. అయితే వారి ఊహలకు ప్రస్తుతం జరుగుతున్న ప్రచారం చెక్‌ పెడుతుంది. దాయాదితో సమరంలో బాబర్‌ లేకపోతే తమ పరిస్థితి ఏంటని పాక్‌ అభిమానులు మదనపడిపోతున్నారు. ప్రస్తుతానికి ఫామ్‌లో లేకపోయినా పాక్‌ బ్యాటింగ్‌కు బాబరే పెద్ద దిక్కు. అతను మినహాయించి జట్టులో కెప్టెన్‌ రిజ్వాన్‌ ఒక్కడే అనుభవజ్ఞుడు. స్టార్‌ ప్లేయర్‌ ఫకర్‌ జమాన్‌ దూరమై (గాయం​) ఇప్పటికే సతమతమవుతున్న పాక్‌కు.. ‍బాబర్‌పై జరుగుతున్న ప్రచారం కంటి మీద కునుకు లేకుండా చేస్తుంది. ఒకవేళ నేటి మ్యాచ్‌లో బాబర్‌ నిజంగా దూరమైతే అతని స్థానంలో కమ్రాన్‌ గులామ్‌ బరిలోకి దిగే అవకాశం ఉంది. భారత్‌తో మ్యాచ్‌లో పాక్‌ బ్యాటింగ్‌ కంటే బౌలింగ్‌పైనే ఎక్కువగా ఆధారపడుతుంది. పేసర్లు షాహీన్‌ అఫ్రిది, నసీం​ షా, హరీస్‌ రౌఫ్‌లపై ఆ జట్టు గంపెడాశలు పెట్టుకుంది.ఛాంపియన్స్‌ ట్రోఫీలో పాక్‌ భారత్‌పై స్వల్ప ఆధిక్యం కలిగి ఉంది. ఈ టోర్నీలో ఇరు జట్లు ఇప్పటివరకు ఐదు సార్లు తలపడగా.. పాక్‌ 3, భారత్‌ 2 మ్యాచ్‌ల్లో విజయాలు సాధించాయి. ఛాంపియన్స్‌ ట్రోఫీలో చివరిసారి ఈ రెండు జట్లు తలపడినప్పుడు పాక్‌ పైచేయి సాధించింది. 2017 ఎడిషన్‌ ఫైనల్లో పాక్‌.. భారత్‌పై జయకేతనం ఎగురవేసి తొలిసారి ఛాంపియన్‌గా అవతరించింది.ఓవరాల్‌గా భారత్‌, పాకిస్తాన్‌ వన్డేల్లో ఇప్పటివరకు 135 సార్లు తలపడ్డాయి. ఇందులో భారత్‌ 57 సార్లు విజయం సాధించగా.. పాక్‌ 73 మ్యాచ్‌ల్లో గెలుపొందింది. 5 మ్యాచ్‌ల్లో ఫలితం తేలలేదు.భారత్‌, పాక్‌ మ్యాచ్‌కు తుది జట్లు (అంచనా)..పాకిస్తాన్‌: సౌద్‌ షకీల్‌, ఇమామ్‌ ఉల్‌ హక్‌, రిజ్వాన్‌ (కెప్టెన్‌,, కమ్రాన్‌ గులామ​్‌, సల్మాన్‌ అఘా, తయ్యబ్‌ తాహిర్‌, ఖుష్దిల్‌ షా, షాహీన్‌ అఫ్రిది, నసీం షా, హరీస్‌ రౌఫ్‌, అబ్రార్‌ అహ్మద్‌భారత్‌: రోహిత్‌ శర్మ (కెప్టెన్‌), శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, హార్దిక్‌ పాండ్యా, రవీంద్ర జడేజా, వరుణ్‌ చక్రవర్తి, షమీ, కుల్దీప్‌ యాదవ్‌

ఆస్ట్రేలియా క్రికెట్‌ జట్టు (Australia Cricket Team) చరిత్ర సృష్టించింది. ఐసీసీ వన్డే టోర్నీల్లో (ICC ODI Tourneys) అత్యధిక లక్ష్యాన్ని ఛేదించిన జట్టుగా సరికొత్త రికార్డు నెలకొల్పింది. ఛాంపియన్స్‌​ ట్రోఫీ-2025లో (Champions Trophy) భాగంగా నిన్న (ఫిబ్రవరి 22) ఇంగ్లండ్‌తో జరిగిన మ్యాచ్‌లో ఆసీస్‌ 352 పరుగుల లక్ష్యాన్ని మరో 15 బంతులు మిగిలుండగానే ఛేదించింది. ఐసీసీ టోర్నీల చరిత్రలో ఇదే అత్యధిక లక్ష్య ఛేదన. ఈ మ్యాచ్‌కు ముందు ఐసీసీ టోర్నీల్లో అత్యధిక లక్ష్యాన్ని ఛేదించిన రికార్డు పాకిస్తాన్‌ పేరిట ఉండింది. 2023 వరల్డ్‌కప్‌లో ఆ జట్టు శ్రీలంక నిర్దేశించిన 345 పరుగుల లక్ష్యాన్ని ఛేదించింది.ఐసీసీ టోర్నీల్లో అత్యధిక లక్ష్య ఛేదనలు..ఆస్ట్రేలియా 352 వర్సెస్‌ ఇంగ్లండ్‌, లాహోర్‌, 2025 ఛాంపియన్స్‌ ట్రోఫీపాకిస్తాన్‌ 345 వర్సెస్‌ శ్రీలంక, హైదరాబాద్‌, 2023 వన్డే వరల్డ్‌కప్‌ఐర్లాండ్‌ 329 వర్సెస్‌ ఇంగ్లండ్‌, బెంగళూరు, 2011 వన్డే వరల్డ్‌కప్‌శ్రీలంక రికార్డు బద్దలుఈ మ్యాచ్‌తో ఆసీస్‌ ఛాంపియన్స్‌ ట్రోఫీలో అత్యధిక లక్ష్యాన్ని ఛేదించిన జట్టుగానూ రికార్డు నెలకొల్పింది. గతంలో ఈ రికార్డు శ్రీలంక పేరిట ఉండింది. 2017 ఎడిషన్‌లో భారత్‌తో జరిగిన మ్యాచ్‌లో శ్రీలంక 322 పరుగుల లక్ష్యాన్ని విజయవంతంగా ఛేదించింది.ఛాంపియన్స్‌ ట్రోఫీలో అత్యధిక లక్ష్య ఛేదనలు..ఆస్ట్రేలియా 352 వర్సెస్‌ ఇంగ్లండ్‌, లాహోర్‌, 2025శ్రీలంక 322 వర్సెస్‌ భారత్‌, ద ఓవల్‌, 2017ఇంగ్లండ్‌ 308 వర్సెస్‌ బంగ్లాదేశ్‌, ద ఓవల్‌, 2017ఆసీస్‌ వన్డే హిస్టరీలో రెండో అత్యుత్తమ లక్ష్య ఛేదనఈ మ్యాచ్‌లో ఆస్ట్రేలియా ఛేదించిన 352 పరుగుల లక్ష్యం, ఆ దేశ వన్డే హిస్టరీలోనే రెండో అత్యధికం. వన్డేల్లో ఆసీస్‌ అత్యుత్తమ లక్ష్య ఛేదన 2013లో రికార్డైంది. అప్పట్లో భారత్‌తో జరిగిన మ్యాచ్‌లో ఆసీస్‌ 359 పరుగుల లక్ష్యాన్ని విజయవంతంగా ఛేదించింది.పాక్‌ గడ్డపై రెండో అత్యధిక ఛేదనఈ మ్యాచ్‌లో ఆసీస్‌ ఛేదించిన లక్ష్యం​.. పాక్‌ గడ్డపై రెండో అత్యధికం. పాక్‌లో అత్యధిక లక్ష్యాన్ని ఛేదించిన ఘనత పాక్‌ ఖాతాలోనే ఉంది. కొద్ది రోజుల కిందట సౌతాఫ్రికాతో జరిగిన మ్యాచ్‌లో పాక్‌ 355 పరుగుల లక్ష్యాన్ని విజయవంతంగా ఛేదించింది. వన్డేల్లో ఇదే పాక్‌కు అత్యధిక లక్ష్య ఛేదన.మ్యాచ్‌ విషయానికొస్తే.. ఇంగ్లిస్‌ (120 నాటౌట్‌) మెరుపు సెంచరీతో కదంతొక్కడంతో ఇంగ్లండ్‌ నిర్దేశించిన 352 పరుగుల భారీ లక్ష్యాన్ని ఆసీస్‌ మరో 15 బంతులు మిగిలుండగానే ఊదేసింది. స్టార్‌ ప్లేయర్ల గైర్హాజరీలో ఏమాత్రం అంచనాలు లేకుండా బరిలోకి దిగిన ఆసీస్‌.. రికార్డు లక్ష్యాన్ని ఛేదించి వరల్డ్‌ ఛాంపియన్స్‌ అనిపించుకుంది. ఈ మ్యాచ్‌కు ముందు ఆసీస్‌.. శ్రీలంక చేతిలో 0-2 తేడాతో వన్డే సిరీస్‌ను కోల్పోయింది.ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌.. బెన్‌ డకెట్‌ (143 బంతుల్లో 165; 17 ఫోర్లు, 3 సిక్సర్లు) శతక్కొట్టడంతో నిర్ణీత 50 ఓవర్లలో 8 వికెట్ల నష్టానికి 351 పరుగులు చేసింది. జో రూట్‌ (68) అర్ద శతకంతో రాణించాడు. ఆఖర్లో జోఫ్రా ఆర్చర్‌ (10 బంతులోల​ 21 నాటౌట్‌) మెరుపు ఇన్నింగ్స్‌ ఆడటంతో ఇంగ్లండ్‌ 350 పరుగుల మార్కును తాకగలిగింది. ఆసీస్‌ బౌలర్లలో డ్వార్షుయిష్‌ 3, లబూషేన్‌, జంపా తలో 2, మ్యాక్స్‌వెల్‌ ఓ వికెట్‌ పడగొట్టారు.అనంతరం భారీ లక్ష్యాన్ని ఛేదించేందుకు బరిలోకి దిగిన ఆస్ట్రేలియా.. 47.3 ఓవర్లలో 5 వికెట్లు కోల్పోయి లక్ష్యాన్ని చేరుకుంది. జోస్‌ ఇంగ్లిస్‌ మెరుపు శతకంతో విజృంభించి ఆసీస్‌ను విజయతీరాలకు చేర్చాడు. మాథ్యూ షార్ట్‌ (63), అలెక్స్‌ క్యారీ (69), లబూషేన్‌ (47), మ్యాక్స్‌వెల్‌ (32 నాటౌట్‌) ఇంగ్లిస్‌కు సహకరించారు. ఇంగ్లండ్‌ బౌలర్లలో వుడ్‌, ఆర్చర్‌, కార్స్‌, రషీద్‌, లివింగ్‌స్టోన్‌ తలో వికెట్‌ తీశారు.

భారత్, పాకిస్తాన్ మ్యాచ్ ఏ వేదికపై జరిగినా ప్రపంచ క్రీడాభిమానుల దృష్టిని ఆకర్షిస్తుంది. వన్డే ప్రపంచ కప్ పోటీల్లో భారత్, పాకిస్తాన్ వరుసగా ఎనిమిది సార్లు తలపడగా భారత్ తన పూర్తి ఆధిపత్యాన్ని ప్రదర్శించి అన్ని మ్యాచ్ ల్లో విజయం సాధించింది. మరో మారు ఈ రెండు జట్లు ఛాంపియన్స్ ట్రోఫీ మ్యాచ్ లో తలపడనున్న నేపథ్యంలో ఈ మ్యాచ్ ల వివరాలు మీ కోసం.1992, (సిడ్నీ): భారత్ 43 పరుగుల తేడాతో విజయంఆశ్చర్యకరంగా అనిపించినప్పటికీ, భారత్‌ మరియు పాకిస్తాన్ ప్రపంచ కప్ మొదటి నాలుగు ఎడిషన్లలో ఎదురెదురుపడలేదు. సిడ్నీ క్రికెట్ మైదానంలో భారత్ పాకిస్తాన్‌ను ఎదుర్కొన్నప్పుడు మొదట బ్యాటింగ్ చేసిన భారత్ తన తొలి ప్రపంచ కప్ ఆడుతున్న సచిన్ టెండూల్కర్ 62 బంతుల్లో 54 పరుగులుతో రాణించడంతో 49 ఓవర్లలో 7 వికెట్ల నష్టానికి 216 పరుగులు చేసింది. 217 పరుగుల లక్ష్యంతో బ్యాటింగ్ ప్రారంభించిన పాకిస్తాన్‌ 48.1 ఓవర్లలో 173 పరుగులకే ఆలౌటైంది. కపిల్ దేవ్, మనోజ్ ప్రభాకర్, జవగల్ శ్రీనాథ్ తలో రెండు వికెట్లు పడగొట్టగా.. సచిన్, వెంకటపతి రాజు రాణించారు. పాక్‌ ఆటగాడు అమీర్ సోహైల్ 95 బంతుల్లో 62 పరుగులు చేసి టాప్‌ స్కోరర్‌గా నిలిచాడు. జావేద్ మియాందాద్ 40 పరుగులు చేసి ఔటయ్యాడు.1996, (బెంగళూరు): భారత్ 39 పరుగుల తేడాతో విజయం1996లో జరిగిన ప్రపంచ కప్ క్వార్టర్ ఫైనల్‌లో భారత్, పాకిస్తాన్‌లు రెండోసారి తలపడ్డాయి. ఆ మ్యాచ్‌లో గాయం కారణంగా వసీం అక్రమ్ లేకపోవడం రెండు జట్లకు డూ-ఆర్-డై అనే అంశంగా మారింది. నవజ్యోత్ సిద్ధు 115 బంతుల్లో 93 పరుగులు చేసి భారత్‌కు సరైన ఆరంభం ఇచ్చాడు. వకార్ యూనిస్‌పై అజయ్ జడేజా చేసిన ఎదురు దాడి భారత్-పాకిస్తాన్ క్రికెట్ చరిత్ర లో ప్రత్యేక స్థానాన్ని సంపాదించుకుంది. జడేజా డెత్ ఓవర్లలో విజృంభించడంతో భారత్ 50 ఓవర్లలో 287/8 పరుగులు చేసింది. దీనికి సమాధానంగా, సయీద్ అన్వర్‌, సోహైల్ తమ జట్టుకు అద్భుతమైన ఆరంభాన్ని అందించారు, పాకిస్తాన్ 10 ఓవర్లలో 84/0తో చెలరేగింది. సోహైల్ తొందరబాటుతో వెంకటేష్ ప్రసాద్ ని కవ్వించడం తో మ్యాచ్ అనూహ్యమైన మలుపు తిరిగింది. వెంకటేష్ ప్రసాద్ పాకిస్తాన్ ఓపెనర్ మిడిల్ స్టంప్‌ను పడగొట్టి ప్రతీకారం తీర్చుకోవడంతో పాకిస్తాన్ పతనం ప్రారంభమైంది. ప్రసాద్, అనిల్ కుంబ్లే వారి సొంత గడ్డ అయిన బెంగళూరులో బాగా రాణించడంతో పాకిస్తాన్ 248/9 తో ఇన్నింగ్స్ ముగించింది. దీనితో భారత్ సెమీఫైనల్‌కు చేరుకుంది.1999, (మాంచెస్టర్‌): భారత్ 47 పరుగుల తేడాతో విజయంఈ భారత్ xపాకిస్తాన్ మ్యాచ్ మరే ఇతర మ్యాచ్ కి తీసిపోని భావోద్వేగంగా జరిగింది. భారత్, పాకిస్తాన్ మధ్య కార్గిల్ యుద్ధం జరిగిన సమయంలోనే ప్రపంచ కప్ ప్రారంభమైంది, కానీ మాంచెస్టర్‌లోని చారిత్రాత్మక ఓల్డ్ ట్రాఫోర్డ్‌లో పోటీ మ్యాచ్ వరకే పరిమితం అయ్యే విధంగా చూసుకోవడంలో రెండు జట్లు బాగా కృషి చేశాయి. సచిన్ టెండూల్కర్ 45 పరుగులతో భారత్‌ను ఆదుకున్నాడు. ఆ తర్వాత రాహుల్ ద్రవిడ్ మరియు కెప్టెన్ మహమ్మద్ అజారుద్దీన్ చెరో అర్ధ సెంచరీతో భారత్‌ను 227/5 స్కోరుకు చేర్చారు. అన్వర్ మరోసారి రాణించినప్పటికీ 36 పరుగులకే ప్రసాద్ అతన్ని వెనక్కి పంపాడు. ఆ తర్వాత, పాకిస్తాన్ పతనమైంది.ప్రసాద్ ఐదు వికెట్లు, జవగల్ శ్రీనాథ్‌తో కలిసి మిడిల్ ఆర్డర్‌ను దెబ్బతీసి పాకిస్తాన్‌ను 27 బంతులు మిగిలి ఉండగానే 180 పరుగులకు ఆలౌట్ చేశాడు.2003, (సెంచూరియన్‌): భారత్ ఆరు వికెట్ల తేడాతో విజయంఇది భారత్‌ xపాకిస్తాన్ ప్రపంచ కప్‌ మ్యాచ్‌ల్లో అత్యుత్తమ మ్యాచ్‌గా పరిగణించబడుతుంది. రెండు దేశాల మధ్య ద్వైపాక్షిక సంబంధాలను రాజకీయ ఉద్రిక్తతలు తలెత్తిన సమయంలో, భారత్ మరియు పాకిస్తాన్ 2003 ప్రపంచ కప్‌లో సెంచూరియన్‌లో తలపడ్డాయి. సచిన్ టెండూల్కర్ కి బహుశా అతని కెరీర్‌లో అత్యుత్తమ ప్రపంచ కప్ ఇన్నింగ్స్ గా నిలిచిపోతుంది. అతని 98 పరుగులు చేసి మైమరిపించింది. 273 పరుగుల లక్ష్యాన్ని ఛేదించడానికి భారత్‌కు అవసరమైన స్కోర్ రేట్ ని అందించింది. తొలుత బ్యాటింగ్ చేసిన పాకిస్తాన్ 273/7 స్కోర్ సాధించగా, బదులుగా భారత్ 45.4 ఓవర్లలో నాలుగు వికెట్లకే లక్ష్యాన్ని సాధించింది.2011, (మొహాలీ): భారత్ 29 పరుగుల తేడాతో విజయంసొంత గడ్డ పై జరిగిన కీలకమైన ప్రపంచ కప్ సెమీఫైనల్ మ్యాచ్ లో మళ్ళీ సచిన్ టెండూల్కర్ విజృభించి భారత్ తరఫున అత్యధిక స్కోరు సాధించాడు. కానీ సచిన్ నాలుగు సార్లు క్యాచ్ లు జారవిడవడంతో తప్పించుకొని 85 పరుగులు చేయగా సురేష్ రైనా అజేయంగా 36 పరుగులు చేయడంతో భారత్ స్కోర్ 260/6కి చేరుకుంది. దీనికి సమాధానంగా, ఐదుగురు భారత బౌలర్లు చెరో రెండు వికెట్లు పడగొట్టారు. దీనితో పాకిస్తాన్ 231 పరుగులకు ఆలౌట్ కావడంతో భారత్ ఫైనల్‌కు చేరుకుంది.2015, (అడిలైడ్‌): భారత్ 76 పరుగుల తేడాతో విజయంఅడిలైడ్‌లో జరిగిన ప్రపంచ కప్‌ మ్యాచ్ లో ముందుగా బ్యాటింగ్ చేసిన భారత్ కి విరాట్ కోహ్లీ అండగా నిలిచాడు. విరాట్ కోహ్లీ తన రెండవ ప్రపంచ కప్ సెంచరీని సాధించాడు. శిఖర్ ధావన్ మరియు సురేష్ రైనా అర్ధ సెంచరీలతో కలిసి భారత్ 7 వికెట్ల నష్టానికి 300 పరుగులు చేసింది. మహమ్మద్ షమీ నాలుగు వికెట్లు పడగొట్టడంతో పాకిస్తాన్ చివరికి 224 పరుగులకే ఆలౌట్ అయింది.2019, (మాంచెస్టర్‌): భారత్ 89 పరుగుల తేడాతో విజయం ప్రపంచ కప్ చరిత్రలో రెండు ప్రత్యర్థి దేశాలు ఒకదానితో ఒకటి తలపడటం ఇది 7వ సారి. ఓల్డ్ ట్రాఫోర్డ్‌లో వర్షం కారణంగా ప్రభావితమైన మ్యాచ్‌లో, భారత్ మరోసారి పాకిస్తాన్‌పై తమ ఆధిపత్యాన్ని పునరుద్ఘాటించింది. రోహిత్ శర్మ అసాధారణంగా 140 పరుగులు చేయడం ద్వారా భారత్ 336/5 పరుగుల భారీ స్కోరును నమోదు చేసింది. వర్షం అంతరాయం కారణంగా, పాకిస్తాన్ లక్ష్యాన్ని 40 ఓవర్లలోపు 302 పరుగులకు సర్దుబాటు చేశారు. కానీ వారు లక్ష్యాన్ని చేరుకోలేకపోయారు. మొత్తం 212/6తో 89 పరుగుల తేడాతో ఓడిపోయారు.2023, ( అహ్మదాబాద్): భారత్ ఏడు వికెట్ల తేడాతో విజయంప్రపంచంలోనే అతిపెద్ద క్రికెట్ మైదానమైన నరేంద్ర మోడీ స్టేడియంలో జరిగింది. కెప్టెన్ బాబర్ అజామ్ మరియు మహ్మద్ రిజ్వాన్ రాణించడంతో పాకిస్తాన్ ఓ దశలో వేగంగా పరుగులు సాధించి 155-2 కి చేరుకుంది. కానీ ఆ తర్వాత వరుసగా వికెట్లు పడడంతో 42.5 ఓవర్లలో 191 పరుగులకే పరిమితమైంది. కెప్టెన్ రోహిత్ శర్మ 63 బంతుల్లో 86 పరుగులు చేయడంతో భారత్ ఏడు వికెట్లతో విజయం సాధించింది.ఛాంపియన్స్ ట్రోఫీ లో పాకిస్తాన్ మెరుగైన ఫలితాలు అయితే ఛాంపియన్స్ ట్రోఫీ టోర్నమెంట్ లో అందుకు భిన్నంగా పాకిస్తాన్ మెరుగైన ఫలితాలు సాధించింది. ఛాంపియన్స్ ట్రోఫీ లో భారత్ పాకిస్తాన్‌తో ఐదుసార్లు తలపడింది, ఇందులో పాకిస్తాన్ మూడు మ్యాచ్‌లలో గెలిచింది మరియు భారత్ రెండు మ్యాచ్‌లలో విజేతగా నిలిచింది.2004 (ఎడ్జ్‌బాస్టన్): పాకిస్తాన్ 3 వికెట్ల తేడాతో విజయంభారత్ మరియు పాకిస్తాన్ మొదటిసారి సెప్టెంబర్ 19న బర్మింగ్‌హామ్‌లోని ఎడ్జ్‌బాస్టన్‌లో జరిగిన గ్రూప్ మ్యాచ్‌లో తలపడ్డాయి, పాకిస్తాన్ టాస్ గెలిచి భారత్ ని ముందుగా బ్యాటింగ్‌కు పంపింది. భారత్ 49.5 ఓవర్లలో 200 పరుగులు చేసింది మరియు పాకిస్తాన్ 3 వికెట్ల తేడాతో విజయం సాధించింది. పాకిస్తాన్‌కు చెందిన మహ్మద్ యూసుఫ్‌ను మ్యాన్ ఆఫ్ ది మ్యాచ్‌గా ప్రకటించారు, అతను 114 బంతుల్లో 81 పరుగులు చేశాడు.2009 (సెంచూరియన్): పాకిస్తాన్ 54 పరుగుల తేడాతో విజయం2009 ఛాంపియన్స్ ట్రోఫీలో గ్రూప్ దశ మ్యాచ్ కోసం సెప్టెంబర్ 26న సెంచూరియన్‌లోని సూపర్‌స్పోర్ట్ పార్క్‌లో ఈ రెండు జట్లు తలపడ్డయి. పాకిస్తాన్ మళ్ళీ టాస్ గెలిచింది కానీ ఈసారి వారు మొదట బ్యాటింగ్ చేయాలని నిర్ణయించుకున్నారు. పాకిస్తాన్ 50 ఓవర్లలో 302/9 పరుగులు చేయగా భారత్ ఆ లక్ష్యాన్ని చేరుకోలేకపోయింది, 44.5 ఓవర్లలో 248 పరుగులకు తమ ఇన్నింగ్స్‌ను ముగించింది. 126 బంతుల్లో 128 పరుగులు చేసిన షోయబ్ మాలిక్ మ్యాన్ ఆఫ్ ది మ్యాచ్‌గా ఎంపికయ్యాడు.2013 (ఎడ్జ్‌బాస్టన్): భారత్ 8 వికెట్ల తేడాతో విజయం2013 ఛాంపియన్స్ ట్రోఫీలో భాగంగా జూన్ 15న బర్మింగ్‌హామ్‌లోని ఎడ్జ్‌బాస్టన్‌లో భారత్ మరియు పాకిస్తాన్ తలపడ్డాయి. ఈసారి భారత్ టాస్ గెలిచి ముందుగా బౌలింగ్ ఎంచుకుంది. పాకిస్తాన్ ఇన్నింగ్స్ సమయంలో వాతావరణ మార్పుల కారణంగా, మ్యాచ్‌ను 40 ఓవర్లకు కుదించారు. పాకిస్తాన్ 39.4 ఓవర్లలో 165 పరుగులు చేయగలిగింది.మళ్ళీ వర్షం వచ్చింది. ఫలితంగా, భారత ఇన్నింగ్స్‌ను అదనంగా 22 ఓవర్లకు కుదించారు.102 పరుగుల సవరించిన లక్ష్యంతో. 19.2 ఓవర్లలో లక్ష్యాన్ని చేరుకున్న తర్వాత, డిఎల్ఎస్ పద్ధతి ద్వారా పాకిస్తాన్‌పై భారత్ ఛాంపియన్స్ ట్రోఫీ లో తొలి విజయాన్ని సాధించింది. 8 ఓవర్లలో 2 వికెట్లు తీసిన భువనేశ్వర్ కుమార్ మ్యాన్ ఆఫ్ ది మ్యాచ్‌గా ఎంపికయ్యాడు.2017 (ఎడ్జ్‌బాస్టన్): భారత్ 124 పరుగుల తేడాతో విజయంజూన్ 4న బర్మింగ్‌హామ్‌లోని ఎడ్జ్‌బాస్టన్‌లో గ్రూప్ బి ఛాంపియన్స్ ట్రోఫీ -దశ ఘర్షణలో భారత్ తమ ప్రత్యర్థి పాకిస్తాన్‌ను ఎదుర్కొంది. పాకిస్తాన్ ఈసారి కూడా టాస్ గెలిచి మొదట బౌలింగ్ ఎంచుకుంది. భారత్ ఇన్నింగ్స్‌లో మ్యాచ్‌ను 48 ఓవర్లకు తగ్గించారు. భారత్ 319/3 స్కోరు చేసింది. పాకిస్తాన్ లక్ష్యాన్ని 41 ఓవర్లలో 289 పరుగులుగా సవరించగా, పాకిస్తాన్‌ 33.4 ఓవర్లలో 9 వికెట్లకు 164 పరుగులు చేసింది. డి ఎల్ ఎస్ పద్ధతి ప్రకారం భారత్‌ను విజేతగా ప్రకటించారు. ఛాంపియన్స్ ట్రోఫీ లో పాకిస్తాన్‌పై భారత్ సాధించిన రెండవ విజయం ఇది. యువరాజ్ సింగ్ మ్యాన్ ఆఫ్ ది మ్యాచ్‌గా ఎంపికయ్యాడు.2017 (ఓవల్): పాకిస్తాన్ 180 పరుగుల తేడాతో విజయం2017లో జరిగిన ఛాంపియన్స్ ట్రోఫీ ఫైనల్స్‌లో భారత్ పాకిస్తాన్‌ను రెండో సారి ఎదుర్కొంది. ఈ మ్యాచ్ జూన్ 18న లండన్‌లోని ది ఓవల్‌లో జరిగింది. టాస్ గెలిచి పాకిస్తాన్‌ మొదట బౌలింగ్ ఎంచుకుంది. ఫఖర్ జమాన్ చేసిన అద్భుతమైన తొలి వన్డే సెంచరీతో పాకిస్తాన్ 50 ఓవర్లలో 389 పరుగుల లక్ష్యాన్ని నిర్దేశించింది మరియు భారత్ 30.3 ఓవర్లలో 158 పరుగులు చేసింది. ఈ ఫైనల్స్‌లో భారత్ పై విజయంతో పాకిస్తాన్‌కు తొలిసారి ఛాంపియన్స్ ట్రోఫీ విజేతగా నిలిచింది.

ఛాంపియన్స్‌ ట్రోఫీ-2025లో (Champions Trophy) భాగంగా ఆస్ట్రేలియాతో జరిగిన మ్యాచ్‌లో ఇంగ్లండ్‌ ఓపెనర్‌ బెన్‌ డకెట్‌ (Ben Duckett) ఓ అరుదైన ఘనత సాధించాడు. ఈ మ్యాచ్‌లో 165 పరుగులు స్కోర్‌ చేసిన డకెట్‌.. ఓ యూనిక్‌ రికార్డును సొంతం చేసుకున్నాడు. వన్డే క్రికెట్‌ చరిత్రలో తొలిసారి ఓ బ్యాటర్‌ నుంచి 165 పరుగుల స్కోర్‌ నమోదైంది. డకెట్‌కు ముందు వన్డేల్లో ఎవరూ ఈ సంఖ్యను (165) నమోదు చేయలేదు. తాజాగా డకెట్‌ 165 పరుగుల స్కోర్‌ చేయడంతో వన్డేల్లో 0 నుంచి 183 పరుగుల వరకు స్కోర్లు కనీసం ఒక్కసారైనా నమోదైనట్లైంది.ఈ మ్యాచ్‌లో 165 పరుగులు స్కోర్‌ చేయడంతో డకెట్‌ మరిన్ని రికార్డులు సాధించాడు. ఛాంపియన్స్‌ ట్రోఫీ చరిత్రలో అత్యధిక వ్యక్తిగత స్కోర్‌ను నమోదు చేసిన ఆటగాడిగా నిలిచాడు. గతంలో ఈ రికార్డు న్యూజిలాండ్‌ ఆటగాడు నాథన్‌ ఆస్టిల్‌ (145), జింబాబ్వే ప్లేయర్‌ ఆండీ ఫ్లవర్‌ (145 నాటౌట్‌) పేరిట ఉండింది. అలాగే ఐసీసీ టోర్నీల్లో ఆస్ట్రేలియాపై అత్యధిక వ్యక్తిగత స్కోర్‌ సాధించిన ఆటగాడిగానూ డకెట్‌ రికార్డు నెలకొల్పాడు. గతంలో ఈ రికార్డు బ్యాటింగ్‌ దిగ్గజం సచిన్‌ టెండూల్కర్‌ (141) పేరిట ఉండింది.తాజా ప్రదర్శనతో డకెట్‌ ఛాంపియన్స్‌ ట్రోఫీలో ఇంగ్లండ్‌ తరఫున అత్యధిక వ్యక్తిగత స్కోర్‌ చేసిన ఆటగాడిగానూ రికార్డు సాధించాడు. గతంలో ఈ రికార్డు జో రూట్‌ (133 నాటౌట్‌) పేరిట ఉండింది.మ్యాచ్‌ విషయానికొస్తే.. డకెట్‌ రికార్డు సెంచరీ సాధించినప్పటికీ ఈ మ్యాచ్‌లో ఇంగ్లండ్‌ ఓటమిపాలైంది. ఇంగ్లండ్‌ నిర్దేశించిన 352 పరుగుల భారీ లక్ష్యాన్ని ఆస్ట్రేలియా సునాయాసంగా ఛేదించింది. ఛాంపియన్స్‌ ట్రోఫీ చరిత్రలో ఇదే అత్యధిక లక్ష్య ఛేదన. ఛాంపియన్స్‌ ట్రోఫీలో అత్యధిక టీమ్‌ స్కోర్‌ (356/5) కూడా ఇదే.ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ బెన్‌ డకెట్‌ (143 బంతుల్లో 165; 17 ఫోర్లు, 3 సిక్సర్లు) శతక్కొట్టడంతో నిర్ణీత 50 ఓవర్లలో 8 వికెట్ల నష్టానికి 351 పరుగులు చేసింది. జో రూట్‌ (68) అర్ద శతకంతో రాణించాడు. ఆఖర్లో జోఫ్రా ఆర్చర్‌ (10 బంతులోల​ 21 నాటౌట్‌) మెరుపు ఇన్నింగ్స్‌ ఆడటంతో ఇంగ్లండ్‌ 350 పరుగుల మార్కును తాకగలిగింది. ఆసీస్‌ బౌలర్లలో డ్వార్షుయిష్‌ 3, లబూషేన్‌, జంపా తలో 2, మ్యాక్స్‌వెల్‌ ఓ వికెట్‌ పడగొట్టారు.అనంతరం భారీ లక్ష్యాన్ని ఛేదించేందుకు బరిలోకి దిగిన ఆస్ట్రేలియా.. జోస్‌ ఇంగ్లిస్‌ మెరుపు శతకంతో (120 నాటౌట్‌) విజృంభించడంతో మరో 15 బంతులు మిగిలుండగానే లక్ష్యాన్ని చేరుకుంది. మాథ్యూ షార్ట్‌ (63), అలెక్స్‌ క్యారీ (69), లబూషేన్‌ (47), మ్యాక్స్‌వెల్‌ (32 నాటౌట్‌) ఇంగ్లిస్‌కు సహకరించారు. ఇంగ్లండ్‌ బౌలర్లలో వుడ్‌, ఆర్చర్‌, కార్స్‌, రషీద్‌, లివింగ్‌స్టోన్‌ తలో వికెట్‌ తీశారు.

సాక్షి, హైదరాబాద్‌: హాలిడే బద్ధకం ఎగిరిపోనుంది. రోజంతా కళ్లార్పనివ్వని ఉద్వేగం దరి చేరనుంది. నగర వాసులకు ఈ సన్‌డే.. అసలు సిసలు హాట్‌ హాట్‌ విందును వడ్డించనుంది. ఆదివారం జరగనున్న భారత్, పాకిస్తాన్‌ క్రికెట్‌ పోరును వీక్షించేందుకు ఎవరి స్థాయిలో వారు ఏర్పాట్లు చేసుకున్నారు. సిద్ధమైన వేదికలు... పాక్‌– ఇండియా క్రికెట్‌ మ్యాచ్‌ అంటే ఎక్కడ లేని సందడి. పైగా ఆదివారం సెలవు రోజు కూడా కావడంతో క్రికెట్‌ ఫీవర్‌ రెండింతలైంది. దీంతో యువత, చిన్నా, పెద్దా, క్రికెట్‌ అభిమానులందరి వారాంతపు రొటీన్‌ మారిపోయింది. చిరకాల ప్రత్యర్థి పాకిస్తాన్‌తో జరిగే డేఅండ్‌ నైట్‌ మ్యాచ్‌ను మిస్‌ కాకూడదు అదొకటే ప్లాన్‌. మధ్యాహ్నం 2 గంటలకే పనులన్నీ పూర్తి చేసుకుని టీవీల ముందు కూర్చోవడం మాత్రమే లక్ష్యం. రివెంజ్‌ తీరేనా? గత 2017 చాంపియన్స్‌ ట్రోఫీ ఫైనల్‌లో ఎదురైన పరాభవాన్ని ఈసారి టీం ఇండియా తిప్పికొడుతుందనే నమ్మకం ధీమా నగర వాసుల్లో కనిపిస్తోంది. రెండు జట్లూ శాయశక్తులా పోరాడతాయి కాబట్టి.. ఉత్కంఠభరిత మ్యాచ్‌ తప్పదని నమ్ముతున్న సిటిజనులు ఆ థ్రిల్‌ని తనివితీరా ఆస్వాదించాలనుకుంటున్నారు. అలాంటి వారి కోసం రెస్టారెంట్, హోటల్స్, పబ్స్, క్లబ్స్, ఓపెన్‌ థియేటర్స్, ఇతర ప్రదేశాల్లో స్క్రీన్స్‌ ఏర్పాటు చేసి స్పెషల్‌ మెనూలు సిద్ధం చేశారు. ఫ్రెండ్స్‌తో కొందరు, ఫ్యామిలీస్‌తో కలిసి కొందరు.. ఎవరికివారు తమకు అనువైన వేదికలను వెతికే పనిలో నిమగ్నమయ్యారు.. ఏదేమైనా.. అందరి నోటా ఒకటే మాట ‘జయహో ఇండియా’.

గత పద్నాలుగేళ్ల కాలంలో వన్డేలు, టి20లు కలిపి భారత్, పాకిస్తాన్‌ మధ్య 13 మ్యాచ్‌లు జరిగితే భారత్‌ 11 గెలిచి 2 మ్యాచ్‌లలో మాత్రమే ఓటమిపాలైంది... ఇరు జట్ల మధ్య జరిగిన గత 11 వన్డేల్లో భారత్‌ 9 గెలిచి 2 ఓడింది...ఇది చాలు దాయాదిపై టీమిండియా ఆధిపత్యం ఎలా సాగుతోందో చెప్పడానికి... అయినా సరే...అంతర్జాతీయ క్రికెట్‌లో ఇరు జట్ల మధ్య మ్యాచ్‌ ప్రతీ సారి అంతే ఉత్సుకత రేపుతుంది... ఆటగాళ్లు, అభిమానులు, ప్రసారకర్తలు, విశ్లేషకులు... ఇలా అందరి దృష్టిలో ఇది ఎంతో ప్రత్యేకమైన సమరం. తుది ఫలితంతో సంబంధం లేకుండా దాయాదుల మధ్య పోరు అంటే ఒక్కసారిగా ఆసక్తి పెరిగిపోతుంది. ఆదివారం ఆటవిడుపు వేళ మరో సారి భారత్, పాకిస్తాన్‌ అంతర్జాతీయ వేదికపై తలపడేందుకు సిద్ధమయ్యాయి. ఆతిథ్య జట్టే అయినా... ఈ మ్యాచ్‌ కోసం పాక్‌ దుబాయ్‌ చేరగా, ఇప్పటికే ఈ వేదికపై ఒక మ్యాచ్‌ గెలిచిన టీమిండియా ఉత్సాహంగా సిద్ధమైంది. భారత్‌ గెలిస్తే దాదాపు సెమీస్‌ చేరుకుంటుంది. పాక్‌కు మాత్రం టోర్నీనుంచి నిష్క్రమించకుండా ఉండాలంటే ఈ మ్యాచ్‌ జీవన్మరణ సమస్య. దుబాయ్‌: వన్డే వరల్డ్‌ కప్‌లో తలపడిన దాదాపు 16 నెలల తర్వాత మరో ఐసీసీ టోర్నీలో భారత్, పాకిస్తాన్‌ వన్డే సమరానికి సై అంటున్నాయి. చాంపియన్స్‌ ట్రోఫీలో భాగంగా గ్రూప్‌ ‘ఎ’లో జరిగే మ్యాచ్‌లో ఇరు జట్లు నేడు తలపడతాయి. భారత్‌ తొలి తొలి మ్యాచ్‌లో బంగ్లాదేశ్‌ను చిత్తు చేయగా... పాక్‌ స్వదేశంలో న్యూజిలాండ్‌ చేతిలో పరాజయంపాలైంది. బలాబలాలు, ఫామ్‌పరంగా చూస్తే అన్ని విధాలా రోహిత్‌ సేనదే పైచేయిగా ఉన్నా... అనూహ్య ప్రదర్శనతో చెలరేగాలని పాకిస్తాన్‌ భావిస్తోంది. మార్పుల్లేకుండా... గత మ్యాచ్‌లో టీమిండియా ప్రదర్శన చూస్తే తుది జట్టులో ఎలాంటి మార్పూ చేయాల్సిన అవసరం కనిపించడం లేదు. వన్డేల్లో వరుసగా రెండు సెంచరీలతో గిల్‌ తన ఫామ్‌ను చాటి చెప్పగా, రోహిత్‌ శర్మ అందించే శుభారంభాలు జట్టును ముందంజలో నిలుపుతున్నాయి. విరాట్‌ కోహ్లి మాత్రమే కాస్త తడబడినట్లు కనిపిస్తున్నాడు. ఇంకా తనదైన స్థాయి ఆటను విరాట్‌ ప్రదర్శించలేదు. దాని కోసం ఇంతకంటే మంచి వేదిక ఉండదు. రాహుల్‌ బంగ్లాతో ఆకట్టుకున్నాడు. అయ్యర్‌ కూడా చెలరేగితే భారీ స్కోరు ఖాయం. పాండ్యా, జడేజా బ్యాటింగ్‌ అవసరం రాకుండానే మన జట్టు గత మ్యాచ్‌ను ముగించింది. అక్షర్‌ బ్యాటింగ్‌పై టీమ్‌ మేనేజ్‌మెంట్‌ మరోసారి నమ్మకం ఉంచుతోంది. బౌలింగ్‌లో షమీ అద్భుత పునరాగమనం భారత్‌ బలాన్ని ఒక్కసారిగా పెంచింది. బంగ్లాపై ఐదు వికెట్ల ప్రదర్శనతో అతను తనలో ఇంకా సత్తా తగ్గలేదని నిరూపించుకున్నాడు. షమీకి తోడుగా హర్షిత్‌ రాణా ఆకట్టుకున్నాడు. ముగ్గురు స్పిన్నర్లు కుల్దీప్, అక్షర్, జడేజాలను ఎదుర్కొని పాక్‌ బ్యాటర్లు పరుగులు సాధించడం అంత సులువు కాదు. మొత్తంగా టీమిండియా ఆటగాళ్లంతా సమష్టి ప్రదర్శన చేస్తే తిరుగుండకపోవచ్చు. గెలిపించేదెవరు! పాకిస్తాన్‌ జట్టు పరిస్థితి మాత్రం చాలా ఇబ్బందికరంగా ఉంది. స్వదేశంలో జరిగిన ముక్కోణపు వన్డే టోర్నీలో రెండుసార్లు న్యూజిలాండ్‌ చేతిలో ఓడిన ఆ జట్టు ఇప్పడు ఈ మెగా టోర్నీ తొలి పోరులోనూ ఓటమిపాలైంది. పైగా భారీ తేడాతో ఓడటం వల్ల రన్‌రేట్‌పై కూడా తీవ్ర ప్రభావం పడింది. ఈ నేపథ్యంలో కచ్చితంగా భారత్‌తో మ్యాచ్‌లో గెలిస్తేనే ఆ జట్టు టోర్నీలో నిలుస్తుంది. లేదంటే ఆతిథ్య జట్టుగా సొంతగడ్డపై చివరి మ్యాచ్‌లో బంగ్లాదేశ్‌తో ఆడే సమయానికి పాక్‌ ఆట ముగిసిపోతుంది. జట్టు బ్యాటింగ్‌ బలహీనంగా కనిపిస్తోంది. ఎన్ని వైఫల్యాలున్నా ఇప్పటికీ టీమ్‌ నంబర్‌వన్‌ బ్యాటర్‌ బాబర్‌ ఆజమ్‌పైనే ప్రధానంగా ఆధారపడుతోంది. కానీ గత మ్యాచ్‌లో కూడా అతను చాలా నెమ్మదిగా బ్యాటింగ్‌ చేశాడు. ఈ సారి అతని ప్రదర్శన మెరుగవుతుందేమో చూడాలి. ఫఖర్‌ గాయంతో దూరం కావడంతో టీమ్‌లోకి వచ్చిన ఇమామ్‌ కూడా దూకుడుగా ఆడలేడు. రిజ్వాన్, షకీల్‌ గత మ్యాచ్‌లో విఫలమయ్యారు. సల్మాన్, ఖుష్‌దిల్‌ ప్రదర్శన సానుకూలాంశం. మరో వైపు బౌలింగ్‌ అయితే మరీ పేలవంగా ఉంది. పాక్‌ ఎంతో నమ్ముకున్న ముగ్గురు పేసర్లు పోటీ పడి భారీగా పరుగులిస్తున్నారు. ఇటీవలి రికార్డు చూసినా...షాహిన్‌ అఫ్రిది, రవూఫ్, నసీమ్‌లను భారత బ్యాటర్లు అలవోకగా ఎదుర్కొన్నారు. పైగా ఒక్క నాణ్యమైన స్పిన్నర్‌ కూడా జట్టులో లేడు. ఈ నేపథ్యంలో పాక్‌ గెలవాలంటే అసాధారణ పోరాటం చేయాల్సి ఉంది. 23 వన్డే వరల్డ్‌ కప్, టి20 వరల్డ్‌ కప్‌లలో పాక్‌పై భారత్‌ ఆధిపత్యం ఉన్నా...చాంపియన్స్‌ ట్రోఫీలో పాక్‌ రికార్డు మెరుగ్గా ఉంది. ఇరు జట్ల మధ్య 5 మ్యాచ్‌లు జరిగితే భారత్‌ 2 గెలిచి 3 ఓడింది. 57 - 73 ఓవరాల్‌గా భారత్, పాకిస్తాన్‌ మధ్య 135 వన్డేలు జరగ్గా...భారత్‌ 57 గెలిచి 73 ఓడింది. మరో 5 మ్యాచ్‌లలో ఫలితం తేలలేదు. పిచ్, వాతావరణం గత మ్యాచ్‌ తరహాలోనే నెమ్మదైన పిచ్‌. కానీ బ్యాటర్లు పట్టుదలగా ఆడితే భారీ స్కోరు సాధించవచ్చు. వర్ష సమస్య లేదు. మంచు ప్రభావం కూడా లేదు కాబట్టి టాస్‌ గెలిచిన జట్టు బ్యాటింగ్‌ ఎంచుకోవడం ఖాయం. తుది జట్ల వివరాలు (అంచనా) భారత్‌: రోహిత్‌ (కెప్టెన్‌), గిల్, కోహ్లి, అయ్యర్, రాహుల్, అక్షర్, పాండ్యా, జడేజా, కుల్దీప్, షమీ, రాణా. పాకిస్తాన్‌: రిజ్వాన్‌ (కెప్టెన్‌), ఇమామ్, షకీల్, బాబర్, సల్మాన్, తాహిర్, ఖుష్‌దిల్, అఫ్రిది, నసీమ్, రవూఫ్, అబ్రార్‌.

క్రికెట్‌ అభిమానులు ఎప్పుడెప్పుడా అని ఎదురుచూస్తున్న దాయాదుల సమరంలో (India Vs Pakistan) రేపు జరుగనుంది. ఛాంపియన్స్‌ ట్రోఫీ-2025లో (Champions Trophy) భాగంగా భారత్‌, పాకిస్తాన్‌ జట్లు దుబాయ్‌ వేదికగా తలపడనున్నాయి. ఈ మ్యాచ్‌పై అభిమానుల్లో భారీ అంచనాలు ఉన్నాయి. ఛాంపియన్స్‌ ట్రోఫీలో పాక్‌ భారత్‌పై ఆధిపత్యాన్ని కొనసాగిస్తుందని ఆ దేశ అభిమానులు ఊహల్లో ఊరేగుతుంటే.. భారత అభిమానులు ఈసారి గెలుపు తమదే అని ధీమాగా ఉన్నారు. ఎవరి అంచనాలు ఎలా ఉన్పప్పటికీ ఫలితం తేలాలంటే రేపటి వరకు ఆగాలి.చరిత్ర పరిశీలిస్తే.. భారత్‌, పాకిస్తాన్‌ వన్డేల్లో ఇప్పటివరకు 135 సార్లు తలపడ్డాయి. ఇందులో భారత్‌ 57 సార్లు విజయం సాధించగా.. పాక్‌ 73 మ్యాచ్‌ల్లో గెలుపొందింది. 5 మ్యాచ్‌ల్లో ఫలితం తేలలేదు.ఛాంపియన్స్‌ ట్రోఫీలో ఇరు జట్ల హెడ్‌ టు హెడ్‌ రికార్డ్స్‌ విషయానికొస్తే.. భారత్‌పై పాక్‌ స్వల్ప ఆధిక్యత కలిగి ఉంది. ఈ మెగా టోర్నీలో ఇరు జట్లు ఇప్పటివరకు ఐదు సార్లు ఎదురెదురుపడగా.. పాక్‌ 3, భారత్‌ 2 మ్యాచ్‌ల్లో గెలుపొందాయి.ఛాంపియన్స్‌ ట్రోఫీలో భారత్‌, పాక్‌ తొలిసారి 2004 ఎడిషన్‌లో ఢీకొన్నాయి. నాటి మ్యాచ్‌లో (బర్మింగ్హమ్‌) పాక్‌ భారత్‌పై విజయం సాధించింది. ఆ మ్యాచ్‌లో భారత్‌ తొలుత బ్యాటింగ్‌ చేసి 200 పరుగులకు ఆలౌటైంది. రాహుల్‌ ద్రవిడ్‌ (67), అజిత్‌ అగార్కర్‌ (47) భారత్‌ 200 పరుగల మార్కును తాకేందుకు దోహదపడ్డారు. అనంతరం మొహమ్మద్‌ యూసఫ్‌ (81 నాటౌట్‌), ఇంజమామ్‌ ఉల్‌ హక్‌ (41) రాణించడంతో పాక్‌ విజయతీరాలకు చేరింది.ఛాంపియన్స్‌ ట్రోఫీలో రెండోసారి దాయాదుల సమరంలో 2009లో జరిగింది. సెంచూరియన్‌ వేదికగా నాడు జరిగిన మ్యాచ్‌లో మరోసారి పాక్‌నే విజయం వరించింది. ఆ మ్యాచ్‌లో తొలుత బ్యాటింగ్‌ చేసిన పాక్‌.. షోయబ్‌ మాలిక్‌ (128), మొహమ్మద్‌ యూసఫ్‌ (87) సత్తా చాటడంతో 302 పరుగుల భారీ స్కోర్‌ చేసింది. ఛేదనలో తడబడిన భారత్‌.. రాహుల్‌ ద్రవిడ్‌ (76), గౌతమ్‌ గంభీర్‌ (57) రాణించినప్పటికీ లక్ష్యానికి 54 పరుగుల దూరంలో నిలిచిపోయింది.2013 ఎడిషన్‌లో భారత్‌, పాక్‌లు మూడోసారి ఢీకొట్టాయి. ఈసారి భారత్‌.. పాక్‌ను మట్టికరిపించింది. బర్మింగ్హమ్‌ వేదికగా జరిగిన ఆ మ్యాచ్‌లో భారత్‌ 8 వికెట్ల తేడాతో ఘన విజయం సాధించింది. వర్ష ప్రభావితమైన ఆ మ్యాచ్‌లో తొలుత బ్యాటింగ్‌ చేసిన పాక్‌ 165 పరుగులకే ఆలౌటైంది. ఛేదనలో శిఖర్‌ ధవన్‌ (48) రాణించడంతో భారత్‌ సునాయాసంగా విజయం సాధించింది. ఆ సీజన్‌లో భారత్‌.. శ్రీలంకతో కలిసి సంయుక్తంగా విజేతగా నిలిచింది.2017 ఎడిషన్‌లో భారత్‌, పాక్‌ అదే బర్మింగ్హమ్‌ వేదికగా నాలుగోసారి తలపడ్డాయి. ఈసారి కూడా భారత్‌దే పైచేయి అయ్యింది. ఆ మ్యాచ్‌లో తొలుత బ్యాటింగ్‌ చేసిన భారత్‌.. రోహిత్‌ శర్మ (91), శిఖర్‌ ధవన్‌ (68), విరాట్‌ కోహ్లి (81 నాటౌట్‌) చెలరేగడంతో భారత్‌ 319 పరుగుల భారీ స్కోర్‌ చేసింది. ఛేదనలో చేతులెత్తేసిన పాక్‌ 164 పరుగులకే ఆలౌటై ఘోర పరాజయాన్ని మూగట్టుకుంది.2017 ఎడిషన్‌లోనే భారత్‌, పాక్‌ మరోసారి తలపడ్డాయి. ఆ సీజన్‌ ఫైనల్లో పాక్‌.. భారత్‌ను ఓడించి తమ తొలి టైటిల్‌ను ఎగరేసుకుపోయింది. ఓవల్‌లో జరిగిన ఆ మ్యాచ్‌లో తొలుత బ్యాటింగ్‌ చేసిన పాక్‌ నిర్ణీత 50 ఓవర్లలో 4 వికెట్ల నష్టానికి 338 పరుగులు చేసింది. ఫకర్‌ జమాన్‌ (114) సెంచరీతో కదంతొక్కాడు. అనంతరం ఛేదనలో భారత్‌ తడబడింది. 30.3 ఓవర్లలో 158 పరుగులకే ఆలౌటైంది. భారత ఇన్నింగ్స్‌లో హార్దిక్‌ పాండ్యా (76) టాప్‌ స్కోరర్‌గా నిలిచాడు.ఏడేళ్ల అనంతరం భారత్‌, పాక్‌ ఛాంపియన్స్‌ ట్రోఫీలో ఆరోసారి తలపడుతున్నాయి. ఇరు జట్ల ఫామ్‌ ప్రకారం చూస్తే.. పాక్‌పై టీమిండియా పైచేయి సాధించే అవకాశం ఉంది. ఈ ఎడిషన్‌లో భారత్‌ ఇప్పటికే బంగ్లాదేశ్‌పై విజయం సాధించి ఉత్సాహంగా ఉండగా.. పాక్‌ తమ తొలి మ్యాచ్‌లో న్యూజిలాండ్‌ చేతిలో చావుదెబ్బ తిని సెమీస్‌ అవకాశాలను సంక్లిష్టం చేసుకుంది. రేపు జరుగబోయే మ్యాచ్‌లో భారత్‌ చేతిలో ఓడితే పాక్‌ టోర్నీ నుంచి నిష్క్రమిస్తుంది.బలాబలాల విషయానికొస్తే.. పాక్‌తో పోలిస్తే భారత్‌ అన్ని విభాగాల్లో పటిష్టంగా ఉంది. భారత బ్యాటింగ్‌ లైనప్‌ను చూస్తే ప్రపంచంలో ఎంతటి మేటి జట్టైనా గజగజ వణకాల్సిందే. ఓపెనర్‌ శుభ్‌మన్‌ గిల్‌ అరివీర భయంకరమైన ఫామ్‌లో ఉన్నాడు. బంగ్లాదేశ్‌తో జరిగిన మ్యాచ్‌లో రోహిత్‌ కూడా మాంచి టచ్‌లో కనిపించాడు. పాకిస్తాన్‌ అనగానే విరాట్‌కు పూనకం వస్తుంది. ఇటివలికాలంలో విరాట్‌ పెద్దగా ఫామ్‌లో లేకపోయినా పాక్‌తో మ్యాచ్‌ అంటే అతను చెలరేగుతాడు. శ్రేయస్‌ అయ్యర్‌ అయ్యర్‌ సైతం​ మంచి ఫామ్‌లో ఉన్నాడు. బంగ్లాతో మ్యాచ్‌లో నిరాశపర్చినా తిరిగి గాడిలో పడతాడు. బంగ్లా మ్యాచ్‌లో కేఎల్‌ రాహుల్‌ సైతం మంచి ఇన్నింగ్స్‌ ఆడి టచ్‌లోకి వచ్చాడు. ఆల్‌రౌండర్లు హార్దిక్‌ పాండ్యా, అక్షర్‌ పటేల్‌, రవీంద్ర జడేజా గత కొంతకాలంగా అద్భుతంగా రాణిస్తున్నారు. బౌలింగ్‌ విభాగంలోనూ పాక్‌తో పోలిస్తే భారత్‌ పటిష్టంగానే కనిపిస్తుంది. షమీ గత మ్యాచ్‌లో ఐదు వికెట్లతో చెలరేగాడు. అదే మ్యాచ్‌లో అక్షర్‌ తృటిలో హ్యాట్రిక్‌ చేజార్చుకున్నాడు. యువ పేసర్‌ హర్షిత్‌ రాణా సైతం మంచి ఫామ్‌లో ఉన్నాడు. స్పిన్నర్లు జడేజా, కుల్దీప్‌ పొదుపుగా బౌలింగ్‌ చేస్తూ పాక్‌పై రెచ్చిపోయేందుకు రెడీగా ఉన్నారు.పాక్‌ విషయానికొస్తే.. భారత్‌తో పోలిస్తే ఈ జట్టు పరిస్థితి భిన్నంగా ఉంది. బ్యాటింగ్‌, బౌలింగ్‌ విభాగాల్లో ఈ జట్టు పేలవంగా ఉంది. గడిచిన మ్యాచ్‌లో ఈ జట్టు న్యూజిలాండ్‌ చేతిలో చావుదెబ్బతింది. ఆ మ్యాచ్‌లో బాబర్‌ ఆజమ్‌, ఖుష్దిల్‌ షా మినహా ఒక్కరు కూడా హాఫ్‌ సెంచరీ చేయలేదు. కీలక ఆటగాడు ఫకర్‌ జమాన్‌ తొలి మ్యాచ్‌లో ఫీల్డింగ్‌ చేస్తూ గాయపడి టోర్నీ మొత్తానికే దూరమయ్యాడు. కెప్టెన్‌ రిజ్వాన్‌ పెద్దగా ఫామ్‌లో లేదు. బాబర్‌, రిజ్వాన్‌ తప్పించి పాక్‌ బ్యాటింగ్‌ లైనప్‌లో అనుభవజ్ఞుడైన ఆటగాడే లేడు. సౌద్‌ షకీల్‌, సల్మాన్‌ అఘా ఎప్పుడు రాణిస్తారో వారికే తెలీదు. బౌలింగ్‌ విషయానికొస్తే.. పాక్‌ బౌలింగ్‌ గతంలో ఎన్నడూ లేనంత ఛండాలంగా ఉంది. న్యూజిలాండ్‌తో జరిగిన మ్యాచ్‌లో పాక్‌ పేసర్లు ధారాళంగా పరుగులు సమర్పించుకున్నారు. షాహీన్‌ అఫ్రిది, నసీం షా, హరీస్‌ రౌఫ్‌ పోటీ పడి పరుగులు ఇచ్చారు. స్పిన్నర్‌ అబ్రార్‌ అహ్మద్‌ పర్వాలేదనిపించినా స్పిన్‌ను గట్టిగా ఆడే భారత బ్యాటర్ల ముందు నిలవడం చాలా కష్టం. ఎలా చూసినా పాక్‌పై పైచేయి సాధించేం​దుకు భారత్‌కే అవకాశాలు ఎక్కువగా ఉన్నాయి.

ఛాంపియన్స్‌ ట్రోఫీ-2025లో (Champions Trophy) భారత్‌ రేపు కీలక మ్యాచ్‌ ఆడనుంది. దుబాయ్‌ వేదికగా చిరకాల ప్రత్యర్థి పాకిస్తాన్‌తో తలపడనుంది. ఈ మ్యాచ్‌లో టీమిండియా ఓ కీలక మార్పు చేయాలని దిగ్గజ బ్యాటర్‌ సునీల్‌ గవాస్కర్‌ (Sunil Gavaskar) సూచించాడు. బంగ్లాదేశ్‌తో జరిగిన మ్యాచ్‌లో మూడు వికెట్లు తీసిన హర్షిత్‌ రాణాను (Harshit Rana) పక్కన పెట్టాలని సలహా ఇచ్చాడు. రాణా స్థానంలో మిస్టరీ స్పిన్నర్‌ వరుణ్‌ చక్రవర్తికి (Varun Chakravarthy) అవకాశం​ ఇవ్వాలని కోరాడు. బంగ్లాతో మ్యాచ్‌లో పేసర్లే అధికంగా వికెట్లు తీసినప్పటికీ.. స్పిన్నర్లు టీమిండియా గెలుపులో ప్రధాన పాత్ర పోషించారని అన్నాడు. బంగ్లాదేశ్‌ మ్యాచ్‌లో పేసర్ల కంటే స్పిన్నర్లే పొదుపుగా బౌలింగ్‌ చేసిన విషయాన్ని గుర్తు చేశాడు. అందుకే భారత్‌ కీలకమైన పాకిస్తాన్‌ మ్యాచ్‌లో నలుగురు స్పిన్నర్లతో బరిలోకి దిగాలని సూచించాడు. షమీకి జతగా హార్దిక్‌ పాండ్యాను రెండో పేసర్‌గా వినియోగించుకోవాలని సలహా ఇచ్చాడు. స్పోర్ట్స్‌ టుడేతో మాట్లాడుతూ గవాస్కర్‌ ఈ విషయాలను వెల్లడించాడు.కాగా, బంగ్లాదేశ్‌తో జరిగిన మ్యాచ్‌లో భారత్‌ 6 వికెట్ల తేడాతో గెలుపొందిన విషయం తెలిసిందే. ఈ మ్యాచ్‌లో బౌలర్లతో పాటు శుభ్‌మన్‌ గిల్‌, రోహిత్‌ శర్మ, కేఎల్‌ రాహుల్‌ భారత విజయంలో కీలకపాత్ర పోషించారు. తొలుత బ్యాటింగ్‌ చేసిన బంగ్లాదేశ్‌.. భారత బౌలర్లు చెలరేగడంతో ఆదిలో కష్టాల్లో ఎదుర్కొంది. 35 పరుగులకే సగం వికెట్లు కోల్పోయిన బంగ్లాదేశ్‌ను తౌహిద్‌ హృదయ్‌ (100) వీరోచిత సెంచరీతో ఆదుకున్నాడు. అతనికి జాకిర్‌ అలీ (68) సహకరించడంతో బంగ్లాదేశ్‌ గౌరవప్రదమైన స్కోర్‌ (228) చేయగలిగింది. ఐసీసీ ఈవెంట్లలో చెలరేగిపోయే మహ్మద్‌ షమీ ఈ మ్యాచ్‌లోనూ జూలు విదిల్చి ఐదు వికెట్లు తీశాడు. మరో పేసర్‌ హర్షిత్‌ రాణా 3 వికెట్లు పడగొట్టాడు. స్పిన్నర్‌ అక్షర్‌ పటేల్‌ పొదుపుగా బౌలింగ్‌ చేయడంతో పాటు 2 వికెట్లు తీశాడు. రోహిత్‌ తప్పిదం వల్ల ఈ మ్యాచ్‌లో అక్షర్‌ హ్యాట్రిక్‌ తీసే సువర్ణావకాశాన్ని కోల్పోయాడు. మిగతా స్పిన్నర్లు రవీంద్ర జడేజా, కుల్దీప్‌ యాదవ్‌ సైతం పొదుపుగా బౌలింగ్‌ చేసినప్పటికీ వికెట్లు తీయలేకపోయారు.అనంతరం స్వల్ప లక్ష్య ఛేదనలో భారత్‌ కూడా ఇబ్బంది పడింది. రోహిత్‌ (41) తన సహజ శైలిలో బ్యాట్‌ను ఝులిపించినప్పటికీ భారీ స్కోర్‌ చేయలేకపోయాడు. శుభ్‌మన్‌ గిల్‌ బాధ్యతాయుతమై సెంచరీతో చివరి వరకు క్రీజ్‌లో ఉండి భారత విజయాన్ని ఖరారు చేశాడు. అతనికి కేఎల్‌ రాహుల్‌ సహకరించాడు. ఇన్నింగ్స్‌ మధ్యలో భారత్‌ స్వల్ప వ్యవధిలో విరాట్‌ కోహ్లి(22), శ్రేయస్‌ అయ్యర్‌ (15), అక్షర్‌ పటేల్‌ (8) వికెట్లు కోల్పోయి తడబడింది. అయితే గిల్‌, రాహుల్‌ జాగ్రత్తగా ఆడి భారత్‌ను విజయతీరాలకు చేర్చారు. లక్ష్యం చిన్నదే అయినప్పటికీ ఛేదించేందుకు భారత్‌ కాస్త ఇబ్బందిపడింది. బంగ్లా బౌలర్లు.. ముఖ్యంగా స్పిన్నర్లు అద్భుతంగా బౌలింగ్‌ చేశారు. రిషద్‌ హొసేన్‌ పొదుపుగా బౌలింగ్‌ చేయడమే కాకుండా రెండు వికెట్లు తీశాడు. మెహిది హసన్‌ మిరాజ్‌ భారత బ్యాటర్ల సహనాన్ని పరీక్షించాడు. ఈ మ్యాచ్‌లో లక్ష్యం కాస్త పెద్దదై ఉంటే టీమిండియా ఇబ్బంది పడాల్సి వచ్చేది.

టీమిండియా మాజీ ఓపెనర్‌ శిఖర్‌ ధవన్‌ (Shikhar Dhawan) ప్రస్తుతం జరుగుతున్న ఛాంపియన్స్‌ ట్రోఫీకి (Champions Trophy 2025) అఫీషియల్‌ అంబాసిడర్‌గా వ్యవహరిస్తున్నాడు. ఈ క్రమంలో అతను ఫిబ్రవరి 20న దుబాయ్‌లో జరిగిన భారత్‌, బంగ్లాదేశ్‌ మ్యాచ్‌కు హాజరయ్యాడు. మ్యాచ్‌ ప్రారంభానికి ముందు టీమిండియా క్రికెటర్లతో కలియ తిరిగిన ధవన్‌.. ఆతర్వాత వీఐపీ గ్యాలరీలో కూర్చుని మ్యాచ్‌ను వీక్షించాడు. Who is this lady with Shikhar Dhawan?🥲 #ShikharDhawan #IndvsBan #RohitSharma𓃵 #ChampionsTrophy pic.twitter.com/JqFTeY4kAp— lei 🌼 (@sakshimadik03) February 20, 2025ఆ సమయంలో ధవన్‌ పక్కనే ఓ విదేశీ యువతి తారసపడింది. ధవన్‌.. సదరు విదేశీ యువతి పక్కపక్కనే కూర్చున్న ఫోటోలు సోషల్‌ మీడియాలో వైరలవుతున్నాయి. ఈ ఫోటోలకు నెటిజన్ల నుంచి విపరీతమైన స్పందన వస్తుంది. ధనవ్‌ కొత్త అమ్మాయితో డేటింగ్‌ చేస్తున్నాడంటూ ప్రచారం జరుగుతుంది. Hahahha such a cute video 😆😆😆 #ShikharDhawan pic.twitter.com/P0PSrC9ydc— Prernaa (@theprernaa) February 21, 2025ఇంతకీ ఆ విదేశీ అమ్మాయి ఎవరని ఆరా తీయగా.. ఆమె పేరు సోఫీ షైన్‌ అని తెలిసింది. ఐర్లాండ్‌కు చెందిన ఈ యువతిని ధవన్‌ ఇన్‌స్టాగ్రామ్‌లో ఫాలో​ కూడా చేస్తున్నట్లు బయటపడింది. దీంతో సోఫీ, ధవన్‌ మధ్య ఏదో నడుస్తుందని నెటిజన్లు కామెంట్లు గుప్పిస్తున్నారు. ధవన్‌ కొద్ది రోజుల కిందట ఇదే యువతితో ఎయిర్‌పోర్ట్‌లో కూడా కనిపించాడని అంటున్నారు.కాగా, 39 ఏళ్ల ధవన్‌.. తన మాజీ భార్య, ఆసీస్‌ పౌరురాలైన అయేషా ముఖర్జీతో విడాకులు తీసుకుని ప్రస్తుతం సింగిల్‌గా ఉంటున్నాడు. ధవన్‌, ఆయేషాకు జోరావర్‌ అనే కుమారుడు ఉన్నాడు. అయేషాతో విడిపోయాక ధవన్‌ ఎక్కువగా తన కుమారుడి గురించి సోషల్‌మీడియాలో పోస్ట్‌లు పెడుతున్నాడు. అయేషా.. బిడ్డను తనతో కలువనివ్వట్లేదని ధవన్‌ పలు సందర్భాల్లో వాపోయాడు. ప్రొఫెషనల్‌ క్రికెట్‌కు రిటైర్మెంట్‌ ప్రకటించాక ధవన్‌ ప్రస్తుతం పలు ప్రైవేట్‌ లీగ్‌ల్లో పాల్గొంటున్నాడు. ధవన్‌ ఇటీవలే నేపాల్‌ క్రికెట్‌ లీగ్‌లో ఆడాడు. ధవన్‌ 2012లో అయేషాను పెళ్లాడాడు. వీరిద్దరికి సోషల్‌మీడియాలో పరిచయం ఏర్పడింది. అయేషా ధవన్‌ కంటే పదేళ్లు పెద్దది. ధవన్‌తో పెళ్లి కాక ముందే అయేషాకు వేరే వ్యక్తితో వివాహమైంది. అయేషా ఆ వ్యక్తితో ఇద్దరు కుమార్తెలను కనింది. అయేషా మాజీ కిక్‌ బాక్సింగ్‌ ఛాంపియన్‌.ఇదిలా ఉంటే, ఛాంపియన్స్‌ ట్రోఫీ-2025లో భారత్‌ తమ తొలి మ్యాచ్‌లో బంగ్లాదేశ్‌పై 6 వికెట్ల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌.. తౌహిద్‌ హృదయ్‌ వీరోచిత శతకంతో (100) పోరాడటంతో 49.4 ఓవర్లలో 228 పరుగులు చేసింది. హృదయ్‌కు జాకిర్‌ అలీ (68) సహకరించాడు. 35 పరుగులకే సగం వికెట్లు కోల్పోయి పీకల్లోతు కష్టాల్లో ఉండిన బంగ్లాదేశ్‌కు ఈ ఇద్దరు గౌరవప్రదమైన స్కోర్‌ను అందించారు. భారత బౌలర్లలో షమీ ఐదు వికెట్లు తీసి బంగ్లా పతనాన్ని శాశించాడు.అనంతరం శుభ్‌మన్‌ గిల్‌ (101) అజేయ శతకంతో చెలరేగడంతో భారత్‌ మరో 3.3 ఓవర్లు మిగిలుండగానే లక్ష్యాన్ని చేరుకుంది. రోహిత్‌ శర్మ (41) తన సహజ శైలిలో బ్యాట్‌ను ఝులింపించగా.. కేఎల్‌ రాహుల్‌ (41 నాటౌట్‌) బాధ్యతాయుతమైన ఇన్నింగ్స్‌ ఆడి భారత్‌ను విజయతీరాలకు చేర్చాడు. ఈ టోర్నీలో భారత్‌ తమ తదుపరి మ్యాచ్‌లో పాకిస్తాన్‌ను ఎదుర్కొంటుంది. ఈ మ్యాచ్‌ దుబాయ్‌ వేదికగా ఫిబ్రవరి 23న జరుగనుంది.

ఛాంపియన్స్‌ ట్రోఫీ-2025లో ఇవాళ (ఫిబ్రవరి 22) బిగ్‌ ఫైట్‌ జరుగనుంది. గాయాలతో సతమతమవుతున్న వరల్డ్‌ ఛాంపియన్స్‌ ఆస్ట్రేలియా.. ఇటీవలే భారత్‌ చేతిలో భంగపడ్డ ఇంగ్లండ్‌ను ఢీకొట్టనుంది. ఈ మ్యాచ్‌ లాహోర్‌లోని గడాఫీ స్టేడియంలో మధ్యాహ్నం 2:30 గంటలకు ప్రారంభం కానుంది. గ్రూప్‌-బిలో భాగంగా ఈ మ్యాచ్‌ జరుగనుంది. గ్రూప్‌-బిలో భాగంగా నిన్న జరిగిన తొలి మ్యాచ్‌లో సౌతాఫ్రికా.. ఆఫ్ఘనిస్తాన్‌ను 107 పరుగుల తేడాతో చిత్తు చేసింది.కీలక ఆటగాళ్లు దూరంఈ టోర్నీలో ఆస్ట్రేలియా ద్వితియ శ్రేణి జట్టుతో బరిలోకి దిగుతుంది. కీలక ఆటగాళ్లు పాట్‌ కమిన్స్‌, జోష్‌ హాజిల్‌వుడ్‌, మిచెల్‌ మార్ష్‌ గాయాల బారిన పడగా.. మిచెల్‌ స్టార్క్‌ వ్యక్తిగత కారణాల చేత ఈ టోర్నీకి దూరంగా ఉన్నాడు. మరో స్టార్‌ ప్లేయర్‌ మార్కస్‌ స్టోయినిస్‌ టోర్నీ ప్రారంభానికి కొద్ది రోజుల ముం​దు వన్డేలకు రిటైర్మెంట్‌ ప్రకటించాడు. రెగ్యులర్‌ కెప్టెన్‌ కమిన్స్‌ గైర్హాజరీలో స్టీవ్‌ స్మిత్‌ ఆసీస్‌ సారథ్య బాధ్యతలను మోస్తున్నాడు.భారత్‌ చేతిలో భంగపాటుఈ టోర్నీ ప్రారంభానికి ముందు ఇంగ్లండ్‌ భారత్‌ చేతిలో వన్డే సిరీస్‌ను కోల్పోయి భంగపాటుకు గురైంది. భారత్‌తో సిరీస్‌లో ఇంగ్లండ్‌ బ్యాటింగ్‌, బౌలింగ్‌ విభాగాల్లో దారుణంగా విఫలమైంది. ఆసీస్‌తో మ్యాచ్‌ ప్రారంభానికి రెండు రోజుల ముందే ఇంగ్లండ్‌ తమ తుది జట్టును ప్రకటించింది. యువ ఆటగాడు జేమీ స్మిత్‌ మూడో స్థానంలో బరిలోకి దిగనున్నాడు. రూట్‌ నాలుగో స్థానంలో బ్యాటింగ్‌ చేయనున్నాడు.ఆసీస్‌తో వన్డే కోసం​ ఇంగ్లండ్‌ తుది జట్టు..ఫిల్‌ సాల్ట్‌, బెన్‌ డకెట్‌, జేమీ స్మిత్‌ (వికెట్‌కీపర్‌), జో రూట్‌, హ్యారీ బ్రూక్‌, జోస్‌ బట్లర్‌ (కెప్టెన్‌), లియామ్‌ లివింగ్‌స్టోన్‌, బ్రైడన్‌ కార్స్‌, జోఫ్రా ఆర్చర్‌, ఆదిల్‌ రషీద్‌, మార్క్‌ వుడ్‌హెడ్‌ టు హెడ్‌ రికార్డులు ఇలా..!ఆస్ట్రేలియా, ఇంగ్లండ్‌ జట్లు ఇప్పటివరకు వన్డేల్లో 161 సార్లు ఎదురెదురుపడ్డాయి. ఇందులో ఆసీస్‌ 91 సార్లు గెలుపొందగా.. ఇంగ్లండ్‌ 65 మ్యాచ్‌ల్లో విజేతగా నిలిచింది. రెండు మ్యాచ్‌లు టై కాగా.. మూడు మ్యాచ్‌ల్లో ఫలితం తేలలేదు.ఛాంపియన్స్‌ ట్రోఫీలో ఎవరిది ఆధిపత్యం..?ఛాంపియన్స్‌ ట్రోఫీలో ఆసీస్‌, ఇంగ్లండ్‌ ఇప్పటివరకు 5 మ్యాచ్‌ల్లో తలపడగా.. ఇంగ్లండ్‌ 3, ఆసీస్‌ 2 మ్యాచ్‌ల్లో గెలుపొందాయి. చివరి రెండు ఎడిషన్లలో (2013, 2017) ఇంగ్లండ్‌ ఆసీస్‌పై జయకేతనం ఎగురవేసింది. ఇక ఇరు జట్లు చివరిగా తలపడిన ఐదు వన్డేల్లో ఆసీస్‌ 3, ఇంగ్లండ్‌ 2 మ్యాచ్‌ల్లో విజయాలు సాధించాయి. ఆసీస్‌ జట్టు..స్టీవ్‌ స్మిత్‌ (కెప్టెన్‌), జోస్‌ ఇంగ్లిస్‌ (వికెట్‌కీపర్‌), మాథ్యూ షార్ట్‌, ట్రవిస్‌ హెడ్‌, జేక్‌ ఫ్రేజర్‌ మెక్‌గుర్క్‌, ఆరోన్‌ హార్డీ, గ్లెన్‌ మ్యాక్స్‌వెల్‌, సీన్‌ అబాట్‌, బెన్‌ డ్వార్షుయిష్‌, ఆడమ్‌ జంపా, తన్వీర్‌ సంఘా, నాథన్‌ ఇల్లిస్‌, స్పెన్సర్‌ జాన్సన్‌, మార్నస్‌ లబూషేన్‌, అలెక్స్‌ క్యారీ

కరాచీ: సుదీర్ఘ కాలంగా ఐసీసీ ట్రోఫీ టైటిల్‌ కోసం తీవ్ర ప్రయత్నం చేస్తున్న దక్షిణాఫ్రికా చాంపియన్స్‌ ట్రోఫీని భారీ విజయంతో మొదలు పెట్టింది. తొలిసారి టోర్నీ ఆడుతున్న అఫ్గానిస్తాన్‌కు ఎలాంటి సంచలనానికి అవకాశం ఇవ్వకుండా తమ స్థాయికి తగ్గ ఆటతో పైచేయి సాధించింది. ముందుగా బ్యాటింగ్‌లో భారీ స్కోరుతో చెలరేగిన మాజీ చాంపియన్‌ ఆ తర్వాత పదునైన పేస్‌ బౌలింగ్‌తో ప్రత్యర్థిని పడగొట్టింది. శుక్రవారం జరిగిన గ్రూప్‌ ‘బి’ లీగ్‌ మ్యాచ్‌లో దక్షిణాఫ్రికా 107 పరుగుల తేడాతో అఫ్గానిస్తాన్‌పై ఘన విజయం సాధించింది. టాస్‌ గెలిచి ముందుగా బ్యాటింగ్‌ ఎంచుకున్న దక్షిణాఫ్రికా 50 ఓవర్లలో 6 వికెట్ల నష్టానికి 315 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ ర్యాన్‌ రికెల్టన్‌ (106 బంతుల్లో 103; 7 ఫోర్లు, 1 సిక్స్‌) సెంచరీతో చెలరేగగా... కెప్టెన్ బవుమా (76 బంతుల్లో 58; 5 ఫోర్లు), మార్క్‌రమ్‌ (36 బంతుల్లో 52 నాటౌట్‌; 6 ఫోర్లు, 1 సిక్స్‌), డసెన్‌ (46 బంతుల్లో 52; 3 ఫోర్లు, 2 సిక్స్‌లు) అర్ధ సెంచరీలు చేశారు. అనంతరం అఫ్గానిస్తాన్‌ 43.3 ఓవర్లలో 208 పరుగులకే ఆలౌటైంది. రహ్మత్‌ షా (92 బంతుల్లో 90; 9 ఫోర్లు, 1 సిక్స్‌) మినహా మిగతావారంతా విఫలమయ్యారు. మూడు అర్ధ సెంచరీలు... ఇన్నింగ్స్‌ ఆరంభంలోనే టోనీ జోర్జి (11) వెనుదిరగ్గా ... రికెల్టన్, బవుమా కలిసి ఇన్నింగ్స్‌ను నడిపించారు. తొలి 10 ఓవర్లలో దక్షిణాఫ్రికా స్కోరు 46 పరుగులకు చేరింది. చక్కటి షాట్లతో ఆకట్టుకున్న రికెల్టన్‌ 48 బంతుల్లో హాఫ్‌ సెంచరీ పూర్తి చేసుకున్నాడు. ఈ జోడీని విడదీసేందుకు అఫ్గాన్‌ బౌలర్లు తీవ్రంగా శ్రమించాల్సి వచ్చింది. 63 బంతుల్లో అర్ధ సెంచరీని అందుకున్న అనంతరం నబీ బౌలింగ్‌లో బవుమా వెనుదిరిగాడు. రికెల్టన్, బవుమా రెండో వికెట్‌కు 23.4 ఓవర్లలో 129 పరుగులు జోడించారు. ఆ తర్వాత కొద్దిసేపటికి 101 బంతుల్లో రికెల్టన్‌ కెరీర్‌లో తొలి శతకాన్ని సాధించాడు. అయితే తర్వాతి ఓవర్లోనే అతను అనూహ్యంగా రనౌటయ్యాడు. కీలక వికెట్‌ తీసిన ఆనందం అఫ్గాన్‌కు దక్కలేదు. ఆపై డసెన్, మార్క్‌రమ్‌ తమ జోరును ప్రదర్శించడంతో దక్షిణాఫ్రికా స్కోరు 300 దాటింది. రహ్మత్‌ షా మినహా... భారీ ఛేదనలో అఫ్గాన్‌ టీమ్‌ తడబడింది. రహ్మత్‌ షా పట్టుదలగా నిలబడినా... ఒక్కటి కూడా చెప్పుకోదగ్గ భాగస్వామ్యం లేకపోయింది. నలుగురు సఫారీ పేసర్ల ధాటికి బ్యాటర్లు నిలవలేకపోయారు. పవర్‌ప్లే ముగిసేసరికే తొలి 2 వికెట్లు కోల్పోయిన జట్టు తర్వాతి 5 ఓవర్లలో మరో 2 వికెట్లు చేజార్చుకుంది. 89/5 స్కోరు వద్ద జట్టు గెలుపుపై ఆశలు వదిలేసుకుంది. రహ్మత్‌ మాత్రం కాస్త పోరాడుతూ సెంచరీకి చేరువయ్యాడు. అయితే మరోవైపు నుంచి అతనికి సహకారం లభించలేదు. స్కోరు వివరాలు దక్షిణాఫ్రికా ఇన్నింగ్స్‌: రికెల్టన్‌ (రనౌట్‌) 103; టోనీ జోర్జి (సి) అజ్మతుల్లా (బి) నబీ 11; బవుమా (సి) సాదిఖుల్లా (బి) నబీ 58; డసెన్‌ (సి) హష్మతుల్లా (బి) నూర్‌ 52; మార్క్‌రమ్‌ (నాటౌట్‌) 52; మిల్లర్‌ (సి) రహ్మత్‌ (బి) ఫారుఖీ 14; యాన్సెన్‌ (బి) అజ్మతుల్లా 0; ముల్డర్‌ (నాటౌట్‌) 12; ఎక్స్‌ట్రాలు 13; మొత్తం (50 ఓవర్లలో 6 వికెట్లకు) 315. వికెట్ల పతనం: 1–28, 2–157, 3–201, 4–248, 5–298, 6–299. బౌలింగ్‌: ఫారుఖీ 8–0–59–1, అజ్మతుల్లా 6–0–39–1, నబీ 10–0– 51–2, రషీద్‌ ఖాన్‌ 10–0–59–0, గుల్బదిన్‌ 7–0–42–0, నూర్‌ అహ్మద్‌ 9–0–65–1. అఫ్గానిస్తాన్‌ ఇన్నింగ్స్‌: గుర్బాజ్‌ (సి) మహరాజ్‌ (బి) ఎన్‌గిడి 10; ఇబ్రహీమ్‌ (బి) రబడ 17; సాదిఖుల్లా (రనౌట్‌) 16; రహ్మత్‌ షా (సి) రికెల్టన్‌ (బి) రబడ 90; హష్మతుల్లా (సి) బవుమా (బి) ముల్డర్‌ 0; అజ్మతుల్లా (సి) రికెల్టన్‌ (బి) రబడ 18; నబీ (సి) రబడ (బి) యాన్సెన్‌ 8; గుల్బదిన్‌ (సి) బవుమా (బి) ఎన్‌గిడి 13; రషీద్‌ (సి) మార్క్‌రమ్‌ (బి) మహరాజ్‌ 18; నూర్‌ (బి) ముల్డర్‌ 9; ఫారుఖీ (నాటౌట్‌) 0; ఎక్స్‌ ట్రాలు 9; మొత్తం (43.3 ఓవర్లలో ఆలౌట్‌) 208. వికెట్ల పతనం: 1–16, 2–38, 3–50, 4–50, 5–89, 6–120, 7–142, 8–169, 9– 208, 10–208. బౌలింగ్‌: యాన్సెన్‌ 8–1– 32– 1, ఎన్‌గిడి 8–0–56–2,రబడ 8.3–1–36–3, ముల్డర్‌ 9–0–36–2, మహరాజ్‌ 10–0–46–1. చాంపియన్స్‌ ట్రోఫీలో నేడు ఆ్రస్టేలియా X ఇంగ్లండ్‌వేదిక: లాహోర్‌ మధ్యాహ్నం గం. 2:30 నుంచి స్టార్‌ స్పోర్ట్స్, స్పోర్ట్స్‌ 18, జియో హాట్‌స్టార్‌లో ప్రత్యక్ష ప్రసారం

ఛాంపియన్స్‌ ట్రోఫీలో భాగంగా బంగ్లాదేశ్‌తో నిన్న జరిగిన మ్యాచ్‌లో టీమిండియా 6 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌.. తౌహిద్‌ హృదయ్‌ వీరోచిత శతకంతో (100) పోరాడటంతో 49.4 ఓవర్లలో 228 పరుగులు చేసింది. హృదయ్‌కు జాకిర్‌ అలీ (68) సహకరించాడు. 35 పరుగులకే సగం వికెట్లు కోల్పోయి పీకల్లోతు కష్టాల్లో ఉండిన బంగ్లాదేశ్‌కు ఈ ఇద్దరు గౌరవప్రదమైన స్కోర్‌ను అందించారు. భారత బౌలర్లలో షమీ ఐదు వికెట్లు తీసి బంగ్లా పతనాన్ని శాశించాడు.అనంతరం శుభ్‌మన్‌ గిల్‌ (101) అజేయ శతకంతో చెలరేగడంతో భారత్‌ మరో 3.3 ఓవర్లు మిగిలుండగానే లక్ష్యాన్ని చేరుకుంది. రోహిత్‌ శర్మ (41) తన సహజ శైలిలో బ్యాట్‌ను ఝులింపించగా.. కేఎల్‌ రాహుల్‌ (41 నాటౌట్‌) సిక్సర్‌ కొట్టి భారత్‌ను గెలిపించాడు.కాగా, నిన్నటి మ్యాచ్‌లో గిల్‌ సెంచరీ అనంతరం సోషల్‌మీడియాలో ఓ టాపిక్‌ హైలైట్‌గా మారింది. ఈ మ్యాచ్‌లో గిల్‌ సెంచరీ పూర్తి చేసుకునేందుకు కేఎల్‌ రాహుల్‌ తన హాఫ్‌ సెంచరీని త్యాగం చేశాడు. గిల్‌ సెంచరీ కోసం రాహుల్‌ చేసిన త్యాగాన్ని నెటిజన్లు ప్రశంశిస్తున్నారు. రాహుల్‌ స్వలాభం కోసం ఆడే ఆటగాడు కాదని కితాబునిస్తున్నారు. రాహుల్‌ గతంలో కూడా ఓ సందర్భంలో విరాట్‌ కోహ్లి సెంచరీ కోసం తన హాఫ్‌ సెంచరీని త్యాగం చేశాడని గుర్తు చేసుకున్నారు. ఈ క్రమంలో కొందరు నెటిజన్లు హార్దిక్‌ పాండ్యాను విమర్శిస్తున్నారు. రాహుల్‌ స్థానంలో హార్దిక్‌ ఉంటే గిల్‌ సెంచరీ పూర్తయ్యేది కాదని అంటున్నారు. హార్దిక్‌ చాలా సెల్ఫిష్‌ ఆటగాడని.. మ్యాచ్‌ పూర్తి చేసేందుకు అతను తోటి వారి మైలురాళ్ల గురించి పట్టించుకోడని కామెంట్స్‌ చేస్తున్నారు. రెండేళ్ల క్రితం వెస్టిండీస్‌లో తిలక్‌ వర్మ (49) హాఫ్‌ సెంచరీని పట్టించుకోకుండా హార్దిక్‌ సిక్సర్స్‌తో మ్యాచ్‌ను మిగించిన వైనాన్ని ఈ సందర్భంగా గుర్తు చేసుకుంటున్నారు. ఈ మ్యాచ్‌లో గిల్‌ సెంచరీకి ముందు రాహుల్‌ ఎక్కడ ఔటవుతాడో, హార్దిక్‌ ఎ‍క్కడ క్రీజ్‌లో వస్తాడో అని అని టెన్షన్‌ పడినట్లు చెబుతున్నారు. మొత్తానికి గిల్‌ అభిమానులు హార్దిక్‌ను ఏకి పారేసి, రాహుల్‌ను ప్రశంసలతో ముంచెత్తారు.కాగా, నిన్నటి మ్యాచ్‌లో గిల్‌ సెంచరీకి సహకరించే క్రమంలో రాహుల్‌ చాలా కీలకమైన ఇన్నింగ్స్‌ ఆడాడు. రాహుల్‌.. గిల్‌తో కలిసి ఐదో వికెట్‌కు అజేయమైన 87 పరుగులు జోడించి భారత్‌ను విజయతీరాలకు చేర్చాడు. ఈ మ్యాచ్‌లో రాహుల్‌ ఏమాత్రం తేడాగా ఆడిన ఫలితం వేరేలా ఉండేది. అప్పటికే భారత్‌.. రోహిత్‌, కోహ్లి, శ్రేయస్‌, అక్షర్‌ వికెట్లు కోల్పోయి కష్టాల్లో ఉండింది. పిచ్‌ నుంచి కూడా బ్యాటర్లకు ఎలాంటి సహకారం లేదు. ఇలాంటి తరుణంలో రాహుల్‌ చాలా జాగ్రత్తగా ఆడి జట్టును విజయతీరాలకు చేర్చాడు. వ్యక్తిగత ప్రయోజనాన్ని పక్కన పెట్టి గిల్‌ సెంచరీకి కూడా సహకరించాడు. రాహుల్‌ సహకారంతో గిల్‌ వన్డేల్లో తన ఎనిమిదో సెంచరీని పూర్తి చేసుకున్నాడు. ఈ మ్యాచ్‌లో గిల్‌ కూడా చాలా బాధ్యతాయుతంగా ఆడాడు. గిల్‌ చివరి వరకు క్రీజ్‌లో నిలదొక్కుకోకపోయినా ఫలితం వేరేలా ఉండేది. బంగ్లాదేశ్‌ బౌలర్లు పిచ్‌ స్వభావానికి తగట్టుగా బౌలింగ్‌ చేసి భారత బ్యాటర్లను ఇబ్బంది పెట్టారు. ఏదిఏమైనా గిల్‌, రాహుల్‌ భాగస్వామ్యం భారత్‌ను గెలిపించింది. అంతకుముందు రాహుల్‌ కీపింగ్‌లోనూ అదరగొట్టాడు. మూడు అద్భుతమైన క్యాచ్‌లు పట్టుకుని బెస్ట్‌ ఫీల్డర్‌ అవార్డు కూడా గెలుచుకున్నాడు. ఈ టోర్నీలో భారత్‌ తమ తదుపరి మ్యాచ్‌లో పాకిస్తాన్‌ను ఎదుర్కొంటుంది. ఈ మ్యాచ్‌ దుబాయ్‌ వేదికగా ఫిబ్రవరి 23న జరుగనుంది.

ఛాంపియన్స్‌ ట్రోఫీ-2025లో (Champions Trophy) ఇవాళ (ఫిబ్రవరి 21) మరో ఆసక్తికర సమరం జరుగనుంది. టోర్నీలో తొలిసారి అడుగుపెట్టిన ఆఫ్ఘనిస్తాన్‌ (Afghanistan).. ఓ సారి ఛాంపియన్‌ (1998) సౌతాఫ్రికాను (South Africa) ఢీకొట్టనుంది. కరాచీ వేదికగా ఈ మ్యాచ్‌ మధ్యాహ్నం 2:30 గంటలకు ప్రారంభమవుతుంది. గ్రూప్‌-బిలో భాగంగా ఈ మ్యాచ్‌ జరుగుతుంది.సౌతాఫ్రికాకు షాకిచ్చిన ఆఫ్ఘనిస్తాన్‌సౌతాఫ్రికా, ఆఫ్ఘనిస్తాన్‌ జట్లు చివరిసారిగా 2024 సెప్టెంబర్‌లో ఎదురెదురుపడ్డాయి. యూఏఈ వేదికగా జరిగిన మూడు మ్యాచ్‌ల సిరీస్‌లో ఇరు జట్లు తలపడ్డాయి. ఆ సిరీస్‌లో సౌతాఫ్రికాకు శృంగభంగం జరిగింది. ఆ సిరీస్‌ను సౌతాఫ్రికన్లు 1-2 తేడాతో కోల్పోయారు. దీనికి ముందు ఇరు జట్లు 2023 వన్డే వరల్డ్‌కప్‌లో తలపడగా.. ఆ మ్యాచ్‌లో సౌతాఫ్రికా ఐదు వికెట్ల తేడాతో గెలుపొందింది. వన్డేల్లో ఇరు జట్లు ఇప్పటివరకు ఐదు సార్లు తలపడగా.. 3 మ్యాచ్‌ల్లో ఆఫ్ఘనిస్తాన్‌, 2 మ్యాచ్‌ల్లో సౌతాఫ్రికా విజయాలు సాధించాయి.గతంలో పోలిస్తే ప్రస్తుతం సౌతాఫ్రికా జట్టు పటిష్టంగా ఉంది. ఛాంపియన్స్‌ ట్రోఫీలో ఆ జట్టు ఫుల్‌ మెంబర్‌ టీమ్‌తో బరిలోకి దిగింది. అలాగని ఆఫ్ఘనిస్తాన్‌ను తక్కువ అంచనా వేయడానికి వీల్లేదు. ఇటీవలి కాలంలో ఆఫ్ఘన్లు పటిష్టమైన జట్లకు షాకిచ్చారు.దక్షిణాఫ్రికా: ర్యాన్ రికెల్టన్(వికెట్‌కీపర్‌), టోనీ డి జోర్జి, టెంబా బవుమా(కెప్టెన్‌), ఎయిడెన్ మార్క్రమ్, డేవిడ్ మిల్లర్, హెన్రిచ్ క్లాసెన్, వియాన్ ముల్డర్, మార్కో జన్సెన్, కేశవ్ మహరాజ్, కగిసో రబడ, లుంగీ ఎంగిడి, తబ్రైజ్ షమ్సీ, ట్రిస్టన్ స్టబ్స్‌, కొర్బిన్‌ బాష్‌, రస్సీ వాన్‌ డర్‌ డస్సెన్‌ఆఫ్ఘనిస్తాన్: రహ్మానుల్లా గుర్బాజ్(వికెట్‌కీపర్‌), ఇబ్రహీం జద్రాన్, సెదిఖుల్లా అటల్, రహమత్ షా, హష్మతుల్లా షాహిదీ(కెప్టెన్‌), అజ్మతుల్లా ఒమర్జాయ్, గుల్బాదిన్ నాయబ్, మహ్మద్ నబీ, రషీద్ ఖాన్, ఫజల్హాక్ ఫరూఖీ, నూర్ అహ్మద్, ఫరీద్ అహ్మద్‌ మాలిక్‌, ఇక్రమ్‌ అలీఖిల్‌, నవీద్‌ జద్రాన్, నంగేయాలియా ఖరోటేఇదిలా ఉంటే, ఛాంపియన్స్‌ ట్రోఫీలో ఇప్పటివరకు రెండు మ్యాచ్‌లు జరగ్గా రెండు రసవత్తరంగా సాగాయి. తొలి మ్యాచ్‌లో డిఫెండింగ్‌ ఛాంపియన్‌, ఆతిథ్య జట్టు పాకిస్తాన్‌కు న్యూజిలాండ్‌ షాకిచ్చింది. ఈ మ్యాచ్‌లో కివీస్‌ 60 పరుగుల తేడాతో గెలుపొందింది. నిన్న (ఫిబ్రవరి 20) జరిగిన మ్యాచ్‌లో భారత్‌.. బంగ్లాదేశ్‌ను 6 వికెట్ల తేడాతో చిత్తు చేసింది. ఈ మ్యాచ్‌లో భారత్‌కు అంత ఈజీగా గెలుపు దక్కలేదు. బంగ్లా ఆటగాళ్లు అద్భుతంగా పోరాడారు.

ఛాంపియన్స్‌ ట్రోఫీ 2025లో (Champions Trophy) టీమిండియా ఘనంగా బోణీ కొట్టింది. దుబాయ్‌ వేదికగా బంగ్లాదేశ్‌తో నిన్న (ఫిబ్రవరి 20) జరిగిన మ్యాచ్‌లో భారత్‌ 6 వికెట్ల తేడాతో గెలుపొందింది. ఈ మ్యాచ్‌లో భారత్‌ బ్యాటింగ్‌, బౌలింగ్‌ విభాగాల్లో స్థాయికి తగ్గట్టుగా రాణించింది. ఫీల్డింగ్‌లో నిరాశపరిచినా బౌలర్లు, బ్యాటర్లు టీమిండియాకు విజయం చేకూర్చారు. మ్యాచ్‌ అనంతరం భారత కెప్టెన్‌ రోహిత్‌ శర్మ (Rohit Sharma) మాట్లాడుతూ.. బంగ్లాదేశ్‌ను ఓడించడంపై సంతృప్తి వ్యక్తం చేశాడు. బంగ్లా బ్యాటర్లు హృదయ్‌, జాకిర్‌ అలీ అద్భుతంగా ఆడారని ప్రశంసించాడు. వారిద్దరు మంచి భాగస్వామ్యాన్ని నెలకొల్పారని అభినందించాడు. షమీ ఐదు వికెట్ల ప్రద‍ర్శనను కొనియాడాడు. ఇలాంటి ప్రదర్శనల కోసం చాలాకాలంగా ఎదురుచూస్తున్నామని అన్నాడు. షమీ సామర్థ్యం గురంచి తెలుసని చెప్పాడు. జట్టుకు అవసరమైన ప్రతిసారి షమీ అద్భుత ప్రదర్శనలతో ముందుకొస్తాడని కితాబునిచ్చాడు. శుభ్‌మన్‌ గిల్‌, కేఎల్‌ రాహుల్‌ను కూడా ప్రశంసించాడు. గిల్‌ నుంచి ఇలాంటి ప్రదర్శనలు ఆశ్చర్యానికి గురి చేయవని అన్నాడు. గిల్‌ స్థాయి ఏంటో తమకు తెలుసని తెలిపాడు. అతనో క్లాసికల్‌ ప్లేయర్‌ అని కొనియాడాడు. గిల్‌ చివరి వరకు క్రీజ్‌లో ఉండటం పట్ల ఆనందం వ్యక్తం చేశాడు.అక్షర్‌ హ్యాట్రిక్‌ను నేలపాలు చేయడంపై స్పందిస్తూ.. అది చాలా సులభమైన క్యాచ్‌. నా స్థాయి క్రికెటర్‌ అలాంటి క్యాచ్‌ను తప్పక పట్టుకోవాలి. కానీ దురదృష్టవశాత్తు అలా జరుగలేదు. సునాయాసమైన క్యాచ్‌ను వదిలేసినందుకు చింతిస్తున్నాను. అక్షర్‌ హ్యాట్రిక్‌ మిస్‌ అయినందుకు చాలా బాధేసింది. రేపు అతన్ని డిన్నర్‌కు తీసుకెళ్తానంటూ నవ్వులు పూయించాడు.పిచ్‌ తీరుపై ‍స్పందిస్తూ.. ఊహించిన దానికంటే నిదానంగా ఉందని అన్నాడు. తర్వాతి మ్యాచ్‌లో కూడా పిచ్‌ ఇలాగే ఉంటుందని చెప్పలేమని తెలిపాడు. ఒక్క మ్యాచ్‌తోనే పిచ్‌ను అంచనా వేయడం కష్టమని పేర్కొన్నాడు. ముందుగా పిచ్‌ ఇలా ఉంటుందని చెప్పడానికి నేను క్యూరేటర్‌ను కాదని జోక్‌ చేశాడు. మొత్తంగా జట్టు ప్రదర్శనపై సంతృప్తి వ్యక్తం చేశాడు. ఛాంపియన్స్‌ ట్రోఫీ లాంటి మెగా టోర్నీల్లో ఒత్తిడి ఉంటుందని, జట్టుగా మేము దాన్ని అధిగమించగలమని విశ్వాసం వ్యక్తం చేశాడు.కాగా, నిన్నటి మ్యాచ్‌లో భారత్‌ ఆల్‌రౌండ్‌ షోతో అదరగొట్టింది. ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌.. తౌహిద్‌ హృదయ్‌ వీరోచిత శతకంతో (100) పోరాడటంతో 49.4 ఓవర్లలో 228 పరుగులు చేసింది. హృదయ్‌కు జాకిర్‌ అలీ (68) సహకరించాడు. 35 పరుగులకే సగం వికెట్లు కోల్పోయి పీకల్లోతు కష్టాల్లో ఉండిన బంగ్లాదేశ్‌కు ఈ ఇద్దరు గౌరవప్రదమైన స్కోర్‌ను అందించారు. భారత బౌలర్లలో షమీ ఐదు వికెట్లు తీసి బంగ్లా పతనాన్ని శాశించాడు.అనంతరం శుభ్‌మన్‌ గిల్‌ (101) అజేయ శతకంతో చెలరేగడంతో భారత్‌ మరో 3.3 ఓవర్లు మిగిలుండగానే లక్ష్యాన్ని చేరుకుంది. రోహిత్‌ శర్మ (41) తన సహజ శైలిలో బ్యాట్‌ను ఝులింపించగా.. కేఎల్‌ రాహుల్‌ (41 నాటౌట్‌) సిక్సర్‌ కొట్టి భారత్‌ను గెలిపించాడు. భారత ఇన్నింగ్స్‌లో విరాట్‌ (22), శ్రేయస్‌ (15), అక్షర్‌ (8) తక్కువ స్కోర్లకే ఔటయ్యారు. భారత్‌ తమ తదుపరి మ్యాచ్‌లో దాయాది పాకిస్తాన్‌ను ఢీకొంటుంది. ఈ మ్యాచ్‌ మార్చి 23న దుబాయ్‌లోనే జరుగుతుంది.

ఛాంపియన్స్‌ ట్రోఫీ-2025లో (Champions Trophy) భాగంగా బంగ్లాదేశ్‌తో జరిగిన మ్యాచ్‌లో టీమిండియా 6 వికెట్ల తేడాతో ఘన విజయం సాధించింది. ఈ విజయంతో టీమిండియా కెప్టెన్‌ రోహిత్‌ శర్మ (Rohit Sharma) ఖాతాలో ఓ భారీ రికార్డు చేరింది. హిట్‌ మ్యాన్‌ అంతర్జాతీయ క్రికెట్‌లో కెప్టెన్‌గా 100 విజయాలు పూర్తి చేసుకున్నాడు. తద్వారా ఆసీస్‌ మాజీ కెప్టెన్‌ రికీ పాంటింగ్‌తో (Ricky Ponting) కలిసి అత్యంత వేగంగా ఈ ఘనత సాధించిన కెప్టెన్‌గా రికార్డు నెలకొల్పాడు. రోహిత్‌ ఇప్పటివరకు (బంగ్లాతో మ్యాచ్‌) 138 మ్యాచ్‌ల్లో భారత కెప్టెన్‌గా వ్యవహరించి 100 విజయాలు సాధించాడు. రోహిత్‌ సారథ్యంలో టీమిండియా 33 మ్యాచ్‌ల్లో ఓడింది. మూడు మ్యాచ్‌లు డ్రా కాగా.. ఓ మ్యాచ్‌ టై అయ్యింది.కెప్టెన్‌గా రోహిత్‌ సాధించిన 100 విజయాల్లో 50 టీ20ల్లో వచ్చినవి కాగా.. 38 వన్డేల్లో, 12 టెస్ట్‌ల్లో వచ్చాయి. కెప్టెన్‌గా రోహిత్‌ విజయాల శాతం 70కి పైగా ఉంది. అంతర్జాతీయ క్రికెట్‌లో రోహిత్‌కు ముందు రికీ పాంటింగ్‌ ఒక్కడే ఈ స్థాయి విన్నింగ్‌ పర్సంటేజీతో విజయాలు సాధించాడు. ఓ విషయంలో పాంటింగ్‌తో పోలిస్తే రోహితే గ్రేట్‌ అని చెప్పాలి. పాంటింగ్‌ 28 ఏళ్ల వయసులో కెప్టెన్‌గా బాధ్యతలు చేపట్టి ఈ స్థాయి విజయాలు సాధిస్తే.. హిట్‌ మ్యాన్‌ 30 ఏళ్ల తర్వాత టీమిండియా కెప్టెన్‌గా బాధ్యతలు స్వీకరించి విజయాల సెంచరీ పూర్తి చేశాడు. అంతర్జాతీయ క్రికెట్‌లో 30 ఏళ్ల వయసు తర్వాత 100 విజయాలు సాధించిన ఏకైక కెప్టెన్‌గానూ హిట్‌ మ్యాన్‌ రికార్డు నెలకొల్పాడు.అంతర్జాతీయ క్రికెట్‌లో అత్యధిక విజయాలు సాధించిన కెప్టెన్ల జాబితాలో రికీ పాంటింగ్‌ అగ్రస్థానంలో ఉన్నాడు. రికీ తన కెరీర్‌లో ఆసీస్‌కు 324 మ్యాచ్‌ల్లో సారథ్యం వహించి 220 మ్యాచ్‌ల్లో గెలిపించాడు. అంతర్జాతీయ క్రికెట్‌లో 200కు పైగా విజయాలు సాధించిన ఏకైక కెప్టెన్‌ పాంటింగ్‌ మాత్రమే. పాంటింగ్‌ తర్వాత అంతర్జాతీయ క్రికెట్‌లో అత్యధిక విజయాలు సాధించిన ఘనత టీమిండియా మాజీ కెప్టెన్‌ ఎం​ఎస్‌ ధోనికి దక్కుతుంది. ధోని 332 మ్యాచ్‌ల్లో టీమిండియా కెప్టెన్‌ వ్యవహరించి 178 ​మ్యాచ్‌ల్లో గెలిపించాడు. ధోని తర్వాత విరాట్‌ కోహ్లి (135) అత్యధికంగా టీమిండియాను గెలిపించాడు.2017లో మొదలైన రోహిత్‌ ప్రస్తానం2017లో తొలిసారి టీమిండియా కెప్టెన్‌గా బాధ్యతలు చేపట్టిన రోహిత్‌.. 2021-22లో టీమిండియా ఆల్‌ ఫార్మాట్‌ కెప్టెన్‌గా నియమితుడయ్యాడు. రోహిత్‌ సారథ్యంలో టీమిండియా గతేడాది టీ20 వరల్డ్‌కప్‌ గెలిచింది. రోహిత్‌ టీమిండియాను 2023 వన్డే వరల్డ్‌కప్‌, 2021-2023 వరల్డ్‌ టెస్ట్‌ ఛాంపియన్‌షిప్‌ ఫైనల్‌కు చేర్చాడు.మ్యాచ్‌ విషయానికొస్తే.. ఛాంపియన్స్‌ ట్రోఫీ-2025లో భారత్‌ తొలి విజయం​ సాధించింది. దుబాయ్‌ వేదికగా బంగ్లాదేశ్‌తో నిన్న జరిగిన మ్యాచ్‌లో టీమిండియా ఆల్‌రౌండ్‌ ప్రదర్శనతో అదరగొట్టింది. ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌.. తౌహిద్‌ హృదయ్‌ వీరోచిత శతకంతో (100) పోరాడటంతో 49.4 ఓవర్లలో 228 పరుగులు చేసింది. హృదయ్‌కు జాకిర్‌ అలీ (68) సహకరించాడు. ఈ మ్యాచ్‌లో షమీ ఐదు వికెట్లు తీసి బంగ్లా పతనాన్ని శాశించాడు. అనంతరం శుభ్‌మన్‌ గిల్‌ (101) అజేయ శతకంతో చెలరేగడంతో భారత్‌ మరో 3.3 ఓవర్లు మిగిలుండగానే లక్ష్యాన్ని చేరుకుంది. రోహిత్‌ శర్మ (41) తన సహజ శైలిలో బ్యాట్‌ను ఝులింపించగా.. కేఎల్‌ రాహుల్‌ (41 నాటౌట్‌) సిక్సర్‌ కొట్టి భారత్‌ను గెలిపించాడు.11000 పరుగుల క్లబ్‌లో రోహిత్‌ఈ మ్యాచ్‌లో రోహిత్‌ వన్డేల్లో 11000 పరుగులు పూర్తి చేసుకున్నాడు. విరాట్‌ తర్వాత వన్డేల్లో అత్యంత వేగంగా ఈ ఫీట్‌ సాధించిన ఆటగాడిగా రికార్డు నెలకొల్పాడు. ఈ ఘనతను కోహ్లి 222 ఇన్నింగ్స్‌ల్లో సాధించగా.. రోహిత్‌కు 261 ఇన్నింగ్స్‌లు పట్టింది.

229 పరుగుల స్వల్ప విజయలక్ష్యం...భారత్‌లాంటి బలమైన జట్టు ఆడుతూపాడుతూ దీనిని ఛేదిస్తుందని ఎవరైనా భావిస్తారు... కానీ పిచ్‌ ఒక్కసారిగా నెమ్మదించింది... పరుగులు రావడం కష్టంగా మారిపోయింది. ఈ స్థితిలో శుబ్‌మన్‌ గిల్‌ పట్టుదలగా నిలబడ్డాడు... కీలక భాగస్వామ్యాలతో జట్టును గెలుపుతీరం చేర్చడంతో పాటు వరుసగా రెండో సెంచరీ పూర్తి చేసుకున్నాడు. అంతకుముందు భారత్‌ పదునైన బౌలింగ్‌కు ఒకదశలో 35/5 వద్ద కుప్పకూలే స్థితిలో నిలిచిన బంగ్లాదేశ్‌... తౌహీద్, జాకీర్‌ ఆటతో 200 పరుగులు దాటగలిగింది. మరో ఐసీసీ మ్యాచ్‌లో ఐదు వికెట్ల ప్రదర్శనతో షమీ తన పునరాగమాన్ని ఘనంగా ప్రదర్శించాడు. శుభారంభం తర్వాత ఆదివారం అసలు పోరులో పాకిస్తాన్‌తో భారత్‌ అమీతుమీ తేల్చుకోనుంది. దుబాయ్‌: చాంపియన్స్‌ ట్రోఫీలో భారత్‌ గెలుపు బోణీ చేసింది. గ్రూప్‌ ‘ఎ’లో భాగంగా గురువారం జరిగిన తొలి మ్యాచ్‌లో భారత్‌ 6 వికెట్ల తేడాతో బంగ్లాదేశ్‌ను ఓడించింది. టాస్‌ గెలిచి ముందుగా బ్యాటింగ్‌కు దిగిన బంగ్లాదేశ్‌ 49.4 ఓవర్లలో 228 పరుగులకు ఆలౌటైంది. తౌహీద్‌ హృదయ్‌ (118 బంతుల్లో 100; 6 ఫోర్లు, 2 సిక్స్‌లు) కెరీర్‌లో తొలి సెంచరీ సాధించగా... జాకీర్‌ అలీ (114 బంతుల్లో 68; 4 ఫోర్లు) రాణించాడు. వీరిద్దరు ఆరో వికెట్‌కు 34.2 ఓవర్లలో 154 పరుగులు జోడించారు. మొహమ్మద్‌ షమీ (5/53) ఐదు వికెట్లతో చెలరేగగా... హర్షిత్‌ రాణా 3, అక్షర్‌ 2 వికెట్లు తీశారు. అనంతరం భారత్‌ 46.3 ఓవర్లలో 4 వికెట్లకు 231 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ శుబ్‌మన్‌ గిల్‌ (129 బంతుల్లో 101 నాటౌట్‌; 9 ఫోర్లు, 2 సిక్స్‌లు) అజేయ శతకం నమోదు చేయగా... కెప్టెన్‌ రోహిత్‌ శర్మ (36 బంతుల్లో 41; 7 ఫోర్లు), కేఎల్‌ రాహుల్‌ (47 బంతుల్లో 41 నాటౌట్‌; 1 ఫోర్, 2 సిక్స్‌లు) రాణించారు. భారీ భాగస్వామ్యం... తొలి 5 వికెట్లకు 35 పరుగులు... చివరి 5 వికెట్లకు 39 పరుగులు... మధ్యలో తౌహీద్, జాకీర్‌ భారీ భాగస్వామ్యం! బంగ్లాదేశ్‌ ఇన్నింగ్స్‌ సాగిన తీరిది. షమీ, రాణా దెబ్బకు టపటపా 3 వికెట్లు కోల్పోయిన బంగ్లాను అక్షర్‌ తన తొలి ఓవర్లోనే దెబ్బ కొట్టాడు. వరుస బంతుల్లో తన్‌జీద్‌ (25 బంతుల్లో 25; 4 ఫోర్లు), ముష్ఫికర్‌ (0)ను అవుట్‌ చేసిన అతను త్రుటిలో హ్యాట్రిక్‌ కోల్పోయాడు. 35/5 నుంచి తౌహీద్, జాకీర్‌ జట్టును ఆదుకున్నారు. భారత ఆటగాళ్ల పేలవ ఫీల్డింగ్‌ కూడా వారికి కలిసొచ్చింది. సుదీర్ఘ ప్రయత్నం తర్వాత ఎట్టకేలకు 206 బంతుల ఈ భాగస్వామ్యాన్ని షమీ విడగొట్టాడు. ఆ తర్వాత 49వ ఓవర్‌ తొలి బంతికి సింగిల్‌తో తౌహీద్‌ 114 బంతుల్లో కెరీర్‌లో తొలి సెంచరీని పూర్తి చేసుకున్నాడు. రాణించిన రాహుల్‌... స్వల్ప లక్ష్యమే అయినా భారత్‌ ఛేదన సులువుగా సాగలేదు. ముస్తఫిజుర్‌ ఓవర్లో 3 ఫోర్లు సహా కొన్ని చక్కటి షాట్లు ఆడిన రోహిత్‌ పదో ఓవర్లో వెనుదిరగ్గా, గిల్‌ తన బ్యాటింగ్‌తో ఆకట్టుకున్నాడు. ఆ తర్వాత పిచ్‌ ఒక్కసారిగా మందగించడంతో పరుగుల రాక గగనమైంది. గిల్, విరాట్‌ కోహ్లి (38 బంతుల్లో 22; 1 ఫోర్‌) కలిసి 12.5 ఓవర్లలో 43 పరుగులే జోడించగలిగారు. అనంతరం 11 పరుగుల వ్యవధిలో శ్రేయస్‌ అయ్యర్‌ (15), అక్షర్‌ పటేల్‌ (8) అవుటయ్యారు. అయితే గిల్‌కు రాహుల్‌ అండగా నిలిచాడు. బంగ్లా బౌలర్లు మధ్యలో కొద్ది సేపు ఆధిపత్యం ప్రదర్శించినట్లు కనిపించినా... నిలదొక్కుకున్న తర్వాత వీరిద్దరు స్వేచ్ఛగా ఆడారు. గిల్, రాహుల్‌ 16.2 ఓవర్లలో అభేద్యంగా 87 పరుగులు జోడించి మ్యాచ్‌ను ముగించారు. ఈ క్రమంలో 46వ ఓవర్లో సింగిల్‌తో 125 బంతుల్లో గిల్‌ వన్డేల్లో ఎనిమిదో సెంచరీని పూర్తి చేసుకున్నాడు. స్కోరు వివరాలు బంగ్లాదేశ్‌ ఇన్నింగ్స్‌: తన్‌జీద్‌ (సి) రాహుల్‌ (బి) అక్షర్‌ 25; సౌమ్య సర్కార్‌ (సి) రాహుల్‌ (బి) షమీ 0; నజు్మల్‌ (సి) కోహ్లి (బి) రాణా 0; మిరాజ్‌ (సి) గిల్‌ (బి) షమీ 5; తౌహీద్‌ (సి) షమీ (బి) రాణా 100; ముష్ఫికర్‌ (సి) రాహుల్‌ (బి) అక్షర్‌ 0; జాకీర్‌ (సి) కోహ్లి (బి) షమీ 68; రిషాద్‌ (సి) పాండ్యా (బి) రాణా 18; తన్‌జీమ్‌ (బి) షమీ 0; తస్కీన్‌ (సి) అయ్యర్‌ (బి) షమీ 3; ముస్తఫిజుర్‌ (నాటౌట్‌) 0; ఎక్స్‌ట్రాలు 9; మొత్తం (49.4 ఓవర్లలో ఆలౌట్‌) 228. వికెట్ల పతనం: 1–1, 2–2, 3–26, 4–35, 5–35, 6–189, 7–214, 8–215, 9–228, 10–228. బౌలింగ్‌: షమీ 10–0–53–5, హర్షిత్‌ రాణా 7.4–0–31–3, అక్షర్‌ 9–1–43–2, పాండ్యా 4–0–20–0, జడేజా 9–0–37–0, కుల్దీప్‌ 10–0–43–0. భారత్‌ ఇన్నింగ్స్‌: రోహిత్‌ (సి) రిషాద్‌ (బి) తస్కీన్‌ 41; గిల్‌ (నాటౌట్‌) 101; కోహ్లి (సి) సర్కార్‌ (బి) రిషాద్‌ 22; అయ్యర్‌ (సి) నజ్ముల్‌ (బి) ముస్తఫిజుర్‌ 15; అక్షర్‌ (సి అండ్‌ బి) రిషాద్‌ 8; రాహుల్‌ (నాటౌట్‌) 41; ఎక్స్‌ట్రాలు 3; మొత్తం (46.3 ఓవర్లలో 4 వికెట్లకు) 231. వికెట్ల పతనం: 1–69, 2–112, 3–133, 4–144. బౌలింగ్‌: తస్కీన్‌ 9–0–36–1, ముస్తఫిజుర్‌ 9–0–62–1, తన్‌జీమ్‌ 8.3–0–58–0, మిరాజ్‌ 10–0–37–0, రిషాద్‌ 10–0–38–2. అక్షర్‌ ‘హ్యాట్రిక్‌’ మిస్‌ మ్యాచ్‌లో బంగ్లాను తక్కువ స్కోరుకే పరిమితం చేయగలిగినా భారత్‌ ఫీల్డింగ్‌ స్థాయికి తగినట్లుగా లేకపోయింది. అక్షర్‌ తొలి ఓవర్లో వరుసగా రెండు వికెట్ల తర్వాత జాకీర్‌ (0 వద్ద) ఇచ్చిన అతి సునాయాస క్యాచ్‌ను స్లిప్‌లో రోహిత్‌ వదిలేశాడు. దాంతో అక్షర్‌ ‘హ్యాట్రిక్‌’ అవకాశం చేజారింది. రోహిత్‌ ఆ క్యాచ్‌ పట్టి ఉంటే స్కోరు 35/6తో ఇక కోలుకునే అవకాశం లేకపోయేది. ఆ తర్వాత జాకీర్‌ 24 వద్ద ఉన్నప్పుడు జడేజా బౌలింగ్‌లో స్టంప్‌ చేసే అవకాశాన్ని రాహుల్‌ చేజార్చాడు. చివరకు బ్యాటర్‌ 68 పరుగులు సాధించగలిగాడు. తౌహీద్‌ స్కోరు 23 వద్ద కుల్దీప్‌ బౌలింగ్‌లో మిడాఫ్‌లో పాండ్యా సునాయాస క్యాచ్‌ వదిలేయగా చివరకు అతను సెంచరీ పూర్తి చేసుకోగలిగాడు. ఇన్నింగ్స్‌ ఆరంభంలో 12 వద్ద తన్‌జీద్‌ను రనౌట్‌ చేసే అవకాశం వచ్చినా...అయ్యర్‌ త్రో స్టంప్స్‌కు చాలా దూరంగా వెళ్లింది. భారత్‌ ఇన్నింగ్స్‌లో రాహుల్‌ 9 వద్ద ఉన్నప్పుడు జాకీర్‌ సులువైన క్యాచ్‌ వదిలేసి మేలు చేశాడు.200 వన్డేల్లో షమీ 200 వికెట్ల మైలురాయిని అందుకున్నాడు. బంతుల పరంగా చూస్తే అందరికంటే వేగంగా (5126 బంతుల్లో) ఈ ఘనత సాధించిన బౌలర్‌గా అతను రికార్డు సాధించాడు. ఇందు కోసం మిచెల్‌ స్టార్క్‌కు (ఆ్రస్టేలియా) 5240 బంతులు పట్టాయి. తక్కువ ఇన్నింగ్స్‌లో ఈ ఘనత సాధించిన భారత బౌలర్‌గానూ షమీ గుర్తింపు పొందాడు. గతంలో అజిత్‌ అగార్కర్‌ 133 ఇన్నింగ్స్‌లో ఈ మైలురాయి అందుకోగా... షమీ 103 ఇన్నింగ్స్‌లు తీసుకున్నాడు.60 ఐసీసీ టోర్నీల్లో అత్యధిక (60) వికెట్లు తీసిన భారత బౌలర్‌గా షమీ నిలిచాడు. జహీర్‌ ఖాన్‌ (32 ఇన్నింగ్స్‌లలో 59) రికార్డును షమీ (19 ఇన్నింగ్స్‌లలో 60) సవరించాడు.11000 వన్డేల్లో రోహిత్‌ 11 వేల పరుగులు పూర్తి చేసుకొని ఈ ఘనత సాధించిన 10వ ఆటగాడిగా నిలిచాడు.156 వన్డేల్లో కోహ్లి క్యాచ్‌ల సంఖ్య. భారత్‌ తరఫున అత్యధిక క్యాచ్‌లు పట్టిన ఫీల్డర్‌గా అజహరుద్దీన్‌ (156) రికార్డును సమం చేయగా... జయవర్ధనే (218), పాంటింగ్‌ (160) వీరికంటే ముందున్నారు. చాంపియన్స్‌ ట్రోఫీలో నేడు దక్షిణాఫ్రికా X అఫ్గానిస్తాన్‌ వేదిక: కరాచీ మధ్యాహ్నం గం. 2:30 నుంచి స్టార్‌ స్పోర్ట్స్, స్పోర్ట్స్‌ 18, జియోహాట్‌స్టార్‌లో ప్రత్యక్ష ప్రసారం

ఛాంపియన్స్‌ ట్రోఫీ-2025లో భాగంగా బంగ్లాదేశ్‌తో జరుగుతున్న మ్యాచ్‌లో టీమిండియా పేసర్‌ మొహమ్మద్‌ షమీ అరుదైన ఘనత సాధించాడు. ఈ మ్యాచ్‌లో మూడు వికెట్లు (43 ఓవర్ల వరకు) తీసిన షమీ.. వన్డేల్లో 200 వికెట్ల పూర్తి చేసుకున్నాడు. బంతుల పరంగా అత్యంత వేగంగా 200 వన్డే వికెట్లు తీసిన బౌలర్‌గా షమీ రికార్డు నెలకొల్పాడు. షమీకి 200 వికెట్లు తీసేందుకు 5126 బంతులు అవసరమయ్యాయి. షమీకి ముందు ఈ రికార్డు మిచెల్‌ స్టార్క్‌ పేరిట ఉండింది. స్టార్క్‌ 5240 బంతుల్లో 200 వన్డే వికెట్ల మైలురాయిని తాకాడు.బంతుల పరంగా అత్యంత వేగంగా 200 వికెట్లు తీసిన బౌలర్లు..షమీ-5126 బంతులుస్టార్క్‌- 5240సక్లెయిన్‌ ముస్తాక్‌- 5451బ్రెట్‌ లీ- 5640ట్రెంట్‌ బౌల్ట్‌- 5783వకార్‌ యూనిస్‌- 5883మ్యాచ్‌ల ప్రకారం చూస్తే.. షమీ.. మిచెల్‌ స్టార్క్‌ తర్వాత అత్యంత వేగంగా 200 వికెట్ల వన్డే మైలురాయిని తాకిన బౌలర్‌గా రికార్డుల్లోకెక్కాడు.మ్యాచ్‌ల ప్రకారం అత్యంత వేగంగా 200 వికెట్లు తీసిన ఆటగాళ్లు..స్టార్క్‌- 102షమీ/సక్లెయిన్‌ ముస్తాక్‌- 104ట్రెంట్‌ బౌల్ట్‌- 107బ్రెట్‌ లీ- 112అలన్‌ డొనాల్డ్‌- 117ఓవరాల్‌గా చూస్తే.. వన్డేల్లో 200 వికెట్లు పూర్తి చేసిన 43 బౌలర్‌గా షమీ రికార్డుల్లోకెక్కాడు. భారత​ తరఫున ఈ ఘనత సాధించిన ఎనిమిదో బౌలర్‌గా నిలిచాడు. షమీకి ముందు అనిల్‌ కుంబ్లే (334), జవగల్‌ శ్రీనాథ్‌ (315), అజిత్‌ అగార్కర్‌ (288), జహీర్‌ ఖాన్‌ (269), హర్భజన్‌ సింగ్‌ (265), కపిల్‌ దేవ్‌ (253), రవీంద్ర జడేజా (226) భారత్‌ తరఫున 200 వికెట్లు తీశారు. జవగల్‌ శ్రీనాథ్‌ (315), అజిత్‌ అగార్కర్‌ (288), జహీర్‌ ఖాన్‌ (269), కపిల్‌ దేవ్‌ (253) తర్వాత 200 వికెట్ల క్లబ్‌లో చేరిన ఐదో భారత పేసర్‌గా షమీ రికార్డు నెలకొల్పాడు.మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌కు దిగిన బంగ్లాదేశ్‌ ఆదిలో భారత బౌలర్లు చెలరేగడంతో 35 పరుగులకే సగం వికెట్లు కోల్పోయి కష్టాల్లో పడింది. అయితే తౌహిద్‌ హృదోయ్‌, జాకిర్‌ అలీ (68) బాధ్యతాయుతమైన ఇన్నింగ్స్‌లు ఆడి బంగ్లాదేశ్‌కు గౌరవప్రదమైన స్కోర్‌ అందించారు. 46.2 ఓవర్ల అనంతరం బంగ్లాదేశ్‌ స్కోర్‌ 215/8గా ఉంది. తౌహిద్‌ హృదోయ్‌ (91 నాటౌట్‌), తస్కిన్‌ అహ్మద్‌ క్రీజ్‌లో ఉన్నారు. భారత బౌలర్లలో షమీ 4 వికెట్లు పడగొట్టగా.. హర్షిత్‌ రాణా, అక్షర్‌ పటేల్‌ తలో రెండు వికెట్లు తీశారు.

టాస్‌ విషయంలో టీమిండియాను బ్యాడ్‌ లక్‌ వెంటాడుతుంది. 2023 వన్డే వరల్డ్‌కప్‌ ఫైనల్‌ నుంచి భారత్‌ వరుసగా 11 వన్డేల్లో టాస్‌ ఓడింది. ప్రపంచ క్రికెట్‌లో ఒక్క నెదర్లాండ్స్‌ మాత్రమే భారత్‌లా వరుసగా 11 వన్డేల్లో టాస్‌ ఓడింది. ఛాంపియన్స్‌ ట్రోఫీ 2025లో భాగంగా దుబాయ్‌ వేదికగా బంగ్లాదేశ్‌తో జరుగుతున్న మ్యాచ్‌లో భారత్‌ తాజాగా టాస్‌ ఓడింది.రోహిత్‌ సారథ్యంలో 8 రాహుల్‌ కెప్టెన్సీలో 3వన్డేల్లో భారత్‌ వరుసగా కోల్పోయిన 11 టాస్‌ల్లో.. ఎనిమిది రోహిత్‌ శర్మ సారథ్యంలో కాగా.. మూడు కేఎల్‌ రాహుల్‌ కెప్టెన్సీలో. అహ్మదాబాద్‌ వేదికగా ఆస్ట్రేలియాతో జరిగిన 2023 వరల్డ్‌కప్‌ ఫైనల్లో భారత్‌.. రోహిత్‌ శర్మ నేతృత్వంలో టాస్‌ ఓడింది. ఆతర్వాత సౌతాఫ్రికాతో జరిగిన మూడు వన్డేల్లో భారత్‌.. కేఎల్‌ రాహుల్‌ సారథ్యంలో టాస్‌ ఓడింది. అనంతరం శ్రీలంకతో జరిగిన మూడు వన్డేల్లో భారత్‌.. రోహిత్‌ శర్మ కెప్టెన్సీలో టాస్‌లు ఓడింది. తాజాగా ఇంగ్లండ్‌తో జరిగిన మూడు వన్డేల్లో భారత్‌.. రోహిత్‌ సారథ్యంలో టాస్‌లు ఓడింది. తాజాగా బంగ్లాదేశ్‌తో జరుగుతున్న మ్యాచ్‌లో భారత్‌.. రోహిత్‌ శర్మ సారథ్యంలో టాస్‌ ఓడింది.పీకల్లోతు కష్టాల్లో బంగ్లాదేశ్‌ఛాంపియన్స్‌ ట్రోఫీలో భాగంగా టీమిండియాతో జరుగుతున్న మ్యాచ్‌లో బంగ్లాదేశ్‌ పీకల్లోతు కష్టాల్లో కూరుకుపోయింది. ఈ మ్యాచ్‌లో టాస్‌ గెలిచి బ్యాటింగ్‌ ఎంచుకున్న బంగ్లాదేశ్‌.. 35 పరుగులకే సగం​ వికెట్లు కోల్పోయింది. తొలి ఓవర్‌లోనే వికెట్‌ పడగొట్టిన షమీ.. బంగ్లా పతనానికి నాంది పలికాడు. ఆతర్వాత రెండో ఓవర్‌లో యువ పేసర్‌ హర్షిత​్‌ రాణా వికెట్‌ తీశాడు. దీని తర్వాత కొద్దిగా గ్యాప్‌ ఇచ్చిన షమీ.. తిరిగి ఏడో ఓవర్‌లో మరో వికెట్‌ తీశాడు.అక్షర్‌కు హ్యాట్రిక్‌ మిస్‌ఇన్నింగ్స్‌ తొమ్మిదో ఓవర్‌లో అక్షర్‌ పటేల్‌ మ్యాజిక్‌ చేశాడు. ఈ ఓవర్‌లో వరుసగా రెండు, మూడు బంతులకు వికెట్లు తీసిన అక్షర్‌.. రోహిత్‌ శర్మ చేసిన తప్పిదం కారణంగా హ్యాట్రిక్‌ తీసే సువర్ణావకాశాన్ని కోల్పోయాడు. ఈ ఓవర్‌ నాలుగో బంతికి స్లిప్స్‌లో జాకిర్‌ అలీ అందిం​చిన సునాయాసమైన క్యాచ్‌ను రోహిత్‌ జారవిడిచాడు.13 ఓవర్లలో 50 పరుగులు13 ఓవర్ల అనంతరం బంగ్లాదేశ్‌ స్కోర్‌ ఐదు వికెట్ల నష్టానికి 50 పరుగులుగా ఉంది. తంజిద్‌ హసన్‌ 25, సౌమ్య సర్కార్‌ 0, కెప్టెన్‌ షాంటో 0, మెహిది హసన్‌ 5, ముష్ఫికర్‌ 0 పరుగులకు ఔట్‌ కాగా.. తౌహిద్‌ హృదోయ్‌ (10), జాకిర్‌ అలీ (7) క్రీజ్‌లో ఉన్నారు. భారత బౌలర్లలో షమీ, అక్షర్‌ తలో రెండు.. హర్షిత్‌ ఓ వికెట్‌ పడగొట్టారు.

India Vs Bangladesh Match Live Updates And Highlights:భారత్‌​ ఘన విజయం..ఛాంపియన్స్‌ ట్రోఫీ-2025లో భారత్‌ బోణీ కొట్టింది. దుబాయ్‌ వేదికగా బంగ్లాదేశ్‌తో జరిగిన మ్యాచ్‌లో 6 వికెట్ల తేడాతో భారత్‌ విజయం సాధించింది. 229 పరుగుల లక్ష్యాన్ని భారత్‌ కేవలం 4 వికెట్లు కోల్పోయి 46.3 ఓవర్లలో అందుకుంది. భారత బ్యాటర్లలో ఓపెనర్‌ శుబ్‌మన్‌​ గిల్‌(129 బంతుల్లో 9 ఫోర్లు, 2 సిక్స్‌లతో 101 నాటౌట్‌) సెంచరీతో మెరిశాడు. అతడితో పాటు రోహిత్‌ శర్మ(41), కేఎల్‌ రాహుల్‌(41) పరుగులతో రాణించారు. బంగ్లా బౌలర్లలో రిషాద్ హొస్సేన్ రెండు వికెట్లు పడగొట్టగా.. ముస్తఫిజుర్‌ రెహ్మన్‌, టాస్కిన్‌ ఆహ్మద్‌ తలా వికెట్‌​ సాధించారు. అంతకముందు బ్యాటింగ్‌​ చేసిన బంగ్లాదేశ్‌ 49.4 ఓవర్లలో 228 పరుగులకు ఆలౌటైంది. మొహమ్మద్‌ షమీ ఐదు వికెట్లు తీసి బంగ్లా పతనాన్ని శాశించాడు. హర్షిత్‌ రాణా 3, అక్షర్‌ పటేల్‌ 2 వికెట్లు తీశారు. గిల్‌ సెంచరీ..శుబ్‌మన్‌ గిల్‌​ సెంచరీతో మెరిశాడు. 125 బంతుల్లో గిల్‌ తన సెంచరీ మార్క్‌ను అందుకున్నాడు. భారత్‌ విజయానికి ఇంకా 7 పరుగులు కావాలి.విజయానికి చేరువలో భారత్‌..44 ఓవర్లు ముగిసే సరికి భారత్‌ 4 వికెట్ల నష్టానికి 210 పరుగులు చేసింది. క్రీజులో శుబ్‌మన్‌ గిల్‌(88), కేఎల్‌ రాహుల్‌(33) పరుగులతో ఉన్నారు. భారత విజయానికి ఇంకా 19 పరుగులు కావాలి.34 ఓవర్లకు భారత్‌ స్కోర్‌: 158/434 ఓవర్లు ముగిసే సరికి టీమిండియా 4 వికెట్ల నష్టానికి 158 పరుగులు చేసింది. క్రీజులో శుబ్‌మన్‌ గిల్‌(65), కేఎల్‌ రాహుల్‌(5) పరుగులతో ఉన్నారు. భారత విజయానికి ఇంకా 90 పరుగులు కావాలి.భారత్‌​ నాలుగో వికెట్‌ డౌన్‌..144 పరుగుల వద్ద టీమిండియా నాలుగో వికెట్‌ కోల్పోయింది. 8 పరుగులు చేసిన అక్షర్‌ పటేల్‌.. రిషాద్ హొస్సేన్ బౌలింగ్‌లో రిటర్న్‌ క్యాచ్‌ ఇచ్చి ఔటయ్యాడు. క్రీజులోకి కేఎల్‌ రాహుల్‌ వచ్చాడు. భారత్‌ విజయానికి ఇంకా 85 పరుగులు కావాలి.మూడో వికెట్‌​ డౌన్‌..134 పరుగుల వద్ద టీమిండియా మూడో వికెట్‌ కోల్పోయింది. 15 పరుగులు చేసిన శ్రేయస్‌ అయ్యర్‌.. ముస్తఫిజుర్‌ రెహ్మాన్‌ బౌలింగ్‌లో ఔటయ్యాడు. క్రీజులో శుబ్‌మన్‌ గిల్‌(56), అక్షర్‌ పటేల్‌(3) పరుగులతో ఉన్నారు. భారత విజయానికి ఇంకా 90 పరుగులు కావాలి.విరాట్‌ కోహ్లి ఔట్‌..టీమిండియా విరాట్‌ కోహ్లి రూపంలో రెండో వికెట్‌ కోల్పోయింది. 22 పరుగులు చేసిన విరాట్‌ కోహ్లి.. రిషాద్ హొస్సేన్ బౌలింగ్‌లో పెవిలియన్‌కు చేరాడు. క్రీజులోకి శ్రేయస్‌ అయ్యర్‌ వచ్చాడు. 24 ఓవర్లకు భారత్‌ స్కోర్‌: 118/2ఆచితూచి ఆడుతున్న గిల్‌-కోహ్లిరోహిత్ శర్మ ఔట‌య్యాక భార‌త బ్యాట‌ర్లు విరాట్ కోహ్లి(13), శుబ్‌మ‌న్ గిల్‌(41) ఆచితూచి ఆడుతున్నారు. 19 ఓవ‌ర్లు ముగిసే స‌రికి టీమిండియా వికెట్ న‌ష్టానికి 97 ప‌రుగులు చేసింది.టీమిండియా తొలి వికెట్‌ డౌన్‌..69 పరుగుల వద్ద టీమిండియా తొలి వికెట్‌ కోల్పోయింది. 41 పరుగులు చేసిన కెప్టెన్‌ రోహిత్‌ శర్మ.. టాస్కిన్‌ ఆహ్మద్‌ బౌలింగ్‌లో ఔటయ్యాడు. క్రీజులోకి విరాట్‌ కోహ్లి వచ్చాడు. 10 ఓవర్లు ముగిసే సరికి భారత్‌ స్కోర్‌: 69/1దూకుడుగా ఆడుతున్న రోహిత్‌, గిల్‌..229 పరుగుల లక్ష్యంతో బరిలోకి దిగిన టీమిండియా దూకుడుగా ఆడుతోంది. 7 ఓవర్లు ముగిసే సరికి భారత్‌ వికెట్‌ నష్టపోకుండా 45 పరుగులు చేసింది. క్రీజులో రోహిత్‌ శర్మ(27), శుబ్‌మన్‌ గిల్‌(13) ఉన్నారు.ఐదేసిన షమీ.. బంగ్లాదేశ్‌ 228 ఆలౌట్‌ఛాంపియన్స్‌ ట్రోఫీలో భాగంగా బంగ్లాదేశ్‌తో జరుగుతున్న మ్యాచ్‌లో టీమిండియా బౌలర్లు చెలరేగిపోయాడు. భారత బౌలర్ల ధాటికి టాస్‌ గెలిచి తొలుత బ్యాటింగ్‌ చేసిన బంగ్లాదేశ్‌ 49.4 ఓవర్లలో 228 పరుగులకు ఆలౌటైంది. మొహమ్మద్‌ షమీ ఐదు వికెట్లు తీసి బంగ్లా పతనాన్ని శాశించాడు. హర్షిత్‌ రాణా 3, అక్షర్‌ పటేల్‌ 2 వికెట్లు తీశారు. ఈ మ్యాచ్‌లో బంగ్లాదేశ్‌ ఈ మాత్రం స్కోరైన సాధించిందంటే అది తౌహిద్‌ హృదోయ్‌ (100), జాకిర్‌ అలీ (68) చలువే. 35 పరుగులకే సగం వికెట్లు కోల్పోయిన బంగ్లాదేశ్‌ను వీరిద్దరూ ఆదుకున్నారు. బంగ్లా ఇన్నింగ్స్‌లో వీరిద్దరూ మినహా ఎవరూ రాణించలేదు. ఈ మ్యాచ్‌లో షమీ 200 వికెట్ల క్లబ్‌లో చేరాడు. రోహిత్‌ శర్మ సునాయాసమైన క్యాచ్‌ వదిలేయడంతో అక్షర్‌ పటేల్‌కు హ్యాట్రిక్‌ మిస్‌ అయ్యింది. తొమ్మిదో వికెట్‌ కోల్పోయిన బంగ్లాదేశ్‌.. ఐదు వికెట్లు తీసిన షమీతౌహిద్‌ హృదోయ్‌ సూపర్‌ సెంచరీజట్టు పీకల్లోతు కష్టాల్లో ఉన్నప్పుడు బరిలోకి దిగిన తౌహిద్‌ హృదోయ్‌.. అద్భుతమైన పోరాటపటిమ కనబర్చి సూపర్‌ సెంచరీ చేశాడు. కండరాల సమస్యతో బాధపడుతూనే హృదోయ్‌ ఇన్నింగ్స్‌ను కొనసాగిస్తున్నాడు. నాలుగో వికెట్ తీసిన షమీఈ మ్యాచ్‌లో షమీ ఖాతాలో నాలుగో వికెట్‌ పడింది. షమీ.. తంజిమ్‌ హసన్‌ (0)ను క్లీన్‌ బౌల్డ్‌ చేశాడు. 47 ఓవర్ల తర్వాత బంగ్లాదేశ్‌ స్కోర్‌ 221/8గా ఉంది. తౌహిద్‌ హృదోయ్‌ (96) , తస్కిన్‌ అహ్మద్‌ (1) క్రీజ్‌లో ఉన్నారు. ఈ మ్యాచ్‌లో సూపర్‌గా బ్యాటింగ్‌ చేస్తున్న హృదోయ్‌ కండరాలు పట్టేయడంతో బ్యాటింగ్‌ చేసేందుకు ఇబ్బంది పడుతున్నాడు.ఏడో వికెట్‌ కోల్పోయిన బంగ్లాదేశ్‌214 పరుగుల వద్ద బంగ్లాదేశ్‌ ఏడో వికెట్‌ కోల్పోయింది. హర్షిత్‌ రాణా బౌలింగ్‌లో హార్దిక్‌ పాండ్యాకు క్యాచ్‌ ఇచ్చి రిషద్‌ హొసేన్‌ (18) ఔటయ్యాడు.ఆరో వికెట్‌ కోల్పోయిన బంగ్లాదేశ్‌హృదోయ్‌, జాకిర్‌ అలీ మధ్య భాగస్వామ్యానికి ఎట్టకేలకు తెరపడింది. జాకిర్‌ అలీని (68) షమీ ఔట్‌ చేశాడు. 189 పరుగుల వద్ద (42.4 ఓవర్లు) బంగ్లాదేశ్‌ ఆరో వికెట్‌ కోల్పోయింది. తౌహిద్‌ హృదోయ్‌ (84), రిషద్‌ హొసేన్‌ క్రీజ్‌లో ఉన్నారు. హాఫ్‌ సెంచరీలు పూర్తి చేసుకున్న జాకిర్‌ అలీ, హృదోయ్‌బంగ్లా మిడిలార్డర్‌ బ్యాటర్లు తౌహిద్‌ హృదోయ్‌, జాకిర్‌ అలీ హాఫ్‌ సెంచరీలు పూర్తి చేసుకున్నారు.35 పరుగులకే సగం వికెట్లు కోల్పోయిన బంగ్లాదేశ్‌ను వీరిద్దరూ ఆదుకున్నారు. ప్రస్తుతం జాకిర్‌ అలీ 54, హృదోయ్‌ 61 పరుగులతో క్రీజ్‌లో ఉన్నారు. 37.3 ఓవర్ల తర్వాత బంగ్లాదేశ్‌ స్కోర్‌ 150/5గా ఉంది. 31 ఓవర్ల అనంతరం బంగ్లాదేశ్‌ స్కోర్‌ 113/5తౌహిద్‌ హృదోయ్‌ (37), జాకిర్‌ అలీ (41) జాగ్రత్తగా ఆడుతూ బంగ్లాదేశ్‌ను గౌరవప్రదమైన స్కోర్‌ దిశగా తీసుకెళ్తున్నారు. వీరిద్దరు ఆరో వికెట్‌కు అజేయమైన 78 పరుగులు జోడించారు. 31 ఓవర్ల అనంతరం బంగ్లాదేశ్‌ స్కోర్‌ 113/5గా ఉంది.25 ఓవర్ల అనంతరం బంగ్లాదేశ్‌ స్కోర్‌ 92/535 పరుగులకే ఐదు వికెట్లు కోల్పోయిన బంగ్లాదేశ్‌ మరో వికెట్‌ పడకుంగా జాగ్రత్తగా ఆడుతుంది.25 ఓవర్ల అనంతరం ఆ జట్టు స్కోర్‌ 92/5గా ఉంది. తౌహిద్‌ హృదోయ్‌, జాకిర్‌ అలీ తలో 29 పరుగులు చేసి క్రీజ్‌లో ఉన్నారు. హ్యాట్రిక్‌ మిస్‌అక్షర్‌ పటేల్‌కు హ్యాట్రిక్‌ మిస్‌ అయ్యింది. తొమ్మిదో ఓవర్‌లో వరుసగా 2, 3 బంతులకు వికెట్లు తీసిన అక్షర్‌.. నాలుగో బంతికి కూడా వికెట్‌ తీయాల్సింది. జాకిర్‌ అలీ ఇచ్చిన లడ్డూ లాంటి క్యాచ్‌కు రోహిత్‌ శర్మ మిస్‌ కావడంతో అక్షర్‌ హ్యాట్రిక్‌ తీసే సువర్ణావకాశాన్ని కోల్పోయాడు. 9 ఓవర్ల తర్వాత బంగ్లాదేశ్‌ స్కోర్‌ 36/5గా ఉంది. తౌహిద్‌ హృదోయ్‌ (4), జాకిర్‌ అలీ (1) క్రీజ్‌లో ఉన్నారు.వరుస బంతుల్లో వికెట్లు తీసిన అక్షర్‌.. పీకల్లోతు కష్టాల్లో బంగ్లాదేశ్‌ఇన్నింగ్స్‌ తొమ్మిదో ఓవర్‌లో అక్షర్‌ పటేల్‌ వరుస బంతుల్లో (2, 3) వికెట్లు తీశాడు. తొలుత తంజిద్‌కు పెవిలియన్‌కు పంపిన అక్షర్‌.. ఆతర్వాతి బంతికే ముష్ఫికర్‌కు ఔట్‌ చేశాడు.నాలుగో వికెట్‌ కోల్పోయిన బంగ్లాదేశ్‌35 పరుగుల వద్ద బంగ్లాదేశ్‌ నాలుగో వికెట్‌ కోల్పోయింది. అక్షర్‌ పటేల్‌ బౌలింగ్‌లో వికెట్‌కీపర్‌ కేఎల్‌ రాహుల్‌ అద్భుతమైన క్యాచ్‌ పట్టడంతో తంజిద్‌ హసన్‌ (25) పెవిలియన్‌ బాట పట్టాడు. మళ్లీ వికెట్‌ తీసిన షమీ.. మూడో వికెట్‌ కోల్పోయిన బంగ్లాదేశ్‌బంగ్లాదేశ్‌ జట్టు 26 పరుగులకే మూడు వికెట్లు కోల్పోయింది. ఇన్నింగ్స్‌ ఏడో ఓవర్‌లో షమీ తన రెండో వికెట్‌ తీశాడు. స్లిప్స్‌లో శుభ్‌మన్‌ గిల్‌ అద్భుతమైన క్యాచ్‌ పట్టడంతో మెహిది హసన్‌ మిరాజ్‌ (5) పెవిలియన్‌కు చేరాడు. 6.2 ఓవర్ల అనంతరం బంగ్లా స్కోర్‌ 26/3గా ఉంది. తంజిద్‌ హసన్‌ (20) ధాటిగా ఆడుతున్నాడు. తౌహిద్‌ హృదోయ్‌ కొత్తగా క్రీజ్‌లోకి వచ్చాడు.రెండో ఓవర్‌లో మరో వికెట్‌బంగ్లాదేశ్‌ జట్టు రెండో ఓవర్‌లో మరో వికెట్‌ కోల్పోయింది. హర్షిత్‌ రాణా బౌలింగ్‌లో విరాట్‌ కోహ్లికి క్యాచ్‌ ఇచ్చి నజ్ముల్‌ హసన్‌ షాంటో డకౌటయ్యాడు. బంగ్లా ఖాతాలో ప్రస్తుతం 2 పరుగులకే ఉన్నాయి. తొలి ఓవర్‌లోనే వికెట్‌ తీసిన షమీటాస్‌ గెలిచి తొలుత బ్యాటింగ్‌ ఎంచుకున్న బంగ్లాదేశ్‌ తొలి ఓవర్‌లోనే వికెట్‌ కోల్పోయింది. షమీ బౌలింగ్‌లో వికెట్‌కీపర్‌ కేఎల్‌ రాహుల్‌ క్యాచ్‌ పట్టడంతో సౌమ్య సర్కార్‌ డకౌటయ్యాడు. ఛాంపియన్స్‌ ట్రోఫీ-2025లో భాగంగా ఇవాళ (ఫిబ్రవరి 20) భారత్‌, బంగ్లాదేశ్‌ మ్యాచ్‌ జరుగుతుంది దుబాయ్‌ వేదికగా జరిగే ఈ మ్యాచ్‌లో బంగ్లాదేశ్‌ టాస్‌ గెలిచి తొలుత బ్యాటింగ్‌ ఎంచుకుంది. ఈ మ్యాచ్‌లో భారత్‌ ముగ్గురు స్పిన్నర్లతో (అక్షర్‌ పటేల్‌, రవీంద్ర జడేజా, కుల్దీప్‌ యాదవ్‌) బరిలోకి దిగుతుంది. అర్షదీప్‌ స్థానంలో షమీ రీఎంట్రీ ఇస్తున్నాడు. షమీకి జతగా హర్షిత్‌ రాణా బరిలోకి దిగుతున్నాడు. వికెట్‌కీపర్‌ బ్యాటర్‌గా కేఎల్‌ రాహుల్‌ కొనసాగుతున్నాడు. మిస్టరీ స్నిన్నర్‌ వరుణ్‌ చక్రవర్తికి తుది జట్టులో చోటు దక్కలేదు. మరోవైపు బంగ్లాదేశ్‌ సైతం ఈ మ్యాచ్‌లో ముగ్గురు స్పిన్నర్లతోనే బరిలోకి దిగుతుంది.తుది జట్లు..బంగ్లాదేశ్: తంజిద్ హసన్, సౌమ్య సర్కార్, నజ్ముల్ హొస్సేన్ శాంటో(కెప్టెన్‌), తౌహిద్ హృదయ్, ముష్ఫికర్ రహీమ్(వికెట్‌కీపర్‌), మెహిదీ హసన్ మిరాజ్, జాకర్ అలీ, రిషాద్ హొస్సేన్, తంజిమ్ హసన్ సకీబ్, తస్కిన్ అహ్మద్, ముస్తాఫిజుర్ రహ్మన్‌భారత్: రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్(వికెట్‌కీపర్‌), హార్దిక్ పాండ్యా, అక్షర్ పటేల్, రవీంద్ర జడేజా, హర్షిత్ రాణా, మహమ్మద్ షమీ, కుల్దీప్ యాదవ్

ఛాంపియన్స్‌ ట్రోఫీ-2025లో భారత్ ఇవాళ (ఫిబ్రవరి 20) తమ తొలి మ్యాచ్‌ ఆడుతుంది. దుబాయ్‌లో జరిగే ఈ మ్యాచ్‌లో టీమిండియా.. బంగ్లాదేశ్‌తో తలపడుతుంది. ఈ మ్యాచ్‌ మధ్యాహ్నం 2:30 గంటలకు ప్రారంభమవుతుంది. ఈ మ్యాచ్‌కు ముందు టీమిండియా కెప్టెన్‌ రోహిత్‌ శర్మను పలు భారీ రికార్డులు ఊరిస్తున్నాయి.ఈ మ్యాచ్‌లో హిట్‌మ్యాన్‌ మరో 12 పరుగులు చేస్తే.. వన్డేల్లో 11,000 పరుగులు పూర్తి చేసిన నాలుగో భారత బ్యాటర్‌గా, ప్రపంచంలో 10వ ఆటగాడిగా రికార్డు నెలకొల్పుతాడు. 2007 జూన్ 23న బెల్‌ఫాస్ట్ లో ఐర్లాండ్‌తో జరిగిన మ్యాచ్ ద్వారా వన్డేల్లోకి ఎంట్రీ ఇచ్చిన రోహిత్‌.. ఇప్పటివరకు 268 మ్యాచ్‌లు ఆడి 10,988 పరుగులు చేశాడు.వన్డేల్లో 11000 పరుగులు పూర్తి చేసిన ఆటగాళ్లు..సచిన్ టెండూల్కర్ (భారత్‌)- 18,426కుమార్ సంగక్కర (శ్రీలంక)- 14,234విరాట్ కోహ్లీ (భారత్)- 13,963రికీ పాంటింగ్ (ఆస్ట్రేలియా)-13,704సనత్ జయసూర్య (శ్రీలంక)- 13,430మహేల జయవర్ధనే (శ్రీలంక)- 12,650ఇంజమామ్-ఉల్-హక్ (పాకిస్థాన్)- 11,739జాక్వెస్ కలిస్ (దక్షిణాఫ్రికా)- 11,579సౌరవ్ గంగూలీ (భారత్‌)- 11,363ఈ మ్యాచ్‌లో రోహిత్‌ 11000 పరుగులు పూర్తి చేస్తే మరో రికార్డు కూడా తన ఖాతాలో వేసకుంటాడు. సహచరుడు విరాట్ కోహ్లీ తర్వాత ప్రపంచంలో అత్యంత వేగంగా 11000 వన్డే పరుగులు పూర్తి చేసిన రెండో ప్లేయ‌ర్‌గా రికార్డుకెక్కుతాడు. విరాట్‌ 222 ఇన్నింగ్స్‌ల్లో ఈ మైలురాయిని తాకగా.. రోహిత్‌కు 260వ ఇన్నింగ్స్‌లో 11000 పరుగులు పూర్తి చేసే అవకాశం వచ్చింది.వన్డేల్లో అత్యంత వేగంగా 11000 పరుగులు పూర్తి చేసిన ఆటగాళ్లు..విరాట్ కోహ్లీ (భారత్‌)- 222 ఇన్నింగ్స్‌లుసచిన్ టెండూల్కర్ (భారత్‌)- 276రికీ పాంటింగ్ (ఆస్ట్రేలియా)- 286సౌరవ్ గంగూలీ (భారత్‌)- 288జాక్వెస్ కలిస్ (దక్షిణాఫ్రికా)- 293 నేటి మ్యాచ్‌లో రోహిత్‌ సెంచరీ చేస్తే.. అంతర్జాతీయ క్రికెట్‌లో 50 సెంచరీలు పూర్తి చేసిన మూడో భారతీయ ఆట‌గాడిగా, ప్రపంచంలో 10వ క్రికటర్‌గా రికార్డుల్లోకెక్కుతాడు. రోహిత్‌ ఇప్పటివరకు మూడు ఫార్మాట్లలో కలిపి 49 సెంచరీలు చేశాడు.అంతర్జాతీయ క్రికెట్‌లో అత్యధిక సెంచ‌రీలు చేసిన ఆట‌గాళ్లు..సచిన్ టెండూల్కర్ (భారత్‌)- 100విరాట్ కోహ్లీ (భారత్‌)- 81రికీ పాంటింగ్ (ఆస్ట్రేలియా)- 71కుమార్ సంగక్కర (శ్రీలంక)- 63జాక్వెస్ కల్లిస్ (దక్షిణాఫ్రికా)- 62హషీమ్ ఆమ్లా (దక్షిణాఫ్రికా)- 55మహేల జయవర్ధనే (శ్రీలంక)- 54బ్రియాన్ లారా (వెస్టిండీస్)- 53జో రూట్ (ఇంగ్లాండ్)- 52రోహిత్ శర్మ (భారత్‌)- 49ఇవాళ జరుగబోయే మ్యాచ్‌లో టీమిండియా గెలిస్తే.. కెప్టెన్‌గా రోహిత్‌ ఖాతాలో ఓ అరుదైన రికార్డు వచ్చి చేరుతుంది. నేటి మ్యాచ్‌లో భారత్‌ విజయం సాధిస్తే..రోహిత్‌ ఖాతాలో 100 అంతర్జాతీయ విజయాలు నమోదవుతాయి. తద్వారా ఈ ఘనత సాధించిన నాలుగో భారత కెప్టెన్‌గా రోహిత్‌ రికార్డుల్లోకెక్కుతాడు. రోహిత్‌ ఇప్పటివరకు అన్ని ఫార్మాట్లలో 99 విజయాలు (137 మ్యాచ్‌ల్లో) సాధించాడు.అంతర్జాతీయ క్రికెట్‌లో అత్యధిక విజయాలు సాధించిన భారత కెప్టెన్లు..ఎంఎస్ ధోనీ- 179విరాట్ కోహ్లీ- 137మొహమ్మద్ అజారుద్దీన్- 104రోహిత్ శర్మ- 99సౌరవ్ గంగూలీ- 97నేటి మ్యాచ్‌లో రోహిత్‌ 14 సిక్స‌ర్లు కొడితే వ‌న్డేల్లో అత్య‌ధిక సిక్స్‌లు బాదిన ఆట‌గాడిగా చరిత్ర సృస్టిస్తాడు. ప్ర‌స్తుతం పాక్‌ మాజీ ఆటగాడు షాహిద్‌ అఫ్రిది (398 మ్యాచ్‌ల్లో 351 సిక్సర్లు) పేరిట ఈ రికార్డు ఉంది. రోహిత్ ఇప్పటివరకు 268 మ్యాచ్‌ల్లో 338 సిక్సర్లు బాదాడు.

స్వదేశంలో జరుగుతున్న ఛాంపియన్స్‌ ట్రోఫీలో పాకిస్తాన్‌కు చేదు ఆరంభం లభించింది. న్యూజిలాండ్‌తో జరిగిన తొలి మ్యాచ్‌లో పాక్‌ చిత్తుగా ఓడింది. ఓటమి బాధలో ఉన్న పాక్‌కు మరో ఎదురుదెబ్బ తగిలింది. ఫీల్డింగ్‌ చేస్తుండగా గాయపడిన ఫకర్‌ జమాన్‌ భారత్‌తో జరుగబోయే కీలక మ్యాచ్‌కు దూరమయ్యాడు. జమాన్‌కు ప్రత్యామ్నాయంగా ఇమామ్‌ ఉల్‌ హాక్‌ పేరును ప్రకటించింది పాకిస్తాన్‌ క్రికెట్‌ బోర్డు. భారత్‌తో మ్యాచ్‌కు జమాన్‌ దూరం కావడం పాక్‌కు పెద్ద ఎదురుదెబ్బగా పరిగణించబడుతుంది. ఈ టోర్నీలో పాక్‌ సెమీస్‌కు చేరాలంటే భారత్‌తో సహా బంగ్లాదేశ్‌తో జరిగే మ్యాచ్‌ల్లో విజయాలు సాధించాల్సి ఉంది.గాయపడినా బరిలోకి దిగిన జమాన్‌న్యూజిలాండ్‌తో మ్యాచ్‌లో ఫీల్డింగ్‌ సందర్భంగా గాయపడిన ఫకర్‌ జమాన్‌.. ఆతర్వాత కొద్ది సేపు రెస్ట్‌ తీసుకుని బ్యాటింగ్‌కు దిగాడు. అయితే జమాన్‌ తన రెగ్యులర్‌ ఓపెనింగ్‌ స్థానంలో కాకుండా నాలుగో స్థానంలో బరిలోకి దిగాడు. బ్యాటింగ్‌ చేస్తున్నంత సేపు జమాన్‌ చాలా ఇబ్బందిపడ్డాడు. 41 బంతుల్లో 4 ఫోర్ల సాయంతో 24 పరుగులు చేసిన అనంతరం బ్రేస్‌వెల్‌ బౌలింగ్‌లో క్లీన్‌ బౌల్డ్‌ అయ్యాడు. జమాన్‌.. ఛాతీలో కండకాల నొప్పితో బాధపడుతున్నట్లు పాక్‌ క్రికెట్‌ బోర్డు వెల్లడించింది. జమాన్‌.. భారత్‌తో మ్యాచ్‌కు మాత్రమే దూరంగా ఉంటాడా, లేక టోర్నీ మొత్తానికి దూరమయ్యాడా అన్న విషయంపై క్లారిటీ లేదు.ఇదిలా ఉంటే, న్యూజిలాండ్‌తో జరిగిన మ్యాచ్‌లో పాకిస్తాన్‌ 60 పరుగుల తేడాతో పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌.. ఓపెనర్‌ విల్‌ యంగ్‌ (107), వికెట్‌కీపర్‌ టామ్‌ లాథమ్‌ (118 నాటౌట్‌) సెంచరీలతో కదంతొక్కడంతో నిర్ణీత 50 ఓవర్లలో 5 వికెట్ల నష్టానికి 320 పరుగుల భారీ స్కోర్‌ చేసింది. న్యూజిలాండ్‌ ఇన్నింగ్స్‌లో డెవాన్‌ కాన్వే (10), కేన్‌ విలియమ్సన్‌ (1), డారిల్‌ మిచెల్‌ (10) తక్కువ స్కోర్లకే ఔటయ్యాడు. ఇన్నింగ్స్‌ చివర్లో గ్లెన్‌ ఫిలిప్స్‌ (39 బంతుల్లో 61; 3 ఫోర్లు, 4 సిక్సర్లు) సుడిగాలి ఇన్నింగ్స్‌ ఆడాడు. పాక్‌ బౌలర్లలో నసీం షా, హరీస్‌ రౌఫ్‌ తలో రెండు వికెట్లు పడగొట్టగా.. అబ్రార్‌ అహ్మద్‌ ఓ వికెట్‌ దక్కించుకున్నాడు. ఈ మ్యాచ్‌లో పాక్‌ పేసర్లు ధారాళంగా పరుగులు సమర్పించుకున్నారు. రౌఫ్‌ 10 ఓవర్లలో ఏకంగా 83 పరుగులిచ్చాడు.అనంతరం భారీ లక్ష్యాన్ని ఛేదించేందుకు బరిలోకి దిగిన పాక్‌.. చాలా నిదానంగా బ్యాటింగ్‌ చేసింది. పాక్‌ ఏ దశలోనూ గెలవాలన్న ఆసక్తితో బ్యాటింగ్‌ చేయలేదు. బాబర్‌ ఆజమ్‌ (64) బ్యాటింగ్‌ నత్త నడకను తలపించింది. సౌద్‌ షకీల్‌ (6), కెప్టెన్‌ రిజ్వాన్‌ (3), తయ్యబ్‌ తాహిర్‌ (1) దారుణంగా విఫలమయ్యారు. ఖుష్దిల్‌ షా (69), సల్మాన్‌ అఘా (42) మెరుపు ఇన్నింగ్స్‌లు ఆడినా ఎలాంటి ప్రయోజనం లేకుండా పోయింది. అప్పటికే జరగాల్సి నష్టం జరిగిపోయింది. న్యూజిలాండ్‌ బౌలర్లు విలియమ్‌ ఓరూర్కీ (9-0-47-3), మిచెల్‌ సాంట్నర్‌ (10-0-663), మ్యాట్‌ హెన్రీ (7.2-1-25-2), బ్రేస్‌వెల్‌ (10-1-38-1) రెచ్చిపోవడంతో పాక్‌ 47.2 ఓవర్లలో 260 పరుగులకు ఆలౌటైంది. పాక్‌.. ఈ నెల 23న జరిగే తమ తదుపరి మ్యాచ్‌లో టీమిండియాను ఢీకొంటుంది. ఈ మ్యాచ్‌ దుబాయ్‌ వేదికగా జరుగుతుంది

దుబాయ్‌: చాంపియన్స్‌ ట్రోఫీలో భారత జట్టు పోరు నేటి నుంచి మొదలవుతోంది. గ్రూప్‌ ‘ఎ’లో భాగంగా జరిగే తమ తొలి మ్యాచ్‌లో గురువారం బంగ్లాదేశ్‌తో టీమిండియా తలపడుతుంది. బలాబలాలు, ఫామ్‌ పరంగా చూసుకుంటే రోహిత్‌ సేన ప్రత్యర్థికంటే ఎంతో బలంగా ఉంది. అయితే ఎప్పటిలాగే బంగ్లాదేశ్‌ తమ స్థాయికి మించిన ప్రదర్శన కనబర్చి సంచలనాన్ని ఆశిస్తోంది. బ్యాటింగ్‌తో పాటు స్పిన్‌ ప్రధాన బలంగా భారత్‌ బరిలోకి దిగుతుండగా... బంగ్లాదేశ్‌ తమ పేస్‌ బౌలింగ్‌పై ఆశలు పెట్టుకుంది. సమష్టిగా చెలరేగితే... భారత్‌ తుది జట్టు కూర్పు విషయంలో ఎలాంటి సందేహాలు లేవు. ఓపెనర్లుగా రోహిత్, గిల్‌ శుభారంభం అందిస్తే ఆ తర్వాత కోహ్లి దానిని కొనసాగించగలడు. ఇటీవల ఇంగ్లండ్‌తో చివరి వన్డేలో చక్కటి అర్ధసెంచరీ సాధించిన కోహ్లి భారీ ఇన్నింగ్స్‌ ఆడాలని పట్టుదలగా ఉన్నాడు. ఫామ్‌లో ఉన్న శ్రేయస్‌ అయ్యర్‌తో పాటు ఐదో స్థానంలో కేఎల్‌ రాహుల్‌ కూడా రాణిస్తే తిరుగుండదు. గత సిరీస్‌లో వరుస ప్రయోగాలతో రాహుల్‌ స్థానం పదే పదే మారింది. అయితే ఈసారి మాత్రం అతనికి అచ్చొచ్చిన ఐదో స్థానంలోనే ఆడించే అవకాశం ఉంది. పాండ్యా, జడేజా, అక్షర్‌ల ఆల్‌రౌండ్‌ నైపుణ్యం జట్టుకు అదనపు బలం.కుల్దీప్‌ చాలా కాలంగా చక్కటి ఆటతీరు కనబరుస్తున్నాడు. ముఖ్యంగా మధ్య ఓవర్లలో అతడిని ఎదుర్కోవడం ప్రత్యర్థులకు సవాల్‌. అనుభవజు్ఞడైన షమీతో పాటు అర్ష్ దీప్‌ ఆరంభంలో బంగ్లాదేశ్‌ను కట్టిపడేయగల సమర్థులు. బలహీన బ్యాటింగ్‌... తమ దేశపు స్టార్‌ ఆటగాడు షకీబ్‌ లేకుండా 2004 తర్వాత బంగ్లాదేశ్‌ తొలిసారి ఒక పెద్ద టోర్నీ ఆడుతోంది. లిటన్‌ దాస్‌ కూడా ఈ టోర్నీలో లేడు. అయితే ఇతర సీనియర్లు ముషి్ఫకర్, మహ్ముదుల్లా లాంటి ప్లేయర్లు మరోసారి జట్టు భారం మోయాల్సి ఉంది. యువ బ్యాటర్లలో తన్‌జీద్, తౌహీద్‌ ఇటీవల పెద్దగా ప్రభావం చూపలేదు.కెప్టెన్ నజు్మల్‌ చాలా కాలంగా ఫామ్‌లో లేడు. ఇలాంటి స్థితిలో ఈ బ్యాటింగ్‌ లైనప్‌ భారత బౌలింగ్‌ను ఏమాత్రం సమర్థంగా ఎదుర్కోగలదనేది సందేహమే. పేసర్లు ముస్తఫిజుర్, నాహిద్‌ రాణా, తస్కీన్‌ రాణించాలని జట్టు కోరుకుంటోంది. స్పిన్‌ ఆల్‌రౌండర్‌ మెహదీ మిరాజ్‌ కీలకం కానున్నాడు. తుది జట్లు (అంచనా): భారత్‌: రోహిత్‌ (కెప్టెన్‌), గిల్, కోహ్లి, శ్రేయస్, రాహుల్, పాండ్యా, జడేజా, అక్షర్, కుల్దీప్, షమీ, అర్ష్ దీప్‌. బంగ్లాదేశ్‌: నజు్మల్‌ (కెప్టెన్‌), తన్‌జీద్, సౌమ్య సర్కార్, తౌహీద్, ముషి్ఫకర్, మహ్ముదుల్లా, మెహదీ హసన్‌ మిరాజ్, రిషాద్, తస్కీన్, నాహిద్, ముస్తఫిజుర్‌.పిచ్, వాతావరణంఈ వేదికపై వన్డేలు అరుదుగా జరుగుతున్నాయి. దాదాపు అన్ని మ్యాచ్‌లలో తక్కువ స్కోర్లే నమోదయ్యాయి. నెమ్మదైన పిచ్‌పై స్పిన్నర్ల ప్రభావం ఖాయం. వర్ష సమస్య లేదు.41 భారత్, బంగ్లాదేశ్‌ మధ్య మొత్తం 41 వన్డేలు జరిగాయి. భారత్‌ 32 మ్యాచ్‌ల్లో...బంగ్లాదేశ్‌ 8 మ్యాచ్‌ల్లో నెగ్గాయి. ఒక మ్యాచ్‌ రద్దయింది. చాంపియన్స్‌ ట్రోఫీలో ఒకే ఒక్కసారి 2017 సెమీఫైనల్లో ఇరు జట్లు తలపడ్డాయి. భారత్‌ 9 వికెట్లతో ఘన విజయం సాధించింది.

కరాచీ: సొంతగడ్డపై డిఫెండింగ్‌ చాంపియన్‌గా అడుగు పెట్టిన పాకిస్తాన్‌ జట్టు పేలవమైన ఆటను ప్రదర్శించింది. అన్ని రంగాల్లో విఫలమైన ఆ జట్టు చాంపియన్స్‌ ట్రోఫీలో ఆడిన తొలి మ్యాచ్‌లోనే ఓటమిని మూటగట్టుకుంది. ఐదు రోజుల క్రితం ఇదే మైదానంలో ముక్కోణపు టోర్నీ ఫైనల్లో పాక్‌ను మట్టికరిపించిన న్యూజిలాండ్‌ దానిని పునరావృతం చేసింది. అన్ని రంగాల్లో ఆధిక్యం ప్రదర్శిస్తూ టోర్నీలో విజయంతో శుభారంభం చేసింది. బుధవారం జరిగిన గ్రూప్‌ ‘ఎ’ మ్యాచ్‌లో సాంట్నర్‌ సారథ్యంలోని కివీస్‌ 60 పరుగుల తేడాతో పాకిస్తాన్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన న్యూజిలాండ్‌ 50 ఓవర్లలో 5 వికెట్ల నష్టానికి 320 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ టామ్‌ లాథమ్‌ (104 బంతుల్లో 118 నాటౌట్‌; 10 ఫోర్లు, 3 సిక్స్‌లు), విల్‌ యంగ్‌ (113 బంతుల్లో 107; 12 ఫోర్లు, 1 సిక్స్‌) శతకాలతో చెలరేగారు. యంగ్, లాథమ్‌ నాలుగో వికెట్‌కు 118 పరుగులు జోడించారు. గ్లెన్‌ ఫిలిప్స్‌ (39 బంతుల్లో 61; 3 ఫోర్లు, 4 సిక్స్‌లు) దూకుడుగా ఆడాడు. లాథమ్, ఫిలిప్స్‌ ఐదో వికెట్‌కు 12.2 ఓవర్లలోనే 125 పరుగులు జత చేశారు. చివరి 10 ఓవర్లలో కివీస్‌ 113 పరుగులు సాధించింది. అనంతరం పాకిస్తాన్‌ 47.2 ఓవర్లలో 260 పరుగులకే ఆలౌటైంది. ఖుష్‌దిల్‌ షా (49 బంతుల్లో 69; 10 ఫోర్లు, 1 సిక్స్‌), బాబర్‌ ఆజమ్‌ (90 బంతుల్లో 64; 6 ఫోర్లు, 1 సిక్స్‌) అర్ధసెంచరీలు చేశారు. స్కోరు వివరాలు న్యూజిలాండ్‌ ఇన్నింగ్స్‌: యంగ్‌ (సి) (సబ్‌) ఫహీమ్‌ (బి) నసీమ్‌ 107; కాన్వే (బి) అబ్రార్‌ 10; విలియమ్సన్‌ (సి) రిజ్వాన్‌ (బి) నసీమ్‌ 1; మిచెల్‌ (సి) అఫ్రిది (బి) రవూఫ్‌ 10; లాథమ్‌ (నాటౌట్‌) 118; ఫిలిప్స్‌ (సి) ఫఖర్‌ (బి) రవూఫ్‌ 61; బ్రేస్‌వెల్‌ (నాటౌట్‌) 0; ఎక్స్‌ట్రాలు 13; మొత్తం (50 ఓవర్లలో 5 వికెట్లకు) 320. వికెట్ల పతనం: 1–39, 2–40, 3–73, 4–191, 5–316. బౌలింగ్‌: షాహిన్‌ అఫ్రిది 10–0–68–0, నసీమ్‌ 10–0–63–2, అబ్రార్‌ 10– 0–47–1, రవూఫ్‌ 10–0–83–2, ఖుష్‌దిల్‌ 7–0– 40–0, సల్మాన్‌ 3–0–15–0. పాకిస్తాన్‌ ఇన్నింగ్స్‌: షకీల్‌ (సి) హెన్రీ (బి) రూర్కే 6; బాబర్‌ ఆజమ్‌ (సి) విలియమ్సన్‌ (బి) సాంట్నర్‌ 64; రిజ్వాన్‌ (సి) ఫిలిప్స్‌ (బి) రూర్కే 3; ఫఖర్‌ (బి) బ్రేస్‌వెల్‌ 24; సల్మాన్‌ (సి) బ్రేస్‌వెల్‌ (బి) స్మిత్‌ 42; తాహిర్‌ (సి) విలియమ్సన్‌ (బి) సాంట్నర్‌ 1; ఖుష్‌దిల్‌ (సి) బ్రేస్‌వెల్‌ (బి) రూర్కే 69; అఫ్రిది (సి) లాథమ్‌ (సి) లాథమ్‌ (బి) హెన్రీ 14; నసీమ్‌ (బి) హెన్రీ 13; రవూఫ్‌ (సి) మిచెల్‌ (బి) సాంట్నర్‌ 19; అబ్రార్‌ (నాటౌట్‌) 0; ఎక్స్‌ట్రాలు 5; మొత్తం (47.2 ఓవర్లలో ఆలౌట్‌) 260. వికెట్ల పతనం: 1–8, 2–22, 3–69, 4–127, 5–128, 6–153, 7–200, 8–229, 9–260, 10–260. బౌలింగ్‌: హెన్రీ 7.2–1–25–2, రూర్కే 9–0–47–3, బ్రేస్‌వెల్‌ 10–1–38–1, ఫిలిప్స్‌ 9–0–63–0, సాంట్నర్‌ 10–0–66–3, స్మిత్‌ 2–0–20–1.

ఛాంపియన్స్‌ ట్రోఫీ-2025 పాకిస్తాన్‌, దుబాయ్‌ వేదికలుగా ఇవాల్టి నుంచి (ఫిబ్రవరి 19) ప్రారంభమవుతుంది. ఈ టోర్నీలో భారత్‌ ఆడే మ్యాచ్‌లు మినహా మిగతా మ్యాచ్‌లన్నీ పాకిస్తాన్‌లో జరుగుతాయి. భద్రతా కారణాల దృష్ట్యా భారత్‌ తమ మ్యాచ్‌లను పాక్‌లో ఆడటం లేదు. టీమిండియా మ్యాచ్‌లు దుబాయ్‌లో జరుగుతాయి.టోర్నీ తొలి మ్యాచ్‌లో డిఫెండింగ్‌ ఛాంపియన్‌ పాకిస్తాన్‌.. న్యూజిలాండ్‌ను ఢీకొంటుంది. ఈ మ్యాచ్‌ పాకిస్తాన్‌లోని కరాచీ స్టేడియంలో మధ్యాహ్నం 2:30 గంటలకు ప్రారంభమవుతుంది. ఛాంపియన్స్‌ ట్రోఫీలో ఇరు జట్ల బలాబలాలను పరిశీలిస్తే.. పాక్‌పై న్యూజిలాండ్‌కు సంపూర్ణ ఆధిక్యం ఉంది. ఈ టోర్నీలో ఇరు జట్లు ఇప్పటివరకు మూడు మ్యాచ్‌ల్లో తలపడగా.. మూడుసార్లు న్యూజిలాండే విజేతగా నిలిచింది.కెన్యా వేదికగా జరిగిన టోర్నీ రెండో ఎడిషన్‌లో (2000) పాకిస్తాన్‌, న్యూజిలాండ్‌ తొలిసారి తలపడ్డాయి. నాటి ఎడిషన్‌ సెమీఫైనల్లో ఈ రెండు జట్లు ఢీకొన్నాయి. ఆ మ్యాచ్‌లో న్యూజిలాండ్‌ 4 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన పాకిస్తాన్‌ 49.2 ఓవర్లలో 252 పరుగులకు ఆలౌట్‌ కాగా.. న్యూజిలాండ్‌ 49 ఓవర్లలోనే 4 వికెట్లు కోల్పోయి లక్ష్యాన్ని ఛేదించింది. పాక్‌ తరఫున సయీద్‌ అన్వర్‌ (104) సెంచరీ చేసినప్పటికీ ఎలాంటి ఉపయోగం లేకుండా పోయింది. న్యూజిలాండ్‌ ఆటగాడు రోజర్‌ ట్వూస్‌ (87) మ్యాచ్‌ విన్నింగ్‌ ఇన్నింగ్స్‌ ఆడాడు. సెమీస్‌లో పాక్‌పై విజయం సాధించిన న్యూజిలాండ్‌.. ఆతర్వాత ఫైనల్లో భారత్‌పై కూడా గెలుపొంది తమ తొలి ఐసీసీ ట్రోఫీని కైవసం చేసుకుంది.ఆతర్వాత భారత్‌లో జరిగిన 2006 ఎడిషన్‌లో పాకిస్తాన్‌, న్యూజిలాండ్‌ జట్లు రెండోసారి తలపడ్డాయి. ఈసారి కూడా న్యూజిలాండ్‌దే పైచేయి. గ్రూప్‌ దశలో జరిగిన మ్యాచ్‌లో న్యూజిలాండ్‌ పాక్‌ను 51 పరుగుల తేడాతో మట్టికరిపించింది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ 50 ఓవర్లలో 7 వికెట్ల నష్టానికి 274 పరుగులు చేయగా.. ఛేదనలో తడబడిన పాక్‌ 46.3 ఓవర్లలో 223 పరుగులకే ఆలౌటైంది. న్యూజిలాండ్‌ తరఫున స్కాట్‌ స్టైరిస్‌ (86), పాక్‌ తరఫున మొహమ్మద్‌ యూసఫ్‌ (71) టాప్‌ స్కోరర్లుగా నిలిచారు.సౌతాఫ్రికాలో జరిగిన 2009 ఎడిషన్‌లో పాకిస్తాన్, న్యూజిలాండ్‌ జట్లు మూడో సారి తలపడ్డాయి. ముచ్చటగా మూడోసారి కూడా న్యూజిలాండే విజేతగా నిలిచింది. నాటి ఎడిషన్‌ సెమీఫైనల్లో ఈ ఇరు జట్లు తలపడగా.. న్యూజిలాండ్‌ 5 వికెట్ల తేడాతో విజయం సాధించింది. సెమీస్‌లో పాక్‌పై గెలుపుతో ఫైనల్‌కు చేరిన న్యూజిలాండ్‌.. ఫైనల్లో ఆసీస్‌ చేతిలో పరాజయంపాలైంది.ఛాంపియన్స్‌ ట్రోఫీలో పాక్‌పై ఘనమైన రికార్డు కలిగిన న్యూజిలాండ్‌ మరో విజయం సాధిస్తుందో లేక తొలి ఓటమిని మూటగట్టుకుంటుదో వేచి చూడాలి. ఛాంపియన్స​ ట్రోఫీ-2025లో న్యూజిలాండ్‌ జట్టు..మార్క్‌ చాప్‌మన్‌, విల్‌ యంగ్‌, కేన్‌ విలియమ్సన్‌, డారిల్‌ మిచెల్‌, మైఖేల్‌ బ్రేస్‌వెల్‌, గ్లెన్‌ ఫిలిప్స్‌, రచిన్‌ రవీంద్ర, మిచెల్‌ సాంట్నర్‌ (కెప్టెన్‌), నాథన్‌ స్మిత్‌, డెవాన్‌ కాన్వే, టామ్‌ లాథమ్‌, విలియమ్‌ ఓరూర్కీ, మ్యాట్‌ హెన్రీ, జేకబ్‌ డఫీ, కైల్‌ జేమీసన్‌పాకిస్తాన్‌ జట్టు..మహ్మద్ రిజ్వాన్ (కెప్టెన్‌), ఫఖర్ జమాన్, బాబర్ ఆజం, కమ్రాన్ గులాం, సల్మాన్ అఘా, తయ్యబ్ తాహిర్, ఖుష్దిల్ షా, ఫహీమ్ అష్రఫ్, షాహీన్ అఫ్రిది, నసీమ్ షా, అబ్రార్ అహ్మద్, హరీస్ రవూఫ్, మహ్మద్ హస్నైన్, ఉస్మాన్ ఖాన్, సౌద్ షకీల్

ఛాంపియన్స్‌ ట్రోఫీలో మరో వివాదం ఎలాంటి అనర్థాలకు దారి తీయకుండా సమసిపోయింది. మెగా టోర్నీ ప్రారంభానికి ముందు పాక్‌లోని కరాచీలో స్టేడియంలో భారత జెండా పెట్టకుండా పాకిస్తాన్‌ క్రికెట్‌ బోర్డు ఓవరాక్షన్‌ చేసింది. ఐసీసీ నిబంధనల ప్రకారం, ట్రోర్నీలో పాల్గొనే అన్ని జట్ల జాతీయ జెండాలను స్టేడియంలో ప్రదర్శించడం ఆనవాయతీ. అయితే, ఈ ఆనవాయితీని పాక్‌ క్రికెట్‌ బోర్డు తుంగలో తొక్కింది. భారత్‌ మినహా మిగతా దేశాల జాతీయ జెండాలన్నిటినీ కరాచీ స్టేడియం పైకప్పుపై ఎగరేసింది. ఈ విషయం పెద్దది కావడంతో ఐసీసీ జోక్యం చేసుకుంది. దీంతో పీసీబీ దిగొచ్చింది. టోర్నీ ప్రారంభానికి ఒక రోజు ముందు కరాచీలోని నేషనల్‌ స్టేడియంలో భారత జెండాను ప్రదర్శించింది. ఈ విషయం తెలిసి భారత అభిమానులు ఆనందం వ్యక్తం చేస్తున్నారు. ఐసీసీ ప్రమేయం లేకపోతే పీసీబీ ఇష్టానుసారంగా వ్యవహరించేదని అంటున్నారు. The Indian flag is present at National Bank Stadium Karachi ahead of the ICC Champions Trophy 2025. Via - @imransiddique89 #ChampionsTrophy2025 pic.twitter.com/NUa8Gh837B— Ahmad Haseeb (@iamAhmadhaseeb) February 18, 2025కాగా, ఇదే ఐసీసీ నిబంధనలను సాకుగా చూపుతూ పాక్‌ క్రికెట్‌ బోర్డు టీమిండియా జెర్సీలపై వారి దేశం పేరును ముద్రించుకుంది. ఇదిలా ఉంటే, ఛాంపియన్స్‌ ట్రోఫీ 2025 ఇవాల్టి నుంచి (ఫిబ్రవరి 19) ప్రారంభం కానున్న విషయం​ తెలిసిందే. ఈ టోర్నీలో భారత్‌ ఆడే మ్యాచ్‌లు మినహా మిగతా మ్యాచ్‌లకు పాక్‌ ఆతిథ్యం ఇస్తుంది. భద్రతా కారణాల రిత్యా భారత్‌ తమ మ్యాచ్‌లను దుబాయ్‌లో ఆడుతుంది. నేటి మ్యాచ్‌లో డిఫెండింగ్‌ ఛాంపియన్‌ పాకిస్తాన్‌.. న్యూజిలాండ్‌తో తలపడుతుంది. ఈ మ్యాచ్‌కు కరాచీలోని నేషనల్‌ స్టేడియం వేదిక కానుంది. ఈ మ్యాచ్‌ మధ్యాహ్నం 2:30 గంటలకు ప్రారంభమవుతుంది.రేపు (ఫిబ్రవరి 20) జరుగబోయే మ్యాచ్‌లో టీమిండియా.. బంగ్లాదేశ్‌తో తలపడుతుంది. అనంతరం ఫిబ్రవరి 23న భారత్‌, పాకిస్తాన్‌ మ్యాచ్‌ జరుగనుంది. మార్చి 2న టీమిండియా న్యూజిలాండ్‌తో ఫైనల్‌ గ్రూప్‌ స్టేజీ మ్యాచ్‌ ఆడుతుంది. ఈ టోర్నీలో భారత్‌, పాకిస్తాన్‌, న్యూజిలాండ్‌, బంగ్లాదేశ్‌ జట్లు గ్రూప్‌-ఏలో ఉండగా.. గ్రూప్‌-బిలో ఆస్ట్రేలియా, ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లు పోటీపడుతున్నాయి. ఛాంపియన్స్‌ ట్రోఫీలో భారత జట్టు..రోహిత్‌ శర్మ (కెప్టెన్‌), శుభ్‌మన్‌ గిల్‌ (వైస్‌ కెప్టెన్‌), విరాట్‌ కోహ్లి, శ్రేయస్‌ అయ్యర్‌, హార్దిక్‌ పాండ్యా, అక్షర్‌ పటేల్‌, రవీంద్ర జడేజా, వాషింగ్టన్‌ సుందర్‌, కేఎల్‌ రాహుల్‌, రిషబ్‌ పంత్‌, కుల్దీప్‌ యాదవ్‌, మొహమ్మద్‌ షమీ, అర్షదీప్‌ సింగ్‌, వరుణ్‌ చక్రవర్తి, హర్షిత్‌ రాణా

వన్డే క్రికెట్‌లో మరో ‘ప్రపంచ’ పోరుకు సమయం ఆసన్నమైంది. వరల్డ్‌ కప్‌ కాని వరల్డ్‌ కప్‌గా గుర్తింపు తెచ్చుకున్న చాంపియన్స్‌ ట్రోఫీలో సత్తా చాటేందుకు అన్ని జట్లూ సిద్ధమయ్యాయి. ప్రపంచ కప్‌తో పోలిస్తే తక్కువ జట్లతో టాప్‌–8తో పరిమితమైన ఈ ఐసీసీ టోర్నీలో జరగబోయే హోరాహోరీ సమరాలు ఆసక్తి రేపుతున్నాయి. దాదాపు మూడు దశాబ్దాల తర్వాత పాకిస్తాన్‌ ఒక ఐసీసీ టోర్నీకి వేదిక అవుతుండగా... భారత జట్టు పాకిస్తాన్‌ గడ్డపై ఆడకుండా దుబాయ్‌కే పరిమితమవుతోంది. ఎనిమిదేళ్ల క్రితం చివరిసారిగా నిర్వహించిన ఈ టోర్నీలో విజేతగా నిలిచిన పాక్‌ డిఫెండింగ్‌ చాంపియన్‌గా బరిలోకి దిగుతుండగా... రెండుసార్లు టైటిల్‌ సాధించిన భారత్‌ వన్డే వరల్డ్‌ కప్‌ ఫైనల్‌ ఓటమిని దాటి ఈ ఫార్మాట్‌లో మళ్లీ ‘చాంపియన్‌’ హోదా కోసం రెడీ అంటోంది. కరాచీ: ఐసీసీ 2017లో చాంపియన్స్‌ ట్రోఫీని ఇంగ్లండ్‌లో నిర్వహించింది. లెక్క ప్రకారం 2021లో తర్వాతి టోర్నీ జరగాల్సి ఉంది. అయితే అనూహ్యంగా కోవిడ్‌ కారణంగా ఐసీసీ అన్ని షెడ్యూల్‌లలో మార్పులు చేయాల్సి వచ్చింది. 2020లో జరగాల్సిన టి20 ప్రపంచ కప్‌ను తప్పనిసరి పరిస్థితుల్లో 2021కి మార్చారు. ఈ నేపథ్యంలో ఒకే ఏడాది రెండు ఐసీసీ టోర్నీల నిర్వహణ సాధ్యం కాదు కాబట్టి 2021 టోర్నీని పూర్తిగా రద్దు చేసేశారు. మరో నాలుగేళ్లకు ఇప్పుడు చాంపియన్స్‌ ట్రోఫీ నిర్వహణకు రంగం సిద్ధమైంది. 2023 వన్డే వరల్డ్‌ కప్‌లో తొలి 8 స్థానాల్లో నిలిచిన జట్లు దీనికి నేరుగా అర్హత సాధించాయి. దాంతో మాజీ చాంపియన్‌ శ్రీలంక దూరం కాగా... అసలు వరల్డ్‌ కప్‌ ప్రధాన పోటీలకే క్వాలిఫై కాని మరో మాజీ చాంపియన్‌ వెస్టిండీస్‌ కూడా ఈ టోర్నీలో కనిపించడం లేదు. అఫ్గానిస్తాన్‌ తొలిసారి చాంపియన్స్‌ ట్రోఫీ బరిలోకి దిగుతోంది. ఈ టోర్నీలో భాగంగా నాలుగు వేదికల్లో కలిపి మొత్తం 12 లీగ్‌ మ్యాచ్‌లు, రెండు సెమీఫైనల్స్, ఫైనల్‌ జరుగుతాయి. భారత్‌ ఆడే 3 లీగ్‌ మ్యాచ్‌లు మినహా మిగతా వాటికి పాకిస్తాన్‌ వేదిక కాగా... భారత్‌ తమ అన్ని మ్యాచ్‌లను దుబాయ్‌లోనే ఆడుతుంది. టీమిండియా సెమీఫైనల్, ఆపై ఫైనల్‌ చేరితే ఆ రెండు మ్యాచ్‌లూ దుబాయ్‌లోనే జరుగుతాయి. మరో సెమీఫైనల్‌కు మాత్రం పాక్‌ ఆతిథ్యమిస్తుంది. భారత్‌ ఫైనల్‌ చేరకపోతే మాత్రం టైటిల్‌ పోరును పాకిస్తాన్‌ గడ్డపైనే నిర్వహిస్తారు. ఏ జట్టు ఎలా ఉందంటే...» ఒక్కసారి కూడా టైటిల్‌ గెలవని ఇంగ్లండ్‌ జట్టు రెండు సార్లు ఫైనల్స్‌లో ఓడింది. గత కొంత కాలంగా పేలవ ప్రదర్శన కనబరుస్తోంది. తాము నమ్ముకున్న విధ్వంసక ఆట ఇప్పుడు ఏమాత్రం పనికి రాక కుప్పకూలిపోతోంది. బ్యాటింగ్‌లో రూట్, కెప్టెన్‌ బట్లర్, బ్రూక్‌ రాణించడం కీలకం. పేసర్లు ప్రభావం చూపలేకపోతుండగా... బలమైన స్పిన్నర్‌ జట్టులో లేడు. ఫామ్‌పరంగా వరల్డ్‌ కప్‌ తర్వాత 14 వన్డేలు ఆడితే 4 మాత్రమే గెలి చింది. వెస్టిండీస్, భారత్‌ల చేతిలో చిత్తయింది. » 2000లో తమ ఏకైక ఐసీసీ టోర్నీ నెగ్గిన న్యూజిలాండ్‌... 2009లో ఫైనల్‌ చేరింది. వైవిధ్యమైన ఆటగాళ్ల కూర్పుతో జట్టు ఇతర అన్ని టీమ్‌లకంటే మెరుగ్గా కనిపిస్తోంది. కాన్వే, రచిన్‌ రవీంద్ర, కేన్‌ విలియమ్సన్, లాథమ్‌లతో బ్యాటింగ్‌ బలంగా ఉండగా, కెప్టెన్‌ సాంట్నర్‌తో కలిపి ముగ్గురు స్పిన్నర్లు ప్రభావం చూపించగలరు. ఫెర్గూసన్‌ దూరం కావడం లోటే అయినా హెన్రీ పదునైన పేస్‌ కీలకం కానుంది. గత మూడు సిరీస్‌లలో రెండు గెలిచిన జట్టు... తాజాగా ముక్కోణపు టోర్నీ ఫైనల్లో పాక్‌ను ఓడించి విజేతగా నిలిచింది. » టోర్నీలో రెండుసార్లు విజేతగా నిలిచిన ఆ్రస్టేలియా గత రెండుసార్లు సెమీస్‌ కూడా చేరలేకపోయింది. ముగ్గురు ప్రధాన పేసర్లు కమిన్స్, స్టార్క్, హాజల్‌వుడ్‌ లేకుండా బరిలోకి దిగడం బౌలింగ్‌ను బలహీనపర్చింది. దాంతో బ్యాటింగ్‌పైనే భారం ఉంది. కెప్టెన్‌ స్మిత్, హెడ్, మ్యాక్స్‌వెల్‌ కీలకం కానున్నారు. పేసర్లు జాన్సన్, ఎలిస్‌లతో పాటు స్పిన్నర్‌ జంపా రాణించాల్సి ఉంది. 2023 వరల్డ్‌ కప్‌ తర్వాత ఇంగ్లండ్‌పై సిరీస్‌ గెలిచిన ఆసీస్‌... పాక్, శ్రీలంక చేతుల్లో ఓడింది.» తొలిసారి 1998లో జరిగిన టోర్నీలో విజేతగా నిలిచిన దక్షిణాఫ్రికా జట్టు ఆ తర్వాత నాలుగుసార్లు సెమీస్‌ చేరినా ముందంజ వేయలేకపోయింది. వరల్డ్‌ కప్‌ తర్వాత 14 మ్యాచ్‌లలో నాలుగే గెలిచినా... ఎక్కువసార్లు ద్వితీయ శ్రేణి జట్టే బరిలోకి దిగింది. కాబట్టి కీలక ఆటగాళ్లు రాణిస్తే సెమీస్‌ కచి్చతంగా చేరగలమని ఆశిస్తోంది. క్లాసెన్‌ అద్భుత ఫామ్‌లో ఉండగా... కెప్టెన్‌ బవుమా డసెన్, మార్క్‌రమ్‌ తమ వన్డే ఆటను ప్రదర్శించాల్సి ఉంది. రబడ మినహా బౌలింగ్‌లో పదును లేదు. » డిఫెండింగ్‌ చాంపియన్‌గా పాకిస్తాన్‌ బరిలోకి దిగుతోంది. గత టైటిల్‌ మినహా అంతకు ముందు పేలవ రికార్డు ఉంది. సొంతగడ్డపై జరుగుతుండటం పెద్ద సానుకూలత. ఫామ్‌లో లేకపోయినా ఇప్పటికీ బాబర్‌ ఆజమే కీలక బ్యాటర్‌. కెప్టెన్‌ రిజ్వాన్, ఫఖర్‌ జమాన్, సల్మాన్‌ ఆఘా ప్రత్యర్థి స్పిన్‌ను ఎలా ఆడతారనే దానిపైనే జట్టు అవకాశాలు ఉన్నాయి. సయీమ్‌ అయూబ్‌ దూరం కావడం ఇబ్బంది పెట్టే అంశం. షాహీన్, నసీమ్, రవూఫ్‌లతో బౌలింగ్‌ ఇప్పటికీ సమస్యే. అబ్రార్‌ నాణ్యమైన స్పిన్నర్‌ కాదు.» టోర్నీ చరిత్రలో బంగ్లాదేశ్‌ 12 మ్యాచ్‌లు ఆడితే గెలిచింది 2 మాత్రమే. ఇటీవల వరుసగా వెస్టిండీస్, అఫ్గానిస్తాన్‌ చేతుల్లో సిరీస్‌లు ఓడింది. చాలా కాలంగా చెప్పుకోదగ్గ ప్రదర్శన ఏమీ లేదు. అయితే టెస్టులు, టి20లతో పోలిస్తే వన్డేల్లో కాస్త మెరుగ్గా ఆడుతుండటంతో కొన్ని ఆశలు ఉన్నాయి. ముఖ్యంగా కొత్త తరం పేస్‌ బౌలర్లు తన్‌జీమ్, నాహిద్‌ చెప్పుకోదగ్గ రీతిలో ఆకట్టుకున్నారు. షకీబ్, తమీమ్‌ ఇక్బాల్‌ల తరాన్ని దాటి ఐసీసీ ఈవెంట్లో నజ్ముల్‌ సారథ్యంలోని బంగ్లాదేశ్‌ ఈసారి కాస్త కొత్తగా కనిపిస్తోంది. » అఫ్గానిస్తాన్‌ జట్టుకు ఇదే తొలి చాంపియన్స్‌ ట్రోఫీ. వరల్డ్‌ కప్‌లో టాప్‌–8లో నిలిచి అర్హత సాధించడంతోనే ఆ జట్టు ఎంత మెరుగైందో చెప్పవచ్చు. వరల్డ్‌ కప్‌ తర్వాత ఐదు సిరీస్‌లు ఆడితే నాలుగు గెలిచింది. టి20 వరల్డ్‌ కప్‌లో కూడా సెమీస్‌ చేరిన టీమ్‌ తాము ఎలాంటి జట్టునైనా ఓడించగలమనే నమ్మకాన్ని కలిగిస్తోంది. గుర్బాజ్, కెప్టెన్‌ హష్మతుల్లా, అజ్మతుల్లా బ్యాటింగ్‌లో ప్రధానం కాగా...బౌలింగ్‌లో రషీద్‌ పెద్ద బలం. సీనియర్లు నబీ, నైబ్‌లకు గెలిపించగల సామర్థ్యం ఉంది.

సాక్షి క్రీడా విభాగం: వన్డే వరల్డ్‌ కప్‌లో భారత జట్టు అద్భుత ప్రదర్శనతో సెమీఫైనల్‌ వరకు అజేయంగా తమ జైత్రయాత్రను కొనసాగించింది. వరుసగా పది విజయాలతో ఆల్‌టైమ్‌ గ్రేట్‌ వన్డే టీమ్‌లలో ఒకటిగా కనిపించింది. దురదృష్టవశాత్తూ ఫైనల్లో ఓడినా... ఇప్పుడు దాదాపు పదిహేను నెలల తర్వాత ఇదే ఫార్మాట్‌లో శిఖరాన నిలిచే అవకాశం మళ్లీ జట్టు ముందుకు వచ్చింది. ముఖ్యంగా వరల్డ్‌ కప్‌ టీమ్‌లో ఉన్న ఆటగాళ్లే దాదాపుగా ఈ మెగా టోర్నీలోనూ బరిలోకి దిగుతున్నారు. కాబట్టి చాంపియన్స్‌ ట్రోఫీ విజయం వారికి ప్రత్యేకంగా మారవచ్చు. ఫామ్‌పరంగా చూసినా ఇతర జట్లతో పోలిస్తే రోహిత్‌ సేననే బలంగా కనిపిస్తోంది. ఈ నేపథ్యంలో మూడోసారి మన జట్టు టైటిల్‌ కొడుతుందా అనేది ఆసక్తికరం.2017లో రన్నరప్‌గా నిలిచిన జట్టులోని ఐదుగురు ప్లేయర్లు ప్రస్తుత టీమ్‌లో భాగంగా ఉన్నారు. యూఏఈలో 2021 టి20 వరల్డ్‌ కప్‌లో సెమీస్‌ చేరడంలో విఫలమైన తర్వాత భారత్‌ ఇప్పుడు మళ్లీ ఇక్కడ ఐసీసీ టోర్నీలో బరిలో నిలిచింది. బ్యాటింగ్‌లో సత్తా ప్రదర్శిస్తే... టీమిండియా వన్డే బ్యాటింగ్‌ కూర్పు చాలా కాలంగా అనూహ్య మార్పులు లేకుండా నిలకడగా ఉంది. అదే జట్టుకు ప్రధాన బలం కూడా. రోహిత్, గిల్, కోహ్లి, అయ్యర్, కేఎల్‌ రాహుల్‌లతో టాప్‌–5 విషయంలో ఎలాంటి సమస్య లేదు. 2023 నుంచి చూస్తే వీరంతా కనీసం 1000 పరుగులు సాధించారు. ఇటీవల ఇంగ్లండ్‌తో సిరీస్‌లో రాణించడం కూడా సానుకూలాంశం. గిల్, అయ్యర్‌ చెలరేగిపోతుండగా ఫామ్‌ను అందుకున్న రోహిత్‌ సెంచరీతో సత్తా చాటాడు. కోహ్లి, రాహుల్‌ కూడా ఆకట్టుకున్నారు. ఆరు, ఏడు స్థానాల్లో ఆల్‌రౌండర్లు హార్దిక్‌ పాండ్యా, రవీంద్ర జడేజాల బ్యాటింగ్‌ మనకు ఎప్పుడూ అదనపు ప్రయోజనాన్ని అందించింది. వీరికి ఇప్పుడు అక్షర్‌ పటేల్‌ కూడా జత కలిశాడు. ఇటీవలి కాలంలో బ్యాటింగ్‌లో అక్షర్‌ అంచనాలకు మించి మెరుగై ఏ స్థానంలోనైనా ఆడి ఆకట్టుకుంటున్నాడు. రాహుల్‌ విఫలమైతే పంత్‌ రూపంలో తగిన ప్రత్యామ్నాయం కూడా అందుబాటులో ఉంది కాబట్టి బెంగ లేదు. పేసర్లు రాణిస్తారా... జస్‌ప్రీత్‌ బుమ్రా టోర్నీకి దూరం కావడం నిస్సందేహంగా జట్టుకు పెద్ద దెబ్బ. రవిశాస్త్రి చెప్పినట్లు అతని గైర్హాజరు జట్టు విజయావకాశాలపై తీవ్ర ప్రభావం చూపించవచ్చు. అయితే అందుబాటులో ఉన్నవారిలో షమీ ఆ స్థాయి బౌలర్‌. కానీ గాయం నుంచి కోలుకొని వచ్చిన అతను ఎంత వరకు తన అత్యుత్తమ ప్రదర్శన ఇవ్వగలడనేది చూడాలి. పెద్దగా అనుభవం లేని అర్‌‡్షదీప్, హర్షిత్‌ రాణా ఒత్తిడిని తట్టుకొని షమీకి అండగా నిలవడం అవసరం. హార్దిక్‌ పాండ్యా సత్తా చాటగలడు కాబట్టి మూడో పేసర్‌ బెంగ లేదు. ముగ్గురు ఖాయం! చాంపియన్స్‌ ట్రోఫీలో భారత్‌ గెలుపుపై ఆశలు రేపుతున్న కీలక విభాగం స్పిన్‌ బౌలింగే. మన మ్యాచ్‌లన్నీ దుబాయ్‌లో జరుగుతుండటం కచ్చితంగా సానుకూలాంశం. అందుకే టీమ్‌ ఐదుగురు స్పిన్నర్లతో సిద్ధమైంది. ఫిబ్రవరి 9 వరకు ఐఎల్‌టి20 మ్యాచ్‌ల నిర్వహణలో పిచ్‌లన్నీ నెమ్మదిగా మారిపోయాయి. 11 రోజుల వ్యవధిలో జీవం ఉన్న పిచ్‌లను తయారు చేయడం దాదాపు అసాధ్యం కాబట్టి ఇవన్నీ స్పిన్‌కు అనుకూలించవచ్చు.బౌలింగ్‌లో వైవిధ్యం ఉన్న మన స్పిన్నర్లు ఫామ్‌లో కూడా ఉన్నారు. వీరిని ఎదుర్కోవడం ప్రత్యర్థి బ్యాటర్లకు కష్టంగా మారిపోనుంది. ఆరేళ్లుగా ఇక్కడ పెద్ద జట్లేవీ వన్డేలు ఆడలేదు. అయితే 2018 నుంచి ఇక్కడ సగటు తొలి ఇన్నింగ్స్‌ స్కోరు 213 మాత్రమే. తక్కువ స్కోరింగ్‌ల మ్యాచ్‌లలో స్పిన్నర్లు ప్రభావం చూపడం ఖాయం. తుది జట్టులో కనీసం ముగ్గురిని జట్టు ఎంచుకుంటుంది. 2 చాంపియన్స్‌ ట్రోఫీలో రెండుసార్లు (2002, 2013)లలో విజేతగా నిలిచిన భారత్‌ మరో రెండుసార్లు (2000, 2017)లో ఫైనల్లో ఓడింది. 9 వరల్డ్‌ కప్‌ ఫైనల్‌ తర్వాత భారత్‌ 9 వన్డేలే ఆడింది. ఇందులో 5 గెలిచి 3 ఓడింది. ఒక మ్యాచ్‌ ‘టై’గా ముగిసింది. వీటిలో దక్షిణాఫ్రికా, ఇంగ్లండ్‌లపై సిరీస్‌ నెగ్గగా... శ్రీలంక చేతిలో సిరీస్‌ కోల్పోయింది.

ఛాంపియన్స్‌ ట్రోఫీ (Champions Trophy-2025) ప్రారంభానికి ముందు మరో పెద్ద వికెట్‌ పడింది. న్యూజిలాండ్‌ స్టార్‌ పేసర్‌ లోకీ ఫెర్గూసన్‌ (Lockie Ferguson) గాయం కారణంగా మెగా టోర్నీకి దూరమయ్యాడు. ఫెర్గూసన్‌ కుడికాలి పాదంపై గాయమైంది. ఫెర్గూసన్‌ ఛాంపియన్స్‌ ట్రోఫీలో పాల్గొనడంపై ముందు నుంచి అనుమానంగా ఉండింది. ప్రస్తుతం అదే నిజమైంది. ఫెర్గూసన్‌ ఛాంపియన్స్‌ ట్రోఫీ మొత్తానికి దూరం కానున్నాడని న్యూజిలాండ్‌ క్రికెట్‌ బోర్డు అధికారికంగా ప్రకటించింది. ఫెర్గూసన్‌కు రీప్లేస్‌మెంట్‌గా కైల్‌ జేమీసన్‌ను (Kyle Jamieson) ఎంపిక చేశారు న్యూజిలాండ్‌ సెలెక్టర్లు. గాయాల కారణంగా ఛాంపియన్స్‌ ట్రోఫీకి దూరమైన 11వ ప్లేయర్‌ ఫెర్గూసన్‌.ఇదివరకే స్టార్‌ ప్లేయర్లు పాట్‌ కమిన్స్‌, జోష్‌ హాజిల్‌వుడ్‌, జస్ప్రీత్‌ బుమ్రా, మిచెల్‌ స్టార్క్‌, అన్రిచ్‌ నోర్జే, గెరాల్డ్‌ కొయెట్జీ, సైమ్‌ అయూబ్‌, జేకబ్‌ బేతెల్‌, అల్లా ఘజన్‌ఫర్‌, బెన్‌ సియర్స్‌ గాయాల కారణంగా ఛాంపియన్స్‌ ట్రోఫీకి దూరమయ్యారు. స్టార్‌ ఆటగాళ్లు.. ముఖ్యంగా పేసర్లు దూరం కావడంతో మెగా టోర్నీ కళ తప్పే అవకాశముంది. ఛాంపియన్స్‌ ట్రోఫీకి ముందు గాయం బారిన పడిన రెండో ఆటగాడు ఫెర్గూసన్‌. కొద్ది రోజుల ముందు పేసర్‌ బెన్‌ సియర్స్‌ కూడా గాయం బారిన పడ్డాడు. అతని స్థానంలో జేకబ్‌ డఫీ జట్టులోకి వచ్చాడు. తాజాగా ఫెర్గూసన్‌ కూడా గాయపడటంతో న్యూజిలాండ్‌ పేస్‌ విభాగం బలహీనపడినట్లు కనిపిస్తుంది. ఆ జట్టు పేస్‌ విభాగంలో మ్యాట్‌ హెన్నీ ఒక్కడే అనుభవజ్ఞుడు.కాగా, ఛాంపియన్స్‌ ట్రోఫీ 2025 పాకిస్తాన్‌, దుబాయ్‌ వేదికలుగా ఈ నెల 19 నుంచి ప్రారంభం కానుంది. టోర్నీ తొలి మ్యాచ్‌లోనే న్యూజిలాండ్‌ పాకిస్తాన్‌తో తలపడనుంది. కరాచీలో ఈ మ్యాచ్‌ జరుగనుంది. ఛాంపియన్స్‌ ట్రోఫీలో భారత్‌ ఆడే మ్యాచ్‌లన్నీ దుబాయ్‌లో జరుగనుండగా.. మిగతా మ్యాచ్‌లు పాకిస్తాన్‌లో జరుగుతాయి. ఈ టోర్నీలో భారత్‌, పాకిస్తాన్‌, న్యూజిలాండ్‌, బంగ్లాదేశ్‌ జట్లు గ్రూప్‌-ఏలో ఉండగా.. గ్రూప్‌-బిలో ఆస్ట్రేలియా, ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లు పోటీపడుతున్నాయి.ఛాంపియన్స్‌ ట్రోఫీలో భారత్‌ తమ తొలి మ్యాచ్‌ను ఫిబ్రవరి 20న ఆడనుంది. తొలి మ్యాచ్‌లో టీమిండియా.. బంగ్లాదేశ్‌తో తలపడుతుంది. అనంతరం ఫిబ్రవరి 23న భారత్‌, పాకిస్తాన్‌ మ్యాచ్‌ జరుగనుంది. మార్చి 2న భారత్‌.. న్యూజిలాండ్‌తో తమ చివరి గ్రూప్‌ స్టేజీ మ్యాచ్‌ ఆడుతుంది.ఛాంపియన్స్‌ ట్రోఫీలో న్యూజిలాండ్‌ షెడ్యూల్‌..ఫిబ్రవరి 19న పాకిస్తాన్‌తోఫిబ్రవరి 24న బంగ్లాదేశ్‌తోమార్చి 2న టీమిండియాతోఛాంపియన్స్‌ ట్రోఫీ కోసం న్యూజిలాండ్‌ జట్టు..మార్క్‌ చాప్‌మన్‌, విల్‌ యంగ్‌, కేన్‌ విలియమ్సన్‌, డారిల్‌ మిచెల్‌, మైఖేల్‌ బ్రేస్‌వెల్‌, గ్లెన్‌ ఫిలిప్స్‌, రచిన్‌ రవీంద్ర, మిచెల్‌ సాంట్నర్‌ (కెప్టెన్‌), నాథన్‌ స్మిత్‌, డెవాన్‌ కాన్వే, టామ్‌ లాథమ్‌, విలియమ్‌ ఓరూర్కీ, మ్యాట్‌ హెన్రీ, జేకబ్‌ డఫీ, కైల్‌ జేమీసన్‌

ఛాంపియన్స్‌ ట్రోఫీ-2025 ప్రారంభానికి ముందు టీమిండియాకు భారీ షాక్‌ తగిలింది. తండ్రి హఠాన్మరణం కారణంగా భారత జట్టు బౌలింగ్‌ కోచ్‌ మోర్నీ మోర్కెల్‌ స్వదేశానికి వెళ్లిపోయాడు. మోర్కెల్‌.. టీమిండియాతో కలిసి ఫిబ్రవరి 15న భారత్‌ నుంచి దుబాయ్‌కు వచ్చాడు. ఫిబ్రవరి 16న తొలి ప్రాక్టీస్‌ సెషన్‌లో పాల్గొన్న మోర్నీ.. ఆతర్వాత తండ్రి మరణవార్త విని సౌతాఫ్రికాకు బయల్దేరాడు. మోర్నీ తిరిగి భారత బృందంతో ఎప్పుడు కలుస్తాడనే విషయంపై క్లారిటీ లేదు. మోర్నీ లేని లోటు టీమిండియా పేస్‌ విభాగంపై ప్రభావం చూపే అవకాశం ఉంది.40 ఏళ్ల మోర్నీ గతేడాది సెప్టెంబర్‌లో భారత పేస్‌ బౌలింగ్‌ కోచ్‌గా బాధ్యతలు చేపట్టాడు. మోర్నీ కోచ్‌గా బాధ్యతలు చేపట్టిన తర్వాత భారత పేస్‌ విభాగం మరింత పటిష్టమైంది. మోర్నీ అండర్‌లో బోర్డర్‌ గవాస్కర్‌ ట్రోఫీలో బుమ్రా రెచ్చిపోయాడు. ఇటీవల జరిగిన ఇంగ్లండ్‌ సిరీస్‌లో యువ పేసర్‌ హర్షిత్‌ రాణా సత్తా చాటాడు. మోర్నీ ఆథ్వర్యంలోనే హర్షిత్‌ రాటుదేలాడు.కాగా, ఛాంపియన్స్‌ ట్రోఫీలో భారత్‌ తమ తొలి మ్యాచ్‌ను ఫిబ్రవరి 20న ఆడనున్న విషయం తెలిసిందే. తొలి మ్యాచ్‌లో టీమిండియా.. బంగ్లాదేశ్‌తో తలపడుతుంది. అనంతరం ఫిబ్రవరి 23న భారత్‌, పాకిస్తాన్‌ మ్యాచ్‌ జరుగనుంది. ఈ మ్యాచ్‌ సమయానికైనా మోర్నీ అందుబాటులోకి రావాలని భారత అభిమానులు కోరుకుంటున్నారు. దీని​ తర్వాత భారత్‌.. మార్చి 2న న్యూజిలాండ్‌తో ఫైనల్‌ గ్రూప్‌ స్టేజీ మ్యాచ్‌ ఆడుతుంది.ఛాంపియన్స్‌ ట్రోఫీలో భారత్‌ ఆడే మ్యాచ్‌లన్నీ దుబాయ్‌లో జరుగనుండగా.. మిగతా మ్యాచ్‌లన్నీ పాకిస్తాన్‌లో జరుగుతాయి. ఈ టోర్నీలో భారత్‌, పాకిస్తాన్‌, న్యూజిలాండ్‌, బంగ్లాదేశ్‌ జట్లు గ్రూప్‌-ఏలో ఉండగా.. గ్రూప్‌-బిలో ఆస్ట్రేలియా, ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లు పోటీపడుతున్నాయి.

ఛాంపియన్స్‌ ట్రోఫీ (Champions Trophy-2025) ప్రారంభానికి ముందు భారత్‌, పాక్‌ల మధ్య కొత్త వివాదం తలెత్తింది. మెగా టోర్నీలో పాల్గొనే దేశాల జెండాలన్నిటినీ కరాచీలోని నేషనల్‌ స్టేడియం పైకప్పుపై ఎగురవేసి.. ఒక్క భారత జెండాను మాత్రం మిస్‌ చేశారు. ఛాంపియన్స్‌ ట్రోఫీ కోసం టీమిండియా పాక్‌కు రావడం లేదు కాబట్టే భారత జెండాను పెట్టలేదని పాకిస్తాన్‌ క్రికెట్‌ బోర్డు వివరణ ఇచ్చింది. దీనిపై భారత క్రికెట్‌ అభిమానులు మండిపడుతున్నారు. పాకిస్తాన్‌ క్రికెట్‌ బోర్డు కావాలనే ఇలా చేసిందని ఆగ్రహం వ్యక్తం చేస్తున్నారు. టీమిండియా పాక్‌లో పర్యటించడంలేదన్న అక్కసుతో పీసీబీ ఈ పని చేసిందని కామెంట్స్‌ చేస్తున్నారు.కాగా, భద్రతా కారణాల రిత్యా టీమిండియా పాకిస్తాన్‌లో (ఛాంపియన్స్‌ ట్రోఫీ కోసం) పర్యటించేందుకు అంగీకరించని విషయం తెలిసిందే. అనంతర పరిణామాల్లో భారత్‌ ఆడే మ్యాచ్‌లను దుబాయ్‌కు షిఫ్ట్‌ చేశారు. భారత్‌.. పాక్‌ సహా మిగతా దేశాలతో ఆడే మ్యాచ్‌లన్నీ దుబాయ్‌లోనే జరుగుతాయి. ఛాంపియన్స్‌ ట్రోఫీ 2025 ఈనెల 19 నుంచి ప్రారంభం కానుంది. ఈ టోర్నీలో పాకిస్తాన్‌, భారత్‌ సహా బంగ్లాదేశ్‌, ఆఫ్ఘనిస్తాన్‌, ఇంగ్లండ్‌, ఆస్ట్రేలియా, సౌతాఫ్రికా, న్యూజిలాండ్‌ దేశాలు పాల్గొంటున్నాయి.టోర్నీ ఆరంభ మ్యాచ్‌లో పాకిస్తాన్‌.. న్యూజిలాండ్‌తో తలపడుతుంది. ఫిబ్రవరి 20న జరిగే మ్యాచ్‌లో బంగ్లాదేశ్‌.. భారత్‌ను ఢీకొంటుంది. ఫిబ్రవరి 23న భారత్‌, పాకిస్తాన్‌ మ్యాచ్‌ జరుగుతుంది. ఈ టోర్నీలో భారత్‌, పాకిస్తాన్‌, న్యూజిలాండ్‌, బంగ్లాదేశ్‌ జట్లు గ్రూప్‌-ఏలో ఉండగా.. గ్రూప్‌-బిలో ఆస్ట్రేలియా, ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లు పోటీపడుతున్నాయి. ఛాంపియన్స్‌ ట్రోఫీ కోసం భారత్‌, బంగ్లాదేశ్‌ మినహా మిగతా జట్లన్నీ పాకిస్తాన్‌కు చేరుకున్నాయి. 1996 వరల్డ్‌కప్‌ తర్వాత పాక్‌లో జరుగుతున్న తొలి ఐసీసీ టోర్నీ కావడంతో ఛాంపియన్స్‌ ట్రోఫీ-2025కి ప్రాధాన్యత సంతరించుకుంది.

దుబాయ్‌: పాక్‌ ఆతిథ్యమివ్వబోయే ఐసీసీ చాంపియన్స్‌ ట్రోఫీ మ్యాచ్‌ల్ని దుబాయ్‌లో ఆడేందుకు వచ్చిన టీమిండియా కసరత్తు మొదలుపెట్టింది. ఆదివారమే అయినా, అక్కడికి చేరుకొని గంటల వ్యవధిలోనే భారత క్రికెటర్లు సాధన మొదలుపెట్టారు. ప్రామాణిక నిర్వాహక విధానం (ఎస్‌ఓపీ)లో భాగంగా కొత్తగా వచ్చిన హర్షిత్‌ రాణా నుంచి స్టార్‌ అయిన కెప్టెన్‌ రోహిత్‌ శర్మ వరకు అందరూ జట్టు కసరత్తులో పాల్గొనే పద్ధతిని నిక్కచ్చిగా అమలు చేశారు. ప్రాక్టీస్‌లో ప్రత్యామ్నాయ (ఆప్షనల్‌) సెషన్‌ అంటూ లేకుండా ఆటగాళ్లందరూ నెట్స్‌లో శ్రమించారు. అయితే అందరికంటే ఎక్కువగా అనుభవజ్ఞుడైన సీమర్‌ మొహమ్మద్‌ షమీ కఠోరంగా ప్రాక్టీస్‌ చేశాడు. గాయం తర్వాత సుదీర్ఘ విరామనంతరం అతను ఇటీవలే ఇంగ్లండ్‌తో జరిగిన పరిమిత ఓవర్ల సిరీస్‌లతో అంతర్జాతీయ క్రికెట్లో పునరాగమనం చేశాడు. ముందుగా శారీరక కసరత్తు చేసిన షమీ ఆ వెంటనే బౌలింగ్‌ ప్రాక్టీస్‌కు ఉపక్రమించాడు.బ్యాటర్లు నెట్స్‌లో దిగకముందే అతను లైన్‌ అండ్‌ లెంత్‌పై దృష్టిపెట్టి మరీ సాధన చేశాడు. బౌలింగ్‌ కోచ్‌ మోర్నీ మోర్కెల్‌ కచ్చితత్వమైన లెంత్‌ ప్రాక్టీస్‌కు సహకరించాడు. హార్దిక్‌ పాండ్యా, శ్రేయస్‌ అయ్యర్‌లిద్దరూ కుల్దీప్‌ యాదవ్‌ స్పిన్‌ బౌలింగ్‌ను ఎదుర్కొనే పనిలో పడ్డారు. ఈ క్రమంలో పాండ్యా బాదిన షాట్‌ పక్కనే ఉన్న రిషబ్‌ పంత్‌ మోచేతికి తగిలింది. విరాట్‌ కోహ్లి, రోహిత్‌ శర్మలు బ్యాటింగ్‌ చేయగా, ఫీల్డింగ్‌ కోచ్‌ దిలీప్‌... హర్షిత్, వరుణ్‌ చక్రవర్తి, పంత్‌లతో ఫీల్డింగ్‌ డ్రిల్స్‌ చేయించాడు.

గత సంవత్సరం టి20 ప్రపంచ కప్‌లో విజయం తర్వాత రోహిత్ శర్మ నాయకత్వంలోని భారత జట్టు పెద్దగా చెప్పుకోదగ్గ విజయాలు సాధించలేదు. ఈ నేపథ్యంలో దుబాయ్, పాకిస్తాన్‌లలో ప్రారంభం కానున్న ఛాంపియన్స్ ట్రోఫీపై భారత్ గురి పెట్టింది. తమ తొలి మ్యాచ్‌లో భారత్ ఈ నెల 20వ తేదీన బంగ్లాదేశ్‌తో తలపడుతుంది. ఆ తర్వాత ఫిబ్రవరి 23న చిరకాల ప్రత్యర్థి పాకిస్తాన్‌తో పెద్ద సవాలును ఎదుర్కోబోతోంది.ఈ టోర్నమెంట్ కోసం భారత క్రీడాకారులు ఇప్పటికే దుబాయ్ చేరుకున్నారు. భారత్ జట్టు ఎంపికపై పెద్దగా వివాదం లేకపోయినా, జట్టులోని ప్రధాన ఫాస్ట్ బౌలర్ జస్ప్రీత్ బుమ్రా వెన్ను నొప్పితో టోర్నమెంట్ కి దూరం కావడంతో అతని స్తానం లో జట్టులోకి వచ్చిన ఢిల్లీ పేసర్ హర్షిత్ రాణాపైనే ఆసక్తి రేకెత్తుతోంది. సిరాజ్‌ను మినహాయించడం ఆశ్చర్యకరంసిరాజ్‌ను జట్టు నుంచి మినహాయించడం చాలా ఆశ్చర్యకరం కలిగించింది. సిరాజ్ ఇటీవల ఆస్ట్రేలియా పర్యటనలో జట్టు మేనేజిమెంట్ ఆశించిన స్థాయిలో రాణించకపోయినప్పటికీ, మరీ దారుణంగా విఫలం కాలేదు. పైగా రాణా తో పోలిస్తే సిరాజ్ చాలా అనుభవం గడించాడు. సిరాజ్ ఇప్పటివరకు 44 వన్డేలు ఆడాడు. 24.04 సగటు తో 5.18 ఎకానమీతో 71 వికెట్లు పడగొట్టాడు.సిరాజ్ దాదాపు 2022 ప్రారంభం నుండి 2024 చివరి వరకు భారత్ తరఫున వన్డే ల్లో అత్యధిక వన్డే వికెట్లు తీసిన బౌలర్‌గా ఖ్యాతి గడించాడు. ఈ నేపధ్యంలో జట్టు మేనేజిమెంట్ కి సిరాజ్ స్థానంలో రాణా ఎందుకు మెరుగ్గా కనిపించాడు..?ఛాంపియన్స్ ట్రోఫీ కోసం తాత్కాలిక జట్టుని ప్రకటించిన సందర్భంగా కెప్టెన్ రోహిత్ శర్మ మాట్లాడుతూ .."సిరాజ్ ఆడకపోవడం దురదృష్టకరమని అన్నాడు. బుమ్రా లేకపోవడంతో డెత్-బౌలింగ్ నైపుణ్యం ఉన్న ఎడమచేతి వాటం బౌలర్ అర్ష్‌దీప్ సింగ్ అవకాశం కల్పించామని తెలిపాడు. షమీ ఫిట్‌నెస్‌ సాధించడంతో సిరాజ్ కి చోటు కల్పించలేక పోయామని చెప్పాడు. అయితే సిరాజ్ డెత్ బౌలింగ్ సరిగ్గా చేయలేకపోయిన కారణంగానే జట్టుకి దూరమయ్యాడనేది వాస్తవం.ఇంగ్లాండ్ సిరీస్‌లో రాణించిన రాణా ఇక రాణా విషయానికొస్తే, ఇంగ్లాండ్ సిరీస్‌కు ముందు రోహిత్ ఈ విషయం పై స్పష్టత ఇచ్చాడు. "బుమ్రా లేని కారణంగా జట్టు ఫాస్ట్ బౌలింగ్ కి కొత్తదనం కావాలి. రాణాలో మాకు ఆ సామర్ధ్యం కనిపించింది. ఇంగ్లాండ్ సిరీస్ మొదటి మ్యాచ్‌లో రాణా తన తొలి ఓవర్లో 11 పరుగులు ఇచ్చాడు. రెండవ ఓవర్ మెయిడెన్ వేసిన తర్వాత మూడవ ఓవర్‌లో ఫిల్ సాల్ట్ ఏకంగా 26 పరుగులు సాధించాడు. అయితే సాల్ట్ అవుటైన తర్వాత మళ్ళీ బౌలింగ్ కి వచ్చిన రాణా వెంటనే తన 6'2" అడుగుల ఎత్తుని అనువుగా ఉపయోగించుకొని ప్రతి దాడి చేసాడు.140kph కంటే ఎక్కువ వేగంతో బౌలింగ్ చేసి తన ప్రభావం చూపడం ప్రారంభించాడు. బెన్ డకెట్‌ను అవుట్ చేసి వన్డేల్లో తన తొలి వికెట్‌ను నమోదు చేసుకున్నాడు. 22 ఏళ్ల వయసులో ఉన్న రాణా తన నైపుణ్యానికి ఇంకా మెరుగులు దిద్దు కుంటున్నాడు. పేస్ బౌలర్ గా రాణించడానికి తన శాయశక్తులా ప్రయత్నిస్తున్నాడు. ఇంగ్లాండ్ తో జరిగిన సిరీస్ లో రాణా చెప్పుకోదగ్గ రీతిలో రాణించాడు. అయితే ఛాంపియన్స్ ట్రోఫీ టోర్నమెంట్ లో ఎలా రాణిస్తాడన్నదాని పైనే జట్టులో రాణాని కొనసాగించడం ఆధారపడి ఉంటుంది.ఈ దశలోనే సిరాజ్ కి భారత్ జట్టు ద్వారాలు మూసుకొని పోయాయని చెప్పడం కష్టమే. బుమ్రా, షమీ లను మినహాయిస్తే సిరాజ్ ని సవాలు చేయగల సత్తా ప్రస్తుత భారత్ జట్టులో చాలా తక్కువ మందికి ఉంది. ఛాంపియన్స్ ట్రోఫీ బెంచ్ సభ్యులలో ఒకడైన సిరాజ్ మళ్ళీ త్వరలోనే జట్టులోకి వస్తే ఆశ్చర్యం లేదు. అయితే ఛాంపియన్స్ ట్రోఫీ టోర్నమెంట్ లో రాణా ఎలా రాణిస్తాడనేదే ప్రస్తుతం ఆసక్తి కలిగించే విషయం.

న్యూఢిల్లీ: చాంపియన్స్‌ ట్రోఫీకి ఎంపిక చేసిన భారత జట్టులో ఐదుగురు స్పిన్నర్లు ఉండటంపై భారత మాజీ ఆటగాడు రవిచంద్రన్‌ అశ్విన్‌ ఆశ్చర్యం వ్యక్తం చేశాడు. ఎలా చూసినా ఈ సంఖ్య ఎక్కువేనని అతను అభిప్రాయ పడ్డాడు. పాకిస్తాన్‌ ఆతిథ్యమిస్తున్న ఈ టోర్నీలో... టీమిండియా ఆడే మ్యాచ్‌లను దుబాయ్‌ వేదికగా నిర్వహించనున్నారు. ఈ నేపథ్యంలో అశ్విన్‌ మాట్లాడుతూ.. ‘దుబాయ్‌లో ఐదుగురు స్పిన్నర్లు అవసరమా? అక్షర్‌ పటేల్, రవీంద్ర జడేజా, కుల్దీప్‌ యాదవ్‌తో పాటు పేస్‌ ఆల్‌రౌండర్‌ హార్దిక్‌ పాండ్యాకు తుది జట్టులో చోటు దక్కొచ్చు. వరుణ్‌ చక్రవర్తిని కూడా ఆడించాలనుకుంటే... ఒక పేస్‌ బౌలర్‌ను తగ్గించి పాండ్యానే రెండో పేసర్‌గా పరిగణించాల్సి ఉంటుంది. అదనపు పేసర్‌ను బరిలోకి దింపాలంటే ఒక స్పిన్నర్‌ను తగ్గించుకోక తప్పదు’ అని అభిప్రాయపడ్డాడు. చాంపియన్స్‌ ట్రోఫీ కోసం ఎంపిక చేసిన భారత జట్టులో అక్షర్, జడేజా, కుల్దీప్, వరుణ్‌తో పాటు వాషింగ్టన్‌ సుందర్‌ కూడా ఉన్నాడు. అంతర్జాతీయ క్రికెట్‌కు రిటైర్మెంట్‌ ప్రకటించిన అశ్విన్‌... టీమిండియాలో ‘సూపర్‌ స్టార్‌ కల్చర్‌’పై కూడా కీలక వ్యాఖ్యలు చేశాడు. ‘భారత జట్టులో సూపర్‌ సెలబ్రిటీ విధానాన్ని తగ్గించాలి. దాన్ని ఏమాత్రం ప్రోత్సహించకూడదు. జట్టులో ఉండేది ఆటగాళ్లే... సూపర్‌ స్టార్లు కాదు. కెరీర్‌లో ఎంతో సాధించిన కోహ్లి, రోహిత్‌ ఇప్పుడు మరో సెంచరీ కొట్టినా అదేమీ పెద్ద ఘనత కాదు, మీ వ్యక్తిగత రికార్డు కూడా కాదు. అంతా జట్టు కోసమే’ అని అశ్విన్‌ పేర్కొన్నాడు. ప్లేయర్లు వ్యక్తిగత మైలురాళ్లను పట్టించుకోకుండా జట్టు ప్రయోజనాల కోసమే ఆడాలని అశ్విన్‌ సూచించాడు. జాతీయ జట్టు తరఫున 106 టెస్టులాడి 537 వికెట్లు పడగొట్టిన అశ్విన్‌... 116 వన్డేల్లో 156 వికెట్లు తీశాడు. 65 టి20ల్లో 72 వికెట్లు ఖాతాలో వేసుకున్నాడు. ‘బోర్డర్‌–గావస్కర్‌ ట్రోఫీ’లో భాగంగా మూడో టెస్టు అనంతరం అశ్విన్‌ అంతర్జాతీయ క్రికెట్‌కు వీడ్కోలు పలికాడు.

ఛాంపియన్స్‌ ట్రోఫీకి ముందు వరల్డ్‌ ఛాంపియన్స్‌ ఆస్ట్రేలియాకు ఘోర అవమానం​ జరిగింది. శ్రీలంకతో జరిగిన రెండు మ్యాచ్‌ల వన్డే సిరీస్‌లో ఆసీస్‌ 0-2 తేడాతో చిత్తుగా ఓడింది. ఇవాళ (ఫిబ్రవరి 14) జరిగిన రెండో వన్డేలో ఆసీస్‌ 174 పరుగుల భారీ తేడాతో పరాజయంపాలైంది. ఛాంపియన్స్‌ ట్రోఫీకి ముందు గాయాలతో సతమతమవుతున్న ఆసీస్‌ను ఈ పరాజయం మరింత కృంగదీసింది.మ్యాచ్‌ విషయానికొస్తే.. కొలొంబో వేదికగా జరిగిన రెండో వన్డేలో శ్రీలంక టాస్‌ గెలిచి తొలుత బ్యాటింగ్‌ ఎంచుకుంది. ఇన్నింగ్స్‌ ప్రారంభంలోనే శ్రీలంక ఓపెనర్‌ పథుమ్‌ నిస్సంక (6) వికెట్‌ కోల్పోయింది. అయితే నిషాన్‌ మధుష్క (51), కుసాల్‌ మెండిస్‌ (101) రెండో వికెట్‌కు 98 పరుగులు జోడించి లంక ఇన్నింగ్స్‌కు జీవం పోశారు. మధుష్క ఔటైన అనంతరం​ కుసాల్‌ మెండిస్‌.. కెప్టెన్‌ అసలంక (78 నాటౌట్‌) సహకారంతో ఇన్నింగ్స్‌ను నిర్మించాడు. మెండిస్‌, అసలంక నాలుగో వికెట్‌కు 94 పరుగులు జోడించి తమ జట్టును భారీ స్కోర్‌ దిశగా తీసుకెళ్లారు. ఇన్నింగ్స్‌ చివర్లో అసలంకతో కలిసి జనిత్‌ లియనాగే (32 నాటౌట్‌) మెరుపులు మెరిపించాడు. ఫలితంగా శ్రీలంక నిర్ణీత ఓవర్లలో 4 వికెట్ల నష్టానికి 281 పరుగులు చేసింది. ఆసీస్‌ బౌలర్లలో డ్వార్షుయిష్‌, ఆరోన్‌ హార్డీ, సీన్‌ అబాట్‌, ఆడమ్‌ జంపా తలో వికెట్‌ పడగొట్టారు.అనంతరం 282 పరుగుల లక్ష్యాన్ని ఛేదించేందుకు బరిలోకి దిగిన ఆస్ట్రేలియా వరుస విరామాల్లో వికెట్లు కోల్పోయి ఆదిలోనే ఓటమిని ఖరారు చేసుకుంది. తొలుత ఆసీస్‌ను అశిత ఫెర్నాండో (4-0-23-3) ఇబ్బంది పెట్టాడు. ఆతర్వాత దునిత్‌ వెల్లలగే (7.2-0-35-4), వనిందు హసరంగ (7-2-23-3) ఆసీస్‌ భరతం పట్టారు. లంక బౌలర్ల ధాటికి ఆసీస్‌ 100 పరుగులు చేయడం కూడా అసాధ్యమనిపించింది. మొత్తానికి ముక్కీమూలిగి ఆసీస్‌ 24.2 ఓవర్లలో 107 పరుగులు చేసి ఆలౌటైంది. ఆసీస్‌ ఇన్నింగ్స్‌లో స్టీవ్‌ స్మిత్‌ (29) టాప్‌ స్కోరర్‌ కాగా.. జోస్‌ ఇంగ్లిస్‌ (22), ట్రవిస్‌ హెడ్‌ (18) మాత్రమే రెండంకెల స్కోర్లు చేయగలిగారు.కాగా, ఆసీస్‌ తొలి వన్డేలోనూ ఇదే రీతిలో ఊహించని పరాజయాన్ని ఎదుర్కొంది. ఆ మ్యాచ్‌లో కూడా తొలుత బ్యాటింగ్‌ చేసిన శ్రీలంక.. కెప్టెన్‌ అసలంక సెంచరీ చేయడంతో అతికష్టం మీద 214 పరుగులు చేయగలిగింది. అయితే ఈ ఇంతటి లక్ష్యాన్ని కూడా ఛేదించలేక ఆసీస్‌ ఘోర పరాజయాన్ని ఎదుర్కొంది. మహీశ్‌ తీక్షణ (9.5-1-40-4), అశిత ఫెర్నాండో (5-1-23-2), వెల్లలగే (7-0-33-2), హసరంగ (6-0-47-1), అసలంక (2-0-5-1) ఆసీస్‌ను దెబ్బకొట్టారు. ఆసీస్‌ ఇన్నింగ్స్‌లో అలెక్స్‌ క్యారీ (41) టాప్ స్కోరర్‌గా నిలిచాడు.ఇదిలా ఉంటే, ఆసీస్‌.. శ్రీలంక నుంచే ఛాంపియన్స్‌ ట్రోఫీ కోసం​ నేరుగా పాకిస్తాన్‌కు బయల్దేరుతుంది. ఛాంపియన్స్‌ట్రోఫీలో ఆస్ట్రేలియా ఫిబ్రవరి 22న తమ తొలి మ్యాచ్‌ ఆడుతుంది. లాహోర్‌లో జరిగే ఆ మ్యాచ్‌లో ఆసీస్‌.. ఇంగ్లండ్‌ను ఢీకొంటుంది. ఈ టోర్నీలో ఆసీస్‌.. ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లతో కలిసి గ్రూప్‌-బిలో ఉంది. గ్రూప్‌-ఏలో భారత్‌, పాకిస్తాన్‌, బంగ్లాదేశ్‌, న్యూజిలాండ్‌ జట్లు పోటీపడతాయి.2025 ఛాంపియన్స్‌ ట్రోఫీ పాకిస్తాన్‌, దుబాయ్‌ వేదికలుగా ఫిబ్రవరి 19 నుంచి ప్రారంభం కానుంది. ఈ టోర్నీలో భారత్‌ ఆడే మ్యాచ్‌లన్నీ దుబాయ్‌లో జరుగనున్నాయి. మిగతా మ్యాచ్‌లకు పాకిస్తాన్‌ ఆతిథ్యం ఇవ్వనుంది. ఫిబ్రవరి 19న జరిగే టోర్నీ ఓపెనింగ్‌ మ్యాచ్‌లో పాకిస్తాన్‌, న్యూజిలాండ్‌ జట్లు తలపడతాయి. అనంతరం ఫిబ్రవరి 20న జరిగే మ్యాచ్‌లో భారత్‌, బంగ్లాదేశ్‌ను ఢీకొంటుంది. ఈ టోర్నీలో భారత్‌, పాకిస్తాన్‌ మ్యాచ్‌ ఫిబ్రవరి 23న జరుగనుంది.ఛాంపియన్స్‌ ట్రోఫీ కోసం ఆస్ట్రేలియా జట్టు..స్టీవ్ స్మిత్ (కెప్టెన్), సీన్ అబాట్, అలెక్స్ క్యారీ, బెన్ డ్వార్షుయిష్‌, నాథన్ ఎల్లిస్, జేక్ ఫ్రేజర్ మెక్‌గుర్క్, ఆరోన్ హార్డీ, ట్రావిస్ హెడ్, జోష్ ఇంగ్లిస్, స్పెన్సర్ జాన్సన్, మార్నస్ లబూషన్‌, గ్లెన్ మాక్స్‌వెల్, తన్వీర్ సంఘ, మాథ్యూ షార్ట్, ఆడమ్ జంపా. [ట్రావెలింగ్ రిజర్వ్: కూపర్ కొన్నోలీ]

న్యూఢిల్లీ: పాక్‌ ఆతిథ్యమిచ్చే ఐసీసీ చాంపియన్స్‌ ట్రోఫీ మ్యాచ్‌ల్ని దుబాయ్‌లో ఆడేందుకు వెళ్లనున్న భారత జట్టు తమవెంట కుటుంబసభ్యులను తీసుకెళ్లడం లేదు. హెడ్‌ కోచ్‌ గౌతమ్‌ గంభీర్‌ సిఫార్సుల మేరకు భారత క్రికెట్‌ నియంత్రణ మండలి (బీసీసీఐ) ఇటీవలే కొత్త పాలసీని తీసుకొచి్చన సంగతి తెలిసిందే. దీనిప్రకారం ఎన్నో ఏళ్ల తర్వాత దేశవాళీ క్రికెట్‌లో స్టార్లు, దిగ్గజ హోదా పక్కనబెట్టి కెపె్టన్‌ రోహిత్‌ శర్మ, మాజీ కెప్టెన్ విరాట్‌ కోహ్లి తమ రాష్ట్ర జట్లకు ఆడిన సంగతి తెలిసిందే! అలాగే ఇప్పుడు తాజాగా విదేశీ ప్రయాణం విషయంలోనూ ఈ పాలసీ అమలవుతోంది. దుబాయ్‌లో ఈ నెల 20న బంగ్లాదేశ్, 23న పాకిస్తాన్, మార్చి 2న న్యూజిలాండ్‌లతో భారత్‌ లీగ్‌ దశ మ్యాచ్‌ల్ని ఆడనుంది. నాకౌట్‌ దశ, ఫైనల్స్‌ కలిపినా మార్చి 9న టోర్నీ ముగుస్తుంది. అంటే మూడు వారాల్లోపే ముగియనున్న ఈ టోర్నీ కోసం కొత్త నియమావళి ప్రకారం భార్యబిడ్డలను అనుమతించరు. కొత్త పాలసీ ప్రకారం ఏదైనా విదేశీ పర్యటన 45 రోజులు, అంతకుమించి జరిగితేనే గరిష్టంగా రెండు వారాల పాటు కుటుంబసభ్యుల్ని క్రికెటర్ల వెంట వెళ్లేందుకు అనుమతిస్తారు. కానీ 8 దేశాలు ఆడే చాంపియన్స్‌ ట్రోఫీ కనీసం నెల రోజుల పాటైనా జరగకపోవడంతో దుబాయ్‌ స్టేడియంలో ఆట, ఇది పూర్తయ్యాక భార్యబిడ్డలతో సరదాగా దుబాయ్‌ వీధుల్లో సయ్యాట ఆడేందుకు అవకాశం లేకుండా పోయింది. అలాగే స్టార్‌ ఆటగాళ్ల వెంట పరిమిత సంఖ్యలో అనుమతించే వ్యక్తిగత సిబ్బందికి జట్టు, కోచింగ్‌ సిబ్బంది బస చేసిన హోటల్‌లో కాకుండా వేరే హోటల్‌లో బస ఏర్పాట్లు చేస్తారు. గతంలో వ్యక్తిగత ట్రెయినర్, మేనేజర్, షెఫ్‌లకు కోచింగ్‌ బృందంలో కలిపి వసతి ఏర్పాటు చేసేవారు.

ఛాంపియన్స్‌ ట్రోఫీకి (Champions Trophy-2025) గాయాల బెడద పట్టుకుంది. మెగా టోర్నీకి స్టార్‌ పేసర్లు ఒక్కొక్కరుగా దూరమవుతున్నారు. ఇప్పటికే అన్రిచ్‌ నోర్జే, కెమరూన్‌ గ్రీన్‌, మిచెల్‌ మార్ష్‌, పాట్‌ కమిన్స్‌, జోష్‌ హాజిల్‌వుడ్‌, క్రిస్‌ వోక్స్‌, లోకీ ఫెర్గూసన్‌, గెరాల్డ్‌ కొయెట్జీ ఛాంపియన్స్‌ ట్రోఫీకి దూరం కాగా.. తాజాగా జస్ప్రీత్‌ బుమ్రా (Jasprit Bumrah), మిచెల్‌ స్టార్క్‌ (Mitchell Starc) వైదొలిగారు.వరల్డ్‌ క్లాస్‌ ఫాస్ట్‌ బౌలర్లంతా దూరమైతే మెగా టోర్నీ కళ తప్పే ప్రమాదముంది. అన్ని జట్ల కంటే గాయాల సమస్య ఆస్ట్రేలియాను (Australia) ఎక్కువగా వేధిస్తుంది. ఆ జట్టులో ఏకంగా ఐదుగురు స్టార్‌ ఆటగాళ్లు గాయపడ్డారు. ఒకరు (Marcus Stoinis) ఏకంగా వన్డే క్రికెట్‌కే రిటైర్మెంట్‌ ప్రకటించారు. జట్టులో సగానికి పైగా రెగ్యులర్‌ ఆటగాళ్లు దూరం​ కావడం ఆస్ట్రేలియా విజయావకాశాలను దెబ్బతీస్తుంది. అసలే గత రెండు ఎడిషన్లలో ఆస్ట్రేలియాకు మంచి ట్రాక్‌ రికార్డు లేదు. 2013, 2017 ఎడిషన్లలో ఆ జట్టు ఒక్క మ్యాచ్‌ కూడా నెగ్గలేదు.పేలవ బ్యాక్‌గ్రౌండ్‌ కలిగిన ఆస్ట్రేలియా, అనుభవం లేని జట్టుతో బరిలోకి దిగి ఏ మేరకు విజయాలు సాధిస్తుందో వేచి చూడాలి. ప్రస్తుత ఎడిషన్‌లో ఆస్ట్రేలియాకు స్టీవ్‌ స్మిత్‌ సారథ్యం వహించనున్నాడు. ఆసీస్‌ సెలెక్టర్లు కీలక ఆటగాళ్లకు ప్రత్యామ్నాయాలను ప్రకటించారు. బెన్‌ డ్వార్షుయిష్‌, జేక్‌ ఫ్రేజర్‌ మెక్‌గుర్క్‌, స్పెన్సర్‌ జాన్సన్‌, తన్వీర్‌ సంఘా, సీన్‌ అబాట్‌ కొత్తగా జట్టులోకి వచ్చారు. వీరికంతా అనుభవం అంతంతమాత్రమే.బుమ్రాకు ప్రత్యామ్నాయంగా హర్షిత్‌ రాణాబోర్డర్‌ గవాస్కర్‌ ట్రోఫీ సందర్భంగా గాయపడిన జస్ప్రీత్‌ బుమ్రాకు ప్రత్యామ్నాయంగా హర్షిత్‌ రాణాను ఎంపిక చేశారు భారత సెలెక్టర్లు. హర్షిత్‌ ఇటీవలే వన్డే అరంగ్రేటం చేశాడు. ఛాంపియన్స్‌ ట్రోఫీ కోసం ఎంపిక చేసిన భారత జట్టులో మహ్మద్‌ షమీ ఒక్కడే అనుభవజ్ఞుడు. అర్షదీప్‌ సింగ్‌ ఉన్నా, అతను ఆడింది కేవలం​ 8 వన్డేలే. ఛాంపియన్స్‌ ట్రోఫీ కోసం​ ముందుగా ప్రకటించిన జట్టులో భారత్‌ మరో మార్పు చేసింది. యశస్వి జైస్వాల్‌ స్థానంలో మిస్టరీ స్పిన్నర్‌ వరుణ్‌ చక్రవర్తి జట్టులోకి వచ్చాడు.ఆఫ్ఘనిస్తాన్‌నూ వదలని గాయాల సమస్యఛాంపియన్స్‌ ట్రోఫీకి ముందు గాయాల సమస్య ఆఫ్ఘనిస్తాన్‌ను కూడా వదల్లేదు. గాయం కారణంగా ఆ జట్టు స్పిన్‌ సంచలనం అల్లా ఘజన్‌ఫర్‌ మెగా టోర్నీకి దూరమయ్యాడు. 18 ఏళ్ల ఘజన్‌ఫర్‌ గత నెలలో జింబాబ్వేతో జరిగిన సిరీస్‌ సందర్భంగా గాయపడ్డాడు. ఘజన్‌ఫర్‌కు వెన్నుపూసలో పగుళ్లు వచ్చినట్లు డాక్టర్లు నిర్దారించారు. దీని కారణంగా ఘజన్‌ఫన్‌ నాలుగు నెలలు క్రికెట్‌కు దూరంగా ఉండాల్సి ఉంటుంది. ఘజన్‌ఫర్‌ ఐపీఎల్‌ 2025లో పాల్గొనేది కూడా అనుమానమే అని తెలుస్తుంది.ఇటీవల ముగిసిన ఐపీఎల్‌ మెగా వేలంలో ముంబై ఇండియన్స్‌ ఘజన్‌ఫర్‌ను రూ. 4.8 కోట్లకు సొంతం చేసుకుంది. ఛాంపియన్స్‌ ట్రోఫీలో ఘజన్‌ఫర్‌కు ప్రత్యామ్నాయంగా నంగేయాలియా ఖరోటేను ఎంపిక చేశారు ఆఫ్ఘన్‌ సెలెక్టర్లు.కాగా, 2025 ఛాంపియన్స్‌ ట్రోఫీ పాకిస్తాన్‌, దుబాయ్‌ వేదికలుగా ఫిబ్రవరి 19 నుంచి ప్రారంభం కానున్న విషయం తెలిసిందే. ఈ టోర్నీలో భారత్‌ ఆడే మ్యాచ్‌లన్నీ దుబాయ్‌లో జరుగనున్నాయి. మిగతా మ్యాచ్‌లకు పాకిస్తాన్‌ ఆతిథ్యం ఇవ్వనుంది. ఫిబ్రవరి 19న జరిగే టోర్నీ ఓపెనింగ్‌ మ్యాచ్‌లో పాకిస్తాన్‌, న్యూజిలాండ్‌ జట్లు తలపడతాయి. అనంతరం ఫిబ్రవరి 20న జరిగే మ్యాచ్‌లో భారత్‌, బంగ్లాదేశ్‌ను ఢీకొంటుంది. ఈ టోర్నీలో భారత్‌, పాకిస్తాన్‌ మ్యాచ్‌ ఫిబ్రవరి 23న జరుగనుంది.ఈ టోర్నీలో ఆసీస్‌, ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లు గ్రూప్‌-బిలో ఉండగా.. గ్రూప్‌-ఏలో భారత్‌, పాకిస్తాన్‌, బంగ్లాదేశ్‌, న్యూజిలాండ్‌ జట్లు పోటీపడతాయి.

ఆఫ్ఘనిస్తాన్‌ (Afghanistan) స్పిన్‌ సంచలనం అల్లా ఘజన్‌ఫర్‌ (AM Ghazanfar) త్వరలో ప్రారంభంకానున్న ఛాంపియన్స్‌ ట్రోఫీకి (Champions Trophy) దూరమయ్యాడు. 18 ఏళ్ల ఈ ఆఫ్‌ స్పిన్‌ బౌలర్‌ గత నెలలో జింబాబ్వేతో జరిగిన సిరీస్‌ సందర్భంగా గాయపడ్డాడు. ఘజన్‌ఫర్‌కు వెన్నుపూసలో పగుళ్లు వచ్చినట్లు డాక్టర్లు నిర్దారించారు. దీని కారణంగా ఘజన్‌ఫన్‌ నాలుగు నెలలు క్రికెట్‌కు దూరంగా ఉండాల్సి ఉంటుంది. ఘజన్‌ఫర్‌ ఐపీఎల్‌ 2025లో పాల్గొనేది కూడా అనుమానమే అని తెలుస్తుంది. ఇటీవల ముగిసిన ఐపీఎల్‌ మెగా వేలంలో ముంబై ఇండియన్స్‌ ఘజన్‌ఫర్‌ను రూ. 4.8 కోట్లకు సొంతం చేసుకుంది. ఛాంపియన్స్‌ ట్రోఫీలో ఘజన్‌ఫర్‌కు ప్రత్యామ్నాయంగా నంగేయాలియా ఖరోటేను ఎంపిక చేశారు ఆఫ్ఘన్‌ సెలెక్టర్లు. లెఫ్ట్‌ ఆర్మ స్పిన్నర్‌ అయిన ఖరోటే ముందుగా ప్రకటించిన ఆఫ్ఘనిస్తాన్‌ జట్టులో (ఛాంపియన్స్‌ ట్రోఫీ) ట్రావెలింగ్‌ రిజార్వ్‌గా ఉన్నాడు. 20 ఏళ్ల ఖరోటే ఆఫ్ఘనిస్తాన్‌ తరఫున 7 వన్డేలు ఆడి 11 వికెట్లు పడగొట్టాడు. ఘజన్‌ఫర్‌ విషయానికొస్తే.. ఈ మిస్టరీ స్పిన్నర్‌ ఆఫ్ఘనిస్తాన్‌ తరఫున 11 వన్డేల్లో 21 వికెట్లు.. ఓ టెస్ట్‌లో 4 వికెట్లు పడగొట్టాడు. ఘజన్‌ఫర్‌ లేని లోటు ఛాంపియన్స్‌ ట్రోఫీలో ఆఫ్ఘనిస్తాన్‌పై ప్రభావం చూపే అవకాశం ఉంది.ఛాంపియన్స్‌ ట్రోఫీ కోసం ప్రకటించిన ఆఫ్ఘనిస్తాన్‌ జట్టు..హష్మతుల్లా షాహిది (కెప్టెన్‌), రహమత్ షా (వైస్‌ కెప్టెన్‌), రహ్మానుల్లా గుర్బాజ్ (వికెట్‌కీపర్‌), ఇక్రామ్ అలీఖిల్ (వికెట్‌కీపర్‌), ఇబ్రహీం జద్రాన్, సెడిఖుల్లా అటల్, అజ్మతుల్లా ఒమర్జాయ్, మహ్మద్ నబీ, గుల్బాదిన్ నాయబ్, రషీద్ ఖాన్, నంగేయాలియా ఖరోటే, నూర్‌ అహ్మద్‌, ఫజల్‌ హక్‌ ఫారూకీ, నవీద్‌ జద్రాన్, ఫరీద్ అహ్మద్ మాలిక్కాగా, ఛాంపియన్స్‌ ట్రోఫీలో ఆఫ్ఘనిస్తాన్‌ ప్రయాణం ఫిబ్రవరి 21న ప్రారంభంకానుంది. ఈ మెగా టోర్నీలో ఆఫ్ఘనిస్తాన్‌.. సౌతాఫ్రికా, ఆస్ట్రేలియా, ఇంగ్లండ్‌ జట్లతో కలిసి గ్రూప్‌-బిలో పోటీపడుతుంది.2025 ఛాంపియన్స్‌ ట్రోఫీ పాకిస్తాన్‌, దుబాయ్‌ వేదికలుగా ఫిబ్రవరి 19 నుంచి ప్రారంభం కానుంది. ఈ టోర్నీలో భారత్‌ ఆడే మ్యాచ్‌లన్నీ దుబాయ్‌లో జరుగనున్నాయి. మిగతా మ్యాచ్‌లకు పాకిస్తాన్‌ ఆతిథ్యం ఇవ్వనుంది. ఫిబ్రవరి 19న జరిగే టోర్నీ ఓపెనింగ్‌ మ్యాచ్‌లో పాకిస్తాన్‌, న్యూజిలాండ్‌ జట్లు తలపడతాయి. అనంతరం ఫిబ్రవరి 20న జరిగే మ్యాచ్‌లో భారత్‌, బంగ్లాదేశ్‌ను ఢీకొంటుంది. ఈ టోర్నీలో భారత్‌, పాకిస్తాన్‌ మ్యాచ్‌ ఫిబ్రవరి 23న జరుగనుంది.ఛాంపియన్స్‌ ట్రోఫీలో ఆఫ్ఘనిస్తాన్‌ మ్యాచ్‌లు..ఫిబ్రవరి 21న సౌతాఫ్రికాతోఫిబ్రవరి 26న ఇంగ్లండ్‌తోఫిబ్రవరి 28న ఆస్ట్రేలియాతో

ఛాంపియన్స్‌ ట్రోఫీకి (Champions Trophy) ముందు ఆస్ట్రేలియా జట్టులో పెద్ద మరో వికెట్‌ పడింది. స్టార్‌ పేసర్‌ మిచెల్‌ స్టార్క్‌ (Mitchell Starc) వ్యక్తిగత కారణాల చేత మెగా టోర్నీ మొత్తానికి దూరంగా ఉండాలని నిర్ణయించుకున్నాడు. స్టార్క్‌ నిర్ణయాన్ని గౌరవిస్తున్నట్లు క్రికెట్‌ ఆస్ట్రేలియా చీఫ్‌ సెలెక్టర్‌ జార్జ్‌ బెయిలీ తెలిపాడు. స్టార్క్‌.. ఛాంపియన్స్‌ ట్రోఫీకి ముందు శ్రీలంకతో జరిగే రెండు వన్డేల్లో కూడా పాల్గొనడని బెయిలీ ప్రకటించాడు. స్టార్క్‌కు ముందు గాయాల కారణంగా ఆల్‌రౌండర్‌ మిచెల్‌ మార్ష్‌ (Mitchell Marsh), కెప్టెన్‌ పాట్‌ కమిన్స్‌ (Pat Cummins), పేసర్‌ జోష్‌ హాజిల్‌వుడ్‌ (Josh Hazzlewood) ఛాంపియన్స్‌ ట్రోఫీకి దూరమైన విషయం తెలిసిందే. ఈ మధ్యలో మరో ఆల్‌రౌండర్‌ మార్కస్‌ స్టోయినిస్‌ (Marcus Stoinis) వన్డే క్రికెట్‌కు రిటైర్మెంట్‌ ప్రకటించాడు. స్టార్క్‌తో కలుపుకుని ఛాంపియన్స్‌ ట్రోఫీ కోసం ముందుగా ప్రకటించిన ఆస్ట్రేలియా జట్టులో మొత్తం ఐదు ఖాళీలు ఏర్పడ్డాయి. వీటిని బెన్‌ డ్వార్షుయిష్‌, జేక్‌ ఫ్రేజర్‌ మెక్‌గుర్క్‌, స్పెన్సర్‌ జాన్సన్‌,తన్వీర్‌ సంఘా, సీన్‌ అబాట్‌లతో భర్తీ చేస్తున్నట్లు క్రికెట్‌ ఆస్ట్రేలియా ప్రకటించింది. కూపర్‌ కన్నోలీ ట్రావెలింగ్‌ రిజర్వ్‌గా ఉంటాడని పేర్కొంది. మార్పులు చేర్పుల తర్వాత ప్రకటించిన 15 మంది సభ్యుల ఆస్ట్రేలియా జట్టుకు స్టీవ్‌ స్మిత్‌ (Steve Smith) సారథ్యం వహిస్తాడు.కాగా, ఆస్ట్రేలియా జట్టు ప్రస్తుతం శ్రీలంకలో పర్యటిస్తుంది. ఇవాళ (ఫిబ్రవరి 12) ఆ జట్టు లంకతో వన్డే మ్యాచ్‌ ఆడుతుంది. రెండు మ్యాచ్‌ల సిరీస్‌లో భాగంగా ఈ వన్డే జరుగుతుంది. రెండో వన్డే ఫిబ్రవరి 14న జరుగుతుంది. ప్రస్తుత లంక పర్యటనలో ఆస్ట్రేలియా రెండు టెస్ట్‌లు కూడా ఆడింది. ఈ రెండు మ్యాచ్‌ల్లో ఆ జట్టే జయభేరి మోగించింది. రెండు వన్డేల సిరీస్‌ అనంతరం ఆస్ట్రేలియా పాకిస్తాన్‌కు (ఛాంపియన్స్‌ ట్రోఫీ కోసం​) బయల్దేరుతుంది. ఛాంపియన్స్‌ ట్రోఫీలో ఆస్ట్రేలియా ఫిబ్రవరి 22న తమ తొలి మ్యాచ్‌ ఆడుతుంది. లాహోర్‌లో జరిగే ఆ మ్యాచ్‌లో ఆసీస్‌.. ఇంగ్లండ్‌ను ఢీకొంటుంది. ఈ టోర్నీలో ఆసీస్‌.. ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లతో కలిసి గ్రూప్‌-బిలో ఉంది. గ్రూప్‌-ఏలో భారత్‌, పాకిస్తాన్‌, బంగ్లాదేశ్‌, న్యూజిలాండ్‌ జట్లు పోటీపడతాయి.2025 ఛాంపియన్స్‌ ట్రోఫీ పాకిస్తాన్‌, దుబాయ్‌ వేదికలుగా ఫిబ్రవరి 19 నుంచి ప్రారంభం కానుంది. ఈ టోర్నీలో భారత్‌ ఆడే మ్యాచ్‌లన్నీ దుబాయ్‌లో జరుగనున్నాయి. మిగతా మ్యాచ్‌లకు పాకిస్తాన్‌ ఆతిథ్యం ఇవ్వనుంది. ఫిబ్రవరి 19న జరిగే టోర్నీ ఓపెనింగ్‌ మ్యాచ్‌లో పాకిస్తాన్‌, న్యూజిలాండ్‌ జట్లు తలపడతాయి. అనంతరం ఫిబ్రవరి 20న జరిగే మ్యాచ్‌లో భారత్‌, బంగ్లాదేశ్‌ను ఢీకొంటుంది. ఈ టోర్నీలో భారత్‌, పాకిస్తాన్‌ మ్యాచ్‌ ఫిబ్రవరి 23న జరుగనుంది.ఛాంపియన్స్‌ ట్రోఫీ కోసం ఆస్ట్రేలియా జట్టు..స్టీవ్ స్మిత్ (కెప్టెన్), సీన్ అబాట్, అలెక్స్ క్యారీ, బెన్ డ్వార్షుయిష్‌, నాథన్ ఎల్లిస్, జేక్ ఫ్రేజర్ మెక్‌గుర్క్, ఆరోన్ హార్డీ, ట్రావిస్ హెడ్, జోష్ ఇంగ్లిస్, స్పెన్సర్ జాన్సన్, మార్నస్ లబూషన్‌, గ్లెన్ మాక్స్‌వెల్, తన్వీర్ సంఘ, మాథ్యూ షార్ట్, ఆడమ్ జంపా. [ట్రావెలింగ్ రిజర్వ్: కూపర్ కొన్నోలీ]శ్రీలంకతో రెండు వన్డేల కోసం ఆస్ట్రేలియా జట్టు..స్టీవ్ స్మిత్ (కెప్టెన్), సీన్ అబాట్, అలెక్స్ క్యారీ, బెన్ డ్వార్షుయిష్‌, నాథన్ ఎల్లిస్, జేక్ ఫ్రేజర్ మెక్‌గుర్క్, ఆరోన్ హార్డీ, కూపర్‌ కన్నోలీ, ట్రావిస్ హెడ్, జోష్ ఇంగ్లిస్, స్పెన్సర్ జాన్సన్, మార్నస్ లబూషన్‌, గ్లెన్ మాక్స్‌వెల్, తన్వీర్ సంఘ, మాథ్యూ షార్ట్, ఆడమ్ జంపా.

జొహన్నెస్‌బర్గ్‌: అంతర్జాతీయ క్రికెట్‌లో దక్షిణాఫ్రికా ఘనాపాఠి అయినా... ఐసీసీ ట్రోఫీల వెలతి మాత్రం ఆ జట్టును వేధిస్తోంది. అయితే ఈ ఏడాది సుదీర్ఘ నిరీక్షణకు తమ జట్టు తెరవేస్తుందని సఫారీ జట్టు మాజీ కెప్టెన్‌ గ్రేమ్‌ స్మిత్‌ ధీమా వ్యక్తం చేశాడు. వచ్చే వారం ఐసీసీ చాంపియన్స్‌ ట్రోఫీ పాక్‌లో మొదలుకానుంది. జూన్‌లో ఆ్రస్టేలియాతో జరిగే ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్స్‌కు ఇదివరకే దక్షిణాఫ్రికా అర్హత సాధించింది. ఈ రెండు టోర్నీలు జరుగనున్న నేపథ్యంలో స్మిత్‌ తమ జట్టు ఈ ఏడాది ఐసీసీ ట్రోఫీ చేజిక్కించుకుంటుందని ఆశాభావం వ్యక్తం చేశాడు. ముంబై ఇండియన్స్‌ ఫ్రాంచైజీ గెలుచుకున్న ‘ఎస్‌ఏటి20’ టోర్నీకి కమిషనర్‌గా వ్యవహరించిన స్మిత్‌ తమ జట్టు ప్రదర్శనపై గంపెడాశలు పెట్టుకున్నాడు. ‘2027లో సఫారీ ఆతిథ్యమివ్వబోయే వన్డే ప్రపంచకప్‌కు ముందే ఈ ఏడాది ఐసీసీ ట్రోఫీ లోటును భర్తీ చేసుకుంటాం. చాంపియన్స్‌ ట్రోఫీ, డబ్ల్యూటీసీలను గెలుచుకుంటే రెట్టించిన ఉత్సాహంతో సొంతగడ్డపై ప్రపంచకప్‌ ఆడేందుకు ఊతమిస్తుంది’ అని అన్నాడు. తదుపరి రెండేళ్లలో తమ దేశంలో స్టేడియాల నవీకరణ, పిచ్‌ల స్థాయి పెంచే పనులు జరుగుతాయని, దీంతో తదుపరి వన్డే మెగా ఈవెంట్‌ (2027)లో సొంత ప్రేక్షకుల మధ్య హాట్‌ ఫేవరెట్‌గా బరిలోకి దిగుతామని చెప్పాడు. గతేడాది జరిగిన పురుషుల, మహిళల టి20 ప్రపంచకప్‌లలో దక్షిణాఫ్రికా షరామామూలుగా ఫైనల్‌ మెట్టుపై చతికిలబడి రన్నరప్‌తో సరిపెట్టుకుంది. విండీస్‌ గడ్డపై రోహిత్‌ బృందం సఫారీ జట్టును ఓడించే టైటిల్‌ నెగ్గింది. ఈ ఏడాది అండర్‌–19 మహిళల టి20 ప్రపంచకప్‌లో తెలంగాణ యువతేజం గొంగడి త్రిష ఆల్‌రౌండ్‌ షోతో భారత జట్టు దక్షిణాఫ్రికాను చిత్తు చేసి టైటిల్‌ను నిలబెట్టుకుంది. దీంతో దక్షిణాఫ్రికాపై ‘చోకర్స్‌’ ముద్ర మరింత బలంగా పడింది. అయితే ముద్రను తమ జట్టు త్వరలోనే చెరిపేస్తుందని మాజీ కెప్టెన్‌ స్మిత్‌ అన్నాడు. ఇప్పుడు క్రికెట్‌లో ఏదీ అంత సులువుగా రాదని, దేనికైనా పోరాడాల్సిందేనని చెప్పుకొచ్చాడు. టి20లకు ప్రపంచ వ్యాప్తంగా ఆదరణ పెరుగుతోందని, ఆలాగే సంప్రదాయ టెస్టు ప్రభ కోల్పోకూడదనుకుంటే... కనీసం 6, 7 జట్లు గట్టి ప్రత్యర్థులుగా ఎదగాల్సి ఉంటుందన్నాడు. అప్పుడే పోటీ పెరిగి టెస్టులూ ఆసక్తికరంగా సాగుతాయన్నాడు.

ప్రతిష్టాత్మక చాంపియన్స్‌ ట్రోఫీకి ముందు భారత జట్టుకు గట్టి దెబ్బ తగిలింది. టాప్‌ పేస్‌ బౌలర్‌ జస్‌ప్రీత్‌ బుమ్రా గాయం కారణంగా ఈ ఐసీసీ ఈవెంట్‌కు దూరమయ్యాడు. వెన్ను గాయంతో బాధపడుతున్న అతను పూర్తిగా కోలుకోలేదు. జాతీయ క్రికెట్‌ అకాడమీలో రీహాబిలిటేషన్‌ అనంతరం అతని ఫిట్‌నెస్‌పై వైద్యులు బీసీసీఐకి నివేదిక అందించారు. ఇందులో గాయం తీవ్రతపై వివరాలు లేకున్నా... ఇప్పుడు బౌలింగ్‌ చేసే స్థితిలో లేడని మాత్రం స్పష్టమైంది. బుమ్రా ఆడటంపై చాలా రోజులుగా సందేహాలు ఉన్నా... ఇప్పుడు మాత్రమే బోర్డు దీనిని అధికారికంగా ధ్రువీకరించింది. బుమ్రా స్థానంలో హర్షిత్‌ రాణాను సెలక్టర్లు ఎంపిక చేశారు. స్పిన్నర్‌ వరుణ్‌ చక్రవర్తిని కూడా 15 మంది సభ్యుల చాంపియన్స్‌ ట్రోఫీ టీమ్‌లోకి తీసుకున్నారు. వరుణ్‌ కోసం యశస్వి జైస్వాల్‌ను టీమ్‌ నుంచి తప్పించారు. స్థిరమైన ఓపెనర్లుగా రోహిత్, గిల్‌ ఉండటంతో జైస్వాల్‌పై వేటు వేయాల్సి వచి్చంది. అయితే నాన్‌ ట్రావెలింగ్‌ సబ్‌స్టిట్యూట్‌లుగా జైస్వాల్, సిరాజ్, శివమ్‌ దూబేలను ఎంపిక చేశారు. వీరు అవసరమైతేనే దుబాయ్‌కు ప్రయాణిస్తారు.

న్యూఢిల్లీ: ప్రతిష్టాత్మక చాంపియన్స్‌ ట్రోఫీలో (Champions Trophy) భారత స్టార్‌ పేసర్‌ బౌలర్‌ జస్‌ప్రీత్‌ బుమ్రా (Jasprit Burah) ఆడతాడా లేదా అనేది నేడు తేలిపోతుంది. అతని ఫిట్‌నెస్‌ నివేదికను దృష్టిలో ఉంచుకొని బీసీసీఐ సెలక్టర్లు మంగళవారం నిర్ణయం తీసుకుంటారు. వెన్ను నొప్పితో బాధపడుతున్న బుమ్రాకు జాతీయ క్రికెట్‌ అకాడమీ (ఎన్‌సీఏ)లో ఇటీవలే స్కానింగ్‌ జరిగింది. దీనిపై డాక్టర్లు ఇచ్చే నివేదికను పరిశీలించిన అనంతరం సెలక్టర్లు, టీమ్‌ మేనేజ్‌మెంట్‌ కలిసి ఒక నిర్ణయం తీసుకుంటారు. జనవరిలో ఆ్రస్టేలియాతో సిడ్నీతో జరిగిన చివరి టెస్టు తర్వాత బుమ్రా మళ్లీ బరిలోకి దిగలేదు. ఆ మ్యాచ్‌లోనూ నొప్పి కారణంగా రెండో ఇన్నింగ్స్‌లో బౌలింగ్‌ చేయనే లేదు. అతను కనీసం ఐదు వారాల పాటు బౌలింగ్‌కు దూరంగా ఉండాలని వైద్యులు సూచించారు. ప్రకటించిన 15 మంది సభ్యుల భారత జట్టులో బుమ్రా కూడా ఉన్నాడు. అయితే స్వదేశంలో ఇంగ్లండ్‌తో జరిగే చివరి వన్డేలో (బుధవారం) ఆడి అతను తన ఫిట్‌నెస్‌ నిరూపించుకుంటాడని భావించారు. అయితే ప్రస్తుత పరిస్థితి చూస్తే బుమ్రా ఈ మ్యాచ్‌ కూడా ఆడటం సందేహమే. చాంపియన్స్‌ ట్రోఫీ కోసం ఇప్పటికే ప్రకటించిన జట్టులో మార్పులు చేసుకునేందుకు 11వ తేదీ వరకు అవకాశం ఉంది. బుమ్రా సిద్దంగా లేకపోతే ఢిల్లీ పేసర్‌ హర్షిత్‌ రాణాకు (Harshit Rana) టీమ్‌లో స్థానం లభించవచ్చు. తాజాగా ఇంగ్లండ్‌తో సిరీస్‌లో రాణా తొలి రెండు వన్డేల్లో బరిలోకి దిగాడు.

ముంబై: భారత స్టార్‌ బ్యాటర్లు రోహిత్‌ శర్మ (Rohit Sharma), విరాట్‌ కోహ్లి (Virat Kohli) రాణిస్తే ఐసీసీ చాంపియన్స్‌ ట్రోఫీ (Champions Trophy) భారత్‌ వశమవుతుందని శ్రీలంక దిగ్గజం ముత్తయ్య మురళీధరన్‌ (Muttiah Muralitharan) అన్నాడు. రిలయన్స్‌ శీతల పానియాల ప్రచార కార్యక్రమంలో పాల్గొనేందుకు నగరానికి వచ్చిన అతను మీడియాతో ముచ్చటించాడు. ‘ఇద్దరు అసాధారణ ఆటగాళ్లు. ప్రపంచ శ్రేణి బ్యాటర్లు. ఎప్పుడైనా సరే క్లాస్‌ శాశ్వతం. ఫామ్‌ లేకపోవడం తాత్కాలికం. తప్పకుండా రోహిత్‌లాగే కోహ్లి కూడా ఫామ్‌లోకి వస్తాడు. ఇద్దరు ప్రత్యర్థి బౌలింగ్‌పై ఎదురుదాడికి దిగితే టీమిండియా చాంపియన్స్‌ ట్రోఫీ గెలుచుకుంటుంది’ అని మురళీ వివరించాడు. రోహిత్‌ బృందం ఆల్‌రౌండ్‌ వనరులతో పటిష్టంగా కనబడుతోందన్నాడు. భారత్‌ సహా పాక్, బంగ్లాదేశ్, అఫ్గానిస్తాన్‌లలో నాణ్యమైన స్పిన్‌ బౌలర్లు ఉన్నారని, పాకిస్తాన్‌లోని పిచ్‌లు స్పిన్నర్లకు బాగా అనుకూలిస్తాయని చెప్పాడు.

ఛాంపియన్స్‌ ట్రోఫీకి (Champion Trophy-2025) ముందు ఇంగ్లండ్‌కు (England) భారీ ఎదురుదెబ్బ తగిలింది. ఆ జట్టు యువ ఆల్‌రౌండర్‌ జేకబ్‌ బేతెల్‌ (Jacob Bethell) గాయం కారణంగా మెగా టోర్నీ మొత్తానికి దూరమయ్యాడు. ఈ విషయాన్ని ఇంగ్లండ్‌ కెప్టెన్‌ జోస్‌ బట్లర్‌ ధృవీకరించాడు. బేతెల్‌ లాంటి ప్రామిసింగ్‌ ఆల్‌రౌండర్‌ ఛాంపియన్స్‌ ట్రోఫీకి దూరం కావడం దురదృష్టకరమని బట్లర్‌ అన్నాడు. ఛాంపియన్స్‌ ట్రోఫీలో బేతెల్‌ సేవలు కోల్పోనుండటంపై విచారం వ్యక్తం చేశాడు. ఇంగ్లండ్‌ మేనేజ్‌మెంట్‌ బేతెల్‌కు కవర్‌గా టామ్‌ బాంటన్‌ను ఎంపిక చేసింది.21 ఏళ్ల బేతెల్‌ ఇటీవలే మూడు ఫార్మాట్లలో అరంగేట్రం చేశాడు. భారత్‌తో జరిగిన టీ20 సిరీస్‌లో పెద్దగా రాణించలేని బేతెల్‌.. నాగ్‌పూర్‌ వేదికగా భారత్‌తో జరిగిన తొలి వన్డేలో హాఫ్‌ సెంచరీ సహా వికెట్‌ తీసుకున్నాడు. గాయం కారణంగా బేతెల్‌ భారత్‌తో జరిగిన రెండో వన్డేలో ఆడలేదు.తొలి మ్యాచ్‌లో ఆసీస్‌ను ఢీకొట్టనున్న ఇంగ్లండ్‌ఛాంపియన్స్‌ ట్రోఫీలో ఇంగ్లండ్‌ తమ తొలి మ్యాచ్‌ను ఫిబ్రవరి 22న ఆడనుంది. కరాచీలో జరిగే ఆ మ్యాచ్‌లో ఇంగ్లండ్‌ ఆస్ట్రేలియాను ఢీకొంటుంది. పాకిస్తాన్‌, దుబాయ్‌ వేదికలుగా జరిగే ఛాంపియన్స్‌ ట్రోఫీ ఫిబ్రవరి 19 నుంచి మొదలువుతుంది. ఈ టోర్నీలో భారత్‌ ఆడే మ్యాచ్‌లన్నీ దుబాయ్‌లో జరుగుతాయి. ఈ టోర్నీలో భారత్‌ ఫిబ్రవరి 20న బంగ్లాదేశ్‌తో తలపడనుంది. ఛాంపియన్స్‌ ట్రోఫీలో ఇంగ్లండ్‌, ఆస్ట్రేలియా, సౌతాఫ్రికా, ఆఫ్ఘనిస్తాన్‌ గ్రూప్‌-బిలో ఉండగా.. భారత్‌, పాక్‌, న్యూజిలాండ్‌, బంగ్లాదేశ్‌ గ్రూప్‌-ఏలో పోటీపడనున్నాయి. మెగా టోర్నీలో భారత్‌, పాక్‌ల సమరం ఫిబ్రవరి 23న జరుగనుంది.రెండో వన్డేలోనూ భారత్‌దే విజయంమూడు మ్యాచ్‌ల వన్డే సిరీస్‌లో భాగంగా కటక్‌ వేదికగా నిన్న జరిగిన రెండో మ్యాచ్‌లో టీమిండియా 4 వికెట్ల తేడాతో విజయం సాధించింది. అంతకుముందు తొలి వన్డేలోనూ నెగ్గిన భారత్‌.. మరో మ్యాచ్‌ మిగిలుండగానే 2-0 తేడాతో సిరీస్‌ను కైవసం చేసుకుంది. అంతకుముందు ఐదు మ్యాచ్‌ల టీ20 సిరీస్‌ను కూడా భారత్‌ 4-1 తేడాతో గెలుపొందింది.రెండో వన్డేలో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌ 49.5 ఓవర్లలో 304 పరుగులకు ఆలౌటైంది. బెన్‌ డకెట్‌ (65), జో రూట్‌ (69) అర్ద సెంచరీలతో రాణించారు. సాల్ట్‌ 26, హ్యారీ బ్రూక్‌ 31, బట్లర్‌ 34, లివింగ్‌స్టోన్‌ 41, ఆదిల్‌ రషీద్‌ 14 పరుగులు చేశారు. భారత బౌలర్లలో రవీంద్ర జడేజా 3 వికెట్లు పడగొట్టగా.. షమీ, హర్షిత్‌ రాణా, హార్దిక్‌ పాండ్యా, వరుణ్‌ చక్రవర్తి తలో వికెట​్‌ ద​క్కించుకున్నారు.సెంచరీతో చెలరేగిన రోహిత్‌ఛేదనలో రోహిత్‌ శర్మ (119) సెంచరీతో చెలరేగడంతో భారత్‌ 44.3 ఓవర్లలో 6 వికెట్లు కోల్పోయి విజయతీరాలకు చేరింది. భారత ఇన్నింగ్స్‌లో శుభ్‌మన్‌ గిల్‌ (60), శ్రేయస్‌ అయ్యర్‌ (44), అక్షర్‌ పటేల్‌ (41 నాటౌట్‌) రాణించారు. విరాట్‌ కోహ్లి (5) మరోసారి నిరాశపరిచాడు. కేఎల్‌ రాహుల్‌ 10, హార్దిక్‌ పాండ్యా 10 పరుగులకు ఔటయ్యారు. రవీంద్ర జడేజా (11 నాటౌట్‌) సాయంతో అక్షర్‌ భారత్‌ను విజయతీరాలకు చేర్చాడు. ఇంగ్లండ్‌ బౌలర్లలో జేమీ ఓవర్టన్‌ రెండు వికెట్లు పడగొట్టగా.. అట్కిన్సన్‌, ఆదిల్‌ రషీద్‌, లివింగ్‌స్టోన్‌ తలో వికెట్‌ తీశారు. నామమాత్రపు మూడో వన్డే ఫిబ్రవరి 12న అహ్మదాబాద్‌లో జరుగనుంది.

బెంగళూరు: ప్రతిష్టాత్మక చాంపియన్స్‌ ట్రోఫీలో భారత స్టార్‌ పేసర్‌ జస్‌ప్రీత్‌ బుమ్రా(Jasprit Bumrah) ఆడే అవకాశాలపై సందిగ్ధత వీడనుంది. వెన్ను నొప్పికి చికిత్స తీసుకుంటూ జాతీయ క్రికెట్‌ అకాడమీ (ఎన్‌సీఏ)లో ఉన్న బుమ్రా ఫిట్‌నెస్‌పై నేడు స్పష్టత రానుంది. అతనికి అన్ని రకాల పరీక్షలు నిర్వహించిన వైద్య బృందం శనివారం బీసీసీఐకి తమ నివేదికను అందజేస్తుంది. ఇందులో బుమ్రా గాయం తీవ్రత, చికిత్సతో పాటు మ్యాచ్‌ ఫిట్‌నెస్‌కు సంబంధించిన అన్ని వివరాలు ఉంటాయి. ప్రస్తుతానికి భారత పేసర్‌ బెంగళూరులోనే ఉండనున్నాడు. నివేదికను అందుకున్న తర్వాత బోర్డు అధికారులు బుమ్రాను ఆడించే విషయంపై భారత టీమ్‌ మేనేజ్‌మెంట్‌తో చర్చించే అవకాశం ఉంది. జనవరిలో సిడ్నీ టెస్టు అనంతరం ఆ్రస్టేలియా నుంచి తిరిగొచ్చిన తర్వాత బుమ్రా గాయానికి స్కానింగ్‌ తీశారు. వెన్ను నొప్పి కారణంగానే ఆ టెస్టు రెండో ఇన్నింగ్స్‌లో బుమ్రా బౌలింగ్‌కు దిగలేదు. నాడు ఆ రిపోర్టులను న్యూజిలాండ్‌కు చెందిన ప్రముఖ క్రీడా వైద్యుడు డాక్టర్‌ రోవన్‌ షూటెన్‌కు చూపించారు. అతని పర్యవేక్షణలోనే చికిత్స కొనసాగింది కాబట్టి ఇప్పుడు కూడా రోవన్‌ అభిప్రాయం కీలకం కానుంది. చాంపియన్స్‌ ట్రోఫీ కోసం ఇప్పటికే ప్రకటించిన జట్టులో మార్పులు చేసుకునేందుకు ఈ నెల 12 వరకు గడువు ఉంది. బుమ్రా పూర్తిగా కోలుకోకపోతే అతని స్థానంలో భారత జట్టు స్పిన్నర్‌ వరుణ్‌ చక్రవర్తి లేదా పేసర్‌ హర్షిత్‌ రాణాలలో ఒకరిని ఎంపిక చేసుకునే అవకాశం ఉంది. మార్చి 1న బీసీసీఐ ఎస్‌జీఎం భారత క్రికెట్‌ నియంత్రణ మండలి (బీసీసీఐ) సంయుక్త కార్యదర్శి పదవి కోసం ఆసక్తికర పోటీ సాగుతోంది. బోర్డులో ఇప్పటికే తమకంటూ గుర్తింపు తెచ్చుకున్న ముగ్గురు సీనియర్‌ సభ్యులు ఈ పదవిపై ఆసక్తి చూపిస్తున్నారు. అవిషేక్‌ దాల్మియా (బెంగాల్‌ సంఘం), రోహన్‌ జైట్లీ (ఢిల్లీ సంఘం), సంజయ్‌ నాయక్‌ (ముంబై సంఘం)లలో ఒకరికి ఈ అవకాశం దక్కనుంది. అయితే కార్యదర్శి, కోశాధికారి ఎంపిక తరహాలోనే ఈ పదవికి కూడా ఎన్నికలు లేకుండా ఏకగ్రీవంగా ఎంపిక చేసేందుకు బోర్డు ప్రయత్నిస్తోంది. నిబంధనల ప్రకారం సంయుక్త కార్యదర్శి ఎంపిక కోసం మార్చి 1న ప్రత్యేక సర్వసభ్య సమావేశం (ఎస్‌జీఎం) నిర్వహించనుంది. దీనికి సంబంధించి అన్ని రాష్ట్ర సంఘాలకు నోటీసులు పంపించారు. ఇప్పటి వరకు సంయుక్త కార్యదర్శిగా ఉన్న దేవ్‌జిత్‌ సైకియా కార్యదర్శిగా ఎన్నిక కావడంతో ఈ పదవికి ఖాళీ ఏర్పడింది.

ఛాంపియన్స్‌ ట్రోఫీ-2025కు (Champions Trophy 2025) ముందు వరల్డ్‌ ఛాంపియన్‌ ఆస్ట్రేలియాకు (Australia) వరుస ఎదురుదెబ్బలు తగులుతున్నాయి. గాయాల కారణంగా ఆ జట్టు స్టార్‌ ఆటగాళ్లంతా ఒక్కొక్కరుగా మెగా టోర్నీ నుంచి వైదొలుగుతున్నారు. తొలుత మిచెల్‌ మార్ష్‌ (Mitchel Marsh).. తాజాగా ఫాస్ట్‌ బౌలర్లు కమిన్స్‌ (Pat Cummins), జోష్‌ హాజిల్‌వుడ్‌ (Josh Hazzlewood) ఛాంపియన్స్‌ ట్రోఫీ నుంచి తప్పుకున్నట్లు క్రికెట్‌ ఆస్ట్రేలియా (సీఏ) వెల్లడించింది. ఈ మధ్యలో ఆస్ట్రేలియాకు మరో ఊహించని షాక్‌ కూడా తగిలింది. ఆ జట్టు స్టార్‌ ఆల్‌రౌండర్‌ మార్కస్‌ స్టోయినిస్‌ (Marcus Stoinis) అనూహ్యంగా వన్డేలకు రిటైర్మెంట్‌ ప్రకటించాడు. దీంతో ఛాంపియన్స్‌ ట్రోఫీకి ముందు ఆస్ట్రేలియా మొత్తం నలుగురు ఆటగాళ్ల సేవలను కోల్పోయింది. ఈ నలుగురికి ప్రత్యామ్నాయ ఆటగాళ్లను ప్రకటించాల్సి ఉంది. రేసులో కూపర్‌ కన్నోలీ, బ్యూ వెబ్‌స్టర్‌, సీన్‌ అబాట్‌, జేవియర్‌ బార్ట్‌లెట్‌ ముందువరసలో ఉన్నారు.కాగా, ఆస్ట్రేలియా ప్రస్తుతం రెండు టెస్ట్‌లు, రెండు మ్యాచ్‌ల వన్డే సిరీస్‌ల కోసం​ ఆస్ట్రేలియాలో పర్యటిస్తుంది. ఈ సిరీస్‌లలో ఇదివరకే తొలి టెస్ట్‌ పూర్తి కాగా.. ఇవాళే (ఫిబ్రవరి 6) రెండో టెస్ట్‌ మొదలైంది. ఈ మ్యాచ్‌లో శ్రీలంక టాస్‌ గెలిచి తొలుత బ్యాటింగ్‌ ఎంచుకుంది. టీ విరామం సమయానికి ఆ జట్టు 5 వికెట్ల నష్టానికి 144 పరుగులు చేసింది. పథుమ్‌ నిస్సంక (11), దిముత్‌ కరుణరత్నే (36), ఏంజెలో మాథ్యూస్‌ (1), కమిందు మెండిస్‌ (13), ధనంజయ డిసిల్వ (0) ఔట్‌ కాగా.. దినేశ్‌ చండీమల్‌ (70), కుసాల్‌ మెండిస్‌ (6) క్రీజ్‌లో ఉన్నారు. ఆసీస్‌ బౌలర్లలో నాథన్‌ లయోన్‌ 3, మిచెల్‌ స్టార్క్‌, ట్రవిస్‌ హెడ్‌ తలో వికెట్‌ పడగొట్టారు.తొలి టెస్ట్‌లో ఆసీస్‌ భారీ విజయంతొలి టెస్ట్‌లో ఆస్ట్రేలియా ఇన్నింగ్స్‌ 242 పరుగుల భారీ తేడాతో గెలుపొందింది. ఈ మ్యాచ్‌లో ఉస్మాన్‌ ఖ్వాజా (232) డబుల్‌ సెంచరీతో కదంతొక్కగా.. జోష్‌ ఇంగ్లిస్‌ (102), స్టీవ్‌ స్మిత్‌ (141) సెంచరీలతో మెరిశారు. అనంతరం బ్యాటింగ్‌కు దిగిన శ్రీలంక తొలి ఇన్నింగ్స్‌లో 165 పరుగులకే ఆలౌటై ఫాలో ఆన్‌ ఆడింది. సెకెండ్‌ ఇన్నింగ్స్‌లోనూ (247 ఆలౌట్‌) లంక పరిస్థితి మారలేదు. ఫలితంగా ఘోర పరాభవాన్ని మూటగట్టుకుంది. ఆసీస్‌ బౌలర్లు కుహ్నేమన్‌ 9, నాథన్‌ లయోన్‌ 7 వికెట్లు తీసి లంక పతనాన్ని శాశించారు.ఫిబ్రవరి 12 నుంచి వన్డేలు.. ఆతర్వాత నేరుగా ఛాంపియన్స్‌ ట్రోఫీకే..!ఫిబ్రవరి 12, 14 తేదీల్లో కొలొంబో వేదికగా శ్రీలంక, ఆస్ట్రేలియా మధ్య రెండు వన్డేలు జరుగనున్నాయి. అనంతరం ఆసీస్‌ ఇక్కడి నుంచే నేరుగా పాకిస్తాన్‌కు వెళ్తుంది (ఛాంపియన్స్‌ ట్రోఫీలో పాల్గొనేందుకు). ఛాంపియన్స్‌ ట్రోఫీలో ఆసీస్‌ తమ తొలి మ్యాచ్‌ను ఫిబ్రవరి 22న ఆడుతుంది. లాహోర్‌లో జరిగే ఆ మ్యాచ్‌లో ఆసీస్‌.. ఇంగ్లండ్‌తో తలపడుతుంది.ఛాంపియన్స్‌ ట్రోఫీలో పాల్గొనే ఆసీస్‌ జట్టు (ముందుగా ప్రకటించింది)పాట్‌ కమిన్స్‌ (కెప్టెన్‌), ట్రవిస్‌ హెడ్‌, మాథ్యూ షార్ట్‌, మార్నస్‌ లబూషేన్‌, స్టీవ్‌ స్మిత్‌, ఆరోన్‌ హార్డీ, మార్కస్‌ స్టోయినిస్‌, మిచెల్‌ మార్ష్‌, గ్లెన్‌ మ్యాక్స్‌వెల్‌, అలెక్స్‌ క్యారీ, జోష్‌ ఇంగ్లిస్‌, నాథన్‌ ఇల్లిస్‌, జోష్‌ హాజిల్‌వుడ్‌, మిచెల్‌ స్టార్క్‌, ఆడమ్‌ జంపా